D360

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>D360</h1><td>(<a href="https://adarsha.dharma-treasure.org/kdbs/degekangyur" target="new2">e-text produced by ADARSHA</a>)<br><br><a href="verif2.php?id=D360&coll=derge">see text in Tibetan script</a></table>77-1-1b<br><font size=+1>

@##/ /rgya gar skad du/ many+dzu shrI dz+nyA na sa twas+ya pa ra mAr+tha nA ma saM gI ti/ bod skad du/ 'jam dpal ye shes sems dpa'i don dam pa'i mtshan yang dag par brjod 
pa/'jam dpal gzhon nur gyur pa la phyag 'tshal lo/ /de nas dpal ldan rdo rje 'chang / /gdul dka' 'dul ba rnams kyi mchog /dpa' bo 'jig rten gsum 
las rgyal/ /rdo rje dbang phyug gsang ba'i rgyal/ /rnam rgyas pad+ma dkar po'i spyan/ /pad+ma rab tu rgyas pa'i zhal/ /rang gi lag gis rdo rje mchog /yang dang yang du 
gsor byed pa/ /khro gnyer ldan pa'i rlabs la sogs/ /lag na rdo rje mtha' yas pa/ /dpa' bo gdul dka' 'dul ba po/ /dpa' bo 'jigs rung gzugs can 
dang / /rdo rje rtse mo rab 'phro ba/ /rang gi lag gis gsor byed pa/ /shes rab thabs dang snying rje che/ /'gro don byed pa rnams kyi mchog /dga' mgu rangs pa'i bsam 

</font><hr>77-1-2a<br><font size=+1>

pa can/ /khro bo'i lus kyi gzugs ldan pa/ /sangs rgyas phrin las byed pa'i mgon/ /lus btud rnams dang lhan cig tu/ /mgon po bcom ldan de bzhin gshegs/ /rdzogs sangs rgyas la phyag 'tshal te/ /thal mo sbyar 
ba byas gyur nas/ /spyan sngar 'dug ste 'di skad gsol/ /khyab bdag bdag la sman pa dang / /bdag don bdag la thugs brtse'i phyir/ /sgyu 'phrul dra bas mngon rdzogs pa'i/ /byang chub ji ltar bdag thob mdzod/ /nyon mongs pas ni sems 
dkrugs shing / /mi shes 'dam du bying ba yi/ /sems can kun la sman pa dang / /bla med 'bras bu thob bya'i phyir/ /bcom ldan ston pa rdzogs sangs rgyas/ /'gro ba'i bla mas bshad du gsol/ /dam tshig chen po de nyid mkhyen/ /
dbang po bsam pa rig pa mchog /bcom ldan 'das kyi ye shes sku/ /gtsug tor chen po'i tshig gi bdag /'jam dpal ye shes sems dpa' yi/ /ye shes sku ste rang byung ba/ /don zab don ni rgya che zhing / /don chen mtshungs med rab zhi 
ba/ /thog ma bar dang mthar dge ba/ /mtshan yang dag par brjod pa mchog /'das pa'i sangs rgyas rnams kyis gsungs/ /ma 'ongs rnams kyang gsung 'gyur la/ /da ltar byung ba'i rdzogs sangs rgyas/ /gang yang yang yang gsungs pa 
gang / /rgyud chen rgyu 'phrul dra ba 'dir/ /rdo rje 'chang chen gsang sngags 'chang / /dpag med rnams kyis dgyes pa yis/ /gang yang yang dag rab gsungs pa/ /bdag kyang 'di ni gzung bar bgyi/ /bsam pa brtan pos nges 'byung bar/ /

</font><hr>77-1-2b<br><font size=+1>

mgon po rdzogs sangs rgyas kun gyi/ /gsang 'dzin ji ltar bdag 'gyur bgyi/ /nyon mongs ma lus bsal ba dang / /mi shes ma lus spang ba'i phyir/ /sems can rnams kyi bsam pa yi/ /khyad par ji bzhin rab bshad 'tshal/ /gsang dbang lag 
na rdo rje yis/ /de bzhin gshegs la de skad du/ /gsol btab thal mo sbyar byas te/ /lus btud nas ni spyan sngar 'dug /gsol ba 'debs pa'i tshigs su bcad pa bcu drug go//  //de nas bcom ldan shAkya thub/ /rdzogs pa'i sangs rgyas rkang gnyis 
mchog /nyid kyi zhal nas ljags bzang dge/ /ring zhing yangs pa brkyang mdzad de/ /'jig rten gsum po snang byed cing / /bdud bzhi'i dgra rnams 'dul byed pa/ /'jig rten rnams kyi ngan song gsum/ /sbyong bar byed pa'i 'dzum bstan nas/ /tshangs 
pa'i gsung ni snyan pa yis/ /'jig rten gsum po kun bkang ste/ /lag na rdo rje stobs po che/ /gsang dbang la ni slar gsungs pa/ /legs so dpal ldan rdo rje 'chang / /lag na rdo rje khyod legs so/ /'gro la phan pa'i don du khyod/ /snying rje che dang 
ldan gyur cing / /'jam dpal ye shes sku yi mtshan/ /yang dag brjod pa don che ba/ /dag par byed cing sdig sel ba/ /nga las mnyan par brtson pa ni/ /gsang ba'i bdag po khyod legs so/ /de phyir 'di ni ngas bshad bya/ /khyod ni rtse gcig yid kyis 
nyon/ /bcom ldan de ni legs zhes gsol/ /lan gyi gsung tshigs su bcad pa drug go// //de nas bcom ldan shAkya thub/ /gsang sngags mtha' dag rigs chen po/ /gsang sngags rig pa 'chang ba'i rigs/ /rigs gsum la ni rnam par 
gzigs/ /'jig rten 'jig rten 'das pa'i rigs/ /'jig rten snang byed rigs chen dang / /phyag rgya chen po'i rigs mchog dang / /gtsug tor chen po'i rigs chen no/ /rigs drug la gzigs pa'i tshigs su bcad pa gnyis so// //gsang sngags rgyal 

</font><hr>77-1-3a<br><font size=+1>

po drug ldan zhing / /gnyis su med par 'byung ba dang / /skye ba med pa'i chos can 'di/ /tshig gi bdag pos tshigs bcad gsungs/ /a A/ i I/ u U/ e ai/ o au/ aM aH/ s+thi to hr-i di/ dz+nyAnamU rtir ha~M bud+d+ho bud+d+hA nA~M/ t+r+yad+h+wa 
brtI nAM/ oM badzra tIk+Sh+Na duHkha ts+tshe da/ pradz+nyA dz+nyA na mUr+t+ta ye/ dz+nyA na kA ya/ wA gI shwa ra/ a ra pa tsa nA ya te namaH /sgyu 'phrul dra bas mngon par rdzogs par byang chub ba'i rim pa tshigs su bcad pa gsum mo// //'di ltar sangs rgyas bcom ldan 'das/ /rdzogs pa'i 
sangs rgyas a yig byung / /a yig yig 'bru kun gyi mchog  /don chen 'gyur med dam pa yin/ /srog chen po ste skye ba med/ /tshig tu brjod pa spangs pa ste/ /brjod pa kun gyi rgyu yi mchog /tshig kun rab tu gsal bar byed/ /mchod pa chen po 'dod chags 
che/ /sems can thams cad dga' bar byed/ /mchod pa chen po zhe sdang che/ /nyon mongs kun gyi dgra che ba/ /mchod pa chen po gti mug che/ /gti mug blo ste gti mug sel/ /mchod pa chen po khro ba che/ /khro ba chen po dgra che ba/ /mchod pa chen po chags 
pa che/ /chags pa thams cad sel bar byed/ /'dod pa chen po bde ba che/ /dga' ba chen po mgu ba che/ /gzugs che lus kyang che ba ste/ /kha dog che zhing lus bong che/ /ming yang che zhing rgya che ba/ /dkyil 'khor chen po yangs pa yin/ /shes rab chen 
po'i mtshon 'chang ba/ /nyon mongs lcags kyu che ba'i mchog /grags chen snyan grags chen po ste/ /snang ba chen po gsal ba che/ /mkhas pa sgyu 'phrul chen po 'chang / /sgyu 'phrul chen po don grub pa/ /sgyu 'phrul chen po dga' bas dga'/ /sgyu 'phrul chen po 
mig 'phrul can/ /sbyin bdag chen po gtso bo ste/ /tshul khrims chen po 'chang ba'i mchog /bzod chen 'chang ba brtan pa ste/ /brtson 'grus chen po pha rol gnon/ /bsam gtan chen po ting 'dzin gnas/ /shes rab chen po lus 'chang ba/ /stobs 

