D362

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>D362</h1><td>(<a href="https://adarsha.dharma-treasure.org/kdbs/degekangyur" target="new2">e-text produced by ADARSHA</a>)<br><br><a href="verif2.php?id=D362&coll=derge">see text in Tibetan script</a></table>77-1-22b<br><font size=+1>

@##/ /rgya gar skad du/ pa ra ma A di bud+d+ha ud+d+h-i ta shrI kA la tsakra nA ma tan+t+ra rA dzA/ bod skad du/ mchog gi dang po'i sangs rgyas las phyung ba rgyud kyi rgyal po dpal dus kyi 'khor lo zhes bya ba/dpal dus kyi 'khor lo 
la phyag 'tshal lo/ /thams cad mkhyen pa ye shes sku dang nyin mor byed pa'i sku ste pad+ma'i 'dab ma rgyas pa'i spyan/ /sangs rgyas seng ge'i khri la bzhugs pa lha mchog rnams kyis btud la rgyal po zla ba bzang po yis/ /mgo bos rab tu phyag 
'tshal lag pa'i pad+ma sbyar ba yan lag mchog la bzhag nas zhus pa ni/ /rnal 'byor dpal ldan dus 'khor ka phreng ldan pa'i a 'dus la ste mi rnams dgrol ba'i don du'o/ 1 /stong pa ye shes kyang ste thig le mchog mchog rdo rje 'dzin pa sangs rgyas 
lha dang lha min yang / /phyi dang lus dang gzhan la yang ste rang bzhin rnams la skyes bu nyi shu lnga pa'i bdag nyid dang / /lus la sna tshogs tshad dang srid pa gsum gyi bkod pa lha dang lha min rnams kyi longs spyod dang / /dkyil 'khor dang ni dbang ste 
skabs gsum pa dang mi yi bla mas 'di dag yang dag bshad du gsol/ 2 /zla ba bzang po khyod la bdag mgu gang zhig khyod kyis dris pa 'di ni rab mchog lha rnams dang / /mi dang srin po lha min klu dang chags bral thub mchog rigs rnams dag gis 
shes pa min bas so/ /mya ngan 'das pa la sogs 'dzin ma'i mthar thug tshig gi bgrod pa dang bcas sbyor ba mtha' dag ni/ /lus dbus su ste dkyil 'khor dag dang dbang ni bshad par bya yis mi yi bdag po bzang po nyon/ 3 /dus kyis stong 

</font><hr>77-1-23a<br><font size=+1>

pa rnams las rlung dang 'bar byed chu dang 'dzin ma gling dang ri bo rgya mtsho dang / /rgyu skar dang ni nyi zla skar ma gza' yi tshogs dang drang srong lha dang 'byung po klu rnams dang / /dud 'gro skye gnas rnam pa bzhi dang sna tshogs sa dang 'og tu mi rnams dang ni dmyal 
ba yang / /stong pa'i dbus su yang dag 'byung ste chu la lan tshwa dang ni sgo nga'i dbus su sgong skyes bzhin/ 4 /lus dang ye shes nam mkha' dang ni rlung dang me dang chu dang sa dang brtan dang g.yo ba dang / /lha ni mthong ba skyed min dag dang srid pa rnam bcur gsungs pa rdo rje 
yi ni lus dag las/ /sngags kyi skye gnas dag ni 'byung bar 'gyur zhing mi yi bdag po slar yang 'di nyid du grol te/ /de ltar gang gis yang dag rig pa de ni phyugs min sems kyis kun tu rtog pa dag las grol/ 5 /g.yon gyi yan lag tu ni dkar po 'bar 
ba 'gro ba'i bdud rtsi'i cha dang g.yas su dmar po'i mdog /sgra gcan dus ma zla ba nyi ma ri bong can gyi bu dang sa skyes dkar po bla ma dang / /mjug rings dman pa char dang glog dang chu dang rtse mo can te 'bar ba rnams ni zung bdun po/ /'jig rten la ni gnas pa 
nyid de mun pa med pa zung gcig dag ni mun pa'i mtha' la'o/ 6 /rgyab tu ser po yang ni skar ma lha gzhus ste de ni rnam bzhi gnyis kyi dbye bas so/ /srog ces bya ba gcig pu'i rlung ni rnam bcur 'gyur te spyi bo rtsa ba dag dang mdun du'o/ /dbus kyi rdo rje'i steng 
du sa bon rang gi nus pa yon tan tshogs dang bcas pa 'og tu gnas/ /kun tu ye shes dang ni stong pa'o zhi ba gnas dang bcas pa dngos po kun gyis rnam par grol/ 7 /a sogs sum cu'i dbyangs gang ha ya ra wa lar ldan de dag zla ba'i cha dang nyin byed kyang / /ka 
la sogs pa'i sde rnams dbyangs dang bcas pa nyin zhag stong drug me yi tshad kyis spyod par byed/ /ha sogs dbyangs rnams dag kyang chu tshod lha min gdengs can 'byung po'i skye gnas dag kyang sngags shes pa/ /a sogs ka sogs ldan pa dag las de ltar khams 

</font><hr>77-1-23b<br><font size=+1>

gsum dag ni nges par skyed 'gyur mi yi bdag 8 /dbyangs ni ka tsa Ta pa tar ldan th+ka la sogs pa yang dag sbyar ba rnams kyi skye ba'i gnas/ /mgrin rkan steng gi cha ni mkha' rlung bsreg bya las skyes mchu dang so ni chu dang sa dag go/ /a sogs rnams ni gtsug 
tor 'khor lo snying mgrin mgo bo lte ba'i 'khor lo dag la rim pa ste/ /sna tshogs gnag dmar ri bong can dang gser 'dra phung po khams kyi lhag pa'i lha dang ldan pa la'o/ 9 /rlung gi mtha' nas lhun po'i mtshams su dmyal ba gdengs can grong khyer la ni dpag tshad 'bum 
phrag gnyis/ /lhun po'i tshad ni 'bum phrag gcig ste gza' yi tshogs kyi gnas nas stong phrag dag ni nyi shu lnga/ /mgrin pa'o gdong la lnga bcu brtan pa'i go 'phang g.yo med dag la de bzhin nyid du nyi shu lnga/ /de yi phyi rol stong pa gcig pu srid pa gsum bral yon 
tan med cing de nyid kyis dman pa'o/ 10 /rlung gi mtha' nas rlung gi mtshams dang brtan pa 'dzin ma'i gzhi la gling dang ri dang rgya mtsho rnams/ /bzhi phyed 'bum phrag gnyis te rtse mo can dang g.yo ba'i dkyil 'khor dpag tshad dag ni 'bum phrag gnyis/ /dbus na lhun 
po gang gi steng du khyim gyi 'khor lo skar bcas nyin dang mtshan mor 'khor ba ste/ /cha drug la ni 'bum phrag gnyis gnyis srid gsum mtha' dag dus kyi sbyor ba dag las rab tu skyes/ 11 /'jig rten khams kyi kun nas 'khor yug tu ni thad ka'i tshad kyi sum 'gyur du yang 
'gyur ba ste/ /sa yi 'khor yug 'bum phrag gsum dang chu me rlung rnams kyi ni drug dgu nyi ma rim pas so/ /mi yi dbang po phyi rol srid pa gsum gyi gnas la dpag tshad 'bum phrag gcig nyid gang yin pa/ /de ni sa yi steng gi gnas su lus la rang rang dag gi 
tshad kyis yang dag khru gang ngo / 12 /phra rab brgyad rnams dag gis phra mo 'di gcig phra mo brgyad kyis skra yi rtse mo phra mo ste/ /'di rnams kyis ni ske tshe shig dang nas te ltos 'gro nas kyis sor te sor mo nyi ma ni/ /zung gis khru'o khru bzhis gzhu ste 'dir ni stong phrag 

</font><hr>77-1-24a<br><font size=+1>

gnyis kyi gzhu yis rgyang grags dag tu 'gyur/ /rgyang grags bzhi rnams dag gis dpag tshad de yis lha yul sa dang nam mkha' dag la tshad yin no/ 13 /dang por chos bzang bskal pa zung ni zung dang ldan pa dag ste tshangs dang 'jig rten 'das pa 
dang / /dpal gyi bskal pa dkar po'i bskal pa yang ste shin tu dbang gyur gnas nas 'dod pa bcu gcig go /gzugs med dag ni a sogs bzhi po ha 'khrig bral ba rnams te i la sogs pa bcu drug gzugs/ /ha sogs la mtha' yang ni 'dod pa 
rnam bcur rab tu gsal te gsal byed gcig pa ka sa'o/ 14 /srid pa sum cu rtsa gcig dag gis 'dir ni srid gsum du 'gyur khams kyi dbye bas khams gsum mo/ /srid gsum ma lus 'di yang rdo rje gsum du 'gyur te a sogs ka sogs rab tu dbye bas 
so/ /rin chen snang nas gseg ma'i chu ni dmyal bar nges par brjod de bye ma'i chu ni gnyis pa'o/ /'dam gyi chu dang mi bzad du ba dag dang me dang mun pa dang ni ngu 'bod bdun pa dang / 15 /lan tshwa chang dang chu dang 'o ma zho dang mar dang sbrang rtsi'i rgya mtsho bdun te ri bo ni/ /
'od sngon man+da ra ri ni Sha Ta dang nor bu'i 'od dang dro Na bsil ri rdo rje'o/ /gling ni zla ba 'od dkar dag dang rab mchog ku sha dang ni mi 'am ci dang khrung khrung dang / /drag po yang ni longs spyod sa ste bdun pa 'dzam bu mi rnams gnas pa dag ni las kyi sa/ 16 /shar du rlung ni 
shin tu zlum por 'gyur te mi yi bdag po lho ru me ni gru gsum mo/ /byang du chu ni phyed kyi zla ba dag dang nub tu gser mchog sa ni chu yi gter gyi zur/ /ri rab lhun po stong pa'i rnam pa rdo rje mchog gi rang bzhin dkyil 'khor rnams kyi dbus su ste/ /sa yi steng du 
dpag tshad stong phrag rnams ni ri dang klu dang gza' dang phyogs rnams dag tu 'gyur/ 17 /lhun po yi ni steng gi rgya dang sa gzhi dag gi gnas la dpag tshad rnams kyi stong phrag ni/ /lnga bcu bcu drug dag go gcig ni rab mchog sa yi gzhi la khor yug dag gi yang dag ste/ /

</font><hr>77-1-24b<br><font size=+1>

rwa ni lnga po rnams dag steng dang sa gzhi dag gi gnas la phyogs kun tu ni khor yug go/ /de yi phyi rol gling dang ri bo dag dang chu gter rnams te phyogs rnams kun du me dang rlung / 18 /chu gter drug po thams cad dag kyang zla ba zla ba gcig gis dman pa'i stong phrag 
re re ste/ /gling rnams dang ni ri rgyud mchog rnams dag kyang de lta'i stong phrag nyi shu rtsa lnga ni/ /'dzam bu'i gling gi yangs pa dag dang lan tshwa'i chu yi gter ni 'bum phrag phyed kyi tshad yin te/ /srid pa gsum po 'dzin pa yi ni mtha' ma dag gi me dang rlung gi tshad 
dag de bzhin no/ 19 /tshangs pa'i gnas su dus kyi 'khor lo rgyal ba mchog bcas lha yi tshogs kyis yang dag bstod pa ste/ /lhun po la ni tshig mda'i tshogs dang sa gzhi'i 'og na gnas pa klu rnams dag ni rigs lnga'o/ /dpal ldan lhun po'i phyogs rnams kun du sa 
yi dkyil 'khor la son gnas rnams kun dang nye ba'i gnas/ /zhing dang 'dun pa dag dang 'dus pa can dang ro khang gnas ni me dang rlung gi mtshams kyi mthar/ 20 /shar du brgya byin mer ni me lha gshin rje bden bral nub phyogs su ni gshin rje srin po chu/ /rlung dang nor 
sbyin 'phrog byed phyogs su rlung dang gnod sbyin drag po steng gi cha 'og tu yang / /tshangs dang khyab 'jug mtshon ldan 'khor gyi skye bo dang bcas rang rang phyogs ni srung zhing skyong ba ste/ /de dag dbus su dus kyi 'khor lo rgyal ba mchog gi skyed mdzad gzhom du med pa rdo rje'i 
sku/ 21 /lhun po'i rgyab kyi phyogs rnams su ni sa gzhi dag la lha min rnams kyis rgyal bar dka' ba 'khor/ /gang du chos ni rnam par nyams shing rtsod dus 'jug pa de dang der ni rab tu bgrod par byed/ /kla klo rnams kyang g.yul du bcom ste rang gi chos la dgod pa byas 
nas mdun du rnam par rgyu/ /rdzogs ldan gsum ldan gnyis ldan dag dang rtsod dus gzhan ni dus kyi sbyor ba dag gis 'byung bar 'gyur/ 22 /dum bu gang du stobs ldan 'khor lo can de rab tu zhugs pa der ni rdzogs ldan dus bgrod de/ /rgyal po'i rgyab tu gsum ldan 

</font><hr>77-1-25a<br><font size=+1>

rtsod pa'i dus kyang mdun dag tu ste gnyis kyi bar du gnyis ldan no/ /dus rnams dag gi lo yi tshad ni stong phrag nyi shu rtsa gcig ro brgya dag dang bcas pa ste/ /re re dag gi tshad ni dus dang mda' yis bsgyur ba'i mi rnams dag gi lo brgya gang yin pa'o/ 23 /
phra dbugs d+h+ru dang chu tshod nyin zhag d+h+ru dang dus bzhi dag ni stong phrag nyi shu rtsa gcig dang / /drug brgya rnams ni rim pas lus skyes phra dang mi dang 'byung po lha dang lha min rnams dang ni/ /nus dang gtso bo'i nyin zhag gcig gi tshad de sa gzhi dag la dus bzhi nus pa'i tshad du 
'jug /dum bu dum bur zhi ba'i go 'phang 'khor lo can bgrod nyin zhag gcig la nyi ma bcu gnyis so/ 24  /phyogs dang zla ba mtha' dag dang ni dus dang dus bzhi dang ni me dus bgrod pa rnam pa gnyis/ /rgyal po lo ni mtha' dag rjes su nyin zhag dus sbyor chu tshod 
dag dang chu yi srang rnams te/ /'di rnams de ltar bgrod pa lus skyes phra dang mi dang 'byung po lha dang lha rnams dang ni/ /nus dang gtso bo'i zhag re la ste srid pa gsum gyi gnas dang lus kyi dbus su de bzhin no/ 25 /lo 'di nas ni drug brgya'i lo yis gsal bar 
mi bdag grags pa sham b+ha la zhes bya bar 'byung / /de nas klu yi lo brgya rnams kyis nges par mkha'i yul du kla klo'i chos dag rab tu 'jug /de yi dus su 'dzin ma la ni nyung ngu'i byed pa gsal bar mi rnams dag gis rig par bya/ /mtha' dag sa gzhi la ni grub 
pa'i mtha' rnams rnam par nyams pa dus kyi sbyor ba la 'byung 'gyur/ 26 /me mkha' rgya mtsho rnams la rab byung la sogs 'das pa rnams bsres kla klo'i lor ni rab tu grub/ /kla klo'i dbang po'i lo ni lag pa gdengs can zla bas dman pa'i lhag ma dag kyang nyi mas 
bsgyur/ /nag pa la sogs zla ba bsres te 'og tu dus kyis bsgyur ba mkha' me zla bas rnam par dbye/ /rnyed pa steng du bsres pa dag ni mi yi bdag po zla ba'i tshogs pa rnam par dag par 'gyur/ 27 /zla ba gnas gsum gyur pa'i dbus ma'i phung po dag la gang gnas 

</font><hr>77-1-25b<br><font size=+1>

lag pa rtse mo can gyis bsgyur/ /rtsa ba dag la drug gi chas rnyed de yang bu lon du 'gyur dbus ma la ni sbyang bar bya/ /steng 'og dag las mig dang sum cu'i nor ni bsres pa gsal bar bya ste drug cu'i cha dag gis/ /rnyed pa steng du rab bsres thub pa mchog rnams 
dag gis bcad pa'i lhag ma dag ni gza' ru 'gyur/ 28 /gnas gnyis nyi zla bsres pa dag las dus dang nyi mas thob la 'byung ba bsres pa mtha' dag ni/ /de yi steng gi phung por sbyin te dang po lag pas bsgyur la'o brgyad dang gnyis kyis phye ba tshogs/ /gnas gsum 
dbu ma dag ni dbang phyug gis bsgyur 'og ma dgu dang yon tan rnams kyis cha thob par/ /gnyis bsres dman pa'i dbu mar chu tshod dag gis thob pa nor te steng gi phung por gnyis kyis ni/ 29 /bsgyur nas byin la skar mas bgos lhag mi bdag nyi ma'i skar ma la sogs 
longs spyod dag tu 'gyur/ /gza' la gza' ni rab sbyin mi bdag nyis 'gyur chu tshod rnams te 'og tu tshogs dag la yang gnyis/ /skar mar gnyis dang chu tshod drag po nor du rab gsal nyi ma'i longs spyod dag la rab tu sbyin/ /'di dag zla ba'i nges par 'gyur te slar 
yang zla ba zla ba dag la rab tu sbyin par gsungs/ 30 /tshes rnams sbyin dang dor dang slar yang sbyin pa dag ni gza' dang chu tshod rkang pa rnams su ste/ /tshogs kyi cha la chu gter zla bas mnyam dang mi mnyam thob pa dag la sbyin dor rkang ba'i don/ /stong la stong pa rnam dag 
bcu gsum zla ba'i rkang par lnga ste mig dang nyi ma dag la phyogs/ /bcu gcig me la tshes zhes bya ste bcu dang chu gter rkang par nyi shur gcig gis dman pa'o/ 31 /lnga dang bug par nyi shu rtsa gnyis dus dang nor la rgyal ba bdun par nyi shu rtsa lnga ste/ /de la nyi 
ma'i rab tu dbye bas gsal byas nyi ma'i rkang pa dag ni sbyin dang dor bar 'gyur/ /'byung dang 'byung ba mda' dang rig byed me lag ri bong can ni snga ma'i cha dang gzhan la yang / /tshogs kyi cha la chu gter zla bas mnyam dang mi mnyam thob la rgyu ba rnams ni sbyin dang dor/ 32 /

</font><hr>77-1-26a<br><font size=+1>

rgyu zhing yod pas lhag ma bsgyur ba las ni dus dang nyi mas cha thob dag kyang de bzhin no/ /de nyid la ni nyi ma'i rab tu dbye bas nyi ma'i rkang pa'i chu tshod sbyin dang dor bar 'gyur/ /gang zhig rig byed rnams kyis tshes bsgyur gsal bar nor te de yi 
sum cha dag gis bsres pa'o/ /dus kyi rgyu skar rkang ba gsum bcas bu lon dag ste nyi ma'i longs spyod dbus nas sbyang bar bya/ 33 /bya ba ltag ma mig dmar ji bzhin ro dus ri bong can rnams dal ba'i las la rkang pa ste/ /longs spyod kyis ni chu tshod bsgyur nas mda' 
dang yon tan zla bas cha thob longs spyod dang bcas pa/ /bgrod pa 'gro ba'i dbang gis nyi ma la ni sbyin dang dor te gzhan du dag pa yod ma yin/ /nyi ma la ni dus ro sgrul dang bcu dang 'phrog byed 'phrog byed drag po phyogs dang klu dang drug 34 /me dang nam mkha' dag kyang 
bgrod pa'i mthar te byang dang lho ru nor dang bu lon dag tu 'gyur/ /zla ba 'pho ba'i dbye ba dag las phyogs kyi dbye bas zla ba drug ni nyin mor byed pas spyod/ /nyi ma la byin tshes grangs dag kyang 'og tu ro yis bsgyur la gza' yi longs spyod bsres pa dag /dman 
par gyur pa ri bong mtshan mar 'gyur te mi yi bdag po nyi zla bsres pa sbyor ba'o/ 35 /byed pa dag ni tshes la mig gis bsgyur ba zla bral gang zhig bdun gyi cha yi lhag ma'o/ /dag pa'i lo la klu bsres mkha' dang nam mkha' chu gter gyis bsgyur klu bsres rnams kyis sbyangs 
pa dag /ri zla me yis rab tu phye ste nam mkha' ros bsgyur ri la sogs pas bgos pa chu tshod de/ /gnyis dang sum cu'i gza' dang chu tshod nges pa 'dir ldan zla ba dag la lo yis 'pho ba'o/ 36 /lug sogs rnams kyis snon byed dag la gza' dang chu tshod rim par 
yongs bkod bcu gnyis 'di dag ste/ /zla ba ri 'byung rig byed dag dang yon tan mda' ste ri bong can dang ri zla gsum pa la'o/ /rig byed me 'byung zla ba mig dang lag pa dus dang rig byed mig ni drug pa dag la'o/ /drug dang zla ba mda' dang zla ba ri dus me dang drug zla 

</font><hr>77-1-26b<br><font size=+1>

rig byed ri dang 'jig rten dang / 37 /drug dang rig byed stong pa dag ste stong pa mig mda' nyi ma'i go 'phang nya yi khyim la'o/ /zla drug 'phel dang 'grib par 'gyur te nyin dang mtshan mo dag kyang nyi ma rab tu rgyu bas so/ /chu gter srog dang chu srang me ni nyin zhag so so'i 
dus su 'phel 'grib bgrod pa'i yan lag gis/ /lho phyogs su ni mtshan mo dag kyang 'phel bar 'gyur te kha ba'i ri yi byang du nyin mo'o/ 38 /zla ba dag la mig dang nyi ma bsres pa mig gis rnam bsgyur zla ba'i tshigs la gcig bsres te/ /mkha' dus chu yis rab phye 
thub pa lag pas bsgyur ba las kyang mkha' sogs cha yis skar ma'o/ /lhag ma drug cus bsgyur ba gang yin de las chu tshod slar yang de bsgyur ba las chu srang ste/ /thob pas dman pa'i 'khor lo gdong du 'gyur te mun can mjug ma dag kyang rgyu skar phyed bsres pa'o/ 39 /
zla ba sum cus bsgyur ba nyin zhag so so dag dang bcas pa las ni ri mkha' ris thob pa/ /gnas gsum dbus su rnam par bsres pa las kyang chu gter ros thob dman pa mi gsal nyin zhag go/ /ri dus gcig gis bsres pa dag kyang gsal ba'i nyin zhag tshogs 
te ri klu dus kyis bgos pa yi/ /lhag ma skar mas bsgyur thob slar yang nam mkha' ro yis bsgyur las ri la sogs pas bgos pa chu tshod do/ 40 /mig dmar la ni phyed bcas dgu sbyang gal te bu lon lhag na 'khor lo bsres la rnam par sbyang / /phyed pas 
lhag par gyur na'ang 'khor lo phyed ni dor bar bya ste dor ba'i lhag ma rim min 'gyur/ /skar ma drug cus bsgyur te chu tshod dag dang rab tu ldan par gyur pa 'byung me zla bas bgo/ /gang thob dal ba'i las dag la yang nor dang bu lon dag ni rim pa min dang rim 
pas so/ 41 /de nyid bcwa brgyad ri ni rab tu gsal bar ro rkang 'khor lo phyed la steng dang 'og tu ste/ /longs spyod kyis ni chu tshod bsgyur las mda' dang yon tan zla bas 'khor lo phyed las cha thob pa/ /snga ma phyed la gzung byar 'dod de rkang pa'i dbang gis de 

</font><hr>77-1-27a<br><font size=+1>

bzhin phyi ma phyed la dor byar 'gyur/ /zos pa tshogs gcig byas nas gza' yi bgrod pa'i dbang gis sbyin dang dor ba dag kyang chu tshod la'o/ 42 /de nas nyi mar sa skyes rnam par sbyang ste bla ma nyi skyes dag kyang myur ba'i las la'o/ /zla skyes dkar po 
la yang nyi ma dag ste myur ba'i las la nges par rim pas nor du 'gyur/ /sbyangs pa'i lhag mas 'dir ni rkang pa dag ste bza' rgyu rkang pa rnams kyis lhag ma'i chu tshod bsgyur/ /drug cu'i cha yis thob pa bza' rgyu rkang pa dag las gzung bya dang ni dbrog bya de bzhin nyid/ 43  /
zos pa dag ni tshogs gcig byas nas gza' yi bgrod pa'i dbang gis sbyin dang dor ba mtha' dag ste/ /sa skyes la ni rkang pa rgyal ba sogs te rab gsal ma nu'i gnas la mtha' dag gzhag par bya/ /de ltar gza' rnams thams cad kyi ni rim par yongs su brtsi 
ba rig par bya'o mi yi dbang / /zla skyes dkar po las ni nyin mor byed pas rnam dag zla skyes dkar po dag tu yang dag 'gyur/ 44 /stong dang nam mkha' zla bas bsgyur ba'i mtha' dag nyin zhag tshogs la me dang nyi ma ri yis dman/ /ri nas phug pa ri dang klu yis 
bgo ste slar yang lhag ma skar ma la sogs dbye bas bsgyur/ /rab brjod cha yis rgyu skar dag dang slar yang chu tshod rnams ni zla skyes longs spyod dag tu 'gyur/ /zla skyes dor te nyi ma'i dbus nas mi bdag bzang po mi bdag skar ma phyed kyang yang dag spangs/ 45 /lhag 
ma'i bya ba nor dang bu lon dal dang myur ba'i las kyang mig dmar ji lta bzhin du 'gyur/ /zla skyes rkang pa dal ba'i las la bcu ri me ste myur ba'i las la mi bdag la sogs so/ /nyin zhag tshogs ni mkha' mkha' ro dang mig gis dman par byas nas so me chu gter 
dag gis bgo/ /lhag ma skar mas bsnun las skar ma slar yang chu tshod bla ma yi yang dal ba'i las la'o/ 46/ rgyu skar nyi ma sbyang ste 'phrog byed dgu dang rtse mo can ni dal ba'i las la rkang pa'o/ /slar yang myur ba dag la rkang pa rab gsal ma nu'i gnas la 

</font><hr>77-1-27b<br><font size=+1>

phyogs rkang la sogs de dag go/ /nyin zhag mkha' dang zla bas bsgyur nas chu gter nor gyis dman pa ri dang rgyal ba mig gis bgo/ /skar mas bsgyur ba las kyang skar ma'i longs spyod slar yang chu tshod myur ba'i las la pa sangs kyi/ 47/ rgyu skar dus ni nyi ma la 
sbyang mda' dus ri bong can ni dal ba'i las la rkang pa ste/ /myur la de nyid la sogs dbye bas rab gsal ma nu'i gnas dag las te sbyin dor mig dmar bzhin/ /mkha' mig klu dang rig byed kyis dman gsal ba'i nyin zhag tshogs ni drug ro ri mkha' zla ba yis/ /
bgo zhing skar nas bsgyur las skar mar 'gyur te spen pa yi ni dor bya dag kyang bcwa brgyad do/ 48 /rkang pa nyi shu rtsa gnyis tshes dus rab gsal ro yi gnas la'o myur ba'i las la ro la sogs/ /myur dal rgyu ba dag kyang rim pas rkang pa bgrod pa la ste 'khyog po nyid ni rim 
min gyis/ /phyed snga ma dang phyed phyi mar yang nyi ma 'gro ba'i dbang gis gza' rnams kyi ni 'byung ba yang / /sum cu rtsa bdun lag pas bsgyur ba'i zla ba rnams kyis mjug rings dag ni myur dang 'khyog por 'gyur/ 49 /gang dag su zhig nyi ma'i longs spyod la ni rab 
zhugs gza' de dag kyang nges par nub par 'gyur/ /nyi ma btang nas 'char bar 'gyur te de yi lam yang bgrod pa 'gro ba'i rnam par dbye bas so/ /g.yon pa'i lam la gnas pa gang yin de ni nyi ma 'gro ba'i dbang gis g.yon nas 'gro ba ste/ /g.yas la gnas 
pa dag ni g.yas kyis slar yang gsal bar 'dir ni phan tshun 'thab ste dgra yin phyir/ 50 /rang gi zhing la yang dag gnas rnams gal te de la dgra dag 'gyur na nges par 'thab pa'o/ /skar ma la ste gzhan la 'thob pa min par nges shing 'dir ni phan tshun mtshungs 
pa dag tu ldan/ /gal te nyi ma yi ni g.yon du zla ba rab zhugs gyur cing 'byung ba yang ni g.yon pa yis/ /byang gi rwa ni mtho bar 'gyur te kha cig tu ni bgrod pa'i dbang gis lho ru g.yas pa yang / 51 /tshigs mtshams su yang sgra gcan gdong dang mnyam par 

</font><hr>77-1-28a<br><font size=+1>

'gro ste mngon du phyogs par 'dzin pa kho na'o/ /g.yon du rgyu ba dag la g.yas min du ste nyi ma'i bgrod pa'i dbang gis g.yas la g.yas pa'i char/ /de ltar sgra gcan gyis ni phyogs mtshams su 'dzin ri bong 'dzin pa 'byung ba dag ni rgyab tu 
yang / /tha skar la sogs nag pa phyed du nyin dang mtshan mo mnyam pa'i dbus su go la'i ri mo'o/ 52 /rgyu skar g.yas dang g.yas min dag la nges par srid pa'i gnas su khyim gyi dbye bas yang dag gnas/ /gzhu yi rnam pa'i dus khyim dag la go la'i dbus 
nas lhor ni me yi dkyil 'khor la gnas shing / /byang du de ni bsil ba'i ri ste pad 'dab bzang po bzhin du shar du lug dang srang sogs la'o/ /me nas bsil ba'i ri yi mtshams su dpag tshad stong phrag mkha' dang nam mkha' mkha' dang mda' ri'o/ 53 /dbus 
su 'khor lo phyed kyi ri mo nyi ma'i bgrod pa dag kyang mtshan mo gcig ni mnyam pa la'o/ /phyi nas g.yas dang g.yas min dag tu rgyu ste nyin dang mtshan mo rgyu skar dbye bas rim pa yis/ /lam rnams mkha' klu zla ba 'dor zhing nyin dang mtshan mo dag kyang ji srid bgrod pa 
dag gi mthar/ /nyi ma ri bong can gyi nyin mtshan chu tshod drug cu dag las 'grib dang 'phel ba drug chas so/ 54 /gang phyir ri la skye bo rnams kyi nyin mtshan mnyam par 'gyur te lug nyi srang gi nyi ma la'o/ /de phyir gnyis brgyad dum bu dag la nges par glang la gnas 
dang sdig pa la gnas de bzhin no/ /bug pa zhes bya me grangs dag la 'khrig pa gzhur gnas phyogs kyi tshad dang bzhi pa dag la ni/ /nyi ma karka Ta la gnas pa dag dang chu srin la gnas lnga pa bcu gcig pa la yang / 55 /seng ge bum par rab zhugs bcu gnyis ro 
yi sar ni nya dang bu mor gnas pa dag la'o/ /'dir ni g.yon bgrod du 'gyur nyi ma chu srin gnas pa la ste bum par nyi mas gnyis pa la/ /nya la dum bu gsum par mi rnams kyi ni bgrod pa dag kyang lug gi nyi mas bzhi par ro/ /'byung ba zhes byar nyi ma glang la 

</font><hr>77-1-28b<br><font size=+1>

gnas pas 'khrig par nyi gnas sa ni drug pa bdun par yang / 56 /nyi ma karka Ta la gnas pas 'gyur te seng ge la gnas sa yi dum bu brgyad par ro/ /bu mos bug par srang gi nyi mas bcu par 'gyur te sdig pa yis kyang drag po'i dum bu la'o/ /gzhu la 
gnas pas bcu gnyis par 'gyur mi rnams bgrod pa dag kyang bcu gnyis rtsibs kyi sa la'o/ /de bzhin lhor bgrod du 'gyur nyi ma bgrod pa'i dbang gis karka Ta sogs khyim rnams dag la'o/ 57  /steng du drug dang klu yi grangs ni nyi ma'i gdung byed dag kyang 
byang du bgrod pa dag gi mthar/ /de nas g.yas phyogs su yang zad par 'gyur te mi yi bdag po stong phrag dag ni drag po'i grangs/ /stong phrag brgyad cu rtsa gcig mda' ni brgya dang bral bar gyur pa dbus nas go la'i ri mo ste/ /de las gang zhig 'phel dang 
'grib par 'gyur ba mkha' mkha' mda' dang mda' ni byang dang lhor yang ngo / 58 /lan tshwa'i rgya mtsho 'gongs nas nyin mor byed pa dag ni lho ru me yi bar du 'gro bar byed/ /kai la sha yi byang du 'gro ste gangs kyi ri la byang du yang ni byang la gnas pa'o/ /mda' 
rnams tshes kyis bsgyur ba'i dpag tshad stong phrag rnams ni phyogs kyis bgrod pa dag la 'gro bar byed/ /phyed bcas mig klu zlas thob nyin dang nyin la 'dor ba lnga dang sa 'dzin stong phrag dag las so/ 59 /khyim gcig la ni nyi ma gnas pas mtha' dag dus kyi 
tshogs dang zla ba dang ni phyogs rnams byed/ /dum bu dum bu dag tu zla bar 'gyur te sa gzhi bcu gnyis rtsibs rnams la ni rim pas so/ /tshad gang dum bu gang du nyin mo'i dbang gis yin pa de ni bdun pa dag tu mtshan mo la'o/ /lam phyed 'bum phrag gsum 
po dag la nyi ma'i mdun du nyin mo dang ni rgyab tu mtshan mo'o/ 60 /ri yi rgyal po dag ni skye bo thams cad kyi yang byang na gnas par 'gyur ro mi yi bdag /nyi ma 'char ba shar du 'gyur te ri dang mnyam pa bgrod pa dag dang de ni nub pa nub/ /dus dang thun mtshams 

</font><hr>77-1-29a<br><font size=+1>

bzhi dang thun tshod nyin dang mtshan mo dus kun tu ni yang dag rgyu ba rnams/ /dus sbyor dbye bas phye bar gyur pa lhun po'i phyogs rnams su ni rab gsal nyi ma'i sa la 'khor/ 61 /chu tshod dus la dpag tshad stong phrag drug ni rkang pa dang bcas nyin 
mor byed pa 'gro ba ste/ /drug cu la ni me 'bum dag dang lnga dang ri bo'i stong phrag nyin dang mtshan mo dag tu 'khor/ /nyin dang mtshan mor go la phyed la mkha' me chu tshod bgrod de go la dag la g.yas dang ni/ /g.yas min dag tu 'grib dang 'phel ba lnga ste nyin zhag 
so sor de ni dbugs zung chu srang gsum/ 62 /lug gi dus sbyor la ni chu srang du 'gyur mkha' dgu lag ste mkha' dus mig ni glang la 'gyur/ /zung dag la yang mkha' mkha' gnyis te mda' ro'i chu tshod du 'gyur ku lI ra dang seng ge la'o/ /bu mo la ni phyed bcas 
drug ste nges par srang sogs rim pa min pas de bzhin thams cad 'gyur/ /dus sbyor drug gis de nub gang phyir 'char ba dag kyang de bzhin nyi ma'i rgyu skar dbye bas so/ 63 /stong phrag nyi shu rtsa gcig ro brgya ldan pa dag las so yi cha yis nges par phyung gyur pa/ /lus la 
dbugs lhag gang dag nyin zhag so so'i dus su 'byung ba ri dang dus rnams dag gi grangs/ /stong phrag sum cu rtsa drug dag gis bsgyur ba rnams kyang lo brgya'i tshad du rab tu grags pa ste/ /stong dus me yis rab tu phye ba dag ni chu tshod du 'gyur drug cu'i cha yis nyin zhag kyang / 64/ 
zla ba'i phyogs te nyi ma'i bgrod pa dag dang sa skyes zla ba dgu rnams dag gis mtshan mo'o/ /bla ma'i lo drug tu 'gyur pa sangs kyi yang bgrod par 'gyur te zla skyes kyi yang bgrod pa'o/ /tshes zhes bya ba'i lo ni nyi skyes kyi ste de bzhin mun can gyi dgu rgyal po mjug rings dman/ /
de dag thams cad gcig tu bsdus pa nor gyis bsgyur ba'i dus kyi lo dang phyed bcas zla ba gsum/ 65 /phyed dang bcas pa'i nyin zhag grangs dag las kyang lo brgyar 'gyur te dus kyi 'khor los dman no 'dir/ /srog ni snying stobs la 'bab rdul gyi bar dang mun pa la 

</font><hr>77-1-29b<br><font size=+1>

yang lus ngag sems kyi dbye bas so/ /lha mi lag 'gro rnams ni de nas lnga pa nyid 'gyur zla ba phyed bcas mtshan mo dag gis kyang / /grangs ni shin tu nges pa 'di dag dus kyi 'khor lor rab tu grags pa yin no mi yi dbang / 66 /ma bcad dus kyi 'khor lo'i 
bgrod pa dag la bu lon dgu ni bsres par gyur pa mtha' dag rnams/ /bkra shis la sogs gza' ni lnga po rnams kyis myur ba'i las dag la yang rkang pa'i chu tshod de/ /sa skyes la ni rig byed dus mer rab 'gyur srid pa'i gnas rnams dag la rgyu ba'i dbye 
ba yis/ /snga phyi phyed la mtshungs par bu lon nor gyi bgrod pa dag la gnas kyi dbye bas nges par sbyar/ 67 /dang por rgyal dbang grangs kyi chu tshod dag ste me dang mig ni rnam gsum dag tu rab tu 'gyur/ /gnas gnyis dag la gcig dang mig ste bcwa brgyad tshes 
dang drag po me dang rtsa bar drag po dang / /sum cu rtsa brgyad brgyad cu dag dang brtan pa srid pa'i gnas la 'dir ni gsum bcas lnga bcu'o/ /de yis nyi ma rnam dag gyur la bu lon dag dang nor yang rim pa min dang rim pas so/ 68 /rig byed dag dang bug pa zla 
ba'i grangs ni gza' lag myur ba'i las la chu tshod dag tu 'gyur/ /gnas gnyis la ni bcu drug gzhan la tshes dang ma nu myos byed drag po ri dang dbang po mkha'/ /rtsa ba dag las rig byed drag po dang ni rab gsal nges par bcu gnyis pa la nyi shu ste/ /nyi shu brgyad 
dang sum cu rtsa bzhi dag kyang ma nu'i gnas la rgyu ba'i dbye bas yang dag gnas/ 69 /chu gter nam mkha' dag dang zla ba'i grangs te 'di dag rnams ni bla ma'i chu tshod tshogs su 'gyur/ /gnas gnyis dag la phyogs kyi tshad dang dgu nor dus drug lag pa zla ba 
dag dang rtsa bar ni/ /me drug bug pa dang ni drag po mi bdag thub pa rnams te rgyu ba thams cad rim pas so/ /myur dal 'khyog po la yang gza' yi tshogs ni nges par nyi ma'i dbye ba dag gis rgyu bar byed/ 70 /drug dang zla ba chu gter grangs kyi chu tshod dag ni 

</font><hr>77-1-30a<br><font size=+1>

pa sangs kyi yang myur ba'i las la 'gyur/ /gnas gsum dag la nyi shu lnga ste gnyis ni rgyal ba zhes dang de bzhin lag mig rnam pa gnyis/ /skyon dang tshes dang brgyad de rtsa bar drug dang nam mkha' yon tan dag dang gcig gis dman pa'i brgya/ /
mthar ni me dang ri yi grangs te brtan pa srid pa'i gnas la pa sangs rgyu ba rim pas so/ 71 /nyi ma'i bu la drug dang 'byung ba'i grangs kyi chu tshod tshogs pa 'di dag tu 'gyur mi yi dbang / /drug dang 'byung ba dag dang 'byung ba rig byed chu gter mig dang zung dang stong pa rtsa 
bar ni/ /phyogs dang rig byed dag dang 'byung ba ro dang nor dang rtse mo can ni rim pas gzhag par bya/ /de ltar gza' rnams kyi ni rgyu ba mtha' dag dus kyi 'khor lo dag las shin tu nges par 'gyur/ 72 /sum cu rtsa drug phyed bcas zla ba nges par nor gyis bsgyur 
ba dag ni bkra shis la sogs pa/ /gza' rnams dag gi dal ba'i las la rkang par 'gyur te mig bug mig gi grangs kyi chu tshod do/ /de nyid bcwa brgyad ri dag brtan pa sa yi bu yi phyi ma dang ni snga ma'i cha la ste/ /phyogs ri me ni gza' lhag gi'o dbang phyug dgu 
me bla ma'i snga cha dag dang gzhan la yang / 73 /dkar po'i mda' dang chu gter zla ba spen pa yi yang mig bcas mig dang nyin zhag dus su 'gyur/ /zla ba la ni sa skyes longs spyod chu tshod dgu bcu dag ste lnga dang 'jig rten zla ba'i grangs/ /pa sangs kyi ste de bzhin 
gza' lag gi yang gcig tu bsdus pa mkha' ro bsreg za dag tu 'gyur/ /'di dag zla ba gsum gyis lo yi nyin zhag bu lon chu tshod longs spyod 'di ni gsum gyi'o/ 74 /zla bar bla ma'i longs spyod du 'gyur rab gsal chu tshod drag po'i grangs ni rkang pa dang bcas te/ /
chu srang sum cu rnams dang gsal bar dus kyi chu tshod dag ni nyi ma'i bu yi longs spyod do/ /gcig tu gyur pa nyin zhag ces bya gsum gyis bsgyur ba de yang zla ba phyed bcas mtshan mor bcas/ /gtso bo'i longs spyod la ni nyin zhag rnams kyi nyin bzhin bu lon gza' 

</font><hr>77-1-30b<br><font size=+1>

drug gi yang longs spyod do/ 75 /zla gcig lhag pa gang zhig dal ba'i las la khyab bdag rjes su gza' rnams kyis ni longs ma spyad/ /de las rab tu gsal bar phyed bcas bdun gyi chu tshod dag ni zla ba 'di nyid la spyod de/ /sgra gcan zla ba'i longs spyod nyi ma dang bcas zla 
ba'i rkang pa chu tshod phyed kyis rnam par dman/ /nyi ma'i bgrod pa dang po la gsum zla ba myos byed nyin zhag dag la zla ba'i chu tshod lnga/ 76 /gang zhig ma spyad phyed kyi chu tshod de ni dus kyi nyin zhag dus la cha dman zla ba ste/ /de ni nyi ma'i lhag par 'gyur te nges par dus 
kyis bsgyur ba nyi ma'i zla bar nyin zhag de'o/ /sgra gcan zla ba'i longs spyod mig gis rnam par bsgyur te phyogs kyi longs spyod dag gis bgos pa las/ /thob pa dag ni mjug rings chu tshod nyin zhag so so'i dus su sgra gcan zla ba'i longs spyod las/ 77  /chu srang 
bdun dang phyed phrogs nges par yon tan gyis bsgyur nyi ma'i longs spyod dag la sbyang bar bya/ /mjug rings nyi ma dag dang lhan cig rnam par rgyu ste myur 'khyog dag la mdun dang rgyab nas so/ /rgyu bar chu srang phyed bcas gnyis spyod nyin dang nyin la nyi ma'i longs spyod dag 
las rim pa ste/ /rang gi zla ba sum cu drug gis de rgyu chu tshod dag kyang 'jig rten gyis ni tshes grangs bsgyur/ 78 /phyed bcas zla bar chu tshod gnyis ni nyin zhag so sor 'char te myur 'khyog dag la mdun rgyab tu'o/ /phyed bcas zla ba'i bar dag tu ni de yi 'char ba 
mi yi 'jig rten dag tu mthong bar 'gyur/ /slar yang dpal dus 'khor lor rab 'jug de ni gang tshe lo yi longs spyod dag la mthong mi 'gyur/ /de yi 'char ba'i cha dag shes par gyur na de yi 'char ba mtha' yas dus kyang shes par 'gyur/ 79 /lo yi nyin 
zhag lnga yis bsgyur te slar yang mdas bsnun bgrod pa'i nyin zhag dag gis rab tu dman/ /bug pa bsres pa rnams ni rang gi bgrod pa'i yon tan dbang gis gza' rnams dkyil 'khor dag tu 'gyur/ /sa skyes la ni ri klu drug gi nyin zhag tshogs su 'gyur te ri bug 

</font><hr>77-1-31a<br><font size=+1>

ri klu zla skyes la'o/ /lha yi bla ma dag la so me rig byed du 'gyur pa sangs la ni ri dang rgyal ba mig 80 /nyi ma'i bu la drug drug ri dang nam mkha' gcig gi nyin zhag tshogs ni dkyil 'khor du 'gyur ro/ /sa skyes la ni ri dus gcig kyang nges par 
nor du 'gyur te zla ba'i bu la brgyas bsnun pa/ /me dang nyi ma ri yis dman zhing pa sangs dag la nyin zhag bcus bsgyur chu gter brgyad kyis dman/ /stong mkha' dus mig dag dang mkha' lag gdengs can dus rnams blon po nyi skyes dag la bu lon 'gyur/ 81 /
sa skyes la ni phyed bcas dgu ste lag la phyed lhag mi bdag rgyu skar nyi ma bla ma la'o/ /pa sangs la drug nyi skyes la skyon bu lon du 'gyur mtha' dag longs spyod dbus nas sbyang bar bya/ /phyi nas de dag rnams ni dag par 'gyur te mi yi bdag po skye ba'i rgyu skar rgyu ba las/ /
dma' ba rang gi yan lag dag las dag 'gyur bgrod pa'i dbang gis mthon po nyi ma'i dbus gnas so/ 82 /zla ba drug gis zla ba'i longs spyod bsgyur ba las kyang dus kyi 'khor lo'i lo yi zla ba yis/ /cha thob dag kyang bu lon du 'gyur nyi ma ri bong can gyi rjes su ma spyad chu tshod 
phyed/ /slar yang mjug rings kyi ni gang zhig lhag pa nyin zhag so so'i dus su zla ba'i nyin gyis bsgyur/ /drug cu'i cha yis chu tshod nyin zhag so so'i dus su myur dang 'khyog por 'char ba dag la yang / 83 /zla skyes blon po myur ba dag la stobs dang ldan par 'gyur te 
sa skyes mjug rings 'khyog po la/ /dman pa pa sangs dal ba la ste rang bzhin yon tan dbang gis rgyu ba lhag ma la stobs med/ /myur la shar du kha phyogs 'gyur te slar yang 'khyog por rgyu la rab zhugs gzhan du mngon par phyogs/ /dal la lho ru bzhin phyogs 
'gyur te rang bgrod yon tan dbang gis 'byung ba la yang byang du gdong / 84 /zla ba'i nyin zhag sum cu gang dag chu gter gyis bsgyur mkha' mig zla ba zla ba'i rkang pa ste/ /khyim ni bcu gnyis po rnams dus bsgyur ba brgyad dang rig byed dag kyang nyi ma'i rkang pa'o/ /de 

</font><hr>77-1-31b<br><font size=+1>

yi nang du 'grib dang 'phel ba dag kyang bgrod pa 'gro ba'i dbang gis rim min rim pa ste/ /'khor lo phyed phyed dag la mtha' dag nor dang dus kyi grangs rnams rig par bya'o mi yi dbang / 85 /tshigs mtshams su ni ri bong can gyi dkyil 'khor dag la sgra gcan rab tu 
'jug ste dkyil 'khor yang / /rnam dag gyur na thams cad 'dzin te ri bong ldan pa'i dbang gis dkyil 'khor chu tshod drug cu'o/ /phyed dag gyur na phyed 'dzin ri bong can gyi dbang gis chu tshod dag ni ji snyed yod pa ste/ /gnag dang dkar ba'i tshigs mtshams dag 
la nyin dang mtshan mo'i dus su nyi ma dang ni zla ba 'dzin/ 86 /mi rnams kyi ni lo brgya dag kyang gza' rnams dag gi lo yi longs spyod kyis ni bsgyur bar bya/ /gnas gnyis phyogs kyi chas thob de ni bu lon du 'gyur steng gi phung po dag la sbyang bar bya/ /'bum phrag nyi shu 
gcig dang khri phrag drug gi lo grangs gang dag rnams ni dus kyi phyed la'o/ /slar yang phung po gnyis kyis nges par bzhi po rnams kyi lo yi grangs dag tu ni rab tu 'gyur/ 87 /stong pa stong pa nam mkha' klu dang lag pa thub pa ri bong can rnams rdzogs ldan dus kyi tshad/ /
gsum ldan la ni nam mkha' mkha' stong ro dang dgu dang nyin byed lo yi grangs su rab tu grags/ /stong pa stong pa mkha' dang rig byed ro dang lag 'gro zhes pa gnyis ldan lor ni yang dag ste/ /stong pa nam mkha' mkha' mig yon tan chu gter rnams kyi lo yi grangs 
ni rtsod pa'i dus la 'gyur/ 88 /lo ni 'di dag rnams kyis dus kyi mtha' ru gza' tshogs rgyu ba khyim ni stong pa dag la gnas/ /slar yang tha skar la sogs dag dang rab byung zhes dang de bzhin nag pa'i zla ba la sogs dang / /gza' dang sbyor ba tshes dang byed pa rnams 
kyang de bzhin dang po dag ste de yi dus su ni/ /lha rnams dag dang lha min rnams kyi 'khrug pa drag po sa gzhi'i gnas rnams su ni 'byung bar 'gyur/ 89 /sde pa drug ni nyi ma'i dbyangs bcas nges par yon tan gyis bsgyur lo gsum nyi ma dag la ste/ /a sogs thung ngu 

</font><hr>77-1-32a<br><font size=+1>

nyin zhag ces bya sum 'gyur ri bong can cha phyed bcas zla ba zla ba la/ /chu tshod ha sogs dbyangs bcas sum 'gyur gang yin de dag rnams kyang sgra gcan gyi ni mtshan mo gsum/ /dpal ldan stong pa gzhom med la sogs sum 'gyur gang de rnams kyang sgra 
gcan gyi ni dus sbyor gsum/ 90 /'byung ba nyi ma zla ba'i grangs ni mi yi bdag po phyed bcas zla ba dag dang lo gsum mo/ /phyed dang bcas pa'i zla ba dor nas thub mchog rnams kyis bcad pa dag ni dus kyi 'khor lor 'gyur/ /zla bar bsre ba gza' gcig dang 
ni mi bdag nyis 'gyur chu tshod tshogs la gnyis dang rkang pa mda'/ /'khor lo dag las nges par lha mo drug cu rnams kyis rnam par phye ba dag ni gzar 'gyur ro/ 91 /sum cu rtsa gnyis kyis kyang chu tshod thub pa nor gyis bsgyur ba'i lha mo rnams las tshogs la gnyis/ /
sbyin dor sbyin pa dag dang ri bong can gyi rkang pa dang po lnga ste 'dir ni drug gis so/ /zla ba'i phyogs gsum nyin zhag rnams ni sum 'gyur dag kyang nyi ma'i longs spyod la ni rab tu grags/ /drug cus phye ba'i skar ma gnyis dang nyi ma'i nyin zhag dang por spyod ldan dbang phyug 
chu tshod do/ 92 /dpal ldan dus kyi 'khor lo gza' yi tshogs dang bcas pa 'di dag phyi dang lus la dbyer med par/ /bsdu ba dang ni spro ba'i slad du srid pa gsum gyi gnas su nyi ma dus kyi gzugs dang ni/ /shes rab thabs kyi rab dbye dang ni mnyam dang mi mnyam rigs 
dang myur 'khyog la sogs rgyu ba ste/ /chags bral dang ni thub mchog rigs dang tshangs dang drag po la sogs lha rnams kyis ni shes ma yin/ 93 /a sogs lnga yis dbyangs gang dang po'i tshes grangs dbang gis dga' ba la sogs lnga dang ldan gyur pa/ /de dag 'dir ni 
'char byed mi bdag gal te de las skyes la sogs gza' dag ma gyur na'o/ /sa skyes mi shis shar bar gyur cing gal te slar yang smin drug dag dang ldan pa nyid gyur pa/ /de la gal te g.yul dang nad du gyur na mi rnams 'chi bar 'gyur te dang po'i dbyangs kyi'o/ 94 /

</font><hr>77-1-32b<br><font size=+1>

bzang po zla skyes dag gi gza' 'di la ni gal te mchu nyid ldan na gnyis pa 'chi bar 'gyur/ /rgyal ba bla ma dag la gal te skag tu gyur na gsum pa dag ni 'chi bar 'gyur ba yin/ /stong pa'i tshes dang pa sangs dag la gal te mon grur gyur na bzhi pa dag ni 'chi bar 
'gyur/ /rdzogs pa spen pa dag dang lhan cig tu ni bra nye gyur na lnga pa 'chi ba nyid du 'gyur/ 95 /nyi ma dag la dga' ba 'char ba rnams kyis rmar yang 'gyur te gzir ba rnams ni nyon mongs nyid/ /zla ba la ni bzang po 'char ba rnams kyis nges par g.yul dang nad 
dag la yang de bzhin 'gyur/ /bden par 'char ba lnga po rnams kyi 'bras bu mang por 'chi ba'i sbyor bas dman pa dag la 'gyur/ /nad dang g.yul dang yul du bgrod dang bag ma dag la dge dang mi dge'i 'bras bu shes par bya/ 96 /de ltar rgyu skar gza' ste dbyangs 
tshogs tshes rnams dag ni de nyid lnga yi rab tu dbye ba yis/ /phyogs dang zla ba bgrod pa dag dang lo dang drug cu'i lo rnams la yang 'dir ni 'char bar 'gyur/ /nag pa sogs la 'dir ni yan lag bcu gnyis dag gis 'char 'gyur phyogs kyi dbye ba de nyid do/ /
nyin zhag dbyangs rnams bdun cu rtsa gnyis dag gis 'dir ni 'char bar 'gyur te zla ba'i dbye ba la'o/ 97 /zla ba drug gis bgrod pa'i yan lag dag ste rab byung la sogs bcu gnyis lo rnams dag gis lo/ /de ltar dbyangs ni lnga po rnams dag 'dir ni 'char bar 
'gyur te de ni phyi nas nub pa'o/ /dang po la ni dbyangs rnams byis pa rang tshes yon tan dbang gis dpal ldan gzhon nu gnyis pa la/ /dar bab rgan po rim pas me dang chu gter nyin zhag la ste lnga ba la ni nub par 'gyur/ 98 /a sogs dbyangs lnga gang dag nges par 
yon tan gyis bsgyur de dag rnams ni rnams gnyis sum cu nyid/ /ka sogs sde pa'i yi ge rnams la rang bzhin yon tan dbang gis mtha' dag sbyar bar bya ba ste/ /thung ngu rnams ni 'dir yang dkar po'i phyogs la 'char bar 'gyur te de nyid lnga yi dbye bas so/ /

</font><hr>77-1-33a<br><font size=+1>

ring po rnams ni nag po'i phyogs la shin tu nges par 'gyur te spro dang bsdu ba'i sbyor bas so/ 99 /nyi shu rtsa bdun rgyu skar de la gsal bar mda' yi chu tshod nyi ma'i dus sbyor cha dgu pa/ /lug gi dus sbyor la sogs 'di dag rnams kyang 'dir ni rang bzhin gsum 
ste brtan g.yo shin tu mnyam/ /lug dang karka Ta srang chu srin 'dir ni g.yo ba dag ste de las gnyis pa brtan pa'o/ /lhag ma gzhan ni gnyis kyi rang bzhin de dag nyin dang mtshan mo'i dus su rtag pa nyid du 'char/ 100 /de la yud tsam sum cu rnams dang nyin 
zhag dus la chu tshod dag kyang drug cu kho na ste/ /dang por sum cu'i dbyangs rnams 'dir ni 'char bar 'gyur ba nyid de yud tsam yud tsam dag la'o/ /sde pa'i yi ge sum cu chu tshod rnams la rab tu 'gyur te thung dang ring po rab dbye bas/ /zla ba'i dbus su tshes kyi cha 
la 'char bar brjod de de dag nub pa dag kyang de nyid la'o/ 101 /stong pa rlung me chu dang sa rnams dag kyang a la sogs par dbyangs ni lnga po rnams kyi rigs/ /sgra gcan me dang zla nyi zla skyes mig dmar pa sangs bla ma mjug rings spen pa 'dir lhag lha/ /sngar brjod 
dus sbyor re re de la nyin dang mtshan mo'i dbang gis chu tshod rnams ni bsgrub par bya/ /de yi dbus su dbyangs gang byung ba'i gza' zhes bya ba stobs ldan de yis dkyil 'khor bsgrub par bya/ 102 /g.yon pa dag nas thung ngu'i dbyangs rnams 'dir ni 'char bar 'gyur te g.yas 
pa nas kyang gzhan dag go/ /g.yon la stong pa la sogs de nyid dag dang gza' tshogs rgyu ba sgra gcan la sogs mtha' dag ste/ /g.yas la de nyid 'dzin ma sogs dang gza' yi tshogs ni nges par nyi ma'i bu la sogs pa nyid/ /phyi rol tu yang dus kyi chu tshod gza' 
yi gnas dang mnyam pa dbyangs bcas dag ni bsgrub par bya/ 103 /dris na g.yul gyi slad du 'chi bar 'gyur te stong pa la ni dus dag shar bar gyur pa na'o/ /rlung du nyi ma dag la 'pham zhing me la sa skyes shar ba dag la rma ru 'gyur ba yin/ /chu dang bla ma la ni 'dum 

</font><hr>77-1-33b<br><font size=+1>

par 'gyur te sa la spen pa shar la 'khrug par mi 'gyur ro/ /'chi dang nyon mongs rmar 'gyur bde ba dag dang mnyam pa nyid ni 'dri byed nad pa rnams kyi'o/ 104 /g.yul du dgra ni nges par rab tu nyams par 'gyur te sgra gcan stong pa dag la shar na yang / /rlung dang 
zla ba dag la 'pham dang g.yul du rma yang zla skyes me la shar ba dag la'o/ /chu la pa sangs la ni don rnyed sa la mjug rings shar ba dag la dgra yang dbang du 'gyur/ /de bzhin bgrod pa bag ma dag la g.yon gyi lam la gza' rnams kyis ni dge ba'i 'bras bur 
'gyur/ 105 /pho nyas brjod pa'i dbyangs rnams gang dag nges par bcu yis bsgyur te khyim gyi 'khor lo dag gis bsre/ /slar yang de dag 'byung bas bsnun te nye ba'i skye bo dang ldan bdun gyi cha yi lhag ma ni/ /zla me mda' dang ri bo mi mnyam gnas su gyur na mi 
rnams la ni rnyed pa yod ma yin/ /mig dang rig byed ro ste shin tu mnyam pa'i gnas su gyur na bya ba dag kyang 'grub par 'gyur/ 106 /lo dang zla ba phyogs dang nyin dang mtshan mo'i dus ni dus sbyor dbus su rab tu zhugs pa ste/ /dus sbyor gcig ni lnga yi dbye bas gza' 
tshogs dang ldan dbyangs dang bcas pa'i de nyid tha dad do/ /de nyid gcig ni dbugs rnams drug cu mngon lhag yon tan brgya yi dus kyi chu tshod dag la gnas/ /chu tshod cha shas chu srang drug cu de yi cha shas shes pa dbugs drug rnams so mi yi dbang / 107 /dbugs 
'byung 'jug pa'i dbus su mi dge dge ba'i 'bras bu dag kyang rnal 'byor ldan pas shes par byed/ /lha shes rnams kyis nyin zhag 'das pa'i dbang gis nyi ma zla ba bsgrubs nas dus kyi chu tshod do/ /da ltar byung ba shes pa min par dge dang mi dge'i 'bras bu 'jig 
rten 'dir ni gang brjod pa/ /de ni long ba yis kyang long ba bzung nas glang chen seng ges gtams pa'i thib por rab tu 'jug 108 /phra mo'i rnal 'byor mi shes pa la gza' yi stobs dang bcas pa'i dus sbyor sbyor ba sbyin pa ni/ /skye dang bdun par gnas pa'i khyim 

</font><hr>77-1-34a<br><font size=+1>

la dus me nyi ma sa skyes nyin mor byed pa'i bu rnams kyis/ /de la 'chi dang nad dang rma dang nges par mtha' dag nor ni rnam par nyams pa dag kyang byed/ /de phyir spang bar bya ste nges par bdag gi tshig gis dus sbyor gzhan ni rab tu sbyin par bya/ 109 /skye dang 
bdun par gnas pa'i khyim la sgra gcan zla ba zla skyes bla ma pa sangs dang bcas pas/ /dgra nyams rang nyid rgyas shing g.yul du rnam par rgyal te dga' ma dang bcas nor dag thob par 'gyur/ /yang dag dus sbyor thams cad kyis te slar yang gal te rang lus 
g.yon gyi rtsa las gyur pa na/ /nges par don ni thams cad 'grub ste mtha' dag sa yi steng du dag pa'i gza' dang tshes la'o/ 110 /rgyu skar rnams ni dgu dang dgu dang dgu yis cha gsum byas te skyes pa'i rgyu skar dang po las/ /gdug pa rnams ni zla ba dag dang 
lhan cig mi mnyam gnas gyur nad pa rnams ni 'chi ba nyid/ /tha skar la sogs rnams kyis rtsa gsum sbrul yang spras par gyur pa nam gru nyid kyi bar du ste/ /sdig zla skyes pa'i rgyu skar gal te rtsa gcig dag la gyur na mi rnams dag ni rnam par nyams/ 111 /drug dang 
tshes dang brgyad dang ri zla bcu dang bcu dgu nyi ma nyi shu gcig gi lo bzang rnams/ /nyi zla mig dmar gza' lhag nyi skyes bla ma lag 'gro dkar po rnams kyis de dag rim pas spyod/ /de dang nang gi gnas skabs la yang de las sde pa brgyad po rnams kyis yi ge dag la ni/ /
drag po rnams kyis zhi ba min pa byed cing mchog tu bde byed zhi ba'i rang bzhin gza' gang dag 112 /rgyal gyi zla bar nyi ma chu srin la son ma rig pa ste bum par nyi ma mchu la yang / /'du byed du 'gyur mi yi bdag po nya ru nyi ma dbo dag la ni rnam par shes pa ste/ /lug tu nyi ma 
nag pa la ni ming dang gzugs so glang 'khrig la son sa ga snron dag la/ /mig sogs dang ni reg pa dag ste nyi ma karka Tar gnas chu zla la ni tshor bar 'gyur/ 113/ seng ge nyi ma gro bzhin la yang sred pa bu mo dang ni srang du son pa khrums dang ni/ /tha skar zla ba dag la 

</font><hr>77-1-34b<br><font size=+1>

len pa nyid dang srid par 'gyur te smin drug sdig par nyi ma la/ /skye ba dang ni gzhu la nyi ma gnas pa mgo dag la yang de bzhin rga shi rim pa ste/ /de ltar nyi zla'i dbye ba dag las gnyis ka bgrod pa'i dbang gi rgyal po yan lag bcu gnyis so/ 114 /rgyal dang mchu 
yi mtshams su chu srin dag la nyi ma gnas pa'i gza' de la ni ma rig pa/ /de nas gnyis pa la ni shi bar 'gyur te mi yi bdag po de bzhin skye ba gsum pa la'o/ /de bzhin srid pa la sogs thams cad yan lag bcu gnyis bar du rim pa dag gis yongs su 'gyur/ /
de nas me dang chu gter mda' ste chu srin bgrod pa'i dbang gis res 'ga' yan lag drug pa'o/ 115 /tshes zhes bya ba'i gza' yis phyogs te nyi ma rgyu ba'i dbang gis res 'ga' yan lag bcu drug gis/ /'du byed mchu yi mtshams dag tu ste bum par nyi ma son pa de la 'du 
byed kho na'o/ /de nas gnyis pa la ni rnam par shes par 'gyur te nyin zhag gsum pa la ni ming dang gzugs/ /de ltar zla ba gnyis la yan lag tu 'gyur nyi ma'i dbang gis spro dang bsdu ba'i sbyor bas so/ 116 /de la ma rig la sogs yan lag mi mnyam pa yang bya ba kun 
la dge bar 'gyur ba ste/ /gang zhig 'du byed la sogs mnyam pa dag kyang rtag tu dbang bgrod bag ma dag la dge ba min/ /de bzhin phyogs kyi dbye ba dag la ri bong can gyis bgrod pa'i dbang gis yan lag bcu gnyis gang / /dkar dang nag po'i phyogs la dang 
po'i tshes grangs dbang gis spro dang bsdu ba'i sbyor ba dag gis so/ 117 /nyi ma mig dmar mjug rings spen pa g.yas sam rgyab tu yang dag gnas pas dgra ni 'chi bar byed/ /g.yon dang mdun du zhi ba'i rang bzhin gza' tshogs mtha' dag g.yul gyi sar ni de bzhin kho na'o/ /
rnal 'byor ma dang biSh+Ti drag po rlung dang bcas pa g.yas dang rgyab tu bde ba sbyin pa ste/ /g.yon dang mdun du 'chi ba'i rang bzhin mnyam dang mi mnyam gyur pas gnyis ka'i dpung ni 'joms par 'gyur/ 118 /tshangs ma drag mo gzhon nu ma dang mkha' 'gro'i bdag gis 

</font><hr>77-1-35a<br><font size=+1>

'gro ma phag mo rdo rje lag ma dang / /tsA muN+DA nyid dpal mo dag ni nor gyi tshes la 'gyur te dang po'i tshes dang dgu pa la/ /brgya byin du ste gnod sbyin me zur lha min gshin rje chu lha rlung dang dbang ldan sa la'o/ /'di ni 'char ba dag tu byed de slar yang 
tshes rnams la ni brgyad gnyis dbye bas tha dad do/ 119 /biSh+Ti rnams ni dkar po'i phyogs la brgya byin gshin rje chu dang gnod sbyin nga yang 'dir 'char 'gyur/ /slar yang nag po'i phyogs la rtse mo can dang lha min rlung dang dbang ldan zur du rim pas so/ /drag po shar nas 
gzhan phyed du 'gro nyin zhag dbang gis byang du yang ste byang gi nyi ma la'o/ /chu nas me ldan dag tu de ni nges par 'gro ste lho ru lho yi nyi ma dag la'o/ 120 /shar nas thun phyed dag la rlung du rab tu 'jug ste de bzhin du ni lho ru 'gro bar byed/ /dbang ldan chu dang me dang gnod 
sbyin lha min grong khyer du 'gro rlung du nyi ma nub par 'gyur/ /dpal ldan rtsa ba'i sgra gcan dor nas rlung dag las kyang rnam par rgyal 'gyur 'gran pa'i 'thab mo dang / /'khrug pa dag la rtsa ba'i sgra gcan gyis ni dgra yi stobs 'joms de dang mtshungs pa gzhan yod min/ 121 /
dbyangs dman 'thab mo pa ni mnyam dang mi mnyam g.yul la lhag pa dag gis 'joms par byed pa ste/ /dbugs la gnyis kyi ming gang snying la rab tu 'jug na de ni 'khrug pa dag las rgyal bar 'gyur/ /pho nyas brjod pa dang po'i ming de rnam par rgyal bar 'gyur te phyis kyi ming 
ni 'pham par 'gyur/ /'du ba kha dog dbyangs la sogs pa mnyam dang mi mnyam gyur pa rnams kyi 'bras med ston pa nyid/ 122 /dus ni 'thab mo'i sa la mi bdag rnams kyi g.yas dang gal te g.yas min dag la mun can gyur/ /g.yul du lha yi mgon po dag ni 'phrog 
byed drag po dang bcas mi rnams kyis kyang 'joms par 'gyur/ /de phyir dpal ldan rtsa ba'i sgra gcan 'khyog po drag po lha min rnams las srid gsum rnam rgyal ba/ /g.yul gyi dus su sa yi dkyil 'khor la gnas shes par bya ste gzhan du dgra ni nyams pa med/ 123 /sa la 

</font><hr>77-1-35b<br><font size=+1>

rgyu skar byas nas thub pa dus kyis bsgyur ba dbang po gnod sbyin chu dang gshin rjer ni/ /de yi 'khor lo 'khor bar byed de nyin zhag bgrod pa'i dbang gis mtha' dag rnams ni rig par bya/ /rgyu skar gang la dus dang mun can du yang rab gyur lta ba lhung na gnyis po dag la yang / /
g.yul du sgra yi sde rnams dag ni 'phral la nges par lhung ste lto yi dbus su rgyal bar 'gyur/ 124 /sgra gcan dus la gnas pa rnams ni 'chi dang bcas par 'gyur zhing dpung rnams mnyam du ltung ba ni/ /lta ba'i cha la nges song rnams te brang 'gro 'gro ba'i dbang gis der ni sde 
rnams bcom par gyur/ /lta ba'i cha ni spangs pa rnams dag rnam par rgyal bar 'gyur te lto bar zhugs la gnyis po yang / /de ltar dpal ldan rtsa ba'i sgra gcan bla ma'i gsung la gnas pa dus kyi 'khor lor shes par bya/ 125 /rnal 'byor ma dang biSh+Ti drag po gza' tshogs 
dang bcas dbyangs ni 'char ba dag dang bcas gyur pa/ /de dag thams cad btang nas rgyal rigs rnams kyis srid gsum rnam rgyal gcig pu gzung bar bya ba ste/ /gang gis zla ba nyi ma za zhing skabs gsum pa dag 'jigs byed drag po'i gzugs can mig sman mdog /
sa la gang zhig nyin dang mtshan mor shar dang nub dang lho dang byang du yang ni 'khor ba'o/ 126 /g.yul du 'pham pa'i dgra bo dag ni gal te 'phral la rdzong gi nang du zhugs par gyur pa na/ /phyi rol du ni 'khrul 'khor bya ste rgyun chad med par rdo dang me mda' rab tu 'bab pa dang / /
ral gri la sogs gcod pa'i 'khrul 'khor dag dang sa gzhi'i gnas la gur dang cog ni dbye ba yis/ /de yi rdzong ni phye mar byas te nyin zhag nyung zad dag gis gdug pa de ni bsgrub par bya/ 127 /ka ba bzhi ni brgyad gnyis khru ldan mnyam dang mi mnyam gnas nas gnas brgyad 
du ni phug gyur pa/ /tha dad rnams ni sdong bu chu gter dus dang dus rnams kyis te rgyab tu yang ni gcig gis so/ /rtsa bar 'khrul 'khor tshad ni lag pa bcu ru 'gyur te steng gi cha dag la ni de yi phyed/ /sgyogs mda' khru gnyis dag gis dman par 'gyur te o log bcu 

