D24

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>D24</h1><td>(<a href="https://adarsha.dharma-treasure.org/kdbs/degekangyur" target="new2">e-text produced by ADARSHA</a>)<br><br><a href="verif2.php?id=D24&coll=derge">see text in Tibetan script</a></table>34-1-148a<br><font size=+1>
@##/ /rgya gar skad du/ Ar+ya sap+ta sha ti kA nA ma pradz+nyA pA ra mi tA ma hA yA na sU tra/ bod skad du/ 'phags pa shes rab kyi pha rol tu phyin pa bdun brgya pa zhes bya ba theg pa chen po'i mdo/bam po dang po/ sangs rgyas dang byang chub sems dpa' thams cad la phyag 'tshal lo/ /'di 
skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na dge slong stong tham pa'i dge slong gi dge 'dun chen po dang thabs cig tu bzhugs so/ /byang chub sems dpa' sems dpa' chen po go cha chen 
po bgos pa sa ya thams cad kyang bla na med pa yang dag par rdzogs pa'i byang chub las phyir mi ldog pa sha stag la 'di lta ste/ 'jam dpal gzhon nur gyur pa dang/ byams pa dang/ spobs pa thogs med dang/ brtson pa mi 'dor dang/ de dag la sogs pa byang chub sems 
dpa' sa ya dang yang thabs cig go/ /de nas 'jam dpal gzhon nur gyur pa de bzhin gshegs pa la blta ba dang/ phyag bya ba dang/ bsnyen bkur bya ba'i phyir skya rengs shar ba'i dus kyi tshe rang gi gnas nas byung ste/ de bzhin gshegs pa'i pho brang gi sgo ga la ba der song nas phyin 
pa dang pho brang gi sgo'i phyi rol na 'dug go/ /de nas tshe dang ldan pa sha ra dwa ti'i bu yang bcom ldan 'das la blta ba dang phyag bya ba dang/ bsnyen bkur bya ba'i phyir rang gi gnas nas byung ste/ de bzhin gshegs pa'i pho brang ga la ba der song ngo / /de nas tshe dang ldan pa byams ma'i bu gang po dang/ 
tshe dang ldan pa maud gal gyi bu chen po dang/ tshe dang ldan pa 'od srung chen po dang/ tshe dang ldan pa kA t+yA'i bu chen po dang/ tshe dang ldan pa gsus po che dang/ de dag thams cad dang gzhan yang nyan thos chen po rnams rang rang gi gnas nas byung ste/ bcom ldan 'das kyi pho brang ga la ba der 
dong nas phyin pa dang phyogs gcig tu 'khod do/ /de nas bcom ldan 'das kyis nyan thos chen po rnams 'ongs shing lhags te 'dus par mkhyen nas bdag gi pho brang nas byung ste pho brang gi phyi rol phyogs gcig tu gdan bting ba la bzhugs so/ /bzhugs nas kyang bcom ldan 'das </font><hr>34-1-148b<br><font size=+1>
kyis mkhyen bzhin du tshe dang ldan pa sha ra dwa ti'i bu la bka' stsal pa/ sha ra dwa ti'i bu khyod ci'i phyir zhogs pas 'ongs te de bzhin gshegs pa'i pho brang gi sgo na 'dug /de skad ces bka' stsal pa dang/ bcom ldan 'das la tshe dang ldan pa sha ra dwa ti'i bus 'di skad ces gsol to/ /
bcom ldan 'das thams cad kyi thog ma nyid du 'jam dpal gzhon nur gyur pa de bzhin gshegs pa'i pho brang gi chab sgor mchis so/ /bdag ni bcom ldan 'das la blta bar 'tshal ba'i slad du slad kyis mchis so/ /de nas bcom ldan 'das kyis mkhyen bzhin du 'jam 
dpal gzhon nur gyur pa la bka' stsal pa/ 'jam dpal khyod de bzhin gshegs pa la blta ba dang phyag bya ba dang bsnyen bkur bya ba'i phyir thams cad kyi thog ma nyid du de bzhin gshegs pa'i pho brang gi sgor 'dug pa bden nam/ de skad ces bka' stsal pa dang/ bcom ldan 'das la 
'jam dpal gzhon nur gyur pas 'di skad ces gsol to/ /bcom ldan 'das de de lta lags/ bde bar gshegs pa de de lta lags te/ bdag de bzhin gshegs pa la blta ba dang phyag bgyi ba dang/ bsnyen bkur bgyi ba'i slad du thams cad kyi thog ma nyid rang gi gnas nas 
byung ste/ de bzhin gshegs pa'i pho brang ga la ba der mchis nas phyogs gcig tu mchis so/ /de ci'i slad du zhe na/ bcom ldan 'das 'di ltar bdag ni de bzhin gshegs pa la blta ba dang/ phyag bgyi ba dang bsnyen bkur bgyi bas ma ngoms pa'i slad du'o/ /bcom ldan 
'das 'di ltar bdag de bzhin gshegs pa la blta ba dang phyag bgyi ba dang bsnyen bkur bgyi ba'i slad du mchis pa de yang sems can thams cad kyi don gyi slad du ste/ bcom ldan 'das gal te de bzhin gshegs pa la blta ba dang phyag bgyi ba dang bsnyen bkur bgyi ba ji ltar bdag gis mthong ba dang ji ltar ba dag phyag bgyid pa dang ji ltar bdag bsnyen bkur bgyid pa de ltar blta bar bgyi'o/ /de ltar phyag bgyi'o/ /de ltar bsnyen bkur bgyi'o/ /de lta na de bzhin gshegs pa mthong ba nas bsnyen bkur bgyis pa'i bar du 'gyur ro/ /bcom ldan 'das bdag ni sems </font><hr>34-1-149a<br><font size=+1>
can thams cad kyi slad du de bzhin gshegs pa la blta ba lags so/ /bcom ldan 'das kyis bka' stsal pa/ 'jam dpal de bzhin gshegs pa la ji ltar blta/ 'jam dpal gyis gsol pa/ mi dmigs pa'i tshul gyis de bzhin nyid kyi rnam pa dang rnam par 
mi rtog pa'i rnam par de bzhin gshegs pa la blta bar bgyi'o/ /de bzhin du de bzhin gshegs pa la mi skye ba'i rnam par blta ba nas dngos po ma mchis pa'i bar du de bzhin gshegs pa la blta bar bgyi'o/ /de bzhin nyid la kun nas 'byung ba ma mchis te/ de ltar de bzhin 
gshegs pa la blta bar bgyi'o/ /de bzhin nyid ni 'byung ba yang ma lags 'jig pa yang ma lags te/ de ltar de bzhin gshegs pa la blta bar bgyi'o/ /de bzhin nyid ni yul na mi gnas phyogs na mi gnas te de ltar de bzhin gshegs pa la blta bar bgyi'o/ /de bzhin 
nyid ni 'das pa la ma lags/ ma 'ongs pa la ma lags/ da ltar byung ba la ma lags te/ de ltar de bzhin gshegs pa la blta bar bgyi'o/ /de bzhin nyid ni gnyis kyis rab tu phye ba ma lags/ gnyis su ma mchis pas rab tu phye ba yang ma lags te/ de ltar de bzhin 
gshegs pa la blta bar bgyi'o/ /de bzhin nyid ni kun nas nyon mongs par 'gyur ba ma lags/ rnam par byang bar 'gyur ba ma lags te/ de ltar de bzhin gshegs pa la blta bar bgyi'o/ /de bzhin nyid ni mi skye mi 'gag pa ste/ de ltar de bzhin gshegs pa la blta bar 
bgyi'o/ /de lta na de bzhin gshegs pa mthong ba dang phyag bgyis pa dang/ bsnyen bkur bgyis par 'gyur ro/ /de skad ces gsol pa dang/ bcom ldan 'das kyis 'jam dpal gzhon nur gyur pa la 'di skad ces bka' stsal to/ /'jam dpal khyod kyis de ltar bltas na ci zhig 
mthong/ 'jam dpal gyis gsol pa/ bcom ldan 'das bdag gis de ltar bltas na/ ci yang mthong ba ma mchis so/ /bcom ldan 'das de bzhin du bdag gis chos gang la yang skye ba yang ma mthong/ 'gog pa yang ma mthong ngo/ /de nas tshe dang ldan pa sha ra dwa ti'i bus </font><hr>34-1-149b<br><font size=+1>
'jam dpal gzhon nur gyur pa la 'di skad ces smras so/ /'jam dpal khyod kyis de bzhin gshegs pa la de ltar mthong ba dang/ de ltar bsnyen bkur byas pa gang yin pa dang/ khyod kyi byams pa chen po sems can thams cad la nye bar gnas kyang khyod la sems can du dmigs 
pa dang/ sems can du mngon par zhen pa ci yang med cing sems can thams cad yongs su mya ngan las 'da' ba'i phyir zhugs kyang khyod la sems can du mngon par zhen pa gang yang mi 'byung ba dang/ khyod mi dmigs pa'i+i tshul dang dngos po med pa'i tshul dang sgyid lug pa med 
pa'i tshul gyis sems can thams cad kyi ched du go cha bgos pa de ni khyod dka' ba byed pa'o/ /de skad ces smras pa dang/ 'jam dpal gzhon nur gyur pas/ tshe dang ldan pa sha ra dwa ti'i bu la 'di skad ces smras so/ /btsun pa sha ra dwa ti'i bu ji skad smras pa de de bzhin te/ 
sems can thams cad yongs su mya ngan las 'da' ba'i phyir go cha 'di yang bgos te/ bdag la sems can du dmigs pa'am/ sems can la mngon par zhen pa gang yang med do/ /btsun pa sha ra dwa ti'i bu go cha de ni 'di ltar bdag gis sems can gyi khams bri ba'am gang 
bar bya zhes de ltar ma bgos so/ /btsun pa sha ra dwa ti'i bu yongs su brtag pa nye bar bzung ste/ gal te sangs rgyas kyi zhing re re na gang gA'i klung gi bye ma snyed kyi sangs rgyas bcom ldan 'das rnams bzhugs shing de bzhin gshegs pa de dag so so nas nyin mtshan du chos ston te/ 
gang gA'i klung gi bye ma snyed kyi bskal par bzhugs par gyur la/ gang gA'i klung gi bye ma snyed kyi sangs rgyas bcom ldan 'das rnams kyi chos bstan pa re res sems can ji snyed btul ba de snyed kyi sems can de bzhin gshegs pa re res chos bstan pa re res btul bar gyur du 
zin kyang sems can gyi khams la bri ba'am gang bar mngon pa med do/ /de ci'i phyir zhe na/ sems can dben pa dang/ sems can sems can ma yin pa'i phyir te/ btsun pa sha ra dwa ti'i bu sems can gyi khams ni bri ba'am gang bar mi mngon no/ /de skad ces smras pa dang/</font><hr>34-1-150a<br><font size=+1>
tshe dang ldan pa sha ra dwa ti'i bus 'jam dpal gzhon nur gyur pa la 'di skad ces smras so/ /'jam dpal gal te sems can dben pa dang/ sems can sems can ma yin pa'i phyir sems can gyi khams bri ba dang gang bar mi mngon na/ 'o na byang chub mngon par 
rdzogs par sangs rgyas nas su la chos ston/ de skad ces smras pa dang/ 'jam dpal gzhon nur gyur pas tshe dang ldan pa sha ra dwa ti'i bu la 'di skad ces smras so/ /btsun pa sha ra dwa ti'i bu gang gi tshe sems can shin tu mi dmigs pa de'i tshe su zhig mngon par rdzogs par 'tshang 
rgya su la chos bstan par bya/ de ci'i phyir zhe na/ btsun pa sha ra dwa ti'i bu 'di ltar chos thams cad shin tu mi dmigs pa'i phyir ro/ /de nas bcom ldan 'das kyis 'jam dpal gzhon nur gyur pa la 'di skad ces bka' stsal to/ /'jam dpal gang gi tshe chos thams cad shin tu mi 
dmigs pa de'i tshe ci sems can du yang 'dogs sam/ yang gal te 'jam dpal khyod la 'ga' zhig sems can ji snyed yod ces de skad 'dri na/ de la khyod kyis ji skad bya/ 'jam dpal gyis gsol pa/ bcom ldan 'das de skad 'dri ba de la bdag gis 'di skad du sangs rgyas kyi 
chos ji snyed pa de snyed do zhes bgyi'o/ /bcom ldan 'das gal te yang sems can gyi khams kyi tshad ji tsam zhes 'dri na/ de skad 'dri ba de la bdag gis 'di skad du sangs rgyas kyi yul gyi tshad ji tsam mo zhes bgyi'o/ /bcom ldan 'das kyis bka' stsal pa/ 'jam dpal 
khyod gal te yang la la zhig 'di skad du sems can gyi khams gang du gtogs zhes 'dri na de la khyod kyis ji skad bya/ 'jam dpal gyis gsol pa/ bcom ldan 'das de skad 'dri ba de la bdag gis 'di skad du skye ba med pa bsam gyis mi khyab pa gang du gtogs par gtogs so zhes 
bgyi'o/ /bcom ldan 'das kyis bka' stsal pa/ 'jam dpal gal te yang la la zhig khyod la 'di skad du/ sems can gyi khams ci la gnas zhes 'dri na/ de la khyod kyis ji skad bya/ 'jam dpal gyis gsol pa/ bcom ldan 'das de skad 'dri ba de la bdag gis </font><hr>34-1-150b<br><font size=+1>
'di skad du/ skye ba med pa'i khams ci la gnas pa de la sems can gyi khams kyang gnas so zhes bgyi'o/ /bcom ldan 'das kyis bka' stsal pa/ 'jam dpal khyod gang gi tshe shes rab kyi pha rol tu phyin pa sgom pa de'i tshe/ ci la gnas te shes rab kyi pha rol tu phyin pa 
sgom/ 'jam dpal gyis gsol pa/ bcom ldan 'das gang gi tshe bdag shes rab kyi pha rol tu phyin pa sgom pa de'i tshe mi gnas par shes rab kyi pha rol tu phyin pa sgom lags so/ /bcom ldan 'das kyis bka' stsal pa/ 'jam dpal mi gnas pa la shes rab 
kyi pha rol tu phyin pa la sgom du yang ci yod/ 'jam dpal gyis gsol pa/ bcom ldan 'das gang ci la yang mi gnas pa de nyid shes rab kyi pha rol tu phyin pa sgom pa lags so/ /bcom ldan 'das kyis bka' stsal pa/ 'jam dpal khyod gang gi tshe shes rab kyi pha rol 
tu phyin pa la sgom pa de'i tshe khyod kyis dge ba'i rtsa ba 'phel ba'am 'bri bar 'gyur/ 'jam dpal gyis gsol pa/ bcom ldan 'das de'i tshe bdag gi dge ba'i rtsa ba 'phel ba'am/ 'bri bar 'gyur ba ci yang ma mchis so/ /bcom ldan 'das gang las chos 
'ga' zhig 'phel ba'am 'bri ba mchis na/ de ni shes rab kyi pha rol tu phyin pa sgom pa ma lags te/ bcom ldan 'das gang yang chos 'ga' zhig 'phel ba'i slad du'am/ 'bri ba'i slad du nye bar gnas pa de ni shes rab kyi pha rol tu phyin pa sgom pa ma lags par rig par 
bgyi'o/ /bcom ldan 'das gang so so'i skye bo'i chos rnams kyang mi spong la sangs rgyas kyi chos rnams kyang mi len pa de ni shes rab kyi pha rol tu phyin pa sgom pa lags so/ /de ci'i slad du zhe na/ bcom ldan 'das 'di ltar shes rab kyi pha rol tu phyin pa sgom pa ni chos gang spong ba 
'am blang bar dmigs pas chos gang la yang mi gnas pa'i slad du'o/ /bcom ldan 'das gang 'khor ba'i skyon du yang mi mchi la/ mya ngan las 'das pa'i yon tan du yang mi mchi ba de shes rab kyi pha rol tu phyin pa sgom pa lags so/ /de ci'i slad du zhe na/ bcom ldan </font><hr>34-1-151a<br><font size=+1>
'das 'di ltar 'khor ba nyid kyang mi mthong na 'khor ba'i skyon lta smos kyang ci 'tshal/ mya ngan las 'das pa nyid mi dmigs na mya ngan las 'das pa'i yon tan lta smos kyang ci 'tshal te/ bcom ldan 'das gang chos gang la yang blang ba'am gzung ba'am dor ba 
ma mchis pa de shes rab kyi pha rol tu phyin pa sgom pa lags so/ /bcom ldan 'das gang chos gang la yang 'grib pa dang 'phel ba mi dmigs pa de shes rab kyi pha rol tu phyin pa sgom pa lags so/ /de ci'i slad du zhe na/ bcom ldan 'das skye ba ma mchis pa la 'grib pa dang 'phel 
ba ma mchis pa'i slad du'o/ /bcom ldan 'das gang de ltar sgom pa de shes rab kyi pha rol tu phyin pa sgom pa lags so/ /bcom ldan 'das gang chos gang yang skye ba'am 'gag par mi bgyid pa de shes rab kyi pha rol tu phyin pa sgom pa lags so/ /bcom ldan 'das gang chos gang la 
yang 'grib pa'am rgyas par mi bgyid pa de shes rab kyi pha rol tu phyin pa sgom pa lags te/ bcom ldan 'das gang de ltar sgom pa de shes rab kyi pha rol tu phyin pa sgom pa lags so/ /bcom ldan 'das gzhan yang bsam gyis mi khyab pa'i chos la yang mi smon cing nyi tshe ba la yang 
