D370

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>D370</h1><td>(<a href="https://adarsha.dharma-treasure.org/kdbs/degekangyur" target="new2">e-text produced by ADARSHA</a>)<br><br><a href="verif2.php?id=D370&coll=derge">see text in Tibetan script</a></table>78-1-1b<br><font size=+1>

@##/ /rgya gar skad du/ shrI badzra DA ka nA ma ma hA tan+t+ra rA dzA/ bod skad du/ rgyud kyi rgyal po chen po dpal rdo rje mkha' 'gro zhes bya ba/ bcom ldan 'das thugs 
rje chen po 'phags pa spyan ras gzigs dbang phyug la phyag 'tshal lo/ /mkha' 'gro kun dngos sems dpa' ni/ /rdo rje mkha' 'gro bde ba'i mchog /gsang ba mchog gi 
dgyes pa na/ /thams cad bdag nyid rtag tu bzhugs/ /'di ni rang byung bcom ldan 'das/ lhag pa yi ni lha gcig nyid/ /'byung gnas sgra tshul nges 'byung rnams/ /dam 
tshig spyod pa'i spyod yul yin/ /'jig rten gsum du rnyed dka' ba/ /thog ma dbus mthar yang dag gnas/ /'dod chags ma yin chags bral min/ /dbu mar yang ni mi 
dmigs so/ /bud med kun gyi sgyu ma'i rgya/ /'di ni gnyis med ye shes mchog /rnyed dang bde ba kun mos pas/ /ngan par spyod pa'ang 'grub par 'gyur/ /nam mkha' 

</font><hr>78-1-2a<br><font size=+1>

kun tu rgyu grub pas/ /mkha' 'gro ma zhes rab tu grags/ /sna tshogs kun tu phyag rgya ni/ /sna tshogs kun gyi sdom pa yis/ /mkha' 'gro kun dang mnyam sbyor ba/ /rdo rje mkha' 'gro zhes byar grub/ /de nyid med sems rnal 
'byor pa/ /lha la dmigs par byed pa dag /kun tu gzugs brnyan yid kyis ni/ /lugs sogs rnal 'byor skye ba min/ /byang chub sems can rnal 'byor gang / /rnal 'byor dbang phyug rang nyid gtso/ /byang chub sems 'di rdo rje ste/ /sangs 
rgyas kun gyi rang bzhin no/ /'gro ba'i rtsa lag rang bzhin gyis/ /sna tshogs g.yogs te rnam bzhugs pas/ /de phyir 'bad pa thams cad kyis/ /sna tshogs tshul gyis mchod par bya/ /bdag nyid sangs rgyas thams cad dang / /dpa' bo 
thams cad nyid yin te/ /rang gi lha yi sbyor ba yis/ /bdag nyid rab tu bsgrub par bya/ /'di yis sangs rgyas thams cad dang / /dpa' bo thams cad nyid dang ni/ /rdo rje 'dzin pa thams cad du/ /tshe 'di nyid du 'grub 'gyur zhes/ /mkha' 'gro 
kun dang mnyam sbyor ba'i/ /rdo rje mkha' 'gro bde ba'i mchog /rdo rje sems dpa' de bzhin gshegs/ /dpal ldan bcom ldan 'das kyis gsungs/ /thams cad nam mkha'i mtshan nyid de/ /nam mkha' la ni mtshan nyid med/ /
khams gsum pa ni ma lus pa'i/ /'gro kun sgyu ma lta bu yin/ /brtan pa dang ni g.yo ba yi/ /'gro ba dmigs su med pa ste/ /mthong ba dang ni reg pa'i dngos/ /thams cad sgyu ma ji bzhin no/ /gang gis blun po 'ching 'gyur ba/ /'dir 

</font><hr>78-1-2b<br><font size=+1>

des mkhas rnams rnam par grol/ /phyag rgya'i sbyor ba 'di yis ni/ /sa gsum ma lus bza' bar bya/ /gzhan du gal te sbyor ba ni/ /ma tshang mar me lta bur 'da'/ /gzugs ni sangs rgyas rnam snang mdzad/ /tshor ba rdo rje nyi ma yin/ /'du shes pad+ma gar 
dbang ste/ /'du byed rdo rje rgyal po yin/ /rnam shes rdo rje sems dpa' ste/ /'di dag dngos kun rang bzhin ni/ /rdo rje mkha' 'gro zhes byar grags/ /yang dag chen po gcig pu'i lha/ /bde ba thams cad rab ster ba/ /sgyu ma chen po'i rang bzhin gyis/ /
chags bral chags pa zhes byar bshad/ /sa khams ltung byed ma yin te/ /de bzhin chu khams gsod ma 'o/ /me khams 'gugs byed ma yin te/ /de bzhin rlung ni gar dbang ngo / /nam mkha'i khams ni sgyu ma che/ /rang nyid 'gro ma zhes byar bshad/ /sangs rgyas 
kun dang mnyam sbyor ba/ /mkha' 'gro ma ni 'bar ba'i mchog /'byung ba lnga yi rang bzhin gyis/ /de ni rdo rje gtso mor gnas/ /mig gnyis gti mug rdo rjer bshad/ /nyan pa zhe sdang rdo rjer brjod/ /sna ni ser sna rdo rje ste/ /kha ni 'dod chags rdo rjer gsungs/ /
lus ni phrag dog rdo rje ste/ /skye mched thams cad mnyam sbyor ba/ /rdo rje mkha' 'gro ba de ba'i mchog /gzugs 'di thams cad stong pa nyid/ /stong pa'i tshul gyi mig gis ni/ /dogs pa med par bsgom pa'i mchog /rnam par mi rtog pa yis blta/ /nam mkha'i 
tshul gyi sems kyis ni/ /der ni thams cad nam mkha'i dngos/ /dogs pa med pa'i bsgom par ldan/ /rnam par mi rtog skye 'gyur zhes/ /rdo rje sems dpa' de bzhin gshegs/ /bcom ldan rdo rje can gyis gsungs/ /de nas bcom ldan 'das de bzhin gshegs 
pa thams cad kyi thogs pa med cing gdon mi za ba bde ba chen po'i dam tshig ces bya ba'i rim pa'i ting nge 'dzin la snyoms par zhugs nas 'di skad ces gsungs so/ /ji srid 'khor ba'i gnas su ni/ /mkhas mchog 'dug par gyur pa'i bar/ /de srid sems can 

