D353

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>D353</h1><td>(<a href="https://adarsha.dharma-treasure.org/kdbs/degekangyur" target="new2">e-text produced by ADARSHA</a>)<br><br><a href="verif2.php?id=D353&coll=derge">see text in Tibetan script</a></table>76-1-86a<br><font size=+1>
@#/ /rgya'i skad du/ de'i phAng bya na ph+hur po'u in kyeng sU phim de'i a+yir/ bod skad 
du/ thabs mkhas pa chen po sangs rgyas drin lan bsab pa'i mdo/bam po dang po/ 'di skad bdag gis thos pa dus gcig na/ bcom ldan 'das rgyal po'i khab bya rgod spungs pa'i ri la/ dge slong gi dge 'dun chen po dge slong nyi khri brgyad stong thams cad kyang bya ba byas pa/ 
tshangs par spyod pa spyad pa/ srid par kun du sbyor ba yongs su zad pa/ klu chen po ltar sems kyi dbang thob pa sha stag la 'di lta ste/ 'od srung chen po dang / rab 'byor dang / kun shes kauN+Di n+ya dang / mdzes bzang dang / byams ma'i bu gang po dang / lam chen brtan 
dang / shA ri'i bu dang /kA t+yA'i bu chen po dang / kun dga' bo dang / sgra gcan 'dzin la sogs pa cang shes pa dag dang thabs cig tu bzhugs so/ /byang chub sems dpa' sems dpa' chen po sum khri brgyad stong dag dang thabs cig ste/ byang chub sems dpa' de 
dag thams cad kyang yun ring por dge ba'i rtsa ba bskyed pas sangs rgyas bye ba brgya stong tshad med pa rnams la rtag tu tshangs par spyod pa spyad pa/ smon lam chen po yongs su rdzogs pa/ ting nge 'dzin brgya stong snyed khong du chud cing rtogs pa/ gzungs yongs su rdzogs pa/ snying rje chen 
po mi gtong ba/ sems can chen po ji lta ba bzhin du thams cad la phan par brtson pa/ dkon mchog gsum gyi gdung mi 'chad par 'tshob pa/ chos kyi rgyal mtshan rnam par 'dzugs pa/ so so'i skye bo'i ma bskul ba'i dge ba'i bshes gnyen du gyur pa/ ye shes chen 

</font><hr>76-1-86b<br><font size=+1>

po'i 'gram du phyin pas kun du grangs med pa sha stag la 'di lta ste/ byang chub sems dpa' spyan ras gzigs dbang phyug dang / byang chub sems dpa' mthu chen thob dang / byang chub sems dpa' rtag par brtson dang / byang chub sems dpa' yon tan dam pa dang / 
byang chub sems dpa' yon tan dbyangs dang / byang chub sems dpa' glog gi 'od dang / byang chub sems dpa' kun du mnyam pa dang / byang chub sems dpa' yon tan gtso bo dang / byang chub sems dpa' ri rab rgyal po dang / byang chub sems dpa' spos kyi 
glang po dang / byang chub sems dpa' spos kyi glang po chen po dang / byang chub sems dpa' stobs 'dzin dang / byang chub sems dpa' khams gsum 'phags dang / byang chub sems dpa' rtag par snying rje dang / byang chub sems dpa' lag na rin chen dang / byang 
chub sems dpa' 'od btsan dang / byang chub sems dpa' dam pa'i dpal dang / byang chub sems dpa' rin chen zla ba dang / byang chub sems dpa' stobs po che dang / byang chub sems dpa' blo gros tshad med dang / byang chub sems dpa' bzang skyong dang / byang chub sems 
dpa' seng ge'i sgra dang / byang chub sems dpa' seng ge byed dang / byang chub sems dpa' seng ge rnam par bsgyings pa dang / byang chub sems dpa' smon lam rdzogs dang / byang chub sems dpa' rin chen brtsegs dang / byang chub sems dpa' byams pa dang / byang 
chub sems dpa' 'jam dpal gzhon nur gyur pa la sogs pa 'khor mang po dang yang thabs cig tu bzhugs so/ /de ma yin pa gzhan yang / 'dod pa'i khams kyi lha'i bu tshad med pa brgya stong dag kyang lhags nas lha rdzas kyi me tog dang spos rnams thogs shing / lha rdzas 
kyi rol mo dkrol nas steng gi nam mkha' la 'khod do/ /de ma yin pa lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / mi dang / mi ma yin pa dang / de la sogs pa so so nas 'khor brgya 

</font><hr>76-1-87a<br><font size=+1>

stong snyed lhags nas sangs rgyas kyi zhabs la mgo bos phyag 'tshal te/ phyogs gcig tu 'khod do/ /de'i tshe na bcom ldan 'das la 'khor mang pos yongs su bskor te/ rim gro dang mchod pa byas/ bkur sti dang bcas pas yongs su bstod pa byas so/ /
de'i tshe na bcom ldan 'das kyi byin gyi rlabs kyis kun dga' bo snga dro'i dus kyi tshe rgyal po'i khab tu zhugs nas mthar gyis bsod snyoms blangs so/ /de'i dus na bram ze pha ma la sri zhu cher byed pa/ khyim so zhig nas ci yang mi bdog pa cig kyang ma rgan khur du khyer te/ mthar gyis slongs mo 
byed de/ de yang kha zas zhim po ro dang ldan pa'am/ shing tog bzang po dag rnyed na pha ma la stobs so/ /kha zas ngan pa ro med pa'am/ shing tog skam po dag rnyed na bdag rang za'o/ /kun dga' bos de lta bu dag mthong nas rab tu dga' ba'i sems skyes te/ mi de la legs 
so/ /legs so zhes snyan par bstod nas/ rigs kyi bu pha ma la sri zhu byed cing mchod pa byed pa ngo mtshar che ste legs so zhes smras so/ /de nas kun du rgyu ston pa drug gi bstan pa la phyogs shing grogs su gyur pa cig dbang po rno la gtsug lag dang / rig byed rnam pa bzhi la mkhas par 
gyur pa/ skar ma dang rtsis la mkhas pa/ dge sdig gi ltas rno ba/ mo dang gtsug lag gi rig pas pha rol gyi sems shes pa/ phal mang po'i slob dpon du gyur pa/ kun gyis bkur ba cig lta ba ngan pa la zhen nas khe dang grags pa'i phyir dam pa'i chos 'jig par byed/ 
sangs rgyas dang / chos dang / dge 'dun la phrag dog byed de smod pa'i phyir kun dga' bo la 'di skad ces smras so/ /khyod kyi ston pa gau ta ma shAka rigs kyi bu nga ni dge ba yin te/ yon tan chen po dang ldan no zhes smra ba yang ming tsam du zad de bden pa'i dngos po med do/ /khyod kyi 
ston pa gau ta ma ni yang dag par na sdig pa can yin te/ btsas nas zhag bdun lon pa na ma yang shi bas sdig pa can yin par mngon no/ rgyal po'i pho brang na 'dug pa las pho brang nang nas bros pas yab rgyal po yang mya ngan gyis non te/ sems 'khrugs nas brgyal ba las chus gtor 

</font><hr>76-1-87b<br><font size=+1>

te/ zhag bdun lon pa dang dran pa phyir rnyed de cho nges btab nas nga'i lha'i bu gcig deng du stor ro zhes snying rje rje skad du ngus nas/ nga'i yul dang srid kyang khyod 'ba' zhig dbang bar zad la bu yang khyod gcig pur zad na ci'i phyir nged spangs te ri dgon par chas zhes smre sngags 'don du 
bcug pas khyod kyi ston pa gau ta ma drin mi shes te ci la'ang ma bltas par langs te song bas na sri zhu med par yang mngon no/ /yab rgyal pos pho brang brtsigs nas chung ma blangs pa las kyang chung ma'i las ma byas te mya ngan gyis gdungs par byas pas na khrel med pa yang yin par 
mngon no/ /kun dga' bos de skad ces smras pa'i tshig de dag thos nas ngo tsha zhing skyengs te/ bsod snyoms blangs te phyir sangs rgyas ga na bar 'ongs nas zhabs la mgo bos phyag 'tshal te phyogs gcig tu thal mo sbyar ba btud de bcom ldan 'das la 'di skad ces gsol to/ /bcom 
ldan 'das sangs rgyas kyis bstan pa'i chos la pha ma la sri zhu bgyi ba lta ma mchis sam/ sangs rgyas kyis kun dga' bo la bka' stsal pa/ 'di skad du zhu ba 'di khyod la su zhig gis bstan/ lha'am mi'am/ mi ma yin pas bstan tam/ 'on te khyod nyid kyi shes pa'i blos de 
bzhin gshegs pa la zhu bar gyur ces bka' stsal pa dang / kun dga' bos gsol pa/ bdag la lha'am/ klu'am/ yi dgas sam/ mi'am/ mi ma lags pa gang gis kyang bstan pa ma mchis te/ snga dro bsod snyoms slong du mchis pa'i shul du ston pa drug gi 'khor kun du 
rgyu gcer bu pa zhig dang mjal ba dang / bdag la tshig rtsub mo dag mchi'o zhes rgyas par gsol to/ /de'i tshe bcom ldan 'das 'dzum pa mdzad nas zhal gyi sgo nas kha dog rnam pa du ma dang ldan pa'i 'od byung bas shar phyogs logs su sangs rgyas kyi zhing tshad med pa bye ba brgya stong 
'das pa'i pha rol na 'jig rten gyi khams bla ma mchog ces bya ba snang bar byas so/ /'jig rten gyi khams de na sangs rgyas dga' ba'i rgyal po zhes bya ba de bzhin gshegs pa dgra bcom pa yang dag par rdzogs pa'i sangs rgyas/ rig pa dang zhabs su ldan pa/ bde bar gshegs pa/

</font><hr>76-1-88a<br><font size=+1>

'jig rten mkhyen pa/ skyes bu 'dul ba'i kha lo sgyur ba bla na med pa/ ston pa rgyal ba/ sangs rgyas bcom ldan 'das/ sangs rgyas kyi zhing rab tu bkod pa zhes bya ba na bzhugs te/ sangs rgyas kyi zhing de yang shin tu mnyam zhing gzhi bai dUr+ya las byas pa/ gser btso mas thig re'u bres pa/ rin po 
che sna bdun gyi shing bskyed pa/ shing de dag kyang mda' rgyang tsam du mtho ba/ me tog dang / 'bras bu dang / yal ga dang 'dab mas shin tu brgyan pa/ rlung mi drag pas bskyod na sgra snyan pa 'byung ba/ sgra de dag so so'i skye bos thos pas mi ngoms pa/ skabs skabs na chu mig dang / mtshe'u dang / khrus kyi rdzing bu 
yod la yon tan brgyad dang ldan pa'i chus yongs su gang ba/ rdzing gi zhabs kyang gser gyi bye mas bdal ba/ rdzing gi ngos bzhi na bsung dam pa dang ldan pa'i me tog pad ma dang / puN+Da ri ka dang / pA ru Sha ka dang / de ma yin pa'i me tog sngon po dang / ser po dang / dmar po dang / dkar po shing rta'i phang lo 
tsam gyis chu'i steng yongs su khebs te/ chu de'i nang na bya rnam pa sna tshogs kyang shin tu yid du 'ong ba'i sgra snyan pa 'byin to/ /rdzing de'i nang na rin po che sna bdun las byas pa'i gru yod de/ de na sems can mang po 'dod dgur rtse zhing longs spyod do/ /rin po che'i shing de dag gi bar bar na seng ge'i khri mtho 
khyad kyi tshad dpag tshad gcig pa bshams nas rin po che sna bdun gyis brgyan te/ lha rdzas kyi na bza' khri'i steng du rim par bting ba/ lha rdzas kyi spos kyi dri 'thul ba/ lha rdzas kyi me tog gis chal par bkram pa'i khri de la de bzhin gshegs pa dga' ba'i rgyal po skyil mo krung du bcas shing bzhugs 
pa la byang chub sems dpa' tshad med pa bye ba brgya stong snyed mdun du bdar te thal mo sbyar ba btud nas de bzhin gshegs pa de la so so nas tshig 'thun par 'di skad ces gsol to/ /bcom ldan 'das ci'i rgyu ci'i rkyen gyis 'od bzang po kha dog sngon po dang / ser po dang / dmar po dang / dkar po dang 
ldan pa/ rab tu gsal ba/ dper mi bzod pa 'di nub phyogs logs nas 'khor mang po 'di dag la snang bar gyur te/ gang la 'od kyis reg pa de dag thams cad lus dang sems bde bar 'gyur ba de thugs brtse ba'i slad du bcom ldan 'das kyis bstan du gsol/ de la bcom ldan 'das des 'di skad ces 

</font><hr>76-1-88b<br><font size=+1>

bka' stsal to/ /rigs kyi bu dag legs par nyon la shin tu yid la zung shig dang khyod la dgrol zhing bshad par bya'o/ /'di nas nub phyogs logs su 'jig rten gyi khams tshad med pa bye ba brgya stong 'das pa'i pha rol na sangs rgyas kyi zhing mi mjed ces bya ba yod de/ de na sangs rgyas shAkya thub pa zhes bya ba de 
bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ ston pa rgyal ba/ sangs rgyas bcom ldan 'das zhes bya ba 'khor mang pos yongs su bskor nas/ 'khor 
mang po thams cad la thabs mkhas pa chen po drin lan bsab pa'i mdo sde ston cing / sems can thams cad la phan pa dang bde ba'i don gyi phyir/ sems can thams cad kyi log par lta ba'i zug rngu rtsa nas gdon pa'i phyir/ sems thog ma pa'i byang chub sems dpa' dag byang chub kyi lam las 
phyir mi ldog cing brtan par bya ba'i phyir/ nyan thos dang rang sangs rgyas thams cad mthar phyin pa'i theg pa gcig gi lam la dgod pa'i phyir/ byang chub sems dpa' chen po rnams myur du mngon par byang chub cing sangs rgyas kyi drin lan bsab pa'i phyir sems can thams cad kyis drin lci ba dran par 
bya ba'i phyir/ sems can thams cad sdug bsngal gyi rgya mtsho las bsgral ba'i phyir/ so so'i skye bo mtha' dag pha ma dag la sri zhu bya bar 'dod pa'i phyir 'od 'di snang bar gyur pa yin no/ /de'i tshe 'khor de'i nang na byang chub sems dpa' 'khor mang po'i gtso bo dang ston par gyur pa stong phrag bcu 
snyed stan las langs te/ bla gos phrag pa gcig tu byas nas pus mo g.yas pa'i lha nga sa la btsugs te bcom ldan 'das la 'di skad ces gsol to/ /bcom ldan 'das kyi byin gyi rlabs kyis bdag cag rnams mi mjed kyi 'jig rten gyi khams der mchi zhing / de bzhin gshegs pa shAkya 
thub pa la mchod pa dang / bsnyen bkur bgyi ba dang / thabs mkhas pa chen po sangs rgyas drin lan bsab pa'i mdo dam pa nyan cing mchi bar byin gyis brlab tu gsol/ de nas sangs rgyas des byang chub sems dpa' de rnams la 'di skad ces bka' stsal to/ /rigs kyi bu dag khyed mi mjed 

</font><hr>76-1-89a<br><font size=+1>

kyi 'jig rten gyi khams der phyin nas sangs rgyas bcom ldan 'das de la mchod cing bkur sti bya ba dang / shin tu phrad par dka' ba'i 'du shes bskyed par bya'o/ /de ci'i phyir zhe na/ sangs rgyas shAkya thub pa ni bskal pa grangs med pa bye ba khrag khrig gi bar du shin tu spyad 
dka' ba spyad de/ snying rje chen pos smon lam 'di skad ces btab bo/ gal te mngon par sangs rgyas pa na 'jig rten gyi khams sdig pa can ri dang / shang shong dang / gyo mo dang / gseg ma dang / tsher ma la sogs pa yod pa'i gnas su sems can dag kyang nyon mongs pa dang bcas pa/ 
mtshams med pa lnga dang / mi dge ba bcu rdzogs par spyod pa'i gnas der mngon par rdzogs par sangs rgyas te/ phan pa dang bde ba'i don du sdug bsngal thams cad yongs su bcad de/ bde ba thams cad dang yongs su ldan par byas nas chos kyi sku yongs su rdzogs par byas shing lhag ma ma 
lus pa'i mya ngan las 'das par gyur cig ces smon lam du btab bo/ sangs rgyas bcom ldan 'das des thog ma de skad ces smon lam btab pas khyed rnams 'jig rten gyi khams der phyin nas ji ltar sangs rgyas nyid gshegs pa dang / ji ltar sangs rgyas nyid bzhugs pa dang 'dra bar gnas par 
bya'o zhes bka' stsal pa dang / byang chub sems dpa' de dag thams cad kyis tshig 'thun par bcom ldan 'das kyi bka' bzhin du bgyi'o zhes gsol nas byang chub sems dpa' de dag re re yang 'khor byang chub sems dpa' bye ba khrag khrig brgya stong snyed kyis yongs su bskor te mi mjed kyi 'jig rten 
gyi khams gang na ba der song ngo / /de dag 'jig rten gyi khams gang dang gang du phyin par 'jig rten gyi khams de dag rnam pa drug tu g.yos te/ 'od zer chen po yang kun du snang bar gyur/ steng gi bar snang las lha rnams kyis me tog man dA ra ba dang / man dA ra ba chen po yang char bzhin phab 
bo/ /'od zer chen pos snang bar byas shing rdzu 'phrul gyis 'jig rten gyi khams gang gA'i klung gi bye ma snyed dag kyang g.yos so/ /de ma yin pa gzhan yang lha rdzas kyi rol mo tshad med pa brgya stong snyed kyang steng gi bar snang la ma dkrol bar rang zer bzhin du byang chub sems dpa' de dag bya rgod 

</font><hr>76-1-89b<br><font size=+1>

spungs pa'i ri ga la ba der de bzhin gshegs pa'i spyan sngar lhags nas zhabs la mgo bos phyag 'tshal te/ sangs rgyas la lan gsum bskor ba byas nas phyogs gcig tu 'khod do/ /de'i tshe de bzhin gshegs pa'i 'od zer gyis lho phyogs logs su sangs rgyas kyi zhing bye ba 
khrag khrig brgyad cu 'das pa'i pha rol na/ 'jig rten gyi khams yon tan 'od ces bya ba snang bar byas so/ /'jig rten gyi khams de na sangs rgyas mtshan mar dgongs zhes bya ba de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ 
bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ ston pa rgyal ba/ sangs rgyas bcom ldan 'das sangs rgyas kyi zhing shin tu dag pa zhes bya ba na bzhugs te/ sangs rgyas kyi zhing de yang shin tu mnyam zhing gzhi bai dUr+ya las 
byas pa/ gser btso mas thig re'ur bres pa/rin po che sna bdun gyi shing bskyed pa/ shing de dag kyang mda' rgyang gang tsam du mtho ba/ me tog dang / 'bras bu dang / yal ga dang / 'dab mas brgyan pa/ rlung mi drag pas bskyod na sgra snyan pa 'byung ba/ sgra de dag so so'i 
skye bos thos pas mi ngoms pa/ skabs skabs na chu mig dang / mtshe'u dang / khrus kyi rdzing bu yod la/ yon tan brgyad dang ldan pa'i chus yongs su gang zhing / rdzing gi zhabs kyang gser gyi bye mas bdal ba/ rdzing gi ngos bzhi na bsung dam pa dang ldan pa'i me tog pad ma dang / puN+Da 
rI ka dang / pA ru Sha ka dang / de ma yin pa'i me tog sngon po dang / ser po dang / dmar po dang / dkar po shing rta'i phang lo tsam chu'i steng yongs su khebs te/ chu de'i nang na bya rnam pa sna tshogs kyang shin tu yid du 'ong ba'i sgra snyan pa 'byin to/ /rdzing de'i nang na rin po che sna bdun las 
byas pa'i gru yod de/ de na sems can mang po 'dod dgur rtse zhing longs spyod do/ /rin po che'i shing de dag gi bar bar na seng ge'i khri mtho khyad dpag tshad gcig bshams nas/ rin po che sna bdun gyis brgyan te/ lha rdzas kyi na bza' khri'i steng du rim par bting ba lha rdzas kyi spos kyi dri 'thul ba/

</font><hr>76-1-90a<br><font size=+1>

lha rdzas kyi me tog gi chal par bkram pa'i khri de la/ de bzhin gshegs pa mtshan ma dgongs skyil mo krung bcas shing bzhugs pa la/ byang chub sems dpa' tshad med pa bye ba brgya stong snyed mdun du bdar te thal mo sbyar ba btud nas/ de bzhin gshegs pa de la so 
so nas tshig 'thun par 'di skad ces gsol to/ /bcom ldan 'das ci'i rgyu ci'i rkyen gyis 'od zer kha dog bzang po/ kha dog sngon po dang / ser po dang / dmar po dang / dkar por ldan pa rab tu gsal ba dper mi bzod pa 'di/ byang phyogs logs nas 'khor mang po 'di dag 
la snang bar gyur te/ gang la 'od kyis reg pa de dag thams cad lus dang sems bde bar gyur par thugs brtse ba'i slad du bcom ldan 'das kyis bstan du gsol/ de nas bcom ldan 'das des 'di skad ces bka' stsal to/ /rigs kyi bu dag legs par rab tu nyon la yid la zung 
shig dang khyed la dgrol zhing bshad par bya'o/ /'di nas byang phyogs logs kyi 'jig rten gyi khams bye ba khrag khrig brgyad cu 'das pa'i pha rol na/ sangs rgyas kyi zhing mi mjed ces bya ba yod de/ de na sangs rgyas shAkya thub pa zhes bya ba de bzhin gshegs pa dgra bcom pa yang dag 
par rdzogs pa'i sangs rgyas rig pa dang zhabs su ldan pa bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ sangs rgyas bcom ldan 'das zhes bya ba 'khor mang pos yongs su bskor nas/ 'khor mang po thams cad thabs mkhas pa chen po drin lan 
bsab pa'i mdo sde ston cing / sems can thams cad la phan pa dang bde ba'i don gyi phyir/ sems can thams cad kyi log par lta ba'i zug rngu rtsa nas 'don pa'i phyir/ sems thog ma pa'i byang chub sems dpa' dag byang chub kyi lam las phyir mi ldog cing / brtan par bya ba'i phyir/ 
nyan thos dang rang sangs rgyas thams cad mthar phyin pa'i theg pa gcig gi lam la dgod pa'i phyir/ byang chub sems dpa' chen po rnams myur du mngon par byang chub cing / sangs rgyas kyi drin lan bsab pa'i phyir/ sems can thams cad kyis drin lci ba dran par bya ba'i phyir/ sems can 

</font><hr>76-1-90b<br><font size=+1>

thams cad sdug bsngal gyi rgya mtsho las sgrol ba'i phyir/ sa so'i skye bo dag pha ma la sri zhu bya bar 'dod pa'i phyir/ 'od 'di snang bar gyur pa yin no/ /de'i tshe 'khor de'i nang na byang chub sems dpa' 'khor mang po'i gtso bo dang ston par gyur pa stong phrag bcu snyed stan las langs te/ 
bla gos phyogs gcig tu byas nas/ pus mo g.yas pa'i lha nga sa la btsugs te/ bcom ldan 'das de la 'di skad ces gsol to/ /bcom ldan 'das kyi byin gyi rlabs kyis/ bdag cag rnams mi mjed kyi 'jig rten gyi khams der mchi zhing / de bzhin gshegs pa shAkya 
thub pa la mchod pa dang / bsnyen bkur bgyi ba dang / thabs mkhas pa chen po sangs rgyas drin lan bsab pa'i mdo sde dam pa nyan cing mchi bar byin gyis brlab tu gsol/ de nas sangs rgyas des byang chub sems dpa' rnams la 'di skad ces bka' stsal to/ /rigs kyi bu dag khyed 
mi mjed kyi 'jig rten gyi khams der phyin nas sangs rgyas bcom ldan 'das de la mchod pa dang bkur sti bya ba dang / shin tu phrad dka' ba'i 'du shes bskyed par bya'o/ /de ci'i phyir zhe na/ sangs rgyas shAkya thub pa ni bskal pa grangs med pa bye ba khrag khrig gi bar du shin tu spyad dka' ba spyad 
de/ snying rje chen pos smon lam 'di skad ces btab bo/ /gal te mngon par sangs rgyas pa na/ 'jig rten gyi khams sdig pa can/ ri dang / shang shong dang / gyo mo dang / gseg ma dang / tsher ma la sogs pa yod pa'i gnas su/ sems can dag kyang nyon mongs pa 
dang bcas pa/ mtshams med lnga dang / mi dge bcu rdzogs par spyod pa'i gnas der mngon par sangs rgyas te/ phan pa dang bde ba'i don du sdug bsngal thams cad yongs su bcad de/ bde ba thams cad dang ldan par byas nas/ chos kyi sku yongs su rdzogs shing / lhag ma 
ma lus pa'i mya ngan las 'das par gyur cig ces smon lam btab bo/ /sangs rgyas bcom ldan 'das des thog ma de skad ces smon lam btab pas/ khyed rnams 'jig rten gyi khams der phyin nas/ ci ltar sangs rgyas nyid gshegs pa dang / ci ltar sangs rgyas nyid bzhugs 

</font><hr>76-1-91a<br><font size=+1>

pa dang 'dra bar bya'o zhes bka' stsal pa dang / byang chub sems dpa' de dag thams cad tshig 'thun par bcom ldan 'das kyi bka' bzhin du bgyi'o zhes gsol nas/ byang chub sems dpa' de dag re re yang 'khor byang chub sems dpa' bye ba khrag 
khrig brgya stong snyed kyis yongs su bskor te/ mi mjed kyi 'jig rten gyi khams gang na ba der song ngo / /de dag 'jig rten gyi khams gang dang gang du phyin par 'jig rten gyi khams de dag rnam pa drug tu g.yos te/ 'od zer chen po kun du snang bar gyur/ steng gi bar snang 
las lha rnams kyis me tog man dA ra ba dang / man dA ra ba chen po yang char bzhin du phab bo/ /'od zer chen pos snang bar byas shing / rdzu 'phrul gyis 'jig rten gyi khams gang gA'i klung gi bye ma snyed dag kyang g.yos so/ /de ma yin pa'i gzhan yang lha rdzas kyi rol mo tshad 
med pa brgya stong snyed kyang steng gi bar snang la ma dkrol bar rang zer bzhin du/ byang chub sems dpa' de dag bya rgod spungs pa'i ri ga la ba der de bzhin gshegs pa'i spyan sngar lhags nas/ zhabs la mgo bos phyag 'tshal te/ sangs rgyas la lan gsum bskor ba byas 
nas phyogs gcig tu 'khod do/ /de'i tshe de bzhin gshegs pa shAkya thub pas kha dog rnam pa lnga dang ldan pa'i 'od zer gyis nub phyogs logs su sangs rgyas kyi zhing tshad med pa bye ba khrag khrig brgya stong 'das pa'i pha rol na 'jig rten gyi khams dag pa'i gnas zhes bya ba snang bar byas 
so/ /'jig rten gyi khams de na sangs rgyas kyi mtshan nyi zla mar me'i 'od ces bya ba de bzhin gshegs pa dgra bcom pa yang dag par rdzogs pa'i sangs rgyas/ rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na 
med pa/ ston pa rgyal ba/ sangs rgyas bcom ldan 'das sangs rgyas kyi zhing bde ba can zhes bya ba na bzhugs te/ sangs rgyas kyi zhing de yang shin tu mnyam zhing gzhi bai dUr+ya las byas pa/ gser btso mas thig re'u bres pa/ rin po che sna bdun gyi shing bskyed pa/ shing de dag kyang 

</font><hr>76-1-91b<br><font size=+1>

mda' rgyang gang tsam du mtho ba/ me tog dang / 'bras bu dang / yal ga dang / 'dab mas shin tu brgyan pa/ rlung mi drag pas bskyod pas sgra snyan pa 'byung ba/ sgra de dag so so'i skye bos thos pas mi ngoms pa/ skabs skabs na chu mig dang / mtshe'u dang / khrus 
kyi rdzing bu yod la yon tan brgyad dang ldan pa'i chus yongs su gang zhing / rdzing gi zhabs kyang gser gyi bye mas bdal ba/ rdzing gi ngos bzhi na bsung dam pa dang ldan pa'i me tog pad ma dang / puN Da rI ka dang / pA ru Sha ka dang / de ma yin pa'i me tog sngon po dang / ser po 
dang / dmar po dang / dkar po shing rta'i phang lo tsam chu'i steng yongs su khebs te/ chu de'i nang na yang bya rnam pa sna tshogs kyang shin tu yid du 'ong ba'i sgra snyan pa 'byin to/ /rdzing de'i nang na rin po che sna bdun las byas pa'i gru yod de/ de na sems can mang po 'dod 
dgur rtse zhing longs spyod do/ /rin po che'i shing de dag gi bar bar na seng ge'i khri mtho khyad kyi tshad dpag tshad gcig pa bshams nas rin po che sna bdun gyis brgyan pa/ lha rdzas kyi na bzas khri'i steng du rim par bting ba/ lha rdzas kyi spos kyi dri 'thul ba/ lha rdzas kyi me tog 
gi chal par bkram pa'i khri de la de bzhin gshegs pa nyi zla mar me'i 'od skyil mo krung bcas shing bzhugs pa la byang chub sems dpa' tshad med pa bye ba brgya stong snyed mdun du bdar te thal mo sbyar ba btud nas de bzhin gshegs pa de la so so nas tshig 'thun par 'di skad ces gsol to/ /
bcom ldan 'das ci'i rgyu ci'i rkyen gyis 'od bzang po kha dog sngon po dang / ser po dang / dmar po dang / dkar por bcas pa dang ldan pa/ rab tu gsal ba/ dper mi bzod pa 'di shar phyogs logs nas 'khor mang po 'di dag la snang bar gyur te/ gang la 'od kyis reg par 
gyur pa de dag thams cad lus dang / sems bde bar gyur pa thugs brtse ba'i slad du bcom ldan 'das kyis bstan du gsol/ de la bcom ldan 'das des 'di skad ces bka' stsal to/ /rigs kyi bu legs par nyon la shin tu yid la legs par zung shig dang / khyed la dgrol 

</font><hr>76-1-92a<br><font size=+1>

bar bshad par bya'o/ /'di nas shar phyogs logs su 'jig rten gyi khams tshad med pa bye ba khrag khrig brgya stong 'das pa'i pha rol na sangs rgyas kyi zhing mi mjed ces bya ba yod de/ de na sangs rgyas shAkya thub pa zhes bya ba de bzhin gshegs pa dgra bcom pa 
yang dag par rdzogs pa'i sangs rgyas/ rig pa dang / zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ ston pa rgyal ba/ sangs rgyas bcom ldan 'das zhes bya ba 'khor mang pos yongs su bskor 
nas/ 'khor mang po thams cad la thabs mkhas pa chen po drin lan bsab pa'i mdo sde ston cing / sems can thams cad la phan pa dang bde ba'i don gyi phyir/ sems can thams cad kyi log par lta ba'i zug rngu rtsa nas 'don pa'i phyir/ sems thog ma pa'i byang chub sems 
dpa' dag byang chub kyi lam las mi ldog cing brtan par bya ba'i phyir/ nyan thos dang rang sangs rgyas thams cad mthar phyin pa'i theg pa gcig gi lam la dgod pa'i phyir/ byang chub sems dpa' sems dpa' chen po rnams myur du mngon par byang chub cing sangs rgyas kyi drin lan bsab 
pa'i phyir/ sems can thams cad kyis drin lci ba dran par bya ba'i phyir/ sems can thams cad sdug bsngal gyi rgya mtsho las bsgral ba'i phyir/ so so'i skye bo dag pha ma la sri zhu bya bar 'dod pa'i phyir 'od 'di snang bar gyur pa yin no/ /de'i tshe 'khor de'i nang na byang chub sems 
dpa' 'khor mang po'i gtso bo dang ston par gyur pa stong phrag bcu snyed stan las langs te/ bla gos phyogs gcig tu byas nas/ pus mo g.yas pa'i lha nga sa la btsugs te bcom ldan 'das de la 'di skad ces gsol to/ /bcom ldan 'das kyi byin gyi rlabs kyis bdag cag 
rnams mi mjed kyi 'jig rten gyi khams der mchi zhing de bzhin gshegs pa shAkya thub pa la mchod pa dang / bsnyen bkur bgyi ba dang / thabs mkhas pa chen po sangs rgyas kyi drin lan bsab pa'i mdo sde dam pa nyan cing mchi bar byin gyis brlab tu gsol/ de nas sangs rgyas 

</font><hr>76-1-92b<br><font size=+1>

des byang chub sems dpa' de dag la 'di skad ces bka' stsal to/ /rigs kyi bu dag khyed mi mjed kyi 'jig rten gyi khams der phyin nas sangs rgyas bcom ldan 'das de la mchod cing bkur sti bya ba dang / shin tu phrad dka' ba'i 'du shes bskyed par bya'o/ /de ci'i phyir 
zhe na/ sangs rgyas shAkya thub pa ni bskal pa grangs med pa bye ba khrag khrig gi bar du shin tu spyad dka' ba spyad de snying rje chen pos smon lam 'di skad ces btab bo/ /gal te mngon par sangs rgyas pa na 'jig rten gyi khams sdig pa can/ ri dang / shang shong dang / gyo mo dang / 
gseg ma dang / tsher ma la sogs pa yod pa'i gnas su sems can dag kyang nyon mongs pa dang bcas pa mtshams med pa lnga dang / mi dge ba bcu rdzogs par spyod pa'i gnas der mngon par sangs rgyas te/ phan pa dang bde ba'i don du sdug bsngal thams cad yongs su 
bcad de/ bde ba thams cad dang ldan par byas nas chos kyi sku yongs su rdzogs shing lhag ma ma lus pa'i mya ngan las 'das par gyur cig ces smon lam btab bo/ /sangs rgyas bcom ldan 'das des thog ma de skad ces smon lam btab pas khyed rnams 'jig rten gyi khams 
der phyin nas/ ji ltar sangs rgyas nyid gshegs pa dang / ji ltar sangs rgyas nyid bzhugs pa dang 'dra bar gnas par bya'o zhes bka' stsal pa dang / byang chub sems dpa' de dag thams cad kyis tshig 'thun par/ bcom ldan 'das kyi bka' bzhin du bgyi'o zhes gsol nas/ 
byang chub sems dpa' de dag re re yang 'khor byang chub sems dpa' bye ba khrag khrig brgya stong snyed kyis yongs su bskor te/ mi mjed kyi 'jig rten gyi khams gang na ba der song ste/ de dag 'jig rten gyi khams gang dang gang du phyin par 'jig rten gyi khams de dag rnam pa drug tu 
g.yos te/ 'od zer chen po yang kun du snang bar gyur/ steng gi bar snang las lha rnams kyis me tog man da ra ba dang / man dA ra ba chen po yang char bzhin phab bo/ /'od zer chen pos snang bar byas shing / rdzu 'phrul gyis 'jig rten gyi khams gang gA'i klung gi bye 

</font><hr>76-1-93a<br><font size=+1>

ma snyed dag kyang g.yos so/ /de ma yin pa gzhan yang lha rdzas kyi rol mo tshad med pa brgya stong snyed kyang steng gi bar snang la ma dkrol bar rang zer bzhin du byang chub sems dpa' de dag kyang bya rgod spungs pa'i ri ga la ba der de bzhin gshegs pa'i 
spyan sngar lhags nas zhabs la mgo bos phyag 'tshal te/ sangs rgyas la lan gsum bskor ba byas nas phyogs gcig tu 'khod do/ /de'i tshe de bzhin gshegs pa shAkya thub pas kha dog rnam pa lnga dang ldan pa'i 'od zer gyis byang phyogs logs su sangs rgyas kyi zhing bye ba 
khrag khrig lnga brgya 'das pa'i pha rol na 'jig rten gyi khams dbang phyug grags pa'i rgyal po zhes bya ba snang bar byas so/ /'jig rten gyi khams de na sangs rgyas pad mo le brgan gyi 'od ces bya ba/ de bzhin gshegs pa dgra bcom pa yang dag par rdzogs pa'i sangs rgyas/ rig 
pa dang / zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ ston pa rgyal ba/ sangs rgyas bcom ldan 'das sangs rgyas kyi zhing dri ma dang bral ba zhes bya ba na bzhugs te/ sangs rgyas kyi zhing 
de yang shin tu mnyam zhing gzhi be+e d+yur+ya las byas pa/ gser btso mas thig re'u bres pa/ rin po che sna bdun gyi shing bskyed pa/ shing de dag kyang mda' rgyang gang tsam du mtho ba/ me tog dang / 'bras bu dang / yal ga dang / 'dab mas shin tu brgyan pa/ rlung 
mi drag pas bskyod pas sgra snyan pa 'byung ba/ sgra de yang so so'i skye bos thos na mi ngoms pa/ skabs skabs na chu mig dang / mtshe'u dang / khrus kyi rdzing bu yod la/ yon tan brgyad dang ldan pa'i chus yongs su gang zhing rdzing gi zhabs kyang gser gyi bye mas bdal ba 
rdzing gi ngos bzhi na bsung dam pa dang ldan pa'i me tog pad ma dang / puN+Da rI ka dang / pA ru Sha ka dang / de ma yin pa'i me tog sngon po dang / ser po dang / dmar po dang / dkar po shing rta'i phang lo tsam du chu'i steng yongs su khebs te/ chu de'i nang na bya rnam pa sna 

</font><hr>76-1-93b<br><font size=+1>

tshogs kyang shin tu yid du 'ong ba'i sgra snyan pa 'byin to/ /rdzing de'i nang na rin po che sna bdun las byas pa'i gru yod de/ de na sems can mang po 'dod dgur rtse zhing longs spyod do/ /rin po che'i shing de dag gi bar bar na seng ge'i khri mtho khyad dpag tshad gcig pa 
bshams nas rin po che sna bdun gyis brgyan te/ lha rdzas kyi na bzas khri'i steng du rim par bting ba/ lha rdzas kyi spos kyi dri 'thul ba/ lha rdzas kyi me tog gi chal par bkram pa'i khri'i thog na/ de bzhin gshegs pa pad mo'i le brgan gyi 'od chags pa/ 
skyil mo krung du bcas shing bzhugs pa la byang chub sems dpa' tshad med pa bye ba brgya stong snyed mdun du bdar te thal mo sbyar ba btud nas/ de bzhin gshegs pa de la so so nas tshig 'thun par 'di skad ces gsol to/ /bcom ldan 'das ci'i rgyu ci'i rkyen gyis 'od bzang 
po kha dog sngon po dang / ser po dang / dmar po dang / dkar por bcas pa dang ldan pa/ rab tu gsal ba/ dper mi bzod pa 'di lho phyogs logs nas 'khor mang po 'di dag la snang bar gyur te/ gang la 'od kyis reg pa de dag thams cad lus dang sems bde bar 
'gyur ba thugs brtse ba'i slad du bcom ldan 'das kyis bstan du gsol/ de la bcom ldan 'das kyis 'di skad ces bka' stsal to/ /rigs kyi bu dag legs par nyon la shin tu yid la zung shig dang / khyed la dgrol zhing bshad par bya'o/ /'di nas lho 
phyogs logs su 'jig rten gyi khams bye ba khrag khrig brgya stong 'das pa'i pha rol na sangs rgyas kyi zhing mi mjed ces bya ba yod de/ de na sangs rgyas shAkya thub pa zhes bya ba de bzhin gshegs pa dgra bcom pa yang dag par rdzogs pa'i sangs rgyas/ rig pa dang / zhabs su 
ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ ston pa rgyal ba/ sangs rgyas bcom ldan 'das zhes bya ba 'khor mang pos yongs su bskor nas/ 'khor mang po thams cad la thabs mkhas pa 

</font><hr>76-1-94a<br><font size=+1>

chen po drin lan bsab pa'i mdo sde ston cing / sems can thams cad la phan pa dang bde ba'i don gyi phyir/ sems can thams cad kyi zug rngu rtsa nas gdon pa'i phyir/ sems thog ma pa'i byang chub sems dpa' dag byang chub las phyir mi ldog 
cing brtan par bya ba'i phyir/ nyan thos dang rang sangs rgyas thams cad mthar phyin pa'i theg pa gcig la dgod pa'i phyir/ byang chub sems dpa' chen po rnams myur du mngon par byang chub cing sangs rgyas kyi drin lan bsab pa'i phyir/ sems can thams cad kyis drin lci 
ba dran par bya ba'i phyir/ sems can thams cad sdug bsngal gyi rgya mtsho las bsgral ba'i phyir/ so so'i skye bo dag pha ma la sri zhu bya bar 'dod pa'i phyir 'od 'di snang bar gyur pa yin no/ /de'i tshe 'khor de'i nang na byang chub sems dpa' 'khor mang po'i nang na/ gtso bo dang 
ston par gyur pa/ stong phrag bcu snyed stan las langs par gyur nas/ bla gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das de la 'di skad ces gsol to/ /bcom ldan 'das kyi byin gyi rlabs kyis bdag cag rnams mi 
mjed kyi 'jig rten gyi khams der mchi zhing de bzhin gshegs pa shAkya thub pa la mchod pa dang / bsnyen bkur bgyi ba dang / thabs mkhas pa chen po sangs rgyas drin lan bsab pa'i mdo sde dam pa nyan cing mchi bar byin gyis brlab tu gsol/ de nas sangs rgyas des byang chub 
sems dpa' de rnams la 'di skad ces bka' stsal to/ /rigs kyi bu dag khyed mi mjed kyi 'jig rten gyi khams der phyin nas sangs rgyas bcom ldan 'das de la mchod cing bkur sti bya ba dang / shin tu phrad dka' ba'i 'du shes bskyed par bya'o/ /de ci'i phyir zhe na/ sangs rgyas 
shAkya thub pa ni bskal pa grangs med pa bye ba khrag khrig gi bar du shin tu spyad dka' ba spyad pas/ snying rje chen pos smon lam 'di skad ces btab bo/ /gal te mngon par sangs rgyas pa na/ 'jig rten gyi khams sdig pa can/ ri dang / shang shong dang / gyo mo dang / gseg ma dang / tsher 

</font><hr>76-1-94b<br><font size=+1>

ma la sogs pa yod pa'i gnas su sems can dag kyang nyon mongs pa dang bcas pa/ mtshams med pa lnga dang / mi dge ba bcu rdzogs par spyod pa'i gnas der mngon par sangs rgyas te/ phan pa dang bde ba'i don du sdug bsngal thams cad yongs su bcad de/ bde ba 
thams cad dang ldan par byas nas chos kyi sku yongs su rdzogs shing / lhag ma ma lus pa'i mya ngan las 'das par gyur cig ces smon lam btab bo/ /sangs rgyas bcom ldan 'das des thog ma de skad ces smon lam btab pas/ khyed rnams 'jig rten gyi khams der 
phyin nas/ ji ltar sangs rgyas nyid gshegs pa dang / ji ltar sangs rgyas nyid bzhugs pa dang 'dra bar sems par bya'o zhes bka' stsal pa dang / byang chub sems dpa' de dag thams cad kyis tshig 'thun par bcom ldan 'das kyi bka' bzhin du bgyi'o zhes gsol nas/ byang 
chub sems dpa' de dag re re yang 'khor byang chub sems dpa' bye ba khrag khrig brgya stong snyed kyis yongs su bskor te/ mi mjed kyi 'jig rten gyi khams gang na ba der dong ste/ de dag 'jig rten gyi khams gang dang gang du phyin par 'jig rten gyi khams de dag rnam pa drug tu g.yos 
te/ 'od zer chen po yang kun du snang bar gyur/ steng gi bar snang las lha rnams kyis me tog man dA ra ba dang / man dA ra ba chen po yang char bzhin phab bo/ /'od zer chen pos snang bar byas shing rdzu 'phrul gyis 'jig rten gyi khams gang gA'i klung gi bye ma snyed dag kyang g.yos 
so/ /de ma yin pa gzhan yang lha rdzas kyi rol mo tshad med pa brgya stong snyed kyang steng gi bar snang la ma dkrol bar rang zer bzhin du byang chub sems dpa' de dag bya rgod spungs pa'i ri ga la ba der de bzhin gshegs pa'i spyan sngar lhags nas zhabs la mgo bos phyag 'tshal te/ sangs 
rgyas la lan gsum bskor ba byas nas phyogs gcig tu 'khod do/ /de bzhin du phyogs mtshams bzhi dang / steng dang / 'og gi phyogs dang / phyogs bcu nas lhags pa'i byang chub sems dpa' chen po thams cad kyis so so nas 'khor brgya stong grangs med pa dang bcas te/ bcom ldan 

</font><hr>76-1-95a<br><font size=+1>

'das gang na ba der lhags nas/ mchod pa dang bkur sti byas/ bstod pa byas nas thams cad kyis mgrin gcig tu tshigs su bcad pa brgya stong snyed kyis bcom ldan 'das la yongs su bstod do/ /de ltar sangs rgyas la bstod nas kyang phyogs gcig tu 'khod do/ /de'i tshe mi 
mjed kyi 'jig rten gyi khams kyang yongs su dag par gyur te/ ri khrad khrod dang / ri chen po dang / chung ngu dang / gtsang po dang / chu klung dang / mtshe'u dang / rdzing dang / lteng ka dang / shang shong dang / ngam grog dag med cing / de na gnas pa'i sems can rnams kyang 'od kyis snang bar 
byas pas sangs rgyas gang na ba der lhags te/ dga' zhing mgu ba'i sems kyis thal mo sbyar ba btud nas mgo bos phyag 'tshal te mig mi 'dzums par chags pa'i yid kyis lta zhing 'khod do/ /de nas bcom ldan 'das kyis 'od zer phyir 'dus par mdzad de/ 'od zer de dag gis 
sku la lan bdun bskor nas dbu'i spyi gtsug tu nub par gyur to/ /de ltar gyur pa kun dga' bos mthong nas 'khor mang po thams cad kyang the tsom skyes par sems kyis rab tu shes pas/ de bzhin gshegs pa'i mdzad pa thabs mkhas pa mngon par bstan pa dang / phyis ma 'ongs pa'i 
skye bo dag gi shes rab kyi mig skye ba dang / so so'i skye bo thams cad sred pa'i chu klung las rgal zhing pha rol tu phyin pas bde ba la dgod pa dang / so so'i skye bo dag la pha ma dang / slob dpon dang / bla ma'i drin lci ba dran zhing shes par bya ba'i phyir stan las langs nas/ gos tshags su bcos nas 
bla gos phyogs gcig tu byas nas pus mo g.yas pa'i lha nga sa la btsugs nas thal mo sbyar ba btud de/ bcom ldan 'das la 'di skad ces gsol to/ /btsun pa bcom ldan 'das bdag kun dga' bos sangs rgyas kyi zhabs 'bring na mchis nas 'dzum pa mdzad pa mthong ste 'di la nges par 
dgongs pa ni mnga' na 'khor mang po'i the tsom gyi dra ba bcad pa'i slad du bcom ldan 'das kyis bstan du gsol/ sangs rgyas kyis bshad du gsol/ thabs mkhas pa chen po sangs rgyas drin lan bsab pa'i mdo las gleng gzhi'i le'u zhes bya ste dang po'o// //de'i tshe de'i dus na 'khor mang po 

</font><hr>76-1-95b<br><font size=+1>

'dus pa der rin po che sna bdun las grub pa'i pad ma'i sdong po dngul las byas/ 'dab ma ni gser las byas/ gzhi ni rin po che shel las byas/ mu tig gi dra bas kun du brgyan pa gcig sa de nyid nas byung bar gyur to/ /de nas bcom ldan 'das shAkya thub pa bzhugs pa las bzhengs nas 
pad mo de la skyil mo krung bcas nas bzhugs so/ /de la bzhugs ma thag tu yongs su dag pa'i sku mngon par bstan to/ /sku de las lam rgyud lnga'i lus kyi tshogs bstan/ lus kyi tshogs re re la yang gzugs tha dad pa rnam pa khri brgya stong snyed bstan to/ /gzugs rnam pa de re re la yang sku'i 
tshogs brgya stong snyed bstan/ sku'i tshogs de dag re re la yang gang gA'i klung bzhi'i bye ma snyed kyi sku'i tshogs snyed bstan to/ /gang gA'i klung bzhi'i bye ma snyed kyi sku'i tshogs de dag re re la yang gling bzhi'i rdul phra rab snyed kyi sku'i tshogs bstan to/ /rdul phra rab snyed kyi sku'i tshogs de dag re re la 
yang stong gsum gyi stong chen po'i 'jig rten gyi khams kyi rdul phra rab snyed kyi sku'i tshogs bstan to/ /rdul phra rab snyed kyi sku'i tshogs de dag re re la yang phyogs bcur phyogs re rer yang sangs rgyas kyi zhing bye ba khrag khrig brgya stong gi rdul phra rab snyed kyi sku'i tshogs bstan nas/ nam mkha'i 
dbyings kyis klas pa/ chos kyi dbyings dang mnyam pa bsam gyis mi khyab pa snyed kyi sems can gyi lus kyi tshogs mngon par bstan to/ /de'i tshe de bzhin gshegs pas de snyed kyi lus kyi tshogs mngon par bstan nas kun dga' bo dang phyogs bcu nas 'dus shing tshogs pa'i byang chub 
sems dpa' sems dpa' chen po rnams dang / 'khor mang po rnams la 'di skad ces bka' stsal to/ /rigs kyi bu dag deng de bzhin gshegs pas thams cad mkhyen pa'i ye shes kyis yang dag pa'i tshig gang yin pa de bka' stsal bar bya'o/ /chos la tshig tu brjod pa med mod kyi 
de bzhin gshegs pas thabs mkhas pa'i dbang gis mtshan ma dang / ming med pa'i chos la ming dang mtshan mar bstan par bya'o/ /'di lta ste/ de bzhin gshegs pa ni thog mar skyes shing 'khor bar 'khor ba'i tshe bsam gyis mi khyab pa'i rdul phra rab snyed kyi lus kyi tshogs rnam pa tha dad pa de dag 

</font><hr>76-1-96a<br><font size=+1>

thams cad rdzogs par myong ste/ de ltar lus kyi tshogs de dag kun myong bas na/ sems can thams cad kyang de bzhin gshegs pa'i pha mar ma gyur pa med/ de bzhin gshegs pas kyang sems can gyi pha mar ma gyur pa med de/ pha mar gyur 
pa thams cad kyi phyir rgyun du shin tu spyad dka' ba yang spyad/ shin tu gtang dka' ba yan lag gi dam pa mgo dang / mig dang / klad rgyas dang / yul dang / grong khyer dang / chung ma dang / bu pho dang / bu mo dang / ban glang dang / rta dang / rin po che sna bdun gyi 
shing rta dang / theg pa dang / gos dang / zas dang / skom dang / mal cha dang / nad kyi rkyen rtsi dang / dgos pa'i yo byad thams cad gang yang ma btang ba med do/ /shin tu 'bad pa'i brtson 'grus kyis tshul khrims bsrungs pa dang / sbyin pa byas pa dang / mang 
du [\[]thos [\]]pa dang / bsam gtan bsgoms pa dang / shes rab spyad pa nas spyod dka' ba thams cad spyad de/ skyo ba dang / ngal ba med cing rgyun mi 'chad par brtson 'grus su 'bad pa yang pha ma la sri zhu bya ba dang / drin shes pa dang / drin lan bsab pa dang / sems 
can thams cad myur du bla na med pa yang dag par rdzogs pa'i byang chub la dgod pa dang / de bzhin gshegs pa'i sngon gyi smon lam yongs su rdzogs par bya ba dang / de ltar na sems can thams cad la sangs rgyas kyi bka' drin chen po yod par shes par bya ba dang / de 
bzhin gshegs pa'i thugs rje chen pos sems can yongs su mi gtong ba dang / rtag par shin tu thabs mkhas pas khams gsum pa'i srid pa nyi shu rtsa lngar gnas pa'i sems can thams cad la bskal pa bsam gyis mi khyab pa'i bar du mnyam snyoms pa'i byams 
pa bsgoms shing / btang snyoms dang ldan pa'i thabs mkhas pas spyod de/ sems can thams cad stong pa nyid du rtogs pa dang / chos stong pa nyid dang / phung po lnga stong pa nyid du rtogs shing phyir mi nur ba dang / mi 'bying ba dang / mi rgod pa stong pa nyid du 

</font><hr>76-1-96b<br><font size=+1>

yang dag pa'i mtshan nyid la thabs mkhas pas bsgom par bya ba dang / theg pa gsum mi spong zhing chub par slob pa'i thabs la mkhas pas shin tu zab mo'i spyod yul dam pa spyad pa la thabs mkhas par bya ba'i phyir/ chos kyi mtshan nyid la shin tu gsal bar rtogs te/ 
sangs rgyas kyi chos rnams thog ma dang tha ma'i bar du gcig ma yin par rtogs shing chud kyang so so'i skye bo dag ni myos shing bslad pas gdung ba gsum gyis yongs su gdungs te/ sdug bsngal gyi mtshor nub par gyur to/ /phyin ci log bzhis bsgribs pas zag pa dang bcas 
pa'i chos la phyin ci log tu gyur to/ /mi bden pa kun tu rtogs pas bdag med pa la bdag tu lta/ mi rtag pa la rtag par lta/ mi bde ba la bde bar lta/ mi gtsang ba la gtsang bar lta zhing skye ba dang / rga ba dang / na ba dang / 'chi bas gzir te skad cig tu mi rtag pas sgrib pa 
lnga dang / kun nas glags pa bcus kun du glags te/ srid pa gsum du 'khor zhing skye shi thog ma dang tha ma med pa myong bar gyur to/ /de bas na de bzhin gshegs pas ci dang cir 'phrod pa bzhin sde snod gsum dang / mdo sde dgu nas mdo sde bcu gnyis kyi bar du rnam par phye 
zhing bstan to/ /so so'i 'dod pa bzhin mdo sde mang po gsungs so/ /tshig la chags pa kha cig bdag ni 'di kho nas chog ste/ mya ngan las 'das pa thob ces 'dzin pa yang yod do/ /de yang de bzhin gshegs pa'i sngon gyi thugs rje chen po'i smon lam gyi shugs 
kyis phyogs bcu'i 'jig rten gyi khams na las 'thun pa thams cad bsdus so/ /de ltar las 'thun pa kun 'dus pa 'khor mang po'i dkyil 'khor der dam pa'i chos mdo sde gsungs par dgongs te/ gzugs brnyan gyi chos nam du yang rgyun mi 'chad cing so so'i skye bo thams 
cad bde ba chen po thob par mdzad do/ /de bas na de bzhin gshegs pa 'dul zhing ston pa yang dus las mi yol bar shes/ dus las mi yol bar mya ngan las 'da'o/ /'jig rten gyi khams kha cig tu de bzhin gshegs pa rnam par snang mdzad ces bya ba dgra 

</font><hr>76-1-97a<br><font size=+1>

bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ ston pa rgyal ba/ sangs rgyas bcom ldan 'das zhes grags 
so/ /skabs kha cig tu ni dga' ldan gnas su gshegs nas lha rnams kyi ston pa mdzad do/ /skabs kha cig tu ni dga' ldan gnas nas babs te/ 'dzam bu'i gling du sku tshe lo brgyad cur bzhugs pa yang ston to/ /de bas na de bzhin gshegs pa ni bsam gyis mi khyab 
bo/ /'jig rten gyi khams kyang bsam gyis mi khyab bo/ /las kyi rnam par smin pa yang bsam gyis mi khyab bo/ /sems can gyi bsam pa yang bsam gyis mi khyab bo/ /bsam gtan gyi ting nge 'dzin yang bsam gyis mi khyab bo/ /klu'i mthu yang bsam gyis mi 
khyab bo/ /'di ni sangs rgyas bsam gyis mi khyab pa ste/ sems can thams cad kyis sangs rgyas kyi thugs la dgongs pa shes par 'dod na sems can dbang po zhan pa tha ma'i bar du yang kun shes par mdzad do/ sems can thams cad las gang yang sangs rgyas 
mthong bar 'dod na de ma thag tu mthong bar mdzad do/ /gal te mthong bar mi mdzad na mig sngar bab kyang mi mthong ngo / /de bas na nyan thos dang / rang sangs rgyas dag lha'i mig gi mngon par shes pa yod kyang mthong bar mi nus so/ /de ma yin pa gzhan yang sangs 
rgyas kyis 'od zer chen po bkye nas srid pa'i rtse mo man chad mtshams med pa'i sems can dmyal ba yan chad snang bar mdzad kyang gang 'dul ba'i skal ba dang ldan pas ni mthong bar 'gyur/ gang skal ba dang mi ldan pas ni mig sngar bab kyang mi mthong ngo / de bzhin 
gshegs pa skabs kha cig tu ni ched du skul ba mdzad/ skabs kha cig tu ni cang mi gsung bas na/ sangs rgyas bcom ldan 'das ni bsam gyis mi khyab ste/ shin tu dpag par dka' ba/ shin tu shes shing rtogs par dka' na/ ji ltar khyod kyis de bzhin 

</font><hr>76-1-97b<br><font size=+1>

gshegs pa la spyod dka' ba shin tu zab mo dri ba la spobs par gyur/ khyod kyis zhus pa 'di ni yang dag par sems can thams cad la byams shing snying brtse ba yin te/ ngan 'gro gsum gyi lam bkag nas lha dang mi'i lam btod pa yin no/ /kun dga' bo ngas da khyod 
la pha ma la sri zhu bya ba'i spyad dka' ba mdo tsam zhig bstan par byas legs par nyon la yid la zung shig /de nas bcom ldan 'das kyis kun dga' bo dang / byang chub sems dpa' sems dpa' chen po de dag dang / 'khor mang po rnams la 'di skad ces bka' stsal to/ /
sngon byung ba bskal pa tshad med pa mtha' yas grangs med pa 'das pa'i pha rol na yul bA rA Na sIr sangs rgyas rnam par gzigs zhes bya ba de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten 
mkhyen pa/ skyes bu gdul ba'i kha lo sgyur ba bla na med pa/ ston pa rgyal ba/ 'jig rten gyi gtso bo/ /lha dang mi'i ston pa 'jig rten du byung ngo / /sangs rgyas de'i sku tshe'i tshad kyang bskal pa chung ngu nyi shur bzhugs so/ /dam pa'i chos kyang bskal pa chung ngu nyi shur gnas 
so/ /gzugs brnyan gyi chos kyang bskal pa chung ngu nyi shur gnas so/ /gzugs brnyan gyi chos la spyod pa'i tshe mi'i rgyal po rA dza zhes bya ba 'jig rten du byung ste/ yul bA rA Na sI la dbang sgyur ro/ /rgyal po de la btsun mo ni nyi khri yod/ blon po ni bzhi stong snyed yod/ 
bal gyi glang po che yang lnga brgya yod/ rgyal phran drug cu la dbang / grong khyer brgyad brgya zhig yod/ rgyal po de la rgyal bu gsum yod de/ gsum char yang rgyal phran re re byed do/ /de'i tshe de'i dus na yul bA rA Na sI'i rgyal po de mkhas shing shes rab dang ldan te/ rtag 
tu yang drang ba'i chos kyis yul gyi srid 'dzin pas gang yang gtams las chad ces bya ba med do/ /rgyal po'i bsod nams dang yon tan gyi mthus char chu dus las mi yol te/ lo tog rgyun du legs pas de na gnas pa'i mi rnams kyang bde skyid do/ /de'i tshe na bA rA Na sI'i rgyal po 

</font><hr>76-1-98a<br><font size=+1>

de la blon po nag po sgra gcan zhes bya ba zhig yod do/ /blon po sgra gcan rgyal po la 'khus nas dmag rnam bzhi bshams pa la 'di lta ste/ bal glang gi tshogs dang / shing rta'i tshogs dang / rta'i tshogs dang / dpung bu chung gi tshogs bshams 
nas bA rA Na sI'i rgyal po la brgal nas rgyal po'i srog bcad do/ /de ltar rgyal po bsad nas kyang dmag gi tshogs rnam pa bzhi bkye nas mtha'i rgyal phran rgyal bu rab kyang bsad do/ /de nas rgyal bu 'bring po yang phab nas mtha'i rgyal phran rgyal bu tha chungs kyi thog tu dmag drang bar 
bshams so/ /rgyal bu tha chungs de ngo mtshar du gzugs byad bzang la/ 'phags par mdzes shing rang bzhin gyis dge ba/ dul ba/ 'dzum zhing smra ba smra'o cog kyang phan pa'i don du smra zhing 'gyur gyi gnod pa med pa/ rtag tu drang po'i chos kyis yul gyi srid 'dzin te/ 
log pas mi 'tsho bas yul gyi mi rnams kyang bde skyid la dar ba/ longs spyod dang nor rin po cher ldan pa/ bang mdzod gang ba/ rgyal po de'i yon tan la kun gyis bsngags shing bstod pa/ bar snang gi lha dang / 'jig rten gyi lha thams cad kyis kyang dga' 
zhing bkur ba/ de'i tshe na rgyal po de la rgyal bu su sha de ba zhes bya ba gcig pu zhig yod de/ shin tu yid gzhungs shing gsal ba/ byams pa'i sems dang ldan pa/ sbyin pa la dga' ba/ lus kyi mdog gser du 'dug pa/ gnas bdun mnyam par 
gang ba/ skyes bu'i mtshan rdzogs par ldan pa/ lo bdun lon pa zhig yod pa de la/ yab rgyal po yangu shin tu byams shing sdug par sems so/ /de'i tshe na pho brang srung ba'i lha zhig rgyal po de la 'di skad ces smras so/ /rgyal po mkhyen tam/ blon po 
sgra gcan 'khus nas yul srid phrogs te rgyal po yab kyang bkrongs/ dmag gi tshogs bzhi yang bkye nas/ rgyal po gcen gnyis kyang srog gi dbang po dang phral te/ dmag gi tshogs rnams ring po mi thogs par 'dir phyin na rgyal po ci'i phyir srog bskyabs shing 

</font><hr>76-1-98b<br><font size=+1>

gud du mi 'gro /de'i tshe rgyal po des de skad smras pa thos nas lus kyi ba spu kun zing zhes byed de/ lus kyang 'dar nas yi mug cing mya ngan gyis sems gdungs te/ sa la 'gre zhing brgyal bar gyur nas ring zhig lon pa dang / cung zad sangs te dal gyis nam 
mkha'i lha la 'di skad ces smras so/ /'di ltar smra ba'i skad ni yod la gzugs ni mi snang ba khyod ci yin/ smras pa'i tshig 'di yang dag par bden nam/ lhas smras pa bdag ni rgyal po'i pho brang srung ba'i lha yin te/ rgyal po khyod shes pa dang ldan zhing bsod 
nams dang yon tan du bcas pas drang po'i chos kyis yul srid 'dzin te/ de bas na bdag gis sngar smras pa yin te/ sdug bsngal gyis nyon mongs par ma gyur par myur du byol zhing 'gro ba'i rigs so/ /de nas rgyal po de pho brang du zhugs nas da ni bdag yul gzhan 
zhig tu 'gro dgos so snyam du bsams so/ /yang 'di snyam du bsams so/ /yul pha rol tu 'gro ba'i lam gnyis yod do/ /lam nye bar zhugs na ni zhag bdun gyis yul pha rol tu phyin par 'gyur/ lam ring por zhugs na ni zhag bcu bzhis phyin par 'gyur bas/ 
ci nas lam nye bar 'gro'o snyam bsams nas zhag bdun gyi rgyags dang chas te/ pho brang gi phyi rol tu phyin pa dang / phyir pho brang gi nang du log nas rgyal bu su sha de ba pang du blangs te mig mi 'dzums par lta zhing dngangs pa ltar langs nas phyir yang 'dug go/ /de'i tshe na btsun mos 
de ltar mi bde zhing skrag pa ltar gyur pa mthong nas rgyal po la 'di skad ces gsol to/ /rgyal po chen po/ ci'i slad du 'jigs shing skrag pa lta bu'i gzugs ston cing sku la yang rdul gyis gos pa lta bu/ skra yang 'dzings te/ dbugs kyang mi bde ste/ yul stor la 
thug pa'am/ mdza' sdug pa dang bye ba'am/ dgra sdang ba dang phrad pa lta bu dang / bkra mi shis pa'i mtshan ma dag gda' ba 'di ci lags bstan du gsol/ rgyal pos smras pa/ kho bo ci nyes pa khyod kyis shes pa ma yin gyis ma smra zhig btsun mos gsol pa/

</font><hr>76-1-99a<br><font size=+1>

bdag dang rgyal por lus gzugs gnyis kyang sems gcig ste/ dper na bya'i 'dab ma gnyis sam/ lus kyi rkang pa gnyis sam/ mgo'i mig gnyis sam/ de dang 'dra na ci'i slad du bdag la gsang ste mi gsung / rgyal pos 
btsun mo la smras pa/ khyod mi shes sam/ blon po sgra gcan ngan sems skyes nas rgyal po la 'khus te yab rgyal po yang bkrongs te gcen rgyal bu gnyis kyi srog gi bar chad byas nas da ltar dmag dang chas te nga la rgol du 'ong bas/ kho bo yul gzhan du 'byol du 'gro zhes 
smras nas rgyal bu dge don pang du blangs te lam du zhugs so/ /de nas btsun mo yang rgyal po'i phyir 'brangs te song ngo / /de'i tshe rgyal po mya ngan gyis non te/ yid 'khrugs nas zhag bcu bzhi'i lam du zhugs pas lam yang nor te/ lam de yang bgrod dka' zhing rtswa 
yang rtsub/ rtswa chu tsam yang med de/ zhag du ma zhig song song ba las rgyags kyang chad do/ /thog ma gsang ste rgyal po gcig pu 'gro bar byas nas zhag bdun gyi rgyags las kyang ma brdzangs pa las lam yang nor/ mi gsum gyis kyang zos te/ zhag bcu bzhi'i lam du 
zhugs pas da dung lam ring zhig yod pa las rgyags kyang chad nas de'i tshe rgyal po dang btsun mos skad phyung nas ngus so/ /kyi hud kyi hud re sdug thog ma btsas nas da tsam gyi bar du 'di 'dra ba ma myong ba da 'dir myong bar gyur te/ da 'dir sdug cing phongs so zhes zer te lag pas mgo 
la brdabs so/ /sa la 'gre zhing lus la rdul gyis gos nas tshig 'di skad du smre sngags 'don to/ /bdag cag gis tshe snga ma la sdig pa mi dge ba'i las ci zhig byas/ 'on te pha ma dang dgra bcom pa bsad dam/ 'on te dam pa'i chos la skur pa btab bam/ 'on 
te 'thun pa'i dge 'dun gyi dbyen bgyis sam/ 'on te rngon pa dang / nya pa byas sam/ 'on te srang dang bre bcos te pha rol la phrog rlom byas sam/ 'on te dge 'dun gyi nor la spyod spyod dam/ ci byas na 'di 'dra ba'i sdug bsngal myong bar gyur ces de skad smre zhing cung 

</font><hr>76-1-99b<br><font size=+1>

zad bstir ni dgras slebs na srog gi bar chad nges par 'byung / lam du zhugs nas 'gror ni bkres pa dang skom pas nyen nas/ srog la bab tu cha'o/ /rgyal po dang btsun mo de lta bu'i sdug bsngal gyis nyen te skad phyung ste ngus pa dang sa la 'gyel nas brgyal bar gyur to/ /
de nas ring zhig lon pa dang sangs nas 'di snyam du gsum char lhan cig tu 'di kho nar 'chi bar 'gyur gyis/ btsun mo bsad la bdag dang bu'i srog thar bar bya'o snyam bsams nas ral gri phyung ste btsun mo bsad par bshams pa dang / rgyal bu dge don gyis rgyal po'i 
lag pa nas bzung ste/ da ltar ci zhig mdzad dgongs zhes gsol to/ /yab rgyal pos mig nas mchi mas gang bzhin du rgyal bu la 'di skad ces smras so/ /khyod kyi ma btsun mo dam pa bsad la khyod kyi srog gso snyam mo/ /gal te ma bsad kyang / rang 'chi bar 'gyur 
te/ kho bo ni 'chi 'am gson yang rung na bu khyod kyi srog gso ba'i phyir khyod kyi ma btsun mo bsad snyam mo/ /de nas rgyal bu dge don gyis yab rgyal po la 'di skad ces gsol to/ /gal te btsun mo bsad par gyur na de'i sha la bdag mi 'tshal te/ gang na yang ma'i sha 
la bu za ba mi srid pas bdag kyang 'chi bar 'gyur na yab rgyal po ci'i slad du bdag bkum ste/ pha ma'i srog thar bar mi mdzad/ yab rgyal pos de skad ces smras pa thos nas mod la 'khams te 'gyel nas sa la 'gre zhing rgyal bu la 'di skad ces smras so/ /khyod kho bo'i mig 
dang 'dra na su zhig rang gi mig phyung ste za bar byed/ kho bo ni shi'ang bla bas bu mi gsod do/ /bu bsad de sha za mi nus so/ /de nas rgyal bu dge don gyis yang yab rgyal po la 'di skad ces gsol to/ /gal te yab yum gyis bdag bkum na sha khrag kyang ring po mi thogs 
par rul sungs nas dgos pa ma mchis par 'gyur te/ bdag gis gsol ba gcig cig ma gnang na byams pa'i yab yum ma lags pas bdag gi yid dang mi 'gal bar mdzad du gsol/ de nas yab rgyal pos sras rgyal bu la khyod kyi yid dang mi 'gal bar bya bas ci gsol 