mi smon gyi/ bcom ldan 'das gang la smon pa dang/ gang gis smon pa de nyid kyang ma mchis pa de shes rab kyi pha rol tu phyin pa sgom pa lags te/ bcom ldan 'das de ltar sgom na shes rab kyi pha rol tu phyin pa sgom pa lags so/ /bcom ldan 'das shes rab kyi pha rol tu phyin 
pa sgom pa ni 'di ltar chos 'di dag ni mchog go/ /chos 'di dag ni tha ma'o zhes bgyi bar nye bar mi gnas shing chos gang dag mchog dang tha mar 'gyur ba'i chos de dag kyang mi dmigs te/ de ltar shes rab kyi pha rol tu phyin pa sgom pa'i rnal 'byor la brtson pa'i rigs kyi bu ni 
chos thams cad mi dmigs so/ /bcom ldan 'das shes rab kyi pha rol tu phyin pa sgom pa ni chos gang yang mchog ce'am tha ma zhes mi rtog go/ /de ci'i slad du zhe na/ bcom ldan 'das skye ba ma mchis pa la mchog gam tha ma zhes bgyi ba gang yang ma mchis pa'i slad du'o/ /</font><hr>34-1-151b<br><font size=+1>
de bzhin nyid dang/ yang dag pa'i mtha' dang/ chos thams cad kyi bar la yang mchog gam tha ma ma mchis te/ bcom ldan 'das de ltar sgom na shes rab kyi pha rol tu phyin pa sgom pa lags so/ /de skad ces gsol pa dang/ bcom ldan 'das kyis 'jam dpal gzhon nur gyur 
pa la 'di skad ces bka' stsal to/ /'jam dpal sangs rgyas kyi chos rnams mchog ma yin nam/ 'jam dpal gyis gsol pa/ bcom ldan 'das gzung du ma mchis pa'i slad du sangs rgyas kyi chos rnams ni mchog lags so/ /bcom ldan 'das chos thams cad stong 
par de bzhin gshegs pas mngon par rdzogs par sangs rgyas lags sam/ bcom ldan 'das kyis bka' stsal pa/ 'jam dpal de de bzhin te/ de bzhin gshegs pas chos thams cad stong par mngon par rdzogs par sangs rgyas so/ /'jam dpal gyis gsol pa/ 
bcom ldan 'das stong pa nyid la mchog gam tha ma zhes bgyi ba mchis sam/ bcom ldan 'das kyis bka' stsal pa/ 'jam dpal legs so legs so/ /'jam dpal de de bzhin te/ ji skad smras pa bzhin no/ /'jam dpal sangs rgyas kyi chos rnams bla 
na med pa ma yin nam/ 'jam dpal gyis gsol pa/ de de lta lags te/ sangs rgyas kyi chos rnams ni bla na ma mchis pa lags so/ /de ci'i slad du zhe na/ bcom ldan 'das 'di ltar de dag la chos cung zad tsam yang ma mchis shing mi dmigs te/ de bas na sangs rgyas kyi 
chos de dag ni bla na ma mchis pa'o/ /bcom ldan 'das gzhan yang gang sangs rgyas kyi chos rnams sgrub par yang mi bgyid la/ so so'i skye bo'i chos rnams spong bar yang mi bgyid cing sangs rgyas kyi chos rnams 'dul ba yang ma lags la 'dzin pa yang ma lags pa de shes rab kyi pha 
rol tu phyin pa sgom pa lags so/ /bcom ldan 'das gzhan yang gang chos gang la yang mi sems la rnam par mi rig pa de shes rab kyi pha rol tu phyin pa la sgom pa lags so/ /bcom ldan 'das kyis bka' stsal pa/ 'jam dpal khyod sangs rgyas kyi chos rnams la mi </font><hr>34-1-152a<br><font size=+1>
sems sam/ 'jam dpal gyis gsol pa/ bcom ldan 'das gal te bdag gis sangs rgyas kyi chos rnams yongs su grub par mthong na ni bdag sangs rgyas kyi chos rnams la sems pa lags so/ /bcom ldan 'das shes rab kyi pha rol tu phyin pa sgom pa ni 'di 
dag ni so so'i skye bo'i chos so/ /'di dag ni nyan thos kyi chos so/ /'di dag ni rang sangs rgyas kyi chos so/ /'di dag ni yang dag par rdzogs pa'i sangs rgyas kyi chos so zhes chos gang la yang rnam par rtog pas nye bar gnas pa ma lags so/ /de ci'i slad du zhe na/ bcom ldan 'das shes rab 
kyi pha rol tu phyin pa sgom pa'i rnal 'byor la brtson pa'i rigs kyi bus chos de nyid kyang mi dmigs te/ gang la chos de dag so so'i skye bo'i chos zhes brjod pa'am/ slob pa'i chos zhes brjod pa'am/ mi slob pa'i chos zhes brjod pa'am/ rang sangs rgyas kyi chos zhes brjod pa'am/ 
yang dag par rdzogs pa'i sangs rgyas kyi chos zhes brjod pa yang mtha' las 'das pa'i chos nyid lags pas chos de mi dmigs shing yang dag par rjes su mi mthong ba'i slad du'o/ /bcom ldan 'das de ltar sgom na/ shes rab kyi pha rol tu phyin pa sgom pa lags so/ /bcom ldan 'das shes 
rab kyi pha rol tu phyin pa sgom pa'i rnal 'byor la brtson pa'i rigs kyi bu ni 'di ltar 'di ni 'dod pa'i khams so/ /'di ni gzugs kyi khams so/ /'di ni gzugs med pa'i khams so/ /zhes bgyi ba nas 'di ni 'gog pa'i dbyings so zhes bgyi ba'i bar du yang mi sems so/ /de ci'i slad du 
zhe na/ bcom ldan 'das 'di ltar des 'gog pa'i chos gang lags pa'i chos de gang yang mi mthong ste/ bcom ldan 'das de ltar sgom pa ni shes rab kyi pha rol tu phyin pa sgom par rig par bgyi'o/ /bcom ldan 'das gzhan yang gang chos gang la yang phan pa'am gnod par 
yang mi bgyid pa de shes rab kyi pha rol tu phyin pa sgom pa lags so/ /bcom ldan 'das shes rab kyi pha rol tu phyin pa sgom pa ni sangs rgyas kyi chos rnams sbyin par bgyid pa'ang ma lags/ so so'i skye bo'i chos rnams gcod par bgyid pa'ang ma lags so/ /bcom ldan 'das gang so so'i </font><hr>34-1-152b<br><font size=+1>
skye bo'i chos rnams kyang mi 'gog la sangs rgyas kyi chos rnams kyang mi 'thob pa de shes rab kyi pha rol tu phyin pa sgom pa lags so/ /de skad ces gsol pa dang/ bcom ldan 'das kyis 'jam dpal gzhon nur gyur pa la 'di skad ces bka' stsal to/ /'jam dpal khyod kyis 
chos zab mo 'di lta bu 'di bstan pa legs so legs so/ /'jam dpal khyod kyis byang chub sems dpa' sems dpa' chen po rnams dang/ nyan thos kyi theg pa pa mngon pa'i nga rgyal can rnams dang/ byang chub sems dpa'i theg pa pa dmigs pa can rnams yang dag pa ji lta ba bzhin du 
rtogs par bya ba'i phyir rgya 'di bzhag go/ /'jam dpal rigs kyi bu 'am rigs kyi bu mo gang dag shes rab kyi pha rol tu phyin pa zab mo bstan pa 'di thos nas mi skrag mi dngang dngang bar mi 'gyur ba de dag ni sangs rgyas gcig la bsnyen bkur byas pa ma yin/ sangs rgyas gcig la dge 
ba'i rtsa ba bskyed pa ma yin no/ /de skad ces bka' stsal pa dang/ bcom ldan 'das la 'jam dpal gzhon nur gyur pas 'di skad ces gsol to/ /bcom ldan 'das bdag ni shes rab kyi pha rol tu phyin pa rgya cher ston par spobs lags so/ /bcom ldan 'das kyis bka' stsal pa/ 
'jam dpal spobs par gyis shig /'jam dpal gyis gsol pa/ bcom ldan 'das gang chos gang gis gnas pa mi dmigs pa dang/ mi gnas pa yang mi dmigs pa de shes rab kyi pha rol tu phyin pa sgom pa lags so/ /de ci'i slad du zhe na/ chos thams cad ni mi gnas 
pa'i slad du mi dmigs pa ste/ bcom ldan 'das gang chos gang la yang lhag par dmigs pa'i slad du nye bar mi gnas pa de shes rab kyi pha rol tu phyin pa sgom par rig par bya'o/ /de ci'i slad du zhe na/ bcom ldan 'das 'di ltar chos thams cad ni dmigs pa ma mchis pa'i slad du 
ste/ bcom ldan 'das de ltar sgom pa ni shes rab kyi pha rol tu phyin pa sgom pa lags so/ /bcom ldan 'das gzhan yang gang la sangs rgyas kyi chos rnams kyang mngon du mi 'gyur na/ rang sangs rgyas kyi chos rnams lta smos kyang ci 'tshal/ nyan thos kyi chos rnams kyang mngon </font><hr>34-1-153a<br><font size=+1>
du mi 'gyur na/ so so'i skye bo'i chos rnams lta smos kyang ci 'tshal ba de shes rab kyi pha rol tu phyin pa sgom par blta bar bgyi'o/ /bcom ldan 'das gzhan yang sgom pa gang la brten nas sangs rgyas kyi chos rnams bsam gyis mi khyab pa la yang sangs rgyas kyi chos 
rnams bsam gyis mi khyab pa'o/ /zhes rnam par mi rtog pa de shes rab kyi pha rol tu phyin pa sgom pa lags so/ /bcom ldan 'das shes rab kyi pha rol tu phyin pa sgom pa 'di ni byang chub sems dpa' sems dpa' chen po rnams kyi chos thams cad la rnam par mi rtog par blta bar bgyi'o/ /bcom ldan 'das gzhan yang sgom pa gang la brten nas mthong ba ma mchis par chos thams cad sangs rgyas kyi chos su mthong ba dang/ chos thams cad bsam gyis mi khyab pa'i chos su mthong ba de shes rab kyi pha rol tu phyin pa sgom pa lags so/ /rigs kyi bu'am rigs kyi bu mo gang dag 
shes rab kyi pha rol tu phyin pa 'di bstan pa 'di thos nas mi skrag mi dngang dngang bar mi 'gyur ba de dag sangs rgyas brgya stong mang po la bsnyen bkur bgyis par 'gyur ro/ /bcom ldan 'das gzhan yang gang kun nas nyon mongs pa'am/ rnam par byang ba'i chos gang yang dag par rjes 
su mi mthong ba de shes rab kyi pha rol tu phyin pa sgom pa lags te/ bcom ldan 'das de ltar sgom na shes rab kyi pha rol tu phyin pa sgom pa lags so/ /bcom ldan 'das shes rab kyi pha rol tu phyin pa sgom pa de ni so so'i skye bo dang nyan thos dang rang sangs rgyas dang yang dag par 
rdzogs pa'i sangs rgyas kyi bar du yang tha dad du mi bgyid pa ste/ bcom ldan 'das de ni shes rab kyi pha rol tu phyin pa sgom pa lags so/ /de nas bcom ldan 'das kyis 'jam dpal gzhon nur gyur pa la bka' stsal pa/ 'jam dpal khyod kyis de bzhin gshegs pa ji snyed 
cig la bsnyen bkur byas/ 'jam dpal gyis gsol pa/ bcom ldan 'das sgyu ma'i skye bu'i sems dang sems las byung ba ji snyed 'gags pa de snyed la ste/ bcom ldan 'das bdag gis de bzhin gshegs pa de snyed la bsnyen bkur bgyis so/ /bcom ldan 'das kyis bka' stsal </font><hr>34-1-153b<br><font size=+1>
pa/ 'jam dpal khyod sangs rgyas kyi chos la yang dag par ma zhugs sam/ 'jam dpal gyis gsol pa/ bcom ldan 'das gang sangs rgyas kyi chos la yang dag par zhugs pa'i chos de gang yang dmigs su mchis sam/ bcom ldan 'das kyis bka' stsal pa/ 'jam dpal 'o na 
sangs rgyas kyi chos de dag su la yod/ 'jam dpal gyis gsol pa/ bcom ldan 'das nyid la yang sangs rgyas kyi chos zhes bgyi ba de dag gi ming yang ma mchis te/ mi dmigs na gzhan rnams la mchis par 'gyur ba lta ci smos/ bcom ldan 'das kyis bka' stsal pa/ 'jam dpal 
khyod kyis chags pa med pa nyid rnyed dam/ 'jam dpal gyis gsol pa/ bcom ldan 'das bdag nyid chags pa ma mchis pa nyid lags na bdag gis kyang chags pa ma mchis pa nyid 'thob par 'gyur ram/ bcom ldan 'das kyis bka' stsal pa/ 'jam dpal khyod ci byang chub kyi snying po la 
'dug gam/ 'jam dpal gyis gsol pa/ yang dag pa'i mtha' brtsan par bgyis na bcom ldan 'das nyid kyang byang chub kyi snying po la ma zhugs na bdag lta mchis par ji ltar 'gyur/ bcom ldan 'das kyis bka' stsal pa/ 'jam dpal yang dag pa'i mtha' zhes bya ba de gang gi tshig bla dgas 
yin/ 'jam dpal gyis gsol pa/ bcom ldan 'das yang dag pa'i mtha' zhes bgyi ba de ni 'jig tshogs kyi tshig bla dgas lags so/ /bcom ldan 'das kyis bka' stsal pa/ 'jam dpal ci las bsams te de skad smra/ 'jam dpal gyis gsol pa/ bcom ldan 'das tshogs de ni ma 
mchis pa ste/ 'jig tshogs ma lags pas de ni mi 'pho la 'pho ba dang bral ba yang ma lags te de'i slad du tshogs 'di ni 'jig tshogs ma lags so/ /de nas bcom ldan 'das la tshe dang ldan pa sha ra dwa ti'i bus 'di skad ces gsol to/ /bcom ldan 'das byang chub sems dpa' sems dpa' 
chen po gang dag shes rab kyi pha rol tu phyin pa bstan pa 'di thos nas mos te mi skrag mi dngang dngang bar mi 'gyur ba de dag ni byang chub tu nges par 'gyur ba lags so/ /de nas bcom ldan 'das la byang chub sems dpa' sems dpa' chen po byams pas 'di skad ces gsol to/ /bcom ldan 'das byang </font><hr>34-1-154a<br><font size=+1>
chub sems dpa' sems dpa' chen po gang dag shes rab kyi pha rol tu phyin pa bstan pa 'di thos nas mos te mi skrag mi dngang dngang bar mi 'gyur ba de dag ni byang chub la nye bar gyur pa lags so/ /de ci'i slad du zhe na/ bcom ldan 'das gang chos de dag rjes su mi rtog pa de nyid byang chub 
mchog lags pa'i slad du'o/ /de nas bcom ldan 'das la 'jam dpal gzhon nur gyur pas 'di skad ces gsol to/ /bcom ldan 'das byang chub sems dpa' sems dpa' chen po gang dag shes rab kyi pha rol tu phyin pa bstan pa 'di thos nas mos te mi skrag mi dngang dngang bar mi 'gyur ba de 
dag ni sangs rgyas nyid du blta bar bgyi'o/ /de ci'i slad du zhe na/ bcom ldan 'das sangs rgyas zhes bgyi ba de ni don dam par na skye ba ma mchis pa'i tshig bla dgas lags pa'i slad du'o/ /de nas bcom ldan 'das la sring mo dmigs pa med pas 'di skad ces gsol to/ /bcom ldan 
'das byang chub sems dpa' sems dpa' chen po gang dag shes rab kyi pha rol tu phyin pa 'di thos nas mos te/ mi skrag mi dngang dngang bar mi 'gyur ba de dag ni so so'i skye bo'i chos rnams dang nyan thos kyi chos rnams dang rang sangs rgyas kyi chos rnams dang yang dag par rdzogs pa'i sangs rgyas kyi 
chos rnams la lhag par dmigs par mi 'gyur ba lags so/ /de ci'i slad du zhe na/ bcom ldan 'das 'di ltar chos thams cad ni ma mchis pa'i slad du mi dmigs pa ste/ de'i slad du de dag la dmigs pa ma mchis so/ /de nas bcom ldan 'das kyis tshe dang ldan pa sha ra dwa ti'i 
bu la bka' stsal pa/ de de bzhin no/ /sha ra dwa ti'i bu de de bzhin te/ rigs kyi bu'am rigs kyi bu mo gang dag shes rab kyi pha rol tu phyin pa zab mo bstan pa 'di thos nas mos te mi skrag mi dngang dngang bar mi 'gyur ba de dag ni byang chub tu nges par 'gyur ro/ /sha ra dwa ti'i bu rigs kyi bu'am 
rigs kyi bu mo gang dag shes rab kyi pha rol tu phyin pa bstan pa 'di thos nas mos te/ mi skrag mi dngang dngang bar mi 'gyur zhing spyi bos len pa de dag ni phyir mi ldog pa'i sa la gnas pa yin par khyod kyis shes par gyis shig /sha ra dwa ti'i bu gang dag shes rab kyi pha rol tu phyin pa </font><hr>34-1-154b<br><font size=+1>