</font><hr>78-1-3a<br><font size=+1>

mtshungs med don/ /mya ngan mi 'da' bar ni mdzad/ /de ltar sems can dam pa rnams/ /sred pa'i zhags pas 'jigs med par/ /mi skyo bar ni brtson 'grus kyis/ /rtag tu sems can don rnams mdzad/ /nam mkha'i gnas kyi mthar thug par/ /
smon lam rnam par spyod byed cing / /sems can don brtson sems kyis ni/ /dpa' bo srid pa sbyong bar mdzad/ /rtag tu 'dod pas myos pa yi/ /lha yi bu 'di rnams dang ni/ /gzhan yang skye bo chags can phyir/ /'dod chags thams cad dag par mdzad/ /bde chen 
shin tu grub bya'i phyir/ /rtog pa rgyas pa sbyin pa dang / /thog ma tha ma med pa'i mchog /rtog pa thams cad dang por bshad/ /'das pa'i dus na sngon byung ba/ /rtog pa dang po bde ba che/ /der ni rdo rje sems chen gyi/ /lhag pa yi ni lha gcig bzhugs/ /'jig 
rten khams rnams mtha' yas kyi/ /sems can kun don 'byung bya'i phyir/ /glu dang rol mo sogs pa'i gar/ /srid pa kun gyi gtso bor gyur/ /sems can thams cad 'byung ba yi/ /dga' ba yang dag bsdus pa nga / /de nas sems can skye 'gyur ba'i/ /
'dod pa'i chags pa rnam spangs te/ /des 'dul bar ni mkhyen nas su/ /yi ge las byung rnams spangs shing / /nam mkha' lta bur bdag med par/ /dag pa nyid du de nas son/ /de nas sems can sangs rgyas kyi/ /bla med don ni nus med pa'i/ /stong pa nyid 
la rtag bzhugs pas/ /'gro kun stong pas bcom nas ni/ /thams cad dmyal bar ltung mthong ste/ /slar yang bdag dang gzhan don la/ /mos pas gus pa nyid du gyur/ /de nas 'jig rten khams kun na/ /bzhugs pa'i sangs rgyas kun bsdus te/ /
myur ba nyid du bdag la bskul/ /oM ma hA su kha badzra satwa dzaHhU~M baM hoHsu ra ta s+t+waM/ /'dis ni bskul ba tsam gyis kyang / /dag pa'i bde ba kun ster ba/ /'dod pa'i don kun sgrub byed cing / /'gro kun bde ba skyed par gyur/ /nga ni 'dod pa'i gzugs kyi mchog /

</font><hr>78-1-3b<br><font size=+1>

sangs rgyas kun gyis byin brlabs pa/ /nga nyid chos kyi sku yi mchog /sangs rgyas kun gyi bdag po yin/ /sangs rgyas kun gyi sbyor 'phrog cing / /sangs rgyas kun gyi bde ba che/ /sangs rgyas kun gyi sku chen po/ /sangs rgyas kun gyi gsung snyan pa/ /
sangs rgyas kun gyi thugs chen yin/ /sangs rgyas kun gyi mchod pa che/ /sangs rgyas kun gyi rgyal po che/ /rdo rje 'dzin pa kun gyi bdag /'jig rten dbang phyug kun gyi gtso/ /rin chen 'dzin pa kun gyi dbang/ /mkha' 'gro kun dang mnyam sbyor bas/ /sangs 
rgyas kun dang mnyam par 'gyur/ /sangs rgyas kun dang mnyam pas na/ /rdo rje mkha' 'gro zhes byar 'grub/ /dkyil 'khor chen po'i sbyor ba yis/ /de nas dkyil 'khor thams cad bri/ /de yi dbus su tshul bzhin du/ /rdo rje sems dpa' gzhag par bya/ /zla ba'i 
mdog can 'dzum dang bcas/ /'od zer dmar po 'khrugs pa las/ /sangs rgyas phreng bas mdzes pa ste/ /rgyan kun gyis ni rnam par bklubs/ /zhal bzhi phyag bzhi spyan gsum dang / /ral pa'i thor tshugs kyis brgyan cing / /lha mo bzhi dang yang dag ldan/ /
sangs rgyas gzugs kyis nye bar ba rgyan/ /rtsa zhal zhi zhing g.yas dkar min/ /de bzhin gzhan yang g.yon pa dmar/ /rgyab zhal ser po gser bsregs 'dra/ /thod pa la bzhugs gar dang ldan/ /sum cu gsum pa 'jigs par mdzad/ /rdo rje dang ni ral gri 
dang / /dril bu thod pa bsnams pa nyid/ /mkha' 'gro ma yi 'khor los gang / /skyob pa sna tshogs bri bar bya/ /mkha' 'gro kun dang mnyam sbyor ba'i/ /rdo rje mkha' 'gro bde mchog zhes/ /rdo rje sems dpa' de bzhin gshegs/ /bcom ldan rdo rje can gyis 
gsungs / /ma dang sring mo bu mo dang / /de bzhin nye du mo rnams ni/ /dngos grub thams cad rab sgrub pas/ /'dod pa'i sbyor bas chags par bya/ /ba glang sha dang rta sha sogs/ /dogs pa med bar bza' bar bya/ /'jig rten la rtag g.yon la spyod/ /

