D137

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>D137</h1><td>(<a href="https://adarsha.dharma-treasure.org/kdbs/degekangyur" target="new2">e-text produced by ADARSHA</a>)<br><br><a href="verif2.php?id=D137&coll=derge">see text in Tibetan script</a></table>56-1-179a<br><font size=+1>
@##/ /rgya gar skad du/ Ar+ya sa mA d+hi a gra ut+ta ma/ bod skad du/ 'phags pa ting nge 'dzin mchog dam pa/bam po gcig go/ /'di skad bdag gis thos pa dus gcig na/ bcom ldan 'das rgyal po'i khab na dge slong chen po'i dge 'dun sum khri dang / 
byang chub sems dpa' skyes bu chen po lnga stong tsam dang / lha dang klu la sogs pa sde brgyad dang / lha dang mi la sogs pa 'khor mang po dang thabs cig tu bzhugs so/ /de ma yin pa gzhan yang phyogs bzhi'i mgon po bzhi dang / srin po dang / yi dgas la sogs pa sde bzhi yang 
'khor der 'dus par gyur to/ /de'i tshe na bcom ldan 'das 'od zer gyi ting nge 'dzin du bzhugs nas cang mi gsung zhing bzhugs pa las 'khor mang po rnams the tsom du gyur to/ /de nas byang chub sems dpa' 'jam dpal gzhon nu chos kyi rgyal bu 'dug pa las langs te/ sangs rgyas la lan gsum 

</font><hr>56-1-179b<br><font size=+1>

bskor ba byas nas tshigs su bcad pa 'di dag gis mngon par bstod do/ /shin tu legs so chos kyi rje/ /ting nge 'dzin la zhi bar bzhugs/ /'khor gyi dkyil 'khor mang po rnams/ /thams cad the tsom skyes par gyur/ /shin tu legs so nyi zla'i 'od/ /cang mi gsung bar 
snang mi mdzad/ /shin tu legs so rin chen gter/ /dbul phongs rnams la sbyin mi mdzad/ /shin tu legs so mi yi rgyal/ /ting nge 'dzin las bzhengs su gsol/ /shin tu legs so klu yi rgyal/ /bdud rtsi'i char pa dbab tu gsol/ /shin tu legs so lha yi mchog /
myur du chos rnams bstan du gsol/ /shin tu legs so sems can la/ /theg pa gcig don bstan du gsol/ /de nas bcom ldan 'das ting nge 'dzin de las bzhengs nas 'khor mang po rnams la 'di skad ces bka' stsal to/ /nga la rin po che bla na med pa'i ye shes mang du yod pa khyod 
la phan pa dang bde bar mdzad cing dbul phongs pa dang bral bar bya ba yod kyis the tsom ma byed par ci dang ci 'dod pa dris shig /de nas dga' bo stan las langs te sangs rgyas la 'di skad ces gsol to/ /bcom ldan 'das bdag gis ni mang du thos pas bla na med pa'i byang chub myur du 'thob 
snyam na mdo sde dag las bshad pa thos pa ltar na mang du thos shing shes rab rno ba'i dbang po dang ldan pa ni byang chub thob pa shin tu dka' ste bgegs brgyad du zhes 'byung na/ bdag gis ji ltar bla na med pa'i byang chub thob par 'gyur/ bcom ldan 'das kyis dga' bo la bka' 
stsal pa/ dga' bo mang du thos pa la sems rnam pa gnyis te/ gang zhe na/ ting nge 'dzin gyi sems dang / 'khrul pa'i sems so/ /sems ting nge 'dzin la gnas na ni mang du thos pas kyang gnod pa med do/ /sems 'khrul pa la gnas na ni mang du thos pas 
kyang phan pa med de/ gang gis ting nge 'dzin dang shes rab dang shin tu ldan na myur du bla na med pa'i byang chub thob par 'gyur ro/ /dga' bos gsol pa/ bcom ldan 'das ci'i slad du mdo kun las ting nge 'dzin dang / shes rab ni mchog dam pa'o zhes bstod/ bcom ldan 'das kyis 

</font><hr>56-1-180a<br><font size=+1>

dga' bo la bka' stsal pa/ dga' bo ting nge 'dzin dang / shes rab tu ldan pa ni dper na ri dgas kyi nang na seng ge mchog tu gyur pa dang / snang ba thams cad kyi nang na nyi ma mchog tu gyur pa dang / ri'i nang na ri rab lhun po mchog tu gyur pa lta bu'o/ /de yang 
ci'i phyir zhe na/ ting nge 'dzin dang / shes rab tu ldan pa'i shugs ni mchog dam pa yin pa'i phyir ro/ /bcom ldan 'das kyis dga' bo la bka' stsal pa/ dga' bo gal te mi zhig gis shing tsan dan las stong gsum gyi stong chen po'i 'jig rten gyi khams gang ba'i gtsug 
lag khang brtsigs pa dang / mi gzhan zhig gis rin po che sna bdun las stong gsum gyi stong chen po'i 'jig rten gyi khams gang ba'i gtsug lag khang byas na/ mi de gnyis kyi bsod nams mnyam pa yin nam/ dga' bos gsol pa/ mi de gnyis kyi nang na rin po che 
sna bdun las bgyis pa'i bsod nams mchog go/ /sangs rgyas kyis dga' bo la bka' stsal pa/ gzhan yang mi zhig gis gser tha mal pa las stong gsum gyi stong chen po'i 'jig rten gyi khams gang ba'i gtsug lag khang byas pa dang / mi gzhan zhig gis gser btso ma las 
stong gsum gyi stong chen po'i 'jig rten gyi khams gang ba'i gtsug lag khang byas na/ de gnyis kyi bsod nams mnyam pa yin nam/ dga' bos gsol pa/ gser btso ma las bgyis pa'i bsod nams rab tu che'o/ /sangs rgyas kyis dga' bo la bka' stsal pa/ gal 
te mi zhig gis shing tsan dan dang / spos kyi shing gzhan dag las stong gsum gyi stong chen po'i 'jig rten gyi khams gang ba'i sku gzugs byas te mchod pa byed cing phyag 'tshal ba dang / mi gzhan zhig gis gser btso ma dang / rin po che sna bdun las stong gsum gyi stong chen po'i 
'jig rten gyi khams gang ba'i sku gzugs byas te mchod pa byed cing phyag 'tshal na mi de gnyis kyi bsod nams la khyad par yod dam/ dga' bos gsol pa/ rin po che sna bdun dang / gser btso ma las sku gzugs bgyis pa'i bsod nams che'o/ /sangs rgyas kyis dga' bo la bka' stsal pa/ gal te 