</font><hr>77-1-3b<br><font size=+1>

po che la thabs che ba/ /smon lam ye shes rgya mtsho ste/ /byams chen rang bzhin dpag tu med/ /snying rje chen po blo yi mchog /shes rab chen po blo chen ldan/ /thabs chen byed pa chen po ste/ /rdzu 'phrul chen po stobs dang ldan/ /shugs chen mgyogs pa chen 
po ste/ /rdzu 'phrul chen po cher grags pa/ /stobs chen pha rol gnon pa po/ /srid pa'i ri bo chen po 'joms/ /mkhregs shing rdo rje chen po 'chang / /drag po chen po drag shul che/ /'jigs chen 'jigs par byed pa po/ /mgon po rigs mchog chen po ste//
bla ma gsang sngags che ba mchog /theg pa chen po'i tshul gnas pa/ /theg pa chen po'i tshul gyi mchog /rdo rje dbyings kyi dkyil 'khor chen po'i tshigs su bcad pa bcu bzhi'o// //sangs rgyas rnam par snang mdzad che/ /thub pa chen po thub chen ldan/ /
gsang sngags tshul chen las byung ba/ /gsang sngags tshul chen bdag nyid can/ /pha rol phyin bcu thob pa ste/ /pha rol phyin pa bcu la gnas/ /pha rol phyin bcu dag pa ste/ /pha rol phyin pa bcu yi tshul/ /sa bcu'i dbang phyug mgon po ste/ /sa bcu la ni rab tu 
gnas/ /shes bcu rnam dag bdag nyid can/ /shes bcu rnam dag 'chang ba po/ /rnam pa bcu po don bcu'i don/ /thub dbang stobs bcu khyab pa'i bdag /kun gyi don ni ma lus byed/ /rnam bcu dbang ldan che ba po/ /thog ma med pa spros med bdag /de 
bzhin nyid bdag dag pa'i bdag /yang dag smra zhing tshig gzhan med/ /ji skad smra ba de bzhin byed/ /gnyis su med dang gnyis med smra/ /yang dag mtha' la rnam par gnas/ /bdag med seng ge'i sgra dang ldan/ /mu stegs ri dgas ngan 'jigs byed/ /kun 
tu 'gro ba'i don yod bgrod/ /de bzhin gshegs pa'i yid ltar mgyogs/ /rgyal ba dgra rgyal rnam par rgyal/ /'khor los sgyur ba stobs po che/ /tshogs kyi slob dpon tshogs kyi gtso/ /tshogs rje tshogs bdag dbang dang ldan/ /mthu chen gces pa 'dzin pa 

</font><hr>77-1-4a<br><font size=+1>

ste/ /tshul chen gzhan gyis 'dren pa min/ /tshig rje tshig bdag smra mkhas pa/ /tshig la dbang ba tshig mtha' yas/ /tshig bden bden par smra ba dang / /bden pa bzhi ni ston pa po/ /phyir mi ldog pa phyir mi 'ong / /bse ru so sor 'dren pa ste/ /
nges 'byung sna tshogs nges 'byung ba/ /'byung ba chen po rgyu gcig pa/ /dge slong dgra bcom zag pa zad/ /'dod chags bral ba dbang po thul/ /bde ba rnyed pa 'jigs med thob/ /bsil bar gyur pa gos pa med/ /rig pa dang ni rkang par ldan/ /bde gshegs 
'jig rten rig pa mchog /bdag gir mi 'dzin ngar mi 'dzin/ /bden pa gnyis kyi tshul la gnas/ /'khor ba'i pha rol mthar gnas pa/ /bya ba byas pa skam sar gnas/ /ye shes 'ba' zhig nges 'byung ba/ /shes rab mtshon chas rnam 'joms pa/ /dam 
chos chos rgyal gsal bar ldan/ /'jig rten snang bar byed pa'i mchog /chos kyi dbang phyug chos kyi rgyal/ /legs pa'i lam ni ston pa po/ /don grub grub pa'i kun rtog ni/ /kun tu rtog pa thams cad spangs/ /rnam par mi rtog dbyings mi zad/ /chos 
dbyings dam pa zad pa med/ /bsod nams ldan pa bsod nams tshogs/ /ye shes ye shes 'byung gnas che/ /ye shes ldan pa yod med shes/ /tshogs gnyis tshogs dang yang dag ldan/ /rtag par kun rgyal rnal 'byor can/ /bsam gtan bsam bya blo 
yi bdag /so so rang rig mi g.yo ba/ /mchog gi dang po sku gsum 'chang / /sangs rgyas sku lnga'i bdag nyid can/ /khyab bdag ye shes lnga yi bdag /sangs rgyas lnga bdag cod pan can/ /spyan lnga chags pa med pa 'chang / /sangs rgyas thams cad 
skyed pa po/ /sangs rgyas sras po dam pa mchog /shes rab srid 'byung skye gnas te/ /chos kyi skye gnas srid mthar byed/ /gcig pu sra mkhregs rdo rje'i bdag /'phral du skyed pa 'gro ba'i bdag /nam mkha' las byung rang byung ba/ /shes rab ye shes me 

</font><hr>77-1-4b<br><font size=+1>

bo che/ /'od chen rnam par snang bar byed/ /ye shes snang ba lam me ba/ /'gro ba'i mar me ye shes sgron/ /gzi brjid chen po 'od gsal ba/ /rig pa'i rgyal mchog sngags dbang po/ /gsang sngags rgyal po don chen byed/ /gtsug tor chen po rmad byung 
gtsug /nam mkha'i bdag po sna tshogs ston/ /sangs rgyas kun bdag dngos po mchog /'gro ba dga' ba'i mig dang ldan/ /sna tshogs gzugs can skyed pa po/ /mchod 'os rjed 'os drang srong che/ /rigs gsum 'chang ba gsang sngags ldan/ /dam 
tshig chen po gsang sngags 'dzin/ /gtso bo dkon mchog gsum 'dzin pa/ /theg pa gsum mchog ston pa po/ /don yod zhags pa rnam par rgyal/ /'dzin pa chen po rdo rje zhags/ /rdo rje lcags kyu zhags pa che/ /shin tu rnam par dag pa chos kyi dbyings kyi 
ye shes kyi tshigs su bcad pa rkang pas dman pa nyi shu rtsa lnga'o// //rdo rje 'jigs byed 'jigs par byed/ /khro bo'i rgyal po gdong drug 'jigs/ /mig drug lag drug stobs dang ldan/ /keng rus mche ba gtsigs pa po/ /ha la ha la gdong brgya pa/ /gshin rje 
mthar byed bgegs kyi rgyal/ /rdo rje shugs can 'jigs byed pa/ /rdo rje grags pa rdo rje'i snying / /sgyu 'phrul rdo rje gsus po che/ /rdo rje'i skye gnas rdo rje'i dbang / /rdo rje snying po mkha' 'dra ba/ /mi g.yo ral pa gcig bsgyings pa/ /glang chen pags pa 
rlon pa 'chang / /drag chen hA hA zhes sgrogs pa/ /hI hI zhes sgrogs 'jigs par byed/ /gad mo chen po gad rgyangs can/ /rdo rje gad mo cher sgrogs pa/ /rdo rje sems dpa' sems dpa' che/ /rdo rje rgyal po bde ba che/ /rdo rje gtum po dga' ba che/ /rdo rje hUM mdzad 
hUM gi gzugs/ /rdo rje mda' yi mtshon 'chang ba/ /rdo rje ral gris gcod mdzad pa/ /rdo rje kun 'chang rdo rje can/ /rdo rje gcig pu g.yul sel ba/ /rdo rje 'bar ba gtsigs pa'i mig /mgo skyes rdo rje 'bar ba ste/ /rdo rje 'bebs pa 'bebs pa che/ /mig 

