D343

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>D343</h1><td>(<a href="https://adarsha.dharma-treasure.org/kdbs/degekangyur" target="new2">e-text produced by ADARSHA</a>)<br><br><a href="verif2.php?id=D343&coll=derge">see text in Tibetan script</a></table>75-1-1b<br><font size=+1>

@##/ /rgya gar skad du/ pUr+Na pra mu kha a ba dA na sha ti ka/ bod skad du/ gang po la sogs pa'i rtogs pa brjod pa brgya pa/bam po dang po/  /
thams cad mkhyen pa la phyag 'tshal lo/ /sdom ni/ gang po bzang dang grags ldan ma/ /le lo can dang ded dpon rnams/ /zla ba che ba pad ma dang / /pany+tsa 
la dang bdug pa dang / /rgyal po mjug tu smos pa ste/ /'di ni sde tshan bsdus pa yin/ /ljongs shig tu bram ze gang po zhes bya ba zhig byung ste/ de'i tshe sangs 
rgyas bcom ldan 'das la/ rgyal po rnams dang blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon 
rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 

</font><hr>75-1-2a<br><font size=+1>

'phye chen po rnams kyis bkur sti byas/ bla mar byas/ ri mor byas/ mchod par byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis 
mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ sangs rgyas gsar du byung ste/ gsung rab kyi snying 
khu 'thung ba'i dus la bab cing / lha dang mi man cad la yang dag par rab tu ston pa/ nyan thos kyi dge 'dun dang bcas pa/ rgyal po'i khab na 'od ma'i tshal bya ka lan da ka gnas pa na rten cing bzhugs so/ /de nas bcom ldan 'das kyis byang chub mngon 
par rdzogs par sangs rgyas nas/ ring por ma lon par 'jig rten thams cad du grags pas yongs su gang ngo / /de nas lho phyogs kyi ri bo zhes bya ba'i ljongs na bram ze che zhing mtho ba gang po zhes bya ba phyug cing nor mang la longs spyod che ba yongs su 'dzin 
pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas so/ /de yang dad pa dang ldan la dge zhing bsam pa bzang ba bdag la phan pa dang / gzhan la phan pa la zhugs pa/ snying rje che ba dang / bdag 
nyid che ba/ chos 'dod pa/ gtong ba la sred pa/ sbyin pa la dga' ba/ rab tu sbyin pa la mngon par dga' ba/ gtong ba chen po la gnas pa zhig ste/ des re zhig na rab tu byung ba thams cad la mchod sbyin byas nas/ der mu stegs can la sogs pa stong 

</font><hr>75-1-2b<br><font size=+1>

phrag du mas zan zos so/ /gang gi tshe bcom ldan 'das kyis rgyal po gzugs can snying po 'khor dang bcas pa btul nas/ de btul bas srog chags 'bum phrag mang po dul bar gyur pa de'i tshe/ rgyal po'i khab nas gang po'i nye du rnams lhags te/ gang 
po'i mdun du sangs rgyas dang chos dang dge 'dun gyi bsngags pa brjod do/ /de nas bram ze che zhing mtho ba gang pos bcom ldan 'das kyi yon tan thos nas dga' ba chen po thob par gyur to/ /de nas khang thog tu song nas rgyal po'i khab logs su kha bltas te 'dug nas pus mo 
gnyis kyi lha nga sa la btsugs te/ me tog kyang gtor/ bdug pa dang chu yang phul nas bcom ldan 'das la gsol ba btab pa/ bcom ldan 'das bdag gi mchod sbyin la gshegs su gsol/ mchod sbyin gyi 'dun sa gzigs su gsol zhes byas so/ /de nas 
sangs rgyas rnams kyi sangs rgyas kyi mthu dang / lha rnams kyi lha'i mthus me tog de dag bcom ldan 'das kyi steng du me tog gi khang par gyur te 'dug go/ /bdug pa ni sprin gyi mgo lta bur gyur to/ /chu ni bai dUr+ya'i sdong bu lta bur gyur to/ /de nas tshe dang ldan pa kun dga' 
bos thal mo sbyar nas/ bcom ldan 'das la zhus pa/ btsun pa spyan 'dren 'di ga las mchis lags/ bcom ldan 'das kyis bka' stsal pa/ kun dga' bo lho phyogs kyi ri bo zhes bya ba'i ljongs na/ bram ze che zhing mtho ba gang po zhes bya ba 'dug pa der 'o bu cag 'dong dgos 
kyis dge slong dag chos shig /de nas bcom ldan 'das dge slong stong gis zhabs 'bring byas nas lho phyogs kyi ri bo'i ljongs rgyu zhing gshegs te/ bram ze che zhing mtho ba gang po'i mchod sbyin gyi 'dun sa dang nye ba zhig tu gshegs nas/ 'di snyam du dgongs te ngas bram ze gang po 
rdzu 'phrul gyi cho 'phrul gyis dad par bya'o snyam mo/ /de nas bcom ldan 'das kyis dge slong stong po de dag mi snang bar mdzad de/ nyag gcig lhung bzed dang chu snod phyag na bsnams nas/ gang po dang nye ba zhig tu gshegs so/ /de nas bram ze che zhing mtho ba gang pos bcom ldan 

</font><hr>75-1-3a<br><font size=+1>

'das sku skyes bu chen po'i mtshan sum cu rtsa gnyis kyis legs par brgyan pa/ dpe byad bzang po brgyad cus mdzes par byas pa/ 'od 'dom gang gis brgyan pa/ nyi ma stong bas lhag pa'i 'od mnga' ba/ rin po che'i ri bo 'gro ba lta bu kun nas bzang ba 
mthong ngo / /mthong nas kyang shin tu rings par bcom ldan 'das kyi thad du song ste bcom ldan 'das la gsol pa/ bcom ldan 'das gshegs pa legs so/ /bcom ldan 'das bzhugs su gsol/ bdag la phan gdags pa'i slad du bshos gsol bar ci gnang 
zhes gsol to/ /bcom ldan 'das kyis bka' stsal pa/ gal te khyod kyis yongs su btang na lhung bzed 'di'i nang du byin cig /de nas bram ze che zhing mtho ba gang po bram ze'i khye'u lnga brgyas g.yog byas pas/ bcom ldan 'das la zhal zas rnam pa sna tshogs khur ba dang / 
bshos dang / 'jams dang / bldag pa dang / bzhib pa la sogs pas lhung bzed 'gengs par byed do/ /bcom ldan 'das kyis kyang nyid kyi lhung bzed kyi nang nas dge slong stong gi lhung bzed dag gi nang du zas de dag 'pho bar mdzad do/ /gang gi tshe bcom ldan 'das kyis dge slong stong gi 
lhung bzed rnams gang bar thugs su chud pa de'i tshe nyid kyi lhung bzed gang bar bstan to/ /de nas dge slong stong lhung bzed gang ba zla ba tshes pa'i dbyibs lta bur 'khod pa bstan to/ /nam mkha' la gnas pa'i lha rnams kyis kyang / bcom ldan 'das dang dge slong stong gi 
lhung bzed rnams gang bar gyur to/ /zhes bya ba'i sgra brjod do/ /de nas cho 'phrul bstan pa des bram ze che zhing mtho ba gang po dga' bar gyur nas/ dga' zhing mgu la rab tu dga' ste yi rangs shing dga' ba dang yid bde bar gyur te/ sdong po rtsa ba nas bcad pa bzhin du bcom ldan 'das 
kyi zhabs la phyag 'tshal nas smon lam btab pa/ dge ba'i rtsa ba dang sems bskyed pa dang sbyin par bya ba'i chos yongs su gtong ba 'dis/ bdag 'jig rten long ba 'dren pa med cing yongs su 'dren pa med par sems can ma rgal ba rnams sgrol ba dang / ma grol ba rnams 'grol ba dang /

</font><hr>75-1-3b<br><font size=+1>

dbugs ma phyin pa rnams dbugs 'byin pa dang / yongs su mya ngan las ma 'das pa rnams yongs su mya ngan las zlo ba'i sangs rgyas su gyur cig ces byas so/ /de nas bcom ldan 'das kyis bram ze che zhing mtho ba gang po'i rgyu gcig nas gcig tu brgyud pa dang 
las gcig nas gcig tu brgyud pa mkhyen nas 'dzum pa mdzad do/ /'di ni sangs rgyas bcom ldan 'das rnams gang gi tshe 'dzum pa mdzad pa'i chos nyid de de'i tshe zhal nas 'od zer sngon po dang / ser po dang / dmar po dang / dkar po rnams byung nas kha cig ni 'og tu 
'gro'o/ /kha cig ni steng du 'gro'o/ /'og tu 'gro ba gang yin pa de dag ni sems can dmyal ba yang sos dang / thig nag dang / 'dus 'joms dang / ngu 'bod dang / ngu 'bod chen po dang / tsha ba dang / rab tu tsha ba dang / mnar med pa dang / chu bur can dang / chu bur 
rdol dang / so thams thams dang / kyi hud zer dang / a chu zer dang / ud pal ltar gas pa dang / pad ma ltar gas pa dang / pad ma ltar gas pa chen por song nas tsha ba'i sems can dmyal ba gang yin pa de dag tu ni bsil bar gyur te 'bab bo/ /grang ba'i sems 
can dmyal ba gang yin pa de dag tu ni dro bar gyur te 'bab bo/ /de nas sems can de dag gi gnod pa'i khyad par rnams rtse zhil bar gyur to/ /de nas de dag 'di snyam du sems te kye ci bdag cag 'di nas shi 'phos sam 'on te gzhan du skyes sam snyam mo/ /de nas de dag dad pa 
bskyed pa'i phyir bcom ldan 'das sprul pa 'gyed par mdzad de/ de dag gis sprul pa mthong nas 'di snyam du sems te/ kye ci bdag cag ni 'di nas kyang shi 'phos par kyang ma gyur la gzhan du yang ma skyes mod kyi/ 'on kyang sngon ma byung ba'i sems can snang ba 'di'i mthus bdag 
cag gi gnod pa'i khyad par rnams rtse zhil bar gyur to snyam mo/  /de nas de dag sprul pa la sems mngon par dga' bar gyur nas sems can dmyal ba myong bar 'gyur ba'i las de zad de/  lha dang mi rnams kyi nang du gang du bden pa rnams kyi snod du rung bar 'gyur ba der nying mtshams 

</font><hr>75-1-4a<br><font size=+1>

'dzin par 'gyur ro/ /steng du 'gro ba gang yin pa de dag ni/ rgyal chen bzhi'i ris rnams dang sum cu rtsa gsum pa rnams dang / 'thab bral rnams dang / dga' ldan rnams dang / 'phrul dga' rnams dang / gzhan 'phrul dbang byed rnams dang / 
tshangs ris rnams dang / tshangs pa'i mdun na 'don pa rnams dang / tshangs pa chen po rnams dang / 'od chung rnams dang / tshad med 'od rnams dang / 'od gsal rnams dang / dge chung rnams dang / tshad med dge rnams dang / dge rgyas rnams dang / sprin med rnams 
dang / bsod nams skyes rnams dang / 'bras bu che rnams dang / mi che ba rnams dang / mi gdung ba rnams dang / gya nom snang rnams dang / shin tu mthong rnams dang / 'og min gyi lha rnams kyi bar du song nas mi rtag pa dang / sdug bsngal ba dang / stong pa dang bdag med 
pa'i sgra sgrogs so/ /tshigs su bcad pa gnyis kyang rjod par byed de/ nges par 'byung ba brtsam par gyis/ /sangs rgyas bstan la sbyor bar gyis/ /'dam bu'i khyim la glang chen bzhin/ /'chi bdag sde ni gzhom par gyis/ /gang zhig chos 'dul 'di nyid la/ /bag yod spyod 
par byed pa ni/ /skye ba'i 'khor ba rab spangs nas/ /sdug bsngal zad par byed par 'gyur/ /zhes rjod par byed do/ /de nas 'od zer de dag gis stong gsum gyi stong chen po'i 'jig rten gyi khams bskor nas/ bcom ldan 'das nyid kyi phyi bzhin du 'brangs te gal te bcom ldan 'das 
kyis 'das pa'i las lung ston par bzhed na ni/ bcom ldan 'das kyi snam logs su mi snang bar 'gyur ro/ /ma 'ongs pa'i las lung ston par bzhed na ni mdun logs su mi snang bar 'gyur ro/ /sems can dmyal bar skye bar lung ston par bzhed na ni zhabs kyi mthil du mi snang bar 
'gyur ro/   /dud 'gror skye bar lung ston par bzhed na ni zhabs kyi rting par mi snang bar 'gyur ro/   /yi dgas su skye bar lung ston par bzhed na ni zhabs kyi mthe bor mi snang bar 'gyur ro/   /mir skye bar lung ston par bzhed na ni pus mo gnyis su mi snang bar 'gyur ro/   /stobs kyi 'khor 

</font><hr>75-1-4b<br><font size=+1>

los sgyur ba'i rgyal por lung ston par bzhed na ni phyag g.yon pa'i mthil du mi snang bar 'gyur ro/ /'khor los sgyur ba'i rgyal por lung ston par bzhed na ni phyag g.yas pa'i mthil du mi snang bar 'gyur ro/ /lhar skye bar lung ston par bzhed na ni lte bar mi snang bar 'gyur ro/ /nyan thos 
kyi byang chub tu lung ston par bzhed na ni zhal du mi snang bar 'gyur ro/ /rang sangs rgyas kyi byang chub tu lung ston par bzhed na ni smin mtshams su mi snang bar 'gyur ro/ /bla na med pa yang dag par rdzogs pa'i byang chub tu lung ston par bzhed na ni dbu'i gtsug tor du mi snang bar 'gyur ro/ /
de nas 'od zer de dag gis bcom ldan 'das la lan gsum du bskor ba byas te/ bcom ldan 'das kyi dbu'i gtsug tor du mi snang bar gyur to/ /de nas tshe dang ldan pa kun dga' bos thal mo sbyar te bcom ldan 'das la zhus pa/ tshon sna stong gis spel ba sna tshogs can/ /mang po 
zhal gyi sgo nas byung bar gyur/ /de yis phyogs rnams kun tu snang bar bgyis/ /nyi ma shar bas ji ltar bgyis pa bzhin/ /yang tshigs su bcad de gsol pa/ rgod dang bral zhing rgyags dang mi dgyes spangs pa yi/ /sangs rgyas 'gro ba dag gi dam pa'i rgyur gyur pa/ /rgyal ba dgra 
thub rnams ni rgyu rkyen ma mchis par/ /pad ma'i rtsa dang dung mdog lta bu'i 'dzum mi ston/ /brtan pos nyid kyi blo yis dus bab mkhyen lags na/ /dge sbyong rgyal dbang nyan pa som nyi 'tshal ba rnams/ /thub pa khyu mchog gi ni gsung mchog brtan pa dang / /bzang po dag gis the 
tshom skyes pa bsal bar gsol/ /rgya mtsho dang ni ri rgyal lta bur brtan pa yi/ /mgon po rdzogs sangs rgyas rnams gyin da 'dzum mi ston/ /gang gi don du dpa' bo 'dzum pa ston mdzad pa/ /de ni khyod las skye bo phal chen nyan par 'tshal/ /bcom ldan 'das kyis bka' stsal pa/ 
kun dga' bo de ni de bzhin no/ /de ni de bzhin te/ kun dga' bo de bzhin gshegs pa dgra bcom pa yang dag par rdzogs pa'i sangs rgyas rnams ni rgyu med rkyen med par 'dzum pa mi mdzad do/ /kun dga' bo bram ze che zhing mtho ba 'dis nga la 'di lta bu'i bkur sti byas pa mthong ngam/ btsun pa 

</font><hr>75-1-5a<br><font size=+1>

mthong lags so/ /kun dga' bo bram ze che zhing mtho ba 'di dge ba'i rtsa ba dang sems bskyed pa dang sbyin par bya ba'i chos yongs su gtong ba 'dis bskal pa grangs med pa gsum gyis yang dag par bsgrub par bya ba'i byang chub yang dag par bsgrubs te/ snying rje chen pos 
yongs su bsgos pa'i pha rol tu phyin pa drug yongs su rdzogs par byas nas stobs bcu dang / mi 'jigs pa bzhi dang / ma 'dres pa'i dran pa nye bar gzhag pa gsum dang / snying rje chen po dang ldan pa'i yang dag par rdzogs pa'i sangs rgyas gang po bzang zhes bya bar gyur te 
'jig rten du 'byung bar 'gyur ro/ /de'i sbyin par bya ba'i chos ni gang nga la sems mngon par dga' bar gyur pa 'di yin no/ /gang gi tshe bcom ldan 'das kyis bram ze che zhing mtho ba gang po bla na med pa yang dag par rdzogs pa'i byang chub tu lung bstan pa de'i tshe/ gang pos 
bcom ldan 'das nyan thos kyi dge 'dun dang bcas pa zla ba gsum gyi bar du mchod sbyin gyi 'dun sar bshos gsol te/ lhag par yang des dge ba'i rtsa ba rnam pa sna tshogs dag yang dag par bskyed do/ /dge slong dag de bas na 'di ltar bslab par bya ste ston pa la bkur sti bya'o/ /
bla mar bya'o/ /ri mor bya'o/ /mchod par bya'o/ /ston pa la bkur sti byas/ bla mar byas/ ri mor byas/ mchod pa byas nas brten te gnas par bya'o zhes dge slong khyed kyis de ltar bslab par bya'o/ /bcom ldan 'das kyis de skad ces bka' stsal nas/ dge slong de dag yi 
rangs te bcom ldan 'das kyis gsungs pa la mngon par bstod do// //grags ldan ma zhes bya ba ni/ sangs rgyas bcom ldan 'das la/ rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams 
dang /ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas ri mor byas mchod pa byas te/ lha dang / klu dang / gnod 

</font><hr>75-1-5b<br><font size=+1>

sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa na bza' dang / zhal zas dang / gzims cha dang / gdan dang / snyun gsos dang / 
sman zong rnams brnyes pa/ nyan thos kyi dge 'dun dang bcas pa yangs pa can na spre'u rdzing gi 'gram gyi khang pa brtsegs pa'i gnas na rten cing bzhugs so/ /de nas bcom ldan 'das snga dro sham thabs dang chos gos gsol te lhung bzed bsnams nas/ dge slong gi tshogs kyis zhabs 
'bring byas te dge slong gi dge 'dun gyis mdun du bdar nas yangs pa can du bsod snyoms la gshegs so/ /yangs pa can du mthar gyis bsod snyoms la gshegs nas dmag dpon seng ge'i khyim ga la ba der gshegs te byon nas gdan bshams pa la bzhugs so/ /de nas 
dmag dpon seng ge'i mna' ma grags ldan ma zhes bya ba gzugs bzang zhing blta na sdug la mdzes pa zhig yod pa des bcom ldan 'das sku mtshan dang dpe byad rnam pa sna tshogs 'bar ba dang ldan pa mthong nas shin tu dga' ba thob par gyur to/ /des gyos po la dris pa bdag kyang 'di lta bu'i 
yon tan dang ldan par gyur pa'i thabs 'ga' lta mchis sam/ de nas dmag dpon seng ge 'di snyam du sems te/ kye ma bu mo 'di ni rgya chen po la mos pa zhig ste/ gal te 'di rkyen dang phrad na ni/ bla na med pa yang dag par rdzogs pa'i byang chub tu smon lam 'debs par 'gyur ro snyam 
du rig nas smras pa/ bu mo gal te rgyu yang dag par blangs te 'dug na ni khyod kyang bcom ldan 'das ci 'dra ba de lta bur 'gyur ro/ /de nas dmag dpon seng ges grags ldan ma'i dad pa 'phel bar bya ba'i phyir/ dbyig dang / gser dang / rin po che mang du byin no/ /de nas grags ldan 
mas bcom ldan 'das nyan thos kyi dge 'dun dang bcas pa phyi de nyin khyim gyi nang du gdugs tshod la spyan drangs so/ /bcom ldan 'das kyis kyang de la phan gdags pa'i phyir gnang ngo / /de nas bu mo grags ldan mas gser dang / dngul dang / rin po che'i me tog rnams kyang byed du 

</font><hr>75-1-6a<br><font size=+1>

bcug /spos dang / me tog phreng dang / byug pa mang po dag kyang bsags/ zhal zas ro brgya dang ldan pa yang bshams nas bcom ldan 'das la phrin gyis gdugs tshod bskul ba/ btsun pa gdugs tshod la bab ste bshos gsol lags na bcom ldan 'das 
kyis da de'i dus la bab par dgongs te gshegs su gsol zhes bskul to/ /de nas bcom ldan 'das dge slong gi tshogs kyis zhabs 'bring byas te/ dge slong gi dge 'dun gyis mdun du bdar nas dmag dpon seng ge'i khyim ga la ba der gshegs te byon nas/ dge slong gi dge 
'dun gyi gung la gdan bshams pa la bzhugs so/ /de nas bu mo grags ldan mas sangs rgyas la sogs pa dge slong gi dge 'dun bde bar bzhugs par rig nas rang gi lag nas zhal zas ro brgya dang ldan pas tshim par byas te/ bcom ldan 'das la me tog dag gis gtor to/ /
de nas me tog de dag 'di lta ste/ sangs rgyas rnams kyi sangs rgyas kyi mthu dang lha rnams kyi lha'i mthus/ bcom ldan 'das kyi steng du rin po che'i khang pa dang khang pa brtsegs pa rin po che'i rgyal mtshan can mgar ba'am/ mgar ba'i slob ma legs par lobs pas kyang byed mi nus pa de 
lta bur gyur te 'dug go/ /de nas bu mo grags ldan mas lha dang mi dad par byed pa'i cho 'phrul shin tu rmad du byung ba de mthong nas/ sdong po rtsa ba nas bcad pa bzhin du lus thams cad kyis bcom ldan 'das kyi zhabs la phyag 'tshal nas smon lam btab pa/ dge ba'i rtsa ba dang / 
sems bskyed pa dang / sbyin par bya ba'i chos yongs su gtong ba 'dis/ bdag 'jig rten long ba 'dren pa med cing yongs su 'dren pa med par/ sems can ma rgal ba rnams sgrol ba dang / ma grol ba rnams 'grol ba dang / dbugs ma phyin pa rnams dbugs 'byin pa dang / 
yongs su mya ngan las ma 'das pa rnams yongs su mya ngan las zlo ba'i sangs rgyas su gyur cig ces byas so/ /de nas bcom ldan 'das kyis bu mo grags ldan ma'i rgyu gcig nas gcig tu brgyud pa dang / las gcig nas gcig tu brgyud pa mkhyen nas 'dzum pa mdzad do/ /

</font><hr>75-1-6b<br><font size=+1>

'di ni sangs rgyas bcom ldan 'das rnams gang gi tshe 'dzum pa mdzad pa'i chos nyid de/ de'i tshe de'i zhal nas 'od zer sngon po dang / ser po dang / dmar po dang / dkar po rnams byung nas kha cig ni 'og tu 'gro'o/ /kha cig ni steng du 'gro'o/ /'og tu 'gro ba gang yin pa 
de dag ni sems can dmyal ba yang sos dang / thig nag dang / 'dus 'joms dang / ngu 'bod dang / ngu 'bod chen po dang / tsha ba dang / rab tu tsha ba dang / mnar med pa dang / chu bur can dang / chu bur rdol dang / so thams thams dang / kyi hud zer dang / a chu zer dang / 
ud pal ltar gas pa dang / pad ma ltar gas pa dang / pad ma ltar gas pa chen por song nas tsha ba'i sems can dmyal ba gang yin pa de dag tu ni bsil bar gyur te 'bab bo/ /grang ba'i sems can dmyal ba gang yin pa de dag tu ni dro bar gyur te 'bab bo/ /des na sems 
can de dag gi gnod pa'i khyad par rnams rtse zhil bar gyur to/ /de nas de dag 'di snyam du sems te/ kye ci bdag cag 'di nas shi 'phos sam/ 'on te gzhan du skyes sam snyam mo/ /de nas de dag dad pa bskyed pa'i phyir bcom ldan 'das sprul pa 'gyed par mdzad de/ de dag gis 
sprul pa mthong nas 'di snyam du sems te/ kye bdag cag ni 'di nas kyang shi 'phos par ma gyur la gzhan du yang ma skyes mod kyi/ 'on kyang sngon ma byung ba'i sems can snang ba 'di'i mthus bdag cag gi gnod pa'i khyad par rnams rtse zhil bar gyur to snyam mo/ /de nas de dag sprul 
pa la sems mngon par dga' bar gyur nas sems can dmyal ba myong bar 'gyur ba'i las de zad de/ lha dang mi rnams kyi nang du gang du bden pa rnams kyi snod du rung bar 'gyur ba der nying mtshams 'dzin par 'gyur ro/ /steng du 'gro ba gang yin pa de dag ni rgyal chen bzhi'i ris rnams 
dang / sum cu rtsa gsum pa rnams dang / 'thab bral rnams dang / dga' ldan rnams dang / 'phrul dga' rnams dang / gzhan 'phrul dbang byed rnams dang / tshangs ris rnams dang / tshangs pa'i mdun na 'don pa rnams dang / tshangs pa chen po rnams dang / 'od chung rnams dang /

</font><hr>75-1-7a<br><font size=+1>

tshad med 'od rnams dang / 'od gsal rnams dang / dge chung rnams dang / tshad med dge rnams dang / dge rgyas rnams dang / sprin med rnams dang / bsod nams skyes rnams dang / 'bras bu che rnams dang / mi che rnams dang / mi gdung rnams dang / 
gya nom snang rnams dang / shin tu mthong rnams dang / 'og min gyi lha rnams kyi bar du song nas mi rtag pa dang / sdug bsngal ba dang / stong pa dang / bdag med pa'i sgra sgrogs so/ /tshigs su bcad pa gnyis kyang rjod par byed de/ nges par 'byung ba brtsam par gyis/ /sangs 
rgyas bstan la sbyor bar gyis/ /'dam bu'i khyim la glang chen bzhin/ /'chi bdag sde ni gzhom par gyis/ /gang zhig chos 'dul 'di nyid la/ /bag yod spyod par byed pa ni/ /skye ba'i 'khor ba rab spangs nas/ /sdug bsngal zad par byed par 'gyur/ /zhes rjod par 
byed do/ /de nas 'od zer de dag gis stong gsum gyi stong chen po'i 'jig rten gyi khams bskor nas bcom ldan 'das nyid kyi phyi bzhin 'brangs te/  gal te bcom ldan 'das kyis 'das pa'i las lung ston par bzhed na ni bcom ldan 'das kyi snam logs su mi snang bar 'gyur ro/ /
ma 'ongs pa'i las lung ston par bzhed na ni mdun logs su mi snang bar 'gyur ro/ /sems can dmyal bar skye bar lung ston par bzhed na ni zhabs kyi mthil du mi snang bar 'gyur ro/ /dud 'gror skye bar lung ston par bzhed na ni zhabs kyi rting par mi snang bar 'gyur ro/ /yi dgas 
su skye bar lung ston par bzhed na ni zhabs kyi mthe bor mi snang bar 'gyur ro/ /mir skye bar lung ston par bzhed na ni pus mo gnyis su mi snang bar 'gyur ro/ /stobs kyi 'khor los sgyur ba'i rgyal por lung ston par bzhed na ni phyag g.yon pa'i mthil du mi snang bar 'gyur ro/ /
'khor los sgyur ba'i rgyal por lung ston par bzhed na ni phyag g.yas pa'i mthil du mi snang bar 'gyur ro/ /lhar skye bar lung ston par bzhed na ni lte bar mi snang bar 'gyur ro/ /nyan thos kyi byang chub tu lung ston par bzhed na ni zhal du mi snang bar 'gyur ro/ /rang sangs rgyas kyi byang 

</font><hr>75-1-7b<br><font size=+1>

chub tu lung ston par bzhed na ni smin mtshams su mi snang bar 'gyur ro/ /bla na med pa yang dag par rdzogs pa'i byang chub tu lung ston par bzhed na ni dbu'i gtsug tor du mi snang bar 'gyur ro/ /de nas 'od zer de dag gis bcom ldan 'das la lan gsum bskor ba byas te/ 
bcom ldan 'das kyi dbu'i gtsug tor du mi snang bar gyur to/ /de nas tshe dang ldan pa kun dga' bos thal mo sbyar te bcom ldan 'das la zhus pa/ tshon sna stong gis spel ba sna tshogs can/ /mang po zhal gyi sgo nas byung bar gyur/ /de yis phyogs rnams kun tu snang bar bgyis/ /
nyi ma shar bas ji ltar bgyis pa bzhin/ /yang tshigs su bcad de gsol pa/ rgod dang bral zhing rgyags dang mi dgyes spangs pa yi/ /sangs rgyas 'gro ba dag gi dam pa'i rgyur gyur pa/ /rgyal ba dgra thub rnams ni rgyu rkyen ma mchis par/ /pad ma'i rtsa dang dung mdog lta bu'i 
'dzum mi ston/ /brtan pos nyid kyi blo yis dus bab mkhyen lags na/ /dge sbyong rgyal dbang nyan pa som nyi 'tshal ba rnams/ /thub pa khyu mchog gi ni gsung mchog brtan pa dang / /bzang po dag gis the tsom skyes pa bsal bar gsol/ /rgya mtsho dang ni ri rgyal lta bur brtan pa 
yi/ /mgon po rdzogs sangs rgyas rnams gyin da 'dzum mi ston/ /gang gi don du dpa' bo 'dzum pa ston mdzad pa/ /de ni khyod las skye bo phal chen nyan par 'tshal/ /bcom ldan 'das kyis bka' stsal pa/ kun dga' bo de ni de bzhin no/ /de ni de bzhin te/ kun dga' bo de 
bzhin gshegs pa dgra bcom pa yang dag par rdzogs pa'i sangs rgyas rnams ni rgyu med rkyen med par 'dzum pa mi mdzad do/ /kun dga' bo bu mo grags ldan ma 'dis nga la 'di lta bu'i bkur sti byas pa mthong ngam/ btsun pa mthong lags so/ /kun dga' bo grags ldan ma 
'di dge ba'i rtsa ba dang sems bskyed pa dang sbyin par bya ba'i chos yongs su gtong ba 'dis bskal pa grangs med pa gsum gyis yang dag par bsgrub par bya ba'i byang chub yang dag par bsgrubs te/ snying rje chen pos yongs su bsgos pa'i pha rol tu phyin pa drug yongs su rdzogs par 

</font><hr>75-1-8a<br><font size=+1>

byas nas/ stobs bcu dang / mi 'jigs pa bzhi dang / ma 'dres pa'i dran pa nye bar gzhag pa gsum dang / snying rje chen po dang ldan pa'i yang dag par rdzogs pa'i sangs rgyas rin chen ldan zhes bya bar 'gyur de 'jig rten du 'byung bar 'gyur ro/ /
de'i sbyin par bya ba'i chos ni gang nga la sems mngon par dga' bar gyur pa 'di yin no/ /bcom ldan 'das kyis de skad ces bka' stsal nas/ dge slong de dag yi rangs te bcom ldan 'das kyis gsungs pa la mngon par bstod do// //le lo can zhes bya ba ni/ sangs rgyas 
bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding 
rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mo byas mchod pa byas te lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i 
sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag 
mgon med zas sbyin gyi kun dga' ra ba na bzhugs so/ /de'i tshe mnyan du yod pa na tshong dpon phyug cing nor mang la longs spyod che ba yongs su 'dzin pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa des rigs mnyam pa 
las chung ma blangs nas/ de de dang lhan cig tu rtse zhing dga' la dga' mgur spyod do/ /de rtse zhing dga' la dga' mgur spyod kyang / bu yang med bu mo yang med nas de lag pa la rkom tshugs bcas te/ bdag gi khyim nor du ma dang ldan du zin kyang bdag la bu yang med bu mo yang med 

</font><hr>75-1-8b<br><font size=+1>

pas/ bdag 'das pa'i 'og tu ni bu med pa'i phyir ci bdog pa thams cad rgyal po dbang bar 'gyur ro snyam ste sems khong du chud cing 'dug go/ /de nas dge sbyong dang / bram ze dang / ltas mkhan dang / mdza' bo dang / gnyen dang / rtsa lag gzhan dag gis lha 
la gsol ba thob cig ces de la bsgo'o/ /'jig rten na yang gsol ba btab pa'i rgyus bu dang bu mo skye bar 'gyur ro zhes bya ba'i gtam de yod mod kyi/ de yang de lta ni ma yin te/ gal te gsol ba btab pa'i rgyus bu dang bu mo skye bar 'gyur du zin na ni/ 'khor los 
sgyur ba'i rgyal po bzhin du re re la yang bu stong stong yod par 'gyur ba'i rigs so/ /ye ni gnas gsum tshogs pa las bu dang bu mo skye bar 'gyur te/ gsum gang zhe na/ pha ma gnyis 'dod chags langs te phrad pa dang /ma dus la bab cing zla mtshan dang ldan pa dang dri za 'ongs 
pa ste/ gnas 'di gsum tshogs pa las bu dang bu mo skye bar 'gyur na/ 'on kyang dge sbyong dang / bram ze rnams dang / ltas mkhan rnams dang / mdza' bo dang / gnyen dang / rtsa lag rnams kyis de la tho btsams nas/ de bu med de bu 'dod pa'i phyir gu lang dang chu lha dang 
ku be ra dang brgya byin dang tshangs pa la sogs pa dang / lha'i khyad par gzhan dag la yang gsol ba 'debs te/ 'di lta ste kun dga' ra ba'i lha dang / nags tshal gyi lha dang / lam gyi bzhi mdo'i lha dang / sum mdo'i lha dang / gtor ma len pa'i lha dang / lhan cig 
skyes pa dang chos 'thun pa pa dang rtag tu phyi bzhin 'brang ba'i lha rnams la yang gsol ba 'debs te de yang gsol ba 'debs pa lhur byed cing 'dug la/ sems can zhig kyang sems can gyi ris shig nas shi 'phos te de'i chung ma'i ltor zhugs so/ /bud med mkhas pa'i 
rang bzhin can kha cig la ni thun mong ma yin pa'i chos lnga yod de/ lnga gang zhe na/ skyes pa chags pa yang shes la ma chags pa yang shes pa dang / dus kyang shes la zla mtshan yang shes pa dang / bu chags pa shes pa dang gang las bu chags pa shes pa dang / khye'u yang shes 

</font><hr>75-1-9a<br><font size=+1>

la bu mo yang shes pa ste/ gal te khye'u yin na ni lto g.yas logs su rten cing gnas so/ /gal te bu mo yin na ni lto g.yon logs su rten cing gnas so/ /de nas de dga' ches nas khyim thab la sbran pa jo bo bdag la sras chags te/ bdag gi rum 
g.yas logs na rten cing gnas pa las na/ khye'ur 'gyur bar nges kyis dgyes pa bskyed du gsol zhes byas nas/ de yang dga' ches te ro stod ni bteg lag pa g.yas pa ni brkyang nas bdag gis yun ring po nas smon smon pa'i bu'i ngo mthong bar 'ong ngo / /bdag gi 
bu rung bar shog shig /mi rung bar ma gyur cig /bdag gi bya ba dag byed par shog shig /gsos pa'i lan phyir gso bar shog shig /nor skal la spyod par shog shig /bdag gi rigs rgyud ring du gnas par shog shig /bdag cag 'das te shi ba'i 'og tu yang 
bdag cag gi phyir mang yang rung nyung yang rung ste/ sbyin pa dag byin la bsod nams dag byas nas/ de gnyis gang dang gang du skyes shing 'gro ba der 'di song shig ces yon bsngo bar shog shig ces dga' ba'i tshig brjod do/ /des bu chags par rig nas bu'i rim gro bya ba'i 
phyir/ khang bzangs kyi steng du nyam rangs su bzhag ste/ grang ba'i tshe grang ba'i yo byad rnams dang / tsha ba'i tshe tsha ba'i yo byad rnams dang / sman pas bstan pa'i zas rnams dang / ha cang kha ba ma yin pa rnams dang / ha cang skyur ba ma yin pa rnams dang / ha cang lan tshwa che ba 
ma yin pa rnams dang / ha cang mngar ba ma yin pa rnams dang / ha cang ro tsha ba ma yin pa rnams dang / ha cang bska ba ma yin pa rnams te/ kha ba dang / skyur ba dang / lan tsha dang / mngar ba dang / tsha ba dang / bska ba med pa'i zas rnams sten cing / do shal dang 
se mo dos lus rnam par bklubs te lha'i bu mo dga' ba'i tshal na rnam par rgyu ba bzhin du khri'i steng nas khri'i steng dang / khri'u'i steng nas khri'u'i steng du rgyu zhing 'og gi sa gzhi la mi 'bab pa dang / des yid du mi 'ong ba'i sgra skad ci yang mi thos par byas so/ /de zla ba brgyad dam dgu 

</font><hr>75-1-9b<br><font size=+1>

lon pa dang bu byung ste/ khye'u gzugs bzang zhing blta na sdug la mdzes pa zhig btsas nas de btsas pa'i tshe khyim gang gi mi thams cad dga' bar gyur te de btsas pa'i btsas ston byas nas/ khye'u 'di'i ming ji skad gdags zhes ming 'dogs par byed de/ nye du rnams 
na re 'di btsas pa na khyim gang gi mi thams cad dga' bar gyur pas na de'i phyir khye'u 'di'i ming dga' byed ces gdags so zhes zer nas de'i ming dga' byed ces btags so/ /de nas khye'u dga' byed pang na 'tsho ba'i ma ma gnyis dang / nu ma snun pa'i ma ma gnyis dang / dri ma 
'khru ba'i ma ma gnyis dang / rtse ba'i ma ma gnyis te/ ma ma brgyad la gtad nas de ma ma brgyad kyis 'o ma dang / zho dang / mar dang / zhun mar dang / mar gyi nying khu dang / gzhan yang yo byad kyi khyad par bzang ngo cog gis bskyed bsrings te/ mtsho'i nang gi pad ma bzhin du 
skyed cher drag par gyur to/ /de nas de gang gi tshe cher skyes te lo lnga'am drug lon pa de'i tshe/ le lo can mchog tu le lo che ba zhig tu gyur te mal dang stan las kyang ldang mi 'dod do/ /de blo rno zhing gsal bas khyim gyi nang du 'dug bzhin du bstan bcos rnams bslabs so/ /de nas 
tshong dpon de 'di snyam du sems te bdag gis lha mnyes par byas nas/ brgya lam na lan gcig na bu skyes pa de yang le lo can mchog tu le lo che ba zhig tu gyur te mal dang stan las kyang mi ldang na 'di ltar lus tha mal par gyur kyang grum po bzhin du lnga re 'dug pa 'di 'dra ba'i bu lta 
ci dgos snyam mo/ /tshong dpon de yang rdzogs byed la dga' ste/ des mu stegs can gyi ston pa drug rang gi khyim du bos nas/ gal te khye'u 'dis de dag mthong na rjes bskyed de mal nas ldang ba tsam yang byed srid dam snyam pa dang / de nas khye'u le lo can gyis ston pa de dag 
mthong nas mig gis kyang ma bltas na ldang ba'am gus par smra ba'am stan bstabs pa lta ci smos/ de nas tshong dpon des gnas skabs de lta bu mthong nas ches rab tu gdung bar gyur te lag pa la rkom tshugs bcas nas sems khong du chud cing 'dug go/ /de'i skabs su sangs rgyas 

</font><hr>75-1-10a<br><font size=+1>

bcom ldan 'das rnams kyis ni mi mkhyen pa'am/ mi gzigs pa'am/ mi rtogs pa'am/ thugs su mi chud pa ci yang med la sangs rgyas bcom ldan 'das thugs rje chen po dang ldan pa/ 'jig rten la phan 'dogs pa la zhugs pa/ srung ba gcig 
dang ldan pa/ gcig tu dpa' ba zla med pa/ gnyis su mi gsung ba/ zhi gnas dang lhag mthong la gnas pa/ rig pa gsum snang bar mdzad pa/ bslab pa gsum la legs par bslabs pa/ 'dul ba'i gzhi gsum la mkhas pa/ chu bo bzhi las rgal ba/ rdzu 
'phrul gyi rkang pa bzhi'i zhabs kyi mthil shin tu brtan pa/ bsdu ba'i dngos po bzhi la yun ring po nas 'dris par byas pa/ mi 'jigs pa bzhis mi 'jigs pa/ khyu mchog gi yang dag pa'i seng ge'i sgra chen po sgrogs pa/ yan lag lnga rnam par spangs pa/ 'gro ba lnga las 
yang dag par 'das pa/ yan lag drug dang ldan pa/ pha rol tu phyin pa drug yongs su rdzogs pa/ rtag tu gnas par bya ba drug la gnas pa/ byang chub kyi yan lag bdun gyi me tog gis phyug pa/ lam yan lag brgyad pa ston pa/ mthar gyis gnas pa'i snyoms 
par 'jug pa dgu la mkhas pa/ stobs bcu'i stobs dang ldan pa/ phyogs bcur grags pas kun tu rgyas pa/ brgya phrag bcu pa la dbang byed pa bas kyang ches khyad par du 'phags pa rnams ni chos nyid kyis nyin dus gsum mtshan dus gsum du sangs rgyas kyi spyan gyis 'jig rten 
la gzigs te/ su ni rgud su ni dar/ su ni phongs shing 'dug /su ni nyam nga bar gyur/ su ni gnod pa dang ldan/ su ni phongs pa dang / nyam nga ba dang gnod pa dang ldan/ su ni ngan song du gzhol/ su ni ngan song du 'bab/ su ni ngan song du bab/ su ni ngas ngan song nas phyung ste mtho 
ris dang / thar pa dang / 'bras bu la gzhag par bya/ su ni 'dod pa'i 'dam du bying ba las lag nas drang bar bya/ su ni 'phags pa'i nor bdun med pa las 'phags pa'i nor bdun gyi dbang phyug la dbang byed du gzhug par bya/ su ni dge ba'i rtsa ba rnams ma bskyed pa rnams las 

</font><hr>75-1-10b<br><font size=+1>

bskyed par bya/ su ni dge ba'i rtsa ba rnams bskyed zin pa las yongs su smin par bya/ su ni yongs su smin zin pa las rnam par grol bar bya snyam du ye shes gzigs pa 'jug go/ /'dir smras pa/ rgya mtsho chu srin rnams kyi gnas/ /dus rlabs yol bar 'gyur yang srid/ /
gdul bar bya ba'i sras rnams la/ /sangs rgyas dus las yol ba med/ /de nas bcom ldan 'das kyis khye'u le lo can gyis nga mthong na brtson 'grus rtsom par 'gyur te/ bla na med pa yang dag par rdzogs pa'i byang chub kyi bar du sems yongs su 'gyur bar 'ong ngo snyam du 
gzigs so/ /de nas bcom ldan 'das kyis mu stegs can rnams kyi rgyags pa dang / dregs pa gcad pa dang / khye'u'i dge ba'i rtsa ba bskyed pa'i phyir 'od zer gser gyi kha dog can nyi ma stong gi 'od pas lhag pa dag bkye ste/ de dag gis khyim de kun tu snang bar byas so 
bskal pa stong du yongs su bsgoms pa'i byams pa'i 'od zer dag kyang bkye ste/ de dag gis de'i lus la phog ma thag tu rab tu sim par gyur nas/ su'i mthus bdag gi lus rab tu sim par byas snyam ste/ des phan tshun du bltas so/ /de nas bcom ldan 'das dge slong gi 
tshogs kyis zhabs 'bring byas te khyim de'i nang du gshegs nas khye'u le lo can gyis sangs rgyas bcom ldan 'das sku skyes bu chen po'i mtshan sum cu rtsa gnyis kyis brgyan pa/ dpe byad bzang po brgyad cus mdzes par byas pa/ 'od 'dom gang gis brgyan pa/ nyi ma stong bas 
lhag pa'i 'od mnga' ba/ rin po che'i ri bo 'gro ba lta bu kun nas bzang ba mthong ngo / /mthong nas kyang mchog tu dga' bar gyur te 'phral la rang nyid langs nas bcom ldan 'das kyi gdan bshams te bcom ldan 'das tshur gshegs/ bcom ldan 'das gshegs pa 
legs so/ /bcom ldan 'das gdan bshams pa la bzhugs su gsol zhes de skad kyang smras so/ /de nas de'i pha ma dang nang mi rnams kyis sngon ma mthong ba'i gus par sgrim pa mthong nas mchog tu ya mtshan du gyur to/ /de nas khye'u le lo can gyis dga' zhing mdangs phyung ba'i 

</font><hr>75-1-11a<br><font size=+1>

mig dang ldan pas bcom ldan 'das kyi zhabs la phyag 'tshal nas chos mnyan pa'i phyir spyan sngar 'dug ste/ bcom ldan 'das kyis de la le lo'i nyes pa dang brtson 'grus rtsom pa'i phan yon rnam pa du ma bka' stsal nas/ tsan dan gyi dbyug gu zhig kyang de la 
byin te khye'u dbyug gu 'di rdungs shig ces bka' stsal to/ /de nas des dbyug gu de brdungs pa dang / sgra snyan pa thos par gyur la rin po che'i gter sna tshogs kyang mthong ngo / /de nas de 'di snyam du sems de/ kye ma brtson 'grus rtsom pa la ni khyad par chen po de lta bu yod kyis/ 
bdag gis phyir zhing brtson 'grus brtsam par bya gor ma chag snyam nas des mnyan du yod par dril gyi sgra bsgrags te/ bdag nyid kyis ded dpon bya bar bsgrags nas rgya mtsho chen po la lan drug rgal te gru'i don grub pas rin po che chen po bsdus te/ bcom ldan 'das nyan thos kyi 
dge 'dun dang bcas pa khyim gyi nang du bshos gsol nas/ bla na med pa yang dag par rdzogs pa'i byang chub tu smon lam btab bo/ /de nas bcom ldan 'das kyis khye'u le lo can gyi rgyu gcig nas gcig tu brgyud pa dang las gcig nas gcig tu brgyud pa mkhyen nas 
'dzum pa mdzad do/ /'di ni sangs rgyas bcom ldan 'das rnams gang gi tshe 'dzum pa mdzad pa'i chos nyid de de'i tshe zhal gyi sgo nas 'od zer sngon po dang / ser po dang / dmar po dang / dkar po rnams byung nas kha cig ni 'og tu 'gro'o/ /kha cig ni steng du 'gro'o/ /
'og tu 'gro ba gang yin pa de dag ni sems can dmyal ba yang sos dang / thig nag dang / 'dus 'joms dang / ngu 'bod dang / ngu 'bod chen po dang / tsha ba dang / rab tu tsha ba dang / mnar med pa dang / chu bur can dang / chu bur rdol dang / so thams thams 
dang / kyi hud zer dang / a chu zer dang / ud pal ltar gas pa dang / pad ma ltar gas pa dang / pad ma ltar gas pa chen por song nas tsha ba'i sems can dmyal ba gang yin pa de dag tu ni bsil bar gyur te 'bab bo/ grang ba'i sems can dmyal ba gang yin pa de dag tu ni dro bar 

</font><hr>75-1-11b<br><font size=+1>

gyur te 'bab bo/ /des na sems can de dag gi gnod pa'i khyad par rnams rtse zhil bar gyur to/ /de nas de dag 'di snyam du sems te/ kye ci bdag cag 'di nas shi 'phos sam 'on te gzhan du skyes sam snyam mo/ /de nas de dag dad pa bskyed pa'i phyir bcom ldan 'das 
sprul pa 'gyed par mdzad de/ de dag gis sprul pa mthong nas 'di snyam du sems te/ kye bdag cag ni 'di nas kyang shi 'phos par ma gyur la gzhan du yang ma skyes mod kyi/ 'on kyang sngon ma byung ba'i sems can snang ba 'di'i mthus/ bdag cag gi gnod pa'i khyad par rnams 
rtse zhil bar gyur to snyam mo/ /de nas de dag sprul pa de la sems mngon par dga' bar gyur nas sems can dmyal ba myong bar 'gyur ba'i las de zad de lha dang mi rnams kyi nang du gang du bden pa rnams kyi snod du rung bar 'gyur ba der nying mtshams 'dzin par 'gyur ro/ /steng du 
'gro ba gang yin pa de dag ni rgyal chen bzhi'i ris rnams dang sum cu rtsa gsum pa rnams dang / 'thab bral rnams dang / dga' ldan rnams dang / 'phrul dga' rnams dang / gzhan 'phrul dbang byed rnams dang / tshangs ris rnams dang / tshangs pa'i mdun na 'don pa rnams 
dang / tshangs pa chen po rnams dang / 'od chung rnams dang / tshad med 'od rnams dang / 'od gsal rnams dang / dge chung rnams dang / tshad med dge rnams dang / dge rgyas rnams dang / sprin med rnams dang / bsod nams skyes rnams dang / 'bras bu che rnams dang / mi che 
rnams dang / mi gdung rnams dang / gya nom snang rnams dang / shin tu mthong rnams dang / 'og min gyi lha rnams kyi bar du song nas/ mi rtag pa dang / sdug bsngal ba dang / stong pa dang / bdag med pa'i sgra sgrogs so/ /tshigs su bcad pa gnyis kyang rjod par byed de/ /
nges par 'byung ba brtsam par gyis/ /sangs rgyas bstan la sbyor bar gyis/ /'dam bu'i khyim la glang chen bzhin/ /'chi bdag sde ni gzhom par gyis/ /gang zhig chos 'dul 'di nyid la/ /bag yod spyod par byed pa ni/ /skye ba'i 'khor ba rab spangs nas/ /sdug bsngal 

</font><hr>75-1-12a<br><font size=+1>

zad par byed par 'gyur/ /zhes rjod par byed do/ /de nas 'od zer de dag gis stong gsum gyi stong chen po'i 'jig rten gyi khams bskor nas/ bcom ldan 'das nyid kyi phyi bzhin 'brangs te/ gal te bcom ldan 'das kyis 'das pa'i las lung ston par bzhed 
na ni bcom ldan 'das kyi snam logs su mi snang bar 'gyur ro/ /ma 'ongs pa'i las lung ston par bzhed na ni mdun logs su mi snang bar 'gyur ro/ /sems can dmyal bar skye bar lung ston par bzhed na ni zhabs kyi mthil du mi snang bar 'gyur ro/ /dud 'gror skye bar lung 
ston par bzhed na ni zhabs kyi rting par mi snang bar 'gyur ro/ /yi dgas su skye bar lung ston par bzhed na ni zhabs kyi mthe bor mi snang bar 'gyur ro/ /mir skye bar lung ston par bzhed na ni pus mo gnyis su mi snang bar 'gyur ro/ /stobs kyi 'khor los sgyur ba'i rgyal por lung 
ston par bzhed na ni phyag g.yon pa'i mthil du mi snang bar 'gyur ro/ /'khor los sgyur ba'i rgyal por lung ston par bzhed na ni phyag g.yas pa'i mthil du mi snang bar 'gyur ro/ /lhar skye bar lung ston par bzhed na ni lte bar mi snang bar 'gyur ro/ /nyan thos kyi byang chub tu lung 
ston par bzhed na ni zhal du mi snang bar 'gyur ro/ /rang sangs rgyas kyi byang chub tu lung ston par bzhed na ni smin mtshams kyi mdzod spur mi snang bar 'gyur ro/ /bla na med pa yang dag par rdzogs pa'i byang chub tu lung ston par bzhed na ni dbu'i gtsug tor du mi snang bar 'gyur ro/ /
de nas 'od zer de dag gis bcom ldan 'das la lan gsum bskor ba byas te/ bcom ldan 'das kyi dbu'i gtsug tor du mi snang bar gyur to/ /de nas tshe dang ldan pa kun dga' bos thal mo sbyar te bcom ldan 'das la zhus pa/ tshon sna stong gis spel ba sna tshogs can/ /
mang po zhal gyi sgo nas byung bar gyur/ /de yis phyogs rnams kun tu snang bar bgyis/ /nyi ma shar bas ji ltar bgyis pa bzhin/ /yang tshigs su bcad de gsol pa/ rgod dang bral zhing rgyags dang mi dgyes spangs pa yi/ /sangs rgyas 'gro ba dag gi dam pa'i rgyur gyur pa/ /

</font><hr>75-1-12b<br><font size=+1>

rgyal ba dgra thub rnams ni rgyu rkyen ma mchis par/ /pad ma'i rtsa dang dung mdog lta bu'i 'dzum mi ston/ /brtan pos nyid kyi blo yis dus bab mkhyen lags na/ /dge sbyong rgyal dbang nyan pa som nyi 'tshal ba rnams/ /thub pa khyu mchog gi ni gsung mchog brtan pa dang / /bzang po 
dag gis the tsom skyes pa bsal bar gsol/ /rgya mtsho dang ni ri rgyal lta bur brtan pa yi/ /mgon po rdzogs sangs rgyas rnams gyin da 'dzum mi ston/ /gang gi don du dpa' bo 'dzum pa ston mdzad pa/ /de ni khyod las skye bo phal chen nyan par 'tshal/ /bcom ldan 'das kyis 
bka' stsal pa/ kun dga' bo de ni de bzhin no/ /de ni de bzhin te/ kun dga' bo de bzhin gshegs pa dgra bcom pa yang dag par rdzogs pa'i sangs rgyas rnams ni rgyu med rkyen med par 'dzum pa mi mdzad do/ /kun dga' bo khye'u le lo can 'dis nga la 'di lta bu'i bkur sti byas pa mthong 
ngam/ btsun pa mthong lags so/ /kun dga' bo khye'u le lo can 'di dge ba'i rtsa ba dang / sems bskyed pa dang / sbyin par bya ba'i chos yongs su gtong ba 'dis/ bskal pa grangs med pa gsum gyis yang dag par bsgrub par bya ba'i byang chub yang dag par bsgrubs te/ snying rje 
chen pos yongs su bsgos pa'i pha rol tu phyin pa drug yongs su rdzogs par byas nas stobs bcu dang / mi 'jigs pa bzhi dang / ma 'dres pa'i dran pa nye bar gzhag pa gsum dang / snying rje chen po dang ldan pa'i yang dag par rdzogs pa'i sangs rgyas stobs dang / brtson 'grus dang / 
mthu rtsal dang shin tu ldan pa zhes bya bar 'gyur te/ 'jig rten du 'byung bar 'gyur ro/ /de'i sbyin par bya ba'i chos ni gang nga la mngon par dga' bar gyur pa 'di yin no/ /bcom ldan 'das kyis de skad ces bka' stsal nas/ dge slong de dag yi rangs te bcom ldan 'das kyis gsungs 
pa la mngon par bstod do// //gang po la sogs pa'i rtogs pa brjod pa brgya pa/bam po gnyis pa/ ded dpon zhes bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor 

</font><hr>75-1-13a<br><font size=+1>

gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur 
sti byas/ bla mar byas/ ri mo byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na 
bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa mnyan du yod pa na/ rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ /de'i tshe 
mnyan du yod pa na ded dpon chen po zhig rgya mtsho chen po'i nang du gru bub ste/ phyir 'ongs nas des lan gnyis lan gsum gyi bar du lha thams cad la gsol ba btab ste/ rgya mtsho chen po'i nang du zhugs na 'on kyang gru bub ste phyir 'ongs so/ /de nas de mi dga' ba chen po 
skyes nas de 'di snyam du sems te bdag gis thabs gang gis nor bsdu bar bya ba'i thabs ci yod snyam mo/ /yang de 'di snyam du sems te/ sangs rgyas bcom ldan 'das 'di ni lha thams cad las kyang ches khyad par du 'phags te/ bdag la phan pa dang gzhan la phan pa la zhugs 
pa/ thugs rje can bdag nyid chen po chos la gus pa/ skye dgu la mnyes gshin pa yin gyis/ da ni bdag gis 'di la brten te yang rgya mtsho chen po'i nang du zhugs la gru'i don legs par grub ste phyir 'ongs nas/ nor phyed kyis 'di la mchod pa bya'o snyam mo/ /des de ltar 
brtson 'grus byas te/ yang rgya mtsho chen po'i nang du zhugs pa dang sangs rgyas kyi mthus rin po che'i gling du phyin nas/ rin po che chen po bsdus te bde ba dang nye zho med par bdag gi khyim du phyin to/ /de ngal bso nas snod bzlugs na/ des rin po che rnam pa sna tshogs mthong nas chags pa 

</font><hr>75-1-13b<br><font size=+1>

chen po skyes te/ bdag gis rin po che 'di lta bu dag dge sbyong gau ta ma la phyed ji ltar sbyin snyam du sems pa la zhugs te ma la bdag gis 'di rnams bdag gi chung ma'i lag tu zho'i bzhi cha gcig tu btsongs la/ bcom ldan 'das la spos dbul bar bya gor ma chag snyam mo/ /
des zho'i bzhi cha gcig gis a ga ru'i spos nyos nas rgyal bu rgyal byed kyi tshal du song ngo / /de nas shin tu ngo tsha ba bzhin du sgo gang du 'dug nas a ga rus bdugs so/ /de nas bcom ldan 'das kyis gang gis bdug pa de steng gi nam mkha' la yang dag par 'phags te 
mnyan du yod pa thams cad khyab par gyur nas sprin chen po'i mgo ltar 'dug par 'gyur ba de lta bu'i rdzu 'phrul mngon par 'du bya ba mdzad do/ /des lha dang mi dad par byed pa'i cho 'phrul shin tu rmad du byung ba de mthong nas dga' ba chen po skyes te/ bdag gi sems la brgyad bkag 
nas/ gang bdag gis rin po che'i sgo nas/ bcom ldan 'das kyi sku bslu ba 'di ni bdag gi cha ma yin no zhes byas so/ /de nas ded dpon des bcom ldan 'das nyan thos kyi dge 'dun dang bcas pa khyim gyi nang du bshos la spyan drangs so/ /de nas zhal zas bzang pos tshim par byas 
nas rin po che chen po dag gis gtor to/ /de nas rin po che de dag 'di lta ste/ sangs rgyas rnams kyi sangs rgyas kyi mthu dang / lha rnams kyi lha'i mthus/ bcom ldan 'das kyi dbu'i steng gi nam mkha' la 'phags nas/ rin po che'i khang pa dang khang pa brtsegs pa rin 
po che'i rgyal mtshan can mgar ba'am mgar ba'i slob ma legs par lobs pas kyang byed mi nus pa de lta bur gyur te 'dug go/ /de nas ded dpon des cho 'phrul de mthong nas ched kyis dga' ba skyes te/ sdong po rtsa ba nas bcad pa bzhin du bcom ldan 'das kyi zhabs la 
phyag 'tshal nas smon lam btab pa/ dge ba'i rtsa ba dang sems bskyed pa dang sbyin par bya ba'i chos yongs su gtong ba 'dis bdag 'jig rten long ba 'dren pa med cing yongs su 'dren pa med par sems can ma bsgral ba rnams sgrol ba dang / ma grol ba rnams 'grol ba dang / dbugs 

</font><hr>75-1-14a<br><font size=+1>

ma phyin pa rnams dbugs 'byin pa dang / yongs su mya ngan las ma 'das pa rnams yongs su mya ngan las zlo ba'i sangs rgyas su gyur cig ces byas so/ /de nas bcom ldan 'das kyis ded dpon de'i rgyu gcig nas gcig tu brgyud pa dang / las gcig nas 
gcig du brgyud pa mkhyen nas 'dzum pa mdzad do/ /'di ni sangs rgyas bcom ldan 'das rnams gang gi tshe 'dzum pa mdzad pa'i chos nyid de de'i tshe zhal gyi sgo nas 'od zer sngon po dang / ser po dang /dmar po dang / dkar po rnams byung nas/ kha cig ni 'og tu 'gro'o/ /kha cig 
ni steng du 'gro'o/ /'og tu 'gro ba gang yin pa de dag ni sems can dmyal ba yang sos dang / thig nag dang / 'dus 'joms dang / ngu 'bod dang / ngu 'bod chen po dang / tsha ba dang / rab tu tsha ba dang / mnar med pa dang / chu bur can dang / chu bur rdol dang / so thams 
thams dang / kyi hud zer dang / a chu zer dang / ud pal ltar gas pa dang / pad ma ltar gas pa dang / pad ma ltar gas pa chen por song nas/ tsha ba'i sems can dmyal ba gang yin pa de dag tu ni bsil bar gyur te 'bab bo/ /grang ba'i sems can dmyal ba gang yin pa 
de dag tu ni dro bar gyur te 'bab bo/ /des na sems can de dag gi gnod pa'i khyad par rnams rtse zhil bar gyur to/ /de nas de dag 'di snyam du sems te kye ci bdag cag 'di nas shi 'phos sam/ 'on te gzhan du skyes sam snyam mo/ /de nas de dag dad pa bskyed pa'i phyir bcom 
ldan 'das sprul pa 'gyed par mdzad de/ de dag gis sprul pa mthong nas 'di snyam du sems te/ kye bdag cag ni 'di nas kyang shi 'phos par ma gyur la gzhan du yang ma skyes mod kyi/ 'on kyang sngon ma byung ba'i sems can snang ba 'di'i mthus bdag cag gi gnod pa'i khyad par 
rnams rtse zhil bar gyur to snyam mo/ /de nas de dag sprul pa la sems mngon par dga' bar gyur nas sems can dmyal ba myong bar 'gyur ba'i las de zad de/ lha dang mi rnams kyi nang du gang du bden pa rnams kyi snod du rung bar 'gyur ba der nying mtshams 'dzin par 'gyur ro/ /steng du 

</font><hr>75-1-14b<br><font size=+1>

'gro ba gang yin pa de dag ni rgyal chen bzhi'i ris rnams dang / sum cu rtsa gsum pa rnams dang / 'thab bral rnams dang / dga' ldan rnams dang / 'phrul dga' rnams dang / gzhan 'phrul dbang byed rnams dang / tshangs ris rnams dang / tshangs pa'i mdun 
na 'don pa rnams dang / tshangs pa chen po rnams dang / 'od chung rnams dang / tshad med 'od rnams dang / 'od gsal rnams dang / dge chung rnams dang / tshad med dge rnams dang / dge rgyas rnams dang / sprin med rnams dang / bsod nams skyes rnams dang / 'bras 
bu che rnams dang / mi che rnams dang / mi gdung rnams dang / gya nom snang rnams dang / shin tu mthong rnams dang / 'og min gyi bar gyi lha rnams kyi nang du song nas/ mi rtag pa dang sdug bsngal ba dang stong pa dang bdag med pa'i sgra sgrogs so/ /tshigs su bcad pa 
gnyis kyang rjod par byed do/ nges par 'byung ba brtsam par gyis/ /sangs rgyas bstan la sbyor bar gyis/ /'dam bu'i khyim la glang chen bzhin/ /'chi bdag sde ni gzhom par gyis/ /gang zhig chos 'dul 'di nyid la/ /bag yod spyod par byed pa ni/ /skye ba'i 'khor 
ba rab spangs nas/ /sdug bsngal zad par byed par 'gyur/ /zhes rjod par byed do/ /de nas 'od zer de dag gis stong gsum gyi stong chen po'i 'jig rten gyi khams bskor nas/ bcom ldan 'das nyid kyi phyi bzhin 'brangs te/ gal te bcom ldan 'das kyis 'das pa'i las 
lung ston par bzhed na ni bcom ldan 'das kyi snam logs su mi snang bar 'gyur ro/ /ma 'ongs pa'i las lung ston par bzhed na ni mdun logs su mi snang bar 'gyur ro/ /sems can dmyal bar skye bar lung ston par bzhed na ni zhabs kyi mthil du mi snang bar 'gyur ro/ /
dud 'gror skye bar lung ston par bzhed na ni zhabs kyi rting par mi snang bar 'gyur ro/ /yi dgas su skye bar lung ston par bzhed na ni zhabs kyi mthe bor mi snang bar 'gyur ro/ /mir skye bar lung ston par bzhed na ni pus mo gnyis su mi snang bar 'gyur ro/ /stobs kyi 'khor los sgyur 

</font><hr>75-1-15a<br><font size=+1>

ba'i rgyal por lung ston par bzhed na ni phyag g.yon pa'i mthil du mi snang bar 'gyur ro/ /'khor los sgyur ba'i rgyal por lung ston par bzhed na ni phyag g.yas pa'i mthil du mi snang bar 'gyur ro/ /lhar skye bar lung ston par bzhed na ni lte bar mi snang bar 'gyur 
ro/ /nyan thos kyi byang chub tu lung ston par bzhed na ni zhal du mi snang bar 'gyur ro/ /rang sangs rgyas kyi byang chub tu lung ston par bzhed na ni smin mtshams kyi mdzod spur mi snang bar 'gyur ro/ /bla na med pa yang dag par rdzogs pa'i byang chub tu lung ston par bzhed na ni dbu'i 
gtsug tor du mi snang bar 'gyur ro/ /de nas 'od zer de dag gis bcom ldan 'das la lan gsum bskor ba byas te/ bcom ldan 'das kyi dbu'i gtsug tor du mi snang bar gyur to/ /de nas tshe dang ldan pa kun dga' bos thal mo sbyar te/ bcom ldan 'das la zhus pa/ 
tshon sna stong gis spel ba sna tshogs can/ /mang po zhal gyi sgo nas byung bar gyur/ /de yis phyogs rnams kun tu snang bar bgyis/ /nyi ma shar bas ji ltar bgyis pa bzhin/ /yang tshigs su bcad de gsol pa/ rgod dang bral zhing rgyags dang mi dgyes spangs pa yi/ /
sangs rgyas 'gro ba dag gi dam pa'i rgyur gyur pa/ /rgyal ba dgra thub rnams ni rgyu rkyen ma mchis par/ /pad ma'i rtsa dang dung mdog lta bu'i 'dzum mi ston/ /brtan pos nyid kyi blo yis dus bab mkhyen lags na/ /dge sbyong rgyal dbang nyan pa som nyi 'tshal ba rnams/ /
thub pa khyu mchog gi ni gsum mchog brtan pa dang / /bzang po dag gis the tsom skyes pa bsal bar gsol/ /rgya mtsho dang ni ri rgyal lta bur brtan pa yi/ /mgon po rdzogs sangs rgyas rnams gyin da 'dzum mi ston/ /gang gi don du dpa' bo 'dzum pa ston mdzad pa/ /de ni 
khyod las skye bo phal chen nyan par 'tshal/ /bcom ldan 'das kyis bka' stsal pa/ kun dga' bo de ni de bzhin no/ /de ni de bzhin te/ kun dga' bo de bzhin gshegs pa dgra bcom pa yang dag par rdzogs pa'i sangs rgyas rnams ni rgyu med rkyen med par 'dzum pa mi mdzad do/ /

</font><hr>75-1-15b<br><font size=+1>

kun dga' bo ded dpon 'dis nga la 'di lta bu'i bkur sti byas pa mthong ngam/ btsun pa mthong lags so/ /kun dga' bo ded dpon 'di'i dge ba'i rtsa ba dang sems bskyed pa dang sbyin par bya ba'i chos yongs su gtong ba 'dis bskal pa grangs med pa gsum gyis yang dag 
par bsgrub par bya ba'i byang chub yang dag par bsgrubs te/ snying rje chen pos yongs su bsgos pa'i pha rol tu phyin pa drug yongs su rdzogs par byas nas/ stobs bcu dang / mi 'jigs pa bzhi dang / ma 'dres pa'i dran pa nye bar gzhag pa gsum dang / snying rje chen po dang ldan pa'i yang 
dag par rdzogs pa'i sangs rgyas spos mchog ces bya bar 'gyur te 'jig rten du 'byung bar 'gyur ro/ /de'i sbyin par bya ba'i chos ni gang nga la sems mngon par dga' bar gyur pa 'di yin no/ /bcom ldan 'das kyis de skad ces bka' stsal nas/ dge slong de dag yi rangs te bcom 
ldan 'das kyis gsungs pa la mngon par bstod do// //zla ba zhes bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha 
rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mo byas/ mchod pa byas te/ lha dang / klu dang / gnod sbyin dang / lha ma yin 
dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ 
nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ /de nas mnyan du yod pa na tha ga pa zla ba zhes bya ba dbul zhing mchog tu dbul ba zhig gnas so/ /de yang las ji tsam zhig byed pa de tsam nyi 

</font><hr>75-1-16a<br><font size=+1>

tshe'i zan rnyed par zad de/ des cung zad kyang gzhag tu med do/ /de nas de 'di snyam du sems te/ bdag ni 'jig rten pha rol nas kyang bsod nams ma byas par 'dir 'ongs la/ 'dir yang dge ba mi byed pas 'di nas 'jig rten pha rol tu yang bsod nams 
kyang ma byas/ dge ba yang ma byas/ 'jigs shing skrag pa'i mgon skyabs kyang ma byas par 'gro dgos srid kyis/ bdag gis bcom ldan 'das la sna 'ga' zhig gis mchod pa bya gor ma chag snyam mo/ /de nas des khyim bdag gzhan zhig gi ras btags nas/ des 
de las ras kyi tshar tshar khyer te srang du zhugs so/ /bcom ldan 'das kyi snga dro sham thabs dang chos gos gsol te/ lhung bzed bsnams nas mnyan du yod par bsod snyoms la gshegs so/ /de nas des sangs rgyas bcom ldan 'das sku mtshan sum cu rtsa gnyis kyis 
legs par brgyan pa/ dpe byad bzang po brgyad cus mdzes par byas pa/ 'od 'dom gang gis brgyan pa/ nyi ma stong bas lhag pa'i 'od mnga' ba/ rin po che'i ri bo 'gro ba lta bu kun nas bzang ba mthong ngo / /mthong nas kyang bcom ldan 'das la sems mngon par dga' 
bar gyur to/ /bcom ldan 'das kyis kyang de la phan gdags pa'i phyir nyid kyi chos gos ral bar bstan to/ /de nas des ras kyi tshar tshar de dag bcom ldan 'das la phul lo/ /bcom ldan 'das kyis kyang de'i mod la chos gos drubs par bstan to/ /de nas de rgya cher 
dga' ba skyes nas bcom ldan 'das kyi zhabs la phyag 'tshal te smon lam btab pa/ sbyin pa chung la zhing ni rgya che ste/ /mthu chen khyod nyid thugs su chud par bas/ /sbyin pa chen por gyur pa 'di yis ni/ /bdag ni rgya cher grags pa'i sangs rgyas shog /sbyin pa 'di ni chung ngu 
lags kyis kyang / /bdag gi sems ni rab yangs dpag yas te/ /mi dang lha mchog rgyal bas bzhes nas ni/ /sbyin pa chung yang 'bras bu chen por 'gyur/ /bcom ldan 'das kyis bka' stsal pa/ khyod ni phyi mar zhi ba mthu che ba/ /rgya chen grags pa mi dang lhas mchod pa/ /

</font><hr>75-1-16b<br><font size=+1>

rang byung 'jig rten phan pa snying brtser ldan/ /tshar tshar bla ma zhes bya rgyal bar 'gyur/ /de nas bcom ldan 'das kyis tha ga pa zla ba'i rgyu gcig nas gcig tu brgyud pa dang /las gcig nas gcig tu brgyud pa mkhyen nas 'dzum pa mdzad do/ /'di ni sangs rgyas bcom 
ldan 'das rnams gang gi tshe 'dzum pa mdzad pa'i chos nyid de/ de'i tshe zhal nas 'od zer sngon po dang / ser po dang / dmar po dang / dkar po dag byung nas/ kha cig ni 'og tu 'gro'o/ /kha cig ni steng du 'gro'o/ /'og tu 'gro ba gang yin pa de dag ni sems can dmyal ba 
yang sos dang / thig nag dang / 'dus 'joms dang / ngu 'bod dang / ngu 'bod chen po dang / tsha ba dang / rab tu tsha ba dang / mnar med pa dang / chu bur can dang / chu bur rdol dang / so thams thams dang / kyi hud zer dang / a chu zer dang / ud pal ltar gas pa dang / 
pad ma ltar gas pa dang / pad ma ltar gas pa chen por song nas tsha ba'i sems can dmyal ba gang yin pa de dag tu ni bsil bar gyur te 'bab bo/ /grang ba'i sems can dmyal ba gang yin pa de dag tu ni dro bar gyur te 'bab bo/ /des na sems can de dag gi gnod pa'i khyad par 
rnams ni rtse zhil bar gyur to/ /de nas de dag 'di snyam du sems te/ kye ci bdag cag 'di nas shi 'phos sam 'on te gzhan du skyes sam snyam mo/ /de nas de dag dad pa bskyed pa'i phyir bcom ldan 'das sprul pa 'gyed par mdzad de/de dag gis sprul pa mthong nas 'di snyam du sems 
te/ kye bdag cag ni 'di nas kyang shi 'phos par ma gyur la gzhan du yang ma skyes mod kyi/ 'on kyang sngon ma byung ba'i sems can snang ba 'di'i mthus bdag cag gi gnod pa'i khyad par rnams rtse zhil bar gyur to snyam mo/ /de nas de dag sprul pa la sems mngon par dga' bar gyur nas/ 
sems can dmyal ba myong bar 'gyur ba'i las de zad de lha dang mi rnams kyi nang du gang du bden pa rnams kyi snod du rung bar 'gyur ba der nying mtshams 'dzin par 'gyur ro/ /steng du 'gro ba gang yin pa de dag ni rgyal chen bzhi'i ris rnams dang / sum cu rtsa gsum pa rnams dang /

</font><hr>75-1-17a<br><font size=+1>

'thab bral rnams dang / dga' ldan rnams dang / 'phrul dga' rnams dang / gzhan 'phrul dbang byed rnams dang / tshangs ris rnams dang / tshangs pa'i mdun na 'don pa rnams dang / tshangs pa chen po rnams dang / 'od chung rnams dang / tshad med 
'od rnams dang / 'od gsal rnams dang / dge chung rnams dang / tshad med dge rnams dang / dge rgyas rnams dang / sprin med rnams dang / bsod nams skyes rnams dang / 'bras bu che rnams dang / mi che rnams dang / mi gdung rnams dang / gya nom snang rnams dang / 
shin tu mthong rnams dang / 'og min gyi lha rnams kyi bar du song nas/ mi rtag pa dang / sdug bsngal ba dang / stong pa dang / bdag med pa'i sgra sgrogs so/ /tshigs su bcad pa gnyis kyang rjod par byed de/ nges par 'byung ba brtsam par gyis/ /sangs rgyas bstan la 
sbyor bar gyis/ /'dam bu'i khyim la glang chen bzhin/ /'chi bdag sde ni gzhom par gyis/ /gang zhig chos 'dul 'di nyid la/ /bag yod spyod par byed pa ni/ /skye ba'i 'khor ba rab spangs nas/ /sdug bsngal zad par byed par 'gyur/ /zhes rjod par byed do/ /
de nas 'od zer de dag gis stong gsum gyi stong chen po'i 'jig rten gyi khams bskor nas bcom ldan 'das nyid kyi phyi bzhin 'brangs te/ gal te bcom ldan 'das kyis 'das pa'i las lung ston par bzhed na ni bcom ldan 'das kyi snam logs su mi snang bar 'gyur ro/ /ma 'ongs pa'i 
las lung ston par bzhed na ni mdun logs su mi snang bar 'gyur ro/ /sems can dmyal bar skye bar lung ston par bzhed na ni zhabs kyi mthil du mi snang bar 'gyur ro/ /dud 'gror skye bar lung ston par bzhed na ni zhabs kyi rting par mi snang bar 'gyur ro/ /yi dgas su skye bar lung 
ston par bzhed na ni zhabs kyi mthe bor mi snang bar 'gyur ro/ /mir skye bar lung ston par bzhed na ni pus mo gnyis su mi snang bar 'gyur ro/ /stobs kyi 'khor los sgyur ba'i rgyal por lung ston par bzhed na ni phyag g.yon pa'i mthil du mi snang bar 'gyur ro/ /'khor los sgyur ba'i 

</font><hr>75-1-17b<br><font size=+1>

rgyal por lung ston par bzhed na ni phyag g.yas pa'i mthil du mi snang bar 'gyur ro/ /lhar skye bar lung ston par bzhed na ni lte bar mi snang bar 'gyur ro/ /nyan thos kyi byang chub tu lung ston par bzhed na ni zhal du mi snang bar 'gyur ro/ /rang sangs rgyas kyi byang chub tu lung ston par bzhed 
na ni smin mtshams kyi mdzod spur mi snang bar 'gyur ro/ /bla na med pa yang dag par rdzogs pa'i byang chub tu lung ston par bzhed na ni dbu'i gtsug tor du mi snang bar 'gyur ro/ /de nas 'od zer de dag gis bcom ldan 'das la lan gsum bskor ba byas te/ bcom ldan 'das kyi dbu'i 
gtsug tor du mi snang bar gyur to/ /de nas tshe dang ldan pa kun dga' bos thal mo sbyar te/ bcom ldan 'das la zhus pa/ tshon sna stong gis spel ba sna tshogs can/ /mang po zhal gyi sgo nas byung bar gyur/ /de yis phyogs rnams kun tu snang bar bgyis/ /nyi ma shar bas ji ltar bgyis 
pa bzhin/ /yang tshigs su bcad de gsol pa/ rgod dang bral zhing rgyags dang mi dgyes spangs pa yi/ /sangs rgyas 'gro ba dag gi dam pa'i rgyur gyur pa/ /rgyal ba dgra thub rnams ni rgyu rkyen ma mchis par/ /pad ma'i rtsa dang dung mdog lta bu'i 'dzum mi ston/ /brtan pos nyid kyi blo 
yis dus bab mkhyen lags na/ /dge sbyong rgyal dbang nyan pa som nyi 'tshal ba rnams/ /thub pa khyu mchog gi ni gsung mchog brtan pa dang / /bzang po dag gis the tshom skyes pa bsal bar gsol/ /rgya mtsho dang ni ri rgyal lta bur brtan pa yi/ /mgon po rdzogs sangs rgyas 
rnams gyin da 'dzum mi ston/ /gang gi don du dpa' bo 'dzum pa ston mdzad pa/ /de ni khyod las skye bo phal chen nyan par 'tshal/ /bcom ldan 'das kyis bka' stsal pa/ kun dga' bo de ni de bzhin no/ /de ni de bzhin te/ kun dga' bo de bzhin gshegs pa dgra bcom pa yang dag 
par rdzogs pa'i sangs rgyas rnams ni rgyu med rkyen med par 'dzum pa mi mdzad do/ /kun dga' bo tha ga pa zla ba 'dis nga la 'di lta bu'i bkur sti byas pa mthong ngam/ btsun pa mthong lags so/ /kun dga' bo tha ga pa zla ba 'di'i dge ba'i rtsa ba dang sems bskyed pa dang sbyin par bya ba'i chos 

</font><hr>75-1-18a<br><font size=+1>

yongs su gtong ba 'dis/ bskal pa grangs med pa gsum gyis yang dag par bsgrub par bya ba'i byang chub yang dag par bsgrubs te/ snying rje chen pos yongs su bsgos pa'i pha rol tu phyin pa drug yongs su rdzogs par byas nas/ stobs bcu dang / mi 'jigs pa 
bzhi dang / ma 'dres pa'i dran pa nye bar gzhag pa gsum dang / snying rje chen po dang ldan pa'i yang dag par rdzogs pa'i sangs rgyas tshar tshar bla ma zhes bya bar 'gyur te/ 'jig rten du 'byung bar 'gyur ro/ /de'i sbyin par bya ba'i chos ni gang nga la sems mngon par dga' bar gyur pa 
'di yin no/ /bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do// //che ba zhes bya ba ni/ sangs rgyas bcom ldan 'das la rgyal po rnams dang / blon po chen po rnams dang / 
phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis 
bkur sti byas/ bla mar byas/ ri mo byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa na bza' 
dang / zhal zas dang / gzims cha dang / gdan dang / snyun gsos dang / sman zong rnams brnyes pa nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ /de'i tshe mnyan du yod pa na 
tshong dpon gyi bu che ba zhes bya ba zhig gnas so/ /de yang khro ba'i kun nas dkris pa shas che ba zhig ste/ rdzogs byed la sogs pa ston pa drug la mchod pa byed do/ /de phyis nad tshabs chen po zhig gis thebs te de sman pa dang / sman dang / nad g.yog med de shi la thug nas 'di snyam 

</font><hr>75-1-18b<br><font size=+1>

du sems te/ da ni bdag sdug bsngal bar gyur pa'i skyabs byed pa'am srog phangs pa sbyin par byed pa sangs rgyas ma yin pa gzhan su zhig yod snyam mo/ /de nas de ltar bsams nas/ bcom ldan 'das la gsol ba 'debs so/ /de'i skabs su sangs rgyas bcom ldan 'das 
rnams kyis ni mi mkhyen pa'am/ mi gzigs pa'am/ mi rtogs pa'am/ thugs su mi chud pa ci yang med la/ sangs rgyas bcom ldan 'das thugs rje chen po dang ldan pa/ 'jig rten la phan 'dogs pa la zhugs pa/ bsrung ba gcig pa dang ldan pa/ gcig tu dpa' ba/ 
zla med pa/ gnyis su mi gsung ba/ zhi gnas dang lhag mthong la gnas pa/ rig pa gsum snang bar mdzad pa/ bslab pa gsum la legs par bslabs pa/ 'dul ba'i gzhi gsum la mkhas pa/ chu bo bzhi las rgal ba/ rdzu 'phrul gyi rkang pa bzhi'i zhabs kyi mthil 
shin tu brtan pa/ bsdu ba'i dngos po bzhi la yun ring po nas 'dris par byas pa/ mi 'jigs pa bzhis mi 'jigs pa/ khyu mchog gi yang dag pa'i seng ge'i sgra chen po sgrogs pa/ yan lag lnga rnam par spangs pa/ 'gro ba lnga las yang dag par 'das pa/ yan lag drug 
dang ldan pa/ pha rol tu phyin pa drug yongs su rdzogs pa/ rtag tu gnas par bya ba drug la gnas pa/ byang chub kyi yan lag bdun gyi me tog gis phyug pa/ lam yan lag brgyad pa ston pa/ mthar gyis gnas pa'i snyoms par 'jug pa dgu la mkhas pa stobs bcu'i stobs dang ldan 
pa/ phyogs bcur grags pas kun tu rgyas pa/ brgya phrag bcu la dbang byed pa bas kyang ches khyad par du 'phags pa rnams ni/ chos nyid kyis nyin dus gsum mtshan dus gsum du sangs rgyas kyi spyan gyis 'jig rten la gzigs te/ su ni rgud/ su ni dar/ su ni phongs shing 
'dug /su ni nyam nga bar gyur/ su ni gnod pa dang ldan/ su ni phongs pa dang nyam nga ba dang gnod pa dang ldan/ su ni ngan song du gzhol/ su ni ngan song du 'bab/ su ni ngan song du bab/ su ni ngas ngan song nas phyung ste/ mtho ris dang thar pa dang 'bras bu la gzhag par bya/ su ni 

</font><hr>75-1-19a<br><font size=+1>

'dod pa'i 'dam du bying ba las lag nas drang bar bya/ su ni 'phags pa'i nor bdun med pa las 'phags pa'i nor bdun gyi dbang phyug la dbang byed du gzhug par bya/ su ni dge ba'i rtsa ba rnams ma bskyed pa las bskyed par bya/ su ni dge ba'i rtsa ba rnams 
bskyed zin pa las yongs su smin par bya/ su ni yongs su smin zin pa las rnam par grol bar bya snyam du ye shes gzigs pa 'jug go/ /'dir smras pa/ rgya mtsho chu srin rnams kyi gnas/ /dus rlabs yol bar 'gyur yang srid/ /gdul bar bya ba'i sras rnams la/ /sangs 
rgyas dus las yol ba med/ /de nas bcom ldan 'das kyis tshong dpon gyi bu che ba'i gnas skabs de gzigs nas/ 'od zer gser gyi kha dog can nyi ma stong gi 'od pas lhag pa dag bkye ste/ de dag gis khyim de kun tu snang bar byas so/ /bskal pa stong du yongs su bsgoms 
pa'i byams pa'i 'od zer dag kyang bkye ste/ de dag gis de'i lus la phog ma thag tu rab tu sim par gyur to/ /de nas bcom ldan 'das de'i sgo gang du gshegs nas sgo srungs kyi mis bcom ldan 'das sgo na bzhugs so zhes de la sbran to/ /de nas tshong dpon gyi bu che ba dga' bar 
gyur te/ dbugs mi phyin pa dbugs phyin par gyur nas bcom ldan 'das gshegs pa legs so/ /bcom ldan 'das nang du gshegs su gsol/ bcom ldan 'das kyi zhal mthong bar 'tshal lo zhes gsol to/ /de nas bcom ldan 'das nang du gshegs nas gdan 
bshams pa la bzhugs so/ /bzhugs nas kyang bcom ldan 'das kyis che ba la bka' stsal pa/ che ba khyod la gnod pa ci zhig yod/ che bas gsol pa/ bdag la lus kyi gnod pa dang / sems kyi gnod pa mchis so/ /de nas bcom ldan 'das kyis de la sems can thams 
cad la byams pa'i sems kyis gdams ngag bstan te/ 'di ni khyod kyi sems kyi sdug bsngal gyi gnyen po yin no zhes bka' stsal to/ /de nas 'jig rten pa'i thugs bskyed de/ kye ma lha'i dbang po brgya byin gyis ri spos kyi ngad ldang las sman shi ri ka khyer te 'ongs na legs so snyam 

</font><hr>75-1-19b<br><font size=+1>

du dgongs pa dang / bcom ldan 'das kyis thugs bskyed pa'i mod la lha'i dbang po brgya byin gyis ri spos kyi ngad ldang las sman shi ri ka blangs te bcom ldan 'das la phul lo/ /bcom ldan 'das kyis kyang nyid kyi phyag tu bzhes nas che ba la byin te/ 'di ni khyod kyi lus kyi 
sdug bsngal tsha ba zhi bar byed pa yin no zhes bka' stsal to/ /de nas des lus dang sems shin tu sbyangs pa'i bde ba thob nas/ bcom ldan 'das la sems dga' bar gyur to/ /sems dga' bar gyur nas rgyal po gsal rgyal la bsnyad de/ bcom ldan 'das nyan thos kyi dge 'dun 
dang bcas pa bshos gsol nas/ 'bum ri ba'i na bza' phul te/ me tog dang / spos dang / me tog phreng thams cad kyis kyang mchod pa byas so/ /de nas sems la rtas par byas te smon lam btab pa/ dge ba'i rtsa ba dang sems bskyed pa dang sbyin par bya ba'i chos yongs su 
gtong ba 'dis ji ltar bcom ldan 'das bla na med pa'i sman pa'i rgyal pos bdag gsos pa bzhin du/ bdag kyang ma 'ongs pa'i dus na 'jig rten long ba 'dren pa med cing yongs su 'dren pa med par/ sems can ma rgal ba rnams sgrol ba dang ma grol ba rnams 'grol ba dang / dbugs 
ma phyin pa rnams dbugs 'byin pa dang / yongs su mya ngan las ma 'das pa rnams yongs su mya ngan las zlo ba'i sangs rgyas su gyur cig ces byas so/ /de nas bcom ldan 'das kyis che ba'i rgyu gcig nas gcig tu brgyud pa dang / las gcig nas gcig tu brgyud pa mkhyen nas 'dzum 
pa mdzad do/ /'di ni sangs rgyas bcom ldan 'das rnams gang gi tshe 'dzum pa mdzad pa'i chos nyid de/ de'i tshe zhal nas 'od zer sngon po dang / ser po dang / dmar po dang /dkar po rnams byung nas kha cig ni 'og tu 'gro'o/ /kha cig ni steng du 'gro'o/ /'og tu 'gro ba gang yin 
pa de dag ni sems can dmyal ba yang sos dang / thig nag dang / 'dus 'joms dang / ngu 'bod dang / ngu 'bod chen po dang / tsha ba dang / rab tu tsha ba dang / mnar med pa dang / chu bur can dang / chu bur rdol dang / so thams thams dang / kyi hud zer dang / a chu zer dang /

</font><hr>75-1-20a<br><font size=+1>

ud pal ltar gas pa dang / pad ma ltar gas pa dang / pad ma ltar gas pa chen por song nas/ tsha ba'i sems can dmyal ba gang yin pa de dag tu ni bsil bar gyur te 'bab bo/ /grang ba'i sems can dmyal ba gang yin pa de dag tu ni dro bar gyur te 
'bab bo/ /des na sems can de dag gi gnod pa'i khyad par rnams rtse zhil bar gyur to/ /de nas de dag 'di snyam du sems te/ kye ci bdag cag 'di nas shi 'phos sam/ 'on te gzhan du skyes sam snyam mo/ /de nas de dag dad pa bskyed pa'i phyir/ bcom ldan 'das sprul 
pa 'gyed pa mdzad de/ de dag gis sprul pa mthong nas 'di snyam du sems te kye bdag cag ni 'di nas kyang shi 'phos par ma gyur la gzhan du yang ma skyes mod kyi/ 'on kyang sngon ma byung ba'i sems can snang ba 'di'i mthus/ bdag cag gi gnod pa'i khyad par rnams rtse zhil bar gyur 
to snyam mo/ /de nas de dag sprul pa la sems mngon par dga' bar gyur nas/ sems can dmyal ba myong bar 'gyur ba'i las de zad de/ lha dang mi rnams kyi nang du gang du bden pa rnams kyi snod du rung bar 'gyur ba der nying mtshams 'dzin par 'gyur ro/ /steng du 'gro ba gang 
yin pa de dag ni rgyal chen bzhi'i ris rnams dang / sum cu rtsa gsum pa rnams dang / 'thab bral rnams dang / dga' ldan rnams dang / 'phrul dga' rnams dang / gzhan 'phrul dbang byed rnams dang / tshangs ris rnams dang / tshangs pa'i mdun na 'don pa rnams dang / tshangs 
pa chen po rnams dang / 'od chung rnams dang / tshad med 'od rnams dang / 'od gsal rnams dang / dge chung rnams dang / tshad med dge rnams dang / dge rgyas rnams dang / sprin med rnams dang / bsod nams skyes rnams dang / 'bras bu che rnams dang / mi che rnams dang / mi 
gdung rnams dang / gya nom snang rnams dang / shin tu mthong rnams dang / 'og min gyi lha rnams kyi bar du song nas/ mi rtag pa dang sdug bsngal ba dang stong pa dang bdag med pa'i sgra sgrogs so/ /tshigs su bcad pa gnyis kyang rjod par byed de/ nges par 'byung ba brtsam par 

</font><hr>75-1-20b<br><font size=+1>

gyis/ /sangs rgyas bstan la sbyor bar gyis/ /'dam bu'i khyim la glang chen bzhin/ /'chi bdag sde ni gzhom par gyis/ /gang zhig chos 'dul 'di nyid la/ /bag yod spyod par byed pa ni/ skye ba'i 'khor ba rab spangs nas/ /sdug bsngal zad par byed par 'gyur 
zhes rjod par byed do/ /de nas 'od zer de dag gis stong gsum gyi stong chen po'i 'jig rten gyi khams bskor nas/ bcom ldan 'das nyid kyi phyi bzhin 'brangs te/ gal te bcom ldan 'das kyis 'das pa'i las lung ston par bzhed na ni bcom ldan 'das kyi snam logs su mi snang 
bar 'gyur ro/ /ma 'ongs pa'i las lung ston par bzhed na ni mdun logs su mi snang bar 'gyur ro/ /sems can dmyal bar skye bar lung ston par bzhed na ni zhabs kyi mthil du mi snang bar 'gyur ro/ /dud 'gror skye bar lung ston par bzhed na ni zhabs kyi rting par mi snang bar 
'gyur ro/ /yi dgas su skye bar lung ston par bzhed na ni zhabs kyi mthe bor mi snang bar 'gyur ro/ /mir skye bar lung ston par bzhed na ni pus mo gnyis su mi snang bar 'gyur ro/ /stobs kyi 'khor los sgyur ba'i rgyal por lung ston par bzhed na ni phyag g.yon pa'i mthil du mi snang bar 'gyur ro/ /'khor los sgyur ba'i rgyal por lung ston par bzhed na ni phyag g.yas pa'i mthil du mi snang bar 'gyur ro/ /lhar skye bar lung ston par bzhed na ni lte bar mi snang bar 'gyur ro/ /nyan thos kyi byang chub tu lung ston par bzhed na ni zhal du mi snang bar 'gyur ro/ /
rang sangs rgyas kyi byang chub tu lung ston par bzhed na ni smin mtshams kyi mdzod spur mi snang bar 'gyur ro/ /bla na med pa yang dag par rdzogs pa'i byang chub tu lung ston par bzhed na ni dbu'i gtsug tor du mi snang bar 'gyur ro/ /de nas 'od zer de dag gis bcom ldan 'das la lan 
gsum bskor ba byas te/ bcom ldan 'das kyi dbu'i gtsug tor du mi snang bar gyur to/ /de nas tshe dang ldan pa kun dga' bos thal mo sbyar te/ bcom ldan 'das la zhus pa/ tshon sna stong gis spel ba sna tshogs can/ /mang po zhal gyi sgo nas byung bar gyur/ /de yis phyogs 

</font><hr>75-1-21a<br><font size=+1>

rnams kun tu snang bar bgyis/ /nyi ma shar bas ji ltar bgyis pa bzhin/ /yang tshigs su bcad de gsol pa/ rgod dang bral zhing rgyags dang mi dgyes spangs pa yi/ /sangs rgyas 'gro ba dag gis dam pa'i rgyur gyur pa/ /rgyal ba dgra thub 
rnams ni rgyu rkyen ma mchis par/ /pad ma'i rtsa dang dung mdog lta bu'i 'dzum mi ston/ /brtan pos nyid kyi blo yis dus bab mkhyen lags na/ /dge sbyong rgyal dbang nyan pa som nyi 'tshal ba rnams/ /thub pa khyu mchog gi ni gsung mchog brtan pa dang / /bzang po 
dag gis the tsom skyes pa bsal bar gsol/ /rgya mtsho dang ni ri rgyal lta bur brtan pa yi/ /mgon po rdzogs sangs rgyas rnams gyin da 'dzum mi ston/ /gang gi don du dpa' bo 'dzum pa ston mdzad pa/ /de ni khyod las skye bo phal chen nyan par 'tshal/ /bcom ldan 
'das kyis bka' stsal pa/ kun dga' bo de ni de bzhin no/ /de ni de bzhin te/ kun dga' bo de bzhin gshegs pa dgra bcom pa yang dag par rdzogs pa'i sangs rgyas rnams ni rgyu med rkyen med par 'dzum pa mi mdzad do/ /kun dga' bo tshong dpon gyi bu che ba 'dis nga la 'di lta 
bu'i bkur sti byas pa mthong ngam/ btsun pa mthong lags so/ /kun dga' bo tshong dpon gyi bu che ba 'dis dge ba'i rtsa ba dang sems bskyed pa dang sbyin par bya ba'i chos yongs su gtong ba 'dis bskal pa grangs med pa gsum gyis yang dag par bsgrub par bya ba'i byang chub yang dag 
par bsgrubs te/ snying rje chen pos yongs su bsgos pa'i pha rol tu phyin pa drug yongs su rdzogs par byas nas/ stobs bcu dang / mi 'jigs pa bzhi dang / ma 'dres pa'i dran pa nye bar gzhag pa gsum dang / snying rje chen po dang ldan pa'i yang dag par rdzogs pa'i sangs rgyas shAkya 
thub pa zhes bya bar gyur te/ 'jig rten du 'byung bar 'gyur ro/ /de'i sbyin par bya ba'i chos ni gang nga la sems mngon par dga' bar gyur pa 'di yin no/ /bcom ldan 'das kyis de skad ces bka' stsal nas/ dge slong de dag yi rangs te bcom ldan 'das kyis gsungs pa 

</font><hr>75-1-21b<br><font size=+1>

la mngon par bstod do// //pad ma zhes bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / 
klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas ri mo byas/ mchod pa byas te/ lha dang / klu dang / gnod sbyin dang / lha ma yin dang / nam 
mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos 
kyi dge 'dun dang bcas pa/ mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ /gang gi tshe bcom ldan 'das 'jig rten du ma byung ba'i snga rol na ni/ rgyal po gsal rgyal lha gzhan dag la ni dus gsum du me tog dang / bdug 
pa dang / spos dang / me tog phreng dang / byug pa rnams kyis rjed par byed do/ /gang gi tshe bcom ldan 'das 'jig rten du byung nas ni/ gzhon nu lta bu'i mdo'i dpes rgyal po gsal rgyal btul nas/ bcom ldan 'das kyis bstan pa la dad pa rnyed de/ de'i tshe dga' ba dang yid bde ba 
skyes nas dus gsum du bcom ldan 'das kyi thad du 'gro zhing / mar me dang / bdug pa dang / me tog dang / spos dang / me tog phreng dang / byug pa rnams kyis mchod pa byed do/ /de nas re zhig na kun dga' ra ba'i srung ma zhig gis/ me tog pad ma gsar du byung ba zhig khyer te/ 
rgyal po gsal rgyal gyi thad du mnyan du yod par song ba dang / mu stegs can gyi dge bsnyen zhig gis mthong nas/ kye mi pha gi pad ma 'o ni 'tshong ngam zhes dris so/ /de na re 'tshong ngo zhes zer ro/ /de nyo 'dod pa las re shig na khyim bdag mgon med zas sbyin der phyin te/ des de las 

</font><hr>75-1-22a<br><font size=+1>

rin nyis sgyur du bskyed nas/ de gnyis phan tshun ltod de 'bum gyur gyi bar du bskyed do/ /de nas kun dga' ra ba'i srung ma 'di snyam du sems te/ /khyim bdag mgon med zas sbyin 'di ni rgod bag can ma yin te/ sems can brtan po yin pas na 'di la ni don zhig yod 
gor ma chag snyam nas de the tsom skyes te/ mu stegs can la dga' ba'i mi de la dris pa/ khyod kyis su'i don du 'di ltar skyed par byed/ des smras pa/ nga ni bcom ldan 'das sred med kyi bu'i phyir skyed par byed do/ /mgon med zas sbyin gyis smras pa/ nga ni bcom ldan 'das 
sangs rgyas kyi don du skyed par byed do/ /kun dga' ra ba'i srung mas smras pa/ sangs rgyas zhes bya ba de su yin/ de nas mgon med zas sbyin gyis de la sangs rgyas kyi yon tan rgyas par bshad do/ /de nas kun dga' ra ba'i srung mas/ mgon med zas sbyin la smras pa/ 
khyim bdag nga nyid kyis bcom ldan 'das de la mchod pa bya'o/ /de nas khyim bdag mgon med zas sbyin gyis/ kun dga' ra ba'i srung ma de khrid de/ bcom ldan 'das ga la ba der song nas/ kun dga' ra ba'i srung ma des/ bcom ldan 'das sku skyes bu chen po'i mtshan sum 
cu rtsa gnyis kyis legs par brgyan pa/ dpe byad bzang po brgyad cus mdzes par byas pa/ 'od 'dom gang gis brgyan pa/ nyi ma stong bas lhag pa'i 'od mnga' ba/ rin po che'i ri bo 'gro ba lta bu kun nas bzang ba mthong nas/ mthong ma thag tu kun dga' ra ba'i srung ma des pad 
ma de bcom ldan 'das la bor ro/ /de nas bor ma thag tu pad ma de shing rta'i 'phang lo tsam du gyur te bcom ldan 'das kyi steng na 'dug go/ /de nas kun dga' ra ba'i srung ma des cho 'phrul de mthong nas sdong po rtsa ba nas bcad pa bzhin du/ bcom ldan 'das kyi zhabs la phyag 'tshal 
nas thal mo sbyar te/ sems la rtas par byas nas smon lam btab pa/ dge ba'i rtsa ba dang sems bskyed pa dang sbyin par bya ba'i chos yongs su gtong ba 'dis bdag 'jig rten long ba 'dren pa med cing yongs su 'dren pa med par/ sems can ma rgal ba rnams sgrol ba dang ma grol ba 

</font><hr>75-1-22b<br><font size=+1>

rnams 'grol ba dang / dbugs ma phyin pa rnams dbugs 'byin pa dang / yongs su mya ngan las ma 'das pa rnams yongs su mya ngan las zlo ba'i sangs rgyas su gyur cig ces byas so/ /de nas bcom ldan 'das kyis kun dga' ra ba'i srung ma de'i rgyu gcig nas gcig 
tu brgyud pa dang / las gcig nas gcig tu brgyud pa mkhyen nas 'dzum pa mdzad do/ /'di ni sangs rgyas bcom ldan 'das rnams gang gi tshe 'dzum pa mdzad pa'i chos nyid de/ de'i tshe zhal nas 'od zer sngon po dang / ser po dang / dmar po dang / dkar po rnams byung nas/ 
kha cig ni 'og tu 'gro'o/ /kha cig ni steng du 'gro'o/ /'og tu 'gro ba gang yin pa de dag ni sems can dmyal ba yang sos dang / thig nag dang / 'dus 'joms dang / ngu 'bod dang / ngu 'bod chen po dang / tsha ba dang / rab tu tsha ba dang / mnar med pa dang / chu bur can dang / chu 
bur rdol dang / so thams thams dang / kyi hud zer dang / a chu zer dang / ud pal ltar gas pa dang / pad ma ltar gas pa dang / pad ma ltar gas pa chen por song nas/ tsha ba'i sems can dmyal ba gang yin pa de dag tu ni bsil bar gyur te 'bab bo/ /grang ba'i sems can 
dmyal ba gang yin pa de dag thams cad tu ni dro bar gyur te 'bab bo/ /des na sems can de dag gi gnod pa'i khyad par rnams rtse zhil bar gyur to/ /de nas de dag 'di snyam du sems te/ kye ci bdag cag 'di nas shi 'phos sam 'on te gzhan du skyes sam snyam mo/ /de nas de dag dad 
pa bskyed pa'i phyir/ bcom ldan 'das sprul pa 'gyed par mdzad de/ de dag gis sprul pa mthong nas 'di snyam du sems te/ kye bdag cag ni 'di nas kyang shi 'phos par ma gyur la gzhan du yang ma skyes mod kyi/ 'on kyang sngon ma byung ba'i sems can snang ba 'di'i mthus/ bdag cag gi 
gnod pa'i khyad par rnams rtse zhil bar gyur to snyam mo/ /de nas de dag sprul pa la sems mngon par dga' bar gyur nas/ sems can dmyal ba myong bar 'gyur ba'i las de zad de lha dang mi rnams kyi nang du gang du bden pa rnams kyi snod du rung bar 'gyur ba der nying mtshams 'dzin par 'gyur ro/ /

</font><hr>75-1-23a<br><font size=+1>

steng du 'gro ba gang yin pa de dag ni/rgyal chen bzhi'i ris rnams dang / sum cu rtsa gsum pa rnams dang / 'thab bral rnams dang / dga' ldan rnams dang / 'phrul dga' rnams dang / gzhan 'phrul dbang byed rnams dang / tshangs ris rnams dang / 
tshangs pa'i mdun na 'don pa rnams dang / tshangs pa chen po rnams dang / 'od chung rnams dang / tshad med 'od rnams dang / 'od gsal rnams dang / dge chung rnams dang / tshad med dge rnams dang / dge rgyas rnams dang / sprin med rnams dang / bsod nams skyes rnams 
dang / 'bras bu che rnams dang / mi che rnams dang / mi gdung rnams dang / gya nom snang rnams dang / shin tu mthong rnams dang / 'og min gyi lha rnams kyi bar du song nas/ mi rtag pa dang / sdug bsngal ba dang / stong pa dang / bdag med pa'i sgra sgrogs so/ /tshigs su 
bcad pa gnyis kyang rjod par byed de/ nges par 'byung ba brtsam par gyis/ /sangs rgyas bstan la sbyor bar gyis/ /'dam bu'i khyim la glang chen bzhin/ /'chi bdag sde ni gzhom par gyis/ /gang zhig chos 'dul 'di nyid la/ /bag yod spyod par byed pa ni/ /
skye ba'i 'khor ba rab spangs nas/ /sdug bsngal zad par byed par 'gyur/ /zhes rjod par byed do/ /de nas 'od zer de dag gis stong gsum gyi stong chen po'i 'jig rten gyi khams bskor nas/ bcom ldan 'das nyid kyi phyi bzhin 'brangs te/ gal te bcom ldan 'das kyis 
'das pa'i las lung ston par bzhed na ni bcom ldan 'das kyi snam logs su mi snang bar 'gyur ro/ /ma 'ongs pa'i las lung ston par bzhed na ni mdun logs su mi snang bar 'gyur ro/ /sems can dmyal bar skye bar lung ston par bzhed na ni zhabs kyi mthil du mi snang bar 
'gyur ro/ /dud 'gror skye bar lung ston par bzhed na ni zhabs kyi rting par mi snang bar 'gyur ro/ /yi dgas su skye bar lung ston par bzhed na ni zhabs kyi mthe bor mi snang bar 'gyur ro/ /mir skye bar lung ston par bzhed na ni pus mo gnyis su mi snang bar 'gyur ro/ /stobs kyi 'khor 

</font><hr>75-1-23b<br><font size=+1>

los sgyur ba'i rgyal por lung ston par bzhed na ni phyag g.yon pa'i mthil du mi snang bar 'gyur ro/ /'khor los sgyur ba'i rgyal por lung ston par bzhed na ni phyag g.yas pa'i mthil du mi snang bar 'gyur ro/ /lhar skye bar lung ston par bzhed na ni lte bar mi snang bar 'gyur ro/ /nyan 
thos kyi byang chub tu lung ston par bzhed na ni zhal du mi snang bar 'gyur ro/ /rang sangs rgyas kyi byang chub tu lung ston par bzhed na ni smin mtshams kyi mdzod spur mi snang bar 'gyur ro/ /bla na med pa yang dag par rdzogs pa'i byang chub tu lung ston par bzhed na ni dbu'i gtsug tor du mi 
snang bar 'gyur ro/ /de nas 'od zer de dag gis bcom ldan 'das la lan gsum bskor ba byas te/ bcom ldan 'das kyi dbu'i gtsug tor du mi snang bar gyur to/ /de nas tshe dang ldan pa kun dga' bos thal mo sbyar te/ bcom ldan 'das la zhus pa/ tshon sna stong gis spel ba sna 
tshogs can/ /mang po zhal gyi sgo nas byung bar gyur/ /de yis phyogs rnams kun tu snang bar bgyis/ /nyi ma shar bas ji ltar bgyis pa bzhin/ / yang tshigs su bcad de gsol pa/ rgod dang bral zhing rgyags dang mi dgyes spangs pa yi/ /sangs rgyas 'gro ba dag ni dam pa'i 
rgyur gyur pa/ /rgyal ba dgra thub rnams ni rgyu rkyen ma mchis par/ /pad ma'i rtsa dang dung mdog lta bu'i 'dzum mi ston/ /brtan pos nyid kyi blo yis dus bab mkhyen lags na/ /dge sbyong rgyal dbang nyan pa som nyi 'tshal ba rnams/ /thub pa khyu mchog gi ni gsung mchog 
brtan pa dang / /bzang po dag gis the tsom skyes pa bsal bar gsol/ /rgya mtsho dang ni ri rgyal lta bur brtan pa yi/ /mgon po rdzogs sangs rgyas rnams gyin da 'dzum mi ston/ /gang gi don du dpa' bo 'dzum pa ston mdzad pa/ /de ni khyod las skye bo phal chen nyan par 'tshal/ /
bcom ldan 'das kyis bka' stsal pa/ kun dga' bo de ni de bzhin no/ /de ni de bzhin te/ kun dga' bo de bzhin gshegs pa dgra bcom pa yang dag par rdzogs pa'i sangs rgyas rnams ni rgyu med rkyen med par 'dzum pa mi mdzad do/ /kun dga' bo kun dga' ra ba'i srung ma 'dis 

</font><hr>75-1-24a<br><font size=+1>

nga la 'di lta bu'i bkur sti byas pa mthong ngam/ btsun pa mthong lags so/ /kun dga' bo kun dga' ra ba'i srung ma 'di dge ba'i rtsa ba dang sems bskyed pa dang sbyin par bya ba'i chos yongs su gtong ba 'dis bskal pa grangs med pa gsum gyis yang 
dag par bsgrub par bya ba'i byang chub yang dag par bsgrubs te/ snying rje chen pos yongs su bsgos pa'i pha rol tu phyin pa drug yongs su rdzogs par byas nas/ stobs bcu dang / mi 'jigs pa bzhi dang / ma 'dres pa'i dran pa nye bar gzhag pa gsum dang / snying rje chen 
po dang ldan pa'i yang dag par rdzogs pa'i sangs rgyas pad ma'i bla ma zhes bya bar 'gyur te/ 'jig rten du 'byung bar 'gyur ro/ /de'i sbyin par bya ba'i chos ni gang nga la sems mngon par dga' bar gyur pa 'di yin no/ /bcom ldan 'das kyis de skad ces bka' stsal nas/ 
dge slong de dag yi rangs te/ bcom ldan 'das kyis gsungs pa la mngon par bstod do// //pany+tsa la zhes bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / 
tshong dpon rnams dang / ded dpon rnams dang / lha rnams dang /klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mo byas/ mchod pa 
byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan 
dang / snyun gsos dang / sman zong rnams brnyes pa/ nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ /de'i tshe byang phyogs kyi pany+tsa la'i rgyal po lho phyogs kyi pany+tsa la'i rgyal po dang mi 

</font><hr>75-1-24b<br><font size=+1>

'thun par gyur to/ /de nas ko sa la'i rgyal po gsal rgyal bcom ldan 'das ga la ba der song ste phyin nas bcom ldan 'das kyi zhabs la mgo bos phyag 'tshal te/ phyogs gcig tu 'dug go/ /phyogs gcig tu 'dug nas bcom ldan 'das la ko sa la'i rgyal po gsal 
rgyal gyis 'di skad ces gsol to/ /btsun pa bcom ldan 'das ni chos kyi rgyal po bla na med pa/ sems can phongs pa rnams la yongs su skyob pa/ phan tshun 'khon pa rnams kyi 'khon byang bar mdzad pa lags na/ byang phyogs kyi pany+tsa la'i rgyal po 'di lho phyogs kyi pany+tsa la'i rgyal 
po dang mi 'thun te/ de gnyis phan tshun du skye bo mang po kha 'dog par bgyid na/ bcom ldan 'das kyis thugs brtse ba'i slad du de gnyis yun ring po nas 'khon byung ba zhi bar mdzad du gsol/ de nas bcom ldan 'das kyis ko sa la'i rgyal po gsal rgyal la cang mi gsung bas 
gnang ngo / /de nas ko sa la'i rgyal po gsal rgyal gyis/ bcom ldan 'das kyis cang mi gsung bas gnang bar rig ste/ bcom ldan 'das kyi zhabs la mgo bos phyag 'tshal nas/ stan las langs te song ngo / /de nas bcom ldan 'das kyis de'i phyi de nyin gyi snga dro sham 
thabs dang chos gos gsol te lhung bzed bsnams nas/ bA rA Na sI phyogs kyi ka shi rnams kyi grong rdal ga la ba der rgyu zhing gshegs te mthar gyis rgyu zhing gshegs pa dang bA rA Na sIr byon nas/ bA rA Na sI na drang srong smra ba'i ri dgas kyi gnas na bzhugs so/ /de nas re shig na de 
gnyis kyis/ bcom ldan 'das bdag cag gi yul du gshegs par rig go/ /de nas bcom ldan 'das kyi rdzu 'phrul gyi stobs kyis dpung gi tshogs yan lag bzhi pa sprul nas/ byang phyogs kyi pany+tsa la'i rgyal po skrag cing bred nas des shing rta cig la zhon te/ bcom ldan 'das 
kyi thad du song nas bcom ldan 'das kyis de la 'khon 'byang bar 'gyur ba'i chos bstan to/ /des chos de thos nas bcom ldan 'das kyi thad du rab tu byung ste/ des brtson pa dang bsgrub pa dang 'bad pas nyon mongs pa thams cad spangs te dgra bcom pa nyid mngon sum du byas so/ /lho phyogs 

</font><hr>75-1-25a<br><font size=+1>

kyi pany+tsa la'i rgyal pos kyang / bcom ldan 'das nyan thos kyi dge 'dun dang bcas pa/ zla ba gsum gyi bar du spyan drangs te/ zhal zas ro brgya dang ldan pa gsol nas 'bum ri ba'i na bza' yang phul te smon lam btab pa/ dge ba'i rtsa ba dang sems bskyed pa 
dang sbyin par bya ba'i chos yongs su gtong ba 'dis bdag 'jig rten long ba 'dren pa med cing yongs su 'dren pa med par sems can ma rgal ba rnams sgrol ba dang / ma grol ba rnams 'grol ba dang / dbugs ma phyin pa rnams dbugs 'byin pa dang / yongs su mya ngan las 
ma 'das pa rnams yongs su mya ngan las zlo ba'i sangs rgyas su gyur cig ces byas so/ /de nas bcom ldan 'das kyis lho phyogs kyi pany+tsa la'i rgyal po de'i rgyu gcig nas gcig tu brgyud pa dang / las gcig nas gcig tu brgyud pa mkhyen nas 'dzum pa mdzad do/ /'di ni 
sangs rgyas bcom ldan 'das rnams gang gi tshe 'dzum pa mdzad pa'i chos nyid de/ /de'i tshe zhal nas 'od zer sngon po dang / ser po dang / dmar po dang / dkar po rnams byung nas kha cig ni 'og tu 'gro'o/ /kha cig ni steng du 'gro'o/ /'og tu 'gro ba gang yin pa de dag ni sems 
can dmyal ba yang sos dang / thig nag dang / 'dus 'joms dang / ngu 'bod dang / ngu 'bod chen po dang / tsha ba dang / rab tu tsha ba dang / mnar med pa dang / chu bur can dang / chu bur rdol dang / so thams thams dang / kyi hud zer dang / a chu zer dang / ud pal ltar 
gas pa dang / pad ma ltar gas pa dang / pad ma ltar gas pa chen por song nas/ tsha ba'i sems can dmyal ba gang yin pa de dag tu ni bsil bar gyur te 'bab bo/ /grang ba'i sems can dmyal ba gang yin pa de dag tu ni dro bar gyur te 'bab bo/ /des na sems can de dag gi 
gnod pa'i khyad par rnams rtse zhil bar gyur to/ /de nas de dag 'di snyam du sems te/ kye ci bdag cag 'di nas shi 'phos sam 'on te gzhan du skyes sam snyam mo/ /de nas de dag dad pa bskyed pa'i phyir bcom ldan 'das sprul pa 'gyed par mdzad de/ de dag gis sprul pa de 

</font><hr>75-1-25b<br><font size=+1>

mthong nas 'di snyam du sems te/ kye bdag cag ni 'di nas kyang shi 'phos par ma gyur la gzhan du yang ma skyes mod kyi/ 'on kyang sngon ma byung ba'i sems can snang ba 'di'i mthus bdag cag gi gnod pa'i khyad par rnams rtse zhil bar gyur to snyam mo/ /de nas de dag sprul pa la 
sems mngon par dga' bar gyur nas/ sems can dmyal ba myong bar 'gyur ba'i las de zad de/ lha dang mi rnams kyi nang du gang du bden pa rnams kyi snod du rung bar 'gyur ba der nying mtshams 'dzin par 'gyur ro/ /steng du 'gro ba gang yin pa de dag ni rgyal chen bzhi'i 
ris rnams dang / sum cu rtsa gsum pa rnams dang / 'thab bral rnams dang / dga' ldan rnams dang / 'phrul dga' rnams dang / gzhan 'phrul dbang byed rnams dang / tshangs ris rnams dang / tshangs pa'i mdun na 'don pa rnams dang / tshangs pa chen po rnams dang / 'od 
chung rnams dang / tshad med 'od rnams dang / 'od gsal rnams dang / dge chung rnams dang / tshad med dge rnams dang / dge rgyas rnams dang / sprin med rnams dang / bsod nams skyes rnams dang / 'bras bu che rnams dang / mi che rnams dang / mi gdung rnams dang / gya 
nom snang rnams dang / shin tu mthong rnams dang / 'og min gyi lha rnams kyi bar du song nas/ mi rtag pa dang sdug bsngal ba dang stong pa dang bdag med pa'i sgra sgrogs so/ /tshigs su bcad pa gnyis kyang rjod par byed de/ nges par 'byung bar brtsam par gyis/ /sangs rgyas bstan 
la sbyor bar gyis/ /'dam bu'i khyim la glang chen bzhin/ /'chi bdag sde ni gzhom par gyis/ /gang zhig chos 'dul 'di nyid la/ /bag yod spyod par byed pa ni/ skye ba'i 'khor ba rab spangs nas/ /sdug bsngal zad par byed par 'gyur/ /zhes rjod par byed do/ /de 
nas 'od zer de dag gis stong gsum gyi stong chen po'i 'jig rten gyi khams bskor nas/ bcom ldan 'das nyid kyi phyi bzhin 'brangs te gal te bcom ldan 'das kyis 'das pa'i las lung ston par bzhed na ni bcom ldan 'das kyi snam logs su mi snang bar 'gyur ro/ /ma 'ongs pa'i las 

</font><hr>75-1-26a<br><font size=+1>

lung ston par bzhed na ni mdun logs su mi snang bar 'gyur ro/ /sems can dmyal bar skye bar lung ston par bzhed na ni zhabs kyi mthil du mi snang bar 'gyur ro/ /dud 'gror skye bar lung ston par bzhed na ni zhabs kyi rting par mi snang bar 'gyur ro/ /yi dgas 
su skye bar lung ston par bzhed na ni zhabs kyi mthe bor mi snang bar 'gyur ro/ /mir skye bar lung ston par bzhed na ni pus mo gnyis su mi snang bar 'gyur ro/ /stobs kyi 'khor los sgyur ba'i rgyal por lung ston par bzhed na ni phyag g.yon pa'i mthil du mi snang bar 'gyur ro/ /'khor 
los sgyur ba'i rgyal por lung ston par bzhed na ni phyag g.yas pa'i mthil du mi snang bar 'gyur ro/ /lhar skye bar lung ston par bzhed na ni lte bar mi snang bar 'gyur ro/ /nyan thos kyi byang chub tu lung ston par bzhed na ni zhal du mi snang bar 'gyur ro/ /rang sangs rgyas kyi byang 
chub tu lung ston par bzhed na ni smin mtshams kyi mdzod spur mi snang bar 'gyur ro/ /bla na med pa yang dag par rdzogs pa'i byang chub tu lung ston par bzhed na ni dbu'i gtsug tor du mi snang bar 'gyur ro/ /de nas 'od zer de dag gis bcom ldan 'das la lan gsum bskor 
ba byas te/ bcom ldan 'das kyi dbu'i gtsug tor du mi snang bar gyur to/ /de nas tshe dang ldan pa kun dga' bos thal mo sbyar te bcom ldan 'das la zhus pa/ tshon sna stong gis spel ba sna tshogs can/ /mang po zhal gyi sgo nas byung bar gyur/ /de yis phyogs rnams 
kun tu snang bar bgyis/ /nyi ma shar bas ji ltar bgyis pa bzhin/ /yang tshigs su bcad de gsol pa/ rgod dang bral zhing rgyags dang mi dgyes spangs pa yi/ /sangs rgyas 'gro ba dag gi dam pa'i rgyur gyur pa/ rgyal ba dgra thub rnams ni rgyu rkyen ma mchis par/ /pad 
ma'i rtsa dang dung mdog lta bu'i 'dzum mi ston/ /brtan pos nyid kyi blo yis dus bab mkhyen lags na/ /dge sbyong rgyal dbang nyan pa som nyi 'tshal ba rnams/ /thub pa khyu mchog gi ni gsung mchog brtan pa dang / /bzang po dag gis the tsom skyes pa bsal bar gsol/ /

</font><hr>75-1-26b<br><font size=+1>

rgya mtsho dang ni ri rgyal lta bur brtan pa yi/ /mgon po rdzogs sangs rgyas rnams gyin da 'dzum mi ston/ /gang gi don du dpa' bo 'dzum pa ston mdzad pa/ /de ni khyod las skye bo phal chen nyan par 'tshal/ /bcom ldan 'das kyis bka' stsal pa/ kun dga' bo de ni de bzhin no/ /
de ni de bzhin te/ kun dga' bo de bzhin gshegs pa dgra bcom pa yang dag par rdzogs pa'i sangs rgyas rnams ni rgyu med rkyen med par 'dzum pa mi mdzad do/ /kun dga' bo pany+tsa la'i rgyal po 'dis nga la 'di lta bu'i bkur sti byas pa mthong ngam/ btsun pa mthong lags so/ /
kun dga' bo pany+tsa la'i rgyal po 'di dge ba'i rtsa ba dang sems bskyed pa dang sbyin par bya ba'i chos yongs su gtong ba 'dis/ bskal pa grangs med pa gsum gyis yang dag par bsgrub par bya ba'i byang chub yang dag par bsgrubs te/ snying rje chen pos yongs su bsgos pa'i pha rol tu phyin pa drug 
yongs su rdzogs par byas nas/ stobs bcu dang / mi 'jigs pa bzhi dang / ma 'dres pa'i dran pa nye bar gzhag pa gsum dang / snying rje chen po dang ldan pa'i yang dag par rdzogs pa'i sangs rgyas spos mchog ces bya bar gyur te/ 'jig rten du 'byung bar 'gyur ro/ /de'i sbyin 
par bya ba'i chos ni gang nga la sems mngon par dga' bar gyur pa 'di yin no/ /bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do// //gang po la sogs pa'i rtogs pa brjod pa 
brgya pa/bam po gsum pa/ bdug pa zhes bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin 
rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas ri mo byas mchod pa byas te/ lha dang /klu dang / gnod sbyin dang / lha ma yin dang / nam mkha' lding dang / mi 'am ci dang / lto 

</font><hr>75-1-27a<br><font size=+1>

'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa 
mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ /de'i tshe mnyan du yod pa na tshong dpon gnyis phan tshun mi 'thun par gyur te/ de gnyis la gcig ni rdzogs byed la dad/ gcig ni sangs rgyas bcom ldan 'das la dad 
do/ /de nas de gnyis phan tshun gtam du bya ba nges par byed de rdzogs byed kyi dge bsnyen na re/ sangs rgyas pas ches rdzogs byed khyad par du 'phags so zhes zer ro/ /sangs rgyas kyi dge bsnyen na re bcom ldan 'das yang dag par rdzogs pa'i sangs rgyas ches khyad par du 'phags so 
zhes zer ro/ /de nas de gnyis kyis bdog pa thams cad yal bar bya ba'i skugs kyi gta' bzhag go/ /de nas re zhig na rgyal po gsal rgyal gyis thos nas blon po rnams la de gnyis kyi sbyongs shig ces bsgo'o/ /de nas blon po de dag gis yul thams cad du dril bsgrags te da ste 
zhag bdun na sangs rgyas dang mu stegs can gyi dge bsnyen gnyis kyi sbyang bar chad kyis/ su rmad du byung ba lta 'dod pa de dag sheg shig ces byas so/ /de nas zhag bdun lon pa na sa phyogs go skabs yangs pa zhig tu mi 'bum phrag du ma 'dus pa dang / nam mkha' la lha 'bum phrag du 
ma 'dus pa'i nang du ba lang gi lci bas dkyil 'khor byas te/ spos dang me tog phreng thams cad bsdogs pa la/ thog ma kho nar mu stegs can gyi dge bsnyen gyis bden pas gsol ba gdab pa byas te/ bden pa dang bden pa'i tshig gang gis rdzogs byed la sogs pa ston pa drug mchog 
yin pa'i bden pa dang / bden pa'i tshig des na me tog 'di dag dang bdug pa 'di dang chu 'di de rnams kyi thad du song shig ces byas so/ /de skad ces brjod pa'i mod la me tog de dag ni sa la lhags so/ /me ni shi'o/ /chu ni sa la thim zhing yongs su zad de yongs su gtugs par gyur 

</font><hr>75-1-27b<br><font size=+1>

to/ /de nas skye bo phal po che de dag gis ca co dang ga zha bton te/ skad po che phyung ngo / /de nas mu stegs can gyi dge bsnyen gyis de mthong nas cang mi zer bar 'dug la/ spa gong zhing phrag pa bcums te mig phab nas spobs pa med par gyur te sems khong du chud la 
lag pa la rkom tshugs bcas nas 'khums shing 'dug go/ /de nas bcom ldan 'das kyi slob ma dga' ches nas dga' zhing mdangs phyung ba'i mig dang ldan pas bla gos phrag pa gcig tu gzar te pus mo g.yas pa'i lha nga sa la btsugs nas bden pas gsol ba gdab pa bya ste/ 
bden pa dang bden pa'i tshig gang gis/ bcom ldan 'das sems can thams cad kyi mchog yin pa'i bden pa dang bden pa'i tshig des na/ me tog 'di dag dang bdug pa 'di dang chu 'di bcom ldan 'das kyi thad du song shig ces byas so/ /de skad ces brjod pa'i mod la me tog 
de dag ni ngang pa rgyus pa bzhin du/ nam mkha' la 'phags nas/ rgyal bu rgyal byed kyi tshal logs su kha ltas te song ngo / /bdug pa ni sprin gyi mgo lta bur gyur to/ /chu ni bai dUr+ya'i sdong bu lta bur gyur to/ /de nas skye bo'i tshogs phal po che de dag gis cho 'phrul de mthong nas/ ca 
co dang ga zha bton te skad chen po phyung nas de dag song ba'i phyi bzhin du 'brangs te dong ngo / /de nas me tog de dag ni bcom ldan 'das kyi steng na 'dug go/ /bdug pa dang chu ni spyan snga na 'dug go/ /de nas skye bo phal po che de dag dga' bar gyur te bcom ldan 'das kyi zhabs la mgo bos phyag 'tshal 
nas chos mnyan pa'i phyir spyan sngar 'khod de/ bcom ldan 'das kyis de dag la mdo 'di bka' stsal to/ /bram ze dang khyim bdag rnams 'di gsum ni mchog tu gdags pa yin te/ gsum gang zhe na/ sangs rgyas mchog tu gdags pa dang / chos mchog tu gdags pa dang / dge 
'dun mchog tu gdags pa'o/ /sangs rgyas mchog tu gdags pa gang zhe na/ bram ze dang / khyim bdag rnams sems can rkang med rnams sam/ rkang gnyis rnams sam/ rkang bzhi rnams sam/ rkang mangs rnams sam/ gzugs can rnams sam/ gzugs can ma 

</font><hr>75-1-28a<br><font size=+1>

yin pa rnams sam/ 'du shes can rnams sam/ 'du shes can ma yin pa rnams sam/ 'du shes yod pa yang ma yin 'du shes med pa yang ma yin pa gang yang rung ste/ de dag gi nang na ni de bzhin gshegs pa dgra bcom pa yang dag par rdzogs pa'i sangs 
rgyas mchog yin par bstan to/ /sangs rgyas la mngon par dga' ba su yang rung ba de dag ni mchog la mngon par dga' ba yin te/ mchog la mngon par dga' ba de dag gi ni rnam par smin pa yang lha rnams kyi nang du lhar gyur pa rnams sam/ mi rnams kyi nang du mir gyur pa 
rnams kyi mchog 'ba' zhig tu 'gyur bar shes par bya ste/ bram ze dang khyim bdag rnams 'di ni sangs rgyas mchog tu gdags pa zhes bya'o/ /chos mchog tu gdags pa gang zhe na/ 'dus byas sam/ 'dus ma byas kyi chos rnams gang yang rung ste/ de dag gi nang 
na ni 'dod chags dang bral ba'i chos mchog yin par bstan to/ /chos la mngon par dga' ba su yang rung ba de dag ni mchog la mngon par dga' ba yin te/ mchog la mngon par dga' ba de dag gi rnam par smin pa yang / lha rnams kyi nang du lhar gyur pa rnams sam/ mi rnams 
kyi nang du mir gyur pa rnams kyi mchog 'ba' zhig tu 'gyur bar shes par bya ste/ bram ze dang khyim bdag rnams 'di ni chos mchog tu gdags pa zhes bya'o/ /dge 'dun mchog tu gdags pa gang zhe na/ 'dus pa'am/ tshogs sam/ mang po'am/ 'khor gang yang rung ste/ 
de dag gi nang na ni de bzhin gshegs pa'i nyan thos kyi dge 'dun mchog yin par rig par bstan to/ /dge 'dun la mngon par dga' ba su yang rung ba de dag ni mchog la mngon par dga' ba yin te/ mchog la mngon par dga' ba de dag gi ni rnam par smin pa yang / lha rnams kyi 
nang du lhar gyur pa rnams sam/ mi rnams kyi nang du mir gyur pa rnams kyi mchog 'ba' zhig tu 'gyur bar shes par bya ste/ bram ze dang khyim bdag rnams 'di ni dge 'dun mchog tu gdags pa zhes bya'o/ /chos kyi rnam grangs 'di bstan pa na/ bram ze dang khyim bdag 

</font><hr>75-1-28b<br><font size=+1>

de dag gi nang nas kha cig gis ni sangs rgyas dang chos dang dge 'dun rnams la dad pa rnyed do/ /kha cig gis ni skyabs su 'gro ba dang bslab pa'i gzhi blangs so/ /kha cig gis ni rab tu byung nas phol mig lnga dang ldan pa'i 'khor ba'i 'khor lo 'di g.yo zhing mi brtan par rig ste/ 
'du byed kyi rnam pa thams cad rnyil ba dang lhung ba dang rnam par 'thor ba dang rnam par 'jig pa'i chos can du rtsad chod nas/ nyon mongs pa thams cad spangs te dgra bcom pa nyid mngon sum du byas so/ /mu stegs can gyi dge bsnyen des kyang bcom ldan 'das la dad pa rnyed do/ /de 
nas sdong po rtsa ba nas bcad pa bzhin du zhabs la phyag 'tshal te smon lam btab pa/ dge ba'i rtsa ba dang sems la skyed pa dang sbyin par bya ba'i chos yongs su gtong ba 'dis bdag 'jig rten long ba 'dren pa med cing yongs su 'dren pa med par sems can ma rgal ba rnams sgrol ba 
dang / ma grol ba rnams 'grol ba dang / dbugs ma phyin pa rnams dbugs 'byin pa dang /yongs su mya ngan las ma 'das pa rnams yongs su mya ngan las zlo ba'i sangs rgyas su gyur cig ces byas so/ /de nas bcom ldan 'das kyis mu stegs can gyi dge 
bsnyen de'i rgyu gcig nas gcig tu brgyud pa dang / las gcig nas gcig tu brgyud pa mkhyen nas 'dzum pa mdzad do/ /'di ni sangs rgyas bcom ldan 'das rnams gang gi tshe 'dzum pa mdzad pa'i chos nyid de/ de'i tshe zhal nas 'od zer sngon po dang / ser po dang / dmar po 
dang / dkar po rnams byung nas kha cig ni 'og tu 'gro'o/ /kha cig ni steng du 'gro'o/ /'og tu 'gro ba gang yin pa de dag ni sems can dmyal ba yang sos dang / thig nag dang / 'dus 'joms dang / ngu 'bod dang / ngu 'bod chen po dang / tsha ba dang / rab tu tsha ba dang / 
mnar med pa dang / chu bur can dang / chu bur rdol dang / so thams thams dang / kyi hud zer dang / a chu zer dang / ud pal ltar gas pa dang / pad ma ltar gas pa dang / pad ma ltar gas pa chen por song nas/ tsha ba'i sems can dmyal ba gang yin pa de dag tu ni bsil bar 

</font><hr>75-1-29a<br><font size=+1>

gyur te 'bab bo/ /grang ba'i sems can dmyal ba gang yin pa de dag tu ni dro bar gyur te 'bab bo/ /des na sems can de dag gi gnod pa'i khyad par rnams rtse zhil bar gyur to/ /de nas de dag 'di snyam du sems te/ kye ci bdag cag 'di nas shi 'phos sam 'on te 
gzhan du skyes sam snyam mo/ /de nas de dag dad pa bskyed pa'i phyir bcom ldan 'das sprul pa 'gyed par mdzad de de dag gis sprul pa mthong nas 'di snyam du sems te/ kye bdag cag ni 'di nas kyang shi 'phos par ma gyur la gzhan du yang ma skyes mod kyi/ 'on kyang sngon ma byung 
ba'i sems can snang ba 'di'i mthus/ bdag cag gi gnod pa'i khyad par rnams rtse zhil bar gyur to snyam mo/ /de nas de dag sprul pa la sems mngon par dad par gyur nas/ sems can dmyal ba myong bar 'gyur ba'i las de zad de/ lha dang mi rnams kyi nang du gang du bden pa 
rnams kyi snod du rung bar 'gyur ba der nying mtshams 'dzin par 'gyur ro/ /steng du 'gro ba gang yin pa de dag ni rgyal chen bzhi'i ris rnams dang / sum cu rtsa gsum pa rnams dang / 'thab bral rnams dang / dga' ldan rnams dang / 'phrul dga' rnams dang / gzhan 'phrul 
dbang byed rnams dang / tshangs ris rnams dang / tshangs pa'i mdun na 'don pa rnams dang / tshangs pa chen po rnams dang / 'od chung rnams dang / tshad med 'od rnams dang / 'od gsal rnams dang / dge chung rnams dang / tshad med dge rnams dang / dge rgyas rnams dang / 
sprin med rnams dang / bsod nams skyes rnams dang / 'bras bu che rnams dang / mi che rnams dang / mi gdung rnams dang / gya nom snang rnams dang / shin tu mthong rnams dang / 'og min gyi lha rnams kyi bar du song nas/ mi rtag pa dang / sdug bsngal ba dang / stong pa 
dang / bdag med pa'i sgra sgrogs so/ /tshigs su bcad pa gnyis kyang rjod par byed de/ nges par 'byung ba brtsam par gyis/ /sangs rgyas bstan la sbyor bar gyis/ /'dam bu'i khyim la glang chen bzhin/ /'chi bdag sde ni gzhom par gyis/ /gang zhig chos 'dul 'di nyid 

</font><hr>75-1-29b<br><font size=+1>

la/ /bag yod spyod par byed pa ni/ /skye ba'i 'khor ba rab spangs nas/ /sdug bsngal zad par byed par 'gyur/ /zhes rjod par byed do/ /de nas 'od zer de dag gis stong gsum gyi stong chen po'i 'jig rten gyi khams bskor nas/ bcom ldan 'das nyid kyi phyi bzhin 
'brangs te/ gal te bcom ldan 'das kyis 'das pa'i las lung ston par bzhed na ni bcom ldan 'das kyi snam logs su mi snang bar 'gyur ro/ /ma 'ongs pa'i las lung ston par bzhed na ni mdun logs su mi snang bar 'gyur ro/ /sems can dmyal bar skye bar lung ston par 
bzhed na ni zhabs kyi mthil du mi snang bar 'gyur ro/ /dud 'gror skye bar lung ston par bzhed na ni zhabs kyi rting par mi snang bar 'gyur ro/ /yi dgas su skye bar lung ston par bzhed na ni zhabs kyi mthe bor mi snang bar 'gyur ro/ /mir skye bar lung ston par bzhed 
na ni pus mo gnyis su mi snang bar 'gyur ro/ /stobs kyi 'khor los sgyur ba'i rgyal por lung ston par bzhed na ni phyag g.yon pa'i mthil du mi snang bar 'gyur ro/ /'khor los sgyur ba'i rgyal por lung ston par bzhed na ni phyag g.yas pa'i mthil du mi snang bar 'gyur ro/ /
lhar skye bar lung ston par bzhed na ni lte bar mi snang bar 'gyur ro/ /nyan thos kyi byang chub tu lung ston par bzhed na ni zhal du mi snang bar 'gyur ro/ /rang sangs rgyas kyi byang chub tu lung ston par bzhed na ni smin mtshams kyi mdzod spur mi snang bar 'gyur ro/ /bla na med pa yang dag 
par rdzogs pa'i byang chub tu lung ston par bzhed na ni dbu'i gtsug tor du mi snang bar 'gyur ro/ /de nas 'od zer de dag gis bcom ldan 'das la lan gsum bskor ba byas te/ bcom ldan 'das kyi dbu'i gtsug tor du mi snang bar gyur to/ /de nas tshe dang ldan pa kun dga' bos thal 
mo sbyar te bcom ldan 'das la zhus pa/ tshon sna stong gis spel ba sna tshogs can/ /mang po zhal gyi sgo nas byung bar gyur/ /de yis phyogs rnams kun tu snang bar bgyis/ /nyi ma shar bas ji ltar bgyis pa bzhin/ /yang tshigs su bcad de gsol pa/ rgod dang bral zhing 

</font><hr>75-1-30a<br><font size=+1>

rgyags dang mi dgyes spangs pa yi/ /sangs rgyas 'gro ba dag gi dam pa'i rgyur gyur pa/ /rgyal ba dgra thub rnams ni rgyu rkyen ma mchis par/ /pad ma'i rtsa dang dung mdog lta bu'i 'dzum mi ston/ /brtan pos nyid kyi blo yis dus bab mkhyen lags na/ /
dge sbyong rgyal dbang nyan pa som nyi 'tshal ba rnams/ /thub pa khyu mchog gi ni gsung mchog brtan pa dang / /bzang po dag gis the tsom skyes pa bsal bar gsol/ /rgya mtsho dang ni ri rgyal lta bur brtan pa yi/ /mgon po rdzogs sangs rgyas rnams gyin da 'dzum mi 
ston/ /gang gi don du dpa' bo 'dzum pa ston mdzad pa/ /de ni khyod las skye bo phal cher nyan par 'tshal/ /bcom ldan 'das kyis bka' stsal pa/ kun dga' bo de ni de bzhin no/ /de ni de bzhin te/ kun dga' bo de bzhin gshegs pa dgra bcom pa yang dag par rdzogs 
pa'i sangs rgyas rnams ni rgyu med rkyen med par 'dzum pa mi mdzad do/ /kun dga' bo mu stegs can gyi dge bsnyen 'dis nga la 'di lta bu'i bkur sti byas pa mthong ngam/ btsun pa mthong lags so/ /kun dga' bo mu stegs can gyi dge bsnyen 'di dge ba'i rtsa ba dang sems bskyed 
pa dang sbyin par bya ba'i chos yongs su gtong ba 'dis bskal pa grangs med pa gsum gyis yang dag par bsgrub par bya ba'i byang chub tu yang dag par bsgrubs te snying rje chen pos yongs su bsgos pa'i pha rol tu phyin pa drug yongs su rdzogs par byas nas/ stobs bcu dang mi 'jigs 
pa bzhi dang ma 'dres pa'i dran pa nye bar gzhag pa gsum dang snying rje chen po dang ldan pa'i yang dag par rdzogs pa'i sangs rgyas mi g.yo ba zhes bya bar 'gyur te 'jig rten du 'byung bar 'gyur ro/ /de'i sbyin par bya ba'i chos ni gang nga la sems mngon par dga' bar gyur pa 'di yin no/ /
bcom ldan 'das kyis de skad ces bka' stsal nas/ dge slong de dag yi rangs te bcom ldan 'das kyis gsungs pa la mngon par bstod do// //rgyal po zhes bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug po rnams dang /

</font><hr>75-1-30b<br><font size=+1>

pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla 
mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal 
zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ /de'i tshe ko sa la'i rgyal po 
gsal rgyal dang / rgyal po ma skyes dgra gnyis phan tshun mi 'thun par gyur to/ /de nas rgyal po ma skyes dgras dpung gi tshogs yan lag bzhi pa glang po che'i tshogs dang / rta pa'i tshogs dang / shing rta'i tshogs dang / dpung bu chung gi tshogs go bskon nas/ ko sa la'i 
rgyal po gsal rgyal dang g.yul 'gyed pa'i phyir drangs so/ /ko sa la'i rgyal po gsal rgyal gyis kyang / rgyal po ma skyes dgras dpung gi tshogs yan lag bzhi pa/ glang po che'i tshogs dang / rta pa'i tshogs dang / shing rta'i tshogs dang / dpung bu chung gi tshogs go bskon nas/ 
bdag dang g.yul 'gyed pa'i phyir drangs so zhes thos so/ /thos nas des kyang dpung gi tshogs yan lag bzhi pa glang po che'i tshogs dang / rta pa'i tshogs dang / shing rta'i tshogs dang / dpung bu chung gi tshogs go bskon nas/ rgyal po ma skyes dgra dang g.yul 'gyed pa'i phyir drangs 
so/ /de nas rgyal po ma skyes dgras ko sa la'i rgyal po gsal rgyal gyi glang po che'i tshogs dang / rta pa'i tshogs dang / shing rta'i tshogs dang / dpung bu chung gi tshogs thams cad phrogs te/ ko sa la'i rgyal po gsal rgyal pham zhing skrag la rdugs te/ rab tu pham zhing rgyab kyis 

</font><hr>75-1-31a<br><font size=+1>

phyogs par gyur nas shing rta gcig pus mnyan du yod par song ste/ lan gsum gyi bar du yang de ltar gyur to/ /de nas ko sa la'i rgyal po gsal rgyal mya ngan gyi khang par zhugs nas lag pa la rkom tshugs bcas te sems khong du chud cing 'dug go/ /
de nas mnyan du yod pa de na tshong dpon phyug cing nor mang la longs spyod che ba/ yongs su 'dzin pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa zhig 'dug pa des ko sa la'i rgyal po gsal rgyal ji lhar pham zhing skrag la rdugs te rab tu pham zhing rgyab 
kyis phyogs par gyur nas/ shing rta gcig pus mnyan du yod par song ngo zhes thos so/ /thos nas kyang ko sa la'i rgyal po gsal rgyal ga la ba der song ste phyin nas rgyal po gsal rgyal la/ rgyal bar gyur cig sku tshe ring bar shog shig ces bstod nas smras pa/ lha ci'i slad 
du thugs ngan mdzad/ lha bdag gis ji tsam gyis na da dung yang lha ji ltar dgyes mgur mdzad par 'gyur ba de tsam gyi gser lha la 'bul bar 'tshal lo zhes byas so/ /des de la gser gyi phung po chen po spungs te/ der mi 'dug pas kyang mi 'greng ba mi mthong la/ 
'greng bas kyang 'dug pa mi mthong ba zhig phul lo/ /de nas ko sa la'i rgyal po gsal rgyal gyis bdag nyid kyi yul du rtog chen gyi mi kun du bkye ste mi de dag ci zer ba nyon cig ces byas so/ /re zhig na rgyal bu rgyal byed kyi tshal na/ rgan po gnyis shig phan tshun gtam 
zer te pad ma'i ze ba zhes bya ba'i g.yul gyi dgra thabs yod de de la mi sdar ma gang yin pa de dag ni g.yul gyi gdod zan du gtong ngo / /'bring gang yin pa de dag ni bar du gzhog /mi mchog tu dpa' ba gang yin pa de dag ni rgyab tu gzhog go zhes zer ro/ /de nas de dag gis 
rgyal po la bsnyad de ko sa la'i rgyal po gsal rgyal gyis thos nas/ de bzhin du dpung gi tshogs yan lag bzhi go bskon nas rgyal po ma skyes dgra dang g.yul 'gyed pa'i phyir drangs so/ /de nas ko sa la'i rgyal po gsal rgyal gyis/ lus 'phags ma'i bu rgyal po ma 

</font><hr>75-1-31b<br><font size=+1>

skyes dgra'i glang po che'i tshogs thams cad kyang phrogs so/ /rta pa'i tshogs dang / shing rta'i tshogs dang / dpung bu chung gi tshogs kyang phrogs so/ /lus 'phags ma'i bu rgyal po ma skyes dgra yang pham zhing skrag la rdugs te rab tu pham zhing rgyab kyis bltas par gyur 
nas gson por bzung ste/ shing rta gcig la bskyon nas bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te phyogs gcig tu 'dug go/ /phyogs gcig tu 'dug nas bcom ldan 'das la ko sa la'i rgyal po gsal rgyal 
gyis 'di skad ces gsol to/ /btsun pa rgyal po ma skyes dgra 'di ni yun ring po nas bdag gi 'khon zla ma lags par 'khon du 'dzin pa dang / dgra zla ma lags par dgra bgyid pa lags mod kyi/ 'di ni bdag gi grogs po'i bu lags pa'i slad du/ bdag ni 'di 'gum par mi 'tshal te 
'di gtang bar 'tshal lo zhes gsol to/ /bcom ldan 'das kyis kyang rgyal po chen po thong shig ces bka' stsal nas/ de'i tshe tshigs su bcad de bka' stsal pa/ rgyal bar gyur na 'khon pa mang / /pham par gyur na sdug bsngal gnas/ /rgyal dang pham pa spangs na 
ni/ /nye bar zhi ste bde bar gnas/ /de nas ko sa la'i rgyal po gsal rgyal 'di snyam du sems te/ bdag gis rgyal srid phyir thob pa 'di ni/ tshong dpon 'di'i drin yin gyis bdag gis 'di la ci 'dod pa'i bya dga' sbyin pa'i skabs dbye'o snyam mo/ /de nas ko sa la'i 
rgyal po gsal rgyal gyis tshong dpon de la ci 'dod pa'i bya dga' sbyin pa'i skabs phye na/ de na re bdag ci dga' ba'i bya dga' 'tshal gyis bdag zhag bdun gyi bar du ci dga' mgur bgyid pa'i rgyal srid stsol cig ces byas so/ /de nas ko sa la'i rgyal po gsal rgyal gyis bdag 
gi yul thams cad du dril bsgrags te/ nga'i rgyal srid zhag bdun gyi bar du tshong dpon la byin no zhes bsgo'o/ /re zhig na tshong dpon des sangs rgyas la sogs pa dge slong gi dge 'dun rnams dang / rgyal po gsal rgyal 'khor dang bcas pa zhag bdun gyi bar du gdugs tshod 

</font><hr>75-1-32a<br><font size=+1>

la spyan drangs so/ /yul ka shi dang ko sa la na skye bo'i tshogs ji snyed 'khod pa de dag la yang pho nya btang ste/ zhag bdun gyi bar du khyed khral thud med par ci dga' mgur 'khod cing bde ba la reg par gnas par gyis shig /'dir yang shog la 
sangs rgyas dang chos dang dge 'dun la skyabs su song shig /nga'i ston mo yang 'tshol la de bzhin gshegs pa la bsnyen bkur gyis shig ces byas nas/ des zhag bdun gyi bar du bcom ldan 'das nyan thos kyi dge 'dun dang bcas pa la bkur sti chen pos bkur sti byas so/ /
mi 'bum phrag mang po dag kyang bde ba la btsud do/ /zhag bdun lon nas bcom ldan 'das kyi zhabs la phyag 'tshal te/ sems la rtas par byas nas smon lam btab pa/ dge ba'i rtsa ba dang sems bskyed pa dang sbyin par bya ba'i chos yongs su gtong ba 
'dis/ bdag 'jig rten long ba 'dren pa med cing yongs su 'dren pa med par sems can ma rgal ba rnams sgrol ba dang / ma grol ba rnams 'grol ba dang / dbugs ma phyin pa rnams dbugs 'byin pa dang / yongs su mya ngan las ma 'das pa rnams yongs 
su mya ngan las zlo ba'i sangs rgyas su gyur cig ces byas so/ /de nas bcom ldan 'das kyis tshong dpon de'i rgyu gcig nas gcig tu brgyud pa dang / las gcig nas gcig tu brgyud pa mkhyen nas 'dzum pa mdzad do/ /'di ni sangs rgyas bcom ldan 'das rnams gang gi 
tshe 'dzum pa mdzad pa'i chos nyid de/ de'i tshe zhal nas 'od zer sngon po dang / ser po dang / dmar po dang / dkar po rnams byung nas kha cig ni 'og tu 'gro'o/ /kha cig ni steng du 'gro'o/ /'og tu 'gro ba gang yin pa de dag ni sems can dmyal ba yang sos dang / 
thig nag dang / 'dus 'joms dang / ngu 'bod dang / ngu 'bod chen po dang / tsha ba dang / rab tu tsha ba dang / mnar med pa dang / chu bur can dang / chu bur rdol dang / so thams thams dang / kyi hud zer dang / a chu zer dang / ud pal ltar gas pa dang / pad ma 

</font><hr>75-1-32b<br><font size=+1>

ltar gas pa dang / pad ma ltar gas pa chen por song nas tsha ba'i sems can dmyal ba gang yin pa de dag tu ni bsil bar gyur te 'bab bo/ /grang ba'i sems can dmyal ba gang yin pa de dag tu ni dro bar gyur te 'bab bo/ /des na sems can de dag gi gnod pa'i khyad 
par rnams rtse zhil bar gyur to/ /de nas de dag 'di snyam du sems te/ kye ci bdag cag 'di nas shi 'phos sam/ 'on te gzhan du skyes sam snyam mo/ /de nas de dag dad pa bskyed pa'i phyir bcom ldan 'das sprul pa 'gyed par mdzad de/ de dag gis sprul pa mthong nas 
'di snyam du sems te/ kye bdag cag ni 'di nas kyang shi 'phos par ma gyur la/ gzhan du yang ma skyes mod kyi 'on kyang sngon ma byung ba'i sems can snang ba 'di'i mthus bdag cag gi gnod pa'i khyad par rnams rtse zhil bar gyur to snyam mo/ /de nas de dag sprul pa la sems 
mngon par dga' bar gyur nas/ sems can dmyal ba myong bar 'gyur ba'i las de zad de/ lha dang mi rnams kyi nang du gang du bden pa rnams kyi snod du rung bar 'gyur ba der nying mtshams 'dzin par 'gyur ro/ /steng du 'gro ba gang yin pa de dag ni rgyal chen bzhi'i ris rnams 
dang / sum cu rtsa gsum pa rnams dang / 'thab bral rnams dang / dga' ldan rnams dang / 'phrul dga' rnams dang / gzhan 'phrul dbang byed rnams dang / tshangs ris rnams dang / tshangs pa'i mdun na 'don pa rnams dang / tshangs pa chen po rnams dang / 'od 
chung rnams dang / tshad med 'od rnams dang / 'od gsal rnams dang / dge chung rnams dang / tshad med dge rnams dang / dge rgyas rnams dang / sprin med rnams dang / bsod nams skyes rnams dang / 'bras bu che rnams dang / mi che rnams dang / mi gdung rnams 
dang / gya nom snang rnams dang / shin tu mthong rnams dang / 'og min gyi lha rnams kyi bar du song nas/ mi rtag pa dang / sdug bsngal ba dang / stong pa dang / bdag med pa'i sgra sgrogs so/ /tshigs su bcad pa gnyis kyang rjod par byed de/ nges par 'byung ba brtsam 

</font><hr>75-1-33a<br><font size=+1>

par gyis/ /sangs rgyas bstan la sbyor bar gyis/ /'dam bu'i khyim la glang chen bzhin/ /'chi bdag sde ni gzhom par gyis/ /gang zhig chos 'dul 'di nyid la/ /bag yod spyod par byed pa ni/ /skye ba'i 'khor ba rab spangs nas/ /sdug 
bsngal zad par byed par 'gyur/ /zhes rjod par byed do/ /de nas 'od zer de dag gis stong gsum gyi stong chen po'i 'jig rten gyi khams bskor nas bcom ldan 'das nyid kyi phyi bzhin 'brangs te/ gal te bcom ldan 'das kyis 'das pa'i las lung ston par bzhed na ni bcom ldan 
'das kyi snam logs su mi snang bar 'gyur ro/ /ma 'ongs pa'i las lung ston par bzhed na ni mdun logs su mi snang bar 'gyur ro/ /sems can dmyal bar skye bar lung ston par bzhed na ni zhabs kyi mthil du mi snang bar 'gyur ro/ /dud 'gror skye bar lung ston par bzhed na ni 
zhabs kyi rting par mi snang bar 'gyur ro/ /yi dgas su skye bar lung ston par bzhed na ni zhabs kyi mthe bor mi snang bar 'gyur ro/ /mir skye bar lung ston par bzhed na ni pus mo gnyis su mi snang bar 'gyur ro/ /stobs kyi 'khor los sgyur ba'i rgyal por lung ston par bzhed na ni phyag 
g.yon pa'i mthil du mi snang bar 'gyur ro/ /'khor los sgyur ba'i rgyal por lung ston par bzhed na ni phyag g.yas pa'i mthil du mi snang bar 'gyur ro/ /lhar skye bar lung ston par bzhed na ni lte bar mi snang bar 'gyur ro/ /nyan thos kyi byang chub tu lung ston par bzhed na ni zhal du mi snang 
bar 'gyur ro/ /rang sangs rgyas kyi byang chub tu lung ston par bzhed na ni smin mtshams kyi mdzod spur mi snang bar 'gyur ro/ /bla na med pa yang dag par rdzogs pa'i byang chub tu lung ston par bzhed na ni dbu'i gtsug tor du mi snang bar 'gyur ro/ /de nas 'od zer de dag gis bcom ldan 
'das la lan gsum bskor ba byas te bcom ldan 'das kyi dbu'i gtsug tor du mi snang bar gyur to/ /de nas tshe dang ldan pa kun dga' bos thal mo sbyar te bcom ldan 'das la zhus pa/ tshon sna stong gis spel ba sna tshogs can/ /mang po zhal gyi sgo nas byung bar gyur/ /de yis 

</font><hr>75-1-33b<br><font size=+1>

phyogs rnams kun tu snang bar bgyis/ /nyi ma shar bas ji ltar bgyis pa bzhin/ /yang tshigs su bcad de gsol pa/ rgod dang bral zhing rgyags dang mi dgyes spangs pa yi/ /sangs rgyas 'gro ba dag gi dam pa'i rgyur gyur pa/ /rgyal ba dgra thub rnams ni rgyu rkyen ma 
mchis par/ /pad ma'i rtsa dang dung mdog lta bu'i 'dzum mi ston/ /brtan pos nyid kyi blo yis dus bab mkhyen lags na/ /dge sbyong rgyal dbang nyan pa som nyi 'tshal ba rnams/ /thub pa khyu mchog gi ni gsung mchog brtan pa dang / /bzang po dag gis the tsom skyes 
pa bsal bar gsol/ /rgya mtsho dang ni ri rgyal lta bur brtan pa yi/ /mgon po rdzogs sangs rgyas rnams gyin da 'dzum mi ston/ /gang gi don du dpa' bo 'dzum pa ston mdzad pa/ /de ni khyod las skye bo phal chen nyan par 'tshal/ /bcom ldan 'das kyis bka' stsal pa/ kun dga' 
bo de ni de bzhin no/ /de ni de bzhin te/ kun dga' bo de bzhin gshegs pa dgra bcom pa yang dag par rdzogs pa'i sangs rgyas rnams ni rgyu med rkyen med par 'dzum pa mi mdzad do/ /kun dga' bo tshong dpon 'dis de bzhin gshegs pa nyan thos kyi dge 'dun dang bcas pa la 'di lta bu'i 
bkur sti byas pa dang skye bo phal po che dge ba la btsud pa mthong ngam/ btsun pa mthong lags so/ /kun dga' bo tshong dpon 'dis dge ba'i rtsa ba dang sems bskyed pa dang / sbyin par bya ba'i chos yongs su gtong ba 'dis bskal pa grangs med pa gsum gyis yang dag par bsgrub par bya 
ba'i byang chub yang dag par bsgrubs te/ snying rje chen pos yongs su bsgos pa'i pha rol tu phyin pa drug yongs su rdzogs par byas nas/ stobs bcu dang / mi 'jigs pa bzhi dang / ma 'dres pa'i dran pa nye bar gzhag pa gsum dang / snying rje chen po dang ldan pa'i yang dag par 
rdzogs pa'i sangs rgyas mi 'jigs sbyin zhes bya bar 'gyur te/ 'jig rten du 'byung bar 'gyur ro/ /de'i sbyin par bya ba'i chos ni gang nga la sems mngon par dga' bar gyur pa 'di yin no/ /bcom ldan 'das kyis de skad ces bka' stsal nas/ /dge slong de dag yi rangs te bcom ldan 

</font><hr>75-1-34a<br><font size=+1>

'das kyis gsungs pa la mngon par bstod do/ /gang po la sogs pa'i rtogs pa brjod pa brgya pa las/ sdom gyi tshigs su bcad pa dang po rdzogs s+ho// //sdom ni/ mnyan pa dang ni ka ba khrus/ /yams kyi nad dang cho 'phrul 
dang / /lo lnga pa dang bstod mchog sbyin/ /ka shi ka dang lha yi zas/ /mnyan pa zhes bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded 
dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ri mor byas/ mchod pa byas te/ lha dang / klu 
dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos 
dang / sman zong rnams brnyes pa/ nyan thos kyi dge 'dun dang bcas pa mnyan du yod pa na chu klung khang ldan gyi 'jug ngogs mnyan pa'i grong na bzhugs so/ /de nas mnyan pa de dag bcom ldan 'das ga la ba der dong ste lhags nas/ bcom ldan 'das kyi zhabs la mgo bos 
phyag 'tshal nas phyogs gcig tu 'khod do/ /phyogs gcig tu 'khod nas mnyan pa de dag la bcom ldan 'das kyis chos kyi gtam gyis yang dag par bstan/ yang dag par 'dzin du bcug /yang dag par gzengs stod/ yang dag par dga' bar mdzad do/ /chos kyi 
gtam rnam grangs du mas yang dag par bstan/ yang dag par 'dzin du bcug /yang dag par gzengs bstod/ yang dag par dga' bar mdzad nas cang mi gsung bar bzhugs so/ /de nas mnyan pa de dag stan las langs te bla gos phrag pa gcig tu gzar nas pus mo g.yas 

</font><hr>75-1-34b<br><font size=+1>

pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas bcom ldan 'das la gsol pa/ bcom ldan 'das dge slong gi dge 'dun dang thabs cig tu/ chu klung khang ldan gyi 'gram du bdag cag gi der sang gdugs tshod gsol bar ci gnang / 
gru zam las kyang bsgral bar 'tshal lo zhes gsol nas/ bcom ldan 'das kyis kyang mnyan pa rnams la cang mi gsung bas gnang ngo / /de nas mnyan pa de dag gis chu klung khang ldan gyi 'gram rdo dang / gseg ma dang / gyo mo med par byas te rgyal mtshan dang ba dan ni 
bsgreng /me tog sna tshogs ni gtor/ spos kyi snod dag gi nang nas ni bdug pa gsol/ zhal zas bzang po ni bshams/ me tog mang po ni sta gon byas so/ /gru zam gyi steng yang me tog gi khang pa dag gis brgyan nas/ bcom ldan 'das la phrin gyis gdugs 
tshod bskul ba/ btsun pa gdugs tshod la bab ste bshos lags na/ bcom ldan 'das kyis da de'i dus la bab par dgongs te gshegs su gsol zhes bskul to/ /de nas bcom ldan 'das dge slong gi tshogs kyis zhabs 'bring byas te/ dge slong gi dge 'dun 
gyis mdun du bdar nas/ mnyan pa'i grong ga la ba der gshegs te byon nas/ dge slong gi dge 'dun gyi gung la gdan bshams pa la bzhugs so/ /de nas mnyan pa rnams kyis sangs rgyas la sogs pa dge slong gi dge 'dun rnams bde bar bzhugs par rig 
nas/ rang gi lag nas bza' ba dang bca' ba gtsang ma bzang pos tshim par byas te ci bzhed pa bstabs so/ /rang gi lag nas bza' ba dang bca' ba gtsang ma bzang po rnam grangs du mas tshim par byas te ci bzhed pa bstabs nas bcom ldan 'das bshos gsol 
zin te bstsang sder ni gyu/ phyag ni bcabs par rig nas/ stan ches dma' ba dag khyer te chos nyan pa'i phyir bcom ldan 'das kyi spyan sngar 'khod do/ /de nas bcom ldan 'das kyis mnyan pa de dag gi bsam pa dang / bag la nyal ba dang / khams dang / rang 

