D175

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>D175</h1><td>(<a href="https://adarsha.dharma-treasure.org/kdbs/degekangyur" target="new2">e-text produced by ADARSHA</a>)<br><br><a href="verif2.php?id=D175&coll=derge">see text in Tibetan script</a></table>60-1-79a<br><font size=+1>

@##/ /rgya gar skad du/ Ar+ya ak+Sha ya ma ti nir de sha nA ma ma hA yA na sU tra/ bod skad du/ 'phags pa blo gros mi zad pas bstan pa zhes bya ba theg pa chen po'i mdo/ bam po dang po/ sangs rgyas dang / byang chub sems dpa' dang / 'phags pa 
nyan thos dang / rang sangs rgyas thams cad la phyag 'tshal lo/ /'di skad bdag gis thos pa dus gcig na/ bcom ldan 'das rgyal po'i khab na/ de bzhin gshegs pa'i spyod yul rin po che bkod pa'i 'khor gyi khyams/ de bzhin gshegs pa thams cad kyi gnas/ 
bsod nams chen po'i rgyan gyi tshogs bsags pa/ spyod pa chen po'i rgyu 'thun pa'i 'bras bu/ sangs rgyas thams cad kyi chos rnam par smin pas mngon par grub pa/ byang chub sems dpa' chen po'i gnas chos kyi dbyings mtha' yas par bstan pa/ de bzhin gshegs 
pa'i rnam par sprul pa'i byin gyi rlabs chags pa med pa'i spyod yul gyi ye shes la 'jug pa/ dga' ba chen po yang dag par skyed pa/ dran pa dang / blo gros dang / rtog pa la 'jug pa/ mdzes pa'i rdzu 'phrul kun nas ma smad pa/ ye shes rnam par dpyod pa/ de la ma 
chags pa'i rtog pa la 'jug pa/ phyi ma'i mtha'i bskal par mngon par bstod pa/ yon tan thams cad kyi tshogs dpag tu med pa na bzhugs te/ bcom ldan 'das chos thams cad kyi mnyam pa nyid ni mngon par rdzogs par sangs rgyas/ chos kyi 'khor lo ni rab tu 
bskor/ slob ma shin tu dul ba mtha' yas pa'i tshogs ni mnga'/ chos thams cad la ni mnga' brnyes/ sems can thams cad kyi bsam pa'i tshul ni rab tu mkhyen/ dbang po dam pa'i mchog ni brnyes/ sems can thams cad kyi nyon mongs pa'i bag chags kyi 
mtshams sbyor ba legs par 'joms pa la ni mkhas/ sangs rgyas kyi mdzad pa lhun gyis grub pa ni rgyun ma bcad cing / dge slong brgya stong phrag drug cu'i dge slong gi dge 'dun chen po dang thabs cig ste/ thams cad kyang cang shes pa'i sems dang ldan pa/ yang 

</font><hr>60-1-79b<br><font size=+1>

dag par shes pas sems shin tu rnam par grol ba/ nyon mongs pa'i bag chags kyi mtshams sbyor ba thams cad legs par 'joms pa la brtson pa/ de bzhin gshegs pa chos kyi rgyal po'i sras/ sangs rgyas kyi chos zab mo la gnas par mkhas pa/ dmigs pa med pa'i 
chos las nges par byung ba/ spyod lam mdzes pa phun sum tshogs pa/ sbyin pa'i gnas chen por gyur pa/ de bzhin gshegs pa'i bka' la shin tu zhugs pa sha stag go/ /byang chub sems dpa'i dge 'dun chen po dang yang thabs cig ste/ sangs rgyas kyi zhing sna tshogs nas 
'dus pa grangs med/ tshad med/ dpag tu med/bsam gyis mi khyab/ mtshungs pa med/ dpe med/ gzhal du med/ bskyad du med/ brjod du med pa'i byang chub sems dpa' sems dpa' chen po rnams dang thabs cig ste/ sems kyi skad cig la sangs rgyas 
kyi zhing mtha' yas pa rtsal gyis gnon cing / 'ong ba dang 'gro ba la mkhas pa/ de bzhin gshegs pa thams cad la mchod cing rim gro byed par gyur ba/ sangs rgyas kyi chos mnyan pa dang / yongs su tshol bas mi ngoms pa/ rtag tu rgyun mi 'chad par sems can thams 
cad yongs su smin par bya ba la brtson pa/ thabs dang shes rab dam pa'i mchog thob pa/ sgrib pa med pa'i rnam par thar pa dang / ye shes la rab tu gnas pa/ rtog pa dang / rnam par rtog pa dang / spros pa thams cad las yang dag par 'das pa/ thams 
cad mkhyen pa nyid kyi sa la nye bar gyur pa sha stag la 'di lta ste/ byang chub sems dpa' glog gi lha zhes bya ba dang / byang chub sems dpa' g.yul las rnam par rgyal ba dang / byang chub sems dpa' rnam par snang ba'i snying po dang / byang chub sems dpa' rtsal gyis 
dpa' ba dang / byang chub sems dpa' yid gnyis shin tu 'joms pa dang / byang chub sems dpa' sgra rnam par bsgrags pa dang / byang chub sems dpa' rnam par blta ba'i mig dang / byang chub sems dpa' mun pa dang bral ba dang / byang chub sems dpa' 

</font><hr>60-1-80a<br><font size=+1>

byams pa dang / 'jam dpal la stsogs pa byang chub sems dpa' sems dpa' chen po grangs med/ dpag tu med/ bskyad du med/ bsam gyis mi khyab/ mtshungs pa med/ dpe med/ gzhal du med/ tshad med/ brjod du med pa'i 
yang brjod du med pa dag dang yang thabs cig go/ /de nas bcom ldan 'das byang chub sems dpa'i spyod pa la rab tu 'jug pa dang / nges par 'byung ba sgrib pa med pa'i sgo zhes bya ba'i chos kyi rnam grangs byang chub sems dpa'i lam bkod pa la dmigs pa/ sangs rgyas 
kyi chos zab mo thams cad dang / stobs bcu dang /mi 'jigs pa yongs su 'grub pa'i ye shes kyi 'byung gnas/ chos thams cad la dbang byed pa'i tshul dang gzungs kyi phyag rgya'i sgor 'jug pa/ so so yang dag par rig pa shin tu rnam par nges pa la gzud pa'i sgor 
'jug pa/ mngon par shes pa chen po'i ye shes la gzud pa'i sgor 'jug pa/ phyir mi ldog pa'i chos kyi 'khor lo mi skye zhing mi ldog pa'i chos rab tu ston pa/ bgrod pa gcig pa'i lam du yang dag par gzhol ba/ theg pa thams cad theg pa gcig tu 
mtshungs pa nyid la yang dag par gzhol ba/ tshul gcig pa'i chos kyi dbyings dbyer med pa la 'jug pa/ sems can thams cad kyi bsam pa dang dbang po la gzud par bstan pa/ snying po'i rjes su song ba'i chos rnam par nges pa/ bdud kyi 'khor thams cad 
shin tu rnam par 'joms par byed pa/ tshul bzhin gyi chos la gzud pa'i sgor 'jug pa/ nyon mongs pa dang lta bar gyur pa thams cad 'dul ba/ chags pa med pa'i shes rab dang / ye shes kyi rjes su 'jug pa/ mtha' yas shing mtshungs pa med pa'i bsngo 
ba la mkhas pa'i thabs kyi ye shes bstan pa/ sangs rgyas kyi chos thams cad kyi mnyam pa nyid kyi ye shes kyi rjes su 'jug pa/ thogs pa med pa'i ye shes kyi byin gyi rlabs kyis sgor 'jug pa/ chos thams cad ji lta ba bzhin du shin tu gtan la bab par bstan 

</font><hr>60-1-80b<br><font size=+1>

pa/ mi rtog rnam par mi rtog pa'i mnyam pa nyid la 'jug pa/ rten cing 'brel par 'byung ba zab mo khong du chud pa/ bsod nams dang ye shes kyi tshogs chen po thams cad bsags pa/ sangs rgyas kyi sku dang gsung dang thugs kyi mnyam pa nyid kyi rgyan gyi rjes su 
song ba/ dran pa dang / blo gros dang / rtogs pa dang / mos pa dang / shes rab mi zad pa mngon par sgrub pa/ nyan thos kyi theg pas gdul ba'i phyir/ 'phags pa'i bden pa'i tshul la 'jug pa/ rang sangs rgyas kyi theg pas gdul ba'i phyir/ lus 
dang sems rab tu dben pa'i shes pa/ theg pa chen pos gdul ba'i phyir thams cad mkhyen pa'i ye shes kyi sar dbang bskur ba thob pa/ de bzhin gshegs pa'i yon tan brjod pa'i phyir/ chos thams cad la dbang byed pa'i tshul la 'jug pa gsung ngo / /ston to/ /
rab tu ston to/ /mos par mdzad do/ /'dzin du 'jug go/ /klog tu 'jug go/ /shes par mdzad do/ /rnam par rig par mdzad do/ /rab tu shes par mdzad do/ /rab tu 'jug par mdzad do/ /'grel to/ /rnam par 'byed do/ /gsal bar mdzad do/ /yang 
dag par rab tu ston to/ /de nas bcom ldan 'das de lta bu shin tu rnam par nges pa'i don 'dus pa chen po'i le'u chos kyi rnam grangs 'di rgya cher yang dag par rab tu ston pa na/ shar phyogs logs nas gser gyi 'od chen po snang bar gyur te/ gser gyi 'od snang ba des 
rin po che bkod pa'i 'khor gyi khyams thams cad dang / stong gsum gyi stong chen po'i 'jig rten gyi khams 'di yang gser gyi 'od chen po des snang bar gyur to/ /de bzhin gshegs pa'i 'od dang / byang chub sems dpa' dbang bskur ba thob pa rnams kyi 'od ma gtogs 
par/ gang gzhan stong gsum gyi stong chen po'i 'jig rten gyi khams 'di'i nyi ma dang / zla ba'i 'od dang / brgya byin dang / tshangs pa dang / 'jig rten skyong ba rnams kyi 'od dang / lha dang / klu dang / gnod sbyin dang / dri za dang / lha ma yin dang / nam mkha' lding 

</font><hr>60-1-81a<br><font size=+1>

dang / mi 'am ci dang / lto 'phye chen po rnams kyi 'od dang / me dang / nor bu dang / rin po che dang / glog dang / skar ma rnams kyi 'od de dag thams cad mog mog por byas te zil gyis non cing mi gsal bar gyur to/ /gang stong gsum gyi stong chen 
po'i 'jig rten gyi khams 'di 'jig rten gyi bar na bsags pa'i gzugs su gyur pa dang / mun nag mi snang bas/ nyi ma dang / zla ba 'di ltar rdzu 'phrul che ba/ 'di ltar mthu che ba/ 'di ltar dbang che bas kyang lham me/ lhan ne/ lhang nger ma gyur pa de dag kyang 'od des sa 
ler gyur to/ /'od de la rtswa dang / shing gel pa dang / sman dang / nags tshal rnams sgrib par mi byed do/ /ri nag po rnams dang / gangs kyi ri dang / ri rab dang / khor yug dang / khor yug chen po dang / ri btang bzung dang / ri btang bzung chen po yang 
rung ste/ ri'i rgyal po chen po thams cad kyang sgrib par mi byed de/ mnar med pa'i sems can dmyal ba chen po yan cad thams cad du thal te/ stong gsum gyi stong chen po'i 'jig rten gyi khams thams cad snang bar byas nas sa ler gyur to/ /gang sems can dmyal ba pa rnams 
sam/ dud 'gro'i skye gnas pa rnams sam/ gshin rje'i 'jig rten pa'i sems can rnams kyi lus la 'od des phog par gyur pa de dag thams cad kyi sdug bsngal gyi tshor ba med par gyur te/ lus dang sems rab tu tshim par gyur cing bdag nyid bde ba thams cad dang ldan 
pa snyam du sems so/ /rin po che bkod pa'i 'khor gyi khyams su bcom ldan 'das kyi spyan sngar/ 'khor gyi dkyil 'khor gyi khor yug thams cad du rin po che sna bdun gyi pad mo/ kha tson shing rta'i phang lo tsam 'dab ma bye ba brgya stong du ma dang ldan pa/ dri zhim pa/ bkra 
ba/ blta na sdug pa/ kha dog dang ldan zhing yid du 'ong ba/ steng rin po che'i gdugs kyi dra bas g.yogs pa/ ka tsa lin de ltar 'jam zhing reg na bde ba/ bye ba phrag drug cu sa'i rum nas 'thon te mngon par 'phags so/ /rin po che'i pad mo de dag re re las dri gang 

</font><hr>60-1-81b<br><font size=+1>

byung ba'i dri des stong gsum gyi stong chen po'i 'jig rten gyi khams kun tu rgyas te/ gang stong gsum gyi stong chen po'i 'jig rten gyi khams 'di'i lha dang / mi'i spos de dag thams cad pad mo'i dri des zil gyis non par gyur to/ /lha dang / mi dang / klu dang / gnod 
sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po gang rnams kyi sna'i rnam par rig pa la pad mo'i dri des phog pa de dag thams cad kyang chos kyi dga' ba dang ldan te/ bdag nyid nyon mongs pa dang bral ba snyam du shes so/ /
tshe dang ldan pa kun dga' bos gser gyi 'od de dang / pad mo bkod pa byung ba de dag mthong ngo / /mthong nas kyang ngo mtshar du gyur/ rmad du gyur nas/ stan las langs te bla gos phrag pa gcig tu gzar nas pus mo g.yas pa'i lha nga sa la btsugs te/ bcom 
ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to/ /bcom ldan 'das 'od blta na sdug pa 'di lta bu 'di rab tu gda' zhing / pad mo bkod pa sngon ma mthong ma thos pa 'di dag byung ba su'i snga ltas lags/ 
de skad ces gsol pa dang / bcom ldan 'das kyis tshe dang ldan pa kun dga' bo la 'di skad ces bka' stsal to/ /kun dga' bo 'di ni shar phyogs nas byang chub sems dpa' blo gros mi zad pa zhes bya ba/ byang chub sems dpa' bye ba phrag drug cus yongs su 
bskor cing mdun du bdar nas lhan cig tu 'ong ste/ de dag 'ong ba'i snga ltas so/ /bcom ldan 'das kyis de skad ces bka' stsal nas/ ring po ma lon par de nas de'i tshe byang chub sems dpa' blo gros mi zad pas sa cher g.yo bar byed cing 'od zer ni rab tu gtong 
ste/ byang chub sems dpa'i rdzu 'phrul chen po dang / byang chub sems dpa'i mthu chen po dang / byang chub sems dpa'i rnam par 'phrul pa chen pos me tog gi char chen po ni 'bebs/ sil snyan bye ba khrag khrig brgya stong dang glu rab tu len cing / byang chub 

</font><hr>60-1-82a<br><font size=+1>

sems dpa' bye ba phrag drug cus yongs su bskor te mdun du bdar nas lhan cig tu rin po che bkod pa'i 'khor gyi khyams ga la ba der/ bcom ldan 'das ga la ba der 'ongs te lhags nas/ bcom ldan 'das kyi spyan sngar steng gi bar snang la ta la bdun srid 
na 'khod nas thal mo sbyar te/ stong gsum gyi stong chen po'i 'jig rten gyi khams 'di thams cad dbyangs kyis go bar byed cing / bcom ldan 'das la tshul dang 'dra ba'i tshigs su bcad pa 'di dag gis mngon par bstod do/ /rdul med rdul dang bral ba dpa' bo 'dod 
chags bral/ /ye shes rab rib mi mnga' spyan gsum rnam par sbyangs/ /skyon rnams bsal ba dri ma gsum dang tha ba spangs/ /rdul bral sangs rgyas thugs rje can la phyag 'tshal lo/ /'jigs dang bral zhing gti mug dra ba rnam par bsal/ /stobs bcu rgol 
ba'i tshogs kyis shin tu thul bar dka'/ /log pa'i lam zhugs pha rol tshogs skrag mdzad/ /seng ge lta bur bsnyengs pa mi mnga' sa la gshegs/ /lha yul sa steng na yang skyon rnams kun dang bral/ /khyod kyi yan lag dri ma mi mnga' lam mer bzhugs/ /
mun dang rab rib ma rig legs par rab bsal nas/ /sprin gyi dra ba las grol nyi ma bzhin du lham/ /'gro ba 'di rnams mgon skyabs med cing sdug bsngal gyur/ /rga dang 'chi bas mnar cing gnas skabs ma mchis la/ /sems can mchog gis thugs 
brtse thugs rje bskyed mdzad nas/ /sman pa bzhin du rab tu grol bar mdzad cing gshegs/ /ma rig pa dang gti mug srid mtsho rgal dka' ba/ /nyon mongs rnam rtog rnam mnga' dba' klong mang po las/ /gzhan las ma gsan par ni bdag nyid rab rgal te/ /pad 
mo bzhin du chags pa mi mnga' rnam par gshegs/ /chos 'di thams cad rang bzhin gyis ni bdag ma mchis/ /brag ca sgra skad bzhin du bsten nas 'byung ba lags/ /ma bgyis byed pa po dang tshor ba ma mchis par/ /'jig rten mgon po sems can phan phyir 

</font><hr>60-1-82b<br><font size=+1>

rab tu gsungs/ /'jig rten chos rnams 'jig rten ri yi chu bzhin g.yo/ /mi mkhas skye bos bsten pa snying po ma mchis pa/ /chos rnams thams cad ston ka'i sprin dang 'drar mkhyen nas/ /srid las rgal bar gyur cing srid pa kun la smod/ /pad ma dmar po 'dab 
ma rgyas 'dra'i spyan mnga' ba/ /nyi zla brgya bas lhag pa'i gzi brjid mnga' ba po/ /'jig rten kun na bstod cing bsngags pa bstod 'os pa/ /mi 'dul snyun dang bral ba khyod la phyag 'tshal lo/ /mi yi khyu mchog mtha' yas pa yi pha rol gshegs/ /yon tan khyad par 
kun gyi pha rol byon gyur pa/ /bde bar gshegs kyi yon tan 'di dag dpag mi lang / /sangs rgyas bsod nams zhing la mgo bos phyag 'tshal lo/ /de nas byang chub sems dpa' blo gros mi zad pa byang chub sems dpa' bye ba phrag drug cu po de dag dang bcas pas/ bcom ldan 
'das la tshul dang 'dra ba'i tshigs su bcad pa 'di dag gis mngon par bstod nas/ steng gi bar snang las babs te/ bcom ldan 'das kyi zhabs la mgo bos phyag 'tshal nas/ bcom ldan 'das la lan bdun bskor ba byas te/ bcom ldan 'das kyis gnang nas 'khor 
dang bcas te/ pad ma'i snying po de dag la skyil mo krung du 'khod do/ /de nas sangs rgyas kyi mthus/ tshe dang ldan pa sha ra dwa ti'i bu stan las langs te/ bla gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das ga la 
ba de logs su thal mo sbyar ba btud nas/ bcom ldan 'das la 'di skad ces gsol to/ /bcom ldan 'das byang chub sems dpa' blo gros mi zad pa 'di gang nas mchis/ de bzhin gshegs pa de'i mtshan dang / 'jig rten gyi khams de'i ming ci zhes bgyi/ 'jig 
rten gyi khams de 'di nas ji srid cig na mchis/ bcom ldan 'das kyis bka' stsal pa/ sha ra dwa ti'i bu de'i phyir khyod kyis byang chub sems dpa' blo gros mi zad pa 'di la dris shig dang / 'di nyid khyod la ston to/ /de nas tshe dang ldan pa sha ra dwa ti'i bus/ byang chub 

</font><hr>60-1-83a<br><font size=+1>

sems dpa' blo gros mi zad pa la 'di skad ces smras so/ /rigs kyi bu khyod gang nas 'ongs/ de bzhin gshegs pa de'i mtshan dang / 'jig rten gyi khams de'i ming ci zhes bya/ 'jig rten gyi khams de 'di nas ji srid cig na yod/ blo gros mi zad 
pas smras pa/ gnas brtan sha ra dwa ti'i bu la da dung du yang 'ong ba dang 'gro ba'i 'du shes 'byung ngam/ smras pa/ rigs kyi bu bdag gis 'du shes ni yongs su shes so/ /smras pa/ btsun pa sha ra dwa ti'i bu 'du shes yongs su shes pa dang ldan pa ni gnyi ga la blo mi 'jug na/ 
de ci'i phyir khyod 'di ltar gang khyod gang nas 'ongs snyam du sems/ btsun pa sha ra dwa ti'i bu/ 'ong ba zhes bya ba de ni bsdu ba'i tshig go /btsun pa sha ra dwa ti'i bu/ 'gro ba zhes bya ba de ni bsal ba'i tshig go/ /gang la bsdu ba'i tshig med pa dang / bsal ba'i tshig med pa de 
la 'ong ba yang med/ 'gro ba yang med de/ 'ong ba dang 'gro ba med pa de ni 'phags pa rnams kyi 'gro ba'o/ /btsun pa sha ra dwa ti'i bu/ 'ong ba zhes bya ba de ni las kyi rang bzhin gyi mtshan nyid do/ /btsun pa sha ra dwa ti'i bu/ 'gro ba zhes bya ba de ni las kyi rang bzhin zad 
pa'i mtshan nyid do/ /gang la las kyi rang bzhin gyi mtshan nyid med pa dang / las kyi rang bzhin zad pa'i mtshan nyid med pa de la 'ong ba yang med/ 'gro ba yang med de/ 'ong ba dang 'gro ba med pa de ni 'phags pa rnams kyi 'gro ba'o/ /btsun pa sha ra dwa ti'i bu/ 'ong ba 
zhes bya ba de ni smon lam gyi mtshan nyid do/ /btsun pa sha ra dwa ti'i bu/ 'gro ba zhes bya ba de ni smon lam zad pa'i mtshan nyid do/ /gang la smon lam gyi mtshan nyid dang / smon lam zad pa'i mtshan nyid med pa de la 'ong ba yang med/ 'gro ba yang med de/ 'ong ba dang 'gro 
ba med pa de ni 'phags pa rnams kyi 'gro ba'o/ /btsun pa sha ra dwa ti'i bu/ 'ong ba zhes bya ba de ni skye ba'i mtshan nyid do/ /btsun pa sha ra dwa ti'i bu/ 'gro ba zhes bya ba de ni 'gog pa'i mtshan nyid do/ /gang la skye ba'i mtshan nyid med pa dang / 'gog pa'i mtshan nyid med pa de la 'ong ba 

</font><hr>60-1-83b<br><font size=+1>

yang med/ 'gro ba yang med de/ 'ong ba dang 'gro ba med pa de ni 'phags pa rnams kyi 'gro ba'o/ /btsun pa sha ra dwa ti'i bu/ 'ong ba zhes bya ba de ni rnam par rig pa'i sgo'i mtshan nyid do/ /btsun pa sha ra dwa ti'i bu/ 'gro ba zhes bya ba de ni rnam par rig pa'i sgo zad pa'i mtshan nyid do/ /gang la rnam 
par rig pa'i sgo'i mtshan nyid med pa dang / rnam par rig pa'i sgo zad pa'i mtshan nyid med pa de la 'ong ba yang med/ 'gro ba yang med de/ 'ong ba dang 'gro ba med pa de ni 'phags pa rnams kyi 'gro ba'o/ /btsun pa sha ra dwa ti'i bu/ 'ong ba zhes bya ba de ni 'ong ba'i 
yul lo/ /btsun pa sha ra dwa ti'i bu/ 'gro ba zhes bya ba de ni 'gro ba'i yul lo/ /gang la 'ong ba'i yul med pa dang / 'gro ba'i yul med pa de la 'ong ba yang med/ 'gro ba yang med de/ 'ong ba dang 'gro ba med pa de ni 'phags pa rnams kyi 'gro ba'o/ /btsun 
pa sha ra dwa ti'i bu/ 'ong ba zhes bya ba de ni rkyen gyi mtshan nyid do/ /btsun pa sha ra dwa ti'i bu/ 'gro ba zhes bya ba de ni rkyen zad pa'i mtshan nyid do/ /gang la rkyen gyi mtshan nyid med pa dang / rkyen zad pa'i mtshan nyid med pa de la 'ong ba yang med/ 'gro ba yang med de/ 'ong 
ba dang 'gro ba med pa de ni 'phags pa rnams kyi 'gro ba'o/ /btsun pa sha ra dwa ti'i bu/ 'ong ba zhes bya ba de ni rten cing 'brel bar 'byung ba'i mtshan nyid do/ /btsun pa sha ra dwa ti'i bu/ 'gro ba zhes bya ba de ni rten cing 'brel bar 'byung ba zad pa'i mtshan nyid do/ /gang la rten cing 
'brel bar 'byung ba'i mtshan nyid med pa dang / rten cing 'brel bar 'byung ba zad pa'i mtshan nyid med pa de la 'ong ba yang med/ 'gro ba yang med de/ 'ong ba dang 'gro ba med pa de ni 'phags pa rnams kyi 'gro ba'o/ /btsun pa sha ra dwa ti'i bu/ 'ong ba zhes bya ba de ni rgyu las 
byung ba'i mtshan nyid do/ /btsun pa sha ra dwa ti'i bu/ 'gro ba zhes bya ba de ni rgyu las byung ba zad pa'i mtshan nyid do/ /gang la rgyu las byung ba'i mtshan nyid med pa dang / rgyu las byung ba zad pa'i mtshan nyid med pa de la 'ong ba yang med/ 'gro ba yang med de/ 'ong ba dang 'gro ba med pa de 

</font><hr>60-1-84a<br><font size=+1>

ni 'phags pa rnams kyi 'gro ba'o/ /btsun pa sha ra dwa ti'i bu/ 'ong ba zhes bya ba de ni tha snyad kyi sgra dang / yi ge dang / brda'o/ /btsun pa sha ra dwa ti'i bu/ 'gro ba zhes bya ba de ni tha snyad kyi sgra dang / yi ge dang brda yongs su shes pa'o/ /gang la 
tha snyad kyi sgra dang / yi ge dang / brda med pa dang / tha snyad kyi sgra dang / yi ge dang / brda yongs su shes pa med pa de la 'ong ba yang med/ 'gro ba yang med de/ 'ong ba dang 'gro ba med pa de ni 'phags pa rnams kyi 'gro ba'o/ /de nas tshe dang ldan pa sha ra dwa ti'i bus/ byang 
chub sems dpa' blo gros mi zad pa la 'di skad ces smras so/ /rigs kyi bu khyod kyi spobs pa 'di lta bu'i phyir ma yin gyi/ ci nas de lta bu sngon ma thos pa'i gnas rnams mnyan pa'i phyir 'dri'o/ /rigs kyi bu 'di lta ste dper na yul btsas dang / sho gam gcod pa'i mi 
zhig yod de/ des mi reng ngam/ khur thogs te/ lam nas 'gro ba la mi khyod ci zhig thogs zhes 'dri zhing nga la yul btsas dang / sho gam byin cig ces zer ba de bzhin du rigs kyi bu bdag cag nyan thos gzhan gyi sgra'i rjes su 'gro ba/ gzhan las thos pa la mos 
par bdag gi sems kyi rgyud la snang ba nye bar gnas pa rnams kyis rtag tu rgyun mi 'chad par khyod lta bu skyes bu dam pa rnams la gang las nyan thos dang / rang sangs rgyas mang po 'byung bar 'gyur ba'i theg pa chen po 'di rjes su gzung ba'i phyir dri bar bya ste/ de bas na rigs kyi bu 
khyod gang nas 'ongs/ de bzhin gshegs pa de'i mtshan dang / 'jig rten gyi khams de'i ming ci zhes bya/ 'jig rten gyi khams de 'di nas ji srid na yod pa legs par ston cig /blo gros mi zad pas smras pa/ btsun pa sha ra dwa ti'i bu/ de bzhin gshegs pa 
'di khyod kyi mdun na bzhugs kyis 'di la zhus shig dang / des khyod la lan ldon par 'gyur te/ 'khor thams cad kyang the tshom med par 'gyur ro/ /de nas bcom ldan 'das la tshe dang ldan pa sha ra dwa ti'i bus 'di skad ces gsol to/ /bcom ldan 'das byang chub 

</font><hr>60-1-84b<br><font size=+1>

sems dpa' blo gros mi zad pa 'di gang nas mchis/ de bzhin gshegs pa de'i mtshan dang / 'jig rten gyi khams de'i ming ci zhes bgyi/ 'jig rten gyi khams de 'di nas ji srid cig na mchis/ 'di ltar de bzhin gshegs pa de'i mtshan dang / sangs rgyas kyi zhing 
de'i ming thos nas/ sems can dpag tu ma mchis/ grangs ma mchis pa rnams byang chub kyi phyir go cha 'tshal bar 'gyur bar de bzhin gshegs pas bstan du gsol/ bcom ldan 'das bde bar gshegs pas bstan du gsol/ bcom ldan 'das kyis bka' stsal 
pa/ sha ra dwa ti'i bu de'i phyir legs par rab tu nyon la yid la zung shig dang / ngas khyod la bshad do/ /'jig rten gyi khams de'i yon tan yongs su brjod pa dang / byang chub sems dpa' de dag dang / de bzhin gshegs pa de'i ming thos nas dad pa dang mos pas/ 
de bzhin gshegs pa'i ye shes chags pa med cing sgrib pa med pa la mi skrag par bya'o/ /the tshom za bar mi bya'o/ /de nas tshe dang ldan pa sha ra dwa ti'i bus bcom ldan 'das la legs so/ /zhes gsol nas/ bcom ldan 'das kyi ltar nyan pa dang / bcom ldan 'das 
kyis 'di skad ces bka' stsal to/ /sha ra dwa ti'i bu sangs rgyas kyi zhing 'di nas shar phyogs logs su sangs rgyas kyi zhing gang gA'i klung gi bye ma snyed kyi rdul phra rab kyi rdul snyed 'das pa na/ 'jig rten gyi khams mi 'dzums pa zhes bya ba yod de/ de na de bzhin gshegs pa 
dgra bcom pa yang dag par rdzogs pa'i sangs rgyas kun tu bzang po zhes bya ba da ltar bzhugs te/ 'tsho zhing gzhes la chos kyang ston te/ byang chub sems dpa' blo gros mi zad pa de nas 'ongs so/ /sha ra dwa ti'i bu 'jig rten gyi khams mi 'dzums pa de na nyan thos dang / 
rang sangs rgyas rnams kyi ming yang med de/ de bzhin gshegs pa de'i dge 'dun yang byang chub sems dpa' 'ba' zhig ste/ sngon yongs su sbyang ba byas pa/ sbyin pa dang / dul ba dang / legs par sdom pa dang / des pa dang / tshul khrims dang / thos pa 

</font><hr>60-1-85a<br><font size=+1>

dang / bag yod pa dang / sbyangs pa'i yon tan dang / yo byad bsnyungs pa la rab tu gnas pa/ bzod pa'i stobs kyis khong khro ba med cing / byang chub tu brtson 'grus brtan pas/ dge ba'i tshogs bsags pa/ bsam gtan dang / rnam 
par thar pa dang / ting nge 'dzin dang / snyoms par 'jug pa dang / mngon par shes pas rnam par rol pa/ shes rab kyi 'od dang / snang ba chen pos sangs rgyas kyi chos thams cad kyi tshig rab tu dbye ba ston pa'i ye shes la mkhas pa/ byams pa'i sems nam mkha'i 
dkyil dang mtshungs pa/ snying rje ba'i bsam pa brtan pas sems can thams cad yongs su smin par bya ba'i cho ga shes pa/ dga' bas chos la yang dag par dga' bar byed pa/ nyes pa dang / rjes su chags pa dang / khong khro ba dang / nga rgyal shin tu spangs pa/
btang snyoms kyis gnyis dang bral ba/ stong pa nyid dang / mtshan ma med pa dang / smon pa med pa'i chos kyi tshul la rab tu gnas pa/ bdud kyi lcags kyu dang / nyon mongs pa dang / thab mo'i rnyog pa rnam par sel bar byed pa/ sems can thams cad kyi bsam pa 
dang / dbang po mchog dang / mchog ma yin pa shes pa'i sgrub pa'i shes pa so so ci rigs par chos dang / nor dang / shes pa rab tu sbyin pa/ sems sa dang / chu dang / me dang / rlung dang mtshungs pa/ pha rol rgol ba dang / log pa'i tshogs can gyi tshogs 
thams cad rab tu 'joms pa/ g.yul las rnam par rgyal te/ rgyal mtshan dang / ba dan sgreng zhing mi zlogs par dpa' ba/ sangs rgyas kyi chos zab mo dang / stobs bcu dang / mi 'jigs pas 'khor gyi 'jigs pa dang / bag tsha ba med pa/ rten cing 'brel bar 
'byung ba la 'jug pa yod pa dang / med pa dang / gnyi ga'i mthar lta ba dang bral bas dbu ma'i lam du zhugs pa dang / bdag dang / bdag gi dang / sems can dang / srog dang / skye ba po dang / gso ba dang / skyes bu dang / gang zag dang / shed bu dang /

</font><hr>60-1-85b<br><font size=+1>

shed las skyes dang / byed pa po dang / tshor ba po dang / rtag pa dang / chad pa dang / 'byung ba dang / 'jig pa dang / lta bar gyur pa'i kun nas ldang ba thams cad dang bral ba/ gzungs dang / mdo sde'i rgyal po dang / de bzhin gshegs pa'i phyag rgyas btab pa/ chags 
pa med pa'i ye shes kyi byin gyi rlabs kyis/ bskal pa bye ba khrag khrig brgya stong du sgra bsgrags kyang / spobs pa rgyun mi chad pa/ sangs rgyas kyi rdzu 'phrul dang / rnam par 'phrul pa dang / cho 'phrul ston pas/ sangs rgyas kyi zhing mtha' yas par gnon pa dang / rnam 
par gnon pa dang / 'gro ba dang 'ong ba la mkhas pa/ 'jigs pa dang / khro ba dang / nga rgyal dang / rgyags pa dang / dregs pa kun chad pas/ seng ge'i sgra mngon par bsgrags pa/ sems can rab 'bring tha ma thams cad kyi mdza' bshes brtan pa/ mya ngan las 
'da' ba la 'god pa/ chos kyi sprin las 'brug gi sgra 'byung zhing / rig pa dang / rnam par grol ba'i glog dang / bdud rtsi'i char rab tu 'bebs pa/ chos rin po che rab tu gtor bas/ dkon mchog gsum gyi rigs mi 'chad par byed pa/ nor bu rin po che lta bur 
bsam pa dag cing phyi nang du blo rab tu sbyangs pa/ mtshan dang dpe byad bzang po'i mchog dang / rang gi gzi brjid kyi rgyan dang / dge ba'i rtsa ba brgya stong gis shin tu brgyan pa/ sangs rgyas kyi chos thams cad la dbang bskur ba/ skye ba gcig gis thogs pas rgyal tshab 
tu gyur pa/ sems can thams cad kyi mos pa dang / rnam par grol ba dang / gdul bya gdul ba'i cho ga shes pa/ byang chub kyi sa'i snying po'i gdan gnan pa dang / rnam par gnan pa la mi 'jigs pa'i tshul shes pa/ sangs rgyas thams cad kyi cho ga dang / sangs 
rgyas kyi sku rab tu ston cing / rab tu gzung ba dang / tshar gcod pas sems la dpa' zhing dbang byed pa dang / bla na med pa'i chos kyi 'khor lo rin po che rab tu bskor ba sha stag ste/ sha ra dwa ti'i bu bcom ldan 'das de'i dge 'dun ni byang chub sems dpa' de lta bu sha stag go/ /

</font><hr>60-1-86a<br><font size=+1>

de nas thams cad dang ldan pa'i 'khor des byang chub sems dpa' de dag gi bsngags pa dang / yon tan dang / phan yon bstan pa 'di lta bu 'di dag thos nas tshim zhing mgu la yi rangs te/ rab tu dga' nas/ dga' ba dang yid bde ba skyes te/ 
lha'i me tog ud pa la dang / pad ma dang / ku mu da dang / pad ma dkar po dang / man dA ra ba dang / man dA ra ba chen po dag gis bcom ldan 'das dang / byang chub sems dpa' blo gros mi zad pa dang / byang chub sems dpa' de dag la gtor nas/ skyes bu dam 
pa 'di 'dra ba dag la blta ba dang / phyag bya ba dang / bsnyen bkur bya ba rnyed pa ni bdag cag gis rnyed pa legs par rnyed do/ /gang byang chub sems dpa'i yon tan dang / phan yon bstan pa 'di thos nas/ bla na med pa yang dag par rjogs pa'i byang chub tu sems 
bskyed pa'i sems can de dag gis kyang rnyed pa legs par rnyed do zhes ched du brjod do/ /de na srog chags brgya stong phrag sum cu rtsa drug gis/ bla na med pa yang dag par rdzogs pa'i byang chub tu sems bskyed do/ /de nas yang bcom ldan 'das kyis gnas brtan sha ra dwa ti'i bu 
la bka' stsal pa/ sha ra dwa ti'i bu yang 'jig rten gyi khams mi 'dzums pa de na ngan song dang / mi khom pa dang / sdug bsngal gyi sgra yang med de ltung ba'i 'khrul pa dang / nyon mongs pa'i sgra yang med/ log pa'i sgrub pa dang / bslab pa las 'das pa'i sgra yang med/ 
bud med du skye bar 'gyur ba'i sgra yang med/ ser sna dang / 'chal pa'i tshul khrims dang / gnod sems dang / le lo dang / g.yeng ba dang / 'chal pa'i shes rab kyi sgra yang med/ sgrib pa dang / chod pa dang / kun nas ldang ba dang / bag chags kyi sgra yang med/ rab 'bring tha ma'i sgra yang 
med/ sems can dang / theg pa dang / zhing tha dad pa'i sgra yang med/ sangs rgyas tha dad pa'i sgra yang med/ chos tha dad pa'i sgra yang med/ dge 'dun tha dad pa'i sgra yang med/ bza' ba dang / btung ba dang / bkres pa dang / skom pa'i sgra yang med/

</font><hr>60-1-86b<br><font size=+1>

ngar 'dzin pa dang / nga yir 'dzin pa dang / yongs su 'dzin pa'i sgra yang med/ bdud kyi lta ba kun nas ldang ba dang / bag chags kyi sgra yang med do/ /'jig rten gyi khams de ni yangs shing rgya che ste/ gling bye ba khrag khrig brgya stong phrag drug cu yod de/ byang chub 
sems dpa'i smon lam gyis nyi ma dang zla ba gcig gi 'od kyis kun tu snang ngo / /'jig rten gyi khams de yang lag mthil bzhin du mnyam zhing bai dUr+ya sngon po'i sa gzhi la rin po che thams cad kyi pad mos rab tu spras te/ ka tsa lin di ltar 'jam zhing reg na bde ba mig mangs 
ris su bres pa/ rin po che'i shing gi ra bas legs par brgyan pa/ rtag tu me tog rgyas pas mdzes par byas pa/ rdo dang / gseg ma dang / gyo mo dang / bong ba dang ri nag po med de/ ri rab kyis legs par brgyan pa/ lha dang mi'i longs spyod bye brag med cing / 
sems can de dag gi zas kyang chos kyi dga' ba dang / bsam gtan gyi zas te/ 'jig rten gyi khams de na de bzhin gshegs pa dgra bcom pa yang dag par rdzogs pa'i sangs rgyas kun tu bzang po chos kyi rgyal po bla na med pa ma gtogs par rgyal po gzhan gang yang med 
do/ /bcom ldan 'das de yang byang chub sems dpa' de dag la yi ge dang / sgra dang / brda'i tshig rab tu dbye bas chos mi ston te/ gzhan du na byang chub sems dpa' de dag bcom ldan 'das de'i drung du lhags te/ mig mi 'dzums par bltas pas/ sangs rgyas rjes 
su dran pa'i ting nge 'dzin thob ste/ mi skye ba'i chos la bzod pa thob par lung bstan pa yang byin no/ /de'i phyir na 'jig rten gyi khams de yang mi 'dzums pa zhes bya'o/ /de la sangs rgyas rjes su dran pa gang zhe na/ gang gzugs kyi mtshan nyid kyis rab tu ma phye ba/ tshe 
dang / rigs dang / rus dang / cho rigs kyis rab tu ma phye ba/ sngon gyi mtha'i dkar po'i spyod pas rab tu ma phye ba/ phyi ma'i mtha'i shes pa la sems pas rab tu ma phye ba/ da ltar byung ba la gnas pas rab tu ma phye ba/ phung po dang / khams dang / skye mched 

</font><hr>60-1-87a<br><font size=+1>

kyis rab tu ma phye ba/ mthong ba dang / thos pa dang / bye brag phyed pa dang / rnam par rig pas rab tu ma phye ba/ sems dang / yid dang / rnam par shes pas rab tu ma phye ba/ spros pa dang lta bas rab tu ma phye ba/ skye ba dang / gnas pa dang / 
'jig pas rab tu ma phye ba/ gzung ba dang / rtsod pa dang / btang bas rab tu ma phye ba/ dran pa dang / yid la byed pas rab tu ma phye ba/ rtog pa dang / rnam par rtog pa dang / yongs su rtog pas rab tu ma phye ba/ chos kyi mtshan nyid dang / rang gi mtshan nyid kyis rab 
tu ma phye ba/ gcig dang / tha dad pa dang / so so bas rab tu ma phye ba/ sems kyi dmigs pa bgrang bas rab tu ma phye ba/ nang dang / phyi rol du g.yo bas rab tu ma phye ba/ rnam par rtog pa'i mtshan ma dang / blang ba dang / dor bas rab tu ma phye ba/ kha dog dang / 
dbyibs dang / rtags kyis rab tu ma phye ba/ spyod lam dang / spyad pa dang / spyod pas rab tu ma phye ba/ tshul khrims dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong ba yid la byed pas rab tu ma phye ba/ 
stobs dang / mi 'jigs pa dang / sangs rgyas kyi chos ma 'dres par sgro btags pas rab tu ma phye ba yin te/ 'di ltar sangs rgyas rjes su dran pa ni bsam gyis mi khyab pa/ rgyu ba med pa/ rnam par rig pa med pa'i mtshan nyid de/ nga yi ba med pa/ yid la byed pa dang 
bral ba/ dran pa med cing yid la byed pa med pa/ phung po dang / khams dang / skye mched 'byung ba dang / 'jig pa'i gnas ma yin/ thogs pa ma yin/ 'jug pa ma yin/ gnas pa ma yin/ mi gnas pa ma yin/ rab tu gnas pa ma yin/ yang 
dag par gnas pa ma yin/ gzugs kyi rnam par shes pa'i gnas ma yin/ tshor ba dang / 'du shes dang / 'du byed dang / rnam par shes pas shes par bya ba'i gnas ma yin/ sa'i khams kyi rnam par shes pa'i gnas ma yin/ chu'i khams kyi ma yin/

</font><hr>60-1-87b<br><font size=+1>

me'i khams kyi ma yin/ rlung gi khams kyi ma yin/ rnam par shes pa'i khams kyi gnas ma yin/ mig dang gzugs kyi rnam par shes pa'i gnas ma yin/ de bzhin du rna ba'i ma yin/ sgra'i ma yin/ sna'i ma yin/ dri'i ma yin/ lce'i ma yin/ ro'i 
ma yin/ lus kyi ma yin/ reg bya'i ma yin/ yid kyi ma yin/ chos kyi rnam par shes pa'i gnas ma yin no/ /yang sangs rgyas rjes su dran pa ni dmigs pa thams cad la mi gnas pa'o/ /mtshan ma thams cad mi ldang ba'o/ /g.yo ba dang / sems pa dang / 
bskyod pa thams cad kyi rgyu ba med pa'o/ /mthong ba dang / thos pa dang / bye brag phyed pa dang / rnam par rig pa mi skye ba'o/ /dbang po dang / rnam par grol ba'i mtshan nyid thams cad kyi rjes su mi 'gro ba'o/ /sems gcig nas gcig tu nying mtshams sbyor ba med pa'o/ /
rtog pa dang / rnam par rtog pa thams cad nye bar zhi ba'o/ /nyes pa dang / rjes su chags pa dang / khong khro ba bcom pa'o/ /rgyu'i mtshan nyid rnam par chad pa'o/ /pha rol dang / tshu rol dang / dbung dang / mthar 'dzin pa thams cad yang dag par chad pa'o/ /sgro 
btags pa med pas 'od gsal ba'o/ /phye ba med pa'i phyir dga' ba med pa'o/ /myang ba med pa'i phyir bde ba med pa'o/ /gzod ma nas zhi bas yongs su gdung ba med pa'o/ /'bad pa thams cad dang bral bas rnam par grol ba'i mtshan nyid do/ /gzugs med pas 
lus med pa'o/ /tshor ba med pas tshor bar gyur pa med pa'o/ /mdud pa med pas mdud pa dang bral ba'o/ /'du mi byed pas 'dus ma byas pa'o/ /rnam par shes pa med pas rnam par mi rig pa'i mtshan nyid do/ /mi 'dzin pas len pa med pa'o/ /mi 
gtong bas dor ba med pa'o/ /gnas med pas mi gnas pa'o/ /tshor ba dang bral bas mi 'dug pa'o/ /mi 'byung bas med par mi 'gyur ba'i mtshan nyid do/ /dran pa dang / yid la byed pa dang / sems dang sems las byung ba'i chos thams cad kyis ma bzung ba 

</font><hr>60-1-88a<br><font size=+1>

mchog tu 'dzin pa med pa/ len pa med pas 'dor ba med pa/ rab tu zhi ba/ gzod ma nas ma skyes pa/ mi skye bas rab tu phye ba/ chos kyi dbyings su yang dag par 'du ba/ mnyam zhing mi mnyam pa med par gyur pa/ nam mkha' dang mtshungs 
shing mnyam pa/ mig dang gzugs kyi lam las 'das pa/ de bzhin du rna ba dang / sgra dang / sna dang / dri dang / lce dang / ro dang / lus dang / reg bya dang / yid dang / chos kyi lam las 'das pa yin te/ sangs rgyas rjes su dran pa 'di 'dra ba 
byang chub sems dpa' de dag gis rab tu 'thob bo/ /de dag gis sangs rgyas rjes su dran pa 'di thob ma thag tu chos thams cad la sgrib pa med pa'i ye shes thob par 'gyur te/ sangs rgyas bcom ldan 'das thams cad kyis gsungs pa 'dzin cing brjed par yang mi byed/ dran 
par yang mi byed de/ sgra'i don thams cad rnam par nges par yang rnyed par 'gyur ro/ /sha ra dwa ti'i bu de bzhin gshegs pa dgra bcom pa yang dag par rdzogs pa'i sangs rgyas kun tu bzang po ni/ ji ltar 'di na gzhan gyi sgra dang / so so rang gi tshul bzhin yid la byed pa 
ltar rgyu dang / rkyen gnyis kyis yang dag par lta ba mi ston te/ sha ra dwa ti'i bu byang chub sems dpa' de dag gis de bzhin gshegs pa de mthong ma thag tu don rnam par nges pa las pha rol tu phyin pa drug yongs su rdzogs par byed do/ /mi skye ba'i chos la bzod pa'i lung bstan 
pa yang rab tu 'thob bo/ /de ci'i phyir zhe na/ gang gzugs kyi mtshan nyid la mngon par zhen pa spangs pa 'di ni sbyin pa'i pha rol tu phyin pa'o/ /gang gzugs kyi mtshan nyid rgyun bcad pa 'di ni tshul khrims kyi pha rol tu phyin pa'o/ /gang gzugs kyi mtshan nyid zad pa'i 
chos nyid 'di ni bzod pa'i pha rol tu phyin pa'o/ /gang gzugs kyi mtshan nyid la dben par mthong ba 'di ni brtson 'grus kyi pha rol tu phyin pa'o/ /gang gzugs kyi mtshan nyid sems la mi gzhog pa 'di ni bsam gtan gyi pha rol tu phyin pa'o/ /gang gzugs kyi mtshan nyid la 

</font><hr>60-1-88b<br><font size=+1>

spros pa'i rgyu med pa 'di ni shes rab kyi pha rol tu phyin pa'o/ /de ltar byang chub sems dpa' de dag gis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kun tu bzang po mthong ma thag tu don rnam par nges pa las pha rol tu phyin pa drug yongs 
su rdzogs nas mi skye ba'i chos la bzod pa'i lung bstan pa 'thob bo/ /ji ltar bcom ldan 'das de bzhin gshegs pa kun tu bzang po'i sangs rgyas kyi zhing 'jig rten gyi khams mi 'dzums pa lta bur gang dag na/ byang chub sems dpa' 'di lta bu dag 'khod pa'i sangs rgyas kyi 
zhing de dag ni shin tu nyung ngo / /de nas tshe dang ldan pa sha ra dwa ti'i bus/ byang chub sems dpa' blo gros mi zad pa dang / byang chub sems dpa' de dag la 'di skad ces smras so/ /skyes bu dam pa dag gang khyed kyis bcom ldan 'das de bzhin gshegs pa kun tu bzang po dang / 
byang chub sems dpa' de dag dang / 'jig rten gyi khams mi 'dzums pa de mthong ba ni rnyed pa legs par rnyed do/ /blo gros mi zad pas smras pa/ btsun pa sha ra dwa ti'i bu/ khyod mi 'dzums pa'i 'jig rten gyi khams dang / bcom ldan 'das de bzhin gshegs pa kun 
tu bzang po de dang / pad mo bkod pa de dag dang / byang chub sems dpa' de dag blta 'dod dam/ sha ra dwa ti'i bus smras pa/ rigs kyi bu thams cad dang ldan pa'i 'khor 'di'ang dge ba'i rtsa ba rab tu 'phel bar 'gyur gyis bdag gis blta'o/ /de nas byang chub sems 
dpa' blo gros mi zad pa de'i tshe/ sangs rgyas kyi zhing thams cad kun tu ston pa zhes bya ba'i ting nge 'dzin la snyoms par zhugs te/ rigs kyi bu de snyoms par zhugs ma thag tu de nas thams cad dang ldan pa'i 'khor de gnas brtan sha ra dwa ti'i bus 'jig rten gyi khams mi 
'dzums pa de dang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kun tu bzang po de dang / pad mo bkod pa de dag dang / byang chub sems dpa' de dag mthong ste/ mthong nas kyang thams cad rang rang gi stan las langs te thal 

</font><hr>60-1-89a<br><font size=+1>

mo sbyar nas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kun tu bzang po dang / byang chub sems dpa' de dag la phyag 'tshal lo/ /de nas sangs rgyas kyi mthu dang / byang chub sems dpa' blo gros mi zad 
pa'i byin gyi rlabs kyis de dag gi lag pa g.yas par sngon ma mthong sngon ma thos pa'i me tog gi phur ma dri rab tu zhim zhing sna tshogs pa/ blta na sdug pa kha dog dang ldan zhing yid du 'ong ba dag byung bar gyur te/ de dag gis me tog gi phur ma de dag shar phyogs su bcom ldan 'das 
de bzhin gshegs pa dgra bcom pa yang dag par rdzogs pa'i sangs rgyas kun tu bzang po ga la ba de logs su gtor to/ /me tog gi phur ma gtor ba de dag sangs rgyas kyi zhing der chags te/ de bzhin gshegs pa dgra bcom pa yang dag par rdzogs pa'i sangs rgyas kun tu 
bzang po de dang / byang chub sems dpa' de dag la mngon par gtor nas/ de dag gis 'jig rten gyi khams de thams cad me tog gis gang bar gyur to/ /byang chub sems dpa' gang dag 'jig rten gyi khams de na gnas pa de dag gis bcom ldan 'das de bzhin gshegs pa 
dgra bcom pa yang dag par rdzogs pa'i sangs rgyas kun tu bzang po de la bcom ldan 'das me tog blta na sdug pa/ 'di lta bu 'di dag gis char ga las 'bab ces zhus so/ /bcom ldan 'das des bka' stsal pa/ rigs kyi bu dag 'di ni byang chub sems dpa' blo gros 
mi zad pa bcom ldan 'das de bzhin gshegs pa shAkya thub pa de la blta ba dang / phyag bya ba dang / mchod pa dang / bsnyen bkur bya ba dang / chos nyan pa'i phyir bcom ldan 'das shAkya thub pa'i sangs rgyas kyi zhing 'jig rten gyi khams mi mjed der phyin nas/'jig rten 
gyi khams der phyogs bcu nas 'dus pa'i byang chub sems dpa' de dag gis me tog 'di dag gtor to/ /bcom ldan 'das de bzhin gshegs pa shAkya thub pa de yang 'dus pa chen po'i le'u zhes bya ba'i chos kyi rnam grangs ston te/ der yang sems can dpag tu med pas chos 

</font><hr>60-1-89b<br><font size=+1>

mngon du rtogs par gyur to/ /de dag gis gsol pa/ bcom ldan 'das de bzhin gshegs pa shAkya thub pa de bzhugs pa'i 'jig rten gyi khams 'di nas ji srid cig na mchis/ bcom ldan 'das des bka' stsal pa/ sangs rgyas kyi zhing 'di nas nub phyogs 
su sangs rgyas kyi zhing gang gA'i klung bcu'i bye ma snyed kyi rdul phra rab kyi rdul snyed kyi 'jig rten gyi khams 'das pa na/ 'jig rten gyi khams mi mjed ces bya ba yod de/ de na bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya 
thub pa da ltar bzhugs te/ 'tsho zhing gzhes la chos kyang ston to/ /de dag gis gsol pa/ bcom ldan 'das bdag cag gis 'jig rten gyi khams mi mjed de dang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub 
pa de dang / byang chub sems dpa' de dag blta bar bgyi'o/ /de nas de'i tshe de bzhin gshegs pa dgra bcom pa yang dag par rdzogs pa'i sangs rgyas kun tu bzang pos sku las 'di lta bu'i 'od phyung ste/ 'od des sangs rgyas kyi zhing de dag thams cad las thal nas/ 'jig 
rten gyi khams mi mjed 'di dang / bcom ldan 'das de bzhin gshegs pa shAkya thub pa dang / byang chub sems dpa' 'di dag rang gi byang chub sems dpa' de dag la bstan te/ de dag gis mthong nas/ thams cad rang rang gi stan las langs te/ thal mo sbyar nas 
bcom ldan 'das de bzhin gshegs pa shAkya thub pa 'di dang / byang chub sems dpa' 'di dag la phyag 'tshal zhing tshig 'di skad ces smras so/ /bcom ldan 'das 'di ltar 'jig rten gyi khams 'di na skra'i rtse mo bzhag pa tsam yang byang chub sems dpas ma gang ba ma mchis na/ 
byang chub sems dpa' 'di snyed gang nas 'dus/ bcom ldan 'das des bka' stsal pa/ rigs kyi bu dag byang chub sems dpa' 'di dag ni phyogs bcu'i sangs rgyas kyi zhing tshad med pa nas chos nyan pa'i phyir 'dus so/ /de nas tshe dang ldan pa sha ra dwa ti'i bus/ byang chub 

</font><hr>60-1-90a<br><font size=+1>

sems dpa' blo gros mi zad pa la 'di skad ces smras so/ /ci'i phyir rigs kyi bu khyod kyi ming blo gros mi zad pa zhes btags/ blo gros mi zad pas smras pa/ btsun pa sha ra dwa ti'i bu/ blo gros mi zad pa zhes bya ba 'di ni chos thams cad dmigs su med 
pa'i rgyu 'thun pa'o/ /de ci'i phyir zhe na/ chos thams cad mi zad pa'i phyir ro/ /smras pa/ rigs kyi bu khyod byang chub sems dpa' rnams kyi chos mi zad pa bstan pa la brtsams te/ spobs par gyis shig /blo gros mi zad pas smras pa/ btsun pa sha ra dwa ti'i bu/ 
byang chub sems dpa' rnams kyi dang po sems bskyed pa yang mi zad pa'o/ /de ci'i phyir zhe na/ ma 'dres pa'i phyir ro/ /sems de ni nyon mongs pa thams cad dang ma 'dres par skyes so/ /theg pa gzhan la 'dod pa med pas sems de ni ma 'brel bar skyes so/ /phas 
kyi rgol ba thams cad kyis mi 'phrogs pas sems de ni sra bar skyes so/ /sems de ni bdud thams cad kyis mi phyed par skyes so/ /dge ba'i rtsa ba thams cad yang dag par sgrub pa'i phyir sems de ni brtan par skyes so/ /'dus byas mi rtag par shin tu rig pas na/ sems 
de ni rtag par skyes so/ /sangs rgyas kyi chos thams cad yang dag par sdud pas/ sems de ni mi g.yo bar skyes so/ /log par sgrub pa thams cad bral bas/ sems de ni mi rdzi bar skyes so/ /mi bskyod pas na/ sems de ni shin tu brtan par skyes so/ /gnyen po 
med pas na/ sems de ni dpe med par skyes so/ /chos thams cad la nges par 'bigs pas na/ sems de ni rdo rje lta bur skyes so/ /bsod nams kyi tshogs tshad med pa bstsags pas na/ sems de ni mu med par skyes so/ /sems can thams cad kyi bsam pa 
rnams la sems de ni mnyam par skyes so/ /tha dad du 'byed pa med pas na/ sems de ni mi mnyam pa med par skyes so/ /rang bzhin gyis kun nas nyon mongs pa med pas na/ sems de ni rnam par dag par skyes so/ /shes rab kyi 'od gsal ba'i phyir/ sems de ni dri ma 

</font><hr>60-1-90b<br><font size=+1>

med par skyes so/ /lhag pa'i bsam pas ma bor bas na/ sems de ni shin tu nges par bsams te skyes so/ /byams pa nam mkha' dang mnyam zhing mtshungs pas na/ sems de ni yangs par skyes so/ /sems can thams cad kyi go 'byed pas na/ sems de ni rgya che 
bar skyes so/ /chags pa med pa'i ye shes la btang bas na/ sems de ni sgrib pa med par skyes so/ /snying rje chen po rgyun ma bcad pas na/ sems de ni thams cad kyi rjes su song bar skyes so/ /yongs su bsngo ba'i cho ga shes pas na/ sems de ni rgyun ma chad par 
skyes so/ /thams cad mkhyen pas rab tu bstod pas na/ sems de ni mngon du 'gro bar bya bar skyes so/ /theg pa gzhan la zhugs pas na/ sems de ni blta bar 'os pa'o/ /sems de ni sems can thams cad kyis bltar mi mthong bar skyes so/ /sems de ni 
sangs rgyas kyi chos thams cad kyi sa bon du skyes so/ /sems de ni chos thams cad kyis mi shigs par skyes so/ /sems de ni bde ba'i dngos po thams cad kyi gnas su skyes so/ /sems de ni bsod nams kyi tshogs kyis brgyan par skyes so/ /sems de ni ye shes kyi 
tshogs rab tu bsags te skyes so/ /sems de ni sbyin pa'i tshogs kyis rab tu bsags te skyes so/ /sems de ni tshul khrims kyi tshogs kyis smon lam gyis 'phags par skyes so/ /sems de ni bzod pa'i tshogs kyis bsnyen par dka' bar skyes so/ /sems de ni brtson 
'grus kyi tshogs kyis rgyal bar dka' bar skyes so/ /sems de ni bsam gtan gyi tshogs kyis zhi ba'i mtshan nyid du skyes so/ /sems de ni shes rab kyi tshogs kyis thogs pa med par skyes so/ /byams pa chen po bsags pas sems de ni gnod pa med par skyes so/ /snying 
rje chen po bsags pas sems de ni rtsa ba sra zhing brtan pa'o/ /sems de ni dga' ba chen po bsags pa ste/ mgu ba dang / mos pa dang / mchog tu dga' ba la gnas par skyes so/ /sems de ni btang snyoms chen po bsags pa ste/ bde ba dang / sdug bsngal 

</font><hr>60-1-91a<br><font size=+1>

gyis mi sgul bar skyes so/ /sems de ni sangs rgyas thams cad kyi byin gyi rlabs kyis byin du brlabs par skyes so/ /sems de ni dkon mchog gsum gyi rigs rgyun mi gcad pa'i phyir rgyun mi gcad par skyes so/ /sems de ni phyogs bcu'i sangs 
rgyas kyi zhing thams cad 'khor gyi dkyil 'khor du grags par skyes so/ /btsun pa sha ra dwa ti'i bu thams cad mkhyen pa nyid kyi sems 'di 'dra bar skyes pa la zad pa gang yang yod dam/ sha ra dwa ti'i bus smras pa/ rigs kyi bu de ni ma yin te/ gang thams cad 
mkhyen pa nyid kyi sems 'di lta bu zad par 'dod pa ni nam mkha' zad par 'dod do/ /blo gros mi zad pas smras pa/ btsun pa sha ra dwa ti'i bu/ de bzhin gshegs pa'i sems de ni mi zad pa ste/ byang chub kyi sems de ni de'i rtsa bar skyes pas na de'i phyir mi zad pa'o/ /
btsun pa sha ra dwa ti'i bu/ de bzhin gshegs pa'i tshul khrims dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong ba'i phung po rnams mi zad pa ste/ byang chub kyi sems de ni de dag gi rtsa bar skyes pas na/ de'i 
phyir mi zad pa'o/ /btsun pa sha ra dwa ti'i bu/ de bzhin gshegs pa'i bsam gtan dang / rnam par thar pa dang / ting nge 'dzin dang / snyoms par 'jug pa rnams mi zad pa ste/ byang chub kyi sems de ni de dag gi rtsa bar skyes pas na/ de'i phyir mi zad pa'o/ /btsun 
pa sha ra dwa ti'i bu/ de bzhin gshegs pa'i sbyin pa dang / tshul khrims dang / bzod pa dang / brtson 'grus dang / bsam gtan dang / shes rab kyi pha rol tu phyin pa rnams mi zad pa ste/ byang chub kyi sems de ni de dag gi rtsa bar skyes pas na/ de'i phyir mi zad 
pa'o/ /btsun pa sha ra dwa ti'i bu/ de bzhin gshegs pa'i byams pa dang / snying rje dang / dga' ba dang / btang snyoms rnams mi zad pa ste/ byang chub kyi sems de ni de dag gi rtsa bar skyes pas na/ de'i phyir mi zad pa'o/ /btsun pa sha ra dwa ti'i bu/ de bzhin 