</font><hr>77-1-5a<br><font size=+1>

brgya pa ste rdo rje'i mig /rdo rje'i spu ni myu gu lus/ /rdo rje'i spu ni lus gcig pu/ /rdo rje rtse mo sen mos brtsams/ /rdo rje snying po pags pa mkhregs/ /rdo rje phreng thogs dpal dang ldan/ /rdo rje rgyan gyis brgyan pa ste/ /gad rgyangs hA hA nges par sgrogs/ /
yi ge drug pa rdo rje'i sgra/ /'jam pa'i dbyangs ni sgra che ba/ /'jig rten gsum gcig sgra chen po/ /nam mkha'i khams kyi mthar thug sgra/ /sgra dang ldan pa rnams kyi mchog /me long lta bu'i ye shes kyi tshigs su bcad pa rkang pa dang bcas pa bcu'o// //
yang dag bdag med de bzhin nyid/ /yang dag mtha' ste yi ge med/ /stong nyid smra ba'i khyu mchog ste/ /zab cing rgya che'i sgra sgrogs pa/ /chos kyi dung ste sgra chen po/ /chos kyi gaN+DI sgra bo che/ /rab tu mi gnas mya ngan 'das/ /phyogs bcu chos kyi rnga bo che/ /
gzugs med gzugs ldan dam pa ste/ /sna tshogs gzugs can yid rang bzhin/ /gzugs rnams thams cad snang ba'i dpal/ /gzugs brnyan ma lus 'chang ba po/ /snang ba med cing che bar grags/ /khams gsum dbang phyug chen po ste/ /'phags lam shin 
tu mtho la gnas/ /chos kyi tog ni cher 'byung ba/ /'jig rten gsum po gcig gzhon lus/ /gnas brtan rgan po skye dgu'i bdag /sum cu rtsa gnyis mtshan 'chang ba/ /sdug gu 'jig rten gsum na mdzes/ /slob dpon 'jig rten yon tan shes/ /'jig 
rten slob dpon 'jigs pa med/ /mgon skyob 'jig rten gsum khyab pa/ /skyabs dang skyob pa bla na med/ /nam mkha' khyab par longs spyod pa/ /thams cad mkhyen pa ye shes mtsho/ /ma rig sgo nga'i sbubs 'byed pa/ /srid pa'i dra ba 'joms pa po/ /nyon mongs 
ma lus zhi byed pa/ /'khor ba'i rgya mtsho'i pha rol son/ /ye shes dbang bskur cod pan can/ /yang dag rdzogs pa'i sangs rgyas rgyan/ /sdug bsngal gsum gyi sdug bsngal zhi/ /gsum mtha' mtha' yas grol gsum pa/ /sgrib pa thams cad nges par grol/ /

</font><hr>77-1-5b<br><font size=+1>

mkha' ltar mnyam pa nyid la gnas/ /nyon mongs dri ma kun las 'das/ /dus gsum dus med rtogs par gnas/ /sems can kun gyi klu chen po/ /yon tan thod can rnams kyi thod/ /lhag ma kun las rnam grol ba/ /nam mkha'i lam la rab gnas pa/ /
yid bzhin nor bu chen po 'chang / /khyab bdag rin chen kun gyi mchog /dpag bsam shing chen rgyas pa ste/ /bum pa bzang po che ba'i mchog /byed pa sems can kun don byed/ /phan 'dogs sems can mnyes gshin pa/ /bzang ngan shes shing dus shes pa/ /
khyab bdag dam shes dam tshig ldan/ /dus shes sems can dbang po shes/ /rnam grol gsum la mkhas pa po/ /yon tan ldan zhing yon tan shes/ /chos shes rab zhi bkra shis 'byung / /bkra shis kun gyi bkra shis pa/ /grags pa dpal mo snyan pa dge/ /
dbugs 'byin chen po dga' ston che/ /dga' ba chen po rol pa che/ /bkur sti rim gro phun sum tshogs/ /rab tu dga' ba grags bdag dpal/ /mchog ldan mchog sbyin gtso bo ste/ /skyabs kyi dam pa skyabs su 'os/ /rab mchog 'jigs pa chen po'i dgra/ /
'jigs pa ma lus sel ba po/ /gtsug phud phud bu ral pa can/ /ral pa mgo reg cod pan ldan/ /gdong lnga gtsug phud lnga dang ldan/ /zur phud lnga dang ldan pa'i thod/ /mgo zlum brtul zhugs chen po 'chang / /tshangs par spyod pa brtul zhugs mchog /
dka' thub mthar phyin dka' thub che/ /khrus ldan go'u ta ma mchog /bram ze tshangs pa tshangs pa rig /tshangs pa mya ngan 'das pa thob/ /grol ba thar pa rnam grol lus/ /rnam grol zhi ba zhi ba nyid/ /mya ngan 'das zhi mya ngan 'das/ /legs par nges 'byung 
mthar byed pa/ /bde dang sdug bsngal mthar byed gnas/ /'dod chags bral ba brtags pa zad/ /thub pa med pa dpe med pa/ /gsal min mi snang gos pa med/ /cha med kun 'gro khyab pa po/ /phra mo sa bon zag pa med/ /rdul med rdul bral dri ma med/ /

</font><hr>77-1-6a<br><font size=+1>

nyes pa spangs pa skyon med pa/ /shin tu rab sad rnam sad bdag /thams cad ye shes kun rig mchog /rnam par shes pa'i chos nyid 'das/ /ye shes gnyis med tshul 'chang ba/ /rnam par rtog med lhun gyis grub/ /dus gsum sangs 
rgyas las byed pa/ /sangs rgyas thog ma tha ma med/ /dang po'i sangs rgyas ris med pa/ /ye shes mig gcig dri ma med/ /ye shes lus can de bzhin gshegs/ /tshig gi dbang phyug smra ba che/ /smra ba'i skyes mchog smra ba'i rgyal/ /smra ba'i dam pa mchog gi 
gnas/ /smra ba'i seng ge thub pa med/ /kun tu lta ba mchog tu dga'/ /gzi brjid phreng ldan blta na sdug /'od bzang 'bar ba dpal gyi be'u/ /snang ba gsal bar byed pa'i 'od/ /sman pa che mchog gtso bo ste/ /zug rngu 'byin pa bla na med/ /sman rnams 
ma lus ljon pa'i shing / /nyon mongs nad kyi dgra che ba/ /sdug gu 'jig rten gsum gyi mchog /dpal ldan rgyu skar dkyil 'khor can/ /phyogs bcu nam mkha'i mthar thug pa/ /chos kyi rgyal mtshan chen po bsgreng / /'gro ba'i gdugs gcig yangs pa ste/ /
byams dang snying rje'i dkyil 'khor can/ /dpal ldan pad+ma gar dbang phyug /khyab bdag chen po rin chen gdugs/ /sangs rgyas kun gyi rgyal po che/ /sangs rgyas kun bdag dngos po 'dzin/ /sangs rgyas kun gyi rnal 'byor che/ /sangs rgyas kun gyi bstan 
pa gcig /rdo rje rin chen dbang bskur dpal/ /rin chen kun bdag dbang phyug ste/ /'jig rten dbang phyug kun gyi bdag /rdo rje kun 'chang mnga' bdag ste/ /sangs rgyas kun gyi thugs che ba/ /sangs rgyas kun gyi thugs la gnas/ /sangs rgyas kun gyi sku 
che ba/ /sangs rgyas kun gyi mtsho dang ldan/ /rdo rje nyi ma snang ba che/ /rdo rje zla ba dri med 'od/ /chags bral dang po chags pa che/ /kha dog sna tshogs 'bar ba'i 'od/ /rdo rje skyil krung rdzogs sangs rgyas/ /sangs rgyas brjod pa'i chos 'dzin pa/ /dpal 

