D129

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>D129</h1><td>(<a href="https://adarsha.dharma-treasure.org/kdbs/degekangyur" target="new2">e-text produced by ADARSHA</a>)<br><br><a href="verif2.php?id=D129&coll=derge">see text in Tibetan script</a></table>55-1-174b<br><font size=+1>
@##/ /rgya gar skad du/ Ar+ya pra shAn ta bi nish+tsa ya prA ti hAr+ya nA ma sa mA d+hi ma hA yA na sU tra/ bod skad du/ 
'phags pa rab tu zhi ba rnam par nges pa'i cho 'phrul gyi ting nge 'dzin zhes bya ba theg pa chen po'i mdo/  bam po dang po/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das rgyal po'i khab na/ 
bya rgod kyi phung po'i ri la dge slong stong nyis brgya lnga bcu'i dge slong gi dge 'dun chen po dang / sangs rgyas kyi zhing bye ba phrag bcu'i rdul phra rab kyi rdul snyed kyi byang chub sems dpa' dang thabs cig tu bzhugs pa la 'di lta ste/ byang chub sems dpa' 'jam dpal gzhon nur gyur 
pa dang / spyan ras gzigs dbang phyug dang / sman gyi rgyal po dang / sman yang dag byung dang / sman mngon bsgrags dbyangs rgyal po dang / lag na pad ma dang / nyi ma'i 'od dang / rdul med rnam par gnon dang / ngan song spong dang / ye shes bla ma'i ye shes ldan dang /

</font><hr>55-1-175a<br><font size=+1>

rin chen bla ma'i ye shes ldan dang / sems can gyi skad ye shes ldan dang / me tog bla ma'i ye shes ldan dang / zla ba'i bla ma'i ye shes ldan dang / dri ma med pa'i bla ma'i ye shes ldan dang / rdo rje bla ma'i ye shes ldan dang / rdul med bla ma'i ye shes ldan dang / 
rnam par snang byed bla ma'i ye shes ldan dang / skar ma'i rgyal mtshan dang / rin po che'i rgyal mtshan dang / lhun po'i rgyal mtshan dang / chags med rgyal mtshan dang / me tog rgyal mtshan dang / dri ma med pa'i rgyal mtshan dang / nyi ma'i rgyal mtshan dang / mdzes pa'i 
rgyal mtshan dang / rdul bral rgyal mtshan dang / rnam par snang byed rgyal mtshan dang / sa'i gzi brjid dang / rin chen gzi brjid dang / blo gros chen po'i gzi brjid dang / ye shes rdo rje'i gzi brjid dang / dri ma med pa'i gzi brjid dang / nyi ma'i gzi brjid dang / bsod nams ri 
bo'i gzi brjid dang / ye shes snang ba'i gzi brjid dang / mtshungs med dpal gyi gzi brjid dang / sa'i snying po dang / nam mkha'i snying po dang / rin po che'i snying po dang / pad ma'i snying po dang / nyi ma'i snying po dang / yon tan rnam par dag pa'i snying po dang / chos kyi phyag rgya'i snying po dang / 
rnam par snang byed kyi snying po dang / lte ba'i snying po dang / pad ma'i dpal gyi snying po dang / nyi ma'i mig dang / rnam par dag pa dri ma med pa'i mig dang / rnam par sangs pa'i mig dang / chags pa med pa'i mig dang / kun tu lta ba'i mig dang / shin tu rno ba'i mig dang / rdo rje'i mig 
dang / rin po che'i mig dang / nam mkha'i mig dang / kun nas mig dang / lha'i cod pan dang / chos kyi dbyings snang ba'i nor bu'i cod pan dang / byang chub kyi snying po'i cod pan dang / rnam par snang byed cod pan dang / sangs rgyas thams cad byung ba'i snying po'i cod pan dang / 'jig 
rten gyi khams thams cad las mngon par 'phags pa'i cod pan dang / dus thams cad du mngon par 'phags pa'i cod pan dang / kun tu rnam par snang byed cod pan dang / zil gyis mi non pa'i cod pan dang / chos thams cad kyi snying po de bzhin gshegs pa'i seng ge'i khri 'dzin pa'i 

</font><hr>55-1-175b<br><font size=+1>

cod pan dang / kun nas chos kyi dbyings nam mkha' snang ba'i cod pan dang / tshangs pa'i dbang po'i gtsug pud dang / klu'i dbang po'i gtsug pud dang / sangs rgyas 'phrul pa thams cad snang ba'i gtsug pud dang / byang chub kyi snying po'i gtsug pud dang / smon lam rgya mtsho thams cad kyi 
dbyangs nor bu rin chen rgyal po'i gtsug pud dang / dus gsum thams cad kun nas dbyangs kyi gtsug pud dang / de bzhin gshegs pa thams cad rnam par 'phrul pa'i snang ba'i rgyal mtshan nor bu'i rgyal po nor bu rin po che'i dra bas bres pa'i gtsug pud dang / de bzhin gshegs 
pa thams cad kyi chos kyi 'khor lo dbyangs kyi gtsug pud dang / de bzhin gshegs pa thams cad kyi 'od kyi dkyil 'khor rab tu gtong ba nor bu rin po che mngon par bsgrags pa'i gtsug pud dang / nam mkha'i dbyings thams cad dbyer med pa rnam par shes pa'i nor bu rin po ches brgyan 
pa'i gtsug pud dang / 'od chen dang dri ma med pa'i 'od dang / rin po che'i 'od dang / rdul dang bral ba'i 'od dang / snang ba'i 'od dang / chos kyi 'od dang / zhi ba'i 'od dang / nyi ma'i 'od dang / rnam par 'phrul pa'i 'od dang / lha'i 'od dang / bsod nams 'od dang / bsod nams 
kyi tog dang / ye shes kyi tog dang / chos kyi tog dang / mngon par shes pa'i tog dang / 'od kyi tog dang / me tog gi tog dang / nor bu'i tog dang / sangs rgyas kyi tog dang / tshangs pa'i tog dang / kun nas snang ba'i tog dang / tshangs pa'i dbyangs dang / sa'i sgra dbyangs 
dang / rgya mtsho'i dbyangs dang / 'jig rten dbang po'i dbyangs dang / ri dbang rgyal po rdob pa'i dbyangs dang / chos kyi dbyings thams cad rgyas par 'gengs pa'i dbyangs dang / chos rgya mtsho thams cad bsgrags pa'i dbyangs dang / rgya mtsho'i dkyil 'khor thams cad rab tu 
klongs pa'i dbyangs dang / snying rje chen po'i tshul gyi 'brug sgra bsgrags pa'i dbyangs dang / 'gro ba sdug bsngal ba thams cad dbugs 'byin pa'i dbyangs dang chos 'phags dang / khyad par 'phags dang ye shes 'phags dang / bsod nams ri rab 'phags dang / yon tan 

</font><hr>55-1-176a<br><font size=+1>

bsod nams 'phags dang / grags pa 'phags dang / kun nas snang ba 'phags dang / byams pa chen po 'phags dang / ye shes 'byung ba 'phags dang / de bzhin gshegs pa'i rus rigs 'phags dang / snang ba'i dpal dang / mchog gi dpal dang / 
yang dag 'phags pa'i dpal dang / rnam par snang byed dpal dang / zla ba'i dpal dang / tshogs kyi dpal dang / nam mkha'i dpal dang / rin po che'i dpal dang / tog gi dpal dang / ye shes dpal dang / sA la'i dbang po'i rgyal po dang / 'gro ba'i dbang po'i rgyal po dang / 
tshangs pa'i dbang po'i rgyal po dang / ri bo'i dbang po'i rgyal po dang / mi g.yo ba'i dbang po'i rgyal po dang / khyu mchog gi dbang po'i rgyal po dang / blo mchog gi dbang po'i rgyal po dang / rab tu zhi ba'i nga ro dang / chags med nga ro dang / sa dbyangs nga ro dang / rgya mtsho 'brug bsgrags 
nga ro dang / sngon gyi smon lam gyis bskur ba'i nga ro dang / rgya mtsho'i dkyil 'khor sgra'i nga ro dang / ye shes lhun po'i blo dang / nam mkha'i blo dang / dri ma med pa'i blo dang / chags pa med pa'i blo dang / rnam par sangs pa'i blo dang / dus gsum snang ba'i blo dang / rlabs po che'i 
blo dang / rin po che'i blo dang / yangs pa'i blo dang / kun tu lta ba'i blo dang / byang chub sems dpa' sems dpa' chen po chos kyi dbyings kyi tshul snang ba'i blo dang / de dag la sogs pa sangs rgyas kyi zhing bye ba phrag bcu'i rdul phra rab kyi rdul snyed kyi byang chub sems dpa' sems 
dpa' chen po thams cad kyang phyir mi ldog pa nam mkha'i dbyings ltar tshad med pa'i chos dang ldan pa/ chos kyi dbyings sgrib pa med pa mnyam par gnas pa dang ldan pa/ yang dag pa'i mtha' dang chos kyi dbyings mnyam pa nyid dang ldan pa/ las las kun tu 'byung ba'i rnam par smin 
pa ji lta ba bzhin du mos pa/ rgyu las kun tu 'byung ba'i 'bras bu ji lta ba bzhin du mos pa/ rgya'i 'bur 'byung ba lta bu'i chos thams cad mnyam pa nyid du shes pa dang ldan pa/ mig yor dang gzugs brnyan ltar snang ba'i chos mnyam pa nyid dang ldan pa/ sgra skad rnam par rig pa/

</font><hr>55-1-176b<br><font size=+1>

brag ca dang mtshungs pa'i chos thams cad dang ldan pa sha stag go/ /thams cad kyang rnam par thar pa bsam gyis mi khyab pa'i ting nge 'dzin thob pa/ dpa' bar 'gro ba'i ting nge 'dzin thob pa/ sangs rgyas kyi sku'i kha dog mtha' yas pa/ yongs su grub pa sgrub pa'i gzungs la rab tu 
gnas pa/ skra tsam gyi khyon gcig la sangs rgyas kyi zhing thams cad kun tu ston pa la mkhas pa/ skra tsam gyi khyon gcig la 'chi 'pho dang / skye ba dang tshe dang mngon par 'byung ba dang dka' ba spyod pa ston pa dang / byang chub kyi snying por 'gro ba dang mngon par rdzogs par byang chub 
pa dang / chos kyi 'khor lo rab tu skor ba dang yongs su mya ngan las 'das pa chen po kun tu ston pa/ phyogs bcu'i 'jig rten gyi khams thams cad skyil mo krung gcig gis rgyas par 'gengs pa'i ye shes dang ldan pa/ zhing thams cad kyi rgyan zhing gcig tu kun tu ston pa'i ye 
shes dang ldan pa/ zhing gcig cig gi rgyan bkod pa zhing thams cad du ston pa dang ldan pa/ phyogs bcu'i 'jig rten gyi khams thams cad kyi de bzhin gshegs pa thams cad kyi 'khor de bzhin gshegs pa gcig gi 'khor du ston pa/ de bzhin gshegs pa gcig gi 
'khor de bzhin gshegs pa thams cad kyi 'khor du ston pa/ chos thams cad mtha' dang dbus med par ston pa la mkhas pa/ chos thams cad mtha' yas pa'i mthar gyur pa/ mtha' dang dbus med pa sgyu ma'i dra ba lta bur rab tu ston pa/ bskal pa mtha' yas mu 
med par sems can thams cad tha dad pa med par kun tu ston pa/ sems can thams cad kyi lus rang gi lus su byin gyis rlob pa'i mos pa'i 'jug pa la mkhas pa/ sangs rgyas thams cad kyi sku sku gcig tu mos pa 'jug pa la mkhas pa/ sangs rgyas gcig gi 
sku sangs rgyas ma lus pa thams cad kyi skur 'jug par sems can gzhan la kun tu ston par mkhas pa/ phyogs bcu'i 'jig rten gyi khams thams cad rang gi lus kun tu ston pa la mkhas pa/ dus gsum thams cad chos kyi sku gcig gis khyab par sems can 

</font><hr>55-1-177a<br><font size=+1>

la kun tu ston pa lus gcig gi ting nge 'dzin la snyoms par zhugs la lus mtha' yas pa las ldang bar sems can la kun tu ston pa/ lus gcig gis mngon par rdzogs par byang chub la sems can thams cad snyed kyi lus kun tu ston pa/ sems can thams 
cad kyi lus sems can gcig gi lus su kun tu ston pa/ sems can gcig gi lus sems can thams cad kyi lus su kun tu ston pa/ sems can gyi lus chos kyi skur kun tu ston pa/ chos kyi sku sems can gyi lus su ston pa/ byang chub sems dpa' thams cad kyi smon lam 
rang gi smon lam du byin gyis rlob pa la mkhas pa/ byang chub sems dpa' rnams la sangs rgyas thams cad mngon par rdzogs par byang chub pa dang smon lam dang / stobs dang mngon par rdzogs par byang chub pa kun tu ston pa/yongs su smin pa'i sems can la 'dul ba ji lta ba bzhin 
du bla na med pa yang dag par rdzogs pa'i byang chub kun tu ston pa/ bskal pa 'grangs pa thams cad du smon lam gyi rgyun mi gcod pa/ rnam par shes pa'i lus las bskyod nas ye shes kyi sku la 'jog par dbang byed par sems can gyi tshogs thams cad la kun tu ston pa/ rang gi 
lus kyi rgyun bcad nas sems can gyi tshogs gzhan gyi smon lam yongs su rdzogs par byed par kun tu ston pa/ sems can thams cad yongs su smin par byed pa'i smon lam la 'jug pa/ 'jig rten gyi khams gcig na bskal pa 'grangs pa thams cad du byang chub sems 
dpa'i spyod pa rgyun mi gcod pa mngon par rdzogs par byang chub par smon lam btab pa'i stobs kyis skra tsam gyi khyon gcig la sangs rgyas kyi zhing thams cad rgyas par 'gengs pa'i 'jig rten gyi khams brjod du med pa kun tu ston pa/ 'jig rten gyi khams gcig tu lus du ma 
kun tu ston pa/ chos kyi tshig gcig brjod pas chos kyi dbyings ma lus par rgyas par 'gengs pa'i chos kyi sprin chen po las byung ba'i bdud rtsi'i khu ba'i char pa 'bebs la/ rig pa dang rnam par grol ba'i glog byung zhing yang dag pa de kho na'i 'brug bsgrags pas sems can 

</font><hr>55-1-177b<br><font size=+1>

gyi khams thams cad tshim par byed cing smon lam chen po yongs su rdzogs par byed par kun tu ston pa/ bsam gtan dang rnam par thar pa dang mngon par shes pa dang rig pa dang ye shes la 'jug pa'i spyod yul ba/ sems bskyed pa gcig gis phyogs bcu'i 'jig rten gyi khams rab 'byam 
thams cad du 'gro ba'i skye ba thams cad du skyes pa'i sems can thams cad kyi lus kun tu ston pa/ rang gi sems shes pa dang gzhan gyi sems shes pa chags pa med pas/ sems can gcig dang sems can thams cad kyi sems kyi spyod pa dang g.yo ba shes pa la mkhas pa/ de bzhin 
gshegs pa'i stobs bcu la skad cig gcig gis 'jug pa'i ye shes la mkhas pa/ dus gsum du gtogs pa thams cad kyi grangs la chags pa med pa'i ye shes la 'jug pa/ sems can gzhan gyi rgyud la yang dag par thob par byed pa'i ye shes la mkhas pa/ sems kyi skad cig 
sems kyi skad cig la phyogs bcu'i 'jig rten gyi khams rab 'byam thams cad du sems can thams cad la mngon par rdzogs par byang chub pa kun tu ston pa la mkhas pa/ sems can gcig gi 'du shes kyis sems can ma lus pa thams cad kyi las kyi bya ba la mngon sum du 'jug pa'i 
ye shes la mkhas pa/ sems can gcig gi sgra skad kyis sems can thams cad kyi skad la 'jug par ston pa'i ye shes la mkhas pa/ lus gcig la dmigs la sems can thams cad kyi lus la dmigs par kun tu ston pa la mkhas pa/ de bzhin gshegs pa gcig gi 
'khor gyi dkyil 'khor du 'jug la de bzhin gshegs pa thams cad kyi 'khor gyi dkyil 'khor na chos ston pa kun tu 'dzin pa la mkhas pa sha stag go/ /thams cad kyang gzungs thams cad thob pa/ shin tu rnam par nges pa'i spobs pa ston cing sems can gyi khams thams cad 
kyi dbang po 'dzin par 'jug pa la mkhas pa/ sems can gcig gi sems la dmigs pas brjod du med pa'i rgyud du byang chub rnam par 'tshang rgya zhing sems can thams cad kyi sems la 'jug pa'i ye shes la mkhas pa/ skad cig gis 'jig rten gyi khams thams cad du 

</font><hr>55-1-178a<br><font size=+1>

go bar byed cing sems can thams cad kyi bsam pa'i rim pa shes la sems can gzhan gyi rgyud la yang dag par thob par byed pa'i ye shes la mkhas pa/ sngon gyi mtha'i mu'i bskal pa mtha' yas pa'i 'gro ba thams cad kyi sems bsam gyis mi khyab pa rjes su 
dran pa la 'jug pas las dang bya ba dang 'bras bu rnam par smin pa ji lta ba bzhin du mngon sum du sems can la ston cing sems can la shes par byed pa la mkhas pa/ 'jig rten gyi khams thams cad brgyan pa la mkhas pa/ 'jig rten gyi khams thams cad kun tu 'jug pa la mkhas pa/ sangs 
rgyas dang byang chub sems dpa' thams cad kyi smon lam dang bdag gi spyod pa dang smon lam yang dag par skyed cing chos kyi snang ba rab tu gtong ba la mkhas pa/ rdul phra rab kyi rdul gcig la bskal pa dang 'jig rten gyi khams brjod du med pa la 'jug pa la mkhas pa/rdul phra 
rab kyi rdul gcig la 'jig rten gyi khams thams cad kyi tshad tsam gyis sangs rgyas kyi zhing gcig kun tu ston pa la mkhas pa/ mtsho chen po rgya mtsho'i chu'i phung po thams cad spu'i khung bu gcig tu bcug ste/ chos kyi dbyings kyi tshad tsam gyi 'jig rten gyi khams thams cad du 
'gro yang sems can rnams la gnod pa med pa la mkhas pa/ 'jig rten gyi khams brjod du med pa rang gi lus su 'jug cing sems can gyi bya ba thams cad kun tu ston pa la mkhas pa/ khor yug dang khor yug chen po dang ri chen po gzhan grangs med cing bsam gyis mi khyab la 
mtshungs pa med cing gzhal du med de tshad med la brjod du med pa'i yang brjod du med pa dag spu'i khung bu gcig tu bcug ste/ chos kyi dbyings kyi tshad tsam gyis 'jig rten gyi khams thams cad du 'gro yang sems can rnams skrag par mi 'gyur ba la mkhas pa/ bskal pa brjod 
du med pa'i yang brjod du med pa bskal pa gcig tu byin gyis rlob cing bskal pa gcig kyang 'jig pa dang 'chags pa'i bskal pa brjod du med pa'i yang brjod du med par kun tu ston pa la mkhas pa/ 'dul ba ji lta ba bzhin du sems can thams cad la 'jig rten gyi khams thams cad 

</font><hr>55-1-178b<br><font size=+1>

chus 'jig pa dang mes 'jig pa dang rlung gis 'jig par kun tu ston pa la mkhas pa/ 'jig rten gyi khams grangs med bsam gyis mi khyab pa rkang pa'i mthe bos mnan kyang sems can la gnod pa med par mkhas pa sha stag go/ /thams cad kyang chos kyi sprin gyis thob pa phyogs 
bcu'i 'jig rten gyi khams thams cad kyi sems can rnams la 'dul ba ji lta ba bzhin du 'tshe ba dang bcas pa dang / gnod pa dang bcas pa dang mu ge'i mya ngan chen po byin gyis rlob pa kun tu ston pa la mkhas pa/ sems can gzhan la rnam par 'tshe ba med pa mngon par shes 
pa sangs rgyas mi bzhugs pa'i 'jig rten gyi khams su sangs rgyas 'byung bar kun tu ston pa sha stag ste/ bzang skyong la sogs pa byang chub sems dpa' lnga brgya thams cad kyang phyir mi ldog pa sha stag go/ /yang de'i tshe yangs pa can gyi grong khyer chen po nas lits+tsha bI gzhon nu dkon mchog 'byung gnas zhes bya ba lits+tsha bI gzhon nu nyi khri chig stong gis yongs su bskor te mdun du bdar nas lhan cig tu bya rgod kyi phung po ri ga la ba der song ste phyin pa dang / bcom ldan 'das kyi zhabs la mgo bos phyag 'tshal te/ g.yas phyogs logs su 'dug nas 
thams cad kyang mig mi 'dzums par bcom ldan 'das la lta zhing 'khod par gyur to/ /ga yA'i grong khyer chen po nas khyim bdag sngo sangs can zhes bya ba dge bsnyen lnga brgyas yongs su bskor te mdun du bdar nas bcom ldan 'das ga la ba der song ste phyin nas/ bcom ldan 
'das kyi zhabs la mgo bos phyag 'tshal te mig mi 'dzums par bcom ldan 'das la lta zhing phyogs gcig tu 'dug go/ /khyim bdag bzang skyong yang khyim bdag lnga stong gis yongs su bskor te mdun du bdar nas bcom ldan 'das ga la ba der song ste phyin nas/ bcom ldan 
'das kyi zhabs la mgo bos phyag 'tshal te phyogs gcig tu 'dug nas thams cad kyang mig mi 'dzums par bcom ldan 'das la lta zhing 'khod par gyur to/ /khyim bdag legs sbyin yang khyim bdag lnga stong gis yongs su bskor nas bcom ldan 'das ga la ba der song ste phyin 

</font><hr>55-1-179a<br><font size=+1>

nas bcom ldan 'das kyi zhabs la mgo bos phyag 'tshal te/ phyogs gcig tu 'dug nas thams cad mig mi 'dzums par bcom ldan 'das la lta zhing 'khod par gyur to/ /khyim bdag ded dpon bzang po yang g.yog mang po dang bcom ldan 'das 
ga la ba der song ste phyin nas/ bcom ldan 'das kyi zhabs la mgo bos phyag 'tshal te phyogs gcig tu 'dug nas bcom ldan 'das la mig mi 'dzums par lta zhing 'dug go/ /tsam pa'i grong khyer chen po nas kyang tshong dpon gyi bu lag bzang tshong dpon gyi bu brgyad khri bzhi stong 
gis yongs su bskor te mdun du bdar nas bcom ldan 'das ga la ba der song ste phyin nas bcom ldan 'das kyi zhabs la mgo bos phyag 'tshal te phyogs gcig tu 'dug nas bcom ldan 'das la mig mi 'dzums par lta zhing 'dug go/ /bram ze'i khye'u mis byin yang bram ze'i khye'u 
lnga brgyas yongs su bskor te mdun du bdar nas bcom ldan 'das ga la ba der song ste phyin pa dang / bcom ldan 'das kyi zhabs la mgo bos phyag 'tshal te phyogs gcig tu 'dug nas thams cad kyang bcom ldan 'das la mig mi 'dzums par lta zhing 'khod par gyur to/ /bram 
ze'i khye'u dga' ba'i zla ba yang g.yog bram ze'i khye'u lnga brgya dang bcom ldan 'das ga la ba der song ste phyin pa dang bcom ldan 'das kyi zhabs la mgo bos phyag 'tshal te phyogs gcig tu 'dug nas bcom ldan 'das la mig mi 'dzums par lta zhing 'dug go/ /lus 'phags 
mo'i bu yul ma ga d+hA'i rgyal po ma skyes dgra yang srog chags lnga stong gis yongs su bskor te mdun du bdar nas glang po'i dbang po nor skyong la zhon te bcom ldan 'das ga la ba der song nas de bzhon du rung ba'i sa ji tsam pa de tsam du nor skyong la zhon te/ khang bu brtsegs mas 
song nas bzhon pa las babs te rkang gis bya rgod kyi phung po'i ri la 'dzegs nas/ bcom ldan 'das ga la ba der song ste phyin pa dang bcom ldan 'das kyi zhabs la mgo bos phyag 'tshal te/ srog chags lnga stong dang lhan cig tu phyogs gcig tu 'dug nas bcom ldan 'das 