</font><hr>77-1-36a<br><font size=+1>

yi steng gi cha ni lhag pa'o/ 128 /zlum por phyed bcas khru gnyis dag ste sor mo thub pa ma nur nges pa'i bug pa gcig tu ni/ /khru gang dor nas sgyogs mda' rab tu gzhug ste o log bcu yi rgyab kyi cha la gzer gyis gdab/ /mgo bor a long dag la 
thag pa lnga bcu gdags par bya ste steng gi tshad ni zlum po phyed/ /sgyogs mda'i mthar ni mdzub mo dang bcas rab tu 'jug ste gnya' non zlum po dag ni mtho gang ngo / 129 /sgyogs mda'i mdzub mo la ni 'ur mthil thag par bcas pa dag las nges par khru gsum dag tu 'gyur/ /
de yi nang du rdo ba rab tu bcug ste stobs ldan 'then byed rnams kyis 'then par gyur pa dag /btang ba myur du nam mkhar 'gro ste 'phral la nges par ltung zhing khang steng sogs dang lam srang du/ /mtha' dag phye mar byas nas sa yi 'og tu 'gro ste rdo rje 'bab pa ji lta ba nyid 
bzhin/ 130 /de yi mdzub mo zla ba phyed pa sa gzhi'i gnas su tshangs pa'i ri mo ngos gnyis dag tu ni/ /brgyad gnyis btang ba'i gnas rnams dag ste lag pa gnyis ka'i khu tshur bcings pa las ni gtang bar bya/ /gtong ba sa la reg pa nyid de mnyam dang mi mnyam rkang pa 
'khrul 'khor nang du gnas pas ni/ /rang 'dod rdo ba ltung ste rnam gsum bgrod pa'i dbang gis rdzong ni rnam par gzhom pa'i don du'o/ 131 /gang zhig bsnun pas glang chen 'phral la nges par ltung ba de la srog chags phra mo dag ni ci/ /rdzong gi steng khang la gnas dgra dpung ma lus 
gang dag phyi rol gnas par ltung bar byed pa ste/ /sa steng gnas su rdzong gi 'thab mo la ni gzhu 'dzin rnams kyis de dang lhan cig su zhig 'gran/ /gang du 'khrul 'khor rab bsnun rdzong der dgra bo su zhig zhugs pa dag ni gshin rje'i kha ru'o/ 132 /ka ba dpung pa drug drug dag 
gis gnyi ga'i nang ni mnyam pa khru ni zung gi bar dag la/ /snying po re re nyi ma'i khru ru 'gyur te gnyi ga nang ni mnyam pa lhag chad med pa nyid/ /so so'i re mig kun la spang leb dag dang pags pa spra tshil gos rnams kyis kyang g.yogs pa ste/ /snying po dus dang brgyad dang skyon 

</font><hr>77-1-36b<br><font size=+1>

dang sum 'gyur nyin byed kyis kyang 'khrul 'khor gcig ni rab tu bya/ 133 /gnyis gnyis snying po'i bar du 'khrul pa dag kyang dpung pa rnams kyis rgya yis btab pa'am kun nas so/ /rgyab tu skya ba 'dzin pa drug ste mdun nas dpung pa gnyis ka mnyam pa 'khrul 'khor 'dren 
pa'am/ /ka ba'i khung bur rab tu btsugs pa'i g.yo ba'i rlung gi dar rnams kyis ni rlung gis bskyod pa ste/ /de la zhon pa rang gi sde ni chu yi rdzong dag nyams pa'i don du chu yi gter la 'gro/ 134 /chu gter zur ldan stegs bu gcig la g.yo ba'i rlung gi dar dang rgyal mtshan 
bcas pa ka bar gdags/ /rgyab kyi phyogs nas mi rnams dag gis drangs shing sa las thag pa dag gis steng du 'gro ba ni/ /rlung gis rab tu bskyod par gyur pa nges par brag gi rdzong gi steng du mkha' la 'gro ba ste/ /de nas me yi 'bru mar 'phangs pas dgra yi dpung 
dang rdzong ni thams cad kun nas sreg par byed/ 135 /'khor lo'i rtsa bar gnam gdan rtse gcig pa ni gzhug cing steng du yang ni 'khor lo dag la ni/ /sor mo gnyis gnyis bar du rtsibs su 'gyur te zlum po'i mtha' ma ma lus par ni dgod par bya/ /'khor lo khru 
ni phyed dang gsum par 'gyur zhing gnam gdan steng du gzhan yang der ni srog shing ste/ /srog shing steng du ral gri rnon po myur bar 'khor te 'khrul 'khor gyi ni rtsa ba 'khor bas so/ 136 /thag pa yis ni rlung gi 'khrul 'khor nam mkha' dag la 'gro ste rang gi phyogs 
nas rim pas so/ /rdzong gi steng dang dgra yi khyim du so sor 'gro bar nges pa nyid du thag pa drangs byas nas/ /sa la tshad kyang de yis brjod par 'gyur te dgra rnams kyi ni rdzong gi rtse mo 'byed pa yis/ /rtse la bkod de dgra yi khang pa'i gzhi dang 'dun sa dag la me ni rab 
tu sbyin par bya/ 137 /'khor lo rnams kyi steng gi cha la lcags dang shing rnams dag gis khang pa chen po bkod pa ni/ /spang leb dang ni ma he'i pags pa rnams kyis kun nas g.yogs par gyur pa zlum po'i rnam pa ste/ /mi rnams dag gis bskyod par gyur pa mnyam pa'i sa 

</font><hr>77-1-37a<br><font size=+1>

la 'obs ni ji srid nyid du 'gro bar 'gyur/ /'obs de bkang nas mkhar gyi rtsig pa dang ni lam srang dag tu 'phral la rab tu 'jug par 'gyur/ 138 /stegs bur phur pa gnyis la nges par rgyud dang bcas pa'i gzhu ni g.yo ba med par btags byas nas/ /
rgyab tu lcags kyi phur pa gnyis la legs bkod 'khrul shing la ni sor mo lta bu phyed 'khyog rnams/ /sor mo'i rtse mo dag la gzhu rgyud kyis ni mang zhing mnyam pa'i mda' 'am lcags mda' rnon po rnams/ /g.yul gyi dus su 'phangs pas go cha dang bcas glang chen 
lus po phug nas rab tu 'gro bar 'gyur/ 139 /ka ba gnyis ni sa yi nang du brtan par btsugs pa thag pa rnams kyis dkris par gyur pa ste/ /thag pa'i dbus su ral gri'i chang gzung tshud pa zlum po dang bcas bskor ba du mas bskor gyur pa/ /de yi dbus su ral 
gri'i chang gzung nges par g.yo ba med par gzer gyis btab par rab tu 'gyur/ /gzer dang thag par bcas pa g.yog par bya zhing ral gri'i so yi rtse mo'i cha yang mnan par bya/ 140 /de yi steng du bug pa'i re khA can gyi spang leb las ni bskul bar 'gyur ba 'thon pa'o/ /ral 
gri'i steng du zla ba'i dbus kyi cha la lcags las byas pa chung ngu gcig kyang gzhag par bya/ /zla ba'i steng du gang gi rkang pa gzhag pa de ni 'phral la ral gri yis kyang gcod par byed/ /mkhar gyi sgo yi mtha' rnams dang ni mi yi bdag po'i khang par 'khrul 'khor kho na mtshon 
cha'o/ 141 /srog shing steng du nyi ma'i lag pas rtsa ba'i gnas su 'gyur te 'khor lo'i tshad la dgu cha'o/ /zur du ka ba 'phred gdang mnyam dang mi mnyam shing rta gnas las gnyis dang phyed kyi tshad kyis so/ /cha phyed dag la 'thab mo pa yi sa ste mnyam dang mi mnyam 'dren byed 
rta'am glang po rnams/ /de nas 'khor lo'i phyed kyi sa la steng du me long do shal rgyal mtshan la sogs bkod pa'o/ 142 /gcig phyed cha gnyis dag ste zla ba lag pa rtse mo can rnams rtsa ba'i gnas dang gdan rnams kyi/ /zlum po phyed bcas gcig cha pad+ma'i shing rta'i sa ni dga' ba'i dbye 

</font><hr>77-1-37b<br><font size=+1>

ba dag la mnyam par 'gyur/ /rten dang bcas pa 'khor lo'i tshad ni rta dang glang po'i dbang gis phyed dang bcas pa rnams gnyis kyang / /lha rnams kyi ni pad+ma'i rigs te lha yi bu yis bkod pa dga' ba'i rigs ni mi rnams kyi/ 143 /brgyad dang chu gter srog shing 'khor 
lo rnams kyis rnams gsum 'dir ni shing rta chen po phyed dang mnyam/ /nyi ma'i shing rta mchog ni 'khor lo gcig pa mi mnyam rta yang lha ma yin rnams rnam par 'joms/ /g.yul du phyir mi ldog par 'gyur ba mi mnyam mnyam pa'i shing rta chen po rgyal rigs rnams kyi'o/ /
steng dang mngon du phyogs pa 'joms te mnyam dang mi mnyam g.yul du rgyab ni 'joms pa mnyam par 'gyur/ 144 /drug lnga chu gter me yi cha rnams dag gis ka ba'i rtse mor bug pa mnyam par rab tu 'gyur/ /rtsa ba dag las steng du phyed kyi cha ni rtseg ma'i dbang gis 'gyur te 
lha rnams gzhal med khang / /de bzhin sa la mi bdag rnams kyi rnam gsum rtseg ma'i dbang gis yul gyi ltad mo dga' ston la/ /khru nas khru yi bar dag gis ni phyogs rnams kun tu 'khor ba dang ldan chen por rab tu 'gyur/ 145 /'khor lo'i steng du ka ba'i rtse mo dag la 
rnam gsum rtseg ma'i dbang gis khyogs rnams phyogs kun du/ /brgyad gnyis brgyad dang de nas phyed de phyogs dang dus dang dus dag lag pa rten nyid sa gsum la/ /steng dang 'og tu 'khor bar byed pa lag pas gzung ba'i 'khrul shing la ni bu mo rnams kyis sten/ /nang dang 
phyi rol dag tu gnas pa 'og dang steng du son cing phyogs brgyad du ni 'khyog pa rnams/ 146 /steng dang 'og tu sbubs ni 'khyog por 'gyur te kun nas sbubs kyi rnam pa dag gis 'khrul 'khor ro/ /sbubs kyi rtse mor bum pa'i gzugs la bug pa yang ni sbubs kyi bug pa dag gi tshad 
du 'gyur/ /chu ni 'dren par byed cing drangs pa'i chu ni btang bar gyur pa dag kyang bum pa'i bu ga nas/ /skyed mos tshal dang ldum ra dag gi mnyam pa'i sa la gang du drangs pa der ni 'gro bar 'gyur/ 147 /rab mchog sa gzhi dag la gdug pa can rnams sgrub pa'i don dang 

</font><hr>77-1-38a<br><font size=+1>

chos dang ldan pa rgyal don du/ /dang po'i sangs rgyas su ni srid gsum bla mas zla ba bzang la thams cad sngon du gsungs pa gang / /de yi nang nas cung zad tsam zhig 'dir ni de ring yul 'dir khyod la bdag gis gsal bar bstan/ /rang gnas bsrung ba'i 
don du 'di dag mtha' dag gyis shig zhe sdang chags pas min no nyi ma kye/ 148 /chang dang lan tshwa'i chu gter dbus su thub pa sa yi dkyil 'khor la ni las sa yang dag gnas/ /dpag tshad 'bum phrag gsum la nyi ma'i dum bu rnams su mi yi bdag po rim pas 'khor bar 'gyur/ /
dum bu gcig la dpag tshad stong phrag nyi shu lnga ste nor gyi 'dab ma dag dang bcas pa'o/ /de yi dbus na kai la sha ste mchog gi gangs ri yis ni phyogs rnams kun tu bskor ba'o/ 149 /sa la kai la sha yi dum du gangs kyi ri dang bcas pa de ni kun nas sum cha ste/ /phyi rol 
du ni 'dab ma re re dag kyang nyin byed yul dang gling gi yul rnams dag gis brgyan/ /g.yas kyi phyed na sham b+ha lar grags thub mchog gi gnas grong ni bye ba lhag par gnas pa ste/ /bye ba'i grong gis nges par bcings pa yul du 'gyur te rgyal khams grong ni 'bum 
phrag rnams kyis so/ 150 /gcig gnyis gsum dang chu gter dbye ba mda' ro thub pa lnga dang 'jig rten la sogs dbye ba yis/ /phye ba mi dbang 'khor lo can ni sa gzhi dag la 'khor te rnam shes ldan pas btsal bar bya/ /'khor lo can dang phyed can dum bu can ni yul gyi 
mi bdag phyag rgya'i lag ni de las gzhan/ /phyi rol du ni dus kyi dbye ba nges par 'gyur te ji ltar 'jig rten mgon gyi de bzhin no/ 151 /'od zer bdun dang ri gza' thub rnams 'dir ni de bzhin snying stobs ldan pa lha yi skye gnas te/ /nya dang rus sbal phag pa mi yi seng ge dang 
bcas mi'u thung dang dzA mad ag ni dang / /rA ma nag po de ltar brgyad ni lha min rigs la 'jigs ster rdul gyi 'byung po'i skye gnas so/ /sum cu rtsa gnyis gdan gyi mthar ni lha min dgra bo tshe lo brgya pa phyag na 'khor lor 'gyur/ 152 /A dra a no g+ha dang phag ldan lha min lag 'gro'i 

</font><hr>77-1-38b<br><font size=+1>

rigs la mun pa can ni gzhan yang lnga / /byi ba dbang po gos dkar can dang sbrang rtsi'i blo gros 'joms byed brgyad pa gang de mun pa can/ /gsal bar mkha'i yul gyi bA ga da sogs grong khyer du ni bdun pa yang dag skyes pa ste/ /gang du 'jig rten lha min yan lag stobs 
dang ldan par gnas shing brtse ba med pa kla klo'i gzugs/ 153 /rnga mo rta dang ba lang bsad nas khrag dang bcas pa'i sha ni cung zad btsos pa 'ba' zhig dang / /ba lang sha dang dngul chu chu dang mar dang tsha ba mnyam pa 'bras dang lo ma bsres pa ni/ /gcig tu me la btsos pa nags kyi 
'bras bu dag dang bcas pa gang du mi rnams dag gi zas/ /btung ba bya rnams dag gi sgo ngar 'gyur ro mi yi bdag po de ni lha min rnams kyi gnas/ 154 /thig le nus ma mig sman dag dang mkha' lding lha yi chu bo mi sbyin dang ni 'dod 'jo dang / /rdzong dang glog dang rig pa bzang po 
'gyur med mchog gi cha dang lha yi skad dang lus med de/ /yang dag rgyu ba'i gzugs 'di rnams kyis sa la 'jug par 'gyur ro rgyal ba yi ni ye shes sku/ /byung bar gyur dang byung dang 'byung 'gyur rig byed rtog ge la sogs bstan bcos mtha' dag rab tu smra/ 155 /dpal ldan 
rgyal po nyi ma 'ga' zhig dag gis sham+b+ha la zhes rab tu grags pa'i ka lA pa/ /phyogs bzhi dag ni ri yis bskor zhing mda' yis bsgyur ba brgya yi dpag tshad rnams kyi tshad du ni/ /lha yi dbang po rab mchog mi yi bdag por bzhag nas khyod ni rang gi gnas su 'gro bar gyis/ /
dpal ldan shAkya'i rigs la rab gsal mi yi bdag po bdun te brgyad pa dpal ldan grags pa yang / 156 /'di ni dpal ldan 'jam pa'i rdo rje lha yi mchog gis btud pa rdo rje'i rigs kyis rigs ldan te/ /rdo rje'i dbang bskur byin nas mtha' dag thub pa'i rigs rnams 
dag ni rigs gcig dag tu byed par 'gyur/ /yang dag theg par mngon 'dzegs lha min rigs la 'jigs ster dpal ldan grags pa phyag na mdung thung can/ /sems can rnams kyi thar pa'i slad du sa la dus kyi 'khor lo rab tu gsal bar byed par 'gyur/ 157 /de yi 

</font><hr>77-1-39a<br><font size=+1>

dbus su gdan ni nyi shu rtsa lnga rim par yongs su bgrangs pa dag gi dus kyi mthar/ /rigs ldan rigs la lha yi dbang po lha yi mchog gis btud pa drag po'i rigs ldan 'byung bar 'gyur/ /dam pa rnams la zhi ba'i gzugs te bde ster zhes pa de bzhin 
kla klo'i rigs la mthar byed nyid/ /rdo yi rta bcibs 'khor lo can gyi phyag na mdung thung mtha' dag dgra la snun byed nyi ma'i gzi/ 158 /rigs ldan rigs kyi dbus su lag pas bsgyur ba'i dus kyi bu dang tsha bo dag ni 'das gyur pa/ /de yi dus su nges par mkha'i yul du kla 
klo'i chos ni rab tu 'jug pa dag tu 'gyur/ /ji snyed kla klo'i dbang po gdug pa ji snyed lha yi mchog gis btud pa drag po'i sngags ldan yang / /de yi dus su gnyis po dag kyang sa yi steng gi gnas su 'khrug pa drag po 'byung bar 'gyur/ 159 /g.yul du kla klo dag la snun 
byed mtha' dag sa yi steng du rang gi dpung ni yan lag bzhi/ /dus 'dir kai la sha yi ri bo lha yis bkod pa'i grong nas 'khor los sgyur ba 'byung bar 'gyur/ /drag po phung po tshogs kyi dbang po 'phrog byed dag kyang rigs ldan la ni grogs dag sbyin 'gyur te/ /rdo rta 
glang po'i dbang po gser gyi shing rta mi bdag phyag na mtshon ldan dpa' bo rnams kyang ngo / 160 /rdo yi rta ni rlung gi shugs can yon tan gyis bsgyur yon tan bye ba kha dog sna tshogs pa/ /chang gis dregs pa'i glang chen rig byed ces pa'i 'bum phrag grangs dang shing rta 'bum phrag 'byung 
ba dang / /ak+Shau hi NIdrug dang mi yi dbang po cod pan bcings pa'i rigs ni ro dang dgu bcu ste/ /rigs ldan khyab 'jug 'phrog byed dag dang bcas pa sde 'di dag gis kla klo rlag par byed par 'gyur/ 161 /mchog tu tsha ba'i dpa' bo rnams kyis kla klo'i tshogs la bsnun bya glang po'i 
dbang pos glang po la/ /rdo yi rta yis rta rnams la ste mnyam dang mi mnyam g.yul du sa skyong rnams kyis sa skyong la/ /rta la gnas pa zla ba chen po'i bu ni ha nu mAn da rnon po'i mtshon gyis bsnun par 'gyur/ /drag po kla klo'i dbang mgon mtha' dag lha min bdag po byas 

</font><hr>77-1-39b<br><font size=+1>

pa'i blo la drag po'i rigs ldan gyis/ 162 /dpung ni thams cad dag gis g.yul du kla klo bcom nas khyab 'jug drag po dang bcas rigs ldan ni/ /kai la sha yi ri bo lha yis bkod pa'i grong khyer gang du 'khor lo can dag gnas par 'gro/ /de yi dus su 'dzin ma dag 
la mtha' dag skye bo'i rigs ni chos dang 'dod pa nor rnams rdzogs/ /'bru rnams dgon par skye ba dang ni shing rnams 'bras bu brtan pos dud pa de dag 'byung bar 'gyur/ 163 /kla klo'i tshogs ni 'khor gyi skye bo dang bcas rab tu bcad nas mi yi lo ni brgya phyed na/ /rigs ldan 
grub par 'gyur te lha yis bkod pa'i pho brang mtho ba kai la sha yi rgyab tu'o/ /lha dang mi yi bla ma'i sras ni tshangs pa lha yi dbang po zung gi chos la 'byung ba dag /tshangs pa rgyab tu dum bu gcig la mi yi bdag por 'gyur te sa kun la ni lha yi dbang / 164 /rdzogs ldan 
mtshams su kla klo'i chos rnams mtha' dag srid pa gsum gyi bla ma dag gis bcad byas te/ /bcad nas lo ni brgyad brgya rnams su tshangs pa gzhag pa mdzad nas bde ba'i gnas su 'gro bar 'gyur/ /slar yang de nyid dbus su mi yi bdag po sras rnams dag gi rigs kyi 
dbye ba dag tu 'gyur/ /de rnams dbus su lha min dbang po mi bdag thub pa rnams ni phal pa gzhan rnams 'byung bar 'gyur/ 165 /kla klo rnams ni gzhom pa'i slad du lha yi bdag po dbang po bcu gnyis dag dang ldan par 'gro/ /dum bu dum bu dag tu kla klo'i chos ni 
bcom nas 'khor lo can yang bde ba'i gnas su 'gro/ /skabs gsum pa dang mi yi bla ma'i sras ni tshangs dang lha yi dbang po rgyab dang mdun du ste/ /rgyab tu tshangs pa la sogs rigs rnams rnam pa sna tshogs sa yi steng du dbye ba du mar 'gyur/ 166 /tshangs pa sogs la 
mi rnams lo ni brgya phrag bcwa brgyad dang ldan 'di dag mi rnams dag gi tshe/ /de yi phyed ni 'od srung gi'o rab mchog sa yi steng du dpal ldan mi yi seng ge'i phyed/ /drug cus dman pa de bzhin nyid du dus bzhi so so'i dus su mi thung sogs la 'phrog byed kyi/ /rigs ldan 

</font><hr>77-1-40a<br><font size=+1>

mthar ni ji srid brgya phrag gcig gi lo yi grangs kyi skye bo'i tshe ru rab tu 'gyur/ 167 /de ltar dum bu thams cad du yang dus bzhi'i dus su kla klo'i chos ni rab tu 'jug pa ste/ /lo ni brgyad dang brgya phrag gcig tu nges par gnas te de nas kla klo'i chos ni nyams 
pa'o/ /de nas lo ni stong phrag nyi shu lag pa brgya dang bral ba sangs rgyas chos ni rab tu 'jug /rdzogs ldan gsum ldan gnyis ldan rtsod pa'i dus ni nus pa'i tshad kyis sa gzhi dag la nges par rgyu/ 168  /'jig rten khams ni bskyed pa dag dang gza' yi rgyu ba mnyam pa 
'khor lo can ni 'byung ba dang / /kla klo rnams kyi chos ni nyams shing mchog gi bde ba'i gnas la rigs ldan gyis ni lam sbyin pa/ /'di dag thams cad bdag gis khyod la don ni ji bzhin bshad do zla ba bzang po dus gsum las/ /slar yang khyod ni skye bo kun 
la phan pa'i don dang thar pa'i slad du bdag la ci zhig 'dri/ 169 /dpal dang po'i sangs rgyas chen po las phyung ba/ dpal dus kyi 'khor lo las/ 'jig rten gyi khams rnam par bkod pa'i le'u ste dang po'o// //mi shes sna tshogs tshad ni gang dag 
rgyal ba skyed mdzad khyod kyis bstan pa dag kyang bdag gis te/ /slar yang bdag ni nyan par 'tshal lo srid pa gsum po mtha' dag lus kyi dbus su ji ltar lags/ /zla ba bzang po'i tshig dag gsan nas bde bar gshegs pas legs zhes bya ba byin nas rab gsungs 
pa/ /sems can rnams ni thar pa'i slad du mchog gi thugs rjes sna tshogs tshad rnams dag kyang lus la'o/ 1 /sa dang chu me rlung dang rdo rje lha yi gzhu dang rlung rnams dang ni khyim gyi 'khor lo dang / /zla ba nyi ma sgra gcan lhun po gdengs can mi dang lha yi gnas dang 'khyog po 
skar mar bcas/ /'pho ba zla ba dag dang phyogs dang nyin dang mtshan mo tshes rnams mtha' dag lus kyi dbus su ni/ /rang rang yi ges shes bya rnam gsum khyab bdag bgrod pa rnal 'byor pa yis stong pa'i dbye bas so/ 2 /lus 'di la ni khams kyi tshogs su mtha' dag ro drug zos shing 

</font><hr>77-1-40b<br><font size=+1>

'thungs pa dag las 'gyur ba ste/ /ro drug rnams kyang 'byung ba las te rab gsal nges par 'byung ba'i tshogs kyang nam mkha'i khams las so/ /stong pa la ni ye shes rnam par bsres pa ro mnyam 'gyur med rtag par yang ni 'gyur ba ste/ /de ltar 'byung ba la gnas zhi 
ba rnam gsum srid pa la gnas rang gi lus la rig par bya/ 3 /sa bon pad+mar gnas pa dag ni 'dzin mas 'dzin te de las chu yis sdud do phyi nas ni/ /me yis smin par byed cing ro dang ro ni za bar byed de 'di yi 'phel ba rlung gis so/ /nam mkha' dag kyang 'phel ba'i 
go skabs sbyin byed mi yi bdag po dus las de ltar grub pa ste/ /btsa' bar gyur pa'i dus dang byis pa la sogs dus dag tu yang lha yi gnas skabs rnams byed do/ 4 /sa bon dag gi sa ni gsal bar lci zhing sra ba nyid byed chu ni de bzhin gsher ba nyid/ /mes ni 
smin par byed cing rab mchog rnam pa bcu yi rlung rnams dag ni 'di yi 'phel ba'o/ /'phel ba dag la slar yang nam mkha' nyid ni go skabs sbyin byed dus las de ltar bskyed pa ste/ /sna tshogs dngos po du ma dag gis lus bcas sgra dang yid dang nus pa rnams ni spro 
bar byed/ 5 /gsang ba'i pad+mar khrag gi nang du gang tshe lhung ba'i byang chub sa bon srog dang bcas pa dag /nya dang rus sbal phag par 'gyur te mi yi seng ge mi thung rA ma rA ma dag dang ni/ /nag po sangs rgyas mi dbang rnam bcur 'gyur te 'di dag rnams kyang gnas 
skabs rnam pa bcu yin no/ /mngal du gsum ste de bzhin btsa' ba'i dus su gcig dang byis pa'i dus dag tu yang rnam pa gnyis/ 6 /gzhon nu lang tsho dag la gzhan du rab tu 'gyur te rgyas pa gcig dang yang dag de bzhin gcig /rgan po nyid la zhi ba gcig ste 
mngal skyes rnams kyi srid pa 'chi ba nyid ni tha ma'o/ /nya la nya yi rnam par 'gyur ba nyin zhag 'ga' ste rus sbal la ni rus sbal dngos po yang / /phag pa la yang de yi skye mched nyi ma 'byung ste mi yi seng ge la ni rab tu skye/ 7 /mi thung la ni byis pa'i dngos po rA ma la 

</font><hr>77-1-41a<br><font size=+1>

yang mi bdag gnyis kyi so rnams 'byung bar 'gyur/ /slar yang rA ma la ni ltung bar 'gyur te de nyid nag po la ni gsal bar sgyu dag byed/ /sangs rgyas la yang zhi ba dang ni brtul zhugs nges pa byed de rigs ldan la ni 'chi bar 'gyur/ /khu ba 
las ni rkang dang rus pa rgyus par 'gyur te rdul las pags pa khrag dang sha nyid do/ 8 /mngal gyi nang du zla ba gcig ni khrag dang sa bon bdud rtsi'i ror gyur rab tu skye ba ste/ /phyi nas sa bon myu gu rang gi snying khar rnam pa bcu yi rtsa ni shin tu phra ba'o/ /lte ba la yang 
brgyad pa brgyad ni gzhan te rkang lag gdong rnams la ni gyen du skyod par byed/ /zla ba gnyis po rdzogs par gyur pa dag la 'dir ni rkang lag gdong gi mtshon pa cung zad do/ 9 /zla ba gsum pa rdzogs pa na ni lag pa rkang pa mgrin pa dag gi mgo bo mnyam par 
'gyur/ /phra mo'i rtsa rnams zla ba bzhi pa la ni rkang lag gdong dang mgrin pa dag gi phyogs su ste/ /lnga pa la ni sha dang khrag dang rus pa mkha' ro bsreg za dag ste tshigs rnams dag kyang ngo / /zla ba drug pa la yang sha dang khrag tu 'gyur te tshor ba bde ba dang ni sdug 
bsngal yang / 10 /smin ma skra dang spu dang bug pa rnams kyang thub mchog la ste rtsa ni lhag mar gyur pa rnams/ /zla ba'i mjug tu nyin zhag so so'i dbang gis stong pa stong pa mig gi grangs ni skye ba ste/ /gnad dang rus pa rkang du 'gyur te ro 'dzin dang ni gci ba bshang ba brgyad 
pa dag la yang / /bug pa zhes la btsa' ba'i dus su skye gnas kyis ni btsir ba dag gis sdug bsngal drag po'o/ 11 /mngal du mngal na gnas pa'i sdug bsngal bca' ba'i dus dang byis pa'i dngos po la yang sdug bsngal te/ /gzhon nu dang ni lang tsho dag la bud med nor dang 
'byor nyams nyon mongs sdug bsngal chen po gang / /rgan po nyid la 'chi ba'i sdug bsngal slar yang 'gro ba drug tu 'jigs ster du 'bod la sogs te/ /sgyu mas rmongs par byas pa'i mtha' dag 'gro ba 'di ni sdug bsngal 'dzin bar byed/ 12 /'khor bar mi 

</font><hr>77-1-41b<br><font size=+1>

nyid du ni 'gyur ba dag kyang 'ga' zhig tu ste chos kyi blo ni res 'ga' na/ /de bas sangs rgyas la ni rjes chags dge ba'i dbang gis 'gyur zhing dang po'i theg par rab tu 'jug /de bas dpal ldan rdo rje theg pa sgom pa la ni blo gros ma lus brgya lam dag ni 'jug /de las 
sangs rgyas nyid 'dod mchog gi bde ba'i go 'phang dag la 'jug pa e ma shin tu dka'/ 13 /mngal du yang dag dag pa'i sku ste btsa' ba'i dus nas so ni skyes pa dag kyang chos kyi'o/ /so rnams rab tu lhung bar 'gyur ba mi yi bdag po rgyal ba yi ni longs spyod rdzogs pa'i sku/ /
de nas sprul pa'i sku ni rab tu gsal zhing nges par 'chi ba'i mtshams te mi rnams dag gi'o/ /mngal dang phyi rol dag tu slar yang 'di ni ye shes rnam shes dbye bas rnam pa bzhi ru 'gyur/ 14 /rnam shes zla ba nyi ma dag kyang pad+mar gnas pa de ni mngal du dag pa'i sku yin te/ /
khams dang phung po rab tu 'byung ba rnam pa bcu po gang yin rgyal ba yi ni chos kyi sku/ /de nas yon tan dbang gis rna ba sgra sogs skyes pa dag ni longs spyod rdzogs pa'i sku ru 'gyur/ /de nas skra la sogs pa skyes te rab tu btsa' ba'i dus kyang 'dir ni sprul pa dag gi sku/ 15 /
skyes pa na ni nges par dbugs dag gang zhig rab tu 'byung bar 'gyur ba de nyid dag pa'i sku/ /de nas so ni rab 'byung gang zhig tshig ni gsal min dag kyang de bzhin nyid du chos kyi sku/ /de nas gnyis skyes rnams ni ltung bar 'gyur ba mi yi bdag po rgyal ba'i longs spyod 
rdzogs pa'i sku/ /so rnams dag las 'chi ba'i mtshams ni phyi ru rgyal ba'i bdag po dag gi sprul pa'i sku ru 'gyur/ 16 /mngal du 'dir ni dang po dpal ldan sku yi rdo rjer 'gyur te gsung gi rang bzhin skyes pa na'o/ /thugs ni so dag rab tu skyes pa nyid na'o slar yang lhung 
nas ye shes rdo rjer rab tu 'gyur/ /ye shes rnam shes bsres shing nyi ma ri bong can dang bcas pa ye shes rdo rje la sogs kun/ /mngal na gnas pa dag ni sku yi rdo rje la sogs rim pa yis kyang stobs dang ldan par 'gyur/ 17 /sa yi snying po dag ni bsreg zar 'gyur te 

</font><hr>77-1-42a<br><font size=+1>

'dzin ma dang ni rlung dag stong pa'i snying po'o/ /rlung dang sa yi snying po dag ni chu nyid du 'gyur rang bzhin med pa dang ni rang bzhin no/ /sa yi rten ni chu ste 'bar byed dag kyang chu yi rlung ni dag par byed pa dag gi'o/ /rlung gi stong par rab tu 'gyur te mi yi 
dbang po 'byung ba'i rten dang brten pa ji lta bzhin/ 18 /phung po'i rten ni 'byung ba rnams su 'gyur te lus mchog dag la 'byung ba'i tshogs kyi rtsa rnams so/ /rtsa rnams kyi ni srog rlung rnam pa bcu por 'gyur te srog gi rlung rnams dag gi sems yin no/ /sems de 
gnyis kyi rang bzhin du 'gyur yon tan dbang gis rang bzhin can dang rang bzhin med pa'o/ /de dag gi yang rten ni gtso bo srid pa gsum gyis btud cing gzhom med kun tu 'gro ba gang / 19 /dri ni 'dzin ma dag las 'byung ste ro yang rtse mo can las gzugs kyi khams ni 
chu las so/ /rlung las reg par 'gyur te zhi ba las kyang sgra dang chos kyi khams ni nam mkha' dag las so/ /stong pa sgra ni 'dzin par byed de nges par rgyal ba skyed mdzad chos kyi khams dang rlung dag ni/ /dri dang me yang gzugs te chu dag kyang ni ro'o de bzhin 'dzin ma dag 
ni reg bya'o/ 20 /grub pa gzugs ni 'dzin ma la ste srid pa gsum gyi gnas su chu la yang ni 'du shes grub/ /me la nges pa nyid du tshor bar 'gyur te rlung la yang ni phung po 'du byed kho na'o/ /rnam shes ye shes bsres pa nam mkha' dang bcas rdo rje dag la grub pa nyid 
de lus 'di la/ /khams dang phung po la sogs thams cad 'gyur ba dag kyang rdul dang byang chub sems sogs sbyor bas so/ 21 /rna ba rdo rje'i rang bzhin du 'gyur mi yi bdag po sems ni nam mkha' dag gi rang bzhin no/ /sna ni sa yi rang bzhin dag ste de bzhin kho na lce ni me yi 
rang bzhin nyid du 'gyur/ /mig ni chu yi rang bzhin dag ste srid pa gsum gyi gnas su lus kyang rlung gi rang bzhin no/ /de ltar rna ba la sogs thams cad yon tan dbang gis 'gyur te ye shes rnam shes sbyor bas so/ 22 /ser sna ye shes khams la 'gyur te lus mchog 

</font><hr>77-1-42b<br><font size=+1>

dag la nam mkha' la ni zhe sdang rdo rje'o/ /rlung la phrag dog rdo rje me la chags pa'i rdo rje rab tu gsal mdzad de bzhin nyid du ni/ /chu la dpal ldan nga rgyal rdo rje sa la gti mug rdo rje rang bzhin yon tan dbang gis so/ /ngag dang lag pa rkang pa bshang lam thams cad rlung me 
chu dang sa rnams dag las 'byung bar 'gyur/ 23 /thur sel ye shes khams la rnam gsum zhes par 'gyur te srog gi rlung yang stong pa dag la'o/ /rlung gi dbus su mnyam gnas rtse mo can la slar yang gyen rgyu chu la khyab par byed pa nyid/ /sa la klu ste de nas rus sbal 
rtsangs pa dang ni lha sbyin nor las rgyal ba dag gi rlung / /bzhi po rlung dang me dag dang ni chu dang sa rnams dag la rim pa yis ni yang dag 'gyur/ 24  /gtsug tor stong pa'i khams la 'gyur te lha dang mi rnams kyi ni ye shes khams la gsang ba'o/ /snying gi pad+ma rlung 
gi khams la rab gsal rtse mo can la mgrin pa'i 'khor lo gsal bar ro/ /chu la smin ma'i nang gi pad+ma nor ni nor gyi 'dab ldan lte ba'i pad+ma sa la'o/ /rkang pa lag pa dag gi tshigs drug sa dang chu dang bsreg za rlung rnams dag la gsum gyi grangs/ 25 /sa sogs 
khams lnga dag la rnam gsum yon tan dbang gis 'byung ba rkang pa lag pa dag gi ni/ /mthe bong la sogs sor mo bcu ni gsum gyis bsgyur ba'i tshigs kyi gzugs dang ldan pa mtha' dag ste/ /de dag sen mo'i mthar thug yang dag gzung bya slar yang so rnams de 
nyid rab tu dbye bas so/ /gzhan yang spu yi mthar ni lus mchog la 'gyur de dang de ni de bzhin du yang khams la'o/ 26 /gsang ba gtsug tor lte ba la yang lhan cig skyes pa rgyal ba'i sku ste rang bzhin med rang bzhin/ /snying ga'i chu skyes la ni chos skur 'gyur te 
mgrin pa'i chu skyes la yang longs spyod rdzogs pa'i sku/ /thig le la yang sprul pa'i sku ni yon tan dbang gis lhag pa'i lha ru rim pa dag gis 'gyur/ /snying ga'i 'khor lo mgrin pa'i 'khor lo spyi bo'i pad+ma chos dang longs spyod rdzogs dang dag pa'o/ 27 /lte ba mgrin pa 

</font><hr>77-1-43a<br><font size=+1>

dag dang gsang ba spyi bo dang ni snying ga de bzhin gtsug tor dbus su ni/ /yum dang gtso bo'i sku dang gsung dang thugs kyi rdo rje rnam pa gsum po dag kyang rim pas 'gyur/ /'khor lo rin chen mkha' yi pad+ma chu skyes ral gri mchog dang rdo rje dang ldan rigs 
drug go /de dag steng 'og rtsa gsum rnam gsum lam la gnas pa rnams te nyi zla me yi dbye bas so/ 28 /lus la bsam pa rab tu zhugs pa nam mkha' bzhin du ro mnyam bsam pa'i dbus su lus dag kyang / /rnal 'byor ldan pas shes bya rang bzhin yon tan dbang 
gis khams kyi kha dog la sogs dbye ba ste/ /ser po nag po dag dang kha dog dmar po zhes dang dkar po sa rlung me dang chu la'o/ /ye shes nam mkha' la yang sngon po ljang gur 'gyur te lus dang bsam pa'i rab tu dbye bas so/ 29 /shes rab thabs ni rus pa sha dang chu dang
bcas pa'i khrag dang me dag dang ni gci ba nyid/ /rlung dang bshang ba stong pa khu ba mchog gi lus la dpal ldan rdul dang sems nyid dag tu 'gyur/ /rna ba sgra sogs gzhan rnams rang gi rgyal ba'i rigs kyi dbang gis ngag gi rang bzhin la sogs kyang / /de ltar lha 
mo sangs rgyas dang bcas yul dang yul can rnams ni dkyil 'khor dag la rig par bya/ 30 /rtsa rnams stong phrag drug ni nyin mor byed pas bsgyur ba mngal gyi dbus dag tu yang 'phel ba ni/ /byas nas lo ni rdzogs pa na yang gtong ste ri bong 'dzin pa nyi ma dag kyang 
'phel bar byed/ /lo ni bcu gnyis dag na nyin byed khams ni 'phel ba gtong ste rang gi lus bo dag la'o/ /rtsa ni 'chad pa rab tu skyes nas nyin zhag nyin zhag dag la rim pas zung gi grangs su 'gyur/ 31 /dpal ldan 'byung ba dang ni dbang po rnams dag bcu 
ru rab 'gyur las kyi dbang po lnga rnams dang / /de tsam lnga ru brjod pa rnams dang yon tan bcas pa dag kyang yid dang blo dang ngar 'dzin mchog /'di dag de nyid rnams te lus dang srid pa gsum gyi gnas su 'di ni longs spyod gtso bo dag /phung po lnga yi bdag nyid 

</font><hr>77-1-43b<br><font size=+1>

rnam gsum srid pa la gnas bdag gi las ni bsags pa dag gi'o/ 32 /sa ni sra ba chu ni gsher ba me yang tsha ba rlung ni yang ba nyid de bug pa ni/ /stong pa dag ste brtan pa'i rus pa 'chi med ri bo mchog dang char pa 'dir ni bdud rtsir 'gyur/ /rdo rje sgra dang gzhu yang bshad 
pa dag ste chu tshod rnams ni dbugs dang dbugs 'byung zung dag go /zung rnams dgu brgya nyis 'gyur dag gis 'pho ba gcig ste skar rtsis pa rnams bug pa'i dbye ba'o/ 33 /rgyu skar dag ni so yi phreng ba rjes su nyin zhag chu tshod rnams ni tshigs kyi dbye bar 'gyur/ /rtsa rnams 
chu bo rgyu ma sprin te ri bong can gyi cha gzhan khams rnams gnyis kyi rang bzhin no/ /spu dang shig dang khu ba srin bu'i rigs dang bcas pa rnams ni 'byung po skye gnas rnam pa bzhi/ /dga' ba la sogs mthe bong tshigs rnams spyi bo'i pad+ma lte ba'i pad+ma dag kyang nus pa'o/ 34 /
tshangs pa'i yul sa mtho ris 'jig rten lag mchog rkang pa dag ni mi yul sa 'og 'jig rten no/ /chu gter gling dang ri bo rnams ni gsher dang 'jam pa sra ba gsum gyi rang bzhin khams rnams so/ /lan tshwa'i chu gter gci ba 'di dag rnams kyi me rlung dkyil 'khor rgyal po 
khrag dang pags pa'o/ /skra rnams grub pa mtha' dag srid pa gsum gyi gnas su du ma'i dbye ba dag gis grub pa'o/ 35 /snying mgrin lte ba'i pad+ma dag la rdo rje nyi ma rtse mo can rnams rab 'phro rim pa yis/ /gzhu yi rnam pa zlum po dang ni nyin bzhin sreg byed chu gter zur gyi 
thab khung dag la yang / /de dag gang na me gzhan dri med 'od zer 'phro ba ye shes gzugs ni mun pa dag gi mthar/ /gang zhig nyi ma glog gis mi gdung ri bong 'dzin pa gza' dang skar ma la sogs med pa na'o/ 36/ gza' ni snying ga'i pad+ma la ste rab tu gsal byas chu 
tshod drug cu lte ba'i pad+ma la/ /smin ma'i dbus su nyin zhag rkang pa ma nu slar yang mi bdag longs spyod 'khor lor skar ma'o/ /slar yang lte ba'i pad+mar rgyu skar rnams kyi chu tshod rnal 'byor ldan pa dag gis rig par bya/ /chu tshod chu srang gsal bar mtha' dag lus la lag pa 

</font><hr>77-1-44a<br><font size=+1>

rkang pa la sogs dag gi tshigs la'o/ 37 /lte ba'i chu skyes nyi ma'i 'dab ma dag la 'khor te mchog gi cha ni 'pho ba rim pas so/ /srog zung dgu brgya nyis 'gyur dag gis 'pho bar 'gyur te dus sbyor karka Ta nas mi yi dbang / /dus sbyor gang la nyi ma gnas 
pas nyin dang mtshan mor 'khor ba de la de ni rig par bya/ /dus sbyor tshad dang nor dang bu lon mnyam pa dag kyang bgrod pa g.yas dang g.yon la shes par bya/ 38 /re re pad+ma'i 'dab ma dag la rab tu 'bab ste nub tu 'dzin ma dang ni byang du chu/ /lho ru me dang shar du rlung ni rab 
tu 'bab ste 'dab ma'i dbus dag tu yang stong pa'o/ /dbye ba lnga yis 'pho bar 'gyur te mnyam pa rab tu 'bab pa dman pa'i dbugs ni drug cu'o/ /de ltar 'pho ba'i dbye ba rnams ni nyin zhag so so'i dus su dus sbyor dbye ba dag gis 'gyur/ 39 /stong pa la sogs de nyid 
lnga ni nges par byang du rab 'bab sa la sogs pa g.yas su'o/ /sgra gcan dus me zla ba nyi ma dag dang gza' lag sa skyes lha min blon po bla ma dang / /mjug rings spen pa 'di bcu dag ni nam mkha' la sogs dkyil 'khor rnams la bdag po zhing can no/ /zla ba drug la zla ba 
dbang phyug tu 'gyur byang dag tu ste mi bdag lho ru nyi ma'o/ 40 /de steng snying ga'i phyogs su pad+ma nor gyi 'dab ma dag la rtsa yi 'khor lo yang dag gnas/ /srog la sogs pa rlung gi tshogs te zla ba nyi ma me rnams g.yon dang g.yas dang dbus su'o/ /g.yon du 
rtsa ni ri bong mtshan ma 'bab ste nges par dkar po g.yas su dmar po nyi ma'o/ /dbus su dus me'i gzugs ni rab tu 'bab ste mnyam pa dag la dman pa'i dbugs ni drug cu'o/ 41 /srog dang thur sel mnyam gnas pad+ma nor gyi 'dab ma dag la rlung ni gyen du rgyu ba dang / /khyab 
byed klu dang rus sbal dag dang rtsangs pa'i rlung dang lha sbyin dang ni nor las rgyal zhes pa/ /rlung ni rnam pa bcu po 'di rnams lte ba'i 'khor lo la ni las kyi dbye bas yang dag gnas/ /dung can mtha' yang i Da la sogs rang gi snying ga'i pad+ma rtsa yi 'khor lo mtha' dag go/ 42 /

</font><hr>77-1-44b<br><font size=+1>

srog ni nyi ma zla ba'i lam na gnas pa dag kyang srog byed bza' dang btung ba ma lus pa/ /de dag thur sel gyis ni 'og tu 'dren te mtha' dag ro mnyam lus la mnyam gnas dag gis 'thob/ /lus la gyen rgyus g.yo bar byed de kha dang lag pa rkang pa rnams kyis glu 
dang zlos gar byed/ /khyab byed kyis ni nang dag byed de rang bzhin yon tan dbang gis lus 'di 'jig pa de lta nyid/ 43 /klu yang sgregs pa nyid de gsal bar lag pa rkang pa bskum pa dag ni rus sbal rlung gis so/ /khro dang g.yeng ba mtha' dag de ni rtsangs pa'i rlung dag 
gis te glal ba dag kyang lha sbyin gyis/ /lus ni lnga pa nyid gyur gtong bar mi byed mi yi bdag po rlung gcig nor las rgyal ba'o/ /de ltar srog la sogs pa'i rlung rnams thams cad rang bzhin gyis gnas yon tan dag ni gtong mi byed/ 44 /dmar ser phra mo dag kyang 
i Da la sogs rnam gsum lam bgrod snar ma dang ni lag ldan lce/ /drug pa rgyal dang ri yang rgyal ba nor dang dgu pa a laM bu Sha dpal ldan ku hA'o/ /phyogs kyi grangs ni dung can ma gang mi yi bdag po byang chub sa bon bde ba'i mthar zag byed/ /dpal ldan rtsa yi 'khor 
lo 'di ni rnam pa mang por 'gyur te tshigs kyi dbye ba du mas so/ 45 /dbang po me dang gshin rje lha min chur bcas rlung dang gnod sbyin dang ni drag po dag gi dbus/ /gnas ni 'di dag rnams su de yi rang bzhin brten zhing nus pa nyin dang mtshan mor 'khor bar byed/ /de yi steng gi 
mgrin pa'i phyogs su gza' yi tshogs dang bcas pa'i rgyu skar 'khor lo yang dag gnas/ /tshangs pa'i yul sa dpal ldan dpral ba dag gnas dbyangs kyis yongs su bskor ba'i thig le dkar po zag 46 /rtsa bar sa ste g.yon du chu dang g.yas su bsreg za dag ni rab tu 'bab ste steng 
du rlung / /gnyis kyi dbus su nam mkha' dang ni mnyam pa rab tu 'bab ste sna bug dag las rim pas so/ /'di dag rnams ni 'bugs te nus pa mchog gi gnas dang bcu gnyis mtha' dang cha yi mtha' ru 'gro/ /zhing la sogs pa lag pa rkang pa lag pad sbyar ba dag la mthe 

</font><hr>77-1-45a<br><font size=+1>

bo'i mthar thug mtha' dag go/ 47 /'khor lo can ni rang gi lus la rdo rje can te lha mchog bdag rnams yan lag bcu gnyis 'gog /rigs ldan dag ni yang dag ye shes glang po rta dang shing rta mngag gzhug 'phags pa'i tshad med rnams/ /drag po rang 
rgyal ming can dag tu 'gyur te ha nu mAn ni nyan thos gdug pa kla klo'i dbang / /srog chags rnams kyi sdig pa dag ste gang zhig byed pa'i blo gros sdug bsngal sbyin byed mi dge'i lam/ 48 /rta la gnas pa ma rig pa ste lha min dpung rnams mtha' dag bdud kyi phyogs ni rnam pa bzhi/ /
de yi g.yul la sdud pa srid pa'i 'jigs pa 'joms pa dag ste dpal ldan rgyal ba thar pa'i lam/ /kai la shar ni chos dag sbyin pa srid pa'i 'jigs 'phrog yin te sa ni rdzas kyis gang ba yang / /skabs gsum pa dang mi yi bla ma'i sras po tshangs dang lha dbang dag ni rgyab 
dang mdun du gang / 49 /'jam dpal 'jig rten mgon po srid pa gsum las rnam par rgyal ba dpal ldan rdul dang byang chub sems/ /rgyab tu sa gzhi dag la tshangs pa la sogs sna tshogs rigs rnams du ma'i sangs rgyas rnam dag pa'o/ /de ltar kla klo dbang po'i 
'khrug par 'gyur te nges par lus can rnams kyi lus kyi dbus su'o/ /sgyu ma'i gzugs kyang phyi rol tu ni nges par ma kha'i yul du kla klo 'khrug ste 'khrug pa min/ 50 /dus kyi lo ni me grangs lo yi nyin zhag tshogs kyis bsgyur te rigs drug bgrod pa'i yan lag gis/ /zla 
ba'i dbye bas sum cu drug ste ro yis bsgyur ba'i ro ni rnal 'byor ma rnams dag gi rigs/ /gza' yis bcad pas thob pa rab tu gsal zhing nges par dus kyi 'khor lo dag gi lha rnams so/ /phyogs kyis bcad pa dag gi lha dang lha mo rnams kyis mngon par brjod par 'gyur 
ro mi yi bdag 51 /sgyu 'phrul dra ba rnam pa gsum yang nyin zhag yan lag las 'gyur yang dag bug par rig byed dang / /slar yang 'byung ba rgya mtsho me dang chu gter gyis 'gyur dpal ldan 'dus pa dus kyi dbye ba ni/ /de nyid ces bya gzhan yang drug gis rnam dman 

</font><hr>77-1-45b<br><font size=+1>

de dag phyed kyi dbye bas rnam par phye ba ste/ /slar yang bsres pa dag ni dbye ba gnyis te bcu gsum bcu dgu dang ni bug pa de nyid bcas/ 52 /zla ba'i cha shas su nges nyin zhag tshogs las gza' yi cha yis thob pa gang dag nyin zhag drug /de dag rdo rje can gyi phyag 
rgya drug ste gzhan pa'i nyin zhag tshogs ni sku gsung thugs kyi rgya/ /shes rab sku la dus sbyor gsum rnams nges par gsal byas rnal 'byor ma dang rnal 'byor rgyud la'o/ /nus ma khro bo rnams ni rim pas bcu ru rab tu 'gyur te lnga ni sangs rgyas lha mo rnams/ 53 / 
gzugs sogs mig la sogs pa drug ste slar yang mi yi bdag po lha yi tshogs ni drug gnyis so/ /rnal 'byor ma dang klu dang gtum mo brgyad ces bya ste srid pa 'di dag thams cad nyis 'gyur ro/ /'di dag dpal ldan dus kyi 'khor lo bzhi lhag brgya ste de yi phyed 
kyang khams gsum dag tu'o/ /nyi ma'i cha las nyin zhag so sor chu tshod 'byung ba gang zhig zla ba'i dbus su drug cu ste/ 54 /de dag mtha' dag rnal 'byor ma ste srid pa gsum gyi gnas su dus sbyor bsres pa'o nyis 'gyur rnams/ /nyi ma'i cha las nyin zhag rab phye nyis 
'gyur dag kyang gang zhig 'dir ni rnal 'byor ma yi tshogs/ /mtha' dag bsdus par gyur pa mngon brjod rnams dang bcas pa dag ni nyi ma'i nyin zhag sum 'gyur 'gyur/ /nyi ma lo yi rab dbyer 'gyur te ri bong 'dzin pa la ni mtha' dag kyi dbye ba'o/ 55 /de ltar dang 
po'i sangs rgyas rgyud la mkha' lag mi bdag rnams te lha dang lha mo rnams kyi ni/ /shes rab thabs dag mtshan mo nyin mor 'gyur ba mnyam pa'i cha ste mtshan mo phyed dang nyin phyed la'o/ /gang gis rang gi lus la nyin mtshan dus dang zla ba 'pho ba'i dbye ba dag gis shes gyur 
pa/ /de ni dpal ldan 'jam pa'i rdo rje srid pa'i 'jigs 'joms sangs rgyas skye ba 'di nyid dag la'o/ 56 /sum cu'i cha yis de las thob pa gsum gyis bsgyur ba nges par dus kyi 'khor lo'i lha rnams dang / /phyi rol gyi ni phyag rgya drug ste slar yang de las 'khor lo 

</font><hr>77-1-46a<br><font size=+1>

dag gi rtsa rnams de bzhin nyid/ /gtsug tor la ni chu gter snying gar brgyad de spyi bor mi bdag mgrin pa la yang so yi grangs/ /lte bar brgyad ni brgyad kyis bsgyur ba dag ste nyis 'gyur mi bdag gsang ba'i dbus su rab tu grags/ 57 /rtsa drug rnams 
ni 'khor lo 'gog cing bcu ni yul rnams 'phrog pa 'dus pa dag gi rang bzhin te/ /slar yang yang nas yang du nyis 'gyur bsgyur ba dag kyang bad kan rlung dang mkhris pa dag gi cha/ /'di dag nges par 'chi ba ster byed bla ma'i nges pa'i dbang gis tshe dang nad med dag 
kyang ster/ /'khor lo drug la dus kyi rtsa rnams 'chi ba'i 'jigs 'phrog rnal 'byor rnams kyi 'di la ngo mtshar med/ 58 /gtsug tor la ni chu gter dpral bar rgya mtshos bsnun pa'i dus rnams bad kan khams ni rab 'khrug pa'o/ /mgrin pa so dang snying ga'i chu skyes 
dag la mig gis bsgyur ba'i dus rnams mkhris pa'i khams rab 'khrug /lte ba gsang ba dag la chu gter drug cu mi bdag dag kyang de bzhin rlung gi khams rab 'khrug /gsang bar gzhan ni phyogs dang drug kyang rab tu gsal byas nges par 'dus pa dag ste 'gog 
pa'o/ 59 /drug gi rtsa ni 'khor lo 'gog pa zla nyi me yi dbye bas rnam gsum lam la gnas pa gang / /srog chags rnams la 'chi ba ster ba de ni bla ma'i nges pa'i dbang gis lus la bsrung bar bya/ /drug la gal te srog ni rab zhugs gyur na de tshe mi rnams kyi ni 'chi 
ba 'joms par nges/ /phra mo la ni ma zhugs pa na rnal 'byor rnams kyis 'chi ba'i yul ni gang du gcod par byed/ 60 /srog ni gal te rtsa gcig nyid la nyin dang mtshan mor 'bab na 'tsho ba dag ni dus kyi lo/ /gal te phyogs gcig rnam par ma chad 'bab na mi rnams 
kyi ni 'tsho ba phyed dang bcas pa'i lo/ /zla ba gcig tu rnam par ma chad 'bab na mi yi bdag po 'tsho ba dag kyang zla ba gsum/ /de ltar rnal 'byor pas ni rang lus dag la zla bgrod 'chi ba'i dus kyi 'khor lor shes par bya/ 61 /lnga nas nyi shu rtsa lnga'i nyin zhag bgrod pa 

</font><hr>77-1-46b<br><font size=+1>

skye ba lnga ni 'phel ba dag gis skye ba ste/ /de nas re re lhag pas bcu ni gsum gyis bsgyur ba dag kyang gsum ni lhag pa ji srid nyid/ /dus ni rdzogs na'o lo rnams gsum mig zla ba de dag rnams dang drug gsum zung dang zla ba gang / /zla ba de dag rnams dang nyin zhag 
tshes phyogs mda' dang yon tan gnyis zla 'tsho ba'i lhag ma'o/ 62 /rang gi gnas nas mchog gi cha yis khyim gyi 'khor lo 'dor te nyams dang lhag ma mtshungs pa yi/ /lo dang zla ba zhag gis kyang ste gsum mig ri bong can dang drug gsum zung dang zla bas kyang / /rdzogs 
pa nas ni lhag ma mtshungs pa'i tshes phyogs mda' dang yon tan rnams dang lte bar rab zhugs pa'i/ /sum cu rtsa drug gis te nyin zhag mthar ni nyin mor byed pa'i 'chi ltas sbyor bas 'chi bar 'gyur/ 63 /sngon du nyi ma'i lo gsum dag gi nyin zhag tshogs ni mda' dang 
me dang 'jig rten 'dor bar byed/ /de nas rgyu ba dang bcas mda' dus rtse mo can dang mkha' ri zla ba dag ni gsum pa la'o/ /mig sbrul ri bo mda' dang nor dang lag pa gzhan te bdun pa la ni rgyu ba dag kyang ngo / /de nas tshes la sogs pa'i nyin zhag tshogs pa thams 
cad dag kyang gang zhig lte ba ji srid nyid/ 64 /dus kyi lo yi bar du nges par nyin zhag bgrod pa'i dbang gis 'pho zhing rgyu bar byed pa ste/ /zla ba zhes dang nyi ma'i lam la mi mnyam mnyam pa'i nyin zhag re re 'phel bas rim pas so/ /slar yang 'pho ba'i dbye ba mi mnyam mnyam pa'i 
nyin zhag rnams kyis bcu gnyis rtsibs la byed pa ste/ /phyed dang bcas pa'i zla ba ji srid gzhan ni sum cu dag dang 'tsho ba dag gis mtshan mo gsum/ 65 /dbugs dang chu srang dang ni chu tshod nyin mtshan dus rnams de ni rim pa dag gis rgyu ba ste/ /bgrod pa'i yan lag las 
ni lo bdun dag gis bgrod pa 'gro ba'i dbang las lo ni drug cus kyang / /zla ba gsum las sum cu'i lo yis nyin zhag bgrod pa'i dbang gis dus kyi lo dang phyogs kyis kyang / /dus kyi 'khor lo dag la phyed bcas sum cu gnyis kyis bgos pa'i nyin zhag tshogs kyis rgyu bar 

</font><hr>77-1-47a<br><font size=+1>

'gyur/ 66 /phyogs dang phyogs la rtsa ni dgu yis bsnun pa'i lag 'gro lte ba'i 'khor lo dag la gcod par byed/ /las kyi 'khor lo bya ba zhes pa'i tshigs las nyin zhag rtse mo can gyis rtsa ni re re 'dor/ /mgrin pa dag las rgyu skar rtsa ni nyin dang nyin 
la zla ba'i nang du rim pas 'dor ba ste/ /thig ler gnas pa zla ba'i rkang pa phyogs kyi nang du 'dor te gza' yi rtsa dang gsang bar gnas/ 67 /sde pa dbyangs dang bcas pa rnams las nyin mor byed pa khyim gyi dbye bas bgrod par rgyu ba ste/ /phyi nas re re lhag pas nyin dang 
nyin la ldog par 'gyur te dus kyi lo ni ji srid nyid/ /lo ni chad na phyogs kyi nang du dbyangs kyi nyin zhag dbang gis rgyu ba dang ni zad pa yang / /nyin dang mtshan mo'i dus su dbugs ni 'byung dang 'jug pa nyams pa 'tsho ba dag gi mtshan mo gcig 68 /lte ba mgrin 
pa dpral ba rang gi snying ga'i pad+ma dag la rtsa ni lhag ma dang bcas pa/ /nyi ma ro dang me dag gnas te rang gi snying ga'i pad+mar phyed bcas rtsa ni de bzhin nyid/ /lag pa rkang pa'i tshigs la tshes kyis bsgyur ba'i dus rnams nyin zhag drug ni ji srid nyid du ste/ /mthar ni 
kun tu phra mo rab tu 'bab ste nyin zhag snying gi chu skyes yang dag gtong bar byed/ 69 /sum cu drug gi stong phrag d+hu brgya'i nyin zhag tshogs rnams dag gis dus kyi rtsa ni rgyu ba ste/ /nyin mtshan dus la nyi ma zla bas rang rang rgyu ba dag gis gang gang rdzogs par mi nus pa/ /
nyi ma'i nyin zhag nyi ma rgyu ba la yang bu lon du 'gyur de phyed zla ba'i rgyu ba la/ /rgyu skar nyin zhag rab tu dbye bas 'chi ba'i nyi zla rgyu ba stong pa'i zla ba dag la'o/ 70 /srog ni lus la lhag pa gang zhig rab gsal mtshams su rig byed rkang chad kyis dman drug cu ste/ /'pho 
ba'i dbye ba dag gis thams cad nyin zhag so so'i dus su rtsa ni zung dag nges par 'joms/ /yang dang yang du lo yi dbus su nyi zla rgyu ba dag las stong pa mig dang ri yi grangs/ /de ltar rang rang tshad kyi lo brgya dag gis lha mi rnams kyi rang gi tshe la dus bgrod do/ 71 /

</font><hr>77-1-47b<br><font size=+1>

zos dang nad dang bsnun pa gal te res 'ga' mi rnams la ni dus kyi rtsa la gyur pa na/ /gzhi de yis ni 'phral la myur bar rtsa yi 'khor lo dag la dus ni rab tu 'jug par 'gyur/ /'khor lo dag gi rtsa 'di 'gog ste nyi ma ri bong can gyi bgrod pa bcad nas rim 
pa yis/ /dbu mar phra mo la ni brten pa gang zhig 'phrog pa mi bdag srog chags rnams kyi 'tsho ba'o/ 72 /snying ga'i pad+ma dpal ldan dpral bar 'byung ba phyogs dang nyin zhag ces bya zla ba'i rkang pa rgyu/ /longs spyod lte ba'i 'khor lo dag la dgu ldan bcu 
dang drag po zung dang rgyal ba zhes bya dang / /de nyid ces bya zhag bdun dag nas slar yang ri bong mtshan ma gang 'di rim pa min pas 'dor/ /thig le dag la rdzogs par byas nas snying gar rab 'jug dkar po'i phyogs la nor gyi slad du'o/ 73 /slar yang nag po 
dag la de bzhin 'gro ste rkang pa'i dbang gis lte ba'i pad+ma dag gi bar/ /snying ga de bzhin mgo bor rtsibs brgyad rtsibs bcu drug la gnag dang dkar ba dag gi chu skyes ming / /mgrin pa lte ba dag la sum cu rtsa gnyis rtsibs dang nyis 'gyur gzhan te dmar dang ser po'o/ /
brgyad pa gnyis ni lte ba mgrin pa la ste mgo dang snying ga la yang dkar nag rdzogs pa'o/ 74 /a sogs sum cu'i dbyangs gang ha ya ra wa lar ldan thig le dpal ldan rnam par bcad pa yis/ /phye ba drug cur 'gyur te de dag dus dang mi bdag nor dang so rnams ge sar rtse 
mo la'o/ /thig le'i rnam pa dang ni rnam par bcad pas pad 'dab mchog la ka sogs sde rnams rnam phye ba/ /nyi shu dang ni brgya phrag gcig kyang thun gyi bgrod pa'i dbang gis nyi ma rgyu zhing nyams par byed/ 75 /phyogs la zla ba rang gi rgyu bas nyin zhag ces bya'i rkang pa dag kyang 
bu lon dag tu byed/ /slar yang zla ba gnyis kyis gzhan pa dag kyang nyin zhag lo yi sbyor ba dag las 'phel ba ni/ /rdzogs pa'i lo la nyin zhag drug tu 'gyur te gzhan yang de bzhin 'chi ba dag gis mtshams su 'phel/ /rgyal po de ltar nyi ma'i bu lon nyis 'gyur 'di ni lo 

</font><hr>77-1-48a<br><font size=+1>

yi sbyor ba dag gis 'phel bar byed/ 76 /dbugs drug gis ni chu srang gcig tu rab tu 'gyur te chu srang drug cu yis kyang chu tshod do/ /chu tshod drug cu nyin zhag tu 'gyur gsum gyis bsgyur ba bcu yi nyin zhag dag gis zla ba gcig /zla ba drug gis kyang ni bgrod 
par 'gyur te gnyis kyis bsgyur ba'i bgrod pa lo gcig tu rab grags/ /skyes bu rnams kyi tshe lo brgya las bu lon bgrod par son pa dus kyi rtsa yi dbang gis so/ 77 /'jig rten gsum na lha min lha mi rnams las gang zhig rang gi lus la zla ba nyi ma dag /rdzogs par nus 
pa'i rnal 'byor ldan pa med de zla bas rang gi rgyu bas nyin mtshan rgyu ba dang / /srid par lo yi nang du rim pas nyi mas kyang ni rgyu skar thams cad rgyu ba min pa nyid/ /lo dang lor ni bu lon dag gis de ni srid pa za ste dus kyi 'khor lo dpa' bo gcig 78 /chad pa gal te rtsa gcig 
yin na mi yi bdag po gci ba dag ni skyur ba nyid du 'gyur/ /de tsam rnams ni nyin zhag lnga nas mchog gi cha yis 'dor te gong bu 'chad pa'i dus su'o/ /sgra ni rna ba las te ro yang nges par kha las 'dor zhing mig 'bras mig gi dbus nas so/ /dri ni sna las mi rnams dag gi 
lag pa rkang pa'i lus las dro ba'i dngos po rim pa yis/ 79 /sna yi rtse mo 'phyang ba dang ni spyi bor lag pa bzhag pa de yi rang bzhin dag tu mthong / /lag pa gnyis ka'i mthil la rgya skyegs tshon gyis rab tu byugs kyang dmar po nyid du byed ma yin/ /nyi ma kha dog nag po dang 
ni yongs su gyur pa'i ri bong 'dzin pa kha dog ser por mthong / /gcin dang lus kyang bsil bar gyur na mi yi bdag po de yi nyin zhag la ni 'chi ba nyid/ 80 /lce 'og nag po'i thig tu rab tu 'gyur te mig la tshangs pa'i ri mo shin tu phra mo dang / /dbugs ni zla ba nyi ma'i 
lam du 'phro ste mi yi bdag po mkhur tshos gnyis po de bzhin nyid/ /nu ma'i steng ni mchan khung du zhugs gza' yi tshogs rnams mtha' dag me stag dag dang bcas par mthong / /mgrin pa lus dang bcas pa rengs shing 'khor ba yang ni lus la 'chi ba'i mtshan nyid dag tu 

</font><hr>77-1-48b<br><font size=+1>

'dod/ 81 /skye ba dang ni btsa' ba'i dus dang byis pa gzhon nu dag gi gzugs ni byed pa gang yin pa/ /de nyid 'jig rten dag tu slar yang sdud par byed pa dus kyi 'khor lo can te nyi ma min/ /zla ba nyi ma la sogs lha rnams 'byung ba dang bcas mtshan mo'i cha la bcom 
ldan de yis zos/ /slar yang nyin mo'i dus su mtha' yas rnams kyang gtong bar byed de skyed pa'i rgyur ni rim pas so/ 82 /sgra la sogs pa drug po rnams ni las su 'gyur te dbang po drug po dag kyang byed pa'o/ /lo dang zla ba phyogs dang nyin dang mtshan mo tshes dang zla ba nyi ma 
dag kyang byed pa po/ /de dag sdud pa'i byed po gzhan du 'dir 'gyur skyed pa'i byed pa po ni byed pa po ma yin/ /mkha' khyab mkha' yi rdo rje can de yul dang rnam bral yon tan med la rang bzhin med pa'o/ 83 /dri dang kha dog dang ni ro dang reg pa zhes dang 'dzin ma dang ni chu 
dang me dang rlung / /nges par gzugs can brgyad po rnams ni mtha' dag yul gyi tshogs pa dag ste gcig ni gtso bor 'gyur/ /'jig rten gsum po mtha' dag 'di ni spro ba dag dang sdud par 'gyur te dus kyi mthu las so/ /sgra dang stong pa dang ni chos kyi dbyings dang yid 
kyang mi yi bdag po gzugs med du 'gyur ro/ 84 /bdag nyid 'ching ste rang bzhin la gnas yon tan rnam rtog rnams kyis dar gyi srin bu ji bzhin nyid/ /bdag nyid bdag gis nges par slar yang rnam par rtog pa med pa'i yid dag las ni gtong bar byed/ /de phyir rgyal 
po rang las rang bzhin yon tan la gnas sdug bsngal dang ni bde ba byed pa ste/ /rang bzhin rnam par bral ba su zhig byed po ci zhig byed de mi shes 'jig rten rmongs par byed/ 85 /sa dang chu dang me dang rlung dang nam mkha' dang ni yid dang blo dang ngar 'dzin dag gi sems/ /rags 
dang phra mo gzhan yang rnam gsum yon tan la gnas yi ge thig le la sogs dbye ba yis/ /rags pa rags pa'i dbang po rnams la rang bzhin gyis kyang gnas te phra mo'i sems la phra mo yang / /ye shes la yang ye shes sku ste rang bzhin rnam 'gyur med pa'i 'tsho ba 'byung ba 

</font><hr>77-1-49a<br><font size=+1>

'byung ba min/ 86 /a sogs stong pa lnga ni rang bzhin rnam par 'gyur min dpal ldan cha dang thig le nA da dang / /dus dang sems dang blo ste rang bzhin dag kyang de bzhin gzhan pa'i dbyangs ni rlung la sogs pa'o/ /rags pa sde pa'i yi ge rnams ni gsum 
gyis bsgyur ba'i bcu ste bcu drug gzhan ni rnam 'gyur ro/ /de dag dbus su rdo rje can ni rang bzhin min cing rnam 'gyur min te khyab byed rang bzhin med/ 87 /'khor bar bde dang sdug bsngal rang bzhin yon tan la gnas las las skyes pa de ni za ba ste/ /mi rnams 
kyi ni las 'di dag kyang rnam pa gsum du 'gyur te rags dang phra mo zhi ba'o/ /bdag ni byed pa po yang khyad par las te gzhan pa phyugs bdag kyang yod byed po zhes pa las/ /byed po bdag gam gzhan pa min te rang bzhin rnam par bral bar shes pa de ni las ma yin/ 88 /
de phyir byed po 'ga' yang srog chags rnams kyi bde dang sdug bsngal dag ni mi sbyin mi 'phrog ste/ /'khor ba dag tu rnam pa gsum po gang byas sngon gyi las ni 'bras bu rab tu sbyin par 'gyur/ /skyed dang sdud pa'i byed pa po 'di ster zhing de ni 'phrog pa rmongs pa rnams kyi 
blo gros te/ /lus la dpag med dge ba 'phrog par byed pa'i bug pa rang gi dbang po dag gis mthong ma yin/ 89 /'dod pa'i nus dang bya ba dang ni gsum pa ye shes nus pa 'gro ba rang gi yid la ste/ /dngos po gsal ba dang ni 'jug pa dag dang ro mnyam rgyur ni don la nye bar 
dmigs par byed/ /slar yang gtong ba dag ni bzhi pa srid gsum gyis btud gnyis med kyis kyang nges par rim pas so/ /de dag nang nas rdo rje can ni mi yi bdag po cung zad mi za gtong ba min pa nyid/ 90 /bdag ni byed po sdug bsngal bde ba rab tu sbyin por mi yi bdag po 
der ni 'gyur ba min/ /'ga' yang bcings dang grol bar 'gyur min mi yi bdag po sems kyi nus pa rnam par spangs nas so/ /nam mkha' bum pa'i dbus nas chu ni len par byed pa na yang 'gro ba min pa ji lta ba/ /mkha' khyab mkha' yi rdo rje can ni yul dang rnam 