</font><hr>78-1-4a<br><font size=+1>

brtan pa dang ni g.yo ba yi/ /'gro kun g.yon las byung bas na/ /g.yon gyis bza' zhing g.yon mchod bya/ /pho nya ma gtogs gzhan rnams la/ /'dod la rmongs pas bgrod mi bya/ /pho nya mo rtag zhen thar par/ /'gyur ba nyid du the tshom med/ /
sgrub pos mchog tu 'bad byas te/ /brtul zhugs min spangs brtul zhugs rdzogs/ /dam tshig rigs la spyod pa dang / /tsa ru'i bza' ba lhan cig bya/ /rigs lnga la ni kun spyod par/ /rigs gcig nyid du brtag par bya/ /sbrang rtsi khrag dang ga pur bcas/ /
tsan+dan dmar po sbyar byas la/ /rdo rje chu dang bsres pa ni/ /dngos grub thams cad sgrub byed pa'i/ /de dag bdud rtsi lngar ni 'gyur/ /mthe bo srin lag sbyar ba yis/ /rnal 'byor rig pas rtag tu bza'/ /zhi ba'i btung ba bzhin myangs na/ /dngos grub rtag par 
'thob par 'gyur/ /'di dag dam tshig dam pa ste/ /mdzes ma'i gdong can khyod la bshad/ /las rnams kun la thabs bcas shing / /dogs pa med par gang spyod dang / /rnam par mi rtog sgom pa ni/ /brtul zhugs rnams kyi mchog gi mchog /las 
rnams kun la kun tu ni/ /rnam par mi rtog sgo ma byed cing / /dogs pa med par kun du spyod/ /de ni dka' thub rnams kyi mchog /the tshom med pa'i sems kyis ni/ /skra zla la sogs rjes dngos kyi/ /yul rnams ma lus sten byed pa'i/ /dka' thub 
shin tu 'da' dka' ba'o/ /gang yang las rnams thams cad la/ /shes rab dang ni sbyar byas te/ /de yang stong pa'i gnas su sbyar/ /de 'dir bdag chen dka' thub yin/ /rnam par mi rtog sems kyis ni/ /shes rab dang ni mtshungs gzugs la/ /
dogs med spyod pa'i kun spyod pa/ /de ni bdag chen dka' thub yin/ /shes rab thabs ni ma gtogs par/ /gang tshe sems gzhan mi g.yo na/ /de tshe byang chub chen po ni/ /nges par ster ba nyid du bshad/ /rnam par mi rtog rjes 'jug la/ /

</font><hr>78-1-4b<br><font size=+1>

rnal 'byor pa ni mngon par brtson/ /de ni thams cad 'byung ba yi/ /shes rab pha rol phyin pa yin/ /gang tshe 'dus byas tshul rnams ni/ /rnam par mi rtog sems kyis su/ /me long lta bur rab shes pa/ /de ni shes rab bsten pa yin/ /glog dang chu bur 
ltar smin pa/ /gang tshe 'dus byas tshul rnams ni/ /gang gis ji ltar mthong 'gyur ba/ /de ni shes rab bsten pa yin/ /me long nang gi gzugs brnyan dang / /rmi lam sgyu ma dri za'i grong / /mig 'phrul mtshungs par gang gis mthong / /de ni gtso bo yin par 
brjod/ /de ni gang du 'ang mngon zhen dang / /gang du'ang gnas pa yod ma yin/ /de ltar yang dag 'byung mod kyi/ /sgyu ma lta bu'i dngos dag ni/ /longs spyod khyad 'phags skye 'gyur ba/ /bde ba yongs su 'gyur bzhin pas/ /'bras bu khyad 'phags 'thob 
'gyur bar/ /ci yi phyir na 'dod mi bya/ /brtan g.yo'i dngos po yod min te/ /'on kyang snang ba tsam mtshan nyid/ /bsgom pa khyad par can gang zhig /goms pa'i stobs ni rdzogs pa na/ /yid 'ong bde ba'i 'bras bu ni/ /bla med gsal ba'i blo yi mthu/ /
'bras bu don gnyer rgyu bsgrubs na/ /der ni lha mo su zhig 'gog /de bas 'bad pa thams cad kyis/ /kun tu 'gro ba mchod par bya/ /dka' thub sdom pa mi bzad pas/ /lus ni bskams shing sdug bsngal 'gyur/ /sdug bsngal gyis ni sems g.yengs 
na/ /g.yengs pas dngos grub gzhan du 'gyur/ /lus dang sems ni brtan gyur na/ /bde ba thams cad brtan par 'gyur/ /sdug bsngal gyis ni g.yo gyur pas/ /shin tu 'gog par 'gro bar 'gyur/ /des na lus dang ngag sems rnams/ /
brtan par byas na byang chub 'thob/ /gzhan du dus min 'chi ba dang / /dmyal bar nges par bsreg 'gyur zhes/ /mkha' 'gro kun dang mnyam sbyor ba'i/ /rdo rje mkha' 'gro bde ba'i mchog /rdo rje sems dpa' de bzhin gshegs/ /bcom ldan rdo rje can 

</font><hr>78-1-5a<br><font size=+1>

gyis gsungs/ /rgyud kyi rgyal po chen po dpal rdo rje mkha' 'gro las de kho na nyid snang ba dam pa'i yul la 'jug pa'i ye shes kyi rim par phye ba dang po'o// //de nas bcom ldan 'das la btsun mo rnams kyis slar yang mchod cing phyag byas nas 'di skad 
ces gsol to/ /bcom ldan 'das snying po gang gis de bzhin gshegs pa thams cad kyi bstan pa 'dral ba'i lha la sogs pa'i gdug pa can rnams dang / skye bo gdug pa can gzhan dag kyang gdul ba dang / 'joms pa dang / zhum par byed pa dang / ltung ba dang / zhi 
bar byas te/ byang chub kyi snying po'i bar du gnod pa byed par mi 'gyur ba'i snying po sdang ba thams cad rab tu 'joms pa lha yis bshad du gsol/ /de nas bcom ldan 'das de bzhin gshegs pa thams cad kyi sku dang / gsung dang / thugs rdo rje'i bdag pos/ glur blangs 
te 'di skad ces gsungs so/ /dang por rnam par snang mdzad nas/ /der ni sde tshan rnams kyi mthar/ /ta dang po yi d+ha b+ha'i mtha'/ /dbyangs kyi gsum pas spyir brgyan pa'i/ /sa yi mtha' ni rang gis blta/ /la sa'i dbus kyi stan bzhugs pa'i/ /sa yi mtha' ni sbyar 
bar bya/ /mtha' gnyis kyis ni rnam par sbyang / /a stan gnas pa sa yi mtha'/ /slar yang sa mtha' mda' lnga bstan/ /zla ba'i dum bu thig les brgyan/ /la sa'i dbus gnas sa bon ni/ /mda' bcu yis ni yongs su sbyangs/ /sha dang sa yi dbus gnas la/ /
zhal gsum gyis ni brgyan pa dang / /rlung gi phyogs gnas sa bon la/ /ru ta yis ni rnam par brgyan/ /hU~M hU~M ha ni bzung nas su/ /dbyangs kyi dgu pas yang dag dgang / /phaT ces bya ba dgod par bya/ /lhag ma ha yi rkang pa dgang / /lnga ba'i dbus gnas de nyid de/ /
de la ha dzo zhes bya'o/ /ra stan la gnas sa yi mtha'/ /i zhes bya ba'i mda' dang sbyar/ /slar yang pa zhes bya ba'i mtha'/ /mda' ni sar bas yongs su sbyangs/ /sa mtha' der ni ra yig zhon/ /e zhes bya bar rna ba'i rgyan/ /i dbyangs zla dum thig les brgyan//