</font><hr>56-1-180b<br><font size=+1>

mi zhig gis sbyin pa chen po'i sems bskyed de/ rin po che sna bdun gyi bang mdzod dang / chung ma dang / bu sbyin pa byin pa dang / mi gzhan zhig gis yan lag gi dam pa mgo dang / mig dang / lus dang / rnyed dka' ba'i rin po che sna bdun gyi bang mdzod kyi sbyin pa byin na mi de gnyis 
kyi bsod nams la khyad par ci yod/ dga' bos gsol pa/ rin po che sna bdun dang / lus dang / chung ma dang / bur bcas pa'i sbyin pa'i bsod nams che ba lags so/ /sangs rgyas kyis dga' bo la bka' stsal pa/ gal te mi zhig gis mdo sde bcu gnyis stong 
gsum gyi stong chen po'i 'jig rten gyi khams gang ba'i mi rnams la 'jig rten du spel te klog cing kha ton byed du 'jug pa dang / de la mi zhig gis stong gsum gyi stong chen po'i 'jig rten gyi khams gang ba'i mi rnams yi ge bzhin du 'don cing yi ge yang don ston cing khong du chud na mi 
de gnyis kyi bsod nams gang che/ dga' bos gsol pa/ yi ge bzhin du 'don cing khong du chud pa'i bsod nams che'o/ /sangs rgyas kyis dga' bo la bka' stsal pa/ gal te mi zhig gis mdo sde bcu gnyis kyang thogs pa med par kha ton du shes la don zab mo mi shes 
par mdo sde glegs bam yang stong gsum gyi stong chen po'i 'jig rten gyi khams gang ba tsam 'chang ba dang / de la mi zhig mdo sde bcu gnyis kyang byang bar kha ton shes la don zab mo yang rtogs te/ mdo sde'i glegs bam yang stong gsum gyi stong chen po'i 'jig rten gyi khams gang 
ba tsam 'chang na mi de gnyis kyi bsod nams gang mchog tu gyur pa yin/ dga' bos gsol pa/ kha ton bgyis la don yang rtogs te/ gzhan la yang ston cing 'chad pa'i bsod nams mchog tu gyur pa lags so/ /sangs rgyas kyis dga' bo la bka' stsal pa/ gal te mi 
zhig gis mdo sde bcu gnyis 'grel cing 'chad la/ sbyin pa dang / tshul khrims dang / bzod pa dang / byams pa dang / snying rje dang / dga' ba dang / btang snyoms mi spyod pa dang / gal te mi zhig gis mdo sde bcu gnyis kyang 'grel cing 'chad la/ sbyin pa dang / tshul 

</font><hr>56-1-181a<br><font size=+1>

khrims dang / bzod pa dang / byams pa dang / snying rje dang / dga' ba dang / btang snyoms kyang rgya cher spyod/ sems can rnams la bu gcig pa dang 'dra bar sems snyoms na/ mi de gnyis bsod nams gang che ba yin/ dga' bos gsol pa/ byams pa dang / snying rje dang / dga' ba dang / btang snyoms dang / tshul khrims dang / bzod pa spyod cing sems can la sbyin pa byin pa'i bsod nams che zhing mang ba lags so/ /bcom ldan 'das kyis dga' bo la bka' stsal pa/ gal te mi zhig gis mdo sde bcu gnyis kyang 'grel cing 'chad shes 
la bstan bcos 'u ta bcwa lnga yang byang bar 'chad shes te 'jig rten du spel ba dang / de la mi zhig gis mdo sde bcu gnyis kyang 'grel cing 'chad shes la/ bkri ba'i bstan bcos dang / nges pa'i bstan bcos dang / phung po lnga'i bstan bcos dang / rten cing 'brel par 'byung ba bcu gnyis kyi bstan 
bcos dang / khams bcwa brgyad kyi bstan bcos dang / stong pa chen po'i bstan bcos dang / nyi zla'i bstan bcos dang / nyi zla sprin gyi bstan bcos dang / mdo sde rgyan gyi bstan bcos dang / don dam pa nyid kyi bstan bcos dang / rdo rje snying po'i bstan bcos dang / rnam pa thams cad 
mkhyen pa'i bstan bcos dang / rnam par thar pa'i sgo gsum gyi bstan bcos la sogs pa bstan bcos 'u ta bcwa lnga yang shes la sbyin pa dang / tshul khrims dang / bzod pa dang / byams pa dang / snying rje dang / dga' ba dang / btang snyoms kyang spyod de/ tshul khrims 
'chal pa dang / tshul khrims srung ba dang / sems gnyis su med cing nam mkha' ltar mnyam pa dang / sems can gyi skyon thams cad mi mthong zhing sems can rnams la bu gcig pa dang 'dra bar snyoms te/ dgra sdang ba la yang nam mkha' ltar mnyam pa dang / de la mi 
zhig gis phyogs su rgyas pa'i mdo sde bcu gnyis la skur pa mi 'debs na mi de gnyis kyi bsod nams gang che ba yin/ dga' bos gsol pa/ phyogs su rgyas pa'i mdo sde bcu gnyis la skur pa ma btab na mi de'i bsod nams tshad ma mchis grangs ma mchis te/ bsam gyis mi khyab pa 