bstan pa 'di thos nas mos te mi skrag mi dngang dngang bar mi 'gyur ba de dang de dag ni sbyin bdag dam par 'gyur/ sbyin bdag chen por 'gyur/ sbyin bdag khyad par du 'phags par 'gyur ro/ /sha ra dwa ti'i bu de dang de dag ni tshul khrims phun sum tshogs par 'gyur ro/ /tshul khrims 
dang ldan pa'i mchog tu 'gyur/ tshul khrims dang ldan pa khyad par du 'phags par 'gyur/ tshul khrims kyi yon tan gyi lam rnyed par 'gyur ro/ /sha ra dwa ti'i bu gang dag shes rab kyi pha rol tu phyin pa bstan pa 'di thos nas mos te mi skrag mi dngang dngang bar mi 'gyur ba de dang de dag ni 
bzod pa'i mchog dang/ brtson 'grus kyi mchog dang/ bsam gtan gyi mchog dang/ mtshungs pa med pa'i shes rab kyi mchog dang ldan par 'gyur ro/ /sha ra dwa ti'i bu byang chub sems dpa' sems dpa' chen po gang dag shes rab kyi pha rol tu phyin pa bstan pa 'di thos nas mos te mi 
skrag mi dngang dngang bar mi 'gyur ba de dang de dag ni rnam pa thams cad kyi mchog dang ldan pa'i thams cad mkhyen pa'i ye shes dang ldan pa'i bar du 'gyur ro/ /bcom ldan 'das kyis 'jam dpal gzhon nur gyur pa la gzhan yang 'di skad ces bka' stsal to/ /'jam dpal khyod kyis don gyi 
dbang ci zhig mthong na bla na med pa yang dag par rdzogs pa'i byang chub mngon par rdzogs par 'tshang rgya bar 'dod/ 'jam dpal gyis gsol pa/ bcom ldan 'das gal te bdag byang chub tu zhugs na ni de lta na bdag mngon par rdzogs par 'tshang rgya bar yang 'tshal na/ bcom ldan 'das 
bdag ni byang chub tu smon pa ma lags so/ /de ci'i slad du zhe na/ 'jam dpal gzhon nur gyur pa gang lags pa de byang chub nyid do/ /de skad ces gsol pa dang/ bcom ldan 'das kyis 'jam dpal gzhon nur gyur pa la 'di skad ces bka' stsal to/ /'jam dpal khyod zab mo zab 
pa'i gnas 'di lta bu 'di ston pa legs so legs so/ /'di ltar khyod ni sngon gyi rgyal ba la bya ba byas pa ste/ mi dmigs par tshangs par spyod pa yun ring du spyad pa'o/ /'jam dpal gyis gsol pa/ bcom ldan 'das gal te bdag mi dmigs par spyod pa lags na ni chos thob </font><hr>34-1-155a<br><font size=+1>
pa nyid du 'gyur ba lags so/ /de skad ces gsol pa dang/ bcom ldan 'das kyis 'jam dpal gzhon nur gyur pa la 'di skad ces bka' stsal to/ /'jam dpal khyod kyis nga'i nyan thos phun sum tshogs pa 'di dag mthong ngam/ 'jam dpal gyis gsol pa/ 
bcom ldan 'das mthong lags so/ /bcom ldan 'das kyis bka' stsal pa/ ji ltar ci 'dra bar mthong/ 'jam dpal gyis gsol pa/ bcom ldan 'das ji ltar so so'i skye bor mi mthong ba dang slob par mi mthong ba dang mi slob par mi mthong ba dang mthong ba yang ma mchis pa dang/ 
ma mthong ba yang ma mchis pa de ltar mthong ngo / /'di ltar mang du'ang mi mthong ba dang/ nyung ngu'ang mi mthong ba dang/ dul bar yang mi mthong ba dang/ ma dul bar yang mi mthong ba de ltar mthong ngo / /de nas tshe dang ldan pa sha ra dwa ti'i bus 'jam dpal gzhon nur gyur pa la 'di skad ces smras 
so/ /'jam dpal khyod kyis nyan thos kyi theg pa pa rnams de ltar mthong na yang dag par rdzogs pa'i sangs rgyas kyi theg pa pa rnams khyod kyis ji ltar mthong 'jam dpal gyis smras pa/ btsun pa sha ra dwa ti'i bu byang chub sems dpa' zhes bya ba'i chos kyang rjes su mi mthong/ byang chub tu 
zhugs pa zhes bya ba'i chos kyang rjes su mi mthong byang chub kyi phyir spyod do zhes bya ba'i chos kyang rjes su mi mthong/ mngon par rdzogs par sangs rgyas zhes bya ba'i chos kyang rjes su mi mthong ste/ btsun pa sha ra dwa ti'i bu yang dag par rdzogs pa'i sangs rgyas kyi theg pa pa dag de ltar mthong ngo / /
sha ra dwa ti'i bus smras pa/ 'jam dpal khyod kyis de bzhin gshegs pa ji ltar mthong/ 'jam dpal gyis smras pa/ btsun pa sha ra dwa ti'i bu glang po chen po zhog shig /glang po chen po ma bskyod cig /de skad ces smras pa dang/ tshe dang ldan pa sha ra dwa ti'i bus 'jam dpal gzhon 
nur gyur pa la 'di skad ces smras so/ /'jam dpal sangs rgyas zhes bya ba de gang gi tshig bla dgas/ 'jam dpal gyis smras pa/ btsun pa sha ra dwa ti'i bu bdag ces bya ba de gang gi tshig bla dgas/ sha ra dwa ti'i bus smras pa/ 'jam dpal 'di lta ste/ bdag ces bya ba de ni skye ba med pa'i </font><hr>34-1-155b<br><font size=+1>
tshig bla dgas so/ /'jam dpal gyis smras pa/ btsun pa sha ra dwa ti'i bu de de bzhin te bdag ces bya ba de gang gi tshig bla dgas yin pa sangs rgyas zhes bya ba de yang de'i tshig bla dgas so/ /btsun pa sha ra dwa ti'i bu yang 'di lta ste/ sangs rgyas zhes bya ba de ni gzhi med pa'i 
tshig bla dgas so/ /btsun pa sha ra dwa ti'i bu sangs rgyas zhes bya ba de ni tshig gis shes par bya dka' ba'o/ /btsun pa sha ra dwa ti'i bu tshig kyang 'di ni tshig go zhes brtag par dka' na sangs rgyas zhes bya ba lta ci smos/ /btsun pa sha ra dwa ti'i bu sangs rgyas zhes bya ba de gang gi tshig bla dgas 
zhes de skad smra ba ni gang yang dag par ma grub pa dang ma skyes pa dang mi 'gag pa ste/ gang chos gang dang yang mi ldan pa de la gzhi ci yang med cing gzhi dbyer med la gzhi med pa ste/ btsun pa sha ra dwa ti'i bu 'di lta ste/ sangs rgyas zhes bya ba de ni de'i tshig bla dgas so/ /btsun pa sha ra dwa 
ti'i bu de bzhin gshegs pa tshol bar 'dod pas ni bdag btsal bar bya'o/ /btsun pa sha ra dwa ti'i bu bdag ces bya ba de ni sangs rgyas kyi tshig bla dgas te/ ji ltar bdag ces bya ba shin tu med cing mi dmigs pa de bzhin du sangs rgyas kyang shin tu med cing mi dmigs so/ /ji ltar bdag ces 
bya ba chos gang gis kyang tshig tu brjod pa ma yin pa de bzhin du sangs rgyas kyang chos gang gis kyang tshig tu brjod pa ma yin no/ /gang la grangs su bya ba med pa de ni sangs rgyas zhes bya ste/ btsun pa sha ra dwa ti'i bu bdag ces bya ba'i gzhi'i tshig bla dgas de ni shes par sla ba ma yin no/ /btsun pa sha 
ra dwa ti'i bu de bzhin du sangs rgyas zhes bya ba'i gzhi'i tshig bla dgas 'di yang shes par sla ba ma yin no/ /de nas bcom ldan 'das la tshe dang ldan pa sha ra dwa ti'i bus 'di skad ces gsol to/ /bcom ldan 'das 'jam dpal gzhon nur gyur pa 'di ni ji ltar las dang po pas 'tshal bar 'gyur 
ba de lta bu mi ston to/ /de skad ces gsol pa dang/ 'jam dpal gzhon nur gyur pas tshe dang ldan pa sha ra dwa ti'i bu la 'di skad ces smras so/ /btsun pa sha ra dwa ti'i bu kho bo ni ji ltar dgra bcom pa byas pa rtogs pa can gyis kyang shes par 'gyur ba de lta bu'i chos mi ston to/ /kho bo </font><hr>34-1-156a<br><font size=+1>
ni ji ltar sus kyang shes par 'gyur ba de lta bur yang mi ston to/ /de ci'i phyir zhe na/ byang chub ni sus kyang mi shes/ sus kyang rnam par mi shes/ sus kyang mngon par rdzogs par ma rtogs/ ma mthong ma thos ma dran ma bskyed ma bkag ma smras ma bstan pa'i phyir ro/ /
btsun pa sha ra dwa ti'i bu byang chub ni de lta bu ste/ byang chub de yang dngos po ma yin no/ /de ci'i phyir zhe na/ byang chub kyis mngon par rdzogs par 'tshang rgya bar bya ba ci yang med cing byang chub kyang byang chub kyis mngon par rdzogs par 'tshang rgya ba ma yin pa'i phyir ro/ /sha ra dwa ti'i bus smras pa/ 'jam 
dpal bcom ldan 'das kyis chos kyi dbyings mngon par rdzogs par sangs ma rgyas sam/ 'jam dpal gyis smras pa/ btsun pa sha ra dwa ti'i bu de ni ma yin no/ /de ci'i phyir zhe na/ btsun pa sha ra dwa ti'i bu 'di ltar chos kyi dbyings nyid bcom ldan 'das yin pa'i phyir ro/ /btsun pa 
sha ra dwa ti'i bu gal te bcom ldan 'das kyis chos kyi dbyings mngon par rdzogs par sangs rgyas par gyur na/ 'o na ni gang skye ba med pa'i dbyings de dang yang 'gal bar 'gyur ro/ /btsun pa sha ra dwa ti'i bu chos kyi dbyings de nyid byang chub bo/ /de ci'i phyir zhe na/ chos kyi dbyings ni 
sems can med pa'i phyir ro/ /chos thams cad ngo bo nyid med pa'o zhes bya ba de ni byang chub kyi tshig bla dgas te/ de ni chos kyi dbyings kyi grangs su 'gro'o/ /de ci'i phyir zhe na/ chos thams cad ni sangs rgyas kyi yul du tha dad pa med pa'i phyir ro/ /btsun pa sha ra dwa ti'i bu tha dad pa 
med ces bya ba de ni rnam par rig pa med pa'o/ /btsun pa sha ra dwa ti'i bu rnam par rig pa med pa zhes bya ba de ni rnam par shes par mi nus pa ste/ 'dus byas su rnam par rig par mi nus pa nas 'dus ma byas kyi bar du yang rnam par rig par mi nus pa ste/ de la rnam par rig pa gang yang med pas des na de rnam par rig pa med pa'o/ /btsun pa sha ra dwa ti'i bu chos thams cad ni rnam par rig pa med pa ste/ de ci'i phyir zhe na/ 'di ltar chos thams cad ni gang la gnas te rnam par rig par 'gyur ba'i skye ba med pa'i phyir ro/ /gang dag mtshams med pa la zhugs pa de dag </font><hr>34-1-156b<br><font size=+1>
ni bsam gyis mi khyab pa la zhugs pa'o/ /gang dag bsam gyis mi khyab pa la zhugs pa de dag ni yang dag par zhugs pa'o/ /de ci'i phyir zhe na/ btsun pa sha ra dwa ti'i bu yang dag pa zhes bya ba de ni gzhi dbyer med pa'i phyir ro/ /gang dag bsam gyis mi khyab pa dang ldan pa de dag ni 
mtho ris su 'gro ba ma yin/ ngan song du 'gro ba ma yin/ mya ngan las 'das par 'gro ba ma yin no/ /de ci'i phyir zhe na/ bsam gyis mi khyab pa ni 'gro ba dang mi 'gro bar nye bar gnas pa ma yin pa nas mya ngan las 'das pa'i bar du 'gro ba dang/ mi 'gro bar nye bar gnas pa ma 
yin pa'i phyir ro/ /btsun pa sha ra dwa ti'i bu gang dag ltung ba'i rtsa ba bzhi la gnas pa de dag kyang rtsa ba med pa la gnas pa'o/ /de ci'i phyir zhe na/ btsun pa sha ra dwa ti'i bu skye ba med pa la rtsa ba'am rtse mo zhes bya ba med pa'i phyir ro/ /rtsa ba med pa'i dge slong zhes bya ba de ni mi gnas pa'i dge 
slong gi tshig bla dgas so/ /rtsod pa byung ba zhes bya ba de ni lhag par sgro 'dogs pa zhes bya ba'i tshig bla dgas so/ /btsun pa sha ra dwa ti'i bu lhag par sgro 'dogs pa la spyod pa ni 'jig rten na sbyin gnas su 'gyur ro/ /de ci'i phyir zhe na/ 'di ltar mnyam pa la lhag par sgro 'dogs pa'i 
phyir ro/ /btsun pa sha ra dwa ti'i bu dge slong dad pa ni dad pas byin pa spyad pa'i 'os ma yin no/ /btsun pa sha ra dwa ti'i bu dge slong ma dad pa ni dad pas byin pa spyad pa'i 'os so/ /btsun pa sha ra dwa ti'i bu rung ba can gyi dge slong ni dad pas byin pa spyad pa'i 'os ma yin no/ /btsun pa sha ra dwa ti'i 
bu rung ba can ma yin pa'i dge slong ni dad pas byin pa spyad pa'i 'os so/ /tshul yang dag par ma bcom pa'i dge slong de ni dgra bcom pa zag pa zad pa zhes bya'o/ /sha ra dwa ti'i bus smras pa/ 'jam dpal ci las bsams te de skad smra/ 'jam dpal gyis smras pa/ mnyam pa nyid gang 
mnyam pa nyid yang dag par 'joms par mi byed pa de nyid tshul yin te/ btsun pa sha ra dwa ti'i bu de la bsams nas tshul yang dag par ma bcom pa'i dge slong ni dgra bcom pa zag pa zad pa zhes bya'o zhes de skad smras so/ /btsun pa sha ra dwa ti'i bu 'jigs pa las ma rgal ba zhes bya ba de ni </font><hr>34-1-157a<br><font size=+1>
dgra bcom pa zag pa zad pa zhes bya ba'i tshig bla dgas so/ /sha ra dwa ti'i bus smras pa/ 'jam dpal ci las bsams te de skad smra/ 'jam dpal gyis smras pa/ de 'jigs pa cung zad tsam yang med na ci zhig las rgal bar 'gyur/ sha ra dwa ti'i bus smras pa/ 
'jam dpal ma skyes pa'i bzod pa can zhes bya ba de gang gi tshig bla dgas lags/ 'jam dpal gyis smras pa/ btsun pa sha ra dwa ti'i bu gang gis chos cung zad tsam yang ma bskyed pa de ma skyes pa'i bzod pa can zhes bya'o/ /sha ra dwa ti'i bus smras pa/ 'jam dpal dge slong ma dul ba 
zhes bya ba de gang gi tshig bla dgas/ 'jam dpal gyis smras pa/ btsun pa sha ra dwa ti'i bu dge slong ma dul ba zhes bya ba de ni dgra bcom pa zag pa zad pa'i tshig bla dgas so/ /de ci'i phyir zhe na/ ma dul ba ni dul la dul ba ni ma dul bas btsun pa sha ra dwa ti'i bu 'di las bsams te 
dge slong ma dul ba zhes bya ba de ni dgra bcom pa zag pa zad pa'i tshig bla dgas so/ /zhes de skad smras so/ /btsun pa sha ra dwa ti'i bu lhag pa'i sems la spyod do zhes bya ba de ni so so skye bo'i tshig bla dgas so/ /sha ra dwa ti'i bus smras pa/ 'jam dpal ci las bsams te de skad smra/ 'jam 
dpal gyis smras pa/ btsun pa sha ra dwa ti'i bu 'di ltar de la lhag par byed pa'i phyir ro/ /de skad ces smras pa dang/ tshe dang ldan pa sha ra dwa ti'i bus 'jam dpal gzhon nur gyur pa la 'di skad ces smras so/ /'jam dpal khyod kyis dgra bcom pa zag pa zad pa ji lta ba de bzhin du 
smras pa legs so legs so/ /'jam dpal gyis smras pa/ btsun pa sha ra dwa ti'i bu de de bzhin te ji skad smras pa bzhin no/ /kho bo ni zag pa zad mod kyi dgra bcom pa ni ma yin no/ /de ci'i phyir zhe na/ btsun pa sha ra dwa ti'i bu 'di ltar nyan thos kyis dang/ rang sangs rgyas kyi sar kho 
bo'i bsam pa zad pa'i phyir te/ btsun pa sha ra dwa ti'i bu rnam grangs 'dis na kho bo zag pa zad mod kyi dgra bcom pa ni ma yin no/ /de nas bcom ldan 'das kyis 'jam dpal gzhon nur gyur pa la 'di skad ces bka' stsal to/ /'jam dpal byang chub sems dpa' sems dpa' chen po </font><hr>34-1-157b<br><font size=+1>
byang chub kyi snying por 'dug la/ bla na med pa yang dag par rdzogs pa'i byang chub mngon par rdzogs par 'tshang rgya ba'i skal ba med par 'gyur ba'i rnam grangs yod dam/ 'jam dpal gyis gsol pa/ bcom ldan 'das byang chub sems dpa' sems dpa' chen po byang chub kyi snying por 
mchis la/ bla na med pa yang dag par rdzogs pa'i byang chub mngon par rdzogs par 'tshang rgya ba'i skal ba ma mchis par 'gyur ba'i rnam grangs mchis so/ /de ci'i slad du zhe na/ 'di ltar byang chub la cung zad tsam gyis chos kyang ma mchis shing mi dmigs pas de'i slad du bla na med pa yang 