</font><hr>75-1-35a<br><font size=+1>

bzhin thugs su chud nas 'phags pa'i bden pa bzhi rtogs par 'gyur ba de lta bu'i chos bstan te/ de thos pas mnyan pa du mas ni rgyun du zhugs pa'i 'bras bu thob bo/ /kha cig gis ni lan cig phyir 'ong ba'i 'bras bu thob bo/ /kha cig gis 
ni phyir mi 'ong ba'i 'bras bu thob bo/ /kha cig gis ni nyon mongs pa thams cad spangs nas/ dgra bcom pa nyid mngon sum du byas so/ /kha cig gis ni nyan thos kyi byang chub tu sems bskyed do/ /kha cig gis ni rang sangs rgyas kyi byang chub tu sems bskyed do/ /kha 
cig gis ni bla na med pa yang dag par rdzogs pa'i byang chub tu sems bskyed do/ /'khor de dag thams cad kyang sangs rgyas la gzhol ba dang / chos la 'bab pa dang / dge 'dun la bab pa la bkod do/ /de nas mnyan pa de dag gis bcom ldan 'das dge 
slong gi dge 'dun dang thabs cig tu bkur sti chen po dang ldan pas gru zam las bsgral to/ /dge slong dag kyang sangs rgyas kyi mchod pa mthong bas sems dga' bar gyur te sangs rgyas bcom ldan 'das la zhus pa/ bcom ldan 'das kyis dge ba'i rtsa ba 'di dag gang 
du mdzad pa lags/ bcom ldan 'das kyis bka' stsal pa/ dge slong dag de bzhin gshegs pa nyid kyis sngon tshe rabs gzhan dag tu tshogs rnyed cing rkyen grub pa dang ldan te/ dba' rgal bzhin du byung la gdon mi za bar 'ong ba'i las rnams byas shing bsags te/ 
des na de bzhin gshegs pa la 'di lta bu'i mchod pa byas so/ /dge slong dag khyed nyan par 'dod dam/ bcom ldan 'das nyan par 'tshal lags so/ /dge slong dag sngon byung ba 'das pa'i dus na de bzhin gshegs pa dgra bcom pa yang dag par rdzogs pa'i sangs 
rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa lha dang mi rnams kyi ston pa sangs rgyas bcom ldan 'das shing rta skal ldan zhes bya ba 'jig rten du byung ngo / /de dgra bcom pa drug khri 

</font><hr>75-1-35b<br><font size=+1>

nyis stong gis zhabs 'bring byas te/ ljongs rgyu zhing gshegs pa las gang gA'i 'gram du byon nas/ de'i tshe ded dpon zhig 'khor brgya phrag du ma dang gang gA'i klung las 'gron po dag sgrol zhing 'dug go/ /phyogs de na chom rkun gyi 'jigs pa chen po yang yod do/ /de nas 
ded dpon gyis yang dag par rdzogs pa'i sangs rgyas shing rta skal ldan dgra bcom pa drug khri nyis stong gis zham ring byas pa mthong ngo / /mthong nas kyang sems dga' bar gyur te/ sems dga' bar gyur nas bcom ldan 'das la gsol pa/ bdag gis thog ma kho nar bcom 
ldan 'das bsgral bar 'tshal lo/ /yang dag par rdzogs pa'i sangs rgyas shing rta skal ldan gyis kyang ded dpon la cang mi gsung bas gnang ngo / /de nas ded dpon des yang dag par rdzogs pa'i sangs rgyas shing rta skal ldan dgra bcom pa drug khri nyis stong gis zham ring byas 
pa 'byor pa chen po dang ldan pas gru zam las bsgral te zhal zas bzang pos kyang tshim par byas nas/ bla na med pa yang dag par rdzogs pa'i byang chub tu smon lam btab bo/ /bcom ldan 'das kyis bka' stsal pa/ dge slong dag khyed ji snyam du sems/ de'i tshe de'i 
dus na/ ded dpon du gyur pa gang yin pa de ni nga yin te ngas yang dag par rdzogs pa'i sangs rgyas shing rta skal ldan dgra bcom pa drug khri nyis stong gis zhabs 'bring byas pa/ gru zam las bsgral ba dang / zhal zas bzang pos tshim par byas pa dang / smon lam btab pa'i 
las de'i rnam par smin pas ngas 'khor ba na bde ba chen po mtha' yas pa nyams su myong la/ da ltar bla na med pa yang dag par rdzogs pa'i byang chub tu mngon par rdzogs par sangs rgyas pa na yang / 'di lta bu'i mchod pa byas so/ /dge slong dag de bas na 'di ltar bslab par bya ste/ 
ston pa la bkur sti bya'o/ /bla mar bya'o/ /ri mor bya'o/ /mchod pa bya'o/ /ston pa la bkur sti byas/ bla mar byas/ ri mor byas/ mchod pa byas nas/ brten te gnas par bya'o zhes dge slong khyed kyis de ltar bslab par bya'o/ /bcom ldan 'das kyis de skad ces 

</font><hr>75-1-36a<br><font size=+1>

bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do// //ka ba zhes bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho 
brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla 
mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' 
dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa ku ru'i ljongs rgyu zhing gshegs pa las ku ru'i grong khyer du byon te/ ku ru'i skye bo'i tshogs de dag kyang sangs rgyas kyis gdul bar 'gyur bar 
sems rgya chen po dang ldan pa/ sbyin pa la sred pa sha stag go/ /de nas bcom ldan 'das 'di snyam du dgongs te/ ngas lha'i dbang po brgya byin lha'i 'khor gyis bskor ba dgug go/ /'on kyang de mthong bas 'di rnams kyi dge ba 'phel bar 'gyur ro snyam du dgongs so/ /de nas bcom 
ldan 'das kyis 'jig rten pa'i dgongs pa bskyed de/ kye ma lha'i dbang po brgya byin lha'i tshogs kyis g.yog byas pas/ tsan dan sa mchog pa'i ka ba khyer te/ 'ongs na legs so snyam du dgongs nas/ dgongs pa bskyed pa'i mod la lha'i dbang po brgya byin lha'i tshogs kyis g.yog 
byas pa/ gang na las thams cad pa dang rgyal po chen po bzhi dang / lha dang / klu dang / gnod sbyin dang / dri za dang / grul bum du mas g.yog byas pa dag lhags te tsan dan sa mchog pa'i ka ba khyer te 'ongs nas/ ha ha zhes ca co dang ga zha bton te skad chen po phyung nas/ bcom 

</font><hr>75-1-36b<br><font size=+1>

ldan 'das kyi phyir tsan dan sa mchog pa'i khang bzangs legs par byas so/ /de nas khang bzangs der lha'i dbang po brgya byin gyis/ bcom ldan 'das nyan thos kyi dge 'dun dang bcas pa la/ lha'i zhal zas dang / lha'i gzims cha dang / gdan dang / lha'i spos dang / me 
tog phreng ba dag gis bkur sti byas/ bla mar byas/ ri mor byas/ mchod pa byas so/ /de nas ku ru'i skye bo'i tshogs rnams kyis lha'i 'byor pa de dag mthong ba dang / mchog tu ya mtshan du gyur nas 'di snyam du sems te/ 'di ltar bcom ldan 'das la dbang po dang bcas 
pa'i lha rnams kyis mchod pa las na/ 'jig rten na mchog yin pa lta snyam ste/ sems 'dun par gyur nas/ bcom ldan 'das kyi thad du song ste bcom ldan 'das kyi zhabs la phyag 'tshal nas phyogs gcig tu 'khod do/ /phyogs gcig tu 'khod nas/ ku ru'i 
skye bo'i tshogs rnams khang bzangs de la shin tu dga' ba skyes so/ /de nas bcom ldan 'das kyis khang bzangs de mi snang bar mdzad nas/ mi rtag pa nyid dang ldan pa'i 'phags pa'i bden pa bzhi rtogs par 'gyur ba de lta bu'i chos bstan te/ de thos nas ku ru'i mi rnams 
las kha cig gis ni rgyun du zhugs pa'i 'bras bu thob bo/ /kha cig gis ni lan cig phyir 'ong ba'i 'bras bu thob bo/ /kha cig gis ni phyir mi 'ong ba'i 'bras bu thob bo/ /kha cig gis ni nyon mongs pa thams cad spangs nas dgra bcom pa nyid mngon sum du byas so/ /
kha cig gis ni nyan thos kyi byang chub tu sems bskyed do/ /kha cig gis ni rang sangs rgyas kyi byang chub tu sems bskyed do/ /kha cig gis ni bla na med pa yang dag par rdzogs pa'i byang chub tu sems bskyed do/ /'khor de dag thams cad kyang sangs rgyas la gzhol ba dang / 
chos la 'bab pa dang / dge 'dun la bab pa la bkod do/ /dge slong rnams kyang sangs rgyas kyi mchod pa mthong bas sems dga' bar gyur te/ sangs rgyas bcom ldan 'das la zhus pa/ bcom ldan 'das kyis dge ba'i rtsa ba 'di dag gang du mdzad lags/ bcom 

</font><hr>75-1-37a<br><font size=+1>

ldan 'das kyis bka' stsal pa/ dge slong dag de bzhin gshegs pa nyid kyis sngon tshe rabs gzhan dag tu tshogs rnyed cing rkyen grub pa dang ldan te/ dba' rgal bzhin du byung la/ gdon mi za bar 'ong ba'i las rnams byas shing bsags te/ des na de bzhin 
gshegs pa la 'di lta bu'i mchod pa byas so/ /dge slong dag khyed nyan par 'dod dam/ bcom ldan 'das nyan par 'tshal lags so/ /dge slong dag sngon byung ba 'das pa'i dus na de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan 
pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa lha dang mi rnams kyi ston pa sangs rgyas bcom ldan 'das tshangs pa zhes bya ba 'jig rten du byung ngo / /de nas yang dag par rdzogs pa'i sangs rgyas tshangs pa dgra bcom pa drug 
khri nyis stong gis zhabs 'bring byas te/ ljongs rgyu zhing gshegs pa las rgyal po'i pho brang 'khor zhig tu byon nas/ rgyal rigs spyi bo nas dbang bskur ba'i rgyal pos yang dag par rdzogs pa'i sangs rgyas tshangs pa dgra bcom pa drug khri nyis stong gis zhabs 'bring byas pa 
ljongs rgyu zhing gshegs pa las/ bdag gi yul du byon to zhes thos so/ /thos nas kyang rgyal po'i 'byor pa chen po dang / rgyal po'i mthu chen pos bcom ldan 'das yang dag par rdzogs pa'i sangs rgyas tshangs pa ga la ba der song ste phyin nas/ yang dag par rdzogs 
pa'i sangs rgyas tshangs pa'i zhabs la mgo bos phyag 'tshal te/phyogs gcig tu 'dug go/ /phyogs gcig tu 'dug nas/ rgyal rigs spyi bo nas dbang bskur ba'i rgyal po/ bcom ldan 'das kyis byang chub 'thob par byed pa'i chos rnams la yang dag par 
btsud do/ /de nas rgyal po de dga' bar gyur nas stan las langs te bla gos phrag pa gcig tu gzar nas/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to/ /bcom ldan 'das la bdag gis na bza' dang 

</font><hr>75-1-37b<br><font size=+1>

zhal zas dang / gzims cha dang / gdan dang / snyun gsos dang / sman zong rnams kyis bsnyen bkur bgyi bar 'tshal na/ bcom ldan 'das nyan thos kyi dge 'dun dang thabs cig tu rgyal po'i pho brang 'khor 'dir zla ba gsum gyi bar du bzhugs par ci gnang / de nas 
yang dag par rdzogs pa'i sangs rgyas tshangs pas rgyal po la cang mi gsung bas gnang ngo / /de nas rgyal rigs spyi bo nas dbang bskur ba'i rgyal po des/ bcom ldan 'das kyi phyir tsan dan sa mchog pa'i khang bzangs byed du bcug go/ /des de la na bza' dang rgyan rnam pa sna 
tshogs kyis brgyan nas/ me tog sna tshogs kyis ni gtor/ pog phor dag gis ni bdugs te/ bcom ldan 'das nyan thos kyi dge 'dun dang bcas pa la phul nas/ zla ba gsum gyi bar du zhal zas bzang pos tshim par byas te/ na bza'i khyad par rnam pa sna tshogs phul nas/ 
bla na med pa yang dag par rdzogs pa'i byang chub tu yang smon lam btab bo/ /bcom ldan 'das kyis bka' stsal pa/ dge slong dag khyed ji snyam du sems/ de'i tshe de'i dus na rgyal rigs spyi bo nas dbang bskur ba'i rgyal por gyur pa gang yin pa de ni nga yin te/ ngas yang dag par 
rdzogs pa'i sangs rgyas tshangs pa la de lta bu'i mchod pa byas pa'i las kyi rnam par smin pa des na/ ngas 'khor ba na bde ba chen po mtha' yas pa nyams su myong la da ltar bla na med pa yang dag par rdzogs pa'i byang chub mngon par sangs rgyas pa na yang 'di lta bu'i mchod pa byas so/ /
dge slong dag de bas na 'di ltar bslab par bya ste ston pa la bkur sti bya'o/ /bla mar bya'o/ /ri mor bya'o/ /mchod pa bya'o/ /ston pa la bkur sti byas/ bla mar byas/ ri mor byas/ mchod pa byas nas brten te gnas par bya'o zhes dge slong khyod kyis de ltar bslab par 
bya'o/ /bcom ldan 'das kyis de skad ces bka' stsal nas dge slong de dag yi rangs te/ bcom ldan 'das kyis gsungs pa la mngon par bstod do// //gang po la sogs pa'i rtogs pa brjod pa brgya pa/bam po bzhi pa/ khrus zhes bya ba ni/ sangs 

</font><hr>75-1-38a<br><font size=+1>

rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha 
ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci 
dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang 
bcas pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ /de'i tshe mnyan du yod pa na tshong pa lnga brgya tsam dgon pa'i lam du zhugs pa las de dag lam stor nas/ bye ltongs shig tu phyin te/ de dag 
lam gyi ngal bas dkos thag cing rgyags zad la/ nyi ma'i gung la nyi tshan gyis gdungs nas/ nya skam la bton pa bzhin du sa la 'gre ldog ste sdug bsngal drag pa dang / mi bzad pa dang / tsha ba dang / yid du mi 'ong ba'i tshor ba myong bas/ gu lang dang / chu lha dang / ku 
be ra dang / brgya byin la sogs pa lha stong snyed la so sor gsol ba 'debs kyang de las skyob par nus pa med do/ /de'i nang na dge bsnyen sangs rgyas kyi bstan pa'i rgyus shes pa zhig yod de/ des tshong pa de dag la smras pa/ khyed sangs rgyas la skyabs su song shig /de nas 
thams cad kyis skad sdoms te skyabs su song ngo / /de'i skabs su sangs rgyas bcom ldan 'das rnams kyis ni mi mkhyen pa'am/ mi gzigs pa'am/ mi rtogs pa'am/ thugs su mi chud pa ci yang med la/ sangs rgyas bcom ldan 'das thugs rje chen po dang ldan pa 

</font><hr>75-1-38b<br><font size=+1>

'jig rten la phan 'dogs pa la zhugs pa/ srung ba gcig pa dang ldan pa/ gcig tu dpa' ba/ zla med pa/ gnyis su mi gsung ba/ zhi gnas dang lhag mthong la gnas pa/ rig pa gsum snang bar mdzad pa/ bslab pa gsum la legs par bslabs pa/ 'dul 
ba'i gzhi gsum la mkhas pa/ chu bo bzhi las rgal ba/ rdzu 'phrul gyi rkang pa bzhi'i zhabs kyi mthil shin tu brtan pa/ bsdu ba'i dngos po bzhi la yun ring po nas 'dris par byas pa/ mi 'jigs pa bzhis mi 'jigs pa/ khyu mchog gi yang dag pa'i seng ge'i sgra chen po 
sgrogs pa/ yan lag lnga rnam par spangs pa/ 'gro ba lnga las yang dag par 'das pa/ yan lag drug dang ldan pa/ pha rol tu phyin pa drug yongs su rdzogs pa/ rtag tu gnas par bya ba drug la gnas pa/ byang chub kyi yan lag bdun gyi me tog gis phyug pa/ lam 
yan lag brgyad pa ston pa/ mthar gyis snyoms par 'jug pa dgu la mkhas pa/ stobs bcu'i stobs dang ldan pa/ phyogs bcur grags pas kun du rgyas pa/ brgya phrag bcu pa la dbang byed pa bas kyang ches khyad par du 'phags pa rnams ni/ chos nyid kyis nyin dus 
gsum mtshan dus gsum du/sangs rgyas kyi spyan gyis 'jig rten la gzigs te su ni rgud/ su ni dar/ su ni phongs shing 'dug /su ni nyam nga bar gyur/ su ni gnod pa dang ldan/ su ni phongs pa dang nyam nga ba dang / gnod pa dang ldan/ su ni ngan song du gzhol/ 
su ni ngan song du 'bab/ su ni ngan song du bab/ su ni ngas ngan song nas phyung ste/ mtho ris dang thar pa dang 'bras bu la gzhag par bya/ su ni 'dod pa'i 'dam du bying ba las lag nas drang bar bya/ su ni 'phags pa'i nor bdun med pa las 'phags pa'i nor bdun gyi dbang phyug 
la dbang byed du gzhug par bya/ su ni dge ba'i rtsa ba rnams ma bskyed pa las bskyed par bya/ su ni dge ba'i rtsa ba rnams bskyed zin pa las yongs su smin par bya/ su ni yongs su smin zin pa las rnam par grol bar bya snyam du ye shes gzigs pa 'jug go/ /'dir smras pa/

</font><hr>75-1-39a<br><font size=+1>

rgya mtsho chu srin rnams kyi gnas/ /dus rlabs yol bar 'gyur yang srid/ /gdul bar bya ba'i sras rnams la/ /sangs rgyas dus las yol ba med/ /de nas re zhig na/ bcom ldan 'das kyis tshong pa mang po phongs shing nyam nga bar gyur pa gzigs 
so/ /de nas mig gis cer zhes ltas pa tsam gyi yun gyis dge slong gi tshogs kyis zhabs 'bring byas te/ rgyal bu rgyal byed kyi tshal nas mi snang bar gyur nas/ phyogs der gshegs so/ /tshong pa de dag gis kyang bcom ldan 'das dge slong gi dge 'dun dang bcas 
pa mthong ngo / /mthong nas kyang skad po che phyung ngo / /de nas bcom ldan 'das kyis 'jig rten pa'i dgongs pa bskyed de/ lha'i dbang po brgya byin gyis dbang chen gyi char phab la/ ser bu bsil ba yang btang na legs so snyam du dgongs nas/ bcom ldan 
'das kyis dgongs pa bskyed pa'i mod la/ brgya byin gyis dbang chen gyi char yang phab/ ser bu'i bsil ba yang btang ste des na tshong pa de dag mi skom par gyur la/ tsha bas gdungs pa yang zhi bar gyur to/ /de nas tshong pa de dag sems rtas nas/ bcom ldan 
'das kyis de dag la lam yang bstan te/ des na mnyan du yod par phyin to/ /de nas de dag ngal bas nas bcom ldan 'das kyi thad du song ste/ bcom ldan 'das kyis 'phags pa'i bden pa bzhi rtogs par 'gyur ba de lta bu'i chos bstan to/ /de thos nas kha cig gis 
ni rgyun du zhugs pa'i 'bras bu thob bo/ /kha cig gis ni lan cig phyir 'ong ba'i 'bras bu thob bo/ /kha cig gis ni phyir mi 'ong ba'i 'bras bu thob bo/ /kha cig gis ni nyon mongs pa thams cad spangs nas dgra bcom pa nyid mngon sum du byas so/ /kha cig gis 
ni nyan thos kyi byang chub tu sems bskyed do/ /kha cig gis ni rang sangs rgyas kyi byang chub tu sems bskyed do/ /kha cig gis ni bla na med pa yang dag par rdzogs pa'i byang chub tu sems bskyed do/ /'khor de dag thams cad kyang sangs rgyas la gzhol ba dang / chos la 

</font><hr>75-1-39b<br><font size=+1>

'bab pa dang dge 'dun la bab pa la bkod do/ /de nas dge slong dag the tshom skyes nas/ the tsom thams cad gcod pa/ sangs rgyas bcom ldan 'das la zhus pa/ btsun pa tshong pa 'di dag bcom ldan 'das kyis 'di ltar dgon pa'i shul nas bskyabs pa dang / dgongs 
pa bskyed pa'i mod la dbang chen gyi char phab ste/ ser bu bsil ba yang langs pa ngo mtshar lags so/ /bcom ldan 'das kyis bka' stsal pa/ dge slong dag de bzhin gshegs pa nyid kyis sngon tshe rabs gzhan dag tu tshogs rnyed cing rkyen grub pa dang ldan te/ dba' 
rgal bzhin du 'byung la/ gdon mi za bar 'ong ba'i las de dag byas shing bsags pas na/ nga nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams 
la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang khams dang skye mched rnams 'ba' zhig la rnam par smin par 
'gyur ro/ /lus can dag gi las rnams ni/ /bskal pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur/ /dge slong dag sngon byung ba 'das pa'i dus na/ de bzhin gshegs pa dgra bcom pa yang dag par rdzogs pa'i 
sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa lha dang mi rnams kyi ston pa sangs rgyas bcom ldan 'das tsan dan zhes bya ba 'jig rten du byung ngo / /de nas yang dag par rdzogs pa'i 
sangs rgyas tsan dan ljongs rgyu zhing gshegs pa las/ rgyal po'i pho brang 'khor zhig tu byon nas rgyal rigs spyi bo nas dbang bskur ba'i rgyal po de yang dag par rdzogs pa'i sangs rgyas tsan dan ga la ba der song ste phyin nas/ yang dag par rdzogs pa'i sangs rgyas tsan dan gyi 

</font><hr>75-1-40a<br><font size=+1>

zhabs la mgo bos phyag 'tshal te phyogs gcig tu 'dug go/ /phyogs gcig tu 'dug nas rgyal rigs spyi bo nas dbang bskur ba'i rgyal po de bcom ldan 'das kyis byang chub 'thob par byed pa'i chos rnams la yang dag par btsud do/ /de nas 
rgyal rigs spyi bo nas dbang bskur ba'i rgyal po de stan las langs te/ bla gos phrag pa gcig tu gzar nas/ pus mo g.yas pa'i lha nga sa la btsugs te/ yang dag par rdzogs pa'i sangs rgyas tsan dan ga la ba de logs su thal mo sbyar ba btud nas/ yang dag par 
rdzogs pa'i sangs rgyas tsan dan la 'di skad ces gsol to/ /bcom ldan 'das dge slong gi dge 'dun dang thabs cig tu rgyal po'i pho brang 'khor 'dir zla ba gsum gyi bar du bzhugs par ci gnang / de nas yang dag par rdzogs pa'i sangs rgyas tsan dan gyis rgyal po de la 
cang mi gsung bas gnang ngo / /de'i tshe than chen byung nas des chu klung dang khron pa rnams chu chung bar gyur la/ shing rnams kyang me tog dang 'bras bu med par gyur to/ /de nas rgyal pos yang dag par rdzogs pa'i sangs rgyas tsan dan la gsol ba btab ste/ bcom ldan 
'das grong khyer 'di'i nang du rdzing spos chab kyis bltams pa bgyid du stsol bar 'tshal na/ der bcom ldan 'das nyan thos kyi dge 'dun dang bcas pa khrus mdzad par gsol/ de ltar bcom ldan 'das kyis khrus mdzad na/ bdag gi yul 'dir dgung char dbab tu glo ba 
re lags so zhes gsol to/ /de nas bcom ldan 'das yang dag par rdzogs pa'i sangs rgyas tsan dan gyis/ rgyal po de la cang mi gsung bas gnang ngo / /de nas rgyal rigs spyi bo nas dbang bskur ba'i rgyal po des/ blon po rnams la khyed kyis spos chab dang rin po che'i 
bum pa dag sta gon gyis shig dang / de dag gis ngas sangs rgyas bcom ldan 'das nyan thos kyi dge 'dun dang bcas pa khrus gsol bar bya'o zhes bsgo'o/ /de nas rgyal po des blon po'i 'khor dang bcas pas grong khyer de rdo dang gseg ma dang gyo mo med par byas te/ rgyal mtshan 

</font><hr>75-1-40b<br><font size=+1>

dang ba dan ni bsgreng / /me tog sna tshogs kyis ni gtor/ /spos chab kyis ni chag chag btab/ /bdug pa sna tshogs kyis ni bdugs/ /dbus su ni rdzing byed du bcug go/ /de nas bcom ldan 'das yang dag par rdzogs pa'i sangs rgyas tsan dan gyis sems can la phan 
gdags pa'i phyir khrus ras gsol te/ rdzing bu'i nang du bzhugs so/ /de nas rgyal po blon po 'khor dang bcas pas/ bcom ldan 'das yang dag par rdzogs pa'i sangs rgyas tsan dan nyan thos kyi dge 'dun dang bcas pa/ spos sna tshogs kyis bsgos pa'i chus khrus gsol 
to/ /bcom ldan 'das yang dag par rdzogs pa'i sangs rgyas tsan dan khrus mdzad pa'i mod la/ lha'i dbang po brgya byin gyis gang gis lo tog thams cad rgyal bar 'gyur ba de lta bu'i dbang chen gyi char phab bo/ /gzhi de las skye bo phal po che yang sangs rgyas bcom ldan 'das 
la dad pa rnyed nas/ spos kyis byugs pa'i mchod rten du ma brtsigs te zhal bsros so/ /der yang dag par rdzogs pa'i sangs rgyas tsan dan la skyabs su song ba gang yin pa de dag thams cad ni yongs su mya ngan las 'das te/ de dag gi nang nas nga 'ba' zhig lus so/ /dge 
slong dag de bas na 'di ltar bslab par bya ste/ ston pa la bkur sti bya'o/ /bla mar bya'o/ /ri mor bya'o/ /mchod pa bya'o/ /ston pa la bsnyen bkur byas/ bla mar byas/ ri mor byas/ mchod pa byas nas/ brten te gnas par bya'o zhes dge slong khyod kyis de ltar 
bslab par bya'o/ /bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do// //yams kyi nad ces bya ba ni/ sangs rgyas bcom ldan 'das la rgyal po rnams dang / blon po 
chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 

</font><hr>75-1-41a<br><font size=+1>

'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas 
bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa/ rgyal po'i khab na 'od ma'i tshal bya ka lan da ka gnas pa 
na rten cing bzhugs so/ /de'i tshe yul 'dam bu tshal gyi skye bo mang po la mi nad byung ste/ der skye bo phal po che de dag nad kyis dkos thag nas/ gu lang dang / chu lha dang / ku be ra dang / brgya byin la sogs pa lha stong snyed la/ so sor gsol ba 'debs kyang yams 
kyi nad de zhi bar ma gyur to/ /de nas yul 'dam bu tshal na dge bsnyen zhig gnas pa des/ 'dam bu'i tshal gyi bram ze dang khyim bdag rnams la 'di skad ces smras so/ /khyed tshur sheg sangs rgyas la skyabs su song la/ bcom ldan 'das de 'dir gshegs par gsol te/ 
bcom ldan 'das kyis ci nas tshegs chung ngus yams kyi nad zhi bar mdzad du gsol zhes kyang gsol ba thob shig /de nas 'dam bu'i tshal gyi bram ze dang khyim bdag rnams kyis/ bcom ldan 'das la gsol ba btab ste/ bcom ldan 'das 'dir gshegs la/ phongs 
shing nyam thag pa 'di las thar bar mdzad du gsol zhes byas so/ /de'i skabs su sangs rgyas bcom ldan 'das rnams kyis ni mi mkhyen pa'am/ mi gzigs pa'am/ mi rtogs pa'am/ thugs su mi chud pa ci yang med la/ sangs rgyas bcom ldan 'das thugs rje chen 
po dang ldan pa/ 'jig rten la phan 'dogs pa la zhugs pa srung ba gcig pa dang ldan pa/ gcig tu dpa' ba/ zla med pa gnyis su mi gsung ba/ zhi gnas dang lhag mthong la gnas pa/ rig pa gsum snang bar mdzad pa/ bslab pa gsum la legs par bslabs pa/

</font><hr>75-1-41b<br><font size=+1>

'dul ba'i gzhi gsum la mkhas pa/ chu bo bzhi las rgal ba/ rdzu 'phrul gyi rkang pa bzhi'i zhabs kyi mthil shin tu brtan pa/ bsdu ba'i dngos po bzhi la yun ring po nas 'dris par byas pa/ mi 'jigs pa bzhis mi 'jigs pa/ khyu mchog gi yang dag pa'i seng ge'i 
sgra chen po sgrogs pa/ yan lag lnga rnam par spangs pa/ 'gro ba lnga las yang dag par 'das pa yan lag drug dang ldan pa/ pha rol tu phyin pa drug yongs su rdzogs pa/ rtag tu gnas par bya ba drug la gnas pa/ byang chub kyi yan lag bdun gyi me tog gis phyug pa/ 
lam yan lag brgyad pa ston pa/ mthar gyis snyoms par 'jug pa dgu la mkhas pa/ stobs bcu'i stobs dang ldan pa/ phyogs bcur grags pas kun tu rgyas pa/ brgya phrag bcu la dbang byed pa bas kyang ches khyad par du 'phags pa rnams ni chos nyid kyis nyin dus 
gsum mtshan dus gsum du/ sangs rgyas kyi spyan gyis 'jig rten la gzigs te/ su ni rgud/ su ni dar/ su ni phongs shing 'dug /su ni nyam nga bar gyur/ su ni gnod pa dang ldan/ su ni phongs pa dang / nyam nga ba dang / gnod pa dang ldan/ su ni ngan song du gzhol/ su ni 
ngan song du 'bab/ su ni ngan song du bab/ su ni ngas ngan song nas phyung ste/ mtho ris dang / thar pa dang / 'bras bu la gzhag par bya/ su ni 'dod pa'i 'dam du bying ba las lag nas drang bar bya/ su ni 'phags pa'i nor bdun med pa las/ 'phags pa'i nor 
bdun gyi dbang phyug la dbang byed du gzhug par bya/ su ni dge ba'i rtsa ba rnams ma bskyed pa las bskyed par bya/ su ni dge ba'i rtsa ba rnams bskyed zin pa las yongs su smin par bya/ su ni yongs su smin zin pa las rnam par grol bar bya snyam du ye shes gzigs pa 
'jug go/ /'dir smras pa/ rgya mtsho chu srin rnams kyi gnas/ /dus rlabs yol bar 'gyur yang srid/ /gdul bar bya ba'i sras rnams la/ /sangs rgyas dus las yol ba med/ /de nas bcom ldan 'das snga dro sham thabs dang chos gos gsol te/ lhung bzed 

</font><hr>75-1-42a<br><font size=+1>

bsnams nas/ dge slong gi tshogs kyis zhabs 'bring byas te/ dge slong gi dge 'dun gyis mdun du bdar nas/ 'dam bu'i tshal du gshegs so/ /de nas bcom ldan 'das kyis grong khyer gyi mi de dag thams cad la byams pas 
khyab par mdzad de/ des na mi ma yin pa rnams dong ste/ yams kyi nad zhi bar gyur to/ /de nas bram ze dang khyim bdag de rnams bcom ldan 'das mthong bas dga' ba chen po skyes so/ /dga' ba skyes nas bcom ldan 'das nyan thos kyi dge 'dun dang bcas pa la 
na bza' dang / zhal zas dang / gzims cha dang / gdan dang / snyun gsos dang / sman zong rnams las ci bzhed pa'i skabs phye'o/ /de nas de dag la bcom ldan 'das kyis 'phags pa'i bden pa bzhi rtogs par 'gyur ba de lta bu'i chos bstan te/ de thos nas 
bram ze dang khyim bdag du mas rgyun du zhugs pa'i 'bras bu thob bo/ /kha cig gis ni lan cig phyir 'ong ba'i 'bras bu thob bo/ /kha cig gis ni phyir mi 'ong ba'i 'bras bu thob bo/ /kha cig gis ni rab tu byung ste/ nyon mongs pa thams cad spangs nas dgra bcom 
pa nyid mngon sum du byas so/ /kha cig gis ni nyan thos kyi byang chub tu sems bskyed do/ /kha cig gis ni rang sangs rgyas kyi byang chub tu sems bskyed do/ /kha cig gis ni bla na med pa yang dag par rdzogs pa'i byang chub tu sems bskyed do/ /grong khyer gyi mi de dag 
thams cad kyang sangs rgyas la gzhol ba dang / chos la 'bab pa dang / dge 'dun la bab pa la bkod do/ /de nas dge slong dag the tsom skyes te/ the tsom thams cad gcod pa sangs rgyas bcom ldan 'das la zhus pa/ btsun pa sems can 'di dag 'di ltar bcom 
ldan 'das la dga' ba skyes pas/ phongs pa las thar bar gyur pa ni ngo mtshar lags so/ /bcom ldan 'das kyis bka' stsal pa/ dge slong dag de bzhin gshegs pa nyid kyis sngon tshe rabs gzhan dag tu tshogs rnyed cing rkyen grub pa dang ldan te/ dba' rgal bzhin du 

</font><hr>75-1-42b<br><font size=+1>

'byung la gdon mi za bar 'ong ba'i las rnams byas shing / bsags pas na nga nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par 
mi 'gyur/ chu'i khams dang me'i khams dang rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang / khams dang skye mched rnams 'ba' zhig la rnam par smin par 'gyur ro/ /lus can 
dag gi las rnams ni/ /bskal pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur/ /dge slong dag sngon byung ba 'das pa'i dus na/ de bzhin gshegs pa dgra bcom pa yang dag par rdzogs pa'i sangs rgyas rig pa 
dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa lha dang mi rnams kyi ston pa/ sangs rgyas bcom ldan 'das zla ba zhes bya ba 'jig rten du byung ngo / /de nas yang dag par rdzogs pa'i sangs rgyas 
zla ba ljongs rgyu zhing gshegs pa las rgyal po'i pho brang 'khor zhig tu byon nas/ rgyal rigs spyi bo nas dbang bskur ba'i rgyal po des/ yang dag par rdzogs pa'i sangs rgyas zla ba bdag gi yul du byon to zhes thos so/ /thos nas kyang rgyal po'i 'byor pa chen po 
dang rgyal po'i mthu chen po dang ldan pas/ yang dag par rdzogs pa'i sangs rgyas zla ba ga la ba der song ste phyin nas/ yang dag par rdzogs pa'i sangs rgyas zla ba'i zhabs la mgo bos phyag 'tshal te phyogs gcig tu 'dug go/ /phyogs gcig tu 'dug nas/ 
rgyal rigs spyi bo nas dbang bskur ba'i rgyal po de yang dag par rdzogs pa'i sangs rgyas zla bas byang chub 'thob par byed pa'i chos rnams la yang dag par btsud do/ /de nas rgyal rigs spyi bo nas dbang bskur ba'i rgyal po de dga' bar gyur nas stan las langs te/ bla 

</font><hr>75-1-43a<br><font size=+1>

gos phrag pa gcig tu gzar nas pus mo g.yas pa'i lha nga sa la btsugs te/ yang dag par rdzogs pa'i sangs rgyas zla ba ga la ba de logs su thal mo sbyar ba btud nas yang dag par rdzogs pa'i sangs rgyas zla ba la 'di skad ces gsol to/ /bcom 
ldan 'das la bdag gis na bza' dang / zhal zas dang / gzims cha dang / gdan dang / snyun gsos dang / sman zong rnams kyis bsnyen bkur bgyi bar 'tshal na/ bcom ldan 'das dge slong gi dge 'dun dang thabs cig tu zla ba gsum gyi bar du 'dir 
bzhugs par ci gnang / de nas yang dag par rdzogs pa'i sangs rgyas zla bas rgyal po de la cang mi gsung bas gnang ngo / /de'i tshe rgyal po'i grong khyer de na skye bo mang po la mi nad byung ste/ des skye bo phal po che de dag la shin tu gnod par gyur to/ /de nas rgyal po des nad 
zhi bar bya ba'i phyir yang dag par rdzogs pa'i sangs rgyas zla ba la gsol ba btab ste/ bcom ldan 'das yams kyi nad 'di zhi bar 'gyur ba'i thabs mdzad par ci gnang zhes gsol to/ /de nas bcom ldan 'das yang dag par rdzogs pa'i sangs rgyas zla bas rgyal 
po de la bka' stsal pa/ rgyal po chen po song la nga'i chos gos snam sbyar 'di rgyal mtshan gyi rtse mo la thogs la/ bkur sti chen po dang ldan pas/ bdag gi yul skor du chug shig /'di la dga' ston chen po yang gyis shig /skye bo phal po che thams cad kyang sangs 
rgyas rjes su dran pa yang dag par 'dzin du chug shig dang / des na khyed bde legs su 'gyur ro/ /de nas rgyal pos kyang ji skad bstan pa bzhin du thams cad de kho na bzhin du byas nas de'i rgyu dang de'i rkyen gyis yams kyi nad thams cad zhi bar gyur to/ /de nas skye bo'i 
tshogs de dag dga' bar gyur te/ rgyal po dang / blon po dang / pho brang 'khor gyi mi rnams sangs rgyas dang chos dang dge 'dun la skyabs su song ngo / /bcom ldan 'das kyis bka' stsal pa/ dge slong dag khyed ji snyam du sems/ de'i tshe de'i dus na rgyal 

</font><hr>75-1-43b<br><font size=+1>

por gyur pa gang yin pa de ni nga yin te/ ngas yang dag par rdzogs pa'i sangs rgyas zla ba de la mchod pa chen po byas pa'i las kyi rnam par smin pa des na/ ngas 'khor ba na lha dang mir skye ba 'thob par 'gyur ba'i bde ba chen po nyams su myong la/ da ltar yang nga de'i rgyu las 
byung ba'i 'byor pa dang ldan par gyur te/ des na ngas ci bsams pa dang / ci 'dod pa de dag thams cad de bzhin du grub par gyur to/ /dge slong dag de bas na 'di ltar bslab par bya ste/ ston pa la bkur sti bya'o/ /bla mar bya'o/ /ri mor bya'o/ /mchod 
pa bya'o/ /ston pa la bkur sti byas/ bla mar byas/ ri mor byas/ mchod pa byas nas brten te gnas par bya'o zhes dge slong khyed kyis de ltar bslab par bya'o/ /bcom ldan 'das kyis de skad ces bka' stsal nas/ dge slong de dag yi rangs te/ bcom 
ldan 'das kyis gsungs pa la mngon par bstod do// //cho 'phrul zhes bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams 
dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa 
byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / 
gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa/ rgyal po'i khab na 'od ma'i tshal bya ka lan da ka gnas pa na rten cing bzhugs so/ /gang gi tshe lhas byin gyis gcugs byas te/ rgyal po ma 

</font><hr>75-1-44a<br><font size=+1>

skyes dgras pha chos can chos dang ldan pa'i rgyal po bsad nas/ rang nyid rgyal por zhugs pa de'i tshe/ su ma dad pa de dag ni mthu dang ldan par gyur to/ /dad pa can rnams ni mthu chung bar gyur to/ /de nas re zhig na blon po rgan po ma dad pa/ bcom 
ldan 'das kyi bstan pa la sdang ba zhig yod pa des bram ze rnams la mchod sbyin byas te/ der bram ze 'bum phrag du ma 'dus nas/ de dag gis su yang dge sbyong gau ta ma la bltar mi 'gro bar nang khrims bcas so/ /de nas bram ze rnams kyis khrims bcas te/ 
'dus shing 'thun la/ kun tu dga' nas srang gi dbus su rig byed las 'byung ba'i cho ga bzhin du/ brgya byin la gsol ba btab ste/ rus pa med ma'i skyes bu gshegs su gsol/ gshegs su gsol zhes byas so/ /de'i skabs su sangs rgyas bcom 
ldan 'das rnams kyis ni mi mkhyen pa'am/ mi gzigs pa'am/ mi rtogs pa'am/ thugs su mi chud pa ci yang med la sangs rgyas bcom ldan 'das thugs rje chen po dang ldan pa/ 'jig rten la phan 'dogs pa la zhugs pa srung ba gcig dang ldan pa/ 
gcig tu dpa' ba/ zla med pa/ gnyis su mi gsung ba zhi gnas dang lhag mthong la gnas pa/ rig pa gsum snang bar mdzad pa bslab pa gsum la legs par bslabs pa/ 'dul ba'i gzhi gsum la mkhas pa/ chu bo bzhi las rgal ba/ rdzu 'phrul 
gyi rkang pa bzhi'i zhabs kyi mthil shin tu brtan pa/ bsdu ba'i dngos po bzhi la yun ring po nas 'dris par byas pa/ mi 'jigs pa bzhis mi 'jigs pa/ khyu mchog gi yang dag pa'i seng ge'i sgra chen po sgrogs pa/ yan lag lnga rnam par spangs pa/ 'gro 
ba lnga las yang dag par 'das pa/ yan lag drug dang ldan pa/ pha rol tu phyin pa drug yongs su rdzogs pa/ rtag tu gnas par bya ba drug la gnas pa/ byang chub kyi yan lag bdun gyi me tog gis phyug pa/ lam yan lag brgyad pa ston pa/ mthar gyis 

</font><hr>75-1-44b<br><font size=+1>

snyoms par 'jug pa dgu la mkhas pa/ stobs bcu'i stobs dang ldan pa/ phyogs bcur grags pas kun tu rgyas pa/ brgya phrag bcu pa la dbang byed pa bas kyang ches khyad par du 'phags pa rnams ni/ chos nyid kyis nyin dus gsum mtshan dus gsum du 
sangs rgyas kyi spyan gyis 'jig rten la gzigs te/ su ni rgud/ su ni dar/ su ni phongs shing 'dug /su ni nyam nga bar gyur/ su ni gnod pa dang ldan/ su ni phongs pa dang nyam nga ba dang gnod pa dang ldan/ su ni ngan song du gzhol/ su ni ngan song du 'bab/ su ni 
ngan song du bab/ su ni ngas ngan song nas phyung ste/ mtho ris dang thar pa dang 'bras bu la gzhag par bya/ su ni 'dod pa'i 'dam du bying ba las lag nas drang bar bya/ su ni 'phags pa'i nor bdun med pa las 'phags pa'i nor bdun gyi dbang phyug la dbang byed du 
gzhug par bya/ su ni dge ba'i rtsa ba rnams ma bskyed pa las bskyed par bya/ su ni dge ba'i rtsa ba rnams bskyed zin pa las yongs su smin par bya/ su ni yongs su smin zin pa las rnam par grol bar bya snyam du ye shes gzigs pa 'jug go/ /'dir smras pa/ rgya mtsho chu 
srin rnams kyi gnas/ /dus rlabs yol bar 'gyur yang srid/ /gdul bar bya ba'i sras rnams la/ /sangs rgyas dus las yol ba med/ /de nas bcom ldan 'das kyis bram ze sngon dge ba'i rtsa ba bskyed bskyed pa las/ thar pa'i skal ba can du gyur pa/ btsal 
bar bya ba rnyed pa/ mya ngan 'das pa la nang du bltas pa/ 'khor ba las phyi rol tu bltas pa/ de dag gzigs nas da ltar mi dge ba'i bshes gnyen la bsten pas/ nga'i bstan pa la sdang bar gyur te/ ngas 'di dag gdul ba'i phyir brtson par bya'o snyam du dgongs 
so/ /de nas bcom ldan 'das kyis brgya byin gyi cha lugs su sprul te/ mchod sbyin gyi 'dun khang de lha'i 'od kyis snang bar mdzad de/ der gshegs so/ /de nas bram ze de dag dga' zhing mgu la rab tu dga' ste yi rangs nas dga' zhing yid bde bar gyur te/ skad bsdams 

</font><hr>75-1-45a<br><font size=+1>

nas smras pa/ bcom ldan 'das gshegs su gsol gshegs su gsol/ bcom ldan 'das gshegs pa legs so zhes byas so/ /de nas bcom ldan 'das brgya byin gyi cha lugs su bzhugs pa gdan bshams pa la bzhugs so/ /de nas rgyal 
po'i khab kyi grong khyer kun tu lha'i dbang po brgya byin mchod sbyin la gshegs so zhes de skad kyi sgra yang grags par gyur te/ de thos nas srog chags 'bum phrag du ma 'dus so/ /de nas bcom ldan 'das kyis bram ze rnams dad par gyur pa mkhyen nas/ brgya byin gyi cha 
lugs mi snang bar mdzad de/ sangs rgyas kyi cha lugs su zhugs nas/ 'phags pa'i bden pa bzhi rtogs par 'gyur ba de lta bu'i chos bstan te/ de thos nas bram ze drug khri nyis stong gis 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun 
du zhugs pa'i 'bras bu mngon sum du byas so/ /srog chags 'bum phrag du mas kyang / bcom ldan 'das la dad pa rnyed do/ /de nas dge slong de dag the tsom skyes te/ the tsom thams cad gcod pa/ sangs rgyas bcom ldan 'das la zhus pa/ btsun pa bram ze 'di rnams 
'di ltar bcom ldan 'das dang mjal nas/ bden pa mthong bar gyur pa dang / srog chags 'bum phrag du mas dga' ba chen po thob par gyur pa ni ngo mtshar lags so/ /bcom ldan 'das kyis bka' stsal pa/ dge slong dag de bzhin gshegs pa nyid kyis sngon tshe rabs 
gzhan dag tu tshogs rnyed cing rkyen grub pa dang ldan te dba' rgal bzhin du byung la/ gdon mi za bar 'ong ba'i las rnams byas shing bsags pas na/ ngas las byas shing bsags pa de dag gzhan su zhig gis nyams su myong bar 'gyur te/ dge slong dag las 
byas shing bsags pa rnams ni/ phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang / mi dge ba byas shing bsags pa rnams ni zin pa'i phung po dang / khams 

</font><hr>75-1-45b<br><font size=+1>

dang skye mched rnams 'ba' zhig la rnam par smin par 'gyur ro/ /lus can dag gi las rnams ni/ /bskal pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur/ /dge slong dag sngon byung ba 'das pa'i dus na/ de 
bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba bla na med pa/ lha dang mi rnams kyi ston pa sangs rgyas bcom ldan 'das dbang 
po 'dul zhes bya ba 'jig rten du byung ngo / /de ljongs rgyu zhing gshegs pa las/ rgyal po'i pho brang 'khor zhig tu byon to/ /rgyal po'i pho brang 'khor de yang mu stegs can gyi dbang du gyur to/ /de nas rgyal rigs spyi bo nas dbang bskur ba'i rgyal po des yang 
dag par rdzogs pa'i sangs rgyas dbang po 'dul bdag gi yul du gshegs so zhes thos so/ /thos nas kyang rgyal po'i 'byor pa chen po dang / rgyal po'i mthu chen po dang ldan pas yang dag par rdzogs pa'i sangs rgyas dbang po 'dul ga la ba der song ste 
phyin nas/ bcom ldan 'das yang dag par rdzogs pa'i sangs rgyas dbang po 'dul gyi zhabs la mgo bos phyag 'tshal te/ phyogs gcig tu 'dug go/ /phyogs gcig tu 'dug nas rgyal rigs spyi bo nas dbang bskur ba'i rgyal po de yang dag par rdzogs pa'i sangs 
rgyas dbang po 'dul gyis byang chub 'thob par byed pa'i chos rnams la btsud do/ /de nas rgyal rigs spyi bo nas dbang bskur ba'i rgyal po de stan las langs te/ bla gos phrag pa gcig tu gzar nas/ pus mo g.yas pa'i lha nga sa la btsugs te yang dag par rdzogs 
pa'i sangs rgyas dbang po 'dul ga la ba de logs su thal mo sbyar ba btud nas/ yang dag par rdzogs pa'i sangs rgyas dbang po 'dul la 'di skad ces gsol to/ /bcom ldan 'das la bdag gis na bza' dang / zhal zas dang / gzims cha dang / gdan dang / snyun 

</font><hr>75-1-46a<br><font size=+1>

gsos dang / sman zong rnams kyis bsnyen bkur bgyi bar 'tshal na/ bcom ldan 'das dge slong gi dge 'dun dang thabs cig tu zla ba gsum gyi bar du 'dir bzhugs par ci gnang / bcom ldan 'das kyis bka' stsal pa/ rgyal po chen po 
khyod kyi yul na dge slong glo bur du 'ong ba dang / 'gro ba dag gi gnas su rung ba'i gtsug lag khang 'ga' lta yod dam/ rgyal pos gsol pa/ bcom ldan 'das da ltar ma mchis kyis kyang / bcom ldan 'das bzhes su gsol dang / bdag gis dge slong 
glo bur du 'ong ba dang / 'gro ba dag gi gnas su rung ba'i gtsug lag khang bgyid du stsal bar 'tshal lo zhes gsol to/ /de nas rgyal po des de bzhin gshegs pa'i phyir gtsug lag khang byed du bcug ste/ ra ba dang rta babs dang skar khung dang sgo gang ni bcas/ keg 
tse dang zla ba tshes pa dang lan kan gyis ni brgyan/ gding ba dang ni ldan/ rdzing bus ni kun tu gang / shing ljon pa me tog dang / 'bras bu dang ldan pa mang pos ni bskor ba zhig byas so/ /byas nas kyang bcom ldan 'das nyan thos kyi dge 'dun dang bcas pa la phul lo/ /
de nas bcom ldan 'das la cho 'phrul chen po mdzad par gsol ba btab bo/ /de nas rgyal pos gsol ba btab nas/ bcom ldan 'das yang dag par rdzogs pa'i sangs rgyas dbang po 'dul gyis/ sangs rgyas phal po che'i rnam par rol pa'i cho 'phrul chen po 
bstan te/ des na rgyal po dang blon po dang grong rdal gyi mi dang / yul mi dang pho brang 'khor gyi mi thams cad dga' bar gyur te/ bstan pa srung ba gces par 'dzin par gyur to/ /dge slong dag ji snyam du sems/ de'i tshe de'i dus na rgyal por gyur pa gang 
yin pa de ni nga yin te/ ngas yang dag par rdzogs pa'i sangs rgyas dbang po 'dul de la de lta bu'i mchod pa byas pa'i las de'i rnam par smin pas/ ngas 'khor ba na bde ba mtha' yas pa nyams su myong la/ da ltar de bzhin gshegs par gyur pa na yang nga'i bstan pa 'di 

</font><hr>75-1-46b<br><font size=+1>

mdzes par gyur to/ /dge slong dag de bas na 'di ltar bslab par bya ste/ ston pa la bkur sti bya'o/ /bla mar bya'o/ /ri mor bya'o/ /mchod pa bya'o/ /ston pa la bkur sti byas/ bla mar byas/ri mor byas/ mchod pa byas nas brten te gnas par 
bya'o zhes dge slong khyed kyis de ltar bslab par bya'o/ /bcom ldan 'das kyis de skad ces bka' stsal nas/ dge slong de dag ya rangs te/ bcom ldan 'das kyis gsungs pa la mngon par bstod do// //lo lnga pa zhes bya ba ni/ sangs rgyas bcom 
ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / 
nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 
'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa nyan thos kyi dge 'dun dang bcas pa/ rgyal 
po'i khab na 'od ma'i tshal bya ka lan da ka gnas pa na rten cing bzhugs so/ /gang gi tshe mi blun po lhas byin gyis/ bcom ldan 'das kyi bstan pa la gnod pa stong snyed byas kyang / bcom ldan 'das kyi ba spu bskyod par yang ma nus pa de'i tshe/ rgyal po ma skyes dgra la smras 
pa/ rgyal po chen po rgyal po'i khab nas su yang dag sbyong gau ta ma'i thad du mi 'gro ba dang / kha zas mi sbyin pa'i khrims chos shig /de ltar byas kyang des khe mi rnyed cing bsnyen bkur mi rnyed pas gdon mi za bar yul gzhan du 'pho bar 'gyur ro zhes byas so/ /de nas rgyal pos 

</font><hr>75-1-47a<br><font size=+1>

de bzhin du byas nas/ de na dge bsnyen bden pa mthong ba 'khod pa de dag ngu ste/ kyi hud 'di ltar sangs rgyas bcom ldan 'das 'byung ba/ u dum ba ra'i me tog ltar dkon pa dang phrad kyang / de bsten kyang ma nus pa las na/ rgyal po'i khab kyi grong 
khyer gyi mi rnams mgon med par gyur to zhes 'dzer to/ /tshig de nyid thor dge slong dag gis thos so/ /de nas tshe dang ldan pa kun dga' bos ji skad thos pa bzhin du/ bcom ldan 'das la gsol to/ /bcom ldan 'das kyis bka' stsal pa/ kun dga' bo 'di 
la de bzhin gshegs pa nyid dus mkhyen gyis khyod snying ma chung shig /gzhan yang nga'i bstan pa ji srid yod kyi bar du yang / nyan thos rnams kyi yo byad med par mi 'gyur na/ da ltar lta ci smos/ de'i skabs su lha'i dbang po brgya byin ni 'og ma la shes pa'i mthong 
ba 'jug ste/ des bcom ldan 'das kyi bstan pa de lta bur gyur pa mthong nas/ mthong ba'i mod kho na la sbyin bdag dang / sbyin pa po rnams kyi spro ba bskyed pa dang / sangs rgyas 'byung ba'i che ba nyid yang dag par bstan pa dang / ma skyes dgra dang lhas byin gyi 
rgyags shing dregs pa gcad pa dang bdag nyid kyi dad pa bstan pa'i phyir/ rgyal po'i khab ril gyis 'od chen pos snang bar byas nas skad po che phyung ste bdag gis deng phan chad/ bcom ldan 'das nyan thos kyi dge 'dun dang bcas pa la/ lha'i na bza' dang / 
zhal zas dang / gzims cha dang / gdan dang / snyun gsos dang / sman zong rnams kyis bsnyen bkur bya'o zhes smras nas/ bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te phyogs gcig tu 
'dug go/ /phyogs gcig tu 'dug nas bcom ldan 'das la lha'i dbang po brgya byin gyis 'di skad ces gsol to/ /bdag gis ji srid 'tsho'i bar du rgyal po'i khab kyi grong khyer 'di nyid du/ bcom ldan 'das nyan thos kyi dge 'dun dang bcas pa la/ lha'i na bza' 

</font><hr>75-1-47b<br><font size=+1>

dang / zhal zas dang / gzims cha dang / gdan dang / snyun gsos dang / sman zong rnams kyis bsnyen bkur bgyi bar 'tshal na/ bcom ldan 'das kyis bdag la gnang bar mdzad du gsol/ bcom ldan 'das kyis bka' stsal pa/ kau shi ka 'jig 
rten na bsod nams 'dod pa mang gis 'di ltar nga la sems dad par byas pa nyid kyis chog go/ /brgya byin gyis gsol pa/ 'o na de bzhin gshegs pa'i slad du bdag gis dgung lo lnga'i bar du/ lo lnga pa'i dga' ston sbyar bar 'tshal na/ bcom 
ldan 'das kyis bdag la gnang bar mdzad du gsol/ bcom ldan 'das kyis bka' stsal pa/ kau shi ka 'jig rten na bsod nams 'dod pa mang gis 'di ltar nga la sems dad par byas pa nyid kyis chog go/ /brgya byin gyis gsol pa/ 'o na dgung lnga'i bar 
du bcom ldan 'das kyis bdag la gnang bar mdzad du gsol/ de nas bcom ldan 'das kyis nyid kyi bsod nams kyi stobs mngon du bstan pa dang / lha'i dbang po brgya byin la phan gdags pa dang / ma 'ongs pa'i dus su zhag lnga pa'i dga' ston rgyun mi 'chad par 
bya ba'i phyir cang mi gsung bas gnang ngo / /de nas lha'i dbang po brgya byin gyis/ bcom ldan 'das kyis cang mi gsung bas gnang bar rig nas 'od ma'i tshal de khang bzangs rnam par rgyal byed 'dra bar bstan te/ lha'i gdan cha rnams dang / lha'i rdzing bu rnams 
dang / lha'i bdud rtsi'i zhal zas dag kyang bstan to/ /de nas bcom ldan 'das gdan bshams pa la bzhugs so/ /de nas lha'i dbang po brgya byin gyis sangs rgyas la sogs pa dge slong gi dge 'dun bde bar bzhugs par rig nas/ lha 'bum phrag 
du ma'i g.yog dang bcas pas rang gi lag gis tshim par byed cing ci bzhed pa bstabs so/ /rnam grangs du mar rang gi lag gis tshim par byas shing ci bzhed pa bstabs te/ bcom ldan 'das bshos gsol zin nas bstsang sder ni gyu/ phyag ni bcabs par rig 

</font><hr>75-1-48a<br><font size=+1>

nas/ stan ches dma' ba khyer te chos mnyan pa'i phyir bcom ldan 'das kyi spyan sngar 'dug go/ /de nas bcom ldan 'das kyis lha'i dbang po brgya byin 'khor dang bcas pa la chos kyi gtam gyis yang dag par bstan/ yang dag par 'dzin du bcug /
yang dag par gzengs bstod/ yang dag par dga' bar mdzad do/ /rgyal po ma skyes dgra khang bzangs kyi steng na 'dug pas kyang 'od ma'i tshal na bcom ldan 'das la de lta bur mchod pa byed pa mthong ngo / /mthong nas kyang 'gyod pa skyes te dad pa chen po rnyed do/ /rgyal po'i khab na 'khod 
pa'i pho brang 'khor gyi mi rnams kyis kyang chos kyi shugs thob nas rgyal po'i thad du dong ste 'di skad ces smras so/ /kye ma rgyal po chen po 'di ltar lha rgyags shing bag ma mchis par gnas pa rnams kyis kyang lha yul bor te/ bcom ldan 'das la mchod pa bgyid pa las na/ 
rgyal po'i khab na gnas pa'i pho brang 'khor gyi mi rnams sgor pham par 'gyur gyis/ lha khrims de ni bshig na legs lags so zhes byas so/ /de nas rgyal po ma skyes dgras khrims de bshig nas/ rgyal po'i pho brang 'khor gyi grong khyer du dril bsgrags te/ 
bcom ldan 'das la bkur sti ci dga' bar gyis shig ces byas so/ /de nas rgyal po'i khab na gnas pa'i pho brang 'khor gyi mi rnams 'khor dang bcas pa dga' zhing mgu la rab tu dga' ste yi rangs nas dga' zhing yid bde ba skyes te/ me tog dang / spos dang / me 
tog phreng rnams khyer nas bcom ldan 'das la blta ba'i phyir dong ngo / /de nas lha rnams dang mi rnams kyis bcom ldan 'das la bkur sti chen po byas so/ /bcom ldan 'das kyis kyang gzhi de las lha dang mi rnams la 'phags pa'i bden pa bzhi rtogs par 
'gyur ba de lta bu'i chos bstan te/ de thos nas lha dang mi du mas bden pa mthong bar gyur to/ /de nas dge slong dag gis bcom ldan 'das kyi mchod pa mthong nas the tsom skyes te the tsom thams cad gcod pa sangs rgyas bcom ldan 'das la zhus pa/ btsun pa bcom 

</font><hr>75-1-48b<br><font size=+1>

ldan 'das kyi bstan pa la 'di lta bu'i dga' ston bgyis pa ni ngo mtshar lags so/ /bcom ldan 'das kyis bka' stsal pa/ dge slong dag de bzhin gshegs pa nyid kyis sngon tshe rabs gzhan dag tu tshogs rnyed cing rkyen grub pa dang ldan te/ dba' rgal bzhin du 'byung 
la gdon mi za bar 'ong ba'i las rnams byas shing bsags pas na/ nga nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par 
smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang / khams dang skye mched rnams 'ba' zhig la rnam par smin par 
'gyur ro/ /lus can dag gi las rnams ni/ /bskal pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur/ /dge slong dag sngon byung ba 'das pa'i dus na de bzhin gshegs pa dgra bcom pa yang dag par rdzogs 
pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das rin po che'i ri bo zhes bya ba 'jig rten du byung ngo / /de ljongs 
rgyu zhing gshegs pa las rgyal po'i pho brang 'khor zhig tu byon nas/ rgyal po'i pho brang 'khor de na yams kyi nad byung ngo / /de nas rgyal po des yams kyi nad zhi bar bya ba'i phyir/ bcom ldan 'das nyan thos kyi dge 'dun dang bcas pa zla ba gsum gyi bar du gdugs 
tshod la spyan drangs so/ /zla ba gsum lon nas yams kyi nad de zhi bar gyur to/ /de nas rgyal po dang grong khyer gyi mi sems dad par gyur pa rnams kyis/ de bzhin gshegs pa nyan thos kyi dge 'dun dang bcas pa la lo lnga pa'i dga' ston byas so/ /'dir gsungs pa/ kun 

</font><hr>75-1-49a<br><font size=+1>

dga' nga ni rgyal gyur nas/ /rin chen ri bo 'od chen la/ /zhi bar 'dod phyir gsol ba btab/ /lo lnga pa yi dga' ston byas/ /dge slong dag ji snyam du sems/ de'i tshe de'i dus na rgyal por gyur pa gang yin pa de ni nga yin te/ ngas yang dag par 
rdzogs pa'i sangs rgyas rin po che'i ri bo de la lo lnga pa'i dga' ston byas pa'i las de'i rnam par smin pas/ ngas 'khor ba na bde ba chen po nyams su myong la da ltar de bzhin gshegs par gyur pa na yang nga la 'di lta bu'i bkur sti byas pa yin no/ /yongs su mya ngan las 'das 
pa'i 'og tu yang nga'i bstan pa la lo lnga pa'i dga' ston brgya phrag du ma byed par 'gyur ro/ /dge slong dag de bas na 'di ltar bslab par bya ste/ ston pa la bkur sti bya'o/ /bla mar bya'o/ /ri mor bya'o/ /mchod pa bya'o/ /ston pa la bkur sti byas/ bla mar byas/ ri 
mor byas/ mchod pa byas nas brten te gnas par bya'o zhes dge slong khyed kyis de ltar bslab par bya'o/ /bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do// //
gang po la sogs pa'i rtogs pa brjod pa brgya pa/bam po lnga pa/bstod pa zhes bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded 
dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas 
te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha 

</font><hr>75-1-49b<br><font size=+1>

dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ /de'i tshe mnyan du yod pa na rol mo mkhan 
mdza' sde gcig pa lnga brgya tsam 'khod do/ /de'i tshe rol mo mkhan gyi rgyal po rab dga' zhes bya ba zhig gsar du 'ongs pa de'i mthu ni 'di lta bu yin te/ rgyud gcig las skad sna bdun dang khong du 'khyig pa sna nyi shu rtsa gcig 'byung bar shes so/ /des grong khyer 
chen po drug yul po che ma yin par bsgrags te mnyan du yod par phyin nas/ mnyan du yod pa na rol mo mkhan gnas pa rnams kyis rgyal po la gsol to/ /rgyal pos smras pa/ 'di'i dus ngas shes kyis khyed snying ma chung shig /de nas rol mo mkhan gyi rgyal po 
rab dga' 'di snyam du sems te/ rgyal po gsal rgyal rol mo la shin tu mkhas zhes de skad grag gis de dang 'gyed par bya'o snyam mo/ /de nas rol mo mkhan gyi rgyal po rab dga' ko sa la'i rgyal po gsal rgyal ga la ba der song ste phyin nas/ ko sa la'i rgyal po 
gsal rgyal la 'di skad ces smras so/ /rgyal po khyod rol mo shin tu mkhyen to zhes bdag gis thos na/ gal te khyod la gnod pa ma mchis na sad par bgyi'o/ /de nas rgyal po gsal rgyal gyis de la bsgyangs te smras pa/ kye legs pa nga'i mkhan po rol mo 
mkhan gyi rgyal po bla na med pa yod de rgyal bu rgyal byed kyi tshal na bzhugs kyis tshur shog dang der 'dong ngo zhes byas so/ /de nas ko sa la'i rgyal po gsal rgyal rol mo mkhan lnga brgya tsam gyis zhabs 'bring byas pa dang / rol mo mkhan gyi rgyal po rab dga' dang mi 'bum 
phrag du ma rgyal bu rgyal byed kyi tshal du dong ngo / /de'i skabs su sangs rgyas bcom ldan 'das rnams kyis ni mi mkhyen pa'am/ mi gzigs pa'am/ mi rtogs pa'am/ thugs su mi chud pa ci yang med la/ sangs rgyas bcom ldan 'das thugs rje chen po dang 

</font><hr>75-1-50a<br><font size=+1>

ldan pa/ 'jig rten la phan 'dogs pa la zhugs pa/ srung ba gcig pa dang ldan pa/ gcig tu dpa' ba/ zla med pa/ gnyis su mi gsung ba/ zhi gnas dang lhag mthong la gnas pa/ rig pa gsum snang bar mdzad pa/ bslab pa gsum 
la legs par bslabs pa/ 'dul ba'i gzhi gsum la mkhas pa/ chu bo bzhi las rgal ba/ rdzu 'phrul gyi rkang pa bzhi'i zhabs kyi mthil shin tu brtan pa/ bsdu ba'i dngos po bzhi la yun ring po nas 'dris par byas pa/ mi 'jigs pa bzhis mi 
'jigs pa/ khyu mchog gi yang dag pa'i seng ge'i sgra chen po sgrogs pa/ yan lag lnga rnam par spangs pa/ 'gro ba lnga las yang dag par 'das pa/ yan lag drug dang ldan pa/ pha rol tu phyin pa drug yongs su rdzogs pa/ rtag tu gnas par bya ba drug la 
gnas pa/ byang chub kyi yan lag bdun gyi me tog gis phyug pa/ lam yan lag brgyad pa ston pa/ mthar gyis snyoms par 'jug pa dgu la mkhas pa/ stobs bcu'i stobs dang ldan pa/ phyogs bcur grags pas kun tu brgyan pa/ brgya phrag bcu pa la 
dbang byed pa bas kyang ches khyad par 'phags pa rnams ni/ chos nyid kyis nyin dus gsum mtshan dus gsum du sangs rgyas kyi spyan gyis 'jig rten la gzigs te/ su ni rgud/ su ni dar/ su ni phongs shing 'dug /su ni nyam nga bar gyur/ su ni gnod pa dang ldan/ 
su ni phongs pa dang nyam nga ba dang gnod pa dang ldan/ su ni ngan song du gzhol/ su ni ngan song du 'bab/ su ni ngan song du bab/ su ni ngas ngan song nas phyung ste/ mtho ris dang thar pa dang 'bras bu la gzhag par bya/ su ni 'dod pa'i 'dam du bying ba las lag nas drang 
bar bya/ su ni 'phags pa'i nor bdun med pa las 'phags pa'i nor bdun gyi dbang phyug la dbang byed du gzhug par bya/ su ni dge ba'i rtsa ba rnams ma bskyed pa las bskyed par bya/ su ni dge ba'i rtsa ba rnams bskyed zin pa las yongs su smin par bya/ su ni yongs su 

</font><hr>75-1-50b<br><font size=+1>

smin zin pa las rnam par grol bar bya snyam du ye shes gzigs pa 'jug go/ /'dir smras pa/ rgya mtsho chu srin rnams kyi gnas/ /dus rlabs yol bar 'gyur yang srid/ /gdul bar bya ba'i sras rnams la/ /sangs rgyas dus las yol ba med/ /
de nas bcom ldan 'das kyis gdul ba'i skye bo la phan gdags pa'i phyir 'jig rten pa'i dgongs pa bskyed de/ kye ma dri za'i bu zur phud lnga pa dri za bdun stong gis bskor bas pi bang gzhi bai dUr+ya las byas pa khyer te nga'i thad du 'ongs na legs so snyam du dgongs so/ /de nas dgongs 
pa bskyed pa'i mod la/ dri za'i bu zur phud lnga pa dri za bdun stong gis bskor bas/ bcom ldan 'das la tshul bzhin du mchod pa byas nas bcom ldan 'das la pi bang gzhi bai dUr+ya las byas pa phul lo/ /de nas rol mo mkhan gyi rgyal po rab dga'as/ bcom ldan 
'das kyi spyan sngar pi bang blangs te/ de las rgyud gcig las kyang skad sna bdun dang khong nas 'khyig pa sna nyi shu rtsa gcig 'byung ba bstan te/ de thos pas rgyal po gsal rgyal dang skye bo phal po che gzhan dag kyang mchog tu ya mtshan du gyur to/ /de nas bcom ldan 
'das kyis kyang pi bang gzhi bai dUr+ya las byas pa sbrengs te/ de las rgyud gcig las kyang skad kyi khyad par sna du ma dang khong du 'khyig pa'i sna grangs du ma 'byung ba bstan to/ /de dag kyang stong pa'i rnam pa dang bdag med pa'i rnam par grag go/ /lus 'di yang pi bang 
dang 'dra bar bstan to/ /skad rnams ni dbang po dang 'dra bar bstan to/ /khong du 'khyig pa rnams ni sems kyi khams dang 'dra bar bstan te/ de thos pas rol mo mkhan gyi rgyal po rab dga' dad pa skyes nas pi bang dri gtsang khang du bul te/ bcom ldan 'das kyi 
thad du rab tu byung nas des brtson pa dang bsgrub pa dang 'bad pas phol mig lnga pa'i 'khor ba'i 'khor lo 'di nyid g.yo zhing mi brtan par rig nas/ 'du byed kyi rnam pa thams cad snyil ba dang ltung ba dang rnam par 'thor ba dang rnam par 'jig pa'i chos can yin par rtsad chod de/ nyon 

</font><hr>75-1-51a<br><font size=+1>

mongs pa thams cad spangs nas dgra bcom pa nyid mngon sum du byas te dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan 
sbangs pa lta bur bsil bar gyur pa rig pas sgo nga'i sbubs bcom pa/ rig pa dang mngon par shes pa dang / so so yang dag par rig pa thob pa srid pa'i rnyed pa dang / chags pa dang / bkur sti la rgyab kyis phyogs pa/ dbang po dang nye dbang dang bcas pa'i lha 
rnams kyis mchod cing rjed pa dang gus par smra ba'i gnas su gyur to/ /de nas lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams dad par gyur nas/ bcom ldan 'das kyi bstan pa bsrung ba dang / 
bskyab pa dang / sba bar bya bar brtsams so/ /rol mo mkhan lnga brgya po rnams kyang dga' zhing yid bde bar gyur nas 'di snyam du sems te/ bdag cag ni las ngan pa byed cing 'dug ste/ dka' bas 'tsho ba yin gyis/ bdag cag gis rgyal po la gsol te/ 
bcom ldan 'das nyan thos kyi dge 'dun dang bcas pa grong khyer du gshegs par spyan drang gor ma chag snyam mo/ /re zhig na rol mo mkhan de dag gis gnang ba'i lung thob nas/ bcom ldan 'das nyan thos kyi dge 'dun dang bcas pa grong khyer du gshegs par spyan drangs 
so/ /bcom ldan 'das kyis kyang rol mo mkhan de dag la cang mi gsung bas gnang ngo / /de nas rol mo mkhan de dag dang / rgyal po dang / blon po dang / pho brang 'khor gyi mi dang / yul gyi mi rnams bsdongs nas mnyan du yod pa'i grong khyer thams cad rdo dang gseg ma dang / 
gyo mo med par byas nas spos chab kyis chag chag ni btab/ me tog sna tshogs kyis ni gtor/ bdug pa sna tshogs kyis ni bdugs/ me tog gi bla res ni brgyan to/ /rol mo mkhan de dag gis kyang rang rang gi pi bang khyer te rdza rnga dang gling bu dang rnga zlum dang rol mo'i sgra'i khyad par dag 

</font><hr>75-1-51b<br><font size=+1>

gis bsnyen bkur byas so/ /zhal zas bzang pos kyang bcom ldan 'das nyan thos kyi dge 'dun dang bcas pa tshim par byas so/ /de nas bcom ldan 'das kyis 'dzum pa mdzad do/ /'di ni sangs rgyas bcom ldan 'das rnams gang gi tshe 'dzum pa mdzad pa'i 
chos nyid de/ de'i tshe zhal nas 'od zer sngon po dang / ser po dang / dmar po dang / dkar po rnams byung nas/ kha cig ni 'og tu 'gro'o/ /kha cig ni steng du 'gro'o/ /'og tu 'gro ba gang yin pa de dag ni sems can dmyal ba yang sos dang / thig nag dang / 'dus 
'joms dang / ngu 'bod dang /ngu 'bod chen po dang / tsha ba dang / rab tu tsha ba dang / mnar med pa dang / chu bur can dang / chu bur rdol dang / so thams thams dang / kyi hud zer dang / a chu zer dang / ud pal ltar gas pa dang / pad ma ltar gas pa dang / pad ma ltar 
gas pa chen por song nas/ tsha ba'i sems can dmyal ba gang yin pa de dag tu ni bsil bar gyur te 'bab bo/ /grang ba'i sems can dmyal ba gang yin pa de dag tu ni dro bar gyur te 'bab bo/ /des na sems can de dag gi gnod pa'i khyad par rnams rtse zhil bar gyur to/ /
de nas de dag 'di snyam du sems te/ kye ci bdag cag 'di nas shi 'phos sam 'on te gzhan du skyes sam snyam mo/ /de nas de dag dad pa bskyed pa'i phyir bcom ldan 'das sprul pa 'gyed par mdzad de/ de dag gis sprul pa mthong nas 'di snyam du sems te/ kye bdag cag ni 
'di nas kyang shi 'phos par ma gyur la gzhan du yang ma skyes mod kyi/ 'on kyang sngon ma byung ba'i sems can snang ba 'di'i mthus bdag cag gi gnod pa'i khyad par rnams rtse zhil bar gyur to snyam mo/ /de nas de dag sprul pa la sems mngon par dga' bar gyur nas sems 
can dmyal ba myong bar 'gyur ba'i las de zad de/ lha dang mi rnams kyi nang du gang du bden pa rnams kyi snod du rung bar 'gyur ba der nying mtshams 'dzin par 'gyur ro/ /steng du 'gro ba gang yin pa de dag ni rgyal chen bzhi'i ris rnams dang / sum cu rtsa gsum pa rnams 

</font><hr>75-1-52a<br><font size=+1>

dang / 'thab bral rnams dang / dga' ldan rnams dang / 'phrul dga' rnams dang / gzhan 'phrul dbang byed rnams dang / tshangs ris rnams dang / tshangs pa'i mdun na 'don pa rnams dang / tshangs pa chen po rnams dang / 'od chung rnams dang / 
tshad med 'od rnams dang / 'od gsal rnams dang / dge chung rnams dang / tshad med dge rnams dang / dge rgyas rnams dang / sprin med rnams dang / bsod nams skyes rnams dang / 'bras bu che rnams dang / mi che rnams dang / mi gdung rnams dang /gya nom snang 
rnams dang / shin tu mthong rnams dang / 'og min gyi lha rnams kyi bar du song nas mi rtag pa dang / sdug bsngal ba dang / stong pa dang / bdag med pa'i sgra sgrogs so/ /tshigs su bcad pa gnyis kyang rjod par byed de/ nges par 'byung ba brtsam par gyis/ /sangs rgyas bstan 
la sbyor bar gyis/ /'dam bu'i khyim la glang chen bzhin/ /'chi bdag sde ni gzhom par gyis/ /gang zhig chos 'dul 'di nyid la/ /bag yod spyod par byed pa ni/ /skye ba'i 'khor ba rab spangs nas/ /sdug bsngal zad par byed par 'gyur/ /zhes rjod par byed do/ /
de nas 'od zer de dag gis stong gsum gyi stong chen po'i 'jig rten gyi khams bskor nas/ bcom ldan 'das nyid kyi phyi bzhin 'brangs te/ gal te bcom ldan 'das kyis 'das pa'i las lung ston par bzhed na ni bcom ldan 'das kyi snam logs su mi snang bar 'gyur ro/ /ma 
'ongs pa'i las lung ston par bzhed na ni mdun logs su mi snang bar 'gyur ro/ /sems can dmyal bar skye bar lung ston par bzhed na ni zhabs kyi mthil du mi snang bar 'gyur ro/ /dud 'gror skye bar lung ston par bzhed na ni zhabs kyi rting par mi snang bar 'gyur ro/ /yi dgas 
su skye bar lung ston par bzhed na ni zhabs kyi mthe bor mi snang bar 'gyur ro/ /mir skye bar lung ston par bzhed na ni pus mo gnyis su mi snang bar 'gyur ro/ /stobs kyi 'khor los sgyur ba'i rgyal por lung ston par bzhed na ni phyag g.yon pa'i mthil du mi snang bar 'gyur ro/ /

</font><hr>75-1-52b<br><font size=+1>

'khor los sgyur ba'i rgyal por lung ston par bzhed na ni phyag g.yas pa'i mthil du mi snang bar 'gyur ro/ /lhar skye bar lung ston par bzhed na ni lte bar mi snang bar 'gyur ro/ /nyan thos kyi byang chub tu lung ston par bzhed na ni zhal du mi snang bar 'gyur ro/ /rang sangs 
rgyas kyi byang chub tu lung ston par bzhed na ni smin mtshams kyi mdzod spur mi snang bar 'gyur ro/ /bla na med pa yang dag par rdzogs pa'i byang chub tu lung ston par bzhed na ni dbu'i gtsug tor du mi snang bar 'gyur ro/ /de nas 'od zer de dag gis bcom ldan 'das la 
lan gsum bskor ba byas te bcom ldan 'das kyi smin mtshams kyi mdzod spur mi snang bar gyur to/ /de nas tshe dang ldan pa kun dga' bos thal mo sbyar te bcom ldan 'das la zhus pa/ tshon sna stong gis spel ba sna tshogs can/ /mang po zhal gyi sgo nas byung bar gyur/ /
de yis phyogs rnams kun tu snang bar bgyis/ /nyi ma shar bas ji ltar bgyis pa bzhin/ /yang tshigs su bcad de gsol pa/ rgod dang bral zhing rgyags dang mi dgyes spangs pa yi/ /sangs rgyas 'gro ba dag gi dam pa'i rgyur gyur pa/ /rgyal ba dgra thub rnams ni 
rgyu rkyen ma mchis par/ /pad ma'i rtsa dang dung mdog lta bu'i 'dzum mi ston/ /brtan pos nyid kyi blo yis dus bab mkhyen lags na/ /dge slong rgyal dbang nyan pa som nyi 'tshal ba rnams/ /thub pa khyu mchog gi ni gsung mchog brtan pa dang / /bzang po dag 
gis the tsom skyes pa bsal bar gsol/ /rgya mtsho dang ni ri rgyal lta bur brtan pa yi/ /mgon po rdzogs sangs rgyas rnams gyin da 'dzum mi ston/ /gang gi don du dpa' bo 'dzum pa ston mdzad pa/ /de ni khyod las skye bo phal chen nyan par 'tshal/ /bcom ldan 
'das kyis bka' stsal pa/ kun dga' bo de ni de bzhin no/ /de ni de bzhin te/ kun dga' bo de bzhin gshegs pa dgra bcom pa yang dag par rdzogs pa'i sangs rgyas rnams ni rgyu med rkyen med par 'dzum pa mi mdzad do/ /kun dga' bo rol mo mkhan 'di dag gis nga la 

</font><hr>75-1-53a<br><font size=+1>

bkur sti 'di lta bu byas pa mthong ngam/ btsun pa mthong lags so/ /kun dga' bo rol mo mkhan 'di dag dge ba'i rtsa ba dang sems bskyed pa dang sbyin par bya ba'i chos yongs su gtong ba 'dis dus ji lta ba bzhin du/ rang sangs rgyas kyi byang chub 
yang dag par bsgrubs nas ma 'ongs pa'i dus na skad snyan zhes bya ba'i rang sangs rgyas sha stag tu 'gyur te/ sdug cing phongs pa rnams la snying brtse ba/ bas mtha'i gnas mal gyis 'tsho ba/ 'jig rten gyi yon gnas gcig pur 'gyur ro/ /de dag gi sbyin par bya 
ba'i chos ni gang nga la sems dga' bar gyur pa 'di yin no/ /de nas dge slong dag the tsom skyes te/ the tsom thams cad gcod pa sangs rgyas bcom ldan 'das la zhus pa/ btsun pa dge ba'i rtsa ba gang dag gis mthu 'di 'dra bar 'gyur ba de dag gang du mdzad lags/ 
bcom ldan 'das kyis bka' stsal pa/ dge slong dag de bzhin gshegs pa nyid kyis sngon tshe rabs gzhan dag tu tshogs rnyed cing rkyen grub pa dang ldan te dba' rgal bzhin du 'byung la/ gdon mi za bar 'ong ba'i las de dag byas shing bsags pas na/ nga nyid kyis las 
byas shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin 
par mi 'gyur te/ las dge ba dang mi dge ba byas shing bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro/ /lus can dag gi las rnams ni/ /bskal pa brgyar yang chud mi za/ /tshogs shing 
dus la bab pa na/ /'bras bu nyid du smin par 'gyur/ /dge slong dag sngon byung ba 'das pa'i dus na/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 

</font><hr>75-1-53b<br><font size=+1>

gdul bya'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das rtogs mdzad ces bya ba 'jig rten du byung ste/ de ljongs rgyu zhing gshegs pa las rgyal po'i pho brang 'khor zhig tu byon to/ /de nas rgyal po'i skyed mos 
tshal dus tshigs thams cad du 'bras bu phun sum tshogs pa dang ldan pa zhig yod de/ skyed mos tshal der bcom ldan 'das gshegs nas rgyal po de la phan gdags pa'i phyir shing ljon pa zhig gi drung na rten cing bzhugs so/ /de nas gdan bting ba la bzhugs 
te me'i khams la snyoms par zhugs so/ /de nas rgyal rigs spyi bo nas dbang bskur ba'i rgyal po de bud med kyi sil snyan dang rol mo'i sgra sgrogs pa dag dang skyed mos tshal du song ngo / /de nas rgyal po de skyed mos tshal de na 'khyam zhing 'gro bas/ bcom ldan 'das 
yang dag par rdzogs pa'i sangs rgyas rtogs mdzad mdzes shing dga' bar mdzad pa/ dbang po zhi ba/ thugs zhi ba/ thugs mchog tu dul zhing rnam par zhi ba dang ldan pa/ gser gyi mchod sdong ltar dpal 'bar ba mthong ngo / /mthong nas kyang rgyal po de dga' bar 
gyur nas btsun mo'i 'khor dang bcas pas sil snyan rnam pa sna tshogs bsgrags te/ bcom ldan 'das ting nge 'dzin de las bzhengs su gsol to/ /zhal zas bzang po yang gsol nas/ bla na med pa yang dag par rdzogs pa'i byang chub tu smon lam btab 
bo/ /dge slong dag ji snyam du sems/ de'i tshe de'i dus na rgyal por gyur pa gang yin pa de ni nga yin te/ ngas yang dag par rdzogs pa'i sangs rgyas rtogs mdzad de la mchod pa byas pa de nyid kyi rgyus da ltar nga la rol mo mkhan rnams kyis 'di lta bu'i bsnyen bkur 
byas so/ /dge slong dag de bas na 'di ltar bslab par bya ste/ ston pa la bkur sti bya'o/ /bla mar bya'o/ /ri mor bya'o/ /mchod pa bya'o/ /ston pa la bkur sti byas/bla mar byas/ ri mor byas/ mchod pa byas nas brten te gnas par bya'o zhes dge slong dag 

</font><hr>75-1-54a<br><font size=+1>

khyed kyis de ltar bslab par bya'o/ /bcom ldan 'das kyis de skad ces bka' stsal nas dge slong de dag yi rangs te/ bcom ldan 'das kyis gsungs pa la mngon par bstod do// //mchog sbyin zhes bya ba ni/ sangs 
rgyas bcom ldan 'das la/ rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / 
lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 
'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi 
dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ /de nas mnyan du yod pa na gzhan gyi chung ma la byi ba byed pa las dri ma can la gnas pa zhig yod de/ de rgyal po'i mis bzung nas 
rgyal po la phul lo/ /de nas de nyes pa byed byed pa'i phyir rgyal pos gshed ma la gtad do/ /de nas de rgyal po'i mi gos sngon po bgos pa/ mtshon cha thogs pa/ ka ra bI ra'i me tog gi phreng ba mgul na thogs pa rnams kyis lam po che dang / srang dang / bzhi 
mdo dang / sum mdo rnams su 'o dod bos nas grong khyer gyi lho sgor khrid do/ /de'i skabs su sangs rgyas bcom ldan 'das rnams kyis ni mi mkhyen pa'am/ mi gzigs pa'am/ mi rtogs pa'am/ thugs su mi chud pa ci yang med la/ sangs rgyas bcom 

</font><hr>75-1-54b<br><font size=+1>

ldan 'das thugs rje chen po dang ldan pa/ 'jig rten la phan 'dogs pa la zhugs pa/ srung ba gcig pa dang ldan pa/ gcig tu dpa' ba/ zla med pa/ gnyis su mi gsung ba/ zhi gnas dang lhag mthong la gnas pa/ rig pa gsum snang bar mdzad pa/ 
bslab pa gsum la legs par bslabs pa/ 'dul ba'i gzhi gsum la mkhas pa/ chu bo bzhi las rgal ba/ rdzu 'phrul gyi rkang pa bzhi'i zhabs kyi mthil shin tu brtan pa/ bsdu ba'i dngos po bzhi la yun ring po nas 'dris par byas pa/ mi 'jigs pa bzhis mi 
'jigs pa/ khyu mchog gi yang dag pa'i seng ge'i sgra chen po sgrogs pa/ yan lag lnga rnam par spangs pa/ 'gro ba lnga las yang dag par 'das pa/ yan lag drug dang ldan pa/ pha rol tu phyin pa drug yongs su rdzogs pa/ rtag tu gnas par bya ba drug la gnas 
pa/ byang chub kyi yan lag bdun gyi me tog gis phyug pa/ lam yan lag brgyad pa ston pa/ mthar gyis snyoms par 'jug pa dgu la mkhas pa/ stobs bcu'i stobs dang ldan pa/ phyogs bcur grags pas kun tu rgyas pa/ brgya phrag bcu pa la dbang byed 
pa bas kyang ches khyad par du 'phags pa rnams ni/ chos nyid kyis nyin dus gsum mtshan dus gsum du sangs rgyas kyi spyan gyis 'jig rten la gzigs te/ su ni rgud/ su ni dar/ su ni phongs shing 'dug /su ni nyam nga bar gyur/ su ni gnod pa dang ldan/ 
su ni phongs pa dang nyam nga ba dang gnod pa dang ldan/ su ni ngan song du gzhol/ su ni ngan song du 'bab/ su ni ngan song du bab/ su ni ngas ngan song nas phyung ste/ mtho ris dang thar pa dang 'bras bu la gzhag par bya/ su ni 'dod pa'i 'dam du bying ba las lag 
nas drang bar bya/ su ni 'phags pa'i nor bdun med pa las 'phags pa'i nor bdun gyi dbang phyug la dbang byed du gzhug par bya/ su ni dge ba'i rtsa ba rnams ma bskyed pa las bskyed par bya/ su ni dge ba'i rtsa ba bskyed zin pa las yongs su smin par bya/ su ni yongs 

</font><hr>75-1-55a<br><font size=+1>

su smin zin pa las rnam par grol bar bya snyam du ye shes gzigs pa 'jug go/ /'dir smras pa/ rgya mtsho chu srin rnams kyi gnas/ /dus rlabs yol bar 'gyur yang srid/ /gdul bar bya ba'i sras rnams la/ /sangs rgyas dus las yol ba med/ /
de nas bcom ldan 'das kyis snga dro sham thabs dang chos gos gsol te lhung bzed bsnams nas mnyan du yod par bsod snyoms la gshegs so/ /de nas mi des sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan pa/ dpe byad 
bzang po brgyad cus mdzes par byas pa/ 'od 'dom gang gis brgyan pa/ nyi ma stong bas lhag pa'i 'od mnga' ba/ rin po che'i ri bo 'gro ba lta bu kun nas bzang ba mthong ngo / /mthong nas kyang bcom ldan 'das kyi zhabs la phyag 'tshal nas bcom ldan 'das la 
'di skad ces gsol to/ /bcom ldan 'das bdag ni dam pa stsal ba'i 'os lags kyis bdag la srog phangs pa stsal du gsol/ de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo khyod song la/ rgyal po gsal 
rgyal la 'di skad du rgyal po chen po mi 'di nga la byin cig dang rab tu dbyung bar bya'o zhes gyis shig /de nas tshe dang ldan pa kun dga' bos/ bcom ldan 'das kyis bka' stsal pa mnyan nas/ ko sa la'i rgyal po gsal rgyal ga la ba der song ste phyin nas ko sa la'i rgyal 
po gsal rgyal la bcom ldan 'das kyi bka' phrin 'di skad du/ rgyal po chen po mi 'di bcom ldan 'das la rab tu 'byung bar gnang bar gyis shig ces byas so/ /ko sa la'i rgyal po gsal rgyal gyis kyang shin tu 'os par rig nas gnang ste/ de bcom ldan 
'das kyis rab tu phyung nas bsnyen par rdzogs par mdzad de/ des brtson pa dang bsgrub pa dang / 'bad pas phol mig lnga pa'i 'khor ba'i 'khor lo 'di nyid g.yo zhing mi brtan par rig nas/ 'du byed kyi rnam pa thams cad snyil ba dang / ltung ba dang / rnam par 

</font><hr>75-1-55b<br><font size=+1>

'thor ba dang / rnam par 'jig pa'i chos can yin par rtsad chod de nyon mongs pa thams cad spangs nas dgra bcom pa nyid mngon sum du byas so/ /dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam 
mkha' dang lag mthil du 'dra ba'i sems dang ldan pa/ tsan dan sbangs pa lta bur bsil bar gyur pa/ rig pas sgo nga'i sbubs bcom pa/ rig pa dang mngon par shes pa dang so so yang dag par rig pa thob pa/ sred pa'i rnyed pa dang chags pa dang bkur sti la rgyab 
kyis phyogs pa/ dbang po dang nye dbang dang bcas pa'i lha rnams kyis mchod cing rjed pa dang gus par smra ba'i gnas su gyur to/ /de nas dge slong rnams the tsom skyes te/ the tsom thams cad gcod pa sangs rgyas bcom ldan 'das la zhus pa/ btsun pa bcom ldan 
'das kyis dgongs pa tsam gyis thams cad 'grub pa de ni ngo mtshar lags so/ /bcom ldan 'das kyis bka' stsal pa/ dge slong dag de bzhin gshegs pa nyid kyis sngon tshe rabs gzhan dag tu tshogs rnyed cing rkyen grub pa dang ldan pa/ dba' rgal bzhin du 'byung la 
gdon mi za bar 'ong ba'i las de dag byas shing bsags pas na/ nga nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur chu'i 
khams dang / me'i khams dang / rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang khams dang skye mched rnams 'ba' zhig la rnam par smin par 'gyur ro/ /lus can dag gi 
las rnams ni/ /bskal pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur/ /dge slong dag sngon byung ba 'das pa'i dus na/ de bzhin gshegs pa dgra bcom pa yang dag par rdzogs pa'i sangs rgyas rig pa dang 

</font><hr>75-1-56a<br><font size=+1>

zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang / mi rnams kyi ston pa/ sangs rgyas bcom ldan 'das dbang po'i rgyal mtshan zhes bya ba 'jig rten du 
byung ngo / /de ljongs rgyu zhing gshegs pa las rgyal po'i pho brang 'khor zhig tu byon te/ rgyal po'i pho brang 'khor de na bram ze rig byed dang rig byed kyi yan lag gi mthar phyin pa/ rgyal po'i grong na 'dug pa zhig yod do/ /de nas yang dag par rdzogs pa'i 
sangs rgyas dbang po'i rgyal mtshan snga dro sham thabs dang chos gos gsol te lhung bzed bsnams nas pho brang 'khor der bsod snyoms la gshegs so/ /de nas bram ze des yang dag par rdzogs pa'i sangs rgyas dbang po'i rgyal mtshan sku skyes bu chen po'i mtshan sum 
cu rtsa gnyis kyis legs par brgyan pa/ dpe byad bzang po brgyad cus mdzes par byas pa 'od 'dom gang gis brgyan pa/ nyi ma stong bas lhag pa'i 'od mnga' ba/ rin po che'i ri bo 'gro ba lta bu kun nas bzang ba mthong ngo / /mthong nas kyang sdong po rtsa ba 
nas bcad pa bzhin du/ bcom ldan 'das kyi zhabs la phyag 'tshal nas gsol pa/ bcom ldan 'das bdag ni dam pa stsol ba'i 'os lags so/ /bde bar gshegs pa bdag ni dam pa stsol ba'i 'os lags kyis/ bcom ldan 'das gang du 
bzhugs su gsol/ de nas de la phan gdags pa'i phyir/ bcom ldan 'das yang dag par rdzogs pa'i sangs rgyas dbang po'i rgyal mtshan gang du bzhugs so/ /yang dag par rdzogs pa'i sangs rgyas dbang po'i rgyal mtshan bzhugs nas bram ze des tshig 
brgyas bstod do/ /zhal zas bzang po yang gsol nas bla na med pa yang dag par rdzogs pa'i byang chub tu smon lam btab bo/ /gzhi de las rgyal po dang / blon po dang / pho brang 'khor gyi mi rnams dad pa skyes so/ /dge slong dag ji snyam du sems/ de'i tshe 

</font><hr>75-1-56b<br><font size=+1>

de'i dus na bram zer gyur pa de ni nga yin te/ ngas yang dag par rdzogs pa'i sangs rgyas dbang po'i rgyal mtshan la mchod pa byas pa de'i rgyus na/ ngas 'khor ba na bde ba mtha' yas pa nyams su myong la/ da ltar yang ngas ci bsams pa dang ci 'dod pa de dag 
thams cad 'grub pa yin no/ /dge slong dag de bas na 'di ltar bslab par bya ste ston pa la bkur sti bya'o/ /bla mar bya'o/ /ri mor bya'o/ /mchod pa bya'o/ /ston pa la bkur sti byas/ bla mar byas/ ri mor byas/ mchod pa byas nas brten te 
gnas par bya'o zhes dge slong khyed kyis de ltar bslab par bya'o/ /bcom ldan 'das kyis de skad ces bka' stsal nas/ dge slong de dag yi rangs te bcom ldan 'das kyis gsungs pa la mngon par bstod do// //ka shi ka'i gos 
zhes bya ba ni/ sangs rgyas bcom ldan 'das la/ rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / 
gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / 
nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ 
nyan thos kyi dge 'dun dang bcas pa/ rgyal po'i khab na 'od ma'i tshal bya ka lan da ka gnas pa na bzhugs so/ /gang gi tshe rgyal po gzugs can snying po g.yog 'khor mi 'bum phrag du ma dang bcas pas bden pa mthong bar gyur pa de'i tshe des phan btags pa la drin 

</font><hr>75-1-57a<br><font size=+1>

bsab par bstan pa dang / sangs rgyas kyi mchod pa lugs su gzhug pa dang / khyim yangs par bstan pa dang / sangs rgyas 'byung ba gces par bstan pa'i phyir bcom ldan 'das nyan thos kyi dge 'dun dang bcas pa rgyal po'i pho 
brang 'khor du gdugs tshod la spyan drangs so/ /de nas ma ga d+hA'i pho brang 'khor gyi mi rnams la bsgo ba/ bcom ldan 'das grong khyer du gshegs pa la me tog dang / me tog phreng dang / spos dang / byug pa rnams kyis mchod pa gyis shig /rgyal 
po'i khab kyi grong khyer thams cad kyang rdo dang / gseg ma dang / gyo mo med par gyis shig /me tog sna tshogs kyis gtor la rgyal mtshan dang ba dan sgreng shig /'od ma'i tshal nas rgyal po'i khab kyi bar gyi lam thams cad kyang ras kyis khebs par gyis shig 
ces byas so/ /blon po rnams kyis kyang thams cad nyams su blangs so/ /de nas rgyal po gzugs can snying pos rang gi lag gis bcom ldan 'das kyi dbu'i steng du gdugs rtsibs brgya pa bzung ngo / /pho brang 'khor gyi mi gzhan dag gis ni dge slong stong gi 
gdugs thogs so/ /de nas bcom ldan 'das dul la 'khor yang dul ba dang / zhi la 'khor yang zhi ba dang / grol la 'khor yang grol ba dang / dbugs phyin la 'khor yang dbugs phyin pa dang / byang la 'khor yang byang ba dang / dgra bcom par gyur la 
'khor yang dgra bcom par gyur pa dang / 'dod chags dang bral la 'khor yang 'dod chags dang bral ba dang / mdzes la 'khor yang mdzes pa ste/ khyu mchog ba lang gi tshogs kyis bskor ba lta bu dang / glang po che glang po che'i phru gu'i tshogs kyis bskor ba lta bu dang / seng 
ge gcan gzan gyi tshogs kyis bskor ba lta bu dang / ngang pa'i rgyal po ngang pa'i tshogs kyis bskor ba lta bu dang / nam mkha' lding bya'i tshogs kyis bskor ba lta bu dang / sman pa mkhas pa nad pa'i tshogs kyis bskor ba lta bu dang / dpa' bo dmag mi'i tshogs kyis bskor 

</font><hr>75-1-57b<br><font size=+1>

ba lta bu dang / sa mkhan 'gron po'i tshogs kyis bskor ba lta bu dang / ded dpon tshong pa'i tshogs kyis bskor ba lta bu dang / tshong dpon grong khyer gyi mis bskor ba lta bu dang / rgyal phran blon po'i tshogs kyis bskor ba lta bu dang / 'khor los sgyur ba'i rgyal po 
bu stong gi tshogs kyis bskor ba lta bu dang / zla ba rgyu skar gyi tshogs kyis bskor ba lta bu dang / nyi ma 'od zer stong gi tshogs kyis bskor ba lta bu dang / yul 'khor srung dri za'i tshogs kyis bskor ba lta bu dang / 'phags skyes po grul bum gyi tshogs kyis 
bskor ba lta bu dang / mig mi bzang klu'i tshogs kyis bskor ba lta bu dang / nor sbyin gnod sbyin gyi tshogs kyis bskor ba lta bu dang / thags zangs ris lha ma yin gyi tshogs kyis bskor ba lta bu dang / brgya byin sum cu rtsa gsum pa'i lha'i tshogs kyis bskor ba 
lta bu dang / tshangs pa tshangs ris kyis bskor ba lta bu dang / rgya mtsho ltar ltem me 'dug pa dang / sprin brlan dang ldan pa lta bu dang / glang po che'i rgyal po rgyags pa med pa lta bur dbang po shin tu dang ba dang / spyod lam gyi tshul ma 'chal ba dang / sangs rgyas kyi 
chos ma 'dres pa du mas brgyan pa'i bcom ldan 'das grong khyer der gshegs te/ gang gi tshe bcom ldan 'das kyi zhabs sgo'i them pa la bzhag pa de'i tshe sa chen po 'di rnam pa drug du g.yos te bcom ldan 'das grong khyer du gshegs pa'i tshe rmad du byung ba de lta bu dag byung 
ngo / /gzhan yang 'di lta ste sgo dog pa rnams ni yangs par gyur to/ /dma' ba rnams ni mthon por gyur to/ /glang po che rnams kyang skad 'byin to/ /rta rnams kyang skad 'byin to/ /khyu mchog rnams kyang skad 'byin to/ /rol mo'i cha byad rnam pa sna tshogs khyim 
khyim na 'dug pa rnams kyang rang sgra 'byin to/ /long ba rnams kyang mig gis mthong bar gyur to/ /'on pa rnams kyang rna bas thos par gyur to/ /lkugs pa rnams kyang smra shes par gyur to/ /dbang po lhag ma ma tshang ba rnams kyang dbang po tshang ba thob par gyur 

</font><hr>75-1-58a<br><font size=+1>

to/ /chang gis ra ro ba rnams kyang sangs par gyur to/ /dug 'thungs pa rnams kyang dug med par gyur to/ /phan tshun 'khon pa rnams kyang byams pa'i sems thob par gyur to/ /sbrum pa rnams kyang bde bar btsa' bar gyur to/ /bcings 
pa rnams kyang grol bar gyur to/ /nor med pa rnams kyang nor rnyed par gyur to/ /bar snang la gnas pa'i lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyang lha'i me tog gi char 'bebs so/ /de 
nas bcom ldan 'das de lta bu'i 'byor pas rgyal po'i pho brang du gshegs so/ /rgyal po gzugs can snying po yang bdag nyid lag dar te phyi rol gyi sgo khang du zhabs bsil ba'i tsan dan sa mchog pa'i chu thogs te/ bcom ldan 'das dang dge slong gi dge 'dun gyi zhabs 
bsil to/ /de nas sangs rgyas la sogs pa dge slong gi dge 'dun bde bar bzhugs par rig nas ro brgya dang ldan pa'i zhal zas gsol to/ /bshos gsol nas ka shi ka'i na bza' yang phul lo/ /rgyu des na ma ga d+hA'i pho brang 'khor gyi mi rnams dad par gyur to/ /
de nas dge slong dag the tshom skyes te/ the tshom thams cad gcod pa sangs rgyas bcom ldan 'das la zhus pa/ btsun pa dge ba'i rtsa ba gang gis bcom ldan 'das dang dge slong gi dge 'dun gyis 'di lta bu'i mchod pa brnyes pa'i dge ba'i rtsa ba rnams bcom ldan 'das 
kyis gang du mdzad lags/ bcom ldan 'das kyis bka' stsal pa/ dge slong dag de bzhin gshegs pa nyid kyis sngon tshe rabs gzhan dag tu tshogs rnyed cing rkyen grub pa dang ldan te/ dba' rgal bzhin du 'byung la gdon mi za bar 'ong ba'i las de dag byas shing bsags 
pas na nga nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang me'i khams dang rlung gi khams la rnam 

</font><hr>75-1-58b<br><font size=+1>

par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang khams dang skye mched rnams 'ba' zhig la rnam par smin par 'gyur ro/ /lus can dag gi las rnams ni/ /bskal pa brgyar yang chud mi za/ /tshogs 
shing dus la bab pa na/ /'bras bu nyid du smin par 'gyur/ /dge slong dag sngon byung ba 'das pa'i dus na/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa 'jig rten mkhyen pa/
skyes bu gdul bya'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das bde mdzad ces bya ba 'jig rten du byung ngo / /de ljongs rgyu zhing gshegs pa las rgyal po'i pho brang 'khor zhig tu byon te/ rgyal rigs spyi bo nas dbang 
bskur ba'i rgyal po des yang dag par rdzogs pa'i sangs rgyas bde mdzad ljongs rgyu zhing gshegs pa las rgyal po'i pho brang 'khor der byon to zhes thos so/ /thos nas kyang rgyal po'i 'byor pa chen po dang rgyal po'i mthu chen po dang ldan pas/ bcom ldan 'das yang 
dag par rdzogs pa'i sangs rgyas bde mdzad ga la ba der song ste phyin nas/ yang dag par rdzogs pa'i sangs rgyas bde mdzad kyi zhabs la mgo bos phyag 'tshal te phyogs gcig tu 'dug go/ /phyogs gcig tu 'dug nas rgyal rigs spyi bo nas dbang bskur ba'i 
rgyal po de yang dag par rdzogs pa'i sangs rgyas bde mdzad kyis byang chub 'thob par byed pa'i chos rnams yang dag par 'dzin du bcug go/ /de nas rgyal po dga' bar gyur nas/ yang dag par rdzogs pa'i sangs rgyas bde mdzad rgyal po'i pho brang du spyan 
drangs nas zhal zas ro brgya dang ldan pa gsol to/ /'bum ri ba'i na bza' yang phul lo/ /yongs su mya ngan las 'das pa'i mchod rten yang kho ra khor yug tu dpag tshad gcig 'phang du rgyang grags gcig yod pa brtsigs so/ /dge slong dag ji snyam du sems/

</font><hr>75-1-59a<br><font size=+1>

de'i tshe de'i dus na rgyal por gyur pa gang yin pa de ni nga yin te/ ngas yang dag par rdzogs pa'i sangs rgyas bde mdzad la de lta bu'i mchod pa byas te/ des na ngas 'khor ba na bde ba mtha' yas pa nyams su myong la/ rgyu de nyid kyis da ltar de bzhin gshegs 
par gyur pa na yang rgyal po gzugs can snying pos 'di lta bu'i mchod pa byas so/ /dge slong dag de ltar na 'di ltar bslab par bya ste ston pa la bkur sti bya'o/ /bla mar bya'o/ /ri mor bya'o/ /mchod pa bya'o/ /ston pa la bkur sti byas/ bla mar byas/ ri mor byas/ 
mchod pa byas nas brten te gnas par bya'o zhes dge slong dag khyod kyis de ltar bslab par bya'o/ /bcom ldan 'das kyis de skad ces bka' stsal nas/ dge slong de dag yi rangs te bcom ldan 'das kyis gsungs pa la mngon par bstod do// //
lha'i zhal zas zhes bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams 
dang / lha ma yin rnams dang /nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / 
lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa/ rgyal po'i 
khab na 'od ma'i tshal bya ka lan da ka gnas pa na rten cing bzhugs so/ /de na tshong dpon phyug cing nor mang la longs spyod che ba yongs su 'dzin pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa/ mu stegs can la dga' ba zhig gnas 

</font><hr>75-1-59b<br><font size=+1>

pa de tshe dang ldan pa maud gal gyi bu chen pos dad par byas te/ bstan pa la btsud nas bcom ldan 'das la shin tu dga' bar gyur to/ /khyim bdag de yang rgya chen po la mos pa zhig ste/ des tshe dang ldan pa maud gal gyi bu chen po la smras pa/ bdag bcom ldan 'das 
la mchod pa bgyid par 'tshal gyis grogs mdzod cig /tshe dang ldan pa maud gal gyi bu chen pos kyang khyim bdag de la cang mi smra bas khas blangs so/ /de nas tshe dang ldan pa maud gal gyi bu chen pos khyim bdag de khrid nas bcom ldan 'das ga la ba der song ste phyin nas/ 
bcom ldan 'das kyi zhabs la mgo bos phyag 'tshal te/ phyogs gcig tu 'dug go/ /phyogs gcig tu 'dug nas/ bcom ldan 'das la tshe dang ldan pa maud gal gyi bu chen pos 'di skad ces gsol to/ /btsun pa khyim bdag 'di ni bcom ldan 'das 
nyan thos kyi dge 'dun dang bcas pa gdugs tshod gsol bar 'tshal na/ bcom ldan 'das kyis 'di la thugs brtse ba'i slad du gnang bar mdzad du gsol/ de nas bcom ldan 'das kyis kyang khyim bdag de la cang mi gsung bas gnang ngo / /de nas khyim bdag 
des bcom ldan 'das kyis cang mi gsung bas gnang bar rig nas/ ro brgya dang ldan pa'i zhal zas dang / me tog dang / spos dang / me tog phreng dang / byug pa dag bshams so/ /de nas tshe dang ldan pa maud gal gyi bu chen pos lha'i dbang po brgya byin la bskul te/ khyim 
bdag 'di'i grogs gyis shig ces byas so/ /de nas lha'i dbang po brgya byin gyis 'od ma'i tshal bya ka lan da ka gnas pa dga' byed kyi tshal du sprul to/ /sa srung gi bu dang rab brtan dang 'dra ba'i glang po che stong phrag mang po dag kyang khrid de 'ongs te/ de dag ni sangs rgyas la 
sogs pa dge slong gi dge 'dun gyi steng du gdugs rtsibs brgya dang ldan pa 'dzin to/ /bde sogs la sogs pa lha'i bu mo stong phrag du ma yang khrid de 'ongs te/ de dag ni sangs rgyas la sogs pa dge slong gi dge 'dun la rnga yab nor bu'i yu ba can gyis g.yob par 

</font><hr>75-1-60a<br><font size=+1>

byed do/ /rab dga' dang / zur phud lnga pa dang / tum bu ru la sogs pa dri za stong phrag du ma yang khrid de 'ongs te/ de dag ni rol mo'i sgra'i khyad par rnam pa sna tshogs len par byed do/ /lha'i bdud rtsi'i zhal zas dag kyang sbyar to/ /de nas khyim bdag des 
lha dang mi'i yo byad rnams kyis bcom ldan 'das la bsnyen bkur byas nas/ lus thams cad kyis bcom ldan 'das kyi zhabs la phyag 'tshal te smon lam btab pa/ dge ba'i rtsa ba dang sems bskyed pa dang sbyin par bya ba'i chos yongs su gtong ba 'dis/ bdag 
'jig rten long ba 'dren pa med cing yongs su 'dren pa med par sems can ma rgal ba rnams sgrol ba dang / ma grol ba rnams 'grol ba dang / dbugs ma phyin pa rnams dbugs 'byin pa dang / yongs su mya ngan las ma 'das pa rnams yongs su mya ngan las zlo ba'i sangs 
rgyas su gyur cig ces byas so/ /de nas bcom ldan 'das kyis khyim bdag de'i rgyu gcig nas gcig tu brgyud pa dang / las gcig nas gcig tu brgyud pa mkhyen nas 'dzum pa mdzad do/ /'di ni sangs rgyas bcom ldan 'das rnams gang gi tshe 'dzum pa mdzad 
pa'i chos nyid de/ de'i tshe zhal nas 'od zer sngon po dang / ser po dang / dmar po dang / dkar po rnams byung nas kha cig ni 'og tu 'gro'o/ /kha cig ni steng du 'gro'o/ /'og tu 'gro ba gang yin pa de dag ni sems can dmyal ba yang sos dang / thig nag dang / 'dus 'joms 
dang / ngu 'bod dang / ngu 'bod chen po dang / tsha ba dang / rab tu tsha ba dang / mnar med pa dang / chu bur can dang / chu bur rdol dang / so thams thams dang / kyi hud zer dang / a chu zer dang / ud pal ltar gas pa dang / pad ma ltar gas pa dang / pad ma ltar gas pa chen por song 
nas/ tsha ba'i sems can dmyal ba gang yin pa de dag tu ni bsil bar gyur te 'bab bo/ /grang ba'i sems can dmyal ba gang yin pa de dag tu ni dro bar gyur te 'bab bo/ /des na sems can de dag gi gnod pa'i khyad par rnams rtse zhil bar gyur to/ /de nas de dag 'di snyam du 

</font><hr>75-1-60b<br><font size=+1>

sems te/ kye ci bdag cag 'di nas shi 'phos sam/ 'on te gzhan du skyes sam snyam mo/ /de nas de dag dad pa skyed pa'i phyir bcom ldan 'das sprul pa 'gyed par mdzad de/ de dag gis sprul pa mthong nas 'di snyam du sems te/ kye bdag cag ni 'di nas kyang shi 'phos par 
ma gyur la gzhan du yang ma skyes mod kyi/ 'on kyang sngon ma byung ba'i sems can snang ba 'di'i mthus/ bdag cag gi gnod pa'i khyad par rnams rtse zhil bar gyur to snyam mo/ /de nas de dag sprul pa la sems mngon par dga' bar gyur nas sems can dmyal ba myong bar 
'gyur ba'i las de zad de/lha dang mi rnams kyi nang du gang du bden pa rnams kyi snod du rung bar 'gyur ba der nying mtshams 'dzin par 'gyur ro/ /steng du 'gro ba gang yin pa de dag ni/ rgyal chen bzhi'i ris rnams dang / sum cu rtsa gsum pa rnams dang / 'thab bral rnams 
dang / dga' ldan rnams dang / 'phrul dga' rnams dang / gzhan 'phrul dbang byed rnams dang / tshangs ris rnams dang / tshangs pa'i mdun na 'don pa rnams dang / tshangs pa chen po rnams dang / 'od chung rnams dang / tshad med 'od rnams dang / 'od gsal rnams dang / dge 
chung rnams dang / tshad med dge rnams dang / dge rgyas rnams dang / sprin med rnams dang / bsod nams skyes rnams dang / 'bras bu che rnams dang / mi che rnams dang / mi gdung rnams dang / gya nom snang rnams dang / shin tu mthong rnams dang / 'og min gyi lha rnams kyi bar du 
song nas/ mi rtag pa dang / sdug bsngal ba dang / stong pa dang / bdag med pa'i sgra sgrogs so/ /tshigs su bcad pa gnyis kyang rjod par byed de/ nges par 'byung ba brtsam par gyis/ /sangs rgyas bstan la sbyor bar gyis/ /'dam bu'i khyim la glang chen bzhin/ /'chi bdag sde ni 
gzhom par gyis/ gang zhig chos 'dul 'di nyid la/ /bag yod spyod par byed pa ni/ /skye ba'i 'khor ba rab spangs nas/ /sdug bsngal zad par byed par 'gyur/ /zhes rjod par byed do/ /de nas 'od zer de dag gis stong gsum gyi stong chen po'i 'jig rten gyi khams bskor nas/

</font><hr>75-1-61a<br><font size=+1>

bcom ldan 'das nyid kyi phyi bzhin 'brangs te/ gal te bcom ldan 'das kyis 'das pa'i las lung ston par bzhed na ni bcom ldan 'das kyi snam logs su mi snang bar 'gyur ro/ /ma 'ongs pa'i las lung ston par bzhed na ni mdun logs su mi snang 
bar 'gyur ro/ /sems can dmyal bar skye bar lung ston par bzhed na ni zhabs kyi mthil du mi snang bar 'gyur ro/ /dud 'gror skye bar lung ston par bzhed na ni zhabs kyi rting par mi snang bar 'gyur ro/ /yi dgas su skye bar lung ston par bzhed na ni zhabs kyi mthe bor mi 
snang bar 'gyur ro/ /mir skye bar lung ston par bzhed na ni pus mo gnyis su mi snang bar 'gyur ro/ /stobs kyi 'khor los sgyur ba'i rgyal por lung ston par bzhed na ni phyag g.yon pa'i mthil du mi snang bar 'gyur ro/ /'khor los sgyur ba'i rgyal por lung ston par bzhed 
na ni phyag g.yas pa'i mthil tu mi snang bar 'gyur ro/ /lhar skye bar lung ston par bzhed na ni lte bar mi snang bar 'gyur ro/ /nyan thos kyi byang chub tu lung ston par bzhed na ni zhal du mi snang bar 'gyur ro/ /rang sangs rgyas kyi byang chub tu lung ston par bzhed na ni smin mtshams kyi 
mdzod spur mi snang bar 'gyur ro/ /bla na med pa yang dag par rdzogs pa'i byang chub tu lung ston par bzhed na ni dbu'i gtsug tor du mi snang bar 'gyur ro/ /de nas 'od zer de dag gis bcom ldan 'das la lan gsum bskor ba byas te bcom ldan 'das kyi dbu'i gtsug tor du mi snang bar 
gyur to/ /de nas tshe dang ldan pa kun dga' bos thal mo sbyar te bcom ldan 'das la zhus pa/ tshon sna stong gis spel ba sna tshogs can/ /mang po zhal gyi sgo nas byung bar gyur/ /de yis phyogs rnams kun tu snang bar bgyis/ /nyi ma shar bas ji ltar bgyis pa bzhin/ /yang tshigs su 
bcad de gsol pa/ rgod dang bral zhing rgyags dang mi dgyes spangs pa yi/ /sangs rgyas 'gro ba dag gi dam pa'i rgyur gyur pa/ /rgyal ba dgra thub rnams ni rgyu rkyen ma mchis par/ / pad ma'i rtsa dang dung mdog lta bu'i 'dzum mi ston/ /brtan pos nyid kyi blo yis dus bab mkhyen lags na/ /

</font><hr>75-1-61b<br><font size=+1>

dge sbyong rgyal dbang nyan pa som nyi 'tshal ba rnams/ /thub pa khyu mchog gi ni gsung mchog brtan pa dang / /bzang po dag gis the tshom skyes pa bsal bar gsol/ /rgya mtsho dang ni ri rgyal lta bur brtan pa yi/ /mgon po rdzogs sangs rgyas rnams gyin da 'dzum mi ston/ /
gang gi don du dpa' bo 'dzum pa ston mdzad pa/ /de ni khyod las skye bo phal chen nyan par 'tshal/ /bcom ldan 'das kyis bka' stsal pa/ kun dga' bo de ni de bzhin no/ /de ni de bzhin te/ kun dga' bo de bzhin gshegs pa dgra bcom pa yang dag par rdzogs pa'i sangs rgyas rnams 
ni rgyu med rkyen med par 'dzum pa mi mdzad do/ /kun dga' bo khyim bdag 'dis nga la 'di lta bu'i bkur sti byas pa mthong ngam/ btsun pa mthong lags so/ /kun dga' bo khyim bdag 'di dge ba'i rtsa ba dang sems bskyed pa dang sbyin par bya ba'i chos yongs su gtong ba 'dis/ 
bskal pa grangs med pa gsum gyis yang dag par bsgrub par bya ba'i byang chub yang dag par bsgrubs te/ snying rje chen pos yongs su bsgos pa'i pha rol tu phyin pa drug yongs su rdzogs par byas nas/ stobs bcu dang / mi 'jigs pa bzhi dang / ma 'dres pa'i dran pa nye bar 
gzhag pa gsum dang / snying rje chen po dang ldan pa'i yang dag par rdzogs pa'i sangs rgyas lha'i zas sbyin zhes bya bar 'gyur te 'jig rten du 'byung bar 'gyur ro/ /de'i sbyin par bya ba'i chos ni gang nga la sems mngon par dga' bar gyur pa 'di yin no/ /skabs 'di ma ga 
d+hA'i rgyal po gzugs can snying po dang g.yog 'khor rnams kyis thos nas mchog tu ya mtshan du gyur to/ /de nas dge slong dag the tshom skyes te/ the tshom thams cad gcod pa sangs rgyas bcom ldan 'das la zhus pa/ bcom ldan 'das khyim bdag 'dis bcom ldan 'das 
nyan thos kyi dge 'dun dang bcas pa la lha dang mi'i 'byor pa dag gis mchod pa bgyis pa la gzigs/ bcom ldan 'das kyis bka' stsal pa/ dge slong dag de bzhin gshegs pa nyid kyis sngon tshe rabs gzhan dag tu tshogs rnyed cing rkyen grub pa dang ldan te dba' rgal bzhin du 

</font><hr>75-1-62a<br><font size=+1>

'byung la/ gdon mi za bar 'ong ba'i las de dag byas shing bsags pas na/ nga nyid kyis las byas shing bsags pa 'di dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams 
la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang khams dang skye mched rnams 'ba' zhig la rnam par smin par 'gyur 
ro/ /lus can dag gi las rnams ni/ /bskal pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur/ /dge slong dag sngon byung ba 'das pa'i dus na de bzhin gshegs pa dgra bcom pa yang dag par rdzogs pa'i sangs rgyas rig 
pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das gang po zhes bya ba 'jig rten du byung ngo / /de nas yang dag par rdzogs 
pa'i sangs rgyas gang po ljongs rgyu zhing gshegs pa las rgyal po'i pho brang 'khor zhig tu byon te/ rgyal rigs spyi bo nas dbang bskur ba'i rgyal po des/ yang dag par rdzogs pa'i sangs rgyas gang po ljongs rgyu zhing gshegs pa las rgyal po'i pho brang 'khor der byon 
to zhes thos so/ /thos nas kyang rgyal po'i 'byor pa chen po dang rgyal po'i mthu chen po dang ldan pas/ yang dag par rdzogs pa'i sangs rgyas gang po ga la ba der song ste phyin nas/ yang dag par rdzogs pa'i sangs rgyas gang po'i zhabs la mgo bos phyag 'tshal te 
phyogs gcig tu 'dug go/ /phyogs gcig tu 'dug nas rgyal rigs spyi bo nas dbang bskur ba'i rgyal po de yang dag par rdzogs pa'i sangs rgyas gang pos byang chub 'thob par byed pa'i chos rnams yang dag par 'dzin du bcug go/ /de nas rgyal rigs spyi bo nas 

</font><hr>75-1-62b<br><font size=+1>

dbang bskur ba'i rgyal po des/ yang dag par rdzogs pa'i sangs rgyas gang po nyan thos kyi dge 'dun dang bcas pa la zla ba gsum gyi bar du na bza' dang / zhal zas dang / gzims cha dang / gdan dang / snyun gsos dang / sman zong rnams la spyan drangs so/ /
yang dag par rdzogs pa'i sangs rgyas gang pos kyang cang mi gsung bas gnang ngo / /de nas rgyal rigs spyi bo nas dbang bskur ba'i rgyal po des yang dag par rdzogs pa'i sangs rgyas gang pos cang mi gsung bas gnang bar rig nas zla ba gsum gyi bar du na bza' 
dang / zhal zas dang / gzims cha dang / gdan dang / snyun gsos dang / sman zong rnams kyis bsnyen bkur byas so/ /bcom ldan 'das kyi sku gzugs kyang rin po che las byas te/ sangs rgyas kyi dga' ston byas nas der srog chags 'bum phrag 
du ma dad pa chen po thob ste/ rgyu de dang rkyen des de dag yongs su mya ngan las 'das so/ /dge slong dag ji snyam du sems/ de'i tshe de'i dus na rgyal por gyur pa gang yin pa de ni nga yin te/ ngas yang dag par rdzogs pa'i sangs rgyas gang po la de lta bu'i 
mchod pa byas pa des na/ ngas 'khor ba na bde ba mtha' yas pa nyams su myong ste/ de nyid kyi rgyus da ltar de bzhin gshegs par gyur pa na yang nga la tshong dpon dang brgya byin gyis 'di lta bu'i mchod pa byas so/ /dge slong dag de bas na 'di ltar bslab par 
bya ste/ ston pa la bkur sti bya'o/ /bla mar bya'o/ /ri mor bya'o/ /mchod pa bya'o/ /ston pa la bkur sti byas/ bla mar byas/ ri mor byas/ mchod pa byas nas brten te gnas par bya'o zhes dge slong khyed kyis de ltar bslab par bya'o/ /bcom 
ldan 'das kyis de skad ces bka' stsal nas dge slong de dag yi rangs te/ bcom ldan 'das kyis gsungs pa la mngon par bstod do/ /gang po la sogs pa'i rtogs pa brjod pa brgya pa las/ sdom gyi tshigs su bcad pa gnyis pa rdzogs so// //

</font><hr>75-1-63a<br><font size=+1>

gang po la sogs pa'i rtogs pa brjod pa brgya pa bam po drug pa/ sdom ni/ tsan dan dang ni pad ma dang / /de bzhin 'khor lo mgo bcu pa/ /mdog 'jam dang ni 'od bsil dang / /mnyan pa dang ni spos ngad ldang / /dri med gdangs snyan zhes bya ba/ /sde tshan dag tu bstan 
pa yin/ /tsan dan zhes bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / 
lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mo byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye 
chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa/ yul ma ga d+hA na ljongs rgyu zhing 
gshegs pa las gang gA'i klung gi 'gram du byon to/ /de'i tshe gang gA'i klung gi 'gram nas thag mi ring ba zhig na mchod rten zhig ral du gyur pa rlung dang nyi tshan gyis bshig pa zhig 'dug pa de dge slong rnams kyis mthong nas bcom ldan 'das la zhus pa/ bcom ldan 'das mchod 
rten 'di su'i lags/ bcom ldan 'das kyis bka' stsal pa/ rang sangs rgyas tsan dan zhes bya ba zhig byung ste de'i yin no/ /dge slong rnams kyis gsol pa/ bcom ldan 'das rang sangs rgyas tsan dan ga las byung lags/ ming ni ci las btags lags/ bcom ldan 
'das kyis bka' stsal pa/ dge slong dag khyed rang sangs rgyas tsan dan ga las byung ba dang / ming ci las btags pa nyan par 'dod dam/ gsol pa/ btsun pa mnyan par 'tshal lags so/ /bka' stsal pa/ dge slong dag 'o na legs par rab tu nyon la yid la zung shig 

</font><hr>75-1-63b<br><font size=+1>

dang ngas bshad do/ /dge slong dag sngon byung ba 'das pa'i dus na/ grong khyer bA rA Na sI na rgyal po tshangs byin zhes bya ba zhig rgyal po byed de/ de'i ring la 'byor pa dang / rgyas pa dang / bde ba dang / lo legs pa dang / skye bo dang / mi mang pos gang ba dang / rtsod pa dang 'thab pa 
zhi ba dang / 'khrug pa dang / nang 'khrug dang / chom rkun dang / mu ge dang / nad rnams med pa dang / 'bras sA lu dang / bu ram shing dang / ba lang dang / ma he dang ldan pa 'dug go/ /rgyal po de yang chos can chos dang ldan pa'i rgyal po chos bzhin du rgyal po byed do/ /de bu med 
nas bu 'dod de gu lang dang / chu lha dang / ku be ra dang / brgya byin dang / tshangs pa la sogs pa dang / lha'i khyad par gzhan dag la yang gsol ba 'debs te 'di lta ste/ kun dga' ra ba'i lha dang / nags tshal gyi lha dang / lam gyi bzhi mdo'i lha dang / sum mdo'i lha dang / 
gtor ma len pa'i lha dang / lhan cig skyes pa dang / chos 'thun pa dang / rtag tu phyi bzhin 'brang ba'i lha rnams la yang gsol ba 'debs so/ /'jig rten na yang gsol ba btab pa'i rgyus bu dang bu mo skye bar 'gyur ro/ /zhes bya ba'i gtam de yod mod kyi de yang de lta ni ma yin te/ 
gal te gsol ba btab pa'i rgyus bu dang bu mo skye bar 'gyur du zin na/ 'khor los sgyur ba'i rgyal po bzhin du re re la yang bu stong stong yong bar 'gyur ba'i rigs so/ /ye ni gnas gsum tshogs pa las bu dang bu mo skye bar 'gyur te gsum gang zhe na/ pha ma gnyis 'dod chags 
langs te phrad pa dang / ma dus la bab cing zla mtshan dang ldan pa dang / dri za 'ongs pa ste gnas 'di gsum tshogs pa las bu dang bu mo skye bar 'gyur ro/ /de yang gsol ba 'debs pa lhur byed cing 'dug la des skyed mos tshal gyi rdzing chen po zhig yod pa de'i nang nas kyang pad ma tshad las 
'das par che ba zhig skyes te/ de nyin gcig bzhin du cher skye la kha ni mi 'bye ba zhig yod do/ /de nas kun dga' ra ba'i srung mas rgyal po la gsol to/ /de nas rgyal pos kyang pad ma de legs par srungs shig ces bsgo'o/ /phyis re zhig na nyi ma 'char kar pad ma de kha 

</font><hr>75-1-64a<br><font size=+1>

bye nas pad ma de'i snying po la khye'u gzugs bzang zhing blta na sdug la mdzes pa mdog bzang ba gser gyi kha dog can mgo bo gdugs ltar 'dug pa/ lag pa ring ba/ dpral ba'i dbyes che ba/ sna mtho ba/ sna legs pa/ smin ma stug pa/ lus skyes bu 
chen po'i mtshan sum cu rtsa gnyis kyis legs par brgyan pa/ dpe byad bzang po brgyad cus mdzes par byas pa zhig skyil mo krung bcas shing 'dug ste/ de'i kha nas ni pad ma'i dri 'byung la/ lus las ni tsan dan gyi dri 'byung ngo / /de nas kun dga' ra ba'i srung mas kyang 
rgyal po la gsol to/ /de nas rgyal po blon po dang btsun mo dang bcas pa skyed mos tshal du dong nas/ khye'u des mthong ma thag tu rgyal po la smras pa/ yab tshur gshegs bdag ni khyod sras mi mnga' ba'i sras lags so/ /de nas rgyal po dga' zhing mgu la yi rangs nas smras pa/ 
bu de ni khyod ji skad zer ba bzhin no/ /de nas rgyal po rdzing gi nang du zhugs nas/ pad ma'i snying po las khye'u blangs te lag par bzhag go/ /de nas khye'u des gang dang gang du rkang pa bzhag pa de dang der pad ma dag byung ngo / de nas de'i ming tsan dan zhes btags so/ /gang gi tshe khye'u 
tsan dan khad kyis cher skyes pa de'i tshe grong khyer gyi mi rnams kyis rgyal po la gsol pa/ lha bdag cag gi grong khyer 'dir dus ston byung na lha sras tsan dan btang ba'i rigs so/ /'on kyang bdag cag dang lhan cig tu dus ston myong bar 'gyur la gnas thams cad kyang pad mas brgyan 
par 'gyur lags so/ /rgyal pos smras pa de ltar bya'o/ /de nas tsan dan rgyan thams cad kyis brgyan pa/ blon po'i bu rnams kyis g.yog 'khor dang bcas pa/ rol mo'i sgra rnam pa sna tshogs byed cing grong khyer gyi dus ston myong bar bya ba'i phyir rgyal po'i pho brang nas phyi rol du 
byung ngo / /de nas de der 'gro ba na gom pa re re la pad ma blta na sdug cing yid 'phrog pa dag byung ste/ de dag la nyi ma'i 'od zer gyis phog ma thag tu rnyis shing skams so/ /de nas sems can dag pa bsam pa dge ba sngon sangs rgyas la dge ba'i rtsa ba bskyed bskyed pa des de mthong nas 

</font><hr>75-1-64b<br><font size=+1>

tshul bzhin yid la byed pa skyes te/ ji ltar pad ma 'di dag skyes pa'i mod la ni mdzes par 'dug la nyi ma'i 'od zer gyis gdungs pas ni/ rnyis shing skam par 'gyur ba de bzhin du lus 'di yang de dang 'dra'o snyam mo/ /de de ltar sems shing 'jal la nye bar rtog pa na/ byang chub 
kyi phyogs dang 'thun pa'i chos sum cu rtsa bdun mngon du gyur te/ des skye bo'i tshogs kyi nang na/ 'dug bzhin du rang sangs rgyas kyi byang chub mngon sum du byas so/ /de nas re zhig na gnas gtsang ma'i ris kyi lha rnams kyis de la gos tshon can dag phul te de dag bgos nas/ 
nam mkha' la 'phags te cho 'phrul rnam pa sna tshogs byas nas/ de mthong bas rgyal po dang blon po dang grong rdal gyi mi rnams dang bcas par dga' ba chen po thob ste/ dge ba'i rtsa ba rnam pa sna tshogs kyang bskyed do/ /bcom ldan 'das kyis bka' stsal pa/ dge slong dag 
rang sangs rgyas tsan dan ni de las byung ste/ ming yang de las btags so/ /dge slong rnams kyis sangs rgyas bcom ldan 'das la zhus pa/ btsun pa rang sangs rgyas tsan dan gyis las gang dag bgyis shing bsags na/ des de'i lus kyang dri bda' la dbang po lnga yang rno bar 
gyur lags/ bcom ldan 'das kyis bka' stsal pa/ bcom ldan 'das 'od srung gi bstan pa la rab tu byung ste/ des der dbu skra dang sen mo'i mchod rten la spos chu'i dbang bskur ba yang phul/ me tog dag kyang btags te/ der rang sangs rgyas kyi byang chub kyi lam yang 
bsgoms so/ /dge slong dag de bas na 'di ltar bslab par bya ste/ ston pa la bkur sti bya'o/ /bla mar bya'o/ /ri mo bya'o/ /mchod pa bya'o/ /ston pa la bkur sti byas/ bla mar byas/ ri mo byas/ mchod pa byas nas brten te gnas par bya'o zhes dge slong khyod kyis de ltar 
bslab par bya'o/ /bcom ldan 'das kyis de skad ces bka' stsal nas/ dge slong de dag yi rangs te bcom ldan 'das kyis gsungs pa la mngon par bstod do// //pad ma zhes bya ba ni/ sangs rgyas bcom ldan 'das la rgyal po rnams dang / blon po chen po rnams 

</font><hr>75-1-65a<br><font size=+1>

dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye 
chen po rnams kyis bkur sti byas/ bla mar byas/ ri mo byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po 
dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ /de'i tshe 
yul dbus na 'khod pa rnams kyi lugs kyis na/ kun dga' ra ba'i srung ma rnams kyis pad ma dag blangs te srang du song zhing 'tshong ngo / /de nas bcom ldan 'das snga dro sham thabs dang chos gos gsol te lhung bzed bsnams nas mnyan du yod par bsod snyoms la gshegs so/ /
bud med cig kyang khye'u zhig pang na thogs te srang du song ba las khye'u des sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan pa/ dpe byad bzang po brgyad cus mdzes par byas pa/ 'od 'dom gang gis brgyan pa/ nyi ma stong bas lhag pa'i 
'od mnga' ba/ rin po che'i ri bo 'gro ba lta bu kun nas bzang ba mthong ngo / mthong nas kyang dga' ba skyes te blo thor du lag pa brkyang nas kun dga' ra ba'i srung ma las pad ma blangs te/ de bzhin gshegs pa'i dbu la bor ro/ /de nas pad ma de shing rta'i 'phang lo tsam du gyur te steng gi 
nam mkha' la 'dug nas bcom ldan 'das gshegs na ni 'gro la gzhes na ni sdod do/ /de nas bcom ldan 'das kyis pad ma ra ga'i mdog 'dra ba'i 'od zer dag bkye nas/ des mnyan du yod par ril gyis snang bar byas so/ /rgyu des na rgyal po dang blon po dang pho brang 'khor gyi mi 

</font><hr>75-1-65b<br><font size=+1>

rnams dad par byas so/ /de nas bcom ldan 'das kyis 'dzum pa mdzad do/ /'di ni sangs rgyas bcom ldan 'das rnams gang gi tshe 'dzum pa mdzad pa'i chos nyid de/ de'i tshe zhal nas 'od zer sngon po dang / ser po dang / dmar po dang / dkar po rnams byung 
nas kha cig ni 'og tu 'gro'o/ /kha cig ni steng du 'gro'o/ /'og tu 'gro ba gang yin pa de dag ni sems can dmyal ba yang sos dang / thig nag dang / 'dus 'joms dang / ngu 'bod dang / ngu 'bod chen po dang / tsha ba dang / rab tu tsha ba dang / mnar med pa dang / 
chu bur can dang / chu bur rdol dang / so thams thams dang / kyi hud zer dang / a chu zer dang / ud pal ltar gas pa dang / pad ma ltar gas pa dang / pad ma ltar gas pa chen por song nas/ tsha ba'i sems can dmyal ba gang yin pa de dag tu ni bsil bar 
gyur te 'bab bo/ /grang ba'i sems can dmyal ba gang yin pa de dag tu ni dro bar gyur te 'bab bo/ /des na sems can de dag gi gnod pa'i khyad par rnams rtse zhil bar gyur to/ /de nas de dag 'di snyam du sems te/ kye ci bdag cag 'di nas shi 'phos sam 'on te gzhan 
du skyes sam snyam mo/ /de nas de dag dad pa bskyed pa'i phyir bcom ldan 'das sprul pa 'gyed par mdzad de/ de dag gis sprul pa mthong nas 'di snyam du sems te/ kye bdag cag ni 'di nas kyang shi 'phos par ma gyur la gzhan du yang ma skyes mod kyi/ 'on kyang sngon ma byung 
ba'i sems can snang ba 'di'i mthus/ bdag cag gi gnod pa'i khyad par rnams rtse zhil bar gyur to snyam mo/ /de nas de dag sprul pa la sems mngon par dga' bar gyur nas/ sems can dmyal ba myong bar 'gyur ba'i las de zad de lha dang mi rnams kyi nang du gang du 
bden pa rnams kyi snod du rung bar 'gyur ba der nying mtshams 'dzin par 'gyur ro/ /steng du 'gro ba gang yin pa de dag ni rgyal chen bzhi'i ris rnams dang sum cu rtsa gsum pa rnams dang / 'thab bral rnams dang / dga' ldan rnams dang / 'phrul dga' rnams dang / gzhan 

</font><hr>75-1-66a<br><font size=+1>

'phrul dbang byed rnams dang / tshangs ris rnams dang / tshangs pa'i mdun na 'don pa rnams dang / tshangs pa chen po rnams dang / 'od chung rnams dang / tshad med 'od rnams dang / 'od gsal rnams dang / dge chung rnams dang / tshad med dge rnams dang / 
dge rgyas rnams dang / sprin med rnams dang / bsod nams skyes rnams dang / 'bras bu che rnams dang / mi che rnams dang / mi gdung rnams dang / gya nom snang rnams dang / shin tu mthong rnams dang / 'og min gyi lha rnams kyi bar du song nas mi rtag pa dang / sdug bsngal ba 
dang / stong pa dang / bdag med pa'i sgra sgrogs so/ /tshigs su bcad pa gnyis kyang rjod par byed de/ nges par 'byung ba brtsam par gyis/ /sangs rgyas bstan la sbyor bar gyis/ /'dam bu'i khyim la glang chen bzhin/ /'chi bdag sde ni gzhom par gyis/ /gang zhig chos 
'dul 'di nyid la/ /bag yod spyod par byed pa ni/ /skye ba'i 'khor ba rab spangs nas/ /sdug bsngal zad par byed par 'gyur/ /zhes rjod par byed do/ /de nas 'od zer de dag gis stong gsum gyi stong chen po'i 'jig rten gyi khams bskor nas bcom ldan 'das nyid kyi 
phyi bzhin 'brang ste/ gal te bcom ldan 'das kyis 'das pa'i las lung ston par bzhed na ni bcom ldan 'das kyi snam logs su mi snang bar 'gyur ro/ /ma 'ongs pa'i las lung ston par bzhed na ni mdun logs su mi snang bar 'gyur ro/ /sems can dmyal bar skye bar lung 
ston par bzhed na ni zhabs kyi mthil du mi snang bar 'gyur ro/ /dud 'gror skye bar lung ston par bzhed na ni zhabs kyi rting par mi snang bar 'gyur ro/ /yi dgas su skye bar lung ston par bzhed na ni zhabs kyi mthe bor mi snang bar 'gyur ro/ /mir skye bar lung ston 
par bzhed na ni pus mo gnyis su mi snang bar 'gyur ro/ /stobs kyi 'khor los sgyur ba'i rgyal por lung ston par bzhed na ni phyag g.yon pa'i mthil du mi snang bar 'gyur ro/ /'khor los sgyur ba'i rgyal por lung ston par bzhed na ni phyag g.yas pa'i mthil du 

</font><hr>75-1-66b<br><font size=+1>

mi snang bar 'gyur ro/ /lhar skye bar lung ston par bzhed na ni lte bar mi snang bar 'gyur ro/ /nyan thos kyi byang chub tu lung ston par bzhed na ni zhal du mi snang bar 'gyur ro/ /rang sangs rgyas kyi byang chub tu lung ston par bzhed na ni smin mtshams kyi mdzod spur mi snang bar 
'gyur ro/ /bla na med pa yang dag par rdzogs pa'i byang chub tu lung ston par bzhed na ni dbu'i gtsug tor du mi snang bar 'gyur ro/ /de nas 'od zer de dag gis bcom ldan 'das la lan gsum bskor ba byas te bcom ldan 'das kyi smin mtshams kyi mdzod spur mi snang bar 
gyur to/ /de nas tshe dang ldan pa kun dga' bos thal mo sbyar te bcom ldan 'das la zhus pa/ tshon sna stong gis spel ba sna tshogs can/ /mang po zhal gyi sgo nas byung bar gyur/ /de yis phyogs rnams kun tu snang bar bgyis/ /nyi ma shar bas ji ltar bgyis pa bzhin/ /
yang tshigs su bcad de gsol pa/ rgod dang bral zhing rgyags dang mi dgyes spangs pa yi/ /sangs rgyas 'gro ba dag gi dam pa'i rgyur gyur pa/ /rgyal ba dgra thub rnams ni rgyu rkyen ma mchis par/ /pad ma'i rtsa dang dung mdog lta bu'i 'dzum mi ston/ /brtan pos nyid kyi blo 
yis dus bab mkhyen lags na/ /dge sbyong rgyal dbang nyan pa som nyi 'tshal ba rnams/ /thub pa khyu mchog gi ni gsung mchog brtan pa dang / /bzang po dag gis the tshom skyes pa bsal bar gsol/ /rgya mtsho dang ni ri rgyal lta bur brtan pa yi/ /mgon po rdzogs sangs rgyas 
rnams gyin da 'dzum mi ston/ /gang gi don du dpa' bo 'dzum pa ston mdzad pa/ /de ni khyod las skye bo phal chen nyan par 'tshal/ /bcom ldan 'das kyis bka' stsal pa/ kun dga' bo de ni de bzhin no/ /de ni de bzhin te/ kun dga' bo de bzhin gshegs pa dgra bcom pa 
yang dag par rdzogs pa'i sangs rgyas rnams ni rgyu med rkyen med par 'dzum pa mi mdzad do/ /kun dga' bo khye'u 'di dad pa skyes pas de bzhin gshegs pa la pad ma 'thor ba mthong ngam/ btsun pa mthong lags so/ /kun dga' bo khye'u 'di dge ba'i rtsa ba dang sems bskyed pa 

</font><hr>75-1-67a<br><font size=+1>

dang sbyin par bya ba'i chos yongs su gtong ba 'dis/ bskal pa bcwa lnga'i bar du log par ltung bar mi 'gyur te/ lha dang mi'i bde ba nyams su myong nas rang sangs rgyas pad ma'i bla ma zhes bya bar 'gyur te/ de'i sbyin par bya ba'i chos ni gang nga la sems 
dga' bar gyur pa 'di yin no/ /dge slong dag de bas na 'di ltar bslab par bya ste/ sangs rgyas dang rang sangs rgyas dang nyan thos rnams la bkur sti bya'o zhes dge slong khyed kyis de ltar bslab par bya'o/ /bcom ldan 'das kyis de skad ces bka' stsal nas/ dge slong de 
dag yi rangs te bcom ldan 'das kyis gsungs pa la mngon par bstod do// //'khor lo zhes bya ba ni/ sangs rgyas bcom ldan 'das la/ rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / 
ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mo byas/ mchod pa byas te/ lha dang / klu dang / 
gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / 
sman zong rnams brnyes pa/ nyan thos kyi dge 'dun dang bcas pa/ rgyal po'i khab na 'od ma'i tshal bya ka lan da ka gnas pa na bzhugs so/ /de'i tshe rgyal po'i khab nas ded dpon zhig rgya mtsho chen po'i nang du zhugs nas/ de'i chung ma lang tsho la bab pa de/ khyim thab la 
gdung zhing yongs su yi chad la smre sngags 'don kyang de'i khyim thab ma 'ongs nas/ des sred med kyi bu la phyag 'tshal te dam bcas pa/ gal te bdag gi khyim thab myur du 'ongs na bdag gis khyod la gser gyi 'khor lo dbul lo zhes byas so/ /de nas de'i khyim thab rgya mtsho 

</font><hr>75-1-67b<br><font size=+1>

chen po'i nang nas myur du phyir 'khor te nye zho med par bde bar 'ongs so/ /de nas des gser gyi 'khor lo byed du bcug ste/ de bran mo'i tshogs kyis bskor bas 'khor lo dang / spos dang / bdug pa dang / me tog khyer te lha khang du chas so/ /de'i skabs su sangs 
rgyas bcom ldan 'das rnams kyis ni mi mkhyen pa'am/ mi gzigs pa'am/ mi rtogs pa'am/ thugs su mi chud pa ci yang med la/ sangs rgyas bcom ldan 'das thugs rje chen po dang ldan pa/ 'jig rten la phan 'dogs pa la zhugs pa/ srung ba gcig pa dang 
ldan pa/ gcig tu dpa' ba/ zla med pa/ gnyis su mi gsung ba/ zhi gnas dang lhag mthong la gnas pa/ rig pa gsum snang bar mdzad pa/ bslab pa gsum la legs par bslabs pa/ 'dul ba'i gzhi gsum la mkhas pa/ chu bo bzhi las rgal ba/ rdzu 
'phrul gyi rkang pa bzhi'i zhabs kyi mthil shin tu brtan pa/ bsdu ba'i dngos po bzhi la yun ring po nas 'dris par byas pa/ mi 'jigs pa bzhis mi 'jigs pa/ khyu mchog gi yang dag pa'i seng ge'i sgra chen po sgrogs pa/ yan lag lnga rnam par spangs pa/ 'gro ba lnga las 
yang dag par 'das pa/ yan lag drug dang ldan pa/ pha rol tu phyin pa drug yongs su rdzogs par byas pa/ rtag tu gnas par bya ba drug la gnas pa/ byang chub kyi yan lag bdun gyi me tog gis phyug pa/ lam yan lag brgyad pa ston pa/ mthar gyis 
snyoms par 'jug pa dgu la mkhas pa/ stobs bcu'i stobs dang ldan pa/ phyogs bcur grags pas kun tu rgyas pa/ brgya phrag bcu pa la dbang byed pa bas kyang ches khyad par du 'phags pa rnams ni chos nyid kyis nyin dus gsum mtshan dus gsum du sangs rgyas 
kyi spyan gyis 'jig rten la gzigs te/ su ni rgud/ su ni dar/ su ni phongs shing 'dug /su ni nyam nga bar gyur/ su ni gnod pa dang ldan/ su ni phongs pa dang nyam nga ba dang gnod pa dang ldan/ su ni ngan song du gzhol/ su ni ngan song du 'bab/ su ni ngan song du bab/

</font><hr>75-1-68a<br><font size=+1>

su ni ngas ngan song nas phyung ste mtho ris dang thar pa dang 'bras bu la gzhag par bya/ su ni 'dod pa'i 'dam du bying ba las lag nas drang bar bya/ su ni 'phags pa'i nor bdun med pa las 'phags pa'i nor bdun gyi dbang phyug la dbang byed du gzhug par bya/ 
su ni dge ba'i rtsa ba rnams ma bskyed pa las bskyed par bya/ su ni dge ba'i rtsa ba rnams bskyed zin pa las yongs su smin par bya/ su ni yongs su smin zin pa las rnam par grol bar bya snyam du ye shes gzigs pa 'jug go/ /'dir smras pa/ rgya mtsho chu srin rnams 
kyi gnas/ /dus rlabs yol bar 'gyur yang srid/ /gdul bar bya ba'i sras rnams la/ /sangs rgyas dus las yol ba med/ /de nas bcom ldan 'das kyis/ bu mo des nga mthong na rang byang chub kyi dge ba'i rtsa ba skyed par 'gyur ro snyam du gzigs so/ /de nas bcom 
ldan 'das snga dro sham thabs dang chos gos gsol te lhung bzed bsnams nas dge slong gi tshogs kyis zhabs 'bring byas te/ dge slong gi dge 'dun gyis mdun du bdar nas rgyal po'i khab tu bsod snyoms la gshegs so/ /de nas bu mo des sangs rgyas bcom ldan 'das sku 
skyes bu chen po'i mtshan sum cu rtsa gnyis kyis legs par brgyan pa/ dpe byad bzang po brgyad cus mdzes par byas pa/ 'od 'dom gang gis brgyan pa/ nyi ma stong bas lhag pa'i 'od mnga' ba/ /rin po che'i ri bo 'gro ba lta bu kun nas bzang ba mthong ngo / /de nas 
mthong ba'i mod la dga' ba thob ste/ bcom ldan 'das la gser gyi 'khor lo dor bar byas so/ /de nas bran mos bkag ste 'di sred med kyi bu ma yin no zhes byas so/ /'on kyang de bkag bzhin du dad pa drag pos yid 'dun par gyur pas/ sangs rgyas bcom ldan 'das 
kyi steng du gser gyi 'khor lo bor ro/ /spos dang bdug pa dang me tog kyang phul lo/ /de nas bcom ldan 'das kyis 'dzum pa mdzad do/ /'di ni sangs rgyas bcom ldan 'das rnams gang gi tshe 'dzum pa mdzad pa'i chos nyid de/ de'i tshe zhal nas 'od zer sngon po dang / ser po dang /

</font><hr>75-1-68b<br><font size=+1>

dmar po dang / dkar po rnams byung nas kha cig ni 'og tu 'gro'o/ /kha cig ni steng du 'gro'o/ /'og tu 'gro ba gang yin pa de dag ni sems can dmyal ba yang sos dang / thig nag dang / 'dus 'joms dang / ngu 'bod dang / ngu 'bod chen po dang / tsha ba dang / rab tu tsha ba dang / 
mnar med pa dang / chu bur can dang / chu bur rdol dang / so thams thams dang / kyi hud zer dang / a chu zer dang / ud pal ltar gas pa dang / pad ma ltar gas pa dang / pad ma ltar gas pa chen por song nas/ tsha ba'i sems can dmyal ba gang yin pa de dag tu ni 
bsil bar gyur te 'bab bo/ /grang ba'i sems can dmyal ba gang yin pa de dag tu ni dro bar gyur te 'bab bo/ /de nas sems can de dag gi gnod pa'i khyad par rnams rtse zhil bar gyur to/ /de nas de dag 'di snyam du sems te/ kye ci bdag cag 'di nas shi 'phos sam 'on 
te gzhan du skyes sam snyam mo/ /de nas de dag dad pa bskyed pa'i phyir bcom ldan 'das sprul pa 'gyed par mdzad de/ de dag gis sprul pa mthong nas 'di snyam du sems te/ kye bdag cag ni 'di nas kyang shi 'phos par ma gyur la gzhan du yang ma skyes mod kyi/ 'on kyang sngon ma 
byung ba'i sems can snang ba 'di'i mthus bdag cag gi gnod pa'i khyad par rnams rtse zhil bar gyur to snyam mo/ /de nas de dag sprul pa la sems mngon par dga' bar gyur nas/ sems can dmyal ba myong bar 'gyur ba'i las de zad de/ lha dang mi rnams kyi nang du gang du bden 
pa rnams kyi snod du rung bar 'gyur ba der nying mtshams 'dzin par 'gyur ro/ /steng du 'gro ba gang yin pa de dag ni rgyal chen bzhi'i ris rnams dang / sum cu rtsa gsum pa rnams dang / 'thab bral rnams dang / dga' ldan rnams dang / 'phrul dga' rnams dang / gzhan 'phrul 
dbang byed rnams dang / tshangs ris rnams dang / tshangs pa'i mdun na 'don pa rnams dang / tshangs pa chen po rnams dang / 'od chung rnams dang / tshad med 'od rnams dang / 'od gsal rnams dang / dge chung rnams dang / tshad med dge rnams dang / dge rgyas rnams dang /

</font><hr>75-1-69a<br><font size=+1>

sprin med rnams dang / bsod nams skyes rnams dang / 'bras bu che rnams dang / mi che rnams dang / mi gdung rnams dang / gya nom snang rnams dang / shin tu mthong rnams dang / 'og min gyi lha rnams kyi bar du song nas/ mi rtag pa dang sdug bsngal ba 
dang stong pa dang bdag med pa'i sgra sgrogs so/ /tshigs su bcad pa gnyis kyang rjod par byed de/ nges par 'byung ba brtsam par gyis/ /sangs rgyas bstan la sbyor bar gyis/ /'dam bu'i khyim la glang chen bzhin/ /'chi bdag sde ni gzhom par gyis/ /gang zhig chos 
'dul 'di nyid la/ /bag yod spyod par byed pa ni/ /skye ba'i 'khor ba rab spangs nas/ /sdug bsngal zad par byed par 'gyur/ /zhes rjod par byed do/ /de nas 'od zer de dag gis stong gsum gyi stong chen po'i 'jig rten gyi khams bskor nas/ bcom ldan 'das nyid 
kyi phyi bzhin 'brangs te/ gal te bcom ldan 'das kyis 'das pa'i las lung ston par bzhed na ni bcom ldan 'das kyi snam logs su mi snang bar 'gyur ro/ /ma 'ongs pa'i las lung ston par bzhed na ni mdun logs su mi snang bar 'gyur ro/ /sems can dmyal bar skye bar 
lung ston par bzhed na ni zhabs kyi mthil du mi snang bar 'gyur ro/ /dud 'gror skye bar lung ston par bzhed na ni zhabs kyi rting par mi snang bar 'gyur ro/ /yi dgas su skye bar lung ston par bzhed na ni zhabs kyi mthe bor mi snang bar 'gyur ro/ /mir skye bar lung ston par 
bzhed na ni pus mo gnyis su mi snang bar 'gyur ro/ /stobs kyi 'khor los sgyur ba'i rgyal por lung ston par bzhed na ni phyag g.yon pa'i mthil du mi snang bar 'gyur ro/ /'khor los sgyur ba'i rgyal por lung ston par bzhed na ni phyag g.yas pa'i mthil du mi snang bar 'gyur ro/ /
lhar skye bar lung ston par bzhed na ni lte bar mi snang bar 'gyur ro/ /nyan thos kyi byang chub tu lung ston par bzhed na ni zhal du mi snang bar 'gyur ro/ /rang sangs rgyas kyi byang chub tu lung ston par bzhed na ni smin mtshams kyi mdzod spur mi snang bar 'gyur ro/ /bla na med pa yang dag 

</font><hr>75-1-69b<br><font size=+1>

par rdzogs pa'i byang chub tu lung ston par bzhed na ni dbu'i gtsug tor du mi snang bar 'gyur ro/ / de nas 'od zer de dag gis bcom ldan 'das la lan gsum bskor ba byas te bcom ldan 'das kyi smin mtshams kyi mdzod spur mi snang bar gyur to/ /de nas tshe dang ldan pa kun dga' bos 
thal mo sbyar te/ bcom ldan 'das la zhus pa/ tshon sna stong gis spel ba sna tshogs can/ /mang po zhal gyi sgo nas byung bar gyur/ /de yis phyogs rnams kun tu snang bar bgyis/ /nyi ma shar bas ji ltar bgyis pa bzhin/ /yang tshigs su bcad de gsol pa/ rgod dang 
bral zhing rgyags dang mi dgyes spangs pa yi/ /sangs rgyas 'gro ba dag gi dam pa'i rgyur gyur pa/ /rgyal ba dgra thub rnams ni rgyu rkyen ma mchis par/ /pad ma'i rtsa dang dung mdog lta bu'i 'dzum mi ston/ /brtan pos nyid kyi blo yis dus bab mkhyen lags na/ /dge slong 
rgyal dbang nyan pa som nyi 'tshal ba rnams/ /thub pa khyu mchog gi ni gsung mchog brtan pa dang / /bzang po dag gis the tsom skyes pa bsal bar gsol/ /rgya mtsho dang ni ri rgyal lta bur brtan pa yi/ /mgon po rdzogs sangs rgyas rnams gyin da 'dzum mi ston/ /gang 
gi don du dpa' bo 'dzum pa ston mdzad pa/ /de ni khyod las skye bo phal chen nyan par 'tshal/ /bcom ldan 'das kyis bka' stsal pa/ kun dga' bo de ni de bzhin no/ /de ni de bzhin te/ kun dga' bo de bzhin gshegs pa dgra bcom pa yang dag par rdzogs pa'i sangs rgyas 
rnams ni rgyu med rkyen med par 'dzum pa mi mdzad do/ /kun dga' bo bu mo 'dis de bzhin gshegs pa la gser gyi 'khor lo bor ba mthong ngam/ btsun pa mthong lags so/ /kun dga' bo bu mo 'di dge ba'i rtsa ba dang sems bskyed pa dang sbyin par bya ba'i chos yongs su gtong 
ba 'dis/ bskal pa bcwa lnga'i bar du log par ltung bar mi 'gyur te/ lha dang mi'i bde ba nyams su myong nas rang sangs rgyas 'khor lo bla ma zhes bya bar 'gyur te de'i sbyin par bya ba'i chos ni gang nga la sems dga' bar gyur pa 'di yin no/ /dge slong dag de bas na 'di ltar 

</font><hr>75-1-70a<br><font size=+1>

bslab par bya ste sangs rgyas dang rang sangs rgyas dang nyan thos rnams la bkur sti bya'o zhes dge slong khyod kyis de ltar bslab par bya'o/ /bcom ldan 'das kyis de skad ces bka' stsal nas/ dge slong de dag yi rangs te bcom ldan 'das kyis gsungs pa la 
mngon par bstod do// //mgo bcu pa zhes bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / 
klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mo byas/ mchod pa byas te/ lha dang / klu dang / gnod sbyin dang / lha ma yin dang / 
nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams 
brnyes pa nyan thos kyi dge 'dun dang bcas pa/yul ma ga d+hA na ljongs rgyu zhing gshegs pa las gang gA'i klung gi 'gram du byon to/ /de nas dge slong rnams kyis thag ring po zhig nas mchod rten rnying pa rlung dang nyi tshan gyis bshig pa zhig 'dug pa de mthong ngo / /mthong 
nas bcom ldan 'das la zhus pa/ btsun pa mchod rten 'di su'i lags/ bcom ldan 'das kyis bka' stsal pa/ rang sangs rgyas mgo bcu pa'i yin no/ /dge slong rnams kyis gsol pa/ bcom ldan 'das rang sangs rgyas mgo bcu pa ga las byung lags/ 
ming ni ci las btags lags/ bcom ldan 'das kyis bka' stsal pa/ dge slong dag khyed rang sangs rgyas mgo bcu pa gang las byung ba dang ming ci las btags pa nyan par 'dod dam/ gsol pa/ btsun pa nyan par 'tshal lags so/ /bka' stsal pa/ dge 

</font><hr>75-1-70b<br><font size=+1>

slong dag 'o na legs par rab tu nyon la yid la zung shig dang ngas bshad do/ /dge slong dag sngon byung ba 'das pa'i dus na/ grong khyer bA rA Na sI na/ rgyal po tshangs pas byin zhes bya ba zhig rgyal po byed de/ de'i ring la 'byor pa dang / rgyas pa dang / bde ba dang / lo 
legs pa dang / skye bo dang mi mang pos gang ba dang / rtsod pa dang 'thab pa zhi ba dang / 'khrug pa dang / nang 'khrug dang / chom rkun dang / mu ge dang / nad rnams med pa dang / 'bras sA lu dang / bu ram shing dang / ba lang dang / ma he dang ldan par 'dug go/ /rgyal 
po de yang chos can chos dang ldan pa'i rgyal po zhig ste chos bzhin du rgyal po byed do/ /de nas rgyal po de/ bu med nas bu 'dod de gu lang dang / chu lha dang / ku be ra dang / brgya byin dang / tshangs pa la sogs pa dang / lha'i khyad par gzhan dag la yang gsol ba 'debs te 
'di lta ste/ kun dga' ra ba'i lha dang / nags tshal gyi lha dang / lam gyi bzhi mdo'i lha dang / sum mdo'i lha dang / gtor ma len pa'i lha dang / lhan cig skyes pa dang / chos 'thun pa dang / rtag tu phyi bzhin 'brang ba'i lha rnams la yang gsol ba 'debs so/ /'jig rten na yang gsol ba btab pa'i rgyus bu dang bu mo skye bar 'gyur ro zhes bya ba'i gtam de yod mod kyi de yang de lta ni ma yin te/ gal te gsol ba btab pa'i rgyus bu dang bu mo skye bar 'gyur du zin na ni 'khor los sgyur ba'i rgyal po bzhin du re re la yang bu stong stong yod par 'gyur 
ba'i rigs so/ /ye ni gnas gsum tshogs pa las bu dang bu mo skye bar gyur te gsum gang zhe na/ pha ma gnyis 'dod chags langs te phrad pa dang / ma dus la bab cing zla mtshan dang ldan pa dang / dri za 'ongs pa ste gnas 'di gsum tshogs pa las bu dang bu mo skye bar 
'gyur ro/ /de yang gsol ba 'debs pa lhur byed cing 'dug la/ de'i skyed mos tshal gyi rdzing chen po ud pa la dang / pad ma dang / ku mu da dang / pad ma dkar pos gang ba/ 'gram ngang pa dang ngur pa dang zal mo la sogs pa bya sna tshogs kyis mdzes par byas pa zhig 

</font><hr>75-1-71a<br><font size=+1>

yod pa de'i nang nas kyang pad ma tshad las 'das par che ba zhig blo tol du skyes te/ de nyin gcig bzhin du cher skye la kha ni mi 'bye ba zhig yod do/ /de nas kun dga' ra ba'i srung mas rgyal po la gsol to/ /de nas rgyal pos kyang pad ma de legs par srungs 
shig ces bsgo'o/ /phyis re zhig na nyi ma 'char kar pad ma de kha bye nas pad ma de'i snying po la khye'u gzugs bzang zhing blta na sdug la mdzes pa mdog bzang ba gser gyi kha dog can mgo bo gdugs ltar 'dug pa lag pa ring ba/ dpral ba'i dbyes che ba/ sna mtho ba/ 
sna legs pa/ smin ma stug pa/ lus skyes bu chen po'i mtshan sum cu rtsa gnyis kyis legs par brgyan pa/ dpe byad bzang po brgyad cus mdzes par byas pa zhig skyil mo krung bcas shing 'dug ste/ kun dga' ra ba'i srung mas kyang rgyal po la gsol to/ /de nas 
rgyal pos thos nas blon po dang btsun mo dang bcas pa skyed mos tshal du dong ste/ pad ma'i snying po la de lta bur mdzes shing 'dug pa mthong ngo / /mthong nas kyang dga' zhing mgu la rab tu dga' ste yi rangs nas dga' ba dang / yid bde ba skyes te/ rdzing gi nang du zhugs nas 
khye'u de blangs te bkur sti chen po dang ldan pas rang gi pho brang du khyer nas/ dge sbyong dang bram ze dang mtshan mkhan dag la bsnyad de/ zhag bdun gsum nyi shu rtsa gcig gi bar du btsas ston rgyas par byas nas/ mgo bcu pa zhes ming btags so/ /de nas khye'u mgo bcu 
pa pang na 'tsho ba'i ma ma gnyis dang / nu ma snun pa'i ma ma gnyis dang / dri ma 'khru ba'i ma ma gnyis dang / rtse ba'i ma ma gnyis te ma ma brgyad la gtad nas/ de ma ma brgyad kyis 'o ma dang / zho dang / mar dang / zhun mar dang / mar gyi snying khu dang gzhan yang yo byad kyi khyad par 
bzang ngo cog gis bskyed bsrings te/ mtsho'i nang gi pad ma bzhin du skye drag par gyur to/ /khye'u de yang dad pa dang ldan la bsam pa bzang zhing dge ba/ bdag la phan pa dang gzhan la phan pa la zhugs pa/ snying rje che ba/ bdag nyid che ba/ chos 'dod pa/ skye dgu la byams pa 

