D228

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>D228</h1><td>(<a href="https://adarsha.dharma-treasure.org/kdbs/degekangyur" target="new2">e-text produced by ADARSHA</a>)<br><br><a href="verif2.php?id=D228&coll=derge">see text in Tibetan script</a></table>63-1-189a<br><font size=+1>

@##/ /rgya gar skad du/ Ar+ya bud d+ha sang gI ti nA ma ma ha yA na sU tra/ bod skad du/ 'phags pa sangs rgyas bgro ba zhes bya ba theg pa chen po'i mdo/ bam po dang po/ sangs rgyas dang byang chub sems dpa' thams cad la phyag 'tshal lo/ /'di skad bdag gis 
thos pa dus gcig na/ bcom ldan 'das yul dbus gyur 'chang na yul dbus gyur 'chang ba rnams kyi shing / a mra stug po'i tshal gyi grong 'dab/ ri bzang po bai de ha'i dbang po'i brag gi phug na/ dge slong lnga stong gi dge 'dun chen po dang / byang chub sems dpa' nyi khri lnga 
stong dang thabs cig tu bzhugs te/ thams cad kyang bla na med pa yang dag par rdzogs pa'i byang chub las phyir mi ldog pa/ byang chub sems dpa' 'jam dpal dang / byams pa la sogs pa dang thabs cig go/ /lha'i bu brgyad khri bzhi stong dang yang thabs cig ste/ thams 
cad kyang byang chub sems dpa'i theg pa la gnas pa sha stag go/ /yang de'i tshe na 'jig rten du rnyog pa lnga dag byung ste/ 'di lta ste/ tshe'i rnyog pa dang / sems can gyi rnyog pa dang / bskal pa'i rnyog pa dang / nyon mongs pa'i rnyog pa dang / lta ba'i rnyog pa byung ba'i phyir 'khor 
bzhi yang dag par rdzogs pa'i sangs rgyas kyi drung du 'di lta ste/ chos nyan pa'i phyir shin tu 'ong bar ma gyur/ 'ongs nas kyang chos la 'thun par mi byed/ de bzhin gshegs pa la'ang bkur sti mi byed de/ sems can dag chos bshad pas skyo zhing 'khod nas brel ba sna 
tshogs kyis brel to/ /de nas bcom ldan 'das 'di snyam du dgongs te/ kye ma'o sems can 'di dag ni yongs su skyo ste/ chos bshad pa khong du mi chud/ chos nyan pa dang / de bzhin gshegs pa la lta ba'i phyir mi 'ong / chos nyan pa'i phyir 'ongs su zin kyang de ltar 
'thun par mi byed/ bka' yin par sems mi 'jog gis/ gang ngas nang du yang dag 'jog gi tshul gyis skye bo rnams yongs su skom par bya'o/ /sangs rgyas kyi zhing gzhan dag tu yang sangs rgyas bcom ldan 'das gzhan dag dang lhan cig tu sangs rgyas bgro ba 

</font><hr>63-1-189b<br><font size=+1>

zhes bya ba'i chos kyi rnam grangs bgro'o snyam mo/ /yang de'i tshe na sangs rgyas bcom ldan 'das gzhan dag gi sangs rgyas kyi zhing gzhan dag tu'ang 'khor bzhi yongs su skyo ste/ chos nyan pa'i phyir mi 'ong bar gyur nas sangs rgyas bcom ldan 'das de dag kyang bdag bdag gi 
sangs rgyas kyi zhing du nang du yang dag 'jog la bzhugs pa'i tshul gyis 'khor bzhi yongs su skom par mdzad do/ /yang de'i tshe na shar phyogs su sangs rgyas kyi zhing brgyad khri bzhi stong 'das pa na/ kun du snang ba zhes bya ba'i 'jig rten gyi khams de na 'jug sred kyi rgyal 
po zhes bya ba de bzhin gshegs pa dgra bcom pa yang dag par rdzogs pa'i sangs rgyas da ltar bzhugs 'tsho gzhes shing chos kyang ston to/ /sangs rgyas bcom ldan 'das de dag kyang / de bzhin gshegs pa'i bgro ba bgro ba'i phyir der 'dus te/ sangs rgyas 
bcom ldan 'das de dag la ma bgros pa'am/ bgro ba mi mdzad pa med de/ chos bshad pa dang sems can 'dul ba'i phyir de bzhin gshegs pa dag bgro bar mdzad do/ /de nas bcom ldan 'das 'di snyam du dgongs so/ /sangs rgyas bcom ldan 'das de dag 
gang du 'du bar 'gyur zhes dgongs pa las de 'di snyam du gyur te/ shar phyogs su sangs rgyas bcom ldan 'das de dag 'du bar 'gyur te/ 'di ni sangs rgyas kyi zhing brgyad khri bzhi stong 'das pa na 'jig rten gyi khams kun du snang ba zhes bya ba de na/ de bzhin 
gshegs pa dgra bcom pa yang dag par rdzogs pa'i sangs rgyas 'jug sred kyi rgyal po zhes bya ba de ltar bzhugs 'tsho gzhes chos kyang ston te/ der sangs rgyas bcom ldan 'das rnams 'du bar 'gyur ro snyam mo/ /de nas bcom ldan 'das kyis tshe dang ldan pa dga' 
bo la bka' stsal pa/ dga' bo de ni de bzhin gshegs pa dbang po'i brag gi phug tu gshegs so/ /gshegs nas kyang zla ba gsum du nang du yang dag 'jog par 'gyur gyis/ de dga' bo khyod kyis lha dang / klu dang / gnod sbyin dang / dri za dang / lha ma yin dang /

</font><hr>63-1-190a<br><font size=+1>

mi 'am ci dang / lto 'phye chen po dang / mi la sogs pa gang yang dbang po'i brag gi phug tu zla ba gsum gyi bar du ma gtang shig /de skad ces bka' stsal pa dang / tshe dang ldan pa dga' bos bcom ldan 'das la 'di skad ces gsol to/ /bcom ldan 'das 
bdag gis lha mthu chen po lus phra ba dag gzung mi nus so/ /bcom ldan 'das ji ltar gnas brtan maud gal gyi bu chen po rdzu 'phrul dang cho 'phrul dang ldan pa de 'dra ba bdag la ma mchis kyis/ bcom ldan 'das de la bka' stsal du gsol/ de nas bcom ldan 'das 
bsrung bar nus so/ /de skad ces gsol pa dang / bcom ldan 'das kyis tshe dang ldan pa dga' bo la 'di skad ces bka' stsal to/ /dga' bo chog go/ /khyod de bzhin gshegs pa la de skad ma zer cig /de bzhin gshegs pa ni sus kyang srung mi dgos so/ /kun du 
srung mi dgos so/ /de bzhin gshegs pa la ni bsrung bar bya ba med de/ dgra las rgyal ba yin no/ /ngas ni lha dang bcas pa/ bdud dang bcas pa/ dge sbyong dang bram zer bcas pa'i skye dgu'i 'jig rten na gang de bzhin gshegs pa'i byin gyis brlabs la chung ngu na/ chos 
gos kyi mtha' ma la yang / bskyod pa'am/ sgul bar nus pa su yang ma mthong gis/ dga' bo khyod bya ba nyung bar gyis shig /de bzhin gshegs pa nyid byin gyis rlob bo/ /dga' bo yang de bzhin gshegs pa nang du yang dag 'jog la zhugs pa'i drung du 
dge slong dang / dge slong ma dang / dge bsnyen dang / dge bsnyen ma dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang mi ma yin pa dag 'ong bar gyur na/ dga' bo khyod kyis 
de dag la 'di skad du chos shod cig /grogs po dag mir thob pa ni dkon no/ /'thun pa'i yul la gnas pa ni dkon no/ /de bzhin gshegs pa skye ba yang dkon no/ /de bzhin gshegs pas gsungs pa'i chos 'dul ba la dad pa yang dkon no/ /rab tu byung zhing 

</font><hr>63-1-190b<br><font size=+1>

bsnyen par rdzogs pa'i dge slong gi dngos po yang dkon no/ /dge ba'i bshes gnyen yang dkon no/ /nan tan la gnas pa'i gang zag kyang dkon no/ /stong pa nyid la yid ches zhing mos par byed pa yang dkon no/ /dge slong chos yongs su dag par 'chad pa yang dkon no/ /gtong 
ba'i sems dang ldan pa yang dkon no/ /len pa yang dkon no/ /gang blangs nas sbyin pa sbyong bar byed pa yang dkon no/ /gang byas pa gzo bar byed pa dang / byas pa tshor bar byed pa'i sems can de dag kyang dkon no/ /gang bslab pa 'dod cing srog gi phyir yang bslab 
pa mi gtong ba'i sems can de dag kyang dkon no/ /sems can gang sems can thams cad la snying rje ba dang snying brtse ba bskyed nas bla na med pa yang dag par rdzogs pa'i byang chub tu sems bskyed pa de dag kyang dkon no/ /de bas kyang gang byang chub tu sems bskyed ma thag tu nan tan gyis 
sbyong ba'i sems can de dag ni shin tu dkon no zhes dga' bo khyod kyis de bzhin gshegs pa nang du yang dag 'jog la zhugs na de ltar chos shod cig /gal te dge slong dang / dge slong ma dang / dge bsnyen dang / dge bsnyen ma'i 'khor bzhi dang / lha dang / klu dang / 
gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa dag lhags nas 'ongs pa de dag la de skad du chos shod cig /gzhan yang dga' bo khyod kyis 'di ltar chos shod cig /de bzhin gshegs 
pas rnam grangs du mar log par lta ba shin tu kha na ma tho bar gsungs kyis/ de'i phyir khyod kyis log par lta bar mi bya'o/ /de la log par lta ba gang zhe na/ 'di lta ste/ ma grol ba dang / ma sbas pa dang / ma zhi ba dang / ma dul ba dang / rnam par ma dul ba dang / lha 
sna tshogs la thal mo sbyor ba dang / tshul khrims dang / bzod pa sna tshogs dang / chu bo dang / mtshe'u dang / rdzing bu dang / 'obs dang / ri dang / ri dgas dang / bya dang / shing la dad pa dang / 'dod chags dang / zhe sdang dang / gti mug dang bcas pa dang /

</font><hr>63-1-191a<br><font size=+1>

de lta bu dag gi gzugs byed pa dang / de la sogs pa yang dag pa ma yin par lta ba de ni log par lta ba zhes bya'o/ /gzhan yang dga' bo log par lta ba ni gang / bdag tu 'dzin pa la zhen pa de ni log par lta ba zhes bya'o/ /sems can du 'dzin pa la zhen pa 
dang / srog tu 'dzin pa dang / gang zag tu 'dzin pa la zhen pa dang / chad par 'dzin pa la zhen pa dang / rtag par 'dzin pa la zhen pa de dag ni log par lta ba zhes bya'o/ /dga' bo mdor na log par lta ba shin tu phra ba bstan to/ /dga' bo rigs kyi bu'am/ rigs kyi bu mo 
gang yang rung ste/ chung ngu na mya ngan las 'da' bar sems kyang rung / de lta bu'i 'du shes skye na de ni log par lta ba zhes bya'o/ /dga' bo gzhan yang de bzhin gshegs pa nang du yang dag 'jog la 'jug na 'di ltar chos shod cig /khyed kyis chos dgos par gyis shig /chos la 
dga' ba dang / mgu ba dang / rangs pa dang / 'tsho ba yongs su dag pa dang / bslab pa la 'dod pa dang / dad pa dang / dang ba mang ba dang / khrel ba dang bcas pa dang / gus pa dang / bsti stang dang bcas pa dang / yid la skrag pa dang / khams gsum thams cad las 'byung 
bar sems pa dang / byams pa dang / snying rje dang / dga' ba dang / btang snyoms la bsgom pa'i brtson 'grus dang ldan pa dang / bzod pa dang / tshig bzang po dang / don la rton cing tshig la mi rton pa dang / ye shes la rton cing rnam par shes pa la mi rton pa dang / nges pa'i 
mdo la rton gyi drang ba'i mdo la mi rton pa dang / chos nyid la rton gyi gang zag la mi rton pa dang / rnam par thar pa'i sgo gsum la tshul bzhin yid la bya bas rtogs pa dang / khyed stong pa nyid la spyod yul bar gyis shig /bdag tu 'dzin pa yongs su spangs pa dang / mtshan ma'i 
spyod yul med pa dang / mtshan ma yongs su spangs pa dang / smon pa med pa'i rnam par thar pa'i sgo la spyod yul ba dang / smon lam las 'das par gyis shig /dga' bo khyod kyis sems can rnams la rten cing 'brel par 'byung ba las brtsams te chos shod cig /rten 

</font><hr>63-1-191b<br><font size=+1>

cing 'brel par 'byung ba'i chos zhes bya ba ni rkyen med na chos gang yang mi 'byung ba ste/ de ltar khyed kyis rten cing 'brel par 'byung ba khong du chud par bya'o/ /dga' bo de la rten cing 'brel par 'byung ba ji lta ba yang dag par rtogs pa gang zhe na/ rten cing 'brel par 'byung ba ni mi 
skye ba yin te/ de la ji ltar rtogs par 'gyur zhe na/ mi skye ba la bzod pa yin te/ de la yang rlom sems mi byed pa de ni rten cing 'brel par 'byung ba la ji lta ba yang dag par rtogs pa'o/ /dga' bo khyod kyis 'phags pa'i bden pa'i rab tu tha dad pa las brtsams te 
sems can rnams la chos bshad par bya'o/ /dga' bo 'phags pa'i bden pa'i rab tu tha dad pa gang zhe na/ dga' bo gang 'phags pa'i bden pa de nyon cig /dga' bo 'phags pa'i bden pa ni bden pa yang ma yin brdzun pa yang ma yin te/ gang bden pa yang ma yin brdzun pa 
yang ma yin pa de ni 'phags pa'i bden pa zhes bya'o/ /bden pa de'i rab tu tha dad pa ji snyed cig yod ce na/ mi skye ba'i bden pa dang / ji lta bzhin gyi bden pa dang / 'dod chags dang bral ba'i bden pa dang / 'gog pa'i bden pa dang / mya ngan las 'da' ba'i bden 
pa dang / rnam par grol ba'i bden pa dang / dngos po med pa'i bden pa dang / ma spros pa'i bden pa dang / mi rgyu ba'i bden pa dang / lhun gyis grub pa'i bden pa dang / mi len pa'i bden pa dang / mi gtong ba'i bden pa dang / ma byas pa'i bden pa dang / mi byed pa'i bden pa 
dang / mi ltung ba'i bden pa dang / gnas med pa'i bden pa dang / dga' bo chos gang mi skye ba dang / mi 'bri ba dang / mi gnas pa dang / gzhan du mi 'gyur ba de ni bden pa zhes bya ste/ dga' bo de las dgongs te de bzhin gshegs pa dag 'phags pa'i gang zag ni 
'dus ma byas pas bskyed pa'o zhes chos 'chad do/ /gang sdug bsngal la mi skye bar shes pa 'di ni 'phags pa'i sdug bsngal bden pa ste de ni sdug bsngal rtogs pa'o/ /gang kun 'byung ba mi rgyu bar rgyu yongs su shes pa 'di ni sdug bsngal gyi kun 'byung ba rtogs pa'o/ /

</font><hr>63-1-192a<br><font size=+1>

gang shin tu 'gog pa'i chos thams cad zad pa shin tu mi skye ba 'di ni sdug bsngal 'gog pa'o/ /de la lam gang zhe na/ lam gang gis gnyis su mi byed cing dge ba dang mi dge ba'i tshul gcig la 'jug pa dang / chos thams cad kyi tshul gcig rtogs pa 'di ni lam 
zhes bya'o/ /dga' bo rnam par thar pa'i sgo gsum la yang lam zhes bya ste/ lam des sngon gyi yang dag par rdzogs pa'i sangs rgyas kyi nyan thos kyi dge 'dun dang bcas pa dag 'di lta ste/ mya ngan las 'da' ba'i 'gro ba bzang por gshegs so/ /dga' bo 'di ni 'phags 
pa'i lam yan lag brgyad pa zhes bya ste/'di lta ste/ yang dag pa'i lta ba dang / yang dag pa'i rtog pa dang / yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang / yang dag pa'i 'bad pa dang / yang dag pa'i dran pa dang / yang dag pa'i 
ting nge 'dzin to/ /de ni mnyam par bshad pa yin te/ mnyam pa de'i phyir chos gang la yang rnam par rtog par mi byed pas na de'i phyir lam la zhugs pa zhes bya'o/ /dga' bo gzhan yang 'di skad du chos shod cig /khyed kyis dran pa nye bar gzhag pa'i rnal 'byor la brtson par 
gyis shig /khyed kyis byang chub kyi phyogs kyi chos sum cu rtsa bdun gyi tshul ji lta ba bzhin du rtogs shing 'gro ba la mkhas par gyis shig ces de skad du chos shod cig /dga' bo de la byang chub kyi phyogs kyi chos sum cu rtsa bdun gyi tshul ji lta ba bzhin du rtogs pa dang 'gro ba 
la mkhas pa gang zhe na 'di lta ste/ yi ge'i rang bzhin dang skad mnyam pa nyid yin te/ dga' bo de bzhin gshegs pa ni yi ges chos rnam par 'jog la yi ge de dag kyang rang bzhin gyis stong zhing mi skye mi 'jig pas bshad kyang de tsam du zad/ ma bshad kyang de tsam du zad de 
mi 'phel mi 'bri bas de'i phyir yi ge de dag yi ge ma yin no/ /dga' bo dge slong gang yi ge mnyam pa dang / skad mnyam pa shes pa'i dge slong de ni byang chub kyi phyogs kyi chos rnams kyi tshul ji bzhin pa rtogs shing 'gro ba la mkhas par rig par bya'o/ /dga' bo gzhan 

</font><hr>63-1-192b<br><font size=+1>

yang de bzhin gshegs pa nang du yang dag 'jog la zhugs pa'i tshe 'khor bzhi gang 'ong ba de dag la dga' bo khyod kyis dus gsum mnyam pa nyid las brtsams te chos shod cig /dga' bo dus gsum mnyam pa nyid gang zhe na/ dga' bo 'das pa'i dus ni ma skyes pa'o/ /ma 
'ongs pa'i dus ni ma mthong ba'o/ /da ltar ni mi gnas pa ste/ chos thams cad ni phyin ci log la gnas pa dang / rang bzhin gyis zhi ba'o/ /stong pa nyid la yang dus gang yang mi gnas te/ 'das pa yang stong pa/ ma 'ongs pa yang stong pa/ da ltar yang stong pa'o/ /ji ltar dus stong pa yin pa de bzhin nyid kyang de dang 'dra'o/ /ji ltar dus stong pa de bzhin du sems can yang stong ste/ dga' bo 'di lta ste/ sna tshogs su med pa dang / tshul gcig la 'jug pa de ni dus gsum mnyam pa nyid do/ /dga' bo gzhan yang khams gsum yongs 
su shes pa'i phyir chos shod cig /ji ltar na khams gsum yongs su shes pa yin zhe na/ dga' bo 'di la rnal 'byor pa rnal 'byor spyod pa 'di ltar rtog ste/ 'dod pa'i khams ni yongs su rtog pa las byung ngo / /gzugs kyi khams dang / gzugs med pa'i 
khams kyang yongs su rtog pa las byung ste/ gang yongs su rtog pa de ni dngos po med pas khams gsum thams cad rang bzhin med par rtogs nas rtog par mi byed rnam par rtog par mi byed/ len par mi byed/ dor bar mi byed/ 'dod par mi byed/ smon par mi 
byed/ snyems par mi byed/ sems par mi byed de/ des sems pa thams cad dang bral bas 'di lta ste/ rnam par thar pa'i sgo gsum stong pa nyid dang / mtshan ma med pa dang / smon pa med pa tshegs chung ngus mngon du byed do/ /dga' bo rnam par thar pa'i sgo gsum 
mngon du bya ba gang zhe na/ gang mnyam pa nyid ma 'khrugs pa dang / chos gang yang mi bya ba dang / rnam par mi bya ba ste/ chos thams cad thog ma nas zad par shes nas ye shes dang bcas pa'i yid la byed pa yang mi skyed de/ gcig par yang mi byed sna tshogs su mi byed pa 

</font><hr>63-1-193a<br><font size=+1>

'di ni dga' bo rnam par thar pa'i sgo gsum mngon du byed pa'i mnyam pa nyid do/ /dga' bo khyod kyi phung po lnga yongs su shes par bya ba'i phyir yang chos shod cig /dga' bo phung po lnga yongs su shes par bya ba gang zhe na/ dga' bo 'di la rnal 'byor pa rnal 
'byor spyod pa/ dgon pa dang dbye la gnas pa dag 'di ltar slob bo/ /de bzhin gshegs pas kyang 'di skad gsungs te/ gzugs ni dbu ba rdos pa lta bu/ tshor ba ni chu'i chu bur lta bu/ 'du shes ni smig rgyu lta bu/ 'du byed ni shing chu skyes lta bu/ rnam par 
shes pa ni sgyu ma lta bu'o zhes nyi ma'i gnyen gyis gsungs so/ /de la rnal 'byor pa rnal 'byor spyod pa dag 'di ltar slob ste/ gang de bzhin gshegs pas gsungs pa'i dpe de dag ni yang dag pa'o/ /de dag ni de bzhin no/ /de dag ni gzhan ma yin te/ dbu ba ni 
stong pa/ 'dod pa'i khams su ma gtogs pa/ gzugs kyi khams su ma gtogs pa/ gzugs med pa'i khams su ma gtogs pa'o/ /gang khams gsum du ma gtogs pa de ni gdags su med pa mi gdags pa'o/ /dbu ba la yang bdag gam 
sems can du gdags su yang mi nus/ de la bdag gam sems can du mi dmigs shing med do/ /de ci'i phyir zhe na/ chos thams cad ni bdag med pa'i phyir ro/ /tshor ba dang / 'du shes dang / 'du byed kyang de bzhin no/ /gang rnam par shes pa ni sgyu ma lta bu'o zhes 
gsungs pa/ sgyu ma ni stong pa ste/ 'dod pa'i khams su ma gtogs/ gzugs kyi khams su ma gtogs/ gzugs med pa'i khams su ma gtogs so/ /gang khams gsum du ma gtogs pa de ni gdags su med pa mi gdags pa'o/ /sgyu ma la yang 
bdag gam sems can du gdags su mi nus te/ de la ni bdag gam sems can med cing mi dmigs pa'o/ /dga' bo chos thams cad ni bdag med pa'o zhes de ltar phung po la rtogs pa de ni phung po yongs su shes pa'o/ /dga' bo gzhan yang phyi dang nang gi 

</font><hr>63-1-193b<br><font size=+1>

skye mched drug yongs su shes par bya ba dang / spang bar bya ba'i phyir khyod kyis chos shod cig /de la phyi dang nang gi skye mched drug yongs su shes par bya ba gang zhe na/ dga' bo mig ni bdag dang bdag gis stong ste/ de rang bzhin gyis de bzhin no/ /de bzhin du rna ba dang / 
sna dang / lce dang / lus dang / yid bdag dang bdag gis stong ste/ rang bzhin gyis de bzhin no/ /gzugs bdag dang bdag gis stong ste/ de ni rang bzhin gyis de bzhin no/ /de bzhin du sgra dang / dri dang / ro dang / reg dang / chos rnams kyang bdag dang bdag gis stong 
ste/ de'ang rang bzhin gyis de bzhin no zhes de bzhin gshegs pas gsungs te/ dga' bo gang rang bzhin gyis stong pa de la ni chos gang yang gdags su med do/ /de la ni mig med/ rna ba med/ sna med/ lce med/ lus med/ yid med/ gzugs med/ sgra med/ 
dri med/ ro med/ reg med/ chos med do/ /dga' bo gang chos de dag la gzhan gyi dring mi 'jog pa'i ye shes de ni phyi dang nang gi skye mched drug yongs su shes pa'o/ /de la phyi dang nang gi skye mched drug spang ba gang zhe na 'di lta ste/ chos thams cad mi 'dzin pa/ mi snyems 
pa/ mtshan ma mi rgyu ba de ni phyi dang nang gi skye mched drug spong ba'o/ /de lta bas na dga' bo khyod kyis gal te dge slong dang / dge slong ma dang / dge bsnyen dang / dge bsnyen ma'i 'khor bzhi dang / lha dang / klu dang / gnod sbyin dang / dri za dang / mi 'am ci dang / lto 'phye chen po 
dang / mi dang / mi ma yin pa dag 'ong na de dag la dga' bo khyod kyis de skad du chos shod cig /yang de'i tshe na bcom ldan 'das kyis 'di 'dra ba'i byin gyis brlab pas byin gyis brlabs par gyur te/ gang dang gang dag chos bshad pa 'di'i snod du gyur pa de dag ni thos so/ /
lhag ma dag la ni rnar yang mi grag ste/ de bzhin gshegs pa cang mi gsung bar mthong ngo / /ston pa 'di bstan pa'i tshe dge slong lnga brgya ni zag pa las ma lus par sems rnam par grol lo/ /lha'i bu bzhi khri nyis stong ni chos la chos kyi mig rdul med cing dri ma dang bral ba rnam 