</font><hr>78-1-5b<br><font size=+1>

yi ge ra zhon sa yi mtha'/ /slar yang sa mthar sgra lngar ldan/ /zla dum thig les cod pan brgyan/ /slar yang de nyid mgon po bzla/ /rin chen mtha' ma phaT kyis brgyan/ /rnam par snang mdzad sna tshogs kyis/ /tshig rnams kun la dgang bya zhes/ /rdo rje sems 
dpa' de bzhin gshegs/ /bcom ldan rdo rje can gyis gsungs/ /dpa' bo drug dang mnyam sbyor ba'i/ /mkha' 'gro ma yi dra ba'i sdom/ /sna tshogs pad+ma'i nyi dkyil la/ /der ni hU~M las byung ba yi/ /las kyi rdo rje'i dbus gnas par/ /hU~M gi de nyid rnam bsgom pa'o/ /
'od zer sna tshogs 'bar ba las/ /mkha' 'gro ma yi tshogs spro ba'o/ /zhal gcig phyag gnyis spyan gsum pa'i/ /sku mdog dmar mo drag chen mo/ /mdung gi dbyibs can 'jigs pa'i gzugs/ /spyan dmar kham skra gyen du brjes/ /lang tsho phun sum tshogs 
par ldan/ /stag gi pags pa'i na bza' can/ /ljags 'dril bas ni cher 'jigs te/ /'jigs pa dag kyang 'jigs par mdzad/ /mkha' 'gro kun dang mnyam sbyor pa/ /rdo rje mkha' 'gro rab grags zhes/ /rdo rje sems dpa' de bzhin gshegs/ /
bcom ldan rdo rje can gyis gsungs/ /sngon bsags las ni mthar byed pa/ /me dang bcas te lan gnyis bzla/ /ku ru ku ru sems dpa' bral/ /ral pa gya gyu ban d+ha gsal/ /de ni slar yang bzlas par bya/ /'jig rten gzugs rang bral ba yi/ /trA sa ya 
zhes bya ste brdzun/ /dam pa de ni lan gnyis bzla/ /k+Sha zhes bya ba o sgrar ldan/ /glo na b+ha ya yang dag gnas/ /de yang slar ni bzlas par bya/ /sa yi mtha' ni nyi stan gnas/ /mda' bcu zla dum thig les dgang / /de yang slar ni brjod par bya/ /'od byed sbyangs 
pa'i sa yi mtha'/ /gshegs su gsol ba glo na gnas/ /nyis 'gyur du ni bya ba yin/ /zla zhon thig gsal phe zhes bya/ /de yang slar ni bzlas par bya/ /phaT ces bya ba bsgyings te bsgrags/ /rnam par rtog pa kun gyi shing / /da ha da ha mkha' 'gro'i sdom/ /

</font><hr>78-1-6a<br><font size=+1>

lnga sde'i thog ma nyid dang ldan/ /sde gtso de ni slar bzlas bya/ /b+hak+Sha b+hak+Sha zhes bya dang / /ba sa ru d+hi ra an+t+ra/ /mA lA pa laM bi ne dang / /gr-ih+Na gr-ih+Na sa p+ta ste/ / pA ta la ga ta b+hu dza~M ga/ /sar+b+ba~M bA tardza ya nyis 'gyur bya/ /A dang ka yi yi ge dang / /
gsum pa yi ni gsum par sbyar/ /bzhi pa dang ni rlung la gnas/ /lan gnyis su ni bzlas par bya/ /sa yi mtha' ni nyi mar gnas/ /yi ge bzhi pas dgang bar bya/ /slar yang de ni lan gnyis bzla/ /lnga sde mtha' yi stan bzhugs pa/ /ka Sha a dang thig ler 
ldan/ /sa bon de ni gnyis bzlas bya/ /sa mtha' mda' gnyis dang ldan pa/ /slar yang sa mtha' mda' gsum sbyar/ /de bzhin sa mtha' mda' lnga'i stan/ /de kun zla ba'i dum bu dang / /thig le yis ni cod pan brgyan/ /de dag yang yang bsgyur bar bya/ /ka sa tsa 
dang d+ha rnams ni/ /i sgra yi ni mchog gis gzung / /li yi mtha' ni re rer sbyar/ /de dag kyang ni yang yang bsgyur/ /u sgra la zhon sa yi mtha'/ /slar yang zla dum thig les sbyangs/ /phaT ces bya ba'i rin chen bsgrub/ /cha dang cha min sna tshogs pa'i/ /me tog 
mang pos yang dag zin/ /de dag lha mo sgyu ma che/ /dngos grub thams cad rab ster ba'o/ /'di ni gsungs ba tsam gyis kyang / /'jig rten khams kun g.yos gyur cing / /de bzhin gshegs pa kun skrag nas/ /slar yang de bzhin gshegs pa kun/ /byang chub tu 
ni mngon sangs rgyas/ /ri bo thams cad 'dar zhing gas/ /ma mo'i tshogs dang 'byung po'i tshogs/ /gdon dang rims dang dbyig dug dang / /gnod sbyin srin po log 'dren sogs/ /sdang ba thams cad btul zhing bcom/ /zhi 'gyur bkug ste dkyil 'khor gyi/ /
dbus su bcug ste dam tshig gis/ /bcings nas kyang ni dbang du mdzad/ /dmyal ba pa yi sdig pa kun/ /dral te nges bcom ba snyil lo zhes/ /mkha' 'gro kun dang mnyam sbyor ba'i/ /rdo rje mkha' 'gro bde ba'i mchog /rdo rje sems dpa' de bzhin gshegs/ /