</font><hr>75-1-71b<br><font size=+1>

zhig ste/ des yab rgyal sa na 'dug na/ kha na ma tho ba dang bcas pa dang kha na ma tho ba med pa'i las dag byed pa mthong ngo / /mthong nas kyang khye'u de mi dga' nas yab la gsol pa/ yab bdag legs par gsungs pa'i chos 'dul ba la rab tu 'byung bar gnang bar mdzad 
du gsol zhes byas so/ /yab kyis kyang gnang ste de skra dang kha spu bregs nas gos tshon can bgos te/ yang dag pa'i dad pas khyim nas khyim med par rab tu byung ngo / /de nas des lung mnos pa med par byang chub kyi phyogs dang 'thun pa'i chos sum cu rtsa bdun mngon du 
gyur te/ rang sangs rgyas kyi byang chub mngon sum du byas nas/ nam mkha' la 'phags te yab la cho 'phrul rnam pa sna tshogs bstan to/ /de nas yab kyis zla ba gsum gyi bar du bshos la spyan drangs so/ /de nas de lus thogs pas yongs su skyo nas cho 'phrul rnam 
pa sna tshogs bstan te/ shing zad pa'i me bzhin du mya ngan las 'das par song ste de'i mchod rten 'di yin no/ /de nas dge slong rnams the tsom skyes te the tsom thams cad gcod pa sangs rgyas bcom ldan 'das la zhus pa/ btsun pa rang sangs rgyas mgo bcu pas las gang 
dag bgyis na ma'i mngal du ma skyes te/ pad ma las skyes lags/ bcom ldan 'das kyis bka' stsal pa/ dge slong dag mgo bcu pa nyid kyis sngon tshe rabs gzhan dag tu tshogs rnyed cing rkyen grub pa dang ldan te/ dba' rgal bzhin du 'byung la gdon mi za bar 'ong ba'i 
las de dag byas shing bsags pas na/ mgo bcu pa nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / 
me'i khams dang / rlung gi khams la rnam par smin par mi 'gyur te/ las dge ba dang mi dge ba rnams byas shing bsags pa rnams ni zin pa'i phung po dang khams dang skye mched rnams 'ba' zhig la rnam par smin par 'gyur ro/ /lus can dag gi las rnams ni/ /bskal 

</font><hr>75-1-72a<br><font size=+1>

pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur/ /dge slong dag sngon byung ba 'das pa'i dus na bskal pa dgu bcu rtsa gcig pa la de bzhin gshegs pa dgra bcom pa yang dag par rdzogs pa'i sangs rgyas rig pa dang 
zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das rnam par gzigs zhes bya ba 'jig rten du byung ngo / /de nas yang dag par rdzogs pa'i sangs rgyas rnam par gzigs de/ rgyal po'i pho brang gnyen ldan zhes bya ba na rten cing bzhugs so/ /de nas yang dag par rdzogs pa'i sangs rgyas rnam par gzigs snga dro sham thabs dang chos gos gsol te lhung bzed bsnams nas dge slong gi tshogs kyis zham ring byas te/ 
dge slong gi dge 'dun gyis mdun du bdar nas rgyal po'i pho brang gnyen ldan du bsod snyoms la gshegs so/ /ded dpon zhig kyang pad ma khyer te srang du zhugs so/ /de nas des yang dag par rdzogs pa'i sangs rgyas rnam par gzigs sku skyes bu chen po'i mtshan sum cu 
rtsa gnyis kyis legs par brgyan pa/ dpe byad bzang po brgyad cus mdzes par byas pa/ 'od 'dom gang gis brgyan pa/ nyi ma stong bas lhag pa'i 'od mnga' ba/ rin po che'i ri bo 'gro ba lta bu kun nas bzang ba mthong nas/ mthong ma thag tu pad ma de bcom ldan 'das 
kyi steng du bor te/ bor ma thag tu pad ma de bcom ldan 'das kyi steng du shing rta'i 'phang lo tsam du gyur te/ bcom ldan 'das gshegs na ni 'gro la gzhes na ni sdod do/ /de nas re zhig na yang dag par rdzogs pa'i sangs rgyas rnam par gzigs kyis ded dpon de rang byang 
chub tu lung bstan to/ /de nas dga' zhing mgu la rab tu dga' nas rang gi khyim du song ba dang / de'i skabs su de'i chung ma bu btsa' zhing 'dug ste skad ngan 'don nas/ des bran mo la de ci zhig ces dris so/ /des kyang de bzhin du bsnyad do/ /de nas ded dpon de mi dga' bar 

</font><hr>75-1-72b<br><font size=+1>

gyur nas smon lam btab pa/ bdag nam yang 'khor ba na ma'i mngal du skye bar ma gyur cig ces byas so/ /bcom ldan 'das kyis bka' stsal pa/ dge slong dag ji snyam du sems de'i tshe de'i dus na/ ded dpon du gyur pa gang yin pa de ni rang sangs rgyas mgo bcu pa de yin te/ 
dge ba'i rtsa ba des bskal pa dgu bcu rtsa gcig gi bar du nam yang ma'i mngal du ma skyes la/ srid pa tha ma la yang de'i 'byor pa de 'dra bar gyur to/ /dge slong dag de bas na 'di ltar bslab par bya ste/ sangs rgyas dang / rang sangs rgyas dang / nyan thos rnams la bkur 
sti bya'o zhes dge slong khyed kyis de ltar bslab par bya'o/ /bcom ldan 'das kyis de skad ces bka' stsal nas/ dge slong de dag yi rangs te bcom ldan 'das kyis gsungs pa la mngon par bstod do// //mdog 'jam zhes bya ba ni/ sangs rgyas bcom ldan 'das 
la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 
'am ci rnams dang / lto 'phye chen po rnams kyis bkur sti byas/ bla mar byas/ ri mo byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 
'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' 
ra ba na bzhugs so/ /de'i tshe mnyan du yod pa na tshong dpon phyug cing nor mang la longs spyod che ba nor dang yo byad mang ba bdag dbang ba mang ba/ mdza' bo dang blon po dang nye du dang rgan rabs mang ba zhig yod de/ khyim bdag de yang dad pa dang ldan la dge zhing bsam pa bzang ba/ bdag 

</font><hr>75-1-73a<br><font size=+1>

la phan pa dang gzhan la phan pa la zhugs pa/ snying rje che ba/ bdag nyid che ba/ chos 'dod pa zhig go/ /de nas de 'di snyam du sems te/ longs spyod 'di dag ni chu zla lta bu'i rang bzhin can smig rgyu dang 'dra ba/ mi rtag pa/ mi brtan pa/ ther zug pa ma 
yin pa/ yid brtan du mi rung ba/ 'gyur ba'i chos can/ gnod pa chen po lnga dang thun mong du 'dug pa yin gyis/ bdag gis sangs rgyas bcom ldan 'das nyan thos kyi dge 'dun dang bcas pa la cho ga dang ldan pa'i khrus gsol la zhal zas bzang pos tshim par bya gor ma 
chag snyam mo/ /de nas des bcom ldan 'das nyan thos kyi dge 'dun dang bcas pa khrus gsol ba dang gdugs tshod gsol bar spyan drangs so/ /de nas de la phan gdags pa'i phyir/ bcom ldan 'das nyan thos kyi dge 'dun dang bcas pa dge slong gi tshogs kyis zhabs 
'bring byas te/ dge slong gi dge 'dun gyis mdun du bdar nas cho ga dang ldan pa'i khrus la gshegs so/ /de nas tshong dpon de til mar spos can khyer te bsro khang du song nas bdag nyid kyis bcom ldan 'das nyan thos kyi dge 'dun dang bcas pa la bsnyen bkur byas so/ /de nas 
gang gi tshe bcom ldan 'das nyan thos kyi dge 'dun dang bcas pa/ khrus gsol zin pa de'i tshe khyim bdag des bcom ldan 'das nyan thos kyi dge 'dun dang bcas pa la/ rang gi lag nas bza' ba dang bca' ba gtsang ma bzang pos tshim par byas te ci bzhed pa bstabs so/ /
rang gi lag nas bza' ba dang bca' ba gtsang ma bzang po rnam grangs du mas tshim par byas te ci bzhed pa bstabs nas/ bcom ldan 'das bshos gsol zin te bstsang sder ni gyu/ phyag ni bcabs par rig nas/ stan ches dma' ba zhig khyer te chos mnyan pa'i phyir bcom ldan 
'das kyi spyan sngar 'dug nas de la bcom ldan 'das kyis chos kyi gtam gyis yang dag par bstan/ yang dag par 'dzin du bcug /yang dag par gzengs stod/ yang dag par dga' bar mdzad do/ /chos kyi gtam rnam grangs du ma yang dag par bstan/ yang dag par 'dzin 

</font><hr>75-1-73b<br><font size=+1>

du bcug /yang dag par bzengs bstod/ yang dag par dga' bar mdzad nas cang mi gsung bar bzhugs so/ /de nas tshong dpon de dad pa rnyed nas sdong po rtsa ba nas bcad pa bzhin du bcom ldan 'das kyi zhabs la mgo bos phyag 'tshal te sems la rtas par byas so/ /de nas bcom 
ldan 'das kyis 'dzum pa mdzad do/ /'di ni sangs rgyas bcom ldan 'das rnams gang gi tshe 'dzum pa mdzad pa'i chos nyid de de'i tshe zhal nas 'od zer sngon po dang / ser po dang / dmar po dang / dkar po rnams byung nas kha cig ni 'og tu 'gro'o/ /kha cig ni steng du 'gro'o/ /'og tu 
'gro ba gang yin pa de dag ni sems can dmyal ba yang sos dang / thig nag dang / 'dus 'joms dang / ngu 'bod dang / ngu 'bod chen po dang / tsha ba dang / rab tu tsha ba dang / mnar med pa dang / chu bur can dang / chu bur rdol dang / so thams thams dang / kyi hud zer dang / a 
chu zer dang / ud pa la ltar gas pa dang / pad ma ltar gas pa dang / pad ma ltar gas pa chen por song nas/ tsha ba'i sems can dmyal ba gang yin pa de dag tu ni bsil bar gyur te 'bab bo/ /grang ba'i sems can dmyal ba gang yin pa de dag tu ni dro bar gyur te 'bab bo/ /
des na sems can de dag gi gnod pa'i khyad par rnams rtse zhil bar gyur to/ /de nas sems can de dag 'di snyam du sems te/ kye ci bdag cag 'di nas shi 'phos sam 'on te gzhan du skyes sam snyam mo/ /de nas de dag dad pa bskyed pa'i phyir bcom ldan 'das sprul pa 'gyed 
par mdzad de/ de dag gis sprul pa mthong nas 'di snyam du sems te/ kye bdag cag ni 'di nas kyang shi 'phos par ma gyur la/ gzhan du yang ma skyes mod kyi 'on kyang sngon ma byung ba'i sems can snang ba 'di'i mthus bdag cag gi gnod pa'i khyad par rnams rtse zhil bar gyur to 
snyam mo/ /de nas de dag sprul pa la sems mngon par dga' bar gyur nas/ sems can dmyal ba myong bar 'gyur ba'i las de zad de/ lha dang mi rnams kyi nang du gang du bden pa rnams kyi snod du rung bar 'gyur ba der nying mtshams 'dzin par 'gyur ro/ /steng du 'gro ba gang yin pa 

</font><hr>75-1-74a<br><font size=+1>

de dag ni rgyal chen bzhi'i ris rnams dang / sum cu rtsa gsum pa rnams dang / 'thab bral rnams dang / dga' ldan rnams dang / 'phrul dga' rnams dang / gzhan 'phrul dbang byed rnams dang / tshangs ris rnams dang / tshangs pa'i mdun na 'don pa rnams dang / 
tshangs pa chen po rnams dang / 'od chung rnams dang / tshad med 'od rnams dang / 'od gsal rnams dang / dge chung rnams dang / tshad med dge rnams dang / dge rgyas rnams dang / sprin med rnams dang / bsod nams skyes rnams dang / 'bras bu che rnams dang / mi che rnams dang / 
mi gdung rnams dang / gya nom snang rnams dang / shin tu mthong rnams dang / 'og min gyi lha rnams kyi bar du song nas mi rtag pa dang / sdug bsngal ba dang / stong pa dang / bdag med pa'i sgra sgrogs so/ /tshigs su bcad pa gnyis kyang rjod par byed de/ nges par 'byung ba brtsam 
par gyis/ /sangs rgyas bstan la sbyor bar gyis/ /'dam bu'i khyim la glang chen bzhin/ /'chi bdag sde ni gzhom par gyis/ /gang zhig chos 'dul 'di nyid la/ /bag yod spyod par byed pa ni/ /skye ba'i 'khor ba rab spangs nas/ /sdug bsngal zad par byed par 'gyur/ /
zhes rjod par byed do/ /de nas 'od zer de dag gis stong gsum gyi stong chen po'i 'jig rten gyi khams bskor nas/ bcom ldan 'das nyid kyi phyi bzhin 'brangs te/ gal te bcom ldan 'das kyis 'das pa'i las lung ston par bzhed na ni/ bcom ldan 'das kyi snam logs su 
mi snang bar 'gyur ro/ /ma 'ongs pa'i las lung ston par bzhed na ni mdun logs su mi snang bar 'gyur ro/ /sems can dmyal bar skye bar lung ston par bzhed na ni zhabs kyi mthil du mi snang bar 'gyur ro/ /dud 'gror skye bar lung ston par bzhed na ni zhabs kyi rting par mi 
snang bar 'gyur ro/ /yi dgas su skye bar lung ston par bzhed na ni zhabs kyi mthe bor mi snang bar 'gyur ro/ /mir skye bar lung ston par bzhed na ni pus mo gnyis su mi snang bar 'gyur ro/ /stobs kyi 'khor los sgyur ba'i rgyal por lung ston par bzhed na ni phyag g.yon pa'i 

</font><hr>75-1-74b<br><font size=+1>

mthil du mi snang bar 'gyur ro/ /'khor los sgyur ba'i rgyal por lung ston par bzhed na ni phyag g.yas pa'i mthil du mi snang bar 'gyur ro/ /lhar skye bar lung ston par bzhed na ni lte bar mi snang bar 'gyur ro/ /nyan thos kyi byang chub tu lung ston par bzhed na ni zhal du mi 
snang bar 'gyur ro/ /rang sangs rgyas kyi byang chub tu lung ston par bzhed na ni smin mtshams kyi mdzod spur mi snang bar 'gyur ro/ /bla na med pa yang dag par rdzogs pa'i byang chub tu lung ston par bzhed na ni dbu'i gtsug tor du mi snang bar 'gyur ro/ /de nas 'od zer de dag gis 
bcom ldan 'das la lan gsum bskor ba byas te bcom ldan 'das kyi smin mtshams kyi mdzod spur mi snang bar gyur to/ /de nas tshe dang ldan pa kun dga' bos thal mo sbyar ba btud de bcom ldan 'das la zhus pa/ tshon sna stong gis spel ba sna tshogs can/ /mang po zhal gyi 
sgo nas byung bar gyur/ /de yis phyogs rnams kun tu snang bar bgyis/ /nyi ma shar bas ji ltar bgyis pa bzhin/ /yang tshigs su bcad de gsol pa/ rgod dang bral zhing rgyags dang mi dgyes spangs pa yi/ /sangs rgyas 'gro ba dag gi dam pa'i rgyur gyur pa/ /rgyal ba dgra 
thub rnams ni rgyu rkyen ma mchis par/ /pad ma'i rtsa dang dung mdog lta bu'i 'dzum mi ston/ /brtan pos nyid kyi bla yis dus bab mkhyen lags na/ /dge sbyong rgyal dbang nyan pa som nyi 'tshal ba rnams/ /thub pa khyu mchog gis ni gsung mchog brtan pa dang / /bzang po dag 
gis the tshom skyes pa bsal bar gsol/ /rgya mtsho dang ni ri rgyal lta bur brtan pa yi/ /mgon po rdzogs sangs rgyas rnams gyin da 'dzum mi ston/ /gang gi don du dpa' bo 'dzum pa ston mdzad pa/ /de ni khyod las skye bo phal chen nyan par 'tshal/ /bcom ldan 'das kyis 
bka' stsal pa/ kun dga' bo de ni de bzhin no/ de ni de bzhin te/ kun dga' bo de bzhin gshegs pa dgra bcom pa yang dag par rdzogs pa'i sangs rgyas rnams ni rgyu med rkyen med par 'dzum pa mi mdzad do/ /kun dga' bo tshong dpon 'dis nga la 'di lta bu'i bkur sti byas pa 

</font><hr>75-1-75a<br><font size=+1>

mthong ngam/ btsun pa mthong lags so/ /kun dga' bo tshong dpon 'di dge ba'i rtsa ba dang sems bskyed pa dang sbyin par bya ba'i chos yongs su gtong ba 'dis rang sangs rgyas mdog 'jam zhes bya bar 'gyur ro/ /de'i sbyin par bya ba'i chos ni gang nga la 
sems mngon par dga' bar gyur pa 'di yin no/ /dge slong dag de bas na 'di ltar bslab par bya ste/ sangs rgyas dang rang sangs rgyas dang nyan thos rnams la bkur sti bya'o zhes dge slong dag khyed kyis de ltar bslab par bya'o/ /bcom ldan 'das kyis de skad ces bka' 
stsal nas/ dge slong de dag yi rangs te/ bcom ldan 'das kyis gsungs pa la mngon par bstod do// //gang po la sogs pa'i rtogs pa brjod pa brgya pa/bam po bdun pa/ 'od bsil zhes bya ba ni/ sangs rgyas bcom ldan 'das la rgyal po rnams dang / blon 
po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 
'phye chen po rnams kyis bkur sti byas/ bla mar byas/ ri mo byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams 
chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ /
de'i tshe mnyan du yod pa na khyim bdag phyug cing nor mang la longs spyod che ba yongs su 'dzin pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa zhig yod de de yang dad pa dang ldan la dge zhing bsam pa bzang ba/ bdag la phan pa dang 

</font><hr>75-1-75b<br><font size=+1>

gzhan dag la phan pa la zhugs pa/ snying rje che ba/ bdag nyid che ba/ chos 'dod pa/ skye dgu la byams pa zhig go/ /de nas de 'di snyam du sems te longs spyod 'di dag ni chu zla lta bu'i rang bzhin can/ glang po che'i rna ba ltar g.yo ba/ mi rtag pa/ mi brtan pa/ ther zug 
ma yin pa/ yid brtan du mi rung ba/ 'gyur ba'i chos can/ gnod pa chen po lnga dang thun mong du 'dug pa yin gyis bdag gis longs spyod snying po med pa las snying po blang bar bya gor ma chag snyam mo/ /des sos ka'i dus la bab pa na/ bcom ldan 'das nyan thos 
kyi dge 'dun dang bcas pa gdugs tshod la spyan drangs nas/ khyim yang rdo dang / gseg ma dang / gyo mo med par byas te/ tsan dan gyi chus ni chag chag btab/ spos sna tshogs kyi snod ni bkram/ dri zhim po'i bdug pas ni bdugs/ me tog sna tshogs kyis ni gtor/ 
me tog gi gdan rnams ni bshams so/ /de nas khu ba bsil ba'i btung ba rnams dang / khur ba dang / bshos rnams kyang sta gon byas nas/ bcom ldan 'das la phrin gyis gdugs tshod la bskul ba/ btsun pa gdugs tshod la bab ste bshos gsol lags na bcom 
ldan 'das kyis da de'i dus la bab par dgongs te gshegs su gsol zhes bskul to/ /de nas bcom ldan 'das snga dro sham thabs dang chos gos gsol te lhung bzed bsnams nas dge slong gi tshogs kyis zhabs 'bring byas te/ dge slong gi dge 'dun gyis mdun du bdar nas khyim bdag 
de'i khyim ga la ba der gshegs te byon nas/ dge slong gi dge 'dun gyi gung la gdan bshams pa la bzhugs so/ /de nas khyim bdag des sangs rgyas la sogs pa dge slong gi dge 'dun bde bar bzhugs par rig nas/ rang gi lag nas bza' ba dang bca' ba gtsang ma bzang pos tshim 
par byas te/ ci bzhed pa bstabs so/ /rang gi lag nas bza' ba dang bca' ba gtsang ma bzang po rnam grangs du mas tshim par byas te ci bzhed pa bstabs nas/ bcom ldan 'das bshos gsol zin te bstsang sder ni gyu/ phyag ni bcabs par rig nas/ stan ches dma' ba zhig khyer te 

</font><hr>75-1-76a<br><font size=+1>

chos mnyan pa'i phyir bcom ldan 'das kyi spyan sngar 'dug go/ /de nas bcom ldan 'das kyis khyim bdag de chos kyi gtam gyis yang dag par bstan/ yang dag par 'dzin du bcug /yang dag par gzengs stod/ yang dag par dga' bar mdzad do/ /chos kyi gtam 
rnam grangs du mas yang dag par bstan/ yang dag par 'dzin du bcug /yang dag par gzengs bstod/ yang dag par dga' bar mdzad nas cang mi gsung bar bzhugs so/ /de nas khyim bdag de dad pa rnyed nas/ bcom ldan 'das kyi zhabs la phyag 'tshal te sems la rtas 
par byas so/ /de nas bcom ldan 'das kyis 'dzum pa mdzad do/ /'di ni sangs rgyas bcom ldan 'das rnams gang gi tshe 'dzum pa mdzad pa'i chos nyid de/ de'i tshe zhal nas 'od zer sngon po dang / ser po dang / dmar po dang / dkar po rnams byung nas/ kha cig ni 'og tu 'gro'o/ /
kha cig ni steng du 'gro'o/ /'og tu 'gro ba gang yin pa de dag ni sems can dmyal ba yang sos dang / thig nag dang / 'dus 'joms dang / ngu 'bod dang / ngu 'bod chen po dang / tsha ba dang / rab tu tsha ba dang / mnar med pa dang / chu bur can dang / chu bur rdol dang / so thams thams 
dang / kyi hud zer dang / a chu zer dang / ud pa la ltar gas pa dang / pad ma ltar gas pa dang / pad ma ltar gas pa chen por song nas/ tsha ba'i sems can dmyal ba gang yin pa de dag tu ni bsil bar gyur te 'bab bo/ /grang ba'i sems can dmyal ba gang yin pa de dag tu ni dro bar 
gyur te 'bab bo/ /des na sems can de dag gi gnod pa'i khyad par rnams rtse zhil bar gyur to/ /de nas de dag 'di snyam du sems te/ kye ci bdag cag 'di nas shi 'phos sam 'on te gzhan du skyes sam snyam mo/ /de nas de dag dad pa bskyed pa'i phyir bcom ldan 'das sprul pa 
'gyed par mdzad de/ de dag gis sprul pa mthong nas 'di snyam du sems te/ kye bdag cag ni 'di nas kyang shi 'phos par ma gyur la gzhan du yang ma skyes mod kyi/ 'on kyang sngon ma byung ba'i sems can snang ba 'di'i mthus bdag cag gi gnod pa'i khyad par rnams rtse zhil bar gyur to 

</font><hr>75-1-76b<br><font size=+1>

snyam mo/ /de nas de dag sprul pa la sems mngon par dga' bar gyur nas sems can dmyal ba myong bar 'gyur ba'i las de zad de/ lha dang mi rnams kyi nang du gang du bden pa rnams kyi snod du rung bar 'gyur ba der nying mtshams 'dzin par 'gyur ro/ /steng du 'gro ba gang yin pa de dag 
ni rgyal chen bzhi'i ris rnams dang / sum cu rtsa gsum pa rnams dang / 'thab bral rnams dang / dga' ldan rnams dang / 'phrul dga' rnams dang / gzhan 'phrul dbang byed rnams dang / tshangs ris rnams dang / tshangs pa'i mdun na 'don pa rnams dang / tshangs pa chen po rnams 
dang / 'od chung rnams dang / tshad med 'od rnams dang / 'od gsal rnams dang / dge chung rnams dang / tshad med dge rnams dang / dge rgyas rnams dang / sprin med rnams dang / bsod nams skyes rnams dang / 'bras bu che rnams dang / mi che rnams dang / mi gdung rnams dang / gya nom 
snang rnams dang / shin tu mthong rnams dang / 'og min gyi lha rnams kyi bar du song nas mi rtag pa dang / sdug bsngal ba dang / stong pa dang / bdag med pa'i sgra sgrogs so/ /tshigs su bcad pa gnyis kyang rjod par byed de/ nges par 'byung ba brtsam par gyis/ /sangs rgyas bstan la sbyor bar gyis/ /
'dam bu'i khyim la glang chen bzhin/ /'chi bdag sde ni gzhom par gyis/ /gang zhig chos 'dul 'di nyid la/ /bag yod spyod par byed pa ni/ /skye ba'i 'khor ba rab spangs nas/ /sdug bsngal zad par byed par 'gyur/ /zhes rjod par byed do/ /de nas 'od zer de dag gis stong gsum gyi stong chen 
po'i 'jig rten gyi khams bskor nas bcom ldan 'das nyid kyi phyi bzhin 'brangs te/ gal te bcom ldan 'das kyis 'das pa'i las lung ston par bzhed na ni bcom ldan 'das kyi snam logs su mi snang bar 'gyur ro/ /ma 'ongs pa'i las lung ston par bzhed na ni mdun logs su mi snang bar 'gyur ro/ /
sems can dmyal bar skye bar lung ston par bzhed na ni zhabs kyi mthil du mi snang bar 'gyur ro/ /dud 'gror skye bar lung ston par bzhed na ni zhabs kyi rting par mi snang bar 'gyur ro/ /yi dgas su skye bar lung ston par bzhed na ni zhabs kyi mthe bor mi snang bar 'gyur ro/ /mir skye bar lung ston 

</font><hr>75-1-77a<br><font size=+1>

par bzhed na ni pus mo gnyis su mi snang bar 'gyur ro/ /stobs kyi 'khor los sgyur ba'i rgyal por lung ston par bzhed na ni phyag g.yon pa'i mthil du mi snang bar 'gyur ro/ /'khor los sgyur ba'i rgyal por lung ston par bzhed na ni phyag g.yas pa'i mthil du mi snang bar 'gyur 
ro/ /lhar skye bar lung ston par bzhed na ni lte bar mi snang bar 'gyur ro/ /nyan thos kyi byang chub tu lung ston par bzhed na ni zhal du mi snang bar 'gyur ro/ /rang sangs rgyas kyi byang chub tu lung ston par bzhed na ni smin mtshams kyi mdzod spur mi snang bar 'gyur ro/ /bla na med pa yang dag par rdzogs 
pa'i byang chub tu lung ston par bzhed na ni dbu'i gtsug tor du mi snang bar 'gyur ro/ /de nas 'od zer de dag gis bcom ldan 'das la lan gsum bskor ba byas te/ bcom ldan 'das kyi smin mtshams kyi mdzod spur mi snang bar gyur to/ /de nas tshe dang ldan pa kun dga' bos thal mo sbyar te 
bcom ldan 'das la zhus pa/ tshon sna stong gis spel ba sna tshogs can/ /mang po zhal gyi sgo nas byung bar gyur/ /de yis phyogs rnams kun tu snang bar bgyis/ /nyi ma shar bas ji ltar bgyis pa bzhin/ /yang tshigs su bcad pa gsol pa/ rgod dang bral zhing rgyags dang mi dgyes 
spangs pa yi/ /sangs rgyas 'gro ba dag gi dam pa'i rgyur gyur pa/ /rgyal ba dgra thub rnams ni rgyu rkyen ma mchis par/ /pad ma'i rtsa dang dung mdog lta bu'i 'dzum mi ston/ /brtan pos nyid kyi blo yis dus bab mkhyen lags na/ /dge slong rgyal dbang nyan pa som nyi 'tshal ba rnams/ /
thub pa khyu mchog gi ni gsung mchog brtan pa dang / /bzang po dag gis the tshom skyes pa bsal bar gsol/ /rgya mtsho dang ni ri rgyal lta bur brtan pa yi/ /mgon po rdzogs sangs rgyas rnams gyin da 'dzum mi ston/ /gang gi don du dpa' bo 'dzum pa ston mdzad pa/ /de ni khyod las skye bo phal 
chen nyan par 'tshal/ /bcom ldan 'das kyis bka' stsal pa/ kun dga' bo de ni de bzhin no/ /de ni de bzhin te/ kun dga' bo de bzhin gshegs pa dgra bcom pa yang dag par rdzogs pa'i sangs rgyas rnams ni rgyu med rkyen med par 'dzum pa mi mdzad do/ /kun dga' bo khyim bdag 'dis nga la 

</font><hr>75-1-77b<br><font size=+1>

'di lta bu'i bkur sti byas pa mthong ngam/ btsun pa mthong lags so/ /kun dga' bo khyim bdag 'di'i dge ba'i rtsa ba dang sems bskyed pa dang sbyin par bya ba'i chos yongs su gtong ba 'dis/ rang sangs rgyas 'od bsil zhes bya bar 'gyur ro/ /de'i sbyin par bya ba'i chos ni gang nga la 
sems dad par byas pa 'di yin no/ /dge slong dag de bas na 'di ltar bslab par bya ste/ sangs rgyas dang rang sangs rgyas dang nyan thos rnams la bkur sti bya'o zhes dge slong khyed kyis de ltar bslab par bya'o/ /bcom ldan 'das kyis de skad ces bka' stsal nas/ dge slong de dag yi rangs 
te bcom ldan 'das kyis gsungs pa la mngon par bstod do// //mnyan pa zhes bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha 
rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mo byas/ mchod pa byas te/ lha dang / klu dang / gnod sbyin dang / lha ma yin dang / nam mkha' 
lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas 
pa/ yul ma ga d+hA na ljongs rgyu zhing gshegs pa las gang gA'i klung gi 'gram du byon to/ /de nas bcom ldan 'das dge slong gi tshogs kyis zhabs 'bring byas te/ dge slong gi dge 'dun gyis mdun du bdar nas/ mnyan pa rnams ga la ba der gshegs te byon nas/ mnyan pa rnams 
la 'di skad ces bka' stsal to/ /kye chu klung 'di las nga sgrol cig /mnyan pa rnams kyis gsol pa/ gru btsas stsol cig /de nas bcom ldan 'das kyis mnyan pa de dag la 'di skad ces bka' stsal to/ /nga yang sngon mnyan pa byed byed de ngas dga' bo ni 'dod chags kyi chu klung du lhung 

</font><hr>75-1-78a<br><font size=+1>

ba las bsgral/ sor phreng ni zhe sdang gi rgya mtshor lhung ba las bsgral/ bram ze'i bu nga rgyal gyis khengs pa ni nga rgyal gyi rgya mtshor lhung ba las bsgral/ steng rgyas 'od srung ni gti mug gi rgya mtshor lhung ba las bsgral te 'on kyang ngas gru btsas ma blangs so/ /de skad ces 
bka' stsal kyang bsgral bar khas ma blangs so/ /de nas mnyan pa zhig gis bcom ldan 'das kyi gsung yan lag brgyad dang ldan pa yang thos/ gzugs phun sum tshogs pa de yang mthong nas dad pa skyes te/ bdag gis bcom ldan 'das nyan thos kyi dge 'dun dang bcas pa 
bsgral bar 'tshal lo zhes gsol to/ /de nas dge slong rnams grur zhugs pa dang bcom ldan 'das rdzu 'phrul gyis mnyan pa de bas kyang ches sngar pha rol gyi 'gram du zhugs par gyur to/ /de nas mnyan pa des rdzu 'phrul gyi cho 'phrul de mthong nas sems dga' bar gyur te zhabs 
la mgo bos phyag 'tshal te/ bcom ldan 'das kyis de la 'phags pa'i bden pa bzhi rtogs par 'gyur ba de lta bu'i chos bstan te/ mnyan pa des de thos nas 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu mngon sum du 
byas so/ /des bden pa mthong nas dga' ba'i tshig lan gsum du brjod de/ btsun pa bcom ldan 'das kyis bdag gi khrag dang mchi ma'i rgya mtsho bskams pa dang / rus pa'i la bsgral ba dang / ngan song gi sgo rnams bcad pa dang / mtho ris dang / thar pa'i sgo rnams phye ba dang / bdag 
lha dang mi rnams kyi nang du bzhag pa 'di lta bu ni bdag la phas kyang ma bgyis/ mas kyang ma bgyis/ rgyal pos kyang ma bgyis/ lha rnams kyis kyang ma bgyis/ nang mi dang gnyen gyi tshogs kyis kyang ma bgyis/ sngon gyi mtshun rnams kyis kyang ma bgyis/ dge sbyong dang bram ze rnams kyis 
kyang ma bgyis lags so/ /yang gsol pa/ nyes pa mang por ldan pa'i ngan song lam/ /shin tu mi bzad khyod kyi mthu yis bcad/ /bsod nams rab ldan mtho ris 'gro ba phye/ /mya ngan 'das pa'i lam yang bdag gis thob/ /bdag gis de ring nyes pa spangs pa'i mig /shin tu rnam 

</font><hr>75-1-78b<br><font size=+1>

dag khyod las brten nas thob/ /bdag ni sdug bsngal rgya mtsho'i pha rol rgal/ /'phags pa dgyes pa'i zhi ba'i go 'phang thob/ /mi mchog dbang po mi dang lhas mchod pa/ /skye dang rga dang shi ba'i nad spangs pa/ /srid pa stong du mthong bar dka' ba las/ /thub pa khyod ni deng mthong 'bras 
bu yod/ /de'i nang nas mnyan pa gcig cig 'gyod pa chen po skyes nas/ des bcom ldan 'das kyi zhabs la phyag 'tshal te nyes pa bshags nas/ bcom ldan 'das nyan thos kyi dge 'dun dang bcas pa bshos gsol to/ /de nas bcom ldan 'das kyis 'dzum pa mdzad do/ /'di ni 
sangs rgyas bcom ldan 'das rnams gang gi tshe 'dzum pa mdzad pa'i chos nyid de/ de'i tshe zhal nas 'od zer sngon po dang / ser po dang / dmar po dang / dkar po rnams byung nas kha cig ni 'og tu 'gro'o/ /kha cig ni steng du 'gro'o/ /'og tu 'gro ba gang yin pa de dag ni sems can dmyal ba yang 
sos dang / thig nag dang / 'dus 'joms dang / ngu 'bod dang / ngu 'bod chen po dang / tsha ba dang / rab tu tsha ba dang / mnar med pa dang / chu bur can dang / chu bur rdol dang / so thams thams dang / kyi hud zer dang / a chu zer dang / ud pa la ltar gas pa dang / pad ma ltar gas pa 
dang / pad ma ltar gas pa chen por song nas tsha ba'i sems can dmyal ba gang yin pa de dag tu ni bsil bar gyur te 'bab bo/ /grang ba'i sems can dmyal ba gang yin pa de dag tu ni dro bar gyur te 'bab bo/ /des na sems can de dag gi gnod pa'i khyad par rnams rtse zhil bar gyur to/ /
de nas de dag 'di snyam du sems te/ kye ci bdag cag ni 'di nas shi 'phos sam/ 'on te gzhan du skyes sam snyam mo/ /de nas de dag dad pa bskyed pa'i phyir bcom ldan 'das sprul pa 'gyed par mdzad de/ de dag gis sprul pa mthong nas 'di snyam du sems te/ kye bdag cag ni 'di 
nas kyang shi 'phos par ma gyur la gzhan du yang ma skyes mod kyi/ 'on kyang sngon ma byung ba'i sems can snang ba 'di'i mthus bdag cag gi gnod pa'i khyad par rnams rtse zhil bar gyur to snyam mo/ /de nas de dag sprul pa la sems mngon par dga' bar gyur nas sems can dmyal ba myong bar 

</font><hr>75-1-79a<br><font size=+1>

'gyur ba'i las de zad de lha dang mi rnams kyi nang du gang du bden pa rnams kyi snod du rung bar 'gyur ba der nying mtshams 'dzin par 'gyur ro/ /steng du 'gro ba gang yin pa de dag ni rgyal chen bzhi'i ris rnams dang / sum cu rtsa gsum pa rnams dang / 'thab bral rnams 
dang / dga' ldan rnams dang / 'phrul dga' rnams dang / gzhan 'phrul dbang byed rnams dang / tshangs ris rnams dang / tshangs pa'i mdun na 'don pa rnams dang / tshangs pa chen po rnams dang / 'od chung rnams dang / tshad med 'od rnams dang / 'od gsal rnams dang / dge chung 
rnams dang / tshad med dge rnams dang / dge rgyas rnams dang / sprin med rnams dang / bsod nams skyes rnams dang / 'bras bu che rnams dang / mi che rnams dang / mi gdung rnams dang / gya nom snang rnams dang / shin tu mthong rnams dang / 'og min gyi lha rnams kyi bar du song nas mi rtag 
pa dang / sdug bsngal ba dang / stong pa dang / bdag med pa'i sgra sgrogs so/ /tshigs su bcad pa gnyis kyang rjod par byed de/ nges par 'byung ba brtsam par gyis/ /sangs rgyas bstan la sbyor bar gyis/ /'dam bu'i khyim la glang chen bzhin/ /'chi bdag sde ni gzhom par gyis/ /
gang zhig chos 'dul 'di nyid la/ /bag yod spyod par byed pa ni/ /skye ba'i 'khor ba rab spangs nas/ /sdug bsngal zad par byed par 'gyur/ /zhes rjod par byed do/ /de nas 'od zer de dag gis stong gsum gyi stong chen po'i 'jig rten gyi khams bskor nas bcom ldan 'das nyid kyi phyi 
bzhin 'brangs te/ gal te bcom ldan 'das kyis 'das pa'i las lung ston par bzhed na ni bcom ldan 'das kyi snam logs su mi snang bar 'gyur ro/ /ma 'ongs pa'i las lung ston par bzhed na ni mdun logs su mi snang bar 'gyur ro/ /sems can dmyal bar skye bar lung ston par 
bzhed na ni zhabs kyi mthil du mi snang bar 'gyur ro/ /dud 'gror skye bar lung ston par bzhed na ni zhabs kyi rting par mi snang bar 'gyur ro/ /yi dgas su skye bar lung ston par bzhed na ni zhabs kyi mthe bor mi snang bar 'gyur ro/ /mir skye bar lung ston par bzhed na ni pus mo gnyis su mi 

</font><hr>75-1-79b<br><font size=+1>

snang bar 'gyur ro/ /stobs kyi 'khor los sgyur ba'i rgyal por lung ston par bzhed na ni phyag g.yon pa'i mthil du mi snang bar 'gyur ro/ /'khor los sgyur ba'i rgyal por lung ston par bzhed na ni phyag g.yas pa'i mthil du mi snang bar 'gyur ro/ /lhar skye bar lung ston par bzhed 
na ni lte bar mi snang bar 'gyur ro/ /nyan thos kyi byang chub tu lung ston par bzhed na ni zhal du mi snang bar 'gyur ro/ /rang sangs rgyas kyi byang chub tu lung ston par bzhed na ni smin mtshams kyi mdzod spur mi snang bar 'gyur ro/ /bla na med pa yang dag par rdzogs pa'i byang chub tu lung ston 
par bzhed na ni dbu'i gtsug tor du mi snang bar 'gyur ro/ /de nas 'od zer de dag gis bcom ldan 'das la lan gsum bskor ba byas te bcom ldan 'das kyi smin mtshams kyi mdzod spur mi snang bar gyur to/ /de nas tshe dang ldan pa kun dga' bos thal mo sbyar te/ bcom ldan 'das 
la zhus pa/ tshon sna stong gis spel ba sna tshogs can/ /mang po zhal gyi sgo nas byung bar gyur/ /de yis phyogs rnams kun tu snang bar bgyis/ /nyi ma shar bas ji ltar bgyis pa bzhin/ /yang tshigs su bcad de gsol pa/ rgod dang bral zhing rgyags dang mi dgyes spangs pa yi/ /
sangs rgyas 'gro ba dag gi dam pa'i rgyur gyur pa/ /rgyal ba dgra thub rnams ni rgyu rkyen ma mchis par/ /pad ma'i rtsa dang dung mdog lta bu'i 'dzum mi ston/ /brtan pos nyid kyi blo yis dus bab mkhyen lags na/ /dge sbyong rgyal dbang nyan pa som nyi 'tshal ba rnams/ /thub pa khyu 
mchog gi ni gsung mchog brtan pa dang / /bzang po dag gis the tshom skyes pa bsal bar gsol/ /rgya mtsho dang ni ri rgyal lta bur brtan pa yi/ /mgon po rdzogs sangs rgyas rnams gyin da 'dzum mi ston/ /gang gi don du dpa' bo 'dzum pa ston mdzad pa/ /de ni khyod las skye bo phal chen 
nyan par 'tshal/ /bcom ldan 'das kyis bka' stsal pa/ kun dga' bo de ni de bzhin no/ /kun dga' bo de ni de bzhin te/ kun dga' bo de bzhin gshegs pa dgra bcom pa yang dag par rdzogs pa'i sangs rgyas rnams ni rgyu med rkyen med par 'dzum pa mi mdzad do/ /kun dga' bo mnyan pa 'dis nga 

</font><hr>75-1-80a<br><font size=+1>

la sems dga' ba bskyed pa mthong ngam/ btsun pa mthong lags so/ /kun dga' bo mnyan pa 'dis dge ba'i rtsa ba dang sems bskyed pa dang / sbyin par bya ba'i chos yongs su gtong ba 'dis/ ma 'ongs pa'i dus na rang sangs rgyas 'khor ba rgal zhes bya bar 'gyur ro/ /de'i 
sbyin par bya ba'i chos ni gang nga la sems dad par byas pa 'di yin no/ /dge slong dag de bas na 'di ltar bslab par bya ste/ sangs rgyas dang rang sangs rgyas dang nyan thos rnams la bkur sti bya'o zhes dge slong khyod kyis de ltar bslab par bya'o/ /bcom ldan 'das kyis de skad ces bka' stsal 
nas/ dge slong de dag yi rangs te bcom ldan 'das kyis gsungs pa la mngon par bstod do// //spos kyi ngad ldang zhes bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams 
dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mo byas/ mchod pa byas te/ lha dang / klu dang / gnod 
sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong 
rnams brnyes pa/ nyan thos kyi dge 'dun dang bcas pa rgyal po'i khab na 'od ma'i tshal bya ka lan da ka gnas pa na rten cing bzhugs so/ /de'i tshe yul dbus na 'khod pa'i yul mi rnams kyis lugs kyis na phal cher byug pa sna tshogs kyi lus skud par byed do/ /de nas re zhig na 
khyim bdag gi bu zhig yod pa de'i bran mo dad pa dang ldan la dge zhing bsam pa bzang ba zhig yod pa de'i tsan dan dmar po bdar zhing 'dug go/ /bcom ldan 'das kyang snga dro sham thabs dang chos gos gsol te lhung bzed bsnams nas dge slong gi tshogs kyis zhabs 'bring byas te/ dge 

</font><hr>75-1-80b<br><font size=+1>

slong gi dge 'dun gyis mdun du bdar nas rgyal po'i khab tu bsod snyoms la gshegs so/ /de nas bu mo des sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan pa/ dpe byad bzang po brgyad cus mdzes par byas pa/ 'od 'dom gang 
gis brgyan pa/ nyi ma stong bas lhag pa'i 'od mnga' ba rin po che'i ri bo 'gro ba lta bu kun nas bzang ba mthong ngo / /mthong nas kyang bu mo de dad pa chen po skyes so/ /de nas de dad pa rnyed nas 'di snyam du sems te/ bdag gis 'di lta bu'i zhing rnyed kyang dbul ba'i nyes pas bcom ldan 
'das la bkur sti byed mi nus na bdag gi 'tsho ba 'di 'dra ba ci dgos snyam mo/ /de nas des rang gi srog la yang ma bltas te/ lag pa gnyi ga tsan dan dmar pos byugs nas bcom ldan 'das kyi zhabs gnyis la bskus so/ /bcom ldan 'das kyis kyang rdzu 'phrul gyis rgyal po'i 
khab kyi grong khyer ril gyis tsan dan gyi dris gang bar mdzad do/ /de nas bu mo des cho 'phrul de mthong nas sems dga' bar gyur te/ bcom ldan 'das kyi zhabs la phyag 'tshal nas sems la rtas par byas te/ bdag dge ba'i rtsa ba dang sems bskyed pa dang sbyin par bya ba'i chos yongs 
su gtong ba 'dis rang sangs rgyas kyi byang chub mngon sum du byed par gyur cig ces byas so/ /de nas bcom ldan 'das kyis 'dzum pa mdzad do/ /'di ni sangs rgyas bcom ldan 'das rnams gang gi tshe 'dzum pa mdzad pa'i chos nyid de/ de'i tshe zhal nas 'od zer sngon po dang / ser po 
dang / dmar po dang / dkar po rnams byung nas kha cig ni 'og tu 'gro'o/ /kha cig ni steng du 'gro'o/ /'og tu 'gro ba gang yin pa de dag ni sems can dmyal ba yang sos dang / thig nag dang / 'dus 'joms dang / ngu 'bod dang / ngu 'bod chen po dang / tsha ba dang / rab tu tsha ba dang / 
mnar med pa dang / chu bur can dang / chu bur rdol dang / so thams thams dang / kyi hud zer dang / a chu zer dang / ud pal ltar gas pa dang / pad ma ltar gas pa dang / pad ma ltar gas pa chen por song nas tsha ba'i sems can dmyal ba gang yin pa de dag tu ni bsil bar gyur te 

</font><hr>75-1-81a<br><font size=+1>

'bab bo/ /grang ba'i sems can dmyal ba gang yin pa de dag tu ni dro bar gyur te 'bab bo/ /des na sems can de dag gi gnod pa'i khyad par rnams rtse zhil bar gyur to/ /de nas de dag 'di snyam du sems te/ kye ci bdag cag 'di nas shi 'phos sam 'on te 
gzhan du skyes sam snyam mo/ /de nas de dag dad pa bskyed pa'i phyir bcom ldan 'das sprul pa 'gyed par mdzad de/ de dag gis sprul pa mthong nas 'di snyam du sems te/ kye ci bdag cag ni 'di nas kyang shi 'phos par ma gyur la gzhan du yang ma skyes mod kyi/ 'on kyang sngon ma 
byung ba'i sems can snang ba 'di'i mthus/ bdag cag gi gnod pa'i khyad par rnams rtse zhil bar gyur to snyam mo/ /de nas de dag sprul pa la sems mngon par dga' bar gyur nas sems can dmyal ba myong bar 'gyur ba'i las de zad de/ lha dang mi rnams kyi nang du gang du bden pa 
rnams kyi snod du rung bar 'gyur ba der nying mtshams 'dzin par 'gyur ro/ /steng du 'gro ba gang yin pa de dag ni rgyal chen bzhi'i ris rnams dang / sum cu rtsa gsum pa rnams dang / 'thab bral rnams dang / dga' ldan rnams dang / 'phrul dga' rnams dang / gzhan 'phrul dbang 
byed rnams dang / tshangs ris rnams dang / tshangs pa'i mdun na 'don pa rnams dang / tshangs pa chen po rnams dang / 'od chung rnams dang / tshad med 'od rnams dang / 'od gsal rnams dang / dge chung rnams dang / tshad med dge rnams dang / dge rgyas rnams dang / sprin med rnams 
dang / bsod nams skyes rnams dang / 'bras bu che rnams dang / mi che rnams dang / mi gdung rnams dang / gya nom snang rnams dang / shin tu mthong rnams dang / 'og min gyi lha rnams kyi bar du song nas mi rtag pa dang / sdug bsngal ba dang / stong pa dang / bdag med pa'i sgra sgrogs so/ /
tshigs su bcad pa gnyis kyang rjod par byed de/ nges par 'byung ba brtsam par gyis/ /sangs rgyas bstan la sbyor bar gyis/ /'dam bu'i khyim la glang chen bzhin/ /'chi bdag sde ni gzhom par gyis/ /gang zhig chos 'dul 'di nyid la/ /bag yod spyod par byed pa ni/ /skye ba'i 'khor 

</font><hr>75-1-81b<br><font size=+1>

ba rab spangs nas/ /sdug bsngal zad par byed par 'gyur/ /zhes rjod par byed do/ /de nas 'od zer de dag gis stong gsum gyi stong chen po'i 'jig rten gyi khams bskor nas/ bcom ldan 'das nyid kyi phyi bzhin 'brangs te/ gal te bcom ldan 'das kyis 'das pa'i las lung ston 
par bzhed na ni bcom ldan 'das kyi snam logs su mi snang bar 'gyur ro/ /ma 'ongs pa'i las lung ston par bzhed na ni mdun logs su mi snang bar 'gyur ro/ /sems can dmyal bar skye bar lung ston par bzhed na ni zhabs kyi mthil du mi snang bar 'gyur ro/ /dud 'gror skye bar 
lung ston par bzhed na ni zhabs kyi rting par mi snang bar 'gyur ro/ /yi dgas su skye bar lung ston par bzhed na ni zhabs kyi mthe bor mi snang bar 'gyur ro/ /mir skye bar lung ston par bzhed na ni pus mo gnyis su mi snang bar 'gyur ro/ /stobs kyi 'khor los sgyur ba'i rgyal por 
lung ston par bzhed na ni phyag g.yon pa'i mthil du mi snang bar 'gyur ro/ /'khor los sgyur ba'i rgyal por lung ston par bzhed na ni phyag g.yas pa'i mthil du mi snang bar 'gyur ro/ /lhar skye bar lung ston par bzhed na ni lte bar mi snang bar 'gyur ro/ /nyan thos kyi byang chub tu 
lung ston par bzhed na ni zhal du mi snang bar 'gyur ro/ /rang sangs rgyas kyi byang chub tu lung ston par bzhed na ni smin mtshams kyi mdzod spur mi snang bar 'gyur ro/ /bla na med pa yang dag par rdzogs pa'i byang chub tu lung ston par bzhed na ni dbu'i gtsug tor du mi snang bar 'gyur ro/ /
de nas 'od zer de dag gis bcom ldan 'das la lan gsum bskor ba byas te bcom ldan 'das kyi smin mtshams kyi mdzod spur mi snang bar gyur to/ /de nas tshe dang ldan pa kun dga' bos thal mo sbyar te/ bcom ldan 'das la zhus pa/ tshon sna stong gis spel ba sna tshogs can/ /
mang po zhal gyi sgo nas byung bar gyur/ /de yis phyogs rnams kun tu snang bar bgyis/ /nyi ma shar bas ji ltar bgyis pa bzhin/ /yang tshigs su bcad de gsol pa/ rgod dang bral zhing rgyags dang mi dgyes spangs pa yi/ /sangs rgyas 'gro ba dag gi dam pa'i rgyur gyur pa/ /

</font><hr>75-1-82a<br><font size=+1>

rgyal ba dgra thub rnams ni rgyu rkyen ma mchis par/ /pad ma'i rtsa dang dung mdog lta bu'i 'dzum mi ston/ /brtan pos nyid kyi blo yis dus bab mkhyen lags na/ /dge sbyong rgyal dbang nyan pa som nyi 'tshal ba rnams/ /thub pa khyu mchog gi ni gsung mchog brtan pa 
dang / /bzang po dag gis the tshom skyes pa bsal bar gsol/ /rgya mtsho dang ni ri rgyal lta bur brtan pa yi/ /mgon po rdzogs sangs rgyas rnams gyin da 'dzum mi ston/ /gang gi don du dpa' bo 'dzum pa ston mdzad pa/ /de ni khyod las skye bo phal chen nyan par 'tshal/ /bcom 
ldan 'das kyis bka' stsal pa/ kun dga' bo de ni de bzhin no/ /de ni de bzhin te/ kun dga' bo de bzhin gshegs pa dgra bcom pa yang dag par rdzogs pa'i sangs rgyas rnams ni rgyu med rkyen med par 'dzum pa mi mdzad do/ /kun dga' bo bu mo 'dis nga la 'di lta bu'i 
bkur sti byas pa mthong ngam/ btsun pa mthong lags so/ /kun dga' bo bu mo 'di dge ba'i rtsa ba dang sems bskyed pa dang sbyin par bya ba'i chos yongs su gtong ba 'dis ma 'ongs pa'i dus na rang sangs rgyas spos kyi ngad ldang zhes bya bar 'gyur ro/ /de'i sbyin par bya ba'i chos ni gang nga 
la sems dang bar byas pa 'di yin no/ /dge slong dag de bas na 'di ltar bslab par bya ste/ sangs rgyas dang rang sangs rgyas dang nyan thos rnams la bkur sti bya'o zhes dge slong khyed kyis de ltar bslab par bya'o/ /bcom ldan 'das kyis de skad ces bka' stsal nas/ dge slong de dag 
yi rangs te bcom ldan 'das kyis gsungs pa la mngon par bstod do// //dri ma med pa zhes bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon 
rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mo byas/ mchod pa byas te/ lha dang / klu dang / gnod sbyin dang / lha ma yin dang /

</font><hr>75-1-82b<br><font size=+1>

nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa nyan thos kyi 
dge 'dun dang bcas pa mnyan du yod pa na/ rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ /de'i tshe mnyan du yod pa na kun dga' ra ba'i srung ma zhig yod de/ des so shing zhig khyer te mnyan du yod par song ngo / /ltas mkhan 
zhig kyang sgo ka na 'dug ste/ de na re so shing 'di su za ba de ni zas ro brgya dang ldan pa za bar 'gyur ro zhes zer ro/ /de nas kun dga' ra ba'i srung mas tshig de thos nas 'di snyam du sems te/ so shing 'di gang la byin na de'i rgyus bdag cher bkur bar 'gyur zhig gu snyam mo/ /
yang de 'di snyam du sems te/ sangs rgyas bcom ldan 'das 'di ni rgyu ba dang mi rgyu ba'i 'jig rten na bsod nams kyi zhing du 'gro ba 'bras bu yod pa yin gyis/ bdag gis 'di sangs rgyas bcom ldan 'das la dbul lo snyam mo/ /de nas kun dga' ra ba'i srung ma des so shing 
de khyer nas/ bcom ldan 'das ga la ba der song ste phyin nas bcom ldan 'das kyi zhabs la mgo bos phyag 'tshal te phyogs gcig tu 'dug go/ /phyogs gcig tu 'dug nas kun dga' ra ba'i srung ma des/ sangs rgyas bcom ldan 'das la 'di skad ces gsol to/ /
bcom ldan 'das bdag la thugs brtse ba'i slad du tshems shing 'di bzhes su gsol/ de nas bcom ldan 'das kyis kun dga' ra ba'i srung ma la phan gdags pa'i phyir phyag gser gyi kha dog can glang po che'i sna ltar 'dug pa brkyang nas bzhes so/ /bzhes nas kyang de kun 
dga' ra ba'i srung ma'i mdun du gsol to/ /gsol nas kyang so shing de sa la btsugs so/ /de nas btsugs pa'i mod da kho na'i skad cig la yal ga dang / lo ma dang / me tog dang / 'bras bu phun sum tshogs pa'i shing n+ya gro d+ha chen po chu zheng gab pa zhig tu gyur te/ de'i grib ma 

</font><hr>75-1-83a<br><font size=+1>

la bcom ldan 'das bzhugs nas lha dang mi du ma la chos bstan to/ /de nas khyim bdag mgon med zas sbyin gyis zhal zas ro brgya dang ldan pa gsol to/ /de nas kun dga' ra ba'i srung ma de/ bcom ldan 'das kyi cho 'phrul gyis sems dad par byas 
nas/ sdong po rtsa ba nas bcad pa bzhin du zhabs la phyag 'tshal te smon lam btab pa/ dge ba'i rtsa ba 'dis bdag rang byang chub mngon sum du byed par gyur cig ces byas so/ /de nas bcom ldan 'das kyis 'dzum pa mdzad do/ /'di ni sangs rgyas bcom ldan 'das 
rnams gang gi tshe 'dzum pa mdzad pa'i chos nyid de/ de'i tshe zhal nas 'od zer sngon po dang / ser po dang / dmar po dang / dkar po rnams byung nas kha cig ni 'og tu 'gro'o/ /kha cig ni steng du 'gro'o/ /'og tu 'gro ba gang yin pa de dag ni sems can dmyal ba yang sos dang / thig 
nag dang / 'dus 'joms dang / ngu 'bod dang / ngu 'bod chen po dang / tsha ba dang / rab tu tsha ba dang / mnar med pa dang / chu bur can dang / chu bur rdol dang / so thams thams dang / kyi hud zer dang / a chu zer dang / ud pal ltar gas pa dang / pad ma ltar gas pa dang / pad ma ltar 
gas pa chen por song nas tsha ba'i sems can dmyal ba gang yin pa de dag tu ni bsil bar gyur te 'bab bo/ /grang ba'i sems can dmyal ba gang yin pa de dag tu ni dro bar gyur te 'bab bo/ /des na sems can de dag gi gnod pa'i khyad par rnams rtse zhil bar gyur to/ /de nas de 
dag 'di snyam du sems te/ kye ci bdag cag 'di nas shi 'phos sam/ 'on te gzhan du skyes sam snyam mo/ /de nas de dag dad pa bskyed pa'i phyir/ bcom ldan 'das sprul pa 'gyed par mdzad de/ de dag gis sprul pa mthong nas 'di snyam du sems te/ kye bdag cag ni 'di nas 
kyang shi 'phos par ma gyur la gzhan du yang ma skyes mod kyi 'on kyang sngon ma byung ba'i sems can snang ba 'di'i mthus bdag cag gi gnod pa'i khyad par rnams rtse zhil bar gyur to snyam mo/ /de nas de dag sprul pa la sems mngon par dga' bar gyur nas sems can dmyal ba myong bar 'gyur 

</font><hr>75-1-83b<br><font size=+1>

ba'i las de zad de lha dang mi rnams kyi nang du gang du bden pa rnams kyi snod du rung bar 'gyur ba der nying mtshams 'dzin par 'gyur ro/ /steng du 'gro ba gang yin pa de dag tu ni rgyal chen bzhi'i ris rnams dang / sum cu rtsa gsum pa rnams dang / 'thab bral rnams dang / dga' 
ldan rnams dang / 'phrul dga' rnams dang / gzhan 'phrul dbang byed rnams dang / tshangs ris rnams dang / tshangs pa'i mdun na 'don pa rnams dang / tshangs pa chen po rnams dang / 'od chung rnams dang / tshad med 'od rnams dang / 'od gsal rnams dang / dge chung rnams dang / 
tshad med dge rnams dang / dge rgyas rnams dang / sprin med rnams dang / bsod nams skyes rnams dang / 'bras bu che rnams dang / mi che rnams dang / mi gdung rnams dang / gya nom snang rnams dang / shin tu mthong rnams dang / 'og min gyi lha rnams kyi bar du song nas/ mi rtag 
pa dang / sdug bsngal ba dang / stong pa dang / bdag med pa'i sgra sgrogs so/ /tshigs su bcad pa gnyis kyang rjod par byed de/ nges par 'byung ba brtsam par gyis/ /sangs rgyas bstan la sbyor bar gyis/ /'dam bu'i khyim la glang chen bzhin/ /'chi bdag sde ni gzhom par 
gyis/ /gang zhig chos 'dul 'di nyid la/ /bag yod spyod par byed pa ni/ /skye ba'i 'khor ba rab spangs nas/ /sdug bsngal zad par byed par 'gyur/ /zhes rjod par byed do/ /de nas 'od zer de dag gis stong gsum gyi stong chen po'i 'jig rten gyi khams bskor nas bcom ldan 
'das nyid kyi phyi bzhin 'brangs te/ gal te bcom ldan 'das kyis 'das pa'i las lung ston par bzhed na ni bcom ldan 'das kyi snam logs su mi snang bar 'gyur ro/ /ma 'ongs pa'i las lung ston par bzhed na ni mdun logs su mi snang bar 'gyur ro/ /sems can dmyal bar 
skye bar lung ston par bzhed na ni zhabs kyi mthil du mi snang bar 'gyur ro/ /dud 'gror skye bar lung ston par bzhed na ni zhabs kyi rting par mi snang bar 'gyur ro/ /yi dgas su skye bar lung ston par bzhed na ni zhabs kyi mthe bor mi snang bar 'gyur ro/ /mir skye bar lung ston par bzhed na 

</font><hr>75-1-84a<br><font size=+1>

ni pus mo gnyis su mi snang bar 'gyur ro/ /stobs kyi 'khor los sgyur ba'i rgyal por lung ston par bzhed na ni phyag g.yon pa'i mthil du mi snang bar 'gyur ro/ /'khor los sgyur ba'i rgyal por lung ston par bzhed na ni phyag g.yas pa'i mthil du mi snang bar 'gyur 
ro/ /lhar skye bar lung ston par bzhed na ni lte bar mi snang bar 'gyur ro/ /nyan thos kyi byang chub tu lung ston par bzhed na ni zhal du mi snang bar 'gyur ro/ /rang sangs rgyas kyi byang chub tu lung ston par bzhed na ni smin mtshams kyi mdzod spur mi snang bar 'gyur ro/ /bla na med pa yang dag par 
rdzogs pa'i byang chub tu lung ston par bzhed na ni dbu'i gtsug tor du mi snang bar 'gyur ro/ /de nas 'od zer de dag gis bcom ldan 'das la lan gsum bskor ba byas te bcom ldan 'das kyi smin mtshams kyi mdzod spur mi snang bar gyur to/ /de nas tshe dang ldan pa kun dga' bos thal mo 
sbyar te bcom ldan 'das la zhus pa/ tshon sna stong gis spel ba sna tshogs can/ /mang po zhal gyi sgo nas byung bar gyur/ /de yis phyogs rnams kun tu snang bar bgyis/ /nyi ma shar bas ji ltar bgyis pa bzhin/ /yang tshigs su bcad de gsol pa/ rgod dang bral zhing rgyags dang 
mi dgyes spangs pa yi/ /sangs rgyas 'gro ba dag gi dam pa'i rgyur gyur pa/ /rgyal ba dgra thub rnams ni rgyu rkyen ma mchis par/ /pad ma'i rtsa dang dung mdog lta bu'i 'dzum mi ston/ /brtan pos nyid kyi blo yis dus bab mkhyen lags na/ /dge sbyong rgyal dbang nyan pa som nyi 'tshal ba 
rnams/ /thub pa khyu mchog gi ni gsung mchog brtan pa dang / /bzang po dag gis the tshom skyes pa bsal bar gsol/ /rgya mtsho dang ni ri rgyal lta bur brtan pa yi/ /mgon po rdzogs sangs rgyas rnams gyin da 'dzum mi ston/ /gang gi don du dpa' bo 'dzum pa ston mdzad pa/ /de 
ni khyod las skye bo phal chen nyan par 'tshal/ /bcom ldan 'das kyis bka' stsal pa/ kun dga' bo de ni de bzhin no/ /de ni de bzhin te/ kun dga' bo de bzhin gshegs pa dgra bcom pa yang dag par rdzogs pa'i sangs rgyas rnams ni/ rgyu med rkyen med par 'dzum pa mi mdzad 

</font><hr>75-1-84b<br><font size=+1>

do/ /kun dga' bo kun dga' ra ba'i srung ma 'dis nga la 'di lta bu'i bkur sti byas pa mthong ngam/ btsun pa mthong lags so/ /kun dga' bo kun dga' ra ba'i srung ma 'di dge ba'i rtsa ba dang sems bskyed pa dang sbyin par bya ba'i chos yongs su gtong ba 'dis bskal pa bcu 
gsum gyi bar du log par ltung bar mi 'gyur te srid pa tha ma dang / gnas tha ma dang / lus tha ma dang / bdag gi ngo bo tha ma la thob pa ni rang sangs rgyas dri ma med pa zhes bya bar 'gyur ro/ /de'i sbyin par bya ba'i chos ni gang nga la sems dad par byas pa 'di yin no/ /dge slong dag de 
bas na 'di ltar bslab par bya ste/ sangs rgyas dang rang sangs rgyas dang nyan thos rnams la bkur sti bya'o zhes dge slong khyed kyis de ltar bslab par bya'o/ /bcom ldan 'das kyis de skad ces bka' stsal nas/ dge slong de dag yi rangs te bcom ldan 'das kyis gsungs pa la 
mngon par bstod do// //gdangs snyan ces bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / 
gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mo byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / 
lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa mnyan du yod pa na rgyal 
bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ /de nas bcom ldan 'das snga dro sham thabs dang chos gos gsol te lhung bzed bsnams nas mnyan du yod par bsod snyoms la gshegs so/ /mdza' sde bo mang po zhig kyang chang gis ra ro zhing myos 

</font><hr>75-1-85a<br><font size=+1>

nas pi bang dang / gling bu dang / rdza rnga dang / rnga zlum rnams dang / rol mo'i sgra rnam pa sna tshogs byed de/ gar byed glu len la me tog ud pa la dang / pad ma dang / ku mu da dang / pad ma dkar po dang / par shi ka la sogs pa me tog gi phreng ba mang po yang mgul du 
btags nas/ gos khyad par du 'phags pa dag bgos te mnyan du yod pa'i phyi rol tu byung ngo / /de nas mdza' sde bo de dag gis bcom ldan 'das sku skyes bu chen po'i mtshan sum cu rtsa gnyis kyis legs par brgyan pa/ dpe byad bzang po brgyad cus mdzes par byas pa/ 'od 
'dom gang gis brgyan pa/ nyi ma stong bas lhag pa'i 'od mnga' ba/ rin po che'i ri bo 'gro ba lta bu kun nas bzang ba mthong ngo / /mthong ma thag tu de dag chang gis ra ro ba de las sangs par gyur to/ /de nas ra ro ba las sangs nas sems dga' zhing dad par gyur te/ gar 
dang glu dang rol mo'i sgra rnams kyis bcom ldan 'das la bsnyen bkur byas so/ /ud pa la sngon po rnams kyang bcom ldan 'das kyi steng du gtor te/ de dag bcom ldan 'das kyi steng du khang pa brtsegs pa sngon po dang khang pa sngon po dang gdugs sngon po lta bur gyur te 'dug nas/ de 
dag bcom ldan 'das gshegs na ni 'gro la gzhes na ni sdod do/ /bcom ldan 'das kyis kyang 'od sngon po dag bkye ste/ 'od de dag gis mnyan du yod pa nor bu an da rnyil gyi mdog 'dra bar 'dug par byas so/ /de nas mdza' sde bo de dag bcom ldan 'das la dad pa skyes te sems la 
rtas par byas nas/ dge ba'i rtsa ba dang sems bskyed pa dang sbyin par bya ba'i chos 'dis bdag cag rang byang chub mngon sum du byed par gyur cig ces byas so/ /de nas bcom ldan 'das kyis 'dzum pa mdzad do/ /'di ni sangs rgyas bcom ldan 'das rnams gang gi tshe 'dzum pa 
mdzad pa'i chos nyid de/ de'i tshe zhal nas 'od zer sngon po dang / ser po dang / dmar po dang / dkar po rnams byung nas kha cig ni 'og tu 'gro'o/ /kha cig ni steng du 'gro'o/ /'og tu 'gro ba gang yin pa de dag ni sems can dmyal ba yang sos dang / thig nag dang / 'dus 'joms dang /

</font><hr>75-1-85b<br><font size=+1>

ngu 'bod dang / ngu 'bod chen po dang / tsha ba dang / rab tu tsha ba dang / mnar med pa dang / chu bur can dang / chu bur rdol dang / so thams thams dang / kyi hud zer dang / a chu zer dang / ud pal ltar gas pa dang / pad ma ltar gas pa dang / pad ma ltar gas pa chen por song nas/ 
tsha ba'i sems can dmyal ba gang yin pa de dag tu ni bsil bar gyur te 'bab bo/ /grang ba'i sems can dmyal ba gang yin pa de dag tu ni dro bar gyur te 'bab bo/ /des na sems can de dag gi gnod pa'i khyad par rnams rtse zhil bar gyur to/ /de nas de dag 'di snyam du sems 
te/ kye ci bdag cag 'di nas shi 'phos sam 'on te gzhan du skyes sam snyam mo/ /de nas de dag dad pa bskyed pa'i phyir bcom ldan 'das sprul pa 'gyed par mdzad de/ de dag gis sprul pa mthong nas 'di snyam du sems te/ kye bdag cag ni 'di nas kyang shi 'phos par ma gyur la gzhan du 
yang ma skyes mod kyi/ 'on kyang sngon ma byung ba'i sems can snang ba 'di'i mthus bdag cag gi gnod pa'i khyad par rnams rtse zhil bar gyur to snyam mo/ /de nas de dag sprul pa la sems mngon par dga' bar gyur nas sems can dmyal ba myong bar 'gyur ba'i las de zad de/ lha dang 
mi rnams kyi nang du gang du bden pa rnams kyi snod du rung bar 'gyur ba der nying mtshams 'dzin par 'gyur ro/ /steng du 'gro ba gang yin pa de dag ni rgyal chen bzhi'i ris rnams dang / sum cu rtsa gsum pa rnams dang / 'thab bral rnams dang / dga' ldan rnams dang / 'phrul dga' rnams 
dang / gzhan 'phrul dbang byed rnams dang / tshangs ris rnams dang / tshangs pa'i mdun na 'don pa rnams dang / tshangs pa chen po rnams dang / 'od chung rnams dang / tshad med 'od rnams dang / 'od gsal rnams dang / dge chung rnams dang / tshad med dge rnams dang / dge rgyas rnams 
dang / sprin med rnams dang / bsod nams skyes rnams dang / 'bras bu che rnams dang / mi che rnams dang / mi gdung rnams dang / gya nom snang rnams dang / shin tu mthong rnams dang / 'og min gyi lha rnams kyi bar du song nas mi rtag pa dang / sdug bsngal ba dang / stong pa dang / bdag 

</font><hr>75-1-86a<br><font size=+1>

med pa'i sgra sgrogs so/ /tshigs su bcad pa gnyis kyang rjod par byed de/ nges par 'byung ba brtsam par gyis/ /sangs rgyas bstan la sbyor bar gyis/ /'dam bu'i khyim la glang chen bzhin/ /'chi bdag sde ni gzhom par gyis/ /gang zhig chos 'dul 
'di nyid la/ /bag yod spyod par byed pa ni/ /skye ba'i 'khor ba rab spangs nas/ /sdug bsngal bsal bar byed par 'gyur/ /zhes rjod par byed do/ /de nas 'od zer de dag gis stong gsum gyi stong chen po'i 'jig rten gyi khams bskor nas bcom ldan 'das nyid kyi phyi bzhin 'brangs 
te/ gal te bcom ldan 'das kyis 'das pa'i las lung ston par bzhed na ni bcom ldan 'das kyi snam logs su mi snang bar 'gyur ro/ /ma 'ongs pa'i las lung ston par bzhed na ni mdun logs su mi snang bar 'gyur ro/ /sems can dmyal bar skye bar lung ston par bzhed 
na ni zhabs kyi mthil du mi snang bar 'gyur ro/ /dud 'gror skye bar lung ston par bzhed na ni zhabs kyi rting par mi snang bar 'gyur ro/ /yi dgas su skye bar lung ston par bzhed na ni zhabs kyi mthe bor mi snang bar 'gyur ro/ /mir skye bar lung ston par bzhed na ni pus mo gnyis 
su mi snang bar 'gyur ro/ /stobs kyi 'khor los sgyur ba'i rgyal por lung ston par bzhed na ni phyag g.yon pa'i mthil du mi snang bar 'gyur ro/ /'khor los sgyur ba'i rgyal por lung ston par bzhed na ni phyag g.yas pa'i mthil du mi snang bar 'gyur ro/ /lhar skye bar lung ston 
par bzhed na ni lte bar mi snang bar 'gyur ro/ /nyan thos kyi byang chub tu lung ston par bzhed na ni zhal du mi snang bar 'gyur ro/ /rang sangs rgyas kyi byang chub tu lung ston par bzhed na ni smin mtshams kyi mdzod spur mi snang bar 'gyur ro/ /bla na med pa'i yang dag par rdzogs pa'i 
byang chub tu lung ston par bzhed na ni dbu'i gtsug tor du mi snang bar 'gyur ro/ /de nas 'od zer de dag gis bcom ldan 'das la lan gsum bskor ba byas te/ bcom ldan 'das kyi smin mtshams kyi mdzod spur mi snang bar gyur to/ /de nas tshe dang ldan pa kun dga' bos thal mo 

</font><hr>75-1-86b<br><font size=+1>

sbyar te bcom ldan 'das la zhus pa/ tshon sna stong gis spel ba sna tshogs can/ /mang po zhal gyi sgo nas byung bar gyur/ /de yis phyogs rnams kun tu snang bar bgyis/ /nyi ma shar bas ji ltar bgyis pa bzhin/ /yang tshigs su bcad de gsol pa/ rgod dang bral zhing rgyags dang 
mi dgyes spangs pa yi/ /sangs rgyas 'gro ba dag gi dam pa'i rgyur gyur pa/ /rgyal ba dgra thub rnams ni rgyu rkyen ma mchis par/ /pad ma'i rtsa dang dung mdog lta bu'i 'dzum mi ston/ /brtan pos nyid kyi blo yis dus bab mkhyen lags na/ /dge sbyong rgyal dbang nyan pa som nyi 
'tshal ba rnams/ /thub pa khyu mchog gi ni gsung mchog brtan pa dang / /bzang po dag gis the tsom skyes pa bsal bar gsol/ /rgya mtsho dang ni ri rgyal lta bur brtan pa yi/ /mgon po rdzogs sangs rgyas rnams gyin da 'dzum mi ston/ /gang gi don du dpa' bo 'dzum pa ston 
mdzad pa/ /de ni khyod las skye bo phal chen nyan par 'tshal/ /bcom ldan 'das kyis bka' stsal pa/ kun dga' bo de ni de bzhin no/ /de ni de bzhin te/ kun dga' bo de bzhin gshegs pa dgra bcom pa yang dag par rdzogs pa'i sangs rgyas rnams ni rgyu med rkyen med par 'dzum pa mi 
mdzad do/ /kun dga' bo mdza' sde bo 'di rnams kyis nga la 'di lta bu'i bkur sti byas pa mthong ngam/ btsun pa mthong lags so/ /kun dga' bo mdza' sde bo 'di rnams dge ba'i rtsa ba dang sems bskyed pa dang sbyin par bya ba'i chos yongs su gtong ba 'dis bskal pa nyi shu'i bar 
du log par ltung bar mi 'gyur te/ srid pa tha ma dang / gnas tha ma dang / lus tha ma dang / bdag gi ngo bo tha ma thob pa na/ rang sangs rgyas gdangs snyan zhes bya ba sha stag tu 'gyur ro/ /de dag gi sbyin par bya ba'i chos ni gang nga la sems dang bar byas pa 'di yin no/ /dge slong 
dag de lta bas na 'di ltar bslab par bya ste/ sangs rgyas dang rang sangs rgyas dang nyan thos rnams la bkur sti bya'o zhes dge slong dag khyed kyis de ltar bslab par bya'o/ /bcom ldan 'das kyis de skad ces bka' stsal nas/ dge slong de dag yi rangs te bcom ldan 'das kyis gsungs 

</font><hr>75-1-87a<br><font size=+1>

pa la mngon par bstod do// //gang po la sogs pa'i rtogs pa brjod pa brgya pa las/ sdom gyi tshigs su bcad pa gsum pa rdzogs so// //gang po la sogs pa'i rtogs pa brjod pa brgya pa/bam po brgyad pa/ sdom ni/ pad ma dang 
ni kham re dang / /chos skyong de bzhin zhi ldan dang / /gzugs bzang mdza' bo'i bu mo dang / /ri bong dang ni chos tshol dang / /mgon med zas sbyin rab bzang ba/ /sde tshan dag tu bstan pa yin/ /pad ma zhes bya ba ni/ sangs rgyas bcom ldan 'das la rgyal po rnams dang / blon 
po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams 
kyis bkur sti byas/ bla mar byas/ ri mo byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / 
zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ /de nas ston kyi dus kyi tshe dge slong dag skya 
rbab ser po'i nad kyis thebs te lus rid cing lus nyam chung bar gyur to/ /bcom ldan 'das ni snyun mi mnga' zhing gnod pa med la snyun gyis btab pa med de stobs dang ldan no/ /de nas dge slong rnams kyis de mthong nas bcom ldan 'das la zhus pa/ btsun pa dge slong kha cig ni 
gdon gyi nad skya rbab ser pos thebs te lus rid cing lus nyam chung bar gyur/ bcom ldan 'das ni snyun mi mnga' zhing gnod pa ma mchis te/ stobs dang ldan zhing rang bzhin gyis snyun mi mnga' la/ pho ba'i drod snyoms shing 'ju ba dang ldan pa la gzigs/ bka' stsal pa/ dge slong 

</font><hr>75-1-87b<br><font size=+1>

dag de bzhin gshegs pa nyid kyis/ sngon tshe rabs gzhan dag tu tshogs rnyed cing rkyen grub pa dang ldan te dba' rgal bzhin du 'byung la/ gdon mi za bar 'ong ba'i las de dag byas shing bsags pas na/ nga nyid kyis las byas shing bsags pa de dag gzhan su zhig gis nyams su myong bar 
'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po 
dang khams dang skye mched rnams 'ba' zhig la rnam par smin par 'gyur ro/ /lus can dag gi las rnams ni/ /bskal pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur/ /dge slong dag sngon byung ba 'das pa'i dus na/ grong khyer bA rA Na 
sI na/ rgyal po pad ma zhes bya ba rgyal po byed de/ de'i ring la 'byor pa dang / rgyas pa dang / bde ba dang / lo legs pa dang / skye bo dang mi mang pos gang ba dang / 'thab pa dang / rtsod pa zhi ba dang / 'khrug pa dang / nang 'khrug dang / chom rkun dang / mu ge dang / nad rnams med pa 
dang / 'bras sA lu dang / bu ram shing dang / ba lang dang / ma he dang ldan par 'dug ste/ gnod pa med cing tsher ma dkrugs la bu gcig pa la bya ba bzhin du rgyal srid bskyangs so/ /rgyal po de yang dad pa dang ldan la dge zhing bsam pa bzang ba dang / bdag la phan pa dang gzhan la phan pa 
la zhugs pa/ snying rje che ba/ bdag nyid che ba/ chos 'dod pa skye dgu la byams pa thams cad sbyin pa/ thams cad yongs su gtong ba/ chags pa med par yongs su gtong ba/ gtong ba chen po la gnas pa zhig go/ /de'i tshe bA rA Na sIr dus dang dus tshigs ma snyoms pa las mi nad chen 
po byung ste/ sems can phal cher skya rbab kyi nad kyis btab bo/ /de nas rgyal pos de dag mthong nas snying rje skyed de/ bdag gis 'di dag yongs su bskyab par bya zhing gas bar bya'o snyam mo/ /de nas yul thams cad na sman pa 'khod pa rnams bsdus te/ bsgo nas sems can de dag gi 

</font><hr>75-1-88a<br><font size=+1>

nad kyi gzhi dang gnas dang snga nas gzhi yod pa rtogs nas/ de'i 'og tu bdag nyid kyis gas ba dang sman thams cad bsdu bar byas so/ /de nas gsos te/ nor dang sman dang nad g.yog dang ldan par byas kyang yun ring mo zhig lon gyi bar du sems can de dag gso ma 
nus so/ /de nas rgyal pos sman pa thams cad bkug ste gus par byas nas/ kye ci'i phyir sems can 'di dag gso dka' bar gyur ces smras so/ /de nas sman pa rnams kyis dpyad de yon tan dang nyes pa gros 'thun par gsol pa/ lha dus ma snyoms pa dang khams ma snyoms pa las 
gyur pa lags pas/ legs par ma rtogs mod kyi lha 'on kyang sman sna gcig mchis te/ nya ro hi ta zhes bgyi ba zhig mchis la/ gal te rnyed na ni des gso bar nus lags so/ /de nas rgyal po nya ro hi ta kun tu tshol ba la zhugs te des tshol ba'i mi mang po bkye nas btsal kyang ma rnyed do/ /de 
nas de dag gis rgyal po la gsol to/ /de nas phyi zhig na rgyal po 'chag tu gshegs pa dang / nad pa de dag kyang gcig tu 'dus te 'khod nas rgyal po la gsol pa/ rgyal po chen po bdag cag nad 'di las yongs su bskyab cing srog stsal du gsol/ de nas rgyal pos nad pa rnams 
kyi tshig snying rje rje skad zer zhing / sdug sdug skad zer la gti zhing smra ba'i tshig thos nas snying rjes snying bskyod de/ 'chi ma 'dzag cing ngu bzhin du phyung nas bsams pa/ bdag gis gzhan sdug bsngal gyis gzir ba rnams zhi bar byed kyang ma nus na bdag gi 'tsho ba 'di lta bu dang rgyal srid kyi dbang 
phyug 'di 'dra ba ci dgos snyam mo/ /de snyam du bsams nas/ rgyal pos nor phal po che yongs su gtong ba byas te/ bu thu bo rgyal por bcug nas nye du dang skye bo rnams la nyes pa bshags te/ pho brang 'khor gyi mi dang blon po rnams la bstod nas/ nad pa sdug pa rnams dbugs phyung ste brtul 
zhugs yan lag brgyad pa yang dag par blangs nas khang bzangs kyi steng du song ste/ bdug pa dang / me tog dang / spos dang / me tog phreng dang / byug pa rnams gtor nas shar phyogs su kha bltas te smon lam btab pa/ bden pa dang bden pa'i tshig gang gis sems can rnams shin tu phongs 

</font><hr>75-1-88b<br><font size=+1>

par gyur te/ nad kyis yongs su gzir ba mthong nas bdag gis rang gi srog phangs pa yongs su btang ba'i bden pa dang bden pa'i tshig 'dis bdag chu klung zlog byed 'di'i nang du nya ro hi tar skye bar shog shig ces smras nas khang bzangs kyi steng nas bdag nyid kyis mchongs so/ /der lhung 
ba'i mod la shi nas chu klung zlog byed kyi nang du nya bo che ro hi ta zhes bya bar skyes so/ /de nas lha rnams kyis yul thams cad du chu klung zlog byed kyi nang du nya bo che ro hi ta zhes bya ba skyes pa de ni/ nad tshabs po ches gzir nas yun ring du lon pa rnams kyi bdud rtsi dang 'dra'o zhes sgra bsgrags so/ /
de nas thos ma thag tu skye bo phal po ches lag na mtshon cha thogs nas skon pa khyer te dong nas/ nya de gson por mtshon cha rnon po rnam pa sna tshogs kyis sha rnams gcod pa la zhugs so/ /byang chub sems dpa' de yang de ltar lus gcod pa na/ sems can de dag la byams pas khyab par byas 
nas gdong mchi ma dron po 'dzag ste/ des bsams pa bdag gi sha khrag gis sems can 'di dag bde bar 'gyur ba 'di ni/ bdag gis rnyed pa legs par rnyed do snyam nas/ de lta bu'i tshul gyis lo bcu gnyis kyi bar du rang gi sha khrag gis sems can de dag tshim par byas te/ bla 
na med pa yang dag par rdzogs pa'i byang chub las kyang sems ma log go/ /gang gi tshe sems can de dag gi nad de zhi bar gyur pa de'i tshe nya bo che ro hi ta des sgra bsgrags pa/ kye sems can dag khyed nyon cig /nga ni rgyal po pad ma zhes bya ba de yin te ngas khyed kyi don du rang gi srog yongs 
su btang nas lus 'di lta bu blangs pa yin gyis/ nga la sems dga' bar gyis shig dang gang gi tshe nga bla na med pa yang dag par rdzogs pa'i byang chub mngon par rdzogs par 'tshang rgya ba de'i tshe/ yang khyed nad las gtan du yongs su thar bar bya ste/ mya ngan las 'das pa gzha' gsang 
gi mthar thug pa grub pa dang bde ba la dgod par bya'o zhes byas so/ /de skad thos nas/ skye bo'i tshogs de dag dang / rgyal po dang / blon po dang / pho brang 'khor gyi mi rnams kyis dad pa rnyed de/ me tog dang / me tog phreng dang / byug pa dag gis mchod nas smon lam btab pa/ shin tu dka' 

</font><hr>75-1-89a<br><font size=+1>

ba byed pa khyod gang gi tshe bla na med pa yang dag par rdzogs pa'i byang chub tu mngon par rdzogs par 'tshang rgya ba de'i tshe bdag cag khyod kyi nyan thos su gyur cig ces byas so/ /bcom ldan 'das kyis bka' stsal pa/ dge slong dag ji snyam du sems de'i tshe de'i dus na 
rgyal po pad ma zhes bya bar gyur pa gang yin pa de ni nga yin te/ ngas de lta bu'i yongs su gtong ba byas pa des na nga 'khor ba na 'khor ba'i tshe bde ba mtha' yas pa nyams su myong bar gyur la/da ltar bla na med pa yang dag par rdzogs pa'i byang chub mngon par rdzogs par sangs rgyas pa na 
yang / pho ba'i drod snyoms shing 'ju ba dang ldan te/ des na ngas zos pa dang 'thungs pa dang / 'chos pa dang myangs pa rnams legs par bde bar zhu bar gyur te/ nga nad med cing gnod pa med la nad med pa'i rang bzhin can du gyur to/ /dge slong dag de bas na 'di ltar bslab par bya 
ste/ sems can thams cad la snying rje bsgom par bya'o zhes dge slong khyed kyis de ltar bslab par bya'o/ /bcom ldan 'das kyis de skad ces bka' stsal nas/ dge slong de dag yi rangs te bcom ldan 'das kyis gsungs pa la mngon par bstod do// //kham re zhes bya ba ni/ 
sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam 
mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mo byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes 
pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon 

</font><hr>75-1-89b<br><font size=+1>

med zas sbyin gyi kun dga' ra ba na bzhugs so/ /der bcom ldan 'das kyis dge slong rnams la bka' stsal pa/ dge slong dag gal te ji ltar ngas sbyin pa'i 'bras bu yang shes la/ sbyin pa'i bgo bsha'i 'bras bu rnam par smin pa yang shes pa bzhin du sems can rnams 
kyis kyang / sbyin pa'i 'bras bu yang shes la/ sbyin pa'i bgo bsha'i 'bras bu rnam par smin pa yang shes su zin na ni/ de lta na kham gyi tha ma dang kham gyi mjug lus pa gang yin pa de las kyang gal te yon gnas len pa po rnyed na/ de la ma byin nam/ bgo bsha' ma 
byas kyi bar du za bar mi byed la/ de dag gi sems kyang ser sna skyes pas kun nas dkris shing 'dug par mi 'gyur ba zhig na ji ltar ngas sbyin pa'i 'bras bu yang shes la/ sbyin pa'i bgo bsha'i 'bras bu rnam par smin pa yang shes pa bzhin du/ sems can rnams kyis kyang 
sbyin pa'i 'bras bu yang mi shes la/ sbyin pa'i bgo bsha'i 'bras bu rnam par smin pa yang mi shes pas na/ de'i phyir de dag ni kun tu 'dzin pa'i sems kyis ma byin pa'am bgo bsha' ma byas par za bar byed la/ de dag gi sems kyang ser sna skyes pas kun nas dkris 
shing 'dug go/ /bcom ldan 'das kyis de skad ces bka' stsal te/ bde bar gshegs pas de skad ces gsungs nas gzhan yang ston pas 'di skad ces bka' stsal to/ /bgo bsha' dag gi rnam par smin/ /ji ltar don ces 'gyur ba de/ /drang srong chen pos gsungs pa 
bzhin/ /sems can rnams kyis shes na ni/ /ma sbyin bar du mi za zhing / /ser sna can du mi 'gyur la/ /de dag kun tu 'dzin pa'i sems/ /nam yang skye bar mi 'gyur na/ /gang phyir byis pa gti mug gis/ /bsgribs pa rnams kyis ma shes pa/ /de phyir kun tu 'dzin sems 
kyis/ /rtag tu ma byin za bar byed/ /de dag ser sna skyes nas kyang / /sems ni kun nas dkris shing 'dug /gang gi tshe bcom ldan 'das kyis mdo 'di bka' stsal pa de'i tshe/ dge slong dag the tsom skyes te/ the tsom thams cad gcod pa/ sangs rgyas bcom ldan 'das la zhus 

</font><hr>75-1-90a<br><font size=+1>

pa/ btsun pa bcom ldan 'das kyis sbyin pa'i bsngags pa yang bka' stsal la/ sbyin pa'i bgo bsha'i 'bras bu rnam par smin pa yang bka' stsal pa ni ngo mtshar lags so/ /bcom ldan 'das kyis bka' stsal pa/ dge slong dag de bzhin gshegs 
pas sbyin pa'i bsngags pa yang brjod la/ sbyin pa'i bgo bsha'i 'bras bu rnam par smin pa yang brjod pa 'di lta la ngo mtshar che ba ci yod/ ngas 'das pa'i dus na slong ba'i phyir bdag za ba'i kham khar 'ongs zin pa las kyang yongs su btang ba de/ legs par rab tu nyon la yid 
la zung shig dang ngas bshad do/ /dge slong dag sngon byung ba 'das pa'i dus na grong khyer bA rA Na sI na rgyal po tshangs pas byin zhes bya ba rgyal po byed de/ de'i ring la 'byor pa dang / rgyas pa dang / bde ba dang / lo legs pa dang / skye bo dang / mi mang pos yongs su gang ba dang / 
rtsod pa dang 'thab pa zhi ba dang / 'khrug pa dang / nang 'khrug dang / chom rkun dang / mu ge dang / nad rnams med pa dang / 'bras sA lu dang / bu ram shing dang / ba lang dang / ma he dang ldan par 'dug ste/ gnod pa med cing tsher ma dkrugs la bu gcig pa la bya ba bzhin du rgyal srid 
bskyangs so/ /rgyal po de yang dad pa dang ldan la dge zhing bsam pa bzang ba/ bdag la phan pa dang gzhan la phan pa la zhugs pa/ snying rje che ba/ bdag nyid che ba/ chos 'dod pa/ skye dgu la byams pa thams cad sbyin pa thams cad yongs su gtong ba/ chags pa med par 
yongs su gtong ba/ gtong ba chen po la gnas pa zhig go/ /phyis re zhig na mu ge'i bar gyi bskal pa dang 'dra bar mu ge chen po byung ngo / /de nas skye bo'i tshogs mu ge'i dus ma yin par 'chi bas 'jigs pa bkres shing lkog ma dang 'gram pa zhom pa/ yi dgas kyi lus 'dra 
ba de dag 'dus shing tshogs la gcig tu 'phungs te/ rgyal po'i thad du dong nas rgyal bar gyur cig /sku tshe ring bar shog shig ces bstod de smras pa/ lha bdag cag mu ge'i 'jigs pa 'di las yongs su skyob cing / srog stsal du gsol zhes byas so/ /de nas rgyal pos mdzod pa la 

</font><hr>75-1-90b<br><font size=+1>

bos te/ kwa ye mdzod pa mdzod na zas dang skom bdag cag dang skye bo'i tshogs 'di rnams kyi chog par yod dam zhes byas so/ /de thos nas mdzod srungs na re brtsis te lha la gsol bar 'tshal lo zhes byas so/ /de nas rtsis mkhas pa rnams kyis brtsis na/ 'di srid cig gi bar 
du yul na 'khod pa thams cad ni nyin gcig bzhin kham re re 'tshal la/ rgyal po ni zhal kham gnyis gnyis gsol ba mchis so zhes gsol to/ /de nas rgyal pos skye bo'i tshogs rnams la bos te bsgo ba/ 'o na khyed nyin gcig bzhin du rgyal po'i pho brang du shog la/ kham re re zos 
nas dengs shig ces byas so/ /de nas de dag nyin gcig bzhin du lhags te/ mi res kham re zos nas gar dga' bar 'dong bar byed do/ /de nas bram ze gzhan zhig rtsis de'i nang du ma zhen te/ gzhan las gtam thos nas rgyal po la smras pa/ lha rtsis mdzad par yul 
mi'i nang du bdag gis thos kyis bdag la'ang kham gcig po de stsol cig ces byas so/ /de nas rgyal pos bdag nyid kham gnyis za ba las kham gcig bram ze la byin nas/ kham gcig ni yul mi dang thang mnyam par za bar byed do/ /lha'i dbang po brgya byin ni 'og ma la 
shes pa'i mthong ba 'jug ste/ de 'di snyam du sems te/ kye ma yul bA rA Na sI na/ rgyal po byed pa de ni shin tu dka' ba byed cing 'dug gis de bdag gis bgam par bya'o snyam mo/ /de nas lha'i dbang po brgya byin gyis bdag nyid bram ze'i cha lugs su sprul te/ gro la bab pa'i tshe/ 
rgyal po'i thad du song nas rgyal bar gyur cig sku tshe ring bar shog shig ces bstod nas smras pa/ lha bdag bkres kyis lha nyid kyi zhal kham gcig po des bdag la phan gdags par gsol/ de nas rgyal pos rang gi srog yongs su gtang bar chad nas/ snying rjes bdag 
gi kham gcig po de bram ze la byin nas smyung bar 'dug ste/ de lta bu'i tshul gyis zhag drug gi bar du zan bcad do/ /'on kyang skye bo phal po che de dag zan za ba mthong nas mchog tu dga' bar sems so/ /de nas lha'i dbang po brgya byin gyis rgyal po de shin tu dka' ba byed pa mthong 

</font><hr>75-1-91a<br><font size=+1>

nas bram ze'i cha lugs mi snang bar byas te/ rang gi gzugs su 'dug nas rgyal po la bstod pa/ rgyal po chen po legs so/ /ma nyes so khyed dka' ba la zhugs pa 'dis bdag dga' bar gyur to/ /skye dgu skyong ba 'di lta bu yod pa las na skye bo'i 
tshogs 'di dag ni mgon yod pa yin no/ /da sa bon thams cad thob cig ces yul phyogs su bsgo shig dang bdag gis zhag bdun na/ gang gis 'bru rnams rgyal bar 'gyur ba de lta bu'i dbang chen gyi char dbab par bya'o zhes byas so/ /rgyal pos kyang de bzhin du byed du 
bcug go/ /brgya byin gyis kyang de lta bu'i dbang chen gyi char phab ste/ des na mu ge de bzlog ste lo legs par gyur to/ /bcom ldan 'das kyis bka' stsal pa/ dge slong dag ji snyam du sems/ de'i tshe de'i dus na rgyal po tshangs pas byin zhes bya bar gyur pa gang yin pa de 
ni nga yin de/ ngas de lta bu'i mu ge byung na yang rang gi srog yongs su btang ste de lta bu'i sbyin pa dag byin no/ /dge slong dag de bas na 'di ltar bslab par bya ste sbyin pa dag sbyin no/ /bsod nams dag bya'o zhes dge slong khyed kyis de ltar bslab par bya'o/ /bcom ldan 'das 
kyis de skad ces bka' stsal nas/ dge slong de dag yi rangs te bcom ldan 'das kyis gsungs pa la mngon par bstod do// //chos skyong zhes bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang 
'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mo 
byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang zhal zas dang gzims cha dang gdan dang 

</font><hr>75-1-91b<br><font size=+1>

snyun gsos dang sman zong rnams brnyes pa/ nyan thos kyi dge 'dun dang bcas pa rgyal po'i khab na 'od ma'i tshal bya ka lan da ka gnas pa na rten cing bzhugs so/ /gang gi tshe mi blun po lhas sbyin gyis/ bcom ldan 'das bgrongs pa'i phyir/ glang po che nor skyong yang btang / dug 
gi phye mas kyang gtor/ gshed ma'i mi yang bkye ste/ de bcom ldan 'das la yun ring po nas gshed ma dang dgra dang mi mdza' bar gyur la/ bcom ldan 'das ni de la byams pa'i dgongs pa dang phan pa'i dgongs pa dang thugs brtse ba'i dgongs pa nye bar gnas par gyur pa de'i tshe/ 
dge slong rnams kyis bcom ldan 'das la zhus pa/ bcom ldan 'das 'di ltar lha sbyin 'di ni bcom ldan 'das bgrongs pa'i slad du brtson par bgyid la/ bcom ldan 'das ni 'di la byams pa'i dgongs pa dang phan pa'i dgongs pa dang thugs brtse ba'i dgongs pas nye bar gnas pa 
la gzigs/ bcom ldan 'das kyis bka' stsal pa/ dge slong dag da ltar de bzhin gshegs pa 'dod chags dang bral ba/ zhe sdang dang bral ba/ gti mug dang bral ba/ skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal 
ba dang / yid mi bde ba dang / 'khrug pa rnams las yongs su grol ba thams cad mkhyen pa/ rnam pa thams cad mkhyen pa/ ye shes dang shes bya thams cad la mnga' brnyes zin pa 'di lta la ngo mtshar che ba ci yod/ 'das pa'i dus na 'dod chags dang bcas pa/ zhe sdang dang 
bcas pa/ gti mug dang bcas pa na/ na so gzhon pa'i tshe gsod du 'ongs pa na yang / ngas 'di la sems sdang ba ma byas pa de legs par rab tu nyon la yid la zung shig dang ngas bshad do/ /dge slong dag sngon byung ba 'das pa'i dus na/ grong khyer bA rA Na sI na rgyal po tshangs 
pas byin zhes bya ba rgyal po byed de/ de'i ring la 'byor pa dang / rgyas pa dang / bde ba dang / lo legs pa dang / skye bo dang mi mang pos yongs su gang ba dang / 'thab pa dang / rtsod pa zhi ba dang / 'khrug pa dang / nang 'khrug dang / chom rkun dang / mu ge dang / nad rnams med pa dang /

</font><hr>75-1-92a<br><font size=+1>

'bras sA lu dang / bu ram shing dang / ba lang dang / ma he dang ldan par 'dug ste/ gnod pa med cing tsher ma dkrugs la bu gcig pa la bya ba bzhin du rgyal srid bskyangs so/ /rgyal po de yang dad pa dang ldan la dge zhing bsam pa bzang ba bdag la phan pa dang gzhan 
la phan pa la zhugs pa/ snying rje che ba/ bdag nyid che ba/ chos 'dod pa/ skye dgu la byams pa/ thams cad sbyin pa/ thams cad yongs su gtong ba/ chags pa med par yongs su gtong ba zhig ste gtong ba chen po la gnas so/ /rgyal po de la btsun mo blo ngan ma zhes bya ba gtum 
zhing khro la gzu lums can zhig yod de/ bu gcig pa chos skyong zhes bya ba yang blo ngan ma de nyid las btsas so/ /gzhon nu chos skyong de yang dad pa dang ldan la/ dge zhing bsam pa bzang ba/ bdag la phan pa dang gzhan la phan pa la zhugs pa/ snying rje che ba/ bdag nyid che ba/ 
chos 'dod pa/ skye dgu la byams pa zhig ste/ de yang bA rA Na sI na gnas pa'i bram ze dang khyim bdag rnams kyis mthong na sdug cing phangs la snying du sdug cing yid du 'ong bar bya ba yin no/ /de nas de mkhan po'i thad du song nas byis pa dag dang lhan cig tu yi ge slob bo/ /phyis 
re zhig na rgyal po dpyid kyi dus kyi tshe/ shing rnams me tog rgyas pa dang / ngang pa dang / khrung khrung dang / rma bya dang / ne tso dang / ri skegs dang / khu byug dang / shang shang te'u rnams skad 'byin pa'i nags khrod du/ btsun mo dam pa dang bcas pa'i btsun mo'i 'khor gyis zhabs 
'bring byas te skyed mos tshal gyi sar song ste/ skyed mos tshal de na/ rgyal po btsun mo'i 'khor dang lhan cig rtse ba las btsun mo blo ngan ma phrag dog dang khro bas non te 'khrugs so/ /rgyal pos ni de la skom 'thungs pa'i phyed bskur ba dang / de 'khrugs pas rgyal po la phrin spring 
ba gal te bdag khyod kyis 'thungs pa'i phyed 'thung bar gyur na/ bdag bu'i khrag 'thung bar gyur cig ces byas so/ /'dod pa sten pa la ni sdig pa'i las mi bya ba ci yang med de/ de nas rgyal po tshangs pas byin chos can yin mod kyi/ 'dod pa'i 'dod chags kyi kun nas dkris 

</font><hr>75-1-92b<br><font size=+1>

pa med par gyur nas/ btsun mo'i 'khor gyis phe'u btab kyang khro ba'i me 'bar te/ de je thur khros nas/ khyed deng la khye'u chos skyong gi mgul ba chod de de la khrag lud cig ces bsgo'o/ /de nas khye'u chos skyong byis pa'i grwa khang na 'dug pas thos nas/ ngus te 'di skad 
du 'khor ba na sems can mi 'thun pa ni tha chad yin te 'di ltar khro ba'i dbang gis rang gi lus las byung ba'i bu yang gsod par byed do zhes smras so/ /de nas khye'u chos skyong rgyan thams cad kyis brgyan te/ yab kyi zhabs la phyag 'tshal nas gsol ba/ yab cig pha'o 
'tshal la ni bu sdug la bdag gis kyang nongs pa ma bgyis na bdag mi dgum par ci gnang / rgyal pos bka' stsal pa/ bu sdug gal te khyod kyi mas bzod na ni ngas kyang bzod par bya'o/ /de nas chos skyong ngu zhing ma'i thad du song ste rkang pa la phyag 'tshal nas thal mo sbyar 
te/ yum bzod pa mdzod la bdag gsod du ma stsal cig /ces smras so/ /de skad du snying rje rje skad zer zhing sdug sdug skad zer la/ gti zhing smra ba'i tshig thos kyang des bzod pa ma byas so/ /de nas gshed ma rnams kyis mtshon rnon pos khye'u chos skyong gi mgul pa 
bcad de/ btsun mo blo ngan ma la khrag blud na 'on kyang blo ngan ma 'gyod pa yang med do/ /khye'u chos skyong ni pha ma dang gshed ma rnams la sems dga' ba bskyed nas shi'o/ /bcom ldan 'das kyis bka' stsal pa/ dge slong dag ji snyam du sems/ de'i tshe de'i dus na khye'u 
chos skyong zhes bya bar gyur pa gang yin pa de ni nga yin no/ /btsun mo blo ngan ma ni lhas byin 'di kho na yin te de'i tshe nga gshed ma'i lag tu song ba na yang 'di la byams pa'i sems bskyed la/ da ltar nga la gsad par brtson pa na yang nga 'di la byams par sems/ phan par sems/ 
snying brtse bar sems so/ /dge slong dag de bas na 'di ltar bslab par bya ste/ sems can thams cad la byams pa'i sems bsgom par bya'o zhes dge slong khyed kyis de ltar bslab par bya'o/ /bcom ldan 'das kyis de skad ces bka' stsal nas dge slong de dag yi rangs te 

</font><hr>75-1-93a<br><font size=+1>

bcom ldan 'das kyis gsungs pa la mngon par bstod do// //zhi ldan zhes bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / 
ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mo byas/ mchod pa byas te/ lha dang / klu dang / 
gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman 
zong rnams brnyes pa/ nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ /de'i tshe mnyan du yod pa na dge slong dag 'dus pa chen po gnyis su gyur te/ gcig ni dbyar zla 
'bring po la dbyar gnas par dam 'cha'o/ /gcig ni ston zla tha chungs nya'i bar du dbyar gnas par dam 'cha' ste/ der dge slong dag lhung bzed rnams kha dog sgyur bar byed chos gos 'khru zhing btso blag byed tshem bu rnams 'drub par byed do/ /de nas re zhig 
na dge slong zhig chos gos 'drub par 'dod de khab kyi mig tu skud pa gzhug ma nus nas snying rje rje skad zer zhing sdug sdug skad zer la gti zhing smra ste/ 'jig rten na bsod nams 'dod pa su yod/ 'jig rten na bsod nams 'dod pa su yod ces zer ro/ /bcom ldan 'das 
kyang de dang thag mi ring ba zhig na 'chag sa na 'chag cing bzhugs so/ /de nas bcom ldan 'das kyis glang po che'i sna lta bu'i phyag brkyang nas/ gdangs zab cing snyan la zur phyin pa dang bya ka la ping ka'i skad lta bur yid du 'ong ba rnga bo che'i sgra ltar snyan pa'i gsung gis 

</font><hr>75-1-93b<br><font size=+1>

bka' stsal pa/ dge slong nga ni 'jig rten na bsod nams 'dod pa'o/ /de nas dge slong des bcom ldan 'das kyis gsung yan lag lnga dang ldan pa thos nas gus par bsgrim pas la gor du bcom ldan 'das kyi phyag nas bzung ste rang gi mgo bo la bzhag nas smras pa/ 
bcom ldan 'das khyod kyi phyag 'dis bskal pa grangs med pa gsum gyi bar du sbyin pa dang / tshul khrims dang / bzod pa dang / brtson 'grus dang / bsam gtan dang / shes rab bsags na/ 'on kyang da dung bcom ldan 'das 'di skad du dge slong nga ni 'jig rten na bsod 
nams 'dod pa'o zhes gsung ngam/ bcom ldan 'das kyis bka' stsal pa/ dge slong nga ni bsod nams kyis chog mi shes te/ dge slong ngas ni bsod nams kyi ro myong bas na de'i phyir bsod nams kyis chog mi shes so/ /de nas dge slong dag the tshom skyes te the tsom 
thams cad gcod pa/ sangs rgyas bcom ldan 'das la zhus pa/ bcom ldan 'das bsod nams kyi 'du byed rnams kyis chog mi mkhyen pa ni ngo mtshar lags so/ /bcom ldan 'das kyis bka' stsal pa/ dge slong dag da ltar de bzhin gshegs pa 'dod chags dang bral 
ba/ zhe sdang dang bral ba gti mug dang bral ba/ skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa las yongs su grol ba/ thams cad mkhyen pa/ rnam pa thams cad mkhyen pa ye shes dang 
shes bya thams cad la mnga' brnyes zin pa 'di lta bu la ngo mtshar che ba ci yod/ 'das pa'i dus na 'dod chags dang bcas pa/ zhe sdang dang bcas pa/ gti mug dang bcas pa/ skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal 
ba dang / yid mi bde ba dang / 'khrug pa rnams las yongs su ma grol ba'i tshe/ nga bsod nams kyi 'du byed rnams kyis chog mi shes pa de legs par rab tu nyon la yid la zung shig dang ngas bshad do/ /dge slong dag sngon byung ba 'das pa'i dus na/ rgyal po'i pho brang zhi ba'i 

</font><hr>75-1-94a<br><font size=+1>

sgra chen zhes bya ba na/ rgyal po zhi ldan zhes bya ba rgyal po byed de/ de'i ring la 'byor pa dang / rgyas pa dang / bde ba dang / lo legs pa dang / skye bo dang mi mang pos gang ba dang / rtsod pa dang / 'thab pa zhi ba dang / 'khrug pa dang / nang 'khrug dang / chom rkun 
dang / mu ge dang / nad rnams med pa dang / 'bras sA lu dang / bu ram shing dang / ba lang dang / ma he dang ldan par 'dug ste/ gnod pa med cing tsher ma dkrugs la bu gcig pa la bya ba bzhin du rgyal srid bskyangs so/ /rgyal po de yang dad pa dang ldan la/dge zhing bsam pa 
bzang ba/ bdag la phan pa dang gzhan la phan pa la zhugs pa/ snying rje che ba/ bdag nyid che ba/ chos 'dod pa/ skye dgu la byams pa thams cad sbyin pa thams cad yongs su gtong ba/ chags pa med par yongs su gtong ba/ gtong ba chen po la gnas pa zhig go/ /de nas 
de nang par sngar langs te mchod sbyin gyi 'dun khang du song nas zas 'dod pa rnams la ni zas sbyin par byed do/ /skom 'dod pa rnams la ni skom sbyin par byed/ gos 'dod pa rnams la ni gos sbyin par byed cing / nor dang / 'bru dang / 'gron bu dang / gser dang / nor bu dang / mu tig 
dang / bai dUr+ya dang / dung dang / man shel dang / byi ru rnams yongs su gtong bar byed do/ /'on kyang da bsod nams kyi 'du byed rnams kyis chog mi shes so/ /de btsun mo'i 'khor du song nas btsun mo'i 'khor la zas dang skom sbyin par byed do/ /bu rnams dang / blon po rnams dang / dpa' 
bo dang / ru mchog dang grong rdal gyi mi rnams dang / yul mi rnams la zas dang skom sbyin par byed do/ /de nas rgyal po zhi ldan 'di snyam du sems te/ bdag gis mi rnams ni tshim par byas na srog chags phra mo rnams lus pa de dag ci zhig gis tshim par bya snyam mo/ /des bdog pa 
thams cad yongs su btang bas gos ya gcig tsam gyon par zad de lus nyi tshe las par gyur nas bsams pa/ srog chags phra mo rnams la ni rang gi lus sbyin par bya'o snyam mo/ /des lus bzhogs nas gang na sha sbrang dang sbrang bu mchu rings la sogs pa yod pa der lus bor te 'dug 

</font><hr>75-1-94b<br><font size=+1>

nas bu gcig pa sdug pa la bya ba bzhin du khrag gis tshim par byas so/ /lha'i dbang po brgya byin ni 'og ma la shes pa'i mthong ba 'jug ste de 'di snyam du sems te/ ci rgyal po zhi ldan 'di sems can rnams kyi don du 'di ltar byed dam/ 'on te snying rjes byed cig gu snyam nas 
bdag gis 'di bgam par bya'o snyam mo/ /de nas bya rgod stang zil bcag pa'i 'phro lta bu dang snag tsa'i mdog can lta bur bdag nyid sprul te/ rgyal po zhi ldan gyi thad du song nas mchus mig bru bar gzas na yang rgyal po de skrag par ni ma gyur gyi/ byams pa'i mig chen pos 
bya rgod de la bltas nas smras pa/ bu nga'i lus las gang 'dod pa las ci dga' mgur gyis shig ces byas so/ /de nas lha'i dbang po brgya byin dga' bar gyur te/ bram ze'i cha lugs su sprul nas rgyal po zhi ldan gyi mdun du bgreng ste smras pa/ rgyal po legs kyis khyod kyi 
mig gnyis nga la byin cig rgyal pos smras pa/ kye bram ze nga'i lus 'di la 'gog pa su yang med kyis ci 'dod pa khyer cig ces byas so/ /de nas lha'i dbang po brgya byin lhag par dga' bar gyur nas bram ze'i cha lugs mi snang bar byas te/ rang gi gzugs su 'dug nas rgyal 
po la spro ba bskyed de smras pa/ kye rgyal po legs so legs so/ /khyod kyi blo shin tu nges sa khyod kyi smon lam bskyod du med do/ /sems can rnams la khyod kyi snying rje chen po'i rgyun 'bab par gyur to/ /khyod 'jigs par bya ba'i chos rnams la 'di ltar 'jigs pa med pa 
las na khyod ring po mi thogs par brtson pa 'dis/ bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro zhes byas so/ /bcom ldan 'das kyis bka' stsal pa/ dge slong dag ji snyam du sems/ de'i tshe de'i dus na rgyal po zhi 
ldan du gyur pa gang yin pa de ni nga yin te/ de'i tshe yang nga bsod nams mngon par 'du byed pa rnams kyis chog ma shes na da ltar lta ci smos/ dge slong dag de bas na 'di ltar bslab par bya ste sbyin pa dag sbyin no/ /bsod nams dag bya'o zhes dge slong khyed kyis de ltar bslab par 

</font><hr>75-1-95a<br><font size=+1>

bya'o/ /bcom ldan 'das kyis de skad ces bka' stsal nas/ dge slong de dag yi rangs te bcom ldan 'das kyis gsungs pa la mngon par bstod do// //gzugs bzang zhes bya ba ni/ sangs rgyas bcom ldan 'das la rgyal po rnams dang / blon po chen po 
rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis 
bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / 
zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa/ mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ /gang gi tshe bcom ldan 'das 
nang du yang dag 'jog las bzhengs nas/ 'khor bzhi po rnams la sbrang bu'i sbrang rtsi ma bskol ba dang 'dra ba'i chos ro dang ldan no cog bshad do/ /'khor brgya phrag du mas kyang dbang po rnams mi g.yo bar bcom ldan 'das la chos ro dang ldan no cog mnyan pa de'i tshe dge slong dag the 
tsom skyes te/ the tsom thams cad gcod pa/ sangs rgyas bcom ldan 'das la zhus pa/ btsun pa sems can 'di rnams chos rin po che'i snod du yang gyur te/ gus par mnyan par sems pa la gzigs/ bcom ldan 'das kyis bka' stsal pa/ dge slong dag de bzhin 
gshegs pas ji ltar gus pa bskyed de chos mnyan pa dang bzung ba de legs par rab tu nyon la yid la zung shig dang ngas bshad do/ /dge slong dag sngon byung ba 'das pa'i dus na grong khyer bA rA Na sI na rgyal po gzugs bzang zhes bya ba zhig rgyal po byed de de'i ring la 'byor pa 

</font><hr>75-1-95b<br><font size=+1>

dang / rgyas pa dang / bde ba dang / lo legs pa dang / skye bo dang mi mang pos gang ba dang / 'thab pa dang / rtsod pa zhi ba dang / 'khrug pa dang / nang 'khrug dang / chom rkun dang / mu ge dang / nad rnams med pa dang / 'bras sA lu dang / bu ram shing dang / ba lang dang / ma he dang 
ldan par 'dug ste/ gnod pa med cing tsher ma dkrugs la bu gcig pa la bya ba bzhin du rgyal srid bskyangs so/ / rgyal po de yang dad pa dang ldan la dge zhing bsam pa bzang ba bdag la phan pa dang gzhan la phan pa la zhugs pa/ snying rje che ba/ bdag nyid che ba/ chos 'dod pa/ 
skye dgu la byams pa/ thams cad sbyin pa/ thams cad yongs su gtong ba/ chags pa med par yongs su gtong ba/ gtong ba chen po la gnas pa zhig go/ /de nas rgyal po de la btsun mo mdzes ldan ma zhes bya ba gzugs bzang zhing blta na sdug la mdzes pa yan lag dang nying 
lag thams cad dang ldan pa zhig yod do/ /bu gcig pa mdzes ldan zhes bya ba sdug cing phongs la snying du sdug cing yid du 'ong ba/ bzod pa dang ldan pa/ mi 'thun pa med pa zhig kyang yod do/ /de nas phyi zhig na rgyal po gzugs bzang chos 'dod par gyur nas des blon po thams 
cad bsogs te smras pa/ yul gyi gtso bo dag nga chos 'dod kyis nga'i chos tshol cig ces bsgo'o/ /de nas blon po de dag gis thal mo sbyar te gsol pa/ rgyal po chen po chos ni dkon te sangs rgyas 'jig rten du byung na gdod chos 'byung ngo zhes gda'o/ /de nas rgyal pos gser 'bum 
yod pa'i snod rgyal mtshan gyi rtse mo la btags te/ yul thams cad du dril bsgrags nas nga'i yul na chos smra ba gang yin pa de la gser 'bum yod pa'i snod 'di sbyin no/ /bkur sti chen pos kyang bkur zhing bstod par bya'o zhes kyang byas so/ /de nas yun ring po zhig lon kyang chos smra ba 
su yang mi snang ngo / /de nas rgyal po chos kyi phyir gdung zhing yi chad do/ /lha'i dbang po brgya byin ni 'og ma la shes pa'i mthong ba 'jug ste/ des rgyal po chos kyi phyir phongs shing 'dug pa mthong nas de 'di snyam du sems te/ bdag gis rgyal po gzugs bzang bgam par bya'o snyam mo/ /

</font><hr>75-1-96a<br><font size=+1>

de nas bdag nyid gnod sbyin rkang lag dang mig mi sdug pa zhig tu sprul nas/ rgyal po 'khor du ma'i nang na 'dug pa la 'di skad ces smras so/ /ci khyod chos 'dod ce na/ ngas khyod la chos bstan to/ /de nas rgyal pos chos kyi sgra thos pas dga' zhing mchog 
tu dga' ba skyes nas gnod sbyin la 'di skad ces smras so/ /gsang ba pa chos smros shig ngas mnyan par bya'o/ /gnod sbyin gyis smras pa/ kye ma rgyal po chen po bde zhing 'khod pa ni chos smra bar byed kyi nga ni bkres kyis je zan byin cig /de nas rgyal pos de thos nas/ zho shas 
'tsho ba rnams la 'di'i bza' ba dang bca' ba'i rnam pa dag 'on cig ces bsgo'o/ /gnod sbyin gyis smras pa/ nga ni 'phral la bsad pa'i sha dang khrag za zhing 'thung ba yin gyis bu gcig pa mdzes ldan 'di nga la byin cig /de nas rgyal pos de thos nas mchog tu mi dga' bar 
gyur te/ brgya lam na lan cig deng lta zhig chos kyi sgra dang phrad na de yang rin thang gdab tu med pas nyo dgos so snyam mo/ /de nas gzhon nu mdzes ldan gyis de thos nas yab kyi zhabs la phyag 'tshal te gsol pa/ lha bzod pa mdzad de lha'i dgongs pa rdzogs par mdzad la 
bdag gsang ba pa'i zas su stsal bar gsol zhes byas so/ /de nas rgyal pos bu gcig pa sdug cing phangs la snying du sdug cing yid du 'ong ba bzod pa dang ldan pa mi 'thun pa med pa de chos kyi don du gnod sbyin la byin no/ /de nas gnod sbyin gyis rang gi rdzu 'phrul gyi stobs 
kyis rgyal po dang 'khor rnams la khye'u'i yan lag dang nying lag rnams so sor bcad cing bcad cing zos pa dang khrag kyang 'thungs par bstan to/ /rgyal po des mthong na chos 'dod pa'i phyir mi dga' bar ma gyur to/ /de nas gnod sbyin gyis rgyal po la smras pa/ rgyal po nga ma 
'grangs kyis yang byin cig ces byas so/ /rgyal pos de la snying du sdug pa'i chung ma yang byin no/ /de nas de yang thabs de kho na ltar zos par bstan to/ /de nas yang rgyal po la smras pa/ kye rgyal po nga da dung ma 'grangs so/ /de nas rgyal pos gnod sbyin la smras pa/ bu ngas 

</font><hr>75-1-96b<br><font size=+1>

bu gcig pa dang sdug pa'i chung ma yang byin zin na yang ci 'dod/ gnod sbyin gyis smras pa/ rang gi lus nga la byin cig dang des na nga 'grangs par 'gyur ro/ /rgyal pos smras pa/ gal te rang gi lus khyod la byin na ngas ji ltar chos mnyan gyis/ sngar nga la chos je ston dang 
ngas chos thos pa'i 'og tu rang gi lus yongs su gtang bar bya'o zhes byas so/ /de nas gnod sbyin gyis rgyal po dam gyi 'og tu bcug nas 'khor brgya phrag du ma'i mdun du chos bstan pa/ sdug pa dag las mya ngan skye/ /sdug pa dag las 'jigs pa skye/ /'jigs pa dag 
las rnam grol rnams/ /mya ngan med na ga la 'jigs/ /de nas rgyal pos tshigs su bcad pa 'di thos ma thag tu yid rab tu sim par gyur te/ dbang po dga' zhing yid bde ba skyes nas gnod sbyin la smras pa/ gnod sbyin nga'i lus 'di ji dga' bar gyis shig ces byas so/ /
de nas lha'i dbang po brgya byin gyis rgyal po de bla na med pa yang dag par rdzogs pa'i byang chub las lhun po bzhin du mi g.yo bar rig nas/ gnod sbyin gyi gzugs mi snang bar byas te/ rang gi gzugs su 'dug nas dga' zhing mdangs phyung ba'i mig dang ldan pas lag pa ya 
gcig gis ni bu bzung ya gcig gis ni chung ma bzung nas rgyal po spro ba bskyed de smras pa/ skyes bu dam pa legs so legs so/ /khyod kyi go cha brtan gyis brtson pa 'dis ring po mi thogs par bla na med pa yang dag par rdzogs pa'i byang chub mngon par rdzogs par 'tshang rgya bar 
'gyur ro/ /khyod kyi sdug pa'i mi dang phrad pa yang 'di yin no zhes byas so/ /de nas rgyal pos lha'i dbang po brgya byin la 'di skad ces smras so/ /kau shi ka bdag gi chos kyi bsam pa yongs su rdzogs par byas pa legs so legs so/ /bcom ldan 'das kyis bka' stsal 
pa/ dge slong dag ji snyam du sems de'i tshe de'i dus na rgyal po gzugs bzang zhes bya bar gyur pa gang yin pa de ni nga yin no/ /gzhon nu mdzes ldan ni kun dga' bo yin no/ /mdzes ldan ma ni grags 'dzin ma yin no/ /dge slong dag de'i tshe yang ngas chos kyi phyir gnyen sdug 

</font><hr>75-1-97a<br><font size=+1>

pa yongs su gtong ba dang rang gi srog yongs su gtong ba byas na da ltar lta ci smos/ dge slong dag de bas na 'di ltar bslab par bya ste/ chos la bkur sti bya'o/ /bla mar bya'o/ /ri mor bya'o/ /mchod pa bya'o/ /chos la bkur sti byas/ bla mar byas/ ri mor byas/ mchod pa byas 
nas brten te gnas par bya'o zhes dge slong khyod kyis de ltar bslab par bya'o/ /bcom ldan 'das kyis de skad ces bka' stsal nas/ dge slong de dag yi rangs te bcom ldan 'das kyis gsungs pa la mngon par bstod do// //gang po la sogs pa'i rtogs 
pa brjod pa brgya pa/bam po dgu pa/ mdza' bo'i bu mo zhes bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu 
rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' 
lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa nyan thos kyi dge 'dun dang bcas 
pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ /der bcom ldan 'das kyis dge slong rnams la bka' stsal pa/ dge slong dag khyim gang dag na pha ma gnyis la legs par ri mo byed pa dang legs par mchod pa byed 
pa dang legs par g.yog byed pa'i khyim de dag ni tshangs pa dang ldan pa yin no/ /de ci'i phyir zhe na/ dge slong dag rigs kyi bu'i pha ma gnyis ni rigs pa'i sgo nas tshangs pa dang 'dra ba'i phyir ro/ /dge slong dag khyim gang dag na pha ma gnyis la legs par ri mo byed pa dang legs 

</font><hr>75-1-97b<br><font size=+1>

par mchod pa byed pa dang legs par g.yog byed pa'i khyim de dag ni slob dpon dang ldan pa yin no/ /de ci'i phyir zhe na/ rigs kyi bu'i pha ma gnyis ni rigs pa'i sgo nas slob dpon dang 'dra ba'i phyir ro/ /dge slong dag khyim gang dag na pha ma gnyis la legs par ri mo 
byed pa dang legs par mchod pa byed pa dang legs par g.yog byed pa'i khyim de dag ni kun tu sbyin pa'i 'os su gyur pa dang ldan pa yin no/ /de ci'i phyir zhe na/ dge slong dag rigs kyi bu'i pha ma gnyis ni rigs pa'i sgo nas kun tu sbyin pa'i 'os su gyur pa yin pa'i phyir ro/ /
dge slong dag khyim gang dag na pha ma gnyis la legs par ri mo byed pa dang legs par mchod pa byed pa dang legs par g.yog byed pa'i khyim de dag ni me dang ldan pa yin no/ /de ci'i phyir zhe na/ dge slong dag rigs kyi bu'i pha ma gnyis ni rigs pa'i sgo nas me dang 'dra ba'i 
phyir ro/ /dge slong dag khyim gang dag na pha ma gnyis la legs par ri mo byed pa dang legs par mchod pa byed pa dang legs par g.yog byed pa'i khyim de dag ni lha dang ldan pa yin no/ /de ci'i phyir zhe na/ dge slong dag rigs kyi bu'i pha ma gnyis ni rigs pa'i sgo nas lha 
dang 'dra ba'i phyir ro/ /bcom ldan 'das kyis de skad ces bka' stsal te/ bde bar gshegs pas de skad gsungs nas gzhan yang ston pas 'di skad ces bka' stsal to/ /pha ma gnyis ni tshangs pa ste/ /de bzhin dang po'i slob dpon yin/ /bu yi kun sbyin 'os gyur pa/ /
mi yang yin la lha yang yin/ /de phyir de gnyis phyag gi gnas/ /dril ba dang ni khrus rnams dang / /rkang pa dag kyang bkru ba dang / /yang na zas dang skom rnams dang / /gos dang mal cha stan rnams kyis/ /mkhas pa dag gis bkur sti bya/ /pha ma dag la bkur byas pa/ /
des na mkhas pa de dag ni/ /'dir yang smad par mi 'gyur la/ /shi na'ang mtho ris dga' bar 'gyur/ /gang gi tshe bcom ldan 'das kyis mdo 'di bka' stsal pa de'i tshe/ dge slong dag the tsom skyes te the tsom thams cad gcod pa sangs rgyas bcom ldan 'das la zhus pa/

</font><hr>75-1-98a<br><font size=+1>

btsun pa bcom ldan 'das pha ma la sri zhu che ba'i bsngags pa gsungs pa ni ngo mtshar lags so/ /bcom ldan 'das kyis bka' stsal pa/ dge slong dag da ltar de bzhin gshegs pa 'dod chags dang bral ba/ zhe sdang dang bral ba/ gti mug dang bral ba/ 
skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams las yongs su grol ba thams cad mkhyen pa/ rnam pa thams cad mkhyen pa/ ye shes dang shes bya thams cad la mnga' brnyes 
zin pa na/ pha ma la sri zhu che ba'i bsngags pa brjod pa 'di lta la ngo mtshar che ba ci yod/ 'das pa'i dus na nga 'dod chags dang bcas pa/ zhe sdang dang bcas pa/ gti mug dang bcas pa/ skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug 
bsngal ba dang / yid mi bde ba dang / 'khrug pa rnams las yongs su ma grol ba'i tshe ma la gnod pa chung ngu byas pas kyang sdug bsngal chen po myong bar gyur la/ bkur sti chung ngu byas pas kyang bde ba chen po myong bar gyur pa de legs par rab tu nyon la yid la zung shig dang /ngas bshad do/ /dge slong dag sngon byung ba 'das pa'i dus na grong khyer bA rA Na sI na ded dpon mdza' bo zhes bya ba phyug cing nor mang la longs spyod che ba yongs su 'dzin pa yangs shing rgya che ba rnam thos kyi bu'i nor dang ldan pa rnam thos kyi bu'i nor dang 'gran pa zhig gnas pa des rigs mnyam 
pa las chung ma blangs nas/ de de dang lhan cig tu rtse zhing dga' la dga' mgur spyod do/ /de rtse zhing dga' la dga' mgur spyod pa las bu dag byung yang shi bar gyur te/ de lag pa la rko ma tshugs bcas nas bdag gi khyim nor du ma dang ldan du zin kyang bdag la bu yang med bu 
mo yang med pas bdag shi ba'i 'og tu ni bu med pa'i phyir ci bdog pa thams cad rgyal po dbang bar 'gyur ro snyam ste sems khong du chud cing 'dug go/ /de nas de la kha cig gis gdams ngag bstan pa/ gal te khyod kyi bu byung bar gyur na de la bu mo'i ming thogs shig dang de ltar byas na 

</font><hr>75-1-98b<br><font size=+1>

de yun ring du 'tsho bar 'gyur ro zhes byas so/ /de bu med de bu 'dod pa'i phyir gu lang dang / chu lha dang / ku be ra dang / brgya byin dang / tshangs pa la sogs pa dang lha'i khyad par gzhan dag la yang gsol ba 'debs te 'di lta ste/ kun dga' ra ba'i lha dang / nags tshal 
gyi lha dang / lam gyi bzhi mdo'i lha dang / sum mdo'i lha dang / gtor ma len pa'i lha dang / lhan cig skyes pa'i lha dang / chos 'thun pa pa dang / rtag tu phyi bzhin 'brang ba'i lha rnams la yang gsol ba 'debs la/ 'jig rten na yang gsol ba btab pa'i rgyus bu dang bu mo skye 
bar 'gyur ro zhes bya ba'i gtam de yod mod kyi de yang de lta ni ma yin te/ gal te gsol ba btab pa'i rgyus bu dang bu mo skye bar 'gyur du zin na/ 'khor los sgyur ba'i rgyal po bzhin du re re la yang bu stong stong yod par 'gyur ba'i rigs so/ /ye ni gnas gsum tshogs pa 
las bu dang bu mo skye bar 'gyur te gsum gang zhe na pha ma gnyis 'dod chags langs te phrad pa dang ma dus la bab cing zla mtshan dang ldan pa dang dri za 'ongs pa ste gnas 'di gsum tshogs pa las bu dang bu mo skye bar 'gyur ro/ /de nas de yang gsol ba 'debs pa lhur byed cing 
'dug la/ sems can zhig kyang sems can gyi ris shig nas shi 'phos nas de'i chung ma'i ltor zhugs so/ /bud med mkhas pa'i rang bzhin can kha cig la ni thun mong ma yin pa'i chos lnga yod de/ lnga gang zhe na/ skyes pa chags pa yang shes la/ ma chags pa yang shes 
pa dang / dus kyang shes la zla mtshan yang shes pa dang / bu chags pa yang shes pa dang / gang las bu chags pa shes pa dang / khye'u yang shes la bu mo yang shes pa ste/ gal te khye'u yin na ni lto g.yas logs su rten cing gnas so/ /gal te bu mo yin na ni lto g.yon 
logs su rten cing gnas so/ /de dga' ches nas khyim thab la sbran pa jo bo bdag la sras chags te/ bdag gi rum g.yas logs na rten cing gnas pa las na khye'ur 'gyur bar nges kyis dgyes pa bskyed du gsol zhes byas so/ /de yang dga' ches te ro stod ni bteg lag 

</font><hr>75-1-99a<br><font size=+1>

pa g.yas pa ni brkyang nas bdag gis yun ring po nas smon smon pa'i bu'i ngo mthong bar 'ong ngo / /bdag gi bu rung bar gyur cig /mi rung bar ma gyur cig /gsos na bdag gi bya ba dag byed par shog shig /gsos pa'i lan phyir gso bar shog 
shig /nor skal la spyod par shog shig /bdag gi rigs rgyud ring du gnas par shog shig /bdag cag 'das te shi ba'i 'og tu yang bdag cag gi phyir mang yang rung nyung yang rung ste sbyin pa dag byin la/ bsod nams dag byas nas/ de gnyis gang dang gang du 
skyes shing 'gro ba der 'di song shig ces yon bsngo bar shog cig ces dga' ba'i tshig brjod do/ /de nas des bu chags par rig nas bu'i rim gro bya ba'i phyir/ khang bzangs kyi steng du nyam rangs su bzhag ste grang ba'i tshe grang ba'i yo byad rnams dang / tsha ba'i tshe tsha 
ba'i yo byad rnams dang / sman pas bstan pa'i zas rnams dang / ha cang kha ba ma yin pa rnams dang / ha cang skyur ba ma yin pa rnams dang / ha cang lan tshwa che ba ma yin pa rnams dang / ha cang mngar ba ma yin pa rnams dang / ha cang ro tsha ba ma yin pa rnams dang / ha cang 
bska ba ma yin pa rnams te kha ba dang / skyur ba dang / lan tshwa dang / mngar ba dang / tsha ba dang / bska ba med pa'i zas rnams kyis brten cing / do shal dang se mo dos lus rnam par bklubs te/ lha'i bu mo dga' ba'i tshal na rnam par rgyu ba bzhin du khri'i steng nas khri'i steng dang 
khri'u'i steng nas khri'u'i steng du rgyu zhing 'og gi sa gzhi la mi 'bab pa dang / des yid du mi 'ong ba'i sgra skad ci yang mi thos par byas so/ /de nas de zla ba brgyad dam dgu lon pa dang bu byung ste/ khye'u gzugs bzang zhing blta na sdug la mdzes pa mdog bzang ba gser gyi kha 
dog can mgo bo gdugs ltar 'dug pa/ lag pa ring ba/ dpral ba'i dbyes che ba/ sna mtho ba/ sna legs pa/ smin ma stug pa/ yan lag dang nying lag thams cad dang ldan pa zhig btsas nas/ de btsas pa'i btsas ston byas nas khye'u'i ming ji skad gdags zhes ming 'dogs 

</font><hr>75-1-99b<br><font size=+1>

par byed de/ nye du rnams na re khye'u 'di mdza' bo'i bu yin la bu mo'ang yin pas na/ de'i phyir khye'u 'di'i ming ni mdza' bo'i bu mo zhes bya'o zhes zer ro/ /de nas khye'u mdza' bo'i bu mo pang na 'tsho ba'i ma ma gnyis dang / nu ma snun pa'i ma ma gnyis dang / dri ma 'khru ba'i ma ma 
gnyis dang / rtse ba'i ma ma gnyis te ma ma brgyad la gtad nas/ ma ma brgyad kyis 'o ma dang / zho dang / mar dang / zhun mar dang / mar gyi nying khu dang gzhan yang yo byad kyi khyad par bzang ngo cog gis bskyed bsrings te/ mtsho'i nang gi pad ma bzhin du skye drag par gyur 
to/ /de'i pha ni rgya mtsho chen por song nas de nyid du shi'o/ /de nas gang gi tshe mdza' bo'i bu mo cher skyes pa de'i tshe ma la smras pa/ yum bdag gi pha sngon las ji lta bu zhig gis 'tsho bar gyur/ bdag gis kyang de'i rjes su de dang 'dra bar bgyi 'tshal lo/ /de nas mas bsams 
pa/ gal te bdag gis 'di la rgya mtsho chen po'i tshong pa byed byed do zhes byas na ni/ 'di yang brgya la rgya mtsho chen por song nas de nyid du 'chi bar 'ong ngo snyam nas smras pa/ bu khyod kyi pha ni sngon yul tshong pa byed byed kyis khyod kyang 'dod na yul tshong pa gyis shig ces byas so/ /
de nas des yul tshong pa'i las byas na dang po'i nyin par kAr ShA pa Na bzhi rnyed de/ de ma la byin nas yum 'dis dge sbyong dang bram ze dang sdug cing phongs pa dang bkren pa rnams la sbyin pa mdzod cig ces byas so/ /de nas re zhig na gzhan zhig na re khyod kyi pha spos kyi tshong 
pa byed byed do zhes byas pa dang / des yul tshong pa'i las btang ste spos kyi tshong byas so/ /de nas kAr ShA pa Na brgyad rnyed de/ de dag kyang des ma la byin no/ /de nas re zhig na gzhan zhig na re khyod kyi pha gser dngul gyi tshong pa byed byed do zhes byas pa dang / des 
spos 'tshong ba btang ste/ gser dang dngul gyi tshong byas so/ /de nas dang po'i nyin par kAr ShA pa Na bcu drug rnyed de/ de dag kyang des ma la byin no/ /de nas phyi de nyin par kAr ShA pa Na sum cu rtsa gnyis rnyed de de dag kyang des ma la byin no/ /de nas re zhig na gser 

</font><hr>75-1-100a<br><font size=+1>

dngul gyi tshong pa phrag dog gi rang bzhin can dag gis khye'u de gnas thams cad kyi nyo tshong gi rgyus shes par rig nas smras pa/ mdza' bo'i bu mo khyod kyi pha ni rgya mtsho chen po'i tshong pa byed byed na/ ci khyod la chos ma yin pa'i 'tsho ba 'di ci dgos khyod sus 
sems can ngan pa'i nyo tshong gi las byed du bcug ces byas so/ /de nas de gser dngul gyi tshong pa'i tshig gis bskul nas ma'i thad du song ste smras pa/ yum bdag gi pha sngon rgya mtsho chen po'i tshong pa byed byed ces de skad grags pas/ bdag kyang rgya mtsho chen po'i nang du mchi 
'tshal gyis gnang bar mdzod cig /mas smras pa bu gcig de ni bden mod kyi/ 'on kyang khyod byis pa yin la bu gcig pa yang yin gyis nga bor te rgya mtsho chen po'i nang du ma 'gro shig /de nas de mi dge ba'i bshes gnyen phrag dog gi rang bzhin can dag gis brid pas ldog tu 
ma btub nas/ des ma'i tshig ma mnyan te grong khyer bA rA Na sIr dril bsgrags nas/ kye bA rA Na sI na gnas pa'i tshong pa rnams khyed nyon cig /ded dpon mdza' bo'i bu mo rgya mtsho chen po'i nang du 'gro bar chad kyis khyed kyi nang nas ded dpon mdza' bo'i bu mo dang lhan cig tu sho 
gam mi dgos pa dang la gcan gyi btsas mi dgos pa dang gru btsas mi dgos par rgya mtsho chen po'i nang du 'gro 'dod pa de dag rgya mtsho chen por 'gro ba'i zong sta gon gyis shig ces byas nas dge mtshan dang bkra shis dang bde legs su 'gyur ba rnams byas te/ g.yog 
'khor tshong pa lnga brgya dang lhan cig chas te/ shing rta dang / khur dang / sgye dang / skon pa dang / rnga mo dang / ba lang dang / bong bu dag gis rgya mtsho chen por 'gro ba'i zong bskyas so/ /de'i ma ni snying byams pas ci bya gtol med nas mchi ma 'dzag cing ngu bzhin phyung ste rkang pa 
la 'jus nas bu gcig nga bor te rgya mtsho chen po'i nang du ma 'gro shig ces byas so/ /de ltar snying rje rje skad zer zhing sdug sdug skad zer la gti zhing smre ba'i skad phyung yang des brtul te ma'i mgo bo la rdog pas bsnun nas 'gron po rnams dang chas so/ /de nas mas smras pa/

</font><hr>75-1-100b<br><font size=+1>

bu khyod kyis las 'di'i rnam par smin pa myong bar ma gyur cig ces byas so/ /de nas re zhig na des grong rdal dang / yul 'khor dang / rgyal po'i pho brang dang / yul po che de dag mthong nas/ rgya mtsho chen po'i 'gram du phyin to/ /de nas des kAr ShA pa Na lnga brgyas gru 
nyos nas zho shas 'tsho ba rnam pa lnga ste gru pa dang / chu 'phyag pa dang / mnyan pa dang / byi'u zul mkhan dang / ru skya 'dzin pa rnams kyang khrid de lan gsum dril bsgrags nas rgya mtsho chen po'i nang du zhugs so/ /de nas re zhig na gru de nya'i rigs chu srin ma ka ras ma rung 
bar byas te bub par byas so/ /de nas mdza' bo'i bu mos spang leb gcig la zin nas skam la phyin to/ /de nas skam la song song nas thag ring po zhig nas grong khyer longs spyod byed ces bya ba mthong nas/ de de'i logs su song ba dang re zhig na de'i nang nas lha'i bu mo 
gzugs bzang zhing blta na sdug la mdzes pa bzhi zhig byung nas/ de dag na re mdza' bo'i bu mo tshur spyon khyod byon pa legs so/ /'di dag ni bdag cag gi zas gzhag pa'i khang pa dang / skom gzhag pa'i khang pa dang / gos gzhag pa'i khang pa dang / gzims khang lags 
te/ nor bu dang / mu tig dang / bai dUr+ya dang / dung dang / man shel dang / byi ru dang / gser dngul rnam pa sna tshogs kyis gang ba lags kyis tshur spyon dang longs spyad par bgyi'o zhes zer nas/ de de dag dang lhan cig tu lo du mar dga' ba myong ste/ 'di ltar de ni bsod 
nams byed byed pa dang dge ba byed byed pa dang / rdzu 'phrul che ba dang mthu che ba yin pa'i phyir ro/ /de nas de'i lho phyogs kyi lam du song ba las 'gror mi ster nas/ de lho phyogs kyi lam der 'gror mi ster ba dang lhag par yang der 'gro 'dod par gyur nas re zhig na yang lho phyogs 
su song ba dang grong khyer rtag tu myos zhes bya ba mthong ste de de'i sgor phyin pa dang re zhig na de'i nang nas kyang lha'i bu mo ches gzugs bzang zhing ches blta na sdug la ches mdzes pa brgyad byung nas de dag na re mdza' bo'i bu mo tshur spyon khyod byon pa legs so/ /'di dag ni bdag 

</font><hr>75-1-101a<br><font size=+1>

cag gi zas gzhag pa'i khang pa dang / skom gzhag pa'i khang pa dang / gos gzhag pa'i khang pa dang gzims khang lags te/nor bu dang / mu tig dang / bai dUr+ya dang / dung dang / man shel dang / byi ru dang / gser dngul rnam pa sna tshogs kyis gang ba 
lags kyis tshur spyon dang longs spyad par bgyi'o zhes zer nas/ de de dag dang lhan cig tu lo du mar dga' ba myong ste/ 'di ltar de ni bsod nams byed byed pa dang dge ba byed byed pa dang rdzu 'phrul che ba dang mthu che ba yin pa'i phyir ro/ /de nas de'i yang lho phyogs kyi lam du song 
ba las 'gror mi ster nas/ de lho phyogs kyi lam der 'gror mi ster ba dang lhag par yang der 'gro 'dod par gyur nas re zhig na yang lho phyogs su song ba dang grong khyer dga' byed ces bya ba mthong ste/ de de'i sgor phyin pa dang re zhig na de'i nang nas kyang lha'i bu mo ches gzugs bzang 
zhing blta na sdug la ches mdzes pa bcu drug byung nas de dag na re mdza' bo'i bu mo tshur spyon khyod byon pa legs so/ /'di dag ni bdag cag gi zas gzhag pa'i khang pa dang / skom gzhag pa'i khang pa dang / gos gzhag pa'i khang pa dang / gzims khang lags te/ nor bu dang / 
mu tig dang / bai dUr+ya dang / dung dang / man shel dang / byi ru dang / gser dngul rnam pa sna tshogs kyis gang ba lags kyis tshur spyon dang longs spyad par bgyi'o/ /zhes zer nas/ de de dag dang lhan cig tu lo du mar dga' ba myong ste/ 'di ltar de ni bsod nams byed byed 
pa dang dge ba byed byed pa dang rdzu 'phrul che ba dang mthu che ba yin pa'i phyir ro/ /de nas de'i yang lho phyogs kyi lam du song ba las 'gror mi ster nas de lho phyogs kyi lam der 'gror mi ster ba dang lhag par yang de 'gro 'dod par gyur nas/ re zhig na yang lho phyogs su song ba 
dang khang bzangs tshangs pa'i bla ma zhes bya ba mthong ste/ de de'i sgor phyin pa dang re zhig na de'i nang nas kyang lha'i bu mo ches gzugs bzang zhing ches blta na sdug la ches mdzes pa sum cu rtsa gnyis byung ste/ de dag na re mdza' bo'i bu mo tshur spyon khyod byon pa legs so/ /'di dag 

</font><hr>75-1-101b<br><font size=+1>

ni bdag cag gi zas gzhag pa'i khang pa dang / skom gzhag pa'i khang pa dang / gos gzhag pa'i khang pa dang gzims khang lags te/ nor bu dang / mu tig dang / bai dUr+ya dang / dung dang / man shel dang / byi ru dang / gser dngul rnam pa sna tshogs kyis yongs su 
gang ba lags kyis tshur spyon dang longs spyad par bgyi'o zhes zer nas/ de dag dang lhan cig tu lo du mar dga' ba myong ste/ 'di ltar de ni bsod nams byed byed pa dang dge ba byed byed pa dang rdzu 'phrul che ba dang mthu che ba yin pa'i phyir ro/ /de nas de'i yang lho phyogs su song ba 
las 'gror mi ster nas/ de lho phyogs kyi lam der 'gror mi ster ba dang / lhag par yang der 'gro 'dod de ji tsam du lho phyogs su song ba de tsam du de'i 'dod pa skye'o/ /re zhig na yang lho phyogs su song ba dang lcags kyi mkhar zhig mthong ste/ de de'i nang du song ba dang nang 
du song ma thag tu de'i sgo bcad do/ /de nas de bas kyang nang du song ba dang de'i sgo yang bcad do/ /de bas kyang nang du song ba dang re zhig na mi bo che zhig mthong na/ de'i mgo bo la lcags kyi 'khor lo kun tu 'bar zhing rab tu 'bar la kun tu rab tu 'bar te 'bar ba gcig tu gyur pa 
zhig 'khor zhing 'dug la de'i mgo bo las rnag khrag ci 'dzag pa rnams de'i zas su za'o/ /de nas mdza' bo'i bu mos mi de la dris pa/ kwa'i mi khyod su yin/ de na re nga ni ma la gnod pa byed byed pa yin no/ /zhes zer ro/ /mi des smras ma thag tu mdza' bo'i bu mos las de 
dran nas nga yang ma la gnod pa byed byed pa yin pa snyam gyis/ nga yang las de kho nas 'dir khrid pa lta snyam mo/ /de nas de'i skabs su nam mkha' las sgra byung ste/ bcings pa gang yin pa de dag ni grol bar gyur to/ /grol ba gang yin pa de dag ni bcings so zhes zer te de skad zer 
ma thag tu mi de'i mgo bo la 'khor lo mi snang bar gyur nas mdza' bo'i bu mo'i mgo bo la byung ngo / /de nas mi des mdza' bo'i bu mo sdug bsngal gyis dkos thag pa mthong nas tshigs su bcad de smras pa/ khyed ni longs byed rtag tu myos/ /dga' byed tshangs pa'i bla ma yi/ /

</font><hr>75-1-102a<br><font size=+1>

khang bzangs las ni thal nas kyang / /ci yi phyir na 'di ru 'ongs/ /mdza' bo'i bu mos smras pa/ bdag ni longs byed rtag tu myos/ /dga' byed tshangs pa'i bla ma yi/ /khang bzangs las ni thal nas kyang / /'dod chen gyis ni 'dir 'ongs so/ /las 
kyis ring du khrid par byed/ /ring po nas kyang las kyis khrid/ /gang du las kyi rnam par smin/ /der ni las kyis khrid par byed/ /las kyi rnam smin gang zhig gis/ /bdag gi srog ni gcod byed pa/ /kun tu 'bar zhing rab 'bar ba'i/ /'khor lo mgo la 'khor bar gyur/ /
mi des smras pa/ khyod kyis rab tu sdang sems kyis/ /ma cig dka' ba byed byed pa'i/ /mgo bor rdog pas bsnun pas na/ /de yi las kyi 'bras bu yin/ /mdza' bo'i bu mos smras pa/ lo grangs stong phrag du yi bar/ /bdag gi srog ni gcod byed pa/ /kun tu 'bar zhing 
rab 'bar ba'i/ /'khor lo mgo la 'khor bar 'gyur/ /mi des smras pa/ lo ni stong phrag drug cu dang / /brgya phrag drug cu'i bar srid du/ /lcags kyi 'khor lo 'bar ba ni/ /khyod kyi mgo la 'khor bar 'gyur/ /mdza' bo'i bu mos smras pa/ kye gzhan yang 'dir 'ong ba 
'ga' lta yod dam/ mi des smras pa/ su 'di lta bu'i las byed byed pa 'ong bar 'gyur ro/ /de nas mdza' bo'i bu mo sdug bsngal gyi tshor bas nyen nas sems can rnams la snying rje bskyed de/ mi de la smras pa/ kye nga ni sems can thams cad kyi phyir 'khor lo 'di mgo bo'i steng 
du 'dzin par 'dod kyis/ 'di lta bu'i las byed byed pa gzhan su yang 'dir 'ong bar ma gyur cig ces byas so/ /de skad ces smras ma thag tu byang chub sems dpa' mdza' bo'i bu mo'i 'khor lo de/ mgo bo las gyen du 'phags nas ta la bdun srid tsam du nam mkha' 
la 'dug go/ /de ni shi nas dga' ldan gyi lha'i ris su skyes so/ /bcom ldan 'das kyis bka' stsal pa/ dge slong dag ji snyam du sems/ de'i tshe de'i dus na mdza' bo'i bu mor gyur pa gang yin pa de ni nga yin te/ ngas nyo tshong byas nas ma la kAr ShA pa Na phul ba'i las 

</font><hr>75-1-102b<br><font size=+1>

de'i rnam par smin pas ni grong khyer chen po bzhir bde ba chen po myong ngo / /ngas ma la gnod pa chung ngu byas pa'i las de'i rnam par smin pas ni de lta bu'i sdug bsngal myong ngo / /dge slong dag de lta bas na 'di ltar bslab par bya ste pha ma la bkur sti bya'o/ /gnod pa mi bya'o/ /
'on kyang mdza' bo'i bu mo so so'i skye bor gyur pa'i tshe nyes pa de dag lta bu 'byung bar mi 'gyur la/ de nyid du lha'i bur gyur pa'i yon tan gang yin pa de lta bu ni thob par 'gyur ro zhes dge slong khyod kyis de ltar bslab par bya'o/ /de ci'i phyir zhe na/ dge slong dag bu'i pha ma gnyis 
ni dka' ba byed byed pa dang skom ldud pa dang gso ba dang skyed pa dang nu ma snun pa dang 'dzam bu'i gling bkra ba ston pa yin pa'i phyir ro/ /gal te bus pha ma gnyis phrag pa g.yas g.yon du bzhag ste/ lo brgya'i bar du khyer ram/ yang na sa chen po 'di nor bu dang / mu tig dang / 
bai dUr+ya dang / dung dang / man shel dang / byi ru dang / gser dang / dngul dang / rdo'i snying po dang / spug dang / pad ma rA ga dang / g.yas su 'khyil ba dang / de lta bu dag gis bkang ba'i dbang phyug la dbang byed du bcug kyang / de tsam gyis ni bus pha ma gnyis la drin sobs pa
'am/ phan gdags par mi 'gyur gyi/ gang gi pha ma de gnyis dad pa med pa las dad pa phun sum tshogs pa la 'dzud pa dang / 'dul ba dang / gnas par byed pa dang / 'jog par byed pa dang / tshul khrims 'chal pa las tshul khrims phun sum tshogs pa dang / ser 
sna can las gtong ba phun sum tshogs pa dang / shes rab 'chal pa las shes rab phun sum tshogs pa la 'dzud pa dang / 'dul ba dang gnas par byed pa dang / 'jog par byed pa de tsam gyis na/ bus pha ma gnyis la drin bsabs pa'am phan btags par 'gyur ro/ /
bcom ldan 'das kyis de skad ces bka' stsal nas dge slong de dag yi rangs te/ bcom ldan 'das kyis gsungs pa la mngon par bstod do// //ri bong zhes bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug po rnams 

</font><hr>75-1-103a<br><font size=+1>

dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi'am ci rnams dang / lto 'phye chen po rnams kyis 
bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / 
zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ /de'i tshe mnyan du yod pa na tshong 
dpon phyug cing nor mang la longs spyod che ba/ yongs su 'dzin pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa zhig yod de/ des rigs mnyam pa las chung ma blangs nas de de dang lhan cig tu rtse zhing dga' la dga' mgur spyod do/ /
de rtse zhing dga' la dga' mgur spyod pa las phyi zhig na chung ma la bu chags nas de zla ba brgyad dam dgu lon pa dang bu byung ste/ khye'u zhig btsas nas de bskyed bsrings te cher gyur to/ /de'i pha ni nor yang zad par gyur longs spyod kyang zad par gyur to/ /de yang mdza' bo dang / 
nye du dang rtsa lag gi 'dab che ba zhig ste/ bu de dus dus su nye du rnams kyi thad du gtong ngo / /de nas de nye du de dag gis ci nas de dag kyang phyir zhing mdza' bar gyur pa de lta bur bzhen to/ /phyis re zhig na de rgyal bu rgyal byed kyi tshal du song nas des sangs rgyas bcom ldan 
'das sku skyes bu chen po'i mtshan sum cu rtsa gnyis kyis legs par brgyan pa/ dpe byad bzang po brgyad cus mdzes par byas pa/ 'od 'dom gang gis brgyan pa/ nyi ma stong bas lhag pa'i 'od mnga' ba/ rin po che'i ri bo 'gro ba lta bu kun tu bzang ba mthong ngo / /mthong 

</font><hr>75-1-103b<br><font size=+1>

nas kyang dga' bar gyur te/ bcom ldan 'das kyi zhabs la mgo bos phyag 'tshal nas chos mnyan pa'i phyir bcom ldan 'das kyi spyan sngar 'dug go/ /de nas bcom ldan 'das kyis de la 'khor ba las skyo bar 'gyur ba'i chos bstan te/ de thos pas 'khor ba la nyes 
par lta ba dang mya ngan las 'das pa la yon tan du lta bar 'gyur te/ pha ma gnyis kyis gnang nas bcom ldan 'das kyi bstan pa la rab tu byung ngo / /de de ltar rab tu byung nas nye du de dag dang lhan cig tu 'du zhing gnas so/ /de nas bcom ldan 'das kyis de khyim pa dang 'du ba las 
bzlog nas dgon par gnas pa la 'dzud par mdzad na de der mi dga'o/ /de nas de bcom ldan 'das kyis lan gsum gyi bar du khyim pa dang 'du ba las bzlog par mdzad de/ bu khyim pa dang 'du ba 'di ni nyes pa du ma dang ldan te/ mig gis shes par bya ba'i gzugs sdug pa dang / 
phangs pa dang / snying du sdug pa dang / yid du 'ong ba dang / 'dod pa dang ldan pa dang / chags par 'gyur ba dang / tsher ma dang 'dra ba dang / rna bas shes par bya ba'i sgra rnams dang / snas shes par bya ba'i dri rnams dang / lces shes par bya ba'i ro rnams dang / lus kyis shes par bya ba'i reg bya rnams dang / sdug pa dang / phangs pa dang / snying du sdug pa dang / yid du 'ong ba dang / 'dod pa dang ldan pa dang / chags par 'gyur ba dang / tsher ma dang 'dra ba dag yod do zhes gsungs so/ /gang du gnas bcas na/ dge ba'i chos rnams 'phel bar 'gyur ba'i dgon pa'i 
yon tan dag kyang rnam grangs du mar bsngags so/ /de nas re zhig na rigs kyi bu des dge ba'i bshes gnyen bcom ldan 'das la brten nas dgon par gnas pa la yang rtag tu brtson pa dang bsgrub pa dang 'bad pas phol mig lnga pa'i 'khor ba'i 'khor lo 'di nyid g.yo zhing mi brtan 
par rig nas/ 'du byed kyi rnam pa thams cad rnyil ba dang / ltung ba dang rnam par 'thor ba dang rnam par 'jig pa'i chos can yin par rtsad chod de/ nyon mongs pa thams cad spangs nas dgra bcom pa nyid mngon sum du byas te/ dgra bcom pa khams gsum pa'i 'dod chags 

</font><hr>75-1-104a<br><font size=+1>

dang bral bar gyur nas gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan sbangs pa lta bur bsil bar gyur pa/ rig pas sgo nga'i sbubs bcom pa/ rig pa dang mngon par shes pa dang so so yang dag par rig pa thob 
pa/ srid pa'i rnyed pa dang chags pa dang bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang gus par smra ba'i gnas su gyur to/ /de nas des sngon gyi gnas rjes su dran la bcom ldan 'das kyis shin tu dka' ba spyod pa yang mthong nas/ 
bcom ldan 'das kyi thad du song ste gus pa dang bcas pas bstod cing ri mo byas so/ /de nas dge slong rnams the tsom skyes te/ the tsom thams cad gcod pa/ sangs rgyas bcom ldan 'das la zhus pa/ btsun pa bcom ldan 'das kyis rigs kyi bu 'di lan gsum gyi bar du grong nas 
bzlog ste/ dgon pa'i gnas la btsud pa nas dgra bcom pa nyid kyi bar du bzhag pa la gzigs/ bcom ldan 'das kyis bka' stsal pa/ dge slong dag da ltar de bzhin gshegs pa 'dod chags dang bral ba/ zhe sdang dang bral ba/ gti mug dang bral ba/ skye ba dang / rga ba dang / 
na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams las yongs su grol ba thams cad mkhyen pa/ rnam pa thams cad mkhyen pa ye shes dang shes bya thams cad la mnga' brnyes zin pa'i tshe/ rigs kyi bu 'di lan gsum 
gyi bar du grong nas bzlog ste/ dgon pa'i gnas la btsud pa nas dgra bcom pa nyid kyi bar du bzhag pa 'di lta la ngo mtshar che ba ci yod/ 'das pa'i dus na 'dod chags dang bcas pa/ zhe sdang dang bcas pa/ gti mug dang bcas pa/ skye ba dang / rga ba dang / na ba dang / 'chi ba dang / mya ngan 
dang / smre sngags 'don pa dang / sdug bsngal ba dang / yid mi bde ba dang / 'khrug pa rnams las yongs su ma grol ba'i tshe yang ngas rang gi srog yongs su btang nas/ rigs kyi bu 'di grong nas bzlog ste dgon pa'i gnas la btsud pa de legs par rab tu nyon la yid la zung shig dang ngas bshad 

</font><hr>75-1-104b<br><font size=+1>

do/ /dge slong dag sngon byung ba 'das pa'i dus na ri'i sul chu 'bab cing me tog dang 'bras bu dang rdo gu phun sum tshogs pa dang ldan pa zhig na drang srong dka' thub drag po spyod pa zas su 'bras bu dang rtsa ba dang chus 'tsho ba/ ri dgas kyi g.yang gzhi dang / shing shun gyon pa me'i sbyin sreg 
byed pa zhig 'dug go/ /drang srong de'i mdza' bo yang ri bong mi'i skad shes pa zhig yod de/ de nyin gcig bzhin du drang srong gi thad du dus gsum du 'gro'o/ /der song nas gus par smra ba byas te/ gtam rnam pa sna tshogs kyis yang dag par dga' bar byas nas de gnyis phyir zhing mdza' 
bar gyur te pha spad dang 'dra bar 'dug go/ /phyis re zhig na than chen byung nas des chu klung dang khron pa rnams chu chung bar gyur la shing rnams kyang me tog dang 'bras bu med par gyur to/ /de nas drang srong de gnas de na bza' ba med pas mi dga' nas des ri dgas kyi g.yang gzhi dang shing 
shun rnams kyang brtul to/ /de nas ri bong des de lta bur gyur pa mthong nas drang srong chen po gar bzhud ces dris so/ /drang srong na re da ni grong du 'gro ste der btsos pa'i slongs mos 'tsho bar bya'o zhes zer ro/ /de nas des drang srong gi tshig thos nas gdung bar gyur te pha dang bral ba tsam du 
bsams nas/ drang srong de'i rkang pa la phyag 'tshal te smras pa/ bdag mi dor bar gsol/ gcig tu na khyim gyi gnas ni nyes pa du mas gang la dgon pa'i gnas ni yon tan phun sum tshogs pa dang ldan pa lags so zhes byas so/ /de skad lan du ma byas kyang de ldog tu ma btub bo/ /
de nas ri bong gis smras pa/ gal te mi 'gror mi rung na yang deng tsam gzhes la/ sang gar dgyes par bzhud cig ces byas so/ /de nas drang srong de 'di snyam du sems te/ dud 'gro'i skye gnas su skyes pa 'di dag ni sdug cing sogs pa la sred pas na/ 'dis ni bdag deng kha zas 
sna 'ga' zhig la g.yar 'dren par 'dod gor ma chag snyam ste des de la khas blangs so/ /de nas nyin par gyi bya ba byas zin te/ dro la bab pa na ri bong 'ongs nas drang srong de la bskor ba byas te bzod pa gsol ba/ drang srong chen po gang bdag gis dud 'gro'i skye gnas su skyes pas bya mi 