</font><hr>63-1-194a<br><font size=+1>

par dag go/ /dge slong ma sum stong ni zag pa las ma lus par sems rnam par grol lo/ /srog chags khrag khrig phrag bdun gyis ni 'dod chags dang bral ba thob par gyur to/ /de nas bcom ldan 'das kyis tshe dang ldan pa dga' bo la de 'dra bar bstan nas 
tshe dang ldan pa dga' bo la bka' stsal pa/ dga' bo khyod langs te/ dbang po'i brag gi phug tu song la de bzhin gshegs pa'i rtswa'i gding ba thing shig /de bzhin gshegs pa ni rtswa'i gding ba la bzhugs te/ zla ba gsum du nang du yang dag 'jog la bzhugs par 'gyur ro/ /de skad 
ces bka' stsal pa dang / bcom ldan 'das la tshe dang ldan pa dga' bos 'di skad ces gsol to/ /bcom ldan 'das gdan gding bar bgyi'o/ /gdan gding ba lta zhig cir 'tshal/ bcom ldan 'das kyis bka' stsal pa/ dga' bo chog gis de skad ma zer cig /
sngon gyi de bzhin gshegs pa dgra bcom pa yang dag par rdzogs pa'i sangs rgyas dag ni rtswa'i gding ba la dgyes par gyur to/ /dga' bo de bzhin gshegs pa ni yo byad bde bas bde ba ma yin gyi/ dga' bo de bzhin gshegs pa ni chos la gnas pa'i bde bas bde ba yin no/ /de 
nas tshe dang ldan pa dga' bos bcom ldan 'das kyi ltar mnyan te/ stan las langs nas rtswa'i phyir de bzhin gshegs pa'i 'khor nas byung ngo / /de nas de'i tshe lha'i bu bye ba khrag khrig brgya phrag stong du mas lha'i rtswa 'jam pa reg na bde ba/ gos ka tsa lin di ka dang 'dra ba dag tshe dang 
ldan pa dga' bo'i lag tu bzhag par gyur to/ /de nas tshe dang ldan pa dga' bos rtswa de dag blangs te/ dbang po'i brag gi phug gang na ba der song nas dbang po'i brag gi phug gi nang du phyin pa dang / bcom ldan 'das kyi rtswa'i gding ba bting ngo / /tshe dang ldan pa dga' bos bcom ldan 'das kyi 
rtswa'i gding ba bting ma thag tu de nas de'i tshe lha'i bu bye ba khrag khrig brgya phrag stong du mas rtswa'i gding ba'i steng du lha'i gos bting bar gyur te/ gos mang po de dag gis 'dzam bu'i gling yongs su gang zhing byur bur gyur nas bcom ldan 'das kyi rdzu 'phrul gyi byin gyis brlabs kyis gos mang po de 

</font><hr>63-1-194b<br><font size=+1>

snyed dag kyang 'phang du sor bzhi tsam du gyur to/ /de nas bcom ldan 'das gdan las bzhengs te/ dbang po'i brag gi phug tu gshegs so/ /bcom ldan 'das gshegs nas sil snyan thams cad kyang ma dkrol bar sgra byung ngo / /me tog gi char dag kyang bab ste/ me tog gi char de dag 
gis stong gsum gyi stong chen po'i 'jig rten gyi khams 'di khyab par gyur to/ /de nas bcom ldan 'das dbang po'i brag gi phug tu gshegs nas skyil mo krung bcas te sku drang por bsrangs nas dran pa mngon par bzhag ste bzhugs so/ /yang de'i tshe na bcom ldan 'das kyis dbang po'i brag gi 
phug bai dUr+ya las byas pa lta bur gyur pa de 'dra ba'i rdzu 'phrul mngon par 'du bya ba mngon par 'du byas so/ /yang de'i tshe na stong gsum gyi stong chen po'i 'jig rten gyi khams na sems can sangs rgyas kyis 'dul ba/ dge ba'i rtsa ba yongs su smin pa de dag gis dbang po'i brag gi phug na de bzhin 
gshegs pa bzhugs pa mthong ba ni 'di lta ste/ me long yongs su dag pa'i nang du bzhin snang ba de bzhin du sems can de dag gis de bzhin gshegs pa mthong ngo / /yang de'i tshe na bcom ldan 'das kyi phyag g.yas pa'i mthil nas 'od zer brgya stong dag btang ste/ 'od zer de dag 
gis stong gsum gyi stong chen po'i 'jig rten gyi khams snang bar gyur nas nyi ma dang zla ba sems can dag gis mig gis mthong bar gyur to/ /yang de'i tshe na sems can thams cad 'dod chags kyi gnod pa med/ zhe sdang med/ gti mug med/ nga rgyal med/ gnong 'chab 
pa med/ phrag dog med/ ser sna med/ khro ba med/ tha ba med/ gnod sems med de/ de'i tshe sems can thams cad kyang byams pa'i sems dang ldan zhing pha dang mar 'du shes par gyur to/ /de nas bcom ldan 'das kyis gnas med pa lhun gyis grub pa/ nam 
mkha'i rang bzhin mtshan ma med pa spyod pa dang ldan pa zhes bya ba'i ting nge 'dzin la mnyam par bzhag go/ /bcom ldan 'das kyis ting nge 'dzin de las mnyam par bzhag ma thag tu/ de nas de'i tshe stong gsum gyi stong chen po'i 'jig rten gyi khams 'di rnam pa drug tu g.yos so/ /de nas stong gsum 

</font><hr>63-1-195a<br><font size=+1>

gyi stong chen po'i 'jig rten gyi khams 'di na gnas pa'i sems can de dag thams cad kyis de bzhin gshegs pa'i spyod lam dang / rdzu 'phrul gyi cho 'phrul dang / ting nge 'dzin rnam par 'phrul pa mthong ngo / /mthong nas lha'i bu bzhi khri nyis stong dag bla na med pa yang dag 
par rdzogs pa'i byang chub tu sems skyes so/ /de'i tshe de dag thams cad kyis kyang lha'i me tog man dA ra ba dag thogs te dbang po'i brag gi phug ga la ba dang / bcom ldan 'das ga la ba der gtor to/ /de dag gtor ma thag tu dbang po'i brag gi phug lan bdun bskor nas de nyid du mi 
snang bar gyur to/ /yang de'i tshe bcom ldan 'das kyis dbang po'i brag gi phug tu sprul pa sprul te der bzhag nas/ bcom ldan 'das 'jug sred kyi rgyal po de bzhin gshegs pa'i sangs rgyas kyi zhing kun du 'od ces bya ba'i 'jig rten gyi khams ga la ba der gshegs so/ /yang 
de'i tshe na phyogs bcu'i sangs rgyas kyi zhing gang gA'i klung gi bye ma snyed kun du de bzhin gshegs pa gang gA'i klung gi bye ma dang mnyam pa rnyog pa lnga'i tshe 'jig rten du byung bar gyur te/ de dag gi sangs rgyas kyi zhing yang shin tu smad pa ste/ dper na da ltar gyi bcom ldan 'das 
shAkya thub pa'i mi mjed kyi 'jig rten gyi khams 'di ji lta ba de bzhin du sangs rgyas bcom ldan 'das de dag gi sangs rgyas kyi zhing shin tu ngan te/ de bzhin du sems can 'dod chags kyi shas che ba dang / zhe sdang gi shas che ba dang / gti mug gi shas che ba dang / ma gus pa dang / 
byas pa mi gzo ba dang / g.yon can dang / sgyu can dang / dman pa la mos pa yin no/ /sangs rgyas bcom ldan 'das de dag gi 'jig rten gyi khams de na gnas pa'i sems can de dag kyang shin tu mthong bar 'dod pa ma yin na/ chos la yang 'dun par mi byed/ chos bshad pa 
dgos par mi byed/ rna ba yang blags te mi nyan nas de bzhin gshegs pa de dag kyang thabs mkhas pas nang du yang dag 'jog la zhugs te/ sprul pa gzhan dag sprul nas bcom ldan 'das 'jug sred kyi rgyal po de bzhin gshegs pa'i sangs rgyas kyi zhing kun du 'od ces bya 

</font><hr>63-1-195b<br><font size=+1>

ba'i 'jig rten gyi khams su 'di lta ste/ sangs rgyas bgro ba zhes bya ba'i chos kyi rnam grangs bshad cing bstan pa'i phyir gshegs par gyur to/ /de'i phyir sangs rgyas bgro ba zhes bya'o/ /sangs rgyas bcom ldan 'das rnams ni skye bo phyi ma dag gi phyir sangs rgyas bgro ba mdzad 
pa ma gtogs par gzhan cung zad kyang mdzad pa med de/ de bzhin gshegs pa yongs su mya ngan las 'das nas ci nas kyang sems can chos 'dod pa dag 'byung zhing sangs rgyas bcom ldan 'das chos kyi rje de dag kyang chos bgro bar mdzad na bdag cag gis lta ci'i phyir chos mi bgro 
snyam du sems par 'gyur ba'i don de gzigs nas sangs rgyas bcom ldan 'das sangs rgyas kyi bgro ba mdzad do/ /yang de'i tshe na kun du 'od ces bya ba'i 'jig rten gyi khams der sangs rgyas bcom ldan 'das dpag tu med grangs med pa dag tshogs par gyur to/ /ci'i phyir na/ 
'jig rten gyi khams kun du 'od ces bya zhe na sangs rgyas kyi zhing de na nyan thos dang rang sangs rgyas dag gis ming yang mi grag ste/ sangs rgyas kyi zhing de byang chub sems dpa' 'ba' zhig gis yongs su gang la/ byang chub sems dpa' de dag kyang 'od rang las 'byung zhing lus 
gser gyi kha dog lta bu dang / mtshan yongs su rdzogs pa sna tshogs kyi rigs dang ldan zhing kun du'ang byang chub sems dpa' de'i 'od 'byung bas na de'i phyir 'jig rten gyi khams kun du 'od ces bya'o/ /de la sangs rgyas bgro ba gang yin zhe na/ 'di lta ste/ chos thams cad kyi 
tshul yang dag pa ji lta ba bzhin du rtogs pa'o/ /de la chos thams cad ni gang / tshul ni gang / rtogs pa ni gang zhe na/ chos thams cad ni chos gcig pa ste/ chos de yang chos dang chos ma yin par yang sus kyang bshad mi nus so/ /de ci'i phyir zhe na/ de dag kyang ma 
skyes pa ma byung ba ste/ de dag ni chos kyi sgras bshad mod kyi/ gang nang gi skye mched drug dang / phyi'i skye mched drug dang / phung po dang / khams zhes bya ba de dag ni chos thams cad ces bya ste/ de dag thams cad kyang brjod pa tsam du zad do/ /gang chos thams cad kyi byed pa med 

</font><hr>63-1-196a<br><font size=+1>

pa/ yang dag pa ji lta ba bzhin du rtog pa de la ni phung po yang med/ khams kyang med/ skye mched kyang med/ rtag pa yang med/ chad pa yang med de/ de lta bas na dbus kyi gnas kyang med pa de ni chos thams cad kyi mnyam pa nyid bshad pa yin no/ /'di lta ste/ chos 
thams cad rang bzhin stong pa nyid do zhes ming gis brjod do/ /ming de yang byed pa med de ming gis brjod do/ /ming de yang rang bzhin gyis med de de ni sangs rgyas bgro ba zhes bya'o/ /tshul gang zhe na/ tshul zhes bya ba ni 'di lta ste/ 'dod chags med pa'i tshul dang / mi skye ba'i tshul 
dang / dben pa'i tshul dang / ji lta ba bzhin gyi tshul dang / de bzhin nyid kyi tshul dang / chos kyi dbyings kyi tshul dang / yang dag pa'i mtha'i tshul te/ chos thams cad stong ngo zhes bya ba 'di ni yang dag pa'i tshul lo/ /chos thams cad ni mi ldang ba/ mi skyod pa/ spyod pa 
med pa/ ma 'ongs pa/ mi 'gro ba/ bdag gi ba med pa/ bdag po med pa/ len pa med pa/ ltos pa med pa ste/ shin tu zad pa'i phyir zad pa'o/ /mi skye ba'i phyir mi zad pa'o/ /ji lta ba bzhin du dben pa'i phyir zhi ba'i rang bzhin can no/ /gnas dang bral ba'i phyir 
gnas med pa'o/ /tshul dang bral ba'i phyir tshul med pa'o/ /'byung ba med pa ltung ba med pa'o/ /bral bar gyur pa'o/ /ma btud pa btud pa med pa'o/ /ma skyes par bshad pa'i phyir mi skye ba dang mtshungs pa'o/ /mi 'dra ba'i phyir mi mnyam pa'o/ /gang yi ge na 
'jug pa de ni tshul lo/ /chos thams cad ni ming dang bral ba ste/ ma song ba/ ma 'ongs pa/ ma thob pa/ ma stor ba/ ma khyer ba/ ma blangs pa/ mnyam pa dang mi mnyam par mi bshad pa'o/ /ma mthong ba/ ma thos pa/ mi dran pa/ rnam par mi shes pa/ gzung ba ma 
yin/ rab tu gzung ba ma yin/ dga' ba ma yin/ zhe sdang ba ma yin/ zhi ba ma yin/ zhi bar byed pa ma yin/ gtor ba ma yin/ ma gtor ba ma yin/ rags pa ma yin/ phra ba ma yin/ ring ba ma yin/ thung ba ma yin/ dbung med pa/ mtha' ma med pa/ thog 

</font><hr>63-1-196b<br><font size=+1>

ma med pa/ 'jig pa med pa/ mu med pa/ bde ba med pa/ mi bde ba med pa/ shes pa med pa/ rgyu ba med pa/ spong ba med pa/ len par byed pa med pa/ reg par byed pa med pa/ ston par byed pa med pa/ sems par byed pa med pa/ rnam par shes par byed pa med pa/ rlom sems 
med pa/ yid la byed pa med pa/ rnam par 'phrul pa med pa/ spang ba med pa/ mi spang ba yang med par brjod par bya'o/ /bsrungs pa med pa/ ma bsrungs pa yang med do/ /ma sbas pa sbas pa med do/ /de la ni 'thob pa med/ 'thob par 'gyur ba'ang med de/ de na dngos po yang 
med/ dngos po med pa yang med do/ /sgom pa yang med/ mi sgom pa yang med do/ /chad pa yang med/ rtag pa yang med do/ /de na thob pa yang med/ stor ba yang med do/ /'das pa ma yin/ ma 'ongs pa ma yin/ da ltar ma yin/ shes pa ma yin/ mi shes pa yang ma yin/ 
rnam par shes pa ma yin/ rnam par mi shes pa yang ma yin/ sgra med/ ngag gilam med/ brjod pa med/ skad med/ smra ba med/ yi ge med/ yi ge 'jug pa med/ zhugs pa med/ stor ba med/ ring ba ma yin/ nye ba ma yin/ thob pa med/ ma thob pa yang med pa'o/ /de la ni 
yid 'jug pa yang med/ bdag med/ sems can med/ srog med/ gang zag med/ tshul khrims dang ldan pa med/ ngang tshul ngan pa med/ bzod pa dang ldan pa med/ mi bzod pa spyod pa med/ brtson 'grus med/ le lo med de sus kyang ma yin/ su la'ang ma 
yin/ cung zad kyang ma yin/ cung zad med pa yang ma yin/ thar pa yang ma yin/ bcings pa ma yin/ nam mkha' 'ang ma yin/ nam mkha' med pa yang ma yin/ ming tsam dang 'dra ba/ mi blang ba/ ma blangs pa/ mi skye ba/ mi 'chi ba/ btul ba med pa/ ma 
btul ba yang med pa/ bya ba med pa/ mi bya ba'ang med pa/ sdom pa med pa/ ltung ba med pa/ ltung ba gnod pa med pa/ g.yo ba med pa/ mi g.yo ba med pa/ rtog pa med pa/ rnam par rtog pa med pa/ rab tu rtog pa med pa/ len pa med/ dor ba med/ skye ba med/

</font><hr>63-1-197a<br><font size=+1>

shi 'pho ba med/ sbyin pa med/ len pa med/ g.yeng ba med/ zhi ba med/ zhi bar byas pa med/ chos nyid med/ chos nyid dang 'gal ba med/ rdul med/ rdul dang bral ba med/ sgra 'byin pa med/ sgra 'byin par byed pa med/ sgra 'byin par 'gyur ba med/ 'dod 
chags pa med/ zhe sdang ba med/ gti mug pa med/ chags pa med/ khong khro ba med/ tshu rol med/ pha rol med/ dbung med/ thang med/ mtha' med/ sgrol ba med/ sgrol bar byed pa med/ 'gro ba med/ 'dug pa med/ smon pa med/ zlog pa med/ 'byung ba med/ 'jig 
pa med/ gcad pa med/ gzhig pa med/ sbyor ba med/ sgrel pa med/ bcing ba med/ dgrol ba med/ gzung ba med/ mi gzung ba med/ 'od med/ 'od ma yin pa med/ srog med/ gso ba med/ gang zag med/sems can med/ btags pa med/ btags pa 
dang bral ba'ang med/ brjod par bya ba'ang med/ mi brjod par bya ba'ang med/ de ni yi ge la 'jug pa zhes bya ste/ 'jug pa de dang ldan pa'i byang chub sems dpa' sems dpa' chen po ming la mi chags so/ /ma chags na ma chags pa'i chos la 'jug go/ /tshul gyi gnas pa la 
yang 'jug par 'gyur ro/ /de ni tshul zhes bya ste/ de yang sangs rgyas bgro ba yin no/ /de la nan gtan gang zhe na/ chos thams cad ni chos kyi dbyings gnas pa'i phyir gnas pa ste/ de la chos nyid la 'jug pa de ni nan gtan zhes bya'o/ /de la chos nyid gang zhe na/ chos nyid 
ces bya ba ni 'di lta ste/ chos rnams la rlom sems med pa'o/ /gang gi tshe na rlom sems med pa de'i tshe na mngon par rlom sems med/ gang gi tshe mngon par rlom sems med pa de'i tshe rnam par rtog pa med/ yongs su rtog pa med do/ /gang gi tshe na yongs su rtog pa med pa 
de'i tshe rtog pa thams cad ces bya ste/ de ni mang du'ang mi byed/ nyung ngu'ang mi byed/ len par mi byed/ spong bar mi byed do/ /de ni 'das pa la mi sems mi rtog go/ /ma 'ongs pa la ma yin/ da ltar la ma yin/ gang da ltar mi gnas pa de yang yang dag par rjes su mi mthong 

</font><hr>63-1-197b<br><font size=+1>

ste de ni dus gsum mnyam pa nyid do/ /de la gang skye ba med/ god pa med/ gnas pa med/ gzhan du 'gyur ba med pa de ni chos kyi dbyings zhes bya ste/ de bzhin gshegs pa de la dgongs nas de bzhin gshegs pa byung yang rung / ma byung yang rung ste/ chos nyid chos kyi dbyings 
chos gnas pa nyid/ chos skyon med pa ni gnas pa nyid do zhes gsung ngo / /ci'i phyir na/ chos skyon med pa zhes bya zhe na/ gang la skyon med pa de ni skyon med pa ste/ de'i phyir na chos skyon med pa zhes bya'o/ /de la skyon gang zhe na/ bdag tu byed pa ni skyon no/ /bdag gir byed pa 
ni skyon no/ /rgyur lta ba dang / ming dang gzugs su 'du shes pa dang / chos thams cad du 'du shes pa dang / 'gog pa dang / spyod pa dang /mngon par chags pa'i rlom sems ni skyon no/ /snyems pa dang / skrun pa dang / sems pa dang / rtog pa dang / nga lhag pa dang / phung por 
'dzin pa dang / rgyur 'dzin pa dang / skye mched du 'dzin pa dang / bdag ni khams gsum spong ngo / /bdag ni 'dod chags dang / zhe sdang dang / gti mug zad par byed do/ /bdag ni lam sgom mo/ /bdag ni rnam par thar pa'i sgo rnams mngon du byed do/ /bdag ni rgyun du zhugs pa'i 'bras bu 
mngon du byed do/ /bdag ni lan cig phyir 'ong ba'i 'bras bu dang / phyir mi 'ong ba'i 'bras bu mngon du byed do/ /bdag ni dgra bcom pa nyid mngon du byed do zhes rtog pa ni skyon no/ /bdag ni dran pa nye bar gzhag pa bzhi sgom mo/ /bdag ni yang dag par spong ba bzhi dang / rdzu 'phrul gyi 
rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa bsgom mo snyam pa ni skyon no/ /'phags pa'i bden pa bzhi rtogs par bya'o/ /nyon mongs pa 'di dag zad par bya'o snyam pa ni skyon no/ /chos 'di dag 
bsgom mo snyam pa ni skyon te/ de dag ni nyan thos kyi theg pa la gnas pa'i skyon no/ /de la byang chub sems dpa'i theg pa la gnas pa'i skyon gang zhe na/ bdag sangs rgyas su 'gyur bar bya'o snyam pa ni skyon no/ /bdag gis byang chub thob par bya'o snyam pa ni skyon no/ /bdag gis sbyin pa 

</font><hr>63-1-198a<br><font size=+1>

sbyin no snyam pa ni skyon no/ /bdag gis ser sna tshar gcad do snyam pa ni skyon no/ /bdag gis tshul khrims yongs su dag par bya'o/ /ngang tshul ngan pa spang bar bya'o snyam pa ni skyon no/ /bdag tshul khrims dang ldan par bya'o snyam pa ni skyon no/ /bdag bzod pa la gnas 
so snyam pa ni skyon no/ /bdag gis gnod sems dang tha ba'i nyes pa rnams spang ngo snyam pa ni skyon no/ /bzod pa bsgom mo snyam pa ni skyon no/ /bdag ni brtson 'grus rtsom pa la gnas te le lo'i dri ma spang zhing brtson 'grus brtsam mo snyam pa ni skyon no/ /bdag ni bsam gtan la gnas pas gnas 
so/ /ting nge 'dzin bsgom mo/ /bdag gis mnyam par bzhag go snyam pa ni skyon no/ /ldang bar bya'o snyam pa ni skyon no/ /bdag gis bsam gtan thob par bya'o snyam pa ni skyon no/ /shes rab kyi pha rol tu phyin pa bsgom mo/ /shes rab kyi pha rol tu phyin pa la bslabs nas sangs rgyas 
su 'gyur bar bya'o snyam pa ni skyon no/ /shes rab kyi pha rol tu phyin pas phyung nas sangs rgyas kyi mya ngan las 'da' bas yongs su mya ngan las 'da'o snyam pa ni skyon no/ /sangs rgyas kyi ye shes yongs su bsgrub bo snyam pa ni skyon no/ /sangs rgyas kyi bslab pa bslab po snyam pa ni skyon no/ /de bzhin 
gshegs pa'i stobs bcu yongs su rdzogs par bya'o snyam pa ni skyon no/ /sangs rgyas kyi chos ma 'dres pa bcwa brgyad yongs su rdzogs par bya'o snyam pa ni skyon no/ /stobs rnams dang / dbang po rnams dang / mi 'jigs pa rnams dang / so so yang dag par rig pa rnams thob 
par bya'o snyam pa ni skyon no/ /spobs pa bsgrub po snyam pa ni skyon te/ byang chub sems dpa' ni ji tsam du sgom pa dang / rtog pa dang / smon pa dang / len pa dang / 'dor ba de tsam du skyon no/ /mtshan ma thams cad ni skyon no/ /rtog pa thams cad ni skyon no/ /'jug pa thams cad ni 
skyon no/ /de la chos de dag med pas na de'i phyir skyon med pa zhes bya'o/ /gang skyon med pa de ni chos nyid yin pas de'i phyir chos skyon med pa zhes bya ste/ de yang sangs rgyas bgro ba zhes bya'o/ /gzhan yang sangs rgyas bgro ba ni 'di lta ste/ byang chub sems dpa'i sems dang po 