</font><hr>77-1-49b<br><font size=+1>

bral lus kyi dbus dag tu yang de bzhin no/ 91 /de ltar las ni yod par smra ba por 'gyur bcom ldan ston pa gcig pu de ni byed po min/ /kun mkhyen dang po'i sangs rgyas srid gsum gyis btud dus kyi 'khor lo can te 'khor lo can ma yin/ /tshangs pa khyab 
'jug drag po dag kyang gang gi zhabs kyi chu skyes drung du lhag par skyabs 'gro ba/ /dus kyi 'khor lo rgyal ba mchog skyed yon tan med cing rnam rtog med pa de la phyag 'tshal lo/ 92 /zhi ba'i bsam pa la ni lha nyid du 'gyur mi yi bdag po mun pa la ni dmyal ba nyid/ /rdul dag 
la yang dud 'gro nyid de rab mchog sa yi steng du mi nyid dag ni 'dres pa la/ /'byung po nyid ni rnam pa gsum ste rdul dang mun pa dang ni snying stobs phan tshun 'dres pa la'o/ /'chi ba'i dus su yid kyi bsam pa gang zhig dran par gyur pa der ni skye bo yang dag skye/ 93 /
lha nyid brgyad kyi dbye ba dag gis lha yi mchog gi gnas su mi nyid gcig ni ji lta ba/ /dud 'gro dag kyang chu gter rnam pa nges par dmyal ba'i 'gro bar dmyal ba nyid ni de bzhin gcig /gnas 'di rnams su ro yi 'gro bar skye bo 'khor te las kyi zhags pas nges 
par bcings pa dag /skye ba 'bum phrag du mas thar pa mchog gi bde ba'i go 'phang du ni 'gro zhing grol ba min/ 94 /phung po khams dang dbang po dang ni rnam gsum srid pa 'jigs pa las kyi dbang po lnga dag dang / /de tsam dang ni las kyi skyon dang yon tan dang bcas 
yid dang blo dang ngar 'dzin la sogs te/ /'di dag gis bcings 'tsho ba dag ni ro yi 'gro bar 'khor te phra mo'i dngos po dag gis slar/ /dngos po btang na mi zad mchog gi gnas su rab tu 'gro ste gang du slar yang skye ldan min/ 95 /yan lag dang bcas rig byed dran 
pa'i gzhung dang bcas dang rtog ge grub pa'i mthar ldan 'jig rten du/ /snyan dngags mkhan po rgyas pa me la sogs pa rnams kyis byas pa'i bstan bcos gzhan yang rig pa min/ /rig pa zhes pa nang rig 'gyur med kyang ste 'jig rten 'dir ni thub pa rnams kyis rab 

</font><hr>77-1-50a<br><font size=+1>

gsungs nyid/ /gang du 'jig rten gsum po mtha' dag tu 'gyur mi yi bdag po slar yang gang du thim pa'o/ 96 /rnal 'byor dbang po rnal 'byor ma thob rab tu g.yo ba'i yid kyis gal te shi bar gyur pa na/ /dpal ldan mi yi 'jig rten du ni rab 
mchog thub pa'i rigs su rnal 'byor ldan pa skye bar 'gyur/ /sngon gyi goms pa de yis slar yang ye shes rnal 'byor yangs pa dag ni kun tu 'dzin par 'gyur/ /ye shes thob na mi zad mchog gi gnas su rab 'gro gang du slar yang skye ba ldan pa min/ 97 /ye shes 
skye ste rgyal ba rnams kyi nyi ma nyin mo'i dus su mtshan mo phyed dang mtshan mo'i mthar/ /lha min rnams kyi zla ba mtshan mo'i dus su nyi ma phyed dang nyin mo dag gi mjug tu'o/ /yang dag ye shes rnam nyams dag la tshig ni legs sbyar tha mal dag tu rab tu 'gyur ba ste/ /zhi dang 
drag po las skye srid pa gsum gyi gnas su skyes bu nyid dang tha mal dag kyang ngo / 98 /nyi ma gung dang mtshan mo phyed nas nyin dang mtshan mo'i dus su de dag gi ni za ba'i dus/ /bza' ba zan dang ba lang sha ste btung ba rnam mang bcud ster dag dang sgo nga'i khu ba'o/ /gos ni dmar 
dang dkar po dag dang nyi ma zla ba'i bgrod pa bzhin du mtho ris sa 'og gnas/ /chos ni 'tshe med 'tshe ba yang ste bla ma'i nges pa'i dbang gis rdo rje lha min gdan yang ngo / 99 /'byung po rnams kyi las ni 'dren mar rab tu 'gyur te tshig kyang 'dres pa sha za dag gi'o/ /chos ni 'tshe 
med 'tshe ldan nges par bla ma'i nges pa'i dbang gis srog gcod la sogs skyon dag la/ /mchod sbyin la sogs don du rab tu 'jug 'gyur mi yi bdag po res 'ga' dag ni ldog pa'am/ /bza' ba btung ba dag kyang 'dres pa nyi zla'i bgrod pa dag las lam ni 'dren ma gzhan 
du'o/ 100 /'od zer lam ni nyi ma'i snang ba dkar po nyin mo bgrod pa byang dang lho yi phyed dag kyang / /zla ba'i snang ba mtshan mo dag dang dkar min bgrod pa 'di ni lho ste du ba dag gi lam/ /'od zer lha rnams mtho ris su ste dkar min dag kyang de bzhin lha min klu yi 'jig rten 

</font><hr>77-1-50b<br><font size=+1>

du/ /kun tu 'dres pa mi bdag mi yi 'jig rten du ni yi dgas dud 'gro mi rnams dag gir 'gyur/ 101 /gang zhig gang gi dbus su rab zhugs brtul zhugs nges pa la dga' las kyi zhags pas nges bcings pa/ /de yi dbus su rang rang bsam pas mi bdag de yi 
rigs su de yi 'dzin pa dag gir 'gyur/ /ji srid sems kyi rang bzhin dag ni rnam gsum srid pa'i dbang gis tshor ba bde dang sdug bsngal ba/ /de srid 'jigs rung 'khor ba 'dir 'khyam mi yi bdag po mtho ris mi yul dag dang 'og tu yang / 102 /ka sogs sde 
rnams dbyangs dang bcas pa dag kyang yon tan gyis bsgyur gang yang phyogs gsum dag gi dbyangs/ /nges par sum cu'i gsal byed de dag rnams las rnam gsum bgrod pa'i dbang gis 'chi bas rgyu ba ste/ /gza' lnga'i rkang pa nyi ma ri bong can gyi rkang pa dag dang sgra 
gcan mjug rings rkang pa dang / /sum cu rtsa gnyis lo dang phyogs kyang yon tan gyis bsgyur zla ba nyi ma me yis phye ba'o/ 103 /lo gsum gyis ni phyogs rnams dag dang ri bong can gyi yon tan dus kyi me yi phyogs gnyis dag /lo brgya las ni dman gyur lhag ma'i phyogs 
ni nyi zla dag gi mnyam dang mi mnyam bgrod pa la/ /'jig rten mig dang me mig grangs te nyin mtshan dus rnams gtso bo dag gis dman pa mtha' dag ste/ /gsal byed la sogs sde pa dbyangs rnams dag ni nyi ma zla ba'i bgrod pa'i dbang gis 'chi bas zos/ 104 /
phyed bcas 'khor lo'i chu tshod ri bong can gyi rkang pa dang bral gza' yi chu tshod rnams dman pa/ /de dag rnams kyang shes rab thabs kyi rab tu dbye ba dag gis nyin mtshan dus kyis 'chi bas zos/ /de ltar sde pa dbyangs bcas dbyangs kyi tshogs dang bcas pa gsal byed 
rnams nyid dag dang rkang pa ni/ /dman dang bar ma dus 'chi zla ba nyi ma'i 'chi ba dang ni gsal byed lhag pa'i lha la'o/ 105 /sum cu gnyis dang nyin zhag gcig kyang ri bong can bcas nyi ma'i bgrod la rtsa ni gcod pa 'di/ /slar yang sum cu mtshan mo gsum gyis rdo 

</font><hr>77-1-51a<br><font size=+1>

rje dang bcas phung po khams dang dbang po la sogs 'dor/ /zla ba nyi ma'i rtsa dag dor nas dung can mar ni srog gi rlung dag nyin gcig rab 'jug ste/ /sa dang chu dang bsreg za rlung dang nam mkha'i khams ni rnam par chad pa ji srid nyid du'o/ 106 /dang por 
mtha' dag rgyal ba'i lus ni dngos grub rgyu ru sngags pa dag gis yang dag bsrung bar bya/ /lus med na ni dngos grub med cing skye ba 'di la mchog gi bde ba thob par 'gyur ba'ang med/ /de phyir lus kyi don gyi rgyur ni nyin zhag so so'i dus su rtsa yi sbyor ba bsgom par bya/ /
lus ni grub na gzhan pa'i dngos grub srid pa gsum gyi gnas su mngag gzhug nyid du rab tu 'gyur/ 107 /stong pa la ni du ba sogs lam bla ma'i nges pa'i dbang gis gzugs brnyan mtshams su bsgom par bya/ /de nas rtsa yi 'khor lo rnams su srog dang thur sel rlung ni brtan pa 
dag kyang byed pa ste/ /phyi nas zla ba nges par 'gog pa gza' bzhin byed de byang chub sems ni rnal 'byor pa yis so/ /de nas gang zhig cung zad 'dod pa dag ni nyin zhag 'ga' yis skye ba 'di la thob par 'gyur/ 108 /nyi ma zla ba 'gog pa mnyam dang mi mnyam bgrod pa la 
ste dbu ma me la rab tu zhugs/ /srog dang thur sel gnyis po dag kyang nyin zhag dang po song na dus min 'chi ba slu ba ste/ /lag pa dang bcas rkang pa'i sor mo'i tshigs dang sen mo'i mthar ni srog gis kun tu gang byas nas/ /'khor lo drug la sangs rgyas lha mo 
'jigs med lag pa'i pad+ma rnal 'byor pas ni bsgom par bya/ 109 /thur sel bskum na 'dod par 'gyur te lus mchog dag la rlung gi nad ni ma lus dag la'o/ /srog rtsol dag ni bad kan la 'gyur slar yang de dag gtong ba mkhris pa dag gi skyon la'o/ /steng dang 'og ni 
yang dag 'gog pa bde ba byed par 'gyur te 'dus pa dag dang rims la'o/ /lte ba'i steng du srog gi rlung ni mtha' dag nad 'phrog lte ba'i rtsa bar gzhan pa dag kyang ngo / 110 /bskum ste thur sel rlung ni rnam pa gsum gyi lam du bgrod pa dag dang srog nyid steng nas kyang / /ji 

</font><hr>77-1-51b<br><font size=+1>

srid yang dag phrad de me ni stobs dang ldan zhing lus kun la ni khyab par rab 'gyur ba/ /dmu chu skran dang gzhang 'brum nad rnams dag kyang lto bar son pa zla ba'i sbyor bas 'joms pa ste/ /dbugs lud dang ni glo dang rnam pa gsum gyi dug dang mig gi nad la sogs pa 
dag kyang ngo / 111 /mchan khung g.yas dang g.yas min las ni nu ma dag kyang stobs ldan mnan te srog ni bkag pa las/ /g.yas nas g.yon pa'i rtsar ni 'phral la rab tu 'bab ste g.yon pa'i mchan khung las kyang g.yas su'o/ /zla ba phyed kyis kyang ni 'chi ster 
'chi ltas 'phrog ste rnal 'byor ldan pa'i rnal 'byor pa yis so/ /rdo rje skyil krung du gnas rkang pa gzung ba lag pa'i pad+mo dag ni rgyab kyi zug rngu 'joms/ 112 /steng du rkang pa dag dang 'og tu mgo bo lus la bad kan nad rnams mtha' dag 'phrog par byed/ /srog 'gog 
pa las nyin zhag 'ga' zhig gis ni rab 'khru gci ba'i nad dag nges par 'joms par byed/ /tho rangs ming med dag gis chu dang bral ba'i khar ni so yi phreng ba dag la rab bdar ba/ /mig rnams dag gi mig sman du 'gyur slar yang nad ni 'phrog pa chu yis gtor 
ba dag kyang ngo / 113 /gan rkyal nyal nas lte ba lag pa'i pad+mas gzung ba dag ni ma zhu ba yi zug rngu 'joms/ /'bras rnams 'byung ba la ni nges par mar dang bcas pa'i tshwa yis bdugs na 'phel ba 'joms par byed/ /de nas arka'i 'o ma byugs pas kyang ngo 'ga' 
zhig tshe na so srin zug rngu bcas 'gyur na/ /stag ldan gyi ni sa bon du ba sbubs la sogs pa dag gis 'dir bzung srin bu la sogs 'joms/ 114 /lo phyed kyis ni sngags pa rnams kyi mchog gi lus la dkar ba'i mdze 'phrog de las gzhan lta ci/ /shes rab 
'dus la rang sems lhung ba dag kyang rtag tu srog gi rlung gis 'gog pa dag las te/ /bdun cu'i lo yi rga ba skra dkar bcas pa dag kyang lo gnyis rab tu rdzogs na nges par 'phrog /nyi ma 'ga' yis lam dang sems ni rab tu 'grogs pa dag las de steng phyag 

</font><hr>77-1-52a<br><font size=+1>

rgya'i dngos grub 'gyur/ 115 /srog rtsol rab tu bya ste snying ga de bzhin mgo bo dag ni ji srid me yis gdung 'gyur ba/ /de las steng dag tu ni bzang po'i pad+mar brgyal bar 'gyur te ma bsdams pa'am stobs dag gis/ /gtsug tor phug cing 
phung po dag dang khams rnams rnam par spangs nas 'chi ba nyid du 'gro 'gyur te/ /phyag rgya 'grogs pa rab nyams skyes bu rnams kyi skye ba 'di nyid la ni bde 'bras ster ba med/ 116 /phyag rgya bsgom pa'i don du gsungs te nyin mtshan dus su chags pa zad pa'i don ni min
pa nyid/ /gsung gi rdo rje mchod pa'i don te nges par sngags pa rnams la myos byed gsungs pa nyid ma yin/ /kha zas thams cad bde ba'i don te nyin zhag so so'i dus su ma zhu'i rgyur yang ma gsungs so/ /dpal ldan spyod pa dngos grub rgyur te mtshan ma dur khrod 
'khyam pa dag kyang rtsed mo'i don ma yin/ 117 /mi bskyod pa ni cung zad dro ba kha nad zhi bar byed de so yi zug rngu nyid kyi yang / /tho rangs mi bskyod rngubs pa dag ni mgo yi nad 'phrog de bzhin nyid du chu ni rngubs pas so/ /rna ba dag dang mig tu gcin ni dro dang grang mo rab blugs 
gnyis ka dag gi nad 'phrog go/ /'byung pos gzir la tsha ba gsum bcas mi bskyod rngubs na bde ba ster te zos pa nyid la yang / 118 /bshang ba gcin dang khu ba khrag ni mi yi sha dang bcas pa zos pas tshe ni ster bar 'gyur/ /bsam gtan bcas par me tog rngubs 
na skra dkar dang bcas rga ba dang ni lus skyes rnams kyang 'phrog /sgron ma lnga po sbrang bu'i skyugs pa dag dang bsres pa zos pas mtha' dag nad ni 'phrog pa ste/ /bud med me tog khu ba dag dang bsres pa lo gcig zos na rga ba nges par sel bar byed/ 119 /rlung 'joms lan tshwa skyur 
ba dag tu rab tu 'gyur te mngar dang bska ba dag ni mkhris pa'i dgra/ /bad kan 'joms pa kha ba kun dang de bzhin tsha ba dag kyang sman rnams sam ni khu ba'am/ /bad kan 'joms pa ra yi 'o ma tsha ba gsum bcas dag ste ma he'i 'o ma mkhris pa'i dgra/ /rlung 'joms dag 

</font><hr>77-1-52b<br><font size=+1>

kyang rnga mo'i 'o ma rnam gsum nad 'phrog pa yi 'o ma dang ni de bzhin mar/ 120 /dzA ti bskol ba'i chu ni dro ba kha nad zhi bar byed de so yi zug rngu nyid kyang ngo / /til mar dngos po'i chu bskol tsha ba gsum dang lan tshwa dag gis rna ba yi ni nad dag 'joms/ /mar dang 
'o ma bskol bar gyur pa klu dang dmar po dag gis rtag tu sna yi nad dag 'joms/ /kak+kU TI dang lAng+ga li dang in+dI bong bu'i chur bcas byugs pas 'bras kyi phreng ba 'phrog 121 /lag pa dag ni rab 'phyang rkang pa'i pad+ma mnyam pa dag dang srog gi rlung ni 'gog bya ste/ /
ji srid lus ni sa la rab tu lhung bar ma gyur pa dang tsha ba dag ni grol bar yang / /yang dang yang du ting nge 'dzin la'o 'chi ba'i 'jigs pa byed pa'i tsher ma can ni nges 'joms te/ /snying ga'i pad+mar zla ba'i gzugs can dri med ri bong can mtshungs sna tshogs yum ni 
bsgoms pas so/ 122 /sran chung btags nas 'thungs pas tsha bas rnam par bsnun pa'i mi rnams kyi ni tsher ma 'joms par byed/ /tsha ba'i mthar ni thod pa bdar ba mi bskyod bsres pa yis kyang 'jigs par byed pa 'phrog pa ste/ /sngags kyang chu me rlung rnams 
dag gi sngon du \u0f00 yig dang ni badzra snga ma dag gi ming / /de nyid kyis ni bsrung bar bya ste mgo mgrin snying ga lte ba gsang ba la sogs rnams su'o/ 123 /mnyam pa b+hA trI d+hA n+ya dang ni gzhan yang de bzhin tin+ti ri yi 'dab ma'i phye ma dag /nyi zla reg pa'i chu ni nges par dri ma 
bral ba dag la rkang pa'i lhag mar bskol bar bya/ /de yi khu ba ka ra dang bsres gzhan pa'i nyin zhag dag nas zhag gsum 'thungs pa de yis ni/ /so ga nyi ma'i 'od zer dag gis bsregs pa 'chi ster 'phrog ste khams bdun song ba dag kyang ngo / 124 /gser la nyi ma 
khab len lcags dang pa Ta las skyes lcags ni mA k+Shi ka yis gdab par bya/ /sa bon phyed kyis kyang ni dri ma dag dang bral ba'i dngul chu bsgongs pa srang ni drug tu bya/ /ba yi dar ba drag po'i rtse mo can gyis bsad nas 'dir ni dngas ma gzung bar bya ba nyid/ /dpal 

</font><hr>77-1-53a<br><font size=+1>

ldan gong bu khab len snod du slar yang bskol ba dag kyang ji srid phyed kyi tshad du'o/ 125 /rab tu blangs te dag pa'i ka ra srang brgyad yang na dgu ni de la bsre ba nyid du bya/ /de ni thams cad dus su bza' bar bya ste kha zas rnam spangs bgrod pa ji srid nyid du'o/ /
zla ba drug gis lha yi lus te skra dkar gnyer ma dang bral 'di yis 'chi med nyid du 'gyur/ /de phyir de nyid nyi ma so so'i dus su bza' bar bya ste 'on kyang gong bus rnam par dman/ 126 /sngar brjod sa bon rgyal po mnyam pa dag ste gzhan yang dngul chu la ni blugs pa 
phyed tsam mo/ /lan tshwa skyur po dag gis mnyes nas rnam pa mang po'i sman gyis ji srid gcig nyid du 'gyur ba/ /mkhris pa skyur pos mu zi sogs dang da ra da dang shil dag kyang dngul chu mtshungs par mnye/ /de yis dngul gyi 'dab ma byugs pa gser nyid du 'gyur smin pa 
dag kyang phyed dang ldan pas so/ 127 /rnon po nam mkha' las skyes a la lan tshwa ya bak+Sha ra dang ni sardza rim pa yis/ /'phel ba dag kyang nyi ma nyis 'gyur ro mnyam byed pas nyi ma'i lhag ma dag ni bsreg par bya/ /slar yang lan tshwas dag pa dang ni de bzhin ba las byung ba la 
sogs kyis bran 'jam par 'gyur/ /dngul la sum cha byin zhing bkang ste bsnun pa dag kyang dag pa yi ni me tog nyid du 'gyur/ 128 /e la ga bur phreng ba dang ni g.yo ba g+ha na 'bras bu can dang bya rog ri skyes dang / /kak+ko la dang sid+ha mU tra ut+pal 'bras bu ri dgas skyes dmar 
dai t+ya pU ti dang / /klu dang bsil ba ra Na 'dab ma pa la chu dang 'khri shing nam mkha' 'khyog po 'di dag ni/ /rdzas lnga dag gis dri mdzod ri dgas ri bong can sogs bdug pa me tog chang la sogs pas so/ 129 /mig zla me dang rgya mtsho mda' dang yon tan chu gter ro dang lag 
pa zla ba mda' dang mig /zla me rgya mtsho zla ba dus dang dus mda' mig dang chu gter mda' mig zla ba 'jig rten rnams/ /e la la sogs cha shas grangs rnams rim pas yongs su bkod pa re mig lnga lnga dag la ste/ /rdzas ni le tshe sbyar ba'i grong khyer la gnas dag pa'i 

</font><hr>77-1-53b<br><font size=+1>

cha shas nyin zhag ces byas drir 'gyur ro/ 130 /dzA ti la sogs e la 'khri shing 'dab ma kai la sha yi grong du rim pas dgod bya ba/ /rgya skyegs sa rdza 'o ma pu ra si ta dag ste bdug pa'i bya ba rnams la bdug par bya/ /ga bur ka ra me tog ro dang ldan pa dag dang sen mo 
dag ni me yi cha shas kyis/ /de dag sbrang rtsi dang bral dri yi chu yis sbyar ba dag kyang spos kyi reng bur rab tu bya/ 131 /lte ba dang po sid+ha mU tra ri bong can dang mkha' yi grong du khrus sbyor la dgod bya/ /gran+thi stag dang ha re Nu dang ha ta gzhan yang de bzhin dung ltar shun pa dag gi 
cha/ /d+hU n+ya rbImu brgya yis mtshan dang da ma ma d+hu ri ni de bzhin dril phyis dag la yang / /sngar brjod ma bzlog pa la chu skyes bzhin du lus dang gran+thi pam dza dag kyang til mar la'o/ 132 /phye ma dag la gran+thi de bzhin 'gyur te lus dang ha ta btung ba bsgo dang kha la yang / /
shun pa po la grin+tha dung ni 'bras bu 'dab ma sbyar ba'i smin dang dang ba sogs la yang / /de ltar rab dbye sum cu dag gis legs spras rnam mang dri dang spos la sogs pa'i sbyor ba bya/ /rdzas ni rnam par dag cing 'bras bu sbyar bas smin dang bsgos pa dag ni phug pa dag gis 
kyang / 133 /dang por brgyad cha 'dab ma'i dbang gis bska bar 'gyur te de yi nyis 'gyur dag ni drag po'i spos/ /phyi nas rdzas kyi tshad kyi bu ram dag kyang bsreg par bya ste so ga'i sbyor ba dag las 'phel/ /rkang pa'i cha shas dung gi bdug pa sbrang rtsi dkar po dag kyang rdzas dang 
mnyam pa nges par bsreg /gong bu dung gi tshad de ma la ya dang yang dang g.yo ba zla ba ldan pa de bzhin no/ 134 /smin pa'i dri ni me tog bzang po rnams kyis nyin zhag 'ga' zhig ji srid 'dod par bsgo bar bya/ /phyi nas 'bugs pa brgya yi cha shas 'bras bu gsum dang zla ba ma 
da chang dang bcas pas bya/ /shi gru'i chu dang tshA ga mu tra me tog bcud mnyam me tog las skyes mthar ni bskol bar bya/ /zla ba gcig ni so ba'i smin par 'gyur te ri dgas dang mnyam chang dang lte ba 'bigs pa'o/ 135 /gsang ba dri la pU ti ra sa sen mo g.yo ba spos kyi sbyor ba 

</font><hr>77-1-54a<br><font size=+1>

rnams la gsang ba ste/ /de bzhin bsil ba tu ru ka dang gu ru ri bong can yang bsgo ba'i bya bar me tog go /'bugs pa la ni ga pur lte ba 'bras bu gsum dang ma da'i chang ste yang dag khrus sbyor la/ /gsang ba shun pa gran+thi par+Na nags su rgyu ba dang bcas 
gran+thi dril phyis dag la yang / 136 /chu skyes dag pa rdzas kyis dman zhing mngar ba dag dang rnam pa bral bar dri yi chu yis btags/ /spos kyi smin pa bska ba drag po sbrang rtsi dang bcas lag skyes dag gis kham bu rim pas 'phel/ /kham bu gnyis ni ka ra bsres pa 
dag ste ma la ya dang g.yo ba lcags dang ga phur yang / /kham bu'i thog ma tha mar sbrang rtsi dag dang dkar po nges par bsreg ste dang po spos las so/ 137 /nyin zhag 'ga' zhig me tog bzang po rnams kyis bsgo ba byas nas dri yi chu yis bsres pa dag /'jim pa'i thod pa 
'dzag pa min pa spra tshil dang ni gos kyis bcings te brtan par kha bcad la/ /shin tu che ba'i snod dam yang na sa 'og tu ste bye ma dag gis gang bar byas nas ni/ /zla ba drug gi sbyor bas smin par 'gyur te chu la gnas pa de ni lte ba'i gtso bo'i dri/ 138 /til rnams 'dab 
ma bskol ba'i chu dag dang ni spos dang byug pa la sogs rnams kyis dag byas nas/ /phyi nas dzA ti la sogs me tog rnams kyis nyin zhag 'ga' zhig ji srid 'dod par bsgo bar bya/ /'khrul 'khor dag las til mar blangs nas mi yi bdag po mkhas pas mching bu'i snod 
du gzhag par bya/ /khrus sam yan lag byug pa dag las myos byed me tog til mar nyid ni smin pa min par 'gyur/ 139 /sa 'dzin nyi ma zla ba ma nu mig dang 'dod pa nor dang drag po rgyal po me dag dang / /phyogs dang 'byung ba bug pa drug dang tshes dang chu gter dag ni 
mtha' yi re mig la gzhag bya/ /grangs ni re mig bzhi yis chu yi gter dang rtse mo can te dpal ldan 'khor lo mtha' dag ni/ /tshad kyi rgyab tu bris nas rab tu btsa' bar 'gyur ba'i dus su sbrum ma rnams la bstan par bya/ 140 /rnal 'byor ma rnams gang dag rab gsal 

</font><hr>77-1-54b<br><font size=+1>

sa gzhi dag la brgyad pa brgyad kyi ma mor rab tu grags/ /mngal zhes bya dang nyin zhag ces bya sum 'gyur dgu dang bcu ste bcu gcig gzhan ni lnga pa gsum/ /zla ba zhes dang lo zhes bya ste mtha' dag sa yi steng du de dag byis pa rab tu 'dzin/ /mngal du zug 
rngu dang ni rab tu btsa' ba'i dus su skye gnas la yang zug gzer byed pa nyid/ 141 /skyes pa rnams la byis pa'i rgyud du 'gyur te nyin zhag dbang dang zla ba lo yi rab dbye las/ /ma rungs gzhon nu lnga rnams rang bzhin yon tan dbang gis tshigs mtshams dag la yang dag 
gnas gyur pa/ /thams cad rang gi tshes la 'jigs gyur byis pa 'dzin par byed de rgyal po nges par gtong mi byed/ /de dag zhi ba'i don du 'dir ni rnam mang dkyil 'khor khrus dang sbyin sreg dag tu rab tu 'gyur/ 142 /ru rta u sI ra dang ka se ru ste ta ka ra dang ut+pal 
'dam skyes ge sar ni/ /bsil ba'i chu yis btags shing rdo rje yis ni bsngags pa dag kyang mngal gyi zug rngu la rab sbyin/ /mngal ni rengs na na ku la dang gtsug phud can gyi spu brgyad btags nas rab tu sbyin par bya/ /'o ma mar dang thug pa zan ni zho dang bu 
ram bcas pa nyin zhag ma rnams dag la sbyin/ 143 /smin pa'i zas lnga tha dad zho dang bu ram dang bcas po li ka dang mo da ka dag dang / /dri dang me tog mar me bkru ba dag kyang 'dab ma rnams kyis mtshan mo lnga ni rab tu bya/ /ba lang so dang lug gi rwa dang ri dgas sen mo skra 
dang sbrul gyi shun pa dag gi spos/ /byis pa zla skyes rnams ni rgyas pa'i don du mtha' dag brjod pa rnams kyang gtor ma dag la'o/ 144 /bza' ba lnga dang bca' ba lnga dang chu la rgyu ba sha dang dri dang me tog mar me dang / /chang dang sngar brjod spos dang bkru ba dag dang de bzhin 
phyogs kyi gtor ma dag ni phyogs kyi char/ /byis pa lor ni skyes pa rnams dag rab tu gsal bar sa la rgyas pa'i slad du mi yi dbang / /mngal nas lo ni lnga pa gsum du nges par rnal 'byor ma rnams rab tu mchod pa dag tu 'gyur/ 145 /yan lag rkyong zhing mig 

</font><hr>77-1-55a<br><font size=+1>

dag na ste kha dang lag pa rkang pa ser po nyid du yang dag 'gyur/ /gcin ni kha dog ser po dag dang tsha ba zhes pa dang ni skyug dang skam dang brgyal bar 'gyur/ /mtshan ma rnams ni shes par gyur nas de rnams kyi yang mi bdag rgyur ni dkyil 'khor sbyin sreg 
bya/ /ma byin na ni gtong bar mi 'gyur rang bzhin yon tan dbang gis 'byung ba las skyes ma mos kyang / 146 /gang gi yan lag thams cad dkar por 'gyur dang mi yi bdag po 'brum pa shin tu phra mo dang / /mgrin pa lus dang bcas pa 'khyog cing kha dang gsang ba 
bshang lam dag las khrag ni zag gyur pa/ /de la mchod pa bya ba min te sngags pa rmongs pa rnams ni chung ngu nyid du rab tu 'gyur/ /de ni 'chi bar 'gyur te nges par lha dang mi dang lag 'gro rnams kyis bsrung bar nus pa min/ 147 /klu dang gnod sbyin gang yang gza' 
dang lha min rigs skyes srin po dag dang sha za rnams dang ni/ /sI kaM n+ya dang bdug pa'i lA ma mi khrag la dga' mkha' 'gro ma dang gzugs can ma dag dang / /grul bum dag dang zhing skyong rnams dang tshogs kyi bdag po yi dgas ro langs dag dang grub pa dang / /brjed 
byed dang bcas mkha' 'gro'i dbang rnams dkyil 'khor dag la mchod pa byas na mchog bde byed par 'gyur/ 148 /ma rungs pa rnams mchod pa'i don du dkyil 'khor du 'gyur mi yi bdag po grong gi phyi rol du/ /shing gi gnas dang dur khrod dang ni lha mchog khang pa dag 
gam chu bo 'dus pa rnams su ste/ /khru gang dag gam gnyis dang bzhi ni dgu dang bcu gsum mi bdag lha rnams dag gi tshad kyis so/ /dbus su rtsibs brgyad 'khor lor 'gyur te rigs kyi dbang gis dkyil 'khor dag las phyed kyi cha shas so/ 149 /sgo ni 'khor 
lo'i brgyad char 'gyur te nges par de yi phyed kyis kha khyer dag dang do shal lo/ /ra ba dag ni kha khyer phyed de rta babs dag kyang sgo yi tshad las sum 'gyur dag tu 'gyur/ /zlum po'i thab ni cha gsum pad+ma dkar po'i rang bzhin dkar ba'i tshon rnams dag gis bkang ba ste/ /

</font><hr>77-1-55b<br><font size=+1>

dpal ldan tshon lnga dag gis lha rnams kyi ni rang phyogs rigs kyi dbang gis rang gi mtshan ma bya/ 150 /rdo rje dbus dang ral gri dbang por 'gyur te rigs kyi dbang gis lhor ni rin chen dmar po'o/ /g.yon du 'dab ma brgya dang bcas pa'i pad+ma dkar po dag dang nub tu 
'khor lo'i mtshan ma dang / /mer ni gri gug nges par pad+ma'i 'dab ma la gnas lha min zur du lcags kyu dag tu 'gyur/ /rlung du rdo rje zhags par 'gyur te mi yi bdag po drag po'i 'dab ma dag la rtse gsum mo/ 151 /shar gyi sgor ni ral gri nag po'i sprin dang mtshungs pa 
dag ste lhor ni rdo rje'i dbyug pa'o/ /chu ru dpal ldan be con dag tu rab tu 'gyur te nges par byang du tho ba dag kyang ngo / /sems kyi rjes 'brang shes nas shin tu rnam pa mang po dus kyi 'khor lo dag ni ji srid bar/ /mo gsham rnams kyi bu yi don dang gdon gyis bcom 
pa'i mi rnams zhi rgyas don du 'di dag mdzod/ 152 /bum pa brgyad ni rin chen dang bcas 'dab ma pad+ma'i kha dang so ma btang ba'i kham phor ni/ /bdun gyis chu dang bdud rtsi lnga la sogs pas bkrus te slar yang nyungs kar sogs kyis nges par brab/ /dri dang bdug pa 
mar me rnam mang 'bras bu ro dang me tog dkar po dag dang gos rnams kyis/ /rnam par bkra ba'i mchod pa byas te slar yang de nas zhi ba'i bsreg bya dag ni sbyin sreg bya/ 153 /'o ma so ba til la sogs dang 'o ma'i rkang 'thung lnga rnams dag gi yam shing 'dab brgya dang / /
mchod yon dag dang spyan drang zhal bsil dang ni de bzhin nyid du rjed dang mchod pa 'di dag ni/ /rab mchog sa yi steng du ma mo rnams kyis gzir ba rnams dag zhi ba'i don du bya ba ste/ /sum cu rtsa drug rnal 'byor ma rnams mi yi bdag po dus kun tu ni mchod pa nyid du 
'gyur/ 154 /bdag med las kyi rnam smin srid pa gsum dang dus kyi 'gro ba yan lag bcu gnyis rten 'brel las/ /yang dag byung dang rig byed bden pa gnyis kyis bsgyur ba'i dgu ni ma 'dres sangs rgyas chos rnams te/ /phung po lnga dang sku gsum lhan skyes shes dang de 

</font><hr>77-1-56a<br><font size=+1>

bzhin nyid du blun pa ma yin stong pa nyid/ /'di dag gang du brjod pa de ni nges par rdo rje can gyi bstan pa dag tu rab tu 'gyur/ 155 /gang du rig byed rang byung kha dang lag pa rkang pa la sogs dag kyang skye bo'i skye gnas te/ /a shwa me d+ha dag las gzhan 
pa mchog gi chos med ces pa de ni tshangs pa'i bstan par 'gyur/ /byed po bdag dang las dang dus dang rang bzhin dang ni yon tan stong pa nyid ni nyams pa'i chos/ /byed po 'bras bu'i rgyu ste rab tu gsal zhing nges par bstan pa de 'dir khyab 'jug dag gi'o/ 156 /
lam drug rnams dang de nyid lnga dang mchog gi go 'phang ma lus pa yang gzhan ni sngags kyi lus/ /rig bdag dam pa'i zhi ba nyid dang rnam gsum gnas na gnas pa dag gi sbyor dang gtong ba'i dngos/ /thig le'i dbye ba zhi ba nyid dang mtha' dag lus la gnas pa bcu gnyis 
mdud pa'i dbye ba ste/ /'di dag thams cad gang du rab tu gyur pa de ni nges par zhi ba pa yi bstan pa'o/ 157 /dbang phyug med cing las kyi rnam smin dag kyang yon tan yul rnams 'byung ba'i tshogs ni longs spyod pa/ /de med pa na 'bras bu med pa gsal bar lha yi bla ma 
dag gis bstan par rig par bya/ /byed pos rgyu dang mi rgyu las skyes mtha' dag bskyed cing stag gzig rnams kyi thar pa dag gi rgyu/ /de mnyes pa las nges par mi rnams mtho ris su 'gyur de ni ra h+ma Na yi bstan pa'o/ 158 /dus gsum nyid dang rdzas ni drug ste tshig 
dgus bsgrubs dang srog ni drug gi lus la cha shas so/ /gzhan ni yod pa'i lus lnga brtul zhugs sdom pa 'gro dang ye shes spyod pa dag gi dbye ba rnams/ /srog ni lus kyi tshad de dpag tu med pa'i srid pa dag gis rtag pa'i srog gis thar pa'o/ /gang du thar pa'i tshad 
ni steng du nges par brjod pa de ni rgyal ba rnams kyis bstan pa'o/ 159 /rig byed 'di ni rang byung min te srid pa gsum gyi gnas su rig byed sgra ni don rjod byed/ /tshangs pa'i gdong bzhi dag gis sngon ni rig byed sgra dag gis kyang don ni rab tu gsal bar byas/ /ci ste 

</font><hr>77-1-56b<br><font size=+1>

sgra dang don ni tha dad min na me sgra brjod pa dag gis kha ni cis mi sreg /de phyir nges par ston pa po yod rig pa'i yul dang ma 'ongs don dang 'das pa dag la yang / 160 /rig byed nam mkha' mtshungs min 'dir ni gnas kyi dbye ba dag las kha yis rab brjod byas pa'o/ /rigs 
pas gnyis skyes kha yis bklags pas nyi tshe ba ste kun tu 'gro ba gzhan rnams klog pa'o/ /gang phyir dmangs la sogs pa'i rigs ni kun 'gro min pa'i rig byed 'di dag klog dang 'dri ba min/ /de phyir shes ldan mkhas par gyur pa'i mi rnams dag la rig byed dag ni tshad 
mar mi 'gyur ro/ 161 /gal te thams cad byed po dbang phyug yod na de yang 'gro ba'i las longs spyod po gzhan ma yin/ /gal te dbang phyug las kyi byed po min na de yang kun nas thams cad byed por mi 'gyur ro/ /'di ni gal te byed po gzhan dag bskul na 'di ni 
byed po dag gi mchog tu gzhan dbang nyid/ /de phyir dge dang mi dge'i 'bras ster byed po dbang phyug med de srog chags las ni dor nas so/ 162 /sa dang chu me rlung gi rdul phran 'dir ni gal te mkha' la byed po'i dang por yod pa min/ /rdzas dag med pa la ni yul dang rnam 
par bral ba'i thams cad byed po sna tshogs mi byed do/ /yul dang rnam par bral ba byed po 'di yi tshad ma mngon sum dang ni lkog tu gyur pa med/ /yang dag sbyor ba nyid las thams cad du 'gyur mi yi bdag po 'dod pas ma yin las kyi gzugs/ 163 /yang dag sbyor ba 
las ni chu shel las kyang chu ru 'gyur te me long dag las dngos po'i gzugs/ /skyur ba'i rgyu las lce 'dzag rang gi sgra las cig shos dag pa'i sa bon las ni myu gur 'gyur/ /khab len las kyang lcags kyi thur ma dag ni g.yo bar 'gyur te 'dod pas 'di la ci yang 
min/ /dngos po rnams kyi nus pa 'di ni srid pa gsum gyi gnas su su zhig gis kyang sprul pa min/ 164 /gal te bdag ni kun tu 'gro na gnyen dang bral ba'i sdug bsngal ji ltar nyams su myong bar 'gyur/ /gal te 'di ni rtag par gyur na 'dod pa'i mda' yis bsnun 

</font><hr>77-1-57a<br><font size=+1>

ba'i gnas skabs nyid du cis rab 'gyur/ /gal te bya ba dang bcas gyur na gnyid log dus su 'di ni rmongs pa nyid du ji ltar 'gro/ /de ltar nges par bdag 'di kun 'gro khyab bdag dang ni sngon gyi bya ba dag dang bcas pa min/ 165 /bdag med 'byung ba yod 
cing dge dang mi dge'i 'bras bu yod de byed pa po yis rnam par dman/ /'gro ba po med ma lus thar pa'i slad du 'gro ba yod cing 'ching ba yod de bcings pa med/ /dngos po dngos med dag kyang yod de skad cig rnam bral rang bzhin med pa dag gi srid pa yod/ /'di dag 
bdag gi bden pa'i tshig ste lha dang gdengs can rnams kyi don bcas tshig gis 'joms mi 'gyur/ 166 /gang zhig de nyid gang zag ces bya lus la gnas par smra ba de ni rang bzhin dag gis nyams/ /kun rdzob dag gis don ni smra ba po yang don dam ma rig med pa dag tu 'dod pa'o/ /
srid gsum mtha' dag rnam par shes pa nyid du smra ba po yang rnam par shes pa 'dod par byed/ /gang zhig snying rje stong nyid gnyis su med pa smra po phyogs nyams de ni ma nyams par 'gyur ro/ 167 /skye bo sngon gyi las rnams nyams su myong 'gyur 'di la byas pa rnams ni skye ba gzhan la'o/ /
gal te de lta yin na lus ni 'jig par mi 'gyur mi rnams skye dang skye ba gzhan dag gis/ /dpag med srid pa dag gis 'khor ba las ni 'byung bar 'gyur dang thar bar 'jug pa med pa nyid/ /'di dag stag gzig rnams kyang nges par 'dod par 'gyur te gzhan pa'i rigs kyis 
rab tu dman pa'o/ 168 /gal te 'byung ba gcig tu gyur pas chang gi nus pa bzhin du dbang bcas sems su rab 'gyur na/ /shing rnams dag la ci phyir mir 'gyur sa dang chu dang bsreg za rlung dang nam mkha' sbyor phyir ro/ /'di dag rnams la skye bo'i nus pa med na 'byung ba 
yang dag sbyor ba'i nus pa mchog tu brdzun/ /tshu rol mdzes pa'i tshig 'di dag ni mi rnams dag la bde ba'i 'bras bu ster min lam nyams so/ 169 /srog ni lus kyi tshad dag yin na gal te lag pa rkang pa bcad pas nyams par 'gyur ram ci/ /rtag pa dag ni lus kyi mthu las 

</font><hr>77-1-57b<br><font size=+1>

phra mor 'gyur zhing sbom por yang ni rab tu 'gyur ram ci/ /'khor ba'i las las grol ba gang zhig 'jig rten steng na gnas pa bde ba dag gi gnas su 'gro/ /'jig rten gsum gang phra rab dag gis gang zhig bkod pa de ni dus kyis rtag tu rtag pa min/ 170 /zhes 
pa la sogs ye shes slad du dus kyi 'khor los sa la bstan pa rab tu gsal mdzad pa/ /'jam dang sra dang gzhan pa'i bag chags stobs kyis skyes bu rnams kyi sems kyi rjes su 'brang ba ste/ /sems ni nges par dngos po'i tshon gyis nye bar bzhag pa dag las shel 
bzhin tshon ldan nyid 'gyur ba/ /gang yin de phyir rang gzhan rigs su gyur pa'i chos ni 'ga' yang rnal 'byor pa yis sun mi dbyung / 171 /chos ni sems can phan pa yul dang rnam par bral ba dag ste chos min dag kyang gnod pa'o/ /'tshe ba rig byed tshad ma can ni 
bde ba'i 'bras bu mi ster dus kun du ni sdug bsngal ster/ /dam pa'i byams ldan rmongs pa'i tshig las mchog gi bde ba byed cing sems can bde la rjes su chags/ /de phyir sems can don ni gcig pu dag dang mi bdag yid kyis rang bzhin med pa bsgom par gyis/ 172 /
lha mi'i bla ma nga ni mtho ris 'jig rten dag tu dbang po sa steng du ni 'khor los sgyur/ /sa 'og dag tu klu yi rgyal po gdengs can rigs kyis btud dang kun tu 'gro dang mchog nga ste/ /ye shes sangs rgyas thub dbang 'gyur med mchog dang khyab bdag rnal 'byor rnams kyi rdo rje rnal 
'byor dang / /rig byed auM gyi yi ge gtsang ma dag ste rgyal po dngos po kun gyis bdag la skyabs su song / 173 /khyod ni ma dang khyod ni pha ste khyod ni 'gro ba'i bla ma khyod ni gnyen dang grogs bzang yang / /khyod ni mgon po khyod ni byed po phan dang sdig 'phrog khyod ni go 'phang phun 
sum tshogs pa yang / /khyod ni 'ba' zhig gnas dang khyod ni yon tan mchog gi gnas te skyon rnams bcom pa khyod nyid do/ /khyod ni dman pa rnams kyi mgon dang yid bzhin nor bu rgyal ba'i dbang po khyod la bdag skyabs mchi/ 174 /dpal ldan dang po'i sangs rgyas las 

</font><hr>77-1-58a<br><font size=+1>

phyung ba dpal dus kyi 'khor lo chen po las/ nang nges pa zhes bya ba ste le'u gnyis pa'o// //lus la sna tshogs tshad dang nyin dang mtshan mo'i dus dang zla ba 'pho ba'i dbye ba rnams dang ni/ /rtsa rnams kyi ni phra mo'i grangs dang rang bzhin 
dag la skyes bu mu stegs rnams kyi 'dod pa dang / /rig byed dang ni byed po la sogs dbye ba bdag gis thos pas dkyil 'khor dag ni bstan du gsol/ /zla ba bzang po'i tshig dag gsan nas bde bar gshegs pas dus kyi 'khor lo'i dkyil 'khor rab tu gsungs/ 1 / 
dang por yang dag bsten bya bla ma dag kyang dam tshig ldan zhing rdo rje theg par lhag par gnas/ /de nyid bsgoms shing ma chags dri ma dag dang rnam par bral zhing bzod pa'i ngang tshul lam la zhugs/ /slob ma rnams la lam ni sbyin byed dmyal ba'i 'jigs pa 'phrog cing de nyid 
las ni tshangs spyod ldan/ /bdud rnams la ni rdo rje dbyug pa de yang 'dzin ma'i gzhi la rdo rje sems dpar rab grags pa'o/ 2 /nga rgyal dang ldan khro bas zil mnan dam tshig rnam bral rdzas la brkam zhing thos pa dag kyang med/ /slob ma rnams ni slu ba don du gnyer zhing mchog 
gi bde ba'i gnas las sems nyams dbang ma bskur/ /longs spyod dag la kun chags bag med rtsub mo'i tshig dang bcas shing dbang po'i don du 'dod ldan pa/ /de nyid dmyal ba bzhin du slob ma mkhas pa rnams kyis rdzogs pa'i byang chub rgyur ni spang bar bya/ 3 /zab cing 
rgya che la sems bla ma'i nges pa la dga' gtong ba'i ngang tshul dang ldan yon tan shes/ /thar pa don gnyer rgyud la gus shing g.yo ba min pa'i sems ldan de nyid thob pa shin tu sbed/ /gdug pa rnams kyi grogs nyams slob ma de nyid bla ma shin tu mkhas pa rnams kyis bsdu bya ba/ /
shes rab dbang la sogs pa'i rgyur te gzhan zhes bya ba slar yang 'bring po bsod nams dag gi rgyur/ 4 /nag po'i mthar ni dkar po'i tshigs la gzhan la phan pa'i bla mas dkyil 'khor dag ni bzhengs byas nas/ /sdig pa'i dri ma 'phrog pa'i dbang bdun rnams ni bsod nams 

</font><hr>77-1-58b<br><font size=+1>

don du bu rnams dag la sbyin par bya/ /yang na mtha' dag yon tan gter ni bstan pa'i slad du rnal 'byor ma rnams dag la mchod pa bya/ /mchod pa med na lo gcig tu ni rgyud kyi rgyal po dag las bla mas bstan par mi bya'o/ 5 /dbang gi don du sa ni yongs brtag nags 
dang grong khyer grong rdal grong gi phyogs kyi cha dag dang / /thab khung rnams kyi mtshan nyid dang ni bum pa dang bcas rdul tshon sbyin sreg phur bu la sogs dang / /slob ma rnams ni bsdu ba dag dang gang yang rgyal ba'i bdag po mchog gi dkyil 'khor bri ba dag /shes nas slob 
dpon gyis ni dge dang mi dge'i 'bras slad zhi ba la sogs mtha' dag rab tu bya/ 6 /sa yi rigs ni yon tan dbang gis rnam bzhir 'gyur ba dmangs rigs rje'u rgyal po bram ze ste/ /gnag dang ser dang dmar ba dang ni ri bong 'dzin pa dkar ba'i kha dog rnams kyis rig par bya/ /
rul pa chu skyes pad+ma'i dri dang mchog gi dri rnams rim pas nor gyi blo gros dag tu 'gyur/ /skyur dang lan tshwa dmangs rigs mngar dang tsha ba rje dang mi bdag gzhan pa dag ni gnyis skyes so/ 7 /dkar po dag ni zhi dang rgyas pa la ste sprin nag dang mtshungs gsad dang bskrad pa dag la yang / /
dmar po dbang dang dgug pa la ste mchog gi gser dang mtshungs pa rengs dang rmongs pa la yang 'gyur/ /las kyi cha ni thams cad dag la ljang gur 'gyur te lnga pa dang ni mtha' ma dag gi rigs/ /ro dang dri rnams thams cad dang ldan mtha' dag yon tan gter ni rnal 'byor pa 
yis rig par bya/ 8 /dbang ldan dang ni byang gi sa gzhi dag la zhi ba dang ni rgyas pa dag tu 'gyur ba ste/ /me yi mtshams dang shar gyi char ni rab tu gsal zhing nges par gsad pa dag dang bskrad pa'o/ /bden bral dang ni lho phyogs su yang gsal bar rtag tu dbang du bya dang dgug 
pa dag kyang ngo / /rlung gi mtshams dang nub kyi phyogs su nges par mchog gi me bdag rengs pa dang ni rmongs pa'o/ 9 /thab khung grong gi phyogs brgyad dag tu nges par rab tu 'gyur te zlum po dang ni chu gter zur/ /zla kham zur lnga pa dang rang bzhin yon tan dbang gis zur bdun 

</font><hr>77-1-59a<br><font size=+1>

pa dang zur ni gsum pa dang / /zur drug pa dang zur brgyad par 'gyur rigs kyi dbang gis de dag rnams kyi snying po'i mtshan ma ni/ /pad+ma 'khor lo gri gug ral gri mda' zhes bya dang rdo rje lcags kyu lcags sgrog dag dang sbrul/ 10 /gcig gnyis phyed dang 
gcig ni khru ste mkha' dus mkha' mig mkha' me mkha' dus dag ni sor du 'gyur/ /phyed kyi yan lag drug gi cha shas nyi ma nyi ma'i cha shas dag gis zabs dang kha khyer dang / /mchu dang mtshan ma'i phreng bar 'gyur te kha khyer dag gi steng du rigs kyi dbang gis kun nas so/ /
kha khyer phyi rol du yang chu skyes 'dab ma rnams mdzod mi bdag zhi rgyas la ste gzhan la min/ 11 /yang na las ni thams cad la yang rdo rjer 'gyur te sa la phur pa dag gi dbye ba brgyad/ /n+ya gro d+ha dang a shwad+tha ka rus lcags seng ldeng las skyes tsU ta bil ba arka skyes/ /de 
bzhin shel gyi bum pa dang ni dngul mchog rang bzhin dpal ldan thod pa dag dang lcags kyi dang / /zangs zhes bya dang gser gyi bum pa rab gsal nges par shing las skyes dang sa yi rang bzhin no/ 12 /zlum po brgyad gnyis sor du brjod de gnyis kyis bsgyur ba'i bcu yis 
dpangs dang sor gnyis dag gi mchu/ /drug gi mgrin pa sor brgyad kha ste ri bong 'dzin pa ltar dkar zhi rgyas dag la'o gzhan la min/ /snga dro nas ni thun brgyad po rnams nyin zhag so so'i dus su zhi dang rgyas pa sogs la 'gyur/ /de bzhin de yi thun phyed dag la nyin dang mtshan 
mo'i dus su las brgyad dag ni rab tu bya/ 13 /nyi ma gung dang mtshan phyed dag ni nyin dang mtshan mo'i dus su zhi ba dag la spang bar bya/ /dus sbyor gdug pa'i gza' rnams gnas pa dag ni 'chi ba'i 'jigs byed de bzhin nyid du rab tu grags/ /'o ma dang bcas yam shing mda' 
brgya zhi dang rgyas pa dag la gsad pa la ni mi rus so/ /dbye ba la ni bya rog mjug ma seng ldeng las skyes king shu ka ni dgug dang dbang la'o/ 14 /bil ba smyo byed dag ni khru phyed mda' brgya'i grangs rnams rengs pa dang ni rmongs pa dag la ste/ /'o ma mar dang khrag dang zhag dang rdul 

</font><hr>77-1-59b<br><font size=+1>

dang rdo rje'i chu dang mchil ma chang rnams bsreg bya ste/ /dUr ba 'bru dang sha dang dug dang bcas pa dag dang de bzhin skye tshe me tog dmar po dang / /bil ba rnyings pa'i phreng ba dang ni gser bzang me tog rnams nyid zhi ba la sogs rnams la'o/ 15 /gshin rje bden bral zur dang chur 
bcas rlung dang gnod sbyin drag po dbang po dag dang me ru ni/ /slob dpon dag gi gdan du 'gyur te mi yi bdag po zhi ba la sogs las rnams dag la'o/ /tshon ni las gnyis dag la 'gyur te gtso bo'i pad+ma la yang dkar nag nyi ma ser po'o/ /phyi rol tu ni sangs rgyas 
dbye bas lha dang gshin rje chu dang byang rnams dag tu tshon gyi sa/ 16 /thab khung dag gam dkyil 'khor la ni rigs kyi dbang gis phyogs rnams su yang tshon ni gdab par 'gyur/ /dgod pa la sogs bsang gtor la sogs rang gi snying ga'i rdo rje dag las lha rnams spro ba'o/ /
shel la sogs pa'i mchod yon snod la pad+ma nor gyi 'dab ma mthe bo dag ni bcu gnyis kyang / /yu ba'i rtse mor snyim pa'i snod de khyor ba dag kyang bsregs blugs sbyin sreg bya ba dag la'o/ 17 /zhi dang drag po chags dang bcas par 'gyur te rigs kyi dbang gis lha ni rengs pa dag 
gi sku/ /de bzhin las gnyis dag la rab tu gsal zhing nges par dkyil 'khor la yang lhag pa'i lhar 'gyur ro/ /rnam pa lnga ni rgyal ba'i dbang po gang phyir rnam gsum srid pa la gnas phung po khams sogs kyi/ /dbye ba yis te de las kyang ni lha rnams dkyil 'khor 
dag la rdul tshon rnam pa lda ru 'gyur/ 18 /thig skud khru ni brgyad par 'gyur te sum sgril slob dpon gyi ni lag pa'i mthe bo'i nas gcig gis/ /sboms su 'gyur ba rnam pa gsum gyi lam na gnas pa'i thig skud gcig ste gzhan pa ma yin no/ /zhi ba la sogs dag la 
rim par yongs su bkod pa skyil krung rdo rje lha min tsog pu dang / /skyil krung phyed pa dbye ba gnyis dang bshang lam rkang par gnas pa dag kyang las kyi dbye bas gdan/ 19 /shel dang mu tig dang ni mi dang bong bu'i so 'am rus pa dag dang bo de tse dang ni/ /pad+ma zhes bya dbang 

</font><hr>77-1-60a<br><font size=+1>

mig lung tang bde gshegs rigs kyi dbang gis sngags bzlas pa la phreng bar 'gyur/ /dri zhim me tog dkar po dang ni tsha ba dang bcas nag po dag dang dmar dang ser pos mchod/ /bsil dang bshang ba sha yi spos ni sbrang rtsi khrag ldan dag dang drag po'i 
spos dang bska ba'o/ 20 /'khrul 'khor n+ya gro d+ha 'dab dur khrod ro yi ras dang gro ga'i 'dab dang arka'i 'dab ma la/ /shi ri khaN+Da sA li btags pa dag dang dur khrod sar gnas sol ba khrag dang dug dang ni/ /kha che tsan+dan dmar dang 'bras bu gsum gyi khu ba yung ba ba 
blas bris par 'gyur ba ste/ /dUr ba bsil rus mjug sgro gser dang seng ldeng las skyes bil ba skyes dang arka smyu gu'o/ 21 /kham phor dpal ldan thod par mngar gsum khrag dang spra tshil gong bu so phag dag gi dbus su ni/ /rlan dang bcas pa'i gnas ni gtsang 
ba dag dang ro khang sa gzhi me yis gdung dang sa dag la/ /'khrul 'khor gzhag par bya bar 'gyur te dge dang mi dge'i dbang gis sngags pa yis ni rig par bya/ /zla ba glang chen yi dgas rnga mo ri dgas rta dang phyugs dang rus sbal lus la rim pas so/ 22 /dpal 
ldan rdo rje rnams kyis phyogs kun du gnas mtha' dag bdud kyi tshogs ni nges par bsreg bya ste/ /phyi nas 'khor lo rtsibs bcu dag la phyogs dang phyogs bral du gnas khro bo'i tshogs ni bsgom par bya/ /'khor lo'i dbus su gnyis lhag rgyal ba'i phyag dang dus kyi 
zhal ldan khro bo'i dbang po rdo rje shugs/ /de nas bla ma'i nges pa dang ldan gang zhig cung zad 'dod pa sgrub pa po yis bsgrub par bya/ 23 /rdo rje gsum gyis sa yi dkyil 'khor la gnas ra ba gsum ni ring du mthong ba'i mtha' ru ste/ /tho rangs nas ni grib ma'i mtha' ru sa 
gzhi'i gnas las nam mkha' dag la rdo rje brtsegs pa'o/ /dbus su chu skyes nyi ma'i khru ste lte ba gdan dang bcas pa dag kyang dus kyi khrur 'gyur ro/ /de yi steng du bdag nyid nyes pa dag dang rnam par bral ba rnal 'byor pa yis bsgom par bya/ 24 /sa yi phyogs rnams 

</font><hr>77-1-60b<br><font size=+1>

su 'dir dang po rdo rje gsum gyis zhing skyong rnams la gtor ma sbyin bya ste/ /phyi nas rdo rje bzhi yis phyogs dang phyogs bral du gnas bdud kyi tshogs ni nges par bsreg par bya/ /sa yi lha mo spyan drangs chu dang bcas pa'i me tog dag gis 'di la mchod yon rab tu sbyin/ /de 
la gsol ba btab ste phyi nas sa yi gnas la dag pa dag ni ji ltar 'dod pa mdzod/ 25 /rgyal bas lha yi bdag po dang bcas bdud ni bcom pa dag la lha mo khyon ni dpang du gyur/ /de phyir khyod ni mchod par bya zhing lha mchog gis btud bzhes shig bzhes shig bdag gi mchod 
yon no/ /ji ltar rgyal bas byang chub slad du bdud kyi sde ni stobs ldan dag kyang rab tu bcom gyur pa/ /de bzhin bdag gis kyang ni slob ma rnams la dbang bskur slad du bdud rnams nyams pa dag tu bya/ 26 /gang dag phyogs rnams kun na sangs rgyas byang chub sems dpa' 
nyes pa rnam bral btsun mo dang bcas pa/ /de dag rnams kyis mchog gi snying rjes dkyil 'khor du ni dbang bskur slad du bdag la bskyang du gsol/ /de dag kun la gsol ba btab nas seng ldeng rang bzhin sra ba'i phur bu dag gis sa la gdab/ /phyogs kyi khro bo mtshon cha ldan 
pa rnams ni phyogs kyi cha ru bsrung ba'i don du dgod par bya/ 27 /zug rngu sol ba dang bcas rwa ni 'chi ba'i 'jigs byed sa yi snying por nges par zhugs gyur na/ /gnas de dag tu yon tan dbang gis rnam par nyams par 'gyur te de yi phyir na sbyang bar bya/ /sa la rin chen dung dang mching 
bu dag ni rnam rgyal bde byed dkyil 'khor dag gi don du ste/ /khang bzangs don dang khyim gyi don dang rab gsal nges par 'dir ni mchod sbyin la sogs slad du'o/ 28 /rdzogs pa dag la sa ni sbyang dang gzung ba dag kyang de bzhin bu rnams dag ni yang dag bsdu/ /bcu gnyis pa 
la thig gdab 'dod pa ma nu'i nyin zhag dag la dpal ldan rdul tshon dgye ba nyid/ /dbang la sogs pa nya la mchog gi bla mas sbyin te bdud ni bcom pa'i nyin zhag dag la yang / /de yi mtshan mo rgyal ba'i rigs la rab tu gnas par 'gyur te mtshan mo gzhan la rab gnas 

</font><hr>77-1-61a<br><font size=+1>

min/ 29 /dag pa'i dus sbyor gza' la sogs pas mi yi bdag po mtshan mo gzhan la rab tu gnas par 'gyur/ /srog dang pa sangs nub par gyur na de tshe nges par bag ma rab tu gnas par mi 'gyur ro/ /slob dpon dag gis sa gzhi'i gnas su 
'jig rten 'jig rten 'das pa dag kyang mtha' dag shes nas ni/ /bya ba gang gang byed pa de de mtha' dag de ltar 'bras bu dag ni rab tu sbyin par 'gyur/ 30 /slob ma'i mgo bo snying ga de bzhin gtsug tor lte ba mgrin pa dpal ldan gsang ba'i pad+mar ni/ /rgyal ba la 
sogs gnyi ga'i rigs su gyur pa sku gsung thugs kyis phye ba dag gis bsrung byas shing / /de bzhin sku gzugs sogs dang glegs bam rnams ni rab gsal nges pa'i dpal ldan dbyangs rnams dag gis te/ /sems can rnams ni thar pa'i slad du che ge bdag kyang gtso bo'i 
dkyil 'khor dag ni bzhengs par bgyid/ 31 /dag pa'i gnas ni legs par gang zhing shin tu mnyam par bkod pa rus sbal rgyab bzhin mtho ba dag /khru tshad gcig la sogs pa dus dang nor dang mi bdag de bzhin stong phrag dag gi tshad la ni/ /thig skud rdo rje rdul tshon lha dang 
gshin rje chu bdag tu ste byang du rdo rje dril bu dag /bkod nas mtshan ma rnyed na dang po dang ni phyi ma'i phyogs su dkyil 'khor thig ni gdab par bya/ 32 /thig skud chad par gyur na bla ma nyams shing yongs 'joms 'gongs par gyur na bu rnams dag kyang ngo / /gal te rdul tshon rlung gis 
khyer na 'jigs pa gsal byed yul 'khor dag tu rgyal po 'jigs pa yang / /mtshan ma ngan pa de dag mthong nas slar yang gtso bo dag gi sngags kyi bzlas pa rab tu bya/ /slar yang mtshan ma rnyed na mnyam dang mi mnyam rkang pa dag gis thig ni gdab pa bsgrub par bya/ 33 /shes 
rab thabs kyi yan lag dbus su yongs 'joms su gyur de ni dkyil 'khor dag la spang bar bya/ /sa la g.yul gyi dus su rtse mo can dang rlung du gnas pa'i sde yi dbus su gdengs can bzhin/ /g.yul du sde ni nyams par 'gyur te sa gzhi dag tu mtshan ma'i 'thab mo la ni 

</font><hr>77-1-61b<br><font size=+1>

bsnun pa'o/ /de phyir g.yul dang dbang dag la yang yongs 'joms shin tu stobs dang ldan par sngags pas rig par bya/ 34 /a sogs ka sogs rdo rje ldan pa dag gis rang gi snying ga'i pad+mar zla nyi me steng du/ /dpal ldan dus kyi 'khor lo ri bong can 'dzin 'dod pa mnan pa'i 
g.yas brkyang zhabs ni bsgoms byas shing / /shes rab gtso bo'i thugs ka'i pad+ma nyi zla sbyar ldan la ste rang rang rdo rje lcags kyu yis/ /sangs rgyas lha mo rnams bkug rdul tshon dag la ro mnyam bkod cing thig skud la yang bsgom par bya/ 35 /thig ni ro dang dgu bcu 
'di dag tshangs pa'i thig las phyogs kyi cha rnams dag tu rab sbyin bya/ /sor phyed brjed pa nor dang dus kyi thig rnams dag gis dbus su snying po'i dkyil 'khor dag tu 'gyur/ /snying po las ni phyi rol mtha' dag rnams kyis bkod pa dag kyang dkyil 'khor chen po sgo yi mtshams/ /
ra ba rta babs la sogs rtse mo can dang g.yo ba'i dkyil 'khor phyi rol sa la blta bar bya/ 36 /gtso bo'i 'khor lo chu skyes lha la sogs pa'i gdan las sum 'gyur dag kyang tshangs pa'i gnas su ni/ /nyi ma'i re mig dag gis 'gyur te slar yang ri bong can gyis ka ba rdo rje'i phreng bar 
'gyur/ /bzhi yis sangs rgyas la sogs pad+mar rab 'gyur ri bong can gyis phyi rol rdo rje phreng bar yang / /lha mo sangs rgyas dag gi bar du bum pa 'am ni thod pa'i gdan du re mig gsum gyis 'gyur/ 37 /gnas de nas 'dir ji srid re khA'i bar du nyin mor byed pa dag gis tshon gyi 
sar 'gyur te/ /phyogs zur rnams su chu gter re mig dag gis dri la sogs pa rnams kyis zla nyi pad+ma nyid/ /phyed dang bcas pa'i gcig gis re khA gsum ste dus dang ro rnams kyis kyang sgo dang sgo khyud dang / /de bzhin logs dang 'gram pa dag ste gsum gyis kyang ni kha 
khyer chen po dag dang ka ba phyed/ 38 /de nas phyed dang gnyis dang dus kyi nor bu'i rang bzhin snam bu dang ni do shal sa ru 'gyur/ /sgo yi rtsa ba'i dang po nas ni gsum gyis bsgyur ba'i bcu yis rta babs ka bar bcas par 'gyur/ /thig phyed steng du dor nas do shal phyed pa dag gi mthar 

</font><hr>77-1-62a<br><font size=+1>

ni ba ku lIr yang rab tu 'gyur/ /re mig drug gis rta babs 'og tu nor gyi pad+ma dang ldan rnal 'byor ma rnams snam bu'o/ 39 /de nas ro yis bsgyur ba'i dus kyis dpal ldan tshon gyi sa ste re khA lnga yi bar du'o/ /phyogs zur rnams su nyi ma'i pad+ma nyis 'gyur 
ma nu'i 'dab ldan nyi ma'i re mig dag gis bya/ /snying po'i sgo ni nyis 'gyur rnam pa gsum gyi yon tan dbang gis 'dir ni phyi rol sgo dag kyang / /ra ba sogs dang de bzhin nyid du dkyil 'khor gsum bkod rnams ni brgyad pa gsum gyis rab tu bya/ 40 /de dag rnams kyi 
thog mtha'i cha la nyi zla'i dkyil 'khor dang ni phyi rol rdo rje'i phreng ba yang / /de phyed re mig dag gis bya ste 'khor lo gang yin dkyil 'khor mthar yang rlung gi dkyil 'khor la/ /ka ba'i 'og tu gdengs can rnams kyi dkyil 'khor du yang rab tu 'gyur te lha rnams shing rta 
ni/ /nyi ma dag gis sgo yi dbus dang mkha' dang sa gzhi dag la shar gyi cha dang nub la yang / 41 /rdo rje la sogs rin chen lnga dang gser dang ma ra ka ta byi ru mu tig la sogs dang / /dbye ba lnga yi 'bru 'am rnam mang nor bu dang ni de bzhin nyid du btags pa'i tshon dag gis/ /
phyogs kyi cha la tshon gyi sar ni mi yi bdag po sangs rgyas dbye bas rdul tshon gdab par 'gyur/ /ser dang dkar dang dmar ba sogs kyis sa chu'i dkyil 'khor dang ni me rlung dag la rim pas so/ 42 /shar du dpal ldan nag po'i sa ru 'gyur zhing lho ru nyi ma mtshungs pa dag ste nub tu yang / /
gser mdog byang du gzhan te ri bong 'dzin pa ltar dkar rdo rje can gyi zhal gyi dbye bas so/ /dkar dang dmar dang nag po rim par yongs su bkod pa'i snam bu dang ni do shal dag gi sa/ /pad+ma zla nyi'i kha dog gis te dri med ri bong can mtshungs dmar dang nag pa'i ri mo gsum/ 43 /
dbus su pad+ma 'dab brgyad ljang gu dag ste bung ba dang mtshungs ka ba rdo rje phreng bar 'gyur/ /dbang ldan lha min me rlung dag tu zla ba nyi ma'i lus dang nag po ser po rim pa yis/ /dung dang gaN+DI nor bu dag dang ljon pa zhes bya de bzhin bum pa dkar po mtshams brgyad du/ /zla 

</font><hr>77-1-62b<br><font size=+1>

ba chu skyes dmar po'i steng du rab tu 'gyur te nyin byed pad+ma dkar po'i steng du yang / 44 /chu skyes dmar po'i lte ba la ni lha mo rnams kyi ri bong 'dzin pa dag gi gdan du 'gyur/ /chu skyes dkar po'i lte ba dag la lha rnams kyi yang nyin mor byed par 'gyur te phyogs su'o/ /phyi rol tu ni 
gtso bo'i pad+ma'i dbang gis rdo rje phreng bar 'gyur te kha khyer kha dog dkar/ /ka ba ser po bA ku li ni kha ba'i mdog tu rab 'gyur rta babs kha dog sna tshogs so/ 45 /dkar po'i mdog ste rnal 'byor ma rnams dag gi nor gyi pad+ma'i snam bu dag kyang phyogs kun tu/ /phyogs kyi char ni 
pad+ma dmar por 'gyur te rgyal ba'i dbang gis pad+ma dkar po zur du yang / /zla ba nyi mas rnam dman de bzhin nyid du 'chi med rnams kyi nyis 'gyur ma nu'i 'dab ldan no/ /mkha' sogs re khA lnga po gang yin de dag rang bzhin yon tan dbang gis sum cha bar du gnas/ 46 /ka 
ba'i 'og gi sgo yi mtshams su gdengs can rnams kyi rlung sogs dkyil 'khor dag tu rab tu 'gyur/ /dbang ldan dang ni lha min zur du sa yi dkyil 'khor la gnas zla nyi dag go mi yi dbang / /phyi rol sgo yi steng gi char ni ri dgas dang bcas chos kyi 'khor lo sprin gyi mdog 
tu 'gyur/ /g.yas su bum pa dmar por 'gyur te nor sbyin dang bcas chur ni rnga bo che dang byang chub shing / 47 /dril bu me long ba dan ri bong 'dzin pa ltar dkar rta babs dag las 'phyang bar gyur pa dang / /do shal phyed pa kha dog dkar por 'gyur te rigs kyi dbang gis 
shing rta sgo yi dbus su'o/ /'khor lo dkar dang dmar po rang gi rgyal ba'i rigs kyi dbang gis rlung la sgo yi phyi rol tu/ /rdo rje 'bar ba 'phro ba dag gis mi yi bdag po phyi rol rdo rje phreng ba dag tu'ang 'gyur/ 48 /sbom pas nad dag byed cing phra dang re khA ngan pas rdzas ni nyams 
pa rab tu gsal bar byed/ /chad pas 'chi ba dang ni 'khyog pos mi yi bdag po dang bcas grong rdal de bzhin nyid du bskyod/ /mtshan ma nyi ma zla ba chad na sngags pa rnams la srid pa'i 'jigs pa 'joms pa'i dngos grub med/ /rnam par 'dres pas rigs rgyud 'chad de 