</font><hr>60-1-91b<br><font size=+1>

gshegs pa'i stobs bcu dang / mi 'jigs pa bzhi dang / sangs rgyas kyi chos ma 'dres pa bcwa brgyad rnams mi zad pa ste/ byang chub kyi sems de ni de dag gi rtsa bar skyes pas na/ de'i phyir de mi zad pa'o/ /btsun pa sha ra dwa ti'i bu/ mdor na sangs rgyas kyi chos 
thams cad mi zad pa ste/ byang chub kyi sems de ni de dag gi rtsa bar skyes pas na/ de'i phyir mi zad pa'o/ /dkon mchog gsum gyi rigs rgyun mi gcod pas na mi zad pa'o/ /sems can gyi khams mi zad pas na mi zad pa'o/ /de'i ye shes btang bas na mi zad pa'o/ /
sems can thams cad kyi sems kyi spyod pa rtogs pas na mi zad pa'o/ /sngon gyi smon lam gyi rgyun mi gcod pas na mi zad pa'o/ /'dus ma byas su bsngos pas na mi zad pa'o/ /'dus ma byas la sems can yongs su smin par byed pas na mi zad pa'o/ /zad pa shes pa dang / 
mi zad pa shes pa mi zad pas na mi zad pa'o/ /'byung ba med cing 'jig pa med pas na mi zad pa'o/ /chos thams cad gzod ma nas zad pa ste/ ye shes de mngon par rtogs pas na mi zad pa'o/ /btsun pa sha ra dwa ti'i bu/ 'di ni byang chub sems dpa' rnams kyi byang 
chub kyi sems mi zad pa'o/ /btsun pa sha ra dwa ti'i bu/ gzhan yang byang chub sems dpa' rnams kyi bsam pa yang mi zad pa ste/ de ci'i phyir zhe na/ bsam pa de yang ma byas pas na/ bcos ma ma yin no/ /g.yo med pas na byas pa ma yin no/ /rab tu rtogs pas 
na g.yo med pa'o/ /sgyu med pas na rab tu rtogs pa'o/ /dag pas na sgyu med pa'o/ /drang bas na dag pa'o/ /gya gyu med pas na drang ba'o/ /gsal bas na gya gyu med pa'o/ /mi mnyam pa med pas na gsal ba'o/ /sra bas na mi mnyam pa med pa'o/ /mi phyed pas na sra ba'o/ /mkhrang bas na mi phyed pa'o/ /mi g.yo bas na mkhrang ba'o/ /mi gnas pas na mi g.yo ba'o/ /de la ma chags pas na mi gnas pa'o/ /bye brag tu 'phags pas na de la ma chags pa'o/ /ma smad pas na bye brag tu 'phags pa'o/ /legs par byas pa'i 

</font><hr>60-1-92a<br><font size=+1>

las kyi phyir ma smad pa'o/ /ma bshungs pas na legs par byas pa'i las so/ /'gyod pa med pas na ma bshungs pa'o/ /gdung ba med pas na 'gyod pa med pa'o/ /bden par gyur pas na mi gdung ba'o/ /slu ba med pas na bden par gyur pa'o/ /ji 
skad smra ba de bzhin byed pas na mi slu ba'o/ /legs par byas pas na ji skad smra ba de bzhin byed pa'o/ /rjes su sbyor ba med pas na legs par byas pa'o/ /'khrul pa med pas na rjes su sbyor ba med pa'o/ /legs par gnas pas na 'khrul pa med pa'o/ /phyir mi zlogs 
pas na legs par gnas pa'o/ /sems can la lta bas na phyir mi zlogs pa'o/ /snying rje chen po'i rtsa ba yin pas na sems can la lta ba'o/ /yongs su mi skyo bas na snying rje chen po'i rtsa ba'o/ /sems can yongs su smin par bya ba'i phyir cho ga shes pas na yongs su mi skyo 
ba'o/ /bdag la bde ba med pas na sems can yongs su smin par bya ba'i chog shes pa'o/ /lan mi re bas na bdag la bde ba med pa'o/ /zang zing med pas na lan la re ba med pa'o/ /chos la rton par gyur pas na zang zing med pa'o/ /sems can mthu chung ba rnams la 
lta bas na chos la rton par gyur pa'o/ /dpung gnyen du gyur pas na sems can mthu chung ngu la lta ba'o/ /skyabs su gyur pas na dpung gnyen du gyur pa'o/ /mgon du gyur pas na skyabs su gyur pa'o/ /nyon mi mongs pas na mgon du gyur pa'o/ /shin tu yongs su brtags 
pas na nyon mi mongs pa'o/ /brgal ba med pas na shin tu brtags pa'o/ /bsam pa dge bas na brgal ba med pa'o/ /ci yang med pas na bsam pa dge ba'o/ /shin tu yongs su dag pas na ci yang med pa'o/ /shin tu dkar bas na shin tu yongs su dag pa'o/ /nang 
dri ma med pas na shin tu dkar ba'o/ /phyi rol dag pas na nang gi dri ma med pa'o/ /rnam pa thams cad yongs su dag pas na phyi rol dag pa'o/ /btsun pa sha ra dwa ti'i bu/ byang chub sems dpa' rnams kyi bsam pa de ni ser sna spang ba'i phyir blta ste/ sems can 

</font><hr>60-1-92b<br><font size=+1>

ser sna can yongs su smin par byed pas bsam pa mi zad par blta'o/ /bsam pa ni 'chal pa'i tshul khrims kyi dri ma spang ba'i phyir blta ste/ sems can tshul khrims 'chal pa yongs su smin par byed pas bsam pa mi zad par blta'o/ /bsam pa ni gnod sems dang / tha ba dang / 
nyes pa spang ba'i phyir blta ste/ nyes par sems pa'i sems can yongs su smin par byed pas bsam pa mi zad par blta'o/ /bsam pa ni le lo spang ba'i phyir blta ste/ sems can le lo can yongs su smin par byed pas bsam pa mi zad par blta'o/ /bsam pa ni sems 
rnam par g.yeng ba gtong ba'i phyir blta ste/ sems can sems rnam par g.yeng ba yongs su smin par byed pas bsam pa mi zad par blta'o/ /bsam pa ni 'chal pa'i shes rab spang ba'i phyir blta ste/ sems can shes rab 'chal pa yongs su smin par byed pas bsam pa 
mi zad par blta'o/ /btsun pa sha ra dwa ti'i bu/ de ltar na bsam pa ni sems can thams cad kyi mi dge ba'i chos thams cad spang ba'i phyir blta ste/ sems can thams cad dge ba'i chos la sbyor du 'dzud pas bsam pa mi zad par blta'o/ /btsun pa sha ra dwa ti'i bu/ 'di 
ni byang chub sems dpa' rnams kyi bsam pa mi zad pa zhes bya'o//   //bam po gnyis pa/ btsun pa sha ra dwa ti'i bu/ gzhan yang byang chub sems dpa' rnams kyi bsam pa mi zad pas na sbyor ba mi zad pa yin te/ de ci'i phyir zhe na/ sbyin pa'i bsam 
pa ni byang chub sems dpa'i sbyor ba mi zad pa ste/ gang yang bdog pa thams cad yongs su gtong bar snang ba 'di ni de'i sbyor ba'o/ /tshul khrims kyi bsam pa ni byang chub sems dpa'i sbyor ba mi zad pa ste/ gang yang tshul khrims dang / bslab pa dang / sbyangs pa'i yon 
tan dang / yo byad bsnyungs pa yang dag par 'dzin par snang ba 'di ni de'i sbyor ba'o/ /bzod pa'i bsam pa ni byang chub sems dpa'i sbyor ba mi zad pa ste/ gang yang sems can thams cad la zhe 'gras pa med pa'i sems su snang ba 'di ni de'i sbyor ba'o/ /brtson 'grus 

</font><hr>60-1-93a<br><font size=+1>

kyi bsam pa ni byang chub sems dpa'i sbyor ba mi zad pa ste/ gang yang dge ba'i rtsa ba'i chos thams cad kyi sngon du 'gro bar snang ba 'di ni de'i sbyor ba'o/ /bsam gtan gyi bsam pa ni/ byang chub sems dpa'i sbyor ba mi zad pa ste/ gang yang bsam gtan 
yongs su sbyong bar snang ba 'di ni de'i sbyor ba'o/ /shes rab kyi bsam pa ni byang chub sems dpa'i sbyor ba mi zad pa ste/ gang yang thos pa yongs su sbyong bar snang ba 'di ni de'i sbyor ba'o/ /byams pa dang / snying rje dang / dga' ba dang / btang snyoms kyi bsam pa ni byang chub 
sems dpa'i sbyor ba mi zad pa ste/ gang yang sems can la phan pa dang / bde bar byed pas chos la dga' zhing mos te/ rjes su chags pa dang / khong khro ba spang bar snang ba 'di ni de'i sbyor ba'o/ /lus kyi las rnam gsum gyi sdom pa yongs su dag pa'i phyir/ lus kyi 
bsam pa ni byang chub sems dpa'i sbyor ba mi zad pa'o/ /ngag gi nyes pa rnam bzhi yongs su spang ba'i phyir/ ngag gi bsam pa ni byang chub sems dpa'i sbyor ba mi zad pa'o/ /brnab sems dang / gnod sems dang / log par lta ba med pa'i phyir/ sems kyi 
bsam pa ni byang chub sems dpa'i sbyor ba mi zad pa'o/ /chos la slob dpon gyi dpe mkhyud med pa'i phyir/ thos pa'i bsam pa ni byang chub sems dpa'i sbyor ba mi zad pa'o/ /thams cad mkhyen pa nyid kyi sems la sbyor ba'i phyir/ slob dpon gyi dpe mkhyud med pa'i [\[93a.6]bsam pa ni byang chub sems dpa'i sbyor ba mi zad pa'o/ /sems can gzhan byang chub kyi sems yang dag par 'dzin du 'jug pa'i phyir/ thams cad mkhyen pa nyid kyi bsam pa ni byang chub sems dpa'i sbyor ba mi zad pa'o/ /dge ba'i rtsa ba la rab tu 'dzud pa'i phyir/ 
sems can gzhan byang chub kyi sems yang dag par 'dzin du 'jug pa'i bsam pa ni byang chub sems dpa'i sbyor ba mi zad pa'o/ /byang chub tu yongs su bsngo ba'i phyir/ dge ba'i rtsa ba la sbyor ba'i bsam pa ni byang chub sems dpa'i sbyor ba mi zad pa'o/ /sangs rgyas kyi 

</font><hr>60-1-93b<br><font size=+1>

chos thams cad yang dag par sdud pa'i phyir/ byang chub tu yongs su bsngo ba'i bsam pa ni byang chub sems dpa'i sbyor ba mi zad pa'o/ /dam pa'i chos kun 'dzin pa'i phyir/ sangs rgyas kyi chos thams cad yang dag par sdud pa'i bsam pa ni byang chub sems dpa'i sbyor ba mi zad 
pa'o/ /nyes pa 'chags pa'i phyir dam pa'i chos kun 'dzin pa'i bsam pa ni byang chub sems dpa'i sbyor ba mi zad pa'o/ /sdig pa mthol ba'i phyir/ nyes pa bshags pa'i bsam pa ni byang chub sems dpa'i sbyor ba mi zad pa'o/ /bsod nams thams cad kyi rjes su yi rang 
ba'i phyir/ sdig pa mthol ba'i bsam pa ni byang chub sems dpa'i sbyor ba mi zad pa'o/ /bsod nams kyi tshogs tshad med pa bsags pa'i phyir/ bsod nams kyi tshogs thams cad kyi rjes su yi rang ba'i bsam pa ni byang chub sems dpa'i sbyor ba mi zad pa'o/ /sangs rgyas 
thams cad la gsol ba 'debs pa'i phyir/ bsod nams kyi tshogs tshad med pa'i bsam pa ni byang chub sems dpa'i sbyor ba mi zad pa'o/ /dam pa'i chos yongs su 'dzin pa'i phyir/ sangs rgyas thams cad la gsol ba 'debs pa'i bsam pa ni byang chub sems dpa'i 
sbyor ba mi zad pa'o/ /skyes bu dam pa'i las kyi phyir/ dam pa'i chos yongs su 'dzin pa'i bsam pa ni byang chub sems dpa'i sbyor ba mi zad pa'o/ /khur blangs pa sgrol ba'i phyir/ skyes bu dam pa'i las kyi bsam pa ni byang chub sems dpa'i sbyor ba mi zad pa'o/ /go 
cha sra zhing mi 'dor ba'i phyir/ khur blangs pa sgrol ba'i bsam pa ni byang chub sems dpa'i sbyor ba mi zad pa'o/ /sems can thams cad kyi bya ba sgrub pa'i phyir/ go cha sra zhing mi 'dor ba'i bsam pa ni byang chub sems dpa'i sbyor ba mi zad pa'o/ /btsun pa sha ra dwa ti'i 
bu/ gzhan yang bzhi po 'di dag ni byang chub sems dpa' rnams kyi sbyor ba mi zad pa ste/ bzhi gang zhe na/ byang chub kyi sems kyi sbyor ba mi zad pa dang / chos sbyin pa rnam par 'grel pa'i sbyor ba mi zad pa dang / sems can yongs su smin par byed pa'i sbyor ba mi 

</font><hr>60-1-94a<br><font size=+1>

zad pa dang / dge ba'i rtsa ba bsags pa'i sbyor ba mi zad pa ste/ bzhi po de dag ni sbyor ba mi zad pa'o/ /gzhan yang sbyor ba mi zad pa bzhi ste/ bzhi gang zhe na/ dgon pa la gnas shing sbyangs pa'i yon tan dang / yo byad bsnyungs pa'i 
rjes su 'gro ba la mi ngoms pa'i sbyor ba mi zad pa dang / bsod nams dang ye shes kyi tshogs bsags pa la mi ngoms pa'i sbyor ba mi zad pa dang / thos pa btsal ba la mi ngoms pa'i sbyor ba mi zad pa dang / byang chub kyi yongs su bsngo ba'i shes pas mi ngoms pa'i 
sbyor ba mi zad pa ste/ bzhi po de dag ni sbyor ba mi zad pa'o/ /gzhan yang sbyor ba mi zad pa bzhi ste/ bzhi gang zhe na/ bgrang bar rtogs pa'i sbyor ba mi zad pa dang / gzhal bar rtogs pa'i sbyor ba mi zad pa dang / dpyad par rtogs pa'i sbyor ba mi zad pa dang / so 
sor brtag pa rtogs pa'i sbyor ba mi zad pa ste/ bzhi po de dag ni sbyor ba mi zad pa'o/ /gzhan yang sbyor ba mi zad pa bzhi ste/ bzhi gang zhe na/ kun nas nyon mongs pa'i rgyu rtogs pa'i sbyor ba mi zad pa dang / rnam par byang ba'i rgyu rtogs pa'i sbyor ba mi zad pa dang / kun 
nas nyon mongs pa'i rgyu yongs su brjod pa'i sbyor ba mi zad pa dang / rnam par byang ba'i yon tan dang / phan yon yongs su brjod pa'i sbyor ba mi zad pa ste/ bzhi po de dag ni sbyor ba mi zad pa'o/ /gzhan yang sbyor ba mi zad pa bzhi ste/ bzhi gang zhe na/ phung po la brtag 
pa'i sbyor ba mi zad pa dang / khams la brtag pa'i sbyor ba mi zad pa dang / skye mched la brtag pa'i sbyor ba mi zad pa dang / rten cing 'brel bar 'byung ba la brtag pa'i sbyor ba mi zad pa ste/ bzhi po de dag ni sbyor ba mi zad pa'o/ /gzhan yang sbyor ba mi zad pa bzhi ste/ bzhi 
gang zhe na/ 'du byed mi rtag par yongs su bstan pa'i sbyor ba mi zad pa dang / 'du byed sdug bsngal bar yongs su bstan pa'i sbyor ba mi zad pa dang / chos thams cad bdag med par yongs su bstan pa'i sbyor ba mi zad pa dang / mya ngan las 'das pa zhi ba la nye bar spyod 

</font><hr>60-1-94b<br><font size=+1>

pa bstan pa'i sbyor ba mi zad pa ste/ bzhi po de dag ni sbyor ba mi zad pa'o/ /btsun pa sha ra dwa ti'i bu/ mdor na byang chub sems dpa'i sbyor ba ji snyed pa de dag thams cad ni/ thams cad mkhyen pa nyid la gzhol ba/ thams cad mkhyen pa nyid la 'bab pa/ thams 
cad mkhyen pa nyid la bab pa ste/ thams cad mkhyen pa nyid dag kyang mi zad pas na/ de'i phyir byang chub sems dpa' rnams kyi sbyor ba thams cad kyang mi zad pa'o/ /btsun pa sha ra dwa ti'i bu/ 'di ni byang chub sems dpa' rnams kyi sbyor ba mi zad pa zhes bya'o/ /btsun 
pa sha ra dwa ti'i bu/ gzhan yang byang chub sems dpa' rnams kyi lhag pa'i bsam pa mi zad pa yin te/ de ci'i phyir zhe na/ dge ba'i rtsa ba thams cad la lhag par dmigs pa'i phyir ro/ /tha na byang chub sems dpa' gang ci sems pa de dag thams cad dge ba'i rtsa ba 
la lhag pa'i bsam pas dmigs par gyur te/ sa nas sar gzhog pa'i phyir 'pho ba'i lhag pa'i bsam pa'o/ /bye brag tu 'gro ba'i phyir rgal ba'i lhag pa'i bsam pa'o/ /gong nas gong du khyad par du 'phags pas na rtse mor lhag pa'i bsam pa'o/ /bye brag gi 
chos kun 'dzin pas na khyad par du 'phags pa'i lhag pa'i bsam pa'o/ /sangs rgyas kyi chos thams cad la mngon sum pa'i lhag pa'i bsam pa'o/ /khyad par du 'phags pa'i cha dang 'thun pa'i chos rnams la lhag par dmigs pa'i lhag pa'i bsam pa'o/ /rtsom pa 
thams cad nyams 'og tu chud par byed pa'i lhag pa'i bsam pa'o/ /'bad pas yongs su mi skyo bas na nges par byas pa'i lhag pa'i bsam pa'o/ /brtul zhugs thams cad yongs su rdzogs par byed pas na/ brtul zhugs grub pa'i lhag pa'i bsam pa'o/ /grogs 
bdag yin pas na/ go skabs med pa'i lhag pa'i bsam pa'o/ /dmu rgod ma yin pas na cang shes kyi sa'i lhag pa'i bsam pa'o/ /'phags pas na dul ba'i sa'i lhag pa'i bsam pa'o/ /skye bo mi srun pa dang / nyon mongs pa dang ma 'dres pas nam 'dres pa'i 

</font><hr>60-1-95a<br><font size=+1>

lhag pa'i bsam pa'o/ /yan lag gi dam pa mgo yongs su gtong bas na/ sbyin par dka' ba yongs su gtong ba'i lhag pa'i bsam pa'o/ /sems can tshul khrims 'chal pa rnams kyi dpung gnyen pas na/ dka' ba'i tshul khrims kyi lhag pa'i bsam 
pa'o/ /sems can mthu chung ba rnams kyi nyes pa dang du len pas na/ bya dka' ba'i bzod pa'i lhag pa'i bsam pa'o/ /nyan thos dang / rang sangs rgyas thams cad kyi byang chub lag mthil du 'ongs pa 'dor bas na/ bya dka' ba'i brtson 'grus kyi lhag pa'i bsam 
pa'o/ /bsam gtan gyi ro mi myang bas na bya dka' ba'i bsam gtan gyi lhag pa'i bsam pa'o/ /dge ba'i rtsa ba thams cad kyi tshogs la mi smod pas na/ bya dka' ba'i shes rab kyi lhag pa'i bsam pa'o/ /sems can thams cad kyi bya ba bsgrub pa'i phyir brtsams 
pa dang / spyod pa nyams 'og tu chud par byed pa'i lhag pa'i bsam pa'o/ /shes pas rab tu btags pas na nga rgyal dang / lhag pa'i nga rgyal dang / nga rgyal las kyang nga rgyal dang / nga'o snyam pa'i nga rgyal dang / mngon pa'i nga rgyal dang / chung zad snyam pa'i 
nga rgyal dang / log pa'i nga rgyal med pa'i lhag pa'i bsam pa'o/ /lan re ba med pas na/ sems can thams cad kyi sbyin pa'i gnas kyi lhag pa'i bsam pa'o/ /sangs rgyas kyi chos zab mo la rab tu rtog pa'i phyir/ mi dang nga ba'i lhag pa'i bsam pa'o/ /byin 
gyi rlabs kyis 'gro bas na khyad par du 'gro ba'i lhag pa'i bsam pa'o/ /khur blangs pa sgrol bas na/ ma zhum pa'i lhag pa'i bsam pa'o/ /rtag tu brtson pas na mi zad pa'i lhag pa'i bsam pa'o/ /yang lhag pa'i bsam pa zhes bya ba ni 'byung po rnams la des 
pa'o/ /sems can rnams la byams pa'o/ /'phags pa rnams la phan par sems pa'o/ /'phags pa ma yin pa rnams la snying rje ba'o/ /bla ma rnams la gus pa'o/ /dpung gnyen med pa rnams la dpung gnyen no/ /skyabs med pa rnams la skyabs so/ /gling 

</font><hr>60-1-95b<br><font size=+1>

med pa rnams la gling ngo / /mgon med pa rnams la mgon no/ /grogs med pa rnams la grogs so/ /gya gyu can rnams la drang ba'o/ /dmu rgod rnams la gsal ba'o/ /g.yon can rnams la g.yo med pa'o/ /thibs po spyod pa rnams la sgyu med pa'o/ /byas pa mi 
gzo ba rnams la byas pa gzo ba'o/ /'khu ba rnams la byas pa tshor ba'o/ /gnod pa byed pa rnams la phan 'dogs pa'o/ /log par gyur pa rnams la bden pa'o/ /khengs pa rnams la nga rgyal med pa'o/ /legs par byas pa rnams la mi spyo ba'o/ /gzhan gyi 'khrul 
pa rnams la mi gleng ba'o/ /log par zhugs pa rnams la kun tu srung ba'o/ /thabs kyis dge ba spyod pa thams cad la nyes par mi lta ba'o/ /sbyin pa'i gnas rnams la rim gro byed pa'o/ /rjes su bstan pa rnams la 'thun par 'dzin pa'o/ /gdams ngag dang rjes 
su bstan pa rnams la blo bde ba'o/ /dgon par gnas pa rnams la phu dud du byed pa'o/ /rnyed pa dang / bkur sti dang / tshigs su bcad pa dag don du mi gnyer ba'o/ /lus dang srog la mi lta ba dang / lhag pa'i bsam pa dag pas na tshul 'chos med pa'o/ /
ngag bsdams pas na kha gsag med pa'o/ /bdag gi rnyed pas chog shes pas na thob kyis 'jal ba med pa'o/ /sems nyon mongs pa can ma yin pas na las su rung ba'o/ /dge ba'i rtsa ba thams cad bsags pas na 'khor bar mi gzhol ba'o/ /sems can thams 
cad la lta bas na sdug bsngal thams cad la ci mi snyam pa'o/ /de'i phyir na skyes bu dam pa de dag gi lhag pa'i bsam pa thams cad mi zad pa yin te/ bsod nams thams cad kyis nye bar brtan pa dang / sems can thams cad nye bar 'tsho ba dang / ye shes mi zad 
pa yang dag par bsgrub pa'i phyir 'khor ba'i nyon mongs pa thams cad kyis zad par mi nus so/ /btsun pa sha ra dwa ti'i bu/ 'di ni byang chub sems dpa' rnams kyi lhag pa'i bsam pa mi zad pa'o/ /de nas tshe dang ldan pa sha ra dwa ti'i bus/ byang chub sems dpa' blo gros mi 

</font><hr>60-1-96a<br><font size=+1>

zad pa la 'di skad ces smras so/ /rigs kyi bu byang chub sems dpa' rnams kyi mi zad pa gzhan la la yod dam/ blo gros mi zad pas smras pa/ btsun pa sha ra dwa ti'i bu yod do/ /byang chub sems dpa' rnams kyi sbyin pa yang mi zad pa ste/ de ci'i phyir zhe na/ 
tshad med pa'i phyir ro/ /btsun pa sha ra dwa ti'i bu/ byang chub sems dpa' rnams kyi sbyin pa yongs su sbyang ba yang tshad med pa ste/ tshe dang / spobs pa dang / bde ba dang / stobs dang / kha dog nye bar bstan pa'i phyir/ zas 'dod pa rnams la zas sbyin pa'o/ /nyon mongs 
pa dang / sred pa thams cad bsal ba'i phyir/ btung ba 'dod pa rnams la btung ba sbyin pa'o/ /bde ba dang / 'byor pa'i dngos po thams cad bsdu ba'i phyir/ bzhon pa 'dod pa rnams la bzhon pa sbyin pa'o/ /ngo tsha shes pa dang / khrel yod pa dang / gser gyi kha dog 
lta bu'i mdog yongs su sbyang ba'i phyir/ gos 'dod pa rnams la gos sbyin pa'o/ /de bzhin gshegs pa'i lha'i spyan yongs su gzigs par bya ba'i phyir/ mar me 'dod pa rnams la mar me sbyin pa'o/ /de bzhin gshegs pa'i lha'i snyan yongs su dag par bya ba'i phyir/ 
rol mo 'dod pa rnams la rol mo'i sgra sbyin pa'o/ /tshul khrims dang / thos pa dang / ting nge 'dzin gyi spos kyis byug pa'i phyir/ spos dang byug pa 'dod pa rnams la spos dang / byug pa sbyin pa'o/ /gzungs dang / spobs pa dang / byang chub kyi yan lag gi me 
tog 'thob par bya ba'i phyir/ phreng ba 'dod pa rnams la me tog phreng ba sbyin pa'o/ /lus kyi dri yid du 'ong ba thob par bya ba'i phyir/ phye ma 'dod pa rnams la phye ma sbyin pa'o/ /skyes bu chen po'i mtshan ro bro ba'i mchog yongs su rdzogs par bya ba'i phyir/ bro thams 
cad 'dod pa rnams la bro thams cad sbyin pa'o/ /sems can thams cad kyi gnas dang /skyabs dang / mgon dang / dpung gnyen bya ba'i phyir/ gnas 'dod pa rnams la gnas sbyin pa'o/ /sgrib pa thams cad rab tu spang ba dang / lha dang / tshangs pa'i 

</font><hr>60-1-96b<br><font size=+1>

gnas dang / de bzhin gshegs pa'i gzims cha thob par bya ba'i phyir/ mal cha 'dod pa rnams la mal cha sbyin pa'o/ /stong gsum gyi stong chen po'i sa thams cad kyi byang chub kyi snying po rdo rje'i gdan thob par bya ba'i phyir/ stan 'dod pa rnams la stan sbyin pa'o/ /byang chub kyi 
yo byad thams cad yongs su bskang ba'i phyir/ yo byad 'dod pa rnams la yo byad sbyin pa'o/ /mi rga mi 'chi ba'i bdud rtsis bde ba yongs su bskang ba'i phyir/ na ba dang sman 'dod pa thams cad la sman sbyin pa'o/ /rang dbang dang / rang nyam dang / rang 'byung gi ye shes 
yongs su bskang ba'i phyir/ byang chub sems dpa' rnams kyi bran pho dang / bran mo yongs su gtong ba'i sbyin pa'o/ /skyes bu chen po'i mtshan dam pa sum cu rtsa gnyis yongs su bskang ba'i phyir/ byang chub sems dpa' rnams kyi gser dang / dngul dang / nor bu 
dang / mu tig dang / bai dUr+ya dang / dung dang / man shel dang / byi ru dang / rin po che thams cad yongs su gtong ba'i sbyin pa'o/ /dpe byad bzang po brgyad cu yongs su rdzogs par bya ba'i phyir/ byang chub sems dpa' rnams kyi rgyan sna tshogs sbyin pa'o/ /gtsug 
tor bltar mi mthong ba thob par bya ba'i phyir/ byang chub sems dpa' rnams kyi gtsug gi nor bu dang / cod pan sbyin pa'o/ /theg pa chen po yongs su rdzogs par bya ba'i phyir/ byang chub sems dpa' rnams kyi rta dang / bal glang dang / shing rta dang / dpung bu chung 
dang / bzhon pa sbyin pa'o/ /bsam gtan gyi yan lag dang / yan lag gi tshogs yongs su rdzogs par bya ba'i phyir/ byang chub sems dpa' rnams kyi skyed mos tshal dang / gzhal med khang dang / dka' thub kyi nags tshal dang / gtsug lag khang yongs 
su gtong ba'i sbyin pa'o/ /bla na med pa yang dag par rdzogs pa'i byang chub la dga' ba mngon par rdzogs par 'tshang rgya bar bya ba'i phyir/ byang chub sems dpa' rnams kyi bu pho dang / bu mo dang / chung ma dang / sdug pa yongs su gtong ba'i sbyin pa'o/ /dam pa'i chos 

</font><hr>60-1-97a<br><font size=+1>

kyi mdzod dang / bang ba yongs su dgang ba'i phyir/ byang chub sems dpa' rnams kyi nor dang / 'bru dang / mdzod dang / bang ba yongs su gtong ba'i sbyin pa'o/ /rnam pa thams cad kyi mchog dang ldan pa'i dam pa'i chos kyi rgyal po byang chub kyi snying 
por 'gro bar bya ba'i phyir/ byang chub sems dpa' rnams kyi grong dang / grong khyer dang / grong rdal dang / yul 'khor dang / rgyal po'i pho brang 'khor dang / 'dzam bu'i gling dang / gling bzhi dang / rgyal srid kyi dbang phyug thams cad yongs su gtong ba'i sbyin pa'o/ /
chos la dga' zhing mos pa thob par bya ba'i phyir/ byang chub sems dpa' rnams kyi bde ba dang / dga' ba dang / rtsed mo thams cad gtong ba'i sbyin pa'o/ /dam pa'i chos kyi rkang pas byang chub kyi snying por 'gro bar bya ba'i phyir/ byang chub sems dpa' rnams kyi rkang 
pa sbyin pa'o/ /sems can thams cad la dam pa'i chos kyi lag pa sbyin pa'i phyir/ byang chub sems dpa' rnams kyi lag mthil sbyin pa'o/ /dbang po nyams pa rdzogs par bya ba'i phyir/ byang chub sems dpa' rnams kyi rna ba dang / sna sbyin pa'o/ /sems can 
thams cad la sgrib pa med pa'i sangs rgyas kyi spyan dang / chos kyi spyan thob par bya ba'i phyir/ byang chub sems dpa' rnams kyi mig sbyin pa'o/ /khams gsum thams cad las khyad par du 'phags pa'i mchog thams cad mkhyen pa'i ye shes thob par bya ba'i phyir/ byang 
chub sems dpa' rnams kyi yan lag gi dam pa mgo sbyin pa'o/ /snying po med pa'i lus las snying po blang zhing / nye bar 'tsho bar bya ba'i phyir/ byang chub sems dpa' rnams kyi sha dang khrag yongs su gtong ba'i sbyin pa'o/ /'jam pa dang / snum pa dang / gser 
gyi kha dog lta bu'i mdog yongs su dag par bya ba'i phyir/ byang chub sems dpa' rnams kyi pags pa yongs su gtong ba'i sbyin pa'o/ /sangs rgyas kyi sku rdo rje ltar mi shigs shing sra ba dang / sred med kyi bu ltar mkhregs pa thob par bya ba'i phyir/ byang chub sems 

</font><hr>60-1-97b<br><font size=+1>

dpa' rnams kyi rus pa dang / rkang sbyin pa'o/ /btsun pa sha ra dwa ti'i bu/ gzhan yang byang chub sems dpa' rnams la mi 'thun pa'i longs spyod yongs su tshol ba'i sbyin pa med do/ /sems can la gnod pa'i sbyin pa med do/ /nga rgyal skyed cing sbyin pa med 
do/ /'jigs pa dang / skrag pa dang / 'dzem pas sbyin pa med do/ /'gron du gnyer te yongs su mi gtong ba'i sbyin pa med do/ /ji skad smras pa las chung ba'i sbyin pa med do/ /bzang po yod pa la bzang po ma yin pa'i sbyin pa med do/ /lhag pa'i bsam pa 
ma yin pas sbyin pa med do/ /g.yo dang sgyus sbyin pa med do/ /bcos pa'i sbyin pa med do/ /las kyi rnam par smin pa dang / rgod pas sbyin pa med do/ /log pa'i bsam pas sbyin pa med do/ /gti mug gi bsam pas sbyin pa med do/ /tshol ba'i 
bsam pas sbyin pa med do/ /phyin ci log gi bsam pas sbyin pa med do/ /ma dad par sbyin pa med do/ /mi dga' bar sbyin pa med do/ /nye bar gnas pa'i sbyin pa med do/ /ngor bltas te sbyin pa med do/ /sems can tha dad pa'i sbyin pa med do/ /sbyin pa'i 
gnas 'dam zhing sbyin pa med do/ /sems can thams cad la sbyin pa'i gnas ma yin par brnyas shing sbyin pa med do/ /tshul khrims dang ldan pa dang / tshul khrims 'chal pa'i bstod pa dang / smad pa'i sbyin pa med do/ /lan la re ba'i sbyin pa med do/ /grags 
pa dang / sgra dang / tshigs su bcad pa'i phyir sbyin pa med do/ /bdag la stod pa dang / gzhan la smod pa'i sbyin pa med do/ /yongs su gdung bar byed pa'i sbyin pa med do/ /yid la gcags pa'i sbyin pa med do/ /'gyod pa'i sbyin pa med do/ /gnod par sbyin 
pa med do/ /gzhan gyi re ba la bab pa'i sbyin pa med do/ /smad par sbyin pa med do/ /las kyi rnam par smin pa la re ba'i sbyin pa med do/ /dpags te sbyin pa med do/ /khro ba dang / zhe sdang dang / gti mug dang / gnod sems bskyed pa'i sbyin pa med do/ /slong 

</font><hr>60-1-98a<br><font size=+1>

ba rnams la gnod pa'i sbyin pa med do/ /'phya ba dang co 'dri ba'i sbyin pa med do/ /phyin phyogs su sbyin pa med do/ /bsgyur te sbyin pa med do/ /bsti stang du ma byas pa'i sbyin pa med do/ /bdag gi lag ma dar ba'i sbyin pa med do/ /mi rtag pa'i sbyin pa med do/ /shin tu ma 
sbyangs pa'i sbyin pa med do/ /gzhan la brnyogs pa'i sbyin pa med do/ /yongs su chad par byas te sbyin pa med do/ /ji ltar bstabs pa las chung ba'i sbyin pa med do/ /spro ba las mi spro bar gyur pa'i sbyin pa med do/ /sems can zhing ma yin zhes sbyin pa med do/ /
chung ngu la brnyas shing sbyin pa med do/ /sbyin pa rgya chen po la bsnyems shing sbyin pa med do/ /log par sgrub pa'i sbyin pa med do/ /skye ba 'dod pa'i sbyin pa med do/ /gzugs dang / longs spyod dang / dbang phyug la mngon par dga' bas sbyin pa med do/ /brgya byin dang / 
tshangs pa dang / 'jig rten skyong ba dang / lha thams cad du skye bar smon cing sbyin pa med do/ /nyan thos dang / rang sangs rgyas kyi theg par bsngo zhing sbyin pa med do/ /gzhon nu rgyal srid kyi dbang phyug 'dod pas sbyin pa med do/ /tshe gcig tu zad pa'i sbyin pa med do/ /phyin 
cad chog cing mi dgos pa'i sbyin pa med do/ /thams cad mkhyen pa nyid kyi sems su ma bsngos pa'i sbyin pa med do/ /rung ba ma yin pa'i sbyin pa med do/ /dus la ma bab par sbyin pa med do/ /dug dang mtshon sbyin pa med do/ /sems can la tho 'tshams shing sbyin pa med do/ /
byang chub sems dpa' rnams kyi sbyin pa ni mkhas pas smad pa med do/ /sbyin pa de ni stong pa nyid kyi rnam pas bsgrubs pa ste/ de'i phyir de mi zad pa'o/ /sbyin pa de ni mtshan ma med pas yongs su bsgoms pa ste/ de'i phyir de mi zad pa'o/ /sbyin pa de ni smon pa med pa la 
rab tu gnas pa ste/ de'i phyir de mi zad pa'o/ /sbyin pa de ni mngon par 'dus ma byas par yongs su bsngos pa ste/ de'i phyir de mi zad pa'o/ /sbyin pa de ni yang dag par zin pa ste/ de'i phyir de mi zad pa'o/ /sbyin pa de ni khams gsum pa dang ma 'dres pa ste/ de'i 

</font><hr>60-1-98b<br><font size=+1>

phyir de mi zad pa'o/ /sbyin pa de ni 'bras bu rgyu 'thun pa rnam par grol ba ste/ de'i phyir de mi zad pa'o/ /sbyin pa de ni bdud thams cad tshar gcod pa ste/ de'i phyir de mi zad pa'o/ /sbyin pa de ni nyon mongs pa thams cad dang ma 'dres pa ste/ de'i phyir de mi zad pa'o/ /sbyin pa 
de ni khyad par du 'gro ba ste/ de'i phyir de mi zad pa'o/ /sbyin pa de ni legs par byas pa nges pa ste/ de'i phyir de mi zad pa'o/ /sbyin pa de ni byang chub kyi lam gyi tshogs bsags pa ste/ de'i phyir de mi zad pa'o/ /sbyin pa de ni yang dag par bsngos pa ste/ de'i phyir de mi zad pa'o/ /
sbyin pa de ni byang chub kyi snying po'i rgyan bkod pa rnam par grol ba rgyu 'thun pa'i 'bras bu ste/ de'i phyir de mi zad pa'o/ /sbyin pa de ni sems can thams cad kyi 'tsho ba ste/ de'i phyir de mi zad pa'o/ /sbyin pa de ni mu med pa ste/ de'i phyir de mi zad pa'o/ /sbyin pa de ni yongs su 
mi 'bri ba ste/ de'i phyir de mi zad pa'o/ /sbyin pa de ni kun tu mi gtogs pa ste/ de'i phyir de mi zad pa'o/ /sbyin pa de ni yongs su ma chad pa ste/ de'i phyir de mi zad pa'o/ /sbyin pa de ni yangs pa ste/ de'i phyir de mi zad pa'o/ /sbyin pa de ni mi gnas pa ste/ de'i phyir de 
mi zad pa'o/ /sbyin pa de ni thug pa med pa ste/ de'i phyir de mi zad pa'o/ /sbyin pa de ni kha na ma tho ba med pa ste/ de'i phyir de mi zad pa'o/ /sbyin pa de ni mi skur ba ste/ de'i phyir de mi zad pa'o/ /sbyin pa de ni mi thul ba ste/ de'i phyir de mi zad pa'o/ /sbyin pa de ni zil 
gyis mi non pa ste/ de'i phyir de mi zad pa'o/ /sbyin pa de ni thams cad mkhyen pa'i ye shes la btang ba ste/ de'i phyir de mi zad pa'o/ /btsun pa sha ra dwa ti'i bu/ 'di ni byang chub sems dpa' rnams kyi sbyin pa mi zad pa zhes bya'o/ /de nas tshe dang ldan pa sha ra dwa ti'i bus 
byang chub sems dpa' blo gros mi zad pa la 'di skad ces smras so/ /rigs kyi bu byang chub sems dpa' rnams kyi sbyin pa mi zad pa 'di ni/ khyod kyis legs par smras na/ rigs kyi bu byang chub sems dpa' rnams kyi tshul khrims mi zad pa las brtsams te/ ji ltar byang 

</font><hr>60-1-99a<br><font size=+1>

chub sems dpa' rnams kyi tshul khrims mi zad par 'gyur ba khyod spobs par gyis shig /blo gros mi zad pas smras pa/ btsun pa sha ra dwa ti'i bu/ rnam pa drug cu rtsa lngas byang chub sems dpa' rnams kyi tshul khrims kyi phung po yongs su mi zad pa 
yin no/ /drug cu rtsa lnga po gang zhe na/ 'di lta ste/ sems can thams cad la mi gnod pa dang / gzhan gyi longs spyod dag la mi rku ba dang / gzhan gyi chung ma dag la ma chags pa dang / sems can thams cad la mi slu ba dang / bdag gi 'khor gyis chog par 
'dzin pas phra ma med pa dang / tshig drag po bzod pas mi brlang ba dang / tshig shin tu spong bas tshig kyal pa mi smra ba dang / gzhan bde ba la dga' bas brnab sems med pa dang / ngan du brjod pa dang / ngan du smra ba'i tshig gi lam bzod pas gnod sems med pa dang / ston 
pa gzhan gyis bstan pa med pas yang dag par lta ba dang / sems la rnyog pa med pas sangs rgyas la dad pa dang / chos nyid kyi chos dam pa'i phyir chos la dad pa dang / 'phags pa'i tshogs thams cad la dga' bas dge 'dun la dad pa dang / bla ma la gus pas sri zhu che ba dang / 
sangs rgyas dang / chos dang / dge 'dun la yan lag lngas phyag 'tshal bas lus rab tu 'dud pa dang / kha na ma tho ba chung rab la yang 'jigs par lta bas tshul khrims mi lhod pa dang / theg pa gzhan la mi brten pas tshul khrims ma ral pa dang / nyam nga bar skye ba spong 
bas tshul khrims ma nyams pa dang / skye bo mi srun pa dang / nyon mongs pa dang ma 'dres pas tshul khrims ma 'dres pa dang / dkar po'i chos phyogs gcig tu 'phel bas tshul khrims ma 'chol ba dang / ji ltar 'dod pa bzhin du 'gro bas dpongs pa'i tshul khrims dang / 
mkhas pas ma smad pas rab tu bsngags pa'i tshul khrims dang / dran pa dang / shes bzhin rab tu nye bar gnas pas/ rnam pa mchog gi tshul khrims dang / thams cad du kha na ma tho ba med pas ma smad pa'i tshul khrims dang / dbang po bsrungs pas shin tu sbas 

</font><hr>60-1-99b<br><font size=+1>

pa'i tshul khrims dang / sangs rgyas kyi chos thams cad la sems pas rnam par grags pa'i tshul khrims dang / rung ba la tshod shes pas 'dod pa chung ba'i tshul khrims dang / chags pa spangs pas chog shes pa'i tshul khrims dang / lus dang sems dben pas rang 
bzhin gyis dben pa'i tshul khrims dang / 'du 'dzi rnam par spangs pas dgon pa la gnas pa'i tshul khrims dang / gzhan gyi ngor mi lta bas 'phags pa'i rigs chog shes pa'i tshul khrims dang / dge ba'i rtsa ba bdag gi kha na las pas sbyangs pa'i yon tan dang / yo byad 
bsnyungs pa'i tshul khrims dang / lha dang mi mgu bar byed pas ji ltar smras pa de ltar spyod pa'i tshul khrims dang / sems can thams cad kyi dpung gnyen du gyur pas byams pa'i tshul khrims dang / sdug bsngal thams cad bzod pas snying rje'i tshul khrims dang / sems ma 
zhum pas dga' ba'i tshul khrims dang / rjes su chags pa dang / khong khro ba spangs pas btang snyoms kyi tshul khrims dang / bdag gi sems la nges par sems pas bdag gi 'khrul pa la rtog pa'i tshul khrims dang / gzhan gyi sems bsrungs pas gzhan gyi 'khrul pa 
la nyes par mi lta ba'i tshul khrims dang / sems can yongs su smin par byed pas sbyin pa'i tshul khrims dang / tshul khrims rab tu bsrungs pas shin tu bzung ba'i tshul khrims dang / sems can thams cad la zhe 'gras pa'i sems med pas bzod pa'i tshul khrims dang / 
phyir mi ldog pas brtson 'grus kyi tshul khrims dang / bsam gtan gyi yan lag gi tshogs 'phel bar byed pas bsam gtan gyi tshul khrims dang / thos pa'i dge ba'i rtsa bas mi ngoms pa'i phyir/ shes rab kyi tshul khrims dang / thos pa'i snying po len pa'i phyir/ 
thos pa'i tshul khrims dang / byang chub kyi yan lag gi tshogs spel ba'i phyir/ dge ba'i bshes gnyen la brten pa'i tshul khrims dang / lam nyam nga ba 'dor ba'i phyir/ sdig pa'i grogs po yongs su spong ba'i tshul khrims dang / mi rtag pa'i 'du shes la rtogs pas 

</font><hr>60-1-100a<br><font size=+1>

lus la mi lta ba'i tshul khrims dang / dge ba'i rtsa ba la rtun te byed pas srog la yid mi rton pa'i tshul khrims dang / bsam pa dag pa'i phyir/ yid la gcags pa med pa'i tshul khrims dang / sbyor ba dag pa'i phyir/ bcos ma ma yin pa'i tshul khrims 
dang / lhag pa'i bsam pa dag pa'i phyir/ yongs su gdung ba med pa'i tshul khrims dang / las legs par byas pa'i phyir/ mi dga' ba med pa'i tshul khrims dang / khengs pa med pa'i phyir/ nga rgyal med pa'i tshul khrims dang / 'dod chags dang bral ba'i phyir/ 
mi rgod pa'i tshul khrims dang / drang ba'i phyir/ mi g.yeng ba'i tshul khrims dang / cang shes pa'i phyir/ mu cor mi smra ba'i tshul khrims dang / mi 'khrugs pa'i phyir dul ba'i tshul khrims dang / nye bar zhi ba'i phyir/ zhi ba'i tshul khrims dang / ji skad smras pa bzhin 
byed pas bka' blo bde zhing mthun par 'dzin pa'i tshul khrims dang / bsdu ba'i dngos po mi 'dor bas sems can yongs su smin par byed pa'i tshul khrims dang / bdag gi nor chud mi gzon pa'i phyir/ dam pa'i chos yongs su srung ba'i tshul khrims dang / gzod ma nas shin 
tu dag pas bsam pa thams cad yongs su skong ba'i tshul khrims dang / de'i tshul khrims yongs su bsngos pas de bzhin gshegs pa'i tshul khrims la yang dag par gzhol ba'i tshul khrims dang / sems can thams cad la sems snyoms par sangs rgyas kyi ting nge 'dzin dang / 
snyoms par 'jug pa'i tshul khrims te/ btsun pa sha ra dwa ti'i bu/ rnam pa drug cu rtsa lnga po de dag gis byang chub sems dpa' rnams kyi tshul khrims kyi phung po yongs su dag pa mi zad pa yin no/ /btsun pa sha ra dwa ti'i bu/ gzhan yang gang la bdag tu sgro btags pa med 
pa dang / sems can du ma yin/ srog tu ma yin/ gso bar ma yin/ skyes bur ma yin/ gang zag tu ma yin/ shed las skyes su ma yin zhing / shed bur sgro btags pa med pa de ni tshul khrims so/ /gang la gzugs su sgro btags pa med pa dang / tshor bar 

</font><hr>60-1-100b<br><font size=+1>

ma yin/ 'du shes su ma yin/ 'du byed du ma yin/ rnam par shes par sgro btags pa med pa de ni tshul khrims so/ /gang la sa'i khams su sgro btags pa med pa dang / chu'i khams su ma yin/ me'i khams su ma yin zhing rlung gi khams su sgro btags pa med pa 
de ni tshul khrims so/ /gang la mig gi mtshan mar sgro btags pa med pa dang / gzugs kyi mtshan mar sgro btags pa med pa dang / de bzhin du rna bar ma yin/ sgrar ma yin/ snar ma yin/ drir ma yin/ lcer ma yin/ ror ma yin/ lus su ma yin/ reg byar ma yin 
zhing yid kyi mtshan mar sgro btags pa med pa dang / chos su sgro btags pa med pa de ni tshul khrims so/ /gang la lus dang / ngag dang / chos su sgro btags pa med pa de ni tshul khrims so/ /gang rtse gcig pa'i phyir zhi gnas kyi mtshan nyid de ni tshul khrims so/ /chos rab tu rnam par 
'byed pa la mkhas pas lhag mthong gi mtshan nyid de ni tshul khrims so/ /gang stong pa nyid rig pa dang / mtshan ma med pa'i mtha' dang / smon pa med cing khams gsum pa dang ma 'dres pa de ni tshul khrims so/ /gang mngon par 'dus ma byas pa/ ma skyes pas rab tu phye ba/ 
mi skye ba la bzod pa de ni tshul khrims so/ /gang ma byas shing bya ba med pa de ni tshul khrims so/ /gang sngon gyi mthar ma byung ba dang / phyi ma'i mthar ma 'phos pa dang / bar du mi gnas pa de ni tshul khrims so/ /gang sems dri ma med pa dang / rnam par shes pa la mi 
gnas pa dang / yid la byed pa dang ma 'dres pa de ni tshul khrims so/ /gang 'dod pa'i khams la mi rten pa dang / gzugs kyi khams la mi gnas pa dang / gzugs med pa'i khams na mi 'dug pa de ni tshul khrims so/ /gang 'dod chags kyi rdul med pa dang / gnod 
sems dang / tha ba dang / skyon dang / khong khro ba bsal ba dang / gti mug gi mun pa dang / ma rig pa med pa de ni tshul khrims so/ /gang rtag pa med pa dang / chad pa med pa dang / rten nas 'byung ba dang mi 'gal ba de ni tshul khrims so/ /gang ngar 'dzin pa med pa dang / nga yir 

</font><hr>60-1-101a<br><font size=+1>

'dzin pa med pa dang / 'jig tshogs la lta ba la mi gnas pa de ni tshul khrims so/ /gang ming dang brda la mngon par ma zhen pa dang / gzugs kyi mtshan nyid la mi gnas pa dang / ming dang gzugs dang ma 'dres pa de ni tshul khrims so/ /gang rgyu'i bag la nyal 
ba med pa dang / lta ba'i kun nas ldang ba dang / kun nas ma langs pa dang / sgrib pa dang / 'gyod pa la mi gnas pa de ni tshul khrims so/ /gang la chags pa mi dge ba'i rtsa ba'i gnas med pa dang / zhe sdang mi dge ba'i rtsa ba'i gnas med pa dang / gti mug mi dge 
ba'i rtsa ba'i gnas med pa de ni tshul khrims so/ /gang mi dga' ba med pa dang / yongs su gdung ba med pa dang / shin tu sbyangs pa'i mtshan nyid de ni tshul khrims so/ /gang chos kyi skus sangs rgyas kyi rigs mi gcod pa dang / chos kyi dbyings dbyer med pa'i phyir/ chos kyi 
rigs mi gcod pa dang / 'dus ma byas kyis rab tu phye ba'i phyir/ dge 'dun gyi rigs mi gcod pa de ni tshul khrims so/ /btsun pa sha ra dwa ti'i bu/ tshul khrims mi zad pa ni rgyun mi zad pa'i phyir blta'o/ /de ci'i phyir zhe na/ so so'i skye bo rnams kyi tshul khrims ni skye 
ba'i gnas rnams kyis zad par 'gyur ro/ /phyi rol gyi lnga mngon par shes pa rnams kyi tshul khrims ni/ mngon par shes pa nyams pas zad par 'gyur ro/ /mi rnams kyi tshul khrims ni dge ba bcu'i las kyi lam zad pas zad par 'gyur ro/ /'dod pa'i khams kyi lha'i 
bu rnams kyi tshul khrims ni bsod nams zad pas zad par 'gyur ro/ /gzugs kyi khams kyi lha'i bu rnams kyi tshul khrims ni tshad med pa dang / bsam gtan zad pas zad par 'gyur ro/ /gzugs med pa'i khams kyi lha'i bu rnams kyi tshul khrims ni/ ji lta bur snyoms 
par zhugs pas skyes pa zad nas zad par 'gyur ro/ /slob pa dang / mi slob pa dang / nyan thos thams cad kyi tshul khrims ni/ mya ngan las 'das pa'i mthar zad par 'gyur ro/ /rang sangs rgyas rnams kyi tshul khrims ni/ snying rje chen po dang bral bas zad par 'gyur ro/ /

</font><hr>60-1-101b<br><font size=+1>

btsun pa sha ra dwa ti'i bu/ byang chub sems dpa' rnams kyi tshul khrims ni mi zad pa ste/ de ci'i phyir zhe na/ 'di ltar tshul khrims de las tshul khrims thams cad 'byung ba'i phyir te/ btsun pa sha ra dwa ti'i bu/ dper na sa bon mi zad pas 'thob pa mi zad do/ /btsun pa 
sha ra dwa ti'i bu/ de bzhin du byang chub kyi sems kyi sa bon mi zad pas na/ de bzhin gshegs pa'i tshul khrims mi zad par rig par bya ste/de'i phyir na skyes bu dam pa de dag ni tshul khrims mi zad pa zhes bya'o/ /btsun pa sha ra dwa ti'i bu/ de ni byang chub sems dpa' 
rnams kyi tshul khrims mi zad pa zhes bya'o/ /de nas tshe dang ldan pa sha ra dwa ti'i bus/ byang chub sems dpa' blo gros mi zad pa la 'di skad ces smras so/ /rigs kyi bu byang chub sems dpa' rnams kyi tshul khrims mi zad pa 'di ni khyod kyis legs par smras na/ rigs kyi 
bu byang chub sems dpa' rnams kyi bzod pa mi zad pa las brtsams te/ ji ltar byang chub sems dpa' rnams bzod pa mi zad par 'gyur ba khyod spobs par gyis shig /blo gros mi zad pas smras pa/ btsun pa sha ra dwa ti'i bu/ rnam pa sum cu rtsa gnyis kyis byang chub sems 
dpa' rnams kyi bzod par blta'o/ /sum cu rtsa gnyis gang zhe na/ bag la nyal ba spangs pas bzod par blta'o/ /mi gnod pas bzod par blta'o/ /yongs su mi gdung bas bzod par blta'o/ /gnod sems med pas bzod par blta'o/ /khon du 'dzin pa med pas 
bzod par blta'o/ /mi khro bas bzod par blta'o/ /thab mo med pas bzod par blta'o/ /rtsod pa med pas bzod par blta'o/ /yul rma mi phyin pas bzod par blta'o/ /yul gyis rma mi phyin pas bzod par blta'o/ /bdag dang gzhan srung bas bzod par blta'o/ /
byang chub kyi sems dang 'thun pas bzod par blta'o/ /tshul bzhin rab tu rtogs pas bzod par blta'o/ /yid byung zhing 'dod chags dang bral bas bzod par blta'o/ /las kyi rnam par smin pa la rton pas bzod par blta'o/ /lus kyi rgyan gyis bzod par blta'o/ /ngag 

</font><hr>60-1-102a<br><font size=+1>

dang sems yongs su dag pas bzod par blta'o/ /bsam pa brtan pas bzod par blta'o/ /yi ge ya ma brla yin pas bzod par blta'o/ /yongs su rtog pa med pas bzod par blta'o/ /rang gi sems la nges par sems pas bzod par blta'o/ /gzhan 
gyi sems srung bas bzod par blta'o/ /tshangs pa'i 'jig rten gyi lam du 'gro bas bzod par blta'o/ /lha dang mi'i phun sum tshogs pa myong ba'i phyir bzod par blta'o/ /mtshan dang dpe byad bzang po yongs su rdzogs par byed pas bzod par blta'o/ /tshangs pa'i sgra skad 
'byin pa'i dbyangs thob pas bzod par blta'o/ /nyes pa thams cad bcom pas bzod par blta'o/ /gnod sems dang / skyon dang / tha ba thams cad bcom pas bzod par blta'o/ /khong khro ba thams cad spangs pas bzod par blta'o/ /mi dge ba'i rtsa ba 
thams cad spangs pas bzod par blta'o/ /phyir rgol ba thams cad rab tu bcom pas bzod par blta'o/ /gzhan gyis gnod par bya ba thams cad las shin tu 'das pas bzod par blta'o/ /sangs rgyas kyi chos thams cad 'thob pas bzod par blta ste/ btsun 
pa sha ra dwa ti'i bu/ rnam pa sum cu rtsa gnyis po de dag gis byang chub sems dpa' rnams kyi bzod par blta'o/ /de la bzod pa yongs su dag pa gang zhe na/ ngag brag ca'i sgra dang mtshungs par shin tu rtogs pa'i phyir/ spyos pa la slar mi spyo ba dang / lus gzugs 
brnyan dang mtshungs par rab tu rtogs pa'i phyir/ brdeg pa la phyir mi rdeg pa dang / sems sgyu ma dang mtshungs par rab tu rtogs pa'i phyir/ gshe ba la phyir mi gshe ba dang / lhag pa'i bsam pa zhi ba'i phyir/ khros pa la phyir mi khro ba dang / rang gi yon tan yongs 
su rdzogs pa'i phyir/ bsngags pa ma yin pas khong khro bar mi 'gyur ba dang / mthos par mi sems pa'i phyir/ bsngags pas rjes su chags par mi 'gyur ba dang / shin tu dul ba'i phyir rnyed pas dga' ba med pa dang / rab tu zhi ba'i phyir ma rnyed pas khong khro ba med pa 

</font><hr>60-1-102b<br><font size=+1>

dang / shes pas rab tu brtags pa'i phyir snyan pa la ngo mtshar du mi 'dzin pa dang / blo yangs pa'i phyir mi snyan pas zhum par mi 'gyur ba dang / legs par gnas pa'i phyir smad pas dmas par mi sems pa dang / mi g.yo ba'i phyir bstod pas mthos par mi sems pa dang / 
sems can la lta ba'i phyir sdug bsngal gyis yongs su mi skyo ba dang / 'dus byas kyi bde ba mi rtag pa'i phyir bde bas dga' bar mi 'gyur ba dang / mi gnas pa'i phyir 'jig rten gyi chos rnams kyis mi gos pa dang / gzhan la mi gnod pa'i phyir bdag la gnod pa bzod pa dang / 
byang chub kyi yan lag gi tshogs yongs su rdzogs par bya ba'i phyir/ yan lag dang / nying lag gcod pa'ang nyams su len pa dang / sangs rgyas kyi sku 'dod pa'i phyir bdag gi lus gcod pa'ang bzod pa dang / legs par byas pa'i las kyi stobs bskyed pa'i phyir/ 
ngan du byas pa thams cad bzod pa dang / mu stegs can thams cad 'joms pas dpa' ba'i phyir gdung ba dang / yongs su gdung ba la mi mjed pa dang / brgya byin dang / tshangs pa dang / 'jig rten skyong ba rnams zil gyis gnon pa'i phyir/ brtul zhugs thams cad la 
rtsom pa'o/ /btsun pa sha ra dwa ti'i bu/ gzhan yang bzod pa zhes bya ba ni gang 'di shin tu rma mi phyin pa ste/ de ci'i phyir zhe na/ mi dmigs pa'i phyir mi gshe'o zhes bzod pa de ni gnyi ga la dmigs pa'i bzod pa ste/ de ni shin tu bzod pa ma yin no/ /'di la su zhig gshe 
zhes bzod pa de ni chos la bgrang zhing rtog pa'i bzod pa ste/ de ni shin tu bzod pa ma yin no/ /ci bdag gi mig la mig gshe'am zhes bzod pa dang / de bzhin du ci bdag gi rna ba dang / sna dang / lce dang / lus dang / yid la yid gshe'am zhes bzod pa de ni skye mched 
la rtog pa'i bzod pa ste/ de ni shin tu bzod pa ma yin no/ /'di la gang su yang gshe ba med do zhes bzod pa de ni bdag med pa la rtog pa'i bzod pa ste/ de ni shin tu bzod pa ma yin no/ /'di dag ni yi ge'i sgra 'byung ba'o zhes bzod pa de ni brag ca'i sgra la bzod pa ste/ de 