</font><hr>63-1-198b<br><font size=+1>

bskyed pa bsgrub pa'o/ /de la byang chub sems dpa'i sems dang po bskyed pa bsgrub pa gang zhe na/ 'di lta ste/ mi skye ba bsgrub pa'o/ /de ci'i phyir zhe na/ sems can thams cad ni sems med pa'o/ /gang sems med pa de ni mi skye ba ste/ 'di lta ste/ ma skyes pa'i chos rnams la 
bzod pa de ni sems dang po bskyed pa'o/ /gzhan yang byang chub sems dpa'i sems dang po bskyed pa ni gang go cha brtan pa 'di yin te/ de la go cha brtan pa gang zhe na/ 'di lta ste/ byang chub sems dpas rdo rje lta bu'i sems bskyed par bya'o/ /de la rdo rje lta bu'i sems bskyed pa gang zhe na/ 
bcu po 'di dag ni byang chub sems dpa'i rdo rje lta bu'i sems bskyed pa'o/ /bcu po gang zhe na/ 'di lta ste/ 'khor ba dpag tu med pa yongs su len pa'i go cha dang / bdog pa thams cad yongs su gtong ba dang / sems can thams cad la sems snyoms pa dang / bdag gis 
sems can thams cad sangs rgyas kyi mya ngan las 'da' bas yongs su mya ngan las bzla bar bya ste/ sems can thams cad yongs su mya ngan las bzlas kyang / sems can gang yang yongs su mya ngan las 'das par ma gyur pa dang / chos thams cad ma skyes par shes shing brtson 
'grus mi gtong ba dang / sems can thams cad la bya ba'i ye shes kyi smon lam dang ldan pa dang / thams cad mkhyen pa'i ye shes yongs su sgrub pa dang / tshul gcig par rtogs pa dang / dga' ba dang mi dga' ba la mi lta ba dang / chags pa dang khong khro ba spangs pa ste/ de 
dag ni byang chub sems dpa'i rdo rje lta bu'i sems bskyed pa zhes bya'o/ /gzhan yang byang chub sems dpa' sems dang po bskyed pa bsgrub pa ni 'di lta ste/ khams gsum gyi 'du shes bskyed pa thams cad kyang mi byed la 'du shes mi skyed par yang mi ltung ba'o/ /gzhan yang 
sangs rgyas bgro ba ni 'di lta ste/ pha rol tu phyin pa drug gi rab tu tha dad pa'o/ /pha rol tu phyin pa drug gi rab tu tha dad pa gang zhe na/ sbyin pa'i pha rol tu phyin pa la 'jig rten pa'i yang yod/ 'jig rten las 'das pa'i yang yod do/ /de bzhin du shes rab kyi pha rol tu phyin 

</font><hr>63-1-199a<br><font size=+1>

pa'i bar du 'jig rten pa'i yang yod/ 'jig rten las 'das pa'i yang yod do/ /de la sbyin pa'i pha rol tu phyin pa 'jig rten pa'i yin gyi 'jig rten las 'das pa'i ma yin pa gang zhe na/ 'di ltar byang chub sems dpa' sbyin par byed pa sbyin pa'i bdag po ni dge sbyong dang / 
bram ze bkren pa phongs pa slong ba dag la sbyin pa sbyin par byed de zas 'dod pa la ni zas/ skom 'dod pa la ni skom/ theg pa 'dod pa la ni theg pa/ gos 'dod pa la ni gos dang / de bzhin du gser dang / nor bu dang / mu tig dang / bai dUr+ya dang / dung dang / man shel dang / byi ru dang / 
dngul dang / sa le sbram dang / chung ma dang / bu pho dang / bu mo dang / rgyal srid thams cad kyi bar du 'dod pa la yongs su gtong zhing de ni bdag gi lus ma gtogs par phyi rol gyi dngos po du ma la yang mi lta ste/ thams cad yongs su gtong zhing gnas nas yongs su gtong bar byed 
de bdag ni sbyin par byed do/ /'di ni len par byed do/ /bdag ni sbyin pa sbyin par byed de ser sna med do/ /bdag ni sbyin pa'i bdag po'o/ /bdag ni bdog pa thams cad gtong bar byed do/ /bdag ni sangs rgyas rnams kyi bka' bzhin du byed do/ /bdag ni sbyin pa'i pha rol tu phyin pa la 
spyod do zhes sems can thams cad la dmigs pas sbyin pa de byin nas bdag gi sbyin pa des sems can thams cad bde bar gyur cig ces sbyin pa de sems can thams cad la sngo bar byed do/ /de ni chags pa rnam pa gsum gyis chags pa yin te/ gsum gang zhe na/ bdag tu 'du 
shes pa dang / gzhan du 'du shes pa dang / sbyin par 'du shes pa'o/ /de ni 'jig rten gyi sbyin pa'i pha rol tu phyin pa zhes bya ste/ 'jig rten las 'das pa ni ma yin no/ /ci'i phyir na/ 'jig rten gyi zhes bya zhe na/ de ltar 'jig rten gyi las 'da' bar mi byed pas na de'i phyir 
'jig rten gyi zhes bya'o/ /de la 'jig rten las 'das pa'i sbyin pa'i pha rol tu phyin pa yin gyi 'jig rten pa'i ma yin pa gang zhe na/ 'di lta ste/ 'khor gsum yongs su dag pa'o/ /de la 'khor gsum yongs su dag pa gang zhe na/ 'di la byang chub sems dpa' sbyin pa sbyin pa na/

</font><hr>63-1-199b<br><font size=+1>

bdag tu mi dmigs len par mi mthong / de'i rnam par smin pa la dga' zhing smon par mi byed/ sbyin pa la yang gsob tu mthong ba 'di ni 'khor gsum yongs su dag pa'o/ /gzhan yang byang chub sems dpa' sbyin pa sbyin par byed pa na sems can thams cad la yongs su bsngo zhing 
sems can thams cad kyang sems can du mi dmigs la/ bla na med pa yang dag par rdzogs pa'i byang chub tu yongs su sngo bar byed cing de la yang chos rdul tsam yang mi mthong ba 'di ni 'jig rten las 'das pa'i sbyin pa'i pha rol tu phyin pa zhes bya'o/ /de ci'i phyir zhe na/ de ltar 
'jig rten las 'da' bar byed pa'i phyir ro/ /de la 'jig rten gang zhe na/ 'di lta ste/ len pa'i phung po lnga'o/ /de dag 'da' bar byed pa gang zhe na/ gang de la mnyam pa nyid dang / rlom sems med pa dang / chags pa med pa dang / gnas pa med pa ste 'di ni de dag 'da' 
bar byed pa'o/ /de bzhin du gnas pa'i tshul khrims kyi bar du ni 'jig rten gyi'o/ /mi gnas pa ni 'jig rten las 'das pa'o/ /de bzhin du bzod pa dang / brtson 'grus dang / bsam gtan dang / shes rab kyang gnas pa ni 'jig rten gyi'o/ /mi gnas pa ni 'jig 
rten las 'das pa'i'o/ /yang 'jig rten gyi bya ba thams cad la yi ge'i 'bru dang / lag brda dang / grangs dang / bgrang ba dang / sngags dang / gtsug lag la shes pa 'di ni 'jig rten pa'i shes rab ces bya'o/ /yang gang 'jig rten las 'das pa'i shes rab de ni 
gdags su med pa/ bshad du med pa'o/ /de ltar pha rol tu phyin pa drug gi rab tu tha dad pa yin te de yang sangs rgyas bgro ba yin no/ /bcom ldan 'das 'jug sred kyi rgyal po de bzhin gshegs pa sangs rgyas kyi zhing du bstan pa 'di bstan pa'i tshe/ byang chub sems dpa' 
khrag khrig phrag bdun mi skye ba'i chos la bzod pa skyes so/ /stong gsum gyi stong chen po'i 'jig rten gyi khams de yang rnam pa drug tu g.yos so/ /gzhan yang sangs rgyas bgro ba 'di ni 'di lta ste/ byang chub sems dpa' rnams kyi sa nas sar 'phar ba'o/ /sa nas sar 'phar 

</font><hr>63-1-200a<br><font size=+1>

ba gang zhe na/ 'di lta ste/ chos thams cad mi 'pho ba ste/ chos thams cad mi 'pho zhing mi 'jig pa'o/ /de sa la yang rlom sems med/ sems pa med la sa'i sbyong ba yang med mod kyi/ sa la yang dag par rjes su mthong ba yang med do/ /sa sbyong ba gang 
zhe na/ 'di lta ste/ sa dang po la gnas pa'i byang chub sems dpas sbyong ba bcu bya'o/ /bcu gang zhe na/ bsam pa lhag pa'i sbyong ba dang / phan pa'i dngos po sbyong ba dang / sems can thams cad la sems mnyam pa'i sbyong ba dang / dge ba'i bshes gnyen la sten pa'i 
sbyong ba dang / chos yongs su tshol ba'i sbyong ba dang / phyi phyir zhing 'byung ba sbyong ba dang / sangs rgyas kyi sku 'dod pa'i sbyong ba dang / zang zing med pa'i chos kyi sbyin pa 'chad pa'i sbyong ba dang / nga rgyal gyis khengs pa 'joms pa'i sbyong ba dang bden pa'i tshig sbyong ba ste/ sbyong ba bcu po 'di 
dag ni byang chub sems dpa'i sa dang po la gnas pa'i byang chub sems dpas bya ba'o/ /byang chub sems dpa'i sa gnyis la gnas pa'i byang chub sems dpas ni phyi phyir zhing chos brgyad yid la byas te de la yang des nan tan du bya'o/ /brgyad po gang zhe na 'di lta ste/ tshul khrims yongs 
su dag pa dang / byas pa gzo zhing byas pa shes pa dang / bzod pa'i mthu la gnas pa dang / dga' ba dang mgu ba myong bar byed pa dang / sems can thams cad yongs su mi gtong ba dang / snying rje chen po la ma rmongs pa dang / bla ma la gus shing ston par 'du shes 
pa dang / pha rol tu phyin pa la brtson pas tshol ba ste/ chos brgyad po de dag ni byang chub sems dpa'i sa gnyis la gnas pa'i byang chub sems dpas phyi phyir yid la bya zhing de dag la bslab par bya'o/ /gzhan yang byang chub sems dpa'i sa gsum la gnas pa'i byang 
chub sems dpas chos lnga la gnas par bya'o/ /lnga gang zhe na/ 'di lta ste/ mang du thos pas chog mi shes pa dang / zang zing med pas chos kyi sbyin pa 'chad pa dang / sangs rgyas kyi zhing yongs su sbyong ba'i dge ba'i rtsa ba yongs su bsngo bar byed pa dang / 'khor ba dpag tu 

</font><hr>63-1-200b<br><font size=+1>

med pas mi skyo ba dang / ngo tsha ba dang 'dzem pa la gnas par bya ba ste/ chos lnga po de dag ni byang chub sems dpa'i sa gsum la gnas pa'i byang chub sems dpas yongs su sbyang bar bya'o/ /yongs su rdzogs par bya'o/ /byang chub sems dpa'i sa bzhi la gnas pa'i byang chub sems 
dpas chos bcu yongs su mi gtang bar bya'o/ /bcu gang zhe na/ dgon par gnas pa dang / 'dod pa chung ba dang / chog shes pa dang / sbyangs pa'i yon tan blangs pa mi gtong ba dang / bslab pa mi gtong ba dang / dul ba'i sa la gnas pa dang / 'dod pa'i yon tan la smod 
pa dang / sems bskyed pa skyo ba dang bcas pa dang / bdog pa thams cad gtong yang sems mi zhum pa dang / dngos po thams cad la mi lta ba ste/ chos bcu po de dag ni byang chub sems dpa'i sa bzhi la gnas pa'i byang chub sems dpas yongs su mi gtang bar bya'o/ /
byang chub sems dpa'i sa lnga pa la gnas pa'i byang chub sems dpas chos bcu gnyis yongs su gtang bar bya'o/ /bcu gnyis gang zhe na/ 'di lta ste/ khyim pa dang sten pa dang / dge slong ma dang ste na pa dang / rigs la chags pa dang / ser sna'i sems dang / 'du 
'dzi'i gnas dang / gnod sems dang / 'thab pa dang / 'phya ba dang / 'gyed pa dang / rtsod pa dang / bdag stod pa dang / gzhan smad pa spang ba dang / mi dge ba'i las kyi lam bcu spang bar bya ba dang / che ba'i nga rgyal dang khengs pa spang bar bya ba dang / phyin ci log spang bar bya ba dang / the tshom spang bar bya ba dang / 
'dod chags dang / zhe sdang dang / gti mug la bzod par byed pa ste/ chos bcu gnyis po de dag ni byang chub sems dpa'i sa lnga pa la gnas pa'i byang chub sems dpas yongs su spang bar bya'o/ /gzhan yang sa drug pa la gnas pa'i byang chub sems dpas chos drug 
yongs su rdzogs par bya'o/ /drug gang zhe na 'di lta ste/ pha rol tu phyin pa drug go/ /gzhan yang chos drug rnams mi bya'o/ /drug gang zhe na 'di lta ste/ nyan thos kyi sems su mi bya'o/ /rang sangs rgyas kyi sems su mi bya'o/ /skyo ba'i sems su mi bya'o/ /slong ba 

</font><hr>63-1-201a<br><font size=+1>

mthong nas zhum pa'i sems bskyed par mi bya'o/ /yongs su btang nas yid mi bde bar mi bya'o/ /sems can la gnod sems mi bya ste chos drug po de dag mi bya'o/ /gzhan yang sa bdun la gnas pa'i byang chub sems dpas chos nyi shu mi bya'o/ /nyi shu gang 
zhe na/ 'di lta ste/ bdag tu 'dzin pa dang / sems can du 'dzin pa dang / srog tu 'dzin pa dang / gang zag tu 'dzin pa dang / chad par 'dzin pa dang / rtag par 'dzin pa dang / mtshan ma'i 'du shes dang / rgyur lta ba dang / ming dang gzugs la chags pa dang / phung po la chags 
pa dang / khams la chags pa dang / skye mched la chags pa dang / khams gsum la chags pa dang / khams gsum la zhen pa dang / khams gsum la gnas pa dang / sangs rgyas la gnas pa'i lta ba la chags pa dang / chos la gnas pa'i lta ba la chags 
pa dang / dge 'dun la gnas pa'i lta ba la chags pa dang / tshul khrims la gnas pa'i lta ba la chags pa dang / chos ni stong pa'o zhes 'jigs pa ste chos nyi shu po de dag ni byang chub sems dpas mi bya'o/ /gzhan yang byang chub sems dpa' des chos nyi shu yongs su 
rdzogs par bya'o/ /nyi shu gang zhe na/ 'di lta ste/ stong pa nyid rtogs pa dang / mtshan ma med pa mngon du byed pa dang / smon pa med pa'i shes pa dang / 'khor gsum yongs su dag pa dang / sems can thams cad la snying brtse zhing snying rje ba dang / sems can de dag la 
mi brnyas pa dang / chos thams cad la mnyam pa nyid du mthong ba dang / yang dag pa'i tshul rtogs pa dang / mi skye ba'i chos la bzod pa thob pa dang / tshul gcig ston pa dang / rtog pa 'joms pa dang / 'du shes ldog pa dang / nyon mongs pa ldog pa dang / zhi 
gnas dang / lhag mthong gi sa dang / sems dul ba dang / sems zhi ba dang / smon pa med pa shes pa dang / mdza' ba la ma chags pa dang / sems can thams cad la sems snyoms pa ste nyi shu po de dag yongs su rdzogs par bya'o/ /gzhan yang byang chub sems dpa'i 

</font><hr>63-1-201b<br><font size=+1>

sa brgyad pa la gnas pa'i byang chub sems dpas chos bzhi bya'o/ /bzhi gang zhe na sems can thams cad la sems snyoms par 'jug pa dang / mngon par shes pas rnam par 'phrul pa dang / sangs rgyas kyi zhing ston cing de ni de'i lta ba yongs su rdzogs pa dang / sangs rgyas 
la bsnyen bkur byed cing sangs rgyas kyi sku de la rtog pa ste/ byang chub sems dpas chos de bzhi bya'o/ /gzhan yang byang chub sems dpas chos bzhi bya'o/ /bzhi gang zhe na dbang po dam pa dang / dam pa ma yin pa shes pa dang / sangs rgyas kyi zhing yongs su sbyong ba dang / 
sgyu ma lta bu'i ting nge 'dzin la phyi phyir zhing mnyam par 'jog pa dang / ji lta ji ltar sems can rnams mos par 'gyur ba de lta de ltar bdag gis lus sprul nas ched du srid par skye ba len pa ste/ byang chub sems dpa'i sa brgyad la gnas pa'i byang chub sems dpas chos bzhi 
po de dag yongs su rdzogs par bya'o/ /gzhan yang byang chub sems dpa'i sa dgu pa la gnas pa'i byang chub sems dpas smon lam la mkhas par bya ste/ ji ltar smon par bya ba de bzhin du smon lam bsgrub par bya'o/ /lha dang klu dang gnod sbyin dang dri za dang mi dang mi ma yin pa'i 
skad la shes shing spobs pa ston pa dang / mngal nas 'byung ba phun sum tshogs pa dang / rigs phun sum tshogs pa dang / skyed par byed pa phun sum tshogs pa dang / rus phun sum tshogs pa dang / g.yog phun sum tshogs pa dang / tshe phun sum tshogs pa dang / 
'byung ba phun sum tshogs pa dang / byang chub kyi shing bkod pa phun sum tshogs pa dang / yon tan gyi tshogs thams cad yongs su rdzogs par bya'o/ /gzhan yang byang chub sems dpa' sa bcu pa la gnas pa ni de bzhin gshegs pa nyid du bshad par bya ste/ byang chub sems 
dpa' rnams kyi sa nas sar 'phar ba de ni yang dag par rdzogs pa'i sangs rgyas bcom ldan 'das rnams kyi sangs rgyas bgro ba'o// //bam po gnyis pa/ gzhan yang sangs rgyas bgro ba ni 'di lta ste/ yi ge mnyam pa nyid dang / skad mnyam pa nyid dang /

</font><hr>63-1-202a<br><font size=+1>

yi ge'i rnam pa'i sgor 'jug pa'o/ /yi ge'i rnam pa'i sgor 'jug pa gang zhe na/ a'i sgo ni chos thams cad mi skye ba dang skye mched mi dmigs pa'i phyir ro/ /ra'i sgo ni chos thams cad rdul dang bral ba'i phyir ro/ /pa'i sgo ni chos thams cad don dam par 
bstan pa'i phyir ro/ /tsa'i sgo ni chos thams cad 'chi 'pho dang skye ba dang bral ba'o/ /na'i sgo ni chos thams cad ming dang bral ba'o/ /ming gi rang bzhin can ma thob pa ma stor ba'o/ /la'i sgo ni chos thams cad 'jig rten las 'das shing sred pa'i lcug ma'i rgyu dang rkyen bcom pa'i 
phyir ro/ /da'i sgo ni chos thams cad dul ba dang dul nas yongs su chad pa'i phyir ro/ /ba'i sgo ni shin tu dben pa'i phyir chos thams cad bcings pa dang bral ba'o/ /ra'i sgo ni chos thams cad gzugs la sogs pa stong pa nyid kyi phyir ro/ /sa'i sgo ni chos thams cad chags 
pa mi dmigs pa'i phyir chags pa med dgrol ba med pa'o/ /ba'i sgo ni chos thams cad ngag gi lam gyi sgo yongs su chad pa'o/ /ta'i sgo ni chos thams cad de bzhin nyid las mi g.yo ba'o/ /ya'i sgo ni chos thams cad ji lta bzhin gyi phyir ro/ /sta'i sgo ni chos thams cad 
la khengs pa med de chags pa med/ zhe sdang ba med pa'o/ /ka'i sgo ni chos thams cad dag la byed po ba med pa'o/ /sa'i sgo ni chos thams cad mnyam pa nyid las mi ldog pa'o/ /ma'i sgo ni chos thams cad dri ma dang bral ba shin tu dri ma med pa/ skyon med pa/ rnyog pa med pa'o/ /ga'i sgo ni chos thams cad gzung ba dang / gzung ba med pa'i mi dmigs pa'i phyir zab pa/ nam mkha'i ngos dang 'dra ba shin tu dben pa'o/ /s+tha'i sgo ni chos thams cad thang dang bral ba/ rlan pa dang bral ba ste/ tshu rol dang pha rol med pa'o/ /dza'i 
sgo ni chos thams cad skye ba dang / rga ba dang / 'chi ba mi dmigs pa'i phyir ro/ /shwa'i sgo ni chos thams cad dbugs dang dbugs nang du rngub pa dang / dbugs phyir 'byin pa dang / dbugs nang du 'gro ba dang / dbugs phyir 'gro ba dang bral ba'o/ /d+hA'i sgo ni chos 

</font><hr>63-1-202b<br><font size=+1>

thams cad chos kyi dbyings la gnas pa'i phyir ro/ /sha'i sgo ni chos thams cad zhi gnas yin pa dang / dul ba dang / zhi ba'i sar gyur pa'i phyir ro/ /kha'i sgo ni chos thams cad rtsa ba dang gnas med pa'i phyir nam mkha' dang 'dra'o/ /k+Sha'i sgo ni chos thams cad shin tu 
zad pa'i phyir zad pa las mi ldog pa dang / mi g.yo ba'i phyir gnas pa dang mi 'gul ba'o/ /dza'i sgo ni chos thams cad ye shes mi rgyu ba'i phyir mi shes pa/ rnam par mi shes pa/ mi sems pa/ mi mthong ba'o/ /a'i sgo ni chos thams cad de bzhin ma yin pa'i tshig bla 
dgas kyi phyir ldan pa ma yin/ bral ba ma yin/ kun ldan pa ma yin/ kun bral ba ma yin pa'o/ /b+ha'i sgo ni chos thams cad khur dang bral ba'o/ /tsha'i sgo ni chos thams cad mdog kyang med de/ 'di lta ste stong pa'o/ /sma'i sgo ni chos thams cad glen pa'i phyir dran pa zhes 
mi bya/ rmongs pa zhes mi bya'o/ /swa'i sgo ni chos thams cad rang bzhin stong pa nyid dang skad stong pa nyid kyi phyir ro/ /b+ha'i sgo ni chos thams cad skad stong pa nyid kyi phyir ro/ /sa'i sgo ni chos thams cad rtag tu zad pa chad pa dang rtag pa yongs su chad pa'o/ /g+ha'i sgo ni chos thams cad 
stug po'i mi dmigs pa'i phyir gdeg pa med/ gtor ba med pa'o/ /e'i sgo ni chos thams cad dben pa'i phyir mi gnas pa'i tshul gyis shin tu gnas pa'o/ /na'i sgo ni chos thams cad rdul phra rab mi dmigs pa'i phyir chos thams cad ma gtogs pa/ mi 'gro ba/ mi 
'ong ba/ mi 'greng ba/ mi 'dug pa/ mi nyal ba/ rnam par mi rtog pa'o/ /s+pha'i sgo ni chos thams cad khyab pa dang bral ba ste/ gang khyab par byed pa'am/ gang gis khyab par byed pa'am/ gang la khyab par byed pa med de/ ma khyab pa nam mkha' dang 'dra ba'o/ /ska'i sgo 
ni chos thams cad phung po ma dmigs pa'i phyir ro/ /dz+wa'i sgo ni chos thams cad rims nad dang bral ba/ rims med pa/ nad med pa'o/ /s+t+ya'i sgo ni chos thams cad shin tu btang bas btang ba'o/ /ba'i sgo ni chos thams cad lam chad pa'i phyir shin tu mya ngan las 'das pa/ mya 