</font><hr>77-1-63a<br><font size=+1>

rgyal ba'i rigs kyis rdul tshon dkyil 'khor dag la rig par bya/ 49 /gang zhig rgyud kyi nang du rgyal bas gsal bar ma gsungs mtshan ma de ni mdzes pa'i don gyi rgyur/ /dkyil 'khor dag la dgod par mi bya de nyid bdud kyi mtshan ma'o rgyal ba skyed mdzad rigs la 
ni/ /de phyir rgyud las gsungs pa'i mtshan mar 'gyur te rigs kyi dbang gis sgo yi mtshams nas dkyil 'khor la'o/ /do shal phyed pa'i mthar ni sa yi dkyil 'khor gzhi la pad+ma bum sogs mdzes pa rab tu bya/ 50 /nag po la sogs rkang pa 'phel bar 'gyur ba dag ni rdul 
tshon dpangs te nas gcig dag nas kyang / /ra ba rnams ni sum 'gyur nyin mor byed pa ri bong can dang chu skyes re khA nyis 'gyur ro/ /snying po dag las phyi rol dpangs ni nyis 'gyur du 'gyur mi yi bdag po dkyil 'khor 'di la ste/ /do shal phyed pa'i mthar ni nas gcig sa 
chu bsreg za rlung dang rdo rje phreng ba rnams la'o/ 51 /dbus nas sgo yi dang po'i mtshams ni nor gyi blo gros mar 'gyur 'jig rten khams kyi dkyil 'khor la/ /sgo nas tsartsi ka mthar sum 'gyur gdengs can re mig dag gis lan tshwa'i rin chen gnas su 'gyur/ /de nas 
rgyal ba'i dbang po'i re mig gis kyang me yi dkyil 'khor de nas de bzhin rlung du 'gyur/ /de yi phyi rol du ni de dag rnam par dag pas sa chu bsreg za rlung rnams blta bar bya/ 52 /gtsug tor zhal dang mgrin pa sum 'gyur gdengs can re mig dag gis dkyil 'khor la ni sbyang 
bar bya/ /de nas lhun po mtha' dag sum 'gyur gdengs can re mig dag gis sa ni ji srid nyid du ste/ /re mig drug drug dag gis rim pas gsal bar klu yi srid pa dang ni sa 'og bdun po nyid/ /de ltar sa la sogs pa thams cad slar yang de bzhin rang gi lus dag la 
ni sbyang bar bya/ 53 /gnyis dang chu gter gcig dang chu gter gcig nyi dus ro rtse mo can gnyis dus phyed dus phyed dang / /dus dang dus ni rab phye dag dang dus dang ro dag kyang ste skyon gyi cha rnams rim pa yis/ /snying por lte ba rtsibs sam pad+ma'i 'dab ma dag dang de nas 

</font><hr>77-1-63b<br><font size=+1>

ka ba rdo rje'i phreng ba dang / /pad+ma rdo rje'i phreng bar 'gyur te sa dag dang ni de nas sgo dang sgo khyud la sogs dang / 54 /ka ba ra ba kha khyer dag dang slar yang de nas snam bu dang ni do shal sa dag dang / /me long sa yi snam bur 'gyur ro mi yi bdag po rta babs rab tu gsungs 
pa'i cha rnams kyis/ /phyi rol du ni sgo sogs thams cad nyis 'gyur du 'gyur phyi rol du yang de yi nyis 'gyur ro/ /phyi rol du ni pad+ma 'khor lo rnams dang shing rta'i dkyil 'khor rnams ni nyin byed dag gis so/ 55 /oM yig ye shes las skyes rgyal ba mchog gi pad+ma 
zla ba nyi ma dag gi gdan steng du/ /a sogs ka sogs stong par bcas pa dag dang srid gsum skyed par byed pa'i yum ni gzhag par bya/ /stong pa a yig rnam par bcad pa dbyangs dang bral ba mchog las sku gsung thugs kyi rdo rje ni/ /yang dag 'byung ba 
sngags kyi skye gnas mchog gi bde byed ye shes rdo rje dag ni bzhi pa'o/ 56 /rgyal ba'i bdag po'i pad+ma sna tshogs mdog la zla ba nyi ma me yi steng du hU~M yig ste/ /phyogs 'dab rnams la a sogs stong pa phyogs bral 'dab ma la yang ha sogs stong pa rnam pa bzhi/ /dbang 
ldan bden bral zur dang rtse mo can dang rlung du sku dang gsung dang thugs dang chags pa ste/ /hI yig la sogs bum pa rnams kyi bcu ru 'gyur te ha~M haHzhes pa dag gi mtha' 'dir ro/ 57 /shar gyi chu skyes steng du i yig rtse mo can du pad+ma la gnas I yig ring po nyid/ /
gshin rje lha min du ni r-i yig dag ste nor sbyin 'phrog byed du gnas thung ring u yig dag /chu dang rlung gi zur dag tu yang pad+ma la gnas thung ngu ring po dag gi l-i yig ste/ /nag po dmar po dag dang dkar po gser mchog dang mtshungs zhal gyi dbye ba dag gis dgod par 
bya/ 58 /shar gyi sgo yi lho dang me yi pad+ma la gnas thung dang ring ba dag ni de bzhin nyid/ /de bzhin ar yig zung ni gshin rje lha min dag tu gnas te nub tu al yig zung dag go/o au gnod sbyin drag po ru ste lha chu gshin rje gnod sbyin dang bcas sgo yi byang du ni/ /aM 

</font><hr>77-1-64a<br><font size=+1>

aHsogs te rim pa yis ni slar yang ya ra wa la lha sogs sgo yi pad+ma la'o/ 59 /shar dang byang gi sgor ni ri bong 'dzin pa dag kyang khro bo dag gi gdan du 'gyur ba ste/ /lho dang nub tu pad+mar nyi ma dag ni gnyis po dag gi gdan du nges par rab tu 'gyur/ /shes 
rab thabs kyi rab tu dbye ba dag gis pad+mar zla ba nyi ma dag kyang gdan du 'gyur/ /g.yas dang rgyab tu nyi mar 'gyur te lha yi bdag po nor sbyin du yang zla ba'i gdan du 'gyur/ 60 /thig le'i rnam pa dag gis rnam phye nges par pad+ma la gnas ka sogs sde yi ge yang / /
rtsa ba sdong bu 'dab ma dang ni ge sar lte ba dag la rim pas yongs su bkod pa ste/ /sa sogs nam mkha'i mthar ni ka kha ga g+ha nga zhes thung ngu ring po rang gi sa la'o/ /thig le zla ba rnam par bcad pa nyin byed du 'gyur gdan yang lte ba dag gi steng du'o/ 61 /sde 
drug thung dang ring rnams rang bzhin yon tan dbang gis kha khyer dag la ka ba'i ngos su ni/ /dri la sogs rnams rim pas rang rigs sa la gnas te shar gyi cha nas rang gi phyogs rnams su'o/ /phyi rol du ni thig le la sogs kyis phye sum 'gyur nyi mas kha khyer dag la de bzhin nyid/ /
'dod ma thams cad kun nas rang rigs phyogs su gnas te rgyal ba rnams kyi kha dog dbye bas so/ 62 /thung dang ring ba'i ha yig dag ni lha dang nor sbyin nub dang lho ru tsartsi kA sogs kyi/ /khyab 'jug ma sogs dag gi k+Sha yig a sogs kyis phye me dang 'phrog byed rlung dang lha min du/ /
hi la sogs dang k+Shi la sogs pa grangs brgyad pad+ma'i 'dab ma la gnas mdun rgyab rang phyogs su/ /ya sogs thung dang ring ba drug rnams lha yi pad 'dab me yi pad+ma dag la rim pa yis/ 63 /de bzhin gshin rje lha min pad+ma'i 'dab mar thung ngu ring po'i rab tu dbye bas ra sogs te/ /
gnod sbyin drag por wa la sogs dang chu gter dang bcas rlung gi pad 'dab rnams la la la sogs/ /shar gyi sgo yi lho dag tu yang pad+ma'i 'dab ma la gnas dbyangs kyis phye ba tsa yi sde/ /thung ngu lha min gyi ste ring po rnams kyang me yi zur na gnas pa rlung gi yin par 'gyur/ 64 /de bzhin 

</font><hr>77-1-64b<br><font size=+1>

gshin rjer me dang ro yi gdong pa dag gi Ta sde thung dang ring po'i rab dbye yis/ /g.yon dang dbang ldan du yang pa sder 'gyur te chu gter dang ni ring po'i dbye bas tshogs kyi'o/ /brgya byin dang ni tshangs pa dag gi chur bcas rlung du thung ngu ring po ta yi sde pa'o/ /shar gyi sgo yi byang du 
pad+ma'i 'dab mar lha min dgra yi ka sde thung ngur 'gyur ba ste/ 65 /lho ru gshin rje dag gi ring por 'gyur te mi yi bdag po byang dag dang ni nub tu yang / /phyugs kyi bdag po dzam+b+ha la yi thung dang ring ba sa sder 'gyur ba nyid do rgyal po kye/ /lha min la sogs rnams kyi rang gi sa bon du 
'gyur 'dab ma lha min rang rang sde mtha' dbus/ /'dab ma nyi shu rtsa brgyad la yang nyin zhag dbang gis rang rang sde pa dag gi yi ge rnams/ 66 /yA rA wA lA ha~M haHdrug kyang nges par shing rta dag la steng dang rtsa ba lha sogs su/ /sgo las g.yas dang g.yon du gdengs can rnams 
kyi ya sogs la gnas ha yig dag tu rab tu 'gyur/ /sde drug brtsegs pa'i gzugs dang slar yang ha yar wa la dang k+Sha sogs ldan pa'i ya sogs ni/ /phyogs kyi 'khor lor ka sogs sde rnams g.yo ba'i dkyil 'khor la gnas tsa sogs gzhan la lugs mthun te/ 67 /shar 
dang gshin rje byang dang chu dang me dang lha min dang ni dbang ldan rlung gi zur du'o/ /aM aHzla ba nyi ma dag gi dur khrod sa gzhi la gnas 'byung po'i tshogs kyi sngags rnams so/ /hU~M gi yi ge chos kyi 'khor lo dang ni de bzhin AH yig bum pa'i sa bon dag tu 'gyur/ /oM yig rnga bo che 
yir 'gyur te chu ru ho yang byang chub shing dag gir ni rab tu 'gyur/ 68 /zhes pa de ltar dbyangs ldan rnams ni rigs kyi dbang gis dkyil 'khor dag la sngags kyi dbye bar 'gyur/ /phyag rgya mtshan ma rnams kyi kha dog mtha' dag rdo rje can gyi zhal gyi dbye ba dag gis 'gyur/ /thab tu sbyin 
sreg dag kyang de bzhin 'gyur te slar yang 'jug ngogs pa rnams spyan drang ba dag dang / /dpal ldan sa la bsang ba dang ni mchod yon cho ga de bzhin bdud ni gzhom pa dag kyang ngo / 69 /sgo rnams bsrung ba'i don du brtul zhugs nges pa dang ldan dag pa'i slob ma rnams ni rab dgod bya/ /dpal 

</font><hr>77-1-65a<br><font size=+1>

ldan bum pa dag gi rnal 'byor ma rnams me dang lha min rlung dbang zur du rim pas so/ /slob dpon dpal ldan tshogs kyi dbang por 'gyur te mi bdag las kyi rdo rje can dag rab byas nas/ /slob ma med na tshogs kyi dbang po rang gis kyang ni sbyin sreg las la sogs 
pa dag kyang bya/ 70 /zlum po'am ni rig byed zur dag rigs kyi dbang gis zhi dang rgyas pa dag gi thab tu 'gyur/ /byang ngam drag po'i zur dang gzhan yang dkar po'i sa la rtsa ba'i pad+ma dag ni nyis 'gyur ro/ /zabs ni pad+ma'i tshad du 'gyur te de yi nang du rtsa ba'i pad+ma mtshan mar bcas pa'o/ /
pad+ma phyed la pad+ma'i phyi ru bum pa dang bcas ral gri rin chen sogs kyi mtshan mar 'gyur/ 71 /de yi phyed kyis kyang ni mchu ste de las nyis 'gyur dag kyang kha khyer dag gi brgya yi cha/ /steng du rdo rje phreng ba dag kyang mchu yi phyed kyis dpangs dag tu ni nges par rab tu 'gyur/ /phyi rol 
'og tu pad+ma'i 'dab ma rnams dang ku sha'i bkod pa phyogs rnams kun tu rab tu bya/ /de yi mthar ni nub phyogs dag tu nges par re khA gsum gyi sgo gcig tu ni rab tu 'gyur/ 72 /slob dpon dag gi gdan ni nges par mnyam par 'gyur te snying po'i pad+ma dag las nyis 'gyur ro/ /g.yon du mchod 
yon gdan du 'gyur te mi yi bdag po sbyin srer snod dag gi yang g.yas su 'gyur/ /kun gyi rdo rje'i mtshan mar 'gyur te rgyal ba'i bdag po'i yang na mkha' yi pad+ma yum gyi'o/ /zhal dang gsang ba dag kyang thab khung rnam pa gnyis su 'gyur te rgyal po phyi dang lus la'o/ 73 /thab kyi phyogs 
bcu'i dkyil 'khor dag la khro bo'i rgyal po lha mor bcas pas bsrung ba byas nas ni/ /dpal ldan rdo rje dag gis bsang ba sogs dang chur bcas me tog rnams kyis me la mchod yon nyid/ /de yi rnal 'byor ldan pas sbyin par bya ste rang snying pad+mar zla ba'i steng du bsgoms nas so/ /zhal gcig 
kha dog dkar po dus kyi phyag gi pad+ma g.yon na ril ba chu skyes dag dang ni/ 74 /g.yas na dbyug pa bgrang phreng ral pa shin tu ser skya dmar ser mig ldan gos dang bcas pa ste/ /me yi snying gar zla ba'i steng du dri med 'phro byed dzaHlas lcags kyu nges par bsgom par bya/ /de yis bkug pa'i kun 'gro 

</font><hr>77-1-65b<br><font size=+1>

ye shes sems dpa' rang gi lus la shin tu ro mnyam dag tu mdzod/ /de ltar thab la yang ni yang dag 'gyur te mi yi bdag po de bzhin me ni spyan drang ngo / 75 /mchog sbyin lag pa dag gi mthe bo yis kyang me yi zhal du sbyin sreg dag ni rab tu bya/ /gtso bo'i rdo rje yan lag gis kyang mda' 
brgya'i yam shing 'bru dang dUr ba mar dang 'o ma yis/ /skyil krung du gnas rab tu zhi zhing g.yo ba med pa'i sems ldan gsang sngags rig pa sngags kyi sku/ /slob dpon las kyi rdo rje can gyis slar yang me la bsregs blugs dag ni nges par sbyin par bya/ 76 /rim pa yis ni sbyin sreg byas nas 
'thor 'thung dag kyang de bzhin me dang bdag nyid dag la yang / /dri la sogs dang spos dag phul nas rang snying pad+mar ye shes me ni gshegs su gsol bar bya/ /phyi nas slob ma la ni dbang bskur dpal ldan bla ma mtha' dag yon tan gter gyis nges par sbyin/ /dang por bdud rtsi lnga ni 
rgyal ba mchog gi rdo rjes byin gyis brlabs pa dag pa'i slad du'o/ 77 /rang gi sngags kyis sbyin sreg grub cing rdul tshon btab ste sngags kyi mtshan ma rab tu bkod pa na/ /zur du shel gyi bum pa dkar po skud pa lnga yis dkris pa rnams ni yang dag gzhag par bya/ /slob dpon shar gyi zhal du 
rdo rje pad+ma las skyes rab bgrod khro bo'i rgyal po rnams dag gis/ /spyan drangs nas ni ye shes 'khor lo rdul tshon dag la ro mnyam du bya dbang gi don du'o/ 78 /lha dang lha mo rnams ni thams cad dag gi ming gi sngon du zhes bya bar 'gyur ba ste/ /sbyin sreg la ni swA hA'i mtha' sngags snying po de bzhin nyid 
de mchod pa dag la na maH'i mtha'/ /dzaHhU~M ba~M hoHlcags kyu la sogs rim pas yongs su bkod rnams spyan drang gzhug dang bcing ba dang / /mnyes la'o mchod yon sbyin pa la yang i daM gr-ih+Na gr-ih+Na ar+g+ha ka~M me zhes par 'gyur/ 79 /rgyas pa la ni swA hA'i mtha' yi sngags su 'gyur te mi bdag 
zhib la 'di na maH'i mtha'/ /dgug pa la ni gau ShaT mtha' ru 'gyur te bau ShaT mtha' yang dbang la de bzhin nyid du ni/ /hU~M yig mtha' can mngon spyod la ste rang bzhin yon tan dbang gis phaT mtha' phur bus gdab sogs la'o/ /dkar dang dmar dang nag po mchog gi gser dang mtshungs 

</font><hr>77-1-66a<br><font size=+1>

pa dag ste las kyi dbye ba dag gis sngags/ 80 /shar du dpal ldan thugs kyi rdo rje dag ni sprin nag dang mtshungs byang du sku yi rdo rje dang / /lho ru gsung gi rdo rje nub tu yang ni rang rigs phyogs su gnas pa ye shes rdo rje ste/ /dkar dang dmar dang ser po dag ni rigs kyi dbang gis 
sa yi cha la khyab par byed par 'gyur/ /rlung me chu dang sa yi lha rnams dag gi skye ba'i gnas ni mi bdag i r-i u l-i'o/ 81 /oM AHhU~M ni phyag rgya gsum ste swA hA'i tshig dang bcas pa ring po'i dbye ba las kyang lnga/ /hU~M AHoM hoHrang gi zhal rnams gzhan pa dag kyang de bzhin gzhom du med pa lnga 
par 'gyur/ /a sogs dang bcas hra~M yig drug ste ro rkang na maHsogs kyi dpal ldan yan lag drug tu 'gyur/ / /phreM gyi yi ge sna tshogs yum gyir 'gyur te rnam bcu brtsegs pa'i sngags ni rgyal ba dag gi'o/ 82 /hU~M yig ye shes sa bon snying po dag kyang brtsegs pa chen po'i sngags ni zhal dang 
bcas pa ste/ /hU~M yig la sogs yan lag drug po sku yi rdo rje dang por ldan pa 'di ni nye snying ngo / /lha dang lha mo rnams kyi phreng ba'i sngags ni de bzhin gzhan te las kyi dbye ba du ma yis/ /rnam mang du 'gyur shes par bya ste dus 'khor dkyil 'khor 'dir ni rang bzhin yon tan dbang gis so/ 83 / 
rin chen gser zla me tog dang ni rnam pa mang po'i gos dang dri dang spos dang mar me dang / /dril bu me long bla re dang ni rnam mang 'bras bu ba dan sogs dang gar dang rol mo yis/ /rnam bkra mchod pa byas te gzhan pa rnam bcu dag kyang bdag nyid nus pas ji ltar gsungs pa bzhin/ /slob dpon dag 
gi zhabs kyi rtsa bar mchog gi bu yis yon ni dag pa'i slad du dbul bar bya/ 84/ dag pa gsum gyi rdzas dang bdag nyid bu dang bu mo dang bcas rigs las skyes pa'i gzhon nu ma/ /de ring nyid nas mi bzad 'khor bas 'jigs pa bdag ni rgyal ba rnams la skyabs su lhag bar mchi/ /khyed kyi zhabs 
kyi chu skyes nges par srid pa'i 'jigs 'phrog dag la lus ngag sems ni dag pas so/ /zhes pa gser bcas me tog dag gis maN+Dal byas nas bla ma la ni gsol ba gdab par 'gyur/ 85/ 'dod pa'i rdo rje la ni rdo rje dril bu phyag rgya bla ma dag kyang spyi bos gzung bar bgyi/ /rin chen la ni sbyin pa sbyin 

</font><hr>77-1-66b<br><font size=+1>

bgyi 'khor lo 'di la rgyal ba mchog gi dam tshig bskyang bar bgyi/ /ral gri la ni mchod pa bgyi ste gsal bar chu skyes rigs la sdom pa dag ni bskyang bar bgyi/ /sems can rnams ni thar pa'i slad du rgyal ba skyed mdzad rigs la byang chub bdag gis bskyed par bgyi/ 86 /slob ma khrus 
byas dri yis rjes byugs brtul zhugs nges pa dang ldan shar gyi sar ni bzhag byas te/ /dngos grub don du so shing rgyal ba mchog gi rdo rje dag gis mngon par bsngags pa rab sbyin bya/ /lce la'ang bdud rtsi nges par rgyal ba mchog gi dam tshig dag gis spos ni dbab pa'i don du'o/ /sngags 
ni hU~M gi yi ge gcig ste a ra la dang bcas pa khro bo'i gtso bo bskul ba'o/ 87 /khro bo'i rgyal po phebs na mtshon chas mdzes pa'i lag pa dag gis bdud kyi tshogs la bsdigs byed cing / /g.yon brkyang la sogs stabs rnams dang ni rnam mang bcing ba dag gis rdo rje'i gar gyi gar byed de/ /
bzhad dang hU~M gi yi ge 'dres pa dgra la 'jigs pa ster ba dang ni rdo rje'i glu yang byed/ /ngo tsha med cing dogs pa med par 'gyur te yon tan dbang gis lha gzhan dag kyang zhi ba'o/ 88 /sku phebs pas ni rnal 'byor ldan pa rang bzhin yon tan dbang gis sku yi bya ba byed pa ste/ /gsung phebs 
pas ni lha dang 'byung po lha min rnams las rnam par rgyal ba'i smra ba po ru 'gyur/ /thugs phebs pas ni gzhan gyi snying la gnas pa dag dang byung dang 'byung ba thams cad shes par 'gyur/ /ye shes phebs pas sangs rgyas bla ma yi yang bla ma rdzu 'phrul ldan pa'i ston pa gcig pur 'gyur/ 89 /
sa phebs pas ni rnal 'byor pa dag ri dang mtshungs par 'gyur te chus kyang bsil bar rab tu 'gyur/ /me phebs pas ni sreg par 'gyur te rlung gis kyang ni de bzhin skam pa dag tu rab tu 'gyur/ /stong pa phebs pas mi snang bar 'gyur sa steng du ni mkha' la spyod pa nyid du rab tu 'gyur/ /de 
bzhin gzugs la sogs pa thams cad rang bzhin yon tan dbang gis rim pa yis ni rig par bya/ 90 /dbab pa la ni nges par 'gyur te mi yi bdag po sngags pa rnams kyi bsgom pa'i stobs dang ni/ /bsnyen pa'i dbye ba dang ni rnam mang dam tshig sngags kyi bzlas pa sogs kyis 'ga' zhig 

</font><hr>77-1-67a<br><font size=+1>

dag gi tshe/ /sangs rgyas ro myong byed pas bdud rtsi'i dbang las dkyil 'khor 'ga' zhig tu ni mchog gi bu la'o/ /rang byin brlabs pas dman pa rnam mang srid pa dag gis sngags pa rnams la dngos grub yod pa min/ 91 /phebs pa btang ste phyi nas mgo bo dang ni snying ga spyi gtsug 
lte ba dag dang mgrin pa dang / /gsang bar rgyal ba dang ni rang gi rigs kyi sar gnas rang gi rdo rje gsum gyis bsrung bar bya/ /lus la ser po'i gos dag byin te mig ni bsgribs par gyur pa'i slob ma 'dir ni gzhug par bya/ /kun rdzob don du brtul zhugs rab mchog bgrod pa dag la bgrod 
pa de dag nyid ni sbyin par bya/ 92 /'tshe dang mi bden gzhan gyi bud med spang bya gzhan gyi nor dang chang gi btung ba de bzhin nyid/ /'khor bar rdo rje'i zhags pa dag ste rang gi dge ba 'joms byed sdig pa lnga po 'di dag go /gang zhig gang gi dus su byung ba lha dang mi yi bla ma de yi mtshan gyis rab sbyin 
bya/ /sna tshogs gtso bo'i bka' 'di srid pa'i 'jigs pa 'joms pa dag ste khyod kyis kyang ni bskyang bar bya/ 93 /cho lo kha na ma tho bcas pa'i zas dang tshig ngan klog dang 'byung po lha min dbang po'i chos/ /ba lang byis pa bud med skyes pa rnams dang lha mi'i bla ma gsod pa lnga ni mi bya'o/ /
grogs po rje bo rnams dang lha dang mi yi bla ma dge 'dun yid brtan rnams la 'khu ba yang / /dbang po rnams ni chags pa dag dang de ltar srid pa'i bdag po dag gi brtul zhugs nyi shu lnga/ 94 /dpal ldan sngags kyis mngon par bsngags te lag pa'i pad+ma sbyar bar me tog gcig ni rab sbyin bya/ /
dang por lan gsum bskor te lag pa'i pad+ma sbyar ba dag las dkyil 'khor du ni me tog dor/ /gang gi gnas su me tog bzang po lhung ba de ni mi yi bdag po de yi rigs su nges/ /phyi nas dbang ni bdun po dag dang rnam gsum 'dir ni ji bzhin bla med yang dag rab sbyin bya/ 95 /klu dang 
bzhi yi nor bu gser gyi bum pa dag gam rgyal po sa yi rang bzhin rin chen bcas/ /sman dang dri dang ldan pa'i rgyal dang rnam rgyal bum pa dag gis lha mo rnams kyis khrus bya'o/ /sangs rgyas rab tu dbye bas cod pan sbyin te mchog gi bla mas nus ma rnams kyis dar dpyangs nyid/ /rdo 

</font><hr>77-1-67b<br><font size=+1>

rje dril bu nyi zla las te brtul zhugs dag kyang dbang por bcas pa'i yul gyis sbyar bar bya/ 96 /khro bo rnams kyis byams sogs ming ste gsal bar rgyal ba'i bdag pos rjes gnang 'dogs bcas rab tu sbyin/ /rdo rje dril bu rab tu byin nas rab mchog snying rje dag gis dag pa'i chos ni bstan 
par bya/ /nges par rdo rje'i rigs dag la ni srog gcod bya ste ral gri la yang bden pa min pa'i tshig /rin chen la ni gzhan nor dbrog bya mchog gi pad+ma'i rigs nyid la yang gzhan gyi bud med dbrog 97 /chang dang sgron ma sangs rgyas rnams dang bzang po'i yul rnams mtha' dag 
'khor lo la ni bsten par bya/ /gdol pa mo sogs mtha' dag bud med rnams ni gri gug la yang mkha' yi pad+mar smad mi bya/ /sems can don gyi slad du nor dang bcas pa'i lus 'di sbyin par bya ste khyod kyis bsrung mi bya/ /rigs kyi bu kye sangs rgyas nyid du 'gyur ba gzhan du 
mtha' yas bskal pas min par rgyal bas gsungs/ 98 /chu ni sgrol ma la sogs lha mo cod pan zhes pa rgyal ba dpa' bo'i dar dpyangs nus ma rnams/ /rdo rje dril bu nyi zla dag dang brtul zhugs dag kyang yul te ming ni byams sogs sbyor ba'o/ /rjes gnang rdzogs pa'i byang chub 
dpal mo srid pa'i 'jigs 'joms dus kyi 'khor lo rjes su rig pa ste/ /sdig pa'i dri ma 'phrog pa'i dbang bskur bdun po 'di dag dkyil 'khor du ni yang dag rab sbyin bya/ 99 /dbang bdun dag gis mngon par dbang bskur dge ba'i dbang gis sa bdun gyi ni dbang phyug nyid du 'gyur/ /
bum pa gsang bas mngon par dbang bskur slar yang phyir mi ldog pa sogs su nges par rab tu 'jug /shes rab ye shes dag gis mngon par dbang bskur srid pa'i 'jigs pa 'joms pa'i 'jam dbyangs nyid du 'gyur/ /gal te g.yo sgyu'i dbang 
gis rtsa ba'i ltung ba byung na dmyal bar 'gro ste 'di dag sdug bsngal lo/ 100 /rtsa ba'i ltung ba rnam par dag par 'gyur te yon tan ldan pa dbang bdun la gnas dag gi'o/ /bum pa gsang ba la ni gal te brtul zhugs nges pa'i dbang gis gong ma la 

</font><hr>77-1-68a<br><font size=+1>

ni dag pa med/ /rtsa ba'i ltung ba byung na gang zhig dag pa'i slad du slar yang dkyil 'khor 'dir ni 'jug bya ste/ /rjes su gnang ba thob nas slar yang tshogs kyi 'dus par thu bo'i ming ni chung ba nyid du 'gyur/ 101 /dpal ldan bla ma'i thugs dkrugs pa las bu 
rnams kyi ni rtsa ba'i ltung ba ri bong 'dzin par 'gyur/ /de yi bka' la 'gongs pas gzhan du 'gyur te nges par de bzhin spun la khros pas gsum pa'o/ /byams pa btang bas bzhi par 'gyur te byang chub sems ni rab tu nyams pa las kyang mda' ru 'gyur/ /drug pa grub pa'i mtha' 
la smod pa ri bo dag kyang ma smin mi la gsang ba byin las so/ 102 /phung po nyon mongs pa las klu ru 'gyur te slar yang dgu pa dag pa'i chos la ma dad gang / /sgyu yi byams pa dang ni ming sogs bral ba bde ba ster la rtog pa phyogs dang drag po'o/ /dag pa'i sems can dag la skyon 
brjod pa las nyi ma dam tshig thob pa gtong ba las kyang gzhan/ /bud med thams cad la smod nges par ma nur 'gyur te rdo rje'i theg par gnas pa rnams la'o/ 103 /klu dang bzhi yi nor bu gser gyi bum pa dag gam rgyal po sa yi rang bzhin rin chen bcas/ /sman dang dri dang ldan pa'i rgyal 
dang rnam rgyal bum pa dag gis gdan gyi dbus su khrus byas te/ /klu dag gis ni dpal ldan cod pan bcings ste nor 'dab pad+mar bzhi yis dar dpyangs bcing bar bya/ /phyag rgya la ni dpal ldan bum pa yis te 'dir ni pad+ma dang bral re khA lnga po spangs/ 104 /dang por chu dag la ni dge 
bsnyen nyid du 'gyur te bum pa la yang dge tshul dag tu 'gyur/ /gsang ba'i dbang la dge slong dang ni gong ma'i byed pa la yang gnas brtan zhes par 'gyur ba ste/ /phyag rgya dar dpyangs cod pan dag dang rdo rje mchod phyir thogs ni bla ma mchog gis sbyin par bya/ /de dag slob dpon slad du 
rang gi rgyal ba'i rigs kyi dbang gis phyag rgya rnam par dag pa nyid/ 105 /steng du bla re bkod cing sa yi mthil gyi gnas dag tu yang ri mo gsum ni kun nas so/ /de rnams thur du nor bu gser gyi bum pa chur bcas skud pa dang ldan pad+ma'i kha rnams so/ /dung sogs gser gyi snod dang yang na 

</font><hr>77-1-68b<br><font size=+1>

dngul gyi rang bzhin dag tu dri yi chu ni bsgrub par bya/ /snying por gser gyi rang bzhin gsal ba'i gdan dag rab tu bkod de de la khrus ni brtsam par bya/ 106 /me tog sogs dang dri yi til mar nyi ma me yis smin pa dag gis lha la byug par bya/ /phye ma rnams kyis dril phyis byas nas sbrang 
rtsi mar dang zho dang 'o ma chu yis bkru bar bya/ /don grub rnams dang mar me dag dang rnam mang 'bras bu mchog gis 'di la nges par byabs nas ni/ /de yi gnas nas bskyod par bya ste sku yang dmar po'i gos dag gis ni yang dag g.yogs pa'o/ 107 /dpal ldan dkyil 'khor 
mthar ni mnyam pa'i sa yi gnas la rgyal ba'i cha yis re khA lnga byas te/ /dbus su pad+ma 'dab ma brgyad pa rang rigs phyogs su gnas pa'i mtshan ma lnga yis brgyan pa'o/ /de yi dbus su gzhag par bya ba zhal gyi pad+ma nub tu phyogs pa'i lha dang lha mo'am/ /mchod rten sogs 
dang glegs bam dag gam thang sku zhes pa'ang de bzhin de la mngon phyogs sngags pa'o/ 108 /rgyal ba mchog dang bcas pa sku gsung thugs kyi rdo rje stong ba'i rang bzhin dag tu byas nas ni/ /phyi nas sngar brjod sbyor ba dag gis zla nyi rdo rje las skyes dus kyi 'khor lo bsgom par bya/ /rig 
pa'i lha mo sogs dang sangs rgyas A li kA li'i rigs skyes rang rang sa bon gyis bskyed rnams/ /snying mgrin lte ba gsang ba mgo dang gtsug tor 'khor lo dag la rigs kyi dbang gis bsgom par bya/ 109 /de ltar nges pa nyid du bsgom par bya ste slar yang mtha' dag lha rnams dag gi 
lus la yang / /khro bo'i rgyal po dag gis srid med srid mnyam ye shes sems dpa' bkug ste gzhug pa dag dang ni/ /bcing dang mnyes pa dang ni ro mnyam byed pa dag kyang lha rnams kyi ni rang gi lus la bya/ /de nas slob dpon nyid kyis zhal ni rab tu gsal bar byas pa'i lha la 
phyag dag 'tshal bar bya/ 110 /a sogs ka sogs dag las lha dang lha mo rnams kyi rang rigs yon tan la gnas sa bon gang / /rang gi sa bon de ni snying gi dbus su zla nyi kha sbyor la gnas sku gsung thugs ldan par/ /mtha' dag lus la gnas pa'i sum cu rtsa gnyis mtshan 

</font><hr>77-1-69a<br><font size=+1>

gyi yan lag dpe byad mkha' dang brgyad kyis te/ /yi ge rnams kyis phye ba de nyid rab gsal 'dab ma 'dab mar glegs bam rnams la bsgom par bya/ 111 /mchod rten snying por dpal ldan 'khor lo rdo rje nor bu pad+ma dag dang byang du ral gri nyid/ /bgrang phreng 
la ni hU~M gi yi ge nor bu yongs su bgrang ba rnams ni mtshan dang dpe byad rnams/ /dril bu'i sku la dbyangs ni gsum gyis bsgyur ba'i bcu rnams dag dang ka sogs sde rnams rdo rje la/ /de dag kho na mchod phyir thogs la bcu yis bsgyur ba nor gyi dpe byad rnams ni stod g.yogs la/ 112 /
ka sogs sde ba dbyangs dang bcas pa mkha' ro yon tan rnams ni pus 'khyud dag la bsgom par bya/ /ha~M haHdpal ldan rna cha la ste a~M aHzhes pa zung ni mgul rgyan ska rags dag la'o/ /de bzhin du yang a yig zung ni gdu bu dag la 'gyur te rkang gdub dag la ha hA yang / /mtha' 
dag lus la gnas pa stong pa'i rnam pa lnga po dag ni thal ba dag la bsgom par bya/ 113 /rang lus ye shes rnam pa dag las rdo rje gsum dang bcas pa'i phung po khams la sogs pa kun/ /lha rnams kyi ni rang gi snying ga'i pad+mar rang rang sa bon dag gi rim pas dgod par bya/ /sa bon 
bkod na rab tu gnas par 'gyur te mi yi bdag po mchod rten sku gzugs sogs la'o/ /nye bar bsdu ba'i dus su lag pa'i rdo rje dag gis rang gi lus la sa bon gzhug par bya/ 114 /'di dang dang po ru yang ri mor bris pa'i thang sku rnams kyi me long la ni khrus su 'gyur/ /phyi nas dri 
dang spos dang shin tu dri bzang me tog rnams dang glu dang rol mo dag dang ni/ /gar dang rnam mang mchog gi gos dang rnga yab dang ni gdugs rnams dag gis lha la mchod par bya/ /de ltar rab gnas byas nas rnam mang mchog gi ro rnams dag gis dge 'dun mchod ston rab tu sbyin/ 115 / khron 
pa rdzing dang mtshe 'ur phyogs dang phyogs bral du ni klu yi rgyal po nor rnams dgod par bya/ /chu gter bdun po rang gi sa bon gyis te sbrang rtsi chu dang ldan pa'i dri lnga gzhug par bya/ /sbyin sreg mthar ni rdzing bu la sogs dag la chu lha dkar po phyag na zhags pa bsgom par bya/ /skyed mos 

</font><hr>77-1-69b<br><font size=+1>

tshal du shing gcig dpag bsam ljon pa mtha' dag shing la gnas par dbang ni bskur nas so/ 116 /cod pan dar dpyangs dag dang do shal gdu bu dang ni de bzhin rna cha ska rags la sogs pa/ /slob dpon la ni rab tu sbyin byar 'gyur te mi yi bdag po yon yang bdag nyid nus pas so/ /
sbyin bdag gis ni bsod nams slad du mtha' dag tshogs kyi rigs la gzhan don don du gnyer bya ste/ /bsod nams 'di yis rnam gsum srid pa la gnas sems can rnams ni bla med byang chub thob par shog 117 /ji srid phyogs kyi lo ni gcig pu rnam pa bcu ru 'gyur te blta ba dang 
ni reg par bya/ /de nas 'khyud par bya ste ro dang bcas pa'i chu gter g.yo ba la sogs rnams ni bsten par bya/ /lo ni nyi shu yan chad phyag rgya mchog tu 'jigs byed ma ste khro bo 'byung po lha min cha/ /dbang gi don du drug dang bzhi ste bde mnyam 'bras bu ster ba gzhan ni bsgom pa'i 
don du'o/ 118 /dpal ldan shes rab nu ma la yang dang por reg pa gang yin bum pa'i dbang ni de nyid do/ /gsang ba dag las ri bong 'dzin pa myang ba dang ni blta ba dag gis gsang ba'i dbang du 'gyur/ /shes rab ye shes dbang la mtha' dag rgyal ba'i rigs kyi yan lag zhal gyi 
sbyang ba byas nas ni/ /rgyal ba dag kyang 'dir ni bla mas dpang por byas nas slob ma la ni phyag rgya sbyin par bya/ 119 /rgyan rnams thams cad dang ldan zhun ma'i gser dang mtshungs shing bcu gnyis lo lon mdzes ma'i bu mo ni/ /khrag dang ldan la shes rab thabs kyi bdag nyid dag gis rang 
gi rdo rje nor bus 'dod spyad nas/ /sa bon dang bcas rdo rje dag kyang slob ma dag par shes nas kha ru 'phang ba byas nas ni/ /phyi nas rang gi phyag rgya sbyin bya de nas slar yang gzhan ni du ba'i lam sogs ldan pa'o/ 120 /skrag dang rnam par 'phrul pa'i sems ldan g.yo sgyu gzhan 
dbang 'gro ma nad dang ldan dang bu skyes ma/ /khro khengs nor la sred dang mi bden rtsod pa la dga' rang gi yan lag dman dang rnam dag min/ /shes rab 'di dag dbang la shin tu mkhas pa'i bla ma dag gis spang bar bya'o mi yi dbang / /sngar brjod sangs rgyas la gus bla ma'i dam tshig 

</font><hr>77-1-70a<br><font size=+1>

'dzin ma rnams ni phyag 'tshal ba dang mchod par bya/ 121 /'dod pa skyod par byed pa 'gro ba rang gi yid la'o gang ba dag ni gang ba nyid du 'gyur/ /gang ba yan lag mchog dag las ni ri bong 'dzin pa khu bar byas nas thig le bzang po 'dzag /oD+Das bkug pa 
mchog gi bde ba rang bzhin gyis ster thig le grol ba dag ni gsum gyi mthar/ /blta dang reg dang 'grogs la 'dzag pa'i bde ba 'di dag dga' ba'i dbye ba la sogs dag gis so/ 122 /'dod pa dga' bar byed de dang po dag kyang mi rnams kyi ni mig gis blta ba dag la'o/ /phyi nas 
gang ba rab tu sbyar ba la ste slar yang mchog gi dga' ba nyid do rang lus la/ /'bar ba thig le 'dzag pa dang ni dga' ba yang ste khyad par dga' ba rdo rjes pad+ma la/ /oD+Da thig le gsum gyi mtha' ru 'gyur ba la gnas lhan cig skyes pa'i dga' ba rdo rje byed/ 123 /'dod dang dga' 
ba dang ni 'dar dang 'gyur med dag dang bzhi po yis ni sbyor ba de gcig ste/ /gang ba dang ni nus dang skye ba dag dang mchog gi dga' ba nyid ni gnyis par nges par 'gyur/ /'bar ba dang ni thig le brgyal ba dag dang slar yang khyad par dga' ba nyid ni gsum pa'o/ /oD+Da dang ni nA da dag dang 
gnyid dang lhan cig skyes pa'i dga' ba nyid ni bzhi par 'gyur/ 124 /sems kyi bsam pa yis ni ma ru 'gyur te reg pa dang ni blta ba dag gis sring mo'o/ /rdo rje zhugs pas bu mo byed pa dang bcas shin tu dga' bas tsha mo dag ni de bzhin nyid/ /thig le lhung na chung ma gzhan gyi rigs la 
gnas pa'i rnal 'byor mar ni 'dod chags nyams las so/ /'di dag rnal 'byor phyag rgya drug ste sa chu bsreg za rlung dang mkha' dang chad pa'i dngos rnams so/ 125 /chu skyes la ni rdo rje rab zhugs rtse mo can la rlung dang thig le mi lhung gsum pa'o/ /'di dag rnal 'byor gsum gyis rab 
tu gsal zhing nges par sku dang gsung dang thugs kyi phyag rgya ste/ /chags dang chags bral mthar gyur dang po mchog bde'i gter ni rnal 'byor rnams kyis rtogs bya bzhi ba'o/ /phyag rgya rnams las de ni legs pa'i ma ru 'gyur te rnam bcu dpal ldan bla ma'i zhal 'di'o/ 126 /shes 

</font><hr>77-1-70b<br><font size=+1>

rab yum ni mchog gi yum ste srid gsum skyed ma spyan la sogs pa rnams ni sring mo'o/ /rdo rje drug ni tsha mo rnams te phyugs kyi skye bo 'jigs ster tsartsi kA sogs yang tsha mo/ /'khor lo la gnas dus kun tu ni rang rigs sa la gnas rnams rnal 'byor pa yis bsten par bya/ /zhing dang 
gnas dang dur khrod skye bo dang bcas skye bo med par nam yang dor bar mi bya'o/ 127 /dpal ldan rdo rje can ni dpal ldan yab ste srid gsum skyed mdzad sangs rgyas thams cad ming po'o/ /spyan la sogs pa ming po'i bu ste gzhan ni rnam mang yang tsha rnams dang yang tsha'i bu rnams so/ /
'khor lo la gnas rang rigs sar gnas rab dga' rnams ni rnal 'byor ma rnams dag gis bsten par bya/ /zhing dang gnas dang dur khrod skye bo dang bcas skye bo med par nam yang dor bar mi bya'o/ 128 /bud med zla ba'i bzhin dang ut+pal mig can mchog gi dri yis rjes su byugs pa 
gang su dag /bsod nams dag gi rgyu ru dag pa gsum gyis slob dpon la ni rdo rje'i mchod pa 'bul byed na/ /sa gzhi sbyin dang glang po rta dang shing rta du ma'i bu mo rab tu sbyin las bsod nams gang / /bsod nams de dag thams cad de las 'gyur te mi bdag mkha' gnas zla 
ba nyi ma'i mtshams su'o/ 129 /sgrol ma dmangs mo rnam pa bzhi ru sa yi steng du 'gyur te gos dkar mo ni rgyal rigs ma/ /sa ni rje'u rigs ma rnams rnam gsum mA ma kI ni gnyis skyes skye bo'i rigs skyes rnam bdun 'gyur/ /sgra zhes bya ba 'khar ba mkhan mo nges par ro 
yi rdo rje chang 'tshong gzugs kyi rdo rje ma/ /yang dag nges par gser mkhan mar 'gyur mi yi bdag po 'dzin ma dag la dri yi rdo rje ni/ 130 /phreng ba mkhan du rab tu grags te rang bzhin yon tan dbang gis reg bya rdo rje thags mkhan ma/ /rdo rje'i mtha' can chos kyi dbyings 
ni nor bu mkhan mor 'gyur bar 'jig rten du ni rab tu grags/ /tsA muN+DI ni sha 'tshong mar 'gyur rang bzhin yon tan dbang gis khyab 'jug ma ni rdza mkhan ma/ /phag mo khur ba mkhan du nges 'gyur gdong drug ma ni smad 'tshong ma ste dbang mo tshem bu ma/ 131 /tshangs ma nya pa 

</font><hr>77-1-71a<br><font size=+1>

mor 'gyur sa gzhi'i gnas dag tu yang dbang phyug ma ni gar mkhan ma ru 'gyur/ /dpal mo zla ba gang ba'i zhal ni brgyad pa tshos mkhan mar yang 'gyur te 'byung po'i skye gnas so/ /rmugs byed ma ni rgya skyegs mkhan mor 'gyur te mi bdag rengs byed ma ni srin 
bal mkhan mo'o/ /khengs ma zhes bya til mar 'tshir ma rab che shin tu stobs ni lcags mkhan mo ste bzhi pa'o/ 132 /'od zer can ni ko lpags mkhan mar rab 'gyur khro gnyer can ni shing mkhan ma dag de bzhin nyid/ /dpal ldan cun+dA 'breg mkhan ma ste sa yi srid pa la 
gnas lcags sgrog ma ni smyug ma mkhan/ /drag spyan ma ni khron pa byed mar 'gyur te bcu pa 'od ma'i gar ma shin tu sngon mo'o/ /khro bo'i cha shas khro bo las skyes bud med bcu po rnams ni rnal 'byor pa yis mchod par bya/ 133 /dpal ldan khyi gdong ma ni kla klo mar 'gyur mi yi bdag po 
phag gdong ma ni 'phyag pa mo/ /ce spyang gdong ma gtum mo dag dang sa yi gzhi yi gnas la stag gdong ma ni stag gzig ma/ /bya rog gdong ma bsnyon thabs ma ste rab tu gsal zhing nges par bya rgod gdong ma ro sreg ma/ /mkha' lding gdong ma dpal ldan b+hil+lIr 'gyur te brgyad pa 'ug 
pa'i gdong ma dag kyang ri khrod ma/ 134 /sum cu rtsa drug rigs kyi dbye bas sa gzhi'i gnas su rnal 'byor ma rnams dag gi rigs rnams te/ /zhing dang gnas dang nye ba'i gnas dang yul dang grong mchog dpal ldan nags su yang dag gnas pa ni/ /rmongs rnams 'ching bar byed 
cing rab mchog sa yi steng du rnal 'byor pa rnams dag la dngos grub ster/ /bzhi dang drug dang de bzhin brgyad dang bcu dang bcas pa'i nor dang gcig pu gcig ni rim pas so/ 135 /bzhi ni sangs rgyas dbye ba rnams te slar yang dus ni byang chub sems dpa'i rab tu dbye ba rnams/ /khro bo 
rnams ni phyogs kyi rab dbye sa steng gnas su yi dgas dbye ba rnams ni de bzhin brgyad/ /lha min dag kyang brgyad kyi dbye ba gdengs can srid par gnas rnams rnal 'byor pa yis rig par bya/ /gcig pu gcig ni sna tshogs gtso bo srid gsum gnas su dpal ldan rigs rnams 

</font><hr>77-1-71b<br><font size=+1>

dag gi khyab byed do/ 136 /sa 'og rnams su gtum mo brgyad de mi yi 'jig rten phyogs bcu'i dkyil 'khor la ni khro skyes gnas/ /yi dgas zhes bya yi dgas 'jig rten du ste lha mchog gnas su sgra yi rdo rje la sogs drug /tshangs pa'i yul sar dpal ldan bzhi ste rab mchog 
zhi ba'i grong du khams gsum dag gi yum gcig ma/ /rab tu khros pa'i zhal rnams sna tshogs yang dag sdud byed dgyes pa rnams ni skyong bar byed pa nyid/ 137 /bu mo rgan mo dar ma rnams dang lus ni dri ma dang bcas bram ze mo dang rgyal rigs mo/ /rje'u mo dmangs mo mthar skyes rnams 
sam mig dang lag pa dang bral rna mchu sna ni chad ma rnams/ /mtha' dag byang chub rgyu ru shes rab thabs kyis mchod par bya ste rgyal po slob dpon snying rje dang / /bcas pa'i thugs ldan dri ma dag dang rnam par bral zhing byang chub spyod la rjes su zhon pas so/ 138 /dang bor bud med gsang 
ba'i phyag rgyar 'gyur te dam tshig la ni dpal ldan skyes pa mchog phyag rgya/ /rtsed mo'i yan lag las kyi phyag rgyar 'gyur te dbang po gnyis kyi bde mnyam dag gis chos phyag rgya/ /pho nya mo rnams dag gi dri lnga lus dang pad+ma la gnas de dag rnams kyi rigs lnga ste/ /rang bzhin 
yon tan dbang gis gla rtsi dang ni pad+ma gcin dang sha dang rul pa'i dri rnams so/ 139 /dpal ldan bzang mo pad+ma can du nges 'gyur chu la rgyu ma sna tshogs ma dang glang chen ma/ /dpal ldan sgrol ma gos dkar zhes byar 'gyur te rigs kyi dbang gis mA ma kI dang spyan ma yang / /rnal 'byor 
pa ni seng ge ri dgas rta ru 'gyur te khyu mchog glang po rigs kyi dbye ba las/ /mi bskyod pa dang don yod grub pa dri med nor bu'i phyag dang phyag na pad+ma 'khor lo can/ 140 /yan lag phra ldan skra rnams phra zhing rkang lag 'jam la mnyes gshin dpal ldan shin tu bzang mo'o/ /cung zad 
phra ba dang ldan ring zhing mig ni g.yo ba med la skra ni 'khyog pa pad+ma can/ /ngo tsha med cing 'dod pa drag la rtsod mang la dga' skra ni shin tu chung ba dung can ma/ /ring zhing yan lag thams cad rdzogs la nges par yang ba'i yul dang skra ni ring ba sna tshogs ma/ 141 /sbom zhing thung la yan lag 

</font><hr>77-1-72a<br><font size=+1>

brtan ldan shin tu sra ba'i yul dang skra ni sbom pa glang chen ma/ /pho nya mo rnams dag pa'i rigs ni 'ga' zhig dag tu 'dir 'gyur dus kun tu ni 'dres pa'i rigs/ /seng ge dag kyang 'brog na gnas shing yul dang rnam bral 'jigs pa med la gtong ba'i ngang 
tshul can/ /ri dgas mgyogs 'gro dang ldan 'gyur zhing yang pa'i yul dang skrag pa'i sems te shin tu 'jigs pa'o/ 142 /rta ni nges par 'dod la sred par 'gyur te gzhan dbang gcin gyi dri dang gzhan don gnyer ba'o/ /khyu mchog rengs pa'i mig dang dman par 'gro ldan rang bzhin 
yon tan blun po nya yi dri ru 'gyur/ /glang chen 'dod ldan nges par dal bar 'gro bar 'gyur te rul pa'i dri dang shin tu rmongs pa'o/ /sum cu rtsa drug dbye bas phye ba sa yi steng gi gnas su rigs kyi dri yi rang bzhin no/ 143 /mchod pa'i don du 'dod pa'i bstan bcos yon tan mang po'i gnas 
ni rnal 'byor pa yis rig par bya/ /shin tu dga' ba byas kyang rnal 'byor pa la rnal 'byor ma yis ma tshim dngos grub sbyin mi 'gyur/ /mdzes ma lha mo dang ni sha za mo dang mi ma dang ni srin mo klu mo dag tu 'gyur/ /mdzes ma dpal ldan chos kyi dbyings su 'gyur te yon tan dbang 
gis lha mo sgra yi rdo rje ma/ 144 /sha za mo ni dri yi rdo rjer 'gyur te mi mo dag kyang gzugs kyi rdo rje mi yi dbang / /gdug pa srin mo gang yin de ni nges par ro yi rdo rje klu mo reg bya rdo rje ma/ /mdzes ma sems can phan pa byed ma brtul zhugs nges pa la dga' sdom dang bsam gtan ngang tshul 
can/ /lha mo longs spyod la ni rjes chags 'gyur te dri ma ldan zhing lhag ma la chags sha za mo/ 145 /mi mo 'dod la rjes su chags ma srin mo mi yi khrag la dga' zhing gsod pa'i sems ma ste/ /klu mo dag kyang 'o ma'i zas can rab mchog sa yi steng du rnal 'byor pa yis mchod par bya/ / 
de bzhin gzhan du rang bzhin rnams ni rang bzhin yon tan dbang gis rnal 'byor pa yis rig par bya/ /sa yi steng gi gnas su mkha' spyod sa spyod rnams ni sum cu rtsa drug dbye bas phye ba'o/ 146 /chang ni shes rab rang bzhin sbrang rtsi dang bcas bu ram las skyes 'bras las skyes sam shing 

</font><hr>77-1-72b<br><font size=+1>

skyes te/ /phyag rgya dang bral gang zhig 'thung byed de ni yul can du 'gyur bdud kyi tshogs kyis bskor ba'o/ /de phyir shes rab lhag ldan sdig pa'i dri ma 'phrog cing sngags pa rnams la dngos grub sbyin par 'gyur/ /phyag rgya gang su rung ba 'dir ni dam tshig rnam par bral ba 
btung ba'i slad du rab tu bya/ 147 /rgyal po ri bong mtshan ma gcig pu thams cad dus su bsten pa 'chi ba'i 'jigs pa 'phrog byed na/ /shes rab chos 'byung la gnas nyin mor byed pa dang bcas rnal 'byor ldan pa dag ni smos ci dgos/ /mi bskyod don yod grub pa rgyal ba 
mchog bcas khyi dang rta dang ba lang glang po dang ldan pa/ /nyon mongs rnams kyi rdo rje dbyug pa phyugs kyi skye bo 'jigs sbyin brgyad pa gzhan ni shin tu drag 148 /khyi rta ba lang glang po lug dang ra dang ri dgas bong bu phag dang rnga mo 'di dag phyogs/ /kum b+hI ra dang 'gron bu ku lI 
ra dang nya dang ma ka ra dang sbal pa rus sbal dung / /bse dang stag dang dom dang ne'u le dang bcas 'bri dang ce spyang dang ni sram dang byi la dang / /'brog dgon khyi dang seng ge dang bcas nor dang bcu ste 'di ni 'byung po skyes dang khro bo skyes/ 149 /go d+hA byi ba shA li dzA ta spre'u dang ni ri bong gzungs mo 
i Shu rtsangs pa brgyad/ /khengs ldan 'dab chags dang ni ne tsho khu byug dag dang ri skyegs rab tu gsal bar chu yi gter/ /lA ba phug ron gzhan ni bya dkar zhes bya tsa Ta ka dang ngur pa dang ni ngang pa dang / /dpal ldan khrung khrung khu byug mig dang ra dza ki dang b+ha ga ba tI ti ti ri dang 
bzhad/ 150 /chu la 'jug pa dang ni chu skyar ro dang bcas pa'i nor rnams rim pa yis ni rig par bya/ /bya rog bya rgod 'ug pa ri dgas dgra dang gtsug pud can dang bya gag b+he trA g+hAr dang / /hor pa ljon shing dgra ni gzhan te bcu po khro bo las skyes khro bo yi ni rigs su 'gyur/ /mig 
sngon dpal ldan tsa kor dang a nI la dang gu dmu kha bug ki rkang steng nyal/ 151 /b+he ruN+Da dang a~M ba rI ka brgyad pa mchog gi 'dab chags su 'gyur mi yi bdag po kye/ /sum cu rtsa drug rigs kyi dbye bas sa yi srid pa la gnas sa spyod mkha' la spyod rnams kyi/ /rigs su gyur pa'i 

</font><hr>77-1-73a<br><font size=+1>

dam tshig mtha' dag rnams ni mchod pa'i dus su rnal 'byor pa yis bza' bar bya/ /rmongs pas gti mug dag las gal te spangs na mi yi bdag po myur du nyams par rab tu 'gyur/ 152 /so dang skra dang pags pa la sogs sha bcas chu rgyus dang bcas rus pa snying dang 
pad+ma dang / /shig dang ba spu srin bu dag dang rab mchog mi yi bdag po glo ba rgyu ma chu so dang / /bad kan mkhris pa chu dang rnag dang sna tshogs lus la gnas pa khrag dang rngul dang tshil bu dang / /mchi ma dag dang mchil ma snabs dang dri chu chu ser zhag dang kha dog dri dang bshang ba dang / 153 /
lce dang mig dang rna ba sna dang ri bong can bcas nyin byed rnams kyis lha rnams mchod par bya/ /sum cu rtsa drug yi ge rnams ni rang bzhin yon tan dbang gis byang chub phyogs kyi chos rnams kyang / /sum cu rtsa drug khams kyi dbye ba mtha' dag lus la gnas pa'i rigs dang mtshan 
ma phyag rgya dang / /sum cu rtsa drug rnal 'byor rgyud ni sa gzhi dag la gnas rnams 'dir ni rnal 'byor ma rnams kyi/ 154 /chu dang mchod yon dri dang spos dang me tog dang ni 'bras bu ma nyams pa dang mar me dang / /lha bshos dag dang 'dir ni na bzar 'gyur te bcu po rnams ni 'khor lo 
'dus pa dag la yang / /khu ba gcin dang rkang dang bshang ba dag dang sha dang mchin pa dag dang mkhris pa khrag dang ni/ /rgyu ma pags pa rnams ni rgyal po rnam pa bcu ru 'gyur te 'khor lo 'dus pa dag la yang / 155 /rdo rje dang ni ral gri mda' dang pad+ma 'dab ma brgya pa lnga pa 'khor 
lo'i mtshan ma ste/ /rgyud mangs dang ni me long snod du 'gyur te mi yi bdag po me tog phreng ba dag dang gos/ /drug pa chos 'byung nges par lag pa'i mthil du 'gyur te sgra yi rdo rje la sogs mtshan ma'o/ /de bzhin gri gug la sogs bum pa zhes dang de bzhin du ni bcu gzar gos 
ni ser po dang / 156 /khab bam yang na tho ba rab tu gsal zhing nges pa dag tu nya yi rgya dang rtse gsum ste/ /dpal mo'i mtshan ma brgyad pa rdo bar 'gyur te mi yi bdag po 'byung po las skyes rnams kyi'o/ /rmugs byed la sogs rnams kyi dmar snod nyin mor byed pa dang mtshungs 

</font><hr>77-1-73b<br><font size=+1>

dar gyi srin bu ku sha dang / /chu gri dang ni mthil lham dag dang spu gri zhes bya de bzhin shing lham dag dang gdugs dang ni/ 157 /tog tse dang ni 'od ma'i dbyug pa khro skyes rnams kyi rang gi mtshan ma bcu ru rab tu 'gyur/ /ba lang rwa dang kham phor rgyud ldan 'phang dang sha yi gsal 
shing lag pa'i mthil du 'gyur ba ste/ /rgyud mangs nye ba'i yan lag dang ni mda' dang gtsug phud can gyi mjug ma 'dir ni brgyad par 'gyur/ /sum cu rtsa drug mtshan ma'i dbye ba rab mchog sa yi steng du rnal 'byor pa yis mchod par bya/ 158 /slar yang dmangs rigs la sogs 
mtshan mar 'gyur te yon tan dbang gis ut+pa la'am thong gshol lo/ /rgyal rigs ma yi rin chen dar dpyangs su 'gyur mi yi bdag po smyu gu rin chen phreng ba ni/ /rje rigs ma yi de bzhin du ste de bzhin chu na rgyu ba dang bcas zangs snod gnyis skyes ma'i/ /yum gyi 
mtshan ma rnam pa bzhi ste Da ma ru dang rnga chen cod pan nyid dang bgrang phreng ngo / 159 /bshang ba gci ba dang ni khrag dang sha dang bcas pa lha mo rnams ni bzhi por 'gyur ba ste/ /rna ba sna dang mig dang lce dang bshang lam dang ni b+ha ga sgra yi rdo rje la sogs drug /rnag dang bad kan dang 
ni shig dang srin bu chu ser zhag dang ba spu skra dang brgyad po yang / /rgyu ma mkhris pa rus pa rkang dang sna tshogs lus la gnas pa mchin pa dang ni glo ba dang / 160 /rtsa dang pags pa rnams dang snying dang tshil bu ldan pa dag ni bcu ru 'gyur ro mi yi dbang / /rna ba dang ni sna dang mig dang 
kha dang bshang lam dbus dang b+ha ga dag dang mchan khung sogs/ /lus kyi yan lag brgyad la gnas pa'i dri ma mi yi bdag po lha min mo rnams brgyad du 'gyur/ /sen mo dang bcas so dang yan lag bcu gnyis thod pa rnal 'byor ma rnams brgyad pa brgyad du 'gyur/ 161 /
bshang ba gci ba khrag dang sha ni sna tshogs lus la gnas pa gnas kyi dbye ba dag la bzhi/ /rna ba sna dang mig dang lce dang bshang lam dag dang b+ha ga zhing gi dbye ba la yang drug /rnag la sogs pa skra yi bar ni sa yi steng gi gnas su tshan do ha yi dbye ba brgyad/ /rgyu ma la sogs 

</font><hr>77-1-74a<br><font size=+1>

tshil gyi bar ni phyogs zhes bya ba mi bdag 'dus pa'i rab tu dbye ba rnams/ 162 /rna ba la sogs yan lag brgyad kyi lus la nges par rnam mang dri ma dur khrod rab dbye rnams/ /dus me zla ba nyi ma sgra gcan rab tu gsal zhing nges par gnas kyi dbye ba dag la bzhi/ /
sa skyes zla skyes sngags pa pa sangs spen pa gdengs can rnams ni zhing gi dbye ba la yang drug /sa dang chu dang me dang rlung rnams dang ni sa skyes chu skyes me skyes rlung las skyes pa dag 163 /brgyad ni tshan do ha yi dbye ba rnams te slar yang de bzhin ro drug dri dang kha dog dang / /reg bya sgra ni de 
bzhin nyid du rab tu gsal bar 'dus pa bcu yi rab tu dbye ba rnams/ /sa dang chu dang me dang rlung ni zad pa dag kyang mdun dang g.yon dang g.yas dang rgyab tu ste/ /kha dog la sogs bzhi po rnams ni phyogs bral dag tu thim pa dur khrod brgyad kyi dbye ba rnams/ 164 /gnas ni sgrol ma 
la sogs khyim ste gsal bar sgra yi rdo rje la sogs de bzhin zhing du brjod/ /tshan do ha ni tsa rtsi kA la sogs par rab tu 'gyur te mi bdag 'dus pa rmugs byed sogs/ /dur khrod khyi gdong ma la sogs pa mchog gi sar gnas rtsa ba'i gnas dang gsang bar bcas pa ni/ /
yum gyi khyim rnams gnyis te de dag rab tu gsal bar sa la mthar skyes ma dang mthar skyes ma/ 165 /gnas ni bud med gsang ba'i pad+mar rab 'gyur dam tshig dag la rdo rje nyid ni nye ba'i gnas/ /zhing dang tshan do ha dang 'dus pa dag dang dur khrod sa gzhi de bzhin de ltar mtha' dag 
go/ /gnas ni g.yon gyi yan lag dag dang mdun te gzhan dang de bzhin g.yas pa dag kyang nye ba'i gnas/ /de ltar zhing la sogs pa thams cad lag pa rkang pa la gnas sor mo'i mtha' yi mtshams su'o/ 166 /dran pa nye bar gzhag pa rnams kyang lha mo chu gter du 'gyur dus kyi 
'khor lor rab tu grags/ /shes rab byang chub yan lag yum ste gzhan pa dag kyang sgra yi rdo rje ma la sogs pa drug /chu gter yang dag spong ba rnams dang gzhan pa chu gter rdzu 'phrul rkang pa rnams te brgyad du 'gyur/ /khro bo lnga ni stobs rnams dag ste rab tu gsal zhing 

</font><hr>77-1-74b<br><font size=+1>

nges par dbang po rnams ni lnga nyid do/ 167 /yang dag yan lag brgyad kyi lam ni mi yi bdag po lha min dag las skyes pa brgyad du 'gyur/ /sum cu rtsa bdun rab tu dbye bas srid pa gsum gyi gnas su byang chub phyogs kyi chos rnams te/ /de dag mtha' dag rnal 'byor ma 
rnams sa yi steng gi gnas su rnal 'byor pa yis rig par bya/ /de ltar gnas la sogs pa thams cad mi yi bdag po phyi dang lus la yang ni de bzhin 'gyur/ 168 /sangs rgyas pa dang zhi ba pa'am gcer bu skal ldan zhes dang de bzhin gtsang gnas bram ze'am/ thod pa can dang 
skra 'bal dang ni gos dkar dag dang zhing skyong rigs can dang ni thub pa dang / /smyon pa'i gzugs can dag dang sdig pa med pa'i sems ldan mkhas pa dang ni grags pa nyid 'gyur te/ /rnal 'byor pa ni dngos grub don slad mtha' dag yon tan gter te de nyid thob pa mi yi 
dbang / 169 /mthe bo dang ni mdzub mo dag dang slar yang de bzhin du ni gung mo dang ni ming med dang / /de yi mthar ni nges par mthe'u chung mtha' dag yon tan gter du rnal 'byor pa yis rig par bya/ /phyag rgya'i don du ming gi dbye bar 'gyur te yon tan dbang gis sor mo 
rnams kyi rim pas so/ /bcing ba brjod na rdo rje bcing bar 'gyur te nges par khu tshur bcing ba la yang de bzhin no/ 170 /khu tshur brla yi steng du rdo rje gdan la gnas pa rgyal ba'i bdag po'i rdo rje'i phyag rgyar 'gyur/ /skyil krung la ni lag pa g.yon par 'gyur te g.yas pa pus mo'i 
phyogs nas sa la son gyur pa/ /sa la reg pa mi bskyod phyag rgya slar yang lag pa g.yas pa mchog sbyin phyag na rin chen gyi/ /g.yon gyi steng du lag pa g.yas pa gan rgyal mnyam par gnas pa phyag na pad+ma dag gir 'gyur/ 171 /g.yon pa skyil krung steng du gzhan pa lag pa'i 
mthil na 'jigs pa med pa phyag na ral gri yi/ /g.yas kyi khu tshur g.yas min la ste nges par slar yang gzhan gyi mdzub mo khu tshur bcings pa la/ /gsal bar snying gar son pa rnam par snang mdzad phyag rgya gzhan pa chos kyi 'khor lo'i phyag rgya ni/ /mdzub mo mthe bo sbyar 

</font><hr>77-1-75a<br><font size=+1>

ba gdu bu bzhin du gyur pa dang ni gung mo la sogs brkyang ba'o/ 172 /lag pa g.yon la shin tu gang ba'i dri med ri bong 'dzin pa g.yas la rdo rje nyi ma ste/ /nyi ma zla ba sbyar ba la gnas 'jigs byed rdo rje khro bo las skyes rtse mo lnga pa ni/ /bsgoms nas yan lag 
la ni reg bya cod pan dang bcas mgo nas brtsams te rkang pa'i mtha' nyid du'o/ /'di ni rgyal po dus kyi 'khor lo'i dpal ldan mchog gi phyag rgya sdig pa'i dri ma 'phrog pa'o/ 173 /gang zhig cung zad gzung bar bya ba'i dngos po sa skyes chu skyes mngal skyes drod gsher skyes sogs dang / /
bza' ba btung ba brtson 'grus dang bcas bla ma dang ni zhabs dag la yang phyag rgyas reg par bya/ /gang gang bya ba nye bar sbyor bar 'gyur ba yon tan dbang gis de la de ni sbyar bar bya/ /sa la sogs la dkyil 'khor don dang rkang pa bgrod pa la yang rnal 'byor pa yis bsnun par 
bya/ 174 /lag pa dag gis rdo rje bcings pa yis ni nges par khro bo'i mgon po chen po'i phyag rgyar 'gyur/ /mdzub mo thog mtha' bcings shing khu tshur bcings pas gtso bo srid pa gsum las rnam par rgyal ba yi/ /mtshan ma'i rnam pa dag kyang lhag ma rnams te rab gsal 
nges par lha dang lha mo rnams kyi'o/ /lag pa dag gis rdo rje bcings la g.yo ba'i gdengs ka'i rnam pa gdengs can rnams kyi phyag rgyar 'gyur/ 175 /mthe bo dag dang mthe'u chung sbyar ba pad+ma'i 'dab ma dang mtshungs gung mo dag ni brkyang ba dang / /mdzub mo gnyis ni zla ba phyed pa 
ming med 'og tu bskum pa rang gi lag mthil son gyur pa/ /phyag rgya 'di ni rdo rje can gyi rdo rje rtse mo lnga par 'gyur te bstan par bya ba'o/ /rtsibs kyi rnam pa sor mo rnams te lag pa gnyi ga'i mthil du mthe bo la sogs mtha' dag rnams/ 176 /lag pa gnyis ni rdo rje bcings pa rdo rjer 
'gyur te rdo rje khu tshur dag gis dril bur bcas/ /khu tshur phyed pa mdzub mo dang ni gung mo mda' dang mtshungs pa dag kyang ral gri rnon por 'gyur/ /mdzub mo la sogs rtse gsum slar yang bkram pa dag ste khu tshur phyed pa yis ni rtse gsum la/ /dpal ldan gri gug khu tshur bcings shing 

</font><hr>77-1-75b<br><font size=+1>

dpal ldan mthe'u chung zla ba phyed pa 'jigs pa byed par 'gyur/ 177 /rna ba'i steng du khu tshur bcings shing mthe bong gung mo'i steng du 'gyur te mda' yi mtshog la'o/ /khu tshur bcings shing mdzub mo shin tu 'khyog por 'gyur ro mi bdag de bzhin nyid du lcags kyu la'o/ /rtsa bar 
mdzub mo ming med du 'gyur mda' dang mtshungs pa'i steng du gung mo yang ni mdung la ste/ /thad kar khu tshur dbyug pa la'o lag mthil shin tu mnyam la mthe bo brkyang ba dgra sta la/ 178 /steng du khu tshur gnyis dang mdzub mor 'gyur te lha min bdag po glang chen pags pa dag la'o/ /
mche ba la ni lag pa gnyi ga'i mthil du khu tshur bcings shing mthe'u chung zla ba phyed pa'o/ /khe Ta ka la dpung pa g.yon pa rab tu brkyang zhing lag pa'i mthil ni steng du son par 'gyur/ /kha r+hA~M ga la khu tshur bug par 'gyur te nges pa nyid du phrag par mthe'u chung brkyang ba'o/ 179 / 
sor mo bug pa med pa'i lag pa pad 'dab lta bu steng du byas pa dpal ldan thod pa la/ /gzhu la lag pa gan rkyal khu tshur du 'gyur nges par dpung pa g.yon pa rab tu brkyang ba'o/ /gung mo dag ni mdzub mo 'khyog po kun du brten par 'gyur te nges par rdo rje zhags pa la/ /rin 
chen la ni sbyar ba'i sor mor 'gyur te mi bdag de dag rnam par phye ba pad+ma la/ 180 /chu na rgyu ba la ni mdzub mo mthe bo sbyar bar 'gyur te mthe bo'i 'og tu khu tshur ro/ /me long la ni shin tu mnyam pa'i lag mthil sor mo bug med dang bcas mngon du phyogs par 'gyur/ /mthe bo 
la ni mdzub mo la sogs steng du 'khyog po rim par yongs su bkod pa lcags sgrog la'o/ /mgo bo la ni mthe bo la sogs bzhi po gdong dang mtshungs shing 'og tu mthe'u chung bskum pa'o/ 181 /cod pan la ni lag pa dag gis dung gi phyag rgya mdzub mo gnyis po sbyar ba nyid 
du 'gyur/ /lag mthil dag gi rgyab tu sor mo lnga po rnams ni gcig tu sbyar ba dag kyang rna rgyan la/ /lag pa'i rgyab tu sor mo rnams ni rim par yongs su bkod cing bcings pa mgul pa'i rgyan la ste/ /lag pa gnyi ga'i sor mo gsum ni phan tshun sbyar cing thog 