</font><hr>77-1-6b<br><font size=+1>

ldan sangs rgyas pad+ma skyes/ /kun mkhyen ye shes mdzod 'dzin pa/ /rgyal po sgyu 'phrul sna tshogs 'chang / /che ba sangs rgyas rig pa 'chang / /rdo rje rnon po ral gri che/ /rnam par dag pa 'gyur med mchog /theg pa chen po sdug bsngal gcod/ /mtshon cha 
chen po rdo rje chos/ /rdo rje zab mo dzin dzika /rdo rje blo gros don bzhin rig /pha rol phyin pa kun rdzogs pa/ /sa rnams thams cad rnam par brgyan/ /rnam par dag pa bdag med chos/ /yang dag ye shes zla 'od bzang / /sgyu 'phrul dra ba rnal 'byor che/ /
rgyud kun gyi ni bdag po mchog /ma lus rdo rje skyil krung ste/ /ye shes sku rnams ma lus 'chang / /kun tu bzang po blo gros bzang / /sa yi snying po 'gro ba 'dzin/ /sangs rgyas kun gyi snying po che/ /sna tshogs sprul pa'i 'khor lo 'chang / /dngos po kun gyi rang bzhin mchog /dngos po kun 
gyi rang bzhin 'dzin/ /skye med chos te sna tshogs don/ /chos kun ngo bo nyid 'chang ba/ /skad cig gcig la shes rab ches/ /chos kun khong du chud pa 'chang / /chos kun mngon par rtogs pa ste/ /thub pa blo mchog 
yang dag mtha'/ /mi g.yo rab tu dang ba'i bdag /rdzogs pa'i sangs rgyas byang chub 'chang / /sangs rgyas kun gyi mngon sum pa/ /ye shes me lce 'od rab gsal/ /so sor gzigs pa'i ye shes kyi tshigs su bcad pa bzhi bcu rtsa gnyis so// //'dod 
pa'i don sgrub dam pa ste/ /ngan song thams cad rnam sbyong ba/ /mgon po sems can kun gyi mchog /sems can thams cad rab grol byed/ /nyon mongs g.yul du gcig dpa' ba/ /mi shes dgra yi dregs pa 'joms/ /blo ni sgeg 'chang dpal dang ldan/ /
dpa' bo mi sdug gzugs 'chang ba/ /lag pa'i dbyug pa brgya bskyod cing / /rkang pa bskyod pas gar byed pa/ /dpal ldan lag pa brgyas gang la/ /nam mkha' khyab par gar byed pa/ /rkang pa gcig gis mthil gnon pa/ /sa yi snying po'i mthil la gnas/ /

</font><hr>77-1-7a<br><font size=+1>

tshangs pa'i sgo nga'i rtse mo gnon/ /rkang mtheb sen mo la gnas pa/ /don gcig gnyis med chos kyi don/ /dam pa'i don de 'jig pa med/ /rnam rig sna tshogs rang bzhin don/ /sems dang rnam shes rgyud dang ldan/ /dngos po ma lus don dga' ba/ /stong 
ba nyid dga' 'dod chags blo/ /srid pa'i 'dod chags la sogs 'das/ /srid pa gsum po dga' ba che/ /dag pa sprin dkar bzhin du dkar/  /'od bzang ston ka'i zla ba'i 'od/ /nyi ma 'char ka'i dkyil ltar mdzes/ /'dod chags chen po sen mo'i 'od/ /zur phud bzang 
po mthon ka'i mchog /skra mchog mthon ka chen po 'chang / /nor bu chen po 'od chags dpal/ /sangs rgyas sprul pa'i rgyan dang ldan/ /'jig rten khams brgya kun bskyod pa/ /rdzu 'phrul rkang pa stobs chen ldan/ /de nyid dran pa chen po 'chang / /dran 
pa bzhi po ting 'dzin rgyal/ /byang chub yan lag me tog dga'/ /de bzhin gshegs pa yon tan mtsho/ /lam gyi yan lag brgyad tshul rig /yang dag sangs rgyas lam rig pa/ /sems can kun la shas cher chags/ /nam mkha' lta bur chags 
pa med/ /sems can kun gyi yid las skyes/ /sems can kun gyi yid ltar mgyogs/ /sems can kun gyi dbang don shes/ /sems can kun gyi yid 'phrog pa/ /phung po lnga don de nyid shes/ /rnam dag phung po lnga 'chang ba/ /thams cad nges 
'byung mtha' la gnas/ /thams cad nges par 'byung ba mkhas/ /thams cad nges 'byung lam la gnas/ /thams cad nges 'byung ston pa po/ /yan lag bcu gnyis srid rtsa bton/ /dag pa rnam pa bcu gnyis 'chang / /bden bzhi'i tshul gyi 
rnam pa can/ /shes pa brgyad po rtogs pa 'chang / /bden don rnam pa bcu gnyis ldan/ /de nyid rnam pa bcu drug rig /rnam pa nyi shus byang chub pa/ /rnam par sangs rgyas kun rig mchog /dpag med sangs rgyas sprul pa yi/ /sku ni bye ba 'gyed pa 

</font><hr>77-1-7b<br><font size=+1>

po/ /skad cig thams cad mngon par rtogs/ /sems kyi skad cig don kun rig /theg pa sna tshogs thabs tshul gyis/ /'gro ba'i don gyi rnam dbye can/ /theg pa gsum gyi nges 'byung ni/ /theg pa gcig gi 'bras bur gnas/ /nyon mongs khams 
rnams dag pa'i bdag /las kyi khams rnams zad byed pa/ /chu bo rgya mtsho kun las brgal/ /sbyor ba'i dgon pa las byung ba/ /nyon mongs nye nyon kun nyon mongs/ /bag chags bcas pa rab spangs pa/ /snying rje chen po shes rab thabs/ /don yod 
'gro ba'i don byed pa/ /'du shes thams cad rab spangs don/ /rnam shes don ni 'gog pa 'chang / /sems can kun gyi yid kyi yul/ /sems can kun gyi yid gnas pa/ /sems can kun gyi yid nang gnas/ /de dag sems dang mnyam nyid son/ /
sems can kun yid tshim par byed/ /sems can kun gyi yid dga' ba/ /grub mtha' 'khrul pa ldan pa min/ /'khrul pa thams cad rnam par spangs/ /don gsum the tsom med pa'i blo/ /kun don yon tan gsum gyi bdag /dus gsum phung po lnga yi 
don/ /skad cig thams cad rnam bsgom pa/ /skad cig gcig mngon rdzogs sangs rgyas/ /sangs rgyas kun gyi rang bzhin 'chang / /lus med sku ste sku yi mchog /sku ni bye ba rnam par 'gyed/ /gzugs rnams ma lus kun tu ston/ /nor bu chen po 
rin chen tog /mnyam pa nyid kyi ye shes kyi tshigs su bcad pa nyi shu rtsa bzhi'o// //sangs rgyas kun gyis rtogs bya ba/ /sangs rgyas byang chub bla na med/ /gsang sngags skye gnas yi ge med/ /gsang sngags chen po rigs gsum pa/ /gsang 
sngags don kun skyed pa po/ /thig le chen po yi ge med/ /stong pa chen po yi ge lnga/ /thig le stong pa yi ge drug /rnam pa thams cad rnam pa med/ /bcu drug phyed phyed thig le 'chang / /cha med cha ldan las 'das pa/ /bsam gtan bzhi pa'i rtse mo 