</font><hr>55-1-179b<br><font size=+1>

la mig mi 'dzums par lta zhing 'dug go/ /grong khyer chen po bA rA Na sI nas tshong dpon gyi bu yul 'khor bzang po zhes bya ba yang tshong dpon gyi bu lnga brgyas yongs su bskor te mdun du bdar nas bcom ldan 'das ga la ba der song ste phyin pa dang / bcom ldan 'das kyi zhabs la mgo bos 
phyag 'tshal te phyogs gcig tu 'dug nas bcom ldan 'das la mig mi 'dzums par lta zhing 'dug go/ /lha'i dbang po brgya byin dang mi mjed kyi bdag po tshangs pa dang 'jig rten skyong ba bzhi dang lha'i bu dbang phyug chen po dang lha'i bu zla ba dang / lha'i bu shin tu rnam par gnon 
sems dang / lha'i bu mtshan bzang dang / lha'i bu gzhan yang bsam gyis mi khyab mtshungs pa med gzhal du med dpag tu med/ tshad med pa dag lha'i bu re re la yang g.yog lha'i bu bye ba khrag khrig phrag brgya stong dang bcom ldan 'das ga la ba der song ste lhags nas/ lha'i bu 
re res kyang bcom ldan 'das la tshul dang 'thun pa'i mchod pa bsam gyis mi khyab pa byas te/ phyogs gcig tu 'dug nas thams cad kyang bcom ldan 'das la mig mi 'dzums par lta zhing 'khod par gyur to/ /yang de'i tshe bcom ldan 'das spu'i khung bu re re dang dpe byad 
bzang po dang mtshan re re nas kyang sangs rgyas kyi zhing bcu'i rdul phra rab kyi rdul snyed kyi 'od phyung ste/ 'od zer de re res kyang phyog bcu'i phyogs re rer sangs rgyas kyi zhing bye ba phrag bcu'i rdul phra rab kyi rdul snyed kyi 'jig rten gyi khams snang ba chen pos khyab par byas so/ /'jig 
rten gyi khams re re nas kyang byang chub sems dpa' bye ba khrag khrig brgya stong grangs med pa 'ongs te/ byang chub sems dpa' re re yang rin po che'i khang pa brtsegs pa chen po nang rgyar dpag tshad bye ba brgya stong yod pa/ rin po che'i kha khyer gyis bskor ba'i nor bu dang mu tig 
dang rin po che'i lda ldis mdzes par byas pa/ rgyal mtshan dang ba dan bsgreng ba'i nang na gnas shing lha'i bu mo bye ba phrag khrag khrig brgya stong grangs med bsam gyis mi khyab pas yongs su bskor nas bcom ldan 'das ga la ba der song ste phyin nas/ lha'i me tog gi sprin dang 

</font><hr>55-1-180a<br><font size=+1>

rin po che'i sprin dang na bza'i sprin dang / tsan dan sbrul gyi snying po dang a ga ru dang spos kyi sprin dang lha'i rol mo dang / pheg rdob pa dang glu'i sprin 'jig rten gyi khams kyi tshad tsam gtor nas phyogs gcig tu 'khod de bcom ldan 'das la mig mi 'dzums par lta zhing 
'khod par gyur to/ /yang de'i tshe na stong gsum gyi stong chen po'i 'jig rten gyi khams 'di tha na skra'i rtse mo'i cha shas kyi phyogs tsam yang lha dang klu dang gnod sbyin dang / dri za dang lha ma yin dang nam mkha' lding dang mi'am ci dang lto 'phye chen po dang / brgya byin dang tshangs pa dang 'jig rten skyong 
ba dang / mi dang mi ma yin pa dang byang chub sems dpa' rgya che ba rgya che ba dag gis ma khebs par gyur pa med do yang de'i tshe byang chub sems dpa' bzang skyong zhes bya ba stan las langs te/ bla gos phrag pa gcig tu gzar nas pus mo g.yas pa'i lha nga sa la btsugs nas bcom 
ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to/ /gal te zhus nas zhu ba lung bstan pa'i slad du bcom ldan 'das kyis bdag la skabs phye na bcom ldan 'das de bzhin gshegs pa dgra bcom pa yang dag par 
rdzogs pa'i sangs rgyas la bdag phyogs 'ga' zhig zhu'o/ /de skad ces gsol pa dang bcom ldan 'das kyis byang chub sems dpa' bzang skyong la 'di skad ces bka' stsal to/ /bzang skyong khyod ci dang ci 'dod pa dris shig dang ngas dris pa de dang de'i lung bstan pas khyod kyi 
sems rangs par bya'o/ /de skad ces bka' stsal pa dang / bcom ldan 'das la byang chub sems dpa' bzang skyong gis 'di skad ces gsol to/ /bcom ldan 'das gnas gang dang spyod pa ji lta bu dang tshul ji lta bu dang khyad par ji lta bu dang / dge ba'i rtsa ba ji lta bu 
dang brtson 'grus ji lta bu dang rab tu zhi ba ji lta bu dang / ye shes la mkhas pa ji lta bu dang dran pa ji lta bu dang rtogs pa ji lta bu dang blo gros ji lta bu dang / khrel mchis pa ji lta bu dang mos pa ji lta bu dang / go cha ji lta bus byang chub sems dpa' sems dpa' chen po bla na med pa 

</font><hr>55-1-180b<br><font size=+1>

yang dag par rdzogs pa'i byang chub las phyir mi ldog ste/ bla na med pa yang dag par rdzogs pa'i byang chub las mi nyams shing yongs su mi nyams pa lags/ ji ltar na de bzhin gshegs pa'i spyod pas byung ba lags/ ji ltar na de bzhin gshegs pa'i ye shes la brtson 
'grus sbyangs pa lags/ ji ltar na shes rab che ba lags/ ji ltar na ye shes chen po la mkhas pa lags/ ji ltar na tshul khrims rnam par dag pa lags/ ji ltar na ji ltar thos pa'i chos rnams mi bskyud pas dran pa dang ldan pa lags/ ji ltar na dge ba'i rtsa ba ji ltar 
bgyis pa bzhin du skyes pas tshe rabs dran pa lags/ ji ltar na sems can gzhan la skul bas sngon gyi gnas pa la mkhas pa lags/ ji ltar na dbang po'i khyad par la mkhas pas blo dang ldan pa lags/ ji ltar na mtshan dang ldan pa lags/ ji ltar na sangs rgyas la 
lta ba dang chos nyan pa dang dge 'dun la bsnyen bkur bgyid pa dang mi 'bral ba lags/ ji ltar na 'jig rten gyi khams gzhan na bzhugs pa'i sangs rgyas bcom ldan 'das rnams mthong zhing / 'jig rten gyi khams mtha' yas mu ma mchis par de dag gi chos kyang thos la thams 
cad kyang kun tu 'dzin kun chub par bgyid/ gzhan la yang rgya cher yang dag par rab tu ston pa lags/ ji ltar na mi dge ba'i rtsa ba thams cad sreg pas me lce lta bu lags/ ji ltar na chos dkar po thams cad khong du chud pas zla ba lta bu lags/ ji ltar na ma rig pa'i mun pa 
thams cad sel bas nyi ma lta bu lags/ ji ltar na dge ba'i rtsa ba thams cad kyis 'phags pas ri bo'i dbang po'i rgyal po lta bu lags/ ji ltar na zab mo la bzod pa mi phyed pas rdo rje lta bu lags/ ji ltar na lhun po brtsegs pa dang mtshungs shing 'dra bas mi 'jigs pa thob pa 
lags/ ji ltar na spobs pa thogs pa ma mchis pas dbyangs shin tu yongs su dag pa lags/ ji ltar na tshig thams cad rab tu dbye ba rnam par nges pa la mkhas pas thos pa mang ba lags/ ji ltar na khro gnyer ma mchis la bzhin 'dzum zhing shin tu gsal ba lags/

</font><hr>55-1-181a<br><font size=+1>

ji ltar na 'jig rten gyi chos thams cad kyis ma gos pa lags/ ji ltar na 'jig rten gyi khams mtha' yas pa dbyangs kyis go bar bgyid/ ji ltar na 'jig rten gyi khams mtha' yas mu ma mchis ba spu'i khung bu gcig tu stsal kyang sems can rnams kyis 
bdag cag gang du mchis pa yang ma 'tshal la/ bgyid pa de yang ma 'tshal/ ji ltar na sems can yongs su smin par bgyid pas phyogs bcu'i de bzhin gshegs pa thams cad kyi 'khor gyi dkyil 'khor rnams na yang kun tu gda' la/ gnas nas kyang mi g.yo/ 
ji ltar na skra tsam gyi khyon gcig la dga' ldan gyi gnas na gnas pa dang 'chi 'pho ba dang mngal du 'jug pa dang btsas pa dang mngon par 'byung ba dang dka' ba spyod pa la spyod pa dang byang chub kyi snying por mchi ba dang bdud las rgyal ba dang chos kyi 'khor lo rab tu bskor ba dang / yongs 
su mya ngan las 'das pa chen po kun tu ston cing bstan pa gnas par kun tu bstan pa yang ston/ ji ltar na sems kyi skad cig gcig gis sems can thams cad kyi sems kyi spyod pa rab tu 'tshal ba lags/ de skad ces gsol pa dang / bcom ldani 'das kyis byang 
chub sems dpa' bzang skyong la 'di skad ces bka' stsal to/ /bzang skyong legs so legs so bzang skyong khyod 'di ltar skye bo mang po la phan pa dang skye bo mang po la bde ba'i phyir zhugs shing / 'jig rten la snying brtse ba dang lha dang mi'i skye bo phal po che'i don dang phan pa dang bde ba'i phyir 'di ltar khyod 
snying rje chen po dang ldan zhing / bzang skyong khyod de bzhin gshegs pa la don 'di 'dri bar sems pa ni bzang skyong khyod yang legs so/ /bzang skyong de'i phyir legs par rab tu nyon la yid la zung shig dang ngas bshad do/ /byang chub sems dpa' bzang skyong gis bcom 
ldan 'das la legs so zhes gsol te bcom ldan 'das kyi ltar nyan pa dang bcom ldan 'das kyis 'di skad ces bka' stsal to/ /bzang skyong byang chub sems dpa'i spyod pa sangs rgyas kyis rab tu zhi ba rnam par nges pa'i cho 'phrul zhes bya ba'i ting nge 'dzin yod do/ /de la 

</font><hr>55-1-181b<br><font size=+1>

gnas pa'i byang chub sems dpa' sems dpa' chen po ni yon tan gyi khyad par 'di dag dang gzhan rnams kyang 'thob bo/ /bzang skyong rab tu zhi ba rnam par nges pa'i cho 'phrul zhes bya ba'i ting nge 'dzin gang zhe na/ 'di lta ste/ chos thams cad yang dag pa ji lta ba bzhin du khong du chud pa 
dang mtshan nyid rab tu rtogs pa dang phyin ci log gi mtshan nyid yang dag par 'joms pa dang / bdag gi bag chags kyi sa yongs su mi 'dzin pa dang / gzhan mi dmigs pa dang / srog la rlom sems med pa dang / 'khor ba la mi 'jug pa dang / dngos po yongs su shes 
pa dang zhi gnas bsgom pa dang lhag mthong mngon sum du byed pa dang / sems gnas pa dang dran pa mi g.yeng ba dang rtog pa dang dpyod pa nye bar zhi ba dang / dge ba'i phyogs la yang dag par sten pa dang mi dge ba'i phyogs sel ba dang / chags pa dang zhe sdang dang gti mug rab tu 
zhi ba dang ma rig pa sel ba dang rig pa la yang dag par sten pa dang / rgyu yongs su shes pa dang lta ba yang dag par 'joms pa dang rnam par shes pa dang bral ba dang / ye shes 'byung ba dang srid pa zad pa dang dga' ba'i 'dod chags spong ba dang sangs rgyas la gcig tu nges pa dang 
chos la nem nur med pa dang / dge 'dun la rnam par mi rtog pa dang mi 'byed pa'i tshig dang 'thun par sdums byed pa dang / dben pa la gzhol ba dang bka' blo bde ba dang mu cor du mi smra ba dang zang zing med pa dang / kha na ma tho ba spong ba dang sdig pa thams cad mi byed pa dang 'brel pa 
mdun du byed pa dang / 'phub mi byed pa dang 'jig rten gyi ya mtshan la mngon par dga' ba med pa dang / 'khor ba la nyes dmigs su lta ba dang mya ngan las 'das pa la phan yon du lta ba dang / lhag pa'i bsam pas yongs su mya ngan las 'das pa'i dbyings 'dod pa dang / g.yo med 
pa dang gya gyu med pa dang sgyu med pa dang / tshul 'chos pa med pa dang kha gsag med pa dang / gzhogs slong med pa dang / thob kyis 'jal ba med pa dang / rnyed pa dang bkur sti yongs su spong ba dang / brtson 'grus brtsams pa dang shin tu bzod pa dang / le lo med pa dang sgrib pa spong ba 

</font><hr>55-1-182a<br><font size=+1>

dang / dge ba bcu'i las kyi lam dang ldan pa dang tshul khrims kyi phung po skyon med pa dang / ting nge 'dzin gyi phung po las mi g.yo ba dang / ting nge 'dzin dang snyoms par 'jug pa rnams la mi gnas pa dang pha rol tu phyin pa yongs su rdzogs par byed pas mi ngoms pa dang / 
bsam gtan dang rnam par thar pa dang / ting nge 'dzin dang snyoms par 'jug pas rnam par 'phrul pa dang / rdzu 'phrul gyi rkang pas ji ltar 'dod pa bzhin du rnam par rtsen pa dang / thams cad mkhyen pa'i ye shes la dbang sgyur ba dang / blo tha dad pa med pa dang bems po ma yin pa dang mi 
'on mi lkugs pa dang / gzhan gyi dring la mi 'jog pa dang kun nas mnar sems kyi dngos po rnam par spong ba dang / skyes bu dam pa'i gnas thob pa dang skyes bu ngan pa la mi lta ba dang byis pa rnams rnam par spong ba dang mkhas pa dang 'grogs pa dang / dran pa'i stobs bskyed pa 
dang / ye shes kyi stobs bskyed pa dang / khyim pa dang rab tu byung ba rnams dang mi 'dri ba dang / dben pa la gnas pa dang stong pa nyid dang mtshan ma med pa dang smon pa med pa dang / chos rnams la bzod pa dang chos thams cad ji lta ba bzhin du rab tu rtogs pa ste/ 'di ni bzang 
skyong rab tu zhi ba rnam par nges pa'i cho 'phrul zhes bya ba'i ting nge 'dzin ces bya ba ste/ ting nge 'dzin 'di la slob pa'i byang chub sems dpa' ni chos thams cad la sgrib pa med pas shes pa 'thob bo/ /bzang skyong gzhan yang rab tu zhi ba rnam par nges pa'i cho 'phrul gyi ting nge 'dzin 
ces bya ba ni 'di lta ste/ chos thams cad mnyam pa nyid du shes pa dang / tshig thams cad la mtshams sbyar bar shes pa dang khyim gyi dngos po yongs su gtong ba dang / khams gsum la mngon par mi dga' ba dang sems ma zhum pa dang / chos thams cad la mngon par 
ma zhen pa dang dam pa'i chos yongs su 'dzin pa dang / chos sbed pa dang las kyi rnam par smin pa la yid ches pa dang 'dul ba la mkhas pa dang / rtsod pa nye bar zhi ba dang 'thab pa med pa dang / 'gyed pa med pa dang / bzod pa yang dag par 'dzin pa dang / rtogs pa yang 

</font><hr>55-1-182b<br><font size=+1>

dag par 'dzin pa dang / rtogs pa mnyam pa nyid dang / chos nyid rab tu dbye ba la mkhas pa dang / chos gtan la dbab pa la mkhas pa dang / chos kyi tshig la mkhas pa dang / chos kyi tshig rab tu dbye ba shes pa dang / sngon gyi mtha' shes pa dang / phyi ma'i mtha' shes pa 
dang / da ltar byung ba shes pa dang / dus gsum mnyam pa nyid du shes pa dang / 'khor gsum yongs su dag pa shes pa dang / lus kyi gnas shes pa dang / sems kyi gnas shes pa dang / spyod lam srung ba shes pa dang / las rnam par dag pa dang / sgrib pa las shin tu 
'da' ba dang / phung po yongs su shes pa dang / khams mnyam pa nyid du shes pa dang / skye mched sel ba dang / srid pa spong ba dang / mi skye ba'i bzod pa'i bya ba 'jug pa dang / rgyu ston pa dang / las dang 'bras bu chud mi gzon pa dang / chos mthong ba dang lam sgom pa dang / de bzhin 
gshegs pa rnams dang phrad pa dang / shes rab rno ba dang / tshig rab tu dbye ba shes pa dang / sgra yongs su shes pa dang / mchog tu dga' ba thob pa dang / chos kyi dga' ba rjes su myong ba dang / dran pa dang / mnyen pa dang / ngang bde ba dang khro gnyer med pa dang / des pa dang 'grogs na 
bde ba dang tshig 'jam pa dang / gsong por smra ba dang tshur shog legs par 'ongs so zhes smra ba dang / snyom las med pa dang bla ma la gus pa dang / bla ma la sri zhu che ba dang skye ba la mi dga' ba dang / chos dkar pos mi ngoms pa dang 'tsho ba rnam par dag pa dang / dgon pa'i gnas 
mi gtong ba dang / sa rnam par 'jog pa dang / dran pa chud mi gzon pa dang phung po la mkhas pa dang / khams la mkhas pa dang skye mched la mkhas pa dang / mngon par shes pa mngon du bya ba la 'jug pa dang / nyon mongs pa sel ba dang / bag chags kyi mtshams sbyor ba yang dag par 
'joms pa dang / khyad par du 'gro ba dang sgom pa'i rgyu 'thun pa dang / ltung ba las 'byin pa la mkhas pa dang / kun nas dkris pa rnam par gnon pa dang / bag la nyal ba spong ba dang / srid pa las shin tu 'da' ba dang / tshe rabs dran pa dang / las kyi rnam par smin pa la 

</font><hr>55-1-183a<br><font size=+1>

the tshom med pa dang / las la sems pa dang skye ba la yid mi rton pa dang / las mngon par 'du mi byed pa dang nang gi skye mched yid la mi byed pa dang / phyi'i skye mched rnams la kun tu mi rgyu ba dang / bdag la mi stod pa dang gzhan la mi smod pa dang / mi dga' ba la 
mi zhen pa dang so so'i skye bo la yid mi rton pa dang / tshul khrims kyi rgyu 'thun pa dang bsnyen par dka' ba dang / gzi brjid che ba dang bdag shes pa dang nyams pa med pa dang / spyod lam phun sum tshogs pa la gnas pa dang gnod sems med pa dang tshig mi brlang ba dang gzhan la mi gnod pa dang / 
mdza' bo rjes su srung ba dang rnam par mi 'tshe ba'i ngang tshul dang ldan pa dang / sems can la gnod pa mi byed pa dang tshig 'jam pa dang / khams gsum pa la mi gnas pa dang gsang ba'i tshig rnams srung ba dang / chos thams cad la stong pa nyid dang 'thun par bzod pa dang thams cad 
mkhyen pa'i ye shes la shin tu 'dun pa dang ye shes gsal ba dang / tshul khrims brtan pa dang snyoms par 'jug pa la 'jug pa dang / gcig pur dga' ba dang cung zad shes pas chog par mi 'dzin pa dang / sems zhum pa med pa dang lta bar gyur pa rnam par spong ba dang / gzungs 
thob pa dang ye shes thob pa dang gnas dang gnas ma yin pa la nan tan byed pa dang / gtan tshigs dang rigs pa dang tshul gyi sgor gyur pa dang / 'doms pa dang rjes su ston pa dang spyod pa 'thun par bzod pa dang bzod pa'i sa dang ldan pa dang / mi bzod pa med pa dang ye shes kyi 
sa dang ldan pa dang / mi shes pa spong ba dang / ye shes la gnas pa dang / rnal 'byor spyod pa'i sa dang / byang chub sems dpa'i spyod yul ba dang / chos thams cad kyi ngo bo nyid khong du chud cing rab tu rtogs pa shes pa dang sems nges par sems pa dang / skye bar nying mtshams mi sbyor 
ba dang nying mtshams mi sbyor ba shes pa dang khur bor ba dang / de bzhin gshegs pa'i ye shes dang 'dod chags spong ba dang / zhe sdang dang bral ba dang gti mug spong ba dang rnal 'byor la brtson pa dang / mi rigs pa dang bral ba dang / dge ba'i chos la 'dun pa dang lhag pa'i bsam 

</font><hr>55-1-183b<br><font size=+1>

pa la nan tan byed pa dang mtshan mo mi nyal ba dang / spong ba mi gtong ba dang chos dkar po rnams kun du srung ba dang / dge ba'i rtsa ba sngon du 'gro ba dang / thabs la mkhas pa shes pa dang mtshan ma spong ba dang 'du shes las ldog pa dang / mdo sde mngon par sgrub pa dang 'dul ba la mkhas 
pa dang / bden pa la rnam par nges pa dang rnam par grol ba la mngon sum du bya ba la 'jug pa dang / tshig gcig tu nges pa dang / gtsigs par smra ba dang ye shes ji lta ba bzhin du mthong ba dang / thos pa yongs su tshol ba dang ye shes kyis mi ngoms pa dang / sems yongs su dag 
pa dang / lus yongs su dag pa dang / ngag yongs su dag pa dang / dogs pa med pa'i tshig dang stong pa nyid la kun tu sten pa dang / mtshan ma med pa la sten pa dang smon pa med pa'i ngo bo nyid kyis mi dmigs par shes pa dang / mi 'jigs pa thob pa dang sdug bsngal ba rnams la 
mi brnyas pa dang / de dag la nor sbyin pa dang dbul po rnams la khyad du mi gsod pa dang tshul khrims 'chal pa rnams la snying brtse zhing snying rje ba'i blo dang ldan pa dang / phan pa'i dngos po dang ldan pa dang chos kyis phan 'dogs pa dang / zang zing yongs su gtong ba dang tshul khrims dang 
ldan pa la g.yo med par sten pa dang / bdog pa thams cad yongs su gtong ba dang / lhag pa'i bsam pas mgron du gnyer ba dang ji skad smras pa bzhin du byed pa dang / phyir zhing brtson pa dang bsti stang byas pas dga' ba myong ba dang / dpe shes pa dang sngon byung ba la mkhas pa dang / 
ming dang brdar brtags pa la 'jug pa shes pa dang btags pa kun tu 'joms pa dang / bkur sti byed pa la mngon par dga' ba med pa dang bkur sti mi byed pa la btang snyoms su byed pa dang / rnyed pa don du mi gnyer ba dang ma rnyed pas sro shi bar mi 'gyur ba dang grags pa la mngon par 
'dod pa med pa dang / ma grags pa la khong khro ba med pa dang bsngags pa la rjes su chags pa med pa dang / smad pa la spa gong bar mi 'gyur ba dang bde ba la mngon par mi chags pa dang / sdug bsngal gyis mi skyo ba dang 'du byed kun tu mi 'dzin pa dang / yang dag pa'i bsngags 