</font><hr>77-1-76a<br><font size=+1>

mtha' bskum pa dag ni ska rags la/ 182 /khu tshur bcings nas mthe bong dag dang gung mo gnyis po zlum skor lta bur byas pa rkang gdub la/ /de bzhin du ni dpung rgyan zung dang gdu bu la yang mdzub mo phan tshun sbyar ba dag tu 'gyur/ /mthe bo mkha' 'gro 
ma rnams dag gi mchog gi rigs su 'gyur te mdzub mo gsang ba pa rnams kyi/ /dri za rnams dang gdengs can rnams kyi gung mo ming med dag ni rim par yongs su bkod pa'o/ 183 /'byung po rnams kyi dpal ldan mthe'u chung rab mchog lag pa'i mthil ni srin po rnams kyi rigs su 
'gyur/ /grub pa rnams kyi khu tshur bcings pa mchog gi rigs te tshigs kyi mtshams ni lha rnams dag gi'o/ /lag pa gnyi ga'i mthil du sor mo lnga po phyed 'khyog rigs kyi phyag rgya sder mo can rnams kyi/ /khu tshur bcings las mdzub mo gnyis po phyed 'khyog nges par mgo 
bor son pa rwa can rnams kyi'o/ 184 /mi mnyam lag pa'i mthil la mthe'u chung phan tshun bcings shing gshog pa sbyar ba sgong skyes rnams kyi ste/ /sor mo lnga po rtse mo 'khyog pa gdengs can rnams kyi rigs kyi phyag rgya khyad par 'phags par 'gyur/ /nyin zhag so so'i 
gtor ma la ni mdzub mo'i mtha' rnams rab brkyang gzhan pa 'og tu sbyar byas pa/ /'bar ba dag la mthe bo sbyar te mchog gi lag mthil dag gi mdzub mo brkyang ba gzhan pa'o/ 185 /mdzub mo bstan na legs par 'ongs sam dag kyang nges par brjod par 'gyur te rnal 'byor pa 
la yang / /gnyis kyis shin tu legs par 'ongs dang skal bzangs dge ba mthe bo bcings pas rab tu brjod par 'gyur/ /sor mo'i se gol rdebs pa khyod ni 'di ru sngags pa mchog ces nges par brjod par 'gyur ba ste/ /mthe bo dang ni ming med dag gis dam tshig bcas 
pa'i chang gis khyod ni tshim par byed pa'o/ 186 /sor mo thams cad rtse mo brkyang bas skal bzangs legs par 'ongs pa brjod 'gyur rnal 'byor pa la yang / /g.yon gyi yan lag reg pas rtag tu khyod ni bdag gi gnyen gcig pu dag rab tu gsal bar byed/ /skye gnas 

</font><hr>77-1-76b<br><font size=+1>

dag la reg pas gtso bo mchu dang nu ma zung dang nges par sen mo 'debs pas kyang / /sor mo phan tshun bcings shing gung mo dang ni mthe bo brkyang bas dam tshig rjod par byed pa yin/ 187 /mchu dang smin ma mig dag yo zhing mgo la 'phrug par byed na shin tu rmongs pa brjod par 
byed/ /mche ba'i dbus su mthe chung dang ni snying ga kha ru mdzub mo 'jigs pa rab tu gsal bar byed/ /mthe bo khu tshur bcings pa dang ni lag pa rkang pa sa la rdebs na nga yis bza' bar bya/ /lce la reg na zos pa dang ni lto dang so la bsnun pa dag gis ma zos pa nyid 
do/ 188 /lag pa'i rgyab kyis sod cig nges par rab tu brjod de mngon du phyogs pas 'dug cig 'dug cig go /byin pa brla la nyed na skal bzangs khyod ni de ring kho na ngal so nges par rjod par byed/ /rkang pa rab tu rkyong bas gnyid dang pus mo zung dag rkyong ba bdag la 
shin tu dga' ba gyis/ /yan lag kun la reg par byed cing kha ru lag pa gnas pa bdag la 'dus pa med pa'o/ 189 /phan tshun lag pa bcings pas bdag gi khyim du de ring 'khor lo 'dus pa dag ni rjod par byed/ /mthe bo ming med rtse mo dag gis rnam mang dam tshig 
rnams kyis ji ltar 'dod par mchod par bya/ /rkang pa la ni 'phrug par byed na de bzhin du ni phyi rol 'dus pa dag la 'gro ba yang / /mdzub mo phan tshun bcings na rdo rje'i grogs po khyod ni di ring 'jigs pa 'phrog par byed pa'o/ 190 /skra ni rang gi so yis gcod na mi yi 
phyugs khyod 'dir ni ltung bar bya ba rjod par byed/ /so ni phan tshun 'dar bar byed na khyod kyi sha ni 'di dag bdag gis di ring bza' bar bya/ /lce mchu g.yo bar byed na khyod kyi lus las khrag ni btung bar bya'o nges par rjod par byed/ /mchu la so ni 'debs par byed na 
khyod kyi rgyu ma lto bar gnas 'di bdag gis bza' bar bya/ 191 /sgeg pa'i sbyor ba yis ni sgeg par 'gyur te mi yi bdag po bzhad pa'i sbyor bas bzhad pa'o/ /gar gyi sbyor ba yis ni gar du 'gyur te rnam pa mang po'i rol mo'i sbyor bas rol mo'o/ /glu yi sbyor ba yis ni 

</font><hr>77-1-77a<br><font size=+1>

glu ste mchog gi yon tan rnam mang dri yi sbyor ba dag gis dri/ /phreng ba'i sbyor ba yis ni phreng bar 'gyur te yon tan dbang gis spos kyi sbyor ba dag gis spos/ 192 /mar me'i rnam pas mar me nges par mun pa bcom pa dang ni snod kyi phyag rgya bdud rtsir 'gyur/ /
zhes pa de ltar phyag rgya thams cad slar yang de nas lnga yi dbye bas rnam par phye ba ste/ /gzhan pa phyag rgya mtha' yas rnams kyang mtha' dag lus la gnas pa rnal 'byor pa yis rig par bya/ /gang gang dngos po'i rang bzhin du 'gyur sa yi steng du de yi rang bzhin dag kyang phyag rgya 
rnams/ 193 /pho nya mo ni 'phred la lta bas khyod ni gang zhig nas 'ongs skal ba bzang la rjod par byed/ /mgo bor lag bzhag de yi phyogs su nges par bltas pa rnal 'byor pa yis lan ni smras par 'gyur/ /steng du lta bas khyod ni dge 'am sa yi steng du gnas pas khyod ni 
'dug la ngal so cig /yon por lta bas khyod song chags pa'i lta bas pho nya mo ni shin tu dga' ba rjod par byed/ 194 /zhi ba'i lta bas bdag gi grogs po khro gnyer khro bo'i lta bas 'jigs pa rab tu gsal bar byed/ /skra la lta bas bdag ni ma rungs par brjod skal 
bzangs la ni rang gi rang bzhin zur gyis so/ /mdzod spur lta bas bdag mchog rnal 'byor ma ni sna la lta bas yon tan rab tu gsal bar byed/ /mchu la lta bas skal ba bzang ste nu ma zung la lta na bdag ni phyag rgya bzang mor brjod/ 195 /snying gar lta bas bsgoms 
pa'i bdag nyid lag pa zung la lta na bdag ni rab tu gtum mor brjod/ /phrag bar lta bas bdag ni nus ma sen mo dang bcas lag pa'i mthil la lta na srin mo'o/ /rgyab tu lta na lag 'gro ma ste lte bar lta bas mi yi dbang po bdag ni dam tshig can/ /gsang bar lta bas 
bdag ni dag pa brla la lta bas bdag ni shin tu dga' la gdul bar dka'/ 196 /pus mor lta bas bdag ni grub pa nges par rjod byed rkang par lta bas rdzu 'phrul sbyin pa mo/ /rkang pa'i mthe bo nges par lta na bdag ni srid par rdo rje'i sku ste dpa' mo gcig pu dang / /sor mo 

</font><hr>77-1-77b<br><font size=+1>

kun gyi rtse mor lta bas srid pa gsum gyi gnas su kun tu 'gro ma sna tshogs yum/ /pho nya mo rnams lta stangs nyid ni sa yi steng gi gnas su rnal 'byor pa yis rig par bya/ 197 /drug cha lus kyi nang nas lag pa rkang pa lus dag gi ni yan lag mchog kyang sbyin pa ste/ /
las kyi dbang po rnams kyi ngag dang dbang po rnams kyi nang na yon tan dang bcas yid dag kyang / /khams kyi cha shas khams kyi nang na rkang gnyis pa dang phyugs kyi tshogs kyi de nyid cha yis gzhan/ /mchog gi phyag rgya rjes su rig pa slob dpon la ni rab tu phul na bde ba'i gnas 
su 'gro/ 198 /sems can gang dag rnam gsum srid par gnas rnams 'jig rten khams las ye shes rdo rje lcags kyu yis/ /bkug ste de dag mtha' dag mchog gi snying rjes dkyil 'khor du ni sangs rgyas rnams dang rdo rje yi/ /bdud rtsi mngon par dbang bskur nas ni dri 
med ri bong can lus rdo rje can gyi lam thob pa/ /dri ma rnam par bral zhing byang chub spyod la rjes su gnas rnams rang gi gnas su gtang bar bya/ 199 /rdzas rnams med pa'i mngon par dbang bskur rgyal ba'i bdag po'i bka' yis kun spangs la ni sbyin par bya/ /de bzhin du 
ba la sogs lam dang mtha' dag yon tan gter ni rtsa yi rnal 'byor ldan pa ste/ /bstan pa'i don du lag pa'i phyag rgya rang gi snying gi dbang son skyon rnams kun las rnam par grol/ /gzhan rnams la ni rgyal ba mchog gi snying po yum gyi mchod pa rnam dman sbyin pa nyid mi 
bya/ 200 /dbang gi mthar ni dpal ldan bum pa rnams kyi 'jam zhing lus la bde ster stod kor gos zung dag /dpal ldan rnal 'byor ma rnams dag la sbyin bya gzhan yang de bzhin stod kor dang ni gos zung dag /sgo na gnas pa rnams la rab sbyin mtha' dag yon tan 
rigs la bdag nyid nus pas de bzhin gzhan/ /mthar ni sbyin sreg byas nas rang gi snying ga'i pad+mar ye shes sems dpa' rab tu gzhug bya ste/ 201 /'jig rten pa rnams rang gi gnas su mtha' dag rdul tshon dag kyang dag pa'i klung la spyan drang bya/ /tAM bU la dang dri 

</font><hr>77-1-78a<br><font size=+1>

spos me tog 'bras bur bcas dang ras yug dag ni gzhon nu ma rnams la/ /byin nas slob dpon slob mar bcas pas mtha' dag tshogs kyi rigs ni ji ltar 'dod par mchod byas te/ /slob ma la ni gnang ba rab byin rab mchog tshogs kyi rigs ni rang 
rang gnas su gshegs su gsol/ 202 /dgra dang seng ge glang chen dbang po me dang lto 'phye'i bdag po chom rkun zhags pas 'ching ba dang / /chu gter 'khrugs pa dang ni sha za 'chi ba'i 'jigs byed nad dang dbang po'i nye bar 'tshe ba dang / /dbul dang bud med bral dang mi bdag 
'khrug pa'i 'jigs pa dang ni rdo rje ltung dang don nyams pa/ /gang zhig rnal 'byor ma rnams zhabs ni nyin zhag so sor dran byed de la rab tu nyams par 'gyur/ 203 /dpal dang po'i sangs rgyas chen po las phyung ba'i dpal dus kyi 'khor lo las mngon par dbang bskur ba'i le'u 
ste gsum pa'o// //rgyal ba skyed mdzad bdag gis dbang bskur bdun po rnams dang bum pa dang ni gsang ba'i dbang dag dang / /shes rab ye shes dbang bskur srid pa'i 'jigs pa 'joms pa rnal 'byor dag gis bgrod bya bzhi pa thob/ /slar yang 
rgyal ba mchog dang bcas pa sna tshogs gtso bo'i sgrub thabs yang dag par ni bdag zhu'o/ /zla ba bzang po'i tshig gsan nas ni rgyal ba'i bdag pos rdo rje can dag gi yang sgrub thabs gsungs/ 1 /zla ba'i sku dang zung gi zhabs te me yi mgrin pa chu gter dpal ldan zhal ni sna tshogs 
mdog /phrag pa drug dang nyi ma'i dpung pa rgyal ba'i phyag gi pad+ma stong pa drug dang me yi tshigs/ /zhabs dag gis ni zla ba nyi ma bsreg za'i dkyil 'khor dag la bdud dang drag po skrag bzhin pa/ /rol pas mnan pa'i srid med srid pa mnyam pa dus kyi 'khor lo gcig pu 
de ni bsgrub par bya/ 2 /skyed mos tshal lam ri bo dang ni rgyal ba mchog gi gnas dang lha yi gnas ni stong pa dang / /grub pa'i gnas dang dur khrod dang ni mtsho dang bzang po'i gnas dang de bzhin nyid du sbas pa'i sa/ /gang du sems ni rab tu tshim par 'gyur ba der ni bsgrub par 

</font><hr>77-1-78b<br><font size=+1>

bya'o mi yi bdag po kye/ /nges par 'jam pa'i mal stan dag dang gdan la nye bar 'dug nas sngar brjod bsrung ba byas nas ni/ 3 /dang por snying gar zla ba'i dbus su de nyid 'od zer sna tshogs rnams ni phyogs bcur bsgom par bya/ /kha la sogs pa dag pa byas nas slar 
yang nam mkha' dag la spros pa'i rgyal ba rnams la ni/ /mchod pa rnam pa sna tshogs byas nas sdig pa rnam pa mang po bsags pa dag ni bshags byas te/ /sgrub pa po yis lus dang ngag dang sems rnams dag pa yis ni gsum la skyabs su 'gro ba bya/ 4 /rdzogs sangs rgyas 
dang byang chub sems dpa' rnams dang 'phags pa'i tshogs kyis rnam mag dge ba gang byas pa/ /de dag mtha' dag la ni sdig pa rnam grol byang chub spyod la rjes su gnas pas rjes yi rang / /sangs rgyas chos dang dge 'dun srid pa'i 'jigs 'phrog la yang byang chub bar du 
bdag ni skyabs su mchi/ /rdzogs sangs rgyas su bdag gyur cig ces 'dir ni smon lam sems can don gyi slad du bdag bgyid do/ 5 /stong pa dngos po'i ngo bo'i rang bzhin 'gro ba mtha' dag 'di ni dngos po dag gis rnam par dman/ /de las sangs rgyas byang chub med cing 
gzhan phan snying rje dag dang mtshan ma'i dam bca' med pa ste/ /mtha' dag de ltar shes nas de lta na yang mi yi bdag po sku gsung thugs kyi rdo rje ni/ /dpag med yon tan dkyil 'khor dbang po dkyil 'khor la ni byang chub sems dpa' rnams kyis bsgom par bya/ 6 /chu yis me 
ni rnam par nyams pa dang por 'dir ni lus kyi dbus su sdom brtson dag gis bya/ /phyi nas 'dzin ma dag ni chu ru 'gyur te lan tshwa bzhin du chu yi dbus su rab tu zhugs/ /rlung ni chu bo de dag bskams nas nam mkha' la ni snang ba min par myur du 'gro bar 'gyur/ /sems ni me dang mun 
pa'i mtha' ma yul dang rnam par bral ba dbus kyi sa la gzhag par bya/ 7 /stong pa rlung me chu dang sa dang lha yi ri bo chu skyes zla ba nyi ma me rnams ni/ /khang pa brtsegs pa kun nas dri med 'od zer 'phro ba 'am ni rdo rje las skyes gur dag go /de yi dbus su rdo rje'i sa la nor bu'i 'od 

</font><hr>77-1-79a<br><font size=+1>

zer tshogs kyi dkyil 'khor rnam par 'phro ba ste/ /oM yig ye shes las skyes rgyal ba mchog gi pad+ma zla ba dang ni nyi ma dag gi gdan/ 8 /phyi rol du ni gsung gi dkyil 'khor nor bu pad+ma 'di ni zla ba nyi mas rnam par dman/ /phyi rol phyogs dang zur gyi char 
ni nyin mor byed pa'i pad+ma sgo yi dbus su shing rta rnams/ /nyi ma'i sgo rnams su ni rgyal po nor bu gser gyi rang bzhin rta babs rnams dang dur khrod dang / /snying por brgyad gnyis ka ba rdo rje'i rang bzhin shin tu longs spyod rdzogs pa'i 'khor lo rgyal ba yi/ 9 /zla ba nyi ma la yang 
a sogs ka sogs rdo rje dang bcas me long la sogs lnga rnams kyis/ /'od zer lnga rnams 'gyed par byed cing dri ma med pa'i zer 'phro dus kyi 'khor lo bsgom par bya/ /rdo rje'i rgyan dang ldan pa'i lus dang rgyal ba'i phyag gi pad+ma nyi ma'i dpung pa dus kyi zhal/ /mgrin pa gsum 
dang nyi ma'i spyan te rnam par rgyas pa'i zhal yang mche ba phyed ni gtsigs pa'o/ 10 /dpal ldan o~M yig las skyes rgyal ba'i bdag po'i pad+mar zla ba nyi ma me yi steng du ni/ /drag po lus med gnyis kyi snying gar rgyal ba'i dbang po shin tu rol pa'i zhabs ni g.yas brkyang stabs/ /
g.yas pa dmar po'i mchog gi zhabs kyi 'og tu bdud de dkar po g.yon par yang ni drag po'o/ /dbus dang g.yas dang g.yas min mgrin pa dag kyang bung ba nyi ma dang mtshungs zla ba dag gi mdog 11 /phrag pa sngon po dang ni dmar dang ri bong 'dzin pa ltar dkar g.yas pa dang ni 
g.yon du yang / /g.yas dang g.yas min dpung pa gnyis gnyis dag ni gnag dang nyi ma'i lus dang zla ba'i mdog rnams te/ /de bzhin nges par mtshon cha dag dang bcas pa'i phyag rnams dag kyang brgyad gsum gyis ni rim pas so/ /phyag gi pad+ma ri bong can la tshigs gsum 
sor mo lnga po rnams ni kha dog lnga rnams 'phro/ 12 /gnag dang dmar dang dkar ba'i rab mchog phyag gi mthil du mtshon cha'i tshogs ni yang dag gnas pa yang / /rdo rje ral gri dag dang rtse gsum pa dang srid pa 'jigs byed gri gug dang ni me yi mda'/ /de nas rdo rje lcags kyu 

</font><hr>77-1-79b<br><font size=+1>

nges par sgra dang bcas pa'i Da ma ru dang tho ba 'khor lo nyid/ /mdung dang dbyug pa dgra sta rnams ni rdo rje can gyi nyi ma'i phyag gi pad+ma g.yas la'o/ 13 /dril bu phub dang kha T+wA~M ga ni rnam par rgyas pa'i kha dang khrag gis gang ba'i thod pa dang / /gzhu dang zhags pa rin chen pad+ma chu na rgyu 
ba dag dang me long dang ni lcags sgrog dang / /tshangs pa'i mgo bo pad+mas brgyan pa rig byed gdong ldan gang yin rgyal ba'i g.yon gyi phyag na'o/ /bdud dang drag po'i lha mo dag ni zhabs kyi mthil la 'dzin cing gdong ni dman pa dag tu byed/ 14 /gser mdog rig byed 
zhal ldan nor gyi phyag gi pad+mas 'khyud pa dag ni sna tshogs yum yin te/ /g.yas na gri gug lcags kyu nges par sgra dang bcas pa'i Da ma ru dang bgrang phreng rim pas so/ /g.yon na thod pa zhags pa dang ni 'dab ma brgya pa'i pad+ma mchog gi rin chen de bzhin nyid/ /g.yon 
brkyang nyi ma'i spyan dang rgyal ba'i bdag po'i cod pan phyag rgya rnams kyis rgya yis btab pa'o/ 15 /'dab brgyad la ni lha mo brgyad rnams nor gyi phyag gi pad+ma rig byed zhal dang nyi ma'i spyan/ /de dag rnams las bzhi ni sbrul gyi rnga yab 'dzin te zur du rgyal ba'i zhal gyi dbye bas 
so/ /dbang ldan bden bral dang ni rtse mo can dang rlung gi zur du chos kyi dung dang gaN+DI dang / /de bzhin yid bzhin nor bur 'gyur te nges par de bzhin du ni dpag bsam shing du rim pas 'gyur/ 16 /nag mo yis ni dang po'i phyag gi mthil na spos kyi snod dang gnyis pa dag 
na bsil ba'i snod/ /dmar po sbyar ba gsum pa na ste myos byed dang bcas ri bong 'dzin pa g.yas kyi phyag bzhi na/ /g.yon na dril bu pad+ma lha yi shing gi me tog dang ni me tog phreng ba rim pas so/ /dmar mo'i g.yas na mar me do shal dag dang cod pan dang bcas 
gdu bu rnams te phyag g.yon na/ 17 /gos dang ska rags dang ni dri ma med pa'i 'od zer 'phro ba'i rna rgyan dang ni rkang gdub bo/ /ser mo'i g.yas kyi phyag na dung dang gling bu nor bu dang bcas Da ma ru ni rim pas te/ /g.yon na rgyud mangs dang ni rnga dang sil sil rab tu 

</font><hr>77-1-80a<br><font size=+1>

sgrogs pa'i 'khar ba dag dang zangs dung ngo / /'o ma chu dang sman dang chang dang bdud rtsi ro dang 'bras bu zan gyi snod ni dkar mo yi/ 18 /phyogs kyi pad+mar chu gter sangs rgyas rnams ni nges par spyan dgu me yi zhal dang dus kyi phyag /zur du sgrol ma la 
sogs lha mo rnams dang slar yang de dag mtshams brgyad du ni bum pa brgyad/ /lha dang lha mo gnag dang dmar dang ser ba dang ni ri bong 'dzin pa lta bur dkar ba ste/ /nag po dkar po zla ba'i steng du yang na phyogs bral du gnas dmar po ser po nyi ma'i ste/ 19 /mkha' snying la 
sogs rtsig pa la ni phyogs dang phyogs bral du gnas reg bya rdo rje ma la sogs/ /shar dang phyogs gzhan gyi ni g.yas dang g.yas min pad+ma dag la kun tu bzang po de bzhin nyid/ /dpal ldan phyag na rdo rje nges par sgra yi rdo rje ma dang chos kyi dbyings ni rim pas so/ /rmugs 
byed rengs byed khengs byed dag ste shin tu stobs shes gang yin sgo skyong de ni shar du'o/ 20 /shes rab phang par thabs ni ri bong 'dzin pa'i pad+ma la ste lha rnams kyi yang lha mo'o/ /gnyis po dag ni rang gi phyag gi chu skyes rang rang mtshan mas mtshan pa dag gis phan tshun 'khyud/ /
mtshan ma gang zhig gang gi g.yas kyi dang po'i phyag mthil na ste de yi phyag rgya chu skyes dman/ /shes rab thabs kyis 'khor lo mchog gi bde bar gnas pa pad+ma dang ni rdo rje'i gdan gyis bzhugs/ 21 /nag po rnams kyi g.yas kyi phyag na ral gri gri gug dag dang srid pa 'jigs byed 
rtse gsum ste/ /g.yon pa'i phyag gi mthil du phub dang thod pa dag dang kha T+wA~M ga ni dkar po nyid du 'gyur/ /mda' dang rdo rje lcags kyu sgra dang bcas pa'i Da ma ru ni g.yas kyi phyag na rim pa yis/ /gzhu dang zhags pa dag dang dri med 'phro ba'i nor bu dmar po rnams kyi g.yon 
na de bzhin nyid/ 22 /ser po rnams kyi g.yas kyi phyag na 'khor lo dbyug pa dang ni 'jigs byed rdo rje rim pas te/ /g.yon du dpal ldan dung dang lcags sgrog dang ni nges par sgra dang bcas pa'i rdo rje dril bur 'gyur/ /ri bong 'dzin pa lta bur dkar ba rnams kyi g.yas na dpal 

</font><hr>77-1-80b<br><font size=+1>

ldan tho ba mdung dang rtse gsum ste/ /g.yon na pad+ma dkar po 'dab ma brgya dang ldan pa dag dang me long dang ni bgrang phreng ngo / 23 /ljang gu rnams kyi g.yas su rdo rje gri gug dang ni dgra star rim pas rab tu 'gyur ba ste/ /g.yon du dril bu dang ni thod pa mtha' dag yon tan 
gter dang tshangs pa'i gdong pa de nyid do/ /lha mo sngon mo rnams dag gi yang rang bzhin yon tan dbang gis de bzhin du ni rig par bya/ /gnag dang dmar dang dkar dang mchog gi gser dang mtshungs pa shar gyi sa la sogs pa'i lha mo rnams/ 24 /du ba la sogs lha mo 
brgyad po dor nas rgyal ba'i bdag po'i pad+ma dag la res 'ga' ni/ /dpal ldan 'khor lo snying po'i dbus su mi yi bdag po nyi shu lnga yi bdag nyid du yang 'gyur/ /rang gi sems kyi nus pa shes nas bcom ldan 'di yang rnal 'byor pa rnams dag gis bsgom par bya/ /dbang 
gi don du dkyil 'khor dag ni rigs kyi dbang gis phyi yi 'khor lo rab tu dman par 'gyur/ 25 /phyi rol du ni brgyad pa brgyad kyis pad 'dab brgyad po rnams la phyogs brgyad lha mo rnams dang ni/ /tsa rtsi kA sogs rnal 'byor ma rnams zla ba nyi ma dang bral rig byed phyag dang spyan 
gsum ma/ /shar gyi pad+mar tsartsi kA ste mer ni mkha' 'gro'i bdag pos 'gro ma phag mo gdong drug ma/ /gshin rje bden bral zur dag tu ste chu bcas rlung du rdo rje lag dang chu gter gdong ma'o/ 26 /drag mo dpal mo byang dang dbang ldan du ste mtshon cha dang bcas thabs kyi sku la 
'khyud pa'o/ /brgyad pa brgyad kyi rnal 'byor ma gang pad+ma'i 'dab ma la gnas gtso mo'i kha dog zhal rnams so/ /shar la sogs par dang bo'i phyag gi mthil na gri gug dang ni rtse gsum 'khor lo be con dang / /dbyug pa ral gri dang ni mdung thung lcags kyu dag ni g.yas kyi 
phyag gi pad+ma zung la'o/ 27 /rdo rje mda' dang pad+ma dang ni dri med glog mtshungs tshangs pa'i dbyug pa dag dang rtse gsum dang / /sna tshogs rin chen gyis bcings sgra dang bcas pa'i Da ma ru dang pad+ma nyid dang bgrang phreng ste/ /g.yon na thod pa dang ni kha T+wA~M ga dang pad+ma dung dang lcags 

</font><hr>77-1-81a<br><font size=+1>

sgrog dag dang phub dang ni/ /nges par rin po che dang zhags pa sgra ni rab tu sgrogs pa'i rdo rje dril bu gzhu dag dang / 28 /spyi blugs snod dang kha T+wA~M ga dang sbrul dang de nas chu las skyes dang rin po che nyid de/ /pad+ma nor 'dab la ni brgyad pa brgyad kyi rnal 'byor 
ma yi phyag gi mtshon cha de bzhin no/ /'jigs ma drag mo dus kyi mche ba me 'bar gdong ma rlung gi shugs ma dang ni rab gtum ma/ /drag spyan ma dang sna chen ma rnams tsa rtsi kA yi pad+ma nor 'dab la ni phyogs rnams su/ 29 /g.yang mo sgyu ma grags dpal rab mchog rnam par rgyal ma 
dpal ldan rgyal ma dpal ldan rgyal byed ma/ /brgyad pa dpal ldan 'khor lo can ma nor 'dab pad+ma la ni khyab 'jug ma yi phyogs kyi char/ /keng rus ma dang dus kyi mtshan mo rab tu khros pa'i gdong ma dus kyi lce dang gtsigs ma dang / /nag mo 'jigs rung gzugs ngan ma 
rnams nor 'dab pad+ma la ste phag mo'i 'dab ma'i lha mo la'o/ 30 /pad+ma lus med gzhon nu ma dang ri dgas bdag pos 'gro ma rin chen phreng ba mig bzang ma/ /rul ma bzang mo gang na gtso mo mchog gi rma byas 'gro ma'i chu skyes 'dab la rgyal po kye/ /rdo rje 'od dang rdo rje lus dang mchog 
gi gser ldan urba sI dang bkra ba'i ri mo dang / /ram+b+ha zug med shin tu sgrol ma pad+ma nor 'dab rdo rje lag ma lhag pa'i lha can la'o/ 31 /sA bi trI dang pad+ma'i mig dang nges par chu skyes can ma blo dang ngag gi dbang phyug ma/ /gA ya trI dang glog nyid dran ma dag kyang pad+ma rig byed gdong ni lhag 
pa'i lha can la/ /gau rI gang+gA dang ni rtag ma shin tu mchog tu myur ma to ta lA dang mtshon byed ma/ /dmar ser nag mo brgyad ni de bzhin gang na drag mo gtso mo'i pad+ma nor gyi 'dab ma la'o/ 32 /dpal ldan dkar mo zla ba'i ri mo ri bong 'dzin pa'i gdong ma ngang pa'i mdog dang 'dzin ma 
dang / /pad+ma'i dbang mo skar mig dri med ri bong 'dzin ma dbang ldan pad+ma dag la mtshan mar bcas/ /de yi phyi rol nyi ma'i pad+ma la ni lha min g.yo dang gshin rje me dang gdong drug dang / /gnod sbyin brgya byin chu gter gdong dang phyugs bdag rgya mtsho dpal ldan tshogs kyi dbang po 

</font><hr>77-1-81b<br><font size=+1>

khyab 'jug go/ 33 /ral gri gri gug ljon shing dbang po lha yi shing gi me tog dbyug pa ral gri shak+ti dang / /dbyug pa shak+ti dag dang mdung dang nor bu dang ni be con rdo rje nyid dang me yi mda'/ /khab dang bgrang phreng dag ni phyag gi mthil du 'gyur te rtse gsum pa dang mda' dang zhags pa 
dang / /rin chen dgra sta rdo rje dang ni 'khor lo dbyug pa 'phrog byed dag gi g.yas kyi phyag tu 'gyur/ 34 /g.yon du phub dang thod pa dkar po min pa'i nor bu dang ni ut+pa la dang lcags sgrog dang / /zhags pa chu skyes spyi blugs dag ni nges par g.yon gyi phyag tu rim pas 'gyur ro 
mi yi bdag /rin chen me long dang ni de bzhin ne'u le dang bcas chu skyes rdo rje dril bu gzhu dang ni/ /pad+ma dang ni spyi blugs sbrul dang gzhu dang de bzhin klu yi zhags pa dag dang rin chen dang / 35 /zhags pa rin po che dang pad+ma skye ba lnga pa'i dung ni lha min dgra bo dag gir 'gyur/ /
pad+ma'i 'dab ma dag la nag pa sogs kyi nor lag tshes rnams lte ba la ni rdzogs pa gnyis/ /mchog gi zla ba'i cha rnams thams cad stong dus 'jig rten dag tu lo yi sbyor bas rig par bya/ /sgor ni lha mo shing rta la gnas ral gri rdo rje 'dzin dang lcags kyu dang bcas mda' 
yi phyag 36 /dpal ldan 'khor lo dbyug pa'i phyag dang rang bzhin yon tan dbang gis tho ba dang ni mdung gi phyag /dpal ldan gri gug rdo rje'i phyag dang nges par phyag na dgra sta phyag na rtse gsum g.yas na ste/ /g.yon gyi phyag na phub dang sbrul te rang bzhin yon tan dbang 
gis zhags pa dang ni gzhu yi phyag /dpal ldan dung dang rin chen phyag dang pad+ma ri bong 'dzin pa me long phyag kyang de bzhin no/ 37 /dpal ldan dril bu thod pa'i phyag dang nges par phyag na lag 'gro nyid dang kha T+wA~M ga yi phyag /'od zer can la sogs pa zhal gcig dus kyi phyag 
gi pad+ma rnams ni rim pas rig par bya/ /ka ba'i 'og tu klu brgyad rnams kyang bum pa rdo rje'i phyag dang pad+ma nor bu dag gi phyag /rlung la sogs pa'i dkyil 'khor la ni pad+ma karko Ta sogs dus kyi phyag gi pad+ma rnams/ 38 /khyi gdong phag gdong ma dang ce spyang gdong ma nges par g.yo 

</font><hr>77-1-82a<br><font size=+1>

ba'i dkyil 'khor la ni phyogs rnams su/ /stag gdong ma ni byang du gnas te dur khrod sa gzhi la gnas gri gug dang ni thod pa'i phyag /bya rog gdong dang bya rgod gdong dang mkha' 'gro bdag po'i gdong dang 'ug gdong ma ni zur du'o/ /rdo rje mig dang shin 
tu sngon mo sa 'og nam mkha' la gnas 'byung po'i skye gnas g.yo ba'i mthar/ 39 /yi dgas dmar dang mkha' 'gro'i dbang po ma he rma bya glang po ngang pa glang dang gdong lnga pa/ /rim pas tsA muN+DA la sogs pa'i pad+ma'i gdan du rab 'gyur phyogs dang phyogs bral rnams su'o/ /
lha min la sogs rnams kyi de bzhin nor bdag rtse mo can dang chu gter rlung dang tshogs kyi ni/ /glang po'i dbang po dang ni lug dang chu srin zhes dang ri dgas dang ni byi ba rim pas so/ 40 /b+he ruN+Da dang khrung khrung mig sngon bshang lam gdong ni bya rog gdong la sogs pa'i zur du ste/ /
bse dang dom dang seng ge g.yag ni khyi gdong ma la sogs pa yi ste phyogs su rab tu 'gyur/ /rdo rje mig gi rkang pa brgyad pa sa yi shing rta la gnas mkha' la sngon mo'i shing rta yi/ /mkhar bgrod khro ba dang bcas kha dog lnga pa lus rgyas mig gsum ldan pa a ni la zhes pa/ 41 /'od 
zer can dang tsun+dA lcags sgrog ma dang khro gnyer can gyi shing rta rnams la phag dang ni/ /rta dang glang po seng ge bdun gyi grangs su 'gyur te lha dang gshin rje chu dang byang du'o/ /shar du dri dang phreng ba ma ste gshin rje chu la gnas pa spos ma mar me sgeg mo dang / /bzhad ma'o gar ma rol 
mo ma ni nor sbyin sa gzhi la ste mkha' la glu ma 'dod ma'o/ 42 /snying por brgyad ni kha khyer la ste mkha' dang 'og na gnas pa rta babs 'og tu nges par sbyar/ /gzungs ma rnams ni snam bu la ste gdengs can rigs dang bcas pa'i phyir 'dod ma rnams kha khyer la/ /dbye ba dang ni 
bskyod pa 'dod mar 'gyur te mi yi bdag po de bzhin rgyas dang rengs 'dod ma/ /lha mo sgrol ma la sogs dag pa yis te srid gsum skyed ma gsod pa dang ni skyed 'dod ma/ 43 /rol mo 'dod ma dang ni rgyan 'dod mar 'gyur mi yi bdag po zas 'dod ma dang de bzhin nyid/ /dri 'dod ma dang 

</font><hr>77-1-82b<br><font size=+1>

gos ni 'dod mar 'gyur te nges par 'khrig pa 'dod ma dag ni drug pa'o/ /lus la 'phrug 'dod ma dang kha na gnas pa'i mchil ma 'dor dang lus kyi dri ma 'dod ma dang / /gar 'dod ma dang stan 'dod ma dang chu dang mal stan dag la rkyal dang bsnyes par 'dod ma dang / 44 /tsA muN+DA 
sogs brgyad kyi bya ba rnams te de bzhin sa la khro skyes rnams kyi 'dod ma yang / /kun tu gdung dang 'ching 'dod ma dang nges par 'jam por smra ba dang ni skems dang skrod 'dod ma/ /reg dang dgug pa dag dang 'ching dang mi yi bdag po phur bu 'debs dang rgyug pa 'dod mar 'gyur/ /
yan lag thams cad bskyod par 'dod ma rab tu gsal zhing nges par bshang gci zag par 'dod ma dang / 45 /sems can rnams la slu 'dod ma dang nges par rtsod pa mang po lnga pa lhag ma za ba dang / /g.yul 'dod ma dang sbrul 'ching ma dang byis pa khro bar 'dod ma rnams ni lha min rigs 
la 'gyur/ /sum cu rtsa bdun phyir 'dod ma rnams slar yang de nas phyi rol dkyil 'khor dag gi kha khyer la/ /nyin zhag so so'i dus su gang zhig cung zad sems can bya ba rnal 'byor ma yi bya ba 'dir/ 46 /zhes pa de ltar rdo rje can gyis srid pa gsum po mtha' dag rnams kyang 
dkyil 'khor rnam par gsungs/ /phyi dang lus dang gzhan la yang ni spro dang sdud pa dag la dngos po'i skye ba yang dag gnas/ /de la rtag pa mkha' yi rdo rje rnam gsum srid pa la gnas mi rtag nyid du 'gyur ma yin/ /'byung po'i tshogs ni rtag pa min par 'gyur te mi yi 
bdag po mig 'phrul ji bzhin nyid du'o/ 47 /rtag dang mi rtag mthong ste de lta na yang blun po'i blo can sems ni dag pa'i don slad du/ /sgrub thabs dag ni brjod par bya ste snying por gyur pa 'ga' yang 'dir ni bsgrub par bya ba med/ /gang zhig bsgrub bya sgrub pa po de 'khrul ba zhes pa 
rdo rje can gyi sgrub thabs mtha' dag gang / /de phyir rgyal po rang sems dri ma rnam par bral ba dag ni dkyil 'khor dbang por rab tu bya/ 48 /dpal ldan rdo rje can ni thugs kyi rdo rjer 'gyur te mi bdag dkyil 'khor sku yi rdo rje'o/ /lha rnams 'khor lo A li kA li'i rigs skyes gsung 

</font><hr>77-1-83a<br><font size=+1>

gi rdo rje zla ba nyi ma'i steng du'o/ /rtsa ba sdong bu dag ni a yig 'dab ma dang ni de bzhin ge sar rnams kyang u yig go /dbus su dpal ldan lte ba dang ni zla ba nyi ma rnam gnyis rkang pa'i gnas dag ma yig go/ 49 /ho yig thog ma tha ma'i snying po bde mnyam 'bras bu 
ster ba sku gsung thugs kyi rdo rje ste/ /de ni shes rab chags pas zhu ba khyab bdag rdo rje can yang ri bong 'dzin pa bzhin bltas nas/ /lha mo rnams kyis glu dag mdzad de bcom ldan khyod ni sems can kun la phan par mdzad pa po/ /bdag cag srungs shig lha mi'i bla ma rdo rje 
ldan pa 'dod pa don gnyer rnams la 'dod pa mdzod/ 50 /rdo rje can des glu dag gsan nas srid pa gsum po mtha' dag rnams kyang mig 'phrul lta bur ni/ /gzigs nas skyed pa mdzad de dri ma med pa'i 'od zer 'phro ba rang gi mtshan ma spros byas nas/ /rdo rje'i rgyan dang ldan 
zhing rgyal ba'i bdag po'i cod pan shes rab kyis ni 'khyud par gyur pa yang / /shes rab thabs kyis rgyal po slar yang dkyil 'khor ma lus pa ni rab tu spro ba dag kyang ngo / 51 /'od zer sngon po 'jigs pa'i sku ste rab tu bzhad pa'i zhal dang mche ba phyed ni gtsigs pa dang / /sgra 
drag sgrogs byed nyi ma'i spyan dang gnyis lhag rgyal ba'i phyag ste rig byed zhal dang zhabs gnyis pa/ /shes rab thabs la rab byung mtshon cha rnams dang bcas pa rkang pa brgyad pa'i shing rta dag la gnas/ /rgyal ba'i dgra ni 'joms par byed pa rdo rje shugs te ye shes 'khor lo'i slad 
du bskul bar bya/ 52 /dri med 'od zer 'phro ba ye shes 'khor lo'i dbang phyug dag ni lte bar lcags kyus bsnun byas shing / /phyag rnams rang gi rdo rje gdengs can dag gis de bzhin rab bcings mtshon cha rnams kyis 'jigs byas te/ /mtha' dag bsgrub byar byas shing 'khor lo 
bzang po bskyod par byas nas 'di ni slar yang 'gro ba ste/ /gzhug dang bcing dang mnyes pa dang ni ro mnyam byed pa dag ni rmugs byed la sogs rnams kyis byed/ 53 /rdzogs pa'i rnal 'byor dag la sems ni nam mkha' dang bcas snying po'i pad+mar me yi steng du 'gyur/ /shar du 

</font><hr>77-1-83b<br><font size=+1>

dpal ldan nag mo 'bar ma mchog gi pad 'dab la ni lho ru dmar mo 'bar ma ste/ /byang du dpal ldan dkar mo 'bar mar 'gyur te rigs kyi dbang gis nub tu ser mo 'bar ma'o/ /mer ni du ba da nu'i bu yi phyogs su smig rgyu ma dang dbang ldan phyogs su mkha' snang ma/ 54 /
rlung du dpal ldan mar me ma ste nor bu dang ni shing dang chos kyi gaN+DI dag dang dung / /me dang rlung dang lha min dang ni 'phrog byed phyogs su de bzhin bar gyi zur gyi cha la'o/ /shar du 'du byed dang ni sa dag nges par pad+ma la gnas lho ru tshor ba chu dag go /byang du 'du shes dang ni me ru 
'gyur te nub tu yang ni rlung dang bcas pa'i gzugs nyid do/ 55 /me yi phyogs su rlung dang gzugs su 'gyur te lha min bdag por me dang 'du shes gnyis po'o/ /dbang ldan du ni chu dang tshor ba dag ste rlung du 'dzin ma 'du byed phung por ldan pa'o/ /lha mo sangs rgyas par rnams su ni le 
tshe brgyad kyi gnas su bdud rtsi'i ro yi bum pa rnams/ /slar yang 'phar ma phyi ma la ni shar du sna dang dri ste lho ru mig dang gzugs dag go/ 56 /byang du lce dang ro ru 'gyur te chur ni de bzhin nyid du lus dang reg bya dag tu 'gyur/ /sa 'og tu ni rna ba sgra ru 'gyur te rigs kyi dbang gis lho 
yi sgo yi g.yon du'o/ /nam mkha' la ni nges par sems dang chos kyi dbyings su 'gyur te shar gyi sgo yi g.yon du'o/ /dang por thabs ni drug po dag kyang rgyal ba'i dbang gis dkyil 'khor gyi ni lhag pa'i lha ru 'gyur/ 57 /phyi nas shes rab la sogs drug ni rab tu gsal bar bdag 
po rang rang pad+ma'i gdan la'o/ /shar gyi sgor ni rab gtum ral gri 'dzin pa shin tu stobs te de yi phyag rgya rengs byed ma'o/ /g.yas su rmugs byed dang ni nga rgyal mar 'gyur nor sbyin du yang khengs byed dang ni rmugs byed ma/ /chu ru rengs byed dang ni mtha' yas brtson 
'grus mar 'gyur sgo yi dbus na gnas pa'i pad+ma la'o/ 58 /dbyug sngon 'od zer can dang mi g.yo zhes dang khro gnyer can ma brtson 'grus mtha' yas lcags sgrog ma/ /'dod pa tsun+dA shing rta la gnas lha dang nor sbyin gzhan dang lho yi sgo yi dbus su ste/ /gnod mdzes drag 

</font><hr>77-1-84a<br><font size=+1>

spyan ma ni 'og tu 'gyur zhing mkha' la gtsug tor dang ni shin tu sngon mo nyid/ /shar gyi sgo yi steng dang gzhan du yang ni nges par 'gyur te gnyis pa dag gi shing rta yang / 59 /gsung las skyes pa'i dkyil 'khor la ni nor gyi phyogs su 'byung po las skyes 
rnams kyi gdan du 'gyur/ /shar du tsA muN+DA dang dbang por 'gyur te rtse mo can du khyab 'jug ma dang rig byed gdong / /gshin rjer phag mo drag por 'gyur te lha min bdag por gdong drug ma dang bgegs kyi mgon po'o/ /nub tu dbang mo bden bral du 'gyur rlung du nges par 
dus kyi gdong ma dang ni khyab 'jug nyid/ 60 /gnod sbyin du ni drag mo gshin rjer 'gyur te phyugs kyi bdag por dpal mo nyid dang gdong drug pa/ /phyi rol gyi ni dbang po'i sgo yi g.yas su lha min bdag dang de yi phyag rgya srin mor 'gyur/ /me ni rlung dang rab gtum ma ste me dang 
chu lha mo yang lho yi sgo yi g.yas su'o/ /lha min bdag por dpal ldan gdong drug pa dang dpal mor 'gyur te nub tu dbang po rlung lha mo/ 61 /rlung du tshangs pa dang ni glog mar 'gyur te nor sbyin du yang rgya mtsho dang ni phag mo'o/ /dbang ldan du ni tshogs kyi dbang po gzhon nu ma ste nor 
sbyin gshin rje'i sgo yi g.yon gyi char/ /drag po dus te khyab 'jug dang ni nor sbyin zhes pa lho dang nub kyi sgo yi g.yon du'o/ /de dag rnams kyi phyag rgyar rab grags ri sras gshin rje ma dang dpal mo nor gyi dbang mor 'gyur/ 62 /phyi rol du ni lha dang gshin rje nor sbyin nub kyi kha 
khyer dag la klu rnams mtha' dag ste/ /pad+ma dang ni stobs kyi rgyu dag g.yo ba'i dkyil 'khor la gnas nor rgyas bu dang dung skyong ni/ /me la gnas pa dag ste chu yi steng du rigs ldan mtha' yas klur ni rab tu grags par 'gyur/ /de bzhin sa yi dkyil 'khor la gnas 
rigs kyi dbang gis 'jog po dang ni pad+ma chen por 'gyur/ 63 /de rnams shes rab rab gtum ma rnams dur khrod sa la gnas pa khyi gdong ma la sogs pa ste/ /de rnams thabs ni pad+ma la sogs gzhan gyi rigs kyi dbang gis bde ba dam pa'i don du 'gyur/ /shar gyi 'khor lor 

</font><hr>77-1-84b<br><font size=+1>

rtse mos 'bigs pa'i dur khrod du ni g.yo ba'i dkyil 'khor la gnas khyi gdong ma/ /gshin rje dag tu nges par ro ni bsreg par phag gi gdong ma byang du rul pa dang bcas par/ 64 /stag gdong ma ste chu ru rnag gi drir ni de bzhin nyid du ce spyang dag gi gdong mar 'gyur/ /me dang 
lha min bdag por lhag ma dang ni mi bzad g.yul du bya rog gdong ma bya rgod bcas/ /rlung du sbrul gyis zos par mkha' 'gro'i bdag po'i gdong ma dbang ldan du yang byis pa shi bar ni/ /'khor lo la gnas 'ug gdong ma ste sa yi dkyil 'khor la gnas zla nyi dag kyang bsgom par 
bya/ 65 /g.yon brkyang ba ni yum gyir 'gyur te mnyam pa'i stabs ni 'dab ma dag gi lha mo'i tshogs kyi'o/ /bcu dang nor gyi tshogs dag gi ni g.yon brkyang sa ga lha min mo rnams kyi yang zlum po'o/ /g.yon brkyang dag la gnas pa rnams kyi snyoms par 'jug pa 
g.yas brkyang stabs su nges par 'gyur ba ste/ /sa ga la ni sa ga nyid ces bya bar 'gyur zhing nges par zlum po la yang zlum po'o/ 66 /dkyil 'khor du yang lhag ma'i lha rnams rab tu gsal zhing nges par rdo rje gdan gyis gnas pa ste/ /rang rigs phyogs gnas lha mo 
rnams ni rang rang pad+ma zla ba'i steng du pad+ma'i gdan gyis gnas/ /gdengs can rigs dang bcas pa rang rang phyogs kyi bzhon par gnas pa'i lha rnams rdo rje gdan gyis gnas/ /lha rnams 'dab mar lha mo rnams ni rol pa'i stabs te 'byung po las skyes rnams kyi de bzhin nyid/ 67 /
g.yas pa bskum pa dag kyang sa gzhi la ni nges par bkod cing rkang pa g.yon pa brkyang ba dag /phyed dang bcas pa'i khru gnyis pa ste mi yi bdag po de ni g.yon pa brkyang ba'i stabs su 'gyur/ /g.yon pa'i sbyor ba yis ni g.yas brkyang du 'gyur rkang pa zung ni mnyam pa dag kyang 
mnyam pa'i stabs/ /yon tan dbang gis pus mo zung ni rab tu brkyang ba dag las sa ga dang ni zlum por 'gyur/ 68 /cung zad pus mo phyed ni 'khyog pa rol par 'gyur te lhag ma dag ni rab tu grags pa nyid/ /slar yang rnal 'byor pa yis b+ha ra ta las shes par bya ste rdo rje gar gyi 

</font><hr>77-1-85a<br><font size=+1>

slad du'o/ /cod pan dag la phan tshun rdo rje yi ni rdo rjer 'gyur te sangs rgyas lnga rnams re 'ga' na/ /gzugs kyi steng du mi bskyod pa ste gsal bar pad+ma 'dzin pa'i rnam par snang mdzad nyid du 'gyur/ 69 /rin chen dbang po'i chu skyes 'dzin dang don yod 
grub pa'i cod pan la ni rab mchog nor bu'i phyag /drug gi cod pan ral pa zhes byar 'gyur te yon tan dbang gis lhag ma'i 'khor lo yi yang gzhan/ /sa las 'khor lo rab tu skye bar 'gyur te chu las pad+ma dang ni me las nor bu'o/ /rlung las ral gri dang ni stong pa dag 
las rdo rjer 'gyur te 'gyur med las ni gri gug go/ 70 /gos dang bdud rtsi'i snod du 'gyur te nges par me long dang bcas phreng ba dang ni rgyud mangs dang / /drug pa chos 'byung nges par sa dang chu dang bsreg za rlung dang nam mkha'i zhi ba dag las so/ /phub dang mdung dang 
mda' dang dgra sta dang ni Da ma ru dag mtshan ma lnga ste de bzhin du/ /dbyug pa zhags pa lcags kyu dag dang nges par de bzhin tho ba dang ni rtse gsum dag tu 'gyur/ 71 /gzhu dang ut+pa la dang slar yang de bzhin mgo bo dang ni kha T+wA~M ga dang dril bu dang / /de bzhin lcags sgrog 
la sogs chu na rgyu ba thod pa stag lpags dang ni glang po'i pags pa ste/ /'dir ni lhag ma nye ba'i mtshan ma sa dang chu dang bsreg za rlung dang nam mkha' las skyes pa/ /de dag rang bzhin yon tan dbang gis shes par bya ba nyid de lha dang lha mo rnams kyi'o/ 72 /gang 
zhig l-i la sogs pa sum cu'i dbyangs ni sa chu bsreg za rlung dang nam mkha' las skyes pa/ /thung ngu ring po'i rab dbye rnams kyis rim par yongs bkod nges par pad+ma la gnas zla ba dang / /nyi ma'i gdan la gnas pa de dag mtha' dag 'khor lo la sogs mtshan ma rnams 
kyi rang gi sngags/ /gang zhig kho nar mtshan ma drug par gyur pa der ni yon tan dbang gis gzhom du med par 'gyur/ 73 /nA da dpal ldan rdo rje sems dpar 'gyur te mi yi bdag po thugs kyi rdo rje a yig go/ /i yig thung du ral gri ldan par 'gyur te slar yang r-i yig 

</font><hr>77-1-85b<br><font size=+1>

dag ni phyag na rin chen no/ /u yig thung ngu snang ba mtha' yas su 'gyur slar yang 'dir ni l-i yig rnam par snang mdzad do/ /bsam pa'i rab tu dbye bas dbyangs kyi tshogs pa ring po mtha' dag rgyal ba drug gi rim pas so/ 74 /dpal ldan yum ni gzhom du med pa zhes par 'gyur te 
de bzhin A yig las skyes nam mkha'i khams/ /rlung dang me dang chu dang sa rnams la ni I r-I U lI thams cad rim pas gnas par 'gyur/ /mchog gi rgyal ba'i bdag po sna tshogs yum ni bde ba'i don du phan tshun lus dang bsam pa ste/ /mi bskyod stong pa'i khams dang 
phyag gi pad+ma ral gri dang ni spyan ma lus dang bsam pa'o/ 75 /rin chen dbang po ma mA kI dang gsal bar pad 'dzin gos dkar mo ni lus dang bsam pa ste/ /de bzhin 'khor lo can dang sgrol ma rang bzhin yon tan dbang gis thung dang ring ba'i dbyangs kyis so/ /a~M yig kun tu 
bzang por 'gyur te yon tan dbang gis a yig dag kyang phyag na rdo rje'o/ /e yig thung ngu nam mkha'i snying po ar yig dag kyang de bzhin yang dag sa yi snying por 'gyur/ 76 /o yig 'jig rten mgon po al yang de bzhin 'dir ni rnam par sel bar 'gyur te lus la'o/ /
A yig chos kyi dbyings su 'gyur te nges par de bzhin AHyig las skyes sgra yi rdo rje ma/ /ai yig reg bya rdo rje ma ste lus kyi dbye bas Ar yig las skyes ro yi rdo rje ma/ /au yig gzugs kyi rdo rje mar 'gyur nges par de bzhin Al yig las skyes dri yi rdo rje ma/ 77 /dpal 
ldan bzang po chos kyi dbyings dang phyag na rdo rje dang ni sgra yi rdo rje ma dag zung / /nam mkha' snying po dri yi rdo rje ma dang 'jig rten mgon po ro yi rdo rje ma dag zung / /sa yi snying po gzugs kyi rdo rje ma dang reg bya rnam par sel ba dag ni zung du 'gyur/ /de ltar rigs ni drug po rnam dag 
rang bzhin yon tan dbang gis yang dag par ni rig par bya/ 78 /ha~M yig gtsug tor 'khor lo can 'gyur lus kyi dbang gis 'dir ni haHyig shin tu sngon mo'o/ /ha yig thung ngu gnod mdzes su 'gyur nges par de bzhin ring po las skyes drag po'i mig ma'o/ /ya~M lAHrim pas 

</font><hr>77-1-86a<br><font size=+1>

rab tu gsal bar shin tu stobs dang rengs byed me sta gnyis po dag kyang zung / /ra~M wA~MHrmugs byed nga rgyal ma ste wa~M dang rAHzhes pa ni khengs byed rmugs byed mar 'gyur ro/ 79 /la~M yAHrengs byed shin tu brtson 'grus mar 'gyur ya wa ra la dbyug pa sngon po mi 
g.yo ba/ /'dod pa dang ni mtha' yas brtson 'grus su 'gyur lus kyi dbang gis lha mo rnams kyi ring po ste/ /yA wA rA lA de bzhin glang po rta dang seng ge dang ni phag gi shing rta dag la 'gyur/ /dbyug sngon 'od zer can dang mi g.yo zhes dang khro gnyer can ma brtson 'grus mtha' 
yas lcags sgrog ma/ 80 /'dod pa tsun+dA zung du 'gyur te mi bdag dkyil 'khor la ni bde ba dam pa'i don du'o/ /a yig dag dang oM dang rnam par bcad pa haM dang haHdang ha hA las skyes nus ma brgyad/ /bum pa rnams la de bzhin ha yig rlung dang me dang chu dang sa yi dbyangs kyis 
phye bar 'gyur/ /o~M hU~M ho AHdung dang dri med yon tan nor bu dang ni rkang 'thung chos kyi gaN+DI'o/ 81 /ha yig tsA muN+DA ste ha~M dang haHzhes bya ba 'dir ni dbang phyug ma dang phag mo'o/ /hA dang k+Sha k+ShA k+Sha~M k+ShaHdbang mo mkha' 'gro'i bdag pos 'gro ma tshangs ma dpal mo gzhon nu ma/ /
hI hr-I hU h+l-I rgyab tu pad+ma mchog gi 'dab ma la ste thung ngu'i dbyangs rnams mdun du'o/ /k+ShI k+Sh+l-i k+ShU k+Sh+l-I de bzhin nyid de rab tu gsal zhing nges par thung ngu'i dbyangs rnams de bzhin no/ 82 /shar dang g.yas dang g.yas min chu dang me dang lha min dbang ldan dang ni rlung gi pad+ma la/ /'dab 
ma drug la ya sogs dbyangs drug gis phye thung ngu ring po rnams ni rim par yongs bkod pa/ /hi k+Shi la sogs la mtha' thams cad nor ni gdengs can gyis bsgyur lha mo rnams kyi 'dab ma la/ /rigs kyi dbang gis mngon phyogs tsA muN+DA la sogs pa'i thabs su 'gyur te sngags kyi dbye bas 
so/ 83 /ta~M naHbrgya byin chu gter gdong ste ba~M maHzhes pa rgya mtsho dang ni dpal ldan tshogs kyi dbang / /Ta~M NaHme dang gzhon nu dag ste tsa~M dang nyaHzhes bya ba srin po'i dbang po dag dang rlung / /ka~M daHkhyab 'jug dus te 'phrog byed ces dang nor sbyin dag kyang sa~M dang 'dir ni d+kaHnyid do/ /tsa 

</font><hr>77-1-86b<br><font size=+1>

sogs sde pa dbyangs dang bcas pa rnams ni lha yi pad+ma'i 'dab mar lha mo rnams kyir 'gyur/ 84 /nag pa'i zla ba sogs kyi tshes rnams dus kyi nges pa'i dbang gis stong pa drug dang me yi grangs/ /de nyid la zhon ha yig rlung me chu dang sa rnams dag la shar la sogs pa'i klu rnams kyi/ /
sde bdun brtsegs pa la gnas k+Sha yar wa lar ldan dur khrod du ni lha min mo rnams kyi/ /shes rab thabs kyi lus dang bsam pas rigs kyi dbang las 'dir ni gang zhig dbus su mngon phyogs 'gyur/ 85 /dpal ldan rdo rje can dang kun bzangs rigs kyi dbang gis rdo rje 'dzin pa 
phyag na rdo rjer 'gyur/ /don yod grub dang nam mkha'i snying po dri med nor bu'i phyag dang sa yi snying po yang dag go /phyag na 'khor lo rnam par sel bar 'gyur te rigs kyi dbang gis 'od dpag med dang 'jig rten mgon/ /dpal ldan yum dang chos kyi dbyings te sgra yi rdo rje 
ma dang rdo rje dbyings kyi dbang phyug ma/ 86 /dpal ldan sgrol ma reg bya rdo rje ma ste rigs kyi dbye bas gos dkar ro yi rdo rje ma/ /mA ma kI dang gzugs zhes grags par 'gyur te rigs kyi dbang gis spyan ma dri yi rdo rje ma/ /khro bo'i dbang po rdo rje shugs dang rgyal ba'i bdag por 'gyur 
te kun tu bzang po de nyid do/ /gtsug tor mi bskyod pa nyid 'dir ni slar yang shin tu stobs dang don yod grub par rab tu grags/ 87 /rmugs byed dang ni phyag na rin chen du 'gyur rigs kyi dbang gis khengs byed dang ni 'od dpag med/ /rengs byed dang ni rnam par snang mdzad du 'gyur 
stobs ldan phyag na rdo rje dag dang gnod mdzes so/ /mkha' snying dang ni dbyug pa sngon po rang bzhin yon tan dbang gis sa yi snying po 'dod pa'o/ /rnam par sel dang shin tu brtson 'grus su 'gyur rigs kyi dbang gis 'jig rten mgon po mi g.yo ba/ 88 /yum dang khro bo'i dbang 
po'i phyag rgyar 'gyur te rigs kyi dbang gis chos kyi dbyings ni de bzhin nyid/ /stong par grags pa shin tu sngon mo rlung me chu dang sa la sogs pa mtha' yas brtson 'grus dang / /rmugs byed ma dang khengs ma rengs byed mar ni rim pas rab tu gsal zhing nges par rab tu grags/ /

</font><hr>77-1-87a<br><font size=+1>

drag spyan sgra yi rdo rje mar 'gyur rigs kyi dbang gis lcags sgrog ma dang reg bya rdo rje ma/ 89 /'od zer can dang dri yi rdo rjer rab tu 'gyur te khro gnyer can dang tsun+dAr rab grags pa/ /rigs kyi dbye bas nges par ro yi rdo rje ma dang gzugs kyi rdo rjer rim pas shes par 
bya/ /'dir ni rengs byed dus mthar byed pa nyid de slar yang shin tu stobs dang bgegs dgrar rab tu grags/ /rmugs byed shes rab mthar byed dag tu rab tu 'gyur te de bzhin khengs byed dang ni pad+ma'i dgra/ 90 /rlung me chu satsA muN+DA dang phag mo dbang phyug ma dang de bzhin dbang 
mo bzhi pa ste/ /dri dang gzugs dang ro dang reg bya zhes pa g.yo ba 'phrog byed lha min mer ni gnas pa yang / /tshangs pa dang ni rnam par snang mdzad du 'gyur rigs kyi dbang gis rgya mtsho dag dang 'od dpag med/ /me dang dpal ldan phyag na rin chen du 'gyur rlung dang don yod grub pa 
dag ni de bzhin nyid/ 91 /mi bskyod pa dang lha min dgra bor 'gyur te rgyal ba'i bdag po dang ni bde byed rab tu grags/ /rnam par sel ba gang de brgya byin du 'gyur 'jig rten mgon po tshogs kyi bdag po de bzhin nyid/ /sa yi snying po gdong drug par 'gyur dpal ldan mkha' snying 
da nu'i bdag por rab tu grags pa yin/ /dpal ldan phyag na rdo rje dus su 'gyur te drug pa kun tu bzang po nor gyi bdag po'o/ 92 /rig ma drug dang phyag rgya drug ni rang bzhin yon tan dbang gis de rnams rang rang phyag rgya ste/ /phyag rgya rig ma la sogs nyi ma lha yi mchog gi bdag 
rnams dkar po nag po rdzogs pa'o/ /de dag rnams kyi pad 'dab la ni nor lag tshes te mchu yi zla ba la sogs gang de rnams/ /zla ba drug ni snga ma drug tu 'gyur te rigs kyi dbang gis lha mo rnams kyi phyi ma yang / 93 /klu brgyad gang de bum pa rnams te khyab bdag pad+ma'i 'dab la nus 
ma de rnams rab gtum ma/ /dpal ldan du ba bya rog gdong mar 'gyur te rigs kyi dbang gis bya rgod gdong ma smig rgyu ma/ /mkha' snang ma ni 'ug pa'i gdong ma dpal ldan mar me mkha' 'gro'i bdag po'i gdong mar rab tu grags/ /nag mo 'bar ma khyi gdong ma ste dmar mo 'bar 

</font><hr>77-1-87b<br><font size=+1>

ma shin tu rnam 'gyur bzhin ldan phag gdong ma/ 94 /dkar mo 'bar ma stag gi gdong mar 'gyur te rigs kyi dbang gis ser mo 'bar ma ce spyang ma/ /de bzhin sgeg mo la sogs thams cad rab tu gsal ba rnam bcu sna tshogs yum ni lhag ma'o/ /lha mo sangs rgyas rig ma 
shing dang bcas shing bum pa dang bcas rgyal ba yi ni dag pa'i sku/ /khro bo'i dbang po byang chub sems dpa' nges par ro yi rdo rje ma ni chos kyi sku de nyid/ 95 /rnal 'byor ma rnams longs spyod sku ste rab mchog shing rta la gnas lha ni nyi mar rab grags pa/ /klu ni brgyad po rnams dang 
rab gtum ma rnams 'khor dang bcas pa sangs rgyas kyi ni sprul pa'i sku/ /de bzhin slar yang rgyal ba'i sku ni dbye ba gnyis su 'gyur te phyi rol dag dang nang na yang / /mngal nas skyes pa ji lta ba nyid de bzhin kho na dkyil 'khor la ni nges par rab tu 'gyur/ 96 /ston pa lha mo 
sogs dang bum pa lhan skyes rgyal ba'i sku ste dkyil 'khor snying po'i dbus su'o/ /sangs rgyas la sogs chos kyi sku ste nges par ro yi rdo rje ma sogs longs spyod rdzogs pa'i sku/ /khro bo sprul pa'i sku ru 'gyur te yon tan dbang gis dkyil 'khor gyi ni snying por yang dag gnas/ /
phyi rol du ni tsA muN+DA la sogs pa lha mo brgyad po 'khor dang bcas pa dag pa'i sku/ 97 /lha la sogs pa chos kyi sku ste mtha' dag gdengs can rigs kyang 'dir ni longs spyod rdzogs pa'i sku/ /gtum mo rnams ni sprul pa'i skur 'gyur mi yi bdag po sems can kun gyi don gyi slad du'o/ /
sku yi rdo rje lhan cig skyes pa'i sku ni zung du 'gyur te gzugs ni rdzogs pa'i slad du'o/ /gsung gi rdo rje dang ni chos kyi sku yang zung du 'gyur te chos nyid bstan pa'i don du'o/ 98 /thugs dang longs spyod rdzogs pa'i sku yang zung du 'gyur te sems can kun gyi don ni byed pa po/ /ye shes 
dang ni sprul pa'i sku dag zung du 'gyur te srog chags rnams la thar pa ster ba nyid/ /shes rab thabs kyi lus dang bsam pa mnyam dang mi mnyam rigs ni nyi zla ka sogs a sogs dang / /rnam gsum srid pa la gnas ye shes rnam shes dbye ba dag gis rnal 'byor pa yis rig 

</font><hr>77-1-88a<br><font size=+1>

par bya/ 99 /rdo rje swA hA'i mtha' ldan dag gis mgo dang mgrin pa snying ga lte ba gsang ba spyi bor te/ /'di dag gis ni byin brlabs yan lag rab mchog rgyal ba'i bdag po lha mo rnams kyis bkru bar bya/ /stong pa chos kyi dbyings dang rdo rje gsum gyi dus 
dang ye shes mchod pa rjes su chags pa la/ /skyabs su 'gro ba gsum nas sgrub pa po yis ta ta swa b+hA ba At+ma ko\u0f85haM brjod par bya/ 100 /bum pa rnams dang du ba la sogs brgyad po rnams kyis snying gar chos kyi 'khor lor rab tu 'gyur/ /rig ma rnams dang sangs rgyas nyid kyis 
mgo bor rtsibs bcu drug pa lhan cig skyes par rab tu grags/ /byang chub sems dpa' la sogs nyis 'gyur mi bdag rnams kyis mgrin par longs spyod rdzogs pa'i 'khor lor 'gyur/ /'jigs ma la sogs nor ni gdengs can dag gis bsgyur ba rnams kyis lte bar sprul pa'i 
'khor lor 'gyur/ 101 /lag pa rkang pa'i tshigs la lha rnams kyi ni las kyi 'khor lo dgu bcu dus kyis bsnun pa ste/ /klu dang gtum mo mi yi bdag po rnams kyis sor mo'i tshigs kyi mtshams la bya ba zhes byar 'gyur/ /dus kyi dag pas dpal ldan rdo rje can 'gyur mi bdag 
lo dang zla ba la sogs dbye bas so/ /thugs kyi rnam pa nyi ma ma yin nyin zhag so so'i dbang gis sna tshogs yum ni rnam par dag 102 /rlung gi dag pas du ba la sogs rang gi snying ga'i pad+mar rtsa yi 'khor lo la gnas rnams/ /nyon mongs rnams kyis drag po chung mar bcas pa khyab 
bdag zhabs kyi 'og tu bdud kyi tshogs kyi bdud/ /dung dang gaN+DI ma Ni ljon pa zhes pa dag kyang de bzhin sku yi rdo rje la sogs kyis/ /bum pa brgyad ni bdud rtsi'i yan lag gis te rgyal dang rnam rgyal bum pa byang chub sems sogs kyi/ 103 /'du byed don yod grub pa tshor ba 
dri med nor bu'i phyag dang 'du shes snang ba mtha' yas te/ /gzugs ni 'khor lo can no ri bong can dang stobs khrag bshang ba gci ba rnam par dag pa'o/ /lha mo drug ni khams rnams kyis te yul dang yul can rnams kyis byang chub sems dpa' phyag rgyar bcas/ /khro bo 

</font><hr>77-1-88b<br><font size=+1>

lnga ni stobs rnams kyis te nges par slar yang gzhan pa lnga ni dbang po gzhan rnams kyis/ 104 /tsA muD+NA sogs thun brgyad kyis te pad+ma'i 'dab mar gnas rnams nyi ma'i dus sbyor chu tshod kyis/ /lha min la sogs nyi ma'i zla bas pad+ma'i 'dab mar gnas rnams chu tshod dbugs kyi 
grangs kyis so/ /gsang bar mi bdag nyis 'gyur chu tshod rnams kyis klu rnams dang ni gtum mo rnams kyang rnam par dag /de bzhin 'dod ma la sogs de dag rang bzhin yon tan dbang gis lus kyi bya bas rnam par dag 105 /skra rnams kyis ni grub pa mtha' dag ba spu 
rnams kyis dur khrod sa gzhi la gnas 'byung po'i tshogs/ /de nyid rnams kyis gtso bo'i mtshon cha rang bzhin yon tan dbang gis khams kyis phyi yi phyag rgya'o/ /rdo rjes nang gi phyag rgya rdo rje 'dzin pa'i thugs kar zla ba'i steng du yang dag gnas pa'o/ /dpal ldan 
rdo rje can dang sna tshogs yum ni rnam gsum srid gnas 'gyur med ye shes dbye ba las/ 106 /dpal ldan dag pa las ni chos skur 'gyur te chos las nges par longs spyod rdzogs sku bzang po'o/ /longs spyod las ni sprul pa'i sku ru 'gyur te rgyal ba'i bdag po'i sems can kun 
don byed pa po/ /bzhi pa'i gnas skabs shin tu gnyid log nges par slar yang gzhan dang lus kyi dbye bas sad pa ste/ /de ltar lus kyi rab tu dbye bas srog chags rnams kyi lus la yid ni rnam pa bzhi ru gnas/ 107 /sprul par yid ni longs spyod byed pa po ru rab tu 'gyur te 
lus dang ngag gi dbang pos so/ /longs spyod rdzogs la ma mthong sems par 'gyur te yon tan dbang gis chos kyi sku la gnyid kyang ngo / /dag pa la ni bde bar rab 'gyur 'dir ni nyin mtshan dus su thig le grol ba gsum gyi mthar/ /de phyir de ni nyin mtshan dus su rnal 'byor 
pa yis bsgom par bya ste 'gyur med don du'o/ 108 /g.yon du srog ni rab tu rgyu bar 'gyur ba de bzhin du ni g.yas pa bskum pa gang yin pa/ /de ni g.yon brkyang stabs te mnyam pa'i stabs dang gzhan pa g.yas brkyang me dang nyi ma'i rgyu ba las/ /sa ga dang ni zlum po nyid dang 