</font><hr>76-1-100a<br><font size=+1>

ba rnams myur du smros shig ces bsgo ba dang / rgyal bu dge don gyis yab rgyal po la 'di skad ces gsol to/ /yab yum gyis bdag la thugs brtse ba'i slad du nyin re re zhing bdag gi lus las sha rgya ma gsum gsum bcad de/ cha gnyis ni yab 
yum la 'bul/ cha gcig ni bdag rang 'tshal na lus srog gi zungs su 'gyur ro/ /de nas rgyal pos kyang rgyal bus gsol pa bzhin du gnang nas nyin gcig bzhin sha rgya ma gsum gsum bcad de/ cha gsum du bgos nas/ cha gnyis ni rgyal po dang btsun mo za/ /
cha gcig ni rgyal bu rang za ste/ lus dang srog gi zungs byas nas lam du zhugs te song song ba las zhag gnyis kyis yul pha rol ma slebs par rgyal bu'i lus kyi sha zad de rus pa'i tshigs dang chu ba tsam zhig 'brel te srog gi lhag ma tsam zhig lus nas sa la 'gyel to/ /de 
nas rgyal po dang btsun mos rgyal bu pang du blangs nas skad chen po phyung nas cho nges chen po btab ste 'di skad ces smras so/ /nged gnyis kyis ma rig pas khyod kyi sha zos te khyod 'di lta bu'i na tsha ba'i sdug bsngal myong bar gyur la/ lam yang da dung ring bas/ khyod kyi lus kyi 
sha ni zad de/ da ni lhan cig tu gnas 'dir ro gzhag go/ /de nas rgyal bu dge don gyis skad chung ngus yab rgyal po la 'di skad ces gsol to/ /da 'di nas pha rol tu zhag gcig tsam gyi lam las ma lus te/ bdag ni g.yo zhing bskyod mi nus pas srog 'dir 'dor ro/ /rgyal 
po dang btsun mo ni mi ma rabs ngan pa ltar lhan cig tu gnas 'dir ro gzhag go ma gsung shig /bdag la byams shing thugs brtse bar dgongs na bdag gis bsams pa dang mi 'gal bar mdzad du gsol/ da dung yang bdag gi rus pa'i gseb na sha ci yod pa ma lus par btogs 
la yul pha rol tu gshegs su gsol/ de nas rgyal pos yang rgyal bus gsol pa bzhin du tshigs dang rus pa'i gseb na sha ci yod pa zad par btogs nas cha gsum du bgos te/ cha gnyis ni rgyal po dang btsun mos zos/ cha gcig ni rgyal bu rang gis zos te/ rgyal po 

</font><hr>76-1-100b<br><font size=+1>

dang btsun mo yang lam du zhugs nas dong ngo / /rgyal bu dge don langs nas 'greng bzhin du rgyal po dang btsun mo song ba la blta'o/ /rgyal po dang btsun mo gnyis skad phyung nas ngu zhing song nas rgyal bu dge don gyis mig gis mi sod kyi bar du rgyal po dang btsun mo la chags pa'i sems 
kyis mig mi 'dzums par blta blta nas ring zhig lon pa dang phyir sa la 'gyel to/ /sha dang khrag gi dri bro bas phyogs bcu nas sbrang ma dang sha sbrang mang po 'dus nas rgyal bu yog pa tsam du lus la za zhing 'dzugs te sdug bsngal gyis gdungs so/ /de'i tshe na rgyal bu de srog 
gi lhag ma tsam zhig ma chad de skad phyung nas 'di skad ces smon lam du btab bo/ /bdag gi sngon gyi mi dge ba'i las rnams ni 'dis byang zhing zad par gyur cig /deng slan chad mi bgyid do/ /bdag gi lus pha ma la phul te sbyin pa byas pas bdag gi pha ma snga ma bas lhag 
pa'i bsod nams bcu gcig dang ldan te bde bar nyal ba dang / bde bar sad pa dang / rmi lam ngan pa mi rmi ba dang / lhas srung ba dang / mis bkur ba dang / zhal mchu dang / rkun po dang / dgra dang / rku lto byed pa med cing dus thams cad du bkra shis par shog shig /
bdag gi lus lhag ma tsam sha khrag sbrang ma la byin pas thams cad du 'grangs shing tshim par gyur te bdag ma 'ongs pa'i dus na sangs rgyas su grub par shog shig /sangs rgyas su grub nas chos kyi sku thob nas kyang chos kyi skus thams cad kyi bkres skom pa'i mu ge dang skye shir 'khor 
ba'i nad lci ba sel bar shog shig /rgyal bus de skad ces smon lam btab pa na gnam sa yang rnam pa drug tu g.yos/ nyi ma yang 'od mi gsal bar gyur/ gcan gzan dang ri dgas rnams kyang skrag nas kun tu rgyug /rgya mtsho yang rab tu 'khrugs/ ri rab kyang 'gul 
zhing ldeg /sum cu rtsa gsum gnam gyi bar du yang rab tu g.yos so/ /de'i tshe brgya byin lha'i dbang pos 'dod pa'i khams kyi lha dag dang 'dzam bu'i gling dag tu babs nas rgyal bu dge don bsdigs pa'i phyir seng ge dang / stag dang / 'phar spyang la sogs pa'i lus 

</font><hr>76-1-101a<br><font size=+1>

su sprul nas mig bgrad kha gdangs/ spu bsgrengs nas skad chen po'i nga ro phyung ste/ rgyal bu la mchong ba bzhin bsdigs so/ /de'i tshe rgyal bu dge don gyis gcan gzan khro bo de dag mthong nas kyang skad mi che bas 'di skad ces smras so/ /khyed rnams 
kho bo za 'dod na ci bder zo zhig /'di 'dra ba'i mthu rtsal gyis bsdigs ci dgos zhes bsgo'o/ /de nas brgya byin lha'i dbang pos smras pa/ bdag cag ni seng ge'am gcan gzan ma yin gyi/ brgya byin lha'i dbang po yin te khyod bgam zhing sad du 'ongs so/ /de'i tshe rgyal 
bus brgya byin lha'i dbang po mthong nas shin tu dga' mgu rangs par gyur to/ /de nas brgya byin gyis rgyal bu la smras pa/ khyod kyis shin tu gtong dka' ba btang ste/ lus kyi sha khrag gis pha ma la bstabs pa 'di'i bsod nams kyis khyod bdud kyi rgyal po 'dod dam/ 'on 
te tshangs pa'i rgyal po 'dod dam/ lha'i dbang po'am/ mi'i rgyal po'am/ 'khor los sgyur ba'i rgyal po 'dod/ rgyal bus smras pa/ bdag ni bdud kyi rgyal po'am/ tshangs pa'am/ lha'i rgyal po'am/ mi'i rgyal po'am/ 'khor los sgyur ba'i rgyal po 
gang yang mi 'dod de/ sems can thams cad rnam par grol bar bya ba'i phyir bla na med pa yang dag par rdzogs pa'i byang chub 'dod do/ /brgya byin gyis smras pa/ khyod ni shin tu yang gti mug can zhig yin pa 'dra/ bla na med pa yang dag par rdzogs pa'i byang chub ni yun 
ring po nas shin tu dka' ba bsgrubs pas gdod 'grub ce'o/ /khyod kyis shin tu sdug bsngal ba bzod dam/ rgyal bus smras pa/ gal te lcags kyi 'khor lo 'bar ba bdag gi spyi bo'i steng nas rgyun du 'khor yang sdug bsngal de tsam gyis bdag bla na med pa yang dag par 
rdzogs pa'i byang chub las phyir mi ldog go/ /brgya byin gyis smras pa/ khyod kyis smras pa stong pa 'di la su zhig yid ches par 'gyur/ de nas rgyal bus dam bcas nas smon lam 'di skad ces btab bo/ /gal te bdag gis smras pa'i tshig brdzun te/ lha'i dbang po 

</font><hr>76-1-101b<br><font size=+1>

bslus par gyur na bdag gi lus kyi rma 'di nam du yang 'tsho bar ma gyur cig /gal te smras pa'i tshig bden na/ bdag gi lus kyang sor chud cing khrag kyang 'o mar gyur cig ces smras ma thag tu lus kyi rma yang snga mkho bzhin sor chud de/ khrag kyang 'o mar gyur nas rgyal bu'i byad 
gzugs kyang snga ma bas lhag par bzang zhing sdug pa dang mdzes par gyur te langs nas lha'i dbang po'i rkang pa la mgo bos phyag byas so/ /de nas lha'i dbang po brgya byin gyis rgyal bu khyod legs so/ /shin tu legs so/ /shin tu dpa' ba'i brtson 'grus kyis gdon mi za 
bar bla na med pa yang dag par rdzogs par byang chub par 'gyur ro/ /ring po mi thogs par bla na med pa yang dag par rdzogs pa'i byang chub thob pa na/ thog mar bdag gi don mdzad par gyur cig ces smras nas brgya byin lha'i dbang po yang nam mkha'i phyogs de nyid du mi snang bar gyur 
to/ /de'i tshe yang rgyal po dang btsun mo yang rgyal po pha rol po de'i drung du phyin nas rgyal po des kyang rgyang ma nas bsu nas dgos pa'i yo byad yid bzhin du sbyar ro/ /de'i tshe rgyal po dang btsun mo des rgyal bu'i lus kyi sha khrag gis pha ma la ji ltar bstabs pa rgyal po de la zhib tu 
brjod pa dang / rgyal po des ji ltar gyur pa de dag thos nas rgyal bu des lus kyi sha khrag gis pha ma la bstabs pas sri zhu cher byas pa'i drin lan bsabs nas/ dmag rnam bzhi bshams nas rgyal po de dang yul bA rA Na sIr dmag drangs so/ /de'i tshe rgyal po de dmag rnam bzhi 
dang chas nas lam du zhugs te/ rgyal bu dang bral ba'i gnas su phyin pa dang / 'di snyam du bdag gi bu ni gdon mi za bar 'di nyid du shi na bu'i rus pa tsam bsdus te phyir bdag gi yul du bkur ro snyam du bsams nas skad phyung nas ngu zhing bu'i rus bu sdud du song song ba las rgyang ma nas 
bdag gi bu lus kyi rma yang sos nas snga bas kyang bzang zhing mdzes te drung du 'ongs so/ /de nas rgyal pos pang du blangs te khyod da dung gson nam zhes smras pa dang / rgyal bus ji ltar gyur pa/ yab rgyal po dang btsun mo la smras so/ /rgyal po dang btsun mo rab tu dga' ste/ thams 

</font><hr>76-1-102a<br><font size=+1>

cad ban glang la zhon nas phyir bdag gi yul du phyin pa dang / rgyal bu de'i bsod nams kyi mthus bdag gi yul yang phyir thob nas rgyal bu don grub rgyal por dbang bskur te rgyal por bcug go/ /bcom ldan 'das kyis kun dga' bo la bka' stsal pa/ de'i tshe de'i 
dus na yab rgyal por gyur pa de gzhan zhig yin snyam du khyod sems na de de ltar mi blta'o/ /de ci'i phyir zhe na/ de'i tshe de'i dus na yab rgyal po de ni da ltar nga'i yab zas gtsang ma zhes bya bar gyur to/ /de'i tshe de'i dus na yum du gyur pa de ni gzhan zhig yin snyam du khyod sems 
na de de ltar mi blta ste/ de ni da ltar nga'i yum lha mdzes zhes bya ba yin no/ /de'i tshe de'i dus na rgyal bu don grub ces bya bar gyur pa de gzhan zhig yin snyam du khyod sems na de de ltar mi blta'o/ /de'i tshe de'i dus na rgyal bu de ni da ltar shAkya thub pa zhes bya ba nga yin no/ /de'i tshe de'i 
dus na brgya byin lha'i dbang por gyur pa de ni da ltar kun shes kau Di n+ya zhes bya ba yin no/ /bcom ldan 'das kyis pha ma la sri zhu byed pa'i le'u 'di bstan pa'i tshe 'khor gyi dkyil 'khor de na byang chub sems dpa' khri phrag nyi shu snyed kyis 'gro ba thams cad la phan pa dang bde ba'i don la 
mkhas pa'i tshig gi spobs pa thob par gyur to/ /byang chub sems dpa' khri phrag bcu gnyis kyis mi skye ba'i chos la chos kyi bzod pa thob bo/ /gzhan yang phyogs bcu nas 'dus pa'i nyan thos dang / rang sangs rgyas rdul phra rab snyed kyis theg pa gnyis kyi sems spangs 
te theg pa gcig gis mthar phyin par gyur to/ /dge bsnyen dang / dge bsnyen ma rdul phra rab snyed kyis 'bras bu dang po nas theg pa gnyis kyi 'bras bu'i bar du thob par gyur to/ /lha dang mi brgya stong snyed ni bla na med pa yang dag par rdzogs pa'i byang chub tu sems bskyed do/ /
de ma yin pa lha dang / klu dang / yi dgas dang / lha ma yin dang / dri za dang / nam mkha' lding dang / mi'am ci dang / lto 'phye chen po dang / mi dang mi ma lags pa la sogs pa'i tshogs mang po rnams la la ni bla na med pa'i byang chub tu sems bskyed nas nyan 

</font><hr>76-1-102b<br><font size=+1>

thos dang rang sangs rgyas kyi bar du sems bskyed par gyur to/ /bcom ldan 'das kyis kun dga' bo la bka' stsal pa/ byang chub sems dpa' dag gis sems can thams cad kyi don du pha ma la sri zhu bya ba'i phyir lus kyi sha dang khrag gis kyang pha ma la bstabs shing shin 
tu spyad dka' ba spyod pa ni 'di lta bu yin no/ /'khor mang po thams cad kyis sangs rgyas kyis gsungs pa thos nas so so nas phan pa dang bde ba'i don rnyed de/ dga' mgu rangs nas mgo bos phyag 'tshal te g.yas phyogs nas bskor ba byas nas phyir dong ngo / /thabs 
mkhas pa chen po sangs rgyas drin lan bsab pa'i mdo las sri zhu'i le'u zhes bya ste gnyis pa'o// //thabs mkhas pa chen po sangs rgyas drin lan bsab pa'i mdo/bam po gnyis pa/ de'i tshe de'i dus na bcom ldan 'das 'khor gyi dkyil 'khor mang po'i nang 
na nyi ma'i dkyil 'khor gyis skar ma mang po zil gyis mnan pa lta bu'am/ klu 'khyil pa'i 'ja' tshon ltar 'tsher zhing gsal ba la lta na mig mi chags pa bzhin nam/ bsams na yid 'khrul pa tsam du 'od zer lham me/ lhang nger bzhugs te/ dper mi bzod pa ni srin bu 
me khyer gyi 'od nyi ma shar ma thag tu mi snang ba'am/ nyi zla la 'od zer brgya stong snyed yod kyang brgya byin gyi drung na sol phung lta bu'am/ brgya byin la 'od gsal ba yod kyang tshangs pa chen po'i 'od zer gyi drung na gyo mo'am/ gseg ma lta bu'am/ mtshan mo dang nor bu rin po che'i 
'od du bsgrun pa tsam mam/ tshangs pa'i rgyal po chen po la 'od zer dam pa brgya stong snyed yod pa'i 'od thams cad kyang de bzhin gshegs pa'i 'od zer gyi drung na sol ba'i phung po ltar gyur to/ /de ci'i phyir zhe na/ de bzhin gshegs pa'i 'od zer gyi mdog gang gis phyogs 
bcu'i 'jig rten gyi khams kun tu snang bar gyur to/ /de dag na gnas pa'i sems can dag la 'od zer des reg na dmus long ni mig gis gzugs mthong bar 'gyur/ lus sgur po ni lus rangs par 'gyur/ dbang po nyams pa rnams ni dbang po tshang zhing yan lag 

</font><hr>76-1-103a<br><font size=+1>

dang nying lag dang ldan par 'gyur/ myos pa rnams ni dran pa phyir rnyed par 'gyur/ mdor na ji tsam du yid du mi 'ong ba thams cad dang bral te 'dod pa bzhin thob par 'gyur ro/ /de'i tshe 'khor gyi dkyil 'khor de nyid du byang chub sems dpa' sems dpa' chen po 
bdun cu snyed stan las langs nas sangs rgyas kyi zhabs la mgo bos phyag 'tshal te lan brgya stong du bskor ba byas nas phyogs gcig tu 'khod do/ /thams cad kyis skad 'thun par tshigs su bcad pa brgya stong gis de bzhin gshegs pa la mngon par bstod pa byas pa la 'di lta ste/ 
byang chub sems dpa' bsam gyis mi khyab pa dang / byang chub sems dpa' rtog med dbyangs dang / byang chub sems dpa' bde ba 'ba' zhig sems dang / byang chub sems dpa' dri ma med par grags pa dang / byang chub sems dpa' tshad med dbyangs dang / byang chub 
sems dpa' grags pa chen po dang / byang chub sems dpa' gtsug phud 'od dang / byang chub sems dpa' brtan pa'i seng ge dang / byang chub sems dpa' 'ba' zhig rol dang / byang chub sems dpa' rtog pa spong ba dang / byang chub sems dpa' ye shes brtsegs dang /byang chub sems dpa' dge gnas blo gros dang / byang chub sems dpa' rab tu mtshan med dang / byang chub sems dpa' blo gros 'od zer dang / byang chub sems dpa' khro zhi blo gros dang / byang chub sems dpa' shin tu bsrung 'gyur dang / byang chub sems dpa' dad 
pa btsan dang / byang chub sems dpa' me tog 'phags dang / byang chub sems dpa' kun tu bde dang / byang chub sems dpa' 'phags pa'i shes rab las dang / byang chub sems dpa' ngo 'phral 'chad dang / byang chub sems dpa' bsam du med pa dang / 
byang chub sems dpa' tshangs pa sbyin dang / byang chub sems dpa' rin chen las dang / byang chub sems dpa' lha'i me tog gnas dang / byang chub sems dpa' shin tu sems dang / byang chub sems dpa' dpag med chos dang / byang chub sems dpa' grags 

</font><hr>76-1-103b<br><font size=+1>

pa'i yid dang / byang chub sems dpa' spobs pa brtsegs dang / byang chub sems dpa' dbang phyug sgo dang / byang chub sems dpa' stobs bcu dang / byang chub sems dpa' stobs bcu 'chang dang / byang chub sems dpa' 'phags pa chen pos skyong dang / 
byang chub sems dpa' 'das pa med pa dang / byang chub sems dpa' zhi ba rol dang / byang chub sems dpa' de na gnas dang / byang chub sems dpa' grangs med lha dang / byang chub sems dpa' ri rab 'od dang / byang chub sems dpa' rab tu lci ba'i sdong 
po dang / byang chub sems dpa' rgyu las 'phags dang / byang chub sems dpa' gcig pu 'gro dang / byang chub sems dpa' gzi brjid 'phags dang / byang chub sems dpa' sde chen mkhas dang / byang chub sems dpa' ris skyob dang / byang chub sems 
dpa' 'jig rten gsum 'dzin dang / byang chub sems dpa' ngo 'phral yod dang / byang chub sems dpa' grags pa brjod dang / byang chub sems dpa' nyi 'od gsal dang / byang chub sems dpa' seng ge btsan dang / byang chub sems dpa' dus tshod rgyal po dang / 
byang chub sems dpa' seng ge'i snying po dang / byang chub sems dpa' srid mngon ston dang / byang chub sems dpa' 'od rgyang gsal dang / byang chub sems dpa' seng ge'i ri dang / byang chub sems dpa' srid len sbyin dang / byang chub sems dpa' rgyal ba sbyin 
dang / byang chub sems dpa' rgyal mtshan mchog dang / byang chub sems dpa' dga' mgu rangs dang / byang chub sems dpa' brtson 'grus brtan dang / byang chub sems dpa' 'gribs med dang / byang chub sems dpa' grags ldan dang / byang chub sems 
dpa' 'jigs med dang / byang chub sems dpa' ma chags lha dang / byang chub sems dpa' sgron ma chen po dang / byang chub sems dpa' 'jig rten 'od dang / byang chub sems dpa' dam pa'i dbyangs dang / byang chub sems dpa' thabs chen stobs dang /

</font><hr>76-1-104a<br><font size=+1>

byang chub sems dpa' mun nag sel dang / byang chub sems dpa' mnyam med phyogs la sogs pa byang chub sems dpa' de dag thams cad kyis sangs rgyas kyi spyan sngar yi dam 'di skad bcas so/ /bdag cag rnams kyis bcom ldan 'das mya ngan las 
'das pa'i 'og tu sangs rgyas kyi chos bsrung zhing phyogs bcu'i 'jig rten gyi khams kun tu rgyas par bgyi zhing rgyun mi 'chad par bgyi'o/ /de ci'i slad du zhe na/ bdag cag gis de bzhin gshegs pa'i 'od zer dam pa bsam gyis mi khyab pa mthong nas 'od zer de dag las 
sangs rgyas kyi chos bsam gyis mi khyab par yang thos par 'gyur/ chos de dag thos nas sems kyi sgrib pa dang bral te kun nas nyon mongs pa thams cad byang nas/ lha'i rin po che gser ltar sems rnam par dag par gyur pas thams cad gsal bar snang bar 
gyur pa'i phyir ro/ /bdag cag gis phan pa dang / bde ba'i yon tan 'di lta bu dran pas de bzhin gshegs pa la ston pa chen por 'du shes skyes so/ /byams pa'i pha ma lta bu'i 'du shes skyes nas rtag tu sangs rgyas kyi bka' drin dran te sangs rgyas kyi bka' drin shes par 
bgyid do/ /de ci'i phyir zhe na/ dam pa'i chos thos pas ring po mi thogs par byang chub kyi snying po la 'dug cing dam pa'i chos kyi 'khor lo bskor te sems can thams cad sgrol bar 'gyur ro/ /de dag kyang chos thos pas bla na med pa yang dag par rdzogs pa'i byang 
chub thob par 'gyur ba'i phyir ro/ /de nas de bzhin gshegs pas 'khor mang po la 'di skad ces bka' stsal to/ /byang chub sems dpa' sems dpa' chen po bdun cu po 'di dag yun ring po nas bskal pa grangs med pa bye ba khrag khrig brgya stong gi rdul phra rab snyed kyi 
sngon rol na/ sangs rgyas bcom ldan 'das gang gA'i klung gi bye ma brgya stong snyed kyi 'jig rten gyi khams kyi rdul phra rab snyed la bsnyen bkur byas te/ sangs rgyas de dag las rtag tu tshangs par spyod pa spyad cing rgyal ba de dag la mi skyo ba'i sems kyis mnyes par byas nas/

</font><hr>76-1-104b<br><font size=+1>

byams pas bdag gi lus bsrungs te sangs rgyas kyi chos 'dzin cing snying rje chen pos rgyun du phyogs bcur thams cad la phan pa dang bde ba'i don byed do/ /sems can gang zhig tha ma shi kar byang chub sems dpa' de dag la gcig gi ming ngam/ gnyis sam/ 
gsum mam/ bzhi nas bdun cu'i bar du rdzogs par thos te/ de la srog phyogs skyabs su song na tshe 'phos ma thag tu gang na sangs rgyas bzhugs pa'i 'jig rten gyi khams su pad mo las rdzus te skye bar 'gyur zhing 'dod chags dang yongs su bral ba dang / mngal 
gyi gnas nas mi skye ba dang / mnam zhing btsog pa dang bral bar 'gyur te/ lus yongs su dag cing lus dri zhim pa dang / thams cad kyi yid du 'ong zhing bkur sti byed par 'gyur ro/ /kun gyi yid du 'ong zhing bkur sti byas pas sems rab tu dga' bar 'gyur ro/ /
sems rab tu dga' bas bla na med pa yang dag par rdzogs pa'i byang chub tu sems bskyed par 'gyur ro/ /bla na med pa yang dag par rdzogs pa'i byang chub tu sems bskyed pas sems can thams cad la byams pa dang snying rje chen po'i sems bskyed par 'gyur/ de ltar 
byams pa dang snying rje'i sems bskyed pas 'gro ba ma lus pa la btang snyoms su mi gtong ba'i sems skye bar 'gyur/ gzhan yang sems can thams cad la phan pa dang bde bar 'gyur ba'i sems dang / bdag dang gzhan gyi don byed pa'i sems dang / sgrib pa dang / 
bar chad du 'gyur ba bsal ba'i sems dang / nyon mongs pa zhi bar byed pa'i sems dang / dge ba'i bshes gnyen la bsnyen cing rtag tu bkur sti byed pa'i sems dang / 'dun pa'i yid kyis chos nyan pa'i sems dang / mi brjed par yid la byed cing don bzang po 
gzungs su 'dzin pa'i sems dang / nyung du thos la don mang du shes pa'i sems dang / mang du thos la don mi shes pa mi 'dod pa'i sems skye bar 'gyur ro/ /de nas yang dag pa nyid la dang ba'i sems dang / de bzhin nyid kyi don bden pa la dad pa'i sems skye bar 

</font><hr>76-1-105a<br><font size=+1>

'gyur/ yang dag pa'i don bden pa la dad pa'i sems skyes pas ji ltar bstan pa bzhin du rnal 'byor spyod pa'i sems skye bar 'gyur ro/ /ji ltar bstan pa bzhin du rnal 'byor spyod pa'i sems skyes pas phyir mi ldog pa'i sems skye bar 'gyur/ de 
ltar phyir mi ldog pa'i sems skyes pas sems can de dag thams cad la mnyam snyoms pa'i gnyen po'i sems skye bar 'gyur ro/ /ji ltar bdag khams gsum pa'i srid pa nyi shu lngar skye bar mi dga' ba bzhin du gzugs yod pa dang / gzugs med pa dang / rkang bzhi 
dang / rkang mangs dang / grog sbur nas srog chags thams cad kyang de dang 'dra ste/ de bas na byang chub sems dpa' ni lus dang srog gi bar du stor yang pha rol po'i srog 'phrog pa'i las mi byed do/ /ji ltar bdag la nor rdzas dang / 'bru dang / gos dang / zas 
dang / skom dang / ban glang dang / shing rta dang / theg pa dang / yul dang /grong khyer dang / chung ma dang / bu dang / lus kyi yan lag gi bar du longs spyod rnams la srung zhing rim gro byed do/ /gzhan gyis khyer zhing 'phrog pa la mi dga' ba bzhin du 
sems can thams cad kyang de dang 'dra ste/ de bas na byang chub sems dpa' ni bdag gi lus dang srog stor kyang sems can rnams kyi nor dang / gos dang / zas dang / skom dang / longs spyod la 'phrog pa'i sems mi skyed do/ /ji ltar bdag gi 
gzugs dam pa sring mo'am/ chung ma'am/ slas la gzhan gyi mi rigs par byed mi 'dod pa de bzhin du sems can thams cad kyang de dang 'dra ste/ de bas na byang chub sems dpa' ni bdag gi lus dang srog stor kyang pha rol po'i gzugs dam pa la 'du shes 
ngan pa log pa'i sems mi skyed na mi rigs pa'i chos ngan pa lta ci smos/ ji ltar bdag phra ma dang tshig rtsub po 'khrug par 'gyur ba la mi dga' ba bzhin du sems can rnams kyang de dang 'dra ste/ de bas na byang chub sems dpa' ni bdag gi lus dang 

</font><hr>76-1-105b<br><font size=+1>

srog yal yang brdzun du smra ba dang / phan tshun 'khrug pa'i tshig mi smra'o/ /ji ltar bdag rdo dbyug gis rdeg pa dang / lcag gis gzhu ba dang / nan la 'bor ba la mi dga' ba bzhin du sems can thams cad kyang de dang 'dra ste/ de bas na byang chub sems 
dpa' ni bdag gi lus dang srog yal yang rdo dbyug dang / lcag dang chad pas gcad pa'i las kyis sems can rnams la mi 'tshe'o/ /ji ltar bdag lcags sgrog dang / khong sgril dang / mtshon cha dang / bzung ba dang / btags pa dang / bcing bas bcings 
pa'i gnod pa rnams la mi dga' ba bzhin du sems can kun kyang de dang 'dra ste/ de bas na byang chub sems dpa' ni lus dang srog yal yang lcags sgrog dang / khong sgril dang / bzung ba dang / bcing ba la sogs pa gnod pas 'tshe bar mi byed do/ /ji ltar 
bdag gzhan gyis brnyas pa dang / dbang dang / drag shul byed pa dang / dbang rlom btsan byed bsnyems shing ngan du byed pa la mi dga' ba bzhin du sems can thams cad kyang de dang 'dra ste/ de bas na byang chub sems dpa' ni bdag gcig pu'i lus dang srog yal 
yang tshul bzhin ma yin pa'i mi rigs pas sems can la gnod pa mi byed do/ /ji ltar bdag la pha rol po gzhan gyis bkur sti byed cing mchod dam tshig snyan pas bstod na/ bdag bde ba la dga' ba bzhin du bdag kyang sems can rnams la gos dang / zas dang / 
skom dang / mal cha dang / nad kyi rkyen rtsi dang / bde ba'i yo byad thams cad kyis sbyin par byed do/ /gal te bdag gis las chen po zhig sgrub pa'am/ sangs rgyas kyi phyir ram/ chos kyi phyir ram/ dge 'dun gyi phyir ram/ don sgrub pa las blos mi lcogs 
te don grub par ma gyur nas/ mi dga' zhing mya ngan gyis gdungs pa las mkhas pa blo dang ldan pa zhig gis bdag gis bsgrub pa'i don ma grub pas mi dga' zhing mya ngan byed par mthong na bdag la 'di skad zer ro/ /rigs kyi bu khyod mi dga' ba ma byed cig /khyod 

</font><hr>76-1-106a<br><font size=+1>

kyi don grub pa'i grogs bya ste/ don yid bzhin du bsgrub par bya'o/ /zhes zer na de la rab tu dga' ba'i sems skye bar 'gyur te/ de bas na bdag gis sems can la phan pa dang bde ba'i don du bsgrub pa'i las kyi grogs bya'o/ /
ji ltar bdag la rgyal po dang / rkun po dang chu'am/ mes gnod par 'gyur ram/ blon po la sogs pas/ bzung ngam/ btags sam/ bcings na mi dga' ba'i mya ngan gyis gdungs par gyur pa las mkhas pa blo dang ldan pa zhig gis bdag de ltar mya 
ngan gyis gdungs pa mthong na/ snyan pa sgra'i tshig gis bdag la khyed mya ngan ma byed cig /khyod kyi phyir kho bos rgyal po'am/ blon po chen po la gsol ba btab ste/ gal te na nor gsug sbyin pa'am/ thabs rnam pa sna tshogs kyis ci nas kyang khyod mi 
bde ba'i sdug bsngal las thar bar bya'o zhes zer na/ bdag gis tshig de thos pa tsam gyis sems dga' bar 'gyur te/ de bas na byang chub sems dpa' ni shes par bya ba'i sgyu rtsal dang bzo'i bar du yang mthar phyin par brtson 'grus su slob bo/ /'di lta ste/ 
shes par bya ba rig pa'i gnas dang / bzo'i gnas dang / rol mo dang / rtsed mo dang / grangs dang / rtsis dang / mig 'phrul gyi sngags dang / sman dang / ban glang dang / rta dang / bzhon pa dang / dgra chos dang / dmag drang ba dang / dpyad la sogs 
pa la mkhas par slob ste/ de ltar sgyu rtsal ci la yang mkhas par bslabs nas 'gro ba mang po dang / rgyal po dang / blon po chen po la sogs pa yang bsams pa'i yid dang 'gal bar mi byed/ de ma yin pa gzhan yang longs spyod kyi rkyen gos sam/ nor 
ram/ zas sam/ bza' ba'am/ btung ba'am/ nor bu'am/ gdu bu'am/ lus kyi rgyan nam/ gser ram/ dngul lam/ bai dUr+ya'am/ byi ru'am/ man shel lam/ spug gam/ mu tig gam/ a mra gar b+ha'am/ nor bu 

</font><hr>76-1-106b<br><font size=+1>

rin po che'am/ ban glang ngam/ rta'am/ theg pa'am/ bran po'am/ las byed pa'i mi'am/ chung ma'am/ slas kyang yod/ chu mig gam/ khrus kyi rdzing bu'am/ rin po che'i yang tog bzang po'am/ longs spyod kyi yo byad rnam pa sna tshogs yod 
kyang byang chub sems dpa' de la rlom pa'am rgyags pa'i sems med do/ /de ltar sgyu rtsal kun la yang mkhas/ rin po che'i bang mdzod brgya stong dang yang ldan/ ban glang dang / rta dang / theg pa yang yod/ na chung bzang mo yang grangs med par yod/ yang tog 
bzang po yang yod/ chu mig dang khrus kyi rdzing bu la sogs pa 'dod pa'i longs spyod gang yang yod mod kyi/ de la ma chags te rtag tu 'dod pa nyung ba dang / chog shes pa la dga' zhing / bas mtha' dgon pa dang / ri dang / tshal dang / shing drung du bsam gtan la 
zhi bar gnas pa la mos so/ /skye bo mang po dang / smra zhing gtam zer yang / sems ni rtag tu gnyen po'i sgor 'jug par byed do/ /so so'i skye bo dang spyod tshul 'thun pa ltar byed kyang sems can la phan pa'i don du nor bu rin po che gtong bar byed kyis sems can la 
gnod pa mi phan pa'i don mi byed do/ /gang dbul ba/ phongs pa nyam thag par gyur pa dag byang chub sems dpa' la slong du 'ongs na de la ci 'dod pa bzhin byang chub sems dpa' sbyin par byed do/ /sems can gang zhig sangs rgyas kyi chos la mos shing dad de byang 
chub sems dpa' la bsnyen bkur dang / mchod pa bya ba'i phyir rim gro dang g.yog byed cing rkang pa 'khru ba'i las byed dam/ lus bkru ba dang mnye ba'i las byed dam/ chag chag dang phyag dar byed dam/ so shing dang khrus chur sbyor ram/ mal stan 'dings shing mal 
gos sprug pa'i las byed dam/ srod dang tho rangs la mar me 'bud dam/ khye'u sus dang / dro la kha zas tha na pa na dang / pu she na dang / kha da ne 'bul lam/ 'thung ba'i skom yu li shi dang / bu la sha ka'i 'bras bu'i skom dang / rgun chu dang / kha ra nag po'i chu la sogs 

</font><hr>76-1-107a<br><font size=+1>

pa sbyar sbyar nas yo byad de lta bus zhag bdun nas zhag dgu bcu'i bar du byang chub sems dpa' la chos 'dod pa'i phyir 'bul bar byed na byang chub sems dpa' de'i tshe mchod pa'i yo byad 'bul ba de la dga' ba'i sems med do/ /de ci'i phyir zhe na/ byang 
chub sems dpa' ni bskal pa grangs med pa yun ring po nas sangs rgyas kyi chos tshol ba'i phyir/ sems can thams cad la skyed 'bri'i sems med pa'i phyir/ byams pa dang snying rje'i sems dang ldan pa'i phyir/ mnyam snyoms pa'i sems la gnas pa'i phyir 
ro/ /de bas na dus kha cig tu 'khor los sgyur ba'i rgyal po byed de/ rtag tu dge ba bcu'i chos kyis sems can gyi don byed do/ /sems can de dag kyang rgyal po'i yid bzhin du dga' zhing spyod pas tshe'i dus byas na yang lha dang mi'i 'jig rten du 'dod pa lnga'i longs spyod 
mchog dam pa dang ldan te/ rigs che zhing mtho bar skye bar 'gyur/ bsams pa'i yid bzhin du nyal ba dang / ldang ba dang / 'gro ba la gnod pa med par 'gyur/ gnas gang du 'gro yang bzhon pa'i rta dang theg par ldan te skyed mos tshal du rtsed mo dang rol mo la rtse zhing 
longs spyod par 'gyur/ bza' ba dang btung ba dam pa dang dga' dgur spyod par 'gyur yang tha ma mi rtag pa bsten te/ rga ba dang na bas gzir te shi bar gyur na khyim gyi bu smad mya ngan gyis gdungs te skad phyung nas ngu zhing la la ni mgo la thal mo rdebs/ la la ni rang rang gi skra 
'bal te mchi ma 'dzag cing sa la 'gre'o/ /de nas khyogs sam shing rta'i steng du bzhag nas dur khrod du bskyel te/ de ltar bskyal nas kyang bu smad dag phyir khyim du 'ongs nas mya ngan gyis gdungs te la la ni brgyal nas sa la 'gre /la la ni de'i rkyen gyis nad du 'gyur/ la 
la ni mi dran nas myos/ la la ni tshe'i bar chad du shi bar byas te/ de ltar byas kyang gson pa rnams la ni phan pa med/ shi ba la ni rab tu gnod do/ /de'i tshe de'i dus na 'khor los sgyur ba'i rgyal po 'khor dang bcas te yul rgyu zhing song ba las sems can mya ngan gyis 

</font><hr>76-1-107b<br><font size=+1>

gzir ba mthong nas snying brtse ba'i sems skyes te 'di skad zer ro/ /rgyal po zhes bya ba ni yul sa dbang gis 'gro ba mang po'i dbang sgyur te/ de ltar dge ba bcu'i lam gyis 'gro ba rnams btul te/ 'bras bu 'dod pa lnga mchog dam pa thob tu zin kyang skye ba dang / rga ba dang / 
na ba dang / 'chi ba dang / mi rtag pas 'jigs pa las thar bar ma gyur na/ bdag gis drang po'i chos kyis yul gyi srid btsas kyang phan pa'i don med do/ /de ltar 'gro ba rnams la phan pa'i don med na 'khor los sgyur ba'i rgyal po chen po zhes kyang ji skad bya/ byams 
pa chen po'i pha zhe'am/ sman pa'i rgyal po chen po zhe'am/ 'dren pa'i ston pa chen po zhes ji skad du gdags/ 'dren pa'i ston pa chen po zhes bya ba ni yang dag pa'i lam du 'dren cing mya ngan las 'das pa'i lam ston te/ 'dus ma byas pa'i rab tu bde ba thob par byed do/ /
bdag cag ni ming dang spyod par mi 'thun te/ dper na mi zhig skom pas gdungs nas srog la bab pa las chu 'dod pa'i phyir phan tshun brgyugs te/ khron pa skam po zhig dang phrad nas rab tu dga' ba'i sems skyes te 'di snyam du sems so/ /da ni bdag gi lus 'di 'chi ba las phyir 
sos so/ /de ci'i phyir zhe na/ gal te chu dang ma phrad na srog 'di 'chi ba las yun mi ring ba las da khron pa bzang po dang phrad nas gdon mi za bar chu dong grang mo gtsang ma dang phrad de ngoms shing tshim par 'gyur bas srog 'tsho bar 'gyur ro snyam bsams nas myur ba myur bar khron pa'i 
drung du bsnyen to/ /khron pa'i drung du phyin nas lus la gyon pa'i gos phud de/ phyogs gcig tu sbas nas chu 'dod pa'i phyir khron pa'i nang du zhugs so/ /khron pa'i gting du phyin nas chu ni med kyi sbrul gdug pa dang / smigs pa dang / sdig pa dang / rtsangs pa dang / sbal pa 
dang / gyo mo dang / de la sogs pa gseg ma dang / shing dang / rtswa nyal nyil 'ba' zhig mthong bar gyur to/ /de'i tshe skom pas nyam thag par gyur pa de thog ma re ba bzhin du chu yang ma rnyed la gdug pa mang pos gzas nas khron pa de las phyir byung bar gzas kyang khron pa 

</font><hr>76-1-108a<br><font size=+1>

rnyings shing zhig la zabs kyang mda' rgyang gang tsam yod de/ de'i nang na skas sam/ thag srad dam/ 'bru ba'i shing tsam yang med de/ mas mchong du stsal yang nyam thag la stobs zhan pas 'phar mi nus te/ phyir yang zhabs su lhung nas sbrul gdug pa la sogs 
pas za zhing 'jib bo/ /de cung zad cig srog ma chad kyi bar du 'di skad ces zer ro/ /bdag khron pa 'di'i nang na chu med par sngar shes na lta khron pa 'di la mig gis blta yang mi phod na 'di'i nang du zhugs pa lta smos kyang ci dgos te/ da ni khron pa 'di'i rkyen gyis sdug 
bsngal ba'i sdug bsngal myong bar gyur to zhes smre sngags 'don to/ /'khor los sgyur ba'i rgyal po yang de ltar so so'i skye bo dag gcig shi ba'i 'og tu khyim gang gi bu smad dang / gnyen rnams kyis sdug pa dang bye bral ba'i sdug bsngal gyis gdungs pa mthong nas 'di skad zer 
ro/ /bdag gi lus 'di ni khron pa skam po de dang 'dra ste/ khron pa ming tsam yod kyi chu ni med pas na 'jug pa yod kyang thob pa med pas de lta bu'i lus dang srog stor ba'i sdug bsngal myong bar gyur to/ /da ltar bdag 'khor los sgyur ba'i rgyal po'i dbang sgyur zhing rin 
po che sna bdun dang ldan te/ dge ba bcu'i las kyis 'gro ba 'dul zhing drang po'i chos kyis yul gyi srid btsas nas skye bo mang po dag lha dang mi'i mtho ris kyi gnas su bkod de 'dod pa lnga'i yon tan mchog dam pa la longs spyod du bcug kyang de dag skye ba dang / rga ba dang / na ba 
dang / 'chi ba dang / sdug pa dang / bye bral ba dang / dgra sdang ba dang phrad pa'i sdug bsngal las thar bar ma nus te/ gcig la gcig ngu zhing cho nge byed pa 'di ni bdag gis nyes kyi sems can rnams kyis ma nyes so/ /de ji lta zhe na/ bdag la 'jig rten las 'das pa'i 
chos 'gro ba mang po la phan pa'i don du 'gyur ba med de/ bdag las dge ba'i chos 'dod cing rab tu bde ba 'dod kyang sdug bsngal gyi mtsho las rgal mi nus so/ /de'i tshe 'khor los sgyur ba'i rgyal po yang 'di snyam du sems so/ /da ltar bdag gi lus 'di ni dper na shes 

</font><hr>76-1-108b<br><font size=+1>

pa med pa gti mug can gyi sbyin bdag dang 'dra'o/ /de'i tshe dus gzhan zhig na lo bdun gyi bar du char ma bab pas than pa chen po byung ste/ rtsi shing yang skams/ 'bru yang rab tu dkon par gyur nas mu ge chen po byung ste/ gcig la gcig 'cha' zhing za bar gyur/ 
gcig gi sha khrag la gcig za ste/ la la ni bu'i sha khrag la pha ma za/ la la ni pha ma'i sha la bu za zhing / pha ma dang / phu nu dang / khyo shug dang / bu pho dang / bu mo yang gcig gi sha la gcig za bar gyur to/ /de'i tshe na sbyin bdag chen po de 'chag cing 'phyan du song 
song ba las sems can mang po dag ltogs nas da rod nyams de rid cing skams la nyam chung la mdog ngan pa dang / skra yang 'dzings nas lus gnag la rke ba dag phrag pa la mi ro khur du khyer te/ kha cig ni mi'i mgo dang / lag pa dang / rkang pa dang / lhu tshigs dang / lag 
ngar dang / phrag pa dang / tshigs pa dang / rgal pa dang / brla dang / rje ngar dang / yan lag dang / nying lag gi bar du khyer/ kha cig ni nang khrol mchin pa dang / mcher pa dang / glo ba dang / rgyu ma dang / gzhang rnams khyer ba mthong ngo / /de lta bu dag mthong nas sbyin 
bdag des de dag mthong nas/ khyed khur du khyer ba 'di dag ci yin zhes dris so/ /de dag gis smras pa/ bdag cag gi khur du khyer ba 'di dag ni mi ro ste/ mi'i mgo dang / rkang lag dang / brla dang / rje ngar dang / yan lag dang / nying lag gi bar du'o/ /khyed mi'i 
mgo dang / yan lag dang / nying lag gi bar du khyer ba 'di ci dgos ci zhig bya zhes dris pa dang / de dag gis smras pa/ khyod mi shes sam/ mu ge chen po byung nas 'bru rab tu dkon par gyur te/ mi kun ltogs nas da ltar gcig la gcig za bas/ bdag cag gi 
khur bu khyer ba 'di ni bdag cag gi zas yin no/ /de'i tshe sbyin bdag chen po des de skad ces smras pa de thos nas dngangs te/ spu zing zhes byed nas 'khams te sa la 'gyel ba las chu grang mos gdong du gtor nas ring zhig lon pa dang / sems sor chud nas 'o na khyod kyi 

</font><hr>76-1-109a<br><font size=+1>

zas yin na 'di dag su'i sha yin zhes dris pa dang / de dag skad chen po phyung nas ngus te/ sbyin bdag la brjod du mi rung ngo zhes smras so/ /kye ma'o bdag cag ni sdug go/ /kye ma'o bdag cag ni sdug go/ /kyi hud kyi hud khyod la drang por mi smrar mi rung 
ste/ bdag cag khur du khyer ba 'di la la ni pha'i sha /la la ni ma'i sha /la la ni bu'i sha /la la ni phu nu'i sha /la la ni gnyen bshes kyi sha yin no zhes ltogs pa de dag gis so so nas khyim bdag la drang por gtam byas nas/ bdag cag ni shin tu ltogs pas gcig la 
gcig nying sha za bar gyur to/ /de'i tshe sbyin bdag des dbugs kyis brnangs pa tsam du mi ltogs pa rnams la 'di skad ces smras so/ /khyed rnams deng phyin chad gcig la gcig nying sha za bar ma byed cig /khyed rnams la dgos pa'i yo byad gang yang rung / bgo ba'i 
gos sam/ bza' ba'am/ btung ba'am/ nad kyi rkyen rtsi'am/ yo byad ci dgos pa thams cad sbyin par bya ste/ zhag bdun na khyed rnams kho bo'i sgor shog shig dang / yid bzhin du gos sam/ kha zas sam/ nad kyi rkyen rtsi'am/ ji 'dod pa tshim par bya'o zhes bsgo 
ba dang / de dag rab tu dga' rangs nas shin tu legs so legs so/ /ngo mtshar che'o zhes bstod pa byas so/ /de nas sbyin bdag de phyir khyim du 'ongs nas chung ma dang / bu rnams dang / bran khol dang / las byed pa'i mi rnams kyang bsdus te/ dga' ba'i mdangs 
phyung nas/ 'jam zhing yid du 'ong ba'i tshig snyan pas bu smad dang / bran khol dang / las byed pa'i mi rnams la 'di skad ces bsgo'o/ /khyed rnams shes par gyis shig /kho bos smras pa'i tshig legs par nyon cig /khyed shes sam than pa chen pos mu ge byung nas/ 
mi thams cad ltogs te grangs med pa zhig shi bar gyur to/ /bdag gi khyim na bang mdzod kun gang zhing lud de 'bru yang grangs med pa zhig yod pas dus las ma yol bar bdag cag bsod nams bya'o zhes bu smad kun gyis de skad ces bsgo ba thos nas legs so legs so/ /

</font><hr>76-1-109b<br><font size=+1>

bdag cag gi srog lus sbyin pa byas kyang mi phangs na bang mdzod dang / nor rdzas dang / kha zas lta smos kyang ci dgos/ de nas sbyin bdag kyang rab tu dga' rangs nas khyed rnams ni yang dag par kho bo'i bla na med pa'i byang chub thob par bya ba'i grogs yin pa lta dge'o legs so/ /
khyed rnams kyang so so nas ci dang ci bya ba rnams ci dang ci bsgrub pa skol bya ba'i rigs pa yang mod la bya/ bsgrub pa'i rigs pa yang myur du bsgrub ste/ da ste zhag bdun na nges par 'byor bar bya'o/ /de'i tshe sbyin bdag des so sor bsgo nas khyim gyi phyi rol du byung ste/ gang 
na sa mnyam zhing yangs la bde ba'i gnas zhig bltas nas mod la sa gzhi dag par nyal nyil dang sa rdo med par byas phyags te khri stan bshams so/ /de ltar mang po 'du ba'i gnas sbyin pa sbyin pa'i sa gzhi bshams nas ban glang lnga brgya la kha zas bkal te sbyin pa'i 
sar bskyal nas/ kha zas ni ri bzhin du spungs/ zho chu ni mtsho bzhin bskyil/ mar dang / 'bru mar dang / khur ba la sogs pa kha zas ro brgya dang ldan pa cho ma cho dgu sbyar te/ de ma yin pa gzhan yang gos dang / gdu bu dang / phreng ba dang / lus kyi rgyan sna 
tshogs dang / ban glang dang / rta dang / rin po che sna bdun la sogs te/ thams cad phun sum tshogs par sbyar nas zhag bdun lon pa'i skya rengs shar nas zhag bdun gyi nyi ma la dril rnga brdungs/ dung bus te/ skad chen pos thams cad sbyin pa'i gnas 'dir 'dus shing 
shog shig ces bos so/ /de'i tshe na thams cad kyis bos pa'i skad thos nas 'phags pas byin gyis brlabs pa tsam du rab tu dga' ba'i sems skyes te/ thams cad sbyin pa gtong ba'i gnas su lhags te/ yid bzhin du gos dang / mal cha dang / zas skom dang / 
lus kyi rgyan sna tshogs pa dang / nad kyi rtsi sman mang po dang / ban glang dang / rta dang / rin po che sna bdun la sogs pa ci dang ci 'dod pa yid bzhin du drangs nas sbyin pa'i rdzas ci yod pa thams cad kyis ma lus par khyer ro/ /de nas sbyin bdag de dga' nas phyir khyim du 

</font><hr>76-1-110a<br><font size=+1>

'ongs nas chung ma dang bu rnams dga' ba bzhin du 'dod pa lnga la longs spyod do/ /de nas zhag bdun tsam lon pa dang mi dag na re sbyin bdag des sngar gos dang / zas dang / skom la sogs pa sbyin pa byas na kha zas zos pa rnams dug langs nas thams cad shi'o 
zhes zer ro/ /de ltar shi bar gyur pas thams cad tshig tu brjod de ngo mtshar che'o ngo mtshar che'o/ /de ltar sbyin bdag chen po des kun la snying brtse ba'i phyir ci 'dod pa bzhin du kha zas la sogs pas tshim par byas te lus dang srog gson par byas par gyur na phyis zhag mang po 
ma lon par dug langs nas thams cad shi'o bar sgra sgrogs par gyur to/ /de'i tshe sbyin bdag chen po des de ltar gyur pa de thos nas yi mug cing mi dga' bar gyur te/ chung ma dang / bu la sogs pa la khyed kyi kha zas ji ltar sbyar na kha zas kyi nang du dug ma rungs pa ji ltar 'ongs 
zhes dris pa dang / chung ma dang / bu dang / bran khol dang / las byed pa'i mi rnams kyi mchid nas dug mi srid do/ /dug 'di ga las 'ongs zhib tu rtogs shig ces smras so/ /de nas sbyin bdag de khyim gyi zhal ta byed cing mthar gyis song song ba las khron pa zhig steng 
bkab cing g.yogs pa mthong ngo / /khron pa 'di ci'i phyir g.yogs zhes dris pa dang / khron pa 'di ni khyim bdag khyod bus pa chung ngu'i tshe na sbrul gdug pa gsum zhig gso gso ba las khron pa 'di brkos nas sbrul gdug pa gsum bcug go/ /khron pa 'di ni sbrul 
gdug pa 'dug pa'i khron pa yin no/ /chu yang gdug pas chu 'di yang 'thungs pas na ste 'chi bar 'gyur ro/ /sbyin bdag des tshig de dag thos nas las byed pa dag la khyed de bar kha zas g.yo ba'i tshe khron chu 'di las bcus te kha zas ma g.yos sam/ las byed pas 
smras pa/ kha zas mang du g.yos pas rings nas chu 'di yang bcus nas kha zas kyi g.yos byas so zhes bsgo'o/ /khyim bdag mi dga' ste/ ngo mtshar che'o/ /bdag ni gti mug can shes pa'i blo med pa yin pa 'dra ste/ ci'i phyir sbrul gdug pa gso zhing khron pa 

</font><hr>76-1-110b<br><font size=+1>

gdug pa rko zhes 'gyod nas chung ma dang / bu la bsgo ba/ sbrul gdug pa gsum gyi khron pa myur du tshongs shig /sbrul gdug pa gsum yang kho bo bdag gis bsreg go zhes bsgo ba dang / las byed pa'i mi rnams kyis de ma thag tu khron pa de yang bsubs 
nas med par byas so/ /de nas sbyin bdag des sbrul gdug pa'i khron pa de med par byas nas phyi rol du 'chag tu song song ba las sbyin bdag gi kha zas dug can gyi shi bar gyur pa las thams cad tshig 'thun par sbyin bdag 'dis bdag cag la kha zas dug can byin nas 
bdag cag sngar shi bar gyur pa yin no/ /bdag cag gis de ltar shes na der ma song yang rung zhes 'gyod pa skyes so/ /de bzhin du 'khor los sgyur ba'i rgyal po de yang dge ba bcus sems can btul te/ sems can dag lha dang mi'i mtho ris su skye zhing 'dod pa lnga la 'dod 
dgur longs spyod mod kyi skye ba dang / rga ba dang / na ba dang / 'chi ba las mi thar ba yang de dang 'dra'o/ /de nas 'khor los sgyur ba'i rgyal po de de'i mod la bdag bla na med pa'i sangs rgyas kyi chos dang / 'jig rten las 'das pa'i chos bsgrubs te/ sems can rnams 
kyang de la klog pa dang / 'don pa dang / 'dri ba dang / goms par bya ste/ skye shi'i 'khor ba yongs su spang zhing mya ngan las 'das pa 'thob par bya'o zhes dam bcas so/ /de'i tshe na 'khor los sgyur ba'i rgyal po sangs rgyas kyi chos tshol ba'i phyir/ 'dzam bu'i gling na/ 
sangs rgyas kyi chos sus shes zhes gnas kun tu bkar btags so/ /'khor los sgyur ba'i rgyal po chos 'dod pa'i phyir gnas kun tu bkar btags kyang shes pa ma byung ngo / /mtha' 'khob kyi yul chung ngu cig tu phyin pa dang / de na bram ze gcig cig sangs rgyas kyi chos 
shes so zhes zer ro/ /de nas bram ze de'i steng du pho nya btang nas pho nya des bram ze ga la ba der phyin nas btsun pa sangs rgyas kyi chos shes sam zhes dris na shes so zhes zer ro/ /de nas pho nyas bram ze'i rkang pa la mgo bos phyag byas nas btsun pa 'khor los sgyur ba'i 

</font><hr>76-1-111a<br><font size=+1>

rgyal pos spyan 'dren du btang gis 'khor los sgyur ba'i rgyal po de ga la ba der gshegs su gsol/ /de nas bram ze yang der 'ongs nas 'khor los sgyur ba'i rgyal pos rgyang ma nas bsu ste rkang pa la mgo bos phyag 'tshal nas bde bar byon tam/ lam 
du nyon mongs par ma gyur tam/ ngal bar ma gyur tam/ zhes gtam dris te pho brang gi nang du khrid nas pho brang gi dbus su rgyal po'i gdan la bzhag go/ /bram zes kyang gdan la skyil mo krung bcas te 'dug nas de'i tshe rgyal pos bram ze de bde bar 'dug nas dgos 
pa'i yo byad rnams kun phul te sbyin pa byas nas thal mo sbyar te bram ze de la ston pa chen po sangs rgyas kyi chos shes sam zhes dris pa dang / bram ze na re bdag gis sangs rgyas kyi chos shes so zhes zer ro/ /de nas rgyal pos bram ze la ston pa chen po bdag la bstan cing 
bshad du gsol zhes byas nas/ bram ze na re rgyal po khyod ni shin tu glen no/ /kho bos sangs rgyas kyi chos bslabs pa na/ yun ring du na dka' ba'i sdug bsngal myong nas gdod lobs pa yin na/ da rgyal pos thal byung du thos par 'dod dam/ rgyal pos smras pa/ 
ston pa chen po 'o na ci zhig 'dod/ bram zes smras pa/ bdag la mchod pa phul cig /rgyal pos smras pa/ ston pa chen po mchod pa ci zhig 'dod/ gos sam/ mal cha'am/ bza' ba'am/ btung ba 'dod dam/ 'on te gser ram/ dngul lam/ rin 
po che 'dod dam/ bram zes smras pa/ bdag de 'dra ba'i mchod pa mi 'dod do/ /rgyal pos smras pa/ mchod pa de dag mi 'dod na 'o na ban glang ngam/ rta'am/ theg pa 'dod dam/ 'on te yul lam/ grong khyer ram/ chung ma'am/ bu 'dod dam/ rol mo'am/ glu 
'am/ gar byed pa 'dod dam/ bram zes smras pa/ bdag ni de dag gang yang mi 'dod do/ /gal te lus la rma stong phyung ste rma'i nang du mar blugs la me mar snying po btsugs te mar me stong 'bar bas mchod na sangs rgyas kyi chos bstan cing bshad par bya'o/ /gal te de ltar mi nus 

</font><hr>76-1-111b<br><font size=+1>

na bdag langs te 'gro zhes smras nas rgyal pos skad cig tsam lan ma smras kyi bar du khri las babs so/ /de nas rgyal pos pang du blangs nas ston pa chen po cung zad nyag bsring du gsol/ bdag shes pa zhan zhing bsod nams chung bas cung zad bsams te mchod par bgyid do 
zhes smras so/ /de'i tshe 'khor los sgyur ba'i rgyal po de 'di snyam du sems par gyur te/ bdag gi lus 'di thog ma med pa'i dus nas shi ba grangs med par myong na yang chos kyi phyir ma shi'i/ da yang bdag gi lus 'di yang mthar 'jig cing rul bar 'gyur bas phan pa med de/ da ni 
dus las bab bo snyam bsams nas ston pa bram ze la 'di skad ces smras so/ /ston pa chen po/ bdag mchod pa 'dod pa bzhin bgyid do/ /de nas rgyal po pho brang du song nas btsun mo rnams la da ni bdag cag bye 'bral lo zhes smras so/ /btsun mo rnams de skad ces smras pa 
thos nas dngangs shing 'khams te ci nyes gtol med de rgyal po da ltar ci zhig mdzad snyam dgongs zhes gsol lo/ /rgyal pos smras pa/ bdag gi lus 'di la mar me stong zhig btsugs te ston pa bram ze la mchod pa bya snyam mo/ /btsun mo rnams kyis de skad ces smras pa thos nas 
sa la 'gre zhing cho nges btab ste brgyal lo/ /ring zhig lon pa dang / phyir dran pa rnyed do/ /rgyal po chen po 'jig rten na bdag gi lus las phangs pa med de/ nyes te dogs nas gso ba'i rim gro cher byed na ci'i phyir bdag gi lus la tho 'tsham zhing gnod pa bgyid/ rgyal po ni 
mkhas pa'i blo dang ldan pa lags na da ltar myos sam/ 'on te yi dgas kyis brlams sam/ ci nongs/ rgyal pos smras pa/ de lta bu gang yang ma yin no/ /'o na ci'i phyir de lta bu'i gnod pa mdzad cing bram ze la mchod par dgongs/ rgyal pos smras pa/ bdag ni 
sangs rgyas kyi chos 'dod de/ sems can thams cad kyi don byed par sems so/ /de ltar sems can thams cad la dgongs na da ci'i phyir bdag cag rnams bkol bar gyur/ rgyal pos smras pa/ 'jig rten na mdza' sdug thams cad mthar bye bral du 'gyur te de bas na bdag 

</font><hr>76-1-112a<br><font size=+1>

gis lus kyi mchod pa byas te/ khyed dang sems can thams cad kyi mun gnag gi khang par ye shes chen po'i sgron ma gzugs shing skye shir 'khor ba'i ma rig pa'i mun pa snang bar byas la/ kun nas dkris pa'i nyon mongs pa'i mdud pa bcad de/ 'khor ba'i skyon 
las bsgral nas mya ngan las 'das pa'i gnas su dgod pa'i ched du bsams kyis khyed rnams bar chad dang bgegs ma byed cig /de'i tshe btsun mo rnams de skad ces bsgo ba thos nas brnangs pa ltar cang mi smra zhing skad chen po phyung ste ngu zhing rang rang gi skra 'bal lo/ /bdag cag la 
bsod nams med de bkra mi shis pas gson por bdag cag la lha med par gyur ces smra'o/ /rgyal po de la rgyal bu lnga brgya yod de thams cad kyang mnga' byad bzang zhing sdug pa/ yid gzhungs shing mkhas pa'i blo dang ldan pa/ mi'i mtshan dang rdzogs par ldan pa/ rgyal po yang 
mig bzhin du phangs shing byams so/ /de'i tshe rgyal pos rgyal bu rnams la smras pa/ kho bo da mchod pa'i las shig byed snyam na lus dang srog nyam chung ngu dogs te khyed dang bral ba snyam/ yul gyi srid dang 'bangs rnams kyi tshis ni che rims kyis byos shig ces bsgo'o/ /rgyal bu 
rnams de skad bsgo ba de thos nas lus kyi yan lag dang rtsa rnams bcad pa tsam du sdug bsngal gyis gdungs te/ dper na mi brnangs pa la skyug tu yang med/ mid du yang med pa bzhin du rgyal po la 'di skad ces gsol to/ /ci'i slad du bdag cag rnams spangs te skyabs su ma 
mchis par mdzad/ la la ni rgyal po'i gnya' ba nas 'khyud/ la la ni lag pa dang / rkang pa la bzung nas skad phyung zhing ngu / kyi hud kyi hud ci'i phyir mgon dang skyabs med par 'gyur zhes smras so/ /de nas rgyal pos rgyal bu rnams la spro ba bskyed pa'i phyir 'jig rten na mdza' 
zhing sdug pa thams cad mthar bye bral bar 'gyur ro zhes bsgo'o/ /de skad ces bsgo ba thos kyang yid la gcags te 'bral mi phod na bdag gi gsol ba gcig gnang bar mdzad du gsol/ /bdag cag gi lus dang srog rgyal po la 'bul na ston pa bram ze la mchod pa mdzad 

</font><hr>76-1-112b<br><font size=+1>

du gsol/ rgyal pos smras pa/ bu khyed rnams ni da dung shed ma bye la chung bas de 'dra ba'i mchod pa byed mi bzod kyis/ kho bo ni ston pa lam ring po nas gnyer te mchod pa bya bar khas blangs pa'i yid dang 'gal bar byar mi rung bas bu sri zhu can ni pha'i yid dang 'gal bar mi byed na 
khyed rnams kho bo'i yid dang 'gal bar byed dam/ rgyal bu rnams de skad smra ba thos nas skad phyung ste cho nges btab pas yul gyi lha rnams kyang dngangs te ri 'gyel ba bzhin du thams cad lus sa la brdabs so/ /de'i tshe rgyal po la yul mtha'i rgyal phran thams cad kyis kyang mchi phyag 
byas nas pho brang gi nang ston pa chen po ga la ba der song ste/ de'i drung du phyin nas lus kyi rgyan thams cad kyang bkrol nas gos kyang phud nas phyogs gcig tu bzhag nas lus drang por bsrang ste 'dug go/ /'dug ma thag tu rgyal phran rnams dang / blon po dang / rgyal bu lnga 
brgya dang / btsun mo nyi khri la bsgo'o/ /khyed rnams las gang gis kho bo'i lus la rma stong zhig gcod sus nus zhes smras na/ btsun mo dang / rgyal bu dang / blon po dang / rgyal phran gyi mi rnams tshig 'thun par bdag cag gis rang gi lus la gri thogs te mig phyung yang bla'i rgyal 
po'i lus la rma 'byin mi phod do/ /de nas rgyal po mi dga' bar gyur nas da ni bdag ye 'ur gyur pa lta 'khor mang po 'di snyed kyi nang na mi 'ga' yang kho bo'i grogs su 'gyur ba med dam zhes smra bar gyur to/ /de'i tshe na rgyal po de la rigs ngan shen pa rang bzhin gyis khro la kun kyang 
'jigs su rung ba zhig yod pa zhig bos so/ /shen pa de der 'ongs so/ /shen pa de 'ongs nas rgyal bu rnams la khyed mya ngan ma byed cig /rgyal po chen po don mi 'grub pa'i thabs bdag la mchis kyis/ don ma grub na snga mkho bzhin du rgyal po'i srid gzung du zad do 
zhes smras so/ /rgyal bu rnams kyis tshig de skad ces smras pa thos nas rab tu dga' ba'i sems skyes par gyur to/ /de nas shen pa de rgyal po'i drung du 'ongs nas rgyal po chen po da ltar ci zhig mdzad par dgongs zhes gsol pa dang / rgyal pos smras pa/ kho bo'i lus la 

</font><hr>76-1-113a<br><font size=+1>

mar me stong btsugs la ston pa chen po bram ze la mchod par sems so/ /shen pas smras pa/ de lta na sku la gcod nus so/ /rgyal pos de skad smras pa thos nas rab tu dga' ba'i sems su gyur nas shan pa la khyod ni yang dag par kho bo'i bla na med pa'i 
byang chub sgrub pa'i grogs yin no zhes smras so/ /de nas shan pas rgyal po'i drung du 'greng bzhin ngu ngam ngur ba'i skad chen pos rgyal po la 'di skad ces gsol to/ /rgyal po mkhyen tam/ mi gsad pa'i chos kyis ni sngar mgo bcad par dgos te/ gnya' ba gtubs la rkang lag kyang 
phral te/ chu ba dang / rgyus pa yang dbyung dgos na rgyal po chen po de 'dra ba'i na tsha'i sdug bsngal bzod dam/ rgyal pos de skad smras pa thos nas rab tu dga' ba'i sems su gyur nas/ de nas shen pas gnag lce lta bu'i gri thogs te ring po ma thogs par rgyal po'i lus la rma stong 
tshang bar bcad do/ /shan pa rgyal po'i sems phyir nur ba tsam du sems pa las/ sems ma nur bas de gri yang sa la bor nas bros so/ /de nas rgyal po chen po'i lus la rma stong bcad pa'i nang du mar khu blugs nas ras bzang po'i snying po btsugs te mar me stong btsugs so/ /
de'i tshe bram ze ston pa chen pos de ltar byas pa mthong nas 'di snyam du da ni myur du chos ma bshad na lus srog 'tsho'am mi 'tsho gtol med pas/ gal te srog ma sos na sus chos mnyan par 'gyur snyam bsams nas/ rgyal po la 'di skad ces smras so/ /sangs rgyas kyi chos 
thos par 'dod pas shin tu dpa' ba'i brtson 'grus kyis bya dka' ba'i spyod pa spyad pas legs par nyon la shin tu yid la zung shig dang / da rgyal po la sangs rgyas kyi chos bstan par bya'o/ /de skad ces smras pa thos nas rgyal po rab tu dga' ba'i sems su gyur te/ dper na bu sri zhu can 
zhig pha ma shi na rab tu mi dga' ste/ sdug bsngal gyis gdungs pa las pha ma phyir sos pa na bu de ji ltar rab tu dga' ba ltar rgyal po de yang rab tu dga' bar gyur to/ /de nas bram ze des rgyal po la smras pa/ skye ba yod na 'chi bar 'gyur/ /'gog pa 'di ni bde ba yin/ /zhes 

</font><hr>76-1-113b<br><font size=+1>

tshigs su bcad pa phyed pa 'di bstan to/ /rgyal pos dam pa'i chos bstan pa thos nas rab tu dga' ba'i sems su gyur te/ rgyal bu dang blon po rnams la 'di skad ces bsgo'o/ /khyed rnams kho bo la sdug cing brtse ba'i sems yod na chos 'di ma brjed par yid la zung la 
yul phyogs su gang na mang po 'du ba'i gnas dang / grong dang / grong khyer dang / tshong 'dus su 'gro ba mang po la 'di skad ces bkar thogs shig /'khor los sgyur ba'i rgyal po chen pos sems can mang po sdug bsngal gyi rgya mtshor bying ba dag 'don pa dang / sems can 
thams cad la snying rje chen po'i sems bskyed nas lus la mar me stong btsugs te/ tshigs su bcad pa'i tshigs bcad phyed thos pa 'di rgyal po chen po 'di'i byams pa dang snying rje'i sems grub par bya ba'i phyir thams cad kyis yi ger bris te gdon pa dang / kha ton du bya ba dang / 
'dri ba dang / goms par byed pa dang / don yang yid la bya zhing ji ltar gtams pa bzhin du nan tan du spyad par bya'o/ /de'i tshe na mi mang pos de skad ces bsgo ba thos nas rab tu dga' zhing mgu bar gyur te/ thams cad kyis tshig 'thun par rgyal po la bstod nas shin tu dga'o/ /
rgyal po chen po bdag cag gi snying rje chen po'i pha yang dag pa yin no/ /sems can thams cad kyi phyir shin tu spyad dka' ba spyad do zhes kun gyis bsngags te/ kun gyis shog shog dang / dar dang / shun pa dang / shing dang / rdo la yi ger bris te kha ton du slob bo/ /gang na 
mi mang po 'du ba'i gnas su yang yi ger bris te/ thams cad kyis mthong bar byas nas/ bla na med pa'i byang chub tu sems bskyed du bcug go/ /de'i tshe rgyal po chen pos lus la mar me stong btsugs te ston pa chen po bram ze la mchod pa byas pa'i 'od zer gyis phyogs bcu'i 
zhing 'jig rten gyi khams snang bar gyur te/ mar me de'i 'od de las tshigs su bcad pa'i tshigs bcad phyed kyi chos kyi sgra yang grags par gyur nas thams cad bla na med pa yang dag par rdzogs pa'i byang chub tu sems bskyed do/ /mar me de'i 'od des sum cu rtsa gsum gnam gyi lha'i 

</font><hr>76-1-114a<br><font size=+1>

khang pa yang snang bar byas nas mar me'i 'od des lha'i 'od kun zil gyis mnan pas sum cu rtsa gsum gnam gyi lha rnams mar me'i 'od des kun tu snang bar byas pas de dag 'di snyam du gyur to/ /ci'i rgyu ci'i rkyen gyis 'od zer 'di lta bu snang bar gyur snyam/ lha'i 
mig gis bltas pas 'jig rten gyi khams na 'khor los sgyur ba'i rgyal po chen pos snying rje'i sems bskyed de/ 'gro ba thams cad kyi don du lus la mar me stong btsugs nas ston pa chen po bram ze la mchod pa byas par mthong ngo / /lha de dag rab tu dga' ba'i sems skyes nas 'jig 
rten gyi khams su babs nas mi tha mal pa'i lus su sprul nas rgyal po ga la bar lhags te rgyal po chen po la 'di skad ces smras so/ /rgyal po chen po lus la mar me stong btsugs te/ shin tu yang spyod dka' ba spyad cing tshigs su bcad pa phyed cig thos pas ci zhig bya/ rgyal 
pos smras pa/ rigs kyi bu bdag ni sems can thams cad bla na med pa yang dag par rdzogs pa'i byang chub tu sems bskyed du gzhug pa'i phyir ro/ /de nas sprul pa'i mi de phyir brgya byin gyi lus su bsgyur nas lus kyi 'od kyis kun tu snang bar byas te/ rgyal po chen po la 'di skad 
ces smras so/ /rgyal po chen po 'di ltar mchod pa byas pa 'dis lha'i rgyal po 'dod dam/ bdud kyi rgyal po 'dod dam/ tshangs pa'i rgyal po 'dod dam/ 'khor los sgyur ba'i rgyal pos brgya byin la smras pa/ lha'i dbang po bdag ni lha dang mi'i longs spyod gang yang mi 'dod kyi 
bla na med pa yang dag par rdzogs pa'i byang chub 'dod de/ so so'i skye bo thams cad mi bde ba rnams bde ba'i gnas su dgod pa dang / ma grol ba rnams grol bar bya ba dang / pha rol tu ma phyin pa rnams phyin par bya ba dang / byang chub ma thob pa rnams thob par bya bar 'dod do/ /
brgya byin gyis smras pa/ rgyal po chen po khyod ni rab tu blun pa'o/ /bla na med pa yang dag par rdzogs pa'i byang chub ni yun ring por shin tu spyod dka' ba spyad pas thob par 'gyur na ci'i phyir bla na med pa'i byang chub 'thob par 'gyur/ rgyal pos brgya byin la smras pa/ ci ste bdag 