</font><hr>60-1-103a<br><font size=+1>

ni shin tu bzod pa ma yin no/ /'di'ang mi rtag pa'o/ /bdag kyang mi rtag pa'o zhes bzod pa de ni mi rtag pa la 'jug pa'i bzod pa ste/ de ni shin tu bzod pa ma yin no/ /'di ni phyin ci log yin gyi bdag ni phyin ci log ma yin zhes bzod pa de ni mthon 
dman gyi bzod pa ste/ de ni shin tu bzod pa ma yin no/ /bdag ni rigs kyi 'di ni mi rigs pa'o zhes bzod pa de ni rigs pa dang / mi rigs pa'i bzod pa ste/ de ni shin tu bzod pa ma yin no/ /bdag ni lam bzang po la gnas kyi 'di ni lam ngan pa la gnas so 
zhes bzod pa de ni lam dang lam ma yin pa'i bzod pa ste/ de ni shin tu bzod pa ma yin no/ /bdag ni mi rtag pa la bzod kyi/ rtag pa la bdag mi bzod do zhes bzod pa de ni gnyen pos spong ba'i bzod pa ste/ de ni shin tu bzod pa ma yin no/ /bdag ni sdug bsngal la 
bzod kyi/ bde ba la bdag mi bzod do/ /bdag ni bdag med pa la bzod kyi/ bdag la ni bdag mi bzod do/ /bdag ni mi sdug pa la bzod kyi/ sdug pa la bdag mi bzod do zhes bya ba de ni gnyen pos spong ba'i bzod pa ste/ de ni shin tu bzod pa ma yin no/ /bdag 
ni stong pa nyid la bzod kyi/ lta ba'i rnam pa la bdag mi bzod do/ /bdag ni mtshan ma med pa la bzod kyi/ mtshan mar rnam par rtog pa la bdag mi bzod do/ /bdag ni smon pa med pa la bzod kyi/ smon pa la bdag mi bzod do/ /bdag ni mngon par 'du mi byed 
pa la bzod kyi/ mngon par 'du byed pa la bdag mi bzod do/ /bdag ni nyon mongs pa mi zad pa la bzod kyi/ nyon mongs pa zad pa la bdag mi bzod do/ /bdag ni dge ba la bzod kyi/ mi dge ba la bdag mi bzod do/ /bdag ni 'jig rten las 'das pa la 
bzod kyi/ 'jig rten pa la bdag mi bzod do/ /bdag ni kha na ma tho ba med pa la bzod kyi/ kha na ma tho ba dang bcas pa la bdag mi bzod do/ /bdag ni zag pa med pa la bzod kyi/ zag pa dang bcas pa la bdag mi bzod do/ /bdag ni rnam par byang ba la bzod kyi/

</font><hr>60-1-103b<br><font size=+1>

kun nas nyon mongs pa la bdag mi bzod do/ /bdag ni mya ngan las 'das pa la bzod kyi/ 'khor ba la bdag mi bzod do zhes bya ba de ni gnyen pos spong ba'i bzod pa ste/ de ni shin tu bzod pa ma yin no/ /de la shin tu bzod pa gang zhe na/ gang stong pa nyid rtogs pa de 
la lta bar gyur pa yang bsal ba med/ stong pa nyid du sgro 'dogs pa yang med de/ lta bar gyur pa nyid stong pa'o zhes gang 'di la bzod pa de ni shin tu bzod pa'o/ /gang mtshan ma med par rtogs pa de la mtshan ma'i rnam par rtog pa yang bsal ba med/ mtshan ma med par 
sgro 'dogs pa yang med de/ mtshan ma'i rnam par rtog pa nyid stong pa ste/ gang 'di la bzod pa de ni shin tu bzod pa'o/ /gang smon pa med par rtogs pa de la smon pa bsal ba yang med/ smon pa med par sgro 'dogs pa yang med de/ smon pa nyid stong pa ste/gang 
'di la bzod pa de ni shin tu bzod pa'o/ /gang mngon par 'du mi byed pa rtogs pa de la/ mngon par 'du byed pa bsal ba yang med/ mngon par 'du mi byed par sgro 'dogs pa yang med de/ mngon par 'du byed pa nyid stong pa ste/ gang 'di la bzod pa de ni shin tu bzod pa'o/ /
gang nyon mongs pa zad par rtogs pa de la nyon mongs pa bsal ba yang med/ nyon mongs pa zad par sgro 'dogs pa yang med de/ nyon mongs pa nyid stong pa ste/ gang 'di la bzod pa de ni shin tu bzod pa'o/ /gang dge ba rtogs pa de la mi dge ba bsal ba yang med/ dge bar 
sgro 'dogs pa yang med de/ mi dge ba nyid stong pa ste/ gang 'di la bzod pa de ni shin tu bzod pa'o/ /gang 'jig rten las 'das par rtogs pa de la/ 'jig rten pa bsal ba yang med/ 'jig rten las 'das par sgro 'dogs pa yang med de/ 'jig rten pa nyid stong pa ste/ gang 'di la bzod pa de ni 
shin tu bzod pa'o/ /gang kha na ma tho ba med par rtogs pa de la kha na ma tho ba dang bcas pa bsal ba yang med/ kha na ma tho ba med par sgro 'dogs pa yang med de/ kha na ma tho ba dang bcas pa nyid stong pa ste/ gang 'di la bzod pa de ni shin tu bzod pa'o/ /gang zag pa 

</font><hr>60-1-104a<br><font size=+1>

med par rtogs pa de la zag pa bsal ba yang med/ zag pa med par sgro 'dogs pa yang med de/ zag pa nyid stong pa ste/ gang 'di la bzod pa de ni shin tu bzod pa'o/ /gang rnam par byang bar rtogs pa de la kun nas nyon mongs pa bsal ba yang med/ 
rnam par byang bar sgro 'dogs pa yang med de/ kun nas nyon mongs pa nyid stong pa ste/ gang 'di la bzod pa de ni shin tu bzod pa'o/ /gang mya ngan las 'das par rtogs pa de la 'khor ba bsal ba yang med/ mya ngan las 'das par sgro 'dogs pa yang med de/ 'khor ba nyid stong pa 
ste/ gang 'di la bzod pa de ni shin tu bzod pa'o/ /gang ma skyes pa/ ma bskyed pa/ ma byung ba/ ma phyung ba de la 'jig pa gang yang med do/ /'jig pa med pas na/ zad pa med de/ gang 'di la bzod pa de ni shin tu bzod pa'o/ /gang ma byas pa/ mngon par 'dus ma 
byas pa/ sgro btags pa med pa/ rnam par ma brtags pa/ ma bsgrubs pa/ ma bstan pa/ nye bar ma gtugs pa de la skye ba gang yang med de/ gang skye ba med pa de ni mi skye ba'o/ /gang mi skye ba de ni shin tu bzod pa'o/ /gang de ltar bzod pa de ni mi skye ba la bzod pa'o/ /
gang mi skye ba la bzod pa de ni skye ba med par bzod pa'o/ /gang skye ba med par bzod pa de ni shin tu bzod pa ste/ de ltar bzod pa rtogs pa'i byang chub sems dpa' ni lung bstan pa'i bzod pa thob bo/ /btsun pa sha ra dwa ti'i bu/ 'di ni byang chub sems dpa' rnams kyi bzod pa mi 
zad pa zhes bya'o/ /byang chub sems dpa' blo gros mi zad pas bzod pa mi zad pa'i le'u'i chos kyi rnam grangs 'di bstan pa'i tshe/ thams cad dang ldan pa'i 'khor des byang chub sems dpa' blo gros mi zad pa la legs so zhes bya ba byin te/ byang chub sems dpa' blo gros 
mi zad pa la mchod pa bya ba'i phyir/ sngon ma mthong ma thos pa'i me tog dang / bdug pa dang / spos dang / me tog phreng dang / byug pa dang / phye ma dang / gos dang / gdugs dang / rgyal mtshan dang / lha'i ba dan dag gis gtor to/ /sil snyan rnams kyang dkrol 

</font><hr>60-1-104b<br><font size=+1>

te/ gang gis bzod pa mi zad pa 'di thos nas mi skrag mi dngang zhing dngang bar mi 'gyur ba'i sems can de dag ni de bzhin gshegs pa'i bzod pa can du 'gyur ro zhes ched du brjod pa yang ched du brjod do/ /ji tsam du stong gsum gyi stong chen po'i 'jig rten gyi khams 'di byur 
bur yongs su gang bar gyur pa de tsam du de dag gi me tog dang / bdug pa dang / spos dang / me tog phreng dang / byug pa dang / phye ma dang / gos dang / gdugs dang / rgyal mtshan dang / lha'i ba dan de dag gtor to/ /de nas bcom ldan 'das kyis byang chub sems 
dpa' blo gros mi zad pa la bka' stsal pa/ rigs kyi bu khyod kyis me tog dang / bdug pa dang / spos dang / me tog phreng dang / byug pa dang / phye ma dang / gos dang / gdugs dang / rgyal mtshan dang / lha'i ba dan 'di dag gi snod gyis shig /blo gros mi zad pas 
gsol pa/ bcom ldan 'das byang chub sems dpa' rnams kyi snod ni byin gyi rlabs kyi stobs bskyed pa'i slad du/ bdag gi lus lags te/ bdag gis bgyis lags so/ /de nas byang chub sems dpa' blo gros mi zad pa de'i tshe/ gzugs thams cad lus su 
'jug pa zhes bya ba byang chub sems dpa'i ting nge 'dzin la snyoms par zhugs te/ de snyoms par zhugs ma thag tu me tog dang / bdug pa dang / spos dang / me tog phreng dang / byug pa dang / phye ma dang / gos dang / gdugs dang / rgyal mtshan dang / lha'i 
ba dan de dag thams cad lte ba khung gi nang du song ste/ de'i lus la yang bri ba 'am gang bar yang mi mngon no/ /de nas byang chub sems dpa' bkod pa chen po zhes bya ba 'khor de nyid du 'dus te 'dug pas byang chub sems dpa' blo gros mi zad pa la 'di skad ces smras so/ /
rigs kyi bu khyod ting nge 'dzin gang la gnas pas de snyed kyi me tog dang / bdug pa dang / spos dang / me tog phreng dang / byug pa dang / phye ma dang / gos dang / gdugs dang / rgyal mtshan dang / lha'i ba dan rnams khyod kyi lus su song yang khyod kyi lus la bri ba 

</font><hr>60-1-105a<br><font size=+1>

'am/ gang bar yang mi mngon pa'i ting nge 'dzin de'i ming ci zhes bya/ blo gros mi zad pas smras pa/ rigs kyi bu ting nge 'dzin 'di'i ming gzugs thams cad lus su 'jug pa zhes bya'o/ /byang chub sems dpa' bkod pa chen pos smras pa/ rigs kyi bu 
ting nge 'dzin 'di'i yul ci/ blo gros mi zad pas smras pa/ rigs kyi bu stong gsum gyi stong chen po'i 'jig rten gyi khams 'di na gzugs su snang ba ji snyed pa de dag thams cad kho bo'i lus su bcug kyang / kho bo'i lus kyi chos nyid la 'phel ba'am/ 'bri ba med do/ /
de na 'khor de dag las byang chub sems dpa' dang / lha dang / mi kha cig 'di snyam du sems te/ bdag cag gis kyang ting nge 'dzin 'di'i mthu blta'o snyam pa dang / de nas bcom ldan 'das kyis byang chub sems dpa' de dag dang / lha dang /mi de dag gi bsam pa 
mkhyen nas/ byang chub sems dpa' blo gros mi zad pa la 'di skad ces bka' stsal to/ /rigs kyi bu khyod kyis ting nge 'dzin 'di'i mthu ston cig /de nas byang chub sems dpa' blo gros mi zad pas ting nge 'dzin de la shin tu bsgoms pa'i phyir thams cad dang ldan pa'i 'khor de dang / 
phyogs bcu nas 'dus pa'i byang chub sems dpa' de dag dang / bcom ldan 'das kyang dge slong gi tshogs kyis yongs su bskor ba rang gi lus su bcug ste/ bcug nas kyang de bzhin gshegs pa rgyan gyi rgyal po'i sangs rgyas kyi zhing 'jig rten gyi khams thams cad bkod pa na byang chub 
sems dpa' rnams kyi longs spyod dang / yongs su spyad pa ci 'dra ba de lta bu'i longs spyod dang / yongs su spyad pa bstan to/ /thams cad dang ldan pa'i 'khor de yang byang chub sems dpa' blo gros mi zad pa'i lus kyi nang du bdag nyid song ba snyam du shes so/ /de nas byang chub sems 
dpa' blo gros mi zad pas cho 'phrul chen po 'di bstan nas/ 'khor de dag thams cad dang / phyogs bcu nas 'dus pa'i byang chub sems dpa' de dag dang / bcom ldan 'das kyang dge slong gi tshogs kyis yongs su bskor ba phyir so so'i gnas su bzhag go/ /de nas byang chub 

</font><hr>60-1-105b<br><font size=+1>

sems dpa' bkod pa chen pos/ byang chub sems dpa' blo gros mi zad pa la 'di skad ces smras so/ /rigs kyi bu ting nge 'dzin 'di'i mthu ngo mtshar to/ /blo gros mi zad pas smras pa/ rigs kyi bu kho bos stong gsum gyi stong chen po'i 'jig rten gyi khams thams cad kho bo'i 
lus su bcug kyang / kho bo'i lus kyi chos nyid la bri ba'am gang bar yang mi mngon no/ /bzod pa mi zad pa'i le'u'i chos kyi rnam grangs 'di bstan pa dang / cho 'phrul 'di bstan pa'i tshe/ lha dang / mi'i skye dgu khrag khrig phrag bdun cu rtsa drug bla na med pa yang dag par 
rdzogs pa'i byang chub tu sems skyes so/ /byang chub sems dpa' khri nyis stong ni mi skye ba'i chos la bzod pa thob par gyur to/ /de nas tshe dang ldan pa sha ra dwa ti'i bus/ byang chub sems dpa' blo gros mi zad pa la 'di skad ces smras so/ /rigs kyi bu byang chub sems dpa' 
rnams kyi bzod pa mi zad pa 'di ni khyod kyis legs par smras na/ rigs kyi bu byang chub sems dpa' rnams kyi brtson 'grus mi zad pa la brtsams te/ ji ltar byang chub sems dpa' rnams kyi brtson 'grus mi zad par 'gyur ba khyod spobs par gyis shig /blo gros mi zad 
pas smras pa/ btsun pa sha ra dwa ti'i bu/ brgyad po 'di dag ni byang chub sems dpa' rnams kyi brtson 'grus yang dag par blangs pa ste/ brgyad po gang zhe na/ 'di lta ste/ go cha mi zad pa dang / rtul ba mi zad pa dang / yang dag par bsgrub pa mi zad pa dang / sems 
can yongs su smin par byed pa mi zad pa dang / bsod nams kyi tshogs mi zad pa dang / ye shes kyi tshogs mi zad pa dang / shes rab kyi tshogs mi zad pa dang / sangs rgyas kyi chos thams cad yang dag par bsgrub pa'i tshogs mi zad pa'o/ /btsun pa sha ra dwa ti'i bu/ de la 
byang chub sems dpa'i go cha mi zad pa gang zhe na/ gang 'di 'khor ba na yongs su mi skyo ba ste/ de bskal pa 'di snyed cig tu go cha bgo'o/ /bskal pa 'di snyed cig tu go cha mi bgo'o zhes bskal pa bgrang bas byang chub mi tshol gyi/ go cha bsam gyis mi khyab pa nyid gyon 

</font><hr>60-1-106a<br><font size=+1>

par byed de/ gal te 'khor ba'i sngon gyi mtha' ji snyed pa de snyed kyis nyin zhag gcig tu gyur la/ de lta bu'i nyin zhag gis zhag bcwa lnga zhing zla ba phyed/ zhag sum cu la zla ba ste/ zla ba bcu gnyis shing lor gyur la/ lo'i bgrang ba 'di lta bus lo stong 
phrag brgya la byang chub kyi sems gcig bskyed cing / de bzhin gshegs pa dgra bcom pa yang dag par rdzogs pa'i sangs rgyas gcig mthong la 'jug pa de lta bu dang / bgrang ba de 'dra bas gang gA'i klung gi bye ma snyed kyi byang chub kyi sems bskyed pa dang / de bzhin gshegs 
pa mthong bas sems can gcig gi sems kyi spyod pa shes kyang / 'jug pa de lta bu dang / bgrang ba de 'dra bas sems can thams cad la yang de snyed de snyed kyi byang chub tu sems bskyed pa dang / de bzhin gshegs pa mthong bas so so re rer sems can thams cad kyi sems kyi 
spyod pa shes kyang mi gong ba'i go cha'o/ /sbyin pa'i pha rol tu phyin pa yongs su rdzogs par bya ba'i phyir 'jug pa 'di nyid dang / bgrang ba 'di nyid kyis de bzhin gshegs pa gang gA'i klung gi bye ma snyed la rim gro byed pa dang / tshul khrims kyi pha rol tu phyin pa yongs su rdzogs par 
bya ba'i phyir 'jug pa 'di nyid dang / bgrang ba 'di nyid kyis de bzhin gshegs pa gang gA'i klung gi bye ma snyed la rim gro byed pa dang / de bzhin du bzod pa dang / brtson 'grus dang / bsam gtan dang / shes rab kyi pha rol tu phyin pa yongs su rdzogs par bya ba'i phyir de bzhin 
gshegs pa gang gA'i klung gi bye ma snyed la rim gro byed pa dang / de bzhin du byang chub kyi phyogs kyi chos thams cad yongs su rdzogs par bya ba dang / mtshan dang dpe byad bzang po thams cad yongs su rdzogs par bya ba dang / de bzhin gshegs pa'i stobs dang / mi 'jigs pa 
dang / sangs rgyas kyi chos ma 'dres pa thams cad yongs su rdzogs par bya ba'i phyir de bzhin gshegs pa gang gA'i klung gi bye ma snyed la rim gro byed pa dang / 'jug pa 'di nyid dang / bgrang ba 'di nyid kyis de bzhin gshegs pa gang gA'i klung gi bye ma snyed mthong ba dang / byang chub tu 

</font><hr>60-1-106b<br><font size=+1>

sems bskyed pa de dag gis skyes bu chen po'i mtshan gcig mngon par bsgrub cing / rnam grangs 'dis mtshan dang dpe byad thams cad yongs su 'grub pa mngon par sgrub par byed kyang mi gong ba'i go cha gang yin pa de ni byang chub sems dpa'i go cha mi zad pa zhes bya'o// //
bam po gsum pa/ de la byang chub sems dpa'i rtul ba mi zad pa gang zhe na/ byang chub sems dpa'i rtul ba mi zad pa ni/ gang stong gsum gyi stong chen po'i 'jig rten gyi khams mes yongs su gang ba las kyang 'bogs te/ de bzhin gshegs pa blta bar spro ba'o/ /byang 
chub sems dpa'i rtul ba ni chos mnyan pa'i phyir spro ba'o/ /byang chub sems dpa'i rtul ba ni/ sems can yongs su smin par bya ba'i phyir spro ba'o/ /byang chub sems dpa'i rtul ba ni/ dge ba'i rtsa ba'i chos thams cad kyi phyir spro ba'o/ /byang chub sems dpa'i rtul ba ni thams 
cad mkhyen pa'i ye shes kyi phyir spro ba'o/ /byang chub sems dpa'i rtul ba ni/ pha rol gyi don gyi phyir 'jug pas na de'i phyir rtul ba zhes bya'o/ /pha rol zhi bar bya ba'i phyir/ pha rol 'dul ba'i phyir/ pha rol yongs su mya ngan las bzla ba'i phyir 'jug pas na de'i phyir rtul ba 
zhes bya'o/ /mi lhod pa dang / ma zhum pa dang / brtan pa dang / mi zlogs pa dang / dge ba'i bsam pa dang / snying rje chen po la gnas shing / rtag tu sems can gyi don la brtson par 'jug pas na/ de'i phyir rtul ba zhes bya'o/ /gom pa 'dor ba dang / gom 
pa gzhog cing 'gro ba thams cad du byang chub kyi sems mngon du byed do/ /sems can la lta bar yang lta zhing nyon mongs pa'i phyogs su yang mi ltung ste/ 'di ni byang chub sems dpa'i rtul ba mi zad pa zhes bya'o/ /de la byang chub sems dpa'i yang dag par bsgrub pa mi zad pa gang 
zhe na/ gang ji lta bur dge ba'i sems skyes shing byung ba byang chub kyi phyir yongs su sngo bar byed pa 'di ni byang chub sems dpa'i yang dag par bsgrub pa mi zad pa'o/ /de ci'i phyir zhe na/ byang chub tu yongs su bsngos pa'i phyir te/ byang chub tu yongs su bsngos pa'i dge ba'i rtsa ba 

</font><hr>60-1-107a<br><font size=+1>

ni byang chub kyi snying po la ma 'dug gi bar du bar ma dor yongs su zad pa'am/ gtugs par 'gyur ba gang yang med do/ /btsun pa sha ra dwa ti'i bu/ 'di lta ste dper na/ chu'i thigs pa rgya mtsho chen por ltung ba ni bskal pas ma bsregs kyi bar du bar ma dor 
yongs su zad pa'am/ gtugs par mi 'gyur ro/ /de bzhin du byang chub tu yongs su bsngos pa'i dge ba'i rtsa ba yang byang chub kyi snying po la ma 'dug gi bar du bar ma dor yongs su zad pa'am/ gtugs par 'gyur ba gang yang med do/ /yang dag par bsgrub pa zhes bya ba ni gang 
'di yang dag pa'i bsgrub pa ste/ yang dag par zhugs pa ni dge ba'i rtsa ba gang dag yang dag par sgrub pa sems can thams cad bskyab pa dang / sems can thams cad yongs su smin par bya ba dang / sems can thams cad dge ba'i rtsa ba la gzud pa'i phyir/ dge ba'i rtsa ba de dag 
yongs su sngo bar byed de/ thams cad mkhyen pa'i ye shes mngon par bsgrub pa'i phyir dge ba'i rtsa ba de dag yongs su bsngo'o/ /sems can thams cad nye bar 'tsho ba'i phyir/ dge ba'i rtsa ba de dag yongs su bsngo'o/ /sems can thams cad yongs su mya ngan las bzla ba 
dang / thams cad mkhyen pa'i ye shes la rab tu dgod pa'i phyir/ dge ba'i rtsa ba de dag yongs su sngo ba ste/ de ni byang chub sems dpa'i yang dag par bsgrub pa mi zad pa zhes bya'o/ /de la byang chub sems dpa'i sems can yongs su smin par byed pa mi zad pa gang zhe na/ sems 
can gyi khams ni tshad med de/ de la byang chub sems dpas bgrang ba 'di lta bus 'jug par bya'o/ /gal te bdag gis nyin gcig la stong gsum gyi stong chen po'i 'jig rten gyi khams su gtogs pa'i sems can thams cad yongs su smin par bya ste/ tshul 'dis bskal pa dpag 
tu med grangs med bsam gyis mi khyab par sems can gyi khams yongs su smin par bya zhing / sems can gyi khams de snyed du dpag tu med pa/ de snyed du grangs med pa/ de snyed du bsam gyis mi khyab pa/ de yongs su smin par bya ste/ de lta bur byas kyang sems can rnams 

</font><hr>60-1-107b<br><font size=+1>

kyi brgya'i cha gcig kyang smin par ma byas/ stong gi cha dang / brgya stong gi cha dang / bye ba'i cha dang / bye ba brgya'i cha dang / bye ba stong gi cha dang / bye ba brgya stong gi cha dang / grangs dang / cha dang / bgrang ba dang / dpe dang / rgyur yang yongs su smin par ma byas so zhes gal 
te rab tu brjod pa 'di thos nas byang chub sems dpa' mi skrag mi dngang zhing dngang bar mi 'gyur ba de ni/ brtson 'grus brtsams pa'i byang chub sems dpar rig par bya ste/ 'di ni byang chub sems dpa'i sems can yongs su smin par byed pa mi zad pa'o/ /de la byang chub sems 
dpa'i bsod nams kyi tshogs mi zad pa gang zhe na/ byang chub sems dpa'i bsod nams ni tshad med de/ de la byang chub sems dpas bgrang ba 'di 'dra bas 'jug par bya'o/ /sems can thams cad dang / 'das pa dang / da ltar byung ba dang / ma 'ongs pa'i slob pa dang / 
mi slob pa thams cad dang / nyan thos dang / rang sangs rgyas thams cad kyi bsod nams ji snyed pa bsod nams de snyed brgyar bsgyur bas/ de bzhin gshegs pa'i sku la spu'i khung bu gcig 'grub bo/ /de bzhin du spu'i khung bu thams cad du gtogs pa'i bsod nams kyi phung 
po ji snyed pa brgyar bsgyur te/ gtan pa med pa'i bsod nams kyi phung po gcig yang dag par bsgrubs pa des/ de bzhin gshegs pa'i sku la dpe byad bzang po gcig 'grub ste/ de bzhin du dpe byad bzang po thams cad re re nas yongs su 'grub bo/ /dpe byad bzang po 
thams cad du gtogs pa'i tshad bsod nams kyi phung po ji snyed pa stong du bsgyur te/ gtan pa med pa'i bsod nams kyi phung po gcig bsgrubs pa des/ de bzhin gshegs pa'i sku la skyes bu chen po'i mtshan gcig mngon par 'grub ste/ de bzhin du sku la skyes bu chen po'i 
mtshan sum cu re re nas mngon par 'grub bo/ /skyes bu chen po'i mtshan sum cur gtogs pa'i bsod nams kyi phung po ji snyed pa stong phrag bcur bsgyur te/ gtan pa med pa'i bsod nams kyi phung po gcig yang dag par bsgrubs pa des/ de bzhin gshegs pa'i sku la 

</font><hr>60-1-108a<br><font size=+1>

smin mtshams kyi mdzod spu skyes bu chen po'i mtshan mngon par 'grub bo/ /mdzod spur gtogs pa'i bsod nams kyi phung po ji snyed pa de las stong phrag brgyar bsgyur ba'i bsod nams kyi phung po yang dag par bsgrubs pas/ de bzhin gshegs pa'i sku la dbu'i gtsug 
tor dang / spyi gtsug bltar mi mthong ba skyes bu chen po'i mtshan mngon par 'grub bo/ /gtsug tor du gtogs pa'i bsod nams kyi phung po de las bye ba phrag brgya stong du bsgyur ba de bas kyang lhag pa'i bsod nams kyi phung po yang dag par bsgrubs pa des/ de bzhin gshegs pa'i 
chos kyi dung yongs su 'grub par 'gyur te/ chos kyi dung des de bzhin gshegs pa bzhed na/ 'jig rten gyi khams mtha' yas mu med pa dag dbyangs kyis go bar mdzad cing / chos 'dul ba bsam pa dang / dad pa ji lta ba bzhin du sems can thams cad kyi dbang po rnams kyang 
tshim par mdzad do/ /byang chub sems dpa'i bsod nams kyi tshogs la 'jug pa 'di thos nas mi skrag mi dngang zhing dngang bar mi 'gyur ba 'di ni byang chub sems dpa'i bsod nams kyi tshogs mi zad pa zhes bya'o/ /de la byang chub sems dpa'i ye shes kyi tshogs mi zad pa gang zhe na/ 
byang chub sems dpa'i ye shes kyi tshogs ni tshad med de/ de la byang chub sems dpa'i bgrang ba 'di 'dra bas 'jug par bya'o/ /stong gsum gyi stong chen po'i 'jig rten gyi khams na sems can gang dag 'khod pa de dag thams cad dad pas rjes su 'brang ba'i ye shes dang ldan 
par gyur kyang / de dag gi chos kyi rjes su 'brang ba'i ye shes dang ldan pa'i brgya'i char yang nye bar mi 'gro'o/ /stong gi cha dang / brgya stong gi cha dang / bye ba'i cha dang / bye ba brgya'i cha dang / bye ba stong gi cha dang / bye ba brgya stong gi cha dang / grangs dang / cha dang / 
bgrang ba dang / dpe dang / rgyur yang nye bar mi 'gro'o/ /de bzhin du chos kyi rjes su 'brang ba'i ye shes dang ldan pa rnams ni/ brgyad pa'i ye shes dang ldan pa la'o/ /brgyad pa'i ye shes dang ldan pa rnams ni/ rgyun du zhugs pa'i ye shes dang ldan pa la'o/ /

</font><hr>60-1-108b<br><font size=+1>

rgyun du zhugs pa'i ye shes dang ldan pa rnams ni/ lan cig phyir 'ong ba'i ye shes dang ldan pa la'o/ /lan cig phyir 'ong ba'i ye shes dang ldan pa rnams ni/ phyir mi 'ong ba'i ye shes dang ldan pa la'o/ /phyir mi 'ong ba'i ye shes dang ldan pa rnams ni/ dgra bcom pa'i 
ye shes dang ldan pa la'o/ /dgra bcom pa'i ye shes dang ldan pa rnams ni/ rang sangs rgyas kyi ye shes dang ldan pa la'o/ /rang sangs rgyas kyi ye shes dang ldan pa rnams ni/ bskal pa brgyas nges par byung ba'i byang chub sems dpa'i ye shes dang ldan pa'i brgya'i char 
yang nye bar mi 'gro ba nas/ dpe dang / rgyu'i bar du yang nye bar mi 'gro'o/ /bskal pa brgyas nges par 'byung ba'i byang chub sems dpa'i ye shes dang ldan pa rnams ni/ bzod pa thob pa'i byang chub sems dpa'i ye shes dang ldan pa la'o/ /bzod pa thob pa'i byang chub 
sems dpa'i ye shes dang ldan pa rnams ni/ phyir mi ldog pa'i byang chub sems dpa'i ye shes dang ldan pa la'o/ /phyir mi ldog pa'i byang chub sems dpa'i ye shes dang ldan pa rnams ni/ skye ba gcig gis thogs pa'i byang chub sems dpa'i ye shes dang ldan pa'i 
brgya'i char yang nye bar mi 'gro ba nas/ dpe dang / rgyu'i bar du yang nye bar mi 'gro'o/ /stong gsum gyi stong chen po'i 'jig rten gyi khams na sems can gang dag 'khod pa de dag thams cad skye ba gcig gis thogs pa'i byang chub sems dpa'i ye shes dang ldan par gyur 
kyang / byang chub kyi snying po la 'dug pa'i byang chub sems dpa'i ye shes dang ldan pa'i brgya'i char yang nye bar mi 'gro ba nas/ dpe dang / rgyu'i bar du yang nye bar mi 'gro'o/ /'jig rten gyi khams mtha' yas mu med pa dag na sems can gang dag 'khod pa de dag 
thams cad byang chub kyi snying po la 'dug pa'i byang chub sems dpa'i ye shes dang ldan par gyur kyang / de dag gis de bzhin gshegs pa'i gnas dang gnas ma yin pa mkhyen pa'i ye shes kyi stobs kyi brgya'i char yang nye bar mi 'gro ba nas/ rgyu dang dpe'i bar du 

</font><hr>60-1-109a<br><font size=+1>

yang nye bar mi 'gro'o/ /de bzhin gshegs pa'i stobs dang / mi 'jigs pa dang / sangs rgyas kyi chos ma 'dres pa bcwa brgyad thams cad yongs su 'grub pa'i rim pa yang de bzhin te/ byang chub sems dpa' gang ye shes kyi tshogs la 'jug pa 
'di thos nas/ mi skrag mi dngang zhing dngang bar mi 'gyur ba 'di ni byang chub sems dpa'i ye shes kyi tshogs mi zad pa zhes bya'o/ /de la byang chub sems dpa'i shes rab kyi tshogs mi zad pa gang zhe na/ gang sems can thams cad kyi sems kyi spyod pa la 'jug pa shes pa 
de ni shes rab kyi tshogs mi zad pa'o/ /sems can thams cad kyi 'das pa dang / ma 'ongs pa dang / da ltar byung ba'i sems ji snyed pa de dag sems can gcig gi sems kyi 'jug pa gcig la yod par gyur la/ tshul 'dis sems can thams cad de snyed du tshad med 
pa'i sems kyis gang bar gyur te/ 'das pa dang / ma 'ongs pa dang / da ltar byung ba'i sems can thams cad kyi 'dod chags dang / zhe sdang dang / gti mug gang dag yin pa de dag thams cad sems can gcig gi sems gcig la yod par gyur la/ rnam grangs 
'dis sems can thams cad de snyed du tshad med pa'i nyon mongs pas gang ba'i sems su gyur na yang / de la byang chub sems dpas gang shes rab kyi tshogs gcig bsgrubs pas/ sems can de dag gi sems su gtogs pa'i sems bskyed pa ji snyed pa'i sems bskyed pa de 
dag thams cad so so'i dmigs pa byung ste/ zhig cing zhu ba rnams shes par 'gyur ba de lta bu'i shes rab kyi tshogs bskyed par bya'o/ /shes rab des kyang sems can de dag gi sems su snang ba dang / nyon mongs par snang ba dus gsum dang ldan pa gang yang mi shes pa med 
do/ /btsun pa sha ra dwa ti'i bu/ 'di lta ste dper na/ nam mkha' 'dis ma khyab pa gang yang med do/ /de bzhin du byang chub sems dpa'i shes rab 'dis kyang sems can de dag gi sems su snang ba'am/ nyon mongs par snang ba dus gsum dang ldan pa de dag gsal 

</font><hr>60-1-109b<br><font size=+1>

bar ma gyur pa'am yongs su mi shes pa med de/ 'di ni byang chub sems dpa'i shes rab kyi tshogs mi zad pa zhes bya'o/ /de la byang chub sems dpa'i sangs rgyas kyi chos thams cad yang dag par sgrub pa'i tshogs mi zad pa gang zhe na/ dge ba'i rtsa ba'i tshogs thams cad 
bsags pa dang / pha rol tu phyin pa thams cad kyi tshogs bsags pa dang / byang chub kyi phyogs kyi chos thams cad bsags pa gang yin pa de ni sangs rgyas kyi chos thams cad yang dag par sgrub pa'i tshogs mi zad pa'o/ /dang po sems bskyed pa nas bzung ste/ byang chub kyi 
snying po la 'dug gi bar du/ byang chub tu sems bskyed pa'i dmigs pa dang / sbyor ba bsags pa gang yin pa dge ba'i sems bskyed pa'i tshogs gang dag gis/ sangs rgyas kyi chos thams cad yang dag par bsgrubs pa 'di ni byang chub sems dpa'i sangs rgyas kyi chos thams 
cad yang dag par sgrub pa'i tshogs mi zad pa zhes bya ste/ btsun pa sha ra dwa ti'i bu/ brgyad po de dag ni byang chub sems dpa' rnams kyi brtson 'grus yang dag par blang ba'o/ /btsun pa sha ra dwa ti'i bu/ gzhan yang byang chub sems dpa' rnams kyi brtson 'grus mi zad pa gang 
lus kyi dge ba'i las kyi rten dang / ngag gi dge ba'i las kyi rten dang / yid kyi dge ba'i las kyi rten to/ /de ci'i phyir zhe na/ brtson 'grus gang ji snyed pa de dag thams cad lus dang / ngag dang / sems dang ldan pa'i phyir te/ lus dang / ngag gi brtson 'grus 
pas sems kyi brtson 'grus nyid mchog ces bshad do/ /de la sems kyi brtson 'grus gang zhe na/ sems kyi 'jug pa dang / sems gnas pa ste/ de la sems kyi 'jug pa gang zhe na/ gang byang chub kyi sems kyi rtsom pa'o/ /de la sems gnas pa gang zhe na/ gang 
byang chub kyi sems nye bar ma zhi ba'o/ /de la 'jug pa gang zhe na/ gang sems can rnams la snying rje che ba'o/ /sems gnas pa gang zhe na/ gang bdag med pa la bzod pa'o/ /de la 'jug pa gang zhe na/ gang sems can thams cad sdud pa'o/ /gnas pa gang zhe na/ gang 

</font><hr>60-1-110a<br><font size=+1>

chos thams cad mi 'dzin pa'o/ /de la 'jug pa gang zhe na/ gang 'khor ba na mi skyo ba'o/ /gnas pa gang zhe na/ khams gsum pa mi dmigs so/ /de la 'jug pa gang zhe na/ bdog pa thams cad yongs su gtong ba'o/ /gnas pa gang zhe na/ gang sbyin pas rlom 
sems su mi byed pa'o/ /de la 'jug pa gang zhe na/ gang bslab pa yang dag par len pa'o/ /gnas pa gang zhe na/ gang bslab pas rlom sems su mi byed pa'o/ /de la 'jug pa gang zhe na/ bzod cing mi mjed pa'o/ /gnas pa gang zhe na/ gang sems la rma mi phyin pa'o/ /de 
la 'jug pa gang zhe na/ gang dge ba'i rtsa ba thams cad rtsom pa'o/ /gnas pa gang zhe na/ gang sems dben pa'o/ /de la 'jug pa gang zhe na/ gang bsam gtan yang dag par sgrub pa'o/ /gnas pa gang zhe na/ gang sems la nges par sems pa'o/ /de la 'jug pa 
gang zhe na/ gang thos pa la chog mi shes pa'o/ /gnas pa gang zhe na/ gang tshul bzhin sbyor ba'o/ /de la 'jug pa gang zhe na/ gang ji skad thos pa bzhin du chos ston pa'o/ /gnas pa gang zhe na/ gang brjod du med pa'i chos nyid do/ /de la 'jug pa gang zhe na/ gang shes 
rab kyi tshogs yongs su tshol ba'o/ /gnas pa gang zhe na/ gang spros pa shin tu chad pa'o/ /de la 'jug pa gang zhe na/ gang tshangs pa'i gnas pa rnams sogs pa'o/ /gnas pa gang zhe na/ gang yang dag pa'i shes pas btang snyoms pa'o/ /de la 'jug pa gang 
zhe na/ gang mngon par shes pa lnga yongs su rdzogs par byed pa'o/ /gnas pa gang zhe na/ gang zag pa med pa la 'dris par byed pa'o/ /de la 'jug pa gang zhe na/ gang dran pa nye bar gzhag pa skyed pa'o/ /gnas pa gang zhe na/ gang dran pa yid la byed pa med pa'o/ /
de la 'jug pa gang zhe na/ gang yang dag par spong ba la sbyor ba'o/ /gnas pa gang zhe na/ gang dge ba dang mi dge ba'i sems dang bral ba'o/ /de la 'jug pa gang zhe na/ gang rdzu 'phrul gyi rkang pa mngon par sgrub pa'o/ /gnas pa gang zhe na/ gang lhun gyis grub par bya ba la 

</font><hr>60-1-110b<br><font size=+1>

'jug pa'o/ /de la 'jug pa gang zhe na/ gang dbang po la mkhas pa'o/ /gnas pa gang zhe na/ gang dbang po med pa'i chos la rtog pa'o/ /de la 'jug pa gang zhe na/ gang stobs yang dag par sgrub pa'o/ /gnas pa gang zhe na/ gang mi rdzi ba'i ye shes so/ /de la 
'jug pa gang zhe na/ gang byang chub kyi yan lag yang dag par 'byung ba'o/ /gnas pa gang zhe na/ gang chos rab tu rnam par 'byed pa'i ye shes la mkhas pa'i ye shes so/ /de la 'jug pa gang zhe na/ gang lam gyi tshogs tshol ba'o/ /gnas pa gang zhe na/ gang gar 
yang mi 'gro ba'o/ /de la 'jug pa gang zhe na/ gang zhi gnas tshol ba'o/ /gnas pa gang zhe na/ gang zhi gnas kyi sems zhi ba'o/ /de la 'jug pa gang zhe na/ gang lhag mthong spyod pa'o/ /gnas pa gang zhe na/ gang chos nyid shes pa'o/ /de la 'jug pa gang zhe 
na/ gang rgyur rtogs pa'o/ /gnas pa gang zhe na/ gang rgyu kun shes pa'o/ /de la 'jug pa gang zhe na/ gang gzhan gyi sgra thos pa'o/ /gnas pa gang zhe na/ gang chos la nan tan byed pa'o/ /de la 'jug pa gang zhe na/ lus kyi rgyan to/ /gnas pa gang zhe na/ 
gang lus kyi chos nyid do/ /de la 'jug pa gang zhe na/ gang ngag gi rgyan to/ /gnas pa gang zhe na/ gang 'phags pa'i mi smra ba'o/ /de la 'jug pa gang zhe na/ gang rnam par thar pa gsum la mos pa'o/ /gnas pa gang zhe na/ gang byed pa med pa'o/ /de la 'jug pa 
gang zhe na/ gang bdud bzhi yongs su spong ba'o/ /gnas pa gang zhe na/ gang bag chags dang nyon mongs pa'i mtshams sbyor ba thams cad bsal ba'o/ /de la 'jug pa gang zhe na/ gang thabs su lta ba'o/ /gnas pa gang zhe na/ gang shes rab tu lta ba'o/ /de la 
'jug pa gang zhe na/ gang rtsom par lta ba'o/ /gnas pa gang zhe na/ gang nyams su lon par byed pa'o/ /de la 'jug pa gang zhe na/ gang brdar lta ba'o/ /gnas pa gang zhe na/ gang don dam par lta ba ste/ 'di ni sems kyi brtson 'grus zhes bya'o/ /de la sems 

</font><hr>60-1-111a<br><font size=+1>

kyi brtson 'grus mi zad pa de yongs su rdzogs par bya ba'i phyir/ gang 'jug pa thams cad gnas pa dang / mtshan ma thams cad dang bral ba dang / de mtshan ma'i las thams cad du yang 'jug la/ ye shes kyi las la yang gnas pa ste/ de las thams 
cad kyang ye shes kyi bya ba byed do/ /de la byang chub sems dpa'i ye shes kyi las gang zhe na/ gang dge ba'i rtsa ba'i rgyu dang / sems can thams cad la snying rje chen po'i rgyur 'dus byas su yang mi gtong zhing / sangs rgyas kyi ye shes kyi rgyur 'dus ma byas su mi ltung ba ste/ 'di ni 
byang chub sems dpa' rnams kyi brtson 'grus kyi pha rol tu phyin pa mi zad pa zhes bya'o/ /brtson 'grus kyi pha rol tu phyin pa mi zad pa 'di bstan pa na/ lha dang / mi'i skye dgu khrag khrig bdun cu rtsa drug bla na med pa yang dag par rdzogs pa'i byang chub tu sems skyes so/ /byang chub 
sems dpa' stong phrag sum cu rtsa gnyis kyang mi skye ba'i chos la bzod pa thob par gyur to/ /de nas tshe dang ldan pa sha ra dwa ti'i bus byang chub sems dpa' blo gros mi zad pa la 'di skad ces smras so/ /rigs kyi bu byang chub sems dpa' rnams kyi brtson 'grus mi zad pa 'di ni/ 
khyod kyis legs par smras na/ rigs kyi bu byang chub sems dpa' rnams kyi bsam gtan mi zad pa la brtsams te/ ji ltar byang chub sems dpa' rnams bsam gtan mi zad par 'gyur ba khyod spobs par gyis shig /blo gros mi zad pas smras pa/ btsun pa sha 
ra dwa ti'i bu/ byang chub sems dpa' rnams kyi bsam gtan gyi pha rol tu phyin pa mi zad pa ni/ rnam pa bcu drug ste/ de ni nyan thos dang / rang sangs rgyas thams cad la med do/ /de la rnam pa bcu drug po dag gang zhe na/ 'di lta ste/ de bzhin gshegs pa'i 
bsam gtan yongs su rdzogs par bya ba'i phyir/ byang chub sems dpa' rnams kyi bsam gtan ni de la ma chags pa'o/ /bdag bde ba la ma chags pa'i phyir/ byang chub sems dpa' rnams kyi bsam gtan ni ro myang ba med pa'o/ /sems can thams cad kyi nyon 

</font><hr>60-1-111b<br><font size=+1>

mongs pa spang ba'i phyir/ byang chub sems dpa' rnams kyi bsam gtan ni snying rje chen po la dmigs pa'o/ /'dod pa'i khams su dmigs pa'i phyir/ byang chub sems dpa' rnams kyi bsam gtan ni ting nge 'dzin ldog pa'o/ /sems can thams cad kyi sems kyi spyod pa kun 
shes pa'i phyir/ byang chub sems dpa' rnams kyi bsam gtan ni mngon par shes pa yongs su sbyang ba byas pa'o/ /sems kyi dbang phyug shes pa'i phyir/ byang chub sems dpa' rnams kyi bsam gtan ni sems las su rung ba'o/ /gzugs dang / gzugs med pa'i 
khams zil gyis gnon pa'i phyir/ byang chub sems dpa' rnams kyi bsam gtan ni/ bsam gtan dang / rnam par thar pa dang / ting nge 'dzin dang /snyoms par 'jug pa dang / ldang ba thams cad shes pa'o/ /nyan thos dang / rang sangs rgyas thams cad kyi 
snyoms par 'jug pa zil gyis gnon pa'i phyir/ byang chub sems dpa' rnams kyi bsam gtan ni/ zhi ba dang / rab tu zhi ba'o/ /shin tu mthar thug pa'i phyir/ byang chub sems dpa' rnams kyi bsam gtan ni mi 'khrugs pa'o/ /nyon mongs pa dang bag chags 
kyi mtshams sbyor ba thams cad legs par 'joms pa'i phyir/ byang chub sems dpa' rnams kyi bsam gtan ni log par bsgrub pa'i gnyen po'o/ /'jig rten thams cad las bsgral ba'i phyir/ byang chub sems dpa' rnams kyi bsam gtan ni shes rab la 'jug pa'o/ /
sems can thams cad bsgral ba'i phyir/ byang chub sems dpa' rnams kyi bsam gtan ni/ sems can thams cad kyi bsam pa sngon du 'gro ba'o/ /de bzhin gshegs pa'i bsam gtan mi zad pa yongs su rdzogs par bya ba'i phyir/ byang chub sems dpa' rnams kyi 
bsam gtan ni/ dkon mchog gsum gyi rigs mi gcod pa'o/ /rtag tu mnyam par gzhag pa'i phyir/ byang chub sems dpa' rnams kyi bsam gtan ni ma nyams pa'o/ /sangs rgyas kyi chos thams cad yongs su rdzogs par bya ba'i phyir/ byang chub sems dpa' 

</font><hr>60-1-112a<br><font size=+1>

rnams kyi bsam gtan ni/ chos thams cad la dbang byed pa'i ye shes so/ /ye shes kyi bdag nyid che ba'i phyir/ byang chub sems dpa' rnams kyi bsam gtan ni nam mkha' khyab pa ste/ btsun pa sha ra dwa ti'i bu/ 'di ni byang chub sems 
dpa' rnams kyi bsam gtan gyi pha rol tu phyin pa rnam pa bcu drug ste/ gang nyan thos dang / rang sangs rgyas rnams la med pa'o/ /de la bsam gtan yongs su sbyang ba gang zhe na/ gang mngon par shes pa dang / ye shes yongs su rdzogs pa'o/ /de la mngon par 
shes pa ni gang / ye shes ni gang zhe na/ gang gis gzugs su snang ba thams cad mthong ba 'di ni mngon par shes pa zhes bya'o/ /gang gis gzugs thams cad kyi chos nyid mi zad par shes kyang / mi zad pa'i chos mngon sum du mi byed pa 'di ni ye shes zhes bya'o/ /
gang gi sgrar grag pa thams cad thob pa de ni mngon par shes pa zhes bya'o/ /gang sgra thams cad sngon gyi mtha' dang / phyi ma'i mtha' brjod du med par shes pa 'di ni ye shes zhes bya'o/ /gang gis sems can thams cad kyi sems kyi spyod pa rnams shes pa 'di ni mngon par 
shes pa zhes bya'o/ /gang sems 'gog par shes la sems 'gog pa mngon sum du yang mi byed pa 'di ni ye shes zhes bya'o/ /gang sngon gyi mtha' dang / phyi ma'i mtha' rjes su dran pa 'di ni mngon par shes pa zhes bya'o/ /gang dus gsum la ma chags par shes pa 
'di ni ye shes zhes bya'o/ /gang sangs rgyas thams cad kyi zhing du 'gro ba 'di ni mngon par shes pa zhes bya'o/ /gang gis zhing nam mkha' dang mtshungs par shes pa 'di ni ye shes zhes bya'o/ /gang dbyer med pa'i chos 'dod pa 'di ni mngon par shes pa zhes bya'o/ /gang 
chos thams cad mnyam par mthong ba'i shes pa 'di ni ye shes zhes bya'o/ /gang 'jig rten thams cad dbyer med pa'i mtshan nyid 'di ni mngon par shes pa zhes bya'o/ /gang 'jig rten gyi chos thams cad dang ma 'dres par shes pa 'di ni ye shes zhes bya'o/ /gang brgya byin dang /

</font><hr>60-1-112b<br><font size=+1>

tshangs pa dang / 'jig rten skyong ba rnams zil gyis gnon pa 'di ni mngon par shes pa zhes bya'o/ /gang nyan thos dang / rang sangs rgyas thams cad kyi spyi bor shes pa 'di ni ye shes zhes bya ste/ btsun pa sha ra dwa ti'i bu/ de dag ni byang chub sems dpa' rnams kyi bsam gtan 
yongs su sbyang ba zhes bya'o/ /yang sems can thams cad kyi nyon mongs pa dang / sems g.yeng ba ji snyed par byang chub sems dpa' rnams kyi bsam gtan gyi tshogs dang / sems gzhag pa shes pa'ang de snyed de/ sems can thams cad kyi nyon mongs pa dang / sems g.yeng ba 
ji snyed pa de snyed du/ byang chub sems dpas kyang bsam gtan gyi tshogs yang dag par bsgrub par bya'o/ /mnyam pa nyid de la gnas pas na/ de'i phyir mnyam par gzhag pa zhes bya'o/ /sems can mnyam pa nyid dang / sems mnyam pa nyid dang / bsam pa mnyam pa nyid 
dang / lhag pa'i bsam pa mnyam pa nyid dang / sbyor ba mnyam pa nyid dang / sbyin pa dang / tshul khrims dang / bzod pa dang / brtson 'grus dang / bsam gtan dang / shes rab mnyam pa nyid dang / sangs rgyas kyi chos thams cad mnyam pa nyid du gnas pas na/ 
de'i phyir mnyam par gzhag pa zhes bya'o/ /ting nge 'dzin gang dang mnyam pa byang chub kyang de dang mnyam mo/ /byang chub gang dang mnyam pa sems can thams cad kyang de dang mnyam mo/ /sems can thams cad gang dang mnyam pa chos thams cad kyang de dang mnyam ste/ mnyam pa 
nyid de la snyoms par zhugs pas na/ de'i phyir snyoms par zhugs pa zhes bya'o/ /byang chub gang dang mnyam pa stong pa'ang de dang mnyam mo/ /stong pa nyid gang dang mnyam pa sems can thams cad kyang de dang mnyam mo/ /sems can thams cad gang dang mnyam pa/ chos thams 
cad kyang de dang mnyam ste/ mnyam pa nyid de la snyoms par zhugs pas na/ de'i phyir snyoms par zhugs pa zhes bya'o/ /stong pa nyid gang dang mnyam pa mtshan ma med pa yang de dang mnyam mo/ /mtshan ma med pa gang dang mnyam pa/ sems can thams cad kyang de dang mnyam mo/ /

</font><hr>60-1-113a<br><font size=+1>

sems can thams cad gang dang mnyam pa chos thams cad kyang de dang mnyam ste/ mnyam pa nyid de la snyoms par zhugs pas na/ de'i phyir snyoms par zhugs pa zhes bya'o/ /mtshan ma med pa gang dang mnyam pa smon pa med pa'ang de dang mnyam mo/ /smon pa med 
pa gang dang mnyam pa sems can thams cad kyang de dang mnyam mo/ /sems can thams cad gang dang mnyam pa chos thams cad kyang de dang mnyam ste/ mnyam pa nyid de la snyoms par zhugs pas na/ de'i phyir snyoms par zhugs pa zhes bya'o/ /smon pa med pa gang dang mnyam pa 
mngon par 'du mi byed pa'ang de dang mnyam mo/ /mngon par 'du mi byed pa gang dang mnyam pa/ sems can thams cad kyang de dang mnyam mo/ /sems can thams cad gang dang mnyam pa/ chos thams cad kyang de dang mnyam ste/ mnyam pa nyid de la snyoms par zhugs pas na/ 
de'i phyir snyoms par zhugs pa zhes bya'o/ /mngon par 'du mi byed pa gang dang mnyam pa mi skye ba'ang de dang mnyam mo/ /mi skye ba gang dang mnyam pa sems can thams cad kyang de dang mnyam mo/ /sems can thams cad gang dang mnyam pa chos thams cad kyang de dang mnyam ste/ 
mnyam pa nyid de la snyoms par zhugs pas na/ de'i phyir snyoms par zhugs pa zhes bya'o/ /mi skye ba gang dang mnyam pa mi 'byung ba'ang de dang mnyam mo/ /mi 'byung ba gang dang mnyam pa sems can thams cad kyang de dang mnyam mo/ /sems can thams cad gang dang mnyam pa 
chos thams cad kyang de dang mnyam ste/ mnyam pa nyid de la snyoms par zhugs pas na/ de'i phyir snyoms par zhugs pa zhes bya'o/ /mi 'byung ba gang dang mnyam pa dngos po med pa'ang de dang mnyam mo/ /dngos po med pa gang dang mnyam pa sems can thams cad kyang de dang mnyam 
mo/ /sems can thams cad gang dang mnyam pa chos thams cad kyang de dang mnyam ste/ mnyam pa nyid de la snyoms par zhugs pas na/ de'i phyir snyoms par zhugs pa zhes bya'o/ /dngos po med pa gang dang mnyam pa rnam par dag pa'ang de dang mnyam mo/ /rnam par dag pa 

</font><hr>60-1-113b<br><font size=+1>

gang dang mnyam pa sems can thams cad kyang de dang mnyam mo/ /sems can thams cad gang dang mnyam pa chos thams cad kyang de dang mnyam ste/ mnyam pa nyid de la snyoms par zhugs pas na/ de'i phyir snyoms par zhugs pa zhes bya'o/ /rang gi sems mnyam pa sems 
can thams cad kyi sems mnyam pa nyid de la zhugs pas na/ de'i phyir snyoms par zhugs pa zhes bya'o/ /phan par byed pa dang / phan par mi byed pa thams cad la snyoms shing / sa dang mnyam pa'i sems/ chu dang mnyam pa'i sems/ me dang mnyam pa'i sems/ rlung 
dang mnyam pa'i sems/ nam mkha' dang mnyam pa'i sems te/ mi mtho mi dma' bar gnas shing mi g.yo bar gyur pa/ spyod lam thams cad du mnyam par gzhag pa/ spyod lam ma bcos pa/ rang bzhin gyis snyoms par zhugs pa/ mi rgod pa dang / mi g.yeng ba/ 
mu cor mi smra ba/ tshig ma 'chal pa/ don shes pa/ chos shes pa/ dus shes pa/ tshod shes pa/ dus min shes pa/ 'jig rten thams cad kyi rjes su snyegs shing / 'jig rten dang ma 'dres pa/ 'jig rten gyi chos brgyad las 'das pa/ nyon mongs pa thams cad 
dang ma 'dres pa/ 'du 'dzi'i nang na yang spyod lam dben pa ste/ de lta bu'i chos la gnas pa'i byang chub sems dpa' ni mnyam par bzhag pa'i gnas kyang mi 'dor la/ 'jig rten gyi bya ba thams cad du yang snang ste/ btsun pa sha ra dwa ti'i bu/ 'di ni byang chub sems dpa'i 
thabs dang / shes rab kyis mngon par bsgrubs pa'i bsam gtan gyi pha rol tu phyin pa zhes bya'o/ /de la byang chub sems dpa'i thabs ni gang / shes rab ni gang zhe na/ gang byang chub sems dpa' mnyam par ma bzhag pa na/ sems can la lta ba'i phyir/ snying rje chen po'i 
dmigs pa la sems 'dogs pa 'di ni byang chub sems dpa'i thabs zhes bya'o/ /gang zhi ba dang rab tu zhi bas bsam gtan du byed pa 'di ni de'i shes rab bo/ /gang byang chub sems dpa' mnyam par bzhag pa na/ sangs rgyas kyi ye shes la rton pa 'di ni de'i thabs so/ /gang 

</font><hr>60-1-114a<br><font size=+1>

chos gang la yang mi gnas par bsam gtan byed pa 'di ni de'i shes rab bo/ /gang byang chub sems dpa' mnyam par gzhog pa na/ dam pa'i chos yongs su bzung ba la lta ba 'di ni de'i thabs so/ /gang chos kyi dbyings dbyer med par bsam gtan byed pa 'di ni 
de'i shes rab bo/ /gang byang chub sems dpa' mnyam par gzhog pa'i tshe/ sangs rgyas kyi sku'i rgyan mngon du byed pa 'di ni de'i thabs so/ /gang chos kyi sku dbyer med par bsam gtan byed pa 'di ni de'i shes rab bo/ /gang byang chub sems dpa' mnyam par gzhog pa na/ sangs 
rgyas kyi gsung tshangs pa'i sgra dbyangs la sems pa de ni de'i thabs so/ /gang chos nyid brjod du med par bsam gtan byed pa 'di ni de'i shes rab bo/ /gang byang chub sems dpa' mnyam par gzhog pa na/ sems rdo rje lta bur byin gyis rlob pa 'di ni de'i thabs so/ /gang rang 
bzhin gyis g.yeng ba med par bsam gtan byed pa 'di ni de'i shes rab bo/ /gang mnyam par gzhog pa na/ sngon gyi smon lam gyis sems can yongs su smin par byin gyis rlob pa 'di ni de'i thabs so/ /gang sems can thams cad la bdag med par bsam gtan byed pa 'di ni de'i 
shes rab bo/ /gang mnyam par gzhog pa na/ dge ba'i rtsa ba thams cad la lhag par dmigs te/ bsam gtan byed pa 'di ni de'i thabs so/ /gang dge ba'i rtsa ba'i gnas nam mkha' dang mtshungs par bsam gtan byed pa 'di ni de'i shes rab bo/ /gang mnyam par gzhog 
pa na/ sangs rgyas kyi zhing yongs su dag pa mngon du byed pa 'di ni de'i thabs so/ /gang zhig nam mkha' dang mtshungs par bsam gtan byed pa 'di ni de'i shes rab bo/ /gang mnyam par gzhog pa na/ byang chub kyi snying po'i rgyan bkod pa dmigs pa mngon du byed pa 'di ni de'i 
thabs so/ /gang nyon mongs pa thams cad zhi bar bya ba'i phyir bsam gtan byed pa 'di ni de'i shes rab bo/ /gang mnyam par gzhog pa na/ chos kyi 'khor lo rab tu bskor bar 'dod pa 'di ni de'i thabs so/ /gang bskor ba'ang med/ mi bskor ba'ang med par bsam gtan 

</font><hr>60-1-114b<br><font size=+1>

byed pa 'di ni de'i shes rab bo/ /gang byang chub sems dpa' mnyam par gzhog pa na/ byang chub kyi yan lag gi tshogs la rnam par mi g.yeng ba mngon du byed pa 'di ni de'i thabs so/ /gang nyon mongs pa dang / nye ba'i nyon mongs pa'i gdung ba de bzhin gshegs pa'i ye shes 
kyis mkhyen pa sems dang ldan pa dang / sems dang mi ldan pa dang / 'du shes med pa dang / 'du shes yongs su shes pa ji snyed pa de dag yongs su bsal ba'i phyir/ byang chub sems dpa' thams cad kyi nges par gyur pa dang / 'thun par bsam gtan byed pa 'di ni 
de'i shes rab ste/ de lta bu dang ldan pa'i byang chub sems dpa' ni/ bsam gtan gyi pha rol tu phyin pa mi zad pa yin no/ /bdud thams cad kyis kyang de la glags mi rnyed cing / de la sangs rgyas kyi chos thams cad kyi snod kyang nye bar gnas pa yin te/ thams cad mkhyen 
pa'i ye shes kyang 'thob bo/ /bsam gtan mi zad pa zhi ba 'di bstan pa na/ byang chub sems dpa' sum khri nyis stong nyi ma'i sgron ma'i ting nge 'dzin thob par gyur to/ /ci'i phyir ting nge 'dzin de nyi ma'i sgron ma zhes bya zhe na/ 'di lta ste/ dper na nyi ma 'char ba na zla ba dang / 
skar ma'i sgron ma dang / mar me'i sgron ma dang / rtswa'i me'i sgron ma thams cad mog mog por 'gyur ro/ /de bzhin du byang chub sems dpa' nyi ma'i sgron ma'i ting nge 'dzin thob na/ ma rabs dang / nyi tshe ba'i shes rab thams cad shes rab kyi snang bas zil gyis mnan te/ 
slob pa dang / mi slob pa thams cad kyi shes rab dang / rang sangs rgyas kyi shes rab dang / de ma yin pa gzhan sems can phal pa thams cad kyi shes rab kyang shes rab kyi snang bas zil gyis gnon pas na/ de'i phyir nyi ma'i sgron ma zhes bya'o/ /bsam gtan gyi pha rol tu phyin pa la 
gnas pa'i byang chub sems dpa' ni/ ting nge 'dzin rnam pa mang po bye ba khrag khrig brgya stong du ma mngon par bsgrubs te/ de dag la phyogs tsam zhig bstan to/ /glog gi sgron mas brgyan dang zla ba'i 'od/ /dge bkod rnam snang de bzhin bsam mi khyab/ /'phags par snang dang dri 