</font><hr>56-1-181b<br><font size=+1>

lags so/ /bcom ldan 'das kyis dga' bo la bka' stsal pa/ gzhan yang mi zhig gi gong du smos pa'i bsod nams thams cad kyang stong gsum gyi stong chen po'i 'jig rten gyi khams gang bar byed nus la mdo sde bcu gnyis dang / bstan bcos 'u ta bcwa lnga snyed kyang 
kha ton dang 'brel cing 'chad nus te/ tshul khrims dang / bzod pa dang / byams pa la sogs pa yang spyod/ sbyin pa yang byed de/ mang du thos pa'i mchog tu yang gyur la chos thams cad stong zhing zhi ba'i don yang ston te/ nyan pa'i mngon par shes pa lnga thob par 
byed de/ de ltar phan pa dang bde ba'i don byas kyang des ni mi zhig nyin gcig gam/ mtshan gcig ting nge 'dzin du zhugs pa tsam du mi phod do/ /de ci'i phyir zhe na/ mang du thos pa'i gang zag ni ri'am rgya mtsho ltar nga rgyal gyi sems che'o/ /de ltar nga rgyal che ba ni ngan song du 
bskal pa grangs med kyi bar du sdug bsngal myong bar 'gyur ro/ /dmyal ba de las thar na yang 'dab chags kyi byar skye bar 'gyur na mang du thos pa la phan pa ci yod/ gang la bsam gtan gyi ting nge 'dzin yod pa ni skye shi'i 'khor ba'i sdig kha na ma tho ba'i las lci ba byang bar nus so/ /mang 
du thos pa ni rtswa dang 'dra'o/ /ting nge 'dzin ni me dang 'dra'o/ /mang du thos pa ni lcags dang 'dra'o/ /bsam gtan gyi ting nge 'dzin ni gser dang 'dra'o/ /mang du thos pa ni rtsi bdug pa dang 'dra'o/ /bsam gtan gyi ting nge 'dzin ni rtsi'i sdong po dang 'dra'o/ /mang du thos pa ni gtsang po dang 
'dra'o/ /bsam gtan gyi ting nge 'dzin ni rgya mtsho dang 'dra ste/ ngas bsam gtan gyi ting nge 'dzin gyi bsod nams dang / yon tan bshad na zad pa'i mtha' med de bskal par yang mi rdzogs so/ /bcom ldan 'das kyis dga' bo la bka' stsal pa/ nga mngon sum du dran pa sngon 'das pa'i 
dus na nga mang du thos pa'i skye bor gyur pa'i tshe 'jam dpal dang nga gnyis yod med gnyis la rtsod par gyur te/ 'jam dpal ni yod ces smra/ ngas ni med do zhes smras te/yod med gnyis kyi bden pa la rtsod par gyur te gcig tu ma chad do/ /mtha' ma tshe 'phos nas ngan song du skyes par 

</font><hr>56-1-182a<br><font size=+1>

gyur te/ bskal pa grangs med kyi bar du lcags kyi thu lum za bar gyur to/ /dmyal ba de las thar te sangs rgyas 'od srung dang phrad nas yod pa dang med pa'i bden pa gnyis 'od srung gis 'di skad du bshad do/ /chos thams cad kyi rang bzhin ni 
gcig tu nges shing chad pa med de/ khyed yod pa dang med par smra ba ni don de lta bu ma yin no/ /de ci'i phyir zhe na/ chos thams cad ni stong pa nyid kyis zhi ba ste/ bden pa 'di gnyis ni yod pa yang ma yin la/ med pa yang ma yin te/ khyed shes pa ni 
yi ge'i don shes par zad kyi don zab mo mi shes pas don 'di lta bu ni khyed dmus long ngam 'on pa lta bu yin na/ don zab mo 'di lta bu ji ltar shes shing rtogs par gyur zhes bshad pa thos nas ri dben par song ste/ bdag nyid yid la byas nas bsam gtan gyi ting nge 'dzin la 
zhugasas so/ /zhag bdun lon pa dang bsam gtan zhi ba'i ting nge 'dzin dang / ting nge 'dzin rnam gsum dang / ye shes rnam gsum dang / chen po stong pa nyid dang / don dam pa stong pa nyid dang / stong pa nyid stong pa nyid 'di dag rtogs shing khong du chud par 
gyur te/ chos thams cad stong pa nyid kyis zhi ba ci yang med par rtogs so/ /de ci'i phyir zhe na/ chos thams cad ni ngo bo nyid kyis stong pa'i phyir ro/ /de bas na bsam gtan bsgom pa ni mchog dam par rig par bya ste/ gang zhig nyin gcig gam/ mtshan gcig 
gam/ nyin zhag bdun gyi bar du bsam gtan gyi ting nge 'dzin bsgoms na bskal pa grangs med pa tshun chad kyi kha na ma tho ba'i sdig lci ba yang khad kyis zhi zhing byang bar 'gyur ro/ /gzhan yang kha na ma tho ba'i sdig lci ba yang 'byang bar 'gyur te/ de yang gang zhe na/ pha 
ma bsad pa dang / dgra bcom pa bsad pa dang / mchod rten dang / gtsug lag khang bshig pa dang / dge 'dun gyi gnas khang mes btang ba yin te/ phas pham pa bzhi dang / phas pham pa brgyad dang / lci ba lnga dang / rang bzhin gyi lci ba drug nyams pa yin/