</font><hr>63-1-203a<br><font size=+1>

ngan las 'da' ba dang 'dra ba'o/ /ha'i sgo ni chos thams cad mtha' la gnas pas 'chi 'pho ba med pa/ skye ba med pa'o/ /'di lta ste/ ha'i pha rol na yi ge med de/ 'di la ming ngam/ rang bzhin 'ga' yang med pa/ smrar med pa/ brjod du med pa/ bstan du med 
pa/ brir med pa/ bklag tu med pa'o/ /ji ltar de ma byas pa de bzhin du chos thams cad la rtogs par bya'o/ /gzungs la 'jug pa 'di ni yi ge a la sogs pa bshad pa la 'jug pa ste/ 'jug pa de la gnas na byang chub sems dpa' yi ge thams cad la mkhas pa shes 
par 'gyur ro/ /chos thams cad kyang chos mnyam pa nyid dang sbyor bar 'gyur ro/ /skad la shes pa yang thob par 'gyur ro/ /byang chub sems dpa' gang yang blo tshul dang ldan pas yi ge la 'jug pa'i phyag rgya a'i sgo'i tshig 'di nyan tam/ len tam/ 'dzin tam/ klog gam/ 
gzhan dag la 'chad na/ de la yon tan nyi shu po 'di dag yod par blta'o/ /nyi shu gang zhe na/ dran pa dang ldan pa yin/ rtogs pa dang ldan pa yin/ blo gros dang ldan pa yin/ blo dang ldan pa dang / spobs pa dang ldan pa dang / gzungs kyang tshegs chung ngus thob par 'gyur ba 
dang / the tshom med par 'gyur zhing nem nur med par 'gyur ba dang / gzhan las tshig 'jam po thos nas chags pa'i sems mi skyed cing gzhan las tshig rtsub po thos nas zhe sdang ba'i sems mi skyed la/ khengs pa dang 'dud par mi 'gyur ba dang / dgra las rgyal bar 'gyur ba dang / 
skad la mkhas pa dang / phung po la mkhas pa/ khams la mkhas pa/ skye mched la mkhas pa dang / rgyu la mkhas pa dang / rkyen la mkhas pa dang / chos kyi dbyings la mkhas pa dang / dbang po dam pa dang / dam pa ma yin pa la mkhas pa dang / pha rol gyi 
sems shes pa la mkhas pa dang / chos 'chad pa la mkhas pa dang / gnas dang gnas ma yin pa'i ye shes la mkhas pa dang / thabs mkhas pa dang / 'ong ba dang / 'gro ba la mkhas shing spyod lam la mkhas pa dang / ngo tsha ba dang 'dzem pa la mkhas pa yang 

</font><hr>63-1-203b<br><font size=+1>

thob par 'gyur ro/ /bud med la la zhig bla na med pa yang dag par rdzogs pa'i byang chub tu sems bskyed de/ de yi ge'i tshul gyi sgo'i phyag rgya a bshad pa la 'jug pa 'di nyan par 'gyur/ len par 'gyur/ 'dzin par 'gyur/ klog par 'gyur/ gzhan la rgya cher ston par 'gyur 
na thos ma thag tu yon tan bcu thob par 'gyur ro/ /bcu gang zhe na/ 'di lta ste/ bud med kyi lus tha mar 'gyur/ mi khom pa yongs su spangs par 'gyur/ dal 'byor thob par 'gyur/ sangs rgyas 'byung ba mthong nas dad par 'gyur/ dad nas bkur sti byed par 'gyur/ 
de bzhin gshegs pas de'i bsam pa mkhyen nas chos ston par 'gyur/ chos de thos nas bzod pa thob par 'gyur/ bla na med pa yang dag par rdzogs pa'i byang chub las phyir mi ldog par 'gyur te/ de yang sangs rgyas bgro ba'o/ /gzhan yang sangs rgyas bgro ba ni 'di 
lta ste/ sangs rgyas kyi mnyam pa nyid 'khor gsum yongs su dag pa mi skye ba'i tshul rtogs pa/ ji lta ba bzhin du chos 'chad pa/ khams gsum pa yongs su shes pa/ 'dod chags dang / zhe sdang dang / gti mug gi rang bzhin yongs su shes pa/ chad pa ma yin pa/ 
rtag pa ma yin pa/ mi gnas pa/ mi 'gro ba/ theg pa gsum gyi tshul gcig pa la 'jug pa/ tshul gcig pa rtogs pa/ chos thams cad bgro bar mi bya ba/ brtsad par mi bya ba/ mi mnyam pa/ mi mnyam pa dang mnyam pa/ ma 'ongs pa/ mi 'gro ba/ mi 
rgyu ba/ mtshan nyid med pa/ sangs rgyas rnams kyi chos gang yang mngon par rdzogs par sangs ma rgyas pa/ ma mkhyen pa/ sangs rgyas rnams kyis ye shes dang ye shes ma yin par ma dmigs pa/ nyon mongs pa spangs pa ma yin pa/ rnam par dag pa mngon du byas pa ma 
yin pa/ ma thob pa/ mngon par mi bya ba/ bsgom pa ma yin pa/ rtogs pa ma yin pa/ sangs rgyas rnams kyis ma dmigs pa/ ma bshig pa/ sangs rgyas rnams kyis sangs rgyas 'byung bar ma dmigs pa/ chos ma yin pa/ dge 'dun ma yin pa/ sangs 

</font><hr>63-1-204a<br><font size=+1>

rgyas rnams kyis sems can dag ma bkrol ma bcings pa'o/ /de ci'i phyir zhe na/ chos thams cad thog ma nas rnam par dag pa'i phyir te/ sangs rgyas rnams kyis chos gang yang ma gzigs ma gsan/ ma dgongs ma mkhyen te/ sangs rgyas rnams kyis 
ma bshad ma gsungs so/ /sangs rgyas bcom ldan 'das dag mi 'chad mi gsung 'chad par mi 'gyur ro/ /sangs rgyas dag ni ye shes dang ldan pa ma yin/ mi ldan pa'ang ma yin/ sbyin gnas ma yin/ sbyin gnas ma yin pa yang ma yin te/ sbyin pa sbyong bar yang mi 
mdzad do/ /sangs rgyas dag ni spyod par mi mdzad yongs su spyod par mi mdzad do/ /sangs rgyas dag la ni sku gang yang med do/ /sangs rgyas dag la ni gzugs su mi blta/ chos su ma yin/ mtshan du ma yin/ chos kyi dbyings su ma yin no/ /sangs rgyas dag ni byung 
ba ma yin no/ /'gags pa ma yin/ mya ngan las 'das pa ma yin/ mya ngan las ma 'das pa yang ma yin/ yongs su mya ngan las 'da' bar 'gyur ba yang ma yin no/ /de ci'i phyir zhe na/ chos thams cad thog ma nas yongs su mya ngan las 'das pa'i phyir te/ sangs 
rgyas dag ni gcig pu yang ma yin/ skye bo mang po'i nang du gshegs pa yang ma yin no/ /sangs rgyas dag ni sus kyang ma mthong ma thos/ ma mchod mchod par mi 'gyur ro/ /sangs rgyas dag ni chos gang la yang gcig pa'am/ tha dad par mi mdzad do/ /sangs rgyas 
dag gis ni byang chub ma 'thob bo/ /sangs rgyas dag ni rnyed pa 'dogs par yang mi mdzad do/ /sangs rgyas dag ni chos kyi 'khor lo yang mi skor te/ ming ji lta ba sangs rgyas dag kyang de bzhin/ sgra'i thog ma'i mtha' dang tha ma'i mtha' yang de bzhin no/ /'di ni mnyam pa 
nyid de gang mnyam pa nyid pa de la ni mi mnyam pa gang yang med do/ /mi mnyam pa med pa de la ni bdud rtsi gang yang med do/ /gang na bdud rtsi gang yang med pa de na ni sman kyang mi skye ste/ 'di ni sangs rgyas bgro ba'o/ /sems can rnams ni drang bar bya ba'i phyir dpes bshad pa yin te/

</font><hr>63-1-204b<br><font size=+1>

sangs rgyas rnams ni bgro bar yang mi mdzad/ rtsod par yang mi mdzad/ bgro bas 'jog par yang mi mdzad do/ /bcom ldan 'das 'jug sred kyi rgyal po de bzhin gshegs pa'i sangs rgyas kyi zhing 'jig rten gyi khams kun du 'od ces bya bar sangs rgyas bgro ba'i chos kyi rnam grangs 
'di bstan pa'i tshe/ byang chub sems dpa' khri nyis stong gis ni mi skye ba'i chos la bzod pa thob par gyur to/ /byang chub sems dpa' de dag gis ni sangs rgyas bye ba de snyed bzhugs pa las de bzhin gshegs pa gzhan gang yang ma mthong ste/ de bzhin gshegs pa 'jug sred 
kyi rgyal po nyag gcig mthong ngo / /de nas 'jam dpal gzhon nur gyur pa mi mjed kyi 'jig rten gyi khams 'di na gnas pa las 'di snyam du gyur te/ de ring shar phyogs na bcom ldan 'das de bzhin gshegs pa 'jug sred kyi rgyal po'i sangs rgyas kyi zhing 'jig rten gyi khams 
kun du 'od ces bya bar phyogs bcu kun nas sangs rgyas bcom ldan 'das gang gA'i klung gi bye ma snyed 'dus so/ /'dus nas sangs rgyas bgro ba'i chos kyi rnam grangs bgro bar mdzad/ 'chad par mdzad kyis/ gang bdag ni sangs rgyas bcom ldan 'das de dag la phyag 
bya ba dang / chos bstan pa de dag mnyan pa'i phyir 'gro'o/ /gang bdag ni sangs rgyas bcom ldan 'das de dag la blta ba dang / chos mnyan pa'i phyir phyogs bcur yang 'gro zhing rgyu bar bya na/ de ltar tshegs chung zhing sangs rgyas kyi zhing gcig tu 'dus kyis gang bdag ni nges 
par 'gro'o/ /skyes bu dam pa de 'dra ba dag 'jig rten du byung bar thos pa'am mthong ba dkon no snyam mo/ /de nas 'jam dpal gzhon nur gyur pas byang chub sems dpa' byams pa la smras pa/ byams pa da ni bcom ldan 'das de bzhin gshegs pa 'jug sred kyi rgyal po'i sangs 
rgyas kyi zhing du 'dong ngo / /de nas sangs rgyas bye ba khrag khrig brgya phrag mang po da ltar 'dus te sangs rgyas bgro ba'i chos kyi rnam grangs 'chad kyis/ de dag la bdag cag gis chos mnyan to/ /de bzhin gshegs pa de dag la bdag cag gis blta'o/ /de ci'i phyir zhe 

</font><hr>63-1-205a<br><font size=+1>

na/ skyes bu glang po chen po de dag gnas gcig tu 'dus pa mthong ba ni dkon no/ /de skad ces smras pa dang / byang chub sems dpa' byams pas 'jam dpal gzhon nur gyur pa la 'di skad ces smras so/ /'jam dpal khyod bzhud cig bdag ni mi mchi'o/ /
de ci'i phyir zhe na/ sangs rgyas bcom ldan 'das dag ni mnyes dka' ste/ 'dus pa de dag gis bdag cag lta bu la skabs ma phye bar blta ba'am/ mnyan par yang mi nus la/ 'jam dpal de bzhin gshegs pa rnams ni gzugs kyi skur mi blta'o/ /de bzhin 
gshegs pa rnams ni chos kyi sku ste/ gang chos nyid de yang sus kyang ma mthong ma thos ma mchod do/ /'jam dpal gyis smras pa/ byams pa khyod kyis de bzhin gshegs pa la ma mchod dam/byams pas smras pa/ 'jam dpal bdag ni de bzhin gshegs 
pa la mi mchod do/ /de ci'i phyir zhe na/ de bzhin gshegs pa la ni sus kyang mchod mi nus so/ /de ci'i phyir zhe na/ de bzhin gshegs pa dang de bzhin nyid de gnyis su med do/ /'jam dpal gyis smras pa/ byams pa gnyis su med ces bya ba de gang la bya/ byams pas 
smras pa/ 'jam dpal gnyis su med ces bya ba ni nyon mongs pa rnams gcig pa yang ma yin tha dad pa yang ma yin pa'o/ /'jam dpal gnyis su med cesu bya ba ni gang rnam pa gnyis su med pa'o/ /rnam pa gnyis su med pa yang gang zhe na/ 'di ni kun nas nyon mongs pa'o/ /
'di ni rnam par dag pa'o zhes de ltar shes na de ni rnam pa gnyis su med do/ /'di ni tshul khrims dang ldan pa'o/ /'di ni ngang tshul ngan pa can no zhes rtog na rnam pa gnyis su byed do/ /'di ni nyan thos so/ /'di ni rang sangs rgyas so/ /'di ni yang dag par rdzogs pa'i sangs rgyas so 
zhes rnam par rtog na gnyis su byed do/ /'di dag ni bsgom par bya'o/ /'di dag ni spang bar bya'o/ /'di dag ni mngon du bya'o zhes rnam par rtog na rnam pa gnyis su byed do/ /'di ni ye shes kyis shes par bya'o/ /'di ni rnam par shes pas shes par bya'o zhes yid la 

</font><hr>63-1-205b<br><font size=+1>

byed na rnam pa gnyis su byed do/ /'jam dpal gang du gnyis su 'jug pa'i rnam par shes pa rtog pa ni chung ngu na sangs rgyas so zhes rtog pa de thams cad rnam pa gnyis su byed do/ /'jam dpal bdag gis ni bskal pa'am/ bskal pa'i lhag ma lus kyi bar du rnam pa gnyis 
su med pa las brtsams te/ bshad du zin kyang spobs pa'i mthar phyin pa las zad par 'gyur ba med do/ /de ci'i phyir zhe na/ bdag gis mtha' dang dbus ma mthong ba'i phyir ro/ /'jam dpal gnyis su med ces bya ba ni 'di lta ste/ chos thams cad kyi tshul gcig pa 
dang tha dad pa med pa'o/ /smras pa/byams pa khyod ni chos thams cad ma skyes pa la 'jam dpal ngas ni bskal pa'am/ bskal pa'i lhag ma lus kyi bar du gnyis su med pa las brtsams te bshad na nga'i spobs pa zad par mi 'gyur ro zhes khyod de skad smra ba nyid 
dmigs pa chen po yin no/ /byams pas smras pa/ 'jam dpal yi ge la chags par ma byed cig /yi ge thams cad ni mi skye ba'i mtshan nyid las mi g.yo'o/ /de nas 'jam dpal gzhon nur gyur pas byang chub sems dpa' de dag thams cad la smras pa/ rigs kyi bu khyed cag 
tshur sheg /bcom ldan 'das de bzhin gshegs pa 'jug sred kyi rgyal po'i sangs rgyas kyi zhing du de bzhin gshegs pa de dag la blta ba dang / chos bstan pa de dag nyan du 'dong ngo / /de nas byang chub sems dpa' spobs pa'i phung pos 'jam dpal gzhon nur gyur pa la 'di skad 
ces smras so/ /'jam dpal de bzhin gshegs pa rnams ni sus kyang blta mi nus na ci'i phyir na khyod tshur sheg /de bzhin gshegs pa la bltar 'dong zhes sa smra/ gang blta bar bya ba'i de bzhin gshegs pa de dag gang yin/ 'jam dpal de bzhin gshegs 
pas ni de bzhin gshegs pa dag 'das pa ma yin/ ma byon pa ma yin/ da ltar ma yin te/ chos gang dus gsum du stong pa de ni blta mi nus so zhes de skad ces gsungs so/ /yang 'jam dpal de bzhin gshegs pa blta'o zhes smras pa mig gi rnam par shes pa gang gis de 

</font><hr>63-1-206a<br><font size=+1>

bzhin gshegs pa blta bar bya/ ci sha'i mig gis blta bar bya'am/ 'on tam lha'i mig gis blta bar bya/ gal te sha'i mig gis blta na ni sha'i mig ni stong pa ste stong pas ni mthong bar mi nus so/ /de ste lha'i mig gis blta na ni de la lha'i mig tu 
brtags na lha'i mig go snyam du 'du shes par 'gyur te/ brtags pa'i mig gis ni de bzhin gshegs pa mi mthong ngo / /smras pa/ rigs kyi bu khyod ni gang stong pa nyid kyis ston par byed na/ de la sus kyang de bzhin gshegs pa blta bar mi 'gyur/ mchod par mi 'gyur te/ 
rigs kyi bu de bzhin gshegs pa zhe'am/ sangs rgyas zhe'am/ sems can zhe'am/ bgro ba zhe'am/ mchod pa zhe'am/ lta ba zhes gang chung zad smra ba smos pa brjod pa'i yi ge de thams cad ni yi ge'i rang bzhin gyis stong ngo / /de bas na mnyam pa nyid ces bya ba'i tshig de ni 
de bzhin nyid la 'khrugs par mi byed de/ de bzhin nyid ldog par mi byed kyis khyed las gang bzod pa dag ni 'dong ngo / /gang mi bzod pa dag ni khyed cig bdag ni 'gro'o/ /de nas 'jam dpal gzhon nur gyur pa 'di lta ste/ chos kyis chog mi shes pa'i phyir gnyis su med 
de gcig tu song ste/ sangs rgyas kyi mthus 'khor de nas su'ang ma song ngo / /de nas 'jam dpal gzhon nur gyur pa 'di lta ste/ skyes bu stobs po che'i dpung pa brkyang ba las bskum pa'am/ bskum pa las brkyang ba tsam du de'i thang cig skad cig yud tsam gyis 'jam 
dpal gzhon nur gyur pa mi mjed kyi 'jig rten gyi khams su mi snang bar gyur nas kun du 'od kyi 'jig rten gyi khams su 'dug go/ /de nas 'jam dpal gzhon nur gyur pas stong gsum gyi stong chen po'i 'jig rten gyi khams la lan bdun bskor nas/ sangs rgyas bcom ldan 
'das de dag gi zhabs la mgo bos phyag 'tshal te phyogs gcig tu 'dug go/ /yang de'i tshe bcom ldan 'das de bzhin gshegs pa 'jug sred kyi rgyal po'i g.yas phyogs na sring mo the tshom sel ba zhes bya ba skyil mo krung du bcas shing 'dug ste/ de kun du zla ba'i 'od dri ma 

</font><hr>63-1-206b<br><font size=+1>

med par snang ba zhes bya ba'i ting nge 'dzin la mnyam par bzhag par gyur to/ /de nas bcom ldan 'das de bzhin gshegs pa 'jug sred kyi rgyal po 'di snyam du dgongs te 'jam dpal gzhon nur gyur pa 'di ni sangs rgyas bcom ldan 'das rnams kyis bdag la bstod do/ /
bkur ro/ /zab mo la bzod pa'o/ /stong pa la gnas pa'o zhes bshad do snyam du sems te/ 'di ni mi mjed kyi 'jig rten gyi khams nas dmigs pa chen pos bskyod cing bdag tu 'dzin pa che ba dang ldan zhing 'ongs kyis/ gang ngas ni 'di ri khor yug gi rtse mo la 'phangs 
pa dang 'di las brtsams te chos zab mo ston par 'gyur bas skye bo phyi ma dag dang / ma 'ongs pa'i byang chub sems dpa' dag la yang snang bar byas par 'gyur te/ de ci'i phyir zhe na/ de ltar sangs rgyas kyi chos ni bsam gyis mi khyab de ltar zab pas 'jam dpal gzhon nur gyur pa 
lta bu stong pa la gnas pa'i mchog kyang ri khor yug gi rtse mor 'phangs par 'gyur ro snyam mo/ /de nas bcom ldan 'das de bzhin gshegs pa 'jug sred kyi rgyal pos 'jam dpal gzhon nur gyur pa la 'di skad ces bka' stsal to/ /'jam dpal khyod kyis don gang 
gi dbang ma mthong nas 'dir 'ongs/ 'jam dpal gyis gsol pa/ bcom ldan 'das bdag ni mi mjed kyi 'jig rten gyi khams de na mchis pa las 'di snyam du gyur te/ sangs rgyas bcom ldan 'das rnams 'jig rten du 'byung ba ni dkon no/ /chos thos pa yang 
dkon te/ kun tu 'od ces bgyi ba'i 'jig rten gyi khams su yang phyogs bcu nas sangs rgyas bcom ldan 'das dpag tu ma mchis/ grangs ma mchis pa dag tshogs so/ /tshogs nas sangs rgyas bgro ba zhes bgyi ba'i chos kyi rnam grangs 'chad kyis/ bdag ni de 
bzhin gshegs pa de dag la blta ba dang / chos bshad pa de dag mnyan du mchi'o snyam nas bcom ldan 'das bdag ni chos nyan pa'i slad du sangs rgyas kyi zhing 'dir mchis so/ /de nas bcom ldan 'das de bzhin gshegs pa 'jug sred kyi rgyal pos de'i tshe ci nas kyang 

</font><hr>63-1-207a<br><font size=+1>

rdzu 'phrul mngon par 'du bya ba mngon par 'dus byas pas 'jam dpal gzhon nur gyur pa ri khor yug gi rtse mor 'phangs par gyur la/ bdag gang du blangs shing khyer snyam du yang mi shes pa de 'dra bar myur du bteg ste 'phang ba'i rdzu 'phrul mngon par 'du bya ba mngon 
par 'dus byas so/ /de nas 'jam dpal gzhon nur gyur pa ri khor yug gi rtse mor 'phangs pa las sems shing 'di snyam du gyur to/ /rgyu gang dang rkyen gang gis na bdag sangs rgyas kyi 'khor chen po de lta bur blta na bzang ba/ mdzes pa/ glang po che chen po de 'dra ba dag gi nang 
nas ri khor yug gi rtse mo 'dir 'phangs par gyur/ bdag ri khor yug gi rtse mor sus 'phangs snyam du de ltar sems pa las 'di snyam du gyur te/ bcom ldan 'das de bzhin gshegs pa 'jug sred kyi rgyal po des bdag ri khor yug gi rtse mor 'phangs so snyam mo/ /
de nas 'jam dpal gzhon nur gyur pa 'di snyam du gyur te bdag ni 'khor de nas 'phangs la/ sring mo the tshom sel ba de ni bcom ldan 'das de bzhin gshegs pa 'jug sred kyi rgyal po'i drung na skyil mo krung bcas shing 'dug pa las sring mo de ni ma 'phangs kyi/ bdag 
'phangs na/ ci'i phyir zhig tu de ltar mo ni ma 'phangs la bdag 'phangs pa las na sring mo de ni dge ba'i rtsa ba shin tu 'bar ba zab mo la shin tu bzod par gyur pa zhig gi/ /bdag ni de lta bu ma yin pa zhig gam snyam mo/ /de nas 'jam dpal gzhon nur gyur pa 'di snyam du 
gyur te/ gang bdag gis rdzu 'phrul gyi mthu bskyed de/ slar yang 'khor der 'gro'o snyam mo/ /de nas 'jam dpal gzhon nur gyur pas de'i tshe ji lta bu'i rdzu 'phrul mngon par 'du bya ba mngon par 'dus byas pas sems bskyed pa gcig gis shar phyogs nas sangs rgyas kyi 
zhing gang gA'i klung gi bye ma snyed 'das par gyur pa de lta bu'i rdzu 'phrul mngon par 'du bya ba mngon par 'dus byas kyang sangs rgyas kyi zhing der chung ngu na skra'i rtse mo'i cha shas tsam du yang 'gro mi nus na 'khor der 'gro ba lta ci smos te/de lta bu'i gnas med do/ /de nas 'jam dpal gzhon nur 