</font><hr>60-1-115a<br><font size=+1>

ma med pa dang / /chos rnams kun la dbang byed yon tan 'od/ /mya ngan med dang brtul zhugs grub pa dang / /grags pa brtan dang kun nas 'phags pa dang / /chos kyi sgron ma chos dpal lhun po che/ /chos kyi dbang phyug chos shes dbang byed dang / /chos kyi 
phung po rnam par 'thor ba dang / /chos rnams 'dzin pa rnam par dag pa dang / /pha rol sems kyi spyod par spyod pa dang / /rgyal mtshan rtse mo'i dpung rgyan nyon mongs sel/ /bdud bzhi'i stobs rnams rab tu 'joms pa dang / /stobs bcu 'phags pa stobs dang ldan pa dang / /chags 
med chags pa shin tu gcod pa dang / /lag na sgron ma shin tu sgra bsgrags pa dang / /sa 'dzin dang ni brtan pa'i rang bzhin dang / /lhun po sgron ma mi pham rgyal ba dang / /shes rab skyed dang ye shes ta la la/ /bsam gtan 'byung gnas mtha' yas dbang byed dang / /sems rnams 
las su rung bar byed pa dang / /byed dang byas dang tshor byed med pa dang / /chu yi zla ba nyi ma'i dbyangs dag dang / /ting 'dzin mi gtong bdud rnams 'joms pa dang / /rnam pa sna tshogs 'du shes med pa dang / /stag dang glang po shin tu dul ba dang / /rgyal ba kun gyi rjes su dran 
pa dang / /chos dran dge 'dun ye shes dbang byed dang / /mi zlogs pa dang ldog pa med pa dang / /mig mi 'dzums dang bdag med rab dag dang / /rtag tu stong pa'i rnam par 'jug pa dang / /rtag tu mtshan med rtag tu mi smon dang / /gnas par bsam gtan byed pa mi chags 
dang / /rdo rje lta bu'i ting 'dzin ces bya'o/ /mngon par 'phags dang nges par bcom pa dang / /kun nas 'khyil dang rnam par dag pa dang / /nges par sems dang nyon mongs bral ba dang / /yangs pa nam mkha' lta bu zhes kyang bya/ /gzud pa dang ni yon tan 'jug pa dang / /
dran rtogs blo gros shes rab sgrub pa dang / /spobs pa dag ni mi zad phyed pa dang / /sgra ston pa dang bden pa mthong ba dang / /'dzin pa zhes kyang bya ba'i ting nge 'dzin/ /chud mi za dang legs byas sbyin pa dang / /'gro ba tshim par byed dang bltar mi mthong / /rab tu rtogs dang 

</font><hr>60-1-115b<br><font size=+1>

dga' mgu skyed pa dang / /byams pa 'phags pa'i ting nge 'dzin dag dang / /snying rje chen po'i rtsa ba bsam dag pa/ /dga' ba'i rnam pa dag la 'jug pa dang / /btang snyoms gnyis la chags las grol ba dang / /chos don chos byed ye shes ta la la/ /mi 'khrugs pa dang ye 
shes rgya mtsho dang / /'gro ba tshim byed rnam par dul ba dang / /rnam par grol ba'i ye shes dbang byed dang / /rdo rje'i rgyal mtshan snying po'i pad ma dang / /pad ma 'das dang 'jig rten chos bral dang / /mi g.yo ba zhes bya ba'i ting 'dzin dang / /rdo rje lta bu'i ting nge 'dzin dag dang / /
dpa' bar 'gro zhes bya ba'i ting nge 'dzin/ /sangs rgyas dgongs dang de bzhin mi 'khrugs dang / /gzi brjid can dang gzi brjid 'od zer dang / /rnam par grol ba'i ye shes mchog sbyin dang / /sangs rgyas rgyan rnams shin tu bkod pa dang / /kun tu snang dang sangs rgyas zhing dag 
dang / /sems can bsam par rab tu 'jug pa dang / /mgu byed shin tu mgu byed ting 'dzin dang / /byang chub lam gyi rjes su 'thun pa dang / /pha rol phyin brgyan gtsug na rin po che/ /byang chub yan lag me tog sbyin pa dang / /rnam par grol ba'i 'bras bu sbyin pa ste/ /mi 
'chi dbyangs dang dmigs med rlung bzhin 'gro/ /rin chen mtha' dang rgya mtsho'i shugs 'dzin dang / /ri dang brag rnams rdob par byed pa dang / /rdzu 'phrul don chen yang dag skyed pa dang / /sangs rgyas dpag tu med pa mthong ba dang / /thos pa thams cad 'dzin dang mi g.yeng dang / /
skad cig gcig la ye shes sbyin pa dang / /yon tan mtha' yas rgya mtsho rnam par dag /de ltar ting 'dzin 'di dag mtha' yas dpag med de/ /bsam gtan bye ba khrag khrig dag gi pha rol song / /byang chub sems dpa' dam pa mchog rab 'jigs med pa/ /brtan mchog 
sems dpa' chen po ting 'dzin rnam dag rtogs/ /btsun pa sha ra dwa ti'i bu/ 'di ni byang chub sems dpa' rnams kyi bsam gtan mi zad pa zhes bya'o/ /de nas tshe dang ldan pa sha ra dwa ti'i bus/ byang chub sems dpa' blo gros mi zad pa la 'di skad ces smras so/ /rigs 

</font><hr>60-1-116a<br><font size=+1>

kyi bu byang chub sems dpa' rnams kyi bsam gtan mi zad pa 'di ni khyod kyis legs par smras na/ rigs kyi bu byang chub sems dpa' rnams kyi shes rab mi zad pa la brtsams te/ ji ltar byang chub sems dpa' rnams shes rab mi zad par 'gyur ba khyod spobs par 
gyis shig /blo gros mi zad pas smras pa/ btsun pa sha ra dwa ti'i bu/ byang chub sems dpa' rnams kyi shes rab kyang mi zad pa yin te/ shes rab de'i rnam pa ni ji lta bu/ 'jug pa ni ci zhe na/ thos pa ni rnam pa'o/ /tshul bzhin yid la byed pa ni 'jug pa'o/ /thos 
pa'i yang rnam pa ni ci lta bu/ 'jug pa ni ci zhe na/ byang chub sems dpa' rnams kyi thos pa'i rnam pa ni ci zhe na/ brgyad cu rtsa bzhi ste/ 'di lta ste/ 'dun pa'i rnam pa dang / bsam pa'i rnam pa dang / lhag pa'i bsam pa'i rnam pa dang / sbyor ba'i rnam pa dang / dge 
ba'i bshes gnyen gyi rnam pa dang / nga rgyal med pa'i rnam pa dang / bag yod pa'i rnam pa dang / gus par byed pa'i rnam pa dang / 'thun par 'dzin pa'i rnam pa dang / bka' blo bde ba'i rnam pa dang / bsnyen bkur byed pa'i rnam pa dang / rna ba blags te nyan pa'i rnam pa dang / 
yid la byed pa'i rnam pa dang / rnam par mi g.yeng ba'i rnam pa dang / gnas kyi rnam pa dang / rin po cher 'du shes pa'i rnam pa dang / sman du 'du shes pa'i rnam pa dang / nyon mongs pa'i nad thams cad zhi bar byed pa'i rnam pa dang / dran pa'i snod kyi rnam pa dang / rtogs 
pa shes pa'i rnam pa dang / blo gros 'dod pa'i rnam pa dang / blo la 'jug pa'i rnam pa dang / sangs rgyas kyi chos la mi ngoms par nyan pa'i rnam pa dang / gtong ba spel ba'i rnam pa dang / dul zhing cang shes pa'i rnam pa dang / mang du thos pa la bsten pa'i rnam pa dang / bsti 
stang du byas te dga' ba myong bar byed pa'i rnam pa dang / lus bde ba'i rnam pa dang / sems rab tu dga' ba'i rnam pa dang / mi skyo bar nyan pa'i rnam pa dang / don nyan pa'i rnam pa dang / chos nyan pa'i rnam pa dang / nan tan nyan pa'i rnam pa dang / gzhan gyis bstan pa nyan 

</font><hr>60-1-116b<br><font size=+1>

pa'i rnam pa dang / chos ma thos pa nyan pa'i rnam pa dang / mngon par shes pa nyan pa'i rnam pa dang / theg pa gzhan la 'dod pa med pa'i rnam pa dang / pha rol tu phyin pa nyan pa'i rnam pa dang / byang chub sems dpa'i sde snod nyan pa'i rnam pa dang / bsdu ba'i dngos po nyan pa'i 
rnam pa dang / thabs mkhas pa nyan pa'i rnam pa dang / tshangs pa'i gnas nyan pa'i rnam pa dang / dran pa dang shes bzhin nyan pa'i rnam pa dang / skye ba la mkhas pa nyan pa'i rnam pa dang / mi skye ba la mkhas pa nyan pa'i rnam pa dang / mi sdug pa'i rnam pa dang / byams pa'i 
rnam pa dang / rten cing 'brel bar 'byung ba'i rnam pa dang / mi rtag pa'i rnam pa dang / sdug bsngal ba'i rnam pa dang / bdag med pa'i rnam pa dang / zhi ba'i rnam pa dang / stong pa nyid kyi rnam pa dang / mtshan ma med pa'i rnam pa dang / smon pa med pa'i rnam pa dang / mngon par 
'du mi byed pa'i rnam pa dang / dge ba mngon par 'du byed pa'i rnam pa dang / bden pas byin gyis brlabs pa'i rnam pa dang / chud mi gzon pa'i rnam pa dang / rang gi kha na las pa'i rnam pa dang / rang gi sems srung ba'i rnam pa dang / brtson 'grus mi gtong ba'i rnam pa dang / chos 
la nges par sems pa'i rnam pa dang / nyon mongs pa'i gnyen po'i rnam pa dang / rang gi phyogs srung ba'i rnam pa dang / pha rol gyi phyogs dang / nyon mongs pa tshar gcod pa'i rnam pa dang / nor bdun yang dag par 'du ba'i rnam pa dang / dbul ba thams cad tshar gcod pa'i 
rnam pa dang / mdzangs pas bsngags pa'i rnam pa dang / mkhas pa mngon par dga' ba'i rnam pa dang / 'phags pas kun shes pa'i rnam pa dang / 'phags pa ma yin pa dad par byed pa'i rnam pa dang / bden pa mthong ba'i rnam pa dang / phung po'i skyon rnam par spang 
ba'i rnam pa dang / 'dus byas yongs su 'jal ba'i rnam pa dang / don la rton pa'i rnam pa dang / chos la rton pa'i rnam pa dang / ye shes la rton pa'i rnam pa dang / nges pa'i don gyi mdo sde la rton pa'i rnam pa dang / sdig pa thams cad mi bya ba'i rnam pa dang / bdag 

</font><hr>60-1-117a<br><font size=+1>

dang gzhan la phan pa'i rnam pa dang / legs par byas pa'i las kyi rnam pa dang / mi 'gyod pa'i rnam pa dang / khyad par du 'gro ba'i rnam pa dang / sangs rgyas kyi chos thams cad 'thob pa'i rnam pa ste/ de dag ni byang chub sems dpa' rnams kyi thos pa rnam pa 
brgyad cu rtsa bzhi zhes bya'o/ /btsun pa sha ra dwa ti'i bu/ de la byang chub sems dpa' rnams kyi tshul bzhin yid la byed pa la 'jug pa ni sum cu rtsa gnyis te/ sum cu rtsa gnyis gang zhe na/ 'di lta ste/ zhi gnas kyi gnas la 'jug pa dang / lhag mthong la rnam par dpyod pa'i 
'jug pa dang / sems las su rung ba'i 'jug pa dang / lus dben pa la 'jug pa dang / sems dben pa la 'jug pa dang / rten cing 'brel bar 'byung ba la 'jug pa dang / bden pa'i rjes su 'thun pa la 'jug pa dang / chad pa med pa la 'jug pa dang / rtag pa med 
pa la 'jug pa dang / rgyu dang rkyen la 'jug pa dang / bdag med pa dang / sems can med pa dang / srog med pa dang / gang zag med pa la 'jug pa dang / 'ong ba dang / 'gro ba dang / gnas med pa la 'jug pa dang / mi 'pho zhing rgyu dang 'bras bu chud mi za ba la 'jug 
pa dang / stong pa nyid dang / mtshan ma med pa dang / smon pa med pa la 'dris par byed pa la 'jug pa dang / stong pa nyid dang / mtshan ma med pa dang / smon pa med pa la mngon sum du mi byed pa la 'jug pa dang / bsam gtan dang / ting nge 'dzin dang / snyoms par 
'jug pa skyed pa'i tshul la 'jug pa dang / bsam gtan dang / ting nge 'dzin la snyoms par 'jug pa'i dbang gis mi skye ba la 'jug pa dang / mngon par shes pa'i ye shes la 'jug pa dang / zag pa zad pa'i ye shes mngon sum du byed pa ma yin pa la 'jug pa dang / nang 
du rtog pa la 'jug pa dang / nges par gyur par mi 'jug pa la 'jug pa dang / 'dus byas kyi skyon yongs su 'jal ba la 'jug pa dang / 'dus ma byas kyi chos mngon sum du mi byed par 'jug pa dang / sems can thams cad la bdag med par so sor rtog pa la 'jug pa dang /

</font><hr>60-1-117b<br><font size=+1>

snying rje chen po mi gtong ba la 'jug pa dang / skye ba thams cad 'jig par lta ba la 'jug pa dang / rtag tu bsams bzhin du shes pas srid pa thams cad yongs su 'dzin par 'jug pa dang / yid byung zhing 'dod chags dang bral ba'i 'jug pa dang / 'dod chags dang bral ba'i chos kyang 
mngon sum du mi byed par 'jug pa dang / 'dod pa'i dga' ba'i yon tan yal bar 'dor ba la 'jug pa dang / chos kyi dga' ba mi gtong ba la 'jug pa dang / spros pa dang rnam par rtog pa thams cad spong ba la 'jug pa dang / thabs mkhas pa'i spros pa dang / rnam par rtog pa 
mi spong bar 'jug pa ste/ btsun pa sha ra dwa ti'i bu/ de dag ni byang chub sems dpa' rnams kyi tshul bzhin yid la byed pa la 'jug pa sum cu rtsa gnyis zhes bya'o/ /btsun pa sha ra dwa ti'i bu/ gzhan yang tshul bzhin zhes bya ba de ni rigs pa'i tshig go/ /de ni tshul gyi tshig go/ /
de ni sgo'i tshig go/ /de ni kha'i tshig go/ /de ni rgyu'i tshig go/ /de ni rkyen gyi tshig go/ /de ni mi 'gog pa'i tshig go/ /de ni mi 'gal ba'i tshig go/ /de ni btang snyoms kyi tshig go/ /de ni len pa med pa'i tshig go/ /de ni dor ba med pa'i tshig go/ /de ni rkyen med pa'i tshig go/ /de ni rten pa 
med pa'i tshig go/ /de ni mi gnas pa'i tshig go/ /de ni ma g.yos pa'i tshig go/ /de ni rnam par ma g.yos pa'i tshig go/ /de ni sgro btags pa med pa'i tshig go/ /de ni mnyam pa nyid kyi tshig go/ /de ni mi mnyam pa med pa'i tshig go/ /de ni bden pa'i tshig go/ /de ni yang dag pa'i 
tshig go/ /de ni mi 'gyur ba'i tshig go/ /de ni phyir bya ba med pa'i tshig go/ /de ni zhi ba'i tshig go/ /de ni rab tu zhi ba'i tshig go/ /de ni nye bar zhi ba'i tshig go/ /de ni spros pa med pa'i tshig go/ /de ni blang ba med pa'i tshig go/ /de ni gzhag pa med pa'i tshig go/ /de ni ma tshang ba med 
pa'i tshig go/ /de ni lhag pa med pa'i tshig go/ /de ni phyir dbyung du med pa'i tshig go/ /de ni gnyen po med pa'i tshig go/ /de ni dam pa'i tshig go/ /de ni de kho na'i tshig go/ /de ni de bzhin nyid kyi tshig go/ /de ni ma nor ba de bzhin nyid kyi tshig go/ /de ni gzhan ma yin pa de bzhin 

</font><hr>60-1-118a<br><font size=+1>

nyid kyi tshig go/ /de ni ji lta ba bzhin gyi tshig go/ /de ni chud mi za ba'i tshig go/ /de ni yang dag pa'i mtha'i tshig go/ /de ni dus gsum mnyam pa nyid kyi tshig go/ /de ni dus gsum yongs su ma chad pa'i tshig go/ /de ni gzugs la rnam par shes pa mi gnas pa'i 
tshig go/ /de ni tshor ba dang / 'du shes dang / 'du byed dang / rnam par shes pa la rnam par shes pa mi gnas pa'i tshig go/ /de ni sa'i khams la rnam par shes pa mi gnas pa'i tshig go/ /de bzhin du de ni chu'i khams dang / me'i khams dang / rlung gi khams la rnam 
par shes pa mi gnas pa'i tshig go/ /de ni mig dang / gzugs dang / mig gi rnam par shes pa'i khams la mi gnas pa'i tshig go/ /de bzhin du de ni rna ba dang / sgra dang / rna ba'i rnam par shes pa'i khams dang / sna dang / dri dang / sna'i rnam par shes pa'i khams 
dang / lce dang / ro dang / lce'i rnam par shes pa'i khams dang / lus dang / reg bya dang / lus kyi rnam par shes pa'i khams dang / yid dang / chos dang / yid kyi rnam par shes pa'i khams la mi gnas pa'i tshig go/ /de ni don la rton pa'i tshig go/ /de ni chos 
la rton pa'i tshig go/ /de ni ye shes la rton pa'i tshig go/ /de ni nges pa'i don gyi mdo sde la rton pa'i tshig go/ /btsun pa sha ra dwa ti'i bu/ gzhan yang tshul bzhin zhes bya ba de ni chos thams cad do/ /de ci'i phyir zhe na/ ji ltar bdag la bdag med pa de bzhin du/ chos thams 
cad rigs pas mthong zhing / ji ltar sems can la bdag med pa de bzhin du chos thams cad rigs pas mthong na/ de ltar mthong ba na tshul bzhin mthong ba'o/ /'khor ba'i khams kyi tshul bzhin gang yin pa mya ngan las 'das pa'i dbyings kyi tshul bzhin yang de yin no 
zhes gang gis de ltar mtshungs shing bye brag med par mthong ba de ni/ tshul bzhin rab tu sbyor ba zhes bya'o/ /gang gis kun nas nyon mongs pa'i rang bzhin dang / rnam par byang ba'i rang bzhin mtshungs shing bye brag med par mthong ba de ni/ tshul bzhin rab tu sbyor ba zhes bya'o/ /gang 

</font><hr>60-1-118b<br><font size=+1>

rigs pa dang / mi rigs par mi sems pa de ni tshul bzhin rab tu sbyor ba yin te/ btsun pa sha ra dwa ti'i bu/ mdor na byang chub sems dpa'i tshul bzhin sbyor ba ji snyed pa de dag thams cad kyi gnas ni sems can no/ /de sems can gyi gnas kyang mi spong la/ chos kyi gnas 
kyang 'khrugs par mi byed de/ de ni byang chub sems dpa'i tshul bzhin la 'jug pa'i sbyor ba zhes bya'o/ /btsun pa sha ra dwa ti'i bu/ de ltar de'i chos kyi rnam pa dang / thos pa'i rnam pa dang / tshul bzhin la 'jug pa'i sbyor ba'i rgyu 'thun pa de ni shes rab ces bya'o/ /de la shes 
rab ni 'grogs pa bcu drug dang lhan cig mi gnas te/ bcu drug po dag gang zhe na/ 'di lta ste/ ma rig pa'i 'grogs pa dang lhan cig mi gnas so/ /de bzhin du 'du byed dang / rnam par shes pa dang / ming dang gzugs dang / skye mched drug dang / reg pa dang / tshor 
ba dang / sred pa dang / len pa dang / srid pa dang / skye ba dang / rga shi'i 'grogs pa dang lhan cig mi gnas so/ /ma rig pa 'gog pa'i 'grogs pa dang lhan cig mi gnas so/ /de bzhin du 'du byed dang / rnam par shes pa dang / ming dang gzugs dang / skye mched drug 
dang / reg pa dang / tshor ba dang / sred pa dang / len pa dang / srid pa dang / skye ba dang / rga shi 'gog pa'i 'grogs pa dang lhan cig mi gnas so/ /'jig tshogs la lta ba'i 'grogs pa dang lhan cig mi gnas pa nas/ 'jig tshogs la lta ba'i rtsa ba las byung bar lta 
bar gyur pa drug cu rtsa gnyis po'i bar dag gi 'grogs pa dang lhan cig mi gnas so/ /mthon dman gyi 'grogs pa dang lhan cig mi gnas pa nas/ 'jig rten gyi chos rnyed pa dang / ma rnyed pa dang / snyan pa dang / mi snyan pa dang / smad pa dang / bstod pa dang / bde ba dang / 
sdug bsngal gyi bar gyi 'grogs pa dang lhan cig mi gnas so/ /khro ba dang / khon du 'dzin pa dang / 'chab pa dang / yongs su gdung ba dang / phrag dog dang / ser sna dang / sgyu dang /g.yo dang / ngo tsha med pa dang / khrel med pa dang / khengs pa dang / rtsod pa dang /

</font><hr>60-1-119a<br><font size=+1>

rgyags pa dang / bag med pa dang / nga rgyal dang / lhag pa'i nga rgyal dang / nga rgyal las kyang nga rgyal dang / nga'o snyam pa'i nga rgyal dang / chung zad snyam pa'i nga rgyal dang / mngon pa'i nga rgyal dang / log pa'i nga rgyal rnams kyi 'grogs pa dang lhan cig 
mi gnas pa nas/ nye ba'i nyon mongs pa thams cad kyi bar gyi 'grogs pa dang lhan cig mi gnas so/ /'dod chags dang / zhe sdang dang / gti mug gi kun nas ldang ba phra mo dang / sbom po dang / chung ngu dang / 'bring dang / chen po'i 'grogs pa dang lhan cig mi gnas pa nas 
nyon mongs pa'i kun nas ldang ba thams cad kyi bar gyi 'grogs pa dang lhan cig mi gnas so/ /gti mug gi mun pa dang / rab rib kyi ling tog dang / sgrib pa dang / chod pa'i 'grogs pa dang lhan cig mi gnas pa nas/ nyams par 'gyur ba'i cha dang 'thun pa'i chos kun nas 
ldang ba thams cad kyi bar gyi 'grogs pa dang lhan cig mi gnas so/ /'dod pa dang / thab mo'i rnyog pa dang / phung po dang / nyon mongs pa dang / 'chi bdag dang / lha'i bu'i bdud rnams dang lhan cig mi gnas pa nas/ bdud kyi las thams cad kyi bar dang lhan cig mi gnas 
so/ /bdag dang / sems can dang / srog dang / gso ba dang / skyes bu dang / gang zag dang / shed las skyes dang / shed bur 'dzin pa la mngon par zhen pa dang lhan cig mi gnas pa nas/ 'dzin pa la mngon par zhen pa thams cad kyi bar dang lhan cig mi gnas so/ /
las kyi sgrib pa dang / chos kyi sgrib pa dang / nyon mongs pa'i sgrib pa dang / lta ba'i sgrib pa dang / 'gro ba'i sgrib pa dang / rnam par smin pa'i sgrib pa dang / shes pa'i sgrib pa dang lhan cig mi gnas pa nas/ bag chags kyi mtshams sbyor ba thams cad kyi bar dang lhan cig 
mi gnas so/ /rtog pa dang / rnam par rtog pa dang / yongs su rtog pa dang / mtshan ma dang / dmigs pa dang / mthong ba dang / thos pa dang / bye brag phyed pa dang / rnam par rig pa rnams dang lhan cig mi gnas pa nas mdud pa dang / sgro btags pa thams cad kyi 

</font><hr>60-1-119b<br><font size=+1>

bar dang lhan cig mi gnas so/ /bdag dang / rtag pa dang / gtsang ba dang / bde ba'i 'grogs pa dang lhan cig mi gnas pa nas phyin ci log thams cad kyi bar dang lhan cig mi gnas so/ /sems can gyi sems kyi spyod pa brgyad khri bzhi stong dang lhan cig mi gnas pa nas/ 
chos kyi phung po brgyad khri bzhi stong gi bar dang lhan cig mi gnas so/ /ser sna dang / gtong ba dang / 'chal pa'i tshul khrims dang / tshul khrims dang / gnod sems dang / bzod pa dang / le lo dang / brtson 'grus dang / rnam par g.yeng ba dang / bsam gtan dang / 
'chal pa'i shes rab dang lhan cig mi gnas pa nas/ pha rol tu phyin pa'i phyogs dang mi 'thun pa'i phyogs sems pa dang lhan cig mi gnas so/ /nges pa dang / ma nges pa dang / yang dag pa dang / log pa dang / dge ba dang / mi dge ba dang / kha na ma tho ba dang bcas pa 
dang / kha na ma tho ba med pa dang / zag pa dang bcas pa dang / zag pa med pa dang / 'dus byas dang / 'dus ma byas dang / 'jig rten pa dang / 'jig rten las 'das pa dang / bzang po dang / ngan pa dang / kun nas nyon mongs pa dang / rnam par byang ba dang / 'khor 
ba dang / mya ngan las 'das pa dang lhan cig mi gnas pa nas/ chos thams cad kyi mi 'thun pa'i phyogs dang / gnyen po'i bar dang lhan cig mi gnas so/ /theg pa tha dad pa dang / sems can tha dad pa dang / zhing tha dad pa dang / sangs rgyas tha dad pa dang / chos tha 
dad pa dang / dge 'dun tha dad pa dang lhan cig mi gnas pa nas/ tha dad pa thams cad kyi bar dang lhan cig mi gnas so/ /mi shes pa dang / shes pa dang / rnam par shes pa dang / kun rdzob dang / don dam pa dang lhan cig mi gnas pa nas/ mtshan ma yid la byed 
pa thams cad kyi bar dang lhan cig mi gnas so/ /shes rab ni gang rgyu ba med pa/ lus med pa/ mtshan nyid med pa/ mtshan ma med pa/ 'dus ma byas pa ste/ de ni mtshan ma dang / yid la byed pa thams cad dang / sems dang / yid dang / rnam par shes pa dang / gnas dang /

</font><hr>60-1-120a<br><font size=+1>

ming dang / mtshan ma dang / gcig pa dang / tha dad pa dang lhan cig mi gnas te/ btsun pa sha ra dwa ti'i bu/ shes rab ni 'grogs pa bcu drug po de dag dang lhan cig mi gnas so//   //bam po bzhi pa/ de la shes rab kyi yul gang zhe na/ 
'di lta ste/ chos brgyad la mkhas pa'o/ /de la chos brgyad la mkhas pa gang zhe na/ 'di lta ste/ phung po la mkhas pa dang / khams la mkhas pa dang / skye mched la mkhas pa dang / bden pa la mkhas pa dang / rten cing 'brel bar 'byung ba la mkhas pa dang / dus gsum 
la mkhas pa dang / theg pa thams cad la mkhas pa dang / chos thams cad la mkhas pa'o/ /de la byang chub sems dpa'i phung po la mkhas pa gang zhe na/ gang 'di phung po rnams kyi dper bya bar bstan pa ste/ dbu ba rdos par bstan pa dang / chu'i chu bur du bstan pa dang / smig rgyur 
bstan pa dang / chu shing gi sdong por bstan pa dang / sgyu mar bstan pa dang / rmi lam du bstan pa dang / brag car bstan pa dang / mig yor du bstan pa dang / gzugs brnyan du bstan pa dang / sprul par bstan pa'o/ /de ci'i phyir zhe na/ gzugs ni dbu ba rdos pa lta bu ste/ dbu 
ba rdos pa lta bu ni bdag ma yin/ sems can ma yin/ srog ma yin/ gso ba ma yin/ skyes bu ma yin/ gang zag ma yin no/ /dbu ba rdos pa'i rang bzhin gang yin pa gzugs kyi rang bzhin yang de yin te/ gang 'di la mkhas pa de ni phung po la mkhas pa zhes bya'o/ /
tshor ba ni chu'i chu bur lta bu'o/ /'du shes ni smig rgyu lta bu'o/ /'du byed rnams ni chu shing lta bu'o/ /rnam par shes pa ni sgyu ma lta bu ste/ sgyu ma yang bdag ma yin/ sems can ma yin/ srog ma yin/ gso ba ma yin/ skyes bu ma yin/ gang zag ma yin no/ /sgyu 
ma'i rang bzhin gang yin pa/ rnam par shes pa'i rang bzhin yang de yin te/ gang 'di la mkhas pa de ni byang chub sems dpa'i phung po la mkhas pa zhes bya'o/ /phung po rnams ni rmi lam lta bu ste/ rmi lam yang bdag ma yin/ sems can ma yin/ srog ma yin/ gso ba 

</font><hr>60-1-120b<br><font size=+1>

ma yin/ skyes bu ma yin/ gang zag ma yin no/ /rmi lam gyi rang bzhin gang yin pa phung po rnams kyi rang bzhin yang de yin te/ gang 'di la mkhas pa de ni/ byang chub sems dpa'i phung po la mkhas pa zhes bya'o/ /phung po rnams ni brag ca lta bu ste/ brag ca ni bdag ma 
yin/ sems can ma yin/ srog ma yin/ gso ba ma yin/ skyes bu ma yin/ gang zag ma yin no/ /brag ca'i rang bzhin gang yin pa phung po rnams kyi rang bzhin yang de yin te/ gang 'di la mkhas pa de ni byang chub sems dpa'i phung po la mkhas pa zhes bya'o/ /phung po 
rnams ni mig yor lta bu ste/ mig yor kyang bdag ma yin/ sems can ma yin/ srog ma yin/ gso ba ma yin/ skyes bu ma yin/ gang zag ma yin no/ /mig yor gyi rang bzhin gang yin pa/ phung po rnams kyi rang bzhin yang de yin te/ gang 'di la mkhas pa 
'di ni byang chub sems dpa'i phung po la mkhas pa zhes bya'o/ /phung po rnams ni gzugs brnyan lta bu ste/ gzugs brnyan ni bdag ma yin/ sems can ma yin/ srog ma yin/ gso ba ma yin/ skyes bu ma yin/ gang zag ma yin no/ /gzugs brnyan gyi rang bzhin 
gang yin pa/ phung po rnams kyi rang bzhin yang de yin te/ gang 'di la mkhas pa de ni byang chub sems dpa'i phung po la mkhas pa zhes bya'o/ /phung po rnams ni sprul pa lta bu ste/ sprul pa ni bdag ma yin/ sems can ma yin/ srog ma yin/ gso ba ma yin/ skyes 
bu ma yin/ gang zag ma yin no/ /sprul pa'i rang bzhin gang yin pa/ phung po rnams kyi rang bzhin yang de yin te/ gang 'di la mkhas pa de ni byang chub sems dpa'i phung po la mkhas pa zhes bya'o/ /phung po zhes bya ba de ni 'jig rten te/ 'jig rten kyang 'jig pa'i 
mtshan nyid do/ /'jig rten gyi rang bzhin gang yin pa de rang bzhin gyis mi rtag pa'o/ /rang bzhin gyis sdug bsngal ba'o/ /rang bzhin gyis stong pa'o/ /rang bzhin gyis bdag med pa'o/ /rang bzhin gyis zhi ba ste/ gang 'di la mkhas pa de ni byang chub sems dpa'i 

</font><hr>60-1-121a<br><font size=+1>

phung po la mkhas pa zhes bya'o/ /de la byang chub sems dpa'i khams la mkhas pa gang zhe na/ gang chos kyi dbyings la 'jug pa'i ye shes so/ /chos kyi dbyings ni sa'i khams yin mod kyi/ chos kyi dbyings sra ba'i mtshan nyid ni ma yin no/ /chos kyi 
dbyings chu'i khams yin mod kyi/ chos kyi dbyings rlan pa'i mtshan nyid ni ma yin no/ /chos kyi dbyings me'i khams yin mod kyi/ chos kyi dbyings yongs su smin par byed pa'i mtshan nyid ni ma yin no/ /chos kyi dbyings rlung gi khams yin mod kyi/ chos kyi dbyings g.yo 
ba'i mtshan nyid ni ma yin no/ /chos kyi dbyings mig gi khams yin mod kyi/ chos kyi dbyings lta ba'i mtshan nyid ni ma yin no/ /chos kyi dbyings rna ba'i khams yin mod kyi/ chos kyi dbyings nyan pa'i mtshan nyid ni ma yin no/ /chos kyi dbyings sna'i khams yin mod kyi/ 
chos kyi dbyings snom pa'i mtshan nyid ni ma yin no/ /chos kyi dbyings lce'i khams yin mod kyi/ chos kyi dbyings myong bar byed pa'i mtshan nyid ni ma yin no/ /chos kyi dbyings lus kyi khams yin mod kyi/ chos kyi dbyings nom pa'i mtshan nyid ni ma yin no/ /chos kyi dbyings 
yid kyi khams yin mod kyi/ chos kyi dbyings rnam par rig pa'i mtshan nyid ni ma yin no/ /chos kyi dbyings mig gi rnam par shes pa'i khams yin mod kyi/ chos kyi dbyings gzugs so sor rnam par rig pa'i mtshan nyid ni ma yin no/ /chos kyi dbyings rna ba'i rnam par shes pa'i khams 
yin mod kyi/ chos kyi dbyings sgra so sor rnam par rig pa'i mtshan nyid ni ma yin no/ /chos kyi dbyings sna'i rnam par shes pa'i khams yin mod kyi/ chos kyi dbyings dri so sor rnam par rig pa'i mtshan nyid ni ma yin no/ /chos kyi dbyings lce'i rnam par shes pa'i khams yin mod 
kyi/ chos kyi dbyings ro so sor rnam par rig pa'i mtshan nyid ni ma yin no/ /chos kyi dbyings lus kyi rnam par shes pa'i khams yin mod kyi/ chos kyi dbyings reg bya so sor rnam par rig pa'i mtshan nyid ni ma yin no/ /chos kyi dbyings yid kyi rnam par shes pa'i khams yin 

</font><hr>60-1-121b<br><font size=+1>

mod kyi/ chos kyi dbyings chos so sor rnam par rig pa'i mtshan nyid ni ma yin no/ /chos kyi dbyings gzugs kyi khams yin mod kyi/ chos kyi dbyings mig gi rnam par shes pas rnam par rig par bya ba'i mtshan nyid ni ma yin no/ /chos kyi dbyings sgra'i khams yin mod kyi/ chos 
kyi dbyings rna ba'i rnam par shes pas rnam par rig par bya ba'i mtshan nyid ni ma yin no/ /chos kyi dbyings dri'i khams yin mod kyi/ chos kyi dbyings sna'i rnam par shes pas rnam par rig par bya ba'i mtshan nyid ni ma yin no/ /chos kyi dbyings ro'i khams yin mod kyi/ chos kyi dbyings 
lce'i rnam par shes pas rnam par rig par bya ba'i mtshan nyid ni ma yin no/ /chos kyi dbyings reg bya'i khams yin mod kyi/ chos kyi dbyings lus kyi rnam par shes pas rnam par rig par bya ba'i mtshan nyid ni ma yin no/ /chos kyi dbyings chos kyi khams yin mod kyi/ chos kyi 
dbyings yid kyi rnam par shes pas rnam par rig par bya ba'i mtshan nyid ni ma yin no/ /chos kyi dbyings gzugs kyi khams yin mod kyi/ chos kyi dbyings gzugs su rnam par rig pa'i mtshan nyid ni ma yin no/ /chos kyi dbyings sgra'i khams yin mod kyi/ chos kyi dbyings sgrar rnam 
par rig pa'i mtshan nyid ni ma yin no/ /chos kyi dbyings dri'i khams yin mod kyi/ chos kyi dbyings drir rnam par rig pa'i mtshan nyid ni ma yin no/ /chos kyi dbyings ro'i khams yin mod kyi/ chos kyi dbyings ror rnam par rig pa'i mtshan nyid ni ma yin no/ /chos kyi dbyings 
reg bya'i khams yin mod kyi/ chos kyi dbyings reg byar rnam par rig pa'i mtshan nyid ni ma yin no/ /chos kyi dbyings chos kyi khams yin mod kyi/ chos kyi dbyings chos su rnam par rig pa'i mtshan nyid ni ma yin no/ /chos kyi dbyings dang / bdag gi khams de ni mtshungs so/ /
chos kyi dbyings dang / 'dod pa'i khams dang / gzugs kyi khams dang / gzugs med pa'i khams de ni mtshungs so/ /chos kyi dbyings dang / 'khor ba'i khams dang / mya ngan las 'das pa'i dbyings de ni mtshungs so/ /chos kyi dbyings dang / sems can gyi 

</font><hr>60-1-122a<br><font size=+1>

khams dang / nam mkha'i khams dang / chos thams cad kyi khams de ni mtshungs so/ /de ci'i phyir de mtshungs zhe na/ stong pa nyid du mtshungs pas na de ni mtshungs so/ /mtshan ma med par mtshungs pa dang / smon pa med par mtshungs pa dang / 
mngon par 'du mi byed par mtshungs pa dang / skye ba med par mtshungs pa dang / 'byung ba med par mtshungs pa dang / dngos po med par mtshungs pa dang / chos thams cad tha dad pa med par mtshungs pa dang / sgrib pa med par mtshungs pa dang / nam mkha'i khams su 
mtshungs pa dang / mya ngan las 'das pa'i dbyings su mtshungs pas/ de dag mtshungs pa'o/ /'dus byas kyi khams la 'jug pa dang / 'dus ma byas kyi khams la 'jug pa tshad med de/ gang bstan pa de la chos kyi dbyings kyi tshul gyi sgo nas 'jug pa 'di ni byang chub 
sems dpa'i khams la mkhas pa zhes bya'o/ /de la byang chub sems dpa'i skye mched la mkhas pa gang zhe na/ chos kyi skye mched la 'jug pa'i ye shes te/ chos kyi skye mched ni mig gi skye mched yin mod kyi/ chos kyi skye mched lta ba'i mtshan nyid ni ma yin no/ /chos 
kyi skye mched rna ba'i skye mched yin mod kyi/ chos kyi skye mched nyan pa'i mtshan nyid ni ma yin no/ /chos kyi skye mched sna'i skye mched yin mod kyi/ chos kyi skye mched mnom pa'i mtshan nyid ni ma yin no/ /chos kyi skye mched lce'i skye mched yin mod kyi/ chos kyi skye mched 
myang ba'i mtshan nyid ni ma yin no/ /chos kyi skye mched lus kyi skye mched yin mod kyi/ chos kyi skye mched nom pa'i mtshan nyid ni ma yin no/ /chos kyi skye mched yid kyi skye mched yin mod kyi/ chos kyi skye mched chos rnam par rig pa'i mtshan nyid ni ma yin no/ /chos kyi skye 
mched gzugs kyi skye mched yin mod kyi/ chos kyi skye mched mig gi rnam par shes pas rnam par rig par bya ba'i mtshan nyid ni ma yin no/ /chos kyi skye mched sgra'i skye mched yin mod kyi/ chos kyi skye mched rna ba'i rnam par shes pas rnam par rig par bya ba'i mtshan nyid ni ma yin 

</font><hr>60-1-122b<br><font size=+1>

no/ /chos kyi skye mched dri'i skye mched yin mod kyi/ chos kyi skye mched sna'i rnam par shes pas rnam par rig par bya ba'i mtshan nyid ni ma yin no/ /chos kyi skye mched ro'i skye mched yin mod kyi/ chos kyi skye mched lce'i rnam par shes pas rnam par rig par bya ba'i mtshan 
nyid ni ma yin no/ /chos kyi skye mched reg bya'i skye mched yin mod kyi/ chos kyi skye mched lus kyi rnam par shes pas rnam par rig par bya ba'i mtshan nyid ni ma yin no/ /chos kyi skye mched chos kyi skye mched yin mod kyi/ chos kyi skye mched yid kyi rnam par shes pas rnam par 
rig par bya ba'i mtshan nyid ni ma yin te/ 'di ni byang chub sems dpa'i skye mched la mkhas pa zhes bya'o/ /gzhan yang skye mched la mkhas pa ni/ mig gi skye mched ni/ bdag dang bdag gis stong ngo / /de bzhin du rna ba'i skye mched dang / sna'i skye mched dang / lce'i skye 
mched dang / lus kyi skye mched dang / yid kyi skye mched dang / gzugs kyi skye mched dang / sgra'i skye mched dang / dri'i skye mched dang / ro'i skye mched dang / reg bya'i skye mched dang / chos kyi skye mched kyang bdag dang bdag gis stong ngo / /bcom ldan 'das kyis ji 
skad du/ mig ni bdag dang bdag gis stong ste/ 'di ni de'i rang bzhin no/ /de bzhin du rna ba dang / sna dang / lce dang / lus dang / yid ni bdag dang bdag gis stong ste/ 'di ni de'i rang bzhin no/ /de bzhin du gzugs dang / sgra dang / dri dang / ro dang / reg bya dang / 
chos rnams ni bdag dang bdag gis stong ste/ 'di ni de'i rang bzhin no zhes gsungs so/ /'di ltar gang skye mched rnams la skye mched du mi byed cing / dge ba'i chos kyang mi sogs/ mi dge ba'i chos kyang 'bri bar mi byed la/ dge ba dang mi dge ba la 'du shes gnyis su 
mi 'gyur ba 'di ni byang chub sems dpa'i skye mched la mkhas pa'o/ /gzhan yang skye mched la mkhas pa ni/ mig gi skye mched kyi 'dod chags kyi gnas dang rten ni gzugs kyi skye mched de/ gang mig gzugs la 'dod chags dang bral bar mthong la/ 'dod chags dang 

</font><hr>60-1-123a<br><font size=+1>

bral ba'i chos kyang mngon sum du mi byed pa 'di ni/ byang chub sems dpa'i skye mched la mkhas pa zhes bya'o/ /de bzhin du rna ba'i skye mched kyi sgra'i skye mched dang / sna'i skye mched kyi dri'i skye mched dang / lce'i skye mched kyi ro'i skye mched dang / lus kyi skye mched 
kyi reg bya'i skye mched dang / yid kyi skye mched kyi 'dod chags kyi gnas dang rten ni chos kyi skye mched de/ gang yid chos las 'dod chags dang bral bar mthong la/ 'dod chags dang bral ba'i chos kyang mngon sum du mi byed pa 'di ni/ byang chub sems dpa'i skye mched la mkhas 
pa zhes bya'o/ /skye mched ces bya ba ni/ 'phags pa'i skye mched dang / 'phags pa ma yin pa'i skye mched do/ /de la 'phags pa'i skye mched ni gang lam yang dag par bsgrub pa'o/ /'phags pa ma yin pa'i skye mched ni gang lam dang mi 'thun pa'o/ /de la byang chub 
sems dpa'i lam la gnas nas lam dang mi 'thun pa la spyod pa'i sems can rnams la snying rje chen po skyed cing / lam gyi skye mched kyang mi 'dor ba 'di ni byang chub sems dpa'i skye mched la mkhas pa zhes bya'o/ /de la byang chub sems dpa'i bden pa la mkhas pa gang zhe na/ 
'jug pa bzhi ni byang chub sems dpa'i bden pa la mkhas pa yin te/ 'jug pa bzhi gang zhe na/ gang 'di sdug bsngal shes pa dang / kun 'byung ba shes pa dang / 'gog pa shes pa dang / lam shes pa'o/ /de la sdug bsngal shes pa zhes bya ba ni gang phung po rnams ni mi skye 
bar shes pa'o/ /kun 'byung ba shes pa zhes bya ba ni/ gang sred pa legs par 'joms pa'i shes pa'o/ /'gog pa shes pa zhes bya ba ni ma rig pa dang / bag la nyal ba rnams mi 'byung ba'o/ /lam shes pa zhes bya ba ni/ mnyam pa nyid du gyur pa'i chos thams cad la 
sgro mi 'dogs pa ste/ de ni byang chub sems dpa'i bden pa shes pa'o/ /de la byang chub sems dpa'i 'phags pa'i bden pa bzhi po de dag la de lta bus shes rab dang ye shes kyis rab tu shes kyang sems can la blta ba'i phyir mngon sum du mi byed cing / sems can rnams kyang 

</font><hr>60-1-123b<br><font size=+1>

yongs su smin par byed de/ 'di ni byang chub sems dpa'i bden pa la mkhas pa zhes bya'o/ /gzhan yang byang chub sems dpa'i bden pa rnam pa gsum ste/ gsum gang zhe na/ gang 'di kun rdzob kyi bden pa dang / don dam pa'i bden pa dang / mtshan nyid kyi bden pa'o/ /
de la kun rdzob kyi bden pa gang zhe na/ 'jig rten gyi tha snyad dang / yi ge dang / sgra dang / brdas bstan pa ji snyed pa'o/ /don dam pa'i bden pa ni/ gang la sems kyi rgyu ba med pa ste/ yi ge lta ci smos/ mtshan nyid kyi bden pa ni/ gang 'di mtshan nyid thams cad mtshan 
nyid gcig pa ste/ mtshan nyid gcig po yang mtshan nyid med pa'o/ /de la byang chub sems dpa'i kun rdzob kyi bden pa bstan pas kyang yongs su mi skyo/ don dam pa'i bden pa mngon sum du byed par yang mi ltung / mtshan nyid kyi bden pas bden pa gcig tu rtogs kyang / 
sems can rnams yongs su smin par byed de/ 'di ni byang chub sems dpa'i bden pa la mkhas pa zhes bya'o/ /gzhan yang bden pa rnam pa gnyis te/ rnam pa gnyis po gang zhe na/ gang 'di tha snyad kyi bden pa dang / don dam pa'i bden pa'o/ /de la tha snyad kyi bden pa ni/ 
dus su bden par smra ba ste/ gang 'di sdug bsngal gyi bden pa dang / kun 'byung ba'i bden pa dang / 'gog pa'i bden pa dang / lam gyi bden pa dang / 'jig rten gyi tha snyad kyi bden pa dang / yi ge dang / sgra dang / brdas bstan pa ji snyed pa'o/ /don dam pa'i 
bden pa gang / 'di brjod pa med pa'i chos can/ mya ngan las 'das pa ste/ de ci'i phyir zhe na/ rtag tu chos kyi de bzhin nyid kyi phyir/ de'i rigs ni rtag pa'i phyir ro/ /de la byang chub sems dpa' tha snyad kyi bden pa bstan pas kyang yongs su mi skyo/ don dam pa'i bden 
pa mngon sum du byed par yang mi ltung la/ sems can rnams kyang yongs su smin par byed de/ 'di ni byang chub sems dpa'i bden pa la mkhas pa zhes bya'o/ /gzhan yang bden pa ni gcig ste/ gnyis su med do/ /de la bden pa gcig ni gang 'di chos thams 

</font><hr>60-1-124a<br><font size=+1>

cad la sgro 'dogs pa med cing sgro 'dogs par ltung ba'i sems can rnams kyang bden pa la rab tu 'dzud pa'o/ /de la byang chub sems dpa'i sgro 'dogs pa'i bden pa bstan pas kyang mi skyo la/ sgro 'dogs pa med pa'i bden pa gcig bstan pa yang mngon sum du mi byed 
cing / sems can rnams kyang yongs su smin par byed pa 'di ni byang chub sems dpa'i bden pa la mkhas pa zhes bya'o/ /gzhan yang phung po lnga ni sdug bsngal ba ste/ gang phung po lnga rnams sdug bsngal gyi mtshan nyid 'di ni sdug bsngal zhes bya'o/ /gang gis sdug bsngal gyi 
mtshan nyid de stong par rtogs pa 'di ni sdug bsngal la sdug bsngal du shes pa 'phags pa'i bden pa'o/ /gang phung po lnga'i sred pa'i rgyu dang / lta ba'i rgyu bag la nyal ba 'di ni kun 'byung ba zhes bya'o/ /gang gis sred pa'i rgyu dang / lta ba'i rgyu de dag mi len pa dang / sgro mi 
'dogs pa dang / reg par mi byed pa 'di ni kun 'byung ba la kun 'byung bar shes pa 'phags pa'i bden pa zhes bya'o/ /gang phung po lnga po dag shin tu zad de 'gags nas/ sngon gyi mthar mi 'byung ba dang / phyi ma'i mthar mi 'pho ba dang / da ltar byung bar phyin pa med pa 'di 
ni 'gog pa 'phags pa'i bden pa ste/ de la gang gis de ltar shes pa 'di ni/ 'gog pa la 'gog par shes pa 'phags pa'i bden pa zhes bya'o/ /lam gang la brten te sdug bsngal shes pa dang / kun 'byung ba shes pa dang / 'gog pa shes pa la reg cing gnyis su med 
pa'i ye shes su 'jug pa de ni/ sdug bsngal 'gog par 'gro ba'i lam 'phags pa'i bden pa zhes bya ste/ gang 'di la stong pa nyid du shes pa 'di ni/ lam la lam du shes pa 'phags pa'i bden pa zhes bya'o/ /gang gis 'phags pa'i bden pa bzhi po 'di dag la de ltar ye 
shes kyis rtog cing / bden pa'i rtog pas mi rtog pa 'di ni/ byang chub sems dpa'i bden pa la mkhas pa zhes bya'o/ /gzhan yang tshor ba thams cad sdug bsngal te 'di ni sdug bsngal zhes bya'o/ /tshor ba de la rnam par 'byed cing rig par shes pa 'di ni/ sdug bsngal la 

</font><hr>60-1-124b<br><font size=+1>

sdug bsngal du shes pa 'phags pa'i bden pa zhes bya'o/ /tshor ba de rgyu gang gis kun 'byung ba 'di ni kun 'byung ba zhes bya ste/ gang gis rgyu de yang dag pa ji lta ba bzhin du rab tu shes pa 'di ni kun 'byung ba la kun 'byung bar shes pa 'phags pa'i bden pa zhes bya'o/ /gang tshor ba thams cad 
rgyun chad de tshor ba med pa yang tshor zhing / tshor ba 'gog pa la yang rtog la/ sems can la blta ba'i phyir/ tshor ba 'gog pa mngon sum du yang mi byed pa 'di ni/ 'gog pa la 'gog par shes pa 'phags pa'i bden pa zhes bya'o/ /tshor ba gang gis bsgrubs pa'i lam de ni 
gzings lta bu ste/ gang tshor ba 'dod pa de ni lam 'dod pa ma yin no/ /'di ni lam la lam du shes pa 'phags pa'i bden pa zhes bya'o/ /gang de ltar bden pa bzhi po 'di mthong ba dang / rnam par dag pas mnyam par rtog pa 'di ni byang chub sems dpa'i bden pa la mkhas 
pa zhes bya'o/ /gzhan yang mdor na skye ba ni sdug bsngal ba ste/ 'di ni sdug bsngal zhes bya'o/ /gang mi skye ba la rtog pa'i shes pa 'di ni sdug bsngal la sdug bsngal du shes pa 'phags pa'i bden pa zhes bya'o/ /srid pa'i rkyen gyis skye ba ste/ srid pa gang yin pa de kun 
'byung ba'o/ /gang srid pa 'jig pa shes pa 'di ni/ kun 'byung ba la kun 'byung bar shes pa 'phags pa'i bden pa zhes bya'o/ /skye ba thams cad skye ba med pa ste mi skye ba ni 'gog pa'o/ /gang ma skyes pa de la 'gog pa gang yang med de/ gang 'gog pa med par shes 
pa 'di ni/ zad pa'i 'gog pa shes pa 'phags pa'i bden pa zhes bya'o/ /gang de ltar 'grang ba dang / 'jal ba dang / tshol ba dang / rtog pa dang / 'jug pa'i shes pa 'di ni lam la lam du shes pa 'phags pa'i bden pa zhes bya'o/ /gang bden pa'i shes pa 'di 
la 'jug cing / bden pa'i shes pa la yang mi gnas pa 'di ni byang chub sems dpa'i bden pa la mkhas pa zhes bya'o/ /de la byang chub sems dpa'i rten cing 'brel par 'byung ba la mkhas pa gang zhe na/ 'di lta ste/ tshul bzhin ma yin pa kun 'byung ba las ma rig pa kun 'byung 

</font><hr>60-1-125a<br><font size=+1>

ngo / /ma rig pa kun 'byung ba las 'du byed kun 'byung ngo / /'du byed kun 'byung ba las rnam par shes pa kun 'byung ngo / /rnam par shes pa kun 'byung ba las ming dang gzugs kun 'byung ngo / /ming dang gzugs kun 'byung ba las skye mched drug kun 
'byung ngo / /skye mched drug kun 'byung ba las reg pa kun 'byung ngo / /reg pa kun 'byung ba las tshor ba kun 'byung ngo / /tshor ba kun 'byung ba las sred pa kun 'byung ngo / /sred pa kun 'byung ba las len pa kun 'byung ngo / /len pa kun 'byung ba las srid pa kun 'byung ngo / /
srid pa kun 'byung ba las skye ba kun 'byung ngo / /skye ba kun 'byung ba las rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams 'byung ste/ de ltar na sdug bsngal gyi phung po chen po 'ba' zhig po 'di 'byung bar 
'gyur ro/ /g.yo ba med pa/ byed pa med pa/ bdag po med pa/yongs su 'dzin pa med pa'i chos ji ltar gnas pa bzhin 'byung ste/ gang 'di la shes pa 'di ni byang chub sems dpa'i rten cing 'brel par 'byung ba la mkhas pa zhes bya'o/ /gzhan yang gang dge ba'i 
rgyu las byung ba'am/ mi dge ba'i rgyu las byung ba'am/ mi g.yo ba'i rgyu las byung ba'am/ 'khor ba'i rgyu las byung ba'am/ mya ngan las 'das pa'i rgyu las byung ba de dag thams cad/ byang chub sems dpas yang dag pa ji lta ba bzhin du rab tu shes te/ sems can 
gang dbang po'i rgyu las 'jug pa tshad mar byed pa de ni dbang po'i rgyu las byung zhing las kyi rgyu las byung ba ste/ 'bras bu'i rgyu las 'grub par byed do zhes zin pa dang / ma zin pa'i chos rnams la/ gang de ltar rgyu kun 'byung ba las skye ba la mkhas pa 'di ni byang chub sems dpa'i 
rten cing 'brel par 'byung ba la mkhas pa zhes bya'o/ /gzhan yang rten cing 'brel par 'byung ba la mkhas pa ni/ tshul bzhin ma yin pa 'gags pas ma rig pa 'gag /ma rig pa 'gags pas 'du byed 'gag /'du byed 'gags pas rnam par shes pa 'gag /rnam 

</font><hr>60-1-125b<br><font size=+1>

par shes pa 'gags pas ming dang gzugs 'gag /ming dang gzugs 'gags pas skye mched drug 'gag /skye mched drug 'gags pas reg pa 'gag /reg pa 'gags pas tshor ba 'gag /tshor ba 'gags pas sred pa 'gag /sred pa 'gags pas len pa 'gag /
len pa 'gags pas srid pa 'gag /srid pa 'gags pas skye ba 'gag /skye ba 'gags pas rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams kyang 'gag par 'gyur te/ de ltar sdug bsngal gyi phung po 
chen po 'ba' zhig po 'gag par 'gyur ro/ /g.yo ba med pa/ byed pa med pa/ bdag po med pa/ yongs su 'dzin pa med pa'i chos ji ltar gnas pa bzhin du 'gog par 'gyur ro/ /gang 'di la mkhas pa 'di ni byang chub sems dpa'i rten cing 'brel bar 'byung ba la mkhas 
pa zhes bya'o/ /gzhan yang chos thams cad ni rgyu la rag lus pa'o/ /rkyen la rag lus pa'o/ /tshogs pa la rag lus pa'o/ /chos gang rgyu dang / rkyen dang / tshogs pa la rag lus pa de bdag la rag ma lus pa'o/ /sems can la rag ma lus pa'o/ /srog la rag 
ma lus pa'o/ /gang zag la rag ma lus pa'o/ /gang bdag la rag ma lus pa dang / sems can la rag ma lus pa dang / srog la rag ma lus pa dang / gang zag la rag ma lus pa 'di na zhe'am/ snga ma na zhe'am/ gzhan na zhes bgrang ba ci yang med de/ gang de ltar 
rtog pa 'di ni byang chub sems dpa'i rten cing 'brel par 'byung ba la mkhas pa zhes bya'o/ /gzhan yang gang byang chub sems dpa' byang chub kyi rkyen thams cad nye bar gzhog la/ rkyen de dag kyang zad cing 'gog par rtog ste/ sems can la blta ba'i phyir zad cing 'gog pa'i 
ye shes su yang mi 'jog pa 'di ni byang chub sems dpa'i rten cing 'brel par 'byung ba la mkhas pa zhes bya'o/ /de la byang chub sems dpa'i dus gsum la mkhas pa gang zhe na/ gang bdag dang / sems can gzhan gyi 'das pa'i sems dang / sems las byung ba/ dge 

</font><hr>60-1-126a<br><font size=+1>

ba dang / mi dge ba rnams rjes su dran pa ste/ mi dge ba'i sems dang / sems las byung ba rnams dran nas kyang / rnam par smod pa dang / dge ba'i sems dang / sems las byung ba rnams dran nas kyang / byang chub tu yongs su sngo ba 'di ni 'das pa la 
mkhas pa'o/ /gang ma 'ongs pa'i sems dang / sems las byung ba/ dge ba'i rtsa ba'i tshogs la nges par sems shing / byang chub mngon du 'gyur ba'i las sems te/ bdag gi dge ba'i sems bskyed pa gang dag skye bar 'gyur ba de dag ni/ bla na med pa yang dag 
par rdzogs pa'i byang chub tu yongs su bsngo bar bya'o/ /mi dge ba'i sems dang / sems las byung ba rnams kyi skabs ni mi dge zhes gang de lta bur sems la sgo ba de ni ma 'ongs pa la mkhas pa'o/ /da ltar byung ba la mkhas pa gang zhe na/ gang da ltar byung ba'i sems dang / 
sems las byung ba rnams tshul bzhin sbyor bas/ dge ba'i rtsa ba mngon par 'du byed pa dang / mi dge ba'i sems dang / sems las byung ba zlog pa dang / dge ba'i sems dang / sems las byung ba rnams byang chub tu mngon du byed pa ni da ltar byung ba la mkhas pa ste/ gang 
'di dag la mkhas pa de ni byang chub sems dpa'i dus gsum la mkhas pa zhes bya'o/ /gzhan yang gang 'das pa'i dus kyi chos rnams stong par mos pa dang / ma 'ongs pa'i dus kyi chos rnams stong par mos pa dang / da ltar byung ba'i dus kyi chos rnams stong par mos pa ste/ de 
ltar shes rab dang ye shes kyi dus gsum stong pa nyid du yang rtog la/ 'das pa dang / ma 'ongs pa dang / da ltar byung ba'i sangs rgyas bcom ldan 'das rnams kyi bsod nams thams cad kyi rjes su thabs kyi ye shes kyis yi rang bar yang byed de/ gang 'di la mkhas pa de ni byang 
chub sems dpa'i dus gsum la mkhas pa zhes bya'o/ /gzhan yang 'das pa'i dus na zad pa'i chos rnams phyi ma'i mthar 'phos par mi lta zhing dge ba'i mngon par 'du byed pa la brtson 'grus kyang mi gtong ste/ mi dge ba'i 'du mi byed pa dang / gang ma 'ongs pa'i dus kyi 

</font><hr>60-1-126b<br><font size=+1>

chos rnams mi skye mi 'byung bar rtog cing / byang chub tu bsngo ba'i brtson 'grus mi 'dor ba dang / da ltar byung ba'i dus na chos rnams 'dug pa med cing mi gnas par rtog ste/ byang chub sems dpa' lhag pa'i bsam pa rab tu brtan pa ni byang chub kyi sems kyang mi brjed de/ 'di 
ni byang chub sems dpa'i dus gsum la mkhas pa zhes bya'o/ /gzhan yang gang 'das pa de ni zad pa'o/ /ma 'ongs pa de ni ma phyin pa'o/ /da ltar byung ba de ni gnas pa med pa'o/ /gang de ltar sems dang sems las byung ba skyes pa dang / zhig pa dang / zhum pa rnams 
la rtog cing byang chub sgrub pa'i dge ba'i rtsa ba rnams kyang yang dag par sgrub pa 'di ni/ byang chub sems dpa'i dus gsum la mkhas pa zhes bya'o/ /gzhan yang gang mngon par shes pa la mkhas pas 'das pa'i dus rjes su dran te/ sngon dge ba'i rtsa ba bskyed pa rnams rjes su 
dran nas byang chub tu yongs su sngo ba dang / gang ma 'ongs pa'i dus na dge ba'i sems bskyed pa rnams rab tu shes pa dang / de la smon pa yongs su rdzogs par byed pa dang / gang da ltar byung ba'i dus na dge ba'i rtsa ba skyes shing byung ba rnams yid la byed cing gnas par byed de/ byang 
chub tu yongs su sngo ba 'di ni dus gsum la mkhas pa zhes bya'o/ /gzhan yang gang sems can thams cad yongs su smin par bya ba'i phyir 'das pa'i bsod nams kyi tshogs dran nas sems can gang dag ji ltar smin par bya ba de dag thams cad de bzhin du yongs su smin par byed de/ 
gang ma 'ongs pa'i dus kyi sangs rgyas mnyes par bya bas sems can yongs su smin par bya ba de dag thams cad de bzhin du yongs su smin par byed pa dang / da ltar byung ba'i sems can gang dag chos bstan pa'am/ rdzu 'phrul gyi cho 'phrul gyis yongs su smin par bya ba de dag 
thams cad kyang de bzhin du yongs su smin par byed de/ gang dus gsum 'di dag la bdag gi don dang / gzhan gyi don dang / byang chub kyi don de dag ma chags pas yongs su rdzogs par byed pa 'di ni/ byang chub sems dpa'i dus gsum la mkhas pa zhes bya'o/ /de 