</font><hr>77-1-89a<br><font size=+1>

mchog gi rol ba'i stabs dang pad+ma dang ni rdo rje'i gdan/ /nam mkha' sogs la rab tu rgyu ba mnyam dang mi mnyam bgrod pa dag la srog rlung rnam pa lnga/ 109 /gtum mo lte ba'i 'khor lo dgu yis bsnun pa'i lag 'gro tsartsi kA sogs lhag pa'i lha dang ldan/ /
ho yig ye shes snying po la ni dri med glog dang mtshungs pa'i ye shes me ni rab rgyas pa/ /lte bar rnam par snang mdzad la sogs bsreg cing mi yi bdag po spyan ma mig la sogs pa rnams/ /thams cad bsregs nas mgo bor zla ba bzang las thig le'i gzugs ni 'dzag pa gang de rdo rje 
can/ 110 /shes rab chos 'byung dag la gnas pa mtha' dag slar yang spro ba byas te nges par thig le yis/ /sna tshogs rgyan dang ldan zhing me long dag la gnas pa lta bu'i ye shes 'khor lo rang byung ba/ /'dod pa dang ni gzugs dang gzugs med srid pa rnam pa gsum po dag kyang 
rim pas sbyangs byas te/ /phyi nas ye shes me lce dag gis srid pa gsum po mtha' dag dus gcig tu ni dgug par bya/ 111 /zla ba nyi ma a sogs ka sogs rnams kyis rnam gsum bgrod gnas sku yi rdo rje sogs bzlas pa/ /so sor sdud pa la sogs drug gis gser bzang pad+ma 
la ni sku gsung thugs kyi rnal 'byor te/ /dga' ba la sogs rnams kyis rdo rje chu skyes dag la ro mnyam gyur pas bsgom pa rdo rje gsum/ /shes rab pad+mar sems kyi thig le dag la lhan skyes bde ba'i dbang gis bsgom pa gzhom med 'gyur/ 112 /bdud rtsi lnga la sogs dang chu gter 
rdo rje rnams dang sngags kyi bzlas pa sogs kyis bsnyen pa ste/ /so sor sdud pa sogs dang rdo rje pad+ma las skyes bdud rtsi yis ni nye ba'i sgrub par 'gyur/ /dga' ba la sogs rnams kyis rdo rje gsum dang chu skyes ro mnyam gyur pa bsgom pa sgrub par 'gyur/ /shes rab sbyar la gang 
tshe 'pho med phra mo'i rnal 'byor dag las nges par sgrub pa chen por 'gyur/ 113 /dang por stong nyid byang chub nges par slar yang de nas zla ba thig le dag ni yang dag 'dzin/ /de nas gzugs dag bskyed cing rab mchog ro yi rigs rnams dag gis yi ge dgod pa nyid yin te/ /'di 

</font><hr>77-1-89b<br><font size=+1>

ni spyi yi bsnyen pa chu yi gter gyi rdo rje rnams kyis sgrub pa dag ni 'bring po yang / /'di la thabs ni rnam bzhir 'gyur te dman dang brtan pa bsgrub pa'i yan lag dag la de bzhin nyid/ 114 /so sor sdud pa rgyal ba'i dbang por 'gyur zhing rnam pa bcu ste bsam gtan mi bskyod 
pa nyid do/ /srog rtsol dag kyang ral gri can no slar yang rnam pa bcu ste 'dzin pa phyag na rin chen no/ /gdol pa mo la rjes su dran pa pad+ma 'dzin par 'gyur te dpal ldan ting 'dzin 'khor lo can/ /re re dbye ba lnga rnams kyis te slar yang gang las a sogs ka sogs 
rnams kyis phye ba'o/ 115 /so sor sdud pa lus la yul dang yul can bcu po rnams ni rab tu 'jug pa med pa'o/ /bsam gtan dag kyang shes rab rtog dang dpyod pa dga' dang g.yo med bde ba rtse gcig sems pa'o/ /srog gi rtsol ba dag kyang lam ni gnyis po bskyel zhing 
dbu mar srog ni zhugs pa dag tu 'gyur/ /thig ler srog ni rab tu zhugs shing gnyis ka'i bgrod pa bcom ste rtse gcig sems pa 'dzin pa'o/ 116 /gtum mo'i snang bar gang zhig gyur pa nges par lus dang nam mkha' la yang rjes su dran par 'gyur/ /shes rab thabs 
kyi bdag nyid kyis ni 'gyur med bde ba'i dbang gis ye shes gzugs la ting nge 'dzin/ /'di dag dman pa la sogs dbye ba rnams kyis sna tshogs gtso bo'i sgrub thabs rnam pa gsum du 'gyur/ /phyag rgya gsum dang gnas skabs gsum ni rnam gsum bgrod pa'i dbang gi las dang 
kun rtog mchog rnams so/ 117 /so sor sdud pas rnal 'byor pa ni yul dang rnam par bral ba sngags rnams kun gyis byin gyis rlob/ /mngon par shes pa lnga ni thob par 'gyur te mi yi bdag po bsam gtan sbyor bas dag pa'o/ /srog gi rtsol bas dag pa ri bong can dang nyi 
ma dang bral byang chub sems dpa' rnams kyis mchod/ /bdud dang nyon mongs la sogs nyams shing stobs bcu la ni 'jug par 'gyur te 'dzin pa'i stobs kyis so/ 118 /rjes su dran pa legs par dag pa dri med 'od kyi dkyil 'khor dag kyang ye shes gzugs las so/ /de 

</font><hr>77-1-90a<br><font size=+1>

nas ting nge 'dzin gyis dag pa nyin zhag 'ga' zhig dag gis ye shes lus ni 'grub par 'gyur/ /so sor sdud pa la sogs rnams kyis gal te sngags pa rnams kyi 'dod pa grub par ma gyur na/ /nA da goms pas btsan thabs chu skyes su gnas rdo rje nor bur 
thig le bkag nas bsgrub par bya/ 119 /bsnyen pa la ni dang po'i rnal 'byor rnam bcu mkha' la 'khor lo can gyi khro bo'i lta bas so/ /bgegs mthar byed pa'i lta ba bdud rtsi'i lam du son pa yis kyang nye ba'i sgrub la yan lag drug/ shes rab la spros zla ba thig le rdo rje 
nor bur gnas pa'i 'gyur med gsum ni sgrub pa la/ /bde ba ma nyams gcig pu zhi ba'i lhan skyes ye shes rnal 'byor 'dir ni sgrub pa chen po la/ 120 /srog gi rtsol ba kun nas bde mnyam 'bras bu ster ba ji srid mgo yi bar du 'dod pa ste/ /de las steng du 'dod pa ma yin 
'chi ba'i 'jigs pa byed pa phung po nges par 'jig pa'i rgyu/ /gtsug tor sgo ni phug nas 'gro na mchog gi bde ba'i go 'phang dag la nges par sbyar bar bya/ /phung po med kyang rnal 'byor pa ni bde mnyam 'jug ste 'on kyang 'jig rten du ni grags pa min/ 121 /dbus su srog ni rab 
tu zhugs pa sna tshogs yum la yul dang rnam par bral ba'i 'khyud pa ste/ /pad+mar zhugs pa'i rang gi rdo rje spro ba dag kyang de bzhin zla nyi'i dbus su rab zhugs pa/ /bde ba sa bon ma lhung ba la rab dga'i dga' bar gnas pa rnal 'byor rnams kyi rnal 'byor 'di/ /phyag rgya'i 
dngos grub don slad khyab bdag gi ni dpal ldan gsang ba las kyang mchog tu gsang ba'o/ 122 /gtsug tor du ni rdo rje rtse mo lnga par 'gyur te phyi rol rtse mo dag ni nyis 'gyur gyi/ /rdo rje chos kyi 'khor lor 'gyur zhing nyis 'gyur gzhan ma dang ni de yi nyis 'gyur dag kyang gzhan/ /de yi 
yang ni nyis 'gyur gzhan du 'gyur te lhan skyes longs spyod rdzogs dang sprul pa'i 'khor lor ro/ /de yi snying por rtse mo gcig pa bde mnyam 'bras ster gsang ba'i pad+ma'i khongs su gnas pa'o/ 123 /rnal 'byor pa yis nyin dang mtshan mor srog gcod pa dag bya ba de ni srog nyams 

</font><hr>77-1-90b<br><font size=+1>

par gsungs te/ /sgra ni gang zhig zhal gyis dman pa dag kyang snying la gyur pa de ni brdzun du smra ba nyid/ /gang zhig thams cad mkhyen pa'i ye shes sa ni 'dzin pa dag kyang rnal 'byor pa yis brku bar gsungs/ /thig le ma lhung ba las bde bar 'gyur ba chags bral 
min las gzhan gyi bud med bsten pa'o/ 124 /srog gi rtsol ba'i me yis ri bong can ni zhu ba dag kyang btung ba chang ni 'thung ba'o/ /mthe bo'i tshigs nas gtsug tor dag tu nya yi mthar ni rang sems 'gro ste tshes kyi dbang gis so/ /gtsug tor nas ni sor mo rnams su 
slar yang 'di nyid 'gro ste nag po'i phyogs kyi mtha' ru'o/ /rnal 'byor pa rnams spyod pa gang de nyin zhag so so'i dus su 'dod pa'i dngos grub rab ster ba/ 125 /bsam dang 'dod dang lus la rims dang kha mchog pad+ma skam dang zas la rab tu mi 'jug dang / /'dar dang smyo 
dang rab tu rmongs par 'gyur dang yid ni rnam par 'khrul dang drag tu brgyal ba dag /rdo rje can gyi du ba la sogs rab gsal rnam pa bcu ste srog chags lus la 'jig rten du/ /rab tu gsal zhing nges pa de rnams yid srubs gnas skabs su zhig rgyal ba 'dod pa de ni 
su/ 126 /nyin dang mtshan mor thig le dag las dkar po'i rgyun 'bab gang zhig mA ma kI ste chang ma yin/ /go ku la sogs mig la sogs pa nyin zhag so sor spro ste sha gzhan res 'ga' dag kyang min/ /rang rigs sa la gnas pa'i lha rnams dag gis dag pa'i 
lus la bdud rtsi lnga rnams bsnyen pa ste/ /stong par sems ni rab tu zhugs pas ro mnyam byed pa 'khrig pa de ni skye gnas la ma yin/ 127 /nor ni gtong ba sbyin pa yid dang bud med 'grogs pa las kyang 'pho ba med pa tshul khrims te/ /bzod pa sgra la sogs pa mi 'jug pa 
ste rlung gi gnyi ga'i bgrod pa 'jig pa brtson 'grus nyid/ /bsam gtan shes rab dag kyang lhan skyes bde la gnas pa'i sems dang kun tu 'gro ba kun gyi skad/ /de las sems can don dang rdzu 'phrul srid pa mthar byed mi skye 'thob ste gzhan pa bzhi rnams so/ 128 /

</font><hr>77-1-91a<br><font size=+1>

gcig pu'i sku ni nus pa dang ldan gnas dgu dang bcas nyi shu lnga yi bdag nyid la sogs pa/ /bsgoms na phyag rgya la sogs grub pa rnams su nges par nyin zhag 'ga' zhig dag gis yang dag 'gyur/ /rengs pa dang ni zhi dang dbang dang srid pa 'jig pa dag ni 
zhal gyi dbye ba rnams kyis byed/ /'byung ba rnams kyi dkyil 'khor la gnas lha min lag 'gro'i rigs 'di bsgoms pa yis ni bsgrub par bya/ 129 /dkar po yis ni zhi dang rgyas pa byed de rang gi yid la dmar po yis ni dgug dang dbang / /ser pos rengs dang rmongs 
pa dag ste nag po'i sprin dang mtshungs pas gsad pa dang ni bskrad pa'o/ /bsgom dang bzlas pa de bzhin nyid du rang gi yid la byed de sku gsung thugs dang rdo rje ni/ /'byung ba rnams kyi dkyil 'khor la gnas srid pa gsum po mtha' dag las kyi dbye bas bsgrub par bya/ 130 /
phyogs ni lhag pa las byung bung ba dang ni gser dang mtshungs pa g.yas dang cig shos dag gis ni/ /phung po'i bdud la glang chen pags pa dag kyang ma lus bshus te rkang pa zung zhig dag nas 'dzin/ /lha min dbang po'i khrag gi thod pa rab mchog phyag mthil na ste 'chi bdag bdud 
kyi gdong gi phyag /nyon mongs bdud ni zhabs kyis bsgyel ba gnyis lhag rgyal ba'i phyag ni gzhan gyi don du bsgom par bya/ 131 /de la yum ni zhal gcig zung gi phyag gi pad+ma dag la gri gug dpal ldan thod pa ste/ /nyi ma las ni zla bas rang gi rgyu ba bcu gnyis lhag pa'i gcig 
rgyu bgrod pa'i dbang gis so/ /de phyir lus kyi rab tu dbye bas rgyal ba'i bdag por 'gyur te sna tshogs yum ni de bzhin nyid/ /shes rab thabs kyi lus dang bsam pa bde mnyam 'bras ster zla ba nyi ma'i rab tu rgyu bas so/ 132 /gcig la sogs pa mtha' yas zhal te phyag dang 
zhabs mang du ma'i kha dog mun pa dag gi mthar/ /shes rab thabs kyi bdag nyid nges par bde mnyam ster te rtsa ni zla ba nyi ma 'gog pa las/ /sa la sogs pa rnams ni kun nas 'bigs byed dri med nor bu dang mtshungs stong pa gcig pu ste/ /thog ma med cing mtha' med dbus 

</font><hr>77-1-91b<br><font size=+1>

kyang med la yul med yul ni bsgrubs pa dus kyi 'khor lo'o/ 133 /khro bo'i dbang po rdo rje shugs ni gnyis lhag rgyal ba'i phyag dang rig byed zhal dang zhabs gnyis pa/ /dmar ser spyan dang dbu skra dmar ser rgyal ba'i bdag po'i cod pan mche ba rnon po gtsigs pa ste/ /sbrul 
gyi rgyan dang rab mchog stag gi pags pa'i sham thabs dang ni gtso bo'i bzhin du mtshon cha'i phyag /spyi bor mtha' dag rgyal ba'i rigs kyi thod pa kha dog lnga rnams dag gis phreng ba nges par bcings/ 134 /dri med 'od zer 'phro ba sna tshogs chu skyes nyi ma'i steng du dkyil 'khor sna 
tshogs mdog la ni/ /zhabs gnyis dag gis 'byung po'i mgon po lhag pa'i stobs kyis mnan cing g.yas brkyang stabs kyis yang dag gnas/ /'byung po rnams dang lha min gdengs can lha rnams skrag par byed cing ye shes sems dpa' gcig gyur pa/ /bsgoms 
na zla ba gcig nyid kho nas dur khrod sa la gnas pa 'byung po'i tshogs ni bsgrub par bya/ 135 /klu rnams chu skyes 'dab brgyad la ste rgyal dang rnam rgyal dag ni nyi ma'i steng du bsgyel byas nas/ /zhabs dag gis ni gdengs can bdag po zung dang pad+ma'i 'dab mar gnas pa rnams kyi 
mjug ma yi/ /rtse mo thams cad mnan nas sprin gyi rigs ni lto ba dag nas nges par kun tu spro byed pa/ /de ltar khro bo'i dbang po bsgoms pas nyin zhag 'ga' zhig dag gis sprin gyi tshogs ni bsgrub par bya/ 136 /zhes pa la sogs mi yi bdag po lha rnams dang ni lha mo 
rnams kyi sgrub thabs so so ru/ /dkyil 'khor 'dir ni rang gi rgyal ba'i rigs kyi dbang gis las kyi dbye ba mtha' dag rnams kyis 'gyur/ /rengs dang zhi ba dag dang dbang dang gzhan nor 'phrog dang gsad pa dang ni bskrad pa dag la yang / /sum cu rtsa drug rnal 'byor 
ma rnams 'gyur te slar yang bzlas dang sbyin sreg rang gi sa bon gyis/ 137 /zhi ba la ni bsam gtan dag kyang zhi ba ri bong 'dzin pa ltar dkar lha ni zhi ba'i gzugs/ /drag po la yang bsam gtan drag po dang ni sprin nag dang mtshungs lha rnams drag po nyid kyi gzugs/ /dbang 

</font><hr>77-1-92a<br><font size=+1>

du bya la bsam gtan chags pa dang bcas nyin mor byed pa'i sku ste lha ni chags pa'i gzugs/ /rengs pa la ni bsam gtan rmongs pa dang bcas mchog gi gser dang mtshungs pa'i lha rnams rengs pa'i gzugs/ 138 /zhi dang rgyas pa dag kyang sras bcas rgyal 
ba'i rigs dang rgyal po lha mo rnams kyis 'grub par 'gyur/ /dbye dang bskrad pa dag kyang rang bzhin yon tan dbang gis khro bo las skyes rnams kyis 'grub par 'gyur/ /dbang sogs 'byung skyes rnams kyis rab gsal lha min rigs la phur bus gdab pa'ang lha min mo 
rnams kyis/ /yum dag gis ni las rnams thams cad gnyi ga'i rdo rje'i rigs la gsad pa dang ni gso ba yang / 139 /dang por dpal ldan dus kyi 'khor lo dang ni srid gsum skyed ma 'bad pa yis ni bsgrub par bya/ /de nas sa gzhi'i gnas dag tu ni gang zhig zhi ba la 
sogs las rnams dag kyang bsgrub par bya/ /pha dang ma yis rnam par dman pa'i bu ni yod pa min par dus kun tu ni 'jig rten grags/ /de phyir bde mnyam 'bras ster gnyis po bsgrub par bya ste rnam pa gzhan du las ni 'grub pa min/ 140 /gtso bo'i thugs khar pad+ma'i 
dbus su ri bong can dang nyi ma me yi steng du rdo rje ni/ /hU~M yig ye shes las skyes 'jig dus sprin dang mtshungs pa rtse lnga 'od zer dang bcas dgod par bya/ /de yi dbus su dzaHyi lcags kyu'i 'od zer rnams kyis srid pa gsum po mtha' dag bkang byas nas/ /rnam gsum srid 
pa la gnas ye shes 'khor lo bkug nas rdo rje'i lam du rab tu gzhug bya ste/ 141 /thams cad zla ba zhu ba dang mtshungs rang gi rdo rje'i kha nas yum gyi pad+mar spro bar bya/ /de ni nyi mar rab tu zhugs pa ro mnyam dag tu 'gyur te a sogs ka sogs rab ldan pa/ /de yi dbus su 
zhi ba la sogs las kyi ye shes sa bon du 'gyur rigs kyi dbang gis so/ /de yis rdzogs pa'i lha mo 'am ni lha yang rnal 'byor pa la 'bras bu ster ba nyid du 'gyur/ 142 /dzaHhU~M ba~M hoHrim pas lcags kyu zhes dang rdo rje dang ni rdo rje zhags pa dril bu ste/ /oM AHhU~M hoHde bzhin du 

</font><hr>77-1-92b<br><font size=+1>

gsungs zla ba nyi ma rdo rje de bzhin nyid du 'gyur med do/ /I r-I U l-I de bzhin nyid du rab gsal ya ra wa la rlung me chu dang sa rnams so/ /haHhU~M ha~M phreM nyi ma dang ni rdo rje zla ba dag dang gri gug tu yang de bzhin gsungs/ 143 /zla ba nyi ma'i dbus su A li kA li dang bcas chu yi sa 
bon bdag nyid chu skyes te/ /de las rdzogs pa'i lha mo zla ba'i mdog can zhal gcig ma ste zung gi phyag gi pad+ma can/ /glang chen dkar po la zhon phyag na chu skyes dkar dang mi 'jigs pa dang gos ni dkar po dang / /dkar ba'i rgyan dang ldan zhing rab tu bzhad pa'i 
zhal ni bsgoms nas bsgrub bya'i khyim du bskul bar bya/ 144 /de nas bsgrub bya bzung nas slar yang khyab bdag dkyil 'khor du ni yang dag rab tu gzhug par bya'o/ /gtso bo'i bka' ni rab tu thob nas spyan ma la sogs rab dgyes rnams kyis bdud rtsi'i bum pa yis/ /
bsgrub bya de ni bkru bar byed cing rab mchog rnam pa bcu yi nus ma rnams kyis mchod par byed/ /gzugs la sogs pa rnams kyis gso bar byed cing rab gsal sgeg mo la sogs bcu yis tshim par byed/ 145 /'byung por grags pa rnams kyis 'jigs pa med byed rab 
mchog rnam bcu khro skyes rnams kyis skyong bar byed/ /klu mo rnams kyis 'o dag byed cing 'chi med na chung bcu gnyis rnams kyis 'khyud pa dag tu byed/ /gtum mo rnams kyis bsrung ba byed de mtha' dag sa gzhi dag la zhi rgyas don gyi slad du'o/ /de ltar bsgrub bya yi 
ni mchog gi bde ba byed pa thams cad rnal 'byor pa yis bsgom par bya/ 146 /zla ba nyi ma'i dbus su hrIHste ut+pal kha ma bye ba'i mda' nyid dang ni i k+Shu'i gzhu/ /de las rdzogs pa nyi ma ltar gsal phyag ni gnyi gas gzhu dang mda' ni rna ba'i bar du bkang / /pad+ma 
dang ni ri bong 'dzin par g.yon brkyang rta la zhon pa bsgrub bya'i khyim du bskul bar bya/ /bsgrub bya yi ni snying ga lte ba gsang ba dag dang mgo dang kha la mda' yis bsnun byas shing / 147 /mgrin par gzhu yis bcings nas de yis bskyod pa dag kyang dkyil 'khor du ni khrid 

</font><hr>77-1-93a<br><font size=+1>

par byed pa ste/ /gtum mo rnams kyis gos dang bral ba byas shing klu mo rnams kyis kyang ni nges par bkri ba byas/ /lha mo rnams kyis spyo bar byed cing khro skyes rnams kyis gtun shing dbyug par bcas pa dag gis bsnun/ /'byung po rnams kyis 'jigs 
par byed cing sgeg mo la sogs rnams kyis kyang ni sen mo rnon po 'debs/ 148 /rdo rje ma rnams kyis ni blo gros nyams byas sa dang chu dang bsreg za rlung rnams dag gis bcings/ /nus ma rnams kyis gos bral rgyags pa mtha' dag bcom zhing gtso bo yi ni zhabs la ltung bar byas/ /
de ltar dbang du byas nas slar yang khyab bdag dag gis tshim par byas te der ni bsgrub par bya/ /de bzhin zhags pa lcags kyu dag gis khams gsum po nas dgug pa'i las ni rnam pa mang por 'gyur/ 149 /nyi ma zla ba'i dbus su sprin nag dang mtshungs hU~M yig ring po las skyes 
ral gri bsgoms byas nas/ /de las byung ba bung ba'i mdog can phyag gi pad+ma ral gri dang ni sdigs mdzub zhags pa'i phyag /rnga mo'i steng du g.yon pa brkyang zhing rab tu khros pa'i zhal ni bsgrub bya'i khyim du bskul bar bya/ /bsgrub bya zhags pas bcing ba byas nas khros pa'i 
zhal gyis dkyil 'khor gyi ni sgo ru khrid byas te/ 150 /yaHyig las skyes rnga mo mgyogs pa rlung ltar bgrod pa de la gtso bo'i gsung gis bsgrub bya ni/ /zhon pa rtse mo can dang g.yo ba'i dkyil 'khor ji srid nyid du rang bzhin gyis ni bskul bar bya/ /de ltar lha yi bdag po dag 
kyang nges par bskrad par 'gyur na mi rnams dag ni smos ci dgos/ /dbye ba la yang rnga mos dman zhing rtsod mang byas pa dag ni g.yas dang g.yon du bkri bar bya/ 151 /nyi zla'i dbus su laHzhes bya ba yongs gyur 'khor lo bzang po kha dog ser po bsgoms byas nas/ /de las 
byung ba zhal gcig pa ste mchog gi gser dang mtshungs pa phyag na lcags sgrog 'khor lo can/ /rus sbal la ni lha min gdan gyis gnas shing shin tu dal 'gro bsgrub bya'i khyim du bskul bar bya/ /bsgrub bya 'khor los 'jigs par byas nas sa la rab tu bsgyel te lcags 

</font><hr>77-1-93b<br><font size=+1>

sgrog gis ni rkang pa bcings/ 152 /dkyil 'khor du ni kun tu khrid cing rgyal ba'i bdag po'i bka' yis 'dzin ma la ni bsgyel byas nas/ /de yi steng du bsgrub bya'i lus la lhun po mchog gi gser gyi rang bzhin dgod bya rengs la ste/ /phur bus gdab pa'i don du tshigs drug la 
ni rdo rje'i rang bzhin phur bu rnams kyis gdab par bya/ /rmongs pa la yang sbrul rnams kyis ni kun tu za bar byed cing sa la 'gyel bar bsgom par bya/ 153 /nyi ma zla ba'i dbus su dri med glog dang mtshungs pa'i gri gug phreM gyi rang bzhin bsgoms byas nas/ /de las byung ba'i rab tu 
gtum mo 'jig dus sprin dang mtshungs pa phyag na gri gug thod pa can/ /rta yi dgra yi steng du g.yon pa brkyang zhing gos dang bral bar bsgrub bya'i khyim du bskul bar bya/ /bsgrub bya'i skra rnams dag las myur du bzung zhing de yis dkyil 'khor du ni gos kyis dman pa yang / 154 /
kun tu khrid de dpal ldan dur khrod dag tu rgyal ba'i bdag po'i bka' yis bya rgod bya rog dang / /ce spyang rnams kyis bsgrub bya'i yan lag kun las khrag 'thungs sha dang de bzhin du ni khams kun zos/ /de ltar ma lus pa ni rab mchog sa yi gzhi la bsgom par bya ste gsad pa 
dag la'o/ /bsam gtan 'di yis brgya byin dag kyang gshin rje'i grong khyer 'gro na mngal nas skyes pa smos ci dgos/ 155 /zhi dang rgyas pa la yang rigs kyi dbang gis chu yi sa bon las ni bsam gtan dkar por 'gyur/ /dbang dang dgug pa la yang dmar po lus ni sreg 
par byed pa me yi sa bon bdag nyid do/ /dbye ba dang ni bskrad pa la yang 'jig dus sprin dang mtshungs pa rlung gi sa bon bdag nyid do/ /rengs pa rnams ni phur bus gdab pa sogs la gser zhun dang mtshungs sa yi sa bon rang bzhin no/ 156 /stong pa'i sa bon las ni sngon po'i mdog 
dang ljang gur 'gyur te gsad dang gso ba dag la'o/ /sa yi zad par kun nas chu yi gter du 'gro ba la ste rlung gi zad par char pa ni/ /nyams pa'i don te me yi zad par dag kyang sa yi dkyil 'khor bzhu ba'i don te me dag kyang / /nyams pa'i don du chu yi zad par du 'gyur stong pa'i 

</font><hr>77-1-94a<br><font size=+1>

zad par mkha' la 'gro dang snang min la/ 157 /glang po'i bdag po gzhom pa la ni me yi sa bon nyid las gdong lnga pa yi bsam gtan 'gyur/ /klu yi dbang po gzhom pa la ni mkha' lding dkar po chu yi sa bon bdag nyid can du 'gyur/ /bse dang seng ge 
dag la rkang brgyad 'jig dus sprin dang mtshungs pa rlung gi sa bon bdag nyid can/ /rta yi dgra la bse zhes grags pa sa yi rigs kyi dbang gis lha min gzhom la khro bo skyes/ 158 /khyab bdag gi ni dpal ldan sngags dang sangs rgyas gzugs kyang rnal 'byor pa yis dang por bsgrub par bya/ /
phyi nas nyi ma'i dbye ba rnams kyis gnas pa yon tan dpag tu med pa'i las rnams 'grub par 'gyur/ /sngags dang gzugs brnyan ma grub par ni srid gsum gnas su ci yang 'grub par 'gyur ba nyid ma yin/ /de phyir rgyal po rang sems dri ma rnam par bral ba dag la sngags 
dang gzugs ni bsgrub par bya/ 159 /dpa' bo g.yul gyi dus su lhung bar gyur pa zhes pa 'am ni de bzhin chom rkun dpyangs pa dag /brgyad dang 'byung po'i mtshan mo mi yi bdag po ro bsreg sar ni bum pa brgyad kyis bkru bar bya/ /dri dang spos dang mar me dang ni rnam mang kha 
zas me tog dmar po rnams kyis rab mchod nas/ /mgo dang snying ga dang ni spyi bo lte ba la sogs su yang rdo rje dgod pa rab byas te/ 160 /thab khung zur gsum du ni rdul tshon dmar pos snying po'i pad+ma gang zhig mtshan mar bcas pa dang / /'dab mar rgyal rnams mtshan ma 
phyogs su phyogs bral du ni de bzhin lha mo rnams kyi rang mtshan ma/ /phyi rol re khA gsum la phyogs bcu'i dkyil 'khor du ni de bzhin khro bo'i mtshan ma rnams byas nas/ /de yi g.yas min du ni yi dgas lag pad ral gri dkyil 'khor las ni g.yas su rkang pa'o/ 161 /
sngar brjod ma mo'i skyon las rgyal ba'i bdag po'i rdo rje rnams kyis bdag nyid bsrung ba rab byas nas/ /sngags pas thab kyi g.yas su khrag dang bcas pa'i sha rnams dag gis sbyin sreg nyid ni rab byed pa/ /de yi sngags ni o~M hrIM phreM hU~M phaT kyi mtha' ste bcu yis bsgyur ba'i brgyar 

</font><hr>77-1-94b<br><font size=+1>

ni sbyin sreg bya/ /rdo rje skyil krung bcas nas 'chi med ri bo bzhin du g.yo ba med pa nyid du mtshan mo phyed/ 162 /sbyin sreg rdzogs na ro 'dzin ral gri lta bur 'khyug cing 'bar la mche ba rnon po mig gsum pa/ /gang zhig sgra sgrogs sa yang rkang pas rnam par 'gems shing sgrub pa 
po ni 'jigs par byed pa de/ /thab kyi mtha' ru gnas nas ka ha ka ha dgod par byed cing 'jigs pa'i lus kyis gar byed de/ /de mthong nas ni 'jigs pa'i sngags pa sems nyams skad cig gis ni gshin rje'i grong khyer 'gro bar 'gyur/ 163 /ro bsreg gnas su sngags pas dngos grub 
rgyur ni lha min dbang po las kyang 'jigs par mi bya ste/ /g.yo ba med pa'i sems mthong nas ni slar yang bsgrubs pa'i 'byung po'i mgon po 'di skad smra bar 'gyur/ /dpa' bo bzang po khyod kyis bdag ni grub bo mtha' dag smros shig da ni bdag gis ci zhig bgyi/ /de skad brjod 
na sgrub pa po yis gzhan gyi don du rang yid la 'dod don du gnyer bar bya/ 164 /ral gri reg pa bcud kyi dbang po bdud rtsi'i 'bras bu'i ril bu ro tsa na dang mig sman dang / /rkang pa byug dang shing lham dag dang 'jig rten pa yi dngos grub brgyad po khyod kyis bdag la stsol/ /dbye dang bskrad 
pa dang ni srid pa gzhom pa nyid dang rengs pa dang ni dgug pa dag dang dbang / /bdag gi dngos grub thams cad mdzod cig de yis slar yang 'di dag thams cad bdag gis bgyi'o smra/ 165 /'byung po'i dbang po bsgrubs nas mi yi bdag po sgrub pa po ni sa 'og dag dang bar snang dang / /lha 
yi mchog gi khang pa dang ni lhun po'i rtse dang rgya mtsho'i pha rol gang yin der 'gro ste/ /de la zhon pa phyag na ral gri thogs pas sa yi steng gi gnas su 'jig rten bya ba byed/ /de phyir sems can don gyi slad du mchog gi snying rje yis ni lha min dbang po bsgrub par bya/ 166 /ming gi dang po 
thugs kyi rdo rjer 'gyur te mi yi bdag po lha dang lha mo rnams kyi'o/ /gsung gi rdo rje ming gi yi ge thams cad de las lhag pa dag kyang sku yi rdo rje ste/ /de las yan lag so so'i sngags ni rnam pa mang por 'gyur te bklags pas grub pa brgya lam na/ /bsgom bya mchod bya bzlas bya rang 

</font><hr>77-1-95a<br><font size=+1>

gi rgyal ba'i rigs kyi dbang gis thugs gsung sku yi dbye bas so/ 167 /so sor sngags kyi rigs ni nges par bye ba bzlas par rab tu 'gyur te rab tu grags pa'o/ /sbyin sreg de las bcu yi cha shas rang bzhin yon tan dbang gis grub par 'gyur ba ji srid nyid/ /
phyi nas zhi ba la sogs rnams la 'bras bu ster bar rab 'gyur rnam pa gzhan du 'grub mi 'gyur/ /bsam gtan dang bcas bzlas dang sbyin sreg brtul zhugs nges ldan rnams kyi sngags kyi skye gnas sgrub par bya/ 168 /grub pa lcags gsum gyis bcings mkha' la 'gro ba'i 
sha yi ril bus mkha' la spyod pa nyid dag ster/ /khyi dang rta la sogs pa'i sgron ma rnams kyis lus la bkres skom la sogs nad rnams 'phrog par byed/ /de dag rnams kyi mig dang mkhris pa rnams kyis mi mchog rnams kyi mig sman sa ni rab 'byed dang / /mi snang ba dang 
dbang du bya ba na chung yid 'phrog dpal ldan dur khrod du ni bsgrubs pa'o/ 169 /nag po'i brgyad kyi mtshan mo dag gam yang na ma nu'i nyin zhag la ni dkyil 'khor bzhengs byas nas/ /bsrung ba dag kyang kun nas byas te de yi dbus su sha yi ril bu dag gam mig sman ni/ /byas nas 
shin tu dri bzangs me tog rnams kyis yang dag mchod de sngags kyi bzlas pa rab tu bya/ /ji srid mkha' la nyi ma bzhin du 'od zer 'phro ba'i bar te de nas blangs la gzung bar bya/ 170 /'tsho bar pho nya de ni 'tsho la nam mkha'i phyogs su gnas na sos zin 'chi ba thob par 'gyur/ /pho nya'i 
dri ba mi mnyam pa gang nges par bde ba'i 'bras ster mnyam pa 'chi ba ster bar brjod/ /pho nya sbrul la sogs pa'i ming dag rab tu brjod na de las sos zin 'chi ba thob par 'gyur/ /gal te srog ni rab tu 'jug la dris na dge bar 'gyur te 'byung ba la ni dge min 'gyur/ 171 /
pho nya'i rkang pa g.yon pa mdun na na chung mar brjod g.yas pa mdun du yin na skyes pa'o/ /lag pas rang gi yan lag dag la gang du reg pa'i phyogs 'dir mi de so yis zin pa ste/ /mig dang kha ni rab tu gdangs pa dag dang rna ba'i rtsa bar nag po yang ni 'chi bar 

</font><hr>77-1-95b<br><font size=+1>

brjod/ /gal te snying ga'i pad+ma dkar por sgra ni cung zad gyur na de ni rab tu bsdu bar bya/ 172 /dang por bsrung ba'i cho ga so yis zin pa dang ni bdag nyid la yang bde ba byed par 'gyur/ /sa chu me rlung de bzhin nam mkha' dag kyang mthe bo la sogs la ni nges par sbyar bar bya/ /
la la sogs pa ha yi mtha' rnams rim pas brla dang lto ba snying ga kha nang dpral ba la/ /hU~M k+ShU~M h+ya h+yAl sogs klu bcu mi mnyam mnyam pa thung ngu ring po'i rab tu dbye ba yis/ 173 /g.yon gyi lus la sa bon thung ngu rna ba mgrin pa la gnas mchan khung dku dang brla phyogs la/ /g.yas 
kyi lus la gdengs can rnams kyi ring po nyid du rab 'gyur spro dang bsdu ba'i dbye bas so/ /rgyal ba zhes grags sor mo shin tu mnyam pa'i 'dam bu sbrul gyi sa bon ldan pas bsrung byas nas/ /hu~M k+ShU~M ldan pas snying gar shin tu bsnun na myur du so yis zin pa bskyod par byed par 
'gyur/ 174 /sa yi sa bon dpral ba la ste mkha' skyes rkang par gnas pas myur du rengs par byed par 'gyur/ /spyi bor chu dang rtse mo can ni lto bar rab tu bcug na dug ni med pa nyid du 'gyur/ /dpral bar rlung gi sa bon dang ni snying gar rtse mo can gyis nges par dug ni 'pho ba 
ste/ /spyi bor stong pa rab tu zhugs zhing sa ni rkang par gnas pas nges par dug ni gcod par byed/ 175 /dpral bar thig le dkar po yis ni rnam pa gsum gyi dug kyang nges par dug ni med par byed/ /dmar pos bskyod cing nag po'i sprin dang mtshungs pas 'jug pa dang ni kha dog ser pos 
rengs par byed/ /tsha ba gsum po sbyar ba'i sdong bu srog ni rab tu 'bab par dug med byed la sbyar byas te/ /yang na kha ni rnam par phye ba'i lce'u chung la sor mo yis ni TaM ga Na sbyar bya/ 176 /dzA tI badzrI gzhon nu tsha ba gsum dang lan tshwa lang+ga lI dang de ba dA li dang / / /brah+mI k+ShA ro a shwa gan+d+ha nyin mor 
byed pa dang bcas ban d+ha kak+ko Ta ki dang / /bshang ba sha dang khu ba khrag ni mnyam pa dag kyang mi bskyod pas btags ril bu byas pa ni/ /sna ru bkod pas 'byung po 'am ni 'byung po rims dang brtan dang ltos 'gro'i dug ni nges par 'joms/ 177 /nyi ma la sogs gza' bdun dag ni nyin 

</font><hr>77-1-96a<br><font size=+1>

dang mtshan mo'i dus te bdun gyi cha yi mtha' ru ni/ /spen pa nyi ma'i dbus su stong pa rigs ldan ma dag 'chi gzugs chu tshod phyed ni rab tu rgyu/ /de la klu dang rtse bar mi bya rnam pa gsum po dag gi dug kyang bza' bar mi bya ste/ /de nyid la ni sbrul gyi sos zin 'byung 
pos btab dang mtshon gyis phug pa gshin rje'i grong khyer 'gro/ 178 /nyi ma gung dang mtshan mo phyed la nyin mtshan dus su rtag tu rgyu ba'i rab tu dbye ba dang / /tho rangs dag dang nyi ma nub pa la yang de bzhin du ni 'chi ba'i dus kyi chu tshod de/ /thun mtshams dbus su stong pa chu gter dag 
la rigs ldan dus kyis sos zin chu tshod gcig rab rgyu/ /'di dag sgra gcan gdong pa rnams su nyin zhag so so'i dus su yang dag par ni rig par bya/ 179 /nyi ma la ni mtha' yas longs spyod nyin dang mtshan mo'i dus su nyin mo'i dang po'i cha la'o/ /phyi nas lhag ma can te 'dir ni lto 
'phye rnams dag gza' bdun rab tu dbye bas 'char bar 'gyur/ /mkha' dus mkha' dang bug pa mkha' mda' mkha' dus mkha' nor mkha' ri mkha' me dag gi chu tshod rnams/ /nyi ma la sogs las kyang gdengs can nor rnams dag gi longs spyod longs spyod dbye bas dug tu 
'gyur/ 180 /mtha' yas rigs ldan zhes pa bram ze kha ba'i mdog ste nor rgyas bu dang dung skyong rgyal rigs dmar/ /pad+ma chen po dang ni de bzhin nyid du 'jog po rje rigs mchog gi gser dang mtshungs pa'o/ /stobs kyi rgyu dang pad+ma dmangs rigs sprin nag dang mtshungs mthar skyes dag ni kha 
dog sna tshogs so/ /de dag rnams kyi skye gnas dag kyang chu dang rtse mo can dang 'dzin ma rlung dang nam mkha'i khams/ 181 /mkha' lding zhes pa rkang pa nas ni dpyi mthar ser po de bzhin lte ba'i mtshams su kha ba'i mdog /mgrin pa'i bar du kha dog dmar po sprin nag dang mtshungs smin ma'i 'khri shing 
ji srid nyid du ste/ /de phyir nges par kha dog sna tshogs gdengs can rigs dang bcas pa de nyid lnga yis rgyas btab pa/ /bsgoms na de yi phyag rgyas gdengs can dug dang 'byung po'i nad la sogs pa dag kyang nges par 'phrog  182  /rang gi snying ga'i pad+ma dag la nyi ma'i steng du k+ShiM gyi yi ge 'dab chags 

</font><hr>77-1-96b<br><font size=+1>

mgon po ni/ /klu yi rgyan dang ldan zhing mtha' dag rigs kyi dbang gis kha dog lnga rnams 'phro ba bsgom par bya/ /de nas 'dab chags mgon po'i sngags ni dang por oM yig dag dang pa k+Shi swA hA'i mtha' can te/ /de ni bye ba phrag gcig bzlas nas gdengs can rigs dang bcas pa'i 'dab 
chags mgon po bsgrub par bya/ 183 /mkha' lding grub na gdengs can dbang po rnams dang gdengs can bdag po'i bu rnams mngag gzhug nyid du 'gyur/ /rab mchog sa yi steng du 'byung po gnod sbyin gdon rnams dag dang mkha' 'gro ma dang ma mo rnams/ /sngags kyis dgug par rab 
tu 'gyur te gdon gyi tshogs pa mtha' dag dus kyi sos zin rjod par byed/ /de phyir sems can don gyi slad du dang por mi rnams kyis ni mkha' lding dbang po bsgrub par bya/ 184 /rig byed dang ni 'dab brgyad nyid dang mi yi bdag po so dang chu gter drug dang gnyis skyes la/ /snying por bsgrub bya 
rang gi phyogs su dang por oM a zung ste i la sogs pa 'dab brgyad la/ /e ya la sogs bcu drug la ste ka sogs gsum gyis bsgyur ba'i bcu dang ha k+Sha gnyis skyes la/ /thun mtshams 'dab ma rnams la bsgrub bya tshes kyis bsgyur ba'i dus la la mtha' dbyangs dang bcas pa rnams/ 185 /
a sogs dbyangs ni re re dag gis chu srin bum pa'i dbang las ring po thung ngu dag kyang lnga/ /phyi rol 'dab ma sum cu gnyis la bdag gi snying po badzra tI k+Sh+Na la sogs yi ge rnams/ /de dag rnams kyi phyi rol du yang zhi sogs las la wa ya ra la dkyil 'khor rnams nyid do/ /snying por yi 
ge yan lag mchog dang rtse mo can dang g.yo bar rkang pa dbang dang dgug pa la/  186  /zhi ba sogs la snying por rkang pa dang ni me dang rlung du mgo bo sngags pas bri bar bya/ /zhi ba dang ni rgyas pa srid pa gzhom pa dag dang bskrad dang dgug dang dbang du bya ba dang / /rengs pa dang bcas rmongs pa dag 
kyang srid pa gsum gyi gnas su 'khor lo 'di ni byed de 'dir/ /sngags brjod bzlas pa sbyin sreg rnams kyis dang por badzra tI k+Sh+Na la sogs sngags chen bsgrub par bya/ 187 /rtsibs brgyad la ni phyogs dang phyogs bral du gnas bcu gnyis rtsibs dang bcu drug rtsibs la bar du yang / /bsgrub bya 

</font><hr>77-1-97a<br><font size=+1>

zur rnams su ste dbus su rab 'gyur ya ma rA dza sa do me ru Na las yo/ /de nas snying po'i rtsibs kyi dbus nas da ni ra ya k+She ts+tsha de nas mthar ni ni ru 'gyur/ /de yi phyi rol o~M hrIM Sh+TIM dang bi kr-i tA na na las rnam gnyis hU~M dang phaT du 'gyur/ 188 /re mig nas ni re mig bar 
la 'gyur te mi yi bdag po bsgrub bya'i ming dang sngags 'di'o/ /dbye dang gsad dang dbang la ya ma rA ni rab tu 'gyur te k+She da me do sa tsa sogs/ /rengs dang dgug dang rmongs pa dang ni stobs ni byed pa dag dang zhi ba dang ni bskrad pa la/ /der ni snying po ngag nas ya yig 'gro ste yon 
tan dbang gis phyi rol thams cad snga ma bzhin/ 189 /yi ge rnams kyi yan lag mchog las mdun du dbyangs kyis 'khyud pa dag ni ma ru rab tu 'gyur/ /yi ge rnams kyis sde mtha'i yi ge rdo rje rigs kyi dbang gis lnga pa ha~M dang sa~M du gsungs/ /thig le gnyis kyis dbyangs mchog 
sbyar ba la ni 'di yang bdag gis shes rab yi ge u ru 'gyur/ a~M muHha~M huHsa~M suHmany+dzuHnyid ni pad+ma nor 'dab la ste nyi ma'i 'dab ma la/ 190 /phyi rol du shrI badzra g+ho ShaHsa dang ldan pa'i man+ta b+ha dra hU~M dang phaT du 'gyur/ /bsgrub bya 'dir ni lte ba la ste che ge mo yang mdzod cig dpal ldan 
zhi ba sogs la bskul/ /de bzhin sngar brjod 'khor lo rnams dag la yang rtag tu bsgrub bya'i ming ni bri bar bya bar 'gyur/ /'di dag thams cad bdag gis drin las rgyal ba'i bdag po'i bka' yis mi rnams kyis ni 'grub par 'gyur/ 191 /sgra ni gang zhig snying ga'i phyogs 
na yod pa mi mchog rnams kyi rna ba'i bu gas thos gyur pa/ /de la mi yis sems ni gcig tu gyur par sbyar ba dag kyang ro ni mnyam par 'gyur ba ste/ /'jig rten kun du sgra ni gang zhig srid par skyes pas brjod pa de dang de ni de bzhin thos/ /khyab bdag gi ni rnam shes nyid dang 
ring du thos pa dag kyang rnal 'byor pa yis bsgom par bya/ 192 /skyil krung bcing ba byas nas phan tshun so dag reg pa min par kha ni rnam par phye ba yis/ /phyi rol rlung dag bkug ste de dang bdud rtsir bcas pa lte ba'i dbus su rab tu bcug pa yis/ /kun tu gdung pa dang ni bkres dang 

</font><hr>77-1-97b<br><font size=+1>

skom pa 'phrog cing mchog gi lus la dug kyang yang dag 'gog /dpral bar thig le dkar po dbyangs kyis yongs su bskor ba bdud rtsi spro bar byed pa yis kyang ngo / 193 /kha yang bkab ste sna yi bug pa gnyis ka dag nas phyi rol dag gi rlung ni ma lus pa/ /srog gi shugs kyis 
bkug ste dri ma med pa'i glog dang mtshungs pa thur sel rlung dang sbyar byas pa/ /dus kyis goms pa'i sbyor ba dag las zla ba nyi ma me yi dbus su ro ni mnyam par 'gyur/ /lus la zas la sogs pa dang ni bkres dang skom pa 'phrog ste 'chi ba med pa nyid kyang ster/ 194 /nyi ma 
las ni gzhan du phyogs te nyi 'od la gnas rang gi grib ma brtan pa'i mig gis blta/ /phyi nas nam mkha' dag la mngon par brtags na ro mnyam skyes bu du ba'i kha dog mthong bar 'gyur/ /zla ba drug tu goms pa'i sbyor ba dag las sa la gnas pa'i gter ni sa yi bu gar mthong / /
yang na shing gi grib mar rab tu zhugs te nam mkha'i mthil du thig le'i phreng ba bsgoms pas so/ 195 /nus ma gang zhig lte ba'i dbus nas gzhan gyi gnas su bcu gnyis mtha' dang cha yi mthar 'gro ba/ /de ni lte bar 'gog pa dang bcas dri med glog dang mtshungs pa dbyug pa'i gzugs 
can langs pa yang / /'khor lo nas ni 'khor lo'i bar du nges par dman zhing rol pa'i bgrod pas dbu ma'i rtsa la bskyod/ /ji srid gtsug tor bug par btsan thabs nyid kyis phyi rol gyi ni pags pa dag la khab bzhin reg 196 /de yi dus su thur du sel ba mchog gi btsan thabs nyid 
kyis steng gi lam du bskul bar bya/ /zung gi rlung dag 'gags pa na ni gtsug tor phug nas mchog gi grong khyer dag tu 'gro bar 'gyur/ /de ltar yid la rdo rje rab tu sad pas yul dang bcas pa mkha' la spyod pa nyid du 'gyur/ /mngon shes lnga yi rang bzhin du 'gyur slar yang 'di ni 
rnal 'byor pa rnams dag gi sna tshogs yum/ 197 /phyag rgya sgyu ma'i rjes su mthun pa yid dang nam mkha' la ni me long dag la gzugs bzhin te/ /'jig rten gsum po snang bar byed cing dri med glog dang mtshungs pa'i 'od zer du ma 'phro bar byed/ /phyi dang lus la dbyer med yul 

</font><hr>77-1-98a<br><font size=+1>

dang rnam par bral ba snang ba tsam ni mkha' la gnas pa yi/ /sems dang sems byung la ni bdag gis 'khyud de 'gro ba du ma'i gzugs kyis de ni gcig pu'o/ 198 /snying ni rnyog pa dang bcas las kyi phyag rgya 'di dag brtags pa'i ye shes phyag rgya gtang bya ste/ /
yang dag rdzogs pa'i byang chub slad du rgyal ba mchog gi skyed ma mchog gi phyag rgya gos pa med/ /rnam par 'gyur ba med cing mkha' mnyam mun bcom khyab byed rnal 'byor dag gis bgrod bya brtsegs par gnas/ /ye shes gzi brjid srid pa'i dri ma 'phrog cing dus kyi 'khor lo 
rjes su rig pa bsgom par bya/ 199 /srid gsum phra rab gzugs min 'dir ni rnam par shes pa de bzhin rnam par shes pa nyid med de/ /sangs rgyas shes rab gang du'ang gnas pa ma yin zhes pa'i tshig ni sangs rgyas pa rnams ston par 'gyur/ /gang gis 'gyur med dang bral mi 
rnams kyis ni stong pa nyid de bzung nas stong par lta byed pa/ /des na gtso bos gang zhig 'pho med lhan skyes lus kyi bde ba dag ni sngags kyi theg par bstan/ 200 /ba lang bse rta glang po'i mgon song mchod sbyin dus su lus kyi yul la khyod kyi dbang po ni/ /bde bar bzung 
bgyi gang de yul dang yul can rnams ni ye shes sbyor ba dag la 'gog pa ste/ /bslab ldan rnams kyi ba lang pags par so ma bal+li'i btung ba khrag dang bcas par gyur pa gang / /de ni spyi bo'i zla ba'i bdud rtsi b+ha ga'i rdul la gnas shing kun tu 'gro ba dga' ba'i gzugs/ 201 /
tshangs pa srog chags rnams kyi lus dang 'phrog byed ngag ste khyab 'jug kyang yid de dag rig byed gsum/ /\u0f00 yig de dag yi ge gsum ste zla nyi bsreg za de dag rnams dang yon tan rtsa gsum mo/ /rigs can lus kyi rigs la gzhan pa yul dang yon tan la gnas srid srung nA da'i 
gzugs can te/ /de yi dbus su gzhom med gang de yul dang rnam par bral zhing yon tan med pa'i 'gyur med do/ 202 /rig byed mtha' las gsang ba 'di dag tshangs pa yis ni rnal 'byor pa rnams dag la sngon brjod de/ /dus kyi shes pa rab nyams thub pa rnams kyis 'dir 

</font><hr>77-1-98b<br><font size=+1>

ni srog chags rnams la gsod pa dag kyang bstan/ /mi rnams mtho ris don du de la rab tu 'jug ste dmyal ba ngan pa'i 'bras bu ster bar 'gyur/ /sol ba 'o ma'i rgyun gyis mngon par bkrus pa 'dir ni zla ba'i mdog tu 'gar yang 'gyur ma yin/ 203 /sbyor ba med pa'i rig 
byed tshig ni dam tshig rnam par bral ba dag gis bslus pa'i mi rnams gang / /de rnams gzhan gyi bu ni mi skyed don du nyin mtshan dus su rang gi bud med bsrung byas nas/ /bu yis byin pa dag kyang yi dgas kyi ni 'jig rten du song pha yi sbyin par 'gyur ro lo/ /des na bde mnyam 'bras 
bu ster ba 'dod pa'i sbyin pa 'di ni gdug pa'i bram ze rnams kyis sbas/ 204 /gal te rigs kyi rta yis rgod ma bzang mo la ni rta mchog skyes bu gzhan du gyur pa na/ /dpal yang 'di yi mthu las slar yang 'gyur te bdag po yi ni rnyed pa dag kyang cis ma yin/ /gang gis chags pa can rnams 
nyin zhag so so'i dus su rang rang bud med dag ni srung bar byed/ /shi bar gyur na khyod su khyod kyi rang gi bud med su ste kye ma mi dge'i las kyis bcings/ 205 /ba lang sbyin dang sa gzhi sbyin pa de bzhin gzhan yang mi yi 'jig rten du ni longs spyod ster/ /sman dang kha zas sbyin pa dag ni mtha' 
dag nad 'phrog bkres pa dag ni skom pa dag kyang 'phrog /'dod pa'i sbyin pa thams cad du ni bde mnyam 'bras ster 'khor lo'i dus su smos kyang ci zhig dgos/ /yid 'ong chung ma sring mo skal bzangs bu mo rnams kyang gsang ba sbyin pa la ni rab sbyin bya/ 206 /smad 'tshong dam pa rnams kyi las 
kyi phyag rgyar 'gyur zhing gsang ba'i mi mo gzhan gyi bud med dam tshig ste/ /rang dbang chos kyi phyag rgya yul ni mang po la dga' rang gi chung ma ye shes phyag rgya'o/ /smad 'tshong dam pa bcu gnyis lo lon mchog gi bde ba la dga' gzhan gyi bud med bcu drug lo/ /rang dbang lo ni nyi shu 
lon pa bu mo dang bcas rang gi chung ma sum cu'i lo ru 'gyur/ 207 /sngon tshe sangs rgyas rnams kyi 'dzin ma dang ni glang chen rta dang shing rta du ma gser gyi khur/ /sangs rgyas nyid kyi slad du byin zhing slar yang mgo dang khrag dang sha rnams dag kyang rab tu byin/ /'di rnams kyis ni bzhed pa'i sangs 

</font><hr>77-1-99a<br><font size=+1>

rgyas nyid du ma gyur de nas 'dod pa'i sbyin pa rab tu byin/ /gsang ba'i sbyin pa de yis skyes bu rnams ni rgyal ba skyed byed rigs la sangs rgyas nyid du 'khrungs/ 208 /zangs ma yis ni gser dang mtshungs shing mching bu dum bus lha yi cod pan nor bu dag dang mtshungs/ /
smad 'tshong dam pa'i 'dod pa'i sbyin pas 'chi med rigs kyi bu mo pags pa dum bu gla rtsi ste/ /bong bu yis ni rigs kyi rta dang ra yis rab mchog glang chen bdag po gal te rnyed pa na/ /chung ma'i sbyin pas rgyal ba skyed mdzad rigs la lha mo de la 'di ni rnyed pa cis ma yin/ 209 /byams pa'i 
gnas la sbyin pa dag ni bde mnyam 'bras ster ma yin sems can mtshungs pa'i mthu las te/ /ltos pa dang bcas gnas la de bzhin rab mchog rgyal ba'i rigs la sems can bdud kyi rang bzhin phyir/ /snying rje dga' dang bcas pa'i gnas ni zung la gzhan gyi don du bde bar gshegs pa pa 
rnams kyis/ /rab tu byin na dman pa nyid dang mchog nyid phyir na tshogs gnyis rab rdzogs mi zad bde 'bras ster/ 210 /gang la rigs ni tshad mar gyur pa de la mi yi bdag po rig byed dag ni tshad mar 'gyur/ /gang la rig byed tshad mar gyur pa de la nges par sa gzhi'i gnas su mchod 
sbyin tshad ma ste/ /gang la mchod sbyin tshad ma de la rnam mang phyugs dang mi rnams dag la 'tshe ba tshad mar 'gyur/ /gang la 'tshe ba tshad mar gyur pa de la dmyal ba'i 'jigs pa byed pa'i sdig pa tshad ma'o/ 211 /gnas ni 'dzin pa'i don du bcom ldan 'das kyis dpal ldan gtsug lag khang gi 
rab gnas bzhed par gsungs/ /de la sman dang kha zas sbyin pa nad ni zhi bar byed pa sbyin pa po yis sbyin no zer/ /sbyin pa med na gtsug lag khang 'di sa yi steng gi gnas su dud 'gro rnams kyi gnas sa ste/ /gang du dge 'dun gcig ni 'dzin par gyur pa der ni mi yi bdag po chos dang 
sangs rgyas kyang / 212 /sangs rgyas chos dang dge 'dun la ni mi rnams thar pa'i slad du skyabs su nye bar 'gro ba ste/ /'dir ni sangs rgyas gtsug lag khang na gnas pa 'di dang yi ge bris pa'i glegs bam chos nyid dang / /dge 'dun ngur smrig 'dzin pa mchog gi khyab bdag bde ba skye ba 

</font><hr>77-1-99b<br><font size=+1>

'bum phrag rnams kyis ster ba min/ /slob dpon dag ni sangs rgyas nyid de rab mchog sa yi gzhi la chos ni de yi bstan pa'o/ 213 /dge 'dun gang zhig der gnas rab tu dga' ba'i snying dang sems can kun la rjes su brtse ba ste/ /de 'dir rnam bzhi rnam pa gnyis gsungs 
'dir ni slar yang nyan thos pa dang bla na med pa'o/ /dge slong rnams dang dge slong ma dang slar yang 'dir ni dge bsnyen chen po dag dang dge bsnyen ma/ /rnal 'byor ma dang rnal 'byor pa rnams lhan skyes bde ba la dga' dge bsnyen ma dang dge bsnyen yang / 214 /bsod nams ye shes 
don gyi slad du rtag par mchog tu 'dod pa'i sbyin pa rnam pa sna tshogs kyang / /nyan thos rnams la mchod ston la sogs rnal 'byor pa la mchog gi bde byed 'dod pa'i sbyin pa yang / /sbyin pa po gang rab tu dga' ba'i snying dang dus kun du ni chags pa'i sems kyis sbyin byed pa/ /de 
dag bsod nams ye shes rdzogs te mchog gi bde ba'i gnas su skye ba 'di la 'gro bar 'gyur/ 215 /slob dpon dang ni rgyal ba la yang mkhas pa min pa'i nyan thos gang dag gsal bar smod byed pa/ /de dag bgegs kyi mgon pos bsad de mchog tu 'jigs pa byed pa'i mnar med du ni myur 
du 'gro/ /gang la rab mchog rgyal ba'i bdag pos sngags kyi mthu rnams kyis ni rang nyid byin gyis brlab pa mdzad/ /mi rnams dag las dge slong su zhig brtul zhugs nges pa'i gnas la de dang tshangs par spyod pa mtshungs/ 216 /mchog gi bde ba la dga' dge slong dag gam kun tu rgyu 
dang gcer bu mgo zlum ral pa can/ /thos dang klog pa la dga' mkhas pa lam nyams thams cad byed po dang ni bdag tu zhen pa dang / /'dir ni rtag tu rang gzhan bu dang chung mar zhen dang bza' dang bza' ba min par zhen pa dang / /rigs dang rigs ni min pa la dga' snod dang snod 
min dag tu zhen pas dka' ba byed pa'o/ 217 /sangs rgyas zhing ni sangs rgyas dang bcas bde mnyam 'bras ster lus dang ngag dang yid dang chags pa ste/ /'di dag kun tu bor nas sdig pa'i blo yis khyab bdag gzhan pa dag kyang yang dag tshol byed de/ /zhing dang 'jug ngogs yul gzhan 

</font><hr>77-1-100a<br><font size=+1>

dag tu brtul zhugs nges pa brgya dang bsnyung gnas ri las mchong ba dang / /g.yul dang nyi ma gza' yis zin la yul gyi bde 'dod du ma'i mtshon dang me la mchong bas so/ 218 /bdud rnams dag gis khrag ni btung ba'i slad du 'di dag mtha' dag sngon gyi tshe yang 
bkod pa ste/ /'jug ngogs bsnyung gnas dag gis shi bar gyur dang g.yul du bsnun pa nyid dang ba lang nyi ma ni/ /grol ba'i don dang khyim dang nor gyi yul dang bram ze'i bya ba dag la shi ba mtho ris so/ /de yi phyir na rang dang gzhan gyi lus ni bde ba mnyam pa'i gnas 'di bsrung bar bya 
ba yin/ 219 /gang zhig rgyud kyi rgyal po las ni rgyal ba mchog gi spyod pa thos shing dbang ni blangs nas kyang / /slar yang phrag dog byed na de ni dmyal ba brgyad pa ji srid nyid du rab tu 'jug 'gyur te/ /gang la khab rtse'i sa la mi dge'i 'bras bu'i dbang gis dmyal ba rnams ni kun du rgyu bar 
byed/ /de phyir mi rnams sems la phrag dog yod kyi bar du dbang ni blang bar bya bar mi 'gyur ro/ 220 /rgyal ba skyed mdzad rigs la sbyin pa tshul khrims rab tu rdzogs dang bzod pa brtson 'grus rdzogs pa dang / /bsam gtan shes rab dang ni thabs dang smon lam dag dang stobs dang 
ye shes rdzogs pa chung ma yi/ /sbyin pa 'di yis myur du rab tu dga' ba'i yid can rnal 'byor pa yi skye ba 'di la ste/ /gang zhig rmongs pa'i mi de rnams kyis de la rjes su 'ching ba byas nas dmyal bar nye bar 'gro/ 221 /sa dang dpal 'byor slad du shin tu g.yo ba'i snying ldan sdar ma 
yis ni ral gri rnon po dag /bzung ste kun nas 'thab mo pa yis dkrigs pa'i yan lag bzhi ldan g.yul du rab tu zhugs pa na/ /glang chen tshogs pa mthong nas 'jigs pa de yi lag pa'i mthil nas ral gri dag ni lhung gyur pa/ /de la ral gri'i skyon du 'gyur ba ma yin ji lta 
de bzhin nyid du sngags kyi rigs kyi'o/ 222 /sngags dang dpa' bo'i rim pa yis kyang lha min gdengs can lha rnams drag po'i sa la bsgrub par bya/ /rang byin brlab pas lha mo dam tshig rigs la gnas rnams bsam gtan bzlas pa sbyin sreg dag gis kyang / /dag pa'i rim pas 

</font><hr>77-1-100b<br><font size=+1>

dbang ste sngags pa yis ni rgyun chad med par dga' ba chen po'i sems kyis so/ /ye shes yid bzhin nor bur gang zhig rab tu gyur pa de las kyang ni rgyal ba'i lam 'di'o/ 223 /me ni dngul chu'i dgra nyid yin te me dang rnam par bral na nam yang dngul chu 'ching ba med/ /ma 
bcings na ni gser byed med de gser dang bral na smra bo rnams la longs spyod med pa nyid/ /de bzhin bud med sbyor ba bral na rtag tu rnal 'byor pa rnams dag gi sems ni 'ching mi 'gyur/ /bcings pa med na lus 'bigs med de ma phug lus kyis 'dir ni lhan skyes bde ba ster 
ba min/ 224 /skyed mos tshal lam ri bo dag ni skye bo ri dgas bral bar zhi ba'i sngags rnams bsgrub par bya/ /drag po rnams ni drag po'i dur khrod du ste lha mchog gnas su rengs pa dang ni rmongs pa yang / /dbang dang dgug pa sngags pas mchog gi sa la bde ba phyag rgya kun dang 
rab tu sbyor ba la/ /gnas gzhan dang ni skye gnas gzhan du mi rnams kyi ni skye ba 'bum phrag gis kyang 'grub mi 'gyur/ 225 /khyim dang grong du bgrang phreng dag gis nyin dang mtshan mo'i dus su sngags kyi bzlas pa byas nas ni/ /ngal zhing rmongs te chags pa dang bral slar yang 'di ni 
sngags kyi dngos grub med pa rjod par byed/ /gnas dang stong pa dus dang mchog gi mtshan mo la gnas yang dag par ni shes pa min pa nyid/ /rkang pa'i sor mo rnams kyi nad la spyi bor sman rnams kyis ni rab tu byug pa byed pa bzhin/ 226 /bsam gtan dang ni sngags kyi bzlas 
pa byed pa dag dang dkyil 'khor chen po rnams dang gdan rnams dang / /sbyin sreg sngags kyi rab gnas rdul tshon la ni rgyal ba'i rigs rnams spyan drangs bskul ba med par yang / /bud med sbyor ba rnam par spangs nas rab mchog khyab bdag bde ba phyag rgya'i dngos grub ster 
bar byed/ /de phyir de ni nyin zhag so so'i dus su rnal 'byor pa yis thar pa'i slad du bsgom par bya/ 227 /rang gi sems ni brgyal dang gnyid la rab tu zhugs pa mi yi bdag po rang bzhin med par 'gyur/ /sad la rang bzhin dang bcas gsal bar byed de de dag srog chags rnams 

</font><hr>77-1-101a<br><font size=+1>

kyi thar pa'i lam ma yin/ /dngos dang dngos med kyis phye sems kyi rdo rje rnal 'byor pa rnams dag la bde mnyam ster ba min/ /gang zhig mkha' yi shes rab la 'khyud lhan skyes bde bar gnas pa'i rang sems de ni thar pa ster/ 228 /o~M AHhU~M ho rim 
par gnas pas dang por 'dir ni rtag tu chang ni sbyangs nas rtogs par bya/ /rab tu 'bar bar byas te ri bong can ni zhu ba bzhin du rim pas bsgom par byas nas ni/ /snod de nas ni thig le dag gis lag pad ri bong can gyi ming med rtse mos sa dag la/ /phyi rol tu ni zur gsum byas 
nas de yi dbus su nyin mor byed pa dang mtshungs zlum po'o/ 229 /de yi dbus su 'di yi ye shes 'khor lo srid gsum gnas pa dag kyang sngags pas bsgoms byas nas/ /mthe bo dang ni ming med dag gis nyin zhag so so'i dus su tshim par byed pa la sogs bya/ /yul dang grong gi 
bdag po rnams la thog mar 'dir ni gtor ma dang po dbus mtha'i ming gis te/ /'phrog ma la ni chang bu gnyis dang slar yang sngags pas khro bo'i rgyal po la ni gtor ma'o/ 230 /pho nya mo rnams dag la zas kyi phud ni sa steng rnams su bdag po rdo rje rnams kyis sbyin/ /'byung po rnams la 
zos pa'i lhag ma slar yang dge ba'i don du sbyin pa'i tshigs bcad 'di bklag go /mgo dang mgrin pa snying ga lte gsang gtsug tor du ni rang gi rdo rje rnams kyis yan lag dgod/ /gnyi ga'i rigs la gnas pa'i yan lag sgo rnams kyis ni gnyid kyi dus dang mchod dang 'khrig pa la/ 231 /
lha yi dmigs pa gang yin mngon sum dang ni rjes su dpag pa rnam pa gnyis su 'gyur ba ste/ /mngon sum dag ni de nyid sbyor bas mkha' la skar ma bzhin du du ma longs spyod rdzogs pa'i sku/ /mngon sum min na rjes su dpag pa shi ba'i lus bzhin de nyid min pa yis ni brtags pa gang / /
de ni ri mo sogs la blta bya yongs su ma smin blo can rnal 'byor rnams kyi bsgom pa'i don/ 232 /gzugs sam yang na dkyil 'khor dag kyang dang por bris sku la ni de nyid min pas bsgom par bya/ /nam mkha' la ni de nyid sbyor ba dag gis rang sems ma tshang med pa mtha' dag mthong gyur 

</font><hr>77-1-101b<br><font size=+1>

pa/ /lo yi phyed dang lo gcig bla ma'i nges pa'i dbang gis ji srid nyid du brtan par 'gyur gyi bar/ /de nas phyag rgya'i sbyor bas nyin zhag 'ga' zhig dag gis 'gyur ba med pa nyid du rab tu 'gyur/ 233 /rgyud kyi rgyal po thams cad las ni nges par rdo rje'i tshig 'di rnal 'byor pa rnams 
dag la gsungs/ /byis pa rnams ni smin par byed pa'i don du mchog gi snying rje dag gis sna tshogs gtso bos sbas/ /de phyir de ni dbye ba byas nas nyin zhag so so'i dus su rnal 'byor pa yis bsgom par bya/ /phyag rgya'i dngos grub don slad rgyal ba mchog gi skyed mdzad gzhom du 
med pa dus kyi 'khor lo'o/ 234 /dpal dang po'i sangs rgyas chen po las phyung ba dpal dus kyi 'khor lo las/ sgrub thabs kyi le'u ste bzhi ba'o// //gtso bo'i sgrub thabs rgyal ba mchog dang bcas pa gang zhig khyod kyis gsungs pa dag ni cung zad shes/ /slar 
yang bdag ni nyan par 'tshal lo lha mi'i bla ma khams kyi dbye ba rnams kyi dkyil 'khor dang / /sangs rgyas rnams dang rnal 'byor ma rnams dag gi rigs drug A li kA li dag la gnas pa nyid/ /zla ba bzang po'i tshig dag gsan nas rgyal ba'i bdag pos khams kyi dbye bas 
dkyil 'khor la sogs gsungs/ 1 /ka ba rnams dang rdo rje phreng ba sa yi dkyil 'khor rtsig pa nyid ni rus pa rnams kyis mdzod/ /sha khrag chu dang bshang ba rnams kyis lha dang gshin rje nor sbyin gzhan du rdul tshon gdab pa ste/ /mkhris pa bad kan gyis ni nyi ma ri bong can yang de bzhin chu 
rgyus rnams kyis chu skyes rnams/ /ra ba lnga yi re khA sa dang chu dang bsreg za rlung dang nam mkha' las skyes rnams kyis so/ 2 /dus kyi rtsa yis gtso bo'i chu skyes g.yo ba me yi dkyil 'khor la sogs pags pa la sogs kyis/ /nyi ma'i sgo rnams bug pa rnams kyis nor bu'i rang 
bzhin bkod pa so yi phreng bas de bzhin nyid/ /dur khrod brgyad du 'khor lo g.yo ba'i dkyil 'khor la gnas rnams ni sor mo rnams kyi sen mo yis/ /ba spu rnams kyis rdo rje me lce dkyil 'khor gyi ni mtha' ru phyogs 