</font><hr>77-1-8a<br><font size=+1>

'chang / /bsam gtan yan lag kun shes shing / /ting 'dzin rig dang rgyud rig pa/ /ting 'dzin sku ste sku yi mchog /longs spyod rdzogs sku kun gyi rgyal/ /sprul pa'i sku ste sku yi mchog /sangs rgyas sprul pa'i rgyud 'chang ba/ /phyogs 
bcur sprul pa sna tshogs 'gyed/ /ji bzhin 'gro ba'i don byed pa/ /lha yi dbang po lha yi lha/ /lha min dbang po sbyin byed bdag /lha yi bla ma 'chi med dbang / /rab 'joms rab 'joms dbang phyug go/ /srid pa'i dgon pa las brgal ba/ /ston pa 
gcig pu 'gro ba'i bla/ /'jig rten phyogs bcur rab grags pa/ /chos kyi sbyin bdag che ba po/ /byams pa'i go cha chas pa ste/ /snying rje yi ni ya lad bgos/ /shes rab ral gri mda' gzhu thogs/ /nyon mongs mi shes g.yul ngo sel/ /dpa' bo 
bdud dgra bdud 'dul ba/ /bdud bzhi'i 'jigs pa mthar byed pa/ /bdud dpung thams cad pham par byed/ /rdzogs pa'i sangs rgyas 'jig rten 'dren/ /mchod 'os bstod 'os phyag gi gnas/ /rtag tu rim gro bya ba'i 'os/ /bkur 'os rjed bar bya ba'i 
'os/ /phyag byar 'os pa bla ma'i mchog /'jig rten gsum po gom gcig bgrod/ /mkha' ltar mtha' med rnam par gnon/ /gsum rig gtsang ma dag pa ste/ /mngon shes drug ldan rjes dran drug /byang chub sems dpa' sems dpa' che/ /rdzu 
'phrul chen po 'jig rten 'das/ /shes rab pha rol phyin pa'i mtha'/ /shes rab kyi ni de nyid thob/ /bdag rig gzhan rig thams cad pa/ /kun la phan pa'i gang zag mchog /'jig rten dpe las 'das pa ste/ /shes dang shes bya'i bdag po mchog /
gtso bo chos kyi sbyin pa'i bdag /phyag rgya bzhi po'i don ston pa/ /'gro ba'i bsnyen bkur gnas kyi mchog /nges 'byung gsum po bgrod rnams kyi/ /don gyi dam pa rnam dag dpal/ /'jig rten gsum gyi skal bzang che/ /dpal ldan 'byor pa kun byed pa/ /

</font><hr>77-1-8b<br><font size=+1>

'jam dpal dpal dang ldan pa'i mchog /bya ba sgrub pa'i ye shes kyi tshigs su bcad pa bco lnga'o// //mchog sbyin rdo rje mchog khyod 'dud/ /yang dag mthar gyur khyod la 'dud/ /stong nyid snying po khyod la 'dud/ /stong nyid snying po khyod la 'dud/ /sangs rgyas byang chub khyod la 'dud/ /
sangs rgyas chags pa khyod la 'dud/ /sangs rgyas 'dod la phyag 'tshal 'dud/ /sangs rgyas dgyes pa khyod la 'dud/ /sangs rgyas rol la phyag 'tshal 'dud/ /sangs rgyas 'dzum pa khyod la 'dud/ /sangs rgyas snang la phyag 'tshal 'dud/ /sangs rgyas 
gsung ba khyod la 'dud/ /sangs rgyas thugs la phyag 'tshal 'dud/ /dngos med las byung khyod la 'dud/ /sangs rgyas 'byung ba khyod la 'dud/ /nam mkha' las byung khyod la 'dud/ /ye shes las byung khyod la 'dud/ /sgyu 'phrul dra ba khyod la 
'dud/ /sangs rgyas gar mdzad khyod la 'dud/ /thams cad thams cad khyod la 'dud/ /ye shes sku khyod la 'dud do/ /zhes pa de bzhin gshegs pa lnga'i ye shes kyi bstod pa tshigs su bcad pa lnga'o// //lag na rdo rje rdo rje 'chang / /'di ni bcom 
ldan 'das kyi ye shes kyi sku dang / /de bzhin gshegs pa thams cad kyi ye shes kyi sku dang / 'jam dpal ye shes sems dpa'i ma 'dres pa yongs su dag pa'i mtshan yang dag par brjod pa'o/ /khyod kyi bla na med pa'i dga' ba dang rab tu dang ba dang mgu ba chen po 
yang dag par bskyed pa'i don dang / /sku dang gsung dang thugs kyi gsang ba yongs su dag pa'i phyir dang / yongs su ma rdzogs pa dang / yongs su ma dag pa'i sa dang pha rol tu phyin pa dang bsod nams dang ye shes kyi tshogs yongs su rdzogs pa dang / yongs su dag pa'i 
phyir dang / /bla na med pa'i don lhag par ma rtogs pa lhag par rtogs pa'i phyir dang / /ma thob pa thob pa'i phyir dang / ji srid de bzhin gshegs pa thams cad kyi dam pa'i chos kyi tshul yang dag par gzung ba'i don du yang bdag gis bstan pa dang / yang dag par 

</font><hr>77-1-9a<br><font size=+1>

rab tu bshad pa dang / /rnam par bkrol ba dang / rnam par phye ba dang / rab tu gsal bar byas pa dang / byin gyis brlabs pa'o/ /lag na rdo rje rdo rje 'chang / 'di ni ngas khyod kyi rgyud la sngags kyi chos nyid thams cad kyi byin gyi rlabs kyis byin 
gyis brlabs pa'o/ /'di ni 'khor lo dang po'i rjes su bsngags pa bcu gcig go/ /gzhan yang lag na rdo rje rdo rje 'chang / mtshan yang dag par brjod pa 'di ni shin tu yongs su dag pa/ /yongs su byang ba thams cad mkhyen pa'i ye shes dang sku dang gsung dang 
thugs kyi gsang bar gyur pa'o/ /de bzhin gshegs pa thams cad kyi sangs rgyas kyi byang chub pa'o/ /yang dag par rdzogs pa'i sangs rgyas rnams kyi mngon par rtogs pa'o/ /de bzhin gshegs pa thams cad kyi bla na med pa'o/ /bde bar gshegs pa thams 
cad kyi chos kyi dbyings rtogs pa'o/ /rgyal ba rnams kyi bdud kyi stobs thams cad pham par byed pa'o/ /stobs bcu dang ldan pa thams cad kyi stobs bcu'i stobs su gyur pa'o/ /thams cad mkhyen pa'i ye shes rnams kyi thams cad mkhyen pa'o// //chos thams cad kyi 
lung ngo / /sangs rgyas thams cad kyi yang dag par kun chub pa'o/ /byang chub sems dpa' sems dpa' chen po thams cad kyi dri ma med pa shin tu yongs su dag pa bsod nams dang ye shes kyi tshogs yongs su rdzogs pa'o/ /nyan thos dang rang sangs rgyas thams cad kyi 
rab tu skye ba'o/ /lha dang mi thams cad kyi phun sum tshogs pa'i zhing ngo / /theg pa chen po'i rab tu gnas pa'o/ /byang chub sems dpa'i spyod pa'i 'byung khung ngo / /'phags pa'i lam yang dag pa'i mthar thug pa'o/ /rnam par grol ba rnams kyi brtag pa'o/ /nges par 
'byung ba'i lam gyi skyed pa'o/ /de bzhin gshegs pa'i gdung gi rgyun mi 'chad pa'o/ /byang chub sems dpa' chen po'i rigs dang rgyud rab tu 'phel ba'o/ /pha rol gyi rgol ba thams cad kyi tshar gcod pa'o/ /mu stegs pa thams cad kyi rnam par 'joms pa'o/ /bdud 