</font><hr>63-1-207b<br><font size=+1>

gyur pa phyogs bcu'i 'jig rten gyi khams mtha' yas mu med pa kun du song yang 'di lta ste/ sangs rgyas kyi mthu dang / byin gyi rlabs kyis 'khor der 'gro ma nus so/ /de nas 'jam dpal gzhon nur gyur pa phyogs bcu'i sangs rgyas kyi zhing bye ba khrag khrig brgya stong kun tu 
song nas slar yang ri khor yug gi rtse mo la 'dug nas 'di snyam du gyur te/ sangs rgyas bcom ldan 'das rnams kyi byin gyi rlabs ni mthu ches/ de la bdag gi rdzu 'phrul gyi rnam pas gnon yang mi nus/ de la sangs rgyas bcom ldan 'das rnams kyis nyes pa yang med do/ /de 
ci'i phyir zhe na/ de bzhin gshegs pa rnams ni chos la slob dpon gyis 'chab pa med de/ bdag nyid chung zad cig kho ru chung bas de'i phyir bdag zhi ba'i chos ston pa der 'gro ma nus par gyur du zad de/ de bzhin gshegs pa dag ni chos la slob dpon gyis 'chab pa med kyi/ de 
bzhin gshegs pa dag ni sems can thams cad la snyoms pas na gang bdag ni dran pa nye bar gzhag pa la gnas pas ri khor yug gi rtse mo 'di nyid la gnas sa snyam mo/ /de la 'jam dpal gzhon nur gyur pa'i dran pa nye bar gzhag pa ni 'di yin te/ 'di lta ste/ chos 
thams cad dran pa med pa/ yid la byed pa med pa/ chos thams cad mi gnas pa/ chos thams cad gnas pa med pa ste/ ci'i phyir mi gnas zhe na 'gro ba med pa'i phyir te/ chos gang yang shin tu yod pa med de/ de'i phyir de dag mi 'gro'o/ /gang mi 'gro ba de ni mi 
gnas so/ /'di lta ste/ gnas dang gnas ma yin pa ston pa dang / dran pa med cing yid la byed pa med pa ni 'jam dpal gyi dran pa nye bar 'jog pa yin no/ /de nas 'jam dpal gzhon nur gyur pas dran pa nye bar 'jog pa la gnas pa 'di la gnas pa las/ lha'i bu 
bzhi khri nyis stong 'jam dpal gzhon nur gyur pa de ga la ba der song ste phyin nas 'jam dpal gzhon nur gyur pa'i rkang pa la phyag 'tshal te phyogs gcig tu 'khod do/ /de nas 'khor der 'od zer gyi rgyal mtshan zhes bya ba'i lha'i bu 'ongs te 'dug nas 'jam dpal gzhon nur gyur 

</font><hr>63-1-208a<br><font size=+1>

pa la 'di skad ces gsol to/ /'jam dpal khyod gnas pa gang la gnas te/ da ltar langs pa lags/ 'jam dpal gyis smras pa/ lha'i bu gal te bdag la gnas pa yod na ni bdag gnas pas gnas par byed na/ lha'i bu chos thams cad dben pa'i 
phyir bdag la gnas pa med mod kyi/ lha'i bu khyod gnas pa gang la gnas te da ltar langs pa yin zhes zer ba/ bdag ni dran pa nye bar gzhag pa la gnas pas gnas te da ltar langs pa yin no/ /gsol pa/ 'jam dpal dran pa nye bar gzhag pa la gnas pa ji lta bu zhig 
lags/ smras pa/ chos thams cad dran pa med yid la byed pa med pa'o/ /gsol pa/ 'jam dpal gang na dran pa med/ yid la byed pa med pa der gnas te da ltar langs pa lags sam/ 'jam dpal gyis smras pa/ gnas pa gang la gnas na byis pa lta bu so so'i skye bo 
thams cad 'dod chags dang / zhe sdang dang / gti mug rgyu bar 'gyur ba'i gnas pa de la gnas te bdag da ltar langs pa yin no/ /lha'i bu 'od zer gyi rgyal mtshan gyis gsol pa/ 'jam dpal gang sangs rgyas kyis ma dmigs pa'i gnas pa de ji lta bu lags/ smras 
pa/ lha'i bu stong pa nyid la gnas pa ni sangs rgyas kyis ma dmigs pa'o/ /mtshan ma med pa la gnas pa dang / smon pa med pa la gnas pa ni sangs rgyas kyis ma dmigs pa'o/ /de bas na gnas pa de la gnas te da ltar langs pa yin no/ /gsol pa/ dran pa 
nye bar gzhag pa la gnas pa ji lta bu lags/ smras pa/ lha'i bu gang na dran pa med yid la byed pa med pa de ni gnas pa'i dam pa yin te/ gang gnas pa de la gnas pa de dag ni 'dod pa'i khams su mi gnas/ gzugs kyi khams su mi gnas/ gzugs med 
pa'i khams su mi gnas so/ /gang khams gsum la mi gnas pa de dag ni mnyam pa'i gnas pas gnas pa'o/ /gang mnyam pa'i gnas pas gnas pa de dag la ni mi mnyam pa med do/ /gang la mi mnyam pa med pa de dag ni 'gro ba med do/ /gang la 'gro ba med pa 

</font><hr>63-1-208b<br><font size=+1>

de dag la ni ma rig pa mi mthong ngo / /gang ma rig pa mi mthong ba de dag la ni rig pa ma skyes so/ /gang rig pa ma skyes pa de dag ni mi 'byung ngo / /gang mi 'byung ba de dag ni 'byung bar mi 'gyur ro/ /gang 'byung bar mi 'gyur ba de dag ni 'jig pa med do/ /gang 'jig pa med pa de dag 
ni mi 'byung ngo / /gang ma byung ba de dag ni dbye bar mi nus so/ /gang dbye bar mi nus pa de dag ni lha'i bu shin tu dag pa yin te/ lha'i bu de ni 'phags pa gnas pa rdul dang bral ba'o/ /gsol pa/ 'jam dpal rdul ces bgyi ba lags/ smras pa/ lha'i bu chung ngu na sangs 
rgyas su dmigs pa'i rnam par shes pa 'byung ba de ni rdul to/ /lha'i bu mtshan ma ni rdul to/ /'du shes dang / 'dzin pa dang / chags pa dang / rlom sems dang / 'dud pa dang / khengs pa dang / phyag 'tshal ba dang / chags sems dang / khong khro ba dang / dmigs pa dang / 
'gro ba dang / smon lam dang / rtog pa dang / rtog pa'i mtshan ma dang / yongs su rtog pa dang / rnam par rtog pa dang / kun tu rtog pa dang / yul yid la byed pa dang / nga slong bar byed pa dang / chad par 'dzin pa dang / rtag par 'dzin pa dang / med par 'dzin pa dang / log 
par 'dzin pa dang / yod par 'dzin pa dang / med par 'dzin pa dang / lha'i bu ji tsam du rnam par rtog cing spros pa dang / yid la byed pa dang / sems pa dang / sgrun pa de thams cad ni 'phags pa'i chos 'dul ba la rdul du bshad do/ /de nas 'jam dpal gzhon nur gyur pa 
la lha'i bu 'od zer gyi rgyal mtshan gyis legs so zhes bya ba byin te/ 'jam dpal legs sa legs so/ /yang 'jam dpal khyod kyis dran pa nye bar gzhag pa la gnas pa bshad pa 'di legs sa zhes smras so/ /'jam dpal gyis smras pa/ lha'i bu chog gis ma rtog 
shig /khyod ni ma skyes pa ma byung ba ma bstan pa'i chos kyis legs pa sbyin par byed de/ lha'i bu gang dran pa nye bar gzhag pa brtan pa 'di ni bshad pa'am/ brjod par mi nus so/ /de ci'i phyir zhe na/ chos thams cad brjod du med pa'i phyir te/ chos thams cad ni brjod du med 

</font><hr>63-1-209a<br><font size=+1>

pa'o/ /de ci'i phyir zhe na/ de ni brjod pa gang yang med pas de'i phyir de dag ni mi brjod pa'o/ /lha'i bu 'od zer gyi rgyal mtshan gyis gsol pa/ 'jam dpal gnas pa gang la gnas pa byis pa lta bu so so'i skye bo thams cad kyi 'dod chags dang / zhe sdang dang / 
gti mug rnams rgyu bar 'gyur ba'i gnas pa de la gnas te langs so zhes de skad bshad pa gang la gnas na byis pa lta bu so so'i skye bo thams cad kyi 'dod chags dang / zhe sdang dang / gti mug rnams rgyu bar 'gyur ro/ /'jam dpal gyis smras pa/ lha'i bu byis pa lta bu so so'i skye bo 
thams cad dngos po med pa la gnas na/ 'dod chags dang / zhe sdang dang / gti mug rnams rgyu bar 'gyur ro/ /chos kyi dbyings la gnas pa/ yang dag pa'i mtha' la gnas pa/ de bzhin nyid la gnas pa'i byis pa lta bu so so'i skye bo thams cad kyi 'dod chags dang / zhe sdang dang / 
gti mug rnams rgyu bar 'gyur ro/ /de ci'i phyir zhe na/ chos gang yang chos kyi dbyings dang / de bzhin nyid dang / yang dag pa'i mtha' las bral te bshad mi nus so/ /gsol pa/ 'jam dpal yang dag pa'i mtha' zhes bgyi ba gang gi tshig bla dgas lags/ smras pa/ 
lha'i bu yang dag pa'i mtha' zhes bya ba ni sems can gyi mtha'i tshig bla dgas so/ /gsol pa/ 'jam dpal sems can gyi mtha' zhes bgyi ba gang gi tshig bla dgas lags/ bdag gi mtha'i tshig bla dgas so/ /gsol pa/ 'jam dpal bdag gi mtha' zhes 
bgyi ba gang gi tshig bla dgas lags/ smras pa/ 'khor ba'i mtha'i tshig bla dgas so/ /gsol pa/ 'jam dpal 'khor ba'i mtha' zhes bgyi ba gang gi tshig bla dgas lags/ smras pa/ nam mkha'i tshig bla dgas yin no/ /lha'i bu 'di lta ste/ dper na nam mkha'i 
dbyings la ni mtha' ma med/ chad pa med/ ring ba med/ thung ba med/ zlum pa med/ gru bzhi med/ phra ba med/ sbom pa med/ leb leb po med/ dkar po med/ nag po med/ dmar po med de/ gzhan du na nam mkha' nam mkha' zhes ming tsam du grangs su 'gro ste ming 

</font><hr>63-1-209b<br><font size=+1>

de yang gsob yin no/ /lha'i bu de bzhin du chos thams cad ni nam mkha'i mtha' nam mkha'i 'gros/ nam mkha'i ming gi rang bzhin no/ /lha'i bu 'di lta ste/ dper na nam mkha' ni mi skye/ mi rga/ mi 'chi/ mi 'byung / nyon mi mongs/ rnam par mi dkar/ chags pa med/ zhe 
sdang ba med/ bkur ba med/ mi bkur ba'ang med de/ de'i mthas ni mi bgrang ba'i tshul gyis chos thams cad bgrang bar bya'o/ /lha'i bu gdags su med pa'i phyir chos thams cad ni 'du ba dang 'bral bar bstan cing gzhag mi nus so/ /lha'i bu chos thams cad ni ma brtags pa 
ma btul ba/ dam pa ma yin pa ste/ lha'i bu 'di ni chos thams cad kyi mnyam pa nyid/ mi mnyam pa ma yin pa/ de bzhin nyid phyin ci ma log pa de bzhin nyid do/ /ston pa 'di bstan pa'i tshe lha'i bu de dag thams cad mi skye ba'i chos la bzod pa skyes so/ /de dag mi skye ba'i 
chos la bzod pa thob nas chos la gus pas 'jam dpal gzhon nur gyur pa la lha'i me tog man da ras gtor to/ /me tog de dag gtor ma thag tu 'jam dpal gzhon nur gyur pa'i byin gyi rlabs kyis steng gi bar snang la gnas med cing yongs su ma btsud bzhin du 'dug par gyur 
to/ /de nas 'jam dpal gzhon nur gyur pas lha'i bu 'od zer gyi rgyal mtshan la 'di skad ces smras so/ /lha'i bu de ji snyam du sems/ me tog 'di dag gang la gnas/ gsol pa/ 'jam dpal me tog 'di dag ni gnas pa ma lags so/ /smras pa/ lha'i bu de bzhin du 
chos thams cad kyang mi gnas pa ste/ mi gnas par nam mkha' la gnas shing nam mkha' las kyang mi 'phag /mi ltung / mi g.yo/ rab tu mi g.yo/ mi 'bugs rab tu mi 'bugs so/ /de ci'i phyir zhe na/ chos de dag thams cad ni nam mkha' dang mtshungs pas de'i phyir de dag 
mi g.yo rab tu mi g.yo/ mi 'bugs rab tu mi 'bugs so/ /de nas 'jam dpal gzhon nur gyur pa la lha'i bu 'od zer gyi rgyal mtshan gyis 'di skad ces gsol to/ /'jam dpal khyod kyis rdzu 'phrul gyi mthu cho 'phrul thob ste/ khyod sems skyed pa gcig gis 

</font><hr>63-1-210a<br><font size=+1>

phyogs bcu'i sangs rgyas kyi zhing bye ba khrag khrig brgya stong dpag tu med par 'gro zhing 'ong ba ngo mtshar to/ /'jam dpal gyis smras pa/ lha'i bu bdag ni rdzu 'phrul gyi mthu cho 'phrul thob pa yang ma yin/ /sangs rgyas bcom ldan 'das rnams kyi nyan thos 
kyang ma yin no/ /de ci'i phyir zhe na/ de dag ni ma gtogs shing zad pa med pa'i phyir ro/ /lha'i bu byis pa lta bu so so'i skye bo thams cad ni rdzu 'phrul gyi mthu'i cho 'phrul thob pa'o/ /de ci'i phyir zhe na/ de ltar lha'i bu sangs rgyas thams cad dang / byang chub sems dpa' 
thams cad dang / nyan thos thams cad dang / rang sangs rgyas thams cad kyis bskal pa grangs med par btsal kyang chos gang yang thob par ma gyur/ ma thob mi 'thob bo/ /byis pa lta bu so so'i skye bo thams cad kyis ni thob bo/ /ci thob ce na/ bdag thob bo/ /sems can 
dang / srog dang / skye ba po dang / gso ba po dang / gang zag dang / shed las skyes pa dang / shed bu dang / chad pa dang / rtag pa dang / 'dod chags dang / zhe sdang dang / gti mug thob bo/ /gang sangs rgyas rnams kyis chos ma thob pa ma bskyed pa de skyed par byed pas 
na/ lha'i bu de'i phyir byis pa lta bu so so'i skye bo rnams ni rdzu 'phrul gyi mthu thob pa yin gyi sangs rgyas rnams ma yin/ byang chub sems dpa' rnams ma yin/ rang sangs rgyas rnams ma yin/ nyan thos rnams ma yin no/ /de nas sangs rgyas bcom ldan 'das de dag 
sangs rgyas bgro ba'i chos kyi rnam grangs rgya cher bshad nas bdag bdag gi sangs rgyas kyi zhing du gshegs so/ /de nas de bzhin gshegs pa 'jug sred kyi rgyal po 'di snyam du dgongs te/ gang bdag gis 'jam dpal gzhon nur gyur pa sangs rgyas kyi zhing 'dir 'ong 
bar ltas shig bya'o snyam mo/ /de nas de bzhin gshegs pa 'jug sred kyi rgyal pos byin gyi rlabs snga ma de btang ste/ phyag g.yas pa'i mthil nas 'od zer gser gyi kha dog lta bu phyung ste/ 'od de ci nas kyang 'jam dpal gzhon nur gyur pa'i lus la phog nas 

</font><hr>63-1-210b<br><font size=+1>

lan bdun bskor te/ 'jam dpal gyi spyi bor nub par 'gyur ba de ltar byin gyis brlabs so/ /de nas 'jam dpal gzhon nur gyur pa 'di snyam du gyur te/ ci'i rgyu ci'i rkyen gyis na 'di lta bu'i snang ba bsam gyis mi khyab pa bdag gi lus la phog nas spyi bor mi snang bar gyur snyam pa las/
yang de 'di snyam du gyur te/ de bzhin gshegs pa 'jug sred kyi rgyal po bdag gzigs par bzhed do snyam mo/ /de nas 'jam dpal gzhon nur gyur pas lha'i bu 'od zer gyi rgyal mtshan la 'di skad ces smras so/ /lha'i bu dag tshur sheg /bcom ldan 'das de bzhin 
gshegs pa 'jug sred kyi rgyal po'i sangs rgyas kyi zhing du de bzhin gshegs pa de blta ba dang / phyag bya ba dang / bsnyen bkur bya ba dang / kun du zhu ba'i phyir 'dong ngo / /zab mo zab pa'i phyir chos kyi sgo sgrub pa dag kyang de nas 'chad kyis de dag kyang mnyan par 
bya'o/ /de nas 'jam dpal gzhon nur gyur pa la lha'i bu 'od zer gyi rgyal mtshan gyis 'di skad ces gsol to/ /'jam dpal de'i dus la bab par mkhyen na bzhud do/ /de nas 'jam dpal gzhon nur gyur pas sems bskyed pa gcig gis ri khor yug gi rtse mo 
de nas lha'i bu de dag dang bcas te mi snang bar gyur nas/ bcom ldan 'das de bzhin gshegs pa 'jug sred kyi rgyal po'i spyan sngar 'khod do/ /de nas bcom ldan 'das de bzhin gshegs pa 'jug sred kyi rgyal po'i zhabs la 'jam dpal gzhon nur gyur pas 
mgo bos phyag 'tshal te lan gsum bskor nas phyogs gcig tu 'khod do/ /lha'i bu de dag gis kyang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'jug sred kyi rgyal po'i zhabs la mgo bos phyag 'tshal nas 
phyogs gcig tu 'khod do/ /de nas bcom ldan 'das de bzhin gshegs pa 'jug sred kyi rgyal po la 'jam dpal gzhon nur gyur pas 'di skad ces gsol to/ /bcom ldan 'das rigs kyi bu dang / rigs kyi bu mos legs par dge ba'i rtsa ba bskyed 

</font><hr>63-1-211a<br><font size=+1>

par bgyi'o/ /zab mo la bzod pa la yang the tshom ma mchis par bgyi'o/ /des bdag kyang snod du gyur par bgyi'o/ /de ci'i slad du zhe na/ bcom ldan 'das de ltar glang po chen po dag gi nang nas bdag slad rol du byung bar gyur to/ /chos bshad 
pa de 'dra ba las kyang slad rol du byung bar gyur to/ /bcom ldan 'das sring mo the tshom sel ba 'di ni sa'i phyogs 'di las gang du yang ma g.yos/ gang du yang ma 'phangs par gyur to/ /bdag gis mngon par 'tshal ba snga dro gcig gis shar phyogs su sangs rgyas kyi zhing 
gang gA'i klung gi bye ma snyed grangs med par mchi zhing sangs rgyas bcom ldan 'das de dag la phyag 'tshal ba dang / gang de dag gi chos bshad pa de yang 'dzin cing sangs rgyas bcom ldan 'das de dag la yongs su zhu/ yongs su gsol bar bgyid cing / de bzhin 
gshegs pa de dag kyang bdag la zhus pa'i lung ston par mdzad de/ bcom ldan 'das bdag ni chos bshad pa gang du yang bskrad pa'am/ 'jig rten gyi khams gzhan du 'phangs par ma 'tshal te/ sangs rgyas bcom ldan 'das de dag thams cad kyang bdag gi 
bsam pa mkhyen nas bdag nyid la chos 'chad par bsgo'o/ /bcom ldan 'das bdag ri khor yug gi rtse mo de la mchis pa'i tshe na chos la 'tshal ba dang / chos la skom pa dang / chos la bkur sti bgyid pa dang / de bzhin gshegs pa yang cher 'tshal bar 
gyur to/ /yang bdag 'di snyam du gyur te/ ci'i rgyu ci'i rkyen gyis na/ bdag 'khor de nas ri khor yug gi rtse mo 'dir 'phangs shing sring mo the tshom sel ba 'di ni ma 'phangs par gyur snyam pa las bcom ldan 'das yang bdag 'di snyam du gyur te/ de bzhin 
gshegs pa ni chos rnams la slob dpon gyis 'chab pa yang mi mdzad/ chags pa'i sems kyang ma mchis na de la bdag nyid kho ru chung ngu bas sam/ yang na chos bshad pa 'di la bdag snod du ma gyur pa lta ste/ de'i slad du bdag der 'phangs so snyam bgyid 

</font><hr>63-1-211b<br><font size=+1>

do/ /de ni bdag de bzhin gshegs pa la zhu na ci'i slad du bdag 'khor 'di nas ri khor yug gi rtse mor 'phangs la/ sring mo 'di ma 'phangs par gyur ces de skad gsol pa dang / de bzhin gshegs pa 'jug sred kyi rgyal pos 'jam dpal gzhon nur gyur pa la 'di skad ces 
bka' stsal to/ /'jam dpal sangs rgyas bcom ldan 'das rnams kyi chos bshad pa gang du yang khyod snod du ma gyur pa de ni 'ga' yang med mod kyi/ 'jam dpal sangs rgyas bcom ldan 'das rnams ni mnyes par dka' ste/ dus thams cad du pha rol gyis chos spyod pa 
la lan gdab par mi nus te/ 'jam dpal khyod thog ma kho nar 'jig rten gyi khams mi mjed pa nas 'byung ba'i tshe 'di snyam du gyur te/ de ring kun du 'od kyi 'jig rten gyi khams su sangs rgyas bcom ldan 'das rnams sangs rgyas bgro ba zhes bya ba'i chos kyi rnam grangs 'chad 
kyis/ bdag ni der sangs rgyas bcom ldan 'das rnams blta ba dang / phyag bya ba dang / bsnyen bkur bya ba dang / chos bstan pa de dag mnyan pa'i phyir 'gro'o snyam du gyur to/ /'jam dpal khyod ni spobs pa chen po dang / dmigs pa chen po dang / rtog pa 
chen po dang / yongs su rtog pa chen pos sangs rgyas kyi zhing de nas song ste sangs rgyas rnams blta'o/ /chos kyang mnyan du 'gro'o snyam du sems te/ 'jam dpal khyod ni chags pa gsum gyis chags shing sangs rgyas kyi zhing de nas sangs rgyas kyi zhing 
'dir 'ongs so/ /gsum gang zhe na/ bdag tu dmigs pa dang / sangs rgyas su dmigs pa dang / chos su dmigs pa'o/ /'jam dpal byang chub sems dpa' dmigs pa la spyod na ma chags pa thob par 'gyur ba med do/ /'jam dpal de ji snyam du sems/ 
de bzhin gshegs pa la sus kyang shes pa 'am/ mthong ba'am/ de bzhin gshegs pa las gzhan pa'i chos gang yang mthong bar nus sam/ 'jam dpal gyis gsol pa/ bcom ldan 'das chos rnams kyi chos nyid de la ni de bzhin gshegs pa la yang 

</font><hr>63-1-212a<br><font size=+1>

blta bar mi bgyi/ chos la ma lags/ sems can la ma lags so/ /bcom ldan 'das gal te sems can yongs su grub par gyur tam/ de bzhin gshegs pa 'byung bar gyur tam/ de bzhin gshegs pa gzugs kyi sku la blta bar bgyi na ni de bzhin 
gshegs pa yang blta bar nus/ de bzhin gshegs pas gzhan yang gzigs par 'gyur na bcom ldan 'das gang gi slad du/ chos thams cad ma skyes pas de'i slad du/ gang de bzhin gshegs par blta ba de la ma mchis so/ /de bzhin gshegs pas kyang chung zad 
kyang gzigs pa ma mchis so/ /de ci'i slad du zhe na/ bcom ldan 'das chos thams cad ni mthong bar bgyid pa ma lags so/ /bcom ldan 'das kyis bka' stsal pa/ 'jam dpal mig dang rna ba gang dang ldan na de bzhin gshegs pa'i sku mthong ba dang / de bzhin 
gshegs pas bstan pa'i chos 'dul ba thos par 'dod pa'i mig dang rna ba chung zad kyang yod dam/ de nas 'jam dpal gzhon nur gyur pa cang mi smra bar gyur to/ /de nas byang chub sems dpa'i 'khor de na byang chub sems dpa' kha cig 'di snyam du gyur te/ 'jam dpal 
gzhon nur gyur pa 'di ni de bzhin gshegs pas rma ba rmas na cang mi zer bar gyur pas de bzhin gshegs pas rmas pa'i lan 'debs ma nus so snyam mo/ /de nas de bzhin gshegs pa 'jug sred kyi rgyal po'i sems kyis byang chub sems dpa' de dag gi sems kyi 
rtog pa yongs su mkhyen nas byang chub sems dpa' de dag la bka' stsal pa/ rigs kyi bu dag de ltar ma sems shig /khyod 'jam dpal gzhon nur gyur pa la brnyas pa'i 'du shes ma skyed cig /de ci'i phyir zhe na/ 'jam dpal gzhon nur gyur pa ni zab 
mo bzod pa dang ldan pa yin te/ gang de bzhin gshegs pas rma ba rmas pa de'ang 'jam dpal gzhon nur gyur pas lan thebs pa yin no/ /byang chub sems dpa' de dag gis gsol pa/ bcom ldan 'das rigs pa gang dang tshul gang gis na rmas pa'i lan thebs pa 