</font><hr>56-1-182b<br><font size=+1>

phyogs su rgyas pa'i mdo sde la skur pa btab pa yin/ pha rol po'i nyes pa'i skyon smra zhing bkur sti mi byed pa yin/ gang du skyes par nga rgyal che ba dang / rang bzhin gyis sdig lci ba yang yin te/ de yang bsam gtan gyi ting nge 'dzin bsgoms na rang zhi zhing 'byang bar 'gyur/ de 
yang bsam gtan gyi ting nge 'dzin gyi mthus 'byang gi gzhan gyis 'byang ba ma yin no/ /nyin zhag bdun tsam gyis kyang de ltar yon tan dang bsod nams dpag tu med pa 'thob na tshe gcig tu dben sar ri dang shing drung du 'dug ste/ rtog pa bsal ba dang / 'jug pa dang / spong ba 
yid la byed pa lta smos kyang ci dgos/ de ci'i phyir zhe na/ sems ni 'bab chu dang 'dra ste skad cig kyang mi sdod/ sems ni spre'u dang mtshungs te gcig btang yang gcig la 'dzin to/ /mdor na sems ni ting nge 'dzin gyi dbang gis mi g.yo'o/ /gal te sems g.yo na chos thams cad 
la 'khrul pa'i 'du shes skye'o/ /gal te ting nge 'dzin la gnas na ni 'jig rten na skye ba dang / gnas pa dang 'gog pa'i 'du shes shing rtogs te/ chos thams cad stong pa nyid kyis zhi ba/ mi rtag par 'gyur zhing 'pho ba/ stong zhing bdag med pa/ sgyu ma dang 'dra ba/ sprul pa lta bu/ glog 
dang / rlung dang / dri za'i grong khyer lta bu/ chu'i dbu ba dang / smig rgyu dang / brag ca dang / bar snang gi bya'i rjes lta bur rtogs so/ /'jig rten na srid pa ri dang / tshal dang / gtsang po dang / 'bab chu dang / mtshe'u dang / lteng ka dang / rgya mtsho la sogs pa chu thams cad kyang me'i bskal pa chen 
po byung ba'i tshe/ thams cad tshig cing zad par 'gyur yang / bsam gtan bzhi dang / gzugs med pa'i ting nge 'dzin bzhi ma gtogs te/ chos thams cad stong pa nyid du shes na bsam gtan gyi mthu ni shin tu bsam gyis mi khyab par rig par bya'o/ /sems ting nge 'dzin la gnas na 
phyogs bcu'i stong gsum gyi stong chen po'i 'jig rten gyi khams kyi nyi ma dang / zla ba dang / skar ma dang / 'bab chu dang / gtsang po dang / rgya mtsho dang / ri dang / tshal dang / klung dang / lung pa skyu ru ra'i 'bras bu lag mthil du bzhag pa bzhin du mthong bar 'gyur ro/ /

</font><hr>56-1-183a<br><font size=+1>

bsam gtan gyi ting nge 'dzin la gnas na rdzu 'phrul gyis phyogs bcu'i 'jig rten gyi khams gang gA'i klung gi bye ma snyed du yang phyin cing phyogs bcu'i 'jig rten gyi khams kyi rlung dang / me dang / sa dang / chu dang / nyi ma dang / zla ba dang / 
skar ma dang / gza' dang / ri dang / tshal dang / chu dang / shing dang / lha'i pho brang dang / klu'i pho brang yang rdzu 'phrul gyis sprul nus te/ de bas na bsam gtan gyi mthu ni shin tu bsam gyis mi khyab par rig par bya'o/ /bsam gtan gyi ting nge 'dzin gyi 
shugs kyis stong gsum gyi stong chen po'i phyogs bcu'i 'jig rten gyi khams kyang sprul nus so/ /dga' bo maud gal gyi bu chen po ting nge 'dzin du zhugs nas ting nge 'dzin gyis rnam pa sna tshogs su sprul cing ting nge 'dzin gyis sa chen po 'di yang mgal me bskor ba bzhin du bskyod 
nus te/ mang du thos pas ni de ltar mi nus par rig par bya'o/ /bcom ldan 'das kyis dga' bo la khyod sa chen po sgul cig ces bka' stsal pa dang / dga' bos gsol pa/ bdag la bsam gtan gyi ting nge 'dzin ma mchis pas sgul rngo mi thogs so/ /bcom 
ldan 'das kyis dga' bo la bka' stsal pa/ bsam gtan gyi ting nge 'dzin bsgom pa dge sbyong gis 'bras bu bzhi ma thob kyang mang du thos pa las khri phrag brgya stong gis 'phags so/ /de'i tshe de'i dus na 'od ma'i tshal na gnas pa'i dge slong lnga brgya tsam zhig thams cad 
mang du thos pa rlom pa las/bcom ldan 'das kyis dga' bo la maud gal gyi bu'i rdzu 'phrul dang / ting nge 'dzin mchog go zhes gsungs pa thos nas sangs rgyas gang na ba der lhags nas/ bcom ldan 'das kyi zhabs la mgo bos phyag 'tshal nas sangs rgyas la 'di skad 
ces gsol to/ /bcom ldan 'das bdag cag mang du thos pa bslabs te/ mdo sde bcu gnyis kyang khong du chud pas rgyal khams chen po bcu drug snyed kyang bdag cag la sangs rgyas dang 'dra bar gus shing bkur sti bgyi na/ ci'i slad du bcom ldan 'das kyis mang du thos pa ni nam yang 