</font><hr>77-1-102a<br><font size=+1>

dang phyogs bral dag la gnas/ 3 /de ltar nges par sku yi rdo rje mchog gi yon tan rnam mang dkyil 'khor gyi ni rnam par gsungs/ /gsung gi rdo rje a sogs ka sogs lha yi rnam pa nyid ni mtha' dag rgyal ba'i rigs rnams kyis/ /stong pa drug gi thugs kyi rdo rje rnam pa gsum gyi srid pa la gnas gtso bo'i rnam pa nyid/ /de 
bzhin du ni ye shes rdo rje srid pa'i 'jigs pa 'joms pa sna tshogs yum gyi rang bzhin no/ 4 /sde pa ka la sogs pa drug po rim pas yongs su bkod pa rnams kyi rigs ni rim pa yis/ /rdo rje ral gri rin chen 'khor lo chu skyes de bzhin gri gug nyid ni rgyal ba rnams kyi ste/ /slar 
yang sde pa re re la yang mtha' dag rgyal ba mchog gi dbye ba lnga rnams dag gis dbye/ /so sor yi ge'i dbye ba sa dang chu dang bsreg za rlung dang nam mkha'i dngos po dag las so/ 5 /dang por stong pa'i rab tu dbye ba dag kyang nga nya Na ma na dang Th+ka dang dang po'i dbyangs/ /rlung gi dbye ba i yig g+ha 
dz+ha D+ha b+ha d+ha sha rnams te me yi dbye ba r-i la sogs/ /chu yi dbye bas u yig wa kha tsha Tha pha tha wa ste sa yi dbye ba l-i la sogs/ /de ltar mchog gi rgyal ba'i rigs ni rnam pa lnga yi ka la sogs pa'i sde rnams rnam par phye/ 6 /gtsug tor stong pa lnga ste rigs gsum dag kyang de bzhin sku dang 
gsung dang thugs kyi rdo rje'o/ /a sogs phyag rgya'i rigs te ha ya ra wa la dang ldan pa'i ka sogs sde pa mtha' dag rnams/ /'jig rten snang byed dbyangs dang bcas pa'i ha ya ra wa lar ldan 'jig rten 'jig rten 'das pa'o/ /rig sngags 'chang gi dbang po mtha' dag tu 'gyur ka sogs 
sde pa brtsegs pa la gnas brgyad rnams so/ 7 /ka sogs yi ge sum cu ha ya ra wa lar ldan k+Sha dang bcas pa sum cu rtsa drug nyid/ /dbyangs kyi rnam par 'gyur bas phye ba ro yis bsgyur ba'i ro ni 'khor lo'i mgon po rnams su 'gyur/ /sku ni gcig pa nges par gcig gi 'khor dang 
bcas pa gnyis ni shes rab dag gis 'khyud par 'gyur/ /lnga yi bdag nyid lnga yis 'gyur te 'khor dang bcas pa dgu ni 'khor lo'i mgon po dgu bdag nyid/ 8 /dbyangs kyi grangs kyi bdag nyid bcu gsum dgu dang phyogs rnams kyis kyang sum cu rtsa drug bdag nyid de/ /ya la sogs 

</font><hr>77-1-102b<br><font size=+1>

pa rnams kyis sgo skyong mtha' dag tshogs kyi rigs ni lhag ma'i dbyangs rnams nyid kyis so/ /khro bo drug tu ha sogs kyis 'gyur rang rigs phyogs su gnas rnams rlung gi dbyangs sogs dbye ba yis/ /so sor yi ge'i dbye ba rnams kyis ro yis bsgyur ba'i ro ni rnal 'byor ma dang rnal 'byor 
rgyud/ 9 /de bzhin yi ge so so ro yis bsgyur ba'i ro yi dkyil 'khor la ni dkyil 'khor dbang po ste/ /phung po 'byung ba dbang po la sogs dbyangs kyi dbye bas mtha' dag tshogs kyi rigs ni sbyang bar bya/ /stong pa gzhom med la sogs mtha' dag rgyal ba'i rigs rnams kyis ni lha 
rnams brgya yis gdab pa ste/ /gtsug tor nas ni chu skyes mtha' ru mi mnyam mnyam pa'i rigs la 'khor lo'i dbus kyi gdan la'o/ 10 /rdo rje rnams kyis zhal gyi dbye bar 'gyur te rgyal ba'i bdag po'i phyag rnams dbyangs kyi dbye ba yis/ /de nyid rnams kyis phyag rgya'i 
rab tu dbye ba gzhan yang de bzhin sku yi rdo rje la sogs kyis/ /sum cu rtsa drug rnal 'byor rgyud ni dpag med yon tan yi ge du ma'i rab tu dbye ba can/ /yi ge so so'i ming can mnyam dang mi mnyam rigs la lha mo dang ni lha rnams dag gi'o/ 11 /sa bon gcig pu dpa' bo gcig pa 
rdul la ro mnyam pa ni shes rab dag gis 'khyud par 'gyur/ /phung po rnams kyis lnga yi bdag nyid sa yi khams sogs rnams kyis byin gyis brlabs pa dgu pa yang / /bshang lam la sogs dang ni mig la sogs pas yongs bskor 'di ni nyi shu rtsa lnga'i bdag nyid kyang / /de 
bzhin so ni rab tu skyes pa slar yang so rnams dag gis dbang phyug mtha' yas 'khor lo can/ 12 /dag par yang dag dag pa'i chu las ri bong 'dzin pa ltar dkar pad+ma'i mtshan ma 'od dpag med/ /nga rgyal 'jig rten dbang phyug rta yi shing rtas 'gro ma mA ma kI dang gzugs kyi rdo rje 
ma/ /drag mo chu gter tshogs kyi dbang po gnyis skyes gdengs can dang ni stag gdong ma dang 'ug par bcas/ /'di dag dpal ldan g.yon gyi zhal nas mchog gi snying rje yis ni rdo rje can gyis spros pa'o/ 13 /chos la yang dag dag pa'i rlung las phyag gi pad+ma ral gri don yod grub pa sgrol 

</font><hr>77-1-103a<br><font size=+1>

ma dang / /mkha' yi snying po reg bya rdo rje ma dang shin tu stobs bcas rartsi kA dang lcags sgrog ma/ /bden bral dang ni rlung zhes bya dang dmangs rigs klu dang de bzhin khyi gdong ma dang bya rog bcas/ /de dag nges par byams pa'i thugs kyis srid pa gsum 
gyi bdag pos shar gyi zhal nas spros pa'o/ 14 /longs spyod rdzogs par dag pa'i me las nyi ma 'char ka dang mtshungs rin chen 'dzin dang gos dkar mo/ /sa yi snying po rmugs byed dang ni ro mchog rdo rje ma dang phag mo gdong drug me yi lha/ /gdengs can dbang po rgyal rigs gnyis 
dang rab gsal khro gnyer can dang phag gdong ma dang bya rgod bcas/ /'di dag dpal ldan g.yas kyi zhal nas mchog gi dga' ba yis ni sna tshogs gtso bos spros pa'o/ 15 /lte bar yang dag dag pa'i sa las mchog gi gser dang mtshungs pa'i thub pa phyag na 'khor lo dang / /spyan ma 
dang ni rnam par sel ba rab mchog mi yi bdag po rengs byed dri yi rdo rje ma/ /'od zer can dang dbang mo brgya byin dus kyi gdong pa dang bcas rje rigs klu la sogs pa kun/ /gtso bo yis ni btang snyoms dag gis nub kyi zhal nas skye bo kun la phan rnams spros pa'o/ 16 /gtsug tor dag pa'i 
stong pa las ni phyag na mchog gi rdo rje mi bskyod dbyings kyi dbang phyug ma/ /gtsug tor dang ni chos kyi dbyings te nam mkha'i yon tan dbang gis phyag na rdo rje la sogs gzhan/ /gsang bar dag pa las ni mtha' dag bde mnyam ster rnams sgra yi rdo rje ma la sogs pa yang / /steng 
dang 'og tu yon tan mang po'i gnas rnams srog chags rnams kyi thar pa'i rgyu ru spros pa'o/ 17 /phyogs kyi 'dab mar spyan ma la sogs phyogs bral 'dab ma la gnas khrag gis gang ba'i thod pa ste/ /nyi ma'i steng du g.yon brkyang u ma dang bcas dbang phyug mnan zhing 'jig pa'i dus 
kyi sprin dang mtshungs/ /thod pa rnams kyis phreng ba bcings shing chu yi gter gyi zhal dang nyi ma'i phyag ldan he ru ka /phyag rgya sbrul dang stag gi pags pa mi bzad glang po'i bdag po'i pags pa rlon pa bshus pa 'dzin/ 18 /gnag dang dmar dang dri med ri bong can lus lha mo rnams kyi phyi 

</font><hr>77-1-103b<br><font size=+1>

rol du ni 'khor lo gsum/ /rdo rje drug ni khro bo las skyes phyag gnyis zla zhal rnams dang de bzhin 'byung po skyes rnams kyis/ /sgor ni gtum mo ro la gnas shing phyag na gri gug thod pa phyogs bral du yang nges par ro/ /dpa' bo rnams kyis rig byed phyag na rdo rje Da ma ru dang 
dril bu rdo rje kha T+wA~M ga/ 19 /dpal ldan lhun po'i phyogs brgyad du ni sa chu'i dkyil 'khor dag la gnas dang nye ba'i gnas kun te/ /zhing dang tshan+do ha dang 'dus pa can dang dur khrod sa ni me dang rlung gi dbus su yang / /de bzhin yul dang grong khyer la ni phyogs dang phyogs bral 
du gnas lha rnams rig par bya ba ste/ /shes rab rgyud kyi mngon par brjod pa srid pa gsum gyi bla mas shar gyi zhal nas spros pa'o/ 20 /snying por 'khor lo cha dgu pa ste dkyil 'khor las ni phyed kyi cha shas zla nyi pad+ma la/ /rdo rje ka ba'i phreng ba dag gis spras pa yang ni phung 
po khams kyi lhag pa'i lha chen po/ /phyi rol du ni ra ba'i rtsig pa dag la yul dang yul can zla ba nyi ma'i gdan la gnas/ /sgo skyong rnams ni nyi ma la gnas gzhan pa tshogs kyi rigs ni kha khyer dag la kun nas so/ 21 /'di la sogs pa la ni de bzhin rnal 'byor rgyud kyang 
'dus pa rnam pa drug tu gsungs pa ste/ /zur du khro bo rnams dang logs su yul dang yul can dza~M b+ha la ni phyag na so ba bsnams/ /ngag dang rkang lag bshang lam b+ha gnyi ma ri bong can rnams dus kyi rtsa yi rang bzhin te/ /shes rab dang ni thabs rnams mtha' dag zhal gsum ro 
yi phyag ldan g.yas kyi zhal nas spros pa'o/ 22 /snying por 'khor lo chu gter zung du 'gyur te mi yi bdag po dkyil 'khor las ni gsum gyi cha/ /phung po khams rnams lhag pa'i lha nyid slar yang 'phar ma gzhan la sgra yi rdo rje la sogs brgyad/ /phyi rol du gnas dkyil 'khor la ni 
phyogs bcur bkod pa nyi ma la gnas khro bo'i tshogs rnams te/ /der ni ra ba'i rtsig pa dag la dus la chu gter gyis bsnun byang chub sems dpa' mtha' dag rnams/ 23 /sgyu 'phrul dra ba dbye ba gsum ste zhal gsum ro yi phyag ni lha yi sku yi dbye ba las/ /rtog pa la sogs gang 

</font><hr>77-1-104a<br><font size=+1>

yin mtha' dag blun po'i snying gi dbang gis g.yon gyi zhal nas spros pa'o/ /rnal 'byor rjes su rig pa'i rgyud dang 'dir ni nyis 'gyur sdom pa chen po mkha' 'gro ma rnams kyi/ /'khor lo drug dang rigs drug mi bdag dur khrod sa rnams kyis ni nub kyi zhal 
nas spros pa'o/ 24 /thig ni drug dang bug pa'i cha shas g.yo ba'i dkyil 'khor la gnas rnams kyis dkyil 'khor thig btab nas/ /snying po las ni drug drug cha rnams kyis te pad+ma'i 'dab ma phyed kyis lte bar ldan pa yang / /gri gug 'khor lo chu skyes rin chen ral gri 
mchog gi rdo rje'i phreng ba gnyis gnyis cha rnams kyis/ /nyi ma rnams kyis sgo dang sgo khyud dus dang ro rnams kyis kyang kha khyer dang ni do shal sa/ 25 /gsum gyis kyang ni ra ba lnga yi re khA rtse mo can gyis do shal rtsa bar snam bu'o/ /nyi ma rnams kyis logs dang 'gram ste sum 'gyur nyin byed 
rnams kyis ka ba'i steng du rta babs so/ /phyogs dang phyogs bral dag tu sgo ni brgyad rnams bya ste dkyil 'khor chen po 'di ni zlum po'o/ /dbus su chu skyes sna tshogs mdog ste lte ba la ni nyi ma ri bong can dag sbyar ba'i gdan/ 26 /'khor lo dang ni phreng ba sngon po sa ni ljang gu dag dang sa gzhi 
nag po 'khor lo ser/ /sa gzhi dmar la 'khor lo dkar dang sa ni dkar po phreng bar bcas pa'i 'khor lo dmar po dang / /sa ni ser po sngon po dag dang 'khor lo dkar po min pa dang ni ljang gu'i mdog tu 'gyur/ /cha drug gis ni mtshon gyi sa ste skyed byed zhal gyi dbang gis sgo yi 
'khor lo de bzhin no/ 27 /phyi rol du ni brgyad gnyis dur khrod rnams te rigs kyi dbang gis de bzhin snying po'i lha mo brgyad/ /'dab ma la ni thod pa bdud rtsi'i ro dang ldan pa brgyad de 'dab ma brgyad la lha mo rnams/ /phyir ni sgeg mo la sogs lha mo phyogs dang phyogs bral du gnas de bzhin 
klu yi rgyal po brgyad/ /de yi phyi rol du ni sa chu me dang g.yo ba'i dkyil 'khor nyid dang rdo rje'i phreng ba'o/ 28 /ring po thung ngu'i dbyangs rnams kyis kyang sa ta pa Ta tsa ka sa sogs stong sogs yi ge rnams/ /rlung sogs rtsibs rnams la ni nyi ma'i rgyu ba'i dbang gis ring po sa sogs khams 

</font><hr>77-1-104b<br><font size=+1>

kyi rang bzhin rnams/ /steng sogs rtsibs la zla ba'i rgyu ba'i dbang gis thung ngu rang rang 'khor lo'i rtsibs kyi steng du'o/ /sgo dang sgo yi bar du ha k+Sha dang ldan nam mkha'i mthil na gnas pa'i sde par bcas pa rnams/ 29 /mkha' 'gro ma rnams thung ba'i dngos po ri bong 'dzin pa'i zhal dang 
phyag ni gri gug thod pa can/ /g.yas pa brkyang zhing rang rang snod rnams kyis ni lha min khrag 'thung skra grol gos dang bral ba ste/ /rkang pa rked pa dpral ba dang ni rna ba mgrin pa lag par g.yer ka sogs dang rus pa'i rgya/ /mgo dang rked pa'i ngos la thod pa'i dum bu rgyal ba 
rnams kyi kha dog lnga yi phreng ba'o/ 30 /mkha' 'gro zhal gnyis phyag na rdo rje mchog dang Da ma ru dang rdo rje kha T+wA~M ga dril bu/ /mgrin pa dpal ldan mgo phreng mgo bor cod pan la yang rdo rje dar dbyangs dang ni nor bu'o/ /dpal ldan mgul rgyan rkang la rkang gdub phyag la phyag gdub 
dang ni ska rags dag dang rna rgyan te/ /rdzogs pa'i thod pa rnams kyi phreng ba mche ba can gyi mtha' dag lus la gnas dang thal ba'i rgya/ 31 /gtso bo'i dbu la thod pa rnams kyis phreng ba mgrin par gdong brgya rnams kyis mgo yi phreng ba'o/ /zla phyed rdo rje'i cod pan la ste rang gi rked dang phyag 
gnas stag lpags glang po'i pags pa'o/ /zla nyi bsreg za'i dkyil 'khor la ni zhabs kyi rtsa bar bdud dang dbang ldan lus la thal ba ste/ /phyag rgya klu yi dbang po dang ldan 'jig dus rtse mo can mtshungs mkha' 'gro ma la 'o dag byed/ 32 /phyogs kyi 'dab mar mkha' 'gro rnams kyi lag 
pa Da ma ru dang rdo rje kha T+wA~M ga nyid de/ /bshang gci khrag dang mi sha rnams kyis phyogs bral 'dab ma la gnas khu ba'i snod kyang phyag na'o/ /de bzhin du ni lha mo brgyad kyang kun nas gnyi ga bde la snyoms par zhugs pa'i 'khor lo'o/ /ser dang dkar po dmar po'i mdog dang nag po 
ljang gu'i lus dang sngon po'i mdog rnams rang phyogs su/ 33 /rgyal ba skyed mdzad rigs la gtso bo'i kha dog mtshan ma rnams ni sngar bzhin spyan gsum dag gi tshogs/ /phan tshun du ni 'khyud pa dag kyang rang gzhan rigs kyi dbang gis rig par bya ste kun nas so/ /sbyin pa sogs dang 

</font><hr>77-1-105a<br><font size=+1>

phung po 'byung ba yul dang yul can gzhan yang dbang po lnga la sogs pa dang / /phyogs sa phyogs kyi stobs dang dpal ldan rgyal sras dbang rnams kyis kyang lha mo rnam par sbyang bar bya/ 34 /lhun po'i phyogs su dbye ba brgyad kyi phyogs dang phyogs bral du gnas 
gnas dang nye ba'i gnas kun dang / /zhing dang tshan+do ha dang 'dus pa dur khrod sa dang khyim ni rlung gi phyed kyi mtshams su ste/ /'di dag sangs rgyas sa ni nyi ma phra mo lus skyes mi dang 'byung po lha dang lha min dang / /nus dang gtso bo nyin gcig rigs ldan ma ni rnam par rgyu ste nyi zla'i 
rab tu rgyu ba las/ 35 /rgyab tu lha mo dbang byed thim pa zhes 'dir mdun du de nyid lnga yi rang bzhin rnams kyis te/ /rlung dang dbang ldan lha min me dang 'og dang mkha' dang lha dang gshin rje gnod sbyin nub tu yang / /gtsug tor snying ga'i phyogs dang mgrin pa mgo bo la gnas lte ba dang 
ni gsang ba'i 'khor lo la/ /'khor lo rtsibs brgyad 'og dang steng du nyin zhag so so'i chu srin nas ni dus sbyor gnyis gnyis bar/ 36 /gtso bo'i chu skyes rdo rje kun dang 'gyur med thig le rnams kyis rdo rje nor bu la gnas pa/ /kun nas dga' ba thams cad rdo rje can gyi bde ba mnyam pa'i 
gnas te dus ni thams cad do/ /zla ba zhu ba bla ma'i zhal de ru ni gang zhig zhugs pa dus kyi 'khor lo de nyid de/ /bdud rnams kyi ni dus su gsungs shing 'chi ba'i 'jigs byed mkha' 'gro ma yi 'khor lo 'di dag go/ 37 /shes rab thabs kyi yi ge dag gis gnyi ga'i rigs kyi dbang 
las mkha' 'gro ma dang mkha' 'gro'i ming / /rdo rje gsum po rkang pa gzhan dang bcas pas thog ma dbus dang mtha' mar phye ba bzlas bya ste/ /srog gis byin gyis brlabs pa gang zhig gnyi ga'i bgrod pa'i dbang gis rang rang las kyi rjes mthun pa'o/ /ro yi 'gro rnams la 
gnas mkha' 'gro ma dang rdo rje mkha' 'gro rnams ni myur du 'grub par 'gyur/ 38 /dbugs rnams gang dag skye ba'i dus su dbu ma la ni rkang pa dang bcas ro dang mngar gyur pa/ /de brgyad rnams kyis 'khor lor 'gyur te 'og dang mkha' yi dbang gis sgo yi dbus gnas lha mo rnams/ /

</font><hr>77-1-105b<br><font size=+1>

rkang pa gcig gis bskyed pa srid pa gsum gyi yum ste phyag na gri gug dang ni thod pa can/ /bdud rtsi bde ba'i cha yis 'khyud pa nyi ma zla ba'i steng du g.yas brkyang dus kyi 'khor lo'o/ 39 /lnga gsum me lce yul dang yon tan dbang gis zla ba nyi ma'i gdan rnams chu gter rkang pa las/ /
gza' bdun dang ni rdzogs pa nyi ma nyin mor byed dang ri bong can gyi gdan ni gzhan pa rnams/ /nag po dkar po'i rdzogs pa nyi ma nyin mor byed dang ri bong can gyi gdan ni gzhan rnams dang / /'di nyid la ni ri bo'i gza' rnams mnyam dang mi mnyam gnas la nyi ma zla ba'i gdan rnams 
so/ 40 /zla ba nyi ma'i rkang pa rtsibs rnams dang ni pad+ma'i 'dab ma sgo bzhi zur gyi ro rnams te/ /slar yang rkang pa nyis 'gyur de dag rnams ni nyin mor byed dang ri bong can gyi gdan rnams nyid/ /rdzogs pa gza' dang nyi ma'i rkang pa mnyam dang mi mnyam gnas la chu gter rkang pa gdan 
rnams te/ /nyi ma 'am ni gang ba'i zla ba la 'gyur rigs kyi dbang gis gtso bo yang na kha sbyor la/ 41 /rlung la reg bya'i zhal gcig dang ni yon tan gzhan gyis dbang gis rgyas gdab zhal ni gnyis pa'o/ /rtse mo can la gzugs dang reg bya'i zhal ni gnyis su 'gyur te rgyas 
gdab zhal ni gsum pa'o/ /chu la zhal yang reg bya dang ni gzugs dang ro yi zhal te rgyas gdab zhal ni bzhi pa'o/ /sa la dri la sogs pa reg bya'i mtha' yi yon tan zhal te rgyas gdab zhal ni lnga pa'o/ 42 /nam mkha' la ni zhal yang stong pa rnam pa lnga ste rgya yis gdab pa'i zhal 
ni drug pa'o/ /de bzhin du ni ye shes khams la 'gyur te yon tan dbang las stong pa drug gi zhal rnams so/ /gcig ni bzhi la bsres pa bde mnyam 'bras bu ster ba dag ste gnyis dang gsum ni bsres pa lnga/ /shes rab thabs ni zhal bcu yon tan rnam pa gsum gyi dbang gis 
zhal ni bcu gnyis rnam pa bzhi/ 43 /thun mtshams dbye bas rnam pa bzhi ste rnam pa gsum gyi zhal yang dus sbyor dbye bas kha dog gsum/ /dus sbyor phyed pa phyag gi dbye ba mi mnyam mnyam pa 'khyud pa dag kyang lus dang sems la ni/ /thun mtshams cha shas snga phyi las te 

</font><hr>77-1-106a<br><font size=+1>

zhal gsum ro yi phyag ni 'khyud pa dbu ma'i cha shas la/ /shes rab sbyor dang snyoms par zhugs pa dag kyang dgos pa la sogs rnams ni thun gyi mngon mtshams la'o/ 44 /shes rab yan lag dmar dang ser po la ni nges par dus kyi 'khor lo'i bsam pa rab tu 
'jug /rdo rje can gyi g.yon mdun yan lag dkar dang sprin nag mtshungs pa dag la shes rab bsam pa'o/ /mchog gi lus la shes rab bsam pas phye ba g.yon dang mdun gyi yan lag dag ni zhi bar 'gyur/ /drag po g.yas dang rgyab kyi yan lag mchog gi rgyal ba'i 
bdag po'i bsam pas phye ba de bzhin nyid/ 45 /shes rab kyis phye rgyal ba dag gi rab mchog tshogs kyi rigs ni gnyis kyi rang bzhin nyid du 'gyur/ /shes rab kyi ni gtso bos phye ba nges par phyogs bral du yang rnal 'byor ma yi tshogs nyid de/ /g.yas dang g.yas min nyi ma dang ni ri bong 
can gyi sku dag zung ste shar dang nub nyid kyang / /nag po ser po dag ste sngon po ljang gu dag kyang de bzhin mkha' dang sa 'og yang dag gnas/ 46 /dkar po rnams kyi shes rab dmar mo dmar po rnams kyi ri bong 'dzin pa ltar dkar de bzhin nyid/ /ser po rnams kyi kha dog nag mo dkar 
min rigs rnams kyi yang mchog gi gser dang mtshungs pa'o/ /sngon po rnams kyi kha dog sna tshogs slar yang ljang gu rnams kyi sngon mo rnams su de bzhin gsungs/ /de bzhin nges par lha mo rnams kyi rang rigs phyogs su gnas pa'i lha rnams dag tu rig par bya/ 47 /shes rab rgyud 
ni shar nas slar yang rnal 'byor rjes su rig pa nyid ni nub kyi zhal nas so/ /g.yas kyi zhal nas rgyal ba'i bdag pos rnal 'byor rgyud gsungs g.yon gyi zhal nas bya ba la sogs so/ /shar nas rnal 'byor spyod pa nyid de slar yang nub kyi zhal nas nges par dbu ma mtha' dag go/ /mdo 
sde pa ni g.yas kyi zhal nas gsungs te dkar po'i zhal nas dag pa'i bye brag smra ba'o/ 48 /nub kyi zhal nas nges brjod rig byed dang ni rgyal ba'i dbang pos g.yon gyi zhal nas mchod sbyin gsungs/ /g.yas kyi zhal nas snyan tshig rig byed mchog gi bsreg bya'i rigs la srid srung 

</font><hr>77-1-106b<br><font size=+1>

shar gyi zhal nas so/ /shar gyi zhal nas rigs can rgyud de slar yang nub kyi zhal nas mkha' lding dang ni 'byung po'i rgyud/ /g.yon gyi zhal nas zhi ba'i mtha' ste nyi ma 'char ka dang mtshungs g.yas pa nas ni khyab 'jug chos/ 49 /rgyab nas 'phral la ldog pa mchog tu dkar ba'i 
zhal nas g.yon gyi lha dang rab tu gnas pa ste/ /g.yas nas rig pa drag po min dang slar yang rlung gi zhal nas rlung skyes tshangs pa zhi ba dag /stong pa'i zhal nas stong pa dbang phyug dag ni srid gsum bdag pos 'jig rten pa yi don du spros/ /rdzogs ldan gsum ldan gnyis 
ldan dang ni gzhan pa rtsod dus rgyab kyi zhal la sogs pa'i dbye ba las/ 50 /de bzhin dpa' bo'i rim pa sogs dang nyi ma'i bgrod pa'i dbang gis thun mtshams bzhi po nyid dag dang / /kha zas dag ni g.yas kyi zhal nas mchog tu 'jigs pa dag kyang rgyab kyi zhal nas spros pa ste/ /
mdun gyi zhal nas 'khrig pa nyid do mchog tu dkar ba'i zhal nas rgyal po rmi lam dag dang gnyid/ /rgyab nas rje rigs gnyis skyes mi yi bdag po dang ni de bzhin dmangs rigs dag kyang rim pas 'gyur/ 51 /rgyal ba'i bdag pos mdun nas thams cad yod par smra ba gsungs 
te g.yas nas mang pos bkur ba'o/ /rgyab kyi zhal nas gnas brtan pa ste slar yang dge 'dun phal chen pa ni g.yon gyi zhal nas so/ /mdun gyi zhal nas mi rnams dang ni slar yang rgyab kyi zhal nas dud 'gro rnams ni nges par spros/ /g.yas kyi zhal nas 'byung po lha rnams 
mchog tu dkar ba'i zhal nas dmyal ba rnams dang lha min rnams/ 52 /mdun gyi zhal nas spros pa dag kyang snying ga'i 'khor lo nas 'gyur rgyab zhal lte ba'i 'khor lo nas/ /g.yas kyi zhal nas longs spyod rdzogs pa nas 'gyur kun tu g.yon gyi zhal nas lhan cig skyes pa nas/ /
'khor lo rnams kyi zhal gyi dbus nas lus la dngos po spro ba dang ni sdud pa nyid du 'gyur/ /'jig rten gsum po mtha' dag rnams kyang rgyal ba skyed byed zhal gyi dbye ba rnams kyis yang dag go/ 53 /dpal ldan zla ba zla ba chu shel rnam par rtog pa med pa'i rang bzhin las ni chu 'byung ba/ /

</font><hr>77-1-107a<br><font size=+1>

de bzhin 'jig rten du ni rgyal ba'i bdag po'i phung po la brten thams cad mkhyen pa'i chos 'dzag ste/ /chu ni sa bon khams la kun tu brten nas ro mnyam 'gyur ba ji bzhin nyid du chos dag ni/ /sems can rnams kyi dag pa'i sems kyis rnam pa mang 
por 'gyur te sngon gyi las kyi mthu las so/ 54 /srid gsum gnas na sems can don gyi byed po dang ni yid bzhin nor bu la yang bsam pa med/ /sems la gnas te mi dge 'bras bu'i dbang gis sdig pa'i las can sems can rnams kyis mi mthong ste/ /yid bzhin nor 
bu'i skyon min mi dge ba dang dge ba'i 'bras bu sems can thams cad rab tu spyod/ /sems ni dag na mi de yang ni rgyal ba'i dbang por 'gyur te rgyal ba gzhan gyis ci zhig bya/ 55/ gang gis myu gu 'di skyed skyed par byed pa de ni dngos po skyes nas rnam par nyams par 'gyur/ /nyams pa 
de yis skyes par rab tu 'gyur te slar yang sa bon rgyal po dag gi skyed byed do/ /snga ma gang de gzhan gyi dngos las shi ba zhes pa'i tshig ste rang gi ngo bos skyes pa min/ /gang gis stong pa nas ni sa la 'ongs pa bde ba'i skad cig de yis stobs bcu 'gro bar 'gyur/ 56 /bde nas bde la rjes 
chags skad cig 'dir ni lhan skyes dngos po gzhan la rjes su chags pa min/ /phung po gang dag de yis bskyed rnams slar yang bde ba'i skad cig de yis skyed par byed pa ste/ /dag pa las chos de las gzhan te slar yang de las gzhan dang de las rnam par dag pa'o/ /dag pa'i sa la sa 
bon btab pa las ni rtsa ba rnams dang lo ma me tog 'bras bu bzhin/ 57 /sa dang chu dang me dang rlung dang ro dang mchog gi ro ste phra rab dag ni rnam pa drug /dri la sogs pa re res dman zhing yul dang rnam par bral ba mtha' ma ye shes blta bya rnams/ /'dod pa gzugs dang gzugs med 
rnams ni zung dang zung dang ri bong can te mtha' ma chos kyi dbyings/ /rnam pa kun ldan de dag kun nas rtag tu 'pho med bde ba lhan skyes rten du gyur pa'o/ 58 /slar yang sa sogs khams la phan tshun du ni gtso bo'i dngos po dag la chung ba'i dngos rnams gnas/ /phan tshun phung po 'byung ba 

</font><hr>77-1-107b<br><font size=+1>

dang ni yul dang yul can rnams dang phan tshun bdud dang ma rig pa/ /phan tshun rjes chags lnga ni ro yi 'gro rnams la gnas sdug bsngal dang ni bde ba'i skad cig gi/ /rnam pa thams cad pa rnams kun nas gzhan gyi yon tan mi dga' mi phyed rdo rje yang dag gnas/ 59 /de dag 
rnams kyi dus kyi 'khor lo rdzu 'phrul rab tu gsal byed chen po du ma sprul pa'i sku/ /rdo rje 'bar ba 'phro ba rnams kyis 'dod pa'i khams na gnas pa lha min dang ni mi rnams dang / /longs spyod rdzogs pas gzugs can rnams dang mkha' la rgyal ba'i sras sogs dgra bcom rnams 
la chos sku yis/ /stong pa'i cha yis srid gsum mtha' dag stong pa'i zad par rlung rnams kyis ni rlung gi zad par te/ 60 /me yi cha shas rnams kyis me yi zad par chu yang 'gro la spros pa'i chu yi cha rnams kyis/ /'dzin ma'i cha shas rnams kyis sa yi zad par tshogs pa'i yul rnams 
kyis ni dngos po'i rang bzhin kun/ /kun nas nam mkha' dag dang mtshungs pa gcig gi bdag nyid 'di ni dag pa'i sa la ston par byed/ /de ltar sangs rgyas skur 'gyur bde ba gcig pu'i rang bzhin phyir na 'chi bar yang ni mi 'gyur ro/ 61 /de gcig pu las rnam pa lnga ste mtha' dag 
rgyal ba mchog rnams kyis ni mngon rdzogs byang chub 'di/ /rnam pa nyi shu'i rang bzhin dang ni slar yang de nas sgyu 'phrul du ma'i rang gi ngo bo'o/ /de yi skad cig gcig ni bde mnyam 'bras bu ster bar 'gyur te las gzhan gyi ni rang bzhin min/ /'dir thabs 'pho med skad cig gang yin 
'dir ni lhan skyes chos kyi dbyings su rab tu zhugs pa la'o/ 62 /mtha' yas sangs rgyas zhing rnams dang ni dpag med yon tan rnams dang nam mkha' la sogs khams rnams dang / /gnas dang skye dang nyams pa rnam gsum zhes pa'i srid pa dang ni 'gro ba drug tu sems can kun/ /sangs 
rgyas khro bo lha sogs rnams dang snying rje'i thugs ldan byang chub sems dpa' btsun mor bcas rnams te/ /'di dag rnams ni srid pa gsum gyis phyag byas rgyal ba bde 'byung gcig pu'i 'khor lo gcig yin no/ 63 /spu dang pags pa sha khrag ro dang bcas pa dag kyang de bzhin rus pa dang 

</font><hr>77-1-108a<br><font size=+1>

ni rkang dang rtsa/ /de dag rnams la srog sogs rlung ste kun nas rlung gi dbus su nyi ma zla ba'i bgrod pa'o/ /zla ba'i dbus su dri med nor bu bzhin du dngos po kun gyis 'khyud pa'i rnam par shes pa ste/ /de ni dngos dang dngos med gnyis med nyid dang mchog gi 
bdud rtsi'i go 'phang khyab byed gzhom med do/ 64 /spu la sogs pa zla ba'i mtha' ni mtha' dag lus la gnas rnams gang zhig sa bcur gsungs pa rnams/ /sde pa drug dang la sogs gzhan rnams de dag dus kun rnal 'byor rnams la bde mnyam 'bras bu ster/ /de phyir bla 
ma'i zhabs la gnas pa'i rnal 'byor pa rnams kyis ni thar pa'i slad du btsal bar bya/ /lus las ma gtogs gang zhig khyab byed thar pa ster ba'i sangs rgyas gzhan ni 'ga' yang yod pa min/ 65 /sems can rnams ni sangs rgyas yin te sangs rgyas chen po gzhan 'dir 'jig rten 
khams na yod ma yin/ /de rnams mnyes par byas pas dpag med srid pa gcod par byed de rnam par mi rtog pa las so/ /rnal 'byor pa ni 'khu bar byed na dmyal ba ngu 'bod la sogs chen po'i mtha' ru 'gro bar 'gyur/ /de phyir sems ni dag pa na yang mkhas dang mi mkhas skye bo 
rnams la 'gal ba mi bya'o/ 66 /sems can dag dang 'grogs pa thob nas mi yi bdag po dag pa'i byams pa la sogs sems su 'gyur/ /mi dge'i yon tan dang ldan 'khor ba pa ni drug po rnams kyi zhe sdang chags sogs sems su 'gyur/ /dus kun tu ni byang chub sems 
kyang 'gro ba dang ni 'gro bar 'dod pa rnam pa gnyis su 'gyur/ /thar par 'jug pas dman zhing smod pa rnam par spangs pa dag ni thams cad dus su bdud kyi sems/ 67 /srid pa gsum gyi gnas su bdud rnams zhi ba min pa dang ni byang chub sems dpa' zhi ba byed/ /bdud kyi dbang po 
rdzu 'phrul gyis dman mchog tu 'jigs byed yin te ston pa gcig pu rdzu 'phrul ldan/ /bdud rnams kyi ni bdud kyi blo dang skyob pa rnams kyi bde ba'i blo gros gzhan gyi snying la 'jug /de phyir sangs rgyas mthu rnams kyis ni srid pa gsum po mtha' dag mtha' yas dus su 'jug 

</font><hr>77-1-108b<br><font size=+1>

par 'gyur/ 68 /rgyal ba rnams kyis 'jig rten khams la tshad gsungs gang yin de yang mi rnams ye shes nyid ma yin/ /sangs rgyas rnams la lhan skyes lus kyi dbang gis khru ni gcig dang du ma dag gi tshad med de/ /las kyi sar ni srog chags rnams la sems can rjes 
mthun tshad dag rtag tu rab tu gsal bar byed/ /gal te tshad 'di bdag gi 'dod pa brjod na lha rnams kyis 'di med pa pa zhes brjod par 'gyur/ 69 /gang gi rgyal ba'i dbang po skyed cing nyin zhag so so'i dbang las gang gis mngal nas nges par 'byung / /skad cig gang 
gis 'gyur ba dag dang rnam par bral ba grub cing g.yo ba g.yo ba med gyur pa/ /sangs rgyas bya ba de spangs nas ni bde mnyam dang bral stong pa gzhan dag gang zhig sgom byed pa/ /de yi bskal pa bye ba du ma rnams kyis sangs rgyas nyid dang lhan skyes bde ba dag kyang ring / 70 /
nim pa'i shing las rgun 'brum min te dug las bdud rtsi dang ni tshangs pa'i shing las 'dam skyes dang / /stong pa las ni myang 'das bde ba mi dge'i dbang las dge ba srog chags gsod las grub pa rnams/ /mchod sbyin dag las phyugs rnams mtho ris mchog tu zhi ba'i go 'phang 
dbang po rnams ni 'gog las min/ /rig byed las ni kun mkhyen gsung dang 'gyur med bde ba g.yo med 'gyur ba ma dag sems las min/ 71 /sems can rnams kyi sdig pa'i sems ni mi yi bdag po bdud kyi tshogs kyis byin gyis brlabs par 'gyur/ /bsod nams ye shes 
rjes chags bde ster dag kyang rtag tu byang chub sems dpa' rnams kyis byin brlabs pa'o/ /gang phyir bde ba'i dam tshig dbang gis bdud dang nyon mongs bcom nas mya ngan 'das par 'gro byed pa/ /de phyir bdud rnams nyi ma so so'i dus su de dag rnams la du ma yis ni bgegs 
rnams byed/ 72 /rgyal ba'i lhan skyes bde ba 'di ni 'phel ba'i don slad dang por las kyi phyag rgya bsten par bya/ /de nas nyi ma'i gzugs ni lus dang gdong dang rkang pa gtsug tor yan lag thams cad rdzogs pa ste/ /glog gi dbyug pa'i rjes mthun 'pho med bde ba skyed par byed ma 

</font><hr>77-1-109a<br><font size=+1>

mtshan nyid yan lag rab tu rdzogs/ /rdo rje rnams kyis rab tu snang bar byed ma srid gsum gnas lus chos kyi dbyings ni de nas 'gyur/ 73 /'gyur ba med pa'i bde ba'i 'bras ster phyag rgya bzhi po 'di rnams grong dang 'brog dgon dur khrod dang / /mi gtsang ba 
dang gtsang ba'i gnas dang khyim dang lha yi khang pa thams cad du ni dus kun tu/ /shin tu dga' ba'i dga' ba la gnas 'jig rten lam las rab grol rigs dang rigs min mngon spyod cing / /lus stobs bde ster bza' ba btung ba la sogs longs spyod dang ldan rnal 'byor rnams 
kyis bsgom par bya/ 74 /rlung ni yang dag phrad pa rnams kyis glog gi me yi rtse mos spyi bo'i zla ba zhu bar byed/ /thig le gang gang zhu ba 'di las mgrin pa snying ga la son lte ba gsang ba dag la 'gog /thig le las ni g.yo ba'i khu ba rdo rje nor bu la gnas rgyal mtshan rtse la 'gog pa gang / /
de ni shes rab ye shes skad cig gal te thig le'i phreng ba 'pho ba med pas bde ster na'o/ 75 /de phyir g.yo med bde ba'i skad cig lhan cig skyes pa 'dir ni chos kyi dbyings kyis ster byed do/ /srog gis ro yi 'gro ba rnams la gnas pa thams cad bkug cing nyon mongs bdud rnams bcom byas 
nas/ /rdzu 'phrul kun mkhyen sa dang srid gsum bla ma nyid ni rnal 'byor rnams kyi skye ba 'di las te/ /gal te lam du rab zhugs shi bar 'gyur na de tshe de yi 'dzin pas skye ba gzhan la'o/ 76 /gang zhig yon tan med cing dngos chung yul dang rnam bral de ni sku yi phyag rgya rnam pa gnyis/ /
de nas chags pa rjes chags dang ni yon tan gter gzhan dag kyang gsung gi rang bzhin rnam pa gnyis/ /gnag dang dkar la rjes chags yul gyi yon tan la dga' thugs kyi phyag rgya rnam pa gnyis 'gyur te/ /brgyad dang gnyis dang lnga dang lnga dang gsal bar mkha' dus dang ni 
stong pa rig byed dag gi lo/ 77 /rin chen dbang po mi 'byung bar du rgyal ba mchog skyed ma ni rnal 'byor pa yis bsrung bar bya/ /rin chen dbang po rab tu 'byung ba'i dus su mtha' dag yon tan gter gyi dkyil 'khor bzhengs byas nas/ /sangs rgyas byin brlabs sngags rnams 

</font><hr>77-1-109b<br><font size=+1>

kyis ni gsang ba'i pad+mar bde mnyam sngags dang bcas pa spro bya ste/ /gsang bar bsrung ba rab tu byas nas rdo rje nor bu la gnas byang chub sems ni myang bar bya/ 78 /de la gang zhig bu ru gyur pa rgyal ba skyed byed sras po de ni 'jam pa'i rdo rje nyid/ /shes rab lhag pa las ni 'ga' 
zhig tshe na bu mor 'gyur te nges par sangs rgyas yum du 'gyur/ /de nas gzhan ma me tog gsum gyi pad+ma dkar 'dzin dza~M b+ha la dang phyag na rdo rje ste/ /me tog brgyad kyis gzhan brgyad phyogs dang phyogs bral du gnas rdzu 'phrul tshad ldan khro bo'i rgyal po rnams/ 79 /zla ba de la rdul gang 
rab tu byung ba de ni slar yang 'jam dbyangs rab tu skyed pa ste/ /lo ni nyi shu dag gi bar du so so'i rdul la byang chub sems dpa' snying stobs chen po ste/ /de nas stong pa dang ni rig byed bar du cung zad snying stobs cha shas dman par rab tu 'gyur/ /slar yang lo ni nyi shu'i bar du de bas 
kyang ni snying stobs chung zhing brtson 'grus chung ba'o/ 80 /de nas skye gnas la ni rdul med yul ni rab tu bcom pa'o de nyams pa las dbang ma yin/ /'on kyang sa bon nyams pa la ni shes rab dbang bskur rgyal ba'i dbang po'i gsung gis sbyin par bya/ /de dag rnams kyi sa chu me rlung nam mkha'i 
yon tan rgyal ba'i yan lag dag gis btsal bar bya/ /byang chub sems kyi bsnyen pa 'di ni sems can don gyi byed pa mo ste 'bras bu mang por 'gyur/ 81 /gang zhig khrag ni 'thung byed rab mchog lha mi rnams kyi sbrang bu de ni bdud rtsi gcig pu ste/ /skyugs pa snying ga gsang ba'i kha nas 
rdo rje nor bu la gnas chu skyes nang du rab zhugs min/ /bshang ba gci ba khrag dang sha ni mchog tu ro mnyam skyugs pa'i dbus su rab tu zhugs pa ste/ /'di dag rnams ni ye shes bdud rtsi srid pa gsum gyi bla ma yis kyang rgyud rnams kun tu bstan/ 82 /shes rab chos 'byung la ni gang 
zhig lhung ba'i bde ba dag kyang rab tu 'bad pas bsrung bar bya/ /de yis sems can gang dag su zhig byung ba de ni rgyal ba'i rigs la byang chub sems dpa' nyid/ /de phyir de ni nyin zhag so so'i dus su bdud kyi pho nya srin po rnams kyis za ru 'jug /shes rab me tog dang ldan zos pa zhi ba 

</font><hr>77-1-110a<br><font size=+1>

bde ba'i 'bras bu ster bar ston du 'jug par byed/ 83 /mchog gi bde ba la gnas rdo rje ma 'khums nyid kyi bar du chu skyes las ni dbyung mi bya/ /gang tshe 'dod pa grub pa de yi tshe na 'di ni sangs rgyas byin gyis brlabs par rab tu 'gyur/ /rdo rje chu skyes dag nas gzhug bya 
rang gi rdo rje'i snying gar ye shes 'khor lo rab bcug ste/ /'di yis 'od zer rnams kyis gnyi ga'i lus ni gang bar byas nas rnam pa thams cad pa nyid byed/ 84 /gal te 'di ni grub par ma gyur rdo rje nor bu la ni yang dag gnas pa bza' bar bya/ /shes rab kyi ni chos 'byung gnas la 
mtha' dag rgyal ba'i rigs ni bsrung ba'i don du dgod par bya/ /shes rab ldan pa la'o de nas gcig pu la ste slar yang gsung ni rab gsungs sangs rgyas sku/ /gang su 'di ni nyams la mngon par dga' byed g.yon can de ni rdo rje can gyis gsod par byed/ 85 /srid pa gsum gyi bdag pos 
drag po'i las kyi rang bzhin du ma'i sngags rnams rab tu gsungs pa gang / /de dag thams cad bdud kyi phyogs nyams 'jigs pa skyed byed srog chags rnams la nam yang ma yin no/ /gang zhig dran pa rnams kyi byed po g.yul gyi yul la dga' zhing gsod byed gzhan yang mu stegs pa/ /de 
rnams la ni mchog gi rgyal sras rnams kyis srog chags bsrung ba'i don du de dag sbyar bar bya/ 86 /mkha' 'gro rdo rje sngon rnams phyugs kyi skye bo gsod la sangs rgyas pa yis gsol ba gdab mi bya/ /sems can rnams ni bsrung ba'i don du srid pa gsum gyi bla mas 'jig rten khams su spros pa ste/ /de 
phyir de rnams nyin zhag so so'i dus su srung bar byed cing sgrub pa po la sdang bar byed/ /bsgrub bya dag ni las kyi mthu yis shi bar gyur na 'di ni sgrub pa po yi bdud yin no/ 87 /skyes bu rnams kyi sems ni kun nas mi dge'i 'bras bu'i dbang gis phran tshegs rig pa la rjes chags/ /rig pa 'di 
yis srid pa gsum po mtha' dag skad cig gis ni bdag gi dbang du byed pa'o/ /zhes pa'i bsam pa brkam chags sems kyi ye shes sbyin pa rnam par spangs nas dmyal bar rab tu 'jug /rgyab tu rdzas dang rang gi khyim thab gzhan gyi dbang 'gyur kye ma ngan pa'i chos la rab tu 'jug 88 /

</font><hr>77-1-110b<br><font size=+1>

shes rab ma yin thabs kyang min pa 'di ni lhan cig skyes pa'i sku ste chos kyi skur gyur pa/ /shes rab thabs kyi rang bzhin nges par mun pa dang bral ye shes dang ni rnam shes dbye ba las/ /'di ni longs spyod rdzogs pa'i sku ste sgra brnyan lta bu sems can du ma'i don ni byed pa po/ /sems 
can rnams ni smin pa'i slad du slar yang 'di ni sangs rgyas rnams kyi sprul pa'i sku ru 'gyur/ 89 /rdo rje sems dpa' gcig pu 'di ni dus mtha'i sprin dang mtshungs pa he ru kar ni byung bar gyur/ /gdug pa rnams ni smin pa'i don te de yang dam tshig rgyal ba rmongs pa rnams ni bde ba'i don/ /rin chen 
dbang po sdug bsngal ldan pa rnams kyi de yang pad 'dzin chags can rnams kyi chags pa'i slad/ /bgegs rnams dag ni gzhom pa'i don du phyag gi pad+ma ral gri don yod grub par byung bar gyur/ 90 /zhe sdang las ni sna tshogs yum gang dus mtha'i rtse mo can mtshungs de ni mkha' 'gro 
mar byung gyur/ /gti mug dag las spyan ma zhes bya mchog gi snying rje mA ma kI ni nga rgyal rgyu las so/ /chags las de ni gos dkar zhes bya mtha' dag yon tan gter te sgrol ma yang ni phrag dog las/ /sna tshogs gzugs can gnyis po 'di dag g.yul dang yul can gzhan 
rnams thams cad du yang byung bar gyur/ 91 /phung po lnga yi rang bzhin rnams kyis rdo rje btsun mo'i b+ha ga rnams la bzhugs pa brtse ba yis/ /nges pa rnam par ma bsgrubs bsod nams min pa bsags pa'i sems can rnams ni smin pa'i don du ste/ /gtsang ma'i gnas la sogs 
par bcom ldan gang zhig rnam par bzhugs pa nyan thos rnams kyi slad du'o/ /gang zhig e wa~M yi ge la gnas mchog gi nges pa can rnams mchog la dgod pa'i don du'o/ 92 /sems can rnams ni smin pa'i slad du sku dang gsung dang thugs kyi dbye ba rnams kyis dus kun tu/ /nges par 
rdo rje can gyi bzhugs pa rnam gsum phyi dang nang dang gzhan du yang ni rab tu 'gyur/ /phyi rol sna tshogs phyogs su 'gyur te mchog gi lus la srog gi rlung ni rab tu rgyu ba'o/ /khyab bdag gi ni sa sogs dkyil 'khor dag la rab gyur gang de rdo rje btsun mo'i b+ha ga la/ 93 /sgra la sogs la 

</font><hr>77-1-111a<br><font size=+1>

gang zhig rang sems 'gro ste yul med pa yang gzhan ni de bzhin kho na'o/ /gang zhig e wa~M yi ge la gnas mchog tu bde ba'i gnas la sku gsung thugs ni zhugs pa'o/ /gcig pu rdo rje can ni dbye ba gsum ste yul dang yul can khams rnams kyis kyang bskor 
ba'o/ /dus gsum gnas gsum du bzhugs srid pa gsum du'ang gnas pa sems can du ma'i don gyi slad du'o/ 94 /rgyud rnams dag las 'di skad bdag gis thos zhes gsungs pa gang de 'di ltar bdag gis shes pa ste/ /rdo rje can ni zla ba zhu las rdo rje gang zhig spyi mgrin snying 
ga'i chu skyes lte gsang dang / /bud med rnams kyi b+ha gar de ni thig le grol ba gsum gyis mchog gi pad+ma la gnas pa/ /de 'dir sangs rgyas zhing du rab tu zhugs pa bcom ldan 'das su rnal 'byor rnams kyis rig par bya/ 95 /skye ba snga mar rang gi snying gis bskyed pa'i zhi 
dang chags pa la sogs dngos po rnams kyi ni/ /bag chags stobs kyis 'khor lor gnas pa gcig ni du mar mthong ste smon lam yon tan dbang gis so/ /don gcig du ma'i skad ni rang rang dngos po rnams kyis srog chags rnams kyi snying la rab tu 'jug /gnas can rnams kyi bsod 
nams slad du 'khor lo la gnas bsod snyoms la ni rnam par rgyu ru gshegs/ 96 /dud 'gro yi dgas lha min rnams dang lto 'phye lha dang mi ni 'phags pa bod la sogs rnams la/ /byung dang 'byung 'gyur da ltar byung ba rnam pa gsum dang rtag tu bden pa'i chos ni gsung byed cing / /
rang rang skad gzhan dag gis srid pa gsum po ma tshang med pa lam la yang dag 'god byed pa/ /'di ni bde mnyam 'bras bu ster ba thams cad mkhyen pa'i gsung ste lha yi skad kyang ma yin no/ 97 /sangs rgyas rnams kyi'ang rtogs bya min pa dpag med yon tan dang ldan sangs rgyas sprul pa sgyu 
ma ni/ /srid pa gsum gyi gnas su bdag nyid ston par byed de brgya byin gzhu ni ji bzhin nyid du'o/ /sna tshogs dngos rnams kyis phye rgyal ba dang bcas lha mi rnams kyi rang rang sems la rab zhugs pa/ /'di ni ma skyes chos te chu la nam mkha' bzhin du 'dir ni skye bar 'khrul pa ster ba'o/ 98 /

</font><hr>77-1-111b<br><font size=+1>

rgyal ba'i sku yi rdo rje yul dang yul can rnams kyi bgrod bya min pa rnam pa thams cad pa/ /gsung gi rdo rje sems can thams cad rang snying skad rnams dag gis chos ni go bar byed pa'o/ /rdo rje can gyi thugs kyi rdo rje sems can rnams kyi sems kyi rang bzhin mtha' dag sa la gnas/ /
dri med nor bu lta bu dngos po rnams kyi 'dzin byed gang yin de nyid ye shes rdo rje'o/ 99 /sbyin pa la sogs bde mnyam 'bras ster drug dang bzhi rnams nus ma bcu po de dag rnams su gsungs/ /de dag rnams kyi thabs ni dag pa mchog gi rnam bcu sems kyis gang ba'i bum pa de dag rnams/ /
bdud dang nyon mongs nyams pa 'dod pa zhes dang 'phrog byed rdo rje'i tshogs ni ljon pa la sogs rnams/ /phyag rgya drug rnams stong pa drug ste srid gsum skyed par byed pa ye shes rnam shes gcig pu'o/ 100 /'khor lo srid gsum kun nas dang ba zhes pa bde ba rin chen 'di yi chags pa nyid 
dag ni/ /pad+ma'o nyon mongs zad pa ral gri rdo rje dag kyang ye shes sku chen rnam par mi phyed pa'o/ /mi shes gcod pa gri gug mchog gi rigs drug rnams te 'di dag rnams kyis bskyed pa gang yin pa/ /phung po khams dang dbang po la sogs mkha' bzhin ro mnyam de dag rnams 
kyang de bzhin rig par bya/ 101 /gang du nges par rigs kyi gzugs ni nyams pa nyid du gyur pa de ni chen po'i gzugs su gsungs/ /gang du 'khor ba'i sdug bsngal nyams pa nyid du gyur pa de ni tshor ba chen por gsungs pa ste/ /gang du 'khor ba'i 'du shes nyams pa nyid du gyur pa 
de ni rdo rje'i 'du shes chen po'o/ /gang du 'khor ba 'phel ba nyams pa nyid du gyur pa dag ni rdo rje'i 'du byed kho na'o/ 102 /gang du gnyid la sogs pa'i gnas skabs nyams pa nyid du gyur pa de yang rnam par shes par gsungs/ /gang du shes pa min pa'i dngos po nyams pa nyid du gyur pa 
de ni thub pa'i ye shes nyid/ /'di dag rnam par snang mdzad la sogs mchog gi rgyal ba mchog ni rnam pa drug ste rigs drug rnams/ /gzhan gyi khams drug dbye ba rnams te sa dang chu dang me dang rlung dang nam mkha' zhi ba rnams/ 103 /gang du gti mug mtha' dag nyams pa 

</font><hr>77-1-112a<br><font size=+1>

nyid du gyur pa spyan ma yin te de ni 'dzin ma'o/ /gang du nga rgyal mtha' dag nyams pa nyid du gyur pa mA ma kI ste de ni chu nyid do/ /gang du chags pa mtha' dag nyams pa nyid du gyur pa gos dkar mo ste de ni me yin no/ /gang du phrag dog mtha' dag nyams pa nyid 
du gyur pa sgrol ma yin te de ni rlung yang ngo / 104 /gang du zhe sdang mtha' dag nyams pa nyid du gyur pa rdo rje dbyings kyi dbang phyug ma ste mkha'/ /gang du ser sna thams cad nyams pa nyid du gyur pa sna tshogs yum ste de ni 'gyur med do/ /mthong dang ma mthong gzugs ni yid dang nam 
mkha' la yang lta bar byed pa gang yin de ni mig /ring nas sgra ni rab tu gsal ba bzhin du thos pa 'di ni rgyal ba'i rna ba chen po'o/ 105 /mchog gi bde ba byed pa'i dri ni thams cad 'dzin pa de ni khyab bdag gi yang sna bzang po/ /rang gis zla ba'i bdud rtsi bde ster dag kyang rtag tu 
myang bar byed pa gang yin de ni lce/ /rdo rje'i reg bya kun nas 'phrog pa gang yin de ni rtag tu rdo rje lus kyi dbang po ste/ /thabs dang shes rab rab tu 'grogs las bde mnyam la 'jug yid gang yin pa de ni 'di yi chos/ 106 /dbye ba rug gis phye ba'i yul dang yul can 'di dag byang chub sems 
dpa' btsun mor bcas pa rnams/ /gzugs la gzugs la sogs pa 'di dag rgyal ba mchog gi yul rnams rnam pa drug ste kun nas ni/ /dang zhing ma skyes ma 'gags mchog gi bde byed gos pa med cing ye shes kyis ni rtogs bya ste/ /khams gsum dag tu gzhan gyis gzung bya dang 
ni mtha' dag 'gro ba'i dbang po'i sgo yis rtogs bya min/ 107 /ye shes dgug par byed pa 'dir ni slar yang shin tu stobs te de ni gzhug pa rmugs byed kyis/ /rengs byed de ni bcing ba nges par mchog gi bde ba'i dbang gis khengs byed kyis ni mnyes pa yang / /ye shes 'khor lo dag la 
'khor lo ro ni mnyam par byed pa rdo rje shugs kyis byed pa ste/ /de bzhin khro bo'i lha mo rnams ni rab gsal nges par rnal 'byor ma yi rgyud kyi sku la'o/ 108 /srid pa gsum gyi gnas su bdud rnams dag la bsnun pa nges par dbyug pa sngon pos byed pa ste/ /bcing ba khro bo mi g.yo dus 

</font><hr>77-1-112b<br><font size=+1>

mtha'i nyi ma dang mtshungs mtha' yas brtson 'grus kyis ni phur bus gdab/ /'dod pas de yis brtson 'grus nyams pas sa gzhi la gnas rengs par byed pa gnod mdzes nyid kyis so/ /gtsug tor gyis ni rdzu 'phrul nyams pa rab tu gsal zhing nges par sngar bzhin khro bo'i lha mo 
rnams/ 109 /yi dgas rnams ni smin pa'i don du de nas tsa rtsi kA la sogs pa spros par gyur pa ste/ /skye bo rnams ni bsrung ba'i don du dbang bo la sogs lha rnams de bzhin phyogs dang phyogs bral du/ /klu rnams smin par bya ba'i don du gdengs can rigs ni mtha' dag rdo rje can gyis 
nges par spros/ /lha min rnams ni smin par bya ba'i don du khyi yi gdong ma chen mo la sogs rnams kyang spros/ 110 /gzhan gang cung zad spros pa yod pa dag kyang khyab bdag dkyil 'khor la ni 'byung po las skyes mthar/ /sems can kun gyi don du mchog gi yon tan rnam mang 'di 
dag rang gi lus la rig par bya/ /de bzhin rgyud dang sngags ni rnam mang rigs la gnas rnams rnal 'byor ma dang rnal 'byor dbye ba ste/ /'di ni dbang bskur rnam pa gnyis kyang bu yi yon tan dbang gis 'jig rten 'jig rten 'das pa'o/ 111 /gang zhig shes rab kyi ni nu ma la reg gzhan pa 
bdud rtsi myang dang 'khyud pa gang yin dang / /shes rab dang 'grogs byang chub sems ni zhu ba dag la bzhi pa'i skad cig bdud rtsi rtogs pa gang / /de dag thams cad nges par 'jig rten pa ste mchog gi snying rje yis ni lam gyi rgyu ru bstan/ /'jig rten 'das pa'i dbang gang mchog gi 
rgyal ba'i bdag po'i phyag rgya mchog la rjes su sbyor ba'o/ 112 /sems kyi snang ba tsam ste rang gi yid las skyes pa me long gi ni gzugs brnyan lta bu nyid/ /gang zhig mtha' dag rgyal ba'i sras dang sangs rgyas rnams kyis bsten pa rnal 'byor dbang pos bsten bya ste/ /ye shes me lce rab 
tu rgyas pa de ni bdud tshogs yul dang bcas pa mtha' dag sreg byed cing / /lus la chags pa la sogs kyang ste rnal 'byor rnams la lo yi sbyor bas bde mnyam ster bar byed/ 113 /shes rab ye shes dag ni sems dang de yi snang ba dag kyang rnam pa bcu po nyid du 'gyur/ /dbang 

</font><hr>77-1-113a<br><font size=+1>

ni dri med ri bong can mtshungs me long gzugs brnyan lta bu 'di la zhugs pa gang yin pa/ /de las mya ngan 'das pa'i bde ba 'pho med lhan cig skyes pa 'gyur med nyid ni bzhi pa ste/ /sangs rgyas zhal 'di gang gi snying dang kha la gnas par gyur pa de ni dpal 
ldan bla ma'o/ 114 /nam mkhar kun nas zhen pa'i sems dang mig ni mi 'dzums rdo rje'i lam du rab tu zhugs pa yis/ /stong pa las ni du ba smig rgyu rab gsal dri ma med pa'i mkha' snang nyid dang mar me dang / /'bar ba dang ni zla ba nyi ma rdo rje rnams dang mchog gi cha dang thig 
le mthong bar 'gyur/ /de yi dbus su sangs rgyas gzugs ni yul dang rnam par bral ba du ma longs spyod rdzogs pa'i sku/ 115 /nam mkha' chu 'dzin bral ba dag ni rnal 'byor pa yis bgrad pa'i mig gis blta bar bya ba ste/ /re khA nag po dri med 'od zer 'phro ba dus kyi rtsa la 
mthong bar gyur gyi bar du'o/ /de la kun mkhyen gzugs ni chu la nyi ma lta bu gos pa med pa kha dog sna tshogs te/ /rnam pa kun ldan rang sems yul dang rnam par bral ba dag go sems ni gzhan pa min pa nyid/ 116 /gzugs ni mthong bar gyur na nyin zhag so so'i dus su srog gi rlung ni 'gog 
par rab bya ste/ /'od zer 'khor lo rang gi lus la yongs su bskor cing 'khor bar byed pa mthong gi bar du'o/ /zla ba drug gi sdom brtson rnams kyi reg byas dman pa'i bde ba mnyam pa lam gyi sems su 'gyur/ /chags dang chags bral mtha' thog la gnas skad cig ma yang khyab bdag gi 
ni dbugs kyi grangs 'phel lo/ 117 /oT+DA 'bar ba'i bar dang khyad par dga' ba lhan skyes dag dang ye shes rnam shes dag gi dbus/ /gnyid dang gnyid yur mtshams su rdo rje pad+ma dag gi gnyis gnyis sbyor ba la ni bde ba gang / /de yi 'phel ba rab tu bya ste bla ma'i nges pa'i dbang gis 'phel 
'gyur 'di la ngo mtshar med/ /nyon mongs bdud rnams bcom nas rgyal ba'i bdag por 'jug ste lo yi sbyor bas rnal 'byor bzang po'o/ 118 /sa yis rnam pa sra ba min zhing zhu ba chu lus khu ba min te gsher ba nyid min phyir/ /me yi rnam pa me min g.yo ba rlung gi lus ni gang zhig g.yo 

</font><hr>77-1-113b<br><font size=+1>

ba min pas rlung ma yin/ /stong pa'i rnam pa yin yang blta bya dkar dang ljang dang kha dog sna tshogs chen po kha dog min/ /rnam pa thams cad pa yang blta bya min te rang snying dri ma nyon mongs bdud kyi mthu las so/ 119 /nA da thig le cha dang ye shes bdud rtsi'i gnas su son pa lu gu rgyud du 
bcings pa'i rtsa/ /srog dang thur sel lam gsum rnams te rdo rje dang bcas pad+ma rdo rje chu skyes ldan pa nyid/ /rlung gnyis yang dag phrad pa'i dbus su yul rnams yul can rnams ni 'byung dang rab tu 'jug pa ste/ /du ba la sogs rnams kyi mtshan ma 'dzin pa dag kyang gang zhig 
'di dag thams cad gsang bar bya/ 120 /dbu mar srog ni rab gzhug nyi ma dang bcas ri bong can gyi bgrod pa g.yas dang g.yon la bcing / /phyag rgya rab tu 'grogs la sems dang mchog gi bde ba la gnas rdo rje yang dag bslang ba yang / /pad+mar rdo rje'i sgra'am rang gi lag pa'i chu skyes 
dag gis gsor ba bde ba'i slad du ste/ /sa bon gtong ba min pa'i bde ba de ni 'chi ba'i 'jigs 'phrog 'di ni dpal ldan bla ma'i zhal/ 121 /sa ni chu la rab tu 'jug cing chu yang 'bar byed la ste gtsang bar byed pa rlung la'o/ /rlung ni stong pa la ste stong pa nges par mtshan ma rnam pa bcu ru 
'gyur zhing mtshan ma ni/ /rnam pa thams cad pa ru 'gyur te mi zad mchog gi bde ba gzhom du med pa ye shes sku/ /ye shes las ni rdzu 'phrul dngos grub tu 'gyur mi bdag skyes bu rnams kyi skye ba 'di nyid la'o/ 122 /'dod pa sprul pa'i skur ni nges par rab tu 'gyur te rdzogs pa dag 
ni de yi gsung nyid do/ /'bar ba sprul pa'i thugs te 'di yi mchog gi bde ba byed pa'i ye shes dag ni oT+TA nyid/ /dga' ba longs spyod rdzogs pa'i sku ste mchog dga' dang bcas khyad par dga' ba rim bas 'di yi ni/ /gsung dang thugs so lhan cig skyes pa'i dga' ba nyid kyang 
bde 'byung 'di yi ye shes rdo rjer 'gyur/ 123 /'dar ba nyid ni srid pa gsum gyis btud pa chos kyi sku ste 'byung ba de yi gsung du 'gyur/ /gnyid yur gnyid ni chos kyi thugs te gnyid ni 'di yi srid pa'i 'jigs 'joms ye shes kho na'o/ /yi ge nyid ni dag pa'i sku ste dbyangs 

</font><hr>77-1-114a<br><font size=+1>

dang bral ba'i cha dang thig le nA da rim pa yis/ /bde 'byung dag pa'i sku yi gsung dang thugs dang ye shes rdo rje rnam gsum srid par gnas pa'o/ 124 /sad pa dang ni rmi lam rang bzhin slar yang gzhan pa 'di ni gnyid dang bzhi pa'i rang bzhin ni/ /lus la 
gnas dang dbugs la zhen pa yul rnams rnam par dpyod cing g.yo med sems la zhen pa ste/ /ye shes la gnas bud med rab tu 'grogs las byang chub sems ni zhu ba la yang skad cig 'gyur/ /sprul pa la sogs dag gi sems kyi rdo rje rnam pa bzhir ni rim pas nges par rab tu 
'gyur/ 125 /de ltar sems ni rnam bzhi srid pa gsum la gnas pa'i srog chags rnams kyi thig le'i dbus su ste/ /rnal 'byor dbang po rnams kyi bde mnyam 'bras ster khyab byed dag ni thar pa'i slad du bsrung bar bya/ /thig le btang na rnal 'byor rnams kyi skye ba'i sa bon 
mchog gi bde ba song la thar pa gang / /de phyir 'khor ba'i bde ba'i skad cig 'dir ni sdom brtson rnams kyis thams cad dus su dor bar bya/ 126 /gang phyir a sogs ka sogs ri bong can dang nyin byed gcig nyid rdo rje can gyi gdan min zhing / /hU~M yig nyid kyis mtshan ma dang ni yongs su 
gyur pa gzhan pa kha dog gzugs dag mi 'dod de/ /'gyur med dag gis bskyed cing 'gyur ba nyams par gyur pa mchog gi dbang po dag dang ldan pa ni/ /rnam pa kun ldan thig le mtha' dag rgyal ba'i bdag po sna tshogs sgyu ma 'dzin pa 'di la'o/ 127 /l-i sogs dbyangs brgyad gang 
dag yul gyi yon tan du 'gyur dbyangs phyed kyis ni rnam par dman pa rnams/ /phan tshun dbye bas phye ba rkang pa dang bcas ro dang mda' rnams dbu ma'i dbugs ni 'bab pa ste/ /dus sbyor gnyis pa la ni yul gyi yon tan dbang gis ring po phan tshun dbye bas phye ba rnams/ /slar yang 
thun mtshams gsum pa la ni shin tu ring po yul gyi yon tan dbu ma'i dbugs rnams 'bab/ 128 /de ltar thun mtshams bzhi la mda' dang bcas pa'i ri bo ro rnams dbu ma yi ni dbugs kyi dbyangs/ /ka la sogs pa'i yi ge sum cu sum cu'i rab tu dbye bas rab tu gsal bar dgu brgya 

</font><hr>77-1-114b<br><font size=+1>

nyid/ /dbyangs drug gi ni dbye bas phye ba mkha' mkha' dus dang mda' rnams dus sbyor gsum gyi rtsa gsum la/ /de bzhin ring pos rab tu phyi rnams phyi ma'i nyin mo'i bgrod par dus sbyor gsum gyi rtsa gsum la/ 129 /slar yang dbyangs drug dag gis phye ba rnams ni mtshan 
mo'i dus su dus sbyor gsum gyi rtsa gsum la/ /de bzhin ring pos rab tu phye rnams phyi ma'i mtshan mo'i bgrod par dus sbyor gsum gyi rtsa gsum la/ /nyin zhag so so'i dus su dbugs ni 'byung dang 'jug pa mkha' mkha' drug dang zla ba mig rnams 'bab/ /snga ma stong 
pa rnams bsdus nas ni mnyam dang mi mnyam bgrod par dbu ma dag la sbyar bar bya/ 130 /phyi rol du ni gang zhig chu tshod brgyad pa'i phyed gyur sgra gcan longs spyod dag las gzhan du gnas/ /de ni rang gi lus la dbugs phyed nges par mun pa dang bral 'jig rten thams cad snang ba 
ste/ /snga ma phyed ni mun pa dang bcas srid pa gsum po mtha' dag stong pa dag tu thim pa'o/ /de phyir de ni phug nas dus kyi 'khor lo rnal 'byor ldan pa gcig pu mun pa bral bar 'jug 131 /zla ba dman zhing nyi mar lhag gang khyab bdag mchog gi cha de 'dir ni thun mtshams 
bzhi la ste/ /thun dang thun la nyin dang mtshan mo'i dbang gis bgrod cing dus sbyor phyed pa'i rab tu dbye ba yis/ /sum cu rtsa drug dus kyi pho nya nyis 'gyur mi bdag gzhan rnams tshes ni brgyad gnyis dbye ba la/ /gza' rnams kyi yang brgyad kyi dbye ba la ste slar yang 
gzhan rnams du ma tshigs kyi tshogs la'o/ 132 /rig byed dus kyi dbugs kyi lhag ma srid gsum skyed par mdzad ma mkha' 'gro ma ni sna tshogs gzugs/ /zla ba'i dbus su dman pa gang de mchog gi rgyal ba'i bdag po'i rang gi phyag rgya rnam gnyis 'gyur/ /gang zhig 
nyi ma la gnas de ni brgyad dbye phyogs dang phyogs bral 'dab mar thun tshod longs spyod mtha'/ /lhag ma 'khor lo'i lha mo mchog tu 'jigs par byed pa gzhan rnams mtha' dag phyi dang lus la'o/ 133 /spen par bug pa mun can nyin zhag ces bya lha yi bla ma'i phyed bcas 