</font><hr>75-1-105a<br><font size=+1>

bya mi shes nas khyod la cung zad nongs pa ci mchis pa bdag la khyod kyis bzod pa mdzod cig ces smras nas/ tsham tshom med par me'i nang du mchongs so/ /de nas drang srong de mi dga' bar gyur nas ngu bzhin phyung nas bu gcig pa sdug pa la bya ba bzhin du la 
gor du blangs nas bu 'di ci byed ces byas so/ /ri bong na re drang srong chen po dgon pa'i gnas la dga' bas bdag gi sha gsol la zhag gcig gi bar du 'tsho bar mdzod cig /nga gcig tu na/ nags khung dag tu skyes pa'i ri bong la/ sran sde'u til dang 'bras rnams ci ma 
mchis/ /bdag gi lus 'di zhugs la sgrol mdzod la/ /gsol te deng tsam dka' thub tshal du bzhugs/ /de nas drang srong des ri bong gi tshig thos nas mi dga' bar gyur te/ smras pa/ gal te de lta na khyod snying du sdug pa dang dgon pa snying du sdug pa'i phyir 'di nyid du srog 
bor yang sla'i grong du ni bdag mi 'gro'o zhes byas so/ /de nas ri bong gis tshig de thos nas sems dga' bar gyur te nam mkha' la gyen du bltas nas gsol ba btab ste/ bdag ni dgon par song nas kyang / /dben pa la ni yid dga' na/ /de yi bden pa'i tshig gis na/ /
dbang chen char ni 'bab par shog /ces kyang smras so/ /de skad ces smras ma thag tu byang chub sems dpa'i mthus dbang chen gyi gnas kun tu g.yos so/ /lha rnams ni 'og tu shes pa'i mthong ba 'jug ste/ ci las gyur snyam pa dang byang chub sems dpa'i mthu yin par 
mthong ngo / /de nas re zhig na lha'i dbang po brgya byin gyis gnas mal der dbang chen gyi char phab nas phyir yang rtswa dang / gel pa dang / sman dang / me tog dang / 'bras bu phun sum tshogs par gyur to/ /de nas drang srong des dge ba'i bshes gnyen ri bong la brten nas/ 
de na gnas bzhin du mngon par shes pa lnga mngon sum du byas so/ /de nas drang srong des ri bong la smras pa/ kye ri bong dka' ba byed pa dang brtson pa dang snying rje ba'i rang bzhin 'dis ci zhig bsgrub par sems des smras pa/ 'jig rten long ba 'dren pa med cing yongs su 'dren 

</font><hr>75-1-105b<br><font size=+1>

pa med par sems can ma rgal ba rnams sgrol ba dang /ma grol ba rnams 'grol ba dang / dbugs ma phyin pa rnams dbugs 'byin pa dang / yongs su mya ngan las ma 'das pa rnams yongs su mya ngan las zlo ba'i sangs rgyas su gyur cig ces byas so/ /de nas drang srong 
des tshig de thos nas ri bong la smras pa/ gang gi tshe khyod sangs rgyas su gyur pa de'i tshe bdag kyang dran par gyis shig /ri bong gis smras pa de ltar bya'o/ /bcom ldan 'das kyis bka' stsal pa/ dge slong dag ji snyam du sems/ de'i tshe de'i dus na ri bong du gyur pa gang yin 
pa de ni nga yin no/ /drang srong ni rigs kyi bu 'di kho na nyid yin no/ /dge slong dag de bas na 'di ltar bslab par bya ste dge ba'i bshes gnyen dang / dge ba'i grogs po dang / dge ba'i rten dang gnas par bya'i/ sdig pa'i bshes gnyen dang / sdig pa'i grogs po dang / sdig pa'i 
rten dang gnas par mi bya'o zhes dge slong khyed kyis de ltar bslab par bya'o/ /de nas bcom ldan 'das la tshe dang ldan pa kun dga' bos 'di skad ces gsol to/ /btsun pa 'dir bdag gcig pu dben par mchis nas nang du yang dag 'jog la zhugs pa na/ sems la 'di 
lta bu'i sems kyi yongs su rtog pa byung ste/ 'di lta ste dge ba'i bshes gnyen dang / dge ba'i grogs po dang / dge ba'i rten 'di ni tshangs par spyod pa'i byed lags kyi sdig pa'i bshes gnyen dang / sdig pa'i grogs po dang / sdig pa'i rten ni de lta ma lags so snyam bgyid do/ /
bcom ldan 'das kyis bka' stsal pa/ kun dga' bo khyod 'di lta ste/ dge ba'i bshes gnyen dang / dge ba'i grogs po dang / dge ba'i rten 'di ni tshangs par spyod pa'i phyed yin gyi/ sdig pa'i bshes gnyen dang / sdig pa'i grogs po dang / sdig pa'i rten ni de lta ma yin no/ /
zhes ma zer cig /de ci'i phyir zhe na/ kun dga' bo 'di lta ste/ dge ba'i bshes gnyen dang / dge ba'i grogs po dang / dge ba'i rten 'di ni tshangs par spyod pa ril po dang ma 'dres pa dang / yongs su rdzogs pa dang / yongs su dag pa dang / yongs su byang ba yin gyi/ sdig pa'i 

</font><hr>75-1-106a<br><font size=+1>

bshes gnyen dang / sdig pa'i grogs po dang / sdig pa'i rten ni de lta ma yin no/ /de ci'i phyir zhe na/ kun dga' bo dge ba'i bshes gnyen la brten nas sems can skye ba'i chos can rnams skye ba'i chos can las yongs su grol bar 'gyur ba dang / sems can rga 
ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa'i chos can rnams rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa'i 
chos can las yongs su grol bar 'gyur ba'i phyir ro/ /kun dga' bo de bas na rnam grangs 'di kho nas khyod kyis 'di ltar rig par bya ste 'di lta ste/ dge ba'i bshes gnyen dang / dge ba'i grogs po dang / dge ba'i rten 'di ni tshangs par spyod pa ril po dang ma 'dres pa 
dang / yongs su rdzogs pa dang / yongs su dag pa dang / yongs su byang ba yin gyi/ sdig pa'i bshes gnyen dang / sdig pa'i grogs po dang / sdig pa'i rten ni de lta ma yin no zhes kun dga' bo khyod kyis de ltar bslab par bya'o/ /bcom ldan 'das kyis de skad ces 
bka' stsal nas/ dge slong de dag yi rangs te bcom ldan 'das kyis gsungs pa la mngon par bstod do// //chos tshol zhes bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi 
rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ 
mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha 

</font><hr>75-1-106b<br><font size=+1>

dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ /de'i tshe khyim bdag mgon med zas sbyin ni lugs kyis 
nang par sngar langs te/ bcom ldan 'das blta ba'i phyir song nas rang gis lag dar te rgyal bu rgyal byed kyi tshal 'phyag par byed do/ /de nas phyi zhig na khyim bdag mgon med zas sbyin la brel ba zhig byung ngo / /de nas bcom ldan 'das kyis sems can bsod nams 
'dod pa rnams la bsod nams kyi gnas bstan pa'i phyir nyid kyis phyag dar te phyags ma bsnams nas rgyal bu rgyal byed kyi tshal 'phyag par mdzad do/ /nyan thos chen po shA ri'i bu dang / maud gal gyi bu dang / 'od srung dang / kun dga' bo dang / nam gru la sogs pas kyang 
bcom ldan 'das mthong nas phyag dar byed pa la zhugs so/ /de nas bcom ldan 'das dang nyan thos chen po rnams kyis rgyal bu rgyal byed kyi tshal phyags nas 'dun khang du gshegs te/ dge slong gi dge 'dun gyi gung la gdan bshams pa la bzhugs so/ /bzhugs nas 
kyang bcom ldan 'das kyis dge slong rnams la bka' stsal pa/ dge slong dag lnga po 'di dag ni phyag dar byas pa'i phan yon yin te/ lnga gang zhe na/ bdag nyid sems dga' bar 'gyur ba dang / gzhan sems dga' bar 'gyur ba dang / lha rnams mgu bar 'gyur ba dang / 
mdzes par 'gyur ba'i dge ba'i rtsa ba sogs pa dang / lus dang bral ba'i 'og tu bde 'gro mtho ris kyi 'jig rten du lha rnams kyi nang du skye ba'o/ /de nas mgon med zas sbyin yang phyogs der phyin nas des bcom ldan 'das nyan thos chen po dag dang thabs cig tu phyag dar te/ rgyal 
bu rgyal byed kyi tshal phyags so zhes de skad thos nas de 'di snyam du sems te/ gang du bcom ldan 'das nyan thos chen po dag dang thabs cig tu phyag dar de phyag dar mdzad pa de'i steng du bdag ji ltar 'gro snyam mo/ /de nas mgon med zas sbyin shin tu 'dzem zhing ngo tsha dang ldan pa'i 

</font><hr>75-1-107a<br><font size=+1>

sems kyis de kho na'i gnas na sdod do/ /sangs rgyas bcom ldan 'das rnams ni mkhyen bzhin du 'dri ba ste/ bcom ldan 'das kyis dge slong rnams la 'di su zhig ces smras so/ /de nas dge slong rnams kyis gsol pa/ btsun pa mgon med zas sbyin lags 
te/ bcom ldan 'das la shin tu 'dzem zhing ngo tsha ba dang ldan pa'i sems kyis 'di ltar bcom ldan 'das nyan thos chen po dag dang thabs cig tu phyag dar te rgyal bu rgyal byed kyi tshal phyag dar mdzad pas de'i steng du sug pas brdzis te/ bcom ldan 'das kyi thad du mchi bar mi 'tshal 
lags so/ /de nas bcom ldan 'das kyis de la bka' stsal pa/ khyim bdag sangs rgyas bcom ldan 'das rnams ni chos la gus la/ dgra bcom pa rnams kyi bla ma ni chos yin pas na/ sangs rgyas kyi bka' kha ton gyis la nang du shog shig /de nas mgon med zas 
sbyin tshigs su bcad de brjod cing bcom ldan 'das kyi thad du song ste phyin nas/ bcom ldan 'das kyi zhabs la phyag 'tshal te chos mnyan pa'i phyir spyan sngar 'dug go/ /de nas bcom ldan 'das kyis chos kyi gtam gyis yang dag par bstan/ yang dag par 'dzin du bcug /
yang dag par gzengs stod/ yang dag par dga' bar mdzad do/ /de nas bcom ldan 'das kyis chos kyi gtam rnam grangs du mas yang dag par bstan/ yang dag par 'dzin du bcug /yang dag par gzengs bstod/ yang dag par dga' bar mdzad nas/ bcom ldan 
'das kyi thad nas song ngo / /de nas dge slong dag the tsom skyes te/ the tsom thams cad gcod pa/sangs rgyas bcom ldan 'das la zhus pa/ btsun pa bcom ldan 'das chos la zhe sa skyes shing gus pa skyes te/ chos kyi bsngags pa 'ba' zhig gsung ba ngo mtshar lags so/ /
bcom ldan 'das kyis bka' stsal pa/ dge slong dag da ltar de bzhin gshegs pa 'dod chags dang bral ba/ zhe sdang dang bral ba/ gti mug dang bral ba/ skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba 

</font><hr>75-1-107b<br><font size=+1>

dang / 'khrug pa rnams las yongs su grol ba/ thams cad mkhyen pa/ rnam pa thams cad mkhyen pa/ ye shes dang shes bya thams cad la mnga' brnyes zin pa'i tshe chos la zhe sa skyes shing gus pa skyes te/ chos kyi bsngags pa 'ba' zhig brjod pa 'di lta la ngo mtshar che ba 
ci yod/ 'das pa'i dus na 'dod chags dang bcas pa/ zhe sdang dang bcas pa/ gti mug dang bcas pa/ skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams las yongs su ma 
grol ba'i tshe yang ngas chos kyi phyir rang gi srog yongs su gtong ba byas pa de/ legs par rab tu nyon la yid la zung shig dang ngas bshad do/ /dge slong dag sngon byung ba 'das pa'i dus na grong khyer bA rA Na sI na rgyal po tshangs pas byin zhes bya ba rgyal po byed de/ de'i ring la 'byor pa dang / 
rgyas pa dang / bde ba dang / lo legs pa dang / skye bo dang / mi mang pos gang ba dang / rtsod pa dang / 'thab pa zhi ba dang / 'khrug pa dang / nang 'khrug dang / chom rkun dang / mu ge dang / nad rnams med pa dang / 'bras sA lu dang / bu ram shing dang / ba lang dang / ma he dang ldan par 
'dug ste/ gnod pa med cing tsher ma dkrugs la/ bu gcig pa la bya ba bzhin du rgyal srid bskyangs so/ /rgyal po de yang dad pa dang ldan la dge zhing bsam pa bzang ba/ bdag la phan pa dang / gzhan la phan pa la zhugs pa/ snying rje che ba/ bdag nyid che ba/ chos 'dod pa/ skye dgu 
la byams pa/ thams cad sbyin pa/ thams cad yongs su gtong ba/chags pa med par yongs su gtong ba/ gtong ba chen po la gnas pa zhig go/ /de nas de phyi zhig na btsun mo dang lhan cig tu rtse zhing dga' la dga' mgur spyod do/ /de rtse zhing dga' la dga' mgur spyod pa 
las phyi zhig na btsun mo de la bu chags nas legs par gsungs pa mnyan par bya'o snyam du yid la 'dod pa skyes te des rgyal po la gsol to/ /rgyal pos kyang ltas mkhan rnams bkug ste/ smras na de dag gis kyang lha sems can de'i mthu lags so zhes gsol to/ /de nas 

</font><hr>75-1-108a<br><font size=+1>

rgyal po des legs par gsungs pa smra ba btsal ba'i phyir/ gser bye ba thogs te grong dang / grong rdal dang / yul 'khor dang / rgyal po'i pho brang 'khor dag tu bskor na 'on kyang legs par gsungs pa de ma rnyed nas/ re zhig na zla ba dgu tshang ba dang bu 
byung ste khye'u gzugs bzang zhing blta na sdug la mdzes pa/ mdog bzang ba gser gyi kha dog can mgo bo gdugs ltar 'dug pa/ lag pa ring ba/ dpral ba'i dbyes che ba/ sna mtho ba/ sna legs pa/ smin ma stug pa/ yan lag dang nying lag thams cad dang ldan pa zhig 
btsas so/ /de btsas pa'i tshe btsas ston byas nas khye'u'i ming ji skad gdags zhes ming 'dogs par byed de/ blon po rnams na re khye'u 'di ma btsas bzhin du legs par gsungs pa tshol bas na/ de'i phyir khye'u 'di'i ming legs par gsungs pa tshol ba zhes bya'o zhes 
zer nas/ de'i ming legs par gsungs pa tshol ba zhes btags so/ /de nas khye'u legs par gsungs pa tshol ba pang na 'tsho ba'i ma ma gnyis dang / nu ma snun pa'i ma ma gnyis dang / dri ma 'khru ba'i ma ma gnyis dang / rtse ba'i ma ma gnyis te ma ma brgyad la gtad nas/ ma 
ma brgyad kyis 'o ma dang / zho dang / mar dang / zhun mar dang / mar gyi nying khu dang / gzhan yang yo byad kyi khyad par bzang ngo cog gis bskyed bsrings te mtsho'i nang gi pad ma bzhin du skye drag par gyur to/ /de gang gi tshe cher skyes pa de'i tshe yang legs par gsungs pa btsal te 
ma rnyed do/ /de nas de pha shi ba'i 'og tu rgyal por bcug nas blon po rnams la bsgo ba/ yul gyi gtso bo dag nga la legs par gsungs pa dgos kyis/ nga'i legs par gsungs pa tshol cig ces byas so/ /de nas blon po de dag gis legs par gsungs pa btsal 
ba'i phyir/ 'dzam bu'i gling thams cad du gser bye ba bstan kyang legs par gsungs pa ma rnyed do/ /de nas de dag gis rgyal po la gsol to/ /de nas rgyal po de legs par gsungs pa nyan 'dod pa'i phyir gdungs shing yi chad do/ /lha'i dbang po brgya byin ni 'og ma la shes 

</font><hr>75-1-108b<br><font size=+1>

pa'i mthong ba 'jug ste/ des rgyal po legs par gsungs pa thos pas phongs pa mthong nas de 'di snyam du sems te bdag gis rgyal po bgam par bya'o snyam mo/ /de nas lha'i dbang po brgya byin gnod sbyin gyi cha lugs rkang lag dang mig mi sdug pa zhig tu bsgyur nas rgyal 
po'i mdun du tshigs su bcad pa smras pa/ legs spyod chos ni spyad par bya/ /nyes par spyod pa de mi bya/ /'jig rten 'di dang pha rol tu/ /chos spyod bde la rten par 'gyur/ /de nas rgyal po ya mtshan du gyur nas mdangs phyung ste gnod sbyin la smras pa/ gsang ba pa tshigs su 
bcad pa de bdag gis mnyan gyis gsungs gsungs/ de nas gnod sbyin gyis rgyal po la smras pa/ gal te bdag ji skad mchi ba bzhin du khyod kyis mdzad na ni/ de'i 'og tu bdag gis kyang bka' ci stsal pa bzhin du bgyi'o/ /rgyal pos smras pa/ bdag la bka' stsal pa ci 
mchis/ gnod sbyin gyis smras pa/ nyin mtshan bdun gyi bar du me dong du seng ldeng gi shing gis me spar nas/ gal te der bdag nyid kyis mchong spyod na ni de'i 'og tu khyod la bdag gis tshigs su bcad pa yang bzlas par bgyi'o/ /rgyal pos de skad ces thos nas sems dga' 
bar gyur te gnod sbyin de la smras pa de ltar bgyi'o/ /de nas rgyal pos gnod sbyin dam gyi 'og tu bcug nas yul thams cad du dril bsgrags te/ deng nas zhag bdun na rgyal po legs par gsungs pa mnyan pa'i phyir me dong du bdag nyid mchong bar chad kyis/ khyed kyi nang nas 
gang rmad du byung ba mthong 'dod pa de dag 'dir shog cig ces byas so/ /de nas byang chub sems dpa'i lhag pa'i bsam pa rnam par dag pa khong du chud par 'dod pa dang / rmad du byung ba blta ba'i phyir mi 'bum phrag du ma 'dus pa dang / nam mkha' la lha 'bum phrag du ma 'dus 
te 'khod pa'i nang du gnod sbyin de nam mkha' la 'phags nas byang chub sems dpa' la smras pa/ rgyal po chen po ji ltar dam bcas pa bzhin du mdzod cig /de nas rgyal pos bu thu bo rgyal por dbang bskur nas blon po rnams dang grong rdal gyi mi rnams dang yul gyi mi rnams 

</font><hr>75-1-109a<br><font size=+1>

la nyes pa bshags te/ skye bo'i tshogs rnams dbugs phyung nas me dong gi drung du song ste tshigs su bcad pa 'di smras so/ /nga ni chos phyir me 'bar nyi ma khrag mdog 'dra ba'i mdag ma'i dong / /shas cher 'jigs byed nang du mchong bar sems nges srog phyir 
'jigs pa med/ /me dong 'di ni bdag gi bsod nams mthu yis rdzing bu rab bzang ba/ /tsan dan 'dam gyis bsgos pa'i chu bsil pad mas gang bar 'gyur yang dag /byang chub sems dpas de skad ces smras nas me dong de'i nang du mchongs so/ /mchongs ma thag tu 
de'i me dong de rdzing bu zhig tu gyur to/ /de nas lha'i dbang po brgya byin gyis lha dang mi dad par byed pa'i cho 'phrul rmad du byung ba de mthong nas gnod sbyin gyi gzugs mi snang bar byas te/ rang gi gzugs su 'dug nas tshigs su bcad pa smras pa/ legs spyod chos ni spyad par bya/ /
nyes par spyod pa de mi bya/ /'jig rten 'di dang pha rol tu/ /chos spyod bde la rten par 'gyur/ /de nas byang chub sems dpas tshigs su bcad pa de yid la bzung nas gser gyi glegs bam la bris te/ 'dzam bu'i gling thog thag tu grong dang / grong rdal dang / yul 'khor dang / rgyal 
po'i pho brang 'khor kun tu bskor to/ /bcom ldan 'das kyis bka' stsal pa/ dge slong dag ji snyam du sems/ de'i tshe de'i dus na rgyal por gyur pa gang yin pa de ni nga yin te/ de'i tshe yang ngas legs par gsungs pa mnyan pa'i phyir/ rang gi srog yongs su btang na da ltar 
lta ci smos/ dge slong dag de bas na 'di ltar bslab par bya ste/ chos la bkur sti bya'o/ /bla mar bya'o/ /ri mor bya'o/ /mchod pa bya'o/ /chos la bkur sti byas/ bla mar byas/ ri mor byas/ mchod pa byas nas/ brten te gnas par bya'o zhes dge slong khyed kyis de ltar 
bslab par bya'o/ /bcom ldan 'das kyis de skad ces bka' stsal nas/ dge slong de dag yi rangs te bcom ldan 'das kyis gsungs pa la mngon par bstod do// //mgon med zas sbyin zhes bya ba ni/ sangs rgyas bcom ldan 'das la rgyal po rnams dang / blon po 

</font><hr>75-1-109b<br><font size=+1>

chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen 
po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams 
chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na 
bzhugs so/ /de nas bcom ldan 'das snga dro sham thabs dang chos gos gsol te lhung bzed bsnams nas mnyan du yod par bsod snyoms la gshegs so/ /de nas re zhig na mthar gyis gshegs te lam po cher zhugs pa dang / bram ze zhig kyang lam po che der 
'ongs so/ /de nas des sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan pa/ dpe byad bzang po brgyad cus mdzes par byas pa/ 'od 'dom gang gis brgyan pa/ nyi ma stong bas lhag pa'i 'od mnga' ba/ /rin po che'i 
ri bo 'gro ba lta bu kun nas bzang ba mthong ngo / /mthong nas kyang shin tu yun ring du brtags nas sa la ri mo bris te bcom ldan 'das la gsol pa/ kye gau ta ma bdag la kAr ShA pa Na lnga brgya tsam ma stsal gyi bar du khyod kyis ri mo 'di mi 'da' bar gsol/ de nas bcom ldan 'das 
kyis las chud mi za bar bstan pa dang / ma byin par len pa las bzlog pa'i phyir sgo skyes btsugs pa bzhin du gzhes so/ /de nas mnyan du yod pa thog thag tu bcom ldan 'das lam po cher bram ze zhig gis kAr ShA pa Na lnga brgya'i phyir 'gror mi ster ro zhes de skad du gtam grag 

</font><hr>75-1-110a<br><font size=+1>

par gyur to/ /de nas ko sa la'i rgyal po gsal rgyal gyis thos ma thag tu blon po'i tshogs kyis zhabs 'bring byas nas/ bcom ldan 'das ga la ba der song ste phyin nas bcom ldan 'das la 'di skad ces gsol to/ /bdag gis stsal gyis bcom 
ldan 'das gshegs su gsol/ bcom ldan 'das kyis bka' stsal pa/ rgyal po chen po de dag ni khyod kyis sbyin par bya ba ma yin gyi/ de dag ni gzhan zhig gis sbyin dgos so/ /de bzhin du ri dgas 'dzin gyi ma sa ga dang btsun mo'i 'khor gyi bla drang srong sbyin dang gna' mi dang brgya 
byin dang tshangs pa la sogs pa lha rnams dang / rnam thos kyi bu la sogs pas kyang gser dngul khyer te/ bcom ldan 'das kyi thad du song na de dag la yang bcom ldan 'das kyis de dag ni khyed kyis kyang sbyin par bya ba ma yin no zhes bka' stsal to/ /de nas re zhig na khyim bdag 
mgon med zas sbyin gyis thos nas/ gser gyi gzhong pa gser dngul gyis bkang ba'i steng du kAr ShA pa Na lnga brgya bzhag ste bcom ldan 'das kyi thad du song nas/ bcom ldan 'das 'di bzhes su gsol zhes byas so/ /bcom ldan 'das kyis bka' stsal pa/ khyim bdag 'di 
dag ni khyed kyis sbyin par bya ba yin gyis bram ze la byin cig /de nas khyim bdag mgon med zas sbyin gyis gser gyi gzhong pa gang ba de bram ze la byin no/ /de nas dge slong dag the tsom skyes te/ the tsom thams cad gcod pa sangs rgyas bcom ldan 'das la zhus pa/ bcom ldan 
'das bram ze 'dis bcom ldan 'das kyang gshegs su ma ster nas/ mgon med zas sbyin gyis kAr ShA pa Na stsal ba la gzigs/ bcom ldan 'das ci srid cig nas 'di'i bu lon chags lags/ bcom ldan 'das kyis bka' stsal pa/ dge slong dag khyed nyan par 'dod 
dam/ btsun pa nyan par 'tshal lags so/ /dge slong dag 'o na legs par rab tu nyon la yid la zung shig dang ngas bshad do/ /dge slong dag sngon byung ba 'das pa'i dus na/ grong khyer bA rA Na sI na rgyal po tshangs pas byin zhes bya ba rgyal po byed de/ de'i ring la 'byor pa 

</font><hr>75-1-110b<br><font size=+1>

dang / rgyas pa dang / bde ba dang / lo legs pa dang / skye bo dang mi mang pos gang ba dang / rtsod pa dang / 'thab pa zhi ba dang / 'khrug pa dang / nang 'khrug dang / chom rkun dang / mu ge dang / nad rnams med pa dang / 'bras sA lu dang / bu ram shing dang / ba lang dang / ma he 
dang ldan par 'dug ste/ gnod pa med cing tsher ma dkrugs la bu gcig pa la bya ba bzhin du rgyal srid bskyangs so/ /de'i phyi zhig na de'i bu rab rgyal tshab byed pa de'i dpyid kyi dus kyi tshe/ shing rnams me tog rgyas shing ngang pa dang / ngur pa dang / rma bya dang / ne tso dang / ri 
skegs dang / khu byug dang / shang shang te'u rnams skad 'byin pa'i nags khrod na/ blon po'i bu rnams kyis g.yog byas te rtse zhing dga' la dga' mgur spyod do/ /de'i grogs po blon po'i bu zhig yod pa de rgyan po byed pa'i mi gzhan zhig dang lhan cig tu cho los rtses pa las 
blon po'i bu de mi des kAr ShA pa Na lnga brgyas pham par byas nas/ rgyal po'i bus kyang de'i gnya' byas pa las de mthu dang ldan te/ nga ni rgyal po'i bu'o snyam nas ma byin no/ /dge slong dag ji snyam du sems/ de'i tshe de'i dus na rgyal po'i bur gyur pa gang yin pa de ni nga yin 
no/ /blon po'i bu ni khyim bdag mgon med zas sbyin yin no/ /rgyan po byed pa ni bram ze 'di kho na yin te/ ngas gnya' byas pa las nga ni rgyal po'i bu yin no snyam nas rgyan po byed pa de la kAr ShA pa Na ma byin pa des na nga 'khor ba na longs spyod kyis phongs pa mtha' yas pa 
myong la da ltar byang chub mngon par rdzogs par sangs rgyas pa na yang 'dis bu lon bdas so/ /dge slong dag de ltar na las gcig tu nges par gnag pa rnams ni rnam par smin pa yang gcig tu nges par gnag par 'gyur ro/ /las gcig tu nges par dkar ba 
rnams ni rnam par smin pa yang gcig tu nges par dkar bar 'gyur ro/ /las 'dren ma rnams ni rnam par smin pa yang 'dren mar 'gyur ro/ /dge slong dag de bas na las gcig tu nges par gnag pa rnams dang 'dren ma rnams spangs la las gcig tu nges par dkar ba 

</font><hr>75-1-111a<br><font size=+1>

rnams 'ba' zhig la gtad par bya'o/ /ma byin par len pa spang ba la yang 'bad par bya ste/ ci nas de lta bu'i nyes par mi 'gyur bar dge slong khyed kyis de ltar bslab par bya'o/ /bcom ldan 'das kyis de skad ces bka' stsal nas/ dge slong de dag yi 
rangs te bcom ldan 'das kyis gsungs pa la mngon par bstod do// //gang po la sogs pa'i rtogs pa brjod pa brgya pa/bam po bcu pa/ rab bzang zhes bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug 
po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ 
bla mar byas/ ri mor byas/ mchod pa byas te/ lha dang klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal 
zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa grong khyer ku shi na gyad kyi nyen kor shing sa la zung gi tshal na bzhugs so/ /de nas bcom ldan 'das yongs su mya ngan las 'da' ba kho na'i dus 
kyi tshe/ tshe dang ldan pa kun dga' bo la bka' stsal pa/ kun dga' bo de bzhin gshegs pa ni do nub nam phyed na phung po lhag ma med pa'i mya ngan las 'das pa'i dbyings su yongs su mya ngan las 'da' bar 'gyur gyis/ shing sa la zung gi bar du de bzhin gshegs pa'i gzims 
khri shoms la/ sngas byang phyogs su ston cig /de nas btsun pa de ltar 'tshal lo zhes gsol te/ kun dga' bos bcom ldan 'das kyis bka' stsal pa mnyan nas/ sa la zung gi bar du gzims khri bshams te sngas byang phyogs su bstan nas/ bcom ldan 'das ga la 

</font><hr>75-1-111b<br><font size=+1>

ba der song ste phyin nas bcom ldan 'das kyi zhabs la mgo bos phyag 'tshal te phyogs gcig tu 'dug go/ /phyogs gcig tu 'dug nas/ tshe dang ldan pa kun dga' bos bcom ldan 'das la 'di skad ces gsol to/ /btsun pa de bzhin gshegs pa'i gzims khri 
sa la zung gi bar du bshams te/ sngas byang phyogs su bstan lags so/ /de nas bcom ldan 'das gzims khri ga la ba der gshegs te byon nas glo g.yas phyogs kyis gzims te/ zhabs gshibs nas snang ba'i 'du shes dang dran pa dang / shes bzhin dang ldan zhing 
mya ngan las 'das pa'i 'du shes 'ba' zhig thugs la dgongs so/ /de'i tshe grong khyer ku shi na kun tu rgyu rab bzang zhes bya ba zhig 'dug ste/ de rgas te rnyis shing 'khogs la skyes nas lo brgya nyi shu lon pa dang grong khyer ku shi na 'khod pa'i gyad yul pa rnams kyis bkur sti byas/ 
bla mar byas/ ri mor byas/ mchod pa byas te dgra bcom par 'dzin to/ /de nas kun tu rgyu rab bzang gis dge sbyong gau ta ma do nub nam phyed na phung po'i lhag ma med pa'i mya ngan las 'das pa'i dbyings su yongs su mya ngan las 'da' bar 'gyur ro zhes thos nas de 'di snyam 
du sems te/ bdag chos rnams la som nyi yang yod/ the tsom yang yod la/ gau ta ma des bdag gi som nya de bsal bar nus pa'i re ba yang bdag la yod do snyam nas/ thos ma thag tu grong khyer ku shir song ste sA la zung ga la ba der song ngo / /de'i tshe tshe dang 
ldan pa kun dga' bo gtsug lag khang gi phyi rol gyi thang gi 'chag sa na 'chag cing 'dug pa kun tu rgyu rab bzang gis mthong ngo / /tshe dang ldan pa kun dga' bo rgyang nas mthong nas/ tshe dang ldan pa kun dga' bo ga la ba der song ste phyin nas tshe dang ldan pa kun dga' bo dang 
mngon sum du yang dag par mgu bar 'gyur ba dang / yang dag par dga' bar 'gyur ba'i gtam rnam pa sna tshogs kyis 'dres nas phyogs gcig tu sdod do/ /phyogs gcig tu bsdad nas kun tu rgyu rab bzang gis/ tshe dang ldan pa kun dga' bo la 'di skad ces smras so/ /

</font><hr>75-1-112a<br><font size=+1>

kye kun dga' bo dge sbyong gau ta ma do nub nam phyed na phung po'i lhag ma med pa'i mya ngan las 'das pa'i dbyings su yongs su mya ngan las 'da' bar 'gyur ro zhes bdag gis thos te bdag chos rnams la som nyi yang mchis te/ the tsom yang mchis la/ gau 
ta ma des bdag gi som nyi de bsal bar nus pa'i re ba yang bdag la mchis na/ kun dga' bo gal te khyod la yang gnod pa ma mchis la gal te zhu ba lung bstan pa'i slad du skabs 'byed pa lta na bdag nang du mchis te phyogs 'ga' zhig zhu'o/ /kun dga' bos smras pa/ 
rab bzang bcom ldan 'das sku mnyel te bde bar gshegs pa sku 'o brgyal gyis rab bzang thong la bcom ldan 'das la gnod pa ma byed cig /lan gnyis lan gsum gyi bar du yang kun tu rgyu rab bzang gis tshe dang ldan pa kun dga' bo la 'di skad ces smras so/ /kye kun dga' 
bo dge sbyong gau ta ma do nub nam phyed na phung po'i lhag ma med pa'i mya ngan las 'das pa'i dbyings su yongs su mya ngan las 'da' bar 'gyur ro zhes bdag gis thos te bdag chos rnams la som nyi yang mchis the tsom yang mchis la/ gau ta ma des bdag gi som nyi de bsal bar 
nus pa'i re ba yang bdag la mchis na/ kun dga' bo gal te khyod la yang gnod pa ma mchis la gal te zhu ba lung bstan pa'i slad du skabs 'byed pa lta na bdag nang du mchis te phyogs 'ga' zhig zhu'o/ /lan gnyis lan gsum gyi bar du yang tshe dang ldan pa kun dga' bos 
kun tu rgyu rab bzang la 'di skad ces smras so/ /rab bzang bcom ldan 'das sku mnyel te bde bar gshegs pa sku 'o brgyal gyis/ rab bzang thong la bcom ldan 'das la gnod pa ma byed cig ces byas kyang kun tu rgyu rab bzang gis yang tshe dang ldan pa kun dga' bo la 'di skad 
ces smras so/ /kye kun dga' bo gna'i kun tu rgyu rgas shing 'khogs pa'i sde tshan gyi slob dpon chen po dag las bdag gis thos na/ de bzhin gshegs pa dgra bcom pa yang dag par rdzogs pa'i sangs rgyas rnams ni/ brgya lam brgya lam na 'jig rten du 'byung bar zad de/

</font><hr>75-1-112b<br><font size=+1>

dper na u dum ba ra'i me tog dang 'dra'o zhes grags la/ gau ta ma de yang do nub nam phyed na phung po'i lhag ma med pa'i mya ngan las 'das pa'i dbyings su yongs su mya ngan las 'da' bar 'gyur na/ bdag chos rnams la som nyi yang mchis the tsom yang mchis la/ gau ta ma des 
bdag gi som nyi de bsal bar nus pa'i re ba yang bdag la mchis na kun dga' bo gal te khyod la yang gnod pa ma mchis la/ gal te zhu ba lung bstan pa'i slad du skabs 'byed pa lta na bdag nang du mchis te phyogs 'ga' zhig zhu'o/ /de nas yang tshe dang ldan pa kun dga' 
bos kun tu rgyu rab bzang la 'di skad ces smras so/ /rab bzang bcom ldan 'das sku mnyel te bde bar gshegs pa sku 'o brgyal gyis rab bzang thong la/ bcom ldan 'das la gnod pa ma byed cig /de nas tshe dang ldan pa kun dga' bo kun tu rgyu rab bzang dang skabs su 
gtam glengs pa de/ bcom ldan 'das kyis lha'i snyan rnam par dag pa mi las 'das pas gsan to/ /gsan nas kyang tshe dang ldan pa kun dga' bo la 'di skad ces bka' stsal to/ /kun dga' bo de skad ma zer bar kun tu rgyu rab bzang ma dgag par nang du thong la ci dang 
ci 'dod pa 'drir chug cig /'di ni nga'i gzhan mu stegs can kun tu rgyu dag dang skabs su gtam gleng ba'i tha ma yin no/ /'di lta ste kun tu rgyu rab bzang 'di ni nga'i mngon sum gyi nyan thos rnams la dge slong tshur shog tshangs par spyod cig ces bya ba'i tha ma yang yin no/ /de 
nas kun tu rgyu rab bzang bcom ldan 'das kyis skabs phye nas dga' zhing mgu la rab tu dga' ste yi rangs nas dga' ba dang yid bde ba skyes pas bcom ldan 'das ga la ba der song ste phyin nas bcom ldan 'das dang mngon sum du yang dag par mgu bar 'gyur ba dang / yang 
dag par dga' bar 'gyur ba'i gtam rnam pa sna tshogs kyis 'dres nas phyogs gcig tu 'dug go/ /phyogs gcig tu 'dug nas bcom ldan 'das la kun tu rgyu rab bzang gis 'di skad ces gsol to/ /kye gau ta ma 'jig rten na mu stegs can gyi gnas tha dad pa 'di 

</font><hr>75-1-113a<br><font size=+1>

lta ste/ 'od srung rdzogs byed dang / kun tu rgyu gnag lhas kyi bu dang / smra 'dod kyi bu mo'i bu yang dag rgyal ba can dang / thub med skra'i la ba can dang / ka t+ya'i bu nog can dang / gcer bu pa gnyen gyi bu dang 'di rnams rang rang gi dam bcas pa rtogs pa 
lags sam/ de nas bcom ldan 'das kyis de'i tshe tshigs su bcad de gsungs pa/ nga ni lo grangs nyi shu dgu lon na/ /dge ba gang yin tshol phyir rab tu byung / /rab bzang nga ni rab tu byung nas kyang / /de yi phyin cad lo ni lnga bcu gcig /tshul khrims ting 'dzin rkang 
pa reg pa rnams/ /ngas ni rtse gcig sems kyis rab tu bsgoms/ /rigs pa'i chos kyi phyogs tsam smra ba yang / /'di las phyi rol dge sbyong gzhan la'ang med/ /rab bzang chos 'dul ba gang la 'phags pa'i lam yan lag brgyad pa med pa de la ni dge sbyong dang po yang 
med do/ /de la ni dge sbyong gnyis pa dang / gsum pa dang / bzhi pa yang med do/ /rab bzang chos 'dul ba gang la 'phags pa'i lam yan lag brgyad pa yod pa de la ni dge sbyong dang po yang yod do/ /dge sbyong gnyis pa dang / gsum pa dang / bzhi pa yang yod do/ /rab bzang 
chos 'dul ba 'di la ni/ 'phags pa'i lam yan lag brgyad pa yod pas na/ dge sbyong dang po yang 'di la yod do/ /gnyis pa yang 'di la yod do/ /gsum pa yang 'di la yod do/ /bzhi pa yang 'di la yod do/ /'di las phyi rol pa la ni dge sbyong dang bram ze med la/ phas 
kyi rgol ba dag ni dge sbyong rnams dang bram ze rnams kyis stong ste/ nga ni 'dir 'khor gyi nang du de skad ces yang dag par seng ge'i sgra sgrogs so/ /chos kyi rnam grangs 'di bshad pa na kun tu rgyu rab bzang chos rnams la chos kyi mig rdul med cing dri ma dang bral ba skyes te/ kun tu rgyu 
rab bzang gis chos mthong / chos rnyed/ chos rtogs/ chos kyi gting slebs/ som nyi las rgal the tsom las rgal nas/ ston pa'i bstan pa la gzhan gyi dring mi 'jog cing gzhan gyis bkri ba med de/ chos rnams la mi 'jigs pa thob nas stan las langs te bla gos phrag 

</font><hr>75-1-113b<br><font size=+1>

pa gcig tu gzar nas bcom ldan 'das ga la ba de logs su thal mo sbyar ba btud de/ tshe dang ldan pa kun dga' bo la 'di skad ces smras so/ /btsun pa kun dga' bo slob dpon chen pos/ slob dpon chen po'i nye gnas kyi dbang bskur bas dbang bskur ba de ni btsun 
pa kun dga' bos rnyed pa legs par rnyed do/ /gcig tu na bdag gis kyang legs par gsungs pa'i chos 'dul ba la rab tu byung ba dang / bsnyen par rdzogs shing dge slong gi dngos po thob par 'gyur ba de ni rnyed pa legs par rnyed pa lags so/ /de nas bcom ldan 
'das la tshe dang ldan pa kun dga' bos 'di skad ces gsol to/ /btsun pa kun tu rgyu rab bzang 'di ni legs par gsungs pa'i chos 'dul ba la rab tu byung ba dang bsnyen par rdzogs shing dge slong gi dngos por 'gyur bar 'tshal lags so/ /de nas bcom ldan 'das kyis 
kun tu rgyu rab bzang la bka' stsal pa/ dge slong tshur shog /tshangs par spyad pa spyod cig /de nas de nyid kyis tshe dang ldan pa de rab tu byung bar gyur te bsnyen par rdzogs pa yang de yin la dge slong gi dngos po yang de yin no/ /de ltar rab tu byung nas tshe dang ldan pa de 
gcig pu dben par 'dug ste/ bag yod cing brtun la bcum nas gnas te gang gi phyir rigs kyi bu dag skra dang kha spu bregs nas gos tshon can bgos te/ yang dag pa'i dad pa kho nas khyim nas khyim med par rab tu 'byung bar byed pa'i tshangs par spyod pa bla na med pa'i 
mthar thug pa de tshe 'di nyid la rang gi mngon par shes pas mngon sum du byas nas bsgrubs te khong du chud la bdag gi skye ba ni zad do/ /tshangs par spyod pa ni spyad zin to/ /bya ba ni byas so/ /'di las srid pa gzhan mi shes so snyam du kun shes par gyur nas/ tshe 
dang ldan pa de dgra bcom par gyur te sems rnam par grol lo/ /de nas tshe dang ldan pa rab bzang dgra bcom pa thob ste/ rnam par grol ba'i dga' ba dang bde ba nyams su myong nas 'di snyam du sems te/ bdag gis ston pa yongs su mya ngan las 'da' ba mthong bar bya 

</font><hr>75-1-114a<br><font size=+1>

ba ni bdag gi cha ma yin gyis/ de bas ches sngar bdag yongs su mya ngan las 'da' bar bya gor ma chag snyam nas/ der tshe dang ldan pa rab bzang ches sngar yongs su mya ngan las 'das nas/ de'i 'og tu bcom ldan 'das mya ngan las 'das so/ /gang gi 
tshe bcom ldan 'das gzims mal gyi tha mar bzhugs te gnad la gnod pa'i tshor ba myong zhing gnad rnams 'chad la tshigs rnams 'bye ba na/ rab bzang dgra bcom pa nyid la bzhag pa dang / grong khyer ku shi'i gyad yul ba mang po chos la btsud pa de'i tshe dge slong dag the tsom 
skyes te/ the tsom thams cad gcod pa sangs rgyas bcom ldan 'das la zhus pa btsun pa kun tu rgyu rab bzang 'di bcom ldan 'das gnad rnams 'chad cing tshigs rnams 'bye ba na/ 'khor ba'i 'gug las bkrol te gzha' gsang gi mthar thug pa'i grub pa dang bde ba mya 
ngan las 'das pa la bzhag pa ni ngo mtshar lags so/ /bcom ldan 'das kyis bka' stsal pa/ dge slong dag da ltar nga 'dod chags dang bral ba/ zhe sdang dang bral ba/ gti mug dang bral ba/ skye ba dang / rga ba dang / na ba dang / 'chi ba dang / mya ngan dang / smre sngags 
'don pa dang / sdug bsngal ba dang / yid mi bde ba dang / 'khrug pa rnams las yongs su grol ba'i tshe/ ngas kun tu rgyu rab bzang 'khor ba'i 'gug las bkrol nas/ gzha' gsang gi mthar thug pa'i grub pa dang bde ba mya ngan las 'das pa la bzhag pa 'di lta la ngo 
mtshar che ba ci yod/ 'das pa'i dus na 'dod chags dang bcas pa/ zhe sdang dang bcas pa/ gti mug dang bcas pa/ skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams 
las yongs su ma grol ba na bya mi bya mi shes pa'i dud 'gro'i skye gnas su skyes pa'i tshe yang ngas rang gi srog yongs su btang ste/ kun tu rgyu rab bzang dang grong khyer ku shi'i gyad yul pa rnams 'jigs pa las 'jigs pa med pa la bkod pa de legs par rab tu nyon la yid 

</font><hr>75-1-114b<br><font size=+1>

la zung shig dang ngas bshad do/ /dge slong dag sngon byung ba 'das pa'i dus na/ ri'i sul zhig na ri dgas kyi khyu'i gtso bo ri dgas stong phrag du ma'i 'khor dang ldan pa mkhas shing gsal la yid gzhungs pa zhig 'dug pa las/ ri dgas kyi khyu de rngon pas bya ra byas nas rgyal 
po la gsol to/ /de nas rgyal po dpung gi tshogs yan lag bzhi pa dang chas te/ ri dgas kyi khyu de dag thams cad khongs su bcug go/ /de nas khyu'i gtso bo de 'di snyam du sems te/ gal te bdag gis 'di rnams dam bsrungs na ni deng du 'di dag gtan med par 'ong ngo 
snyam mo/ /de nas khyu'i gtso bos kho ra khor yug tu bltas te/ ri dgas kyi tshogs 'di dag phyogs gang logs nas thar bar 'gyur zhig gu snyam mo/ /des ri'i sul de na chu klung 'bab pa zhig mthong ste/ chu klung de yang shugs drag cing drag tu khyer bar byed pa zhig yin 
la ri dgas de dag kyang nyam chung ba sha stag go/ /de nas khyu'i gtso bo de tsham tshom med par chu klung de'i nang du zhugs te dbus su sdod nas/ khyed tshur shog la 'gram 'di nas mchongs te/ nga'i rgyab tu rkang lag gi stegs chos la pha rol gyi 'gram du song shig dang thabs des 
na khyed thar bar mthong gi de ltar ma byas na ni 'chi bar 'gyur ro zhes skad kyis bos so/ /de nas ri dgas de dag gis de bzhin du byas so/ /de nas de'i rgyab tu rmig pa btsugs pas pags pa rdol nas/ sha dang / khrag dang / rus pa'i lhag ma tsam zhig lus par zad 
de/ 'on kyang de ri dgas de dag la snying rje btud pas brtson pa ma btang ngo / /de nas ri dgas thams cad rgal ba'i 'og tu 'dir ma rgal ba 'ga' lta med grang snyam ste/ phyir bltas na ri dgas kyi phru gu gcig da dung ma rgal ba mthong ngo / /de nas khyu'i gtso bo de 
gnad rnams 'chad cing tshigs rnams 'bye ba na/ srog phangs pa la ma bltas te 'gram du byung nas ri dgas kyi phru gu rgyab tu zhon te/ chu klung bsgral nas 'gram du bzhag ste/ de ri dgas kyi tshogs de dag rgal zin par mthong nas 'chi khar smon lam btab pa/ ji 

</font><hr>75-1-115a<br><font size=+1>

ltar bdag gis ri dgas 'di rnams dang ri dgas kyi phru gu 'di srog phangs pa bskyabs te phangs pa las skyabs byas pa de bzhin du/ bdag ma 'ongs pa'i dus na bla na med pa yang dag par rdzogs pa'i byang chub mngon par rdzogs par sangs rgyas 
pa na yang 'khor ba'i 'gug las thar bar byed par gyur cig ces byas so/ /bcom ldan 'das kyis bka' stsal pa/ dge slong dag ji snyam du sems/ de'i tshe de'i dus na ri dgas kyi khyu'i gtso bor gyur pa gang yin pa de ni nga yin no/ /ri dgas rnams ni grong khyer 
ku shi'i gyad yul ba 'di rnams yin no/ /ri dgas phru gu de ni rab bzang 'di kho na yin no/ /de nas dge slong rnams the tsom skyes te/ the tsom thams cad gcod pa/ sangs rgyas bcom ldan 'das la zhus pa/ btsun pa rab bzang gis las ci dag bgyis na des mngon 
sum gyi nyan thos rnams kyi tha mar gyur lags/ bcom ldan 'das kyis bka' stsal pa/ dge slong dag rab bzang nyid kyis sngon tshe rabs gzhan dag tu tshogs rnyed cing rkyen grub pa dang ldan te/ dba' rgal bzhin du 'byung la/ gdon mi za bar 'ong ba'i las rnams byas 
shing bsags pas na/ rab bzang gis las byas shing bsags pa rnams ni gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / 
rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang khams dang skye mched rnams 'ba' zhig la rnam par smin par 'gyur ro/ /lus can dag gi las rnams ni/ /bskal pa brgyar yang chud mi za/ /
tshogs shing dus la bab pa na/ /'bras bu nyid du smin par 'gyur/ /dge slong dag sngon byung ba 'das pa'i dus na bskal pa bzang po 'di nyid la/ skye dgu'i tshe lo nyi khri thub pa na/ de bzhin gshegs pa dgra bcom pa yang dag par rdzogs pa'i sangs rgyas rig pa dang 

</font><hr>75-1-115b<br><font size=+1>

zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa lha dang mi rnams kyi ston pa sangs rgyas bcom ldan 'das 'od srung zhes bya ba 'jig rten du byung ste/ de grong khyer bA rA Na sI na ri dgas kyi nags drang srong 
smra ba na rten cing bzhugs so/ /de nas bcom ldan 'das yang dag par rdzogs pa'i sangs rgyas 'od srung gi dpon po mya ngan med ces bya ba thar pa 'dod pa'i phyir/ bcom ldan 'das las rab tu byung nas/ de thar pa la rang dbang yod pa tsam du 'dzin te brtson 'grus ma 
byas so/ /re zhig na yun ring mo zhig lon pa'i 'og tu mya ngan med kyis ljongs su dbyar gnas par dam bcas so/ /bcom ldan 'das yang dag par rdzogs pa'i sangs rgyas 'od srung yang sangs rgyas kyi phrin las thams cad mdzad nas/ shing zad pa'i me bzhin du 
gzims mal gyi tha mar bzhugs so/ /dge slong mya ngan med kyang / shing mya ngan 'tshang gi drung na nang du yang dag 'jog la zhugs so/ /de nas shing mya ngan 'tshang de la gnas pa'i lha des bcom ldan 'das yang dag par rdzogs pa'i sangs rgyas 'od srung yongs su mya ngan las 
'da'o zhes thos nas ngu zhing 'dug ste/ de ngu ba'i mchi ma zags pa mya ngan med kyi lus la bab bo/ /de nas mya ngan med kyis gyen du bltas nas/ lha ngu ba de la smras pa/ lha ci'i phyir ngu / lhas smras pa/ do nub nam phyed na/ bcom ldan 'das yang dag par rdzogs pa'i 
sangs rgyas 'od srung yongs su mya ngan las 'da'o/ /de nas mya ngan med kyis lha'i tshig thos nas gnad du phog pa bzhin du yed ces byas te/ de yang snying rje rje skad du ngus so/ /de nas lhas dris pa khyod ci'i phyir ngu / mya ngan med kyis smras pa/ nye du dang bral ba dang 
mkhan po dang bral ba'i phyir te/ yang dag par rdzogs pa'i sangs rgyas 'od srung ni bdag gi zhang po yin pas bdag bsod nyams su 'dug 'dug ste brtson 'grus ma byas so/ /da ni de lam rings la bdag ni sa so'i skye bor lus te/ lam rings pas bdag gis khyad par 

</font><hr>75-1-116a<br><font size=+1>

thob par mi nus so/ /lhas smras pa/ gal te bdag gis bcom ldan 'das kyi thad du khyod bkri na ci khyad par thob par nus sam/ mya ngan med kyis smras pa/ 'di ltar bdag gi yid la/ bcom ldan 'das mthong ma thag tu khyad par thob 
par 'gyur ro snyam byed do/ /de nas lhas rdzu 'phrul gyi mthus/ mya ngan med bcom ldan 'das kyi thad du khyer te/ des bcom ldan 'das mthong nas dga' ba skyes so/ /dga' ba skyes nas bcom ldan 'das 'od srung gis gang thos pas dgra bcom pa nyid mngon sum 
du byed par 'gyur ba de lta bu'i chos bstan nas/ dgra bcom pa nyid mngon sum du byas te/ thog ma kho nar tshe dang ldan pa mya ngan med yongs su mya ngan las 'das nas de'i 'og tu bcom ldan 'das yang dag par rdzogs pa'i sangs rgyas 'od srung yongs su mya ngan las 'das so/ /
de nas lha des tshe dang ldan pa mya ngan med yongs su mya ngan las 'das pa mthong nas dga' ba skyed de/ tshe dang ldan pa 'dis khyad par ci thob pa thams cad ni bdag las bstan pa yin gyis bdag kyang 'di bzhin du ma 'ongs pa'i dus na/ bcom ldan 'das yang dag par rdzogs 
pa'i sangs rgyas 'od srung gis bram ze'i khye'u bla ma la/ bram ze'i khye'u khyod skye dgu'i tshe lo brgya thub pa na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya bar 'gyur ro zhes lung bstan pa de/ gzims mal gyi tha mar zhugs pa na 
bdag kyang de'i mngon sum gyi nyan thos kyi tha mar gyur te/ bcom ldan 'das kyi snga rol tu yongs su mya ngan las 'das nas de'i 'og tu bcom ldan 'das shAkya thub pa yongs su mya ngan las 'da' bar gyur cig ces byas so/ /dge slong dag ji snyam du sems/ de'i tshe de'i 
dus na lhar gyur pa gang yin pa de ni rab bzang 'di yin no/ /dge slong dag de bas na 'di ltar bslab par bya ste/ dge ba'i bshes gnyen dang dge ba'i grogs po dang dge ba'i rten dang gnas par bya'i sdig pa'i bshes gnyen dang sdig pa'i grogs po dang sdig pa'i rten 

</font><hr>75-1-116b<br><font size=+1>

dang gnas par mi bya'o zhes dge slong khyed kyis de ltar bslab par bya'o/ /de nas bcom ldan 'das la tshe dang ldan pa kun dga' bos 'di skad ces gsol to/ /btsun pa 'dir bdag gcig pu dben par mchis nas/ nang du yang dag 'jog la zhugs pa na sems 
la 'di lta bu'i sems kyi yongs su rtog pa byung ste/ 'di lta ste/ dge ba'i bshes gnyen dang dge ba'i grogs po dang dge ba'i rten 'di ni tshangs par spyod pa'i phyed lags kyi/ sdig pa'i bshes gnyen dang sdig pa'i grogs po dang sdig pa'i rten ni de lta ma lags so snyam 
bgyid do/ /bcom ldan 'das kyis bka' stsal pa/ kun dga' bo khyed 'di lta ste/ dge ba'i bshes gnyen dang dge ba'i grogs po dang dge ba'i rten 'di ni tshangs par spyod pa'i phyed yin gyi/ sdig pa'i bshes gnyen dang sdig pa'i grogs po dang sdig pa'i rten ni de 
lta ma yin no zhes ma zer cig /de ci'i phyir zhe na/ kun dga' bo 'di lta ste/ dge ba'i bshes gnyen dang dge ba'i grogs po dang dge ba'i rten 'di ni tshangs par spyod pa ril po dang ma 'dres pa dang yongs su rdzogs pa dang yongs su dag pa dang yongs su byang ba yin gyi/ 
sdig pa'i bshes gnyen dang sdig pa'i grogs po dang sdig pa'i rten ni de lta ma yin no/ /de ci'i phyir zhe na/ kun dga' bo dge ba'i bshes gnyen la brten nas/ sems can skye ba'i chos can rnams skye ba'i chos can las yongs su grol bar 'gyur ba dang sems 
can rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa'i chos can rnams skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba 
dang / yid mi bde ba dang / 'khrug pa'i chos can las yongs su grol bar 'gyur ba'i phyir ro/ /kun dga' bo de bas na rnam grangs 'di kho nas khyod kyis 'di ltar rig par bya ste/ 'di lta ste/ dge ba'i bshes gnyen dang dge ba'i grogs po dang dge ba'i rten 'di ni 

</font><hr>75-1-117a<br><font size=+1>

tshangs par spyod pa ril po dang ma 'dres pa dang yongs su rdzogs pa dang yongs su dag pa dang yongs su byang ba yin gyi/ sdig pa'i bshes gnyen dang sdig pa'i grogs po dang sdig pa'i rten ni de lta ma yin no zhes kun dga' bo khyod kyis de ltar bslab 
par bya'o/ /bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do/ /rtogs pa brjod pa brgya pa las sdom gyi tshigs su bcad pa bzhi pa ste byang chub sems dpa'i skyes pa'i 
rabs rnams rdzogs so// //sdom ni/ bu ram gnas dang kha zas dang / /chu dang phyi sa'i snod rnams dang / /maud gal bu dang chu smad dang / /dmus long dang ni tshong dpon dang / /bu rnams dang ni phyis khung / /sde tshan dag tu bstan pa yin/ /bu ram 'tshir 
ba'i gnas zhes bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / 
lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 
'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa/ rgyal 
po'i khab na 'od ma'i tshal bya ka lan da ka gnas pa na bzhugs te/ gang gi tshe bcom ldan 'das bla na med pa yang dag par rdzogs pa'i byang chub mngon par rdzogs par sangs rgyas pa de'i tshe tshe dang ldan pa shA ri'i bu dang / maud gal gyi bu gnyis kyis 'di ltar dam bcas te/

</font><hr>75-1-117b<br><font size=+1>

sems can dmyal ba dang dud 'gro dang yi dgas rnams kyi nang nas/ sems can gcig tsam yang thar bar ma byas kyi bar du zan mi bza'o zhes byas so/ /de nas tshe dang ldan pa de gnyis dus dus su res 'ga' ni sems can dmyal bar rgyu zhing 'gro'o/ /res 'ga' 
ni dud 'gro'i nang du rgyu zhing 'gro'o/ /res 'ga' ni yi dgas kyi nang du rgyu zhing 'gro ste de gnyis kyis der sems can gnod pa sna tshogs kyis nyen pa rnams kyi skad ngan thos nas rgyu ba las slar 'khor te/ 'khor bzhi po rnams la rjod par byed do/ /de dag gis kyang thos nas 
skyo bar 'gyur ro/ /de nas de gnyis kyis de la bstan nas de dang 'thun pa'i chos ston par byed de/ des na sems can du mas thos nas khyad par thob par 'gyur ba dang / chos thos pa dang gtam bya ba'i gnas su 'gyur ro/ /phyis re zhig na tshe dang ldan pa maud gal gyi bu 
chen po yi dgas kyi nang du rgyu zhing song ba dang / yi dgas lto ni ri tsam la kha ni khab kyi mig tsam ste/ rang gi skras yog pa/ 'bar zhing rab tu 'bar la kun tu rab tu 'bar te/ me lce gcig tu 'bar nas tshig cing nyam thag pa'i skad 'byin te/ sdug bsngal drag pa dang mi 
bzad pa dang tsha ba dang yid du mi 'ong ba'i tshor ba myong ba dang / bshang gci ga la yod pa der 'khor la de yang bde blag tu mi rnyed pa zhig mthong ngo / /de nas gnas brtan des yi dgas de la dris pa/ kye khyod kyis las ci zhig byas na/ des 'di lta bu'i sdug bsngal drag pa 
mi bzad pa tsha ba dang yid du mi 'ong ba'i tshor ba myong zhing 'dug /yi dgas kyis smras pa/ nyi ma shar ba na sgron ma mi dgos kyis/ bcom ldan 'das la don 'di zhus shig dang / des khyod la bdag gi las kyi rnam pa lung ston par 'gyur ro/ /de nas tshe dang ldan pa maud gal gyi 
bu chen po bcom ldan 'das ga la ba der song ngo / /de'i tshe bcom ldan 'das nang du yang dag 'jog las bzhengs nas 'khor bzhi po rnams la sbrang bu'i sbrang rtsi ma bskol ba dang 'dra ba'i chos ro dang ldan no cog ston te/ 'khor brgya phrag du ma yang dbang po rnams mi g.yo 

</font><hr>75-1-118a<br><font size=+1>

bar bcom ldan 'das las chos ro dang ldan no cog nyan par byed do/ /de nas sangs rgyas bcom ldan 'das rnams ni gsong por gsung ba snyan par gsung ba/ tshur shog 'ongs pa legs so zhes gsung ba sngar 'dzum pa yin te/ der bcom 
ldan 'das kyis tshe dang ldan pa maud gal gyi bu chen po la 'di skad ces bka' stsal to/ /maud gal gyi bu tshur shog /khyod 'ongs pa legs so/ /khyod da gdod ga las 'ongs/ maud gal gyi bus gsol pa/ btsun pa bdag ni yi dgas kyi nang du rgyu zhing mchi mchi ba las 
slar mchis te/ der bdag gis yi dgas lto ni ri tsam la kha ni khab kyi mig tsam ste/ rang gi skras yog pa/ phyi sa bzhin dri nga ba mchog tu dri nga ba mi sdug pa mchog tu mi sdug pa zas su phyi sa 'tshal la de yang bde blag tu mi rnyed pa zhig mthong lags so/ /yang gsol pa/ lus 
chen ri bo mthon po 'dra ba la/ /mchu dang lkog ma skam zhing shin tu sdug /rang gi skras ni gdong yog gcer bar mchis/ /mchu sgo phra khab mig 'dra rab tu rid/ /de ltar gcer bu skras yog pa/ /rus pa'i 'khrul 'khor bsgreng ba bzhin/ /thod pa thogs shing mi bzad la/ /
ngu zhing kun tu rgyug par bgyid/ /bkres pa dang ni skom pa yis/ /dub cing sdug bsngal dag gis nyen/ /nyam thag skad kyang 'byin par bgyid/ /sdug bsngal tshor ba nyams su myong / /de yis mi yi 'jig rten du/ /rab 'jigs sdig pa ci bgyis na/ /des na sdug 
bsngal 'di 'dra ba/ /'jigs su rung ba myong bar gyur/ /bcom ldan 'das kyis bka' stsal pa/ maud gal gyi bu yi dgas de ni sdig pa'i las byed byed pa yin no/ /de'i las kyi rnam pa nyan par 'dod dam/ btsun pa mnyan par 'tshal lags so/ /maud gal 
gyi bu 'o na legs par rab tu nyon la yid la zung shig dang ngas bshad do/ /maud gal gyi bu sngon byung ba 'das pa'i dus na/ rgyal po'i khab kyi grong khyer na tshong dpon phyug cing nor mang la longs spyod che ba yongs su 'dzin pa yangs shing rgya che ba/ rnam thos kyi bu'i nor 

</font><hr>75-1-118b<br><font size=+1>

dang ldan pa/ rnam thos kyi bu'i nor dang 'gran pa zhig 'dug pa de'i bu ram shing btsir ba'i gnas grwa lnga brgya yod de/ de dag tu de'i bu ram shing 'tshir bar byed do/ /sangs rgyas rnams 'jig rten du mi 'byung ba'i tshe/ rang sangs rgyas sdug cing phongs pa rnams la snying 
brtse ba/ bas mtha'i gnas mal gyis 'tsho ba 'jig rten gyi yon gnas gcig pu rnams 'jig rten du 'byung ste re zhig na/ rang sangs rgyas sdug cing phongs pa la snying brtse ba bas mtha'i gnas mal gyis 'tsho ba zhig byung nas/ de snga dro sham thabs dang chos gos bgos 
te/ lhung bzed thogs nas rgyal po'i khab tu bsod snyoms la song ngo / /btsun pa de yang nad khong skem gyis thebs te/ de la sman pas bu ram shing gi khu ba phan par bstan nas tshong dpon chen po de'i thad du song ngo / /tshong dpon gyis kyang rang sangs rgyas lus kyang mdzes la/ 
sems kyang mdzes pa de mthong ngo / /mthong nas kyang tshong dpon gyis smras pa/ 'phags pa ci bzhed/ rang sangs rgyas kyis smras pa/ khyim bdag bu ram shing gi khu ba 'dod do/ de nas khyim bdag des tshal za zhig la 'phags pa la bu ram shing gi khu ba phul cig ces 
bsgo nas khyim bdag de ni don zhig la phyi rol tu chas so/ /de nas mi de gzhan gyi rdzas la ser sna skyes nas/ gal te bdag gis 'di la bu ram shing gi khu ba sbyin du zin na phyis kyang 'dir 'ong bar 'gyur ro snyam ste/ mi sdug pa'i 'gro ba gsum gyi g.yang sar 
gzhol ba/ thams cad kyis 'dod par bya ba'i 'gro ba gnyis bor ba/ 'phags pa'i lam rnams thag bsrings pa des sdig pa'i sems bskyed nas/ rang sangs rgyas de la smras pa/ dge slong lhung bzed tshur byin cig dang / bu ram shing gi khu ba sbyin no zhes 
byas so/ /nyan thos kyi dgra bcom pa dang rang sangs rgyas rnams ni ma dgongs kyi bar du shes pa'i mthong ba mi 'jug ste/ sdug cing phongs pa la snying brtse bas mi de la ngas phan gdags par bya'o snyam nas lhung bzed de byin no/ /de nas spyod pa ngan cing snying la snying rje med 

</font><hr>75-1-119a<br><font size=+1>

pa des de blangs ta \u0f7alkog cig tu song nas gcin gyis bkang ste/ steng du bu ram shing gi khu ba'i dbu bas bkab nas/ rang sangs rgyas de la phul ba dang / des tshor nas des bsams pa nyon mongs 'dis sdig pa chen po zhig byas kyis med do snyam ste/ de 
phyogs gcig tu song nas pho ste song ngo / /bcom ldan 'das kyis bka' stsal pa/ maud gal gyi bu ji snyam du sems/ de'i tshe de'i dus na tshal zar gyur pa gang yin pa de ni yi dgas 'di yin te/ las de'i rnam par smin pas 'khor ba na sdug bsngal mtha' yas pa myong bar 
gyur la da ltar yang yi dgas su gyur nas sdug bsngal mi bzad pa myong ba yin no/ /maud gal gyi bu de bas na/ ci nas yi dgas de'i nyes pa de lta bu dag mi 'byung bar bya ba'i phyir ser sna spang ba la brtson par bya'o/ /maud gal gyi bu de ltar na las gcig tu nges par gnag pa rnams 
ni rnam par smin pa yang gcig tu nges par gnag par 'gyur ro/ /las gcig tu nges par dkar ba rnams ni rnam par smin pa yang gcig tu nges par dkar bar 'gyur ro/ /las 'dren ma rnams ni rnam par smin pa yang 'dren mar 'gyur ro/ /maud gal gyi bu de bas na/ 
las gcig tu nges par gnag pa rnams dang 'dren ma rnams spangs la las gcig tu nges par dkar ba rnams 'ba' zhig la gtad par bya ste/ maud gal gyi bu khyod kyis de ltar bslab par bya'o/ /bcom ldan 'das kyis de skad ces bka' stsal nas/ tshe dang ldan pa 
maud gal gyi bu chen po dang lha dang lha ma yin dang nam mkha' lding dang mi 'am ci dang lto 'phye chen po dang gzhan dag kyang yi rangs te/ bcom ldan 'das kyis gsungs pa la mngon par bstod do// //kha zas zhes bya ba ni/ sangs rgyas bcom ldan 'das la rgyal po 
rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams 

</font><hr>75-1-119b<br><font size=+1>

dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 
'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon med zas sbyin gyi 
kun dga' ra ba na bzhugs te/ de'i tshe tshe dang ldan pa maud gal gyi bu chen po nyin par gnas pa'i phyir/ shing zhig gi drung du 'dug pa dang / tshe dang ldan pa maud gal gyi bu chen pos/ yi dgas mo zhig gi sgra thos te nyam thag pa'i skad 'byin cing / sdug bsngal drag pa dang mi 
bzad pa dang tsha ba dang yid du mi 'ong ba'i tshor ba myong ste/ kha zas slong zhing grogs mo dag bdag bkres so/ /grogs mo dag bdag skom mo zhes zer ba thos so/ /de nas gnas brtan maud gal gyi bu chen pos yi dgas mo de mthong nas dris pa/ khyod kyis las ci zhig byas na/ 
des 'di lta bu'i sdug bsngal dag myong zhing 'dug /yi dgas mos smras pa/ nyi ma shar ba na sgron ma mi dgos kyis/ bcom ldan 'das la don 'di zhus shig dang / des khyod la bdag gi las kyi rnam pa lung ston par 'gyur ro/ /de nas tshe dang ldan pa maud gal gyi bu chen 
po bcom ldan 'das ga la ba der song ngo / /de'i tshe bcom ldan 'das nang du yang dag 'jog las bzhengs nas/ 'khor bzhi po rnams la sbrang bu'i sbrang rtsi ma bskol ba dang 'dra ba'i chos ro dang ldan no cog ston te/ 'khor brgya phrag du ma yang dbang po rnams mi g.yo bar 
bcom ldan 'das las chos ro dang ldan no cog nyan par byed do/ /de nas sangs rgyas bcom ldan 'das rnams ni gsong por gsung ba snyan par gsung ba tshur shog 'ongs pa legs so zhes gsung ba sngar 'dzum pa yin te/ der bcom ldan 'das kyis tshe dang ldan pa maud gal 

</font><hr>75-1-120a<br><font size=+1>

gyi bu chen po la 'di skad ces bka' stsal to/ /maud gal gyi bu tshur shog /khyod 'ongs pa legs so/ khyod da gzod ga las 'ongs/ maud gal gyi bus gsol pa/ btsun pa bdag ni yi dgas kyi nang du rgyu zhing mchi mchi ba las slar mchis te/ der bdag gis yi dgas mo 
lto ni ri tsam la kha ni khab kyi mig tsam ste/ rang gi skras yog pa/ gcer bar mchis shing nyam thag pa'i skad 'byin te/ sdug bsngal drag pa dang / mi bzad pa dang / tsha ba dang / yid du mi 'ong ba'i tshor ba myong zhing mchis pa zhig mthong lags so/ /yang gsol pa/ /lus chen ri bo mthon 
po 'dra ba la/ /mchu dang lkog ma skam zhing shin tu sdug /rang gi skras ni gdong yog gcer bar mchis/ /mchu sgo phra khab mig 'dra rab tu rid/ /de ltar gcer bu skras yog pa/ /rus pa'i 'khrul 'khor bsgreng ba bzhin/ /thod pa thogs shing mi bzad la/ /ngu zhing kun tu rgyug par bgyid/ /
bkres pa dang ni skom pa yis/ /dub cing sdug bsngal dag gis nyen/ /nyam thag skad kyang 'byin par bgyid/ /sdug bsngal tshor ba nyams su myong / /de yis mi yi 'jig rten du/ /rab 'jigs sdig pa ci bgyis na/ /des na sdug bsngal 'di 'dra ba/ /'jigs su rung ba myong bar 
gyur/ /bcom ldan 'das kyis bka' stsal pa/ maud gal gyi bu yi dgas mo de ni sdig pa'i las byed byed pa yin no/ /de'i las kyi rnam pa nyan par 'dod dam/ btsun pa nyan par 'tshal lags so/ /maud gal gyi bu 'o na legs par rab tu nyon la yid la zung shig dang ngas bshad do/ /
maud gal gyi bu sngon byung ba 'das pa'i dus na/ bskal pa bzang po 'di nyid la skye dgu'i tshe lo nyi khri thub pa na/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha 
lo sgyur ba bla na med pa/ lha dang mi rnams kyi ston pa sangs rgyas bcom ldan 'das 'od srung zhes bya ba 'jig rten du byung ste/ de grong khyer bA rA Na sI na drang srong smra ba ri dgas kyi nags na rten cing bzhugs so/ /de nas grong khyer bA rA Na sI de na khyim bdag cig gi chung ma ser sna can 'jungs 

</font><hr>75-1-120b<br><font size=+1>

pa yo byad rnams kun tu 'dzin pa/ khwa la'ang gtor ma mi ster na slong ba gzhan dag lta la smos kyang ci dgos pa zhig yod de/ de dge sbyong dang bram ze dang sdug cing phongs pa dang bkres pa dag mthong na sems kyis sdang bar byed do/ /re zhig na bsod snyoms pa zhig de'i khyim du 'ongs 
nas/ des de mthong na/ ser sna skyes te/ sems kyang sdang bar gyur nas 'di snyam du sems te/ gal te bdag gis 'di la bkur sti byas na ni/ 'di phyis kyang 'ong bar 'gyur ro snyam mo/ /de nas sdig can des tshe phyi ma'i mi sdug pa khyad du bsad nas/ dge slong de nang du bos te sgo 
bcad nas smyung du bcug go/ /mang du yang spyos te/ dge slong khyod la bkur sti ma yin pa byas pa 'di yin gyis/ phyin cad khyim 'dir ma 'ong shig ces byas so/ /de nas de ser sna kun tu bsten cing bsgoms te mang du byas pa des yi dgas su skyes te/ de lta bu'i sdug bsngal nyams su myong 
ngo / /maud gal gyi bu de bas na ci nas yi dgas mo de'i nyes pa gang yin pa de lta bu dag mi 'ong bar bya ba'i phyir ser sna spong ba la brtson par bya'o/ /bcom ldan 'das kyis de skad ces bka' stsal nas/ tshe dang ldan pa maud gal gyi bu dang lha dang lha ma yin dang nam mkha' lding dang mi 'am 
ci dang lto 'phye chen po gzhan dag kyang yi rangs te/ bcom ldan 'das kyis gsungs pa la mngon par bstod do// //chu zhes bya ba ni/ sangs rgyas bcom ldan 'das la/ rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong 
dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin 
dang /lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos 

</font><hr>75-1-121a<br><font size=+1>

kyi dge 'dun dang bcas pa rgyal po'i khab na 'od ma'i tshal bya ka lan da ka gnas pa na rten cing bzhugs so/ /de nas tshe dang ldan pa maud gal gyi bu chen po yi dgas kyi nang du rgyu zhing song ba dang / yi dgas mo sdong dum me reg 'dra la rang gi skras yog pa/ lto ni ri tsam la kha 
ni khab kyi mig tsam ste/ 'bar zhing rab tu 'bar la kun tu rab tu 'bar te/ me lce gcig tu 'bar nas tshig cing nyam thag pa'i skad 'byin la skom gyis gdungs te/ sdug bsngal drag pa dang mi bzad pa dang tsha ba dang yid du mi 'ong ba'i tshor ba myong ba dang des mthong ba tsam gyis chu klung dang 
khron pa rnams skam par 'gyur ba dang gang gi tshe char 'bab pa de'i tshe/ de'i steng du me stag 'phro ba'i mdag ma'i char 'bab pa zhig mthong ngo / /mthong nas kyang tshe dang ldan pa maud gal gyi bu chen pos de la smras pa/ kye khyod kyis sdig pa ci zhig byas na des 'di lta bu'i sdug bsngal myong zhing 
'dug /yi dgas mos smras pa/ btsun pa maud gal gyi bu chen po bdag ni sdig pa byed byed pa yin te/ sangs rgyas bcom ldan 'das la don 'di zhus shig dang de khyod la bdag gi las kyi rnam pa ston par 'gyur te/ de thos na sems can gzhan dag kyang sdig pa'i las spong bar 'gyur ro/ /
de nas tshe dang ldan pa maud gal gyi bu chen pos bcom ldan 'das ga la ba der song ngo / /de'i tshe bcom ldan 'das nang du yang dag 'jog las bzhengs nas/ 'khor bzhi po rnams la sbrang bu'i sbrang rtsi ma bskol ba dang 'dra ba'i chos ro dang ldan no cog ston te/ 'khor brgya phrag du ma yang dbang po rnams 
mi g.yo bar/ bcom ldan 'das las chos ro dang ldan no cog nyan par byed do/ /de nas sangs rgyas bcom ldan 'das rnams ni gsong por gsung ba snyan par gsung ba tshur shog /'ongs pa legs so zhes gsung ba sngar 'dzum pa yin te/ der bcom ldan 'das kyis tshe dang ldan pa maud gal gyi bu chen 
po la 'di skad ces bka' stsal to/ /maud gal gyi bu tshur shog /khyod 'ongs pa legs so khyod da gzod ga las 'ongs/ maud gal gyi bus gsol pa/ btsun pa bdag ni yi dgas kyi nang du rgyu zhing mchi mchi ba las slar mchis te/ der bdag gis yi dgas mo sdong po me reg 'dra la rang gi skras yog 

</font><hr>75-1-121b<br><font size=+1>

pa/ lto ni ri tsam la kha ni khab kyi mig tsam ste/ 'bar zhing rab tu 'bar la kun tu rab tu 'bar te me lce gcig tu 'bar nas/ tshig cing nyam thag pa'i skad 'byin la skom gyis gdungs te/ sdug bsngal drag pa dang mi bzad pa dang tsha ba dang yid du mi 'ong ba'i tshor ba myong ba dang des mthong ba tsam 
gyis chu klung dang khron pa rnams skam par 'gyur ba dang / gang gi tshe char 'bab pa de'i tshe de'i steng du me stag 'phro ba'i mdag ma'i char 'bab pa zhig mthong lags so/ /bcom ldan 'das kyis bka' stsal pa/ maud gal gyi bu yi dgas mo de ni sdig pa byed byed pa yin no/ /de'i las kyi rnam 
pa nyan par 'dod dam/ btsun pa mnyan par 'tshal lags so/ /maud gal gyi bu 'o na legs par rab tu nyon la yid la zung shig dang ngas bshad do/ /maud gal gyi bu sngon byung ba 'das pa'i dus na bskal pa bzang po 'di nyid la skye dgu'i tshe lo nyi khri thub pa na de bzhin gshegs pa dgra 
bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'od srung zhes bya ba 'jig rten du byung ngo / /
de grong khyer bA rA Na sI na drang srong smra ba ri dgas kyi nags na rten cing bzhugs pa na/ der dge slong zhig lam du zhugs nas de skom gyis gdungs te/ khron pa'i drung du song nas de na bu mo zhig bum pa chus bkang ste 'dug pa la dge slong des smras pa/ che zhe bdag ni skom gyis gdungs 
kyis chu byin cig ces byas na yo byad la kun tu 'dzin pa de ser sna skyes nas/ dge slong de la smras pa/ dge slong bdag gi bum pa 'gribs su 'ong gis/ gal te khyod shi na yang chu mi sbyin no zhes byas so/ /de nas dge slong de skom gyis gdungs bzhin du re thag chad nas song ngo / /de nas bu mo 
de ser sna kun tu bsten cing bsgoms te/ mang du byas pa de lta bus shi nas yi dgas su skyes te/ de lta bu'i sdug bsngal drag pa dang mi bzad pa dang tsha ba dang yid du mi 'ong ba'i tshor ba myong zhing 'dug go/ /maud gal gyi bu de bas na 'di ltar bslab par bya ste/ ser sna spang bar bya ba'i phyir brtson par 

</font><hr>75-1-122a<br><font size=+1>

bya'o zhes maud gal gyi bu khyod kyis de ltar bslab par bya'o/ /bcom ldan 'das kyis de skad ces bka' stsal nas/ tshe dang ldan pa maud gal gyi bu chen po dang lha dang lha ma yin dang nam mkha' lding dang mi 'am ci dang lto 'phye chen po gzhan dag kyang yi rangs te/ bcom ldan 'das kyis 
gsungs pa la mngon par bstod do// //gang po la sogs pa'i rtogs pa brjod pa brgya pa/bam po bcu gcig pa/ phyi sa'i snod ces bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / 
tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin 
dang / lha ma yin dang / nam mkha' lding dang / mi'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi 
dge 'dun dang bcas pa rgyal po'i khab na 'od ma'i tshal bya ka lan da ka gnas pa na rten cing bzhugs so/ /de nas tshe dang ldan pa maud gal gyi bu chen po snga dro sham thabs dang chos gos bgos nas lhung bzed thogs te rgyal po'i khab tu bsod snyoms la song nas rgyal po'i khab tu bsod snyoms byas te/ 
zan zos nas zas phyis len pa spangs te lhung bzed dang chos gos bzhag nas/ bya rgod kyi phung po'i ri ga la ba der song ste phyin nas bya rgod kyi phung po'i ri la 'dzegs te/ nyin par gnas pa'i phyir shing zhig gi drung du rten cing 'dug go/ /de nas tshe dang ldan pa maud gal gyi bu chen pos yi dgas mo sdong 
dum me reg 'dra la gcer bur 'dug cing rang gi skras yog pa/ lto ni ri tsam la kha ni khab kyi mig tsam ste/ 'bar zhing rab tu 'bar la kun tu rab tu 'bar te me lce gcig tu 'bar nas tshig cing nyam thag pa'i skad 'byin la/ sdug bsngal drag pa dang mi bzad pa dang tsha ba dang yid du mi 'ong ba'i 

</font><hr>75-1-122b<br><font size=+1>

tshor ba myong ba phyi sa bzhin du dri nga zhing mchog tu dri nga ba zas su phyi sa za la de yang bde blag tu mi rnyed pa zhig mthong ngo / /mthong nas kyang tshe dang ldan pa maud gal gyi bu chen po mi dga' bar gyur nas yi dgas mo la dris pa/ khyod kyis sngon sdig pa ci zhig byas na des 'di lta bu'i 'bras bu myong zhing 
'dug /yi dgas mos smras pa/ btsun pa maud gal gyi bu chen po bdag ni sdig pa byed byed pa yin te/ sangs rgyas bcom ldan 'das la don 'di zhus shig dang de khyed la bdag gi las kyi rnam pa lung ston par 'gyur te/ de thos na sems can gzhan dag kyang sdig pa'i las spong bar 'gyur 
ro/ /de nas tshe dang ldan pa maud gal gyi bu chen po bcom ldan 'das ga la ba der song ngo / /de'i tshe bcom ldan 'das nang du yang dag 'jog las bzhengs nas/ 'khor bzhi po rnams la sbrang bu'i sbrang rtsi ma bskol ba dang 'dra ba'i chos ro dang ldan no cog ston te/ 'khor brgya phrag du 
ma yang dbang po rnams mi g.yo bar bcom ldan 'das las chos ro dang ldan no cog nyan par byed do/ /de nas sangs rgyas bcom ldan 'das rnams ni gsong por gsung ba snyan par gsung ba tshur shog 'ongs pa legs so zhes gsung ba sngar 'dzum pa yin te/ der bcom ldan 'das kyis tshe dang 
ldan pa maud gal gyi bu la 'di skad ces bka' stsal to/ /maud gal gyi bu tshur shog /khyod 'ongs pa legs so/ /khyod da gzod ga las 'ongs/ maud gal gyi bus gsol pa/ btsun pa bdag ni yi dgas kyi nang du rgyu zhing mchi mchi ba las der bdag gis yi dgas mo sdong dum me reg 'dra la/ 
gcer bur mchis shing rang gi skras yog pa/ lto ni ri tsam la kha ni khab kyi mig tsam ste/ 'bar zhing rab tu 'bar la shin tu rab tu 'bar te me lce gcig tu 'bar nas tshig cing nyam thag pa'i skad 'byin la/ sdug bsngal drag pa dang mi bzad pa dang tsha ba dang yid du mi 'ong ba'i tshor ba 
myong ba dang des mthong ba tsam gyis chu klung dang khron pa rnams skam par 'gyur ba dang / gang gi tshe char 'bab pa de'i tshe de'i steng du me stag 'phro ba'i mdag ma'i char 'bab pa dang / phyi sa bzhin du dri nga zhing mchog tu dri nga ba zas su phyi sa 'tshal la/ de yang bde blag tu mi rnyed pa zhig mthong 

</font><hr>75-1-123a<br><font size=+1>

lags so/ /yang gsol pa/ nyam thag skad kyang 'byin par byed/ /sdug bsngal tshor ba nyams su myong / /gang na phyi sa'i gnas yod pa/ /der ni sdug bzhin rgyug par bgyid/ /phyi sa bza' 'am btung snyam na/ /de yang bde blag rnyed mi 'gyur/ /de yis 
mi yi 'jig rten du/ /sdig pa rab 'jigs ci bgyis na/ /des na sdug bsngal 'di 'dra ba/ /'jigs su rung ba nyams su myong / /bcom ldan 'das kyis bka' stsal pa/ maud gal gyi bu yi dgas mo de ni sdig pa byed byed pa yin no/ /de'i las kyi rnam pa nyan par 'dod dam/ 
btsun pa mnyan par 'tshal lags so/ /maud gal gyi bu 'o na legs par rab tu nyon la yid la zung shig dang ngas bshad do/ /maud gal gyi bu sngon byung ba 'das pa'i dus na grong khyer bA rA Na sI na rang sangs rgyas sdug cing phongs pa la snying brtse ba bas mtha'i gnas mal gyis 'tsho ba 
zhig yod la/ de yang na dbu can zhig ste bA rA Na sIr bsod snyoms la song ngo / /re zhig na de la sman pas 'thun pa'i zas bstan nas de tshong dpon zhig 'dug pa ga la ba der song ba dang / tshong dpon des kyang mthong nas dris pa/ 'phags pa khyod ci bzhed/ des smras pa/ 'thun 
pa'i kha zas 'dod do/ /de nas tshong dpon des 'phags pa la kha zas 'thun pa phul cig ces mna' ma la bsgo'o/ /de nas de'i mna' ma ser sna skyes te/ gal te bdag gis deng 'di la kha zas sbyin du zin na sang yang 'ong bar 'gyur ro snyam nas/ phyogs gcig tu song ste lhung 
bzed phyi sas bkang nas steng 'bras can gyis bkab ste rang sangs rgyas de la phul lo/ /nyan thos dang rang sangs rgyas rnams ni ma dgongs kyi bar du shes pa'i mthong ba mi 'jug ste des blangs so/ /blangs nas tshor te/ 'di dri nga ba las na 'dis phyi sas bkang gor ma chag go 
snyam mo/ /de nas bdag nyid chen po des de ga zhig tu bor nas song ngo / /bcom ldan 'das kyis bka' stsal pa/ maud gal gyi bu de ji snyam du sems/ de'i tshe de'i dus na tshong dpon gyi mna' mar gyur pa gang yin pa de ni yi dgas mo 'di yin te/ des sdig pa'i las de lta bu 

</font><hr>75-1-123b<br><font size=+1>

byas nas/ de phyin cad rtag tu sems can dmyal ba dang / dud 'gro dang / yi dgas rnams su skyes te rtag tu zas su phyi sa za bar gyur to/ /maud gal gyi bu de bas na ser sna spang ba la brtson par bya ste/ ci nas yi dgas mo de'i nyes pa de lta bu dag 'ong bar mi 'gyur ba 
de ltar maud gal gyi bu khyod kyis bslab par bya'o/ /bcom ldan 'das kyis de skad ces bka' stsal nas/ tshe dang ldan pa maud gal gyi bu dang lha dang lha ma yin dang nam mkha' lding dang mi'am ci dang lto 'phye chen po la sogs pa gzhan dag kyang yi rangs te/ /bcom ldan 'das 
kyis gsungs pa la mngon par bstod do// //maud gal gyi bu zhes bya ba ni/ sangs rgyas bcom ldan 'das la rgyal po rnams dang /blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon 
rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod 
sbyin dang / lha ma yin dang / nam mkha' lding dang / mi'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos 
dang / sman zong rnams brnyes pa/ nyan thos kyi dge 'dun dang bcas pa rgyal po'i khab na 'od ma'i tshal bya ka lan da ka gnas pa na rten cing bzhugs so/ /de'i tshe rgyal po'i khab kyi ni pha rol 'od ma'i tshal gyi tshu rol/ de'i bar skabs na yi dgas mo sdong dum me reg 'dra la 
gcer bur 'dug cing rang gi skras yog pa/ lto ni ri tsam la kha ni khab kyi mig tsam ste/ 'bar zhing rab tu 'bar la kun tu rab tu 'bar te/ me lce gcig tu 'bar nas tshig cing nyam thag pa'i skad 'byin la/ sdug bsngal drag pa dang mi bzad pa dang tsha ba dang yid du mi 

</font><hr>75-1-124a<br><font size=+1>

'ong ba'i tshor ba nyams su myong ba lnga brgya khwa khyus lding ba bzhin du nam mkha' la 'khor te gang du yang 'dug sa mi rnyed do/ /de nas tshe dang ldan pa maud gal gyi bu snga dro sham thabs dang chos gos bgos te lhung bzed thogs nas rgyal po'i khab tu bsod snyoms la 
song ba dang des yi dgas de dag mthong ngo / /yi dgas de dag gis kyang tshe dang ldan pa maud gal gyi bu chen po mthong ngo / /de nas de dag gcig tu 'dril nas tshe dang ldan pa maud gal gyi bu chen po'i thad du dong ste phyin nas/ snying rje rje skad zer zhing sdug sdug skad zer la gti zhing 
smra bar tshig 'thun par smras pa/ btsun pa maud gal gyi bu bdag cag ni rgyal po'i khab tu tshong dpon lnga brgyar gyur te/ bdag cag ser sna can 'jungs pa yo byad rnams la kun tu 'dzin par gyur nas/ bdag cag nyid kyis kyang sbyin pa ma byin la/ gzhan dag sbyin pa byed 
pa la yang bgegs byas so/ /sbyin pa'i gnas rnams la yang yi dgas kyi tshig lta bus mang du spyos te khyed ni yi dgas su skyes pa bzhin du gzhan gyi khyim phyi nyug pa'o zhes byas so/ /des na bdag cag shi ba'i 'og tu 'di lta bu'i yi dgas su skyes so/ /btsun pa maud gal 
gyi bu chen po de bas na bdag cag gi nye du rgyal po'i khab na gnas pa de dag la/ bdag cag gi las kyi rnam pa shes par mdzod la dad pa dris te/ sangs rgyas la sogs pa dge slong gi dge 'dun bshos gsol nas/ bdag cag gi slad du yon gyi rabs 'don par gsol 
cig /'on kyang bdag cag yi dgas kyi skye gnas nas thar kyang srid do zhes gsungs shig /de nas tshe dang ldan pa maud gal gyi bus kyang yi dgas rnams la cang mi smra bas khas blangs so/ /de nas tshe dang ldan pa maud gal gyi bus de dag gi nye du rnams kyi khyim khyim du dad pa dris 
nas phyi de nyin sangs rgyas la sogs pa dge slong gi dge 'dun bshos la spyan drangs so/ /yi dgas rnams la yang sbran te/ bcom ldan 'das dge slong gi dge 'dun dang bcas pa bshos la spyan drangs kyis khyed kyang der shog shig ces byas so/ /de dag gi nye du rnams 

</font><hr>75-1-124b<br><font size=+1>

la yang khyed kyang shog shig dang / nye du'i mchod ston byed pa der yi dgas de dag mthong bar 'gyur ro zhes byas so/ /de nas tshe dang ldan pa maud gal gyi bu nyid mchod ston gyi zhal ta byed pa la zhugs so/ /de nas nam langs nas zhal zas bshams te/ gdugs tshod 
la bab na yi dgas de dag mi snang ngo / /de nas tshe dang ldan pa maud gal gyi bu chen pos lha'i mig gis yi dgas de dag bsams na yul ma ga d+hA thog thag na yang mi snang la/ mthar gyis gling bzhi'i bar du bltas na yang de na yang mi snang ngo / /de nas ji srid du de'i ye shes 
mthong ba 'jug pa de srid du bltas kyang de na yang mi snang ngo / /de nas tshe dang ldan pa maud gal gyi bu chen po mi dga' bar gyur nas/ bcom ldan 'das la gsol pa/ bcom ldan 'das bdag gi sbyin bdag de rnams mi gda' lags so/ /bcom ldan 'das kyis bka' 
stsal pa/ maud gal gyi bu thong la khyod mi dgar ma byed cig /nyan thos dang rang sangs rgyas thams cad kyi sa las 'das pa'i 'jig rten gyi khams tshad med pa dag yod de/ de dag tu las kyi rlung gis 'phangs mod kyi/ 'on kyang maud gal gyi bu deng de bzhin gshegs 
pa'i stobs la ltos shig /thams cad mkhyen pa'i ye shes gzigs pa mngon par bya'o/ /de bzhin gshegs pa'i rdzu 'phrul gyi rnam par 'phrul pa yang bstan gyis gaN+DI rdungs shig /de nas gaN+DI brdungs pa dang dge slong gi dge 'dun thams cad kyang 'dus/ yi dgas kyi nye du rnams 
dang yi dgas mthong bar 'dod pa'i sems can gzhan dag kyang ltad mo la lhags te 'dus so/ /de nas bcom ldan 'das kyis ci nas yi dgas rnams kyis sangs rgyas bcom ldan 'das nyan thos kyi dge 'dun dang bcas pa bshos gsol ba mthong bar 'gyur ba dang / bdag 
cag gi phyir nye du rnams kyis sangs rgyas la sogs pa dge slong gi dge 'dun rnams bshos gsol zhing 'khod do snyam du dran pa rnyed par 'gyur ba de lta bu'i rdzu 'phrul bstan to/ /de nas bcom ldan 'das kyis gsung yan lag lnga dang ldan pas yon gyi rabs gsungs pa/

</font><hr>75-1-125a<br><font size=+1>

sbyin pa 'di yi bsod nams gang / /de ni yi dgas phyi bzhin song / /yi dgas 'jig rten rab 'jigs las/ /de dag myur du thar gyur cig /ces gsungs so/ /de nas bcom ldan 'das kyis gzhi de las brten nas de dang 'thun pa'i chos 
bstan te/ de thos nas srog chags 'bum phrag du mas ser sna'i dri ma spangs te bden pa mthong bar gyur to/ /yi dgas de dag kyang bcom ldan 'das la sems dga' bar gyur te/ shi nas sum cu rtsa gsum pa'i lha yul bzang por skyes so/ /lha'i bu'am lha'i 
bu mo skyes nas ring po ma lon pa ni chos nyid kyis sems rnam pa gsum skye bar 'gyur te/ gang nas shi 'phos/ gang du skyes/ las gang gis skyes snyam mo/ /de nas yi dgas las shi 'phos pa dang sum cu rtsa gsum pa'i lha'i yul bzang por skyes pa dang / bcom 
ldan 'das la sems dga' bar gyur pa de dag gis mthong ngo / /de nas sngon yi dgas su gyur pa'i lha'i bu de dag 'di snyam du sems te/ bdag cag zhag lon te gzod bcom ldan 'das blta ba'i phyir 'gro ba ni bdag cag gi cha ma yin gyis/ bdag cag zhag ma lon par 
bcom ldan 'das la blta ba'i phyir 'dong ngo snyam mo/ /de nas sngon yi dgas su gyur pa'i lha'i bu rna cha gdub kor dag cing 'gul ba thogs pa/ lus do shal dang se mo dos brgyan pa/ nor bu sna tshogs kyis spras pa'i cod pan can lus gur gum dang / ta ma la'i lo ma dang / 
spr-i ka la la sogs pas byugs pa de rnams kyis/ de nyid kyi mtshan mo lha'i me tog ud pal dang / pad ma dang / ku mu da dang / pad ma dkar po dang / man da ra rnams kyis thu ba bkang ste/ 'od ma'i tshal bya ka lan da ka gnas pa kho ra khor yug 'od chen pos snang bar byas nas/ 
bcom ldan 'das la me tog gis gtor te/ chos mnyan pa'i phyir bcom ldan 'das kyi spyan sngar 'khod do/ /de nas bcom ldan 'das kyis sngon yi dgas su gyur pa'i lha'i bu rnams kyi bsam pa dang bag la nyal dang / khams dang rang bzhin thugs su chud nas/ de dang 

</font><hr>75-1-125b<br><font size=+1>

'thun pa'i chos bstan te/ de thos nas sngon yi dgas su gyur pa'i lha'i bu de dag gis khyad par chen po thob bo/ /de dag tshong pa khe spogs phyin pa bzhin du gyur te/ bcom ldan 'das la lan gsum bskor ba byas nas de nyid du mi snang bar gyur to/ /der bcom 
ldan 'das kyis tshe dang ldan pa maud gal gyi bu chen po la bka' stsal pa/ maud gal gyi bu khyod kyis yi dgas mang po dag lha'i nang du bkod nas de dag kyang mdang sum nga'i thad du 'ongs te/ de dag la ngas chos bstan nas de dag gis rnyed par bya ba rnyed de mthong bar 
'gyur ba rnyed nas dong ba de ni/ /khyod kyis zhal ta byas pa 'bras bu yod par gyur te legs so legs so/ /de nas tshe dang ldan pa maud gal gyi bu chen pos de dag gi nye du rnams la yang shes par byas te/ de dag gis thos nas mchog tu ya mtshan du gyur te/ 
bcom ldan 'das la sems dga' bar gyur nas bkur sti byas so/ /maud gal gyi bu de bas na khyod kyis ci nas yi dgas de dag gi nyes pa de lta bu dag mi 'byung bar bya ba'i phyir ser sna spang ba la brtson par bya'o/ /bcom ldan 'das kyis de skad ces bka' stsal nas/ 
tshe dang ldan pa maud gal gyi bu chen po dang lha dang / lha ma yin dang / nam mkha' lding dang / mi'am ci dang / lto 'phye chen po la sogs pa gzhan dag kyang yi rangs te/ bcom ldan 'das kyis gsungs pa la mngon par bstod do// //chu smad ces bya ba ni/ 
sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma 
yin rnams dang / nam mkha' lding rnams dang / mi'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 

</font><hr>75-1-126a<br><font size=+1>

'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 
'dun dang bcas pa rgyal po'i khab na 'od ma'i tshal bya ka lan da ka gnas pa na rten cing bzhugs so/ /de'i tshe rgyal po'i khab kyi grong khyer na tshong dpon phyug cing nor mang la longs spyod che ba yongs su 'dzin pa yangs shing rgya che ba rnam thos kyi bu'i nor dang ldan pa/rnam thos kyi bu'i 
nor dang 'gran pa zhig gnas pa des rigs mnyam pa las chung ma blangs te/ de de dang lhan cig tu rtse zhing dga' la dga' mgur spyod do/ /de rtse zhing dga' la dga' mgur spyod pa las chung ma la bu chags nas de zla ba brgyad dam dgu lon pa dang bu byung ste/ khye'u zhig btsas nas de 
btsas pa'i btsas ston byas te/ khye'u 'di'i ming ji skad gdags zhes ming 'dogs par byed de/ de nye du rnams na re khye'u 'di rgyu skar chu smad la btsas pas na de'i phyir ming chu smad ces gdags so zhes zer nas de'i ming chu smad ces btags so/ /de nas khye'u chu smad bskyed 
bsrings te cher skyes nas/ de'i pha shi ba dang rang gi khyim gyi bdag por gyur to/ /de nas des tshong 'dus bkram nas nyo 'tshong byed cing nyo 'tshong gis 'tsho bar byed pa las de nyin gcig bzhin du bcom ldan 'das kyi thad du song ste/ de bcom ldan 'das mthong ba dang dam pa'i 
chos thos pas bcom ldan 'das kyi bstan pa la dad par gyur nas de rab tu 'byung ba'i sems skyes te/ des ma la gsol ba btab pa/ yum bdag bcom ldan 'das kyi bstan pa la rab tu 'byung gis gnang bar mdzod cig /de nas de'i mas smras pa/ bu khyod ni bu gcig 
pa yin gyis bdag ji srid 'tsho'i bar rab tu ma byung shig /bdag shi ba'i 'og tu ci bya ba byos shig ces zer ro/ /chu smad des kyang ci rnyed pa de dag thams cad ma la byin te/ yum 'dis dge sbyong dang bram ze dang sdug cing phongs pa dang bkren pa rnams la sbyin pa dag gyis shig ces byas 

</font><hr>75-1-126b<br><font size=+1>

so/ /de'i ma de ni brkam chags can 'jungs pa yo byad rnams kun tu 'dzin pa zhig ste kAr ShA pa Na de dag sbas nas/ dge slong dang bram ze gang dag zas 'dod de khyim der 'ongs pa de dag la rgya zhing khyed ni yi dgas su skyes pa bzhin du khyim phyi nyug cing slong ngo zhes zer ro/ /
bu de la yang slu bar byed de/ bdag gis nyin gcig bzhin du dge slong 'di snyed 'di snyed cig la zan byin no zhes zer ro/ /phyis re zhig na de shi ba dang de yi dgas su skyes nas bu chu smad ma dang bral ba'i mya ngan byed do/ /sbyin pa dag sbyin zhing bsod nams dag byas nas 
bcom ldan 'das kyi bstan pa la rab tu byung ngo / /des brtson pa dang bsgrub pa dang 'bad pas phol mig lnga pa'i 'khor ba'i 'khor lo 'di nyid g.yo zhing mi brtan par rig nas/ 'du byed kyi rnam pa thams cad snyil ba dang / ltung ba dang / rnam par 'thor ba dang / rnam par 
'jig pa'i chos can yin par rtsad chod de/ nyon mongs pa thams cad spangs nas dgra bcom pa nyid mngon sum du byas te/ dgra bcom pa khams gsum pa'i 'dod chags dang bral bar gyur nas gser dang bong bar mnyam pa/ nam mkha' dang lag mthil du 'dra 
ba'i sems dang ldan pa/ tsan dan sbangs pa bzhin du bsil bar gyur pa/ rig pas sgo nga'i sbubs bcom pa rig pa dang mngon par shes pa dang so so yang dag par rig pa thob pa/ srid pa'i rnyed pa dang chags pa dang bkur sti la mi lta ba dbang po dang nye dbang dang bcas 
pa'i lha rnams kyis mchod cing rjed pa dang gus par smra ba'i gnas su gyur nas/ des chu klung gang gA'i 'gram du lo ma'i spyil po byas te bsam gtan byed do/ /de'i ma yi dgas kyi 'jig rten du skyes pa de yang sdong dum me reg 'dra la gcer bur 'dug cing rang gi skras yog pa/ lto ni ri tsam la kha ni khab kyi 
mig tsam ste/ 'bar zhing rab tu 'bar la kun tu rab tu 'bar te me lce gcig tu 'bar nas/ tshig cing nyam thag pa'i skad 'byin te/ tshe dang ldan pa chu smad kyi thad du song nas re zhig na chu smad kyis yi dgas mo de mthong nas dris pa/ 'di kho na 'dra ba khyod su zhig /yi dgas mos smras pa/ bu gcig gang 

</font><hr>75-1-127a<br><font size=+1>

las btsas pa yi/ /byams pa'i ma ni bdag yin te/ /zas dang skom dang bral ba yi/ /yi dgas rnams kyi nang du skyes/ /bdag ni shi ba'i dus 'das nas/ /lo grangs nyi shu lnga lon te/ /chu yi bag kyang ma mthong na/ /kha zas lta zhig ga la mthong / /'bras bur ldan 
pa'i shing rnams kyi/ /drung song de dag 'bras med 'gyur/ /gang ba'i mtsho 'gram bdag song yang / /de dag kyang ni skam par 'gyur/ /btsun pa'i shing drung bde ba lags/ /khyod kyi snod nang chu yang bsil/ /bkren pa bdag la thugs rje skyed/ /skom gyis gdungs kyis chab stsol 
cig /de nas chu smad kyis ma la smras pa/ yum khyod mir gyur pa'i tshe bdag gis sbyin pa dag sbyin zhing bsod nams dag byed du ma bcug gam/ yi dgas mos smras pa/ bu gcig bdag ni ser snas non pas sbyin pa dag kyang ma byin bsod nams dag kyang ma byas te/ nor rnyed pa de dag 
thams cad sdig pa'i sems kyis dong du sbas so/ /bu gcig de bas na dad pa dris la bdag gi phyir sangs rgyas la sogs pa dge slong gi dge 'dun bshos gsol nas yon gyi rabs 'don par gsol cig /'on kyang bdag yi dgas kyi skye gnas nas thar yang srid do/ /chu smad kyis 
smras pa/ de ltar bgyi yis khyod kyang gral dpon gyi mdun du 'dug shig /yi dgas mos smras pa/ bu gcig bdag ni gcer bur 'dug pas ngo tsha ste ngos mi thub bo/ /chu smad kyis smras pa/ yum khyod gang gi tshe sdig pa byed pa de'i tshe ngo mi tsha nad ltar 'bras bu myong ba'i tshe ci'i phyir ngo 
tsha/ yi dgas mos smras pa/ 'o na de bzhin du 'ong bar bya'o/ /de nas chu smad kyis nye du rnams kyi khyim khyim du dad pa dris nas phyi de nyin sangs rgyas la sogs pa dge slong gi dge 'dun bshos la spyan drangs nas/ gdugs tshod la bab pa na sangs rgyas la sogs pa dge slong gi 
dge 'dun dag kyang 'dus/ yi dgas mo de yang gral dpon gyi mdun du 'dug ste/ srog chags 'bum phrag du ma 'dus pa rnams kyis yi dgas mo de mthong ngo / /de dag gis yi dgas mo de'i lus mi sdug pa mthong nas shin tu skyo ba skyes te/ bcom ldan 'das la sems dga' bar 

</font><hr>75-1-127b<br><font size=+1>

gyur to/ /de nas tshe dang ldan pa chu smad kyis sangs rgyas la sogs pa dge slong gi dge 'dun zhal zas bzang pos tshim par byas nas/ yi dgas mo'i phyir yon gyi rabs gdon par gsol to/ /de nas bcom ldan 'das nyid kyis gsung yan lag lnga dang ldan pas sbyin 
pa'i rabs gsungs pa/ sbyin pa 'di yi bsod nams gang / /de ni yi dgas phyi bzhin song / /yi dgas 'jig rten rab 'jigs las/ /de ni myur du thar gyur cig /ces gsungs so/ /de nas bcom ldan 'das kyis gzhi de las brten nas yi dgas mo de 
dang skye bo mang po la de dang 'thun pa'i chos bstan te/ srog chags 'bum phrag du mas de thos nas bden pa mthong bar gyur to/ /yi dgas mo de yang sems dga' bar gyur te shi nas yi dgas rdzu 'phrul chen mor skyes so/ /tshe dang ldan pa chu smad kyis kyang yi dgas rdzu 'phrul 
chen mor skyes par shes so/ /de nas tshe dang ldan pa chu smad kyis smras pa/ yum da ni mthu yod kyis sbyin pa yongs su gtang bdag gyis shig /yi dgas rdzu 'phrul chen mos smras pa/ bu gcig bdag ni sbyin pa la dga' ba med de mi nus so/ /de nas tshe dang ldan pa chu smad 
kyis yi dgas rdzu 'phrul chen mo la smras pa/ chags pa'i mun pas mig ni rab bsgribs te/ /khyod kyis yi dgas 'jig rten bsgrubs pa yi/ /khyod kyi rus bu chen po sha med pa/ /rus pa pags pa skyi rnams da dung 'dug /ces byas so/ /de nas tshe dang ldan pa chu smad kyis 
lan mang du spyos nas smras pa dang / de'i 'og tu de las ras zung cig thob bo/ /de nas chu smad kyis dge 'dun la phul te/ gang gis dge 'dun las ras zung cig nyos pa'i dge slong des gos kyi gdang la bzhag go/ /de nas yi dgas mo de mtshan mo 'ongs nas brkus so/ /de nas dge 
slong des tshe dang ldan pa chu smad la bsnyad nas chu smad song ste yi dgas mo spyos nas phyir bkug ste byin no/ /de bzhin du lan gsum gyi bar du dge slong de las brkus nas/ tshe dang ldan pa chu smad kyis phyir bkug ste byin pa dang / dge slong des kyang de gshegs nas/ phyogs bzhi'i dge slong 

</font><hr>75-1-128a<br><font size=+1>

gi dge 'dun gyi phyir stan la glan to/ /de nas des phyin chad ma brkus so/ /de bas na sems can rnams la de ltar ser snas mtho 'tsham par byed pa mthong nas/ ci nas kyang yi dgas mo de'i nyes pa de lta bu dag 'byung bar mi 'gyur bar bya ba'i phyir ser sna spang ba la 
brtson par bya'o/ /bcom ldan 'das kyis de skad ces bka' stsal nas/ dge slong de dag dang / lha dang / lha ma yin dang / nam mkha' lding dang / mi'am ci dang / lto 'phye chen po la sogs pa gzhan dag kyang yi rangs te/ bcom ldan 'das kyis gsungs pa la mngon par 
bstod do// //dmus long zhes bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod 
sbyin rnams dang / lha ma yin rnams dang / nam mkha' lding rnams dang / mi'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / 
mi'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 
'dun dang bcas pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ /de nas tshe dang ldan pa dga' byed snga dro sham thabs dang chos gos bgos te/ lhung bzed thogs nas mnyan du yod par bsod snyoms la 
song ngo / /mnyan du yod par bsod snyoms byas nas zan zos te zas phyis len pa spangs nas/ lhung bzed dang chos gos bzhag ste yi dgas kyi yul du rgyu zhing song ba las/ tshe dang ldan pa dga' byed kyis yi dgas mo sdong dum me reg 'dra la dmus long du 'dug pa rang gi 

</font><hr>75-1-128b<br><font size=+1>

skras yog pa lto ni ri tsam la kha ni khab kyi mig tsam ste/ dur khrod bzhin du dri nga ba khwa dang bya rgod dang khyi dang wa rnams kyis bskor nas phyogs kun nas sha bcad cing bcad cing za ba dang / de gnad la bab ste dkos thag nas nyam thag pa'i skad 'byin te/ sdug bsngal 
drag pa dang mi bzad pa dang / tsha ba dang / yid du mi 'ong ba myong zhing 'dug pa zhig mthong ngo / /de nas tshe dang ldan pa dga' byed mi dga' bar gyur nas dris pa/ sring mo khyod kyis sngon sdig pa'i las ci zhig byas na des 'di lta bu'i sdug bsngal myong zhing 'dug /yi dgas 
mos smras pa/ nyi ma shar ba na sgron ma mi dgos kyis/ bcom ldan 'das la don 'di zhus shig dang de khyod la bdag gi las kyi rnam pa lung ston par 'gyur te/ de thos na sems can gzhan dag kyang sdig pa spong bar 'gyur ro/ /de nas tshe dang ldan pa dga' byed bcom 
ldan 'das ga la ba der song ngo / /de'i tshe bcom ldan 'das nang du yang dag 'jog las bzhengs nas/ 'khor bzhi po rnams la sbrang bu'i sbrang rtsi ma bskol ba dang 'dra ba'i chos ro dang ldan no cog ston te 'khor brgya phrag du ma yang dbang po rnams mi g.yo bar bcom ldan 'das las 
chos ro dang ldan no cog nyan par byed do/ /de nas sangs rgyas bcom ldan 'das rnams ni gsong por gsung ba snyan par gsung ba tshur shog 'ongs pa legs sa zhes gsung ba sngar 'dzum pa yin te/ der bcom ldan 'das kyis tshe dang ldan pa dga' byed la 'di skad ces bka' stsal to/ /
dga' byed tshur shog khyod 'ongs pa legs so/ /khyod da gzod ga las 'ongs/ dga' byed kyis gsol pa/ btsun pa bdag ni yi dgas rgyu ba'i nang nas mchis te/ der bdag gis yi dgas mo sdong dum me reg 'dra la dmus long du mchis pa rang gi skras yog pa/ lto ni 
ri tsam la kha ni khab kyi mig tsam ste/ dur khrod bzhin du dri nga ba khwa dang bya rgod dang khyi dang wa rnams kyis bskor nas phyogs kun nas sha bkum zhing bkum zhing 'tshal ba dang / de gnad la bab ste dkos thag nas nyam thag pa'i skad 'byin te/ sdug bsngal drag pa dang mi bzad pa dang tsha ba dang yid du mi 

</font><hr>75-1-129a<br><font size=+1>

'ong ba myong zhing mchis pa zhig mthong lags so/ /yang gsol pa/ lus chen ri bo mthon po 'dra ba la/ /mchu dang lkog ma skam zhing shin tu sdug /rang gi skras ni gdong yog gcer bar mchis/ /mchu sgo phra khab mig 'dra rab tu rid/ /de ltar gcer bu skras yog pa/ /
rus pa'i 'khrul 'khor bsgreng ba bzhin/ /thod pa thogs shing mi bzad la/ /ngu zhing kun tu rgyug par bgyid/ /bkres pa dang ni skom pa yis/ /dub cing sdug bsngal dag gis nyen/ /nyam thag skad kyang 'byin par bgyid/ /sdug bsngal tshor ba nyams su myong / /de yis mi yi 
'jig rten du/ /rab 'jigs sdig pa ci bgyis na/ /des na sdug bsngal 'di 'dra ba/ /'jigs su rung ba myong bar 'gyur/ /bcom ldan 'das kyis bka' stsal pa/ dga' byed yi dgas mo de ni sdig pa'i las byed byed pa yin no/ /de'i las kyi rnam par 
smin pa nyan par 'dod dam/ btsun pa mnyan par 'tshal lags so/ /dga' byed 'o na legs par rab tu nyon la yid la zung shig dang ngas bshad do/ /dga' byed sngon byung ba 'das pa'i dus na bskal pa bzang po 'di nyid la skye dgu'i tshe lo nyi khri thub pa na/ de bzhin 
gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'od srung zhes bya 
ba 'jig rten du byung ste/ de grong khyer bA rA Na sI na drang srong smra ba ri dgas kyi nags na rten cing bzhugs so/ /de nas grong khyer bA rA Na sI de na tshong dpon gyi bu mo zhig 'dug pa de chos 'dod de/ des chos thos nas 'khor ba la nyes par lta ba dang / mya ngan las 'das pa la yon tan 
du lta bar gyur te/ des pha ma la gsol nas bcom ldan 'das kyi bstan pa la rab tu byung ngo / /de nas de'i phyir nye du rnams kyis dge slong ma'i gtsug lag khang byas nas/ de de na slob pa dang mi slob pa'i dge slong ma dag dang lhan cig tu gnas pa las re zhig na des bag med pa'i dbang gis bslab pa'i 

</font><hr>75-1-129b<br><font size=+1>

gzhi la lhod par byas so/ /de nas dge slong ma rnams kyis tshul khrims 'chal pa'i phyir bskrad do/ /de nas des sbyin bdag khyim bdag rnams dad pas nges par 'bul ba'ang gcod du bcug /slob pa dang mi slob pa'i dge slong ma rnams kyi bsngags pa ma yin pa yang brjod/ dge 
slong tshul khrims dang ldan pa gang yin pa de dag mthong na yang mig btsums te 'dug go/ /dga' byed ji snyam du sems/ tshong dpon gyi bu mo gang yin pa de ni yi dgas mo 'di yin te/ des gtsug lag khang la ser sna byas pa des ni yi dgas su skyes so/ /des nar 
ma bcad pa des ni khwa dang bya rgod dang khyi dang wa rnams kyis bskor to/ /des slob pa dang mi slob pa'i dge slong ma rnams kyi bsngags pa ma yin pa brjod pas ni de'i lus dri nga bar gyur to/ /dge slong tshul khrims dang ldan pa rnams mthong na mig btsums pas ni dmus long du gyur to/ /
dga' byed de ltar na las gcig tu nges par gnag pa rnams ni rnam par smin pa yang gcig tu nges par gnag par 'gyur ro/ /las gcig tu nges par dkar ba rnams ni rnam par smin pa yang gcig tu nges par dkar bar 'gyur ro/ /las 'dren ma rnams ni rnam par smin pa yang 'dren mar 'gyur ro/ /
dga' byed de bas na las gcig tu nges par gnag pa rnams dang 'dren ma rnams spangs la/ las gcig tu nges par dkar ba rnams 'ba' zhig la gtad par bya ste dga' byed khyod kyis de ltar bslab par bya'o/ /chos kyi rnam grangs 'di bstan pa na srog chags sa yas bden pa mthong bar gyur to/ /
der bcom ldan 'das kyis dge slong rnams la bka' stsal pa/ dge slong dag ser sna dang ngag gi nyes par spyod pa'i nyes dmigs de dag dang gzhan dag kyang rtogs nas/ ser sna dang ngag gi nyes par spyod pa spang ba'i phyir brtson par bya ste/ dge slong khyed kyis de ltar bslab par bya'o/ /bcom 
ldan 'das kyis de skad ces bka' stsal nas/ dge slong de dag dang / lha dang / lha ma yin dang / nam mkha' lding dang / mi'am ci dang / lto 'phye chen po la sogs pa gzhan dag kyang yi rangs te/ bcom ldan 'das kyis gsungs pa la mngon par bstod do// //

</font><hr>75-1-130a<br><font size=+1>

tshong dpon zhes bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams 
dang / gnod sbyin rnams dang / lha ma yin rnams dang / nam mkha' lding rnams dang / mi'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / 
nam mkha' lding dang / mi'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan 
thos kyi dge 'dun dang bcas mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ /de'i tshe mnyan du yod pa na/ tshong dpon phyug cing nor mang la longs spyod che ba/ yongs su 'dzin pa yangs shing rgya che ba/ rnam thos kyi bu'i 
nor dang ldan pa/ rnam thos kyi bu'i nor dang 'gran pa zhig gnas te/ de phyi zhig na rgyal bu rgyal byed kyi tshal du song ngo / /de nas des sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan pa/ dpe byad bzang po brgyad cus mdzes par byas pa/ 
'od 'dom gang gis brgyan pa/ nyi ma stong bas lhag pa'i 'od mnga' ba/ rin po che'i ri bo 'gro ba lta bu kun nas bzang ba mthong ngo / /mthong nas kyang bcom ldan 'das kyi zhabs la mgo bos phyag 'tshal te chos mnyan pa'i phyir bcom ldan 'das kyi spyan sngar 'dug nas/ 
bcom ldan 'das kyis de la 'khor ba las skyo bar 'gyur ba'i chos bstan te/ de thos nas 'khor ba la nyes par lta ba dang mya ngan las 'das pa la yon tan du lta bar 'gyur te/ bcom ldan 'das kyi bstan pa la rab tu byung nas kun la grags pa dang bsod nams chen po dang ldan par 

</font><hr>75-1-130b<br><font size=+1>

gyur te/ gos dang zas dang / mal cha dang / stan dang / nad gsos dang / sman zong rnams rnyed par gyur to/ /des yongs su bzung ba'i yo byad rnyed do cog gsog par byed de des tshangs pa mtshungs par spyod pa rnams la bgo bsha' ma byas so/ /de nas ser sna kun 
tu sten cing bsgoms te mang du byas pa des na rang gi yo byad la lhag par zhen bzhin du shi nas rang gi gnas khang du yi dgas su skyes so/ /de nas de'i tshangs pa mtshungs par spyod pa rnams kyis gaN+DI mjug med pa brdungs nas rus bu phyir phyung ngo / /de nas de'i rus bu la rus 
bu'i mchod pa byas nas phyir gtsug lag khang du lhags so/ /de nas gnas khang gi sgo phye ste/ chos gos dang lhung bzed g.yar snga 'grim pa la zhugs pa dang / re zhig na yi dgas rkang lag dang mig mi sdug la lus mchog tu 'jigs pa chos gos dang lhung bzed 
'dzin cing 'dug pa de mthong ngo / /de ltar mi sdug pa de mthong nas dge slong dag mi dga' bar gyur te/ bcom ldan 'das la gsol to/ /de nas bcom ldan 'das kyis rigs kyi bu de la phan gdags pa dang slob ma'i tshogs rnams skyo bskyed pa dang ser sna'i rnam par smin pa 
mi sdug pa yang dag par bstan pa'i phyir dge slong gi tshogs kyis zham ring byas te/ dge slong gi dge 'dun gyis mdun du bdar te gnas der gshegs so/ /de nas des sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan 
pa/ dpe byad bzang po brgyad cus mdzes par byas pa/ 'od 'dom gang gis brgyan pa/ nyi ma stong bas lhag pa'i 'od mnga' ba/ rin po che'i ri bo 'gro ba lta bu kun nas bzang ba mthong nas/ mthong ma thag tu de bcom ldan 'das la sems dga' ba skyes te 
ngo tsha bar gyur to/ /de nas bcom ldan 'das kyis char sprin gyi 'brug sgra lta bur zab pa dang / rnga sgra lta bu'i gsung gis yi dgas de spyos te bzhin bzangs khyod nyid kyis bdag nyid phung ba'i phyir chos gos dang lhung bzed 'di bsgrubs te/ des na yi dgas su skyes pa yin gyis 

</font><hr>75-1-131a<br><font size=+1>

da yang nga la sems dga' bar gyis la yo byad 'di la yang sems ma chags par byos dang legs so/ /'di las kyang shi nas sems can dmyal ba rnams su skyes re/ /de nas yi dgas des chos gos dang lhung bzed dge 'dun la phul nas/ bcom ldan 
'das kyi zhabs la phyag 'tshal te nyes pa bshags so/ /de nas bcom ldan 'das kyis yi dgas kyi phyir yon gyi rabs gsungs pa/ sbyin pa 'di yi bsod nams gang / /de ni yi dgas phyi bzhin song / yi dgas 'jig rten rab 'jigs las/ /de ni myur du thar gyur 
cig /de nas yi dgas de bcom ldan 'das la sems dga' bar gyur te/ shi nas yi dgas rdzu 'phrul chen por skyes so/ /de nas yi dgas rdzu 'phrul chen po rna cha gdub kor dag cing 'gul ba thogs pa lus do shal dang se mo dos brgyan pa/ nor bu sna tshogs 
kyis spras pa'i cod pan can lus gur gum dang ta ma la'i lo ma dang spr-i ka la sogs pas byugs pa des de nyid kyi mtshan mo lha'i me tog ud pal dang / pad ma dang / ku mu da dang / pad ma dkar po dang / man da ra rnams kyis thu ba bkang ste/ 'od ma'i tshal 
bya ka lan da ka gnas pa kho ra khor yug 'od chen pos snang bar byas nas/ bcom ldan 'das la me tog gis gtor te chos mnyan pa'i phyir bcom ldan 'das kyi spyan sngar 'dug go/ /de nas bcom ldan 'das kyis kyang de la de dang 'thun pa'i chos bstan te/ de thos 
nas dga' ba skyes te song ngo / /de'i tshe dge slong srod dang tho rangs mi nyal bar brtson pa lhur byed pa la gnas pa de dag gis/ bcom ldan 'das kyi thad du snang ba chen po byung ba mthong ngo / /de mthong nas the tsom skyes te sangs rgyas bcom ldan 'das la zhus pa/ 
bcom ldan 'das ci lags/ mdang sum mi mjed kyi bdag po tshangs pa'am lha'i dbang po brgya byin nam/ 'jig rten skyong ba bzhi bcom ldan 'das la blta ba'i slad du mchis lags sam/ bcom ldan 'das kyis bka' stsal pa/ dge slong dag mi mjed kyi bdag po'am 

</font><hr>75-1-131b<br><font size=+1>

lha'i dbang po brgya byin nam 'jig rten skyong ba bzhi nga la blta ba'i phyir 'ongs pa ma yin gyi/ yi dgas de shi nas yi dgas rdzu 'phrul chen por skyes te/ de mdang sum nga'i thad du 'ongs nas ngas de la chos bstan te de dga' ba skyes nas song ngo / /dge slong dag de bas na ci nas tshong 
dpon las yi dgas su gyur pa de'i nyes pa de lta bu 'byung bar mi 'gyur bar ser sna spang ba la brtson par bya ste dge slong khyed kyis de ltar bslab par bya'o/ /bcom ldan 'das kyis de skad ces bka' stsal nas dge slong de dag dang / lha dang / lha ma yin dang / nam mkha' lding 
dang / mi'am ci dang / lto 'phye chen po la sogs pa gzhan dag kyang yi rangs te bcom ldan 'das kyis gsungs pa la mngon par bstod do// //bu zhes bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug po 
rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi'am ci rnams dang / lto 'phye chen po 
rnams kyis/ bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi'am ci dang / lto 'phye chen po rnams kyis mchod cing shes pa'i sangs rgyas bcom ldan 'das 
bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa rgyal po'i khab na 'od ma'i tshal bya ka lan da ka gnas pa na rten cing bzhugs so/ /
de nas tshe dang ldan pa 'dam bu sbyin gyi bu snga dro sham thabs dang chos gos bgos te/ lhung bzed thogs nas rgyal po'i khab tu bsod snyoms la song ngo / /rgyal po'i khab tu bsod snyoms byas nas zan zos te zas phyis len pa spangs nas chos gos dang lhung bzed bzhag ste/ yi 

</font><hr>75-1-132a<br><font size=+1>

dgas kyi yul du rgyu zhing song ba dang / des bya rgod kyi phung po'i ri'i nye 'khor du yi dgas mo gshin rje'i sring mo 'dra ba la/ lus khrag gis bsgos pa/ dur khrod na 'dug bzhin du keng rus kyis bskor ba/ nyin mo dang mtshan mo bu lnga lnga btsa' zhing de lta bu'i sdug 
bsngal myong la/ bu la byams pa yod bzhin du de bkres pas nyen nas de dag za zhing 'dug pa zhig mthong ngo / /de nas gnas brtan 'dam bu sbyin gyi bus de la dris pa khyod kyis sngon las ci zhig byas na/ des 'di lta bu'i sdug bsngal myong zhing 'dug /yi dgas 
mos smras pa/ nyi ma shar ba na sgron ma mi dgos kyis/ bcom ldan 'das la don 'di zhus shig dang / de khyed la bdag gi las kyi rnam pa lung ston par 'gyur te/ de thos nas sems can gzhan dag kyang sdig pa'i las spong bar 'gyur ro/ /de nas tshe dang ldan 
pa 'dam bu sbyin gyi bu/ bcom ldan 'das ga la ba der song ngo / /de'i tshe bcom ldan 'das nang du yang dag 'jog las bzhengs nas/ 'khor bzhi po rnams la sbrang bu'i sbrang rtsi ma bskol ba dang 'dra ba'i chos ro dang ldan no cog ston te/ 'khor brgya phrag du ma yang dbang 
po rnams mi g.yo bar bcom ldan 'das las chos ro dang ldan no cog nyan par byed do/ /de nas sangs rgyas bcom ldan 'das rnams ni gsong por gsung ba snyan par gsung ba tshur shog 'ongs pa legs so zhes gsung ba sngar 'dzum pa yin te/ der bcom ldan 'das kyis tshe dang 
ldan pa 'dam bu sbyin gyi bu la bka' stsal pa/ 'dam bu sbyin gyi bu tshur shog khyod 'ongs pa legs so/ /khyod da gzod ga las 'ongs/ 'dam bu sbyin gyi bus gsol pa/ btsun pa bcom ldan 'das bdag ni yi dgas kyi nang du mchi mchi ba las slar mchis te/ der 
bdag gis yi dgas mo gshin rje'i sring mo 'dra ba la/ lus khrag gis bsgos pa/ dur khrod na gnas pa bzhin du keng rus kyis bskor ba zhig mthong lags so/ /yang gsol pa/ bdag ni nyin bzhin bu lnga btsa'/ /mtshan yang de bzhin lnga btsa' ste/ /btsas 

</font><hr>75-1-132b<br><font size=+1>

nas de dag zos na yang / /'grangs par mi 'gyur zhes mchi na/ /de yis mi yi 'jig rten du/ /rab 'jigs sdig pa ci bgyis na/ /des na sdug bsngal 'di 'dra ba/ /'jigs su rung ba myong bar gyur/ /bcom ldan 'das kyis bka' stsal pa/ 'dam bu sbyin gyi bu 
yi dgas mo de ni sdig pa'i las byed byed pa yin no/ /de'i las kyi rnam pa nyan par 'dod dam/ btsun pa mnyan par 'tshal lags so/ /'dam bu sbyin gyi bu 'o na legs par rab tu nyon la yid la zung shig dang ngas bshad do/ /'dam bu sbyin gyi bu sngon byung ba 'das pa'i 
dus na/ grong khyer bA rA Na sI na tshong dpon phyug cing / nor mang la longs spyod che ba yongs su 'dzin pa yangs shing rgya che ba rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa des rigs mnyam pa las chung ma blangs nas/ de de dang lhan cig 
tu rtse zhing dga' la dga' mgur spyod do rtse zhing dga' la dga' mgur spyod kyang bu yang med bu mo yang med de de lag pa la rkom tshugs bcas nas bdag gi khyim nor du ma dang ldan du zin kyang bu yang med bu mo yang med pas/ bdag 'das pa'i 'og tu ni bu med pa'i phyir ci bdog pa thams 
cad rgyal po dbang bar 'gyur ro/ /snyam ste sems khong du chud cing 'dug go/ /de nas bud med de bu 'dod pa'i phyir gu lang dang / chu lha dang / ku be ra dang / brgya byin dang / tshangs pa la sogs pa dang lha'i khyad par gzhan dag la yang gsol ba 'debs te/ 'di lta ste 
kun dga' ra ba'i lha dang nags tshal gyi lha dang lam gyi bzhi mdo'i lha dang / sum mdo'i lha dang / gtor ma len pa'i lha dang / lhan cig skyes pa dang chos 'thun pa pa dang rtag tu phyi bzhin 'brang ba'i lha rnams la yang gsol ba 'debs la/ 'jig rten na yang gsol ba btab 
pa'i rgyus bu dang bu mo skye bar 'gyur ro zhes bya ba'i gtam de yod mod kyi de yang de lta ni ma yin te/ gal te gsol ba btab pa'i rgyus bu dang bu mo skye bar 'gyur du zin na/ 'khor los sgyur ba'i rgyal po bzhin du re re la yang bu stong stong yod par 'gyur ba'i rigs so/ /ye ni gnas 

</font><hr>75-1-133a<br><font size=+1>

gsum tshogs pa las bu dang bu mo skye bar 'gyur te/ gsum gang zhe na/ pha ma gnyis 'dod chags langs te phrad pa dang / ma dus la bab cing zla mtshan dang ldan pa dang / dri za 'ongs pa ste/ gnas 'di gsum tshogs pa las bu dang bu mo skye bar 'gyur te/
des lha mnyes par byas kyang bu yang ma byung bu mo yang ma byung nas de'i blo 'di lta bu dag skyes te/ ma la bdag gis chun ma zhig blangs na/ brgya la bu yod par 'gyur lta srid dam snyam ste/ des rigs mnyam pa las chun ma blangs te/ de de dang lhan cig tu rtse zhing dga' la dga' 
mgur spyod do/ /de rtse zhing dga' la dga' mgur spyod pa las phyi zhig na bu chags par gyur nas/ de dga' zhing mgu la rab tu dga' nas khyim thab la sbran pa/ jo bo bdag la sras chags te bdag gi rum g.yas logs na rten cing gnas pa las na/ khye'ur 'byung bar nges kyis 
dgyes pa bskyed du gsol zhes byas so/ /de yang dga' ches te ro stod ni bteg /lag pa g.yas pa ni brkyang nas/ /bdag gis yun ring po nas smon smon pa'i bu ngo mthong bar 'ong ngo / /bdag gi bu rung bar shog cig /mi rung bar ma gyur cig /bdag gi bya ba dag byed 
par shog cig /gsos pa'i lan phyir gas bar shog cig /nor skal la spyod par shog cig /bdag gi rigs rgyud ring du gnas par shog cig /bdag cag 'das te shi ba'i 'og tu yang bdag cag gi phyir mang yang rung nyung yang rung ste/ sbyin pa dag byin la bsod 
nams dag byas nas/ de gnyis gang dang gang du skyes shing 'gro ba der 'di song shig ces yon bsngo bar shog cig ces dga' ba'i tshig brjod do/ /de nas des bu chags par rig nas bu'i rim gro bya ba'i phyir khang bzangs kyi steng du nyam rangs su bzhag ste/ grang ba'i tshe grang ba'i 
yo byad rnams dang / tsha ba'i tshe tsha ba'i yo byad rnams dang / sman pas bstan pa'i zas rnams dang / ha cang kha ba ma yin pa rnams dang / ha cang skyur ba ma yin pa rnams dang / ha cang lan tsha che ba ma yin pa rnams dang / ha cang mngar ba ma yin pa rnams dang / ha cang ro tsha ba ma yin pa rnams dang / ha 

</font><hr>75-1-133b<br><font size=+1>

cang bska ba ma yin pa rnams dang / kha ba dang / skyur ba dang / lan tsha dang / mngar ba dang / tsha ba dang / bska ba med pa'i zas rnams kyis bsten cing / do shal dang se mo dos lus rnam par bklubs te/ lha'i bu mo dga' ba'i tshal na rnam par rgyu ba bzhin du/ khri'i steng nas khri'i 
steng dang khri'u'i steng nas khri'u'i steng du rgyu zhing 'og gi sa gzhi la mi 'bab pa dang / des yid du mi 'ong ba'i sgra skad ci yang mi thos par byas so/ /de nas chung ma snga ma des de bkur zhing gces par byed pa mthong nas phrag dog skyes te bsams pa/ gal te 'di las bu btsas par 
gyur na ni bdag la gnod pa byed par 'gyur gyis/ ci nas de'i thabs shig bya dgos snyam mo/ 'dod pa las yongs su bsten pa la ni sdig pa'i las mi bya ba'i bag ci yang med de/ mi sdug pa'i 'gro ba'i g.yang sar kha ltas pa des yid rton du bcug nas/ gang 'thungs pa 
tsam gyis nyon mongs ma de'i bu 'phyil bar 'gyur ba de lta bu'i mngal rlug pa'i rtsi byin no/ /de nas chung ma phyi ma des nye du thams cad bsdus nas chung ma snga ma de zhal lce la bkug ste/ khyod kyis bdag yid rton du bcug nas mngal rlug pa'i rtsi byin te des bdag gi bu 'phyil to 
zhes byas so/ /de nas chung ma snga ma des nye du rnams kyi nang du mna' bor te/ gal te bdag gis khyod la mngal rlug pa'i rtsi byin par gyur na bdag yi dgas mor gyur te/ bu byung ngo cog za bar shog cig ces so/ /'dam bu sbyin gyi bu ji snyam du sems/ tshong dpon gyi chung 
mar gyur pa gang yin pa de ni yi dgas mo de yin te/ des sngon phrag dog byas pa des na yi dgas mor skyes so/ /des brdzun byas te mna' bor ba'i las kyi rnam par smin pa des ni nyin mo dang mtshan mo bu lnga lnga btsa' zhing za bar gyur to/ /'dam bu sbyin gyi bu de bas na khyod kyis 
ngag gi nyes pa spang ba la brtson par bya ste/ ci nas yi dgas mo de'i nyes pa de lta bu dag 'byung bar mi 'gyur ba de ltar 'dam bu sbyin gyi bu khyod kyis bslab par bya'o/ /bcom ldan 'das kyis de skad ces bka' stsal nas/ tshe dang ldan pa 'dam bu sbyin gyi bu dang / lha dang / lha ma 

</font><hr>75-1-134a<br><font size=+1>

yin dang / nam mkha' lding dang / mi'am ci dang / lto 'phye chen po la sogs pa gzhan dag kyang yi rangs te/ bcom ldan 'das kyis gsungs pa la mngon par bstod do// //gang po la sogs pa'i rtogs pa brjod pa brgya pa bam po bcu gnyis pa/ phyis 
khung zhes bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma 
yin rnams dang / nam mkha' lding rnams dang / mi'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi'am ci dang / 
lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa yangs pa can na spre'u 
rdzing gi 'gram gyi khang pa brtsegs pa'i gnas na rten cing bzhugs so/ /de'i tshe yangs pa can na grong khyer gyi 'obs zhig gi nang na yi dgas zas su skyugs pa za ba/ bor ba za ba ngar snabs dang gcin gyis 'tsho ba rnag dang khrag dang phyi sa za ba mi bzad pa rang bzhin gyis sdug bsngal 
ba lnga brgya gnas so/ /yang smras pa/ skyugs pa za zhing bor ba za/ /ngar snabs gcin gyis 'tsho ba dang / /rnag khrag dang ni phyi sa za/ /mi bzad rang bzhin sdug cing 'dug /yangs pa can de na bram ze zhig kyang 'dug ste/ des rigs mnyam pa las chung ma blangs nas/ de de dang 
lhan cig tu rtse zhing dga' la dga' mgur spyod do/ /de rtse zhing dga' la dga' mgur spyod pa las chung ma la bu chags nas de'i lus dri nga bar gyur to/ /de nas bram ze des mtshan mkhan rnams bkug ste dris na/ de dag na re 'di ni lto na khye'u 'dug pa de'i mthu yin no zhes zer ro/ /

</font><hr>75-1-134b<br><font size=+1>

re zhig na de zla ba brgyad dam dgu lon pa dang bu byung ste khye'u mdog ngan zhing blta na mi sdug la byad ngan pa lus mi gtsang bas bsgos pa dri nga ba zhig btsas so/ /de mchog tu mi sdug mod kyi byams pa'i dbang gis sbrel bas pha ma gnyis kyis gsos so/ /de mi gtsang ba'i gnas 
rnams 'ba' zhig tu dga' la phyag dar gyi phung po dang phyis khung du skra 'bal zhing khar mi gtsang ba 'dzud nas de'i ming phyis khung phyis khung zhes bya bar gyur to/ /re zhig na de phan tshun du 'khyam pa las 'od srung rdzogs byed kyis mthong nas de 'di snyam du sems te/ 'di de lta bu'i gnas rnams 
su dga' ba las na 'di ni gor ma chag par grub pa'i skyes bu zhig yin gyis bdag gis 'di rab tu dbyung ngo snyam mo/ /des de rab tu phyung nas gcer bur 'khyam zhing 'dug la legs pa byed pa la yang gnas so/ /de nas de 'khyam zhing song ba las yangs pa can gyi 'obs kyi nang na yi 
dgas lnga brgya 'khod pa rnams mthong nas de sngon gyi las kyi rnam par smin pa dang 'brel pas grong khyer gyi 'obs de'i nang du song nas de dag dang lhan cig 'dus shing phrad de dga' bar gyur nas grogs por gyur to/ /phyis re zhig na khye'u phyis khung don zhig la brel te yangs pa can du song ngo / /
bcom ldan 'das kyang grong khyer gyi 'obs der byon nas/ yi dgas de dag gis sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan pa/ dpe byad bzang po brgyad cus mdzes par byas pa/ 'od 'dom gang gis brgyan pa/ nyi ma 
stong bas lhag pa'i 'od mnga' ba rin po che'i ri bo 'gro ba lta bu kun nas bzang ba mthong ngo / /mthong ma thag tu bcom ldan 'das kyi zhabs la phyag 'tshal nas/ bcom ldan 'das bdag cag phongs lags so/ /bcom ldan 'das kyis bka' stsal pa/ khyed cis phongs/ 
yi dgas rnams kyis smras pa/ bcom ldan 'das bdag cag ni skom lags so/ /de nas bcom ldan 'das kyis phyag sor lnga las yan lag brgyad dang ldan pa'i chu'i rgyun lnga phab ste/ des yi dgas lnga brgya po de dag tshim par mdzad do/ /de nas de dag bcom 

</font><hr>75-1-135a<br><font size=+1>

ldan 'das la sems dga' bar gyur te shi nas sum cu rtsa gsum pa'i lha yul bzang por skyes so/ /lha'i bu'am lha'i bu mo skyes nas ring po ma lon pa'i chos nyid kyis sems rnam pa gsum skye bar 'gyur te/ gang nas shi 'phos gang du skyes las gang gis skyes snyam 
mo/ /de nas yi dgas las shi 'phos pa dang / sum cu rtsa gsum pa'i lha yul bzang por skyes pa dang bcom ldan 'das la sems dga' bar gyur par de dag gis mthong ngo / /de nas sngon yi dgas su gyur pa'i lha'i bu de dag 'di snyam du sems te/ bdag cag zhag lon te gzod 
bcom ldan 'das la blta ba'i phyir 'gro ba ni bdag gi cha ma yin gyis/ bdag cag zhag ma lon par bcom ldan 'das la blta ba'i phyir 'dong ngo snyam mo/ /de nas sngon yi dgas su gyur pa'i lha'i bu rna cha gdub kor dag cing 'gul ba thogs pa/ lus do shal dang se mo dos 
brgyan pa/ nor bu sna tshogs kyis spras pa'i cod pan can lus gur gum dang ta ma la'i lo ma dang spr-i ka la sogs pas byugs pa de rnams kyis de nyid kyi mtshan mo lha'i me tog ud pal dang / pad ma dang / ku mu da dang / pad ma dkar po dang / man da ra rnams kyis thu ba 
bkang ste/ khang pa brtsegs pa'i gnas thams cad 'od chen pos snang bar byas nas/ bcom ldan 'das la me tog gis gtor te/ chos mnyan pa'i phyir bcom ldan 'das kyi spyan sngar 'khod do/ /de nas bcom ldan 'das kyis sngon yi dgas su gyur pa'i lha'i bu rnams 
kyi bsam pa dang bag la nyal dang khams dang rang bzhin thugs su chud nas/ 'phags pa'i bden pa bzhi rtogs par 'gyur ba de lta bu'i chos bstan te/ de thos nas lha'i bu lnga brgyas 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun du 
zhugs pa'i 'bras bu thob ste/ de dag gis bden pa mthong nas tshong pa khe spogs phyin pa dang zhing pa 'bru rgyal bar gyur pa dang dpa' bo g.yul las rgyal ba dang nad pa nad thams cad las thar ba bzhin du 'byor pa gang gis/ bcom ldan 'das kyi thad du lhags pa'i 'byor 

</font><hr>75-1-135b<br><font size=+1>

pa de nyid kyis/ bcom ldan 'das la lan gsum bskor ba byas nas rang gi gnas su dong ngo / /de nas khye'u phyis khung grong khyer gyi 'obs su 'ongs pa dang yi dgas de dag ma mthong ngo / /de nas tshol ba la zhugs te de de dag yongs su tshol bas skyo bar gyur la de dag ni ma rnyed do/ /
de'i skabs su sangs rgyas bcom ldan 'das rnams kyis ni mi mkhyen pa'am/ mi gzigs pa'am/ mi rtogs pa'am/ thugs su mi chud pa ci yang med la/ sangs rgyas bcom ldan 'das thugs rje chen po dang ldan pa/ 'jig rten la phan 'dogs pa la 
zhugs pa/ srung ba gcig pa dang ldan pa gcig tu dpa' ba zla med pa gnyis su mi gsung ba zhi gnas dang lhag mthong la gnas pa/ rig pa gsum snang bar mdzad pa/ bslab pa gsum la legs par bslabs pa/ 'dul ba'i gzhi gsum la mkhas pa/ chu bo bzhi 
las rgal ba/ rdzu 'phrul gyi rkang pa bzhi'i zhabs kyi mthil shin tu brtan pa/ bsdu ba'i dngos po bzhi la yun ring po nas 'dris par byas pa/ mi 'jigs pa bzhis mi 'jigs pa/ khyu mchog gi yang dag pa'i seng ge'i sgra chen po sgrogs pa/ yan lag lnga rnam par 
spangs pa/ 'gro ba lnga las yang dag par 'das pa/ yan lag drug dang ldan pa/ pha rol tu phyin pa drug yongs su rdzogs pa/ rtag tu gnas par bya ba drug la gnas pa/ byang chub kyi yan lag bdun gyi me tog gis phyug pa/ lam yan lag brgyad pa ston pa/ mthar gyis 
gnas pa'i snyoms par 'jug pa dgu la mkhas pa/ stobs bcu'i stobs dang ldan pa/ phyogs bcur grags pas kun tu rgyas pa/ brgya phrag bcu pa la dbang byed pa bas ches khyad par du 'phags pa rnams ni/ chos nyid kyis nyin dus gsum mtshan dus gsum du 
sangs rgyas kyi spyan gyis 'jig rten la gzigs te/ su ni rgud/ su ni dar/ su ni phongs shing 'dug /su ni nyam nga bar gyur/ su ni gnod pa dang ldan/ su ni phongs pa dang nyam nga ba dang gnod pa dang ldan/ su ni ngan song du gzhol/ su ni ngan song du 'bab/ su ni ngan song du 

</font><hr>75-1-136a<br><font size=+1>

bab/ su ni ngas ngan song nas phyung ste/ mtho ris dang thar pa dang 'bras bu la gzhag par bya/ su ni 'dod pa'i 'dam du bying ba las lag nas drang bar bya/ su ni 'phags pa'i nor bdun med pa las 'phags pa'i nor bdun gyi dbang phyug la dbang byed du gzhug par bya/ 
su ni dge ba'i rtsa ba rnams ma bskyed pa las bskyed par bya/ su ni dge ba'i rtsa ba rnams bskyed zin pa las yongs su smin par bya/ su ni yongs su smin zin pa las rnam par grol bar bya snyam du ye shes gzigs pa 'jug go/ /'dir smras pa/ rgya mtsho chu srin rnams kyi gnas/ /dus 
rlabs yol bar 'gyur yang srid/ /gdul bar bya ba'i sras rnams la/ /sangs rgyas dus las yol ba med/ /de nas bcom ldan 'das rigs kyi bu phyis khung la phan gdags pa'i phyir/ snga dro sham thabs dang chos gos gsol te lhung bzed bsnams nas dge slong gi tshogs 
kyis zham ring byas te/ dge slong gi dge 'dun gyis mdun du bdar nas yangs pa can du bsod snyoms la gshegs pa dang / re zhig na mthar gyis bsod snyoms bskor te/ srang du gshegs na phyis khung yang phan tshun 'khor 'khor te bcom ldan 'das kyi spyan sngar 'greng ngo / /
de nas des sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan pa/ dpe byad bzang po brgyad cus mdzes par byas pa/ 'od 'dom gang gis brgyan pa/ nyi ma stong bas lhag pa'i 'od mnga' ba/ rin po che'i ri bo 'gro ba lta bu kun 
nas bzang ba mthong ngo / /mthong nas kyang de'i mod la des bcom ldan 'das la sems dga' bar byas so/ /de dga' ba skyes nas bcom ldan 'das kyi zhabs la phyag 'tshal te thal mo sbyar nas gsol pa/ bcom ldan 'das gal te sems can bdag cag lta bu yang legs 
par gsungs pa'i chos 'dul ba 'di la rab tu 'byung ba mchis te/ chud par 'gyur na bdag kyang rab tu 'byung bar 'tshal lo/ /de nas bcom ldan 'das thugs rje chen po dang ldan pa sems can rnams kyi bsam pa dang bag la nyal ba mkhyen pas de shin tu skal ba dang ldan par thugs 

</font><hr>75-1-136b<br><font size=+1>

su chud nas phyag glang po che'i sna lta bu gser gyi kha dog can brkyang ste/ 'di skad ces bka' stsal to/ /dge slong tshur shog tshangs par spyad pa spyod cig /bcom ldan 'das kyis de skad ces bka' stsal pa'i mod la skra dang kha spu ni bregs nas zhag bdun lon pa tsam du gyur/ spyod 
lam ni bsnyen par rdzogs nas/ lo brgya lon pa lta bur 'dug par gyur pa/ lag na ni lhung bzed dang chu snod thogs par gyur to/ /'dir smras pa/ de bzhin gshegs pas tshur zhes bka' stsal pas/ /de ni mgo bregs lus la snam sbyar gyon/ /sangs rgyas kyi ni dgongs 
pas gos bgos nas/ /mod la dbang po rab tu zhi bar gnas/ /de nas bcom ldan 'das kyis de la yid la byed pa'i lung phog ste/ des brtson pa dang bsgrub pa dang 'bad pas phol mig lnga pa'i 'khor ba'i 'khor lo 'di nyid g.yo zhing mi brtan par rig nas 'du byed kyi rnam pa 
thams cad snyil ba dang / ltung ba dang / rnam par 'thor ba dang / rnam par 'jig pa'i chos can yin par rtsad chod de/ nyon mongs pa thams cad spangs nas dgra bcom pa nyid mngon sum du byas te/ dgra bcom pa khams gsum pa'i 'dod chags dang bral bar gyur nas 
gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan sbangs pa lta bur bsil bar gyur pa/ rig pas sgo nga'i sbubs bcom pa/ rig pa dang mngon par shes pa dang so so yang dag par rig pa thob pa/ srid pa'i rnyed pa dang chags 
pa dang bkur sti la rgyab kyis phyogs pa/ dbang po dang nye dbang dang bcas pa'i lha rnams kyis mchod cing rjed pa dang gus par smra ba'i gnas su gyur to/ /de dgra bcom pa nyid thob zin na yang ngan pa la dga' bar gyur nas/ der bcom ldan 'das kyis dge slong rnams la bka' stsal pa/ 
dge slong dag 'di lta ste/ nga'i dge slong phyis khung 'di ni nga'i nyan thos kyi dge slong ngan ngon la mos pa rnams kyi mchog yin no/ /de nas dge slong dag /the tsom skyes te/the tsom thams cad gcod pa/ sangs rgyas bcom ldan 'das la zhus pa/ btsun pa gnas brtan phyis 

</font><hr>75-1-137a<br><font size=+1>

khung gis las ci bgyis na des 'di lta bu'i sdug bsngal myong bar gyur lags/ bcom ldan 'das kyis bka' stsal pa/ dge slong dag phyis khung nyid kyis sngon tshe rabs gzhan dag tu tshogs rnyed cing rkyen grub pa dang ldan te/ dba' rgal bzhin du 'byung la gdon mi za 
bar 'ong ba'i las de dag byas shing bsags pas na/ phyis khung nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams 
dang me'i khams dang rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang khams dang skye mched rnams 'ba' zhig la smin par 'gyur ro/ /lus can dag gi las rnams ni/ /bskal pa brgyar yang 
chud mi za/ /tshogs shing dus la bab pa na/ /'bras bu nyid du smin par 'gyur/ /dge slong dag sngon byung ba 'das pa'i dus na/ bskal pa bzang po 'di nyid la skye dgu'i tshe lo bzhi khri thub pa na de bzhin gshegs pa dgra bcom pa yang dag par rdzogs pa'i sangs rgyas rig pa 
dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'khor ba 'jig ces bya ba 'jig rten du byung ste/ de rgyal po'i pho brang mdzes ldan zhes bya ba na rten 
cing bzhugs so/ /de'i tshe rgyal po'i pho brang der khyim bdag cig gis gtsug lag khang zhig brtsigs te/ der phyogs dang yul sna tshogs na gnas pa'i dge slong dag 'ong ba dang 'gro ba dang gnas par sems so/ /gtsug lag khang de na so so'i skye bo'i dge slong zhig gnas te/ de yang 
gnas la shin tu ser sna che ba zhig ste dge slong gsar du 'ong ba rnams mthong na tshig pa za zhing 'khrug la gnod sems byed de/ zhul zhul por 'dug cing 'khrug pa skyed par byed do/ /dge slong gang dag gtsug lag khang de nas gud du 'gro ba de dag mthong na ni/ shas cher dga' 

</font><hr>75-1-137b<br><font size=+1>

zhing mchog tu dga' la skyel zhing smra bar byed do/ /phyis re zhig na ga zhig gi yul nas dge slong dgra bcom pa zhig 'ongs so/ /gtsug lag khang gi bdag po de yang phyir mi 'ong ba yin te/ des spyod lam gyi sgo nas dgra bcom pa yin par shes so/ /de nas dga' ba skyes te phyi de nyin dge 
slong gi dge 'dun dang bcas par cho ga dang ldan pa'i khrus dang bshos la spyan drangs so/ /dge slong gzhi ba de ni de na med pa las re zhig na phyi de nyin cho ga dang ldan pa'i khrus kyang phul/ bshos kyang bshams pa las dge slong gzhi ba de yang 'ongs te/ de yang cho ga dang ldan pa'i khrus sar 
song nas/ gtsug lag khang gi bdag po khyed rings su byung ste/ dge slong gsar du 'ongs pa'i byi dor byed cing 'dug pa mthong ngo / /de nas de phrag dog skyes nas/ des sdang ba'i sems kyis ngag gi las rtsub po smras te/ dge slong khyed ni lus mi gtsang bas byugs kyang 
sla'i sbyin bdag 'di lta bu bsnyen bkur len pa ni de lta ma yin no zhes byas so/ /de nas dgra bcom pa des nyon mongs pa 'di las ches mi bzad pa'i skal ba can du 'gyur na mi rung ngo snyam nas cang mi zer bar dang du blangs so/ /re zhig na tshogs par gyur te dro la bab pa na dge 
slong gzhi ba des dgra bcom pa la khyod kyis sdang ba'i sems bskyed do zhes zer ba thos so/ /thos nas kyang de 'gyod pa skyes so/ /de nas dge slong dgra bcom pa de'i rkang pa la phyag 'tshal te/ 'phags pa bdag gis khyod la tshig rtsub po smras pa de bzod par gsol lo zhes byas so/ /
de nas dgra bcom pa des de'i dad pa bskyed pa'i phyir nam mkha' la 'phags nas cho 'phrul rnam pa sna tshogs bstan to/ /de nas lhag par yang 'gyod pa skyes te/ de nas de'i mdun du las kyi nyes pa de mthol zhing bshags te shad kyis sbyangs so/ /'on kyang des mthar thug pa'i 
ye shes bskyed ni ma nus so/ /de nas re zhig na 'chi ba'i dus la bab pa dang des smon lam btab pa/ bdag gis dgra bcom pa la sdang ba'i sems bskyed pa dang / ngag gi las rtsub po smras pa gang yin pa'i las de'i rnam par smin pa ni bdag gis myong bar ma gyur cig /

</font><hr>75-1-138a<br><font size=+1>

bdag gis bklag pa dang / kha ton byas pa dang sbyin pa dang sbyin pa chen po dag byin pa dang dge 'dun la bsnyen bkur byas pa'i las kyi rnam par smin pa gang yin pa des ni ma 'ongs pa'i dus su/ sangs rgyas bcom ldan 'das mnyes par byed par shog cig ces 
byas so/ /dge slong dag ji snyam du sems/ de'i tshe de'i dus na dge slong gzhi bar gyur pa gang yin pa de ni phyis khung 'di nyid yin te/ des dgra bcom pa la ngag gi las rtsub po smras pa'i las kyi rnam par smin pa des na 'khor ba na sdug bsngal mtha' yas pa myong bar gyur te/ 
las de nyid kyi lhag ma lus pas de ltar srid pa tha ma la bab pa'i tshe yang / 'di ltar dri nga zhing mchog tu dri nga bar gyur la mi gtsang ba dang snyag snyig la dga' bar gyur to/ /des kha ton byas pa dang / phung po la mkhas pa dang / khams la mkhas pa dang / skye mched la 
mkhas pa dang / rten cing 'brel par 'byung ba la mkhas pa dang / gnas dang gnas ma yin pa la mkhas par byas pa des ni nga'i bstan pa la rab tu byung nas nyon mongs pa thams cad spangs te dgra bcom pa nyid mngon sum du byas so/ /dge slong dag de lta bas na 'di ltar bslab 
par bya ste/ ser sna spang ba la brtson par bya'o/ /de ci'i phyir zhe na/ phyis khung so so'i skye bor gyur pa'i nyes pa gang yin pa de dag 'byung bar mi 'gyur ba dang / des dgra bcom pa nyid thob pa'i yon tan gyi tshogs 'di lta bur 'gyur ba'i phyir te/ dge slong khyod kyis de 
ltar bslab par bya'o/ /bcom ldan 'das kyis de skad ces bka' stsal nas/ dge slong de dag dang lha dang lha ma yin dang nam mkha' lding dang mi'am ci dang lto 'phye chen po la sogs pa gzhan dag kyang yi rangs te/ bcom ldan 'das kyis gsungs pa la mngon par bstod do/ /rtogs 
pa brjod pa brgya pa las sdom gyi tshigs su bcad pa lnga pa rdzogs so// //sdom ni/ sbrul nag dang ni zla ba dang / /sA la dang ni dpal ldan ma/ /gos dang ne tso pho nya dang / /ma he dang ni gso sbyong dang / /ngang pa tha mar brjod pa yin/ /sbrul nag po zhes bya ba ni/ sangs rgyas 

</font><hr>75-1-138b<br><font size=+1>

bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi'am 
ci rnams dang / lto 'phye chen po rnams kyis bkur sti byas/ bla mar byas/ ri mo byas/ mchod pa byas te lha dang / klu dang / gnod sbyin dang / lha ma yin dang / nam mkha' lding dang / mi'am ci dang / lto 'phye chen po rnams kyis mchod cing shes pa'i sangs rgyas bcom ldan 
'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa rgyal po'i khab na 'od ma'i tshal bya ka lan da ka gnas pa na rten cing bzhugs so/ /de'i tshe 
rgyal po'i khab kyi grong khyer na khyim bdag phyug cing nor mang la longs spyod che ba/ yongs su 'dzin pa yangs shing rgya che ba rnam thos kyi bu'i nor dang ldan pa/ rnam thos kyi bu'i nor dang 'gran pa zhig yod de/ de yang ser sna can 'jungs pa/ yo byad rnams kun tu 'dzin pa/ khwa la 
yang gtor ma mi ster ba zhig ste/ des dge sbyong dang bram ze dang sdug cing phongs pa dang bkren pa dag mthong na sems sdang bar byed do/ /de nas des rang gi skyed mos tshal du gser dngul gyi phung po chen po sbas te bzhag nas/ de de la chags te lhag par zhen bzhin du shi'o/ /de shi nas 
de nyid kyi steng du sbrul gdug pa sbrul nag po chen po mig gdug pa zhig tu skyes so/ /de nas skyed mos tshal der skye bo'i tshogs gang song ba de dag bltas pa tsam gyis gsod par byed do/ /rgyal po'i khab kyi grong khyer thog thag tu yang che ge mo'i skyed mos tshal du song ba de dag thams cad 
brlag par 'gyur ro zhes sgra grag par gyur to/ /skye bo'i tshogs kyis kyang rgyal po gzugs can snying po la gsol to/ /de nas rgyal po gzugs can snying po 'di snyam du sems te/ sangs rgyas bcom ldan 'das ma gtogs pa de 'dul nus pa gzhan su zhig yod snyam mo/ /

</font><hr>75-1-139a<br><font size=+1>

de nas rgyal po gzugs can snying po skye bo mang po'i 'khor dang bcas pa/ bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te phyogs gcig tu 'dug go/ /phyogs gcig tu 'dug nas/ bcom ldan 'das kyis 
rgyal po gzugs can snying po la chos kyi gtam gyis yang dag par bstan/ yang dag par 'dzin du bcug /yang dag par gzengs stod/ yang dag par dga' bar mdzad do/ /chos kyi gtam rnam grangs du mas yang dag par bstan/ yang dag par 'dzin du bcug /yang 
dag par gzengs bstod/ yang dag par dga' bar mdzad nas cang mi gsung bar bzhugs so/ /de nas rgyal po gzugs can snying po stan las langs te/ bla gos phrag pa gcig tu gzar nas pus mo g.yas pa'i lha nga sa la btsugs te/ bcom ldan 'das ga la ba de logs 
su thal mo sbyar ba btud nas bcom ldan 'das la 'di skad ces gsol to/ /bcom ldan 'das rgyal po'i khab 'di na skyed mos tshal ga ge mo zhig na sbrul gdug pa/ sbrul nag po chen po mig gdug pa zhig mchis te/skye bo mang po brlag par bgyid lags na/ bcom ldan 
'das kyis thugs brtse ba'i slad du de gdul bar gsol/ de nas bcom ldan 'das kyis rgyal po gzugs can snying po la cang mi gsung bas gnang ngo / /de nas rgyal po gzugs can snying po bcom ldan 'das kyis cang mi gsung bas gnang bar rig nas/ bcom ldan 'das 
kyi zhabs la mgo bos phyag 'tshal te stan las langs nas song ngo / /de nas bcom ldan 'das de nyid kyi mtshan mo 'das nas snga dro sham thabs dang chos gos gsol te lhung bzed bsnams nas skyed mos tshal ga la ba der gshegs te byon nas bcom ldan 'das kyis 'od zer 
gser gyi kha dog can nyi ma stong gi 'od pas lhag pa dag bkye ste/ de dag gis skyed mos tshal de dag thams cad snang bar byas so/ /bskal pa stong gi bar du yongs su bsgoms pa'i byams pa'i 'od zer dag kyang bkye ste/ de dag gis de'i lus la phog ma thag tu rab tu sim par 

</font><hr>75-1-139b<br><font size=+1>

gyur to/ /de nas sbrul gdug pa des phan tshun du bltas te su'i mthus bdag gi lus sim par gyur zhig gu snyam pa dang / /des sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan pa/ dpe byad bzang po brgyad cus mdzes 
par byas pa/ 'od 'dom gang gis brgyan pa/ nyi ma stong bas lhag pa'i 'od mnga' ba/ rin po che'i ri bo 'gro ba lta bu kun nas bzang ba mthong ngo / /mthong ma thag tu des bcom ldan 'das la dad pa'i sems skyed de/ dad pa'i sems dang ldan par gyur nas/ bcom 
ldan 'das kyis de dang 'thun pa'i chos bstan te/ bzhin bzangs khyod nyid kyis rdzas 'di bsgrubs pa des na khyod sbrul gdug par lhung bar byas so/ /da yang nga la dad pa'i sems skyed la gter 'di la yang sems ma chags par byos dang legs so/ /'di nas shi 'phos 
nas kyang sems can dmyal bar skyes re/ de nas gang gi tshe bcom ldan 'das kyis de tshe rabs dran par mdzad pa de'i tshe de ngus so/ /de nas bcom ldan 'das kyis de'i tshe tshigs su bcad de bka' stsal pa/ khyod ni dud 'gror skyes pa la/ /da ni nga yis ci byar med/ /mi khom par ni skyes zin gyis/ /
don med ngus pas ci la phan/ /'dir ni rgyal ba snying rje can/ /nga la dad pa'i sems skyed la/ /dud 'gro'i skye gnas spangs na legs/ /'on kyang mtho ris 'gro bar 'gyur/ /de nas re zhig na bcom ldan 'das kyis sbrul de lhung bzed kyi nang du bcug ste/ 'od ma'i 
tshal du bsnams so/ /de'i skabs su rgyal po dang yul ma ga d+hA'i skye bo'i tshogs kyis sbrul gdug pa de bcom ldan 'das kyis ji ltar btul ba thos so/ /de nas sbrul gdug pa des rang gi lus la smad de kha 'tshos nas bcom ldan 'das la sems dga' bar gyur te shi nas/ 
sum cu rtsa gsum pa'i lha yul bzang por skyes so/ /lha'i bu'am lha'i bu mo skyes nas ring po ma lon pa ni chos nyid kyis sems rnam pa gsum skye bar 'gyur te/ gang nas shi 'phos gang du skyes las gang gis skyes snyam mo/ /de nas sbrul gdug pa las shi 'phos pa dang sum cu rtsa 