</font><hr>63-1-212b<br><font size=+1>

lags/ bka' stsal pa/ 'di la rigs kyi bu dag 'jam dpal ni 'di snyam du sems te/ gal te bdag gis bdag la mig mchis so/ /bdag la rna ba mchis so zhes bshad na ni rtag par lta bar 'gyur/ gal te bdag la mig ma mchis so/ /rna ba ma mchis 
sa zhes bshad na ni chad par lta bar 'gyur te/ rtag pa dang chad par spyod pas chos nyid shes par mi 'gyur te/ chos nyid gang yin pa de la ni chad pa yang med rtag pa yang med do/ /gang na chad pa yang med rtag pa yang med pa de ni mi skye ba'o/ /gang mi skye ba de ni brjod 
du med pa'o zhes de ltar sems shing 'jam dpal gzhon nur gyur pas rmas pa'i lan btab pa 'di yin no/ /ston pa 'di bstan pa'i tshe byang chub sems dpa' drug brgya mi skye ba'i chos la bzod pa skyes so/ /de nas de bzhin gshegs pa 'jug sred kyi rgyal pos 
'jam dpal gzhon nur gyur pa la 'di skad ces bka' stsal to/ /'jam dpal rgyu 'di dang rkyen 'di yin te de'i phyir khyod ri khor yug gi rtse mor 'phangs so/ /'jam dpal gang yang ci'i slad du zhe na/ sring mo the tshom sel ba 'di ma 'phangs par gyur ces khyod de 
skad zer ba ni 'jam dpal sring mo 'di zla ba'i 'od kun du dri ma med par snang ba zhes bya ba'i ting nge 'dzin la mnyam par bzhag ste/ de ni sangs rgyas dag 'dir gshegs sam ma gshegs zhe'am/ chos 'chad dam mi 'chad cig snyam du mi sems te 'di la ni sangs 
rgyas su 'du shes med/ chos su 'du shes med/ dge 'dun du 'du shes med/ bdag tu 'du shes med/ gzhan du 'du shes med de/ 'jam dpal sring mo de ni 'du shes dang yid la byed pa thams cad dang bral ba'o/ /de ni ting nge 'dzin de la gnas nas phyogs 
bcu'i sangs rgyas bcom ldan 'das gang gA'i klung gi bye ma snyed rnams kyi chos nyan to/ /'dzin to/ /thos nas kyang gzhan la ston par byed mod kyi/ 'jam dpal sring mo 'di ni zhing la zhing du 'du shes pa med do/ /sangs rgyas la sangs rgyas su 'du shes pa med/

</font><hr>63-1-213a<br><font size=+1>

chos la chos su 'du shes pa med/ dge 'dun la dge 'dun du 'du shes pa med/ bdag la bdag tu 'du shes pa med/ gzhan la gzhan du 'du shes pa med de/ 'jam dpal 'di lta ste/ dper na zla ba'i dkyil 'khor ni gzhal med khang las kyang mi 
g.yo la kun du yang snang bar byed de/ thams cad du yang bstan mod kyi/ zla ba'i dkyil 'khor ni gang la yang nye bar mi byed/ 'di la 'od snang bar bya'o/ /'di la 'od mi snang bar bya'o zhes rtog pa yang med do/ /'jam dpal de bzhin du sring mo de ting nge 'dzin 'di la gnas na 
'jig rten gyi khams mtha' yas mu med par sems can dpag tu med pa rnams la snang bar byed/ sangs rgyas kyi zhing dpag tu med par ston par byed/rnam par rtog pa med/ sems can thams cad la sems mnyam par byed cing sems can thams cad la chos ston to/ /
'jam dpal ngas ni bskal pa'am/ bskal pa'i lhag ma lus kyi bar du sring mo 'di'i yon tan brjod kyang yon tan zad par mi 'gyur te/ 'jam dpal de ltar sring mo 'di ni yon tan bsam gyis mi khyab pa dang ldan no/ /'jam dpal gyis gsol pa/ bcom ldan 
'das sangs rgyas kyi zhing 'di na gang byang chub sems dpa' bye ba khrag khrig brgya stong dag mchis na ci lags/ sangs rgyas bcom ldan 'das de dag tshogs pa'i tshe byang chub sems dpa' de dag kyang bdag bzhin du 'jig rten gyi khams gzhan du 'phangs par gyur tam/ 
bcom ldan 'das kyis bka' stsal pa/ 'jam dpal de skad ma zer cig /de bzhin gshegs pa'i ye shes la ma rtog shig /de bzhin gshegs pas rnam par sprul pa la ma rtog shig /de bzhin gshegs pa'i byin gyi rlabs la ma rtog shig /de ci'i phyir zhe na/ 'jam 
dpal stong gsum gyi stong chen po'i 'jig rten gyi khams 'di ni sangs rgyas bcom ldan 'das rnams tshogs pas 'di lta ste/ dper na bu ram shing gi tshal lam/ 'dam bu'i tshal lam/ smyig ma'i tshal bzhin du de 'dra bar mang ba'i de bzhin gshegs pa rnams kyis 

</font><hr>63-1-213b<br><font size=+1>

yongs su khyab par gyur kyang / gang sangs rgyas kyi zhing 'di na byang chub sems dpa' dag dang / lha dang / klu dang / gnod sbyin dang / dri za dang / lha ma yin dang / mi dang mi ma yin pa gnas pa de dag thams cad kyis kyang thams cad du thams cad de bzhin gshegs pa gzhan cig kyang 
ma mthong ste nga gcig pu gnyis su med par mthong ngo / /de dag gi chos bshad pa yang ma thos te nga gcig pu'i thos so/ /'jam dpal de bzhin gshegs pa'i byin gyi rlabs dang / de bzhin gshegs pa'i cho 'phrul dang / de bzhin gshegs pa'i rnam par 'phrul pa dang / 
de bzhin gshegs pa'i sku phra ba la ltos/ stong gsum gyi stong chen po'i 'jig rten gyi khams de bzhin gshegs pa'i skus yongs su gang yang / byang chub sems dpa' de dag gi lha'i mig gis kyang de bzhin gshegs pa gcig kyang ma mthong na sems can gzhan gyis mthong 
bar 'gyur ba lta ci smos te de ni gnas med do/ /'jam dpal byang chub sems dpa' de dag dang / lha dang / klu dang / gnod sbyin dang / dri za dang / lha ma yin dang / mi dang mi ma yin pa de dag stong gsum gyi stong chen po'i 'jig rten gyi khams 'di na gnas shing rgyu ba dang / 'chag pa dang / 
'gro ba dang / 'greng ba dang / 'dug pa dang / nyal ba dag ji ltar sems pa bzhin du spyod pa de dag la de bzhin gshegs pa'i sku de ltar mang ba sgrib par mi byed/ thogs par mi byed pa la ltos/ 'jam dpal rnam grangs 'dis kyang 'di ltar rig par bya ste/ de bzhin 
gshegs pa ni chos kyi sku yin gyi gzugs yongs su grub pa'i sku ma yin no/ /'jam dpal de bzhin gshegs pa'i sku ni zag pa med pa ste/ nam mkha' dang 'dra ba/ ma skyes pa/ ma byung ba/ ma mthong ba/ ma thos pa/ rnam par ma shes pa'o/ /'jam dpal 'di lta ste/ 
dper na nam mkha' ni zag pa med pa/ gtogs pa med pa/ gzugs med pa/ bstan du med pa/ thogs pa med pa/ rnam par mi dmigs pa ste/ nam mkha' ni sus kyang blta mi nus so/ /yang nam mkha' ni spyan lngas mthong bar mi 'gyur ro/ /spyan lnga gang zhe na/ 'di 

</font><hr>63-1-214a<br><font size=+1>

lta ste/ sha'i spyan dang / lha'i spyan dang / shes rab kyi spyan dang / chos kyi spyan dang / sangs rgyas kyi spyan te/ gzhan du na nam mkha' nam mkha' zhes grangs su 'gro bar zad do/ /'jam dpal de bzhin du de bzhin gshegs pa'i sku yang zag pa med pa/ gtogs 
pa med pa/ gzugs med pa/ bstan du med pa/ thogs pa med pa/ dmigs su med pa ste/ de bzhin gshegs pa'i sku ni sus kyang mthong bar mi nus so/ /yang de bzhin gshegs pa'i sku ni sus kyang ma mthong ngo / /de bzhin gshegs pa'i sku ni sha'i spyan nas sangs rgyas 
kyi spyan gyi bar du spyan lnga la snang bar mi 'gyur gyi/ gzhan du na de bzhin gshegs pa de bzhin gshegs pa zhes ming tsam gyi grangs su 'gro ste ming de yang gsob bo/ /'jam dpal de bzhin gshegs pa'i cho 'phrul la la ltos/ de bzhin gshegs pa dag ni nam mkha' 
dang 'dra ste/ de dag gzugs kyi sku'i kha dog yongs su rdzogs pa yang ston to/ /skyes bu chen po'i mtshan sum cu rtsa gnyis dang yang ldan no/ /'jam dpal gang yang de bzhin gshegs pa de dag khyod kyi mig gis mthong bar ma gyur pa de dag thams cad ni/ de bzhin 
gshegs pa de dag gi byin gyi rlabs dang mthus de ltar gyur to/ /de ci'i phyir zhe na/ de ltar 'jam dpal gzhon nu khyod yin te khyod las brtsams nas chos zab mo bstan par 'gyur ro/ /de nas sangs rgyas kyi zhing de na gnas pa'i byang chub sems dpa' de dag thams cad kyis 
mgrin gcig tu ngo mtshar che ba'i sgra phyung nas ngo mtshar to/ /ngo mtshar to/ /de bzhin gshegs pa dag ni de ltar rdzu 'phrul che/ mthu che ste/ de ltar de bzhin gshegs pa dag mang yang bdag cag gis de bzhin gshegs pa gcig kyang ma mthong ste/ 'dir su zhig gshegs/ su 
zhig bzhud/ su zhig 'chang / su zhig 'chad ces mtshan ma tsam yang ma 'tshal te/ 'di na de bzhin gshegs pa gcig pu 'chad par mthong ngo / /bcom ldan 'das gal te ye shes chen po 'di 'dra ba'i slad du byang chub sems dpa' sems dpa' chen po sems can 

</font><hr>63-1-214b<br><font size=+1>

re re'i phyir bskal pa gang gA'i klung gi bye ma snyed du sems can dmyal ba chen por bsgral kyang bcom ldan 'das byang chub sems dpa' sems dpa' chen pos bzod par bgyi'o/ /ye shes chen po de 'dra ba yongs su dor bar ni mi bgyi'o/ /de nas de bzhin gshegs pa 'jug sred 
kyi rgyal po la 'jam dpal gzhon nur gyur pas 'di skad ces gsol to/ /bcom ldan 'das sring mo 'dis ji srid nas bla na med pa yang dag par rdzogs pa'i byang chub tu sems bskyed na sring mo de 'di 'dra bar zhi ba dang dam pa'i ting nge 'dzin la mnyam par bzhag pa thob par gyur/ 
bcom ldan 'das kyis bka' stsal pa/ sangs rgyas bcom ldan 'das rnams kyi bla na med pa yang dag par rdzogs pa'i byang chub ni bskal pa dpag tu med pas bskyed pa ste/ rtag par skyes pa/ tshad med par skyes pa/ sbyin pa dang / tshul khrims dang / bzod pa dang / brtson 'grus 
dang / bsam gtan dang / shes rab las skyes pa ni sangs rgyas bcom ldan 'das rnams kyi bla na med pa yang dag par rdzogs pa'i byang chub yin te/ 'jam dpal sring mo 'di ni yun ring po nas spyad pa/ sngon gyi rgyal ba la bya ba byas pa/ dge ba'i rtsa ba bskyed pa ste sring mo 'di ni 
sangs rgyas bye ba khrag khrig brgya phrag stong du ma la bsnyen bkur byas pa yin mod kyi/ 'jam dpal khyod kyis 'di ting nge 'dzin las slong la yun ji srid nas spyod ces dris shig dang / sring mo 'di nyid khyod la ston par 'gyur ro// //bam po gsum pa ste tha ma/ de 
nas 'jam dpal gzhon nur gyur pas sring mo de slong bar 'dod nas se gol gyi sgra tha mal pa byas kyang sring mo de ting nge 'dzin de las ma langs so/ /de nas 'jam dpal gzhon nur gyur pas se gol ji lta bus phyogs bcu'i 'jig rten gyi khams mtha' yas mu med pa'i sgra thos 
par 'gyur ba de 'dra ba'i se gol gyi sgra byas kyang sring mo de ting nge 'dzin de las ma langs so/ /de nas 'jam dpal gzhon nur gyur pas rdzu 'phrul mngon par 'du bya ba mngon par 'dus byas pa ji lta bus stong gsum gyi stong chen po'i 'jig rten gyi khams lha dang mi'i sil snyan thams 

</font><hr>63-1-215a<br><font size=+1>

cad ma dkrol bar sgra 'byung ba de lta bu'i rdzu 'phrul mngon par 'du bya ba mngon par 'du byas te/ bdag nyid kyang sil snyan bye ba khrag khrig brgya stong sprul nas yid du 'ong ba chags par byed pa rnar 'ong ba'i sgra 'byin to/ /yang de'i tshe na sil snyan gyi sgra gang gis phyogs 
bcu'i 'jig rten gyi khams mtha' yas mu med pa kun tu grags par 'gyur ba'i sgra shin tu chen po byung bar gyur kyang sring mo de ting nge 'dzin de las ma langs te/ yang de'i tshe gang phyogs bcu na sangs rgyas bcom ldan 'das bzhugs pa 'tsho ba gzhes pa de dag la bdag gi g.yog 
gis zhus pa/ bcom ldan 'das ci'i rgyu ci'i rkyen gyis na sil snyan gyi sgra dbyangs bcom ldan 'das sngon ma thos pa'i sgra gda' ba 'di 'jig rten du byung bar gyur/ de skad ces gsol pa dang / de bzhin gshegs pa de dag gis bdag gi g.yog la 'di skad ces bka' stsal 
to/ /'jig rten gyi khams kun tu 'od ces bya ba zhig yod de/ de na de bzhin gshegs pa 'jug sred kyi rgyal po zhes bya ba bzhugs 'tsho gzhes te/ de'i sangs rgyas kyi zhing na sring mo the tshom sel ba zhes bya ba de bzhin gshegs pa de'i g.yas phyogs na zla ba'i 'od 
kun tu dri ma med par snang ba zhes bya ba'i ting nge 'dzin la mnyam par bzhag ste/ de na 'jam dpal gzhon nur gyur pa zhes bya ba go cha bsam gyis mi khyab pa bgos pa phyir mi ldog pa'i byang chub sems dpa' zhig yod de/ sring mo de ting nge 'dzin de las slong bar 'dod 
nas rigs kyi bu 'jam dpal gzhon nur gyur pa des lha dang mi'i sil snyan gyi sgra phyung ste/ de'i byin gyi rlabs kyis sil snyan 'di dag ma dkrol bar sgra 'byin cing 'di lta ste/ sring mo 'di ting nge 'dzin de las bslang ba'i phyir des sil snyan bye ba khrag khrig brgya stong dag 
sprul te/ rigs kyi bu de dag kyang ma dkrol bar sgra 'byung mod kyi/ sring mo de ting nge 'dzin de las bslang bar ma nus so/ /rigs kyi bu rgyu de dang rkyen de'i phyir sil snyan gyi sgra chen po 'jig rten du byung ngo / /de skad ces bka' stsal pa dang / sangs rgyas bcom ldan 'das 

</font><hr>63-1-215b<br><font size=+1>

de dag la g.yog de dag gis 'di skad ces gsol to/ /bcom ldan 'das sring mo de 'di 'dra ba'i ting nge 'dzin zhi ba thob cing 'di 'dra ba'i sil snyan gyi sgras kyang mi ldang ba ngo mtshar to/ /bka' stsal pa/ rigs kyi bu de bzhin te/ sring mo 'di ni ting nge 'dzin bsam gyis 
mi khyab pa thob pa'o/ /de nas gtam 'di brjod pa'i tshe phyogs bcu nas sems can grangs med tshad med pa dag bla na med pa'i byang chub tu zhugs par gyur te/ sring mo de ji lta ba bzhin du bdag cag kyang de dang 'dra ba'i ting nge 'dzin zhi ba thob par gyur cig /'jam dpal 
gzhon nur gyur pa ji lta ba bzhin du bdag cag kyang de 'dra ba'i rnam par sprul pa thob par gyur cig ces de skad kyi tshig smras so/ /de nas yang 'jam dpal gzhon nur gyur pas rdzu 'phrul mngon par 'du bya ba mngon par 'du byed pa ji lta bus stong gsum gyi stong chen po'i 'jig 
rten gyi khams na ri rab lhun po'i ri'i rgyal po dang / gangs kyi ri dang / ri btang bzung dang / ri btang bzung chen po dang / ri khor yug dang / khor yug chen po dang / gzhan yang ri rab 'bring tha ma de dag thams cad gcig la gcig 'dus shing gcig la gcig thug pa dang / 
gcig la gcig 'thab pa 'di lta ste/ skyes bu stobs po che stobs po che'i zla bo la mthu'i shugs thams cad kyis thal mo rdob par byed pa de bzhin du ri chen po dang / ri khor yug chen po de dag gcig la gcig 'dus nas ri'i rgyal po de dag 'jigs pa'i sgra'i dbyangs 
kyis ba spu zing zhes byed par gyur pa de 'dra ba'i sgras 'jig rten gyi khams mtha' yas mu med par grags par 'gyur ba de 'dra ba'i rdzu 'phrul mngon par 'du bya ba mngon par 'dus byas kyang sring mo de ting nge 'dzin de las bslang ma nus so/ /de nas 'jam dpal gzhon nur gyur pas 
sring mo de lag pa gnyis kyis ma reg la/ byin gyi rlabs kyis lag pa gnyis bzung ste bslang bar 'dod nas de de ltar bskyod pa dang / 'og gi phyogs kyis sangs rgyas kyi zhing gang gA'i klung gi bye ma snyed g.yos/ rab tu g.yos/ kun tu rab tu g.yos kyang sring mo de 

</font><hr>63-1-216a<br><font size=+1>

bslang bar ma nus te/ chung ngu na skra'i rtse mo'i cha shas tsam yang g.yo bar ma nus/ 'gul bar ma nus so/ /ting nge 'dzin de las bslang bar yang ma nus nas/ de yang shin tu shugs thams cad kyis gdeg go snyam nas shugs phyung ste bteg pa dang / sangs 
rgyas kyi zhing gang gA'i klung gi bye ma dang mnyam pa rnams gyen du 'phangs kyang ting nge 'dzin de las ma langs so/ /de nas 'jam dpal gzhon nur gyur pas sa gang gi phyogs na sring mo de mnyam par gzhog pas de'i phyogs kho ra khor yug tu drangs te lag pa g.yas pa la 
gzhog go/ /lag pa g.yas par bzhag nas tshangs pa'i 'jig rten gyi bar du 'phangs kyang sring mo de ting nge 'dzin de las ma langs so/ /tshangs pa'i 'jig rten nas slar yang sa la bzhag kyang ma langs so/ /de nas 'jam dpal gzhon nur gyur pas sring mo de lag pa g.yas 
par bzhag nas shar phyogs su sangs rgyas kyi zhing gang gA'i klung gi bye ma snyed du song zhing sil snyan gyi sgra de dag dang ri'i sgra dbyangs de dag 'byin cing me tog gi char 'bebs bzhin du song yang sring mo de ting nge 'dzin de las ma langs so/ /de bzhin du lho phyogs dang / nub phyogs 
dang / byang phyogs dang / phyogs bcu'i 'jig rten kun tu sring mo de khyer te song nas sa phyogs de nyid du bzhag ste thal mo sbyar nas/ bcom ldan 'das de bzhin gshegs pa 'jug sred kyi rgyal po la 'di skad ces gsol to/ /bcom ldan 'das byang chub sems dpa' 
rnams kyi spyod pa ni ngo mtshar te sems can thams cad kyis kyang 'tshal ba'am/ sems par sla ba ma lags so/ /bcom ldan 'das gal te bdag gis sems ma mchis pa'i dngos po dag smrar stsal na'ang smra bar 'gyur na sring mo 'di la 'di 'dra ba'i sgra rdzu 'phrul dang / 
rnam par 'phrul pa dang / cho 'phrul gyi sgras bslang bar ma nus te/ bcom ldan 'das sring mo 'di dang gang su'ang de las gzhan pa bla na med pa yang dag par rdzogs pa'i byang chub la zhugs pa dang / gang 'jug pa dang / gang de 'dra ba'i ye shes chen po bsgrub par bgyid 

</font><hr>63-1-216b<br><font size=+1>

pa de la phyag 'tshal lo/ /de ci'i slad du zhe na/ gang bcom ldan 'das byang chub sems dpa'i spyod pa 'di ni 'dul ba chen po'i spyod pa lags so/ /sring mo de ting nge 'dzin de las bslang ba'i phyir 'jam dpal gzhon nur gyur pas phyogs bcu thams cad du slong bar bgyid pa'i tshe sems 
can dpag tu med pa byang chub tu yongs su smin par byas so/ /sems can dpag tu med pa dag gi dge ba'i rtsa ba yongs su grub par gyur to/ /de skad ces gsol pa dang / bcom ldan 'das de bzhin gshegs pa 'jug sred kyi rgyal pos 'jam dpal gzhon nur gyur pa la 'di 
skad ces bka' stsal to/ /de bzhin no/ /'jam dpal ji skad smras pa de bzhin te/ byang chub sems dpa' rnams kyi go cha ni bsam gyis mi khyab ste/ nyan thos dang / rang sangs rgyas rnams kyis kyang bde bar shes par mi nus na sems can gzhan gyis lta ci smos te/ 'jam 
dpal 'di lta ste/ dper na stong gsum gyi stong chen po'i 'jig rten gyi khams 'di rnga'i kha ya gcig tu gyur/ yang stong gsum gyi stong chen po'i 'jig rten gyi khams gcig kyang rnga'i kha ya gcig tu gyur te yongs su brtag pa bzung na/ 'jam dpal de 'dra ba'i rnga chen 
por gyur na de ni skyes bu de 'dra bar stobs che zhing / de 'dra bar mthu che ba de lta bu'i lus dang ldan pas stong gcig gi 'jig rten gyi khams dang mnyam pa'i dbyug gu thogs te/ sring mo de'i mdun du bskal pa'am/ bskal pa'i lhag ma lus kyi bar du rnga chen po de 
brdungs su zin kyang sgra de sring mo de'i rnar grag par mi 'gyur na ting nge 'dzin las bslang bar lta ci smos te/ de ni gnas med de sring mo de ni de 'dra ba'i ting nge 'dzin zhi ba thob bo/ /'jam dpal gyis gsol pa/ bcom ldan 'das sring mo 'di ting nge 'dzin 'di las slong bar su 
zhig gis nus/ bka' stsal pa/ 'jam dpal de bzhin gshegs pa'am/ byang chub sems dpa' sgrib pa thams cad rnam par sel ba ma gtogs par gzhan sring mo 'di ting nge 'dzin 'di las slong bar nus pa med do/ /de nas rigs kyi bu de'i ming brjod ma thag tu 