</font><hr>56-1-183b<br><font size=+1>

bla na med pa'i byang chub thob par mi 'gyur ro/ /zhes gsungs zhes gsol pa dang / bcom ldan 'das la dge slong lnga brgya po 'thun par dus gcig tu bdag cag ni mang du thos pa spang zhing bsam gtan gyi ting nge 'dzin la slob po zhes gsol to/ /bcom ldan 'das 
kyis dge slong rnams la bka' stsal pa/ dge slong khyed mang du thos pa spangs te/ bsam gtan gyi ting nge 'dzin la 'jug go zhes ma smra shig /ngas bltas na khyed kyi shes rab ni sbrang bu'i 'dab mas nyi zla sgrib par 'dod pa dang / dmus long gis ri rab lhun po la 'dzeg par 'dod pa 
dang / gru gzings med par rgya mtsho la rgal bar 'dod pa dang / bya 'dab ma chag pa nam mkha' la 'phur 'dod pa bzhin khyed kyang de dang 'dra'o zhes bka' stsal pa dang / dge slong rnams shi ba tsam du 'jigs shing skrag pa'i sems skyes so/ /de nas bcom ldan 'das kyis dge slong rnams 
la bka' stsal pa/ dge slong khyod ma 'jigs ma skrag par sems ting nge 'dzin la zhog shig /dge slong rnams kyis gsol pa/ bdag cag la bsam gtan gyi mthu yang ma mchis na/ ting nge 'dzin du ga la 'gyur/ bcom ldan 'das kyis bka' stsal pa/ nga la sman dam pa 
yod de khyod ting nge 'dzin thob par bya'o zhes bka' stsal pa dang / dge slong rnams kyis bcom ldan 'das bstan du gsol/ bdag cag gis de bzhin du spyod par 'tshal lo zhes gsol to/ /bcom ldan 'das kyis bka' stsal pa/ sman dam pa zhes bya ba ni 'di lta ste/ rtog pa dang / bsal 
ba dang / 'jug pa dang / spong ba'o/ /dge slong rnams kyis gsol pa/ rtog pa dang / bsal ba dang / 'jug pa dang / spong ba ci lags/ bdag cag gis ma 'tshal na bcom ldan 'das kyis bstan du gsol/ de nas sangs rgyas kyis yang 'di skad ces bka' stsal to/ /dang 
po'i sems ni rtog pa zhes bya/ sems gnyis byung ba ni bsal ba zhes bya/ sems gsum byung ba ni 'jug pa zhes bya/ sems bzhi byung ba ni spong ba zhes bya'o/ /gzhan yang 'di lta ste/ bsam gtan dang po la rtog pa zhes bya/ bsam gtan gnyis pa la bsal ba zhes bya/ bsam 

</font><hr>56-1-184a<br><font size=+1>

gtan gsum pa la 'jug pa zhes bya/ bsam gtan bzhi pa la spong ba zhes bya'o/ /gzhan yang 'di lta ste/ bsam gtan zhes bya ba ni lus dran pa nye bar gzhag pa dang / sems dran pa nye bar gzhag pa dang / chos dran pa nye bar gzhag pa dang / 
tshor ba dran pa nye bar gzhag pa yin te/ de bzhin du mngon par shes pa bzhi dang / chos thams cad ni 'di ltar yang dag par spong ba bzhi dang / rdzu 'phrul gyi rkang pa bzhi dang / bden pa bzhi dang / ting nge 'dzin bzhi dang / mtshan ma med pa bzhi dang / byang chub bzhi yin 
na/ dge slong khyed bsam gtan dang po yang gsal bar ma rtogs na bsam gtan bzhi dang / chos thams cad lta ci smos/ dge slong dag thabs sna tshogs kyis bsam gtan gyi ting nge 'dzin la 'jug par bya'o/ /gal te mi gtsang ba la rtog na lus kyi chen po bzhi pags pa 
dang / rus pa dang / tshigs pa dang / rnag khrag zags pa dang / snod bu ga dgu yod pa'i nang du chu blugs na zags pa bzhin du mi gtsang ba'i dngos po bshang gci che chung dang / btsog pa shin tu skyor rung ba zags pa mthong ngo / /ting nge 'dzin de las kyang dngos po rnam pa sna tshogs 
mthong ba ni 'di ltar g.yo ba dang / gnas pa dang / rnam par sdos pa dang / rnam par ser ba dang / rnam par dkar ba dang / rnam par gnag pa tha dad pa sna tshogs mthong bas/ sems ma 'khrul bar gyur na dngos po de dag mthong ba'i tshe phyir bzlog par 
bya'o/ /rus pa dkar po dang / dbugs phyi nang du rgyu ba bgrang ba'i rtog pa yang de dang 'dra'o/ /gal te tshul khrims kyi rtsa ba bzhi nyams pa dang / dge slong mas rtsa ba brgyad nyams pa dang / dge bsnyen mas khrims kyi rtsa ba lnga nyams pa dang / dge tshul gyis khrims bcu 
nyams pa dang / dge slob mas lci ba drug nyams pa dang / sangs rgyas dang chos dang dge 'dun gyi spyi'i dkor brkus pa dang / mkhan po dang / slob dpon dang / bla ma dang / pha ma dang / dge 'dun gyi dkor brkus pa dang / phyogs su rgyas pa'i mdo sde la skur pa'i gang zag de lta bu ni 