</font><hr>77-1-9b<br><font size=+1>

bzhi'i stobs dang dpung dang sde rnams kyi pham par byed pa'o/ /sems can thams cad kyi yang dag par sdud pa'o/ /nges par 'byung bas bgrod pa thams cad kyi 'phags pa'i lam yongs su smin pa'o/ /tshangs pa'i gnas bzhi la gnas pa rnams kyi ting nge 'dzin to/ /
sems rtse gcig pa rnams kyi bsam gtan no/ /lus dang ngag dang yid mngon par sbyor ba rnams kyi rnal 'byor ro/ /yang dag par sbyor ba thams cad kyi kun tu sbyor ba dang bral ba'o/ /nyon mongs pa dang nye ba'i nyon mongs pa thams cad kyi spong ba'o/ /sgrib pa thams cad 
kyi nye bar zhi ba'o/ /'ching ba thams cad kyi rnam par grol ba'o/ /lhag ma thams cad kyi thar pa'o/ /sems nye bar 'phro ba thams cad kyi zhi ba'o/ /'byor pa thams cad kyi 'byung gnas so/ /rgud pa thams cad kyi rab tu 'joms pa'o/ /ngan song gi sgo thams cad kyi 'gebs pa'o/ /
rnam par grol ba'i grong khyer gyi lam dam pa'o/ /'khor ba'i 'khor lo'i rab tu mi 'jug pa'o/ /chos kyi 'khor lo'i rab tu bskor ba'o/ /de bzhin gshegs pa'i bstan pa'i gdugs dang rgyal mtshan dang ba dan rab tu bsgreng ba'o/ /dam pa'i chos ston pa'i lhag par 
gnas pa'o/ /byang chub sems dpa'i sngags kyi sgo'i spyad pa spyod pa rnams kyi myur du grub pa'o/ /shes rab kyi pha rol tu phyin pa rnams la mngon par sbyor ba rnams kyi sgom pa lhag par rtogs pa'o/ /gnyis su med pa so sor rtog pa sgom pa mngon par sbyor ba rnams 
kyi stong pa nyid so sor rtogs pa'o/ /pha rol tu phyin pa dang tshogs thams cad kyi skyed pa'o/ /yongs su dag pa'i sa dang pha rol tu phyin pa thams cad kyi yongs su rdzogs pa'o/ /yang dag pa'i 'phags pa'i bden pa bzhi po rnams kyi so sor rtogs pa'o/ /dran pa 
nye bar gzhag pa bzhi po rnams kyi chos thams cad gcig pa'i so sor rtogs pa'o/ /mtshan yang dag par brjod pa 'di ni ji srid sangs rgyas kyi yon tan thams cad kyi yongs su rdzogs pa'i bar ro/ /'di ni 'khor lo gnyis pa'i rjes su bsngags pa lnga bcu rtsa 

</font><hr>77-1-10a<br><font size=+1>

gnyis so// //gzhan yang lag na rdo rje rdo rje 'chang / mtshan yang dag par brjod pa 'di ni sems can thams cad kyi lus dang ngag dang yid kyis kun tu spyad pa'i sdig pa ma lus pa rab tu zhi bar byed pa'o/ /sems can thams cad kyi ngan song 
thams cad rnam par sbyong ba'o/ /ngan 'gro thams cad zlog pa'o/ /las kyi sgrib ba thams cad yang dag par gcod pa'o/ /mi khom pa brgyad du skye bar 'gyur ba thams cad mi skye bar byed pa'o/ /'jigs pa chen po brgyad nye bar zhi bar byed pa'o/ /rmi lam ngan 
pa thams cad nges par sel bar byed pa'o/ /mtshan ma ngan pa thams cad rnam par sel bar byed pa'o/ /ltas ngan pa dang bgegs thams cad nye bar zhi bar byed pa'o/ /bdud kyi dgra'i las thams cad thag ring du byed pa'o/ /dge ba'i rtsa ba dang bsod nams 
thams cad nye bar 'phel bar byed pa'o/ /tshul bzhin ma yin pa'i yid la byed pa thams cad mi skye bar byed pa'o/ /rgyags pa dang nga rgyal dang dregs pa dang ngar 'dzin pa thams cad nges par 'joms par byed pa'o/ /sdug bsngal dang yid mi bde ba thams cad mi skye bar 
byed pa'o/ /de bzhin gshegs pa thams cad kyi snying por gyur pa'o/ /byang chub sems dpa' thams cad kyi gsang bar gyur pa'o/ /nyan thos dang rang sangs rgyas thams cad kyi gsang chen du gyur pa'o/ /phyag rgya dang sngags thams cad du gyur pa'o/ /chos 
thams cad brjod du med par smra ba rnams kyi dran pa dang shes bzhin yang dag par skyed pa'o/ /bla na med pa'i shes rab dang yid gzhungs par byed pa'o/ /nad med pa dang stobs dang dbang phyug phun sum tshogs par byed pa'o/ /dpal dang dge ba dang zhi ba dang / /legs pa 
rab tu 'phel bar byed pa'o/ /grags pa dang snyan pa dang tshigs su bcad pa dang bstod pa rab tu gsal bar byed pa'o/ /nad dang 'jigs pa chen po thams cad nye bar zhi bar byed pa'o/ /shin tu dag pa rnams kyi shin tu dag pa'o/ /shin tu gtsang ba rnams kyi shin tu gtsang ba'o/ /

</font><hr>77-1-10b<br><font size=+1>

shin tu 'byor ldan rnams kyi shin tu 'byor ldan no/ /shin tu bkra shis pa rnams kyi shin tu bkra shis pa'o/ /skyabs 'dod pa rnams kyi skyabs so/ /gnas med pa rnams kyi gnas so/ /skyob pa 'dod pa rnams kyi skyob pa'o/ /dpung gnyen med pa rnams kyi dpung gnyen no/ /
gling 'dod pa rnams kyi gling du gyur pa'o/ /rten med pa rnams kyi bla na med pa'i rten du gyur pa'o/ /srid pa'i rgya mtsho'i pha rol tu 'gro ba rnams kyi grur gyur pa'o/ /nad thams cad nges par 'joms pa'i phyir sman pa'i rgyal po chen por gyur pa'o/ /blang bar bya ba dang dor bar bya ba'i 
dngos po rnam par dbye ba'i phyir shes rab tu gyur pa'o/ /lta ba ngan pa'i mun pa'i smag rum thams cad bsal ba'i phyir ye shes kyi snang bar gyur pa'o/ /sems can thams cad kyi bsam pa dang / 'dod pa ji lta ba bzhin du yongs su rdzogs pa'i phyir yid bzhin gyi nor bur 
gyur pa'o/ /'jam dpal gyi ye shes kyi sku rab tu thob pa'i phyir thams cad mkhyen pa'i ye shes su gyur pa'o/ /spyan lnga rab tu thob pa'i phyir yongs su dag pa'i ye shes gzigs par gyur pa'o/ /zang zing dang mi 'jigs pa dang chos kyi sbyin pa rab tu gtong ba nyid kyis pha rol tu phyin 
pa drug yongs su rdzogs par gyur pa'o/ /bsod nams dang ye shes kyi tshogs dang ting nge 'dzin yongs su rdzogs pa nyid kyis sa bcu rab tu thob par gyur pa'o/ /gnyis kyi chos dang bral ba'i phyir gnyis su med pa'i chos nyid do/ /lhag par sgro 'dogs pa dang bral ba nyid kyi phyir de 
bzhin nyid kyi rang bzhin dang gzhan ma yin pa'i chos nyid do/ /de bzhin gshegs pa thams cad kyi ye shes kyi sku yongs su dag pa'i rang bzhin nyid kyis yang dag pa'i mtha'i rang bzhin nyid do/ /lta ba ngan pa'i tshang tshing ma lus pa nges par sel ba nyid kyis rnam pa thams cad chen po 
stong pa nyid kyi rang bzhin nyid do/ /mtshan yang dag par brjod pa 'di ni 'di ltar gnyis su med pa'i chos nyid kyi don dang ming yang dag par 'dzin pa rab tu gsal bar byed pa nyid kyis chos thams cad brjod du med par gyur pa'o/ /'di ni 'khor lo gsum pa'i rjes su bsngags pa lnga bcu rtsa gnyis 