</font><hr>63-1-217a<br><font size=+1>

stong gsum gyi stong chen po'i 'jig rten gyi khams de rnam pa drug tu g.yos so/ /de nas bcom ldan 'das 'jug sred kyi rgyal po'i g.yog byang chub sems dpa' rab tu dga' ba'i rgyal po zhes bya ba des de bzhin gshegs pa de la zhus pa/ bcom ldan 
'das ci'i rgyu ci'i rkyen gyis na 'jig rten na sa chen po 'di g.yo bar gyur/ bka' stsal pa/ rigs kyi bu byang chub sems dpa' sgrib pa thams cad rnam par sel ba'i ming brjod ma thag tu nges par stong gsum gyi stong chen po'i 'jig rten gyi khams g.yo bar 'gyur te/ 'jig 
rten gyi khams gzhan na yang gang na de bzhin gshegs pa dag rigs kyi bu de'i ming brjod par gyur pa de'i tshe brjod ma thag tu sa chen po rnam pa drug tu g.yo'o/ /de nas 'khor de na byang chub sems dpa' de dag byang chub sems dpa' sgrib pa thams cad rnam par sel ba mthong bar 
skom/ 'jam dpal gzhon nur gyur pa yang byang chub sems dpa' de mthong bar 'dod do/ /de nas 'jam dpal gzhon nur gyur pas byang chub sems dpa' de dag yongs su skom par yang shes/ bdag kyang mthong ba dang / sring mo de ting nge 'dzin de las bslang ba'i 
phyir de bzhin gshegs pa 'jug sred kyi rgyal po la 'di skad ces gsol to/ /bcom ldan 'das ci nas kyang bdag gis byang chub sems dpa' sgrib pa thams cad rnam par sel ba mthong bar 'gyur ba de 'dra ba'i rdzu 'phrul gyi mthu legs par bstan par gsol/ bcom ldan 
'das 'khor 'di dag kyang rigs kyi bu de mthong bar 'tshal na/ bcom ldan 'das bdag kyang skyes bu dam pa de mthong bar 'tshal na ci nas kyang skyes bu de sangs rgyas kyi zhing 'dir mchi zhing rigs kyi bu de las brtsams nas chos zab mo bshad par 'gyur ba dang / byang chub 
sems dpa' 'di dag kyang byang chub sems dpa' de mthong bar 'gyur zhing mthong nas kyang de'i rjes su slob pa dang / sring mo de yang ting nge 'dzin de las ldang bar 'gyur ba de 'dra ba'i rdzu 'phrul rnam par 'phrul pa bstan na legs so/ /de nas bcom ldan 'das 'jug sred kyi 

</font><hr>63-1-217b<br><font size=+1>

rgyal po de la byang chub sems dpa' rab tu dga' ba'i rgyal pos 'di skad ces gsol to/ /bcom ldan 'das phyogs gang dang / sangs rgyas kyi zhing gang na rigs kyi bu de ltar gnas pa lags/ de'i sangs rgyas kyi zhing na de bzhin gshegs pa de'i mtshan ci lags/ bka' 
stsal pa/ rigs kyi bu 'og gi phyogs su sangs rgyas kyi zhing 'di nas sangs rgyas kyi zhing gang gA'i klung gi bye ma snyed 'das pa na 'jig rten gyi khams sna tshogs kyi rgyal mtshan zhes bya ba zhig yod do/ /de na de bzhin gshegs pa seng ge dang / ngang pa dang / bal glang gi phung 
po'i sgra bsgrags pa zhes bya ba bzhugs 'tsho gzhes shing chos kyang ston te/ de na byang chub sems dpa' sgrib pa thams cad rnam par sel ba zhes bya ba de da ltar gnas so/ /de nas de bzhin gshegs pa 'jug sred kyi rgyal pos de'i tshe de ltar gdan la bzhugs bzhin du zhabs 
g.yas pa'i mthe bo las byang chub sems dpa' skul bar byed pa zhes bya ba'i 'od zer gyi kha dog lta bu gtong ngo / /'od de btang ma thag tu 'og gi phyogs su sangs rgyas kyi zhing gang gA'i klung gi bye ma dang mnyam pa brtol nas byang chub sems dpa' sgrib pa thams cad rnam par 
sel ba'i lus la phog ste/ rigs kyi bu de la lan gsum bskor nas spyi bor mi snang bar song ngo / /de nas byang chub sems dpa' sgrib pa thams cad rnam par sel ba ci'i rgyu ci'i rkyen gyis na/ gang gi phyir de ltar 'od dang ba bdag la lan bdun bskor nas spyi bor mi snang 
bar song snyam du bsams pa las/ de 'di snyam du sems te/ de bzhin gshegs pa 'jug sred kyi rgyal po bdag gzigs par bzhed do snyam mo/ /de nas byang chub sems dpa' sgrib pa thams cad rnam par sel ba seng ge dang / ngang pa dang / bal glang gi phung po'i sgra 
bsgrags pa de bzhin gshegs pa ga la ba der song nas phyin pa dang / bcom ldan 'das de'i zhabs la mgo bos phyag 'tshal nas 'di skad ces gsol to/ /bcom ldan 'das bdag ni steng gi phyogs su bcom ldan 'das de bzhin gshegs pa 'jug sred kyi rgyal po 

</font><hr>63-1-218a<br><font size=+1>

blta bar 'tshal lo/ /bka' stsal pa/ de'i dus la bab par shes na song shig /de nas bcom ldan 'das de bzhin gshegs pa seng ge dang / ngang pa dang / bal glang gi phung po'i sgra bsgrags pa de'i g.yog don thams cad grub pa zhes bya ba des/ de bzhin gshegs 
pa de la 'di skad ces gsol to/ /bcom ldan 'das bdag ni de bzhin gshegs pa 'jug sred kyi rgyal po mthong bar 'tshal lo/ /de nas de bzhin gshegs pa seng ge dang / ngang pa dang / bal glang gi phung po'i sgra bsgrags pas de'i tshe smin mtshams kyi mdzod spu nas 'od byung ngo / /'od byung ba 
des steng gi phyogs kyi sangs rgyas kyi zhing gang gA'i klung gi bye ma dang mnyam pa brtol nas/ 'jig rten gyi khams kun tu 'od ces bya bar snang bar gyur te de nyid du byung ba bzhin du snang ste/ de bzhin gshegs pa 'jug sred kyi rgyal po byang chub sems dpa' mang pos bskor cing 'dzam 
bu'i chu bo'i gser gyi ri bzhin du chos 'chad de/ 'di lta ste/ dper na 'dom gang tsam na skyes bu mig dang ldan pa gcig gis skyes bu gcig gi rang bzhin la rtog pa de bzhin du 'khor de dag thams cad kyis de bzhin gshegs pa 'jug sred kyi rgyal po byang chub sems dpa'i dge 'dun dang bcas 
pa mthong ngo / /de nas byang chub sems dpa' sgrib pa thams cad rnam par sel ba byang chub sems dpa' lnga 'bum dang sems gcig bskyed pas sangs rgyas kyi zhing de nas mi snang bar gyur nas 'jig rten gyi khams kun tu 'od ces bya bar gnas te/ de bzhin gshegs pa 'jug sred 
kyi rgyal po'i zhabs la mgo bos phyag 'tshal te spyan sngar 'dug go/ /de nas byang chub sems dpa' sgrib pa thams cad rnam par sel ba byang chub sems dpa' de dag dang bcas te lus mi snang bar song nas/ bcom ldan 'das de'i zhabs la mgo bos phyag 'tshal te/ bcom 
ldan 'das la lan gsum bskor nas steng gi bar snang la gnas shing lus thams cad sun 'byin ces bya ba'i ting nge 'dzin la mnyam par bzhag go/ /de nas byang chub sems dpa' sgrib pa thams cad rnam par sel bas ji lta bu'i ltas kyis steng gi bar snang las lha'i me tog gi char 

</font><hr>63-1-218b<br><font size=+1>

'bab pa dang / me tog de dag kyang bcom ldan 'das de bzhin gshegs pa 'jug sred kyi rgyal po'i zhabs la 'bab cing / me tog de dag las seng ge dang / ngang pa dang / bal glang gi phung po'i sgra bsgrags pa de bzhin gshegs pa ni bcom ldan 'das la bsnyung ba ma mchis 
sam/ 'o ma brgyal tam/ bzhengs pa yang ngam/ so bzhin nam/ mthu mnga' 'am/ bde ba la reg par gnas sam zhes gsung ngo zhes zer ba de 'dra ba'i sgra 'byung bar 'gyur ba de lta bu'i ltas mdzad do/ /de nas 'khor de thams cad ngo mtshar thob par gyur nas/ bcom ldan 
'das gang me tog 'di 'dra ba dag dang / sgra 'di 'dra bar yid du mchi ba sgrogs par bgyid pa su'i mthu lags zhes de skad kyi tshig smras so/ /de nas de bzhin gshegs pa 'jug sred kyi rgyal po la 'jam dpal gzhon nur gyur pas 'di skad ces gsol to/ /bcom ldan 
'das gang me tog 'di dag char 'bab pa dang / me tog de dag las 'di 'dra ba'i sgra yid du mchi ba 'byung ba su'i mthu lags/ bka' stsal pa/ 'jam dpal byang chub sems dpa' sgrib pa thams cad rnam par sel ba de'i mthu yin no/ /gsol pa/ bcom ldan 'das byang 
chub sems dpa' sgrib pa thams cad rnam par sel ba de gang na mchis/ bka' stsal pa/ 'jam dpal byang chub sems dpa' sgrib pa thams cad rnam par sel ba de ni steng gi bar snang la 'dug ste/ byang chub sems dpa' lnga 'bum dang 'grogs nas nga'i rkang pa la 
phyag 'tshal te/ steng gi bar snang la lus thams cad sun 'byin pa zhes bya ba'i ting nge 'dzin la mnyam par gzhog go/ /gsol pa/ bcom ldan 'das byang chub sems dpa' de dag mi gda'o/ /bka' stsal pa/ byang chub sems dpa' sgrib pa thams cad rnam 
par sel ba'i mthus mi snang ngo / /de nas 'jam dpal gzhon nur gyur pa 'di snyam du gyur te/ bdag kyang lus thams cad sun 'byin pa'i ting nge 'dzin la mnyam par bzhag go/ /bdag gis kyang ting nge 'dzin de la mnyam par bzhag ste skyes bu dam pa sgrib pa thams cad 

</font><hr>63-1-219a<br><font size=+1>

rnam par sel ba de dang / byang chub sems dpa' de dag yongs su btsal bar bya'o snyam mo/ /de nas byang chub sems dpa' sgrib pa thams cad rnam par sel bas 'jam dpal gzhon nur gyur pa'i sems kyi rnam par rtog pa sems kyis shes nas bar snang la lus mi 
snang bar byas te/ 'jam dpal gzhon nur gyur pa la 'di skad ces smras so/ /'jam dpal de ji snyam du sems/ lus thams cad sun 'byin pa'i ting nge 'dzin ces bya ba gcig pu'o snyam du khyod de ltar ma lta shig /de ci'i phyir zhe na/ 'jam dpal rgya mtsho mching rnam chen po na chu'i 
phung po ji tsam yod pa de'i chu'i thigs pa ji snyed yod pa de snyed kyi lus thams cad sun 'byin pa'i ting nge 'dzin la nga mnyam par gzhog par yang byed ldang bar yang byed de/ khyod ni de dag gi ming tsam yang mi shes so/ /de nas 'jam dpal gzhon nur gyur pa 'di snyam du gyur te/ 
gal te bdag gis ting nge 'dzin de ma bsgrubs na bdag gis sngar sbyangs pa dag don med do snyam mo/ /de nas 'jam dpal gzhon nur gyur pas de'i tshe ji lta bu'i brtson 'grus kyis se gol gcig gis 'grub par 'gyur ba de 'dra ba'i brtson 'grus brtsams so/ /de nas de bzhin 
gshegs pa 'jug sred kyi rgyal pos byang chub sems dpa' de dag la bka' stsal pa/ rigs kyi bu dag ting nge 'dzin gang byang chub sems dpa' gzhan gyis bskal pa bye ba khrag khrig tu'ang grub par mi 'gyur ba de 'jam dpal gzhon nur gyur pas se gol gcig gis 
bsgrubs so/ /lhag pa'i bsam pa'i sbyangs pa'i khyad par la ltos/ de nas de bzhin gshegs pa 'jug sred kyi rgyal po la 'jam dpal gzhon nur gyur pas 'di skad ces gsol to/ /bcom ldan 'das 'khor 'di dag skyes bu dam pa de rnams dang / byang chub 
sems dpa' de mthong bar 'tshal na bstan par gsol/ byang chub sems dpa' sgrib pa thams cad rnam par sel ba la bka' stsal pa/ 'khor 'di dag khyod mthong bar 'dod kyis/ rigs kyi bu khyod kyis bdag gi lus ston cig /de nas byang chub sems 

</font><hr>63-1-219b<br><font size=+1>

dpa' sgrib pa thams cad rnam par sel bas bar snang de las babs te/ slar yang bcom ldan 'das kyi zhabs la mgo bos phyag 'tshal nas byang chub sems dpa' de dang 'grogs te/ lus mi snang bar byas nas 'jam dpal gzhon nur gyur pa la 'di skad ces smras so/ /nga mthong 
ngam/ 'jam dpal gyis smras pa/ ngas ma mthong ngo / /de nas de bzhin gshegs pa 'jug sred kyi rgyal pos byang chub sems dpa' sgrib pa thams cad rnam par sel ba la bka' stsal pa/ rigs kyi bu 'di dag dang / 'khor 'di khyod kyi lus mthong bar 'dod kyis rigs kyi bu khyod 
kyis bdag gi lus ston cig /de nas byang chub sems dpa' sgrib pa thams cad rnam par sel ba byang chub sems dpa' lnga 'bum de dag dang 'grogs te gzugs kyi lus yongs su rdzogs pas bdag gis lus ston to/ /de nas 'jam dpal gzhon nur gyur pas byang chub 
sems dpa' sgrib pa thams cad rnam par sel ba la smras pa/ rigs kyi bu khyod kyis sring mo 'di ting nge 'dzin 'di las slongs shig /smras pa/ 'jam dpal sring mo 'di ting nge 'dzin 'di las slongs shig ces de skad smras pa dang / ci 'di ming bslang bar bya'am/ 'on te 
gzugs dang / tshor ba dang / 'du shes dang / 'du byed dang / rnam par shes pa bslang bar bya/ 'jam dpal gzugs kyi rang bzhin ni mnyam par mi gzhog go/ /tshor ba'i rang bzhin dang / 'du shes dang / 'du byed dang / rnam par shes pa'i rang bzhin ni mnyam par yang mi 
gzhog ldang bar yang mi byed do/ /'jam dpal chos thams cad kyi rang bzhin gang yin pa de ni mnyam par yang mi gzhog /ldang bar yang mi byed na chos de gang zhig bslang bar bya/ 'jam dpal gal te sring mo 'di mnyam par gzhog par 'gyur na ni de'i phyir bslang bar 
bya na/ 'jam dpal sring mo 'dis ni cung zad kyang mnyam par bzhag pa med do/ /de ci'i phyir zhe na/ chos thams cad ni g.yo zhing byed pa med pa'i phyir ro/ /de nas de bzhin gshegs pa 'jug sred kyi rgyal pos byang chub sems dpa' sgrib pa thams cad rnam par sel 

</font><hr>63-1-220a<br><font size=+1>

ba la bka' stsal pa/ rigs kyi bu khyod kyis sring mo 'di ting nge 'dzin 'di las slong shig /gsol pa/ bcom ldan 'das bdag ni spyi brtol bgyid pa'i rngo mi thogs te/ de bzhin gshegs pas khyod kyis dge ba ni bcab par gyis shig ces bka' stsal pas de 
bzhin gshegs pa nyid kyis sring mo 'di bslang bar gsol/ bcom ldan 'das bdag gis ni sring mo 'di ting nge 'dzin 'di las bslang ba'i rngo yang thogs mod kyi de bzhin gshegs pa dag chos thams cad shes pa dang ston pa la mkhas pa lags kyis de bzhin gshegs pa nyid kyis 
sring mo 'di bslang bar gsol/ de nas de bzhin gshegs pa 'jug sred kyi rgyal pos ting nge 'dzin gyi sems las ldang byed ces bya ba'i ting nge 'dzin la mnyam par bzhag nas de bzhin gshegs pas mnyam par bzhag ma thag tu stong gsum gyi stong chen po'i 'jig rten gyi khams de 
na lha dang / klu dang / gnod sbyin dang / dri za dang / byang chub sems dpa' mnyam par gzhog pa ji snyed yod pa de dag thams cad langs par gyur to/ /sring mo de yang ting nge 'dzin de las langs par gyur te langs nas sa chen po rnam pa drug tu g.yo bar byas te steng gi bar snang la 'dug go/ 
yang de'i tshe lha'i bu brgya stong phrag du ma dag 'dus par gyur to/ /de nas sring mo de steng gi bar snang la 'dug pa des me tog ud pa la dang / ku mu da dang / pun da ri kas de bzhin gshegs pa'i sku la gtor to/ /de nas 'jam dpal gzhon nur gyur pas sring mo the tshom sel ba la 'di 
skad ces smras so/ /sring mo khyod de 'dra ba'i ting nge 'dzin zhi ba thob pa ngo mtshar to/ /smras pa/ 'jam dpal de skad ma gsung rnam par rtog pa la ma spyod cig /bdag ni zhi ba'i ting nge 'dzin thob pa ma lags so/ /de ci'i phyir zhe na/ sangs rgyas bcom ldan 'das kyi byang chub ni ma thob pas 
bskyed pa'o/ /'jam dpal gang na thob pa yod pa de na ni dmigs pa yang yod do/ /'jam dpal chos thams cad ni zhi ba rab tu zhi ba nye bar zhi ba ste zhi ba ni zhi bar mi bya'o/ /zhi ba ni mnyam par yang mi gzhog ldang bar yang mi byed do/ /smras pa/ sring mo de bzhin te/ ji skad smras pa bzhin mod kyi 

</font><hr>63-1-220b<br><font size=+1>

'on kyang khyod ni ting nge 'dzin rgya chen po thob pa ste/ khyod ni sil snyan gyi sgra chen po phyung bas kyang langs par ma gyur to/ /smras pa/ 'jam dpal ci chos kyi dbyings la mnyam par gzhog pa'am/ ldang ba mchis sam/ smras pa/ sring mo de ma lags so/ /smras pa/ 'jam 
dpal ci gang mnyam par ma bzhag pa de bslang bar nus sam/ smras pa/ de ma lags so/ /smras pa/ 'jam dpal gang dag la kha dog dang / mtshan dang / dbyibs dang / mtshan ma ma mchis pa de dag mnyam par gzhog gi /gang la kha dog ma mchis/ 
mtshan ma mchis/ dbyibs ma mchis/ mtshan ma ma mchis pa de dag gang du mnyam par gzhog ste/ 'jam dpal de dag ni rang bzhin gyis dus thams cad du mnyam par bzhag gi/ /de dag ni slar mnyam par mi gzhog /ldang bar mi byed do/ /de bas 
na 'jam dpal gson cig /'jam dpal 'di lta ste/ dper na lha dang mi'i sil snyan thams cad dkrol na ci yid du 'ong ba'i sgra 'byung ngam/ smras pa/ sring mo de bzhin no/ /'jam dpal ci nam mkha'i khams ni sil snyan 'di dag las yid du 'ong ba'i sgra 'byung 
ngo snyam du 'gyur ram/ smras pa/ sring mo de ma lags so/ /'jam dpal de bas na 'di la chos thams cad nam mkha' dang mtshungs na 'di la su zhig sgra thos par 'gyur/ gang la rnam par shes pa yod pa des thos su zad do/ /smras pa/ sring mo gang 
gis sgra thos par gyur pa'i rna ba khyod la med dam/ de nas sring mo de cang mi smra bar gyur nas/ smras pa/ sring mo ci'i phyir cang mi smra bar gyur/ smras pa/ mi thos so/ /smras pa/ ci'i phyir/ smras pa/ rna ba mi dmigs pa'i phyir ro/ /gzhan yang 
sring mo the tshom sel ba des/ 'jam dpal gzhon nur gyur pa la 'di skad ces smras so/ /'jam dpal 'di lta ste/ dper na rlung gi dkyil 'khor chen po zhig langs te shing chen po dag g.yo bar gyur kyang rlung ni sus kyang bltar mi nus la/ de yang rnam par 

</font><hr>63-1-221a<br><font size=+1>

mi rtog pa de dag kyang rnam par mi rtog ste/ rlung yang bdag gis shing dag bsgul bar bya'o snyam du de ltar mi sems so/ /shing dag kyang bdag cag ni rlung dag gis bsgul to snyam du mi sems so/ /'jam dpal de bzhin du byang chub sems dpa' shes 
rab kyi pha rol tu phyin pa la spyod pa rnam par rtog pa thams cad spangs pa yang bdag ni mnyam par gzhog pa dang ldang bar bya'o snyam du mi sems so/ /de ci'i phyir zhe na/ chos thams cad rang bzhin gyis dben pa'i phyir ro/ /'jam dpal gyis smras pa/ sring mo bar 
snang las bobs la de bzhin gshegs pa'i spyan sngar 'dug la shod cig /sring mo des smras pa/ 'jam dpal bdag gi spyod yul du mchis kyi/ bdag la gzhan gyi spyod yul ni mi 'tshal lo/ /smras pa/ sring mo khyod kyi bdag gi spyod yul gang yin smras 
pa/ 'jam dpal nam mkha'i dbyings ni sems can thams cad kyi spyod yul lo/ /de ci'i phyir zhe na/ sems can thams cad ni nam mkha' las 'gro zhing 'ong ste/ sems can gyi spyod pa de ji tsam pa de thams cad ni nam mkha' la spyod do/ /de bas na nam 
mkha' ni sems can thams cad kyi spyod yul te/ 'di lta ste/ nam mkha'i phyag rgya 'di ni chos thams cad kyi phyag rgya'o/ /de nas sring mo de steng gi bar snang las babs nas phyogs gcig tu pad mo la 'dug gi/ /de bzhin gshegs pa'i zhabs la mgo 
bos phyag kyang mi 'tshal/ tshig kyang mi smra'o/ /de nas 'jam dpal gzhon nur gyur pas sring mo de la 'di skad ces smras so/ /sring mo gang khyod ni de bzhin gshegs pa la phyag mi 'tshal bar 'dug ste gus pa ma yin no/ /smras pa/ 'jam dpal de bzhin 
te/ 'jam dpal bdag ni gus pa ma lags so/ /de ci'i phyir zhe na/ de ltar ci nas kyang byed pa yang med/ mi byed pa yang med pa de ltar bdag ma gus mod kyi/ 'jam dpal de bzhin nyid la phyag bgyi bar nus sam/ smras pa/ de ma lags so/ /