</font><hr>56-1-184b<br><font size=+1>

bsam gtan gyi ting nge 'dzin la 'jug pa'i tshe bdag gis lus dang / ngag rlung nag po lta bu dang / khrag ni me rab tu 'bar ba dang 'dra ba dang / rus pa ni ri dang brag lta bu dang / rtsa ni shing lta bu dang / nang grol lnga ni sbrul lam rtsangs pa lta bur mthong ba dang / lag na me chen 
po thogs te rlung chen po la rgyug pa dang / mgo la ri chen po khyer zhing langs kyang rdab 'chos pa dang / kha nas seng ge 'byung ba dang / mig nas 'bar ba mo 'byung ba dang / sna nas sbrul chen po 'byung ba dang / rna ba nas 'phar spyang 'byung ba dang / bshang gci che chung chu lta bur 'bab 
cing rgya mtsho lta bur mthong ba dang / gal te phyogs bcu'i sangs rgyas thams cad cho 'phrul rnam pa mang po ston pa mthong na mtshan ma de lta bu mthong ba'i tshe bsam gtan las langs te/ tshal lam ri dgon par song ste/ phyogs su rgyas pa'i mdo sde 'don cing 'gyod tshangs bya'o/ /
de ltar sngon gyi kha na ma tho ba'i sdig 'gyod tshangs bya ba yang zhag bdun nam/ bdun gnyis sam/ bdun gsum mam/ bdun bzhi'am/ bdun lnga'am/ bdun drug gam/ bdun bdun gyi bar du 'thol tshangs bya'o/ /de ltar sdig sbyangs nas bsam gtan bsgom par bya 
ste/ de la sdig chung ba ni bags kyis bdag gi lus bai dUr+ya'i ri lta bur mthong bar 'gyur ro/ /gang rtsa ba bzhi ma nyams pa nas/ rang bzhin gyi khrims lci ba lnga'i bar du ma nyams pa yin na ting nge 'dzin du 'jug pa'i tshe phyogs bcu'i sangs rgyas dus gcig tu chos ston pa dang / de yang 
bden pa bzhi'am/ yang dag pa'i spong ba bzhi'am/ rdzu 'phrul gyi rkang pa bzhi'am/ sdug bsngal ba'am/ bzod pa'am/ spyi bo dang / 'jig rten chos kyi mchog gi chos ston pa dang yang na byang chub kyi yan lag bdun dang / bsam gtan bzhi dang / skyes bu ya brgyad kyi 
chos dang / stong pa nyid bzhi dang / ting nge 'dzin gsum dang / rnam par thar pa brgyad ston par mthong ba dang / ting nge 'dzin las mun nag mthong ba dang / snang ba mthong na ting nge 'dzin de las langs te/ shin tu dga' ba'i sems bskyed par bya'o zhes bka' stsal pa dang / dge slong dag phyir gnas 

</font><hr>56-1-185a<br><font size=+1>

pa'i tshal du dong ste/ bsam gtan gyi ting nge 'dzin nyin zhag bdun bsgoms pas thams cad kyis dgra bcom pa thob par gyur nas/ bcom ldan 'das gang na ba der lhags te/ sangs rgyas la 'di skad ces gsol to/ /bcom ldan 'das bdag 
cag ni sangs rgyas kyis bstan pa bzhin 'khor ba las thar te bla na med pa'i 'bras bu thob bo/ /bcom ldan 'das kyis bka' stsal pa/ de ltar thob na cho 'phrul bstan pa'i dus la bab bo zhes bka' stsal pa dang / dge slong lnga brgya rnams steng gi bar snang la 'phags 
te/ nyal ba dang / 'dug pa dang / 'gro ba dang / sdod pa dang / lus la me dang / chu la sogs pa 'byung ba'i cho 'phrul rnam pa bcwa brgyad mngon par bstan te/ de'i tshe mang du thos pa'i dge slong rnams bsam gtan bsgoms pas maud gal gyi bu chen po dang 'dra bar 
rdzu 'phrul tha mi dad par gyur to/ /de nas dga' bos bcom ldan 'das la 'di skad ces gsol to/ /bcom ldan 'das dam pa'i chos 'di de bzhin gshegs pa mya ngan las 'das nas ji srid du gnas shing dus ngan pa'i tshe sems can ji snyed cig chos 'di bsgoms pas/ dge sbyong 
gi 'bras bu bzhi thob par 'gyur/ bcom ldan 'das kyis dga' bo la bka' stsal pa/ deng phyin chad dpyid zla 'bring po la rtsa mchog gi grong khyer du mya ngan las 'da'o/ /nga mya ngan las 'das nas lo brgyad cu'i bar du chos la spyod pa'i sems can mang du 'byung ste/ dur khrod dang shing 
drung na gnas shing 'di yid la byed de/ rtog pa dang / bsal ba dang / 'jug pa dang / spong ba'i chos spyod pa stong phrag bcu la stong phrag dgus dge sbyong gi 'bras bu bzhi thob par 'gyur ro/ /lo sum brgya'i bar du ni sems can stong stong phrag bcus dge sbyong gi 
'bras bu bzhi 'thob par 'gyur ro/ /lo sum brgya phan chad/ lo lnga brgya tshun chad ni nga'i nye gnas rnams bags kyis mi dge ba'i chos spyod do/ /phrag dog gi sems kyis log pa'i 'tsho bas 'tsho bar 'gyur ro/ /stong phrag lnga brgya la stong phrag bcus dge sbyong gi 'bras bu thob po/ /