</font><hr>76-1-114b<br><font size=+1>

gi spyi bo'i steng na lcags kyi 'khor los shin tu 'bar ba rgyun du 'khor yang sdug bsngal de tsam gyis bla na med pa'i byang chub las phyir mi ldog go/ /brgya byin gyis smras pa/ tshig de skad ces smras pa la su zhig yid ches par 'gyur/ de nas 'khor los sgyur ba'i rgyal 
pos brgya byin la smras pa/ gal te bdag bla na med pa yang dag par rdzogs pa'i byang chub 'dod pa ma yin la lha'i dbang po khyod bslus par gyur na/ bdag gi lus kyi rma 'di dag nam du yang 'tsho bar ma gyur cig /gal te de lta ma yin na khrag kyang 'o mar gyur cig /rma 
rnams kyang sos par gyur cig ces dam bcas ma thag tu rma rnams kyang sos par gyur to/ /brgya byin lha'i dbang pos/ rgyal po la shin tu dge'o shin tu dge'o zhes bstod nas/ rgyal po chen po khyod ni yang dag par snying rje chen po dang ldan pa ste/ snying rje chen po'i spyod pa'o/ /
de ltar spyod dka' ba spyad pas/ ring po mi thogs par bla na med pa yang dag par rdzogs pa'i byang chub 'thob par 'gyur bas/ nam bla na med pa'i byang chub thob pa na/ thog ma bdag gi don sngar byas par shog shig ces smras nas/ brgya byin lha'i dbang pos lus kyi 
'od zer gyis rgyal po'i lus kun tu snang bar byas nas/ lha'i 'khor brgya stong dang bla na med pa yang dag par rdzogs pa'i byang chub tu sems bskyed do/ /rgyal bu lnga brgya rnams de ltar yab rgyal po'i lus kyi rma sos te snga mkho bzhin du gyur pa mthong nas/ rab tu dga' rangs te 
rgyal po'i rkang pa la mgo bos phyag 'tshal nas phyogs gcig tu 'khod de/ thal mo sbyar ba btud nas tshig 'thun par 'di skad ces smras so/ /'di lta bu mdzad pa ngo mtshar che ste/ yab rgyal po ni yang dag par 'gro ba thams cad la snying rje che ba'o zhes bstod do/ /rgyal pos smras 
pa/ bu khyed nga la sri zhu byed pa bden na thams cad bla na med pa yang dag par rdzogs pa'i byang chub tu sems skyed cig ces bsgo nas/ rgyal bu rnams yang dag par rdzogs pa'i byang chub tu sems bskyed par gyur to/ /de bzhin du btsun mo nyi khri dang pho brang gi slas brgya stong snyed 

</font><hr>76-1-115a<br><font size=+1>

kyang byang chub tu sems bskyed do/ /de'i tshe 'khor de'i nang na gnas pa'i sems can gang gA'i klung gi bye ma bcu bdun snyed kyis nyan thos dang / rang sangs rgyas su sems bskyed par gyur to/ /lha dang / klu dang / gnod sbyin dang / dri za dang / lha 
ma yin dang / nam mkha' lding dang / mi'am ci dang / lto 'phye chen po dang / mi dang mi ma yin pa la sogs pa grangs med pa rnams 'di lta bur gyur pa mthong thos nas thams cad kyis byang chub tu sems bskyed de rab tu dga' nas phyir dong ngo / /thabs mkhas pa chen po 
sangs rgyas drin lan bsab pa'i mdo las/ gnyen po'i le'u zhes bya ste gsum pa'o// //de'i tshe na 'khor gyi dkyil 'khor de na byang chub sems dpa' sems dpa' chen po dga' ba'i rgyal po stan las langs te bla gos phyogs gcig tu byas nas pus mo g.yas 
pa'i lha nga sa la btsugs nas/ bcom ldan 'das ga na ba de logs su thal mo sbyar ba btud nas bcom ldan 'das la 'di skad ces gsol to/ /byang chub sems dpa' ji ltar na drin shes par bgyi/ ji ltar na drin bsab par bgyi zhes gsol pa dang / bcom 
ldan 'das kyis byang chub sems dpa' dga' ba'i rgyal po la 'di skad ces bka' stsal to/ /rigs kyi bu legs par nyon cig /byang chub sems dpa' sems dpa' chen po drin shes pa ni bla na med pa yang dag par rdzogs pa'i byang chub tu sems bskyed pa'o/ /drin lan 
bsab pa ni sems can pha rol po thams cad bla na med pa yang dag par rdzogs pa'i byang chub tu sems bskyed du gzhug pa'o/ /gsol pa/ byang chub tu sems bskyed ces bgyi ba ji ltar sems bskyed par bgyi/ byang chub sems dpas dngos po gang gi rkyen gyis byang 
chub tu sems bskyed par 'gyur/ rigs kyi bu byang chub sems dpa' sems dpa' chen po thog ma bla na med pa yang dag par rdzogs pa'i byang chub tu sems bskyed pa'i tshe/ 'di skad du yi dam chen po bca'o/ /bdag bla na med pa yang dag par rdzogs pa'i byang chub thob 

</font><hr>76-1-115b<br><font size=+1>

pa'i tshe sems can thams cad la phan pa dang bde ba'i don du sems can thams cad mya ngan las 'das pa chen po la nges par dgod par dam bca'o/ /gzhan yang sems can thams cad shes rab kyi pha rol tu phyin pa yongs su rdzogs par bya bar dam bca' bar bya'o/ /
de ni bdag gi don dang gzhan gyi don byed pa zhes bya ste/ de bas na thog ma byang chub tu sems bskyed nas byang chub kyi rgyu dang ldan pa zhes bya/ /sems can gyi rgyu dang ldan pa zhes bya/ yang dag pa'i don gyi rgyu dang ldan pa zhes bya/ byang chub kyi phyogs kyi chos sum cu rtsa bdun gyi chos 
dang ldan pa zhes bya/ dge ba'i chos thams cad sdud pa'i gzhi zhes bya/ de bas na byang chub sems dpa' ni dge ba zhes bya/ dge ba chen po zhes bya sems can thams cad kyi dge ba'i rtsa ba zhes kyang bya/ sems can thams cad kyi lus dang / ngag dang / yid kyi las sbyong 
ba zhes bya ste/ las ngan pa gsum sbyangs pas 'jig rten na smon lam gang yang bla na med pa yang dag par rdzogs pa'i byang chub tu sems bskyed pa las 'da' ba med de smon lam mchog dam pa bla na med pa'o/ /byang chub sems dpa' sems dpa' chen po thog ma byang chub 
tu sems bskyed pa'i tshe dngos po lnga dang ldan par bya'o/ /lnga gang zhe na/ rang bzhin dang / spyod pa dang / spyod yul dang / yon tan dang / bskyed pa'o/ /byang chub sems dpa' de ltar byang chub tu sems bskyed na byang chub sems dpa' sems dpa' chen po zhes bya ste/ gdon 
mi za bar bla na med pa yang dag par rdzogs pa'i byang chub thob cing theg pa chen po spyod par 'gyur ro/ /de bas na thog ma byang chub tu sems bskyed pas dge ba'i chos thams cad sdud par 'gyur ro/ /byang chub sems dpa' sems dpa' chen po byang chub tu sems bskyed nas ji 
ltar spyod pa bzhin du bla na med pa yang dag par rdzogs pa'i byang chub thob par 'gyur ro/ /gal te byang chub tu sems ma bskyed na nam du yang byang chub thob par mi 'gyur te/ de bas na byang chub tu sems bskyed na bla na med pa yang dag par rdzogs pa'i byang chub kyi gzhi thob par 

</font><hr>76-1-116a<br><font size=+1>

'gyur ro/ /byang chub sems dpa' sems dpa' chen po sems can sdug bsngal gyis gzir ba mthong na byams shing snying rje ba'i sems skye ste/ de bas na byang chub sems dpa' ni byams pa dang / snying rje'i sems kyis rgyu byas pas bla na med pa yang dag par rdzogs 
pa'i byang chub tu sems bskyed par 'gyur ro/ /bla na med pa yang dag par rdzogs pa'i byang chub tu sems bskyed pa'i rgyus byang chub kyi phyogs kyi chos sum cu rtsa bdun bsgrub par 'gyur ro/ /byang chub kyi phyogs kyi chos sum cu rtsa bdun bsgrub pa'i rgyus bla na med pa yang dag par 
rdzogs pa'i byang chub 'thob ste/ de bas na byang chub tu sems bskyed pa ni gzhi'am rtsa ba zhes bya'o/ /byang chub tu sems bskyed pas byang chub sems dpa'i tshul khrims spyod par 'gyur te/ de bas na byang chub tu sems bskyed pa ni rtsa ba zhes bya'o/ /yan lag ces kyang bya/ sdud 
pa zhes kyang bya/ go rims zhes kyang bya/ sa bon zhes kyang bya/ byang chub sems dpa' byang chub tu sems bskyed pa yang mthar phyin pa dang / mthar mi phyin pa yod de/ bla na med pa yang dag par rdzogs pa'i byang chub kyi bar du thob par byed pa ni nam du yang phyir ldog pa'am/ 
nur ba med pas mthar phyin pa'o/ /mthar mi phyin pa ni ldog pa dang nyams par 'gyur te/ phyir ldog pa la rnam pa gnyis te/ mthar ldog pa dang / mthar ldog pa ma yin pa yod do/ /mthar phyir ldog pa ni bla na med pa yang dag par rdzogs pa'i byang chub tu sems bskyed pa 
las phyir mi ldog pa'i chos gang yin pa de bsgrub pa'am nan tan du spyod mi nus pa'o/ /mthar phyir ldog pa ma yin pa ni byang chub tu sems bskyed nas chos gang yin pa bsgrub cing nan tan du spyod pa'o/ /byang chub sems dpa'i spyod pa la rnam pa bzhi ste/ rigs kyi bu'am/ rigs kyi bu 
mo'am/ gang zhig sangs rgyas sam/ byang chub sems dpa'i don gyi dngos po bsam gyis mi khyab pa thos sam/ mthong na de'i tshe dad cing 'dun pa'i sems skye bar 'gyur te/ 'di snyam du sangs rgyas dang byang chub sems dpa'i don gyi dngos po ni bsam gyis mi khyab pa ste/ sangs 

</font><hr>76-1-116b<br><font size=+1>

rgyas dang byang chub sems dpa'i don gyi dngos po bsam gyis mi khyab pa de ni thob par bya ba yin pas bdag gis bla na med pa yang dag par rdzogs pa'i byang chub thob par bya'o snyam sems te/ de bas na sems rtse gcig tu byang chub dran par byed cing byang chub tu sems bskyed pa dang / kha cig ni sangs 
rgyas dang / byang chub sems dpa' rnams kyi don gyi dngos po bsam gyis mi khyab pa ma mthong yang / sangs rgyas dang / byang chub sems dpas dgongs te gsungs pa'i snying po thos pa tsam gyis dad cing 'dun pa'i sems skyes te/ dad pa'i sems skyes pas/ bla na med pa 
yang dag par rdzogs pa'i byang chub dang / rnam pa thams cad mkhyen pa nyid thob par bya ba'i phyir/ byang chub tu sems bskyed pa dang / kha cig ni sangs rgyas dang / byang chub sems dpa'i don gyi dngos po bsam gyis mi khyab pa yang ma mthong / dgongs te gsungs pa'i 
chos ma thos kyang dam pa'i chos 'jig par 'gyur bar mthong na/ de 'di snyam du bla na med pa'i sangs rgyas kyi chos sems can rnams kyi nyon mongs pa grangs med pa zhi bar byed cing / bde ba dang phan pa'i don du 'gyur ba 'di ni sangs rgyas dang / byang chub sems dpa' 'ba' 
zhig gis yun ring du gnas shing mi nub par mdzad de/ da bdag kyang byang chub tu sems bskyed la sems can thams cad kyi nyon mongs pa yongs su spong pa'i phyir bdag gi lus 'di sdug bsngal chen po myong yang / sangs rgyas kyi chos 'jig rten na yun ring du gnas par 
bya'o snyam du sems nas byang chub tu sems bskyed pa dang / kha cig ni sangs rgyas kyi chos 'jig pa ma mthong yang dus ngan pa'i sems can rnams nyon mongs pa shin tu lci ba 'dod chags dang / zhe sdang dang / gti mug rnams dang / ngo tsha med pa dang / khrel med pa 
dang / ser sna rnams dang / phrag dog dang / khong khro ba dang / 'khrug pa rnams dang / ma dad pa dang / the tsom dang / le lo la sogs pa nyon mongs pa'i dngos po 'di dag mthong na/ de 'di snyam du shin tu dus ngan pas sems can 'di dag ni dge ba mi spyod de/ de 

</font><hr>76-1-117a<br><font size=+1>

ltar dus ngan pas theg pa gnyis kyi sems kyang skyed mi nus na bla na med pa yang dag par rdzogs pa'i byang chub tu sems bskyed pa lta ci smos snyam sems nas byang chub tu sems bskyed pa'o/ /de ltar byang chub tu sems bskyed nas sems can thams 
cad kyang bla na med pa yang dag par rdzogs pa'i byang chub tu sems bskyed pa la brtson par byed do/ /de nas byang chub sems dpa' dga' ba'i rgyal pos bcom ldan 'das la 'di skad ces gsol to/ /bcom ldan 'das byang chub sems dpa' drin lan shes pa ni bdag 
byang chub tu sems bskyed pa'o/ /byang chub sems dpa' drin lan bsab pa ni sems can pha rol po byang chub tu sems bskyed du bcug pa'o zhes bgyi na/ de bzhin gshegs pa sngon 'khor ba na 'khor ba'i tshe thog ma dngos po ci'i rgyus byang chub tu sems bskyed par gyur/ 
bcom ldan 'das kyis bka' stsal pa/ rigs kyi bu sngon gyi bskal pa grangs med pa'i bar du skye shir 'khor ba na 'khor zhing lus dang / ngag dang / yid kyi nyon mongs pa'i las chen pos sems can dmyal ba chen po brgyad myong bar gyur to/ /'di lta ste/ a ha ha'i 
sems can dmyal ba dang / a la la'i sems can dmyal ba dang / a tsha tsha'i sems can dmyal ba dang / zangs khol ma'i sems can dmyal ba dang / zangs khol ma chen po'i sems can dmyal ba dang / rdo nag po'i sems can dmyal ba dang / rdo nag po chen po'i 
sems can dmyal ba nas/ me'i shing rta'i dmyal ba'i bar du'o/ /nga de'i tshe na me'i shing rta'i dmyal bar lhung nas gud nas gcig dang gnyis kyis me'i shing rta 'dren te/ dmyal ba'i srungs ma a bang ni shing rta'i steng na 'dug cing mig bgrad so gtsigs te me 'bud pa/ kha 
dang / mig dang / rna ba dang / sna nas me 'bar/ dud pa 'thul te srungs ma de yang lus shin tu che zhing gnag la/ shing rta'i steng na skyil mo krung bcas te 'dug nas lag pa na lcags kyi dbyug pa thogs te nga la rdeg go/ /de'i tshe nga na ba'i sdug bsngal ma bzod nas 

</font><hr>76-1-117b<br><font size=+1>

stobs ci nus kyis shing rta drangs so/ /nga'i grogs shig nyam chung ste 'dren ma nus pas dmyal ba'i srungs ma a bang gis lcags kyi mdung rtse gsum pa thogs nas brang du btsugs te/ lcags thos brdegs nas khrag char par bab bo/ /de'i tshe mi de na ba'i sdug bsngal mi 
bzod pas na tsha'i skad chen po phyung nas bar 'ga' ni pha ma zhes 'bod/ bar 'ga' ni chung ma bu zhes bos kyang phan pa med do/ /nga de'i tshe na de lta bu'i sdug bsngal chen po myong ba mthong nas snying rje'i sems skyes so/ /de ltar snying rje'i sems chen po skyes pa'i rkyen gyis byang chub 
tu sems bskyed par gyur to/ /de nas sdug bsngal myong ba de'i phyir dmyal ba'i srungs ma a bang la sdug bsngal myong ba'i mi 'di la snying rje'i sems cung zad skyed cig ces gsol ba btab pa dang / dmyal ba'i srungs ma khros nas zhe sdang gi sems skyes pas lcags kyi mdung 
rtse gsum pa thogs nas nga'i gnya' bar btsugs nas der tshe'i dus byas pas me'i shing rta'i sems can dmyal ba las thar te bskal pa brgya snyed kyi mi dge ba'i sdig pa byang bar gyur to/ /de ltar ngas bla na med pa yang dag par rdzogs pa'i byang chub tu sems bskyed pas me'i 
shing rta'i sems can dmyal ba las thar bar gyur to/ /bcom ldan 'das kyis dga' ba'i rgyal po la bka' stsal pa/ de'i tshe me'i shing rta 'dren pa de ni da ltar nga yin te/ byang chub tu sems bskyed pas myur du sangs rgyas su grub par gyur to/ /de bas na sems can thams 
cad kyis byang chub tu sems bskyed pa ni don gyi dngos po ni gcig tu ma zad de/ la la ni snying rje'i rkyen gyis skye'o/ /la la ni zhe sdang gi rkyen gyis skye'o/ /la la ni sbyin pa'i rkyen gyis skye'o/ /la la ni ser sna'i rkyen gyis skye'o/ /la la ni dga' ba'i rkyen gyis skye'o/ /
la la ni mya ngan gyi rkyen gyis skye'o/ /la la ni 'dod pa dang bye bral gyi rkyen gyis skye'o/ /la la ni dgra sdang ba dang phrad pa'i rkyen gyis skye'o/ /la la ni dge ba'i bshes gnyen la sten pa'i rkyen gyis skye'o/ /la la ni mi dge ba'i bshes gnyen gyi rkyen gyis skye'o/ /

</font><hr>76-1-118a<br><font size=+1>

la la ni sangs rgyas mthong ba'i rkyen gyis skye'o/ /la la ni chos thos pa'i rkyen gyis skye'o/ /de bas na sems can rnams la byang chub tu sems bskyed pa ni de ltar so sor mi 'thun te/ dga' ba'i rgyal po byang chub sems dpa' sems dpa' chen pos drin 
lan shes pa dang / drin lan bsab pa'i don gyi dngos po 'di ltar rig par bya'o/ /de'i tshe chos 'di bstan pa na skye bo khri brgya stong snyed kyis bla na med pa yang dag par rdzogs pa'i byang chub tu sems bskyed par gyur to/ /'khor mang mo de dag las la la ni rgyun du zhugs pa'i 
'bras bu thob pa nas dgra bcom pa'i 'bras bu'i bar du thob par gyur to/ /lha dang / klu dang / yi dgas dang / mi dang mi ma yin pa la sogs pa thams cad nyan thos dang / rang sangs rgyas su sems bskyed par gyur te/ chos thos pa la rab tu dga' rangs nas 
mgo bos phyag 'tshal te g.yas phyogs nas bskor ba byas nas phyir dong ngo / /thabs mkhas pa chen po sangs rgyas drin lan bsab pa'i mdo las byang chub tu sems bskyed pa zhes bya ba'i le'u ste bzhi pa'o// //thabs mkhas pa chen po sangs rgyas drin lan bsab 
pa'i mdo/bam po gsum pa/ de'i tshe de bzhin gshegs pa yum lha mdzes dang lha rnams kyi don du zhag dgu bcu'i bar du lha rnams la chos ston du gshegs te/ 'dzam bu'i gling gi mi rnams kyis zhag dgu bcu'i bar du/ de bzhin gshegs pa ga la bzhugs 
pa ma rtogs so/ /maud gal gyi bu chen po rdzu 'phrul gyi mchog tu gyur pas kyang rdzu 'phrul gyi mthus gtugs te phyogs bcur brtags kyang ma rtogs so/ /'phags pa nye bar skyong lta bu lha'i mig mchog gis phyogs bcur stong gsum gyi stong chen po'i 'jig rten gyi khams 
kun tu bltas kyang ma mthong ngo / /de bzhin du 'phags pa'i 'khor lnga brgya'i bar du kun gyis brtags kyang ma mthong ngo / /de ltar de bzhin gshegs pa ma mthong bas de dag mi dga' ste mya ngan gyis sems gdungs par gyur to/ /de'i tshe rgyal po u tra ya nas de bzhin 

</font><hr>76-1-118b<br><font size=+1>

gshegs pa ma mthong bas mi dga' ba'i sems skyes te/ de bzhin gshegs pa dran pa'i phyir glang mgo'i shing tsan dan las de bzhin gshegs pa'i sku gzugs byas nas phyag 'tshal ba dang mchod pa byed pa de yang de bzhin gshegs pa mngon sum dang 'dra bar bzhugs par 
dmigs nas mchod pa byas so/ /de'i tshe rgyal po chen pos mu stegs can gyi ston pa drug bos nas de bzhin gshegs pa da ltar ga la bzhugs zhes dris na ston pa drug gis rgyal po la 'di skad ces smras so/ /rgyal po chen po mi mkhyen nam/ dge sbyong gau ta 
ma ni sgyu 'phrul can yin te de 'dra'o/ /sgyu 'phrul gyi sgyu ma ni bden pa'i dngos po med pas bdag cag gi gtsug lag las lo stong ngam nyis stong na sgyu 'phrul can sgyu ma zhig 'byung ngo zhes 'chad pas dge sbyong gau ta ma ni sgyu ma de kho na yin no/ /de'i tshe 'phags pa nye bar 
skyong rgyal po chen po ga la bar song nas/ rgyal po la 'di skad ces gsol to/ /rgyal po chen po mkhyen tam/ de bzhin gshegs pa ni da ste zhag bdun na sum cu rtsa gsum gnam nas 'dzam bu'i gling du gshegs so/ /rgyal pos de skad ces smras pa thos nas rab 
tu dga' ba'i sems su gyur te/ yul mi bsdus nas chag chag dang phyag dar byas te/ spos dang / me tog kyang bshams/ dar gyi lda ldi dang / ba dan dang / gdugs bres te/ zhal zas mang po dang / rol mo la sogs pa mchod pa'i yo byad rnam pa sna tshogs 
bshams shing sbyar ba dang / mu stegs can gyi ston pa drug der 'ongs nas khyed rnams 'di ltar mchod pa'i yo byad rnam pa sna tshogs bshams shing sbyar ba 'di rgyal po spyan 'dren nam/ 'on te rgyal bu spyan 'dren nam/ de dag gis de ma yin no zhes smras pa dang / 'o na blon po chen 
po 'bod dam/ bram ze'am khyim bdag 'bod dam/ de ma yin na gnyen bshes kyi dus ston byed dam/ smras pa/ de ma yin te/ sangs rgyas bcom ldan 'das gshegs su gsol lo/ /ston pa drug gis smras pa/ sangs rgyas zhes bya ba su zhig /smras pa/ rnam pa 

</font><hr>76-1-119a<br><font size=+1>

thams cad mkhyen pa'o/ /yang rnam pa thams cad mkhyen pa zhes bya ba de su zhig /smras pa/ byams pa dang / snying rje chen po'i yab bo/ /khyed mi shes sam/ rgyal po zas gtsang ma'i rigs mtho zhing btsun la mchog tu gyur pa/ thog ma bskal pa dang 
po nas btsun mo chen po'i sras gcig cig gis gdung bsabs te 'khor los sgyur ba'i rgyal po byas so/ /bar du rabs gnyis kyis 'khor los sgyur ba'i rgyal po ma byas mod kyi 'dzam bu'i gling gi rgyal po byas so/ /rgyal po de la sras mched gsum zhig mnga'o/ /rab ni rgyal 
po zas gtsang ma zhes bya/ de'i bar ni bre bo zas zhes bya/ de'i tha chungs ni zas zil dngar gyi zas zhes bya'o/ /rgyal po zas gtsang ma la sras gnyis shig mnga'/ chen po ni don grub ces bya/ sras chung ngu ni dga' bo zhes bya/ rgyal po bre bo zas la sras gnyis 
shig mnga'/ chen po ni lha sbyin zhes bya/ sras chung ngu ni kun dga' bo'o/ /rgyal po zil dngar gyi zas la sras mo gcig yod de/ bu mo zil dngar gyi ro zhes bya'o/ /de'i tshe na spun gyi rab rgyal bu don grub pho brang gi phyi rol du 'chag tu ltad mo ltar song song ba las 
rgas pa dang / na ba dang / shi ba dag mthong nas mi dga' bar gyur te/ kha zas kyang mi za zhing snying rje'i sems kyis sems pa la zhugs te/ mir skyes pa la mthon dman med par gzugs su red pa thams cad la de 'dra ba'i nad dang skyon yod de gcig kyang mi 
thar ro snyam bsams nas/ mtshan mo pho brang nas bros nas byang chub kyi shing drung du lo drug gi bar du spyod pa dka' ba spyad nas rnam pa thams cad mkhyen pa zhes bya bar gyur te/ thams cad mkhyen pa'i ye shes can zhes mngon par sangs rgyas te/ stobs bcu 
dang / mi 'jigs pa bzhi dang / ma 'dres pa'i chos bcwa brgyad dang ldan zhing rnam pa thams cad mkhyen pa zhes bya bar gyur to/ /bltam nas zhag bdun lon nas yum lha mdzes dus byas te/ sum cu rtsa gsum gnam gyi lha'i nang du skyes nas yum la zhag 

</font><hr>76-1-119b<br><font size=+1>

dgu bcu'i bar du chos bshad de/ da ste zhag bdun na 'dzam bu'i gling du gshegs so/ /de'i tshe mu stegs can gyi ston pa drug gis de skad ces smras pa thos nas phrag dog gi sems skyes te/ rab tu mi dga' ba'i mya ngan gyis gdungs nas ston pa drug 
'khor dang bcas pa lhan cig tu 'dug ste 'di skad ces bgros so/ /dag sbyong gau ta ma gal te 'dzam bu'i gling 'dir phyin te 'ongs na mi thams cad kyis bdag cag spong zhing dge sbyong gau ta ma la mchod pa byed par 'gyur bas bdag cag ni brel zhing phongs la srog 
la bab par 'gyur ro zhes bgros nas/ mu stegs can gyi ston pa drug gis yang 'di snyam bsams so/ /bdag cag mi mang po 'dus pa'i gnas su myur du song la mi mang po'i nang du 'di skad ces bsgrag par bya'o/ /de skad kun shes par gyis/ dge sbyong gau ta ma ni yang 
dag par na ci yang shes pa med de/ byis pa chung ngu na kha nyag gcig shAg rigs kyi pho brang nas byung ste/ byang chub kyi shing drung na 'dug 'dug nas nga ni rnam pa thams cad mkhyen pa'i ye shes thob po zhes zer te/ tshig de ni brdzun te bden pa ma yin no/ /de ci'i phyir zhe 
na/ rgyal po a khyi tas bsod snyoms sbyin par bos nas rta chas 'ba' zhig byin te ngan du byas kyang ma shes te der song bas na thams cad mkhyen pa ma yin no/ /gzhan yang kun dga' bo la da ste zhag du na tshul du 'jug ces dris na/ kun dga' bos zhag bdun zhig lus 
zhes smras so/ /yang kun dga' bo la kun dga' ra ba na bya mang po ci'i phyir ca co'i skad 'byin ces dris na/ bya mang po zas gtod pa'i phyir ro zhes smras so/ /btsas nas zhag bdun lon nas ma yang shi bar gyur pas de dang sbyar na thams cad shes pa ma yin no/ /bkra mi 
shis te shin tu sdig pa can yin no/ /der cis mngon zhe na/ btsas ma thag tu ma yang shi'o/ /yang gcig tu na sri zhus pha la rim gro byed pa'i rigs na/ rim gro mi byed par ri la langs te song ba las drin mi shes pa yin no/ /yab rgyal pos btsun mo skye dgu'i bdag mo 

</font><hr>76-1-120a<br><font size=+1>

blangs pa las chung ma'i tshul du ma byas te/ btsun mo skye dgu'i bdag mo sdug bsngal chen po myong bar byas pas drin mi shes shing drin mi dran pa yin no/ /dge sbyong gau ta ma'i 'khor ni bzang ngan med de slob ma lnga brgya po yang so so nas nga ni mchog yin no/ /
zhes zer te/ mkhan po la yang chos lugs med pas slob ma la yang chos lugs sam spyod pa'i las med do/ /chung ngu na stan 'dings pa'i mi dge slong tha bye'u lta bu yang nga ni kun gyi mchog yin no zhes zer/ yid gzhungs shing shes rab che ba blo rno ba'i mchog shA ri'i 
bu lta bu yang de na yod/ shes rab rtul ba shes pa med pa dge slong phan thig de yang de la 'jug /chung ngu na 'dod chags chung ba dge slong ma grags 'dzin yang de la 'jug /mnyan du yod pa na sbrul 'tshong ma ma rung ma ud pa la'i mdog kyang de la 'jug /chung ngu na shed ma bye ba 
shes pa med pa bus pa tsun da yang de la 'jug /nang gi rgas 'khogs pa de su bar ta la zhes bya ba lo brgya nyi shu lon pa de yang de la 'jug /rigs btsun pa che ba shAka rigs kyang de la 'jug /mnyan du yod pa na nang gi rigs ngan phyag dar lung skyed pa yang de la 'jug ste/ 
de bas na dge sbyong gau ta ma'i chos ni go 'dun bsdus pa bzang ngan med pa ste/ mchod par 'os pa'am/ bkur stir bya ba'i gnas ma yin no/ /dper na rlung chen po langs na shing lo ma 'am 'dab ma thams cad lhan cig 'phungs pa ltar sangs rgyas kyi chos kyang de dang 'dra'o/ /
dper na bya mang po ni mis bor ba'i kha zas sam bar bur la 'du ba ltar dge sbyong gau ta ma'i 'khor yang de dang 'dra ste/ rnyed rnyed len cing za'o/ /de bas na khyed rnams ci'i phyir/ dge sbyong gau ta ma la mchod pa bya bar sems zhes bsgrags so/ /de'i tshe na mi mang pos de skad 
smras pa thos kyang / dper na sa chen po bskyod du med pa bzhin de bzhin gshegs pa la skom pas gdungs pa tsam du mos shing 'dud pa'i sems ma nur to/ /'khor mang po rnams su mu stegs can gyi ston pa drug gis smras pa'i tshig gis sems phyir ma nur ba ni ji ltar 

</font><hr>76-1-120b<br><font size=+1>

rdo rje ltar brtan par gyur te/ skyed bri med pas de bzhin gshegs pa la skom pas gdungs pa ltar mos shing dad pas zhag bdun lon nas/ de bzhin gshegs pa yang sum cu rtsa gsum gnam nas slar 'dzam bu'i gling du gshegs te/ lha'i 'khor grangs med pa brgya 
stong gis bskor cing de bzhin gshegs pa'i 'od zer gyis kun tu snang la gsal bar byas nas lha'i rol mo tshad med pa brgya snyed kyis mchod pa nas/ lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye 
chen po dang / mi dang mi ma yin pa'i bar du thams cad 'dus te phyag 'tshal nas mchod pa byas so/ /de'i tshe rgyal po ud tra yan yang 'khor dang bcas te/ rgyang ma nas de bzhin gshegs pa bsu nas mgo bos de bzhin gshegs pa'i zhabs la phyag 'tshal nas 
phyogs gcig tu 'khod do/ /de nas mu stegs can gyi ston pa drug kyang phyogs gcig tu 'dus nas 'di snyam du sems par gyur to/ /bdag cag gi byur zhes bya ba 'dir 'ongs te/ mi mang po'i nang du de skad ces bsgrags kyang yid ches la ma phan pas/ da ni bdag 
cag gis lha dang mi'i tshogs pa'i nang du bsgrags na bye brag ma phyed do snyam bsams so/ /de'i tshe mu stegs can gyi ston pa drug gis de snyam bsams nas 'khor brgya stong snyed dang mdun gyis byas te/ 'khor mang po 'dus pa'i nang du 'ongs nas phyogs gcig tu 'khod 
do/ /de'i tshe na dri za'i bu chos kyi phreng ba zhes bya ba rin po che sna bdun las byas pa'i pi bang thogs nas de bzhin gshegs pa gang na bar 'ongs te zhabs la mgo bos phyag 'tshal nas phyogs gcig tu 'khod do/ /phyogs gcig tu 'dug nas glu dang bcas pa'i rol mo byas 
nas rol mo'i sgra skad shin tu snyan pa des 'khor thams cad kyi yid kyang tshim par gyur te/ nyan thos shA ri'i bu la sogs pa ma tshor bar lus bskyod cing g.yos te gar byas par gyur/ ri rab lhun po yang 'gul zhing g.yos par gyur to/ /de'i tshe de bzhin gshegs 

</font><hr>76-1-121a<br><font size=+1>

pa mtshan ma yod ces bya ba'i ting nge 'dzin du zhugs nas ting nge 'dzin de'i mthus pi bang gi sgras stong gsum gyi stong chen po'i 'jig rten gyi khams kun tu grags shing / pi bang gi sgra de las sdug bsngal ba dang / stong pa dang / mi rtag pa dang / 
mi gtsang ba dang / bdag med pa zhes bya ba'i sgra byung ste/ sems can thams cad kyis rol mo'i sgra de las de bzhin gshegs pa'i drin gzo ba dang / drin lan bsab pa dang / bskal pa tshad med grangs med pa'i bar du pha ma la sri zhu bya ba'i sgra grag par gyur to/ /
sgra de thos pa'i sems can thams cad 'dzam bu'i gling du sangs rgyas ga na ba der lhags nas zhabs la mgo bos phyag 'tshal te/ phyogs gcig tu 'khod do/ /de'i tshe de bzhin gshegs pa ting nge 'dzin du zhugs pa la 'khor mang po rnams mig mi 'dzums par de bzhin 
gshegs pa la blta zhing cang mi smra bar 'khod pa las/ 'khor gyi dkyil 'khor de nyid du rin po che sna bdun las byas pa'i mchod rten rgyal mtshan dang / ba dan grangs med pas brgyan pa/ rin po che'i dril bu brgya stong gis btags pa/ rlung gis bskyod na shin tu 
sgra snyan pa 'byung ba/ sa'i nang nas byung ba nam mkha' la 'phags te gnas so/ /de'i tshe 'khor mang po thams cad rin po che'i mchod rten sa las byung ba de la the tshom du gyur te/ ci'i rgyu ci'i rkyen gyis rin po che'i mchod rten 'di lta bu sa las byung snyam 
the tshom du gyur te/ shA ri'i bu la sogs pa'i shes pa'i blos gtugs te brtags kyang ma rtogs/ mi mjed kyi 'jig rten gyi khams nyid na gnas pa'i byang chub sems dpa' sems dpa' chen po byams pa'i bar du yang ma rtogs so/ /de nas mu stegs can gyi ston 
pa drug 'di snyam du sems par gyur te/ ci'i rgyu ci'i rkyen gyis rin po che'i mchod rten 'di lta bu byung bar gyur pa/ mi gzhan zhig gis gal te bdag cag la dris la/ ci de dag gis ma shes na thams cad mthong zhing shes pa zhes kyang ji skad bya/ da dge sbyong gau ta 

</font><hr>76-1-121b<br><font size=+1>

mas 'khor mang po la myur du bstan cing bshad na ci ma rung snyam par sems par gyur te/ de nas bcom ldan 'das ting nge 'dzin de las bzhengs pa dang / brgya byin lha'i dbang po sum cu rtsa gsum gnam gyi lha dang / seng ge'i khri bshams te lha rdzas kyi gos bting ngo / /de nas 
de bzhin gshegs pa seng ge'i khri la ji ltar ri rab lhun po rgya mtsho'i nang na gnas pa bzhin skyil mo krung bcas nas bzhugs so/ /de'i tshe byang chub sems dpa' byams pas 'khor mang po the tsom du gyur pa yang sems kyis shes/ bdag kyang the tsom du gyur te/ ma 
rtogs pas stan las langs nas sangs rgyas gang na bar logs su zhabs la mgo bos phyag 'tshal nas thal mo sbyar ba btud de/ bcom ldan 'das ci'i rgyu ci'i rkyen gyis rin po che'i mchod rten 'di lta bu byung bar gyur ces gsol pa dang / bcom ldan 'das kyis byang 
chub sems dpa' byams pa la 'di skad ces bka' stsal to/ /nga sngon 'das pa bskal pa grangs med pa bsam gyis mi khyab pa'i pha rol na sangs rgyas rnam par gzigs zhes bya ba de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs 
su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ ston pa rgyal po zhes bya ba 'jig rten du byung nas so so'i skye bo grangs med pa bye ba khrag khrig brgya stong snyed bla na med pa yang dag par rdzogs pa'i byang chub la brten 
par byas so/ /sangs rgyas de mya ngan las 'das nas gzugs brnyan gyi chos la spyod pa'i tshe yul bA rA Na sI zhes bya ba zhig yod de/ bA rA Na sI zhes bya ba'i rgyal po chen po de mkhas pa'i blo dang ldan zhing rtag tu drang ba'i chos kyis yul gyi srid 'tsho ste/ mi rnams kyang bde skyid/ 
rgyal po chen po de rgyal phran drug cu la dbang bsgyur te/ grong khyer brgyad brgya yod kyang rgyal po la sras med do/ /de ltar sras med pas 'jig rten gyi lha dang / lha thams cad la lo bcu gnyis kyi bar du mi ngal mi skyo bar mchod 'brang byas pas btsun mo chen mo la sras shig mnga' 

</font><hr>76-1-122a<br><font size=+1>

bar gyur te/ zla ba bcu tshang nas sras bu gcig bltam mo/ /sras bu de yang sdug cing mdzes la mtshan phun sum tshogs pa gcig btsas ma thag tu blon po chen po rnams dang / mtha'i rgyal po rgyal phran kun bsdus te rgyal bu'i mtshan bltas nas rgyal bu rang bzhin 
gyis khro mi shes shing dge ba zhig ste/ mtshan yang rgyal bu bzod pa zhes btags so/ /rgyal bu bzod pa de cher skyes nas sbyin pa sbyin pa la dga' zhing mkhas pa'i blo dang ldan te/ sems can mang po la snying rje'i sems cher skyes so/ /de'i tshe na rgyal po chen po de la blon po 
chen po rang bzhin gyis khro ba/ g.yo dang sgyus 'tsho ba/ nyes pa med par stabs las gcod pa kun gyis mi 'dod cing snying du mi sdug pa drug zhig yod do/ /blon po chen po drug po de dag bdag gi lus la skyon yod par shes nas rtag tu phrag dog byed do/ /rgyal bu de 
la mi dga'o/ /de'i tshe rgyal po chen po nad tshabs chen pos btab nas nad kyis gzir te/ nyam chung zhing rid par gyur pas srog la bab tu nye ba dang / rgyal bu bzod pas blon po rnams la yab rgyal po snyun tshabs che'am/ sku tshe'i bar chad du mi 'gyur ram zhes dris na/ 
blon po rnams khros te rgyal bu la rgyal po'i sku tshe ring po mi thogs so zhes smras so/ /de ci'i phyir zhe na/ sman bzang po mi rnyed pas de bas na sku tshe yang ring po mi thogs so/ /rgyal bus de skad ces smras pa thos nas rab tu mi dga' ba'i sems su gyur te/ 'khams 
nas sa la 'gyel ba dang / blon po chen po drug po gnas dben par song nas 'di skad ces bgros so/ /rgyal bu bzod pa 'di med par ma byas na bdag cag nam du yang bde bar mi 'gyur ro snyam bsams shing bgros pa las/ blon po gcig gis smras pa/ rgyal bu 'di la nyes 
pa ye med na ji ltar med par bya/ blon po gcig gis smras pa/ bdag la rgyal bu med par bya ba'i thabs yod do zhes smras nas rgyal bu gang na ba der song nas rgyal bu la 'di skad ces smras so/ /bdag cag gis mtha'i rgyal phran drug cu'i yul dang / grong khyer brgyad 

</font><hr>76-1-122b<br><font size=+1>

brgya'i nang du sman btsal yang rnyed par ma gyur to/ /rgyal bus smras pa/ rgyal po'i sman du ci zhig dgos na de ltar mi rnyed ces bsgo ba dang / blon pos smras pa/ rgyal bu mkhyen tam/ rgyal po'i sman du gces pa ni thog ma btsas nas tha ma skyes kyi bar du khro mi shes pa'i mi'i 
mig gi 'bras bu dang / rkang dgos te/ sman 'di lta bu rnyed na rgyal po'i srog 'tsho'i gal te mi rnyed na mi 'tsho bas/ 'di lta bu ni gang nas kyang ma byung ngo / /rgyal bus de skad smras pa thos nas mi dga' zhing mya ngan gyis sems skyes te blon po rnams la de ni da ltar bdag de dang 
ldan no zhes smras so/ /de ci'i phyir zhe na/ bdag ni thog ma btsas nas da tsam gyi bar du khro ma myong ngo / /blon pos smras pa/ rgyal bu de dang ldan yang don 'di ni shin tu bya dka' ba yin no/ /de ci'i phyir zhe na/ 'jig rten na bdag gi lus las phangs pa med pa'i phyir 
ro/ /rgyal bus smras pa/ blon po khyod smra ba ltar ma yin te/ yab rgyal po snyung ba las 'tsho bar 'gyur na lta bdag gis lus brgya stong gtong na yang nus te dka' ba ma yin na/ bdag gi lus mi gtsang ba 'di btang ba lta ci smos/ blon pos smras pa/ don 'di lta bu dag ni 
rgyal bus ci mdzad du bas so/ /de nas rgyal bu bzod pa rab tu dga' nas dga' ba'i sems skyes te/ sman 'dis yab rgyal po'i snyun 'tsho na lta myur du bya ba'i dus la bab bo snyam bsams nas pho brang gi nang du song ste/ yum gyi drung du phyin nas yum gyi rkang pa la mgo bos phyag 
byas te thal mo sbyar ba btud nas yum la 'di skad ces smras so/ /da ltar bdag gi lus 'di yab rgyal po'i sman du bgos te/ gal te na srog mi 'tshor dogs pas yum la mchi phyag 'tshal gyis yum mi dgyes par ma mdzad cig /yum gyis de skad ces smras pa thos nas 
'khams te phyogs kyang bslad par gyur nas/ dper na mi brnangs pa mid du yang med skyug tu yang med pa ltar skrag nas rgyal bu pang du blangs nas sa la 'gyel to/ /de nas gdong du chu grang mo gtor nas ring zhig lon pa dang phyir sangs te yum la yang 'di skad ces gsol to/ /yab 

</font><hr>76-1-123a<br><font size=+1>

rgyal po'i sku tshe ring por mi thogs te/ bdag gi don 'di myur du bsgrubs la rgyal po'i sku tshe 'tsho bar bgyi'o/ /de nas rgyal bu bzod pas blon po rnams dang / rgyal phran rnams dang / 'khor mang po rnams la bdag mchi phyag bya'o zhes smras so/ /de'i tshe blon 
po chen pos rigs ngan pa'i shen pa gcig bos nas rgyal bu'i rus pa ni bcag /rkang ni phyung / mig gnyis kyi 'bras bu yang phyung ngo / /de nas blon po de dag gis sman de dag brdungs nas sbyar te/ rgyal po la byin pa dang / rgyal po chen pos kyang sman de zos nas nad kyang 
sos par gyur to/ /rgyal po nad sos nas blon po rnams la khyed kyis 'di lta bu'i sman bzang po nga'i nad sos shing srog las thar ba ga las rnyed ces smras so/ /blon po rnams kyis gsol pa/ sman 'di ni rgyal bu bzod pas sbyar ba lags so/ /bdag cag gis rnyed cing sbyar ba 
ni ma lags so/ /rgyal pos de skad ces smras pa thos nas dngangs te 'gyel lo/ /lus kyi ba spu yang langs so/ /blon po rnams la rgyal bu bzod pa da ltar ga re zhes dal gyis dris so/ /blon pos gsol pa/ rgyal bu bzod pa da ltar phyi rol na lus kyi rma gso zhing mchis 
te srog mi 'tshor dogs so/ /rgyal pos tshig de thos nas skad chen po phyung nas kyi hud kyi hud ces smras nas/ lus sa la brdabs te sa dang rdul gyis lus la gos nas kho bo ni yang dag par khrel med pa yin te/ ci'i phyir bu'i sha sman du zos zhes smras nas bu ga la bar song ba las 
ma slebs par rgyal bu yang tshe 'das so/ /rgyal po dang btsun mo dang blon po rnams dang 'khor mang po thams cad kyis bskor cing / yum yang rgyal bu'i ro'i steng du lus brdabs nas/ bdag gis sngon sdig pa ci zhig byas na bdag gi bu 'di ltar sdug bsngal myong bar gyur/ bdag 
gi lus 'di rdul du btags kyang sla na/ ci'i phyir bu 'di shi bar gyur ces smre sngags 'don to/ /de nas yab rgyal po dang / rgyal phran rnams kyis spos glang mgo'i tsan dan spungs te rgyal bu'i ro bsregs nas rgyal bu'i rus pa bsdus te rin po che sna bdun gyi mchod rten byas so/ /de'i tshe 

</font><hr>76-1-123b<br><font size=+1>

bcom ldan 'das kyis byang chub sems dpa' byams pa la 'di skad ces bka' stsal to/ /rigs kyi bu dag khyed rnams shes par gyis shig /de'i tshe de'i dus na bA rA Na sI'i rgyal po chen po de gzhan yin par sems na de ltar mi blta'o/ /de'i tshe de'i dus na rgyal po de ni da ltar 
nga'i yab rgyal po zas gtsang ma yin no/ /de'i tshe de'i dus na btsun mo de ni gzhan yin par sems na de ltar mi blta ste/ de'i tshe de'i dus na btsun mo de ni da ltar nga'i yum lha mdzes yin no/ /de'i tshe de'i dus na rgyal bu bzod pa de ni da ltar nga yin te/ byang chub sems dpa' ni 
bskal pa tshad med grangs med pa'i bar du pha ma la sri zhu bya ba'i phyir gos dang / zas dang / btung ba dang / gnas dang / mal cha dang / lus kyi sha dang / khrag dang / rkang gi bar du sbyin par byed de/ de'i rgyu de'i rkyen gyis mngon par sangs rgyas pa'i bar du'o/ /da ltar rin 
po che'i mchod rten sa las byung ba 'di ni ngas sngon pha ma'i phyir lus kyi rkang dang srog gi bar du phul te 'di nyid du mchod rten brtsigs te mchod pa byas pas da mngon par sangs rgyas na yang mngon par byung nas snang bar gyur pa yin no/ /de'i tshe na 'khor mang po lha dang / klu dang / gnod 
sbyin dang / mi la sogs pa grangs med pa rnams de skad ces gsungs pa thos nas dga' ba dang mi dga' bar 'dres par byung ste/ thams cad mchi ma blags nas sa skad 'thun par/ de bzhin gshegs pa'i yon tan brgya stong bsngags shing bstod de dus gcig tu bla na med pa yang dag par 
rdzogs pa'i byang chub tu sems bskyed do/ /gzhan yang sems can tshad med pa brgya stong snyed kyis nyan thos dang rang sangs rgyas su sems bskyed do/ /de ma yin pa gzhan yang skye bo tshad med pa snyed rgyun du zhugs pa'i 'bras bu thob pa nas dgra bcom pa'i 'bras bu'i bar du thob par gyur to/ /
gzhan yang byang chub sems dpa' sems dpa' chen po tshad med pa bye ba khrag khrig brgya stong snyed ring po mi thogs par bla na med pa yang dag par rdzogs pa'i byang chub tu mngon par sangs rgyas so/ /de bas na de bzhin gshegs pa ni yang dag par pha ma la sri zhu byed pa'o/ /gzhan yang 

</font><hr>76-1-124a<br><font size=+1>

byang chub sems dpa' ni pha ma'i yon tan shes shing sngon gyi smon lam gyis de bzhin gshegs pa'i sku btsas par shes so/ /de ltar de bzhin gshegs pa'i smon lam rdzogs par bya ba'i phyir yum gyis phyag bya bar mi 'dod pa'i phyir tshe'i dus byas pa yin no/ /
de'i tshe na 'khor mang po thams cad kyis tshig 'thun par yum lha mdzes la legs so/ /yum lha mdzes de bzhin gshegs pa lha dang mi'i ston pa 'jig rten na dpe zla med pa btsas pa shin tu legs so/ /de nas dri za'i bu chos kyi phreng ba 'dug pa las langs te/ bla gos phrag 
pa gcig tu gzar te/ pus mo g.yas pa'i lha nga sa la btsugs nas sangs rgyas gang na bar thal mo sbyar ba btud de bcom ldan 'das la 'di skad ces gsol to/ /yum lha mdzes 'di bsod nams ci bgyis na ci'i rgyu ci'i rkyen gyis de bzhin gshegs pa bltam par gyur/ 
bcom ldan 'das kyis bka' stsal pa/ legs par nyon la shin tu yid la zung shig dang khyod la bshad par bya'o/ /sngon 'das pa grangs med pa bsam gyis mi khyab pa'i pha rol na sangs rgyas rnam par gzigs zhes bya ba de bzhin gshegs pa dgra bcom pa yang dag par 
rdzogs pa'i sangs rgyas rig pa dang / zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ ston pa rgyal ba zhes bya ba 'jig rten du byung ngo / /sangs rgyas de'i dam pa'i chos nub nas gzugs brnyan la chos 
spyod pa'i bar du nub par gyur nas/ de'i tshe yul bA rA Na sI zhes bya ba na 'phags pa gnas zhes bya ba'i ri zhig yod de/ ri de la rang sangs rgyas zhes bya ba brgya stong snyed gnas so/ /ri de la drang srong mngon par shes pa lnga dang ldan pa grangs med pa zhig kyang ri de la gnas so/ /
ngas de ltar 'phags pa dang drang srong mang po gnas pa'i phyir/ ri de yang 'phags pa gnas zhes btags so/ /ri de la drang srong gcig ni ri de'i lho phyogs na gnas so/ /drang srong gcig ni ri de'i byang phyogs na gnas te/ drang srong de gnyis gnas pa'i bar na chu mig gcig 

</font><hr>76-1-124b<br><font size=+1>

yod de chu mig de'i drung na pha bong phya leb bzang po gcig yod do/ /de'i tshe de'i dus gcig na ri'i lho phyogs logs na gnas pa'i drang srong de pha bong de'i steng du gos dang rkang pa bkrus te phyir gnas su song ba dang / ring po ma lon par sha ba yu mo gcig chu mig la chu 'thung du 'ongs pa dang / 
chu mig la chu 'thungs pa'i 'og tu pha bong de'i steng na drang srong gis gos bkrus pa'i khu ba 'thungs so/ /gos bkrus pa'i khu ba 'thungs pa'i 'og tu phyir 'phongs rol du bltas te mo mtshan la bldags so/ /de nas sha ba yu mo de'i ltor bu chags te zla ba tshang ba dang / ri dgas kyi chos kyis 
bu 'byung ba na thog ma gnas gang du mngal du chags pa der bu 'byin pas chu mig gi dngor 'ongs te pha bong de'i steng du ngu zhing 'gre nas bu mo gcig byung ngo / /de'i tshe na lho phyogs logs kyi drang srong des sha ba ngu ba'i skad thos nas snying rje ba'i sems skyes te sha ba'i drung du ltar song ba 
dang / sha ba yu mo de la bu mo gcig byung ste sha ba de la ldag cing 'dug pa las drang srong der 'ongs pa dang sha ba yang bu bor nas song ngo / /de nas drang srong de sha ba la btsas pa'i bu mo de mdzes shing sdug la/ mtshan dang ldan par mthong bas snying rje'i sems kyis rtswa'i gos 
kyis dkris te pang du blangs nas phyir gnas su 'ongs nas shing tog dang / 'bras bu brngas nas gsos gsos pa dang / mthar gyis cher skyes nas lo bcu bzhi lon pa dang / drang srong yang bu mo de la shin tu byams te rtag tu rgyun mi 'chad par me gsor bcug pa las nyi ma 
gcig le lo byas nas me shi bar gyur pa dang / drang srong gis tshig gis spyos te bu mo thog ma bskyed nas da tsam gyi bar du me shi ma myong na ci'i phyir me bsad ces gshes te/ ri byang phyogs logs na gnas pa'i drang srong gi thad du me len du btang ngo / /de nas bu mo des phas bsgo 
ba bzhin du ri byang phyogs logs su song ba las gom pa re re zhing rkang pa'i 'og nas pad mo re re skyes te/ 'gro ba'i rjes bzhin khod mnyam par dngar ba dang pad mo skyes nas ri byang phyogs logs su me len du song ngo / /de'i tshe na drang srong des bu mo de shin tu bsod nams 

</font><hr>76-1-125a<br><font size=+1>

dang ldan zhing rkang pa'i 'og nas pad mo skyes pa mthong nas bu mo de la 'di skad ces smras so/ /khyod me 'dod na kho bo'i spyil po 'di lan bdun skor la gom pa'i bar mnyam pa dang / nye ring thag ran par gom pa'i 'og nas pad mo skyes par byos shig /de 
ltar lan bdun bskor ba byas nas kyang bu mo la khyod me 'dod na phyir yang g.yas phyogs nas bskor te song shig dang me sbyin no bar bsgo'o/ /de'i tshe na bu mo de me 'dod pa'i phyir drang srong gis bsgo ba bzhin byas te me blangs nas phyir song ngo / /bu mo de phyir song nas ring po ma lon 
par yul bA rA Na sI'i rgyal po dang blon po chen po dang / 'khor brgya stong snyed dang bcas su ri de la 'chag cing ri dgas la lings 'debs su 'ongs pa dang / de nas bA rA Na sI'i rgyal po bal gyi glang po che la zhon nas ri byang phyogs logs kyi drang srong ga la ba der 'ongs nas der phyin 
pa dang / drang srong de'i spyil po la pad mos 'khor bar bskor ba de mthong nas rab tu dga' rangs pa'i sems skyes te/ drang srong chen po la shin tu legs so legs so/ /yon tan chen po dang ldan pa'i drang srong ston cing 'dren pa'i yon tan dang ldan pa dge'o zhes bstod do/ /de nas 
drang srong des rgyal po la 'di skad gsol to/ /rgyal po chen po mkhyen tam/ pad mo 'di dag ni bdag gi nus pa ma lags so/ /rgyal pos smras pa/ 'o na 'di sus byas/ drang srong gis gsol pa/ rgyal po chen po ri lho phyogs logs na gnas pa'i drang srong la ri dgas 
kyis btsas pa'i bu mo byad bzhin bzang zhing sdug pa/ mi'i mtshan dang ldan pa/ 'jig rten na dkon pa 'gro ba'i rjes bzhin rkang pa'i 'og nas pad mo skye ba cig yod do/ /rgyal pos de skad smras pa thos nas sems rab tu dga' rangs te/ ri'i lho phyogs logs kyi drang 
srong ga la ba logs su song ste phyin pa dang / drang srong de'i rkang pa la mgo bos phyag 'tshal nas drang srong des sgor byung nas bsus te rgyal po chen po shul ring po nas gshegs na rab tu ngal bar ma gyur tam zhes bro dris so/ /de nas rgyal po chen pos drang srong de la 'di skad 

</font><hr>76-1-125b<br><font size=+1>

ces smras so/ /btsun pa khyod la bu mo zhig yod pa de gnyen bya bar 'dod do/ /drang srong gis smras pa/ rgyal po chen po bdag phongs pa la bu mo gcig pu zhig yod pa de chung la ci yang mi shes te/ chung nas ri la bskyed bskyed pas mi'i chos tshul ci yang ma rtogs te/ 
rtswa'i rtsa ba dang 'bras bu gzhan mi za na/ ji ltar rgyal po la dbul du rung bu mo 'di yang ri dgas kyis btsas te dbul du mi rung ngo zhes ji ltar gyur pa rgyus kyis zhib tu gsol ba'i bar du'o/ /rgyal pos smras pa/ de lta bu yin yang sla 'di ltar gang na 'dug ston cig /drang 
srong gis smras pa/ da ltar spyil po'i nang na 'dug go zhes smras so/ /de'i tshe rgyal po chen po spyil po'i nang du zhugs nas bu mo la bltas te rab tu dga' ba'i sems skyes te ri dgas kyi bu mo spos chus bkrus nas/ rin thang med pa'i gos bskon te/ rin po che'i rgyan 
sna tshogs kyis brgyan nas/ bal gyi glang po che'i steng du bzhag nas/ 'khor brgya stong snyed kyis bskor te/ rol mo byed cing phyir yul du 'ongs so/ /de'i tshe ri dgas kyi bu mo de thog ma btsas nas/ de lta bu'i mi mang po ma mthong bas dngangs shing skrag go/ /de'i tshe 
drang srong de ri mthon po'i khar song nas bu mo de la mig mi 'dzums par lta zhing 'di snyam du/ da ni bdag gi bu mo yang je ring je ring song bas ma mthong bar gyur nas phyir gnas su 'gro'o snyam bsams nas mig mchi ma zag cing mchis te/ bdag gis bu mo gsos pa 'di ci 
yang shes pa med par bral bar gyur to/ /yang 'di snyam du bsams te/ bdag da dung gnas 'di las mi g.yo bar bya'o/ /de ci'i phyir zhe na/ gal te bdag gi bu mo phyir bdag la lta bar gyur la/ ci ste ma mthong bar gyur na mi dga' zhing sdug bsngal gyis 
gdungs par 'gyur gyis/ re zhig 'di kho nar bsdad do snyam nas/ de nas kyang ring zhig bsdad de ma mthong gi bar du bltas kyang bu mos phyir ma bltas so/ /de ltar bu mos phyir ma bltas pas drang srong de khro ba'i sems skyes nas 'di skad ces smras so/ /yang 

</font><hr>76-1-126a<br><font size=+1>

yang byol song las skyes pas nga la yang phyir ma bltas te/ ngas chung ngu nas gsos gsos nas da mir gyur te rgyal pos phrogs pas bdag ye 'ur gyur to zhes spyil por zhugs nas rig sngags byas te/ gal te rgyal pos bor bar gyur na ni der yang zad 
do/ /ci ste gces su byas la bor bar ma gyur na bsams pa ltar ma grub cig ces sngags kyis btab bo/ /de'i tshe na bA rA Na sI'i rgyal po chen po de pho brang du phyin nas gces su byas nas mtshan yang btsun mo ri dgas ma zhes btags so/ /mtha'i rgyal phran dang / blon po 
rnams kyang 'dus nas rgyal po la tshig snyan pas bstod nas rgyal po yang rab tu dga' rangs par gyur to/ /de nas kyang ring po ma lon par mngal du bu chags par gyur nas rgyal po nyid btsun mo'i rim gro byed de/ mal cha dang / kha zas dang / btung ba la sogs pa bzang 
zhing 'jam por sbyor to/ /de nas zla ba bcu tshang nas bu khye'u gcig btsas na rgyal po'i gdung 'tshob par re ba las zla ba tshang nas pad mo cig btsas so/ /drang srong gi rig sngags kyi mthus rgyal po khros par gyur nas 'di skad du/ byol song las skyes pa bden zhes btsun mo las 
phyung ste pad mo yang bor du bcug go/ /de nas ring zhig lon pa dang bA rA Na sI'i blon po rnams dang skyed mos tshal du ltad mo lta zhing rtser phyin pa dang / rtse zhing rol mo byed de rta dang glang po che yang 'thab tu bcug /gyad rnams kyang stobs 'gyed du bcug pa las gyad kyi nang na gyad 
rab tu mchog tu stobs che ba gcig rdog pa sa la brdabs na sa yang 'gul te/ drung na pad mo'i rdzing zhig yod pa yang 'gul bar gyur to/ /pad mo'i rdzing de'i drung na pha bong zhig yod de/ de'i 'og na pad mo zhig yod pa rdzing gi nang du lhung ngo / /rdzing du lhung ba'i pad mo de 
mdog rab tu bzang la kha dog le brgan du 'dug la 'tsher ba'i 'od chags pa rgyal pos mthong nas sems rab tu dga' ste/ blon po rnams la pad mo 'di lta bu ni sngon chad yang mthong ma myong ngo zhes smras so/ /de nas pad mo de chu'i nang nas phyung shig ces bsgo nas pad mo len du btang 

</font><hr>76-1-126b<br><font size=+1>

ba las/ pad mo de la 'dab ma lnga brgya yod de/ 'dab ma re re'i 'og na khye'u gzhon nu byad bzhin bzang zhing mdzes la phal las 'phags pa re re yod par mthong ngo / /de nas pad mo len pa'i mi des pad mo de la ngo mtshar che ba de lta bu dag mthong nas/ rgyal po chen po 
pad mo de la 'dab ma lnga brgya mchis te/ 'dab ma re re'i 'og na lha'i bu re re yod do zhes gsol to/ /rgyal pos tshig de thos nas ba spu kun langs pa tsam du dngangs nas mi de la yang dag par bden nam zhes bka' stsal to/ /de nyid btsun mo ri dgas mas 
btsas pa'i pad mo yin nam zhes btsun mo las btsas pa'i pad mo gar bor zhes dris na/ btsun mos gsol pa/ rgyal po chen po pad mo de rdzing gi 'gram na pha bong zhig mchis pa'i 'og tu sbas so zhes gsol pa dang / de nyid matsun mo ri dgas mas btsas pa yin 
par yid ches pas phyir pho brang gi nang du 'ongs so/ /phyir pho brang du phyin nas btsun mo ri dgas ma la bdag ni gti mug can/ shes pa med pa/ mdzangs ngan mi rtogs pas btsun mo bden par 'ong ngo snyam nas btsun mo'i yid dang 'gal bar gyur pa bshags so zhes smras 
nas phyir btsun mo dam par dbang bskur ro/ /de nas rgyal po shin tu dga' nas blon po rnams dang / bram ze dang / rgyal phran dang / mtshan mkhan kun bsdus nas rgyal bu lnga brgya pang du blangs nas mtshan mkhan rnams la mtshan bzang ngan bltar bcug go/ /mtshan mkhan 
gyis gsol pa/ rgyal bu 'di dag ni rgyal po'i bsod nams dang dbang thang gis grub ste/ gal te khyim na gnas na mtha' bzhi rang 'du zhing lha rnams kyang 'go bar 'gyur/ gal te rab tu byung na gdon mi za bar skye shi'i rtsa ba gcod cing 'dod pa'i chu klung las thar te 
'khor ba'i rgya mtsho'i pha rol tu phyin cing / rig pa gsum dang / mngon par shes pa drug dang ldan zhing dge sbyong gi 'bras bu bzhi thob par 'gyur ro/ /rgyal pos tshig de thos nas lhag par dga' bar gyur nas/ rgyal bu lnga brgya gso ba'i ma ma lnga brgya btus pa dang /

</font><hr>76-1-127a<br><font size=+1>

de nas btsun mo ri dgas mas rgyal po la 'di skad ces gsol to/ /rgyal po chen po yul khams kun du ma ma btu mi dgos te/ da ltar rgyal po'i pho brang na btsun mo lnga brgya yod la/ btsun mo de dag bdag la bu yod pas thams cad phrag dog byed do/ /da rgyal 
pos btsun mo re re zhing rgyal bu re re gsor bcug na rgyal bu rnams kyang sos par 'gyur ro/ /rgyal pos btsun mo la smras pa/ btsun mo lnga brgya btsun mo la phrag dog byed par gyur na gzhu ba dang / brdeg pa dang / spang ba dang / bskrad pa dang / srog la dbab pa'i bar du 
btsun mo'i yid dang mi 'gal bar bdag byed na/ ci'i phyir dgrar gyur pa de dag la de lta bu'i shin tu bzod dka' ba nyams su len cing / gnam sa'i bar na drin che ba bdag gi bu btsun mo rnams la sbyin par sems/ de'i tshe btsun mo lnga brgyas de skad ces smras pa thos te rab tu 
dga' nas btsun mo ri dgas mas bdag cag la bde ba dang skyid pa rgyun du bstabs la da yang sras bu bdag cag la byin pas rab tu dga'o zhes smras so/ /de'i tshe na 'khor brgya stong snyed kyang tshig de dag thos nas rab tu dga' ba'i sems skyes te byang chub tu sems bskyed par 
gyur to/ /de nas rgyal po chen pos btsun mo la ngo mtshar che ste/ bdag ni khyod tsam mi phod do zhes smras so/ /btsun mos smras pa/ phrag dog gi dbang gis zhe sdang skye ste/ nyes pa'i gnyen por ni bzod pa sgom/ khro ba'i gnyen por ni byams sems bskyed dgos 
te/ bdag ni thog ma nas ci la yang rtsod pa ma myong ste/ btsun mo rnams rang la 'tshe zhing gnod pa byed du zad do/ /dper na mi zhig mtshan mo song song ba zhig las shing dum cig mthong ba las/ dgra'am yi dgas su 'du shes skyes te/ mod la dngangs skrag nas bros 
so/ /mun khung du bros pa las la la ni brag mthon po las g.yang du lhung / la la ni chu'am/ me'am/ tsher phung ngam/ nags tshal gyi nang du lhung nas lus rmas shing zhig par gyur te/ de ltar 'du shes log pa'i rkyen gyis de lta bu'i gnod pa dang phrad do/ /de 

</font><hr>76-1-127b<br><font size=+1>

bzhin du sems can thams cad kyang rang skye/ rang 'chi ba ni dar gyi srin bu'am/ phye ma leb mer song ba dang 'dra ste sus kyang bzhen ma btab bo/ /nyes pa thams cad ni mi bden par 'du shes pa las byung ste/ btsun mo'i rnams kyang de dang 'dra bas na bdag ni shes pa med pa 
'am/ phal dang rtsod pa ci yang med do/ /btsun mo lnga brgya po rnams btsun mo ri dgas ma la phyag byas te/ rang gi nyes pa mthol bshags nas btsun mo ri dgas ma'i g.yog dang rim gro byed cing ma'am/ bu mo ltar sems te/ rgyal bu la yang bdag gi bu dang 'dra bar 
gso zhing rim gro byed do/ /de nas rgyal bu lnga brgya bags kyis cher skyes nas/ rgyal bu gcig cig gis mthu stobs ni mi stong thub pas/ mtha'i rgyal phran dag ldog cing bka' mi nyan pa yod na/ dmag rnam bzhi mi dgos par rgyal bu nyid 'bebs shing rgol du 
'gro ste/ de'i tshe na yul yang bde zhing skyid la srungs ma'i lha yang dga' bas/ rlung dang char chu yang dus bzhin du ldang zhing 'bebs so/ /mi rnams kyang dal la bde skyid do/ /rgyal bu lnga brgya yang bal gyi glang po dam pa la zhon zhing skyed mos tshal du yid bzhin du rtse 
dga' zhing 'khod pa la pha ma yang rgyal bu de dag la mig gis 'bras bu dang 'dra bar sems te byams so/ /de'i tshe rgyal bu lnga brgya cher skyes te/ shed rdzogs nas phyis dus gzhan zhig na thams cad pad mo'i rdzing de'i 'gram du 'dus te 'dug 'dug pa las so so'i gzugs 
brnyan rdzing gi chu la snang bar gyur nas gcig la gcig 'di skad ces smras so/ /'di lta ste/ chos thams cad ni sgyu ma'am/ sprul pa'am/ rmi lam 'am/ chu'i gzugs brnyan lta bu ste/ bden pa'am/ yang dag pa med do/ /bdag cag kyang da ltar de dang 'dra ste/ 
rigs che zhing btsun la pho brang gi nang na gnas nas 'dod pa lnga la bag med par spyod pas longs spyod mod kyi/ dar ba'i tshe lo dang gzugs bzang po ni yid brtan du mi rung ste/ grub pa yod na 'jig par 'gyur/ skye ba yod na 'chi bar 'gyur te/ gzhon zhing dar ba 

</font><hr>76-1-128a<br><font size=+1>

yang ring por mi thogs te rgas shing rgud par 'gyur/ kha zas kyi tshod ma zin na na bar 'gyur/ tshe lo brgya thub na yang tha mar shi dgos so/ /zhes rgyal bu rnams mi dga' ba'i mya ngan gyis non to/ /zas dang skom yang mi 'dod par phyir pho brang du 'ongs nas 
yab rgyal po la 'di skad ces gsol to/ /'jig rten dag ni sdug bsngal ba ste bde ba ma mchis pas yab rgyal po bdag cag rab tu 'byung bar gsol lo/ /rgyal pos rgyal bu rnams la smras pa/ skye ba dang / rga ba dang / na ba dang / shi ba ni thams cad la yod par 'dra na khyed 
'ba' zhig mya ngan byar yang ci yod/ rgyal bus gsol pa/ bdag cag ni shi nas skye ba yang nas yang du len pa'i nyon mongs pa dang / 'gro ba lngar rgyun du 'gro bar mi bzod do/ /de nas rgyal pos kyang rgyal bu'i yid dam ma bzlog ste/ rab tu 'byung bar gnang ngo / /
btsun mos rgyal bu rnams la smras pa/ khyed rab tu byung nas kho mo spangs la lam ring du ma 'gro bar pho brang rgyab kyi skyed mos tshal na rab tu dben la shing dang tshal yang dben pa yod kyis/ der 'dug shig dang / yo byad rnam bzhis mi brel bar bya zhing 'bul lo/ /rgyal bu 
rnams rab tu byung nas btsun mos gsol pa bzhin rgyab kyi skyed mos tshal na gnas pa las rgyal bu de dag thams cad kyis re re nas mthar gyis rang sangs rgyas kyi byang chub thob par gyur to/ /de ltar rgyal bu bzhi brgya dgu bcu rtsa dgu mthar gyis rab tu byung / rang byang chub kyi 
'bras bu thob par gyur nas rgyal po'i pho brang du lhags te/ yab rgyal po dang yum la bdag cag rab tu byung ba'i don de thob bo zhes smras nas/ dge slong de dag steng gi nam mkha' la 'phags te shar phyogs nas mi snang bar gyur na nub phyogs nas byung ngo / /nub phyogs 
nas mi snang bar gyur na shar phyogs nas byung ngo / /lho phyogs nas mi snang bar gyur na byang phyogs nas byung ngo / /byang phyogs nas mi snang bar gyur na/ lho phyogs nas byung ngo / /ched 'ga' ni lus chen pos nam mkha'i khams gang bar gyur/ ched 'ga' ni lus gcig 