</font><hr>63-1-221b<br><font size=+1>

smras pa/ de bzhin gshegs pa la'ang phyag 'tshal bar mi nus so/ /de ci'i phyir zhe na/ de ltar de bzhin gshegs pa dang de bzhin nyid de ni gnyis su med de/ gnyis lta bur dbyer med pa'i phyir ro/ /yang smras pa/ 'jam dpal khyod kyis de bzhin gshegs pa mthong 
ngam/ smras pa/ mthong ngo / /smras pa/ ji ltar mthong / smras pa/ ji ltar rdul tsam yang ma mthong ba de ltar mthong ste de 'dra bar mthong ngo / /smras pa/ de ltar mthong na ci zhig mthong / smras pa/ de ltar mthong na cung zad kyang ma mthong ngo / /smras pa/ 'jam 
dpal gang khyod cung zad kyang ma mthong na ci khyod mig rtul lam/ smras pa/ bdag ni mig rtul ba yang ma yin/ mig lnga dang ldan pa'ang ma yin/ mig med pa yang ma yin no/ /de ci'i phyir zhe na/ sring mo mig ni ma skyes pa/ yang dag par ma skyes pa/ sgyu ma 
lta bu ste/ chos thams cad dngos po med pa'i phyir de ni dngos po'am/ dngos po med pa gang gis kyang bshad par mi bya'o/ /smras pa/ 'jam dpal ci chos thams cad dngos po med pa'am/ smras pa/ dngos po yod pa yang ma yin/ dngos po med pa yang ma 
yin no/ /smras pa/ 'jam dpal de bzhin du ji skad smras pa bzhin no/ /de nas 'jam dpal gzhon nur gyur pas sring mo de la 'di skad ces smras so/ /ci'i phyir na sring mo khyod bud med kyi lus las sgyur bar mi byed/ smras pa/ 'jam dpal de skad ma smra/ 
rnam par ma rtog shig /khyod kyis chos gang yang skyes pa'am/ bud med du gyur pa de mthong ngam/ smras pa/ de ma yin no/ /smras pa/ 'jam dpal ji snyam du sems/ gzugs skyes pa'am/ bud med yin nam/ smras pa/ ma yin no/ /tshor 
ba dang / 'du shes dang / 'du byed dang / rnam par shes pa skyes pa'am/ bud med yin nam/ smras pa/ ma yin no/ /'jam dpal de ji snyam du sems/ mig skyes pa'am/ bud med yin nam/ rna ba dang / sna dang / lce dang / lus dang / yid skyes pa'am/ bud 

</font><hr>63-1-222a<br><font size=+1>

med yin nam/ smras pa/ ma yin no/ /'jam dpal de ji snyam du sems/ sa'i khams skyes pa'am/ bud med yin nam/ smras pa/ ma yin no/ /chu'i khams dang / me'i khams dang / rlung gi khams dang / nam mkha'i khams dang / rnam par 
shes pa'i khams skyes pa'am/ bud med yin nam/ smras pa/ ma yin no/ /'jam dpal de ji snyam du sems/ yi ge gang dag gis bshad pa'i yi ge dag tu skyes pa'am/ bud med du dmigs sam/ smras pa/ de ni ma yin no/ /'jam dpal 'o na da 'jam 
dpal ji ltar na sring mo khyod ci'i phyir bud med kyi lus las bsgyur ba med ces de skad smra/ 'jam dpal gal te bdag bud med du dmigs sam/ skyes par mthong na ni bud med kyi lus de bor te skyes pa'i lus blang na/ 'jam dpal bdag ni bud med du'ang mi 
dmigs/ skyes par yang mi mthong na de ji ltar na bud med kyi lus las bsgyur bar bgyi/ 'jam dpal chos kyi dbyings ni 'byung bar yang mi 'gyur/ 'jig par yang mi 'gyur ro/ /de bzhin nyid dang / yang dag pa'i mtha' dang / stong pa nyid dang / nam 
mkha'i dbyings kyang 'byung bar mi 'gyur/ 'jig par yang mi 'gyur na/ de ji ltar na chos thams cad nam mkha' dang mtshungs pa la bud med kyi lus dor zhing skyes pa'i lus blang bar nus par 'gyur/ de ci'i phyir zhe na/ de bzhin gshegs pa ni blang ba'am/ 
mi blang ba'i phyir chos 'chad par mi 'gyur te/ yang 'jam dpal mig ni skyes pa ma yin/ bud med ma yin/ de bzhin du rna ba dang / sna dang / lce dang/ lus dang / yid skyes pa ma yin/ bud med ma yin no zhes de bzhin gshegs pas gsungs te/ 
chos gang skyes pa ma yin/ bud med ma yin pa de ni 'byung ba yang med/ 'jig pa yang med do/ /smras pa/ sring mo khyod kyis ji srid nas bla na med pa yang dag par rdzogs pa'i byang chub tu sems bskyed/ smras pa/ sgyu ma'i skyes bus ji srid nas rnam 

</font><hr>63-1-222b<br><font size=+1>

par shes pa'o/ /smras pa/ sgyu ma'i skyes bu yod dam/ smras pa/ de ma yin no/ /smras pa/ 'o na ci'i phyir na de skad smra/ khyod ci bzod pa skyes sam/ smras pa/ de ma yin no/ /smras pa/ 'o na ci'i phyir na 'chad par byed/ smras pa/ sgyu ma'i skyes bus ji 
srid nas byang chub tu sems bskyed pa de srid nas bdag gis byang chub tu sems bskyed do/ /de ci'i phyir zhe na/ chos thams cad sgyu ma lta bu yin pa'i phyir ro/ /yang ji srid nas khyod kyis byang chub tu sems bskyed ces de skad smras pa'i 'dri ba 'di ni tshul bzhin ma yin no/ /de ci'i phyir 
zhe na/ mi skye ba ni bskyed par mi nus/ dgag par mi nus/ gdags par mi nus/gang dgag tu med pa'i chos de ni skyed pa'am/ dgag par mi nus so/ /smras pa/ tshul bzhin du 'dri ba ni gang / tshul de ni gang / smras pa/ mi skye ba ni tshul te/ de 'dra 
bar 'di 'dra ba ni tshul bzhin du 'dri ba'o/ /yang sring mo khyod bzod pa skyes sam/ zhes de skad smra ba/ bdag ni bzod pa skyes pa yang ma lags/ bzod pa ma skyes pa yang ma lags so/ /de ci'i phyir zhe na/ bzod pa ni mi dmigs pa'i phyir bskyed par yang ma 
lags/ 'bri ba yang ma lags so/ /de bas na bdag bzod pa skyes pa yang ma lags/ bzod pa ma skyes pa yang ma lags so/ /sring mo byang chub sems dpa' don gang gi dbang mthong na/ bla na med pa yang dag par rdzogs pa'i byang chub la 'jug /smras pa/ 
'jam dpal sems can yongs su mya ngan las bzla ba'i phyir byang chub sems dpa' byang chub kyi phyir go cha bgo bar byed do/ /de ci'i phyir zhe na/ 'jam dpal chos thams cad thog ma nas mya ngan las 'das pa'i phyir ro/ /'das pa'i yang dag par rdzogs pa'i sangs 
rgyas rnams kyis kyang sems can gang yang yongs su mya ngan las ma bzlas ma byon pa rnams kyang yongs su mya ngan las zlo bar mi 'gyur/ da ltar bzhugs pa rnams kyang yongs su mya ngan las zlo bar mi mdzad do/ /de ci'i phyir zhe na/ sems can med pa'i phyir ro/ /

</font><hr>63-1-223a<br><font size=+1>

smras pa/ sring mo ci'i phyir sangs rgyas 'byung bar 'gyur/ 'jam dpal mi bya mi byed pa'i phyir sangs rgyas 'byung bar 'gyur ro/ /smras pa/ ci'i phyir/ smras pa/ 'di la cung zad kyang byar med do/ /smras pa/ sring mo ci'i phyir na rab tu 'byung 
ba dang bsnyen par rdzogs shing dge slong gi dngos por 'gyur/ smras pa/ mtshams med pa lnga yongs su rdzogs par bya ba'i phyir ro/ /smras pa/ sring mo de su zhig yid ches par 'gyur/ smras pa/ gang dag ye shes ma skyes pa mi 'jig pa'o/ /smras pa/ 
de la su zhig mos par 'gyur/ smras pa/ gang mos pa'o/ /sring mo mos pa la yon tan ci zhig yod/ smras pa/ 'jam dpal mos pa la ni rnam par grol ba'i yon tan mchis so/ /smras pa/ sring mo khyod thogs pa med pa'i yon tan dang ldan pa ngo mtshar to/ /
smras pa/ 'jam dpal dmigs pa la ma spyod cig /'jam dpal gang du'ang chags pa yod dam ci na/ de'i phyir bdag la khyod ni ma thogs pa'i spobs pa dang ldan no zhes smra/ smras pa/ de ma yin no/ /de bas na bdag ni thogs pa med pa'i spobs pa dang ldan 
pa ma yin no/ /smras pa/ sring mo gang spobs pa zhes bya ba de ci la spobs pa zhes bya/ smras pa/ gang dag gis rtogs pa de dag la ni spobs pa yod do/ /smras pa/ gang du rtogs/ smras pa/ gang du yang ma rtogs pas de'i phyir rtogs pa'o/ /chos kyi dbyings 
dang / de bzhin nyid dang / yang dag pa'i mtha' ma rtogs pas de'i phyir rtogs pa zhes bya'o/ /'jam dpal yang gang dag gis ma rtogs pa bdag gis rtogs pa'o/ /smras pa/ gang du ma rtogs/ smras pa/ khams gsum du ma rtogs pa ste/ gang dag gis 
khams gsum du ma rtogs pa de ni khong du ma chud pas rtogs so/ /smras pa/ sring mo khyod kyis ji srid nas byang chub mngon par rdzogs par 'tshang rgya bar 'gyur/ smras pa/ gang gi tshe na de bzhin gshegs pa 'jug sred kyi rgyal po byang chub mngon par rdzogs par 'tshang 

</font><hr>63-1-223b<br><font size=+1>

rgya bar 'gyur ba de'i tshe na bdag kyang byang chub mngon par rdzogs par 'tshang rgya bar 'gyur mod kyi/ 'jam dpal byang chub la mngon par 'tshang rgya ba'am/ thob par nus sam/ de nas 'jam dpal gzhon nur gyur pa cang mi smra bar gyur pa dang / sring mo des 'di skad ces smras so/ /'jam 
dpal cang mi smra bar bya ba dus la ma bab kyis shod cig /'jam dpal gyis smras pa/ sring mo byang chub ni bshad du med na de'i phyir ci bshad ma 'tshal to/ /de nas de bzhin gshegs pa 'jug sred kyi rgyal po la 'jam dpal gzhon nur gyur pas 'di skad ces gsol to/ /bcom 
ldan 'das sring mo 'di ye shes bsam gyis mi khyab pa dang ldan zhing 'di 'dra ba'i bstan pa ston par bgyid/ bgyid pa ngo mtshar na/bcom ldan 'das sring mo 'dis yun ji srid nas bla na med pa yang dag par rdzogs pa'i byang chub tu sems bskyed/ ji srid nas byang chub mngon 
par rdzogs par 'tshang rgya bar 'gyur/ 'di sangs rgyas kyi zhing ji lta bur 'gyur/ 'di'i ming cir 'gyur/ bcom ldan 'das kyis bka' stsal pa/ sring mo 'dis byang chub kyi phyir spyad nas bskal pa grangs med pa bye ba khrag khrig brgya phrag stong gi phrag dgu bcu rtsa dgu 'das 
pa dang / de'i 'og tu khyod kyis byang chub tu sems bskyed do/ /'jam dpal gyis gsol pa/ sring mo 'dis gang gi drung du byang chub tu sems bskyed pa'i de bzhin gshegs pa de'i mtshan ci lags/ bka' stsal pa/ 'jam dpal de bzhin gshegs pa dkon mchog 
'byung ba zhes bya ba zhig byung ste/ 'dis de bzhin gshegs pa dkon mchog 'byung ba'i drung du byang chub tu sems bskyed do/ /de'i sangs rgyas kyi zhing gi yon tan bkod par gyur pa de dag bskal pa gang gA'i klung gi bye ma snyed du bshad kyang cha tsam yang bshad par mi 'gyur te/ sring 
mo 'dis ni der byang chub tu sems bskyed do/ /gsol pa/ ci bud med du gyur pa lags sam/ bka' stsal pa/ de ni ma yin te/ 'di ni de'i tshe de'i dus na/ 'khor los sgyur ba'i rgyal po sgra dang bral ba zhes bya bar gyur te/ 'jam dpal sring mo 'di la ni bud med 

</font><hr>63-1-224a<br><font size=+1>

ces kyang mi bya/ skyes pa zhes kyang mi bya'o/ /sring mo 'di ni sgyu ma lta bu'i ting nge 'dzin thob pa ste/ de ji ltar 'dod pa ltar bdag gi lus sprul par byed do/ /'jam dpal sring mo 'di ni stong gsum gyi stong chen po'i 'jig rten gyi khams na rdul dang / yal ga 
dang / 'dab ma ji snyed yod pa de snyed kyi bskal pa grangs med pa brgya phrag stong gis bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur te/ kun tu snang ba sbyin pa zhes bya ba'i de bzhin gshegs pa sangs rgyas bcom ldan 'das yon tan gyi tshogs 
chen pos brgyan pa'i sangs rgyas kyi zhing du 'byung bar 'gyur te/ bcom ldan 'das de bzhin gshegs pa dkon mchog 'byung ba'i sangs rgyas kyi zhing ci 'dra bar gyur pa 'di yang de bzhin te/ lhag pa med/ chad pa med do/ /de nas de bzhin gshegs pa 'jug sred kyi 
rgyal po la byang chub sems dpa' sgrib pa thams cad rnam par sel bas 'di skad ces gsol to/ /bcom ldan 'das 'jam dpal gzhon nur gyur pa 'di ni bgyid pa dang / bgyi ba mang ste/ 'das pa dang / ma 'ongs pa'i chos rnams la yang rnam par rtogs par bgyid do/ /
'jam dpal gyis smras pa/ rigs kyi bu de bzhin te/ ji skad smras pa bzhin no/ /de ltar bdag ni byed pa mang ba ste/ de dag ni chos kyi dbyings mi zad pa'i phyir byed pa zad par mi 'gyur ro/ /de nas de bzhin gshegs pa 'jug sred kyi rgyal pos 'jam dpal gzhon 
nur gyur pa la 'di skad ces bka' stsal to/ /'jam dpal khyod byang chub sems dpa' sgrib pa thams cad rnam par sel ba dang ma rtsod cig /de ci'i phyir zhe na/ rigs kyi bu 'di ni spobs pa dang / 'dri ba bsam gyis mi khyab pa dang ldan pa yin te/ byang chub sems 
dpa' sgrib pa thams cad rnam par sel ba mnyam par bzhag pa gang la mnyam par gzhog pa dang ldan par byed pa'i ting nge 'dzin dang / mnyam par gzhog pa de dag gi ming tsam yang khyod kyis mi shes so/ /de nas 'khor de na byang chub sems dpa' las thog ma 

</font><hr>63-1-224b<br><font size=+1>

bdag 'di snyam du gyur te/ kye ma'o byang chub sems dpa' sgrib pa thams cad rnam par sel ba de ni de bzhin gshegs pa rnams kyis bsngags par 'gyur ro snyam mo/ /de nas bcom ldan 'das kyis byang chub sems dpa' de dag gi sems sems kyis mkhyen nas/ byang chub sems 
dpa' sems shin tu dul ba zhes bya ba la bka' stsal pa/ rigs kyi bu stong gsum gyi stong chen po'i 'jig rten gyi khams na sems can ji snyed pa de dag thams cad 'jam dpal 'dra bar gyur du zin kyang sring mo 'di'i ting nge 'dzin gyi mthu dang / rnam par 'phrul pa dang / cho 'phrul 
dang / ye shes kyi brgya phrag stong gi char yang mi phod do/ /ting nge 'dzin gang dag la sring mo 'di mnyam par gzhog pa dang ldang bar byed pa'i ming yang 'jam dpal gyis mi shes so/ /rigs kyi bu gal te stong gsum gyi stong chen po'i 'jig rten gyi khams na/ sems can 
ji snyed yod pa de dag thams cad ting nge 'dzin gyi mthu dang ye shes dang mnyam par gzhog pas the tshom sel ba dang 'dra bar gyur du zin kyang / de dag thams cad kyis byang chub sems dpa' sgrib pa thams cad rnam par sel ba'i ting nge 'dzin dang / ye shes dang / stobs dang / rnam 
par 'phrul pa'i brgya phrag stong gi char yang mi phod de/ byang chub sems dpa' sgrib pa thams cad rnam par sel ba gang la mnyam par gzhog cing ldang bar byed pa'i ting nge 'dzin de dag gi ming tsam yang sring mo 'dis mi shes so/ /rigs kyi bu gal te sems can thams cad ting nge 
'dzin dang / ye shes dang mnyam par gzhog pas sgrib pa thams cad rnam par sel ba dang 'dra bar gyur te ye shes de dang ldan du zin kyang de bzhin gshegs pa'i gom pa 'dor ba yang mi shes te rmongs par 'gyur zhing / de bzhin gshegs pa'i zhabs gom pa ji ltar 'dor/ ji 
ltar 'jog mi shes par 'gyur te/ rigs kyi bu de ltar sangs rgyas kyi ye shes ni bsam gyis mi khyab bo/ /sangs rgyas kyi ye shes bsam gyis mi khyab pa bstan pa 'di ston pa'i tshe/ srog chags brgya stong phrag bdun cu bla na med pa yang dag par rdzogs pa'i byang chub 

</font><hr>63-1-225a<br><font size=+1>

tu sems bskyed nas/ bdag cag kyang ye shes de dang ldan par gyur cig ces de skad kyi tshig kyang smras so/ /de nas bcom ldan 'das kyis byang chub sems dpa' sems shin tu dul ba la bka' stsal pa/ rigs kyi bu sring mo 'dis ni 'jam dpal gzhon nur gyur pa 
byang chub tu sems bskyed du bcug ste/ 'jam dpal gzhon nur gyur pa ji lta ba de dang 'dra ba'i byang chub sems dpa' shar phyogs na gang gA'i klung gi bye ma snyed yod pa de bzhin du lho phyogs dang / nub phyogs dang / byang phyogs dang / phyogs bcu na yod do/ /rigs kyi bu byang 
chub sems dpa' sgrib pa thams cad rnam par sel ba 'dis sring mo 'di byang chub tu sems bskyed du bcug ste/ sring mo 'di ji lta ba de dang 'dra ba'i byang chub sems dpa' gang gA'i klung gi bye ma snyed rigs kyi bu 'dis ni shar phyogs su byang chub tu sems bskyed du bcug go/ /phyogs 
bcu kun gyi bar du'ang de bzhin no/ /rigs kyi bu nga nyid da ltar bla na med pa yang dag par rdzogs pa'i byang chub mngon par rdzogs par sangs rgyas shing de bzhin gshegs pa chos kyi 'khor lo bskor ba mthong ngam/ rigs kyi bu nga yang 'das pa'i dus na de bzhin gshegs pa 
ri rab rgyal mtshan gyi gsung rab las byang chub sems dpa' sgrib pa thams cad rnam par sel bas byang chub tu sems bskyed du bcug ste/ nga ji lta ba de 'dra ba'i de bzhin gshegs pa gang gA'i klung gi bye ma snyed phyogs bcur byang chub tu sems bskyed du bcug ste/ de dag 
da ltar bzhugs so/ /'tsho gzhes so/ /dpag tu med pa de dag kyang yongs su mya ngan las 'das so/ /tshig de gsungs ma thag tu de nas stong gsum gyi stong chen po'i 'jig rten gyi khams rnam pa drug tu g.yos so/ /chos kyi rnam grangs 'di bshad pa'i tshe kun tu 
'od kyi 'jig rten gyi khams der byang chub sems dpa' khrag khrig phrag dgu bcu rtsa gnyis mi skye ba'i chos la bzod pa thob par gyur to/ /'jig rten gyi khams 'dir yang sems can bsam pa yongs su dag pa rnams kyi rna ba'i dbang po la chos kyi rnam grangs 

</font><hr>63-1-225b<br><font size=+1>

grags par gyur to/ /byang chub sems dpa' byams pas kyang ma lhag ma chad par kun bzung ngo / /'jig rten gyi khams 'dir yang chos kyi rnam grangs 'di thos nas srog chags bye ba drug cu rtsa bzhi bla na med pa yang dag par rdzogs pa'i byang chub tu sems skyes so/ /byang chub 
sems dpa' stong phrag bdun cus ni mi skye ba'i chos la bzod pa rab tu thob bo/ /dge slong stong phrag bcu bzhis ni zag pa las ma lus par sems rnam par grol lo/ /dge slong ma lnga stong dang / lha dang mi'i skye dgu sems can khrag khrig phrag drug cu rtsa drug ni chos la chos 
kyi mig rdul med cing dri ma dang bral ba rnam par dag go/ /de nas bcom ldan 'das shAkya thub pa de bzhin gshegs pas byang chub sems dpa' byams pa la bka' stsal pa/ ma pham pa khyod kyis chos kyi rnam grangs 'di long shig /gzhan la yang rgya cher shod cig /
gsol pa/ bcom ldan 'das bdag gis chos kyi rnam grangs 'di blangs lags so/ /bcom ldan 'das kyis bka' stsal pa/ ma pham pa ci nas kyang chos kyi rnam grangs 'di phyi ma'i dus phyi ma'i tshe spyod par 'gyur bar khyod la gtad do/ /ma pham pa gal te byang 
chub sems dpa' da ltar phyogs bcu'i 'jig rten na de bzhin gshegs pa dgra bcom pa yang dag par rdzogs pa'i sangs rgyas bzhugs pa 'tsho ba/ gzhes pa ji snyed pa dang / gang ma 'ongs pa'i dus na spyad pa spyod pa dang / spyod par 'gyur ba dang / yongs su brtag 
pa bzung na sems can thams cad kyang bla na med pa yang dag par rdzogs pa'i byang chub mngon par rdzogs par sangs rgyas shing stobs bcu dang ldan par 'gyur/ gang de bzhin gshegs pa yongs su mya ngan las 'das pa de dag kyang yongs su brtag pa bzung na/ nyan thos dang 
rang sangs rgyas dang bcas te slar zhugs par gyur la/ de snyed kyi de bzhin gshegs pa mang po la phyi ma'i mthar thug gi bar du bde ba'i yo byad thams cad kyis bkur sti byas/ rim gro byas/ bsti stang byas/ mchod pa byas shing yongs su mya ngan las 'das 

</font><hr>63-1-226a<br><font size=+1>

nas kyang yun de srid du mchod pa byas na byang chub sems dpa' bsod nams mang du 'phel bar 'gyur ram/ ma pham pas gsol pa/ bcom ldan 'das bdag gis dpe 'di thos nas sems kyang rmongs par 'gyur te/ de ltar bsod nams kyi phung po dpag 
tu ma mchis par 'gyur ro/ /bcom ldan 'das kyis bka' stsal pa/ ma pham pa gang chos kyi rnam grangs 'di len par byed/ 'dzin par byed/ klog par byed/ kun chub par byed/ gzhan la yang rgya cher ston par byed cing chung ngu na thos nas mos par byed pa'i byang chub sems 
dpa' de ni de bas kyang shin tu bsod nams mang du 'phel bar 'gyur ro/ /ma pham pa nga da mya ngan las 'das nas gang bud med la la zhig gis sring mo the tshom sel ba de'am/ byang chub sems dpa' sgrib pa thams cad rnam par sel ba de'am/ de bzhin gshegs pa 'jug 
sred kyi rgyal po de'i mtshan thos sam/ chung ngu na chos kyi rnam grangs 'di thos na/ de nyid de'i lus tha mar gyur te/ bla na med pa yang dag par rdzogs pa'i byang chub tu yang myur du mngon par rdzogs par 'tshang rgya bar 'gyur ro/ /tshe 'das nas kyang sangs rgyas 'byung ba mnyes par 
byed par 'gyur ro/ /mi khom pa brgyad kyang yongs su spong bar 'gyur ro/ /tshe rabs kyang dran par 'gyur ro/ /gzungs kyang thob par 'gyur ro/ /skyes bu chen po'i mtshan sum cu rtsa gnyis kyang thob par 'gyur ro/ /gzhan yang mngal du mi gnas par 'gyur ro/ /de ci'i 
phyir zhe na/skyes bu dam pa de dag ni bud med gang dag bdag cag gi ming thos pa de yon tan 'di dag dang ldan par gyur cig ces smon lam 'debs pa'i phyir ro/ /bcom ldan 'das dgyes shing de skad ces bka' stsal pa dang / byang chub sems dpa' sems dpa' chen po ma pham pa dang / lha 
dang / mi dang / lha ma yin dang / dri zar bcas pa'i 'jig rten bcom ldan 'das kyis bka' stsal pa la mngon par dga'o/ /sangs rgyas bgro ba zhes bya ba theg pa chen po'i mdo rdzogs so// //lo ts+tsha ba ban de dpal dbyangs dang dpal brtsegs kyis bsgyur cing zhus// //

</font><hr>

</table>