</font><hr>60-1-127a<br><font size=+1>

la byang chub sems dpa'i theg pa thams cad la mkhas pa gang zhe na/ gsum po 'di dag ni theg pa ste nges par 'byin pa'o/ /gsum po gang zhe na/ 'di lta ste/ nyan thos kyi theg pa dang / rang sangs rgyas kyi theg pa dang / theg pa chen po'o/ /gzhan 
yang theg pa gnyis te/ gnyis gang zhe na/ lha'i theg pa dang / mi'i theg pa'o/ /de la byang chub sems dpa'i nyan thos kyi theg pa la mkhas pa gang zhe na/ sangs rgyas byung ba med pas nyan thos kyi theg pa yang med do/ /de ci'i phyir zhe na/ nyan thos rnams kyi yang dag par lta 
ba ni pha rol gyi sgra'i rjes su 'gro ba'o/ /de la nyan pa ni gang 'di tshul khrims sdom pa ste/ ji ltar bslab pa bcas pa'i rjes su 'jug pa ni tshul khrims kyi phung po yongs su rdzogs par 'gyur te/ tshul khrims kyi phung po yongs su rdzogs nas ting nge 'dzin gyi phung po yongs su rdzogs 
par byed pa dang / ting nge 'dzin gyi phung po yongs su rdzogs nas shes rab kyi phung po yongs su rdzogs par byed pa dang / shes rab kyi phung po yongs su rdzogs nas rnam par grol ba'i phung po yongs su rdzogs par byed pa dang / rnam par grol ba'i phung po yongs su rdzogs nas rnam par 
grol ba'i ye shes mthong ba'i phung po yongs su rdzogs par byed pa ste/ gang 'di la mkhas pa 'di ni nyan thos kyi theg pa la mkhas pa zhes bya'o/ /gzhan yang nyan thos kyi theg pa la mkhas pa ni/ gang bsod nams dang bsod nams ma yin pa dang / mi g.yo ba'i 'du byed rnams 
la rnam par smod pa dang / khams gsum pa thams cad la yid byung zhing / 'dod chags dang bral ba dang / 'du byed thams cad la mi rtag pa dang / sdug bsngal bar rtog pa dang / chos thams cad la bdag med par rtog pa dang / mya ngan las 'das pa zhi ba la mngon 
par dga' ba dang / skad cig kyang srid par skye bar mi 'dod pa dang / rtag tu 'jig par lta ba dang / rtag tu yid mi rton pa dang / phung po rnams la gsod par 'du shes pa dang / khams rnams la sbrul gdug pa lta bur rtog pa'i 'du shes dang / skye mched rnams la grong stong 

</font><hr>60-1-127b<br><font size=+1>

lta bur 'du shes pa dang / skye ba'i gnas thams cad la mi smon pa'i 'du shes dang / mya ngan las 'das pa la gnas dang skyabs su 'du shes pa dang / gang 'di ltar ston pa dang / rab tu ston pa 'di ni byang chub sems dpa'i nyan thos kyi theg pa la mkhas pa zhes bya'o/ /de la byang 
chub sems dpa'i rang sangs rgyas kyi theg pa la mkhas pa gang zhe na/ rnam pa gang dang rkyen gang gis rang sangs rgyas rnams nges par 'byung bar 'gyur ba'i rnam pa de dag dang / rkyen de dag byang chub sems dpas yang dag pa ji lta ba bzhin du rab tu shes te/ de dag gang zhe na/ 'di 
lta ste/ 'dun pa dang / brtson 'grus dang / bag yod pa chen pos nyan thos kyi lta bu ma yin pa'i sbyin pa'i bsod nams kyi tshogs sogs pa dang / tshul khrims kyi bsod nams kyi tshogs sogs pa dang / thos pa nyung ba la chos kyi nan tan byed pa dang / sangs rgyas bcom 
ldan 'das rnams la rim gro dang / bsnyen bkur byed pa la yang zhum pa med pa dang / dbang po bar ma dang / rtag tu rab tu 'byung ba la gzhol ba dang / don nyung ba dang / byed pa nyung ba dang / 'du 'dzi la mi dga' zhing dben pa la dga' ba dang / rab tu dben par gnas mal 
'cha' ba dang / bsnyen par dga' ba dang / mthu che ba dang / sbyin pa'i gnas kyi sa la mngon par dga' ba dang / rgyun mi 'chad par rten cing 'brel par 'byung ba la lta ba dang / nges par 'byung ba'i dbyings gcig la rtog pa dang / rang byung gi ye shes kyis rab tu rgal 
ba dang / dmigs pa la 'jug pa 'thob pa dang / bsam gtan dang / rnam par thar pa dang / ting nge 'dzin dang / snyoms par 'jug pa rgyun ma chad pa dang / gzhan gyi dring la mi 'jog pa'i ye shes skyed pa dang / dmigs pa gang yang rung ba la rkyen gyi ye shes rtogs 
pa ste/ gang de ltar 'chad pa dang / ston pa dang / rab tu ston pa 'di ni byang chub sems dpa'i rang sangs rgyas kyi theg pa la mkhas pa zhes bya'o/ /de la byang chub sems dpa'i theg pa chen po la mkhas pa gang zhe na/ byang chub sems dpa'i theg pa chen po la mkhas pa 

</font><hr>60-1-128a<br><font size=+1>

ni dpag tu med de/ de las phyogs tsam zhig bstan to/ /theg pa de ni sems can thams cad kyi go skabs 'byed pas na dpag tu med pa'o/ /theg pa de ni chags pa med pa'i ye shes la btang ba ste sgrib pa med pa'o/ /theg pa de ni sems can thams cad 
nye bar 'cho ba ste/ bsod nams kyi tshogs dang / dge ba'i rtsa ba thams cad bsags pa'o/ /theg pa de ni sems can thams cad kyi sems kyi spyod pa la las su rung ba'i phyir pha rol tu phyin pa thams cad yongs su sbyang ba byas pa'o/ /theg pa de ni thogs pa med par byang chub 
kyi snying por 'gro bas na/ thams cad mkhyen pa'i ye shes kyi tshogs nyams su len par byed pa'o/ /theg pa de ni sems can thams cad sbyin pa'i gnas kyi phyir sems can thams cad thogs pa med pa'i 'od zer mnyam par gtong ba'o/ /theg pa de ni sangs rgyas kyi chos thams 
cad mngon sum du gyur pa'i phyir lam ngan pa'i 'jigs pa thams cad las 'das pa'o/ /theg pa de ni byang chub kyi phyogs kyi chos thams cad dang / rten cing 'brel bar 'byung ba'i rgyal mtshan dang ba dan bsgreng ba ste/ bdud dang phas kyi rgol ba dang ngan pa'i tshogs can gyi tshogs 
thams cad rab tu 'joms pa'o/ /theg pa de ni sangs rgyas kyi theg pa sgrib pa med par gyur pa ste/ mtha' dang mtha' med pa dang / rtag pa dang / chad pa dang / 'byung ba dang / 'jig pa dang / lta bar gyur pa thams cad dang / kun nas ldang ba dang / sgrib pa dang / chod 
pa dang / the tshom dang / 'gyod pa sel ba'o/ /theg pa de ni lhag pa'i bsam pa dang / snying rje chen pos phye bas na chos thams cad phun sum tshogs pa/ rin po che thams cad dang ldan pa/ phun sum tshogs pa thams cad rnyed pa/ mi slu ba'i lam du 'gro ba/ sems can 
thams cad nye bar 'tsho ba'o/ /theg pa de ni thams cad du kha na ma tho ba med pa ste/ stobs bcu dang / mi 'jigs pa dang / sangs rgyas kyi chos ma 'dres pa dang / mtshan dang dpe byad bzang po dang /lus dang / ngag dang / sems kyi rgyan gyis brgyan pa ste/ gang 'di 

</font><hr>60-1-128b<br><font size=+1>

la mkhas pa de ni byang chub sems dpa'i theg pa chen po la mkhas pa zhes bya'o/ /de la byang chub sems dpa'i chos thams cad la mkhas pa gang zhe na/ chos thams cad ces bya ba ni/ mdor na 'dus byas dang / 'dus ma byas so/ /de la byang chub sems dpas 'dus byas dang / 
'dus ma byas la mkhas par bya ste/ de la byang chub sems dpa'i 'dus byas la mkhas pa gang zhe na/ gang de dag lus kyi 'du byed dge ba dang / ngag gi 'du byed dge ba dang / yid kyi 'du byed dge ba mngon par 'dus byas pa de dag thams cad bla na med pa yang dag par rdzogs pa'i 
byang chub tu yongs su bsngo ba 'di ni byang chub sems dpa'i 'dus byas la mkhas pa zhes bya'o/ /gang yang dge ba'i lus dang / ngag dang / yid kyi 'du byed mngon par 'dus byas pa de dag thams cad byang chub la rtog pas/ thams cad mkhyen pa nyid du yongs su bsngo ba 'di ni de'i 
'dus ma byas la mkhas pa zhes bya'o/ /gzhan yang 'dus byas la mkhas pa ni pha rol tu phyin pa lnga po dag yang dag par sgrub pa ste/ lnga gang zhe na/ 'di lta ste/ sbyin pa'i pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 
'grus kyi pha rol tu phyin pa dang / bsam gtan gyi pha rol tu phyin pa ste/ 'di ni byang chub sems dpa'i 'dus byas la mkhas pa zhes bya'o/ /gang yang shes rab kyi pha rol tu phyin pa/ 'dus ma byas kyi ye shes kyi pha rol tu phyin pa lnga po dag la mi smod cing / pha rol tu phyin pa 
thams cad kyi tshogs dang / dge ba'i rtsa ba bsags pa'i phyir byang chub sems dpa'i rnam par grol ba zag pa med pa dang / thams cad mkhyen pa nyid du yongs su bsngo ba 'di ni de'i 'dus ma byas la mkhas pa zhes bya'o/ /gzhan yang 'dus byas la mkhas pa ni gang sems can thams 
cad la thogs pa med pa'i 'od zer mnyam par gtong ba'i phyir/ bsdu ba'i dngos po bzhis sems can sdud pa 'di ni byang chub sems dpa'i 'dus byas la mkhas pa'o/ /gang yang sems can med pa dang / bdag med pas mi 'dzin mi len mchog tu 'dzin par mi byed cing / bsdu 

</font><hr>60-1-129a<br><font size=+1>

ba'i dngos po la mkhas pa de yang 'dus ma byas la mos pa thams cad mkhyen pa nyid du yongs su bsngo ba 'di ni de'i 'dus ma byas la mkhas pa'o/ /gzhan yang 'dus byas la mkhas pa ni gang 'khor ba'i rgyun gyi nyon mongs pa rnams gcod pa dang / 'khor ba'i 
rgyun gyi dge ba'i rtsa ba rnams mi gcod pa dang / byang chub sgrub pa'i kun tu sbyor ba rnams kyi rgyun 'brel ba nyi tshe ba'i kun tu sbyor ba rnams kun tu mi spyad pa 'di ni 'dus byas la mkhas pa zhes bya'o/ /gang yang stong pa nyid dang / mtshan ma med pa dang / smon pa med pa'i chos rnams 
la 'dris par byed pa'i ye shes rtog pa la mkhas pa dang / byang chub gzhan gyi dring la mi 'jog cing 'dus ma byas kyang mngon sum du mi byed pa 'di ni de'i 'dus ma byas la mkhas pa zhes bya'o/ /gzhan yang 'dus byas la mkhas pa ni gang khams gsum yang spyod la/ khams 
gsum na spyod pa'i nyon mongs pa rnams kyis kyang mi gos pa 'di ni de'i 'dus byas la mkhas pa zhes bya'o/ /gzhan yang khams gsum nas nges par 'byung ba'i ye shes rab tu shes kyang nges par 'byung ba'i dbyings su yang mi ltung ba 'di ni de'i 'dus ma byas la mkhas pa'o/ /gang chos thams 
cad la mkhas pa zhes smras pa de ni thams cad mkhyen pa'i tshig bla dgas so/ /de ci'i phyir zhe na/ rtag tu dran pa dang / blo gros dang / shes rab la mkhas pas thams cad mkhyen pa'i ye shes tshad med cing mi chags pa yongs su rdzogs par byed pa'i phyir te/ de'i phyir chos thams cad la mkhas pa zhes bya'o/ /
btsun pa sha ra dwa ti'i bu/ mkhas pa brgyad po de dag gis zin pa'i byang chub sems dpa' rnams kyi shes rab mi zad pa yin no/ /gzhan yang dge ba dang mi dge ba'i chos rnams rab tu shes pa ni shes rab bo/ /nges par 'byed pa'i cha dang 'thun pa'i chos rnams la rtog pa ni 
shes rab bo/ /'phags pa'i chos mngon par gyur pas na shes rab ni tshad mar gyur pa'o/ /shes rab ni lta bar gyur pa dang / kun nas ldang ba dang / sgrib pa dang / chod pa thams cad yang dag pa ji lta ba bzhin du rab tu rtogs pa'o/ /shes rab ni 'dod pa dang / re ba 

</font><hr>60-1-129b<br><font size=+1>

dang / smon pa thams cad kyi smon lam dang bral ba'o/ /shes rab ni nyon mongs pa'i yongs su gdung ba thams cad 'jil bas na sim par byed pa'o/ /shes rab ni chos kyi kun dga' la dga' ba'i rgyun ma chad pas na mchog tu dga' bar byed pa'o/ /shes rab ni don shes pa 
mngon sum du gyur pas rton pa'o/ /shes rab ni byang chub kyi phyogs kyi chos sum cu rtsa bdun po dag gi rten to/ /shes rab ni theg pa ji lta ba bzhin du 'bras bu thob par gyur pas na thob pa'i mtshan nyid do/ /shes rab ni rang bzhin gyis ye shes snang bas na rab tu shes pa'i mtshan nyid 
do/ /shes rab ni chu bo thams cad las sgrol bas na yang dag par rab tu sgrol ba'o/ /shes rab ni yang dag par skyon med par 'dren pa'o/ /shes rab ni dge ba'i chos thams cad rab tu sdud pa'o/ /shes rab ni sngon gyi nyon mongs pa dang bag la nyal thams cad dang bar byed 
pa'o/ /shes rab ni rtse mor gyur pa'i shes rab kyi mchog go/ /shes rab ni rang byung gi ye shes rtogs pa'i phyir gya nom pa'o/ /shes rab ni khams gsum pa thams cad dang ma 'dres pa'i phyir rgyu dang bral ba'o/ /shes rab ni thabs kun gyis zin pa'o/ /shes rab ni 'phags 
pa thams cad kyis yongs su bzung ba'o/ /shes rab ni mtshan ma dang yongs su rtog pa thams cad dang bral ba'i phyir tshad gzung du med pa'o/ /shes rab ni ma rig pa dang gti mug gi mun pa thams cad dang bral bas na bag med pa'i gnyen po'o/ /shes rab ni rnal 'byor spyod 
pa'i sa la gnas pa thams cad kyi sbyor ba'o/ /shes rab ni theg pa thams cad la yang dag par zhugs pa rnams kyi 'dren pa'o/ /shes rab ni ma rig pa dang / gti mug gi mun pa dang / rab rib kyi ling tog sel bar byed pa'i phyir snang bar byed pa'o/ /shes rab ni mig 
la ji ltar mos pa rnams la mig thams cad sbyin par byed pa'o/ /shes rab ni mig dang gzugs kyi lam las yang dag par 'das pa dang / de bzhin du rna ba dang / sgra dang / sna dang / dri dang / lce dang / ro dang / lus dang / reg bya dang / yid dang / chos kyi lam 

</font><hr>60-1-130a<br><font size=+1>

las yang dag par 'das pa'i phyir gnas med pa'o/ /shes rab ni bden pa las nges par 'byung bas don dam pa'o/ /shes rab ni shin tu dul ba rnams kyi mi 'khrugs pa'o/ /shes rab ni ye shes kyi sgo rnams kyi snang ba'o/ /shes rab ni thams cad du rgyu ba ste mi 
zad pa'o/ /shes rab ni brten pa las 'jug pa mthong ba ste mi 'gal ba'o/ /shes rab ni 'dzin pa dang / nyon mongs pa'i bcings pa thams cad gcod pa'i phyir rnam par thar pa'i lam mo/ /shes rab ni nyon mongs pa thams cad dang ma 'dres pa'o/ /shes rab ni 'grogs 
pa dang / sgrib pa dang / sgrib par 'gyur ba'i chos thams cad dang lhan cig mi gnas pa'o/ /sems can thams cad kyi sems kyi spyod pa ji snyed par shes rab dang ye shes kyi las kyang de snyed do/ /sems can thams cad kyi nyon mongs pa dang / bag la nyal ji snyed par 
shes rab kyi dpyod pa'i ye shes kyang de snyed do/ /sems can thams cad kyi nyon mongs pa'i sgo ji snyed par shes rab la 'jug pa'i sgo'ang de snyed do/ /nyan thos dang / rang sangs rgyas dang / byang chub sems dpa' dang / yang dag par rdzogs pa'i sangs rgyas rnams kyi shes rab 
ji snyed pa dang / shes rab kyi gnas dang rten kyang de snyed do/ /de la byang chub sems dpas bslab par bya'o/ /btsun pa sha ra dwa ti'i bu/ de ni byang chub sems dpa' rnams kyi shes rab mi zad pa ste/ shes rab mi zad pa 'dis byang chub sems dpa' rnams ye shes mi zad pa 
thob par 'gyur ro/ /shes rab mi zad pa bstan pa'i chos kyi le'u 'di bshad pa na/ byang chub sems dpa' sngon yongs su sbyang ba byas pa sum khri nyis stong gis mi skye ba'i chos la bzod pa thob par gyur to/ /de nas byang chub sems dpa' blo gros mi zad pas/ tshe dang 
ldan pa sha ra dwa ti'i bu la 'di skad ces smras so/ /btsun pa sha ra dwa ti'i bu/ byang chub sems dpa' rnams kyi byams pa yang mi zad pa ste/ de ci'i phyir zhe na/ thug pa med pa'i phyir ro/ /byang chub sems dpa' rnams kyi byams pa ni thug pa med par shes par bya ste/

</font><hr>60-1-130b<br><font size=+1>

de dag gi byams pa nye bar sgrub pa yongs su chad pa med do/ /'di ltar sems can gyi khams ji tsam pa de tsam du byang chub sems dpa' de'i byams pa'i sems bskyed pas khyab par byed do/ /btsun pa sha ra dwa ti'i bu/ 'di lta ste/ dper na nam mkha'i khams 'dis gar yang 
ma khyab pa med do/ /btsun pa sha ra dwa ti'i bu/ de bzhin du byang chub sems dpa'i byams pa 'dis gar ma khyab pa'i sems can de gang yang med do/ /'di lta ste/ dper na sems can gyi khams ni tshad med de/ de la zad pa med do/ /de bzhin du byang chub sems dpa'i 
byams pa bsgom pa yang tshad med de/ de la zad pa med do/ /'di ltar nam mkha' mi zad pas na sems can mi zad pa'o/ /sems can mi zad pas na byams pa mi zad de/ de'i phyir skyes bu dam pa de dag gi byams pa mi zad pa zhes bya'o/ /de skad ces smras pa dang / gnas brtan 
sha ra dwa ti'i bus byang chub sems dpa' blo gros mi zad pa la 'di skad ces smras so/ /rigs kyi bu sems can gyi khams 'di ji tsam/ blo gros mi zad pas smras pa/ btsun pa sha ra dwa ti'i bu/ sa'i khams dang / chu'i khams dang / me'i khams dang / rlung gi khams ji snyed pa de 
bas kyang sems can gyi khams ches mang ngo / /smras pa/ rigs kyi bu dpe bya bar nus sam/ blo gros mi zad pas smras pa/ btsun pa sha ra dwa ti'i bu/ nus mod kyi rgyu chung ngus ni ma yin no/ /btsun pa sha ra dwa ti'i bu/ 'di lta ste/ dper na shar phyogs kyi 'jig rten gyi khams 
gang gA'i klung gi bye ma snyed dang / de bzhin du lho phyogs dang / de bzhin du nub phyogs dang / de bzhin du byang phyogs dang / de bzhin du phyogs bcu kun tu phyogs re rer yang 'jig rten gyi khams gang gA'i klung gi bye ma snyed de dag thams cad rgya mtsho chen po chus yongs su gang ba gcig tu 
gyur la/ sems can gang gA'i klung gi bye ma snyed dag 'dus te/ skra'i rtse mo brgyar gshegs pa'i chas de las chu thigs pa gcig blangs la/ de bzhin du gang na yang sems can gang gA'i klung gi bye ma snyed dag 'dus te/ bskal pa gang gA'i klung gi bye ma snyed dag na skra'i rtse 

</font><hr>60-1-131a<br><font size=+1>

mo brgyar gshegs pa'i chas chu las thigs pa gnyis blangs la/ mtshan ma bzhag pa 'di dang bgrang ba 'di lta bus bskal pa gang gA'i klung gi bye ma snyed cing sems can gang gA'i klung gi bye ma snyed dag gis skra'i rtse mo brgyar gshegs pa'i chas chu'i thigs pa re re blangs 
pas chu'i phung po de tsam zad par gyur kyang / sems can gyi khams de ni thug pa'am zad pa gang yang med do/ /btsun pa sha ra dwa ti'i bu/ de ltar sems can gyi khams tshad med de/ de dag la byang chub sems dpa'i byams pas khyab par byed do/ /btsun pa sha ra dwa ti'i bu/ 
'di ji snyam du sems/ gang gi byams pa de lta bur sgom pa'i dge ba'i rtsa ba tshad med pa de zad par nus sam/ smras pa/ rigs kyi bu de ni ma yin te/ byams pa sgom pa'i dge ba'i rtsa ba 'di 'dra ba zad par su 'dod pa de nam mkha' zad par 'dod do/ /byang chub sems dpa' gang 
gis byams pa mi zad pa 'di thos nas skrag par mi 'gyur na/ de dag kyang byams pa mi zad par 'phags par 'gyur ro/ /blo gros mi zad pas smras pa/ btsun pa sha ra dwa ti'i bu/ byams pa ni bdag srung zhing gzhan la phan par gnas pa ste/ mchog tu rtsod pa med pa dang / gnod 
sems kyi tha ba'i skyon dang / khro ba dang / khon du 'dzin pa thams cad rab tu 'joms pa'o/ /bag la nyal dang / kun nas ldang ba dang bral ba ste/ dad pa skyed cing sems can thams cad kyi 'khrul pa la nyes par mi lta'o/ /yongs su gdung ba med cing / lus dang sems bde 
ba skyed pa ste/ gzhan gyi gnod par bya ba las shin tu 'das pa'o/ /nyes pa thams cad kyi 'jigs pa dang bral ba ste/ 'phags pa'i lam dang 'thun zhing gshe ba dang / sdang ba'i sems dang ldan pa'i sems can rnams dad par byed pa/ g.yul thams cad las sgrol ba ste/ 
dbyig pa dang mtshon cha 'chang ba ma yin no/ /sems can thams cad rab tu thar bar bya ba la dga' ba/ khong khro ba thams cad dang bral ba/ tshul 'chos pa dang / kha gsag dang / thob kyis 'jal ba thams cad dang bral ba/ rnyed pa dang / bkur sti dang / tshigs su 

</font><hr>60-1-131b<br><font size=+1>

bcad pa thams cad 'byung bar byed pa/ brgya byin dang / tshangs pa dang / 'jig rten skyong ba thams cad kyis phyag byas pa/ rang gi gzi brjid kyi rgyan gyis brgyan pa/ mkhas pas rab tu bsngags pa/ byis pa thams cad srung ba/ tshangs pa'i lam dang 'thun pa/ 'dod pa'i 
khams dang ma 'dres pa/ sems can thams cad thar pa'i lam gyi mchog /theg pa thams cad yang dag par bsdus pa/ zang zing med pa'i bsod nams kyis bzung ba/ bsod nams kyi tshogs thams cad bsags pa/ rdzas las byung ba'i bsod nams bya ba'i dngos po 
thams cad kyis zil gyis mi non pa/ skyes bu chen po'i mtshan sum cu rtsa gnyis dang / dpe byad bzang po brgyad cus brgyan pa/ dbang po nyams pa dang / ma tshang ba thams cad spangs pa/ bde 'gro thams cad dang / mya ngan las 'das pa'i lam dang 'thun pa/ ngan song 
thams cad dang mi khom pa brgyad las 'das pa/ chos kyi kun dga' la mos pa/ 'dod pa dang longs spyod kyi dbang phyug la mngon par dga' ba med pa/ sems can thams cad la sems snyoms pa/ sbyin pa'i sbyor ba tha dad pa dang bral ba/ tshul khrims dang bslab pa thams 
cad kyi sgo dang / tshul khrims 'chal pa thams cad yongs su skyob pa/ bzod pa'i stobs ston pa dang / nga rgyal dang / rgyags pa dang / dregs pa thams cad dang bral ba/ 'phags pa rnams 'jug pa'i bsam gtan dang / ting nge 'dzin dang / snyoms par 'jug pa'i rtsa ba mi 'khrugs pa'i brtson 'grus 
brtsams shing yang dag par sbyor ba/ bya ba thams cad las yang dag par sgrol ba/ bsam gtan dang / rnam par thar pa dang / ting nge 'dzin dang / snyoms par 'jug pas nyon mongs pa thams cad las nges par 'byung ba/ gsang sngags dang thos pa 'dzin pas nges par sems pa'i 
shes rab kyi rgyu skyed pa/ rang gi phyogs dang gzhan gyi phyogs la nges pa/ bdud kyi phyogs dang / nyon mongs pa rnams bsal ba/ 'grogs na bde ba/ bsnyen bkur dang 'jug pa'i rgyu 'thun pa la sems pa/ spyod lam srung bar byed pa/ rgod pa thams cad las 'das pa/ nga 

</font><hr>60-1-132a<br><font size=+1>

rgyal gyi las sel ba/ ngo tsha shes pa dang / khrel yod pas byugs shing dri zhim pa ste/ bag chags dang mtshams sbyor ba dang / nyon mongs pa'i dri nga ba sbyong ba'o/ /btsun pa sha ra dwa ti'i bu/ byams pa ni sems can thams cad yongs su skyob pa ste/
byams pa chen po ni bdag gi bde ba gtong zhing / sems can rnams la bde ba sbyin pa'o/ /nyan thos rnams kyi byams pa ni bdag skyob pa'o/ /byang chub sems dpa' rnams kyi byams pa chen po ni sems can thams cad yongs su skyob pa'o/ /btsun pa sha ra dwa ti'i bu/ byams 
pa ni chu bo las sgrol ba'o/ /btsun pa sha ra dwa ti'i bu/ byams pa ni gsum po 'di dag ste/ gsum gang zhe na/ 'di lta ste/ sems can la dmigs pa'i byams pa dang / chos la dmigs pa'i byams pa dang / dmigs pa med pa'i byams pa'o/ /de la sems 
can la dmigs pa'i byams pa ni sems dang po bskyed pa'i byang chub sems dpa' rnams kyi'o/ /chos la dmigs pa'i byams pa ni spyod pa la zhugs pa'i byang chub sems dpa' rnams kyi'o/ /dmigs pa med pa'i byams pa ni mi skye ba'i chos la bzod pa thob pa'i byang chub 
sems dpa' rnams kyi ste/ btsun pa sha ra dwa ti'i bu/ 'di ni byang chub sems dpa' rnams kyi byams pa mi zad pa zhes bya'o/ /btsun pa sha ra dwa ti'i bu/ gzhan yang byang chub sems dpa' rnams kyi snying rje chen po yang mi zad pa ste/ de ci'i phyir zhe na/ sngon du 
'gro ba'i phyir ro/ /btsun pa sha ra dwa ti'i bu/ 'di lta ste/ dper na dbugs dbyung ba dang rngub pa ni skyes bu chen po'i srog gi dbang po'i sngon du 'gro ba'o/ /de bzhin du theg pa chen po yang dag par bsgrub pa'i phyir/ byang chub sems dpa'i snying rje chen po ni sngon du 'gro ba'o/ /'di lta ste 
dper na 'khor los sgyur ba'i rgyal po'i 'khor lo rin po che ni rin po che sna bdun gyi sngon du 'gro ba'o/ /de bzhin du byang chub sems dpa' rnams thams cad mkhyen pa'i ye shes yang dag par sgrub pa la snying rje chen po ni sngon du 'gro ba'o/ /'di lta ste dper na/ tshong dpon nam/ khyim 

</font><hr>60-1-132b<br><font size=+1>

bdag bu gcig pa la snying thag pa nas sdug par 'dzin pa de bzhin du snying rje chen po la rab tu gnas pa'i byang chub sems dpa' sems can thams cad la snying thag pa nas sdug par 'dzin pa yin no/ /btsun pa sha ra dwa ti'i bu/ snying rje chen po zhes bya ba ni/ 'di bdag nyid kyis bya 
bas na/ de'i phyir snying rje chen po zhes bya'o/ /rang gi bya bas na snying rje chen po'o/ /gzhan gyi skabs mi rnyed pas na snying rje chen po'o/ /g.yo med pa las byung bas na/ snying rje chen po ni bsam pa thag pa nas bya ba'o/ /sgyu med pa las byung bas na snying rje chen po ni sbyor ba'o/ /
phyir mi ldog pa las byung bas na/ snying rje chen po ni lhag pa'i bsam pas bya ba'o/ /ma bcos pa las byung bas na/ snying rje chen po'i rang bzhin rig pa'o/ /lam drang po nas byung bas na/ snying rje chen po ni rang bzhin gyis yongs su dag pa'o/ /gsal ba las byung bas na/ 
snying rje chen po ni sems gya gyu med pa'o/ /sems can thams cad la 'dud pa las byung bas na/ snying rje chen po ni nga rgyal med pa'o/ /sems can tshad med pa'i phyir snying rje chen po ni tshad med pa 'byung ba'o/ /de bzhin gshegs pa'i sku 'thob pa las byung bas na/ snying rje 
chen po ni bdag gi lus la mi lta ba'o/ /sdig pa thams cad mi bya ba las byung bas na/ snying rje chen po ni srog la yid mi rton pa'o/ /byang chub kyi sems las byung bas na/ snying rje chen po ni pha rol srung ba'o/ /rang gi sems yongs su dag pa las byung bas na/ snying 
rje chen po ni sems can srung ba'o/ /sems can thams cad kyi sdug bsngal sel ba las byung bas na/ snying rje chen po ni dbul po dang / sdug bsngal ba dang / mgon med pa la lta ba'o/ /blo mi 'gyur ba las byung bas na/ snying rje chen po ni dam bcas pa la brten pa'o/ /
bdag dang / sangs rgyas dang / lha rnams mi slu ba las byung bas na/ snying rje chen po ni bden pa la lta ba'o/ /legs par byas pa'i las las byung bas na/ snying rje chen po ni spyod pa dag pa'o/ /pha rol la bde ba rab tu sbyin pa las byung bas na/ snying rje chen po ni bdag 

</font><hr>60-1-133a<br><font size=+1>

gi bde ba gtong ba'o/ /sred pa med pa las byung bas na/ snying rje chen po ni gzhan gyi bde ba skyed pa'o/ /brtson 'grus brtan pa rtsom pa las byung bas na/ snying rje chen po ni sems can thams cad kyi khur khyer ba'o/ /sems can gyi mthu chung ba'i nyes pa dang du len 
pa las byung bas na/ snying rje chen po ni bla ma'i bzod pa yang dag par blangs pa'o/ /sems can na ba rnams la rim gro byed pa las byung bas na/ snying rje chen po ni chags pa dang smad pa sel ba'o/ /dman pa la mos pa'i sems can yongs su smin par bya ba las byung bas na/ snying 
rje chen po ni chos kyi dbang phyug thob pa'o/ /pha rol gyi yon tan brjod pa las byung bas na/ snying rje chen po ni rang gi yon tan mi spyoms pa'o/ /zag pa med pa'i bde ba 'dod pa las byung bas na/ snying rje chen po ni sdug bsngal thams cad la ji mi snyam pa'o/ /las legs 
par byas te mi 'gyod pa las byung bas na/ snying rje chen po ni sdug cing phongs pa'i dngos po yongs su gtong ba'o/ /tshul khrims 'chal pa'i sems can rnams srung ba las byung bas na/ snying rje chen po ni tshul khrims legs par bsrungs pas byung ba'o/ /rdo rje'i lus 'thob 
pa las byung bas na/ snying rje chen po ni lus la gnod par byas pa dang du len pa'o/ /lus dang srog la mi lta ba las byung bas na/ snying rje chen po ni sems can yongs su smin par byed pa'o/ /yan lag dang nying lag yongs su gtong ba las byung bas na/ snying rje chen po ni 
mi lta ba'o/ /rang gi dge ba'i rtsa ba mi 'dod pa las byung bas na/ snying rje chen po ni sems can pha rol po'i dge ba'i rtsa ba skyed pa'o/ /phyir yang 'dod pa'i khams su dmigs pa las byung bas na/ snying rje chen po ni bsam gtan gyi ro mi myang ba'o/ /chags pa med pa'i ye 
shes snang ba las byung bas na/ snying rje chen po ni kun nas snang ba'o/ /dge ba'i rtsa ba dang tshogs kun la mi smod pa las byung bas na/ snying rje chen po ni shes rab la mi ltos pa'o/ /sems can thams cad kyi bsam pa rdzogs par bya ba las byung bas na/ snying rje chen po ni 

</font><hr>60-1-133b<br><font size=+1>

kun tu bkye ba'o/ /sngon gyi smon lam mi gtong ba las byung bas na/ snying rje chen po ni sems can thams cad rab tu thar bar byed pa'o/ /'dus byas la sems can yongs su smin par bya ba las byung bas na/ snying rje chen po ni 'dus ma byas la mi reg pa'o/ /sangs rgyas 
kyi tshul khrims la sems can rnams rab tu 'god pa las byung bas na/ snying rje chen po ni tshul khrims 'chal pa'i sems can rnams la lta ba'o/ /btsun pa sha ra dwa ti'i bu/ de ltar byang chub sems dpa'i nges par 'byung ba gang ci yang rung ste/ de dag thams cad snying rje 
chen po las skyes pa ste/ de'i phyir snying rje chen po zhes bya'o/ /'di ltar sbyin par byed pa dang / tshul khrims su byed pa dang / bzod par byed pa dang / brtson 'grus su byed pa dang / bsam gtan du byed pa dang / shes rab tu byed pa dang / thabs su byed pa dang / byang 
chub kyi phyogs kyi chos thams cad byed pa ni snying rje chen po'o/ /bdag gi byed pa dang / rang 'byung gi ye shes sgrub par byed pa dang / legs par bya ba byed pa dang / 'gyod pa med par byed pa dang / gdon mi za bar byed pa ni snying rje chen po'o/ /sems can thams cad kyi bya ba ci yod 
ces so sor nye bar gnas pa las byung bas na/ de'i phyir snying rje chen po zhes bya'o/ /btsun pa sha ra dwa ti'i bu/ 'di ni byang chub sems dpa' rnams kyi snying rje chen po mi zad pa zhes bya'o//   //bam po lnga pa/ btsun pa sha ra dwa ti'i bu/ gzhan yang byang 
chub sems dpa' rnams kyi dga' ba chen po yang mi zad pa ste/ de la dga' ba chen po yang gang zhe na/ gang sangs rgyas kyi chos rnams dran pa dang / rjes su dran pa dang / dga' ba dang / mos pa dang / mchog tu dga' ba dang / sems ma gong zhing mi rdzi ba dang / sred pa med pa 
dang / 'dod pa'i dga' ba thams cad gtong ba dang / chos kyi dga' ba thams cad kyi rten dang / sems mchog tu dga' ba dang / lus rab tu sim pa dang / sangs rgyas la dga' zhing yi rangs pa dang / de bzhin gshegs pa'i sku la dga' zhing mos pas/ mtshan dang 

</font><hr>60-1-134a<br><font size=+1>

dpe byad bzang po'i rgyan tshol ba la mkhas pa dang / dge ba'i chos mnyan pas mi skyo ba dang / de kho na'i chos la rton pa'i nan tan dang / dga' ba dang / dad pa dang / mchog tu dga' ba dang / rab tu dga' bas chos la mos pa dang / rtag tu rgyun mi 'chad par 
sems can rnams la khong khro ba med pa'i blo dang / sangs rgyas kyi chos tshol ba la shin tu 'dun pa dang / chos 'dun pa de yang mi 'dor ba dang / sangs rgyas kyi chos rgya chen po dag la mos shing rnam par grol ba dang / nyi tshe ba'i theg pa bsal te sems bskyed pa dang / ser sna 
med pas ma zhum par sems bskyed pa dang / slong ba la sbyin pa byin nas 'khor gsum yongs su dag par sbyangs pa dang / sbyin pa la mchog tu dga' ba dang / tshul khrims dang ldan pa rnams la dad pa dang / tshul khrims 'chal pa rnams la rjes su 'dzin cing byams pa dang / 
rang gi tshul khrims yongs su dag pas ngan 'gro'i 'jigs pa thams cad las shin tu 'da' bar dbugs 'byin pa dang / de bzhin gshegs pa'i tshul khrims la yongs su sngo ba dang / brtan zhing mi phyed pa dang / pha rol ngan du brjod pa dang / ngan du smra ba'i tshig gi lam la khong 
khro ba med pa'i sems kyis bzod cing des pa dang / nga rgyal med pa dang / bla ma la 'dud cing ri mor byed pa dang / rtag tu 'dzum pa'i bzhin dang / khro gnyer med pa dang / gsong por smra ba dang /tshul 'chos pa med pa dang / kha gsag med pa dang / thob kyis 'jal ba 
med pa dang / bsam pa dag pa dang / brlang med pa dang / gya gyu med pa dang / thams cad la phan yon du lta ba dang / skyon med par lta ba dang / ltung ba mi gleng ba dang / yang dag par dga' bar 'gyur ba'i chos kyi rjes su 'jug pa dang / byang chub sems dpa' rnams la 
ston pa ltar phangs su 'dzin pa dang / chos rnams la bdag bzhin du phangs su 'dzin pa dang / de bzhin gshegs pa rnams la srog bzhin du phangs su 'dzin pa dang / bla ma rnams la pha ma bzhin du phangs su 'dzin pa dang / sems can rnams la bu bzhin du phangs su 'dzin pa 

</font><hr>60-1-134b<br><font size=+1>

dang / mkhan po dang slob dpon rnams la sangs rgyas bzhin du phangs su 'dzin pa dang / nan tan rnams la yan lag gi dam pa mgo bzhin du phangs su 'dzin pa dang / pha rol tu phyin pa rnams la rkang lag bzhin du phangs su 'dzin pa dang / chos smra ba rnams la rin po che thams 
cad bzhin du phangs su 'dzin pa dang / sangs rgyas kyi chos thams cad la yid bzhin gyi nor bu bzhin du phangs su 'dzin pa dang / rjes su bstan pa rnams la dga' ba'i rtsed mo bzhin du phangs su 'dzin pa dang / chog shes pa rnams la nad med pa bzhin du phangs su 'dzin pa dang / 
chos btsal ba rnams la sman bzhin du phangs su 'dzin pa dang / skul zhing dran par byed pa rnams la sman pa bzhin du phangs su 'dzin pa ste/ btsun pa sha ra dwa ti'i bu de ltar gang dbang po thams cad la dbang po ma gong ba 'di ni dga' ba chen po zhes bya'o/ /dga' ba chen po zhes bya ba 
ni rtogs pa'i ye shes kyi phyir zhi ba'i rnam pa'o/ /mi rgod pa'i phyir rab tu zhi ba'i rnam pa'o/ /khengs pa ma yin pa'i phyir shin tu sbyangs pa'i rnam pa'o/ /rnam par mi g.yeng ba'i phyir dbang po dga' ba'i rnam pa'o/ /mi nyams pa'i phyir brtul zhugs kyi rnam pa'o/ /'dod pa'i phyir 
nges pa'i rnam pa'o/ /bka' blo bde ba'i phyir thos pa'i rnam pa'o/ /sems las su rung ba'i phyir nye bar zhi ba'i rnam pa'o/ /las legs par byas pa'i phyir dga' ba'i rnam pa'o/ /kha na ma tho ba med pa'i phyir mi 'gyod pa'i rnam pa'o/ /ma g.yos pa'i phyir shin tu gnas pa'i 
rnam pa'o/ /mi gnas pa'i phyir ma g.yos pa'i rnam pa'o/ /thul bar dka' ba'i phyir bsnyen dka' ba'i rnam pa'o/ /chud mi za ba'i phyir don gyi rnam pa'o/ /ma nor ba de bzhin nyid kyi phyir bden pa'i rnam pa'o/ /de byed pa'i phyir kho na'i rnam pa'o/ /stobs kyi phyir spro ba'i 
rnam pa'o/ /mi rdzi ba'i phyir stobs kyi rnam pa'o/ /sangs rgyas kyi chos thams cad yang dag pa ji lta ba bzhin du tshol bas mi skyo ba'i phyir/ sangs rgyas kyi chos yongs su rdzogs par byed pa'i rnam pa ste/ btsun pa sha ra dwa ti'i bu/ 'di ni byang chub sems dpa' rnams kyi 

</font><hr>60-1-135a<br><font size=+1>

dga' ba chen po mi zad pa zhes bya'o/ /btsun pa sha ra dwa ti'i bu/ gzhan yang byang chub sems dpa' rnams kyi btang snyoms kyang mi zad pa'o/ /de la byang chub sems dpa' rnams kyi btang snyoms rnam pa gsum ste/ rnam pa gsum gang zhe na/ 'di lta 
ste/ nyon mongs pa la btang snyoms pa dang / bdag dang gzhan srung ba'i phyir btang snyoms pa dang / dus dang dus ma yin pa la btang snyoms pa'o/ /de la nyon mongs pa la btang snyoms pa gang zhe na/ bsti stang du byas pas mtho bar mi sems pa dang / bsti stang du ma byas 
pas dma' bar mi sems pa dang / rnyed pa dag la rlom sems med pa dang / ma rnyed pa dag la yi chad pa med pa dang / snyan pa dag la mngon par dga' ba med pa dang / mi snyan pa dag la zhum pa med pa dang / smad pas sro shi bar mi 'gyur ba dang / bsngags pa la chos nyid 
rab tu gnas pa dang / sdug bsngal dag la so sor rtog pa'i stobs dang / bde ba dag la mi rtag pa dang / sdug bsngal bar rtog pa'i stobs dang / rjes su chags pa 'dor ba dang / khong khro ba spong bas mdza' ba dang / mi mdza' ba dag la sems mnyam pa dang / tshul 
khrims dang ldan pa dang / tshul khrims 'chal pa rnams la blo mnyam pa dang / legs par byas pa dang nyes par byas pa rnams la yang gnyis su mi byed pa dang / sdug pa dang mi sdug par mi lta ba dang / legs par thos pa dang nyes par thos pa la mi mjed pa dang / legs 
par smras pa dang nyes par smras pa la bag la nyal ba med pa dang / ro myang ba'i nyes dmigs rnams la mtshungs par yongs su 'jal ba dang / sems can thams cad la bsam pa mnyam pa dang / lus dang srog la mi lta ba dang / rab dang / 'bring dang / tha ma rnams la 'od zer mnyam 
pa dang / bsngags pa dang bsngags pa ma yin pa rnams la sems mnyam pa dang / bden pa dang mi bden pa rnams la rang gi sems yongs su dag pa ste/ btsun pa sha ra dwa ti'i bu/ de ltar gang bsti stang du byed pa dang / gnod par byed pa la mthon dman du mi sems shing 

</font><hr>60-1-135b<br><font size=+1>

de la byang chub sems dpa' btang snyoms pa yin te/ btsun pa sha ra dwa ti'i bu/ 'di ni byang chub sems dpa' rnams kyi nyon mongs pa la btang snyoms pa zhes bya'o/ /de la byang chub sems dpa' rnams kyi bdag dang gzhan srung ba'i btang snyoms pa gang zhe na/ 'di la byang chub 
sems dpa'i lus dang / yan lag dang / nying lag rnams bcad kyang khong khro bar mi byed cing mi tshol te btang snyoms pa yin no/ /lus kyi rnam par 'gyur ba dang / ngag gi rnam par 'gyur ba las kyang rung ste gnyi ga la bzod pas na/ de'i phyir btang snyoms zhes bya'o/ /mig 
gi rnam pas kyang rma mi phyin/ gzugs kyi rnam pas kyang rma mi phyin te/ gnyi gas kyang rma mi phyin to/ /de bzhin du rna bas ma yin/ sgras ma yin/ snas ma yin/ dris ma yin/ lces ma yin/ ros ma yin/ lus kyis ma yin/ reg byas ma yin/ yid kyi rnam 
pas kyang rma mi phyin/ chos kyi rnam pas kyang rma mi phyin te/ de'i phyir btang snyoms zhes bya'o/ /rma mi phyin cing nyams pa med pas de'i phyir btang snyoms zhes bya'o/ /rma phyung ba la rma mi phyin pas de'i phyir btang snyoms zhes bya'o/ /bdag dang gzhan dang gnyi ga srung bas de'i phyir 
btang snyoms zhes bya'o/ /phan par byed pa dang gnod par byed pa la mnyam par sbyor bas de'i phyir btang snyoms zhes bya'o/ /btang snyoms ni mchog tu rtsod pa med pa'o/ /btang snyoms ni rang gi sems la nges par sems pa'o/ /btang snyoms ni gzhan gyi sems srung ba'o/ /btang 
snyoms ni bdag la rtog pa'o/ /btang snyoms ni sems can gzhan dag la gnod pa med pa'o/ /btang snyoms ni byang chub sems dpa'i mnyam par bzhag pa'i gnas skabs yin te/ 'di ni byang chub sems dpa'i bdag dang gzhan srung ba'i btang snyoms zhes bya'o/ /de la 
byang chub sems dpa'i dus dang dus ma yin pa la btang snyoms pa gang zhe na/ sangs rgyas bcom ldan 'das rnams ni byang chub sems dpas thams cad btang snyoms bya bar bka' mi stsol to/ /de ci'i phyir zhe na/ byang chub sems dpas rtag tu bdag dang gzhan gyi dge ba'i 

</font><hr>60-1-136a<br><font size=+1>

chos btsal ba la brtson zhing 'bad par bya ba'i phyir te/ des dus dang dus ma yin par btang snyoms par bya'o/ /de la dus dang dus ma yin pa'i btang snyoms gang zhe na/ snod ma yin pa dang nyan par mi 'dod pa'i sems can rnams la btang snyoms pa dang / ma rnyed 
pa dang / smad pa dang / mi snyan pa dang / sdug bsngal ba la btang snyoms pa dang / sems can nyan thos kyi theg pa can skyon med pa la zhugs pa rnams la btang snyoms pa dang / sbyin pa'i dus na tshul khrims brtul ba'i btang snyoms dang / tshul khrims kyi dus na sbyin pa 
brtul ba'i btang snyoms dang / bzod pa'i dus na brtson 'grus brtul ba'i btang snyoms dang / brtson 'grus kyi dus na bsam gtan brtul ba'i btang snyoms dang / bsam gtan gyi dus na sbyin pa la chags pa brtul ba'i btang snyoms dang / shes rab kyi dus na pha rol tu phyin pa 
lnga la dmigs pa brtul ba'i btang snyoms te/ 'di ni dus dang dus ma yin pa la btang snyoms pa zhes bya'o/ /de ltar gang mi bya ba'i chos rnams mi byed pa 'di ni btang snyoms zhes bya ste/ de dang de la mi rtsol ba'o/ /gang gdon mi za ba'i chos rnams la mi 'jug pa med pa dang / 
brtson 'grus dang / stobs dang / mos pa dang / mthu dang / brtson pa mi 'dor ba ste/ dge ba'i chos de dang de dag yongs su rdzogs par byed pa 'di ni/ btsun pa sha ra dwa ti'i bu/ byang chub sems dpa' rnams kyi btang snyoms mi zad pa zhes bya'o/ /btsun pa sha ra dwa ti'i 
bu/ gzhan yang byang chub sems dpa' rnams kyi mngon par shes pa lnga yang mi zad pa ste/ lnga gang zhe na/ 'di lta ste/ lha'i mig dang / lha'i rna ba dang / pha rol gyi sems shes pa dang / sngon gyi gnas rjes su dran pa dang / rdzu 'phrul bya ba shes pa'o/ /de la byang 
chub sems dpa' rnams kyi lha'i mig gang zhe na/ gang lha thams cad kyi lha'i mig dang / gang klu thams cad dang / gnod sbyin thams cad dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa 

</font><hr>60-1-136b<br><font size=+1>

thams cad kyi lha'i mig dang / gang slob pa dang mi slob pa'i nyan thos thams cad kyi lha'i mig dang / gang rang sangs rgyas thams cad kyi lha'i mig de dag pas byang chub sems dpa' thams cad mkhyen pa nyid las nges par byung ba/ rgya chen po las nges par byung ba rnams kyi lha'i mig 
ni ches mchog go/  /ches dam pa'o/ /ches rab bo/ /ches phul lo/ /ches gsal lo/ /ches bzang ngo / /ches stobs dang ldan no/ /ches 'od gsal te/ lha'i mig des phyogs bcu'i 'jig rten gyi khams mtha' yas mu med pa dag na gzugs su snang ba rags 
pa'am/ phra ba'am/ bzang po'am/ ngan pa'am/ rgyang ring po'am/ thag nye ba gang ci yang rung ste/ de dag thams cad de dag gi lha'i mig des rig cing snang la shin tu rtogs/ shin tu rig /shin tu mthong ste/ phyogs bcu'i 'jig rten gyi khams mtha' yas 
mu med pa dag na sems can gzugs med pa ma gtogs pa'i sems can gang dag 'gro ba thams cad du skyes pa de dag thams cad kyi 'chi 'pho dang skye ba yang dag pa ji lta ba bzhin shes so/ /de dag gi las kyi rgyu yang yang dag pa ji lta ba bzhin du shes so/ /de dag gi las kyi 'bras bu dang dbang 
po'i rim pa yang yang dag pa ji lta ba bzhin du shes so/ /phyogs bcu'i 'jig rten gyi khams mtha' yas mu med pa dag na/ sangs rgyas bcom ldan 'das rnams kyi sangs rgyas kyi zhing gi yon tan bkod pa gang yin pa de dag thams cad mthong ste/ mthong nas kyang rang gi tshul khrims 
yongs su dag pas rang gi zhing gi yon tan bkod pa yongs su dag par bya ba'i phyir/ bsod nams dang ye shes kyi tshogs bsags pa rnams yongs su sngo ste/ tshul khrims kyi yon tan la gnas pa de dag gi yongs su bsngo ba 'grub par 'gyur ro/ /de dag gi lha'i mig des sangs rgyas 
bcom ldan 'das de dag gi byang chub sems dpa'i dge 'dun gang yin pa de dag thams cad kyang mthong ngo / /mthong nas kyang skyes bu dam pa de dag gi cho ga dang / spyod pa dang / spyod yul dang / dran pa dang / shes bzhin dang / spyod lam dang / gnas dang / mthu dang / chos dang /

</font><hr>60-1-137a<br><font size=+1>

rnam par thar pa dang / ye shes dang / rten dang / gzungs dang / spobs pa la mkhas pa dang / shes rab dang / ye shes dang / thabs la mkhas pa la 'jug pa gang yin pa de dag thams cad yongs su rdzogs par byed do/ /de dag gi mig de ni gzugs thams 
cad mthong bas na sgrib pa med do/ /de dag gi mig de ni gzugs thams cad la mi chags pas na chags pa med pa'o/ /de dag gi mig de ni bag la nyal dang / lta ba dang / kun nas ldang ba las rnam par grol ba'o/ /de dag gi mig de ni rang bzhin gyis 'od gsal bas na rnam par 
dag pa'o/ /de dag gi mig de ni yul thams cad la mi gnas pa'o/ /de dag gi mig de ni nyon mongs pa dang / bag la nyal thams cad mi skye ba'o/ /de dag gi mig de ni the tshom med pas na rab rib med pa'o/ /de dag gi mig de ni sgrib par 'gyur ba'i chos thams cad la kun nas 
ma langs pa'o/ /de dag gi mig de ni chos thams cad snang ba la gsal ba thob pa'o/ /de dag gi mig de ni ye shes la rton pa ste/ rnam par shes pa'i spyod yul ma yin no/ /de dag gi mig de ni nyon mongs pa thams cad kyis ma chags mi sdang ma rmongs pa'o/ /de dag gi mig 
de ni 'phags pa'i dbang po rnams la nges par 'byed pa'i cha dang 'thun pa'o/ /de dag gi mig de ni sems can thams cad la 'od zer mnyam par gtong bas na thogs pa med pa'i ye shes nyid dang / de dag gi mig de ni sems kyi mi dge ba'i chos dang bral bas na rnam par dag pa'o/ /de 
dag gi mig de ni rang bzhin gyis kun nas nyon mongs pa can ma yin pas dri ma med pa'o/ /de dag gi mig de ni bsam pa ma btang bas na/ sangs rgyas kyi spyan gyis mngon par bsgrubs pa'o/ /de dag gi mig de ni rjes su chags pa dang / khong khro ba dang bral ba'i phyir ma chags ma 
bcings pa'o/ /de dag gi mig de ni don gyi spyod yul gyi bden pas nye bar bsgrubs shing / chos rnam par dag pa shes pa'i lam la ma chags par spyod pa'o/ /de ci'i phyir zhe na/ 'di ltar skyes bu dam pa de dag ni snying rje chen po la gnas pa/ chos rnams rig pa/ don 

</font><hr>60-1-137b<br><font size=+1>

shin tu rtogs pa/ kha na ma tho ba med pa/ ji ltar mthong ba dang thos pa bzhin du chos smra ba/ mi dge ba bsnyil ba/ byang chub kyi snying po la mngon du phyogs pa/ sems gang du'ang thogs pa med pa/ ser sna can rnams la gtong ba dang ldan pa/ tshul khrims 'chal pa 
rnams la snying brtse ba can/ gnod sems kyi sems dang ldan pa rnams la gnod par sems pa'i sems med pa/ le lo can rnams la brtson 'grus sgrub par byed pa/ sems rnam par g.yeng ba rnams la bsam gtan gyi yan lag ston pa/ 'chal pa'i shes rab can 
rnams la shes rab kyi mig sbyin par byed pa/ lam ngan par zhugs pa rnams la lam ston pa/ dman pa la mos pa rnams la sangs rgyas kyi chos rgya chen po rtogs par byed pa/ thams cad mkhyen pa'i ye shes la 'dzud pa/ byang chub yongs su rdzogs par bya ba'i phyir/ 
mngon par shes pa ma nyams pa rnams te/ 'di ni byang chub sems dpa' rnams kyi lha'i mig gi mngon par shes pa mi zad pa zhes bya'o/ /de la byang chub sems dpa' rnams kyi lha'i rna ba'i mngon par shes pa mi zad pa gang zhe na/ gang lha thams cad kyi lha'i rna ba dang / gang klu 
thams cad dang / gnod sbyin thams cad dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang mi ma yin pa thams cad kyi lha'i rna ba dang / gang slob pa dang / mi slob pa'i nyan thos thams cad kyi lha'i rna ba dang / gang 
rang sangs rgyas thams cad kyi lha'i rna ba de dag pas/ byang chub sems dpa' thams cad mkhyen pa nyid las nges par byung ba/ rgya chen po las nges par byung ba rnams kyi lha'i rna ba ches mchog go/ /ches dam pa'o/ /ches rab bo/ /ches gsal lo/ /ches bzang ngo / /ches 
stobs dang ldan pa'o/ /ches 'od gsal te/ lha'i rna ba des phyogs bcu'i 'jig rten gyi khams mtha' yas mu med pa dag na sgrar grag pa lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi 

</font><hr>60-1-138a<br><font size=+1>

dang mi ma yin pa'i sgra rnams dang / gang yang 'phags pa'i sgra/ nyan thos dang / rang sangs rgyas dang / byang chub sems dpa' dang / yang dag par rdzogs pa'i sangs rgyas kyi sgra gang yin pa de dag thams cad de'i lha'i rna ba'i dbang po la grag par 'gyur te/ 
tha na sems can dmyal ba pa dang / dud 'gro'i skye gnas pa dang / gshin rje'i 'jig rten pa dang / sbrang bu dang / phye ma leb dang / sbur bu dang / bung ba dag gi sgra gang yin pa de dag thams cad kyang thos so/ /sems kyi dmigs pa dge ba dang / mi dge ba dang / lung 
du mi ston pa gang dag gis sems can de dag gi ngag gi las 'byung ba de dag thams cad kyang yang dag pa ji lta ba bzhin du rab tu shes so/ /ngag gi las gang dge ba'i rgyu yongs su 'dzin pa dang / ngag gi las gang mi dge ba'i rgyu yongs su 'dzin pa dang / ngag gi las gang 
lung du mi ston pa'i rgyu yongs su 'dzin pa de dag thams cad kyang yang dag pa ji lta ba bzhin du rab tu shes so/ /'dod chags bag la nyal ba'i ngag gi las gang sdang bas 'byin pa dang / 'dod chags bag la nyal ba'i ngag gi las gang rmongs pas 'byin pa dang / zhe sdang bag la nyal 
ba'i ngag gi las gang chags pas 'byin pa dang / zhe sdang bag la nyal ba'i ngag gi las gang rmongs pas 'byin pa dang / gti mug bag la nyal ba'i ngag gi las gang chags pas 'byin pa dang / gti mug bag la nyal ba'i ngag gi las gang sdang bas 'byin pa dang / 'dod chags 
bag la nyal ba'i ngag gi las gang chags pas 'byin pa dang / zhe sdang bag la nyal ba'i ngag gi las gang sdang bas 'byin pa dang / gti mug bag la nyal ba'i ngag gi las gang rmongs pas 'byin pa de dag thams cad yang dag pa ji lta ba bzhin du rab tu shes so/ /ngag gi las 
gang bsam pa dag la sbyor ba nyams pa dang / ngag gi las gang sbyor ba dag la bsam pa nyams pa dang / ngag gi las gang bsam pa'ang dag la sbyor ba'ang dag pa dang / ngag gi las gang bsam pa'ang ma dag la sbyor ba'ang ma dag pa de thams cad lha'i rna ba'i mngon par shes 

</font><hr>60-1-138b<br><font size=+1>

pa'i ye shes thogs pa med pa des yang dag pa ji lta ba bzhin du rab tu shes so/ /de dag lha'i rna ba'i mngon par shes pa'i ye shes kyis 'phags pa dang 'phags pa ma yin pa'i sgra rnams thos te/ thos nas kyang 'phags pa'i sgra rnams la rjes su chags par yang mi 'gyur/ 
'phags pa ma yin pa'i sgra rnams la khong khro bar yang mi 'gyur te/ de dag 'phags pa'i sgra rnams la byams pa chen po thob cing / 'phags pa ma yin pa'i sgra rnams la snying rje chen po 'thob bo/ /sgra thams cad la yang sngon gyi mtha' dang / phyi ma'i mtha'i bye brag 
'byed pa yang dag pa ji lta ba bzhin du rab tu shes so/ /de dag lha'i rna ba'i mngon par shes pa'i ye shes des sangs rgyas thams cad kyis gsungs pa thos te/ thos nas kyang dran pa dang / shes bzhin dang / mi brjed pa'i chos nyid kyis thams cad 'dzin to/ /bzung nas 
kyang brjed par mi byed cing snod ji lta ba bzhin du sems can rnams la dran par byed do/ /snying po dang snying po ma yin pa'i chos rnams kyang yang dag pa ji lta ba bzhin du rab tu shes so/ /de dag de bzhin gshegs pa gcig gis chos bstan pa nyan na/ de bzhin gshegs pa 
gnyis pa'i chos bstan pa la sgrib par byed pa'am/ kun nas ldang bar byed pa mi byed do/ /sangs rgyas thams cad kyi gsungs pa snga phyi med par 'dzin to/ /dge ba dang / mi dge ba dang / lung du ma bstan pa'i sgra gang dag thos pa de dag kyang dran pa dang shes bzhin gyis 
dus dus su brjod do/ /gal te 'khor gyi dus yin yang / chos bstan pa'i dus ma yin par rig na 'jog ste/ thos nas kyang mi ston to/ /chos bstan pa'i dus yin la dbang gcig gi 'khor gyi dus yin na yang thams cad la chos mi ston to/ /bden par lung 
bstan pa yang gzhan la gnod na lung mi ston to/ /mi bden pa'i lung bstan pa yang don dang ldan zhing gzhan rjes su gzung ba dang 'thun na thabs mkhas pa dang / bdag gi sems yongs su dag pas lung ston to/ /sgra ji lta bu nyan par 'dod pa de lta bu'i sgra thos te/ sgra 