</font><hr>76-1-128b<br><font size=+1>

las lus grangs med par sprul/ ched 'ga' ni lus kyi cha stod na chu 'bab na/ lus kyi cha smad na me 'bar ba la sogs pa cho 'phrul rnam pa sna tshogs pa bstan nas lus la me btang nas mya ngan las 'das so/ /de nas btsun mo ri dgas mas sku gdung bsdus nas rgyab 
kyi skyed mos tshal du mchod rten bzhi brgya dgu bcu rtsa dgu byas nas mchod pa byed do/ /rgyal bu nang gi chung ngu yang zhag dgu bcu 'das nas rang sangs rgyas kyi byang chub thob ste/ de yang yab dang yum la cho 'phrul chen po bstan to/ /cho 'phrul chen po bstan nas mya ngan las 'das so/ /
de nas btsun mo ri dgas mas sku gdung bsdus nas mchod rten brtsigs te mchod pa byas so/ /de'i tshe na btsun mo ri dgas mas nyin gcig bzhin bdug spos dam pa dang / me tog dam pa dang / rol mo sna tshogs kyis rang sangs rgyas lnga brgya'i mchod rten la mchod pa byed cing 
mchod rten de dag gi drung na mi dga' zhing mya ngan byed de 'di skad ces smras so/ /bdag gis bu lnga brgya btsas nas rab tu byung mod kyi/ de la gcig tsam yang bla na med pa'i byang chub tu sems bskyed pa med pas 'di skad ces smon lam du btab bo/ /bdag gis rang sangs rgyas 
lnga brgya la mchod pa byas shing mchod rten lnga brgya brtsigs te/ sku gdung la mchod pa'i bsod nams ci yod pa sems can thams cad la bsngo'o/ /bdag ma 'ongs pa'i dus na bu mang du btsas shing bla na med pa'i byang chub tu sems mi bskyed pa mi 'dod kyi/ bu gcig pu zhig 
btsas la bla na med pa'i byang chub tu sems bskyed de tshe de nyid la rab tu byung nas thams cad mkhyen pa'i ye shes dang ldan par shog shig ces smon lam du btab bo/ /bcom ldan 'das kyis kun dga' bo la bka' stsal pa/ de'i tshe de'i dus na btsun mo ri dgas ma de gzhan zhig 
yin snyam du sems na de ltar mi blta ste/ de'i tshe de'i dus na btsun mo ri dgas ma de nyid ni da ltar yum lha mdzes nyid yin no/ /yum lha mdzes de ltar rang sangs rgyas lnga brgya la mchod pa byas te dge ba'i rtsa ba grangs med pa bskyed pas de bas na da ltar de bzhin gshegs pa'i sku 

</font><hr>76-1-129a<br><font size=+1>

bltams pa yin no/ /sangs rgyas kyi chos 'di bstan pa na lha dang mi grangs med pa 'bras bu dang po thob pa nas 'bras bu bzhi pa'i bar du thob par gyur to/ /sems can tshad med pa snyed ni bla na med pa yang dag par rdzogs pa'i byang chub tu sems bskyed par gyur to/ /
de nas kun dga' bos bcom ldan 'das la 'di skad ces gsol to/ /yum lha mdzes sngon las ci zhig bgyis na dud 'gro'i nang du dud 'gro la btsas te ri dgas kyi bu mor gyur/ bcom ldan 'das kyis kun dga' bo la bka' stsal pa/ khyod legs par nyon 
cig /yum lha mdzes sngon 'das pa'i dus na las ci byas pa'i rgyu dang rkyen khyod la dgrol zhing bshad par bya'o/ /sngon 'das pa'i dus na bskal pa grangs med tshad med pa 'das pa'i pha rol na/ de'i tshe de'i dus na sangs rgyas bcom ldan 'das rnam par gzigs zhes bya 
ba de bzhin gshegs pa dgra bcom pa yang dag par rdzogs pa'i sangs rgyas/ rig pa dang / zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ ston pa rgyal ba 'jig rten du byung ste/ sems can gyi don mdzad 
nas mya ngan las 'das pa'i 'og tu gzugs brnyan la chos spyod pa na/ de'i tshe de'i dus na yul bA rA Na sI zhes bya bar bram ze zhig la bu mo gcig pu zhig byung nas bram ze de tshe'i dus byas so/ /bram ze de'i chung ma des bu mo de gsos so/ /bu mo de yang bags kyis cher skyes so/ /
bu mo ma smad la bza' shing gi ra ba zhig yod de mas bu mo ra ba srung du bcug go/ /bu mo bdag ni zas tshol zhing ci rnyed pa phyir 'ongs nas bu mo dang lhan cig za'o/ /rtag tu de bzhin du zas tshol ba la nyi ma gcig 'phyis nas dus las yol nas bu mo bkres pa dang skom pas 
gdungs pas khro sems skyes nas bdag gi ma de rkyen ci byung na nga tsam gyi bar du kha zas ma byin te/ bdag 'di ltar bkres shing skom par byas zhes khros nas bdag gi ma dud 'gro tsam yang mi phod de/ dud 'gros gcan gzan dang / ri dgas dang / bya yang bu la bkres skom 

</font><hr>76-1-129b<br><font size=+1>

dran te dus bzhin du snyod du 'ong ngo zhes smras so/ /de skad ces smras pas ring po ma lon par mas zas thogs te 'ongs nas za ba'i 'phro las rang sangs rgyas dge sbyong gi gzugs can zhig lho phyogs nas byang phyogs su nam mkha' la 'gro ba de bu mo des mthong nas dge slong 
de la dga' ba'i sems skyes te 'dug pa las langs nas thal mo sbyar te/ mgo bos phyag 'tshal nas spyan drangs so/ /stan gtsang ma bting ste me tog bzang pos mchod nas kha zas de las bgos nas dge slong de la phul lo/ /dge slong des zas kyi bya ba byas nas 
dam pa'i chos bstan nas spro ba dang dga' bar byas pas de'i tshe bu mo des 'di skad ces smon lam du btab bo/ /bdag ma 'ongs pa'i dus na 'phags pa dang phrad cing de la rim gro dang / mchod pa dang / phyag byed par gyur cig /bdag byad bzhin bzang zhing mdzes pa dang / che 
zhing btsan pa dang / 'gro ba'i gom pa'i 'og nas pad mo skyes te rkang pa 'degs par shog shig ces smon lam btab bo/ /bcom ldan 'das kyis kun dga' bo la bka' stsal pa/ de'i tshe de'i dus kyi bu mo de ni btsun mo ri dgas ma yin no/ /de ltar rang sangs rgyas la 
bsod snyoms gcig phul te/ me tog bzang pos mchod pas tshe rabs lnga brgya'i bar du che zhing btsan la/ gos dang zas yid bzhin du ldan te rkang pa'i 'og nas pad mo skyes so/ /smon lam gyi mthus da yang rang sangs rgyas lnga brgya dang phrad de/ mchod pa dang / rim gro 
dang / phyag byas par gyur to/ /de'i tshe drin mi shes te tshig ngan pa gcig gis ma la dud 'gro dang 'dra'o zhes smras pa'i ngag gi las ngan pa'i rkyen gyis tshe rabs lnga brgya'i bar du ri dgas kyi ltor skyes so/ /bcom ldan 'das kyis kun dga' bo la bka' stsal pa/ 'jig 
rten du skyes so cog gi nyes pa ni rang gi kha nas byung bas ngag gi las bsrung bar bya'o/ /ngag gi las ni me 'bar bas tshig pa bas lhag ste/ me 'bar bas tshig pa de ni tshe gcig par zad do/ /ngag gi las mi dge ba'i me 'bar bas ni skye ba grangs med par 'tshig go/ /me 

</font><hr>76-1-130a<br><font size=+1>

'bar bas ni 'jig rten gyi nor tsam 'tshig go/ /ngag mi dge ba'i me 'bar bas ni 'phags pa'i nor bdun tshig par 'gyur ro/ /de bas na kun dga' bo sems can thams cad kyi nyes pa ni kha nas byung ste/ kha dang lce ni lus gcod pa'i mtshon zhes 
bya'o/ /bcom ldan 'das kyis de skad ces gsungs pa na dge bsnyen dang dge bsnyen ma stong snyed dag gi las bsrungs pas 'bras bu dang po thob par gyur to/ /lha dang mi grangs med pa snyed ni bla na med pa yang dag par rdzogs pa'i byang chub tu sems bskyed pa nas rang sangs 
rgyas kyi bar du sems bskyed par gyur to/ /'khor mang po thams cad bcom ldan 'das kyis gsungs pa la mngon par dga' nas phyag byas te phyir dong ngo / /de'i tshe bcom ldan 'das dang kun dga' bo rgyal po'i khab tu bsod snyoms blangs nas slar gshegs pa dang / 
grong khyer gyi phyi rol na grog po zab mo cig yod do/ /rgyal po'i khab kyi grong khyer gyi mi rnams bshang gci dang / mi gtsang ba thams cad grog po der skyel lo/ /char pa bab na gru char gyi chu rnams kyang der 'bab bo/ /de'i tsha grog po'i chu btsog pa de'i nang na srin bu mi'i 
gzugs 'dra ba la rkang lag mang ba zhig gis rgyang ma nas de bzhin gshegs pa byon pa mthong nas chu'i nang nas mgo bteg nas de bzhin gshegs pa la bltas nas mig nas mchi ma zag go/ /bcom ldan 'das kyis de gzigs nas thugs rje bar dgongs te mi dgyes par 
gyur nas slar bya rgod spungs pa'i ri la gshegs so/ /de nas kun dga' bos de bzhin gshegs pa'i gdan gding ba bting nas skyil mo krung bcas nas bzhugs so/ /de nas kun dga' bos 'khor thams cad la bltas te 'khor gyi bsam pa sems kyis shes 
nas bcom ldan 'das la 'di skad ces gsol to/ /bcom ldan 'das da ci chab btsog pa'i nang na srin bu zhig mchis pa de sngon las ci bgyis pas chab btsog pa de'i nang du skyes/ der skyes nas ni ji srid cig lags/ da yang nam zhig de las thar bar 'gyur/ bcom 

</font><hr>76-1-130b<br><font size=+1>

ldan 'das kyis kun dga' bo dang 'khor mang po la 'di skad ces bka' stsal to/ /khyod legs par nyon cig /khyod la legs par dgrol bar bshad par bya'o/ /kun dga' bo sngon 'das pa'i dus na bskal pa grangs med pa stong 'das pa'i sngon rol na/ de'i tshe de'i 
dus na sangs rgyas 'jig rten du gshegs nas sems can gyi don mdzad de yongs su mya ngan las 'das so/ /mya ngan las 'das nas gzugs brnyan la chos spyod pa na bram ze zhig gis dge 'dun gyi gnas khang byas te dge 'dun la phul lo/ /de'i tshe na yon bdag zhig 
gis dge 'dun la mar dang / 'bru mar dag phul te de na dge slong 'dron po dag cig kyang lhags so/ /de'i tshe gang zag gi las gtsang sbyor byed pa zhig /dge slong 'dron po 'ongs pa mthong nas 'khren te mar dang / 'bru mar bcabs shing bsres nas dge 'dun 
'dron po la ma byin no/ /dge 'dun 'dron pos gtsang sbyor la mar dang / 'bru mar dang / sbrang rtsi 'ongs pa nged la mi sbyin nam zhes dris pa dang /gtsang sbyor gyis khyed ni 'dron po/ nged ni gza' yin no zhes smras so/ /dge slong 'dron pos yon bdag gis 
mngon sum gyi dge 'dun la phul ba ma yin nam zhes smras pa dang / de'i tshe na gtsang sbyor gyi las byed pa de khros shing 'jigs su rung ba zhig pas/ dge slong 'dron po la khyed bshang gci mi za bar nga la mar dang / 'bru mar 'dod dam zhes tshig ngan pa smras so/ /de 
ltar tshig ngan pa smras pa'i las kyis bskal pa bye ba dgu bcu'i bar du rgyun du chu btsog pa 'dir skyes par gyur to/ /de'i tshe de'i dus na gtsang sbyor gyi las byed pa de ni de ci chu btsog pa'i nang na 'dug pa'i srin bu de yin no/ /de ltar 'das pa'i dus na tshig ngan pa gcig dge 
'dun la smras pas/ tshe rabs bgrangs pa brgya stong gi bar du gnas der skyes so/ /bcom ldan 'das kyis nye gnas rnams la bka' stsal pa/ khyed rnams ngag gi las sdom zhing srungs shig /ngag gi nyes pa ni me 'bar ba las lhag go/ /pha ma dang 

</font><hr>76-1-131a<br><font size=+1>

dge 'dun ni bsngags shing bstod par 'os pas tshig 'jam por smra zhing rgyun du drin dran par bya'o/ /dge 'dun zhes bya ba ni khams gsum las 'da' bar byed pa'i bsod nams kyi zhing ngo / /pha ma ni khams gsum gyi bsod nams kyi zhing mchog 
dam pa'o/ /de ci'i phyir zhe na/ dge 'dun gyi nang na skyes bu zung bzhi ya brgyad dang 'phags pa bcu gnyis yod de/ rim gro byas na bsod nams 'thob la bsgrubs na byang chub 'grub bo/ /pha ma ni zla ba bcu'i bar du ltor bzhag la byung nas kyang gsher ni bor/ skam 
ni len nu zho bsnun nas cher bskyed do/ /skyes nas kyang rig byed mkhas par slob cing dus las mi yol bar rim gro byed do/ /gal te rab tu byung na bsod nams byed pas skye shi'i 'khor ba'i rgya mtsho las rgal te/ bdag gi don dang / sems can thams cad la phan 
pa dang / bde ba'i don byed do/ /de bas na kun dga' bo pha ma dang / dge 'dun ni sems can thams cad kyi bsod nams kyi zhing gnyis zhes bya ste/ lha dang mi gnyis de rnams kyi rkyen gyis mya ngan las 'da' ba rnam par grol ba'i 'bras bu dam pa thob pa nas/ sangs 
rgyas kyi bar du 'grub par 'gyur ro/ /bcom ldan 'das kyis de skad ces gsungs nas mi dang mi ma yin pa sems can tshad med pa brgya stong snyed 'bras bu dang po nas 'bras bu bzhi pa'i bar du thob par gyur to/ /la la ni bla na med pi yang dag par rdzogs pa'i byang chub tu 
sems bskyed de/ la la ni nyan thos dang / rang sangs rgyas su sems bskyed do/ /so so nas thal mo sbyar nas sangs rgyas la phyag 'tshal nas bskor ba byas te/ rab tu dga' bas phyir dong ngo / /gzhan yang yul bA rA Na sI na/ blon po bram ze rab tu phyug pa nor 
rin po che mang ba/ gser dang / dngul dang / bai dUr+ya dang / man shel dang / byi ru dang / spug dang / bal gyi glang po che dang / rta dang / ba lang dang / lug dang / zhing 'brog dang / bran khol dang / las byed pa'i mi mang du yod pa zhig la/ lo brgyad cu lon 

</font><hr>76-1-131b<br><font size=+1>

nas khye'u zhig byung ngo / /khye'u de yang byad bzhin bzang la sdug pa/ mdzes pa mi'i mtshan rdzogs par ldan pas pha ma gnyis rab tu dga' nas mtshan mkhan bos te mtshan bltas so/ /mtshan mkhan gyis mtshan bltas nas khye'u de'i ming yang tsun da zhes btags nas 
gsos bskyed de lo bdun lon nas pha ma gnyis byams che bas rab tu byung bar gnang ngo / /rab tu byung ba'i phyir dbang phyug gi ri zhes bya bar de bzhin gshegs pa gang na bzhugs par khrid do/ /de'i tshe na de bzhin gshegs pa la 'khor rnam bzhi dang / lha dang / klu 
dang / gnod sbyin dang / de la sogs pa la mdun gyis byas te 'khor mang po la 'jig rten gyi rig byed kyi gtsug lag dang / 'jig rten las 'das pa'i chos ston to/ /de nas bram ze des bcom ldan 'das la 'di skad ces gsol to/ /bcom ldan 'das bdag rgas 
'khogs nas khye'u zhig mchis pa/ bcom ldan 'das la 'bul gyis/ thugs rje chen pos bskyab cing bdag gi bu 'di nye gnas su bzhes su gsol lo zhes smras so/ /de nas bcom ldan 'das kyis legs par 'ongs so zhes bka' stsal nas/ skra yang rang 
byi nas chos gos lus la rang yod par gyur te/ gzengs bstod/ spro ba dang dga' ba'i sems bskyed de/ lam gyi 'bras bu yang thob ste/ rig pa gsum dang / mngon par shes pa drug dang / rnam par thar pa brgyad dang ldan par gyur to/ /de'i tshe kun 
dga' bos 'khor mang po la bltas te/ kun gyi the tsom dgrol ba'i phyir stan las langs te gos tshags bcos nas/ bla gos phyogs gcig byas nas thal mo sbyar ba btud de bcom ldan 'das la 'di skad ces gsol to/ /dge sbyong tsun da sngon 'das pa'i 
dus na bsod nams ci zhig bgyis na bcom ldan 'das dang 'dir phrad de myur du 'bras bu thob par gyur/ bcom ldan 'das kyis kun dga' bo la 'di skad ces bka' stsal to/ /dge sbyong tsun da 'di dus 'di gcig pur ma zad de/ sngon 'das pa'i dus su yang pha ma dang 

</font><hr>76-1-132a<br><font size=+1>

dge 'dun la bsod nams mchog byas pas dge ba'i bshes gnyen dang phrad de lam gyi 'bras bu thob pa yin no/ /kun dga' bos gsol pa/ bcom ldan 'das de'i dngos po bstan du gsol/ bcom ldan 'das kyis kun dga' bo la bka' 
stsal pa/ legs par nyon cig /sngon 'das pa'i dus tshe lo tshad med pa stong 'das pa'i pha rol na sangs rgyas bcom ldan 'das rnam par gzigs zhes bya ba 'jig rten du byung ste/ lha dang mi la phan pa dang bde ba'i don mdzad nas yongs su mya ngan las 'das so/ /
mya ngan las 'das nas dam pa'i chos la spyod pa'i dge slong gzhon nu cig ma mo dang / mdo sde dang / 'dul ba la shin tu mkhas pa/ byad gzugs mdzes shing bzang ba/ mi'i mtshan dang ldan pa/ chos ston pa la spobs pa/ chos smra ba'i nga ro dang tshig snyan 
pas rgyal rigs dang bram ze rnams kyang de dang bshes shing de la rim gro dang mchod pa byed do/ /de'i tshe na dge slong rgan po gcig byad bzhin rab tu mi sdug la mi'i mtshan dang yang mi ldan pa/ skad nga ro yang mi snyan pa/ rgyun du dkon mchog gsum la tshig dang nga ror bcas 
pas bstod pa zhig byung ngo / /de'i tshe na mdzod gsum dang ldan pa'i dge slong gzhon nu des dge slong nga ro mi snyan pa de la 'di skad ces smras so/ /de nas 'di lta bu'i nga ro mi snyan pa zer ba ni khyi zugs pa'i skad dang 'dra'o/ /zhes smras so/ /de nas dge slong 
rgan po des dge slong gzhon nu la ci khyod nga mi shes sam/ nga la tshig ngan pa brjod ces smras so/ /de dge slong mdzod gsum dang ldan pas smras pa/ bdag khyod shes te khyod ni sangs rgyas rnam par gzigs kyi dam pa'i chos la rab tu byung ba'i dge slong rgan po ma ha la 
zhes bya ba yin te/ ngas ci'i phyir mi shes/ dge slong ma ha las smras pa/ da ni bya ba byas so/ /tshangs par spyod pa spyad do/ /srid pa phyi ma mi len no zhes smras so/ /de nas mdzod gsum dang ldan pa'i dge slong gzhon nus tshig de thos pa dang / skyi bung zhes 

</font><hr>76-1-132b<br><font size=+1>

byas te dngangs par gyur to/ /de nas dge slong gzhon nus dge slong ma ha la lag pa g.yas pas bteg ste/ lag pa las 'od zer chen po bkye nas phyogs bcur snang bar byas so/ /de nas mdzod gsum dang ldan pa'i dge slong gzhon nus dge slong rgan po'i rkang pa la 
mgo bos phyag 'tshal nas 'gyod tshangs byas te bdag ni mi shes pa'i gti mug gis khebs pas 'phags pa yin par ma shes te/ sdig pa'i las byas pa ma shes pa 'di sdig par mi 'gyur zhing / bdag ma 'ongs pa'i dus su dge ba'i bshes gnyen dang 
phrad cing ston pa 'phags pa khyod dang phrad de/ zag pa zad par shog shig ces bshags shing 'thol lo/ /bcom ldan 'das kyis kun dga' bo la bka' stsal pa/ de'i tshe de'i dus na dge slong gzhon nu mdzod gsum dang ldan pa des tshig brlang po gcig gis 
dge slong rgan po la smras pas tshe rabs lnga brgya'i bar du khyi'i lus myong bar gyur to/ /bcom ldan 'das kyis de skad ces gsungs nas 'khor mang po rnams e ma'o e ma'o 'jig rten 'di na gdug pa'i mchog ni ngag gi las las 'da' ba med do/ /zhes 'khor 
mang po thams cad kyis tshigs su bcad de 'di skad ces dam bcas so/ /lcags kyi 'khor lo tsha ba dag /spyi bo'i steng na rgyun 'khor yang / /sdug bsngal bar ni mi 'dzin te/ /nam du'ang tshig ngan mi smra'o/ /lcags kyi 'khor lo tsha ba dag /spyi bo'i 
thog na rgyun 'khor yang / /sdug bsngal bar ni mi 'dzin te/ /tshig ngan 'phags la mi smra'o/ /bcom ldan 'das kyis bka' stsal pa/ shA ri'i bu ni sems can mang po'i dge ba'i bshes gnyen du gyur pas/ nyin mtshan dus drug tu/ lha'i 
mig gis 'gro ba lnga'i skye bo rnams la rtog cing lta ste/ 'dul ba'i dus la bab na de'i don byed do/ /de'i tshe na yul ma ga d+hA dang / yul 'di gnyis kyi bar na tshong pa lnga brgya zhig rtag tu phan tshun rgyu ba las/ phan tshun du rgyu ba'i lam de yang 'jigs pa che 

</font><hr>76-1-133a<br><font size=+1>

bas tshong pa cig la khyi dkar po cig yod de/ de'i tshe tshong pa de'i grogs po gcig gis srod la sha btsos nas bzhag pa las/ nam gyi cha smad la khyi des brkus nas zos so/ /phyi de nyin nam nangs nas tshong pa grogs pos sha bza' bar byas pa las 
ma rnyed pas gdungs nas/ khros te mtshon thogs te/ khyi de'i rkang lag bzhi bcad de su ra khung du bor nas dong ngo / /su ra khung na khyi de sdug bsngal chen po myong ba de/ shA ri'i bus nam gyi cha stod la lha'i mig gis kun tu brtags nas rgyang ma nas khyi sdug bsngal 
ba de mthong ngo / /de nas phyi de nyin par nam nangs nas chos gos bgos/ lhung bzed thogs nas grong khyer nas bsod snyoms blangs nas/ gang na 'jigs pa'i lam su ra khung du phyin nas/ bsod snyoms bslangs pa khyi de la bsnyod do/ /de nas spro ba dang dga' 
ba'i chos bshad do/ /khyi des chos de thos nas ngo tsha zhing mi dga' ste/ de nas zhag bdun lon nas sdig pa'i las bor nas thar te de nas mir skyes so/ /bcom ldan 'das kyis kun dga' bo la bka' stsal pa/ de'i tshe de'i dus na khyi dkar po de ni da ltar dge sbyong 
tsun da 'di yin no/ /sngon 'das pa'i dus na 'phags pa la tshig ngan pa smras pas ngan 'gror skyes te/ de ma thag tu 'gyod cing bshags nas ngo tsha ba'i sems skyes te/ bdag ma 'ongs pa'i dus na dge ba'i bshes gnyen dang phrad par shog shig par smon lam 
btab bo/ /de ltar smon lam btab pas dge ba'i bshes gnyen dang phrad de sdig pa'i las byang nas mir skyes te sangs rgyas dang phrad pas zag pa zad par gyur to/ /bcom ldan 'das kyis kun dga' bo la bka' stsal pa/ pha ma dang dge ba'i bshes gnyen gyi drin 
dran par gyis shig /de nas de ltar drin du gzo ba shes nas drin lan bsab par bya'o/ /dge ba'i bshes gnyen zhes bya ba ni phan pa'i don du 'gyur ba'i rgyu yin no zhes bka' stsal pa dang / de'i tshe sems can tshad med pa brgya stong snyed bla na med pa yang dag par rdzogs 

</font><hr>76-1-133b<br><font size=+1>

pa'i byang chub tu sems bskyed pa nas nyan thos dang rang sangs rgyas kyi bar du sems bskyed do/ /'khor mang po rnams sangs rgyas kyis gsungs pa la rab tu dga' nas phyag byas te phyir dong ngo / /thabs mkhas pa chen po sangs rgyas drin lan bsab pa'i mdo las 
bstan bcos kyi le'u zhes bya ste lnga pa'o// //thabs mkhas pa chen po sangs rgyas drin lan bsab pa'i mdo/bam po bzhi pa/ de'i tshe bcom ldan 'das la 'khor bzhi pos mdun gyis byas nas mchod pa byas/ rim gro byas bkur sti byas 
te tshig gis bstod pa byas so/ /de'i tshe de bzhin gshegs pas 'dzum pa mdzad de zhal gyi sgo nas 'od zer sngon po dang / ser po dang / dmar po dang / dkar po dang ldan pa snying rje chen po zhes bya ba bkye nas/ phyogs bcu'i 'jig rten gyi khams srid pa'i rtse mo 
man chad sems can dmyal ba chen po bco brgyad kyi bar du snang bar byas nas/ lha sbyin gyi lus la yang 'od kyis snang bar gyur te/ lha sbyin sdug bsngal myong ba las bde bar byas so/ /de nas 'khor mang po'i rnams thams cad tshig 'thun par de bzhin gshegs pa la 
legs so legs so zhes bstod de/ bcom ldan 'das ni byams pa chen po dang ldan pa/ thugs rje chen po dang ldan pa yang dag pa ste/ dgra dang gnyen la thugs snyoms pa'o/ /lha sbyin lta bu rtag par bcom ldan 'das la gnod pa dang dgrar bgyid pa 
lags na/ bcom ldan 'das ni gnod pa bgyid pa la yang thugs brtse bar dgongs te thugs rje chen po'i 'od bkye nas lha sbyin gyi lus la reg par byas te sdug bsngal las thar bar mdzad do/ /de nas bcom ldan 'das kyis 'khor mang po la 'di skad 
ces bka' stsal to/ /lha sbyin 'di ni tshe 'di 'ba' zhig la nga la gnod pa byed par ma zad kyi/ sngon 'das pa'i dus na yang nga la rtag tu gnod pa byas kyang byams pa dang snying rje'i shugs kyis rtag par phan pa dang bde ba'i don byas so/ /de nas kun dga' bos 'khor 

</font><hr>76-1-134a<br><font size=+1>

mang po'i bsam pa sems kyis shes te/ kun gyi the tsom gcod pa'i phyir stan las langs nas bla gos phyogs gcig tu byas te/ pus mo g.yas pa'i lha nga sa la btsugs nas thal mo sbyar ba btud de/ de nas bcom ldan 'das la 'di skad 
ces gsol to/ /lha sbyin 'di sngon 'das pa'i dus na/ bcom ldan 'das la gnod pa ci dag bgyis pa bcom ldan 'das kyis dngos po de dag bstan du gsol/ bcom ldan 'das kyis kun dga' bo la bka' stsal pa/ legs par nyon cig dang khyod la dgrol 
zhing bshad par bya'o/ /bcom ldan 'das kyis bka' stsal pa/ sngon lo tshad med pa stong 'das pa'i pha rol na yul bA rA Na sI zhes bya bar sangs rgyas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas/ rig pa dang 
zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ ston pa rgyal ba 'jig rten du byung ste/ lo stong phrag bcu'i bar du sems can gyi don mdzad nas mya ngan las 'das so/ /mya ngan las 'das 
pa'i 'og tu dam pa'i chos lo khri phrag nyi shu'i bar du gnas par gyur to/ /gzugs brnyan gyi chos kyang nub cing med par gyur nas yul bA rA Na sI zhes bya ba'i rgyal po ma hA rA dzA zhes bya ba rang bzhin gyis dge zhing mkhas pa'i blo dang ldan pa/ yang dag pa'i chos kyis 
yul gyi srid 'tsho ste mi rnams kyang bde skyid do/ /rgyal po de mtha'i rgyal phran drug cu dang / grong khyer chen po brgyad brgya la dbang sgyur te/ bal gyi glang po che lnga brgya yang yod do/ /btsun mo nyi khri yod kyang sras med pas/ rgyal po de rgyun du 'jig rten gyi lha dang / ri 
dang / chu klung dang / shing gi lha rnams la mchod 'bras byed cing gsol ba btab nas lo bcu gnyis lon pa dang / btsun mo chen mo la yang sras mnga' bar gyur/ btsun mo 'bring mo la yang sras mnga' bar gyur te/ rgyal po shin tu dga' nas rgyal po lag dar te 

</font><hr>76-1-134b<br><font size=+1>

rim gro dang / bkur sti dang / mal cha bya ba dang / zas dang / skom dang / de la sogs pa yo byad kyi bar du 'jam zhing bzang ba sbyar te/ rim gro byas so/ /de ltar zla ba bcu'i bar du rim gro byas nas btsun mo chen mo la sras mnga' byad bzang la mdzes shing mtshan 
bzang pos brgyan pa/ mi'i mtshan rdzogs par ldan pa zhig byung ngo / /btsun mo 'bring mo la yang sras cig byung bas rgyal po rab tu dga' bas blon po rnams dang / mtshan mkhan rnams dang / bram ze rnams bsdus nas sras bu bstan nas mtshan bstan to/ /
mtshan mkhan rnams kyis mtshan bltas nas rgyal bu'i mtshan gdags pa'i phyir sras bu 'di bltam pa'i tshe ltas ji lta bu byung zhes dris so/ /rgyal pos smras pa/ rgyal bu chen po'i yum btsun mo chen mo ni sngon rang bzhin gyis khro la phrag dog che zhing / nga rgyal 
byed pa las sras mngal du chags nas ni rang bzhin gyis dge des par gyur nas/ rtag tu 'dzum pa dang ldan zhing sems can la yang bu gcig pa dang 'dra bar byams shing brtse ba'i sems kyis 'dzum pa dang ldan zhing gsong por smra bar gyur to/ /de nas mtshan mkhan 
gyis kyang rgyal bu'i mtshan dge don zhes btags so/ /btsun mo 'bring mo la sras mnga' ba'i tshe snga ltas ji lta bu byung zhes dris na/ sras bu 'di'i ma rang bzhin gyis dge zhing des te 'dzum pa dang ldan zhing tshig gis sngar gsong por smra zhing kun gyi yid tshim par byed pa 
las/ sras mngal du chags nas rang bzhin gyis khro zhing zhe sdang che ba dang / phrag dog dang nga rgyal byed par gyur to/ /mtshan mkhan gyis smras pa/ 'di yang sras bu'i sngon gyi las 'phro yin pas/ sras bu'i mtshan ngan don zhes btags so/ /de nas rgyal bu 
gnyis gsos bskyed de lo bcu bzhi lon nas rgyal bu dge don rang bzhin gyis mkhas pa'i blo dang byams pa'i sems su ldan te/ sbyin pa byed pa la dga' bas pha ma yang lhag par sras bu de la mig dang 'dra bar sdug par sems so/ /rgyal bu ngan don ni rang bzhin gyis 

</font><hr>76-1-135a<br><font size=+1>

khro bas na pha ma yang de la mi dga' ste/ sdang bas rgyal bu ngan don rgyun du phrag dog byed de phu bo la gnod pa bya bar sems so/ /phyis dus gzhan zhig na rgyal bu dge don 'khor dang bcas pa rol mo byed cing pho brang gi phyi rol du ltad mo lta zhing 'chag tu song ba las 
zhing rmo ba dag zhing rmo ba'i rol nas srin bu dag byung ba las bya mang po dag thu zhing za ba mthong ngo / /rgyal bu dge don gyis de lta bu dag mthong nas snying rje ba'i sems skyes te/ bdag ni pho brang zab mo nas skyes pas 'di lta bu'i dngos po ma mthong ma thos na/ 'khor rnams la 'di 
dag ci'i phyir gcig la gcig gnod pa byed cing za zhes dris so/ /'khor rnams kyis rgyal bu la smras pa/ da ltar rgyal po mnga' ba'i yul 'di yang 'bangs la rten te/ 'bangs kyang kha zas la ltos te kha zas ni zhing rmos pa las 'bru sna lnga skyes te sems can gyi srog 'dzin 
to/ /rgyal bus de la re sdug re sdug ces smras te/ yang song song ba las skyes pa dang / bud med dag skud pa 'khal ba dang 'thag pa'i las byed de/ phan tshun bskyod cing nyon mongs par mthong ngo / /de dag mthong nas mi 'di dag ci byed ces g.yog po g.yas 
g.yon na 'dug pa la dris so/ /de dag gis smras pa/ mi 'di dag ni bkal ba dang 'thag pa'i las byed de/ des bdag gi lus g.yog cing dgab pa'i gos byed do/ /'di dag yang re sdug nyon mongs par gyur pa'i las byed do/ /de nas yang song song ba las mi mang 
po dag ba lang dang / rnga mo dang / rta dang / phag dang / lug gsod cing pags pa bshu bdag mthong nas 'di dag ci byed ces dris so/ /smras pa 'di dag ni gsod pa'i las byed de/ sha 'tshong zhing bgo ba dang bza' ba'i spogs byed do/ /des srog 'tsho bar byed do/ /
rgyal bus de skad ces thos nas/ ba spu dang lus kyi sha kun 'gul te/ kyi hud kyi hud gsod pa la snying mi bzod do/ /gcig gis gcig gi nying sha nying za zhing bskal pa bgrangs pa'i bar du gcig la gcig gsod pa'i las byed do/ /de nas yang song song ba las mi 

</font><hr>76-1-135b<br><font size=+1>

mchis po dag cig nya rgya dang bya rgya thogs shing bya dang / nya gsod de/ gcig la gcig nying sha za bar mthong ngo / /de nas 'di ci byed ces dris so/ /gsol pa/ 'di dag ni bya dang nya shor ba yin te/ gsod pa'i las 'di lta bu byed cing bgo ba dang zas tshol lo/ /rgyal 
bu dge don gyis de skad ces smras pa'i tshig de thos nas mig mchi mas gang ste/ 'jig rten gyi sems can 'di dag ni sdig pa mi dge bar 'gyur ba'i las byed de/ sdug bsngal las nam du yang mi thar ro snyam nas mi dga' zhing mya ngan gyis non te phyir pho brang du 'ongs 
so/ /yab rgyal pos rgyal bu mi dga' zhing mya ngan byed pa'i tshul gyis phyir 'ongs pa mthong nas rgyal bu la ci zhig gis mi dga' zhes dris pa dang / rgyal bus kyang ji ltar mthong ba'i dngos po de dag yab rgyal po la zhib tu gsol to/ /rgyal pos rgyal bu la smras pa/ 
'di lta bu'i dngos po ni yongs kyi yod cing srid pa yin na mya ngan byar yang ci zhig yod/ rgyal bus gsol pa/ bdag rgyal po la 'dod pa gcig cig gsol na rgyal pos gnang ngam/ rgyal pos smras pa/ nga la bu khyod gcig pur zad de byams shing sdug pas khyod kyi 
yid dang 'gal bar mi byed do/ /rgyal bus gsol pa/ bdag ni yab rgyal po'i bang mdzod na nor dang / rin po che dang / bza' ba dang / btung ba ci mnga' ba thams cad sems can thams cad la sbyin par bgyi'o zhes gsol pa dang / rgyal pos kyang khyod kyi yid 
dang 'gal bar mi byed kyis ci dga' mgur sbyin pa gyis shig ces bka' stsal to/ /de nas rgyal bu dge don gyis blon po bkug nas rgyal po'i bang mdzod phye nas bal gyi glang po che lnga brgya la nor dang rin po che bkal te grong khyer gyi sgo bzhir spungs nas 'gro ba mang po dag bgo 
ba 'dod dam/ bza' ba dang btung ba 'dod dam/ ci 'dod pa yid bzhin du long la khyer cig ces phyogs bzhir bsgrags so/ /de ltar rgyal bu dge don gyi snyan pa phyogs su bsgrags pas thams cad 'dus nas ci 'dod pa yid bzhin du khyer ro/ /ring po ma lon par rgyal 

</font><hr>76-1-136a<br><font size=+1>

po'i bang mdzod sum cha zhig zad nas/ blon po rnams kyis rgyal po la dkor mdzod sum cha gcig bas te/ rgyal bus ma mchis par bgyis kyis rgyal po dgongs shig ces gsol pa dang / rgyal pos nga ni rgyal bu'i yid dang 'gal bar byed 
mi nus so zhes bka' stsal to/ /da ni rgyal po'i bang mdzod sum cha gnyis bas kyi rgyal po dgongs shig bka' stsal pa/ nga ni rgyal bu'i yid dang 'gal bar byed mi nus so/ /khyod kyis thabs ci legs su cung zad bkag ste yid dang mi 'gal bar gyis 
shig par bka' stsal to/ /de nas yang rgyal bu dge don bang mdzod 'byed du song ba las/ bang mdzod la dbang ba'i blon po don gnyer du song nas ring zhig ma khugs te 'phyis par gyur pas rgyal bu dge don 'di skad du/ bang mdzod bsrung ba'i blon po chung ngu na 
bdag gi yid dang 'gal bar byed pa'i thugs mi thub ste/ 'di ni rgyal po yab kyi bka' yin du nges pas bu sri zhu can zhes bya ba pha'i bang mdzod stongs par bya bar mi rigs kyis da bdag nyid kyis nor dang rin po che btsal la sems can thams cad tshim par 
bya'o/ /gal te bdag gis sems can thams cad la bgo ba dang / bza' ba dang / btung ba yid bzhin du chog par sbyin mi nus na rgyal po chen po'i sras su ji skad gdags zhes smras nas blon po chen po dang / blon po phra mo yan chad bsdus te/ nor dang / khe 
spogs tshol ba dag ci'i sgo nas bsgrubs na mchog tu 'gyur zhes bgros so/ /de la blon po chen po gcig gis smras pa/ de ltar spogs shig bya na zhing rmo ba las 'da' ba med de gcig la khrir 'gyur ro/ /yang blon po chen po gcig gis smras pa/ 'jig rten na khe 
spogs bya ba'i nang na rkang 'gros las khyu btsugs la 'brog bzang por bzhag na mang du 'phel te spogs de las che ba med do/ /yang blon po gcig gis smras pa/ 'jig rten na khe spogs shig bya na rgya mtshor zhugs la nor bu rin po che btsal ba las 'da' ba med do/ /

</font><hr>76-1-136b<br><font size=+1>

gal te yid bzhin gyi nor bu rin po che rnyed na yid bzhin du sems can thams cad la tshim par sbyin par 'gyur ro/ /dge don gyis smras pa/ 'di ni bdag gi yid la bab ste rung ngo zhes pho brang du song ste/ yab rgyal po la bdag ni rgya mtsho chen por zhugs te/ nor bu rin po 
che len du 'gro bar 'dod do zhes gsol to/ /rgyal pos tshig de thos nas dper na mi brnangs pa ltar skyug tu yang med la mid du yang med pa ltar mi bde ba ltar gyur nas rgyal bu la 'di skad ces smras so/ /yul 'di yang khyod kyi yul yin te/ bang mdzod dang / nor ril 
dang / rin po che ci yod pa yang khyod dbang bas yid bzhin du spyad du yod pas na bdag nyid rgya mtshor 'jug ci dgos/ khyod ni rgyal po'i sras yin te/ pho brang zab mo'i nang du skyes pas nyal na ni gur yol ba can gyis bskor/ kha zas ni ci 'dod pa dang ldan te/ da lam 
du zhugs te 'dron du 'gro na nyon mongs shing bkres pa dang / skom pa dang / grang ba dang / tsha bas nyen par 'gyur yang sus shes/ de ma yin pa rgya mtsho'i nang na bgegs su gyur pa yang gcig tu ma zad de mang ngo / /'di lta ste/yi dgas ma rungs pa dang / klu 
gdug pa dang / dba' rlabs 'khyil pa dang / rlung drag pos bsgul zhing g.yeng ba dang / chu'i mdog dang / ri dang / chu srin dang / nya chen po la sogs pa bgegs mang bas brgya stong tsam song yang phyir yang 'khor ba ni gcig gnyis tsam las med na ci'i phyir 
khyod rgya mtsho chen por 'gra bar sems de ni kho bo mi nyan to/ /de nas rgyal bu dge don lus smad lnga sa la kha sbub tu sa la phab ste/ rkang lag bzhi yang brkyang nas yab rgyal po dang yum la 'di skad ces gsol to/ /gal te bdag rgya mtshor mchir ma gnang na bdag 'di kho 
nar srog yongs su 'dor gyi 'di las mi ldang ngo / /de'i tshe rgyal po chen po dang btsun mo dag de ltar gyur pa mthong nas mig mi 'dzums pa ltar blta zhing / rgyal bu khyod longs la bza' ba dang / btung ba 'thung shig ces thabs sna tshogs kyis spro ba bskyed kyang / rgyal bu 

</font><hr>76-1-137a<br><font size=+1>

dge don ma nyan te/ bdag rgya mtsho chen por mchir mi gnang na nam du yang bza' ba dang btung ba dag mi 'tshal lo zhes gsol to/ /rgyal po dang btsun mo mi dga' ba'i mya ngan gyis gdungs te drung na ngu zhing smre sngags 'don nas sa la 'gre'o/ /de 
bzhin du nyi ma gcig ma zos ma 'thungs pa nas zhag gnyis/ zhag gsum zhag drug gi bar du ma zos ma 'thungs pas yab yum lhag par yang mya ngan gyis gdungs par gyur te/ srog mi 'tsho bar dogs nas zhag bdun lon pa dang yab yum gyis rkang lag pang 
du blangs te rkang lag la 'o byas te tshig snyan pa 'jam pos da longs la bza' ba dang / btung ba 'thung shig /kha zas kyis bsdus pa'i lus 'di ni kha zas la brten pa'i rkyen gyis gson pa yin gyis/ ma zos ma 'thungs na khyod srog mi 'tsho'o zhes spro ba bskyed 
kyang rgyal bu ma nyan te/ yab dang yum gyis bdag mchi bar ma gnang na nges par 'di kho na las nam du yang mi ldang ngo zhes gsol to/ /de'i tshe na btsun mo chen mos rgyal po la 'di skad ces gsol to/ /rgyal bus bsams pa'i sems 'di shin tu spyod dka' bas 
rgyal bu 'di nyid du tshe'i dus byed par thugs bzod dam/ yid dang 'gal bar mdzad par mi rigs kyi/ thugs rje bar dgongs te rgya mtsho chen por mchi bar gnang ba'i rigs so/ /mchir gnang na gal te brgya lam na slar 'khor yang srid kyis/da ma gnang na 
gdon mi za bar tshe'i dus bgyid par 'gyur ro zhes gsol to/ /rgyal pos kyang thugs ma bzod nas 'gro bar gnang ngo / /de ltar gnang nas de'i tshe rgyal bu dge don nyal ba las langs te rab tu dga' mgu rangs nas yab rgyal po'i zhabs la mgo bos phyag 'tshal to/ /rgyal 
po'i 'khor btsun mo dang / slas rnams dang / mi mang po brgya stong snyed gcig la gcig 'di skad du/ rgyal bu dge don da ltar shi'am gson zhes gtam zer ba las/ rgyal bu dge don da ltar langs te rab tu dga' nas bza' ba dang btung ba'i las kyang byed do zhes smras so/ /

</font><hr>76-1-137b<br><font size=+1>

de nas rgyal pos rgyal bu la khyod 'di ltar dus kyis rgya mtshor 'gror gsol pa 'di'i don ci zhig yod/ rgyal bus gsol pa/ rgyal po chen po bdag yid bzhin gyi nor bu rin po che chen po blangs te sems can thams cad kyi dgos pa chog par bgyid 'tshal lo/ /de nas rgyal po 
chen pos kun bkar btags te/ su dag rgya mtshor 'gro bar 'dod/ gal te rgya mtsho nas slar 'khor na rabs bdun gyi bar du bgo ba dang / kha zas dang / nor dang / rin po che mi brel bar sbyin la/ rgya mtshor 'jug pa'i yo byad ci dgos pa thams cad kyang sbyin zhing sbyar 
ro zhes bkar btags so/ /rgyal bu dge don rgya mtshor 'jug cing nor bu rin po che len du 'gro zhes thos nas thams cad rab tu dga' nas 'dus so/ /de'i nang na mi lnga brgya zhig bdag cag kyang rgyal bu'i zhabs 'bring du mchi bar gsol lo zhes khas blangs so/ /
de'i tshe yul bA rA Na sI na rgya mtsho'i sa mkhan gcig cig snga phyir lan du ma zhig rgya mtshor phyin te/ thar ba dang mi thar ba'i lam rgyus shin tu mkhas pa/ lo brgyad cu lon pa/ mig gnyis kyang mi mthong ba zhig yod de/ de'i tshe rgyal po chen po nyid lam mkhan gyi der 
gshegs nas lam mkhan la 'di skad ces bka' stsal to/ /nga la bu gcig las med pas sgor byung yang ma myong na rgya mtshor 'gro bar 'dod de khyod kyang zhabs 'bring du 'gro dgos so/ /de'i tshe lam mkhan des rgyal po'i gsung thos nas skad chen po phyung nas ngus 
te/ rgyal po chen po rgya mtsho chen por 'jug pa ni bgegs dang bar chad mang ste/ nyon mongs par 'gyur ba yang gcig tu ma zad pas brgya stong grangs med pa cig song yang slar 'khor ba gcig gnyis tsam las med na/ rgyal po chen po ci'i slad du rgyal bu 'di lta bu'i 
lam ring po ya nga bar gtong / rgyal pos smras pa/ rgyal bu la byams shing brtse bas ngo ma zlogs te btang ba yin no/ /lam mkhan gyis bdag kyang 'o na mchi'o zhes gsol to/ /de nas rgyal bu dge don gyis mi lnga brgya'i lam rgyags dang yo byad sbyar te rgya mtsho'i ngogs 

</font><hr>76-1-138a<br><font size=+1>

su bskyas so/ /de'i tshe nu bo ngan don 'di snyam du rgyal bu dge don la yang yang yab yum lhag par byams te/ da rgya mtshor nor bu rin po che len du 'gro ba gal te phyir yang 'khor na dge don la je byams je byams shing bdag la ni lhag par sdang zhing ben par 
'gyur ro snyam bsams nas bdag kyang rgyal bu dge don gyi phyi bzhin du rin po che len du 'gro'o zhes gsol pa dang / yab yum gyis 'gro bar gnang ste/ 'di yang song na lam ya nga ba'am/ mi bde ba dag tu spun gnyis 'grogs na gdon mi za bar gcig la 
gcig phan no zhes gsungs nas rgyal bu ngan don yang btang ngo / /de nas rgyal bu dge don gru'i nang na zhugs nas gru la lcags kyi nyag thag bdun btags te zhag bdun gyi bar du bsdad do/ /thog mar grur zhugs pa'i nang par nyi ma shar ba na rgyal bu dge don gyis rnga 
brdungs te skad chen pos 'di skad ces bos so/ /khyod la sogs pa su rgya mtshor 'gro 'dod pa ni cang ma smra shig /su pha ma dang / phu nu dang / bu smad la chags te 'dzam bu'i gling gi longs spyod dang / bde ba la dad pa rnams ni 'di nas phyir deng shig /
bdag gi phyir 'gyod par gyur ta re/ de ci'i phyir zhe na/ rgya mtsho'i nang na bgegs rab tu mang bas song ba grangs med kyang phyir 'khor ba gcig gnyis tsam las med do zhes skad chen pos bos kyang 'khor mang po rnams ni cang mi smra bas nyag thag gcig bcad de gru'i steng du 
drangs so/ /de bzhin nyin re lan re zhag bdun gyi bar du bos kyang kun kha rog 'dug ste cang mi smra bas nyag thag bdun char bcad de nyag thag gru'i steng du drangs so/ /de nas rlung phyogs su g.yor mo bsgrengs nas song ngo / /rgyal bu'i snying rje'i sems dang bsod nams kyi shugs 
kyis nye zho med par rgya mtsho'i gling nor bu rin po che'i drung du phyin to/ /rin po che'i drung du phyin nas rgyal bu dge don gyis yang rnga brdungs te mi mang po la lam ring zhing ya nga bas/ khyed rnams 'di nas rin po che long la zhag bdun zhig bstis la phyir deng shig par bsgo'o/ yang 

</font><hr>76-1-138b<br><font size=+1>

'di skad du rin po che 'di dag ni 'dzam bu'i gling na ngo mtshar du rin che ba yin gyis/ ha cang yang ma lci zhig /lcis na gru 'bying bar 'gyur ro/ /ha cang yang na lam ring por nyon mongs pa'i don med pas ran par byos la deng shig ces mi de dag la khyed rnams yul du bde bar phyin par 
gyur cig /bdag ni yid bzhin gyi nor bu rin po che tshol du 'gro'o zhes bsgo nas mchi phyag byas te so sor dong ngo / /de'i tshe rgyal bu dge don ni lam mkhan dang gnyis chas nas zhag bdun gyi bar du chu pus mo las mi nub pa'i nang du song ngo / /de nas zhag bdun gyi bar du gnya' bar 
phyin pa tsam gyi bar du song ngo / /de nas zhag bdun ni rkyal te pha rol rgya mtsho'i gling du phyin to/ /rgya mtsho'i gling de sa gzhi dngul gyi bye ma bdal ba zhig tu phyin nas lam mkhan gyis sa gzhi 'di ci yin zhes dris na rgyal bus sa gzhi 'di ni dngul gyi bye ma 'ba' zhig yod do zhes 
smras so/ /lam mkhan gyis smras pa/ phyogs bzhir ltos shig dang / ri dkar po zhig snang ba'i rigs na khyod mthong ngam/ rgyal bus smras pa/ shar lho'i mtshams na ri dkar po zhig snang ngo / /lam mkhan gyis smras pa/ phar 'gro ba'i lam ni ri de'i drung na 
yod de/ de'i 'gram pha zad cig na gser gyi bye ma bdal ba'i sa gzhi zhig yod pa'i rigs zhes smras nas/ ngal chad de nyam thag nas sa la 'gyel te rgyal bu la 'di skad ces smras so/ /bdag ni nyam thag nas ma nus par 'dir 'chi'o/ /rgyal bu khyod 'di nas shar 
phyogs su zhag bdun gyi bar du song shig dang / gser gyi ri dang phrad pa'i rigs so/ /de nas zhag bdun gyi bar du song shig dang / sa gzhi pad mo sngon po 'ba' zhig yod par phyin pa'i rigs so/ /de nas yang zhag bdun song shig dang / sa gzhi pad ma le 
brgan 'ba' zhig yod pa dang phrad pa'i rigs so/ /pad mo de'i pha rol na rin po che sna bdun gyi mkhar zhig yod de/ mkhar de'i nyen ni gser las byas/ cog par dngul las byas/ mda' yab ke ke ru dmar po las byas/ man shel dang / spug la sogs pa rin 

</font><hr>76-1-139a<br><font size=+1>

po che sna tshogs kyis spras te/ mu tig dmar po'i dra bas steng g.yogs la/ mtha' ma bai dUr+ya mthon mthing gi 'obs rim pa bdun gyis bskor ba'i nang na klu'i rgyal po'i pho brang yod kyis klu'i rgyal po de'i rna ba'i nang na yid bzhin gyi nor bu rin po che yod 
kyis slongs shig /de thob par gyur na 'dzam bu'i gling du rin po che sna bdun gyi char 'bebs shing / gos dang / zas dang / nad kyi rkyen sman dang / rol mo dang / dgos pa'i yo byad thams cad yid bzhin du char 'bebs so/ /de bas na yid bzhin gyi nor bu rin po 
che zhes bya'o/ /gal te rgyal bus thob na smon pa thams cad nges par 'grub par 'gyur ro zhes smras nas tshe'i dus byas par gyur te/ de'i tshe rgyal bu dge don gyi lam mkhan de pang du blangs nas skad phyung ste ngus so/ /kyi hud kyi hud ci'i phyir bdag gi lha nang cig 
stor bar gyur ces lam mkhan gyi rus bu gser gyi bye ma'i nang du sbas nas g.yas phyogs nas lan gsum bskor ba byas te phyag byas nas song ngo / /de nas song song ba las gser gyi ri'i drung du phyin no/ /gser gyi ri'i drung pha rol du phyin nas pad mo sngon pos sa gzhi 
khebs par 'dug pa de na pad mo de dag gi 'og na sbrul gdug pa chen pos gang bar mthong ngo / /sbrul gdug pa can de dag la gdug pa rnam pa gsum yod de/ 'di lta ste/ zin pa'i gdug pa dang / reg pa'i gdug pa dang / kha rlangs kyi gdug pa'o/ /sbrul 
gdug pa de dag pad ma'i sdong bu la 'khri zhing kha ni gdangs/ mig ni bgrad de/ rgyal bu la blta'o/ /de'i tshe na rgyal bu dge don byams pa'i sems kyi ting nge 'dzin du zhugs nas ting nge 'dzin gyi mthus de nas chas te/ pad mo de dag la rdog pas brdzis shing song yang 
sbrul gdug pa de dag gis gnod par ma gyur to/ /de ltar byams pa'i sems kyi ting nge 'dzin gyi shugs kyis song song ba las klu'i pho brang gi drung du phyin no/ /klu'i rgyal po'i pho brang gi phyi rol 'obs rim pa bdun gyis bskor te/ 'obs de dag gi nang na klu gdug pa 

</font><hr>76-1-139b<br><font size=+1>

gcig la gcig 'khri zhing mgo bteg ste mkhar sgo srung ngo / /de'i tshe na rgyal bu dge don mkhar sgo der phyin te/ klu gdug pa de mthong nas byams pa'i sems kyis 'dzam bu'i gling gi sems can thams cad yid la byas te/ bdag sems can gyi don du song song ba 
las gal te klu gdug pas gnod pa byas na/ phan pa dang bde ba'i don med par 'gyur ro snyam du bsams nas/ rgyal bu dge don gyis lag pa g.yas pa bteg nas klu gdug pa rnams la 'di skad ces bsgo'o/ /khyed rnams shes par gyis shig /bdag ni sems 
can thams cad kyi don du klu'i rgyal po dang phrad par 'dod do/ /de nas klu gdug pa rnams kyis lam phye ste/ 'obs rim pa bdun gyi bar du thal te song nas mkhar sgor phyin no/ /mkhar sgo de na shel gyi bu mo gnyis shig shel gyi skud pa 'khal zhing 'dug pa mthong 
nas khyed ci yin zhes dris na kho mo ni klu'i rgyal po'i phyi sgo srung ba'i bran mo yin no zhes zer ro/ /de nas yang nang du zhugs te song ba las bar sgor phyin pa dang / bar sgo na shel gyi bu mo bzhi zhig dngul gyi skud pa 'khal zhing 'dug pa mthong ngo / /bu mo de la khyed klu'i rgyal 
po'i btsun mo yin nam zhes dris na ma yin te/ bdag cag ni klu'i rgyal po'i bar sgo srung ba'i bran mo yin no zhes zer ro/ /de nas yang rgyal bu sgo de'i nang du zhugs te song ba las nang sgo de la shel gyi bu mo brgyad cig gser gyi skud pa 'khal zhing 'dug pa mthong ngo / /khyed 
ci yin zhes dris na bdag cag ni klu'i rgyal po'i pho brang gi nang sgo srung ba'i bran mo yin no zhes zer ro/ /de nas rgyal bu dge don gyis bu mo de dag la bdag ni 'dzam bu'i gling gi yul bA rA Na sI'i rgyal po'i bu dge don zhes bya ba yin te/ rgyal po dang phrad 'dod pas da ltar sgo 
na 'dug go zhes phrin gyis shig ces bsgo'o/ /de nas sgo srungs des kyang klu'i rgyal po la de bzhin du gsol pa dang / klu'i rgyal po ngo mtshar du 'dzin te 'di snyam du 'di ni bsod nams dang dge ba'i rtsa ba shin tu byang ba zhig ma yin par tha mal pa gzhan zhig gis lam 

</font><hr>76-1-140a<br><font size=+1>

'di lta bu bgrod cing 'ong mi nus so snyam bsams nas nang du bos te klu'i rgyal po nyid kyis bsu nas pho brang gi nang du khrid do/ /klu'i rgyal po'i pho brang gi nang ni sa gzhi bai dUr+ya las byas/ khri stan ni rin po che sna bdun las byas so/ /'od rnam pa sna tshogs ni 
mig gis mi bzod pa tsam du 'tsher ro/ /de nas klu'i rgyal pos rgyal bu dge don stan bting ba la bzhag nas gtam byas so/ /de nas rgyal bu dge don de las glengs te klu'i rgyal po la spro ba dang / gzengs bstod pa dang / dga' ba'i gtam rnam pa sna tshogs dang / sbyin 
pa'i gtam dang / tshul khrims kyi gtam dang / lha dang mi'i gtam la sogs pa rgyas par smras te chos bshad do/ /de nas klu'i rgyal po rab tu dga' zhing rangs par gyur te/ 'di ltar bgrod dka' ba bgrod cing lam ring po nas 'ongs pa 'di ci 'dod ces smras pa dang / rgyal 
bu dge don gyis klu'i rgyal po la 'di skad ces smras so/ /'dzam bu'i gling gi sems can rnams ni gos dang / nor dang / zas dang / skom gyi phyir mtha' med pa'i sdug bsngal chen po myong bar gyur pas rgyal po'i snyan g.yon pa'i nang na nor bu rin po che 'dod do/ /klu'i rgyal pos 
smras pa/ zhag bdun gyi bar du bdag gis mchod pa sbyar ba tsam bzhes su gnang na nor bu sbyin no zhes smras so/ /de nas rgyal bu dge don klu'i rgyal pos spyan drangs pa bzhin zhag bdun gyi bar du klu'i pho brang na 'dug nas yid bzhin gyi nor bu rin po che khyer te phyir 'dzam bu'i gling du 'gro 
bar chas pa las/ de'i tshe na klu'i rgyal po chen pos klu rnams kyi mthus nam mkha' la 'phur te rgya mtsho'i tshu rol gyi ngogs su bskyal to/ /der phyin pa dang nu bo ngan don dang phrad do/ /rgyal bus nu bo ngan don la khyod kyi grogs po kun ga re zhes dris nas khyod gcig pu 'di na 'dug gam zhes 
smras pa dang / rgyal bu ngan don na re gru bying nas thams cad shi ste/ bdag 'ba' zhig ro zhig la 'ju 'ju nas ma shi nas phyin te gzhan ni cig car kun shi'o/ /rgyal bu dge don gyis smras pa/ 'jig rten na rin po che'i mchog ni bdag gi lus las 'da' ba med do/ /nu bos smras 

</font><hr>76-1-140b<br><font size=+1>

pa/ de ltar ma yin te phyug bzhin du shi yang sla'i dbul bzhin du mi gson no/ /der ci mngon zhe na/ bdag dur khrod cig na 'dug par phyin pa na/ dur khrod de na yod pa'i ro dag de skad ces zer ba thos so/ /rgyal bu dge don rang bzhin gyis drang bas nu bo la khyod rin po che 
med kyang tshod yod kyis/ bdag la klu'i rgyal po'i yid bzhin gyi nor bu rin po che yod do/ /nu bos nor bu ga re zhes dris na/ phu bos smras pa/ yid bzhin gyi nor bu rin po che bdag gi do ker gyi nang na yod do zhes smras so/ /nu bos de skad ces smras pa thos nas phrag dog gi 
sems kyis lhag par 'khrug cing zhe sdang gi sems skyes te/ 'di snyam du yab rgyal po dang yum bdag la lhag par sdang ba'i steng du da phu bos ni yid bzhin gyi nor bu rin po che rnyed pas/ da ni lhag par bdag la sdang zhing sa rdo dang 'dra bar ben par 'gyur ro snyam bsams nas phu 
bo dge don la 'di skad ces smras so/ /shin tu legs so/ /nor bu rin po che thob pa shin tu legs kyis da 'jigs pa 'dir legs par bsrung dgos so/ /de nas rgyal bu dge don gyis do ker bkrol te nor bu ni nu bo ngan don gyi lag tu byin te/ khyod ngal zhing chad de nyal 
ba'i tshe kho bos btsa' zhing bsrung ngo / /kho bo ngal te nyal ba'i tshe na khyod kyis btsa' zhing srungs shig /de'i tshe ngan don nor bu srung res la bab nas phu bo dge don de gnyid log cing 'dug pa las/ ngan don gyis smyig ma skam po'i tshal pa gnyis kyis dge don gyi mig gnyis kyi 
nang du btsugs nas nor bu rin po che khyer te bros so/ /de nas rgyal bu dge don gyis nu bo ngan don zhes bos te/ nga'i mig gnyis su rkun pos shing tshal btsugs kyis nor bu rin po che thogs la bros shig ces bos nas cang mi grag pas/ da ni bdag gi nu bo ngan don yang 
dgras bsad pa lta'i cang mi grag go zhes skad chen pos lha rnams thos pa tsam du bos kyang ring zhig gi bar du cang mi grag go/ /de nas shing ljon pa'i lha zhig 'di skad ces smra'o/ /khyod kyi nu bo ngan don nyid dgra yin te/ khyod kyi mig gnyis phyung nas nor bu rin po che khyer te phyir bros 

</font><hr>76-1-141a<br><font size=+1>

nas song ba la ngan don zhes bos pas ci phan zhes smras so/ /yang rgyal bu dge don gyis tshig de thos nas mya ngan gyis gdungs te yi mug par gyur to/ /de'i tshe rgyal bu ngan don nor bu rin po che khyer te phyir bdag gi yul du phyin nas yab yum dang phrad de yab rgyal po 
dang yum la 'di skad ces smras so/ /bdag ni bsod nams dang ldan te nye zho med par slar mchis so/ /rgyal bu dge don dang grogs gzhan ni bsod nams chung bas chur gum ste zad par shi'o/ /yab rgyal po dang yum gyis tshig de thos nas skad chen po phyung nas ngus so/ /brgyal 
te sa la 'gyel to/ /de nas chu grang mo gtor bas ring zhig lon pa dang phyir sangs nas rgyal bu ngan don la ngo so ci yod na nged dang phrad cing 'ongs zhes smras pa dang / rgyal bu ngan don mi dga' nas khros te nor bu rin po che dben pa zhig tu sa brkos nas sbas so/ /de'i tshe rgyal bu dge don mig 
gnyis su smyig ma'i tshal pa skam po zug pa 'byin pa'i mi med pas sdug bsngal gyis gdungs te sa la 'gre'o/ /gar 'gro yang mi shes te bkres pa dang skom pas kyang gdungs nas/ gson na gson du yang med/ shi na shir yang med de bgab kyis 'thom zhing song ba las rgyal po li 
shi bar gyi yul 'dab tu phyin to/ /li shi bar gyi rgyal po de la bu mo zhig yod pa ni yul bA rA Na sI'i rgyal po'i sras rgyal bu dge don la sbyin par byas so/ /rgyal bu li shi bar de la rdzi'u ba lang lnga brgya 'tsho ba zhig yod de/ rtswa dang chu ga la yod par 'tsho zhing 'gro'o/ /de'i tshe na rgyal bu 
dge don lam ka zhig na 'dug pa las rdzi'u des gnag phal po che ded nas der phyin pa dang / ba lang phal gyis brdzis ma khad pa las ba lang de'i nang na khyu mchog gi rgyal po gcig yod pas rgyal bu'i steng du zhon te ba lang phal kun thal ba'i 'og tu pha zad song nas sa la 'gre zhing rgyal 
bu la lta zhing phyir langs te/ rgyal bu'i mig gnyis su lces bldags pa dang smyig ma'i tshal pa yang phyung ngo / /de nas gnag rdzi yang phyi bzhin der 'ongs nas khyod su zhig ces dris so/ /dge don gyis 'di snyam du bdag gis cho rigs dang ji ltar gyur pa zhib tu smras na gal 

</font><hr>76-1-141b<br><font size=+1>

te bdag gi nu bo sdug bsngal chen po myong ngo snyam bsams nas bdag ni long ba mu lto ba yin no zhes smras so/ /de nas gnag rdzi des bltas na/ mtshan gzhan las dpags te tha mal pa ma yin par mthong nas kho bo'i khyim 'di nas mi ring ba zhig na yod de/ khyod kyi 'tsho ba sbyar gyis 
nga'i khyim du 'dong ngo zhes smras nas rgyal bu dge don khyim du khrid do/ /gnag rdzi des khyim du khrid nas zas dang / skom dang / dgos pa thams cad sbyar nas/ khyim gyi bu dang / bu mo dang / khyim gang gi mi thams cad la khyed thams cad kyis long ba 'di la nga dang 'dra bar 
rim gro byos shig ces bsgo'o/ /de nas de bzhin du zla ba gcig lhag gi bar du khyim na gso gso ba las skyo bar gyur nas 'di skad du/ da ni so tshis kyang dmas pas rtag tu long ba 'di gso sus nus zhes smras so/ /dge don gyis tshig de skad smras pa thos nas sems 
nyam nga bar gyur te/ de'i mtshan mo 'das nas phyi de nyin khyim bdag la da bdag mchi'o zhes smras pa dang / khyim bdag gis smras pa/ ci zhig ma rungs na bdag cag spangs nas 'gro bar sems/ dge don gyis smras pa/ bza' dang mgron ni chos kyis yun ring du 'grogs shing 
gnas pa ma yin no/ /dge don gyis yang smras pa/ khyod 'di ltar bdag la byams na bdag la rol mo jeng snyan pa cig byas te/ gang na mi mang po 'du ba'i gnas sam/ grong khyer chen po zhig tu skyol cig /de nas khyim bdag des kyang de'i yid bzhin du dgos pa 
sbyar nas rgyal po li shi bar gyi grong khyer du mi mang po'i nang du bskyal nas bde bar phyir log go/ /de nas rgyal bu dge don jeng la shin tu mkhas pas jeng gi sgra snyan pa yid du 'ong bas thams cad kyis 'tsho ba'i yo byad byin no/ /bza' ba dang btung bas mi brel bar byas so/ /
de'i tshe li shi bar gyi yul na sprang po lnga brgya yod pa yang thams cad bza' ba dang btung bas chog par byas so/ /de'i tshe na rgyal po de la bza' shing gi ra ba zhig yod de/ 'bras bu rab tu rgyas nas rtag tu bya mi thub ste/ ra ba srung ba'i sna bos de'i tshe na rgyal bu dge don la 

</font><hr>76-1-142a<br><font size=+1>

'di skad ces smras so/ /khyod bdag gi shing tog gi ra ba srung zhing 'dug mi nus sam/ bdag gis khyod la dgos pa'i yo byad sbyar ro/ /dge don gyis smras pa/ bdag la mig gnyis med de mi mthong na ji ltar khyod kyi ra ba srung zhing bya rnams bskrad nus/ 
ra ba'i sna bos smras pa/ bdag la thabs yod de/ bdag gi skyed shing gi khar thag pa bres te thag pa la dril bu btags la thag pa khyod kyi lag tu bzhag la bya skad nam grag pa dang thag pa nas drangs pas chog go/ /dge don gyis smras pa/ de ltar byas na bdag gis 
nus kyi shing drung du khrid cig ces smras nas der song ngo / /rgyal bu dge don ra ba de na shing tog srung zhing rol mo jeng byed de rtse zhing 'dug go/ /de'i tshe na rgyal po'i bu mo 'khor rnams dang bza' shing gi ra bar 'chag cing ltad mo ltar song ba las long ba de mthong nas long ba'i drung du 
song ste/ khyed su'i mi yin zhes dris so/ /smras pa/ bdag ni dmus long mu lto ba yin no/ /rgyal po'i bu mos long ba de mthong nas de la snying chags te gtong ma phod do/ /rgyal pos bu mo 'bod du btang ba las kho mo mi 'gro'o/ /bza' ba dang btung ba 'dir skyol cig /
bdag long ba 'di dang lhan cig za'o/ /de ltar long ba dang lhan cig zan zos nas rgyal po la 'di skad ces gsol to/ /bdag long ba 'di la stsal du gsol/ de la stsal na bdag gi yid tshim par 'gyur ro/ /rgyal pos smras pa/ bu mo khyod 'dre gdon gyis brlams sam/ 
'on te smyos sam/ snying myos sam/ ci'i phyir long ba de dang lhan cig tu gnas/ khyod mi shes sam/ sngar bA rA Na sI'i rgyal pos bu dge don gyi chung mar bslangs te de la sbyin par byas nas rgyal bu da ltar rgya mtshor song ba las phyir ma 'khor na ci'i phyir na mu lto ba zhig gi chung 
ma byed par sems/ bu mos gsol pa/ de lta lags mod kyi srog 'di yal yang long ba mi gtong ngo / /rgyal pos tshig de thos nas bu mo'i ngo ma zlogs nas long ba bkug nas pho brang gi nang du phyogs dben pa zhig tu bzhag go/ /de nas rgyal po'i bu mo de long ba'i thad du song 