</font><hr>55-1-184a<br><font size=+1>

pa la mi chags pa dang yang dag pa ma yin pa'i brjod pa dang du len pa dang / spyod yul ma yin pa rnam par spong ba dang spyod yul la 'jug pa dang / cho ga phun sum tshogs pa dang mi tshul ba rnam par spong ba dang / sems can gyi dge ba'i rtsa ba chung ngu la mi smod 
pa dang bstan pa kun tu srung ba dang / smra ba nyung ba dang mnyen pa dang skabs kyi tshig la mkhas pa dang / phyir rgol ba tshar gcod pa dang dus su 'gro ba dang spyod lam brtags pa ma yin pa dang / spyod lam mdzes pa dang don dang don ma yin pa shes pa la mkhas pa dang / 'jig 
rten shes pa dang bstan bcos shes pa dang / gsal bar smra ba dang lag rkyong ba dang sems shin tu 'dzin pa dang / khrel yod pa dang ngo tsha shes pa dang mi dge ba'i sems la smod pa dang sbyangs pa'i yon tan mi gtong ba dang spyod pa yang dag par 'dzin pa dang / mdzes par kun tu rgyu ba 
dang bla ma la ldang ba dang stan gding ba dang / nga rgyal tshar gcod pa dang sems yang dag par 'dzin pa dang / don rab tu rtogs pa shes pa dang ye shes bskyed pa dang mi shes pa dang bral ba dang sems la 'jug shes pa dang / sems kyi ngo bo nyid khong du chud cing shes pa dang / sgrub pa dang 
mi bsgrub pa sgrub pa la mkhas pa'i ye shes dang ldan pa dang / sems can thams cad kyi skad shes pa dang / nges pa'i tshig rnam par gzhag pa shes pa dang don rnam par nges pa shes pa dang / don ma yin pa rnam par spong ba dang / bsam gtan rnams sgrub pa dang / de dag 
gi ro myong bar mi byed pa dang sems can thams cad kyi sems la rnam par lta zhing so sor rtog pa dang / sems can gyi dbang po mchog dang mchog ma yin pa shes pa dang / gnas dang gnas ma yin pa la rnam par lta ba dang / las thams cad 'byed pa dang / las dang 
rnam par smin pa med pa la 'jug pa shes pa dang / mos pa sna tshogs la 'jug pa dang brjed ngas pa med pa dang khams sna tshogs dang / khams du ma mngon sum du gyur pa dang rdo rje lta bu'i ting nge 'dzin kun tu mthong ba dang / tshangs pa'i dbyangs kyis ting nge 'dzin la rnam par rtsen 

</font><hr>55-1-184b<br><font size=+1>

pa dang / ting nge 'dzin dang snyoms par 'jug pa thams cad gcig pa dang / ming med pa dang sngon gyi gnas rjes su dran pa shes pa dang / kun tu 'gro ba'i lam shes pas lta ba dang / zag pa zad pa dang / spong ba dus gcig tu thob pa shes pa dang / lha'i mig thogs pa med pas lta ba 
dang gzugs thams cad kun tu ston pas rnam par rtsen pa dang / gzugs dang gzugs med pa mnyam pa nyid du 'jug pa shes pa dang / dbyangs kyi yan lag gi tshul gyi gzungs la 'jug pa shes pa dang / skad thams cad brag ca'i skad dang mtshungs pa nyid du shes pa dang / ci rigs par 
chos ston pa dang sems can thams cad la legs par bshad pas tshim par byed pa dang / dbang po rje ba shes pa dang dus dang dus ma yin par rnam par lta ba dang / yang dag pa'i mtha' dang rjes su 'jug pa shes pa dang / 'bras bu yod pa'i chos ston pa dang pha rol tu phyin pa thams cad 
yongs su rdzogs pa dang / sems can thams cad yongs su 'dzin pa dang / tshar gcod pa mkhas par shes pa dang brtags pa ma yin pa'i spyod lam dang ldan pa dang / chos kyi dbyings 'dres pa med par yang dag par 'du ba la 'jug pa shes pa dang rtog pa dang / rnam par rtog 
pa dang yongs su rtog pa thams cad yang dag par 'joms pa dang / skad cig gis de bzhin gshegs pa thams cad kyi zhabs kyi drung du lus ston pa dang / 'jig rten gyi khams thams cad du mig yor lta bu'i lus rnam par 'phrul pa dang / de bzhin gshegs pa thams cad kyi 
chos thams cad bstan pa kun tu 'dzin cing brjed pa med pa dang / theg pa chen po las mi nyams pa dang theg pa thams cad kyi nges par 'byung ba ston pa la mkhas pa dang / dkon mchog gsum gyi rigs yang dag par 'dzin pa dang / skye ba'i gnas thams cad du bya ba ci 
rigs par kun tu ston pa dang / phyi ma'i mtha'i bskal pa bye bar go cha gyon kyang yongs su mi skyo ba dang / sems can thams cad yongs su smin par byed pa la mkhas par shes pa dang / dbyangs kyi yan lag thams cad mngon par bsgrub pa shes pa dang / bskal pa gcig 

</font><hr>55-1-185a<br><font size=+1>

bskal pa grangs med pa la 'jug pa shes pa dang / chos thams cad la mngon par 'byung ba'i gnas shes pa dang zhing thams cad yang dag par 'du ba la 'jug pa shes pa dang / bskal pa grangs med pa bskal pa gcig la 'jug pa shes pa dang / zhing 
gcig zhing thams cad du ston pa shes pa dang sems can gcig gi lus la sems can thams cad kyi lus yang dag par 'du ba la 'jug pa shes pa dang / skra tsam gyi khyon gcig la sangs rgyas kyi zhing bsam gyis mi khyab pa 'jug pa shes pa dang / rang gi lus kyi spu'i khung bu'i 
phyogs gcig tu 'jig rten gyi khams grangs med bsam gyis mi khyab gzhal du med pa 'jug pa shes pa dang / sangs rgyas kyi zhing thams cad nam mkha' dang mtshungs pa nyid du khong du chud cing shes pa dang / rang gi lus kyis sangs rgyas kyi zhing ma lus pa thams cad rgyas par 
dgang ba shes pa dang / chos thams cad mtshan nyid med par rtogs par shes pa la mkhas par shes pa dang / lus thams cad la lus 'jug pa shes pa dang / skad gcig brjod pas skad thams cad nges par sgrog pa shes pa dang / thabs mkhas pa thams cad kyi tshul rtogs 
par shes pa dang / tshig gcig las brtsams te bskal pa bye ba grangs med bsam gyis mi khyab gzhal du med pa ston pa shes pa dang / spobs pa rgyun mi 'chad pa dang sgrub pa dang mi sgrub pa shes pa la rnam par dpyod pa dang / phrugs dang cha dang snrel zhi'i 'byed pa bstan pa shes pa 
dang / thabs dang shes rab chen po'i 'od zer rab tu gtong ba shes pa dang / bdud kyi lam thams cad las shin tu 'da' ba shes pa dang / lus dang ngag dang yid kyi las kyi sngon du ye shes 'gro ba dang / so so yang dag par rig pa bzhis sems can gyi khams thams cad 
tshim par byed cing / bsod nams mngon par 'du byed pas rdzu 'phrul thob pa dang / chos kyi dbyings thams cad du rnam par 'phrul pa kun tu ston pa dang / 'jig rten gyi khams thams cad kyi sems can rnams kyi brjod pa khong du chud pa dang / phyogs bcu'i 'jig rten 

</font><hr>55-1-185b<br><font size=+1>

gyi khams thams cad kyi sems can thams cad bsdu ba'i dngos po bzhis sdud pa dang / sgyu ma lta bu'i chos sgrub pa la the tshom med pa dang / yo byad la dbang thob pa dang skye ba thams cad la dbang thob pa yongs su rdzogs pa dang / tshul khrims 'chal pa dang tshul khrims dang ldan 
pa mtshungs pa sbyin pa'i gnas su sems pa shes pa dang / sems can thams cad kyi bsam pa chos dang ldan pa yongs su rdzogs par byed pa dang phyogs bcu'i 'jig rten gyi khams thams cad spu'i khung bu gcig gi 'od zer gyi dra bas khebs par byed pa dang / byang chub sems 
dpa' thams cad kyi gsang ba thob pa dang / mtsho chen po rgya mtsho'i gting tshod yangs pa shes pa dang / phyogs bcu'i 'jig rten gyi khams thams cad du 'od zer chen po'i dra ba rab tu gtong ba shes pa dang / sems sa dang chu dang me dang rlung dang mnyam pa dang / de bzhin 
gshegs pa'i sa la 'jug pa shes pa dang / tshig dang nges pa'i tshig bstan pa thams cad la chos kyi 'khor lo skor ba dang ma bstan par rang gis bzod pa thob pa shes pa dang / spu'i khung bu gcig nas phyogs bcu'i 'jig rten gyi khams thams cad du rgya mtsho'i chu'i phung po 
rab tu 'thor ba shes shing sems can la chus gnod pa yang med pa dang / sems rin po che lta bu dang nyon mongs pa'i dri ma thams cad sel ba shes pa dang / dge ba'i rtsa ba dang bsod nams tshad med pa sogs pa dus gsum du yongs su bsngo ba la mkhas pa'i cho ga shes 
pa dang / sangs rgyas kyi chos thams cad mngon par rdzogs par byang chub pas dbugs 'byin pa 'thob pa dang / sems can thams cad kyi sems kyi spyod pa sprul pa'i byin gyi rlabs shes pa dang / sangs rgyas kyi spyod yul thams cad la 'jug pa shes pa dang / rang gi 
smon lam rgyun mi gcod cing sems can nye bar 'dzin pa'i spyod pa'i byin gyis brlab pa kun tu ston pa shes pa dang / de bzhin gshegs pa'i ye shes la rnam par lta ba mngon sum du shes pa dang / de bzhin gshegs pa'i gsang ba la 'jug pa shes pa dang / sems zhi zhing rab tu 

</font><hr>55-1-186a<br><font size=+1>

zhi la nye bar zhi ba dang 'dul ba ji lta ba bzhin du sems can thams cad la dga' ba dang / rtse ba dang longs spyod thams cad kun tu bstan pa shes pa dang / thos pa tshad med pa 'dzin pa yang dag par rdzogs pa dang thos pa thams cad kyis mi ngoms shing mi chog la rgyun mi 
gcod pa dang / chos thams cad mi dmigs pa dang 'jig rten gyi bya ba dang / tshul sna tshogs la 'jug pa dang 'jig rten gyi chos thams cad kyis mi gos pa dang / 'dul ba ji lta ba bzhin du sems can yongs su smin par byed pa dang / lkugs pa/ rna mi gsang ba/ grum po/ blun 
po/ 'on pa/ long ba thams cad la spyod lam kun tu ston pa dang / bskal pa grangs med pa se gol gcig gtogs pa srid du byin gyis rlob cing chos ston pa shes pa dang / brgya byin dang tshangs pa dang 'jig rten skyong ba zil gyis mnan pa'i phyir lag na rdo rje brgya stong grangs med bsam 
gyis mi khyab gzhal du med dpag tu med tshad med pa phyi bzhin 'brang ba dang / sems can yongs su smin par bya ba'i phyir dbul po dang sdug phongs pa byin gyis rlob pa dang / sangs rgyas thams cad kyi byang chub rang 'byung gi ye shes la lta ba la mngon sum du shes pa dang / nyan thos dang 
rang sangs rgyas thams cad kyi spyod lam kun tu ston pa dang phyogs bcu'i 'jig rten gyi khams thams cad du phyir mi ldog pa'i chos kyi 'khor lo skor bar byin gyis rlob pa shes pa dang / sems can thams cad yongs su smin par bya ba'i phyir 'jig rten gyi khams grangs med cing bsam 
gyis mi khyab pa mtshungs pa med gzhal du med de/ tshad med pa'i rdul phra rab kyi rdul snyed kyi bskal pa bye ba khrag khrig brgya stong dag sems kyi skad cig gcig la bstan pa thogs pa med pa shes pa dang / nyan thos dang rang sangs rgyas thams cad kyi kha dog dang spyod lam 
bskal par kun tu ston pa dang / sems can yongs su smin par bya ba'i phyir byang chub sems dpa'i spyod pa thams cad rgyun mi gcod pa dang / bsam gtan mkha' khyab la bsam gtan byed pa dang / sems can yongs su smin par bya ba'i phyir 'khor lha'i bu mo glu len 

</font><hr>55-1-186b<br><font size=+1>

cing rol mo'i dbyangs sgra dang / sil snyan sna tshogs dang pheg rdob pa dang / glu dbyangs len pa bye ba khrag khrig brgya stong dag dang / 'jig rten gyi khams rab 'byam thams cad du de bzhin gshegs pa thams cad kyi 'khor gyi dkyil 'khor du 'gro ba shes pa dang / gnas gang 
nas kyang g.yo ba med la de bzhin gshegs pa thams cad la blta zhing bsnyen bkur bya ba dang / mchod pa'i las rgyun mi gcad pa shes pa dang sems can mtha' yas pa yongs su smin par bya ba'i phyir mthong ba dang thos pa don yod pa 'dod cing gnas pa dang / sems can yongs su 
smin pa rnams ji lta ba bzhin du gdul ba'i phyir sems kyis skad cig la dga' ldan gyi gnas na gnas pa dang 'chi 'pho ba dang skye ba dang mngon par 'byung ba dang / dka' ba spyod pa kun tu ston pa dang byang chub kyi snying por 'gro ba dang / bdud 'dul ba kun tu ston pa dang mngon par 
rdzogs par byang chub pa dang / chos kyi 'khor lo rab tu skor ba dang / yongs su mya ngan las 'das pa chen po kun tu ston pa nas ji tsam du dam pa'i chos gnas pa dang / nub pa'i bar phyogs bcu thams cad kyi rdul phra rab kyi rdul snyed dag kun tu ston pa yang shes la/ shin tu 
mngon par rdzogs par yang 'tshang mi rgya ba ste/ bzang skyong 'di ni rab tu zhi ba rnam par nges pa'i cho 'phrul gyi ting nge 'dzin ces bya'o// //bam po gnyis pa/ bzang skyong ting nge 'dzin 'di'i yongs su sbyangs pa bya ba gang zhe na/ bzang skyong gang yang kun tu mi 'dzin pa/ 
mi 'dor ba/ mi 'jog pa/ 'du byed thams cad rab tu zhi ba/ chos thams cad ji lta ba bzhin du khong du chud pa/ chos thams cad kyi mnyam pa nyid la 'jug pa/ chos thams cad la mi rtog pa/ rnam par mi rtog pa/ rnam par mi sgrub pa/ kun nas mi slong ba/ mi skyed pa/ 
rtog pa dang / rnam par rtog pa dang kun tu rtog pa yang dag par gcod pa/ sems kyi dmigs pa yid la mi byed pa/ rnam par shes pa yang dag par gcod pa/ 'dod chags dang zhe sdang dang gti mug yang dag par gcod pa/ mtha' dang mtha' med pa yid la mi byed pa/

</font><hr>55-1-187a<br><font size=+1>

yid la byed pa yang dag par gcod pa/ phung po dang khams dang skye mched kyi rang bzhin shes pa/ dran pa dang blo gros dang mos pa dang rtog pa dang / ngo tsha shes pa dang spyod pa dang cho ga dang / spyod yul la nan tan du byed cing gnas pa/ nyon mongs pa med pa'i sa dang 
ldan pa/ zhi ba'i sa dang ldan pa/ spros pa thams cad yang dag par gcod pa/ byang chub sems dpa'i bslab pa thams cad dang de bzhin gshegs pa'i spyod yul thams cad dang / yon tan thams cad yongs su 'grub pa 'di ni bzang skyong ting nge 'dzin 'di'i yongs su sbyang ba 
bya'o/ /bzang skyong byang chub sems dpa' ni chos la sems shing chos dpyod pa yin te/ des ni de bzhin gshegs pa chos kyi skur yang yang dag par rjes su mi mthong na chos kyi sku las gzhan du'ang dmigs pa lta ci smos/ bzang skyong 'di la byang chub sems dpas 'di ltar 
so sor brtag par bya ste/ de bzhin gshegs pa zhes bya ba'i tshig 'di'i don ji lta bu/ ci gzugs de bzhin gshegs pa yin nam/ 'on te gzugs las gzhan zhig de bzhin gshegs pa yin snyam du de ltar dpyod pa la mkhas par bya'o/ /de 'di ltar so sor rtog ste/ 
gzugs kyang de bzhin gshegs pa ma yin la/ gzugs las gzhan pa yang ma yin no/ /de ci'i phyir zhe na/ gzugs ni bems po g.yo ba med pa/ dpyod pa med pa/ rtswa dang / rtsig pa dang / shing dang / bong ba dang / mig yor lta bur ngan pa/ dbu ba rdos pa lta bu 
yin zhing / 'byung ba chen po bzhi phan tshun nas bsdus pa ni gzugs zhes bya'o/ /gzugs ni rten cing 'brel pa las 'byung ngo / /gang rten cing 'brel par 'byung ba de mi rtag pa'o/ /gang mi rtag pa de sdug bsngal ba'o/ /gang sdug bsngal ba de bdag med pa'o/ /gang bdag 
med pa de rang bzhin med pa'o/ /gang rang bzhin med pa de snang ba med pa'o/ /gang snang ba med pa de yang dag pa ma yin pa'o/ /gang yang dag pa ma yin pa de brdzun pa slu ba'i chos so/ /gang brdzun pa slu ba'i chos de mi bden pa'o/ /gang mi bden pa de de bzhin nyid ma yin no/ /

</font><hr>55-1-187b<br><font size=+1>

gang de bzhin nyid ma yin pa de de bzhin gshegs pa ma yin no/ /de bzhin gshegs pa ni bden pa/ yang dag pa/ de bzhin nyid ma nor ba de bzhin nyid/ gzhan ma yin pa de bzhin nyid/ ma log pa bden pa smra ba/ yang dag pa smra ba/ shes pa smra ba/ ye shes kyi mtshon cha can/ ye 
shes mtha' yas pa dang ldan pa/ thams cad mkhyen pa/ thams cad gzigs pa/ stobs bcu dang ldan pa/ mi 'jigs pa bzhi dam pa'i pha rol tu phyin pa thob pa/mi rtog pa rnam par mi rtog pa/ mi gos pa/ nam mkha' dang mtshungs pa/ grangs kyi chos rnams kyis mi 'grangs pa/ 
ma byas pa/ ma skyes pa/ ma 'gags pa/ 'jug pa med pa/ mtha' yas pa/ gnas med pa/ rnam par mi rig pa/ rnam par shes par bya ba ma yin pa/ kun tu rgyu ba med pa/ shin tu dag pa/ nyon mongs pa med pa/ ma byung ba/ spyod pa med pa/ gnas med pa'o snyam mo/ /de 'di 
ltar so sor rtog ste/ gzugs de bzhin gshegs pa ma yin/ gzugs las gzhan pa yang ma yin no/ /de ci'i phyir zhe na/ gal te gzugs las gzhan pa zhig de bzhin gshegs pa yin na ni nam mkha' yang de bzhin gshegs par 'gyur ro/ /de ci'i phyir zhe na/ nam 
mkha' ni gzugs med pa/ bstan du med pa/ thogs pa med pa/ rnam par mi rig pa/ gnas pa med pa/ gzung du med pa/ gnas med pa/ mtshan nyid med pa'o snyam mo/ /de 'di ltar so sor rtog ste/ gal te gzugs de bzhin gshegs pa ma yin/ gzugs las 
gzhan pa yang ma yin na/ ci tshor ba de bzhin gshegs par 'gyur ram/ 'on te tshor ba las gzhan pa zhig snyam mo/ /de 'di ltar so sor rtog ste/ tshor ba de bzhin gshegs pa ma yin/ tshor ba las gzhan pa yang ma yin no/ /de ci'i phyir zhe na/ de bzhin 
gshegs pas ni gang ci tshor yang rung ste de thams cad sdug bsngal ba'o/ /gang sdug bsngal ba de rtog pa'i mtshan nyid do/ /rtog pa'i mtshan nyid gang yin pa de de bzhin gshegs pa ma yin/ tshor ba ni chu'i chu bur lta bu'o/ /ngan pa'o/ /rten cing 'brel par 'byung ba'o/ /

</font><hr>55-1-188a<br><font size=+1>

reg pa 'dus pa las byung ba'o/ /reg pa las skyes pa ni tshor ba'o zhes gsungs na/ de bzhin gshegs pa ni chu'i chu bur lta bu ma yin/ ngan pa ma yin/ rten cing 'brel par 'byung ba ma yin/ de bzhin gshegs pa ni reg pa las skyes pa ma yin/ rig pa 
'dus pa las byung ba ma yin/ tshor ba ji lta ba bzhin du reg pa las skyes pa ma yin no/ /de ci'i phyir zhe na/ de bzhin gshegs pa ni tshor ba thams cad 'gog pa'i ting nge 'dzin la snyoms par zhugs pa ste/ tshor ba dang bral ba/ tshor ba thams cad kyi mchog brnyes pa/ 
gdung ba thams cad shin tu sbyangs pa/ nyon mongs pa dang gtse ba dang gnod pa thams cad spangs pa/ ma bcings pa/ ma grol ba/ yongs su mya ngan las ma 'das pa/ mya ngan las 'das pa'i dbyings rnyog pa med pa'o/ /de bzhin gshegs pa ni ma skyes pa/ rnam par mi rtog pa 
mi mthong ba/ mi thos pa bsnam du med pa/ myang du med pa/ rig par byar med pa/ mtshan mar med pa/ rnam par mi reg pa/ rnam par shes par bya ba ma yin pa'o snyam mo/ /des de ltar so sor brtags na tshor ba de bzhin gshegs pa ma yin/ tshor ba las gzhan pa yang ma yin 
no/ /de ci'i phyir zhe na/ gal te tshor ba las gzhan zhig de bzhin gshegs par 'gyur na ni/ rtswa dang shing gel pa dang / sman dang 'khri shing dang / nags tshal thams cad kyang de bzhin gshegs par 'gyur ro/ /de ci'i phyir zhe na/ rtswa dang shing gel pa dang / sman dang 'khri shing 
'dzings pa dang / nags tshal thams cad ni tshor ba med pa'o snyam mo/ /de 'di ltar so sor rtog ste/ gal te tshor ba de bzhin gshegs pa ma yin/ tshor ba las gzhan pa yang ma yin na/ ci 'du shes de bzhin gshegs pa'am/ 'on te 'du shes las gzhan pa zhig gam snyam 
mo/ /de 'di ltar so sor rtog ste/ 'du shes de bzhin gshegs pa ma yin/ 'du shes las gzhan pa yang ma yin no/ /de ci'i phyir zhe na/ 'du shes ni smig rgyu lta bu/ mig dang gzugs dang snang ba dang / yid la byed pa 'dus pa las nges par byung ba'o/ /de bzhin gshegs 