</font><hr>78-1-6b<br><font size=+1>

bcom ldan rdo rje can gyis gsungs/ /gru bzhi pa la sgo bzhi pa/ /sgo skyong dang ni yang dag ldan/ /de dbus pad+ma bri bya ba/ /'od zer dmar chen gsal ba'i mdangs/ /phyi rol ri mo zlum por bskor/ /de yi dbus su bcom ldan 'das/ /khro bo chen po zhal bzhis brgyan/ /
zhal gyi mche ba chung zad gtsigs/ /khro dang bcas shig bzhad pa'i zhal/ /g.yas pa dkar zhing zhi ba ste/ /g.yon pa dmar po cher 'jigs pa/ /rgyab ni 'od zer ser po'i mdog /phyag bzhi yis ni brgyan pa ste/ /dpa' po g.yon na T+wA~M dang / /de bzhin du ni thod pa 
bsnams/ /g.yas na 'bar ba'i rdo rje dang / /khyad par du ni gshor gyis brgyan/ /rig pa bzhi dang yang dag ldan/ /sangs rgyas gzugs kyis nye bar brgyan/ /dpa' bo'i shes rab dga' mdzes ma/ /mda' dang gzhu ni bsnams pa ste/ /sems dpa' sngon po 'bar 
ba'i dngos/ /'od kyi dkyil 'khor dmar po can/ /dur khrod me ltar gsang mtho zhing / /'jig pa yi ni dus ltar drag /me ltar 'bar ba'i skra la ni/ /thod pa yi ni dbu rgyan bcings/ /ro langs dag ni lhan cig rol/ /he ru ka yi gar gyis spyod/ /ma mo'i grong khyer 
nyams dga' bar/ /sa yi dbang phyug rol par mdzad/ /thams cad du ni thams cad kyis/ /kun du thams cad kun bdag nyid/ /mkha' 'gro kun dag mnyam sbyor ba dang / /rdo rje mkha' 'gro bde ba'i mchog /bsam gtan bzlas pa'i sbyor pa yis/ /'grub 'gyur 
'dir ni te tshom med/ /dus bzhi ru ni rab sbyor bas/ /bde mchog bla ma bsgoms byas te/ /rdo rje chen po 'bum bzlas na/ /khro bo'i rgyal po mtshungs par 'gyur/ /rdo rje che 'dzin tshe dang ni/ /mdog dang na so stobs dang rtsal/ /dngos grub rdzu 'phrul chen po ldan/ /
mi bzad 'gro don byed mthur 'gyur/ /yang nas bsgrubs bar yang sngags pas lan gcig bzlas pas las brgya tham pa byed par 'gyur ba ni/ /'di lta ste/ /rgyu ba dang mi rgyu ba thams cad nges bar gnon pa dang / ltung ba dang / bskyod pa dang / skrag pa dang / rgyas 

</font><hr>78-1-7a<br><font size=+1>

gdab pa dang / rmugs pa dang / rengs pa dang / bzlog pa dang / rmongs pa dang / bcing ba dang / dgas pa dang / gtor ba dang / brlag par bya ba dang / smyo bar bya ba dang / gtub pa dang / spyug pa dang / dbye ba dang / rmeg med par bya ba dang / nor 
dprog pa dang / bsdu ba dang / lkugs pa dang / bcing ba dang / bdag nyid brdung pa dang / gsod du gzhug pa dang / long bar bya ba dang / sa bon brlag par bya ba dang / rims dang / dug dang / dbyig dug gis gzung ba dang / sa g.yo ba dang / dmyal bar gtang ba dang / 
byol song gi mngal du spo ba dang / skyes pa bud med du bya ba dang / mngal na gnas pa dbyung ba dang / chu bsgag pa dang / ma ning du bya ba dang / 'dod pa'i chags pa bskyed pa dang / gsad pa dang / gzhan gyis gsod du gzhug pa dang / mtshon bcing ba dang / byas pa chung 
gsan pa dang / gcer bur bya ba dang / b+ha ga dag bshang ba'i lcags sgrog dang / b+ha ga dang bshang ba'i smra ba dang / rgodadu gzhug pa dang / khrag dang khu ba dbab pa'i nad dang / gzhom pa dang / khrag dang mdze la sogs pa'i nad bskyed pa dang / mya ngan dang / sdug bsngal 
dang / gtag pa dang / bcing ba rnams dang / dum bu dum bur bya ba dang / lus thams cad phye mar bya ba dang / gzer ba dang / thams cad chags pa dang / dgug pa dang / gzhug pa dang / bskyod pa dang / gar dang / glu dang / rgod du gzhug pa dang / mang du smrar 
gzhug pa dang / ltas ngan bstan pa dang / thob pa dbang du bya ba'i las thams cad la sbyar ba dang / bkol ba dang / lha dang / klu dang / gnod sbyin dang / srin po dang / log 'dren dang / 'dul byed dang / 'byung po dang / ma mo dang / mkha' 'gro ma la sogs pa thams cad gdul 
ba dang / mchog sbyin dang / sa dang / chu dang / me dang / rlung dang / nam mkha' rnams thams cad mkhyen pa'i las bya ba dang / tshangs pa dang / khyab 'jug dang / dbang phyug chen po las rgyal ba dang / chags pa thams cad gzhom pa dang / rims dang / dug dang 