</font><hr>76-1-142b<br><font size=+1>

nas 'di skad ces smras so/ /mkhyen tam/ da bdag khyod dang bza' shug tu 'du'o/ /dge don gyis smras pa/ khyod su'i bu mo yin te bdag dang bza' shug tu 'du bar sems/ smras pa bdag ni rgyal po li shi bar gyi bu mo yin no/ /dge don gyis smras pa/ khyed 
ni rgyal po'i bu mo yin te bdag ni mu lto ba yin na gcig la gcig ji ltar bkur sti byed par 'gyur/ chung mas smras pa/ bdag snying nas khyod kyi rim gro bya ste yid dang 'gal bar mi bya'o/ /de ltar zhag dgu bcu'i bar du 'dus shing 'khod pa las nyin gcig chung mas khyim 
thab la gtam ma byas par phyi rol du song ba las ring zhig lon pa dang phyir 'ongs so/ /dge don gyis chung ma la khyod gsang ste gar song song / bdag la yang gtam ma byas par gang du phyin gang nas phyir log ces smras so/ /chung mas smras pa/ bdag gsang ste song ba 
med do/ /dge don gyis smras pa/ khyod gsang ngam mi gsang mi sus shes/ chung mas mi dga' ste yi chad nas mig mchi mas gang bzhin du 'di skad du smras te dam bcas so/ /gal te bdag khyod la gsang ba zhig la song bar gyur na khyod kyi mig gnyis nam du yang 'tsho 
bar ma gyur cig /gal te de lta ma yin na khyod kyi mig ya gcig sngon bzhin du mthong bar gyur cig ces dam bcas pa'i tshig smras ma thag tu khyim thab kyi mig ya gcig sngon bzhin du mthong zhing gsal bar gyur te/ skar ma ltar bkra la mngon par chung mas mthong bar gyur pa dang / chung 
mas smras pa/ da khyod yid ches sam/ dge don 'dzum dmul te cang mi smra'o/ /chung mas smras pa/ khyod ni khrel med pa drin mi shes pa zhig ste/ bdag ni rgyal po chen po'i bu mo zhig ste/ khyod ni mi tha mal pa zhig las bdag gis snying nas rim gro byas na 'on kyang khyod yid 
mi ches so/ /khyim thab kyis smras pa/ nga su yin pa khyod kyis shes sam/ smras pa/ mi shes te khyod mu lto ba yin no/ /khyim thab kyis smras pa/ma yin no/ /kho bo ni yul bA rA Na sI'i rgyal po'i sras rgyal bu dge don zhes bya ba yin no/ /chung mas smras pa/ khyod ni 

</font><hr>76-1-143a<br><font size=+1>

cher glen pa zhig go/ /ci'i phyir de skad ces smra/ bA rA Na sI'i rgyal po'i sras rgya mtshor zhugs te/ rin po che len du song ba las da dung phyir ma 'khor na/ ci'i phyir khyod de yin zhes zer/ khyod brdzun zer bas kho mo yid mi ches so/ /rgyal bu dge don gyis smras 
pa/ bdag ni thog ma skyes nas da tsam gyi bar du brdzun zer ma myong ngo / /chung mas smras pa/ khyod smras pa bden nam brdzun pa su zhig yid ches par 'gyur/ khyim thab kyis smras pa/ kho bos smras pa'i tshig 'di brdzun te khyod bslus par gyur na kho bo'i mig ya gcig gtan 
mi mthong bar shog shig /gal te tshig bden na bdag gi mig ya gcig kyang sngon bzhin du mthong bar shog shig ces smras ma thag tu mig ya gcig gi 'bras bu yang sngon bzhin du gsal zhing mthong bar gyur to/ /rgyal bu dge don gyi mig gnyis sngon bzhin du gsal 
zhing mdzes pa dang / mi'i mtshan dang ldan zhing yid du 'ong la 'jig rten na dpe med par bzang bar chung mas mthong nas rab tu dga' ba'i sems skyes te 'phags pas byin gyis brlabs pa tsam du spro zhing mig mi 'dzums pa tsam du lta'o/ /de nas pho brang du song ste/ yab rgyal 
po la bdag gi khyim thab de ni rgyal bu dge don yin zhes gsol pa dang / rgyal pos smras pa/ glen ma 'di smyos sam/ yi dgas kyis bslus sam/ ci nyes na 'di skad ces zer rgyal bu dge don ni rgya mtshor zhugs te da dung yang ma 'khor zer na/ ci'i phyir khyod mu lto 
ba zhig la rgyal bu dge don zhes zer/ bu mos gsol pa/ de lta ma lags te/ rgyal po thugs mi ches na spyan gyis gzigs par ci gnang zhes gsol pa dang / rgyal pos gzigs ma thag tu rgyal bu dge don yin par rtogs so/ /de ltar rtogs nas dngangs 
te 'di skad du/ gal te bA rA Na sI'i rgyal pos thos na bdag cag la dpyas par 'gyur ro snyam zhes smras nas/ rgyal bu dge don bdag gis sngar rgyal bu yin par ma shes par nyes pa bshags so zhes smras so/ /rgyal bus smras pa/ de la nyes pa med de/ rgyal po'i 

</font><hr>76-1-143b<br><font size=+1>

gnag rdzi de la sbyin pa byin cig ces smras so/ /de nas rgyal po li shi bar gyis gnag rdzi de la gser dang / dngul dang / rin po che dang / gos dang / bza' ba dang / btung ba yang byin gnag lnga brgya yang thal byung byin no/ /de nas gnag rdzi de yang shin tu dga' nas rgyal 
bu dge don la bdag gis phan pa'i drin ci zhig byas na bdag la nor dang / rin po che 'di snyed cig byin zhes mi mang po'i nang du skad chen pos gsang mkhyud de sbyin pa byas kyang drin mngon sum du 'ongs pas sbyin pa byas pa'i 'bras bu'i rnam par smin pa ni 'di ltar rgya che'o zhes 
bsgrags so/ /de'i tshe na 'khor mang po kun rab tu dga' nas sbyin pa la dga' ba'i sems skyes so/ /gang sangs rgyas 'dod pas ni thams cad la sbyin par bya'o zhes lha rnams kyang mi de la bsngags shing bstod pas de bzhin du grub par gyur to/ /de'i tshe na rgyal bu 
dge don rgya mtshor ma zhugs pa pho brang na 'dug pa na ngang pa dkar po gcig gsos te rtag tu 'grogs shing bza' ba dang / btung ba dang / 'gro ba dang / sdod pa dang / 'dug pa dang / nyal ba na rtag par lhan cig go/ /de nas yum btsun mos bya ngang pa'i drung du song nas 
'di skad ces smras so/ /rgyal bu 'dug pa'i tshe khyod dang rtag par 'grogs na da rgya mtshor song ste shi'am gson gtol med de bdag mi shes na khyod rgyal bu mi dran nam/ ngang pas tshig de thos nas skad phyung ste sa la 'gre nas mig mchi mas gang bzhin du btsun mo la 'di skad ces smras 
so/ /btsun mo bdag rgyal bu tshol bar bka' stsal na mchi'o zhes smras nas de'i tshe btsun mos yi ger bris te ngang pa'i mgul du btags nas rgyal bu tshol du btang ngo / /de nas ngang pa des rgyal bu gang logs su song ba dris nas nam mkha' la 'phur nas rgya mtsho'i logs su 
song ngo / /btsun mos de ltar ngang pa song ba mthong nas da ni gdon mi za bar bdag gi bu gson nam shi ba'i gtam nges par nye bar thos par 'gyur ro snyam sems so/ /de nas ngang pa des rgya mtsho'i steng gi nam mkha' la lding lding nas kun tu brtags nas btsal kyang rgyal bu ma mthong nas mthar 

</font><hr>76-1-144a<br><font size=+1>

gyis rgyal po li shi bar gyi yul du phyin pa dang / rgyang ma nas rgyal bu dge don rgyal po'i pho brang na 'dug pa mthong ngo / /de nas ngang pa de de nyid du babs te rgyal bu gang na bar 'ongs te/ snying rje rje skad phyung ste rab tu dga' bas rgyal bu la blta'o/ /de nas rgyal bus ngang pa'i 
mgul nas yi ge blangs nas mgo bos gus par phyag 'tshal to/ /de nas yi ge phye nas bklags so/ /bklags nas rgyal po yab yum gnyis nyin mtshan du rgyal bu dran pas rtag tu ngu bas mig gnyis ldongs par rtogs so/ /de nas rgyal bu dge don gyis ji ltar gyur pa zhib 
tu yi ger bris te/ phyir yang ngang pa'i mgul du btags nas phyir btang ngo / /de nas ngang pa rab tu dga' zhing phyir yul bA rA Na sIr yab rgyal po dang yum btsun mo'i der 'ongs so/ /rgyal pos yi ge 'ongs pa mthong nas rab tu dga' mgu rangs te/ spro ba tshad med par gyur/ rgyal 
bu dge don yang ngan don gyis rku byas te/ rin po che yang phrogs pas sdug bsngal mang po myong bar rtogs so/ /de nas yab rgyal pos de ma thag tu ngan don bzung nas lag pa dang rkang pa khong sgril du bcug /gnya' ba yang lcags thag gis btags nas khri mon du bor ro/ /de 
nas rgyal po li shi bar gyi steng du pho nya btang nas ci'i phyir rgyal bu bkag ste bdag cag mya ngan gyis gdungs par byas zhes springs so/ /de nas rgyal po li shi bar skrag nas rgyal bu dge don gos dang rgyan gyis brgyan te sa mtshams su bzhag ste/ pho nya la spring ba ltar byas nas rgyal 
bu dge don rgya mtsho nas slar 'khor te da 'dir gshegs so zhes pho nya 'ongs pa ltar byas so/ /de'i tshe rgyal po li shi bar gyis gang nas 'ongs pa'i sa phyogs de kun phyag dar byas/ chag chag btab nas rgyal mtshan dang / ba dan dang / gdugs bres te/ dril bu dang / rnga 
brdungs nas rol mo sna tshogs byas te/ rgyang ma nas rgyal po nyid 'khor dang bcas pas rgyal bu pho brang gi nang nas bsu nas bu mo chung mar byin te yul bA rA Na sIr skyel du btang ngo / /bA rA Na sI'i rgyal po dang / btsun mos rgyal bu 'ongs zhes thos nas rab tu dga' mgu rangs 

</font><hr>76-1-144b<br><font size=+1>

te/ bal gyi glang po che rab la zhon nas rgyal bu bsus so/ /bsu ba'i sa phyogs der phyag dar dang chag chag byas te/ bdug spos dang / ba dan dang / rgyal mtshan dang / gdugs la sogs pa sbyar cing bres nas rol mo rnam pa sna tshogs kyang byas so/ /yul de na gnas pa'i 
yul mi pho smos thams cad kyis rgyal bu dge don rgya mtsho nas bde bar phyir 'khor bar thos nas thams cad rab tu dga' nas kun gyis rgyal bu bsus so/ /de nas rgyal bu dge don gyis yab rgyal po dang / yum btsun mo'i zhabs la mgo bos phyag 'tshal te/ rgyal po dang / btsun 
mo mig ldongs te rgyal bu mi mthong bas lag pas mnams byugs nas khyod nga'i bu dge don yin nam khyod rtag par dran te mya ngan gyis gdungs pas 'di ltar gyur to/ /rgyal bus yab rgyal po dang btsun mo la phyag byas nas rgyal phran rnams dang / blon po rnams dang / mi mang po la 
lag pa bteg ste skad chen pos spro ba bskyed do/ /bdag nyon mongs kyang khyod kyi yon tan gyis phyir 'khor ro zhes smras so/ /de nas rgyal bu dge don gyis yab rgyal po la bdag gi nu bo ngan don da ltar ga re/ gang na mchis zhes gsol pa dang / yab rgyal pos bka' stsal 
pa/ khyod de'i gtam ma 'dri shig /sdig pa can de da ltar khri mon na yod de gtang zhes bya ba med do/ /rgyal bu dge don gyis gsol pa/ bdag ngan don dang phrad du stsol cig ces de bzhin du lan gnyis lan gsum gyi bar du ngus shing gsol nas yid ma bzlogs te khri mon nas ngan 
don phyung ngo / /ngan don gyi lag pa dang / rkang pa nas lcags dang khong sgril phyungs shig par gsol lo/ /de nas btson ra nas phyung nas ngan don pang du 'khyud nas khyod rab tu nyon mongs sam zhes tshig 'jam pos spro ba bskyed de gtam byas nas nga'i nor bu rin po che khyer ba ga re zhes 
lan gnyis lan gsum gyi bar du dris pa dang / gdod sa'i 'og na sbas shing 'dug go zhes smras so/ /de nas rgyal bu dge don gyis gnas de nas rin po che phyung nas blangs so/ /de nas yab rgyal po dang yum btsun mo'i drung du 'ongs te/ nor bu rin po che la bdug spos bzang 

</font><hr>76-1-145a<br><font size=+1>

pos bdugs nas pus mo btsugs te smon lam 'di skad ces btab bo/ /yid bzhin gyi nor bu rin po che yin yang dag na yab rgyal po dang yum btsun mo'i spyan sngon bzhin du phyir mthong bar shog shig ces smras ma thag tu yab rgyal po dang yum gnyis kyi spyan sngon 
bzhin du gsal bar mthong bar gyur nas rab tu dga' mgu rangs par gyur to/ /de'i tshe rgyal bu dge don zla ba nya ba'i dus tshes bcwa lnga'i nyin par khrus byas nas gos sar pa gtsang ma gyon nas nor bu rin po che yang tog gi steng du bzhag ste/ lag na bdug spos kyi snod thogs 
nas yid bzhin gyi nor bu rin po che la mgo bos phyag 'tshal nas 'di skad ces smon lam du btab bo/ /bdag gis 'dzam bu'i gling gi sems can thams cad kyi phyir sdug bsngal chen po nyams su blangs te nor bu rin po che blangs so zhes smras ma thag tu/ de'i tshe shar phyogs nas 
rlung chen po langs nas sprin dang na bun bus te nam mkha' yongs su dag par byas te/ 'dzam bu'i gling na mi gtsang ba'i nyal nyil dang / bshang gci dang / phyag dar dang / mi sdug pa thams cad rlung gis bus te yongs su dag par byas nas nor bu rin po che'i byin gyis 'dzam 
bu'i gling du ma rmos par rang grub pa'i 'bras sa lu char bzhin du bab nas 'bras sA lu de yang 'jam zhing kha dog dang ror ldan pa/ shang shong thams cad kyang gang nas pus mo nub tsam du bab bo/ /de'i 'og tu bgo ba'i gos dam pa dang / lus kyi rgyan gdub dang / nor bu dang 
gdu bu la sogs pa char bzhin du bab bo/ /de'i 'og tu gser dang / dngul dang / rin po che sna bdun dang / de la sogs te rol mo sna tshogs dang / mdor na sems can thams cad kyi dgos pa'i yo byad ci 'dod pa thams cad char bzhin du bab nas thams cad chog cing tshim 
par byas so/ /byang chub sems dpa'i snying rje chen po'i shugs kyis sbyin pa'i pha rol tu phyin pa la spyod de/ sems can thams cad la dgos pa'i yo byad chog par sbyin pa'i don ni 'di lta bu yin no/ /bcom ldan 'das kyis kun dga' bo la bka' stsal pa/ de'i tshe de'i dus na yul 

</font><hr>76-1-145b<br><font size=+1>

bA rA Na sI'i rgyal po chen po de gzhan zhig yin snyam du sems na de ltar mi blta'o/ /de'i tshe de'i dus na rgyal po chen po de ni da ltar nga'i yab rgyal po zas gtsang ma yin no/ /de'i tshe de'i dus na btsun mo de gzhan zhig yin snyam du sems na de ltar mi blta'o/ /de'i tshe de'i dus na btsun mor 
gyur pa de ni da ltar nga'i yum lha mdzes yin no/ /de'i tshe de'i dus na rgyal bu ngan don de ni da ltar lha sbyin nyid yin no/ /de'i tshe de'i dus na rgyal bu dge don de ni da ltar nga nyid yin te/ lha sbyin 'di ni sngon 'das pa'i dus na yang nga la rgyun du ngan sems kyis nga la gnod pa byas kyang ngas ni bzod 
pa rtag tu dang du blangs nas rtag tu de la drin byin pas rgyun du bde bar byas na/ da mngon par sangs rgyas pa na lta smos kyang ci dgos/ bcom ldan 'das kyis de skad ces gsungs pa na lha dang mi brgya stong snyed rgyun du zhugs pa'i 'bras bu thob pa nas dgra bcom pa'i 'bras bu'i bar du 
thob par gyur to/ /gzhan yang lha dang mi tshad med pa brgya stong snyed bla na med pa yang dag par rdzogs pa'i byang chub tu sems bskyed nas/ sems can tshad med pa brgya stong snyed nyan thos dang / rang sangs rgyas kyi bar du sems bskyed par gyur to/ /kun dga' bos sangs rgyas la 
gsol pa/ bcom ldan 'das mdo sde 'di'i ming ci zhes bgyi/ ji ltar gzung bar bgyi/ bcom ldan 'das kyis bka' stsal pa/ mdo sde 'di'i ming thabs mkhas pa sangs rgyas drin lan bsab pa sems can thams cad la tshim par sbyin pa zhes bya'o/ /'khor mang po rnams mdo sde 
'di gsungs pa la rab tu dga' nas phyag byas te phyir dong ngo / /gzhan yang lha sbyin ni sangs rgyas kyis bstan pa'i rjes su rab tu byung mod kyi/ khe bkur dang rnyed pa'i phyir rgyun du phrag dog byed de/ lha sbyin mdo sde spos kyi glang po che'i khal drug khri snyed kha don du 'don shes kyang mtshams med 
pa'i sems can dmyal ba las ma thar ro/ /de'i tshe na lha sbyin rgyal po ma skyes dgra dang rab tu mdza' nas gcig la gcig dga' zhing nye bar sems te/ gcig gi tshig la gcig yid ches so/ /de nas lha sbyin gyis rgyal po ma skyes dgra la 'di skad ces smras so/ /khyod ni rgyal po sar 

</font><hr>76-1-146a<br><font size=+1>

pa byos shig /bdag ni sangs rgyas sar pa bgyi'o/ /rgyal po ma skyes dgras smras pa/ da ltar yab rgyal po yang bzhugs pas de ltar mi rung ngo / /lha sbyin gyis smras pa/ de med par byar rung ngo / /bdag kyang sangs rgyas med par byas la/ de'i 'og tu rgyal po sar pa 
dang / sangs rgyas sar pas sems can gyi don byas pa mi skyid dam/ de nas rgyal po ma skyes dgras lha sbyin gyis smras pa bzhin yab rgyal po bkrongs te rgyal po'i khab yul bA rA Na sI gzung ngo / /lha sbyin gyis rgyal po ma skyes dgra la smras pa/ bdag kyang de bzhin gshegs pa med par 
bya'o/ /ma skyes dgras smras pa/ de bzhin gshegs pa ni rdzu 'phrul chen po'i mthu mnga' bas gzhan gyis bsam pa'i sems shes na khyod kyis ji ltar med par bya bar nus/ de bzhin gshegs pa la gzhan yang nye gnas chen po shA ri'i bu dang / maud gal gyi bu chen po dang / na bun 
dang / ma 'gags pa la sogs pa yod pas mi nus so/ /lha sbyin gyis rgyal po ma skyes dgra la smras pa/ rgyal po khyod kyis bdag gi grogs gyis shig /rgyal pos smras pa/ khyod las ci zhig byed par sems/ lha sbyin gyis smras pa/ rgyal po chen pos yul phyogs su bkar btags 
te/ su yang dge slong rnams la gos dang / bza' ba dang / btung ba dang / bsod snyoms byin du ma stsal cig /de nas rgyal po ma skyes dgras kyang bkar btags te/ dge slong rnams la su yang gos dang / zas dang / bsod snyoms sbyin par gyur na rkang lag bcad do zhes bkar btags so/ /
de'i tshe bcom ldan 'das dge slong gi dge 'dun chen po'i 'khor dang bcas te/ bya rgod spungs pa'i ri nas bsod snyoms slong du song ba las ci yang ma rnyed do/ /de bzhin du zhag gcig nas zhag bdun gyi bar du ci yang ma rnyed pas shA ri'i bu la sogs pa slob ma chen po rnams ni rdzu 'phrul gyi mthus yul 
khams gzhan du gos dang / zas dang / bsod snyoms slong du song ngo / /de'i tshe na lha sbyin gyis rgyal po ma skyes dgra la 'di skad ces smras so/ /da ltar sangs rgyas kyi slob ma chen po gcig kyang med de/ de bzhin gshegs pa gcig pu bzhugs kyis rgyal pos de bzhin gshegs pa spyan 'dren 

</font><hr>76-1-146b<br><font size=+1>

du thong shig /pho brang gi nang du 'ongs na bdag cag gis bal gyi glang po che nag po ma rungs pa lnga brgya la chang blud de rab tu myos par byas la sangs rgyas spyan drangs te/ pho brang gi nang du 'ongs nas bal glang rmis shing myos pa de dag gis brdzis te gsad par bya'o/ /de nas rgyal po ma skyes dgras de 
bzhin gshegs pa spyan 'dren du btang nas/ sangs rgyas dang / dgra bcom pa lnga brgya rgyal pos spyan drangs par gshegs par gnang ste rgyal po'i khab tu gshegs so/ /de nas rgyal po ma skyes dgras bal glang rmis shing myos pa lnga brgya bkye nas bal glang rmis pas shing bcag ra ba yang dral/ 
rtsig pa yang bsgyel te ngar ba'i sgra chen po phyung ste/ de bzhin gshegs pa dang dgra bcom pa lnga brgya'i logs su mchongs te song ngo / /de nas dgra bcom pa lnga brgya rab tu skrag nas steng gi nam mkha' la 'phags te sangs rgyas kyi steng gi nam mkha' la 'khod do/ /de'i tshe kun dga' bo 'ba' 
zhig de bzhin gshegs pa dang ma bral te 'dug go/ /de'i tshe de bzhin gshegs pas byams pa dang snying rje'i shugs kyis phyag g.yas pa btegs nas phyag sor lnga las seng ge kha gdangs shing sgra chen po sgrogs par sprul nas bal glang rmis pa lnga brgya 'jigs skrag nas sa la 'gyel to/ /de 
nas de bzhin gshegs pa 'khor mang pos bskor te rgyal po'i pho brang du gshegs nas rgyal po ma skyes dgra phyi rol du byung ste/ de bzhin gshegs pa bsu nas gdan la bzhugs su gsol lo/ /gdan la bzhugs nas mthol zhing 'gyod tshangs byas te/ sangs rgyas la 'di skad ces 
gsol to/ /bcom ldan 'das 'di ni bdag gis bgyis pa ni ma lags so/ /lha sbyin gyis bgyid du stsal lo/ /bcom ldan 'das kyis bka' stsal pa/ de ngas shes te lha sbyin 'dis rtag tu nga la gnod pa byas te/ da ltar 'ba' zhig tu ma zad de/ 'das pa'i dus na yang rtag tu nga la 
gnod pa byas na yang ngas ni thugs rje chen po'i shugs kyis rtag tu phan pa byas so/ /de'i tshe rgyal po ma skyes dgras thal mo sbyar te bcom ldan 'das la 'di skad ces gsol to/ /lha sbyin 'dis sngon 'das pa'i dus na de bzhin gshegs pa la gnod pa bgyis pa gang dang gang lags/ bcom 

</font><hr>76-1-147a<br><font size=+1>

ldan 'das kyis bka' stsal pa/ legs par nyon cig dang dgrol zhing bshad par bya'o/ /sngon 'das pa'i dus na bskal pa grangs med pa 'das pa'i pha rol na rgyal po chen po ngang pa'i sha la dga' ba zhig byung ste/ rgyun du rngon pa zhig bya ngang pa shor du bcug go/ /de'i 
tshe bya ngang pa lnga brgya zhig byang phyogs nas nam mkha' la lho phyogs su 'phur ba las ngang pa'i rgyal po de rngon pa'i bya rgya la zin no/ /de'i tshe rngon pa de rab tu dga' ba'i sems su gyur nas spyil bu nas byung ste/ gsad par gzas pa las/ ngang pa mo zhig 'phur te drung du 'ongs nas snying rje rje 
skad du zer ba'i sgra byung ngo / /de nas rngon pa des gzhu bdungs/ mda' ltong du bcug ste gsad par gzas na yang mdas ma skrag ste/ 'dab ma gnyis brdabs nas ngang pa'i rgyal po'i steng du mchongs so/ /ngang pa phal lnga brgya yang de'i steng gi nam mkha' la 'khor zhing lding ngo / /de'i tshe na 
rngon pa des ngang mo de snying rje ba'i skad phyung ste/ kha nas khrag skyug cing srog la yang mi lta bar ngang pa'i rgyal po la chags pa mthong nas rngon pa de 'di snyam du/ dud 'gro'i skye gnas su gyur pa'i bya yang 'di ltar gcig la gcig chags te lus dang srog kyang 'dor na/ bdag ji lta bu'i snying 
zhig ngang pa'i rgyal po 'di gsad snyam bsams nas bya rgya bteg ste btang ngo / /de'i tshe ngang mo yang rab tu dga' ste phyi bzhin 'phur te/ ngang pa lnga brgyas bskor nas nam mkha' la 'phur te song ngo / /de'i tshe rngon pa des rgyal po la 'di skad ces gsol to/ /bdag gis ngang pa'i rgyal 
po gcig zin te dbul bar bgyis pa las ngang pa mo zhig kha nas khrag skyug cing mda' gzhu la yang mi 'dzem par ngang pa'i rgyal po'i steng du mchongs pas bdag snying gis ma bzod nas btang ba las ngang pa lnga brgyas bskor nas nam mkha' la 'phur te song ngo / /de'i tshe rgyal po de tshig de thos nas 
sems mi bde bar gyur te/ snying rje ba'i sems skyes nas dud 'gro'i skye gnas su gyur pa la yang gcig la gcig chu gang byed de/ lus dang srog kyang mi phangs so snyam bsams nas rgyal po yang ngang pa'i sha mi za bar yi dam bcas so/ /de'i tshe de'i dus na rgyal po chen po de ni/ da ltar 

</font><hr>76-1-147b<br><font size=+1>

rgyal po chen po nyid yin no/ /de'i tshe de'i dus na/ rngon par gyur pa de ni da ltar lha sbyin nyid yin no/ /de'i tshe de'i dus na ngang pa mo kha nas khrag skyug pa de ni da ltar kun dga' bo yin no/ /de'i tshe de'i dus na ngang pa lnga brgya ni da ltar dgra bcom pa lnga brgya yin no/ /de'i tshe de'i dus 
na ngang pa'i rgyal por gyur pa de ni da ltar nga yin no/ /de bas na de ltar kun dga' bos da ltar nga la chags pa yang sngon dang 'dra'o/ /de'i tshe de'i dus na dgra bcom pa lnga brgya steng gi nam mkha' la 'phags pa yang sngon gyur pa dang 'dra'o/ /de'i tshe na yang lha sbyin nga la gnod pa byed pa yang 
ngas ni snying rje chen po'i shugs kyis rgyun du phan pa'i don byas so/ /chos 'di bstan pa'i tshe lha dang mi brgya stong snyed 'bras bu dang po thob pa nas 'bras bu bzhi pa'i bar du thob par gyur to/ /la la ni bla na med pa yang dag par rdzogs pa'i byang chub tu sems bskyed nas nyan thos dang / rang sangs 
rgyas kyi bar du sems bskyed par gyur to/ /gzhan yang lha sbyin ngan sems ma zhi nas 'di snyam du bdag gi sor mo bcu'i sen mo ring du skyes la/ sen mo'i bar du dug bcug la de bzhin gshegs pa gang na bar song la mgo bos zhabs la phyag 'tshal to/ /de ltar phyag 'tshal te 
zhabs la bzung ba'i tshe sen mo bcu'i 'og na dug yod pas zhabs la bskus te/ dug langs nas gdon mi za bar tshe'i dus byed par 'gyur ro snyam bsams nas/ ji ltar bsams pa ltar de bzhin gshegs pa gang na bar song nas der phyin pa dang / zhabs la mgo bos phyag 'tshal nas 
zhabs la lag pas bzung ste dug bskus pa dang / de'i tshe dug de dag ni zil dngar du gyur te de bzhin gshegs pa la gnod par ma gyur to/ /de ltar lha sbyin gyis bsams pa ltar ma gyur nas yang 'di snyam du de bzhin gshegs pa da ltar bya rgod spungs pa'i ri la gcig pu bzhugs kyis/ 
ri de'i steng du song la pha bong rbab tu btang la gsad par bya'o snyam bsams nas ri'i rtse mor song ste rbab btang ba las/ sangs rgyas kyi zhabs kyi mthe'u chung rmas kyang nga'i thugs rje chen po'i shugs kyis dgra dang gnyen la mnyam snyoms so/ /gzhan yang lha sbyin gyis sngon 'das pa'i dus 

</font><hr>76-1-148a<br><font size=+1>

bskal pa grangs med pa'i pha rol de'i tshe de'i dus na/ sangs rgyas bcom ldan 'das rigs par ston pa zhes bya ba de bzhin gshegs pa dgra bcom pa yang dag par rdzogs pa'i sangs rgyas/ rig pa dang zhabs su ldan pa/ bde bar gshegs pa/ 'jig rten mkhyen pa/ 
skyes bu 'dul ba'i kha lo sgyur ba bla na med pa/ ston pa rgyal ba 'jig rten du byung ngo / /sangs rgyas de mya ngan las 'das nas gzugs brnyan la chos spyod pa'i tshe bsam gtan byed pa'i dge slong zhig dgon pa'i tshal na 'dug pa las de'i tshe dge slong de la shig mang du za'o/ /de nas 
dge slong des shig dang 'di skad du dam bcas so/ /kho bo bsam gtan byed pa'i tshe khyed ma 'gul bar yib cing sdod cig ces dam bcas nas shig rnams kyang de bzhin du byed do/ /de nas dus gzhan zhig na 'ji ba zhig der 'ongs nas shig la 'di skad ces so/ /khyod la 'di ltar tsho zhing 
nyam mtshag bzang ba ci las gyur ces dris na/ shig gis smras pa/bdag gi gnas po rtag tu bsam gtan byed pa des bdag cag gi zas dang skom dus las mi yol bar dus bzhin du za bas na nyam mtshag bzang ba yin no/ /'ji bas smras pa/ bdag kyang khyed dang lhan cig tu 
'dug go zhes smras nas de na lhan cig tu 'dug go/ /de'i tshe dge slong de bsam gtan byed pa las 'ji ba des sha dang khrag gi dri tshor nas dge slong de la btsugs so/ /de nas dge slong de sems 'khrugs nas gos phud de me'i nang du bor nas bsregs so/ /de'i tshe de'i dus na bsam gtan 
byed pa'i dge slong de ni sangs rgyas 'od srung yin no/ /de'i tshe de'i dus na 'ji ba de ni lha sbyin nyid yin no/ /de'i tshe de'i dus na shig tu gyur pa de ni da ltar nga yin no/ /lha sbyin de khe bkur dang rnyed pa'i phyir nga la gnod par byas na da mngon par sangs rgyas na yang khe bkur dang grags pa'i phyir sangs 
rgyas kyi sku la khrag phyung ba sems can dmyal ba chen por lhung ngo / /lha sbyin gyis rtag tu nga la ngan sems kyis de bzhin gshegs pa la gnod pa byas pa ni bskal par yang brjod kyis mi rdzogs te/ de bzhin gshegs pa ni rtag tu thugs rje chen pos byams shing brtse ba'i thugs kyis 

</font><hr>76-1-148b<br><font size=+1>
bskyabs so/ /nga ni lha sbyin dang phrad pas myur du sangs rgyas su grub par gyur te/ drin dran pa'i phyir rtag tu thugs rjes bskyabs so/ /de'i tshe na de bzhin gshegs pas kun dga' bo la 'di skad ces bka' stsal to/ /khyed sems can dmyal ba'i nang du song la lha sbyin khyod sdug 
bsngal gyis rab tu nyon mongs sam zhes dris la shog shig /de nas kun dga' bos sangs rgyas kyi bka' bzhin du sems can dmyal ba'i nang du song nas dmyal ba'i sgor phyin te/ dmyal ba'i srungs ma a bang la khyod lha sbyin bos shig ces smras so/ /a bang gis smras pa/ khyod sangs 
rgyas gang gi lha sbyin 'dod/ 'das pa'i sangs rgyas thams cad la yang lha sbyin zhes bya ba yod do zhes smras nas/ de nas a bang gis lha sbyin la kun dga' bo da ltar sgo'i phyi rol na sdod de khyod dang phrad dgos so zhes zer ro/ /lha sbyin der 'ongs te kun dga' bo la legs par 'ongs 
sam/ ci de bzhin gshegs pa gsung bdag la da ltar mtshams med pa'i sems can dmyal ba 'di na bde ba ni dge slong bsam gtan gsum pa la zhugs pa'i bde ba thob pa dang 'dra'o/ /bcom ldan 'das kyis bka' stsal pa/ byang chub sems dpa' chen po sems can gyi 
don du thabs mkhas pa chen pos skye shi'i 'khor ba'i sdug bsngal chen po grangs med pa myong ngo / /yang de la gnod par mi 'dzin to/ /gang zhig lha sbyin ni yang dag par sdig pa can yin te/ mtshams med pa'i sems can dmyal bar ltung snyam sems na de ni gnas med do/ /de'i 
tshe de bzhin gshegs pa las 'khor mang po rnams lha sbyin gyi spyod pa thabs mkhas pa shin tu zab mo 'di gsungs pa thos nas byang chub sems dpa' tshad med pa brgya stong snyed mi skye ba'i chos la bzod pa thob par gyur to/ /lha dang mi tshad med pa brgya stong snyed ni bla na med pa yang dag par 
rdzogs pa'i byang chub tu sems bskyed do/ /lha dang mi tshad med pa brgya stong snyed ni rgyun du zhugs pa'i 'bras bu thob pa nas dgra bcom pa'i 'bras bu'i bar du thob par gyur to/ /de'i tshe bar snang gi lha rnams kyis steng gi nam mkha' las lha rdzas kyi me tog char bzhin du phab/ lha rdzas 

</font><hr>76-1-149a<br><font size=+1>

kyi rol mo byas nas 'od zer chen pos kun tu snang bar byas te/ de bzhin gshegs pas gsungs pa ngo mtshar che ste dge'o zhes bstod do/ /bcom ldan 'das kyis de skad ces gsungs pa la 'khor mang po mngon par dga' nas mgo bos phyag 'tshal te phyir dong ngo / /
thabs mkhas pa chen po sangs rgyas drin lan bsab pa'i mdo las ngan don gyi le'u zhes bya ste drug pa'o// //thabs mkhas pa chen po sangs rgyas drin lan bsab pa'i mdo/bam po lnga pa/ de'i tshe bcom ldan 'das la 'khor mang pos rim gro byas bkur stir byas/ 
mchod pa byas nas bsngags shing bstod pa byas te/ yongs su bskor nas mdun gyis bltas te bzhugs so/ /de nas de bzhin gshegs pa shin tu zab mo'i spyod yul tshad med pa la rol te/ skye bo mang po srid pa gsum gyi mi bzad pa'i sdug bsngal las gdon pa dang / sgrib 
pa lnga bsal ba dang / kun nas glags shing 'ching ba dgrol ba dang / sems can thams cad rnam par grol ba thob par bya zhing 'dus ma byas pa'i bde ba la dgod pa'i phyir bsod nams kyi zhing rnam pa gnyis phye zhing ston to/ /gnyis gang zhe na/ mngon par 'du byed pa'i bsod 
nams kyi zhing dang / mngon par 'du byed pa ma yin pa'i bsod nams kyi zhing ngo / /de yang gang zhe na/ pha ma dang / mkhan po dang / bla ma dang / sangs rgyas dang / chos dang / dge 'dun dang / byang chub sems dpa' rnams yin te/ sems can gyis de'i phyogs su mchod pa'i bsod 
nams byas na/ lam gyi 'bras bu thob par 'gyur ro/ /de nas bcom ldan 'das kyis shes rab can gyi mchog shA ri'i bu la sogs pa nye gnas chen po rnams la 'di skad ces bka' stsal to/ /khyed rnams shes par gyis shig /de bzhin gshegs pa ni ring po mi thogs par mya ngan 
las 'da'o/ /shA ri'i bus de skad ces bka' stsal pa thos nas lus kyi yan lag la khab kyis gtsags pa ltar mi bde zhing mya ngan gyis non nas sa la 'gyel te brgyal ba las gdong du chu grang mos gtor nas ring zhig lon pa dang phyir sangs te/ langs nas thal mo sbyar ba btud de tshigs 

</font><hr>76-1-149b<br><font size=+1>

su bcad pa 'di dag gis mngon par bstod do/ /sangs rgyas bstan pa'i bdud rtsi la/ /nyan pa ngal zhing skyo ba med/ /le lo'i dbang du gyur pa'am/ /phan par mi 'gyur gang yang med/ /rgyud lngar 'khor ba'i rgya mtshor ni/ /rnyog pa'i 'dam du 'bying ba bzhin/ /sred cing 'dod 
pas bcings pas na/ /shes pa med pas 'jig rten 'khor/ /sngon tshe yang dag drang spyad de/ /sbyin pa snyoms par mdzad pas na/ /smin mtshams mtshan dang ldan gyur te/ /'od kyi snang ba dpag tu med/ /spyan ni zla ba tshes pa 'dra/ /phyogs bcu'i yul khams ma lus 
gzigs/ /'gro ba kun gyi sems kyi mig /mthong bas rab tu dga' bar 'gyur/ /de'i tshe shA ri'i bus tshigs su bcad pa brgya stong gis de bzhin gshegs pa la bstod nas mgo bos zhabs la phyag 'tshal te/ lan brgya stong gi bar du bskor ba byas nas lha rnams dang 
klu dang / mi dang mi ma yin pa rnams la 'di skad ces smras so/ /rigs kyi bu dag kyi hud kyi hud 'jig rten stongs so/ /e ma 'o e ma 'o 'jig rten stongs so/ /re sdug re sdug 'jig rten stongs so/ /rin po che dam pa'i chos kyi gru zam zhig go/ /bla na med pa'i byang chub 
kyi shing chag go/ /rin po che dam pa'i rgyal mtshan 'gyel lo/ /bla na med pa'i sangs rgyas kyi nyi ma mya ngan las 'das pa chen po'i ri phag tu nub bo/ /de skad ces smras pa dang / 'khor mang po thams cad dngangs nas lus kyi ba spu kun langs pa tsam du skrag par gyur to/ /nyi ma 
yang 'od mi gsal zhing ri rnams kyang 'gyel lo/ /sa chen po yang rab tu g.yos so/ /de nas shA ri'i bus 'khor mang po la tshigs su bcad pa 'di dag smras so/ /bdag gis sangs rgyas sku mthong ba/ /btso ma gser gyi ri bo 'dra/ /mtshan dang yon tan kun 'gags te/ /
ming tsam 'ba' zhig lus par 'gyur/ /'jig rten gsum las 'byung ba'i phyir/ /brtson 'grus dbang du 'bad par bya/ /dge ba'i las rnams gdam bya na/ /mya ngan 'da' ba mchog tu bde/ /de nas shA ri'i bus 'khor mang po la spro ba bskyed nas rdzu 'phrul gyi mthu mngon du 

</font><hr>76-1-150a<br><font size=+1>

bstan to/ /rdzu 'phrul gyi mthus steng gi nam mkha' la 'phags nas rin po che'i bal glang chen po mgo bo stong dang ldan pa zhig tu sprul to/ /bal gyi glang po che gcig la gcig 'khri zhing mgo bo stong phyir lta bar bstan to/ /bal gyi glang po de re re yang mche ba 
bdun bdun dang ldan te/ mche ba re re la yang khrus kyi rdzing bu re re yod do/ /rdzing bu re re la yang me tog pad mo bdun bdun yod do/ /pad ma re re la yang sprul pa'i sangs rgyas re re bzhugs so/ /sprul pa'i sangs rgyas re re la yang nye gnas shA ri'i bu re re yod la/ shA ri'i bu re 
res kyang 'od zer chen po bkye nas phyogs bcu'i 'jig rten gyi khams gang gA'i klung gi bye ma snyed snang bar byas te/ rgyu 'thun pa thams cad bsdus so/ /rgyu dang ldan pa thams cad 'dus nas de nas shA ri'i bus lus chen pos nam mkha' yongs su gang ba bstan to/ /lus chen 
po las lus chung ngur bsgyur ba bstan pa yang bstan te/ sa'i nang du chu la bya ba bzhin du 'jug cing 'byung ba dang zhugs par yang mi mngon te/ lus kyi smad nas me 'bar ba dang / lus kyi stod nas chu 'bab pa yang bstan to/ /steng gi nam mkha' la thogs pa med par brgya nas stong 
gi bar du cho 'phrul grangs med pa rnam pa sna tshogs pa bstan nas/ nam mkha' las babs te 'khor mang po la chos rgyas par bstan nas spro ba dang / gzengs bstod pa dang / dga' bar byas nas sems can tshad med pa brgya stong snyed ni bla na med pa yang dag par rdzogs pa'i 
byang chub tu sems bskyed du bcug /sems can tshad med pa brgya stong snyed ni rgyun du zhugs pa nas dgra bcom pa'i 'bras bu'i bar du thob par byas nas/ gzhan yang sems can tshad med pa brgya stong snyed ni nyan thos dang / rang sangs rgyas su sems bskyed du bcug go/ /shA ri'i 
bus de ltar phan pa dang bde ba'i don tshad med pa byas pas 'khor mang po la 'di skad ces smras so/ /bdag gis ji lta bu zhig snyed kyis de bzhin gshegs pa sngar mya ngan las 'da' ba mi mthong bar bya zhes te/ steng gi nam mkha' la 'phags nas bdag gi lus las me phyung 

</font><hr>76-1-150b<br><font size=+1>

nas lus bsregs nas mya ngan las 'das so/ /de'i tshe na 'khor mang po'i rnams yid la gcags nas mig mi 'dzums par shA ri'i bu la lta zhing skad chen pos cho nges btab ste lus la sa rdul gyis gos par gyur/ nyi ma yang 'od mi gsal zhing gnam sa yang cher g.yos 
so/ /de nas 'khor mang pos shA ri'i bu'i rus pa bsdus te mchod rten brtsigs te mchod pa byas so/ /de'i tshe na 'khor mang po brgya stong snyed ni shA ri'i bu dran pa'i phyir/ sdug bsngal gyis sems gdungs nas myos shing 'thoms te dran pa nyams par gyur to/ /de nas de 
bzhin gshegs pas thugs rje'i shugs kyis shA ri'i bur sprul nas 'khor gyi nang na 'dug par byas nas 'khor mang po de dag shA ri'i bu de mthong nas mi dga' ba'i sdug bsngal zhi nas phyir rab tu dga' bar gyur to/ /de ltar dga' ba'i sems su gyur nas thams cad kyis 
bla na med pa yang dag par rdzogs pa'i byang chub tu sems bskyed do/ /de nas kun dga' bos de bzhin gshegs pa'i byin gyi rlabs kyis 'khor mang po the tsom du gyur pa sems kyis shes nas stan las langs te/ bla gos phyogs gcig tu byas nas pus mo g.yas pa'i lha 
nga sa la btsugs te thal mo sbyar ba btud de/ sangs rgyas la 'di skad ces gsol to/ /bcom ldan 'das ci'i rgyu ci'i rkyen gyis shA ri'i bu 'di de bzhin gshegs pa bas sngar mya ngan las 'das te 'khor mang po mi dga' ste mya ngan byed par 'gyur/ bcom ldan 'das kyis 
kun dga' bo dang / 'khor mang po la bka' stsal pa/ shA ri'i bu 'di da ltar 'di 'ba' zhig tu de bzhin gshegs pa bas mya ngan las sngar 'das par ma zad de/ sngon 'das pa'i dus na yang nga sngar 'das pa mthong bar mi bzod nas sngar 'das so/ /de nas kun dga' bos sangs 
rgyas la gsol pa/ bcom ldan 'das sngon 'das pa'i dus na shA ri'i bu sngar 'das pa'i dngos po ji lta bu lags/ bcom ldan 'das kyis bka' stsal pa/ khyed legs par nyon cig /sngon 'das pa'i dus bskal pa grangs med pa'i pha rol de'i tshe de'i dus na/ yul bA rA Na sI zhes 

</font><hr>76-1-151a<br><font size=+1>

bya ba zhig yod de/ yul bA rA Na sI'i rgyal po de ni 'od zer chen po zhes bya'o/ /rgyal po 'od zer chen po zhes bya ba de la mtha'i rgyal phran drug cu dang / grong khyer brgyad brgya la dbang sgyur te/ rgyal po de rgyun du snying rje'i sems dang ldan pas thams cad la yid dang mi 
'gal bar sbyin pa yongs su gtong ngo / /de'i tshe na mtha'i rgyal phran gcig rgyal po de la mi dga' ste rgyun du ngan sems skye'o/ /rgyal po 'od zer chen pos zla ba ngo re re zhing dus drug gi nyi ma dang sbyar te/ bal gyi glang po che lnga brgya la rin po che dang / nor rdzas dang / gos dang / 
bza' ba dang / btung ba bkal te tshong 'dus dang / grong khyer gyi sgo bzhir spungs nas thams cad la sbyin pa byed do/ /de'i tshe na rgyal phran dgrar gyur pa des de ltar rgyal po 'od zer chen po thams cad la yid dang mi 'gal bar gos dang / zas dang / gser dang / dngul dang / rin 
po che'i bar du ci 'dod pa las sbyin pa byed do/ /zhes thos nas mtha'i rgyal phran des rgyal po 'od zer chen po sbyin pa'i bsod nams byed pa la phrag dog gi sems skyes te/ blon po rnams bsdus nas khyed rnams las su zhig bA rA Na sI'i rgyal po 'od zer chen po'i mgo slong du 'gro nus 
zhes bsgo ba dang / blon po rnams kyis bdag cag ni gang yang rngo mi thogs zhes smras so/ /de nas yang thams cad la bkar btags te/ su zhig bA rA Na sI'i rgyal po 'od zer chen po'i mgo bslangs te 'ongs na gser rgya ma stong sbyin no zhes bkar btags pa dang / bram ze 
gcig gis bdag gis slong du 'gro nus kyis/ bdag gi yo byad dang rgyags sbyor cig ces bsgo'o/ /yul 'di nas bA rA Na sIr rgyang grags drug stong yod pas de bzhin du rgyags dang yo byad sbyar nas/ bram ze bA rA Na sIr song ngo / /de'i tshe bram ze de yul bA rA Na sI'i yul phyogs 
der phyin pa las sa chen po yang rnam pa drug du g.yos/ gcan gzan dang ri dgas rnams kyang skrag nas phyogs bzhir bros/ nyi ma dang zla ba yang bsgribs pa bzhin mi gsal zhing mi snang bar gyur/ gza' lnga dang / skar ma rnams kyang dus bzhin du mi rgyu/ 'ja' lta bu 

</font><hr>76-1-151b<br><font size=+1>

dmar po dang / nag po dang / dkar po dang / nyin mtshan dus dus su snang / skar ma yang 'khrug cing lhung bar gyur/ yul de'i 'bab chu dang / chu mig dang / khrus kyi rdzing dang / me tog dang / 'bras bu'i shing rgyas pa yid du 'ong ba rnams kyang skams par gyur to/ /de nas bram 
ze de yang yul bA rA Na sI'i rgyal po'i pho brang gi sgor phyin to/ /de'i tshe na pho brang gi sgo srung ba'i lhas sgo srung ba'i mi la 'di skad ces smras so/ /bram ze ma rungs pa 'di lam ring po nas rgyal po 'od zer chen po'i mgo slong du 'ongs kyis khyod nang du ma btang shig /de nas bram ze de pho brang nang 
du 'gror med de/ zhag bdun gyi bar du sdod sdod nas sgo srungs de la 'di skad ces smras so/ /bdag ni lam ring po nas 'ongs te rgyal po chen po dang phrad 'dod do zhes gsol cig /de nas sgo srungs kyis kyang de bzhin du bram ze cig lam ring po nas 'ongs te da ltar sgo na sdod do zhes gsol 
to/ /rgyal pos tshig de thos nas de ma thag tu sgor byung ste bsu nas ji ltar pha dang bu phrad pa bzhin du phyag byas te khyod gang nas 'ongs/ lam du nyon mongs shing ngal bar ma gyur tam zhes smras so/ /bram zes smras pa/ bdag yul gzhan nas rgyal po khyod kyis mi'i yid dang mi 'gal bar 
sbyin pa gtong ba'i yon tan thos te/ khyod kyi ming snyan pa ni gnam sa'i bar kun tu grags nas khyod kyi yon tan mi brdzun te bden no zhes thos pas bdag kyang ched du la lung bgrod de re ba yod pas 'ongs so/ /rgyal pos smras pa/ bdag ni da ltar thams cad sbyin pa zhes bya ste/ slong ba'am/ 
dgos pa yod na the tsom ma byed par slongs shig /bram zes smras pa/ bden yang dag gam/ bdag ni gzhan ni ci yang mi+i dgos kyi/ mchod sbyin chen po zhig byed pas rgyal po'i mgo slong du 'ongs so/ /rgyal pos tshig de thos nas 'di snyam du sems te/ bdag thog ma med pa nas skye 
shir 'khor te/ lus 'di 'dra ba chud gsan kyang tshul bzhin chos kyi phyir ni ma yin gyi/ don med par skye shir 'khor bas bdag nyon mongs so/ /bdag gi lus 'dis sems can thams cad kyi phyir bla na med pa'i byang chub bsgrub par dam bcas pas dam byin par gyur na bdag gi thog 

</font><hr>76-1-152a<br><font size=+1>

mar bsams pa dang yang 'gal la/ gal te lus 'di ma byin na/ bla na med pa yang dag par rdzogs pa'i byang chub thob par yang ji ltar 'gyur snyam bsams nas bram ze la shin tu dga'o/ /bdag yul srid kyi gdams pa dang / btsun mo dang / rgyal bu dang / 
de dag la bsgo ba chung zad byas te/ de nas zhag bdun na khyod 'dod pa sbyin no zhes smras so/ /de nas rgyal po chen po pho brang gi nang du song nas btsun mo rnams la 'di skad ces bsgo'o/ /gnam sa'i bar na mdza' zhing sdug pa thams cad ni bye zhing 'bral bar 'gyur/ mi la skye ba yod na 
'chi ba yod la/ grub pa srid na 'jig pa yang srid de/ dbyar sa las ci skyes pa thams cad dgun ni kun skams par 'gyur ro/ /zhes smras so/ /btsun mo dang rgyal bu rnams kyis rgyal pos smras pa'i tshig de thos nas dper na mi brnangs pa dang 'dra ste/ skyug tu yang med/ mid du 
yang med pa ltar gyur te/ rgyal po la ci'i slad du 'di skad gsungs zhes gsol pa dang / rgyal pos 'di skad ces smras so/ /bram ze zhig lam ring po nas 'ongs te nga'i mgo slong du 'ongs so/ /ngas kyang sbyin par byas so/ /btsun mo dang / rgyal bu rnams kyis tshig de thos nas lus 
sa la brdabs nas cho nges btab nas skra yang 'bal/ gos kyang gshags dral te 'di skad ces gsol to/ /rgyal po chen po 'jig rten na bdag gi lus las phangs pa med na/ ci'i slad du 'di ltar shin tu gtang dka' ba gtong zhing sbyin pa mdzad ces gsol to/ /de'i tshe na blon po lnga 
brgyas kyang bram ze la khyod 'di ltar rnag khrag dang bcas pa mnam zhing btsog pa'i mgo 'di cir dgos zhes smras pa dang / bram zes smras pa/ bdag dgos pas bdag gis bslangs pa la khyed kyis drir yang ci yod/ blon po rnams kyis smras pa/ khyod bdag cag gi yul du 'ongs pas 
bdag cag gis kyang dri zhing khyod kyang tshul bzhin du smra bar rigs so/ /de nas bram zes drang por smrar yang blon po rnams kyis srog gi dbang po dang phral du dogs nas 'jigs pas cang ma smras so/ /de nas blon po lnga brgyas bram ze de la khyod ma skrag shig /khyod la mi 'jigs pa sbyin 

</font><hr>76-1-152b<br><font size=+1>

no zhes smras so/ / de nas bram ze de la bram ze dbul po khyod la rnag khrag gi mgo mnam po des ci zhig rung / nged blon po lnga brgyas mi gcig cing yang rin po che sna bdun las byas pa'i mgo re rer brje zhing / khyod ci dgos pa yang mi rabs bdun gyi bar du chog par sbyin no zhes smras 
so/ /bram ze na re mi 'dod do zhes smras so/ /blon po chen po rnams kyang bsams pa ltar ma gyur nas mya ngan gyis yid gdungs te skad phyung ste ngus nas rgyal po la 'di skad ces gsol to/ /rgyal po chen po bram ze mi gcig gi phyir yul sa dang / 'bangs dang / btsun mo dang / 
rgyal bu la sogs pa thams cad bor te bdag cag gtan dwar bor zhing / lus par thugs kyis bzod dam/ rgyal pos smras pa/ nga ni khyed sems can thams cad kyi phyir lus 'di gtong zhing sbyin par byed do/ /de'i tshe na blon po nang gi chen po gcig gis rgyal pos gsungs 
pa thos nas rgyal pos ni gdon mi za bar bram ze 'di la sku gtong ngo bar chad do snyam bsams nas/ bdag ji ltar rgyal po lus gtong ba la snying mi bzod cing blta bar mi bya snyam bsams nas/ khang pa dben par song ste/ mtshon rnon po thogs te bdag gi srog bcad do/ /de nas 
rgyal po chen po pho brang gi rgyab kyi ra bar song ste/ bram ze bos te tshur shog da nga'i mgo khyer cig /khyod la byams shing brtse ba'i phyir khyod kyi sems dang yid ma zlogs nas/ sbyin pa 'dis ma 'ongs pa'i dus su shes rab kyi mgo thob par gyur cig ces smras nas/ thal mo sbyar te 
phyogs bcur phyag byas so/ /phyag byas nas 'di skad ces smras so/ /phyogs bcu'i sangs rgyas rnams dang / byang chub sems dpa' rnams bdag la thugs brtse bar dgongs te/ bdag gi bsam pa 'di grub par byin gyis brlab tu gsol zhes smras nas bram ze la da khyod 
la sbyin gyis khyer cig ces smras so/ /bram zes smras pa/ rgyal po la gyad kyi stobs yod de/ na tsha mi bzod pas phyir bdag la gnod pa byed par 'gyur gyis/rgyal po khyod yang dag par de ltar nus na rgyal po nyid kyis skra bkrol te shing la thogs shig /rgyal pos tshig de 

</font><hr>76-1-153a<br><font size=+1>

thos nas lhag par snying brtse ba'i sems skyes te/ bram ze 'di rid la nyam chung bas gal te bdag gi mgo gcod ma nus na bdag gi bsam pa chen po mi 'grub bo snyam bsams nas rgyal po nyid kyis thor to shing la btags te/ bram ze la khyod bdag gi mgo chod la phyir 
bdag gi lag par zhog shig /bdag gi lag gis khyod la sbyin par bya'o/ /de nas bram zes ral gri thogs nas drung du spags pa las/ de'i tshe shing de'i lhas bram ze la dmig tshugs byas pas brgyal te sa la 'gyel to/ /de nas rgyal po 'od zer chen pos shing gi lha la 'di skad 
ces smras so/ /khyod kho bo'i grogs mi byed par phyir kho bo'i dge ba'i bgegs dang bar chad byed dam/ de nas shing gi lha mya ngan gyis gdungs te kyi hud kyi hud ces smras nas nam mkha' la sprin med par char pa khrag tu bab ste sa chen po yang rab tu g.yos/ nyi ma yang mi gsal 
zhing mun par gyur/ de nas bram zes rgyal po'i mgo bcad de phyir yul du song ngo / /de nas rgyal bu lnga brgyas blon po rnams dang / rgyal po 'od zer chen po'i rus bu bsdus nas mchod rten brtsigs te mchod pa byas so/ /bcom ldan 'das kyis kun dga' bo la bka' stsal 
pa/ de'i tshe de'i dus na blon po nang gi chen pos rgyal po 'od zer chen pos mgo sbyin pa chen po byed pa la mthong bar snying mi bzod nas sngar tshe'i dus byas pa ni da ltar shA ri'i bu yin no/ /de'i tshe de'i dus na rgyal po 'od zer chen por gyur pa de ni da ltar de bzhin gshegs pa shAkya thub pa nga 
yin no/ /byang chub sems dpa' de ltar na shin tu spyad dka' ba spyad par dam bcas te/ sems can thams cad kyi phyir sangs rgyas rnams kyi drin bsabs nas bla na med pa yang dag par rdzogs pa'i byang chub tu mngon par sangs rgyas so/ /de bas na shA ri'i bu nga mya ngan las 'da' 
ba mig gis mthong bar mi bzod pas sngar mya ngan las 'das te/ sngon 'das pa'i dus na yang nga sbyin pa byed pa la mthong bar mi bzod nas sngar tshe'i dus byas so/ /pho brang rgyab kyi ra ba 'dir shing 'di kho na la 'khor los sgyur ba'i rgyal po byas pa'i mgo yang stong tshang bar yongs su 

</font><hr>76-1-153b<br><font size=+1>

btang na lus kyi yan lag lag pa dang / rkang pa la sogs pa sbyin pa byas pa lta smos kyang ci dgos/ sangs rgyas kyis dka' thub mdzad pa 'di bstan pa'i tshe sems can tshad med pa brgya stong snyed bla na med pa yang dag par rdzogs pa'i byang chub tu sems bskyed par gyur to/ /lha 
dang mi tshad med pa brgya stong snyed ni rgyun du zhugs pa'i 'bras bu thob pa nas dgra bcom pa'i 'bras bu'i bar du thob par gyur to/ /lha dang mi tshad med pa brgya stong snyed ni nyan thos dang rang sangs rgyas su sems bskyed do/ /bcom ldan 'das kyis de skad ces bka' stsal pa la/ lha dang / 
klu dang / gnod sbyin dang / mi dang mi ma yin pa la sogs pa 'khor mang po thams cad mngon par dga' bas phyir dong ngo / /gzhan yang 'di lta ste/ yul ma ga d+hA na mi rgod ri brags pa lnga brgya zhig rtag tu chom po byed de/ 'dron po phan tshun rgyur med par gyur nas/ de'i tshe yul ma 
ga d+hA'i rgyal pos dmag rnam bzhi bshams te mi rgod rnams phab nas mig phyung / rna ba dang sna yang bcad de ri brags ya nga bar bor ro/ /de'i tshe na mi rgod lnga brgya po lus kyi na tshas sdug bsngal bar gyur te srog la bab bo/ /mi rgod lnga brgya po de'i nang na sangs rgyas kyi slob mar gyur pa 
gcig yod de/ des smras pa/ bdag cag ni tshe'i dus byed pa las mi ring na/ ci'i phyir kun gyis sangs rgyas la skyabs su mi gsol zhes smras so/ /de nas mi rgod lnga brgya'i rnams skad 'thun par sangs rgyas shAkya thub pa la phyag 'tshal lo zhes smras pa dang / de'i tshe na de 
bzhin gshegs pa bya rgod spungs pa'i ri la bzhugs pa las/ thugs rje chen po'i shugs kyis ri ga na d+ha zhes bya ba la gshegs nas rlung chen po langs te/ ri de la shing tsan dan gyi tshal yod par phye ma bus nas nam mkha'i khams yongs su gang bar byas te mi rgod rnams gnas 
pa'i ri la yang tsan dan gyi phye ma phyin par gyur te/ tsan dan gyi phye ma des mi rgod kyi rma'i steng du gos nas mig dang / sna dang / lus kyi rma thams cad sos te khrag kyang 'o mar gyur pas thams cad kyis 'di skad ces smras so/ /bdag cag ni sangs rgyas kyi thugs rje chen pos lus kyi rma kun 

</font><hr>76-1-154a<br><font size=+1>

sos nas bde bar gyur te/ sangs rgyas kyi bka' drin bsab pa'i phyir bla na med pa yang dag par rdzogs pa'i byang chub tu sems bskyed do zhes smras nas thams cad kyis tshig 'thun par so so'i skye bo bde ba ma thob pa rnams ni bde ba thob par bya'o/ /ma grol ba rnams ni 
grol bar bya'o/ /pha rol du ma phyin pa rnams ni pha rol du phyin par bya'o/ /'bras bu ma thob pa rnams ni 'bras bu thob par bya'o zhes dam bcas so/ /gzhan yang 'di lta ste/ de bzhin gshegs pa'i thugs rje chen po dang thabs mkhas pa'i rdzu 'phrul ni bsam gyis mi khyab bo/ /
sangs rgyas mnyan du yod pa na bzhugs pa'i tshe mi rgod lnga brgya zhig ri brags na gnas te 'dron po 'joms shing chos ma yin pa byed do/ /de'i tshe na de bzhin gshegs pa thabs mkhas pa'i shugs kyis mi zhig tu sprul nas bal gyi glang po che bzang po la zhon nas lus la yang 
gos gyon zhing mda' gzhu dang mtshon cha thogs te/ bal gyi glang po che yang rin po che sna bdun gyis brgyan te/ bdag gi lus la yang rin po che sna bdun gyis brgyan nas gcig pu mi rgod 'dug pa'i ri brags logs su song ngo / /de'i tshe na mi rgod lnga brgya'i rnams rgyang nas mi de lta bu 
zhig 'ong ba mthong nas gcig la gcig bdag lo mang du mi rgod byas na 'di lta bu ma mthong ngo zhes smras so/ /de'i tshe na mi rgod de dag gi dpon po zhig yod pa des khyed rnams ci mthong zhes dris na/ de dag gis mi gcig gis bal gyi glang bzang po zhig la zhon te 'ong ba zhig yod do/ /mi 
de'i gos dang rgyan yang rin po che sna bdun las byas/ bal glang yang rin po che sna bdun gyis brgyan te gnam sa la yang 'od 'tsher ba de lta bu zhig lam thog thag tu 'ong ngo / /gal te bdag cag gis mi de thebs shing zin na mi rabs bdun gyi bar du phyug pa'i nor yod do zhes smras so/ /de'i 
tshe mi rgod kyi dpon po des tshig de thos nas rab tu dga' ste 'di skad ces bgros so/ /bdag cag gis dal gyis bzhabs la drung du phyin pa dang / kun gyis mda' 'phangs te gzung bar bya'o/ /de nas mi rgod lnga brgyas drung du bsnyen nas cig car skad phyung nas kus btab bo/ /

</font><hr>76-1-154b<br><font size=+1>

de'i tshe na sprul pa'i mi des byams shing brtse ba'i sems kyis gzhu bdungs nas mda' 'phangs pa dang mi rgod lnga brgya rnams la mda' re re phog ste mi bzod pa'i na tsha myong nas sa la 'gre zhing skad chen po phyung nas ngus so/ /de dag gis mda' phyung bar bskyod na mda' rab tu dam pas 
stobs ci yod pas btsal kyang ma nus so/ /de nas mi rgod lnga brgyas skrag nas da ni bdag cag gdon mi za bar 'chi'o snyam mo/ /de ci'i phyir zhe na/ bdag cag 'di snyed kyis mi gcig pu zhig ma thub pa ngo mtshar che'o zhes thams cad tshig 'thun par 'di skad ces smras so/ /
mi yi nang na khyod ci yin/ /lha 'am klu 'am yi dgas sam/ /'on te rig sngags mthu yin nam/ /mda' cig 'phangs pas lnga brgya rmas/ /na ba'i sdug bsngal bzod dka' bas/ /bdag cag khyod la srog phyogs kyis/ /gdug pa'i mda' rnams dbyung du gsol/ /
phyin cad 'gal ba mi bgyid do/ /de nas sprul pa'i mi des tshigs su bcad de smras pa/ sta re rma las 'da' ba med/ /'phen pa'i nang na mde'u thung mchog /lang tsho gyad kyis mi byin te/ /mang du thos pas med par 'gyur/ /de'i tshe sprul pa'i mi des tshigs su bcad pa 
'di smras nas phyir sangs rgyas kyi skur bsgyur te 'od zer chen po bkye nas phyogs bcu'i 'jig rten gyi khams thams cad snang bar byas nas 'od des reg pa'i sems can long ba rnams ni mig gis gzugs mthong bar gyur/ lus zha bo sgur po rnams ni phyir rangs par gyur/ lus kyi 
rkang lag ma tshang ba rnams ni yan lag dang ldan par gyur/ smyos pa rnams kyang dran pa rnyed par gyur/ /mdor na ji tsam du yid du mi 'ong ba thams cad yid du 'ong bar gyur to/ /de'i tshe na de bzhin gshegs pas mi rgod lnga brgya la chos rnam pa sna tshogs bstan te/ spro ba dang / gzengs 
bstod pa dang / dga' bar byas pas mi rgod lnga brgya rnams chos thos nas rab tu dga' nas lus kyi rma yang sos/ khrag kyang 'o mar gyur te/ bla na med pa yang dag par rdzogs pa'i byang chub tu sems bskyed nas thams cad tshig 'thun par tshigs su bcad pa 'di dag gsol to/ /bdag 

</font><hr>76-1-155a<br><font size=+1>

cag byang chub sems bskyed de/ /sems can phan don rgyas par bgyi/ /sangs rgyas bstan pa rjes su bslab/ /bkur sti rim gro rgyun du bgyi/ /sangs rgyas thugs rje'i shugs kyis bskyabs/ /sdug bsngal las thar sems lus bde/ /sangs rgyas byang chub 
sems dpa' dang / /dge ba'i bshes gnyen drin dran bgyi/ /slob dpon bla ma pha ma dang / de las gzhan pa sems can rnams/ /byams sdang kun la mnyam par sems/ /drin gyi bsod nams gnyis su med/ /de'i tshe steng gi nam mkha' la 'dod pa'i khams kyi lha brgya byin 
lha'i dbang po la sogs pas lha rdzas kyi me tog char bzhin du phab nas lha rdzas kyi rol mos de bzhin gshegs pa la mchod pa byas te/ skad 'thun par tshigs su bcad pa 'di skad ces gsol to/ /bdag cag sngon gyi bsod nams kyis/ /'od zer snang ba mchog tu mdzes/ /mchod 
pa'i yo byad dam pa yis/ /kun la phan pa'i don bgyi'o/ /sangs rgyas phrad par shin tu dka'/ /dam chos thos par rab tu dka'/ /sngon tshe dge rtsa bskrun pas na/ /shAka rigs lha dang phrad par gyur/ /sangs rgyas bka' drin dran slad du/ /byang chub tu ni sems bskyed 
de/ /bdag cag sangs rgyas mthong ba dang / /theg pa gsum gyi dge ba rnams/ /'gro ba ma lus don gyi phyir/ /bla med byang chub yongs su bsngo/ /de'i tshe lha rnams kyis tshigs su bcad pa de dag smras nas lan brgya stong du bskor ba byas te/ sangs rgyas la mgo bos phyag byas nas 
steng gi nam mkha' la phyir dong ngo / /gzhan yang 'di lta ste/ de bzhin gshegs pa'i thabs mkhas pa dang / thugs rje chen po'i dge ba'i rtsa ba'i stobs bsam gyis mi khyab bo/ /de'i tshe yul yangs pa can na bram ze zhig log par lta ba la zhen te/ nga rgyal gyis mngon par zin pas/ shA 
ri'i bu dang / maud gal gyi bu chen pos bram ze de dang bshes te rgyun du khyim du song nas chos bstan kyang dad par ma gyur te ngan par lta ba la chags so/ /bram ze de rab tu phyug pa las nor bu rin po che rab tu mang yang de la bu med de/ gal te shi bar gyur na nor phyugs thams cad slar sdud do snyam 

</font><hr>76-1-155b<br><font size=+1>

bsams so/ /de nas ri gnyan gyi lha dang / shing gi lha dang / de dag la sogs pa la mchod cing gsol nas zhag dgu bcu lon pa dang chung ma la bu yod par gyur to/ /de nas zla ba tshang ba dang bu khye'u byad gzugs bzang ba/ blta na sdug pa/ mi'i mtshan dang ldan pa/ pha ma'i snying du sdug 
pa/ mang po'i yid du 'ong ba cig btsas so/ /bu de gsos pa bskyed de/ lo nyi shu lon pa dang grogs po dang phyi rol du 'khyam zhing ltad mo ltar song ba las lam du ba lang rmis pa dang phrad pas brdzis te shi bar gyur to/ /de ltar bu shi ba pha mas thos nas skad phyung nas ngu zhing cho nges btab nas 
sa la 'gre zhing lus la sa rdul bgos te skra yang bal nas nang gcig tu bdag gi rin po che med par gyur to zhes smras te/cho nges btab ste bu'i ro ga na ba der song nas bu ro pang du blangs te brgyal zhing phyir sangs pa tsam du ngu ngu nas myos par gyur to/ /gos kyang bor nas sgren mor song song ba las de 
bzhin gshegs pa dang phrad do/ /de nas de bzhin gshegs pa'i thugs rje chen po'i shugs kyis de'i bur sprul te bu dang phrad par byas nas bu'i pha ma rab tu dga' ba'i sems skyes te/ bu pang du blangs te myos pa yang sangs te/ sems phyir sor chud nas de bzhin gshegs pas de la chos ston to/ /
des chos thos nas mod la bla na med pa yang dag par rdzogs pa'i byang chub tu sems bskyed par gyur to/ /gzhan yang 'di lta ste/ de bzhin gshegs pa'i thugs rje chen po dang / dge ba'i rtsa ba'i stobs ni bsam gyis mi khyab bo/ /de'i tshe rgyal po bai dUr+yas dmag rnam bzhi bshams nas yul ser skya 
ba rnams pham par byas te shAka rigs kyi bu rnams bzung nas mchan khung nub pa tsam du sa brkos nas g.yo zhing 'gul mi nus par sa thams su bcug go/ /de ltar sa thams su bcug nas zhag bdun lon pa dang / de bzhin gshegs pas thugs rje chen po'i stobs kyis sa thams de khrus kyi rdzing bur 
sprul te/ rdzing bu'i chu de yang yon tan brgyad dang ldan la me tog pad mas steng yog go/ /'di lta ste/ me tog pad ma dang / puN Da rI ka dang / kha dog sngon po dang / dmar po dang / ser po dang / dkar po shing rta'i phang lo tsam gyis yongs su khebs la bya rnam pa sna tshogs kyang skad snyan pa 'byin par sprul to/