</font><hr>55-1-188b<br><font size=+1>

pa ni 'du shes ma yin te/ smig rgyu lta bu ma yin/ mig dang gzugs dang / snang ba dang yid la byed pa las nges par 'byung ba ma yin/ 'du shes ji lta ba bzhin du mig dang gzugs dang / snang ba dang yid la byed pa 'dus pa las byung ba ma yin no/ /de ci'i phyir zhe na/ de bzhin 
gshegs pa ni bsam gyis mi khyab pa/ bsam par bya ba ma yin pa/ sems pa med pa/ sems pa dang bral ba/ sems mtshungs pa med pa/ 'gro bar 'jug pa med pa/ 'ong bar 'jug pa med pa/ 'gro ba med pa/ 'gro ba yang dag par gcod pa/ dpags pa ma yin pa/ 
gcad du med pa/ bu ga med pa/ rdzas ma yin pa/ tha dad pa ma yin pa/ dbyer med pa yang dag pa/ rtsom pa med pa/ bzhugs pa med pa/ reg par byar med pa'o snyam mo/ /de 'di ltar so sor rtog ste/ 'du shes de bzhin gshegs pa ma yin/ 'du shes las gzhan pa 
yang ma yin no/ /gal te 'du shes las gzhan pa zhig de bzhin gshegs par gyur na ni shing dang bong ba thams cad kyang de bzhin gshegs par 'gyur ro/ /de ci'i phyir zhe na/ shing dang bong ba thams cad ni 'du shes med pa'o snyam mo/ /de 'di ltar so sor rtog ste/ gal te 'du 
shes de bzhin gshegs pa ma yin/ 'du shes las gzhan pa yang ma yin na ci 'du byed rnams de bzhin gshegs pa'am/ 'on te 'du byed rnams las gzhan pa zhig gam snyam mo/ /de 'di ltar so sor rtog ste/ 'du byed rnams de bzhin gshegs pa ma yin/ 'du byed 
rnams las gzhan pa yang ma yin no/ /de ci'i phyir zhe na/ 'du byed rnams ni dngos po med pa/ brdzun pa slu ba'i chos can/ ma rig pa 'dus pa las byung ba'o/ /'du byed rnams ni ma rig pa 'dus pa las skyed pa yin no/ /de bzhin gshegs pa ni dngos po med pa ma yin/ brdzun 
pa ma yin/ slu ba'i chos ma yin/ 'du byed rnams ji lta ba bzhin du ma rig pa 'dus pa las skyes pa ma yin no/ /de ci'i phyir zhe na/ de bzhin gshegs pa ni ma rig pa 'gog pa'i ting nge 'dzin la snyoms par zhugs pa ste/ gzugs na spyod pa'i ting nge 'dzin mtshan ma dang 

</font><hr>55-1-189a<br><font size=+1>

bcas pa dang / mi g.yo ba'i ting nge 'dzin las shin tu 'das nas 'du shes dang tshor ba 'gog pa nye bar bsgrubs te gnas pa'o/ /de bzhin gshegs pa ni zhi ba'o/ /mi snang ba'o/ /bltar mi mthong ba'o/ /mtha' yas pa'o/ /sprin dang mtshungs pa'o/ /rab tu ma zhi ba'o/ /
rab tu zhi ba ma yin pa'o/ /zhi ba dang bral ba'o/ /zhi ba med pa'o/ /dag pa'o/ /nyon mongs pa med pa'o/ /len pa med pa'o/ /byams pa med pa'o/ /'khor byed med pa'o/ /'khor byed dang bral ba'o/ /mi gnas pa'i tshul gyis gnas pa'o/ /mdud pa med pa'o/ /'chi 'pho med pa'o/ /
'chi 'pho bar mi 'gyur ba'o/ /chos ma yin pa'o/ /chos ma yin pa yang ma yin pa'o/ /zhing ma yin pa'o/ /zhing ma yin pa yang ma yin pa'o/ /mi zad pa'o/ /mi zad pa yang ma yin pa'o/ /zad pa dang bral ba'o/ /skad cig pa'o/ /mi 'khrugs pa'o snyam mo/ /de 'di ltar so sor 
rtog ste/ 'du byed rnams de bzhin gshegs pa ma yin/ 'du byed rnams las gzhan pa yang ma yin no/ /de ci'i phyir zhe na/ gal te 'du byed rnams las gzhan pa zhig de bzhin gshegs par gyur na ni/ de bzhin gshegs pa dngos po med par 'gyur ro/ /de ci'i phyir zhe na/ dngos 
po med pa ni 'du byed pa ma yin pa'i phyir ro/ /de 'di ltar so sor rtog ste/ gal te 'du byed rnams de bzhin gshegs pa ma yin/ 'du byed rnams las gzhan pa yang ma yin na/ ci rnam par shes pa de bzhin gshegs par 'gyur ram/ 'on te rnam par shes pa las gzhan pa 
zhig gam snyam mo/ /de 'di ltar so sor rtog ste/ rnam par shes pa de bzhin gshegs pa ma yin/ rnam par shes pa las gzhan pa yang ma yin no/ /de ci'i phyir zhe na/ rnam par shes pa ni sgyu ma lta bu/ gsob gsog yang dag pa ma yin pa/ 'du byed 'dus pa las skyes 
pa/ tshul bzhin ma yin pa yid la byed pa/ 'dus pa las byung ba yin no/ /de bzhin gshegs pa ni gsob ma yin/ yang dag pa ma yin pa ma yin/ tshul bzhin ma yin pa yid la byed pa 'dus pa las nges par skyes pa ma yin/ rnam par shes pa ji lta ba bzhin du tshul 

</font><hr>55-1-189b<br><font size=+1>

bzhin ma yin pa yid la byed pa 'dus pa las byung ba ma yin no/ /de ci'i phyir zhe na/ de bzhin gshegs pa ni sems dang yid dang rnam par shes pa dang bral ba/ yi ge med pa/ sgra med pa/ yul med pa/ dngos po med pa/ sems med pa/ ldan pa ma yin pa/ mi ldan pa yang ma 
yin pa/ blo gros med pa/ blo gros med pa yang ma yin pa/ rtogs pa med pa/ rtogs pa med pa yang ma yin pa/ 'gro ba med pa/ 'gro ba med pa yang ma yin pa/ gnyis su med pa/ gnyis lta bur bya ba ma yin pa/ mi 'da' ba/ mtshan nyid med pa/ mtshan nyid dang bral ba/ 
mtshan nyid ma yin pa/ ma spros pa/ sgo ma yin pa/ chags pa med pa/ chags pa dang bral ba/ 'thun par byed pa/ de bzhin nyid kyis rab tu phye ba/ de kho na ma yin pa/ de kho na ma yin pa yang ma yin pa'o snyam mo/ /de 'di ltar so sor rtog ste/ rnam par shes pa de bzhin 
gshegs pa ma yin/ rnam par shes pa las gzhan pa yang ma yin no/ /gal te rnam par shes pa las gzhan pa zhig de bzhin gshegs par gyur na ni mig yor yang de bzhin gshegs par 'gyur ro/ /de ci'i phyir zhe na/ mig yor ni rnam par shes pa ma yin pa'i phyir ro/ /
de 'di ltar so sor rtog ste/ de bzhin gshegs pa ni 'das pa las mi dmigs/ ma 'ongs pa las ma yin/ da ltar byung ba las mi dmigs so/ /mi dmigs pas mi rtog go/ /rnam par mi rtog go/ /mi rtog na so sor mi gnas so/ /so sor mi gnas na 'phro bar 
mi byed do/ /mi 'phro na zhum par mi 'gyur ro/ /zhum pa med na yongs su gdung ba med do/ /yongs su gdung ba med na kun tu gdung ba med do/ /kun tu gdung ba med na rjes su gdung ba med do/ /gang rjes su gdung ba med na de mi gdung ba'o/ /gang mi gdung ba de kun tu 
mi rgyug go/ /rnam par mi rgyug go/ /gang mi rgyug pa de rnam par mi rgyug go/ /rnam par mi rgyug pa de mi nyams so/ /gang mi nyams pa de rnam par mi 'khyam mo/ /gang rnam par mi 'khyam pa de 'khyam pa med do/ /gang 'khyam pa med pa de 'khyam pa ma yin pa'o/ /

</font><hr>55-1-190a<br><font size=+1>

gang 'khyam pa ma yin pa de rlom sems med pa'o/ /gang rlom sems med pa de bag yod pa'o/ /gang bag yod pa de 'phags pa'o/ /gang 'phags pa de dgra bcom pa'o/ /gang dgra bcom pa gang yin pa de la bdag gi rdul med do/ /sems can gyi rdul 
med do/ /srog gi rdul med do/ /gang zag gi rdul med do/ /phung po'i rdul med do/ /khams kyi rdul med do/ /skye mched kyi rdul med do/ /dngos po'i rdul med do/ /rgyu'i rdul med do/ /rkyen gyi rdul med do/ /dmigs pa'i rdul med do/ /kun 'byung ba'i rdul med do/ /nga rgyal 
gyis lhag par byed pa'i rdul med do/ /tshor ba'i rdul med do/ /'dod chags kyi rdul med do/ /zhe sdang gi rdul med do/ /gti mug gi rdul med do/ /khro ba'i rdul med do/ /khon du 'dzin pa'i rdul med do/ /nga rgyal gyi rdul med do/ /nga rgyal dang 'chab pa dang yongs su gdung ba'i rdul med 
do/ /nga rgyal dang lhag pa'i nga rgyal gyi rdul med do/ /sems can dmyal ba dang dud 'gro dang yi dgas kyi rdul med do/ /gshin rje'i 'jig rten gyi rdul med do/ /'dod pa'i khams kyi rdul med do/ /gzugs kyi khams kyi rdul med do/ /gzugs med pa'i khams kyi rdul med 
do/ /'khor ba'i rdul med do/ /rnam pa de lta bur rdul mi dmigs te/ gang 'dod chags dang bral zhing rdul med pa de dag 'phags pa zhes bya/ dgra bcom pa zhes bya/ grol ba zhes bya/ rnam par grol ba zhes bya/ lha'i dam pa zhes bya/ rtag tu mnyam par gzhag pa zhes bya/ 
sangs rgyas zhes bya ste/ de chos gang la yang rlom sems med do/ /rlom sems med pa kun nas nyon mongs par mi 'gyur ro/ /kun nas nyon mongs pa med na kun tu gdung ba med do/ /kun tu gdung ba med na rang bzhin thob par 'gyur ro/ /rang bzhin thob na chos gang la yang 
mi spyod do/ /mi spyod na 'di ltar ci gzugs byang chub mngon par rdzogs par 'tshang rgya'am/ 'on te tshor ba dang 'du shes dang 'du byed dang / rnam par shes pa byang chub mngon par rdzogs par 'tshang rgya'am/ su zhig byang chub mngon par rdzogs par 'tshang rgya/ ci 

</font><hr>55-1-190b<br><font size=+1>

phung po lnga chos ston tam/ phung po lnga ni yang dag pa ma yin pa/ sgyu ma lta bu/ gsob gsog dngos po med pa/ tshul bzhin ma yin pa yid la byed pa 'dus pa las byung ba'o/ /chos kyi dbyings ni gsob ma yin/ gsog ma yin/ yang dag pa ma yin pa ma yin/ tshul 
bzhin ma yin pa yid la byed pa las byung ba ma yin/ sgyu ma lta bu ma yin/ smig rgyu lta bu ma yin/ chu zla lta bu ma yin/ brag ca lta bu ma yin na su zhig chos 'di ston/ de ci'i phyir zhe na/ bzang skyong chos kyi dbyings ni dag pa/ bden pa/ yang dag pa/ gzhan ma yin pa/ de 
bzhin nyid ma nor ba de bzhin nyid yin na/ de ston pa su yin/ phung po lnga rnams ni mi rtag pa/ sdug bsngal ba/ stong pa/ bdag med pa/ rten cing 'brel par byung ba/ ngan pa 'jig pa'i chos can no/ /byang chub ni ji lta ba bzhin du spros pa med de/ gzung du med pa/ sgra med pa/ mi 
snang ba/ bltar med pa/ mtshan ma med pa/ mtha' yas pa/ nam mkha' dang mtshungs pa/ mnyam pa med pa/ mi mnyam pa dang mnyam pa/ sems dang yid dang / rnam par shes pa dang bral ba/ sgra skad thams cad kyi rjes su zhugs pa/ yul na mi gnas pa/ phyogs na mi 
gnas pa/ brtag tu med pa/ bstan du med pa zhi ba zhi ba dang bral ba/ bsil bar gyur pa/ kun gzhi med pa/ gnas med pa/ 'dus ma byas pa/ mi skye ba/ mi 'gog pa/ mi gnyis pa la gnas pa/ de bzhin nyid gzhan ma yin pa de bzhin nyid/ mi 'gyur ba de bzhin 
nyid/ ma 'ongs pa de bzhin nyid/ 'gro ba med pa'i de bzhin nyid/ 'khor ba dang mya ngan las 'das pa mnyam pa'o/ /bzang skyong de bzhin nyid ni kun nas nyon mongs pa ma yin/ rnam par byang ba ma yin/ rnam par dag pa ma yin no/ /de bzhin nyid ni 'khor ba ma yin yongs 
su mya ngan las 'das pa ma yin no/ /de bzhin nyid ni skye ba ma yin/ 'gag pa ma yin no/ /de bzhin nyid ni tha ma ma yin/ 'bring ma yin/ mchog ma yin no/ /de bzhin nyid ces bya ba ni chos kyi dbyings te/ chos kyi dbyings ni bdag dang chos kyi ngo bo nyid kyi 

</font><hr>55-1-191a<br><font size=+1>

gnas ma yin/ chos kyi rang bzhin gyi gnas ma yin/ chos thams cad kyi gnas ma yin te/ stong pa nyid stong pa nyid kyi gnas/ don dam pa stong pa nyid kyi gnas/ chen po stong pa nyid kyi gnas/ mchog gi stong pa nyid kyi gnas/ shin tu gnas pa'i gnas so/ /
chos kyi dbyings ni mi g.yo ba/ mi gnas pa/ gnas med pa/ rang bzhin med pa/ rgyu ba med pa/ blang ba med pa/ dor ba med pa/ khas len pa med pa/ 'dzin pa med pa'o/ /gang chos 'di shes shing shes pa la yang rlom sems med pa de ni chos kyi dbyings zhes bya'o/ /chos kyi 
dbyings ni sangs rgyas te/ sangs rgyas ni yang dag pa'i mtha'o/ /rdul med pa'o/ /zhi ba'o/ /bsil bar gyur pa'o/ /ma skyes pa'o/ ma 'gags pa'o/ /phung po ni spros pa dang bcas pa ste/ de dag la byang chub sems dpa' 'di ltar so sor rtog ste/ spros pa dang bcas pa'i 
phung po lnga ji ltar byang chub mngon par rdzogs par 'tshang rgya snyam nas/ de 'di ltar so sor rtog ste/ ci gzugs byang chub mngon par rdzogs par 'tshang rgya'am/ 'on te tshor ba dang 'du shes dang 'du byed dang / rnam par shes pa byang chub mngon par rdzogs par 'tshang rgya/ gzugs 
ni bems po/ g.yo ba med pa/ sems pa med pa/ rtswa dang / rtsig pa dang / shing dang / mig yor lta bu ste/ de ni byang chub mngon par rdzogs par 'tshang mi rgya'o/ /tshor ba ni chu'i chu bur lta bu ngan pa/ reg pa 'dus pa las byung ba ste/ de yang byang chub mngon par rdzogs 
par 'tshang mi rgya'o/ /'du shes ni smig rgyu lta bu ste/ mig dang gzugs dang snang ba dang / yid la byed pa 'dus pa las byung ba ste/ de yang byang chub mngon par rdzogs par 'tshang mi rgya'o/ /'du byed rnams ni dngos po med pa brdzun pa slu ba'i chos can/ ma rig pa 
'dus pa las byung ba ste de dag kyang byang chub mngon par rdzogs par 'tshang mi rgya'o/ /rnam par shes pa ni sgyu ma lta bu/ gsob/ gsog /yang dag pa ma yin pa/ 'du byed 'dus pa las nges par skyes pa/ tshul bzhin ma yin pa yid la byed pa 'dus pa las byung ba 

</font><hr>55-1-191b<br><font size=+1>

ste/ de yang byang chub mngon par rdzogs par 'tshang mi rgya'o snyam mo/ /bzang skyong byang chub sems dpa' de 'di ltar so sor rtog ste/ gal te phung po lnga byang chub mngon par rdzogs par 'tshang mi rgya na/ mtshan gyis byang chub mngon par rdzogs par 'tshang rgya'am/ ci chos kyis 
mngon par rdzogs par 'tshang rgya'am/ 'on te dge ba'i rtsa bas sam/ de ji lta bu zhig snyam mo/ /de 'di ltar so sor rtog ste/ mtshan gyis kyang byang chub mngon par rdzogs par 'tshang mi rgya'o/ /gal te mtshan gyis byang chub mngon par rdzogs par 'tshang rgya bar gyur na ni 
'khor los sgyur ba'i rgyal po yang byang chub mngon par rdzogs par 'tshang rgya bar 'gyur ro/ /de ci'i phyir zhe na/ 'khor los sgyur ba yang mtshan sum cu rtsa gnyis dang ldan pa'i phyir ro snyam mo/ /de 'di ltar so sor rtog ste/ gal te mtshan gyis byang chub mngon par rdzogs par 'tshang 
mi rgya na ci chos kyi mngon par rdzogs par 'tshang rgya'am snyam mo/ /de 'di snyam du sems te/ chos kyis kyang byang chub mngon par rdzogs par 'tshang mi rgya'o/ /de ci'i phyir zhe na/ chos ni gzugs med pa/ bstan du med pa/ thogs pa med pa/ rnam par rig pa med pa/ 
gnas med pa/ snang ba med pa/ bstan du med pa/ bltar mi mthong ba/ ma skyes pa/ ma 'gags pa/ nam mkha' dang mtshungs pa ste/ de yang byang chub mngon par rdzogs par 'tshang mi rgya'o snyam mo/ /de 'di ltar so sor rtog ste/ gal te chos kyis byang chub mngon 
par rdzogs par 'tshang mi rgya na dge ba'i rtsa bas byang chub mngon par rdzogs par 'tshang rgya'am/ de ji lta bu zhig snyam mo/ /de 'di snyam du sems te/ dge ba'i rtsa bas kyang byang chub mngon par rdzogs par 'tshang mi rgya'o/ /de ci'i phyir zhe na/ byang chub sems dpa' 
dge ba'i rtsa ba bsdus nas byang chub kyi snying po la mi 'dug la/ sangs rgyas nyid bzung nas kyang mi ldang ste/ de rgyu gzhan dang gzhan la so sor brtags na ma dmigs pa dang / byang chub mngon par rdzogs par 'tshang rgya ba de su zhig snyam mo/ /des de ltar so sor 

</font><hr>55-1-192a<br><font size=+1>

brtags na dge ba'i rtsa ba yang ma dmigs nas/ ci dge ba'i rtsa ba rnams gzugs kyis bsags pa zhig gam/ 'on te tshor ba dang 'du shes dang 'du byed dang / rnam par shes pas sam/ gzugs ni bems po/ g.yo ba med pa/ sems pa med pa ste/ 
des kyang dge ba'i rtsa ba ma bsags/ tshor ba ni chu'i chu bur lta bu ngan pa/ rten cing 'brel par byung ba/ reg pa 'dus pa las byung ba ste/ des kyang dge ba'i rtsa ba ma bsags/ 'du shes ni smig rgyu lta bu/ mig dang gzugs dang / snang ba dang / yid la byed pa 'dus pa 
las byung ba ste/ des kyang dge ba'i rtsa ba ma bsags/ 'du byed ni dngos po med pa/ brdzun pa/ slu ba'i chos can ma rig pa 'dus pa las byung ba ste/ de dag gis kyang dge ba'i rtsa ba ma bsags/ rnam par shes pa ni sgyu ma lta bu/ gsob gsog yang dag pa ma yin pa/ 'du 
byed 'dus pa las nges par skyes pa/ tshul bzhin ma yin pa yid la byed pa 'dus pa las byung ba ste/ des kyang dge ba'i rtsa ba ma bsags so snyam nas des de ltar brtags pa dang / gang gis dge ba'i rtsa ba bsags pa de mi dmigs so/ /des de ltar brtags na mi dmigs te/ mi 
dmigs so snyam pa'i rlom sems kyang med do/ /gang byang chub kyi snying po la 'dug pa de yang mi dmigs te/ mi dmigs so snyam pa'i rlom sems kyang med do/ /des byang chub kyang mi dmigs te/ mi dmigs so snyam pa'i rlom sems kyang med do/ /'di la su zhig mngon par 
rdzogs par 'tshang rgya ba de yang mi dmigs te/ mi dmigs so snyam pa'i rlom sems kyang med do/ /des de ltar so sor brtags nas byang chub kyi rlom sems kyang med/ sems can gyi rlom sems kyang med/ sangs rgyas kyi ye shes kyi rlom sems kyang med pa de bzang skyong 
bla na med pa yang dag par rdzogs pa'i byang chub ste/ de chos gang la yang rlom sems med do/ /de ci'i phyir zhe na/ de chos gang yang skye ba yang mi mthong / 'gag pa yang mi mthong ste/ yang dag pa ji lta ba bzhin du zhi ba'i gnas khong du chud pas de'i phyir sangs 

</font><hr>55-1-192b<br><font size=+1>

rgyas zhes bya ste/ de ni rtog pa dang / rnam par rtog pa dang / kun tu rtog pa thams cad la mi 'jug ste/ de ni zhi ba'o/ /bsil bar gyur pa'o sems dang yid dang rnam par shes pa dang bral ba ni sangs rgyas zhes bya ste/ bzang skyong 'di ni rab tu zhi ba rnam par nges pa'i cho 'phrul zhes bya 
ba'i ting nge 'dzin to/ /bzang skyong ting nge 'dzin 'di la slob pa'i byang chub sems dpa' ni ting nge 'dzin thams cad kyis mngon par 'byung ba yin no/ /de nas bcom ldan 'das la 'jam dpal gzhon nur gyur pas 'di skad ces gsol to/ /bcom ldan 'das gang sangs rgyas bcom ldan 
'das rnams ma skyes/ ma 'gags kyang skye zhing 'gag par kun tu gda' ba dang yi ge gcig kyang mi brjod la/ 'khor bye ba grangs ma mchis pa la chos ston par yang kun tu gda' ba'i sangs rgyas bcom ldan 'das rnams kyi thabs la mkhas pa ni ngo mtshar to/ /de nas bcom ldan 'das 
kyis 'jam dpal gzhon nur gyur pa la 'di skad ces bka' stsal to/ /'jam dpal gang yon tan gyi snying po bcu gnyis kyis mngon par 'phags pa'i sangs rgyas kyi zhing du bla na med pa yang dag par rdzogs pa'i byang chub mngon par rdzogs par sangs rgyas la bskal pa snyigs ma yang 
kun tu ston pa dang dus snyigs ma dang / sems can snyigs ma dang / nyon mongs pa snyigs ma dang / tshe snyigs ma dang / theg pa tha dad pa dang kun nas nyon mongs pa can gyi sangs rgyas kyi zhing nye bar ston pa dang / chos ston pa sna tshogs dang sems can yongs su smin par byed pa sna 
tshogs dang / gzhan mu stegs can gyis dkrugs pa'i nyon mongs pa dang / bdud dang bdud kyi nye ba'i nyon mongs pa dang / bdud kyi las dang pha rol gyi dmags tshogs kyis gtse ba'i nyon mongs pa dang / yul 'khrug pa dang khrag khrug dang / chom po'i nye ba'i nyon mongs pa dang / 
kla klos dkrugs pa dang / rkun pos dkrugs pa dang / mu ges dkrugs pa dang / gnod sbyin dang / srin po dang / yi dgas dang / sha za dang / grul bum dang / lus srul po'i 'khrug pa yang kun tu ston cing sangs rgyas kyi zhing de na nyes pa de dag kyang med la/ de bzhin 