</font><hr>56-1-185b<br><font size=+1>

lo lnga brgya phan chad brgyad brgya tshun chad nga'i nye gnas rnams khyim pa'i gos gyon nas ba lang dang / lug dang / byi la dang / bong bu dang / rta gso zhing 'bru mang po bsog ste/ rang gis lag dar zhing rang za ba dang / bran pho dang / bran mo yang gso bar 'gyur te/ de'i tshe stong phrag stong 
la stong phrag gcig gis dge sbyong gi 'bras bu bzhi thob par 'gyur ro/ /lo brgyad brgya phan chad nas lo stong tshun chad ni nga'i nye gnas rnams sdig pa'i chos bslab ste/ rgyal po dang / rgyal bu dang / blon po chen po dang / khyim bdag la grogs por bsten cing phan tshun tha na phrin gyis 
'drul zhing / zhing rmo brko byed de/ 'bru gzan mang po dang /gser dang / dngul dang / rin po che sna bdun sog cing sha za zhing chang 'thung ste/ chen po bzhi gso zhing rtas par byed pa dang / smad 'tshong ma ltar gos sbu gu gyon zhing 'drid pa dang / slu ba'i las byed de/ de la 'bum 
phrag khri la brgya tsam zhig gis dge sbyong gi 'bras bu bzhi thob bo/ /lo stong phan chad sum brgya tshun chad ni che thang du 'khrugs te/ nga'i nye gnas rnams lus chos gos gyon yang shing gi kha la 'phan rnying btags pa 'dra ste/ gzi byin yang med/ khyim pas mthong na yang bkur sti dang 
mi byed pas shan pa dang 'dra bar 'gyur ro/ /de'i dus na yul khams kyang 'khrugs te/ gcig la gcig dgra byed cing gsod pas rgyal po dang / blon po dang / pha ma dang / bu dang / bu mo yang gcig la gcig dgra byed de/ byams pa dang snying brtse ba'i sems kyang med pas 
bza' ba dang btung bas nyon mongs te/ khyim thab med pa dang / chung ma med pa dang / bu pho med pa dang / bu mo med pa dang / long ba dang / 'on pa dang / lkugs pa dang / dbang po ma tshang ba dang / bran pho dang / bran mo las bros pa yul khams phung bar byed pa/ 'tsho bas rang mi sos pa dag nga'i chos la zhugs nas khyim pa rnams 
kyis kyang rngon pa dang 'dra bar lta ste/ dper na lha'i glang dang / rta rgod dam/ bal glang myos pa ltar gdul dka' ba/ rang dgar yang 'gro ba/ slob dpon dang / slob ma yang mi rgod ma rungs pa dang 'dra ste/ 'dod chags la bag med par spyod cing bla ma dang 'og ma'i rim pa yang med pa dang / bzang 

</font><hr>56-1-186a<br><font size=+1>

ngan gyi rim pa yang med de/ dud 'gro phyugs dang 'dra ba/ kha na ma tho ba'i sdig pa mang po byed cing ngan song gsum gyis mi 'jigs par gar song bar gnas kyang chang 'tshong ba dang / shan pa dang / rngon pa dang / smad 'tshong ma dang / sten cing 'grogs pa/ kha nas kyang dag 
sdig pa smra zhing sems la yang sdig pa sems pa dang / yang na blon po dang sten cing dge ba'i mi dag la thabs sna tshogs kyis bsdigs shing nor phrogs te bu smad gso'o/ /yang na rngon pa'i yo byad nya rgya la sogs pa 'chang zhing nya la sogs pa bcus nas rang gi lag bdar te gsod pa dang / 
sreg pa dang / zla ba nya ba dang / shi ba'i tshe gso sbyong mi byed de rang nyams su gtong ba dang / tshul khrims kyi las byed pa rnams phan tshun rtsod cing bla ma dang / 'og ma dang / grogs po la zhe sdang ba dang / gdug pa'i sems bskyed pa dang / slob dpon dang / slob ma yang gcig la gcig 
skyon 'dru zhing / 'phya ba dang sgrogs pa'i gtam smra ste/ dper na rtsangs pa mang po kun gcig tu 'dus pa dang 'dra ba dang / phan tshun dpung dang / sde tshan gcig la gcig tshig ngan gyis sma 'bebs pa dang / bla 'og gi rim pa yang med pa dang / mi rgod ma rungs pa ltar dge ba byed pa las 
'phrog rlom byed pa dang / khe dang grags pa la chags te/ chos mi shes par gyur pa de'i tshe/ mdo sde bcu gnyis kyang nub par gyur te/ klog pa dang / 'don pa yang med pa dang / nga'i slob ma rnams kyang dgra chos dang / gtsug lag dang / yi ge dang / rtse ba dang / bzhon pa dang / bon chos dang / 
mig mangs dang / glu gar dang / 'du ba dang / spyugs pa dang / 'phong rtsal dang / rta rgyug pa la sogs pa'i chos ma yin pa slob cing spyod de/ de ltar ma legs pa'i chos spyod pas/ tshe 'phos ma thag tu ngan song du lhung ste/ bskal pa grangs med par ngan song gi sdug bsngal myong nas de las thar nas 
yang byol song du skye ste/ ltogs pa dang / skom pa dang / sdug bsngal gyis nyen pa dang / khal lci ba 'gel zhing 'gro bar 'gyur ro/ /phyi zhig na sbyangs pa'i yon tan slob pa yang chos ma yin pa mang du byed de/ ri dang / tshal dang / dur khrod dang / shing drung na mi gnas shing rtag tu grong du rgyug ste/