</font><hr>75-1-140a<br><font size=+1>

gsum pa'i lha yul bzang por skyes pa dang / bcom ldan 'das la sems dga' bar gyur par des mthong ngo / /de nas sngon sbrul gdug par gyur pa'i lha'i bu de 'di snyam du sems te/ bdag zhag lon nas gzod bcom ldan 'das blta ba'i phyir 'gro ba ni bdag gi 
cha ma yin gyis/ bdag zhag ma lon par bcom ldan 'das la blta ba'i phyir 'gro'o snyam mo/ /de nas sngon sbrul gdug par gyur pa'i lha'i bu rna cha gdub kor dag cing 'gul ba thogs pa/ lus do shal dang se mo dos brgyan pa/ nor bu sna tshogs kyis spras pa'i cod pan can/ /
lus gur gum dang ta ma la'i lo ma dang spr-i ka la sogs pas byugs pa des de nyid kyi mtshan mo lha'i me tog ud pal dang / pad ma dang / ku mu da dang / pad ma dkar po dang / man da ra rnams kyis thu ba bkang ste/ 'od ma'i tshal bya ka lan da ka gnas pa thams cad 'od chen pos snang bar 
byas nas/ bcom ldan 'das la me tog gis gtor te chos mnyan pa'i phyir bcom ldan 'das kyi spyan sngar 'dug go/ /de nas bcom ldan 'das kyis sngon sbrul gdug par gyur pa'i lha'i bu'i bsam pa dang / bag la nyal dang / khams dang / rang bzhin thugs su chud nas 
'phags pa'i bden pa bzhi rtogs par 'gyur ba de lta bu'i chos bstan te/ de thos nas sngon sbrul gdug par gyur pa'i lha'i bus 'jig tshogs la lta ba'i ri'i rtse mo mthon po nyi shu ye shes rdo rjes bcom nas rgyun du zhugs pa'i 'bras bu thob ste/ des bden pa mthong nas dga' ba'i 
tshig tu brjod pa/ btsun pa bcom ldan 'das kyis bdag gi khrag dang mchi ma'i rgya mtsho bskams pa dang / rus pa'i la bsgral ba dang / ngan song gi sgo rnams bcad pa dang / mtho ris dang thar pa'i sgo rnams phye ba dang / bdag lha dang mi rnams kyi nang du bzhag pa 'di lta bu 
ni bdag la phas kyang ma bgyis/ mas kyang ma bgyis/ rgyal pos kyang ma bgyis/ lha rnams kyis kyang ma bgyis/ nang mi dang gnyen gyi tshogs kyis kyang ma bgyis/ sngon gyi mtshun rnams kyis kyang ma bgyis/ dge sbyong dang bram ze rnams kyis kyang ma bgyis lags so/ /yang 

</font><hr>75-1-140b<br><font size=+1>

smras pa/ nyes pa mang por ldan pa'i ngan song lam/ /shin tu mi bzad khyod kyi mthu yis bcad/ /bsod nams rab ldan mtho ris 'gro ba phye/ /mya ngan 'das pa'i lam yang bdag gis thob/ /bdag gis de ring nyes pa spangs pa'i mig /shin tu rnam dag khyod las brten 
nas thob/ /bdag ni sdug bsngal rgya mtsho pha rol rgal/ /'phags pa dgyes pa'i zhi ba'i go 'phang thob/ /mi mchog dbang po mi dang lhas mchod pa/ /skye dang rga dang 'chi ba'i nad spangs pa/ /srid pa stong du mthong bar dka' ba yis/ /thub pa khyed ni deng mthong 'bras bu yod/ /
de nas do shal 'chang ba dga' gyur te/ /btud cing zhabs gnyis la ni phyag 'tshal nas/ /dgra thub la ni bskor ba byas nas kyang / /lha yi 'jig rten kha bltas lha yul song / /de nas sngon sbrul gdug par gyur pa'i lha'i bu de tshong pa khe spogs phyin pa dang / zhing pa 'bru rgyal bar 
gyur pa dang dpa' bo g.yul las rgyal ba dang nad pa nad thams cad las thar ba bzhin du 'byor pa gang gis bcom ldan 'das kyi thad du 'ongs pa'i 'byor pa de nyid kyis/ de nyid kyi mtshan mo rgyal po gzugs can snying po'i thad du song nas/ rgyal po'i pho brang thams cad 'od chen pos snang bar 
byas te/ rgyal po bslang nas 'di skad ces smras so/ /rgyal po chen po longs nyal te ci bya/ de nas rgyal po sad de/ 'od chen po de dang lha'i bu de mthong ngo / /mthong nas kyang dga' zhing mgu ste khyod su zhig ces dris so/ /de na re bdag ni skyed mos tshal der bcom ldan 'das kyis 
sbrul gdug pa btul te shi nas sum cu rtsa gsum pa'i lha yul bzang por skyes pa yin te/ bcom ldan 'das la yang bdag gis bsnyen bkur byas nas bden pa mthong bar gyur to/ /da bdag gis khyod la bstan gyis khyod song la skyed mos tshal de'i phyogs ga ge mo zhig nas gter chen 
po phyung la bdag gi phyir/ bcom ldan 'das nyan thos kyi dge 'dun dang bcas pa bshos gsol te yon gyi rabs kyang gdon par gsol cig /de nas rgyal po gzugs can snying pos lha'i bu la cang mi zer bar khas blangs so/ /de nas sngon sbrul gdug par gyur pa'i lha'i bus rgyal 

</font><hr>75-1-141a<br><font size=+1>

pos cang mi zer bas khas blangs par rig nas/ de nyid du mi snang bar gyur to/ /de nas rgyal po gzugs can snying pos de nyid kyi mtshan mo yul ma ga d+hA'i pho brang 'khor gyi mi dang yul mi rnams la bsgo nas skyed mos tshal der song ste gter phyung nas/ bcom ldan 
'das nyan thos kyi dge 'dun dang bcas pa zla ba gsum gyi bar du bshos gsol te/ bcom ldan 'das la zhus pa/ bcom ldan 'das sngon sbrul gdug par gyur pa'i lha'i bus las gang dag bgyis na/ des sbrul gdug par skyes lags/ las gang dag bgyis na des lha'i nang du skyes 
nas bden pa mthong bar gyur lags/ bcom ldan 'das kyis bka' stsal pa/ nges shas cher chags pa bskyed de/ dge sbyong dang bram ze dang sdug cing phongs pa dang bkren pa rnams la sdang ba'i sems bskyed pa des ni sbrul gdug par skyes so/ /nga la sems dga' bar byas pa des ni 
lha'i nang du skyes so/ /yang dag par rdzogs pa'i sangs rgyas 'od srung gi ring la dge bsnyen du gyur te/ skyabs su song ba dang bslab pa'i gzhi blangs pa des ni bden pa mthong bar gyur to/ /rgyal po chen po de bas na ser sna spang ba'i phyir brtson par byas te/ ci nas sbrul gdug par gyur pa'i 
nyes pa de lta bu dag 'byung bar mi 'gyur ba dang / de nyid lha'i bur gyur pa'i yon tan gyi tshogs de dag lta bur 'gyur bar rgyal po chen po khyod kyis bslab par bya'o/ /de nas rgyal po gzugs can snying pos bcom ldan 'das kyis gsungs pa la mngon par bstod de rjes su yi rangs nas/ 
bcom ldan 'das kyi zhabs la mgo bos phyag 'tshal te stan las langs nas song ngo / /bcom ldan 'das kyis de skad ces bka' stsal nas dge slong de dag yi rangs te/ bcom ldan 'das kyis gsungs pa la mngon par bstod do// //zla ba zhes bya ba ni/ sangs rgyas 
bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding 

</font><hr>75-1-141b<br><font size=+1>

rnams dang / mi'am ci rnams dang / lto 'phye chen po rnams kyis bkur sti byas/ bla mar byas/ ri mo byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi'am ci dang / lto 'phye chen po rnams kyis mchod cing shes pa'i sangs 
rgyas bcom ldan 'das bsod nams chen po dang ldan pa na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon med zas 
sbyin gyi kun dga' ra ba na bzhugs so/ /de'i tshe mnyan du yod pa na bram ze zhing pa zhig 'dug pa des rigs mnyam pa las chung ma blangs te/ de de dang lhan cig tu rtse zhing dga' la dga' mgur spyod do/ /de rtse zhing dga' la dga' mgur spyod pa las chung ma la bu chags nas de 
zla ba brgyad dam dgu lon pa dang bu byung ste khye'u gzugs bzang zhing / blta na sdug la mdzes pa skye bo thams cad kyi mig sim par byed pa zhig btsas so/ /de yang bram ze des dka' bas rnyed pa yin te/ de la bu dang bu mo gzhan yang med nas de bskyed bsrings te cher skyes nas de 
'jig rten thams cad sim par byed pa'i phyir bram ze dang khyim bdag rnams kyis khye'u de'i ming zla ba zhes btags so/ /de nas bram ze'i khye'u zla ba grong khyer thams cad du brgyud de bskor nas/ bram ze de yang khye'u de la lhag par byams par gyur te/ 'chag pa dang 'dug pa dang nyal ba dag 
gi tshe yang rtag tu legs par bsrung ba lhur byed cing 'dug go/ /bram ze de'i khyim yang khyim bdag mgon med zas sbyin dang nye ba zhig na 'dug go/ /de nas bram ze'i khye'u de khyim bdag mgon med zas sbyin dang bsten nas rgyal bu rgyal byed kyi tshal du song ste/ sangs rgyas kyi gsung thos 
nas/ des bcom ldan 'das kyi bstan pa la dad pa rnyed do/ /de yang tshe thung ste shi nas sum cu rtsa gsum pa'i lha yul bzang por skyes so/ /lha'i bu'am lha'i bu mo skyes nas ring po ma lon pa ni chos nyid kyis/ sems rnam pa gsum skye bar 'gyur te/ gang nas shi 'phos gang du 

</font><hr>75-1-142a<br><font size=+1>

skyes las gang gis skyes snyam mo/ /de nas mi las shi 'phos pa dang sum cu rtsa gsum pa'i lha yul bzang por skyes pa dang / bcom ldan 'das la sems dga' bar gyur pa des mthong ngo / /de nas sngon bram zer gyur pa'i lha'i bu 'di snyam du sems te/ bdag zhag 
lon nas gzod bcom ldan 'das blta ba'i phyir 'gro ba ni bdag gi cha ma yin gyis/ bdag zhag ma lon par bcom ldan 'das la blta ba'i phyir 'gro'o snyam mo/ /de nas sngon bram zer gyur pa'i lha'i bu rna cha gdub kor dag cing 'gul ba thogs pa lus do shal dang se mo dos brgyan pa/ 
nor bu sna tshogs kyis brgyan pa'i cod pan can lus gur gum dang ta ma la'i lo ma dang spr-i ka la sogs pas byugs pa des de nyid kyi mtshan mo lha'i me tog ud pal dang / pad ma dang / ku mu da dang / pad ma dkar po dang / man dA ra rnams kyis thu ba bkang ste/ rgyal bu rgyal byed kyi 
tshal thams cad 'od chen pos snang bar byas nas bcom ldan 'das la me tog gis gtor te/ chos mnyan pa'i phyir bcom ldan 'das kyi spyan sngar 'dug go/ /de nas bcom ldan 'das kyis sngon bram zer gyur pa'i lha'i bu'i bsam pa dang bag la nyal dang khams dang rang bzhin thugs 
su chud nas/ 'phags pa'i bden pa bzhi rtogs par 'gyur ba de lta bu'i chos ston te/ de thos nas sngon bram zer gyur pa'i lha'i bus 'jig tshogs la lta ba'i ri'i rtse mo mthon po nyi shu ye shes rdo rjes bcom nas rgyun du zhugs pa'i 'bras bu thob ste/ des bden pa mthong nas dga' ba'i 
tshig lan gsum du brjod de/ btsun pa bcom ldan 'das kyis bdag gi khrag dang mchi ma'i rgya mtsho bskams pa dang / rus pa'i la bsgral ba dang / ngan song gi sgo rnams bcad pa dang / mtho ris dang thar pa'i sgo rnams phye ba dang bdag lha dang mi rnams kyi nang du bzhag pa 'di lta bu ni 
bdag la phas kyang ma bgyis/ mas kyang ma bgyis/ rgyal pos kyang ma bgyis/ lha rnams kyis kyang ma bgyis/ nang mi dang gnyen gyi tshogs kyis kyang ma bgyis/ sngon gyi mtshun rnams kyis kyang ma bgyis/ dge sbyong dang bram ze rnams kyis kyang ma bgyis lags so/ /yang 

</font><hr>75-1-142b<br><font size=+1>

smras pa/ nyes pa mang por ldan pa'i ngan song lam/ /shin tu mi bzad khyod kyi mthu yis bcad/ /bsod nams rab ldan mtho ris 'gro ba phye/ /mya ngan 'das pa'i lam yang bdag gis thob/ /bdag gis de ring nyes pa spangs pa'i mig /shin tu rnam dag khyod las brten nas thob/ /bdag ni 
sdug bsngal rgya mtsho'i pha rol rgal/ /'phags pa dgyes pa'i zhi ba'i go 'phang thob/ /mi mchog dbang po lha dang mis mchod pa/ /skye dang rga dang 'chi ba'i nad spangs pa/ /srid pa stong du mthong bar dka' ba yi/ /thub pa khyod ni deng mthong 'bras bu yod/ / de nas do shal 'phyang ba dga' gyur te/ 
btud cing zhabs gnyis la ni phyag 'tshal nas/ /dgra thub la ni bskor ba byas nas kyang / /lha yi 'jig rten kha ltas lha yul song / /de nas sngon bram zer gyur pa'i lha'i bu de tshong pa khe spogs phyin pa dang zhing pa 'bru rgyal bar gyur pa dang dpa' bo g.yul las rgyal ba dang nad pa nad thams 
cad las thar ba bzhin du 'byor pa gang gis bcom ldan 'das kyi thad du 'ongs pa'i 'byor pa de nyid kyis rang gi gnas su song ngo / /dge slong dag ni srod dang tho ras mi nyal bar brtson pa lhur byed pa la gnas te/ de dag gis bcom ldan 'das kyi thad du snang ba chen po byung ba mthong ngo / /mthong 
nas kyang the tshom skyes te the tshom thams cad gcod pa sangs rgyas bcom ldan 'das la zhus pa/ bcom ldan 'das ci lags/ mdang sum mi mjed kyi bdag po tshangs pa'am/ lha'i dbang po brgya byin nam/ 'jig rten skyong ba bzhi bcom ldan 'das la blta ba'i slad du mchis lags 
sam/ bcom ldan 'das kyis bka' stsal pa/ dge slong dag mi mjed kyi bdag po tshangs pa'am/ lha'i dbang po brgya byin nam/ 'jig rten skyong ba bzhi nga la blta ba'i phyir 'ongs pa ma yin gyi/ bram ze'i bu gcig pa de tshe thung ste shi nas/ de nga la sems dga' bar gyur te/ 
sum cu rtsa gsum pa'i lha yul bzang por skyes nas/ de mdang sum nga'i thad du 'ongs te/ ngas de la chos bstan nas bden pa mthong bar gyur te rang gi gnas su song ngo / /de'i skabs su bram ze des bu gcig pa sdug cing phangs la snying du sdug cing yid du 'ong ba dang / bzod pa dang ldan pa 

</font><hr>75-1-143a<br><font size=+1>

dang mi 'thun pa med pa de dur khrod du khyer nas pang par bzhag ste kyi hud bu/ kyi hud bu thu bo/ kyi hud bu gcig zhes zer zhing 'bod de/ de'i nye du rnams kyis de ltar bcugs kyang bslang ma nus nas de khwa dang / chun lag dang / bya rgod dang wa rnams kyis ni bskor/ /bud med 
skra bshig pa dag dang ni 'grogs/ skye bo mang pos ni blta zhing 'dug go/ /de nas de'i bu lhar skyes pas pha smre sngags 'don pa mthong nas snying rjes snying bskyod de/ pha'i mya ngan bsal ba'i phyir bdag nyid drang srong gi cha lugs su sprul nas/ dur khrod kyi 'dab tu dka' thub lnga byed cing 'dug 
go/ /de nas bram ze des drang srong de la dris pa/ kye'i drang srong chen po khyod dka' thub 'dis ci zhig sgrub/ drang srong gis smras pa/ nga ni rgyal srid sgrub ste/ nga'i gser gyi shing rta rin po che sna tshogs kyis spras pa nyi ma dang zla ba gnyis kyis shing rta'i 'khor lo byas la/ 'jig rten skyong ba bzhis 
ni mdun nas 'dren te/ shing rta de la yang zhon zhing sa chen po 'di bskor bar 'dod do/ /bram zes smras pa/ gal te lo brgya tham pa'i bar/ /rgyun du dka' thub spyad byas te/ /dka' thub mchog ni spyad byas kyang / /gnas de khyod kyis re mi 'thob/ /drang srong gis smras pa/ khyod kyang 
shi ba'i khog pa mchog tu mnam zhing mi gtsang ba'i ro shing 'dra bar gyur pa 'dis ci zhig sgrub/ bram zes smras pa/ sdug pa'i bu gcig pa shi ste de sgrub bo/ /drang srong gis smras pa/ gal te lo brgya tham pa'i bar/ /rgyun du ngu ba'i las byas kyang / /bu de khyod kyis re mi thob/ /khyod 
ni ngus kyang ci la phan/ /de nas bram ze de drang srong gi tshig bden no snyam nas dad pa skyes so/ /dad pa skyes nas khyod su zhig ces dris so/ /de nas drang srong gis cha lugs de mi snang bar byas nas/ rang gi cha lugs su 'dug ste/ pha la smras pa/ bdag ni khyod kyi bu gcig pa de yin 
te bcom ldan 'das la sems dga' bar gyur nas shi ste/ sum cu rtsa gsum pa'i lha yul bzang por skyes nas/ khyod kyi mya ngan bsal ba'i phyir 'dir 'ongs so/ /yab khyod tshur spyon/ bcom ldan 'das la skyabs su bzhud cig dang / khyed kyang 'khor ba las 'da' bar gyur kyang 

</font><hr>75-1-143b<br><font size=+1>

srid do/ /de nas bram ze des shi ba'i rus bu bor nas/ bcom ldan 'das ga la ba der song ste phyin nas bcom ldan 'das kyi zhabs la phyag 'tshal te/ chos mnyan pa'i phyir bcom ldan 'das kyi spyan sngar 'dug go/ /de nas bcom ldan 'das kyis de la 'phags pa'i bden pa bzhi rtogs 
par 'gyur ba de lta bu'i chos bstan pa mdzad de/ de thos nas bram ze des 'jig tshogs la lta ba'i ri'i rtse mo mthon po nyi shu ye shes rdo rjes bcom nas rgyun du zhugs pa'i 'bras bu thob bo/ /des mtho bar 'gyur ba thob cing rnyed pa thob nas/ bcom ldan 'das kyi zhabs la mgo bos phyag 
'tshal te lan gsum bskor ba byas te song ngo / /de nas dge slong dag the tshom skyes te/ the tshom thams cad gcod pa sangs rgyas bcom ldan 'das la zhus pa/ bcom ldan 'das lha'i bu 'dis 'di ltar pha'i mya ngan bsal nas bden pa mthong ba la yang bzhag pa la gzigs/ bcom ldan 'das 
kyis bka' stsal pa/ dge slong dag da ltar 'dis bden pa mthong nas pha yongs su bskyabs pa 'di lta la ngo mtshar che ba ci yod/ 'dis ni 'das pa'i dus na so so'i skye bor 'dug pa'i tshe yang pha gsad pa la thug pa la lan gsum skyabs byas te/ de legs par rab tu nyon la yid 
la zung shig dang ngas bshad do/ /dge slong dag sngon byung ba 'das pa'i dus na grong khyer bA rA Na sI na gzhan gyi chung ma la byi ba byed pa zhig yod de/ de'i bu ni dad pa dang ldan la dge zhing bsam pa bzang ba mi rnams shin tu 'grang ba zhig go/ /de nas re zhig na de'i phas rkun po byas nas/ rgyal 
pos gshed ma rnams la sod cig ces bsgo'o/ /de nas bus lan gsum gyi bar du rgyal po la gsol nas srog phangs pa byin no/ /bcom ldan 'das kyis bka' stsal pa/ dge slong dag ji snyam du sems/ de'i tshe de'i dus na gzhan gyi chung ma la byi ba byed pa gang yin pa de ni bram 
ze 'di yin no/ /byi ba byed pa'i bu gang yin pa de ni bram ze'i khye'u 'di yin no/ /dge slong rnams kyis gsol pa/ bcom ldan 'das las ci zhig bgyis na des pha dang bu gnyis ka bden pa mthong bar gyur lags/ /bcom ldan 'das kyis bka' stsal pa/ yang dag par rdzogs 

</font><hr>75-1-144a<br><font size=+1>

pa'i sangs rgyas 'od srung gi ring la de gnyis ka dge bsnyen du gyur te/ skyabs su song ba dang bslab pa'i gzhi blangs pas na de'i phyir de ltar bden pa mthong bar gyur to/ /dge slong dag de bas na 'du byed thams cad mi rtag pa dang chos thams cad bdag 
med pa dang mya ngan las 'das pa ni zhi ba'o snyam du mya ngan las 'das pa la 'bad par bya ste/ dge slong khyed kyis de ltar bslab par bya'o/ /bcom ldan 'das kyis de skad ces bka' stsal nas/ dge slong de dag dang lha dang lha ma yin dang nam mkha' lding dang mi'am ci dang 
lto 'phye chen po la sogs pa gzhan dag kyang yi rangs te/ bcom ldan 'das kyis gsungs pa la mngon par bstod do// //sA la zhes bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang 
'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi'am ci rnams dang / lto 'phye chen po rnams kyis bkur sti byas/ bla mar byas/ 
ri mo byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ /na 
bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs 
so/ /de'i tshe mnyan du yod par sA la gcog pa zhes bya ba'i dus ston byung ste/ der srog chags 'bum phrag du ma 'dus nas shing sa la'i ma tog blangs te rtse zhing dga' la dga' mgur spyod do/ /de nas re zhig na tshong dpon gyi bu mo zhig gis sa la'i me tog blangs te/

</font><hr>75-1-144b<br><font size=+1>

mnyan du yod pa'i nang du song ba dang bcom ldan 'das kyang dge slong gi tshogs kyis zhabs 'bring byas te/ dge slong gi dge 'dun gyis mdun du bdar nas/ mnyan du yod par bsod snyoms mdzad de slar gshegs nas/ bu mo des sangs rgyas bcom ldan 'das sku skyes bu chen po'i 
mtshan sum cu rtsa gnyis kyis legs par brgyan pa/ dpe byad bzang po brgyad cus mdzes par byas pa/ 'od 'dom gang gis brgyan pa/ nyi ma stong bas lhag pa'i 'od mnga' ba/ rin po che'i ri bo 'gro ba lta bu kun nas bzang ba mthong ngo / /mthong nas kyang dga' ba 
skyes te/ bcom ldan 'das la sa la'i me tog gis gtor to/ /de nas bcom ldan 'das la bskor ba byas te/ phyir log nas khyim du dgos pa'i phyir yang gzhan dag blang ngo snyam pa dang / re zhig na de sa la'i shing la 'dzegs pa las lhung ste shi nas bcom ldan 'das la bsnyen 
bkur byas nas/ sum cu rtsa gsum pa'i lha'i yul bzang por skyes so/ /de nas re zhig na lus dang gzhal med khang sA la'i me tog gis brgyan te/ lha'i 'dun sa'i nang du song ngo / /de'i tshe lha'i dbang po brgya byin yang lha'i 'dun sa chos bzang na lha'i tshogs kyi nang na 
sangs rgyas dang chos dang dge 'dun gyi bsngags pa brjod cing 'dug pa las/ lha'i dbang po brgya byin gyis lha'i bu mo lus dang gzhal med khang sA la'i me tog gis brgyan pa dge ba'i rtsa ba 'bar ba de mthong ngo / /mthong nas kyang de la tshigs su bcad de smras pa/ 
ci phyir khyod kyi lus mdog dag pa'i gser 'dra pad ma ud pal lta bur gyur/ /'di na lus dpal mtshungs med khyod kyi lus las 'od byung 'di dag ci las gyur/ /ci yi phyir na khyod kyi bzhin mdog pad ma rgyas 'dra gser mdog lta bur gyur/ las rnams gang gi 
'bras bu myong gyur 'di ni lha mo khyod kyis bdag la smros/ lha mos smras pa/ mtshan mchog dag gis rgyas pa yi/ /mi yi nyi ma nyan thos bcas/ /sA la'i me tog rdul med pa/ /bzang po dag gis legs par gtor/ /las dge de 'dra byas pa'i phyir/ /

</font><hr>75-1-145a<br><font size=+1>

bdag ni lhag par mngon du mdzes/ /bzhin mdog pad ma zla ba ltar/ /rnam dag 'od ldan blta na sdug /brgya byin gyis smras pa/ kye ma yon tan nyid kyi zhing / /nyes pa thams cad rnam spangs pa/ /mtho ris sdug par skye ba'i phyir/ /de la khyod kyis 
sa bon btab/ /bzhin mdzes pad ma'i 'dab ma yangs pa 'dra ba'i mig ldan ma/ /bud med mchog rnams kyis ni gang la bkur sti byas pa yi/ /sangs rgyas pad ma rgyas pa'i 'dab yangs 'dra ba'i spyan mnga' ba/ /gser mchog phung po lta bur mdangs dkar de 
la su mi mchod/ /lha'i bu'am lha'i bu mo skyes nas ring po ma lon pa ni chos nyid kyis sems rnam pa gsum skye bar 'gyur te/ gang nas shi 'phos/ gang du skyes/ las gang gis skyes snyam mo/ /de nas mi las shi 'phos pa dang sum cu rtsa gsum pa'i lha yul bzang 
por skyes pa dang / /bcom ldan 'das la sems dga' bar gyur par des mthong ngo / /de nas lha'i bu mo de 'di snyam du sems te/ bdag zhag lon nas gzod bcom ldan 'das la blta ba'i phyir 'gro ba ni bdag gi cha ma yin gyis/ bdag zhag ma lon par bcom 
ldan 'das la blta ba'i phyir 'gro'o snyam mo/ /de nas lha'i bu mo rna cha gdub kor dag cing 'gul ba thogs pa/ lus do shal dang se mo dos brgyan pa/ nor bu rin po che sna tshogs kyis brgyan pa'i cod pan can/ lus gur gum dang ta ma la'i lo ma dang spr-i ka la 
sogs pas byugs pa de/ lha'i bu mo 'bum phrag du mas g.yog byas nas de nyid kyi mtshan mo sa la'i me tog gi gzhal med khang de nyid de dang bcas pas bcom ldan 'das kyi thad du song ngo / /de nas bcom ldan 'das la me tog gis gtor te/ chos mnyan pa'i 
phyir/ bcom ldan 'das kyi spyan sngar 'dug go/ /de nas bcom ldan 'das kyis lha'i bu mo de'i bsam pa dang / bag la nyal dang / khams dang / rang bzhin thugs su chud nas/ 'phags pa'i bden pa bzhi rtogs par 'gyur ba de lta bu'i chos bstan te/

</font><hr>75-1-145b<br><font size=+1>

de thos nas lha'i bu mo des 'jig tshogs la lta ba'i ri'i rtse mo mthon po nyi shu ye shes rdo rjes bcom nas rgyun du zhugs pa'i 'bras bu thob ste/ des bden pa mthong nas dga' ba'i tshig lan gsum brjod de/ btsun pa bcom ldan 'das kyis bdag gi khrag dang mchi ma'i rgya 
mtsho bskams pa dang / rus pa'i la bsgral ba dang / ngan song gi sgo rnams bcad pa dang / mtho ris dang thar pa'i sgo rnams phye ba dang / bdag lha dang mi rnams kyi nang du bzhag pa 'di lta bu ni bdag la phas kyang ma bgyis/ mas kyang ma bgyis/ rgyal pos kyang 
ma bgyis/ lha rnams kyis kyang ma bgyis/ nang mi dang gnyen gyi tshogs kyis kyang ma bgyis/ sngon gyi mtshun rnams kyis kyang ma bgyis/ dge sbyong dang bram ze rnams kyis kyang ma bgyis lags so/ /yang smras pa/ nyes pa mang por ldan pa'i ngan song 
lam/ /shin tu mi bzad khyod kyi mthu yis bcad/ /bsod nams rab ldan mtho ris 'gro ba phye/ /mya ngan 'das pa'i lam yang bdag gis thob/ /bdag gis de ring nyes pa spangs pa'i mig /shin tu rnam dag khyod las brten nas thob/ /bdag ni sdug bsngal rgya 
mtsho pha rol rgal/ /'phags pa dgyes pa'i zhi ba'i go 'phang thob/ /mi mchog dbang po lha dang mis mchod pa/ /skye dang rga dang 'chi ba'i nad spangs pa/ /srid pa stong du mthong bar dka' ba yi/ /thub pa khyod ni deng mthong 'bras bu yod/ /de nas do shal 
'phyang ba dga' gyur te/ /btud cing zhabs gnyis la ni phyag 'tshal nas/ /dgra thub la ni bskor ba byas nas kyang / /lha yi 'jig rten kha bltas lha yul song / /de nas lha'i bu mo de tshong pa khe spogs phyin pa dang / zhing pa 'bru rgyal bar gyur pa dang / dpa' 
bo g.yul las rgyal ba dang / nad pa nad thams cad las thar ba bzhin du/ 'byor pa gang gis bcom ldan 'das kyi thad du 'ongs pa'i 'byor pa de nyid kyis rang gi gnas su song ngo / /dge slong dag ni srod dang tho ras mi nyal bar brtson pa lhur byed pa la gnas te de 

</font><hr>75-1-146a<br><font size=+1>

dag gis bcom ldan 'das kyi thad du snang ba chen po byung ba mthong ngo / /mthong nas kyang the tshom skyes te the tshom thams cad gcod pa sangs rgyas bcom ldan 'das la zhus pa/ bcom ldan 'das ci lags/ mdang sum mi mjed kyi bdag po tshangs 
pa'am lha'i dbang po brgya byin nam/ 'jig rten skyong ba bzhi bcom ldan 'das la blta ba'i slad du mchis lags sam/ bcom ldan 'das kyis bka' stsal pa/ mi mjed kyi bdag po tshangs pa'am lha'i dbang po brgya byin nam 'jig rten skyong ba bzhi nga la blta ba'i phyir 
'ongs pa ma yin no/ /bu mo gang gis lam khar me tog gis gtor ba de khyod kyis mthong ngam/ btsun pa mthong lags so/ /de ni nga la sems dga' ba bskyed nas shi ste/ sum cu rtsa gsum pa'i lha yul bzang por skyes nas de nga'i thad du 'ongs te/ ngas de la 
chos bstan nas bden pa mthong bar gyur te/ rang gi gnas su song ngo / /dge slong dag de bas na 'di ltar bslab par bya ste/ ston pa la bkur sti bya'o/ /bla mar bya'o/ /ri mor bya'o/ /mchod pa bya'o/ /ston pa la bkur sti byas/ bla mar byas/ ri mor 
byas/ mchod pa byas nas brten te gnas par bya'o zhes dge slong khyod kyis de ltar bslab par bya'o/ /bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do// //gang 
po la sogs pa'i rtogs pa brjod pa brgya pa bam po bcu gsum pa/ dpal ldan ma zhes bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams 
dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod 

</font><hr>75-1-146b<br><font size=+1>

pa byas te/ lha dang/ klu dang / gnod sbyin dang / lha ma yin dang / nam mkha' lding dang / mi'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang 
gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa rgyal po'i khab na 'od ma'i tshal bya ka lan da ka gnas pa na rten cing bzhugs so/ /de'i tshe rgyal po'i khab kyi grong khyer na rgyal po gzugs can 
snying po rgyal po byed de/ de'i ring la 'byor pa dang / rgyas pa dang / bde ba dang / lo legs pa dang / skye bo dang mi mang pos gang ba dang / rtsod pa dang / 'thab pa zhi ba dang / 'khrug pa dang / nang 'khrug dang / chom rkun dang / mu ge dang / nad rnams med 
pa dang / 'bras sA lu dang / bu ram shing dang / ba lang dang / ma he dang ldan par 'dug ste/ gnod pa med cing tsher ma dkrugs la bu gcig pa la bya ba bzhin du rgyal srid bskyangs so/ /de nas gang gi tshe rgyal po gzugs can snying pos bcom ldan 'das las bden pa mthong ba 
de'i tshe btsun mo'i 'khor dang bcas te/ dus gsum du bcom ldan 'das kyi thad du 'gro'o/ /de nas rgyal po gzugs can snying po phyi zhig na dpyid kyi dus la bab pa'i tshe/ shing ljon pa rnams me tog rgyas la ngang pa dang / khrung khrung dang / rma bya dang / ne tso dang / ri skegs 
dang / khu byug dang / shang shang te'u rnams skad 'byin pa'i nags khrod na/ skyed mos tshal gyi sar btsun mo dam pa dang btsun mo'i 'khor dang bcas te dong nas/ der btsun mo'i 'khor gyis rgyal po la gsol pa/ lha bdag cag ni gdugs gcig bzhin du bcom ldan 
'das kyi thad du mchi ba'i rngo mi thogs na/ lha btsun mo'i 'khor gyi nang 'dir de bzhin gshegs pa'i dbu skra dang sen mo'i mchod rten brtsigs te zhal bsro bar ci gnang / 'on kyang bdag cag gis de la rgyun du mar me dang / bdug pa dang / me tog dang / spos 

</font><hr>75-1-147a<br><font size=+1>

dang / me tog phreng dang / byug pa dang / gdugs dang / rgyal mtshan dang / ba dan dag gis bkur sti bgyi'o zhes gsol to/ /de nas re zhig na rgyal po gzugs can snying pos/ bcom ldan 'das la gsol pa/ bcom ldan 'das 
bdag la dbu skra dang sen mo stsal du gsol/ 'on tang bdag gis mchis brang 'khor du de bzhin gshegs pa'i mchod rten brtsigs te/ zhal bsro bar bgyi'o zhes gsol to/ /de nas re zhig na bcom ldan 'das kyis dbu skra dang sen mo byin nas rgyal po gzugs 
can snying po btsun mo'i 'khor dang bcas pas/ btsun mo'i 'khor gyi nang du bkur sti chen po dang ldan pas de bzhin gshegs pa'i dbu skra dang sen mo'i mchod rten brtsigs te zhal bsros nas/ de la btsun mo'i 'khor gyis mar me dang / bdug pa dang / me tog 
dang / spos dang / me tog phreng dang / byug pa dang / gdugs dang / rgyal mtshan dang / ba dan dag gis kyang mchod pa byed do/ /de nas gang gi tshe rgyal po ma skyes dgra lha sbyin gyis rbad de/ yab chos dang ldan pa chos bzhin du rgyal po byed pa bsad nas 
rang rgyal por zhugs pa de'i tshe bcom ldan 'das kyi bstan pa la sbyin par bya ba'i chos thams cad bcad da/ su yang de bzhin gshegs pa'i mchod rten la bkur sti ma byed cig ces khrims kyang bcas so/ /de nas gang gi tshe tshes bcwa lnga la skabs 'byed pa'i 
dus la bab pa de'i tshe dbu skra dang sen mo'i mchod rten de la su yang phyag dar byed pa'am/ mar me dang / bdug pa dang / me tog dbul ba med do/ /de nas btsun mo'i 'khor gyis dbu skra dang sen mo'i mchod rten de de lta bur gyur pa yang mthong / rgyal po 
gzugs can snying po yang dran nas/ snying rje rje skad du ngu zhing kyi hud chos dang ldan pa'i rgyal po dang bral bas bdag cag bsod nams las 'gribs so zhes 'dzer to/ /de'i nang nas btsun mo dpal ldan ma zhes bya ba des rang gi srog dang bsdos te/ sangs rgyas 

</font><hr>75-1-147b<br><font size=+1>

kyi yon tan rjes su dran nas/ dbu skra dang sen mo'i mchod rten la phyag dar byas te/ mar me'i phreng ba dngar to/ /de nas re zhig na rgyal po ma skyes dgra khang pa brtsegs pa'i steng du byung ste/ snang ba chen po de mthong nas 'di ci zhig ces dris pa dang / re zhig 
na gzhan zhig gis dpal ldan mas dbu skra dang sen mo'i mchod rten la mar me'i phreng ba dngar ba lags so zhes byas so/ /de nas dpal ldan ma bkug ste ci'i phyir khyod kyis rgyal po'i bka' bcag ces smras na/ de na re bdag gis khyod kyis bka' bcag tu lags 
kyang bdag gis chos dang ldan pa'i rgyal po gzugs can snying po'i bka' ma bcag go zhes zer ro/ /de nas de khros nas 'khor lo 'phangs te bsad do/ /de nas bcom ldan 'das la sems dga' bar gyur te shi nas sum cu rtsa gsum pa'i lha yul bzang por 
skyes so/ /de'i tshe lha mdun ma zhig kyang 'dus nas lha'i bu mo dpal ldan ma lha'i 'od kyi dkyil 'khor snang ba kho ra khor yug tu dpag tshad gcig yod pa dang ldan pa de lha'i 'dun sa'i nang du song ngo / /de nas lha'i dbang po brgya byin gyis snang ba chen po de dang 
lha'i 'od dpag tshad gcig pa mthong nas dris pa/ ci'i phyir khyod kyi lus mdog dag pa'i gser 'dra pad ma ud pal lta bur gyur/ /'di na lus dpal mtshungs med khyod kyi lus las 'od 'byung 'di dag ci las gyur/ /ci yi phyir na khyod kyi bzhin mdog 
pad ma rgyas 'dra gser mdog lta bur gyur/ /las rnams gang gis 'bras bu myong gyur 'di ni lha mo khyod kyis bdag la smros/ /lha mos smras pa/'jig rten gsum mgon 'gro ba'i sgron gcig po/ /mtshan mchog rnams kyis phyug pa'i sangs rgyas 
mthong / /smra mchog nyon mongs mun pa sel ba la/ /mun pa sel ba'i mar me yon tu phul/ /zla ba'i 'od zer mdog dang 'dra ba'i 'od/ /mthong nas thub la snying nas dad pa skyes/ /'od zer mthong nas dga' bar gyur pa yis/ /ston pa smra ba'i mchog la 

</font><hr>75-1-148a<br><font size=+1>

phyag kyang bgyis/ /las dge de 'dra byas pa'i phyir/ /bdag ni lhag par mngon tu mdzes/ /bzhin mdog pad ma zla ba ltar/ /rnam dag 'od ldan blta na sdug /brgya byin gyis smras pa/ kye ma yon tan nyid kyi zhing / /nyes pa 
thams cad rnam spangs pa/ /mtho ris sdug par skye ba'i phyir/ /de la khyod kyis sa bon btab/ /bzhin mdzes pad ma'i 'dab ma yangs pa 'dra ba'i mig ldan ma/ /bud med mchog rnams kyis ni gang la bkur sti byas pa yi/ /sangs rgyas pad ma rgyas pa'i 
'dab yangs 'dra ba'i spyan mnga' ba/ /gser mchog phung po lta bur mdangs dkar de la su mi mchod/ /lha'i bu'am lha'i bu mo skyes nas ring po ma lon pa ni chos nyid kyis sems rnam pa gsum skye bar 'gyur te/ gang nas shi 'phos gang du skyes las gang gis skyes 
snyam mo/ /de nas mi las shi 'phos pa dang sum cu rtsa gsum pa'i lha yul bzang por skyes pa dang / bcom ldan 'das la sems dga' bar gyur par des mthong ngo / /de nas lha'i bu mo dpal ldan ma 'di snyam du sems te/ bdag zhag lon nas gzod bcom 
ldan 'das la blta ba'i phyir 'gro ba ni bdag gi cha ma yin gyis/ bdag zhag ma lon par bcom ldan 'das la blta ba'i phyir 'gro'o snyam mo/ /de nas lha'i bu mo dpal ldan ma lha'i 'od kyi snang bas gang ba des de nyid kyi mtshan mo lha'i me tog ud pal dang / pad ma 
dang / ku mu da dang / pad ma dkar po dang / man dA ra rnams kyis thu ba bkang ste/ rgyal po'i khab bya ka lan da ka gnas pa thams cad 'od chen pos snang bar byas nas/ bcom ldan 'das la me tog gis gtor te/ chos mnyan pa'i phyir bcom ldan 'das kyi 
spyan sngar 'dug go/ /de nas bcom ldan 'das kyis lha'i bu mo dpal ldan ma'i bsam pa dang bag la nyal dang khams dang rang bzhin thugs su chud nas/ 'phags pa'i bden pa bzhi rtogs par gyur pa de lta bu'i chos bstan te/ de thos nas lha'i bu mo dpal ldan mas 

</font><hr>75-1-148b<br><font size=+1>

'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu thob ste/ des bden pa mthong nas dga' ba'i tshig lan gsum brjod de/ btsun pa bcom ldan 'das kyis bdag gi khrag dang mchi ma'i rgya mtsho 
bskams pa dang / rus pa'i la bsgral ba dang / ngan song gi sgo rnams bcad pa dang mtho ris dang thar pa'i sgo rnams phye ba dang / bdag lha dang mi rnams kyi nang du bzhag pa 'di lta bu ni bdag la phas kyang ma bgyis/ mas kyang ma bgyis/ rgyal pos kyang ma 
bgyis/ lha rnams kyis kyang ma bgyis/ nang mi dang gnyen gyi tshogs rnams kyis kyang ma bgyis/ sngon gyi mtshun rnams kyis kyang ma bgyis/ dge sbyong dang bram ze rnams kyis kyang ma bgyis lags so/ /yang smras pa/ nyes pa mang por ldan 
pa'i ngan song lam/ /shin tu mi bzad khyod kyi mthu yis bcad/ /bsod nams rab ldan mtho ris 'gro ba phye/ /mya ngan 'das pa'i lam yang bdag gis thob/ bdag gis de ring nyes pa spangs pa'i mig /shin tu rnam dag khyod las brten nas thob/ /
bdag ni sdug bsngal rgya mtsho pha rol rgal/ /'phags pa dgyes pa'i zhi ba'i go 'phang 'thob/ /mi mchog dbang po mi dang lhas mchod pa/ /skye dang rga dang 'chi ba'i nad spangs pa/ /srid pa stong du mthong bar dka' ba yi/ /thub pa khyod ni deng mthong 'bras 
bu yod/ /de nas do shal 'phyang ba dga' gyur te/ /btud cing zhabs gnyis la ni phyag 'tshal nas/ /dgra thub la ni bskor ba byas nas kyang / /lha yi 'jig rten kha bltas lha yul song / /de nas lha'i bu mo dpal ldan ma/ tshong pa khe spogs phyin pa dang / 
zhing pa 'bru rgyal bar gyur pa dang / /dpa' bo g.yul las rgyal ba dang / /nad pa nad thams cad las thar ba bzhin du 'byor pa gang gis bcom ldan 'das kyi thad du 'ongs pa'i 'byor pa de nyid kyis rang gi gnas su song ngo / /dge slong dag ni srod dang tho ras 

</font><hr>75-1-149a<br><font size=+1>

mi nyal bar brtson pa lhur byed pa la gnas te/ de dag gis bcom ldan 'das kyi thad du snang ba chen po byung ba mthong ngo / /mthong nas kyang the tshom skyes te the tshom thams cad gcod pa sangs rgyas bcom ldan 'das la zhus pa/ bcom ldan 'das ci 
lags mdang sum mi mjed kyi bdag po tshangs pa'am/ lha'i dbang po brgya byin nam/ 'jig rten skyong ba bzhi bcom ldan 'das la blta ba'i slad du mchis lags sam/ bcom ldan 'das kyis bka' stsal pa/ dge slong dag mi mjed kyi bdag po tshangs pa'am lha'i 
dbang po brgya byin nam 'jig rten skyong ba bzhi nga la blta ba'i phyir 'ongs pa ma yin gyi/ rgyal po gzugs can snying po'i btsun mo dpal ldan ma zhes bya bas rang gi srog dang bsdos te/ sangs rgyas kyi yon tan rjes su dran nas de bzhin gshegs pa'i dbu skra dang sen mo'i 
mchod rten la mar me'i phreng ba dngar nas/ rgyal po ma skyes dgra khros pas bsad de/ de nga la dga' ba'i sems bskyed nas shi ste sum cu rtsa gsum pa'i lha yul bzang por skyes nas/ deng mdang sum nga'i thad du 'ongs te/ ngas de la chos bstan nas bden pa 
mthong bar gyur te rang gi gnas su song ngo / /dge slong dag de bas na 'di ltar bslab par bya ste/ /ston pa la bkur sti bya'o/ /bla mar bya'o/ /ri mor bya'o/ /mchod pa bya'o/ /ston pa la bkur sti byas/ /bla mar byas/ /ri mor byas/ /mchod pa byas nas 
brten te gnas par bya'o zhes dge slong khyod kyis de ltar bslab par bya'o/ /bcom ldan 'das kyis de skad ces bka' stsal nas/ dge slong de dag yi rangs te bcom ldan 'das kyis gsungs pa la mngon par bstod do// //gos zhes bya ba ni/ 
sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin 

</font><hr>75-1-149b<br><font size=+1>

rnams dang / nam mkha' lding rnams dang / mi'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi'am ci dang / lto 'phye chen 
po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa 
mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ /de nas gang gi tshe khyim bdag mgon med zas sbyin gyis/ sangs rgyas la sogs pa dge slong gi dge 'dun la rgyal bu rgyal byed kyi tshal phul te/ 
mthar gyis gser srang bye ba phrag brgya bcom ldan 'das kyi bstan pa la phul ba de'i tshe de'i blo skyes pa ma la bdag sbyin pa dag sbyin zhing bsod nams dag byed pa 'di lta la ngo mtshar che ba ci yod kyis/ bdag gis skye bo dbul po rnams la phan gdags pa'i phyir mnyan 
du yod pa na gnas pa'i skye bo rnams dad pa bsdus te/ bcom ldan 'das nyan thos kyi dge 'dun dang bcas pa la bsnyen bkur bya'o/ /de ltar byas pa dang bdag gis skye bo mang po la yang phan gdags par gyur la/ bsod nams mang po yang bskyed par 
'gyur ro snyam mo/ /de nas khyim bdag mgon med zas sbyin gyis ji ltar bsams pa de/ rgyal po la gsol nas/ rgyal pos kyang mnyan du yod pa thams cad du dril bsgrags te/ mnyan du yod pa na gnas pa'i pho brang 'khor gyi mi khyed rnams nyon cig /
deng nas zhag bdun na khyim bdag mgon med zas sbyin gyis/ de bzhin gshegs pa'i nyan thos rnams kyi phyir glang po che la zhon te/ dad pa sdud par 'dod kyis khyed gang gis ji tsam yongs su gtang bar bya ba de yongs su gtang bar gyis shig ces bsgo'o/ /de 

</font><hr>75-1-150a<br><font size=+1>

nas re zhig na zhag bdun lon pa dang khyim bdag mgon med zas sbyin glang po che la zhon te/ de bzhin gshegs pa'i nyan thos rnams kyi phyir dad pa sdud pa la zhugs te/ der gang dag la ji tsam bdog pa de dag de tsam sbyin par byed de/ kha cig ni 
mgul gyi se mo do sbyin par byed/ kha cig ni gdu bu sbyin par byed/ kha cig ni dpung rgyan sbyin par byed/ kha cig ni gser gyi phreng ba sbyin par byed/ kha cig ni sor gdub kyi rgyan sbyin par byed/ kha cig ni mu tig gi do shal sbyin par byed/ kha cig ni gser sbyin 
par byed/ kha cig ni dngul sbyin par byed/ kha cig ni tha na zho'i brgyad cha tsam yang sbyin par byed do/ /khyim bdag de yang gzhan la phan gdags pa'i phyir len par byed do/ /de nas re zhig na bud med shin tu dbul mo zhig gis sha thang ste/ zla ba gsum gyis ras yug 
cig rnyed nas des ras de gyon te srang du zhugs pa dang / des khyim bdag mgon med zas sbyin dung 'bud cing rnga zlum brdung bzhin du rgyang nas 'ongs pa mthong nas des dge bsnyen zhig la dris pa ji ste/ khyim bdag 'di phyug cing nor mang la longs spyod che ste/ gter sa'i 
'og tu sbas pa rnams kyang mthong na/ ci'i phyir 'di gzhan gyi khyim nas slong zhing skor bar byed ces byas pa dang / dge bsnyen de na re gzhan la phan gdags pa'i phyir te gang dag bcom ldan 'das nyan thos kyi dge 'dun dang bcas pa/ bshos gsol mi nus pa de dag 
gi don du phan 'dogs par byed de/ ci nas mang po bsdongs te bcom ldan 'das la dbul du 'jug go zhes zer ro/ /de nas bu mo de'i blo skyes pa/ 'o na bdag ni bsod nams ma byas pa yin la/ bdag gcig pus bcom ldan 'das nyan thos kyi dge 'dun dang 
bcas pa bshos gsol ba'i mthu bdag la med kyis/ bdag gis 'di la cung zad dbul bar bya gor ma chag snyam mo/ /de nas bdag nyid la ci bdog ces bltas na ras yug gcig ma gtogs pa gzhan ci yang ma mthong ste/ /des bsams pa gal te bdag 'di 

</font><hr>75-1-150b<br><font size=+1>

na 'dug bzhin du ras 'di phul na ni bdag gcer bur 'byung gis bdag khang thog tu song la ras dor ro snyam mo/ /de nas de khang thog tu song nas rang gi lus las ras phud de/ khyim bdag mgon med zas sbyin gyi steng du bor ba dang / khyim bdag des kyang 'phrigs te/ 'dis khang 
thog nas bor ba las na/ 'di la nor de las med gor ma chag snyam nas rang gi g.yog rnams la bsgo ba/ khyed dong la ras 'di sus bor ba ltos shig ces byas nas/ de dag gis bltas pa dang re zhig na bu mo de tsog tsog por 'dug pa mthong ngo / /de nas de dag gis 
dris pa dang / de nas bcom ldan 'das kyi yon tan brjod pa bdag gis thos nas dbul ba'i 'jigs pas skrag ste bdag gis gos rnyed pa de de bzhin gshegs pa la sogs pa dge slong gi dge 'dun la phul lo zhes zer ro/ /de nas de dag gis khyim bdag 
mgon med zas sbyin la byas so/ /de nas khyim bdag mgon med zas sbyin mchog tu ngo mtshar du gyur nas/ bu mo de la gos dang rgyan rnam pa sna tshogs bskon to/ /de nas de tshe thung ste shi nas sum cu rtsa gsum pa'i lha yul bzang por skyes te/ skyes ma thag tu lha'i bu 
dang lha'i bu mo gzhan su la yang med pa de lta bu'i gos dag de la byung ngo / /lha'i bu'am lha'i bu mo skyes nas ring po ma lon pa ni chos nyid kyis sems rnam pa gsum skye bar 'gyur te/ gang nas shi 'phos gang du skyes las gang gis skyes snyam mo/ /de nas mi las shi 
'phos pa dang sum cu rtsa gsum pa'i lha yul bzang por skyes pa dang bcom ldan 'das la ras phul bar des mthong ngo / /de nas sngon ras 'bul 'bul ba'i lha'i bu mo rna cha gdub kor dag cing 'gul ba thogs pa/ lus do shal dang se mo dos brgyan pa/ nor bu rin po che 
sna tshogs kyis brgyan pa'i cod pan can/ lus gur gum dang ta ma la'i lo ma dang spr-i ka la sogs pas byugs pa des/ de nyid kyi mtshan mo lha'i me tog ud pa la dang / pad ma dang / ku mu da dang / pad ma dkar po dang / man da ra rnams kyis thu ba bkang ste/ rgyal 

</font><hr>75-1-151a<br><font size=+1>

bu rgyal byed kyi tshal thams cad 'od chen pos snang bar byas nas/ bcom ldan 'das la me tog gis gtor te/ chos mnyan pa'i phyir bcom ldan 'das kyi spyan sngar 'dug go/ /de nas bcom ldan 'das kyis sngon ras 'bul 'bul ba'i lha'i bu mo'i bsam 
pa dang bag la nyal dang khams dang rang bzhin thugs su chud nas/ 'phags pa'i bden pa bzhi rtogs par 'gyur ba de lta bu'i chos bstan te/ de thos nas sngon ras 'bul 'bul ba'i lha'i bu mos 'jig tshogs la lta ba'i ri'i rtse mo mthon po nyi shu ye shes rdo rjes bcom 
nas rgyun du zhugs pa'i 'bras bu thob ste/ des bden pa mthong nas dga' ba'i tshig lan gsum du brjod de/ btsun pa bcom ldan 'das kyis bdag gi khrag dang mchi ma'i rgya mtsho bskams pa dang / rus pa'i la bsgral ba dang / ngan song gi sgo rnams 
bcad pa dang / mtho ris dang thar pa'i sgo rnams phye ba dang / bdag lha dang mi rnams kyi nang du bzhag pa 'di lta bu ni bdag la phas kyang ma bgyis/ mas kyang ma bgyis/ rgyal pos kyang ma bgyis/ lha rnams kyis kyang ma bgyis/ nang mi dang gnyen 
gyi tshogs kyis kyang ma bgyis/ sngon gyi mtshun rnams kyis kyang ma bgyis/ /dge sbyong dang bram ze rnams kyis kyang ma bgyis lags so/ /yang smras pa/ nyes pa mang por ldan pa'i ngan song lam/ /shin tu mi bzad khyod kyi mthu yis bcad/ /bsod nams 
rab ldan mtho ris 'gro ba phye/ /mya ngan 'das pa'i lam yang bdag gis thob/ /bdag gis de ring nyes pa spangs pa'i mig /shin tu rnam dag khyod las brten nas thob/ /bdag ni sdug bsngal rgya mtsho'i pha rol rgal/ /'phags pa dgyes pa zhi ba'i go 'phang thob/ /
mi mchog dbang po mi dang lhas mchod pa/ /skye dang rga dang 'chi ba'i nad spangs pa/ /srid pa stong du mthong bar dka' ba yi/ /thub pa khyod ni deng mthong 'bras bu yod/ /de nas do shal 'phyang ba dga' gyur te/ /btud cing zhabs gnyis la ni phyag 'tshal nas/ /

</font><hr>75-1-151b<br><font size=+1>

dgra thub la ni bskor ba byas nas kyang / /lha yi 'jig rten kha bltas lha yul song / /de nas sngon ras 'bul 'bul ba'i lha'i bu mo de tshong pa khe spogs phyin pa dang / zhing pa 'bru rgyal bar gyur pa dang / dpa' bo g.yul las rgyal ba dang / nad pa nad thams cad las thar 
ba bzhin du 'byor pa gang gis/ bcom ldan 'das kyi thad du 'ongs pa'i 'byor pa de nyid kyis rang gi gnas su song ngo / /dge slong dag ni srod dang tho ras mi nyal bar brtson pa lhur byed pa la gnas te/ de dag gis bcom ldan 'das kyi thad du snang ba chen po byung ba mthong ngo / /
mthong nas kyang the tshom skyes te the tshom thams cad gcod pa sangs rgyas bcom ldan 'das la zhus pa/ bcom ldan 'das ci lags mdang sum mi mjed kyi bdag po tshangs pa'am lha'i dbang po brgya byin nam 'jig rten skyong ba bzhi bcom ldan 'das la blta ba'i slad du mchis lags sam/ bcom 
ldan 'das kyis bka' stsal pa/ dge slong dag mi mjed kyi bdag po tshangs pa'am/ lha'i dbang po brgya byin nam 'jig rten skyong ba bzhi nga la blta ba'i phyir 'ongs pa ma yin gyi/ ras 'bul 'bul ba'i bud med de khyim bdag mgon med zas sbyin dad pa sdud 
par byed pa la ras phul nas shi ste/ sum cu rtsa gsum pa'i lha yul bzang por skyes nas/ de mdang sum nga'i thad du 'ongs te ngas de la chos bstan nas/ bden pa mthong bar gyur te rang gi gnas su song ngo / /dge slong dag de bas na 'di ltar bslab par bya ste/ 
sangs rgyas dang chos dang dge 'dun rnams la bkur sti bya'i bkur sti med par mi bya'o zhes dge slong dag khyed kyis de ltar bslab par bya'o/ /bcom ldan 'das kyis de skad ces bka' stsal nas dge slong de dag yi rangs te bcom ldan 'das kyis gsungs pa la mngon par 
bstod do// //ne tso zhes bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams 

</font><hr>75-1-152a<br><font size=+1>

dang / gnod sbyin rnams dang / lha ma yin rnams dang / nam mkha' lding rnams dang / mi'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / 
lha ma yin dang / nam mkha' lding dang / mi'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong 
rnams brnyes pa/ nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ /de'i tshe rgyal po'i khab kyi grong khyer na rgyal po gzugs can snying po rgyal po byed de/ de'i ring la 'byor pa dang / 
rgyas pa dang / bde ba dang / lo legs pa dang / skye bo dang mi mang pos gang ba dang / rtsod pa dang / 'thab pa zhi ba dang / 'khrug pa dang / nang 'khrug dang / chom rkun dang / mu ge dang / nad rnams med pa dang / 'bras sA lu dang / bu ram shing dang / ba lang 
dang / ma he dang ldan par 'dug ste/ gnod pa med cing tsher ma dkrugs la/ bu gcig pa la bya ba bzhin du rgyal srid bskyangs so/ /rgyal po de yang dad pa dang ldan la dge zhing bsam pa bzang ba bdag la phan pa dang gzhan la phan pa la zhugs te/ snying rje che ba/ bdag nyid 
che ba/ chos 'dod pa/ skye dgu la byams pa zhig go/ /de nas re zhig na bcom ldan 'das mthong bar smon te/ lag pa la rkom tshugs bcas nas sems khong du chud cing 'dug go/ /de nas blon po rnams kyis smras pa/lha ci'i slad du thugs ngan mdzad/ rgyal pos 
smras pa/ ngas bcom ldan 'das ring zhig ma mthong ngo / /ngas bde bar gshegs pa ring zhig ma mthong ngo / /da ni bcom ldan 'das mthong bar 'dod do/ /de nas bcom ldan 'das nyin par gnas pa la zhugs pas/ lha'i snyan rnam par dag pa mi las 'das pas rgyal po 

</font><hr>75-1-152b<br><font size=+1>

gzugs can snying po smon pa gsan to/ /de'i skabs su sangs rgyas bcom ldan 'das rnams kyis ni mi mkhyen pa'am mi gzigs pa'am mi rtogs pa'am thugs su mi chud pa ci yang med la/ sangs rgyas bcom ldan 'das thugs rje chen po dang ldan pa/ 'jig rten la 
phan 'dogs pa la zhugs pa/ srung ba gcig pa dang ldan pa/ gcig tu dpa' ba/ zla med pa/ gnyis su mi gsung ba/ zhi gnas dang lhag mthong la gnas pa/ rig pa gsum snang bar mdzad pa/ bslab pa gsum la legs par bslabs pa/ 'dul 
ba'i gzhi gsum la mkhas pa/ /chu bo bzhi las rgal ba/ rdzu 'phrul gyi rkang pa bzhi'i zhabs kyi mthil shin tu brtan pa/ bsdu ba'i dngos po bzhi la yun ring po nas 'dris par byas pa dang / mi 'jigs pa bzhis mi 'jigs pa/ khyu mchog gi yang dag pa'i 
seng ge'i sgra chen po sgrogs pa/ yan lag lnga rnams par spangs pa/ 'gro ba lnga las yang dag par 'das pa/ yan lag drug dang ldan pa/ pha rol tu phyin pa drug yongs su rdzogs pa/ rtag tu gnas par bya ba drug la gnas pa/ byang chub kyi yan lag bdun gyi 
me tog gis phyug pa/ lam yan lag brgyad pa ston pa/ mthar gyis gnas pa'i snyoms par 'jug pa dgu la gnas pa/ /stobs bcu'i stobs dang ldan pa/ phyogs bcur grags pas kun tu rgyas pa/ brgya phrag bcu pa la dbang byed pa bas kyang ches khyad 
par du 'phags pa rnams ni chos nyid kyis nyin dus gsum mtshan dus gsum du sangs rgyas kyi spyan gyis 'jig rten la gzigs te/su ni rgud/ su ni dar/ su ni phongs shing 'dug /su ni nyam nga bar gyur/ su ni gnod pa dang ldan/ su ni phongs pa dang nyam nga ba dang 
gnod pa dang ldan/ su ni ngan song du gzhol/ su ni ngan song du 'bab/ su ni ngan song du bab/ su ni ngas ngan song nas phyung ste/ mtho ris dang thar pa dang 'bras bu la gzhag par bya/ su ni 'dod pa'i 'dam du bying ba las lag nas drang bar bya/ su ni 'phags pa'i 

</font><hr>75-1-153a<br><font size=+1>

nor bdun med pa las/ 'phags pa'i nor bdun gyi dbang phyug la dbang byed du gzhug par bya/ su ni dge ba'i rtsa ba rnams ma bskyed pa las bskyed par bya/ su ni dge ba'i rtsa ba rnams bskyed zin pa las yongs su smin par bya/ su ni yongs su smin zin pa las rnam par 
grol bar bya snyam du ye shes gzigs pa 'jug go/ /'dir smras pa/ rgya mtsho chu srin rnams kyi gnas/ /dus rlabs yol bar 'gyur yang srid/ /gdul bar bya ba'i sras rnams la/ /sangs rgyas dus las yol ba med/ /de nas bcom ldan 'das rgyal po gzugs can 
snying po la phan gdags pa'i phyir/ dbyar zla ba gsum 'das nas chos gos mdzad de chos gos zin nas chos gos gsol te lhung bzed bsnams nas ljongs rgyu zhing mthar gyis gshegs pa las nags khrod cig tu byon pa dang / nags khrod de na ne tso mi skad shes pa zhig 
gnas te/ des bcom ldan 'das thag ring po zhig nas mthong ngo / /de nas shin tu rings par song ste/ bcom ldan 'das la gsol pa/ bcom ldan 'das tshur gshegs/ bcom ldan 'das gshegs pa legs so legs so/ /bdag la phan gdags su 
gsol/ nags khrod 'di kho nar gshegs dgongs gdab par gsol zhes byas so/ /de nas bcom ldan 'das ne tso de la phan gdags pa'i phyir shing gang la ne tso gnas pa de'i drung du rtswa'i gdan bting nas skyil mo krung bcas te bzhugs so/ /nyan thos chen po rnams 
ni shing gzhan dag gi drung du 'khod do/ /de nas ne tsos bcom ldan 'das dang nyan thos rnams la mi'am/ mi ma yin pa'am/ gnod sbyin nam/ srin po'am/ ri dgas sam gcan gzan gnod pa byed du dogs te/ mtshan thog thag nags khrod de na phan tshun skor 
bar byed do/ /de nas nam langs pa dang / bcom ldan 'das la lan gsum bskor ba byas nas bzod pa gsol te/ bcom ldan 'das bdag ni dud 'gro'i skye gnas su skyes pa lags pas/ bdag la bcom ldan 'das mchod pa'i rgyu ci yang ma mchis na bzod pa 

</font><hr>75-1-153b<br><font size=+1>

mdzad du gsol/ /de lta lags kyis kyang bdag sngon du mchis te/ rgyal po gzugs can snying po la bcom ldan 'das gshegs so zhes sbran par 'tshal lo/ /bcom ldan 'das kyis bka' stsal pa/ de ltar gyis shig /de nas re zhig na de bcom ldan 'das kyi sngon du 
chas te mthar gyis rgyal po'i thad du phyin to/ /de'i tshe rgyal po gzugs can snying po ni khang bzangs kyi steng na bud med 'ba' zhig dang sil snyan gyis rtse zhing dga' la dga' mgur spyod do/ /de nas ne tso mi skad shes pa des rgyal po la smras pa/ kye rgyal po khyod mkhyen par mdzod 
cig /bcom ldan 'das nyan thos kyi dge 'dun dang bcas pa khyod kyi yul du gshegs lags kyis/ lha khyod kyis bshos sta gon mdzad pa'i rigs so zhes byas so/ /de nas rgyal po shin tu rings par khang bzangs kyi steng nas babs te/ blon po chen po'i 
tshogs kyis zhabs 'bring byas te/ bcom ldan 'das kyi gdan rnams bshams nas gdugs dang / rgyal mtshan dang / ba dan rnams dang / bdug pa dang / spos dang / me tog rnam pa sna tshogs kyis bcom ldan 'das bsu'o/ /de nas bcom ldan 'das nyan 
thos kyi dge 'dun dang bcas pa/ bkur sti chen po dang ldan pas nang du spyan drangs nas zhal zas bzang pos tshim par byas so/ /de nas ne tso de 'di snyam du sems te/ bcom ldan 'das kyi nyan thos kyi dge 'dun gyi 'byor pa 'di dag thams cad ni bdag gi yon tan yin no snyam du 
rig nas dga' zhing mgu la yi rangs te/ rab tu dga' zhing dga' ba dang yid bde ba skyes nas rgyal po'i mdun logs su phan tshun du lding ba las khras khyer te bsad do/ /bcom ldan 'das la sems dga' ba bskyed de shi bas ni sum cu rtsa gsum pa'i lha yul bzang por skyes so/ /
lha'i bu'am lha'i bu mo skyes nas ring po ma lon pa ni chos nyid kyis sems rnam pa gsum skye bar 'gyur te/ gang nas shi 'phos/ gang du skyes/ las gang gis skyes snyam mo/ /de nas dud 'gro las shi 'phos pa dang sum cu rtsa gsum pa'i lha yul bzang por skyes pa dang 

</font><hr>75-1-154a<br><font size=+1>

bcom ldan 'das la sems dga' bar gyur pa des mthong ngo / /de nas sngon ne tsor gyur pa lha'i bu 'di snyam du sems te/ bdag zhag lon nas gzod bcom ldan 'das blta ba'i phyir 'gro ba ni/ bdag gi cha ma yin gyis bdag zhag ma lon par bcom ldan 'das 
la blta ba'i phyir 'gro'o snyam mo/ /de nas sngon ne tsor gyur pa lha'i bu rna cha gdub kor dag cing 'gul ba thogs pa/ lus do shal dang se mo dos brgyan pa/ nor bu rin po che sna tshogs kyis brgyan pa'i cod pan can lus gur gum dang ta ma la'i lo ma dang spr-i ka la sogs pas 
byugs pa des/ de nyid kyi mtshan mo lha'i me tog ud pa la dang / pad ma dang / ku mu da dang / pad ma dkar po dang / man da ra rnams kyis thu ba bkang ste/ rgyal bu rgyal byed kyi tshal thams cad 'od chen pos snang bar byas nas/ bcom ldan 'das la me tog gis gtor 
te chos mnyan pa'i phyir bcom ldan 'das kyi spyan sngar 'dug go/ /de nas bcom ldan 'das kyis sngon ne tsor gyur pa'i lha'i bu'i bsam pa dang bag la nyal dang khams dang rang bzhin thugs su chud nas 'phags pa'i bden pa bzhi rtogs par 'gyur ba de lta bu'i chos bstan te/ de thos 
nas sngon ne tsor gyur pa'i lha'i bus 'jig tshogs la lta ba'i ri'i rtse mo mthon po nyi shu ye shes rdo rjes bcom nas rgyun du zhugs pa'i 'bras bu thob ste/ des bden pa mthong nas/ dga' ba'i tshig lan gsum brjod de/ btsun pa bcom ldan 'das kyis bdag gi khrag dang 
mchi ma'i rgya mtsho bskams pa dang / rus pa'i la bsgral ba dang / ngan song gi sgo rnams bcad pa dang / mtho ris dang thar pa'i sgo rnams phye ba dang / bdag lha dang mi rnams kyi nang du bzhag pa 'di lta bu ni bdag la phas kyang ma bgyis/ mas kyang ma bgyis/ rgyal 
pos kyang ma bgyis/ lha rnams kyis kyang ma bgyis/ nang mi dang gnyen gyi tshogs rnams kyis kyang ma bgyis/ sngon gyi mtshun rnams kyis kyang ma bgyis/ dge sbyong dang bram ze rnams kyis kyang ma bgyis lags so/ /yang smras pa/ nyes pa mang por ldan pa'i 

</font><hr>75-1-154b<br><font size=+1>

ngan song lam/ /shin tu mi bzad khyod kyis mthu yis bcad/ /bsod nams rab ldan mtho ris 'gro ba phye/ /mya ngan 'das pa'i lam yang bdag gis thob/ /bdag gis de ring nyes pa spangs pa'i mig /shin tu rnam dag khyod las brten nas thob/ /bdag ni sdug 
bsngal rgya mtsho pha rol rgal/ /'phags pa dgyes pa zhi ba'i go 'phang thob/ /mi mchog dbang po mi dang lhas mchod pa/ /skye dang rga dang 'chi ba'i nad spangs pa/ /srid pa stong du mthong bar dka' ba yi/ /thub pa khyod ni deng mthong 'bras bu yod/ /de nas do shal 'phyang 
ba dga' gyur te/ /btud cing zhabs gnyis la ni phyag 'tshal nas/ /dgra thub la ni bskor ba byas nas kyang / /lha yi 'jig rten kha bltas lha yul song / /de nas sngon ne tsor gyur pa'i lha'i bu de tshong pa khe spogs phyin pa dang / zhing pa 'bru rgyal bar gyur pa dang / dpa' 
bo g.yul las rgyal ba dang / nad pa nad thams cad las thar ba bzhin du 'byor pa gang gis/ bcom ldan 'das kyi thad du 'ongs pa'i 'byor pa de nyid kyis rang gi gnas su song ngo / /dge slong dag ni srod dang tho ras mi nyal bar brtson pa lhur byed pa la gnas te/ de 
dag gis bcom ldan 'das kyi thad du snang ba chen po byung ba mthong ngo / /mthong nas kyang the tshom skyes te the tshom thams cad gcod pa sangs rgyas bcom ldan 'das la zhus pa/ bcom ldan 'das ci lags/ mdang sum mi mjed kyi bdag po tshangs pa'am/ lha'i 
dbang po brgya byin nam 'jig rten skyong ba bzhi bcom ldan 'das la blta ba'i slad du mchis lags sam/ bcom ldan 'das kyis bka' stsal pa/ dge slong dag mi mjed kyi bdag po tshangs pa'am lha'i dbang po brgya byin nam 'jig rten skyong ba bzhi nga la blta ba'i phyir 
'ongs pa ma yin no/ /ne tso gang gis nga nags khrod der nub mo'i dgongs mal la spyan drangs pa de khyod kyis mthong ngam/ dge slong rnams kyis gsol pa/ bcom ldan 'das mthong lags so/ /bcom ldan 'das kyis bka' stsal pa/ dge slong dag ne tso de nyid 

</font><hr>75-1-155a<br><font size=+1>

shi nas sum cu rtsa gsum pa'i lha yul bzang por skyes pa de yin no/ /dge slong rnams kyis gsol pa/ btsun pa sngon ne tsor gyur pa'i lha'i bus las gang dag bgyis na/ des ne tsor skyes lags/ las gang dag bgyis na des lha'i nang du skyes te bden pa 
mthong bar gyur lags/ bcom ldan 'das kyis bka' stsal pa/ sngon ne tsor gyur pa'i lha'i bus tshogs rnyed cing rkyen grub pa dang ldan te/ dba' rgal bzhin du byung la gdon mi za bar 'ong ba'i las de dag byas shing bsags pas na/ sngon ne tsor gyur pa'i lha'i bus las 
byas shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 
'gyur te/ las dge ba dang mi dge ba byas shing bsags pa rnams ni/ zin pa'i phung po dang khams dang skye mched rnams 'ba' zhig la rnam par smin par 'gyur ro/ /lus can dag gi las rnams ni/ /bskal pa brgyar yang chud mi za/ /tshogs shing dus la bab pa na/ /
'bras bu nyid du smin par 'gyur/ /dge slong dag sngon byung ba 'das pa'i dus na/ bskal pa bzang po 'di nyid la skye dgu'i tshe lo nyi khri thub pa na/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar 
gshegs pa/ 'jig rten mkhyen pa skyes bu gdul bya'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das 'od srung zhes bya ba 'jig rten du byung ste/ de grong khyer bA rA Na sI na rten cing bzhugs so/ /de nas re zhig na de na dge 
bsnyen cig 'dug pa des bslab pa lhod par byas te las de'i rnam par smin pas ni ne tsor skyes so/ /nga la sems dga' bar byas pa des ni lhar skyes so/ /des bslab pa'i gzhi lhag ma rnams bsrungs pa des ni bden pa mthong bar gyur to/ /dge slong dag de ltar na las 

</font><hr>75-1-155b<br><font size=+1>

gcig tu nges par gnag pa rnams ni rnam par smin pa yang gcig tu nges par gnag par 'gyur ro/ /las gcig tu nges par dkar ba rnams ni rnam par smin pa yang gcig tu nges par dkar bar 'gyur ro/ /las 'dren ma rnams ni rnam par smin pa yang 'dren mar 
'gyur ro/ /dge slong dag de bas na las gcig tu nges par gnag pa rnams dang las 'dren ma rnams spangs la las gcig tu nges par dkar ba rnams 'ba' zhig la gtad par bya ste/ dge slong dag khyod kyis de ltar bslab par bya'o/ /bcom ldan 'das kyis de 
skad ces bka' stsal nas/ dge slong de dag yi rangs te bcom ldan 'das kyis gsungs pa la mngon par bstod do// //pho nya zhes bya ba ni/ sangs rgyas bcom ldan 'das la rgyal po rnams dang / blon po chen po rnams dang phyug po rnams dang / pho 
brang 'khor kyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi'am ci rnams dang / lto 'phye chen po rnams kyis 
bkur sti byas/ bla mar byas/ ri mor byas/ mchod pa byas te/ lha dang klu dang / gnod sbyin dang / lha ma yin dang / nam mkha' lding dang / mi'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams 
chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa rgyal po'i khab na 'od ma'i tshal bya ka lan da ka gnas par dbyar gnas par 
dam bcas so/ /de nas khyim bdag mgon med zas sbyin ko sa la'i rgyal po gsal rgyal ga la ba der song ste phyin nas rgyal po la rgyal bar gyur cig /sku tshe ring bar shog shig ces bstod nas gsol ba btab pa/ lha mkhyen par mdzad du gsol/ bdag 

</font><hr>75-1-156a<br><font size=+1>

gis bcom ldan 'das yun ring mo zhig tu ma mthong ste/ bdag ni bcom ldan 'das mthong bar 'tshal bas skom lags so/ /bdag ni bcom ldan 'das mthong bar 'tshal lo zhes byas so/ /de nas rgyal pos khyim bdag mgon med zas sbyin la smras 
pa/ khyim bdag bcom ldan 'das de da ltar gang du dbyar gnas par bzhed pa khyod kyis ci thos/ mgon med zas sbyin gyis smras pa/ lha bdag gis bcom ldan 'das rgyal po'i khab tu dbyar gnas par dam bzhes so zhes thos lags so/ /de nas ko sa la'i rgyal po 
gsal rgyal dang / khyim bdag mgon med zas sbyin la sogs pa pho brang 'khor gyi mi dang yul mi dang blon po rnams kyis mi zhig pho nyar bkug ste/ kye mi khyod tshur shog /bcom ldan 'das ga la ba der song la/ der phyin nas bcom ldan 'das kyi zhabs la mgo bos 
phyag 'tshol la/ bdag cag gi mchid nas/ bcom ldan 'das gnod pa chung ngam/ nyam nga ba nyung ngam/ bskyod pa yang ngam/ 'tsho 'am/ stobs dang ldan nam/ bde ba dang ldan nam/ mi bde ba mi mnga' 'am/bde ba la reg par gnas sam zhes gsol la/ 
'di skad du btsun pa ko sa la'i rgyal po dang mnyan du yod pa na gnas pa pho brang 'khor gyi mi rnams bcom ldan 'das kyi zhal mthong bar 'tshal te/ bdag cag gis bcom ldan 'das yun ring mo zhig tu ma mthong bas/ bdag cag ni bcom ldan 'das mthong bar 'tshal 
bas skom lags so/ /bdag cag ni bcom ldan 'das mthong bar 'tshal na thugs brtse ba'i slad du/ bcom ldan 'das mnyan du yod par gshegs su gsol zhes mchi'o zhes gsol cig ces bsgo'o/ /de nas mi des ko sa la'i rgyal po gsal rgyal dang / blon 
po dang / pho brang 'khor kyi mi dang / yul mi rnams kyis bsgo ba bzhin du mnyan te/ rgyal po'i khab tu song nas/ mthar gyis song song ba las rgyal po'i khab kyi grong khyer du phyin to/ /de nas rgyal po'i khab kyi grong khyer thams cad du bltas nas bcom ldan 'das ga la 

</font><hr>75-1-156b<br><font size=+1>

ba der song ste phyin nas/ bcom ldan 'das kyi zhabs la mgo bos phyag 'tshal te/ bcom ldan 'das la 'di skad ces gsol to/ /btsun pa mkhyen par mdzad du gsol/ ko sa la'i rgyal po gsal rgyal dang mnyan du yod pa na gnas pa'i pho brang 'khor kyi mi 
rnams bcom ldan 'das kyi zhabs la mgo bos phyag 'tshal te/ bcom ldan 'das gnod pa chung ngam/ nyam nga ba nyung ngam/ bskyod pa yang ngam/ 'tsho'am/ stobs dang ldan nam/ bde ba dang ldan nam/ mi bde ba mi mnga' 'am/ bde ba la reg par gnas 
sam zhes mchi'o/ /'di skad du bdag cag gis bcom ldan 'das ring mo zhig tu ma mthong ste/ bdag cag ni bcom ldan 'das mthong bar 'tshal bas skom lags so/ /bdag cag ni bcom ldan 'das mthong bar 'tshal na/ thugs brtse ba'i slad du bcom 
ldan 'das mnyan du yod par gshegs su gsol zhes kyang mchi'o/ /bcom ldan 'das kyis bka' stsal pa/ kye gal te nga rgyal po gzugs can snying pos 'gror ster na 'gro bar bya'o/ /de nas pho nya des rgyal po gzugs can snying po la gsol nas/ bcom ldan 
'das la 'di skad ces gsol to/ /bcom ldan 'das gshegs par rgyal po gzugs can snying pos dad pa stsal lags na/ bcom ldan 'das kyis da de'i dus la bab par dgongs te gshegs su gsol zhes bskul to/ /de nas bcom ldan 'das kyis mi de la 
cang mi gsung bas gnang ngo / /de nas bcom ldan 'das dbyar zla gsum 'das nas/ chos gos mdzad de chos gos zin nas chos gos gsol te/ lhung bzed bsnams nas zhabs 'bring 'khor mang po dag dang mnyan du yod pa logs su chas te gshegs so/ /
pho nya yang shing rta la zhon te chas so/ /de nas des sangs rgyas bcom ldan 'das zhabs kyis gshegs pa mthong nas shing rta las babs te/ bcom ldan 'das ga la ba de logs su thal mo sbyar ba btud nas bcom ldan 'das la 'di skad ces gsol to/ /thugs brtse ba'i slad 

</font><hr>75-1-157a<br><font size=+1>

du bdag gi shing rta bcom ldan 'das kyis bzhes su gsol/ bcom ldan 'das kyis bka' stsal pa/ rdzu 'phrul rkang pa'i shing rta dang / /yang dag stsol la nga gnas nas/ /nyon mongs tsher mas ma snad par/ /sa steng kun tu rgyu bar byed/ /pho nyas gsol 
pa/ /bcom ldan 'das ni rdzu 'phrul gyi zhabs kyis gshegs pa lags kyis kyang / bdag la phan gdags pa dang thugs brtse ba'i slad du bcibs su gsol/ /de nas bcom ldan 'das pho nya la phan gdags pa'i phyir rdzu 'phrul gyis shing rta'i steng du bzhugs so/ /
de nas bcom ldan 'das shing rta la bcibs bzhin du mnyan du yod par byon nas pho nyas kyang rgyal po la sbran to/ /de nas rgyal po dang / blon po dang / pho brang 'khor gyi mi dang / yul mi rnams kyis bcom ldan 'das bsu nas/ chos nyan pa'i phyir de'i mtshan 
mo rgyal bu rgyal byed kyi tshal de nyid du 'khod do/ /pho nya de ni tshe thung ste chos thos pa'i 'og tu de nyid kyi mtshan mo shi ste/ de shi nas sum cu rtsa gsum pa'i lha yul bzang por skyes so/ /lha'i bu'am lha'i bu mo skyes nas ring po ma lon pa ni chos nyid kyis sems rnam pa 
gsum skye bar 'gyur te/ gang nas shi 'phos/ gang du skyes/ las gang gis skyes snyam mo/ /de nas mi las shi 'phos pa dang / sum cu rtsa gsum pa'i lha yul bzang por skyes pa dang / bcom ldan 'das la sems dga' bar gyur pa des mthong ngo / /
de nas sngon pho nyar gyur pa'i lha'i bu de 'di snyam du sems te bdag zhag lon nas gzod bcom ldan 'das la blta ba'i phyir 'gro ba ni bdag gi cha ma yin gyis/ bdag zhag ma lon par bcom ldan 'das la blta ba'i phyir 'gro'o snyam mo/ /de nas sngon pho nyar gyur 
pa'i lha'i bu rna cha gdub kor dag cing 'gul ba thogs pa/ lus do shal dang se mo dos brgyan pa/ nor bu rin po che sna tshogs kyis brgyan pa'i cod pan can/ lus gur gum dang ta ma la'i lo ma dang spr-i ka la sogs pas byugs pa/ des de nyid kyi mtshan mo lha'i 

</font><hr>75-1-157b<br><font size=+1>

me tog ud pa la dang / ku mu da dang / pad ma dang pad ma dkar po dang / man dA ra rnams kyis thu ba bkang ste/ rgyal bu rgyal byed kyi tshal thams cad 'od chen pos snang bar byas nas/ bcom ldan 'das la me tog gis gtor te chos mnyan pa'i phyir bcom ldan 
'das kyi spyan sngar 'dug go/ /de nas bcom ldan 'das kyis sngon pho nyar gyur pa'i lha'i bu'i bsam pa dang / bag la nyal dang / khams dang / rang bzhin thugs su chud nas/ 'phags pa'i bden pa bzhi rtogs par 'gyur ba de lta bu'i chos bstan te/ de thos nas 
sngon pho nyar gyur pa'i lha'i bus 'jig tshogs la lta ba'i ri'i rtse mo mthon po nyi shu ye shes rdo rjes bcom nas rgyun du zhugs pa'i 'bras bu thob ste/ des bden pa mthong nas dga' ba'i tshig lan gsum du brjod de/ btsun pa bcom ldan 'das kyis bdag gi khrag dang / 
mchi ma'i rgya mtsho bskams pa dang / rus pa'i la bsgral ba dang / ngan song gi sgo rnams bcad pa dang / mtho ris dang thar pa'i sgo rnams phye ba dang bdag lha dang mi rnams kyi nang du bzhag pa 'di lta bu ni bdag la phas kyang ma bgyis/ mas kyang ma bgyis/ rgyal 
pos kyang ma bgyis/ lha rnams kyis kyang ma bgyis/ nang mi dang gnyen gyi tshogs rnams kyis kyang ma bgyis/ sngon gyi mtshun rnams kyis kyang ma bgyis/ dge sbyong dang bram ze rnams kyis kyang ma bgyis lags so/ /yang smras pa/ nyes pa mang por ldan pa'i 
ngan song lam/ /shin tu mi bzad khyod kyi mthu yis bcad/ /bsod nams rab ldan mtho ris 'gro ba phye/ /mya ngan 'das pa'i lam yang bdag gis thob/ /bdag gis de ring nyes pa spangs pa'i mig /shin tu rnam dag khyod las brten nas thob/ /bdag ni 
sdug bsngal rgya mtsho'i pha rol rgal/ /'phags pa dgyes pa'i zhi ba'i go 'phang thob/ /mi mchog dbang po mi dang lhas mchod pa/ /skye dang rga dang 'chi ba'i nad spangs pa/ /srid pa stong du mthong bar dka' ba yi/ /thub pa khyod ni deng mthong 'bras bu yod/ /de nas 

</font><hr>75-1-158a<br><font size=+1>

do shal 'phyang ba dga' gyur te/ /btud cing zhabs gnyis la ni phyag 'tshal nas/ /dgra thub la ni bskor ba byas nas kyang / /lha yi 'jig rten kha bltas lha yul song / /de nas sngon pho nyar gyur pa'i lha'i bu de tshong pa khe spogs phyin pa dang / zhing pa 
'bru rgyal bar gyur pa dang / dpa' bo g.yul las rgyal ba dang / nad pa nad thams cad las thar ba bzhin du 'byor pa gang gis/ bcom ldan 'das kyi thad du 'ongs pa'i 'byor pa de nyid kyis rang gi gnas su song ngo / /de nas ko sa la'i rgyal po gsal rgyal khang 
bzangs kyi steng na 'dug pas snang ba chen po de mthong nas nam langs pa dang bcom ldan 'das la zhus pa/ bcom ldan 'das ci lags mdang sum mi mjed kyi bdag po tshangs pa'am/ lha'i dbang po brgya byin nam/ 'jig rten skyong ba bzhi bcom ldan 'das la blta 
ba'i slad du mchis lags sam/ bcom ldan 'das kyis bka' stsal pa/ rgyal po chen po mi mjed kyi bdag po tshangs pa'am/ lha'i dbang po brgya byin nam/ 'jig rten skyong ba bzhi nga la blta ba'i phyir 'ongs pa ma yin gyis/ khyod kyi pho nya de nga la sems dga' bar 
gyur nas shi ste sum cu rtsa gsum pa'i lha yul bzang por skyes nas de mdang sum nga'i thad du 'ongs te/ ngas de la chos bstan te bden pa mthong bar gyur te rang gi gnas su song ngo / /de nas rgyal po de ngo mtshar du gyur nas kye ma sangs rgyas kye ma chos kye ma dge 'dun 
'di dag la ni chung ngu zhig byas kyang rnam par smin pa chen por 'gyur ro zhes smras so/ /de nas ko sa la'i rgyal po gsal rgyal bcom ldan 'das kyis gsungs pa la mngon par bstod cing rjes su yi rangs te/ bcom ldan 'das kyi zhabs la mgo bos phyag 'tshal nas/ 
stan las langs te song ngo / /der bcom ldan 'das kyis dge slong rnams la bka' stsal pa/ dge slong dag 'di gsum ni mchog tu gdags pa yin te/ gsum gang zhe na/ sangs rgyas mchog tu gdags pa dang / chos mchog tu gdags pa dang / dge 

</font><hr>75-1-158b<br><font size=+1>

'dun mchog tu gdags pa'o/ /sangs rgyas mchog tu gdags pa gang zhe na/ sems can rkang med rnams sam/ rkang gnyis rnams sam/ rkang bzhi rnams sam/ rkang mangs rnams sam/ gzugs can rnams sam/ gzugs can ma yin pa rnams sam/ 'du 
shes can rnams sam/ 'du shes can ma yin pa rnams sam/ 'du shes yod pa yang ma yin 'du shes med pa yang ma yin pa gang yang rung ste/ de dag gi nang na ni de bzhin gshegs pa dgra bcom pa yang dag par rdzogs pa'i sangs rgyas mchog yin par bstan to/ /sangs 
rgyas la mngon par dga' ba su yang rung ba de dag ni mchog la mngon par dga' ba yin te/ mchog la mngon par dga' ba de dag ni rnam par smin pa yang lha rnams kyi nang du lhar gyur pa rnams sam/ mi rnams kyi nang du mir gyur pa rnams kyi mchog 'ba' zhig tu 'gyur bar 
shes par bya ste/ 'di ni sangs rgyas mchog tu gdags pa zhes bya'o/ /chos mchog tu gdags pa gang zhe na/ 'dus byas sam 'dus ma byas kyi chos rnams gang yang rung ste/ de dag gi nang na ni 'dod chags dang bral ba'i chos mchog yin par ston to/ /chos la 
mngon par dga' ba su yang rung ba de dag ni mchog la mngon par dga' ba yin te/ mchog la mngon par dga' ba de dag gi rnam par smin pa yang lha rnams kyi nang du lhar gyur pa rnams sam mi rnams kyi nang du mir gyur pa rnams kyi mchog 'ba' zhig tu 'gyur bar shes par bya 
ste/ 'di ni chos mchog tu gdags pa zhes bya'o/ /dge 'dun mchog tu gdags pa gang zhe na tshogs sam/ 'dus pa'am/ mang po'am/ 'khor gang yang rung ste/ de dag gi nang na ni de bzhin gshegs pa'i nyan thos kyi dge 'dun mchog yin par bstan te/ 
dge 'dun la mngon par dga' ba su yang rung ba de dag ni mchog la mngon par dga' ba yin te/ mchog la mngon par dga' ba de dag gi ni rnam par smin pa yang lha rnams kyi nang du lhar gyur pa rnams sam/ mi rnams kyi nang du mir gyur pa rnams kyi mchog 'ba' 

</font><hr>75-1-159a<br><font size=+1>

zhig tu 'gyur bar shes par bya ste/ 'di ni dge 'dun mchog tu gdags pa zhes bya'o/ /bcom ldan 'das kyis de skad ces bka' stsal nas dge slong de dag yi rangs te/ bcom ldan 'das kyis gsungs pa la mngon par bstod do// //gang 
po la sogs pa'i rtogs pa brjod pa brgya pa/bam po bcu bzhi pa/ ma he zhes bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon 
rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ 
lha dang / klu dang / gnod sbyin dang / lha ma yin dang / nam mkha' lding dang / mi'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha 
dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa/ ko sa la'i ljongs rgyu zhing gshegs pa las nags khrod cig tu byon pa dang / nags khrod de na ma he'i khyu chen po dang ma he rdzi lnga brgya 'khod do/ /de nas re 
zhig na de'i nang na ma he stobs dang ldan zhing stobs kyi mchog dang ldan pa zhig yod de/ de mi gzhan dag gi dri tshor na phyi bzhin rgyug par byed do/ /bcom ldan 'das kyang phyogs der gshegs so/ /de nas ma he rdzi rnams kyis bcom ldan 'das nyan thos kyi dge 'dun dang 
bcas pa thag ring po zhig nas mthong ngo / /de nas de dag gis skad cher bos te/ bcom ldan 'das 'di na ma he ma rungs pa mchis kyis/ shul 'dir mi gshegs su gsol zhes byas so/ /bcom ldan 'das kyis bka' stsal pa/ /kye ngas 'dir dus la bab par shes 

</font><hr>75-1-159b<br><font size=+1>

kyis khyed snying ma chung shig /de nas ma he des bcom ldan 'das thag ring mo zhig nas mthong ba dang rnga ma ldang du gzar nas/ bcom ldan 'das ga la ba der brgyugs so/ /de nas bcom ldan 'das kyi mdun logs su seng ge ral pa can ral pa g.yengs pa lnga sprul te/ 
glo g.yas g.yon du mi chen po lnga sprul to/ /steng du ni lcags kyi pha bong chen po zhig sprul to/ /de nas ma he des phyogs kun tu 'jigs pa chen po mthong nas/ bcom ldan 'das kyi zhabs drung du song ste/ bcom ldan 'das kyi zhabs la lces bldags nas zhum pa'i 
bzhin gyis bcom ldan 'das la bltas so/ /de nas bcom ldan 'das kyis de la/ des brda phrad pa'i skad du bzhin bzangs 'di ltar 'du byed thams cad ni mi rtag pa'o/ /chos thams cad ni bdag med pa'o/ /mya ngan las 'das pa ni zhi ba'o zhes chos tshig gsum 
bstan nas/ tshe rabs kyang dran par mdzad de de thos nas ngus so/ /de nas bcom ldan 'das kyis de'i tshe tshigs su bcad de bka' stsal pa/ khyod ni dud 'gror skyes pa la/ /da ni nga yis ci byar yod/ /mi khom par ni skyes zin gyis/ /don med ngus pas ci la phan/ /
'dir ni rgyal ba snying rje can/ /nga la dad pa'i sems bskyed la/ /dud 'gro'i skye gnas spangs na legs/ /'on kyang mtho ris 'gro bar 'gyur/ /de nas ma he ma rungs pa des rang gi lus la dmad de kha 'tshos nas/ dud 'gro'i skye gnas su skyes pa'i srog chags 
rnams ni me'i drod che bas de skyen par shi ste/ sum cu rtsa gsum pa'i lha yul bzang por skyes so/ /lha'i bu'am lha'i bu mo skyes nas ring po ma lon pa ni chos nyid kyis sems rnam pa gsum skye bar 'gyur te/ gang nas shi 'phos gang du skyes/ las gang gis skyes snyam 
mo/ /de nas dud 'gro las shi 'phos pa dang sum cu rtsa gsum pa'i lha yul bzang por skyes pa dang bcom ldan 'das la sems dga' bar gyur pa des mthong ngo / /de nas sngon ma her gyur pa'i lha'i bu de 'di snyam du sems te/ bdag zhag lon nas gzod bcom ldan 

</font><hr>75-1-160a<br><font size=+1>

'das la blta ba'i phyir 'gro ba ni bdag gi cha ma yin gyis/ bdag zhag ma lon par bcom ldan 'das la blta ba'i phyir 'gro'o snyam mo/ /de nas sngon ma her gyur pa'i lha'i bu rna cha gdub kor dag cing 'gul ba thogs pa/ lus do shal dang se mo dos 
brgyan pa/ nor bu rin po che sna tshogs kyis brgyan pa'i cod pan can lus gur gum dang / ta ma la'i lo ma dang / spr-ika la sogs pas byugs pa des de nyid kyi mtshan mo lha'i me tog ud pal dang / pad ma dang / ku mu da dang / pad ma dkar po dang / man 
dA ra ba rnams kyis thu ba bkang ste/ nags khrod de dag thams cad 'od chen pos snang bar byas nas bcom ldan 'das la me tog gis gtor te/ chos mnyan pa'i phyir bcom ldan 'das kyi spyan sngar 'dug go/ /de nas bcom ldan 'das kyis sngon ma her gyur pa'i lha'i bu'i 
bsam pa dang bag la nyal dang khams dang rang bzhin thugs su chud nas/ 'phags pa'i bden pa bzhi rtogs par 'gyur ba de lta bu'i chos bstan te/ de thos nas sngon ma her gyur pa'i lha'i bus 'jig tshogs la lta ba'i ri'i rtse mo mthon po nyi shu ye shes rdo rjes bcom 
nas rgyun du zhugs pa'i 'bras bu thob ste/ des bden pa mthong nas dga' ba'i tshig lan gsum du brjod de/ btsun pa bcom ldan 'das kyis bdag gi khrag dang mchi ma'i rgya mtsho bskams pa dang / rus pa'i la bsgral ba dang / ngan song gi sgo rnams bcad pa dang / mtho 
ris dang thar pa'i sgo rnams phye ba dang / bdag lha dang mi rnams kyi nang du bzhag pa 'di lta bu ni bdag la phas kyang ma bgyis/ mas kyang ma bgyis/ rgyal pos kyang ma bgyis/ lha rnams kyis kyang ma bgyis/ nang mi dang gnyen gyi tshogs rnams kyis kyang ma bgyis 
sngon gyi mtshun rnams kyis kyang ma bgyis/ dge sbyong dang bram ze rnams kyis kyang ma bgyis lags so/ /yang smras pa/ nyes pa mang por ldan pa'i ngan song lam/ /shin tu mi bzad khyod kyi mthu yis bcad/ /bsod nams rab ldan mtho ris 'gro ba phye/ /mya ngan 

</font><hr>75-1-160b<br><font size=+1>

'das pa'i lam yang bdag gis thob/ /bdag gis de ring nyes pa spangs pa'i mig /shin tu rnam dag khyod las brten nas thob/ /bdag ni sdug bsngal rgya mtsho pha rol rgal/ /'phags pa dgyes pa zhi ba'i go 'phang thob/ /mi mchog dbang po mi dang lhas mchod pa/ /
skye dang rga dang 'chi ba'i nad spangs pa/ /srid pa stong du mthong bar dka' ba yi/ /thub pa khyod ni deng mthong 'bras bu yod/ /de nas do shal 'phyang ba dga' gyur te/ /btud cing zhabs gnyis la ni phyag 'tshal nas/ /dgra thub la ni bskor ba byas nas kyang / /lha yi 'jig 
rten kha bltas lha yul song / /de nas sngon ma her gyur pa'i lha'i bu de tshong pa khe spogs phyin pa dang zhing pa 'bru rgyal bar gyur pa dang dpa' bo g.yul las rgyal ba dang nad pa nad thams cad las thar ba bzhin du 'byor pa gang gis bcom ldan 'das kyi thad du 'ongs pa'i 'byor pa 
de nyid kyis rang gi gnas su song ngo / /de nas ma he rdzi de dag gis snang ba chen po de mthong ngo / /de mthong nas the tshom skyes te the tshom thams cad gcod pa sangs rgyas bcom ldan 'das la zhus pa/ bcom ldan 'das mdang sum bcom ldan 'das kyi thad du mchis 
te/ lha'i 'od kyis snang bar bgyis pa de su zhig lags/ bcom ldan 'das kyis bka' stsal pa/ khyod kyi ma he de nga la sems dga' bar gyur te shi nas sum cu rtsa gsum pa'i lha yul bzang por skyes te/ de mdang sum nga'i thad du 'ongs nas ngas de la chos bstan te/ 
bden pa mthong bar gyur nas rang gi gnas su song ngo / /de nas ma he rdzi de dag mchog tu ya mtshan du gyur te ngo mtshar to/ /dud 'gro'i skye gnas su skyes pa 'di yang dge ba'i bshes gnyen bcom ldan 'das dang phrad nas lha'i nang du skyes te/ bden pa mthong bar gyur na bdag 
cag gis ci ste khyad par thob par mi 'gyur snyam mo/ /de nas de dag gis sangs rgyas bcom ldan 'das nyan thos kyi dge 'dun dang bcas pa zhal zas bzang pos tshim par byas nas bcom ldan 'das kyi thad du rab tu byung ste/ de dag gis brtson pa dang bsgrub pa dang 'bad pas 

</font><hr>75-1-161a<br><font size=+1>

nyon mongs pa thams cad spangs nas dgra bcom pa nyid mngon sum du byas so/ /de nas dge slong dag the tshom skyes te the tshom thams cad gcod pa sangs rgyas bcom ldan 'das la zhus pa/ btsun pa sngon ma her gyur pa'i lha'i bus las gang dag bgyis na des ma 
her skyes lags las gang dag bgyis na des lha'i nang du skyes te bden pa mthong bar gyur lags/ ma he rdzi 'di rnams kyis ni las ci bgyis na des ma he rdzir gyur lags/ las gang bgyis pas ni rab tu byung nas dgra bcom pa nyid mngon sum du bgyis lags/ bcom 
ldan 'das kyis bka' stsal pa/ dge slong dag 'di dag nyid kyis sngon tshe rabs gzhan dag tu tshogs rnyed cing rkyen grub pa dang ldan te/ dba' rgal bzhin du byung la gdon mi za bar 'ongs pa'i las de dag byas shing bsags pas na/ de dag nyid kyis las byas shing 
bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni/ phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par 
mi 'gyur te/ las dge ba dang mi dge ba byas shing bsags pa rnams ni/ zin pa'i phung po dang khams dang skye mched rnams 'ba' zhig la rnam par smin par 'gyur ro/ /lus can dag gi las rnams ni/ /bskal pa brgyar yang chud mi za/ /tshogs shing dus la 
bab pa na/ /'bras bu nyid du smin par 'gyur/ /dge slong dag sngon byung ba 'das pa'i dus na/ bskal pa bzang po 'di nyid la skye dgu'i tshe lo nyi khri thub pa na/ /de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde 
bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'od srung zhes bya ba 'jig rten du byung ste/ de grong khyer bA rA Na sI na drang srong smra ba ri dgas kyi nags na rten cing bzhugs 

</font><hr>75-1-161b<br><font size=+1>

so/ /de'i tshe dge slong dag gtan la 'bebs par byed pa na/ dge slong sde snod gsum pa zhig 'khor lnga brgya dang gtan la 'bebs pa'i nang na 'dug go/ /de'i nang na slob pa dang mi slob pa'i dge slong dag kyang yod de/ de dag sde snod gsum pa la 'dri bar byed la/ des 
ni lan ma thebs pa dang / de khros nas ngag gi las rtsub po phyung ste/ nags kyi ma he dang 'dra ba 'di dag ci shes zhes byas so/ /de'i slob ma rnams kyis kyang ma he rdzi dang 'dra ba 'di dag ci shes zhes smras so/ /bcom ldan 'das kyis bka' stsal pa/ dge slong 
dag ji snyam du sems/ dge slong sde snod gsum pa gang yin pa de nyid ma he 'di yin no/ /slob ma de dag ni ma he rdzi 'di dag yin te/ las des na tshe rabs lnga brgyar ma her skyes so/ /slob ma rnams kyang ma he rdzi lnga brgyar gyur to/ /nga la sems dga' bar gyur pa des 
ni lhar skyes so/ /dge slong gi dngos po thob ste tshul khrims bsrungs pas ni bden pa mthong ba dang dgra bcom nyid mngon sum du byas so/ /dge slong dag de bas na ngag gi nyes pa spang ba'i phyir 'bad par bya ste/ ci nas ma he dang ma he rdzi rnams kyi nyes pa de lta bu dag 'byung bar 
mi 'gyur ba dang / lha'i bu de'i yon tan gyi tshogs de lta bu thob par 'gyur bar dge slong khyod kyis de ltar bslab par bya'o/ /bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon 
par bstod do// //bsnyen gnas zhes bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams 
dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin 

</font><hr>75-1-162a<br><font size=+1>

dang / lha ma yin dang / nam mkha' lding dang / mi'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun 
gsos dang / sman zong rnams brnyes pa/ nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ /de'i tshe sum cu rtsa gsum pa'i lha'i nang na lha'i bu bsnyen gnas zhes bya ba 
zhig yod de/ de chos mnyan pa'i phyir rtag tu bcom ldan 'das kyi thad du 'gro'o/ /de nas phyis re zhig na lha'i bu bsnyen gnas g.yog 'khor lnga brgya dang bcas pa/ bcom ldan 'das ga la ba der song ste phyin nas bcom ldan 'das kyi zhabs la mgo bos phyag 'tshal te/ 
chos mnyan pa'i phyir phyogs gcig tu 'dug go/ /de nas bcom ldan 'das kyis lha'i bu bsnyen gnas kyi bsam pa dang / bag la nyal dang / khams dang / rang bzhin thugs su chud nas 'phags pa'i bden pa bzhi rtogs par 'gyur ba de lta bu'i chos bstan te/ de thos 
nas lha'i bu bsnyen gnas kyis 'jig tshogs la lta ba'i ri'i rtse mo mthon po nyi shu ye shes rdo rjes bcom nas rgyun du zhugs pa'i 'bras bu thob ste/ des bden pa mthong nas dga' ba'i tshig lan gsum du brjod de/ btsun pa bcom ldan 'das kyis bdag gi khrag dang mchi ma'i 
rgya mtsho bskams pa dang / rus pa'i la bsgral ba dang / ngan song gi sgo rnams bcad pa dang / mtho ris dang thar pa'i sgo rnams phye ba dang / bdag lha dang mi rnams kyi nang du bzhag pa 'di lta bu ni bdag la phas kyang ma bgyis/ mas kyang ma bgyis/ rgyal pos kyang ma 
bgyis/ lha rnams kyis kyang ma bgyis/ nang mi dang gnyen gyi tshogs rnams kyis kyang ma bgyis/ sngon gyi mtshun rnams kyis kyang ma bgyis/ dge sbyong dang bram ze rnams kyis kyang ma bgyis lags so/ /yang smras pa/ nyes pa mang por ldan pa'i ngan song lam/ /

</font><hr>75-1-162b<br><font size=+1>

shin tu mi bzad khyod kyi mthu yis bcad/ /bsod nams rab ldan mtho ris 'gro ba phye/ /mya ngan 'das pa'i lam yang bdag gis thob/ /bdag gis de ring nyes pa spangs pa'i mig /shin tu rnam dag khyod las brten nas thob/ /bdag ni sdug bsngal rgya mtsho pha rol rgal/ /
'phags pa dgyes pa zhi ba'i go 'phang thob/ /mi mchog dbang po mi dang lhas mchod pa/ /skye dang rga dang 'chi ba'i nad spangs pa/ /srid pa stong du mthong bar dka' ba yi/ /thub pa khyod ni deng mthong 'bras bu yod/ /de nas do shal 'phyang ba dga' gyur te/ /btud cing zhabs 
gnyis la ni phyag 'tshal nas/ /dgra thub la ni bskor ba byas nas kyang / /lha yi 'jig rten kha bltas lha yul song / /de nas lha'i bu bsnyen gnas tshong pa khe spogs phyin pa dang zhing pa 'bru rgyal bar gyur pa dang / dpa' bo g.yul las rgyal ba dang / nad pa nad thams cad 
las thar ba bzhin du 'byor pa gang gis bcom ldan 'das kyi thad du 'ongs pa'i 'byor pa de nyid kyis rang gi gnas su song ngo / /de'i tshe dge slong dag srod dang tho ras mi nyal bar brtson pa lhur byed pa la gnas te de dag gis bcom ldan 'das kyi thad du snang ba chen po byung ba mthong 
ngo / /mthong nas kyang the tsom skyes te the tsom thams cad gcod pa sangs rgyas bcom ldan 'das la zhus pa/ bcom ldan 'das ci lags/ mdang sum mi mjed kyi bdag po tshangs pa'am lha'i dbang po brgya byin nam 'jig rten skyong ba bzhi bcom ldan 'das la blta ba'i slad 
du mchis lags sam/ /bcom ldan 'das kyis bka' stsal pa/ dge slong dag mi mjed kyi bdag po tshangs pa'am lha'i dbang po brgya byin nam 'jig rten skyong ba bzhi nga la blta ba'i phyir 'ongs pa ma yin gyi/ /lha'i bu bsnyen gnas g.yog 'khor lnga brgya dang bcas pa nga 
la blta ba'i phyir 'ongs te ngas de la chos bstan nas bden pa mthong bar gyur te/ rang gi gnas su song ngo / /de nas dge slong de dag the tsom skyes te the tsom thams cad gcod pa sangs rgyas bcom ldan 'das la zhus pa/ btsun pa lha'i bu bsnyen gnas ga las byung lags/ ming 

</font><hr>75-1-163a<br><font size=+1>

ni ci las btags lags/ bcom ldan 'das kyis bka' stsal pa/ dge slong dag khyed nyan par 'dod dam/ gsol pa/ btsun pa nyan par 'tshal lags so/ /bka' stsal pa/ dge slong dag 'o na legs par rab tu nyon la yid la zung shig dang ngas 
bshad do/ /dge slong dag sngon byung ba 'das pa'i dus na/ bskal pa bzang po 'di nyid la skye dgu'i tshe lo nyi khri thub pa na/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ 
skyes bu gdul bya'i kha lo sgyur ba/ bla na med pa/ lha dang mi rnams kyi ston pa/sangs rgyas bcom ldan 'das 'od srung zhes bya ba 'jig rten du byung ste/ de grong khyer bA rA Na sI na drang srong smra ba ri dgas kyi nags na rten cing bzhugs so/ /phyis re zhig na rgyal po kr-i kI bcom ldan 
'das la blta ba dang bsnyen bkur bya ba'i phyir song ngo / /de nas re zhig na bram ze gnyis drang srong smra bar don zhig la song ba dang / de gnyis kyis rgyal po de rgyal po'i 'byor pa chen po dang rgyal po'i mthu stobs dang ldan pa mthong ngo / /de nas de gnyis rgyal srid la 'dod pa skyes nas/ 
de gnyis kyis dge bsnyen zhig la dris pa/ kye sangs rgyas kyi dge bsnyen las ci zhig byas na/ des ci bsams pa dang ci 'dod pa de dag thams cad 'grub par 'gyur zhes byas so/ /dge bsnyen gyis smras pa/ gang gis bsnyen gnas yan lag brgyad pa yongs su dag par 
bsrungs pa de'i ni ci bsams pa dang ci 'dod pa de dag thams cad 'grub par 'gyur ro zhes byas so/ /de nas bram ze de gnyis kyis khyim bdag chu stod las bsnyen gnas yan lag brgyad pa blangs te bsrungs so/ /de na gcig gis ni yongs su dag par bsrungs te/ de 
nas shi nas rgyal po kr-i kI'i bur skyes te de'i bu'i ming legs skyes zhes btags nas pha shi ba'i 'og tu de rgyal por bcug go/ /cig shos kyis ni bsnyen gnas nyams par byas te de ni shi nas klu'i nang du skyes te/ de'i steng du nyin gcig bzhin du lan bdun bdun bye tshan bab ste 

</font><hr>75-1-163b<br><font size=+1>

des rus pa 'ba' zhig lus par byed do/ /de nas de 'di snyam du sems te/ 'di las gang gi 'bras bu yin/ 'di las gang gi 'bras bu rnam par smin pa yin na/ des bdag gis 'di lta bu'i sdug bsngal myong zhing 'dug snyam mo/ /de nas des bsnyen gnas yan lag brgyad dang 
ldan pa/ bdag gis blangs pa las bslab pa lhod par byas pa des 'di lta bu'i sdug bsngal bdag gis nyams su myong la/ gang gis blangs te bsrungs pa des ni rgyal srid thob par gyur to snyam mo/ /yang de 'di snyam du sems te/ da yang bdag gis bsnyen gnas yan 
lag brgyad dang ldan pa bsrung bar bya'o/ /'on kyang bdag klu'i skye gnas las thar bar 'gyur yang srid do snyam mo/ /de nas bram ze'i cha lugs su bdag nyid sprul nas/ rgyal po'i thad du 'ongs te phyin nas/ rgyal po la rgyal bar gyur cig /sku tshe ring bar shog cig 
ces bstod nas smras pa/ rgyal po chen po bsnyen gnas yan lag brgyad dang ldan pa bdag la 'tshal gyis lha bsnyen gnas yan lag brgyad dang ldan pa stsal du gsol/ gal te ma stsal na gdon mi 'tshal bar lha'i dbu tshal pa bdun du 'gas par 'gyur ro zhes byas nas de 
nyid du mi snang bar gyur to/ /de nas rgyal po 'jigs shing skrag ste/ mi dga' la skyi bung zhes byas nas gser 'bum yod pa'i snod rgyal mtshan gyi rtse mo la btags te/ bdag gi yul thams cad du dril bsgrags nas/ su nga la bsnyen gnas yan lag brgyad dang ldan 
pa ston pa de la gser 'bum 'di sbyin no/ /bkur sti chen pos kyang bkur bar bya'o zhes bsgo'o/ /de nas re zhig na shing mkhan gyi bu mo bud med rgan mo zhig 'dug pa des/ rgyal po la ka ba zhig bstan te/ sngon bdag gi pha rtag tu ka ba 'di la spos dang / bdug pa dang / 
me tog gis mchod pa bgyid na/ 'od phyung ste gzigs shig ces byas so/ /de nas rgyal pos zham ring ba rnams la ka ba 'di phyung shig ces bsgo'o/ /de nas rgyal po'i zhabs 'bring rnams kyis ka ba de phyung ba dang / de'i 'og nas bsnyen gnas yan lag brgyad dang ldan 

</font><hr>75-1-164a<br><font size=+1>

pa dang / dge bsnyen gyi bslab pa'i gzhi lnga dang byang chub kyi phyogs dang 'thun pa'i chos sum cu rtsa bdun gser gyi glegs bam la bris pa zhig rnyed do/ /de nas rgyal pos klu de la bsnyen gnas yan lag brgyad dang ldan pa zhig bris te byin to/ /drang srong smra ba na gnas 
pa'i drang srong khri nyis stong gis kyang byang chub kyi phyogs dang 'thun pa'i chos sum cu rtsa bdun mngon sum du byas so/ /klu des kyang bsnyen gnas yan lag brgyad dang ldan pa bsrungs nas thang la phyung ste lus bor nas de kha 'tshos te 'dug go/ /de nas de shi ste g.yog 'khor lnga brgya 
dang bcas te/ sum cu rtsa gsum pa'i lha yul bzang por skyes so/ /dge slong dag bsnyen gnas ni de las byung ste ming yang de las btags so/ /bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la 
mngon par bstod do// //ngang pa zhes bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / 
klu rnams dang / gnod sbyin rnams dang / lha ma yin rnams dang / nam mkha' lding rnams dang / mi'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma 
yin dang / nam mkha' lding dang / mi'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams 
brnyes pa/ nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ /de'i tshe mnyan du yod pa na ko sa la'i rgyal po gsal rgyal rgyal po byed de/ de'i ring la 'byor pa dang / rgyas 

</font><hr>75-1-164b<br><font size=+1>

pa dang / bde ba dang / lo legs pa dang / skye bo dang / mi mang pos gang ba dang / rtsod pa dang / 'thab pa zhi ba dang / 'khrug pa dang / nang 'khrug dang / chom rkun dang / mu ge dang / nad rnams med pa dang / 'bras sA lu dang / bu ram shing dang / ba lang 
dang / ma he dang ldan par 'dug ste/ gnod pa med cing tsher ma dkrugs la bu gcig pa la bya ba bzhin du rgyal srid bskyangs so/ /phyis re zhig na ko sa la'i rgyal po gsal rgyal bcom ldan 'das la blta ba dang bsnyen bkur bya ba'i phyir rgyal bu rgyal byed kyi tshal du song ba dang / pany+tsa la'i 
rgyal pos/ ko sa la'i rgyal po gsal rgyal la ngang pa lnga brgya skyes su bskur te/ gang gi tshe rgyal po rgyal bu rgyal byed kyi tshal du song ba de'i tshe ngang pa lnga brgya po de dag phul lo/ /de nas rgyal po gsal rgyal gyis ngang pa de dag la mi 'jigs pa byin te/ rgyal bu rgyal byed kyi tshal de nyid du 
btang nas/ gang gi tshe bcom ldan 'das nyan thos chen po'i 'khor dang bcas pa bshos gsol zhing bzhugs pa de'i tshe/ ngang pa de dag bcom ldan 'das kyi thad du 'gro la/ bcom ldan 'das dang nyan thos chen po de dag gis kyang de rnams la khyos ma byin te/ de dag gis 
zos nas tshim zhing mgu la dbang po brtas te 'khod do/ /gang gi tshe bcom ldan 'das nang du yang dag 'jog las bzhengs nas/ 'khor bzhi po de dag la chos ston pa de'i tshe/ ngang pa de dag bcom ldan 'das kyi thad du dong ste chos nyan par byed do/ /de nas de dag tshe thung ste/ 
shi nas sum cu rtsa gsum pa'i lha yul bzang por skyes so/ /lha'i bu'am lha'i bu mo skyes nas ring po ma lon pa ni chos nyid kyis sems rnam pa gsum skye bar 'gyur te/ gang nas shi 'phos/ gang du skyes/ las gang gis skyes snyam mo/ /de nas ngang pa las shi 'phos 
pa dang sum cu rtsa gsum pa'i lha yul bzang por skyes pa dang / bcom ldan 'das la sems dga' bar gyur pa de dag gis mthong ngo / /de nas sngon ngang par gyur pa'i lha'i bu rnams 'di snyam du sems te/ bdag cag zhag lon nas gzod bcom ldan 'das la blta ba'i 

</font><hr>75-1-165a<br><font size=+1>

phyir 'gro ba ni bdag cag gi cha ma yin gyis/ bdag cag zhag ma lon par bcom ldan 'das la blta ba'i phyir 'gro'o snyam mo/ /de nas sngon ngang par gyur pa'i lha'i bu rna cha gdub kor dag cing 'gul ba thogs pa/ lus do shal dang se mo dos brgyan pa/ nor bu rin 
po che sna tshogs kyis brgyan pa'i cod pan can/ lus gur gum dang / ta ma la'i lo ma dang / spr-i ka la sogs pas byugs pa de dag gis de nyid kyi mtshan mo lha'i me tog ud pal dang / pad ma dang / ku mu da dang / pad ma dkar po dang / man dA ra rnams kyis 
thu ba bkang ste/ rgyal bu rgyal byed kyi tshal thams cad 'od chen pos snang bar byas nas/ bcom ldan 'das la me tog gis gtor te chos mnyan pa'i phyir bcom ldan 'das kyi spyan sngar 'khod do/ /de nas bcom ldan 'das kyis sngon ngang par gyur pa'i lha'i bu rnams kyi 
bsam pa dang bag la nyal dang khams dang rang bzhin thugs su chud nas/ 'phags pa'i bden pa bzhi rtogs par 'gyur ba de lta bu'i chos bstan te/ de thos nas sngon ngang par gyur pa'i lha'i bu rnams kyis/ 'jig tshogs la lta ba'i ri'i rtse mo mthon po nyi shu ye shes 
rdo rjes bcom nas rgyun du zhugs pa'i 'bras bu thob ste/ de dag gis bden pa mthong nas dga' ba'i tshig lan gsum du brjod de/ btsun pa bcom ldan 'das kyis bdag cag gi khrag dang mchi ma'i rgya mtsho bskams pa dang / rus pa'i la bsgral ba dang / ngan song 
gi sgo rnams bcad pa dang / mtho ris dang thar pa'i sgo rnams phye ba dang / bdag cag lha dang mi'i nang du bzhag pa 'di lta bu ni bdag cag la phas kyang ma bgyis/ mas kyang ma bgyis/ rgyal pos kyang ma bgyis/ lha rnams kyis kyang ma bgyis/ nang mi dang gnyen gyi 
tshogs rnams kyis kyang ma bgyis/ sngon gyi mtshun rnams kyis kyang ma bgyis/ dge sbyong dang bram ze rnams kyis kyang ma bgyis lags so/ /yang smras pa/ nyes pa mang por ldan pa'i ngan song lam/ /shin tu mi bzad khyod kyi mthu yis bcad/ /bsod nams rab ldan 

</font><hr>75-1-165b<br><font size=+1>

mtho ris 'gro ba phye/ /mya ngan 'das lam bdag cag rnams kyis thob/ /bdag cag de ring nyes pa spangs pa'i mig /shin tu rnam dag khyod las brten nas thob/ /bdag cag sdug bsngal rgya mtsho pha rol rgal/ /'phags pa dgyes pa'i zhi ba'i go 'phang thob/ /mi 
mchog dbang po lha dang mis mchod pa/ /skye dang rga dang 'chi ba'i nad spangs pa/ /srid pa stong du mthong bar dga' ba yi/ /thub pa khyod ni deng mthong 'bras bu yod/ /de nas do shal 'phyang rnams dga' gyur te/ /btud cing zhabs gnyis la ni phyag 'tshal nas/ /dgra 
thub la ni bskor ba byas nas kyang / /lha yi 'jig rten kha bltas lha yul song / /de nas sngon ngang par gyur pa'i lha'i bu rnams tshong pa khe spogs phyin pa dang zhing pa 'bru rgyal bar gyur pa dang dpa' bo g.yul las rgyal ba dang nad pa nad thams cad las thar ba bzhin du 'byor pa 
gang gis/ bcom ldan 'das kyi thad du lhags pa'i 'byor pa de nyid kyis rang gi gnas su song ngo / /de'i tshe dge slong srod dang tho ras mi nyal bar brtson pa lhur byed pa la gnas te/ de dag gis bcom ldan 'das kyi thad du snang ba chen po byung ba mthong ngo / /mthong 
bas kyang the tsom skyes te/ the tsom thams cad gcod pa sangs rgyas bcom ldan 'das la zhus pa/ bcom ldan 'das ci lags/ mdang sum mi mjed kyi bdag po tshangs pa'am/ lha'i dbang po brgya byin nam/ 'jig rten skyong ba bzhi bcom ldan 'das la blta 
ba'i slad du mchis lags sam/ bcom ldan 'das kyis bka' stsal pa/ dge slong dag mi mjed kyi bdag po tshangs pa'am/ lha'i dbang po brgya byin nam/ 'jig rten skyong ba bzhi nga la blta ba'i phyir 'ongs pa ma yin no/ /dge slong dag ko sa la'i rgyal po gsal 
rgyal gyis/ ngang pa lnga brgya 'dir btang ba khyod kyis mthong ngam/ btsun pa mthong lags so/ /bka' stsal pa/ de dag nga la sems dga' bar gyur te/ shi nas sum cu rtsa gsum pa'i lha yul bzang por skyes te/ de dag mdang sum nga'i thad du lhags nas de dag la 

</font><hr>75-1-166a<br><font size=+1>

ngas chos bstan te bden pa mthong bar gyur nas rang gi gnas su dong ngo / /de nas dge slong dag the tsom skyes te the tsom thams cad gcod pa sangs rgyas bcom ldan 'das la zhus pa/ btsun pa sngon ngang par gyur pa'i lha'i bu rnams kyis las gang dag 
bgyis na des ngang par skyes lags/ las gang dag bgyis na des lha'i nang du skyes te bden pa mthong lags/ bcom ldan 'das kyis bka' stsal pa/ dge slong dag 'di dag nyid kyis sngon tshe rabs gzhan dag tu tshogs rnyed cing rkyen grub pa dang ldan te/ dba' 
rgal bzhin du 'byung la gdon mi za bar 'ong ba'i las de dag byas shing bsags pas na/ sngon ngang par gyur pa'i lha'i bu rnams kyis las byas shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa 
rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang khams dang skye mched 
rnams 'ba' zhig la rnam par smin par 'gyur ro/ /lus can dag gi las rnams ni/ /bskal pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur/ /dge slong dag sngon byung ba 'das pa'i dus na/ bskal pa bzang 
po 'di nyid la skye dgu'i tshe lo nyi khri thub pa na/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams 
kyi ston pa sangs rgyas bcom ldan 'das 'od srung zhes bya ba 'jig rten du byung ste/ de grong khyer bA rA Na sI na drang srong smra ba ri dgas kyi nags na rten cing bzhugs so/ /de'i tshe 'di dag rab tu byung ba las bslab pa la lhod par byas pa des ni ngang par skyes so/ /nga la 

</font><hr>75-1-166b<br><font size=+1>

sems dga' bar byas pa des ni lhar skyes so/ /bslab pa lhag ma rnams bsrungs pa des ni bden pa mthong bar gyur to/ /dge slong dag de bas na las gcig tu nges par gnag pa rnams ni rnam par smin pa yang gcig tu nges par gnag par 'gyur ro/ /las 
gcig tu nges par dkar ba rnams ni rnam par smin pa yang gcig tu nges par dkar bar 'gyur ro/ /las 'dren ma rnams ni rnam par smin pa yang 'dren mar 'gyur ro/ /dge slong dag de bas na las gcig tu nges par gnag pa rnams dang las 'dren ma rnams spangs 
la/ las gcig tu nges par dkar ba rnams 'ba' zhig la gtad par bya ste/ dge slong dag khyod kyis de ltar bslab par bya'o/ /bcom ldan 'das kyis de skad ces bka' stsal nas/ dge slong de dag yi rangs te bcom ldan 'das kyis gsungs pa la mngon par 
bstod do/ /gang po la sogs pa'i rtogs pa brjod pa brgya pa las sdom gyi tshigs su bcad pa drug pa rdzogs so// //sdom ni/ gser 'od dang ni dri zhim dang / /byad bzang stobs ldan sdu gu dang / /pad ma mig dang rnga sgra dang / /bu dang nyi ma gyad pa 
dang / /gser 'od ces bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams 
dang / gnod sbyin rnams dang / lha ma yin rnams dang / nam mkha' lding rnams dang / mi'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / 
nam mkha' lding dang / mi'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams 

</font><hr>75-1-167a<br><font size=+1>

brnyes pa/ nyan thos kyi dge 'dun dang bcas pa ser skya'i gnas na shing n+ya gro d+hA'i kun dga' ra ba na bzhugs so/ /de'i tshe ser skya'i gnas na shAkya phyug cing nor mang la longs spyod che ba/ yongs su 'dzin pa yangs shing rgya che ba rnam thos kyi bu'i nor dang 
ldan pa/ rnam thos kyi bu'i nor dang 'gran pa zhig gnas pa des/ rigs mnyam pa las chung ma blangs nas de de dang lhan cig tu rtse zhing dga' la dga' mgur spyod do/ /de rtse zhing dga' la dga' mgur spyod pa las chung ma la bu chags nas de zla ba brgyad dam dgu 
lon pa dang bu byung ste khye'u gzugs bzang zhing blta na sdug la mdzes pa mi'i kha dog las ni 'das lha'i kha dog ni ma thob pa 'dzam bu chu bo'i gser gyi mdog 'dra ba zhig btsas te/ de'i gser gyi 'od kyis grong khyer ser skya'i gnas thams cad snang bar byas 
so/ /de nas pha ma dang sems can gzhan dag gis de mthong nas ltad mo la lhags te sems can gyi khyad par 'di lta bu ni ga las 'ongs zhig gu zhes mchog tu ngo mtshar du gyur nas sems pa la zhugs so/ /de nas de btsas pa'i btsas ston byas nas khye'u 
'di'i ming ji skad gdags zhes ming 'dogs par byed de/ nye du rnams na re 'di btsas pa na grong khyer ser skya'i gnas thams cad gser gyi 'od kyis snang bar byas pas na/ de'i phyir khye'u 'di'i ming gser 'od ces gdags so zhes zer ro/ /de nas khye'u gser 
'od pang na 'tsho ba'i ma ma gnyis dang / nu ma snun pa'i ma ma gnyis dang / dri ma 'khru ba'i ma ma gnyis dang / rtse ba'i ma ma gnyis te ma ma brgyad la gtad nas/ de ma ma brgyad kyis 'o ma dang / zho dang / mar dang / zhun mar dang / mar gyi nying khu dang / gzhan 
yang yo byad kyi khyad par bzang ngo cog gis bskyed bsrings te mtsho'i nang gi pad ma bzhin du skye drag par gyur to/ /de yang mkhas shing gsal la yid gzhungs pa dang / dad pa dang ldan la dge zhing bsam pa bzang ba/ bdag dang gzhan la phan pa la zhugs pa/

</font><hr>75-1-167b<br><font size=+1>

snying rje can bdag nyid che ba/ chos 'dod pa zhig go/ /phyis re zhig na/ de byad gzugs kyis rgyags pas myos te grong khyer gyi phyi rol na rtse zhing 'dug go/ /shAkya mang po dag cig kyang shing n+ya gro d+hA'i kun dga' ra bar dong ngo / /de nas khye'u gser 'od kyis mthong nas 
dris pa khyod gar 'dong / de dag gis smras pa/ sangs rgyas bcom ldan 'das la blta ba'i phyir shing n+ya gro d+hA'i kun dga' ra bar 'gro'o/ /de nas khye'u gser 'od kyis sangs rgyas zhes bya ba thos te/ sngon ma thos pa'i ming thos nas spu thams cad zing zhes byas 
te/ mchog tu ngo mtshar du gyur nas de 'di snyam du sems te/ ma la bdag kyang sangs rgyas bcom ldan 'das blta ba'i phyir 'gro gor ma chag snyam nas de yang shing n+ya gro d+hA'i kun dga' ra bar song ba dang / khye'u gser 'od kyis sangs rgyas bcom ldan 'das 
sku skyes bu chen po'i mtshan sum cu rtsa gnyis kyis legs par brgyan pa/ dpe byad bzang po brgyad cus mdzes par byas pa/ 'od 'dom gang gis brgyan pa/ nyi ma stong bas lhag pa'i 'od mnga' ba/ rin po che'i ri bo 'gro ba lta bu kun nas bzang ba mthong nas/ 
mthong ma thag tu byad gzugs kyis rgyags pa med par gyur te/ bcom ldan 'das kyi zhabs la phyag 'tshal nas/ chos mnyan pa'i phyir bcom ldan 'das kyi spyan sngar 'dug go/ /de nas bcom ldan 'das kyis de la chos bstan nas/ des chos de thos pa dang 
rab tu 'byung bar 'dod par gyur to/ /de nas re zhig na pha ma la gsol nas/ bcom ldan 'das kyi thad du song ste phyin nas bcom ldan 'das kyi zhabs la mgo bos phyag 'tshal te/ bcom ldan 'das ga la ba de logs su thal mo sbyar ba btud nas bcom ldan 
'das la 'di skad ces gsol to/ /btsun pa bdag legs par gsungs pa'i chos 'dul ba la rab tu byung ba dang bsnyen par rdzogs shing dge slong gi dngos po 'thob tu rung na bdag kyang bcom ldan 'das kyi thad du tshangs par spyod pa spyad par 'tshal lo/ /de nas 

</font><hr>75-1-168a<br><font size=+1>

bcom ldan 'das kyis phyag gser gyi kha dog can glang po che'i sna ltar 'dug pa brkyang nas/ khye'u gser 'od la 'di skad ces bka' stsal to/ /gzhon nu tshur shog tshangs par spyod cig /de skad ces bka' stsal ba'i mod la skra dang kha spu bregs 
nas zhag bdun lon pa tsam du gyur/ spyod lam ni bsnyen par rdzogs nas lo brgya lon pa lta bur 'dug par gyur/ lag na ni lhung bzed dang chu snod thogs par gyur to/ /'dir smras pa/ de bzhin gshegs pas tshur zhes bka' stsal pas/ /de ni mgo bregs lus 
la snam sbyar gyon/ /sangs rgyas kyi ni dgongs pas gos bgos nas/ /mod la dbang po rab tu zhi bar gnas/ /de nas bcom ldan 'das kyi spyan sngar 'dug nas/ bcom ldan 'das kyis de la yid la byed pa'i lung phog ste/ des brtson pa dang bsgrub pa dang 'bad 
pas phol mig lnga pa'i 'khor ba'i 'khor lo 'di nyid g.yo zhing mi brtan par rig nas/ 'du byed kyi rnam pa thams cad snyil ba dang / ltung ba dang / rnam par 'thor ba dang / rnam par 'jig pa'i chos can yin par rtsad chod de/ nyon mongs pa thams cad spangs 
nas dgra bcom pa nyid mngon sum du byas te/ dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan sbangs pa lta bur bsil bar 
gyur pa/ rig pas sgo nga'i sbubs bcom pa/ rig pa dang mngon par shes pa dang so so yang dag par rig pa thob pa/ srid pa'i rnyed pa dang chags pa dang bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang 
gus par smra ba'i gnas su gyur to/ /de nas dge slong dag the tsom skyes te the tsom thams cad gcod pa sangs rgyas bcom ldan 'das la zhus pa/ btsun pa gser 'od kyis las gang dag bgyis na/ des 'di ltar gzugs bzang zhing blta na sdug la mdzes pa dang rab tu 

</font><hr>75-1-168b<br><font size=+1>

byung nas dgra bcom pa nyid mngon sum du bgyis lags/ bcom ldan 'das kyis bka' stsal pa/ dge slong dag gser 'od nyid kyis sngon tshe rabs gzhan dag tu tshogs rnyed cing rkyen grub pa dang ldan te/ dba' rgal bzhin du byung la gdon mi za bar 'ong ba'i las de 
dag byas shing bsags pas na/ gser 'od nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i 
khams dang / me'i khams dang / rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang khams dang skye mched rnams 'ba' zhig la rnam par smin par 'gyur ro/ /lus can 
dag gi las rnams ni/ /bskal pa brgyar yang chud mi za/ tshogs shing dus la bab pa na/ /'bras bu nyid du smin par 'gyur/ /dge slong dag sngon byung ba 'das pa'i dus na bskal pa dgu bcu rtsa gcig pa la/ de bzhin gshegs pa dgra bcom pa yang 
dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa lha dang mi rnams kyi ston pa sangs rgyas bcom ldan 'das rnam par gzigs zhes bya ba 
'jig rten du byung ste/ de rgyal po'i pho brang gnyen ldan na rten cing bzhugs pa las re zhig na yang dag par rdzogs pa'i sangs rgyas rnam par gzigs/ sangs rgyas kyi phrin las thams cad mdzad nas/ shing zad pa'i me bzhin du phung po'i lhag ma med 
pa'i mya ngan las 'das pa'i dbyings su yongs su mya ngan las 'das so/ /de nas rgyal po gnyen yod kyis/ bcom ldan 'das kyi sku gdung la sku gdung gi mchod pa byas nas/ rin po che sna bzhi las byas pa'i mchod rten kho ra khor yug tu dpag tshad 

</font><hr>75-1-169a<br><font size=+1>

gcig yod la/ 'phang du rgyang grags gcig yod pa zhig brtsigs te/ mchod rten gyi dus ston yang lugs btod do/ /de nas re zhig na khyim bdag cig mchod rten gyi dus ston byed pa der song ba las mchod rten de las gser gyi me long 
zhig lhung ba des mthong nas/ des de'i rna ba'i gong rgyan du bcos nas/ mchod rten de la btags te/ spos dang / bdug pa dang / me tog gis mchod nas zhabs la phyag 'tshal te smon lam btab pa/ bdag gis kyang yon tan 'di lta bu dag thob par 
gyur cig /ston pa 'di lta bu mnyes par byed par gyur cig /mi mnyes par byed par ma gyur cig ces byas so/ /bcom ldan 'das kyis bka' stsal pa/ dge slong dag ji snyam du sems/ de'i tshe de'i dus na khyim bdag tu gyur pa gang yin pa de ni khye'u 
gser 'od 'di yin te/ des yang dag par rdzogs pa'i sangs rgyas rnam par gzigs kyi mchod rten la bkur sti byas pa des na 'di lta bur byad gzugs kyi khyad par can du gyur to/ /smon lam btab pa des ni tshe 'di la dgra bcom pa nyid mngon sum du byas so/ /
dge slong dag de ltar na/ las gcig tu nges par gnag pa rnams ni/ rnam par smin pa yang gcig tu nges par gnag par 'gyur ro/ /las gcig tu nges par dkar ba rnams ni rnam par smin pa yang gcig tu nges par dkar bar 'gyur ro/ /las 
'dren ma rnams ni rnam par smin pa yang 'dren mar 'gyur ro/ /dge slong dag de bas na las gcig tu nges par gnag pa rnams dang las 'dren ma rnams spangs la/ las gcig tu nges par dkar ba rnams 'ba' zhig la gtad par bya ste/ dge slong khyod 
kyis de ltar bslab par bya'o/ /bcom ldan 'das kyis de skad ces bka' stsal nas/ dge slong de dag yi rangs te bcom ldan 'das kyis gsungs pa la mngon par bstod do// //dri zhim zhes bya ba ni/ sangs rgyas bcom ldan 'das la rgyal po 

</font><hr>75-1-169b<br><font size=+1>

rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams 
dang / mi'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi'am ci dang / lto 'phye chen po rnams kyis 
mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa yul ser skya'i gnas 
na shing n+ya gro d+hA'i kun dga' ra ba na bzhugs so/ /de'i tshe ser skya'i gnas na khyim bdag phyug cing nor mang la longs spyod che ba yongs su 'dzin pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa des 
rigs mnyam pa las chung ma blangs nas/ de de dang lhan cig tu rtse zhing dga' la dga' mgur spyod do/ /de rtse zhing dga' la dga' mgur spyod pa las chung ma la bu chags nas/ de zla ba brgyad dam dgu lon pa dang bu byung ste/ khye'u gzugs bzang zhing blta na sdug 
la mdzes pa zhig mi'i kha dog las ni 'das/ lha'i kha dog ni ma thob pa zhig btsas te/ de'i kha nas me tog ud pa la'i dri 'byung la/ lus thams cad las ni tsan dan gyi dri 'byung ngo / /de nas de btsas pa'i btsas ston byas nas khye'u 'di'i ming ji skad gdags 
zhes ming 'dogs par byed de/ de'i nye du rnams na re 'di'i kha nas ud pa la'i dri byung la/ lus thams cad nas tsan dan gyi dri byung bas na de'i phyir khye'u 'di'i ming dri zhim zhes gdags so zhes zer ro/ /de nas khye'u dri zhim pang na 'tsho ba'i ma ma gnyis dang / nu ma 

</font><hr>75-1-170a<br><font size=+1>

snun pa'i ma ma gnyis dang / dri ma 'khru ba'i ma ma gnyis dang / rtse ba'i ma ma gnyis te ma ma brgyad la gtad nas/ de ma ma brgyad kyis 'o ma dang / zho dang / mar dang / zhun mar dang / mar gyi nying khu dang / gzhan yang yo byad kyi khyad par bzang 
ngo cog gis bskyed bsrings te/ mtsho'i nang gi pad ma bzhin du skye drag par gyur to/ /de yang sngon gyi rgyu'i stobs kyi shugs kyis dad pa dang ldan la/ dge zhing bsam pa bzang la bdag dang gzhan la phan pa la zhugs pa/ snying rje can/ bdag nyid che la/ chos 
'dod pa zhig ste/ gang gi tshe khye'u dri zhim zhing dpung rgyan dang mgul pa'i do shal dang gdu bus brgyan te srang gi nang du zhugs pa de'i tshe/ tsan dan gyi dri bsung gis grong khyer thams cad khyab par gyur te/ skye bo mang pos kyang lha'i spos kyi dri tshor nas mchog tu ya 
mtshan du 'dzin te/ 'di skad du/ kye ma bsod nams dag gi mthu zhes zer ro/ /phyis re zhig na khye'u dri zhim n+ya gro d+hA'i kun dga' ra bar song ngo / /de nas des sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan 
pa/ dpe byad bzang po brgyad cus mdzes par byas pa/ 'od 'dom gang gis brgyan pa/ nyi ma stong bas lhag pa'i 'od mnga' ba/ rin po che'i ri bo 'gro ba lta bu kun nas bzang ba mthong nas/ mthong ma thag tu des bcom ldan 'das la sems dga' ba 
bskyed do/ /dga' ba bskyed nas kyang bcom ldan 'das kyi zhabs la mgo bos phyag 'tshal te/ chos mnyan pa'i phyir bcom ldan 'das kyi spyan sngar 'dug go/ /de nas bcom ldan 'das kyis de'i bsam pa dang / bag la nyal dang / khams dang / rang 
bzhin thugs su chud nas/ 'phags pa'i bden pa bzhi rtogs par 'gyur ba de lta bu'i chos bstan te/ de thos nas khye'u dri zhim gyis 'jig tshogs la lta ba'i ri'i rtse mo mthon po nyi shu ye shes rdo rjes bcom nas rgyun du zhugs pa'i 'bras bu mngon sum du 

</font><hr>75-1-170b<br><font size=+1>

byas te/ des bden pa mthong nas pha ma la gsol te bcom ldan 'das kyi bstan pa la rab tu byung ngo / /des brtson pa dang bsgrub pa dang 'bad pas phol mig lnga pa'i 'khor ba'i 'khor lo 'di nyid g.yo zhing mi brtan par rig nas/ 'du byed kyi rnam pa thams cad 
snyil ba dang / ltung ba dang / rnam par 'thor ba dang / rnam par 'jig pa'i chos can yin par rtsad chod de/ nyon mongs pa thams cad spangs nas dgra bcom pa nyid mngon sum du byas te/ dgra bcom pa khams gsum pa'i 'dod chags dang bral bar gyur nas 
gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan sbangs pa lta bur bsil bar gyur pa/ rig pas sgo nga'i sbubs bcom pa/ rig pa dang mngon par shes pa dang so so yang dag par rig pa thob pa/ srid pa'i 
rnyed pa dang chags pa dang bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang gus par smra ba'i gnas su gyur to/ /de nas dge slong dag the tsom skyes te/ the tsom thams cad gcod pa sangs rgyas bcom ldan 'das 
la zhus pa/ btsun pa dri zhim gyis las gang dag bgyis na/ des 'di'i kha nas ni ud pa la'i dri 'byung la/ lus thams cad nas ni tsan dan gyi dri 'byung bar 'gyur lags/ bcom ldan 'das kyis bka' stsal pa/ dge slong dag dri zhim nyid 
kyis sngon tshe rabs gzhan dag tu tshogs rnyed cing rkyen grub pa dang ldan te/ dba' rgal bzhin du byung la/ gdon mi za bar 'ong ba'i las de dag byas shing bsags pas na/ dri zhim nyid kyis las byas shing bsags pa de dag gzhan su zhig gis nyams su myong 
bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang mi dge ba byas shing bsags pa 

</font><hr>75-1-171a<br><font size=+1>

rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro/ /lus can dag gi las rnams ni/ /bskal pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur/ /
dge slong dag sngon byung ba 'das pa'i dus na/ bskal pa dgu bcu rtsa gcig pa la de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa skyes bu gdul bya'i kha lo sgyur ba/ 
bla na med pa/ lha dang mi rnams kyi ston pa sangs rgyas bcom ldan 'das rnam par gzigs zhes bya ba 'jig rten du byung ste/ de rgyal po'i pho brang gnyen ldan na rten cing bzhugs pa las re zhig na/ yang dag par rdzogs pa'i sangs rgyas rnam par gzigs sangs 
rgyas kyi phrin las thams cad mdzad nas/ shing zad pa'i me bzhin du phung po'i lhag ma med pa'i mya ngan las 'das pa'i dbyings su yongs su mya ngan las 'das so/ /de nas rgyal po gnyen yod kyis bcom ldan 'das kyi sku gdung la sku gdung gi mchod pa byas nas/ 
rin po che sna bzhi las byas pa'i mchod rten kho ra khor yug tu dpag tshad gcig yod la/ 'phang du rgyang grags gcig yod pa zhig brtsigs te/ mchod rten gyi dus ston yang lugs btod do/ /khyim bdag gcig gis kyang de la dad pa bskyed nas/ 
spos dang byug pa rnam pa sna tshogs phul te/ bdug pa dang me tog gis mchod nas smon lam btab pa/ dge ba'i rtsa ba dang sems bskyed pa dang sbyin par bya ba'i chos yongs su gtong ba 'dis na/ bdag gis kyang yon tan 'di lta bu dag thob par gyur cig /
ston pa 'di lta bu mnyes par byed par gyur cig /mi mnyes par byed par ma gyur cig ces byas so/ /bcom ldan 'das kyis bka' stsal pa/dge slong dag ji snyam du sems/ de'i tshe de'i dus na khyim bdag tu gyur pa gang yin pa de ni khye'u dri zhim 'di yin 

</font><hr>75-1-171b<br><font size=+1>

te/ des yang dag par rdzogs pa'i sangs rgyas rnam par gzigs kyi mchod rten la bkur sti byas pa des na 'di lta bur dri zhim por gyur to/ /smon lam btab pa des ni tshe 'di la dgra bcom pa nyid mngon sum du byas so/ /dge slong dag 
de ltar na las gcig tu nges par gnag pa rnams ni rnam par smin pa yang gcig tu nges par gnag par 'gyur ro/ /las gcig tu nges par dkar ba rnams ni rnam par smin pa yang gcig tu nges par dkar bar 'gyur ro/ /las 'dren ma rnams ni rnam par 
smin pa yang 'dren mar 'gyur ro/ /dge slong dag de bas na las gcig tu nges par gnag pa rnams dang las 'dren ma rnams spangs la/ las gcig tu nges par dkar ba rnams 'ba' zhig la gtad par bya ste/ dge slong khyod kyis de ltar bslab par bya'o/ /
bcom ldan 'das kyis de skad ces bka' stsal nas dge slong de dag yi rangs te/ bcom ldan 'das kyis gsungs pa la mngon par bstod do// //gang po la sogs pa'i rtogs pa brjod pa brgya pa/bam po bcwa lnga pa/ byad bzang zhes bya ba ni/ sangs 
rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma 
yin rnams dang / nam mkha' lding rnams dang / mi'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' 
lding dang / mi'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong 

</font><hr>75-1-172a<br><font size=+1>

rnams brnyes pa/ nyan thos kyi dge 'dun dang bcas pa ser skya'i gnas na shing n+ya gro d+hA'i kun dga' ra ba na bzhugs so/ /de'i tshe ser skya'i gnas na/ shAkya phyug cing nor mang la longs spyod che ba yongs su 'dzin pa yangs shing rgya che ba/ rnam 
thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa de/ rigs mnyam pa las chung ma blangs nas de de dang lhan cig tu rtse zhing dga' la dga' mgur spyod do/ /de rtse zhing dga' la dga' mgur spyod pa las chung ma la bu chags 
nas/ de zla ba brgyad dam dgu lon pa dang bu byung ste/ khye'u gzugs bzang zhing blta na sdug la mdzes pa mi'i kha dog las ni 'das/ lha'i kha dog ni ma thob pa/ lus byad dpe med la mdog 'jam pa/ lus kyi bdun mtho ba/ che bar grags 
pa zhig btsas so/ /de nas de btsas pa'i btsas ston byas nas/ khye'u 'di'i ming ji skad gdags zhes ming 'dogs par byed de/ nye du rnams na re 'di'i lus dpe med pas na de'i phyir khye'u 'di'i ming byad bzang zhes gdags so zhes zer ro/ /de nas 
khye'u byad bzang pang na 'tsho ba'i ma ma gnyis dang / nu ma snun pa'i ma ma gnyis dang / dri ma 'khru ba'i ma ma gnyis dang / rtse ba'i ma ma gnyis te/ ma ma brgyad la gtad nas/ de ma ma brgyad kyis 'o ma dang / zho dang / mar dang / zhun mar dang / 
mar gyi nying khu dang / gzhan yang yo byad kyi khyad par bzang ngo cog gis bskyed bsrings te mtsho'i nang gi pad ma bzhin du skye drag par gyur to/ /de yang dad pa dang ldan la dge ba bsam pa bzang ba/ bdag dang gzhan la phan pa la zhugs pa/ snying rje can 
bdag nyid che ba chos 'dod pa zhig ste/ 'jig rten thams cad dang tha na mi ma yin pa rnams kyis kyang mchod cing rjed pa dang gus par smra ba'i gnas su gyur to/ /des sa phyogs gang du gom pa bor ba de dag kyang gtsang mar gyur te/ de ltar bsod nams 

</font><hr>75-1-172b<br><font size=+1>

dang ldan zhing che bar grags so/ /phyis re zhig na de shing n+ya gro d+hA'i kun dga' ra bar song ba dang / des sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan pa/ dpe byad bzang po brgyad cus mdzes par byas pa/ 'od 
'dom gang gis brgyan pa/ nyi ma stong bas lhag pa'i 'od mnga' ba/ rin po che'i ri bo 'gro ba lta bu kun nas bzang ba mthong nas/ mthong ma thag tu des bcom ldan 'das la sems dga' ba bskyed do/ /dga' ba bskyed nas kyang bcom ldan 'das kyi zhabs la 
phyag 'tshal te/ chos mnyan pa'i phyir bcom ldan 'das kyi spyan sngar 'dug go/ /de nas bcom ldan 'das kyis de'i bsam pa dang bag la nyal dang khams dang rang bzhin thugs su chud nas/ 'phags pa'i bden pa bzhi rtogs par 'gyur ba de lta bu'i chos bstan 
te/ de thos nas khye'u byad bzang gis 'jig tshogs la lta ba'i ri'i rtse mo mthon po nyi shu ye shes rdo rjes bcom nas rgyun du zhugs pa'i 'bras bu mngon sum du byas te/ des bden pa mthong nas pha ma la gsol te/ bcom ldan 'das kyi bstan pa la rab tu byung 
ngo / /des brtson pa dang / bsgrub pa dang / 'bad pas phol mig lnga pa'i 'khor ba'i 'khor lo 'di nyid g.yo zhing mi brtan par rig nas/ 'du byed kyi rnam pa thams cad snyil ba dang / ltung ba dang / rnam par 'thor ba dang / rnam par 'jig pa'i chos 
can yin par rtsad chod de/ nyon mongs pa thams cad spangs nas dgra bcom pa nyid mngon sum du byas te/ dgra bcom pa khams gsum pa'i 'dod chags dang bral bar gyur nas gser dang bong bar mnyam pa/ nam mkha' dang lag mthil du 'dra ba'i 
sems dang ldan pa/ tsan dan sbangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang so so yang dag par rig pa thob pa/ srid pa'i rnyed pa dang chags pa dang bkur sti la mi lta ba dbang po dang nye dbang 

</font><hr>75-1-173a<br><font size=+1>

dang bcas pa'i lha rnams kyis mchod cing rjed pa dang gus par smra ba'i gnas su gyur to/ /de nas dge slong rnams the tsom skyes te/ the tsom thams cad gcod pa sangs rgyas bcom ldan 'das la zhus pa/ btsun pa byad bzang gis las gang 
dag bgyis na/ des 'di'i lus 'di lta bur gyur la dgra bcom pa nyid thob par gyur lags/ bcom ldan 'das kyis bka' stsal pa/ dge slong dag byad bzang nyid kyis/ sngon tshe rabs gzhan dag tu tshogs rnyed cing rkyen grub pa dang ldan te dba' 
rgal bzhin du byung la/ gdon mi za bar 'ong ba'i las de dag byas shing bsags pas na byad bzang nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi 
rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te las dge ba dang mi dge ba byas shing bsags pa rnams ni zin pa'i phung po dang / khams dang / skye 
mched rnams 'ba' zhig la rnam par smin par 'gyur ro/ /lus can dag gi las rnams ni/ /bskal pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur/ /dge slong dag sngon byung ba 'das pa'i dus na/ bskal 
pa dgu bcu rtsa gcig pa la de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi 
rnams kyi ston pa sangs rgyas bcom ldan 'das rnam par gzigs zhes bya ba 'jig rten du byung ste/ de rgyal po'i pho brang gnyen ldan na rten cing bzhugs pa las/ re zhig na yang dag par rdzogs pa'i sangs rgyas rnam par gzigs sangs rgyas kyi phrin las 

</font><hr>75-1-173b<br><font size=+1>

thams cad mdzad nas/ shing zad pa'i me bzhin du phung po'i lhag ma med pa'i mya ngan las 'das pa'i dbyings su yongs su mya ngan las 'das so/ /de nas rgyal po gnyen yod kyis bcom ldan 'das kyi sku gdung la/ sku gdung gi mchod pa byas nas/ 
rin po che sna bzhi las byas pa'i mchod rten kho ra khor yug tu dpag tshad gcig yod la/ 'phang du rgyang grags gcig yod pa zhig brtsigs te/ der rgyal po gnyen yod gnyen gyi tshogs dang bcas pa dang / blon po'i tshogs kyis zhabs 'bring 
byas pas mchod rten gyi dus ston byas so/ /phyis re zhig na nyi ma gcig cig /mi dbul po zhig mchod rten gyi 'khor sa'i nang du song nas des de la me tog rnyis pa dag dang / mchod rten rdul gyis yog pa dag mthong ngo / /de nas des sangs 
rgyas kyi yon tan rjes su dran nas dad pa skyes te/ phyags ma blangs nas mchod rten yang phyags me tog rnyis pa yang bsal to/ /de nas mchod rten la rdul med cing dri ma med pa mthong nas/ dga' ba skyes te zhabs la phyag 'tshal nas/ 
smon lam btab pa/ dge ba'i rtsa ba dang sems bskyed pa 'dis na bdag gis kyang yon tan 'di lta bu dag thob par gyur cig /ston pa 'di lta bu mnyes par byed par gyur cig /mi mnyes par byed par ma gyur cig ces byas so/ /bcom 
ldan 'das kyis bka' stsal pa/ dge slong dag ji snyam du sems/ de'i tshe de'i dus na mi dbul por gyur pa gang yin pa de ni/ byad bzang 'di yin te/ des mchod rten la phyag dar byas pas na byad gzugs bzang por gyur to/ /smon lam btab pa 
des ni tshe 'di nyid la dgra bcom pa nyid mngon sum du byas so/ /dge slong dag de ltar na las gcig tu nges par gnag pa rnams ni rnam par smin pa yang gcig tu nges par gnag par 'gyur ro/ /las gcig tu nges par dkar ba rnams ni rnam par smin pa 

</font><hr>75-1-174a<br><font size=+1>

yang gcig tu nges par dkar bar 'gyur ro/ /las 'dren ma rnams ni rnam par smin pa yang 'dren mar 'gyur ro/ /dge slong dag de bas na las gcig tu nges par gnag pa rnams dang las 'dren ma rnams spangs la/ las gcig tu nges par 
dkar ba rnams 'ba' zhig la gtad par bya ste/ dge slong khyod kyis de ltar bslab par bya'o/ /bcom ldan 'das kyis de skad ces bka' stsal nas dge slong de dag yi rangs te/ bcom ldan 'das kyis gsungs pa la mngon par bstod do// //stobs 
ldan zhes bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu 
rnams dang / gnod sbyin rnams dang / lha ma yin rnams dang / nam mkha' lding rnams dang / mi'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / 
gnod sbyin dang / lha ma yin dang / nam mkha' lding dang / mi'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / 
gdon dang / snyun gsos dang / sman zong rnams brnyes pa/ nyan thos kyi dge 'dun dang bcas pa ser skya'i gnas na shing n+ya gro d+hA'i kun dga' ra ba na bzhugs so/ /de'i tshe ser skya'i gnas na shAkya phyug cing nor mang la/ longs spyod che ba yongs su 'dzin pa yangs 
shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa des rigs mnyam pa las chung ma blangs nas/ de de dang lhan cig tu rtse zhing dga' la dga' mgur spyod do/ /de rtse zhing dga' la dga' mgur spyod pa las chung ma 

</font><hr>75-1-174b<br><font size=+1>

la bu chags nas/ de zla ba brgyad dam dgu lon pa dang bu byung ste/khye'u gzugs bzang zhing blta na sdug la mdzes pa/ stobs kyi shugs gzhan las 'phags pa zhig btsas so/ /de nas de btsas pa'i btsas ston byas nas/ khye'u 'di'i ming ji skad gdags 
zhes ming 'dogs par byed de/ nye du rnams na re khye'u 'di stobs kyi shugs dang ldan pas na/ de'i phyir khye'u 'di'i ming stobs ldan zhes gdags so zhes zer ro/ /de nas khye'u stobs ldan pang na 'tsho ba'i ma ma gnyis dang / nu ma snun pa'i ma ma gnyis dang / 
dri ma 'khru ba'i ma ma gnyis dang / rtse ba'i ma ma gnyis te ma ma brgyad la gtad nas/ de ma ma brgyad kyis 'o ma dang / zho dang / mar dang / zhun mar dang / mar gyi nying khu dang/ gzhan yang yo byad kyi khyad par bzang ngo cog gis bskyed bsrings te mtsho'i 
nang gi pad ma bzhin du skye drag par gyur to/ /de yang dad pa dang ldan la dge zhing bsam pa bzang la/ bdag la phan pa dang / gzhan la phan pa la zhugs pa snying rje can bdag nyid che ba chos 'dod pa zhig go/ /de nas phyis re zhig na/ de shing n+ya gro d+hA'i kun 
dga' ra bar song ba dang / des sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan pa/ dpe byad bzang po brgyad cus mdzes par byas pa/ 'od 'dom gang gis brgyan pa/ nyi ma stong bas lhag pa'i 'od mnga' 
ba/ rin po che'i ri bo 'gro ba lta bu kun nas bzang ba mthong nas/ mthong ma thag tu des bcom ldan 'das la sems dga' ba bskyed do/ /dga' ba bskyed nas kyang bcom ldan 'das kyi zhabs la phyag 'tshal te/ chos mnyan pa'i phyir bcom ldan 'das 
kyi spyan sngar 'dug go/ /de nas bcom ldan 'das kyis de'i bsam pa dang / bag la nyal dang / khams dang / rang bzhin thugs su chud nas/ 'phags pa'i bden pa bzhi rtogs par 'gyur ba de lta bu'i chos bstan te/ de thos nas khye'u stobs ldan 

</font><hr>75-1-175a<br><font size=+1>

gyis 'jig tshogs la lta ba'i ri'i rtse mo mthon po nyi shu ye shes rdo rjes bcom nas rgyun du zhugs pa'i 'bras bu mngon sum du byas te des bden pa mthong nas/ pha ma la gsol te bcom ldan 'das kyi bstan pa la rab tu byung ste/ des brtson pa dang / bsgrub pa dang / 'bad pas phol mig 
lnga pa'i 'khor ba'i 'khor lo 'di nyid g.yo zhing mi brtan par rig nas/ 'du byed kyi rnam pa thams cad snyil ba dang / ltung ba dang / rnam par 'thor ba dang / rnam par 'jig pa'i chos can yin par rtsad chod de/ nyon mongs pa thams cad spangs nas/ dgra bcom pa nyid mngon sum du byas te/ dgra 
bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan sbangs pa lta bur bsil bar gyur pa/ rig pas sgo nga'i sbubs bcom pa/ rig pa dang mngon par shes pa dang 
so so yang dag par rig pa thob pa dang / srid pa'i rnyed pa dang chags pa dang bkur sti la mi lta ba dang / dbang po dang nye dbang dang bcas pa'i lha rnams kyis mchod cing rjed pa dang gus par smra ba'i gnas su gyur to/ /de nas dge slong dag the tsom skyes te/ the tsom thams cad gcod pa sangs rgyas 
bcom ldan 'das la zhus pa/ btsun pa stobs ldan kyis las gang dag bgyis na/ des 'di'i lus stobs dang ldan par gyur la dgra bcom pa nyid thob par gyur lags/ bcom ldan 'das kyis bka' stsal pa/ dge slong dag stobs ldan nyid kyis/ sngon tshe rabs gzhan dag tu tshogs rnyed 
cing rkyen grub pa dang ldan te/ dba' rgal bzhin du byung la gdon mi za bar 'ong ba'i las de dag byas shing bsags pas na/ stobs ldan nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i 
khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang khams dang skye mched rnams 'ba' zhig la rnam par smin par 'gyur te/ lus can dag gi 

</font><hr>75-1-175b<br><font size=+1>

las rnams ni/ /bskal pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur/ /dge slong dag sngon byung ba 'das pa'i dus na/ bskal pa dgu bcu rtsa gcig pa la de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan 
pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das rnam par gzigs zhes bya ba 'jig rten du byung ste/ de rgyal po'i pho brang gnyen ldan na rten cing bzhugs pa las/ re zhig na yang dag par 
rdzogs pa'i sangs rgyas rnam par gzigs sangs rgyas kyi phrin las thams cad mdzad nas/ shing zad pa'i me bzhin du phung po'i lhag ma med pa'i mya ngan las 'das pa'i dbyings su yongs su mya ngan las 'das so de nas rgyal po gnyen yod kyis bcom ldan 'das de'i sku gdung la sku gdung gi mchod pa 
byas nas/ rin po che sna bzhi las byas pa'i mchod rten kho ra khor yug tu dpag tshad gcig yod la 'phang du rgyang grags gcig yod pa zhig brtsigs te/ mchod rten gyi dus ston byed pa der skye bo phal po ches glu blangs gar byas pas mchod rten rdul gyis yog par gyur to/ /phyis re zhig na khyim 
bdag cig mchod rten gyi 'khor sa'i nang du song ba dang des mchod rten gyi 'khor sa rdul gyis yog pa mthong ngo / /de nas khyim bdag des sangs rgyas kyi yon tan rjes su dran nas dad pa skyes te/ spos kyi lde gu til mar dang sbyar ba phul nas smon lam btab pa/ bdag gis kyang yon tan 'di lta bu 
dag thob par gyur cig /ston pa 'di lta bu dag mnyes par byed par gyur cig /mi mnyes par byed par ma gyur cig ces byas so/ /bcom ldan 'das kyis bka' stsal pa/ dge slong dag ji snyam du sems/ de'i tshe de'i dus na khyim bdag tu gyur pa gang yin pa de ni stobs ldan 'di yin te/ des bcom ldan 
'das rnam par gzigs kyi mchod rten la bkur sti byas pa des na stobs dang ldan par gyur to/ /smon lam btab pa des ni da ltar dgra bcom pa nyid mngon sum du byas so/ /dge slong dag de ltar na las gcig tu nges par gnag pa rnams ni rnam par smin pa yang gcig tu nges par gnag par 'gyur ro/ /