</font><hr>78-1-7b<br><font size=+1>

dbyig dug dang / mkha' 'gro ma las dgrol ba dang / de bzhin gshegs pa thams cad kyi 'dod chags dang bral ba dgas pa dang / byang chub sems dpa' thams cad kyi 'khor ba'i skyo ba bsal ba'o/ /las rnams thams cad sgrub byed par/'di de lha mo bshad pa yin/ 
sngags kyi rgyal po 'di nyid ni/ /ma byung 'byung bar mi 'gyur zhes/ /sgyu ma kun dang mnyam sbyor ba'i/ /mkha' 'gro ma zhes rab grags pa/ /rdo rje sems dpa' de bzhin gshegs/ /bcom ldan rdo rje can gyis gsungs/ /rgyud kyi rgyal po chen po dpal rdo rje mkha' 'gro'i las 
thams cad kyi cho ga las sgyu ma chen pos rnam par 'phrul pa'i sngags kyi cho ga'i rim par phye ba ste gnyis pa'o// //de nas gsang ba bshad bya ba/ /mdor bsdus pa ste rgyas par min/ sgyu ma kun gyis mnyam sbyor las/ /las rnams thams cad rnam 'phrul ba/ /sgyu ma kun gyi rdzu 
'phrul gyis/ /dbang phyug thams cad rab sgrub cing / /'byung bo gdon gyi rig pa che/ /gang gis sdud cing spro byed pa'o/ /hi ma wan+ta s+ya ut+tare Na/ b+ha bat+si wo na maH ma hA sa mo/ so wi ad+d+ha ma/ si ha~M be hi ma se hi ma se hi/ ba ti pu dz+wi/ i so ni do/ ma hi nI do kum+b+ha 
kaN+Da/ san ni do sA ga ra/ sa sa d+ya pa Da be si na san+ni daM baM d+hA mi/ ku ku ra sas+sa pi Da la sa/ tuN+Da ban d+hA mi dza wa su ru u da ni/ dza ba ra di/ bya b+ha ba a d+hi a ta to bar+N+Na/ a nu ba de na/ sA d+hu n+ma ma tsa ri ya/ a sar+b+ba sid+d+ha na swA hA zhes/ /rdo rje sems dpa' de bzhin 
gshegs/ /bcom ldan rdo rje can gyis gsungs/ sngags 'di lan bdun mngon par bzlas te khang thog tu bzhag na/ khyim gyi mi rnams dran pa med par 'gyur ro/ ba sa ha to li mi dz+nya a/ ba sa ba dza na mo hi/ e sa bidz+dza tsa hi/ na ma n+ti/ in+d+ra na/ ha a bA i/ 
dza be na din+na ni d+ha/ tam pi ha/ ma hA swa ba a ne na/ bA d+ho sa/ rI dza ku la khaN+Da Da Ni Da/ dze bA i ba d+ha/ tad+hi Na ta Na/ namaHsi d+ha na/ namaHpu pa tsadz+dza pA ba da na/ ba glang gi gdong zhes bya ba'o/ /ma sa ra ba Ne/ tad+ya thA re/ ma hA da N+De da ha he du na he he swA hA/ sngags 

</font><hr>78-1-8a<br><font size=+1>

'di bye ma la lan bdun mngon par bsngags te zhing la gtor na/ ri dgas la sogs pa'i srog chags thams cad kyis za bar mi 'gyur ro/ /de nyid kyi bka' tsam gyis sprin bzlog par 'gyur ro/ /rat+na ra ti/ oM a l+li bi li bar tsul+li/ tso ra bag+g+ha/ kan+da/ 
sa bA mu ha/ ban d+hA mi swA hA/ sngags 'di shing sor bzhi pa la lan bdun sngags te/ rna gong g.yas par btsugs na/ tsor ba thams cad bcing bar 'gyur ro/ /in+da sa a ti Ni dza ha a/ ka li lo hi d+hi ping+ga li ma/ me ka b+ha ni/ a haM si la u sa ri mi/ a 
bar b+ha Ni/ a haM bA da u sa ra mi/ a ba ra/ b+ha Na mi/ a han+d+he ha mi b+hi to ba dza dza pa/ mi lo lo ka li/ lo hi di/ ping+ga li hU~M phaT/ khyu mchog gi rwa gong du chags pa'i sa sa la ma lhung ba blangs te sngags 'di lan bdun du bzlas pa byas na/ bas mtha' dang 'brog dgon 
pa'i lam dang rgyal po'i pho brang du yang 'tshe ba thams cad 'byung bar mi 'gyur ro/ /ba glang gi gdong gi cho ga la yang 'di nyid do/ /ka ra bI ra'i lcug ma la sngags bzla ba'i cho ga 'dis rlung dang char ba dang ser ba bzlog par 'gyur ro/ /oM dza~M bi li a/ bi dze dza/ su ti tha da si 
i su b+ha de o/ sa Na o/ a tsa la hi/ su N+Na pa ta ne/ hi si la ba da/ ba ra sa pa dza he swA hA/ zhib ma'i nang du chu blugs la sngags 'di lan bdun bzlas te rlung phyogs su nam mkha' la gtor na/ rlung dang char dang ser ba la sogs pa bzlog par 'gyur ro/ /na 
ya moM d+he b+ha ga wa te/ ki b+hi ku re Na sha tra ya/ tha ma ke ha tha kar wA ke ni ta sa~M ru bi ti bi b+ha tu ya/ ru tsha re Ta ra ma Ta ku ke to li Ta ku ke to liT lu ya/ ludaM hiSh+Tha le ka si ra le lo ti gra le b+hi Shi Sha la Ne si mu le kha/ a ya the sar+b+ba ha de sra na b+hu dza ku b+ha na su the ra Sha ya/ ra 
ya ti Shu d+ha yan so pa bya ti ta ka su se la ka kha se Da g+he g+ha se d+ha g+ha ri si ni/ ma byA ha g+ha g+ha dzi se na g+haM ba sa ra/ g+ha d+ha ser sa a ha/ a oM ha pi ru ga a~M bra lAn d+ha k+Sha ka a ra/ hU~M hU~M hU~M/ pa pha pu Ta Sha/ zla tshes thig ler ldan pa'i os/ /rkang pa brgyad pa 