dag par rdzogs pa'i byang chub ces bgyi'o/ /byang chub de yang ma skyes pa ste/ de la gang byang chub kyi snying po la mchis pa'am/ su byang chub mngon par rdzogs par 'tshang rgya ba'am/ gang gis byang chub mngon par rdzogs par 'tshang rgya ba'am/ byang chub gang mngon par rdzogs par 'tshang 
rgya ba'am/ byang chub kyi snying po las ldang ba gang yang ma mchis shing mi dmigs te/ bcom ldan 'das rnam grangs 'dis na byang chub sems dpa' sems dpa' chen po byang chub kyi snying por mchis la/ bla na med pa yang dag par rdzogs pa'i byang chub mngon par rdzogs par 'tshang rgya ba'i skal ba ma mchis so/ /de skad ces gsol pa dang/ bcom ldan 'das kyis 'jam dpal gzhon nur gyur pa la 'di skad ces bka' stsal to/ /'jam dpal byang chub ces bya ba de gang gi tshig bla dgas/ 'jam dpal gyis gsol pa/ bcom ldan 'das byang chub ces bgyi ba de ni 
mtshams ma mchis pa lnga po dag gi tshig bla dgas so/ /de ci'i slad du zhe na/ bcom ldan 'das 'di ltar dngos po ma mchis pas mtshams ma mchis pa lnga po de dag nyid byang chub kyi rang bzhin te/ de ci'i slad du zhe na/ byang chub de ni mtshams ma mchis pa lnga'i rang bzhin can lags so/ /
mtshams ma mchis pa rnams mngon par rdzogs par rtogs pa byang chub ma lags/ chos thams cad mngon sum du gyur pa yang byang chub ma lags so/ /de ci'i slad du zhe na/ chos thams cad ni shin tu mngon sum ma lags te/ de dag gang gis kyang mngon par rdzogs par ma </font><hr>34-1-158a<br><font size=+1>
rtogs/ ma mthong ma thos ma 'tshal ba nas ma rtogs pa'i bar gyi slad du ste/ de lta bu de ni byang chub bo/ /de lta lags kyis kyang bcom ldan 'das mngon pa'i nga rgyal can dag gis ni mngon par rdzogs par sangs rgyas pa nas mngon sum du bgyis pa'i bar du de dag gzhag 
go/ /de skad ces gsol pa dang/ bcom ldan 'das kyis 'jam dpal gzhon nur gyur pa la 'di skad ces bka' stsal to/ /'jam dpal ci khyod nga la 'di snyam du de bzhin gshegs pa ni bdag gi de bzhin gshegs pa'o snyam sems sam/ 'jam dpal gyis gsol pa/ bcom 
ldan 'das de ni ma lags so/ /de ci'i slad du zhe na/ bcom ldan 'das 'di ltar de bzhin gshegs pa ni bdag gi de bzhin gshegs pa'o snyam du mi sems pa'i slad du'o/ /de ci'i slad du zhe na/ bcom ldan 'das 'di ltar de bzhin nyid ni de bzhin gshegs pa nyid de/ de bzhin 
nyid kyis de bzhin gshegs pa rnam par rig par mi bgyid cing de bzhin gshegs pas kyang de bzhin nyid rnam par rig par mi bgyid pa'i slad du'o/ /de ci'i phyir zhe na/ bcom ldan 'das 'di ltar don dam par na de bzhin nyid dngos po ma mchis shing de bzhin gshegs pa'ang dngos po ma 
mchis pa'i slad du'o/ /bcom ldan 'das de bas na bdag ni 'di snyam du de bzhin gshegs pa bdag gi de bzhin gshegs pa'o snyam du mi sems so/ /bcom ldan 'das de bzhin gshegs pa zhes bgyi ba de ni ming tsam du bas na gang la bdag 'di snyam du de bzhin gshegs pa ni 
bdag gi de bzhin gshegs pa'o snyam du sems par 'gyur ba'i de bzhin gshegs pa de gang lags/ bcom ldan 'das kyis bka' stsal pa/ 'jam dpal khyod de bzhin gshegs pa la the tshom za'am/ 'jam dpal gyis gsol pa/ bcom ldan 'das de ni ma lags so/ /bcom 
ldan 'das gal te de bzhin gshegs pa byung ba'am/ de bzhin gshegs pa yongs su mya ngan las 'das pa'ang rung ste/ de bzhin gshegs par yongs su grub pa 'ga' zhig mchis na ni de la bdag the tshom 'tshal lo/ /de skad ces gsol pa dang/ bcom ldan 'das kyis </font><hr>34-1-158b<br><font size=+1>
'jam dpal gzhon nur gyur pa la 'di skad ces bka' stsal to/ /'jam dpal khyod de bzhin gshegs pa byung ngo snyam du mi sems sam/ 'jam dpal gyis gsol pa/ bcom ldan 'das gal te chos kyi dbyings la 'byung ba mchis na ni bdag de bzhin gshegs pa byung ngo snyam du 
sems par 'gyur ro/ /bcom ldan 'das kyis bka' stsal pa/ 'jam dpal khyod sangs rgyas bcom ldan 'das gang gA'i klong gi bye ma snyed yongs su mya ngan las 'das par mi mos sam/ 'jam dpal gyis gsol pa/ bcom ldan 'das sangs rgyas bcom ldan 'das rnams ni 
'di ltar bsam gyis mi khyab pa'i yul du yul gcig pa ma lags sam/ bcom ldan 'das kyis bka' stsal pa/ 'jam dpal de de bzhin te/ sangs rgyas bcom ldan 'das rnams ni 'di ltar bsam gyis mi khyab pa'i yul du yul gcig go/ /'jam dpal gyis gsol 
pa/ bcom ldan 'das da ltar bzhugs sam/ bcom ldan 'das kyis bka' stsal pa/ 'jam dpal de de bzhin no/ /'jam dpal gyis gsol pa/ bcom ldan 'das de'i slad du gang gA'i klong gi bye ma snyed kyi sangs rgyas bcom ldan 'das de dag yongs su mya ngan las 
ma 'das so/ /de ci'i slad du zhe na/ bcom ldan 'das sangs rgyas bcom ldan 'das rnams ni 'di ltar bsam gyis mi khyab pa'i yul du yul gcig pa'i slad du ste/ bsam gyis mi khyab pa nyid ni skye ba ma lags 'gag pa ma lags so/ /bcom ldan 'das de bas na bcom ldan 'das 
nyid kyis mngon par rdzogs par sangs rgyas na gang dag ma mchis pa'i dus na de bzhin gshegs pa dgra bcom pa yang dag par rdzogs pa'i sangs rgyas su 'gyur ba de dag kyang de bzhin du mngon par rdzogs par sangs rgyas pa nyid do/ /de ci'i slad du zhe na/ bsam gyis mi khyab pa la 'das 
pa'am/ ma 'ongs pa'am/ da ltar zhes bgyi ba ma mchis pa'i slad du'o/ /bcom ldan 'das de bas na su dag 'di snyam du de bzhin gshegs pa skyes so/ /zhes bgyi ba nas yongs su mya ngan las 'da' ba'i bar du sems pa de dag gi 'jig rten gnas pa ni 'khrul pa ste/ bcom </font><hr>34-1-159a<br><font size=+1>
ldan 'das de dag ni 'jig rten gnas pa 'phros par bgyid pa lags so/ /de skad ces gsol pa dang/ bcom ldan 'das kyis 'jam dpal gzhon nur gyur pa la 'di skad ces bka' stsal to/ /'jam dpal de'i phyir khyod kyis de bzhin gshegs pa'i 
bsam gyis mi khyab pa/ bsam du med pa/ bsam gyis mi lang ba/ bsam pa las 'das pa 'di de bzhin gshegs pa'am/ phyir mi ldog pa'i byang chub sems dpa' sems dpa' chen po'am/ dgra bcom pa zag pa zad pa'i mdun du brjod na rjod cig/ /de ci'i phyir zhe 
na/ 'di ltar de dag ni thos nas bsngags par yang mi 'gyur spong bar yang mi 'gyur ba'i phyir ro/ /de ci'i phyir zhe na/ 'di ltar 'di bsam gyis mi khyab pa/ bsam du med pa/ bsam gyis mi lang ba'i phyir ro/ /'jam dpal gyis gsol pa/ bcom ldan 'das chos thams 
cad bsam gyis mi khyab cing bsam du ma mchis pa 'di la su zhig bsngags pa'am/ spong bar 'gyur/ bcom ldan 'das kyis bka' stsal pa/ 'jam dpal ji ltar de bzhin gshegs pa bsam gyis mi lang ba de ltar so so'i skye bo rnams kyang bsam gyis mi lang ba yin nam/ 'jam 
dpal gyis gsol pa/ bcom ldan 'das so so'i skye bo rnams kyang de bzhin du bsam gyis mi lang ba lags so/ /bcom ldan 'das kyis bka' stsal pa/ 'jam dpal de de bzhin no/ /de ci'i phyir zhe na/ 'di ltar bsam pa thams cad ni bsam gyis mi lang ba'i phyir ro/ /
'jam dpal gyis gsol pa/ bcom ldan 'das 'o na ji ltar de bzhin gshegs pa bsam gyis mi lang ba de bzhin du so so'i skye bo rnams kyang bsam gyis mi lang ba'o zhes bcom ldan 'das kyis ci'i slad du de skad bka' stsal/ bcom ldan 'das so so'i skye bo nyid kyang bsam gyis 
mi lang ba ma lags sam/ de ci'i slad du zhe na/ bcom ldan 'das chos thams cad bsam gyis mi lang ba'i slad du'o/ /bcom ldan 'das gang la la dag mya ngan las 'das pa'i slad du zhugs na bcom ldan 'das de dag ni nyam thag par 'gyur ro/ /de ci'i slad du zhe na/ gang bsam </font><hr>34-1-159b<br><font size=+1>
gyis mi lang ba de nyid mya ngan las 'das pa lags pa'i slad du ste/ bcom ldan 'das de'i slad du bsam gyis mi lang ba la tha dad pa ma mchis so/ /bcom ldan 'das gang dag 'di skad du 'di dag ni so so'i skye bo'i chos rnams so/ /'di ni 'phags pa'i chos rnams so zhes mchi ba de 
dag la re zhig dge ba'i bshes gnyen rnams la bsnyen bkur gyis shig dang de nas gzod 'di dag ni so so'i skye bo'i chos rnams so/ /'di ni 'phags pa'i chos rnams so zhes bya bar shes par 'gyur ro zhes de dag la 'di skad brjod par bgyi'o/ /de skad ces gsol pa dang/ bcom 
ldan 'das kyis 'jam dpal gzhon nur gyur pa la 'di skad ces bka' stsal to/ /'jam dpal khyod de bzhin gshegs pa sems can thams cad kyi mchog tu 'dod dam/ 'jam dpal gyis gsol pa/ bcom ldan 'das gal te 'di la sems can du yongs su grub pa 'ga' zhig 
mchis na ni bdag de bzhin gshegs pa sems can thams cad kyi mchog tu 'tshal lo/ /bcom ldan 'das kyis bka' stsal pa/ 'jam dpal khyod de bzhin gshegs pa bsam gyis mi khyab pa'i chos dang ldan par 'dod dam/ 'jam dpal gyis gsol pa/ bcom ldan 
'das gal te bsam pa'i chos dang ldan pa 'ga' zhig mchis na ni bdag de bzhin gshegs pa bsam gyis mi khyab pa'i chos dang ldan par 'tshal lo/ /bcom ldan 'das kyis bka' stsal pa/ 'jam dpal khyod 'di ltar nyan thos 'di dag ni de bzhin gshegs pas btul lo zhes bya 
bar 'dod dam/ 'jam dpal gyis gsol pa/ bcom ldan 'das gal te la la zhig bsam gyis mi khyab pa'i dbyings 'dul bar 'gyur na ni bdag nyan thos 'di dag de bzhin gshegs pas btul lo zhes bgyi bar de ltar 'tshal lo/ /bcom ldan 'das sangs rgyas 'byung 
ba ni gang la phan pa'am/ gnod par yang nye bar gnas pa ma lags so/ /de ci'i slad du zhe na/ 'di ltar dbyings 'di ni gnas pa nyid dang/ dbyings 'di ni ma 'dres pa nyid de/ 'di lta ste/ bsam gyis mi khyab pa'i dbyings lags pa'i slad du'o/ /dbyings de la ni nyan thos </font><hr>34-1-160a<br><font size=+1>
tha dad pa nas so so'i skye bo tha dad pa'i bar du mi dmigs so/ /bcom ldan 'das kyis bka' stsal pa/ 'jam dpal khyod 'di ltar de bzhin gshegs pa bsod nams kyi zhing bla na med pa yin par mi 'dod dam/ 'jam dpal gyis gsol pa/ bcom ldan 'das 
dngos po ma mchis pa'i slad du de bzhin gshegs pa bsod nams kyi zhing ste/ de'i slad du de ni bsod nams kyi zhing bla na ma mchis pa'o/ /de ni zhing gang ba ma lags/ zhing ma gang ba yang ma lags shing zhing ma lags pa yang ma lags te/de'i slad du de ni bsod nams kyi zhing 
bla na ma mchis pa'o/ /bcom ldan 'das yang de la chos gang yang yang dag par 'grub par mi 'gyur/ bas par mi 'gyur te/ de ltar na de bsod nams kyi zhing lags so/ /de la sa bon btab pa ni rnam par mi 'phel zhing yongs su mi 'grib bo/ /bcom ldan 'das kyis bka' 
stsal pa/ 'jam dpal khyod kyis ci las bsams te/ zhing de las sa bon btab pa rnam par mi 'phel zhing yongs su mi 'grib bo zhes de skad smra/ 'jam dpal gyis gsol pa/ bcom ldan 'das 'di ltar zhing de ni bsam gyis mi khyab pa ste/ de ltar na de bsod 
nams kyi zhing lags so/ /de nas de'i tshe sangs rgyas kyi mthus sa chen po rnam pa drug tu g.yos par gyur to/ /dge slong khri drug stong ni len pa med par zag pa rnams las sems rnam par grol lo/ /dge slong ma bdun brgya dang dge bsnyen sum brgya dang/ dge bsnyen 
ma bzhi khri dang/ 'dod pa na spyod pa'i lha bye ba khrag khrig drug cu ni chos rnams la chos kyi mig rdul dang bral zhing dri ma med pa skyes so/ /de nas tshe dang ldan pa kun dga' bo stan las langs te chos gos phrag pa gcig tu gzar nas pus mo g.yas pa'i lha nga sa la btsugs te/ bcom 
ldan 'das ga la ba de logs su thal mo sbyar ba btud nas bcom ldan 'das la 'di skad ces gsol to/ /bcom ldan 'das 'jig rten du dog sa cher g.yos pa byung ba 'di'i rgyu gang lags rkyen gang lags/ de skad ces gsol pa dang/ bcom ldan 'das kyis tshe dang ldan pa kun dga' </font><hr>34-1-160b<br><font size=+1>
bo la 'di skad ces bka' stsal to/ /kun dga' bo bsod nams kyi zhing bstan pa zhes bya ba'i chos kyi rnam grangs 'di sngon gyi sangs rgyas bcom ldan 'das rnams kyis kyang sa phyogs 'di nyid du gsungs te/ kun dga' bo 'jig rten du sa g.yos pa byung ba 'di'i rgyu ni de yin no/ /
rkyen ni de yin no/ /de nas bcom ldan 'das la tshe dang ldan pa sha ra dwa ti'i bus 'di skad ces gsol to/ /bcom ldan 'das 'jam dpal 'di ni bsam gyis mi khyab pa'i dpal lo/ /de ci'i slad du zhe na/ 'di ltar 'di'i spobs pa gang dang gang lags pa'i spobs pa de dang de 
nyid bsam gyis mi khyab pa nyid lags so/ /de nas bcom ldan 'das kyis 'jam dpal gzhon nur gyur pa la bka' stsal pa/ 'jam dpal dge slong sha ra dwa ti'i bus tshig ji skad smras pa de de bzhin te/ 'jam dpal gzhon nur gyur pa'i spobs pa gang dang gang yin pa'i spobs 
pa de dag thams cad ni bsam gyis mi khyab pa nyid do/ /de skad ces bka' stsal pa dang/ bcom ldan 'das la 'jam dpal gzhon nur gyur pas 'di skad ces gsol to/ /bcom ldan 'das bsam gyis mi khyab na spobs par mi 'gyur ro/ /gal te bsam gyis mi khyab 
pa spobs par 'gyur na ni bsam du ma mchis pa nyid du mi 'gyur ro/ /yang gang bsam gyis mi khyab pa ma lags pa'i bsam gyis mi khyab pa ni ci yang ma mchis so/ /bcom ldan 'das sgra thams cad ni bsam gyis mi khyab pa ste/ bsam gyis mi khyab pa nyid ni sgra ma lags so/ /
sgra ma lags pa dang/ sgra ma lags pa yang ma lags pa ni bstan par mi nus so/ /bcom ldan 'das kyis bka' stsal pa/ 'jam dpal khyod bsam gyis mi khyab pa'i ting nge 'dzin la snyoms par 'jug gam/ 'jam dpal gyis gsol pa/ bcom ldan 'das de ni ma 
lags te/ bsam gyis mi khyab pa'i ting nge 'dzin la snyoms par mi 'jug go/ /de ci'i slad du zhe na/ bcom ldan 'das 'di ltar bdag nyid bsam gyis mi khyab pa'i ting nge 'dzin lags pa'i slad du'o/ /bcom ldan 'das gal te bdag bsam du rung ba lags na ni bdag bsam </font><hr>34-1-161a<br><font size=+1>