</font><hr>60-1-139a<br><font size=+1>

ji lta bu nyan par mi 'dod pa de lta bu'i sgra mi thos so/ /'khor gang na chos ston pa de'i sems can thams cad kyi rna ba'i gnas kyi shes pa yang yang dag pa ji lta ba bzhin du shes te/ shes nas kyang rang bzhin de 'dra ba'i chos ston to/ /de la sems can gang dag 
chos shes par byed pa de dag ni de'i chos bstan pa thos so/ /sems can gang dag chos shes par byed pa ma yin pa de dag ni de'i chos bstan pa mi thos so/ /de dag gi rna ba'i khams de ni chos kyi dbyings shin tu rnam par dag pa yin no/ /de dag gi rna ba'i khams de ni ye shes 
rnam par dag pa yin/ de dag gi rna ba'i khams de bdag gi khams shin tu rnam par dag pa yin/ de dag gi rna ba'i khams de sems can gyi khams dang / srog gi khams dang / gang zag gi khams rnam par dag pa yin/ de dag gi rna ba'i khams de sgra dang / yi ge dang / 
nges pa'i tshig ji lta ba bzhin du thos pas shin tu brtags pa yin/ 'gro ba lngar skyes pa'i sems can thams cad gang dag sgra dang / yi ge dang / nges pa'i tshig sna tshogs smra ba de dag la skad ji lta ba bzhin du 'jug pas chos ston to/ /de dag gi lha'i rna ba'i khams de theg pa 
gzhan mi nyan pa'i phyir/ de bzhin gshegs pa'i lha'i snyan du yongs su bsngos pa yin te/ 'di ni byang chub sems dpa' rnams kyi lha'i rna ba'i mngon par shes pa mi zad pa zhes bya'o/ /de la byang chub sems dpa' rnams kyi pha rol gyi sems shes pa'i mngon par shes pa mi zad pa 
gang zhe na/ pha rol gyi sems shes pa zhes bya ba ni gang sems can thams cad kyi sngon gyi mtha'i sems shes pa dang / phyi ma'i mtha'i sems shes pa dang / da ltar byung ba'i sems shes pa'o/ /de 'das pa'i sems shes pas sems can rnams kyi sngon gyi mthas byung ba'i sems 
la 'jug ste/ sems can 'di'i sems 'di ni rgyu che'o/ /sems can 'di'i sems 'di ni rgyu 'bring ngo / /sems can 'di'i sems 'di ni rgyu chung ngo / /sems can 'di'i dbang po rnams ni sbyin pa'i rnam pa'i rgyu dang ldan no/ /sems can 'di'i dbang po rnams ni tshul khrims 

</font><hr>60-1-139b<br><font size=+1>

kyi rnam pa'i rgyu dang ldan no/ /sems can 'di'i dbang po rnams ni bzod pa'i rnam pa'i rgyu dang ldan no/ /sems can 'di'i dbang po rnams ni brtson 'grus kyi rnam pa'i rgyu dang ldan no/ /sems can 'di'i dbang po rnams ni bsam gtan gyi rnam pa'i rgyu dang ldan no/ /sems can 'di'i 
dbang po rnams ni shes rab kyi rnam pa'i rgyu dang ldan no/ /sems can 'di'i dbang po rnams ni byams pa'i rnam pa'i rgyu dang ldan no/ /sems can 'di'i dbang po rnams ni snying rje'i rnam pa'i rgyu dang ldan no/ /sems can 'di'i dbang po rnams ni dga' ba'i rnam pa'i rgyu dang ldan no/ /
sems can 'di'i dbang po rnams ni btang snyoms kyi rnam pa'i rgyu dang ldan no/ /sems can 'di'i dbang po rnams ni nyan thos kyi theg pa'i rnam pa'i rgyu dang ldan no/ /sems can 'di'i dbang po rnams ni rang sangs rgyas kyi theg pa'i rnam pa'i rgyu dang ldan no/ /sems can 'di'i dbang po 
rnams ni theg pa chen po'i rnam pa'i rgyu dang ldan no/ /sems can 'di ni rgyu'i stobs can te/ dge ba'i rtsa ba'i rgyu'i rgyun 'di dang ldan na sems can 'di sbyor ba'i rgyus rigs dma' bar skyes so/ /sems can 'di ni bsam pa dag la sbyor ba ma dag pa'o/ /sems can 'di ni 
sbyor ba dag la bsam pa ma dag pa'o/ /sems can 'di ni bsam pa yang dag la sbyor ba yang dag pa'o/ /sems can 'di ni bsam pa yang ma dag la sbyor ba yang ma dag pa'o zhes de ltar gang sems can thams cad kyi sngon gyi rgyu las byung ba'i dbang po rnams las sems kyi spyod pa 
shes pa de dag thams cad yang dag pa ji lta ba bzhin du rab tu shes te/ shes nas kyang so sor ci rigs par chos ston pa 'di ni sngon gyi mtha'i pha rol gyi sems shes pa zhes bya'o/ /de la phyi ma'i mtha'i pha rol gyi sems shes pa gang zhe na/ sems can 'di'i da ltar gyi sbyin 
pa'i rgyu ni ma 'ongs pa'i dus na 'di'i tshul khrims kyi rgyur 'gyur ro/ /sems can 'di'i da ltar tshul khrims kyi rgyu ni/ ma 'ongs pa'i dus na 'di'i bzod pa'i rgyur 'gyur ro/ /sems can 'di'i da ltar bzod pa'i rgyu ni/ ma 'ongs pa'i dus na 'di'i brtson 'grus kyi rgyur 

</font><hr>60-1-140a<br><font size=+1>

'gyur ro/ /sems can 'di'i da ltar brtson 'grus kyi rgyu ni ma 'ongs pa'i dus na 'di'i bsam gtan gyi rgyur 'gyur ro/ /sems can 'di'i da ltar bsam gtan gyi rgyu ni/ ma 'ongs pa'i dus na 'di'i shes rab kyi rgyur 'gyur ro/ /sems can 'di'i da ltar 
'jig rten pa'i shes pa dang / spyod pa'i rgyu ni ma 'ongs pa'i dus na 'di'i 'jig rten las 'das pa'i rgyur 'gyur ro/ /sems can 'di'i da ltar dbang po dman pa'i rgyu ni/ ma 'ongs pa'i dus na 'di'i theg pa chen po'i rgyur 'gyur ro zhes de ltar ma 'ongs pa'i dus na/ sems can rnams 
kyi rgyu gang dang / rkyen gang dag dang / rnam pa gang dag ma 'ongs pa'i dus na 'byung bar 'gyur ba'i sems can rnams kyi rgyu de dag dang / rkyen de dag dang / rnam pa de dag byang chub sems dpas yang dag pa ji lta ba bzhin du rab tu shes so/ /de sems can thams cad yongs su smin par 
bya ba la skyo bar mi 'gyur te/ de'i sems la 'jug pa'i shes pa dang / chos kyi snod du gyur pa ji snyed pa de snyed du chos ston to/ /'bras bu yod par chos ston pa yin te/ chos kyi gtam la ser sna mi byed pa 'di ni phyi ma'i mtha'i pha rol gyi sems shes pa zhes bya'o/ /de la da 
ltar byung ba'i pha rol gyi sems shes pa gang zhe na/ gang da ltar byung ba'i dus na sems can thams cad kyi sems dang sems las byung ba gang dag skye ba de dag thams cad byang chub sems dpas yang dag pa ji lta ba bzhin du rab tu shes te/ des 'dod chags dang bcas pa'i sems 
kyang 'dod chags dang bcas pa'i sems su yang dag pa ji lta ba bzhin du rab tu shes so/ /'dod chags dang bral ba'i sems kyang 'dod chags dang bral ba'i sems su yang dag pa ji lta ba bzhin du rab tu shes so/ /de bzhin du zhe sdang dang bcas pa dang / zhe sdang dang bral ba dang / gti 
mug dang bcas pa dang / gti mug dang bral ba dang / nyon mongs pa dang bcas pa dang / nyon mongs pa dang bral ba dang / bsdus pa dang / rnam par g.yengs pa dang / mnyam par bzhag pa dang / mnyam par ma bzhag pa dang / bying ba dang / rab tu 'dzin pa dang / rgod pa 

</font><hr>60-1-140b<br><font size=+1>

dang / mi rgod pa dang / rnam par zhi ba dang / rnam par ma zhi ba dang / rnam par grol ba dang / rnam par ma grol ba dang / rgya che ba dang / rgya che ba ma yin pa dang / chung ngu dang / yangs pa dang / chen por gyur pa dang / tshad med pa'i sems kyang tshad med pa'i sems su 
yang dag pa ji lta ba bzhin du rab tu shes te/ de ltar nyon mongs pa gang dang gang gis sems can gang dang gang gi sems bsgribs par gyur pa de dag thams cad yang dag pa ji lta ba bzhin du rab tu shes te/ shes nas kyang shes rab kyis ji ltar nyon mongs pa las nges par 'byung 
bar 'gyur bar chos ston to/ /de 'khor gang du 'gro bar thog ma nyid du 'khor de'i sems la lta ste/ bltas nas kyang so so ci rigs par chos ston to/ /de ltar gang sems can de dag gi dbang po mchog dang mchog ma yin pa shes pa de dag thams cad yang dag pa ji lta ba bzhin 
du rab tu shes so/ /rang gi sems bsgribs pa'am/ gzhan gyi sems bsgribs par mi 'gyur ro/ /de ci'i phyir zhe na/ 'di ltar byang chub sems dpa' de'i sems kyi rgyun ni ye shes kyis rig pa/ dran pas rig pa/ blo gros kyis rig pa/ rtogs pas rig pa/ shes rab 
kyis rig pa/ byang chub kyis rig pa'o/ /sems kyi rgyun ni nyon mongs pa dang bral ba/ bag chags kyi mtshams sbyor ba'i nyon mongs pa yang dag par chad pa dag pa/ dri ma med pa/ 'od gsal ba/ kha na ma tho ba med pa/ mi brlang ba/ nyon mongs pa med pa/ rnyog 
pa med pa/ chos thams cad snang bas rig pa/ sems can thams cad kyi sems kyi spyod pa la zhugs shing sems kyi rgyun shin tu rig pa ste/ de ltar gang de lta bu'i chos la sems 'bab pa shes pa la 'jug pa 'di ni byang chub sems dpa'i pha rol gyi sems shes pa'i mngon 
par shes pa mi zad pa'o/ /de la byang chub sems dpa'i sngon gyi gnas rjes su dran pa'i shes pa mngon sum du byed pa'i mngon par shes pa gang zhe na/ de dran pa des sngon gyi gnas rjes su dran te/ dran pa de ni chos kyi dbyings kyi gnas kyis shin tu byin gyis brlabs pa'o/ /

</font><hr>60-1-141a<br><font size=+1>

rab tu rig pas na mi g.yo ba'o/ /ye shes shin tu yongs su sbyang ba byas pas na mi rgod pa'o/ /zhi gnas la rab tu gnas pas na 'tshe ba med pa'o/ /lhag mthong gis shin tu zin pas na nor ba med pa'o/ /mngon sum du shes pas na gzhan gyi dring la mi 
'jog pa'o/ /dran zhing mi brjed pa'i chos can pas na dran par bya ba'o/ /theg pa chen po rab tu shes pa'i phyir bsod nams kyi tshogs bsags pa'o/ /gzhan la rag ma lus pas na ye shes kyi tshogs bsags pa'o/ /thams cad kyi pha rol tu 'gro ba'i phyir pha rol tu phyin pa 
thams cad kyi tshogs bsags pa'o/ /de dran pa des sngon gyi gnas rjes su dran te/ des tshe rabs gcig kyang rjes su dran no/ /gnyis dang / gsum dang / bzhi dang / lnga dang / bcu dang / nyi shu dang / sum cu dang / bzhi bcu dang / lnga bcu dang / tshe rabs brgya yang 
rjes su dran no/ /tshe rabs stong dang / tshe rabs brgya stong dang / tshe rabs brgya phrag du ma dang / tshe rabs stong phrag du ma dang / tshe rabs brgya stong phrag du ma dang / chags pa'i bskal pa dang / 'jig pa'i bskal pa dang / chags pa'i bskal pa du ma dang / 'jig pa'i bskal pa 
du ma dang / chags pa dang 'jig pa'i bskal pa du ma yang rjes su dran no/ /bskal pa brgya dang / bskal pa stong dang / bskal pa brgya stong dang / bskal pa brgya phrag du ma dang / bskal pa stong phrag du ma dang / bskal pa brgya stong phrag du ma yang rjes su dran te/ sems can ming che ge mo 
zhes bya ba de dag byung bar gyur pa der bdag kyang byung ste/ bdag gi ming ni 'di zhes bya/ rigs ni 'di zhes bya/ rus ni 'di zhes bya/ kha dog ni 'di 'dra/ kha zas ni 'di lta bu zhig za za/ tshe'i tshad ni 'di tsam zhig thub thub/ yun ni 'di srid cig gnas gnas/ bde ba 
dang sdug bsngal ni 'di lta bu zhig myong ngo / /bdag de nas shi 'phos nas che ge mo zhig tu skyes so/ /de nas kyang shi 'phos nas 'dir skyes te/ de ltar rnam pa dang bcas/ rgyu mtshan dang bcas/ yul phyogs dang bcas par sngon gyi gnas rnam pa mang po rjes su dran no/ /des 

</font><hr>60-1-141b<br><font size=+1>

bdag dang sems can gzhan gyi sngon gyi mtha' nas bzung ste sngon gyi gnas rjes su dran no/ /de bdag gi dge ba'i rtsa ba dang / sems can gzhan gyi dge ba'i rtsa ba sngon gyi rgyu las byung ba dran zhing bdag gi dge ba'i rtsa ba dran nas byang chub tu yongs su sngo bar byed do/ /sems can gzhan 
gyi dge ba'i rtsa ba dran nas/ sems can rnams byang chub tu sems bskyed du 'dzud do/ /gang sngon gyi 'du byed kyi sdug bsngal de yang mi rtag pa dang / sdug bsngal ba dang / stong pa nyid dang / bdag med par rton par byed do/ /des mi rtag pa dang / sdug bsngal ba dang / stong 
pa nyid dang / bdag med par rton pas gzugs kyis dregs pa med pa yin/ kha dog gis dregs pa med pa yin/ nad med pas dregs pa med pa yin/ lang tshos dregs pa med pa yin/ 'tsho bas dregs pa med pa yin/ longs spyod kyis dregs pa med pa yin/ g.yog 
'khor gyis dregs pa med pa yin/ dbang phyug gis dregs pa med pa yin/ brgya byin du 'dod pa med pa yin/ tshangs par 'dod pa med pa yin/ 'jig rten skyong bar 'dod pa med pa yin/ 'khor los sgyur bar 'dod pa med pa yin/ skye ba thams cad 'dod pa med 
pa yin no/ /'dod pa dang rgyal srid kyi dbang phyug la dbang byed pa thams cad kyang bdag la bde ba'i phyir mi 'dod de/ gzhan du na sems can yongs su smin par bya ba'i phyir/ bsams bzhin du srid par skye ba 'dzin to/ /de mi rtag pa dang / sdug bsngal ba dang / stong pa nyid 
dang / bdag med par rton pas sngon gyi kun nas nyon mongs pa'i spyod pas ngo tsha zhing 'dzem ste gnong zhing rnam par smod do/ /da ltar gyi tshe yang srog gi phyir yang mi bya ba mi byed cing / de sngon gyi dge ba'i rtsa ba rnams byang chub tu yongs su bsngo ste rgyas par byed do/ /da ltar byung ba'i dge 
ba'i rtsa ba yang sems can thams cad dang thun mong du yongs su bsngo'o/ /des mi 'thun par yongs su sngo ba spangs te/ sangs rgyas kyi rigs dang / chos kyi rigs dang / dge 'dun gyi rigs rgyun mi 'chad pa dang / thams cad mkhyen pa'i phyir yongs su bsngo ste/ 'di ni 

</font><hr>60-1-142a<br><font size=+1>

byang chub sems dpa' rnams kyi sngon gyi gnas rjes su dran pa shes pa mngon sum du byed pa'i mngon par shes pa mi zad pa'o/ /de la byang chub sems dpa' rnams kyi rdzu 'phrul bya ba shes pa mngon par shes pa gang zhe na/ gang 'dun pa dang / brtson 'grus 
dang / sems dang / dpyod pas rab tu zin pa'i chos rnams sgrub pa dang / las su rung ba dang / dbang byed pas des rdzu 'phrul gyi rkang pa bzhi po 'di dag shin tu bsgoms pa'i phyir mngon par 'du byed pa med pa'i rdzu 'phrul mngon du thob par 'gyur te/ de rdzu 'phrul gyi cho 'phrul rnam 
pa du ma myong bar 'gyur ro/ /de'i rdzu 'phrul gyi cho 'phrul de dag ni sems can la blta ba'i phyir/ rgya cher sems can yongs su smin par byed par 'gyur te/ de'i rdzu 'phrul gyi cho 'phrul gang gis sems can gdul bar bya ba'i rdzu 'phrul gyi cho 'phrul de dang de sems can rnams la nye 
bar ston te/ gzugs su'am/ stobs su'am/ byin gyi rlabs su yang rung ste/ de gzugs dang kha dog tu snang ba gang dang gang gis sems can 'dul bar 'gyur ba'i gzugs dang kha dog tu snang ba de dang de nyid sems can rnams la nye bar ston to/ /sangs rgyas kyi gzugs 
dang kha dog tu snang ba'am/ byang chub sems dpa'i gzugs dang kha dog tu snang ba'am/ rang sangs rgyas kyi gzugs dang kha dog tu snang ba'am/ nyan thos kyi gzugs dang kha dog tu snang ba'am/ brgya byin gyi gzugs dang kha dog tu snang ba'am/ 'jig rten skyong ba'i gzugs dang 
kha dog tu snang ba'am/ 'khor los sgyur ba'i gzugs dang kha dog tu snang ba'am/ de bzhin du khyab 'jug dang / skem byed dang / dbang phyug chen po dang / tshangs pa dang / skye dgu'i bdag po'i gzugs dang kha dog tu snang ba'am/ gang de ma yin pa'i gzugs dang kha 
dog tu snang ba tha na dud 'gro'i skye gnas kyi gzugs dang kha dog tu snang ba gang dang gang gis sems can 'dul bar 'gyur ba'i gzugs dang kha dog tu snang ba de dang de nyid ston te/ mos pa ji lta ba bzhin du sems can rnams la chos ston to/ /de stobs gang dang gang gis stobs snyems 

</font><hr>60-1-142b<br><font size=+1>

pa dang / khro ba dang / nga rgyal dang / rgyags pa dang / dregs pa'i shas che ba'i sems can rnams gdul bar bya ba'i stobs de dang de nyid ston te/ yang na brgya byin gyi stobs sam/ yang na tshangs pa'i stobs sam/ yang na 'jig rten skyong ba'i stobs sam/ yang na 
'khor los sgyur ba'i stobs sam/ yang na tshan po che'i stobs sam/ yang na sred med kyi bu'i stobs kyi bzhi cha'am/ yang na sred med kyi bu'i stobs kyi phyed dam/ yang na sred med kyi bu'i stobs kyang rung ste/ byang chub sems dpa'i stobs gang dang ldan pas sor mo 
gsum gyis ri'i rgyal po ri rab bteg ste/ 'phang du dpag tshad 'bum drug khri bzhi stong tsam la rgyar dpag tshad brgyad khri bzhi stong du 'phangs pa'ang 'di lta ste/ dper na skyu ru ra'i 'bras bu gcig bzhin du 'jig rten gyi khams gzhan du 'phangs kyang / byang chub sems 
dpa' de'i stobs la nyams pa med do/ /stong gsum gyi stong chen po'i 'jig rten gyi khams 'di ltar rgya che ba/ 'di ltar yangs pa chu'i khams nas bzung ste/ steng du 'og min gyi bar la thug pa 'di lag mthil gyi steng du bzhag ste/ bskal pa'am/ bskal pa las 
lhag par 'dug la/ spyod lam thams cad kyang ston te/ byang chub sems dpa' de lta bu'i stobs dang / sems can stobs snyems shing khro ba dang / nga rgyal dang / rgyags pa dang / dregs pa'i shas che ba rnams la stobs snyems pa dang / khro ba dang / nga rgyal dang / 
dregs pa gdul ba'i phyir chos ston to/ /de rdzu 'phrul gyi rkang pa de dag gi byin gyi rlabs kyis ye shes 'thob bo/ /byang chub sems dpa'i byin gyi rlabs kyis ye shes de dag gang dang gang la byin gyis brlabs pa de de kho na bzhin du 'gyur te/ des gal te rgya mtsho chen po la ba lang gi 
rjes tsam du gyur cig ces ba lang gi rjes su byin gyis brlabs na ba lang gi rjes tsam du 'dug go/ /ba lang gi rjes kyang rgya mtsho chen por gyur cig ces byin gyis brlabs na rgya mtsho chen po nyid du 'dug go/ /gal te sreg pa'i bskal pa chu'i phung por gyur cig ces byin gyis brlabs na de 

</font><hr>60-1-143a<br><font size=+1>

chu'i phung po nyid du 'dug go/ /chu'i phung po yang me'i phung por gyur cig ces byin gyis brlabs na me'i phung po nyid du 'dug go/ /me'i phung po yang rlung gi phung por gyur cig ces byin gyis brlabs na de rlung gi phung po nyid du 'dug go/ /rlung gi phung po yang me'i phung por gyur 
cig ces byin gyis brlabs na de me'i phung po nyid du 'dug go/ /me'i phung po yang sa'i phung por gyur cig ces byin gyis brlabs na de sa'i phung po nyid du 'dug go/ /sa'i phung po yang me'i phung por gyur cig ces byin gyis brlabs na de me'i phung po nyid du 'dug go/ /de bzhin du tha ma dang / 
'bring dang / rab kyi chos gang dang gang byin gyi rlabs kyis byin du brlabs pa de dag de kho na bzhin du 'dug go/ /de'i byin gyi rlabs de ni sangs rgyas bcom ldan 'das rnams ma gtogs par brgya byin nam/ tshangs pa'am/ bdud dam/ bdud kyi ris kyi lha 'am/ sus 
kyang rung ste/ 'jig rten du chos dang 'thun pas sus kyang bskyod pa'am/ bsgul ba'am/ mi snang bar byed mi nus te/ sems can gyi ris na gang byang chub sems dpa'i byin gyi rlabs de la bskyod pa'am/ bsgul ba'am/ mi snang bar byed nus pa'i sems can de gang yang 
med do/ /de byang chub sems dpa'i byin gyi rlabs kyi ye shes kyi stobs bskyed pa des brjod pa sna tshogs dang / dga' ba dang / mgu ba lhur len pa'i sems can rnams la sgra ji lta ba bzhin du 'jug pas chos ston to/ /de'i rdzu 'phrul gyi rkang pa de dag kyang mngon par 'phags 
pa'o/ /rang gi kha na las pa'o/ /bdud dang / nyon mongs pa thams cad kyi yul las 'das pa'o/ /sangs rgyas kyi yul la 'jug pa'o/ /sems can thams cad la mi gnod par sbyor ba'o/ /dge ba'i rtsa ba dang tshogs bsags pa'o/ /bdud dang bdud kyi ris kyi 
lha rnams kyis mi 'phrogs pa ste/ btsun pa sha ra dwa ti'i bu/ 'di ni byang chub sems dpa' rnams kyi rdzu 'phrul bya ba shes pa'i mngon par shes pa mi zad pa ste/ btsun pa sha ra dwa ti'i bu/ 'di dag ni byang chub sems dpa' rnams kyi mngon par shes pa lnga mi zad pa zhes bya'o/ /

</font><hr>60-1-143b<br><font size=+1>

btsun pa sha ra dwa ti'i bu/ gzhan yang byang chub sems dpa' rnams kyi bsdu ba'i dngos po bzhi mi zad pa ste/ bzhi gang zhe na/ 'di lta ste/ sbyin pa dang / snyan par smra ba dang / don spyod pa dang / don 'thun pa'o/ /de la sbyin pa ni gang zang zing sbyin pa dang / chos sbyin 
pa'o/ /snyan par smra ba ni gang slong ba dang chos nyan pa rnams la tshig 'jam zhing snyan par smra ba'o/ /de la don spyod pa ni gang bdag dang gzhan dag gi don bsam pa bzhin du yongs su rdzogs par byed pa'o/ /de la don 'thun pa ni gang theg pa gang la bdag yon tan du 'du shes pa'i theg 
pa de nyid la chos dang zang zing len pa rnams rab tu 'god pa'o/ /gzhan yang sbyin pa ni gang slong ba rnams la yid mgu bar sbyin pa'o/ /de la snyan par smra ba ni gang slong ba rnams la mi smod pa'o/ /de la don spyod pa ni gang slong ba rnams kyi don yongs su rdzogs par byed pa'o/ /de la don 
'thun pa ni gang theg pa de nyid la yang dag par 'dzud pa'o/ /gzhan yang sbyin pa ni gang bsam pa thag pa nas gtong ba'o/ /snyan par smra ba ni gang sbyor ba yongs su chad pa med pa'o/ /don spyod pa ni gang lhag pa'i bsam pas byin te 'gyod pa med pa'o/ /don 'thun pa ni gang theg pa 
chen po la yongs su sngo ba'o/ /gzhan yang sbyin pa ni gang byams pa'i rjes su 'gro ba'i sems kyis yongs su gtong ba'o/ /snyan par smra ba ni gang dga' ba dang / mchog tu dga' bar gyur pa'i sems mi gtong ba'o/ /don spyod pa ni gang snying rje chen po yongs su dag pa'i sems 
bskyed pas sems can thams cad kyi bya ba ci yod pa dag la brtson pa'o/ /don 'thun pa ni gang btang snyoms dang ldan pa'i sems mthon dman med cing thams cad mkhyen pa'i ye shes la yongs su sngo ba'i sems so/ /gzhan yang sbyin pa ni gang chos bzhin btsal ba'i longs spyod 
rnams yongs su gtong ba'o/ /snyan par smra ba ni gang dag la sbyin pa byin pa de dag chos la rab tu 'dzud pa'o/ /don spyod pa ni gang bdag gi don dang gzhan gyi don yongs su rdzogs par byed pa'o/ /don 'thun pa ni gang sems can thams cad kyi don gyi phyir thams cad mkhyen pa nyid du 

</font><hr>60-1-144a<br><font size=+1>

sems bskyed pa'o/ /gzhan yang sbyin pa ni gang nang dang phyi'i dngos po rnams yongs su gtong ba'o/ /snyan par smra ba ni gang chos thams cad kyi yon tan shes pa la slob dpon gyi dpe mkhyud med pa'o/ /don spyod pa ni gang bdag gi don btang ste gzhan gyi don byed 
pa'o/ /don 'thun pa ni gang longs spyod bsdus te lag tu thob pa yang gzhan dag la byin nas mi dga' ba med pa'o/ /de la chos sbyin pa gang zhe na/ gang ji skad thos pa'i chos rnams ston pa'o/ /snyan par smra ba ni gang zang zing med pa'i sems kyis chos yang dag par rab tu ston 
pa'o/ /don spyod pa ni gang gzhan dag la lung 'bogs pa dang / kha ton byed du 'jug pa la mi skyo ba'o/ /don 'thun pa ni gang thams cad mkhyen pa nyid kyi sems dang ma bral bas chos rnyed pa dang / gzhan dag kyang rab tu 'dzud pa'o/ /gzhan yang chos kyi sbyin pa ni gang chos 
nyan pa 'ongs shing lhags pa rnams la mi skyo zhing mi g.yeng bar chos ston pa'o/ /snyan par smra ba ni gang ji srid du rgyang ring por yang song ste/ dam pa'i chos yang dag par ston pa'o/ /don spyod pa ni gang chos 'dod pa'i gang zag rnams lhung bzed ma tshang ngam/ gos dang / zas 
dang / mal stan dang / na ba'i gsos sman dang / yo byad med dam/ gzhan yang de dag la gang dang gang gis brel ba de dag thams cad byin te/ lhag pa'i bsam par song ba'i sems kyi rgyud kyis chos ston pa'o/ /don 'thun pa ni gang chos kyi sbyin pa byin te/ bla na med pa 
yang dag par rdzogs pa'i byang chub tu yang dag par 'dzud cing yongs su sngo ba'o/ /gzhan yang chos kyi sbyin pa ni gang sbyin pa thams cad kyi mchog ni chos kyi sbyin pa yin par rig nas chos kyi sbyin pa yongs su gtong ba'o/ /snyan par smra ba ni gang phan pa'i dngos po'i phyir chos ston to/ /
don spyod pa ni gang don la rton pa'i chos ston gyi yi ge la rton pa ni ma yin no/ /don 'thun pa ni gang sangs rgyas kyi chos thams cad yongs su rdzogs par bya ba'i phyir chos ston pa'o/ /gzhan yang chos sbyin pa ni gang sbyin pa'i pha rol tu phyin pa'o/ /snyan par smra ba ni gang tshul khrims 

</font><hr>60-1-144b<br><font size=+1>

kyi pha rol tu phyin pa dang / bzod pa'i pha rol tu phyin pa'o/ /don spyod pa ni gang brtson 'grus kyi pha rol tu phyin pa'o/ /don 'thun pa ni gang bsam gtan gyi pha rol tu phyin pa dang / shes rab kyi pha rol tu phyin pa'o/ /gzhan yang chos sbyin pa ni dang po sems bskyed pa'i byang chub 
sems dpa' rnams kyi'o/ /snyan par smra ba ni spyod pa la zhugs pa'i byang chub sems dpa' rnams kyi'o/ /don spyod pa ni phyir mi ldog pa'i byang chub sems dpa' rnams kyi'o/ /don 'thun pa ni skye ba gcig gis thogs pa'i byang chub sems dpa' rnams kyi'o/ /gzhan yang 
chos sbyin pa ni byang chub kyi rtsa ba dang sa bon gyi gzhi'o/ /snyan par smra ba ni byang chub kyi myu gu dang 'dab ma yongs su rdzogs pa'o/ /don spyod pa ni byang chub kyi me tog yongs su rgyas pa'o/ /don 'thun pa ni byang chub kyi 'bras bu mngon par 'grub pa ste/ btsun pa sha ra dwa ti'i bu/ 'di 
dag ni byang chub sems dpa' rnams kyi bsdu ba'i dngos po bzhi mi zad pa'o/ /btsun pa sha ra dwa ti'i bu/ gzhan yang byang chub sems dpa' rnams kyi so so yang dag par rig pa bzhi mi zad pa ste/ bzhi gang zhe na/ gang 'di don so so yang dag par rig pa dang / chos so so 
yang dag par rig pa dang / nges pa'i tshig so so yang dag par rig pa dang / spobs pa so so yang dag par rig pa'o/ /de la don so so yang dag par rig pa gang zhe na/ gang chos thams cad la don dam par shes pa ste/ chos shes pa dang / so sor rtog pa shes pa 
dang / rjes su 'gro ba shes pa dang / rgyu shes pa dang / rkyen shes pa dang / gnyis su med par shes pa dang / tshogs pa shes pa dang / tha mar mi 'gro ba shes pa dang / bar na mi 'dug pa shes pa dang / rkyen la 'jug pa shes pa dang / de chos kyi dbyings 
dbyer med pa shes pa dang / de bzhin nyid kyi rjes su 'jug pa shes pa dang / yang dag pa'i mtha' la gnas pa shes pa dang / stong pa nyid rtogs pa'i shes pa dang / mtshan ma med pa la spyod pa shes pa dang / smon pa med pa la smon lam med par shes pa dang / mngon par 

</font><hr>60-1-145a<br><font size=+1>

'du mi byed pa la mngon par 'du byed pa med par shes pa dang / tshul gcig la 'jug pa shes pa dang / bdag med par rtogs pa'i shes pa dang / sems can med par rtogs pa'i shes pa dang / srog med par shin tu rtogs pa'i shes pa dang / gang 
zag med pa don dam par shes pa dang / 'das pa'i dus la ma chags pa'i shes pa dang / ma 'ongs pa'i dus la thug pa med pa'i shes pa dang / da ltar byung ba'i dus na thams cad du kha na ma tho ba med par shes pa dang / phung po rnams la sgyu mar shes pa dang / khams rnams 
la sbrul gdug pa lta bur rtogs pa'i shes pa dang / skye mched rnams la grong stong pa lta bur nges par sems pa'i shes pa dang / nang nye bar zhi bar shes pa dang / phyi rol du rgyu ba med par shes pa dang / yul rnams la sgyu ma dang bye brag med par shes pa dang / dran pa la gnas 
pa'i shes pa dang / bzod pa'i rjes su 'gro ba shes pa dang / blo gros kyis so sor rtog pa'i shes pa dang / bdag la rtog pa'i shes pa dang / bden pa rnams la rab tu rtog par shes pa dang / sdug bsngal la mi 'byung bar shes pa dang / kun 'byung ba la mngon par 'du mi 
byed par shes pa dang / 'gog pa la mtshan nyid med par shes pa dang / lam la sgrol bar shes pa dang / chos rnams la tshig rab tu dbye bar shes pa dang / dran pa nye bar gzhag pa rnams la dran pa med pa dang / yid la bya ba med par shes pa dang / yang dag par spong 
ba rnams la dge ba dang mi dge ba gnyis su 'jug pa'i shes pa dang / rdzu 'phrul gyi rkang pa rnams la lus dang sems yang bar shes pa dang / dbang po rnams la 'jug par shes pa dang / stobs rnams la mi rdzi bar shes pa dang / byang chub kyi yan lag rnams la chos 
thams cad yang dag pa ji lta ba bzhin du rtogs par shes pa dang / lam la 'gro ba dang 'ong ba med par shes pa dang / zhi gnas la gnas par shes pa dang / lhag mthong la snang bar shes pa dang / sgyu ma la rnam par bsgrubs par 'du shes pa dang / smig rgyu la nor 

</font><hr>60-1-145b<br><font size=+1>

bar 'du shes pa dang / rmi lam la yang dag pa ma yin par mthong bar shes pa dang / brag ca la rkyen du dmigs pa'i shes pa dang / mig yor la mi g.yo bar shes pa dang / mtshan nyid tha dad pa rnams la mtshan nyid gcig tu shes pa dang / 'du ba rnams la 'brel bar 
shes pa dang / mtshams sbyor ba rnams la mtshams sbyor ba med par shes pa dang / nyan thos kyi theg pa la gzhan gyi sgra'i rjes su 'gro bas 'jug par shes pa dang / rang sangs rgyas kyi theg pa la rten pa 'jug pa dang / rab tu dben zhing rtse gcig par shes pa dang / theg 
pa chen po la dge ba'i rtsa ba dang / tshogs spel bar shes pa 'di ni don so so yang dag par rig pa zhes bya'o/ /gzhan yang don so so yang dag par rig pa ni don so so yang dag par rig pa gang gis chos thams cad la don rton pas rton pa'o/ /de ci'i phyir zhe na/ chos thams 
cad ni ma lus par stong pa ste/ gang stong pa'i don de ni don no/ /chos thams cad ni ma lus par mtshan ma med pa ste/ gang mtshan ma med pa'i don de ni don no/ /chos thams cad ni ma lus par smon pa med pa ste/ gang smon pa med pa'i don de ni don no/ /chos thams cad 
ni ma lus par mngon par 'du mi byed pa ste/ gang mngon par 'du mi byed pa'i don de ni don no/ /chos thams cad ni ma lus par mi skye ba ste/ gang ma lus par mi skye ba'i don de ni don no/ /chos thams cad ni ma lus par ma byung ba ste/ gang ma lus par ma byung ba'i don de ni 
don no/ /chos thams cad ni ma lus par dngos po med pa ste/ gang ma lus par dngos po med pa'i don de ni don no/ /chos thams cad ni ma lus par dben pa ste/ gang ma lus par dben pa'i don de ni don no/ /chos thams cad ni ma lus par bdag med pa/ sems 
can med pa/ srog med pa/ gang zag med pa ste/ gang bdag med pa dang / sems can med pa dang / srog med pa dang / gang zag med pa'i don de ni don te/ gang 'di lta bu'i chos rnams rtogs pa de ni don so so yang dag par rig pa zhes bya'o/ /gang 'dir bstan pa 

</font><hr>60-1-146a<br><font size=+1>

ni thogs pa med par bstan pa/chags pa med par bstan pa/ mi zad par bstan pa/ chos thams cad thob par bstan pa ste/ don bstan pa de ni so so yang dag par rig pa yin no/ /don so so yang dag par rig pa de ni don thams cad bstan pa la mi zad pa yin 
te/ sangs rgyas bcom ldan 'das rnams kyis kyang yang dag par bka' stsal cing / yang dag par rjes su thugs rang ba'o/ /de yang dag pa dang / de kho na dang / ma log pa dang / gzhan ma yin pa ste shes rab dang / ye shes kyis rtogs pa thams cad du kha na ma tho 
ba med pa ste/ 'di ni don so so yang dag par rig pa zhes bya'o/ /de la chos so so yang dag par rig pa gang zhe na/ gang chos thams cad la rjes su 'jug pa shes pa ste/ dge ba dang / mi dge ba dang / kha na ma tho ba dang bcas pa dang / kha na ma tho ba med pa dang / 
zag pa dang bcas pa dang / zag pa med pa dang / 'dus byas dang / 'dus ma byas dang / 'jig rten pa dang / 'jig rten las 'das pa dang / bzang po dang / ngan pa dang / kun nas nyon mongs pa dang / rnam par byang ba'i cha dang 'thun pa dang / 'khor ba dang mya ngan 
las 'das par nye bar song ba rnams la chos kyi dbyings mnyam pa nyid du shes pa dang / byang chub mnyam pa nyid du shes pa dang / khams mnyam pa nyid du shes pa 'di ni chos so so yang dag par rig pa zhes bya'o/ /gzhan yang chos so so yang dag par rig pa ni gang 'dod chags spyod 
pa'i sems can rnams kyi sems la 'jug cing 'bab par shes pa dang / bcos ma'i 'dod chags spyod pa dang / bcos ma ma yin pa'i 'dod chags spyod pa dang / snrel zhi'i 'dod chags spyod pa dang / lta ba'i 'dod chags spyod pa dang / mi zad pa'i 'dod chags spyod pa dang / 
'jam pa'i 'dod chags spyod pa dang / yang ba'i 'dod chags spyod pa dang / yang ba ma yin pa'i 'dod chags spyod pa dang / kun rdzob kyi 'dod chags spyod pa dang / sbyor ba'i 'dod chags spyod pa dang / bsam pa'i 'dod chags spyod pa dang / lhag pa'i bsam pa'i 'dod 

</font><hr>60-1-146b<br><font size=+1>

chags spyod pa dang / mtshan nyid kyi 'dod chags spyod pa dang / mtshan nyid mi 'thun pa'i 'dod chags spyod pa dang / rnam par gzhag pa'i 'dod chags spyod pa dang / rkyen gyi 'dod chags spyod pa dang / sngon gyi mtha'i rkyen gyi 'dod chags spyod pa dang / phyi ma'i mtha'i rkyen 
gyi 'dod chags spyod pa dang / da ltar byung ba'i rkyen gyi 'dod chags spyod pa rnams dang / sems can nang du 'dod chags la phyi rol du 'dod chags med pa dag kyang yod/ sems can phyi rol tu 'dod chags la nang du 'dod chags med pa dag kyang yod/ sems can nang du yang 
'dod chags la phyi rol du yang 'dod chags pa dag kyang yod/ sems can nang du yang 'dod chags med la phyi rol tu yang 'dod chags pa med pa dag kyang yod/ sems can gzugs la 'dod chags la sgra dang / dri dang / ro dang / reg pa la 'dod chags med pa dag kyang yod/ sgra 
la 'dod chags la/ gzugs dang / dri dang / ro dang / reg pa la 'dod chags med pa dag kyang yod/ dri la 'dod chags la gzugs dang / sgra dang / ro dang / reg pa la 'dod chags med pa dag kyang yod/ ro la 'dod chags la gzugs dang / sgra dang / dri dang / 
reg pa la 'dod chags med pa dag kyang yod/ sems can reg pa la 'dod chags la gzugs dang / sgra dang / dri dang / ro la 'dod chags med pa dag kyang yod de/ 'di ni sems can 'dod chags spyod pa rnams kyi 'jug pa ste/ 'jug pa'i sgo 'dis sems can 
rnams kyi 'dod chags la spyod pa nyi khri chig stong ngo / /sems can rnams kyi zhe sdang la spyod pa yang nyi khri chig stong ngo / /sems can rnams kyi gti mug la spyod pa yang nyi khri chig stong ngo / /sems can rnams kyi cha mnyam pa la spyod pa yang nyi khri chig stong ste/ gang sems can gyi 
spyod pa brgyad khri bzhi stong po de dag gi sems kyi 'jug pa dang 'bab pa shes pa dang / so so ci rigs par chos ston par shes pa dang / dus las mi 'da' bar shes pa dang / snod kyi bye brag ji lta ba bzhin du shes pa dang / 'bras bu yod par chos bstan pa shes pa dang / ma 

</font><hr>60-1-147a<br><font size=+1>

chad ma lhag par chos bstan pa shes pa de ni chos so so yang dag par rig pa zhes bya'o/ /de la nges pa'i tshig so so yang dag par rig pa gang zhe na/ gang sems can thams cad kyi skad la 'jug pa shes pa ste/ lha'i skad dang / klu'i skad dang / gnod sbyin gyi skad dang /
dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang mi ma yin pa'i skad la 'jug pa ste/ mdor na ji snyed du 'gro ba lngar skyes pa'i sems can rnams kyi skad dang / sgra dang / dbyangs dang / tshig gi lam dang / nges pa'i tshig 
dang / brda dang / spyod pa ji snyed pa de dag thams cad rab tu shes te/ shes nas kyang sgra de dang de dag dang / nges pa'i tshig de dang de dag gis sems can de dang de dag la sgra ji lta ba bzhin du 'jug pas chos ston te/ 'di ni nges pa'i tshig so so yang dag par rig pa zhes bya'o/ /
gzhan yang nges pa'i tshig so so yang dag par rig pa ni spyod pa 'di dag 'di lta bur brtag par bya/ chos 'di dag 'di lta bur brtul bar bya/ chos 'di dag 'di lta bur mtshams sbyor bar bya/ chos 'di lta bur khong du chud par bya/ chos 'di lta bur yi ge rnams kyis brtag 
par bya'o zhes des gcig gi tshig kyang shes/ gnyis kyi tshig kyang shes/ mang po'i tshig kyang shes/ skyes pa'i tshig kyang shes/ bud med kyi tshig kyang shes/ ma ning gi tshig kyang shes/ 'das pa'i tshig kyang shes/ ma 'ongs pa'i tshig kyang shes/ da ltar byung 
ba'i tshig kyang shes/ yi ge gcig tu sgro btags pa yang shes/ yi ge du mar sgro btags pa yang shes/ sgro btags pa med pa yang shes te/ 'di ni nges pa'i tshig so so yang dag par rig pa zhes bya'o/ /gzhan yang nges pa'i tshig de ni chos thams cad 'gog pa la 
tshig gis chos shes pa ste/ 'di ni nges pa'i tshig so so yang dag par rig pa zhes bya'o/ /de'i nges pa'i tshig de ni thogs pa med pa/ 'khrul pa med pa/ shin tu rnam par dag pa/ zlos pa med pa/ mi drag pa/ ma brtags pa/ zur phyin pa/ rnam par gsal ba/

</font><hr>60-1-147b<br><font size=+1>

don dang yi ges bskor ba ji lta ba bzhin du 'khor tshim par byed pa/ rnam pa sna tshogs pa/ zab mo zab par snang ba/ kun rdzob dang / don dam pas brgyan pa/ rang gi sems dang / shes pa dang / lta ba rtogs pa/ sangs rgyas kyis bka' stsal pa/ sems can thams cad mgu 
bar byed pa ste/ 'di ni nges pa'i tshig so so yang dag par rig pa zhes bya'o/ /de la spobs pa so so yang dag par rig pa gang zhe na/ 'di lta ste/ chags pa med par lung bsgo ba bstan pa shes pa dang / phyang bar lung bsgo ba bstan pa shes pa dang / thogs pa med par lung 
bsgo ba bstan pa shes pa dang / myur ba'i spobs pa dang / la gor ba'i spobs pa dang / mgyogs pa'i spobs pa dang / 'bras bu yod pa'i spobs pa dang / ji ltar dris pa bzhin du spobs pa dang / mi 'phrog pa'i spobs pa dang / yongs su mi nyams pa'i spobs pa 
dang / shin tu 'brel ba'i spobs pa dang / rtogs pa'i spobs pa dang / chos la dga' ba'i spobs pa dang / bzod pa'i stobs la gnas pa'i spobs pa dang / zab mo la spobs pa dang / sna tshogs kyi spobs pa dang / kun rdzob dang don dam pa la spobs pa dang / 
sbyin pa dang / tshul khrims dang / bzod pa dang / brtson 'grus dang / bsam gtan dang / shes rab la spobs pa dang / sangs rgyas kyi chos thams cad kyi tshig rab tu dbye ba bstan pa la spobs pa dang / dran pa nye bar gzhag pa dang / yang dag par spong ba dang / rdzu 
'phrul gyi rkang pa dang / dbang po dang / stobs dang / byang chub kyi yan lag dang / lam zab mo spobs pa dang / zhi gnas dang lhag mthong la spobs pa ste/ spobs pa so so yang dag par rig pa zhes bya ba ni nges pa'i tshig la rtog pas tshig gi chos shes pa dang / bsam 
gtan dang / rnam par thar pa dang / ting nge 'dzin dang / snyoms par 'jug pa dang / bden pa la 'jug pa shes pa'i spobs pa'o/ /theg pa thams cad la spobs pa'o/ /yang dag pa ji lta ba bzhin du bstan pas sems can thams cad kyi spyod pa tshim par bya ba la spobs 

</font><hr>60-1-148a<br><font size=+1>

pa ste/ mi dor mi lkugs pa'i tshig dang / mi brlang ba'i tshig dang / brtan pa'i tshig dang / mi rtsub pa'i tshig dang / 'jam pa'i tshig dang / dag pa'i tshig dang / rab tu grol ba'i tshig dang / thogs pa med pa'i tshig dang / zur phyin pa'i tshig dang / 
nges pa'i tshig dang / mi g.yo ba'i tshig dang / mi rgod pa'i tshig dang / zhi ba'i tshig dang / btsun pa'i tshig dang / 'brel ba'i tshig dang / ldan pa'i tshig dang / tha ba med pa'i tshig dang / shin tu rigs pa'i tshig dang / ma tshang ba med pa'i tshig dang / snyan pa'i tshig dang / mnyen 
pa'i tshig dang / ma smad pa'i tshig dang / shin tu sdud pa'i tshig dang / 'phags pa thams cad kyis bsngags pa'i tshig ste/ zhing mtha' yas par go bar byed pa'i rjes su song ba'i dbyangs dang / tshangs pa'i sgra skad la rtog cing go bar byed pa'i rjes su song ba'i dbyangs dang / sangs 
rgyas kyis bka' stsal pa'i spobs pas sems can gzhan dag dang / gang zag gzhan dag gi dbang po mchog dang mchog ma yin pa shes pas chos ston te/ de'i chos ston pa de yang de byed pa yang dag par sdug bsngal zad par bya ba'i phyir nges par 'byung bar 'gyur te/ 'di 
ni spobs pa so so yang dag par rig pa zhes bya'o/   /btsun pa sha ra dwa ti'i bu/ 'di dag ni byang chub sems dpa' rnams kyi so so yang dag par rig pa bzhi mi zad pa'o// //bam po drug pa/ btsun pa sha ra dwa ti'i bu/ gzhan yang byang chub sems 
dpa' rnams kyi rton pa bzhi yang mi zad pa ste/ bzhi gang zhe na/ 'di lta ste/ don la rton gyi tshig 'bru la mi rton pa dang / ye shes la rton gyi rnam par shes pa la mi rton pa dang / nges pa'i don gyi mdo sde la rton gyi drang ba'i don gyi mdo sde la mi rton pa dang / chos nyid la rton gyi 
gang zag la mi rton pa'o/ /de la don ni gang / tshig 'bru ni gang zhe na/ tshig 'bru zhes bya ba ni gang 'jig rten pa'i chos dang bya ba la 'jug pa bstan pa'o/ /don ces bya ba ni gang 'jig rten las 'das pa'i chos rtogs pa'o/ /tshig 'bru zhes bya ba ni gang sbyin pa dang / dul 

</font><hr>60-1-148b<br><font size=+1>

ba dang / legs par sdom pa dang / des pa bstan pa'o/ /don ces bya ba ni gang sbyin pa dang / dul ba dang / legs par sdom pa dang / des pa'i mnyam pa nyid shes pa'o/ /tshig 'bru zhes bya ba ni gang 'khor ba'i skyon bsgrags shing brjod pa'o/ /don ces bya ba ni gang 'khor 
ba la mi dmigs par rtog pa'o/ /tshig 'bru zhes bya ba ni gang mya ngan las 'das pa'i yon tan dang phan yon brjod pa'o/ /don ces bya ba ni gang rang bzhin gyis mya ngan las 'das pa'i chos thams cad la rnam par mi rtog pa'o/ /tshig 'bru zhes bya ba ni gang theg pa ji ltar rnam par 
bzhag pa bzhin du ston pa'o/ /don ces bya ba ni gang chos kyi dbyings dbyer med cing tshul gcig pa la 'jug pa zhes bya'o/ /tshig 'bru zhes bya ba ni gang bdog pa thams cad yongs su gtong ba bstan pa'o/ /don ces bya ba ni gang 'khor gsum yongs su dag par shes pa'o/ /
tshig 'bru zhes bya ba ni gang lus dang / ngag dang / yid kyi sdom pa dang / tshul khrims dang / bslab pa dang / sbyangs pa'i yon tan dang / yo byad bsnyungs pa thams cad yang dag par blang ba bstan pa'o/ /don ces bya ba ni gang lus dang / ngag dang / yid mi dmigs 
pa dang / sdom pa dang / tshul khrims dang / bslab pa dang / sbyangs pa'i yon tan dang / yo byad bsnyungs pa thams cad yang dag par blang ba bstan pa yongs su dag par shes pa'o/ /tshig 'bru zhes bya ba ni gang gnod sems dang / tha ba dang / skyon dang / khro ba dang / 
khon du 'dzin pa dang / nga rgyal dang / rgyags pa dang / dregs pa thams cad yang dag par 'joms shing bzod pa'i stobs dang des pa bstan pa'o/ /don ces bya ba ni gang mi skye ba'i chos la bzod pa'o/ /tshig 'bru zhes bya ba ni gang dge ba'i rtsa ba thams cad yang dag par 
sgrub pa la brtson 'grus brtsam pa bstan pa'o/ /don ces bya ba ni gang blang ba dang dor ba la mi gnas pa'i brtson 'grus so/ /tshig 'bru zhes bya ba ni gang bsam gtan dang / rnam par thar pa dang / ting nge 'dzin dang / snyoms par 'jug pa bstan pa'o/ /don ces 

</font><hr>60-1-149a<br><font size=+1>

bya ba ni gang 'gog pa'i snyoms par 'jug pa shes pa'o/ /tshig 'bru zhes bya ba ni gang thos pa thams cad 'dzin pa shes rab kyi rtsa ba'o/ /don ces bya ba ni gang brjod du med pa'i don shes pa'o/ /tshig 'bru zhes bya ba ni gang byang chub kyi phyogs kyi chos sum cu rtsa 
bdun yang dag par bstan pa'o/ /don ces bya ba ni gang byang chub kyi phyogs kyi chos sgrub pa'i 'bras bu mngon sum du byed pa'o/ /tshig 'bru zhes bya ba ni gang sdug bsngal dang / kun 'byung ba dang / lam gyi bden pa yang dag par bstan pa'o/ /don ces bya ba ni gang 'gog pa mngon 
sum du byed pa'o/ /tshig 'bru zhes bya ba ni gang ma rig pa la sogs pa nas rga shi'i bar du yang dag par bstan pa'o/ /don ces bya ba ni gang ma rig pa 'gog pa nas rga shi 'gog pa'i bar du'o/ /tshig 'bru zhes bya ba ni gang zhi gnas dang lhag mthong gi tshogs bstan pa'o/ /don ces 
bya ba ni gang rig pa dang rnam par grol ba'i ye shes so/ /tshig 'bru zhes bya ba ni gang 'dod chags dang / zhe sdang dang / gti mug dang / cha mnyam par spyod pa'i sems can rnams la bstan pa'o/ /don ces bya ba ni gang sems can rnams dgrol ba mi 'khrugs pa'i ye shes so/ /
tshig 'bru zhes bya ba ni gang sgrib pa dang / sgrib par 'gyur ba'i chos rnams yang dag par bstan pa'o/ /don ces bya ba ni gang sgrib pa med pa'i ye shes dang rnam par thar pa'o/ /tshig 'bru zhes bya ba ni gang dkon mchog gsum gyi yon tan dang / bsngags pa mtha' yas pa 
bstan pa'o/ /don ces bya ba ni gang sangs rgyas kyi chos kyi sku mthong ba dang / 'dod chags dang bral zhing 'gog pa'i chos nyid dang / 'dus ma byas kyi sangs rgyas dang / chos dang / dge 'dun gyi yon tan sgrub pa'i ye shes so/ /tshig 'bru zhes bya ba ni gang sems dang po 
bskyed pa nas bzung ste byang chub kyi snying po la 'dug pa'i bar gyi byang chub sems dpa'i yon tan gyi tshogs bstan pa'o/ /don ces bya ba ni gang sems kyi skad cig gcig dang ldan pa'i shes rab kyis thams cad mkhyen pa'i ye shes mngon par rdzogs par 'tshang rgya ba ste/ mdor na 

</font><hr>60-1-149b<br><font size=+1>

gang chos kyi phung po brgyad khri bzhi stong bstan pa 'di ni tshig 'bru zhes bya'o/ /gang sems can thams cad kyi skad dang / yi ge dang / tshig 'brus brjod du med pa'i don de ni don te/ 'di ni don la rton gyi tshig 'bru la mi rton pa zhes bya'o/ /de la rnam par shes pa ni gang / ye 
shes ni gang zhe na/ rnam par shes pa zhes bya ba ni rnam par shes pa gnas pa bzhi ste/ bzhi gang zhe na/ 'di lta ste/ rnam par shes pa gnas pa ni gzugs la nye bar 'gro ba dang / tshor ba la nye bar 'gro ba dang / 'du shes la nye bar 'gro ba dang / 'du byed 
la nye bar 'gro zhing gnas pa ste/ 'di ni rnam par shes pa zhes bya'o/ /de la ye shes gang zhe na/ gang phung po bzhi la gnas pa'i rnam par shes pa'i phung po yongs su shes pa ste/ 'di ni ye shes zhes bya'o/ /gzhan yang rnam par shes pa ni sa'i khams rnam par shes 
pa dang / chu'i khams dang / me'i khams dang / rlung gi khams rnam par shes pa ste/ 'di ni rnam par shes pa zhes bya'o/ /gang khams rnam pa bzhi po 'di dag la gnas pa'i rnam par shes pa la chos kyi dbyings dbyer med par shes pa 'di ni ye shes zhes bya'o/ /gzhan 
yang rnam par shes pa ni/ gang mig gis shes par bya ba'i gzugs rnams la rnam par rig pa dang / de bzhin du rna bas shes par bya ba'i sgra rnams dang / snas shes par bya ba'i dri rnams dang / lces shes par bya ba'i ro rnams dang / lus kyis shes par bya ba'i reg bya 
rnams dang / yid kyis shes par bya ba'i chos rnams la rnam par rig pa ste/ 'di ni rnam par shes pa zhes bya'o/ /gang yang nang nye bar zhi zhing phyi rol du rgyu ba med pa dang / ye shes la rton pas chos gang la yang mi rtog rnam par mi rtog pa 'di ni ye shes zhes bya'o/ /gzhan yang 
dmigs pa las rnam par shes pa skye ba dang / yid la byed pa las rnam par shes pa skye ba dang / yongs su rtog pa las rnam par shes pa skye ba 'di ni rnam par shes pa zhes bya'o/ /gang yang 'dzin pa med pa dang / mchog tu 'dzin pa med pa dang / dmigs pa med pa dang /

</font><hr>60-1-150a<br><font size=+1>

rnam par rig pa med pa dang / rtog pa med pa 'di ni ye shes zhes bya'o/ /gzhan yang 'dus byas rgyu ba'i chos rnams la rnam par shes pa skye ste/ 'dus ma byas la ni rnam par shes pa rgyu ba med do/ /gang 'dus ma byas su shes pa de ni ye shes so/ /gzhan 
yang skye ba dang 'jig pa la gnas pa ni rnam par shes pa'o/ /mi skye ba dang mi 'gog pa la gnas pa ni ye shes te/ 'di ni ye shes la rton gyi rnam par shes pa la mi rton pa zhes bya'o/ /de la nges pa'i don gyi mdo sde ni gang / drang ba'i don gyi mdo sde ni gang zhe na/ mdo sde 
gang dag lam la 'jug pa'i phyir bstan pa de dag ni drang ba'i don ces bya'o/ /mdo sde gang dag 'bras bu la 'jug pa'i phyir bstan pa de dag ni nges pa'i don ces bya'o/ /mdo sde gang dag kun rdzob sgrub par bstan pa de dag ni drang ba'i don ces bya'o/ /mdo sde gang dag don dam pa 
sgrub par bstan pa de dag ni nges pa'i don ces bya'o/ /mdo sde gang dag las dang bya ba la 'jug par bstan pa de dag ni drang ba'i don ces bya'o/ /mdo sde gang dag las dang nyon mongs pa zad par bya ba'i phyir bstan pa de dag ni nges pa'i don ces bya'o/ /mdo sde gang dag kun nas nyon 
mongs pa bshad pa'i phyir bstan pa de dag ni drang ba'i don ces bya'o/ /mdo sde gang dag rnam par byang ba yongs su dag par bya ba'i phyir bstan pa de dag ni nges pa'i don ces bya'o/ /mdo sde gang dag 'khor ba la yid dbyung bar bya ba bstan pa de dag ni drang ba'i don ces bya'o/ /
mdo sde gang dag 'khor ba dang mya ngan las 'das pa gnyis su med pa la 'jug par bstan pa de dag ni nges pa'i don ces bya'o/ /mdo sde gang dag tshig dang / yi ge sna tshogs su bstan pa de dag ni drang ba'i don ces bya'o/ /mdo sde gang dag zab mo mthong bar dka' ba khong du 
chud par dka' ba bstan pa de dag ni nges pa'i don ces bya'o/ /mdo sde gang dag tshig dang / yi ge mang zhing sems can gyi sems dga' bar bya ba'i phyir bstan pa de dag ni drang ba'i don ces bya'o/ /mdo sde gang dag tshig dang / yi ge nyung la sems can gyi sems nges 

</font><hr>60-1-150b<br><font size=+1>

par sems par byed par bstan pa de dag ni nges pa'i don ces bya'o/ /mdo sde gang dag bdag dang / sems can dang / srog dang / gso ba dang / skyes bu dang / gang zag dang / shed las skyes dang / shed bu dang / byed pa po dang / tshor ba po dang / sgra rnam pa sna 
tshogs su bshad pa dang / bdag po med pa la bdag po dang bcas par bstan pa de dag ni drang ba'i don ces bya'o/ /mdo sde gang dag stong pa nyid dang / mtshan ma med pa dang / smon pa med pa dang / mngon par 'du mi byed pa dang / ma skyes pa dang / ma byung ba dang / dngos 
po med pa dang / bdag med pa dang / sems can med pa dang / srog med pa dang / gang zag med pa dang / bdag po med pa dang / rnam par thar pa'i sgo'i bar du bstan pa de dag ni nges pa'i don ces bya ste/ 'di ni nges pa'i don gyi mdo sde la rton gyi drang ba'i don gyi 
mdo sde la mi rton pa zhes bya'o/ /de la chos nyid ni gang / gang zag ni gang zhe na/ gang gang zag tu lta ba la gnas te/ chos kha cig la rtsom pa 'di ni gang zag ces bya'o/ /gang gang zag tu lta ba de'i rtsom pa yongs su shes pa 'di ni chos nyid ces bya'o/ /gzhan 
yang so so'i skye bo'i gang zag dang / so so'i skye bo'i dge ba'i gang zag dang / dad pas rjes su 'brang ba'i gang zag dang / chos kyi rjes su 'brang ba'i gang zag dang / brgyad pa'i gang zag dang / rgyun du zhugs pa'i gang zag dang / lan cig phyir 'ong ba'i gang 
zag dang / phyir mi 'ong ba'i gang zag dang / dgra bcom pa'i gang zag dang / rang sangs rgyas kyi gang zag dang / byang chub sems dpa'i gang zag dang / gang zag gcig 'jig rten du byung na skye bo mang po la phan pa dang / skye bo mang po la bde ba dang / 'jig 
rten la snying brtse ba dang / lha dang / mi'i skye bo phal po che'i don gyi phyir/ phan pa'i phyir/ bde ba'i phyir/ lha dang mi rnams kyi ston pa sangs rgyas bcom ldan 'das gang zag gcig po 'jig rten du byung ste/ 'di ni gang zag ces bya'o/ /gang zag gi sgra de dag 

</font><hr>60-1-151a<br><font size=+1>

thams cad ni de bzhin gshegs pa'i kun rdzob kyi tshig gi gnas kyis sems can rnams drang ba'i phyir bstan pa ste/ de la gang dag mngon par zhen pa de dag ni rton pa ma yin pa zhes bya ste/ de dag rton pa la gzud pa'i phyir bcom ldan 'das kyis kyang chos nyid la rton 
cig /gang zag la ni ma yin no zhes gsungs so/ /de la chos nyid gang zhe na/ 'di lta ste/ 'gyur ba med pa dang / sgro btags pa med pa dang / byang ba med pa dang / rnam par byang ba med pa dang / mi gnas pa dang / rab tu mi gnas pa dang / rtsa ba med pa 
dang / thams cad du mnyam pa dang / mnyam pa dag la mnyam pa dang / mi mnyam pa dag la mnyam pa dang / mnyam pa dang mi mnyam pa dag la mnyam pa dang / rtog pa med pa dang / rtsom pa med pa dang / chos thams cad la skyon med pa rnyed pa dang / shin tu nam 
mkha'i rang bzhin gyi phyir mtshan nyid 'di ni chos nyid ces bya'o/ /de la gang dag chos nyid la rton pa dag ni khams gang la yang mi rton to/ /de bas na chos kyi sgo'i tshul la 'jug pa 'dis chos thams cad la rton pa'i phyir chos thams cad chos nyid kho nar 'gyur ba 'di ni chos 
nyid la rton gyi gang zag la mi rton pa zhes bya ste/ btsun pa sha ra dwa ti'i bu/ de dag ni byang chub sems dpa' rnams kyi rton pa bzhi mi zad pa'o/ /btsun pa sha ra dwa ti'i bu/ gzhan yang byang chub sems dpa' rnams kyi bsod nams dang / ye shes kyi tshogs kyang mi zad 
pa yin te/ de la byang chub sems dpa' rnams kyi bsod nams kyi tshogs mi zad pa gang zhe na/ 'di lta ste/ sbyin pa las byung ba'i bsod nams bya ba'i dngos po dang / tshul khrims dang / bsgom pa las byung ba'i bsod nams bya ba'i dngos po dang / byams pa'i 
sems la snyoms par 'jug pa dang / snying rje chen po'i sbyor ba dang / dge ba thams cad rtsom pa dang / bdag dang gzhan gyi sdig pa bshags pa dang / slob pa dang / mi slob pa thams cad dang / rang sangs rgyas dang / sems dang po bskyed pa dang / phyir mi ldog 