</font><hr>78-1-8b<br><font size=+1>

mdzes par bya/ swAhA zhes byas brgyan pa ste/ /mtha' dang mthar ni phaT mchog bya/ /'di ni gsungs pa tsam gyis kyang / /klu rnams skrag cing brgyal bar gyur/ /sngags kyi rgyal po 'di'i sbyor ba ni 'di yin te/ sngags pa bdag nyid rlung dang me'i dkyil 'khor la 
gnas pa'i rdo rje hU~M mdzad zhal bzhi ba phyag bzhi pa 'dam skyes sngon po lta bu'i mdog can sangs rgyas lnga'i me tog gi phreng bas dbu brgyan pa/ bskal pa'i me ltar 'bar ba yan lag gi cha shas thams cad nas rdo rje mkha' 'gro ma spro zhing / zhal bzhin sa hU~M bzhi 
sgrogs par mdzad par bsgom par bya'o/ /de nas kham phor gnyis bzung ste/ kham phor gnyis po de ba blas rlung dang me'i dkyil 'khor rang gi mtshan mas mtshan cing 'bar ba la/ klu brgyad kyi dkyil 'khor re'u mig dgu par bris te/ dkyil 'khor gyi dbus su klu lhag ma can/ 
mgo la gdengs ka bdun gyis brgyan pa/ cung zad bskum pa'i phyed krung can du bri/ de'i brla g.yon pa la gnas par klu mo gdengs ka gsum dang ldan pa g.yon gyis 'khyud par bri/ de ltar phyi rol gyi dkyil 'khor rnams su mtha' yas la sogs pa bris la/ gdengs ka rnams la 
hU~M dang spel ba'i phuHbkod de/ thams cad kyi lag pa g.yas na ral gri thogs pa'o/ /dpral ba rnams su yang hU~M phuHhU~M/ rkang mthil rnams la dzaHbri/ rkang pa rnams kyang klu gzhan gyis bcings pa ste/ de dag gi gdengs ka la yang hU~M phuHhU~M bri'o/ /de nas oM d+h+ri a ni la ta ra be 
ga di thi bi bar+She She ya hi ru sarba nA ga ku la bya na ya phuH sa ma ye pra be sha ya A be sha ya phuH sar+b+ba na sA d+ha ya phuHphuHphuHphuHzhes bya ba 'dis/ dkyil 'khor bskor la yang sngags 'di dang phyag rgyas so so'i lus la bkug ste gzhug par bya'o/ /phyag rgya ni 'di yin te/ mthe bong 
kha sbyar te bcings la phyi rol tu bzhag ste/ sor mo lhag ma rnams gdengs ka ltar bya ba'o/ /dzaH hU~M ba~M hoHzhes bya ba sngags kyi mthar bzla zhing dgug pa dang / gzhug pa la sogs pa byas la/ de nas kham phor de mar nag tsha bas bkang ste/ sdong bu la me sbar la/ kham 

</font><hr>78-1-9a<br><font size=+1>

phor gzhan gyis bka' la/ kham phor de ri rab tu bsgoms nas/ de'i steng du hU~M gis khro bo'i dkyil 'khor bsgoms la/ rdo rje hU~M mdzad kyi sngags brgya rtsa brgyad bzlas te/ cho ga bzhin du gzhag par bya'o/ /de nas kham phor gyi steng du bsgoms pa'i rdo rje 
hU~M mdzad la sogs pa'i khro bo'i dkyil 'khor pa'i lus kyi gzar bu las byung ba'i chu rdo rje nyi ma'i dkyil 'khor la 'thor bar bsams la/ bdag nyid rdo rje hU~M mdzad kyi sbyor ba dang ldan pas zhal bzhi nas hU~M bzhi sgrogs shing / rdo rje hU~M mdzad kyi phyag brgya bcings ba'i mdzub mo'i rtse 
mor hU~M gnyis bsgoms te/ de las byung ba'i me lce'i phreng bas sprin rnams bzlog par bsams te/ /dpal rdo rje hU~M mdzad kyi sngags kyang rung ba bzla'o/ sbyor ba 'dis ni dkyil 'khor gyi phyi rol khru brgyad kyi bar du tshar bzlog par bya'o/ /dkyil 'khor chen po'i sbyor ba 
yis/ /phyi yi dkyil 'khor bri bar bya/ /de yi dbus gyur pad+ma ni/ /kha dog dkar po mdzes pa la/ /nyi ma'i dkyil 'khor dbus gnas pa'i/ /ye shes sa bon bsgom par bya/ /rlung dang me yi dbus gnas par/ /chu yi dkyil 'khor bsgom par bya/ /dbang 
chen dkyil 'khor dbus su ni/ /gsal ba'i dkyil 'khor rab bsgoms te/ zla ba rdo rje'i sbyor ba yis/ /rdo rje mkha' 'gro bsgom bya ba/ /zhal gcig phyag ni bzhi pa ste/ /glang chen stan la g.yas brkyang bzhugs/ /spyan gsum skra ni grol bas brgyan/ /gzugs 
bzang gzhon pa phun sum tshogs/ /thod pa'i phreng bas rnam par bklubs/ /kha dog dmar po gsal ba'i mdangs/ /shin tu mdzes pa'i na bza' gsol/ /'bar ba'i ral gri thod pa dang / /mda' dang gzhu ni 'gengs pa ste/ /khrag la dgyes pa hrIHlas byung / /'od zer 
dmar po'i phreng 'khrugs shing / /'jigs pa dag kyang 'jigs par mdzad/ /gru bzhi pa la sgo bzhi pa'i/ /mkha' 'gro ma yi 'khor lo bsgom/ /bla re dam pa bres pa dang / /rlung bskyod ba dan bsgrengs nas ni/ /sna tshogs gos ni rnam dpyangs par/ /dur 