</font><hr>55-1-193a<br><font size=+1>

gshegs pa'i sngon gyi dge ba'i rtsa ba dang / spyod pa dang smon lam dang thabs la mkhas pa'i stobs kyi byin gyi rlabs kyis 'dul ba ji lta ba bzhin du sems can yongs su smin par byed pas sems can rnams kyi bya ba de dag shes kyang de bzhin gshegs pa ni thams 
cad du btang snyoms pa ste/ rnam par mi rtog pa 'di yang de bzhin gshegs pa'i thabs mkhas par blta'o/ /de skad ces bka' stsal pa dang / bcom ldan 'das la 'jam dpal gzhon nur gyur pas 'di skad ces gsol to/ /sangs rgyas kyi zhing de yon tan gyi snying po gang dag 
dang ldan pa dang / yon tan gang dang ldan na sangs rgyas kyi zhing der sangs rgyas bcom ldan 'das rnams mngon par rdzogs par 'tshang rgya ba'i yon tan gyi snying po bcu gnyis po de bcom ldan 'das kyis bshad du gsol/ bcom ldan 'das kyis bka' stsal pa/ 'jam dpal 
sangs rgyas kyi zhing de ni bskal pa'i snying po dang ldan pa yin/ dus kyi snying po dang ldan pa yin/ sems can gyi snying po dang ldan pa yin/ zhing gi snying po dang ldan pa yin/ theg pa'i snying po dang ldan pa yin/ sa'i snying po dang ldan pa yin/ sangs rgyas kyi zhing de bstan pa'i 
snying po dang ldan pa yin sangs rgyas kyi zhing der gzhan mu stegs can spyod pa pa dang / kun du rgyu dang gcer bu pa rnams mi rgyu ba yin/ sangs rgyas kyi zhing de bsam pa dang lhag pa'i bsam pa dang ldan pa yin/ sangs rgyas kyi zhing de ni rang bzhin gyis dkar po'i chos dang ldan pa'i 
sems can rnams gnas pa yin/ sangs rgyas kyi zhing de 'phags pa'i skye bo'i snying po dang ldan pa yin/ sangs rgyas kyi zhing der sngon gyi de bzhin gshegs pa rnams gshegs shing rjes su gshegs pa yin te/ 'jam dpal sangs rgyas kyi zhing de ni yon tan gyi snying po bcu 
gnyis po de dag dang ldan pa yin no/ /der sangs rgyas bcom ldan 'das rnams bla na med pa yang dag par rdzogs pa'i byang chub mngon par rdzogs par 'tshang rgya'o/ /'jam dpal khyod kyis rnam grangs 'dis kyang nga'i sangs rgyas kyi zhing na nyan thos dang rang sangs rgyas kyi theg pa tha dad pa rnam par 

</font><hr>55-1-193b<br><font size=+1>

gzhag pa med par rig par bya'o/ /de ci'i phyir zhe na/ tha dad pa'i 'du shes dang bral ba'i phyir ro/ /'jam dpal gal te de bzhin gshegs pa sems can kha cig la ni theg pa chen po ston/ kha cig la ni rang sangs rgyas kyi theg pa dang / sems can kha cig la ni nyan thos kyi theg pa ston tam/ 
de ltar gyur na de bzhin gshegs pa sems yongs su ma dag par 'gyur/ sems mi snyoms par 'gyur/ mngon par chags par 'gyur/ de bzhin gshegs pa nyi tshe ba'i snying rje dang ldan par 'gyur/ de bzhin gshegs pa sna tshogs kyi 'du shes kyi skyon du ltung bar 'gyur/ de bzhin 
gshegs pa slob dpon chos kyi dpe mkhyud byed par 'gyur ro/ /'jam dpal de bzhin gshegs pa chos gang ci ston kyang rung / chos de dag thams cad kyang theg pa chen po la gzhol ba/ theg pa chen po la 'bab pa/ theg pa chen po la bab pa/ thams cad mkhyen pa'i ye shes sgrub pa/ thams cad mkhyen pa'i ye shes thob 
par byed pa/ thams cad mkhyen pa'i ye shes thob par bya ba'i phyir 'jug pa ste/ 'jam dpal de'i phyir sangs rgyas kyi zhing de na theg pa tha dad pa rnam par gzhag pa med do/ /'jam dpal gyis gsol pa/ bcom ldan 'das gal te theg pa tha dad pa rnam par gzhag pa ma mchis na/ 'di ni nyan 
thos kyi theg pa'o/ /'di ni rang sangs rgyas kyi theg pa'o/ /'di ni theg pa chen po'o zhes bcom ldan 'das kyis sems can rnams la theg pa gsum bstan pa de ji lta bu lags/ bcom ldan 'das kyis bka' stsal pa/ 'jam dpal theg pa tha dad pa zhes bya ba de ni sa rnam par 
gzhag pa'i tshig bla dgas so/ /'jam dpal rab 'bring tha ma'i chos bstan pa zhes bya ba de ni de bzhin gshegs pas chos kyi mtshan nyid rnam par gzhag par bstan to/ /de ni de bzhin gshegs pas gang zag rnam par gzhag par gzhag go/ /tshogs chung ngu bsags pa'i 
sems can rnams dang / bsod nams kyi tshogs tshad med pa bsags pa'i sems can rnams yongs su smin par bya ba'i phyir theg pa tha dad par gzhag gis theg pa ni tha dad du dbyer med do/ /de ci'i phyir zhe na/ chos kyi dbyings dbyer med pa'i phyir ro/ 'jam dpal 

</font><hr>55-1-194a<br><font size=+1>

theg pa bstan pa zhes bya ba de ni de bzhin gshegs pas sgrib pa med par gsungs so/ /'jam dpal 'di lta ste dper na/ 'phong gi slob dpon mkhas pa 'phong shes pa'i mchog gi pha rol tu phyin pa/ thabs dang spyod lam rnam pa sna tshogs dang 'bad pa dang spyod lam 
sna tshogs ston cing slob ma la 'phong slob kyang 'phong shes pa de gcig yin pa de bzhin du/ 'jam dpal de bzhin gshegs pa chos kyi 'phong gi slob dpon mkhas pa yang chos kyi tshul sna tshogs la 'jug pas khams dang / bsam pa dang mos pa tha dad par sems can rnams la 
bla na med pa yang dag par rdzogs pa'i byang chub gcig las theg pa gsum du ston to/ /'jam dpal 'di lta ste dper na/ me stag chung ngu yar ba yang rtswa'i rgyu dang ldan zhing mched na sreg pa'i bskal pa'i me lta bur tshig par nus par 'gyur ro/ /'jam dpal de bzhin du phyir mi ldog 
pa'i ye shes kyi snang ba'i me stag gcig po de yang nyon mongs pa thams cad sreg pa'i phyir mthar gyis mched cing de bzhin gshegs pa'i ye shes chen po'i snang ba'i bar du byed nus par 'gyur ro/ /'jam dpal 'di lta ste dper na/ ri dgas phra mo thams cad ri dgas kyi rgyal po seng ge 
ral pa can gyis mdun na 'dug par nus pa med do/ /'jam dpal de bzhin du gzhan mu stegs can spyod pa pa dang / kun tu rgyu dang gcer bu pa dang / 'tsho ba can thams cad de bzhin gshegs pa'i mdun na 'dug par ram tshig smra bar nus pa med de/ stobs bcu'i stobs dang / 
mi 'jigs pa bzhis 'jigs pa med pa'i skyes bu chen po'i seng ge'i mdun na sgra sgrog par 'gyur ba de lta bu'i gnas med de/ sems can yongs su smin par bya ba'i phyir de bzhin gshegs pas byin gyis brlabs pa ni ma gtogs so/ /'jam dpal 'di lta ste dper na nyi ma'i 
dkyil 'khor shar ba 'od zer gyi dra ba brgya stong grangs med pa rab tu 'byed pas/ srin bu me khyer thams cad 'od med cing / lam me ma yin lhang nge ma yin te/ mdzes pa ma yin no/ /'jam dpal de bzhin du de bzhin gshegs pa'i bla na med pa'i ye shes chen po'i 

</font><hr>55-1-194b<br><font size=+1>

nyi ma'i dkyil 'khor shar nas/ ye shes chen po'i 'od zer brgya stong grangs med pa rab tu bkye bas/ gzhan mu stegs can spyod pa pa dang / kun tu rgyu dang gcer bu pa la sogs pa thams cad 'od med par 'gyur te/ lam me ma yin/ lhang nge ma yin zhing / mdzes pa ma yin pa 'di 
ni de bzhin gshegs pa'i byin gyi rlabs su shes par bya'o/ /de bzhin gshegs pa'i thabs mkhas pa'i yul de ni bsam gyis mi khyab ste/ des na sangs rgyas kyi zhing der gzhan mu stegs can spyod pa pa dang / kun tu rgyu dang gcer bu pa rnams kun tu snang ngo / /de ci'i 
phyir zhe na/ gzhan mu stegs can gyi sgo de dag thams cad ni rnam par thar pa dang / ting nge 'dzin bsam gyis mi khyab pa la gnas pa/ shes rab kyi pha rol tu phyin pa las nges par byung ba/ thabs mkhas pa chen pos rnam par rtsen pa/ sangs rgyas dang chos dang dge 'dun yid la byed 
pa dang ma bral ba/ sems can yongs su smin par byed pa'i mchog gi pha rol tu son pa ste/ sems can yongs su smin par bya ba'i phyir de bzhin gshegs pa'i byin gyi rlabs kyis byin gyis brlabs pa dag go/ /'jam dpal 'di lta ste dper na/ stong gsum gyi stong chen po'i 'jig rten gyi 
khams kyi rdul phra rab kyi rdul snyed kyi sems can de dag sems can re re nas/ 'dzam bu'i gling la dbang ba'i rgyal por gyur te/ de dag thams cad kyis tshig 'di skad ces bdag cag gis theg pa chen po gang len pa 'dzin pa dang / klog pa dang / kun chub par byed pa de'i sha las nyi ma re re 
zhing yang srang lnga lnga sen mos gcad par bya ste/ de tshul de lta bus srog dang dbral lo zhes smra ba la/ 'jam dpal gal te byang chub sems dpa' de skad smra bas mi skrag mi dngang dngang bar mi 'gyur te/ tha na skrag pa'i sems kyang mi skyed/ zhum pa med/ god pa med/ the tshom med la/ 
phyir zhing chos yongs su gzung ba la brtson te/ klog pa dang kha ton byed pa la brtson par 'gyur ba'i byang chub sems dpa' de ni/ 'jam dpal/ sems dpa' ba/ sbyin pa la dpa' ba/ tshul khrims la dpa' ba/ bzod pa la dpa' ba/ brtson 'grus la dpa' ba/ bsam 

</font><hr>55-1-195a<br><font size=+1>

gtan la dpa' ba/ shes rab la dpa' ba/ ting nge 'dzin la dpa' ba zhes bya'o/ /'jam dpal gal te byang chub sems dpa' de gsod pa'i mi de dag la mi khro zhing / tha ba dang zhe sdang gi sems mi skyed na/ 'jam dpal byang chub sems dpa' de ni tshangs pa dang mtshungs pa/ 
dbang po dang mtshungs pa/ lhun po dang mtshungs pa/ mi g.yo ba/ snying rje dang ldan pa/  byams pa la gnas pa/ sems can thams cad kyi bsam pa gso ba la mos pa/ phyir mi ldog pa'i spyod yul ba/ sems sa dang mtshungs pa/ sems chu dang mtshungs pa/ sems me dang 
mtshungs pa/ sems nam mkha' dang mtshungs pa zhes bya ste/ sems can thams cad kyi 'dod chags dang / zhe sdang dang / gti mug dang / tha ba sel ba'i phyir zhugs pa'o/ /'jam dpal gang gis gang gA'i klung gi bye ma snyed kyi sangs rgyas rnams las sangs rgyas re re la yang 
gang gA'i klung gi bye ma snyed kyi sangs rgyas kyi zhing nor bu rin po che dbang gi rgyal pos rab tu bkang ste/ dbul ba phul la/ de ltar dbul bas gang gA'i klung gi bye ma snyed kyi bskal par dbul ba phul ba bas/ 'jam dpal byang chub sems dpa' gzhan gang gis rnam pa 'di lta bu'i 
chos 'di thos nas/ phyogs gcig tu song ste/ 'di ltar sems kyis mngon par rtog cing 'di lta bu'i chos la bslab par bya'o zhes slob par 'dod na/ des ma bslabs su zin kyang bsod nams ches mang du skyed de/ byang chub sems dpa' nor bu rin po che dbang gi rgyal po sbyin 
pa'i bsod nams ni de lta ma yin no/ /de ci'i phyir zhe na/ de'i sems bskyed ma thag pa des chos bzhi yongs su 'dzin pa'i phyir te/ bzhi gang zhe na/ byams pa yongs su bzung ba yin/ 'das pa dang ma 'ongs pa dang da ltar byung ba'i sangs rgyas bcom ldan 'das rnams 
kyi bka' dang mi 'gal bar byas pa yin/ de nan tan snying por byed pa yin/ myur du bla na med pa yang dag par rdzogs pa'i byang chub mngon par rdzogs par 'tshang rgya ba yin te/ chos bzhi po de dag yongs su 'dzin to/ /gzhan yang chos bzhi yongs su 'dzin te/

</font><hr>55-1-195b<br><font size=+1>

bzhi gang zhe na/ de bzhin gshegs pa'i stobs bcu dang / mi 'jigs pa bzhi dang /so so yang dag par rig pa bzhi dang / sgrib pa med pa'i blo'i rnam par thar pa yongs su 'dzin pa ste bzhi po de dag go/ /'jam dpal chos bzhi dang ldan na byang chub sems dpa' sems dpa' 
chen po zhes bya ste/ bzhi gang zhe na/ dus su sbyin pa dang / g.yo med cing sgyu med pa dang / lhag pa'i bsam pas byang chub tu sems bskyed pa dang mi 'bral ba dang / sems dang po bskyed pa'i byang chub sems dpa' la yang shin tu gus pa ste chos bzhi po de dag dang ldan na/ byang 
chub sems dpa' sems dpa' chen po zhes bya'o/ /'jam dpal gal te byang chub sems dpa' la rgyal po'am/ blon po chen po gang zhig 'di skad ces gal te khyod sems can gcig gi don du dge ba'i rtsa ba gcig yang dag par bsgrubs te/ tha na dud 'gro'i skye gnas su song ba 
la zan chang gcig tsam sbyin zhing bsgrub na yang de'i phyir ngas khyod kyi sha sen mos btogs te med par bya'o zhes zer la/ gal te byang chub sems dpa' de skad zer ba la mi skrag mi dngang dngang bar mi 'gyur zhing 'jigs pa med kyi/ 'di ltar sems skyed de/ gang gA'i klung gi bye ma snyed 
kyi lus kyi sha sen mos bcad de bor yang bdag spro bar bya'i bdag sems can gcig gi phyir yang ji tsam du chung ngu na yang dge ba'i rtsa ba gcig yang dag par mi bsgrub tu mi gtang ngo snyam nas sems bskyed pa gcig po des byang chub sems dpa' des phyogs bcu'i 'jig rten gyi khams 
thams cad kyi rdul snyed kyi gtan pa med pa'i mchod sbyin zil gyis gnon to/ /phyogs bcu'i 'jig rten gyi khams thams cad kyi rdul phra rab kyi rdul snyed kyi byang chub sems dpa' rnams kyi sbyin pa las byung ba'i dge ba'i rtsa ba rnams kyang zil gyis gnon te/ bla na med pa 
yang dag par rdzogs pa'i byang chub las phyir mi ldog par 'gyur ro/ /gang gA'i klung gi bye ma snyed kyi 'khor los sgyur ba'i rgyal po myong bar 'gyur ro/ /de bzhin du gang gA'i klung gi bye ma snyed kyi brgya byin dang tshangs pa 'thob cing myong bar 'gyur ro/ /de ci'i phyir 

</font><hr>55-1-196a<br><font size=+1>

zhe na/ 'jam dpal byang chub sems dpa' gang gis sems can rnams la snying rje bskyed na de snying rje dang ldan pa'i dge ba'i rtsa ba des chos bzhi yongs su 'dzin te/ bzhi gang zhe na/ brtan pa'i sems yongs su 'dzin pa dang / khong khro ba med pa'i sems dang / snying 
rje chen po yongs su 'dzin pa dang / phyin ci log gi shes pa spangs nas phyin ci ma log pa'i ye shes 'thob pa'o/ /gzhan yang chos bzhi yongs su 'dzin te/ bzhi gang zhe na/ tshul khrims phun sum tshogs pa mchog yongs su 'dzin te/ tshul khrims phun sum tshogs pa mchog de dang 
ldan pas byang chub sems dpa' lha gzhan la rton par mi 'gyur ba dang / dran pa phun sum tshogs pa mchog 'thob ste/ dran pa phun sum tshogs pa mchog de dang ldan pas byang chub sems dpa' skye bar skye na/ tshe rabs dran par 'gyur ba dang / dge ba'i bshes gnyen phun sum tshogs pa 
mchog yongs su 'dzin te/ dge ba'i bshes gnyen phun sum tshogs pa mchog de dang ldan pas byang chub sems dpa' sangs rgyas 'byung ba dang 'bral bar mi 'gyur/ sangs rgyas 'byung ba dang mi 'bral ba'i sangs rgyas kyi zhing du skye bar 'gyur/ gal te sangs rgyas ni ma byung la 'dzam bu'i 
gling du skyes na yang skyes bu dam par 'gyur/ 'dzam bu'i gling na sbyin pa'i gnas gcig pur 'gyur/ rang sangs rgyas dang gzhan mngon par shes pa lnga dang ldan pa dang 'dod pa'i 'dod chags dang bral ba de dag mgu bar byed par 'gyur/ de dag mgu bar byas nas/ bsod snyoms 'bul bar 
'gyur ba dang / lha rnams kyis yongs su bzung bar 'gyur te/ nam bag med par gyur pa de'i tshe yang gnas gtsang ma'i ris kyi lha'i bu rnams kyis skul bar 'gyur/ bskul nas kyang bla na med pa yang dag par rdzogs pa'i byang chub la brtson 'grus rtsom par 'gyur/ de'i dran 
pa chud mi za bar 'gyur/ byang chub yang dag par 'grub pa'i rgyur brtson 'grus rtsom par 'gyur ro/ /'jam dpal byang chub sems dpa' de sems bskyed pa des rnam par dag par byed pa'i chos lnga yongs su 'dzin te/ lnga gang zhe na/ tshul khrims rnam par dag pa 

</font><hr>55-1-196b<br><font size=+1>

yongs su 'dzin pa dang / lus rnam par dag pa dang mtshan phun sum tshogs pa 'thob pa rnam par dag pa dang dge ba'i rtsa ba sbyangs pa rnam par dag pa dang / sangs rgyas la rten/ chos la rten/ dge 'dun la rten/ byang chub sems dpa' la rten/ byang chub tu sems bskyed pa 
la rten pa yongs su 'dzin pa yin te/ 'jam dpal rnam par dag par byed pa'i chos de dag yongs su 'dzin par 'gyur ro/ /'jam dpal rigs kyi bu'am/ rigs kyi bu mo gang la las 'dzam bu'i gling pa'i sems can thams cad kyi srog bcad de/ de dag gi bdog pa thams cad 
phrogs pa bas/ 'jam dpal rigs kyi bu'am rigs kyi bu mo gang gzhan zhig gis byang chub sems dpa' dge ba'i rtsa ba gcig gi sems bskyed pa/ tha na dud 'gro'i skye gnas su song ba la zan chang gcig byin pa dang ldan pa'i dge ba'i rtsa ba'i bar chad byas na/ de de bas ches sdig 
pa grangs med par skyed do/ /de ci'i phyir zhe na/ sangs rgyas 'byung ba skyed pa'i dge ba'i rtsa ba'i bar chad byed par gnas pa'i phyir ro/ /'jam dpal rigs kyi bu'am rigs kyi bu mo gang la la mdo sde dkon mchog sangs rgyas kyi ye shes skyed pa rnam pa 'di lta bu 'di la mos pa'i byang 
chub sems dpa' la smod cing bsngags pa ma yin pa brjod/ 'dum par mi byed/ dge ba'i rtsa ba dang bral bar byed de/ dge ba'i rtsa ba la mos pa dang bral bar byed cing bar chad byed na/ de mi dge ba'i rtsa ba bsags pa des sems can dmyal ba chen po rnams su skye bar 'gyur ro/ /
de der skyes nas lus dpag tshad lnga brgya pa 'grub bo/ /lus de la yang mgo lnga brgyar 'gyur ro/ /mgo bo re re la yang lce lnga brgya lnga brgyar 'gyur ro/ /lce re re la yang thong gshol lnga brgya lnga brgyas rmo bar 'gyur te/ bskal pa ji snyed cig gis byang chub sems dpa' de byang chub 
mngon par rdzogs par 'tshang rgya ba de snyed kyi bskal par sems can dmyal ba chen po rnams su skyes nas sdug bsngal chen po myong bar 'gyur ro/ /de ci'i phyir zhe na/ de sangs rgyas 'byung ba'i bar chad bya bar zhugs pa'i phyir ro/ /gang sangs rgyas 'byung ba'i bar chad bya ba'i 

</font><hr>55-1-197a<br><font size=+1>

phyir zhugs pa de sangs rgyas kyi rigs gcod pa'i phyir zhugs pa'o/ /chos kyi rigs gcod pa'i phyir zhugs pa'o/ /dge 'dun gyi rigs gcod pa'i phyir zhugs pa'o/ /de lha'i rigs gcod pa'i phyir zhugs pa'o/ /de tshangs pa thams cad kyi rigs gcod pa'i phyir 
zhugs pa'o/ /de mi'i 'jig rten gcod pa'i phyir zhugs pa'o/ /de sems can thams cad kyi bde bar sbyar ba thams cad gcod pa'i phyir zhugs pa'o/ /'jam dpal gang la la byang chub sems dpa'i dge ba'i rtsa ba gcod pa'i phyir 'jug pa de la rnam pa de lta bu'i sdug bsngal chen 
po skye bar 'gyur ro/ /de ci'i phyir zhe na/ byang chub sems dpa' de dag thams cad ni dge ba'i rtsa ba'i tshogs thams cad kyis byang chub mngon par rdzogs par 'tshang rgya'o/ /mngon par rdzogs par sangs rgyas nas kyang sems can rnams la chos kyi 'khor lo rab tu skor ro/ /chos thos 
nas kyang rgyun du zhugs par 'gyur/ lan cig phyir 'ong ba dang / phyir mi 'ong ba dang / dgra bcom par 'gyur/ rang rgyal bar 'gyur/ rgyal po chen po bzhir 'gyur/ sum cu rtsa gsum dang 'thab bral dang / dga' ldan dang 'phrul dga' dang / gzhan 'phrul dbang byed kyi 
lhar 'gyur/ zla ba dang nyi mar 'gyur/ skar ma dang rgyu skar dang / tshogs dang tshogs kyi bdag po chen por 'gyur/ drag po dang drag po chen por 'gyur/ sangs rgyas las brten te/ tshangs par 'gyur/ tshangs pa chen por 'gyur/ tshangs pa'i mdun na 'don du 'gyur/ 
'od chung dang tshad med 'od dang / 'od gsal dang dge chung dang / tshad med dge dang / dge rgyas dang sprin med dang / bsod nams skyes dang / 'bras bu che dang / mi che dang mi gdung dang / gya nom snang dang shin tu mthong dang / 'og min gyi lha rnams su 'gyur/ sangs rgyas 
las brten te 'khor los sgyur ba'i rgyal por 'gyur/ stobs kyi 'khor los sgyur bar 'gyur/ rgyal phran du 'gyur/ drang srong mngon par shes pa lnga can 'jig rten du 'byung bar 'gyur/ sangs rgyas las brten te dge ba bcu'i las kyi lam 'jig rten du snang bar 'gyur/