</font><hr>60-1-151b<br><font size=+1>

pa dang / skye ba gcig gis thogs pa'i byang chub sems dpa' rnams kyi dus gsum du yang dag par bsgrubs pa'i bsod nams la rjes su yi rang ba dang ldan pa'i bsod nams bya ba'i dngos po dang / slob pa dang / mi slob pa thams cad dang / rang sangs rgyas dang / 
sems dang po bskyed pa dang / phyir mi ldog pa dang / skye ba gcig gis thogs pa'i byang chub sems dpa' rnams kyi byang chub tu sems bskyed pa la rjes su yi rang ba dang ldan pa'i bsod nams bya ba'i dngos po dang / 'das pa dang / ma byon pa dang / da ltar byung ba'i 
sangs rgyas bcom ldan 'das rnams kyi dge ba'i rtsa ba thams cad la rjes su yi rang ba dang ldan pa'i bsod nams bya ba'i dngos po dang / sangs rgyas thams cad dang / byang chub sems dpa' thams cad dang / 'phags pa thams cad dang / slob pa dang / mi slob pa 
thams cad la chos kyi sbyin pa gsol ba dang / sku tshe bsring bar gsol ba dang ldan pa'i bsod nams bya ba'i dngos po dang / dge ba'i rtsa ba thams cad la rjes su yi rang ba dang / bskul ba dang / gsol ba gdab pa'i dge ba'i rtsa ba bsags pa rnams byang chub 
tu bsngo ba dang ldan pa'i bsod nams bya ba'i dngos po dang /sems can byang chub tu sems ma bskyed pa rnams byang chub tu sems bskyed pa dang / byang chub tu sems bskyed pa rnams la pha rol tu phyin pa'i lam ston pa dang / sems can dbul po rnams la longs spyod 
kyis yang dag par sdud pa dang / sems can nad pa rnams la sman sbyin zhing g.yo med par rim gro byed pa dang / mthu chung ba rnams la bzod pas bstan pa dang / ltung ba mi 'chab pa dang / sdig pa 'chags pa dang / sangs rgyas bcom ldan 'das bzhugs 
pa dang / yongs su mya ngan las 'das pa rnams la mchod pa dang / rim gro thams cad rtsom pa dang / mkhan po dang / slob dpon dag la ston pa bzhin phangs par 'dzin pa dang / chos rnams la rin thang med pa'i rin po che tshol ba ltar brtson pa dang / chos 

</font><hr>60-1-152a<br><font size=+1>

smra ba rnams la sangs rgyas bzhin du phangs par 'dzin pa dang / dpag tshad brgyar yang song zhing dam pa'i chos mnyan pa la mi ngoms pa dang / chos la slob dpon gyi dpe mkhyud med pa dang / zang zing med par chos sbyin pa dang / chos la rin thang med 
pa'i rin po che chen po bzhin du phangs par 'dzin pa dang / pha ma la bsnyen bkur byed pa dang / byas pa gzo ba dang / byas pa tshor ba dang / byas nas mi 'gyod pa dang / bsod nams gsogs pas mi ngoms pa dang / lus bsdams pas lus kyi tshul 'chos pa med 
pa dang / ngag bsdams pas ngag gi tshul 'chos pa med pa dang / yid bsdams pas yid kyi tshul 'chos pa med pa dang / de bzhin gshegs pa'i mchod rten rab tu 'jog pas tshangs pa'i bsod nams yongs su 'dzin pa dang / gtan pa med pa'i mchod sbyin byed pas 
mtshan yongs su rdzogs par byed pa dang / dge ba'i rtsa ba'i tshogs sna tshogs bsags pas dpe byad bzang po yongs su rdzogs par byed pa dang / nga rgyal med pas lus brgyan pa dang / ngag gi nyes pa thams cad spangs pas ngag brgyan pa dang / sems can thams cad la khong 
khro ba med pa'i sems kyis sems brgyan pa dang / mngon par shes pas rnam par 'phrul pas sangs rgyas kyi zhing gi rgyan du 'gyur ba dang / 'dod chags dang bral ba'i chos nyid kyis chos kyi rgyan du 'gyur ba dang / phra ma med pa dang / zhe gcod pa med pa dang / 'gyod pa'i 
tshig mi smra bas 'khor gyi rgyan du 'gyur ba dang / brjod pa la ser sna med par byed pas chos bzung bar 'gyur ba dang / 'bras bu yod pa'i chos ston pas rab tu dga' nas legs so zhes bya ba sbyin pa dang / legs par bshad pa la rtog pas sgrib pa rnam par spong ba dang / nges par 
'byin pa'i chos mnyan pa'i phyir bsti stang du byas te chos mnyan pa dang / sangs rgyas bcom ldan 'das rnams la brtul zhugs kyi nags tshal phul bas byang chub kyi shing gi rgyan du 'gyur ba dang / sangs rgyas bcom ldan 'das rnams kyi dge ba'i rtsa ba thams cad sngon du 'gro bas byang 

</font><hr>60-1-152b<br><font size=+1>

chub kyi snying po'i rgyan du 'gyur ba dang / las dang nyon mongs pa thams cad kyis ma gos pas skye ba dang shi 'pho yongs su dag pa dang / rin po che dang phangs pa'i dngos po thams cad la mi lta bar yongs su gtong bas lag na rin po che 'thob pa dang / gter mi zad pa rab tu sbyin pas 
longs spyod mi zad pa dang / bzhin 'dzum zhing khro gnyer med pas sems can rnams mthong ma thag tu dga' bar 'gyur ba dang / sems can thams cad la 'od zer mnyam par gtong bas mnyam pa nyid kyi rgyan 'thob pa dang / ma lobs pa rnams la mi brnyas pas 'od bkod pa 
gtong ba dang / tshul khrims kyi bsod nams bsags pas skye ba yongs su dag pa dang / ltung ba mi gleng bas mngal gyi gnas yongs su dag pa dang / dge ba bcu'i las kyi lam yongs su dag pas lha dang mir skye ba dang / rjes su bstan pa thams cad la rnam par mi rtog 
pas rnam par gnon pa don yod pa dang / chos thams cad la slob dpon gyi dpe mkhyud med pas chos thams cad la dbang ba dang / bsam pa yongs su dag pas 'jig rten thams cad la dbang ba dang / sems can yongs su dag par byed pas rang gi sangs rgyas kyi zhing yongs 
su dag pa dang / las kyi rnam par smin pa la rton pas lhag pa'i bsam pa yongs su dag pa dang / nyi tshe ba'i spyod pa mi 'dod pas sangs rgyas kyi chos rgya chen po la mos pa dang / thams cad mkhyen pa nyid kyi sems mi gtong bas bsod nams thams cad yongs su 'dzin pa 
dang / dad pa sngon du 'gro bas nor bdun yongs su rdzogs par 'gyur ba dang / lus dang srog la mi lta bas sangs rgyas kyi chos yongs su 'dzin pa dang / sngon dam bcas pa nyams 'og tu chud par byed pas 'jig rten thams cad la mi slu ba dang / dge ba'i chos thams cad 
yongs su rdzogs par byed pas sangs rgyas kyi chos thams cad yongs su rdzogs par 'gyur ba dang / de ltar rgyu gang dang gang gis sangs rgyas kyi chos thams cad yongs su rdzogs par 'gyur ba'i rgyu de dang de dag yang dag par sgrub pa 'di ni/ btsun pa sha ra dwa ti'i bu/ mdor na byang chub 

</font><hr>60-1-153a<br><font size=+1>

sems dpa' rnams kyi bsod nams kyi tshogs mi zad pa zhes bya ste/ rgya cher ni bskal pa'am/ de bas kyang lhag par bshad du yod do/ /de la byang chub sems dpa' rnams kyi ye shes kyi tshogs mi zad pa gang zhe na/ rgyu gang dang rkyen gang gis ye 
shes rtogs par 'gyur ba'i rgyu de dag dang / rkyen de dag byang chub sems dpar yang dag par sgrub ste/ de la rgyu ni gang / rkyen ni gang zhe na/ gang 'di ye shes yongs su tshol ba la rab tu 'dun pa dang / ye shes rtogs pa'i dge ba'i bshes gnyen rnams la 
rtag tu stan pa dang / 'grogs pa dang / bsnyen bkur byed pa dang / gang yang sangs rgyas kyi ye shes la rton cing / nyan thos dang rang sangs rgyas kyi ye shes la mi rton pa dang / dge ba'i bshes gnyen de dag la nga rgyal med cing bla ma bzhin du phangs par 'dzin pa dang / ston 
pa bzhin du phangs par 'dzin pa dang / dge ba'i bshes gnyen de dag gis kyang 'di bsam pa phun sum tshogs par rig nas 'brel ba'i gtam dag pa ye shes kyi gtam sgrub par byed do/ /snod du rig nas rgyun mi 'chad par phyi rol ma yin pa'i chos ston to/ /des chos de 
dag thos nas chos kyi tshogs la sbyor bar byed de/ gang chos kyi tshogs la sbyor ba de ni de'i ye shes kyi tshogs yin no/ /de la chos kyi tshogs la sbyor ba gang zhe na/ gang 'di don nyung ba dang / bya ba nyung ba dang / smra ba nyung ba dang / yo byad nyung ba dang / nam gyi 
cha stod dang / nam gyi cha smad la mi nyal zhing rnal 'byor la brtson pa dang / thos pa'i don la rtog pa dang / yang dang yang tshol ba dang / sems la rnyog pa med pa dang / sgrib pa rnams rnam par sel ba dang / ltung ba rnams las 'byung ba shes pa dang / 'gyod 
pa med pa dang / kun nas ldang ba med pa dang / sgrub pa snying por byed pa dang / chos la gzhol ba dang / chos la 'bab pa dang / chos la bab pa dang / rtul ba dang ldan pa dang / ye shes tshol ba la mgo dang gos la me 'bar ba lta bu dang / de la ma chags 

</font><hr>60-1-153b<br><font size=+1>

par gnas pa dang / tshul khrims la mi lhod pa dang / brtson pa mi gtong ba dang / khyad par du 'gro ba dang / 'du 'dzi la mi dga' ba dang / gcig pur dga' ba dang / dgon pa la mngon du phyogs shing yid la byed pa dang / 'phags pa'i rigs chog shes pa dang / sbyangs 
pa'i yon tan dag las mi g.yo ba dang / chos kyi kun dga' la dga' zhing mos pa dang / 'jig rten pa'i sngags dran par mi 'dzin pa dang / 'jig rten las 'das pa'i chos tshol ba dang / brjed pa med pa dang / rtogs pa'i rjes su 'gro ba dang / blo gros kyis 
lam dang 'thun pa dang / brtan pas sdom pa dang / rkyen rnams kyis ye shes kyi rjes su 'gro ba dang / ngo tsha shes pa dang / khrel yod pas brgyan pa dang / ye shes kyi rjes su 'gro ba lhur len pa dang / mi shes pa sel ba dang / ma rig pa dang / gti 
mug gi mun pa dang / rab rib kyi ling tog gis chod pa sel ba dang / shes rab kyi mig rnam par dag pa dang / blo shin tu rnam par dag pa dang / blo rgya che ba dang / blo ma zhum pa dang / blo ma gyes pa dang / blo rab tu gsal ba dang / mngon sum shes 
pa dang / yon tan gzhan la rag ma lus pa dang / bdag gi yon tan mi snyems pa dang / gzhan gyi yon tan yongs su brjod pa dang / legs par bya ba'i las byed pa dang / las kyi rnam par smin pa dang 'gal bar mi byed pa dang / las yongs su dag 
pa'i ye shes te/ btsun pa sha ra dwa ti'i bu/ 'di ni byang chub sems dpa' rnams kyi ye shes kyi tshogs mi zad pa zhes bya'o/ /gzhan yang ye shes kyi tshogs rnam pa bzhi po 'di dag ni ye shes kyi tshogs rab tu sogs par 'gyur te/ bzhi gang zhe na/ 'di lta 
ste/ chos smra ba rnams la gro ga dang / smyig gu dang / snag tsha dang / glegs bam sbyin pa dang / chos smra ba rnams la chos kyi stan sna tshogs sbyin pa dang / chos smra ba rnams la rnyed pa dang / bkur sti dang / tshigs su bcad pa thams cad sbyin pa dang /

</font><hr>60-1-154a<br><font size=+1>

chos smra ba rnams la chos bsdu ba'i phyir g.yo med par legs so zhes bya ba sbyin pa ste/ sbyin pa bzhi po de dag ni ye shes kyi tshogs sogs par 'gyur ro/ /srung ba bzhi po 'di dag ni byang chub sems dpa' rnams kyi ye shes kyi tshogs sogs par 'gyur te/ bzhi 
gang zhe na/ 'di lta ste/ chos smra ba rnams jo bo bzhin du srung ba dang / dge ba'i rtsa ba srung ba dang / yul dang ljongs kyi phyogs srung ba dang / phan pa'i dngos po srung ba ste/ srung ba bzhi po de dag ni byang chub sems dpa' rnams kyi ye shes kyi tshogs sogs par 'gyur 
ro/ /nye bar rton pa bzhi po 'di dag ni byang chub sems dpa' rnams kyi ye shes kyi tshogs sogs par 'gyur te/ bzhi gang zhe na/ 'di lta ste/ chos smra ba rnams la zang zing gis nye bar rton pa dang / chos kyis nye bar rton pa dang / shes rab kyis nye bar rton pa dang / 
ye shes kyis nye bar rton pa ste/ nye bar rton pa bzhi po de dag ni byang chub sems dpa' rnams kyi ye shes kyi tshogs sogs par 'gyur ro/ /stobs lnga po 'di dag ni byang chub sems dpa' rnams kyi ye shes kyi tshogs sogs par 'gyur te/ lnga gang zhe na/ 'di lta ste/ mos 
pa'i phyir dad pa'i stobs dang / thos pa tshol ba'i phyir brtson 'grus kyi stobs dang / byang chub kyi sems mi brjed pa'i phyir dran pa'i stobs dang / mnyam pa nyid la sems nges par sems pa'i phyir ting nge 'dzin gyi stobs dang / thos pa'i stobs kyi phyir shes rab kyi stobs te/ 
stobs lnga po de dag ni byang chub sems dpa' rnams kyi ye shes kyi tshogs sogs par 'gyur ro/ /tshul khrims bzhi po 'di dag ni byang chub sems dpa' rnams kyi ye shes kyi tshogs sogs par 'gyur te/ bzhi gang zhe na/ 'di lta ste/ chos la rab tu dga' ba'i tshul 
khrims dang / chos yongs su tshol ba'i tshul khrims dang / chos la nges par sems pa'i tshul khrims dang / byang chub tu yongs su sngo ba'i tshul khrims te/ tshul khrims bzhi po de dag ni byang chub sems dpa' rnams kyi ye shes kyi tshogs sogs par 'gyur ro/ /bzod pa 

</font><hr>60-1-154b<br><font size=+1>

bzhi po 'di dag ni byang chub sems dpa' rnams kyi ye shes kyi tshogs sogs par 'gyur te/ bzhi gang zhe na/ 'di lta ste/ chos tshol ba la brtson pas ngan du brjod pa dang / ngan du smra ba'i tshig gi lam bzod pa dang / chos tshol ba la brtson pas rlung dang / nyi 
ma dang / grang ba dang / tsha ba dang / bkres pa dang / skom pa bzod pa dang / chos tshol ba la brtson pas mkhan po dang / slob dpon dang 'thun par 'jug pa'i bzod pa dang / chos tshol ba la brtson pas stong pa nyid dang / mtshan ma med pa dang / smon 
pa med pa'i chos la bzod pa ste/ bzod pa bzhi po de dag ni byang chub sems dpa' rnams kyi ye shes kyi tshogs sogs par 'gyur ro/ /brtson 'grus bzhi po 'di dag ni byang chub sems dpa' rnams kyi ye shes kyi tshogs sogs par 'gyur te/ bzhi gang zhe na/ 'di 
lta ste/ nyan pa'i brtson 'grus dang / 'dzin pa'i brtson 'grus dang / bstan pa'i brtson 'grus dang / nan tan gyi brtson 'grus te/ brtson 'grus bzhi po de dag ni byang chub sems dpa' rnams kyi ye shes kyi tshogs sogs par 'gyur ro/ /bsam gtan gyi yan 
lag bzhi po 'di dag ni byang chub sems dpa' rnams kyi ye shes kyi tshogs sogs par 'gyur te/ bzhi gang zhe na/ 'di lta ste/ dben pa dang / rtse gcig pa dang / bsam gtan dang mngon par shes pa tshol ba dang / sangs rgyas kyi ye shes la rton pa ste/ bsam 
gtan bzhi po de dag ni byang chub sems dpa' rnams kyi ye shes kyi tshogs stsogs par 'gyur ro/ /shes rab kyi snang ba bzhi po 'di dag ni byang chub sems dpa' rnams kyi ye shes kyi tshogs stsogs par 'gyur te/ bzhi gang zhe na/ 'di lta ste/ chad pa la mi gnas pa dang / 
rtag pa la mi 'jug pa dang / rten cing 'brel bar 'byung ba dang mi 'gal ba dang / bdag med pa la bzod pa ste/ shes rab kyi snang ba bzhi po 'di dag ni byang chub sems dpa' rnams kyi ye shes kyi tshogs stsogs par 'gyur ro/ /thabs bzhi po 'di dag ni byang chub 

</font><hr>60-1-155a<br><font size=+1>

sems dpa' rnams kyi ye shes kyi tshogs sogs par 'gyur te/ bzhi gang zhe na/ 'di lta ste/ 'jig rten gyi rjes su 'jug pa dang / chos kyi rjes su 'jug pa dang / sems can gyi rjes su 'jug pa dang / ye shes kyi rjes su 'jug pa ste/ 
thabs bzhi po de dag ni byang chub sems dpa' rnams kyi ye shes kyi tshogs stsogs par 'gyur ro/ /lam bzhi po 'di dag ni byang chub sems dpa' rnams kyi ye shes kyi tshogs stsogs par 'gyur te/ bzhi gang zhe na/ 'di lta ste/ pha rol tu phyin pa'i lam dang / sa'i 
lam dang / byang chub kyi phyogs kyi lam dang / thams cad mkhyen pa'i ye shes kyi lam ste/ lam bzhi po de dag ni byang chub sems dpa' rnams kyi ye shes kyi tshogs sogs par 'gyur ro/ /mi ngoms pa bzhi po 'di dag ni byang chub sems dpa' rnams kyi ye shes 
kyi tshogs sogs par 'gyur te/ bzhi gang zhe na/ 'di lta ste/ thos pas mi ngoms pa dang / bstan pas mi ngoms pa dang / dpyod pas mi ngoms pa dang / shes pas mi ngoms pa ste/ mi ngoms pa bzhi po 'di dag ni byang chub sems dpa' rnams kyi 
ye shes kyi tshogs sogs par 'gyur ro/ /gzhan yang ye shes kyi tshogs ni gang sems can thams cad kyi rjes su 'gro ba dang / chos thams cad kyi rjes su 'gro ba dang / sbyin pa las kyang ye shes kyi tshogs su blta'o/ /de bzhin du tshul khrims dang / bzod pa 
dang / brtson 'grus dang / bsam gtan dang / shes rab las kyang ye shes kyi tshogs su blta'o/ /byams pa dang / snying rje dang / dga' ba dang / btang snyoms las kyang ye shes kyi tshogs su blta ste/ de ci'i phyir zhe na/byang chub sems 
dpa'i rtsom pa ji snyed pa de dag thams cad ye shes kyis grub ste/ ye shes sngon du 'gro ba ye shes la rton pa/ thams cad mkhyen pa'i ye shes la gnas pa'i phyir te/ ye shes dang ldan pa thams cad rton pa yin no/ /bdud thams cad kyis kyang de la glags mi rnyed 

</font><hr>60-1-155b<br><font size=+1>

do/ /de la sangs rgyas kyi chos kyi snod thams cad kyang nye bar gnas pa yin te/ sangs rgyas kyi byin gyi rlabs kyang 'thob bo/ /thams cad mkhyen pa'i ye shes kyang thob par byed de/ 'di ni ye shes kyi tshogs mi zad pa zhes bya'o/ /btsun pa sha ra dwa ti'i bu/ 'di dag 
ni byang chub sems dpa' rnams kyi bsod nams kyi tshogs dang / ye shes kyi tshogs mi zad pa'o/ /btsun pa sha ra dwa ti'i bu/ gzhan yang byang chub sems dpa' rnams kyi dran pa nye bar gzhag pa bzhi bsgom pa yang mi zad pa ste/ bzhi gang zhe na/ 'di lta ste/ lus 
la lus kyi rjes su lta ba dran pa nye bar gzhag pa dang / tshor ba la tshor ba'i rjes su lta ba dran pa nye bar gzhag pa dang / sems la sems kyi rjes su lta ba dran pa nye bar gzhag pa dang / chos rnams la chos kyi rjes su lta ba dran pa nye bar gzhag pa'o/ /de la byang chub sems 
dpa'i lus la lus kyi rjes su lta ba dran pa nye bar gzhag pa ni ji ltar na/ byang chub sems dpa' lus la lus kyi rjes su lta zhing gnas she na/ de rang gi lus dang gzhan gyi lus la lus kyi rjes su lta zhing gnas te/ lus kyi sngon gyi mtha' la yang rtog /lus kyi phyi ma'i 
mtha' la yang rtog /lus kyi da ltar byung ba la yang rtogs te/ kye ma lus 'di ni phyin ci log las byung ba/ rgyu dang rkyen gyis grub pa/ tshor ba med pa/ byed pa med pa/ bdag po med pa/ yongs su 'dzin pa med pa/ rgyu dang rkyen rnams kyis byung ba ste/ 'di lta 
ste/ dper na phyi rol gyi rtswa dang / shing gel pa dang / rtsi dang / nags tshal 'di dag rgyu rkyen gyis 'byung zhing / tshor ba med pa/ byed pa med pa/ bdag po med pa/ yongs su 'dzin pa med pa/ de bzhin du bdag gi lus 'di yang rtswa dang / shing gel 
pa dang / rtsi dang / nags tshal dang / shing dang / rtsig pa dang / lam dang / mig yor lta bu ste/ phung po dang / khams dang / skye mched kyis yongs su bzung ba/ tshor ba med pa/ byed pa med pa/ bdag po med pa/ yongs su 'dzin pa med 

</font><hr>60-1-156a<br><font size=+1>

pa/ bdag dang bdag gi'am/ rtag pa'am/ brtan pa'am/ ther zug gam/ mi g.yo ba'am/ mi gnod pa'am/ mi 'gyur ba'i chos can gyis stong ste/ lus 'di la bdag gir mi bya'i/ bdag gis snying po med pa'i lus 'dis 
snying po mngon par rdzogs par 'tshang rgya bar bya'o/ /snying po de yang gang zhe na/ gang 'di de bzhin gshegs pa'i sku ste/ bdag gis de bzhin gshegs pa'i sku/ chos kyi sku/ rdo rje'i sku/ mi shigs pa'i sku/ brtan pa'i sku/ 'jig rten gsum po thams 
cad las khyad par du 'phags pa'i sku de bsgrub par bya'o/ /bdag gi lus nyes pa du ma'i skyon chags mod kyi/ 'on kyang de bzhin gshegs pa'i sku nyes pa thams cad dang bral ba thob par bya'o snyam mo/ /des phan yon mthong bas na/ so sor rtog pa'i stobs kyis 'byung ba chen 
po'i gnas kyi lus spong ste/ bdag gi lus 'di yang sems can thams cad kyi bya ba ci yod pa la zad par bya'o/ /'di lta ste/ dper na phyi rol gyi sa'i khams dang / chu'i khams dang / me'i khams dang / rlung gi khams dang / 'byung ba chen po bzhi po de dag 
sgo sna tshogs dang / rnam pa sna tshogs dang / dmigs pa sna tshogs dang / rnam grangs sna tshogs dang / yo byad sna tshogs dang / longs spyod sna tshogs kyis sems can thams cad kyi longs spyod dang yongs su spyod par 'gyur ro/ /de bzhin du bdag gi lus 'byung ba chen 
po bzhi la gnas pa 'di yang sgo sna tshogs dang / rnam pa sna tshogs dang / dmigs pa sna tshogs dang / rnam grangs sna tshogs dang / yo byad sna tshogs dang / longs spyod sna tshogs kyis rgya cher sems can thams cad kyi longs spyod du 'gyur bar bya'o zhes des don gyi dbang 
'di mthong bas/ lus sdug bsngal bar yang rtog cing / sems can la lta ba'i phyir lus kyi sdug bsngal gyis kyang yongs su mi skyo'o/ /lus la mi rtag par rtog cing skye ba dang shi 'pho bas kyang yongs su mi skyo'o/ /lus la bdag med par rtog cing sems can thams cad 

</font><hr>60-1-156b<br><font size=+1>

yongs su smin par bya ba'i phyir yang yongs su mi skyo'o/ /lus la zhi bar rtog cing zhi bar btang snyoms su yang mi ltung ngo / /lus la stong pa nyid dang / mtshan ma med pa dang / smon pa med pa dang / dben par yang rtog la/ lus kyi stong pa nyid dang / mtshan ma med pa dang / smon pa med pa dang / dben pa'i 
mthar yang mi ltung ngo / /de bzhin du lus la mngon par 'du mi byed pa dang / mi skye ba dang / ma byung ba dang / dngos po med pa dang / ji lta ba bzhin du rnam par dag par yang rtog la/ lus mngon par 'du mi byed pa dang / mi skye ba dang / ma byung ba dang / dngos po med pa dang / ji lta ba bzhin du rnam par 
dag pa'i mthar yang mi ltung ngo / /lus tshor ba med pa dang / lus byed pa med pa dang / lus bdag po med pa dang / lus yongs su 'dzin pa med pa dang / lus dbyer med pa dang / lus ro gcig pa dang / lus nam mkha'i ngo bo nyid dang / lus rang bzhin gyis yongs su mya ngan las 'das 
par yang rtog la/ lus g.yo ba med pa dang / byed pa med pa dang / bdag po med pa dang / 'dzin pa med pa dang / dbyer med pa dang / ro gcig pa dang /nam mkha'i ngo bo nyid dang / rang bzhin gyis yongs su mya ngan las 'das pa'i mthar yang mi ltung ngo / /lus la lus kyi rjes su lta 
zhing gnas pa de lus la rdzas dang snying po yang dag par rjes su mi mthong ngo / /de nang gi lus la lus kyi rjes su lta zhing gnas pas nang na gnas pa'i nyon mongs pa rnams kyi skabs mi 'byed do/ /de phyi rol gyi lus la lus kyi rjes su lta zhing gnas pas/ phyi rol gyi rjes su song ba'i 
nyon mongs pa rnams dang lhan cig tu mi gnas so/ /de lus nyon mongs pa can ma yin pas yongs su dag pa'i lus kyi las dang ldan pa yin/ de lus kyi las yongs su dag pa dang ldan pas/ lha dang mi'i nang na mtshan gyis legs par brgyan pa'i lus thob ste/ de'i 
lus mtshan gyis legs par brgyan pas/ lha dang mi rnams mngon du 'dod par 'gyur ba yin no/ /de ltar byang chub sems dpa' lus la lus kyi rjes su lta zhing gnas te/ 'di ni byang chub sems dpa'i lus la lus kyi rjes su lta ba dran pa nye bar gzhag pa zhes bya'o/ /de la byang 

</font><hr>60-1-157a<br><font size=+1>

chub sems dpa'i tshor ba rnams la tshor ba'i rjes su lta ba dran pa nye bar gzhag pa ni/ ji ltar na byang chub sems dpa'i tshor ba la tshor ba'i rjes su lta zhing gnas she na/ 'di la byang chub sems dpa' 'di snyam du sems te/ tshor ba gang ci yang rung ste/ de 
thams cad sdug bsngal ba'o snyam nas des tshor ba shin tu rtogs pa dang / ye shes kyis rtogs pa dang / shes rab kyis rtogs pa dang / nye bar zhi bas rtogs pas bde ba'i tshor ba yang tshor bar byed de/ de 'dod chags kyi bag la nyal yang bag la nyal bar mi 
'gyur ro/ /sdug bsngal gyi tshor bas reg na yang ngan song dang mi khom par skyes pa'i sems can thams cad la snying rje chen po skyed de/ de khong khro ba'i bag la nyal yang bag la nyal bar mi 'gyur ro/ /bde ba yang ma yin sdug bsngal ba yang ma yin pa'i tshor bas reg ste/ 
bde ba yang ma yin sdug bsngal ba yang ma yin pa'i tshor ba yang tshor bar byed de/ de ma rig pa'i bag la nyal yang bag la nyal bar mi 'gyur ro/ /de tshor ba dang ldan pa'i dran pas tshor ba gang ci yang rung ste/ bde ba'am/ sdug bsngal ba'am/ bde ba yang ma yin 
sdug bsngal ba yang ma yin pa tshor na/ tshor ba de dag thams cad las 'byung ba'i ye shes mthong ba sgom mo/ /de sems can thams cad kyi tshor ba yongs su shes par bya ba'i phyir go gyon te/ sems can 'di dag tshor ba las nges par 'byung ba yang dag pa ji lta ba bzhin du mi 
shes te/ de dag 'byung ba mi shes pas bde ba'i tshor bas reg na ni rjes su chags par 'gyur/ sdug bsngal gyi tshor bas reg na ni khong khro bar 'gyur/ sdug bsngal ba yang ma yin bde ba yang ma yin pa'i tshor bas reg na ni rmongs par 'gyur te/ bdag ni shes rab dang / 
ye shes su ldan pa'i tshor bas tshor ba thams cad rgyun chad pa'i thabs mkhas pa dang / snying rje chen pos zin pa'i dge ba'i rtsa ba'i tshogs kyis sems can de dag gi tshor ba thams cad bsal ba'i phyir chos bstan to snyam mo/ /yang ci'i phyir tshor ba zhes bya zhe na/ ma rig pas 

</font><hr>60-1-157b<br><font size=+1>

rtogs pa'i tshor ba ni sdug bsngal du 'gyur/ ye shes kyis rtogs pa'i tshor ba ni bde bar 'gyur te/ de la ye shes kyis rtogs pa'i tshor ba ni bde bar 'gyur ba gang zhe na/ 'di la bdag gam/ sems can nam/ srog gam/ skye ba po'am/ gso ba'am/ skyes 
bu'am/ gang zag gam/ shed las skyes sam/ shed bu yang rung / gang gis kyang tshor bar 'gyur ba med kyi mngon par zhen pa ni tshor ba'o/ /yongs su 'dzin pa ni tshor ba'o/ /nye bar len pa ni tshor ba'o/ /dmigs pa ni tshor ba'o/ /phyin ci log ni tshor ba'o/ /rnam 
par rtog pa ni tshor ba'o/ /lta ba dang bag la nyal ba ni tshor ba'o/ /mig tu 'du shes pa ni tshor ba'o/ /de bzhin du rna ba dang / sna dang / lce dang / lus dang / yid du 'du shes pa ni tshor ba'o/ /gzugs su 'du shes pa ni tshor ba'o/ /de bzhin du sgra dang / dri dang / ro 
dang / reg bya dang / chos su 'du shes pa ni tshor ba'o/ /gang yang mig dang gzugs 'dus te reg pa'i rkyen las skyes pa'i bde ba'ang rung / sdug bsngal ba yang rung / bde ba yang ma yin sdug bsngal ba yang ma yin pa yang rung ste/ 'di ni tshor ba zhes bya'o/ /de 
bzhin du rna ba dang sgrar 'dus te reg pa'i rkyen dang / sna dang drir 'dus te reg pa'i rkyen dang / lce dang ror 'dus te reg pa'i rkyen dang / lus dang reg byar 'dus te reg pa'i rkyen dang / gang yang yid dang chos su 'dus te reg pa'i rkyen las byung ba'i tshor ba bde ba yang rung / 
sdug bsngal ba yang rung / bde ba yang ma yin sdug bsngal ba yang ma yin pa yang rung ste 'di ni tshor ba zhes bya'o/ /gzhan yang rnam grangs su na tshor ba ni gcig pu kho na ste/ gang 'di sems kyi rnam par rig pa'o/ /tshor ba gnyis te/ gang 'di nang gi dang phyi'o/ /tshor 
ba gsum ste/ gang 'di 'das pa rnam par rig pa dang / ma 'ongs pa rnam par rig pa dang / da ltar byung ba rnam par rig pa'o/ /tshor ba bzhi ste/ gang 'di khams bzhi rnam par rig pa'o/ /tshor ba lnga ste/ gang 'di phung po lnga yid la byed pa'o/ /tshor ba drug ste/

</font><hr>60-1-158a<br><font size=+1>

gang 'di skye mched drug la yongs su rtog pa'o/ /tshor ba bdun te/ gang 'di rnam par shes pa gnas pa bdun no/ /tshor ba brgyad de/ gang 'di log pa'i sbyor ba brgyad do/ /tshor ba dgu ste/ gang 'di sems can gyi gnas dgu'o/ /tshor ba 
bcu ste/ gang 'di mi dge ba bcu'i las kyi lam rnams so/ /'di ni tshor ba kun gyi tshul te/ dmigs pa ji snyed pa de snyed du yid la byed do/ /ji snyed du yid la byed pa de snyed du yongs su rtog pa'o/ /ji snyed du yongs su rtog pa de snyed du tshor ba ste/ de'i phyir na sems can 
tshad med pa rnams kyi tshor ba tshad med pa zhes bya'o/ /de la byang chub sems dpa' tshor ba rnams la tshor ba'i rjes su lta zhing gnas pas sems can thams cad kyi tshor ba skye ba dang / 'jig pa dang gnas pa shes pa bskyed par bya'o/ /gang sems can thams cad kyi tshor ba skye ba dang / 
'jig pa dang / gnas pa dang / dge ba dang / mi dge ba'i tshor ba shes pa 'di ni byang chub sems dpa'i tshor ba rnams la tshor ba'i rjes su lta ba dran pa nye bar gzhag pa zhes bya'o/ /de la byang chub sems dpa'i sems la sems kyi rjes su lta ba dran pa nye bar gzhag pa 
gang zhe na/ gang byang chub sems dpa' de'i byang chub kyi sems ma brjed pa/ dran pas bsrungs shing mi g.yeng ba ste/ de sems la 'di ltar rtog go/ /sems ni skyes nas zhig cing zhu ste mi gnas pa'o/ /nang na yang mi 'dug /phyi rol du yang ma 'phos/ gnyi ga med 
par yang mi dmigs te/ gang bdag gi byang chub kyi sems dang po skyes pa de ni zad cing 'gags te yal zhing med par gyur pas yul na mi gnas/ phyogs na mi gnas te/ de ni gdags par mi nus so/ /sems bskyed pa gang gis byang chub kyi phyir dge ba'i rtsa ba rnams yang 
dag par bsgrubs pa de dag kyang zad cing 'gags te/ yal zhing med par gyur pas yul na mi gnas/ phyogs na mi gnas te/ de yang gdags par mi nus so/ /sems bskyed pa gang dag gis dge ba'i rtsa ba de dag byang chub tu yongs su bsngos pa de dag kyang de'i rang bzhin 

</font><hr>60-1-158b<br><font size=+1>

dang de'i mtshan nyid de/ sems kyis sems mi shes so/ /sems kyis sems mi mthong ngo / /sems kyis sems kyi mtshams mi sbyor ro/ /de la sems gang zhe na/ gang gis bdag bla na med pa yang dag par rdzogs pa'i byang chub mngon par rdzogs par 'tshang rgya 
bar bya'o snyam pa ste/ byang chub kyi sems gang yin pa de dge ba'i rtsa ba'i sems dang lhan cig mi gnas/ dge ba'i rtsa ba'i sems de yang yongs su sngo ba'i sems dang lhan cig mi gnas/ yongs su bsngo ba'i sems gang yin pa de yang byang chub kyi sems dang lhan cig mi 
gnas so snyam du rtog go/ /gal te byang chub sems dpa' de ltar rtog pa ni mi skrag mi dngang zhing dngang bar mi 'gyur na/ sems la sems kyi rjes su lta zhing gnas so/ /yang de 'di snyam du sems te/ rgyu dang 'bras bu chud mi za ba'i phyir/ rten cing 'brel par 'byung ba ni shin 
tu zab ste/ sems kyi chos nyid de lta bu yin du zin kyang / chos thams cad ni rgyu dang rkyen la rag las shing g.yo ba med pa/ byed pa med pa/ bdag po med pa/ yongs su 'dzin pa med pa ste/ de dag ji ltar 'dod pa de bzhin du rnam par sgrub bo/ /bdag gis kyang 
rnam par sgrub pa la brtson par bya ste/ sems kyi chos nyid 'di yang mi spong ngo snyam mo/ /de la sems kyi chos nyid ni gang / rnam par sgrub pa ni gang zhe na/ sems ni sgyu ma lta bu ste/ 'di la gang sbyin par byed pa gang yang med de/ 'di ni sems kyi chos nyid ces bya'o/ /
gang yang bdog pa thams cad yongs su btang ste/ sangs rgyas kyi zhing yongs su dag par bya ba'i phyir/ yongs su sngo ba 'di ni rnam par sgrub pa zhes bya'o/ /sems ni rmi lam lta bur rab tu zhi ba'i mtshan nyid de/ 'di ni sems kyi chos nyid ces bya'o/ /gang yang tshul khrims 
dang / bslab pa dang / sbyangs pa'i yon tan dang / byang chub kyi tshogs sogs pa thams cad mkhyen pa nyid kyi phyir yongs su sngo ba 'di ni rnam par sgrub pa zhes bya'o/ /sems ni mig yor lta bu ste/ gzod ma nas yongs su ma grub pa 'di ni sems kyi chos nyid ces bya'o/ /gang 

</font><hr>60-1-159a<br><font size=+1>

yang bzod pa dang / des pa thams cad mi skye ba'i chos la bzod pa yongs su rdzogs par bya ba'i phyir/ yongs su sngo ba 'di ni rnam par sgrub pa zhes bya'o/ /sems ni smig rgyu lta bu ste/ shin tu dben pa'i phyir dben pa 'di ni sems kyi chos nyid ces bya'o/ /
gang yang dge ba'i rtsa ba thams cad la brtson 'grus brtsams pa rnams sangs rgyas kyi chos thams cad yongs su rdzogs par bya ba'i phyir/ yongs su sngo ba 'di ni rnam par sgrub pa zhes bya'o/ /sems ni gzugs can ma yin pa/ bstan du med pa/ thogs pa med pa/ rnam 
par rig pa med pa ste/ 'di ni sems kyi chos nyid ces bya'o/ /gang yang bsam gtan dang / rnam par thar pa dang / ting nge 'dzin dang / snyoms par 'jug pa thams cad sangs rgyas kyi ting nge 'dzin thob par bya ba'i phyir/ yongs su sngo ba 'di ni rnam par sgrub pa zhes bya'o/ /
sems ni gzung ba med pa/ mtshan ma med pa/ bstan du med pa/ gnas med pa ste/ 'di ni sems kyi chos nyid ces bya'o/ /gang yang dris pa'i tshig rab tu dbye ba bstan pa shes pa thams cad sangs rgyas kyi ye shes yongs su rdzogs par bya ba'i phyir/ yongs su sngo ba 'di ni rnam 
par sgrub pa zhes bya'o/ /sems ni dmigs pa med par mi skye ba ste/ 'di ni sems kyi chos nyid ces bya'o/ /sangs rgyas kyi chos thams cad thob par bya ba'i phyir dge ba'i rtsa ba thams cad la dmigs pa'i sems nye bar sgrub pa 'di ni rnam par sgrub pa zhes bya'o/ /sems ni rgyu 
med par mi skye ba ste/ 'di ni sems kyi chos nyid ces bya'o/ /gang yang byang chub kyi phyogs kyi chos thams cad kyi rgyur sems bskyed pa 'di ni rnam par sgrub pa zhes bya'o/ /yul drug las rnam par grol bar sems mi skye ba 'di ni sems kyi chos nyid ces bya'o/ /gang yang sangs 
rgyas kyi chos thams cad kyi yul gyi rgyur sems mngon par sgrub pa 'di ni rnam par sgrub pa zhes bya'o/ /sems la sems kyi rjes su lta zhing gnas pa'i byang chub sems dpa' mngon par shes pa thob par bya ba'i phyir sems nye bar 'dogs so/ /de mngon par shes pa thob pa'i sems 

</font><hr>60-1-159b<br><font size=+1>

kyis sems can thams cad kyi sems kyi spyod pa rab tu shes te/ shes nas kyang de lta bu'i rang bzhin gyis chos ston to/ /sems la sems kyi rjes su lta zhing gnas pa'i byang chub sems dpa' snying rje chen po thob par bya ba'i phyir sems nye bar 'dogs te/ de snying rje chen po thob 
pa'i sems kyis sems can thams cad yongs su smin par byed pas mi skyo'o/ /sems la sems kyi rjes su lta zhing gnas pa'i byang chub sems dpa' sems zad par bya ba'i phyir sems mi skyed/ sems 'gog par bya ba'i phyir yang ma yin te/ 'khor ba'i rgyun gyi dge ba'i 
rtsa ba kun tu sbyor ba rnams la sems mngon par sgrub bo/ /sems kyi dran pa shes pa des ma byung ba dang / mi skye ba dang / mi 'gog par nges par 'gyur ba la 'jug pa'i chos su gnas kyang nyan thos dang rang sangs rgyas kyi sar mi ltung ste/ nam yang sangs rgyas kyi chos thams 
cad yongs su rdzogs par ma gyur gyi bar du sems kyi rgyun de nye bar 'dogs te/ sems skad cig gcig dang ldan pa'i shes rab kyis bla na med pa yang dag par rdzogs pa'i byang chub kyang mngon par rdzogs par 'tshang rgya ste/ 'di ni byang chub sems dpa' rnams kyi sems la sems 
kyi rjes su lta ba dran pa nye bar gzhag pa zhes bya'o/ /de la byang chub sems dpa'i chos rnams la chos kyi rjes su lta ba dran pa nye bar gzhag pa gang zhe na/ 'phags pa'i shes rab kyi mig gis mthong ba'i chos de dag byang chub kyi snying po la 'dug gi bar du bar ma dor brjed par mi 'gyur 
ro/ /chos rnams la chos kyi rjes su lta zhing gnas pa'i byang chub sems dpa' gang stong pa nyid las rnam par grol ba dang / mtshan ma med pa las rnam par grol ba dang / smon pa med pa las rnam par grol ba dang / mngon par 'du mi byed pa las rnam par grol ba dang / mi 
skye ba las rnam par grol ba dang / mi 'byung ba las rnam par grol ba dang / dngos po med pa las rnam par grol ba'i chos chung rab tsam yang mi mthong ngo / /chos rnams la chos kyi rjes su lta zhing gnas pa'i byang chub sems dpas chos gang rten cing 'brel par 'byung ba las 

</font><hr>60-1-160a<br><font size=+1>

rnam par grol ba chung rab tsam yang mi mthong ngo / /chos rnams la chos kyi rjes su lta zhing gnas pa'i byang chub sems dpas chos kho na mthong gi /chos ma yin pa mi mthong ste/ de la chos gang zhe na/ 'di lta ste/ bdag med pa'i don dang / sems can 
med pa'i don dang / srog med pa'i don dang / gang zag med pa'i don dang / chad pa med pa'i don dang / rtag pa med pa'i don dang / 'byung ba med pa'i don dang / 'jig pa med pa'i don te/ de la chos zhes bya'o/ /de la chos ma yin pa gang zhe na/ 'di lta ste/ bdag 
tu lta ba dang / sems can du lta ba dang / srog tu lta ba dang / gang zag tu lta ba dang / chad par lta ba dang / rtag par lta ba dang / 'byung bar lta ba dang / 'jig par lta ba ste/ 'di ni chos ma yin pa zhes bya'o/ /'di ltar yang chos thams cad ni chos so/ /chos 
thams cad ni chos ma yin pa'o/ /de ci'i phyir zhe na/ stong pa nyid dang / mtshan ma med pa dang / smon pa med par so sor rtog pas chos thams cad ni chos ma yin no/ /ngar 'dzin pa dang / nga yir 'dzin pa'i lta ba la mngon par zhen pas chos thams cad ni chos ma yin no/ /
de ltar chos rnams la chos kyi rjes su lta zhing gnas pa'i byang chub sems dpas gang las sangs rgyas kyi chos med pa dang / gang las byang chub med pa dang / gang las lam med pa dang / gang las thar pa med pa dang / gang las nges par 'byung ba med pa'i chos gang yang mi mthong ste/ des chos thams 
cad nges par 'byung bar shes pas/ sems can rnams la sgrib pa med pa zhes bya ba'i ting nge 'dzin gyi sgo 'thob par 'gyur ro/ /des chos thams cad dang / nyon mongs pa thams cad la yang bcos pa'i 'du shes 'thob ste/ chos 'di dag ni nyon mongs pa med pa 
ste/ 'di dag ni nyon mongs pa dang bcas pa ma yin no/ /de ci'i phyir zhe na/ 'di ltar de dag nges pa'i don gyi don la rton te/ nyon mongs pa'i tshogs kyang med/ phung por gyur pa yang med/ 'dod chags kyi dngos po med/ zhe sdang gi dngos po med/ gti mug gi dngos 

</font><hr>60-1-160b<br><font size=+1>

po med de/ nyon mongs pa 'di dag rtogs pa'i phyir byang chub ste/ nyon mongs pa'i ngo bo nyid gang yin pa byang chub kyi ngo bo nyid kyang de yin no zhes de 'di lta bur dran pa nye bar 'jog kyang ci yang nye bar mi 'jog /rab tu mi 'jog /rnam par mi 'jog go/ /chos nyid de gnas par rab tu shes te/ 
de'i phyir chos kyi dbyings de gnas pa zhes bya'o/ /gnas gang na chos kyi dbyings na gnas pa de na sems can gyi khams kyang gnas so/ /sems can gyi khams gnas gang na gnas pa de na nam mkha'i khams kyang gnas te/ de bas na chos thams cad ni nam mkha' dang mtshungs pa zhes 
bya'o/ /chos rnams la chos kyi rjes su lta zhing gnas pa'i byang chub sems dpa' ni sangs rgyas kyi chos la rton pa yin te/ de chos thams cad kyang sangs rgyas kyi chos su mos so/ /de zad pa shes pa yang skyed de/ 'dus byas kyang zad par mi byed do/ /mi skye ba shes pa yang mngon par sgrub ste/ 
de sems can la lta ba'ang skyed cing mi skye ba'i mtha' yang mi spong ngo / /chos dran pa nye bar gzhag pa zhes bya ba ni/ chos thams cad dran pa de la gnas par 'gyur te/ nyan thos dang / rang sangs rgyas dang / byang chub sems dpa' dang / yang dag par rdzogs pa'i sangs rgyas kyi 
chos rnams dang / chos su btags pa ji snyed pa de dag thams cad dran pa de la gnas par 'gyur te/ phyi ma'i mtha'i bar du yang dran pa des mi brjed cing nyams par mi 'gyur ro/ /chos thams cad ma lus par dran pa de la gnas te/ dran pa des phyi ma'i mtha'i bar du yang mi 
brjed cing nyams par mi 'gyur ro/ /chos rnams la chos kyi rjes su lta ba dran pa nye bar gzhag pa zhes bya ba de ni tshad med pa shin tu bstan pa'i tshig ste/ kun tu spyod yul ba/ sangs rgyas kyi chos thams cad yang dag par 'jug pa/ sems can thams cad tshim par byed pa/ 
bdud thams cad pham par byed pa/ rang 'byung gi ye shes rtogs par byed pa'i tshig 'di ni byang chub sems dpa'i chos rnams la chos kyi rjes su lta ba dran pa nye bar gzhag pa zhes bya'o/ /btsun pa sha ra dwa ti'i bu/ de dag ni byang chub sems dpa' rnams kyi dran pa nye bar gzhag pa 

</font><hr>60-1-161a<br><font size=+1>

bzhi sgom pa mi zad pa'o/ /btsun pa sha ra dwa ti'i bu/ gzhan yang byang chub sems dpa' rnams kyi yang dag par spong ba bzhi yang mi zad pa ste/ bzhi gang zhe na/ 'di lta ste/ sdig pa mi dge ba'i chos ma skyes pa rnams mi skyed pa'i phyir 'dun pa skyed/ 'bad/ 
brtson 'grus rtsom ste/ sems rab tu 'dzin cing yang dag par rab tu 'jog pa dang / sdig pa mi dge ba'i chos skyes pa rnams spang ba'i phyir 'dun pa skyed/ 'bad/ brtson 'grus rtsom ste/ sems rab tu 'dzin cing yang dag par rab tu 'jog pa dang / dge ba'i chos ma skyes pa 
rnams bskyed pa'i phyir 'dun pa skyed/ 'bad/ brtson 'grus rtsom ste/ sems rab tu 'dzin cing yang dag par rab tu 'jog pa dang / dge ba'i chos skyes pa rnams gnas pa dang / bsgom pa dang / phyir zhing 'byung ba dang / chud za bar mi 'gyur ba dang / nyams par mi 'gyur ba dang / 
shin tu rgyas par bya ba'i phyir 'dun pa skyed/ 'bad/ brtson 'grus rtsom ste/ sems rab tu 'dzin cing yang dag par rab tu 'jog pa'o/ /gang sdig pa mi dge ba'i chos ma skyes pa rnams mi skyed pa'i phyir 'dun pa skyed ces bya ba de ni tshul bzhin yid la byed pa'i tshig bla dgas so/ /
'bad/ brtson 'grus rtsom zhes bya ba de ni tshul bzhin yid la byed pa mi 'dor ba'i tshig bla dgas so/ /sems rab tu 'dzin cing yang dag par rab tu 'jog ces bya ba de ni tshul bzhin du rtog pa'i tshig bla dgas so/ /de ci'i phyir zhe na/ tshul bzhin rab tu sbyor ba ni sdig pa mi dge ba'i 
chos rnams kun tu mi spyod pa'i phyir ro/ /de la sdig pa mi dge ba'i chos rnams gang zhe na/ gang 'di tshul khrims kyi mi 'thun pa'i phyogs dang / ting nge 'dzin gyi mi 'thun pa'i phyogs dang / shes rab kyi mi 'thun pa'i phyogs so/ /de la tshul khrims kyi mi 'thun pa'i phyogs gang zhe 
na/ gang 'di tshul khrims nyams pa dang / gang dag gzhan gyi tshul khrims kyang nyams par byed pa'i chos ci yang rung ste/ gang dag tshul khrims kyi phung po'i mi 'thun pa'i phyogs su 'gyur ba 'di ni tshul khrims kyi mi 'thun pa'i phyogs zhes bya'o/ /de la ting nge 'dzin gyi mi 'thun pa'i 

</font><hr>60-1-161b<br><font size=+1>

phyogs gang zhe na/ gang 'di cho ga nyams pa ste/ gang dag gzhan gyi sems kyang rnam par g.yeng bar byed pa'i chos ci yang rung ste/ gang dag ting nge 'dzin gyi phung po'i mi 'thun pa'i phyogs su 'gyur ba 'di ni ting nge 'dzin gyi mi 'thun pa'i phyogs zhes bya'o/ /de la shes rab kyi mi 'thun pa'i phyogs gang zhe na/ gang 
'di lta ba nyams pa ste/ gang dag gzhan gyi lta ba'ang nyams par byed pa/ kun nas ldang ba dang / sgrib pa dang / chod par 'gyur ba'i chos ci yang rung ste/ gang dag shes rab kyi phung po'i mi 'thun pa'i phyogs su 'gyur ba 'di ni shes rab kyi mi 'thun pa'i phyogs zhes bya ste/ 'di ni sdig pa mi dge 
ba'i chos rnams zhes bya'o/ /tshul bzhin yid la byed pa gang gis sdig pa mi dge ba'i chos 'di lta bu ma skyes ba rnams skye ba'i go skabs mi 'byed pa 'di ni yang dag par spong ba dang po zhes bya'o/ /gang yang sdig pa mi dge ba'i chos skyes pa rnams spang ba'i phyir 'dun pa skyed/ 'bad/ 
brtson 'grus rtsom ste/ sems rab tu 'dzin cing yang dag par rab tu 'jog ces bya ba de ni tshul bzhin yid la byed pa'i tshig bla dgas so/ /de ci'i phyir zhe na/ sdig pa mi dge ba'i chos de dag sems la phung por gyur pa med de/ yul na mi gnas/ phyogs na mi gnas shing 
gdags par mi nus pa'i phyir ro/ /gang sdig pa mi dge ba'i chos de dag sems la kun tu 'byung ba spong ba shes pa ni rgyu dang dmigs pa gang dag gis sdug pa'i rnam par 'dod chags sam/ khong khro ba'i rnam par zhe sdang ngam/ ma rig pa'i rnam par gti mug skye ba'ang rung ste/ de 
dag la mi sdug pa'i tshul bzhin yid la byed pas ni 'dod chags zhi bar byed/ byams pas ni zhe sdang / rten cing 'brel par 'byung ba la 'jug pas ni gti mug zhi bar byed pa ste/ gang nyon mongs pa 'di dag zhi ba 'di ni spong ba zhes bya'o/ /tha snyad btags pa gzung gi don dam 
par na de la gang spang ba'i chos gang yang mi dmigs te/ chos thams cad mnyam pa nyid du mngon sum pas na/ de'i phyir yang dag par spong ba zhes bya ste/ 'di ni yang dag par spong ba gnyis pa zhes bya'o/ /gang yang dge ba'i chos ma skyes pa rnams bskyed pa'i phyir 'dun pa skyed/ 'bad/

</font><hr>60-1-162a<br><font size=+1>

brtson 'grus rtsom ste/ sems rab tu 'dzin cing yang dag par rab tu 'jog ces bya ba de ni tshad med pa'i tshig shin tu bstan pa'o/ /de ci'i phyir zhe na/ gang dag byang chub sems dpas yang dag par bsgrub par bya ba'i chos de dag tshad med pa'i phyir ro/ /de la 'dun pa ni dge ba'i 
chos thams cad kyi rtsa ba'o/ /brtson 'grus ni dge ba'i chos thams cad yang dag par sgrub pa'o/ /sems yang dag par 'dzin pas ni dge ba'i chos thams cad nyams su lon par byed de/ dge ba'i chos de dag la dpyod cing rnam par 'byed pa ste/ 'di ni yang dag par spong ba 
gsum pa zhes bya'o/ /gang yang dge ba'i chos skyes pa rnams gnas pa dang / bsgom pa dang / phyir zhing 'byung ba dang / chud za bar mi 'gyur ba dang / nyams par mi 'gyur ba dang / shin tu rgyas par bya ba'i phyir 'dun pa skyed/ 'bad/ brtson 'grus rtsom ste/ sems rab 
tu 'dzin cing yang dag par rab tu 'jog ces bya ba de ni byang chub tu yongs su bsngos pa'i dge ba'i rtsa ba'i tshig bla dgas so/ /de ci'i phyir zhe na/ byang chub tu yongs su bsngos pa'i dge ba'i rtsa ba ni byang chub kyi snying po'i mthar ma thug gi bar du bar ma dor chud mi za ba'i phyir ro/ /de ci'i 
phyir zhe na/ 'di ltar dge ba'i rtsa ba de ni khams gsum pa thams cad la mi gnas pa'i phyir te/ dge ba'i rtsa ba gang khams gsum pa la gnas pa de ni yongs su zad par 'gyur gyi/ dge ba'i rtsa ba gang khams gsum pa la mi gnas par thams cad mkhyen pa nyid du yongs su 
bsngos pa de ni byang chub kyi snying po'i mthar ma thug gi bar du bar ma dor gang yang zad par mi 'gyur ro/ /'di ni byang chub sems dpa'i yang dag par spong ba bzhi zhes bya ste/ btsun pa sha ra dwa ti'i bu/ de dag ni byang chub sems dpa' rnams kyi yang dag par spong ba bzhi mi zad 
pa'o// //bam po bdun pa ste tha ma/ btsun pa sha ra dwa ti'i bu/ gzhan yang byang chub sems dpa' rnams kyi rdzu 'phrul gyi rkang pa bzhi mi zad pa ste/ bzhi gang zhe na/ 'di lta ste/ 'dun pa dang / brtson 'grus dang / sems dang / dpyod 

</font><hr>60-1-162b<br><font size=+1>

pa'o/ /de dag gi rtsa ba'i rten dang gnas ni byams pa dang / snying rje dang / dga' ba dang / btang snyoms dang / tshad med pa bzhi po dag ste/ de tshad med pa bzhi po 'di la bsten cing bsgoms te mang du byas pas sems las su rung ba thob par 'gyur ro/ /de sems 
las su rung ba thob pas bsam gtan dang po la mnyam par gzhog go/ /de bzhin du gnyis pa dang / de bzhin du gsum pa dang / de bzhin du bzhi pa la yang mnyam par gzhog ste/ des bsam gtan thob pas lus dang sems yang ba thob par 'gyur ro/ /de lus dang sems 
yang ba dang ldan pas mngon par shes pa la 'jug pa mngon par sgrub bo/ /de mngon par shes pa la 'jug pa mngon par sgrub pa dang ldan pas/ 'dun pa las sam/ brtson 'grus las sam/ sems las sam/ dpyod pa las rdzu 'phrul gyi rkang pa skyed do/ /de la 'dun 
pa ni/ gang chos de dag la mngon du phyogs pa'o/ /brtson 'grus ni gang chos de dag sgrub pa'o/ /sems ni gang chos de dag la rtog pa'o/ /dpyod pa ni gang chos de dag la mkhas pa ste/ de rdzu 'phrul gyi rkang pa mngon par sgrub pa rnams kyis yang dag par sgrub ste/ de'i phyir 
na rdzu 'phrul gyi rkang pa zhes bya'o/ /de la 'dun pas ni rnam par sgrub bo/ /brtson 'grus kyis ni rdzogs par byed do/ /sems kyis ni rnam par 'jog go/ /dpyod pas ni rnam par 'byed do/ /de la byang chub sems dpa' rnams kyi rdzu 'phrul gyi rkang pa ni mos pa las byung ba/ mngon 
par 'du byed pa med pa/ rang gi sems bskyed pas dbang byed pa/ ji ltar 'dod pa bzhin du 'gro ba/ yongs su sbyang ba legs par byas pa/ rtsa ba la shin tu gnas pa/ thams cad du rgyu zhing rlung dmar bzhin du thogs pa med pa/ nam mkha'i mthar thug pa ste/ btsun pa sha 
ra dwa ti'i bu/ de dag byang chub sems dpa' rnams kyi rdzu 'phrul gyi rkang pa bzhi mi zad pa'o/ /btsun pa sha ra dwa ti'i bu/ gzhan yang byang chub sems dpa' rnams kyi dbang po lnga mi zad pa ste/ de la dbang po lnga gang zhe na/ gang 'di dad pa'i dbang po dang / brtson 'grus kyi 

</font><hr>60-1-163a<br><font size=+1>

dbang po dang / dran pa'i dbang po dang / ting nge 'dzin gyi dbang po dang / shes rab kyi dbang po'o/ /de la dad pa'i dbang po gang zhe na/ dad pa gang gis chos bzhi la dad pa ste/ bzhi gang zhe na/ 'di lta ste/ 'khor ba na spyod pa'i 'jig rten pa'i yang dag pa'i 
lta ba la dad pa ste/ de las kyi rnam par smin pa la rten pa yin/ dge ba'am/ sdig pa'i las gang dang gang byas pa'i las de dang de'i rnam par smin pa myong bar 'gyur ro snyam ste/ srog gi phyir yang sdig pa'i las mi byed pa dang / byang chub sems dpa'i spyod pa la dad pa ste/ spyod 
pa de la zhugs nas kyang / theg pa gzhan la 'dod pa mi skyed pa dang / chos thams cad la don dam pa nges pa'i don zab mo rten cing 'brel par 'byung ba bdag med pa/ sems can med pa/ srog med pa/ gso ba med pa/ gang zag med par rnam par dpyod pa dang / stong pa nyid 
dang / mtshan ma med pa dang / smon pa med pa'i mtshan nyid du dad pa ste/ lta bar gyur pa thams cad dang / bag la nyal bar gyur pa thams cad bag la nyal bar mi byed pa dang / stobs dang / mi 'jigs pa la sogs pa sangs rgyas kyi chos thams cad la dad pa ste/ dad pa'i phyir the 
tshom dang bral/ nem nur dang bral bas/ sangs rgyas kyi chos de dag yang dag par sgrub pa ste/ 'di ni dad pa'i dbang po zhes bya'o/ /de la brtson 'grus kyi dbang po gang zhe na/ chos gang dag la dad pa'i dbang pos dad par gyur pa'i chos de dag brtson 'grus kyi dbang pos yang 
dag par sgrub ste/ 'di ni brtson 'grus kyi dbang po zhes bya'o/ /de la dran pa'i dbang po gang zhe na/ chos gang dag brtson 'grus kyi dbang pos yang dag par bsgrubs pa dran pa'i dbang pos chud mi gzon te/ 'di ni dran pa'i dbang po zhes bya'o/ /de la ting nge 'dzin gyi dbang 
po gang zhe na/ dran pa'i dbang pos chos gang dag chud mi gzon pa'i chos de dag ting nge 'dzin gyi dbang pos rtse gcig tu byed de/ 'di ni ting nge 'dzin gyi dbang po zhes bya'o/ /de la shes rab kyi dbang po gang zhe na/ chos gang dag ting nge 'dzin gyi dbang pos rtse gcig tu byas pa'i chos de 