</font><hr>76-1-156a<br><font size=+1>

de'i tshe shAg rigs kyi bu rnams de ltar gyur pas rab tu dga' ba'i sems bskyed nas mod la bla na med pa yang dag par rdzogs pa'i byang chub tu sems bskyed do/ /byang chub tu sems bskyed nas rgyal po bai dUr+yas bal gyi glang po che nag po ma rungs pa lnga brgya chang blud de rmis par byas nas rkang pa 
la lcags kyi rmig pa bskon nas sna la ral gri rnon po btags nas skad ngan phyung ste shAg rigs kyi bu rnams brdzir bcug go/ /ba lang rmig pa rnams kyis shAg rigs kyi bu rnams brdzis nas lhu tshigs dang / sha dang / pags pa dang / rus pa kun zhib mor sa la btsog btsog ltar bzhag go/ /
de bzhin gshegs pa'i thugs rje chen po'i stobs kyis de dag sems dang lus la mi bde ba med par gyur/ lus dang sems bde bas byang chub tu sems bskyed par gyur/ byang chub tu sems bskyed pas sems can thams cad la mnyam snyoms pa'i sems su gyur/ sems mnyam par gyur pas zhe 
sdang gi sems med par gyur/ zhe sdang med pas tshe 'phos nas mtho ris kyi lhar skyes so/ /de ltar mtho ris kyi lhar skyes nas lha'i mig gis thog ma rgyu ci las gyur pa brtags nas gcig la gcig 'di skad du bdag cag ni sangs rgyas kyi thugs rje chen po'i bka' drin gyis lhar skyes te/ rin po che sna bdun 
gyi gzhal yas khang dang lha rdzas kyi gos dam pa dang ldan te/ lus la 'od kyang yod la rol mo dang bde ba'i longs spyod thams cad dang ldan par gyur to zhes smras so/ /de ltar de bzhin gshegs pa'i rdzu 'phrul gyi mthus de ltar gyur pas na bdag cag kyang sems can thams cad la phan pa dang bde ba'i don 
du snying rje chen po'i sems bskyed de/ sangs rgyas kyi chos gang na yod pa na grong ngam/ grong rdal lam/ ri'am/ tshal lam/ shing drung ngam/ pho brang 'khor ram/ khang khyim mam/ gang na mdo sde 'di 'dri'am/ klog gam/ 'don tam/ 'chad pa'i gnas der chos kyang mi brel ba yid bzhin du 
sbyar zhing dbul bar bya'o/ /gnas der mtshon gyis gnod par byed pa dang / rims nad dang / mu ge mi 'byung bar bdag cag gis nyin mtshan du bsrung zhing bskyab par bgyi'o/ /zhes de skad ces smon lam btab nas lha de dag gi tshe dang / stobs dang / lus kyi mdog dang / 'od gsal ba 

</font><hr>76-1-156b<br><font size=+1>

snga bas kyang lhag par bzang bar gyur te/ de dag rab tu dga' nas nam mkha'i phyogs nas phyir dong ngo / /gzhan yang de bzhin gshegs pa'i thabs mkhas pa'i thugs rje chen po dang / dge ba'i rtsa ba'i stobs ni bsam gyis mi khyab bo/ /de'i tshe rgyal po bai dUr+yas yul ser skya phab nas 
shAg rigs kyi bu rnams med par byas pa'i 'og tu shAg rigs kyi bu mo bzang mo ci la yang mkhas pa gzhan pas lhag pa lnga brgya zhig gdams nas bu mo lnga brgyas skor te/ rol mo byas nas phyir bdag gi yul du 'ongs te/ btsun mo dang slas rnams bcas su pho brang du 'dus tshogs nas skyil mo krung 
bcas te 'dug go/ /gdan la 'dug nas bdag skyid do legs so zhes smras so/ /de nas shAg rigs kyi bu mo rnams kyis rgyal po bai dUr+ya la khyod cis skyid ces smras so/ /rgyal pos smras pa/ kho bo dgra las rgyal bas skyid do/ /bu mo rnams kyis smras pa/ khyod rgyal ba ma yin no/ /ji ste 
rgyal po'i dmag rnam bzhi kun log na yang shAg rigs kyi bu gcig las mi thub bo/ /bdag cag shAg rigs kyi mi rnams sangs rgyas kyi slob mar gyur te/ ci la yang brtod pa med pas rgyal po rgyal bar zad do/ /gal te ngan sems bskyed nas khyod snga phyi lan gsum bzhi'i bar du yul ser skyar 
dmag rnam bzhi drangs pa na rtag tu pham par byas pa ma yin nam/ khyod thog ma dmag drangs pa'i tshe shAg rigs kyi bu rnams 'di skad zer ro/ /rgyal po bai dUr+ya khrel med pa drin mi shes par gnod pa byed du 'ong ba de dang 'gyed par gyur na mdzangs ngan gyi bye brag gang yang med dkar nag kyang mi mngon 
gyis/ bdag cag gis skrag pa tsam byas te phyir bzlog pa'i phyir thams cad kyis 'di skad ces dam bcas so/ /bdag cag gis mda' cig car 'phangs la pha rol la smas shing gnod par mi bya'o zhes dmag rnam bzhi bshams nas rgyang grags bzhi bcu'i mdun du khyod kyi dmag bsu nas kun gyis 
mda' 'phangs na mda'i rgyun ma chad de/ rgyal po khyod skrag nas phyir ma log gam/ de nas yang zhag dgu bcu lon pa'i 'og tu phyir dmag rnam bzhi drangs nas shAg rigs la drangs te brgal ba na/ de'i tshe shAg rigs kyi bu rnams 'di skad ces bgros so/ /rgyal po bai dUr+ya sdig pa can 

</font><hr>76-1-157a<br><font size=+1>

khrel dang ngo tsha mi shes pa da yang bdag cag la gnod pa byed du 'ongs pas bdag cag shAg rigs rnams kyis 'di ltar dam bca'o/ /dgra de dag la bdag gis cig car mda' 'phangs la de dag gi lus la gnod par mi 'gyur bar de'i ya lad kyi rgyun kun bcad de/ khrab 
kyis la lhags par bya'o zhes dam bcas nas shAg rigs kun gyis mda' 'phangs nas khrab kyi rgyun kun bcad de sgren mor bzhag go/ /de nas rgyal bu khyod skrag nas de ni bdag cag gi srog la bab na ji ltar bya zhes bgros pa las blon po gcig gis 'di skad ces gros ma btab bam/ 
shAg rigs rnams ni sangs rgyas kyi slob ma yin pas srog mi gcod pa'i khrims bsrungs te snying rje che bas bdag cag la gnod pa ma byas kyi de lta ma yin na bdag cag gi lus dang srog med par 'gyur ro zhes smras nas de ltar bden na da dung du brgal lo zhes smras te/ de'i tshe na shAg rigs 
kyi bu rnams ni lag pa mi 'gul bar sdod do/ /rgyal po bai dUr+ya'i dmag rnam bzhi drung du bsnyen kyang shAg rigs kyi bu rnams mi rgol bar sdod do/ /de nas bram ze zhig 'dug pas shAg rigs rnams la 'di skad ces smras so/ /da mi bde ba byung bzhin du ci'i phyir mi rgol bar sdod ces 
smras pa dang / shAg rigs rnams kyis smras pa/ bdag cag ni ci la yang brtod pa med de/ gal te 'di dang brtod par gyur na sangs rgyas kyi slob mar mi rung ngo zhes smras so/ /de nas bram ze de dag gis smras pa la ma rangs te/ gcig pu shAg rigs kyi mdun du 'phags nas rgyal 
po bai dUr+ya'i dmag la brgal te mda' gcig 'phangs pas mi bdun bdun rmas par byas pas ring po mi thogs par rmas pa dang shi ba mang bar gyur te/ rgyal po khyod dmag rnam bzhi dang phyir ma log gam/ dmag phyir log pa'i 'og tu shAg rigs rnams 'di snyam du sems par gyur to/ /
bdag cag rnams bram ze 'di dang lhan cig 'dug cing 'grogs pa'i mi rigs so snyam bsams nas shAg rigs rnams 'dus nas bram ze yul de nas bskrad do/ /bram ze de bskrad pa'i 'og tu yang rgyal pos dmag rnam bzhi drangs nas yul ser skya phab nas rgyal bar byas pa yin no/ /de 

</font><hr>76-1-157b<br><font size=+1>

nas rgyal po bai dUr+ya skyengs te ngo tsha bar gyur to/ /de nas rigs ngan pa'i shan pa bkug nas shAg rigs kyi bu mo rnams rkang pa dang lag pa gtubs la sna dang rna ba bcad de shing rtas bskyas nas dur khrod du bor ro/ /de'i tshe shAg rigs kyi bu mo rnams rkang lag bcad nas sa la 'gre zhing sdug 
bsngal chen po myong bar gyur nas srog la bab bo/ /de'i tshe shAg rigs kyi bu mo rnams sdug bsngal gyis gdungs pas la la ni pha ma dang ming po dang phu nu mo'i ming nas 'bod/ la la ni gnam 'bod/ la la ni sa 'bod/ la la ni rab tu sdug bsngal bar 'bod par gyur to/ /de'i nang na 
shAg rigs kyi bu mo mchog tu gyur pa gcig gis bu mo rnams la 'di skad ces smras so/ /phu nu mo dag 'di ltar rig par gyis shig /bdag gis sngon sangs rgyas las 'di ltar thos so/ /gang zhig phongs shing nyam thag par gyur pa na sems rtse gcig tu sangs rgyas yid la byas te 
mtshan nas brjod la srog phyogs na bsam pa bzhin du 'grub cing bde bar 'gyur ro zhes thos so/ /de nas shAg rigs kyi bu mo lnga brgya rnams sems rtse gcig tu btud nas 'thun par sangs rgyas shAkya thub pa dgra bcom pa yang dag par rdzogs pa'i sangs rgyas la phyag 'tshal lo zhes 
brjod de/ kyi hud kyi hud/ e ma re sdug /e ma re sdug /bcom ldan 'das bde bar gshegs pa zhes bos so/ /de skad smras ma thag tu de bzhin gshegs pa thugs rje chen po'i shugs kyis steng gi nam mkha' la snying rje chen po'i sprin chags te/ snying rje chen po'i sprin las char pa 
bab nas char pa'i thigs pas bu mo'i lus la phog go/ /char pas phog ma thag tu bu mo de dag gi lag pa dang / rkang pa la sogs pa yan lag thams cad snga mkho bzhin du sos par gyur to/ /de'i tshe shAg rigs kyi bu mo rnams rab tu dga' bar gyur nas thams cad tshig 'thun par de 
bzhin gshegs pa byams pa'i pha ma dang / bla na med pa bcom ldan 'das ni 'jig rten gyi sman dam pa'o/ /'jig rten gyi snang ba'i spyan no/ /khams gsum gyi sdug bsngal las thar bar mdzad pa'o/ /shin tu bde ba sbyin pa'o/ /de ci'i phyir zhe na/ bdag cag sdug bsngal 

</font><hr>76-1-158a<br><font size=+1>

gyis gdungs pa las thar bar gyur pas bdag cag gis sangs rgyas kyi bka' drin dran par bya ba'i phyir da sangs rgyas kyi bka' drin bsab par bya na thabs ji lta bu zhig gis bka' drin bsab par bya/ de bzhin gshegs pa'i sku ni rdo rje'i sku/ rtag tu gnas pa'i 
sku/ bkres pa dang skom pa med pa'i sku/ gzugs dam pa'i sku/ bsam gtan dang / ting nge 'dzin dang / dbang po dang / stobs dang / byang chub kyi yan lag bsam gyis mi khyab pa phun sum tshogs pa dang ldan pa'o/ /mtshan sum cu rtsa gnyis dang / dpe byad bzang 
po brgyad cus yongs su brgyan pa'o/ /yongs su mya ngan las 'das pa chen po la gnas shing sems can thams cad la sgra gcan 'dzin dang 'dra bar gzigs so/ /dgra dang gnyen la yang mnyam par gzigs te lan mi re ba yin na/ da bdag cag gis sangs rgyas kyi 
bka' drin bsab par bya na/ bdag cag rab tu byung ste tshul khrims bsrungs la dam pa'i chos gzung ngo snyam bsams nas/ chos gos dang lhung bzed btsal te/ dge slong ma'i gtsug lag khang du song nas rab tu 'byung bar gsol te dge slong ma'i gnas su phyin nas dge slong ma 
drug sde dang sngar phrad par gyur te/ dge slong ma drug sdes bdag cag la 'di skad ces bsgo'o/ /bu mo khyod rnams gzhon zhing lang tsho'i dus la bab la byad bzhin bzang la sdug na ci'i phyir 'di lta bu gtang dka' ba gtong bar sems shing rab tu 'byung bar sems/ de bas na 'jig rten 
gyi 'dod pa lnga las longs spyad na mi skyid dam/ skyid pa myong nas tshe nar phyin te rab tu byung na mi slebs sam zhes bsgo'o/ /drug sde ma rnams kyis bsams pa/ 'di dag rab tu ma byung na gdon mi za bar bdag cag gi chos gos dang / lhung bzed dang / 'dod pa thams cad dbul bar 
'gyur ro bsams nas shAg rigs kyi bu mo rnams rab tu 'byung ba'i bgegs byas so/ /bu mo rnams kyis tshig de thos nas lhag par mi dga' zhing mya ngan gyis non par gyur te/ ci'i phyir da dung yang 'di lta bu'i 'jigs pa chen po dang phrad par 'gyur/ kha zas bzang po'i nang na dug ma 

</font><hr>76-1-158b<br><font size=+1>

rungs pa yod pa ltar dge slong ma de dag kyang de dang 'dra ste/ 'jig rten gyi 'dod pa lnga ni 'jigs pa'i skyon mang bar bdag cag gis kyang shes na/ ci'i phyir 'di dag de la yon tan du lta snyam bsams nas skad phyung ste ngus so/ /de nas phyir byung ste song song ba las dge slong ma ud pa la'i 
mdog dang phrad de/ bdag cag la ci'i phyir ngu zhes dris so/ /bdag cag gis dge slong ma la bsams pa ltar ma gyur pas ngu ba yin no zhes smras so/ /ud pa la'i mdog gis smras pa/ khyed cir bsams na ma grub par gyur/ bdag cag gis rab tu dbyung bar gsol ba las 
rab tu 'byung du ma gnang ngo / /ud pa la'i mdog gis smras pa/ khyed rab tu 'byung bar dga' na kho bos rab tu dbyung ngo / /shAg rigs kyi bu mo rnams rab tu dga' nas ud pa la'i mdog gi slob mar rab tu byung ngo / /de ltar rab tu byung nas thams cad 'dus te 'di skad ces gtam byas 
so/ /bdag cag rnams rab tu ma byung na sdug bsngal 'ga' tsam myong bar ma zad de/ pha ma dang gnyen bshes kyang dgras bsad/ bdag cag kyang sna dang / rna ba dang / rkang lag kun bcad gtubs te sdug bsngal mi zad mi srid pa myong ngo / /ud pa la'i mdog gis smras pa/ khyod 
kyis sdug bsngal de tsam myong ba la gtam yang byar ci yod/ kho mo rab tu ma byung ba tsam na sdug bsngal myong ba'i gtam de mi gtol to/ /shAg rigs kyi bu mo rnams kyis thal mo sbyar nas slob dpon ma la rab tu ma byung ba'i tshe/ sdug bsngal ji lta bu myong ba bstan du gsol zhes smras so/ /
de nas dge slong ma ud pa la'i mdog ting nge 'dzin du zhugs nas mngon par shes pa'i mthus 'od zer chen po bkye ste 'dzam bu'i gling snang bar byas nas las dang rgyu 'thun pas lha dang / klu dang / gnod sbyin dang / mi dang / mi ma yin pa la sogs pa bsdus nas 'khor mang po la 'di skad ces 
smras so/ /kho mo rab tu ma byung ba na yul mnyan du yod pa can na 'dug pa na kho mo'i pha mas byang phyogs na gnas pa'i mi de la bag mar btang ngo / /byang phyogs kyi mi de dag gi yul chos kyis bu btsa' kar phyir pha ma'i yul du bu btsar btang ste/ de bzhin du lo du mar de ltar snga phyir bu btsas 

</font><hr>76-1-159a<br><font size=+1>

nas phyis bu zhig btsa' ba'i tshe khyim thab dang 'grogs te bzhon pa rta dang theg par bcas te pha ma'i yul du song ba las/ lam phyed du phyin pa las chu klung yod pa chu brug ste ma thar nas de'i nub mo 'brog dgon pa'i chu 'gram der nyal lo/ /de'i nub mo bu btsas pa 
dang rtswa'i nang nas sbrul gdug pa yod pa khrag gi dri tshor nas bdag bu btsas pa'i phyogs su 'ongs so/ /bdag gi drung du ma phyin par bdag gi khyim thab dang bran nyal ba'i steng du 'ongs nas btsugs te sngar bran bsad do/ /de nas khyim thab kyi thog tu 'ongs nas bdag gis sbrul 'ongs 
so/ /sbrul 'ongs so zhes khyim thab la bos na ma tshor te khyim thab kyang bsad do/ /de nas rta dang / ba lang dang / bzhon pa kun bsad do/ /kho mo 'ba' zhig thar te phyi de nyin nam nangs nas bltas na khyim thab kyi ro yang bam zhing / sa la khrag btsog btsog ltar 'dug pa mthong nas kho 
mo skrag 'khams nas sa la 'gyel to/ /de nas skad chen po phyung ste ngus nas khu tshur gyis brang brdungs/ skra yang bal nas ro'i steng du 'gyel to/ /de bzhin du zhag du mar chu las ma thar te/ chu 'gram na 'dug 'dug pa las phyis chu brug pa bri nas bu chen po tshu rol du bzhag /bu 'bring 
po khur du khyer/ bu chung ngu thu ba'i nang du bcug /thu ba sos bzung ste chu 'bogs pa las chu phyed du phyin pa dang / phyir bu la bltas na bu chen po stag gcig 'ongs nas bzung ba mthong ba dang / kha gdangs te khus btab pa las thu ba shor ba dang bu chung ngu chur lhung ngo / /bu chung ngu bsnyabs 
pa las rgyab na mo'i bu yang shor nas bu kun shi'o/ /de ltar bu gcig stag gis zos/ gzhan chur shi bas bdag pha rol tu phyin te snying gas pa tsam du sdug bsngal gyis gdungs nas kha nas khrag skyugs te/ kyi hud kyi hud ces cho nges btab nas nang gcig tu 'di 'dra ba'i sdug 
bsngal myong bar 'gyur bar mthong bar gyur to zhes ngu zhing 'dug 'dug pa las/ ring po ma thogs par 'dron po mang po zhig der lhags so/ /de'i tshe na 'dron po de dag gi nang na khyim bdag gcig cig kho mo'i pha ma dang mdza' zhing bshes pa zhig ste/ kho mo de'i gan du song ste pha 

</font><hr>76-1-159b<br><font size=+1>

ma'i gtam dris so/ /de la khyim bdag des 'di skad ces smras so/ /khyod kyi pha ma dang khyim du me thar te khyim yang tshig go/ /khyod kyi pha ma yang tshig go/ /bdag gis tshig de thos nas brgyal te sa la 'gyel to/ /de nas ring zhig lon pa dang phyir sangs te song song ba las grogs po 
rnams mi rgod lnga brgya dang phrad de bcom mo/ /de'i tshe mi rgod kyi dpon pos bdag chung mar blangs nas rtag tu sgo srung du bcug go/ /sgo srung du bcug pa na rings drag cig byung ba na tshor sang cher byos la nang du sbron cig ces bsgo'o/ /de nas dus gzhan zhig na khyim thab de mi rgod rnams 
dang 'phrog cing 'joms su song song ba las rgyal po'i grong khyer gyi mi rnams kyis bdas nas nyam thag ste phyir gnas su bros pa las de'i thad kar kho mo bu btsa' ba'i thad kar bab ste/ khyim thab sgo na 'bod pa thos kyang sgo 'byed ma nus pas/ de'i tshe khyim thab de 'di snyam du sems 
par gyur to/ /bdag gi chung ma 'di ni nga la gnod pa byed par sems pa lta/ sgo 'byed du yang ma btub bo snyam bsams nas rtsig pa la rgal nas nang du 'ongs so/ /des chung ma la ci'i phyir sgo mi 'byed ces byas so/ /chung mas smras pa/ bdag bu btsa' zhing 'dug pas sgo 'byed ma nus so/ /
de'i tshe na khyim thab de khros nas ji tsam du lus yod na bu yod par 'gyur te/ khyod nga la gnod pa byas pas bu de bdog na yang ci ru rung myur du sod cig ces bsgo'o/ /de'i tshe bdag bu la byams ches pas gsod ma phod do/ /de nas bdag gi khyim thab kyis ral gri phyung nas bu'i rkang lag bcad de sha 
'di zo shig /sha ma zos na mgo gcad do zhes smras so/ /de nas bdag skrag nas bu'i sha zos so/ /de ltar bu'i sha zos nas khro ba yang zhi bar gyur to/ /de nas yang dus gzhan zhig na rku zhing 'phrog tu song song ba las rgyal pos zin te khrims dang sbyar nas srog bcad do/ /de'i tshe na rgyal 
po de'i yul chos kyis rkun po bsad nas rkun po'i ro dang chung ma gson por dur du bcug go/ /kho mo rgyan dang bcas su dur du bcug par gzhan gyis mthong nas de nas mod la gzhan gyis bdag gi rgyan 'dod pa'i phyir mtshan mo dur brus nas bdag kyang khrid de chung mar blangs nas dur rkun de 

</font><hr>76-1-160a<br><font size=+1>

yang ring po ma lon par yang rgyal pos zin nas khrims dang sbyar nas bsad do/ /yul chos kyis rkun po'i chung ma yang gson por ro dang dur du bcug go/ /de nas ring po ma lon par spyang ki ltogs pas ro zos nas phyir byung nas bdag kyang de nas thar te myos bzhin du 
'thom zhing song song ba las mi mang po zhig dang phrad de/ mi de dag la 'di skad ces smras so/ /bdag shin tu sdug bsngal mang pos yongs su gzir bar gyur pas da mya ngan med pa'i bde ba'i gnas shig 'dod do/ /de nas khyim bdag bram ze zhig bdag la snying brtse ba'i phyir bdag 
la 'di skad ces smras so/ /sangs rgyas shAkya thub pa'i chos la zhugs na nyon mongs pa'i rkyen med de rab tu bde'o/ /zhes thos so/ /bdag gis tshig de thos nas rab tu dga' ba'i sems skyes te/ dge slong ma skye dgu'i bdag mo chen mo grags 'dzin ma ga la ba der song nas phyin 
pa dang rab tu byung ngo / /rab tu byung nas mthar gyis bsgoms nas 'bras bu thob par gyur te/ rig pa gsum dang / mngon par shes pa drug dang / rnam par thar pa brgyad dang ldan par gyur to/ /de'i rgyu de'i rkyen gyis kho mo rab tu ma byung ba'i tshe de lta bu'i sdug bsngal chen po myong ngo / /
myong nas de'i rkyen gyis rab tu byung nas 'bras bu yang thob par gyur to/ /de'i tshe shAg rigs kyi bu mo rnams de skad ces smras pa thos nas rab tu dga' ba'i sems skyes te chos la chos kyi mig rnam par dag pa thob par gyur to/ /chos nyan pa'i 'khor rnams kyang byang chub tu smon lam 
btab nas dga' bas phyir dong ngo / /de'i tshe na sangs rgyas kyi yum sru dge slong ma gau ta mIs dge slong ma dang / bar khrims ma dang / dge sbyong ma dang / dge bsnyen ma la sogs te bud med thams cad 'di skad ces smras so/ /sangs rgyas kyi chos ni thams cad la phan pa dang bde 
bar 'gyur ba'i yon tan dang ldan te/ 'bras bu rnam pa gsum thob par bya ba'i phyir de bzhin gshegs pa'i chos rgya mtshor 'jug pa la sems can thams cad thob pa'i skal ba yod mod kyi bdag cag bud med thams cad la ni ma gnang ngo / /de yang bud med thams cad la 

</font><hr>76-1-160b<br><font size=+1>

bsgribs pa mang zhing gtong mi phod pa chags shing zhen pa dang / kun nas nyon mongs pa'i las grangs med pas glags pa dang / shes pa chung zhing zhen pa dang / le lo byed cing nga rgyal che ba dang / lus 'di nyid kyis byang chub kyi rgyur mi 'gyur zhing mtshan sum cu rtsa gnyis thob par mi rung ba dang / 'khor 
bar 'khor ba na 'khor los sgyur ba'i rgyal po'i 'bras bu'i mchog dge ba bcu'i chos kyis 'gro ba mang po sdud mi nus pa dang / tshangs pa'i rgyal po'i thabs bla na med pa mi 'thob cing sems can thams cad la phan pa dang bde ba'i don du dam pa'i chos kyi 'khor lo bskor bar bskul mi nus pa'i 
phyir de bas na de bzhin gshegs pas bud med rnams chos la 'jug pa'i slob mar ma gnang ngo / /lha'i bdud dam ngan par lta ba dang / mu stegs can thams cad rtag tu ngan par lta ba la chags shing zhen te dam pa'i chos med par bya ba dang / sangs rgyas dang / chos dang / dge 'dun bshig 
par 'dod pa dang 'dra bar de bzhin gshegs pas bud med rnams sangs rgyas kyi chos la mos kyang 'jug tu ma gnang ste/ kho mos bud med thams cad kyi phyir de bzhin gshegs pa la yang dang yang lan gsum gyi bar du sangs rgyas kyi chos la 'jug par gsol na ma gnang ngo / /de ltar lan gsum 
gyi bar du gsol kyang ma gnang nas bsams pa bzhin ma gyur nas kho mo mi dga' ba'i mya ngan gyis non te/ mig mchi mas gang ste phyir byung ste song song ba las lam du kun dga' bo dang phrad nas kun dga' bos kho mo la yum ci'i phyir 'di ltar mi dga' zhing mya ngan byed ces dris so/ /kho mos de'i tshe na 
kun dga' bo la 'di skad ces smras so/ /bdag sangs rgyas kyi chos la dad cing mos te lan gsum gyi bar du de bzhin gshegs pa la gsol ba las ma gnang bas de'i phyir bdag mi dga' zhing mya ngan byed do zhes smras pa dang / de'i tshe kun dga' bos bdag la 'di skad ces smras so/ /yum mi dga' ba 
ma byed cig /bdag gis de bzhin gshegs pa la gsol te yum sangs rgyas kyi bstan pa la 'jug par bya'o zhes smras so/ /de nas bdag mod la dga' bar gyur to/ /de nas kun dga' bos sangs rgyas gang na ba der song nas phyin pa dang 'di skad ces gsol to/ /bcom ldan 'das bdag zhu zhing 

</font><hr>76-1-161a<br><font size=+1>

gsol ba'i skabs dbye bar gnang na bcom ldan 'das la zhu'o zhes gsol pa dang / bcom ldan 'das kyis bka' stsal pa/ ci dang ci 'dod pa dris shig par bka' stsal to/ /de nas bcom ldan 'das la kun dga' bos 'di skad ces gsol to/ /yum gau ta mI ni de 
bzhin gshegs pa'i gzugs kyi sku gso zhing bskyed bskyed de/ da mngon par sangs rgyas pa'ang yum gyi rkyen gyis mngon par rdzogs par sangs rgyas pa lags te/ yum ni de bzhin gshegs pa la drin che ba lags na de bzhin gshegs pas sems can thams cad kyang sangs rgyas kyi 
bstan pa la 'jug tu gnang na yum sangs rgyas kyi bstan pa la 'jug pa lta smos kyang ci 'tshal/ bcom ldan 'das kyis kun dga' bo la bka' stsal pa/ khyod smras pa bzhin te/ de bzhin gshegs pa la yum drin che bar de bzhin gshegs pas mi mkhyen pa ma yin na/ bud med rnams 
sangs rgyas kyi bstan pa la 'jug par ma gnang ngo / /gal te de bzhin gshegs pas sangs rgyas kyi bstan pa la bud med 'jug tu gnang bar gyur na dam pa'i chos lo lnga brgyas sngar nub par 'gyur te/ de bas na de bzhin gshegs pa ni bud med rnams sangs rgyas kyi bstan pa la 'jug par mi dgyes 
so/ /de nas kun dga' bos sangs rgyas kyi zhabs la mgo bos phyag 'tshal te/ thal mo sbyar ba btud de/ yang bcom ldan 'das la 'di skad ces gsol to/ /bdag mngon du dran pa 'das pa'i sangs rgyas thams cad 'khor bzhi dang ldan na sangs rgyas shAkya thub pa 'ba' zhig 'khor bzhi dang ldan pa 
ma lags sam/ sangs rgyas kyis kun dga' bo la bka' stsal pa/ de ltar gau ta mI sangs rgyas kyi chos la dad na brtson 'grus chen po bskyed de/ btsun par bya ba'i chos rnam pa brgyad yongs su dag par spyod na sangs rgyas kyi chos la 'jug tu gnang ngo / /de nas kun dga' bos sangs rgyas 
kyi zhabs la mgo bos phyag 'tshal te/ lan gsum bskor ba byas nas phyir song ste yum la 'di skad ces smras so/ /bdag gis de bzhin gshegs pa la nan gyis gsol nas yum chos la 'jug tu gnang ngo / /shin tu legs so/ /kun dga' bo de bzhin gshegs pa la yang dang yang du 

</font><hr>76-1-161b<br><font size=+1>

gsol te yum bsam pa ltar gyur pa legs so/ /yum gyis kun dga' bo la de bzhin gshegs pa'i bstan pa la 'jug tu gnang ba thos nas rab tu dga' nas bdag gi lus mi rtag pa 'dis deng 'dir rtag pa'i rin po che'i lus su gyur to/ /bdag gi srog 'di yang skad cig skad cig cing 'gyur 
zhing 'pho ba las deng 'dir rin po che'i srog tu gyur to/ /da ltar bdag gi lus dang / srog dang / nor yang rkyen 'dus pa las yod par zad de/ da ni rin po che'i nor rnyed par gyur to/ /de ltar bdag gis phan pa dang bde ba'i yon tan chen po mthong bas kun dga' bo la lhag par bkur sti 
bya ba dang rim gro bya ba'i sems skyes te kun dga' bo la 'di skad ces smras so/ /the tsom ma za zhig /de bzhin gshegs pas dgongs te gsungs pa'i rjes su spyod cing lus dang srog yal yang nyams par mi bgyid do/ /de nas de bzhin gshegs pas btsun par bya ba'i chos rnam pa brgyad 
nyams par mi bya ba yang zhib tu bstan to/ /de'i tshe yum gau ta mI snying rje chen po'i shugs kyis ma 'ongs pa'i bud med thams cad kyi phyir bcom ldan 'das la yang 'di skad ces gsol to/ /btsun pa bcom ldan 'das ma 'ongs pa'i dus na sangs rgyas kyi chos la dad cing mos pa zhig mchis na 
de yang bstan pa la 'jug par gnang bar mdzad du gsol/ /bcom ldan 'das kyis bka' stsal pa/ legs so/ /bud med gang sangs rgyas kyi chos srung zhing 'dzin la mthar gyis tshul khrims dang / sbyin pa dang / mang du thos pa dang / dge ba'i chos rnams nyams su len na rab tu 'byung 
ba dang / khyim par 'dug kyang skyabs su 'gro ba gsum dang / gtan khrims lnga dang / khrims rdzogs pa'i bar du nod cing rnam par thar pa dang / byang chub kyi yan lag gi chos kyi bar du 'jug tu gnang ngo / /de la nan tan byas na 'bras bu rnam pa gsum yang 'thob cing lha dang mi'i mya ngan las 
'da' ba'i bar du thob par 'gyur ro/ /gau ta mIs de skad gsungs pa thos nas rab tu dga' mgu rangs dga' ba'i sems su gyur te/ bcom ldan 'das la 'di skad ces gsol to/ /bdag gis 'bras bu thob par gyur pa yang sangs rgyas kyi bka' drin lags so/ /bcom ldan 

</font><hr>76-1-162a<br><font size=+1>

'das kyis bka' stsal pa/ de skad ma zer cig /de bzhin gshegs pa ni sems can rnams la drin yod pa ma yin no/ /de bzhin gshegs pa ni sems can rnams la drin yod ce'am/ drin med ces mi dgongs so/ /gal te de bzhin gshegs pa sems 
can rnams la drin bgrang na mnyam snyoms pa'i thugs nyams par 'gyur te/ gau ta mI de bzhin gshegs pa ni sems can la drin yod ce'am med ces dgongs na mnyam snyoms pa yang med par 'gyur ro/ /de ci'i phyir zhe na/ sems can gang gis sangs rgyas la gnod pa zhig byas na yang 
de la zhe sdang ba yang med/ sems can gang spos tsan dan gyi 'de gus de bzhin gshegs pa'i sku la bskus na yang de la de bzhin gshegs pa dgyes par mi dgongs so/ /de bzhin gshegs pa ni sems can la mnyam snyoms par gzigs te/ 'di ni kun dga' bo'i drin yin gyi de bzhin 
gshegs pa'i drin ma yin na/ kun dga' bo'i rkyen gyis bud med rnams sangs rgyas kyi bstan pa la 'jug par gyur to/ /gau ta mI ma 'ongs pa'i dus na dge slong ma dang / dge bsnyen ma dang / bud med rnams rtag par sems rtse gcig tu kun dga' bo la soms shig /bkur sti dang rim 
gro cher byas te ming nas yang brjod la rgyun du drin dran par bya'o/ /de ma yin na nyin mtshan dus drug tu yang mi brjed par bya'o/ /dran par bya'o/ /de nas gau ta mIs dge slong ma rnams dang / bud med rnams la 'di skad ces bsgo'o/ /bdag cag rnams kyis ston pa kun dga' bo la skyabs 
su gsol te srog phyogs so/ /bud med gang zhig rtag tu bde skyid pa dang / bkra shis pa dang / 'bras bu thob par 'dod na rtag tu dpyid zla 'bring po'i tshes brgyad dang / ston zla 'bring po'i tshes brgyad la gos sar pa gtsang ma bgos te/ sems rtse gcig tu nyin zhag gcig khrims brgyad 
mnos la dus drug tu brtson 'grus bskyed de mchod pa byas na kun dga' bos rdzu 'phrul gyi mthus skyob cing bsams pa bzhin du grub par byed do/ /'khor mang po rnams chos thos pas rab tu dga' nas bskor ba byas nas phyir dong ngo / /thabs mkhas pa chen po sangs rgyas drin lan 

</font><hr>76-1-162b<br><font size=+1>

bsab pa'i mdo las snying rje'i le'u zhes bya ste bdun pa'o// //thabs mkhas pa chen po sangs rgyas drin lan bsab pa'i mdo/bam po drug pa/ de'i tshe de bzhin gshegs pa la 'khor mang pos yongs su bskor nas mchod pa dang rim gro byas/ bkur sti dang phu dud 
du byas/ bsngags shing bstod nas 'khod do/ /de nas kun dga' bos 'khor mang po'i the tsom sems kyis rtogs nas stan las langs nas sangs rgyas la 'di skad ces gsol to/ /bcom ldan 'das ci'i slad du ma 'gags pa lta bu ma rabs rigs ngan pa yang rab tu 'byung du gnang 
ma 'gags pa rab tu byung bas rgyal rigs dang rje'u rigs thams cad kyi dad pa dang gus pa'i sems nyams par gyur to/ /de ltar dad pa'i sems nyams pas bsod nams kyi dngos po yongs su nyams par gyur/ rgyal po zas gtsang ma'i sras dge slong dga' bos kyang brnyas pa'i sems 
skyes par gyur to/ /de nas bcom ldan 'das kyis kun dga' bo dang / 'khor mang po rnams la 'di skad ces bka' stsal to/ /khyed rnams legs par nyon cig /khyed rnams kyis de bzhin gshegs pa la mnyam snyoms pa'i thugs rje chen po dang / dran pa nye bar gzhag pa 
gsum dang / ye shes lnga dang / ting nge 'dzin med do zhes smras kyang sla'i/ /dge slong ma 'gags pa 'di yang dag par ma rabs rigs ngan yin zhe'am/ spyod pa tha ma'am/ smon lam tha ma'am/ brtson 'grus tha ma yin no zhes byar rung ngam/ khyed rnams kyis de bzhin gshegs 
pa ni nyon mongs pa dang bcas pa'o/ /mi rtag pa'o/ /'gyur zhing 'pho ba'o zhes byas kyang sla'i/ dge slong ma 'gags pa ma rabs rigs ngan las rab tu byung ba yin no zhes bya bar mi rung ngo / /de bzhin gshegs pa thams cad mkhyen pa'i ye shes kyis yang dag pa bden pa'i tshig 
gsung bas khyed rnams de bzhin gshegs pas gsungs pa la yid ches par bya'o/ /de bzhin gshegs pa ni 'khor ba'i skyon dang nyes pa gzigs shing mkhyen pas rang mngon par rdzogs par sangs rgyas te/ dge slong ma 'gags pa lta bu rab tu byung bas rig pa gsum dang / mngon 

</font><hr>76-1-163a<br><font size=+1>

par shes pa drug dang / rnam par thar pa brgyad dang ldan te/ lha dang mi rnams kyi mchod pa'i gnas su gyur to/ /dam pa'i chos srung zhing 'dul ba 'dzin pa'i mchog dam par gyur te/ thams cad kyis mchod pa'i gnas su gyur pas na so so'i skye bo dag kyang 'bras bu dam pa 
gsum thob par byed do/ /'di lta ste/ da ltar gyi 'bras bu thob pa dang / skye ba'i 'bras bu dang / ma 'ongs pa'i 'bras bu thob par byed de/ de bas na ma 'gags pa ni spyod pa mchog dam pa dang ldan te/ phyogs gcig tu snying rje che ba'i byang chub sems dpa'o/ /sngon 'das pa'i dus 
na yang sangs rgyas grangs med pa bye ba brgya stong snyed la dge ba'i rtsa ba bskyed la bsnyen bkur byas nas sangs rgyas de dag gi chos la yang 'dul ba 'dzin pa'i mchog byas/ da ltar sangs rgyas shAkya thub pa'i chos la yang 'dul ba 'dzin pa'i mchog tu gyur to/ /de'i tshe dge slong dga' bos 
sangs rgyas kyis gsungs pa thos nas 'dug pa las langs te/ mgo bos 'phags pa kauN+Di n+ya'i rkang pa la phyag 'tshal te/ mthar gyis ma 'gags pa'i drung du phyin nas thal mo sbyar nas 'dud pa tsam byas so/ /de nas bcom ldan 'das kyis dga' bo la tshigs su bcad de bka' stsal 
pa/ dga' bo khyod ni shes par byos/ /dbul zhing sdug par 'gyur ba'am/ /che btsan nyams par mi 'gyur gyi/ /rab tu byung ba'i chos nyid do/ /bcom ldan 'das kyis de ltar dga' bo la bstan pa dang / gzengs bstod pa dang / dga' ba'i chos rnam pa du ma gsungs nas 
dga' bo rab tu dga' mgu rangs te/ gos tshags bcos nas 'phags pa ma 'gags pa'i rkang pa la mgo bos phyag 'tshal ba dang / de ma thag tu gnam sa yang rnam pa drug tu g.yos so/ /lus dang sems mnyen zhing las su rung bar gyur te/ bdag gi don rab tu rnyed cing 
bya ba byas par gyur to/ /de nas bcom ldan 'das kyis 'phags pa ma 'gags pa la khyod kyis myur du seng ge'i sgra sgrogs shig /'di lta ste/ dkon mchog gsum dang / bden pa bzhi dang / khyim pa dang / rab tu byung ba'i 'khor bdun gyi khyad par dang / de dag gi skyabs su 'gro 

</font><hr>76-1-163b<br><font size=+1>

ba gsum dang / gtan khrims lnga nas tshul khrims thams cad kyi bar du sems can la phan pa'i tshul khrims dang / nyon mongs pa sbyong ba'i tshul khrims dang / spyod lam gyis gdul ba'i tshul khrims dang / bsam gtan gyi tshul khrims dang / zag pa med pa'i tshul khrims bstan 
te dkon mchog gsum gyi gdung rgyas par byos shig /de nas ma 'gags pas bcom ldan 'das la 'di skad ces gsol to/ /de bzhin gshegs pas rdzu 'phrul gyi mthus bdag la byin gyis brlabs na bdag gis de bzhin gshegs pa la chung zad cig zhu'o/ /gsol pa/ dkon 
mchog gsum zhes bgyi ba gang lags/ sangs rgyas dang / chos dang dge 'dun zhes bgyi ba dkon mchog gsum la mtshan nyid ma mchis na ci'i slad du chos dang dge 'dun bye brag dang khyad par mchis shing / dkon mchog gsum la skyabs su mchi ba ji ltar gzungs su gzung / skyabs su 
mchi ba gsum gal te gcig lags na gsum zhes gsung ba yang mi rigs/ gal te skyabs su mchi ba gsum du gsungs na/ ci'i slad du 'khor rnam pa bdun mchis par gsungs/ bcom ldan 'das ci la skyabs su mchi na skyabs su mchi ba zhes bgyi/ de nas bcom ldan 
'das kyis don de dag so so nas rnam par bkrol te 'di skad ces bka' stsal to/ /sangs rgyas zhes bya ba ni tshor ba ste/ chos kyi mtshan nyid thams cad mngon sum du tshor ba'i phyir ro/ /gzhan yang sems can thams cad ni khams gsum na rgyun du gnyid kyis myos te/ sangs rgyas 
ni byang chub kyi spyan bye bas na bdag kyang tshor la pha rol po yang tshor bar byed pas tshor ba zhes bya'o/ /sangs rgyas ni chos thams cad la thabs thob pa thams cad gsungs pa'o/ /gsol ba ji ltar na sangs rgyas kyis thams cad gsungs pa zhes bgyi ba lags/ 'on te dus tshod las 
ma yol bar dbang po ci dang 'phrod pa bzhin du gsungs pa la bgyi ba'am/ 'on te so so'i sde tha dad pa bzhin du rjes su gsungs pa la bgyi/ bka' stsal pa/ sangs rgyas ni dbang po ji bzhin dus las mi yol bar chos thams cad gsungs na phyis nye gnas rnams kyis 

</font><hr>76-1-164a<br><font size=+1>

chos kyi sde snod bsdus pa'i tshe sde sde'i bag la bstan to/ /sangs rgyas kyis ni skabs kha cig tu nye gnas rnams la/ tshul khrims lci ba dang / yang ba dang / ltung ba dang / ltung ba med pa bcas te 'dul ba'i sde snod du phye'o/ /skabs kha cig tu ni rgyu dang 'bras 
bu'i mtshan nyid las nyon mongs pa dang / nye ba'i nyon mongs pa skye bas las kyi mtshan nyid gsungs te chos mngon pa'i sde snod phye'o/ /lha dang mi'i 'jig rten du bcas pa la ci dang 'phrod pa bzhin du bstan cing gsungs pa ni gzhung gcig nas 'phros pa zhes bya ste/ 'dul ba'i 
skal ba dang ldan pa'i gang zag rnams kyis spyod pa'i las su gsungs so/ /sems can dbang po rnon po rnams la don zab mo rnam pa mang po gsungs pa ni gzhung bar ma zhes bya ste/ slob ma rnams kyi spyod pa'i las su gsungs so/ /bsam gtan gyi chos rnam pa sna tshogs 
gsungs pa ni gzhung sil bu zhes bya ste/ gang zag bsam gtan byed pa rnams kyi spyod pa'i las su gsungs so/ /mu stegs can mang po gzhig pa'i don du gzhung ring po gsungs so/ /gsol pa/ gal te sangs rgyas thams cad gsungs pa la gnas na mdo sde las sangs 
rgyas shing ljon pa zhig gi drung du bzhugs te/ shing de'i yal ga gcig gi 'dab ma las bzung nas nye gnas rnams la yal ga bzung ba 'di'i 'dab ma mang ngam/ shing ljon pa chen po'i 'dab ma mang zhes bka' stsal nas shing ljon pa'i 'dab ma mang ngo zhes gsol pa las sangs rgyas 
kyis kyang ngas mkhyen pa'i chos ni shing ljon pa'i 'dab ma dang 'dra'o/ /ngas bshad pa'i chos ni lag pas bzung ba'i 'dab ma dang 'dra'o zhes gsungs na sangs rgyas ni thams cad gsungs pa'o zhes bgyir rung ngam/ bka' stsal pa/ mtshan nyid tha dad pa thams cad kyi thams cad dang / 
mtshan nyid gcig pa thams cad kyi thams cad yod do/ /'dir ni mtshan nyid tha dad pa'i thams cad la dgongs te sangs rgyas ni thams cad gsungs pa'o zhes bshad do/ /de yang sems can gyi zad par gzung mi nus pa la bya'i/ sangs rgyas kyis gsungs mi nus pa ni ma yin no/ /

</font><hr>76-1-164b<br><font size=+1>

gzhan yang thams cad mkhyen pa la yang thams cad gsungs pa zhes bya'i/ drang thabs su thams cad gsungs pa zhes byar mi rung ngo / /gsol pa/ gal te sangs rgyas kyis mkhyen pas gsungs pa lags na nyan thos dang / rang sangs rgyas kyang shes pa la brten te smra na ci'i 
slad du de la yang sangs rgyas zhes ming gdags/ bka' stsal pa/ de lta bu ma yin te sangs rgyas ni mkhyen pa dang gsungs pa gnyi ga'i mthar phyin to/ /theg pa gnyis kyi shes pa dang smra ba ni chos kyi mthar ma phyin pa'i phyir ro/ /gzhan yang sangs rgyas ni chos thams cad chub par 
mkhyen pas ming btags pa yang mkhyen gyi/ theg pa gnyis kyis de ltar mi nus so/ /gzhan yang sangs rgyas ni chos brnyes pa yang mtha' yas la chos gsungs pa yang mtha' yas te/ theg pa gnyis kyis de ltar mi nus so/ /gzhan yang sangs rgyas kyis brnyes pa'i thun mong 
ni theg pa gnyis kyis thob pa dang thun mong ba yang yod/ nyan thos kyis thob pa dang / thun mong ma yin pa yang yod do/ /theg pa gsum gyi shes pa thun mong ni theg pa 'bring gis thob/ theg pa gnyis kyi shes pa thun mong ni sangs rgyas 'ba' zhig gis brnyes te theg pa gnyis 
kyis mi shes pa yang sangs rgyas nyag gcig gis mkhyen to/ /gzhan yang ji tsam du sgrom che na kha gab kyang che ste/ chos che na mtshan nyid kyang mtha' yas pas sangs rgyas ni mtha' yas pa'i ye shes kyis mtha' yas pa'i chos gsungs te/ theg pa gnyis kyi ye shes ni mtha' 
yod pas chos kyi mtshan nyid ces mi gdags so/ /gzhan yang dbang po dang don du ldan te/ dbang po zhes bya ba ni shes rab kyi dbang po'o/ /don zhes bya ba ni shes rab bo/ /dbang po'i don zhes bya ba ni shes rab kyis dmigs pa'i chos so/ /sangs rgyas ni dbang po dang don 
gnyi ga rdzogs te/ shes rab kyis dmigs pa'i chos kyang mthar ma phyin pa med do/ /theg pa gnyis kyis ni dbang po dang don gnyi ga ma rdzogs so/ /gzhan yang sangs rgyas ni chos thams cad kyi mtshan nyid yang dag pa ji lta ba bzhin du mkhyen pa'i yang dag pa'i ye shes 

</font><hr>76-1-165a<br><font size=+1>

brnyes pa yin no/ /theg pa gnyis kyis ni chos kyi gting chub par mi shes pas yang dag pa'i ye shes zhes bya bar mi rung ste/ de ltar don rnam pa mang po'i sgo nas theg pa gnyis la sangs rgyas zhes byar mi rung ngo / /bcom ldan 'das zhes bya ba ni tshig dang sgra'i sgo 
nas gdags su mi rung gi /don gyi sgo nas btags pas bcom ldan 'das zhes bya ste/ de yang gnyen po'i chos thams cad mkhyen pa'i phyir ro/ /gzhan yang 'jig rten pa'i sgra skad mi 'thun pas 'jig rten pa rang gis mi shes par zad kyi/ sangs rgyas kyis ni kun mkhyen 
pas bcom ldan 'das zhes bya'o/ /gzhan yang dge slong rtsib logs can bya ba'i gzhung las theg pa gnyis dang so so'i skye bo dag ni kha cig dben zhing zhi ba la dad pa yang yod/ kha cig ni bsam gtan dang ting nge 'dzin la dad pa yang yod/ kha cig ni rkyen gzhan gyis gsang 
mkhyud de mi ston pa yang yod mod kyi/ sangs rgyas brnyes pa'i chos ni byams pa dang thugs rje'i mthur ldan pas gzhan la ston cing gsung bar spro'o/ /gzhan du na gdug pa gsum bcom pas na bcom ldan 'das zhes bya'o/ /gsol pa/ theg pa gnyis kyang gdug pa 
gsum bcom na ci'i slad du bcom ldan 'das zhes mi gdags bka' stsal pa/ de lta ma yin te/ theg pa gnyis ni phyir ldog pa yod kyi/ sangs rgyas la ni phyir ldog pa med pa'i phyir ro/ /phyir ldog pa la yang rnam pa gsum ste/ 'bras bu phyir ldog pa dang / 'bras bu 
ma yin pa'i phyir ldog pa dang / spyod pa'i las phyir ldog pa'o/ /'bras bu phyir ldog ces bya ba ni nyan thos kyi 'bras bu gsum phyir ldog par zad kyi/ 'bras bu tha ma phyir mi ldog pa dang / theg pa bar ma la rnam pa gnyis te/ gal te bskal pa brgya'i bar du rnal 'byor 
spyod pa'i rang sangs rgyas ni 'bras bu phyir mi ldog go/ /gal te thog ma nas theg pa chung ngu'i 'bras bu gsum las rang sangs rgyas su gyur na de'i 'bras bu ni phyir ldog par 'gyur gyi/ sangs rgyas kyi 'bras bu ni phyir mi ldog go/ /'bras bu ma yin pa'i phyir ldog pa ni gal te 

</font><hr>76-1-165b<br><font size=+1>

theg pa gsum la phyogs pa'i gang zag 'bras bu ma thob par phyir ldog pa dang / dge slong rnal 'byor can le lo byed pa dang / brtson 'grus med pa dang / rnal 'byor spyod pa la nyams te mi brtson pa 'di gsum ni 'bras bu ma yin pa'i phyir ldog pa zhes bya'o/ /spyod pa'i 
las phyir ldog ces bya ba ni ci tsam du thob par bya ba'i chos mngon sum du las su mi rung ba'o/ /dper na sangs rgyas kyi stobs bcu dang / theg pa chung ngu'i ye shes bcu lta bu gcig la las su byas kyi lhag ma gzhan mi dgos pa'am/ mdo sde'i tshigs su bcad pa 'bum 
kha ton du shes pa las gal te kha ton du ma byas pa'i dus na de kun la spyod pa'i las phyir ldog pa zhes bya'o/ /theg pa chung ngu la yang 'bras bu phyir mi ldog pa yod/ theg pa bar ma la yang 'bras bu ma yin pa'i phyir ldog pa yod kyi/ sangs rgyas la ni 'bras bu ma yin pa'i 
phyir ldog pa med do/ /de yang chos thams cad la brtson 'grus ma byas pa med pa'i phyir ro/ /theg pa gnyis la ni spyod pa las phyir ldog pa yod kyi/ sangs rgyas la ni gcig tu ma nges te/ stobs bcu las gcig las su byas pas chog gi dgu las su bya mi dgos pas ldog pa 
zhes bya'o/ /yang gzhan du na las su bya ba la/ mi dgos pa'i phyir ldog pa med de/ dper na mdo sde'i tshigs su bcad pa khri phrag nyi shu kha ton du 'don shes na gang zag ni mthu zhen pas nyin zhag gcig gam/ nyin zhag gnyis kyi bar du rdzogs par 'don nus kyi/ sangs 
rgyas ni skad cig tsam gyis rdzogs pas stobs bcu yang de dang 'dra ste/ las su bya dgos na skad cig tsam gyis mdzad pa tshad med pas las su bya ba la mi dgos pa'i phyir ldog pa med do/ /gzhan yang sangs rgyas la las su bya ba la mi dgos pa'i phyir ldog pa med de/ dper 
na na bza' smad g.yogs gsol ba'i tshe so so'i skye bo'i chos lta bur gzhung med par gsol ba ni ma yin te/ de yang sems can mang po la phan pa'i don du phrin las ci mdzad kyang phan pa yod na las de mdzad kyi/ phan pa med na las de mi mdzad do/ /de ltar las su bya ba la 

</font><hr>76-1-166a<br><font size=+1>

mi dgos pa'i phyir ldog pa med kyi/ so so nas dgos pa yod de gcig tu ma nges pas sangs rgyas kyi dgongs pa bsam gyis mi khyab pa zhes bya'o/ /gsol pa/ nyan thos la ci'i slad du 'bras bu gsum ni phyir ldog la/ 'bras bu tha ma phyir mi ldog pa 
lags/ bka' stsal pa/ 'bras bu gsum ni sngon yang thob pas na phyir ldog go/ /'bras bu tha ma ni da dung ma thob pas na phyir mi ldog go/ /dper na gang zag bkren pa zhig kha zas zhim po dang phrad na yun ring por mi brjed pa ltar don 'di yang de dang 'dra'o/ /gzhan yang 'bras 
bu tha ma ni bzod pa thogs pa med pa'i lam du 'gyur la ye shes rnam par grol ba'i lam du 'gyur ro/ /'bras bu gsum ni ye shes thogs pa med pa'i lam du ma gyur la ye shes rnam par grol ba'i lam du ma gyur pa'i phyir phyir ldog go/ /gzhan yang bden pa mthong ba'i lam ni phyir 
mi ldog gi /bsam pa'i lam ni phyir ldog ste/ dag pa dang ma dag pa'i 'du shes kyis nyon mongs pa'i mdud pa gcad pa'i phyir ro/ /sems pa la ni kun nas nyon mongs pa yod kyi/ bden pa mthong ba la kun nas nyon mongs pa med de/ bden pa mthong bas kun nas nyon mongs 
pa med cing bden pa mthong bas/ kun nas nyon mongs pa yang mthong la don mthong bas don zab mo sems pa yang skye ste/ kun nas nyon mongs pa phyir mi ldog go/ /gzhan yang bden pa mthong ba'i ye shes kyi stobs che ba ni dper na sdong po chen pos rdzas mnan pa dang 'dra ste/ 
sems shing yid la byed pa'i shes rab zhan pas phyir ldog pa yod do/ /gzhan yang bden pa mthong bar 'dod pa'i khams kyi bzod pa dang / shes rab kyi sems gnyis kyis ni dgu pa'i kun nas nyon mongs pa'i mdud pa gcod do/ /khams gong ma'i bzod pa dang shes rab 
kyi sems gnyis kyis ni kun nas nyon mongs pa bdun cu rtsa gnyis gcod do/ /gzugs med pa'i khams kyi mthar phyin pas phyir ldog pa med do/ /don de lta bas na de 'ba' zhig la bcom ldan 'das zhes bya'o/ /gzhan yang sangs rgyas la ni bag chags kyi rnam 

</font><hr>76-1-166b<br><font size=+1>

pa med kyi/ theg pa gnyi ga yi ni bag chags ma zad do/ /dper na dge slong rtag tu bldad pa zhes bya ba rtag par ba lang ltar bldad pa yang tshe rabs snga ma la tshe rabs du mar ba lang byed byed pa las mir skyes pa'i phyir ro/ /dper na dge slong zhig zag pa zad kyang rtag tu me long la 
blta ba ni tshe rabs du mar bud med sbrul 'tshong ma las mir skyes pa'i phyir ro/ /dper na dge slong zhig khri dang gdang la 'dzeg par dga' ba yang tshe rabs du mar spre'u byed byed pa las mir skyes te/ de dag la ni bcom ldan 'das zhes byar mi rung ngo / /gsol pa/ 'di skad 
bdag gis thos zhes bgyi ba sangs rgyas bzhugs pa'i tshe bdag gis thos zhes gsungs sam/ sangs rgyas mya ngan las 'das pa'i 'og tu thos zhes gsungs/ chos kyi mdzod bsdus pa'i tshig las bdag gis thos zhes bya na sangs rgyas shing bstan pa yang bdag la ma 
lus par bstan cing bshad par gsol lo zhes ma smras sam/ gsol pa/ lo nyi shu'i bar du chos kyi tshig ci bshad pa de ji ltar bstan par bgyi/ bka' stsal pa/ sangs rgyas kyi thabs mkhas pas tshigs su bcad pa gcig gis kyang chos grangs med pa ston la/ chos 
grangs med pa'i don yang tshigs su bcad pa gcig gis ston te/ sangs rgyas kyi mdo tsam zhig bstan na yang kun dga' bos ma lus par shes pa ni rno ba'i shes rab kyis gzungs su 'dzin pa'i stobs che ba'i phyir ro/ /chos brgyad khri yod ces bya ba ni dper na shing gi rtsa ba dang / 
yal ga dang / lcug ma dang / 'dab ma la spyir sdong po gcig ces bya ba ltar/ sangs rgyas kyi sems can gyi don du thog ma nas tha ma'i bar du chos bstan pa la sde snod gcig ces bya ste/ de ltar na brgyad khri'o/ /gzhan du na sangs rgyas gdan gcig las ma g.yos par lo nyi shu'i 
bar du chos bshad kyang kun dga' bos ma thos na ci'i slad du bdag gis thos zhes bgyi/ bka' stsal pa/ lha rnams kyis kun dga' bo la smras zhes kyang bya/ gzhan du na sangs rgyas bcom ldan 'das kun rdzob 'jig rten pa'i thugs kyis kun dga' bos shes par byas zhes 

</font><hr>76-1-167a<br><font size=+1>

kyang bya/ gzhan du na dge slong rnams la chos zhes kyang bya'o/ /gzhan yang kun dga' bos 'di skad ces sangs rgyas la gsol ba btab bo/ /sangs rgyas kyi na bza' rnying pa bdag la mi stsal cing yon bdag gi bsod snyoms bdag la mi stsal bar gsol to/ /
bdag ni chos 'dod pa'i phyir sangs rgyas la phu dud dang rim gro bgyid de/ ci bzhed pa sbyor gyi gos dang zas kyi phyir ma yin no/ /dge slong gzhan rnams ni snga dro dang phyi dro'i dus kyi tshe/ sangs rgyas mthong gi /bdag ni nam lta 'dod pa na mthong bar gsol lo/ /gzhan yang lo nyi 
shu'i bar du chos gsungs/ chos bstan pa la sde snod gcig ces bya ste/ de ltar na brgyad khri'o/ /yang gzhan du na yi ge'i tsheg bar bcu drug la tshigs su bcad pa phyed do/ /yi ge'i tsheg bar sum cu rtsa gnyis la tshigs su bcad pa gcig ces bya ste/ de ltar brgyad khri'o/ /
yang gzhan du na tshigs bcad kyi rkang pa ring thung las yi ge'i tsheg bar bzhi bcu rtsa gnyis la tshigs su bcad pa gcig ste/ de ltar na brgyad khri'o/ /yang gzhan du na zla ba phyed phyed cing tshul khrims bstan pa la sde snod gcig ces bya ste/ de ltar na brgyad khri'o/ /yang gzhan 
du na sangs rgyas kyis gsungs pa'i tshigs su bcad pa drug khri drug stong la sde snod gcig ces bya ste/ de ltar na brgyad khri'o/ /yang gzhan du na sangs rgyas kyis nyon mongs pa brgyad khri'i gnyen por chos kyi sman brgyad khrir gsungs pas chos kyi sgo mo brgyad khri zhes bya'o/ /gsol 
pa ci'i slad du mdo sde dang chos mngon pa sangs rgyas kyis sngar ma smos la 'dul ba sangs rgyas kyis sngar smos bka' stsal pa/ mchog yin pa dang / sangs rgyas kyis bcas pa'i phyir ro/ /dper na mdo sde lta bu ni nye gnas rnams kyis chos bstan pa yang yod/ /dper na brgya byin lha'i 
dbang po lta bu bdag ni sbyin pa byin pa'i nang na mchog go/ /de ci'i phyir zhe na/ bdag gis sbyin pa byin pas lha'i dbang por gyur te bsam pa yid bzhin no zhes smras te/ sangs rgyas kyis kyang de bzhin no zhes gsungs pa yang yod/ dus kha cig tu sangs rgyas sprul pa'i sangs rgyas 

</font><hr>76-1-167b<br><font size=+1>

su sprul te/ sprul pa'i sangs rgyas kyis chos gsungs pa yang yod kyi/ 'dul ba ni de lta bu ma yin te thams cad sangs rgyas kyis gsungs pas de bas na sangs rgyas kyis sngar smos so/ /yang gzhan du na mdo sde ni gnas gang na bzhugs pa bzhin gsungs kyi/ 'dul 
ba ni de lta bu ma yin te/ gnas gang na nyes pa byung na de nyid du khrims bca' ba ma yin gyi/ mtshams kyi phyi rol du bca' ba dang / khyim pa'i nang na nyes pa byung na dge 'dun gyi nang du bca' ba dang / grong khyer gcig tu nyes pa byung na yang dge 'dun gyi nang du bca' ba dang / 'khor rnam 
lnga'i nang du nyes pa byung na dge slong dang / dge slong ma'i nang du bca' ba dgos pas de bas na sangs rgyas kyis sngar smos pa yin no/ /yangs pa can zhes bya ba ni yul kha cig ni rgyal po'i mtshan las btags pa yang yod/ /yul kha cig yul sa las btags pa yang yod/ kha cig 
ni grong khyer las btags pa yang yod/ yul 'di ni klu las yul gyi ming du btags so/ /ka lan ta ka'i gnas zhes bya ba ni bya las ming du btags te/ grong khyer zhes bya ba ni grong gi bdag po'i ming ngo / /lha sbyin zhes bya ba yang de'i pha mas lha la gsol ba btab pas bu rnyed 
pas na lha sbyin zhes ming du btags so/ /btsan phyug ces bya ba ni phyug pa la rnam pa gnyis te/ sems can gyi bag dang / sems can ma yin pa'i bag go/ /sems can ma yin pa zhes bya ba ni gser dngul dang / rin po che sna bdun gyi bang mdzod dang / nor dbyig dang / 
zhing dang / khang khyim mang du yod pa'o/ /sems can zhes bya ba ni bran pho dang / bran mo dang / las byed pa'i mi dang / bal glang dang / rta dang / ba lang dang / lug dang / dbang byed pa'i grong khyim mang du yod pa ste/ de ni phyug po zhes bya'o/ /btsan zhes bya ba ni dbang dang 
ldan pa'am/ legs pa'i yon tan dang ldan te mi'o cog gis phu dud byed cing btsun par byed pas btsan zhes bya'o/ /dkon mchog gsum la phyogs shing skyabs su 'gro ba gsum mnos pa'o/ /gsol pa skyabs su 'gro ba gsum gyi rang bzhin ji lta bu lags/ ston pa kha 

</font><hr>76-1-168a<br><font size=+1>

cig ni skyabs su 'gro ba gsum ni cho ga yin gyi cho ga la mtshan nyid med do/ /skyabs su 'gro ba gsum nod pa'i tshe pus mo btsugs la thal mo sbyar te/ skyabs su 'gro ba gsum kha nas tshig tu brjod pa ni lus dang ngag gi cho ga bstan pa'o/ /gal te sems rtse 
gcig tu byas nas lus dang ngag yod kyang cho gas bstan pa med de/ de ni cho ga bstan pa med pa zhes bya'o/ /gzhan du na skyabs su 'gro ba gsum ni lus dang / ngag dang / yid kyi las kyi rang bzhin gsum zhes bya'o/ /yang gzhan du na skyabs su 'gro ba gsum ni phung po lnga dge ba 
ste/ sems can gyi phung po lnga dge bas gsum la skyabs su 'gro bar byed de/ dkon mchog gsum ni skyabs su 'gro ba'i gnas so/ /skyabs su 'gro zhes bya ba ni mgon skyabs sam dpung gnyen gyi don te/ dper na mi zhig la nyes pa chen po byung ba las yul gzhan du 'phos pa 
las rgyal po pha rol po la phar skyabs su btsal na/ yul pha rol gyi rgyal pos de la khyod mi 'jigs pa 'dod na nga'i yul 'di nas mi 'gro zhing ngas bstan pa nyan na mgon skyabs bya'o zhes bsgo ba dang 'dra bar so so'i skye bo yang de dang 'dra ste/ bdud kyi dbang du gyur la skye shir 
'khor ba'i nyes pa yod pas dkon mchog gsum la phyogs te skyabs su 'gro bar bya'o/ /gal te dkon mchog gsum la rtse gcig tu phyogs shing skyabs su song la sangs rgyas kyi bstan pa las 'gal bar ma byas na bdud kyi rgyal po sdig pa can gyis ci byar yang med do/ /sngon phug ron 
gcig khras nyen nas shA ri'i bu'i phag grib mar song ba las 'on kyang skrag cing dngang ba bzhin no/ /de nas sangs rgyas kyi grib ma'i phag tu song ba las 'jigs pa med de 'dar ba yang med do/ /gal te rgya mtsho chen po 'pho zhing 'gyur yang srid kyi phug ron de ni bsgyur du med de/ de bas 
na sangs rgyas ni byams pa chen po dang thugs rje chen por ldan gyi/ shA ri'i bu la ni byams pa dang snying rje chen po med do/ /sangs rgyas la ni bag chags med kyi/ shA ri'i bu la ni bag chags ma zad do/ /sangs rgyas ni bskal pa grangs med pa gsum gyi bar du byang chub sems 

</font><hr>76-1-168b<br><font size=+1>

dpa'i spyad pa spyod kyi/ shA ri'i bu ni bskal pa drug cu'i bar du dka' thub spyad de/ de bas na phug ron yang shA ri'i bu'i grib mar song ba na 'on kyang skrag cing 'jigs kyi/ sangs rgyas kyi grib mar song na 'jigs pa med par gyur to/ /gsol pa/ gal te dkon mchog gsum 
la skyabs su song bas sdig pa mi dge ba byang zhing 'jigs par mi 'gyur na/ ci'i slad du lha sbyin lta bu dkon mchog gsum la skyabs su song bas dad pas khyim nas rab tu byung ste tshul khrims kyang rdzogs pa las/ mtshams med pa gsum bgyis nas mtshams med pa'i sems 
can dmyal bar ltung bar 'gyur/ bka' stsal pa/ mgon skyabs bya ba yang skyabs bya bar 'os pa la skyabs su bya ba yin te/ lha sbyin lta bu ni mi dge ba'i sdig pa chen po byas la gdon mi za bar myong ba'i las dang yang bcas pas de'i phyir yang mgon skyabs byar yang dka'o/ /
gsol pa/ gal te sdig pa chen po bgyis pa la sangs rgyas kyis mgon skyabs mi mdzad na sdig pa'i las ma mchis pa la sangs rgyas kyis mgon skyabs bgyi yang ci 'tshal/ dkon mchog gsum la mgon skyabs mnga'o zhes kyang ji skad bgyi/ bka' stsal pa/ lha 
sbyin gyis dkon mchog gsum la skyabs su song ba yang yang dag pa'i sems kyis ma yin te skyabs su 'gro ba gsum ma rdzogs so/ /de ni rgyun du rnyed pa dang / bkur sti dang / grags pa 'dod pa'i phyir bdag ni thams cad mkhyen pa'i ye shes can no zhes sangs rgyas la yang 
sngo bas na/ de'i phyir dkon mchog gsum la mthu stobs chen po yod mod kyi mgon skyabs su mi 'gyur ro/ /dper na rgyal po ma skyes dgra lta bu la mtshams med pa'i sdig pa yod de/ mtshams med pa'i sems can dmyal bar ltung bar rigs pa las yang dag pa'i 
sems rtse gcig tu sangs rgyas la skyabs su gsol bas mtshams med pa'i sdig pa byang nas/ thig nag po'i sems can dmyal bar lhung nas mi'i nang nas sdig pa lci ba myong bas lci ba dang 'dra bar zhag bdun myong ba tsam gyis sdig pa kun byang bas na de ni dkon mchog gsum 

</font><hr>76-1-169a<br><font size=+1>

gyi mgon skyabs kyi mthu zhes bya'o/ /gsol pa/ lha sbyin gyis sdig pa bgyis pa'i mgon skyabs byar mi rung ngo zhes bgyis pa mdo sde'i nang nas gang su yang rung sangs rgyas la skyabs su song na ngan song gsum du mi ltung ngo zhes bgyi ba'i don ji lta bu lags/ 
bka' stsal pa/ lha sbyin gyis dkon mchog gsum la skyabs su song bas mtshams med pa'i sems can dmyal bar song mod kyi sdug bsngal myong ba yang zhing chung la bsti ba'i dus skabs yod do/ /dper na mi zhig ri'am/ nags tshal lam/ 'brog dgon pa 'jigs pa'i 
gnas su phyin pa las/ gal te sangs rgyas yid la byas shing bsams na de'i yon tan gyis 'jigs shing skrag pa zhi bar 'gyur te/ de bas na dkon mchog gsum la skyabs su song na mgon skyabs su 'gyur ba yang mi brdzun no/ /gsol pa/ dkon mchog gsum zhes bgyi ba 
bden pa bzhi la bden pa gang gi nang du bsdu/ dbang po nyi shu rtsa gnyis la dbang po gang gi nang du bsdu/ khams bco brgyad la khams gang gi nang du bsdu/ skye mched bcu gnyis la skye mched gang gi nang du bsdu/ phung po lnga la phung po gang gi bsdu bar bgyi/ bka' stsal pa/ dkon 
mchog gsum ni bden pa bzhi la 'gog pa'i bden par bsdu ste/ lam gyi bden pa'i phyogs cha gcig go/ /dbang po ni mi shes pa kun shes par bya ba'i dbang por bsdu'o/ /khams bcwa brgyad la yid kyi khams dang yid kyi rnam par shes pa'i khams dang / chos kyi khams su 
bsdu'o/ /skye mched bcu gnyis la yid kyi skye mched dang / chos kyi skye mched kyi nang du bsdu'o/ /phung po lnga la zag pa med pa'i phung po lnga'i nang du bsdu'o/ /de la sangs rgyas dkon mchog ni bden pa bzhi la lam gyi bden pa'i phyogs cha gcig go/ /chos dkon mchog ni bden pa bzhi 
la 'gog pa'i bden par bsdu'o/ /dge 'dun dkon mchog kyang bden pa bzhi la lam gyi bden pa'i phyogs cha gcig go/ /sangs rgyas dkon mchog ni dbang po nyi shu rtsa gnyis la kun shes pa'i dbang por bsdu'o/ /chos dkon mchog ni 'gog pa'i bden pa yin pas 'dus ma byas pa ste dbang 