</font><hr>55-1-197b<br><font size=+1>

sangs rgyas las brten te mi'i 'jig rten 'byung bar 'gyur/ sangs rgyas las brten te skyid pa dang / nor che ba dang mdzod mang ba dang / lus shin tu 'jam par 'gyur/ glang po ches 'gro bar 'gyur/ rtas 'gro ba dang / dpung bu chung gis 'gro bar 'gyur ro/ /'jam dpal byang chub sems 
dpa' gang la la gzhan gyi khyim rnams su byang chub sems dpa' la phrag dog dang / ser sna byed na des de'i tshe gzhi de las 'jigs pa chen po gsum shes par bya ste/ gsum gang zhe na/ sems can dmyal bar skye ba'i 'jigs pa dang / dmus long gi 'jigs pa dang /yul mtha' 
'khob tu skye ba'i 'jigs pa dang / 'jigs pa gsum mo/ /'jam dpal gal te byang chub sems dpas bsod snyoms blangs te/ rid pa dang phongs pa dang sprang po dang / slong ba rnams la bgos te byin na de dge ba'i rtsa ba des tshe brjes nas 'khor los sgyur ba'i rgyal po rdzu 'phrul chen po 
dang ldan par 'gyur ro/ /'jam dpal gal te byang chub sems dpa' khyim pa la chos ston cing snying rje bas don du 'dod/ phan par 'dod/ sems can de dag la bde ba dang / grub par 'dod kyi rnyed pa dang / bkur sti don du mi gnyer na de dge ba'i rtsa ba des shes rab rno bar 'gyur 
'khor los sgyur ba'i rgyal po rdzu 'phrul chen po dang ldan par 'gyur/ brgya byin rdzu 'phrul chen po dang ldan par 'gyur/ tshangs pa rdzu 'phrul chen po dang ldan par 'gyur/ mi'i dam pa sangs rgyas su 'gyur ro/ /'jam dpal gal te byang chub sems dpa' sdug bsngal ba'i sems 
can mthong na snying rje skyed cing / bde ba'i sems can mthong na mchog tu dga' ba skyed na de tshe brjes nas dge ba'i rtsa ba des lus gser gyi mdog can du 'gyur ro// //bam po gsum pa ste tha ma/ de nas bcom ldan 'das la 'jam dpal gzhon nur gyur 
pas 'di skad ces gsol to/ /bcom ldan 'das gang du 'phags pa'i lam brjod par 'gyur/ bcom ldan 'das kyis bka' stsal pa/ 'du byed yod pa la 'phags pa'i lam brjod par 'gyur ro/ /'phags pa'i lam yang gnas pa med pa'o/ /gnas med pa la 

</font><hr>55-1-198a<br><font size=+1>

rnam par shes pa gnas pa med do/ /rnam par shes pa gnas pa med na 'phags pa'i lam la gnas pa zhes bya'o/ /'phags pa'i lam gyi gnas gang yin pa de ni mig gi gnas/ rna ba'i gnas/ sna'i gnas/ lce'i gnas/ lus kyi gnas/ yid kyi 
gnas so/ /de ci'i phyir zhe na/ mig ni mig gis dben no/ /de bzhin du rna ba dang / sna dang / lce dang / lus dang / yid ni yid kyis dben no/ /cis dben zhe na 'das pas dben no/ /ma 'ongs pas dben no/ /da ltar byung bas dben no/ /mig gi dben pa la mig gi dben pa 
yod pa yang ma yin/ med pa yang ma yin no/ /de bzhin du rna ba dang / sna dang / lce dang / lus dang / yid kyi dben pa la yid kyi dben pa yod pa yang ma yin/ med pa yang ma yin no/ /gzugs dang sgra dang dri dang ro dang reg bya dang / chos kyi dben pa la chos kyi dben pa yod pa 
yang ma yin/ med pa yang ma yin no/ /de ci'i phyir zhe na/ bdag dang bdag gi dang / rtag pa dang brtan pa dang / ther zug dang mi 'gyur ba'i chos can shin tu dben pa'i phyir te/ stong pa zhes kyang mi brjod/ mi stong pa zhes kyang mi brjod kyi de ni 'das pa zhes kyang mi brjod la/ 
'das pa ma yin pa zhes kyang mi brjod do/ /ma 'ongs pa zhes kyang mi brjod la/ ma 'ongs pa ma yin pa zhes kyang mi brjod do/ /da ltar byung ba zhes kyang mi brjod la/ da ltar byung ba ma yin pa zhes kyang mi brjod do/ /'di ni 'das pa dang ma 'ongs pa dang da ltar byung ba zhes kyang mi 
brjod la/ brjod pa yang ma yin no/ /de ci'i phyir zhe na/ 'di ni 'das pas stong ngo / /ma 'ongs pas stong ngo / /da ltar byung bas stong ngo / /gang 'das pas stong pa dang ma 'ongs pas stong pa dang da ltar byung bas stong pa de ni 'das pas dag pa'o/ /ma 'ongs pas dag go/ /
da ltar byung bas dag go/ /'jam dpal 'di ji snyam du sems/ gang gzhom pa ma yin pa de gzhom par nus sam/ gsol pa/ bcom ldan 'das de ni mi nus so/ /de ci'i slad du zhe na/ de ni mnyam pa lags te/ nam du yang mi mnyam par mi 'gyur ro/ /'jam dpal 

</font><hr>55-1-198b<br><font size=+1>

de bzhin te/ de bzhin gshegs pas mi mnyam pa med par chos bstan to/ /'jam dpal gang mi mnyam pa med na mi gzhom pa'o/ /gang gzhom pa ma yin zhing mnyam pa de ni mi mnyam pa med pa'o/ /ltos pa med pa'o/ /'jug pa med pa'o/ /'gro ba med pa'o/ /'gro 
ba yang dag par chad pa'o/ /shes par bya ba ma yin pa'o/ /gang dag gis shes par bya ba ma yin zhe na/ mig dang rna ba dang sna dang lce dang lus dang yid rnams kyis shes par bya ba ma yin no/ /'du byed du gyur pa thams cad kyis shes par bya ba ma yin no/ /de ni lus kyi 'du byed dang ngag gi 'du 
byed dang / yid kyi 'du byed 'gags pa'o/ /ci'i rgyus 'gag /ci sngon byung ba la de dag phyis 'gags pa zhig gam/ 'on te 'das pa na zhig pas 'gags sam/ gang zhig pas 'gags/ de sngon mi shes pa la rab tu gnas pas mi dge ba'i las mngon par 'du byed do/ /de shes nas 
mngon par 'du mi byed do/ /gang sngon 'phags pa'i chos la ma brten te/ mi shes pa la rab tu gnas pas mi dge ba'i las byed pa de 'phags pa'i lam la brten te/ ye shes kyis rtogs nas mngon par 'du byed do/ /gang ye shes kyis stong pa de stong pa nyid de/ mig ni ye shes 
kyis stong ngo / /rna ba dang sna dang lce dang lus dang yid kyang de bzhin no/ /de ci'i phyir zhe na/ ye shes ni ye shes kyis stong ste/ stong pa nyid mig dang rna ba dang sna dang lce dang lus dang yid do/ /yid mi dmigs pas mig mig la mi gnas so/ /de ci'i phyir zhe na/ shin tu ma 
skyes pa'i phyir mig mi gnas te/ rna ba dang sna dang lce dang lus dang yid kyang de bzhin no/ /yid mi dmigs pas mig dang rna ba dang sna dang lce dang lus dang yid kyang yid la mi gnas so/ /de ci'i phyir zhe na/ mig shin tu ma skyes pa'i phyir te/ mig dang rna ba dang sna dang lce dang 
lus dang yid kyang mi gnas so/ /de mi gnas pas bsil bar gyur pa/ dben pa'i sems kyis gnas so/ /dben pa ci zhe na/ 'jam dpal gang chos thams cad mnyam pa nyid kyi mtha' dang / gnyis su med pa'i mtha' dang / yang dag pa'i mtha' dang / shin tu 

</font><hr>55-1-199a<br><font size=+1>

'byung ba med pa'i mtha' de ni dben pa zhes bya'o/ /'jam dpal dben pa la ni skye ba dang rga ba dang / 'chi ba med do/ /gang la skye ba dang rga ba dang 'chi ba med pa de la sdug bsngal med do/ /gang la sdug bsngal med pa de la sdug bsngal mi 'byung ngo / /gang la sdug 
bsngal mi 'byung ba de 'jigs pa med do/ /gang 'jigs pa med pa de sems dang rnam par shes pa dang bral ba'o/ /gang sems dang rnam par shes pa dang bral ba de ni ma skyes ma 'gags pa'o/ /gang ma skyes pa ma 'gags pa de dben pa ste/ de dang des gnas pas de bzhin 
gshegs pa dgra bcom pa yang dag par rdzogs pa'i sangs rgyas dben par gnas pa zhes bya'o/ /'jam dpal de bzhin gshegs pa ni gnas pa med pa'o/ /de bzhin gshegs par brtags pa ni brtags pa med pa'o/ /chos thams cad mi mthong ba ni de bzhin gshegs pa mthong 
ba'o/ /de bzhin gshegs pa'i tshig ni tshig thams cad las 'das pa ste/ bstan du med pa'o/ /de ci'i phyir zhe na/'jam dpal ngas ni chos thams cad kyi yi ge dang nges pa'i tshig gis bstan pa 'gag pa'i phyir chos ston gyi 'jam dpal de bzhin gshegs pa ni yi ge gcig kyang 
mi brjod do/ /de ci'i phyir zhe na/ de bzhin gshegs pa la sems kyi 'jug pa med do/ /sems kyi las med do/ /sems las nges par sems pa med do/ /sems kyi rgyu ba med do/ /sems yongs su rtogs pa med do/ /sems kyi zhi gnas med do/ /sems kyi rjes su 
'brang ba rnam par shes pa med do/ /rang gi sems kyi gnas med do/ /gzhan gyi sems kyi gnas med do/ /de bzhin gshegs pa la gzugs dang tshor ba dang 'du shes dang 'du byed dang rnam par shes pa la gnas pa'i sems med do/ /mig dang rna ba dang sna dang lce dang lus dang yid la gnas 
pa'i sems med do/ /de bzhin gshegs pa la gzugs dang sgra dang dri dang ro dang reg bya dang chos la gnas pa'i sems med do/ /de ci'i phyir zhe na/ 'jam dpal de bzhin gshegs pa ni zhi ba'o/ /bsil bar gyur pa'o/ /rtag tu mnyam par gzhag pa'o/ /mi snang ba'o/ /bltar 

</font><hr>55-1-199b<br><font size=+1>

med pa'o/ /mtha' yas pa'o/ /sprin dang mtshungs pa'o/ /de lta mod kyi 'on kyang sems can rnams sngon dge ba'i rtsa ba'i stobs bskyed pa dang / de bzhin gshegs pa'i sngon gyi smon lam dang / spyod pa'i byin gyi rlabs kyis de bzhin gshegs pa mthong ngo / /nges par 
sems so/ /kun tu 'dri'o/ /gang dag ji ltar dbang po yongs su smin pa'i sems can rnams dang / gang dag ji ltar 'dul ba de dag gis de bzhin gshegs pa de ltar gsung 'byin par shes so/ /de ci'i phyir zhe na/ de bzhin gshegs pa ma skyes ma 'gags pa'i phyir ro/ /
gang chos thams cad kyi rang bzhin mi mthong ba de ni de bzhin gshegs pa mthong ba'o/ /gang chos gang yang mi mthong ba de ni de bzhin gshegs pa mthong ba'o/ /de ci'i phyir zhe na/ 'jam dpal de bzhin gshegs pa ni chos thams cad spangs pa ste/ chos gang gis kyang brjod pa yang ma yin/ 
mi brjod pa yang ma yin no/ /de ci'i phyir zhe na/ chos thams cad dmigs su med pa'i phyir ro/ /gang chos thams cad dang chos ma yin pa rnams dang 'dus byas rnams dang 'dus ma byas pa rnams mi dmigs pa de ni de bzhin gshegs pa mthong ba'o/ /de ci'i phyir zhe na/ 'jam dpal 
de bzhin gshegs pa ni chos thams cad spangs pa ste/ chos gang yang khas mi len to/ /nye bar mi len to/ /chos su btags pa yang mi 'gro'o/ /'jam dpal chos thams cad shin tu 'gag pa ni de bzhin gshegs pa dgra bcom pa yang dag par rdzogs pa'i sangs rgyas te/ 
chos thams cad yang dag pa ji lta ba bzhin du mthong ba de bzhin gshegs pa mthong ba'o/ /de ci'i phyir zhe na/ 'jam dpal de bzhin gshegs pa ni chos gang gis kyang mthong bar mi 'gro ste/ de bzhin gshegs pa de ltar mthong na chos thams cad ni de bzhin gshegs pa'o zhes 'jug 
par 'gyur ro/ /chos thams cad ni de bzhin nyid dang / ma nor ba de bzhin nyid dang / gzhan ma yin pa de bzhin nyid dang / ma skyes pa dang ma 'gags pa'o zhes 'jug par 'gyur ro/ /yul med pa yul dang bral ba ni de bzhin gshegs pa'i yul lo zhes 'jug par 'gyur 

</font><hr>55-1-200a<br><font size=+1>

ro/ /'jam dpal ting nge 'dzin 'di la gnas pa'i byang chub sems dpa' ni sems gcig gis sems can thams cad kyi sems kyi spyod pa rab tu shes so/ /de rang gi sems mnyam pa nyid kyi phyir sems can thams cad kyi sems mnyam pa nyid du khong du chud par 
'gyur ro/ /sems can thams cad kyi sems mnyam pa nyid kyi phyir rang gi sems mnyam pa nyid du khong du chud par 'gyur ro/ /de ci'i phyir zhe na/ sems sgyu ma lta bu'i phyir ro/ /sems can thams cad kyi sems rang bzhin gyis 'od gsal ba'i phyir ro/ /de rang gi lus chos nyid kyi 
phyir sems can thams cad kyi lus chos nyid du khong du chud par 'gyur ro/ /sems can thams cad kyi lus chos nyid kyi phyir rang gi lus chos nyid du khong du chud par 'gyur ro/ /de ci'i phyir zhe na/ lus thams cad ni gzugs brnyan lta bu'i phyir rang gi lus la sems can thams 
cad kyi lus 'jug cing yang dag par 'du'o/ /sems can thams cad kyi lus la yang rang gi lus rjes su 'jug cing yang dag par 'du'o/ /'dul ba ji lta ba bzhin du sems can thams cad kyi lus la sangs rgyas kyi sku byin gyis rlob ste/ nyan thos dang rang sangs rgyas kyi theg 
pa yang de bzhin no/ /rang gi lus dang rang gi lus ma yin pa dang zhing gi tshogs byin gyis rlob bo/ /de bzhin du sa'i khams dang chu'i khams dang me'i khams dang rlung gi khams kyang ji ltar 'dod pa de bzhin du byin gyis rlob ste/ chu'i khams dang sa'i khams dang me'i khams dang 
rlung gi khams su byin gyis rlob bo/ /me'i khams dang sa'i khams dang chu'i khams dang rlung gi khams su byin gyis rlob bo/ /rlung gi khams dang sa'i khams dang chu'i khams dang me'i khams su byin gyis rlob bo/ /de'i byin gyis brlabs de ni brgya byin nam/ tshangs pa'am/ 
bdud dam/ gzhan gang gis kyang 'jig rten na chos dang 'thun par bskul pa'am/ /spyod par nus pa'i de lta bu'i gnas med do/ /'jam dpal spyod pa 'di la mos pa'i byang chub sems dpa' sems dpa' chen po'i gzugs la so so yang dag par rig pa bzhi dang mngon 

</font><hr>55-1-200b<br><font size=+1>

par shes pa drug dang byang chub kyi phyogs kyi chos sum cu rtsa bdun dang byin gyi rlabs bzhi yang dag par 'jug go/ /'jam dpal byang chub sems dpa' sems dpa' chen po'i lus la so so yang dag par rig pa bzhi dang mngon par shes pa drug dang byang chub kyi phyogs kyi chos sum cu 
rtsa bdun dang byin gyi rlabs bzhi ji ltar yang dag par 'jug ce na/ 'jam dpal gang gzugs mi dmigs pa'i shes pa de ni don so so yang dag par rig pa'o/ /gang don ji lta ba bzhin du rton pa de ni chos so so yang dag par rig pa'o/ /gang chos mi skye mi 'byung mi 'gag par 
rtogs pa de ni nges pa'i tshig so so yang dag par rig pa'o/ /gang nges pa'i tshig gis nges par rtogs pa 'di ni spobs pa so so yang dag par rig pa'o/ /gang gzugs rnam par mthong ba na khams rnams dang / skye mched rnams la mig chags pa med cing sgrib pa med pa de ni/ 
de'i mig gi mngon par shes pa nyams pa med pa'o/ /gang gzugs la yi ge gcig brjod pas gzugs kyi don thams cad thos pa de ni de'i rna ba mngon par shes pa nyams pa med cing chags pa med de sgrib pa med pa'o/ /gang gzugs la sems can thams cad kyi sems dang / 
sems las byung ba rnams la chags pa med cing dbyer med par sems kyi spyod pa la 'jug pa shes pa de ni de'i pha rol gyi sems shes pa'i mngon par shes pa nyams pa med cing chags pa med de sgrib pa med pa'o/ /gang gzugs la sems can thams cad kyi sems snang ba la 
gcig tu mnyam pa nyid du 'jug pa shes pa de ni sngon gyi gnas rjes su dran pa'i mngon par shes pa nyams pa med cing chags pa med de sgrib pa med pa'o/ /gang gzugs kyi sngon dang phyi ma'i ming dang nges pa'i tshig mtha' yas pa la mi dmigs pa'i tshul khrims kyis 
lhag pa'i bsam pas 'jug pa de ni de'i rdzu 'phrul rnam par 'phrul pa'i mngon par shes pa nyams pa med cing lhun gyis grub ste/ chags pa med cing sgrib pa med pa'o/ /gang 'das pa dang ma 'ongs pa dang da ltar byung ba'i dus la 'dod chags med cing 'dod chags dang bral ba'i 

</font><hr>55-1-201a<br><font size=+1>

tshul gyis gzugs la 'dod chags dang / zhe sdang dang gti mug gis mi gos par shes pa de ni de'i zag pa zad pa'i shes pa mngon sum du bya ba'i mngon par shes pa nyams pa med cing chags pa med de sgrib pa med pa'o/ /gang mnyam pa nyid du shes pa'i tshul gyis 
gzugs la mi skye mi 'gag mi gnas par shes pa de ni de'i lus la lus kyi rjes su lta ba'i dran pa nye bar gzhag pa zhes bya'o/ /gang mnyam pa nyid kyi tshul gyis gzugs la myong ba skye ba med par shes pa de ni de'i tshor ba la tshor ba'i rjes su lta ba'i dran pa nye bar gzhag pa zhes 
bya'o/ /mnyam pa nyid kyi tshul gyis gang gzugs la dmigs pa de dang de la sems med cing sems yod pa ma yin te/ sems dang bral ba de ni sems la sems kyi rjes su lta ba'i dran pa nye bar gzhag pa zhes bya'o/ /mnyam pa nyid du shes pa'i tshul gyis gang skye mched bcu gnyis 
la 'du shes phyin ci log med pa dang / sems phyin ci log med pa dang lta ba phyin ci log med pa dang / gdeg pa med pa dang / gzhag pa med pa de ni chos la chos kyi rjes su lta ba'i dran pa nye bar gzhag pa zhes bya'o/ /chos kyi dbyings dbyer med pa'i tshul gyis gang gzugs la mi skye ba dang mi 
'gag pa dang gnas pa med par shes shing / dge ba dang mi dge ba'i 'du shes dang yang mi 'du ba de ni sdig pa mi dge ba'i sems dang sems las byung ba'i chos skyes pa rnams spang ba'i yang dag par spong ba zhes bya'o/ /yid la byed pa med pa'i tshul gyis gang gzugs la mi skye ba 
dang mi 'gag pa dang gnas pa med par shes shing / sdug bsngal las shin tu mi 'da' ba'i tshul gyis gdeg pa med cing gzhag pa med la/ sdig pa la gnas pa med de spong ba de ni sdig pa mi dge ba'i chos ma skyes pa rnams mi skyed pa'i yang dag par spong ba zhes bya'o/ /yid la 
byed pa med pa'i tshul gyis gang gzugs mthong nas khams dang skye mched mi skye ba dang mi 'gag pa dang gnas pa med par shes shing chos kyi dbyings mnyam pa nyid mi skye ba'i tshul gyis gdeg pa med cing gzhag pa med la/ mi dge ba mi dmigs shing / dge ba'i chos ma skyes pa 

</font><hr>55-1-201b<br><font size=+1>

rnams skyed pa de ni dge ba'i chos ma skyed pa rnams skyed pa'i yang dag par spong ba zhes bya'o/ /yid la byed pa med pa'i tshul gyis gang gzugs la skye ba med pa dang 'gag pa med pa dang gnas pa med par shes shing / gnas med pa dang skye ba med pa dang 'gag pa med pa dang gnas pa 
med pa'i tshul gyis gdeg pa med cing gzhag pa med la/ dge ba mi dmigs par dge ba sbyor ba de ni dge ba'i chos rnams gnas par bya ba yang dag par spong ba zhes bya'o/ /nyams pa med pa'i tshul gyis gang gzugs la gnas med cing sgrib pa med par 'dun la chos kyi dbyings 
mnyam pa nyid kyi tshul gyis kha dog gi snang ba thams cad kyis gzugs khyab la/ ji ltar yongs su smin pa bzhin du 'dul bar 'dun pa de ni 'dun pa'i ting nge 'dzin rdzu 'phrul gyi rkang pa zhes bya'o/ /rgyun mi chad pa'i tshul dang phyi ma'i mtha'i mur rgyun mi gcod pa'i tshul dang / gzhag 
pa med pa'i tshul gyis gang gzugs la blang ba med pa dang / dor ba med pa'i brtson 'grus dang mngon par 'du mi byed pa'i rdzu 'phrul gyis 'dul ba yongs su smin pa bzhin du 'dul bar spro ba 'di ni chos nyid dbyer med pas brtson 'grus kyi ting nge 'dzin de bzhin gshegs pa'i ye shes 
thob pa med pa'i tshul gyis rdzu 'phrul gyi rkang pa zhes bya'o/ /gang gzugs la sems mi 'dzin cing sbyor ba med pas mnyam pa nyid dang dmigs pa las shin tu 'da' ba dang /de bzhin gshegs pa'i ye shes kyi phyag rgya la gnas pa dang / bsam gtan mkha' khyab la snyoms par 
'jug pa de ni de bzhin gshegs pa'i rdzu 'phrul thob par byed pa'i sems rdzu 'phrul gyi rkang pa zhes bya'o/ /dpyod pa med pa'i ye shes kyi tshul gyis gzugs la skye ba med par shes pa la gcig tu nges pa dang / dbyer med pa'i tshul gyis mtshan nyid thams cad mtshan nyid gcig tu rtogs 
par dpyod pa dang / de bzhin gshegs pa'i ye shes dpyod pas rnam par 'phrul pa de ni sems can thams cad kyi sems tshim par byed pas dpyod pa rdzu 'phrul gyi rkang pa zhes bya'o/ /chos thams cad thob pa med pa'i tshul gyis gang gzugs la dmigs pa thams cad gnas med 