gyis mi khyab pa'i ting nge 'dzin la snyoms par 'jug go/ /bcom ldan 'das ting nge 'dzin ces bgyi ba de ni bsam du ma mchis pa/ bsam gyis mi khyab pa/ bsam gyis mi lang ba lags na/ ji ltar bsam gyis mi khyab pa'i ting nge 'dzin la snyoms par 'jug 
par bgyi de lta lags kyis kyang bcom ldan 'das bdag sngon las dang po pa'i tshe na/bsam gyis mi khyab pa'i ting nge 'dzin la snyoms par 'jug go/ /snyam du de snyam bsams par gyur to/ /bcom ldan 'das de ltar na bdag bsam gyis mi khyab pa'i ting nge 'dzin la snyoms par 
'jug go snyam du yang de la sems pa kun tu 'byung ba ma mchis so/ /bcom ldan 'das 'di lta ste dper na 'phong gi slob dpon ni sngon las dang po'i sa na slob pa'i tshe 'di snyam du ba lang gi phur pa dag la phog par bya'o snyam du sems so/ /de gang gi tshe skra la phog pa grub par gyur 
pa de'i tshe 'di ltar skra la phog pa legs par lobs pa'i slad du de yang 'di snyam du bdag gis ba lang gi phur pa dag la phog par bya'o snyam du sems pa mi 'byung ngo / /ci ste gang gi tshe skra la phog par 'tshal ba de'i tshe bsgrim mi 'tshal bar phog par 'gyur ro/ /bcom ldan 'das de bzhin du 
bdag sngon ni bsam gyis mi khyab pa'i ting nge 'dzin la snyoms par 'jug go snyam du de snyam bsams par gyur to/ /gang gi tshe bdag gis ting nge 'dzin de la snyoms par zhugs nas ting nge 'dzin 'dis gnas pa de'i tshe bdag slar yang ting nge 'dzin 'dis gnas par bgyi'o snyam du mi sems so/ /de 
ci'i slad du zhe na/ gang dang gang gi tshe ting nge 'dzin 'dis gnas pa de dang de'i tshe ting nge 'dzin 'di gdags su ma mchis pa'i slad du'o/ /de nas bcom ldan 'das la tshe dang ldan pa sha ra dwa ti'i bus 'di skad ces gsol to/ /bcom ldan 'das 'jam dpal gzhon nur gyur pa ni bsam 
gyis mi khyab pa'i ting nge 'dzin 'dis gnas pa de'i tshe 'di la yid mi rton na/ bcom ldan 'das bsam gyis mi khyab pa'i ting nge 'dzin 'di bas chos zhi ba'i ting nge 'dzin gzhan lta mchis sam de nas 'jam dpal gzhon nur gyur pas tshe dang ldan pa sha ra dwa ti'i bu la 'di skad ces smras so/ /</font><hr>34-1-161b<br><font size=+1>
btsun pa sha ra dwa ti'i bu 'di skad du bsam gyis mi khyab pa'i ting nge 'dzin 'di bas ches zhi ba'i ting nge 'dzin gzhan lta mchis sam zhes 'dri na btsun pa sha ra dwa ti'i bu khyod kyis bsam gyis mi khyab pa'i ting nge 'dzin 'di zhi ba yin par ji ltar shes/ btsun pa sha ra dwa ti'i bu gal te bsam gyis 
mi khyab pa'i ting nge 'dzin 'di yod cing dmigs na ni bsam gyis mi khyab pa'i ting nge 'dzin 'di bas ches zhi ba'i ting nge 'dzin gzhan yod par 'gyur ro/ /sha ra dwa ti'i bus smras pa/ 'jam dpal bsam gyis mi khyab pa'i ting nge 'dzin 'di med cing mi dmigs pa yin nam/ 'jam 
dpal gyis smras pa/ btsun pa sha ra dwa ti'i bu 'di ltar de ni bsam gyis mi khyab pa'i ting nge 'dzin te/ de bas na bsam gyis mi khyab pa'i ting nge 'dzin 'di med de mi dmigs pa'o/ /de lta mod kyis btsun pa sha ra dwa ti'i bu bsam gyis mi khyab pa'i ting nge 'dzin ma thob pa ni su yang med 
do/ /btsun pa sha ra dwa ti'i bu sems can thams cad kyang bsam gyis mi khyab pa'i ting nge 'dzin thob pa'o/ /de ci'i phyir zhe na/ bsam pa thams cad ni bsam gyis mi khyab pa yin la/ gang bsam gyis mi khyab pa de ni bsam gyis mi khyab pa'i ting nge 'dzin te/ de bas na sems 
can thams cad bsam gyis mi khyab pa'i ting nge 'dzin 'di thob bo// //bam po gnyis pa ste tha ma/ de nas bcom ldan 'das kyis 'jam dpal gzhon nur gyur pa la 'di skad ces bka' stsal to/ /'jam dpal khyod kyis zab mo zab pa'i gnas 'di lta bu 'di thams cad 
bstan pa legs so legs so/ /'di ltar 'jam dpal khyod ni sngon gyi rgyal ba la bya ba byas pa ste/ mi dmigs par tshangs par spyod pa yun ring du spyad pa'o/ /ci 'jam dpal khyod shes rab kyi pha rol tu phyin pa la gnas te/ de skad smra'o snyam du sems sam/ 'jam dpal 
gyis gsol pa/ bcom ldan 'das gal te bdag 'di ltar shes rab kyi pha rol tu phyin pa la gnas nas 'di skad mchi na ni 'o na dmigs pa la gnas te/ de skad mchi bar 'gyur/ bdag tu 'du shes pa la gnas pa nas dngos po'i 'du shes kyi bar la gnas te de skad mchi bar 'gyur </font><hr>34-1-162a<br><font size=+1>
ro/ /de bas na shes rab kyi pha rol tu phyin pa la gnas te de skad mi mchi'o/ /de ci'i slad du zhe na/ bcom ldan 'das gal te shes rab kyi pha rol tu phyin pa gnas su gyur tam/ ji ste gnas ma lags pa zhig tu gyur na shes rab kyi pha rol tu phyin pa ma lags par 
'gyur ro/ /bcom ldan 'das bdag gi gnas ni shes rab kyi pha rol tu phyin pa'i gnas te/ gnas ma mchis pa/ kun nas 'byung ba ma mchis pa/ go skabs ma mchis pa/ 'byung ba ma mchis pa lags so/ /de ltar na gnas de ni chos gang gi gnas kyang ma 
lags so/ /de'i slad du gnas de ni bsam gyis mi khyab pa'i gnas te/ shes rab kyi pha rol tu phyin pa'i gnas lags so/ /bcom ldan 'das shes rab kyi pha rol tu phyin pa zhes bgyi ba ni chos thams cad kyi skye ba ma mchis pa gang lags pa de shes rab kyi pha rol tu phyin pa lags so/ /
shes rab kyi pha rol tu phyin pa zhes bgyi ba de ni 'di lta ste bsam gyis mi khyab pa'i dbyings kyi tshig bla dgas so/ /bsam gyis mi khyab pa'i dbyings gang lags pa de skye ba ma mchis pa'i dbyings so/ /skye ba ma mchis pa'i dbyings gang lags pa de chos kyi dbyings so/ /chos kyi dbyings 
gang lags pa de kun du 'byung ba ma mchis pa'i dbyings so/ /kun du 'byung ba ma mchis pa'i dbyings gang lags pa de bsam gyis mi khyab pa'i dbyings so/ /bsam gyis mi khyab pa'i dbyings gang lags pa de bdag gi dbyings so/ /bdag gi dbyings gang lags pa de shes rab kyi 
pha rol tu phyin pa'i dbyings te/ de ltar na shes rab kyi pha rol tu phyin pa'i dbyings dang/ bdag gi dbyings 'di ni gnyis su ma mchis te/ gnyis su dbyer ma mchis so/ /gang gi slad du 'di gnyis su ma mchis te gnyis su dbyer ma mchis pa de'i slad du 'di ni bsam gyis 
mi khyab pa'i dbyings so/ /gang gi slad du 'di bsam gyis mi khyab pa'i dbyings lags pa de'i slad du 'di ni skye ba ma mchis pa'i dbyings so/ /gang gi slad du 'di skye ba ma mchis pa'i dbyings lags pa de'i slad du 'di ni chos kyi dbyings so/ /gang gi slad du 'di chos kyi </font><hr>34-1-162b<br><font size=+1>
dbyings lags pa de'i slad du 'di ni kun tu 'byung ba ma mchis pa'i dbyings so/ /gang gi slad du 'di kun tu 'byung ba ma mchis pa'i dbyings lags pa de'i slad du 'di ni bsam gyis mi khyab pa'i dbyings so/ /gang gi slad du 'di bsam gyis mi khyab pa'i dbyings lags pa'i slad 
du 'di ni bdag gi dbyings so/ /gang gi slad du 'di bdag gi dbyings lags pa de'i slad du 'di ni shes rab kyi pha rol tu phyin pa'i dbyings so/ /gang gi slad du 'di shes rab kyi pha rol tu phyin pa'i dbyings lags pa de'i slad du 'di ni bsam gyis mi khyab pa'i dbyings so/ /gang gi slad 
du 'di bsam gyis mi khyab pa'i dbyings lags pa de'i slad du 'di ni yang dag par 'grub pa ma mchis pa'i dbyings so/ /yang dag par 'grub pa ma mchis pa gang lags pa de mchis pa ma lags so/ /gang mchis pa ma lags pa de ni 'jig par mi 'gyur ro/ /gang 'jig par 
mi 'gyur ba de ni bsam gyis mi khyab pa ste/ de ltar na de bzhin gshegs pa'i dbyings dang/ bdag gi dbyings 'di ni gnyis su ma mchis te/ gnyis su dbyer ma mchis so/ /bcom ldan 'das kyis gang bdag sgom pa ni shes rab kyi pha rol tu phyin pa sgom pa'o zhes bka' 
stsal pa de yang ci'i slad du zhe na/ bcom ldan 'das shes rab kyi pha rol tu phyin pa zhes bgyi ba 'di ni bdag gi dbyings kyi tshig bla dgas lags pa'i slad du'o/ /de ci'i slad du zhe na/ bcom ldan 'das gang gis bdag gi dbyings 'tshal ba des chags pa ma mchis pa'i dbyings 'tshal to/ /
gang gis chags pa ma mchis pa nyid 'tshal ba des chos gang yang 'tshal ba ma mchis te/ de ci'i slad du zhe na/ 'di ltar bsam gyis mi khyab pa'i ye shes ni sangs rgyas kyi ye shes lags te chos gang la yang shes pa ma mchis pa ni sangs rgyas kyi ye shes lags pa'i slad du'o/ /de ci'i slad 
du zhe na/ ye shes de ni don dam par na mchis pa ma lags te/ gang don dam par ma mchis pa de chos kyi 'khor lo skor bar yang ji ltar 'gyur/ gang gi tshe ye shes de don dam par ma mchis pa de'i tshe ye shes de ni chags pa ma mchis pa'o/ /gang gi tshe ye shes de chags pa ma mchis pa </font><hr>34-1-163a<br><font size=+1>
de'i tshe ye shes de ni dngos po ma mchis pa'o/ /gang gi tshe ye shes de dngos po ma mchis pa de'i tshe ye shes de ni yul ma mchis pa'o/ /gang gi tshe ye shes de yul ma mchis pa de'i tshe ye shes de ni mi gnas pa'o/ /gang gi tshe ye shes de mi gnas pa de'i tshe ye 
shes de ni rten ma mchis pa'o/ /gang gi tshe ye shes de rten ma mchis pa de'i tshe ye shes de ni ma bskyed pa'o/ /ma thob pa'o/ /skye bar mi 'gyur ba'o/ /de ci'i slad du zhe na/ ye shes de ni yon tan gyi 'dus bgyis pa'am yon tan ma lags pas 'dus bgyis pa ma lags pa'i 
slad du'o/ /de ci'i slad du zhe na/ 'di ltar ye shes de ni bsam gyis mi khyab pa ste/ de'i slad du yon tan nam/ yon tan ma lags par yang ji skad du bstan par bgyi/ gang gi slad du ye shes de bsam gyis mi khyab pa de'i slad du ye shes de bsam du ma mchis pa ste/ gang 
de ltar shes pa de ni mi dmigs pa'i tshul du sangs rgyas kyi ye shes lags so/ /ye shes des ni chos gang yang mngon par rdzogs par sangs rgyas pa'am mkhyen pa ma mchis so/ /ye shes de ni sngon gyi mtha' 'am phyi ma'i mtha' nas mchis pa ma lags so/ /ye shes de ni sngon 
skyes pa yang ma lags ye shes de ni sngon ma skyes pa yang ma lags te/ sngon ma skyes pa'i slad du gang ma skyes pa de ni nub par yang mi 'gyur/ chad par yang mi 'gyur ro/ /ye shes de dang 'dra ba'i ye shes gang yang ma mchis te/ de'i slad du ye shes de ni bsam gyis mi khyab cing 
'dra ba ma mchis pa'o/ /ye shes de ni thog ma dang dbus dang tha ma mi dmigs pa ste/ de'i slad du ye shes de ni nam mkha' dang 'dra ba'o/ /ye shes de la mnyam pa'am/ mi mnyam pa mi dmigs te/ de'i slad du ye shes de ni mi mnyam pa dang mnyam pa'o/ /ye shes de la ni de 
dang 'dra ba'i ye shes gzhan mi dmigs te/ de'i slad du ye shes de ni mtshungs pa ma mchis pa'o/ /de nas bcom ldan 'das kyis 'jam dpal gzhon nur gyur pa la 'di skad ces bka' stsal to/ /'jam dpal ye shes 'di mi bsgyur ba ma yin nam/ 'jam dpal gyis gsol pa/</font><hr>34-1-163b<br><font size=+1>
bcom ldan 'das ye shes 'di ni ma bgyis pa ste/ de'i slad du 'di mi bsgyur ba lags so/ /bcom ldan 'das 'di lta ste dper na kAraShA pa Na rtags ma btab pa ni bsgyur ba yang ma lags/ mi bsgyur ba yang ma lags pa'i grangs su mchi'o/ /bcom ldan 'das de bzhin du ye 
shes 'di yang ma bgyis pa ma bsgrubs pa/ ma bskyed pa/ ma phyung ba/ ma 'gags pa ste/ de'i slad du mi bsgyur ba lags so/ /de nas bcom ldan 'das kyis 'jam dpal gzhon nur gyur pa la bka' stsal pa/ 'jam dpal de bzhin gshegs pa'i ye shes bstan pa 'di la 
'di ltar bstan par su dag mos/ 'jam dpal gyis gsol pa/ bcom ldan 'das gang dag 'khor ba'i chos can yang ma lags la/ yongs su mya ngan las 'das pa'i chos can yang ma lags pa dang/ gang dag 'jig tshogs la yang ma bskyod pa dang/ gang dag 'dod chags dang/ zhe 
sdang dang/ gti mug kyang ma bas pa de dag mos so/ /de ci'i slad du zhe na/ mi bas pa ni bas par mi 'gyur te/ yongs su bas par yang mi mchi'o/ /gang dag 'khor ba las kyang ma 'das la 'khor ba'i grangs su yang mi mchi ba dang/ gang dag lam dang bral ba yang ma lags shing lam 
gyi 'du shes kyang mi skyed pa de dag gis bstan pa 'di'i don 'tshal bar 'gyur ro/ /de skad ces gsol pa dang/ bcom ldan 'das kyis 'jam dpal gzhon nur gyur pa la 'di skad ces bka' stsal to/ /'jam dpal legs so legs so/ /khyod kyi tshig 'di legs par smras 
pa'o/ /de nas de'i tshe bcom ldan 'das la tshe dang ldan pa 'od srung chen pos 'di skad ces gsol to/ /bcom ldan 'das ma mchis pa'i dus na gang la la chos 'dul ba zab mo 'di dang/ shes rab kyi pha rol tu phyin pa zab mo 'di la nyan pa dang/ mos pa dang/ kun 'tshal ba dang/ 
rab tu 'dzin par 'gyur ba 'byung ba mchis sam de skad ces gsol pa dang/ bcom ldan 'das kyis tshe dang ldan pa 'od srung chen po la 'di skad ces bka' stsal to/ /'od srung 'khor 'di nyid na yang gang dag ma 'ongs pa'i dus na chos 'dul ba zab mo 'di dang/ shes rab kyi pha rol </font><hr>34-1-164a<br><font size=+1>
tu phyin pa zab mo 'di la nyan pa dang/ mos pa dang/ kun shes pa dang/ rab tu 'dzin par 'gyur ba'i dge slong dang/ dge slong ma dang/ dge bsnyen dang/ dge bsnyen ma de dag yod do/ /'od srung 'di lta ste dper na khyim bdag gam/ khyim bdag gi 
bu zhig gi nor bu rin po che brgya stong ri ba stor na sdug bsngal ba dang/ yid mi bde bar 'gyur ro/ /de nyid rnyed na bde ba dang/ yid bde ba skye zhing kun nas dkris pa'i yid la byed pa med par 'gyur ro/ /'od srung de bzhin du dge slong dang/ dge slong ma dang/ dge bsnyen dang/ 
dge bsnyen ma de dag kyang shes rab kyi pha rol tu phyin pa zab mo 'di ma skyes pa dang/ ma byung ba dang/ rang bzhin gyis yongs su mya ngan las 'das pa nas dngos po med pa'i bar du ma thos pa na 'di snyam du bdag cag gis shes rab kyi pha rol tu phyin pa zab mo ma skyes pa dang/ ma byung ba dang/ 
rang bzhin gyis yongs su mya ngan las 'das pa nas dngos po med pa'i bar 'di lta bu 'di ma thos so snyam du sems so/ /de dag gis dus gzhan na thos par gyur pa na dga' ba dang/ bde ba dang/ yid dga' bar 'gyur zhing kun nas dkris pa'i yid la byed pa med par 'gyur te/ 