</font><hr>75-1-176a<br><font size=+1>

las gcig tu nges par dkar ba rnams ni rnam par smin pa yang gcig tu nges par dkar bar 'gyur ro/ /las 'dren ma rnams ni rnam par smin pa yang 'dren mar 'gyur ro/ /dge slong dag de bas na las gcig tu nges par gnag pa rnams dang las 'dren ma rnams spangs la/ las gcig tu 
nges par dkar ba rnams 'ba' zhig la gtad par bya ste/ dge slong khyod kyis de ltar bslab par bya'o/ /bcom ldan 'das kyis de skad ces bka' stsal nas dge slong de dag yi rangs te/ bcom ldan 'das kyis gsungs pa la mngon par bstod do// //sdu gu zhes bya ba ni/ sangs rgyas bcom ldan 'das 
la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi'am ci rnams dang / lto 'phye chen po 
rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa ser skya'i gnas na shing n+ya gro d+hA'i kun dga' ra ba na bzhugs so/ /de'i tshe ser skya'i gnas na shAkya phyug cing nor mang la longs spyod che ba/ yongs su 'dzin pa yangs shing rgya che ba/ rnam thos 
kyi bu'i nor dang ldan pa/ rnam thos kyi bu'i nor dang 'gran pa zhig gnas pa des rigs mnyam pa las chung ma blangs nas/ de de dang lhan cig tu rtse zhing dga' la dga' mgur spyod do/ /de rtse zhing dga' la dga' mgur spyod pa las chung ma la bu chags nas/ de zla ba brgyad dam dgu lon pa dang bu byung ste/ khye'u 
gzugs bzang zhing blta na sdug la mdzes pa/ che bar grags pa mthong na dga' ba zhig btsas te de btsas pa na/ grong khyer ser skya'i gnas thams cad grags pas rgyas par gyur to/ /de nas de btsas pa'i btsas ston byas nas khye'u 'di'i ming ji skad gdags zhes ming 'dogs par byed de nye du rnams na re khye'u 'di btsas ma 

</font><hr>75-1-176b<br><font size=+1>

thag tu skye bo thams cad kyi snying du sdug pas na/ de'i phyir khye'u 'di'i ming sdu gu zhes gdags so zhes zer ro/ /de nas khye'u sdu gu pang na 'tsho ba'i ma ma gnyis dang / nu ma snun pa'i ma ma gnyis dang / dri ma 'khru ba'i ma ma gnyis dang / rtse ba'i ma ma gnyis te ma ma brgyad la gtad nas/ de ma ma brgyad kyis 'o ma dang / zho dang / 
mar dang / zhun mar dang / mar gyi nying khu dang / gzhan yang yo byad kyi khyad par bzang ngo cog gis bskyed bsrings te mtsho'i nang gi pad ma bzhin du skye drag par gyur to/ /de yang dad pa dang ldan la dge zhing bsam pa bzang ba/ bdag la phan pa dang gzhan la phan pa la zhugs pa snying rje can bdag nyid che ba/ 
chos 'dod pa/ gtong ba la sred pa/ sbyin pa la dga' ba/ rab tu sbyin pa la mngon par dga' ba/ gtong ba chen po la gnas pa zhig ste/ des dge sbyong dang bram ze dang bkren pa dang sdug cing phongs pa rnams la sbyin pa rnam pa sna tshogs gtong bas sdud par byed do/ /de nas phyis re zhig na khye'u sdu gu shing n+ya gro d+hA'i 
kun dga' ra bar song ba dang / des sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan pa/ dpe byad bzang po brgyad cus mdzes par byas pa/ 'od 'dom gang gis brgyan pa/ nyi ma stong bas lhag pa'i 'od mnga' ba/ rin po che'i ri bo 'gro ba lta bu kun 
nas bzang ba mthong nas/ mthong ma thag tu des bcom ldan 'das la sems dga' ba bskyed do/ /dga' ba bskyed nas kyang bcom ldan 'das kyi zhabs la phyag 'tshal te chos mnyan pa'i phyir bcom ldan 'das kyi spyan sngar 'dug go/ /de nas bcom ldan 'das kyis de'i bsam pa dang / bag la nyal dang / 
khams dang / rang bzhin thugs su chud nas/ 'phags pa'i bden pa bzhi rtogs par 'gyur ba de lta bu'i chos bstan te/ de thos nas khye'u sdu gus 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu mngon sum du byas te/ des bden pa mthong nas 
pha ma la gsol te/ bcom ldan 'das kyi bstan pa la rab tu 'byung ngo / /des brtson pa dang bsgrub pa dang 'bad pas phol mig lnga pa'i 'khor ba'i 'khor lo 'di nyid g.yo zhing mi brtan par rig nas/ 'du byed kyi rnam pa thams cad snyil ba dang / ltung ba dang rnam par 'thor ba dang / rnam par 'jig pa'i chos can 

</font><hr>75-1-177a<br><font size=+1>

yin par rtsad chod de/ nyon mongs pa thams cad spangs nas dgra bcom pa nyid mngon sum du byas te/ dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan sbangs pa lta bur bsil bar gyur 
pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/srid pa'i rnyed pa dang chags pa dang bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang gus par smra ba'i gnas su gyur to/ /de nas dge slong dag the tsom 
skyes te/ the tsom thams cad gcod pa sangs rgyas bcom ldan 'das la zhus pa/ btsun pa sdu gus las gang dag bgyis na/ des 'di grags pa chen po dang ldan pa dang sdug cing yid du 'ong bar gyur la/ rab tu byung nas dgra bcom pa nyid mngon sum du bgyis lags/ bcom ldan 'das kyis bka' stsal pa/ 
dge slong dag sdu gu nyid kyis sngon tshe rabs gzhan dag tu tshogs rnyed cing rkyen grub pa dang ldan te/ dba' rgal bzhin du byung la/ gdon mi za bar 'ong ba'i las de dag byas shing bsags pas na/ sdu gu nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag las 
byas shing bsags pa rnams ni phyi rol gyi sa'i khams la rnam par smin par mi 'gyur ro/ /chu'i khams dang / me'i khams dang / rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni/ zin pa'i phung po dang / khams dang / skye mched rnams 'ba' zhig la rnam par 
smin par 'gyur ro/ /lus can dag gi las rnams ni/ /bskal pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur/ /dge slong dag sngon byung ba 'das pa'i dus na bskal pa dgu bcu rtsa gcig pa la de bzhin gshegs pa dgra bcom pa yang dag par rdzogs pa'i sangs rgyas rig 
pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das rnam par gzigs zhes bya ba 'jig rten du byung ste/ de rgyal po'i pho brang gnyen ldan na rten cing bzhugs pa las/re zhig na 

</font><hr>75-1-177b<br><font size=+1>

yang dag par rdzogs pa'i sangs rgyas rnam par gzigs sangs rgyas kyi phrin las thams cad mdzad nas/ shing zad pa'i me bzhin du phung po'i lhag ma med pa'i mya ngan las 'das pa'i dbyings su yongs su mya ngan las 'das so/ /de nas rgyal po gnyen yod kyis/ bcom ldan 'das de'i sku gdung la sku 
gdung gi mchod pa byas nas/ rin po che sna bzhi las byas pa'i mchod rten kho ra khor yug tu dpag tshad gcig yod la/ 'phang du rgyang grags gcig yod pa zhig brtsigs so/ /de nas phyis re zhig na dpyid kyi dus su shing rnams me tog rgyas te me tog rnam pa sna tshogs byung ba na/ khyim bdag 
gcig gis rgyal po la gsol pa/ bdag ni lha dang lhan cig tu bcom ldan 'das rnam par gzigs kyi mchod rten la me tog gdags par 'tshal lo/ /rgyal pos smras pa/ de ltar gyis shig /de nas khyim bdag de dang / rgyal po dang / blon po dang / zhabs 'bring ba rnams kyis dril bsgrags te/ 
me tog rnam pa sna tshogs sta gon byas nas/ bcom ldan 'das rnam par gzigs kyi mchod rten la me tog btags te/ der srog chags 'bum phrag du mas sems dga' ba skyes nas/ dge ba'i rtsa ba rnams yang dag par bskyed do/ /bcom ldan 'das kyis bka' stsal pa/ dge slong dag ji snyam du 
sems/ de'i tshe de'i dus na khyim bdag tu gyur pa gang yin pa de ni sdu gu 'di yin te/ des skye bo phal po che dang lhan cig tu dge ba'i rtsa ba rnams bskyed pa des na/ skye bo phal po che'i snying du sdug cing yid du 'ong ba'i rgyur gyur la/ rgyu de nyid kyis na blta na sdug cing mdzes par gyur te/ dgra bcom pa nyid mngon 
sum du byas so/ /dge slong dag de ltar na las gcig tu nges par gnag pa rnams ni rnam par smin pa yang gcig tu nges par gnag par 'gyur ro/ /las gcig tu nges par dkar ba rnams ni rnam par smin pa yang gcig tu nges par dkar bar 'gyur ro/ /las 'dren ma rnams ni rnam par smin pa yang 'dren mar 
'gyur ro/ /dge slong dag de bas na las gcig tu nges par gnag pa rnams dang las 'dren ma rnams spangs la las gcig tu nges par dkar ba rnams 'ba' zhig la gtad par bya ste/ dge slong khyod kyis de ltar bslab par bya'o/ /bcom ldan 'das kyis de skad ces bka' stsal nas dge slong de dag yi rangs te/

</font><hr>75-1-178a<br><font size=+1>

bcom ldan 'das kyis gsungs pa la mngon par bstod do// //pad ma'i mig ces bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / 
ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi'am ci rnams dang / lto 'phye chen po rnams kyis bkur sti byas/ bla mar byas/ ri mo byas/ mchod pa byas te/ lha dang / klu dang / gnod 
sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams 
brnyes pa/ nyan thos kyi dge 'dun dang bcas pa ser skya'i gnas na shing n+ya gro d+hA'i kun dga' ra ba na bzhugs so/ /de'i tshe ser skya'i gnas na shAkya phyug cing nor mang ba/ longs spyod che ba/ yongs su 'dzin pa/ yangs shing rgya che ba/ rnam thos kyi bu'i nor dang ldan pa/ rnam thos kyi bu'i 
nor dang 'gran pa zhig gnas pa des rigs mnyam pa las chung ma blangs nas/ de de dang lhan cig tu rtse zhing dga' la dga' mgur spyod do/ /de rtse zhing dga' la dga' mgur spyod pa las chung ma la bu chags nas de zla ba brgyad dam dgu lon pa dang bu byung ste/ khye'u gzugs bzang zhing blta na sdug 
la mdzes pa mig pad ma sngon po 'dra ba/ mgo bo la lha'i nor bu rin po che mthon ka thogs pa zhig btsas te/ des grong khyer ser skya'i gnas thams cad nor bu mthon ka'i kha dog can du byas so/ /de nas de btsas pa'i btsas ston byas nas/ khye'u 'di'i ming ji 
skad gdags zhes ming 'dogs par byed de/ nye du rnams na re khye'u 'di mig pad ma dang 'dra bas na/ de'i phyir khye'u 'di'i ming pad ma'i mig ces gdags so zhes zer ro/ /de nas khye'u pad ma'i mig pang na 'tsho ba'i ma ma gnyis dang / nu ma snun pa'i ma ma gnyis dang dri ma 'khru 

</font><hr>75-1-178b<br><font size=+1>

ba'i ma ma gnyis dang / rtse ba'i ma ma gnyis te/ de ma ma brgyad la gtad nas/ de ma ma brgyad kyis 'o ma dang / zho dang / mar dang / zhun mar dang / mar gyi nying khu dang / gzhan yang yo byad kyi khyad par bzang ngo cog gis bskyed bsrings te mtsho'i nang gi pad ma bzhin du 
skye drag par gyur to/ /de yang dad pa dang ldan la/ dge zhing bsam pa bzang ba/ bdag la phan pa dang gzhan la phan pa la zhugs pa/ snying rje can bdag nyid che ba/ chos 'dod pa/ gtong ba la sred pa/ sbyin pa la dga' ba/ rab tu sbyin pa la mngon par dga' ba/ 
gtong ba chen po la gnas pa zhig ste/ de gang dang gang du 'gro ba de dang der lha dang mi rnams kyis mchod cing rjed do/ /de nas phyi zhig na khye'u pad ma'i mig shing n+ya gro d+hA'i kun dga' ra bar song ba dang / des sangs rgyas bcom ldan 'das sku skyes bu chen po'i mtshan sum cu rtsa gnyis 
kyis legs par brgyan pa/ dpe byad bzang po brgyad cus mdzes par byas pa/ 'od 'dom gang gis brgyan pa/ nyi ma stong bas lhag pa'i 'od mnga' ba/ rin po che'i ri bo 'gro ba lta bu kun nas bzang ba mthong ngo / /mthong ma thag tu des bcom ldan 'das la sems dga' ba 
bskyed do/ /dga' ba bskyed nas kyang bcom ldan 'das kyi zhabs la phyag 'tshal te/ chos mnyan pa'i phyir/ bcom ldan 'das kyi spyan sngar 'dug go/ /de nas bcom ldan 'das kyis de'i bsam pa dang / bag la nyal dang / khams dang / rang bzhin thugs su chud 
nas/ 'phags pa'i bden pa bzhi rtogs par 'gyur ba de lta bu'i chos bstan te/ de thos nas khye'u pad ma'i mig gis 'jig tshogs la lta ba'i ri'i rtse mo mthon po nyi shu ye shes rdo rjes bcom nas rgyun du zhugs pa'i 'bras bu mngon du byas te des bden pa mthong nas sbyin pa dang 
rab tu sbyin pa dag byin te/ dge slong dang / bram ze dang / bkren pa dang / sdug cing phongs pa rnams tshim par byas nas pha ma la gsol te/ bcom ldan 'das kyi bstan pa la rab tu byung ste/ des brtson pa dang / bsgrub pa dang / 'bad pas phol mig lnga pa'i 

</font><hr>75-1-179a<br><font size=+1>

'khor ba'i 'khor lo 'di nyid g.yo zhing mi brtan par rig nas/ 'du byed kyi rnam pa thams cad snyil ba dang / ltung ba dang / rnam par 'thor ba dang / rnam par 'jig pa'i chos can yin par rtsad chod de/ nyon mongs pa thams cad spangs nas dgra bcom pa 
nyid mngon sum du byas te/ dgra bcom pa khams gsum pa'i 'dod chags dang bral bar gyur nas gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan sbangs pa lta bur bsil bar gyur pa/ rig pas sgo nga'i sbubs bcom pa/ 
rig pa dang mngon par shes pa dang so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang gus par smra ba'i gnas su gyur to/ /de nas re zhig na de bsod snyoms 
la song ba dang / skye bo phal po ches de la bltas nas ngo mtshar bar gyur to/ /de nas pad ma'i mig bcom ldan 'das kyi thad du song nas/ bcom ldan 'das la gsol pa/ bcom ldan 'das kyis ci nas bdag gi nor bu rin po che ma mchis par mdzad du gsol/ bcom ldan 
'das kyis bka' stsal pa/ bu 'di ni las las skyes pa yin pas na nor bu rin po che med par bya mi nus so/ /de lta mod kyis ci nas dad pa dang ldan pa rnams kyis ni mthong la/ ma dad pa rnams kyis ni mi mthong bar bya'o/ /de nas bcom ldan 'das kyis de bzhin du mdzad do/ /
de nas dge slong dag the tsom skyes te the tsom thams cad gcod pa/ sangs rgyas bcom ldan 'das la zhus pa/ btsun pa pad ma'i mig gis las gang dag bgyis na/ des 'di che bar grags pa dang dgra bcom pa nyid thob par gyur lags/ bcom ldan 'das kyis bka' stsal pa/ 
pad ma'i mig nyid kyis sngon tshe rabs gzhan dag du tshogs rnyed cing rkyen grub pa dang ldan te dba' rgal bzhin du byung la/ gdon mi za bar 'ong ba'i las de dag byas shing bsags pas na/ pad ma'i mig nyid kyis las byas shing bsags pa de dag gzhan su zhig gis nyams su myong bar 

</font><hr>75-1-179b<br><font size=+1>

'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams 
ni zin pa'i phung po dang khams dang skye mched rnams 'ba' zhig la rnam par smin par 'gyur ro/ /lus can dag gi las rnams ni/ /bskal pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur/ /dge slong dag sngon byung ba 'das pa'i 
dus na/ bskal pa dgu bcu rtsa gcig pa la de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa lha dang mi rnams kyi ston 
pa sangs rgyas bcom ldan 'das rnam par gzigs zhes bya ba 'jig rten du byung ste de rgyal po'i pho brang gnyen ldan na rten cing bzhugs pa las/ re zhig na yang dag par rdzogs pa'i sangs rgyas rnam par gzigs sangs rgyas kyi phrin las thams cad mdzad nas/ shing zad pa'i me 
bzhin du phung po lhag ma med pa'i mya ngan las 'das pa'i dbyings su yongs su mya ngan las 'das so/ /de nas rgyal po gnyen yod kyis/ bcom ldan 'das de'i sku gdung la sku gdung gi mchod pa byas nas/ rin po che sna bzhi las byas pa'i mchod rten kho ra khor yug tu dpag tshad 
gcig yod la/ 'phang du rgyang grags gcig yod pa zhig brtsigs te/ der srog chags 'bum phrag du mas bkur sti byas nas mtho ris dang thar par 'gro bar 'gyur ro/ /de nas re zhig na/ ded dpon zhig rgya mtsho chen po'i gru'i don grub ste/ phyir 'ongs nas des de'i nang nas 
nor bu rin po che mthon ka chen po zhig khyer te 'ongs te/ des bcom ldan 'das kyi mchod rten mthong nas de bzhin gshegs pa'i yon tan rjes su dran te/ nor bu rin po che de bcom ldan 'das rnam par gzigs kyi mchod rten gyi char khab la btags nas/ de'i mthus phyogs dang 

</font><hr>75-1-180a<br><font size=+1>

phyogs mtshams thams cad mthon ka'i mdog lta bur 'dug par byas so/ /me tog pad ma dag gis kyang mchod pa byas nas/ smon lam btab pa/ bdag gis kyang yon tan 'di lta bu dag thob par gyur cig /ston pa 'di lta bu mnyes par byed par gyur cig 
mi mnyes par byed par ma gyur cig ces byas so/ /bcom ldan 'das kyis bka' stsal pa/ dge slong dag ji snyam du sems/ de'i tshe de'i dus na ded dpon du gyur pa gang yin pa de ni pad ma'i mig 'di yin te/ des bcom ldan 'das rnam par gzigs kyi mchod rten la nor bu 
rin po che btags pa'i las de'i rnam par smin pas 'di'i mgo bo las nor bu rin po che byung ngo / /pad ma sngon po dag gis mchod pa byas pa des ni/ mig pad ma sngon po lta bur gyur to/ /smon lam btab pa des ni tshe 'di nyid la dgra bcom pa nyid mngon sum du byas so/ /dge slong 
dag de ltar na las gcig tu nges par gnag pa rnams ni/ rnam par smin pa yang gcig tu nges par gnag par 'gyur ro/ /las gcig tu nges par dkar ba rnams ni rnam par smin pa yang gcig tu nges par dkar bar 'gyur ro/ /las 'dren ma rnams ni rnam par smin pa yang 'dren 
mar 'gyur ro/ /dge slong dag de bas na las gcig tu nges par gnag pa rnams dang las 'dren ma rnams spangs la/ las gcig tu nges par dkar ba rnams 'ba' zhig la gtad par bya ste/ dge slong dag khyod kyis de ltar bslab par bya'o/ /bcom ldan 'das kyis 
de skad ces bka' stsal nas/ dge slong de dag yi rangs te bcom ldan 'das kyis gsungs pa la mngon par bstod do// //rnga sgra zhes bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang 
'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi'am ci rnams dang / lto 'phye chen po rnams kyis bkur sti byas/ bla mar byas/ ri mo byas/

</font><hr>75-1-180b<br><font size=+1>

mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims 
cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa/ ser skya'i gnas na shing n+ya gro d+hA'i kun dga' ra ba na bzhugs so/ /de'i tshe ser skya'i gnas na shAkya phyug cing nor mang la longs spyod che ba/ yongs su 'dzin pa/ yangs shing 
rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa des/ rigs mnyam pa las chung ma blangs nas/ de de dang lhan cig tu rtse zhing dga' la dga' mgur spyod do/ /de rtse zhing dga' la dga' mgur spyod pa las chung ma la bu chags nas/ 
de zla ba brgyad dam dgu lon pa dang bu byung ste khye'u gzugs bzang zhing blta na sdug la mdzes pa che bar grags pa/ bya ka la ping ka ltar skad snyan pa/ rnga sgra ltar gdangs snyan pa zhig btsas so/ /de nas de btsas pa'i btsas ston byas nas/ khye'u 'di'i ming ji skad gdags zhes ming 
'dogs par byed de/ nye du rnams na re khye'u 'di rnga sgra lta bu'i gdangs dang ldan pas na/ de'i phyir khye'u 'di'i ming rnga sgra zhes gdags so zhes zer ro/ /de nas khye'u rnga sgra pang na 'tsho ba'i ma ma gnyis dang / nu ma snun pa'i ma ma gnyis dang / dri ma 'khru ba'i ma ma gnyis dang / rtse ba'i ma ma 
gnyis te/ de ma ma brgyad la gtad nas/ de ma ma brgyad kyis 'o ma dang / zho dang / mar dang / zhun mar dang / mar gyi nying khu dang / gzhan yang yo byad kyi khyad par bzang ngo cog gis bskyed bsrings te mtsho'i nang gi pad ma bzhin du skye drag par gyur to/ /de yang dad pa dang ldan la dge zhing 
bsam pa bzang ba/ bdag la phan pa dang gzhan la phan pa la zhugs pa/ snying rje can bdag nyid che ba/ chos 'dod pa/ gtong ba la sred pa/ sbyin pa la dga' ba/ rab tu sbyin pa la mngon par dga' ba/ gtong ba chen po la gnas pa zhig go/ /de nas phyi zhig na khye'u rnga sgra shing n+ya gro d+hA'i kun 

</font><hr>75-1-181a<br><font size=+1>

dga' ra bar song ba dang / des sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan pa/ dpe byad bzang po brgyad cus mdzes par byas pa 'od 'dom gang gis brgyan pa nyi ma stong bas lhag pa'i 'od mnga' ba/ rin po che'i ri bo 
'gro ba lta bu kun nas bzang ba mthong nas/ mthong ma thag tu des bcom ldan 'das la sems dga' ba bskyed do/ /dga' ba bskyed nas kyang bcom ldan 'das kyi zhabs la phyag 'tshal te/ chos mnyan pa'i phyir bcom ldan 'das kyi spyan sngar 'dug go/ /de nas bcom ldan 'das kyis de'i bsam pa 
dang / bag la nyal dang / khams dang / rang bzhin thugs su chud nas/ 'phags pa'i bden pa bzhi rtogs par 'gyur ba de lta bu'i chos bstan pa mdzad de/ de thos nas khye'u rnga sgras 'jig tshogs la lta ba'i ri'i rtse mo mthon po nyi shu ye shes rdo rjes bcom nas rgyun du zhugs pa'i 'bras bu mngon 
sum du byas te/ des bden pa mthong nas sbyin pa dang rab tu sbyin pa dag byin te/ dge slong dang bram ze dang bkren pa dang sdug cing phongs pa rnams tshim par byas nas pha ma la gsol te/ bcom ldan 'das kyi bstan pa la rab tu byung ngo / /des brtson pa dang bsgrub pa dang 'bad pas 
phol mig lnga pa'i 'khor ba'i 'khor lo 'di nyid g.yo zhing mi brtan par rig nas/ 'du byed kyi rnam pa thams cad snyil ba dang ltung ba dang rnam par 'thor ba dang rnam par 'jig pa'i chos can yin par rtsad chod de/ nyon mongs pa thams cad spangs nas dgra bcom pa nyid mngon sum du byas 
te/ dgra bcom pa khams gsum pa'i 'dod chags dang bral bar gyur nas gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan sbangs pa lta bur bsil bar gyur pa/ rig pas sgo nga'i sbubs bcom pa/ rig pa dang mngon par shes 
pa dang so so yang dag par rig pa thob pa/ srid pa'i rnyed pa dang chags pa dang bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang gus par smra ba'i gnas su gyur to/ /de nas dge slong dag the tsom skyes te/ the tsom thams cad gcod pa 

</font><hr>75-1-181b<br><font size=+1>

sangs rgyas bcom ldan 'das la zhus pa/ btsun pa rnga sgras las gang dag bgyis na/ des 'di gzugs bzang zhing blta na sdug la mdzes par gyur te/ dgra bcom pa nyid kyang thob par gyur lags/ bcom ldan 'das kyis bka' stsal pa/ rnga sgra nyid kyis sngon tshe rabs gzhan 
dag tu tshogs rnyed cing rkyen grub pa dang ldan te/ dba' rgal bzhin du 'byung la gdon mi za bar 'ong ba'i las de dag byas shing bsags pas na rnga sgra nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams 
ni phyi rol gyi sa'i khams la rnam par smin par mi 'gyur/ chu'i khams dang me'i khams dang rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang / khams dang skye mched rnams 'ba' zhig la rnam par smin par 
'gyur ro/ / lus can dag gi las rnams ni/ /bskal pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur/ /dge slong dag sngon byung ba 'das pa'i dus na bskal pa dgu bcu rtsa gcig pa la/ de bzhin gshegs pa dgra bcom pa yang dag par rdzogs 
pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das rnam par gzigs zhes bya ba 'jig rten du byung ste/ de rgyal po'i pho brang gnyen ldan na 
rten cing bzhugs pa las/ re zhig na yang dag par rdzogs pa'i sangs rgyas rnam par gzigs sangs rgyas kyi phrin las thams cad mdzad nas/ shing zad pa'i me bzhin du phung po'i lhag ma med pa'i mya ngan las 'das pa'i dbyings su yongs su mya ngan las 'das so/ /de nas rgyal po 
gnyen yod kyis/ bcom ldan 'das de'i sku gdung la sku gdung gi mchod pa byas nas/ rin po che sna bzhi las byas pa'i mchod rten kho ra khor yug tu dpag tshad gcig yod la/ 'phang du rgyang grags gcig yod pa zhig brtsigs te/ der srog chags 'bum phrag du mas bkur sti 

</font><hr>75-1-182a<br><font size=+1>

byas nas mtho ris dang thar par 'gro bar 'gyur ro/ de nas re zhig na khyim bdag cig gis rol mo'i cha byad rnam pa sna tshogs dang mi las rol mo bslabs te/ mchod rten de la phul nas de dag mchod rten de la nyin gcig bzhin du rol mo'i sgra'i khyad par dag gis bkur sti 
byed do/ dge slong dag ji snyam du sems/ de'i tshe de'i dus na khyim bdag tu gyur pa gang yin pa de ni rnga sgra 'di yin te/ des bcom ldan 'das rnam par gzigs kyi mchod rten la rol mo'i sgra'i cha byad rnam pa sna tshogs phul ba des na rnga sgra lta bu'i gdangs can du gyur la/ rgyu de nyid kyis na 
da ltar dgra bcom pa nyid mngon sum du byas so/ /dge slong dag de ltar na las gcig tu nges par gnag pa rnams ni rnam par smin pa yang gcig tu nges par gnag par 'gyur ro/ las gcig tu nges par dkar ba rnams ni rnam par smin pa yang gcig tu nges par dkar bar 'gyur ro/ /las 'dren 
ma rnams ni rnam par smin pa yang 'dren mar 'gyur ro/ dge slong dag de bas na las gcig tu nges par gnag pa rnams dang las 'dren ma rnams spangs la/ las gcig tu nges par dkar ba rnams 'ba' zhig la gtad par bya ste/ dge slong khyod kyis de ltar bslab par bya'o/ bcom ldan 
'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do// //bu zhes bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi 
rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi'am ci rnams dang / lto 'phye chen po rnams kyis bkur sti byas/ bla mar byas/ ri mo byas/ mchod pa byas te/ 
lha dang / klu dang / gnod sbyin dang / lha ma yin dang / nam mkha' lding dang / mi'am ci rnams dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos 

</font><hr>75-1-182b<br><font size=+1>

dang / sman zong rnams brnyes pa/ nyan thos kyi dge 'dun dang bcas pa ser skya'i gnas na shing n+ya gro d+hA'i kun dga' ra ba na bzhugs so/ /de'i tshe ser skya'i gnas na shAkya phyug cing nor mang la longs spyod che ba/ yongs su 'dzin pa yangs shing rgya che ba rnam thos kyi bu'i nor dang ldan pa/ rnam thos kyi 
bu'i nor dang 'gran pa zhig gnas pa des/ rigs mnyam pa las chung ma blangs nas de de dang lhan cig tu rtse zhing dga' la dga' mgur spyod do/ de rtse zhing dga' la dga' mgur spyod pa las chung ma la bu chags nas/ de zla ba brgyad dam dgu lon te bu btsas na sha snag bu chen po zhig byung ste/ pha ma 
dang khyim de na gnas pa gzhan dag dang g.yog 'khor dang nye du rnams kyis de mthong nas 'di lta bu btsas pa ci yin zhes mi dga' bar gyur to/ de nas re zhig na khyim bdag de mya ngan gyi khang bur zhugs te/ lag pa la rkom tshugs bcas nas sems khong du chud cing 'dug ste 'di ci yin/ su la bsnyad 
par bya/ shes pa su yod snyam mo de nas de'i blo skyes pa/ sangs rgyas bcom ldan 'das 'di ni thams cad mkhyen pa thams cad gzigs pa yin te/ des mkhyen gyis sangs rgyas bcom ldan 'das la bsnyad par bya'o snyam nas/ de bcom ldan 'das ga la ba der song ste phyin nas bcom ldan 'das 
la zhus so/ bcom ldan 'das kyis bka' stsal pa/ khyim bdag khyod ma 'jigs shig ma 'jigs shig /sha snag bu de ras bal legs par rmel ba'i nang du chug la zhag bdun gyi bar du nyin gcig kyang dus gsum gsum du lag pas brims te/ 'o mas kyang yang dang yang du gtor cig dang 
de'i 'og tu rdol te/ bu brgya 'byung bar 'gyur la de dag thams cad tshan po che'i stobs dang ldan par 'gyur ro/ de nas khyim bdag des de thos nas mchog tu ya mtshan du gyur te/ bsams pa bdag gi bu de lta bu dag 'byung bar 'gyur ba ni bdag gis rnyed pa legs par rnyed do snyam nas des de 
bzhin du byas pa dang / zhag bdun lon pa dang sha snag bu de rdol nas bu brgya byung ste/ thams cad kyang gzugs bzang zhing blta na sdug la mdzes pa yan lag dang nying lag thams cad dang ldan pa/ tshan po che'i stobs dang ldan pa sha stag go/ /de nas re zhig na mthar gyis bskyed bsrings 

</font><hr>75-1-183a<br><font size=+1>

nas cher skyes pa dang / de dag thams cad byad gzugs dang lang tsho'i rgyags pas dregs te/ phan tshun 'khyam pa las shing n+ya gro d+hA'i kun dga' ra bar song ba dang / de dag gis sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par 
brgyan pa/ dpe byad bzang po brgyad cus mdzes par byas pa/ 'od 'dom gang gis brgyan pa/ nyi ma stong bas lhag pa'i 'od mnga' ba rin po che'i ri bo 'gro ba lta bu kun nas bzang ba mthong nas/ mthong ma thag tu de dag gis bcom ldan 'das la sems dga' ba bskyed do/ dga' ba bskyed 
nas kyang bcom ldan 'das kyi zhabs la phyag 'tshal te/ chos nyan pa'i phyir bcom ldan 'das kyi spyan sngar 'khod do/ de nas bcom ldan 'das kyis de dag gi bsam pa dang /  bag la nyal dang / khams dang / rang bzhin thugs su chud nas/ 'phags pa'i bden pa bzhi rtogs par 'gyur ba 
de lta bu'i chos bstan pa mdzad de/ de thos nas thams cad kyis 'jig tshogs la lta ba'i ri'i rtse mo mthon po nyi shu ye shes rdo rjes bcom nas rgyun du zhugs pa'i 'bras bu mngon sum du byas te/ de dag gis bden pa mthong nas pha ma la gsol te/ bcom ldan 'das kyi bstan pa la rab tu byung ngo / 
de dag thams cad kyis brtson pa dang bsgrub pa dang 'bad pas phol mig lnga pa'i 'khor ba'i 'khor lo 'di nyid g.yo zhing mi brtan par rig nas 'du byed kyi rnam pa thams cad snyil ba dang ltung ba dang rnam par 'thor ba dang rnam par 'jig pa'i chos can yin par rtsad chod de/ nyon mongs pa thams cad 
spangs nas dgra bcom pa nyid mngon sum du byas te/ dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan sbangs pa lta bur bsil bar gyur pa/ rig pas sgo nga'i sbubs 
bcom pa/ rig pa dang mngon par shes pa dang sa so yang dag par rig pa thob pa/ srid pa'i rnyed pa dang chags pa dang bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang gus par smra ba'i gnas su gyur to/ /de nas dge slong dag the tsom skyes te/

</font><hr>75-1-183b<br><font size=+1>

the tsom thams cad gcod pa/ sangs rgyas bcom ldan 'das la zhus pa/ btsun pa gzhon nu brgya po 'di dag gis las gang dag bgyis na/ des spun du gyur la tshan po che'i stobs dang ldan par gyur lags/ bcom ldan 'das kyis bka' stsal pa/ 'di rnams kyis sngon tshe rabs gzhan dag tu 
tshogs rnyed cing rkyen grub pa dang ldan te/ dba' rgal bzhin du byung la gdon mi za bar 'ong ba'i las de dag byas shing bsags pas na/ 'di dag nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi 
rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang khams dang skye mched rnams 'ba' zhig la rnam par smin par 'gyur ro/ /
lus can dag gi las rnams ni/ /bskal pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur/ /dge slong dag sngon byung ba 'das pa'i dus na/ bskal pa dgu bcu rtsa gcig pa la de bzhin gshegs pa dgra bcom pa yang dag par rdzogs pa'i sangs rgyas rig 
pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das rnam par gzigs zhes bya ba 'jig rten du byung ste/ de rgyal po'i pho brang gnyen ldan na rten cing bzhugs pa las/ 
re zhig na yang dag par rdzogs pa'i sangs rgyas rnam par gzigs kyis sangs rgyas kyi phrin las thams cad mdzad nas/ shing zad pa'i me bzhin du phung po'i lhag ma med pa'i mya ngan las 'das pa'i dbyings su yongs su mya ngan las 'das so/ /de nas rgyal po gnyen yod kyis/ bcom ldan 
'das de'i sku gdung la sku gdung gi mchod pa byas nas/ rin po che sna bzhi las byas pa'i mchod rten kho ra khor yug tu dpag tshad gcig yod la/ 'phang du rgyang grags gcig yod pa zhig brtsigs te/ der srog chags 'bum phrag du mas bkur sti byas nas mtho ris dang thar par 'gro bar 'gyur ro/ /

</font><hr>75-1-184a<br><font size=+1>

de nas re zhig na mdza' sde bo brgya phyi rol tu byung ba dang de dag gis mchod rten de mthong nas/ de bzhin gshegs pa'i yon tan rjes su dran te/ de dag gis lhan cig tu til mar spos can gyis byugs nas/ me tog dang me tog phreng dang mar me dbul ba dag gis kyang 
bsnyen bkur byas nas lhan cig tu smon lam btab pa/ bdag cag gang dang gang du skyes pa de dang der spun du gyur te/ lhan cig tu lto gcig kho na nas 'byung bar gyur cig /tshan po che'i stobs kyi shugs thob pa dang byad gzugs dang ldan par gyur cig /ma 'ongs pa'i dus na yang yang dag par 
rdzogs pa'i sangs rgyas rnams mnyes par byed par gyur cig /mi mnyes par byed par ma gyur cig ces byas so/ /dge slong dag ji snyam du sems/ de'i tshe de'i dus na mdza' sde bor gyur pa gang yin pa de dag ni tshan po che 'di dag yin te/ de dag gis lhan cig tu mchod rten de la bkur sti 
byas pa des na 'di ltar lhan cig tu skyes te/ tshan po che'i stobs kyi shugs thob par gyur to/ /smon lam btab pa des ni gcig tu 'thun par rab tu byung nas dgra bcom pa nyid thob par gyur to/ /dge slong dag de ltar na las gcig tu nges par gnag pa rnams ni rnam par smin pa yang gcig tu 
nges par gnag par 'gyur ro/ las gcig tu nges par dkar ba rnams ni rnam par smin pa yang gcig tu nges par dkar bar 'gyur ro/ /las 'dren ma rnams ni rnam par smin pa yang 'dren mar 'gyur ro/ /dge slong dag de bas na las gcig tu nges par gnag pa rnams dang las 'dren 
ma rnams spangs la/ las gcig tu nges par dkar ba rnams 'ba' zhig la gtad par bya ste/ dge slong khyod kyis de ltar bslab par bya'o/ bcom ldan 'das kyis de skad ces bka' stsal nas/ dge slong de dag yi rangs te bcom ldan 'das kyis gsungs pa la mngon par 
bstod do// //gang po la sogs pa'i rtogs pa brjod pa brgya pa bam po bcu drug pa/ nyi ma zhes bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams 

</font><hr>75-1-184b<br><font size=+1>

dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mo byas/ mchod pa byas te/ lha dang / klu dang / 
gnod sbyin dang / lha ma yin dang / nam mkha' lding dang / mi'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong 
rnams brnyes pa/ nyan thos kyi dge 'dun dang bcas pa/ yul ser skya'i gnas na shing n+ya gro d+hA'i kun dga' ra ba na bzhugs so/ /de'i tshe ser skya'i gnas na/ shAkya phyug cing nor mang la longs spyod che ba/ yongs su 'dzin pa yangs shing rgya che ba/ rnam thos kyi bu'i nor dang ldan pa/ 
rnam thos kyi bu'i nor dang 'gran pa zhig gnas pa des rigs mnyam pa las chung ma blangs nas/ de de dang lhan cig tu rtse zhing dga' la dga' mgur spyod do/ de rtsa zhing dga' la dga' mgur spyod pa las chung ma la bu chags nas/ de zla ba brgyad dam dgu lon pa dang bu byung ste khye'u 
gzugs bzang zhing blta na sdug la mdzes pa nor bu rin po che mgo bo la thogs pa zhig btsas nas/ de las kho ra khor yug tu nyi ma'i 'od zer lta bu 'phro ste/ de'i snang bas mtshan mo grong khyer ser skya'i gnas thams cad khyab par gyur pas nyin mo bzhin du snang bar byas so/ /de nas pha 
ma dang khyim de na gnas pa'i g.yog 'khor rnams dang nye du rnams dang ser skya'i gnas na 'khod pa'i shAkya rnams kyis de mthong nas/ ya mtshan du gyur te dga' bas rgyas so/ /de nas de btsas pa'i btsas ston byas nas/ khye'u 'di'i ming ji skad gdags zhes ming 'dogs par 
byed de/ nye du rnams na re khye'u 'di btsas ma thag tu grong khyer ser skya'i gnas thams cad nyi ma bzhin du snang bar byas pas na/ de'i phyir khye'u 'di'i ming nyi ma zhes gdags so zhes zer ro/ /de nas khye'u nyi ma pang na 'tsho ba'i ma ma gnyis dang / nu ma snun pa'i ma ma gnyis dang /

</font><hr>75-1-185a<br><font size=+1>

dri ma 'khru ba'i ma ma gnyis dang / rtse ba'i ma ma gnyis te ma ma brgyad la gtad nas/ de ma ma brgyad kyis 'o ma dang / zho dang / mar dang / zhun mar dang / mar gyi nying khu dang / gzhan yang yo byad kyi khyad par bzang ngo cog gis bskyed bsrings te mtsho'i nang gi pad ma 
bzhin du skye drag par gyur to/ /de yang dad pa dang ldan la dge zhing bsam pa bzang ba/ bdag la phan pa dang gzhan la phan pa la zhugs pa snying rje can/ bdag nyid che ba/ chos 'dod pa/ skye dgu la byams pa/ gtong ba la sred pa/ sbyin pa la dga' ba/ rab tu sbyin pa la mngon par 
dga' ba gtong ba chen po la gnas pa zhig go/ /de nas phyis re zhig na/ khye'u nyi ma shing n+ya gro d+hA'i kun dga' ra bar song ba dang / des sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan pa/ dpe byad bzang po brgyad cus mdzes par byas 
pa/ 'od 'dom gang gis brgyan pa/ nyi ma stong bas lhag pa'i 'od mnga' ba/ rin po che'i ri bo 'gro ba lta bu kun nas bzang ba mthong nas/ mthong ma thag tu des bcom ldan 'das la sems dga' ba bskyed do/ /dga' ba bskyed nas kyang bcom ldan 'das kyi zhabs la phyag 'tshal 
te/ chos mnyan pa'i phyir bcom ldan 'das kyi spyan sngar 'dug go/ /de nas bcom ldan 'das kyis de'i bsam pa dang bag la nyal dang khams dang rang bzhin thugs su chud nas/ 'phags pa'i bden pa bzhi rtogs par 'gyur ba de lta bu'i chos bstan te/ de thos nas/ khye'u nyi mas 'jig 
tshogs la lta ba'i ri'i rtse mo mthon po nyi shu ye shes rdo rjes bcom nas rgyun du zhugs pa'i 'bras bu mngon sum du byas te/ des bden pa mthong nas sbyin pa dang rab tu sbyin pa dag byin te/ dge sbyong dang / bram ze dang / bkren pa dang / sdug cing phongs pa rnams tshim par byas nas pha 
ma la gsol te/ bcom ldan 'das kyi bstan pa la rab tu byung ngo / /des brtson pa dang bsgrub pa dang 'bad pas phol mig lnga pa'i 'khor ba'i 'khor lo 'di nyid g.yo zhing mi brtan par rig nas/ 'du byed kyi rnam pa thams cad snyil ba dang / ltung ba dang / rnam par 'thor ba dang / rnam par 'jig 

</font><hr>75-1-185b<br><font size=+1>

pa'i chos can yin par rtsad chod de/ nyon mongs pa thams cad spangs nas dgra bcom pa nyid mngon sum du byas te/ dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan 
sbangs pa lta bur bsil bar gyur pa/ rig pas sgo nga'i sbubs bcom pa/ rig pa dang mngon par shes pa dang so so yang dag par rig pa thob pa/ srid pa'i rnyed pa dang chags pa dang bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang gus 
par smra ba'i gnas su gyur to/ /de nas gang gi tshe tshe dang ldan pa nyi ma bsod snyoms la 'gro ba de'i tshe bram ze dang khyim bdag ma dad pa rnams 'phya zhing smod la lkog 'phyas byed de/ de 'di ltar nor bu rin po che mgo bo la thogs nas/ lam po che dang srang dang bzhi mdo dang / sum mdo dag 
tu 'khyam pa las na/ shAkya'i bu'i dge sbyong rnams kyi dge sbyong gi tshul ni tshig pa'o/ /bram ze'i tshul ni tshig pa'o zhes 'dzer to/ /de nas de shin tu ngo tsha bar gyur nas/ bcom ldan 'das ga la ba der song ste phyin nas bcom ldan 'das kyi zhabs la phyag 'tshal te/ bcom ldan 'das 
la 'di skad ces gsol to/ /bcom ldan 'das kyis ci nas bdag gi nor bu rin po che ma mchis par mdzad du gsol/ /bcom ldan 'das kyis bka' stsal pa/ bu 'di ni las las skyes pa yin pas na med par byar mi nus so/ /de lta mod kyi ci nas dad pa dang ldan pa rnams kyis ni 
mthong la/ ma dad pa rnams kyis ni mi mthong bar bya'o/ /de nas bcom ldan 'das kyis de bzhin du mdzad do/ /de nas dge slong dag the tsom skyes te/ the tsom thams cad gcod pa sangs rgyas bcom ldan 'das la zhus pa/ btsun pa nyi mas las gang dag bgyis na/des 'di che bar 
grags pa dang dgra bcom pa nyid thob par gyur lags/ bcom ldan 'das kyis bka' stsal pa/ nyi ma nyid kyis sngon tshe rabs gzhan dag tu tshogs rnyed cing rkyen grub pa dang ldan te/ dba' rgal bzhin du byung la gdon mi za bar 'ong ba'i las de dag byas shing bsags pas na/ nyi ma nyid kyis las byas 

</font><hr>75-1-186a<br><font size=+1>

shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ 
las dge ba dang mi dge ba byas shing bsags pa rnams ni zin pa'i phung po dang khams dang skye mched rnams 'ba' zhig la rnam par smin par 'gyur ro/ /lus can dag gi las rnams ni/ /bskal pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur/ /dge 
slong dag sngon byung ba 'das pa'i dus na/ bskal pa dgu bcu rtsa gcig pa la de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa lha dang mi rnams 
kyi ston pa sangs rgyas bcom ldan 'das rnam par gzigs zhes bya ba 'jig rten du byung ste/ de rgyal po'i pho brang gnyen ldan na rten cing bzhugs pa las/ re zhig na yang dag par rdzogs pa'i sangs rgyas rnam par gzigs sangs rgyas kyi phrin las thams cad mdzad nas shing zad pa'i me bzhin du phung po'i 
lhag ma med pa'i mya ngan las 'das pa'i dbyings su yongs su mya ngan las 'das so/ /de nas rgyal po gnyen yod kyis/ bcom ldan 'das de'i sku gdung la sku gdung gi mchod pa byas nas/ rin po che sna bzhi las byas pa'i mchod rten kho ra khor yug tu dpag tshad gcig yod la 'phang du rgyang grags 
gcig yod pa zhig brtsigs te/ der srog chags 'bum phrag du mas bkur sti byas nas mtho ris dang thar par 'gro bar 'gyur ro/ /de nas mchod rten de'i mchod pa la bab pa na/ bram ze dang khyim bdag dad pa dang ldan pa rnams kyis spos dang / me tog phreng dang / byug pa rnam pa sna 
tshogs dang / gdugs dang / rgyal mtshan dang / ba dan dang / rol mo'i sgra rnams kyis mchod pa byed do/ /de nas re zhig na mi zhig rgyal po dang rgyan pos rtses nas skugs su nor bu rin po che me shel zhig thob bo/ /de nas de dad pa bskyed nas bcom ldan 'das rnam par gzigs kyi mchod rten gyi 

</font><hr>75-1-186b<br><font size=+1>

tshar khab la btags te/ zhabs la phyag 'tshal nas smon lam btab pa/ dge ba'i rtsa ba dang sems bskyed pa dang sbyin par bya ba'i chos yongs su gtong ba 'dis na bdag gis kyang 'di lta bu'i yon tan dag thob par gyur cig /ston pa 'di lta bu mnyes par byed par gyur cig /mi mnyes par byed 
par ma gyur cig /nor bu rin po che 'di lta bu yang spyi bo la thogs bzhin du ma'i lto nas 'byung bar gyur cig ces byas so/ /bcom ldan 'das kyis bka' stsal pa/ dge slong dag ji snyam du sems/ de'i tshe de'i dus na cho lo la dor sgyu byed pa gang yin pa de ni nyi ma 'di nyid yin te/ des bcom ldan 'das 
rnam par gzigs kyi mchod rten la bkur sti byas pa dang / nor bu rin po che btags pa des na/ 'di'i mgo bo las nor bu rin po che byung la rgyu de nyid kyis gzugs bzang zhing blta na sdug la mdzes par gyur te/ dgra bcom pa nyid mngon sum du byas so/ /dge slong dag de ltar na las gcig tu nges 
par gnag pa rnams ni rnam par smin pa yang gcig tu nges par gnag par 'gyur ro/ /las gcig tu nges par dkar ba rnams ni rnam par smin pa yang gcig tu nges par dkar bar 'gyur ro/ /las 'dren ma rnams ni rnam par smin pa yang 'dren mar 'gyur ro/ /dge slong dag de bas na las 
gcig tu nges par gnag pa rnams dang / las 'dren ma rnams spangs la/ las gcig tu nges par dkar ba rnams 'ba' zhig la gtad par bya ste/ dge slong khyod kyis de ltar bslab par bya'o/ bcom ldan 'das kyis de skad ces bka' stsal nas/ dge slong de dag yi rangs te bcom ldan 
'das kyis gsungs pa la mngon par bstod do// //gyad kyi ba dan zhes bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams 
dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mo byas/ mchod pa byas te/ lha dang / klu dang / gnod sbyin dang / lha ma yin dang / nam mkha' 

</font><hr>75-1-187a<br><font size=+1>

lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi 
dge 'dun dang bcas pa yul ser skya'i gnas na shing n+ya gro d+hA'i kun dga' ra ba na bzhugs so/ /de'i tshe ser skya'i gnas na shAkya phyug cing nor mang la longs spyod che ba/ yongs su 'dzin pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa zhig 
gnas pa des rigs mnyam pa las chung ma blangs nas/ de de dang lhan cig tu rtse zhing dga' la dga' mgur spyod do/ /de rtse zhing dga' la dga' mgur spyod pa las chung ma la bu chags nas/ de zla ba brgyad dam dgu lon pa dang bu byung ste khye'u gzugs bzang zhing blta na sdug la mdzes pa 
mi'i kha dog las ni 'das/ lha'i kha dog ni ma thob pa zhig btsas te/ gang gi tshe khye'u de btsas pa de'i tshe lha rnams kyis kho ra khor yug nas lha'i ba dan dag bsgrengs so/ /lha'i rol mo'i cha byad dag kyang brdungs so/ /lha'i me tog ud pa la dang / pad ma dang / ku mu da dang / pad ma 
dkar po rnams kyis kyang gtor te/ ser skya'i gnas kyi grong khyer thams cad du grags pas rgyas par gyur to/ /khyim thams cad du yang de'i phyir ba dan bsgrengs so/ /de nas de btsas pa'i btsas ston byas nas/ khye'u 'di'i ming ji skad gdags zhes ming 'dogs par byed de/ nye du rnams na re 
khye'u 'di btsas pa na 'jig rten thams cad na grags pas rgyas pas na/ de'i phyir khye'u 'di'i ming snyan grags zhes gdags so zhes zer ro/ /de nas khye'u snyan grags pang na 'tsho ba'i ma ma gnyis dang / nu ma snun pa'i ma ma gnyis dang / dri ma 'khru ba'i ma ma gnyis dang / rtse ba'i ma ma gnyis 
te ma ma brgyad la gtad nas/ de ma ma brgyad kyis 'o ma dang / zho dang / mar dang / zhun mar dang / mar gyi nying khu dang / gzhan yang yo byad kyi khyad par bzang ngo cog gis bskyed bsrings te mtsho'i nang gi pad ma bzhin du skye drag par gyur te/ de yang dad pa dang ldan la dge zhing bsam pa bzang 

</font><hr>75-1-187b<br><font size=+1>

ba bdag la phan pa dang / gzhan la phan pa la zhugs pa/ snying rje can/ bdag nyid che ba/ chos 'dod pa zhig go/ /de nas phyis re zhig na khye'u snyan grags shing n+ya gro d+hA'i kun dga' ra bar song ba dang / des sangs rgyas bcom ldan 'das sku skyes bu chen po'i mtshan sum cu rtsa gnyis 
kyis legs par brgyan pa/ dpe byad bzang po brgyad cus mdzes par byas pa/ 'od 'dom gang gis brgyan pa/ nyi ma stong bas lhag pa'i 'od mnga' ba/ rin po che'i ri bo 'gro ba lta bu kun nas bzang ba mthong nas/mthong ma thag tu des bcom ldan 'das la sems dga' ba bskyed do/ /dga' 
ba bskyed nas kyang bcom ldan 'das kyi zhabs la phyag 'tshal te/ chos mnyan pa'i phyir bcom ldan 'das kyi spyan sngar 'dug go/ /de nas bcom ldan 'das kyis de'i bsam pa dang bag la nyal dang khams dang rang bzhin thugs su chud nas/ 'phags pa'i bden pa bzhi rtogs par 'gyur ba de 
lta bu'i chos bstan to/ /de thos nas khye'u snyan grags kyis 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu thob ste des bden pa mthong nas/ sbyin pa dang rab tu sbyin pa dag byin te/ dge sbyong dang bram ze dang bkren pa dang sdug cing 
phongs pa rnams tshim par byas nas pha ma la gsol te/ bcom ldan 'das kyi bstan pa la rab tu byung ngo / /des brtson pa dang / bsgrub pa dang / 'bad pas phol mig lnga pa'i 'khor ba'i 'khor lo 'di nyid g.yo zhing mi brtan par rig nas/ 'du byed kyi rnam pa thams cad snyil ba dang / ltung ba dang / 
rnam par 'thor ba dang / rnam par 'jig pa'i chos can yin par rtsad chod de/ nyon mongs pa thams cad spangs nas dgra bcom pa nyid mngon sum du byas te/ dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil 
du 'dra ba'i sems dang ldan pa/ tsan dan sbangs pa lta bur bsil bar gyur pa/ rig pas sgo nga'i sbubs bcom pa rig pa dang mngon par shes pa dang so so yang dag par rig pa thob pa/ srid pa'i rnyed pa dang chags pa dang bkur sti la mi lta ba/ dbang po dang nye dbang dang bcas pa'i lha rnams 

</font><hr>75-1-188a<br><font size=+1>

kyis mchod cing rjed pa dang gus par smra ba'i gnas su gyur to/ /de yang gsol ba btab ste phul ba'i gos spyod de/ gsol ba btab ste phul ba ma yin pa ni nyung du spyod do/ /gsol ba btab ste phul ba'i zas dang mal cha dang stan dang nad gsos dang sman zong spyod de/ 
gsol ba btab ste phul ba ma yin pa ni nyung du spyod do/ /de nas dge slong dag the tsom skyes te/ the tsom thams cad gcod pa sangs rgyas bcom ldan 'das la zhus pa/ btsun pa snyan grags kyis las gang dag bgyis na/ des btsas ma thag tu lha rnams kyis ba dan bsgrengs nas/ 
'jig rten du grags pas rgyas par gyur la/ rab tu byung nas dgra bcom pa nyid thob par gyur lags/ bcom ldan 'das kyis bka' stsal pa/ dge slong dag snyan grags nyid kyis sngon tshe rabs gzhan dag tu tshogs rnyed cing rkyen grub pa dang ldan te/ dba' rgal bzhin du byung 
la gdon mi za bar 'ong ba'i las de dag byas shing bsags pas na/ snyan grags nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni/ phyi rol gyi sa'i khams la rnam par smin par 
mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni/ zin pa'i phung po dang khams dang skye mched rnams 'ba' zhig la rnam par smin par 'gyur ro/ /lus can dag gi 
las rnams ni/ /bskal pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur/ /dge slong dag sngon byung ba 'das pa'i dus na/ bskal pa dgu bcu rtsa gcig pa la de bzhin gshegs pa dgra bcom pa yang dag par rdzogs pa'i sangs rgyas 
rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das rnam par gzigs zhes bya ba 'jig rten du byung ste/ de rgyal po'i pho brang gnyen ldan na rten cing 

</font><hr>75-1-188b<br><font size=+1>

bzhugs pa las/ re zhig na yang dag par rdzogs pa'i sangs rgyas rnam par gzigs sangs rgyas kyi phrin las thams cad mdzad nas/ shing zad pa'i me bzhin du phung po'i lhag ma med pa'i mya ngan las 'das pa'i dbyings su yongs su mya ngan las 'das so/ /de nas rgyal po gnyen 
yod kyis bcom ldan 'das de'i sku gdung la sku gdung gi mchod pa byas nas/ rin po che sna bzhi las byas pa'i mchod rten kho ra khor yug tu dpag tshad gcig yod la/ 'phang du rgyang grags gcig yod pa zhig brtsigs te/ der srog chags 'bum phrag du mas bkur sti byas nas 
mtho ris dang thar par 'gro bar 'gyur ro/ /de nas re zhig na rgyal po gnyen yod kyis mchod rten de la dus ston byas nas/ mchod rten gyi dus ston byed pa der gyad 'gyed pa rnams kyis ba dan dag sgreng ngo / /de nas re zhig na rgyal po'i gyad gcig gis gyad gcig non pa dang / 
des gyad kyi ba dan thob nas des de blangs te/ srog chags 'bum phrag du ma'i 'khor dang bcas pas rol mo'i sgra rnam pa sna tshogs len cing / bcom ldan 'das rnam par gzigs kyi mchod rten ga la ba der song ste phyin nas bcom ldan 'das kyi yon tan dran par byas te/ ba dan de 
mchod rten gyi steng gi srog shing la btags nas smon lam btab pa/ bdag gis kyang yon tan 'di lta bu dag thob par gyur cig /ston pa 'di lta bu bdag gis mnyes par byed par gyur cig /mi mnyes par byed par ma gyur cig ces byas so/ /dge slong dag ji snyam du sems/ 
de'i tshe de'i dus na gyad du gyur pa gang yin pa de ni snyan grags 'di yin te/ des bcom ldan 'das rnam par gzigs kyi mchod rten la bsnyen bkur byas pa des na 'khor ba na bde ba mtha' yas pa myong bar gyur la/ rgyu de nyid kyis da ltar yang dgra bcom pa nyid mngon sum du byas so/ /dge 
slong dag de ltar na las gcig tu nges par gnag pa rnams ni rnam par smin pa yang gcig tu nges par gnag par 'gyur ro/ /las gcig tu nges par dkar ba rnams ni rnam par smin pa yang gcig tu nges par dkar bar 'gyur ro/ /las 'dren ma rnams ni rnam par smin pa yang 'dren mar 'gyur ro/ /

</font><hr>75-1-189a<br><font size=+1>

dge slong dag de bas na las gcig tu nges par gnag pa rnams dang las 'dren ma rnams spangs la/ las gcig tu nges par dkar ba rnams 'ba' zhig la gtad par bya ste/ dge slong khyod kyis de ltar bslab par bya'o/ /bcom ldan 'das kyis de skad ces bka' stsal 
nas/ dge slong de dag yi rangs te bcom ldan 'das kyis gsungs pa la mngon par bstod do/ /gang po la sogs pa'i rtogs pa brjod pa brgya pa las/ rtogs pa brjod pa sna tshogs zhes bya ba ste/ sdom gyi tshigs su bcad pa bdun pa rdzogs so// //sdom ni/ 'od 
bzang ma dang rab sdug ma/ /dkar mo zla ba ud pa la/ /mdzes ldan ma dang mu tig dang / /ka tsang ga la ba de byed ma/ /mi sdug sde tshan bcad de bstan/ /'od bzang ma zhes bya ba ni/ /sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / 
pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mo 
byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha 
dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa/ mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ /de'i tshe mnyan du yod pa na/ tshong dpon phyug cing nor mang 
la longs spyod che ba yongs su 'dzin pa yangs shing rgya che ba rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa des/ rigs mnyam pa las chung ma blangs nas/ de de dang lhan cig tu rtse zhing dga' la dga' mgur spyod do/ /de rtse zhing dga' la dga' mgur 

</font><hr>75-1-189b<br><font size=+1>

spyod pa las chung ma la bu chags nas de zla ba brgyad dam dgu lon pa dang bu byung ste/ bu mo gzugs bzang zhing blta na sdug la mdzes pa lha'i rgyan gyis bklubs pa nor bu rin po che mgul na thogs pa zhig btsas te/ de las 'od byung ba des mnyan du yod pa thams cad snang bar byas so/ /de 
nas de btsas pa'i btsas ston byas nas/ bu mo 'di'i ming ji skad gdags zhes ming 'dogs par byed de/ nye du rnams na re bu mo 'di btsas ma thag tu nor bu rin po che'i 'od kyis mnyan du yod pa thams cad snang bar byas pas na/ de'i phyir bu mo 'di'i ming 'od bzang ma zhes gdags so zhes 
zer ro/ /de nas bu mo 'od bzang ma pang na 'tsho ba'i ma ma gnyis dang / nu ma snun pa'i ma ma gnyis dang / dri ma 'khru ba'i ma ma gnyis dang / rtse ba'i ma ma gnyis te/ ma ma brgyad la gtad nas/ de ma ma brgyad kyis 'o ma dang / zho dang / mar dang / zhun mar dang / mar gyi nying 
khu dang / gzhan yang yo byad kyi khyad par bzang ngo cog gis bskyed bsrings te mtsho'i nang gi pad ma bzhin du skye drag par gyur to/ /bu mo de yang dad pa dang ldan la dge zhing bsam pa bzang la/ bdag la phan pa dang gzhan la phan pa la zhugs pa zhig ste/ de la slong ba su dang su 'ongs 
kyang rung ba de dang de dag la mgul nas rgyan bkrol te sbyin par byed do/ /byin nas kyang yang rgyan 'byung bar 'gyur ro/ /de nas gang gi tshe bu mo de mthar gyis chen mor gyur pa de'i tshe rgyal po'i bu rnams dang / blon po'i bu rnams dang / tshong dpon gyi bu mang po dag de slong du 'ong ngo / /de nas 
de dag gis gnod par gyur nas/ de'i pha lag pa la rkom tshugs bcas te bsams pa/ gal te gcig la byin na ni gzhan rnams bdag gi dgrar 'gyur ro snyam nas/ sems khong du chud cing 'dug go/ /de nas re zhig na bu mo des pha sems khong du chud pa mthong nas/ smras pa/ 
yab ci zhig gis sems khong du chud cing bzhugs/ de nas des de'i don rgyas par bsnyad do/ /de nas bu mo de na re yab thugs ngan ma mdzad cig dang / da ste zhag bdun na bdag nyid kyis khyim thab 'dam par 'tshal lo zhes zer ro/ /de nas tshong dpon des rgyal po gsal rgyal 

</font><hr>75-1-190a<br><font size=+1>

la gsol nas mnyan du yod par dril bsgrags te/ de ste zhag bdun na bu mo 'od bzang ma rang nyid khyim thab 'dam par chad kyis khyed kyis bya ba gang yin pa de gyis shig ces byas so/ /de nas zhag bdun lon pa dang bu mo 'od bzang ma shing rta la zhon ta chos gos tshon 
can gyi rgyal mtshan bsgreng nas/ sangs rgyas bcom ldan 'das kyi sku gzugs ri mor bris te bstod pa 'don cing srang du zhugs so/ /de nas der rgyal po'i bu rnams dang / blon po'i bu rnams dang / tshong dpon gyi bu rnams de la yid smon byed cing lta ba de dag la gtam rnam pa sna 
tshogs kyis shad kyis byang bar bshad de/ bdag gis khyed la gang gi sgo nas kyang sku brnyas ni mi 'tshal na yong ye bdag 'dod pa rnams la don du gnyer ba ma lags pa kho nar bas so/ /bdag ni sangs rgyas la skyabs su song ste/ de'i thad du rab tu 'byung ngo zhes byas nas de dag 
phyir log go/ /bu mo 'od bzang ma yang bcom ldan 'das kyi thad du song nas bcom ldan 'das kyi zhabs la phyag 'tshal te/ chos mnyan pa'i phyir bcom ldan 'das kyi spyan sngar 'dug go/ /de nas bcom ldan 'das kyis de'i bsam pa dang / bag la nyal dang / khams dang /rang 
bzhin thugs su chud nas/ 'phags pa'i bden pa bzhi rtogs par 'gyur ba de lta bu'i chos bstan te/ de thos nas bu mo 'od bzang mas 'jig tshogs la lta ba'i ri'i rtse mo mthon po nyi shu ye shes rdo rjes bcom nas rgyun du zhugs pa'i 'bras bu thob ste/ des bden pa mthong nas mngon 
par shes pa yang bsgrubs so/ /de nas bu mo 'od bzang ma stan las langs te bla gos phrag pa gcig tu gzar nas pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas bcom ldan 'das la 'di skad ces gsol to/ /btsun pa 
bdag kyang legs par gsungs pa'i chos 'dul ba la rab tu byung ba dang / bsnyen par rdzogs shing dge slong ma'i dngos po 'thob tu rung na bdag kyang bcom ldan 'das kyi thad du tshangs par spyod pa spyad par 'tshal lo/ /de nas bcom ldan 'das kyis bstan pa 'di la gdul bar bya ba 

</font><hr>75-1-190b<br><font size=+1>

mang po dag des 'dren par 'gyur bar thugs su chud nas/ bcom ldan 'das kyis bka' stsal pa/ bu mo song la 'khor rnams kyang ltos shig /de nas bu mo 'od bzang ma rgyal bu rgyal byed kyi tshal nas byung ste mang po 'dus pa'i nang du song ba dang / der so so nas bsams pa/ 
'di mthus dbrog par bya'o snyam ste/ de dag gis de bzung bar byas so/ /de nas bu mo 'od bzang ma de dag gis bsnyags pa dang / ngang pa'i rgyal po 'dab ma brkyang ba bzhin du nam mkha' la mngon par 'phags te cho 'phrul rnam pa sna tshogs bstan to/ /so so'i skye bo rnams ni rdzu 
'phrul gyis myur du dad par byed de de nas de dag gis lha dang mi rnams dad par byed pa'i cho 'phrul de mthong ngo / /mthong nas kyang spu zing zhes byas nas sdong po rtsa ba nas bcad pa bzhin du rkang pa la phyag 'tshal nas gsol ba btab pa/ sru mar spyon mar spyon khyod kyis chos 'di lta bu dag 
mngon sum du byas pa las na/ khyod 'dod pa spyod pa 'di ni mi srid do zhes byas so/ /de nas bu mo 'od bzang ma nam mkha' las babs nas skye bo phal po che'i gung la 'dug ste/ gang thos pas srog chags 'bum phrag du mas bden pa mthong bar 'gyur ba de lta bu'i chos bstan to/ /de nas 
bcom ldan 'das kyis de skye dgu'i bdag mo chen mo la gtad de des de rab tu phyung ste bsnyen par rdzogs par byas so/ /de nas des brtson pa dang / bsgrub pa dang / 'bad pas phol mig lnga pa'i 'khor ba'i 'khor lo 'di nyid g.yo zhing mi brtan par rig nas 'du byed kyi rnam pa thams cad snyil 
ba dang / ltung ba dang / rnam par 'thor ba dang / rnam par 'jig pa'i chos can yin par rtsad chod de/ nyon mongs pa thams cad spangs nas dgra bcom pa nyid mngon sum du byas te/ dgra bcom pa khams gsum pa'i 'dod chags dang bral bar gyur nas gser dang bong bar mnyam pa/ 
nam mkha' dang lag mthil du 'dra ba'i sems dang ldan pa/ tsan dan sbangs pa lta bur bsil bar gyur pa rig pas sgo nga'i sbubs bcom pa/ rig pa dang mngon par shes pa dang so so yang dag par rig pa thob pa/ srid pa'i rnyed pa dang chags pa dang bkur sti la mi lta ba/ dbang po dang nye 

</font><hr>75-1-191a<br><font size=+1>

dbang dang bcas pa'i lha rnams kyis mchod cing rjed pa dang gus par smra ba'i gnas su gyur to/ /de nas dge slong dag the tsom skyes te the tsom thams cad gcod pa sangs rgyas bcom ldan 'das la zhus pa/ btsun pa 'od bzang gis las gang dag bgyis na/ des 
gzugs bzang zhing blta na sdug la mdzes pa dang / mgul pa nas kyang nor bu rin po che byung la rab tu byung nas dgra bcom pa nyid mngon sum du bgyis lags/ bcom ldan 'das kyis bka' stsal pa/ dge slong dag 'od bzang ma nyid kyis sngon tshe rabs gzhan dag tu tshogs rnyed cing 
rkyen grub pa dang ldan te/ dba' rgal bzhin du byung la gdon mi za bar 'ong ba'i las de dag byas shing bsags pas na/ 'od bzang ma nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni/ 
phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang khams dang skye mched rnams 'ba' zhig la rnam par smin par 
'gyur ro/ /lus can dag gi las rnams ni/ /bskal pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur/ /dge slong dag sngon byung ba 'das pa'i dus na/ bskal pa dgu bcu rtsa gcig pa la de bzhin gshegs pa dgra bcom pa yang dag par 
rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das rnam par gzigs zhes bya ba 'jig rten du byung ste/ de rgyal po'i pho brang gnyen 
ldan na rten cing bzhugs pa las/ re zhig na yang dag par rdzogs pa'i sangs rgyas rnam par gzigs sangs rgyas kyi phrin las thams cad mdzad nas/ shing zad pa'i me bzhin du phung po'i lhag ma med pa'i mya ngan las 'das pa'i dbyings su yongs su mya ngan las 'das so/ /de nas 

</font><hr>75-1-191b<br><font size=+1>

rgyal po gnyen yod kyis/ bcom ldan 'das de'i sku gdung la sku gdung gi mchod pa byas nas/ rin po che sna bzhi las byas pa'i mchod rten kho ra khor yug tu dpag tshad gcig yod la/ 'phang du rgyang grags gcig yod pa zhig brtsigs so/ /de nas re zhig na rgyal po 
gnyen yod kyi btsun mo dam pa rgas nas rgyan rnam pa sna tshogs lus las bkrol te mchod rten de la phul lo/ /de nas zhabs la phyag 'tshal te smon lam btab pa/ dge ba'i rtsa ba dang sems bskyed pa dang sbyin par bya ba'i chos yongs su gtong ba 'dis na bdag gis kyang dgra bcom 
pa nyid thob par gyur cig ces byas so/ /bcom ldan 'das kyis bka' stsal pa/ dge slong dag ji snyam du sems/ de'i tshe de'i dus na rgyal po gnyen yod kyi btsun mo dam par gyur pa gang yin pa de ni 'od bzang ma 'di yin te/ des bcom ldan 'das rnam par gzigs kyi mchod rten 
la rgyan rnam pa sna tshogs btags pa des na gzugs bzang zhing blta na sdug la mdzes pa dang / yan lag dang nying lag thams cad dang ldan par gyur te/ /smon lam btab pa des ni da ltar dgra bcom pa nyid mngon sum du byas so/ /dge slong dag de ltar na las gcig tu nges par gnag 
pa rnams ni rnam par smin pa yang gcig tu nges par gnag par 'gyur ro/ /las gcig tu nges par dkar ba rnams ni rnam par smin pa yang gcig tu nges par dkar bar 'gyur ro/ /las 'dren ma rnams ni rnam par smin pa yang 'dren mar 'gyur ro/ /dge slong dag de lta bas na 
las gcig tu nges par gnag pa rnams dang las 'dren ma rnams spangs la/ las gcig tu nges par dkar ba rnams 'ba' zhig la gtad par bya ste/ dge slong khyod kyis de ltar bslab par bya'o/ /bcom ldan 'das kyis de skad ces bka' stsal nas/ dge slong de dag yi rangs 
te bcom ldan 'das kyis gsungs pa la mngon par bstod do// //rab sdug ma zhes bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon 

</font><hr>75-1-192a<br><font size=+1>

rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mo byas/ mchod pa byas te/ lha dang / klu dang / 
gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman 
zong rnams brnyes pa/ nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ /de'i tshe khyim bdag mgon med zas sbyin gyi chung ma la bu chags nas/ de zla ba brgyad dam dgu lon pa dang / bu byung 
ste bu mo gzugs bzang zhing blta na sdug la mdzes pa yan lag dang nying lag thams cad dang ldan pa/ mnyan du yod pa na gnas pa'i skye bo'i tshogs rnams kyi snying du rab tu sdug pa zhig btsas so/ /de nas de btsas pa'i btsas ston byas nas/ bu mo 'di'i ming ji skad gdags zhes ming 
'dogs par byed de/ nye du rnams na re bu mo 'di skye bo thams cad kyi snying du sdug pas na de'i phyir bu mo 'di'i ming rab sdug ma zhes gdags so zhes zer ro/ /de yang tshe rabs dran te/ btsas ma thag tu tshigs su bcad pa smras pa/ sbyin pa byin pa mang nyung ci yang rung / /zhing gi khyad 
par gzhi las 'phel bar 'gyur/ /de phyir mkhas pas bsgrims te 'jig rten du/ dad pas lha mi dbang phyug sangs rgyas sbyin/ /de nas de'i pha ma dang gzhan yang khyim de na gnas pa rnams kyis tshig brjod pa de thos nas skrag cing dngangs te mi dga' bar gyur la/ skyi bung zhes byas 
nas smras pa kye ma bu mo 'di ni sha za mo zhig go/ /des smras pa/ yum bdag ni sha za mo yang ma lags/ srin mo yang ma lags kyi/ bdag ni bu mo lags te sbyin pa dag sbyin par 'tshal lo/ /de nas de'i mas khyim bdag mgon med zas sbyin la bu mo de 'di skad mchi'o/ /

</font><hr>75-1-192b<br><font size=+1>

zhes bsnyad do/ /de nas khyim bdag de dga' zhing mgu la rab tu dga' nas/ bcom ldan 'das dge slong gi dge 'dun dang bcas pa khyim gyi nang du bshos gsol te/ de'i phyir sbyin pa'i rabs gdon du bcug go/ /de nas gang gi tshe bu mo de mthar gyis lo bdun lon pa 
de'i tshe pha ma la gsol te/ bcom ldan 'das kyi bstan pa la rab tu byung nas/ de dge slong ma thams cad la sdug pa dang / phongs pa dang / snying du sdug pa dang / yid du 'ong bar gyur to/ /re zhig na de'i tshe mu ge'i bar gyi bskal pa dang 'dra ba'i mu ge chen po byung nas/ der 
srog chags 'bum phrag du ma bza' ba dang btung ba med pas shi'o/ /de nas der bcom ldan 'das kyis/ tshe dang ldan pa kun dga' bo la bka' stsal pa/ kun dga' bo khyod song la rab sdug ma la nga na re 'khor bzhi po rnams la khyod kyis zla ba gsum gyi bar du gos dang / zas dang / 
mal cha dang / stan dang / nad gsos dang / sman zong rnams phul cig ces gyis shig /de nas tshe dang ldan pa kun dga' bo rab sdug ma'i thad du song nas smras pa/ bcom ldan 'das kyi zhal nas khyod kyis 'khor bzhi po rnams zla ba gsum gyi bar du gos dang / zas dang / mal cha dang / 
stan dang / nad gsos dang / sman zong rnams phul cig ces bka' stsal to/ /de nas rab sdug mas thal mo sbyar te/ bcom ldan 'das kyi bka' spyi bos mnos nas bka' bzhin 'tshal zhes smras so/ /de nas rab sdug ma spyod yul gyi grong blta ba'i phyir mnyan du yod par chas so/ /de nas re zhig 
na khyim bdag mgon med zas sbyin gyis gtam de thos nas shin tu rings par rab sdug ma'i mdun du song ste smras pa/ rab sdug ma gar 'gro/ des smras pa/ bcom ldan 'das kyis bka' stsal to/ /zla ba gsum gyi bar du zhal ta ba'i las byed par bskos so/ /mgon med zas sbyin 
gyis smras pa/ khyod kyi de dag thams cad bdag gis sbyar gyis khyod kyis bya mi dgos so/ /rab sdug mas smras pa/ gal te yab bden pa mthong ba lags la sa'i 'og thog dag tu sbas pa'i gter rnams kyang mngon du gzigs na/ sbyar ba 'di la ngo mtshar che ba ci mchis/

</font><hr>75-1-193a<br><font size=+1>

'on kyang bdag ni skye bo dbul po la phan gdags pa'i slad du zhal ta bgyid do/ /de bzhin du dge bsnyen lnga brgya dang / btsun mo phreng rgyud ma dang / rgyal rigs kyi bu mo dbyar tshul ma dang / btsun mo 'khor gyi bla drang srong sbyin dang / gna' mi dang ri dgas 'dzin 
gyi ma sa ga dang / rgyal po gsal rgyal rnams kyis kyang skabs phye ste/ khyod kyis bya mi dgos so zhes byas so/ /de nas nags khung du song nas der mi ma yin pa mi'i cha lugs can dag gis kyang skabs phye'o/ /de ltar skabs phye nas kyang / des bcom ldan 'das nyan thos kyi 
dge 'dun dang bcas pa zla ba gsum gyi bar du na bza' dang / zhal zas dang / gzims cha dang / gdan dang / snyun gsos dang / sman zong rnams kyis bsnyen bkur byas so/ /des zla ba gsum po de nyid kyi skabs su brtson pa dang bsgrub pa dang 'bad pas phol mig lnga pa'i 
'khor ba'i 'khor lo 'di nyid g.yo zhing mi brtan par rig nas/ 'du byed kyi rnam pa thams cad snyil ba dang / ltung ba dang / rnam par 'thor ba dang / rnam par 'jig pa'i chos can yin par rtsad chod de/ nyon mongs pa thams cad spangs nas dgra bcom pa nyid mngon sum du byas te/ 
dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan sbangs pa lta bur bsil bar gyur pa/ rig pas sgo nga'i sbubs bcom pa/ rig pa dang mngon par shes pa dang 
so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba/ dbang po dang / nye dbang dang bcas pa'i lha rnams kyis mchod cing rjed pa dang gus par smra ba'i gnas su gyur to/ /de nas bcom ldan 'das zla ba gsum 'das pa dang / chos 
gos mdzad de chos gos zin nas chos gos gsol te lhung bzed bsnams nas/ nyan thos kyi dge 'dun dang thabs cig tu mnyan du yod pa nas rgyal po'i khab tu chas te gshegs so/ /de nas rab sdug mas bcom ldan 'das dang lam du phrad nas 'o brgyal mi 'tshal zhes gsol to/ /

</font><hr>75-1-193b<br><font size=+1>

de nas re zhig na nags khung chu dang ldan pa zhig tu phyin nas dro la bab na rgyags kyang med nas/ bcom ldan 'das nyan thos kyi dge 'dun dang bcas pa bzhugs par gsol to/ /de nas lhung bzed lag pa g.yon pa la bzhag ste/ tshig tu smras pa/ gal te bsod nams dag 
gi rnam par smin pa yod ce na/ bdag gi lhung bzed bza' ba dang bca' ba la sogs pa rnam pa sna tshogs kyis gang bar gyur cig ces byas so/ /de nas lhas lha'i bdud rtsis bkang ngo / /de nas rab sdug gis gral rims bzhin du dge slong gi dge 'dun thams cad kyi lhung 
bzed rnams zhal zas kyis bkang nas/ der bcom ldan 'das kyis dge slong rnams la bka' stsal pa/ dge slong dag nga'i nyan thos kyi dge slong ma bsod nams byas pa rnams kyi mchog ni 'di lta ste dge slong ma rab sdug ma 'di yin no/ /de nas dge slong dag the tsom skyes te/ 
the tsom thams cad gcod pa sangs rgyas bcom ldan 'das la zhus pa/ btsun pa rab sdug mas las gang dag bgyis na des phyug po'i rigs su skyes te gzugs bzang zhing blta na sdug la mdzes pa dang / skye bo thams cad kyis bkur la rab tu byung nas dgra bcom pa nyid mngon 
sum bgyis lags/ bcom ldan 'das kyis bka' stsal pa/ dge slong dag rab sdug ma nyid kyis sngon tshe rabs gzhan dag tu tshogs rnyed cing rkyen grub pa dang ldan te/ dba' rgal bzhin du byung la gdon mi za bar 'ong ba'i las de dag byas shing bsags pas na/ rab 
sdug ma nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam 
par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro/ /lus can dag gi las rnams ni/ /bskal pa brgyar yang chud mi za/ /tshogs shing dus la bab 

</font><hr>75-1-194a<br><font size=+1>

pa na/ /'bras bu nyid du smin par 'gyur/ /dge slong dag sngon byung ba 'das pa'i dus na/ bskal pa bzang po 'di nyid la skye dgu'i tshe lo nyi khri thub pa na yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen 
pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'od srung zhes bya ba 'jig rten du byung ste/ de grong khyer bA rA Na sI na drang srong smra ba ri dgas kyi nags na rten cing bzhugs so/ /de nas yang dag par rdzogs pa'i 
sangs rgyas 'od srung snga dro sham thabs dang chos gos gsol te lhung bzed bsnams nas/ dge slong gi tshogs kyis zhabs 'bring byas te/ mdun du bdar nas bA rA Na sIr bsod snyoms la gshegs pa dang / re zhig na tshong dpon zhig g.yog 'khor dang bcas te skyed mos 
tshal du song nas bza' ba dang bca' ba mang po dag kyang khyer ro/ /de nas re zhig na de'i mngag gzhug ma bu mo zhig 'bras chan gyi gzeb khyer te jo bo'i phyi bzhin du 'gro ba las bu mo mngag gzhug ma des/ bcom ldan 'das nyan thos kyi dge 'dun dang bcas pa lam khar mthong nas 
de dga' bar gyur te bla skyes pa/ bdag la jo bos lan gnyis su bran mor byar ci yod kyis bdag gis bcom ldan 'das bshos gsol gor ma chag snyam mo/ /de nas des gsad pa dang / bcing ba dang brdeg pa dang bsdos nas 'bras chan gyi gzeb phye ste/ bcom ldan 'das 
nyan thos kyi dge 'dun dang bcas pa zhal zas sna tshogs kyis tshim par byas so/ /de nas tshong dpon gyi thad du song ba dang / re zhig na tshong dpon gyis bu mo 'bras chan gyi gzeb de ga re zhes dris so/ /des smras pa bdag gis bcom ldan 'das yang dag par rdzogs 
pa'i sangs rgyas 'od srung la zhal zas phul lo zhes byas pa dang / tshong dpon gyis de thos nas mchog tu ya mtshan du gyur to/ /de nas de dga' zhing mgu la rab tu dga' nas smras pa bu mo khyod deng phyin cad bran mo las phyung gis song shig /khyod kyis bdag gnyid kyis log pa na 

</font><hr>75-1-194b<br><font size=+1>

mel tshe byas pa yin no zhes smras so/ /de nas des thal mo sbyar te khyim bdag la gsol pa/ bdag bcom ldan 'das kyi bstan pa la rab tu 'byung bar ci gnang zhes byas so/ /de nas khyim bdag des lhung bzed dang chos gos kyang byin nas/ de jo bos byin pa'i lhung bzed dang chos 
gos khyer te bcom ldan 'das kyi bstan pa la rab tu byung nas/ des bcom ldan 'das 'od srung gi gsung rab la lo dgu stong gi bar du zhal ta ba'i las byas te/ 'bras chan dang / skyo ma dang / thug pa btung ba dang / rtag res 'khor dang / mgron du bod pa dang / mar me'i phreng 
ba dang / chos gos sra brkyang rnams dang / sbyin pa dang rab tu sbyin pa rnams kyang phul te/ smon lam btab pa/ bdag gis dka' bas bsgrubs te/ bcom ldan 'das 'od srung la sbyin pa dang rab tu sbyin pa dag phul ba'i dge ba'i rtsa ba dang sems bskyed pa dang sbyin par bya ba'i chos 
yongs su gtong ba 'dis na/ bdag bcom ldan 'das shAkya thub pa'i gsung rab la rab tu 'byung ba thob par gyur cig ces byas so/ /bcom ldan 'das kyis bka' stsal pa/ dge slong dag ji snyam du sems/ de'i tshe de'i dus na bu mo mngag gzhug mar gyur pa gang yin pa de ni rab sdug 
ma 'di yin te/ des bcom ldan 'das 'od srung la zhal zas phul ba des na phyug po'i rigs su skyes te/gzugs bzang zhing blta na sdug la mdzes pa dang skye bo thams cad kyis bkur bar gyur to/ /smon lam btab pa des ni da ltar dgra bcom pa nyid mngon sum du byas so/ /dge slong 
dag de ltar na las gcig tu nges par gnag pa rnams ni rnam par smin pa yang gcig tu nges par gnag par 'gyur ro/ /las gcig tu nges par dkar ba rnams ni rnam par smin pa yang gcig tu nges par dkar bar 'gyur ro/ /las 'dren ma rnams ni rnam par smin pa yang 'dren mar 'gyur 
ro/ /dge slong dag de bas na las gcig tu nges par gnag pa rnams dang / las 'dren ma rnams spangs la/ las gcig tu nges par dkar ba rnams 'ba' zhig la gtad par bya ste/ dge slong khyod kyis de ltar bslab par bya'o/ /bcom ldan 'das kyis de skad ces bka' stsal 

</font><hr>75-1-195a<br><font size=+1>

nas/ dge slong de dag yi rangs te bcom ldan 'das kyis gsungs pa la mngon par bstod do// //dkar mo zhes bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi 
mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri 
mo byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / 
gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa ser skya'i gnas shing n+ya gro d+hA'i kun dga' ra ba na bzhugs so/ /de'i tshe shAkya rnams kyi nang na shAkya snar ma zhes bya ba phyug cing nor mang la longs spyod che ba/ 
yongs su 'dzin pa yangs shing rgya che ba rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa des/ rigs mnyam pa las chung ma blangs nas/ de de dang lhan cig tu rtse zhing dga' la dga' mgur spyod do/ /de rtse zhing dga' la dga' mgur 
spyad kyang / bu yang med bu mo yang med de lag pa la rkom tshugs bcas nas bsams pa bdag gis khyim nor du ma dang ldan du zin kyang / bdag la bu yang med/ bu mo yang med pas bdag 'das pa'i 'og tu ni bu med pa'i phyir ci bdog pa thams cad rgyal po dbang bar 
'gyur ro snyam ste sems khong du chud cing 'dug go/ /de nas dge sbyong dang / bram ze dang / ltas mkhan dang / mdza' bo dang / gnyen dang / rtsa lag gzhan dag gis lha la gsol ba thob cig ces de la bsgo'o/ /de nas de bu med de bu 'dod pas gu lang dang / chu lha 

</font><hr>75-1-195b<br><font size=+1>

dang / ku be ra dang / brgya byin dang / tshangs pa la sogs pa dang / lha'i khyad par gzhan dag la yang gsol ba 'debs te/ 'di lta ste/ kun dga' ra ba'i lha dang / nags tshal gyi lha dang / lam gyi bzhi mdo'i lha dang / sum mdo'i lha dang / gtor ma 
len pa'i lha dang / lhan cig skyes pa dang / chos 'thun pa dang / rtag tu phyi bzhin 'brang ba'i lha rnams la yang gsol ba 'debs so/ /'jig rten na yang gsol ba btab pa'i rgyus bu dang bu mo skye bar 'gyur ro zhes bya ba'i gtam yod mod kyi de yang de lta ni ma yin te/ 
gal te gsol ba btab pa'i rgyus bu dang bu mo skye bar 'gyur du zin na/ 'khor los sgyur ba'i rgyal po bzhin du re re la yang bu stong stong yod par 'gyur ba'i rigs so/ /ye ni gnas gsum tshogs pa las bu dang bu mo skye bar 'gyur te/ gsum gang zhe na/ pha ma 'dod chags 
langs te/ phrad pa dang / ma dus la bab cing zla mtshan dang ldan pa dang / dri za 'ongs pa ste gnas 'di gsum tshogs pa las bu dang bu mo skye bar 'gyur ro/ /de nas de yang gsol ba 'debs pa lhur byed cing 'dug la/ sems can zhig kyang sems can gyi ris shig nas shi 
'phos te/ de'i chung ma'i ltor zhugs nas des khyim thab la sbran to/ /de nas khyim thab kyis smras pa/ bzang mo gal te bu khye'u zhig btsas na ni legs/ de ma yin te bu mo zhig btsas na ni de nyid dang bcas te khyod khyim nas bskrad de gtong ngo / /de nas re zhig na de zla ba brgyad 
dam dgu lon pa dang bu byung ste/ bu mo gzugs bzang zhing blta na sdug la mdzes pa mi'i kha dog las ni 'das/ lha'i kha dog ni ma thob pa gos dkar po gyon pa mngal gyi dri mas ma gos pa zhig btsas so/ /de nas re zhig na shAkya snar mas khyod kyi chung ma la bu byung ste bu mo 
zhig btsas sa zhes thos pa dang de khros te nang du song ngo / /de nas de'i chung mas lha'i gos gyon pa'i bu mo phul lo/ /de nas shAkya snar mas bu mo mthong nas mchog tu ya mtshan du gyur te/ de btsas pa'i btsas ston byas nas bu mo 'di'i ming ji skad gdags zhes ming 'dogs par byed 

</font><hr>75-1-196a<br><font size=+1>

de/ nye du rnams na re 'di gos dkar po gyon bzhin du btsas pas na/ de'i phyir bu mo 'di'i ming dkar mor gdags so zhes zer ro/ /de nas bu mo dkar mo pang na 'tsho ba'i ma ma gnyis dang / nu ma snun pa'i ma ma gnyis dang / dri ma 'khru ba'i ma ma gnyis dang / rtse 
ba'i ma ma gnyis te ma ma brgyad la gtad nas/ de ma ma brgyad kyis 'o ma dang / zho dang / mar dang / zhun mar dang / mar gyi nying khu dang / gzhan yang yo byad kyi khyad par bzang ngo cog gis bskyed bsrings te/ mtsho'i nang gi pad ma bzhin du skye drag par gyur to/ /bu mo dkar mo 
ji tsam du skye ba de tsam du gos de dag kyang skye ste dri ma can du yang mi 'gyur la/ de'i lus la yang dri mas gos par mi 'gyur ro/ /de nas gang gi tshe bu mo dkar mo mthar gyis chen mor gyur pa de'i tshe/ rgyal po'i bu rnams dang / tshong dpon gyi bu mang po dag de slong du 
'ong ngo / /de nas de dag gis gnod par gyur nas de'i pha lag pa la rkom tshugs bcas te bsams pa/ gal te gcig la byin na ni gzhan rnams bdag gi dgrar 'gyur ro snyam nas sems khong du chud cing 'dug go/ /de nas re zhig na bu mo des pha sems khong du chud cing 'dug pa 
mthong nas/ smras pa/ yab ci zhig gis sems khong du chud cing bzhugs/ de nas des de'i don rgyas par bsnyad do/ /de nas bu mo na re yab thugs ngan ma mdzad cig /bdag ni 'dod pa la don du gnyer ba ma lags te/ bcom ldan 'das kyi bstan pa la rab tu 'byung gis/ 
yab kyis bdag la gnang bar mdzad du gsol/ /de nas re zhig na des pha ma gnyis la gsol nas/ bcom ldan 'das kyi bstan pa la rab tu byung ste/ gos gang dag gyon te btsas pa de dag nyid chos gos lnga tshang bar gyur to/ /de nas des brtson pa dang / sbyor ba dang / 'bad pas 
phol mig lnga pa'i 'khor ba'i 'khor lo 'di nyid g.yo zhing mi brtan par rig nas/ 'du byed kyi rnam pa thams cad snyil ba dang ltung ba dang rnam par 'thor ba dang rnam par 'jig pa'i chos can yin par rtsad chod de/ /nyon mongs pa thams cad spangs nas/ dgra bcom pa nyid mngon sum 

</font><hr>75-1-196b<br><font size=+1>

du byas te/ dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan sbangs pa lta bur bsil bar gyur pa/ rig pas sgo nga'i sbubs bcom pa/ rig pa dang 
mngon par shes pa dang so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang gus par smra ba'i gnas su gyur to/ /de nas dge slong dag the tsom skyes te/ the tsom 
thams cad gcod pa sangs rgyas bcom ldan 'das la zhus pa/ btsun pa dkar mos las gang dag bgyis na des phyug po'i rigs su skyes te/ gzugs bzang zhing blta na sdug la mdzes pa dang gos dkar po gyon pa dang rab tu byung nas dgra bcom pa nyid mngon sum du bgyis 
lags/ bcom ldan 'das kyis bka' stsal pa/ dge slong dag dkar mo nyid kyis sngon tshe rabs gzhan dag tu tshogs rnyed cing rkyen grub pa dang ldan te/ dba' rgal bzhin du byung la gdon mi za bar 'ong ba'i las de dag byas shing bsags pas na/ dkar mo nyid kyis las byas 
shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba 
dang mi dge ba byas shing bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro/ /lus can dag gi las rnams ni/ /bskal pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur/ /
dge slong dag sngon byung ba 'das pa'i dus na bskal pa bzang po 'di nyid la/ skye dgu'i tshe lo nyi khri thub pa na yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang 

</font><hr>75-1-197a<br><font size=+1>

mi rnams kyi ston pa sangs rgyas bcom ldan 'das 'od srung zhes bya ba 'jig rten du byung ste/ de grong khyer bA rA Na sI na drang srong smra ba ri dgas kyi nags na rten cing bzhugs so/ /de nas re zhig na tshong dpon gyi chung ma dad pa dang ldan la dge zhing bsam pa bzang ba zhig 
'dug pa drang srong smra bar don zhig la song ngo / /de nas des sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan pa/ dpe byad bzang po brgyad cus mdzes par byas pa/ 'od 'dom gang gis brgyan pa/ nyi ma stong bas lhag pa'i 'od mnga' ba/ 
rin po che'i ri bo 'gro ba lta bu kun nas bzang ba mthong nas mthong ma thag tu bcom ldan 'das kyi zhabs la phyag 'tshal te/ chos mnyan pa'i phyir bcom ldan 'das kyi spyan sngar 'dug go/ /de nas bcom ldan 'das 'od srung gis de la chos bstan nas des dad pa rnyed de/ bcom ldan 'das 
nyan thos kyi dge 'dun dang bcas pa khyim gyi nang du bshos gsol nas/ dge slong gi dge 'dun la chos gos sra brkyang phul lo/ /de nas mthar gyis pha ma la gsol te/ bcom ldan 'das kyi bstan pa la rab tu byung ngo / /dge slong dag ji snyam du sems/ de'i tshe de'i dus 
na tshong dpon gyi chung mar gyur pa gang yin pa de ni dge slong ma dkar mo 'di yin te/ des dge slong gi dge 'dun la chos gos sra brkyang phul ba des na gos dkar po gyon bzhin du btsas so/ /tshangs par spyod pa'i gnas bsrungs pa des ni tshe 'di la dgra bcom pa nyid mngon sum du byas so/ /
dge slong dag de ltar na las gcig tu nges par gnag pa rnams ni rnam par smin pa yang gcig tu nges par gnag par 'gyur ro/ /las gcig tu nges par dkar ba rnams ni rnam par smin pa yang gcig tu nges par dkar bar 'gyur ro/ /las 'dren ma rnams ni rnam par smin pa yang 'dren 
mar 'gyur ro/ /dge slong dag de bas na las gcig tu nges par gnag pa rnams dang las 'dren ma rnams spangs la/ las gcig tu nges par dkar ba rnams 'ba' zhig la gtad par bya ste/ dge slong khyod kyis de ltar bslab par bya'o/ /bcom ldan 'das kyis de skad ces 

</font><hr>75-1-197b<br><font size=+1>

bka' stsal nas dge slong de dag yi rangs te/ bcom ldan 'das kyis gsungs pa la mngon par bstod do// //gang po la sogs pa'i rtogs pa brjod pa brgya pa/ bam po bcu bdun pa/ zla ba zhes bya ba ni/ sangs rgyas bcom ldan 'das la rgyal po rnams 
dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / 
lta 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen 
po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa mnyan du yod pa na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe mnyan du yod 
pa na bram ze phyug cing nor mang la longs spyod che ba/ yongs su 'dzin pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas so/ /de yang rig byed gsum gyi mthar phyin te/ ming gi rnam grangs dang / shes gsal dang bcas pa dang 
yi ge'i rab tu dbye ba dang lnga pa ste gtam rgyud dang bcas pa rnams tshig re re nas brda sprod nus pa zhig go/ /de nas de bram ze'i khye'u lnga brgya bram ze'i sngags 'don pa'i slob dpon byed do/ /de nas des bu dgos pa'i phyir rigs mnyam pa las chung ma blangs nas/ de de dang lhan cig tu 
rtse zhing dga' la dga' mgur spyod do/ /de rtse zhing dga' la dga' mgur spyod pa las chung ma la bu chags nas/ de zla ba brgyad dam dgu lon pa dang / bu byung ste bu mo gzugs bzang zhing blta na sdug la mdzes pa yan lag dang nying lag thams cad dang ldan pa zhig btsas so/ /de nas 

</font><hr>75-1-198a<br><font size=+1>

de btsas pa'i btsas ston byas nas/ bu mo 'di'i ming ji skad gdags zhes ming 'dogs par byed de/ /nye du rnams na re bdag cag gi bu tsha phal cher zla ba zhes 'dogs pas na de'i phyir bu mo 'di'i ming zla ba zhes gdags so zhes zer ro/ /de nas bu mo zla ba pang na 'tsho ba'i ma ma 
gnyis dang / nu ma snun pa'i ma ma gnyis dang / dri ma 'khru ba'i ma ma gnyis dang / rtse ba'i ma ma gnyis te/ ma ma brgyad la gtad nas/ de ma ma brgyad kyis 'o ma dang / zho dang / mar dang / zhun mar dang / mar gyi nying khu dang / gzhan yang yo byad kyi khyad par bzang ngo cog gis 
bskyed bsrings te/ mtsho'i nang gi pad ma bzhin du skye drag par gyur to/ /de nas bu mo zla ba mthar gyis chen mor gyur pa dang / de mkhas shing gsal la yid gzhungs pa dang / bya ba la mkhas pa dang / dran pa dang ldan pa dang / thos pa 'dzin par gyur to/ /de nas re zhig na de'i pha bram 
ze'i khye'u rnams la sngags slob pa na des thos pa tsam gyis lobs so/ /thos nas kyang bstan bcos de dag ltag 'og sbyor zhing 'chad nus so/ /de nas de'i grags pas mnyan du yod pa thams cad rgyas par gyur to/ /mu stegs can dag kyang nyin gcig bzhin du de la blta ba'i phyir 'ongs 
te/ de dang lhan cig tu gtan la 'bebs par byed do/ /de nas gang gi tshe bcom ldan 'das bla na med pa yang dag par rdzogs pa'i byang chub tu mngon par rdzogs par sangs rgyas pa de'i tshe mnyan du yod par gshegs nas/ mkhas pa rnams dang mkhas par bgrang ba de dag 
phal cher bcom ldan 'das la blta ba'i phyir der 'dong bar byed do/ /de nas de dag mi snang nas nang mi rnams la smras pa kye ci'i phyir de bstan bcos shes pa dag mi 'ong / 'di la rgyu ci zhig yod/ de dag gis smras pa/ bcom ldan 'das thams cad mkhyen pa shAkya thub pa 'dir gshegs 
te/ de dag thams cad de la gzhol bar gyur to/ /de nas sangs rgyas zhes bya ba'i sgra sngon ma byung ba thos nas/ de spu thams cad zing zhes byas so/ /de nas bu mo zla bas sangs rgyas zhes bya ba'i sgra thos nas/ bcom ldan 'das kyi thad du song ngo / /de nas des sangs rgyas bcom ldan 

</font><hr>75-1-198b<br><font size=+1>

'das sku skyes bu chen po'i mtshan sum cu rtsa gnyis kyis legs par brgyan pa/ dpe byad bzang po brgyad cus mdzes par byas pa/ 'od 'dom gang gis brgyan pa/ nyi ma stong bas lhag pa'i 'od mnga' ba/ rin po che'i ri bo 'gro ba lta bu kun nas bzang ba mthong nas/ mthong ma thag tu 
bcom ldan 'das kyi zhabs la phyag 'tshal te/ /chos mnyan pa'i phyir bcom ldan 'das kyi spyan sngar 'dug go/ /de nas bcom ldan 'das kyis bu mo zla ba'i bsam pa dang bag la nyal dang khams dang rang bzhin thugs su chud nas 'phags pa'i bden pa bzhi rtogs par 'gyur ba de lta bu'i 
chos bstan te/ de thos nas bu mo zla bas 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu mngon sum du byas te/ des bden pa mthong nas skye dgu'i bdag mo chen mo'i thad du rab tu byung ngo / /de nas des brtson pa dang bsgrub pa dang 
'bad pas phol mig lnga pa'i 'khor ba'i 'khor lo 'di nyid g.yo zhing mi brtan par rig nas/ 'du byed kyi rnam pa thams cad snyil ba dang / ltung ba dang / rnam par 'thor ba dang / rnam par 'jig pa'i chos can yin par rtsad chod de/ nyon mongs pa thams cad spangs nas dgra bcom 
pa nyid mngon sum du byas te/ dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan sbangs pa lta bur bsil bar gyur pa/ rig pas sgo nga'i sbubs bcom pa/ rig pa 
dang mngon par shes pa dang so so yang dag par rig pa thob pa/ srid pa'i rnyed pa dang chags pa dang bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang gus par smra ba'i gnas su gyur to/ /de nas gang gi tshe bcom ldan 'das kyis dge slong rnams la/ dge slong dag khyed cag gis zla ba phyed phyed cing so sor thar pa'i mdo bshad pa gdon par gyis shig ces bka' stsal pa/ /de'i tshe skye dgu'i bdag mo chen mos gsol pa/ bcom ldan 'das kyis so sor thar pa'i mdo lung dbog tu gsol/ bde bar gshegs pas so sor 

</font><hr>75-1-199a<br><font size=+1>

thar pa'i mdo lung dbog tu gsol/ bcom ldan 'das kyis bka' stsal pa/ de bzhin gshegs pa yang dag par rdzogs pa'i sangs rgyas ni dge slong ma la tshig re re nas chos kyi lung dbog par mi mdzad de/ gal te khyed las lan cig smras pas 'dzin nus pa 'ga' 
zhig yod na ni ngas lung dbog go/ /de nas de'i tshe dge slong ma zla ba 'khor de nyid kyi nang du 'dus par gyur te 'dug go/ /de nas dge slong ma zla ba stan las langs te/ bcom ldan 'das ga la ba de logs su thal mo sbyar ba btud nas bcom ldan 'das la 'di skad ces gsol to/ /lan cig 
bka' stsal pas bdag gis gzung bar 'tshal na/ bcom ldan 'das kyis so sor thar pa'i mdo lung dbog tu gsol/ bde bar gshegs pas so sor thar pa'i mdo lung dbog tu gsol/ de nas bcom ldan 'das kyis rgyas par lung dbog pa mdzad nas/ lan cig bka' stsal pas dge 
slong ma zla bas lobs so/ /der bcom ldan 'das kyis dge slong rnams la bka' stsal pa/ nga'i nyan thos kyi dge slong ma mang du thos pa rnams dang / thos pa 'dzin pa rnams kyi mchog ni 'di lta ste/ dge slong ma zla ba 'di yin no/ /de nas dge slong dag the tsom skyes te/ the tsom thams cad 
gcod pa sangs rgyas bcom ldan 'das la zhus pa/ btsun pa dge slong ma zla bas las gang dag bgyis shing bsags pa des na phyug po'i rigs su skyes te/ gzugs bzang zhing blta na sdug la mdzes pa dang thos pa 'dzin par gyur lags/ bcom ldan 'das kyis bka' stsal pa/ 
dge slong dag zla ba nyid kyis sngon tshe rabs gzhan dag tu tshogs rnyed cing rkyen grub pa dang ldan te/ dba' rgal bzhin du byung la gdon mi za bar 'ong ba'i las de dag byas shing bsags pas na/ zla ba nyid kyis las byas shing bsags pa de dag gzhan su zhig gis nyams su myong bar 'gyur te/ dge 
slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang khams dang skye mched rnams 

</font><hr>75-1-199b<br><font size=+1>

'ba' zhig la rnam par smin par 'gyur ro/ /lus can dag gi las rnams ni/ /bskal pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur/ /dge slong dag sngon byung ba 'das pa'i dus na/ bskal pa bzang po 'di nyid la skye dgu'i tshe lo nyi khri 
thub pa na/ yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das 'od srung zhes bya ba 'jig rten du byung ste/ de grong 
khyer bA rA Na sI na drang srong smra ba ri dgas kyi nags na rten cing bzhugs so/ /de nas re zhig na bram ze'i bu mo zhig bcom ldan 'das 'od srung gi bstan pa la rab tu byung ngo / /des de la lung mnos te bslabs nas kha ton tu byas te phung po la mkhas pa dang / khams la mkhas pa dang / skye mched la 
mkhas pa dang / rten cing 'brel par byung ba la mkhas pa dang gnas dang gnas ma yin pa la mkhas par byas so/ /mthar thug pa'i ye shes ni bskyed ma nus so/ /de mkhan mo gang las rab tu byung ba de ni bcom ldan 'das 'od srung gis thos pa 'dzin pa rnams kyi mchog tu bstan to/ /de nas 
dge slong ma de 'chi ba'i tshe smon lam btab pa/ ji ltar bdag gis mkhan mo thos pa 'dzin pa rnams kyi mchog tu bstan pa de bzhin du/ bdag kyang ma 'ongs pa'i dus na/ bcom ldan 'das 'od srung gis bram ze'i khye'u bla ma la bram ze'i khye'u khyod skye dgu'i tshe lo brgya thub pa na/ de bzhin 
gshegs pa dgra bcom pa yang dag par rdzogs pa'i sangs rgyas shAkya thub pa zhes bya bar 'gyur ro/ /zhes lung bstan pa gang yin pa'i bcom ldan 'das de'i bstan pa la rab tu 'byung ste/ bcom ldan 'das shAkya thub pas bdag thos pa 'dzin pa rnams kyi mchog tu ston par gyur cig ces byas so/ /
bcom ldan 'das kyis bka' stsal pa/ dge slong dag ji snyam du sems/ de'i tshe de'i dus na bram ze'i bu mor gyur pa gang yin pa de ni dge slong ma zla ba 'di yin te des smon lam btab pa des na thos pa 'dzin pa rnams kyi mchog tu bstan to/ /des der lung mnos te/ bslabs nas kha ton du byas pa 

</font><hr>75-1-200a<br><font size=+1>

des ni da ltar dgra bcom pa nyid mngon sum du byas so/ /dge slong dag de ltar na las gcig tu nges par gnag pa rnams ni rnam par smin pa yang gcig tu nges par gnag par 'gyur ro/ /las gcig tu nges par dkar ba rnams ni rnam par smin pa yang gcig tu nges par dkar bar 
'gyur ro/ /las 'dren ma rnams ni rnam par smin pa yang 'dren mar 'gyur ro/ /dge slong dag de bas na las gcig tu nges par gnag pa rnams dang las 'dren ma rnams spangs la/ las gcig tu nges par dkar ba rnams 'ba' zhig la gtad par bya ste/ dge slong dag khyed kyis de ltar bslab par 
bya'o/ /bcom ldan 'das kyis de skad ces bka' stsal nas/ dge slong de dag yi rangs te bcom ldan 'das kyis gsungs pa la mngon par bstod do// //ud pa la zhes bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang 
'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod 
pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan 
dang / snyun gsos dang / sman zong rnams brnyes pa/ nyan thos kyi dge 'dun dang bcas pa/ rgyal po'i khab na 'od ma'i tshal bya ka lan da ka gnas pa na rten cing bzhugs so/ /de'i tshe rgyal po'i khab kyi grong khyer na klu'i rgyal po ri bo dang yid 'ong gnyis phrad pa zhes bya ba'i dus ston byung ste/ der grong 
khyer chen po drug po thams cad nas skye bo mang po 'du'o/ /de nas re zhig na lho phyogs nas/ zlos gar mkhan gyi slob dpon zhig 'ongs pa de'i bu mo ud pa la zhes bya ba gzugs bzang zhing blta na sdug la mdzes pa yan lag dang nying lag thams cad dang ldan pa/ lang tsho dang nad med pa'i rgyags pas 

</font><hr>75-1-200b<br><font size=+1>

dregs pa zhig yod de/ de gang gi tshe ltad mo ba'i nang du 'ong ba de'i tshe/ ltad mo ba thams cad kyis yid smon byed cing lta bar byed de/ gang so sor rtog pa'i shas chung ba de dag gi'ang yid 'phrog par byed do/ /der gang gi tshe dus ston byung ba de'i tshe rdzogs byed la sogs pa ston pa drug kyang 
'ong ngo / /de nas bu mo ud pa las skye bo mang po la smras pa/ kye rgyal po'i khab kyi grong khyer na mir gyur pa'i nang na bdag dang byad gzugs kyis mnyam pa'am/ khyad par du 'phags pa de lta bu 'ga' lta yod dam/ skye bo mang pos smras pa/ dge sbyong gau ta ma 'khor dang bcas pa yod do/ /
ud pa las smras pa/ ci de mi yin nam 'on te lha yin/ skye bo mang pos smras pa/ mi ni yin mod kyi/ de ni thams cad mkhyen pa yin no/ /de nas tshig de thos nas ud pa la rgyan thams cad kyis bklubs te bcom ldan 'das kyi thad du song ngo / /song nas kyang bcom ldan 'das kyi spyan sngar 'dug 
ste/ gar byed cing glu len la rol mo byed do/ /bud med kyi mtshan ma rnams dang / bud med kyi rtags rnams dang / bud med kyi brda rnams dang / bud med kyi rtsed mo rnams kyang ston par byed do/ /der dge slong 'dod chags dang ma bral ba gang yin pa de dag ni des ci bya gtol med par 
gyur to/ /de nas bcom ldan 'das kyis dge slong 'dod chags kyi shas che ba'i rnams gdul ba dang ud pa la'i byad gzugs dang lang tshos rgyags pa bsal ba'i phyir rdzu 'phrul mngon par 'du mdzad pa gang gis ud pa la rgas shing 'khogs pa la mgo skya ba dang so rto zhing phyam dgu bo ltar 
sgur bar 'gyur ba de lta bu'i rdzu 'phrul mngon par 'du mdzad do/ /de nas de ltar sprul pa'i mod la ud pa las bdag nyid mi sdug par mthong nas byad gzugs dang lang tshos rgyags pa de med par gyur to/ /dge slong 'dod chags kyi shas che ba rnams kyang skyo bar gyur to/ /de nas ud pa la 
rgyags pa med par gyur nas bcom ldan 'das kyi zhabs la mgo bos phyag 'tshal te/ bcom ldan 'das la gsol ba btab pa/ bcom ldan 'das kyis bdag ci nas rnag can gyi lus 'di las tshegs chung ngus yongs su grol bar 'gyur ba de lta bu'i chos bstan du gsol/ /de nas bcom 

</font><hr>75-1-201a<br><font size=+1>

ldan 'das kyis ud pa la dang dge slong 'dod chags dang ma bral ba de dag gi bsam pa dang bag la nyal dang khams dang rang bzhin thugs su chud nas/ 'phags pa'i bden pa bzhi rtogs par 'gyur ba de lta bu'i chos bstan te/ de thos nas kha cig gis ni 'jig tshogs la lta ba'i 
ri'i rtse mo mthon po nyi shu ye shes rdo rjes bcom nas rgyun du zhugs pa'i 'bras bu mngon sum du byas so/ /kha cig gis ni lan cig phyir 'ong ba'i 'bras bu mngon sum du byas so/ /kha cig gis ni phyir mi 'ong ba'i 'bras bu mngon sum du byas so/ /kha cig gis ni rab tu byung ste nyon mongs pa thams cad 
spangs nas dgra bcom pa nyid mngon sum du byas so/ /ud pa la yang dad pa rnyed nas bcom ldan 'das kyi thad du rab tu byung ste/ des brtson pa dang / bsgrub pa dang / 'bad pas phol mig lnga pa'i 'khor ba'i 'khor lo 'di nyid g.yo zhing mi brtan par rig nas 'du byed kyi rnam pa thams cad snyil 
ba dang / ltung ba dang / rnam par 'thor ba dang / rnam par 'jig pa'i chos can yin par rtsad chod de/ nyon mongs pa thams cad spangs nas/ dgra bcom pa nyid mngon sum du byas te/ de dgra bcom pa khams gsum pa'i 'dod chags dang bral bar gyur nas/ gser dang bong bar mnyam 
pa/ nam mkha' dang lag mthil du mnyam pa'i sems dang ldan pa/ tsan dan sbangs pa lta bur bsil bar gyur pa/ rig pas sgo nga'i sbubs bcom pa/ rig pa dang mngon par shes pa dang so so yang dag par rig pa thob pa srid pa'i rnyed pa dang / chags pa dang / bkur sti la mi lta ba dang / 
dbang po dang / nye dbang dang bcas pa'i lha rnams kyis mchod cing rjed pa dang gus par smra ba'i gnas su gyur to/ /zlos gar mkhan de dag gis kyang skyo bar gyur pa de nyid kyis nyon mongs pa thams cad spangs nas dgra bcom pa nyid mngon sum du byas so/ /de nas dge slong dag the tsom skyes te/ the tsom 
thams cad gcod pa/ sangs rgyas bcom ldan 'das la zhus pa/ btsun pa bcom ldan 'das kyis zlos gar mkhan gyi bu mo ud pa la byad gzugs dang lang tshos rgyags pa las rga bas skyo bar mdzad nas/ gzha' gsang gi mthar thug pa mya ngan las 'das pa'i bar dag tu bzhag pa ni ngo mtshar 

</font><hr>75-1-201b<br><font size=+1>

lags so/ /bcom ldan 'das kyis bka' stsal pa/ dge slong dag da ltar nga 'dod chags dang bral ba/ zhe sdang dang bral ba/ gti mug dang bral ba/ skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde 
ba dang / 'khrug pa rnams las yongs su grol ba thams cad mkhyen pa/ rnam pa thams cad mkhyen pa/ ye shes dang shes bya thams cad la dbang thob zin pa'i tshe/ bu mo ud pa la byad gzugs dang / lang tsho'i rgyags pas dregs pa las rga bas skyo bar byas nas/ gzha' gsang gi mthar thug pa mya ngan las 'das pa'i bar du bzhag pa 'di lta la ngo mtshar che ba ci yod de/ 'das pa'i dus na 'dod chags dang bcas pa/ zhe sdang dang bcas pa/ gti mug dang bcas pa/ skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / 
sdug bsngal ba dang / yid mi bde ba dang / 'khrug pa rnams las yongs su ma grol ba na yang ngas bu mo ud pa la rga bas skyo bar byas nas/ brtul zhugs kyi gnas lnga la bzhag pa de legs par rab tu nyon la yid la zung shig dang ngas bshad do/ /dge slong dag sngon byung ba 'das 
pa'i dus na grong khyer bA rA Na sI na rgyal po tshangs pas byin zhes bya ba zhig rgyal po byed de/ de'i ring la 'byor pa dang / rgyas pa dang / bde ba dang / lo legs pa dang / skye bo dang / mi mang pos gang ba dang / rtsod pa dang / 'thab pa zhi ba dang / 'khrug pa dang / nang 'khrug dang / chom rkun dang / 
mu ge dang / nad rnams med pa dang / 'bras sA lu dang / bu ram shing dang / ba lang dang / ma he dang ldan par 'dug ste/ gnod pa med cing tsher ma dkrugs la bu gcig pa la bya ba bzhin du rgyal srid bskyangs so/ /de nas re zhig na rgyal po de btsun mo dang lhan cig tu rtse zhing dga' la dga' mgur 
spyod do/ /de rtse zhing dga' la dga' mgur spyod pa las phyis btsun mo la bu chags nas/ de zla ba brgyad dam dgu lon pa dang bu byung ste/ khye'u gzugs bzang zhing blta na sdug la mdzes pa mdog bzang ba/ gser gyi kha dog can mgo bo gdugs ltar 'dug pa/ lag pa ring ba/ dpral ba'i 

</font><hr>75-1-202a<br><font size=+1>

dbyes che ba/ sna mtho ba/ sna legs pa/ smin ma stug pa/ yan lag dang nying lag thams cad dang ldan pa zhig btsas so/ /de nas de btsas pa'i btsas ston byas nas khye'u 'di'i ming ji skad gdags zhes ming 'dogs par byed de nye du rnams na re 'di'i yab yul ka shi'i 
rgyal po yin la/ 'di yang gzugs bzang zhing blta na sdug la mdzes pas na/ de'i phyir khye'u 'di'i ming ka shi mdzes ldan zhes gdags so zhes zer ro/ /de nas khye'u ka shi mdzes ldan pang na 'tsho ba'i ma ma gnyis dang / nu ma snun pa'i ma ma gnyis dang / dri ma 'khru ba'i ma ma gnyis dang / 
rtse ba'i ma ma gnyis te/ ma ma brgyad la gtad nas/ de ma ma brgyad kyis 'o ma dang / zho dang / mar dang / zhun mar dang / mar gyi nying khu dang / gzhan yang yo byad kyi khyad par bzang ngo cog gis bskyed bsrings te/ mtsho'i nang gi pad ma bzhin du skye drag par gyur to/ /de nas gang 
gi tshe de cher skyes pa de'i tshe rgyal tshab tu dbang bskur to/ /de nas des rgyal po byed pa na/ nyes pa du ma dang ldan zhing gnod pa du ma'i rtsa ba yin par rig nas drang srong rnams kyi nang du rab tu byung ngo / /de yang gangs kyi sul zhig na gnas te/ 'bras bu dang / rtsa ba dang / chus 
'tsho zhing ri dgas kyi g.yang gzhi dang shing shun gyon la me'i sbyin sreg byed do/ /phyis re zhig na 'bras bu dang rtsa ba'i phyir ri'i sul zhig tu song ba dang / re zhig na der mi 'am ci'i bu mo zhig gis drang srong gzhon nu de mthong nas chags par gyur te/ gar byed cing glu len la rol mo byed do/ /
bud med kyi mtshan ma rnams dang / bud med kyi rtags rnams dang / bud med kyi brda rnams dang / bud med kyi rtsed mo rnams kyang ston par byed do/ /de nas re zhig na drang srong ka shi mdzes ldan gyis bu mo de la chos bshad de che zhe khyod rgas te/ khyod kyi nga ro dang po ni snyan cing mnyen la mjug ni ra ra 
por gyur to zhes byas so/ /de nas des chos de lta bu bstan te/ de thos nas mi 'am ci'i bu mo'i byad gzugs kyis rgyags pa med par gyur to/ /de nas de dad pa skyes nas smon lam btab pa/ gang gi tshe khyod bla na med pa yang dag par rdzogs pa'i byang chub mngon par rdzogs par 'tshang rgya 

</font><hr>75-1-202b<br><font size=+1>

ba de'i tshe/ bdag khyod kyi slob mar gyur cig ces byas so/ /bcom ldan 'das kyis bka' stsal pa/ dge slong dag ji snyam du sems/ de'i tshe de'i dus na drang srong gzhon nur gyur pa gang yin pa de ni nga yin no/ /mi 'am ci'i bu mo de ni ud pa la 'di nyid yin no/ /de nas bcom ldan 
'das la dge slong rnams kyis zhus pa btsun pa ud pa las las gang dag bgyis na des gzugs bzang zhing blta na sdug la mdzes par gyur lags/ las gang dag bgyis na des dgra bcom pa nyid mngon sum du bgyis lags/ bcom ldan 'das kyis bka' stsal pa/ dge slong dag ud 
pa la nyid kyis sngon tshe rabs gzhan dag tu tshogs rnyed cing rkyen grub pa dang ldan te/ dba' rgal bzhin du byung la gdon mi za bar 'ong ba'i las de dag byas shing bsags pas na/ ud pa la nyid kyis las byas shing bsags pa de dag gzhan su zhig gis nyams su myong bar 'gyur te/ dge 
slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang las mi dge ba byas shing bsags pa rnams ni zin pa'i phung po dang / khams dang / 
skye mched rnams 'ba' zhig la rnam par smin par 'gyur ro/ /lus can dag gi las rnams ni/ /bskal pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur/ /dge slong dag sngon byung ba 'das pa'i dus na/ bskal pa bzang po 'di nyid la skye dgu'i tshe 
lo bzhi khri thub pa na/ yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'khor ba 'jig ces bya ba 'jig rten du 
byung ste/ de rgyal po'i pho brang mdzes ldan na rten cing bzhugs so/ /de nas re zhig na lho phyogs nas zlos gar mkhan gyi slob dpon zhig 'ongs so/ /der gang gi tshe rgyal po mdzes pa/ bcom ldan 'das kyis bden pa mthong bar mdzad pa de'i tshe/ zlos gar mkhan gyi slob dpon la bsgo ba/

</font><hr>75-1-203a<br><font size=+1>

nga'i mdun du sangs rgyas kyi zlos gar gyi gar thabs gyis shig ces byas nas/ de dag gis rgyal po de'i bka' spyi bos mnos te/ lha bka' bzhin 'tshal lo zhes byas so/ /de nas sangs rgyas kyi zlos gar sbyar te legs par sbyangs nas/ rgyal po'i blon po'i tshogs dang 
bcas pa'i mdun du zlos gar gyi gar thabs byas so/ /de nas der zlos gar mkhan gyi gar gyi slob dpon nyid ni/ sangs rgyas kyi cha lugs kyis nang du 'ongs so/ /zlos gar mkhan gzhan rnams ni dge slong gi cha lugs kyis nang du 'ongs so/ /de nas rgyal po dga' zhing mgu la rab tu dga' nas/ 
zlos gar mkhan gyi slob dpon la sogs pa zlos gar mkhan gyi tshogs rnams la nor gyi phung po chen po byin no/ /de nas de dag bcom ldan 'das kyi bstan pa la dad pa rnyed nas/ sbyin pa dang / rab tu sbyin pa dag byin nas yang dag pa'i smon lam btab pa/ dge ba'i rtsa ba dang sems 
bskyed pa dang sbyin par bya ba'i chos yongs su gtong ba 'dis na/ bdag cag kyang ma 'ongs pa'i sangs rgyas rnams mnyes par byed par gyur cig /mi mnyes par byed par ma gyur cig ces byas so/ /dge slong dag ji snyam du sems/ zlos gar mkhar gang yin pa de dag ni ud pa la la 
sogs pa 'di dag yin te/ 'di dag gis der smon lam btab pa des ni da ltar dgra bcom pa nyid mngon sum du byas so/ /dge slong dag de ltar na las gcig tu nges par gnag pa rnams ni rnam par smin pa yang gcig tu nges par gnag par 'gyur ro/ /las gcig tu nges par dkar ba rnams 
ni rnam par smin pa yang gcig tu nges par dkar bar 'gyur ro/ /las 'dren ma rnams ni rnam par smin pa yang 'dren mar 'gyur ro/ /dge slong dag de bas na/ las gcig tu nges par gnag pa rnams dang las 'dren ma rnams spangs la/ las gcig tu nges par dkar ba rnams 'ba' zhig la 
gtad par bya ste/ dge slong khyod kyis de ltar bslab par bya'o/ /bcom ldan 'das kyis de skad ces bka' stsal nas dge slong de dag yi rangs te/ bcom ldan 'das kyis gsungs pa la mngon par bstod do// //mdzes ldan ma zhes bya ba ni/ sangs rgyas bcom ldan 'das la rgyal 

</font><hr>75-1-203b<br><font size=+1>

po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci 
rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das 
bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa/ bA rA Na sI na drang srong smra ba ri dgas kyi nags na bzhugs so/ /de'i tshe grong khyer bA rA Na sI na 
rgyal po tshangs pas byin rgyal po byed de/ de'i ring la 'byor pa dang / rgyas pa dang / bde ba dang / lo legs pa dang / skye bo dang / mi mang pos gang ba dang / rtsod pa dang / 'thab pa zhi ba dang / 'khrug pa dang / nang 'khrug dang / chom rkun dang / mu ge dang / nad rnams med pa 
dang / 'bras sA lu dang / bu ram shing dang / ba lang dang / ma he dang ldan par 'dug ste/ gnod pa med cing tsher ma dkrugs la bu gcig pa la bya ba bzhin du rgyal srid bskyangs so/ /de nas re zhig na rgyal po de btsun mo dang lhan cig tu rtse zhing dga' la dga' mgur spyod do/ /de rtse zhing 
dga' la dga' mgur spyod pa las/ phyis btsun mo la bu chags nas/ de zla ba brgyad dam dgu lon pa dang bu byung ste/ bu mo gzugs bzang zhing blta na sdug la mdzes pa yan lag dang nying lag thams cad dang ldan pa zhig btsas so/ /de nas de btsas pa'i btsas ston byas nas/ bu 
mo 'di'i ming ji skad gdags zhes ming 'dogs par byed de/ nye du rnams na re bu mo 'di ka shi'i rgyal po'i bu mo yin la byad gzugs kyang bzang bas/ de'i phyir bu mo 'di'i ming ka shi mdzes ldan ma zhes gdags so zhes zer ro/ /de nas bu mo ka shi mdzes ldan ma pang na 'tsho ba'i ma ma gnyis 

</font><hr>75-1-204a<br><font size=+1>

dang / nu ma snun pa'i ma ma gnyis dang / dri ma 'khru ba'i ma ma gnyis dang / rtse ba'i ma ma gnyis te/ ma ma brgyad la gtad nas/ de ma ma brgyad kyis 'o ma dang / zho dang / mar dang / zhun mar dang / mar gyi nying khu dang / gzhan yang yo byad kyi khyad par 
bzang ngo cog gis bskyed bsrings te mtsho'i nang gi pad ma bzhin du skye drag par gyur to/ /de nas gang gi tshe bu mo ka shi mdzes ldan ma chen mor gyur pa de'i tshe nyi 'og gi rgyal po drug gis rgyal po tshangs pas byin la pho nya btang ste/ khyod kyi bu mo btsas zhes bdag gis thos kyis gzhan la 
ma sbyin par bdag gi bu la byin cig ces spring ngo / /de nas rgyal po tshangs pas byin mya ngan gyi khang bur zhugs nas lag pa la rkom tshugs bcas te bsams pa/ gal te gcig la byin na ni gzhan rnams ni bdag gi dgrar 'gyur ro snyam nas sems khong du chud cing 'dug go/ /de nas 
re zhig na bu mo ka shi mdzes ldan ma rgyan thams cad kyis bklubs te pha'i thad du song ba dang des pha mya ngan gyis non pa mthong nas dris pa/ yab ci'i slad du mya ngan mdzad/ de nas phas kyang de la ji ltar gyur pa bsnyad do/ /de nas bu mo ka shi mdzes ldan mas pha la smras pa/ yab nyi 'og 
gi rgyal po rnams la da ste zhag bdun na bu mo ka shi mdzes ldan ma rang nyid kyi khyim thab 'dam par chad kyis/ khyod kyis bya ba gang yin pa de gyis shig ces pho nya gtang du gsol zhes byas so/ /de nas zhag bdun lon pa dang nyi 'og gi rgyal po drug po de rnams 'dus so/ /bu mo ka shi 
mdzes ldan ma yang shing rta la zhon te chos gos tshon can gyi ba dan bsgreng nas/sangs rgyas bcom ldan 'das kyi sku gzugs lag na thogs te rgyal po 'dus pa'i nang du song nas smras pa/ kye nyi 'og gi rgyal po rnams gson cig /bdag ni khyed kyi gzugs dang / lang tsho dang / 
rigs dang / longs spyod dang / dbang phyug la mi sems kyi bdag ni 'dod pa rnams la don du gnyer ba ma lags te/ bdag ni ras 'di la sangs rgyas bcom ldan 'das kyi sku gzugs bris pa gang yin pa de'i slob ma lags te/ de'i bstan pa la rab tu 'byung ngo zhes byas nas drang 

</font><hr>75-1-204b<br><font size=+1>

srong smra bar song ste/ bcom ldan 'das kyi zhabs la phyag 'tshal nas/ bcom ldan 'das la 'di skad ces gsol to/ /btsun pa bdag legs par gsungs pa'i chos 'dul ba la rab tu 'byung ba dang / bsnyen par rdzogs shing dge slong ma'i dngos po 'thob tu rung na/ bdag 
kyang bcom ldan 'das kyi thad du tshangs par spyod pa spyad par 'tshal lo/ /de nas bcom ldan 'das kyis skye dgu'i bdag mo chen mo la gtad do/ /de nas des kyang de rab tu phyung ste bsnyen par rdzogs par byas nas/ des brtson pa dang / bsgrub pa dang / 'bad pas phol mig 
lnga pa'i 'khor ba'i 'khor lo 'di nyid g.yo zhing mi brtan par rig nas/ 'du byed kyi rnam pa thams cad snyil ba dang / ltung ba dang / rnam par 'thor ba dang / rnam par 'jig pa'i chos can yin par rtsad chod de/ nyon mongs pa thams cad spangs nas dgra bcom pa nyid mngon sum 
du byas te/ dgra bcom pa khams gsum pa'i 'dod chags dang bral bar gyur nas gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan sbangs pa lta bur bsil bar gyur pa/ rig pas sgo nga'i sbubs bcom pa/ rig pa 
dang mngon par shes pa dang so so yang dag par rig pa thob pa/ srid pa'i rnyed pa dang chags pa dang bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang gus par smra ba'i gnas su gyur to/ /de nas rgyal po'i bu de dag gis de'i gzugs dang / 
lang tsho dang / mdzes pa rjes su dran nas 'dod chags kyi rgyags pas myos te/ rab tu byung bzhin du yang gsol ba 'debs so/ /de nas de dag gis gsol ba btab nas/ ngang pa'i rgyal po 'dab ma brkyang ba bzhin du nam mkha' la mngon par 'phags nas/ cho 'phrul rnam 
pa sna tshogs bstan to/ /so so'i skye bo rnams ni rdzu 'phrul gyis myur du dad par byed de/ de nas rgyal po'i bu de dag gis lha dang mi rnams dad par byed pa'i cho 'phrul shin tu rmad du byung ba mthong nas spu zing zhes byed de/ rkang pa la phyag 'tshal nas bzod pa gsol te/ sru khyod kyis chos 

</font><hr>75-1-205a<br><font size=+1>

'di lta bu dag mngon sum du byas pa las na/ khyod 'dod pa spyod pa 'di ni mi srid kyis bzod par mdzod cig ces byas so/ /de nas bu mo ka shi mdzes ldan ma nam mkha' las babs te/ skye bo mang po'i gung la 'dug nas chos de lta bu dag bstan te/ de thos 
nas srog chags 'bum phrag du mas khyad par chen po thob bo/ /de nas dge slong dag the tsom skyes te the tsom thams cad gcod pa sangs rgyas bcom ldan 'das la zhus pa/ btsun pa ka shi mdzes ldan mas las gang dag bgyis na des gzugs bzang zhing blta na sdug la mdzes pa dang rab tu 
byung nas dgra bcom pa nyid mngon sum du bgyis lags/ bcom ldan 'das kyis bka' stsal pa/ dge slong dag ka shi mdzes ldan ma nyid kyis sngon tshe rabs gzhan dag tu tshogs rnyed cing rkyen grub pa dang ldan te/ dba' rgal bzhin du byung la gdon mi za bar 'ong ba'i las de dag byas 
shing bsags pas na/ ka shi mdzes ldan ma nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams 
dang / rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni/ zin pa'i phung po dang / khams dang/ skye mched rnams 'ba' zhig la rnam par smin par 'gyur ro/ /lus can dag gi las rnams ni/ /bskal pa brgyar 
yang chud mi za/ /tshogs shing dus la bab pa na/ /'bras bu nyid du smin par 'gyur/ /dge slong dag sngon byung ba 'das pa'i dus na bskal pa bzang po 'di nyid la skye dgu'i tshe lo sum khri thub pa na/ de bzhin gshegs pa dgra bcom pa yang dag par rdzogs pa'i sangs rgyas rig pa dang 
zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das gser thub ces bya ba 'jig rten du byung ngo / /de nas re zhig na rgyal po'i bu mo de dad pa dang ldan la dge zhing 

</font><hr>75-1-205b<br><font size=+1>

bsam pa bzang ba zhig yod pa des gtsug lag khang zhig brtsig tu bcug ste/ yo byad thams cad kyis gang bar byas nas/ bcom ldan 'das nyan thos kyi dge 'dun dang bcas pa la phul lo/ /yang dag par rdzogs pa'i sangs rgyas 'od srung gi ring la yang rab tu byung nas 
lo khri'i bar du byams pa bsgoms so/ /dge slong dag ji snyam du sems/ de'i tshe rgyal po'i bu mor gyur pa gang yin pa de ni ka shi mdzes ldan ma 'di yin te/ des gtsug lag khang phul ba des ni gzugs bzang zhing blta na sdug la mdzes par gyur to/ /bcom ldan 'das 'od srung 
gi ring la rab tu byung nas lo khri'i bar du byams pa bsgoms pa des ni/ da ltar dgra bcom pa nyid mngon sum du byas so/ /dge slong dag de ltar na las gcig tu nges par gnag pa rnams ni rnam par smin pa yang gcig tu nges par gnag par 'gyur ro/ /las gcig tu nges par dkar 
ba rnams ni rnam par smin pa yang gcig tu nges par dkar bar 'gyur ro/ /las 'dren ma rnams ni rnam par smin pa yang 'dren mar 'gyur ro/ /dge slong dag de bas na las gcig tu nges par gnag pa rnams dang las 'dren ma rnams spangs la/ las gcig tu nges par dkar ba rnams 
'ba' zhig la gtad par bya ste/ dge slong dag khyod kyis de ltar bslab par bya'o/ /bcom ldan 'das kyis de skad ces bka' stsal nas dge slong de dag yi rangs te/ bcom ldan 'das kyis gsungs pa la mngon par bstod do// //mu tig ces bya ba ni/ sangs rgyas bcom 
ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / 
mi 'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom 

</font><hr>75-1-206a<br><font size=+1>

ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon 
med zas sbyin gyi kun dga' ra ba na bzhugs so/ /de'i tshe mnyan du yod pa na tshong dpon rgyal ba zhes bya ba phyug cing nor mang la longs spyod che ba/ yongs su 'dzin pa/ yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa des 
rigs mnyam pa las chung ma blangs nas/ de de dang lhan cig tu rtse zhing dga' la dga' mgur spyod do/ /de rtse zhing dga' la dga' mgur spyod pa las phyis chung ma la bu chags nas/ de zla ba brgyad dam dgu lon pa dang bu byung ste/ bu mo gzugs bzang zhing blta na sdug la mdzes 
pa mgo bo la mu tig gi phreng ba btags pa zhig btsas so/ /de nas de btsas pa'i btsas ston byas nas bu mo 'di'i ming ji skad gdags zhes ming 'dogs par byed de/ nye du rnams na re bu mo 'di btsas ma thag tu mgo bo la mu tig gi phreng ba byung bas na/ de'i phyir bu mo 'di'i ming 
mu tig ces gdags so zhes zer ro/ /de nas bu mo mu tig pang na 'tsho ba'i ma ma gnyis dang / nu ma snun pa'i ma ma gnyis dang / dri ma 'khru ba'i ma ma gnyis dang / rtse ba'i ma ma gnyis te ma ma brgyad la gtad nas/ de ma ma brgyad kyis 'o ma dang / zho dang / mar dang / 
zhun mar dang / mar gyi nying khu dang / gzhan yang yo byad kyi khyad par bzang ngo cog gis bskyed bsrings te mtsho'i nang gi pad ma bzhin du skye drag par gyur to/ /de nas re zhig na bu mo mu tig mthar gyis chen mor gyur pa dang / de'i mu tig gi phreng ba de phog na phyir zhing byung bar gyur 
to/ /de nas bu mo des bkren pa dang phongs pa rnams mthong nas longs spyod kyi bgo bsha' byed do/ /de nas gang gi tshe bag mar gtang ran par gyur pa dang / rgyal po'i bu rnams dang / blon po'i bu rnams dang / tshong dpon gyi bu mang po rnams de slong du 'ong ngo / /de nas de'i pha mya ngan 

</font><hr>75-1-206b<br><font size=+1>

gyi khang bur zhugs nas/ lag pa la rkom tshugs bcas te bsams pa gal te gcig la byin na ni gzhan rnams bdag gi dgrar 'gyur ro snyam nas sems khong du chud cing 'dug go/ /de nas bu mo des pha la gsol pa yab ci'i slad du thugs ngan mdzad/ de nas des ji ltar gyur pa 
thams cad bsnyad do/ /de nas bu mos smras pa/ yab bdag ni 'dod pa rnams la don du gnyer ba ma lags te/ bcom ldan 'das kyi bstan pa rab tu 'byung bar 'tshal lo/ /de nas yang re zhig na khyim bdag mgon med zas sbyin gyi bu tha chungs rab sdug ces bya ba des pha la gsol pa/ 
bdag gi mchis brang du bu mo de bslang bar gsol zhes byas so/ /de nas khyim bdag mgon med zas sbyin gyis tshong dpon rgyal ba la pho nya btang ste/ bu mo mu tig bdag gi bu la byin cig /de ltar byas pa dang gnyen du yang 'gyur la ji srid 'tsho'i bar du yang mdza' bor 'gyur ro zhes 
byas so/ /de nas khyim bdag rgyal gyis bdag gi bu mo la don de bsnyad do/ /des smras pa gal te shed bye ste cher skyes pa na bdag dang lhan cig tu bcom ldan 'das kyi bstan pa la rab tu 'byung bar dam bcas na ni bdag gi khyim thab tu bgyi'o zhes byas so/ /de nas des de ltar byas 
nas re zhig na skabs zhig tu gnyi ga khyim nas byung ste bcom ldan 'das kyi bstan pa la rab tu byung ngo / /de nas de nyid kyis brtson pa dang bsgrub pa dang 'bad pas phol mig lnga pa'i 'khor ba'i 'khor lo 'di nyid g.yo zhing mi brtan par rig nas/ 'du byed kyi rnam pa thams cad snyil ba dang / 
ltung ba dang rnam par 'thor ba dang rnam par 'jig pa'i chos can yin par rtsad chod de/ nyon mongs pa thams cad spangs nas dgra bcom pa nyid mngon sum du byas te/ dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang 
lag mthil du 'dra ba'i sems dang ldan pa/ tsan dan sbangs pa lta bur bsil bar gyur pa/ rig pas sgo nga'i sbubs bcom pa/ rig pa dang mngon par shes pa dang so so yang dag par rig pa thob pa/ srid pa'i rnyed pa dang chags pa dang bkur sti la mi lta ba/ dbang po dang nye dbang 

</font><hr>75-1-207a<br><font size=+1>

dang bcas pa'i lha rnams kyis mchod cing rjed pa dang / gus par smra ba'i gnas su gyur to/ /de nas dge slong dag the tsom skyes te/ the tsom thams cad gcod pa sangs rgyas bcom ldan 'das la zhus pa/ btsun pa mu tig gis las gang dag bgyis na/ 
des mu tig gi phreng ba mgo bo la thogs bzhin du btsas la rab tu byung nas kyang / dgra bcom pa nyid mngon sum du bgyis lags/ bcom ldan 'das kyis bka' stsal pa/ dge slong dag mu tig nyid kyis sngon tshe rabs gzhan dag tu tshogs rnyed cing rkyen grub pa dang ldan te dba' 
rgal bzhin du byung la/gdon mi za bar 'ong ba'i las de dag byas shing bsags pas na/ mu tig nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam 
par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang khams dang skye mched rnams 'ba' zhig la rnam par smin par 'gyur ro/ /lus can 
dag gi las rnams ni/ /bskal pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur/ /dge slong dag sngon byung ba 'das pa'i dus na/ bskal pa bzang po 'di nyid la skye dgu'i tshe lo nyi khri thub pa na/ de bzhin gshegs pa dgra bcom pa yang 
dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'od srung zhes bya ba 'jig rten du byung ste de grong khyer 
bA rA Na sI na drang srong smra ba ri dgas kyi nags na rten cing bzhugs so/ /de nas re zhig na ded dpon zhig rgya mtsho chen po'i nang du zhugs pa las nye zho med par gru'i don grub ste phyir 'ongs so/ /de nas des mu tig gi phreng ba mchog tu bzang ba zhig khyer te 'ongs so/ /de'i chung ma yang 

</font><hr>75-1-207b<br><font size=+1>

gzugs bzang zhing blta na sdug la mdzes pa zhig ste des de'i mgo bo la btags so/ /de nas bA rA Na sI na khyim bdag dad pa dang ldan pa/ dge zhing bsam pa bzang ba bdag la phan pa dang / gzhan la phan pa la zhugs pa/ snying rje can bdag nyid che ba chos 'dod pa zhig gnas 
pa de'i blo skyes pa/ ma la bdag gis dad pa bsdus la/ bcom ldan 'das 'od srung gi bstan pa la/ lo lnga pa'i dus ston bya gor ma chag snyam mo/ /de nas rgyal po kr-i kI la gsol te/bdag gi dad pa bsdus la/ bcom ldan 'das kyi lo lnga pa'i dus ston bgyi bar 'tshal 
lo zhes byas so/ /rgyal pos kyang de ltar gyis shig ces bsgo'o/ /de nas khyim bdag de glang po che la zhon te/ grong khyer bA rA Na sI na lam po che dang / bzhi mdo dang / sum mdo dag tu song nas dad pa sdud par byed do/ /de nas re zhig na ded dpon gyi chung mas mu tig gi phreng ba 
mgo bo las phog nas dad pa sdud pa la phul lo/ /de nas re zhig na ded dpon 'ongs pa dang mu tig gi phreng ba mgo bo las phog par mthong nas/ bzang mo mu tig gi phreng ba ga re zhes dris so/ /de nas des smras pa/ jo bo bcom ldan 'das kyi bstan pa la dad pa sdud pa la phul 
gyis dgyes pa bskyed du gsol/ dad pa bskyed du gsol zhes byas so/ /de nas re zhig na ded dpon gyis rin po ches phyir blus nas/ chung ma de nyid la byin na de phyir len du ma btub ste/ bdag gis 'di yongs su btang ba lags so zhes byas so/ /khyim thab kyis smras 
pa/ bzang mo ngas 'di gser dngul mang pos nyos na ci'i phyir mi 'dod/ de nas bu mo des de blangs nas me tog mang po bsags te/ spos dang me tog phreng la sogs pa yang khyer nas drang srong smra bar song ngo / /de nas dri'i gtsang khang spos kyis byugs nas/ me tog 
gis gtor te/ mu tig gi phreng ba ni bcom ldan 'das kyi dbu la bor nas/ bcom ldan 'das 'od srung gi dbu la gnas par gyur to/ /de nas dad pa skyes te smon lam btab pa/ bdag gis kyang yon tan 'di lta bu dag thob par gyur cig /ston pa 'di kho na lta bu dag 

</font><hr>75-1-208a<br><font size=+1>

mnyes par byed par gyur cig /mi mnyes par byed par ma gyur cig ces byas so/ /dge slong dag ji snyam du sems de'i tshe de'i dus na/ ded dpon gyi chung mar gyur pa gang yin pa de ni mu tig 'di yin te/ des bcom ldan 'das 'od srung la bkur 
sti byas pa des na/ gzugs bzang zhing blta na sdug la mdzes pa dang de'i mgo bo la yang mu tig gi phreng ba byung bar gyur to/ /rgyu de nyid kyis na/ da ltar yang dgra bcom pa nyid mngon sum du byas so/ /dge slong dag de ltar na las gcig tu nges par gnag pa rnams ni/ 
rnam par smin pa yang gcig tu nges par gnag par 'gyur ro/ /las gcig tu nges par dkar ba rnams ni rnam par smin pa yang gcig tu nges par dkar bar 'gyur ro/ /las 'dren ma rnams ni rnam par smin pa yang 'dren mar 'gyur ro/ /dge slong dag de bas na las gcig tu 
nges par gnag pa rnams dang / las 'dren ma rnams spangs la/ las gcig tu nges par dkar ba rnams 'ba' zhig la gtad par bya ste/ dge slong dag khyed kyis de ltar bslab par bya'o/ /bcom ldan 'das kyis de skad ces bka' stsal nas/ dge slong de dag yi rangs 
te/ bcom ldan 'das kyis gsungs pa la mngon par bstod do// //ka tsang ga la zhes bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded 
dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / 
gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang /

</font><hr>75-1-208b<br><font size=+1>

sman zong rnams brnyes pa/ nyan thos kyi dge 'dun dang bcas pa yul ka tsang ga la na ka tsang ga la'i nags khrod na bzhugs so/ /de'i tshe yul ka tsang ga la de na rgan mo ka tsang ga la zhes bya ba zhig gnas pa des bum pa thogs te khron pa'i drung du chu 'chur song ba dang / der bcom ldan 'das kyis tshe dang ldan pa kun dga' bo la bka' stsal pa/ kun dga' bo khyod song la rgan mo de la bcom ldan 'das skyems kyis chu phul cig ces gyis shig /de nas kun dga' bos bsgo nas/ de na re 'phags pa bdag nyid kyis 'tshal te mchi'o zhes zer ro/ /
de nas re zhig na ka tsang ga las bum pa chus bkang ste bcom ldan 'das kyi thad du song ba dang / ka tsang ga las sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan pa/ dpe byad bzang po brgyad cus mdzes par byas pa/ 'od 
'dom gang gis legs par brgyan pa/ nyi ma stong bas lhag pa'i 'od mnga' ba/ rin po che'i ri bo 'gro ba lta bu kun nas bzang ba mthong nas/ mthong ma thag tu de bu la byams pa'i sems skyes te/ nu ma gnyis las kyang 'o ma'i rgyun bab nas des bu bu zhes smras te/ 
bcom ldan 'das la 'khyud par byed do/ /de nas dge slong rnams kyis de bkag pa dang / bcom ldan 'das kyis bka' stsal pa/ dge slong dag khyod kyis rgan mo 'di ma dag gcig /de ci'i phyir zhe na/ 'di ni tshe rabs lnga brgya'i bar/ /rgyun du nga yi mar gyur 
te/ /nga la bu yi byams pa yis/ /'di ni lus la 'khyud par byed/ /nga yi lus la 'khyud pa las/ /gal te 'di ni bkag gyur na/ /'di ni de'u re 'phral nyid du/ /kha nas khrag dron skyug par 'gyur/ /bu la byams pa 'di mthong nas/ /drin du gzo ba dran gyur te/ /
snying yang rje zhing snying brtse bas/ /lus la yang ni 'khyud du gzhug /de nas re zhig na de bu la byams pa rtse zhil nas chos mnyan pa'i phyir bcom ldan 'das kyi spyan sngar 'dug go/ /de nas bcom ldan 'das kyis de'i bsam pa dang / bag la nyal dang / khams dang / rang 

</font><hr>75-1-209a<br><font size=+1>

bzhin thugs su chud nas 'phags pa'i bden pa bzhi rtogs par 'gyur ba de lta bu'i chos bstan pa mdzad de/ de thos nas ka tsang ga las 'jig tshogs la lta ba'i ri'i rtse mo mthon po nyi shu ye shes rdo rjes bcom nas rgyun du zhugs pa'i 'bras bu mngon sum du 
byas te/ des bden pa mthong nas tshigs su bcad de smras pa/ dka' ba byed pa'i ma la ni/ /bu bzangs kyis ni gang bya ba/ /sems ni grol bar 'gro 'gyur ba/ /de ni khyod kyis bdag la byas/ /bdag ni khyod kyis rab bsgrims te/ /ngan 'gro dag las phyung nas kyang / /
mtho ris thar pa dag la bzhag /khyad par shin tu chen por spags/ /de nas re zhig na des jo bo la gsol te/ /bcom ldan 'das kyi bstan pa la rab tu byung nas des brtson pa dang / bsgrub pa dang / 'bad pas phol mig lnga pa'i 'khor ba'i 'khor lo 'di nyid g.yo zhing mi 
brtan par rig nas 'du byed kyi rnam pa thams cad snyil ba dang / ltung ba dang / rnam par 'thor ba dang / rnam par 'jig pa'i chos can yin par rtsad chod de/ nyon mongs pa thams cad spangs nas dgra bcom pa nyid mngon sum du byas te/ dgra bcom pa khams gsum pa'i 
'dod chags dang bral bar gyur nas gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan sbangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang 
dag par rig pa thob pa/ srid pa'i rnyed pa dang chags pa dang / bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang gus par smra ba'i gnas su gyur to/ /de nas gang gi tshe bcom ldan 'das kyis dge slong ma rnams la mdor 
lung dbog pa mdzad nas nang du yang dag 'jog las gshegs pa de'i tshe ka tsang ga las dge slong ma rnams la brda sprod par byed do/ /der bcom ldan 'das kyis dge slong rnams la bka' stsal pa/ dge slong dag nga'i nyan thos kyi dge slong ma mdo sde rnam par 'byed par 

</font><hr>75-1-209b<br><font size=+1>

byed pa rnams kyi mchog ni 'di lta ste/ dge slong ma ka tsang ga la yin no/ /de nas dge slong dag the tsom skyes te/ the tsom thams cad gcod pa sangs rgyas bcom ldan 'das la zhus pa/ btsun pa ka tsang ga las las gang dag bgyis na des rgas nas gdod rab tu byung 
lags/ las gang bgyis na des bran mor gyur lags las gang bgyis na des bcom ldan 'das mngal na gnas pa tha mar 'dzin par ma gyur lags/ de ci'i slad du rab tu byung nas dgra bcom pa nyid mngon sum du bgyis te mdo sde rnam par 'byed par bgyid pa rnams kyi 
mchog tu bstan lags/ bcom ldan 'das kyis bka' stsal pa/ dge slong dag ka tsang ga la nyid kyis sngon tshe rabs gzhan dag tu tshogs rnyed cing rkyen grub pa dang ldan te dba' rgal bzhin du 'byung la/ gdon mi za bar 'ong ba'i las de dag byas shing bsags 
pas na/ ka tsang ga la nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung 
gi khams la rnam par smin par mi 'gyur te/ las dge ba dang / mi dge ba byas shing bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro/ /lus can dag gi las rnams ni/ /bskal pa brgyar yang 
chud mi za/ /tshogs shing dus la bab pa na/ /'bras bu nyid du smin par 'gyur/ /dge slong dag sngon byung ba 'das pa'i dus na nga byang chub sems dpa'i spyad pa spyod pa na tshe rabs lnga brgyar rgyun chags par 'di nga'i mar gyur te/ gang gi tshe nga rab tu 'byung bar 'dod pa de'i tshe 
'dis nga'i bgegs byas te/ las de'i rnam par smin pas ni rgas nas gdod rab tu byung ngo / /nga sbyin pa byed pa na 'dis nga'i sbyin pa'i bar chad byas pa des ni dbul mor gyur to/ /'dis sgyu 'phrul chen mo lta bu'i che bar grags par 'gyur ba'i las de lta bu ma byas pa des ni nga mngal na 

</font><hr>75-1-210a<br><font size=+1>

gnas pa tha ma'i tshe 'dis ma bzung ngo / /gzhan yang bcom ldan 'das 'od srung gi ring la rab tu byung nas des slob pa dang mi slob pa'i dge slong ma rnams la bran mo zhes bya ba'i tshig smras te des na bran mor gyur to/ /des der bslabs shing kha don byas pa dang / 
phung po la mkhas pa dang / khams la mkhas pa dang / skye mched la mkhas pa dang / rten cing 'brel bar 'byung ba la mkhas pa dang / gnas dang gnas ma yin pa la mkhas par byas pa des ni da ltar dgra bcom pa nyid mngon sum du byas te mdo sde rnam par 'byed par byed pa 
rnams kyi mchog tu bstan to/ /dge slong dag de ltar na las gcig tu nges par gnag pa rnams ni rnam par smin pa yang gcig tu nges par gnag par 'gyur ro/ /las gcig tu nges par dkar ba rnams ni rnam par smin pa yang gcig tu nges par dkar bar 'gyur ro/ /las 
'dren ma rnams ni rnam par smin pa yang 'dren mar 'gyur ro/ /dge slong dag de bas na las gcig tu nges par gnag pa rnams dang las 'dren ma rnams spangs la las gcig tu nges par dkar ba rnams 'ba' zhig la gtad par bya ste/ dge slong khyed kyis de ltar bslab par 
bya'o/ /bcom ldan 'das kyis de skad ces bka' stsal nas dge slong de dag yi rangs te bcom ldan 'das kyis gsungs pa la mngon par bstod do// //gang po la sogs pa'i rtogs pa brjod pa brgya pa/bam po bcwa brgyad pa/ bde byed ma zhes bya 
ba ni/sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin 
rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 

</font><hr>75-1-210b<br><font size=+1>

'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa mnyan du yod pa na rgyal bu 
rgyal byed kyi tshal khyim bdag mgon med zas sbyin gyi kun dga' ra ba na bzhugs so/ /de'i tshe ko sa la'i rgyal po gsal rgyal dang / rgyal po tshangs pas byin gnyis phan tshun mi 'thun par gyur to/ /de nas re zhig na ko sa la'i rgyal po gsal rgyal de'i yul 'dab tu song nas 
phru ma btab ste 'dug go/ /rgyal po tshangs pas byin gyis kyang dpung yan lag bzhi pa/ glang po che'i tshogs dang / rta'i tshogs dang / shing rta'i tshogs dang / dpung bu chung gi tshogs go bskon nas chu klung zhig gi 'gram du phru ma btab ste 'dug go/ /de nas re zhig 
na ko sa la'i rgyal po gsal rgyal gyis de nyid du btsun mo dam pa khrid de/ de de dang lhan cig tu rtse zhing dga' la dga' mgur spyod do/ /rgyal po tshangs pas byin yang btsun mo dang lhan cig tu rtse zhing dga' la dga' mgur spyod do/ /de nas nyi ma gcig tu ko sa la'i rgyal po 
gsal rgyal gyi bu mo yang btsas/ rgyal po tshangs pas byin gyi bu pho yang btsas so/ /de nas re zhig na rgyal po gnyi ga'i pho brang 'khor na dga' ba'i rnga rdung bar byed do/ /slong ba rnams la yang sbyin pa dag sbyin par byed do/ /de nas re zhig na rgyal po gsal rgyal gyis mi dag la 
dris te/ tshangs pas byin gyi pho brang 'khor 'dir ci zhig byung na 'di ltar dga' ston byed ces byas nas/ de dag gis kyang rgyal po tshangs pas byin gyi bu pho btsas so zhes gsol to/ /rgyal po tshangs pas byin gyis kyang de bzhin du dris nas rgyal po gsal rgyal gyi bu mo btsas sa zhes gsol 
to/ /de nas rgyal po tshangs pas byin gyis rgyal po gsal rgyal la pho nya btang ste/ khyod kyi bu mo btsas pa'i phyir mchod sbyin byed do zhes bdag gis thos la/ bdag gi yang bu pho btsas kyis/ bu mo de bdag gi bu la byin cig dang / de ltar byas na gnyen du yang 'gyur la ji 

</font><hr>75-1-211a<br><font size=+1>

srid 'tsho'i bar du yang 'khon med par 'gyur ro zhes byas so/ /de nas rgyal po gsal rgyal gyis kyang de ltar bya'o zhes khas blangs so/ /de nas de gnyis phan tshun du mdza' bo byas nas bde bar gyur te/ rgyal po tshangs pas byin gyis khye'u btsas pa'i btsas ston byas 
nas khye'u'i ming bde byed ces btags so/ /ko sa la'i rgyal po gsal rgyal gyis kyang bu mo btsas pa'i btsas ston byas nas bu mo'i ming bde byed ma zhes btags so/ /de nas gnyi ga yang bskyed bsrings te re zhig na mthar gyis cher skyes so/ /de nas khye'u des bu mo de la do shal 
dang / se mo do dang / phreng ba dang / rna cha dang / mgul rgyan rnams bskur ro/ /de nas gang gi tshe bu mo de chen mor gyur pa de'i tshe des bcom ldan 'das kyi bstan pa la dad pa rnyed de/ 'dod pa rnams la yang nyes par lta bar gyur to/ /de nas des de dag la dris pa/ skyes 
'di rnams ga las 'ongs zhes byas pa dang / 'khor rnams kyis kyang gtan tshigs dang bcas te rgyas par bsnyad do/ /de nas de thos nas yab la gsol pa/ yab bdag ni 'dod pa rnams la don du gnyer ba ma lags te/ /bcom ldan 'das kyi bstan pa la rab tu 'byung 
bar 'tshal gyis yab kyis bdag la gnang bar mdzad du gsol/ rgyal pos smras pa/ bu mo gang gi phyir khyod btsas pa na nga bde bar gyur pas na 'di ni ngas bcos su med do/ /de nas ko sa la'i rgyal po gsal rgyal gyis rgyal po tshangs pas byin la pho nya btang ste/ bu 
mo 'di ni rab tu 'byung bar 'dod kyis tshur shog la 'di long shig ces byas so/ /de nas re zhig na rgyal po tshangs pas byin gyis dus btab ste/ da ste zhag bdun na 'ong gis khyod kyis bya ba dang bsham par bya ba gang yin pa de dag gyis shig ces byas so/ /de nas bu mo bde 
byed mas zhag bdun na bag mar len no zhes zer ba'i gtam de thos so/ /de nas bde byed ma 'jigs shing skrag la mi dga' ste skyi bung zhes byas nas khang thog tu song ste/ rgyal bu rgyal byed kyi tshal logs su phyogs nas sangs rgyas bcom ldan 'das la gsol ba btab bo/ /yang 

</font><hr>75-1-211b<br><font size=+1>

smras pa/ drang srong chen po thugs brtse thugs rje gnas pa bsam gtan mdzad/ /'dul mdzad zhi ba'i thugs ldan rab zhi dul ba'i cho ga mkhyen/ /bdag ni mgon po khyod la skyabs su mchis kyis mgon khyod kyis/ /mgon med bdag ni tshul bzhin ngan song dag las 
dgrol du gsol/ /de'i skabs su sangs rgyas bcom ldan 'das rnams kyis ni mi mkhyen pa'am/ mi gzigs pa'am/ mi rtogs pa'am/ thugs su mi chud pa ci yang med la/ sangs rgyas bcom ldan 'das thugs rje chen po dang ldan pa/ /'jig rten la phan 
'dogs pa la zhugs pa/ srung ba gcig pa dang ldan pa/ gcig tu dpa' ba/ zla med pa/ gnyis su mi gsung ba/ zhi gnas dang lhag mthong la gnas pa/ rig pa gsum snang bar mdzad pa/ bslab pa gsum la legs par bslabs pa/ 'dul ba'i gzhi 
gsum la mkhas pa/ chu bo bzhi las rgal ba/ rdzu 'phrul gyi rkang pa bzhi'i zhabs kyi mthil shin tu brtan pa/ bsdu ba'i dngos po bzhi la yun ring po nas 'dris par byas pa/ mi 'jigs pa bzhis mi 'jigs pa/ khyu mchog gi yang dag pa'i seng ge'i sgra chen po sgrogs pa/ 
yan lag lnga rnam par spangs pa/ 'gro ba lnga las yang dag par 'das pa/ yan lag drug dang ldan pa/ pha rol tu phyin pa drug yongs su rdzogs pa/ rtag tu gnas par bya ba drug la gnas pa/ byang chub kyi yan lag bdun gyi me tog gis phyug pa/ lam yan lag brgyad pa 
ston pa/ mthar gyis gnas pa'i snyoms par 'jug pa dgu la mkhas pa/ stobs bcu'i stobs dang ldan pa/ phyogs bcur grags pas kun du rgyas pa/ brgya phrag bcu pa la dbang byed pa bas kyang ches khyad par du 'phags pa rnams ni chos nyid kyis nyin dus gsum mtshan 
dus gsum du sangs rgyas kyi spyan gyis 'jig rten la gzigs te/ su ni rgud/ su ni dar/ su ni phongs shing 'dug /su ni nyam nga bar gyur/ su ni gnod pa dang ldan/ su ni phongs pa dang / nyam nga ba dang / gnod pa dang ldan/ su ni ngan song du gzhol/ su 