</font><hr>55-1-202a<br><font size=+1>

par dad pa dang dbang po la rtog pa dang gzugs dang gzugs med pa mnyam pa nyid du gyur pa'i chos rnams la dad pa dang / dbang po zhum pa med pas de bzhin gshegs pa'i ye shes la dad pa de ni dad pa'i dbang po zhes bya'o/ /gdeg pa med pa dang gzhag pa med 
pa'i tshul gyis gang gzugs la dmigs pa thams cad mgo gcig tu gyur pa dang / rnal 'byor gyi rgyun mi gcod pa de ni brtson 'grus zhes bya ste/ mi dmigs pa'i tshul gyis de bzhin gshegs pa'i ye shes rgyun mi gcod pa de ni brtson 'grus kyi dbang po zhes bya'o/ /de bzhin 
gshegs pa'i gnas la dbang po 'jug pa'i tshul gyis gang gzugs la dran pa med cing yid la byed pa med pa'i tshul gyis dmigs pa las shin tu 'das nas gcig dran te/ dus gsum mtshan nyid gcig tu dran pa de ni dran pa zhes bya ste/ sems can thams cad kyi sems sems su 
mtshungs pas/ dmigs pa gcig gis sems can gyi khams thams cad khyab pa dang / de bzhin gshegs pa mthong ba'i byin gyi rlabs de ni dran pa'i dbang po zhes bya'o/ /skye ba med pa dang 'gag pa med pa dang g.yeng ba med pa'i tshul gyis gang gzugs la yid la byed pa 
thams cad gcig pa dang / gzugs dang gzugs med pa'i ting nge 'dzin dmigs pa gcig pa dang mtshan nyid thams cad mtshan nyid gcig ste/ g.yeng ba med pa dang de bzhin gshegs pa'i dbang po la 'jug pa'i ye shes dang / rdo rje lta bu'i ting nge 'dzin thun mong ma yin pa de ni 
ting nge 'dzin ces bya ste/ ting nge 'dzin thams cad skye ba med pa'i tshul dang / g.yeng ba med cing mi thul bas ting nge 'dzin gyi dbang po zhes bya'o/ /gang gzugs la gnas med pa'i shes rab dang ting nge 'dzin dang snyoms par 'jug pa thams cad dang / skye ba med pa'i mthar yang dag 
par 'dus pa'i spyod pa dang / chos thams cad skye ba med pa la 'jug pa'i shes rab kyis 'dus byas dang 'dus ma byas gnyis las shin tu 'da' ba dang / gnyen po med pa'i tshul gyis gzugs de la gang mtshan nyid gcig tu 'jug pa de ni shes rab ces bya ste/ nyi tshe ba'i shes 

</font><hr>55-1-202b<br><font size=+1>

pas mi thul ba'i tshul gyis shes rab kyi dbang po zhes bya'o/ /gang gzugs la chags pa med cing dmigs pa med la mi thul ba'i don dang / dad pas 'phrogs pa med pa'i don de ni dad pa'i stobs zhes bya'o/ /gang gzugs la kun tu 'gro ba'i byin gyi rlabs la spro ba dang / stobs dang / 
stobs ma yin pa'i 'du shes las shin tu 'da' ba dang / khams la de ltar de bzhin gshegs pa'i stobs su sgrub pa de ni brtson 'grus kyi stobs zhes bya'o/ /gang gzugs la rnam par mi rtog pa dang / rnam par mi sgrub pa dang lhun gyis grub pa'i dran pa'i shes pa dang / shin tu mthar 
thug pa la 'jug pa'i mchog dang yang dag pa'i mtha' dang mtshungs pa dang de bzhin gshegs pa'i chos kyi sku la dran pa nye bar gzhog pa dang / nyan thos dang rang sangs rgyas thams cad kyis mi thul ba'i shes pa de ni dran pa'i stobs zhes bya'o/ /gang gzugs la de bzhin gshegs pa'i ye shes 
kyi mthar thug pa dang / chos kyi dbyings kyi las yang dag par sgrub pa dang de bzhin gshegs pa'i ting nge 'dzin lhun gyis grub pa'i thob pa dang / phyin ci log thams cad la g.yeng ba med pa shes pa de ni mi thul ba'i phyir ting nge 'dzin gyi stobs zhes bya'o/ /gang gzugs la chos kyi dbyings 'khrugs 
pa med par rtog pa dang / mtha' dang mtha' ma yin pa gnyis su med par rab tu shes pa dang / rnam par gzhag pa'i mtha' la lhun gyis grub pa'i dran pa shes pa dang gnas pa med pa'i dngos po rab tu shes pa de ni shes rab kyi stobs zhes bya'o/ /gang gzugs la gnas med pa'i dran pa 
mngon du yang dag par rtog pa dang / de bzhin gshegs pa'i spyod yul dang 'thun pa dang skye ba med pa la zhugs pa rnams kyi dran pa yid la byed pa med pa'i tshul du mngon par rdzogs par byang chub pa de ni dran pa yang dag byang chub kyi yan lag ces bya'o/ /gang gzugs la chos kyi dbyings su rab tu 
shes pa dang / mi dmigs pa'i rnal 'byor gyi shes pas rab tu rnam par 'byed pa la mkhas pa dang / chos dang chos ma yin pa gnyis khong du chud pa de ni chos rab tu rnam par 'byed pa yang dag byang chub kyi yan lag ces bya'o/ /gang gzugs la rang bzhin gyis chos kyi sku yin pas mi 

</font><hr>55-1-203a<br><font size=+1>

thul bar mngon du yang dag par rtog pa dang / chos nyid mngon par rdzogs par byang chub par bya ba'i phyir brtson 'grus mi 'dor ba de ni brtson 'grus yang dag byang chub kyi yan lag ces bya'o/ /gang gzugs la dbyer med par rab tu rnam par 'byed pa la mkhas pa dang / 
dpyod pa'i shes pa dang lhun gyis grub pa rab tu rnam par 'byed pa bya ba gnas med pa'i shes pa'i yang dag par 'grub pa dang / shin tu sbyangs pa'i ting nge 'dzin dang btang snyoms dang ye shes kyi dga' ba myong ba'i shes pa de ni dga' ba yang dag byang chub kyi yan lag ces bya'o/ /gang 
gzugs la dmigs pa thams cad yid la byed pa'i rgyun mi gcod pa'i shes pa dang / rnam par grol ba'i skye mched thams cad la dngos po dang dngos po med pa mnyam pa nyid du shes pa de ni shin tu sbyangs pa yang dag byang chub kyi yan lag ces bya'o/ /gang gzugs la rnam par bltas nas 
chos thams cad mnyam pa nyid du shes pa dang / byang chub kyi yan lag sgrib pa med pa'i rkyen dang / ting nge 'dzin dang snyoms par 'jug pa thams cad gcig tu mngon par rdzogs par byang chub pa de ni ting nge 'dzin yang dag byang chub kyi yan lag ces bya'o/ /gang gzugs la dngos po 
med pa'i rang bzhin mnyam pa nyid du mngon du yang dag par rtog pa dang / gzugs dang gzugs med pa thams cad mnyam pa nyid dang rab tu 'dzin pa dang / rtsod pa dang rnam par 'byed pa la btang snyoms pa dang lhun gyis grub pa dang / 'du shes dang ye shes la mnyam pa nyid dang thob 
pa'i chos thams cad mi skyed pa dang / rgyu ba med pa dang ting nge 'dzin dang btang snyoms shes pa dang byang chub kyi yan lag rnams dang / lam rnams skye ba med pa'i mtha' dang thob pa rnams mi tshol ba de ni btang snyoms yang dag byang chub kyi yan lag ces bya'o/ /gang gzugs mthong 
nas khams dang skye mched rnams la dngos po med pa'i rang bzhin du mthong zhing yan lag dang yan lag med pa'i tshul gyis mnyam pa nyid du mthong ba dang / 'phags pa'i lam rnams lam med pa'i tshul gyis lta ba dang mi 'grogs pa dang / 'phags pa'i lam rnams dang 

</font><hr>55-1-203b<br><font size=+1>

lta bar gyur pa thams cad mtshan nyid med par gcig pa'i tshul gyis lta ba dang mi 'grogs pa dang / mi 'khrugs pa'i tshul gyis lta ba yang dag pa zhes bya ba dang / chos thams cad mthong ba'i tshul gyis lta ba zhes bya ba dang / mi skye ba thob pa'i tshul gyis lam zhes bya ba'am/ mnyam 
pa nyid kyi tshul gyis yang dag pa zhes bya ba dang / sgrib pa med pa'i tshul gyis lta ba zhes bya ba dang / lam dang lam ma yin pa thams cad la 'jug pa'i tshul gyis lam zhes bya ba de ni yang dag pa'i lta ba zhes bya'o/ /gang gzugs la rtog pa dang / rnam par rtog pa thams cad 
gcig pa ste/ 'di lta ste dngos por mi rtog pa dang dngos po med par mi rtog pa dang chad par mi rtog pa dang / rtag par mi rtog pa dang skye bar mi rtog pa dang mi skye bar mi rtog pa dang / rtog pa dang mi rtog pa la mi rtog pa dang rtog pa med pa dang rnam par mi rtog pa dang / yang dag pa'i lam la 
mi rtog pa de ni yang dag pa'i rtog pa zhes bya'o/ /gang gzugs la chos thams cad brjod du med pa dang brjod pa med pa dang / dbyangs dang dbyangs med pa mnyam pa nyid dang ming med pa dang ming du brjod pa med pa dang / tshol ba med pa dang lam gyi yan lag ma yin pa dang yang dag pa zhes 
bya ba ngag gi lam thams cad la kun tu mi rgyu zhing mi rjod pa dang / lam zhes bya ba'i chos ma lus pa brjod pa de ni yang dag pa'i ngag ces bya'o/ /gang gzugs la las thams cad kyi rang bzhin la las med par mngon par zhen pa 'di lta ste/ mngon par 'du bya ba med pa la mngon par 
zhen pa dang mngon par 'du bya ba med pa thob pa rnams la tshol ba med pa dang yang dag pa tshol ba'am/ log pa tshol ba'am/ log pa ma yin pa tshol ba'am/ las tshol ba'am/ las ma yin pa tshol ba'am/ las dang las ma yin pa thams cad khas mi len pa de ni nges 
pa dang ma nges pa dang / yang dag pa nyid dang log pa nyid dang dge ba dang / mi dge ba dang lung du mi ston pa dang / mi g.yo ba mngon par 'du mi byed pa dang lam dang lam ma yin pa mtha' yas pa skye ba med par bsdus pa dang / mig yor lta bu'i tshul gyis las kyi mtha' 

</font><hr>55-1-204a<br><font size=+1>

thams cad mi byed pas yang dag pa'i las kyi mtha' zhes bya'o/ /gang gzugs la kun tu longs spyod pa dang kun tu longs spyod pa ma yin pa shes pa dang / de la gnas pa chos kyi dbyings mnyam pa nyid kyi tshul gyis yang dag pa dang / log pa'i tshor ba mi dmigs pa 
dang mi dmigs pas 'tsho ba dang / las 'jig pa de ni yang dag pa'i 'tsho ba zhes bya ste/ yang dag pa zhes bya ba de ni mnyam pa nyid kyi tshig go/ /'tsho ba zhes bya ba de ni 'phags pa'i chos 'dzin pa'i tshig go/ /lam zhes bya ba dang lam ma yin pa zhes bya ba de ni mi tshol ba'i don gyis lam 
zhes bya'o/ /'tsho ba dang 'tsho ba ma yin pa'i 'du shes la rnam par mi rtog pa'i don gyis 'tsho ba zhes bya'o/ /yang dag pa zhes bya ba de ni mnyam pa nyid la gnas pa zhes bya ba'i don te/ de ni yang dag pa'i 'tsho ba zhes bya'o/ /chos kyi dbyings mnyam pa nyid kyi tshul gyis gang gzugs la 
lus dang ngag dang yid kyi rtsol ba med pa ni chos kyi dbyings la rtsol ba med pa ste/ yang dag pa zhes bya ba de ni mi skye ba la gnas pa'i chos rnams blang ba med pa dang / dor ba med pa'i tshig bla dgas so/ /rtsol ba med pa zhes bya ba de ni lus dang ngag dang yid mi dmigs pa'i tshig go/ /
lam zhes bya ba de ni blang ba med pa dang dor ba med pa'i tshul dang / mi tshol ba'i tshul gyis 'phags pa'i don tshol ba ste/ de ni yang dag pa'i rtsol ba zhes bya'o/ /gang gzugs la dran pas mi dmigs pa mnyam pa nyid ni dran pa med pa dran pa med pa'i tshul gyis dran pa la sbyor ba ste/ yang 
dag pa zhes bya ba de ni dmigs pa med pa mnyam pa nyid sgro btags pa med pa'i tshig go/ /dran pa zhes bya ba de ni phung po dang khams dang skye mched rjes su dran pa'i tshig go/ /stong pa nyid rjes su dran pa'i tshig dang mtshan ma med pa dang smon pa med pa rjes su dran pa'i tshig dang / de ltar de bzhin 
gshegs pa'i ting nge 'dzin lhun gyis grub pa'i rjes su dran pa'i tshig de ni yang dag pa'i dran pa zhes bya'o/ /gang gzugs la dbyer med pa shes pa ni mnyam pa nyid dang ting nge 'dzin gyi las yang dag par bsgrubs pa ste/ gzugs gang dang mnyam pa tshor ba dang 'du shes dang 'du byed dang 

</font><hr>55-1-204b<br><font size=+1>

rnam par shes pa yang de dang mnyam zhing / phung po gang dang mnyam pa ting nge 'dzin kyang de dang mnyam par yang dag par rjes su mthong ngo / /de bzhin gshegs pa'i rigs kyi ting nge 'dzin kyang de dang mnyam par yang dag par rjes su mthong ngo / /de bzhin gshegs pa'i rigs kyi ting 
nge 'dzin gang dang mnyam par yang dag par rjes su mthong ba chos thams cad kyang de dang mnyam pa yang dag par rjes su mthong ngo / /sangs rgyas kyi chos thams cad gang dang mnyam par yang dag par rjes su mthong ba byis pa so so'i skye bo'i chos thams cad kyang de dang mnyam par yang dag par rjes su 
mthong ngo / /byis pa so so'i skye bo'i chos thams cad gang dang mnyam par yang dag par rjes su mthong ba'i ting nge 'dzin kyang de dang mnyam par yang dag par rjes su mthong ngo / /ting nge 'dzin gang dang mnyam pa 'das pa'i phung po dang / khams dang skye mched rnams kyang de dang mnyam par yang 
dag par rjes su mthong ngo / /ma 'ongs pa dang da ltar byung ba'i phung po dang khams dang skye mched rnams kyang de bzhin du yang dag par rjes su mthong ngo / /phung po dang khams dang skye mched rnams ji lta ba bzhin du las dang rnam par smin pa yang de ltar yang dag par rjes su mthong ste/ dus 
gsum mnyam pa'i ting nge 'dzin gyi rigs la zhugs pa de ni yang dag pa'i ting nge 'dzin ces bya'o/ /gang gzugs la de kho na shes pa dang de bzhin nyid shes pa de ni bden pa shes pa ste/ chos nyid kyi rang bzhin gang yin pa de ni phung po dang khams dang skye mched rnams kyi rang bzhin no/ /
chos nyid kyi rang bzhin med pa ni phung po dang khams dang skye mched kyi rang bzhin med par bden pa nyid du mos so/ /byin gyi rlabs zhes bya ba de ni slu ba med pa'i chos nyid kyi tshig bla dgas so/ /de ci'i phyir zhe na/ mi slu ba gang yin pa de ni bden pa'i phyir ro/ /de la gnas pa ni yang 
dag pa'i smon lam brjod pa dang las yang dag par spyod pa mngon sum du 'gyur te/ phung po dang khams dang skye mched de dag la de bzhin gshegs pa'i rnam par 'phrul pa kun tu ston par byin gyis rlob bo/ /sa'i bden pa nyid gang dang mnyam pa chu dang me dang rlung gi bden pa nyid kyang 

</font><hr>55-1-205a<br><font size=+1>

de dang mnyam mo/ /nam mkha' dang chos dang sgra dang mig yor dang gzugs brnyan dang / mtshan nyid dang bcas pa dang mtshan nyid med pa dang chags pa dang bcas pa dang / chags pa ma yin pa dang bsdus pa'i bskal pa dang / rgya che ba'i bskal pa dang grangs yod pa'i bskal 
pa dang grangs med pa'i bskal pa dang sangs rgyas dang bcas pa'i bskal pa dang / sangs rgyas mi 'byung ba'i bskal pa dang 'das pa'i bskal pa dang / ma 'ongs pa'i bskal pa dang ma 'ongs pa dang 'das pa'i bskal pa dang / da ltar byung ba dang ma 'ongs pa dang 'das pa'i bskal pa dang 'das 
pa dang ma 'ongs pa dang da ltar byung ba'i bskal pa yang de dang mnyam ste/ kun nas nyon mongs pa'i bskal pa la rnam par byang ba'i bskal pa dang / rnam par byang ba'i bskal pa la kun nas nyon mongs pa'i bskal pa dang / byin gyi rlabs kyi bskal pa la mnyam pa nyid kyi bskal pa 'jug 
ste/ 'jug pa shes pa de la mngon par zhen pa med pa de ni chos kyi dbyings bden pa nyid kyi phyir bden pa'i byin gyi rlabs zhes bya ste/ gzugs nyid bden pa'o/ /de bzhin du tshor ba dang 'du shes dang 'du byed dang rnam par shes pa nyid bden pa'o/ /de la gnas pa'i bden pa'i ngag 
gang yin pa de byin gyis brlabs te/ de ni bden pa'i byin gyi rlabs zhes bya'o/ /gang mnyam pa nyid kyi tshul gyis gang gzugs la 'dzin pa med pa dang / mchog tu 'dzin pa med pa dang gtong ba dang dor ba de ni gtong ba'i byin gyi rlabs zhes bya'o/ /gang gzugs la blang ba med pa dang 
dor ba med pa shes pa de ni g.yo ba dang 'gul ba thams cad zhi ba'o/ /byin gyi rlabs zhes bya ba ni zhi ba de la gnas nas kun nas nyon mongs pa ni rnam par byang bar byin gyis rlob pa dang / rnam par byang ba ni kun nas nyon mongs par byin gyis rlob pa dang zhi ba de la gnas nas spyod lam kun tu 
bstan pas tshangs pa nye bar zhi ba'i spyod lam can rnams kyang 'dod pa skyed pa dang lag na rdo rje'i gzugs kun tu bstan pas ma zhi ba'i spyod lam can rnams sam/ bdud thams cad kyang nye bar zhi ba'i byin gyi rlabs la mos par byed pa'o/ /nye bar zhi ba'i byin gyi rlabs ni byis pa 

</font><hr>55-1-205b<br><font size=+1>

so so'i skye bo thams cad shin tu zhi ba dang / nye bar zhi ba dang rab tu zhi ba ste/ nye bar zhi ba'i byin gyi rlabs thob par yang dag par rjes su mthong ba de ni nye bar zhi ba'i byin gyi rlabs zhes bya'o/ /gang gdeg pa med pa dang gzhag pa med pa'i tshul gyis gzugs la chos kyi dbyings dang dbyer 
med par shes shing spros pa dang bral ba'i shes rab kyis shin tu zhi ba dang nye bar zhi ba dang / spros pa med pa'i chos thams cad phung po dang khams dang skye mched thams cad la thams cad mkhyen pa nyid du byin gyis rlob pa de ni shes rab kyi byin gyi rlabs zhes bya'o/ /yang na byin gyi rlabs zhes 
bya ba de ni thams cad mkhyen pa'i rjes su 'gro ba ni shes rab kyi gnas te/ de'i phyir bdag gis lus 'dom gang tsam po 'di la 'jig rten gdags par bya'o/ /'jig rten kun 'byung ba dang 'jig rten 'gog pa dang 'jig rten 'gog par 'gro ba'i lam dang / thams cad mkhyen pa'i ye 
shes kyi bar yang gdags par bya'o snyam pa ste/ de ni shes rab kyi byin gyi rlabs zhes bya'o/ /de nas bcom ldan 'das la 'jam dpal gzhon nur gyur pas 'di skad ces gsol to/ /bcom ldan 'das byang chub sems dpa' sems dpa' chen po rnam par dag pa'i ye shes kyi 
stobs du zhig dang ldan na rab tu zhi ba'i rnam par nges pa'i cho 'phrul gyi ting nge 'dzin 'di 'thob/ de skad ces gsol pa dang / bcom ldan 'das kyis 'jam dpal gzhon nur gyur pa la 'di skad ces bka' stsal to/ /'jam dpal byang chub sems dpa' sems dpa' chen po rnam par 
dag pa'i ye shes kyi stobs sum cu rtsa drug dang ldan na rab tu zhi ba'i rnam par nges pa'i ting nge 'dzin 'di 'thob ste/ sum cu rtsa drug gang zhe na/ 'di lta ste/ lhag pa'i bsam pa rnam par dag pa'i ye shes kyi stobs dang / smon lam rnam par dag pa'i ye shes kyi stobs dang / 
dge ba'i rtsa ba rnam par dag pa'i ye shes kyi stobs dang / yongs su bsngo ba rnam par dag pa'i ye shes kyi stobs dang / thos pa rnam par dag pa'i ye shes kyi stobs dang / las kyi sgrib pa rnam par dag pa'i ye shes kyi stobs dang / cho ga dang spyod yul rnam par dag pa'i 