tshig 'di skad du 'di ltar bdag cag gis shes rab kyi pha rol tu phyin pa zab mo ma skyes pa dang/ dngos po med pa dang/ ma byung ba 'di thos pas deng bdag cag gis sangs rgyas mthong zhing de bzhin gshegs pa la bsnyen bkur yang byas so zhes smra bar 'gyur ro/ /'od srung 'di lta ste 
dper na sum cu rtsa gsum pa'i lha rnams ni shing yongs 'du sa brtol kha 'bus pa mthong nas kye ma yongs 'du sa brtol 'di ring po mi thogs par me tog thams cad rgyas par 'gyur ro snyam ste/ yid dga' ba dang/ rab tu dga' bar 'gyur ro/ /'od srung de bzhin du dge slong dang/ dge slong ma 
dang/ dge bsnyen dang/ dge bsnyen ma de dag kyang shes rab kyi pha rol tu phyin pa zab mo ma skyes ma byung ba nas dngos po med pa'i bar 'di thos na/ yid dga' ba dang/ rab tu dga' bar 'gyur ro/ /gang dag ma 'ongs pa'i dus na shes rab kyi pha rol tu phyin pa zab mo ma skyes pa dang/</font><hr>34-1-164b<br><font size=+1>
ma byung ba nas dngos po med pa'i bar 'di thos na yid dga' ba dang/ rab tu dga' bar 'gyur ba de dag kyang nga'i 'khor 'di nyid na gnas par 'od srung khyod kyis shes par gyis shig /gang dag ma 'ongs pa'i dus na yid dga' ba dang/ rab tu dga' bar 'gyur ba de dag yid 
dga' ba de dang rab tu dga' ba des ring po mi thogs par sangs rgyas kyi chos thams cad kyi me tog rgyas par 'gyur bas me tog thams cad rgyas pa 'gyur bar shes par gyis shig /'od srung 'di ltar shes rab kyi pha rol tu phyin pa zab mo ma skyes pa dang/ ma byung ba nas dngos po 
med pa'i bar 'di ma 'ongs pa'i dus na de bzhin gshegs pa 'das pa'i phyi na gnas par 'gyur ba dang/ spyod par 'gyur ba gang yin pa de yang 'od srung sangs rgyas kyi byin gyis brlabs dang/ sangs rgyas kyi mthu yin par shes par bya'o/ /'od srung de bas na gang dag shes 
rab kyi pha rol tu phyin pa zab mo ma skyes pa dang/ ma byung ba nas dngos po med pa'i bar 'di thos nas dga' na/ 'od srung de ni de dag gi thos pa'i dang po ma yin no/ /'od srung 'di lta ste dper na nor bu mkhan zhig gis nor bu rin po che mthong nas gang gi tshe dga' bar gyur pa de na 
nor bu mkhan des nor bu rin po che da gdod mthong ba ma yin gyi de ni sngon nas rgyun du nor bu rin po che mthong ba'o zhes shes par bya'o/ /'od srung de bzhin du gang dag shes rab kyi pha rol tu phyin pa zab mo ma skyes pa dang/ ma byung ba nas dngos po med pa'i bar 'di thos nas yid dga' ba dang/ 
rab tu dga' bar gyur cing mgu ba dang/ rangs pa dang/ yid bde ba skyes na 'od srung 'di ni de dag gi thos pa'i dang po ma yin no/ /'od srung de dag ni 'di skad du smra bar gyur te/ gang 'di 'jam dpal gzhon nur gyur pas ma skyes pa nas dngos po med pa dang/ ma byung ba'i bar du 
bstan pa 'di nyid smros shig ces zer bar 'gyur te/ de dag ni sngon rgyun du 'jam dpal gzhon nur gyur pa la bsnyen bkur byas par gyur pa'o/ /'od srung 'di lta ste dper na mi la la zhig grong ngam grong khyer ram/ grong rdal lam/ grong gang yang rung ba zhig tu dgos pa la la'i </font><hr>34-1-165a<br><font size=+1>
phyir son par gyur la/ yang dus gzhan zhig na de'i drung du mi la la zhig song ste/ grong khyer de'i bsngags pa brjod cing kun dga'i ra ba nyams dga' ba dang/ yul nyams dga' ba dang/ rdzing bu nyams dga' ba dang/ skyed mos tshal nyams dga' ba dang/ chu 
mig dang/ mtshe'u dang/ mtsho bran nyams dga' ba dang/ me tog dang/ 'bras bu nyams dga' ba de dag gi bsngags pa brjod nas des de thos pa dang/ dga' bar tshor te yid bde ba skyes nas yang dang yang du 'di skad du kye skyes bu de nyid zlos te brjod cig ces 'tshol na 
mi des ni sngon yang grong khyer de dang/ kun dga' ra ba nyams dga' ba dang/ yul nyams dga' ba dang/ rdzing bu nyams dga' ba dang/ skyed mos tshal nyams dga' ba dang/ chu mig dang/ mtshe'u dang/ mtsho bran nyams dga' ba dang/ me tog dang/ 'bras bu nyams dga' 
ba dag kyang myong ba yin par mi des de ltar rtogs par 'gyur ro/ /de ci'i phyir zhe na/ 'di ltar des thos nas yid cher dga' ba dang/ rab tu dga' ba dang/ rab tu dga' bar gyur te/ mgu ba dang/ rangs pa dang/ yid bde ba skyes pa'i phyir ro/ /'od srung de bzhin du gang dag 
gis 'jam dpal gzhon nur gyur pa la bsnyen bkur byas par gyur pa dang/ yang dang yang drung du 'gro zhing 'dri ba byas par gyur pa de dag shes rab kyi pha rol tu phyin pa zab mo ma skyes pa dang/ ma byung ba nas dngos po med pa'i bar 'di thos na rab tu dga' zhing mgu bar gyur te/ 
dga' ba dang mgu ba cher skyed cing tshig 'di skad du ma la 'di lta ste/ ma skyes pa dang/ ma byung ba nas dngos po med pa'i bar du bstan pa'i shes rab kyi pha rol tu phyin pa 'di lta bu 'di nyid ji mnyan to zhes smra bar 'gyur ro/ /de skad ces bka' stsal pa dang/ bcom ldan 'das la tshe 
dang ldan pa 'od srung chen pos 'di skad ces gsol to/ /bcom ldan 'das ma mchis pa'i dus na dad pa'i rigs kyi bu'am/ rigs kyi bu mo 'byung ba de dag gi rnam pa dang/ rtags dang/ mtshan ma bcom ldan 'das kyis gang dag bka' stsal pa de dag nyid lags sam/</font><hr>34-1-165b<br><font size=+1>
bcom ldan 'das kyis bka' stsal pa/ 'od srung ji skad smras pa de de bzhin te/ ma 'ongs pa'i dus na dad pa'i rigs kyi bu'am/ rigs kyi bu mo 'byung ba de dag gi rnam pa dang/ rtags dang/ mtshan ma 'di gang dag ngas da ltar bstan pa 'di dag nyid yin no/ /de nas bcom ldan 'das 
la 'jam dpal gzhon nur gyur pas 'di skad ces gsol to/ /bcom ldan 'das chos de ni rnam pa ma mchis shing rtags ma mchis pa dang/ bcom ldan 'das shes rab kyi pha rol tu phyin pa yang rnam pa ma mchis pa nas mtshan ma ma mchis pa'i bar du lags na rnam pa'am/ 
rtags sam/ mtshan ma ji lta bu zhig mchis par 'gyur/ bcom ldan 'das kyis chos bstan pa gang lags pa de yang rnam pa ma mchis/ rtags ma mchis/ mtshan ma mchis pa'i bar du lags na bcom ldan 'das rnam pa ma mchis pa dang/ rtags ma mchis pa dang/ 
mtshan ma ma mchis pa ji ltar bstan par 'gyur/ de skad ces gsol pa dang/ bcom ldan 'das kyis 'jam dpal gzhon nur gyur pa la 'di skad ces bka' stsal to/ /'jam dpal shes rab kyi pha rol tu phyin pa zab mo shin tu ma skyes pa dang/ dngos po med pa'i bar 'di bstan na 
gang dag mos pa nas kun chub par byed pa'i bar du byed pa de dag nyid rigs kyi bu dang/ rigs kyi bu mo de dag gi rnam pa dang/ rtags dang/ mtshan ma yin no/ /'jam dpal gang du shes rab kyi pha rol tu phyin pa bstan pa der/ sangs rgyas kyi chos thams cad blta bar bya'o/ /
der bsam gyis mi khyab pa bstan par blta'o/ /'jam dpal ngas sngon byang chub sems dpa'i spyad pa spyod pa na/ dge ba'i rtsa ba gang dag yang dag par bsgrubs te/ dge ba'i rtsa ba gang dag gis bla na med pa yang dag rdzogs pa'i byang chub 'di mngon par rdzogs 
par sangs rgyas pa'i dge ba'i rtsa ba de dag yang dag par bsgrub par 'dod pa'i rigs kyi bu'am/ rigs kyi bu mos shes rab kyi pha rol tu phyin pa 'di nyid mnyan par bya/ mos par bya/ yi ger bri bar bya/ gzung bar bya/ bklag par bya/ lung nod par bya/ kha ton du bya/ tshig </font><hr>34-1-166a<br><font size=+1>
tu gdon par bya/ kun chub par bya/ tshul bzhin du yid la bya/ sgom par bya ba nas/ me tog dang/ bdug pa dang/ spos dang/ phreng ba dang/ byug pa dang/ phye ma dang/ gos dang/ gdugs dang/ rgyal mtshan dang/ ba dan dang/ rnam par 
rgyal ba'i ba dan dang/ mar me la sogs pa ci nus ci phod du mchod pa'i bar du bya'o/ /rim gror bya'o/ /nyan thos dang/ rang sangs rgyas thams cad kyis las 'da' bar 'dod pa'i rigs kyi bu'am/ rigs kyi bu mos kyang shes rab kyi pha rol tu phyin pa 'di nyid mnyan 
par bya ba nas rim gror bya ba'i bar du bya'o/ /'jam dpal ji ltar phyir mi ldog pa'i sa la 'jug par 'gyur ba de lta bu nyan par 'dod pa'i rigs kyi bu'am/ rigs kyi bu mos kyang shes rab kyi pha rol tu phyin pa 'di nyid mnyan par bya ba nas rim gro'i bar du bya'o/ /'jam dpal 
chos gang yang rung ste/ de dag thams cad ma skyes par mnyam pa nyid du mos par 'dod pa'i rigs kyi bu'am/ rigs kyi bu mos kyang shes rab kyi pha rol tu phyin pa 'di nyid mnyan par bya ba nas rim gro'i bar du bya'o/ /'jam dpal sangs rgyas kyi chos thams cad mngon par 
rdzogs par byang chub par 'dod pa'i rigs kyi bu'am/ rigs kyi bu mos kyang shes rab kyi pha rol tu phyin pa 'di nyid mnyan par bya ba nas rim gro'i bar du bya'o/ /'jam dpal chos thams cad de bzhin gshegs pas mngon par rdzogs par sangs rgyas so zhes shin tu 
bstan pa 'di la mos par 'dod pa'i rigs kyi bu'am/ rigs kyi bu mos kyang shes rab kyi pha rol tu phyin pa 'di nyid mnyan par bya ba nas rim gro'i bar du bya'o/ /de ci'i phyir zhe na/ gang mngon par rdzogs par 'tshang rgya bar byed pa'am/ gang gis mngon par rdzogs par 'tshang rgya 
bar byed pa'am/ gang mngon par rdzogs par 'tshang rgya bar bya ba'i chos de gang yang med de mi dmigs pa'i phyir ro/ /de ltar don 'di rtogs shing mos par 'dod pa'i rigs kyi bu'am/ rigs kyi bu mos kyang shes rab kyi pha rol tu phyin pa 'di nyid mnyan par bya ba nas rim gro'i </font><hr>34-1-166b<br><font size=+1>
bar du bya'o/ /gang byang chub ma yin pa'i chos de gang yang med do zhes de ltar mos par 'dod pa'i rigs kyi bu'am/ rigs kyi bu mos kyang shes rab kyi pha rol tu phyin pa 'di nyid mnyan par bya ba nas rim gro'i bar du bya'o/ /chos thams cad la rnam par mi rtog par 'dod 
pa'i rigs kyi bu'am/ rigs kyi bu mos kyang shes rab kyi pha rol tu phyin pa 'di nyid mnyan par bya ba nas rim gro'i bar du bya'o/ /de ci'i phyir zhe na/ shes rab kyi pha rol tu phyin pa ni chos gang gi yongs su grub pa rnam par gzhog pa'am/ skyed pa'am/ ston pa ma yin 
pa'i phyir ro/ /chos thams cad kun nas nyon mongs pa ma yin/ rnam par byang ba ma yin zhes bya bar 'jug par 'dod pa'i rigs kyi bu'am/ rigs kyi bu mos kyang shes rab kyi pha rol tu phyin pa 'di nyid mnyan par bya ba nas rim gro'i bar du bya'o/ /chos thams cad 'das 
pa ma yin/ ma 'ongs pa ma yin/ da ltar byung ba ma yin zhes bya bar mos par bya bar 'dod cing 'jug par 'dod pa'i rigs kyi bu'am/ rigs kyi bu mos kyang shes rab kyi pha rol tu phyin pa 'di nyid mnyan par bya ba nas rim gro'i bar du bya'o/ /de ci'i phyir zhe na/ 'jam dpal skye ba 
med pa ni 'das pa ma yin/ ma 'ongs pa ma yin/ da ltar byung ba ma yin pa'i phyir ro/ /de ci'i phyir zhe na/ 'jam dpal chos thams cad ni skye ba med pa la rton pa'i phyir ro/ /de lta bu'i chos thams cad the tshom med par rtogs par 'dod pa'i rigs kyi bu'am/ rigs kyi bu mos 
kyang shes rab kyi pha rol tu phyin pa 'di nyid mnyan par bya ba nas rim gro'i bar du bya'o/ /'jam dpal lan gsum du bzlas te rnam pa bcu gnyis su bskor ba'i chos kyi 'khor lor ji ltar 'gyur ba de nyan par 'dod pa dang/ de rtogs par 'dod pa dang/ de la mos par 'dod pa dang/ 
de la 'jug par 'dod pa'i rigs kyi bu'am/ rigs kyi bu mos kyang shes rab kyi pha rol tu phyin pa 'di nyid mnyan par bya ba nas rim gro'i bar du bya'o/ /sems can thams cad la byams pas khyab par bya bar yang 'dod la sems can du 'du shes pa la yang mi gnas par 'dod pa dang/</font><hr>34-1-167a<br><font size=+1>
'jig rten thams cad dang/ rtsod par yang 'dod cing 'jig rten thams cad mi dmigs par rtogs par yang 'dod pa'i rigs kyi bu'am/ rigs kyi bu mos kyang shes rab kyi pha rol tu phyin pa 'di nyid mnyan par bya ba nas rim gro'i bar du bya'o/ /chos thams cad skye ba med pa'i 
bar du rtogs par 'dod pa'i rigs kyi bu'am/ rigs kyi bu mos kyang shes rab kyi pha rol tu phyin pa 'di nyid la mi dmigs pa'i tshul gyis bslab par bya'o/ /de nas bcom ldan 'das la 'jam dpal gzhon nur gyur pas 'di skad ces gsol to/ /bcom ldan 'das shes rab kyi pha rol 
tu phyin pa yon tan ma mchis pa'i yon tan gang lags/ phan yon gang lags/ bcom ldan 'das shes rab kyi pha rol tu phyin pa ni nus pa ci yang ma mchis pa/ kun nas spong bar mi bgyid pa/ rnam par 'jig par mi bgyid pa/ chos gang yang mi len pa/ mi 'dor ba g.yo ba ma 
mchis pa/ byed pa ma mchis pa lags/ shes rab kyi pha rol tu phyin pa ni ngo bo nyid shes pa ma lags pa/ ngo bo nyid mthong ba ma lags pa/ chos gang yang sbyin par mi bgyid pa chos thams cad dang mi 'gal ba/ chos thams cad tha dad par mi bgyid pa lags na/ bcom ldan 
'das shes rab kyi pha rol tu phyin pa'i yon tan gang lags/ phan yon gang lags bcom ldan 'das shes rab kyi pha rol tu phyin pa chos thams cad gcig tu bgyid pa ma lags pa/ chos thams cad tha dad par bgyid pa ma lags pa/ ma bgyis pa/ bgyi ba ma mchis pa/ mi bas 
pa rnam par 'jig par mi bgyid pa/ so so'i skye bo'i chos rnams dang/ dgra bcom pa'i chos rnams dang/ byang chub sems dpa'i chos rnams dang/ sangs rgyas kyi chos rnams kyang sbyin par bgyid pa ma lags pa/ 'grib par bgyid pa ma lags pa/ 'khor ba len par 
mi bgyid pa mya ngan las 'das pa 'dor bar mi bgyid pa/ sangs rgyas kyi chos rnams sbyin par bgyid pa ma lags pa/ rnam par 'jig par bgyid pa ma lags pa/ bsam par bgyid pa ma lags pa/ bsam du ma mchis pa ma lags pa/ bgyid pa ma lags pa/ 'jig par </font><hr>34-1-167b<br><font size=+1>
bgyid pa ma lags pa/ chos thams cad skyed pa ma lags pa/ 'gog pa ma lags pa/ chad par bgyid pa ma lags pa/ rtag par bgyid pa ma lags pa/ 'ong bar bgyid pa ma lags pa/ 'gro bar bgyid pa ma lags pa/ dben par bgyid pa ma lags pa/ 
mi dben par bgyid pa ma lags pa/ gnyis su bgyid pa ma lags pa/ mi gnyis par bgyid pa ma lags pa'i yon tan gang lags/ phan yon gang lags/ de skad ces gsol pa dang/ bcom ldan 'das kyis 'jam dpal gzhon nur gyur pa la 'di skad ces bka' stsal to/ /