</font><hr>75-1-212a<br><font size=+1>

ni ngan song du 'bab/ su ni ngan song du bab/ su ni ngas ngan song nas phyung ste mtho ris dang / thar pa dang / 'bras bu la gzhag par bya/ su ni 'dod pa'i 'dam du bying ba las lag nas drang bar bya/ su ni 'phags pa'i nor bdun med pa las 'phags 
pa'i nor bdun gyi dbang phyug la dbang byed du gzhug par bya/ su ni dge ba'i rtsa ba rnams ma skyed pa las bskyed par bya/ su ni dge ba'i rtsa ba rnams bskyed zin pa las yongs su smin par bya/ su ni yongs su smin zin pa las rnam par grol bar bya snyam du ye shes gzigs pa 
'jug go/ /'dir smras pa/ rgya mtsho chu srin rnams kyi gnas/ /dus rlabs yol bar 'gyur yang srid/ /gdul bar bya ba'i sras rnams la/ /sangs rgyas dus las yol ba med/ /de nas bcom ldan 'das kyis bde byed ma gdul ba'i dus la bab par gzigs te/ 
rdzu 'phrul gyis gshegs te byon nas 'phags pa'i bden pa bzhi rtogs par 'gyur ba de lta bu'i chos bstan te/ de thos nas bde byed mas phyir mi 'ong ba'i 'bras bu thob ste mngon par shes pa yang bsgrubs so/ /de nas bde byed ma 'dod pa'i khams nas 'das te gnyen po thob 
nas 'jigs pa med pa la gnas par gyur to/ /de nas re zhig na zhag bdun lon te bag ma len pa'i dus la bab pa na/ rgyal po'i bu skye bo brgya phrag du ma dag lhags te mchod sbyin gyi stegs bu'i drung du 'ongs nas/ bram ze mdun na 'don gyis 'bras yos dang / mar dang / yungs 
kar ma grugs pa rnams byin no/ /de nas khye'u dang bu mo gnyis lag pa sbrel bar chad pa dang / bde byed ma ngang pa'i rgyal po 'dab ma brkyang ba bzhin du nam mkha' la mngon par 'phags nas cho 'phrul rnam pa sna tshogs ston pa srog chags du mas mthong ngo / /de nas ko sa la'i 
rgyal po gsal rgyal dang / rgyal po tshangs pas byin dang / rgyal po'i bu bde byed dang / gzhan yang sems can ltad mo la lhags pa rnams mchog tu ya mtshan du gyur nas rkang pa la phyag 'tshal te gsol ba btab pa/ bu mo khyod kyis chos 'di lta bu dag mngon sum du byas pa las 

</font><hr>75-1-212b<br><font size=+1>

na/ khyod 'dod pa spyod pa 'di ni mi srid kyis bzod pa mdzod cig ces byas so/ /de nas bde byed ma nam mkha' las babs nas skye bo mang po'i gung la 'dug ste/ chos gang thos na srog chags 'bum phrag du mas bden pa mthong bar 'gyur ba de lta bu'i chos bstan to/ /de nas 
bu mo bde byed mas pha la gsol te bcom ldan 'das kyi thad du song nas bcom ldan 'das kyis skye dgu'i bdag mo chen po la gtad do/ /de nas de rab tu phyung nas des brtson pa dang / bsgrub pa dang / 'bad pas phol mig lnga pa'i 'khor ba'i 'khor lo 'di nyid g.yo zhing mi brtan par 
rig nas 'du byed kyi rnam pa thams cad snyil ba dang / ltung ba dang / rnam par 'thor ba dang / rnam par 'jig pa'i chos can yin par rtsad chod de/ nyon mongs pa thams cad spangs nas dgra bcom pa nyid mngon sum du byas te/ dgra bcom pa khams gsum pa'i 'dod chags 
dang bral bar gyur nas gser dang bong bar mnyam pa nam mkha' dang lag mthil du 'dra ba'i sems dang ldan pa/ tsan dan sbangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ 
srid pa'i rnyed pa dang / chags pa dang / bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang gus par smra ba'i gnas su gyur to/ /der bcom ldan 'das kyis dge slong rnams la bka' stsal pa/ dge slong dag nga'i nyan thos 
kyi dge slong ma shes rab che ba dang / spobs pa che ba rnams kyi mchog ni 'di lta ste/ dge slong ma bde byed ma 'di yin no/ /de nas dge slong dag the tsom skyes te/ the tsom thams cad gcod pa sangs rgyas bcom ldan 'das la zhus pa/ btsun pa bde byed mas las gang dag bgyis 
na des shes rab che ba dang spobs pa che ba rnams kyi mchog tu bstan lags/ bcom ldan 'das kyis bka' stsal pa/ dge slong dag bde byed ma nyid kyis sngon tshe rabs gzhan dag tu tshogs rnyed cing rkyen grub pa dang ldan te dba' rgal bzhin du 'byung la/ gdon mi za bar 'ong ba'i las 

</font><hr>75-1-213a<br><font size=+1>

de dag byas shing bsags pas na/ bde byed ma nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i 
khams dang / me'i khams dang / rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro/ /lus can dag gi 
las rnams ni/ /bskal pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur/ /dge slong dag sngon byung ba 'das pa'i dus na bskal pa bzang po 'di nyid la skye dgu'i tshe lo nyi khri thub pa na de bzhin gshegs pa dgra bcom pa yang dag 
par rdzogs pa'i sangs rgyas/ rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das 'od srung zhes bya ba 'jig rten du byung ste/ de grong 
khyer bA rA Na sI na drang srong smra ba ri dgas kyi nags na rten cing bzhugs so/ /de nas re zhig na de na tshong dpon gyi bu mo zhig bcom ldan 'das 'od srung gi bstan pa la rab tu byung nas/ des bcom ldan 'das 'od srung gi bstan pa la sbyin pa dang rab tu sbyin pa dag byin te lo khri nyis stong gi bar du 
tshangs par spyod pa'i gnas bsrungs kyang yon tan gyi tshogs ci yang ma thob bo/ /de mkhan mo gang las rab tu byung ba de ni bcom ldan 'das 'od srung gis shes rab can gyi mchog tu bstan to/ /de nas des smon lam btab pa/ ci ltar bdag gi mkhan mo shes rab can gyi mchog tu 
bstan pa de bzhin du bdag kyang ma 'ongs pa'i dus su bcom ldan 'das 'od srung gis bram ze'i khye'u bla ma la bram ze'i khye'u khyod skye dgu'i tshe lo brgya thub pa na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya bar 'gyur ro zhes lung 

</font><hr>75-1-213b<br><font size=+1>

bstan pa gang yin pa de'i bstan pa la bdag rab tu byung nas shes rab can rnams kyi mchog tu gyur cig ces byas so/ /bcom ldan 'das kyis bka' stsal pa/ dge slong dag ji snyam du sems/ de'i tshe de'i dus na tshong dpon gyi bu mor gyur pa gang yin pa de ni dge slong ma bde byed ma 
'di yin te/ des sbyin pa dang rab tu sbyin pa dag byin pa des na rgyal po phyug po'i rigs su skyes so/ /des lo khri nyis stong gi bar du tshangs par spyod pa'i gnas bsrungs pa des ni da ltar dgra bcom pa nyid mngon sum du byas so/ /dge slong dag de ltar na las gcig tu nges par gnag 
pa rnams ni rnam par smin pa yang gcig tu nges par gnag par 'gyur ro/ /las gcig tu nges par dkar ba rnams ni rnam par smin pa yang gcig tu nges par dkar bar 'gyur ro/ /las 'dren ma rnams ni rnam par smin pa yang 'dren mar 'gyur ro/ /dge slong dag de bas na las 
gcig tu nges par gnag pa rnams dang las 'dren ma rnams spangs la/ las gcig tu nges par dkar ba rnams 'ba' zhig la gtad par bya ste/ dge slong khyed kyis de ltar bslab par bya'o/ /bcom ldan 'das kyis de skad ces bka' stsal nas/ dge slong de dag yi rangs te/ 
bcom ldan 'das kyis gsungs pa la mngon par bstod do// //mi sdug ces bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang /tshong dpon rnams dang / ded dpon 
rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin 
dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong 

</font><hr>75-1-214a<br><font size=+1>

rnams brnyes pa nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ /de nas de'i tshe mnyan du yod pa na ko sa la'i rgyal po gsal rgyal rgyal po byed de/ de'i ring la 'byor pa 
dang / rgyas pa dang / bde ba dang / lo legs pa dang / skye bo dang / mi mang pos gang ba dang / rtsod pa dang / 'thab pa zhi ba dang / 'khrug pa dang / nang 'khrug dang / chom rkun dang / mu ge dang / nad rnams med pa dang / 'bras sA lu dang / bu ram shing dang / ba lang 
dang / ma he dang ldan par 'dug ste/ gnod pa med cing tsher ma dkrugs la bu gcig pa la bya ba bzhin du rgyal srid bskyangs so/ /de nas re zhig na rgyal po de btsun mo zhig dang lhan cig tu rtse zhing dga' la dga' mgur spyod do/ /de rtse zhing dga' la dga' mgur spyod pa las btsun 
mo la bu chags nas/ de zla ba brgyad dam dgu lon pa dang bu byung ste/ bu mo mi sdug pa'i sna grangs bcwa brgyad dang ldan pa zhig btsas so/ /de nas de btsas pa'i btsas ston byas nas/ ming ra s+tha zhes btags so/ /de nas gang gi tshe mthar gyis bag mar gtang ran par gyur pa 
de'i tshe su la byin na yang de mi sdug ches pas sus kyang ma blangs so/ /de nas re zhig na lho phyogs nas ded dpon gang ga zhes bya ba phyug chen zhig 'ongs so/ /de nas rgyal po gsal rgyal gyi blo skyes pa/ ded dpon gang ga 'di ni 'di'i skyon gyi rgyus mi shes kyis ngas 'di de la sbyin 
gor ma chag snyam mo/ /de nas rgyal pos mtshan mo mun sros pa dang gang ga pho nyas bkug nas bu mo de rgyan thams cad kyis bklubs te chung mar byin no/ /de nas ra s+tha gang ga la byin nas gang ga ra s+tha gang ga ra s+tha zhes bya ba'i ming byung bar gyur to/ /de nas re zhig nas ded dpon gang 
gas phyi de nyin par nam langs te bu mo de bltas na mchog tu mi sdug par mthong ngo / /mthong nas kyang skrag par gyur nas rgyal po las bsams te 'dor ma phod nas bdag gi khyim 'ba' zhig tu 'jog go/ /de nas re zhig na ded dpon gang ga dus ston zhig la chas te mdza' sde 

</font><hr>75-1-214b<br><font size=+1>

rnams kyi nang du song ngo / /mdza' sde rnams kyis kyang nang khrims bcas te/ su chung ma dang bcas te skyed mos tshal ga ge mo zhig tu ma song ba de mdza' sde rnams la chad par/ kAr ShA pa Na lnga brgya sbyin du gzhug go zhes byas so/ /de nas gang ga bdag gi khyim du 'ongs nas mya ngan 
gyi khang bur zhugs te lag pa la rkom tshugs bcas nas sems khong du chud cing 'dug go/ /de nas de'i blo skyes pa/ ma la bdag gis chad pa 'jal ba ni ches bla'i bdag gis 'di de dag la bstan du ni mi rung ste/ mthong ma thag tu gtam ngan par 'gyur du 'ong ngo snyam mo/ /de nas gang gas 
sgo bcad de chad pa kAr ShA pa Na lnga brgya khyer nas mdza' sde rnams kyi nang du song ngo / /de nas bu mo de yid mi bde ba chen po skyes nas bdag 'tsho ba 'di 'dra bas 'tsho ba ci rung gson zhing 'dug na khyim thab kyang sems mi bde la bdag kyang sems mi bdes/ da ni bdag gis bdag gsad pa'i 
dus la bab bo snyam mo/ /de nas thag pa khyer te khang phugs su 'geg tu song ngo / /de'i skabs su sangs rgyas bcom ldan 'das rnams kyis ni mi mkhyen pa'am/ mi gzigs pa'am/ mi rtogs pa'am/ thugs su mi chud pa ci yang med la/ sangs rgyas bcom ldan 'das 
thugs rje chen po dang ldan pa/ 'jig rten la phan 'dogs pa la zhugs pa/ srung ba gcig pa dang ldan pa/ gcig tu dpa' ba/ zla med pa/ gnyis su mi gsung ba/ zhi gnas dang lhag mthong la gnas pa/ rig pa gsum snang bar mdzad pa/ bslab pa gsum la legs 
par bslabs pa/ 'dul ba'i gzhi gsum la mkhas pa/ chu bo bzhi las rgal ba/ rdzu 'phrul gyi rkang pa bzhi'i zhabs kyi mthil shin tu brtan pa/ bsdu ba'i dngos po bzhi la yun ring po nas 'dris par byas pa/ mi 'jigs pa bzhis mi 'jigs pa/ khyu mchog gi yang dag 
pa'i seng ge'i sgra chen po sgrogs pa/ yan lag lnga rnam par spangs pa/ 'gro ba lnga las yang dag par 'das pa/ yan lag drug dang ldan pa/ pha rol tu phyin pa drug yongs su rdzogs pa/ rtag tu gnas par bya ba drug la gnas pa/ byang chub kyi yan lag bdun gyi me tog 

</font><hr>75-1-215a<br><font size=+1>

gis phyug pa/ lam yan lag brgyad pa ston pa/ mthar gyis gnas pa'i snyoms par 'jug pa dgu la mkhas pa/ stobs bcu'i stobs dang ldan pa/ phyogs bcur grags pas kun du rgyas pa/ brgya phrag bcu pa la dbang byed pa bas kyang ches khyad par du 
'phags pa rnams ni chos nyid kyis nyin dus gsum mtshan dus gsum du sangs rgyas kyi spyan gyis 'jig rten la gzigs te/ su ni rgud/ su ni dar/ su ni phongs shing 'dug /su ni nyam nga bar gyur/ su ni gnod pa dang ldan/ su ni phongs pa dang / nyam nga ba dang / gnod 
pa dang ldan/ su ni ngan song du gzhol/ su ni ngan song du 'bab/ su ni ngan song du bab/ su ni ngas ngan song nas phyung ste mtho ris dang / thar pa dang / 'bras bu la gzhag par bya/ su ni 'dod pa'i 'dam du bying ba las lag nas drang bar bya/ su ni 'phags pa'i nor 
bdun med pa las 'phags pa'i nor bdun gyi dbang phyug la dbang byed du gzhug par bya/ su ni dge ba'i rtsa ba rnams ma bskyed pa las bskyed par bya/ su ni dge ba'i rtsa ba rnams bskyed zin pa las yongs su smin par bya/ su ni yongs su smin zin pa las rnam par grol bar bya snyam du 
ye shes gzigs pa 'jug go/ /'dir smras pa/ rgya mtsho chu srin rnams kyi gnas/ /dus rlabs yol bar 'gyur yang srid/ /gdul bar bya ba'i sras rnams la/ /sangs rgyas dus las yol ba med/ /de nas bcom ldan 'das rgyal bu rgyal byed kyi tshal na bzhugs pas 'od 
zer gser gyi kha dog can bkye ste/ des khyim de nyi ma stong gi 'od shar ba bzhin du snang bar byas nas rdzu 'phrul gyis kyang der gshegs te mgul ba nas 'gag thag bkrol nas bu mo de dbugs phyung ngo / /'jig rten du ngo mtshar rmad du byung ba'i gnas drug 'byung ba yod de/ de bzhin gshegs 
pa dang / de bzhin gshegs pas gsungs pa'i chos 'dul ba dang / mir skye ba dang / 'phags pa gnas par skye ba dang / dbang po tshang ba dang / dge ba'i chos la 'dun pa dang / ngo mtshar rmad du byung ba 'jig rten du 'byung ba yod do/ /de nas bcom ldan 'das kyis bu mo de 

</font><hr>75-1-215b<br><font size=+1>

la de dang 'thun pa'i chos bstan te/ de thos nas bu mo des 'jig tshogs la lta ba'i ri'i rtse mo mthon po nyi shu ye shes rdo rjes bcom nas rgyun du zhugs pa'i 'bras bu mngon sum du byas so/ /de nas dad pa rnyed nas bcom ldan 'das bshos gsol te na bza' yang phul lo/ /de nas 
bu mo de'i mi sdug pa med par gyur te/ bzang mor gyur nas lha'i bu mo bzhin du khang phugs 'od kyis snang bar byas te 'dug go/ /bcom ldan 'das kyang slar gshegs so/ /de nas mdza' sde bo rnams kyis blo skyes pa/ gor ma chag par 'di'i chung ma ni mchog tu sdug pa zhig na des phrag 
dog gi rang bzhin gyis chad pa 'jal ba dang bsdos te de bstan pa ni mi 'dod kyis/ bdag cag gis 'di chang sna mi 'thun pas ra ro bar byas la lde mig rnams blangs te 'di'i khyim du song la chung ma blta'o snyam mo/ /de nas de dag gis de chang gar po sna mi 'thun pas gtu lum par byas nas lde 
mig rnams khyer te khyim du song nas sgo rnams phye ste bu mo de mthong ngo / /mthong nas kyang ya mtshan du gyur te bsams pa/ gang gas 'di bdag cag la mi bstan pa ni yus so snyam mo/ /de nas de dag phyir log ste gang ga chang gi dbang gis gnyid log cing 'dug pa las bslang nas smras 
pa/ gang ga khyod kyi chung ma de ltar sdug pa ni khyod kyis rnyed pa legs par rnyed do zhes byas so/ /de nas gang ga lhag par yang mi dga' bar gyur te/ chad pa yang bdag gis gcal la bdag la gtam ngan par yang gyur to snyam mo/ /de nas mi dga' bzhin du bdag gi khyim du 'ongs 
nas sgo phye ste chung ma la bltas na nags tshal me tog rgyas pa'i nang na nags kyi lha mo 'dug pa bzhin du shin tu mdzes pa mthong nas dris pa/ bzang mo de ci/ ci zhig byas na 'di lta bu'i gzugs kyi khyad par can du gyur ces byas so/ /de nas des ji ltar gyur pa thams cad khyim thab la bsnyad de/ de 
thos nas des kyang bcom ldan 'das la dad pa rnyed do/ /de nas re zhig na bu mo des mthar kyis khyim thab la gsol te/ bcom ldan 'das kyi bstan pa la rab tu byung nas/ des brtson pa dang / bsgrub pa dang / 'bad pas phol mig lnga pa'i 'khor ba'i 'khor lo 'di nyid g.yo zhing mi 

</font><hr>75-1-216a<br><font size=+1>

brtan par rig nas 'du byed kyi rnam pa thams cad snyil ba dang / ltung ba dang / rnam par 'thor ba dang / rnam par 'jig pa'i chos can yin par rtsad chod de/ nyon mongs pa thams cad spangs nas dgra bcom pa nyid mngon sum du byas te/ dgra bcom pa khams gsum pa'i 
'dod chags dang bral bar gyur nas gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan sbangs pa bzhin du bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ 
srid pa'i rnyed pa dang / chags pa dang / bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang gus par smra ba'i gnas su gyur to/ /de nas dge slong dag the tsom skyes te/ the tsom thams cad gcod pa sangs rgyas bcom ldan 'das la zhus 
pa/ btsun pa ra s+thas las gang dag bgyis na des phyug po'i rigs su skyes lags/ las gang dag bgyis na des mi sdug par gyur la/ rab tu byung nas dgra bcom pa nyid mngon sum du bgyis lags/ bcom ldan 'das kyis bka' stsal pa/ dge slong dag ra s+tha nyid kyis sngon tshe 
rabs gzhan dag tu tshogs rnyed cing rkyen grub pa dang ldan te dba' rgal bzhin du 'byung la/ gdon mi za bar 'ong ba'i las de dag byas shing bsags pas na/ ra s+tha nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag las byas 
shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang / khams dang / skye mched 
rnams 'ba' zhig la rnam par smin par 'gyur ro/ /lus can dag gi las rnams ni/ /bskal pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur/ /dge slong dag sngon byung ba 'das pa'i dus na grong khyer bA rA Na sI na tshong dpon gyi chung ma 

</font><hr>75-1-216b<br><font size=+1>

gtum zhing brlang la/gzu lums can zhig 'dug go/ /sangs rgyas rnams 'jig rten du mi 'byung ba'i tshe/ rang sangs rgyas sdug cing phongs pa rnams la snying brtse ba/ bas mtha'i gnas mal gyis 'tsho ba/ 'jig rten gyi yon gnas gcig pu rnams 'jig rten du 'byung ste/ 
de nas re zhig na rang sangs rgyas mi sdug pa zhig de'i khyim du song ba dang / des mi sdug pa 'di lta bu nga'i khyim du ci 'dod ces mang du spyos brgyad nas khyim nas bskrad do/ /de nas rang sangs rgyas des de la phan gdags pa'i phyir ngang pa'i rgyal po 'dab ma brkyang ba bzhin du nam mkha' la 
mngon par 'phags nas cho 'phrul rnam pa sna tshogs bstan to/ /de nas tshong dpon gyi chung ma 'gyod pa skyes nas de la bzod pa gsol te bshos kyang phul nas smon lam btab pa/ bdag gis rang sangs rgyas la spyos brgyad pa de'i las kyi rnam par smin pa myong bar ma gyur cig /'di lta 
bu'i chos dag kyang thob par gyur cig /'di bas kyang khyad par du 'phags pa'i ston pa mnyes par byed par gyur cig /mi mnyes par byed par ma gyur cig ces byas so/ /dge slong dag ji snyam du sems/ de'i tshe de'i dus na tshong dpon gyi chung mar gyur pa gang yin pa de ni ra s+tha 'di yin 
te/ des rang sangs rgyas la bshos phul ba de'i las kyi rnam par smin pas ni rgyal po phyug po'i rigs su skyes so/ /mi sdug pa'i tshig smras te khyim nas bskrad pa des ni mi sdug par gyur to/ /gzhan yang bcom ldan 'das 'od srung gi ring la rab tu byung ste/ des der bslabs shing 
kha don du byas pa dang / phung po la mkhas pa dang / khams la mkhas pa dang / skye mched la mkhas pa dang / rten cing 'brel bar 'byung ba la mkhas pa dang / gnas dang gnas ma yin pa la mkhas par byas pa dang / tshangs par spyod pa'i gnas bsrungs pa des ni da ltar dgra 
bcom pa nyid mngon sum du byas so/ /dge slong dag de ltar na las gcig tu nges par gnag pa rnams ni rnam par smin pa yang gcig tu nges par gnag par 'gyur ro/ /las gcig tu nges par dkar ba rnams ni rnam par smin pa yang gcig tu nges par dkar bar 'gyur ro/ /las 'dren 

</font><hr>75-1-217a<br><font size=+1>

ma rnams ni rnam par smin pa yang 'dren mar 'gyur ro/ /dge slong dag de bas na las gcig tu nges par gnag pa rnams dang las 'dren ma rnams spangs la/ las gcig tu nges par dkar ba rnams 'ba' zhig la gtad par bya ste/ dge slong khyed kyis de ltar 
bslab par bya'o/ /bcom ldan 'das kyis de skad ces bka' stsal nas/ dge slong de dag yi rangs te bcom ldan 'das kyis gsungs pa la mngon par bstod do/ /gang po la sogs pa'i rtogs pa brjod pa brgya pa las/ sdom gyi tshigs su bcad pa brgyad pa rdzogs 
so// //sdom ni/ rgya mtsho dang ni sna ma dang / /lag na gser thogs sde snod gsum/ /grags bshes rdzus te skyes pa dang / /mdzes ldan dang ni ka pi na/ /bzang ldan dang ni yul 'khor srung / /sde tshan dag tu bstan pa yin/ /rgya mtsho zhes bya ba ni/ 
sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam 
mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing 
shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon 
med zas sbyin gyi kun dga' ra ba na bzhugs so/ /de'i tshe mnyan du yod pa na ded dpon zhig gnas pa des rigs mnyam pa las chung ma blangs nas de de dang lhan cig tu rtse zhing dga' la dga' mgur spyod do/ /de rtse zhing dga' la dga' mgur spyod pa las re zhig na de'i blo skyes pa bdag ji srid 

</font><hr>75-1-217b<br><font size=+1>

du lang tsho la bab pa de srid du ni nor spel bar bya'o/ /phyis rgas pa'i tshe ni bde bar longs spyad par bya'o snyam mo/ /de nas ded dpon de g.yog 'khor tshong pa lnga brgya dang rgya mtsho'i gru nyos nas chung ma dang bcas te rgya mtsho chen po'i nang du zhugs so/ /de nas re zhig na de'i chung ma la bu 
chags nas rgya mtsho de nyid kyi nang du bu byung ste/ khye'u gzugs bzang zhing blta na sdug la mdzes pa zhig btsas so/ /de nas de btsas pa'i btsas ston byas nas ming rgya mtsho zhes btags so/ /de nas re zhig na ded dpon de gru'i don grub nas nye zho med par rgya mtsho chen po nas phyir 'khor 
to/ /de nas gang gi tshe khye'u rgya mtsho cher skyes pa de'i tshe phas ded dpon du bskos nas g.yog 'khor tshong pa lnga brgya dang rgya mtsho chen por btang ste/ de mthar gyis song song ba las/ grong dang / grong rdal dang / grong khyer dang / yul 'khor dang / rgyal po'i pho brang dang / 
tshong 'dus rnams mthong nas rgya mtsho'i 'gram du phyin te/ kAr ShA pa Na lnga brgyas gru'i gla byas te zho shas 'tsho ba rnam pa lnga ste/ gru shol ba dang / chu 'phyag pa dang / mnyan pa dang / bye'u zul mkhan dang / ru skya 'dzin pa rnams kyang khrid de/ des lan gsum du dril bsgrags 
nas rgya mtsho chen por zhugs so/ /de nas de dag rgya mtsho chen por song ba dang / srin po nag po'i rlung gis gru de phu mdar bskor to/ /ded dpon rgya mtsho ni mu stegs can la dga' ste/ de dus ma yin par 'chi bas 'jigs skrag nas ston pa drug la gsol ba 'debs pa la zhugs kyang 
gru de rlung gis ye bskor to/ /de nas re zhig na tshong pa gzhan dag kyang lha stong snyed la gsol ba 'debs pa la zhugs te/ smras pa/ gu lang chu lha ku be ra dang rlung lha me lha dbang chen dang / /drang srong sna tshogs lha dang sa la gnas pa'i klu mang de dag la/ /bdag cag dad pa 
lags kyis bdag cag 'di na 'chi ba'i gnod gyur lags/ /myur du sdug bsngal 'di dag bsal te 'gron po rnams ni bskyab par gsol/ /de nas de dag gis de ltar smre sngags bton kyang skyabs byed pa su yang med do/ /de nas re zhig na dge bsnyen zhig gru de'i nang na 'dug pa des smras 

</font><hr>75-1-218a<br><font size=+1>

pa/ kye ston pa drug dang lha gzhan dag gis kyang khyed la ci byar yang med kyis/ mngon sum du yod pa'i lha sangs rgyas bcom ldan 'das la snying nas skyabs su song shig dang / de khyed kyi skyabs su 'gyur ro zhes byas so/ /de nas ded dpon rgya mtsho la sogs pa tshong pa lnga 
brgya po rnams kyis skad bsnyams te sangs rgyas bcom ldan 'das rnams la skyabs su song ngo / /de'i skabs su sangs rgyas bcom ldan 'das rnams kyis ni mi mkhyen pa'am/ mi gzigs pa'am/ mi rtogs pa'am/ thugs su mi chud pa ci yang med la/ sangs rgyas bcom ldan 'das 
thugs rje chen po dang ldan pa/ 'jig rten la phan 'dogs pa la zhugs pa/ srung ba gcig pa dang ldan pa/ gcig tu dpa' ba/ zla med pa/ gnyis su mi gsung ba/ zhi gnas dang lhag mthong la gnas pa/ rig pa gsum snang bar mdzad pa/ bslab pa gsum la legs par 
bslabs pa/ 'dul ba'i gzhi gsum la mkhas pa/ chu bo bzhi las rgal ba/ rdzu 'phrul gyi rkang pa bzhi'i zhabs kyi mthil shin tu brtan pa/ bsdu ba'i dngos po bzhi la yun ring po nas 'dris par byas pa/ mi 'jigs pa bzhis mi 'jigs pa/ khyu mchog gi yang dag pa'i seng 
ge'i sgra chen po sgrogs pa/ yan lag lnga rnam par spangs pa/ 'gro ba lnga las yang dag par 'das pa/ yan lag drug dang ldan pa/ pha rol tu phyin pa drug yongs su rdzogs pa/ rtag tu gnas par bya ba drug la gnas pa/ byang chub kyi yan lag bdun gyi me tog gis phyug 
pa/ lam yan lag brgyad pa ston pa/ mthar gyis gnas pa'i snyoms par 'jug pa dgu la mkhas pa/ stobs bcu'i stobs dang ldan pa/ phyogs bcur grags pas kun tu rgyas pa/ brgya phrag bcu pa la dbang byed pa bas kyang ches khyad par 'phags pa rnams ni chos nyid kyis 
nyin dus gsum mtshan dus gsum du sangs rgyas kyi spyan gyis 'jig rten la gzigs te/ su ni rgud/ su ni dar/ su ni phongs shing 'dug /su ni nyam nga bar gyur/ su ni gnod pa dang ldan/ su ni phongs pa dang / nyam nga ba dang / gnod pa dang ldan/ su ni ngan song du gzhol/

</font><hr>75-1-218b<br><font size=+1>

su ni ngan song du 'bab/ su ni ngan song du bab/ su ni ngas ngan song nas phyung ste mtho ris dang / thar pa dang / 'bras bu la gzhag par bya/ su ni 'dod pa'i 'dam du bying ba las lag nas drang bar bya/ su ni 'phags pa'i nor bdun med pa las 'phags pa'i nor bdun gyi dbang 
phyug la dbang byed du gzhug par bya/ su ni dge ba'i rtsa ba rnams ma bskyed pa las bskyed par bya/ su ni dge ba'i rtsa ba rnams bskyed zin pa las yongs su smin par bya/ su ni yongs su smin zin pa las rnam par grol bar bya snyam du ye shes gzigs pa 'jug go/ /'dir smras pa/ 
rgya mtsho chu srin rnams kyi gnas/ /dus rlabs yol bar 'gyur yang srid/ /gdul bar bya ba'i sras rnams la/ /sangs rgyas dus las yol ba med/ /de nas re zhig na bcom ldan 'das rgyal bu rgyal byed kyi tshal na bzhugs pas nyi ma stong bas lhag pa'i 'od gser gyi kha dog 
lta bu'i 'od zer bkye nas de dag gis tshong pa de dag kun nas snang bar byas so/ /bskal pa stong du yongs su bsgoms pa'i byams pa'i 'od zer dag kyang bkye ste/ de dag gis sim par byas nas srin po nag po'i rlung yang bzlog go/ /de nas re zhig na ded dpon rgya mtsho gru'i 
don grub nas nye zho med par rgya mtsho chen po'i nang nas phyir 'khor te/ 'chi bas skyo bar gyur pa de nyid kyis sbyin pa dang / rab tu sbyin pa dag byin nas nye du'i skye bo rnams dbugs phyung ste/ dge sbyong dang / bram ze dang / bkren pa dang / sdug cing phongs pa rnams tshim par 
byas nas/ tshong pa lnga brgya'i 'khor ril gyis bcom ldan 'das kyi bstan pa la rab tu byung ste/ des brtson pa dang / bsgrub pa dang / 'bad pas phol mig lnga pa'i 'khor ba'i 'khor lo 'di nyid g.yo zhing mi brtan par rig nas 'du byed kyi rnam pa thams cad snyil ba dang / ltung ba 
dang / rnam par 'thor ba dang / rnam par 'jig pa'i chos can yin par rtsad chod de/ nyon mongs pa thams cad spangs nas dgra bcom pa nyid mngon sum du byas te/ dgra bcom pa khams gsum pa'i 'dod chags dang bral bar gyur nas gser dang bong bar mnyam pa/ nam 

</font><hr>75-1-219a<br><font size=+1>

mkha' dang lag mthil du 'dra ba'i sems dang ldan pa/ tsan dan sbangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags 
pa dang bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang gus par smra ba'i gnas su gyur to/ /de nas dge slong dag the tsom skyes te/ the tsom thams cad gcod pa sangs rgyas bcom ldan 'das la zhus pa/btsun pa bcom ldan 'das kyis 
rgya mtsho la sogs pa tshong pa lnga brgya po 'di dag srog phangs pa stsal te phongs pa las yongs su bskyabs pa dang / gzha' gsang gi mthar thug pa/ mya ngan las 'das pa la bkod pa ni ngo mtshar lags so/ /bcom ldan 'das kyis bka' stsal pa/ dge slong dag da ltar nga 
'dod chags dang bral ba dang / zhe sdang dang bral ba dang / gti mug dang bral ba dang / skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams las yongs 
su grol ba thams cad mkhyen pa rnam pa thams cad mkhyen pa/ ye shes dang shes bya thams cad la dbang thob zin pa'i tshe ngas rgya mtsho la sogs pa tshong pa lnga brgya po 'di dag srog phangs pa byin te phongs pa las yongs su bskyabs pa dang / gzha' gsang gi mthar thug pa/ mya ngan 
las 'das pa la bkod pa 'di lta la ngo mtshar che ba ci yod/ 'das pa'i dus na nga 'dod chags dang bcas pa/ zhe sdang dang bcas pa/ gti mug dang bcas pa/ skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba 
dang / yid mi bde ba dang / 'khrug pa rnams las yongs su ma grol ba'i tshe yang tshong pa 'di dag nyid ngas yongs su bskyabs pa de legs par rab tu nyon la yid la zung shig dang ngas bshad do/ /dge slong dag sngon byung ba 'das pa'i dus na rgya mtsho'i 'gram zhig na drang 

</font><hr>75-1-219b<br><font size=+1>

srong mngon par shes pa lnga dang ldan pa/ dka' thub drag po spyod pa/ zas su rtsa ba dang 'bras bu za la gos su ri dgas kyi g.yang gzhi dang shing shun gyon pa/ me'i sbyin sreg byed pa zhig gnas so/ /de yang snying rje can/ bdag nyid che ba/ chos 'dod pa/ skye dgu la byams 
pa/ phongs par gyur pa rnams la yongs su skyob pa zhig go/ /de nas re zhig na bA rA Na sI'i tshong pa lnga brgya rgya mtsho chen po'i nang du 'gro 'dod par gyur te/ de dag mthar gyis song song nas rgya mtsho'i 'gram du phyin pa dang / de dag gis drang srong de mthong nas dad pa skyes te rkang pa la 
phyag 'tshal nas gsol ba btab pa/ bcom ldan 'das gal te bdag cag rgya mtsho'i nang du mchis pa las phongs pa 'ga' zhig byung bar gyur na/ bcom ldan 'das khyod kyis bdag cag yongs su bskyab par gsol zhes byas nas des kyang gnang ste de ltar bya'o zhes byas so/ /de nas 
tshong pa de dag gis rin po che dag blangs nas 'dzam bu'i gling logs su chas so/ /de nas re zhig na srin po nag po'i rlung gis kun tu bskor ba las drang srong des yongs su bskyabs so/ /de nas gru'i don grub ste nye zho med par phyir 'khor nas drang srong gi thad du phyin te smras pa/ kye drang 
srong chen po dka' bas 'bad pa dang / snying rje'i rang bzhin 'dis ci zhig sgrub cing bzhugs/ des smras pa/ 'jig rten long ba 'dren pa med cing yongs su 'dren pa med par sems can ma rgal ba rnams sgrol ba dang / ma grol ba rnams 'grol ba dang / dbugs ma phyin pa rnams 
dbugs 'byin pa dang / yongs su mya ngan las ma 'das pa rnams yongs su mya ngan las zlo ba'i sangs rgyas su gyur cig ces byas so/ /de dag gis smras pa/ nam khyod sangs rgyas su gyur pa de'i tshe bdag cag la yang dgongs par gsol/ drang srong gis smras pa de ltar bya'o/ /bcom ldan 
'das kyis bka' stsal pa/ dge slong dag ji snyam du sems/ de'i tshe de'i dus na drang srong du gyur pa gang yin pa de ni nga yin no/ /tshong pa de dag ni rgya mtsho la sogs pa 'di dag yin te de'i tshe yang ngas 'di dag yongs su bskyabs so/ /gzhan yang bcom ldan 'das 'od srung gi ring 

</font><hr>75-1-220a<br><font size=+1>

la rab tu byung ste/ der de dag gis dbang po yongs su smin par byas pa des na da ltar dgra bcom pa nyid mngon sum du byas so/ /dge slong dag de ltar na las gcig tu nges par gnag pa rnams ni rnam par smin pa yang gcig tu nges par gnag par 'gyur ro/ /las gcig 
tu nges par dkar ba rnams ni rnam par smin pa yang gcig tu nges par dkar bar 'gyur ro/ /las 'dren ma rnams ni rnam par smin pa yang 'dren mar 'gyur ro/ /dge slong dag de bas na las gcig tu nges par gnag pa rnams dang / las 'dren ma rnams spangs la/ las gcig tu 
nges par dkar ba rnams 'ba' zhig la gtad par bya ste/ dge slong khyed kyis de ltar bslab par bya'o/ /bcom ldan 'das kyis de skad ces bka' stsal nas dge slong de dag yi rangs te bcom ldan 'das kyis gsungs pa la mngon par bstod do// //sna ma zhes bya ba ni/ 
sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam 
mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing 
shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa mnyan du yod pa na rgyal bu rgyal byed kyi tshal mgon med zas sbyin 
gyi kun dga' ra ba na bzhugs so/ /de'i tshe mnyan du yod pa na khyim bdag phyug cing nor mang la longs spyod che ba/ yongs su 'dzin pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa des rigs mnyam pa las chung ma blangs 

</font><hr>75-1-220b<br><font size=+1>

nas/ de de dang lhan cig tu rtse zhing dga' la dga' mgur spyod do/ /de rtse zhing dga' la dga' mgur spyod pa las bu btsas so cog shi'o/ /de'i tshe gnas brtan ma 'gags pa ni khyim der 'drul lo/ /de nas khyim bdag de'i blo skyes pa/ gnas brtan ma 'gags pa 'di ni bsod 
nams kyi rnam par smin pas che bar grags pa yin gyis/ gal te bdag gi bu btsas par gyur na 'di'i slob mar dbul lo zhes 'di la je gsol ba gdab bo snyam mo/ /de nas khyim bdag des gnas brtan ma 'gags pa khyim gyi nang du spyan drangs te bshos gsol nas gsol ba btab pa/ 
gnas brtan gal te bdag gi bu btsas te ma gum na gnas brtan gyi slob mar dbul lo zhes byas so/ /gnas brtan ma 'gags pas smras pa/ de ltar dam bcas pa ma brjed par gyis shig /de nas phyis re zhig na yang rtse zhing dga' la dga' mgur spyod do/ /rtse zhing dga' la dga' 
mgur spyod pa las/ chung ma la bu chags nas de'i lus las dri bsung zhim po byung bar gyur to/ /de nas re zhig na zla ba brgyad dam dgu lon pa dang bu byung ste/ khye'u gzugs bzang zhing blta na sdug la mdzes pa/ lha'i sna ma'i me tog gi ral chung gyon pa zhig btsas so/ /de nas de btsas 
pa'i btsas ston byas nas sna ma zhes ming gtags so/ /de nas gnas brtan ma 'gags pa khyim gyi nang du bshos la spyan drangs nas khye'u de de la phul lo/ /de nas gnas brtan ma 'gags pas de la chos gos tshon can dag byin te tshe ring bar gyur cig ces legs su smon pa yang byas so/ /de nas 
gang gi tshe btsas nas lo bdun lon pa de'i tshe pha ma gnyis kyis gnas brtan ma 'gags pa la phul lo/ /gnas brtan ma 'gags pas kyang rab tu byung nas yid la byed pa'i lung phog ste/ des brtson pa dang / bsgrub pa dang / 'bad pas phol mig lnga pa'i 'khor ba'i 'khor lo 'di nyid 
g.yo zhing mi brtan par rig nas 'du byed kyi rnam pa thams cad snyil ba dang / ltung ba dang / rnam par 'thor ba dang / rnam par 'jig pa'i chos can yin par rtsad chod de/ nyon mongs pa thams cad spangs nas dgra bcom pa nyid mngon sum du byas te/ dgra bcom pa khams gsum pa'i 

</font><hr>75-1-221a<br><font size=+1>

'dod chags dang bral bar gyur nas gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan sbangs pa lta bur bsil bar gyur pa/ rig pas sgo nga'i sbubs bcom pa/ rig pa dang mngon par shes pa dang / so so yang 
dag par rig pa thob pa/ srid pa'i rnyed pa dang / chags pa dang / bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang gus par smra ba'i gnas su gyur to/ /de yang dbang po rnon po zhig ste/ gang gi tshe phyag dar khrod kyi gos 
'drub pa de'i tshe khab lan re 'dzugs pa la rnam par thar pa brgyad la snyoms par 'jug cing ldang bar byed do/ /de nas phyis re zhig na gnas brtan ma 'gags pas bsgo ba/ bu cig song la chu klung khang ldan nas chu long shig ces byas so/ /de nas dge tshul pa sna mas bum pa khyer te 
chu klung khang ldan gyi 'gram du song ngo / /de nas khrus byas te bum pa chus bkang nas nam mkha' la song ste ched 'ga' ni bum pa sngon du btang la dge tshul pa sna ma phyi bzhin 'ong ngo / /ched 'ga' ni dge tshul pa sna ma sngon du 'gro la bum pa phyi bzhin 'ong ngo / /de'i tshe bcom ldan 'das nang 
du yang dag 'jog las bzhengs nas 'khor bzhi po rnams la chos ston te/ der bcom ldan 'das kyis tshe dang ldan pa shA ri'i bu la bka' stsal pa/ shA ri'i bu dge tshul pa dran pa dang ldan pa/ dbang po shin tu mnyam par bzhag pa/ bum pa chus bkang ste 'ong ba 'di mthong ngam/ 
'dod chags zhe sdang rab spangs shing / /ma rig pa dang bral nas ni/ /lus kyi tha ma 'dzin byed pa/ /de ni chu chun rab tu mdzes/ /gang gi tshe bcom ldan 'das kyis dge slong gi dge 'dun gyi mdun du dge tshul pa sna ma bstod cing bsngags pa de'i tshe dge slong dag the tsom skyes te/ the tsom 
thams cad gcod pa sangs rgyas bcom ldan 'das la zhus pa/ btsun pa sna ma 'dis las gang dag bgyis na des gzugs bzang zhing blta na sdug la mdzes pa dang / lha'i sna ma'i me tog gi ral chud 'tshal bzhin du skyes la/ dbang po rno ba dang dgra bcom pa nyid mngon sum du bgyis 

</font><hr>75-1-221b<br><font size=+1>

lags/ bcom ldan 'das kyis bka' stsal pa/ dge slong dag sna ma nyid kyis sngon tshe rabs gzhan dag tu tshogs rnyed cing rkyen grub pa dang ldan te dba' rgal bzhin du 'byung la/ gdon mi za bar 'ong ba'i las de dag byas shing bsags pas na sna ma nyid kyis las byas shing bsags 
pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang mi dge ba byas 
shing bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro/ /lus can dag gi las rnams ni/ /bskal pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur/ /dge slong 
dag sngon byung ba 'das pa'i dus na bskal pa dgu bcu rtsa gcig pa la de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba bla na med pa/ 
lha dang mi rnams kyi ston pa sangs rgyas bcom ldan 'das rnam par gzigs zhes bya ba 'jig rten du byung ste/ de rgyal po'i pho brang gnyen yod na rten cing bzhugs so/ /de nas re zhig na ded dpon zhig gnas pa de gzhon nu'i tshe nas rab tu 'byung ba'i sems skyes pa las de rab tu 'byung 
ma nus nas/ gang gi tshe rgas par gyur pa de'i tshe de 'gyod pa skyes te/ bdag bcom ldan 'das kyi bstan pa la rab tu ma byung ba ni bdag gis ma legs pa byas so snyam mo/ /de nas des dbu skra dang sen mo'i mchod rten la sna ma'i me tog btags so/ /yang dag par rdzogs pa'i 
sangs rgyas rnam par gzigs nyan thos kyi dge 'dun dang bcas pa yang bshos gsol te zhabs la phyag 'tshal nas smon lam btab pa/ dge ba'i rtsa ba dang / sems bskyed pa dang / sbyin par bya ba'i chos yongs su gtong ba 'dis na/ bdag ma 'ongs pa'i de bzhin gshegs pa dgra 

</font><hr>75-1-222a<br><font size=+1>

bcom pa yang dag par rdzogs pa'i sangs rgyas bcom ldan 'das rnams mnyes par byed par gyur cig /mi mnyes par byed par ma gyur cig /gang gi bstan pa la rab tu byung ba der gzhon nu'i tshe nas 'phags pa'i chos rnams rtogs par gyur cig ces byas so/ /gzhan 
yang bcom ldan 'das 'od srung gi ring la rab tu byung ste/ des der lo khri'i bar du tshangs par spyod pa'i gnas bsrungs pa des na da ltar dgra bcom pa nyid mngon sum du byas so/ /dge slong dag de ltar na las gcig tu nges par gnag pa rnams ni rnam par smin pa yang gcig tu nges par gnag par 
'gyur ro/ /las gcig tu nges par dkar ba rnams ni rnam par smin pa yang gcig tu nges par dkar bar 'gyur ro/ /las 'dren ma rnams ni rnam par smin pa yang 'dren mar 'gyur ro/ /dge slong dag de bas na las gcig tu nges par gnag pa rnams dang / las 'dren ma rnams spangs la/ 
las gcig tu nges par dkar ba rnams 'ba' zhig la gtad par bya ste/ dge slong khyed kyis de ltar bslab par bya'o/ /bcom ldan 'das kyis de skad ces bka' stsal nas dge slong de dag yi rangs te bcom ldan 'das kyis gsungs pa la mngon par bstod do// //lag na gser 
thogs zhes bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin 
rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis 
mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag 

</font><hr>75-1-222b<br><font size=+1>

mgon med zas sbyin gyi kun dga' ra ba na bzhugs so/ /de'i tshe mnyan du yod pa na khyim bdag phyug cing nor mang la longs spyod che ba/ yongs su 'dzin pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa de la bu 
yang med/ bu mo yang med pas de lag pa la rkom tshugs bcas te bdag gi khyim nor du ma dang ldan du zin kyang bdag la bu yang med/ bu mo yang med pas bdag 'das pa'i 'og tu ni bu med pa'i phyir ci bdog pa thams cad rgyal po dbang bar 'gyur ro snyam nas sems khong du chud 
cing 'dug go/ /de nas dge sbyong dang / bram ze dang / ltas mkhan dang / mdza' bo dang / gnyen dang / rtsa lag gzhan dag gis lha la gsol ba thob cig ces de la bsgo'o/ /'jig rten na yang gsol ba btab pa'i rgyus bu dang bu mo skye bar 'gyur ro zhes bya ba'i gtam de 
yod mod kyi de yang de lta ni ma yin te/ gal te gsol ba btab pa'i rgyus bu dang bu mo skye bar 'gyur du zin na ni 'khor los sgyur ba'i rgyal po bzhin du re re la yang bu stong stong yod par 'gyur ba'i rigs so/ /ye ni gnas gsum tshogs pa las bu dang bu mo skye bar 'gyur te/ gsum 
gang zhe na/ pha ma gnyis 'dod chags langs te phrad pa dang / ma dus la bab cing zla mtshan dang ldan pa dang / dri za 'ongs pa ste gnas 'di gsum tshogs pa las bu dang bu mo skye bar 'gyur ba'i rigs so/ /de yang gsol ba 'debs pa lhur byed cing 'dug la/ sems can zhig 
kyang sems can gyi ris gzhan zhig nas shi 'phos nas de'i chung ma'i ltor zhugs so/ /bud med mkhas pa'i rang bzhin can kha cig la ni thun mong ma yin pa'i chos lnga yod de/ lnga gang zhe na/ skyes pa chags pa yang shes la ma chags pa yang shes pa dang / dus kyang shes la 
zla mtshan yang shes pa dang / bu chags pa yang shes pa dang / gang las bu chags pa shes pa dang / khye'u yang shes la bu mo yang shes pa ste/ gal te khye'u yin na ni lto g.yas logs su rten cing gnas so/ /gal te bu mo yin na ni lto g.yon logs su rten 

</font><hr>75-1-223a<br><font size=+1>

cing gnas so/ /de nas de dga' ches nas khyim thab la sbran pa/ jo bo bdag la sras chags te/ bdag gi rum g.yas logs na rten cing gnas pa las na khye'ur 'gyur bar nges kyis dgyes pa bskyed du gsol zhes byas so/ /de yang dga' ches te ro 
stod ni bteg /lag pa g.yas pa ni brkyang nas bdag gis yun rin po nas smon smon pa'i bu'i ngo mthong bar 'ong ngo / /bdag gi bu rung bar shog shig /mi rung bar ma gyur cig /bdag gi bya ba dag byed par shog shig /gsos pa'i lan phyir gso bar shog 
shig/ nor skal la spyod par shog shig /bdag gi rigs rgyud ring du gnas par shog shig /bdag cag 'das te shi ba'i 'og tu yang bdag cag gi phyir mang yang rung nyung yang rung ste/ sbyin pa dag byin la bsod nams dag byas nas de gnyis gang dang gang du 
skyes shing 'gro ba der 'di song shig ces yon bsngo bar shog shig ces dga' ba'i tshig brjod do/ /de nas des bu chags par rig nas bu'i rim gro bya ba'i phyir khang bzangs kyi steng du nyam rangs su bzhag ste/ grang ba'i tshe grang ba'i yo byad rnams dang / tsha ba'i tshe tsha ba'i yo 
byad rnams dang / sman pas bstan pa'i zas rnams dang / ha cang kha ba ma yin pa rnams dang / ha cang skyur ba ma yin pa rnams dang / ha cang lan tsha che ba ma yin pa rnams dang / ha cang mngar ba ma yin pa rnams dang / ha cang ro tsha ba ma yin pa rnams dang / ha cang 
bska ba ma yin pa rnams te/ kha ba dang / skyur ba dang / lan tshwa dang / mngar ba dang / tsha ba dang / bska ba med pa'i zas rnams kyis bsten cing do shal dang / se mo dos lus rnam par bklubs te/ lha'i bu mo dga' ba'i tshal na rnam par rgyu ba bzhin du 
khri'i steng nas khri'i steng dang / khri'u'i steng nas khri'u'i steng du rgyu zhing 'og gi sa gzhi la mi 'bab pa dang / des yid du mi 'ong ba'i sgra skad ci yang mi thos par byas so/ /de nas zla ba brgyad dam dgu lon pa dang bu byung ste/ khye'u gzugs bzang zhing blta na sdug 

</font><hr>75-1-223b<br><font size=+1>

la mdzes pa/ yan lag dang nying lag thams cad dang ldan pa zhig btsas nas de'i lag pa gnyis la las kyi rnam par smin pa las byung ba'i gser gyi dong tse mtshan mas btab pa gnyis byung ste/ gang gi tshe de byung ba de'i tshe yang gzhan 'byung bar 'gyur ro/ /de nas de 
btsas pa'i btsas ston byas nas khye'u 'di'i ming ji skad gdags zhes ming 'dogs par byed de/ nye du rnams na re 'di btsas ma thag tu lag pa gnyis la las kyi rnam par smin pa las byung ba'i gser gyi dong tse gnyis byung bas na/ de'i phyir khye'u 'di'i ming lag na gser thogs 
zhes gdags so zhes zer ro/ /de nas khye'u lag na gser thogs pang na 'tsho ba'i ma ma gnyis dang / nu ma snun pa'i ma ma gnyis dang / dri ma 'khru ba'i ma ma gnyis dang / rtse ba'i ma ma gnyis te ma ma brgyad la gtad nas/ de ma ma brgyad kyis 'o ma dang / zho dang mar 
dang / zhun mar dang / mar gyi nying khu dang / gzhan yang yo byad kyi khyad par bzang ngo cog gis bskyed bsrings te mtsho'i nang gi pad ma bzhin du skye drag par gyur to/ /de yang dad pa dang ldan la dge zhing bsam pa bzang ba/ bdag dang gzhan la phan pa la zhugs pa/ 
snying rje can zhig ste/ gang gi tshe srang du 'gro ba de'i tshe dge sbyong dang / bram ze dang / bkren pa dang / sdug cing phongs pa rnams mthong na lag pa gnyis brkyang nas de la gser dngul gyi dong tse mtshan mas btab pa'i phung po de dag la ji tsam dgos pa 'byung bar 
'gyur ro/ /de nas de'i grags pas mnyan du yod pa thams cad rgyas par gyur to/ de nas phyis re zhig na khye'u lag na gser thogs rgyal bu rgyal byed kyi tshal du song ba dang / des sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par 
brgyan pa/ dpe byad bzang po brgyad cus mdzes par byas pa/ 'od 'dom gang gis brgyan pa/ nyi ma stong bas lhag pa'i 'od mnga' ba/ rin po che'i ri bo 'gro ba lta bu kun nas bzang ba mthong nas/ mthong ma thag tu des bcom ldan 'das la sems dga' ba bskyed 

</font><hr>75-1-224a<br><font size=+1>

do/ /dga' ba bskyed nas bcom ldan 'das kyi zhabs la mgo bos phyag 'tshal te chos mnyan pa'i phyir bcom ldan 'das kyi spyan sngar 'dug go/ /de nas bcom ldan 'das kyis de la chos bstan nas des tshe dang ldan pa kun dga' bo la smras pa/ slob dpon bdag 
ni bcom ldan 'das nyan thos kyi dge 'dun dang bcas pa bshos gsol bar 'tshal lo/ /gnas brtan kun dga' bos smras pa/ bu kAr ShA pa Na dgos so/ /de nas khye'u lag na gser thogs sangs rgyas la sogs pa dge slong gi dge 'dun gyi spyan sngar 'greng ste lag pa gnyis 
brkyang nas gser dngul gyi phung po chen po spungs so/ /de nas dge 'dun gyi gnas brtan dang / dge slong gzhan dag dang / gnas brtan kun dga' bos de mthong nas mchog tu ya mtshan du gyur to/ /de nas khye'u lag na gser thogs kyis sangs rgyas la sogs pa dge 
slong gi dge 'dun la bshos gsol nas chos mnyan pa'i phyir bcom ldan 'das kyi spyan sngar 'dug go/ /de nas bcom ldan 'das kyis de'i bsam pa dang / bag la nyal dang / khams dang / rang bzhin thugs su chud nas 'phags pa'i bden pa bzhi rtogs par 'gyur 
ba de lta bu'i chos bstan te/ de thos nas khye'u lag na gser thogs kyis 'jig tshogs la lta ba'i ri'i rtse mo mthon po nyi shu ye shes rdo rjes bcom nas rgyun du zhugs pa'i 'bras bu mngon sum du byas te/ bden pa mthong nas des nye du rnams la longs spyod kyi bgo bsha' byas te/ 
dge sbyong dang / bram ze dang / bkren pa dang / sdug cing phongs pa rnams tshim par byas nas pha ma la gsol te bcom ldan 'das kyi bstan pa la rab tu byung nas des brtson pa dang / bsgrub pa dang / 'bad pas phol mig lnga pa'i 'khor ba'i 'khor lo 'di nyid g.yo zhing mi brtan 
par rig nas 'du byed kyi rnam pa thams cad snyil ba dang / ltung ba dang / rnam par 'thor ba dang / rnam par 'jig pa'i chos can yin par rtsad chod de/ nyon mongs pa thams cad spangs nas dgra bcom pa nyid mngon sum du byas te/ dgra bcom pa khams gsum pa'i 'dod chags 

</font><hr>75-1-224b<br><font size=+1>

dang bral bar gyur nas gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan sbangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig 
pa thob pa/ srid pa'i rnyed pa dang / chags pa dang / bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang gus par smra ba'i gnas su gyur to/ /de nas dge slong dag the tsom skyes te/ the tsom thams cad gcod pa sangs rgyas 
bcom ldan 'das la zhus pa/ btsun pa lag na gser thogs kyis las gang dag bgyis na des 'di'i sug pa gnyis las gser gyi dong tse mtshan mas btab pa gnyis byung la/ rab tu byung nas dgra bcom pa nyid mngon sum du bgyis lags/ bcom ldan 'das kyis bka' 
stsal pa/ dge slong dag lag na gser thogs nyid kyis sngon tshe rabs gzhan dag tu tshogs rnyed cing rkyen grub pa dang ldan te dba' rgal bzhin du 'byung la/ gdon mi za bar 'ong ba'i las de dag byas shing bsags pas na/ lag na gser thogs nyid kyis las byas shing 
bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las 
dge ba dang mi dge ba byas shing bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro/ /lus can dag gi las rnams ni/ /bskal pa brgyar yang chud mi za/ /tshogs shing dus la bab pa na/ /'bras bu 
nyid du smin par 'gyur/ /dge slong dag sngon byung ba 'das pa'i dus na bskal pa bzang po 'di nyid la skye dgu'i tshe lo nyi khri thub pa na de bzhin gshegs pa dgra bcom pa yang dag par rdzogs pa'i sangs rgyas/ rig pa dang zhabs su ldan pa/ bde bar gshegs pa/ 'jig rten 

</font><hr>75-1-225a<br><font size=+1>

mkhyen pa/ skyes bu gdul bya'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das 'od srung zhes bya ba 'jig rten du byung ste/ de grong khyer bA rA Na sI na drang srong smra ba ri dgas kyi nags na rten cing bzhugs so/ /de nas yang dag par 
rdzogs pa'i sangs rgyas 'od srung sangs rgyas kyi phrin las thams cad mdzad nas shing zad pa'i me bzhin du phung po'i lhag ma med pa'i mya ngan las 'das pa'i dbyings su yongs su mya ngan las 'das nas/ rgyal po kr-i kIs de'i sku gdung la sku gdung gi mchod pa byas te rin po che sna bzhi las 
byas pa'i mchod rten kho ra khor yug tu dpag tshad gcig yod la/ 'phang du rgyang grags gcig yod pa zhig brtsigs so/ /mchod rten de'i dus ston byed pa na rgyan po pa zhig gis gser gyi dong tse gnyis mchod rten de'i srog shing la btags so/ /de nas zhabs la phyag 
'tshal te smon lam btab pa/ bdag gang dang gang du skyes pa de dang der lag pa la gser yod pa kho nar gyur cig ces byas so/ /bcom ldan 'das kyis bka' stsal pa/ dge slong dag ji snyam du sems/ de'i tshe de'i dus na rgyan po par gyur pa de ni lag na gser thogs 
'di yin te/ des mchod rten la gser gyi dong tse gnyis btags pa des na 'di lta bu'i khyad par can du gyur to/ /smon lam btab pa des ni da ltar dgra bcom pa nyid mngon sum du byas so/ /dge slong dag de ltar na las gcig tu nges par gnag pa rnams ni rnam par 
smin pa yang gcig tu nges par gnag par 'gyur ro/ /las gcig tu nges par dkar ba rnams ni rnam par smin pa yang gcig tu nges par dkar bar 'gyur ro/ /las 'dren ma rnams ni rnam par smin pa yang 'dren mar 'gyur ro/ /dge slong dag de bas na las gcig tu nges 
par gnag pa rnams dang las 'dren ma rnams spangs la/ las gcig tu nges par dkar ba rnams 'ba' zhig la gtad par bya ste/ dge slong khyed kyis de ltar bslab par bya'o/ /bcom ldan 'das kyis de skad ces bka' stsal nas dge slong de dag yi rangs te/

</font><hr>75-1-225b<br><font size=+1>

bcom ldan 'das kyis gsungs pa la mngon par bstod do// //gang po la sogs pa'i rtogs pa brjod pa brgya pa/bam po bcu dgu pa/ sde snod gsum pa zhes bya ba ni/ sangs rgyas bcom ldan 'das la rgyal po rnams dang / blon po chen po 
rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / 
lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom 
ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon 
med zas sbyin gyi kun dga' ra ba na bzhugs so/ /de'i tshe mnyan du yod pa na ko sa la'i rgyal po gsal rgyal rgyal po byed de/ de'i ring la 'byor pa dang / rgyas pa dang / bde ba dang / lo legs pa dang / skye bo dang mi mang pos gang ba dang / rtsod pa dang / 
'thab pa zhi ba dang / 'khrug pa dang / nang 'khrug dang / chom rkun dang / mu ge dang / nad rnams med pa dang / 'bras sA lu dang / bu ram shing dang / ba lang dang / ma he dang ldan par 'dug ste/ gnod pa med cing tsher ma dkrugs la bu gcig pa la bya ba bzhin du 
rgyal srid bskyangs so/ /de nas re zhig na de btsun mo dang lhan cig tu rtse zhing dga' la dga' mgur spyod do/ /de rtse zhing dga' la dga' mgur spyod pa las btsun mo la bu chags nas/ de zla ba brgyad dam dgu lon pa dang bu byung ste/ khye'u gos su chos gos tshon can 

</font><hr>75-1-226a<br><font size=+1>

gyon la dag sbyong gi cha lugs can tshe rabs dran pa zhig btsas so/ /de nas skyes ma thag tu dris pa/ ci mnyan du yod pa 'di kho na na bcom ldan 'das dang / shA ri'i bu dang / maud gal gyi bu dang / 'od srung dang / kun dga' bo la sogs pa nyan thos 
chen po rnams bzhugs sam zhes zer ro/ /de nas de'i ma ya mtshan du gyur te dga' bas rgyas nas smras pa/ bu mnyan du yod pa 'di kho na na bcom ldan 'das dang nyan thos chen po rnams bzhugs sa zhes byas so/ /de nas re zhig na don de rgyal po gsal rgyal la gsol te khyod 
kyi sras gos su chos gos tshon can 'tshal ba dge sbyong gi cha lugs can tshe rabs dran pa zhig btsas te/ de bcom ldan 'das dang nyan thos chen po rnams ga la bzhugs pa yang rmed do zhes byas so/ /de nas rgyal po gsal rgyal gyis bu de la phan gdags pa'i phyir bcom ldan 'das 
nyan thos kyi dge 'dun dang bcas pa bshos la spyan drangs so/ /de nas bcom ldan 'das dge slong gi tshogs kyis zham ring byas te/ dge slong gi dge 'dun gyis mdun du bdar nas/ rgyal po gsal rgyal gyi bkad sa ga la ba der gshegs te byon nas/ dge slong gi 
dge 'dun gyi gung la gdan bshams pa la bzhugs so/ /de nas ko sa la'i rgyal po gsal rgyal gyis bu pang par blangs te/ bcom ldan 'das kyi spyan sngar brims nas/ bcom ldan 'das bdag gi bu 'di btsas ma thag tu bcom ldan 'das dang nyan thos chen po rnams dran 
lags so zhes gsol to/ /de nas bcom ldan 'das kyis bu de la sde snod gsum pa khyod nad med par gyur cig ces bka' stsal to/ /de nas des de bzhin gshegs pa dgra bcom pa yang dag par rdzogs pa'i sangs rgyas la phyag 'tshal lo zhes smras so/ /de nas 
rgyal po gsal rgyal mchog tu ya mtshan du gyur to/ /de nas gang gi tshe btsas nas lo bdun lon pa de'i tshe chos gos tshon can de dag nyid gyon bzhin du bcom ldan 'das kyi bstan pa la rab tu byung ste/ des brtson pa dang / bsgrub pa dang / 'bad pas phol 

</font><hr>75-1-226b<br><font size=+1>

mig lnga pa'i 'khor ba'i 'khor lo 'di nyid g.yo zhing mi brtan par rig nas 'du byed kyi rnam pa thams cad snyil ba dang / ltung ba dang / rnam par 'thor ba dang / rnam par 'jig pa'i chos can yin par rtsad chod de/ nyon mongs pa thams cad spangs nas dgra 
bcom pa nyid mngon sum du byas te/ dgra bcom pa khams gsum pa'i 'dod chags dang bral bar gyur nas gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan sbangs pa lta bur bsil bar gyur pa/ rig pas 
sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang gus par 
smra ba'i gnas su gyur to/ /de nas dge slong dag the tsom skyes te/ the tsom thams cad gcod pa sangs rgyas bcom ldan 'das la zhus pa/ btsun pa sde snod gsum pas las gang dag bgyis na des chos gos tshon can 'tshal ba dge sbyong gi cha lugs can tshe rabs dran 
bzhin du btsas te/ rab tu byung nas kyang dgra bcom pa nyid mngon sum du bgyis lags/ bcom ldan 'das kyis bka' stsal pa/ dge slong dag sde snod gsum pa nyid kyis sngon tshe rabs gzhan dag tu tshogs rnyed cing rkyen grub pa dang ldan te dba' rgal bzhin du 'byung la/ 
gdon mi za bar 'ong ba'i las de dag byas shing bsags pas na/ sde snod gsum pa nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par 
smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur 

</font><hr>75-1-227a<br><font size=+1>

ro/ /lus can dag gi las rnams ni/ /bskal pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur/ /dge slong dag sngon byung ba 'das pa'i dus na bskal pa bzang po 'di nyid la skye dgu'i tshe lo nyi khri thub pa na yang 
dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das 'od srung zhes bya ba 'jig rten du byung ste/ 
de grong khyer bA rA Na sI na drang srong smra ba ri dgas kyi nags na rten cing bzhugs so/ /de nas re zhig na rgyal po kr-i kI'i bu drang srong smra bar song ngo / /de nas des sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan pa/ dpe byad bzang po 
brgyad cus mdzes par byas pa/ 'od 'dom gang gis brgyan pa/nyi ma stong bas lhag pa'i 'od mnga' ba/ rin po che'i ri bo 'gro ba lta bu kun nas bzang ba mthong nas mthong ma thag tu de dad pa skyes so/ /dad pa skyes nas bcom ldan 'das kyi zhabs la phyag 'tshal 
te chos mnyan pa'i phyir bcom ldan 'das kyi spyan sngar 'dug go/ /de nas bcom ldan 'das kyis de'i bsam pa dang / bag la nyal dang / khams dang / rang bzhin thugs su chud nas 'khor ba las skyo bar 'gyur ba'i chos de lta bu bstan te/ de thos nas 'khor ba la nyes 
par lta ba dang / mya ngan las 'das pa la yon tan du lta bar gyur to/ /de nas rgyal po la gsol te/ yab bdag bcom ldan 'das kyi bstan pa la rab tu 'byung bar 'tshal na gnang bar mdzad du gsol zhes byas so/ /rgyal pos smras pa/ khyod ring po mi thogs par 
rgyal tshab tu dbang bskur dgos pas 'di ni ngas bcos su med do/ /bus smras pa/ rgyal srid nyes pa mang po dang ldan pa chos kyi dgrar gyur pa bdag la mi 'tshal gyis/ bdag ni bcom ldan 'das kyi bstan pa la rab tu mi 'byung du mi gnang ngo / /de nas yab kyis ma gnang 

</font><hr>75-1-227b<br><font size=+1>

nas des zhag gcig dang gnyis dang / gsum nas zhag drug gi bar du kha 'tshos so/ /de nas de'i zla grogs rnams kyis rgyal po la gsol te/ lha mkhyen par mdzad du gsol/ sras 'di ni rab tu byung na legs kyi de'u re 'dir 'gum na ma legs so/ /de nas 
rgyal pos gnang nas dam 'char bcug ste/ nam khyod sde snod gsum ma lobs kyi bar du nga dang phrad du ma 'ong cig ces bsgo'o/ /de nas re zhig na de yab kyis gnang nas/ bcom ldan 'das kyi bstan pa la rab tu byung ste/ des brtson pa dang / bsgrub pa dang / 'bad 
pas ring po ma lon par sde snod gsum lobs te/ rig pa dang grol bar smra bar chos ston par gyur nas/ de 'di snyam du sems te/ ma la bdag gis sngon dam bcas pa gnyer dgum gor ma chag snyam nas de yab kyi thad du song ste phrad nas dris pa/ bu cung zad lobs 
pa lta yod dam/ des smras pa/ sde snod gsum lobs lags so/ /de nas des yab la chos de lta bu bstan te de thos nas rgyal po mgu bar gyur to/ /de nas dga' ba skyes te smras pa/ bu gcig khyod la ci dgos/ des smras pa/ bdag ni bcom ldan 'das nyan thos kyi 
dge 'dun dang bcas pa spyan drangs la yo byad drug dbul bar 'tshal lo/ /rgyal pos smras pa/ rgyal po'i pho brang ni rgya ches ci dga' ba gyis shig /de nas sde snod gsum pas bcom ldan 'das zhabs 'bring 'khor dge slong nyi khri dang bcas te zhal zas bzang pos tshim par 
byas nas dge slong re re la yang yo byad drug drug phul lo/ /de nas zhabs la phyag 'tshal nas smon lam btab pa/ bdag da ltar dka' bas rab tu byung ba thob nas de bzhin gshegs pa nyan thos kyi dge 'dun dang bcas pa la bkur sti byas pa'i dge ba'i rtsa ba dang / sems 
bskyed pa dang / sbyin par bya ba'i chos yongs su gtong ba 'dis na bdag gang dang gang du skyes pa de dang der gos su chos gos tshon can gyon la dge sbyong gi cha lugs 'di dang ldan te tshe rabs dran par gyur cig ces byas so/ /bcom ldan 'das kyis bka' stsal pa/ dge 

</font><hr>75-1-228a<br><font size=+1>

slong dag ji snyam du sems/ de'i tshe de'i dus na rgyal po kr-i kI'i bur gyur pa gang yin pa de ni sde snod gsum pa 'di yin te/ rgyu de nyid kyis phyug po'i rigs su skyes te/ gzugs bzang zhing blta na sdug la mdzes pa dang tshe rabs dran par gyur to/ /dge slong 
dag de ltar na las gcig tu nges par gnag pa rnams ni rnam par smin pa yang gcig tu nges par gnag par 'gyur ro/ /las gcig tu nges par dkar ba rnams ni rnam par smin pa yang gcig tu nges par dkar bar 'gyur ro/ /las 'dren ma rnams ni rnam par smin pa yang 'dren 
mar 'gyur ro/ /dge slong dag de bas na las gcig tu nges par gnag pa rnams dang / las 'dren ma rnams spangs la/ las gcig tu nges par dkar ba rnams 'ba' zhig la gtad par bya ste/ dge slong khyed kyis de ltar bslab par bya'o/ /bcom ldan 
'das kyis de skad ces bka' stsal nas dge slong de dag yi rangs te bcom ldan 'das kyis gsungs pa la mngon par bstod do// //grags bshes zhes bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug 
po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gdon sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye 
chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom 
ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag 

</font><hr>75-1-228b<br><font size=+1>

mgon med zas sbyin gyi kun dga' ra ba na bzhugs so/ /de'i tshe mnyan du yod pa na ded dpon phyug cing nor mang la longs spyod che ba/ yongs su 'dzin pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa zhig 
gnas pa des rigs mnyam pa las chung ma blangs nas/ de de dang lhan cig tu rtse zhing dga' la dga' mgur spyod do/ /de'i tshe mu ge mi bzad pas gnod pa byung ste slong bas kyang zas mi rnyed do/ /ltas mkhan rnams kyis kyang char mi 'bab par bstan pa las re 
zhig na ded dpon de'i chung ma la bu chags nas/ de zla ba brgyad dam dgu lon pa dang bu byung ste/ khye'u gzugs bzang zhing blta na sdug la mdzes pa/ yan lag dang nying lag thams cad dang ldan pa zhig btsas nas gang gi nyin par khye'u de btsas pa de kho na'i nyin 
par nas than pa med par gyur to/ /de nas de'i grags pas mnyan du yod pa mtha' dag tu rgyas par gyur to/ /de nas de btsas pa'i btsas ston byas nas khye'u 'di'i ming ji skad gdags zhes ming 'dogs par byed de/ nye du rnams na re 'di'i grags pa kun du rgyas 
pas na de'i phyir khye'u 'di'i ming grags bshes zhes gdags sa zhes zer ro/ /de nas khye'u grags bshes pang na 'tsho ba'i ma ma gnyis dang / nu ma snun pa'i ma ma gnyis dang / dri ma 'khru ba'i ma ma gnyis dang / rtse ba'i ma ma gnyis te ma ma brgyad la gtad nas/ de 
ma ma brgyad kyis 'o ma dang / zho dang / mar dang / zhun mar dang / mar gyi nying khu dang / gzhan yang yo byad kyi khyad par bzang ngo cog gis bskyed bsrings te mtsho'i nang gi pad ma bzhin du skye drag par gyur to/ /de nas gang gi tshe khye'u grags bshes cher skyes pa de'i 
tshe rgyal bu rgyal byed kyi tshal du don zhig la song ngo / /de nas des sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan pa/ dpe byad bzang po brgyad cus mdzes par byas pa/ 'od 'dom gang gis brgyan pa/ nyi ma stong bas 

</font><hr>75-1-229a<br><font size=+1>

lhag pa'i 'od mnga' ba/ rin po che'i ri bo 'gro ba lta bu kun nas bzang ba mthong nas/ mthong ma thag tu de dad pa skyes so/ /dad pa skyes nas bcom ldan 'das kyi zhabs la phyag 'tshal te chos mnyan pa'i phyir bcom ldan 'das kyi spyan sngar 'dug go/ /
de nas bcom ldan 'das kyis de la 'khor ba las skyo bar 'gyur ba de lta bu'i chos bstan pa mdzad de/ de thos nas 'khor ba la nyes par lta ba dang / mya ngan las 'das pa la yon tan du lta bar gyur te pha ma la gsol nas/ bcom ldan 'das kyi bstan pa la rab tu byung ste 
des brtson pa dang / bsgrub pa dang / 'bad pas phol mig lnga pa'i 'khor ba'i 'khor lo 'di nyid g.yo zhing mi brtan par rig nas 'du byed kyi rnam pa thams cad snyil ba dang / ltung ba dang / rnam par 'thor ba dang / rnam par 'jig pa'i chos can yin par rtsad chod de/ 
nyon mongs pa thams cad spangs nas dgra bcom pa nyid mngon sum du byas te/ dgra bcom pa khams gsum pa'i 'dod chags dang bral bar gyur nas gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan sbangs pa lta 
bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba/ dbang po dang nye dbang dang bcas pa'i lha rnams kyis 
mchod cing rjed pa dang gus par smra ba'i gnas su gyur to/ /de'i mche ba gnyis las chu yan lag brgyad dang ldan pa 'byung ste/ des na de la skom pa'i gnod pa med de/ gang gi tshe tsha ba'i dus su dge slong skom pa rnams gung skyems la dge 'dun gyi nang du 'du ba de'i 
tshe yang de mi 'ong ngo / /de nas de dang bshes pa'i dge slong rnams kyis dris pa/ ci'i phyir khyod la skom pa'i gnod pa med ces byas so/ /des smras pa/ bdag gi mche ba gnyis las chu yan lag brgyad dang ldan pa 'byung ste/ des na bdag la skom pa'i gnod 

</font><hr>75-1-229b<br><font size=+1>

pa med do/ /de nas dge slong dag the tsom skyes te/ the tsom thams cad gcod pa sangs rgyas bcom ldan 'das la zhus pa/ btsun pa grags bshes 'dis las gang dag bgyis na des gzugs bzang zhing blta na sdug la mdzes pa dang / mche ba gnyis las chab 
yan lag brgyad dang ldan pa 'byung la/ rab tu byung nas kyang dgra bcom pa nyid mngon sum du bgyis lags/ bcom ldan 'das kyis bka' stsal pa/ dge slong dag grags bshes nyid kyis sngon tshe rabs gzhan dag tu tshogs rnyed cing rkyen grub pa dang ldan te 
dba' rgal bzhin du 'byung la/ gdon mi za bar 'ong ba'i las de dag byas shing bsags pas na/ grags bshes nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni 
phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang / khams dang / skye mched rnams 
'ba' zhig la rnam par smin par 'gyur ro/ /lus can dag gi las rnams ni/ /bskal pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur/ /dge slong dag sngon byung ba 'das pa'i dus na bskal pa bzang po 'di nyid la 
skye dgu'i tshe lo nyi khri thub pa na yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das 'od srung 
zhes bya ba 'jig rten du byung ste/ de grong khyer bA rA Na sI na drang srong smra ba ri dgas kyi nags na rten cing bzhugs so/ /de nas re zhig na tshong dpon gyi bu zhig dge slong rgan po zhig la rab tu byung ba las/ de yang le lo can zhig ste gzhan la bsnyen bkur byed mi 'dod do/ /

</font><hr>75-1-230a<br><font size=+1>

de nas tshangs pa mtshungs par spyod pa rnams kyis gnas brtan de nyid kyis bsnyen bkur byed par bskos pa dang de bdag ni bsnyen bkur byed pa yin no snyam du rgya cher 'dzin te/ dge slong ches rgan pa rnams kyi bsnyen bkur len par byed pas na/ de'i dge 
ba'i rtsa ba rnams zad de phyis re zhig na nad kyis btab pa dang / gnas brtan gyis sman pa'i lung bzhin du sman mar blud nas de mtshan mo skom ste ci bya gtol med nas chu btung snyam ste bdag gi chu snod kyi drung du song na chu med par mthong ngo / /de bzhin du mkhan po dang / slob 
dpon dang / dge 'dun gyi drung tshang du song na de dag kyang chu med par mthong ngo / /de nas re zhig na chu klung zlog byed kyi 'gram du song na de yang chu med par gyur te/ de mi dga' bar gyur nas bdag gi tshangs pa mtshungs par spyod pa rnams skyo ba skyed pa dang / dad 
pas byin pa lci bar bstan pa'i phyir chu klung zlog byed kyi pha rol na shing zhig yod pa la 'dzegs te/ ras zhig der btags nas rang gi las rnams las bsams te las la rten cing 'dug go/ /de nas re zhig na phyi de nyin par nam nangs pa dang gtam de tshangs pa 
mtshungs par spyod pa rnams la bsnyad do/ /de nas de'i tshangs pa mtshungs par spyod pa rnams kyis skabs de thos nas mi dga' bar gyur te phan tshun du bsnyad do/ /de nas de'i mkhan pos chu byin na de yang ma mthong ngo / /de nas de mi dga' bar gyur nas bcom ldan 
'das 'od srung la gsol te/ bcom ldan 'das 'od srung gis gaN+DI rdungs shig /ces bka' stsal to/ /de nas khang skyong gis gaN+DI brdungs pa dang / sangs rgyas la sogs pa dge slong gi dge 'dun rnams 'dus so/ /grong khyer bA rA Na sI thog thag tu yang 
gtam de grags te sems can 'bum phrag du ma 'dus so/ /de nas re zhig na de'i mkhan pos gral dpon gyi mdun du 'dug tu bcug nas ril ba spyi blugs chus bkang ste byin nas/ bu chu 'di dge 'dun la brims shig ces byas so/ /de nas 'bras bu mngon 

</font><hr>75-1-230b<br><font size=+1>

sum du mthong ba des skyo bar gyur pa de nyid kyis bcom ldan 'das dang nyan thos rnams la dad pa bskyed nas bsam pa drag pos chu de dge 'dun la brims so/ /de nas bcom ldan 'das kyis de la phan gdags pa'i phyir phyag glang po che'i sna lta bu brkyang nas 'jigs 
pa thams cad dbugs 'byin par byed pa'i phyag gis chu de bzhes te/ nyan thos chen po rnams kyis kyang blangs na 'on kyang zad par ma gyur to/ /dge 'dun thams cad la brims na yang zad par ma gyur to/ /de nas lha dang mi rnams dad par byed pa'i cho 'phrul ya mtshan ca
na de mthong nas srog chags 'bum phrag du mas bden pa mthong bar gyur to/ /de'i rgyud la yang dge ba'i rtsa ba rnams sor chud par gyur to/ /gang gi tshe nad sos pa de'i tshe des sangs rgyas la sogs pa dge slong gi dge 'dun chus mi brel bar byas te/ lo khri nyis 
stong gi bar du des dge 'dun la chu brims so/ /de nas phyis re zhig na 'chi ba'i dus la bab pa'i tshe smon lam btab pa/ dge ba'i rtsa ba dang / sems bskyed pa dang / sbyin par bya ba'i chos yongs su gtong ba 'dis na/ bcom ldan 'das 'od srung gis bram 
ze'i khye'u bla ma la bram ze'i khye'u khyod skye dgu'i tshe lo brgya thub pa na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya bar 'gyur ro zhes lung bstan pa gang yin pa de bdag gis mnyes par byed par gyur cig /mi mnyes par 
byed par ma gyur cig /bdag gi mche ba'i phrag nas kyang chu yan lag brgyad dang ldan pa 'byung bar gyur cig ces byas so/ /bcom ldan 'das kyis bka' stsal pa/ dge slong dag ji snyam du sems/ de'i tshe de'i dus na dge slong du gyur pa gang yin pa de ni 
grags bshes 'di yin te/ des lo khri nyis stong gi bar du dge 'dun la chu brims te smon lam btab pa des na tshe 'di la mche ba'i phrag nas chu 'byung la/ rgyu de nyid kyis na dgra bcom pa nyid mngon sum du byas so/ /dge slong dag de ltar na las gcig tu 

</font><hr>75-1-231a<br><font size=+1>

nges par gnag pa rnams ni rnam par smin pa yang gcig tu nges par gnag par 'gyur ro/ /las gcig tu nges par dkar ba rnams ni rnam par smin pa yang gcig tu nges par dkar bar 'gyur ro/ /las 'dren ma rnams ni rnam par smin pa yang 
'dren mar 'gyur ro/ /dge slong dag de bas na las gcig tu nges par gnag pa rnams dang las 'dren ma rnams spangs la/ las gcig tu nges par dkar ba rnams 'ba' zhig la gtad par bya ste/ dge slong khyed kyis de ltar bslab par bya'o/ /bcom 
ldan 'das kyis de skad ces bka' stsal nas dge slong de dag yi rangs te bcom ldan 'das kyis gsungs pa la mngon par bstod do// //rdzus te skyes pa zhes bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug po rnams dang /
pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / 
lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs 
rgyas bcom ldan 'das bsod nams chen po dang ldan pa/ na bza' dang /zhal zas dang / gzims cha dang / gdan dang / snyun gsos dang / sman zong rnams brnyes pa nyan thos kyi dge 'dun dang bcas pa sum cu rtsa gsum pa'i lha yul na shing 
gi rgyal po yongs 'du sa brtol gyi drung nas thag mi ring ba zhig na rdo leb snam bu dkar po lta bu'i steng du dbyar gnas par dam bzhes te/ sku skrun pa'i yum dang sum cu rtsa gsum pa'i lha gzhan dag la yang chos ston to/ /de'i tshe tshe dang ldan pa maud gal gyi bu 

</font><hr>75-1-231b<br><font size=+1>

chen po ni mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na dbyar gnas par dam bcas so/ /de nas 'khor bzhi po rnams tshe dang ldan pa maud gal gyi bu chen po ga la ba der dong ste lhags nas tshe dang ldan pa maud gal gyi 
bu chen po'i rkang pa la mgo bos phyag 'tshal te phyogs gcig tu 'khod do/ /phyogs gcig tu 'khod nas tshe dang ldan pa maud gal gyi bu chen pos chos kyi gtam gyis yang dag par bstan/ yang dag par 'dzin du bcug /yang dag par gzengs stod/ yang 
dag par dga' bar byed do/ /chos kyi gtam rnam grangs du mas yang dag par bstan/ yang dag par 'dzin du bcug /yang dag par gzengs bstod/ yang dag par dga' bar byas nas cang mi zer bar 'dug go/ /de nas 'khor bzhi po rnams stan 
las langs te bla gos phrag pa gcig tu gzar nas tshe dang ldan pa maud gal gyi bu chen po ga la ba de logs su thal mo sbyar ba btud de/ tshe dang ldan pa maud gal gyi bu chen po la 'di skad ces smras so/ /btsun pa maud gal gyi bu chen po khyod kyis da ltar bcom 
ldan 'das gang du dbyar gnas par dam bzhes pa chung zad gsan tam/ tshe dang ldan pa maud gal gyi bu chen pos smras pa/ kye bdag gis ni bcom ldan 'das sum cu rtsa gsum pa'i lha yul na shing gi rgyal po yongs 'du sa brtol gyi drung nas thag mi ring ba zhig na rdo 
leb snam bu dkar po lta bu'i steng du dbyar gnas par dam bzhes te/ sku skrun pa'i yum dang sum cu rtsa gsum pa'i lha gzhan dag la yang chos ston cing bzhugs so zhes thos so/ /de nas 'khor bzhi po rnams tshe dang ldan pa maud gal gyi bu chen pos smras pa la mngon 
par bstod cing rjes su yi rangs te rkang pa la phyag 'tshal nas stan las langs te dong ngo / /de nas 'khor bzhi po rnams dbyar zla ba gsum 'das nas tshe dang ldan pa maud gal gyi bu chen po ga la ba der dong ste lhags nas/ tshe dang ldan pa maud gal gyi bu chen po'i rkang 

</font><hr>75-1-232a<br><font size=+1>

pa la mgo bos phyag 'tshal te phyogs gcig tu 'khod nas tshe dang ldan pa maud gal gyi bu chen pos 'khor bzhi po rnams chos kyi gtam gyis yang dag par bstan/ yang dag par 'dzin du bcug /yang dag par gzengs stod/ yang dag par dga' 
bar byed do/ /chos kyi gtam rnam grangs du mas yang dag par bstan/ yang dag par 'dzin du bcug /yang dag par gzengs stod/ yang dag par dga' bar byas nas cang mi zer bar 'dug go/ /de nas 'khor bzhi po rnams stan las langs te bla gos 
phrag pa gcig tu gzar nas tshe dang ldan pa maud gal gyi bu chen po ga la ba de logs su thal mo sbyar ba btud de/ tshe dang ldan pa maud gal gyi bu chen po la 'di skad ces smras so/ /btsun pa maud gal gyi bu chen po mkhyen par mdzad du gsol/ bdag cag gis bcom 
ldan 'das kyi zhal ma mthong nas ring mo zhig lags te/ bdag cag ni bcom ldan 'das mthong bas skom lags so/ /bdag cag ni bcom ldan 'das mthong bar 'tshal te/ gal te btsun pa maud gal gyi bu chen po la gnod pa ma mchis na btsun pa maud gal gyi 
bu chen po bcom ldan 'das ga la ba der gshegs te byon nas zhabs la phyag bzhes te gnod pa chung ngam/ nyam nga ba chung ngam/ bskyod pa yang ngam/ 'tsho'am/ stobs dang ldan nam/ bde ba dang ldan nam/ mi bde ba mi mnga' 'am/ bde ba la reg 
par gnas sam zhes gsol la 'di skad ces kyang gsungs shig /btsun pa 'dzam bu'i gling pa'i 'khor bzhi po rnams bcom ldan 'das mthong bar 'tshal te/ 'di skad du btsun pa 'dzam bu'i gling pa'i mi rnams la ni gang gis 'dzam bu'i gling pa'i mi rnams 
bcom ldan 'das la blta ba dang / thad du mchi ba dang / bsnyen bkur bgyi ba'i slad du sum cu rtsa gsum pa'i lha yul du mchi ba de lta bu'i rdzu 'phrul dang mthu ma mchis la/ sum cu rtsa gsum pa'i lha rnams la ni gang gis sum cu rtsa gsum pa'i lha rnams 

</font><hr>75-1-232b<br><font size=+1>

bcom ldan 'das la blta ba dang thad du mchi ba dang / bsnyen bkur bgyi ba'i slad du 'dzam bu'i gling du mchi ba de lta bu'i rdzu 'phrul dang mthu mchis na thugs brtse ba'i slad du bcom ldan 'das sum cu rtsa gsum pa'i lha yul nas 'dzam bu'i gling du gshegs su 
gsol zhes mchi'o zhes mol du gsol/ de nas tshe dang ldan pa maud gal gyi bu chen pos 'khor bzhi po rnams la cang mi smra bas khas blangs so/ /de nas 'khor bzhi po rnams kyis tshe dang ldan pa maud gal gyi bu chen pos cang mi smra bar khas blangs par rig nas/ 
tshe dang ldan pa maud gal gyi bu chen po'i rkang pa la mgo bos phyag 'tshal te stan las langs te dong ngo / /de nas tshe dang ldan pa maud gal gyi bu chen pos 'khor bzhi po rnams dong nas ring po ma lon par rig nas ji ltar sems mnyam par bzhag na dper na mi stobs 
po che'i lag pa bskum pa las brkyang ba'am/ brkyang ba las bskum pa bzhin du tshe dang ldan pa maud gal gyi bu chen po mnyan du yod pa nas mi snang bar gyur te/ sum cu rtsa gsum pa'i lha'i yul na shing gi rgyal po yongs 'dus brtol gyi drung nas thag mi ring 
ba zhig na rdo leb snam bu dkar po lta bu 'dug pa der son par 'gyur ba de lta bu'i ting nge 'dzin la snyoms par zhugs so/ /de'i tshe bcom ldan 'das ni lha'i 'khor brgya phrag du ma'i gung la bzhugs te chos ston to/ /de nas tshe dang ldan pa maud gal gyi bu chen pos 
bcom ldan 'das lha'i 'khor brgya phrag du ma'i gung la bzhugs te chos ston pa mthong ngo / /mthong nas kyang 'dzum dmul te bcom ldan 'das ni ji ltar 'dzam bu'i gling na 'khor bzhi po rnams kyis gang ba bzhin du 'di na yang 'khor mang po dang bzhugs so 
snyam mo/ /de nas bcom ldan 'das kyis tshe dang ldan pa maud gal gyi bu chen po'i sems thugs kyis mkhyen nas tshe dang ldan pa maud gal gyi bu chen po la 'di skad ces bka' stsal to/ /maud gal gyi bu 'di dag la ni rang dbang med de/ gang gi tshe ngas deng 

</font><hr>75-1-233a<br><font size=+1>

shig ces bsams na ni de'i tshe 'dong bar 'gyur ro/ /gang gi tshe ngas shog shig ces bsams na ni de'i tshe 'ong bar 'gyur te/ sems kyis nga'i bsam pa shes nas 'ong ba dang 'dong bar 'gyur ro/ /de nas tshe dang ldan pa maud gal gyi bu 
chen po bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te phyogs gcig tu 'dug go/ /phyogs gcig tu 'dug nas tshe dang ldan pa maud gal gyi bu chen pos lha'i 'khor thams cad la bltas te/ bcom ldan 
'das la 'di skad ces gsol to/ /btsun pa kye ma lha'i 'khor sna tshogs 'dus shing 'khod lags so/ /lha'i 'khor gyi nang na sangs rgyas la shes nas dad pa dang ldan te lus dang bral nas 'dir skyes pa'i lha de lta bu dag kyang mchis so/ /chos dang dge 'dun 
dang 'phags pa dgyes pa'i tshul khrims la shes nas dad pa dang ldan te lus dang bral nas 'dir skyes pa dag kyang mchis so/ /de nas bcom ldan 'das kyis tshe dang ldan pa maud gal gyi bu chen pos smras pa la 'thun par dgongs te tshe dang ldan pa maud gal gyi bu chen po 
la 'di skad ces bka' stsal to/ /maud gal gyi bu chen po de ni de bzhin no/ /de ni de bzhin te/ kye ma lha'i 'khor sna tshogs 'dus shing 'khod do/ /lha'i 'khor gyi nang na sangs rgyas la shes nas dad pa dang ldan te lus dang bral nas 'dir skyes pa'i lha de lta bu 
dag kyang yod do/ /chos dang dge 'dun dang 'phags pa dgyes pa'i tshul khrims la shes nas dad pa dang ldan te lus dang bral nas 'dir skyes pa'i lha de lta bu dag kyang yod do/ /de nas lha'i dbang po brgya byin gyis bcom ldan 'das kyis gsungs pa dang / tshe dang 
ldan pa maud gal gyi bu chen pos smras pa la 'thun par bsams te/ tshe dang ldan pa maud gal gyi bu chen po la 'di skad ces smras so/ /btsun pa maud gal gyi bu chen po de ni de bzhin no/ /de ni de bzhin te/ kye ma lha'i 'khor sna tshogs 'dus shing 'khod do/ /lha'i 

</font><hr>75-1-233b<br><font size=+1>

'khor gyi nang na sangs rgyas la shes nas dad pa dang ldan te lus dang bral nas 'dir skyes pa'i lha de lta bu dag kyang yod do/ /chos dang dge 'dun dang 'phags pa dgyes pa'i tshul khrims la shes nas dad pa dang ldan te lus dang bral na sa 'dir skyes pa de lta bu dag 
kyang yod do/ /de nas lha'i bu gzhan zhig gis kyang bcom ldan 'das kyis gsungs pa dang / tshe dang ldan pa maud gal gyi bu chen po dang lha'i dbang po brgya byin gyis smras pa la 'thun par bsams te/ tshe dang ldan pa maud gal gyi bu chen po la 'di skad 
ces smras so/ /btsun pa maud gal gyi bu chen po de ni de bzhin no/ /de ni de bzhin te/ kye ma lha'i 'khor sna tshogs 'dus shing 'khod do/ /lha'i 'khor gyi nang na sangs rgyas la shes nas dad pa dang ldan te lus dang bral nas 'dir skyes pa'i lha de lta bu dag kyang 
yod do/ /chos dang dge 'dun dang 'phags pa dgyes pa'i tshul khrims la shes nas dad pa dang ldan te lus dang bral nas 'dir skyes pa de lta bu dag kyang yod do/ /de nas lha kha cig stan las langs te bla gos phrag pa gcig tu gzar nas/ bcom ldan 'das 
ga la ba de logs su thal mo sbyar ba btud de/ bcom ldan 'das la 'di skad ces gsol to/ /btsun pa bdag cag ni sangs rgyas la shes nas dad pa dang ldan te lus dang bral nas 'dir skyes lags so/ /lha gzhan dag gis kyang 'di skad ces gsol to/ /
btsun pa bdag cag ni chos dang dge 'dun dang 'phags pa dgyes pa'i tshul khrims la shes nas dad pa dang ldan te lus dang bral nas 'dir skyes lags so/ /de nas der lha brgya phrag du ma dang / lha stong phrag du ma dang / lha 'bum phrag du ma bcom ldan 
'das kyi spyan sngar so so'i rgyun du zhugs pa'i 'bras bu brda sprod pa byas nas de nyid du mi snang bar gyur to/ /de nas tshe dang ldan pa maud gal gyi bu chen pos lha rnams dong bar rig nas bla gos phrag pa gcig tu gzar te/ bcom ldan 'das ga la ba de logs su thal 

</font><hr>75-1-234a<br><font size=+1>

mo sbyar ba btud nas/ bcom ldan 'das la 'di skad ces gsol to/ /btsun pa 'dzam bu'i gling na 'khor bzhi po mchis pa rnams bcom ldan 'das kyi zhabs la phyag 'tshal te/ gnod pa chung ngam/ nyam nga ba nyung ngam/ bskyod pa 
yang ngam/ 'tsho'am/ stobs dang ldan nam/ bde ba dang ldan nam/ mi bde ba mi mnga' 'am/ bde ba la reg pa la gnas sam zhes kyang mchis lags so/ /bcom ldan 'das kyis bka' stsal pa/ maud gal gyi bu khyod dang 'dzam bu'i gling na 'khor 
bzhi po 'khod pa rnams bde bar gyur cig maud gal gyi bus gsol pa/ btsun pa 'dzam bu'i gling na 'khor bzhi po mchis pa rnams ni bcom ldan 'das kyi zhal mthong bar 'tshal te 'di skad ces kyang mchi'o/ /btsun pa 'dzam bu'i gling pa'i mi rnams 
bcom ldan 'das la blta ba dang / thad du mchi ba dang / bsnyen bkur bgyi ba'i slad du sum cu rtsa gsum pa'i lha yul du mchi ba de lta bu'i rdzu 'phrul dang mthu ma mchis la/ sum cu rtsa gsum pa'i lha rnams la ni gang gis sum cu rtsa gsum pa'i lha rnams 
bcom ldan 'das la blta ba dang / thad du mchi ba dang / bsnyen bkur bgyi ba'i slad du 'dzam bu'i gling du mchi ba de lta bu'i rdzu 'phrul dang mthu mchis na/ thugs brtse ba'i slad du bcom ldan 'das sum cu rtsa gsum pa'i lha yul nas 'dzam bu'i 
gling du gshegs su gsol zhes kyang mchi'o/ /bcom ldan 'das kyis bka' stsal pa/ maud gal gyi bu 'o na khyod 'dzam bu'i gling du song la 'khor bzhi po rnams la/ kye bcom ldan 'das ni da ste zhag bdun na sum cu rtsa gsum pa'i lha yul 
nas 'dzam bu'i gling du grong khyer snang ldan gyi 'dab/ a pad dza ra'i nags su shing u dum ba ra'i drung du gshegs so zhes sbron cig /de nas tshe dang ldan pa maud gal gyi bu chen pos bcom ldan 'das kyis bka' stsal pa mnyan te/ bcom ldan 'das 

</font><hr>75-1-234b<br><font size=+1>

kyi zhabs la mgo bos phyag 'tshal nas ji ltar sems mnyam par bzhag na/ dper na mi stobs po che'i lag pa bskum pa las brkyang ba'am/ brkyang ba las bskum pa bzhin du tshe dang ldan pa maud gal gyi bu chen po sum cu rtsa gsum pa'i lha yul nas mi snang 
bar gyur te 'dzam bu'i gling du son par 'gyur ba de lta bu'i ting nge 'dzin la snyoms par zhugs so/ /de nas tshe dang ldan pa maud gal gyi bu chen po 'dzam bu'i gling du 'ongs nas 'khor bzhi po rnams la sbran pa/ kye bcom ldan 'das ni da ste zhag bdun na sum cu rtsa 
gsum pa'i lha yul nas 'dzam bu'i gling du grong khyer snang ldan gyi 'dab/ a pad dza ra'i nags su shing u dum ba ra'i drung du gshegs so zhes byas so/ /de nas zhag bdun lon pa dang bcom ldan 'das sum cu rtsa gsum pa'i lha yul nas 'dzam bu'i gling du 
grong khyer snang ldan gyi 'dab/ a pad dza ra'i nags su shing u dum bA ra'i drung du gshegs so/ /gang gi tshe bcom ldan 'das grong khyer snang ldan du gshegs pa de'i tshe srog chags 'bum phrag du ma bcom ldan 'das la blta ba'i phyir 'dus so/ /de nas der 
dge slong rdzus te skyes pa zhig byung ste/ des bcom ldan 'das nyan thos kyi dge 'dun dang bcas pa dang / lha dang / lha ma yin dang / nam mkha' lding dang / mi 'am ci dang / lto 'phye chen po de dag bshos la spyan drangs nas/ re zhig na gdugs 
tshod la bab pa dang sems bskyed ma thag tu lha'i gdan dar yug khyim chen pos g.yogs pa dag dang / lha'i zhal zas bza' ba dang bca' ba dag byung bar gyur to/ /de nas dge slong rdzus te skyes pa des bcom ldan 'das lha'i zhal zas kyis tshim par byas te/ 
lha dang / lha ma yin dang / nam mkha' lding dang / mi 'am ci dang / lto 'phye chen po de dag la yang bkur sti legs par byas so/ /de nas bcom ldan 'das kyis de'i bsam pa dang / bag la nyal dang / khams dang / rang bzhin thugs su chud 

</font><hr>75-1-235a<br><font size=+1>

nas de lta bu'i chos bstan pa mdzad de/ de thos nas dge slong rdzus te skyes pas phol mig lnga pa'i 'khor ba'i 'khor lo 'di nyid g.yo zhing mi brtan par rig nas 'du byed kyi rnam pa thams cad snyil ba dang / ltung ba dang / rnam par 'thor ba dang / 
rnam par 'jig pa'i chos can yin par rtsad chod de/ nyon mongs pa thams cad spangs nas dgra bcom pa nyid mngon sum du byas te/ dgra bcom pa khams gsum pa'i 'dod chags dang bral bar gyur nas gser dang bong bar mnyam pa/ nam mkha' dang lag 
mthil du 'dra ba'i sems dang ldan pa/ tsan dan sbangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / 
bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang gus par smra ba'i gnas su gyur to/ /de nas dge slong dag the tsom skyes te/ the tsom thams cad gcod pa sangs rgyas bcom ldan 'das la zhus pa/ btsun pa rdzus 
te skyes pas las gang dag bgyis na de rdzus te skyes par gyur la/ 'dis sems bskyed pa'i mod la ci bsams pa dang / ci 'tshal ba de dag thams cad 'grub par 'gyur ba lags/ bcom ldan 'das kyis bka' stsal pa/ dge slong dag rdzus te 
skyes pa nyid kyis sngon tshe rabs gzhan dag tu tshogs rnyed cing rkyen grub pa dang ldan te dba' rgal bzhin du 'byung la/ gdon mi za bar 'ong ba'i las de dag byas shing bsags pas na/ rdzus te skyes pa nyid kyis las byas shing bsags pa de dag gzhan su zhig 
gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang mi 

</font><hr>75-1-235b<br><font size=+1>

dge ba byas shing bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro/ /lus can dag gi las rnams ni/ /bskal pa brgyar yang chud mi za/ /tshogs shing dus la bab pa na/ /'bras 
bu nyid du smin par 'gyur/ /dge slong dag sngon byung ba 'das pa'i dus na bskal pa dgu bcu rtsa gcig pa la skye dgu'i tshe lo brgyad khri thub pa na de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar 
gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das rnam par gzigs zhes bya ba 'jig rten du byung ste/ de grong khyer gnyen ldan na rten cing bzhugs so/ /de 
nas re zhig na grong med pa dgon pa'i gnas shig na dge slong lnga dbyar gnas par dam bcas pa las de'i nang nas dge slong gcig gis dge slong bzhi'i zhal ta byas nas/ de dag gis brtson pa dang / bsgrub pa dang / 'bad pas nyon mongs pa thams cad spangs 
nas dgra bcom pa nyid mngon sum du byas so/ /dge slong cig shos kyis ni de dag gi rkang pa la phyag 'tshal nas smon lam btab pa/ 'di ltar 'di rnams kyis bdag las brten te dgra bcom pa nyid mngon sum du byas pa'i dge ba'i rtsa ba dang / sems bskyed pa 
dang / sbyin par bya ba'i chos yongs su gtong ba 'dis na bdag rab tu byung ste yo byad kyi khyad par dag gis brel bar ma gyur cig ces byas so/ /dge slong dag ji snyam du sems/ de'i tshe de'i dus na dge slong zhal ta byed par gyur pa gang yin pa de ni rdzus 
te skyes pa 'di yin no/ /gsol pa/ btsun pa rdzus te skyes pas las gang dag bgyis na des rdzus te skyes lags/ bcom ldan 'das kyis bka' stsal pa/ dge slong dag sngon byung ba 'das pa'i dus na bskal pa bzang po 'di nyid la skye dgu'i tshe lo nyi khri thub 

</font><hr>75-1-236a<br><font size=+1>

pa na de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa/ 
sangs rgyas bcom ldan 'das 'od srung zhes bya ba 'jig rten du byung ste/ de grong khyer bA rA Na sI na drang srong smra ba ri dgas kyi nags na rten cing bzhugs so/ /de'i tshe de na tshong dpon zhig gnas pa de'i chung ma bu btsa' ba'i tshe sdug bsngal gyi tshor bas nyen te nyam thag 
pa'i skad 'byin cing ngu ba dang / des de'i sgra thos nas mchog tu mi dga' bar gyur te/ mya ngan gyi khang bur zhugs nas lag pa la rkom tshugs bcas te sems khong du chud cing 'dug pa las de'i blo skyes pa/ ma la bdag bcom ldan 'das kyi bstan pa la rab 
tu byung la/ ci nas bdag gis nams kyang mngal du gnas pa nyams su myong bar ma gyur cig ces smon lam gdab gor ma chag snyam ste/ de skyo bar gyur pa de nyid kyis bcom ldan 'das 'od srung gi gsung rab la rab tu byung nas des smon lam btab pa/ dge 
ba'i rtsa ba dang sems bskyed pa 'dis na bdag gang dang gang du skye ba de dang der rdzus te skye bar gyur cig /nams kyang mngal du gnas pa nyams su myong bar ma gyur cig ces byas so/ /bcom ldan 'das kyis bka' stsal pa/ dge slong dag ji snyam du sems/ de'i 
tshe de'i dus na tshong dpon du gyur pa gang yin pa de ni rdzus te skyes pa 'di yin te/ smon lam btab pa des na rdzus te skyes par gyur to/ /des der dbang po rnams yongs su smin par byas pa des ni da ltar dgra bcom pa nyid mngon sum du byas so/ /dge slong dag de 
ltar na las gcig tu nges par gnag pa rnams ni rnam par smin pa yang gcig tu nges par gnag par 'gyur ro/ /las gcig tu nges par dkar ba rnams ni rnam par smin pa yang gcig tu nges par dkar bar 'gyur ro/ /las 'dren ma rnams ni rnam par 

</font><hr>75-1-236b<br><font size=+1>

smin pa yang 'dren mar 'gyur ro/ /dge slong dag de bas na las gcig tu nges par gnag pa rnams dang las 'dren ma rnams spangs la/ las gcig tu nges par dkar ba rnams 'ba' zhig la gtad par bya ste/dge slong khyed kyis de ltar bslab par 
bya'o/ /bcom ldan 'das kyis de skad ces bka' stsal nas/ dge slong de dag yi rangs te bcom ldan 'das kyis gsungs pa la mngon par bstod do// //mdzes pa zhes bya ba ni/ sangs rgyas bcom ldan 'das la rgyal po rnams dang / 
blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams 
dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po 
rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa ser skya'i 
gnas na shing n+ya gro d+hA'i kun dga' ra ba na bzhugs so/ /de'i tshe ser skya'i gnas na shAkya phyug cing nor mang la longs spyod che ba/ yongs su 'dzin pa yangs shing rgya che ba rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa des 
rigs mnyam pa las chung ma blangs nas/ de de dang lhan cig tu rtse zhing dga' la dga' mgur spyod do/ /de rtse zhing dga' la dga' mgur spyod pa las chung ma la bu chags nas/ de zla ba brgyad dam dgu lon pa dang bu byung ste/ khye'u gzugs bzang 

</font><hr>75-1-237a<br><font size=+1>

zhing blta na sdug la mdzes pa/ mi'i kha dog las ni 'das/ lha'i kha dog ni ma thob pa zhig btsas nas/ de btsas pa'i tshe shin tu rmad du byung ba du ma byung bar gyur te/ de dag gis grong khyer ser skya'i gnas thog thag mdzes par 
byas so/ /de nas de btsas pa'i btsas ston byas nas khye'u 'di'i ming ji skad gdags zhes ming 'dogs par byed de/ nye du rnams na re 'di btsas pa na grong khyer ser skya'i gnas mdzes par byas pas na de'i phyir khye'u 'di'i ming mdzes pa zhes gdags so zhes zer ro/ /
de nas khye'u mdzes pa pang na 'tsho ba'i ma ma gnyis dang / nu ma snun pa'i ma ma gnyis dang / dri ma 'khru ba'i ma ma gnyis dang / rtse ba'i ma ma gnyis te/ ma ma brgyad la gtad nas/ de ma ma brgyad kyis 'o ma dang / zho dang / mar dang / zhun mar dang / 
mar gyi nying khu dang / gzhan yang yo byad kyi khyad par bzang ngo cog gis bskyed bsrings te mtsho'i nang gi pad ma bzhin du skye drag par gyur to/ /de nas gang gi tshe cher skyes pa de'i tshe bcom ldan 'das la blta ba'i phyir shing n+ya gro d+hA'i kun dga' ra bar song ngo / /de 
nas des sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan pa/ dpe byad bzang po brgyad cus mdzes par byas pa/ 'od 'dom gang gis brgyan pa/ nyi ma stong bas lhag pa'i 'od mnga' ba/ rin po che'i ri bo 
'gro ba lta bu kun nas bzang ba mthong nas/ mthong ma thag tu des bcom ldan 'das la sems dga' ba bskyed do/ /de dga' ba skyes nas bcom ldan 'das kyi zhabs la phyag 'tshal te chos mnyan pa'i phyir bcom ldan 'das kyi spyan sngar 'dug go/ /de nas 
bcom ldan 'das kyis de'i bsam pa dang / bag la nyal dang / khams dang / rang bzhin thugs su chud nas 'phags pa'i bden pa bzhi rtogs par 'gyur ba de lta bu'i chos bstan te/ de thos nas khye'u mdzes pas 'jig tshogs la lta ba'i ri'i rtse mo 

</font><hr>75-1-237b<br><font size=+1>

mthon po nyi shu ye shes rdo rjes bcom nas rgyun du zhugs pa'i 'bras bu mngon sum du byas te/ des bden pa mthong nas pha ma la gsol te/ bcom ldan 'das kyi bstan pa la rab tu byung nas/ des brtson pa dang / bsgrub pa dang / 'bad pas phol 
mig lnga pa'i 'khor ba'i 'khor lo 'di nyid g.yo zhing mi brtan par rig nas 'du byed kyi rnam pa thams cad snyil ba dang / ltung ba dang / rnam par 'thor ba dang / rnam par 'jig pa'i chos can yin par rtsad chod de/ nyon mongs pa thams cad spangs 
nas dgra bcom pa nyid mngon sum du byas te/ dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan sbangs pa lta bur bsil 
bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba/ dbang po dang nye dbang dang bcas pa'i lha rnams 
kyis mchod cing rjed pa dang / gus par smra ba'i gnas su gyur to/ /de nas dge slong dag the tshom skyes te/ the tshom thams cad gcod pa sangs rgyas bcom ldan 'das la zhus pa/ btsun pa mdzes pas las gang dag bgyis na de gzugs bzang zhing / blta 
na sdug la mdzes te/ mi'i kha dog las ni 'das/ lha'i kha dog ni ma thob par gyur la/ 'di btsas pa'i tshe yang shin tu rmad du byung ba du ma byung bar gyur te/ de dag gis grong khyer ser skya'i gnas kun tu mdzes par bgyis lags/ bcom ldan 'das 
kyis bka' stsal pa/ dge slong dag mdzes pa nyid kyis sngon tshe rabs gzhan dag tu tshogs rnyed cing rkyen grub pa dang ldan te dba' rgal bzhin du 'byung la/ gdon mi za bar 'ong ba'i las de dag byas shing bsags pas na/ mdzes pa nyid kyis las byas 

</font><hr>75-1-238a<br><font size=+1>

shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams 
la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro/ /lus can dag gi las rnams ni/ /bskal pa brgyar yang chud 
mi za/ /tshogs shing dus la bab pa na/ /'bras bu nyid du smin par 'gyur/ /dge slong dag sngon byung ba 'das pa'i dus na bskal pa bzang po 'di nyid la skye dgu'i tshe lo bzhi khri thub pa na de bzhin gshegs pa dgra bcom pa yang dag par rdzogs pa'i sangs rgyas rig 
pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das 'khor ba 'jig ces bya ba 'jig rten du byung ste/ de rgyal po'i 
pho brang grong khyer mdzes ldan na rten cing bzhugs so/ /de nas rgyal po mdzes pas de'i dbu skra dang sen mo'i mchod rten brtsigs so/ /de nas re zhig na de'i dus ston zhig byung ba'i tshe mdza' sde dag cig mchod rten gyi drung du dong ba las/ de dag gis mchod rten 
de mthong nas dad pa skyes te me tog btags so/ /de dag gi nang nas mdza' sde bo gcig na re bdag la ni ci yang med kyis/ bdag ni ci yang mi byed do zhes zer nas de mdza' sde de dag gi nang nas phyir byung ba las de 'gyod pa skyes te/ des me tog rnam pa 
sna tshogs btus nas mchod rten de nyid la phul lo/ /bcom ldan 'das kyis bka' stsal pa/ dge slong dag ji snyam du sems/ de'i tshe de'i dus na mdza' sde bo 'gyod pa skyes nas yang dag par rdzogs pa'i sangs rgyas 'khor ba 'jig gi dbu skra dang sen mo'i 

</font><hr>75-1-238b<br><font size=+1>

mchod rten la me tog 'bul ba gang yin pa de ni mdzes pa 'di yin no/ /dge slong dag mdzes pas ni las gzhan dag kyang byas shing bsags te/ dge slong dag sngon byung ba 'das pa'i dus na grong khyer bA rA Na sI na tshong dpon zhig gnas pa des rang sangs rgyas nad 
pa zhig mthong ngo / /de nas dad pa skyes te rkang pa la phyag 'tshal nas bsod snyoms kyang phul/ gos kyang phul lo/ /dge slong dag ji snyam du sems/ de'i tshe de'i dus na tshong dpon du gyur pa gang yin pa de ni mdzes pa 'di yin no/ /gzhan yang bcom 
ldan 'das 'od srung gi ring la mi dbul po shing thun zhig tu gyur te/ de ri'i sul zhig tu shing thur song ba dang / des mchod rten zhig mthong na mchod rten de'i 'khor sa na rtswa dag kyang skyes so/ /de nas de dad pa skyes nas des rtswa rnams kyang phyung ste phyags ma thogs 
nas mchod rten dang mchod rten gyi 'khor sa phyags so/ /de nas zhabs la phyag 'tshal te smon lam btab pa/ dge ba'i rtsa ba dang / sems bskyed pa 'dis na bdag gzugs bzang zhing blta na sdug la mdzes par gyur cig /ma 'ongs pa'i dus na yang 
dag par rdzogs pa'i sangs rgyas rnams mnyes par byed par gyur cig /mi mnyes par byed par ma gyur cig ces byas so/ /bcom ldan 'das kyis bka' stsal pa/ dge slong dag ji snyam du sems/ de'i tshe de'i dus na dbul po shing thun du gyur pa gang yin 
pa de ni mdzes pa 'di nyid yin te/ des mchod rten dang mchod rten gyi 'khor sa phyags pa des na gang dang gang du skyes pa de dang der gzugs bzang zhing blta na sdug la mdzes par gyur to/ /rgyu de nyid kyis na da ltar yang dgra bcom pa nyid mngon sum du byas so/ /dge slong 
dag de ltar na las gcig tu nges par gnag pa rnams ni rnam par smin pa yang gcig tu nges par gnag par 'gyur ro/ /las gcig tu nges par dkar ba rnams ni rnam par smin pa yang gcig tu nges par dkar bar 'gyur ro/ / las 'dren ma rnams ni rnam par smin 

</font><hr>75-1-239a<br><font size=+1>

pa yang 'dren mar 'gyur ro/ /dge slong dag de bas na las gcig tu nges par gnag pa rnams dang las 'dren ma rnams spangs la/ las gcig tu nges par dkar ba rnams 'ba' zhig la gtad par bya ste/ dge slong khyed kyis de ltar bslab par 
bya'o/ /bcom ldan 'das kyis de skad ces bka' stsal nas dge slong de dag yi rangs te bcom ldan 'das kyis gsungs pa la mngon par bstod do// //gang po la sogs pa'i rtogs pa brjod pa brgya pa/bam po nyi shu pa/ ka pi na zhes 
bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod 
sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / 
nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang /gdan dang / snyun gsos dang / sman zong 
rnams brnyes pa/ nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ /de'i tshe lho phyogs na rgyal po rtog ldan zhes bya ba rgyal po byed de/ de'i ring la 'byor pa dang / 
rgyas pa dang / bde ba dang / lo legs pa dang / skye bo dang mi mang pos gang ba dang / rtsod pa dang / 'thab pa zhi ba dang / 'khrug pa dang / nang 'khrug dang / chom rkun dang / mu ge dang / nad rnams med pa dang / 'bras sA lu dang / bu ram 

</font><hr>75-1-239b<br><font size=+1>

shing dang / ba lang dang / ma he dang ldan par 'dug ste/ gnod pa med cing tsher ma dkrugs la bu gcig pa la bya ba bzhin du rgyal srid bskyangs so/ /de nas phyis re zhig na de btsun mo dang lhan cig tu rtse zhing dga' la dga' mgur spyod do/ /de 
rtse zhing dga' la dga' mgur spyod pa las btsun mo la bu chags nas/ de zla ba brgyad dam dgu lon pa dang bu byung ste/ khye'u gzugs bzang zhing blta na sdug la mdzes pa yan lag dang / nying lag thams cad dang ldan pa zhig btsas so/ /de nas de btsas 
pa'i btsas ston byas nas ka pi na zhes ming btags so/ /de nas khye'u ka pi na pang na 'tsho ba'i ma ma gnyis dang / nu ma snun pa'i ma ma gnyis dang / dri ma 'khru ba'i ma ma gnyis dang / rtse ba'i ma ma gnyis te ma ma brgyad la gtad nas/ de ma ma brgyad kyis 'o 
ma dang / zho dang / mar dang / zhun mar dang / mar gyi nying khu dang / gzhan yang yo byad kyi khyad par bzang ngo cog gis bskyed bsrings te mtsho'i nang gi pad ma bzhin du skye drag par gyur to/ /gang gi nyin par rgyal po'i bu ka pi na btsas pa de kho na'i 
nyin par blon po khri brgyad stong gi bu yang btsas te/ thams cad kyang tshan po che'i stobs dang ldan pa sha stag go/ /de dag gi ming yang so so'i rkyen rkyen du 'tsham par btags so/ /de nas re zhig na rgyal po rtog ldan shi nas de'i 'og tu bu ka pi na rgyal por 
bcug go/ /blon po'i bu khri brgyad stong po de dag thams cad kyang rgyal po'i blon por bskos so/ /de nas phyi zhig na rgyal po ka pi na chen po blon po khri brgyad stong gis zhabs 'bring byas te ri dgas shor du song ba dang des mdun logs dang rgyab logs su dpung 
chen po thams cad bltas nas blon po rnams la dris pa/ kwa'e da ltar nga'i dpung chen po 'di lta bu dag gzhan su la yod ces byas so/ /de nas blon po snyan par smra ba rnams kyis lha su la yang ma mchis so zhes byas so/ /de nas yul dbus nas tshong pa dag cig 

</font><hr>75-1-240a<br><font size=+1>

lho phyogs su song ba de dag gis rgyal po ka pi na chen po la skyes phul lo/ /de nas rgyal pos smras pa/ kye tshong pa dag yul de'i rgyal po su yin/ tshong pa rnams kyis gsol pa/ lha yul kha cig na ni mang po tshogs pa dbang bgyid do/ /yul kha cig 
na ni rgyal po dbang bgyid do/ /de nas re zhig na rgyal po ka pi na chen pos mnyan du yod pa la sogs pa grong khyer chen po drug tu pho nya btang ste/ gal te khyod 'greng ba la bab pa na yang ma 'dug par myur du sheg shig /de ltar ma byas na chad pas cher gcod do zhes byas so/ /
de nas tshig de thos nas grong khyer chen po drug na gnas pa'i rgyal po rnams 'jigs shing skrag la mi dga' ste skyi bung zhes byas nas 'dus shing tshogs te gros 'thun par byas nas mnyan du yod par lhags so/ /de nas bcom ldan 'das kyi thad du dong ste gtam de bcom ldan 
'das la rgyas par gsol to/ /de nas bcom ldan 'das kyis de dag dbugs phyung ste pho nya de nga'i thad du khug shig ces bka' stsal to/ /de nas de dag gis pho nya la kho bo cag gi rgyal po'i yang rgyal po yod kyis re zhig de'i spyan sngar mchi shig ces bsgo'o/ /de nas bcom ldan 'das kyis pho nya 'ong bar thugs su chud nas rgyal bu rgyal byed kyi tshal lha'i grong khyer blta na sdug dang 'dra bar rin po che sna bzhir sprul to/ /rgyal po chen po bzhi ni de'i sgo dpon lta bur bkod do/ /glang po che sa srung gi bu lta bu dag dang / rta sprin 
gyi shugs can lta bu dag dang / shing rta dga' byed sgra lta bu dag dang / mi gnod sbyin mi bzad pa lta bu dag kyang bkod do/ /bcom ldan 'das nyid ni 'khor los sgyur ba'i rgyal po'i cha lugs su sprul to/ /seng ge'i khri 'phang du ta la bdun tsam yod pa 
yang sprul te/ de la bcom ldan 'das bzhugs so/ /de nas pho nyas de lta bur mdzes pa dag mthong nas mchog tu ya mtshan du gyur to/ /de nas bcom ldan 'das kyis phrin yig bris nas pho nya de la bka' stsal pa/ rgyal po ka pi na la nga na re phrin yig 

</font><hr>75-1-240b<br><font size=+1>

mthong ba kho na'i tshe gal te khyod 'greng ba la bab na yang ma 'dug par myur du shog shig /gal te ma 'ongs na nga dpung gi tshogs chen po dang 'ong ngo zhes gyis shig /de nas pho nya song ste rgyal po ka pi na chen po la phrin yig dang kha than du btab pa de dag thams cad byas 
so/ /de nas rgyal po ka pi na chen po blon po khri brgyad stong gis zhabs 'bring byas te mthar gyis song song nas mnyan du yod par phyin pa dang / nyi 'og gi rgyal po rnams kyis rgyal po ka pi na chen po bsu nas de dag gis bkur sti chen pos grong khyer du gshegs su 
gsol te mnyel bso nas bcom ldan 'das la gsol to/ /de nas bcom ldan 'das kyis de 'ong bar thugs su chud nas thams cad snga ma bzhin du sprul to/ /de nas rgyal po ka pi na chen po rgyal bu rgyal byed kyi tshal du song nas mthong ma thag tu de'i gzugs la 
gzugs kyi rgyags pa dang / dbang phyug la dbang phyug gi rgyags pa gang yin pa de med par gyur to/ /stobs kyi dregs pa ni da dung yod bzhin no/ /de nas bcom ldan 'das kyis 'jig rten pa'i dgongs pa bskyed de lha'i dbang po brgya byin gyis dbang po'i gzhu 
khyer te 'ongs na legs so snyam du dgongs nas bcom ldan 'das kyis dgongs pa bskyed pa'i mod la lha'i dbang po brgya byin gyis kha lo pa'i cha lugs kyis dbang po'i gzhu phul lo/ /de nas bcom ldan 'das kyis rgyal po ka pi na chen po la byin na/ de rgyal po ka pi 
na chen pos bteg par yang ma nus na bdung bar lta ga la nus/ de nas bcom ldan 'das kyis lcags kyi rnga bo che bdun sprul te nyid kyis gzhu de zla gam bzhin du bdungs nas gnam mda' 'phangs te/ des lcags kyi rnga bo che bdun char thal phyung nas de las sgra byung 
ba/ nges par 'byung ba brtsam par gyis/ /sangs rgyas bstan la sbyor bar gyis/ /'dam bu'i khyim la glang chen bzhin/ /'chi bdag sde ni gzhom par gyis/ /gang zhig chos 'dul 'di nyid la/ /bag yod spyod par byed pa ni/ /skye ba'i 'khor ba rab spangs 

</font><hr>75-1-241a<br><font size=+1>

nas/ /sdug bsngal zad par byed par 'gyur/ /zhes bya ba'i sgra byung nas sgra de yang 'og min gyi lha'i yul man chad du grag go/ /de nas rgyal po ka pi na chen po'i stobs kyi dregs pa de yang med par gyur te de'i blo skyes pa/ e ma de ci zhig snyam mo/ /
de nas bcom ldan 'das kyis rgyal po ka pi na chen po'i sems kyi rgyu ba thugs su chud nas 'khor los sgyur ba'i rgyal po'i cha lugs mi snang bar mdzad de mdo 'di gsungs so/ /dge slong dag de bzhin gshegs pa dgra bcom pa yang dag par rdzogs pa'i sangs rgyas ni 
stobs bcu dang ldan pa/ mi 'jigs pa bzhis mi 'jigs pa/ khyu mchog gi gnas rgya chen po la dam bcas pa/ tshangs pa'i 'khor lo bskor ba/ 'khor gyi nang du yang dag pa'i seng ge'i sgra sgrogs pa ste/ 'di lta ste/ 'di yod na 'di 'byung la/ 'di 
skyes pas 'di skye bar 'gyur te/ 'di lta ste/ ma rig pa'i rkyen gyis 'du byed rnams/ 'du byed kyi rkyen gyis rnam par shes pa/ rnam par shes pa'i rkyen gyis ming dang gzugs/ ming dang gzugs kyi rkyen gyis skye mched drug /skye mched drug gi rkyen gyis reg 
pa/ reg pa'i rkyen gyis tshor ba/ tshor ba'i rkyen gyis sred pa/ sred pa'i rkyen gyis len pa/ len pa'i rkyen gyis srid pa/ srid pa'i rkyen gyis skye ba/ skye ba'i rkyen gyis rga shi dang / mya ngan dang / smre sngags 'don pa dang / sdug bsngal ba dang / 
yid mi bde ba dang / 'khrug pa rnams 'byung bar 'gyur te/ de ltar na sdug bsngal gyi phung po chen po 'ba' zhig po 'di 'byung bar 'gyur ro/ /'di lta ste/ 'di med na 'di mi 'byung la/ 'di 'gags pas 'di 'gag par 'gyur te/ 'di lta ste/ ma rig pa 
'gags pas 'du byed 'gag /'du byed 'gags pas rnam par shes pa 'gag /rnam par shes pa 'gags pas ming dang gzugs 'gag /ming dang gzugs 'gags pas skye mched drug 'gag /skye mched drug 'gags pas reg pa 'gag /reg pa 'gags 

</font><hr>75-1-241b<br><font size=+1>

pas tshor ba 'gag /tshor ba 'gags pas sred pa 'gag /sred pa 'gags pas len pa 'gag /len pa 'gags pas srid pa 'gag /srid pa 'gags pas skye ba 'gag /skye ba 'gags pas rga shi dang / mya ngan dang / smre sngags 'don pa dang / 
sdug bsngal ba dang / yid mi bde ba dang / 'khrug pa rnams 'gag par 'gyur te/ de ltar na sdug bsngal gyi phung po chen po 'ba' zhig po 'di 'gag par 'gyur ro/ /dge slong dag nga'i chos ni legs par gsungs pa/ gsal bar rnam par phye ba/ rgyu ba gcod 
pa/ lha dang mi man cad la yang dag par legs par bstan pa yin te/ de ltar chos ni legs par gsungs pa/gsal bar rnam par phye ba/ rgyu ba gcod pa/ lha dang mi man cad la yang dag par legs par bstan pa la ni rigs kyi bu dad pas rab tu 
byung bas ston pa'i bstan pa la brtson par bya ba'i rigs pa kho na'o/ /sbyor bar bya ba'i rigs so/ /bag yod par bya ba'i rigs so/ /lus kyi sha khrag kun skams te/ pags pa dang / chu ba dang / rus pa 'bab zhig lus pa ni sla'i/ chos rnams la brtson 
'grus brtsams pa/ mthu dang ldan pa/ brtson 'grus dang ldan pa/ spro ba dang ldan pa/ mthu rtsal dang ldan pa/ brtson pa mi 'dor bas thob par bya ba gang yin pa de ma thob kyi bar du bar ma dor brtson 'grus gtang bar ni mi bya'o/ /de ci'i phyir zhe na/ le lo 
can ni sdug bsngal bzhin du gnas pa ste/ sdig pa mi dge ba'i chos kun nas nyon mongs par byed pa/ yang srid par skye bar byed pa/ rims nad dang bcas pa/ sdug bsngal gyi rnam par smin pa dang ldan pa/ phyi ma la skye ba dang / rga shir 'gyur ba rnams 
dang 'dres pa yin te/ de'i ni don chen po yang yongs su nyams par 'gyur ro/ /brtson 'grus brtsams pa ni bde bar gnas pa ste/ sdig pa mi dge ba'i chos kun nas nyon mongs par byed pa/ yang srid par skye bar byed pa rims nad dang bcas pa/ sdug bsngal 

</font><hr>75-1-242a<br><font size=+1>

gyi rnam par smin pa dang ldan pa/ phyi ma la skye ba dang rga shir 'gyur ba rnams dang ma 'dres pa yin te/ de'i ni don chen po yang yongs su rdzogs par 'gyur ro/ /dge slong dag 'di lta ste/ ston pa yang mngon sum du bzhugs la chos 
kyang ston te nye bar zhi bar byed pa/ yongs su mya ngan las 'da' bar byed pa/ rdzogs pa'i byang chub tu 'gro bar byed pa/ bde bar gshegs pas gsungs pa'i gsung rab 'di ni snying khu btung bar 'os pa yin no/ /dge slong dag de bas na bdag gi don dang / 
gzhan gyi don dang / gnyi ga'i don yang dag par mthong ba rnams kyis ni 'di la so so nas legs par bslab par bya ste/ ji ltar byas na bdag cag rab tu byung ba don yod pa dang / 'bras bu dang bcas pa dang / bde ba skyed pa dang / bde ba'i rnam par smin par 
'gyur la/ gang dag gi gos dang / zas dang / mal cha dang / stan dang / nad gsos dang / sman zong rnams bdag cag gis longs spyod pa de dag gi bkur sti de dag kyang ji ltar byas na 'bras bu shin tu che ba dang / phan yon che ba dang / byin che ba dang / rgya 
che bar 'gyur ba zhig gu snyam du dge slong khyed kyis de ltar bslab par bya'o/ /chos kyi rnam grangs 'di bshad pa na rgyal po ka pi na chen po blon po khri brgyad stong gi 'khor dang bcas pas 'jig tshogs la lta ba'i ri'i rtse mo mthon po nyi shu ye shes rdo rjes bcom nas rgyun du zhugs pa'i 
'bras bu mngon sum du byas te/ bden pa mthong nas bcom ldan 'das kyi bstan pa la rab tu byung ste/ des brtson pa dang / bsgrub pa dang / 'bad pas phol mig lnga pa'i 'khor ba'i 'khor lo 'di nyid g.yo zhing mi brtan par rig nas 'du byed kyi rnam pa thams 
cad snyil ba dang / ltung ba dang / rnam par 'thor ba dang / rnam par 'jig pa'i chos can yin par rtsad chod de/ nyon mongs pa thams cad spangs nas dgra bcom pa nyid mngon sum du byas te/ dgra bcom pa khams gsum pa'i 'dod chags dang bral bar gyur 

</font><hr>75-1-242b<br><font size=+1>

nas gser dang bong bar mnyam pa nam mkha' dang lag mthil du 'dra ba'i sems dang ldan pa/ tsan dan sbangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid 
pa'i rnyed pa dang / chags pa dang / bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang gus par smra ba'i gnas su gyur to/ /de nas dge slong dag the tshom skyes te/ the tshom thams cad gcod pa sangs rgyas bcom ldan 
'das la zhus pa/ btsun pa ka pi nas las gang dag bgyis na des gzugs bzang zhing blta na sdug la mdzes pa dang / blon po khri brgyad stong gi 'khor dang bcas par tshan po che'i stobs dang ldan par gyur la/ rab tu byung nas kyang dgra bcom pa nyid mngon 
sum du bgyis lags/ bcom ldan 'das kyis bka' stsal pa/ dge slong dag ka pi na nyid kyis sngon tshe rabs gzhan dag tu tshogs rnyed cing rkyen grub pa dang ldan te dba' rgal bzhin du 'byung la/ gdon mi za bar 'ong ba'i las de dag byas shing bsags pas 
na ka pi na nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi 
khams la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro/ /lus can dag gi las rnams ni/ /bskal pa brgyar 
yang chud mi za/ /tshogs shing dus la bab pa na/ /'bras bu nyid du smin par 'gyur/ /dge slong dag sngon byung ba 'das pa'i dus na bskal pa dgu bcu rtsa gcig pa la skye dgu'i tshe lo brgyad khri thub pa na de bzhin gshegs pa dgra bcom pa yang dag par rdzogs pa'i 

</font><hr>75-1-243a<br><font size=+1>

sangs rgyas/ rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das rnam par gzigs zhes bya ba 
'jig rten du byung ste/ de rgyal po'i pho brang gnyen ldan na rten cing bzhugs so/ /de nas re zhig na ded dpon zhig gis rgya mtsho chen po'i nang nas rin po che mang po khyer te 'ongs nas des yang dag par rdzogs pa'i sangs rgyas rnam par gzigs nyan thos kyi dge 'dun 
dang bcas pa zla ba gsum gyi bar du bshos la spyan drangs so/ /gtsug lag khang yang brtsigs nas phyogs bzhi'i dge 'dun la phul lo/ /dge slong dag ji snyam du sems/ de'i tshe de'i dus na ded dpon du gyur pa gang yin pa de ni ka pi na 'di yin no/ /dge slong dag 
ka pi nas ni las gzhan dag kyang byas shing bsags te/ dge slong dag sngon byung ba 'das pa'i dus na grong khyer bA rA Na sI na rgyal po tshangs pas byin zhes bya ba rgyal po byed de/ de'i ring la 'byor pa dang / rgyas pa dang / bde ba dang / lo legs pa dang / skye bo dang 
mi mang pos gang ba dang / rtsod pa dang / 'thab pa zhi ba dang / 'khrug pa dang / nang 'khrug dang / chom rkun dang / mu ge dang / nad rnams med pa dang / 'bras sA lu dang / bu ram shing dang / ba lang dang / ma he dang ldan par 'dug ste/ 
chos dang ldan pa chos kyi rgyal po chos bzhin du rgyal po byed do/ /de phyi zhig na blon po khri brgyad stong gis zhabs 'bring byas te/ skyed mos tshal gyi shing rnams me tog rgyas la/ ngang pa dang / khrung khrung dang / rma bya dang / ne tso dang / ri skegs dang / khu byug 
dang / shang shang te'u rnams skad 'byin pa'i nags khrod du song ba las des skyed mos tshal der rang sangs rgyas nad pa zhig mthong nas/ des de la zla ba gsum gyi bar du phan pa'i zas kyis bsnyen bkur byas so/ /yongs su mya ngan las 'das pa'i 'og tu yang de'i sku 

</font><hr>75-1-243b<br><font size=+1>

gdung gi mchod rten brtsigs nas blon po'i tshogs dang bcas pas til mar gyis bskus te/ des na 'khor dang bcas pa tshan po che'i stobs dang ldan par gyur to/ /gzhan yang sangs rgyas 'od srung gi ring la rab tu byung ste/ des der dbang po yongs su smin par 
byas pa des na da ltar dgra bcom pa nyid mngon sum du byas so/ /dge slong dag de ltar na las gcig tu nges par gnag pa rnams ni rnam par smin pa yang gcig tu nges par gnag par 'gyur ro/ /las gcig tu nges par dkar ba rnams ni rnam par smin pa yang gcig 
tu nges par dkar bar 'gyur ro/ /las 'dren ma rnams ni rnam par smin pa yang 'dren mar 'gyur ro/ /dge slong dag de bas na las gcig tu nges par gnag pa rnams dang las 'dren ma rnams spangs la/ las gcig tu nges par dkar ba rnams 'ba' zhig la 
gtad par bya ste/ dge slong khyed kyis de ltar bslab par bya'o/ /bcom ldan 'das kyis de skad ces bka' stsal nas/ dge slong de dag yi rangs te bcom ldan 'das kyis gsungs pa la mngon par bstod do// //bzang ldan zhes bya ba ni/ sangs 
rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma 
yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / 
mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos 

</font><hr>75-1-244a<br><font size=+1>

kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ /de nas gang gi tshe bcom ldan 'das mngon par rdzogs par sangs rgyas nas lo bcu gnyis 
lon te/ lo bcu gnyis 'das nas grong khyer ser skya'i gnas su byon pa de'i tshe bre bo zas dang / bdud rtsi zas la sogs pa shAkya stong phrag du mas bden pa mthong ste/ rgyal po zas gtsang ma ni ma gtogs so/ /de nas rgyal po zas gtsang gis sras 
kyi legs pa de dag mthong nas mchog tu ya mtshan du gyur te de'i blo skyes pa/ gal te bdag gi bu rab tu ma byung du zin na ni 'di 'khor los sgyur ba'i rgyal po mtha' bzhir rgyal ba/ chos dang ldan pa/ chos kyi rgyal por 'gyur ba zhig na/ da ni 'di thor tshugs 
can rab tu byung ba'i g.yog byas pa ni rab tu mi mdzes kyis bdag gis shAkya rnams las khyim re mi re rab tu 'byung du gzhug gor ma chag snyam mo/ /de nas rgyal po zas gtsang gis shAkya thams cad bsdu ba'i phyir grong khyer du dril bsgrags so/ /de nas shAkya thams 
cad 'dus pa'i nang du rgyal po zas gtsang gis smras pa/ kye shAkya khyed rnams nyon cig /gal te gzhon nu don thams cad grub pa rab tu ma byung du zin na yang khyed kho nas 'di la bsnyen bkur bya dgos na/ da 'di rab tu byung gis shAkya khyim re mi re bsnyen bkur 
bya ba'i phyir rab tu phyung shig ces byas so/ /de nas bzang ldan dang / ma 'gags pa dang / nam gru dang / lha sbyin la sogs pa shAkya'i bu lnga brgya rab tu 'byung bar chas so/ /de nas de dag gi 'breg mkhan bsnyen bkur byed pa nye bar 'khor des de dag rab 
tu 'byung ba mthong nas ngus so/ /de nas shAkya rnams kyis nye bar 'khor khyod ci'i phyir ngu zhes dris so/ /de nas des snying rje rje skad zer zhing sdug sdug skad zer la gti zhing smra ste/ khyod rab tu byung na da bdag la zas dang gos kyis skyong ba su zhig mchis/ de nas 

</font><hr>75-1-244b<br><font size=+1>

shAkya rnams kyis smras pa/ nye bar 'khor 'o na ras thing shig ces byas so/ /de nas des ras bting nas shAkya rnams kyis lus la thogs pa'i do shal dang /se mo do dang / nor bu dang / mu tig dang / bai dUr+ya dang / dpung rgyan dang / sor gdub 
rnams phung po chen por spungs te byin no/ /de nas 'breg mkhan nye bar 'khor gyis rab tu 'byung ba de dag kyang mthong la rgyan rnam pa sna tshogs la yang bltas nas tshul bzhin yid la byed pa skyes te/ shAkya 'di dag ni cho rigs dang / byad gzugs dang / lang 
tsho dang / 'byor pa dang ldan pa yin na/ 'on kyang btsun mo rnams dang / rgyan 'di dag mchil ma bzhin du bor nas rab tu byung na bdag ci yang mi bdog pa zhig gis da rgyan 'di dag khyim du bskur du ci yod de/ 'di dag btang la bdag kyang 'di dag gi rjes su 
rab tu 'byung gor ma chag snyam mo/ /de nas 'breg mkhan nye bar 'khor bcom ldan 'das ga la ba der song ste phyin nas/ bcom ldan 'das kyi zhabs la phyag 'tshal te/ bcom ldan 'das la 'di skad ces gsol to/ /bcom ldan 'das gal te bdag cag 
lta bu yang legs par gsungs pa'i chos 'dul ba la rab tu 'byung ba mchis la rab tu 'byung ba dang bsnyen par rdzogs shing dge slong gi dngos po 'thob tu rung na/ bdag kyang bcom ldan 'das kyi thad du tshangs par spyod pa spyad par 'tshal lo/ /de nas bcom 
ldan 'das kyis dge slong tshur shog ces byas pas rab tu phyung ngo / /de nas bzang ldan la sogs pa shAkya lnga brgya dge slong gi cha lugs can rnams sangs rgyas la sogs pa dge slong gi dge 'dun la phyag 'tshal bar byas pa las de dag gis nye bar 'khor gyi rkang 
pa ngo shes nas cho rigs dang / byad gzugs dang / 'byor pa dang ldan pa'i phyir nye bar 'khor la phyag 'tshal du ma btub nas/ der bcom ldan 'das kyis tshe dang ldan pa bzang ldan la bka' stsal pa/ bzang ldan gang gi phyir nga'i bstan pa 'di la ni cho rigs dang /

</font><hr>75-1-245a<br><font size=+1>

byad gzugs dang / lang tsho dang / dbang phyug dang / rigs bzhi rnam par dag pa dang sbyar ba med kyis 'di la phyag 'tshol cig /de nas bzang ldan la sogs pa shAkya lnga brgyas chos nyid btsan par byas nas sdong po rtsa ba nas bcad 
pa bzhin du rkang pa la phyag byas so/ /de dag gis rkang pa la phyag byas pa'i mod la sa chen po 'di rnam pa drug tu g.yos so/ /de nas der tshe dang ldan pa bzang ldan gyis brtson pa dang / bsgrub pa dang / 'bad pas phol mig lnga pa'i 'khor ba'i 'khor lo 'di 
nyid g.yo zhing mi brtan par rig nas 'du byed kyi rnam pa thams cad snyil ba dang / ltung ba dang / rnam par 'thor ba dang / rnam par 'jig pa'i chos can yin par rtsad chod de/ nyon mongs pa thams cad spangs nas dgra bcom pa nyid mngon sum du byas te/ dgra 
bcom pa khams gsum pa'i 'dod chags dang bral bar gyur nas gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan sbangs pa lta bur bsil bar gyur pa/ rig pas sgo nga'i sbubasabacom pa/ rig pa dang / 
mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang gus par smra ba'i gnas su gyur to/ /de yang bdag 
nyid che ba/ sdug cing phongs pa rnams la snying brtse ba zhig ste/ phyi zhig na snga dro sham thabs dang chos gos bgos te lhung bzed thogs nas mnyan du yod par spyod yul la chas so/ /de nas re zhig na rigs ngan zhig gi khyim du bsod snyoms la song ngo / /de'i tshe ko 
sa la'i rgyal po gsal rgyal glang po che'i gtso bo pad ma dkar po gcig pu zhes bya ba la zhon te/ kha lo pa rgyu ba'i bu ring po dang / bcom ldan 'das la blta ba'i phyir chas pa las ko sa la'i rgyal po gsal rgyal gyis bzang ldan dbang po zhi ba/ yid zhi ba/ sems 

</font><hr>75-1-245b<br><font size=+1>

mchog tu dul zhing nye bar zhi ba dang ldan la phyag dar khrod kyi gos gyon zhing kha zas ngan pa khyer te rigs ngan gyi khyim de nas phyir byung ba mthong ngo / /mthong nas kyang kha lo pa rgyu ba'i bu ring po la dris pa/ 'di dge slong bzang ldan ma yin nam/ kha lo pas smras pa/ lha 
bka' stsal pa bzhin te de lags so/ /de nas ko sa la'i rgyal po gsal rgyal 'khams nas brgyal te sa la lhung ngo / /de nas chus gtor ba dang phyir sangs te sems rtas nas kha lo pa rgyu ba'i bu ring pos bslang ngo / /de nas rgyal po gsal rgyal bcom ldan 'das 
kyi thad du song ste/ bcom ldan 'das kyi zhabs la phyag 'tshal nas bcom ldan 'das la gsol pa/ bcom ldan 'das bdag gis ni rmad du byung ba zhig mthong ste/ shAkya'i rgyal po bzang ldan de phyag dar khrod kyi gos gyon zhing kha zas ngan pa thogs te lha dang mi 
dad par bgyis pa'i spyod lam shin du zhi bas bsod snyoms blangs te rigs ngan gyi khyim nas slar byung ba de la bdag 'di snyam bgyid do/ /bcom ldan 'das kyi bstan pa ni shin tu dul bar bgyid pa lags te/ de la bsten na 'di lta bur skyid de bar mchis la bde 
bas bskyed pa dag kyang 'di ltar tshul dul bar gyur pa ni ngo mtshar che'o snyam bgyid do/ /bcom ldan 'das kyis bka' stsal pa/ rgyal po chen po bzang ldan 'di la ni ngo mtshar che ba gzhan yang yod kyis nyon cig /rgyal po chen po bzang ldan 'di ni dgon pa na gnas 
sam/ shing drung na gnas sam/ khang stong na gnas kyang rung ste/ kye ma re skyid/ kye ma re skyid/ bdag rab tu ma byung ba tsam na rgyal po'i pho brang gi nang na 'dug ste/ blon po chen po dang / grong rdal gyi mi dang yul gyi mi rnams kyis shin tu legs par bsrungs 
la/ ra ba dang / 'obs dang / sgo dang / gcan rnams kyis bskyabs kyang snying gzhan la dogs shing mi dga' la kun la yang khu 'phrig za bzhin te/ gnyid kyang mi 'ong ba las da ni bdag lus dang srog la yang mi lta bas/ gnas gang dang gang du yang bde bar 

</font><hr>75-1-246a<br><font size=+1>

'dug tu yod do zhes dga' ba'i tshig lan gsum du rjod par byed do/ /de nas dge slong dag the tsom skyes te/ the tsom thams cad gcod pa sangs rgyas bcom ldan 'das la zhus pa/ btsun pa bzang ldan gyis sngon tshe rabs gzhan 
dag tu las gang dag bgyis shing bsags na des gzugs bzang zhing blta na sdug la mdzes pa dang / rgyal po'i rigs phyug por skyes la/ rab tu byung nas kyang dgra bcom pa nyid mngon sum du bgyis lags/ bcom ldan 'das kyis bka' stsal pa/ 
dge slong dag bzang ldan nyid kyis sngon tshe rabs gzhan dag tu tshogs rnyed cing rkyen grub pa dang ldan te dba' rgal bzhin du 'byung la/ gdon mi za bar 'ong ba'i las de dag byas shing bsags pas na/ bzang ldan nyid kyis las byas shing bsags pa de 
dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ 
las dge ba dang mi dge ba byas shing bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro/ /lus can dag gi las rnams ni/ /bskal pa brgyar yang chud mi za/ /tshogs shing dus la bab 
pa na/ /'bras bu nyid du smin par 'gyur/ /dge slong dag sngon byung ba 'das pa'i dus na grong khyer bA rA Na sI na sprang po zhig gnas la lus bkres shing nyam chung bas non nas phan tshun du 'khor 'khor ba las bu mo khur ba khyer ba zhig mthong ngo / /de nas sprang po des 
khur ba 'dod pa'i phyir bu mo de bsnyags te nan gyis khur ba cig phrogs nas phan tshun du bros so/ /bu mo de yang de'i phyi bzhin du 'brang bzhin no/ /de nas sprang po des tsham tshom med par chu klung zlog byed la 'bogs so/ /sangs rgyas rnams mi 'byung ba'i tshe na 

</font><hr>75-1-246b<br><font size=+1>

rang sangs rgyas sdug cing phongs pa rnams la snying brtse ba bas mtha'i gnas mal gyis 'tsho ba/ 'jig rten gyi yon gnas gcig pu rnams 'jig rten du byung ste/ re zhig na rang sangs rgyas shig sprang po de'i mdun du 'ongs so/ /de nas sprang po des rang 
sangs rgyas spyod lam zhi ba de mthong nas dga' ba chen po skyes te/ de dga' ba chen pos rang gi sdug bsngal dang bsngos te rang sangs rgyas la khur ba de phul lo/ /de nas rang sangs rgyas des de'i dga' ba rgya chen po bskyed pa'i phyir/ ngang pa'i rgyal po 'dab 
ma brkyang ba bzhin du nam mkha' la mngon par 'phags nas/ cho 'phrul rnam pa sna tshogs bstan to/ /de nas sprang po des lha dang mi dad par byed pa'i cho 'phrul shin du rmad du byung ba de mthong nas sdong po rtsa ba nas bcad pa bzhin du rkang pa la phyag 'tshal te smon lam btab pa/
bdag gis yon gnas brtul zhugs grub pa la phul ba'i dge ba'i rtsa ba dang / sems bskyed pa dang / sbyin par bya ba'i chos yongs su gtong ba 'dis na bdag gang dang gang du skyes pa de dang der rigs mthon por skye ba dang / 'di lta bu'i chos dag thob 
par gyur cig /'di bas kyang ches khyad par du 'phags pa'i ston pa dag mnyes par byed par gyur cig /mi mnyes par byed par ma gyur cig ces byas so/ /bcom ldan 'das kyis bka' stsal pa/ dge slong dag ji snyam du sems/ de'i tshe de'i dus na 
sprang por gyur pa gang yin pa de ni bzang ldan 'di yin te/ des rang sangs rgyas la khur ba phul ba'i las de'i rnam par smin pas ni shAkya'i rigs phyug por skyes so/ /gzhan yang sangs rgyas 'od srung gi ring la rab tu byung ste/ des der lo khri'i bar du tshangs 
par spyod pa'i gnas bsrungs pa des ni da ltar dgra bcom pa nyid mngon sum du byas so/ /dge slong dag de ltar na las gcig tu nges par gnag pa rnams ni rnam par smin pa yang gcig tu nges par gnag par 'gyur ro/ /las gcig tu nges par dkar ba rnams 

</font><hr>75-1-247a<br><font size=+1>

ni rnam par smin pa yang gcig tu nges par dkar bar 'gyur ro/ /las 'dren ma rnams ni rnam par smin pa yang 'dren mar 'gyur ro/ /dge slong dag de bas na las gcig tu nges par gnag pa rnams dang las 'dren ma rnams spangs la/ 
las gcig tu nges par dkar ba rnams 'ba' zhig la gtad par bya ste/ dge slong dag khyed kyis de ltar bslab par bya'o/ /bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la 
mngon par bstod do// //yul 'khor skyong zhes bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon 
rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas 
te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / 
gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa yul gsus po che zhes bya ba na gsus po che'i nags khrod na bzhugs so/ /de'i tshe yul gsus po che na rgyal po sgra mi snyan zhes bya ba rgyal po 
byed de/ de'i ring la 'byor pa dang / rgyas pa dang / bde ba dang / lo legs pa dang / skye bo dang mi mang pos gang ba dang / rtsod pa dang / 'thab pa zhi ba dang / 'khrug pa dang / nang 'khrug dang / chom rkun dang / mu ge dang / nad rnams med pa 

</font><hr>75-1-247b<br><font size=+1>

dang /'bras sA lu dang / bu ram shing dang / ba lang dang / ma he dang ldan par 'dug ste/ chos dang ldan pa chos kyi rgyal po chos bzhin du rgyal po byed do/ /de nas de'i nu bo'i bu yul 'khor skyong zhes bya ba gzugs bzang zhing blta na sdug la mdzes pa/ yan 
lag dang nying lag thams cad dang ldan pa zhig yod pa de gdul ba'i dus la bab par bcom ldan 'das kyis gzigs nas snga dro sham thabs dang chos gos gsol te/ lhung bzed bsnams nas dge slong gi dge 'dun gyis mdun du bdar cing dge slong gi tshogs kyis zhabs 
'bring byas te yul gsus po cher bsod snyoms la gshegs pa dang / yul 'khor skyong gis sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan pa/ dpe byad bzang po brgyad cus mdzes par byas pa/ 'od 'dom gang 
gis brgyan pa/ nyi ma stong bas lhag pa'i 'od mnga' ba/ rin po che'i ri bo 'gro ba lta bu kun nas bzang ba mthong nas/ mthong ma thag tu de bcom ldan 'das la sems dga' bar gyur to/ /de dga' ba skyes nas bcom ldan 'das kyi zhabs la phyag 'tshal te 
rab tu 'byung bar gsol ba btab bo/ /de nas bcom ldan 'das kyis de la bka' stsal pa/ bu khyod pha mas gnang ngam/ yul 'khor skyong gis gsol pa/ btsun pa ma gnang lags so/ /bcom ldan 'das kyis bka' stsal pa/ bu de bzhin gshegs pa 
rnams sam/ de bzhin gshegs pa'i nyan thos rnams ni pha mas ma gnang bar rab tu 'byung ba'am/ bsnyen par rdzogs par mi mdzad do/ /de nas yul 'khor skyong pha ma'i thad du song ste phyin nas sangs rgyas kyi bsngags pa brjod de/ bdag gis ni bcom ldan 'das 
yang dag par rdzogs pa'i sangs rgyas shAkya thub pa 'khor los sgyur ba'i rgyal srid rgyas pa dang / btsun mo drug khri spangs nas dbu skra bregs te chos gos snam sbyar gsol nas yul gsus po che 'di nyid na bsod snyoms la rgyu zhing bzhugs pa mthong gis/ bdag bcom 

</font><hr>75-1-248a<br><font size=+1>

ldan 'das rab tu byung ba'i rjes su rab tu 'byung bar gnang bar mdzad pa'i rigs so/ /de nas de'i pha ma gnyis kyis ma gnang ngo / /de nas de zhag gcig dang / gnyis dang / gsum nas drug gi bar du kha 'tshos so/ /de 
nas yul 'khor skyong gi pha ma gnyis bu yul 'khor skyong ga la ba der song ste phyin nas bu yul 'khor skyong la 'di skad ces smras so/ /bu yul 'khor skyong shes par gyis shig /khyod ni skyid de bar 'dug 'dug pa bde ba 'dod pa yin te/ khyod kyis sdug ma myong 
ba yin la tshangs par spyod pa ni spyad par dka'o/ /dben par gnas pa ni dka'o/ /gcig pu 'dug pa ni dga' bar bya dka'o/ /dgon pa dang / nags khung dang / bas mtha'i gnas mal du gnas bca' ba ni yid la bsam par yang dkas/ bu 
yul 'khor skyong 'di nyid du 'dug la 'dod pa rnams kyang longs spyad par gyis shig /sbyin pa dag kyang byin cig /bsod nams dag kyang gyis shig ces de skad byas na yang khyim bdag gi bu yul 'khor skyong cang mi zer ro/ /de nas khyim bdag gi bu yul 
'khor skyong gi pha ma gnyis kyis nye du rnams la bskul te/ kye nye du rnams bu yul 'khor skyong slong shig ces byas so/ /de nas khyim bdag gi bu yul 'khor skyong gi nye du rnams khyim bdag gi bu yul 'khor skyong ga la ba der dong ste lhags nas khyim bdag gi bu yul 
'khor skyong la 'di skad ces smras so/ /bu yul 'khor skyong shes par gyis shig /khyod ni skyid de bar 'dug 'dug pa bde ba 'dod pa yin te/ khyod ni sdug ma myong ba yin la tshangs par spyod pa ni spyad par dka'o/ /dben par gnas pa ni dka'o/ /gcig 
pu 'dug pa ni dga' bar bya dka'o/ /dgon pa dang / nags khung dang / bas mtha'i gnas mal du gnas bca' ba ni yid la bsam par yang dkas/ bu yul 'khor skyong khyod 'di nyid du 'dug la 'dod pa rnams kyang longs spyad par gyis shig /sbyin pa 

</font><hr>75-1-248b<br><font size=+1>

dag kyang byin cig /bsod nams dag kyang gyis shig ces de skad byas na yang / khyim bdag gi bu yul 'khor skyong cang mi zer ro/ /de nas khyim bdag gi bu yul 'khor skyong gi pha ma gnyis kyis yul 'khor skyong gi grogs po rnams la bskul te/ kye byis pa 
dag bu yul 'khor skyong slong shig ces byas so/ /de nas khyim bdag gi bu yul 'khor skyong gi grogs po rnams yul 'khor skyong ga la ba der dong ste lhags nas khyim bdag gi bu yul 'khor skyong la 'di skad ces smras so/ /des yul 'khor skyong shes par 
gyis shig /khyod ni skyid de bar 'dug 'dug pa bde ba 'dod pa yin te/ khyod ni sdug ma myong ba yin la tshangs par spyod pa ni spyad par dka'o/ /dben par gnas pa ni dka'o/ /gcig pu 'dug pa ni dga' bar bya dka'o/ /dgon pa dang / nags khung 
dang / bas mtha'i gnas mal du gnas bca' ba ni yid la bsam par yang dkas/ des pa yul 'khor skyong khyod 'di nyid du 'dug la 'dod pa rnams kyang longs spyad par gyis shig /sbyin pa dag kyang byin cig /bsod nams dag kyang gyis shig ces 
de skad byas na yang khyim bdag gi bu yul 'khor skyong cang mi zer ro/ /de nas khyim bdag gi bu yul 'khor skyong gi grogs po rnams yul 'khor skyong gi pha ma gnyis ga la ba der dong ste lhags nas khyim bdag gi bu yul 'khor skyong gi pha ma gnyis la 'di skad ces 
smras so/ /yab yum gnyis mkhyen par mdzod cig /des pa yul 'khor skyong gum na ci rung gis yang dag pa'i dad pas khyim nas khyim med par rab tu 'byung du stsol cig dang / gal te rab tu 'byung ba la dga' bar gyur na ni gson por mchis na ni khyod 
kyis gzigs par 'gyur grang / gal te dga' bar ma gyur na ni bu 'gro ba'i sa pha ma ma gtogs pa gzhan ma mchis so/ /pha ma gnyis kyis smras pa/ byis pa dag gal te bu yul 'khor skyong rab tu byung ba'i 'og tu nged dang phrad du 'ong na ni de 

</font><hr>75-1-249a<br><font size=+1>

bzhin du gnang ngo / /de nas khyim bdag gi bu yul 'khor skyong gi grogs po rnams khyim bdag gi bu yul 'khor skyong ga la ba der dong ste lhags nas yul 'khor skyong la 'di skad ces smras so/ /des pa yul 'khor skyong khyed rab tu 'byung 
bar ni pha ma gnyis kyis gnang mod kyi/ gal te rab tu byung ba'i 'og tu phrad du 'ong na gdod gnang ngo zhes zer ro/ /yul 'khor skyong gis smras pa/ kye phrad par bgyi'o/ /de nas khyim bdag gi bu yul 'khor skyong khad kyis lus kyi mthu dang stobs bskyed nas/ 
bcom ldan 'das ga la ba der song ste phyin nas bcom ldan 'das kyi zhabs la mgo bos phyag 'tshal te phyogs gcig tu 'dug go/ /phyogs gcig tu 'dug nas khyim bdag gi bu yul 'khor skyong gis bcom ldan 'das la 'di skad ces gsol to/ /btsun pa 
bdag ni pha mas gnang lags na bdag legs par gsungs pa'i chos 'dul ba la rab tu 'byung ba dang bsnyen par rdzogs shing dge slong gi dngos po 'thob tu rung na bdag kyang / bcom ldan 'das kyi thad du tshangs par spyod pa spyad par 'tshal lo zhes gsol nas/ 
rigs kyi bu yul 'khor skyong gis legs par gsungs pa'i chos 'dul ba la rab tu byung ba dang bsnyen par rdzogs shing dge slong gi dngos po thob par gyur to/ /de de ltar rab tu byung nas des brtson pa dang / bsgrub pa dang / 'bad pas phol mig lnga pa'i 'khor 
ba'i 'khor lo 'di nyid g.yo zhing mi brtan par rig nas 'du byed kyi rnam pa thams cad snyil ba dang / ltung ba dang / rnam par 'thor ba dang / rnam par 'jig pa'i chos can yin par rtsad chod de/ nyon mongs pa thams cad spangs nas dgra bcom pa nyid mngon 
sum du byas te/ dgra bcom pa khams gsum pa'i 'dod chags dang bral bar gyur nas gser dang bong bar mnyam pa/ nam mkha' dang lag mthil du 'dra ba'i sems dang ldan pa tsan dan sbangs pa lta bur bsil bar gyur pa/ rig pas sgo nga'i sbubs 

</font><hr>75-1-249b<br><font size=+1>

bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang gus par smra 
ba'i gnas su gyur to/ /der bcom ldan 'das kyis dge slong rnams la bka' stsal pa/ dge slong dag nga'i nyan thos kyi dge slong dgon pa pa rnams kyi mchog ni 'di lta ste/ dge slong yul 'khor skyong 'di yin no/ /de nas dge slong dag the tsom skyes te/ 
the tsom thams cad gcod pa sangs rgyas bcom ldan 'das la zhus pa/ btsun pa yul 'khor skyong gis las gang dag bgyis na des phyug po'i rigs su skyes te gzugs bzang zhing blta na sdug la mdzes pa dang / rab tu byung nas kyang dgra bcom pa 
nyid mngon sum du bgyis lags/ bcom ldan 'das kyis bka' stsal pa/ dge slong dag yul 'khor skyong nyid kyis sngon tshe rabs gzhan dag tu tshogs rnyed cing rkyen grub pa dang ldan te dba' rgal bzhin du 'byung la/ gdon mi za bar 'ong 
ba'i las de dag byas shing bsags pas na/ yul 'khor skyong nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam 
par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang / khams dang / skye mched rnams 
'ba' zhig la rnam par smin par 'gyur ro/ /lus can dag gi las rnams ni/ /bskal pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur/ /dge slon dag sngon byung ba 'das pa'i dus na lus 'phags 