</font><hr>76-1-169b<br><font size=+1>

pos bsdu ba ma yin no/ /dge 'dun dkon mchog ni dbang po nyi shu rtsa gnyis la zag pa med pa'i dbang po gsum gyi nang du bsdu'o/ /sangs rgyas dkon mchog ni khams bcwa brgyad la yid kyi khams dang / yid kyi rnam par shes pa'i khams dang / chos kyi khams kyi phyogs cha gcig 
gi nang du bsdu'o/ /skye mched bcu gnyis la yid kyi skye mched dang / chos kyi skye mched kyi phyogs cha gcig gi nang du bsdu'o/ /nye bar len pa'i phung po lnga la zag pa med pa phung po lnga'i phyogs cha gcig gi nang du bsdu'o/ /chos dkon mchog ni khams bcwa brgyad la chos kyi khams kyi 
phyogs cha gcig gi nang du bsdu'o/ /skye mched bcu gnyis la chos kyi skye mched kyi phyogs cha gcig gi nang du bsdu'o/ /chos dkon mchog ni phung po lngar bsdus pa ma yin no/ /phung po lnga ni 'dus byas pas chos ni 'dus ma byas pa'i phyir ro/ /dge 'dun dkon mchog ni khams bcwa 
brgyad la yid kyi khams dang / yid kyi rnam par shes pa'i khams dang / chos kyi khams kyi phyogs cha gcig gi nang du bsdu'o/ /skye mched bcu gnyis la yid kyi skye mched dang chos kyi skye mched kyi phyogs cha gcig gi nang du bsdu'o/ /phung po lnga la zag pa med pa'i phung po lnga'i phyogs cha 
gcig gi nang du bsdu'o/ /gsol pa/ sangs rgyas la skyabs su gsol zhes bgyi ba sangs rgyas shAkya thub pa la skyabs su gsol lam/ 'on te dus gsum gyi sangs rgyas la skyabs su gsol/ bka' stsal pa/ dus gsum gyi sangs rgyas la skyabs su gsol lo/ /ji lta zhe 
na sangs rgyas kyi chos kyi sku gcig tu 'thun pa'i phyir ro/ /sangs rgyas gcig la skyabs su song ba nyid sangs rgyas thams cad la skyabs su song ba ste/ sangs rgyas la tha dad pa med pa'i phyir ro/ /yang gzhan du na dus gsum gyi sangs rgyas la skyabs su gsol lo zhes bgyi ba lha rnams las kha 
cig ni bdag sangs rgyas 'od srung gi nye gnas yin par smra/ kha cig ni bdag sangs rgyas rnam par gzigs kyi nye gnas yin par smra ste/ de bzhin du sangs rgyas bdun char la yang so so nas bdag ni sangs rgyas che ge mo zhig gi nye gnas yin zhes smra bas de bas na sangs rgyas gcig la nga skyabs 

</font><hr>76-1-170a<br><font size=+1>

su gsol bar 'os kyi dus gsum mi rigs so/ /gzhan yang de ltar mi rung ngo zhes smra ba yang yod de/ de ci'i phyir zhe na/ dper na rnam thos kyi bus dris pa'i mdo las rgyal po rnam thos kyi bu dkon mchog gsum la skyabs su gsol ba ni 'das pa dang / ma byon pa 
dang / da ltar bzhugs pa'i sangs rgyas la skyabs su gsol lo zhes gsungs te/ don de dang sbyar na dus gsum gyi sangs rgyas rnams la skyabs su gsol bar mngon no/ /gsol pa/ gal te de lta bu lags na lha'i bu dag so so nas bdag ni sangs rgyas che ge mo zhig gi nye gnas 
lags so zhes bgyi ba'i don ji lta bu lags/ bka' stsal pa/ lha'i bus smras pa la don nges par chad pa yang ci yod/ lha'i bu kha cig ni sangs rgyas gcig la skyabs su 'gro ba yang yod/ kha cig ni dus gsum gyi sangs rgyas la skyabs su song ba yang yod de/ mdor na sangs rgyas 
gcig la bya'o/ /gsol pa/ ci la skyabs su mchis na ni sangs rgyas la skyabs su song ba zhes bgyi/ bka' stsal pa/ skyabs su 'gro ba zhes bya ba ni ngag gi 'khor lo ste/ thams cad mkhyen pa slob pa med pa'i yon tan la skyabs su song ba'o/ /gsol pa/ gzugs 
kyi sku la skyabs su mchi'am/ chos kyi sku la skyabs su mchi/ bka' stsal pa/ chos kyi sku la skyabs su 'gro'i gzugs kyi sku la skyabs su 'gro ba ma yin te/ gzugs sangs rgyas ma yin pa'i phyir ro/ /gsol pa/ gzugs kyi sku sangs rgyas ma lags na ci'i slad du 
sangs rgyas kyi sku la khrag phyung bas mtshams ma mchis pa'i las bgyis par 'gyur/ /bka' stsal pa/ gzugs kyi sku ni chos kyi sku'i snod yin te/ chos kyi sku'i gnas so/ /de bas na gzugs kyi sku la gnod pa byas pas mtshams med pa'i las su 'gyur gyi/ gzugs 
kyi sku sangs rgyas yin pas mtshams med pa'i las su 'gyur ba ni ma yin no/ /gsol pa/ ci la skyabs su mchi na chos la skyabs su mchi ba zhes bgyi/ bka' stsal pa/ skyabs su 'gro ba zhes bya ba ni ngag gi 'khor lo ste/ 'dod pa dang / 'dod pa med pa'i mthar phyin 

</font><hr>76-1-170b<br><font size=+1>

cing mya ngan las 'das pa la skyabs su song ba ni chos la skyabs su song ba zhes bya'o/ /gsol pa/ bdag gi lus mthar phyin pa la skyabs su mchi'am/ gzhan gyi lus mthar phyin pa la skyabs su mchi/ bka' stsal pa/ bdag gi lus mthar phyin pa dang / gzhan 
gyi lus mthar phyin pa la skyabs su 'gro ba ni chos la skyabs su song ba zhes bya'o/ /gsol pa/ ji ltar na dge 'dun la skyabs su mchi ba lags/ bka' stsal pa/ skyabs su 'gro ba ni ngag gi 'khor lo ste/ bsod nams kyi zhing slob pa dang / mi slob pa'i nyan thos kyi yon tan 
la skyabs su 'gro ba ni dge 'dun la skyabs su song ba zhes bya'o/ /gsol pa/ kun rdzob kyi bden pa'i dge 'dun la skyabs su mchi'am/ don dam pa'i bden pa'i dge 'dun la skyabs su mchi/ gal te don dam pa'i bden pa'i dge 'dun la skyabs su mchi na ni sngon sangs rgyas 
kyis de wi dang / pa ri la skyabs su 'gro ba gsum phog pa'i tshe/ phyis dge 'dun zhes bya ba yod par 'gyur gyis de la skyabs su song shig ces gsung ba'i mi rigs te don dam pa'i bden pa'i dge 'dun ni rtag tu 'jig rten na mchis pa lags/ bka' stsal pa/ kun rdzob kyi bden pa'i 
dge 'dun ni don dam pa'i dge 'dun gyi rten pa'i gnas yin pas na phyis dge 'dun yod par 'gyur gyis de la skyabs su song shig ces gsungs pa yin no/ /yang gzhan du na kun rdzob kyi bden pa'i dge 'dun la bkur zhing btsun par bya ba'i phyir yang de skad ces gsungs te/ sangs rgyas 
kyis ni 'khor thams cad kyi nang na dge 'dun ni sangs rgyas kyi 'khor mchog go/ /dper na 'o ma las zho 'byung la/ zho las mar 'byung mar las mar gyi snying po 'byung ste/ mar gyi snying po ni mchog rab gya nom pa dang 'dra ste/ sangs rgyas kyi 'khor dge 'dun yang de dang 'dra ste/ nye 
gnas dge 'dun yod na de'i nang na 'jug pa bzhi dang / 'bras bu bzhi thob pa bla na med pa'i bsod nams kyi zhing yod pas na 'khor rnam pa dgu bcu rtsa drug gi nang na dge 'dun ni gya nom pa/ mchog rab dpe zla med pa ste/ de bas na phyis dge 'dun yod par 'gyur gyis skyabs su 

</font><hr>76-1-171a<br><font size=+1>

song shig ces gsungs pa la don dang 'gal ba med do/ /gsol pa/ sangs rgyas nyid chos lags la/ chos nyid kyang dge 'dun lags te/ dge 'dun nyid kyang chos lags pas yang dag par na chos gcig tu bas na khyad par ram bye brag ci mchis/ 
bka' stsal pa/ chos de dag mchis mod kyi don gyi sgo nas bye brag yod do/ /dkon mchog gsum zhes bya ba bstan pa med par ye shes chen po dang / slob pa med pa'i sa non te/ yon tan thams cad dang ldan pa ni sangs rgyas dkon mchog ces bya'o/ /'gog pa'i bden 
pa dang / 'dus ma byas pa ni chos dkon mchog ces bya'o/ /nyan thos kyi slob pa dang / mi slob pa'i yon tan dang / shes rab tu ldan pa ni dge 'dun dkon mchog ces bya'o/ /chos kyi sgo nas dbye na bstan pa med pa dang / bslab pa med pa'i chos ni sangs rgyas 
dkon mchog ces bya'o/ /'gog pa'i bden pa dang / 'dus ma byas pa dang / slob pa yang ma yin/ mi slob pa yang ma yin pa'i chos ni chos dkon mchog ces bya'o/ /nyan thos kyi slob pa dang / mi slob pa ni dge 'dun dkon mchog ces bya'o/ /dbang po'i sgo 
nas dbye na sangs rgyas ni kun shes pa'i dbang po'o/ /chos ni dbang po'i chos ma yin pa'o/ /dge 'dun ni zag pa med pa'i dbang po gsum mo/ /bden pa'i sgo nas dbye na sangs rgyas ni lam gyi bden pa'i phyogs cha gcig go/ /chos ni 'gog pa'i bden pa'o/ /dge 
'dun yang lam gyi bden pa'i phyogs cha gcig go/ /dge sbyong gi 'bras bu'i sgo nas dbye na sangs rgyas ni dge sbyong ngo / /chos ni dge sbyong gi 'bras bu'o/ /dge 'dun ni dge sbyong ngo / /chos dkon mchog ni dge sbyong gi 'bras bu'o/ /bram ze'i sgo nas dbye na sangs 
rgyas ni bram ze'o/ /chos ni bram ze'i 'bras bu'o/ /dge 'dun ni bram ze'o/ /chos dkon mchog ni bram ze'i 'bras bu'o/ /tshangs par spyod pa'i sgo nas dbye na sangs rgyas ni tshangs par spyod pa'o/ /chos ni tshangs par spyod pa'i 'bras bu'o/ /dge 'dun ni tshangs 

</font><hr>76-1-171b<br><font size=+1>

par spyod pa'o/ /chos dkon mchog ni tshangs par spyod pa'i 'bras bu'o/ /rgyu dang 'bras bu'i sgo nas dbye na sangs rgyas ni rgyu'o/ /chos ni 'bras bu'o/ /dge 'dun ni rgyu'o/ /chos dkon mchog ni 'bras bu'o/ /lam dang 'bras bu'i sgo nas dbye na sangs rgyas ni 
lam mo/ /chos ni 'bras bu'o/ /dge 'dun ni lam mo/ /chos dkon mchog ni 'bras bu'o/ /sangs rgyas kyi ston pa ni chos yin te/ chos las sangs rgyas skyes pas na chos ni sangs rgyas kyi yum yin te/ sangs rgyas ni chos la gnas so/ /gsol pa/ sangs 
rgyas kyi ston pa chos lags na ci'i slad du dkon mchog gsum la chos sngar mi smos/ bka' stsal pa/ sangs rgyas kyis ston pa chos yin mod kyi chos kyang sangs rgyas ma yin pa gzhan gyis mi ston te/ lam zhes bya ba yang mis bsgrub dgos pas de bas na sangs rgyas sngar 
smos so/ /de nas ma 'gags pas yang bcom ldan 'das la 'di skad ces gsol to/ /bcom ldan 'das dkon mchog gsum la skyabs su gsol ba mnod pa'i tshe/ sngar chos dkon mchog smos la/ phyis sangs rgyas dkon mchog smos na gsum la skyabs su mchi bar 
rung ngam/ bka' stsal pa/ rtogs shing shes pa med na go rims nor na yang nyes pa med de skyabs su 'gro bar chud do/ /gal te shes bzhin du ched du nor bar smras na nyes pa dang bcas la gsum la skyabs su 'gro bar yang mi chud do/ /gsol pa/ sangs rgyas dang chos 
smos la dge 'dun ma smos na skyabs su mchi ba gsum du rung ngam/ gal te chos dang dge 'dun smos la sangs rgyas ma smos na skyabs su mchi bar rung ngam/ gal te sangs rgyas dang dge 'dun smos la chos ma smos na gsum la skyabs su mchi bar chud dam/ bka' stsal pa/ de gang 
yang mi rung ste mi chud do/ /gsol pa/ gsum la skyabs su ma mchis par tshul khrims lnga thob par rung ngam/ gal te gsum la skyabs su ma mchis par yang yan lag brgyad kyi tshul khrims thob par rung ngam/ gal te gsum la skyabs su mchi ba ma mchis par tshul khrims bcu 

</font><hr>76-1-172a<br><font size=+1>

thob par rung ngam/ zhu ba dang gsol ba bzhi'i las ma bgyis par tshul khrims rdzogs par mnod du rung ngam/ bka' stsal pa/ de dag gang yang mi rung ngo / /gal te tshul khrims lnga nod na sngar gsum la skyabs su 'gro bar bya'o/ /gsum la 
skyabs su song ba'i 'og tu khrims lnga thob par 'gyur te/ de nas khrims lnga gang yin pa brjod de/ pha rol pos khrims lnga'i ming shes par bya'o/ /de bzhin du gsol pa dang zhu ba bzhi'i las byas nas tshul khrims rdzogs para'agyur te/ de'i 'og tu gnas bzhi dang / rtsa ba bzhi dang / dge 'dun gyi lhag ma bcu gsum shes shing khong du chud par bya ba'i phyir brjod cing bstan par bya'o/ /yang gzhan du na skyabs su 'gro ba byas nas srog mi gcod pa'i khrims bstan na khrims thob par 'gyur te/ de bas na khrims gcig bshad pas 
khrims lnga thob ces bya ste/ gal te khrims gcig thub na khrims lnga char thub ces bya'o/ /yang gzhan du na khrims lnga gcig la gcig 'brel pa yang yin la thog ma nas khrims lnga mnod par dam bcas pa'i phyir ro/ /yang gzhan du na khrims lnga ni mnos pa'i 'og tu 
khrims thob bo/ /ston pa kha cig ni skyabs su 'gro ba gsum byas nas khrims lnga thob ces bya ba ni don bden pa ste/ ji ltar gsol pa dang / zhu ba'i las byas pa bzhin no/ /yan lag brgyad pa'i khrims nod pa dang / khrims bcu nod pa dang / khrims lnga nod pa 
bshad pa bzhin no/ /gsol pa/ gal te sngar gsum la skyabs su mchis te/ dge bsnyen du gyur pa slad kyis gal te khrims lnga nod dam/ khrims bcu nod kyang rung / skyabs su mchi ba gdod bgyi 'tshal lam/ bka' stsal pa/ skyabs su 'gro ba gsum ma 
byas kyang sngar gsum la skyabs su song bas tshul khrims kun thob bo/ /gsol pa/ gal te gsum la skyabs su mchi ba yang bgyis/ gsol pa dang zhu ba'i las kyang ma bgyis na khrims thob par 'gyur ram/ bka' stsal pa/ khrims lnga dang / yan lag brgyad pa'i 

</font><hr>76-1-172b<br><font size=+1>

khrims dang / khrims bcu nod pa gsum la skyabs su song nas khrims 'thob bo/ /gal te tshul khrims rdzogs par mnod pa ni gsol ba dang / zhu ba bzhi'i las byas pas tshul khrims rdzogs par 'gyur gyi gsum la skyabs su song bas ni ma yin no/ /tshul khrims rdzogs 
par mnod pa ni de'i yon tan dang bsod nams che bas na las cung zad tsam mam/ rkyen cung zad tsam gyis bsgrub par mi 'gyur bas de bas na skyabs su 'gro ba gsum dang / dge 'dun bcu'i nang du gsol ba dang zhu ba bzhi'i las byas pas tshul khrims thob par 'gyur ro/ /
khrims lnga dang / yan lag brgyad pa'i khrims dang / khrims bcu ni yon tan dang mthu de tsam du mi che bas de bas na gsum la skyabs su song bas na tshul khrims thob par 'gyur te/ las mang po dang / rkyen mang po mi dgos so/ /gsol pa/ tshul khrims rdzogs par mnos 
pa'i 'og tu rtsa ba bzhi dang / dge 'dun gyi lhag ma bcu gsum 'ba' zhig ni bstan la gzhan dag rdzogs par mi ston/ bka' stsal pa/ tshul khrims rnam pa 'di gnyis ni nang gi lci ba yin te/ rtsa ba bzhi las gcig nyams na yang phyir gsor mi rung ngo / /lhag ma ni 
gsor rung mod kyi gso dka' ste/ de yang dge 'dun la mgu ba dang / chad pa'i las byas la gang na dge 'dun nyi shu yod pa'i mdun du nyes pa bshags dgos te/ 'di ni bsrung dka' bas bsrung dgos pa'i phyir smos so/ /gzhan bslab na bsrung sla ba'i phyir smos mi dgos te/ 
de bas na rnam pa 'di gnyis smos kyi gzhan ma smos pa yin no/ /gsol pa/ so sor thar pa'i khrims 'di zag pa med pa'i khrims lags sam/ bsam gtan gyi tshul khrims lags/ bka' stsal pa/ zag pa med pa'i khrims kyang ma yin/ bsam gtan gyi tshul 
khrims kyang ma yin no/ /so sor thar pa'i tshul khrims 'di ni gal te sangs rgyas 'jig rten du gshegs na ni tshul khrims 'di yod kyi/ gal te sangs rgyas 'jig rten du ma gshegs na tshul khrims 'di med do/ /zag pa med pa dang / bsam gtan gyi tshul khrims ni sangs 

</font><hr>76-1-173a<br><font size=+1>

rgyas 'jig rten du gshegs kyang rung / ma gshegs kyang rung dus thams cad kyi thams cad du yod do/ /so sor thar pa'i tshul khrims ni bcas pa las yod par 'gyur gyi/ zag pa med pa dang / bsam gtan gyi tshul khrims ni bcas pa las yod 
pa ma yin no/ /so sor thar pa'i tshul khrims ni gzhan las thob par 'gyur gyi/ zag pa med pa dang / bsam gtan gyi tshul khrims ni gzhan las thob pa ma yin no/ /so sor thar pa'i tshul khrims ni gnyid kyis log gam/ ma log pa'am/ dge ba'am/ sdig 
pa'am/ lung du mi ston pa'i sems kyi dus thams cad du yod do/ /zag pa med pa dang / bsam gtan gyi tshul khrims ni bsam gtan du 'dug pa dang / zag pa med pa'i sems la nges pa'i tshe tshul khrims yod kyi/ /sems gzhan thams cad la med do/ /so 
sor thar pa'i tshul khrims ni mi'i nang 'ba' zhig na yod kyi/ zag pa med pa dang / bsam gtan gyi tshul khrims ni lha dang mi gnyis la yod do/ /so sor thar pa'i tshul khrims ni 'dod pa'i khams 'ba' zhig na yod kyi/ zag pa med pa dang / bsam gtan gyi tshul 
khrims ni 'dod pa'i khams dang / gzugs kyi khams na rdzogs par yod do/ /zag pa med pa'i tshul khrims dang / so sor thar pa'i tshul khrims ni sangs rgyas kyi slob ma 'ba' zhig la yod mod kyi/ bsam gtan gyi tshul khrims ni mu stegs can la yang yod do/ /
gsol pa/ dge bsnyen gyi khrims lnga la du ni rang bzhin gyi sdig lags/ du ni bcas pa'i sdig lags/ bka' stsal pa/ bzhi ni rang bzhin gyi sdig /chang 'thung ba'i khrims gcig ni bcas pa'i sdig go/ /chang 'thungs pas ni bag med pa le lo'i gnas yin pa ste/ sdig 
pa bzhi'i grogs su 'gyur ro/ /khrims lnga la chang 'thung ba ni bag med pa'i gzhi yin pas/ khrims bzhi yang nyams par byed de/ dper na sangs rgyas 'od srung gi tshe dge bsnyen zhig chang 'thungs pa'i rkyen gyis gzhan gyi chung ma la 'dod pas log par g.yem pa yang byas/

</font><hr>76-1-173b<br><font size=+1>

pha rol po'i bya yang brkus nas bsad do/ /gzhan zhig gis khyod ci'i phyir 'di ltar byed ces dris na bdag gis byas pa med ces zer te/ de ltar chang 'thungs pas khrims bzhi char cig car nyams par byas so/ /chang 'thungs na mtshams med pa bzhi yang byed par 'gyur te/ dge 
'dun gyi dbyen 'ba' zhig byed mi nus so/ /'di yang sngon gyi las kyis gnyer ba ma yin mod kyi/ 'on kyang smyo ba dang mi dran par smyo ba myong bar 'gyur ro/ /chang 'thungs pas ban glang myos pa ltar myos shing 'khrug par 'gyur te/ chang gis myos na yang dag pa'i las su 
bya ba bsam gtan dang / mdo sde klog pa dang / 'don pa dang / dge 'dun gyi las bya ba rnams shor bar 'gyur te/ rang bzhin gyi sdig pa ma yin mod kyi rang bzhin gyi sdig pa dang 'dra'o/ /de nas ma 'gags pas yang bcom ldan 'das la 'di skad ces gsol to/ /
dge bsnyen gyi khrims lta bu sems can 'ba' zhig las khrims thob bam/ sems can ma yin pa las kyang thob par rung / 'on te gsad du rung ba dang / rkur yod pa dang / mi tshangs par spyad du rung ba dang / brdzun smrar rung ba'i sems can las khrims thob par 'gyur ram/ 
'on te gsad du mi rung ba dang / rkur ma mchis pa dang / mi tshangs par spyad du mi rung ba dang / brdzun smrar mi rung ba dang / sems can las kyang khrims thob par 'gyur/ bka' stsal pa/ sems can las ni khrims bzhi thob par 'gyur gyi sems can ma yin pa las chang 
mi 'thung ba'i khrims thob par 'gyur ro/ /sems can du gtogs pa gsod du rung ba'am/ gsod du mi rung ba'am/ mi tshangs par spyan du rung ba'am/ mi rung ba'am/ rkur rung ba'am/ mi rung ba'am/ brdzun smrar rung ba'am/ mi rung ba thams cad las tshul khrims 
thob ste/ mtshams med pa'i sems can dmyal ba yan chad/ 'du shes med 'du shes med min gyi skye mched man chad stong gsum gyi stong chen po'i 'jig rten gyi khams su gtogs pa de bzhin gshegs pa'i bar du srog dang bcas pa thams cad las tshul khrims 'di bzhi thob par rung 

</font><hr>76-1-174a<br><font size=+1>

ste/ de yang thog ma tshul khrims nod pa'i tshe srog chags thams cad kyi srog mi gcod pa dang / thams cad ma byin par mi len pa dang / thams cad la mi tshangs par mi spyod pa dang / brdzun thams cad mi smra'o zhes bya ba'i mtha' dang tshad gzung du med pas de bas na 
sems can thams cad las tshul khrims mi thob par 'gyur ba med do/ /tshul khrims 'bogs pa cho ga bzhin du byas na sngar khong du chud cing yid ches par bya ba'i phyir chos bshad la sems can thams cad la byams pa dang snying rje'i sems bskyed du gzhug go/ /de ltar lhag par 
mos pa'i sems skyes na lhag pa'i tshul khrims thob par 'gyur ro/ /yang tshul khrims thob pa ni sems can thams cad las so so nas tshul khrims bzhi thob par 'gyur te/ tshul khrims bzhi so sor dbye na tshul khrims bcu gnyis su 'gyur ro/ /sems can las srog 
mi gcod pa dang / ma byin par mi len pa dang / mi tshangs par mi spyod pa dang / brdzun mi smra bas bzlog pa'i nyes pa bzhi skye ba yang rgyu dang rkyen gsum gyi phyir te/ de yang 'dod chags las skye ba dang / zhe sdang las skye ba dang / gti mug las skye ba'o/ /sems can thams 
cad la mi dge ba bcu gnyis po 'di yod de/ mi dge ba 'di las bzlog na dge ba'i tshul khrims kyi rnam par rig byed kyi gzugs bcu gnyis thob par 'gyur ro/ /dpag tu med pa'i sems can thams cad las thob pa yang de dang 'dra'o/ /gal te dgra bcom pa khri phrag brgya'am/ 
'bum phrag brgya mya ngan las 'das kyang / thog mar dgra bcom pa de dag las tshul khrims thob na dgra bcom pa mya ngan las 'das kyang tshul khrims nyams par 'gyur ba ma yin no/ /chang mi 'thung ba'i khrims ni lus 'di thog ma nas tha ma'i bar du stong gsum gyi stong chen 
po'i 'jig rten gyi khams ji tsam tshang du gtogs pa thams cad la rngub re zhing khrims kyi rnam par rig byed kyi gzugs 'thob ste/ thog ma khrims nod pa'i tshe chang thams cad mi 'thung ngo zhes byas pas gal te chang thams cad zad kyang tshul khrims ni rtag tu yod pas mi nyams so/ /gsol pa/

</font><hr>76-1-174b<br><font size=+1>

thog ma khrims nod pa'i tshe bud med thams cad kyi sgo gsum nas 'dod pas log par mi g.yem pa'i khrims mnos la phyis chung ma blangs na tshul khrims 'di nyams par 'gyur ram/ bka' stsal pa/ nyams par mi 'gyur ro/ /ji lta zhe na/ thog ma bud med la 'dod pas log par 
mi g.yem pa'i khrims thob la 'di ni bdag gi chung ma yin pas 'dod pas log par g.yem pa ma yin te/ khrims 'di ni nyams par mi 'gyur ro/ /don 'di dang sbyar na thams cad 'thun te/ khrims brgyad dang / khrims bcu dang / sems can dang / sems can ma yin pa rnams 
las tshul khrims thob pa yang de dang 'dra'o/ /tshul khrims nyis brgya lnga bcu yang sems can kun la so so nas tshul khrims bdun bdun zhig thob ste/ de yang rnam par dbye na tshul khrims nyi shu rtsa gcig tu 'gyur ro/ /sems can thams cad la lus dang ngag gi sdig pa bdun 
'byung ste/ sdig pa 'byung ba 'di yang rgyu dang rkyen rnam pa gsum gyis skye'o/ /de yang 'dod chags kyis skye ba dang / zhe sdang gis skye ba dang / gti mug gis skye ba ste/ de ltar na rgyu dang rkyen gsum gyis sdig pa bdun skye ste/ de ltar na mi dge ba'i sdig pa bdun gsum nyi shu gcig 
go/ /sdig pa de las bzlog na tshul khrims su 'gyur te/ sems can gcig la tshul khrims kyi rnam par rig byed kyi gzugs nyi shu rtsa gcig yod pa bzhin du sems can thams cad la yang de dang 'dra'o/ /don de dang sbyar na dus gcig tu tshul khrims grangs med pa thob par ni rung gi / 
dus gcig tu cig car nyams par 'gyur ba'am/ dus gcig tu med par 'gyur ba ni ma yin no/ /tshul khrims nyams zhes bya ba ni gal te tshul khrims kyi rtsa ba nyams na gong nas gong du 'phar bar mi 'gyur te/ ji ste tshul khrims phul la phyis nod na yang tshul khrims thob par mi 'gyur 
ro/ /dper na nyin zhag gcig gi yan lag brgyad pa'i khrims kyi rtsa ba nyams na phyis khrims brgyad dam/ khrims lnga'am/ khrims bcu'am/ khrims rdzogs pa'am/ bsam gtan gyi tshul khrims sam/ zag pa med pa'i tshul khrims sam/ tshul khrims 'di dag gang 

</font><hr>76-1-175a<br><font size=+1>

yang nod du mi rung ngo / /gal te tshul khrims lnga'i rtsa ba nyams na yang khrims brgyad dam/ bcu'am/ tshul khrims rdzogs pa'am/ bsam gtan gyi tshul khrims sam/ zag pa med pa'i tshul khrims mnos kyang thams cad thob par mi rung ngo / /gal te 
khrims lnga nyams pa'i 'og tu khrims lnga phul la khrims bcu nod pa de ni gnas ma yin no/ /gal te khrims lnga phul ba'i 'og tu khrims lnga nod kyang rung / khrims brgyad dam/ khrims bcu'am/ khrims rdzogs pa'am/ bsam gtan gyi tshul khrims sam/ zag pa med pa'i 
khrims mnos kyang khrims gang yang mi 'thob bo/ /gal te khrims bcu'am/ khrims rdzogs pa'i rtsa ba nyams na gong nas gong du 'phar ba'am/ khrims phul te khrims nod pa ni ji ltar khrims lnga las bshad pa dang 'dra'o/ /gsol pa/ bsam gtan gyi tshul khrims dang / 
zag pa med pa'i tshul khrims dang / so sor thar pa'i tshul khrims dang / tshul khrims 'di gsum las tshul khrims mchog ces bgyi ba gang lags/ bka' stsal pa/ bsam gtan gyi tshul khrims mchog ste/ gzhan du na so sor thar pa'i tshul khrims kyang mchog yin 
no/ /de ji lta zhe na/ gal te sangs rgyas 'jig rten du gshegs na tshul khrims 'di yod par 'gyur gyi/ bsam gtan gyi tshul khrims dang / zag pa med pa'i tshul khrims ni thams cad kyi dus su yod do/ /so sor thar pa'i tshul khrims ni sems can dang sems can ma yin pa las 
kyang thob par rung gi /bsam gtan gyi tshul khrims dang / zag pa med pa'i tshul khrims ni sems can thams cad las thob pa ma yin no/ /so sor thar pa'i tshul khrims ni sems can thams cad la byams pa'i sems kyis thob par 'gyur gyi/ bsam gtan gyi tshul khrims dang / 
zag pa med pa'i tshul khrims ni byams pa'i sems kyis thob pa ma yin no/ /so sor thar pa'i tshul khrims ni sangs rgyas kyi chos 'dzin par 'khor rnam pa bdun 'jig rten na yod cing [(]thag[,]theg [)]pa rnam gsum gyi 'bras bu rgyun mi 'chad par byed pa'i gzhir 'gyur ba yin gyi/ bsam gtan gyi 

</font><hr>76-1-175b<br><font size=+1>

khrims dang / zag pa med pa'i khrims ni de lta bu ma yin te/ de bas na khams gsum na mchog rab phul du gyur pa yin no/ /thog ma khrims nod pa'i tshe gsol ba dang zhu ba bzhi'i las byas ma thag tu tshul khrims rdzogs par 'gyur te/ thog ma'i sems skad cig ma dang po'i 
tshul khrims kyi rnam par rig byed kyi gzugs ni las zhes kyang bya/ las kyi lam zhes kyang bya'o/ /sems skad cig ma phyi ma las khrims kyi rnam par rig byed kyi gzugs byung ba ni las zhes bya'i/ las kyi lam ma yin no/ /de lta bas na sems kyi skad cig ma dang po las 
tshul khrims kyi rnam par rig byed kyi gzugs bsam pa yongs su rdzogs te/ bsam pa dang ldan pas bsam pa'i las kyi lam zhes bya'o/ /tshul khrims snga mas rgyu byas te/ tshul khrims lhag ma'i rnam par rig byed kyi gzugs lhun gyis grub pas de bas na de la las zhes bya'i las 
kyi lam ma yin no/ /dang po'i sems skad cig ma gcig gi khrims ni cho ga dang yang bcas la cho ga med pa yang ma yin no/ /phyis rim gyis skye ba'i khrims ni cho ga med pa 'ba' zhig dang ldan gyi/ cho ga dang bcas pa ma yin no/ /thog ma'i sems skad cig ma gcig gi khrims ni tshul 
khrims zhes kyang bya/ dge bar spyod pa zhes kyang bya/ 'dul ba zhes kyang bya'o/ /phyis rim gyis de ma thag tu skye ba'i tshul khrims kyang don de dang ldan no/ /de nas ma 'gags pas yang bcom ldan 'das la gsol pa/ dus gsum du bkum pa'i nang na dus gang gis tshul khrims thob 
par 'gyur/ bka' stsal pa/ da ltar gyi dus kyi sems skad cig ma gcig gis khrims thob par 'gyur ro/ /'das pa dang ma 'ongs pa ni chos yin te/ sems can ma yin pas khrims mi 'thob kyi/ da ltar gyi sems skad cig ma gcig ni sems can yin pas na khrims 'thob bo/ /
gsol pa/ dge ba'i sems kyis tshul khrims thob bam/ mi dge ba'i sems kyis sam/ 'on te lung du ma bstan pa'i sems kyis sam/ sems med pas khrims thob par 'gyur/ bka' stsal pa/ thams cad kyis thob par 'gyur te/ thog ma dge ba'i sems kyis dge 

</font><hr>76-1-176a<br><font size=+1>

'dun gyi rkang pa la phyag byas la chos gos dang lhung bzed blangs te mkhan po gang yin pa la gsol ba gdab bo/ /de nas tsog tsog por 'dug ste thal mo sbyar la gsol ba dang zhu ba bzhi'i las bar chad med par dge ba'i sems kyis khrims rdzogs pa ni dge ba'i 
sems kyis tshul khrims thob pa zhes bya'o/ /gal te de ltar cho ga rim gyis byed pa na rtag tu dge ba'i sems dang ldan te/ las byed pa las gsol ba dang zhu ba bzhi'i las byed pa'i tshe/ 'dod chags dang zhe sdang la sogs pa mi dge ba'i bsam pa byung na sems can de nyid 
kyis tshul khrims kyi rnam par rig byed kyi gzugs dang ldan yang de ni mi dge ba'i sems kyis khrims thob pa zhes bya ste/ de yang thog ma'i dge ba'i sems dang / dge ba'i las kyi shugs kyis khrims thob pa yin gyi mi dge ba'i sems kyis thob pa ma yin no/ /sngar dge ba'i sems 
kyis cho ga'i las byas la gsol ba dang zhu ba bzhi'i las byed pa'i tshe/ gal te gnyid log gam/ yur na log cing yur ba'i sems las khrims kyi rnam par rig byed kyi gzugs skye ba ni lung du ma bstan pa'i sems kyis khrims thob pa zhes bya'o/ /sngar dge ba'i sems kyis cho ga 
byas la gsol ba dang zhu ba bzhi'i las byed pa'i tshe 'gog pa'i ting nge 'dzin la snyoms par zhugs na de'i tshe khrims kyi rnam par rig byed kyi gzugs dang ldan pas de ni sems med pa las khrims thob pa zhes bya'o/ /ma 'gags pas yang gsol pa gal te khyim pas khrims lnga ma mnos par 
thal byung khrims bcu mnos na/ khrims thob par 'gyur ram/ bka' stsal pa/ dus gcig du dge bsnyen gyi khrims dang / dge sbyong gi khrims rnam pa gnyis thob bo/ /gal te khrims lnga yang ma mnos/ khrims bcu yang ma mnos par thal byung khrims rdzogs par mnos na yang 
dus gcig tu khrims gsum char thob par 'gyur ro/ /ma 'gags pas gsol pa/ bcom ldan 'das gal te khrims rdzogs par mnos pas dus gcig tu khrims rnam pa gsum char thob par 'gyur na/ rim gyis sngar khrims lnga mnos la de'i 'og tu khrims bcu mnos te/ phyis 

</font><hr>76-1-176b<br><font size=+1>

khrims rdzogs par mnod do zhes bgyir yang ci 'tshal/ bka' stsal pa/ dus gcig tu tshul khrims gsum char thob mod kyi/ gang sangs rgyas kyi chos la lhag par mos pa ni gdon mi za bar rim gyis sngar khrims lnga mnos te/ dul bar byas la dad pa dang / mos pa lhag par 
skyes nas de'i 'og tu khrims bcu nod do/ /khrims bcu mnos nas dge ba'i rtsa ba lhag par skyes nas de'i 'og tu tshul khrims rdzogs par mnos na/ de ltar rim gyis sangs rgyas kyi chos kyi ro thob cing mos pa brtan pa mi shigs par 'gyur ro/ /dper na rgya mtsho chen por 'jug pa 
yang bags kyis zab pa dang 'dra bar sangs rgyas kyi chos kyi rgya mtshor 'jug pa yang de dang 'dra ste/ tshul khrims rdzogs par cig car mnos na go rims kyang shor la spyod lam yang nyams par 'gyur ro/ /gzhan du na tshul khrims kyang sems can kha cig ni khrims lnga mnos pas lam 
gyi 'bras bu thob par 'gyur ba yang yod do/ /sems can kha cig ni tshul khrims bcu mnos pa'i rkyen gyis lam gyi 'bras bu thob pa yang yod de/ de ltar rgyu dang rkyen rnam pa tha dad pas na de bzhin gshegs pas go rims bstan pa yin no/ /gal te sngar khrims lnga mnos la de'i 
'og tu khrims bcu mnos na khrims bcu mnos pa'i tshe yang khrims gnyi ga dang ldan no/ /khrims lnga dang khrims bcu mnos pa'i 'og tu khrims rdzogs par mnos na rdzogs par mnos pa'i tshe khrims gsum char dang yang ldan no/ /khrims lnga dang / khrims bcu dang / khrims 
rdzogs par mnod pa rnam pa bdun la gsol ba dang zhu ba bzhi'i las byed pa'i khrims 'ba' zhig ni rim gyis dus gsum du thob bo/ /lhag ma rnam pa drug nod pa ni dus gcig gis thob kyi/ dus gsum gyi rim pa med do/ /de ltar tshul khrims rnam pa gsum dus gcig tu thob 
pa 'gal te tshul khrims phyir dbul ba'i tshe bdag ni deng phyin chad dge sbyong yin te/ dge slong ma yin no/ /zhes smras pas tshul khrims rdzogs pa med kyang tshul khrims gnyis med pa ma yin te yod do/ /tshul khrims lnga dang / tshul khrims bcu mnos pa las da phyin cad bdag ni 

</font><hr>76-1-177a<br><font size=+1>

dge bsnyen yin te/ dge sbyong ma yin no zhes smras na khrims bcu med par zad kyi/ khrims lnga yod do/ /gal te bdag ni khyim pa dang rab tu byung ba'i khrims thams cad dbul te/ bdag la skyabs su 'gro ba'i dge bsnyen du zung shig ces smras na tshul khrims 
rnam pa gsum cig car med kyang skyabs su 'gro ba gsum med pa ma yin no/ /go rims kyis tshul khrims rnam pa gsum thob pa dang / phyir dbul ba'i cho ga dang / rim pa ni ji ltar dus gcig tu khrims thob pa bstan pa dang 'dra'o/ /gsol pa gal te sngon dge bsnyen las rab tu 
byung ste khrims bcu mnos na khrims lnga ma mchis par mi 'gyur ram/ bka' stsal pa/ med par mi 'gyur te/ ming dang go rims brjes par zad kyi/ khrims med par 'gyur ba ma yin no/ /de yang dge bsnyen gyi ming stor te dge sbyong gi ming thob bo/ /khyim pa'i go rims stor gyi rab tu 
byung ba'i go rims thob bo/ /gsol pa dge slong gi tshul khrims rdzogs par mnos na khrims bcu dang khrims lnga ma mchis par mi 'gyur ram/ bka' stsal pa/ med par mi 'gyur te/ de yang ming dang go rims stor bar zad de/ dge sbyong gi ming stor nas dge slong gi ming thob bo/ /
dge sbyong gi go rims stor nas/ dge slong gi go rims thob ste/ thog ma dang tha ma'i bar du tshul khrims yin gyi/ ming tsam ni 'phral la 'dogs so/ /dper na skyed shing dang shing gi lo ma lta bu dpyid dang dbyar ni sngo/ ston ni ser/ dgun ni skya ste/ de yang dus kyis bsgyur bas shing 
gi lo ma kha dog tha dad par 'gyur gyi/ thog ma nas tha ma'i bar du shing gi lo mar zad de tshul khrims yang de dang 'dra bar rtag tu tshul khrims gcig tu zad na dus kyis tha dad par 'gyur ro/ /gzhan yang dper na 'o ma dang / zho dang / mar dang / mar gyi snying po ni rnam pa bzhir tha dad de/ 
de ltar dus kyi tha dad kyang gcig tu zad pa dang 'dra bar/ tshul khrims kyang de dang 'dra ste/ dus gsum gyis tha dad kyang / tshul khrims la tha dad pa med do/ /ma 'gags pas yang gsol pa/ bcom ldan 'das dge bsnyen khrims nod pa nyams kyis rdzogs par nod par 

</font><hr>76-1-177b<br><font size=+1>

mi nus pa tshul khrims gcig gam/ gnyis sam/ bzhi'i bar du mnos na tshul khrims mnos par chud dam/ bka' stsal pa/ des khrims mi 'thob bo gsol pa/ gal te khrims mi thob na mdo sde dag las phyogs cha chung ba'i dge bsnyen dang / phyogs cha che 
ba'i dge bsnyen dang / phyogs cha rdzogs pa'i dge bsnyen mchis par gsungs na de'i don de ji lta bu lags/ bka' stsal pa/ de skad ces gsungs pa yang khrims bsrungs pa'i yon tan che chung yod pa las dgongs te gsungs kyi/ de ltar tshul khrims mnod du rung ba ni ma 
yin no/ /ma 'gags pas yang gsol pa/ bcom ldan 'das khrims lnga nod pa'i nyin zhag gcig gam/ nyin zhag gnyis nas nyin zhag bcu'i bar du de ltar mnos na khrims thob par 'gyur ram/ bka' stsal pa/ de ltar mi rung ngo / /sangs rgyas kyis tshul khrims 
bcas pa yang so so nas dus dang tshad yod de/ de yang tshul khrims lnga nod pa ni gdon mi za bar nam 'tsho'i bar du mnod dgos so/ /gal te yan lag brgyad pa'i khrims mnod na gdon mi za bar nyin zhag gcig pa mnod dgos te/ de bas na snga ma mi rung ngo / /gsol ba 
dang zhu ba bzhi'i las byas te khrims nod pa yang rab dang / 'bring dang / tha ma yod do/ /de la khrims lnga ni khrims tha ma'o/ /khrims bcu ni khrims 'bring po'o/ /khrims rdzogs pa ni khrims rab ces bya'o/ /khrims lnga la yang rab 'bring rnam pa gsum ste/ gal te 
chung zhing zhan pa'i sems kyis khrims mnos pa ni khrims tha ma zhes bya'o/ /sems 'bring gis tshul khrims mnos pa ni khrims 'bring thob par 'gyur ro/ /gal te sems rab kyis tshul khrims mnos pa ni khrims rab thob par 'gyur ro/ /tshul khrims rdzogs pa la rab 
'bring gsum yod pa yang khrims lnga bstan pa bzhin no/ /gal te sngar sems tha mas khrims mnos pa'i 'og tu sems rab 'bring gis khrims bcu mnos na khrims lnga ni snga ma las skye zhing lhag pa med kyi/ khrims lnga ma gtogs par kha zas dus ma yin par mi bza' ba'i 

</font><hr>76-1-178a<br><font size=+1>

bar du khrims lhag ma lnga ni lhag pa'i khrims su 'gyur te/ tshul khrims sngar mnos pa lnga ni tha mar 'gyur ro/ /sems tha mas sngar khrims lnga mnos la/ de'i 'og tu sems rab dang 'bring gis khrims rdzogs par mnos na yang khrims sngar mnos 
pa lnga ni skye ba'am lhag pa med kyi/ khrims snga ma lnga ma gtogs par tshul khrims gzhan thams cad tshul khrims rdzogs par mnod pa'i tshe rab dang lhag pa'i sems kyis mnos pas lhag pa'i tshul khrims rab thob par 'gyur ro/ /de bas na so sor thar pa'i tshul khrims 
ni nyis rim du thob pa med de rim par dbye na khrims lnga ni tha ma zhes bya'o/ /khrims bcu ni 'bring zhes bya/ tshul khrims rdzogs pa ni rab ces bya'o/ /don gyi sgo nas dbye na sems rab kyi khrims lnga mnos na khrims de ni rab ces bya/ sems 'bring gis khrims bcu mnos na 
khrims 'bring zhes bya/ sems tha mas tshul khrims rdzogs par mnos na tshul khrims tha ma zhes bya'o/ /don dang sbyar na sems rab dang / 'bring dang / tha ma las tshul khrims thob pa mi 'thun te/ nges par gcig tu chad pa med do/ /gal te mkhan po zhig la khrims 
bcu nod par gsol ba btab pa las khrims bcu nod pa'i tshe mkhan po mngon sum du ma gyur kyang khrims bcu thob bo/ /gal te khrims bcu nod pa'i tshe mkhan po shi na shi bar shes sam thos na khrims mnos kyang khrims mi 'thob bo/ /gal te shi bar mi shes ma thos na khrims 
thob bo/ /gsol ba dang zhu ba bzhi'i las byed pa'i tshul khrims mnod pa ni mkhan po mngon sum du ma gyur na khrims mnod kyang khrims thob par mi 'gyur te/ dge 'dun gyi grangs ma tshang ba'i phyir ro/ /gal te dge 'dun gyi grangs tshang na mkhan po med kyang khrims mnod du rung ngo / /ma 
'gags pas yang gsol pa/ bcom ldan 'das dge bsnyen gyi khrims lnga pas tshong spogs bgyir rung ngam/ bka' stsal pa/ tshong spogs byar rung ste/ las rnam pa 'di lnga ni mi bya'o/ /rkang 'gros phyugs kyi tshong spogs kyi las mi bya'o/ /bdag nyid kyi phyugs yod na tshong du 

</font><hr>76-1-178b<br><font size=+1>

gnang gi /shen pa la btsong du mi rung ba dang / mda' gzhu mtshon cha'i bag tshong spogs bgyir mi rung ba dang / bdag la yod pa ni 'tshong du rung ba dang / chang gi tshong spogs kyi las byar mi rung ste/ bdag nyid la yod na 'tshong du rung ba dang srin bu mang du 'chi bas 'bru mar 'tshir du 
mi rung ba dang / rgya gar gyi chos kyis de bzhin te/ ga bu sha tshun chad ni 'bru mar 'tshir ba'i nang na srin bu med na nyes pa med do/ /kha dog tshon chen po rnam pa lnga btso blag byed pa yang srin bu mang du 'chi bas mi rung ste/ yog sha la sogs pa yul gzhan dag na tshon gyi btso blag byed 
pa las srin bu mang du 'chi ste/ de bas na mi gnang ngo / /yul rgya yul yang kha dog mthing ga btso ba ni srin bu mang du 'chi bas btso blag rnam pa lnga'i nang du gtogs so/ /ma 'gags pas yang gsol pa/ bcom ldan 'das nyin zhag gcig gis khrims brgyad ces bgyi ba dus 
ma lags par phyem red kha zas mi 'tshal ba ma gtogs pa dgur 'gyur na ji ltar brgyad ces bgyi/ bka' stsal pa/ khrims zhes bya ba ni chos kyis phyem red dus ma yin par kha zas mi za ba yin te/ khrims brgyad kyi yan lag yin te/ grogs su gyur pas yan lag 
gi khrims brgyad ces bya'i/ dgur ni ma yin no/ /gsol pa/ yan lag brgyad pa'i khrims mnos na gang zag de 'khor rnam pa bdun la 'khor gang gi nang du bsdu/ bka' stsal pa/ nam 'tsho ba'i bar gyi khrims ma mnos kyang nyin zhag gcig gi khrims yod pas de la 
yang dge bsnyen zhes bya'o/ /gzhan du na dge bsnyen zhes byar ni nam 'tsho ba'i bar du tshul khrims mnos pa med la/ dge bsnyen ma yin zhes byar ni nyin zhag gcig gi khrims yod pas de ni gang zag bar ma do zhes mdo sde las kyang 'byung ngo / /ma 'gags pas yang 
gsol pa/ bcom ldan 'das 'khor bdun ma gtogs par so sor thar pa'i tshul khrims mchis sam/ bka' stsal pa/ yod de yan lag brgyad kyi khrims nyid yin no/ /don de dang sbyar na yan lag brgyad kyi khrims mnos pa 'khor rnam pa bdun gyi nang du ma gtogs so/ /

</font><hr>76-1-179a<br><font size=+1>

yan lag brgyad pa'i khrims mnos pa'i chos kyis ni nyin zhag gcig gi bar du srog mi gcod do zhes tshig de skad chad pas na khrims gzhan nam 'tsho'i bar du mnos pa dang bsrer yang mi rung ngo / /gsol pa/ yan lag brgyad kyi khrims mnod pa nyin 
zhag gnyis sam/ gsum mam/ bcu'i bar du cig car mnod du rung ngam/ bka' stsal pa/ thog ma sangs rgyas kyis nyin zhag gcig gi khrims su bcas pas de las 'dar mi rung ngo / /gal te nyams kyis mnod nus na nyin zhag gcig cing lan re mnod dgos 
te/ nyin zhag du mnos kyang rung ngo / /nyin zhag gcig gi yan lag brgyad kyi khrims mnod pa'i thabs ni pha rol po gzhan las mnod dgos te/ de yang gang las mnod ce na/ 'khor lnga po gang yang rung ba las mnod dgos so/ /yan lag brgyad kyi khrims mnos 
pa'i 'og tu gal te sems can la brdeg btsog byas na tshul khrims rnam par dag pa ma yin no/ /khrims mnos pa'i nyin par brdeg btsog ma byas la phyi de nyin brdeg btsog bya bar dam bcas na yang tshul khrims rnam par dag pa ma yin te/ mdor na lus dang ngag gis 
ji tsam du tshul bzhin ma yin pa'i las byas na khrims ma nyams mod kyi rnam par dag pa ma yin no/ /gal te lus dang ngag rnam par dag kyang sems kyis 'dod chags kyi rnam par rtog pa bskyed dam/ zhe sdang gis 'tshe ba'i rnam par rtog pa bskyed na yang rnam par dag pa 
ma yin no/ /gal te lus dang ngag dang yid kyi las gsum rnam par dag kyang rjes su dran pa drug yid la ma byas na de yang tshul khrims rnam par dag ces mi bya'o/ /yan lag brgyad kyi khrims mnos pa'i 'og tu rjes su dran pa drug yid la byas na tshul khrims rnam par dag 
ces bya'o/ /mdo sde dag las 'dzam bu'i gling gi rgyal po 'dzam bu'i gling gi khams su gtogs pa'i mi thams cad dang / de'i nang na yod pa'i gser dang / dngul dang / nor dbyig thams cad la dbang ba'i bsod nams kyis yan lag brgyad pa'i tshul khrims rnam par dag 

</font><hr>76-1-179b<br><font size=+1>

pa'i bsod nams bcu drug char yang dgos pa'i cha gcig tsam yang mi phod do zhes 'byung ngo / /su yang rung yan lag brgyad pa'i khrims nod par byas la bag med par rang nyam du rol mo'am/ gal te na kha zas zhim po la bag med par bza' ba dang / rtsed mo rnam pa sna 
tshogs yid bzhin du bag med par byas pa'i 'og tu khrims mnod pa ni snga dro la yang rung phyi dro la yang rung khrims thob par mi 'gyur ro/ /gal te snga nas khrims mnod pa'i sems med la bag med pa'i las rnam pa sna tshogs byas pa'i 'og tu dge ba'i bshes gnyen dang phrad 
de khrims mnos na snga dro yang rung phyi dro yang rung dus thams cad du khrims thob bo/ /khrims mnod par chas pa las bgegs sam bar chad byung ste dbang med pa las/ phyis bgegs dang bar chad med pa'i 'og tu khrims mnos na snga dro yang rung phyi dro yang rung dus thams 
cad du khrims thob bo/ /gsol pa/ gal te nyin par khrims srung la mtshan mo mi srung ba'i khrims mnos na yan lag brgyad kyi khrims thob bam/ gal te mtshan mo khrims srung la nyin par mi srung ba'i khrims mnos na yan lag brgyad kyi khrims thob par 'gyur ram/ 
bka' stsal pa/ gang yang khrims mi thob bo/ /de bas na sangs rgyas kyis thog ma nas nyin zhag gcig pa'i khrims su bcas te/ nges pa'i tshad yin pas 'gal bar byar mi rung ngo / /ma 'gags pas yang gsol pa/ bcom ldan 'das 'o na de ltar khrims mi thob 
na/ mdo dag las dge slong ig zhi zhig 'brog dgon pa zhig na yi dgas kha cig sdug bsngal sna tshogs myong ste/ la la ni nyin par longs spyod bgyid la mtshan mo sdug bsngal bgyid pa yang mchis/ la la ni mtshan mo longs spyod bgyid la nyin par sdug bsngal myong ba dag mthong ngo / /
de bas na de dag kyang sngon mi'i nang na nyin par ni khrims srung la mtshan mo ni sdig pa bgyid pa'am/ yang na mtshan mo khrims srung la nyin par sdig pa'i las bgyid pa mi 'thun pa'i don de dag ji lta bu lags/ bka' stsal pa/ skye ba snga ma'i rgyu dang rkyen 'ba' zhig la brten du yang 

</font><hr>76-1-180a<br><font size=+1>

mi rung ste/ 'di skad du bshad pa yang mdo sde'am 'dul ba las bshad pa ma yin te/ de la bden pa'i don nges pa zhes byar yang mi rung ngo / /gzhan du ni 'di skad bshad pa 'di ni 'phags pa kA ta ya nas ig zhi zhig gdul ba'i phyir sprul pa yin gyi 
yang dag pa ma yin no zhes 'byung ngo / /yan lag brgyad pa'i khrims mnos pa las khrims phyir 'bul na nges par 'khor rnam pa lnga la 'bul mi dgos kyi/ pha rol po gang zag gcig la khrims phyir dbul lo zhes tshig gcig smras pas khrims phul bar 'gyur ro/ /so 
sor thar pa'i khrims thob pa'i sgo nas dbye na lam rgyud lngar gtogs pa la mi'i rgyud du gtogs pa 'ba' zhig gis khrims thob kyi rgyud lhag ma gzhan gyis khrims mi thob bo/ /dper na lha'i rgyud du gtogs pa ni bde ba'i longs spyod la chags shing zhen pas khrims mi thob 
bo/ /dper na sngon 'phags pa maud gal gyi nye gnas shig nad kyis btab pa las 'phags pa maud gal sum cu rtsa gsum gnam du sman pa 'tsho byed la dpyad 'drir song ba las/ de'i tshe lha'i bu rnams rab tu dga' ba'i skyed mos tshal du rtser 'dong ba'i khar 
babs nas 'phags pa maud gal de dag 'gro ba'i lam kar sdod cing 'dug pa las lha'i bu rnams 'phags pa maud gal la mig gis blta tsam yang mi khom par song ngo / /'tsho byed kyi thad kar phyin pa dang / rgyang ma nas maud gal lag pa bteg pa tsam zhig 
byas nas shing rta khrid de song ngo / /de nas 'phags pa maud gal 'di snyam du sems so/ /'tsho byed 'di sngon mi'i nang na 'dug pa'i tshe bdag gi slob ma yin na nga ni lha'i longs spyod la chags te/ sngon gyi dran pa nyams par gyur to snyam bsams nas rdzu 'phrul gyis 
'tsho byed kyi shing rta 'gro ba med par byin gyis brlabs so/ /de nas 'tsho byed shing rta las babs te 'phags pa maud gal gyi rkang pa la phyag byas nas maud gal gyis rgyu rkyen mang po rnam pa sna tshogs gtams so/ /'tsho byed kyis maud gal la smras pa/ bdag mi'i 

</font><hr>76-1-180b<br><font size=+1>

nang na 'dug pa'i tshe btsun pa'i slob ma yin pas lag pa tsam bteg ste bro dris kyi lha'i bu gzhan dag de ltar byed pa yod dam/ lhar skyes pa ni bde ba'i longs spyod la zhen cing chags pas dbang med de de ltar gyur pa yin no/ /maud gal gyis 'tsho byed la smras pa/ 
slob ma zhig nad kyis btab ste na na de la ji ltar gso bar bya/ 'tsho byed kyis smras pa/ re shig kha zas mi bza' bar bya'o/ /de nas maud gal gyi bus lha'i dbang po brgya byin la 'di skad ces bskul to/ /sangs rgyas 'jig rten du gshegs pa yang shin tu phrad 
dka' na ci'i phyir skabs skabs su drung du song ste dam pa'i chos mi gleng / de nas brgya byin lha'i dbang pos 'phags pa maud gal gyi bsam pa sems kyis shes nas lha'i bu zhig mngags te/ lha'i bu zhig 'bod du btang ba las lan gsum gyi bar du bos na ma 
'ongs so/ /lha'i bu de la lha'i bu mo gcig dang rol mo byed pa gcig las med kyang 'dod pa la chags shing zhen pas lha'i dbang po tshig btsan mod kyi gtong ma phod de phyis gdod 'ongs so/ /de nas brgya byin gyis ci'i phyir de ltar gyur ces dris na ji ltar gyur pa drang por 
gsol to/ /brgya byin gyis maud gal la gsol pa/ lha'i bu 'di la lha'i bu mo gcig dang rol mo byed pa gcig las med kyang gtong mi phod do/ /rtse dga' ni lha'i dbang por gyur te/ gzhal med khang sna tshogs mang po dang lha'i bu mo grangs med pas bskor/ 
lha'i zhal zas ro brgya dang ldan pa sna tshogs dang lha'i rol mo brgya stong snyed la longs spyod cing rtse dga' bas shar phyogs su bltas na nub phyogs kyang brjed pa de lta ci smos te/ sangs rgyas 'jig rten du gshegs pa dang phrad pa yang dka'/ dam pa'i chos thos pa 
yang shin tu dka' bar shes mod kyi 'dod pa'i bde bas bcings glags te rang dbang med pas shes kyang byar med par gyur to/ /tshul khrims mnos pa'i chos ni dpa' zhing rtul phod pa'i sems kyis chad par dam bcas pas khrims thob par 'gyur te/ lha'i bu lta 

</font><hr>76-1-181a<br><font size=+1>

bu ni 'dod pa'i bde ba la chags pas mi dge ba'i sems kyi shas che ste/ dge ba'i sems kyi mthu chung na ci'i dbang gis khrims thob par 'gyur/ yi dgas lta bu ni bkres pa dang skom pas sdug bsngal te lus dang sems 'bar zhing tshig pa'i 
phyir ro/ /sems can dmyal ba pa ni tsha grang gi sdug bsngal grangs med pas gzir te mi bzod pa sna tshogs myong zhing lus dang sems gdungs par gyur pas khrims thob pa'i rgyu med do/ /dud 'gro lta bu ni las kyis bsgribs te shes pa med pas khrims 
mnod pa'i cho ga med do/ /mdo sde kha cig las skabs kha cig tu klus tshul khrims mnos par 'byung ba dge ba'i sems kyis yan lag brgyad pa'i khrims mnos pas nyin zhag gcig gi bar du dge ba'i sems kyis bsod nams ni thob kyi las kyis bsgribs pas 
tshul khrims ni thob pa ma yin no/ /gling bzhis dbye na lho'i 'dzam bu'i gling dang / nub kyi ba lang spyod dang / shar gyi lus 'phags gling dang / gling gsum po 'dir gtogs pa'i rgya mtsho'i gling phran na 'khod pa'i mi rnams kyis khrims thob bo/ /dper na nub kyi ba lang 
spyod na 'phags pa'i phin 'du la gnas par sangs rgyas kyis lung bstan te/ da ltar sangs rgyas kyi mdzad pa chen po rgyas par byed pas 'khor rnam bzhi yang yod do/ /shar gyi lus 'phags gling na yang dge slong yod de/ de na yang sangs rgyas kyi chos byed pas 'khor 
bzhi po dag yod do/ /byang gi sgra mi snyan 'ba' zhig na sangs rgyas kyi chos med de/ tshul khrims kyang mi thob bo/ /de yang bsod nams kyi las kyi rnam par smin pas bsgribs shing gti mug gis bsgribs pa'i phyir 'phags pa'i chos kyi snod du ma gyur to/ /gang 
zag la rnam pa bzhi ste/ gang zhe na/ skyes pa dang / bud med dang / ma ning dang / mtshan ma gnyis pa'o/ /rnam pa 'di bzhi la skyes pa dang bud med gnyis kyis ni khrims thob par rung / ma ning dang mtshan ma gnyis gnyis kyis khrims mi 'thob/ de yang 

</font><hr>76-1-181b<br><font size=+1>

skyes pa dang bud med la yang gang pha ma bsad pa dang / dgra bcom pa bsad pa dang / sangs rgyas kyi sku la ngan sems kyis khrag phyung ba dang / dge 'dun gyi dbyen byas pa dang / dge slong ma la mi tshangs par spyad pa dang / gca' 'phrang du chom po dang / 
rkun gnas byed pa dang / dge ba'i rtsa ba bcad pa dang / gang zag 'di dag ni gang yang tshul khrims mi thob bo/ /de la don chen po'i sgo nas brtags na sangs rgyas kyi chos la shin tu dad cing mos pa ni 'dir mi gtogs te/ lha'am/ klu'am/ yi dgas sam/ 
gnod sbyin nam/ byang gi sgra mi snyan nam/ ma ning ngam/ mtshan ma gnyis pa'am/ sdig pa mi dge ba sna tshogs byas kyang skyabs su 'gro ba gsum mnod du rung ngo / /gsol pa/ dus gsum gyi sangs rgyas rnams tshul khrims brnyes pa mnyam mam/ bka' 
stsal pa/ mi mnyam mo/ /tshul khrims thob ces bya ba ni sems can dang sems can ma yin pa'i ris las khrims thob par 'gyur te sangs rgyas gcig 'jig rten du gshegs na sems can grangs med pa ji snyed kyi don mdzad de lhag ma ma lus pa'i mya ngan las 
bzlas pas phyis sangs rgyas 'jig rten du gshegs pa dag sems can de dag gang las kyang tshul khrims brnyes te/ de ltar na sangs rgyas rnams snga phyir tshul khrims brnyes pa mi mnyam mo/ /dper na sangs rgyas 'od srung gis sems can grangs med pa zhig 
btul te lhag ma ma lus par mya ngan las bzlas kyang sangs rgyas 'od srung gis ni sems can de dag kun las tshul khrims brnyes na/ sangs rgyas shAkya thub pas ni sems can de dag gang las kyang tshul khrims ma brnyes so/ /sangs rgyas thams cad 
'dra bar dngos po 'di gsum ni mnyam mo/ /gang zhe na/ spyod pa'i tshogs mnyam pa dang / chos kyi sku mnyam pa dang / sems can gyi don mdzad pa mnyam pa'o/ /sangs rgyas thams cad 'dra bar bskal pa grangs med pa gsum gyi bar du byang chub sems dpa'i 

</font><hr>76-1-182a<br><font size=+1>

spyod pa spyad de/ yan lag lnga'i chos kyi sku yongs su rdzogs shing stobs bcu dang / mi 'jigs pa bzhi dang / sangs rgyas kyi chos ma 'dres pa bcwa brgyad yongs su rdzogs te thams cad kyis sems can grangs med pa ji snyed mya ngan las 
bzlas so gsol pa/ mdo sde dag las sangs rgyas gcig 'jig rten du gshegs na sems can bye ba khrag khrig dgu bcu snyed mya ngan las 'da' ba'i don mdzad do zhes 'byung na/ ci'i slad du sems can grangs med pa'i don mdzad ces gsungs/ bka' 
stsal pa/ mdo sde dag las sangs rgyas gcig 'jig rten du gshegs na sems can bye ba khrag khrig dgu bcu snyed kyi don mdzad ces smos pa ni sangs rgyas de las grol bar gyur pa la bya ste/ grol ba'i sems can de dag kyang la la ni sangs rgyas nyid kyis 
don mdzad pa yang yod/ kha cig ni slob mas don mdzad pa yang yod/ kha cig ni bzhag pa'i chos kyis grol ba yang yod de/ sems can bye ba khrag khrig dgu bcu zhes smos pa ni sangs rgyas nyid kyis don mdzad pa la bya/ sems can grangs med pa lhag ma 
ma lus pa'i mya ngan las bzlas zhes bya ba ni spyir don mdzad pa la bya'o/ /dus gsum gyi sangs rgyas thams cad mnyam pa ni dus gsum mnyam gyi tshul khrims brnyes pa ni mi mnyam mo/ /gsol pa/ sdom pa ma yin pa'i khrims zhes bgyi ba sems can 
dang sems can ma yin pa las thob par 'gyur ram/ zin pa dang ma zin pa kun gyis khrims thob par 'gyur/ bka' stsal pa/ sems can las sdom pa ma yin pa'i khrims thob par 'gyur gyi/ sems can ma yin pa las sdom pa ma yin pa'i khrims mi thob bo/ /
gzhan du na gsod du rung ba'i sems can las sdom pa ma yin pa'i khrims thob kyi/ gsod du mi rung ba'i sems can las khrims mi thob bo/ /yang gzhan du na gsod du rung ba dang / gsod du mi rung ba'i sems can gnyi ga las sdom pa ma yin pa'i khrims thob 

</font><hr>76-1-182b<br><font size=+1>

ces bya'o/ /dper na shen pa lug gsod pa ni rtag tu gsod pa'i sems dang chas te lug gsod pa 'ba' zhig yid la byed pas de'i tshad gzung du med do/ /ji ste lha dang mir skyes na 'phral du gsod pa'i las mi byed kyang skye ba gcig nas gcig tu 'khor bas phyir lug tu skye 
ba'i chos yod do/ /de bas na sems can thams cad las sdom pa ma yin pa'i khrims thob par 'gyur te/ sdom pa ma yin pa'i khrims bcu gnyis kyang de dang 'dra'o/ /sdom pa ma yin pa'i khrims bcu gnyis zhes bya ba ni 'di lta ste/ shen pa dang / gshed ma dang / 
phag gso ba dang / bya gso ba dang / nya shor ba dang / rngon pa dang / bya shor ba dang / sbrul shor ba dang / klu la sngags 'debs pa dang / btson rdzi byed pa dang / rkun po byed pa dang / rkun po 'dzin pa dang bcu gnyis so/ /dar gyi srin bu gso ba yang sdom pa ma yin pa'i khrims kyi nang du 
'dus so/ /sdom pa ma yin pa'i khrims nyams pa'i dus gsum yod de/ shi ba'i dus dang chags shing zhen pa zad pa'i dus dang / sdom pa'i tshul khrims mnod pa'i dus so/ /dper na skyabs su 'gro ba gsum mnod pa'i tshe thog ma'i tshig dang po gcig smras pas sdom pa 
ma yin pa'i khrims nyams so/ /de'i 'og tu tshig gnyis pa dang gsum pa smras pa'i tshe na dge ba'i tshul khrims thob par 'gyur ro/ /gsol pa gang zag gis sdom pa ma yin pa'i las byed pa na dus tshod gang gi tshe dge ba'i tshul khrims nyams shing mi dge ba'i khrims thob 
par 'gyur/ bka' stsal pa/ shen pa'o zhes tshig gcig dang por smra ba'i tshe dge ba'i khrims nyams par 'gyur la shan pa'o zhes lan gnyis lan gsum smras pas mi dge ba'i khrims thob par 'gyur ro/ /yang gzhan du na gang gi tshe dge ba'i khrims btang ba de nyid kyi tshe 
mi dge ba'i khrims thob bo/ /ji ste dge ba'i khrims srung ba'i gang zag cig bdag shen pa'o zhes dam ni ma bcas/ khe dang rnyed pa tsam la chags te phag phrug gso zhing gsod pa'i las byed na de'i tshe dge ba'i khrims nyams pa zhes bya ste/ de ni dge ba'i khrims gtang 

</font><hr>76-1-183a<br><font size=+1>

ba mi dge ba'i khrims thob pa zhes bya'o/ /gal te bdag shen pa'o zhes nges par dam bcas na yang mi dge ba'i khrims thob par 'gyur ro/ /mi dge ba'i khrims nod pa ni bdag gis dam bcas pa tsam gyis thob par 'gyur te/ pha rol gzhan las 
mnod mi dgos so/ /gal te mi dge ba'i khrims nyin zhag gcig gam gnyis nas nyin zhag bcu'am/ lo gcig gam/ lo gnyis kyi bar du mnod par dam bcas na dam bcas pa'i dus ring thung las de bzhin thob par 'gyur te/ de bas na sdig pa mi dge ba'i chos ni skye 
shi 'khor ba la gzhol bar byed kyi gong nas gong du 'phar ba'i don med do/ /de ltar na mi dge ba'i khrims ni dngos po de nyid kyis thob pa yin te/ dge ba'i tshul khrims dang mi 'dra'o/ /thabs mkhas pa chen po sangs rgyas drin lan bsab pa'i mdo las ma 'gags pa'i 
le'u zhes bya ste brgyad pa'o// //thabs mkhas pa chen po sangs rgyas drin lan bsab pa'i mdo/bam po bdun pa ste tha ma/gzhan yang byang chub sems dpa' sems dpa' chen po drin lan shes pa dang / drin lan bsab pa dang / thabs mkhas pa chen pos 
sems can rnams la phan pa dang bde ba'i don byed pa dag dus dang skabs shes na bstan cing bcos pa la gnod par mi 'gyur ro/ /rigs kyi bu sangs rgyas mngon par 'jig rten du byung ba 'jigs pa med pa'i rgyal po zhes bya ba de bzhin gshegs pa dgra bcom pa yang dag par 
rdzogs pa'i sangs rgyas rig pa dang / zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ ston pa rgyal ba 'jig rten du gshegs te/ skal ba dang ldan pa'i don mdzad do/ /skal ba dang ldan pa rnams kyi don mdzad 
nas yongs su mya ngan las 'das so/ /mya ngan las 'das nas dam pa'i chos la spyod pa'i tshe bram ze'i bu yid gzhungs shing rno ba'i shes rab dang ldan pa gtan khrims lnga srung ba/ dam pa'i chos 'dzin pa zhig byung ngo / /dus gzhan zhig na bram ze'i bu de yul gzhan zhig tu don 