'jam dpal dngos po med pa nas byed pa med pa'i bar 'di nyid shes rab kyi pha rol tu phyin pa 'di'i yon tan du rig par bya'o/ /'jam dpal yang byang chub sems dpa' sems dpa' chen po byang chub sems dpa'i ting nge 'dzin la slob par 'dod pa dang/ byang chub sems dpa'i 
ting nge 'dzin bsgrub par 'dod pa dang/ ting nge 'dzin gang la gnas nas sangs rgyas bcom ldan 'das thams cad snang ba dang/ de dag gi sangs rgyas kyi zhing rnams kyang mthong bar 'dod pa dang/ de dag gi ming yang shes par 'dod pa dang/ de dag la mchod pa bla na med pa yang 
byed par 'dod pa dang/ de dag gi chos bstan pa la 'jug par 'dod pa dang/ mos par 'dod pas mi bslab pa'i tshul du shes rab kyi pha rol tu phyin pa 'di nyid la bslab par bya'o/ /de nas bcom ldan 'das la 'jam dpal gzhon nur gyur pas 'di skad ces gsol to/ /bcom ldan 'das 
ci'i slad du 'di la shes rab kyi pha rol tu phyin pa zhes bgyi/ bcom ldan 'das kyis bka' stsal pa/ 'jam dpal ma skyes ma 'gags pa'i phyir shes rab kyi pha rol tu phyin pa zhes bya'o/ /'di ltar yang gzod ma nas zhi ba dang/ 'byung ba med pa dang/ bya ba med pa nas dngos po med 
pa'i bar gyi phyir te/ gang dngos po med pa de shes rab kyi pha rol tu phyin pa yin no/ /'jam dpal de'i phyir byang chub sems dpa' sems dpa' chen po rnams shes rab kyi pha rol tu phyin pa bsgom par shes par bya'o/ /gang chos thams cad spyod yul ma yin pa de ni byang chub sems dpa' </font><hr>34-1-168a<br><font size=+1>
sems dpa' chen po rnams kyi spyod yul te/ 'di la spyod pa na byang chub sems dpa' sems dpa' chen po spyod yul la zhugs pa zhes bya'o/ /'di lta ste spyod yul ma yin pa theg pa thams cad pa 'di nyid spyod yul yin no/ /de ci'i phyir zhe na/ spyod yul 'di 
ni ma byas pa ste/ de'i phyir spyod yul ma yin pa zhes bya'o/ /de nas bcom ldan 'das la 'jam dpal gzhon nur gyur pas 'di skad ces gsol to/ /bcom ldan 'das gang la spyad na byang chub sems dpa' sems dpa' chen po myur du bla na med pa yang dag par rdzogs 
pa'i byang chub mngon par rdzogs par 'tshang rgya bar 'gyur/ de skad ces gsol pa dang/ bcom ldan 'das kyis 'jam dpal gzhon nur gyur pa la 'di skad ces bka' stsal to/ /'jam dpal shes rab kyi pha rol tu phyin pa la spyod na byang chub sems dpa' sems dpa' chen po 
myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ /'jam dpal bkod pa gcig pa zhes bya ba'i ting nge 'dzin yod de/ ting nge 'dzin de la spyad na byang chub sems dpa' sems dpa' chen po myur du bla na med pa yang dag par 
rdzogs pa'i byang chub mngon par rdzogs par 'tshang rgya bar 'gyur ro/ /de skad ces bka' stsal pa dang/ bcom ldan 'das la 'jam dpal gzhon nur gyur pas 'di skad ces gsol to/ /bcom ldan 'das bkod pa gcig pa'i ting nge 'dzin la byang chub sems dpa' sems dpa' 
chen pos ji ltar 'jug par bgyi/ ci'i slad du bkod pa gcig pa'i ting nge 'dzin ces bgyi/ bcom ldan 'das kyis bka' stsal pa/ 'jam dpal bkod pa gcig pa zhes bya ba 'di ni skye ba med pa'i tshig bla dgas so/ /bkod pa gcig pa'i ting nge 'dzin la 'jug par 
'dod pa'i rigs kyi bu'am/ rigs kyi bu mos thog ma nyid du shes rab kyi pha rol tu phyin pa yongs su dri ba bya dgos te/ de'i 'og tu bkod pa gcig pa'i ting nge 'dzin la 'jug par 'gyur ro/ /de ci'i phyir zhe na/ 'jam dpal skye ba med pa ni mi 'khrugs pa ste/ dkrug </font><hr>34-1-168b<br><font size=+1>
tu mi rung ba dkrug par bya ba ma yin pa/ bsam gyis mi khyab pa/ bsam par mi bya ba/ bsam gyis mi lang ba'o/ /'jam dpal bkod pa gcig pa'i ting nge 'dzin la 'jug par 'dod pa'i rigs kyi bu'am/ rigs kyi bu mos dben pa'i lam bstan pa rnams bsten par bya/ 
'du 'dzi med pa la dga' bar byas la/ mtshan ma thams cad yid la mi bya bar skyil mo krung bcas te 'dug nas der mi dmigs pa'i tshul gyis de bzhin gshegs pa gcig yid la bya'o/ /chos thams cad kyang yid la bya'o/ /de bzhin gshegs pa gang yid la byed pa de'i 
ming yang gzung bar bya'o/ /ming de yang thos te dmigs nas de bzhin gshegs pa phyogs ga la bzhugs pa'i phyogs der mngon du bltas te 'dug par bya'o/ /yid la bya'o/ /de bzhin gshegs pa de nyid yid la byas na de yid la byas pas 'das pa dang/ ma 'ongs pa dang/ 
da ltar byung ba'i sangs rgyas bcom ldan 'das rnams yid la byas par 'gyur ro/ /de ci'i phyir zhe na/ de bzhin gshegs pa nyid gcig pa'i phyir ro/ /'jam dpal ji ltar de bzhin gshegs pa gcig gi sangs rgyas kyi yon tan tshad med pa dang/ spobs pa tshad med pa de bzhin 
du 'jam dpal bkod pa gcig pa'i ting nge 'dzin thob nas skye ba med pa gcig gi chos kyi rnam grangs kyi bye brag tshad med par shes par bya'o/ /'dir gang dag chud par 'gyur ba dang/ de bzhin gshegs pa dgra bcom pa yang dag par rdzogs pa'i sangs rgyas rnams kyis gang dag 
gsungs pa dang/ kun dga' bos ji snyed yongs su bzung ba de snyed kyi chos kyi rnam grangs 'dir snang bar 'gyur ro/ /bkod pa gcig pa'i ting nge 'dzin 'di bsgrubs pas de'i tshe'i tshad ji tsam pa de tsam du gnas shing gleng gzhi dang bcas pa'i chos ston par 'gyur ro/ /'jam dpal de la 
byang chub sems dpa'i theg pa pa kha cig 'di snyam du bkod pa gcig pa'i ting nge 'dzin 'di gang yin snyam du sems na/ de dag la 'di skad ces yon tan bsam gyis mi khyab pa yongs su bsgrubs pa 'di yang dag par zung la 'dug shig dang/ ji lta ji ltar yang dag par blangs </font><hr>34-1-169a<br><font size=+1>
te gnas pa de lta de ltar ting nge 'dzin 'di'i yon tan mthong bar 'gyur gyis ji skad bstan pa'i tshul gyis zhum pa med par gyis shig ces brjod par bya'o/ /ting nge 'dzin 'di ni dmigs pa'i lta ba can dag dang/ dngos por lta ba can dag nas yod par lta ba can dag 
gi bar gyis bsgrub par mi nus so/ /'jam dpal 'di lta ste dper na/ mi zhig la rin thang med pa'i nor bu rin po che byi dor ma byas pa zhig bdog la mi gzhan zhig gis der mi de la 'di skad du kye skyes bu nor bu rin po che 'di'i rin thang ji tsam nor bu rin po che 'di la yon tan ci zhig 
yod ces zer la/ mi des kyang de la 'di skad du kye skyes bu rin po che 'di'i yon tan tshad med kyis/ tshad med pa nyid du shes par gyis shig ces smras te/ de nas mi des nor bu rin po che de byi dor bya ba'i phyir mi de la bzhag nas kye skyes bu nor bu rin po che 'di re zhig byi dor gyis shig 
dang/ de nas shes par 'gyur ro zhes byas la de nas mi des nor bu rin po che de mi de las blangs te/ byi dor bya ba'i yo byad rnams kyis byi dor byas pa dang/ de ltar byi dor byas pas nor bu rin po che de rin thang med de des ji lta ji ltar nor bu rin po che de'i byi dor byas pa de lta de ltar nor 
bu rin po che de'i yon tan mthong bar 'gyur ba de bzhin du 'jam dpal gang gi tshe rigs kyi bu'am/ rigs kyi bu mo de ting nge 'dzin 'di la mnyam par 'jog pa dang/ 'jug pa de dang de'i tshe ting nge 'dzin 'di'i yon tan mthong bar 'gyur ro/ /'jam dpal 'di lta ste dper na/ nyi ma'i 
dkyil 'khor gyi 'od zer dag gis dkyil 'khor gyi mtha' gang yang ma khyab pa med do/ /'jam dpal de bzhin du bkod pa gcig pa'i ting nge 'dzin 'di thob cing zhugs nas rnyed pa de shes rab kyi pha rol tu phyin pa ston pa ma yin pa'i chos gang yang mi ston to/ /gang la las 'di bzhin du 
shes na des skye ba med pa dang/ 'gal ba'i chos gang yang mi mthong ngo / /'jam dpal 'di lta ste dper na/ rgya mtsho chen po'i phyogs bzhi nas skyes bu bzhi chu 'chu na de thams cad 'di lta ste lan tshwa'i ror ro gcig pa nyid 'chu zhing len to/ /'jam dpal de bzhin du chos gang ci bstan </font><hr>34-1-169b<br><font size=+1>
pa de dag thams cad ni 'di lta ste skye ba med pa'i ro dang/ dngos po med pa'i ro dang/ 'dod chags dang bral ba'i ro dang/ rnam par grol ba'i ro dang/ 'gog pa'i ror ro gcig pa'o/ /'jam dpal de lta bas na rigs kyi bu'am/ rigs kyi bu mo ting nge 'dzin 'di dang ldan pa de chos 
gang dang gang ston kyang de dag thams cad 'di lta ste/ skye ba med pa'i ro dang/ dngos po med pa'i ro dang/ 'dod chags dang bral ba'i ro dang/ rnam par grol ba'i ro dang/ 'gog pa'i ror ro gcig par ston par 'gyur ro/ /ting nge 'dzin 'di thob nas rigs kyi bu'am/ rigs 
kyi bu mo de 'dod na ngas chos gang ci bstan pa de 'chad pa dang/ rnam par ston pa dang/ nye bar ston par 'gyur ro/ /'jam dpal de ltar na rigs kyi bu'am/ rigs kyi bu mo de ting nge 'dzin 'di thob nas gang ci ston kyang de dag thams cad mi dmigs pa'i tshul du ma skyes pa dang/ ma byung ba dang/ dngos po 
med par ston par 'gyur ro/ /'jam dpal gzhan yang ting nge 'dzin 'di thob pa'i byang chub sems dpa' sems dpa' chen po myur du byang chub kyi phyogs kyi chos rnams yongs su rdzogs nas myur ba nyid du bla na med pa yang dag par rdzogs pa'i byang chub mngon par rdzogs par 'tshang 
rgya bar 'gyur ro/ /'jam dpal gzhan yang byang chub sems dpa' sems dpa' chen pos gang gi tshe bdag gi dbyings nas chos kyi dbyings kyi bar du skye ba dang/ 'gag pa dang/ gcig kho na dang/ tha dad pa kho nar yang mi mthong na 'jam dpal de lta bu'i bzod pa can gyi byang chub 
sems dpa' sems dpa' chen po myur du bla na med pa yang dag par rdzogs pa'i byang chub mngon par rdzogs par 'tshang rgya'o/ /rigs kyi bu gang bla na med pa yang dag par rdzogs pa'i byang chub la mi sems pa dang/ rnam par mi rtog pa de'i bzod pa 'di yang byang chub sems 
dpa'i chos rnams dang/ sangs rgyas kyi chos rnams thob par 'gyur ba'o/ /gang yang sangs rgyas nyid kyi phyir byang chub tu mi smon pa de lta bu'i bzod pa 'di yang rigs kyi bu de bla na med pa yang dag par rdzogs pa'i byang chub tu myur bar 'gyur bar ngas bshad do/ /chos thams cad </font><hr>34-1-170a<br><font size=+1>
ni sangs rgyas kyi chos so zhes su de ltar mos shing zhum par mi 'gyur ba/ de bla na med pa yang dag par rdzogs pa'i byang chub las phyir mi ldog par ngas bshad de/ de ni sangs rgyas kyi chos thams cad dang ma bral bar brjod par bya'o/ /rigs kyi bu'am rigs kyi bu mo gang 
gis bstan pa 'di thos nas rmongs par mi 'gyur ba dang/ som nyi za bar mi 'gyur ba de yang sangs rgyas kyi chos thams cad dang mi 'bral bar brjod par bya'o/ /de skad ces bka' stsal pa dang/ bcom ldan 'das la 'jam dpal gzhon nur gyur pas 'di skad ces gsol to/ /
bcom ldan 'das bla na med pa yang dag par rdzogs pa'i byang chub rgyu las nges par byung ba lags sam/ bcom ldan 'das kyis bka' stsal pa/ 'jam dpal de ni ma yin te/ bla na med pa yang dag par rdzogs pa'i byang chub ni rgyu ma yin zhing rgyu las nges par byung ba yang ma yin 
no/ /de ci'i phyir zhe na/ skye ba med pa dang/ dngos po med pa ni rgyu yang ma yin la/ rgyu las nges par byung ba yang ma yin pa'i phyir ro/ /de ci'i phyir zhe na/ chos thams cad ma skyes pa'i phyir ro/ /'jam dpal de lta bas na rigs kyi bu'am rigs kyi bu mo gang gis bstan pa 'di thos nas 
nur bar mi 'gyur ba de yang bla na med pa yang dag par rdzogs pa'i byang chub las phyir mi ldog par ngas bshad do/ /'jam dpal de lta bas na dge slong ngam/ dge slong ma'am/ dge bsnyen nam/ dge bsnyen ma gang dag shes rab kyi pha rol tu phyin pa zab mo 'di la zhum par mi 'gyur ba 
nas nur ba'i+i bar du mi 'gyur ba de dag ni nga la skyabs su dong ba'o/ /de dag nga'i rjes su rab tu byung ba'o/ /de dag gi ston pa ni nga yin no/ /'jam dpal rigs kyi bu'am/ rigs kyi bu mo gang shes rab kyi pha rol tu phyin pa zab mo 'di la mi slob pa de byang chub sems dpa'i bslab pa la mi 
slob pa'o/ /'jam dpal 'di lta ste dper na 'byung ba'i tshogs dang/ sa bon gyi tshogs dang/ rtswa dang/ shing gel pa dang/ sman dang/ nags tshal gang ci yod pa de dag thams cad ni sa chen po la brten nas skye'o/ /'jam dpal de bzhin du byang chub sems dpa' sems dpa' chen po rnams </font><hr>34-1-170b<br><font size=+1>
kyi dge ba'i chos gang ci yang rung ba de dag thams cad shes rab kyi pha rol tu phyin pas yongs su zin na 'phel zhing rgyas pa dang yangs par 'gyur te/ bla na med pa yang dag par rdzogs pa'i byang chub tu slu bar mi byed do/ /de skad ces bka' stsal pa dang/ bcom ldan 'das la 'jam dpal gzhon nur gyur pas 
'di skad ces gsol to/ /bcom ldan 'das bcom ldan 'das kyi shes rab kyi pha rol tu phyin pa bstan pa bshad pa gang lags pa'i shes rab kyi pha rol tu phyin pa bstan pa 'di 'dzam bu'i gling 'dir grong ngam/ grong khyer ram/ yul lam/ ljongs dag tu gang la la dag 'dzin par 'gyur ba nas ston 
pa'i bar du 'gyur ba mchis sam de skad ces gsol pa dang/ bcom ldan 'das kyis 'jam dpal gzhon nur gyur pa la 'di skad ces bka' stsal to/ /'jam dpal gang dag gis shes rab kyi pha rol tu phyin pa bstan pa 'di da ltar gyi tshe la thos nas/ bdag tshe 'di brjes nas kyang shes rab kyi pha 
rol tu phyin pa bstan pa 'di mnyan to zhes smon lam btab pa de dag ni mnyan pa nas rgya cher mi bsgom pa'i tshul gyis sgom par byed pa'i bar du 'gyur ro/ /'jam dpal gang dag shes rab kyi pha rol tu phyin pa zab mo 'di thos te thos nas kyang dga' ba dang/ mgu ba yangs pa 'thob pa de dag ni dge ba'i 
rtsa ba chung bar nga mi 'chad do/ /'jam dpal gang zhig shes rab kyi pha rol tu phyin pa bstan pa 'di la nyan 'dod par gyur na de la 'di skad ces rigs kyi bu khyod de mnyan pas ci zhig bya/ thos nas ma dad cing phyir nur ta re/ de ci'i phyir zhe na/ 'di la chos gang yang yongs su 'grub par ma bstan te/ so so'i skye 