</font><hr>75-1-250a<br><font size=+1>

kyi rgyal po pho brang 'khor gyi mi dang bcas pa pha rol gyi dmag tshogs byung ste/ ci bya gtol med nas nags khung du zhugs te/ de nyi ma gung la nyi ma'i 'od zer tsha bas gdungs nas dpung gi tshogs dang bcas te phan tshun 'khor 'khor nas lam 
yang ma rnyed do/ /sangs rgyas rnams 'jig rten du mi 'byung ba'i tshe na rang sangs rgyas sdug cing phongs pa rnams la snying brtse ba/ bas mtha'i gnas mal gyis 'tsho ba/ 'jig rten gyi yon gnas gcig pu rnams 'jig rten du 'byung ste/ re zhig na rang 
sangs rgyas shig dgon pa'i lam de na gnas pa des snying rje bskyed nas lus 'phags kyi rgyal po de la lam yang bstan/ chu'i lteng ka yang bstan nas des rgyal po de 'khor dang bcas pa'i srog phangs pa bskyangs so/ /de nas rgyal po de dad pa skyes nas rang 
gi grong khyer du khrid de zla ba gsum gyi bar du yo byad thams cad kyis bsnyen bkur byas so/ /mya ngan las 'das pa'i 'og tu yang de'i sku gdung gi mchod rten brtsigs nas smon lam btab pa/ dge ba'i rtsa ba dang / sems bskyed pa dang / sbyin par bya 
ba'i chos yongs su gtong ba 'dis na bdag gis kyang yon tan 'di lta bu dag thob par gyur cig /'di bas kyang ches khyad du 'phags pa'i ston pa rnams mnyes par byed par gyur cig /mi mnyes par byed par ma gyur cig ces byas so/ bcom ldan 
'das kyis bka' stsal pa/ dge slong dag ji snyam du sems/ de'i tshe de'i dus na rgyal por gyur pa gang yin pa de ni yul 'khor skyong 'di yin no/ /dge slong dag yul 'khor skyong gis ni las gzhan dag kyang byas shing bsags te/ bskal pa bzang po 
'di nyid la skye dgu'i tshe lo nyi khri thub pa na de bzhin gshegs pa dgra bcom pa yang dag par rdzogs pa'i sangs rgyas/ rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba bla na med pa/ lha dang 

</font><hr>75-1-250b<br><font size=+1>

mi rnams kyi ston pa/ sangs rgyas bcom ldan 'das 'od srung zhes bya ba 'jig rten du byung ste/ de grong khyer bA rA Na sI na drang srong smra ba ri dgas kyi nags na rten cing bzhugs so/ /de'i tshe grong khyer bA rA Na sI na rgyal po kr-i kI rgyal po byed de/ de'i ring la 'byor 
pa dang / rgyas pa dang / bde ba dang / lo legs pa dang / skye bo dang mi mang pos gang ba dang / rtsod pa dang / 'thab pa zhi ba dang / 'khrug pa dang / nang 'khrug dang / chom rkun dang / mu ge dang / nad rnams med pa dang / 'bras sA lu 
dang / bu ram shing dang / ba lang dang / ma he dang ldan par 'dug ste/ chos dang ldan pa chos kyi rgyal po chos bzhin du rgyal po byed do/ /de nas de'i bu tha chungs drang srong smra bar song ba dang / des sangs rgyas bcom ldan 'das sku skyes bu chen po'i mtshan sum cu rtsa 
gnyis kyis legs par brgyan pa/ dpe byad bzang po brgyad cus mdzes par byas pa/ 'od 'dom gang gis brgyan pa/ nyi ma stong bas lhag pa'i 'od mnga' ba/ rin po che'i ri bo 'gro ba lta bu kun nas bzang ba mthong nas/ mthong ma thag tu de bcom ldan 
'das la sems dga' bar gyur to/ /dga' ba skyes nas bcom ldan 'das kyi zhabs la mgo bos phyag 'tshal te chos mnyan pa'i phyir bcom ldan 'das kyi spyan sngar 'dug go/ /de nas bcom ldan 'das 'od srung gis de la chos bstan te/ de dad pa skyes 
pas bcom ldan 'das 'od srung 'khor dang bcas pa la bsnyen bkur byas te skyabs su 'gro ba dang / bslab pa'i gzhi rnams blangs so/ /yongs su mya ngan las 'das pa'i 'og tu yang mchod rten la gdugs bu chung btags so/ /dge slong dag ji snyam du 
sems/ de'i tshe de'i dus na rgyal po'i bur gyur pa gang yin pa de ni yul 'khor skyong 'di nyid yin no/ /yul 'khor skyong gis ni las gzhan dag kyang byas shing bsags te/ dge slong dag sngon byung ba 'das pa'i dus na grong khyer bA rA Na sI na bram ze las 

</font><hr>75-1-251a<br><font size=+1>

su rtsa ba rko ba zhig gnas pa de/ re zhig la rtsa ba rkor song ste nags khrod du 'khor 'khor ba las des der rang sangs rgyas nad pa zhig mthong ngo / /de nas de dad pa skyes te de la bsnyen bkur byas nas gang gi tshe nad sos pa de'i tshe yang bshos 
gsol te smon lam btab pa/ bdag gis kyang yon tan 'di lta bu dag thob par gyur cig /'di bas kyang ches khyad par du 'phags pa'i ston pa mnyes par byed par gyur cig /mi mnyes par byed par ma gyur cig ces byas so/ /bcom ldan 'das kyis 
bka' stsal pa/ dge slong dag ji snyam du sems/ de'i tshe de'i dus na rtsa ba rko ba'i bram zer gyur pa gang yin pa de ni yul 'khor skyong 'di nyid yin te/ las de'i rnam par smin pas 'khor ba na nams kyang sdug bsngal myong ba med par gyur la da ltar yang 
rgyal po'i rigs phyug por skyes te/ gzugs bzang zhing blta na sdug la mdzes par gyur to/ /rgyu de kho nas dgra bcom pa nyid mngon sum du byas so/ /dge slong dag de ltar na las gcig tu nges par gnag pa rnams ni rnam par smin pa yang gcig tu nges 
par gnag par 'gyur ro/ /las gcig tu nges par dkar ba rnams ni rnam par smin pa yang gcig tu nges par dkar bar 'gyur ro/ /las 'dren ma rnams ni rnam par smin pa yang 'dren mar 'gyur ro/ /dge slong dag de bas na las gcig tu nges par gnag pa rnams 
dang las 'dren ma rnams spangs la/ las gcig tu nges par dkar ba rnams 'ba' zhig la gtad par bya ste/ dge slong khyed kyis de ltar bslab par bya'o/ /bcom ldan 'das kyis de skad ces bka' stsal nas/ dge slong de dag yi rangs te/ bcom 
ldan 'das kyis gsungs pa la mngon par bstod do/ /gang po la sogs pa'i rtogs pa brjod pa brgya pa las sdom gyi tshigs su bcad pa dgu pa rdzogs s+ho// //sdom ni/ /rab 'byor dang ni rgan po dang / /lag pa can dang 'de gus gsos/ /'khor 

</font><hr>75-1-251b<br><font size=+1>

ba dang ni sbed pa dang / /mi sdug pa dang gang gA pa/ /sen rings dang ni yang dag sdug /sde tshan dag tu bstan pa yin/ /rab 'byor ces bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / 
pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis 
bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams 
chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' 
ra ba na bzhugs so/ /de nas gang gi tshe bcom ldan 'das bla na med pa yang dag par rdzogs pa'i byang chub mngon par rdzogs par sangs rgyas nas ljongs so sor gdul ba'i skye bo rnams la phan gdags pa'i phyir nyan thos rnams bskos pa de'i tshe/ bsam gtan 
pa gang yin pa de dag ni ri rab kyi bang rim la bsam gtan lhur byed cing 'khod do/ /de nas re zhig na bya'i rgyal po 'dab bzangs kyis rgya mtsho chen po'i nang nas klu'i phru gu zhig blangs te/ des de ri rab kyi bang rim gyi steng du phyung nas bza' bar brtsams so/ /de nas 
klu'i phru gu de 'chi ba'i tshe nyan thos chen po rnams la sems dga' bar byas te shi'o/ /de nas de shi nas mnyan du yod par bram ze 'byor pa zhes bya ba de'i chung ma chen mo'i ltor zhugs nas/ de zla ba brgyad dam dgu lon pa dang bu byung ste/ khye'u gzugs bzang zhing 

</font><hr>75-1-252a<br><font size=+1>

blta na sdug la mdzes pa zhig btsas so/ /de nas de btsas pa'i btsas ston byas nas khye'u 'di'i ming ji skad gdags zhes ming 'dogs par byed de/ nye du rnams na re khye'u 'di'i pha 'byor pa yin pas na de'i phyir khye'u 'di'i ming rab 'byor zhes gdags so zhes 
zer ro/ /de nas khye'u rab 'byor bskyed bsrings te cher skyes nas de sngon gyi rgyu'i stobs dang shugs kyis spro thung ba dang khro ba dang / zhe gnag pa'i shas che bar gyur te/ de nas pha ma gnyis kyis srid srung las phyung ste/ drang srong gi nang du rab 
tu phyung nas de yang de na bsam gtan lhur byed par gyur te nags khrod cig na rten cing 'dug go/ /nags khrod de na lha bden pa mthong ba zhig kyang gnas te/ des de la snying rje bskyed nas rigs kyi bu 'di ni khro ba dang zhe gnag pa'i shas che bas khyad par thob par 
mi 'gyur gyis/ bdag gis 'di bcom ldan 'das la bltar gzhug go snyam mo/ /de nas lha des rab 'byor gyi mdun du sangs rgyas dang / chos dang / dge 'dun gyi bsngags pa brjod do/ /de nas rab 'byor bcom ldan 'das blta ba'i 'dod pa skyes nas lha 
de'i rdzu 'phrul gyi mthus bcom ldan 'das kyi thad du khrid do/ /de nas des sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan pa/ dpe byad bzang po brgyad cus mdzes par byas pa/ 'od 'dom gang gis brgyan pa/ nyi ma 
stong bas lhag pa'i 'od mnga' ba/ rin po che'i ri bo 'gro ba lta bu kun nas bzang ba mthong nas/ mthong ma thag tu de'i sems can rnams la zhe non pa'i sems gang yin pa de med par gyur to/ /de nas dga' ba skyes te bcom ldan 'das kyi zhabs la phyag 'tshal nas chos 
mnyan pa'i phyir bcom ldan 'das kyi spyan sngar 'dug go/ /de nas bcom ldan 'das kyis de'i bsam pa dang / bag la nyal dang / khams dang / rang bzhin thugs su chud nas 'phags pa'i bden pa bzhi rtogs par 'gyur ba de lta bu'i chos bstan te/ de thos nas 

</font><hr>75-1-252b<br><font size=+1>

rigs kyi bu rab 'byor gyis 'jig tshogs la lta ba'i ri'i rtse mo mthon po nyi shu ye shes rdo rjes bcom nas rgyun du zhugs pa'i 'bras bu mngon sum du byas te/ bden pa mthong nas de bcom ldan 'das kyi bstan pa la rab tu byung ste/ des brtson pa dang / bsgrub pa 
dang / 'bad pas byams pa bsgom pas sems btul nas phol mig lnga pa'i 'khor ba'i 'khor lo 'di nyid g.yo zhing mi brtan par rig nas 'du byed kyi rnam pa thams cad snyil ba dang / ltung ba dang / rnam par 'thor ba dang / rnam par 'jig pa'i chos can 
yin par rtsad chod de/ nyon mongs pa thams cad spangs nas dgra bcom pa nyid mngon sum du byas te/ dgra bcom pa khams gsum pa'i 'dod chags dang bral bar gyur nas gser dang bong bar mnyam pa/ nam mkha' dang lag mthil du 'dra ba'i 
sems dang ldan pa/ tsan dan sbangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la mi 
lta ba/ dbang po dang nye dbang dang bcas pa'i lha rnams kyis mchod cing rjed pa dang gus par smra ba'i gnas su gyur to/ /de nas tshe dang ldan pa rab 'byor gyis gang nas shi 'phos pa dang / gang du skyes pa dang / las gang gis skyes pa bsams pa 
dang / des tshe rabs lnga brgya'i bar du klu las shi 'phos te klu 'ba' zhig tu skyes par mthong ngo / /de nas de'i blo skyes pa/ bdag gis 'di ltar zhe sdang gi rkyen bsgrubs pa des na bdag tshe rabs lnga brgyar klu 'ba' zhig tu skyes te/ de kho na'i phyir sdug 
bsngal chen po myong bar gyur gyis/ da ni ci nas bdag la gzhan dag gi zhe sdang skye bar 'gyur zhing de dang ldan pas lus dang bral ba'i 'og tu ngan song ngan 'gro log par ltung ba sems can dmyal ba rnams su skye bar 'gyur ba de lta bu mi 'gyur bar bya'o snyam nas de 

</font><hr>75-1-253a<br><font size=+1>

nyon mongs pa med pa la gnas pa'i lam yang dag par blangs te gnas so/ /de gang gi tshe dge 'dun gyi nang ngam/ grong ngam/ yul lam/ ljongs su bsod snyoms kyi phyir gnas par 'dod pa de'i tshe/ thog ma kho nar spyod yul la lta bar byed 
de/ bdag mthong na tha na grog sbur yan chad su yang sna 'ga' zhig gi phyir sems sdang bar mi 'gyur grang snyam nas des spyod lam de btang ste gzhan du bsgyur nas/ des sems can de dag gi sems dga' bar gyur te/ de dgra bcom pa yin du zin kyang de 
lta bu'i nyam nga ba myong ngo / /de nas tshe dang ldan pa rab 'byor gyi blo skyes pa/ ma la bdag gis da ni skye bo mang po la phan gdags so snyam mo/ /de nas rdzu 'phrul gyis nam mkha' lding lnga brgya sprul te/ de dag mthong nas klu rnams skrag cing dngangs te mi dga' 
nas phan tshun du ci bya gtol med par gyur to/ /de nas rab 'byor gyis yang rdzu 'phrul gyi stobs kyis yongs su bskyabs so/ /de nas de dag sems dga' bar gyur nas byams pa'i lung phog go/ /de nas yang klu chen po'i gzugs su sprul nas nam mkha' 
lding lnga brgya gtses te de dag kyang skrag nas byams pa'i lung phog ste/ des de ltar klu dang nam mkha' lding gi rigs lnga brgya lnga brgya btul to/ /de nas des bcom ldan 'das kyis dge slong rnams la bka' stsal pa/ dge slong dag nga'i nyan thos kyi dge 
slong nyon mongs pa med par gnas pa rnams kyi mchog ni 'di lta ste/ rigs kyi bu rab 'byor 'di yin no/ /de nas dge slong dag the tsom skyes te/ the tsom thams cad gcod pa sangs rgyas bcom ldan 'das la zhus pa/ btsun pa tshe dang ldan pa rab 'byor 
gyis las gang dag bgyis na des nyon mongs pa ma mchis par gnas pa'i mchog tu bstan lags/ bcom ldan 'das kyis bka' stsal pa/ dge slong dag rab 'byor nyid kyis sngon tshe rabs gzhan dag tu tshogs rnyed cing rkyen grub pa dang ldan te dba' rgal 

</font><hr>75-1-253b<br><font size=+1>

bzhin du 'byung la/ gdon mi za bar 'ong ba'i las de dag byas shing bsags pas na/ rab 'byor nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams 
ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang / khams dang / 
skye mched rnams 'ba' zhig la rnam par smin par 'gyur ro/ /lus can dag gi las rnams ni/ /bskal pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur/ /dge slong dag sngon byung ba 'das pa'i 
dus na bskal pa bzang po 'di nyid la skye dgu'i tshe lo nyi khri thub pa na/ de bzhin gshegs pa dgra bcom pa yang dag par rdzogs pa'i sangs rgyas/ rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul 
bya'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das 'od srung zhes bya ba 'jig rten du byung ste/ de grong khyer bA rA Na sI na drang srong smra ba ri dgas kyi nags na rten cing bzhugs so/ /de nas der 'di rab 
tu byung ste/ 'dis sbyin pa dang rab tu sbyin pa dag byin nas lo khri'i bar du tshangs par spyod pa'i gnas bsrungs te smon lam btab pa/ dge ba'i rtsa ba dang / sems bskyed pa dang / sbyin par bya ba'i chos yongs su gtong ba 'dis na bdag ma 'ongs 
pa'i dus su bcom ldan 'das 'od srung gis bram ze'i khye'u bla ma la/ bram ze'i khye'u khyod skye dgu'i tshe lo brgya thub pa na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya bar 'gyur ro zhes lung bstan pa gang 

</font><hr>75-1-254a<br><font size=+1>

yin pa de'i bstan pa la bdag rab tu byung nas nyon mongs pa med par gnas pa'i mchog tu gyur cig ces byas so/ /las gang dag gis klur skyes zhe na/ nyon mongs pa rnams ma spangs pa dang / dbang po rnams 'khrul ba dang / las 
kyi lam rnams mthar thug par ma byas pa dang / slob pa dang mi slob pa'i dge slong rnams la sdang ba'i sems bskyed nas sbrul gdug pa zhes bya ba'i tshig brjod de des na klur skyes so/ /des sbyin pa dang rab tu sbyin pa dag byin nas tshangs par spyod pa'i gnas bsrungs 
pa des ni da ltar dgra bcom pa nyid mngon sum du byas te/ nyon mongs pa med par gnas pa'i mchog tu bstan to/ /dge slong dag de ltar na las gcig tu nges par gnag pa rnams ni rnam par smin pa yang gcig tu nges par gnag par 'gyur ro/ /las gcig 
tu nges par dkar ba rnams ni rnam par smin pa yang gcig tu nges par dkar bar 'gyur ro/ /las 'dren ma rnams ni rnam par smin pa yang 'dren mar 'gyur ro/ /dge slong dag de bas na las gcig tu nges par gnag pa rnams dang las 'dren ma rnams spangs 
la/ las gcig tu nges par dkar ba rnams 'ba' zhig la gtad par bya ste/ dge slong khyed kyis de ltar bslab par bya'o/ /bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa 
la mngon par bstod do// //gang po la sogs pa'i rtogs pa brjod pa brgya pa/bam po nyi shu gcig pa/ rgan po zhes bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug po 
rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 

</font><hr>75-1-254b<br><font size=+1>

'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i 
sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas te rgyal po'i khab na 'od ma'i tshal 
bya ka lan da ka gnas pa na rten cing bzhugs so/ /de'i tshe rgyal po'i khab na tshong dpon phyug cing nor mang la longs spyod che ba/ yongs su 'dzin pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas 
pa des rigs mnyam pa las chung ma blangs nas/ de de dang lhan cig tu rtse zhing dga' la dga' mgur spyod do/ /de de dang rtse zhing dga' la dga' mgur spyod pa las chung ma la bu chags nas bu ma byung bar re zhig na yang de nyid dang rtse zhing dga' la dga' mgur 
spyod do/ /de rtse zhing dga' la dga' mgur spyod pa las mngal na bu snga ma de 'dug bzhin du re zhig na ma'i ltor de'i bu snga phyir bcu byung yang bu dang po de ni mngal nyid na 'dug bzhin no/ /de nas re zhig na khyim bdag de'i chung ma de na bar gyur nas de la rtsa ba dang / 
sdong bu dang / lo ma dang / me tog dang / 'bras bu'i sman rnams kyis rim gro byas kyang nad de zhi bar ma gyur nas/ gang gi tshe de shi la thug pa'i nad kyis thebs te 'chir nye ba de'i tshe des khyim thab la smras pa/ jo bo mkhyen par mdzod cig /'di'i 
nang na bdag gi bu dang po mchis kyis nam bdag gum pa na glo g.yas rol mtshon gyis dral te khye'u dang po nas mchis pa de phyung shig ces de skad smras nas/ bsags pa kun ni tha mar zad/ /mthon po rnams ni tha mar nyil/ /phrad pa rnams ni tha mar 'bral/ /

</font><hr>75-1-255a<br><font size=+1>

gson po rnams ni tha mar 'chi/ /zhes smras te shi'o/ /de nas de shi nas gos sngon po dang / ser po dang / dmar po dang / dkar po dag gis khyogs brgyan te bsil ba'i tshal gyi dur khrod du khyer nas sman pa'i rgyal po 'tsho byed bos so/ /rgyal 
po'i khab kyi grong khyer thog thag tu yang 'di ltar bud med che ge mo zhig la lo 'di snyed cig gi bar du bu mngal na 'dug 'dug ste/ de'i bu gzhan bcu byung yang thog ma'i bu mngal na 'dug pa de ma byung nas/ deng sman pa'i rgyal po 'tsho byed kyis shi ba de'i lta mtshon 
gyis dral te/ dang po'i khye'u mngal du 'dug pa de dbyung bar 'tshal lo zhes de skad du sgra grag go/ /sgra grag nas kyang srog chags 'bum phrag du ma dang rdzogs byed la sogs pa ston pa drug po rnams bsil ba'i tshal gyi dur khrod du ltad mo la 'dus so/ /de nas 
bcom ldan 'das kyis tshe dang ldan pa kun dga' bo la bka' stsal pa/ kun dga' bo song la dge slong rnams la 'di skad du bcom ldan 'das dur khrod rgyu zhing gshegs par bzhed kyis khyed las gang rmad du byung ba lta 'dod pa de dag gshegs shig ces bsgo shig /
de nas re zhig na bcom ldan 'das tshe dang ldan pa kun shes kauN+Di n+ya dang / rlangs pa dang / ming chen dang / ma 'gags pa dang / shA ri'i bu dang / maud gal gyi bu dang / 'od srung dang / kun dga' bo dang / nam gru la sogs pa nyan thos chen po rnams kyis 
zhabs 'bring byas te bsil ba'i tshal gyi dur khrod du gshegs so/ /skye bo'i tshogs kyis kyang bcom ldan 'das mthong nas go phye'o/ /de nas sman pa 'tsho byed kyis bud med de'i glo g.yas pa dral to/ /de nas khye'u de rang byung nas skra dkar zhing yan lag gnyer 
mas gang ba/ lus kyi phyogs cha rnams rgan shar gyur pa/ dbang po rnyis pa/ rid de ba/ nyam stobs chung ngu zhig byung ngo / /de nas byung ma thag tu skye bo'i tshogs de dag la bltas nas tshig tu smras pa/ kye bla ma rnams sam/ bla ma lta bu rnams sam/ pha ma'am/ mkhan 

</font><hr>75-1-255b<br><font size=+1>

po'am/ slob dpon rnams la tshig rtsub po ma zer cig /ji ltar bdag ma'i ltor pho ba dang long ka gnyis kyi bar du lo drug cu 'dug 'dug pa de lta bu'i nyams myong bar gyur ta re zhes smras nas cang mi zer bar 'dug go/ /der bcom ldan 'das kyis dge slong rnams 
la bka' stsal pa/ dge slong dag 'di ltar srid pa tha ma pa'i sems can gyis kyang nyams 'di lta bu myong bar 'gyur gyis srid par skye ba thams cad kyis chog par gyis shig /srid par skye ba'i yo byad thams cad kyis chog par gyis shig /de nas bcom ldan 'das 
kyis khye'u de la bka' stsal pa/ khye'u khyod rgan po yin nam/ bcom ldan 'das bdag ni rgan po lags so/ /khye'u khyod rgan po yin nam/ bde bar gshegs pa bdag ni rgan po lags so/ /de nas gzhi de las de'i ming rgan po zhes btags so/ /
de nas bcom ldan 'das kyis gzhi de las de lta bu'i chos bstan pa mdzad de/ de thos nas des sems can brgya phrag mang po skyo bar gyur nas khyad par chen po thob bo/ /rgan po de yang lo bcu'i bar du khyim pa'i gnas na 'dug 'dug nas lo bdun cu lon te bcom 
ldan 'das kyi bstan pa la rab tu byung nas/ bya rgod kyi phung po'i ri la dge slong nyi shu rtsa lnga dang thabs cig tu dbyar gnas par dam bcas so/ /de nas der dge 'dun gyi gnas brtan gyis so so skye bor 'dug bzhin du gang gis kyang skabs dbye bar mi bya'o zhes 
khrims bcas so/ /de nas re zhig na zla ba gsum lon pa dang dge slong nyi shu rtsa bzhis dgra bcom pa nyid thob na rgan po gcig pu so so skye bo'i so na 'dug go/ /de nas dge 'dun gyi gnas brtan gyis skabs 'byed pa byed pa'i nang du shin tu mang du brgyad bkag nas 
tshogs kyi nang nas bskrad de btang ngo / /de nas des mtshon cha blangs te khang phugs su zhugs nas ngu zhing rnam pa du mar smre sngags bton te smras pa/ nags tshal thams cad 'bar gyur te/ /ri rnams ser por gyur zin na/ /'on kyang da dung sdig pa'i sems/ /

</font><hr>75-1-256a<br><font size=+1>

rnam par grol bar ma gyur to/ /phu chu dag gi sgra yang zhi/ /'bab chu dag kyang bri bzhin du/ /'on kyang da dung sdig pa'i sems/ /rnam par grol bar ma gyur to/ /sgo nga las skyes bya 'di dag /sgra skad gcam yang chung gyur na/ /'on kyang da 
dung sdig pa'i sems/ /rnam par grol bar ma gyur to/ /nags tshal 'di dag lo ma ser/ /shing rnams 'dab ma lhags gyur na/ /'on kyang da dung sdig pa'i sems/ /rnam par grol bar ma gyur to/ /lung 'bogs pa yi gnas brtan rnams/ /phyogs phyogs 
dag tu dong zin na/ /'on kyang da dung sdig pa'i sems/ /rnam par grol bar ma gyur to/ /so so skye bor 'dug bzhin du/ /ston pa'i thad du ji ltar 'gro/ /don med gson pa ci dgos kyis/ /bdag ni mtshon gyis lcebs te btang zhes zer ro/ /de'i skabs su sangs 
rgyas bcom ldan 'das rnams kyis ni mi mkhyen pa'am/ mi gzigs pa'am/ mi rtogs pa'am/ thugs su mi chud pa ci yang med la/ sangs rgyas bcom ldan 'das thugs rje chen po dang ldan pa/ 'jig rten la phan 'dogs pa la zhugs pa/ srung ba gcig pa dang 
ldan pa/ gcig tu dpa' ba/ zla med pa/ gnyis su mi gsung ba/ zhi gnas dang / lhag mthong la gnas pa/ rig pa gsum snang bar mdzad pa/ bslab pa gsum la legs par bslabs pa/ 'dul ba'i gzhi gsum la mkhas pa/ chu bo bzhi 
las rgal ba/ rdzu 'phrul gyi rkang pa bzhi'i zhabs kyi mthil shin tu brtan pa/ bsdu ba'i dngos po bzhi la yun ring po nas 'dris par byas pa/ mi 'jigs pa bzhis mi 'jigs pa/ khyu mchog gi yang dag pa'i seng ge'i sgra chen po sgrogs pa/ yan lag lnga rnam 
par spangs pa/ 'gro ba lnga las yang dag par 'das pa/ yan lag drug dang ldan pa/ pha rol tu phyin pa drug yongs su rdzogs pa/ rtag tu gnas par bya ba drug la gnas pa/ byang chub kyi yan lag bdun gyi me tog gis phyug pa/ lam yan lag brgyad pa ston 

</font><hr>75-1-256b<br><font size=+1>

pa/ mthar gyis gnas pa'i snyoms par 'jug pa dgu la mkhas pa/ stobs bcu'i stobs dang ldan pa/ phyogs bcur grags pas kun tu rgyas pa/ brgya phrag bcu pa la dbang byed pa bas kyang ches khyad par du 'phags pa rnams ni chos nyid kyis nyin dus 
gsum mtshan dus gsum du sangs rgyas kyi spyan gyis 'jig rten la gzigs te/ su ni rgud/ su ni dar/ su ni phongs shing 'dug /su ni nyam nga bar gyur/ su ni gnod pa dang ldan/ su ni phongs pa dang / nyam nga ba dang / gnod pa dang ldan/ su ni ngan 
song du gzhol/ su ni ngan song du 'bab/su ni ngan song du bab/ su ni ngas ngan song nas phyung ste mtho ris dang / thar pa dang / 'bras bu la gzhag par bya/ su ni 'dod pa'i 'dam du bying ba las lag nas drang bar bya/ su ni 'phags pa'i nor bdun med pa 
las 'phags pa'i nor bdun gyi dbang phyug la dbang byed du gzhug par bya/ su ni dge ba'i rtsa ba rnams ma bskyed pa las bskyed par bya/ su ni dge ba'i rtsa ba rnams bskyed zin pa las yongs su smin par bya/ su ni yongs su smin zin pa las rnam par grol bar bya snyam 
du ye shes gzigs pa 'jug go/ /'dir smras pa/ rgya mtsho chu srin rnams kyi gnas/ /dus rlabs yol bar 'gyur yang srid/ /gdul bar bya ba'i sras rnams la/ /sangs rgyas dus las yol ba med/ /de nas re zhig na sangs rgyas bcom ldan 'das 
kyis dgongs te rdzu 'phrul gyis kyang de'i thad du gshegs nas de dang 'thun pa'i chos bstan te/ de thos nas tshe dang ldan pa rgan pos phol mig lnga pa'i 'khor ba'i 'khor lo 'di nyid g.yo zhing mi brtan par rig nas 'du byed kyi rnam pa thams cad snyil ba dang / ltung ba dang / 
rnam par 'thor ba dang / rnam par 'jig pa'i chos can yin par rtsad chod de/ nyon mongs pa thams cad spangs nas dgra bcom pa nyid mngon sum du byas te/ dgra bcom pa khams gsum pa'i 'dod chags dang bral bar gyur nas gser dang bong bar mnyam pa/ nam 

</font><hr>75-1-257a<br><font size=+1>

mkha' dang lag mthil du 'dra ba'i sems dang ldan pa/ tsan dan sbangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / 
chags pa dang / bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang gus par smra ba'i gnas su gyur to/ /de nas rgan pos dgra bcom pa nyid thob nas bdag gis kyang gdul bar bya ba 'ga' lta yod dam snyam du bsams pa dang / 
des tshong pa lnga brgya tsam rgya mtsho'i nang na srin po nag po'i rlung gis bskor cing 'dug pa mthong nas sdug bsngal dang phrad pa 'di dag bdag gis sdug bsngal de las yongs su bskyab par bya'o/ /'on tang de dag bdag gis 'dul bar 'gyur ro snyam mo/ /de nas rgan po rdzu 
'phrul gyis song nas 'jigs pa de las yongs su bskyabs so/ /de nas de dag dad pa skyes te thams cad rab tu byung nas de dag la yid la byed pa'i lung phog ste/ de dag thams cad kyis brtson pa dang / bsgrub pa dang / 'bad pas nyon mongs pa thams cad spangs 
nas dgra bcom pa nyid mngon sum du byas so/ /de nas de dag gi yon tan rnams sus kyang mi shes nas drug sde rnams 'phya bar gyur te/ rgan blun du 'dug la mi lnga brgya dang lhan cig 'khod cing drung du bzhag pas 'di dag kyang de dang 'dra bar dul bar mi 'gyur ro zhes 'dzer 
to/ /de nas tshe dang ldan pa kun dga' bo tshangs pa mtshungs par spyod pa la mnyes gshin pa/ gzhan la phan 'dogs pa la zhugs pas/ tshe dang ldan pa gnas brtan gleng bar 'dod nas/ tshe dang ldan pa gnas brtan rgan po ga la ba der song ste phyin nas/ tshe dang 
ldan pa gnas brtan rgan po dang lhan cig tu mngon sum du yang dag par mgu bar 'gyur ba dang / yang dag par dga' bar 'gyur ba'i gtam rnam pa sna tshogs kyis 'dres nas phyogs gcig tu 'dug go/ /phyogs gcig tu 'dug nas tshe dang ldan pa kun dga' bos 

</font><hr>75-1-257b<br><font size=+1>

gnas brtan rgan po la 'di skad ces smras so/ /gal te dris nas dri ba lung bstan pa'i phyir skabs phye na tshe dang ldan pa gnas brtan rgan po la bdag phyogs 'ga' zhig 'dri'o/ /tshe dang ldan pa kun dga' bo dris shig dang thos nas khyod la bsnyad par bya'o/ /tshe dang 
ldan pa gnas brtan rgan po dge slong dgon pa na gnas pa dang / shing drung na gnas pa dang / khang stong na gnas pas chos gang dag rgyun mi 'chad par yid la bya/ tshe dang ldan pa kun dga' bo dge slong dgon pa na gnas pa dang / shing drung na gnas pa 
dang / khang stong na gnas pas chos gnyis rgyun mi 'chad par yid la bya ste/ zhi gnas dang lhag mthong ngo / /gnas brtan zhi gnas kun du bsten cing bsgoms te mang du byas pas don gang dag nyams su myong bar 'gyur/ lhag mthong kun du bsten 
cing bsgoms te mang du byas pas don gang nyams su myong bar 'gyur/ tshe dang ldan pa kun dga' bo zhi gnas kun du bsten cing bsgoms te mang du byas pas ni lhag mthong la brten te rnam par grol bar 'gyur ro/ /lhag mthong kun du bsten cing bsgoms te mang 
du byas pas ni zhi gnas la brten te rnam par grol bar 'gyur ro/ /de nas tshe dang ldan pa kun dga' bo zhi gnas dang lhag mthong yongs su bsgoms pa'i 'phags pa nyan thos thos pa dang ldan pa'i sems ni khams kyi sgo nas rnam par grol bar 'gyur ro/ /gnas 
brtan khams rnams gang dag yin/ tshe dang ldan pa kun dga' bo spong ba'i khams gang yin pa dang / 'dod chags dang bral ba'i khams gang yin pa dang / 'gog pa'i khams gang yin pa'o/ /gnas brtan gang spangs pa la spong ba'i khams zhes bya/ 
gang las 'dod chags dang bral ba la 'dod chags dang bral ba'i khams zhes bya/ gang 'gags pa la 'gog pa'i khams zhes bya/ tshe dang ldan pa kun dga' bo 'du byed thams cad spangs pa la spong ba'i khams zhes bya'o/ /'du byed thams cad las 'dod chags 

</font><hr>75-1-258a<br><font size=+1>

dang bral ba la 'dod chags dang bral ba'i khams zhes bya'o/ /'du byed thams cad 'gags pa la 'gog pa'i khams zhes bya'o/ /de nas tshe dang ldan pa kun dga' bo gnas brtan rgan pos bshad pa la mngon par bstod de rjes su yi rangs nas dge slong 
lnga brgya po ga la ba der song ste phyin nas/ dge slong lnga brgya po rnams la 'di skad ces smras so/ /tshe dang ldan pa dag dge slong dgon pa na gnas pa dang / shing drung na gnas pa dang / khang stong na gnas pas chos gang dag rgyun mi 'chad par yid la bya/ tshe dang ldan pa 
kun dga' bo dge slong dgon pa na gnas pa dang / shing drung na gnas pa dang / khang stong na gnas pas chos gnyis rgyun mi 'chad par yid la bya ste zhi gnas dang / lhag mthong ngo / /tshe dang ldan pa dag zhi gnas kun tu bsten cing bsgoms te mang du byas pas don 
gang nyams su myong bar 'gyur/ lhag mthong kun tu bsten cing bsgoms te mang du byas pas don gang nyams su myong bar 'gyur/ tshe dang ldan pa kun dga' bo zhi gnas kun du bsten cing bsgoms te mang du byas pas ni lhag mthong la brten te rnam par grol bar 'gyur ro/ /
lhag mthong kun du bsten cing bsgoms te mang du byas pas ni zhi gnas la brten te rnam par grol bar 'gyur ro/ /tshe dang ldan pa kun dga' bo zhi gnas dang lhag mthong yongs su bsgoms pa'i 'phags pa nyan thos thos pa dang ldan pa'i sems ni khams kyi sgo nas rnam par grol bar 'gyur 
ro/ /tshe dang ldan pa dag khams rnams gang dag yin/ tshe dang ldan pa kun dga' bo spong ba'i khams gang yin pa dang / 'dod chags dang bral ba'i khams gang yin pa dang / 'gog pa'i khams gang yin pa'o/ /tshe dang ldan pa dag gang spangs pa la spong ba'i 
khams zhes bya/ gang las 'dod chags dang bral ba la 'dod chags dang bral ba'i khams zhes bya/ gang 'gags pa la 'gog pa'i khams zhes bya/ tshe dang ldan pa kun dga' bo 'du byed thams cad spangs pa la spong ba'i khams zhes bya'o/ /'du byed thams cad 

</font><hr>75-1-258b<br><font size=+1>

las 'dod chags dang bral ba la 'dod chags dang bral ba'i khams zhes bya'o/ /'du byed thams cad 'gags pa la 'gog pa'i khams zhes bya'o/ /de nas tshe dang ldan pa kun dga' bo dge slong lnga brgya po rnams kyis bshad pa la mngon par bstod de rjes su yi rangs nas 
bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ phyogs gcig tu 'dug go/ /phyogs gcig tu 'dug nas tshe dang ldan pa kun dga' bos bcom ldan 'das la 'di skad ces gsol to/ /btsun pa dge 
slong dgon pa na gnas pa dang / shing drung na gnas pa dang / khang stong na gnas pas chos gang dag rgyun mi 'chad par yid la bgyi/ kun dga' bo dge slong dgon pa na gnas pa dang / shing drung na gnas pa dang / khang stong na gnas pas chos gnyis 
rgyun mi 'chad par yid la bya ste/ zhi gnas dang / lhag mthong ngo / /btsun pa zhi gnas kun du bsten cing bsgoms te mang du bgyis pas don gang nyams su myong bar 'gyur lags/ lhag mthong kun tu bsten cing bsgoms te mang du bgyis pas don gang nyams 
su myong bar 'gyur lags/ kun dga' bo zhi gnas kun tu bsten cing bsgoms te mang du byas pas ni lhag mthong la brten te rnam par grol bar 'gyur ro/ /lhag mthong kun du bsten cing bsgoms te mang du byas pas ni zhi gnas la brten te rnam par grol bar 'gyur ro/ /
kun dga' bo zhi gnas dang lhag mthong yongs su bsgoms pa'i 'phags pa nyan thos thos pa dang ldan pa'i sems ni khams kyi sgo nas rnam par grol bar 'gyur ro/ /btsun pa khams rnams gang dag lags/ kun dga' bo spong ba'i khams gang yin pa dang / 
'dod chags dang bral ba'i khams gang yin pa dang / 'gog pa'i khams gang yin pa'o/ /btsun pa gang spangs pa la spong ba'i khams zhes bgyi/ gang las 'dod chags dang bral ba la 'dod chags dang bral ba'i khams zhes bgyi/ gang 'gags pa la 

</font><hr>75-1-259a<br><font size=+1>

'gog pa'i khams zhes bgyi/ kun dga' bo 'du byed thams cad spangs pa la spong ba'i khams zhes bya'o/ /'du byed thams cad las 'dod chags dang bral ba la 'dod chags dang bral ba'i khams zhes bya'o/ /'du byed thams cad 'gags 
pa la 'gog pa'i khams zhes bya'o/ /btsun pa ston pa dang nyan thos rnams 'di lta ste/ tshig gi mchog gis 'di kho na ltar don dang don du 'thun zhing 'dra ba dang / tshig dang tshig tu 'thun zhing 'dra ba dang / yi ge dang yi ger 'thun zhing 'dra ba ni ngo mtshar 
lags so/ /de ci'i slad du zhe na/ btsun pa 'dir bdag gnas brtan dge slong rgan po ga la ba der mchis nas/ gnas brtan dge slong rgan po la don 'di nyid tshig 'di rnams dang / yi ge 'di rnams kyis smras na yang / de ltar bcom ldan 'das 
kyis ji skad bka' stsal pa kho na bzhin du des bdag la don 'di nyid tshig 'di rnams dang / yi ge 'di rnams kyis smras pa'i lan btab ste/ bdag gnas brtan dge slong rgan pos bshad pa la mngon par bstod de rjes su yi rangs nas/ dge slong lnga brgya po 
rnams ga la ba der mchis te/ dge slong lnga brgya po rnams la don 'di nyid tshig 'di rnams dang / yi ge 'di rnams kyis smras na yang / da ltar bcom ldan 'das kyis ji skad bka' stsal pa kho na bzhin du de dag gis kyang bdag la don 'di nyid tshig 'di 
rnams dang / yi ge 'di rnams kyis smras pa'i lan btab ste/ btsun pa ston pa dang nyan thos rnams 'di lta ste/tshig gi mchog gis 'di kho na ltar don dang don du 'thun zhing 'dra ba dang / tshig dang tshig tu 'thun zhing 'dra ba dang / yi ge dang yi ger 'thun zhing 'dra 
ba de ni ngo mtshar lags so/ /bcom ldan 'das kyis bka' stsal pa/ kun dga' bo khyod kyis dge slong rgan po su yin shes sam/ gsol pa btsun pa dge slong rgan po ni dgra bcom pa/ zag pa zad pa/ bya ba byas pa/ byed pa byas pa/ khur bor ba/ rang gi don rjes su thob pa/

</font><hr>75-1-259b<br><font size=+1>

srid par kun du sbyor ba yongs su zad pa/ yang dag pa'i shes pas sems shin tu rnam par grol ba lags so/ /dge slong lnga brgya po de dag thams cad kyang dgra bcom pa/ zag pa zad pa/ bya ba byas pa/ byed pa byas pa/ khur bor ba/ rang 
gi don rjes su thob pa/ srid par kun du sbyor ba yongs su zad pa/ yang dag pa'i shes pas sems shin tu rnam par grol ba sha stag lags so/ /gang gi tshe bcom ldan 'das dang / tshe dang ldan pa kun dga' bos dge slong rgan po dang / dge slong lnga brgya po 
de dag glengs shing bsgrags pa de'i tshe dge slong dag the tsom skyes te/ the tsom thams cad gcod pa sangs rgyas bcom ldan 'das la zhus pa/ btsun pa rgan pos las gang dag bgyis na des lo drug cu'i bar du ma'i lto na mchis par gyur lags/ btsun pa las gang dag 
bgyis na des yid rtul bar gyur la rab tu byung nas dgra bcom pa nyid mngon sum du bgyis lags/ bcom ldan 'das kyis bka' stsal pa/ dge slong dag rgan po nyid kyis sngon tshe rabs gzhan dag tu tshogs rnyed cing rkyen grub pa dang ldan te dba' rgal bzhin du 
'byung la/ gdon mi za bar 'ong ba'i las de dag byas shing bsags pas na/ rgan po nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i 
khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang / khams dang / skye mched rnams 
'ba' zhig la rnam par smin par 'gyur ro/ /lus can dag gi las rnams ni/ /bskal pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur/ /dge slong dag sngon byung ba 'das pa'i dus na bskal pa bzang po 'di nyid 

</font><hr>75-1-260a<br><font size=+1>

la skye dgu'i tshe lo nyi khri thub pa na/ de bzhin gshegs pa dgra bcom pa yang dag par rdzogs pa'i sangs rgyas/ rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba bla na med pa/ lha dang 
mi rnams kyi ston pa/ sangs rgyas bcom ldan 'das 'od srung zhes bya ba 'jig rten du byung ste/ de grong khyer bA rA Na sI na drang srong smra ba ri dgas kyi nags na rten cing bzhugs so/ /de na tshong dpon gyi bu zhig gnas brtan zhig las rab tu byung ngo / /gnas brtan de ni dgra 
bcom pa 'dod chags spangs pa zhig go/ /de nas re zhig na yul der dus ston zhig byung nas dge slong gzhon nu des gnas brtan de bslang ste/ bzhengs la spyod yul gyi grong du bzhud do zhes byas so/ /gnas brtan gyis smras pa/ bu da dung sngas kyis re zhig song 
la dge ba'i phyogs gyis shig /lan gnyis lan gsum gyi bar du dge slong gzhon nu des gnas brtan de bslang ste/ bzhengs la spyod yul gyi grong du bzhud ces byas na yang lan gnyis lan gsum gyi bar du gnas brtan gyis bu da dungasngas kyis song la dge ba'i 
phyogs gyis shig ces byas so/ /de nas dge slong gzhon nu lto 'dun can des ngag gi las rtsub po smras te/ khyod lo drug cu'i bar du yang khyim nas ma byung shig /nga ni song zin no zhes byas so/ /bcom ldan 'das kyis bka' stsal pa/ dge slong dag ji snyam 
du sems/ de'i tshe de'i dus na dge slong gzhon nur gyur pa gang yin pa de ni dge slong rgan po 'di yin te/ des dgra bcom pa la sems sdang bar byas nas ngag gi las rtsub po smras pa'i las de'i rnam par smin pas ni lo drug cu'i bar du ma'i lta na 'dug 'dug go/ /
gzhan yang sngon chos la ser sna byas pa des ni shes rab 'chal par gyur to/ dbang po rnams tshegs chen pos yongs su smin par gyur to/ /des der bslabs pa dang / kha ton byas pa dang / phung po la mkhas pa dang / khams la mkhas pa dang / skye mched la 

</font><hr>75-1-260b<br><font size=+1>

mkhas pa dang / rten cing 'brel par 'byung ba la mkhas pa dang / gnas dang gnas ma yin pa la mkhas par byas pa des ni da ltar nga'i bstan pa la rab tu byung ste/ nyon mongs pa thams cad spangs nas dgra bcom pa nyid mngon sum du byas so/ /dge slong dag de bas 
na ngag gi nyes pa spang ba'i phyir 'bad par bya ste/ ci nas rgan po de so so'i skye bor gyur pa'i tshe'i nyes pa de lta bu dag mi 'byung bar bya'o/ /de nyid kyis dgra bcom pa nyid thob pa'i yon tan gyi tshogs de lta bu ni thob par bya ste/ dge slong khyed kyis de ltar bslab par bya'o/ /
bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do// //lag pa can zhes bya ba ni/ sangs rgyas bcom ldan 'das la rgyal po rnams dang / blon po chen po rnams 
dang /phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye 
chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das 
bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon med zas sbyin 
gyi kun dga' ra ba na bzhugs so/ /de'i tshe mnyan du yod pa na tshong dpon phyug cing nor mang la longs spyod che ba/ yongs su 'dzin pa yangs shing rgya che ba rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa des rigs mnyam pa las 

</font><hr>75-1-261a<br><font size=+1>

chung ma blangs nas/ de de dang lhan cig tu rtse zhing dga' la dga' mgur spyod do/ /de rtse zhing dga' la dga' mgur spyod pa las chung ma la bu chags nas/ de zla ba brgyad dam dgu lon pa dang bu byung ste/ khye'u gzugs bzang zhing blta na sdug 
la mdzes pa/ mdog bzang ba/ gser gyi kha dog can/ yan lag dang nying lag thams cad dang ldan pa/ rang bzhin gyis tshe rabs dran pa zhig btsas so/ /de nas des rang gi lag pa bzung ste/ 'o byed cing mthang la 'jor bar byed la 'khyud par byed de 
tshig tu smras pa/ kye ma bdag gi lag gu gnyis shin tu yun ring mo zhig nas gdod rnyed do/ /kye ma bdag gi lag gu gnyis shin tu yun ring mo zhig nas gdod rnyed do zhes zer ro/ /de nas de btsas pa'i btsas ston byas nas khye'u 'di'i ming ji skad gdags zhes 
ming 'dogs par byed de/ de'i nye du rnams na re 'di btsas ma thag tu lag pa bzung ste 'o byed cing mthang la 'jor la 'khyud par byed pas na de'i phyir khye'u 'di'i ming lag pa can zhes gdags so zhes zer ro/ /de nas khye'u lag pa can pang na 'tsho ba'i ma ma gnyis 
dang / nu ma snun pa'i ma ma gnyis dang / dri ma 'khru ba'i ma ma gnyis dang / rtse ba'i ma ma gnyis te/ ma ma brgyad la gtad nas/ de ma ma brgyad kyis 'o ma dang / zho dang / mar dang / zhun mar dang / mar gyi nying khu dang / gzhan yang yo byad 
kyi khyad par bzang ngo cog gis bskyed bsrings te mtsho'i nang gi pad ma bzhin du skye drag par gyur to/ /de nas gang gi tshe yul der 'jigs pa zhig byung ba de'i tshe skye bo'i tshogs 'jigs par gyur te phan tshun du ci bya gtol med nas rdzas rnams sbed par byed do/ /khye'u 
lag pa can ni lag pa gnyis sbed par byed de/ skye bo'i tshogs la yang 'di skad du/ kye yon gnas rnams la sems sdang bar ma byed cig /tshig rtsub po ma zer cig /kye bdag gi lag gu gnyis shin tu yun ring mo zhig nas gdod rnyed do zhes zer ro/ /de nas 

</font><hr>75-1-261b<br><font size=+1>

phyi zhig na khye'u lag pa can rgyal bu rgyal byed kyi tshal du song ba dang / des sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan pa/ dpe byad bzang po brgyad cus mdzes par byas pa/ 'od 'dom gang gis brgyan pa/ nyi ma 
stong bas lhag pa'i 'od mnga' ba/ rin po che'i ri bo 'gro ba lta bu kun nas bzang ba mthong nas/ mthong ma thag tu des bcom ldan 'das la sems dga' bar byas te/ dga' ba skyes nas bcom ldan 'das kyi zhabs la phyag 'tshal te chos mnyan pa'i phyir bcom ldan 
'das kyi spyan sngar 'dug go/ /de nas bcom ldan 'das kyis de'i bsam pa dang / bag la nyal dang / khams dang / rang bzhin thugs su chud nas/ 'phags pa'i bden pa bzhi rtogs par 'gyur ba de lta bu'i chos bstan te/ de thos nas lag pa can gyis 
'jig tshogs la lta ba'i ri'i rtse mo mthon po nyi shu ye shes rdo rjes bcom nas rgyun du zhugs pa'i 'bras bu mngon sum du byas te/ des bden pa mthong nas pha ma la gsol te bcom ldan 'das kyi bstan pa la rab tu byung nas/ des brtson pa dang / bsgrub pa dang / 'bad 
pas phol mig lnga pa'i 'khor ba'i 'khor lo 'di nyid g.yo zhing mi brtan par rig nas 'du byed kyi rnam pa thams cad snyil ba dang / ltung ba dang / rnam par 'thor ba dang / rnam par 'jig pa'i chos can yin par rtsad chod de/ nyon mongs pa thams cad spangs nas dgra 
bcom pa nyid mngon sum du byas te/ dgra bcom pa khams gsum pa'i 'dod chags dang bral bar gyur nas gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan sbangs pa lta bur bsil bar gyur pa/ rig pas 
sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i snyed pa dang / chags pa dang / bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang 

</font><hr>75-1-262a<br><font size=+1>

gus par smra ba'i gnas su gyur to/ /de dgra bcom pa nyid thob par gyur kyang de bzhin du dge slong rnams la chos ston te/ kye yon gnas rnams la sems sdang bar ma byed cig /tshig rtsub po ma zer cig /kye ma bdag gi lag gu gnyis 
shin tu yun ring mo zhig nas gdod rnyed do zhes zer ro/ /de nas dge slong dag the tsom skyes te/ the tsom thams cad gcod pa sangs rgyas bcom ldan 'das la zhus pa/ btsun pa lag pa can gyis las gang dag bgyis shing bsags na des dgra bcom pa nyid thob 
lags na yang de bzhin du kye ma bdag gi lag gu gnyis shin tu yun ring mo zhig nas gdod rnyed do zhes mchi lags/ bcom ldan 'das kyis bka' stsal pa/ dge slong dag gang dag 'di ni las kyi 'bras bu mngon sum du mthong ba yin no/ /des ci las 
bsams te de skad zer ba khyed nyan par 'dod dam/ btsun pa mnyan par 'tshal lags so/ /dge slong dag lag pa can nyid kyis sngon tshe rabs gzhan dag tu tshogs rnyed cing rkyen grub pa dang ldan te dba' rgal bzhin du 'byung la/ gdon mi za bar 'ong ba'i las 
de dag byas shing bsags pas na/ lag pa can nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i 
khams dang / me'i khams dang / rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro/ /lus 
can dag gi las rnams ni/ /bskal pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur/ /dge slong dag sngon byung ba 'das pa'i dus na/ bskal pa bzang po 'di nyid la skye dgu'i tshe lo nyi khri thub pa na de bzhin 

</font><hr>75-1-262b<br><font size=+1>

gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das 'od srung 
zhes bya ba 'jig rten du byung ste/ de grong khyer bA rA Na sI na drang srong smra ba ri dgas kyi nags na rten cing bzhugs so/ /re zhig na de na dge slong gnyis shig mdza' zhing 'dug ste/ de'i nang na gcig ni dgra bcom pa yang yin la mang du thos pa yang yin no/ /cig shos 
ni so so'i skye bo yang yin la thos pa yang nyung ngo / /de la dgra bcom pa mang du thos pa de ni kun gyis shes pa/ bsod nams chen po dang ldan pa/ gos dang / zas dang / mal cha dang / stan dang / nad gsos dang / sman zong rnams brnyes pa/ g.yar 
'dren pa mang du rnyed pa zhig ste/ gang du g.yar drangs pa der des dge slong mdza' bo de phyi bzhin 'brang ba'i dge sbyong du khrid do/ /re zhig na nyi ma gcig cig dgra bcom pa de yang g.yar drangs te 'gro bar chad pa las phyi bzhin 'brang ba'i dge sbyong de btsal na ma rnyed do/ /
de nas de mi snang nas des dge slong gzhan zhig khrid pa dang / re zhig na der dge slong gzhon nu sems rgod pa dag gis 'di skad ces smras te/ btsun pa dag gzigs dang / des phyi bzhin 'brang ba'i dge sbyong 'di yang deng ma khrid de gzhan khrid do zhes byas so/ /
de nas de khros te dgra bcom pa la sems sdang bar byas nas ngag gi las rtsub po smras te/ bdag gis phyin cad de'i lhung bzed bkrus su zin na bdag gi lag pa 'di gnyis med par gyur cig ces byas so/ /bcom ldan 'das kyis bka' stsal pa/ dge slong dag 
ji snyam du sems/ de'i tshe de'i dus na dge slong mdza' bor gyur pa gang yin pa de ni lag pa can 'di yin te/ des dgra bcom pa la sems sdang bar byas te ngag gi las rtsub po smras pa des na tshe rabs lnga brgyar lag pa med par gyur to/ /phyis snying nas 'gyod 

</font><hr>75-1-263a<br><font size=+1>

pa skyes te nyes pa la nyes so zhes 'thol zhing bshags te rnam par phye zhing bsal bar byas pa des ni lag pa thob par gyur to/ /des der bslabs pa dang / kha ton du byas pa dang / phung po la mkhas pa dang / khams la mkhas pa dang / skye mched 
la mkhas pa dang / rten cing 'brel par 'byung ba la mkhas pa dang / gnas dang gnas ma yin pa la mkhas par byas pa des ni da ltar dgra bcom pa nyid mngon sum du byas so/ /dge slong dag de ltar na las gcig tu nges par gnag pa rnams ni rnam par smin pa yang gcig 
tu nges par gnag par 'gyur ro/ /las gcig tu nges par dkar ba rnams ni rnam par smin pa yang gcig tu nges par dkar bar 'gyur ro/ /las 'dren ma rnams ni rnam par smin pa yang 'dren mar 'gyur ro/ /dge slong dag de bas na las gcig tu nges par gnag pa 
rnams dang las 'dren ma rnams spangs la/ las gcig tu nges par dkar ba rnams 'ba' zhig la gtad par bya ste/ dge slong khyed kyis de ltar bslab par bya'o/ /bcom ldan 'das kyis de skad ces bka' stsal nas/ dge slong de dag yi rangs te/ bcom ldan 
'das kyis gsungs pa la mngon par bstod do// //'de gus gsos zhes bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded 
dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha 
dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang /

</font><hr>75-1-263b<br><font size=+1>

gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ /de'i tshe mnyan du yod pa na bram ze phyug cing nor mang 
la longs spyod che ba/ yongs su 'dzin pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa des rigs mnyam pa las chung ma blangs nas/ de de dang lhan cig tu rtse zhing dga' la dga' mgur spyod 
do/ /de rtse zhing dga' la dga' mgur spyod pa las chung ma la bu chags nas/ de zla ba brgyad dam dgu lon pa dang bu byung ste/ khye'u mdog ngan pa/ blta na mi sdug pa/ byad ngan pa zhig btsas te/ de btsas ma thag tu de'i ma'i nu ma gnyis la 'o ma med par gyur 
to/ /re zhig na bram ze des de'i ma ma gzhan zhig bkug na de'i 'o ma yang khye'u de'i las kyi rnam par smin pas med par gyur to/ /de nas gang gi tshe de'i phyir 'o ma 'byung ba'i thabs sbyar ba thams cad las kyang 'o ma mi 'byung bar gyur pa de'i tshe de 'de gus gsos nas de'i 
ming 'de gus gsos 'de gus gsos zhes bya bar btags so/ /de bsod nams chung bar grags shing bsod nams chung ba zhig ste gang gi tshe de cher skyes pa de'i tshe lto gang yang mi rnyed do/ /de nas des dge slong sham thabs legs par gyon pa/ gos legs par 
bgos pa dag lhung bzed bung ba'i mdog ltar gnag pa thogs nas mnyan du yod par bsod snyoms la 'gro la/ de dag kyang lag pa yang bkang / lhung bzed kyang bkang ste phyir byung ba mthong ngo / /mthong nas kyang de bcom ldan 'das kyi bstan pa la rab tu 'byung 
bar 'dod par gyur nas des pha ma la gsol te bcom ldan 'das kyi bstan pa la rab tu byung ngo / /de rab tu byung yang lto gang yang mi rnyed nas de skyo bar gyur pa de nyid kyis brtson pa dang / bsgrub pa dang / 'bad pas phol mig lnga pa'i 'khor ba'i 'khor lo 'di nyid 

</font><hr>75-1-264a<br><font size=+1>

g.yo zhing mi brtan par rig nas 'du byed kyi rnam pa thams cad snyil ba dang / ltung ba dang / rnam par 'thor ba dang / rnam par 'jig pa'i chos can yin par rtsad chod de/ nyon mongs pa thams cad spangs nas dgra bcom pa nyid mngon sum du byas te/ 
dgra bcom pa khams gsum pa'i 'dod chags dang bral bar gyur nas gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan sbangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par 
shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang gus par smra ba'i gnas su gyur to/ /de nas phyis re zhig na bcom ldan 'das 
kyi dri gtsang khang 'phyag pa la zhugs te/ des de phyags nas sham thabs dang chos gos bgos te lhung bzed thogs nas mnyan du yod par bsod snyoms la song ngo / /de nas des bsod snyoms bzang po mang po dag rnyed de/ des de'i dbang po rnams dang 'byung ba chen po rnams tshim 
par gyur to/ /de nas de dbang po tshim par gyur nas bsam gtan dang / rnam par thar pa dang / snyoms par zhugs pa rnams kyis mtshan rangs par 'das par byas so/ /de nas de'i blo skyes pa/ ma la thabs 'di ni bzang po zhig gis bdag gis dge slong gi dge 'dun 
la gsol ba gdab bo snyam mo/ /de nas des dge slong gi dge 'dun thams cad la gsol ba btab pa/ btsun pa dag bdag ni bsod nams chung ste/ gang gi tshe dri gtsang khang du phyag dar bgyis nas bsod snyoms la mchis pa de'i tshe gdod 'drangs par gyur te/ de bas 
na bdag la dge 'dun gyis thugs brtse bar mdzod la gzhan sus kyang dri gtsang khang du phyag dar mi mdzad par gsol zhes byas so/ /de nas bcom ldan 'das kyi dri gtsang khang du sus kyang phyag dar mi bya'o zhes dge 'dun gyis khrims bcas nas des bag yangs su dri gtsang 

</font><hr>75-1-264b<br><font size=+1>

khang phyags pa'i 'og tu mnyan du yod par bsod snyoms la 'gro bar byed do/ /de'i tshe na tshe dang ldan pa shA ri'i bu yang 'khor lnga brgya dang rgyal bu rgyal byed kyi tshal du dbyar gnas par dam bcas nas mnyan du yod par lhags te ston pa la gus pa bskyed nas dri gtsang khang du 
phyag dar byas so/ /de nas tshe dang ldan pa 'de gus gsos kyis tshor nas des smras pa/ gnas brtan khyod kyis dri gtsang khang du phyag dar byas pa ni bdag gi ltor bsnun par bas so/ /gnas brtan gyis smras pa ci nyes/ 'de gus gsos kyis smras pa/ gnas 
brtan gang gi tshe bdag gis dri gtsang khang du phyag dar ma byas pa de'i tshe bdag gis bsod snyoms mi rnyed do/ /de nas gnas brtan shA ri'i bus smras pa/ gal te de lta na bdag ga zhig tu g.yar drangs kyis khyod snying ma chung shig dang / bdag gis der khyod la kha 
zas sbyin par bya'o/ /de nas gnas brtan shA ri'i bu 'khor lnga brgya dang bcas pa'i spyan 'dren 'ongs nas 'de gus gsos kyang de dag dang lhan cig tu chas so/ /de nas gang gi tshe khyim bdag de'i sgo dang nye ba zhig tu phyin pa de'i tshe 'de gus gsos kyi las kyi rnam 
par smin pas khyim der thab mo chen po byung ngo / /de nas tshe dang ldan pa 'de gus gsos 'di snyam du sems te/ bdag bsod nams chung ba'i phyir thab mo byung ngo snyam mo/ /de nas phyir log ste gtsug lag khang du song nas smyung bar 'dug go/ /de nas phyi de nyin 
par tshe dang ldan pa shA ri'i bus smras pa/ khyod ci'i phyir ma 'ongs/ des smras pa/ bdag bsod nams chung ba'i phyir der thab mo ji ltar byung ba gnas brtan gyis mi mkhyen tam/ de nas gnas brtan shA ri'i bus de'i nyin par mdun du bcug ste/ khyim de'i 
nang du song nas dge 'dun gyi khrod du 'dug na yang / g.yas g.yos su ni kha zas brims la de la ni 'drim pa'i mis kyang brjed nas de dge 'dun gyi khrod de kho nar lan gnyis su smyung bar gyur to/ /de nas re zhig na gtam de gnas brtan kun dga' bos thos so/ /

</font><hr>75-1-265a<br><font size=+1>

thos nas kyang 'de gus gsos la smras pa/ 'o na khyod rgyal bu rgyal byed kyi tshal 'di nyid du 'dug shig dang bdag gis khyod kyi zas khyer te 'ong ngo zhes byas so/ /gnas brtan kun dga' bo ni bcom ldan 'das las chos kyi phung po brgyad khri lobs pa dang 
dge slong gzhan dag las nyi khri lobs pa de lta bu'i dran pa dang ldan pa yin na/ 'de gus gsos kyi las kyi sgrib pas gnas brtan kun dga' bos kyang brjed par gyur te der yang de lan gsum smyung bar gyur to/ /de nas zhag bzhi lon pa'i tshe gnas brtan kun dga' bos 
bsgrims te bsod snyoms byin na/ de yang phyir 'gro ba'i tshe khyi rnams kyis phrogs te der yang de lan bzhi smyung bar gyur to/ /de nas zhag lnga lon pa'i tshe gnas brtan maud gal gyi bu chen pos thos nas 'de gus gsos kyi phyir bsod snyoms blangs nas rdzu 'phrul gyis chas pa dang / 
'de gus gsos kyi las kyi rnam par smin pas bya'i rgyal po nam mkha' lding gi 'dab lcag gis bsnun nas rgya mtsho'i nang du bor te der yang de lan lnga smyung bar gyur to/ /de nas zhag drug lon pa'i tshe gnas brtan shA ri'i bus thos nas de 'di snyam du sems te/ ma la bdag 
kho nas 'de gus gsos kyi bsod snyoms blang gor ma chag snyam mo/ /de nas gnas brtan shA ri'i bus de'i bsod snyoms blangs nas khyim de nyid du mi snang bar byas te 'de gus gsos kyi gnas khang gi sgor 'ongs so/ /de nas 'de gus gsos kyi las kyi rnam par smin pas 
sgo de yang brag gis 'khor bar gyur to/ /de nas gnas brtan shA ri'i bus rdzu 'phrul gyis sgo dbye'o snyam nas lhung bzed de sa la bzhag pa dang / de yang 'de gus gsos kyi las kyi rnam par smin pas thur du dpag tshad brgyad khri'i 'og na gser gyi sa gzhi yod pa'i steng 
du song nas/de las kyang gnas brtan shA ri'i bus rdzu 'phrul gyis phyung nas zas de khar gzhug go snyam ste zas de khar bcug na de'i las kyi rnam par smin pas kha de med par phyi la bor bar gyur to/ /de nas tshe dang ldan pa shA ri'i bu 'de gus gsos la skal ba med par 

</font><hr>75-1-265b<br><font size=+1>

shes nas skyo bar gyur te/ /der yang btsun pa de lan drug smyung bar gyur to/ /de nas zhag bdun lon pa'i nyin par tshe dang ldan pa 'de gus gsos kyis sems can rnams skyo ba bskyed pa dang / las rnams chud mi za bar bstan pa dang / las kyi stobs gleng ba'i phyir lhung 
bzed thal bas bkang ste/ sangs rgyas la sogs pa dge slong gi dge 'dun gyi spyan sngar 'dug nas chu dang bskyos te 'thungs nas phung po'i lhag ma med pa'i mya ngan las 'das pa'i dbyings su yongs su mya ngan las 'das so/ /de nas dge slong rnams kyis de mthong nas skyo bar gyur 
te de'i sku gdung la sku gdung gi mchod pa byas so/ /de nas dge slong dag the tsom skyes te/ the tsom thams cad gcod pa sangs rgyas bcom ldan 'das la zhus pa/ btsun pa 'de gus gsos kyis las gang dag bgyis na des dgra bcom pa nyid thob par gyur kyang zhag drug 
smyung bar gyur nas zhag bdun pa'i gdugs la phung po'i lhag ma med pa'i mya ngan las 'das pa'i dbyings su yongs su mya ngan las 'das lags/ bcom ldan 'das kyis bka' stsal pa/ dge slong dag 'de gus gsos nyid kyis sngon tshe rabs gzhan dag tu tshogs rnyed cing 
rkyen grub pa dang ldan te dba' rgal bzhin du 'byung la/ gdon mi za bar 'ong ba'i las de dag byas shing bsags pas na/ 'de gus gsos nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag las byas 
shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang / khams 
dang / skye mched rnams 'ba' zhig la rnam par smin par 'gyur ro/ /lus can dag gi las rnams ni/ /bskal pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur/ /dge slong dag sngon byung ba 'das pa'i dus na grong 

</font><hr>75-1-266a<br><font size=+1>

khyer bA rA Na sI na khyim bdag cig gi chung ma dad pa dang ldan la dge zhing bsam pa bzang ba zhig 'dug pa de rgyun mi 'chad par dge sbyong dang / bram ze dang / bkren pa dang / sdug cing phongs pa dang / slong ba rnams la sbyin pa dag byed do/ /phyis de'i 
khyim thab shi nas re zhig na de'i bu bdag gi khyim gyi bdag por gyur to/ /de yang ser sna can/ 'jungs pa/ yo byad la kun tu 'dzin pa/ khwa la yang gtor ma mi ster ba zhig ste/ de dge sbyong dang / bram ze dang / bkren pa dang / sdug cing phongs pa dang / slong ba 
rnams mthong na sems sdang bar byed do/ /de'i ma ni sngon gyi lugs bzhin du dge sbyong dang / bram ze dang / bkren pa dang / sdug cing phongs pa dang / slong ba rnams la sbyin pa dang rab tu sbyin pa dag sbyin par byed do/ /de nas de'i bu ser snas non pa des smras pa/ yum bdag 
ma dad kyis sbyin pa ma sbyin cig /des smras pa/ bu gcig khyim 'di na khyim gyi lugs kyis de yin no/ /de nas des logs shig tu zan phog ste bzhag na 'on kyang de zan gyi phyed ni sbyin par byed do/ /phyed ni bdag nyid za'o/ /de nas ser snas non cing khro bas bsgribs pa'i blo 
can des yang dang yang du bkag ste/ thabs ji lta bus bkag kyang de dgag ma nus nas ma la smras pa/ yum bgyi ba zhig mchis kyis khyim gyi phug tu bzhud cig /de nas rang bzhin gyis drang ba de khyim gyi phug tu song ngo / /de nas des sgo bcad de nyi ma gcig zan bcad 
nas des smras pa/ bu bdag bkres so/ /de nas des tshig rtsub po smras te thal ba 'gom cig ces byas so/ /de nas re zhig na nyam nga zhing mi bde la gnod pa dang phrad pa des snying rje rje skad du khus btab kyang zhag drug gi bar smyung du bcug ste ma btang nas shi'o/ /'on kyang ser 
snas bsgribs pa de ma dang bral ba la 'gyod pa med do/ /bcom ldan 'das kyis bka' stsal pa/ dge slong dag ji snyam du sems/ de'i tshe de'i dus na khyim bdag gi bur gyur pa gang yin pa de ni 'de gus gsos 'di yin te/ des ma la gnod pa byas pa'i las de'i 

</font><hr>75-1-266b<br><font size=+1>

rnam par smin pas bskal pa gcig gi bar du sems can dmyal ba chen po mnar med par skyes so/ /rgyu de kho nas da ltar dgra bcom pa nyid mngon sum du byas kyang smyung bar gyur te thal ba zos nas yongs su mya ngan las 'das so/ /dge slong dag 'de gus gsos kyis ni las gzhan 
dag kyang byas shing bsags te/ dge slong dag sngon byung ba 'das pa'i dus na grong khyer bA rA Na sI na bram ze lha la rten pa bA rA Na sI na gnas pa'i bram ze dang / khyim bdag dang / skye bo thams cad kyis kun du bkur sti bya ba dang / bla mar bya ba dang / ri mo bya ba dang / mchod 
cing bkur ba zhig yod do/ /chos nyid kyis na sangs rgyas rnams 'jig rten du mi 'byung ba'i tshe rang sangs rgyas sdug cing phongs pa rnams la snying brtse ba dang / bas mtha'i gnas mal gyis 'tsho ba/ 'jig rten gyi yon gnas gcig pu rnams 'jig rten du 'byung ste/ re zhig 
na rang sangs rgyas gcig cig bA rA Na sI na bsod snyoms la song ba dang / de der lag pa yang bkang / lhung bzed kyang bkang ste phyir byung ba bram ze des mthong nas/ de ser sna skyes te lhung bzed bltas tshur khyer shog ces byas so/ /nyan thos dang rang sangs rgyas rnams ni ma 
bsams par shes pa mi 'jug ste btsun pa des bstan to/ /de nas des sa la pho nas rkang pas bsnun to/ /de nas rang sangs rgyas de smyung bar 'dug kyang bram ze de 'gyod pa ma skyes so/ /dge slong dag ji snyam du sems/ de'i tshe de'i dus na bram zer gyur pa gang yin pa de 
ni 'de gus gsos 'di yin no/ /gzhan yang bcom ldan 'das 'od srung gi ring la rab tu byung ste/ des der tshangs par spyod pa'i gnas bsrungs pa des na da ltar dgra bcom pa nyid mngon sum du byas so/ /dge slong dag de ltar na las gcig tu nges par gnag pa rnams ni rnam 
par smin pa yang gcig tu nges par gnag par 'gyur ro/ /las gcig tu nges par dkar ba rnams ni rnam par smin pa yang gcig tu nges par dkar bar 'gyur ro/ /las 'dren ma rnams ni rnam par smin pa yang 'dren mar 'gyur ro/ /dge slong dag de bas na las gcig tu nges 

</font><hr>75-1-267a<br><font size=+1>

par gnag pa rnams dang las 'dren ma rnams spangs la/ las gcig tu nges par dkar ba rnams 'ba' zhig la gtad par bya ste/ dge slong khyed kyis de ltar bslab par bya'o/ /bcom ldan 'das kyis de skad ces bka' stsal nas/ dge slong de dag yi 
rangs te/ bcom ldan 'das kyis gsungs pa la mngon par bstod do// //'khor ba zhes bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / 
ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / 
klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun 
gsos dang / sman zong rnams brnyes pa/ nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ /de'i tshe mnyan du yod pa na khyim bdag phyug cing nor mang la longs spyod che ba/ yongs su 
'dzin pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa des rigs mnyam pa las chung ma blangs nas/ de de dang lhan cig tu rtse zhing dga' la dga' mgur spyod do/ /de rtse zhing dga' la dga' mgur spyod pa las chung ma la bu 
chags nas/ de zla ba brgyad dam dgu lon pa dang bu byung ste/ khye'u gzugs bzang zhing blta na sdug la mdzes pa/ yan lag dang nying lag thams cad dang ldan pa zhig btsas te/ de btsas ma thag tu khyim gyi mi rnams la bltas nas tshig tu smras pa/ kye ma 'khor ba ni sdug bsngal 

</font><hr>75-1-267b<br><font size=+1>

ba'o/ /'khor ba ni mchog tu sdug bsngal ba'o zhes smras nas cang mi zer bar 'dug go/ /de nas de btsas pa'i btsas ston byas nas khye'u 'di'i ming ji skad gdags zhes ming 'dogs par byed de/ nye du rnams na re 'di btsas ma thag tu 'khor ba 'khor ba zhes sgrogs pas na de'i 
phyir khye'u 'di'i ming 'khor ba zhes gdags so zhes zer ro/ /de nas khye'u 'khor ba pang na 'tsho ba'i ma ma gnyis dang / nu ma snun pa'i ma ma gnyis dang / dri ma 'khru ba'i ma ma gnyis dang / rtse ba'i ma ma gnyis te ma ma brgyad la gtad nas/ de ma ma brgyad kyis 'o ma dang / 
zho dang / mar dang / zhun mar dang / mar gyi nying khu dang / gzhan yang yo byad kyi khyad par bzang ngo cog gis bskyed bsrings te mtsho'i nang gi pad ma bzhin du skye drag par gyur to/ /de nas de mthar gyis cher skyes pa dang / de rang bzhin gyis tshe rabs dran pas skye bo'i tshogs la 
chos ston te/ kye bla ma rnams dang / bla ma lta bu rnams dang / pha ma dang / mkhan po dang / slob dpon rnams la tshig rtsub po ma zer cig /'khor ba ni sdug bsngal ba'o/ /'khor ba ni mchog tu sdug bsngal ba'o zhes zer ro/ /de nas phyis re zhig na phan tshun du 'khyam du song 
song ba las rgyal bu rgyal byed kyi tshal du phyin nas/ des sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan pa/ dpe byad bzang po brgyad cus mdzes par byas pa/ 'od 'dom gang gis brgyan pa/ nyi ma stong bas lhag pa'i 'od mnga' 
ba/ rin po che'i ri bo 'gro ba lta bu kun nas bzang ba mthong nas/ mthong ma thag tu bcom ldan 'das la sems dga' bar gyur to/ /de dga' ba skyes nas bcom ldan 'das kyi zhabs la phyag 'tshal te chos mnyan pa'i phyir bcom ldan 'das kyi spyan sngar 'dug go/ /de nas bcom 
ldan 'das kyis de la 'khor ba las skyo bar 'gyur ba'i chos bstan pa mdzad de/ de thos nas khye'u 'khor ba 'khor ba la nyes par lta ba dang / mya ngan las 'das pa la yon tan du lta bar gyur te pha ma la gsol nas bcom ldan 'das kyi bstan pa la rab tu byung ste/ des brtson pa dang /

</font><hr>75-1-268a<br><font size=+1>

bsgrub pa dang / 'bad pas phol mig lnga pa'i 'khor ba'i 'khor lo 'di nyid g.yo zhing mi brtan par rig nas 'du byed kyi rnam pa thams cad snyil ba dang / ltung ba dang / rnam par 'thor ba dang / rnam par 'jig pa'i chos can yin par rtsad chod de/ nyon mongs 
pa thams cad spangs nas dgra bcom pa nyid mngon sum du byas te/ dgra bcom pa khams gsum pa'i 'dod chags dang bral bar gyur nas gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan sbangs pa lta bur bsil bar gyur pa/ rig pas 
sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba dbang po dang nye dbang dang bcas pa'i lha rnams kyis mchod cing rjed pa dang /gus par smra ba'i gnas su gyur to/ /
de dgra bcom par gyur kyang dge slong rnams la chos ston te/ tshe dang ldan pa dag bla ma rnams dang / bla ma lta bu rnams dang / pha ma dang / mkhan po dang / slob dpon rnams la tshig rtsub po ma zer cig /'khor ba ni sdug bsngal ba'o/ /'khor ba ni mchog tu sdug bsngal ba'o zhes zer 
ro/ /de nas dge slong dag the tsom skyes te/ the tsom thams cad gcod pa sangs rgyas bcom ldan 'das la zhus pa/ btsun pa 'khor bas las gang dag bgyis na des tshe rabs lnga brgya'i bar du ma'i lto nas gum pa'i ro byung la/ rab tu byung nas dgra bcom pa nyid mngon sum du bgyis lags/ 
bcom ldan 'das kyis bka' stsal pa/ dge slong dag 'khor ba nyid kyis sngon tshe rabs gzhan dag tu tshogs rnyed cing rkyen grub pa dang ldan te dba' rgal bzhin du 'byung la/ gdon mi za bar 'ong ba'i las de dag byas shing bsags pas na/ 'khor ba nyid kyis las byas shing bsags 
pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang mi dge ba 

</font><hr>75-1-268b<br><font size=+1>

byas shing bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro/ /lus can dag gi las rnams ni/ /bskal pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur/ /dge slong 
dag sngon byung ba 'das pa'i dus na bskal pa bzang po 'di nyid la skye dgu'i tshe lo nyi khri thub pa na de bzhin gshegs pa dgra bcom pa yang dag par rdzogs pa'i sangs rgyas rig pa dang / zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba 
bla na med pa/ lha dang mi rnams kyi ston pa/ sangs rgyas bcom ldan 'das 'od srung zhes bya ba 'jig rten du byung ste/ de grong khyer bA rA Na sI na drang srong smra ba ri dgas kyi nags na rten cing bzhugs so/ /de'i tshe grong khyer bA rA Na sI na tshong dpon gyi bu zhig gnas brtan zhig las rab tu byung ngo / /
gnas brtan de ni dgra bcom pa 'dod chags spangs pa zhig go/ /de nas re zhig na yul der dus ston zhig byung ngo / /de nas dge slong gzhon nu des gnas brtan de bslang ste/ bzhengs la spyod yul gyi grong du bzhud do zhes byas so/ /gnas brtan gyis smras pa/ bu da dung sngas kyis re zhig 
song la dge ba'i phyogs gyis shig /lan gnyis lan gsum gyi bar du dge slong gzhon nu des gnas brtan de bslang ste bzhengs la spyod yul gyi grong du bzhud ces byas na yang / lan gnyis lan gsum gyi bar du gnas brtan gyis/ bu da dung sngas kyis song la dge ba'i phyogs gyis shig ces 
byas so/ /de nas dge slong gzhon nu lto 'dun can des ngag gi las rtsub pos smras te/ khyod tshe rabs lnga brgya'i bar du yang gson por khyim nas phyir ma byung shig /nga ni song zin no zhes byas so/ /bcom ldan 'das kyis bka' stsal pa/ dge slong dag ji snyam du sems/ de'i tshe de'i dus na 
dge slong gzhon nur gyur pa gang yin pa de ni 'di yin te/ des dgra bcom pa la sems sdang bar byas nas tshig rtsub po smras pa'i las de'i rnam par smin pas tshe rabs lnga brgya'i bar du ma'i lto nas shi ba'i ro byung nas/ da ltar mir skyes te de dran nas 'khor ba ni sdug bsngal ba'o/ /'khor ba ni 

</font><hr>75-1-269a<br><font size=+1>

mchog tu sdug bsngal ba'o zhes zer ba yin no/ /de 'gyod pa skyes te gnas brtan la nyes pa bshags pa dang tshangs par spyod pa'i gnas bsrungs pa des ni da ltar dgra bcom pa nyid mngon sum du byas so/ /dge slong dag de ltar na las gcig tu nges par gnag pa rnams ni rnam 
par smin pa yang gcig tu nges par gnag par 'gyur ro/ /las gcig tu nges par dkar ba rnams ni rnam par smin pa yang gcig tu nges par dkar bar 'gyur ro/ /las 'dren ma rnams ni rnam par smin pa yang 'dren mar 'gyur ro/ /dge slong dag de bas na las gcig tu nges par gnag 
pa rnams dang las 'dren ma rnams spangs la/ las gcig tu nges par dkar ba rnams 'ba' zhig la gtad par bya ste/ dge slong khyed kyis de ltar bslab par bya'o/ /bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis 
gsungs pa la mngon par bstod do// //gang po la sogs pa'i rtogs pa brjod pa brgya pa/ /bam po nyi shu gnyis pa ste tha ma/ sbed pa zhes bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho 
brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ 
ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / 
gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ /gang gi tshe bcom ldan 'das rgya skegs kyi rna ba can 

</font><hr>75-1-269b<br><font size=+1>

gyis spyan drangs te/ yul slo ma can gyi skye bo mang po gdul bar bya ba rnams dad par mdzad pa de'i tshe yul slo ma can na gnas pa'i skye bo'i tshogs thams cad sangs rgyas la gzhol/ chos la 'bab/ dge 'dun la 'bab ste/ 'khod do/ /de'i tshe yul slo ma can na khyim bdag phyug cing nor mang 
la longs spyod che ba/ yongs su 'dzin pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa des rigs mnyam pa las chung ma blangs nas/ de de dang lhan cig tu rtse zhing dga' la dga' mgur spyod do/ /de rtse zhing dga' la dga' 
mgur spyod pa las chung ma la bu chags nas/ de zla ba brgyad dam dgu lon pa dang bu byung ste/ khye'u zhig btsas nas btsas ma thag tu de'i lus thams cad phol mig gis zhu lub tu khyab par 'dug ste/ gang gi tshe phol mig de dag rdol ba de'i tshe sha snag bu phyil por gyur te/ de'i lus las 
rnag khrag 'dzag cing dri shin tu mnam pa 'byung ngo / /de nas de'i phas dbang phyug gi stobs kyi shugs kyis nor dang / sngags dang / sman dang / g.yog dang ldan par bdag nyid kyis gsos na/ 'on kyang las kyi stobs kyi shugs thob pas nad de zhi bar ma gyur te lus thams cad de lta bur 
gyur nas ngo tsha ste gos kyis sbed par byed pas na de'i ming sbed pa zhes btags so/ /de nas re zhig na khye'u sbed pa cher skyes nas de'i grogs po na zla rnams mnyan du yod pa'i grong khyer slo ma can du dong dong ba de dag gis de'i pha la smras pa/ yab gal te 'di mnyan du yod par khrid na ni de na sman pa dang / 
sman la sogs pa mchis te mod pas nad de las gso nus so zhes byas so/ /de nas de'i phas tshig de mnyan nas rin po che mang po dang / g.yog rnams byin te mnyan du yod par btang nas de mthar gyis grogs po na zla rnams dang mnyan du yod par phyin na de na sman pa dang / nor dang / sman dang / 
g.yog kyang mang du yod mod kyi/ de'i las las skyes pa'i nad de gso ma nus so/ /de nas phyis re zhig na de rgyal bu rgyal byed kyi tshal du song nas/ de sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan pa/ dpe byad bzang po brgyad cus mdzes par 

</font><hr>75-1-270a<br><font size=+1>

byas pa/ 'od 'dom gang gis brgyan pa/ nyi ma stong bas lhag pa'i 'od mnga' ba/ rin po che'i ri bo 'gro ba lta bu kun nas bzang ba mthong nas/ mthong ma thag tu de bcom ldan 'das la sems dga' bar gyur to/ /de dga' ba skyes nas bcom ldan 'das kyi zhabs la phyag 
'tshal te chos mnyan pa'i phyir bcom ldan 'das kyi spyan sngar 'dug go/ /de nas bcom ldan 'das kyis de'i bsam pa dang / bag la nyal dang / khams dang / rang bzhin thugs su chud nas 'phags pa'i bden pa bzhi rtogs par 'gyur ba de lta bu'i chos bstan te/ de thos nas nye 
bar len pa'i phung po lnga nad dang / phol mig dang / zug rngu dang / sdig pa dang / mi rtag pa dang / sdug bsngal ba yin par rtogs te/ 'du byed thams cad mi rtag par rig nas bcom ldan 'das kyi bstan pa la rab tu byung ste/ des brtson pa dang / bsgrub pa dang / 'bad pas phol 
mig lnga pa'i 'khor ba'i 'khor lo 'di nyid g.yo zhing mi brtan par rig nas 'du byed kyi rnam pa thams cad snyil ba dang / ltung ba dang / rnam par 'thor ba dang / rnam par 'jig pa'i chos can yin par rtsad chod de/ nyon mongs pa thams cad spangs nas dgra bcom pa nyid mngon sum du byas so/ /
dgra bcom pa khams gsum pa'i 'dod chags dang bral bar gyur nas gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan sbangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes 
pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang gus par smra ba'i gnas su gyur to/ /de'i grogs po na zla de dag kyang skyo bar gyur pa de nyid kyis rab tu 
byung nas de dag tshe dang ldan pa sbed pa ga la ba der song ste phyin nas tshe dang ldan pa sbed pa la 'di skad ces smras so/ /tshe dang ldan pa sbed pa 'jig rten na 'jig pa'i chos can ni gang yin/ 'jig rten na 'jig pa'i chos can ma yin pa ni gang yin/ tshe dang ldan pa dag gzugs ni 'jig pa'i chos 

</font><hr>75-1-270b<br><font size=+1>

can yin no/ /de 'gags pa'i mya ngan las 'das pa ni 'jig pa'i chos can ma yin pa'o/ /tshe dang ldan pa dag tshor ba dang / 'du shes dang / 'du byed rnams dang / rnam par shes pa ni 'jig pa'i chos can yin no/ /de 'gags pa'i mya ngan las 'das pa ni 'jig pa'i chos can ma 
yin pa'o/ /tshe dang ldan pa dag ji snyam du sems/ gzugs rtag pa yin nam/ 'on te mi rtag pa yin/ tshe dang ldan pa sbed pa de ni mi rtag pa yin no/ /tshe dang ldan pa dag mi rtag pa gang yin pa de sdug bsngal ba yin nam/ 'on te sdug bsngal ba ma yin/ tshe dang ldan pa sbed pa de ni 
sdug bsngal ba yin no/ /tshe dang ldan pa dag ci mi rtag pa dang / sdug bsngal ba dang / rnam par 'gyur ba'i chos can gang yin pa de la thos pa dang ldan pa'i 'phags pa'i nyan thos 'di snyam du 'di ni bdag gi'o/ /'di ni bdag go/ /'di ni bdag gi bdag yin no snyam du bdag tu 'dzin par 'gyur 
ram/ tshe dang ldan pa sbed pa de ni ma yin no/ /tshe dang ldan pa dag ji snyam du sems/ tshor ba dang / 'du shes dang / 'du byed rnams dang / rnam par shes pa rtag pa yin nam/ 'on te mi rtag pa yin/ tshe dang ldan pa sbed pa de ni mi rtag pa yin no/ /tshe dang ldan pa dag mi rtag pa gang 
yin pa de sdug bsngal ba yin nam/ 'on te sdug bsngal ba ma yin/ tshe dang ldan pa sbed pa de ni sdug bsngal ba yin no/ /tshe dang ldan pa dag ci mi rtag pa dang / sdug bsngal ba dang / rnam par 'gyur ba'i chos can gang yin pa de la thos pa dang ldan pa'i 'phags pa nyan thos 'di snyam du 'di 
ni bdag gi'o/ /'di ni bdag go/ /'di ni bdag gi bdag yin no snyam du bdag tu 'dzin par 'gyur ram/ tshe dang ldan pa sbed pa de ni ma yin no/ /tshe dang ldan pa dag de bas na gzugs ci yang rung ba 'das pa dang / ma 'ongs pa dang / da ltar byung ba'am/ phyi rol lam/ nang ngam/ 
rags pa'am/ cha phra ba'am/ ngan pa'am/ bzang po'am/ thag ring ba'am/ nye ba yang rung ste/ de dag thams cad la 'di ni bdag gi ma yin no/ /'di ni bdag ma yin no/ /'di ni bdag gi bdag ma yin no snyam du de ltar yang dag pa ji lta ba bzhin du yang dag pa'i shes rab kyis 

</font><hr>75-1-271a<br><font size=+1>

blta bar bya'o/ /tshor ba dang / 'du shes dang / 'du byed rnams ci yang rung ba dang / rnam par shes pa ci yang rung ba 'das pa dang / ma 'ongs pa dang / da ltar byung ba'am/ nang ngam/ phyi rol lam/ rags pa'am/ cha phra ba'am/ ngan pa'am/ 
bzang po'am/ thag ring ba'am/ nye ba yang rung ste/ de dag thams cad la 'di ni bdag gi ma yin no/ /'di ni bdag ma yin no/ /'di ni bdag gi bdag ma yin no snyam du de ltar yang dag pa ji lta ba bzhin du yang dag pa'i shes rab kyis blta bar bya'o/ /tshe dang ldan pa dag de ltar 
lta ba'i thos pa dang ldan pa'i nyan thos ni gzugs las kyang skyo bar 'gyur ro/ /tshor ba dang / 'du shes dang / 'du byed rnams dang / rnam par shes pa las kyang skyo bar 'gyur te/ skyo na 'dod chags dang bral bar 'gyur ro/ /'dod chags dang bral na rnam par grol bar 'gyur ro/ /
rnam par grol ba na bdag gi skye ba zad do/ /tshangs par spyod pa spyad zin to/ /bya ba byas so/ /srid pa 'di las gzhan mi shes so snyam du rnam par grol ba'i ye shes mthong ba kho nar 'gyur ro/ /chos kyi rnam grangs 'di bshad pa na grogs po na zla de rnams chos rnams la chos kyi mig rdul med 
cing dri ma dang bral bas rnam par dag go/ /de nas dge slong dag the tsom skyes te/the tsom thams cad gcod pa/ sangs rgyas bcom ldan 'das la zhus pa/ btsun pa sbed pas las gang dag bgyis na des de'i lus 'di lta bur mi sdug cing nad mang la dri nga bar gyur lags/ las gang dag 
bgyis na/ des blo rno zhing gsal bar gyur te rab tu byung nas kyang dgra bcom pa nyid mngon sum du bgyis lags/ bcom ldan 'das kyis bka' stsal pa/ dge slong dag sbed pa nyid kyis sngon tshe rabs gzhan dag tu tshogs rnyed cing rkyen grub pa dang ldan te dba' rgal bzhin du 'byung la/ 
gdon mi za bar 'ong ba'i las de dag byas shing bsags pas na/ sbed pa nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i 

</font><hr>75-1-271b<br><font size=+1>

khams dang / me'i khams dang / rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro/ /lus can dag gi las rnams ni/ /bskal 
pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur/ /dge slong dag sngon byung ba 'das pa'i dus na grong khyer bA rA Na sI na tshong dpon zhig 'dug pa de tshong dpon gzhan zhig dang mi mdza' nas des rgyal po la nor mang po phul te gsol ba btab pa/ 
lha tshong dpon 'dis nongs pa bgyis kyis 'di chad pas gcad cing tshar gcad par gsol zhes byas so/ /de nas rgyal pos gnang ste de nyid chad pas gcod du bcug go/ /de nas des bdag gi khyim du bkug nas lcag gis gzhus so/ /de nas lus las khrag byung nas dug drag 
po'i phye ma mang pos btab ste des de'i lus de sha snag bu bzhin du phyil por 'dug par gyur to/ /de nas tshong dpon de'i grogs po rnams kyis de la ji ltar byas pa thos nas de dag bsdongs te yo byad kyi khyad par dag gis nad de las sos par byas so/ /de nas de skyo bar gyur pa de kho nas 
khyim nas byung ste rab tu byung nas des slob dpon med par byang chub kyi phyogs dang 'thun pa'i chos sum cu rtsa bdun bsgoms te rang sangs rgyas kyi byang chub mngon sum du byas so/ /de nas de'i sems skyes pa tshong dpon des ni bdag gi rgyud las bsod nams ma yin pa chen po bskyed kyis 
med na ma la bdag de'i thad du song la skyo ba bskyed par bya gor ma chag snyam mo/ /de nas de'i mdun du song nas steng gi nam mkha' la mngon par 'phags te/ cho 'phrul rnam pa sna tshogs bstan to/ /so so'i skye bo rnams ni rdzu 'phrul gyis myur du dad par byed do/ /de sdong po rtsa ba nas 
bcad pa bzhin du rkang pa la phyag 'tshal nas thal mo sbyar te bcom ldan 'das de la gsol ba btab pa/ yon gnas chen po mar gshegs/ khyod la bdag gis nongs pa bgyis kyis/ de yang khyod nyid las brten te 'byung bar bgyi'o zhes byas te/ des rang sangs rgyas de la 

</font><hr>75-1-272a<br><font size=+1>

bzod pa gsol nas bshos gsol te na bza' phul nas smon lam btab pa/ bdag khros te khyod la nongs pa bgyis pa de'i las kyi rnam par smin pa bdag gis myong bar ma gyur cig bdag gis bkur sti bgyis pa 'dis ni yon tan 'di lta bu dag bdag gis thob par gyur cig /
'di bas kyang ches khyad par du 'phags pa'i ston pa mnyes par byed par gyur cig /mi mnyes par byed par ma gyur cig ces byas so/ /bcom ldan 'das kyis bka' stsal pa/ dge slong dag ji snyam du sems/ de'i tshe de'i dus na tshong dpon du gyur pa gang yin pa de ni sbed pa 'di yin te las de'i 
mthus tshe rabs lnga brgya'i bar du lcag 'og tu shi'o/ /rgyu de kho nas da ltar yang lus 'di 'dra ba thob par gyur to/ /gzhan yang bcom ldan 'das 'od srung gi ring la grogs po na zla rnams dang lhan cig tu rab tu byung ste/ der de dag gis tshangs par spyod pa'i gnas bsrungs pa des ni da ltar dgra 
bcom pa nyid mngon sum du byas so/ /dge slong dag de ltar na las gcig tu nges par gnag pa rnams ni rnam par smin pa yang gcig tu nges par gnag par 'gyur ro/ /las gcig tu nges par dkar ba rnams ni rnam par smin pa yang gcig tu nges par dkar bar 'gyur ro/ /las 
'dren ma rnams ni rnam par smin pa yang 'dren mar 'gyur ro/ /dge slong dag de bas na las gcig tu nges par gnag pa rnams dang las 'dren ma rnams spangs la/ las gcig tu nges par dkar ba rnams 'ba' zhig la gtad par bya ste/ dge slong khyed kyis de ltar bslab par bya'o/ /
bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do// //mi sdug pa zhes bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug po 
rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur 

</font><hr>75-1-272b<br><font size=+1>

sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' 
dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ /de'i tshe yul b+ha rga zhes bya ba 
na khyim bdag phyug cing nor mang la longs spyod che ba/ yongs su 'dzin pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa des rigs mnyam pa las chung ma blangs nas/ de de dang lhan cig tu rtse zhing dga' la dga' mgur spyod do/ /
de rtse zhing dga' la dga' mgur spyod pa las chung ma la bu chags nas/ de zla ba brgyad dam dgu lon pa dang bu byung ste/ khye'u mi sdug pa'i sna grangs bcwa brgyad dang ldan pa zhig btsas nas pha ma gnyis bu la chags te de gsos so/ /de nas gang gi tshe de mthar gyis cher skyes pa de'i tshe mi sdug 
pa'i phyir pha ma gnyis kyis khyim nas bskrad do/ /de gang dang gang du song ba de dang der yang yid du mi 'ong ba'i phyir skye bo mang pos bskrad do/ /de dud 'gro'i skye gnas su skyes pa'i srog chags rnams kyis kyang de la gzi brjid kyis brnyas par byed na mir gyur pa rnams kyis lta ci smos te/ de grong 
khyer gyi nang nas bskrad nas skyed mos tshal dung yag cig tu 'dug ste/ des res 'ga' ni 'bras bu dang rtsa ba rnyed na za bar byed do/ /res 'ga' 'bras bu dang rtsa ba ma rnyed na ni rtswa dang / me tog dang / lo ma dag gis 'tsho bar byed do/ /de nas bcom ldan 'das kyis mi sdug pa gdul 
ba'i dus la bab par gzigs nas nyan thos chen po bzhi la bka' stsal pa/ dge slong dag tshur sheg shig dang mi sdug pa gdul lo/ /de nas bcom ldan 'das nyan thos chen po rnams kyis zhabs 'bring byas te/ skyed mos tshal dung yag ga la ba der gshegs pa dang / des bcom 

</font><hr>75-1-273a<br><font size=+1>

ldan 'das mthong nas ngo tsha ste phan tshun du bros so/ /de nas bcom ldan 'das kyis ji ltar yang 'bros mi nus par byin gyis brlabs so/ /de nas bcom ldan 'das dang nyan thos chen po rnams 'gog pa'i snyoms par zhugs so/ /de nas 'gog pa las bzhengs te 
bdag nyid mi sdug par sprul to/ /sprul nas kyang kham phor kha zas kyis bkang ba bsnams te mi sdug pa'i thad du gshegs so/ /de nas mi sdug pas mthong ba dang dga' bar gyur nas smras pa/ grogs po chen po ga las 'ongs tshur shog /bdag cag gnyis lhan cig tu 
'dug go zhes byas so/ /de nas bcom ldan 'das kyis de la zas byin te dbang po tshim par gyur nas bcom ldan 'das kyis nyid kyi cha lugs su bsgyur to/ /de nas mi sdug pas sangs rgyas bcom ldan 'das mthong nas gsol pa/ da ni khyod byad gzugs bzang por gyur 
na las gang gi mthu las gyur lags/ bcom ldan 'das kyis bka' stsal pa/ nga la sems dga' bar byed pa zhes bya ba'i rig sngags yod de 'di ni de'i mthu yin no/ /de nas des bcom ldan 'das dang nyan thos chen po 'gog pa'i snyoms par zhugs pa de dag la sems 
dga' ba bskyed de/ des na de'i mi sdug pa med par gyur nas bzang por gyur te rab tu byung nas dgra bcom pa nyid mngon sum du byas so/ /de nas dge slong dag the tsom skyes te/ the tsom thams cad gcod pa/ sangs rgyas bcom ldan 'das la zhus pa/ btsun pa mi sdug pas 
las gang dag bgyis na des 'di lta bur mdog ngan cing reg tu mi bzod pa dang mi sdug pa'i sna grangs bcwa brgyad dang ldan par gyur la/ rab tu byung nas dgra bcom pa nyid mngon sum du bgyis lags/ bcom ldan 'das kyis bka' stsal pa/ dge slong dag mi sdug pa 
nyid kyis sngon tshe rabs gzhan dag tu tshogs rnyed cing rkyen grub pa dang ldan te dba' rgal bzhin du 'byung la/ gdon mi za bar 'ong ba'i las de dag byas shing bsags pas na/ mi sdug pa nyid kyis las byas shing bsags pa de dag gzhan su zhig gis nyams su myong bar 'gyur te/

</font><hr>75-1-273b<br><font size=+1>

dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang / 
khams dang / skye mched rnams 'ba' zhig la rnam par smin par 'gyur ro/ /lus can dag gi las rnams ni/ /bskal pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur/ /dge slong dag sngon byung ba 'das pa'i dus na de bzhin 
gshegs pa dgra bcom pa yang dag par rdzogs pa'i sangs rgyas/ rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das rgyal zhes bya ba 'jig 
rten du byung ste/ de phyi zhig na rgyal po'i pho brang 'khor zhig na rten cing bzhugs so/ /de nas yang dag par rdzogs pa'i sangs rgyas rgyal gyis dgongs na/ de'i tshe nye bar gyur pa'i byang chub sems dpa' gnyis yod de/ byang chub sems dpa' shAkya thub pa dang / byams pa'o/ /
de la byams pa ni rang gi rgyud yongs su smin par gyur la gdul bar bya ba rnams yongs su ma smin/ shAkya thub pa ni rang gi rgyud yongs su ma smin la gdul bar bya ba rnams ni yongs su smin par gzigs so/ /de nas yang dag par rdzogs pa'i sangs rgyas rgyal gyis byang chub sems dpa' shAkya thub pa'i rgyud yongs su smin par bya ba'i phyir gangs kyi ri'i steng du gshegs te rin po che'i brag phug tu zhugs nas skyil mo krung bcas te me'i khams la snyoms par zhugs so/ /de'i tshe byang chub sems dpa' shAkya thub pa 'bras bu dang rtsa ba dag gi phyir ri'i rgyal po gangs kyi steng du 
song ste/ de phan tshun song song ba las yang dag par rdzogs pa'i sangs rgyas rgyal sku skyes bu chen po'i mtshan sum cu rtsa gnyis kyis legs par brgyan pa/ dpe byad bzang po brgyad cus mdzes par byas pa/ 'od 'dom gang gis brgyan pa/ nyi ma stong bas lhag pa'i 'od mnga' 

</font><hr>75-1-274a<br><font size=+1>

ba/ rin po che'i ri bo 'gro ba lta bu kun nas bzang ba mthong nas/ de mthong ma thag tu des nyin mtshan bdun gyi bar du rkang pa ya gcig gis 'greng ste tshigs su bcad pa gcig gis bstod pa de lta bu'i sems rtse gcig tu bya ba thob ste/ skyes bu khyu mchog khyod 'dra'i 
dge sbyong chen po gzhan dag lha yul sa la med/ /'jig rten 'di na'ang yong gis med la rnam thos bu yi pho brang na yang med/ /lha yi pho brang gnas mchog dag na'ang med la phyogs dang phyogs mtshams dag na'ang med/ /ri dang nags su bcas pa'i sa steng rgyas pa ma lus 
bskor kyang ga la yod/ /ces bstod do/ /de nas yang dag par rdzogs pa'i sangs rgyas rgyal gyis byang chub sems dpa' shAkya thub pa'i rgyud yongs su smin par gzigs nas legs so zhes bya ba byin te/ skyes bu dam pa legs so legs so/ /bram ze dam pa de ring du/ 
de bzhin gshegs la legs bstod pa'i/ /stobs dang brtson 'grus rdzogs pa 'dis/ /bskal pa dgu zhig 'dums par gyur/ /ces gsungs so/ /de nas bcom ldan 'das de lha che bar grags pa rnams kyis zhabs 'bring byas te phug de'i nang na bzhugs pa dang phug de'i 
nang na gnas pa'i lha chung bar grags pa zhig yod pa des phug de'i nang du 'gro ma nus so/ /de nas des mig mi sdug par bsgyur te bcom ldan 'das la bsdigs so/ /des yun ring mo zhig tu bsdigs kyang bcom ldan 'das la gnod pa byed ma nus nas des dad pa rnyed de drang srong 'di 
ni bzang po zhig ste brtul zhugs grub pa zhig go snyam mo/ /de nas des lus rgyas par sprul nas bcom ldan 'das kyi zhabs la phyag 'tshal te bzod pa gsol nas bshos kyang gsol to/ /bcom ldan 'das kyis bka' stsal pa/ dge slong dag ji snyam du sems/ de'i tshe de'i 
dus na phug de na gnas pa'i lhar gyur pa gang yin pa de ni mi sdug pa 'di yin te/ las de'i rnam par smin pas 'khor bar sdug bsngal mtha' yas pa myong bar gyur la da ltar yang rgyu de kho nas mi sdug par gyur to/ /des phyis sems dga' ba bskyed pa des ni 'di'i mi sdug pa med par 

</font><hr>75-1-274b<br><font size=+1>

gyur te bzang por gyur nas rab tu byung la dgra bcom pa nyid mngon sum du byas so/ /dge slong dag de ltar na las gcig tu nges par gnag pa rnams ni rnam par smin pa yang gcig tu nges par gnag par 'gyur ro/ /las gcig tu nges par dkar ba rnams ni rnam par smin pa yang 
gcig tu nges par dkar bar 'gyur ro/ /las 'dren ma rnams ni rnam par smin pa yang 'dren mar 'gyur ro/ /dge slong dag de bas na las gcig tu nges par gnag pa rnams dang las 'dren ma rnams spangs la/ las gcig tu nges par dkar ba rnams 'ba' zhig la gtad par bya ste/ 
dge slong khyed kyis de ltar bslab par bya'o/ /bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do// //gang gA pa zhes bya ba ni/ sangs rgyas bcom ldan 'das la rgyal po rnams 
dang /blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci 
rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas 
bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa grong khyer bA rA Na sI na drang srong smra ba ri dgas kyi nags na rten 
cing bzhugs so/ /de'i tshe bA rA Na sI na khyim bdag phyug cing nor mang la longs spyod che ba/ yongs su 'dzin pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa des rigs mnyam pa las chung ma blangs nas/ de de dang 

</font><hr>75-1-275a<br><font size=+1>

lhan cig tu rtse zhing dga' la dga' mgur spyod do/ /de rtse zhing dga' la dga' mgur spyod kyang bu yang med bu mo yang med nas de lag pa la rkom tshugs bcas te bsams pa/ bdag gi khyim nor du ma dang ldan du zin kyang / bdag la bu yang med bu mo yang med pas 
bdag 'das pa'i 'og tu ni bu med pa'i phyir ci bdog pa thams cad rgyal po dbang bar 'gyur ro snyam ste sems khong du chud cing 'dug go/ /de nas dge sbyong dang / bram ze dang / ltas mkhan dang / mdza' bo dang / gnyen dang / rtsa lag gzhan dag gis lha la gsol ba thob cig 
ces de la bsgo'o/ /de nas de bud med de bu 'dod pa'i phyir lha gu lang dang / chu lha dang / ku be ra dang / brgya byin dang / tshangs pa la sogs pa dang / lha'i khyad par gzhan dag la yang gsol ba 'debs te/ 'di lta ste/ kun dga' ra ba'i lha dang / nags tshal gyi lha dang / 
lam gyi bzhi mdo'i lha dang / sum mdo'i lha dang / gtor ma len pa'i lha dang / lhan cig skyes pa dang / chos 'thun pa pa dang / rtag tu phyi bzhin 'brang ba'i lha rnams la yang gsol ba 'debs te/ 'jig rten na yang gsol ba btab pa'i rgyus bu dang bu mo skye bar 'gyur ro 
zhes bya ba'i gtam de yod mod kyi/ de yang de lta ni ma yin te/ gal te gsol ba btab pa'i rgyus bu dang bu mo skye bar 'gyur du zin na ni 'khor los sgyur ba'i rgyal po chen po bzhin du re re la yang bu stong stong yod par 'gyur ba'i rigs so/ /ye ni gnas gsum tshogs pa las 
bu dang bu mo skye bar 'gyur te/ gsum gang zhe na/ pha ma gnyis 'dod chags langs te phrad pa dang / ma dus la bab cing zla mtshan dang ldan pa dang / dri za 'ongs pa ste gnas 'di gsum tshogs pa las bu dang bu mo skye bar 'gyur ro/ /de nas de yang gsol ba 'debs pa lhur 
byed cing 'dug la sems can zhig kyang sems can gyi ris shig nas shi 'phos te de'i chung ma'i ltor zhugs so/ /bud med mkhas pa'i rang bzhin can kha cig la ni thun mong ma yin pa'i chos lnga yod de/ lnga gang zhe na/ skyes pa chags pa yang shes la ma chags pa yang shes pa dang /

</font><hr>75-1-275b<br><font size=+1>

dus kyang shes la zla mtshan yang shes pa dang / bu chags pa shes pa dang / gang las bu chags pa shes pa dang / khye'u yang shes la bu mo yang shes pa ste/ gal te khye'u yin na ni lto g.yas logs su rten cing gnas so/ /gal te bu mo yin na ni lto g.yon logs su 
rten cing gnas so/ /de nas de dga' ches nas khyim thab la sbran pa/ jo bo bdag la sras chags te bdag gi rum g.yas logs su rten cing gnas pa las na khye'ur 'gyur bar nges kyis dgyes pa bskyed du gsol zhes byas nas/ de yang dga' ches te ro stod ni bteg lag pa 
g.yas pa ni brkyang nas/ bdag gis yun ring po nas smon smon pa'i bu'i ngo mthong bar 'ong ngo / /bdag gi bu rung bar gyur cig /mi rung bar ma gyur cig /bdag gi bya ba dag byed par shog shig /gsos pa'i lan phyir gso bar shog shig /nor skal la spyod par shog shig/ 
bdag gi rigs rgyud ring du gnas par shog shig /bdag cag 'das te shi ba'i 'og tu yang bdag cag gi phyir mang yang rung nyung yang rung ste/ sbyin pa dag byin la bsod nams dag byas nas de gnyis gang dang gang du skyes shing 'gro ba der 'di song shig ces yon bsngo bar shog 
shig ces dga' ba'i tshig brjod do/ /de nas bu chags par rig nas bu'i rim gro bya ba'i phyir khang bzangs kyi steng du nyam rangs su bzhag ste/ grang ba'i tshe grang ba'i yo byad rnams dang / tsha ba'i tshe tsha ba'i yo byad rnams dang / sman pas bstan pa'i zas rnams dang / ha 
cang kha ba ma yin pa rnams dang / ha cang skyur ba ma yin pa rnams dang / ha cang lan tshwa che ba ma yin pa rnams dang / ha cang mngar ba ma yin pa rnams dang / ha cang ro tsha ba ma yin pa rnams dang / ha cang bska ba ma yin pa rnams te/ kha ba dang / skyur ba dang / lan tshwa 
dang / mngar ba dang / tsha ba dang / bska ba med pa'i zas rnams kyis bsten cing do shal dang se mo dos lus rnam par bklubs te/ lha'i bu mo dga' ba'i tshal na rnam par rgyu ba bzhin du khri'i steng nas khri'i steng dang / khri'u'i steng nas khri'u'i steng du rgyu zhing 'og gi sa gzhi la mi 'bab 

</font><hr>75-1-276a<br><font size=+1>

pa dang / des yid du mi 'ong ba'i sgra skad ci yang mi thos par byas so/ /de nas de zla ba brgyad dam dgu lon pa dang bu byung ste/ khye'u gzugs bzang zhing blta na sdug la mdzes pa/ yan lag dang nying lag thams cad dang ldan pa zhig btsas nas/ de btsas 
pa'i btsas ston byas te de'i ming gang gA pa zhes btags so/ /de nas khye'u gang ga pa pang na 'tsho ba'i ma ma gnyis dang / nu ma snun pa'i ma ma gnyis dang / dri ma 'khru ba'i ma ma gnyis dang / rtse ba'i ma ma gnyis te/ ma ma brgyad la gtad nas/ de ma ma brgyad kyis 
'o ma dang / zho dang / mar dang / zhun mar dang / mar gyi nying khu dang / gzhan yang yo byad kyi khyad par bzang ngo cog gis bskyed bsrings te mtsho'i nang gi pad ma bzhin du skye drag par gyur to/ /de yang nges par 'byed pa'i cha dang 'thun pa'i dge ba'i rtsa ba dang ldan te/ 
khyim na gnas par mi dga' nas des pha ma gnyis kyi rkang pa la phyag 'tshal te gsol ba btab pa/ yab yum bdag bcom ldan 'das kyi bstan pa la rab tu 'byung bar gnang bar mdzad du gsol/ /de nas de'i pha ma gnyis kyi bu gcig pa yin pa'i phyir ma gnang ngo / /de nas gang gA pa'i blo 
skyes pa/ mir skye ba 'thob pa ni rnyed par dka' ba yin/ de bzhin gshegs pa 'byung ba yang rnyed par dka' ba yin/ gzhan du na dbang po phun sum tshogs pa yang rnyed par dka' ba yin na/ ma la bdag bcom ldan 'das kyi bstan pa la rab tu 'byung bar bya ba'i thabs ci yod 
snyam mo/ /de nas de 'di snyam du sems te/ ma la bdag gis smon lam btab la bdag 'chi bar byas te/ ci nas mir skye ba thob nas shin du myur bar rab tu 'byung bar bya'o snyam mo/ /des de ltar bsams nas dug 'thungs na yang ma shi'o/ /me'i nang du mchongs na yang ma shi/ 
brag las mchongs na yang ma shi/ chu klung zlog byed kyi nang du mchongs na der yang ma shi nas de'i blo skyes pa/ bdag 'chi bar bya ba'i thabs gzhan ci yod snyam mo/ /de nas de 'di snyam du sems te/ ma la rgyal po ma skyes dgra de ni yong ye gtum zhing brlang la zhe rtsub cing gzu 

</font><hr>75-1-276b<br><font size=+1>

lums can zhig yin gyis/ bdag de'i pho brang du song la mtshan mo khyim phugs gdab bo snyam ste/ de rgyal po'i khab kyi grong khyer du song nas nam sros te/ smag la bab pa na khyim 'bigs shing 'dug go/ /de nas srung ma rnams kyis gson por bzung nas rgyal po ma skyes dgra 
la phul te/ lha mi 'di ni rkun ma/ pho brang sun 'byin pa/ nongs pa bgyid pa lags te/ mtshan mo pho brang du khyim phugs btab lags so zhes gsol to/ /de nas rgyal pos nyes pa byed byed pa'i phyir gsad par chad do/ /de nas gshed ma gos sngon po gyon pa/ ka ra bI 
ra'i me tog gi phreng ba mgul tu thogs pa/ lag na mtshon cha thogs pa rnams kyis khrid de lam po che dang / srang dang / lam gyi bzhi mdo dang / sum mdo dang / bsgrags pa'i gnas rnams su 'o dod bos te grong khyer gyi lho sgo nas phyir phyung nas bsil ba'i tshal gyi dur 
khrod du khrid do/ /de khrid pa na gshed ma de dag la smras pa/ kye rgyal po'i bka' 'gyur na mi rung gis rings par rab tu drongs shig ces zer ro/ /de nas gshed ma de rnams kyis rgyal po la gsol to/ /de nas rgyal pos phyir bzlog ste dris pa/ kwa'i mi khyod 
ci'i phyir srog phangs pa yongs su gtong bar 'dod/ de nas des gtam de rgyas par rgyal po la gsol to/ /de nas rgyal po ma skyes dgra ka dam pa'i me tog bzhin du spu zing zhes byas te mchi mas brnang zhing ngu ba'i bzhin gyis kye ma 'di ltar 'di rab tu dbyung ba'i phyir srog 
phangs pa gtong bar 'bad pa las na 'di'i blo'i rgyud ni yongs su smin to/ /'khor ba'i nyes pa ni shin du rtogs so/ /dad pa phun sum tshogs pa ni legs par thob bo zhes dga' ba'i tshig tu brjod do/ /de nas rgyal pos dbugs phyung ste smras pa/ bu gcig 
nga ni khyod kyi srog la dbang gis da song la/ bcom ldan 'das kyi bstan pa la rab tu byung shig ces byas nas de rgyal pos btang ste/ bcom ldan 'das kyi bstan pa la rab tu byung nas/ des brtson pa dang / bsgrub pa dang / 'bad pas phol mig lnga pa'i 'khor 

</font><hr>75-1-277a<br><font size=+1>

ba'i 'khor lo 'di nyid g.yo zhing mi brtan par rig nas 'du byed kyi rnam pa thams cad snyil ba dang / ltung ba dang / rnam par 'thor ba dang / rnam par 'jig pa'i chos can yin par rtsad chod de/ nyon mongs pa thams cad spangs nas/ dgra bcom pa nyid 
mngon sum du byas so/ /dgra bcom pa khams gsum pa'i 'dod chags dang bral bar gyur nas gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan sbangs pa lta bur bsil bar gyur pa/ rig pas sgo nga'i sbubs bcom pa/ 
rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang gus par smra ba'i gnas su gyur to/ /der bcom 
ldan 'das kyis dge slong rnams la bka' stsal pa/ dge slong dag nga'i nyan thos kyi dge slong dad pas rab tu byung ba rnams kyi mchog ni 'di lta ste/ bA rA Na sI'i tshong dpon gyi bu gang ga pa 'di yin no/ /de nas dge slong dag the tsom skyes te/ the tsom thams cad 
gcod pa sangs rgyas bcom ldan 'das la zhus pa/ btsun pa gang gA pas las gang dag bgyis na de dag gi rnam par smin pas de'i lus la mes kyang mi tshugs/ dug dang / mtshon dang / chus kyang 'chi bar mi 'gyur la/ 'dis dgra bcom pa nyid kyang thob par gyur 
lags/ bcom ldan 'das kyis bka' stsal pa/ dge slong dag gang gA pa nyid kyis sngon tshe rabs gzhan dag tu tshogs rnyed cing rkyen grub pa dang ldan te dba' rgal bzhin du 'byung la/ gdon mi za bar 'ong ba'i las de dag byas shing bsags pas na/ gang gA pa 
nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam 

</font><hr>75-1-277b<br><font size=+1>

par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro/ /lus can dag gi las rnams ni/ /bskal pa brgyar yang chud mi za/ /tshogs 
shing dus la bab pa na/ /'bras bu nyid du smin par 'gyur/ /dge slong dag sngon byung ba 'das pa'i dus na grong khyer bA rA Na sI na rigs ngan dur khrod kyi rdzas la rku ba zhig gnas pa des re zhig na 'gron po dag bcom ste rdzas thob pa dang / de'i phyi bzhin du mi rgod dag gis 
bsnyags pa las re zhig na dur khrod kyis phyogs shig tu rang sangs rgyas shig 'gog pa'i snyoms par zhugs pa de'i mdun du rigs ngan dur khrod kyi rdzas la rku ba des rdzas de bor nas de nyid du yib bo/ /de nas mi rgod de dag gis rang sangs rgyas mthong nas bong rdo dag gis 
kyang bsnun/ mtshon gyis kyang btab/ mes kyang bsregs na 'on kyang de 'gog pa'i snyoms par zhugs pas na des chos gos kyi grwa tsam yang bskyod ma nus so/ /de nas gang gi tshe mi rgod de dag ngal bar gyur te phyir dong ba de'i tshe rang sangs rgyas de khad kyis ting nge 
'dzin las langs so/ /de nas rigs ngan dur khrod kyi rdzas la rku ba des rang sangs rgyas de la bshos gsol nas smon lam btab pa/ bdag gis kyang 'di lta bu'i yon tan dag thob par gyur cig /'di ji ltar gzhan gyis mi tshugs pa de bzhin du bdag kyang gang dang 
gang du skyes pa de dang der gzhan gyis mi tshugs par shog shig /'di bas kyang chesakhyad par du 'phags pa'i ston pa mnyes par byed par gyur cig /mi mnyes par byed par ma gyur cig ces byas so/ /bcom ldan 'das kyis bka' stsal pa/ dge slong dag de ji 
snyam du sems/ de'i tshe de'i dus na rigs ngan dur khrod kyi rdzas la rku bar gyur pa gang yin pa de ni gang ga pa 'di yin no/ /gzhan yang bcom ldan 'das 'od srung gi ring la rab tu byung ste/ der 'dis tshangs par spyod pa'i gnas bsrungs pa des ni da ltar dgra bcom 

</font><hr>75-1-278a<br><font size=+1>

pa nyid mngon sum du byas so/ /dge slong dag de ltar na las gcig tu nges par gnag pa rnams ni rnam par smin pa yang gcig tu nges par gnag par 'gyur ro/ /las gcig tu nges par dkar ba rnams ni rnam par smin pa yang gcig tu nges par dkar bar 'gyur ro/ /
las 'dren ma rnams ni rnam par smin pa yang 'dren mar 'gyur ro/ /dge slong dag de bas na las gcig tu nges par gnag pa rnams dang las 'dren ma rnams spangs la/ las gcig tu nges par dkar ba rnams 'ba' zhig la gtad par bya ste/ dge slong khyed kyis de ltar 
bslab par bya'o/ /bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do// //sen rings zhes bya ba ni/ sangs rgyas bcom ldan 'das la rgyal po rnams dang / blon po chen 
po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / 
lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom 
ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa rgyal po'i khab na 'od ma'i tshal bya ka lan da ka gnas pa na 
rten cing bzhugs so/ /de'i tshe spang spos can gyi grong na bram ze rgyal zhes bya ba zhig gnas pa des/ bram ze ma tha ra'i bu mo shA ri zhes bya ba thob nas gang gi tshe shA ri'i ltor shA ri'i bu zhugs pa de'i tshe bud med de ming po sen rings dang gzhung gis brgyab na ming po chad pa la thug 

</font><hr>75-1-278b<br><font size=+1>

par byed de/ de nas sen rings kyi blo skyes pa/ 'di'i ltor sems can bsod nams che bar grags pa zhig gis nying mtshams sbyar ba 'dra ste de'i mthu yin gyis/ ma la bdag gis snga nas phyogs 'ga' zhig la brten par bya'o snyam mo/ /de nas sen rings lho phyogs su song 
nas bstan bcos mang po bslabs so/ /de nas re zhig na mthar gyis shA ri'i bu btsas te/ des lo bcu drug lon pa dang / dbang po'i brda sprod pa lobs nas gzhung gis rtsod pa thams cad tshar bcad do/ /de nas de mthar gyis bcom ldan 'das kyi bstan pa la rab tu byung ngo / /
de nas re zhig na kun du rgyu sen rings kyis mu stegs pa de dag thams cad tsha bos tshar bcad nas da ltar dge sbyong gau ta ma'i slob mar khas blangs so zhes thos so/ /thos nas kyang de shas cher chad pa'i 'du shes skyes la/ bstan bcos thams cad la yang mu thug pa med pa'i 'du 
shes skyes so/ /de nas mthar gyis rgyal po'i khab tu phyin pa dang / de'i tshe bcom ldan 'das nang du yang dag 'jog las bzhengs nas 'khor bzhi po rnams la sbrang bu'i sbrang rtsi ma bskol ba dang 'dra ba'i chos ro dang ldan no cog ston to/ /shA ri'i bu yang bcom ldan 'das kyi spyan 
snga na bsil yab thogs te bcom ldan 'das la g.yob cing 'dug go/ /de nas kun du rgyu sen rings bcom ldan 'das ga la ba der song ste phyin nas/ kun du rgyu sen rings kyis bcom ldan 'das zla ba tshes pa'i dbyibs lta bur 'khor gyis bskor cing bzhugs te chos ston pa 
dang shA ri'i bu yang bsil yab thogs te bcom ldan 'das la g.yob cing 'dug pa mthong ngo / /mthong nas kyang bcom ldan 'das la 'di skad ces gsol to/ /kye gau ta ma bdag ni thams cad mi 'tshal lo/ /bcom ldan 'das kyis bka' stsal pa/ me'i cha lugs 
can gyi bu bdag ni thams cad mi 'dod do zhes lta ba gang yin pa 'di yang khyod mi 'dod dam/ kye gau ta ma bdag ni thams cad mi 'tshal zhes bgyi ba'i lta ba gang lags pa 'di yang bdag mi 'tshal lo/ /me'i cha lugs can gyi bu 'o na ni khyod de ltar shes shing de ltar lta bar gyur 

</font><hr>75-1-279a<br><font size=+1>

na lta ba 'di yang spangs pa dang / bor ba dang / bstsal bar 'gyur la/ lta ba gzhan yang nying mtshams sbyor ba med pa dang / len pa med pa dang / 'byung ba med par 'gyur ro/ /gau ta ma bdag ni de ltar shes shing de ltar lta bas na lta ba 'di yang spangs 
pa dang / bor ba dang / bstsal bar 'gyur la/ lta ba gzhan yang nying mtshams sbyor ba ma mchis pa dang / 'byung ba ma mchis par 'gyur lags so/ /me'i cha lugs can gyi bu 'o na ni khyod skye bo mang po dang 'thun par 'gyur zhing mtshungs par 'gyur te/ skye bo mang po yang 
de ltar lta zhing de skad smra bas na khyod kyang de kho na dang 'dra'o/ /me'i cha lugs can gyi bu dge sbyong ngam bram ze su yang rung ste/ lta ba de nges par spong la lta ba gzhan yang len par mi byed pa de dag ni 'jig rten na nyung ba bas kyang ches nyung zhes bya'o/ /me'i cha lugs can gyi bu lta ba'i 
gnas ni 'di gsum yin te/ gsum gang zhe na/ me'i cha lugs can gyi bu 'di na kha cig ni bdag ni thams cad mi 'dod do zhes de ltar lta zhing de skad smra'o/ /gzhan yang 'di na kha cig ni bdag ni thams cad 'dod do zhes de ltar lta zhing de skad smra'o/ /gzhan yang 'di na kha cig 
ni bdag ni gcig 'dod la gcig ni mi 'dod do zhes de ltar lta zhing de skad smra'o/ /me'i cha lugs can gyi bu de la bdag ni thams cad 'dod do zhes de ltar lta ba gang yin pa'i lta ba 'di ni kun tu 'dod chags par 'gyur gyi kun tu 'dod chags pa med par mi 'gyur ro/ /kun tu zhe sdang 
bar 'gyur gyi kun tu zhe sdang ba med par mi 'gyur ro/ /kun tu gti mug par 'gyur gyi kun tu gti mug pa med par mi 'gyur ro/ /kun tu sbyor bar 'gyur gyi kun tu 'bral bar mi 'gyur ro/ /kun nas nyon mongs par 'gyur gyi rnam par byang bar mi 'gyur ro/ /kun tu 'phel bar 
'gyur gyi kun tu 'bri bar mi 'gyur te/ mngon par dga' ba dang / nye bar len pa dang / lhag par zhen par 'gyur ro/ /me'i cha lugs can gyi bu de la bdag ni thams cad mi 'dod do zhes de ltar lta ba gang yin pa'i lta ba de ni kun tu 'dod chags pa med par 'gyur gyi kun tu 

</font><hr>75-1-279b<br><font size=+1>

'dod chags par mi 'gyur ro/ /kun tu zhe sdang ba med par 'gyur gyi kun tu zhe sdang bar mi 'gyur ro/ /kun tu gti mug pa med par 'gyur gyi kun tu gti mug par mi 'gyur ro/ /'bral bar 'gyur gyi kun tu sbyor bar mi 'gyur ro/ /rnam par byang bar 'gyur gyi kun nas nyon 
mongs par mi 'gyur ro/ /kun tu 'bri bar 'gyur gyi kun tu 'phel bar mi 'gyur te/ mngon par dga' ba med pa dang / nye bar len pa med pa dang / lhag par zhen pa med par 'gyur ro/ /me'i cha lugs can gyi bu de la bdag ni gcig ni 'dod la gcig ni mi 'dod do zhes de 
ltar lta ba gang yin pa'i lta ba de la re zhig des 'dod pa gang yin pa de ni kun tu 'dod chags par 'gyur gyi kun tu 'dod chags pa med par mi 'gyur ro/ /kun tu zhe sdang bar 'gyur gyi kun tu zhe sdang ba med par mi 'gyur ro/ /kun tu gti mug par 'gyur gyi kun tu gti mug pa med 
par mi 'gyur ro/ /kun tu sbyor bar 'gyur gyi kun tu 'bral bar mi 'gyur ro/ /kun nas nyon mongs par 'gyur gyi rnam par byang bar mi 'gyur ro/ /kun tu 'phel bar 'gyur gyi kun tu 'bri bar mi 'gyur te/ mngon par dga' ba dang / nye bar len pa dang / lhag par zhen 
par 'gyur ro/ /des mi 'dod pa gang yin pa de ni kun tu 'dod chags pa med par 'gyur gyi kun tu 'dod chags par mi 'gyur ro/ /kun tu zhe sdang ba med par 'gyur gyi kun tu zhe sdang bar mi 'gyur ro/ /kun tu gti mug pa med par 'gyur gyi kun tu gti mug par mi 'gyur 
ro/ /kun tu 'bral bar 'gyur gyi kun tu sbyor bar mi 'gyur ro/ /rnam par byang bar 'gyur gyi kun nas nyon mongs par mi 'gyur ro/ /kun tu 'bri bar 'gyur gyi kun tu 'phel bar mi 'gyur te/ mngon par dga' ba med pa dang / nye bar len pa med pa dang / lhag par 
zhen pa med par 'gyur ro/ /de la thos pa dang ldan pa'i 'phags pa'i nyan thos ni 'di ltar so sor yang dag par rig par slob par byed de/ gal te bdag thams cad 'dod do zhes de ltar lta zhing de skad smra na ni bdag ni thams cad mi 'dod do zhes de ltar lta zhing de skad smra ba gang 

</font><hr>75-1-280a<br><font size=+1>

yin pa dang / bdag ni gcig ni 'dod la gcig ni mi 'dod do zhes de ltar lta zhing de skad smra ba gang yin pa de gnyis dang bdag 'gyed par 'gyur ro/ /'gyed par gyur na rtsod par 'gyur ro/ /rtsod par gyur na rnam par 'tshe bar 'gyur ro snyam ste/ 'gyed pa dang 
bcas pa dang / rtsod pa dang bcas pa dang / rnam par 'tshe ba dang bcas par yang dag par mthong nas lta ba de yang spong la lta ba gzhan yang mi len to/ /de ltar na lta ba de yang spong ba dang / 'dor ba dang / sel bar 'gyur la lta ba gzhan yang nying mtshams sbyor bar mi 'gyur 
nye bar len par mi 'gyur/ 'byung bar mi 'gyur ro/ /de la thos pa dang ldan pa'i 'phags pa nyan thos ni 'di ltar so sor yang dag par slob par byed de/ gal te bdag thams cad mi 'dod do zhes de ltar lta zhing de skad smra na ni bdag ni thams cad 'dod do zhes de ltar lta zhing de skad 
smra ba gang yin pa dang / bdag ni gcig ni 'dod la gcig ni mi 'dod do zhes de ltar lta zhing de skad smra ba gang yin pa de gnyis dang bdag 'gyed par 'gyur ro/ /'gyed par gyur na rtsod par 'gyur ro/ /rtsod par gyur na rnam par 'tshe bar 'gyur ro snyam ste/ 'gyed pa dang 
bcas pa dang / rtsod pa dang bcas pa dang / rnam par 'tshe ba dang bcas par yang dag par mthong nas lta ba de yang spong la lta ba gzhan yang mi len to/ /de ltar na lta ba de yang spong ba dang / 'dor ba dang / sel bar 'gyur la lta ba gzhan yang nying mtshams sbyor bar mi 
'gyur/ nye bar len par mi 'gyur/ 'byung bar mi 'gyur ro/ /de la thos pa dang ldan pa'i 'phags pa nyan thos ni 'di ltar so sor yang dag par slob par byed de/ /gal te bdag gcig ni 'dod la gcig ni mi 'dod do zhes de ltar lta zhing de skad smra na ni gcig ni thams cad 
'dod do zhes de ltar lta zhing de skad smra ba gang yin pa dang / bdag ni thams cad mi 'dod do zhes de ltar lta zhing de skad smra ba gang yin pa de gnyis dang bdag 'gyed par 'gyur ro/ /'gyed par gyur na rtsod par 'gyur ro/ /rtsod par gyur na rnam par 'tshe bar 'gyur ro snyam ste/ 'gyed 

</font><hr>75-1-280b<br><font size=+1>

pa dang bcas pa dang / rtsod pa dang bcas pa dang / rnam par 'tshe ba dang bcas par yang dag par mthong nas lta ba de yang spong la lta ba gzhan yang mi len to/ /de ltar na lta ba de yang spong ba dang / 'dor ba dang / sel bar 'gyur la lta ba gzhan yang nying mtshams sbyor bar mi 
'gyur/ nye bar len par mi 'gyur/ 'byung bar mi 'gyur ro/ /me'i cha lugs can gyi bu lus 'di ni gzugs can/ rags pa/ 'byung ba chen po bzhi'i rgyu las byung ba ste/ de la ni 'phags pa nyan thos kyis rgyun mi 'chad par skye ba dang / 'jig par rjes su lta bas gnas 
par bya'o/ /'dod chags dang bral bar rjes su lta ba dang / 'gog par rjes su lta ba dang / spangs par rjes su lta bas gnas par bya'o/ /'phags pa nyan thos kyis de la rgyun mi 'chad par skye ba dang / 'jig par lta bas gnas na de'i lus la 'dun pa dang / lus la byams 
pa dang / lus la phangs pa dang / lus la gnas pa dang / lus la zhen pa dang / lus la lhag par zhen pa gang yin pa de la de'i sems zil gyis non cing 'dug par mi 'gyur ro/ /me'i cha lugs can gyi bu tshor ba 'di ni 'di gsum yin te/ gsum gang zhe na/ bde ba 
dang / sdug bsngal ba dang / sdug bsngal yang ma yin bde ba yang ma yin pa ste/ thos pa dang ldan pa'i 'phags pa nyan thos ni gang gi tshe bde ba'i tshor ba myong ba de'i tshe de'i sdug bsngal dang / sdug bsngal yang ma yin bde ba yang ma yin pa'i tshor ba gnyis 'gag par 'gyur te/ 
de'i tshe 'phags pa nyan thos kyis bde ba'i tshor ba nyi tshe myong bar 'gyur la/ bde ba'i tshor ba de yang mi rtag pa dang / 'gog pa'i chos can yin no/ /'phags pa nyan thos ni gang gi tshe sdug bsngal gyi tshor ba myong ba de'i tshe de'i bde ba dang / sdug bsngal yang ma yin bde ba 
yang ma yin pa'i tshor ba gnyis 'gag par 'gyur te/ de'i tshe 'phags pa nyan thos kyis sdug bsngal gyi tshor ba nyi tshe myong bar 'gyur la sdug bsngal gyi tshor ba de yang mi rtag pa dang / 'gog pa'i chos can yin no/ /'phags pa nyan thos ni gang gi tshe sdug bsngal yang ma yin 

</font><hr>75-1-281a<br><font size=+1>

bde ba yang ma yin pa'i tshor ba myong ba de'i tshe de'i bde ba dang / sdug bsngal gyi tshor ba gnyis 'gag par 'gyur te/ de'i tshe 'phags pa nyan thos kyis sdug bsngal yang ma yin bde ba yang ma yin pa'i tshor ba nyi tshe myong bar 'gyur la/ sdug bsngal yang ma yin 
bde ba yang ma yin pa'i tshor ba de yang mi rtag pa dang / 'gog pa'i chos can yin no/ /de 'di snyam du sems te/ tshor ba 'di rnams kyi gzhi ni gang yin/ skyed pa ni gang yin/ rigs ni gang yin/ 'byung bar byed pa ni gang yin zhe na/ tshor ba 'di rnams kyi gzhi ni reg 
pa'o/ /skyed pa ni reg pa'o/ /rigs ni reg pa'o/ /'byung bar byed pa ni reg pa ste/ reg pa de dang de skyes na tshor ba de dang de dag skye bar 'gyur la/reg pa de dang de dag 'gags na tshor ba de dang de dag 'gag par 'gyur/ nye bar zhi bar 'gyur/ bsil bar 'gyur/ 
med par 'gyur ro snyam nas des bde ba'am/ sdug bsngal ba'am/ sdug bsngal yang ma yin bde ba yang ma yin pa'i tshor ba 'ga' zhig myong na tshor ba de dag gi skye ba dang / med par 'gyur ba dang / nyams pa dang / nyes dmigs dang / nges par 'gyur ba yang dag pa 
ji lta ba bzhin du rab tu shes so/ /des tshor ba de dag gi skye ba dang / med par 'gyur ba dang / nyams pa dang / nyes dmigs dang / nges par 'byung ba yang dag pa ji lta ba bzhin du rab tu shes pas tshor ba skyes so cog la mi rtag par rjes su lta ba dang / 'jig par rjes 
su lta ba dang / 'gog par rjes su lta ba dang / spang bar rjes su lta bas gnas so/ /de lus dang dus mnyam pa'i tshor ba myong ba na lus dang dus mnyam pa'i tshor ba myong ngo snyam du yang dag pa ji lta ba bzhin du rab tu shes so/ /srog dang dus mnyam pa'i tshor ba myong ba na srog 
dang dus mnyam pa'i tshor ba myong ngo snyam du yang dag pa ji lta ba bzhin du rab tu shes te/ srog gi mthar thug nas lus dang bral ba'i 'og tu de'i tshor ba thams cad ma lus par 'di nyid du 'gag par 'gyur/ ma lus par med pa dang / yongs su zad pa dang gtugs par 

</font><hr>75-1-281b<br><font size=+1>

'gyur ro/ /de 'di snyam du sems te/ lus dang bral ba'i tshe bde ba'i tshor ba myong na yang sdug bsngal gyi mtha' ni de kho nar zad do/ /lus dang bral ba'i tshe sdug bsngal dang sdug bsngal yang ma yin/ bde ba yang ma yin pa'i tshor ba myong na yang sdug bsngal gyi mtha' ni de 
kho nar zad do snyam mo/ /de bde ba'i tshor ba myong na yang mi ldan pa myong gi ldan pa ni ma yin no/ /sdug bsngal dang / sdug bsngal yang ma yin/ bde ba yang ma yin pa'i tshor ba myong na yang mi ldan pa myong gi ldan pa ni ma yin no/ /mi ldan pa ci dang mi ldan zhe na/ 'dod 
chags dang / zhe sdang dang / gti mug dang mi ldan no/ /skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams dang / sdug bsngal dang mi ldan no zhes nga smra'o/ /
de'i tshe tshe dang ldan pa shA ri'i bu bsnyen par rdzogs nas zla ba phyed lon pa dang / bcom ldan 'das kyi snam logs su 'greng ste bsil yab thogs nas bcom ldan 'das la g.yob par byed do/ /de nas tshe dang ldan pa shA ri'i bu 'di snyam du sems te/ bcom ldan 'das ni chos 
de dang de dag gi myong ba 'ba' zhig brjod par mdzad/ 'dod chags dang bral ba 'ba' zhig dang / 'gog pa 'ba' zhig dang / dor ba 'ba' zhig brjod par mdzad kyis/ ma la bdag kyang chos de dang de dag spong bar rjes su lta bas gnas par bya gor ma chag /'dod 
chags dang bral bar rjes su lta ba dang / 'gog par rjes su lta ba dang / dor bar rjes su lta bas gnas par bya gor ma chag snyam mo/ /de nas tshe dang ldan pa shA ri'i bu chos de dang de dag la mi rtag par rjes su lta bas gnas pa dang / 'jig par rjes su lta ba dang / 
'dod chags dang bral bar rjes su lta ba dang / 'gog par rjes su lta ba dang / dor bar rjes su lta bas gnas nas len pa med par zag pa rnams las sems rnam par grol lo/ /kun du rgyu sen rings kyang chos rnams la chos kyi mig rdul med cing dri ma dang bral ba 

</font><hr>75-1-282a<br><font size=+1>

skyes so/ /de nas kun du rgyu sen rings kyis chos mthong / chos thos/ chos rtogs/ chos kyi gting slebs te/ som nyi las rgal/ the tsom las rgal nas gzhan gyi dring mi 'jog cing gzhan gyis bkri ba med la/ ston pa'i bstan pa'i chos rnams la 
mi 'jigs pa thob nas stan las langs te bla gos phrag pa gcig tu gzar nas bcom ldan 'das ga la ba de logs su thal mo sbyar ba btud de bcom ldan 'das la 'di skad ces gsol to/ /btsun pa bdag legs par gsungs pa'i chos 'dul ba la rab tu 'byung ba dang / 
bsnyen par rdzogs shing dge slong gi dngos po 'thob tu rung na/ bdag kyang bcom ldan 'das kyi thad du tshangs par spyod pa spyad par 'tshal lo/ /de nas kun du rgyu sen rings kyis legs par gsungs pa'i chos 'dul ba la rab tu byung ba dang bsnyen par rdzogs shing dge 
slong gi dngos po thob bo/ /de ltar rab tu byung nas tshe dang ldan pa de gcig pu dben pa dang / bag yod pa dang / brtun pa dang / spong ba'i bdag nyid du gnas so/ /gcig pu dben pa dang / bag yod pa dang / brtun pa dang / spong ba'i bdag nyid du 
gnas nas rigs kyi bu rnams gang gi phyir skra dang kha spu bregs te/ gos tshon can bgos nas yang dag pa'i dad pa kho nas khyim nas khyim med par rab tu 'byung bar byed pa'i tshangs par spyod pa bla na med pa'i mthar thug pa de tshe 'di nyid la rang gi mngon par shes pas mngon 
sum du byas te bsgrubs nas nyams su myong ste/ bdag gi skye ba zad do/ /tshangs par spyod pa spyad zin to/ /bya ba byas so/ /'di las srid pa gzhan mi shes so snyam du kun shes par gyur nas tshe dang ldan pa de dgra bcom pa sems shin tu rnam par grol bar gyur 
to/ /der bcom ldan 'das kyis dge slong rnams la bka' stsal pa/ dge slong dag nga'i nyan thos kyi dge slong so sor yang dag par rig pa thob pa rnams kyi mchog ni 'di lta ste/ dge slong gsus po che 'di yin no/ /de nas dge slong dag the tsom skyes te/

</font><hr>75-1-282b<br><font size=+1>

the tsom thams cad gcod pa sangs rgyas bcom ldan 'das la zhus pa btsun pa gsus po ches las gang dag bgyis na des gzhung gi smra ba chen por gyur la/ rab tu byung nas kyang dgra bcom pa nyid mngon sum du bgyis lags/ bcom ldan 'das kyis bka' stsal pa/ 
gsus po che nyid kyis sngon tshe rabs gzhan dag tu tshogs rnyed cing rkyen grub pa dang ldan te dba' rgal bzhin du 'byung la/ gdon mi za bar 'ong ba'i las de dag byas shing bsags pas na/ gsus po che nyid kyis las byas shing bsags pa de dag gzhan su zhig gis nyams 
su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang mi dge ba byas shing bsags 
pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro/ /lus can dag gi las rnams ni/ /bskal pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur/ /dge slong 
dag sngon byung ba 'das pa'i dus na/ grong khyer bA rA Na sI na sde dpon zhig la sogs pa mi rgod lnga brgya rkun po la chas so/ /re zhig na de dag song song ba dang / seng ldeng gi nags shig tu phyin nas ded dpon gyis smras pa pad ma lta bu'i mig dang ldan pa dag khyed kyis 'di na 
gzhan gyi mi 'ga' lta yod dam ltos dang / des bdag cag gis gnod sbyin la mchod pa gsol te 'dong ngo zhes byas so/ /de nas mi rgod de dag 'khor 'khor te seng ldeng gi nags de na rang sangs rgyas shig 'dug pa de mthong nas bzung ste sde dpon gyi thad du khrid do/ /de nas mi 
rgod kyi sde dpon gyis sod cig ces bsgo'o/ /de nas rang sangs rgyas des de dag la phan gdags pa'i phyir ngang pa'i rgyal po 'dab ma brkyang ba bzhin du nam mkha' la 'phags nas cho 'phrul rnam pa sna tshogs bstan to/ /de nas mi rgod kyi sde dpon sdong po rtsa ba nas bcad pa 

</font><hr>75-1-283a<br><font size=+1>

bzhin du rkang pa la phyag 'tshal nas nyes pa bshags te bshos kyang gsol nas smon lam btab pa/ bdag gis kyang yon tan 'di lta bu dag thob par gyur cig /'di bas kyang ches khyad par du 'phags pa'i ston pa mnyes par byed par gyur cig /mi 
mnyes par byed par ma gyur cig ces byas so/ /bcom ldan 'das kyis bka' stsal pa/ dge slong dag ji snyam du sems/ de'i tshe de'i dus na mi rgod kyi sde dpon du gyur pa de ni gsus po che chen po 'di yin no/ /gzhan yang bcom ldan 'das 'od srung gi ring la rab 
tu byung nas des der lo khri'i bar du tshangs par spyod pa'i gnas bsrungs te/ des da ltar dgra bcom pa nyid mngon sum du byas so/ /dge slong dag de ltar na las gcig tu nges par gnag pa rnams ni rnam par smin pa yang gcig tu nges par gnag par 'gyur ro/ /las 
gcig tu nges par dkar ba rnams ni rnam par smin pa yang gcig tu nges par dkar bar 'gyur ro/ /las 'dren ma rnams ni rnam par smin pa yang 'dren mar 'gyur ro/ /dge slong dag de bas na las gcig tu nges par gnag pa rnams dang / las 'dren ma rnams spangs la/ 
las gcig tu nges par dkar ba rnams 'ba' zhig la gtad par bya ste/ dge slong khyed kyis de ltar bslab par bya'o/ /bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod 
do// //yang dag sdug ces bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / 
gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam 

</font><hr>75-1-283b<br><font size=+1>

mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos 
kyi dge 'dun dang bcas pa grong khyer ku shi na gyad kyi nye 'khor shing sa la zung gi tshal na bzhugs so/ /de nas bcom ldan 'das yongs su mya ngan las 'da' ba'i dus la bab pa de'i tshe tshe dang ldan pa kun dga' bo la bka' stsal pa/ kun dga' bo de bzhin gshegs pa ni do nub 
nam phyed na phung po'i lhag ma med pa'i mya ngan las 'das pa'i dbyings su yongs su mya ngan las 'da' bar 'gyur gyis/ shing sA la zung gi bar du de bzhin gshegs pa'i gzims khri shoms la sngas byang phyogs su ston cig /de nas btsun pa de ltar 'tshal lo zhes gsol 
te/ tshe dang ldan pa kun dga' bos bcom ldan 'das kyis bka' stsal pa bzhin du shing sA la zung gi bar du gzims khri bshams te sngas byang phyogs su bstan nas bcom ldan 'das ga la ba de logs su song ste phyin nas/ bcom ldan 'das kyi zhabs la mgo bos phyag 
'tshal te phyogs gcig tu 'greng ngo / /phyogs gcig tu 'greng nas bcom ldan 'das la tshe dang ldan pa kun dga' bos 'di skad ces gsol to/ /btsun pa shing sA la zung gi bar du de bzhin gshegs pa'i gzims khri bshams te sngas byang phyogs su bstan lags so/ /de 
nas bcom ldan 'das gzims khri ga la ba der gshegs te byon nas glo g.yas phyogs kyis gzims te zhabs gshibs te/ zhabs gshibs nas snang ba'i 'du shes dang / dran pa dang / shes bzhin du ldan zhing mya ngan las 'da' ba'i 'du shes 'ba' zhig thugs la 
dgongs nas/ der bcom ldan 'das nam phyed na phung po'i lhag ma med pa'i mya ngan las 'das pa'i dbyings su yongs su mya ngan las 'das so/ /sangs rgyas bcom ldan 'das yongs su mya ngan las 'das ma thag pa de'i mod la sa chen po ni shin tu g.yos/ skar mda' 

</font><hr>75-1-284a<br><font size=+1>

ni ltung / mtha' nas ni ljib lam lam/ bar snang las ni lha'i rnga sgra dag brdungs so/ /sangs rgyas bcom ldan 'das yongs su mya ngan las 'das pa'i mod la nags kyi shing ljon pa'i mchog shing sA la zung 'dud par gyur te/ de bzhin gshegs pa seng ge'i 
thabs su gzims pa la me tog dag gis gtor to/ /sangs rgyas bcom ldan 'das yongs su mya ngan las 'das ma thag pa de'i tshe dge slong zhig gis tshigs su bcad de smras pa/ /sA la'i tshal gyi ljon pa'i mchog /'di gnyis mdzes par ldan pa ste/ /ston pa mya ngan 
'das pa la/ /me tog dag gis yongs su gtor/ /sangs rgyas bcom ldan 'das yongs su mya ngan las 'das ma thag pa de'i tshe lha'i dbang po brgya byin gyis tshigs su bcad de smras pa/ kye ma 'du byed rnams mi rtag /skye zhing 'jig pa'i chos can yin/ /skyes nas 'gag 
par 'gyur ba ste/ /de dag nye bar zhi ba bde/ /sangs rgyas bcom ldan 'das yongs su mya ngan las 'das ma thag pa de'i tshe mi mjed kyi bdag po tshangs pas tshigs su bcad de smras pa/ 'jig rten 'di na sems can kun/ /lus rnams nges par 'dor bar byed/ /'jig 
rten 'di na zla med pa'i/ /ston pa po ni 'di 'dra ba/ /de bzhin gshegs pa stobs brnyes pa/ /spyan ldan yongs su mya ngan 'das/ /sangs rgyas bcom ldan 'das yongs su mya ngan las 'das ma thag pa de'i tshe tshe dang ldan pa ma 'gags pas tshigs su bcad de smras pa/ brtan 
pa'i thugs ldan skyob pa po/ /phyi nang rgyu ba'i dbugs chad de/ /mi g.yo zhi la brten nas kyang / /spyan ldan yongs su mya ngan 'das/ /rnam pa kun gyi mchog ldan pa/ /ston pa gang tshe 'das gyur pa/ /de tshe 'jig pa chen po byung / /de tshe skyi yang bung zhes byed/ /zhum pa 
med pa'i thugs kyis ni/ /tshor ba dang du len par mdzad/ /mar me shi bar gyur pa ltar/ /de yi thugs ni rnam par grol/ /sangs rgyas bcom ldan 'das yongs su mya ngan las 'das nas zhag bdun lon pa de'i tshe tshe dang ldan pa kun dga' bos bcom ldan 'das kyi pur 

</font><hr>75-1-284b<br><font size=+1>

zhu gsal bzhen pa skor bzhin du tshigs su bcad de smras pa/ 'dren pa rdzu 'phrul chen po'i rin chen sku/ /tshangs pa'i 'jig rten gshegs pa gang yin te/ /nyid kyi sku las byung ba'i me lces bsregs/ /de ni na bza' lnga brgya phrugs kyis dkris/ /na bza' chos gos 
stong du tshang ba yis/ /sangs rgyas sku ni yongs su dkris par gyur/ /der ni bza' shing nang dang phyi rol gyi/ /rnam pa gnyis ni tshig par yong ma gyur/ /sangs rgyas bcom ldan 'das yongs su mya ngan las 'das nas lo brgya lon pa'i tshe grong khyer pa tra li'i bu zhes bya ba na 
rgyal po mya ngan med rgyal po byed de/ de'i ring la 'byor pa dang / rgyas pa dang / bde ba dang / lo legs pa dang / skye bo dang mi mang pos gang ba dang / rtsod pa dang / 'thab pa zhi ba dang / 'khrug pa dang / nang 'khrug dang / chom rkun dang / mu ge dang / nad rnams 
med pa dang / 'bras sA lu dang / bu ram shing dang / ba lang dang / ma he dang ldan par 'dug ste/ chos dang ldan pa dang / chos kyi rgyal po chos bzhin du rgyal po byed do/ /de nas phyis re zhig na btsun mo dang lhan cig tu rtse zhing dga' la dga' mgur spyod do/ /de rtse zhing dga' la dga' 
mgur spyod pa las phyis btsun mo la bu chags nas de zla ba brgyad dam dgu lon pa dang bu byung ste/ khye'u gzugs bzang zhing blta na sdug la mdzes pa/ mig bya kun la'i mig 'dra ba zhig btsas so/ /de nas de btsas pa'i btsas ston byas nas khye'u 'di'i ming ji skad 
gdags zhes ming 'dogs par byed de/ nye du rnams na re 'di btsas ma thag tu mig bya kun la'i mig 'dra bas na de'i phyir khye'u 'di'i ming kun la zhes gdags so zhes zer ro/ /de nas khye'u kun la pang na 'tsho ba'i ma ma gnyis dang / nu ma snun pa'i ma ma gnyis dang / dri ma 
'khru ba'i ma ma gnyis dang / rtse ba'i ma ma gnyis te/ ma ma brgyad la gtad nas/ de ma ma brgyad kyis 'o ma dang / zho dang / mar dang / zhun mar dang / mar gyi nying khu dang / gzhan yang yo byad kyi khyad par bzang ngo cog gis bskyed bsrings te mtsho'i nang gi pad ma bzhin 

</font><hr>75-1-285a<br><font size=+1>

du skye drag par gyur to/ /de nas de rgyan thams cad kyis brgyan nas rgyal po'i pang du blangs te yang dang yang du bltas nas de'i byad gzugs phun sum tshogs pas ngoms par gyur te/ 'jig rten na nga'i bu dang byad gzugs mtshungs pa med do zhes zer ro/ /
de nas de'i tshe yul sa 'dzin na grong me tog khur chen zhes bya ba zhig yod de/ de na khyim bdag cig gi bu mi'i kha dog las ni 'das/ lha'i kha dog ni ma thob pa zhig btsas te/ de btsas pa na rin po che'i rdzing lha'i spos chus gang ba dang / skyed mos tshal chen po me tog dang 
'bras bu phun sum tshogs pa dang ldan pa 'gro shes pa zhig byung ste/ khye'u de gang dang gang du 'gro ba de dang der rdzing dang skyed mos tshal de 'byung bar 'gyur ro/ /de nas khye'u de'i ming mdzes ldan zhes btags so/ /de nas re zhig na khye'u de cher skyes pa dang me tog khur chen gyi 
grong nas tshong pa kha cig don dag cig la yul pa tra li'i bur dong ste/ de dag gis skyes khyer nas rgyal po mya ngan med kyi thad du dong ngo / /de nas de dag gis rgyal po'i rkang pa la phyag 'tshal te skyes phul nas mdun du 'khod do/ /de nas rgyal po mya ngan med kyis de dag la bu 
kun la bstan te/ kye tshong pa dag khyed 'byam pa na byad gzugs kyi khyad par dang ldan pa 'di lta bu sngan chad gang du yang rung ste res 'ga' mthong ngam zhes dris so/ /de nas tshong pa de dag gis thal mo sbyar ba btud de rkang pa la phyag 'tshal te gyod mi rma bar gsol nas rgyal 
po la gsol pa/ lha bdag cag gi yul na khye'u mdzes ldan zhes bgyi ba mi'i kha dog las ni 'das/ lha'i kha dog ni ma thob pa zhig mchis te/ de btsas pa na rin po che'i rdzing bu lha'i spos chus gang ba dang / skyed mos tshal chen po me tog dang 'bras bu phun sum tshogs 
pa dang ldan pa 'gro shes pa zhig byung ste/ khye'u de gang dang gang du 'gro ba de dang der rdzing dang skyed mos tshal de 'byung bar 'gyur ro zhes byas so/ /de nas rgyal po mya ngan med kyis de thos nas mchog tu ya mtshan du gyur te lta 'dod par gyur nas pho nya btang ste/ rgyal po mya ngan 

</font><hr>75-1-285b<br><font size=+1>

med khye'u mdzes ldan blta ba'i phyir 'ong bar 'dod kyis/ khyed kyis bya ba'am bsham pa gang yin pa de gyis shig ces spring ngo / /de nas skye bo phal po che skrag ste/ gal te rgyal po dmag gi dpung chen po dang 'dir 'ongs su zin na gnod pa chen po zhig tu mi 'gyur ram snyam mo/ /
de nas khye'u de'i bzhon pa bzang po bshams te skyes su mu tig gi do shal 'bum brdzangs nas rgyal po mya ngan med kyi thad du btang ste/ de mthar gyis song song ba dang / grong khyer pa tra li'i bur phyin nas mu tig gi do shal 'bum khyer te rgyal po mya ngan med kyi thad du phyin to/ /de nas rgyal 
po mya ngan med kyis khye'u mdzes ldan gyi byad gzugs mdzes pa dang kha dog rgyas pa dang / lha'i rdzing bu dang / skyed mos tshal mthong nas/ mthong ma thag tu mchog tu ya mtshan du gyur to/ /de nas rgyal po mya ngan med kyis gnas brtan nye bar srung la ya mtshan du bstan pa'i 
phyir khye'u mdzes ldan khrid de khyim bya'i kun dga'i ra bar song ngo / /kun dga'i ra ba de na dgra bcom pa nye bar srung la sogs pa khri brgyad stong gnas so/ /slob pa dang / so so'i skye bo dge ba ni de'i nyis 'gyur du gnas so/ /de nas des gnas brtan gyi rkang pa la phyag 'tshal nas 
chos mnyan pa'i phyir mdun du 'dug go/ /gnas brtan nye bar srung gis kyang de la chos bstan to/ /khye'u de yang rgyud yongs su smin pa zhig ste/ chos thos nas rab tu 'byung 'dod par gyur te/ des rgyal po mya ngan med la gsol nas gnas brtan nye bar srung gi thad du rab tu byung 
ste/ des sbyor ba dang bsgrub pa dang / 'bad pas phol mig lnga pa'i 'khor ba'i 'khor lo 'di nyid g.yo zhing mi brtan par rig nas 'du byed kyi rnam pa thams cad snyil ba dang / ltung ba dang / rnam par 'thor ba dang / rnam par 'jig pa'i chos can yin par rtsad chod de/ nyon mongs pa 
thams cad spangs nas dgra bcom pa nyid mngon sum du byas te/ dgra bcom pa khams gsum pa'i 'dod chags dang bral bar gyur nas gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan sbangs pa lta bur bsil bar gyur pa/ rig pas sgo nga'i 

</font><hr>75-1-286a<br><font size=+1>

sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang gus par smra ba'i gnas 
su gyur to/ /de nas rgyal po mya ngan med the tsom skyes te gnas brtan nye bar srung la dris pa/ btsun pa mdzes ldan gyis las gang dag bgyis na des byad gzugs 'di lta bu ldan par gyur lags/ las gang dag bgyis na des rin po che'i rdzing lha'i spos chus gang ba dang / skyed 
mos tshal chen po me tog dang 'bras bu phun sum tshogs pa dang ldan pa 'gro shes pa byung bar gyur lags/ gnas brtan nye bar srung gis smras pa/ rgyal po chen po mdzes ldan nyid kyis sngon tshe rabs gzhan dag tu tshogs rnyed cing rkyen grub pa dang ldan te dba' rgal bzhin du 'byung la/ gdon 
mi za bar 'ong ba'i las de dag byas shing bsags pas na/ mdzes ldan nyid kyis las byas shing bsags pa de dag gzhan su zhig gis nyams su myong bar 'gyur te/ rgyal po chen po las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams 
dang / me'i khams dang / rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro/ /lus can dag gi las rnams ni/ /bskal pa 
brgyar yang chud mi za/ /tshogs shing dus la bab pa na/ /'bras bu nyid du smin par 'gyur/ /rgyal po chen po sngon gang gi tshe bcom ldan 'das yongs su mya ngan las 'das pa de'i tshe tshe dang ldan pa 'od srung chen po 'khor lnga brgya dang / yul ma ga d+hAr ljongs rgyu zhing dong ste/ chos yang dag par bsdu 
bar 'dod pa las re zhig na tshong pa dbul po zhig gis dge slong gi dge 'dun phal cher ston pa dang bral ba'i mya ngan gyis non par gyur la 'gro 'gro bas dub cing lus rdul gyis yog par mthong ngo / /de nas de snying rje skyes nas des 'od srung chen po la sogs pa dge slong lnga brgya cho ga dang ldan pa'i 

</font><hr>75-1-286b<br><font size=+1>

khrus la spyan drangs so/ /de nas des chu dron spos sna tshogs kyis bsgos pa phul te dge slong rnams kyi lus bkrus te/ chos gos rnams kyang bkrus so/ /kha zas bzang pos kyang tshim par byas nas skyabs su 'gro ba dang / bslab pa'i gzhi rnams kyang blangs te smon lam btab pa/ 
bdag bcom ldan 'das shAkya thub pa'i bstan pa 'di nyid la rab tu byung nas dgra bcom pa nyid mngon sum du byed par gyur cig ces byas so/ /rgyal po chen po ji snyam du sems/ de'i tshe de'i dus na tshong dpon dbul por gyur pa gang yin pa de ni dge slong mdzes ldan 'di yin te/ des dge 
slong dag la cho ga dang ldan pa'i khrus byas pa des na 'di 'di lta bur byad gzugs khyad par can du gyur la/ rin po che'i rdzing lha'i spos chus gang ba dang / skyed mos tshal chen po me tog dang 'bras bu phun sum tshogs pa dang ldan pa'i 'gro shes pa byung bar gyur to/ /des skyabs su 
'gro ba dang bslab pa'i gzhi rnams blangs pa des ni tshe 'di nyid la dgra bcom pa nyid mngon sum du byas so/ /rgyal po chen po de ltar na las gcig tu nges par gnag pa rnams ni rnam par smin pa yang gcig tu nges par gnag par 'gyur ro/ /las gcig tu nges par dkar ba rnams ni 
rnam par smin pa yang gcig tu nges par dkar bar 'gyur ro/ /las 'dren ma rnams ni rnam par smin pa yang 'dren mar 'gyur ro/ /rgyal po chen po de bas na las gcig tu nges par gnag pa rnams dang las 'dren ma rnams spangs la/ las gcig tu nges par dkar 
ba rnams 'ba' zhig la gtad par bya ste/ rgyal po chen po khyod kyis de ltar bslab par bya'o/ /de nas rgyal po mya ngan med gnas brtan nye bar srung gis bshad pa la mngon par bstod de/ rjes su yi rangs nas stan las langs te song ngo / /rtogs pa brjod pa brgya pa las sdom gyi 
tshigs su bcad pa bcu pa rdzogs te/ gang po la sogs pa'i rtogs pa brjod pa brgya pa rdzogs so// //rgya gar gyi mkhan po dzi na mi tra dang / zhu chen gyi lots+tsha ba ban de de ba tsan dras bsgyur te gtan la phab pa// //

</font><hr>

</table>