@##/ /rgya gar skad du/ Ar+ya d+harma ka tu ma hA yA na sU tra/ bod skad du/ 'phags pa chos kyi rgyal mtshan gyi mdo theg pa chen po'o/ /sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs te/ de'i tshe 'khor der byang chub sems dpa' chos kyi rgyal mtshan zhes bya ba 'dug pa stan las langs te/ bcom ldan 'das la 'di skad ces gsol to/ /bcom ldan 'das byang chub sems dpa' chos du dang ldan na myur du bla na med pa yang dag par rdzogs pa'i sangs rgyas su 'gyur ba lags/ bcom ldan 'das kyis bka' stsal pa/ rigs kyi bu byang chub sems dpa' chos bcu dang ldan na myur du bla na med pa yang dag par rdzogs pa'i sangs rgyas su 'gyur ro/ /bcu gang zhe na/ 'dir byang chub sems dpa' dad pa dang ldan par bya ba dang / byang chub kyi sems dang ldan par bya ba dang / dge ba'i bshes gnyen yongs su mi gtang ba dang / dgon par bsten cing 'du 'dzi spang ba dang / bla ma dang mkhan po'i 66-1-71a gdams ngag yongs su stsal ba dang / snying rje dang ldan pa dang / mang du thos pa dang ldan pa dang / ting nge 'dzin dang ldan pa dang / tshul khrims dang ldan pa dang / brtson 'grus phun sum tshogs pas don ma lus par bsgrub pa'o/ /bcom ldan 'das kyis de skad ces bka' stsal pa dang / byang chub sems dpa' chos kyi rgyal mtshan dang / thams cad dang ldan pa'i 'khor de dag bcom ldan 'das kyis gsungs pa la mngon par bstod do// //'phags pa chos kyi rgyal mtshan gyi mdo rdzogs so// // |