bo'i chos rnams skye ba'am/ 'jig par yang ma bstan/ slob pa'i chos rnams dang/ mi slob pa'i chos rnams dang/ rang sangs rgyas kyi chos rnams dang/ sangs rgyas kyi chos rnams kyang skye ba'am/ 'jig pa'am/ 'thob par ma bstan pa'i phyir ro zhes brjod par bya'o/ /de skad ces bka' stsal pa dang/ 
bcom ldan 'das la 'jam dpal gzhon nur gyur pas 'di skad ces gsol to/ /bcom ldan 'das dge slong ngam/ dge slong ma'am/ dge bsnyen nam/ dge bsnyen ma gang la la bdag la 'di skad du deng de bzhin gshegs pa'i chos kyi gtam mdzad pa de gang yin zhes mchi na/ bcom ldan </font><hr>34-1-171a<br><font size=+1>
'das de skad 'dri ba de la bdag gis 'di skad du thams cad dang mi 'gal ba'i gtam mo zhes brjod par bgyi'o/ /de ci'i slad du zhe na/ bcom ldan 'das gang skye ba ma mchis pa dang/ 'gag pa ma mchis pa'i chos de gang yang ma mchis te/ bka' mchid de ni sems can gang gis kyang 
'tshal bar sla ba ma lags so/ /de ci'i slad du zhe na/ 'di ltar sems can gang yang dmigs su ma mchis pa'i slad du'o/ /bcom ldan 'das gzhan yang bdag gis de la 'di skad du mi skye ba zhes bya ba'i chos de bstan par gyur to zhes brjod par bgyi'o/ /de ci'i slad du zhe na/ bcom ldan 'das 'di 
ltar chos thams cad ni skye ba ma mchis par mnyam pa'i slad du'o/ /bka' mchid der ni ji ltar dgra bcom pa'i chos rnams kyis so so'i skye bo'i chos de dag rnam par bshig pa ma lags pa/ dgra bcom pa rnams kyi gong ma rtogs pa ma bstan to/ /bcom ldan 'das gzhan yang de la bdag gis 'di skad 
du chos bstan pa 'di la sems can gang yang mya ngan las 'das pa dang/ mya ngan las 'da' ba dang/ mya ngan las 'da' bar 'gyur ba med do zhes brjod par bgyi'o/ /de ci'i slad du zhe na/ bcom ldan 'das 'di ltar sems can shin tu mi dmigs pa'i slad du ste/ bcom ldan 'das de skad 'dri na 
bdag gis de skad ces bgyi'o/ /bcom ldan 'das gzhan yang bdag las shes rab kyi pha rol tu phyin pa zab mo 'di nyan par 'tshal te/ deng khyod bcom ldan 'das dang gtam ci zhig byas zhes 'dri na/ de la bdag gis 'di skad du/ gal te khyed nyan par 'dod na de mnyan to snyam du yid ma gtod cig /
mnyan to snyam du sems ma skyed cig /kye skyes bu sgyu ma'i skyes bu'i shes rab ci 'dra ba de lta bu'i shes rab skyed cig dang/ de lta bus chos bstan pa 'di shes par nus so/ /kye skyes bu gal te khyod kyis chos bstan pa 'di mnyan par 'dod na/ de'i phyir 'di ltar 'di lta ste dper na 
nam mkha' la bya'i rjes lta bur gnas par gyis shig dang/ de lta bus chos bstan pa 'di mnyan par nus so/ /kye skyes bu gal te khyod kyis chos bstan pa 'di mnyan par 'dod na de'i phyir gnyis la ma dmigs shig /mi gnyis pa la yang ma dmigs shig /de ci'i phyir </font><hr>34-1-171b<br><font size=+1>
zhe na/ 'di la gnyis su brjod par bya ba yongs su brjod pa'am/ mi gnyis par brjod par bya ba gang yang med pa'i phyir ro/ /gal te chos bstan pa 'di mnyan par 'dod na bdag tu 'du shes rnams kyang ma gzhig shig /lta bar gyur pa rnams las kyang ma 'da' shig /sangs 
rgyas kyi chos rnams la yang lhag par ma dmigs shig /so so'i skye bo'i chos rnams las kyang ma bskyod cig ces brjod par bgyi'o/ /bcom ldan 'das gang zhig bdag las nyan par 'tshal te 'dri na de la bdag gis de skad brjod par bya'o/ /de skad rjes su bstan par bgyi'o/ /
de ltar 'di la gzhag par bgyi'o/ /gal te 'dri ba'i rigs kyi bu'am/ rigs kyi bu mo de ltar gnas shing de ltar bzhugs na spobs pa'i phyag rgya 'di la gnas pa de la slad kyis shes rab kyi pha rol tu phyin pa ma skyes pa dang/ dngos po ma mchis pa dang/ ma byung ba'i bar 'di bstan par 
bgyi'o/ /de skad ces gsol pa dang/ bcom ldan 'das kyis 'jam dpal gzhon nur gyur pa la 'di skad ces bka' stsal to/ /'jam dpal legs so legs so/ /'jam dpal khyod kyis tshig 'di legs par smras pa legs so/ /rigs gyi bu'am/ rigs kyi bu mo de 
la yang phyis 'di skad gyis shig /de bzhin gshegs pa la blta bar 'dod na shes rab kyi pha rol tu phyin pa 'di nyid la mi bsgom pa'i tshul gyis bsgom par bya'o/ /de bzhin gshegs pa la bsnyen bkur bya bar 'dod pa'i rigs kyi bu'am/ rigs kyi bu mos kyang shes rab kyi pha rol tu phyin pa 
'di nyid la mi dmigs pa'i tshul gyis bslab par bya'o/ /de bzhin gshegs pa ni bdag gi ston pa'o zhes smra bar 'dod pa'i rigs kyi bu'am/ rigs kyi bu mos kyang shes rab kyi pha rol tu phyin pa 'di nyid la mi dmigs pa'i tshul gyis bslab par bya'o/ /bla na med pa yang dag par 
rdzogs pa'i byang chub mngon par rdzogs par 'tshang rgya bar 'dod pa'i rigs kyi bu'am/ rigs kyi bu mos kyang shes rab kyi pha rol tu phyin pa 'di nyid la mngon par 'du bya ba med pa'i tshul gyis bslab par bya'o/ /ting nge 'dzin thams cad la mkhas par bsgrub par 'dod pa'i rigs kyi </font><hr>34-1-172a<br><font size=+1>
bu'am/ rigs kyi bu mos kyang shes rab kyi pha rol tu phyin pa 'di nyid la mi dmigs pa'i tshul gyis bslab par bya'o/ /ting nge 'dzin thams cad la snyoms par 'jug par 'dod pa'i rigs kyi bu'am/ rigs kyi bu mos kyang shes rab kyi pha rol tu phyin pa 'di nyid la mi 
dmigs pa'i tshul gyis bslab par bya'o/ /de ci'i phyir zhe na/ ting nge 'dzin de dag byas pa ma yin pa'i phyir ro/ /rnam pa thams cad kyi mchog dang ldan pa'i thams cad mkhyen pa'i ye shes kyi bar du bsgrub par 'dod pa'i rigs kyi bu'am/ rigs kyi bu mos kyang shes rab kyi pha 
rol tu phyin pa 'di nyid la dngos po med pa'i tshul gyis bslab par bya'o/ /de ci'i phyir zhe na/ 'di ltar rnam pa thams cad kyi mchog dang ldan pa'i thams cad mkhyen pa'i ye shes kyi bar du byas pa ma yin pa dang/ ma skyes pa dang/ dngos po med pa'i phyir ro/ /chos thams cad ni nges par 
'byung ba dang bcas pa ste/ gang nges par mi 'byung ba'i chos de gang yang med do zhes de ltar shes par 'dod pa'i rigs kyi bu'am/ rigs kyi bu mos kyang shes rab kyi pha rol tu phyin pa 'di nyid la dngos po med pa'i bar gyi tshul gyis bslab par bya'o/ /chos thams cad ni nges par mi 
'byung ba ste/ gang nges par 'byung ba dang bcas pa'i chos de gang yang med do/ /de ci'i phyir zhe na/ chos thams cad ma skyes pa'i phyir ro/ /chos de dag ni ji ltar brjod pa de ltar yod pa ma yin te/ brjod du med pa ni yod pa ma yin zhing dmigs su med do zhes de ltar shes par 'dod 
pa'i rigs kyi bu'am/ rigs kyi bu mos kyang shes rab kyi pha rol tu phyin pa 'di nyid la dngos po med pa'i bar gyi tshul gyis bslab par bya'o/ /sems can thams cad ni byang chub kyi phyir spyod pa ste/ gang byang chub kyi phyir mi spyod pa'i sems can de gang yang med do zhe na/ yang de la zhum 
pa med par 'dod pa'i rigs kyi bu'am/ rigs kyi bu mos kyang shes rab kyi pha rol tu phyin pa 'di nyid la dngos po med pa'i bar gyi tshul gyis bslab par bya'o/ /de ci'i phyir zhe na/ 'di ltar chos thams cad ni byang chub dang mnyam pa'o/ /ji ltar chos thams cad byang chub dang mnyam pa dang/</font><hr>34-1-172b<br><font size=+1>
byang chub ji lta bar sems can thams cad kyang de bzhin no/ /sems can thams cad ci 'dra bar spyod pa de yang de bzhin no/ /med pa'i phyir spyod pa thams cad ni spyod pa med pa'o/ /de yang byang chub ste byang chub gang yin pa skye ba med pa'ang de yin 'byung ba med pa yang de yin te/ de lta bu'i 
chos 'di la zhum pa med par 'dod pa'i rigs kyi bu'am/ rigs kyi bu mos kyang shes rab kyi pha rol tu phyin pa 'di nyid la dngos po med pa dang/ skye ba med pa'i bar gyi tshul gyis bslab par bya'o zhes gyis shig /'jam dpal gang de bzhin gshegs pa'i rnam par 'phrul pa nas de bzhin 
gshegs pa'i rnam par rol pa'i bar de dag kyang shes rab kyi pha rol tu phyin pa 'di nyid las bstan to/ /de ci'i phyir zhe na/ de ni bstan du med pa ste/ shes rab kyi pha rol tu phyin pa ni mi ston pa'i phyir ro/ /'jam dpal dge slong ngam/ dge slong ma'am/ dge bsnyen nam/ dge 
bsnyen ma gang dag shes rab kyi pha rol tu phyin pa 'di las tshig bzhi pa'i tshigs su bcad pa tsam yang 'dzin pa dang/ kun chub par byed pa dang/ 'chang ba dang/ klog pa nas yang dag par ston pa'i bar du byed pa de dag kyang phyir mi ldog par nga 'chad na/ gang dag de bzhin nyid du 
sgrub pa lta ci smos te/ rigs kyi bu'am/ rigs kyi bu mo de dag ni byang chub tu nges par rig par bya'o/ /gang dag shes rab kyi pha rol tu phyin pa zab mo ma skyes pa dang/ dngos po med pa dang/ 'byung ba med pa'i bar 'di thos nas/ mi skrag mi dngang dngang bar mi 'gyur ba dag 
ni sangs rgyas kyi yul la gnas pa'o/ /gong du yang mos par byed na/ de dag ni sangs rgyas kyi chos thams cad la nges par 'gyur ro/ /'jam dpal ngas sangs rgyas kyis gnang ba de bzhin gshegs pas rnam par mkhyen pa/ dgra bcom pa thams cad kyis yang dag par mnos 
pa'i rgya 'di gzhag par bya ste/ rgya 'di ni mnyam pa nyid du rtogs pa rnams la gzhag go/ /'di ni sangs rgyas kyi chos thams cad kyi bar du yang chags pa med pa yongs su ston pa'o/ /'jam dpal byang chub sems dpa'i theg pa pa'i rigs kyi bu'am/ rigs kyi bu mo </font><hr>34-1-173a<br><font size=+1>
rgya 'dis btab pa ni ngan song du 'gro ba'i skal ba can ma yin no/ /nyan thos dang/ rang sangs rgyas kyi sar 'gro ba dang/ 'jug pa'i skal ba can ma yin no/ /de nas de'i tshe lha'i dbang po brgya byin dang/ sum cu rtsa gsum pa'i lha'i bu rnams kyis lha'i tsan dan gyi phye ma dang/ lha'i gser gyi phye ma 
dang/ lha'i me tog man dA ra ba dang/ man dA ra ba chen po dang/ lha'i spos dang/ lha'i ud pa la dang/ ku mu da dang/ pad ma dkar po dang/ lha'i rol mo'i sgra dag gis shes rab kyi pha rol tu phyin pa 'di la yang mchod cing bcom ldan 'das dang 'jam dpal 
gzhon nur gyur pa la yang gtor/ mngon par gtor nas 'di skad ces dge ba'i rtsa ba 'dis gang dag phyag rgya 'dis btab pa de dag gis bla na med pa'i chos rin po che 'di mchod pa dang/ phyi phyir zhing thos par gyur cig ces smras so/ /lha'i dbang po brgya byin gyis kyang tshig 'di skad 
ces smras so/ /bcom ldan 'das bdag gis kyang ma byung ba dang/ ma skyes pa'i bar gyi shes rab kyi pha rol tu phyin pa zab mo 'di 'dzam bu'i gling 'dir spyod par 'gyur ba dang/ rigs kyi bu'am/ rigs kyi bu mo de 'dra ba de dag gi rna lam du grag par 'gyur ba nas de dag nyid sangs rgyas 
kyi chos thams cad yongs su bsgrub par 'gyur bar bgyi ba'i bar gyi slad du brtson par bgyi'o/ /bcom ldan 'das shes rab kyi pha rol tu phyin pa bstan pa 'di rigs kyi bu'am/ rigs kyi bu mo dag gi rna lam du tshegs chung ngus grag la/ thos nas kyang mos pa dang/ mos nas kyang 
'dzin pa dang/ kun chub par bgyid pa dang/ 'chang ba'i bar du bgyid pa'i rigs kyi bu'am/ rigs kyi bu mo de dag gis bdag cag gi 'di ni lhas bsgrubs pa'o zhes the tshom ma mchis par 'tshal bar bgyi'o/ /de skad ces gsol pa dang/ bcom ldan 'das kyis lha'i dbang po 
brgya byin la 'di skad ces bka' stsal to/ /ko'u shi ka de de bzhin no/ /rigs kyi bu 'am rigs kyi bu mo de dag la sangs rgyas kyi chos thams cad 'grub par blta'o/ /de dag bla na med pa yang dag par rdzogs pa'i byang chub tu yang nges par shes par bya'o/ /de nas bcom ldan 'das </font><hr>34-1-173b<br><font size=+1>
la 'jam dpal gzhon nur gyur pas 'di skad ces gsol to/ /bcom ldan 'das rigs kyi bu 'am/ rigs kyi bu mo de dag gi don du shes rab kyi pha rol tu phyin pa bstan pa 'di byin gyis brlab tu gsol/ bde bar gshegs pa byin gyis brlab tu gsol/ tshig 'di smras ma thag tu/ 
de'i tshe skad cig de nyid la sangs rgyas kyi mthus sa chen po rnam pa drug tu g.yos par gyur to/ /sa chen po g.yos ma thag tu de nas de'i tshe bcom ldan 'das kyis 'dzum pa mdzad do/ /bcom ldan 'das kyis 'dzum pa mdzad ma thag tu de nas de'i tshe shes rab kyi pha rol tu phyin pa bstan 
pa 'di la de bzhin gshegs pas byin gyis rlob pa na stong gsum gyi stong chen po'i 'jig rten gyi khams 'di snang ba chen pos khyab par gyur to/ /de nas bcom ldan 'das la 'jam dpal gzhon nur gyur pas 'di skad ces gsol to/ /bcom ldan 'das 'di ni de bzhin gshegs pas 
shes rab kyi pha rol tu phyin pa bstan pa 'di byin gyis brlabs pa'i snga ltas lags so/ /bcom ldan 'das kyis bka' stsal pa/ 'jam dpal de de bzhin no/ /'jam dpal 'di dag ni shes rab kyi pha rol tu phyin pa bstan pa 'di byin gyis brlabs pa'i snga ltas rnams te/ ltas 'di dag 
gis shes rab kyi pha rol tu phyin pa bstan pa 'di byin gyis brlabs par shes par bya'o/ /'jam dpal gang dag chos gang yang mi spong zhing mi zlog la bsngags par yang mi byed pa de dang de dag ni phyag rgya 'dis btab par shes par bya'o/ /de ci'i phyir zhe na/ 'jam dpal dmigs pa yod 
na spong bar byed pa dang/ bsngags par byed par 'gyur ba'i phyir ro/ /'jam dpal de lta bas na gang dag rgya 'dis btab pa de dag gi ched du ngas rgya 'di bzhag ste/ 'di ltar de dag gis thos nas kyang chos gang la yang ston pa'am rnam par rtogs pa med do/ /de ci'i phyir zhe na/ 'jam 
dpal chos thams cad don dam par ma skyes pa'i phyir ro/ /bcom ldan 'das kyis de skad ces bka' stsal nas/ 'jam dpal gzhon nur gyur pa dang/ byang chub sems dpa' sems dpa' chen po de dag dang/ nyan thos chen po de dag dang/ lha dang/ mi dang/ lha ma yin dang/</font><hr>34-1-174a<br><font size=+1>
dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ /'phags pa shes rab kyi pha rol tu phyin pa bdun brgya pa rdzogs so// //skad gsar chad kyis kyang bcos nas gtan la 
phab pa//</font><hr>

</table>