</font><hr>77-1-11a<br><font size=+1>

so// //gzhan yang lag na rdo rje rdo rje 'chang / rigs kyi bu'am rigs kyi bu mo gang la la sngags kyi sgo'i spyad pa spyod pas/ bcom ldan 'das 'jam dpal ye shes sems dpa'i ye shes kyi sku/ de bzhin gshegs pa thams cad kyi ye shes kyi sku gnyis 
su med pa don dam pa'i mtshan yang dag par brjod pa/ gtsug gi nor bu zhes bya ba 'di mtha' dag yongs su rdzogs pa/ ma tshang ba med pa/ dum bu ma yin pa/ tshigs su bcad pa dang / tshig dang yi ge 'di rnams nyid kyis nyi ma so sor dus gsum du 'dzin par byed pa dang / 
rjod par byed pa dang / kun chub par byed pa dang / tshul bzhin yid la byed pa dang / /gzhan rnams la yang dus ji lta bar rgyas par ji lta ba bzhin rab tu gsal bar byed pa dang / mtshan gyi don gzhan dang gzhan re re zhing yang 'jam dpal ye shes kyi sku mngon du byas te/ yid rtse gcig pas 
sgom par byed pa dang / lhag par mos pa dang / de kho na yid la byed pa dag gis kun nas sgo'i gnas pas gnas pa dang / chos thams cad so sor rtogs pa dang / mchog tu gyur pa dang / rnyog pa med pa dang / shes rab kyis rjes su 'bigs pa dang / dad pas yang dag par bgrod pa 
de la ni/ dus gsum du dus med par sangs rgyas dang byang chub sems dpa' thams cad yang dag par 'dus te yang dag par gshegs shing yang dag par byon nas chos thams cad kyi sgo rnams nye bar ston par 'gyur ro/ /bdag nyid sgom pa nye bar ston par byed do/ /sangs rgyas dang byang 
chub sems dpa' thams cad kyi byin gyi rlabs kyis kyang lus dang ngag dang yid kyi rgyud la yang dag par byin gyis rlob par byed do/ /sangs rgyas dang byang chub sems dpa' thams cad kyi rjes su 'dzin pas kyang rjes su 'dzin par byed do/ /chos thams cad la mi 'jigs pa'i spobs 
pa yang nye bar sgrub par byed do/ /dgra bcom pa dang nyan thos dang rang sangs rgyas thams cad kyang 'phags pa'i chos la sdug pa'i bsam pa nyid kyis bdag gi dngos po yang nye bar ston par byed do/ /gdul dka' ba 'dul ba po rnams kyang khro bo'i rgyal po chen po dang / rdo rje 'chang 

</font><hr>77-1-11b<br><font size=+1>

chen po la sogs pa 'gro ba yongs su skyob par gyur pa gzugs sna tshogs pa'i sprul pa'i sku rnams kyis mdangs dang stobs dang gzi brjid zil gyis mi gnon pa nyid dang / sngags dang phyag rgya dang mngon par rtogs pa dang dkyil 'khor rnams nye bar ston par byed do/ /sngags 
dang rig pa'i rgyal po ma lus pa dang / bgegs dang log 'dren dang bdud dang dgra phyir rgol ba dang gzhan gyis mi thub pa chen po thams cad kyang / mtshan mo dang nyin mor bcas par skad cig so sor spyod pa thams cad dang lam rnams su yang / /srung ba dang skyob pa dang / sbed 
par byed do/ /tshangs pa dang dbang po dang / nye dbang po dang / drag po dang / sred med kyi bu dang / kun 'gyed gzhon nu dang / dbang phyug chen po dang / smin drug gi bu dang / nag po chen po dang / dga' byed dbang phyug dang / gshin rje dang / chu lha dang / lus ngan dang / 'phrog 
ma dang / phyogs bcu'i 'jig rten skyong ba gang yin pa de dag thams cad kyang rtag par rgyun du mtshan mo dang / nyin mor bcas pa 'gro ba dang / gnas pa dang / nyal ba dang / 'dug pa dang / gnyid log pa dang / gnyid sad pa dang / mnyam par bzhag pa dang / mnyam par ma 
bzhag pa dang / gcig pur gnas pa dang / skye bo mang po'i nang du song ba dang / ji srid grong dang / grong khyer dang / grong rdal dang / ljongs dang / yul 'khor dang / rgyal po'i pho brang na gnas pa dang / dbang po'i phur pa dang / sgo khang dang / lam srang dang / srang dang / bzhi mdo dang / 
sum mdo dang / grong khyer gyi bar dang / tshong khang gi nang du gnas pa dang / ji srid khang stong dang / ri dang / dgon pa dang / chu klung dang / dur khrod dang / nags tshang tshing du nye bar son pa dang / 'bags pa dang / ma 'bags pa dang / myos pa dang / rab tu myos pa na rtag tu thams cad 
kyi tshe rnam pa thams cad du mchog tu bsrung ba dang / bskyab pa dang / sbed pa byed par 'gyur ro/ /nyin mo dang mtshan mo mchog tu bde legs su byed par 'gyur ro/ /gzhan yang gang lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am 

</font><hr>77-1-12a<br><font size=+1>

ci dang / lto 'phye chen po dang / mi dang / mi ma yin pa rnams dang / gzhan yang gang gza' dang / rgyu skar dang / ma mo dang / tshogs kyi bdag po rnams dang / gang yang ma mo bdun po rnams dang / gang yang gnod sbyin mo dang / srin mo dang / sha za mo rnams te/ de rnams 
thams cad lhan cig mthun par sde dang bcas pa/ 'khor dang bcas pa rnams kyis/ spyod lam dang lam rnams su yang mchog tu bsrung ba dang / bskyab pa dang / sba ba byed par 'gyur ro/ /gzhan yang de'i lus la mdangs dang stobs rab tu 'jug par byed do/ /nad med pa dang / 
stobs dang / tshe 'phel ba yang nye bar sgrub par byed do/ /'di ni 'khor lo bzhi ba'i rjes su bsngags pa bcu dgu pa'o// //gzhan yang lag na rdo rje rdo rje 'chang / mtshan yang dag par brjod pa gtsug gi nor bu zhes bya ba 'di ni nyi ma so sor ma nyams pa yang dag par blangs te/ mgrin 
par gnas pa lan gsum du kha ton du byed pa dang / glegs bam du chud pa klog par byed pa dang / rab tu 'don par byed pa dang / bcom ldan 'das 'jam dpal ye shes sems dpa'i gzugs la dmigs te/ de'i gzugs kyi rjes su sems par byed pa dang / de'i gzugs kyi rjes su 
bsam gtan byed pas de nyid sprul pa'i gzugs kyi sku yis yun mi ring ba nyid las gdul bya'i dbang nye bar bzung nas mthong bar 'gyur ro/ /sangs rgyas dang byang chub sems dpa' thams cad sna tshogs pa'i sprul pa'i gzugs kyi sku dang / lhan cig gnas pa nam mkha'i mthil na bzhugs 
pa rnams kyang mthong bar 'gyur ro/ /sems dpa' chen po de'i skye ba ji ltar gyur kyang ngan 'gro dang / ngan song du ltung ba'i 'jigs pa 'byung bar mi 'gyur ro/ /rigs ngan du skye bar mi 'gyur ro/ /yul mtha' 'khob kyi skye bor skye bar mi 'gyur ro/ /dbang po dman par mi 'gyur ro/ /dbang 
po ma tshang bar mi 'gyur ro/ /log par lta ba'i rigs su skye bar mi 'gyur ro/ /sangs rgyas mi bzhugs pa'i sangs rgyas kyi zhing rnams su skye bar mi 'gyur ro/ /sangs rgyas 'byung ba dang des bstan pa'i chos spong ba dang lkog tu gyur par mi 'gyur ro/ /lha tshe ring po rnams su skye bar mi 'gyur ro/ /