</font><hr>60-1-163b<br><font size=+1>

dag shes rab kyi dbang pos rab tu rtog cing / shin tu rtogs par byed de/ gang chos de dag la gzhan gyi dring la mi 'jog par shes shing so sor rang gis shes pa 'di ni shes rab kyi dbang po zhes bya'o/ /de ltar na dbang po lnga 'di dag ni lhan cig 'grogs shing rjes su 'brel ba ste/ 
sangs rgyas kyi chos thams cad yongs su rdzogs par byed do/ /lung bstan pa'i sar yang gzhog go/ /btsun pa sha ra dwa ti'i bu/ 'di lta ste/ dper na phyi rol pa'i dbang po lnga mngon par shes pa rnams sems can mngal du song ba rnams ni ji srid du de'i pho'i dbang po dang / mo'i dbang 
po mngon par grub par ma gyur pa de srid du lung mi ston to/ /de bzhin du sangs rgyas bcom ldan 'das rnams kyang / byang chub sems dpa' dag pa ji srid du 'jig rten las 'das pa'i dbang po lnga po 'di dag dang ldan par ma gyur pa de srid du bla na med pa yang dag par rdzogs pa'i byang chub tu lung mi ston te/ 
btsun pa sha ra dwa ti'i bu/ 'di dag ni byang chub sems dpa' rnams kyi dbang po lnga mi zad pa'o/ /btsun pa sha ra dwa ti'i bu/ gzhan yang byang chub sems dpa' rnams kyi stobs lnga mi zad pa ste/ de la stobs lnga gang zhe na/ 'di lta ste/ dad pa'i stobs dang / brtson 'grus 
kyi stobs dang / dran pa'i stobs dang / ting nge 'dzin gyi stobs dang / shes rab kyi stobs so/ /de la dad pa'i stobs gang zhe na/ gang 'di mos pa dang / dad pa dang / mi rdzi ba ste/ gal te bdud sdig can sangs rgyas kyi gzugs kyis de'i drung du 'ongs nas chos la nges par sems pa'i mos pa gang yang rung ba las 'bral bar byed cing 'dun pa zlog par byed na yang / dad pa'i stobs la mos pa'i byang chub sems dpa' ni dad pa'i stobs de las bskyod pa'am/ bsgul ba'am/ bslang bar mi nus te/ 'di ni dad pa'i stobs zhes bya'o/ /de la brtson 'grus 
kyi stobs gang zhe na/ byang chub sems dpas brtson 'grus brtsam pa gang dang gang rtsom pa dang / dge ba'i chos gang dang gang dag la sbyor ba de dang de dag la stobs bskyed pa sra ba 'thob ste/ stobs bskyed pa de dang ldan pa'i byang chub sems dpa' gnas de las ma rgal gyi bar du de la lhar bcas pa'i 

</font><hr>60-1-164a<br><font size=+1>

'jig rten gyis kyang bskyod pa'am/ bsgul ba'am/ bslang bar mi nus pa 'di ni brtson 'grus kyi stobs zhes bya'o/ /de la dran pa'i stobs gang zhe na/ de chos dran pa'i gnas gang dang gang la sems 'jog pa de las nyon mongs pa gang yang rung ba dag gis 
gtor bar mi nus te/ de'i dran pa'i stobs bskyed pa des nyon mongs pa thams cad 'joms shing / byang chub sems dpa'i dran pa de ni nyon mongs pa thams cad kyis mi rdzi ba yin te/ 'di ni dran pa'i stobs zhes bya'o/ /de la ting nge 'dzin gyi stobs gang zhe na/ gang 'du 'dzi 
thams cad las dben par gnas shing spyod pa ste/ de sgra dang tshig gi lam thams cad kyis shin tu ston kyang de'i bsam gtan dang po la sgra'i tsher ma yang sgrib par mi byed do/ /de rtog pa dang dpyod par spyod kyang de'i bsam gtan gnyis pa la sgrib par mi 'gyur ro/ /de dga' ba 
dang mgu ba skyes pa yang de'i bsam gtan gsum pa la sgrib par yang mi 'gyur ro/ /de sems can thams cad smin par bya ba dang / dam pa'i chos yongs su gzung ba'i phyir/ btang snyoms par yang mi 'gyur la/ de'i bsam gtan bzhi pa la yang sgrib par mi 'gyur ro/ /de 
bsam gtan bzhi po de dag gis gnas te/ bsam gtan dang mi 'thun pa'i phyogs kyi chos rnams kyis kyang thul bar mi nus so/ /de mnyam par bzhag pa'i gnas kyang mi gtong la/ ting nge 'dzin gyi dbang gis kyang mi skye ste/ 'di ni ting nge 'dzin gyi stobs zhes bya'o/ /de la 
shes rab kyi stobs gang zhe na/ gang 'jig rten pa dang / 'jig rten las 'das pa'i chos la mi thul bar shes pa ste/ tshe rabs tshe rabs su yang de'i slob dpon med par bzo'i las dang / rig pa dang / sngags dang / stobs kyi gnas thams cad mngon du 'gyur ro/ /
'jig rten na dam pa/ bya dka' ba/ bzod par dka' ba/ thob par dka' ba/ ji snyed pa de dag byang chub sems dpa' la mngon par 'gyur ro/ /gang yang 'jig rten las 'das pa'i chos gang dang gang dag gis 'jig rten las zlo ba de dag kyang byang chub sems dpa' de'i 

</font><hr>60-1-164b<br><font size=+1>

shes rab dang / ye shes kyi stobs bskyed pas rjes su rtogs te/ lha dang / mi dang / lha ma yin du bcas pa'i 'jig rten gyis mi rdzi ba 'di ni shes rab kyi stobs zhes bya ste/ btsun pa sha ra dwa ti'i bu/ de dag ni byang chub sems dpa' rnams kyi stobs lnga mi zad pa'o/ /btsun pa sha ra dwa 
ti'i bu/ gzhan yang byang chub sems dpa' rnams kyi byang chub kyi yan lag bdun mi zad pa ste/ de la byang chub kyi yan lag bdun gang zhe na/ 'di lta ste/ dran pa yang dag byang chub kyi yan lag dang / chos rnam par 'byed pa yang dag byang chub kyi yan lag dang / brtson 'grus yang 
dag byang chub kyi yan lag dang / dga' ba yang dag byang chub kyi yan lag dang / shin tu sbyangs pa yang dag byang chub kyi yan lag dang / ting nge 'dzin yang dag byang chub kyi yan lag dang /btang snyoms yang dag byang chub kyi yan lag go/ /de la dran pa yang dag byang chub kyi yan lag gang 
zhe na/ dran pa gang gis chos rnams rtogs par 'gyur ba dang / chos rnams la so sor rtog pa dang / chos rnams la dpyod pa dang / chos rnams la kun 'gro ba dang / chos rnams la bsam pa dang / chos rnams la rjes su rtog pa ste/ de dran pa des chos rnams kyi rang gi mtshan 
nyid rtogs par 'gyur ro/ /chos rnams kyi rang gi mtshan nyid gang zhe na/ chos thams cad ni rang gi mtshan nyid kyis stong pa ste gang gis de ltar dran zhing rtogs pa 'di ni dran pa yang dag byang chub kyi yan lag ces bya'o/ /de la chos rnam par 'byed pa yang dag byang chub kyi yan lag gang zhe na/ gang 
chos kyi phung po brgyad khri bzhi stong rnam par 'byed pa shes te/ chos gang ji lta ji lta bur rnam par dbye bar bya ba nges pa'i don kyang nges pa'i don du/ drang ba'i don kyang drang ba'i don du/ kun rdzob kyi don kyang kun rdzob kyi don du/ don dam pa yang don dam par/ brda yang brdar/ rnam 
par nges pa yang rnam par nges par/ chos de dang de dag de lta bur rnam par 'byed pa 'di ni chos rnam par 'byed pa yang dag byang chub kyi yan lag ces bya'o/ /de la brtson 'grus yang dag byang chub kyi yan lag gang zhe na/ gang dran pa 'di dang / chos rnam par 'byed pa dang / dga' 

</font><hr>60-1-165a<br><font size=+1>

ba dang / shin tu sbyangs pa dang / ting nge 'dzin dang / btang snyoms shes pa 'di rab tu 'dzin pa dang / spro ba dang / stobs dang / rtul ba dang / phyir mi ldog pa dang / 'dun pa dang / mthu dang / brtson pa mi gtong ba dang / lam mngon par rtogs par bya ba'i phyir/ 
brtson pa 'di ni brtson 'grus yang dag byang chub kyi yan lag ces bya'o/ /de la dga' ba yang dag byang chub kyi yan lag gang zhe na/ chos la dga' ba dang / chos la mos pa dang / chos la mchog tu dga' ba gang gis sems ma god pa dang / dad cing 'dod pa ste/ chos la dga' ba 
gang gis lus dang sems shin tu sbyangs par 'gyur ba dang / nyon mongs pa rnams sel ba 'di ni dga' ba yang dag byang chub kyi yan lag ces bya'o/ /de la shin tu sbyangs pa yang dag byang chub kyi yan lag gang zhe na/ gang lus shin tu sbyangs pa dang / sems shin tu sbyangs pas nyon 
mongs pa bsal bas sgrib pa dang bral ba dang / zhi gnas la 'jug pa'i dmigs pa la sems gzhog pa 'di ni shin tu sbyangs pa yang dag byang chub kyi yan lag ces bya'o/ /de la ting nge 'dzin yang dag byang chub kyi yan lag gang zhe na/ gang sems mnyam par bzhag pas chos kyi ye 
shes mngon par rdzogs par 'tshang rgya'i/ sems mnyam par ma bzhag pas ni ma yin no/ /gang sems mnyam par bzhag pas chos de dag mngon par rdzogs par 'tshang rgya'i/ sems mnyam par ma bzhag pas ma yin te/ lta ba dang / bag la nyal dang / kun nas ldang ba 
de dag bor bas kyang mngon par rdzogs par 'tshang mi rgya ste/ gzhan du na chos thams cad mnyam pa nyid dang / chos thams cad tha dad du dbye ba med pas chos thams cad mnyam pa nyid mngon par rdzogs par 'tshang rgya ste/ 'di ni ting nge 'dzin yang dag byang chub kyi yan lag ces bya'o/ /de 
la btang snyoms yang dag byang chub kyi yan lag gang zhe na/ gang 'di ni bde ba dang / yid mi bde ba'i cha dang 'thun pa'i chos rnams kyis sems yongs su mi gtugs pa dang / 'jig rten gyi chos rnams kyis mi 'phrogs pa dang / mthon dman du mi gnas pa'i phyir mi sgul ba yin te/

</font><hr>60-1-165b<br><font size=+1>

gnod pa med pa dang / 'phrogs pa med pa dang / rjes su chags pa med pa dang / zhe 'gras pa med pa dang / 'phags pa'i bden pa'i lam dang 'thun pa 'di ni btang snyoms yang dag byang chub kyi yan lag ces bya ste/ btsun pa sha ra dwa ti'i bu/ de dag ni byang chub sems dpa' rnams kyi 
byang chub kyi yan lag bdun mi zad pa'o/ /btsun pa sha ra dwa ti'i bu/ gzhan yang byang chub sems dpa' rnams kyi lam mi zad pa ste/ de la byang chub sems dpa' rnams kyi lam gang zhe na/ lam zhes bya ba ni 'phags pa'i lam yan lag brgyad pa ste/ 'di lta ste/ yang dag 
pa'i lta ba dang / yang dag pa'i rtog pa dang / yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang / yang dag pa'i rtsol ba dang / yang dag pa'i dran pa dang / yang dag pa'i ting nge 'dzin to/ /de la yang dag pa'i lta ba gang zhe na/ gang 'di+i 
'phags pa 'jig rten las 'das pa ste/ bdag tu lta ba las kun nas langs pa ma yin/ sems can du ma yin/ srog tu ma yin/ gso bar ma yin/ skyes bur ma yin/ gang zag tu ma yin/ shed las skyes su ma yin/ shed bur ma yin/ byed pa por ma yin/ tshor ba 
por lta ba las kun nas langs pa ma yin/ rtag pa dang chad par lta ba las kun nas langs pa ma yin/ 'byung ba dang 'jig par lta ba las kun nas langs pa ma yin/ dge ba dang / mi dge ba dang / lung du mi ston par lta ba las kun nas langs pa yang ma yin pa nas 'khor ba dang 
mya ngan las 'das par lta ba'i bar las kun nas langs pa yang ma yin te/ 'di ni yang dag pa'i lta ba zhes bya'o/ /de la yang dag pa'i rtog pa gang zhe na/ rtog pa gang dag gis 'dod chags dang / zhe sdang dang / gti mug gi nyon mongs pa dag kun tu 'byung ba'i kun tu rtog pa de dag 
la mi rtog pa dang / rtog pa gang dag gis tshul khrims dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong ba'i phung po rnams kun tu 'byung ba'i kun tu rtog pa de dag la mi rtog pa ni yang dag pa'i rtog pa zhes bya'o/ /de la yang dag 

</font><hr>60-1-166a<br><font size=+1>

pa'i ngag gang zhe na/ ngag gang gis bdag la yang yongs su mi gdung zhing / gzhan la yang ma yin pa dang / bdag la yang kun nas nyon mongs par mi byed cing / gzhan la yang ma yin pa dang / bdag la yang mi gnod cing / gzhan la yang ma yin pa ste/ ngag gang 
gis 'phags pa'i lam la legs par 'jug pa mnyam par gzhag pa la brtson pa'i ngag de dang ldan pa yin te/ 'di ni yang dag pa'i ngag ces bya'o/ /de la yang dag pa'i las kyi mtha' gang zhe na/ gang las kyang gnag la rnam par smin pa gnag pa'i las de mngon par 'du mi byed pa dang / 
gang las kyang dkar la rnam par smin pa yang dkar ba'i las de mngon par 'du byed pa dang / gang las kyang dkar gnag la rnam par smin pa yang dkar gnag tu 'gyur ba'i las de dag mngon par 'du mi byed pa dang / las gang mi gnag mi dkar zhing rnam par smin pa yang med la las kyis las 
zad par 'gyur ba'i las de mngon par 'du byed pa'o/ /de las la rton pas yang dag pa'i las kyi mtha' la brtson pa zhes bya ste/ 'di ni yang dag pa'i las kyi mtha' zhes bya'o/ /de la yang dag pa'i 'tsho ba gang zhe na/ gang 'phags pa'i rigs dang / sbyangs pa'i yon tan dang / yo byad bsnyungs 
pa mi gtong ba dang / tshul 'chos pa med pa dang / kha gsag med pa dang / thob kyis 'jal ba med pa dang / dgang sla ba dang / gso sla ba dang / cho ga bzang po'i ngang tshul can dang / gzhan gyi rnyed pa la phrag dog med pa dang / bdag gi rnyed pas chog shes pa dang / kha na ma tho ba med 
pa dang / 'phags pas gnang ba'i 'tsho ba 'di ni yang dag pa'i 'tsho ba'o/ /de la yang dag pa'i rtsol ba gang zhe na/ rtsol ba gang log pa rnams kyis 'phags pas ma gnang ba/ 'dod chags dang / zhe sdang dang / gti mug gi nyon mongs pa'i bag la nyal ba byed pa'i rtsol ba de mi 'dod 
cing / rtsol ba gang yang dag par 'phags pa'i lam dang bden pa la 'jug pa/ mya ngan las 'da' bar 'gro ba'i lam du gtod pa'i rtsol ba de'i rjes su 'gro ba 'di ni yang dag pa'i rtsol ba zhes bya'o/ /de la yang dag pa'i dran pa gang zhe na/ dran pa gang shin tu nye bar gzhag pa dang / mi 

</font><hr>60-1-166b<br><font size=+1>

sgul ba dang / drang ba dang / gya gyu med pa dang / 'khor ba'i skyon gyi nyes dmigs la lta ba dang / mya ngan las 'das pa'i lam du 'dren pa ste/ dran pa dang / gzhungs pa dang / 'phags pa'i lam mi brjed pa 'di ni yang dag pa'i dran pa zhes bya'o/ /de la yang dag pa'i ting nge 'dzin gang zhe na/ yang 
dag pa nyid du mnyam pa dang / gang chos thams cad kyis mnyam pa ste/ ting nge 'dzin gang la gnas pas sems can thams cad rab tu thar bar bya ba'i phyir yang dag pa nges par 'gyur ba la 'jug pa 'di ni yang dag pa'i ting nge 'dzin ces bya'o/ /yang gang byang chub sems dpa'i ting nge 'dzin 'di la 
gnas nas sems can thams cad rab tu thar bar bya ba'i phyir yang dag pa nges par 'gyur ba la 'jug pa 'di ni byang chub sems dpa'i yang dag pa'i ting nge 'dzin mi zad pa zhes bya'o/ /'di ni 'das pa dang / ma byon pa dang / da ltar byung ba'i sangs rgyas bcom ldan 'das rnams kyi lam ste/ de byang 
chub sems dpa' mngon par rdzogs par sangs rgyas nas 'chad pa dang / ston pa dang / rab tu ston pa dang / 'dzin du 'jug pa dang / mos par byed pa dang / klog tu 'jug pa dang / shes par byed pa dang / rnam par shes par byed pa dang / rab tu shes par byed pa dang / rab tu 'dzud pa dang / 
rnam par 'grel ba dang / rnam par 'byed pa dang / gsal bar byed pa dang / yang dag par ston pa 'di ni btsun pa sha ra dwa ti'i bu/ byang chub sems dpa' rnams kyi lam mi zad pa zhes bya'o/ /btsun pa sha ra dwa ti'i bu/ gzhan yang byang chub sems dpa' rnams kyi zhi gnas dang / lhag 
mthong yang mi zad pa yin te/ de la zhi gnas mi zad pa gang zhe na/ gang sems zhi ba dang / rab tu zhi ba dang / nye bar zhi ba dang / rnam par mi g.yeng ba dang / dbang po legs par bsdams pa dang / mi rgod pa dang / mi 'phyar ba dang / mu cor mi smra ba dang / yab yab po ma yin pa dang / mi 
'gyur ba dang / zhi des pa dang / bsrungs pa dang / cang shes pa dang / las su rung ba dang / rtse gcig pa dang / gcig pur dga' ba dang / 'du 'dzi yongs su spong ba dang / dben par dga' ba dang / lus dben pa dang / sems ma brlang ba dang / dgon par mngon du phyogs pa yid la byed 

</font><hr>60-1-167a<br><font size=+1>

pa dang / 'dod pa nyung ba dang / 'dod pa med pa dang / 'dod chen med pa dang / chog shes pa dang / 'tsho ba yongs su dag pa dang / cho ga phun sum tshogs pa dang / spyod lam bsrungs pa dang / dus shes pa dang / tshod shes pa dang / dus min shes pa dang / drod shes pa dang / dgang sla 
ba dang / gso sla ba dang / so sor brtags pa'i stobs kyis mi mtho mi dma' ba dang / ngan du brjod pa dang / ngan du smras pa'i tshig gi lam dang du len pa dang / rnal 'byor la mngon du phyogs pa'i sems bskyed pa dang / nang du yang dag 'jog la mngon par dga' ba dang / bsam gtan gyi 
yan lag yid la byed pa dang / byams pa skyed pa dang / snying rje mngon par sgrub pa dang / dga' ba la gzhog pa dang / btang snyoms sgom pa dang / bsam gtan dang po dang / bsam gtan gnyis pa dang / bsam gtan gsum pa dang / bsam gtan bzhi pa dang / nam mkha' mtha' yas 
skye mched dang / rnam shes mtha' yas skye mched dang / ci yang med pa'i skye mched dang / 'du shes med 'du shes med min skye mched dang / 'du shes dang tshor ba 'gog pa mthar gyis snyoms par 'jug pa dgu po 'di dag ni zhi gnas zhes bya'o/ /'di ltar zhi gnas kyi tshogs ni tshad med pa ste/ zhi 
gnas kyi tshogs de dag la gang brtson pa 'di ni zhi gnas mi zad pa zhes bya'o/ /de la byang chub sems dpa' rnams kyi lhag mthong mi zad pa gang zhe na/ gang shes rab kyi cha dang 'thun pa sgom pa'i lam ste/ chos rnams la g.yo ba med par shes pa dang / bdag med pa dang / sems can med pa dang / 
srog med pa dang / gso ba med pa dang / gang zag med par shes pa dang / phung po rnams la sgyu mar mthong ba'i shes pa dang / khams rnams la sbrul gdug pa lta bur mthong ba'i shes pa dang / skye mched rnams la grong stong pa lta bur mthong ba'i shes pa dang / bden pa rnams la shin tu rtogs 
par mthong ba'i shes pa dang / rten cing 'brel par 'byung ba dang mi 'gal bar mthong ba'i shes pa dang / lta ba thams cad dang bral bar mthong ba'i shes pa dang / rgyu dang 'bras bu dang rnam par smin pa chud mi za bar mthong ba'i shes pa dang / 'bras bu 'thob pa mngon sum du bya ba la nges par 

</font><hr>60-1-167b<br><font size=+1>

mthong ba'i shes pa dang / yang dag pa nyid la 'jug pa mthong ba'i shes pa ni lhag mthong zhes bya ste/ lhag mthong zhes bya ba ni chos rnams yang dag par mthong ba'o/ /chos rnams ji lta ba bzhin du mthong ba'o/ /chos rnams de kho na nyid du mthong ba'o/ /chos rnams gzhan ma yin pa 
nyid du mthong ba'o/ /chos rnams stong pa dang / mtshan ma med pa dang / smon pa med par mthong ba'o/ /chos rnams mngon par 'du mi byed pa dang / de bzhin du ma skyes pa dang / ma byung ba dang / dngos po med pa dang / ji lta ba bzhin dang / rnam par dag pa dang / dben par mthong ba'o/ /chos 
rnams g.yo ba med pa dang / byed pa med pa dang / bdag po med pa dang / yongs su 'dzin pa med pa dang / dbyer med cing ro gcig pa dang / nam mkha'i ngo bo nyid dang / rang bzhin gyis mya ngan las 'das par mthong ba'o/ /lhag mthong zhes bya ba ni yod pa'i rnam par yang mi mthong / 
med pa'i rnam par yang mi mthong / skye ba dang / 'jig pa dang / gnas pa'i rnam par yang mi mthong / dmigs pa dang mtshan ma'i rnam par yang mi mthong ba ste/ de mthong mod kyi ci yang mi mthong ngo / /gang gi tshe mthong ba med pa de'i tshe mthong ste/ lhag mthong gis kyang mthong ba yang ma 
yin/ ma mthong ba yang ma yin par mthong ngo / /gang gi tshe de ltar mthong ba de'i tshe yang dag pa nyid mthong ngo / /yang dag pa nyid mthong bas lhag mthong la mkhas pa 'thob par 'gyur ro/ /de la byang chub sems dpa' lhag mthong gis de ltar mthong yang mngon par 'du mi byed par yang mi ltung 
zhing dge ba'i rtsa ba mngon par 'du byed pa las kyang mi ldang ste/ 'di ni byang chub sems dpa' rnams kyi lhag mthong mi zad pa zhes bya'o/ /btsun pa sha ra dwa ti'i bu/ de dag ni byang chub sems dpa' rnams kyi zhi gnas dang lhag mthong mi zad pa'o/ /btsun pa sha ra dwa ti'i bu/ gzhan yang byang 
chub sems dpa' rnams kyi gzungs dang spobs pa mi zad pa yin te/ de la gzungs mi zad pa gang zhe na/ gzungs zhes bya ba ni gang sngon dge ba'i rtsa ba'i tshogs bsags pa/ dran pas chos kyi phung po brgyad khri bzhi stong 'dzin pa dang / kun 'dzin pa dang / mi brjed pa dang / dran pas yang 

</font><hr>60-1-168a<br><font size=+1>

dag par 'dzin pa ste/ 'di ni gzungs zhes bya'o/ /yang gzungs zhes bya ba ni gang gis sangs rgyas thams cad kyis gsungs pa kun tu 'dzin pa dang / byang chub sems dpa' thams cad dang / rang sangs rgyas thams cad dang / nyan thos thams cad dang / sems can thams cad kyis 
smras pa kun tu 'dzin pa dang / legs par smras pa thams cad ma lus par kun tu 'dzin pa ste/ 'di ni gzungs zhes bya'o/ /gang gi tshe bskal pa gzhan du brjes par gyur tam/ tshe gzhan du brjes par gyur pa de yang byang chub sems dpa' de'i gzungs kyi dran pa'i shes pa de chud za bar 
mi 'gyur/ brjed par yang mi 'gyur te/ chos thams cad 'phags pa'i shes rab kyi mig gis lag mthil na skyu ru ra'i 'bru 'dug pa bzhin du mthong ba 'di ni gzungs mi zad pa zhes bya'o/ /de la spobs pa mi zad pa gang zhe na/ spobs pa zhes bya ba ni gang 'di thogs pa med pa'i spobs 
pa dang / rgyun chad pa med pa'i spobs pa dang / mi 'phrogs pa'i spobs pa dang / ma rmongs pa'i spobs pa dang / myur ba'i spobs pa dang / dga' ba'i spobs pa dang / la gor du spobs pa dang / mi 'gyur ba'i spobs pa dang / rno ba'i spobs pa dang / mgyogs pa'i spobs pa dang / de'i 
spobs pa de ni las kyi rnam par smin pa yongs su sbyangs pa/ sangs rgyas kyis bslabs pa/ lha rnams kyis yongs su bzung ba/ phyad par lung ston pa/ 'bras bu yod par chos ston pa/ mya ngan las 'das pa'i lam du 'gro ba ste/ de de ltar spobs pa phun sum tshogs pa yin no/ /
gzugs su snang ba ji snyed par byang chub sems dpa' de'i mdo dang tshigs su bcad pa bstan pa la spobs par snang ba yang de snyed du/ sgrar grag pa ji snyed par byang chub sems dpa' de'i mdo dang tshigs su bcad pa bshad pa la spobs par snang ba yang de snyed de 'di bstan to/ /'di bshad do zhes 
de mi rtog cing mngon par 'du byed pa med mod kyi/ 'khor gang dang gang du 'gro yang rung ste/ gal te rgyal rigs kyi 'khor du'am/ gal te bram ze'i 'khor du'am/ gal te rje'u rigs kyi 'khor du'am/ gal te khyim bdag gi 'khor du'am/ gal te dge sbyong gi 'khor du'am/ gal te 

</font><hr>60-1-168b<br><font size=+1>

rgyal chen bzhi'i 'khor du'am/ gal te sum cu rtsa gsum pa'i 'khor du'am/ gal te 'thab bral gyi 'khor du'am/ gal te dga' ldan gyi 'khor du'am/ gal te 'phrul dga'i 'khor du'am/ gal te gzhan 'phrul dbang byed kyi 'khor du'am/ gal te bdud kyi 'khor du'am/ gal 
te tshangs pa'i 'khor du yang rung ste/ de dang der de'i lhun gyis grub pa nyid du sems can thams cad kyi dad pa dang / dbang po dag la chos rnams spobs par gyur te/ de 'dod na tshe gzhan nam/ bskal pa gzhan gyi bar du'ang mi ldang zhing thogs pa med par chos ston to/ /de'i chos bstan pa 
des kyang de byed pa'i sdug bsngal yang dag par zad par bya ba'i phyir nges pa 'byung bar 'gyur te/ 'di ni byang chub sems dpa' rnams kyi spobs pa mi zad pa'o/ /btsun pa sha ra dwa ti'i bu/ de dag ni byang chub sems dpa' rnams kyi gzungs dang spobs pa mi zad pa'o/ /btsun pa sha ra dwa ti'i bu/ 
gzhan yang byang chub sems dpa' rnams kyi chos kyi mdo bzhi mi zad pa ste/ bzhi gang zhe na/ 'di lta ste/ 'du byed thams cad ni mi rtag par byang chub sems dpa' rnams kyi bstan pa mi zad pa'i shes pa rab tu 'jug pa dang / 'du byed thams cad sdug bsngal bar byang chub sems dpa' rnams 
kyi bstan pa mi zad pa'i shes pa rab tu 'jug pa dang / chos thams cad bdag med par byang chub sems dpa' rnams kyi bstan pa mi zad pa'i shes pa rab tu 'jug pa dang / mya ngan las 'das pa zhi bar byang chub sems dpa' rnams kyi bstan pa mi zad pa'i shes pa 'jug pa'o/ /de la mi rtag pa'i 
don gang zhe na/ med pa'i don dang / mi chags pa'i don te/ dngos po rnam par 'jig pa'i don ni ma yin no/ /mi rtag pa'i don ni chos la bdag med pa ste/ ngo bo nyid kyis dben pa'i phyir de la rnam par 'jig pa gang yang med de/ 'di ni mi rtag pa'i don to/ /de la sdug bsngal gyi don 
gang zhe na/ mngon par dga' ba med pa'i don ni sdug bsngal gyi don to/ /dga' ba zad pa'i don ni sdug bsngal gyi don to/ /smon pa med pa'i don ni sdug bsngal gyi don to/ /sdug bsngal gyi sgra rab tu bstan pa'i don ni sdug bsngal gyi don to/ /nam mkha' rab tu brjod pa'i don ni sdug 

</font><hr>60-1-169a<br><font size=+1>

bsngal gyi don te/ 'di ni sdug bsngal gyi don ces bya'o/ /de la bdag med pa'i don gang zhe na/ bdag ni shin tu bdag med pa ste/ gang bdag med pa'i don de ni gsob bo/ /gsog go/ /ya ma brla'o/ /stong pa'o/ /stong pa'i don ni bdag med pa'i don te/ 'di ni 
bdag med pa'i don ces bya'o/ /de la zhi ba'i don gang zhe na/ zhi ba ni zhi bas zhi bar mi 'gyur te/ zhi ba nyid zhi ba'o/ /ma zhi ba'ang zhi bas zhi bar mi 'gyur te/ gang zhi ba'i don de ni mtshan ma thams cad nye bar zhi ba ste/ 'di ni zhi ba zhes bya'o/ /zhi ba ni mya ngan las 'das pa ste/ 'di 
ni zhi ba'i don ces bya'o/ /btsun pa sha ra dwa ti'i bu/ 'di dag ni byang chub sems dpa' rnams kyi chos kyi mdo bzhi mi zad pa'o/ /btsun pa sha ra dwa ti'i bu/ gzhan yang byang chub sems dpa' rnams kyi gcig pu bgrod pa'i lam mi zad pa yin te/ de la gcig pu bgrod pa'i lam gang 
zhe na/gcig pu bgrod pa'i lam la byang chub sems dpa' rnams gzhan gyi dring la mi 'jog pa yin te/ gcig pu bgrod pa'i lam zhes bya ba ni/ byang chub sems dpa' gcig pu gnyis ma yin zhing / grogs med par bla na med pa yang dag par rdzogs pa'i byang chub tu go cha gyon te/ bdag 
gi brtson 'grus dang / mthu dang / stobs kyis yongs su bzung ba'i lhag pa'i bsam pas gzhan gyi skabs med par bdag nyid byed cing bdag gi mthu stobs kyis 'phags te/ des de lta bu'i go cha sra ba bgos nas sems can thams cad kyis yongs su thob par bya ba gang ci yod pa de dag 
thams cad bdag gis yongs su thob par bya'o/ /gang 'phags pa thams cad dang / theg pa la gsar du zhugs pa'i byang chub sems dpa' rnams kyi thob par bya ba la de bdag gis yongs su thob par bya'o/ /sbyin pa ni bdag gi grogs ma yin gyi bdag ni sbyin pa'i grogs so/ /tshul 
khrims dang / bzod pa dang / brtson 'grus dang / bsam gtan dang / shes rab ni bdag gi grogs ma yin gyi bdag ni tshul khrims dang / bzod pa dang / brtson 'grus dang / bsam gtan dang / shes rab kyi grogs so/ /bdag la ni pha rol tu phyin pa rnams kyis rim gro mi bya'i/

</font><hr>60-1-169b<br><font size=+1>

bdag gis ni pha rol tu phyin pa rnams la rim gro bya'o/ /bdag la ni bsdu ba'i dngos po rnams kyis rim gror mi bya'i/ bdag gis ni bsdu ba'i dngos po rnams la rim gro bya'o/ /bdag la ni dge ba'i rtsa ba thams cad kyis rim gror mi bya'i/ bdag gis ni dge ba'i rtsa ba thams cad la rim 
gror bya'o/ /gang 'di lta bu'i chos la grogs med par bdag nyid byed cing gzhan gyi go skabs med par bdag gcig pu gnyis ma yin zhing grogs med par rdo rje sa'i snying po la 'dug ste/ bdud stobs dang bcas pa rnams btul la/ sems kyi skad cig gcig dang ldan pa'i shes rab kyis bla na med 
pa yang dag par rdzogs pa'i byang chub mngon par rdzogs par 'tshang rgya bar bya'o snyam la/ de yang mngon par rdzogs par 'tshang rgya ba de ni/ btsun pa sha ra dwa ti'i bu/ byang chub sems dpa' rnams kyi gcig pu bgrod pa'i lam mi zad pa zhes bya'o/ /btsun pa sha ra dwa ti'i bu/ gzhan yang byang chub 
sems dpa' rnams kyi thabs mi zad pa ste/ de la thabs gang zhe na/ thabs gang gis byang chub sems dpa' sangs rgyas kyi chos thams cad ni rnam par sgrub cing slong ba ste/ thabs ni byang chub sems dpa'i dge ba'i chos thams cad nye bar gzhog pa'o/ /thabs ni bsam pa nges par sems pa'o/ /
thabs ni sbyor ba rgyun mi 'chad pa'o/ /thabs ni lhag pa'i bsam pas bye brag tu 'phags pa'i chos 'dod pa'o/ /thabs ni sbyin pas pha rol tu phyin pa thams cad yongs su rdzogs par byed pa'o/ /thabs ni tshul khrims kyis skye ba thams cad yongs su 'dzin pa'o/ /thabs ni bzod pas byang chub kyi 
phyir lus dang ngag dang sems kyi rgyan to/ /thabs ni brtson 'grus kyis 'jug pa dang / gnas pa la brtson pa'o/ /thabs ni bsam gtan gyis bsam gtan las phyir ldog par shes pa'o/ /thabs ni shes rab kyis 'dus ma byas spong ba'o/ /thabs ni byams pas dpung gnyen med pa rnams kyi 
skyabs so/ /thabs ni snying rjes 'khor ba la mi smod pa'o/ /thabs ni dga' bas dga' ba dang / mi dga' ba la mi mjed pa'o/ /thabs ni btang snyoms kyis dge ba'i rtsa ba dang / tshogs thams cad 'phel ba'o/ /thabs ni lha'i mig gis sangs rgyas kyi spyan 'thob pa'o/ /thabs ni lha'i 

</font><hr>60-1-170a<br><font size=+1>

rna bas sangs rgyas kyi snyan 'thob pa'o/ /thabs ni pha rol gyi sems shes pas dbang po mchog dang mchog ma yin pa shes pa 'thob pa'o/ /thabs ni sngon gyi gnas rjes su dran pas dus gsum la chags pa med par shes pa'o/ /thabs ni rdzu 'phrul bya ba shes pas de bzhin 
gshegs pa'i rdzu 'phrul 'thob pa'o/ /thabs ni sems can dag gi bsam pa rnams la 'jug pa'o/ /thabs ni sbyor ba'i mtshan nyid rab tu shes pa'o/ /thabs ni rgal nas 'jug pa'o/ /zhugs nas kyang rgal ba'o/ /thabs ni nyon mongs pa med pas kun nas nyon mongs pa'o/ /
thabs ni khur bor nas khur khyer ba'o/ /thabs ni tshad yod pa tshad med par ston pa'o/ /thabs ni tshad med pa tshad yod par ston pa'o/ /thabs ni dbang po zhan pa rnams la gsal bar byed pa'o/ /thabs ni dus dang dus ma yin pa shes pa'o/ /thabs ni lam la lam ngan par 'gro ste 
lam ngan pa la gnas pa'i sems can rnams yang dag pa'i lam la rab tu 'god pa'o/ /thabs ni nyung ngu las mang por byed do/ /mang po las tshad med par byed do/ /thabs ni bye ba'i sems can rnams 'dum par byed do/ /thabs ni tha ma dang / 'bring dang / rab la gnas pa'o/ /
thabs ni mya ngan las 'das pa'i rigs las 'khor ba'i rigs par ltung ngo / /thabs ni thar pa las bcings pa tshol lo/ /thabs ni shes bya zad par byed de/ shes bya zad par yang mi ltung ngo / /thabs ni spyod lam thams cad 'khrugs par byed la spyod lam rnams las kyang mi nyams 
so/ /thabs ni sems can la lta ba'i tshul khrims la ma yin no/ /thabs ni bsdu bas lta ba la rten gyi rtsod pas ni ma yin no/ /thabs ni sgra 'byin pa'o/ /thabs ni khams gsum pa spyod yul pa'o/ /thabs ni rnam par thar pa'i sgo gsum 'thob pa'i mtshan nyid spyod pa'o/ /
thabs ni 'phags pa ma yin pa'i skye bo dang 'dres kyi 'phags pa'i skye bo dang ma 'dres pa'o/ /thabs ni mya ngan las 'das pa la rgyab kyis bltas shing 'khor ba la mngon du phyogs pa'o/ /thabs ni bdud kyi spyod yul na nyon mongs pa med par snang ba'o/ /thabs ni thams cad nas 

</font><hr>60-1-170b<br><font size=+1>

thams cad de/ thams cad nas thams cad pa'ang ma yin te/ btsun pa sha ra dwa ti'i bu/ 'di ni byang chub sems dpa' rnams kyi thabs mi zad pa zhes bya'o/ /btsun pa sha ra dwa ti'i bu/ 'di dag ni byang chub sems dpa' rnams kyi mi zad pa brgyad cu ste/ mi zad pa 'dir sangs rgyas kyi 
chos thams cad chud cing 'dus pa'o/ /byang chub sems dpa' blo gros mi zad pas mi zad pa'i chos kyi sgo'i le'u 'di bshad pa na srog chags 'bum phrag bdun cu rtsa brgyad sngon bla na med pa yang dag par rdzogs pa'i byang chub tu sems ma bskyed pa sems skyes par gyur to/ /byang chub sems dpa' 
lnga khri nyis stong ni mi skye ba'i chos la bzod pa thob par gyur to/ /thams cad dang ldan pa'i 'khor des kyang chos kyi rnam grangs 'di la mchod par bya ba'i phyir me tog gi phreng ba dang / me tog gi gdugs dang / me tog gi rna rgyan kha dog dang ldan pa/ dri dang ldan pa rnam pa sna tshogs kyis bcom 
ldan 'das dang / byang chub sems dpa' blo gros mi zad pa la mngon par gtor to/ /lha rnams kyis kyang steng gi nam mkha' la glu blangs te/ 'di skad ces sangs rgyas bcom ldan 'das rnams kyis bla na med pa yang dag par rdzogs pa'i byang chub bskal pa bye ba khrag khrig brgya stong grangs med par 
bsgrubs pa gang yin pa de ni byang chub sems dpa' blo gros mi zad pas chos kyi rnam grangs 'dir mi zad pa'i rnam pas bstan to/ /sems can gang dag mi zad pa'i sgo'i le'u'i chos kyi rnam grangs 'di nyan cing thos nas kyang mos pa dang / yongs su 'dri ba dang / 'dzin pa dang / 'chang 
ba dang / klog pa dang / kun chub par byed pa dang / gzhan dag la yang rgya cher yang dag par ston pa de dag kyang mi zad pa 'di dang ldan par 'gyur ro zhes ched du brjod pa ched du brjod do/ /de nas bcom ldan 'das kyis nyid kyi sku las phrag pa'i ras phud de/ byang chub sems dpa' blo 
gros mi zad pa la chos kyi dgab pa'i phyir byin nas 'di skad ces bka' stsal to/ /legs so legs so/ /skyes bu dam pa mi zad pa'i chos kyi rnam grangs 'di khyod kyis legs par smras so/ /khyod la de bzhin gshegs pa rjes su yi rang ngo / /gang khyod la ngas rjes su yi rang ba de 

</font><hr>60-1-171a<br><font size=+1>

la sangs rgyas bcom ldan 'das gang gA'i klung gi bye ma snyed dag kyang rjes su yi rang ngo / /de nas byang chub sems dpa' blo gros mi zad pas phrag pa'i ras de lag pa gnyis kyis blangs te/ spyi bo la bzhag nas 'di skad ces bcom ldan 'das kyi sku la gsol ba 'di lha dang / 
mi dang / lha ma yin du bcas pa'i 'jig rten gyi mchod rten lags so zhes gsol to/ /de nas phyogs bcu nas rin po che'i ras bcos bu dang / rin po che'i gdugs dang / rin po che'i ba dan dang / rin po che'i lda ldi rin po che'i spang rgyan dang / rin po ches spras pa'i dar 
gyi lda ldi dag 'ong bar snang ste/ de dag 'ongs nas byang chub sems dpa' blo gros mi zad pa'i lus la mngon par 'gebs par byed de/ rin po che'i ras bcos bu dang / rin po che'i gdugs dang / rin po che'i ba dan dang / lda ldi rin po che'i spang rgyan can de dag las blo gros 
mi zad pa legs so legs so/ /blo gros mi zad pa khyod kyis mi zad pa'i sgo'i le'u legs par smras te/ khyod kyis legs par smras pa la rjes su yi rang ngo zhes sgra byung ngo / /de nas bcom ldan 'das la tshe dang ldan pa sha ra dwa ti'i bus 'di skad ces gsol to/ /bcom ldan 'das 
rin po che'i ras bcos bu dang / rin po che'i gdugs rnams dang / rin po che'i ba dan rnams dang / lda ldi rin po che'i spang rgyan can 'di dag gang nas mchis/ 'di lta bu'i sgra dag ga las byung / bcom ldan 'das kyis bka' stsal pa/ sha ra dwa ti'i bu 'di ni byang chub 
sems dpa' blo gros mi zad pa sngon byang chub sems dpa'i spyad pa spyod pa na/ sems can gang dag bla na med pa yang dag par rdzogs pa'i byang chub tu yongs su smin par byas pa de dag da ltar phyogs bcu'i 'jig rten gyi khams su bla na med pa yang dag par rdzogs pa'i byang chub mngon par rdzogs 
par sangs rgyas te/ de bzhin gshegs pa de dag gis/ byang chub sems dpa' blo gros mi zad pa la byas pa gzo ba dang / byas pa tshor bar 'dzin pas/ skyes bu dam pa 'di'i yang dag pa'i yon tan brjod cing / 'dus pa chen po'i chos kyi rnam grangs 'di la yang mchod pa 

</font><hr>60-1-171b<br><font size=+1>

bya ba'i phyir chos kyi dgab pa 'di dag btang ngo / /de nas thams cad dang ldan pa'i 'khor de/ byang chub sems dpa' blo gros mi zad pa la rab tu dga' ba dang / mos pa dang / ri mo shin tu cher bskyed nas tshig 'di skad ces gang bdag gis byang chub sems dpa' blo gros mi zad pa 
la blta ba dang / phyag 'tshal ba dang / mchod pa dang / bsnyen bkur bya ba dang / chos bstan pa 'di yang mnyan pa rnyed pa ni bdag cag gis rnyed pa legs par rnyed do/ /sems can gang dag gis byang chub sems dpa' blo gros mi zad pa'i ming thos pa de dag kyang rnyed pa legs par 
rnyed pa yin na/ gang dag gis 'di mngon sum du sha'i mig gis mthong la/ chos kyi rnam grangs 'di yang nyan cing thos nas kyang mos pa dang / yongs su 'dri ba dang / 'dzin pa dang / 'chang ba dang / klog pa dang / ston pa dang / kun chub par byed pa dang / gzhan dag 
la yang rgya cher rab tu ston pa lta ci smos zhes smras so/ /de nas bcom ldan 'das kyis 'khor de'i legs par smras pa la rjes su yi rang bar mdzad de/ tshe dang ldan pa sha ra dwa ti'i bu la bka' stsal pa/ sha ra dwa ti'i bu byang chub sems dpa'i theg pa pa'i rigs kyi bu'am/ rigs kyi bu 
mo gang gis tshe'i tshad bskal par gnas pas sangs rgyas bcom ldan 'das rnams la sbyin pa byin la/ tshul khrims dang / brtul zhugs yang dag par blangs pa thams cad la slob cing / sems can thams cad kyis nyes par byas pa yang bzod la/ mgo dang gos la me 'bar ba 
bzhin du brtson 'grus brtsams shing gnas te/ bsam gtan rtse gcig dang ldan la shes rab kyi bye brag la mkhas kyang / chos kyi rnam grangs 'di dang bral na de'i pha rol tu phyin pa rnams yongs su rdzogs par ngas ma bshad do/ /sha ra dwa ti'i bu byang chub sems dpa'i theg pa pa'i 
rigs kyi bu'am/ rigs kyi bu mo gang chos kyi rnam grangs 'di nyan pa dang / thos nas kyang mos pa dang / 'dri ba dang / 'dzin pa dang / 'chang ba dang / klog pa dang / kun chub par byed pa dang / gzhan dag la yang rgya cher yang dag par ston pa dang / sgom pa'i rnal 

</font><hr>60-1-172a<br><font size=+1>

'byor la brtson par gnas pa de ni/ de'i pha rol tu phyin pa rnams yongs su rdzogs par 'gyur ba dang / myur du bla na med pa yang dag par rdzogs pa'i byang chub tu mngon par rdzogs par 'tshang rgya bar ngas bshad do/ /de ci'i phyir zhe na/ sha ra dwa ti'i bu byang chub sems 
dpa' gang chos kyi rnam grangs 'di rab tu ston te/ gzhan dag la yang rgya cher rab tu ston pa de ni de'i sbyin pa'i pha rol tu phyin pa yongs su rdzogs pa'i phyir ro/ /de ci'i phyir zhe na/ 'di lta ste/ chos kyi sbyin pa de ni sbyin pa rnams kyi mchog yin pa'i phyir ro/ /byang chub kyi sems ma brjed pas/ 
chos kyi rnam grangs 'di la brtson pa'i tshul khrims dang / brtul zhugs dang / legs par sdom pa gang yin pa 'di ni de'i tshul khrims kyi pha rol tu phyin pa yongs su rdzogs pa ste/ de ci'i phyir zhe na/ byang chub sems dpa'i tshul khrims dang bslab pa thams cad ni/ chos 
kyi rnam grangs 'di las yongs su bstan pa'i phyir ro/ /chos kyi rnam grangs 'di las byang chub sems dpa'i bzod pa bstan pa gang yin pa de ni/ sems can thams cad kyis kyang bskyod par mi nus te/ gang chos thams cad kyi rjes su song ba'i bzod pa de ni/ de'i bzod pa'i 
pha rol tu phyin pa'i mchog go/ /chos kyi rnam grangs 'di rab tu 'don pa dang / ston pa dang / sbyor ba dang / sgom pa'i lus dang / ngag dang / sems kyi brtson 'grus gang yin pa de ni/ de'i brtson 'grus kyi pha rol tu phyin pa'o/ /chos kyi rnam grangs 'di la sems 
nges par sems shing / rnam par mi g.yeng la rtse gcig tu nges par sems pa gang yin pa de ni/ de'i bsam gtan gyi pha rol tu phyin pa'i mchog go/ /chos kyi rnam grangs 'di bshad pa na mngon sum du shes pa dang / gzhan gyi dring la mi 'jog par shes pa dang / rab tu 
rnam par 'byed pa shes pa dang / nan tan shes pa gang yin pa de ni/ de'i shes rab kyi pha rol tu phyin pa'i mchog ste/ sha ra dwa ti'i bu de ltar na/ chos kyi rnam grangs 'di la rab tu sbyor ba'i byang chub sems dpa' ni/ dka' ba chung ngus pha rol tu phyin pa drug po 'di dag bsgom 

</font><hr>60-1-172b<br><font size=+1>

pa yongs su rdzogs par 'gyur ro/ /sha ra dwa ti'i bu rnam grangs 'dis kyang de 'di ltar rig par bya ste/ byang chub sems dpa' gang chos kyi rnam grangs 'di lus la yod pa'am/ glegs bam du byas kyang rung ste/ sangs rgyas kyi chos thams cad de'i 
lag mthil du phyin par shes par bya'o/ /gal te 'byung ba chen po rnams gzhan du gyur kyang / byang chub sems dpa' de'i byang chub ni mi 'gyur ro/ /de ci'i phyir zhe na/ sha ra dwa ti'i bu/ 'di ni byang chub sems dpa' phyir mi ldog pa rnams kyi rgya ste/ byang 
chub sems dpa' de dag kyang rgya 'di la 'tshal bar bya ste/ gang rgya 'di'i phyir 'brang ba de dag ni/ sangs rgyas kyi chos thams cad kyi phyir 'brang ba yin no/ /de nas rgyal po chen po bzhi stobs dang bcas/ 'khor dang bcas pa/ bcom ldan 'das la thal 
mo sbyar te/ phyag 'tshal nas/ bcom ldan 'das la 'di skad ces gsol to/ /bcom ldan 'das bdag cag rgyal po bzhi rnams ni/ bcom ldan 'das kyi nyan thos rgyun du zhugs pa ste/ bcom ldan 'das bdag cag ni gang chos kyi rnam grangs 'di 'dzin pa'i 
rigs kyi bu dang / rigs kyi bu mo de dag gi g.yog dang / rim gro bgyi bar rab tu spro ste/ bcom ldan 'das chos smra ba de dag la bdag cag gis ston par 'du shes bskyed par bgyi'o/ /de ci'i slad du zhe na/ bcom ldan 'das theg pa thams cad ni 'di las 
byung ngo / /de nas lha'i dbang po brgya byin gyis/ bcom ldan 'das la 'di skad ces gsol to/ /bcom ldan 'das bdag cag gis bcom ldan 'das las chos kyi rnam grangs brgya stong mang po thos kyang / shin tu nges pa'i chos kyi don 'di lta bu bstan pa 
bdag cag gis sngon nam yang ma thos so/ /bcom ldan 'das grong dang / grong khyer dang / grong rdal dang / yul dang / rgyal po'i pho brang 'khor gang dang gang na/ chos kyi rnam grangs 'di 'chad pa dang / rab tu ston pa de dang der bdag sum cu rtsa gsum pa'i 

</font><hr>60-1-173a<br><font size=+1>

lha rnams dang bcas te/ chos nyan pa'i slad du mchi'o/ /chos smra ba de dag la yang chos kyi srung ba bgyi'o/ /rigs kyi bu de dag ci nas 'jigs pa ma mchis par gyur cing / 'khor gyi 'jigs pa dang bral bas/ chos kyi rnam grangs 'di la zhugs te/ 
gzhan la yang rgya cher rab tu ston par brtson 'grus dang / stobs dang / mthu dang / spro ba dang / spobs pa dang / dran pa dang / blo gros dang / rtogs pa rab tu stsal bar bgyi'o/ /bcom ldan 'das kyis bka' stsal pa/ kau shi ka gang khyod kyis chos smra ba rnams srung 
bar byed pa de ni/ legs so legs so/ /kau shi ka chos smra ba bzung bas na/ dam pa'i chos yongs su gzung bar 'gyur ro/ /dam pa'i chos yongs su bzung bas ni/ sems can thams cad yongs su gzung bar 'gyur ro/ /de nas tshangs pa mi mjed kyi bdag pos/ 
bcom ldan 'das la 'di skad ces gsol to/ /bcom ldan 'das bdag tshangs pa'i ris kyi lhar bcas pas/ bsam gtan gyi dga' ba dang / bde ba btang ste/ gang dang gang na chos kyi rnam grangs 'di spyod pa de dang der/ chos kyi rnam grangs de mnyan pa'i slad du 
mchi'o/ /der chos smra ba de dag gis ltas bzhes na/ 'dir tshangs pa mi mjed kyi bdag po tshangs pa'i ris kyi lha rnams dang bcas te/ chos mnyan pa'i phyir lhags so zhes 'tshal bar bgyis te/ bzhi gang zhe na/ 'di lta ste/ snang ba chen po mthong ba dang / 
lha rdzas kyi dri mnam pa dang / chos smra ba des chos kyi rnam grangs 'di la nges pa'i tshig gis nges pa'i tshig dang / tshig gi mtshams sbyar bar tshig gi mtshams su mi brjed cing dran par spobs pa dang / 'khor de dag thams cad kyang / sems rnam par mi g.yeng bar 
chos la gus par yid la bgyid pas chos nyan pa ste/ ltas bzhi po de dag gis/ mi mjed kyi bdag po tshangs pa tshangs ris kyi lha rnams dang lhan cig tu chos nyan du 'dir mchis par 'tshal bar bgyi'o/ /de nas bcom ldan 'das la bdud sdig can gyis 'di skad ces gsol 

</font><hr>60-1-173b<br><font size=+1>

to/ /bcom ldan 'das chos kyi rnam grangs 'dis/ bdag gi stobs dang bzhon par bcas pa thams cad stobs chung bar bgyis so/ /de ci'i slad du zhe na/ bcom ldan 'das byang chub sems dpa' gang gis chos kyi rnam grangs 'di thos pa ni/ de nyid kyis byang chub sems 
dpa' de bla na med pa yang dag par rdzogs pa'i byang chub tu lung bstan pa lags te/ bcom ldan 'das/ sangs rgyas kyi zhing gang na byang chub sems dpa' de gnas na/ de nyid sangs rgyas zhes bgyi'o/ /bcom ldan 'das/ byang chub sems dpa' blo gros mi zad pa dang / 
chos kyi rnam grangs 'di'i gzi brjid kyi tshogs dang / stobs bskyed pas/ bdag gi nga rgyal dang / rgyags pa dang / dregs pa rnams bcom pas/ chos smra ba de dag bsrung ba dang / bskyab pa dang / sba bar dam bca'o/ /gang chos kyi rnam grangs 'di spyod pa der 
sems bskyed pa'i bag tsam gyis kyang bar chad bgyid du mi mchi'o/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo/ dam pa'i chos yun ring du gnas par bya ba'i phyir/ chos kyi rnam grangs 'di khyod kyis zung shig /lhogs 
shig /kun chub par gyis shig /kun dga' bos gsol pa/ bcom ldan 'das/ bdag gis chos kyi rnam grangs 'di bzung lags na/ byang chub sems dpa' sems dpa' chen po da ltar bdag gis chos kyi rnam grangs rgyas par bgyid pa'i rngo mi thogs lags so/ /bcom 
ldan 'das kyis bka' stsal pa/ kun dga' bo/ chos kyi rnam grangs 'di rgyas par rnam par dbye ba'i phyir/ snying las chung ngur gyis shig /'khor 'di na gang dag chos kyi rnam grangs 'di phyogs bcur rgyas par byed pa dang / dam pa'i chos yongs su 'dzin pa'i byang chub sems 
dpa' dag tshogs shing 'khod do/ /de nas 'khor de nas byang chub sems dpa' bye ba phrag bcus dam pa'i chos yongs su gzung ba'i phyir/ bcom ldan 'das la 'di skad ces gsol to/ /bcom ldan 'das bdag cag gis 'dus pa chen po'i le'u'i chos kyi rnam grangs 'di phyogs 

</font><hr>60-1-174a<br><font size=+1>

bcu'i 'jig rten du ma lus par rdzogs shing rgyas par bgyi'o/ /'jig rten gyi khams mi mjed 'di na yang byang chub sems dpa' sems dpa' chen po byams pa dam pa'i chos yongs su gzung ba dang / dam pa'i chos bsrung ba'i slad du chos kyi rnam grangs 'di rgyas 
par bgyid de/ bcom ldan 'das yongs su mya ngan las 'das nas/ slad ma'i dus lnga brgya pa tha ma la chos kyi rnam grangs 'di byang chub sems dpa' gang dag gi rna lam du grags par 'gyur ba dang / 'dzin pa dang / 'chang ba dang / klog pa dang / ston pa de dag ni byang chub 
sems dpa' byams pa'i byin gyi rlabs su rig par bgyi'o/ /de nas bcom ldan 'das kyis dam pa'i chos yongs su 'dzin pa byang chub sems dpa' de dag la bka' stsal pa/ skyes bu dam pa dag ji ltar khyod da ltar nga'i mdun na dam pa'i chos yongs su 'dzin par langs pa de bzhin 
du/ khyod sangs rgyas bcom ldan 'das gang gA'i klung gi bye ma snyed kyi spyan sngar dam pa'i chos yongs su 'dzin par langs pa legs so legs so/ /de nas bcom ldan 'das la/ byang chub sems dpa' sems dpa' chen po blo gros mi zad pas 'di skad ces gsol to/ /bcom 
ldan 'das bdag blo zhan pas/ bdag gis chos kyi rnam grangs 'dir don dang / tshig dang / yi ge yongs su rdzogs par ma bgyis pa lta na bcom ldan 'das dang / mi zad pa'i chos dang ldan pa'i byang chub sems dpa' sems dpa' chen po 'di dag la bdag bzod pa gsol to/ /bcom ldan 
'das kyis bka' stsal pa/ blo gros mi zad pa so so yang dag par rig pa sgrib pa med pa thob pa'i byang chub sems dpa' rnams la don dang / chos dang / nges pa'i tshig dang / spobs pa rnams la 'khrul pa med do/ /'gog pa la yang 'khrul pa med do/ /gang dag chos 
'di lta bu dag rtogs par khong du chud pa'i skyes bu dam pa de dag ni yang dag pa'i don rnam par nges pa thob pa yin no/ /blo gros mi zad pa khyod ni so so yang dag par rig pa bzhi'i dam pa'i mchog thob cing dbang rnyed pa/ theg pa chen po 'di la gzhan gyi dring la mi 'jog cing rnam par 

</font><hr>60-1-174b<br><font size=+1>

nges pa'i dam pa'i mchog thob pa ste/ blo gros mi zad pas 'di thob pa'i byang chub sems dpa' rnams la lus kyi 'khrul pa'am/ ngag gi 'khrul pa'am/ sems kyi 'khrul pa gang yang med do/ /de dag thams cad ni ye shes sngon du 'gro ba'i lus dang / ngag dang / yid kyi 
las dang ldan pa yin no/ /blo gros mi zad pa khyod ni sangs rgyas bye ba khrag khrig brgya stong mang pos chos bstan pa'i phyir rjes su dgongs so/ /blo gros mi zad pa nga lta bu rnams kyis khyod 'dra ba'i skyes bu dam pa rnams la shin tu bzod do/ /de nas bcom ldan 'das la tshe dang ldan pa kun 
dga' bos 'di skad ces gsol to/ /bcom ldan 'das chos kyi rnam grangs 'di'i ming ci lags/ 'di ji lta bur gzung bar bgyi/ bcom ldan 'das kyis bka' stsal pa/ kun dga' bo de'i phyir khyod kyis chos kyi rnam grangs 'di blo gros mi zad pas bstan pa dang / don dang / 
tshig dang / yi ge mi zad pa bstan pa dang / 'dus pa chen po'i le'u dang / blo gros mi zad pa'i le'u zhes bya bar yang zung shig /kun dga' bo khyod kyis 'dus pa chen po'i le'u'i chos kyi rnam grangs 'di bzung na/ de las chos la dran pa'i stobs kyi mthu bskyed pa 'bum 'gyur du 
thob par 'gyur ro/ /gzhan dag la yang bstan na sems can thams cad la sangs rgyas kyi bya bas nye bar gnas par 'gyur ro/ /bcom ldan 'das kyis de skad ces bka' stsal nas/ byang chub sems dpa'i tshogs de dag thams cad dang / byang chub sems dpa' sems dpa' chen po blo gros 
mi zad pa dang / gnas brtan sha ra dwa ti'i bu dang / dge slong de dag dang / thams cad dang ldan pa'i 'khor de dang / lha dang / mi dang / lha ma yin dang / dri zar bcas pa'i 'jig rten yi rangs te bcom ldan 'das kyis gsungs pa la mngon par bstod do//   //'dus pa 
chen po'i le'u 'bum pa las/ blo gros mi zad pas bstan pa zhes bya ba theg pa chen po'i mdo rdzogs so//   //zhu chen gyi lots+tsha ba ban de d+harma tA shI las zhus/ skad gsar chad kyis kyang bcos te gtan la phab pa//  //

</font><hr>

</table>