</font><hr>55-1-206a<br><font size=+1>

ye shes kyi stobs dang / dran pa rnam par dag pa'i ye shes kyi stobs dang / thabs la mkhas pa rnam par dag pa'i ye shes kyi stobs dang / sems can la dmigs pa'i rnam par dag pa'i ye shes kyi stobs dang / mtshan ma la dmigs pa'i rnam par dag 
pa'i ye shes kyi stobs dang / gtong ba rnam par dag pa'i ye shes kyi stobs dang / sems can rjes su 'dzin pa rnam par dag pa'i ye shes kyi stobs dang / byams pa chen po yang dag par 'grub pa rnam par dag pa'i ye shes kyi stobs dang / snying rje chen po rnam par dag pa'i 
ye shes kyi stobs dang / dga' ba dang btang snyoms chen po rnam par dag pa'i ye shes kyi stobs dang / tshul khrims rnam par dag pa'i ye shes kyi stobs dang / tshul khrims kyis rjes su 'dzin pa rnam par dag pa'i ye shes kyi stobs dang / bzod pa rnam par dag pa'i ye shes kyi 
stobs dang / bzod pas rjes su 'dzin pa rnam par dag pa'i ye shes kyi stobs dang / brtson 'grus kyi bsam pa rnam par dag pa'i ye shes kyi stobs dang / brtson 'grus yang dag par len pa rnam par dag pa'i ye shes kyi stobs dang / khams la mkhas pa rnam par dag pa'i 
ye shes kyi stobs dang / bsam gtan la mkhas pa rnam par dag pa'i ye shes kyi stobs dang / zhi gnas la mkhas pa rnam par dag pa'i ye shes kyi stobs dang / shes rab rnam par dag pa'i ye shes kyi stobs dang / thos pa rnam par nges pa rnam par dag pa'i ye shes kyi 
stobs dang / 'jig rten pa dang 'jig rten las 'das pa'i rnam par nges pa rnam par dag pa'i ye shes kyi stobs dang / shes pa rnam par dag pa'i ye shes kyi stobs dang / 'dus byas dang 'dus ma byas rnam par dag pa'i ye shes kyi stobs dang / lhag mthong la mkhas pa 
rnam par dag pa'i ye shes kyi stobs dang / rig pa dang rnam par grol ba rnam par dag pa'i ye shes kyi stobs dang / mi skye ba la bzod pa rnam par dag pa'i ye shes kyi stobs dang / mtshan nyid med par mtshan nyid gcig pa rnam par dag pa'i ye shes kyi stobs dang / don dam pa 

</font><hr>55-1-206b<br><font size=+1>

dang kun rdzob rnam par dag pa'i ye shes kyi stobs dang / 'dun pa dang brtson 'grus tshad med pa rnam par dag pa'i ye shes kyi stobs te/ 'jam dpal byang chub sems dpa' chen po rnam par dag pa'i ye shes kyi stobs sum cu rtsa drug po de dag dang ldan na rab tu zhi ba rnam 
par nges pa'i cho 'phrul gyi ting nge 'dzin 'di 'thob bo/ /'jam dpal yongs su brtag pa nye bar bzung ste/ byang chub sems dpa' gang la las 'jig rten gyi khams bcu'i rdul phra rab kyi rdul snyed kyi bskal par phyogs bcu'i 'jig rten gyi khams thams cad du 'jig rten gyi khams 
re rer yang sangs rgyas dang byang chub sems dpa' dang bcas pa/ nyan thos dang rang sangs rgyas dang bcas pa gang gA'i klung gi bye ma snyed rnams la lha'i zas dang / lha'i ras bcos bu'i na bza' rnams phul ba dang / stong gsum gyi stong chen po'i 'jig rten gyi khams kyi rdul phra 
rab kyi rdul snyed kyi 'jig rten gyi khams rnams nor bu rin po che dbang gi rgyal pos rab tu bkang ste/ dbul ba phul ba dang de bzhin gshegs pa re re'i phyir yang nor bu rin po che snang ba thams cad yang dag par bsags pa'i mchod rten tshad 'dzam bu'i gling tsam du yod pa/ srid pa'i 
rtse mor thug pa/ nor bu rin po che glog gi sgron ma'i kha khyer gyis yongs su bskor ba nor bu rin po che dbang gi rgyal po'i dra ba bres pa/ rgyal mtshan dang ba dan sgreng ba/ tsan dan sbrul gyi snying po'i byug pas bskus pas/ 'jig rten gyi khams bcu'i rdul phra rab kyi rdul snyed dag 
byas te/ mchod rten re re la yang sangs rgyas kyi zhing bcu'i rdul phra rab kyi rdul snyed kyis bskal par lha'i mchod pa mtshungs pa med par byas kyang byang chub sems dpa' gzhan gang gis dad pas ting nge 'dzin 'di la mos nas/ tha na dud 'gro'i skye gnas su song ba'i sems 
can la zan chang gcig tsam byin na bsod nams mngon par 'du byed pa de la bsod nams mngon par 'du bya ba snga mas brgya'i char yang nye bar mi 'gro'o/ /stong gi cha dang brgya stong gi cha dang bye ba brgya'i cha dang bye ba stong gi cha dang / bye ba brgya stong gi cha dang dpe dang rgyur yang mi bzod do/ /

</font><hr>55-1-207a<br><font size=+1>

'jam dpal byang chub sems dpa' gang la la ting nge 'dzin 'di la dad de/ phyogs bcu'i 'jig rten gyi khams thams cad kyi rdul phra rab kyi rdul snyed kyi sangs rgyas bcom ldan 'das rnams la bde bar sbyar ba thams cad kyi bsnyen bkur byas pa bas byang chub 
sems dpa' gzhan gang ting nge 'dzin 'di la mchog tu 'jug na de de bas bsod nams ches grangs med par skyed do/ /'jam dpal byang chub sems dpa' gang la la zhig gis bskal pa khrir dkon mchog gsum la dbul ba phul ba bas byang chub sems dpa' gzhan gang gis rab tu zhi ba 
rnam par nges pa'i cho 'phrul gyi ting nge 'dzin 'di'i ming thos te/ thos nas kyang tha na yud tsam zhig nyan 'dod par gyur na de de bas sangs rgyas kyi ye shes thob par byed pa'i bsod nams ches grangs med par skyed par 'gyur ro/ /de nas bcom ldan 'das kyis de'i tshe tshigs su bcad pa 'di 
dag bka' stsal to/ /dran pa ldan zhing blo gros ldan/ /shes rab ldan pa mi 'jigs pa/ /de ni tshe rabs thams cad du/ /byang chub spyad pa spyod par 'gyur/ /sangs rgyas 'byung ba rab mdzes pa/ /skad cig gcig la mnyes byed na/ /gang dag ngas ni sngon bshad pa/ /mi khom 
brgyad rnams rnam par spong / /gzugs dang kha dog phun sum tshogs/ /mtshan rnams kyis kyang legs par brgyan/ /mthu stobs dang yang rab tu ldan/ /le lo 'dod par yod mi 'gyur/ /skyid cing nor yang chen por 'gyur/ /bsod nams ldan zhing rdzu 'phrul che/ /'jig rten 
snang byed mthong nas kyang / /phyi phyir zhing ni mchod pa byed/ /bdag med stong pa thos nas kyang / /de ni chos la mi rmongs te/ /chos rnams ji bzhin mkhas pa ni/ /dad pa myur du rab tu thob/ /rigs kyi mchog dang mod pa dang / /skyid pa dag tu skye bar 'gyur/ /sbyin pa'i 
bdag po dpa' bor 'gyur/ /ser sna med cing lhug par gtong / /gang dag la la 'dzam gling du/ /khyad par 'phags pa mdzes par rigs/ /der ni brten pa skyes pa dang / /smad pa'i 'gro bar ma yin dang / /skye ba kun tu 'di lta bur/ /khyim bdag dbang cher 

</font><hr>55-1-207b<br><font size=+1>

grags pa dang / /dpal dang gzi brjid 'phags pa yang / /tshul 'dir yi rang spyad par 'gyur/ /bram ze sA la che 'dra ba/ /tshul khrims ldan dang mang thos 'gyur/ /rgyal rigs sA la che 'dra ba/ /skyid cing nor yang chen por 'gyur/ /bsod nams mdzod kyis 'phags pa yi/ /
rgyal po rdzu 'phrul cher 'gyur te/ /rgya mtshor bcas dang rir bcas kyi/ /sa la chos kyi ston par 'gyur/ /rin chen bdun gyi dbang phyug che/ /'khor los sgyur ba rgyal dbang 'gyur/ /rgyal por gnas nas sangs rgyas la/ /phyi phyir bsti stang byed par 'gyur/ /shi 'phos nas ni 
mtho ris 'gro/ /sangs rgyas bstan la dad par 'gyur/ /ri rab rtse mo'i dbang phyug po/ /lha yi dbang po brgya byin 'gyur/ /lha dbang 'thab bral rab tu 'gyur/ /de bzhin yongs su dga' ldan 'gyur/ /lha dbang rab tu 'phrul pa dang / /dbang byed 'jigs pa med par 'gyur/ /
tshul 'dir yi rang byas pa ni/ /tshangs pa'i 'jig rten tshangs pa'i mchog /mkhas pa lha rnams bye ba yis/ /mchod pa bya ba'i dbang phyug 'gyur/ /gang zhig mdo sde dkon mchog 'dir/ /phyi phyir rjes su yi rang na/ /sus kyang de yi yon tan mtha'/ /brjod par nus pa ma 
yin no/ /byang chub tu ni sems bskyed na/ /bskal pa bye ba rnams su yang / /nam du'ang long theng mi 'gyur te/ /ston pa bla na med par 'gyur/ /rtswa shing ri dang sdong po dang / /'khri shing sman yang de bzhin te/ /me tog 'bras ldan ljon shing yang / /gang du 'gro bar 'dud par 
'gyur/ /mar me mdzad nas bzung nas su/ /brtul zhugs bzang po gang 'gro bar/ /phyogs bcu dag gi 'jig rten khams/ /mtha' yas 'od kyis snang bar byed/ /gang dag 'das pa'i bar de dang / /gang dag ma 'ongs shing rnams kyi/ /me tog 'bras bu lo ma 
dag/ /de dag rnam par shes par nus/ /sangs rgyas bye ba phrag stong dang / /khrag khrig phrag brgya rnams kyis kyang / /de dag gi ni yon tan mtha'/ /brjod par nus pa ma yin no/ /byang chub sems dpa' gang dag ni/ /mdo 'di phyir zhing mos byed pa/ /de yi 

</font><hr>55-1-208a<br><font size=+1>

bsngags pa'i phreng ba yi/ /mtha' ma brjod par mi nus so/ /mdo sde yon tan gang brjod pa/ /de dag thams cad de dang ldan/ /de bas rab tu lhag yod de/ /de yi yon tan mtha' thug med/ /mi gang de la dga' bar mi byed cing / /yod pa min dang 
bsngags pa mi smra dang / /mi gang khros nas mi snyan smra ba 'am/ /yang na de la 'khrugs pa byed pa dag /sems can dmyal bar skye 'gyur te/ /lus ni chen por gyur nas su/ /de ni sdug bsngal myong 'gyur te/ /yid rab mi bde ma rung 'gyur/ /dpag tshad lnga brgya'i tshad 
tsam du/ /de yi lus ni skye bar 'gyur/ /sdig pa'i las kyis rtag tu yang / /bye bas bskor nas za bar 'gyur/ /bskal pa dag ni du mar yang / /lus ni dpag tshad lnga brgyar 'gyur/ /de la mgo yang lnga brgya ste/ /de las nyung bar mi 'gyur ro/ /mgo rnams re re dag la yang / /lnga 
brgya'i lce las mi nyung ste/ /lce gcig la yang thong gshol ni/ /lnga brgyar tshang ste mi nyung ba/ /'bar bas de la rmo byed de/ /skur 'debs sdig pa'i las kyis so/ /tshig rtsub dag ni smras pas na/ /shin tu tsha bar sreg par 'gyur/ /gang dag sdom par mi byed cing / /byang chub sems 
dpa' gnod byed pa/ /de ni sems can dmyal skye ste/ /dud 'gro'i skye gnas 'gro bar 'gyur/ /tshul 'di spong bar byed pa ni/ /bskal pa bye ba stong rnams dang / /brgya dang khrag khrig rnams su yang / /mnar med par ni sdug bsngal rnyed/ /de nas shi 'phos rab gdug cing / /shin 
tu mi bzad sbrul du 'gyur/ /bkres shing skom pas mngon gzir kyang / /shin tu mi bzad las rnams byed/ /bza' ba rnyed kyang sdig pa yis/ /nam yang tshim par mi 'gyur ro/ /gal te de nas shi 'phos nas/ /mi yi nang du skye na yang / /yid mi gzhungs shing dmus long 'gyur/ /
gnod par sems shing sdom pa med/ /nyes pa'i tshig rnams smras nas ni/ /'phags pa mnyes par mi byed pa/ /mi yi nang nas shi 'phos nas/ /slar yang ngan 'gror 'gro bar 'gyur/ /bskal pa bye ba stong rnams su/ /nam yang sangs rgyas mthong mi 'gyur/ /gang zhig 

</font><hr>55-1-208b<br><font size=+1>

byang chub sems dpa' la/ /gnod par mi byed rab bsdams dang / /gang zhig chos dang ldan pa yi/ /chos smra de dag srung byed pa/ /ngan 'gro rnams ni kun spangs nas/ /brgya byin rdzu 'phrul chen por 'gyur/ /tshangs pa 'thab bral dga' ldan dang / /dbang byed par yang de 'gyur ro/ /
gal te mir ni gyur na yang / /rtag tu 'khor los sgyur bar 'gyur/ /tshong dpon dang ni khyim bdag 'gyur/ /rtag tu skyid cing nor cher 'gyur/ /ji ltar gang gA'i bye snyed kyi/ /bskal pa de snyed rtag tu yang / /'jigs med dran pa phun sum tshogs/ /bde dang ldan zhing gnod pa 
med/ /tshe rabs tshe rabs phyi phyir zhing / /rtag tu sangs rgyas mchod par 'gyur/ /blo ldan gang zhig sangs rgyas la/ /bskal pa de snyed mchod pa bas/ /phyi dus chos ni 'jig pa na/ /gang dag mdo sde 'di 'dzin pa/ /chos gang 'jig rten mgon po yis/ /bstan pa'i mdo sde 
'di la des/ /nyin zhag gcig tu bzung ba yi/ /de ni bsod nams khyad par 'phags/ /phyogs bcu'i sangs rgyas gang bzhugs pa/ /de dag kun la mchod par 'gyur/ /mdo sde 'di 'dra 'dzin pa ni/ /gang dag ma 'ongs sangs rgyas dang / /'das pa'i sangs rgyas gang dag 
dang / /de dag de yis mchod par 'gyur/ /'jam dpal byang chub sems dpa' gang la la zhig rab tu zhi ba rnam par nges pa'i cho 'phrul gyi ting nge 'dzin la mos pa'i byang chub sems dpa' la gnod sems dang / tha ba dang khro ba skyed dam/ 'dum par mi byed dam/ brnyas 
thabs gang yang rung bas brnyas te/ ngan pa'i rigs su skyes pa zhe'am/ rnyed pa chung ba zhe'am/ yid gzhungs pa chung ba zhe'am/ shes rab chung ba zhes brnyas sam ci yang rung ste/ tshul khrims kyi yan lag nyams pa zhe'am/ mdog ngan pa zhe'am/ gzugs dang mi 
ldan pa zhe'am/ gzi brjid chung ba zhes brnyas sam/ tha na yud tsam zhig khros te lta na yang de mi dge ba'i las des bskal pa bye ba grangs med pa tshang bar ngan song rnams su sreg par 'gyur ro/ /'jam dpal ngas ni ji ltar byang chub sems dpa' la khong khro ba'i sems 

</font><hr>55-1-209a<br><font size=+1>

gcig bskyed pa las kha na ma tho ba che ba'i chos de lta bu gcig kyang ma mthong ngo / /'jam dpal rigs kyi bu'am/ rigs kyi bu mo gang la las stong gsum gyi stong chen po'i 'jig rten gyi khams kyi sems can thams cad la mtshon gyis btab bam/ dbyug 
pas brdegs pa bas rigs kyi bu'am/ rigs kyi bu mo gzhan gang gis theg pa chen po la mos pa'i byang chub sems dpa' la tha na gnod sems sam/ tha ba'am/ zhe sdang gi sems gcig bskyed dam/ khros te brnyas pa'i sems bskyed na de de bas sdig pa ches mang du 
skyed do/ /'jam dpal byang chub sems dpas byang chub sems dpa' la khong khro ba'i sems bskyed pa'am/ brnyas pa'i sems bskyed pa ji tsam pa de snyed kyi bskal par byang chub sems dpa' des sems can dmyal ba rnams su gnas par go cha bgo bar bya'o/ /'jam 
dpal byang chub sems dpa' la skur pa btab pa ma gtogs par/ byang chub sems dpa' las gzhan gang gis kyang log par ltung bar byed mi nus so/ /'jam dpal 'di lta ste dper na nor bu rin po che rdo rje ni rdo rje nyid ma gtogs par shing ngam/ bong ba'am/ dbyug pa'am/ 
rdo ba'am/ mtshon chas gcag par mi nus so/  /'jam dpal de bzhin du byang chub sems dpa' yang byang chub sems dpa' la skur pa btab pa ma gtogs par las gzhan gyis log par ltung bar byed mi nus so/ /'jam dpal rigs kyi bu'am/ rigs kyi bu mo gang la 
las lha'i bskal pa bye bar phyogs bcu'i 'jig rten gyi khams re rer 'khor bzhi la ci 'dod pa sbyin pa byin pa bas rigs kyi bu'am/ rigs kyi bu mo gang gzhan gyis/ 'thun par bya ba'i don du g.yos de bzhin gshegs pa ni rtag pa'o/ /de bzhin gshegs pa ni 
g.yung drung ngo zhes tshig tu smra na yang de de bas ches bsod nams grangs med par skyed do/ /'jam dpal byang chub sems dpa' gang la las lha'i lo stong du dkon mchog gsum la ci dgos pa byin pa bas/ byang chub sems dpa' gang gzhan zhig tha na se gol 

</font><hr>55-1-209b<br><font size=+1>

gtogs pa srid du 'du byed thams cad ni mi rtag pa'o/ /'du byed thams cad ni sdug bsngal ba'o/ /'du byed thams cad ni stong pa'o/ /'du byed thams cad ni bdag med pa'o/ /snyam du dpyod na de de bas bsod nams ches grangs med par skyed do/ /chos kyi rnam grangs 'di bshad 
pa na lha'i bu brgyad stong ni byang chub tu sems bskyed do/ /dge slong ma lnga brgya ni theg pa gcig tu yang dag par 'du ba'i ting nge 'dzin thob bo/ /byang chub sems dpa' stong nyis brgya ni mi skye ba'i chos la bzod par gyur to/ /stong gsum gyi stong chen po'i 'jig rten gyi khams 'di yang 
rnam pa drug tu rab tu g.yos so/ /chos kyi rnam grangs 'di dang bcom ldan 'das shAkya thub pa la mchod pa'i las kyi phyir steng gi bar snang las lha'i me tog ud pa la dang pad ma dang ku mu da dang pad ma dkar po rnams kyi char chen po yang rab tu bab bo/ /tsan dan sbrul gyi snying po'i 
spos kyi char chen po yang mngon par rab tu bab bo/ /gos kyi char dang rin po che'i char dang rgyan gyi char chen po yang rab tu bab bo/ /'jig rten gyi khams grangs med brjod du med pa'i rdul phra rab kyi rdul snyed kyi byang chub sems dpa' sems dpa' chen po rnams kyis de'i tshe/ byang 
chub sems dpa' sems dpa' chen po re res kyang phyogs bcu'i sangs rgyas kyi zhing gi rdul phra rab kyi rdul snyed kyi lag pa mngon par sprul te/ lag pa re res kyang lha'i 'jig rten gyi khams kyi tshad tsam grangs med bsam gyis mi khyab mtshungs pa med/ gzhal du med pa'i 
gdugs kyi sprin dang / rgyal mtshan gyi sprin dang / ba dan gyi sprin dang / me tog gi sprin dang / tsan dan sbrul gyi snying po'i sprin dang / rgyan gyi sprin dang / seng ge'i rgyal mtshan zla ba'i sprin dang / nor bu rin po che snang ba thams cad bsags pa'i sprin dang / nor bu rin po che dbang 
gi rgyal po'i sprin rnams kyis chos kyi rnam grangs 'di la mchod do/ /bcom ldan 'das shAkya thub pa la yang gtor cing mngon par gtor nas tshig 'di skad ces bcom ldan 'das legs par gsungs so/ /bde bar gshegs pas legs par gsungs te/ chos kyi rnam grangs 'di 'jig 

</font><hr>55-1-210a<br><font size=+1>

rten du yun ring du gnas par gyur cig ces smras so/ /sangs rgyas kyi zhing brjod du med pa bye ba phrag bcu'i rdul phra rab kyi rdul snyed kyi lha'i bu bye ba khrag khrig brgya stong dang / lha'i bu mo bye ba khrag khrig brgya stong grangs med bsam gyis mi khyab/ gzhal du med brjod du 
med pa rnams kyis kyang lha'i me tog man dA ra ba dang man dA ra ba chen po dang / many+dzu Sha ka dang yid dga' dang pa ru Sha ka dang ta ra Ni dang ba la la ki dang / ko ta ra Ni dang dri mchog dang d+ha nu ska ri de ba dang ud pal dang pad ma dang ku mu da dang pad ma dkar po dang / me tog 'khor lo dang 
'khor lo chen po la sogs pa lha'i me tog gi char chen po rab tu phab bo/ /lha'i gos dang gdugs dang rgyal mtshan dang ba dan gyi char rab tu phab bo/ /lha'i tsan dan sbrul gyi snying po'i char dang rin po che'i sprin gyi char dang rgyan gyi sprin gyi char rab tu phab bo/ /brgya byin dang tshangs pa 
dang 'jig rten skyong ba bye ba khrag khrig brgya stong bgrang ba las shin tu 'das pa grangs med pas kyang chos kyi rnam grangs 'di la mchod pa'i las kyi phyir 'dzam bu'i gling gi tshad tsam gyi me tog gi sprin dang / gos kyi sprin dang rin po che'i sprin gyi char rab tu phab bo/ /de bzhin du klu 
dang gnod sbyin dang dri za dang lha ma yin dang / nam mkha' lding dang mi 'am ci dang lto 'phye chen po bye ba khrag khrig brgya stong grangs med bsam gyis mi khyab gzhal du med/ tshad med pa dag gis kyang lha'i me tog gi char dang / spos dang gos dang rin po che'i char mngon par phab ste/ 
lha'i rol mo'i dbyangs sgra bsam gyis mi khyab pa byas nas tshig 'di skad ces bcom ldan 'das legs par gsungs so/ /bde bar gshegs pas legs par gsungs te/ kye ma'o bdag cag gis sngon ma thos pa'i chos kyi rnam grangs 'di thos so/ /kye ma'o chos kyi 
rnam grangs 'di yun ring du gnas par gyur cig ces smras so/ /bcom ldan 'das kyis de skad ces bka' stsal nas/ 'jam dpal gzhon nur gyur pa dang / byang chub sems dpa' sems dpa' chen po tshad med grangs med pa dag dang / bzang skyong la sogs pa 

</font><hr>55-1-210b<br><font size=+1>

dge bsnyen stong phrag dpag tu med pa dag dang / nyan thos chen po dag dang / lha dang klu dang gnod sbyin dang dri za dang lha ma yin dang nam mkha' lding dang mi'am ci dang lto 'phye chen po brgya phrag grangs med pa dag yi rangs te/ bcom ldan 'das kyis gsungs pa la mngon par 
bstod do/ /'phags pa rab tu zhi ba rnam par nges pa'i cho 'phrul gyi ting nge 'dzin ces bya ba theg pa chen po'i mdo rdzogs so// //rgya gar gyi mkhan po dzi na mi tra dang dA na shI la dang / zhu chen gyi lo ts+tsha ba ban de ye shes sdes bsgyur cing zhus te/ skad gsar chad kyis 
kyang bcos nas gtan la phab pa// //</font><hr>

</table>