</font><hr>76-1-183b<br><font size=+1>

gnyer du song song ba las 'gron du 'gro ba'i lam de 'jigs sa che bas lam grogs lnga brgya dang 'grogs te song ngo / /lam grogs de dag dang 'jigs sar phyin nas 'jigs sa de na mi rgod lnga brgya zhig gnas te/ rtag tu 'dron po rgyu ba rnams 'joms so/ /de'i tshe na mi rgod de dag 
gis 'dron po de dag gzhom par byas nas mi rgod kyi dpon po des mi gcig sngar 'dron po de dag ji ltar 'gro ba lta zhing rtog tu btang ngo / /de'i tshe mi rgod de dag gi nang na mi gcig cig sngon bram ze'i bu de dang mdza' zhing bshes pas sngar mi de dag gi nang du 'ongs te bram ze'i bu de la 'di 
skad ces bsgo'o/ /rigs kyi bu khyod 'di ltar rig par byos shig /do nub nam gyi cha stod la dgra 'ong gis/ ci nas kyang khyod nyid la gnod pa dang smas par ma gyur par khyod nyid kyis byol ba'i thabs byos shig par bsgo'o/ /de'i tshe bram ze'i bu des tshig de dag thos nas dper na 
mi brnangs pa ltar mid du yang med la skyug tu yang med pa bzhin mi bde bar gyur nas grogs po rnams la gtam byar ni grogs po rnams kyis mi de bsad kyis dogs/ ci ste grogs po rnams kyis mi de bsad na grogs po rnams ngan 'gro gsum du sdug bsngal grangs med pa 
myong bar 'gyur te/ gal te grogs po rnams la ma smras na ni dgras grogs po rnams bsad par 'gyur ro/ /gal te grogs po rnams bsad na dgra rnams ngan 'gro gsum du ltung zhing sdug bsngal grangs med pa myong ngo snyam bsams nas bdag gis sems can la phan pa dang / bde 
ba'i thabs byas te/ bdag nyid ngan 'gro gsum du ltung zhing sdug bsngal myong yang sla'o snyam bsams nas ral gri thogs nas sbron pa'i mi de bsad nas grogs po rnams bde bar byas so/ /de'i tshe na grogs po rnams kyis de ltar gyur pa mthong nas bram ze'i bu de la 'di skad ces 
smras so/ /bram ze'i bu khyod ni mi'i nang na mchog tu gyur pa shin tu dge ba yin na/ ci'i phyir deng 'dir 'di lta bu'i sdig pa chen po byed ces smras so/ /de'i tshe bram ze'i bu des pus mo sa la btsugs nas thal mo sbyar te ngo mtshar dang ldan pa'i sems kyis grogs po dag la 'di skad ces 

</font><hr>76-1-184a<br><font size=+1>

smras so/ /bdag de ring bya bar mi rigs pa'i sdig pa chen po byas te/ de yang sems can rnams la phan pa dang / grogs po rnams la bde bar bya ba'i phyir ro/ /grogs po rnams kyis smras pa/ khyod nyid kyis mi bsad pa la nged bde bar byas so zhes brjod du 
yang ci yod/ bram ze'i bus smras pa/ bdag gis bsad pa'i mi 'di ni dgra ma rungs pa yin te/ dgra 'dis grogs po khyed gsod du 'ongs pas bdag ni grogs po khyed kyi phyir mi 'di'i srog bcad pas na khyed rnams ni bde bar yul du phyin te/ bdag ni sems can dmyal 
ba'i sdug bsngal myong yang sla'o/ /de nas grogs po lnga brgya rnams kyis skad phyung ste ngus nas 'di skad ces smras so/ /gnam mtha' 'og na phangs par bya ba ni srog las 'da' ba med do/ /'jigs pa'i nang na 'chi ba las 'da' ba med de/ de bas na sems can thams cad 
ni lus dang srog gi phyir gser dang / dngul dang / rin po che dang / yul sa dang / chung ma dang / bu dang / zas dang gos kyang yongs su gtong ste/ bdag cag ni deng du phyir lan cig 'tsho ba'i srog thob bo zhes smras nas bram ze'i bu khyod sems can gyi phyir ngan 'gro gsum gyi sdug 
bsngal khyad du bsad pas bdag cag ni khyod kyi drin shin tu lci ba dran par byed do/ /drin lci ba dran pas na deng bdag cag bla na med pa yang dag par rdzogs pa'i byang chub tu sems bskyed do/ /zhes smras nas thams cad byang chub tu sems bskyed do/ /de'i tshe na mi rgod lnga brgya rnams 
kyis kyang 'di skad ces smras so/ /khyod ni kun gyi mchog shin tu dge ba yin no zhes zer na ci'i phyir 'di lta bu'i sdig pa chen po byed/ bram ze'i bus smras pa/ bdag ni bya bar mi rigs pa'i sdig pa chen po byas te/ de yang sems can thams cad la phan pa dang / khyed rnams kyi lus dang 
srog gi bskyab bya ba'i phyir ro/ /de nas mi rgod de dag gis bram ze'i bu la smras pa/ khyod nyid kyis mi bsad pa la bdag cag la phan pa yang ci zhig yod/ bram ze'i bus smras pa/ mi rgod khyed rnams 'di na 'dug par snga nas shes kyang bdag kyang ma smras te/ rgyal po yang ma 

</font><hr>76-1-184b<br><font size=+1>

sbran/ bdag gi grogs po rnams la yang ma smras/ gtam ma byas pas khyed kyi lus dang srog bde bar gyur pa yin no/ /de'i tshe mi rgod de dag gis de skad ces smras pa thos nas 'di snyam du gyur to/ /bdag cag gi lus dang srog kyang gzod gson no snyam bsams nas bram 
ze'i bu la thal mo sbyar te/ skyes bu chen po shin tu legs so/ /snying rje chen po dang ldan pa bdag cag gis deng phyin chad ci dang ci bya ba bstan du gsol/ bram ze'i bus smras pa/ khyed rnams myur du bla na med pa'i byang chub tu sems skyed cig /de nas mi rgod rnams kyang drin 
lan bsab pa'i phyir de ma thag tu bla na med pa yang dag par rdzogs pa'i byang chub tu sems bskyed par gyur to/ /bcom ldan 'das kyis kun dga' bo la bka' stsal pa/ byang chub sems dpa' brtson 'grus la gnas pa byang chub yongs su brgyan pa dang / sangs rgyas kyi bka' 
drin gyi lan bsab par 'dod pa dag rtag tu sems can thams cad la bu gcig pa dang 'dra bar 'du shes bskyed cing dran par bya'o/ /rigs kyi bu 'di ltar rig par bya ste/ de'i dus de'i tshe na bram ze'i bu de gzhan zhig yin par ma sems shig /de ltar mi blta'o/ /de'i tshe bram ze'i 
bur gyur pa de ni da ltar nga nyid yin no/ /de'i rgyu de'i rkyen gyis bskal pa dgu bcu snyed kyi 'khor ba las 'das nas myur du bla na med pa yang dag par rdzogs pa'i byang chub tu mngon par rdzogs par sangs rgyas so/ /gzhan yang byang chub sems dpa' thabs mkhas pa chen po spyod 
cing drin lan shes pa dang / drin lan bsab pa ni 'di lta ste/ sangs rgyas bcom ldan 'das 'od ma'i tshal na bzhugs pa na/ dge slong gcig lus la 'brum bu'i nad kyis btab nas lus la kun nas rnag khrag rgyun du zag pas thams cad kyis mi 'dod de/ gtsug 
lag khang gi phyi rol gnas khang zhig par gyur pa tha ma zhig gi nang du bzhag go/ /de'i tshe de bzhin gshegs pas rdzu 'phrul gyi mthus 'khor mang pos gcig gis kyang mi shes par byin gyis brlabs nas de bzhin gshegs pa nyag gcig dge slong nad pa'i thad du 

</font><hr>76-1-185a<br><font size=+1>

gshegs te/ chus bkru bar dgongs nas 'dod pa'i khams kyi lha rnams shis par bya ba'i phyir brgya byin lha'i dbang po lha'i 'khor tshad med pa brgya stong gis bskor te lha rdzas kyi me tog char bzhin du phab/ lha rdzas kyi rol mo rnam pa sna tshogs byas nas 
steng gi nam mkha' la 'khod do/ /de'i tshe na sum cu rtsa gsum gnam gyi lha'i dbang po bsod nams brgya las grub pa'i bum pa dam pa'i nang na snying rje chen po'i chu gtsang mas bkang nas lag na thogs te/ de bzhin gshegs pa'i zhabs la mgo bos phyag 'tshal nas de 
bzhin gshegs pa la mdun nas bsu ste phyogs gcig tu sdod do/ /de'i tshe na de bzhin gshegs pas bsod nams brgya dang ldan pa'i phyag brkyang nas phyag sor mnyen zhing ring ba lnga las 'od zer chen po bkye nas lha dang 'khor mang po de dag rnams snang bar byas te/ 'khor 
mang po de dag 'dug nas de bzhin gshegs pa nyid dge slong nad pa'i drung du gshegs te dbu'i spyi gtsug nas 'od zer bkye nas dge slong nad pa snang bar byas so/ /dge slong nad pa de la reg ma thag tu na ba'i sdug bsngal byang bar gyur te/ rma'i rnag khrag dang bcas pa'i 
lus kyis skyabs su gsol nas lus kyis de bzhin gshegs pa la phyag 'tshal ma nus pas de bzhin gshegs pas phyag g.yas pas brgya byin lha'i dbang po las rin po che'i bum pa blangs te dge slong nad pa'i spyi bo nas chu blugs te/ phyag g.yon pas dge slong nad pa'i lus kyi 
rma bkrus shing byugs pas dge slong nad pa'i rma thams cad de bzhin gshegs pa'i phyag gi rjes su sos par gyur to/ /de ltar rma kun sos nas dge slong de dga' mgu rangs par gyur te sangs rgyas shAkya thub pa la phyag 'tshal lo/ /thugs rje chen po'i yab la phyag 'tshal 
lo/ /bla na med pa'i sman pa'i rgyal po mchog la phyag 'tshal lo zhes brjod do/ /bdag gi lus kyi nad rnams ni deng du sos par gyur na sems kyi nad 'ba' zhig ma sos pas de bzhin gshegs pas thugs brtse ba'i slad du bdag la chos kyi sman stsal cing sems kyi nad kyang 

</font><hr>76-1-185b<br><font size=+1>

gso bar gsol to/ /de nas de bzhin gshegs pas dge slong nad pa de la 'di skad ces bka' stsal to/ /de bzhin gshegs pa ni khyod kyi drin shin tu lci bar dgongs pas na de bzhin gshegs pas khyod kyi drin lan bsab par mdzad do/ /de'i tshe dge slong nad pa de 
shin tu dga' bar gyur te/ de bzhin gshegs pas spro ba dang / dga' ba dang / gzengs bstod pa mdzad nas dge slong nad pa de dgra bcom pa'i 'bras bu thob nas rig pa gsum dang / mngon par shes pa drug dang / rnam par grol ba brgyad dang ldan par gyur to/ /brgya 
byin lha'i dbang po la sogs pa lha'i 'khor thams cad the tsom du gyur te/ de bzhin gshegs pa la 'di skad ces gsol to/ /ci'i slad du de bzhin gshegs pa nyid phyag dar te dge slong nad pa'i lus kyi rma khrag kun bkrus te/ dge slong 'di la shin tu drin lci ba yod do zhes 
gsungs pa'i don bdag cag la bkrol zhing bshad du gsol/ sangs rgyas kyis brgya byin lha'i dbang po dang lha'i 'khor mang po rnams la 'di skad ces bka' stsal to/ /khyed rnams legs par nyon la shin tu yid la zung shig dang / dngos po de dag bstan par bya'o/ /brgya byin 
lha'i dbang po sngon 'das pa'i dus bskal pa grangs med tshad med pa'i pha rol na rgyal po sdig pa can chos ma yin par byed pa kun la 'phrog rlom byed pa zhig byung ngo / /de'i tshe rgyal po sdig pa can de la blon po lnga brgya zhig bkug nas dku gsang gcig tu byas te/ gsang la btags 
nas blon po de la 'di skad ces bsgo'o/ /gang su yang rung khrims las 'gal bar byas na khyed kyis chad pas bcad par dbang bskur gyis/ khyed kyis nor ci thob kyang rung nga dang thun mong du bya'o zhes bsgo'o/ /de'i tshe na lnga brgya po des rtag tu gzhu rdeg byed de nor mang du thob pa ni 
de bzhin du btang / gang nor med pa la ni srog la bab kyi bar du gnod pa byed de/ de'i tshe na dge bsnyen gcig khrims las 'gal ba cung zad cig byas pas lnga brgya pa'i gan du khrid nas gzhu brdeg bya bar byas pa las dge bsnyen shin tu dge ba yin no zhes thos pas gnod pa 

</font><hr>76-1-186a<br><font size=+1>

ma byas par yan par btang ngo / /de'i rkyen gyis dge bsnyen de yang shin tu dga' bar gyur to/ /kau shi ka 'di ltar rig par bya ste/ de'i tshe de'i dus na lnga brgya po de ni dge slong nad pa 'di yin no/ /de'i tshe de'i dus na dge bsnyen du gyur pa de ni da ltar nga nyid yin no/ /
de bas na byang chub sems dpa' ni bskal pa grangs med pa'i sngon rol gyi drin yang ba yang lci bas glan pa yin te/ mngon par sangs rgyas kyi bar du yang rtag tu mi brjed do/ /de'i tshe na brgya byin lha'i dbang po dang lha'i 'khor mang po rab tu dga' bar gyur te/ lha'i 'khor bzhi khri brgyad 
stong snyed kyis bla na med pa yang dag par rdzogs pa'i byang chub tu sems bskyed par gyur to/ /byang chub tu sems bskyed nas lha rdzas kyi rol mo byas te/ phyir rang rang gi gnas su song ngo / /bcom ldan 'das kyis kun dga' bo la bka' stsal pa/ rigs kyi bu'am rigs kyi bu mo gang 
drin shes pa dang / drin lan bsab pa ni don rnam pa 'di bzhi la nan tan bya'o/ /bzhi gang zhe na/ dge ba'i bshes gnyen bsten pa dang / sems rtse gcig tu chos nyan pa dang / don yid la byed pa dang / ji ltar bstan pa bzhin du spyod pa'o/ /gzhan yang chos rnam pa bzhi la gnas 
par bya'o/ /bzhi gang zhe na/ chos la gnas kyi gang zag gi rjes su mi gnas pa dang / don la gnas kyi yi ge'i rjes su mi gnas pa dang / ye shes la gnas kyi rnam par shes pa'i rjes su mi gnas pa dang / nges pa'i don gyi mdo sde la gnas kyi bkri ba'i don gyi mdo sde la mi gnas 
pa ste/ chos 'di brgyad la nan tan byed na ni drin lan shes pa zhes bya'o/ /gzhan yang chos rnam pa brgyad dang ldan na drin lan bsab pa zhes bya'o/ /brgyad gang zhe na/ 'di lta ste/ rnyed pa dang / khe dang / smad pa dang / bstod pa dang / grags pa dang / 'phya ba dang / sdug bsngal dang / bde 
ba la mi blta ba'o/ /gzhan yang dngos po 'di bzhi la nan tan byed pa ni drin lan shes pa zhes bya/ drin lan bsab pa zhes kyang bya'o/ /bzhi gang zhe na/ 'di lta ste/ byams pa bsgoms pa'i rkyen gyis sems can sdig pa can dag mthong na byams shing snying brtse ba'i sems bskyed pa 

</font><hr>76-1-186b<br><font size=+1>

dang / snying rje bsgoms pa'i rkyen gyis sdug bsngal ba'i sems can rnams mthong na mi skyo bar lta zhing mi gtong ba dang / dga' ba bsgoms pa'i rkyen gyis slob dpon dang / bla ma dang / pha ma dang / yon tan dang ldan pa rnams mthong na dga' ba'i sems bskyed pa dang / btang snyoms bsgoms 
pa'i rkyen gyis dgrar gyur pa'i sems can mthong na zhe sdang gi sems mi bskyed pa'o/ /de'i tshe kun dga' bos gos tshags su bcos nas sangs rgyas la 'di skad ces gsol to/ /bcom ldan 'das de bzhin gshegs pa thog ma nas byang chub tu sems bskyed pa na drin shes pa dang / drin lan 
bsab pa'i don gyi dngos po bzhi ci ltar nan tan du mdzad pa lags/ bcom ldan 'das kyis kun dga' bo la bka' stsal pa/ sngon 'das pa'i dus bskal pa grangs med dpag tu med tshad med pa'i pha rol na sangs rgyas rnam par gzigs zhes bya ba de bzhin gshegs pa dgra bcom 
pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa ston pa rgyal ba 'jig rten du byung ste/ skal ba dang ldan pa rnams kyi don mdzad do/ /skal ba dang ldan pa rnams kyi 
don mdzad nas yongs su mya ngan las 'das te/ dam pa'i chos dang gzugs brnyan las chos bya ba yang nub nas yul bA rA Na sI zhes bya ba na mi rnams kyang skyid cing bde la lo yang legs te rgyal po de yang drang po'i chos kyis yul gyi srid 'tsho'o/ /yul de na ri drang srong 'phags zhes bya ba 
zhig yod de/ ri de la rgyun tu rang sangs rgyas lnga brgya gnas so/ /de ma yin pa mngon par shes pa lnga dang ldan pa'i drang srong yang mang du gnas so/ /de'i tshe ri de la ri dgas dang gcan gzan yang mang du gnas te/ de na seng ge yi dam brtan zhes bya ba zhig lus kyi spu gser gyi 
mdog tu 'dug pa/ mthu stobs dang gzi brjid che ba/ skad phyung na bya rnams kyang sa la ltung ba/ ri dgas rnams kyang 'bros pa zhig yod de/ ri de la 'gro zhing rgyu ba dang / rang sangs rgyas dge sbyong gi gzugs dang spyod lam du ldan pa gcig dang phrad nas de la shin tu dga' ba'i 

</font><hr>76-1-187a<br><font size=+1>

sems skyes te/ nyin gcig bzhin du nye bar bsnyen nas rgyun du mdo sde klog pa dang dam pa'i chos 'chad pa thos par gyur to/ /de'i tshe na rngon pa chen po ma rungs pa zhig gis seng ge'i pags pa gser gyi mdog tu 'dug pa de mthong nas rab tu dga' ba'i sems 
skyes te 'di snyam du sems so/ /gal te bdag gis gser gyi seng ge de bsad de pags pa bshus la rgyal po la phul na gdon mi za bar bya dga' chen po thob par 'gyur te/ rabs bdun gyi bar du phongs pa med par 'gyur ro snyam bsams nas/ yang 'di snyam du bsams so/ /
seng ge yi dam brtan zhes bya ba 'di ni gcan gzan gyi rgyal po yin pas mda' gzhus kyang mi rdzi/ rnyi dang rgyas kyang byar med de/ da bdag gis thabs 'di lta bu zhig bya'o/ /ri dgas kyi rgyal po seng ge 'di ltar dge sbyong gi phyi bzhin 'brang bas bdag kyang dge sbyong gi gzugs su 
byas la/ chos gos kyi 'og tu mda' gzhu sbas la mig phab la gom pa dal bus song ste shing drung zhig tu 'dug na/ des bdag mthong ma thag tu gdon mi za bar bdag gi drung du 'ong ste/ gal te bdag gi drung du 'ongs na gzhu bdungs bkang ste/ dug mda' 'phangs na gdon mi za 
bar sod do snyam bsams nas phyir khyim du 'ongs te 'di skad ces smras so/ /bdag rgyud kyis rngon pa byed byed de gnas na gcan gzan la spu gser du 'dug pa yang ma thos na mthong ba lta ci smos te/ da bdag gis de bsad pa'i phyir skra dang kha spu bregs la/ chos gos gyon 
nas phyir yang ri de la song nas shing drung zhig na 'dug na/ de'i tshe seng ge yi dam brtan gyis dge slong mthong nas rab tu dga' ste mchong rgal nas dge slong de'i drung du bsnyen te/ rkang pa la bldag go/ /de nas rngon pa des seng ge la mda' 'phangs so/ /de nas dug mdas sdug 
bsngal bar gyur te skad phyung nas gzung zhing mchong bar byas pa la 'di snyam bsams so/ /'di ni dge sbyong gi gos kha dog bsgyur ba gyon pa yin te/ dus gsum gyi sangs rgyas kyi 'phags pa'i rgyal mtshan yin pas 'di la bdag gis gnod pa byas na dka' ba ma yin na/ gal 

</font><hr>76-1-187b<br><font size=+1>

te 'di la gnod pa byas te srog gi dbang po dang phral nas sangs rgyas rnams kyi 'phags pa'i rgyal mtshan ma rungs par byas pa yin no snyam bsams nas cang ma byas par bsdad pa las/ ring po ma lon par dug langs nas lhag par sdug bsngal mi bzod par gyur te/ yang 
'di snyam du bza' zhing bca' ba'am/ snyam bsams pa las 'di ni dka' ba ma yin na/ gal te bdag gis 'di la gnod pa byas na sangs rgyas rnams dang 'phags pa rnams kyis smod par 'gyur te/ 'jig rten na dge ba byed pa dang / sdig pa byed pa yang bye 
brag med de/ 'di ni sdig pa can yin te bdag gsod du 'ongs pas gal te bdag gis de la bzod pa ma byas na ni sdig pa can de dang tha dad pa yang med de/ gang yang bzod pa sgom pa de la thams cad byams par 'gyur ro/ /gang mi bzod pa de la ni thams cad sdang bar 
'gyur bas de la nyon mongs pa skye bar 'gyur te/ nyon mongs pa skyes par gyur na skye shi'i 'khor bar 'gyur ro/ /skye shir 'khor ba na mi khom pa'i gnas su skye bar 'gyur/ mi khom pa'i gnas su skyes na dge ba'i bshes gnyen dang 'bral bar 'gyur/ dge ba'i 
bshes gnyen dang bral na dam pa'i chos mi thos par 'gyur/ dam pa'i chos ma thos na the tsom gyi dra bas glags par 'gyur/ the tsom gyi dra bas glags par gyur na bla na med pa yang dag par rdzogs pa'i byang chub dang bral bar 'gyur te/ de bas na bdag ni sdig pa'i sems mi 
bskyed do snyam bsams nas tshigs su bcad pa 'di skad ces smras so/ /bdag gi lus srog yal bla yi/ /mi dge sdig pa'i sems mi bskyed/ /bdag ni srog dang bral yang rung / /ngur smrig gyon la gnod mi bya/ /rab tu byung ba'i mi dag la/ /nam 
du'ang ngan sems mi skyed do/ /tshigs su bcad pa 'di dag smras nas tshe'i dus byas par gyur te/ gnam sa yang lan drug tu g.yos so/ /gcan gzan dang ri dgas kyang skrag nas phyogs bzhir bros so/ /sprin med par char pa bab nas nyi ma yang 'od mi snang bar gyur 

</font><hr>76-1-188a<br><font size=+1>

to/ /de'i tshe rngon pa des gos phud nas gri thogs nas pags pa bshus te phyir khyim du song ngo / /phyir khyim du song nas rgyal po la phul lo/ /rgyal pos pags pa de mthong nas rab tu dga' ste blon po rnams la 'di skad ces smras so/ /bdag 
skyes nas dud 'gro la lus kyi pags pa spu gser gyi mdog tu 'dug pa yod pa yong ma thos te/ da 'dir mig gis mngon sum du mthong ba ngo mtshar che'o ngo mtshar che'o zhes rngon pa de la khyod ji lta bu zhig gi thabs byas te pags pa 'di lta bu thob ces dris so/ /de nas rngon 
pas rgyal po la 'di skad ces gsol to/ /rgyal po chen po 'jigs pa med pa stsal na drang por smra'o zhes gsol to/ /rgyal pos kyang khyod ci 'dod pa bzhin gnang ngo bar bsgo nas rngon pa des kyang ji ltar gyur pa bzhin du gsol to/ /rgyal pos kyang tshig de thos nas 
shin tu mya ngan gyis non te/ dper na mi brnangs pa bzhin mid du yang med la skyug tu yang med pa ltar mi bde bar gyur te/ /blon po chen po thams cad dang / rgyal phran dang / 'khor mang po kun bsdus te 'di skad ces bsgo'o/ /khyed rnams shes par gyis shig /ngas 
sngon mkhas pa shes rab can dag las 'di skad ces thos te/ dud 'gro'i khams su skyes pa'i nang na lus kyi spu mdog gser lta bur 'dug na gdon mi za bar byang chub sems dpa' yin no zhes zer te/ gal te so so'i skye bo las gcig tsam bla na med pa'i byang chub tu 
sems bskyed na/ sems can thams cad la phan pa dang bde ba'i don chen po byed pa yin/ ci'i phyir rngon pa sdig pa can 'dis de 'dra ba'i thabs byas te/ byang chub sems dpa' bsad pa 'di gal te bdag gis blon thabs sam/ bya dga'a'am/ bal gyi glang po 
che'am/ rta'am/ rin po che sna bdun nam/ gos sam/ zas sam/ nor ram/ 'bru'am/ nor 'di ltar byin par gyur na sdig can de dang 'thun par gyur te de'i grogs su 'gyur ro snyam bsams nas rngon pa de'i srog gi dbang po bcad do/ /de ltar rngon pa de'i srog 

</font><hr>76-1-188b<br><font size=+1>

gi dbang po bcad nas seng ge'i pags pa thogs te ri de la song nas shing glang mgo'i tsan dan spungs te seng ge'i pags pa dang ro bsregs so/ /de ltar seng ge'i ro bsregs nas rus pa bsdus te mchod rten brtsigs nas mchod pa byas so/ /bcom ldan 'das 
kyis kun dga' bo la 'di skad ces bka' stsal to/ /rigs kyi bu dag de'i tshe de'i dus na seng ge yi dam brtan zhes bya ba de ni da ltar shAkya thub pa nga nyid yin no/ /de bas na byang chub sems dpa' ni dge ba'i bshes gnyen dang bsten pa'i phyir lus dang srog gi phyir yal 
yang sla'i sdig pa'i sems mi bskyed do/ /de ci'i phyir zhe na/ drin shes pa dang / drin lan bsab pa'i phyir ro/ /de yang ji lta zhe na/ byang chub sems dpa' ni dge ba'i bshes gnyen la bsten pas bla na med pa yang dag par rdzogs pa'i byang chub myur du thob par 
'gyur ro/ /rigs kyi bu byang chub sems dpa' ni rgyun du brtson 'grus su dge ba'i bshes gnyen la bsten te khams gsum gyi nyon mongs pa gzhom zhing rgud par bya ba'i phyir sangs rgyas kyi chos tshig gcig tsam mam/ tshigs su bcad pa gcig gam/ don gcig 
tsam gyi bar du nyan pa la rab tu brtson par byed do/ /de ltar byang chub sems dpa' sems rtse gcig tu sangs rgyas kyi gsung rab tshol ba na chos 'dod pa'i sems dang shin tu ldan pas lus dang srog kyang mi phangs par me ma mur gyi lcags sam/ sa gzhi las kyang 'bog 
cing 'gro ste gnod par mi sems so/ /byang chub sems dpa' ni tshigs su bcad pa 'ga' tsam gyi phyir yang lus dang srog mi phangs na mdo sde bcu gnyis lta ci smos/ tshigs su bcad pa gcig tsam gyi phyir yang lus dang srog mi phangs na de ma yin pa phyi'i zang zing lta 
ci smos/ chos thos pa'i don gyis lus dang sems shin tu bde bar 'gyur te/ shin tu dad pa'i sems skyes pas yang dag pa'i lta ba'i sems thob par 'gyur ro/ /chos ston pa mthong na pha ma mthong ba ltar nga rgyal gyi sems mi skye'o/ /sems can gyi don du chos nyan 

</font><hr>76-1-189a<br><font size=+1>

gyi rnyed pa dang grags pa'i phyir ma yin/ sems can la phan pa dang bde ba'i don byed kyi/ bdag la phan pa'i don gyi phyir ma yin no/ /dam pa'i chos kyi phyir rgyal po dang / bkres skom dang / grang ba dang / tsha ba dang / stag dang / 
spyang ki la sogs te/ gcan gzan khro bo dang / rkun po dang / dgra la sogs pas 'jigs pa ma yin no/ /sngar dbang po rnams kyi nyon mongs pa btul nas de'i 'og tu chos nyan par byed kyi dus ma yin par nyan pa ni ma yin te/ sems rtse gcig tu nyan 
par byed do/ /chos la bkur sti bya ba'i phyir chos ston pa la rim gro gus par byed pa ni byang chub sems dpa' drin shes pa dang drin lan bsab pa zhes bya'o/ /ji ltar na byang chub sems dpa' sems rtse gcig tu chos nyan pa zhe na/ chos nyan pa la rnam pa 'di 
bzhi ste/ yang dag pa'i sems dang / rtse gcig pa'i sems dang / thams cad du thams cad kyi sems dang / dge ba'i sems dang bzhi ste/ de ni byang chub sems dpa' mdo sde bcu gnyis tshol ba la brtson pa zhes bya'o/ /de ci'i phyir zhe na/ 
sangs rgyas kyi bka' drin lci ba dran pa ni sangs rgyas thams cad kyi dam pa'i chos kun tu rgyas par bya ba'i phyir/ sangs rgyas kun gyi dam pa'i chos skye zhing 'phel bar bya ba'i phyir/ 'jig rten pa dag sangs rgyas kyi chos la dad par bya ba'i phyir/ sems can 
thams cad bla na med pa'i byang chub par bya ba'i phyir/ de bas na byang chub sems dpa' phyogs bcu'i sems can grangs med pa dran par byed do/ /sangs rgyas kun gyi bka' drin lci ba bsab pa'i phyir/ byang chub sems dpa' ni mdo sde bcu gnyis tshol ba la 
brtson par byed do/ /byang chub sems dpas brtson 'grus su sangs rgyas kyi chos tshol ba ni sems can thams cad dad pa'i sems bskyed pa'i phyir rgyu'i rig pa'i bstan bcos slob par byed do/ /gzhan yang nyes pa'i skyon thams cad shes par bya ba dang / mu 

</font><hr>76-1-189b<br><font size=+1>

stegs can gyi ngan par lta ba'i gtsug lag gzhig par bya ba dang / sems can gdul ba'i thabs mkhas pa shes par bya ba dang / de bzhin gshegs pas gsungs pa'i don dang / 'jig rten pa'i tshig gi don rnam par dbye bar bya ba'i phyir/ byang chub 
sems dpa' rgyu'i rig pa'i bstan bcos slob par byed do/ /byang chub sems dpa' ci'i phyir sgra'i rig pa'i bstan bcos slob par byed ce na/ sgra'i tshig yongs su dag par brgyan pa dang / yongs su ma dag pa'i tshig gis don gsal bar ston mi nus pa dang / don 
thams cad shes shing khong du chud par bya ba dang / yang dag pa'i tshig mi nyams pas nga rgyal gyis mi shigs pa dang / ngan par lta ba las bzlog cing sems can gdul ba'i thabs mkhas par shes par bya ba'i phyir byang chub sems dpa' sgra'i rig pa'i bstan 
bcos slob par byed do/ /byang chub sems dpa' ci'i phyir sman dpyad kyi rig pa'i bstan bcos slob ce na/ sems can rnams mi dge ba'i nad brgya rtsa bzhi dang dbral bar bya ba dang / sems can thams cad la byams shing snying brtse ba'i phyir sems can rnams 
dad pa'i sems bskyed par bya ba dang / de ltar nad dang bral bas dga' ba'i sems skye bar bya ba dang / de ltar dga' ba'i sems skyes pas/ rtag tu sangs rgyas dran par 'gyur te/snying rje chen pos sems can rnams pha rol tu phyin par bya ba'i phyir/ byang 
chub sems dpa' sman dpyad kyi rig pa'i bstan bcos slob par byed do/ /byang chub sems dpa' ni ci'i phyir/ 'jig rten gyi bzo'i rig pa slob par byed ce na/ sems can la phan par bya ba'i phyir/ nor zang zing rnyed sla bas sems can rnams dad pa 
bskyed par bya ba rnams dang / 'jig rten gyi bya ba'i dngos po kun shes pas nga rgyal gzhom pa dang / sems can gdul bar bya ba dang / srid pa'i chos thams cad kyis bsgribs pa kun bsal ba'i phyir/ byang chub sems dpa' bzo'i rig pa slob par byed do/ /

</font><hr>76-1-190a<br><font size=+1>

gal te byang chub sems dpa' rig pa'i dngos po lngar ma bslabs na nam du yang bla na med pa yang dag par rdzogs pa'i byang chub tu thams cad mkhyen pa'i ye shes thob par mi nus so/ /de bas na bla na med pa'i byang chub thob pa'i phyir rig pa'i 
dngos po lnga bslab par bya'o/ /byang chub sems dpa' ni drin shes pa dang / drin lan bsab pa ni sems can la bshad pa'i dngos po bshad cing bstan par bya'o/ /ji ltar bshad ce na/ bla na med pa yang dag par rdzogs pa'i byang chub thob par bya ba'i phyir/ rig 
pa lnga dang ldan par bshad par bya'o/ /bshad pa la yang rnam pa gnyis te/ rim gyis bshad pa dang / yongs su dag par bshad pa'o/ /de la ji ltar na rim gyis bshad pa zhe na/ sngar sbyin pa'i pha rol tu phyin pa bshad la de'i 'og tu tshul khrims kyi pha rol tu phyin 
pa nas/ shes rab kyi pha rol tu phyin pa'i bar du bshad pa dang / drin shes pa dang / drin bsab pa'i phyir/ don yid la byed cing chos bzhin du gnas pa ni rim gyis bshad pa zhes bya'o/ /de la yongs su dag par bshad pa zhes bya ba ni gang zhe na/ nyan pa 
'dug la 'chad pa 'greng na de la bshad par mi bya'o/ /gal te nyan pa chos la skyon tshol lam bshad pa la skyon tshol na de la bshad par mi bya'o/ /gal te nyan pa gang zag la rten gyi chos la mi rten na chos la mi rten pas de la bshad par mi bya'o/ /gal te nyan pa yi ge 
la rten la don la mi rten na bshad par mi bya ba nas bkri ba'i don la rten gyi nges pa'i don gyi bar la mi rten na bshad par mi bya'o/ /de ci'i phyir zhe na/ gang zag de ni sangs rgyas dang / byang chub sems dpa' rnams kyi yongs su dag pa'i chos la ma gus pa'i phyir ro/ /gal 
te bshad cing ston pa yang chos la bkur sti byed la/ chos nyan pa gang gus pa'i sems kyis rtse gcig tu nyan cing nga rgyal gyi sems med pa ni yongs su dag par bshad pa zhes bya'o/ /gzhan yang rim gyis bshad pa zhes bya ba ni thams cad bshad pa'o/ /thams 

</font><hr>76-1-190b<br><font size=+1>

cad bshad pa zhes bya ba ni mdo sde bcu gnyis nas tshig gcig gam/ tshigs su bcad pa gcig gam/ tshigs su bcad pa phyed kyi bar du bshad pa ste/ de yang tshig gi sgra dang / don dang / chos su ldan la/ chos dang don bstan pa yang spro ba dang / 
gzengs bstod pa dang / dga' bar bya ba'i phyir dus su bstan pa dang / dus kha cig tu gshe zhing spyo ba dang / dus kha cig tu drang por thad kar bstan pa dang / dus kha cig tu dpe rnams bstan te ci dang 'phrod pa bzhin du bstan pa dang / dus kha cig tu de bas nye zhing sla bar 
bstan pa dang / dus kha cig tu ji ltar mos pa bzhin du 'jug sla ba bstan pa ni byang chub sems dpa'i drin shes pa dang / drin bsab pa la mkhas pa'i mchog chos rim gyis bshad pa zhes bya'o/ /gzhan yang yongs su dag par bshad pa zhes bya ba ni/ byang chub sems 
dpa' sems dpa' chen po dgra sdang ba la byams pa'i sems sgom ste/ byams pa'i sems kyis sems can sdig pa dang bcas pa dang / gang zag bag med pa dang / le lo can dag la thabs rnam pa mang po nas chos bstan nas rgyags shing dregs pa dang / 
gang zag dbul phongs pa'i bar du thabs rnam pa mang pos chos ston par byed kyi bdag stod pa'am/ gzhan smod pa'am/ bza' ba dang / btung ba dang / rnyed pa dang / grags pa'i phyir ma yin pa ni byang chub sems dpa' drin shes shing drin bsab pa la mkhas 
pa'i chos yongs su dag pa bshad pa zhes bya'o/ /de la ji ltar na chos bzhin du gnas pa yin zhe na/lus dang / ngag dang / yid kyi las dge ba'i chos sgom zhing yongs su dag pa dang ldan te/ drin shes pa dang / drin bsab pa yang bla na med pa yang dag 
par rdzogs pa'i byang chub yongs su bstan pa'o/ /gzhan yang byang chub sems dpa' sems dpa' chen po drin shes shing drin bsab pa ni don yid la byed de/ mang du thos pas gzungs thob par byed cing chos kyi sgron ma 'bar bar bya ba'i phyir/ sems can 

</font><hr>76-1-191a<br><font size=+1>

thams cad la phan pa dang bde ba'i don du sbyin pa dang / tshul khrims dang / mang du thos pa la brtson par bya/ chos ston cing 'chad pa la mchod pa dang rim gro bya'i chos la skyon mi gdags/ ston cing 'chad pa la skyon mi gdags/ gnod pa 
dang 'tshe ba med pa'i sems kyis sems can la mi 'jigs pa sbyin pa ni drin shes pa zhes bya'o/ /lha dang mi'i longs spyod myong zhing mya ngan las 'da' ba'i lam thob pa ni drin shes pa dang / drin bsab pa zhes bya'o/ /byang chub sems dpa' ni/ gzhan yang dngos 
po bzhis bzod pa bsgom zhing mi bzod pa yongs su spangs te byang chub brgyan pa'i phyir/ sems can mang po bsdus nas bzod pa bsgom pa la bkod de/ bdag kyang bzod pa byed de/ gzhan yang bzod pa byed pa la 'god cing 'jigs pa dang bral ba ni drin shes pa zhes 
bya'o/ /de ltar bzod pa byas pa'i rkyen gyis zhe sdang gi sems mi 'byung bas 'khor phun sum tshogs pa dang ldan te/ sdug bsngal ba'am/ nyon mongs pa mi 'byung bas 'gyod pa'i sems med de/ lus 'di dang bral nas kyang lha dang mi'i longs spyod myong zhing mya 
ngan las 'da' ba thob pa ni drin bsab pa zhes bya'o/ /rigs kyi bu gzhan yang byang chub sems dpa'i dngos po rnam pa bzhis brtson 'grus rtsom ste/ le lo yongs su spangs nas byang chub brgyan pa'i phyir sems can yongs su sdud do/ /byang chub kyi lam gyi phyir 
brtson 'grus rtsom pas nyal na yang bde la/ sad na yang bde ste/ nyon mongs pa dang bral bas bde ba'i chos skye zhing 'phel te/ lus kyis bde ba'i longs spyod myong ba ni bdag la phan pa'i don byed pa zhes bya'o/ /byang chub sems dpa' brtson 'grus rtsom 
yang sems can la mi 'tshe ste/ 'tshog rdeg dang / gshe ba dang / spyo ba med pa ni gzhan la phan pa'i don byed pa zhes bya ste/ lus 'di dang bral nas kyang / lha dang mi'i longs spyod myong zhing mthu dang dbang du ldan te/ byang chub kyi lam thob pas 'bras bu 

</font><hr>76-1-191b<br><font size=+1>

chen po thob par 'gyur te/ 'di ni byang chub sems dpa' brtson 'grus rtsom pa'i dngos po bzhi zhes bya'o/ /byang chub sems dpa'i ting nge 'dzin sgom pas 'khrug pa'i sems yongs su spangs te/ byang chub brgyan pa'i phyir sems can yongs su sdud do/ /byang 
chub kyi lam gyi phyir ting nge 'dzin bsgoms pas tshe 'di la yang 'jig rten gyi bde ba myong la/ lus dang sems dben zhing zhi ba ni drin lan shes pa zhes bya'o/ /de ltar lus dang sems dben zhing zhi bas sems can la mi 'tshe ba ni drin bsab pa zhes bya ste/ byang 
chub sems dpa' lus 'di dang bral nas/ rnam par dag pa'i lus thob cing bde ba phun sum tshogs pa'i longs spyod myong ste/ yongs su mya ngan las 'da' ba thob pa ni/ byang chub sems dpa'i bsam gtan sgom pa'i dngos po bzhi zhes bya'o/ /gzhan 
yang byang chub sems dpa' drin shes pa dang / drin bsab pa ni shes rab dang ldan pas ma rig pa bcom ste/ byang chub yongs su brgyan pa'i phyir/ bsdu ba'i chos rnam pa bzhis sems can yongs su sdud do/ /byang chub kyi phyir shes rab bsgoms pas 
chos kyi dbyings shes shing rtogs pa'i phyir/ lus kyi bde ba'i longs spyod myong ba ni bdag la phan pa'i don zhes bya'o/ /sems can rnams kyi 'jig rten gyi don dang / 'jig rten las 'das pa'i don bskyed pa ni gzhan la phan pa'i don zhes bya'o/ /nyon 
mongs pa dang shes bya'i sgrib pa rnam pa gnyis yongs su spangs pas na 'bras bu chen po zhes bya ste/ 'di ni drin shes shing drin bsab pa'i byang chub sems dpa'i shes rab kyi dngos po bsam gyis mi khyab pa bzhi zhes bya'o/ /gzhan yang byang chub sems dpa' sngon 
gyi gnas dran pa'i mngon par shes pas sngon 'das pa'i dngos po shes rab kyis rtogs te/ sems can rnams kyi dge ba dang sdig pa'i las brtags nas dge ba'i ris su 'thun pa'i sems can thams cad la phan pa dang / bde ba'i don du byang chub sems dpa' sems 

</font><hr>76-1-192a<br><font size=+1>

dpa' chen po thabs mkhas pas dga' ldan gnam du tshe phun sum tshogs par skyes so/ /de na mchog tu gyur pa gsum dang ldan te/ tshe mchog tu gyur pa dang / gzugs mchog tu gyur pa dang / grags pa mchog tu gyur pa'o/ /thog 
ma gnas de nas babs pa'i tshe 'od zer chen po bkye nas phyogs bcu snang bar byas te yum gyi lhums su 'jug pa dang / lhums na ji srid gnas pa dang / lhums nas bltam pa'i dus mkhyen to/ /phyogs bcur phyogs re rer yang mis ma brten par gom pa bdun 
bdun bor te 'di skad ces bsgrags so/ /bdag gi da ltar gyi lus 'di ni nangs kyi tha ma ste/ lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lta 'phye chen po rnams kyis me tog dang / bdug 
spos dang / rol mo dang / sil snyan dang / ba dan dag dang / gdugs dam pa rnams kyis mchod pa byas so/ /skyes bu chen po'i mtshan sum cu rtsa gnyis dang ldan pas de'i lus las mchog tu gyur pa gzhan med do/ /byams pa'i shugs kyis bdud kyi 
dpung rnams bcom mo/ /lhu tshigs re re la yang gyad mthu bo che'i stobs re re dang ldan no/ /gzhon nu bus pa'i tshe 'jig rten gyi dngos po ma bslabs par thams cad kun rtogs shing shes so/ /ston pa med par rang btsal te bla na med pa yang dag par rdzogs 
pa'i byang chub lhun gyis grub bo/ /tshangs pa'i lha'i dbang pos bskul nas sems can rnams la chos kyi 'khor lo bskor to/ /ting nge 'dzin la mnyam par bzhag pas/ 'brug sgra bsgrags kyang ma g.yos so/ /gcan gzan rnams nye bar bsten te pha ma 
bzhin du sdug par bsams so/ /byol song gis bsod snyoms phul ba yang sangs rgyas kyis de'i bsam pa mkhyen to/ /lha dang klus char phab ste lus kyi khrus byas so/ /shing ljon pa'i yal ga yang de'i phyogs su btud de grib mas skyabs byas so/ /mngon 

</font><hr>76-1-192b<br><font size=+1>

par sangs rgyas nas kyang lo drug gi bar du bdud ma rungs pas rgyun du glags btsal kyang glags ma rnyed do/ /rgyun du ting nge 'dzin la mnyam par bzhag pas dran pa nye bar gzhag pa'i sems yongs su rdzogs te/ rnam par rtog pa 'byung ba dang / 'gag 
pa la shin tu mkhas pas de ni byang chub sems dpa'i skye ba thun mong ba bsam gyis mi khyab pa zhes bya'o/ /skye ba thun mong ma yin pa ni sems can la phan pa dang / bde ba'i don du dper na gang zag smyos pa dag de bzhin gshegs pa mthong ba'i rkyen gyis sngon gyi 
sems sor chud pa'am/ dmus long gis mthong bar gyur pa'am/ mngal mgo log tu gyur pa legs par btsas pa'am/ 'on pa rna bas thos par gyur pa'am/ 'dod chags dang / zhe sdang dang / gti mug can dug gsum byang bar 
gyur pa de lta bu ni skye ba thun mong ma yin pa bsam gyis mi khyab pa zhes bya'o/ /gzhan yang skye ba thun mong zhes bya ba ni/ de bzhin gshegs pa'i mdzad pa bsam gyis mi khyab pa ste/ rtag tu glo g.yas pa phab nas gzims pa dang / seng ge'i rgyal po 
lta bur rtswa 'jag ma ltar mi 'grug pa dang / rlung gi rgyal po bai ram bas kyang na bza'i mtha' tsam mi g.yo ba dang / gshegs pa'i gom stabs ri dgas kyi rgyal po seng ge'am ngang pa'i rgyal po ltar gshegs pa dang / gshegs su cha ba na zhabs g.yas 
pa sngar 'dor ba dang / gnas gang dang gang du gshegs kyang sa gzhi mtho dma' mnyam pa dang / bsod snyoms la dri nga ba'i skyon med cing zhal nas phyir mi 'brul ba ni skye ba thun mong ba bsam gyis mi khyab pa zhes bya'o/ /gzhan yang skye ba thun mong ba bsam gyis 
mi khyab pa ni 'di lta ste/ zhabs kyi mthil mnyam zhing gang ba yin/ zhabs kyi mthil na 'khor lo rtsibs stong dang ldan pa yod pa yin/ phyag sor phra la ring ba yin/ zhabs kyi rting ba zlum la gang ba yin/ phyag sor gyi bar dra bas 'brel ba yin/

</font><hr>76-1-193a<br><font size=+1>

phyag dang zhabs 'jam zhing mnyen pa yin/ zhabs kyi byin pa ri dgas kyi rgyal po e na ya ltar zlum la shugs kyis gzhol ba yin/ zhabs kyi long bu phyir mi snang ba yin/ phyag pus mor slebs pa yin/ rta'i rgyal po 
ltar mtshan sbubs kyi nang du nub pa yin/ shing n+ya gro d+ha ltar sku'i yan lag yongs su rdzogs pa yin/ sku'i ba spu gyen du nyal ba yin/ ba spu re re nas g.yas su 'khyil ba yin/ sku mdog gser btso ma ltar 'dug pa yin/ rtag pa'i 'od 'dom 
gang dang ldan pa yin/ pags pa mnyen zhing 'jam la rdul dang dri mas mi gos pa yin/ gnas bdun yongs su gang ba yin/ sku'i stod seng ge ltar 'dug pa yin/ phyag gi lag ngar zlum la shugs kyis gzhol ba yin/ sgrog rus mnyam 
par gang ba yin/ sku'i stod smad 'byes pa'i mtshan dang ldan pa yin/ zhal gyi tshems bzhi bcu dang ldan pa yin/ tshems kyi thags bzang zhing mnyam pa yin/ tshems kyi mdog dkar ba yin/ 'gram pa ri dgas kyi rgyal po seng ge ltar gang ba 
yin/ ro bro ba'i mchog dang ldan pa yin/ sha'i do ker gyi mtshan dang ldan pa yin/ ljags ring la yangs pa yin/ tshangs pa'i sgra dbyangs dang ldan pa yin/ spyan gyi mdog mthon mthing ltar 'dug pa yin/ spyan khyu mchog gi rgyal po ltar 'dug 
pa yin/ smin mtshams kyi mdzod spu dkar po dang ldan pa yin no/ /de bzhin du bsam gyis mi khyab pa'i dpe byad bzang po brgyad cu dang ldan te/ dpe byad bzang po re re la yang dpe byad bzang po'i mchog dam pa brgya stong snyed yod de/ dpe byad bzang po de 
dag re re la yang byang chub sems dpa' thog ma byang chub tu sems bskyed nas byang chub la shin tu brtan pas drin shes shing drin bsab pa'i phyir spyod pa dam pa de dag spyad de/ de bas na bla na med pa'i byang chub thob par gyur to/ /sangs rgyas kyis bka' stsal 

</font><hr>76-1-193b<br><font size=+1>

pa/ de bzhin gshegs pa ni sngon yun ring po bskal pa grangs med pa tshad med pa'i bar du tshul khrims yongs su dag par bsrungs pas/ zhabs kyi mthil mnyam par gang ba'i mtshan dang ldan par gyur pa yin no/ /pha ma dang / slob dpon dang / bla ma 
dang / gang zag yon tan dang ldan pa la mchod pa dang / bkur stir byas pa'i rkyen gyis zhabs kyi mthil 'khor lo'i mtshan dang ldan par gyur pa yin no/ /sems can rnams la mi 'tshe zhing 'phrog pa dang rku ba'i sems med la pha ma dang / slob dpon dang / bla ma dang / 
yon tan dang ldan pa'i gang zag la rgyang ma nas bsu bskyal byas shing khri stan bting la nga rgyal spangs te/ rim gro dang / bkur sti dang / phyag byas pas de'i rgyu de'i rkyen gyis sor mo phra zhing ring bar gyur pa'i mtshan dang ldan par gyur pa yin no/ /gong du smos pa'i 
bya ba gsum dang ldan pas rting ba zlum la gang ba'i mtshan dang ldan par gyur pa yin no/ /bsdu ba'i chos rnam pa bzhis 'gro ba mang po yongs su bsdus pas/ de'i rgyu de'i rkyen gyis sor mo'i bar dra bas 'brel pa'i mtshan dang ldan par gyur pa yin no/ /mar 
dang 'bru mar gyis pha ma dang / slob dpon dang / bla ma dang / yon tan dang ldan pa'i gang zag gi lus la bskus shing mnyes pas/ de'i rgyu de'i rkyen gyis rkang lag mnyen zhing ring la 'jam pa yin no/ /dge ba'i chos bsgom pa la mi skyo bas/ de'i 
rgyu de'i rkyen gyis thal gong mnyam la lag ngar zlum zhing shugs kyis gzhol ba yin no/ /chos thos par dga' zhing gzhan la chos ston par yang mos te/ chos kyi phyir mngag gzhug gi las byas na/ de'i rgyu de'i rkyen gyis long bu'i rus pa mi snang ba'i 
mtshan dang ldan no/ /sgo gsum yongs su dag cing nad g.yog dang / sman gyi sbyin pa byin te/ nga rgyal med la bza' ba dang / btung ba la chog shes pa'i rgyu dang rkyen gyis lus drang por 'greng na lag pas pus mor slebs pa yin no/ /'khon 

</font><hr>76-1-194a<br><font size=+1>

gcugs su gyur pa la tshig 'jam pos bsdums te/ /bdag kyang ngo tsha ba dang ldan pa'i chos spyad de gzhan yang spyod du bcug na/ de'i rgyu de'i rkyen gyis/ rta'i rgyal po ltar mtshan sbubs kyi nang du nub pa yin no/ /bdag 
gi sgo gsum yongs su dag la/ gzhan yang yongs su dag par byed cing / sems can dag 'byung ba chen po bzhi 'khrugs te/ nad du gyur pa'i sman dpyad kyis gsos pas na/ de'i rgyu de'i rkyen gyis/ lus kyi mtshan yongs su rdzogs pa 
yin no/ /chos thos par dga' zhing gzhan la chos ston par mos pas na/ lus kyi ba spu gyen du nyal ba'i mtshan dang ldan pa yin/ chos kyi don zab mo yid la bgyid cing dge ba'i chos sgom par mos la/ pha ma dang / slob dpon dang / bla ma 
dang / yon tan dang ldan pa'i gang zag la mchod pa byas pa dang / sangs rgyas kyi mchod rten dang / dge 'dun gyi gnas khang dang / lam srang na 'dug pa'i bong ba'am/ rdo ba'am/ tsher ma'am/ mi gtsang ba med par byas na/ de'i 
rgyu de'i rkyen gyis spu re re nas g.yas phyogs su 'khyil pa'i mtshan dang ldan par gyur pa yin no/ /pha rol po gzhan dag la zas dang / skom dang / rgyan dang / de la sogs pa byin zhing zhe sdang gi sems med na/ de'i rgyu de'i rkyen gyis gser btso 
ma'i mdog dang ldan pa dang / 'od rtag pa'i mtshan nyid dang ldan pa yin no/ /ci'i las kyis ba spu'i khung bu re re nas spu re re skyes pa'i mtshan dang ldan zhe na/ las de nyid kyi rgyu las gyur te/ las kyi rgyu de nyid kyis lus mnyen zhing 'jam la rdul dang dri 
mas mi gos pa'i mtshan dang ldan pa yin no/ /sems can dag la/ dgos pa'i zang zing rgyun du gtong bas na/ de'i rgyu de'i rkyen gyis/ gnas bdun mnyam par gang ba'i mtshan dang ldan pa yin no/ /bdag gi nga rgyal dang dregs pa bcom nas/ rang 

</font><hr>76-1-194b<br><font size=+1>

bzhin gyis mnyen zhing des pa'i sems kyis sems can gyi yid dang sbyor te/ /chos bzhin du spyod la/ mi dge ba'i chos spangs pa'i phyir dge ba'i chos ston na/ de'i rgyu de'i rkyen gyis/ ro stod ri dgas kyi rgyal po seng ge lta bu'i mtshan dang / smin mtshams 
dang / sgrog rus mnyam par gang ba'i mtshan dang / sor mo ring ba'i mtshan dang / lus kyi mtha' yang zhing 'jam pa'i mtshan dang ldan pa yin no/ /phra ma yongs su spangs te/ rtsod cing 'khon pa'i bsdums byas pas/ de'i rgyu de'i rkyen gyis so 
bzhi bcu dang ldan pa'i mtshan dang / so'i thags bzang ba'i mtshan dang / so mnyam pa'i mtshan dang ldan pa yin no/ /'dod pa'i khams kyi byams pa bsgoms pas/ de'i rgyu de'i rkyen gyis/ so dkar ba'i mtshan dang ldan pa yin no/ /slong ba 
mthong na dga' ba'i sems kyis bsu bskyal byas pas/ de'i rgyu de'i rkyen gyis/ seng ge'i 'gram pa lta bu'i mtshan dang ldan par gyur pa yin no/ /sems can thams cad la bu gcig pa bzhin du 'dra bar lta bas/ de'i rgyu de'i rkyen gyis/ ro bro ba'i 
mchog gi mtshan dang ldan pa yin no/ /sems can la bla na med pa'i chos kyi ro rtag tu gtong zhing brjed cing mi dran pa la yang dran par byas te/ bdag kyang tshul khrims lnga srung la gzhan yang bsrung bar bskul zhing byams pa'i sems kyis chos kyi sbyin 
pa chen po byas na/ de'i rgyu de'i rkyen gyis sha'i gtsug tor gyi mtshan dang lce ring zhing yangs pa'i mtshan dang ldan pa yin no/ /bden pa'i tshig dang / chos kyis dga' ba'i tshig dang / mnyen des pa'i tshig smra'i/ dus ma yin pa'i tshig mi 
smra bas/ de'i rgyu de'i rkyen gyis tshangs pa'i sgra dbyangs dang ldan pa yin no/ /snying rje'i sems bsgoms pas sems can rnams la pha ma lta bur lta bas/ de'i rgyu de'i rkyen gyis mig mthon mthing ltar 'dug pa dang / mig khyu mchog gi rgyal po lta 

</font><hr>76-1-195a<br><font size=+1>

bu'i mtshan dang ldan pa yin no/ /yon tan dang ldan pa'i legs pa mi bcabs shing / bstod cing bsngags pas/ de'i rgyu de'i rkyen gyis/ mdzod spu dkar po'i mtshan dang ldan pa yin no/ /mtshan sum cu rtsa 
gnyis 'di dag gi rgyu dang rkyen sa sor bshad mod kyi/ de'i rgyu de'i rkyen yang dag pa ni/ tshul khrims dang brtson 'grus so/ /de ci'i phyir zhe na/ gal te tshul khrims ma bsrungs/ brtson 'grus ma spyad na/ mi'i lus kyang thob par 
mi nus na/ mtshan sum cu rtsa gnyis thob pa lta smos kyang ci dgos/ spyi gtsug bltar mi snang ba dang / sha'i gtsug tor gyi mtshan gnyis la tha dad pa med do/ /gzhan yang ci byed do cog la gcig tu ma nges te/ 'gyod pa'i sems med na/ de'i 
rgyu de'i rkyen gyis/ rkang mthil mnyam par gang ba'i mtshan thob bo/ /de yang sems rtse gcig tu byas na/ de'i rgyus 'khor lo'i rtsibs stong dang ldan pa'i mtshan dang / mtshan gsum pa dang / bzhi pa dang / sor mo'i bar 'brel pa dang / gnas 
bdun mnyam par gang ba dang / mnyen zhing 'jam pa dang / phrag pa zlum pa dang / sgrog rus gang ba dang / lus drang ba dang / lce ring zhing yangs pa'i mtshan dang ldan pa yin no/ /de yang bya brtag tu byas na/ de'i rgyus sor mo ring 
ba'i mtshan dang / lag pas pus mor slebs pa'i mtshan dang / 'od rtag pa 'dom gang gi mtshan dang / so thags bzang zhing ya yo med pa'i mtshan thob bo/ /bya ba yongs su dag par byas na/ de'i rgyus mtshan lhag ma gzhan rnams thob 
par 'gyur ro/ /gzhan yang sems can dag la dge ba 'ba' zhig gi sems bskyed pas/ de'i rgyus rkang lag mnyen zhing 'jam pa dang / pags pa mnyen zhing 'jam la/ rdul dang dri mas mi gos pa'i mtshan thob bo/ /rim gyis 

</font><hr>76-1-195b<br><font size=+1>

bsgom zhing spyod pa dang / dus bzhin du bsgoms shing spyod pas de'i rgyus/ gnyis pa dang / gsum pa dang / bzhi pa'i mtshan thob bo/ /dge ba'i chos bsgom pa la mos shing / 'gyod pa'i sems med pas/ de'i rgyus lus kyi mdog gser lta 
bu dang / 'od rtag pa dang / so dkar ba dang / smin mtshams kyi mdzod spu'i mtshan thob bo/ /bstod cing bsngags na yang nga rgyal mi skye la/ bdag gi legs pa bcabs te rlom sems med na de'i rgyus rta lta bur mtshan sbubs su nub pa'i mtshan thob bo/ /
dge ba'i las ci byas pa byang chub tu bsngos na de'i rgyus/ ba spu'i khung re re nas spu re re skye ba'i mtshan dang / ba spu gyen du nyal ba dang / so bzhi bcu dang ldan pa dang / ro bro ba'i mchog gi mtshan thob bo/ /rtag tu brtson 'grus byas na/ de'i rgyus 'gram 
pa'i lha nga zlum pa dang / lus kyi stod seng ge lta bu'i mtshan thob bo/ /sems can thams cad la bu gcig pa dang 'dra bar sdug par bsams pas de'i rgyus so thags bzang zhing mnyam pa dang / mig mthon mthing du 'dug pa dang / 
mig khyu mchog gi rgyal po lta bu'i mtshan thob bo/ /dge ba'i chos sgrub pa la skyo zhing ngal ba'i sems med pas mtshan lhag ma gzhan rnams thob bo/ /byang chub sems dpa' sems dpa' chen po mtshan nyid la spyod cing gnas pa'i tshe mtshan 
sum cu rtsa gnyis kyi las byed do/ /rnam par dag pa'i spyod pa la gnas pa'i tshe/ mtshan sum cu rtsa gnyis yod mod kyi/ yongs su rdzogs pa'am/ gsal ba ma yin no/ /spyod pa bcu gsum pa la gnas pa na mtshan rnams kyang mngon 
par gsal bar yongs su rdzogs so/ /sangs rgyas kyi chos kyi mtshan grangs med mod kyi sems can rnams la mi 'thun te/ rab dang / 'bring dang / tha ma yod pas bsam gyis mi khyab pas na/ de bas na/ sangs rgyas kyis 

</font><hr>76-1-196a<br><font size=+1>

mtshan bzang po sum cu rtsa gnyis gsungs so/ /sems can thams cad kyi bsod nams ji tsam yod pa phyogs gcig tu bsdus te spungs nas/ de bzhin gshegs pa'i ba spu gcig gi mtshan dang mnyam mo/ /
ba spu'i khung bu thams cad kyi bsod nams ji snyed cig yod pa/ gcig tu bsdus te spungs nas/ dpe byad bzang po gcig dang mnyam mo/ /dpe byad bzang po ji tsam yod pa'i bsod nams ji snyed yod pa de las brgya 'gyur du byas na mtshan 
gcig dang mnyam ste/ smin mtshams kyi mdzod spu dkar po'i mtshan dang / spyi gtsug bltar mi snang ba'i mtshan ni ma gtogs so/ /de ma yin pa mtshan gzhan thams cad gcig tu bsdus te/ stong 'gyur du byas na/ mtshan gong ma 
gnyis su 'gyur ro/ /mtshan sum cu rtsa gnyis dang / dpe byad bzang po brgyad cu po'i bsod nams ji snyed yod pa gcig tu bsdus spungs te khri phrag stong 'gyur du byas pa dang / de bzhin gshegs pa'i 'brug sgra lta bu'i dbyangs zab cing 
rgyang ring por grags pa'i mtshan dang mnyam ste/ gsung sgra des ni/ sangs rgyas kyi zhing tshad med mtha' yas bsam gyis mi khyab pa'i rdul phra rab snyed du grags shing / sems can gyi don du byams pa dang / snying rje chen po spyod pas/ drin 
shes pa dang / drin bsab pa 'di ni bsam gyis mi khyab bo/ /de ltar mtshan dang dpe byad bzang po de dag re res kyang / so so'i skye bo tshad med grangs med pa bye ba brgya stong gis sa chen po'i rdul phra rab snyed la phan pa dang bde ba'i don byas nas/ byang chub 
tu sems bskyed du bcug go/ /de ltar mthar gyis/ bsgrub pa yongs su rdzogs nas/ mtshan dang dpe byad bzang po rnam gnyis thob ste/ mtshan dang dpe byad bzang po yongs su rdzogs nas/ byang chub kyi shing drung du song ste/ bdud kyi dpung 

</font><hr>76-1-196b<br><font size=+1>

rnams btul te/ mngon par sangs rgyas nas/ yang dag par chos kyi 'khor lo bskor to/ /so so'i skye bo la phan pa dang bde ba'i don du 'dod pa'i chu'i klung las bsgral nas/ shes rab kyi pha rol tu phyin pa'i 'gram du bkod de/ sems can 
thams cad la phan pa dang bde ba'i don yongs su rdzogs par byas so/ /bcom ldan 'das kyis/ kun dga' bo dang / byang chub sems dpa' sems dpa' chen po la sogs te/ 'khor mang po thams cad la/ 'di skad ces bka' stsal to/ /
rigs kyi bu dag khyed rnams la su zhig sangs rgyas kyi bka' drin rtag tu gzo zhing / dam pa'i chos bsrung ba'i phyir/ thabs mkhas pa chen po drin lan bsab pa'i mdo sde shin tu zab mo 'di/ glegs bam du bri ba dang / klog pa dang / kha ton byed 
par 'gyur/ su zhig gis phyi ma'i dus ngan pa'i tshe/ brtson 'grus chen po bskyed de/ bla na med pa yang dag par rdzogs pa'i byang chub 'di srung zhing gzungs su 'dzin par 'gyur/ su zhig gis chos bsrung ba'i phyir/ mdo sde 'di rgyas par spel 
zhing sems can thams cad la phan pa dang / bde ba'i don byed par nus/ zhes bka' stsal pa dang / de'i tshe 'khor de nyid na/ byang chub sems dpa' sems dpa' chen po khri brgya stong snyed 'dug pa las langs te/ gos tshags bcos nas 
blo gos phyogs gcig tu gzar te/ pus mo g.yas pa'i lha nga sa la btsugs thal mo sbyar ba btud nas/ sangs rgyas la 'di skad ces gsol to/ /bcom ldan 'das/ bdag cag gis slad ma'i dus ngan pa'i tshe/ bla na med pa 
yang dag par rdzogs pa'i byang chub 'di bsrung zhing / dam pa'i chos gzungs su bzung ste/ sems can mang po la phan pa'i don byed par spro'o/ /de nas byang chub sems dpa' seng ges 'di skad ces gsol to/ /bcom ldan 

</font><hr>76-1-197a<br><font size=+1>

'das/ bdag kyang thabs rnam pa sna tshogs kyis/ sems can rnams yongs su bsdu bar spro'o/ /byang chub sems dpa' rdo rjes gsol pa/ sems can gang ngan 'gro gsum du ltung bar 'gyur ba dag /bdag 
gis ci nas kyang mi ltung bar bgyi bar spro'o/ /byang chub sems dpa' 'jam dpal gyis gsol pa/ sems can rnams ci dang ci 'dod pa/ bdag gis thams cad yongs su rdzogs par bgyi bar spro'o/ /byang chub sems dpa' 
ye shes rgyal mtshan gyis gsol pa/ bdag gis ni/ sems can rnams la ye shes chen po'i chos kyi rgyal mtshan sbyin par bgyi ba spro'o/ /byang chub sems dpa' chos kyi rgyal mtshan gyis gsol pa/ bcom ldan 'das/ bdag 
gis ni/ sems can rnams la chos yongs su sbyin par spro'o/ /byang chub sems dpa' nyi 'od kyis gsol pa/ bcom ldan 'das/ bdag gis ni/ sems can rnams la bde ba sbyin par spro'o/ /byang chub sems dpa' zla 
'od kyis gsol pa/ bcom ldan 'das/ bdag gis ni/ sems can rnams la bsod nams kyi las byed du gzhug par bskul bar spro'o/ /byang chub sems dpa' dge sbyong gis gsol pa/ bcom ldan 'das/ bdag gis ni 
sems can rnams la thams cad bag med pa la mi gnas par bskul bar spro'o/ /byang chub sems dpa' blo gros mi zad pas gsol pa/ bcom ldan 'das/ bdag gis ni/ sems can thams cad la/ zad pa mi shes pa'i dbyings 
kyi/ don mthong bar bstan par spro'o/ /byang chub sems dpa' zla 'od bus gsol pa/ bcom ldan 'das/ bdag ni sems can thams cad la/ bla na med pa'i bde ba sbyin pa bgyi bar spro'o/ /zhes byang chub 

</font><hr>76-1-197b<br><font size=+1>

sems dpa' de dag /so so nas dam bcas so/ /byang chub yongs su brgyan cing / sems can thams cad la phan zhing / bde ba dang / sangs rgyas kyi bka' drin dran zhing / sangs rgyas kyi bka' drin bsab pa'i phyir/ 
stan las langs nas/ thal mo sbyar ba btud de/ sangs rgyas kyi mdo sde 'di/ bdag cag la gtad du gsol/ zhes gsol to/ /de'i tshe tshe dang ldan pa kun dga' bos/ 'di skad ces gsol to/ /bcom ldan 'das mdo sde 'di'i 
mtshan ci zhes bgyi/ /ji ltar yongs su gzung / bcom ldan 'das kyis/ kun dga' bo la bka' stsal pa/ mdo sde 'di'i ming / dge ba'i dngos po kun bsdu ba zhes kyang bya/ thabs mkhas pa chen po zhes kyang bya/ dgongs 
pa dam pa'i spyod pa zhes kyang bya/ sangs rgyas drin lan bsab pa zhes kyang bya'o/ /bcom ldan 'das kyis/ kun dga' bo dang / byang chub sems dpa' sems dpa' chen po rnams la 'di skad ces bka' stsal to/ /khyed rnams 
ji ltar bstan pa bzhin du/ nan tan du spyod cig /sangs rgyas kyis yongs su gdams pa'i le'u 'di bstan pa'i tshe/ nyan thos bdun khri nyis stong gis/ bla na med pa'i byang chub tu sems bskyed par gyur to/ /gzhan yang / lha 
dang / klu dang / gnod sbyin dang / dri za dang / mi 'am ci dang / lto 'phye chen po dang / mi dang / mi ma yin pa dang / de la sogs pa thams cad sangs rgyas kyis gsungs pa la rjes su yi rang bar gyur to/ /thabs mkhas 
pa chen po sangs rgyas drin lan bsab pa'i mdo las/ nye bar bsnyen pa'i le'u zhes bya ste dgu pa'o// //thabs mkhas pa chen po sangs rgyas drin lan bsab pa zhes bya ba'i mdo rdzogs so// //

</font><hr>

</table>