</font><hr>77-1-12b<br><font size=+1>

mu ge dang nad dang mtshon gyi bskal pa rnams la skye bar mi 'gyur ro/ /snyigs ma lnga'i dus rnams la skye bar mi 'gyur ro/ /rgyal po dang chom rkun dang dgra'i 'jigs pa 'byung bar mi 'gyur ro/ /rgud pa dang dbul ba'i 'jigs pa thams cad 'byung bar mi 'gyur ro/ /mi bsngags 
pa dang / skur pa 'debs pa dang / smod pa dang / mi snyan pa dang / grags pa ngan pa'i 'jigs pa 'byung bar mi 'gyur ro/ /skye ba bzang po dang rigs dang rus phun sum tshogs pa 'byung bar 'gyur ro/ /kun nas mdzes par gyur pa dang / gzugs dang kha dog dang yang dag par 
ldan par 'gyur ro/ /'jig rten pa rnams kyi sdug pa dang / yid la 'bab pa dang / 'grogs na mchog tu bde ba dang / mthong na dga' bar 'gyur ro/ /'jig rten pa rnams kyi mdzes pa dang / skal ba bzang po dang ldan pa dang / tshig gzung bar bya bar 'gyur ro/ /
gang dang gang du skye bar 'gyur ba de dang der skye ba dran par 'gyur ro/ /longs spyod che ba dang / 'khor mang ba dang / longs spyod mi zad pa dang / 'khor mi zad par 'gyur ro/ /sems can thams cad kyi mchog tu gyur pa'i smon lam dang ye shes dang yang dag par 
ldan par 'gyur ro/ /rang bzhin gyis kyang pha rol tu phyin pa drug gi yon tan dang yang dag par ldan par 'gyur ro/ /tshangs pa'i gnas bzhi la gnas par 'gyur ro/ /dran pa dang shes bzhin dang / thabs dang stobs dang smon lam dang ye shes dang yang dag par ldan 
par 'gyur ro/ /bstan bcos thams cad la 'jigs pa med pa dang / smra mkhas par yang 'gyur ro/ /tshig gsal ba dang blun po ma yin pa dang / blo gsal bar 'gyur ro/ /mkhas pa dang le lo med pa dang / chog shes pa dang / don che ba dang / sred pa 
med par 'gyur ro/ /sems can thams cad kyi mchog tu yid brtan par bya ba dang / slob dpon dang / bla ma bkur bar bya bar 'gyur ro/ /de'i sngon ma thos pa'i bzo dang rtsis dang shes pa dang / bstan bcos thams cad kyang don dang gzhung las rab tu gsal bar 

</font><hr>77-1-13a<br><font size=+1>

yang dag par rtogs par 'gyur ro/ /shin tu yongs su dag pa'i tshul khrims dang / 'tsho ba dang / kun tu spyod pa spyod pa dang ldan par 'gyur ro/ /legs par rab tu 'byung ba dang / legs par bsnyen par rdzogs par 'gyur ro/ /thams cad 
mkhyen pa nyid dang / byang chub kyi sems rab tu brjed pa med par 'gyur ro/ /nyan thos dang dgra bcom pa dang / rang sangs rgyas kyi nges pa dang / bgrod pa la gnas par nam yang mi 'gyur ro/ /'di ni 'khor lo lnga pa'i rjes su bsngags pa lnga bcu rtsa gcig 
go //lag na rdo rje rdo rje 'chang / de ltar yon tan dpag tu med pa dang yang dag par ldan par 'gyur ro/ /rnam pa de lta bu'i yon tan dpag tu med pa gzhan rnams dang yang dag par ldan par 'gyur ro/ /lag na rdo rje rdo rje 'chang / don dam pa'i 
mtshan yang dag par brjod pa 'di yang dag par 'dzin pa'i skyes bu gang zag ni ring po mi thogs par bsod nams dang ye shes kyi tshogs legs par bsags te/ shin tu myur bar sangs rgyas kyi yon tan rnams yang dag par bsgrubs nas/ bla na med pa yang dag 
par rdzogs pa'i byang chub mngon par rdzogs par 'tshang rgya bar 'gyur ro/ /bskal pa mang por yongs su mya ngan las mi 'da' ba'i chos kyis sems can thams cad kyi bla na med pa'i chos ston pa po dang / phyogs bcur chos kyi rnga bo che lhag par gnas pa'i chos kyi 
rgyal por 'gyur ro/ /'di ni 'khor lo drug pa'i rjes su bsngags pa dpag tu med pa'o// //o~M sar+b+ba d+har+m+mA b+hA ba swa b+hA wa bi shud+d+ha badzra tsak+ShuHa AHaM aHpra krI ti/ pa ri shud+d+haHsar+b+ba d+har+m+mA ya du ta sar+b+ba ta thA ga ta dz+nyA na kA ya/ many+dzu shrI pa ri shud+d+hi tA/ mu pA dA 
ye ti/ a AH/ sar+b+ba ta thA ga ta hrI da ya/ ha ra ha ra/ auM hUM hrIHb+ha ga bAn dz+nyA na mUrti/ bA gI shwa ra/ma hA pA tsa/ sar+b+ba d+har+m+mA ga ga nA ma la su pa ri shud+d+ha/ d+har+m+mA d+hA tu dz+nyA na gar+b+ha AH/  sngags dgod pa'o// //de nas dpal ldan rdo rje 'chang / /dga' 

</font><hr>77-1-13b<br><font size=+1>

zhing mgu nas thal mo sbyar/ /mgon po bcom ldan de bzhin gshegs/ /rdzogs sangs rgyas la phyag 'tshal nas/ /rnam mang mgon po gzhan rnams dang / /gsang dbang lag na rdo rje de/ /khro bo'i rgyal por bcas rnams kyis/ /gsang bstod nas 
ni tshig 'di gsol/ /mgon po bdag cag rjes yi rang / /legs so legs so legs par gsungs/ /bdag cag yang dag rdzogs pa yi/ /byang chub thob pa'i don chen mdzad/ /'gro ba mgon med rnams dang ni/ /rnam grol 
'bras bu 'tshal ba yi/ /rnam dag legs pa'i lam 'di ni/ /sgyu 'phrul dra ba'i tshul bstan pa/ /zab cing yangs la rgya che ba/ /don chen 'gro ba'i don byed pa/ /sangs rgyas rnams kyi yul 'di ni/ /rdzogs pa'i sangs rgyas kun gyis 
bshad/ /'di ni yang dag par spro ba nye bar bsdu ba'i tshigs su bcad pa lnga'o/ /'phags pa rnal 'byor chen po'i rgyud sgyu 'phrul dra ba stong phrag bcu drug pa ting nge 'dzin dra ba'i le'u las phyung ba/ bcom ldan 'das 'jam dpal ye shes sems dpa'i 
don dam pa'i mtshan yang dag par brjod pa/bcom ldan 'das de bzhin gshegs pa shAkya thub pas gsungs pa rdzogs so// //thun mong dang thun mong ma yin pa'i gsung rab thams cad la dbang 'byor pa'i bdag nyid chen po bla ma dam pa chos kyi rgyal po'i bka' 
drin gyis nye bar bskyangs pa/ sgra bsgyur gyi lo tsA ba dge slong blo gros brtan pas/ bsam gtan gling gi dben gnas su legs par bsgyur cing dag par byas pa'o/ /sngon gyi sgra bsgyur chen po de dag gis/ /rgyud 'di bsgyur cing kun la grags lags mod/ /'on kyang sgra don 
gtsug lag ji bzhin du/ /rgyud 'di blo brtan gnyis pas legs par bsgyur/ /zab cing rgya che rdo rje theg pa yi/ /nges don ye shes don gnyer skyes bu dag /chos dang don la legs par mi rton par/ /gang zag tshig 'bru'i rjes su ma 'brang zhig  /

</font><hr>

</table>