</font><hr>77-1-115a<br><font size=+1>

mig dang mig gi grangs/ /phyed bcas drug dang rig byed du 'gyur de rnams mchog gi rgyal ba'i bdag po'i thugs rdo rje las skyes/ /sa skyes stong pa sbrul zla nyi ma gza' lag pa sangs mjug rings la yang stong pa sbrul mkha' gcig /mkha' mig mig dang 
gcig tu gyur pa de rnams mchog gi khyab bdag gi ni dag pa'i gsung las byung / 134 /gang zhig zla ba'i dus kyi longs spyod mkha' mkha' ro me de rnams sku yi rdo rje dag las byung / /mtha' dag gcig tu gyur pa ro drug sbrul dang dus rnams dag ste phyed kyi chu tshod de bzhin nyid/ /
mkha' 'gro dus kyi gzugs can mtha' dag lus la gnas shing srog chags rnams kyi srog ni 'phrog byed ma/ /de phyir nyin zhag so so'i dus su rang gi lam ni dgag par byas nas de rnams bsgrub par bya/ 135 /ji srid gza' rnams dag gi longs spyod rang gzhan bgrod pa la 
gnas dbugs rngub dbugs 'byung rgyu ba las/ /de srid dus kyi pho nya khyab byed ma gang khams gsum du ni mchog dag ster bar 'gyur ram ci/ /pho nya phra mo rab tu rgyu ba bla ma'i gsung la gnas pa byang chub sems dang 'gyur med la/ /sdig bral rnal 'byor ldan pa rnams 
kyis shes par bya ste gzhan du 'dod chags sems kyi ma yin no/ 136 /nyi ma dang ni zla ba'i rkang pa rnams la gnyi ga'i bgrod pa'i dbang gis sred pas bsnun pa rnams/ /yan lag rnams kyis bgos pa'o lhag ma'i rkang pa de ni sgra gcan 'jug pa la yang mjug rings za/ /
thun mtshams kun dang thun brgyad nyin zhag so so'i dus su srog chags rnams kyi yan lag bcu gnyis rnams/ /dus sbyor re re la ni dbugs rnams dag kyang nyis 'gyur dgu brgya'i srog rnams 'bab par yan lag gsungs/ 137 /yan lag gnyis gnyis rnams la thog 
ma'i nyin zhag dbang gis dang po ma rig yan lag bcu gnyis par/ /de phyir dus la sogs pas yan lag rnams te gzhan ni dgu pa sngar gzhan gang yin de rnams so/ /de ltar rnam pa lnga po rnams kyis dus su yang ni kun nas zla ba gnyis gnyis dag las 'gyur/ /gang 

</font><hr>77-1-115b<br><font size=+1>

du zla ba'i cha gcig nyams pa nyid du gyur pa dang po'i zla ba de nyid kho na'o/ 138 /zla ba drug dang dus gsum gyis ni 'dzin par 'gyur te rten cing 'brel pa yan lag bcu gnyis kyis/ /drug pa nyi ma'i dus kyi dbye ba rkang pa'i bgrod pa'i dbang gis zla ba'i dbus su rab tu 
zhugs/ /reg pa'i yan lag dbus der sgra gcan gyis ni zla ba nyi ma dag gi rkang pa de 'dzin no/ /nyin dang mtshan mo'i dus su sgra gcan dag gis bltas pa'i sman rnams gang yin de dag grub pa ster/ 139 /sa skyes khu ba gza' lag zla ba nyi ma gza' lag pa sangs sa 
skyes sngags pa nyi skyes spen/ /sngags pa lug la sogs pa'i khyim la nyin zhag so so'i dus su zhing can rnams te dus kun tu/ /zhi la zla nyi'i khyim ste gza' lag pa sangs sa skyes sngags pa nyi skyes khyim ni rgyas pa dang / /dbang dang dgug pa 'bral dang gsad 
pa dag la rab 'gyur gal te 'dir ni zhing can gyur na'o/ 140 /zhi la dkar po'i zhal te dang por rgyas pa la ni dkar dang ser mtshungs thun tshod lag pa las/ /rengs pa ser po me yi thun la'o rmongs la gser dang nyi mtshungs chu gter la ste dgug pa la/ /dmar po lnga pa dag 
las 'gyur te dbang la nyi ma chu gter dang mtshungs drug pa'i thun la'o/ /gsad la nag po'i zhal te ri bo la'o bskrad la gnag dang dkar 'dir sbrul la mtshan mo'i mthar/ 141 /sa chu me rlung ri bong can dang nyi ma lha ste 'di rnams srog ni longs spyod byed po min/ /'di 
rnams srog ni longs spyod po yang mi dge 'bras bu'i dbang gis bdag ni longs spyod sems par byed/ /sred pa sdug bsngal rjes chags 'byung po'i tshogs ni gza' dang lag 'gro lha rnams dag la don gnyer byed/ /gang gi drin gyis thar par rab tu 'gyur ba yid kyis zhi 
ba de ni byed pa ma yin no/ 142 /dang po'i dbugs ni yon tan med pa'i bdag nyid rnam gsum yon tan dbang gis de yang gsum grangs 'gyur/ /de yang yul gyi yon tan dbang gis tshes zhes bya bar 'gyur te de rnams slar yang sum 'gyur ni/ /'byung ba chu gter grangs 

</font><hr>77-1-116a<br><font size=+1>

'gyur slar yang de nas rgyu ba'i dbye ba rnams kyis bsnun pa de dag rnams/ /chu tshod phyed kyi dbugs kyi grangs rnams dag ste slar yang nyis 'gyur chu tshod dbugs kyi grangs rnams so/ 143 /gnyis gsum chu gter mda' dus ri brgyad gza' dang bcu rnams 
kyis ni dus kyi rtsa 'di 'phel ba ste/ /de nas sde yi rab dbye rnams kyis rnam gnyis lam la gnas pa dus kyi rtsa ni 'jig rten gsum/ /kun nas gang bar byed do bde mnyam 'bras bu ster ba zla ba nyi ma'i rab tu rgyu ba las/ /ji srid rig byed sbrul dang me ste nges par phyag 
na gri gug thod pa can du rab tu 'gyur/ 144 /'khor lo mda' dang chu gter grangs ni yul dang yon tan dbang gis sku gsung thugs kyi rab dbye yis/ /gtso bo srung bar byed de bde mnyam 'bras bu ster ba du ba la sogs lha mo brgyad rnams so/ /de ltar nyi ma la gnas 
gtso bo mchog gi ri bong can gyi cha yis 'khyud pa sna tshogs gzugs/ /lha mo sangs rgyas 'chi med rnams dang yul dang yul can sgra gcan zla ba nyi mas phyag 'os pa'o/ 145 /gtso bo yi ni phra mo'i ngo bo mchog gi yon tan yul te nang dang phyi rol phyag rgya gang / /de rnams 
khams gsum du ni mchog tu 'jigs byed khro bo'i sems las rab skyes mkha' 'gro ma rnams so/ /gtso bo'i dbang po gang dag rnams dang rnam gsum srid pa la gnas sku gsung thugs kyi rdo rje ste/ /de rnams rang gi yul bcas yon tan gyis 'khyud bkra shis la sogs 
rdo rje mkha' 'gro 'di rnams so/ 146 /gzugs dang sgra dang ro dang dri dang gzhan pa dag kyang de nas reg bya du ba rdul dang ni/ /snying stobs sems la rim pas rab tu gsal bar yang ni de bzhin sgra gcan gyis kyang 'khyud pa ste/ /de dag rnams kyi dal rkang drug dang myur 'khyog 
la sogs rgyu ba las ni rnam mang bgrod pa 'di/ /brgyad po rnams kyi rkang pa drug la yul dang yon tan brgyad rnams yang dag gnas pa 'khor lo'i tshul/ 147 /dang po'i dbugs ni dbye ba brgyad de yul dang yon tan la gnas kun nas du ba la sogs pa/ /mkha' 'gro 

</font><hr>77-1-116b<br><font size=+1>

ma rnams dag gis bskor zhing rnam gsum bgrod pa'i dbang gis 'khyam ste 'gro ba drug tu gnas/ /de yi dbus su dus kyi 'khor lo bdud rtsi 'phro ba'i cha yis 'khyud par gyur pa dag pa'i sku/ /gang zhig dbugs ni bcad nas rgyal ba'i sku la 'jug pa de nyid 
kho na dus kyi 'khor lo'o/ 148 /dbugs ni bcad pa'i mtha' ru rnam gsum bgrod pa 'di dang rnam pa drug kyang yod pa ma yin te/ /thig le bkab par gyur na kun nas mchog gi khyab bdag bde ba mtha' yas dus su 'jug par 'gyur/ /'khor ba dag gi bde ba 
spangs nas mchog gi bla ma'i zhal ni rnal 'byor pa yis bsgom par bya/ /spyod pa sgeg pa'i gzugs dang mchog tu 'jigs pa byed la rnal 'byor ma rnams dgyes pa ma yin no/ 149 /gtso bo'i dbugs la gza' yi tshogs kyi rkang pa mtha' dag dus kyi sbyor ba dag gis 
thim 'gyur te/ /dbugs ni mkha' mkha' nam mkha' mkha' mig me dang chu gter song na thams cad stong par skul bar byed/ /lo 'di rnams kyis phyi rol du ni mchog gi khyab bdag rkang pa spro dang sdud pa'i ngo bo la/ /rang rang tshad kyis rgyal ba'i bdag po'i 
rkang pa dbugs kyi dbus su 'gro dang gnas pa shes par bya/ 150 /stong pa la ni spen pa 'jug pa rang gi nyin zhag bgrod pa'i dbang gis dus kyi mthar 'gyur te/ /stong pa nam mkha' mkha' mtsho chu gter zla ba'i nyin zhag longs spyod lhag ma rnams kyis nam gru'o/ /rang gi 
bgrod pa 'gro ba'i nyin zhag mkha' mkha' nam mkha' mkha' mtsho mig gis der ni sgra gcan 'jug /rang gi bgrod par 'gro ba'i nyin zhag mkha' mkha' nam mkha' mkha' dus dus kyi lha yi blon po 'jug 151 /nam mkha' mkha' dang stong pa mkha' brgyad sbrul dang 
mig gi nyin zhag rnams kyis bkra shis 'jug pa ste/ /mkha' mkha' nam mkha' mkha' mig me dang chu gter grangs kyi nyin zhag rnams kyis nyi ma la sogs 'jug /mkha' mkha' nam mkha' mkha' mtsho brgyad dang zla ba mda' yi nyin zhag rnams kyis zla ba der 

</font><hr>77-1-117a<br><font size=+1>

'jug ste/ /de yi dus su rgyal po'i 'gro ba dag ni rang rang tshad kyis rnam par nyams par rab tu 'gyur/ 152 /de nas zla ba nyi ma shar ba la yang rtsa yi kun tu spyod pa 'di ni rab tu 'gyur/ /gcig gnyis gsum dang chu gter mda' dang ro dang ri bo 
nor rnams 'phel bar gyur pa gsang ba'i rtsa/ /bug pa zhes bya sgo yi rtsar 'gyur bcu pa phra mo'i rtsa ni slar yang steng gi lam du'o/ /de ni sde yis phye ba yon tan dang bcas yul dang bcas pa 'khor lo'i rtsa rnams dag tu 'gyur/ 153 /gtsug tor snying ga'i phyogs dang mgo bo 
ri bong can gnas mgrin pa'i phyogs te nyi ma'i rgyu ba dang / /lte bar 'khor lo'i rtsa ni dus dang lag 'gro mi bdag sum cu rtsa gnyis de yi nyis 'gyur rnams/ /zla ba'i rkang pa rnams kyis tha dad ma yin mtha' dag nyi rkang bsres pa yis kyang tha mi dad/ /brgya dang brgyad cu 
rtsa gcig gang zhig lag rkang la gnas tshigs kyi rtsa ni gnyis kyi dbye ba rnams/ 154 /gtsug tor snying ga'i phyogs dang ri bong can dang nyi ma'i rkang pa mgrin pa'i 'khor lor lhag ma rnams/ /brgyad cu rtsa gcig mtha' ma rab gsal rnam bcu gang yin de dag zhi dang drag 
po'i gza' rnams te/ /de dag rnams kyi thog mtha'i cha ni khyab bdag zhabs la gnas pa dus kyi rtsa yis longs spyod cing / /gza' yi mtha' yang srid pa gsum gyi skyed ma rdo rje sku yi mkha' 'gro ma yis longs spyod do/ 155 /dang por gang zhig stong pa'i ngo bo yul dang yon 
tan la gnas de yi rang bzhin dag tu 'gyur/ /khams dang phung po rnams la rab zhugs slar yang mig la sogs pa'i dbang po rnams la mnyam pa ste/ /sad dang rmi lam la sogs la zhugs mchog gi bde mnyam gzhom du med par yang dag rab zhugs pa/ /rig ma 
sangs rgyas yum de rdo rje yi ni tshigs la gnas pa rnal 'byor pa yis btsal bar bya/ 156 /gtso bo'i sku yi mthu las rnal 'byor pa rnams dag gi mchog gi lus la lha yi spyan du 'gyur/ /de yi gsung gi mthu las rna ba de yi thugs las gzhan gyi snying la gnas pa 

</font><hr>77-1-117b<br><font size=+1>

shes par 'gyur/ /shes rab sku yi mthu las rnam gsum srid pa la gnas sngon gyi skye ba rjes su dran par 'gyur/ /shes rab kyi ni gsung gi mthu las mkha' mnyam thams cad dus su kun 'gro'i rdzu 'phrul du rab 'gyur/ 157 /shes rab ye shes rang bzhin las ni 
gang zhig bde mnyam thams cad dus su gzhom du med par 'gyur/ /lha yi spyan gyi mthu las mig gis ma mthong ba dang srid pa rnam pa gsum yang mthong bar 'gyur/ /lha yi rna ba dag gi mthu las srog chags kyis brjod snying dang kha yi sgra ni thos par 'gyur/ /de 
bzhin sku gsung thugs kyi sbyor ba dag las mi yi bdag po reg bya la sogs thams cad 'gyur/ 158 /rtsa ni gang zhig thur sel dbus su rnam gsum lam gnas gci ba bshang ba khu ba 'bab pa rnams/ /srog ni de dag rnams kyi rab tu rgyu ba rnam pa dgu ru 'gyur te mtha' 
ma sangs rgyas zhal/ /rna ba sna dang mig la rnam gnyis shes par 'gyur te lce'u chung ni lce dang bcas pa dang / /thig le gtsug tor bug par 'gyur te bcu pa shes pa min pa rnams la rgya yis btab pa gang / 159 /srog dang thur sel 'gags par gyur na ri bong 'dzin 
pa bskyod pa nyi ma'i gzugs su rab tu 'gyur/ /rdo rje pad+mas rab tu sad na slar yang 'di ni nyi ma'i gzugs kyi me lces zhu bar byed/ /rlung dang zla ba nyi ma 'gags par gyur na rnam par shes pa dang ni ye shes gcig tu 'gyur/ /de ltar de ltar dang ni de bzhin de ltar 
rnam gsum du 'gyur gzhan ni cung zad yod ma yin/ /zla ba nyi ma'i gzugs ni zos na mkha' la nyin mo dang ni mtshan mo nam yang min pa nyid/ /thun mtshams de ni lus kyi dbus su rnal 'byor rnams kyi dus kun bdud rtsi'i go 'phang la gnas pa'o/ /phyogs 
zad zla ba mkha' la gnas pa nyi ma'i gzugs la ro ni mnyam par 'gyur ba ji lta bar/ /srog dang thur sel zad par gyur na gsal bar yang ni lus la dngos grub dus su de 'gag go/ 161 /zla ba nyi ma'i rgyu ba nyams shing lam ni gnyi ga yi yang srog gi rlung ni chen po 

</font><hr>77-1-118a<br><font size=+1>

'gag/ chu skyes rdo rje rab tu sad cing ri bong can zhu nyi ma'i gzugs chen la ni rab tu zhugs/ /dngos dang dngos med gcig gyur rnam gsum srid pa la gnas gzhom med legs par rab tu rtogs gyur pa/ /de yi dus su rnal 'byor pa ste 
gang la gnyis ni cung zad med pa mchog gi go 'phang 'gro/ 162 /khro bo sangs rgyas lha mo dang bcas nges par ro yi rdo rje rnams dang sa yi snying po sogs/ /rab tu dga' ba'i thugs rnams rnal 'byor pa la grub pa'i dus su nam mkha' la ni mngon sum 'gyur/ /de yi 'dod 
pa'i dngos grub ri bong can gyi zhag gi tho rangs dang ni mtshan mo phyed la 'gyur/ /rin po che'am me tog char ni mchog gyur dus kyis sbyor bas sa yi steng du 'bab par 'gyur/ 163 /lus ni dang zhing rdul phran nyams pa nam mkha' dang mtshungs mtshan la sogs pa rnams kyis rab 
rdzogs 'gyur/ /sna tshogs 'jig rten gsum po nyid ni dang zhing sgrib pa rnam par bral ba rmi lam bzhin du snang / /skad ni kun nas chad pa med cing du ma'i skad gzhan dag gis gzhan gyi snying la 'jug pa ste/ /sems ni dam pa'i bde bas gang zhig mi g.yo thams cad 
dus su lhan cig skyes pas 'khyud pa'o/ 164 /sa las chu dang rtse mo can dang rlung gi rdul phran phye nas chu yi khams la 'jug par byed/ /chu las sa me rlung phye rtse mo can la rtse mo can las sa dang chu dang rlung phye ste/ /rlung la'o rlung las sa dang chu dang rtse mo can dag phye nas las kyi rlung 
yang stong pa la/ /rnam gsum srid pa'i dbang gis gang zhig las kyi rlung gis bsnun pa gzhan rnams zhing gzhan dag tu 'gro/ 165 /sangs rgyas zhing ni ma lus las can min par srid gsum skyed par mdzad pas rnam par gzigs nas ni/ /gnyi ga ro mnyam dag pa'i 
rdul la sangs rgyas thams cad byang chub sems dpa' rnams kyis bskor ba ste/ /so so re re'i ro yi rdul la gnyi ga'i rigs kyi dbang gis rdo rje'i sras po rnams kyis bskor/ /sa la sogs pa'i rdul la ma lus rigs la gnas pa mtha' yas mi g.yo sogs la rab 

</font><hr>77-1-118b<br><font size=+1>

zhugs rnams/ 166 /de dag rnams dang thabs cig rdo rje sems dpa' 'chags pa'i dus kyi bar du mkha' la rnam par bzhugs/ /yang dag 'dzin par byed pas sa dang chu dang bsreg za rlung dang stong pa'i rang bzhin rdul phran 'dzin/ /srub par byed pas tha dad rdul 
phran mtha' dag gcig tu gyur gyi bar du srub par byed pa ste/ /slar yang de dag rnams ni phan tshun sbyor bar 'gyur te gtso bo'i dngos la chung ngu'i dngos rnams so/ 167 /dbyibs kyi rlung ni chen po thams cad dag gis sangs rgyas zhing rnams mtha' dag rnam par 'god par byed/ /
'jig rten khams ni so so dag la slar yang khor yug ri bo chen po dag ni kun nas so/ /de yi dbus su las kyi sa ni chen po dag gi rang bzhin 'jig rten khams su rab tu 'gyur/ /lhag ma longs spyod rang bzhin yul gyi bde ba byed pa rin chen kun gyis rab tu gang 
ba rnams/ 168 /mtha' dag ri yi bdag po'i shar ni dag pa'i in+d+ra nI la lho ni pad+ma rA ga ste/ /nub ni ka ta na ser po byang ni ri bong 'dzin pa ltar dkar zla ba chu shel lo/ /dbus ni ljang gu de yi snying por de yi nang du chud pa 'dir ni dkyil 'khor chen po ste/ /dang por 
thugs kyi rang bzhin de nas dbus ma las ni nyis 'gyur dag kyang gsung gi rang bzhin no/ 169 /de nas gzhan ni nyis 'gyur dag ste mda' la bcu yis bsgyur bar gyur pa'i dpag tshad stong phrag go/ /de yi phyi rol dus rnams dag gis 'khor lo'i ngo bo de nas 'jig rten khams 
kyi rang bzhin no/ /'khor lo drug dang rigs drug gis te rig byed 'bum gyis rlung gi dkyil 'khor la gnas dkyil 'khor ro/ /brgyad gnyis ka ba mi bdag ri bong can gyi cha yis khang pa brtsegs pa zlum po skye gnas gzugs/ 170 /rgyal ba'i bdag po'i gtsug tor 
nas ni mdzod spu'i dbus su phyed dang bcas pa nyi ma'i sor du 'gyur/ /de nas mgrin pa'i chu skyes de bzhin snying ga dang ni de nas lte gsang chu skyes de bzhin no/ /zhabs kyi 'og dang rje ngar brla dang dpyi yang ma nu de nyid de nyid rig byed rnams kyis te/ /brang phyed phyed bcas nyi 

</font><hr>77-1-119a<br><font size=+1>

mas rang dpung dpung lag rnams ni mkha' mig rgyal po nyi ma'i tshad kyis so/ 171 /nyi shu 'ga' zhig lhag pa'i brgya phrag gang zhig dus dang dgu yis mi rnams kyi ni 'jig rten tshad/ /rig byed phyed dang bcas pa'i bzhi dang chu gter chu gter phyed dang 
bcas pa'i rig byed rig byed kyis/ /gtsug tor mgo bo 'og tu 'gyur te rgyal ba'i bdag po'i dpal ldan dpral ba dag dang shangs dang ni/ /shangs kyi 'og tu ko sko'i mtha' dang de nas mgrin pa dag ste mgrin pa'i rtsa ba'i chu skyes dbus/ 172 /de nas snying ga lte ba gsang 
bar mi yi bdag po phyed bcas nyi ma rnams kyis rim pas 'gyur/ /gsang ba'i chu skyes lte ba'i rtsa bar rdo rje dag kyang thub pa yis ni steng gi gtsug tor nyid/ /mdzod spu gsang ba'i chu skyes dbus su khu ba'i thig le mi 'gyur bde ba skyed byed gnas pa gang / /dpal ldan rdo rje'i 
sa 'di gnyi ga'i rigs kyi dbang gis sku gsung thugs kyi 'khor lo dag la'o/ 173 /phyed bcas nyi ma nyi shu rtsa lnga de las nyis 'gyur dag kyang thugs gsung sku yi 'khor lo ste/ /thugs kyi phyed ni sor drug rkang pa dang bcas snying ga la gnas lhan skyes ye shes 'khor lo'o/ /gsum 
po dag las sgo rnams bya ste nor bu'i rang bzhin gyis spras dkyil 'khor rnams las brgyad cha'o/ /'gro dang 'ong bas steng dang 'og tu sku dang gsung dang thugs kyi 'khor lo nyis 'gyur dag tu 'gyur/ 174 /lhun por gnas pa la yang rgyal ba'i bdag po'i sor mo phyed ni dpag tshad 
stong phrag dag tu 'gyur/ /de bzhin lha yi ri bo dag ni lus kyi tshad du 'gyur te rgyar ni phyed kyi tshad yin no/ /de yi steng du rdo rje'i rnam pa brtsegs pa cha gsum pa ste de yi yang ni phyed du 'gyur/ /de bzhin 'og tu 'dzin ma chu dang me dang rlung dang me lce dang bcas rdo rje phreng ba'o/ 175 /
phyed bcas nyi mas rgyal ba'i bdag po'i thugs kyi 'khor lor 'gyur te lte ba mgrin pa'i chu skyes dbus/ /gsung gi 'khor lo sku yi 'khor lo rdo rje nor bu'i gnas nas steng du mdzod spu phyed kyi mtshams/ /sgo khyud mthar ni dpal ldan 'gram par 'gyur te mi bdag dpral ba'i 

</font><hr>77-1-119b<br><font size=+1>

steng du gtsug tor dag gi mtshams/ /phyed bcas nyi ma rnams kyis sa chu me rlung dkyil 'khor me lce dang bcas rdo rje phreng ba'o/ 176 /steng dang 'og tu sangs rgyas sku 'di mnyam par 'gyur te sku dang gsungs dang thugs kyi 'khor lo'o/ /kun nas rlung gis bgrod pa'i dbang 
gis thad ka'i tshad kyis gsum rnams kyis sam de bzhin drug rnams kyis/ /rtsibs brgyad mtshan ma dang ni rgyal ba'i bdag po'i rkang pa dang bcas sor mo drug gis 'khor lor 'gyur/ /sgo brgyad rnams kyis bskor zhing rang gi lag mthil sen mo rnams kyis dpal 
ldan dur khrod brtag par bya/ 177 /steng 'og zhal dang gsang bar gnyis dang chu gter tshad kyis bcom ldan 'das ma'i dkyil 'khor dag tu 'gyur/ /pad+ma phyed la snying po'i dbus nas gsum rnams kyis kyang de nas phreng ba dang bcas 'khor lo drug /sgo la sogs pa dag 
dang 'gram par 'khor lo kun nas lnga cha dag gis nges par rab tu 'gyur/ /lhan cig skyes pa'i sku ni mchod rten gzugs 'di kun nas shes rab ma yin thabs kyang ma yin no/ 178 /lhun po'i phyi rol du ni 'og gi sa gzhi'i gnas la dngos grub brgyad po yang dag gnas pa 
ste/ /shar du ral grir 'gyur te ro yi dbang po bdud rtsi'i 'bras bu ril bu mig sman ro tsa na/ /lho ru dpal ldan rkang mgyogs mi zad mtha' dag gter ni dkyil 'khor dag gi me yi zur du'o/ /dbus su mchod phyir thogs pa dag ste lha dang mi yi bla ma'i tshangs pa'i 
dbyangs ni de nyid do/ 179 /nor bu gtsug tor dpral ba mgrin pa snying ga'i gnas dang lte ba gsang ba la yang rdo rje ni/ /gcig gnyis chu gter mda' dang klu yi dbang po dgu bcas nyin byed sor rnams dag gis rim pas so/ /dbus dang steng 'og gsum gyi cha ste zum pa dang ni 
rnam par gyes pa zhi dang drag po la/ /dril bu dag kyang de bzhin cha gsum steng ni rdo rje dang mtshungs ba lang kha dang pad+ma'i gzugs/ 180 /khyon ni de yi sum cha zhal dang bcas pa'i lte ba 'dab ma dag kyang de yi sum cha las/ /rwa ni khyon dang mtshungs pa phyogs dang phyogs bral du 

</font><hr>77-1-120a<br><font size=+1>

ste rwa yi zlum po dag ni bzhi cha'o/ /phyi rol rwa yi sum cha 'og ste steng du ba da rI yi tsher ma'i rnam pa sbyor ba'o/ /dril bu'i zhal rnams de bzhin 'dab ma rdo rje yang ngo ba lang kha la sogs pa de bzhin nyid/ 181 /gsang ba'i chu skyes mdzod spu'i mtha' yi 
cha yis mchog gi rgyal ba'i bdag po'i mchod rten dpangs kyi tshad/ /de yi phyed kyis gdan gyi rgya ste sa bzhin shin tu nyams pa de yi sum chas phyogs cha rnams/ /phyed dang gnyis mthar phyir byung chu skyes snying gar son pa'i dkyil 'khor gdan gyi tshad kyis zlum po'o/ /pad+ma'i 
mtha' las cha dman gzhi dang mnyam pa brang ste de yi phyogs cha yis kyang mgrin pa'o/ 182 /gdan gyi phyed kyi cha yis gdong ste sa bzhin shin tu mnyam pa de yi sum chas phyogs cha rnams/ /gsang ba'i chu skyes dag las phyed bcas nyi mas dpangs su shin tu mnyam pa'i gdan 
gyi tshad 'gyur te/ /gdan nas pad+ma'i mngon mtshams snying gar son pa'i dkyil 'khor mtha' dang de nas mgrin pa'i rtsa ba'o/ /de nas gdong gi mthar ni de bzhin chu gter dus dang phyed bcas rig byed rnams kyis dum bu gsum/ 183 /gdan las rig byed dag gis pad+ma snying 
gar son pa'i dkyil 'khor mgrin pa'i tshad kyang de bzhin te/ /phyed bcas brgyad kyis gdong pa'i tshad dang de yi steng du gdugs kyi phreng bar 'gyur ro mi yi dbang / /mdzod spu'i mtshams nas dpral ba dag dang mgo bo de nas 'dir ni gtsug tor dag gi mthar thug 'di/ /de 
ltar nges par 'jig rten khams ni mtha' dag rgyal ba'i sku ste 'khor lo mchod rten rang bzhin no/ 184 /gser ni sa yi khams su 'gyur te dngul ni chu dang zangs ma dag kyang me yi khams yin no/ /lcags ni rlung ste zha nye dkar nag 'di ni stong pa dag dang 'dres pa'i khams kyi rang bzhin 
no/ /rin chen ser po sa ru 'gyur zhing dkar po chu dang rin chen dmar po yang ni me yin te/ /nag po rlung ngo sngon po dang ni ljang gu de yang de bzhin 'dres pa'i khams las byung ba'o/ 185 /lan tshwa sa dang mngar ba chu ru rab tu 'gyur zhing tsha ba me dang kha ba rlung yin te/ /skyur dang 

</font><hr>77-1-120b<br><font size=+1>

bska ba'i ro ni 'dres pa dag go slar yang zhing gi rngo rnams dag gi skye gnas dang / /sman rnams rnam pa drug gi ro dang mchog gi ro ste khams rnams gzhan pa nor bu'i dbang po rnams/ /sa la sna tshogs reg pa rnams dang mtha' dag nad ni 'phrog pa nyid kyi chu rnams yang dag 
go/ 186 /sa yis zug gzer 'phrog par byed cing dug kyang chu yi khams kyis 'phrog par byed de me yis ni/ /'byung po rlung gis rengs pa nam mkha' yis kyang gdug pa'i lta ba rab tu lhung ba 'phrog par byed/ /ye shes kyis ni thams cad 'phrog ste de bzhin mi bdag 
rnams kyi lus la gnas pa'i nor bus kyang / /chu dang ro dang nor bu reg pa sngags dang sman rnams dag gi mthu rnams thams cad bsam mi khyab/ 187 /bcom ldan ye shes 'khor lo'i rang bzhin can ni kun nas sangs rgyas zhing du rab tu 'jug 'gyur zhing / /slar yang 
thams cad tshogs pa'i sbyor ba dag las 'bras bu'i dbang gis sems can rab tu 'jug par 'gyur/ /rang gi nyin bgrod dbang gis yan lag bcu gnyis de dag rnams kyis zla ba lhun po rdzogs pa 'dir/ /mchod rten rnam pa steng du brtsegs pa rdo rje'i rang bzhin mi bdag 
de yi snying po'i dkyil 'khor ro/ 188 /phyi rol du ni rgyu skar 'khor lo rnams te las kyi sa la sa gzhi la gnas mi rnams so/ /longs spyod sa la gling drug bdud rtsi'i 'bras bu'i ro yi kha zas can gzhan lha la sogs pa rnams/ /rwa la rjes su gnas pa brgyad rnams lha yi 
bdag po me dang dus dang lha min chu gter rlung / /gnod sbyin dang ni drag po 'og dang steng du 'khor dang bcas pa khyab 'jug nyid dang chu gter gdong / 189 /'dir ni chu srin rnam shes dang ni stong pa'i khams te bum pa dag ni 'du byed nyid dang rlung / /nya dang lug dang glang dang 
'khrig pa tshor ba me ru rab tu 'gyur te 'du shes chu dang ni/ /gzugs dang sa dang 'gyur med dag dang lhan cig skyes pa karka Ta la sogs pa'i khyim rnams so/ /'di rnams mtshan ma rdo rje la sogs ka tsa Ta pa ta sa ring po thung ngu lhag pa'i lha/ 190 /lug dang 'khrig pa 

</font><hr>77-1-121a<br><font size=+1>

karka Tar ni zla ba dkar po nyi ma seng ge bu mo srang rnams so/ /sa skyes sngags pa sgra gcan rnams te gza' lag spen pa gdengs can sdig pa gzhu yi thog mthar ro/ /de ltar sa la sogs pa'i khams ni kun nas phan tshun sbyor bar 'gyur ro 
mi yi bdag po kye/ /'gro ba 'di ni sems can rnams kyi las kyi rang bzhin du 'gyur rin chen kun gyis rab tu gang / 191 /gang dag sa la dpag bsam shing dang ro dang mchog gi ro dang sman dang ro yi dbang po gzhan/ /mtha' dag nad 'phrog rdul phran rnams kyis rab 
tu bskyed pa de rnams sems can rnams kyis mi mthong ste/ /gang zhig phal pa'i rtsa dang shing dang chu dang rdul dang rdo ba dang ni lcags rnams mthong bar 'gyur/ /yi dgas rnams kyis chu ni me chen dmyal bar song ba'i mi rnams dag gis kun nas gcod 'bigs so/ 192 /
'di rnams sgrol ba'i slad du sras dang bcas ba rgyal ba'i bdag po las kyi sar ni rab zhugs te/ /mngal ni rab tu bzung ba mdzad cing mchog gi thugs rje dag gis byang chub bskyed pa mdzad nas ni/ /nyon mongs dang ni bdud rnams bcom nas sa yi steng gi gnas su chos kyi 
'khor lo rab bskor te/ /sprul pa sgyu ma mdzad nas slar yang bcom ldan 'das ni dag pa'i sku can de nyid kho na'o/ 193 /de phyir rgyal ba'i bdag po'i sku ni skyes shing ma nyams srid pa gsum po la yang gnas pa ste/ /bcom ldan de yis thams cad dus su sems can don ni mi 
'dor las kyis bcings pa ma yin no/ /de ltar 'jig rten dbang phyug bdag ni srid pa gsum gyi gnas su las kyi sar gnas nyi ma kye/ /sems can rnams la lam ni sbyin byed dmyal ba'i 'jigs 'phrog lha gzhan dag ni nam yang ma yin no/ 194 /gang dag chos la 
mngon 'joms rang lus gzhan gyi lus dang rang gi bud med dag la rjes su chags/ /shi bar gyur na bu yi me yi sbyin sreg dang ni gnyen gyi bsod nams dag las mtho ris te/ /mchod sbyin la ni phyugs rnams 'tshe dang g.yul du shi bar gyur na mtho ris 'jig rten dag tu 

</font><hr>77-1-121b<br><font size=+1>

'jug /'jug ngogs lus po lhung las mchog gi go 'phang 'gro ba de rnams thar pa ster ba'i chos ma yin/ 195 /de nyid lam ni rnam par spangs nas 'chi ba'i 'jigs pa 'phrog pa khyod kyi ma gang pha ni gang / /mchog gi bu dang bu mo spun zla chung ma sring mo rnams dang 
rje bo gnyen gyi sde ni gang / /bdag gis byin gyis brlab pa'i drang srong 'di rnams 'khor lo'i dbus 'dir gang gis thar bar 'gro 'gyur ba/ /de yis nyi ma khyod kyis thub pa rnams ni bdag gi tshig las rigs gcig dag la 'jug par mdzod/ 196 /gal te lus 
la dbyug pa bsnun pas sdug bsngal 'gyur na de la dbyug pa dag ni nyes pa can/ /dbyug pa 'di ni ma yin lag pas rab tu bskul te 'dir ni nyes pa mtha' dag lag pa yi/ /'di ni ma yin sems kyis bskul te sems kyang 'dir ni gdug pa chen po khro ba'i me yis 
so/ /de phyir khro ba'i me 'di 'gro ba'i dgra bo bzhin du byang chub sems dpa' rnams kyis gsod par 'gyur/ 197 /chags las sdang sogs skyon te rab mchog lha mi rnams kyi rang 'dod chung ma gzhan dang 'grogs las so/ /de ni rtsa nas dbyung slad mtha' dag 
rgyal sras rnams kyis de ni 'dod pa'i sbyin la rab tu byin/ /de phyir sbyin la rjes su chags pa bde mnyam 'bras bu ster ba bsod nams dag gi tshogs 'di ni/ /'jig rten gsum gyi gnyen du gyur cing thams cad dus su skye bo rnams kyi dmyal ba'i 'jigs pa 'phrog 198 /
chags pa gang gis sems can rnams ni nyams par gyur pa de yis skyob pa rnams ni grol ba ste/ /sems can rnams kyis nyin zhag so so'i dus su gang zhig srung byed de ni skyob rnams ster bar byed/ /sems can rnams kyis rang snying la gnas bde ba gang zhig 
gtong byed de ni rgyal rnams srung bar mdzad/ /des na rgyal ba mchog gi spyod pa 'di ni lha klu lha min rnams kyis bya ba dka' bar 'gyur/ 199 /sa dang chu dang me dang rlung dang nam mkha' yon tan yid dang blo dang ngar 'dzin srog dang ni/ /gzugs la sogs dang mig 

</font><hr>77-1-122a<br><font size=+1>

la sogs pa yul dang yul can rnams dang las kyi dbang po lnga rnams te/ /phyugs dang bcas pa mi yi lus la khyab byed 'di rnams dag las rigs ni thu bo gzhon nu gang / /mi bdag dang bcas mi yi bla ma rigs dregs nga rgyal can khyod gang gis 
rigs ni thu bo yin/ 200 /bsreg bya sa dang dri ma med pa chu ru rab tu 'gyur te tut+tha ka ni me nyid do/ /rlung dang nam mkha' 'dres pa'i khams ni g.yo ba dang bcas ri bong can dang mtshal ni bdun pa yang / /kA k+Shi kA shi sa dang mu zi mnyam dang mkha' rlung me dang chu ni ldong ros 
ba bla ste/ /btsag ni sa 'o lan tshwa gang zhig ze tsha rgya mtsho skyes dang rgyam tsha nag po thab kyi tsha/ 101 /'di rnams sa sogs khams te slar yang 'dir ni nA bsA ra ya bak+Shar sad+dza dang / /tsha la k+Sha tsa las skyes de rnams mkha' dang rlung me chu dang sa rnams dag gi rang bzhin no/ /rdo yi 
chu ni sa ru 'gyur te ri bong can gyi chu ni chu dang me yi chu ni me/ /rlung dang stong pa'i rang bzhin dag gi dug gi chu dang gzhan pa gri gug gsum gyi rang bzhin no/ 202 /gla sgang ser po sa yi khams te shak+tu ka dang rwa can nag po chu dang me dang rlung / /nag po brtsegs pa stong pa zhes bya 
gzhan pa nye ba'i dug ni rnam pa lnga po rig par bya/ /rdo dang srog gi ngo bo rnam pa sna tshogs 'bras bu dang mtshungs mgo dang dung la sogs pa'i gzugs/ /de dag rnams kyi lcags ni rnam drug lhang tsher skyes dang de bzhin lha dang khab len rnam pa bzhi/ 203 /ro ni grub dang grub 
pa ma yin rnam pa gnyis su 'dir 'gyur 'bugs byed dang ni 'bugs byed min/ /grub pa lcags ni 'bugs par byed de slar yang de ni zos pas lus kyang 'bugs par byed pa'o/ /gang zhig 'bugs byed min pa'i dngul chu ro de bskol ba dang ni bsgyur bar gyur pa dag 
gis kyang / /lcags ni 'bugs shing rjes su 'bugs te mtha' dag nad 'phrog rus pa'i lcags ni rnam par spangs nas so/ 204 /dang por du ba'i rang bzhin dag gis 'gro ste me la gnas shing bskol ba de ni rim pa yis/ /sgra dang rab tu 'phar ba yis 

</font><hr>77-1-122b<br><font size=+1>

te de yang 'dar ba dang ni 'dar med nyid du rab tu 'gyur/ /sgra ldan 'phar ldan 'bugs par byed pa ma yin de yang 'dab ma 'bugs byed 'dar dang bcas pa ste/ /'dar ba med pa mdung gis 'bugs byed rnam gsum 'dir yang sgyur byed 
rnams kyis bsgyur bar gyur pa'o/ 205 /mchog gi sman gyi stobs kyis stobs dang ldan par rab tu 'gyur te lcags rnams thams cad bzhu ba'o/ /su zhig de rnams med na sa yi steng gi gnas su 'di yi bcing ba dag ni gang zhig byed/ /bcings 
nas mkha' la spyod pa nyid du 'gyur zhing de bzhin zos na 'chi ba dag kyang nyams par 'gyur/ /ye shes med na sa bdag rnams kyis ro yi dbang po 'di ni rab tu 'bad pas bsgrub par bya/ 206 /de dag rnams kyi rdzas ni du ma glu dang rol mo'i mngon 
par sbyor ba la yang 'god par 'gyur/ /gang zhig chud zos de ni mi bdag ro yi yul la ma bsregs chos kyi bya ba la ma byin/ /gang zhig rdzas ni sdig pa'i slad du zad par byed pa de yis de ni sdig pa dag gis bcings/ /de phyir byang chub sems dpa' sems 
can dag gi don gyi slad du ma lus pa ni zad par mdzad/ 207 /gang zhig byugs pas 'phral la zangs kyi 'dab ma'i dri ma 'phrog par byed pa dag ni sman yin te/ /mtha' dag nad 'phrog lcags rigs 'ju bar byed pa de ni skal ldan rnams kyi sa 
la mthong bar 'gyur/ /gzhan dag rnams kyis 'di yi bcing bar rab tu 'gyur ba gang de nges par lo dus bar dang ni/ /bdug dang dgod pa'i sbyor ba rnams kyis de ni stong phrag gcig 'bugs dag las lhag par mi 'gyur ro/ 208 /sman rnams thams cad 
shin tu tsha ba'i ro rnams dag dang 'gyur byed sde dang skyur ba'i sde rnams dang / /bslang bar gyur pa'i rtsab mo dag gis rtag tu mnye dang bdug par yang ni rab tu 'gyur ba ste/ /dngul chu rnams ni dngul du bya ba la yang me tog btab pa rnams kyis sa bon dag pa'o/ /

</font><hr>77-1-123a<br><font size=+1>

gnyis sbyor tsha la mching bu byi ba rta sen dug rnams kyis so snum gyis bran pas 'jam pa nyid/ 209 /glang po mi yi chu ni lan bdun blugs pa dag gis chu shing tsitra la sogs thal ba dang / /'gyur byed kun dang tsha ba rnams dang slar yang 
nye ba'i ro ni sbyangs pa de rnams sbru bar bya/ /yang nas yang du me yi tsha ba dag gis slar yang lan brgyar sbru bar bya zhing bskam par bya/ /de bzhin dung gi phye ma brgya phrag sbyar bar gyur pa 'di ni mu zi dag gis bsres pa yang / 210 /lcags rnams zhu bar byed pa'i 
don du bi Da 'di ni dngul chu dag gi brgyad kyi cha shas 'gyur/ /khyogs kyi bdug pa mtshan mo brgyad de ro yi snying gar gnas pa zhu bar gyur pa ji srid nyid/ /drag por bskol bas dri ma med pa 'di ni mnyes shing bzhus pas stobs dang ldan par rab tu 'gyur/ /lcags 
gcig zhu bar gyur na nyi ma ri bong can gyi lus kyis lcags rnams thams cad kha sgyur byed/ 211 /khyab byed sgyur ba de yang chen po dang bcas zha nye gsha' tshe spra tshil bcas pas 'jug pa ste/ /de ltar gang zhig dngul chu'i las ni 'chad par 'gyur ba dag gis nyin zhag so sor 
byed pa na/ /dus gzhan dag gis 'ching ste gsal bar lci zhing sra ba nyid dang skyon rnams kun las rab tu grol/ /de yi mchog gi lus la nad dang 'chi ba dang ni dbul ba'i sdug bsngal thams cad 'phrogs par byed/ 212 /khru phyed gser gyi pad+ma nor gyi 'dab ldan dag 
la lte bar snying po'i dbus su rdo rje ste/ /lha dang gshin rje nor sbyin dag tu dag pa'i in+d+ra nI la pad+ma rA ga chu shel lo/ /nub tu rin chen karke ta ste me dang lha min 'phrog byed du ni rnon po zangs dang dngul/ /rlung gi 'dab ma dag la gser dang gser gyi lhang tsher dag las 
skyes pa'i gdan ni lte ba la/ 213 /snying por de steng gser las skyes pa'i dzib+ha la ni phyag gnyis ne'u le dang bcas mchog sbyin pa/ /'dab ma rnams la gser las skyes pa'am dngul las skyes pa'i lha mo brgyad de chu skyes mchog sbyin phyag /cod pan sangs 

</font><hr>77-1-123b<br><font size=+1>

rgyas rin chen dbang po nor bu mchog sbyin phyag ste gnod sbyin mo rnams de bzhin nyid/ /ha sogs thung ngu ring po phyogs dang phyogs bral 'dab ma rnams la yi ge brgyad rnams rim pas so/ 214 /dri dang me tog rnams kyis nyin zhag so so'i dus su thun gsum zla 
ba'i snod du mchod byas nas/ /auM dzaM swA hA'i mthar ste dbus su b+ha la dang bcas dza len+dz+rA ya zhes pa sngags 'di yis/ /rgyal po rab dga'i yid kyis gser 'gyur mkhan rnams dag gis srung ba'i don du chu ni rab sbyin bya/ /de ltar bsrung ba'i mthu yis 
'byung po'i mgon dang klu yi mgon pos ro ni 'phrog par mi 'gyur ro/ 215 /so phag 'gyur byed skyur ba'i sde rnams dag gis nyi ma bcu ru ro ni mnye zhing bdug par bya/ /de nas slar yang snyigs ma dag la gnas pa phye nas bsre bar bya ste thams cad dus su'o/ /
slar yang gal te snyigs las de ni ma phyed ro ni 'chi ste de yang de la bzhu bar bya/ /dngul chu rang gi skye gnas za na de ni slar yang gzhan gyi skye gnas thams cad rab tu za/ 216 /zha nye rnon po ra gan zangs dang lhang tsher skyes sam gzhan pa zhing las skyes pa rnam dag 
pa/ /mnyam pa gcig tu bsres pa'o dngul gyi bya ba la ni lhang tsher dkar po las skyes gsha' tshe mnyam/ /dang por drug cu'i cha shas zas ni 'ju bar 'gyur zhing de nas cha re bskyed pas 'phel bar bya/ /rkang pa'i cha shas ji srid nyid du rab tu 'gyur te 
de las lhag par rab tu sbyin mi bya/ 217 /phyogs gcig gis ni nyis 'gyur 'ju bar 'gyur te slar yang 'di ni de bzhin sa bon rnam par dag /de ltar gnyis gsum brgyad 'gyur 'ju bar 'gyur te slar yang zhu ba 'di ni bi Da mchog rnams kyis/ /ma zhu na ni 
ro la ji srid mtshan mo brgyad kyi bar du 'khor lo'i dugs su rab tu 'gyur/ /reg pa mchog gi sman rnams dag gis me la gnas pa lhang tsher lcags ni kha med 'ju bar 'gyur/ 218 /lhang tsher dag las lcags ni brgyad 'gyur stobs su 'gyur te de ni zhu ba na 

</font><hr>77-1-124a<br><font size=+1>

yang brgyad 'gyur ro/ /de yis sa bon la yang brgyad 'gyur yin te slar yang de las rdo rje rin chen brgyad 'gyur ro/ /de ltar lcags dang rin chen rnams dang nye ba'i ro dang ro rnams ji srid khol bar gyur gyi bar/ /me yi nang du bskol bar 
bya ste de nas de ni 'bum phrag du ma 'bugs par rab tu 'gyur/ 219 /reg rdo sman dag med na mchog gi bi Da mnye ba dag dang dug rnams kyis kyang 'ju bar 'gyur/ /'dar ba med pa ji srid nyid de de nas sgyur byed gser ni mnyam pa dag tu rab tu 'gyur/ /
slar yang gzhan ni gnyis dang sum 'gyur gser bzhu'i khu ba 'bru mar dngul chu dag la blugs pas so/ /rdzas kyi don du zha nye brgyad cha gser zhun khu ba dag la rab tu 'bad nas blugs par bya/ 220 /gser dngul bya ba dag la gser rnon sprul zangs zha nye mtshal dang 
ldong ros mu zi dag gis dang / /gsha' tshe zla ba de bzhin lhang tsher skyes kyang ba bla dang ni bsreg bya dag gis bsad byas nas/ /mnyam pa'i 'gyur byed dug dang lan tshwa nye ba'i ro rnams dag dang lcags dang mnyam pa'i dngul chu ni/ /mkhris pa skyur 
po dag gis nyin zhag bcu ru mnyes nas de ni rdo ba'i dbus su blugs byas te/ 221 /sa yi nang du zla ba drug tu steng du me dang bcas pas thams cad dus su bdugs gyur pa/ /dngul chu de ni bcu drug cha yis dbyangs kyis drangs pa 'bugs par 
byed par rab tu 'gyur te slar/ /zangs dang zla ba gser mnyam dge ba'i gser 'di gser 'gyur mkhan rnams dag gi sdug bsngal 'joms pa ste/ /dngul ni brgyad kyi cha shas byin na dag pa'i zangs ni phug pa dngul du yang ni 'gyur ba 
yin/ 222 /'dzin ma la ni rdo ba gang dag 'bras bu'i lus dang mtshungs shing dung dang mgo la sogs pa'i gzugs/ /de yi skye gnas de rnams la byin mar dang sbrang rtsi dang bcas drag po'i rlung gis bzhu bar bya/ /de nas slar yang btags pa dang 

</font><hr>77-1-124b<br><font size=+1>

ni tsha la 'gyur byed sde tshan rnams kyis dag par byas nas ni/ /lcags kyi skye gnas de ni shes nas nyis 'gyur dag kyang ro la gser 'gyur mkhan gyis bzhu bar bya/ 223 /nyin zhag bdun du snod ni dag par 'gyur te 'bras bu gsum po ro 
mnyam bskol ba'i chu dang ni/ /sman gyis bsad pa'i lcags kyi phye ma mar dang sbrang rtsi dag dang bcas pa dngul chu dang bcas dang / /ba yi 'o ma gsar pa rnying pa sA li zan ni lo ma skyur pos dman zhing lan tshwa dang / /rnam bral nya dang 'bru mar 
sogs las grol ba zos pa dag gis phyogs kyi nang du mi rnams kyi'o/ 224 /stong phrag 'bugs pa brgya yis bsgyur ba'i brgya dang bye ba 'bugs pa ji srid par yang shes byas nas/ /nyin zhag so so'i dus su bza' bar bya ste yungs kar cha las mtha' ma 
skye tshe cha shas so/ /khang bzangs dang ni sa yi khang pa grang ba rlung dang tshad pa dag dang bral bar rab tu 'gyur/ /'bring po 'di ni zla ba drug gis lha yi lus po skra dkar gnyer ma dag dang bral bar byed/ 225 /karko TI dang de ba dA lI tsha gsum br-i ha 
tI dang nim pa ki rA ta tig ta/ /bskol ba 'thungs te slar yang ma zhu ba la nyin zhag gsum du bsnyung bar gnas pa rab tu bya/ /de bzhin zla ba'i chu la sogs pa me dang dug gi chu dang rdo dang b+hal+lA ta yi chu/ /ngan pa'i dri dang sa dang rdo ba dug gi sha dang brtags 
pa gzhan rnams la yang sngags pas so/ 226 /gang zhig zos na drag tu rgyal ba ster byed dug dang mtshungs pa de rnams mtha' dag sman yin te/ /phye mar byas nas de ni cung zad mar dang sbrang rtsi dang bcas bza' bar bya ste de bzhin nyid/ /gsal bar mi 
phyugs sems can rnams kyis gang zhig za bar byed pa de ni grub ster sman ma yin/ /de dag rnams la 'chi ster mchog tu 'jigs byed gang yin de ni rnal 'byor rnams la bdud rtsir 'gyur/ 227 /daN+DotA la sA li par+Ni chu skyes sA ri dag gi rang lus 

</font><hr>77-1-125a<br><font size=+1>

'dab ma'i khu ba yis/ /ro dang mu zi mnyam pa khab len snod du lcags kyis nyin zhag gsum dag tu yang mnyes byas nas/ /gang zhig zla ba drug tu nyin zhag so so'i dus su TaM ka'i rkang pa'i tshad ni za byed pa/ /de ni mdze 
la sogs pa'i nad las grol zhing skra dkar gnyer ma dang bral brgyad gnyis lo lon dbyibs/ 228 /pok+kA Na dang bar snang shak+tu kI ra'i mchu yis rab g.yo dngul chu dag kyang gsad par bya/ /sman gzhan dag gis gsad pa la ni dmar ring lhang tsher 
skyes dang gser dang khab len mnyam pa dag /gcig tu byas nas srog bcas dri ma rnam bral dngul chu dag la srang drug gis ni gong bu ste/ /sngar brjod khab len snod du chur khu dag gis bskol bar gyur pa gnyer ma dang ni skra dkar 'phrog 229 /zla ba drug 
dang gnyis gcig zla ba mi bdag dang bcas nyin zhag bcu dang zhag bdun zhag gsum dang / /zhag dang skad cig gcig gis 'di yi mthu dag las ni lus la dngos grub tu yang rab tu 'gyur/ /thun mong ba dang 'bring po 'jigs pa dag dang rnam par bral ba 
mchog ni ye shes grub pa ste/ /mchog sman skyes bu'i rang gis byas pa'i dge dbang las te skye ba gcig gi rjes 'bugs dag las min/ 230 /gang la 'khri shing ljon pa gzhan gyi dngos dang nyin zhag so so'i dus su dud 'gro rnam par rtsod/ /ral gri 
dag la pad+ma'i skud pa'i sdong bu mi yi snum gyi mar mes gter ni gsal bar byed/ /der ni nyin zhag so so'i dus su 'byung po'i bdag po dag gi sngags kyi bzlas pa rab tu bya/ /ji srid brko ba'i mtshan mar gyur gyi bar te de nas sngags pa rnams la rdzas kyi 
dngos grub bo/ 231 /dang por rgyal ba'i bdag po'i rdo rjes byin gyis brlabs pa skye gnas drug gi sngags rnams bsgrub par bya/ /gnod sbyin mo rnams bsgrubs nas slar yang sa gzhi la ni zhing du smra ba rnams kyang bsgrub par bya/ /klu mo rnams ni bsgrub pa 

</font><hr>77-1-125b<br><font size=+1>

byas nas bdud rtsi'i 'bras bu'i ro dang sman de rnams ni bsgrub par bya/ /mkha' 'gro ma rnams bsgrub pa byas nas mchog tu 'jigs par byed pa'i lha min rnams kyang bsgrub par bya/ 232 /klu la sogs rnams bsgrub pa byas nas rab mchog lha dang mi rnams rnal 
'byor pa yis bsgrub par bya/ /du ba la sogs bsgrub pa byas nas 'chi ba'i 'jigs pa byed pa'i dbu ma dag ni bsgrub par bya/ /srog la sogs rnams bsgrub pa byas nas ri bong 'dzin pa zhu ba'i thig le rnams ni bsgrub par bya/ /dam pa'i bde ba bsgrubs 
nas lhan cig skyes pa rgyal ba'i sku ni kun tu 'gro ba bsgrub par bya/ 233 /sems can rnams la 'chi ster gang de grub pa'i sngags kyis byin gyis brlabs pa mtha' dag bdud rtsi ste/ /'dod pa'i dngos grub gang zhig bgrod bya min pa de yang srid gsum 
gnas su bsam gtan bgrod bya'o/ /ye shes gang zhig rnyed dka' dag kyang rdo rje pad+mar bde bas byin brlabs rnyed pa sla ba nyid/ /de lta de ltar rdo rje can te srog chags rnams la thams cad dus su bde mnyam ster gyur cig 234 /sgra gcan me dang zla 
ba nyi ma bzhi por brjod de sa chu bsreg za rlung dang stong pa gang / /lnga po dag go gza' yi tshogs pa cig shos dag ni drug po lhun po 'di yi phyogs rnams su/ /gling rnams dag ni bzhi por rab tu 'gyur te yul rnams dag ni lnga por phyi rol dag tu gsungs/ /
snying stobs la sogs yon tan rnams ni gsum po gzhan pa 'di'o lus kyi dbus su de bzhin nyid/ 235 /pad+mar rnam shes dga' ba khrag dang bdud rtsi zhes pa dang por bzhi po dag go de las ni/ /gang zhig rus pa la sogs mtha' dag rnams kyang lnga 
po de nas mig la sogs pa drug po ste/ /lag pa rkang pa dag ni bzhi po lag pa rkang pa la gnas sor mo rnams ni lnga po'o/ /de rnams tshigs ni gsum po gang zhig 'dir ni rim pa mtha' dag rigs 'di la ni rig par bya/ 236 /sa 'dzin de nyid rab dbye 

</font><hr>77-1-126a<br><font size=+1>

rnams dang ro yis bsgyur ba'i ro dang nyi ma nyi shu zhes pa dang / /dbye ba drug cu mi rnams dag gi mtha' dag lus la gnas pa bug pa drug dang zla ba'i grangs/ /de dag thams cad bsdus pa sum 'gyur dgu ru 'gyur te lnga bcu rtsa bzhi 
srog gi rgyu ba dang / /gza' rnams dag gi rgyu ba gang de slar yang cig shos rnams kyis rnal 'byor ma yi rgyu bar brjod/ 237 /ye shes nam mkha' gnyis dang slar yang gzhan pa 'di ni theg pa dag dang dkon mchog gsum po yang / /nyon mongs bdud 
dang gnas rnams dang ni slar yang nges par rdzu 'phrul rkang pa zag pa rnams dag dang / /mi 'jigs pa dang bden pa rnams dang slar yang de bzhin dran pa nye bar gzhag pa yang dag par/ /bsdu ba bzhi yi mtha' rnams rgyal ba'i bdag po'i rdo rje rnams kyis rnal 
'byor pa yis bsgom par bya/ 238 /mngon shes lnga dang stobs dang lta ba rnams dang rab mchog rgyal ba'i bdag po dag gi spyan lnga dang / /de bzhin phung po dbang po dran pa zhes pa drug dang byang chub yan lag bdun dang mchod pa ni/ /bdun te lam gyi yan lag 
brgyad rnams so sor legs 'jug gzugs can rnam par thar pa brgyad rnams dang / /bug pa zhes bya yan lag dgu ni gsung rab mchog ste sa rnams dag ni phyogs kyi tshad yin no/ 239 /sangs rgyas rnams kyi phyogs kyi stobs dang gsal bar dbang bcu dang ni 
yan lag bcu gnyis rten 'brel dag /skye ba dang ni 'gog pa dag go de bzhin nyis 'gyur dgu ni ma 'dres pa yi sangs rgyas chos/ /rab mchog rgyal ba'i bdag po'i mtshan ni sum cu rtsa gnyis dag dang dpe byad rnams kyang brgyad cu ste/ /khyab bdag 
mchog gi go 'phang 'di dag mtha' dag sngags pa yis ni lus la bsgom par bya ba yin/ 240 /zla ba'i rang bzhin gcig ste zung dang lag pa mig dang 'khrig pa phyogs dang bgrod pa dag ni gnyis/ /'jig rten dus dang yon tan me ni gsum mo chu gter 

</font><hr>77-1-126b<br><font size=+1>

dus dang rig byed dag ni bzhi ru brjod/ /mda' dang 'byung ba dbang po rnams ni nges par lnga ru rab tu 'gyur te ro dang dus ni drug /gza' dang ri bo thub pa zhes pa bdun gyi grangs te de bzhin klu dang nor ni brgyad yin no/ 241 /rtsa dang bug pa gza' dang 
gter yang dgu ste phyogs ni bcu dang dbang phyug dag ni bcu gcig go /nyi ma lus med ma nu srid pa gang dang tshes dang mi bdag bcu gnyis nas ni re re 'phel/ /nyes pa 'di dag bcwa brgyad yin te rgyal ba mchog ni ma lus de rnams nyi shu rtsa bzhi'o/ /de nyid 
ces grags nyi shu rtsa lnga yin te gnyis skyes ces pa sum cu rtsa gnyis nyid du 'gyur/ 242 /rgyud kyi rgyal po thams cad dag tu nges par rdo rje'i tshigs ni rdo rje can gyis sbas pa ste/ /dang po'i sangs rgyas su ni srog chags rnams kyi thar pa'i slad du ma lus pa yang mngon sum 
gsungs/ /de phyir 'jig rten 'jig rten 'das pa dag las mtha' dag ma tshang med pa'i rgyu ni bla ma ste/ /dpal ldan rgyud ni dang po'i sangs rgyas mtha' dag rgyal ba'i bdag po'i mngon par brjod pa zla ba bzang / 243 /gang la thog mtha' dbus med gnas dang 'chi dang srid 
pa dang ni sgra dang dri dang ro dag dang / /reg bya gzugs dang sems med rang bzhin dang ni skyes bu med cing 'ching dang grol dang byed po med/ /sa bon dang ni gsal ba'i dus med mtha' dag srid par sdug bsngal bde ba nyid kyi rang bzhin med/ /mya ngan 'das pa mtshan ma med 
cing byed pa rnam bral yon tan med pa de la phyag 'tshal lo/ 244 /dus dang sna tshogs la sogs rdo rje skyes bu dpe zla med cing thams cad du 'gro spros pa med/ /brtsegs pa la gnas rna ba sna dang kha dang mig dang mgo ste thams cad nas ni phyag dang zhabs/ /'byung ba'i mtha' 
ste 'byung po'i mgon po srid pa gsum po mchog 'dzin rgyu rnams dag gi rgyur gyur pa/ /rig pa la sogs rnal 'byor dag gi bgrod bya mchog bde'i go 'phang dus kyi 'khor lo la phyag 'tshal/ 245 /spro byed nus pa'i ngo bo glog gi me dang mtshungs shing nyi ma bcu gnyis dag gi 

</font><hr>77-1-127a<br><font size=+1>

gzi brjid can/ /ye shes rdo rje'i snang ba mchog gi go 'phang bgrod byed rnam par bcad pa de la phyag 'tshal lo/ /dkar po 'jig rten gsum gyi mgon po ri bong 'dzin pa las 'dzag 'jig rten spyi bor yang dag gnas/ /bdud rtsi 'chi ba sel zhing 
srid pa'i 'jigs pa 'joms par byed pa thig le'i gzugs la phyag 'tshal lo/ 246 /sems tsam sngags kyi ngo bo lha yis yongs su bskor ba sdug bsngal dang ni bde ba'i rang bzhin te/ /dam pa rnams la zhi ba'i gzugs ni rang gis byas pa'i nyams myong mi bzad rnams 
la mi bzad pa/ /gang gis las gang rab byas rang gi sems la cho ga bzhin du de yi 'bras bu de skyed pa/ /'jig rten dbang po sna tshogs gzugs can srid gsum skyed mdzad rdo rje sems dpa' la yang phyag 'tshal lo/ 247 /gcig dang du ma dag kyang gcig cing mnyam dang mi mnyam 
mnyam pa g.yas dang g.yon dang mdun dang rgyab/ /steng 'og kun nas dkar ljang sna tshogs kha dog chen po gcig gi gzugs te thung ngu ring po dang / /shin tu ring po yon tan med ces yon tan dang bcas bud med skyes pa'ang skyes pa bud med min/ /gang zhig kun gyi rten gcig b+ha ga 
bzang mo mchog gi b+ha ga khyod la 'dud de khyod la 'dud/ 248 /gang zhig mi yi 'jig rten dag na dpal ldan bla ma rdo rje 'dzin pa sdig bral de bdag ste/ /de la gnod pa byas pas srog chags rnams ni nges par dmyal bar 'gyur te 'di la ngo mtshar med/ /de mnyes pa yis bdag ni mgu ste 
de la khro ba'i me yis khros pa zhes pa chen po'o/ /de nyid sems can rnams la thar ba bde mnyam 'bras ster bu rnams dag gi phyag 'os mchod 'os so/ 249 /sdig can gang yin gang zhig dpal ldan bla ma'i zhabs pad bzang po dag la dus gsum phyag mi byed/ /mi shes gang yin 
gang zhig rnam mang me tog rnams kyis dus gsum du ni maN+Dal mi byed pa/ /myur du mnar med 'gro ba gang yin gang zhig bde mnyam ster byed bla ma skyo ba skyed pa po/ /shes rab ye shes thob pa gang yin ma nyams gang zhig mchog gi bla ma'i zhabs ni mi spong ba/ 250 /nyams pa gang 

</font><hr>77-1-127b<br><font size=+1>

yin gang zhig rtsa gsum dag la gnas pa'i rlung ni mtha' yas dus su bsad pa'o/ /dpa' bo gang yin gang zhig mnyam dang mi mnyam lam la srog dang thur sel rlung ni gsod byed pa'o/ /sbyin bdag gang yin gang zhig dpal ldan bla mar rang lus bu dang chung ma la sogs 
thams cad ster/ /ma rabs gang yin gang zhig slu byed rang gi snying gi sdig pas drangs pa'i sems dang g.yo sgyu can/ 251 /dpal ldan dpal gyi chos kyi 'khor lo lha yi mchog gis btud pa'i gdan ni kha dog sna tshogs pa/ /de la sangs rgyas lha dang mi yi bla ma nye bar bzhugs pas zla 
ba'i zhu ba rtogs pa na/ /sems can don gyi slad du mi yi bdag po rgyud kyi rgyal po dang po'i sangs rgyas gsungs pa gang / /de yang da lta bdag gis de rnams A li kA li nyung ngu'i rgyud du bkod do nyi ma kye/ 252 /sangs rgyas kyis ni gsungs pa dag las dus kyi 'khor lo bdag gis 
phreng 'dzin sdeb sbyor bcings pas brjod/ /pad+ma dkar po rdo rje 'dzin pa khyod kyis 'di ni sngags pa rnams la bstan pa nyid du mdzod/ /ji ltar nyi ma dang bcas thub pa'i rigs ni shes rab ye shes thob pa 'di las byung gyur pa/ /rnam gsum srid pa la gnas sems can rnams 
ni dus kyi 'khor lo'i drin las de bzhin 'gyur bar shog 253 /nyi ma khyod dam mi dbang phyi mar gyur pa'i srid par dus kyi 'khor lo'i rnal 'byor gcig las ni/ /tshangs pa'i rigs 'di las skyes mi yi bdag po grags pa bdag ni 'jam dbyangs bdag gi dga' ma ni/ /dpal 
ldan sgrol ma pad dkar can ni yon tan kun ster 'jig rten mgon po chu skyes mtshan ma can/ /ut+pal sdong bu yis ni rang gzhan la gnas srid pa thams cad don ni ji lta bzhin du ltos/ 254 /ut+pal sdong bu yis ni rang gzhan la gnas srid pa thams cad don ni ji lta bzhin 
mthong nas/ /thub pa'i dbang po rnams dang lhan cig nyi mas cod pan bcas pa'i mgo dang lag pa dag gis ni/ /rigs ldan zhabs kyi pad+mar phyag dag 'tshal nas smras pa ston pa gcig pu mchog gi thugs rje yis/ /thub pa'i rigs ni 'jigs rung 'khor ba'i sdug bsngal dag 

</font><hr>77-1-128a<br><font size=+1>

las phyung nas ye shes lam la gzhag par mdzod/ 255 /khyod ni rgan yang gzhon nu mtha' dag rgyal ba'i sras po yin yang thog mar dang po'i sangs rgyas khyod/ /bud med sbyor zhing tshangs par spyod ldan mchog gi thugs rje dag gis 'jig rten gnyen te gshin 
rje'i dgra/ /khyod ni zhi yang rdo rje bzang po 'chi ba'i 'jigs pa 'phrog pa khyod ni rtag tu bdud kyi bdud/ /khyod ni grol yang srid pa 'dir ni 'gro ba smin pa'i don du grags pa khyod ni rab tu 'jug 256 /tshangs pa'i rigs las nyi ma bdag ni thub pa'i rigs kyis btud par gyur 
pa zhabs kyi rtsa bar lhung / /sems can rnams kyi thar pa'i slad du dus kyi 'khor lo mtha' dag sa la rab tu gsal bar byas/ /rigs ldan rigs la khyod ni nyi ma sa bdag gis btud dpal ldan grags pa dpal ldan ka lA par/ /khyod kyi zhabs kyi pad+ma dag la 'jigs rung 
'khor bas 'jigs pa dag ni skyabs su lhag par mchi/ 257 /sa ga'i zla ba'i nya la mtshan mo'i dus ni 'das shing nyin par rab tu ma zhugs pa dag la/ /thub pa'i skye bo dang bcas nyi ma sna tshogs gtso bos byin gyis brlabs pas phyag rgya'i dngos grub thob/ /sems can rnams 
kyi thar pa'i slad du bdag gi thugs kyi rdo rje mtha' dag sa la gnas pa bzhin/ /dus kyi 'khor lo'i mthu las sems can nyid rnams dag gi rnam gsum srid pa dag la gnas gyur cig 258 /sems can kun don mdzad pa po yis mchog gi thugs rje dag gis 
rgyud kyi don ni bstan mdzad nas/ /sras po pad+ma dkar po rab mchog yon tan dag gi gter la gnang ba stsal ba nges par ni/ /dang por khyod kyis rgyud kyi rgyal po mtha' dag ma tshang med pa glegs bam dag la gnas pa dang / /de nas rang gi 'dod 
pas 'grel bshad byas nas gzhan gyi gnas su bgrod par bya'o 'jig rten gnyen/ 259 /gang dag steng na bdud kyi phyogs gnas lha ma yin rnams mchog tu 'jigs byed byang chub sems dpa' rnams/ /mi yi 'jig rten dag na phyogs dang phyogs bral du gnas khro 

</font><hr>77-1-128b<br><font size=+1>

po'i rgyal po btsun mor bcas pa rnams/ /gang dag sa 'og dag na gdengs can dbang po gdon tshogs mi dge thams cad dus su 'ching byed pa/ /de dag thams cad nyin zhag so so'i dus su mi shes 'jig rten kun nas skyong bar byed gyur cig 260 /rgyud ni dpal 
ldan dus kyi 'khor lo shin tu bsdus pa ma lus rdo rje sems dpa' lhag pa'i lha/ /thabs dang shes rab gcig sbyor rgyal ba'i bdag po'i rdo rje dag gis de nyid rnam pa bcu drug pa/ /sems can rnams kyi thar pa'i slad du rgyal ba'i bdag pos gsungs shing bdag gis 
kyang ni bstan pa gang / /bsod nams de yis sems can thams cad 'gyur med mchog gi bde bar gyur cig de la 'dud gyur cig 261 /dang po'i sangs rgyas stong phrag bcu gnyis pa las phyung ba dpal dus kyi 'khor lo las ye shes kyi le'u ste lnga pa'o// //mchog 
gi dang po'i sangs rgyas las phyung ba/ rgyud kyi rgyal po dpal dus kyi 'khor lo zhes bya ba rdzogs so// //kha che'i paN+Di ta so ma nA tha dang / bod kyi lo tsA ba 'bro dge slong shes rab grags kyis bsgyur cing zhus te gtan la phab pa las/ dus phyis yon tan phul du byung 
ba dpag tu med pas spras pa'i bla ma dam pa chos kyi rgyal po'i bka' lung dang / dpon chen shAkya bzang po'i gsung bzhin du/ mkhas pa chen po zhang ston mdo sde dpal dang / dus kyi 'khor lo'i tshul khong du chud pa'i dge slong tshul khrims dar gyis don gyi cha la 
legs par dpyad cing bskul te/ legs par sbyar ba'i skad kyis brda sprod pa'i bstan bcos rig pa'i dge slong shong ston gyis/ dpal sa skya'i gtsug lag khang chen por yul dbus kyi rgya dpe gnyis la gtugs shing legs par bcos te gtan la 
phab pa'o// //gang gis thugs dgongs rnam par dag pa yis/ /'di la bskul zhing mthun rkyen bsgrubs pa dang / /bdag gis 'bad las bsod nams gang thob des/ /kun gyis 'di rtogs sangs rgyas sar gnas shog/ //

</font><hr>

</table>