</font><hr>56-1-186b<br><font size=+1>

sems la rtog pa mang zhing khe dang grags pa tshol te/ nor rdzas dang / longs spyod la chags shing / chog mi shes pa dang / chos ston pa'i bshad mkhan zhig yin na yang sangs rgyas kyi chos ston pa yang khri tsam la gcig tsam yang thog tu mi phebs te/'khor mang po dang 'grogs nas grong rgyu 
zhing khyim pa'i khyim du zhugs nas khyim pa la chos ston pa yang khe dang grags pa'i phyir te/ longs spyod mang du sogs shing shan pa dang 'dra'o/ /sha dang chang la mi spyod pa dag gis dge slong dag khyed ni btsun pa khyim nas khyim med par rab tu byung ba yin na/ snying rje'i sems kyang med de/ 'di 
ltar chos ma yin pa mang du spyod pas khyed ni shan pa dang 'dra'o zhes spyo zhing brgyad par 'gyur ro/ /dge slong de dag de skad ces gshe ba thos nas kun log ste/ de la rdeg pa dang / gshe ba dang / brgyad bkag ste/ gcig la gcig 'di skad du smra'o/ /de bzhin gshegs pa bzhugs pa'i tshe 
na ni nged sha dang chang 'thung ba ma gnang ste/ da nged de bzhin gshegs pa mya ngan las 'das nas da ni ci yang gnang bas nged sha dang chang 'thung ba yin no/ /khyim pa dang bral ba'i 'og tu de dag gcig la gcig bdag cag gis shes pa ni sangs rgyas kyi zhal nas gsungs pa dang 'dra'o zhes smra zhing la 
la ni tshig kyal pa dang / don med pa'i tshig dang / 'gran dor gyi tshig dang / 'khrul pa'i tshig tu gtam smra zhing dper na/ dmus long zhig mdzub mo gnyis nyi ma la btsugs te/ nyi ma ya gi ni byin chung ngo / /yangs so/ /dog go zhes smra ba'am/ mi 'on pa zhig bdag gis gnam gyi steng na 
chos 'chad pa'i sgra thos so zhes zer ba dang 'dra bar dmus long mang po tshogs te/ 'jig rten na 'jam dpal dang 'od srung chen po la sogs pa sprul te/ de'i nang na bzhugs kyang kun gyis rdeg cing gshe ste/ de nas skrod cing 'dug tu mi ster ro/ /gzhan yang dper na seng ge ni spos kyi ri la gnas te/ 
ri dgas dang / gcan gzan gang yang gnas der nyer mi bzod do/ /seng ge ri de las byung ste song ba'i 'og tu ni gcan gzan gdug pa khro bo la sogs pa gcig gis gcig bos te/ spos kyi ri la lhags nas 'bras bu zhim po za zhing chu mig la 'thung ngo / /de ltar za zhing 'thung ba las thams cad skams 

</font><hr>56-1-187a<br><font size=+1>

shing med par gyur te/ spos kyi ri la gnas pa'i lha rnams kyang skyob par mi 'gyur bas rtswa gdug pa skyes te zos ma thag tu tshe'i dus byas par 'gyur ro/ /nga mya ngan las 'das pa'i 'og tu dge slong thams cad kyis ngas bstan pa'i mdo sde bcu gnyis 'don cing klog pa 
yang gong ma ni bar du bcug /bar ma ni 'og tu bcug /'og ma ni gong du bcug /bar ma ni 'og dang / tha mar bcug ste/ don ma yin pa la don zhes zer/ don la ni don ma yin zhes zer te/ji ltar mu stegs can dag so so nas nga'i gzhung ni bden pa yin no zhes zer ba dang 'dra'o/ /
de'i dus na mdo sde bcu gnyis 'jig rten na spyod kyang gzi brjid dang mthu med do/ /la la zhig 'don tam klog kyang mi gcig 'ga' yang dge sbyong gi 'bras bu bzhi thob pa med do/ /de ltar nga'i slob ma rnams kyang rgyal po srid star ba'am/ bya 'dab ma med pa dang 'dra ste/ gtsug lag khang dang 
mchod rten yang stongs shing zhig ral gso ba yang med do/ /de ltar sku gzugs dang ba dan dang / rin po che'i gdugs yod pa yang dgra cha zhig pa 'dra ste/ phug ron dang / bye'u dang / phag dang / khyi dang / lug la sogs pa'i tshang dang gnas su 'gyur ro/ /dge slong so so na 
'dug pa'i gnas ni byi dor bzang du byed do/ /bcom ldan 'das kyis dga' bo la bka' stsal pa/ 'di yang khyed la mdo tsam zhig bshad pa yin no/ /dga' bos sangs rgyas kyis gsungs pa thos nas mchi ma blags te ngus so/ /de ltar dga' bos yid gdung zhing ngu ba ma btang ba las 
bcom ldan 'das kyis dga' bo la bka' stsal pa/ khyod de ltar ma ngu bar mdo sde 'di gzungs su zung la 'jig rten du rgyas par spel cig /de nas dga' bos gdong mchi ma phyis nas/ bcom ldan 'das la bdag gis gzungs su bzung ngo / /zhes gsol to/ /brgya byin dang / lha dang / 
mi rnams kyis kyang dga' bo la 'di skad ces smras so/ /btsun pa bdag cag gis kyang yongs su bzung ste/ gang zhig mdo sde 'di ri'am/ tshal lam/ shing drung ngam/ bas mtha' 'am/ dur khrod na gnas te 'don tam/ klog na bdag cag gis lha dang / mi'i 'khor dang / mi ma yin pa 

</font><hr>56-1-187b<br><font size=+1>

dang bcas te/ gnas der 'gro zhing chung ngu na tshigs su bcad pa gcig gam tshig gcig tsam yang mi brjed mi nyams par bzung ngo zhes gsol to/ /mdo sde 'di gsungs pa'i tshe dge slong stong snyed kyis dge sbyong gi 'bras bu bzhi thob par gyur to/ /dge slong ma stong lnga brgyas 
rgyun tu zhugs pa'i 'bras bu thob par gyur to/ /dge bsnyen lnga brgya yongs su dag par gyur te/ lha dang / mi dang / lha ma yin la sogs pas phyag byas nas phyir dong ngo / /'phags pa ting nge 'dzin mchog dam pa rdzogs so// //</font><hr>

</table>