</font><hr>78-1-9b<br><font size=+1>

khrod so phag la sogs pa'i/ /tshon rtsi rnam pa lnga yis ni/ /khru bzhi pa yi tshad tsam du/ /dkyil 'khor dge ba'i las tsam sogs/ /de nas rdzing bu bya ba ni/ /tshon rtsi sngon pos gcal bkram ste/ /dpa' rlabs chu gnyer la sogs bri/ /tshon chen gyis ni gang ba'i 
gzugs/ /nya dang nya mid la sogs pa'i/ /srog chags rnam pa sna tshogs bri/ /phyi rol bya rog sogs pas brgyan/ /de nas cho ga 'di yis ni/ /rig pa che dang klu brgyad dgod/ /sgo bzhir mgo gnyis bsnol ba la/ /mjug mas grwa bzhir dkris nas su/ /shar du 
klu rgyal mtha' yas ni/ /'dam skyes sngon po lta bu'i mdog /gdengs ka bdun ni bsgyings pa la/ /klu mo dang ni bcas par dgod/ /phyag na pad+ma bsnams pa'o/ /byang na nor rgyas ser po ste/ /nub tu 'jog po dmar po yin/ /lho ru stobs rgyu ljang skya ste/ /dbang ldan 
du ni dung skyong yin/ /rlung mtshams pad+ma bden bral du/ /pad+ma chen po dgod par bya/ /me mtshams su ni rigs ldan te/ /cho ga snga mas bri bar bya/ /klu ni brgyad po thams cad kyang / /rin chen cod pan blta sdug ldan/ /rgyan kun gyis ni rnam par bklubs/ /
gdengs ka'i nor bu'i 'od kyis ni/ /mun pa thams cad sel byed pa/ /thal mo sbyar zhing skrag nas su/ /gdeng ka las ni chu rgyun 'bebs/ /sprin gyi dbang phyug rgyal po rnams/ /phyogs brgyad nas ni dgug par bya/ /sgra grag dang ni rmugs ba dang / /drag po 'gugs byed de 
bzhin no/ /rgyal ba bzang po dpal dga' mo/ /char 'bebs dang ni sdug ma dang / /myur ba dang ni dbyangs can ma/ /gtum dang 'bebs dang gang dang g.yo/ /'di dag sprin rgyal brgyad po zhes/ /mkha' 'gro kun dang mnyam sbyor ba'i/ /rdo rje sems dpa' de bzhin 
gshegs/ /bcom ldan rdo rje can gyis gsungs/ /bud med gnyis kyi thod pa ming dang ldan pa la/ go ro tsa na dang / khrag gis me'i dkyil 'khor gnyis bris te/ me'i dkyil 'khor gyi mtshams rnams su yi ge k+Shu~M dang hriHbkod la/ dbus su bsgrub 

</font><hr>78-1-10a<br><font size=+1>

bya'i bu mo'i ming bris te/ ri mo gsum gyis bskor nas/ mo dza'i sa bon nam/ re phas dkyil 'khor sum rim du bskor te/ thod pa'i steng 'og gi bye brag shes par byas la seng ldeng gi me la dus gsum du bsros na/ phyi de nyin par 'ong ba'am skams 
par 'gyur ro/ /gnas dben pa'i sa phyogs su bla gab med par rdo rje sems dpa'i sku gzugs mar nag tshabs byugs te/ shing stegs mdzes pa la bzhag la/ khrus chab gsol nas bskams te/ sgrub pa'i grogs dang bcas par char dbab par dmigs nas kha 
shar stod du bltas la/ sngags bzlas na brgya byin gyis char 'bebs so/ /min na dpal phyag na rdo rje'i sngags dang spel te bzlas na/ rgyun mi 'chad par 'bab bo/ /yang na kham phor la sbrul mgo gnyis pa'i sha dang / khrag gis snga ma ltar bris te me lces ma reg 
par nam mkha' la bzhag la/ char dbab pa la sngags bzlas na 'bab par 'gyur ro/ /char gcad par 'dod na rdo rje can la phul ba'i me tog gi bdug pa khang steng du gnas te/ gcer bur byung la sprin la bdugs shing sngags bzlas na zlogs par 'gyur ro/ /kham 
phor so ma btang pa la/ dug la sogs pas rlung la sogs pa'i dkyil 'khor gsum bris te/ de'i sa bon las gyur par bsams la/ chu'i steng du yang pad+ma 'dab brgyad bris nas/ lte ba la hU~M gnyis kyis gzir ba'i nA~M bri/ 'dab ma brgyad la yang klu brgyad kyi 
snying po gzir ba bris la stobs po che'i sngags dang / hU~M dgus cho ga bzhin du mtsho skyes bskor te sngags bzla zhing ji ltar 'byung ba bzhin mchod pa byas la/ kham phor kha sbyar te klu'i gnas su bcug na/ /klu thams cad char gyi rgyun 'bebs so/ /gal te des 
sdang ba'i klu rnams char mi 'bebs na der sbyor ba 'di ltar bya ste/ gtum po'i sa bon la lan brgya rtsa brgyad bzlas la/ klu'i mtshor sbyin sreg byas na char 'bab par 'gyur ro/ /gal te des kyang char 'bab par ma gyur na/ de'i tshe yungs kar dang / tsha ba'i mar nag 

</font><hr>78-1-10b<br><font size=+1>

dang/ sbrang rtsi dang / ka ra bI ra'i me tog rnams lhan cig phye mar byas te ril bu byas la/ de nyid la lan brgya rtsa brgyad mngon par bzlas te/ klu'i mtshor bcug na 'bab par 'gyur ro/ /gal te klu rnams sdang bas char mi 'bebs na mgo 'gas par 'gyur ro/ /gal 
te yang mi 'bab na dur khrod kyi thal ba bzung ste/ rtsa bas skyur por sbangs nas sngags bzlas te mtshor bcug na/ klu rnams myos shing char gyi rgyun 'bebs so/ /ji ste des kyang ma babs na pad+ma dang / ut+pal sngon po dang / ba bla dang / zangs kyi phye ma dang / 
yungs kar dang / dbang po'i lag pa dang / pa la sha rnams las ril bu rgya shug gi 'bru gu tsam byas la/ ril bu re re zhing lan bdun bdun mngon par bsngags te/ ji srid char 'bab kyi bar du ril bu rnams mtshor skyur na/ nyin mo dang mtshan mo bye brag med par char 
'bab par 'gyur ro/ /de nas bcom ldan 'das rdo rje 'dzin pa chen pos sngags kyi rgyal po 'di gsungs te/ oM na mo nI la aM ba ra d+ha rA ya/ badzra pA Na ye/ ma hA yak+Sha se na pa ta ye/ a ne ka ga~M gA nA dI pA lu ko pa mA bud+d+ha ko Ti/ sha ta sa ha sra pa ri br-id tA 
ya/ bi kr-i taM daMsh+Ta/ ka rA la rU pA ya/ a ga ni rA si/ na yA na yA/ dz+wa li ta/ bi Sha sa swA ya/ b+hI ma na dA ya/ ba su ki nA ga rA dzA b+hi b+hU Shi ta ka ra tsa ra NA ya/ kriSh+Na b+hu dzaM gA ya/ ya dz+nyo pa bI trA ya/ dz+wa li ta b+hu dza ma Ni mu ku TA ya/ pu ri ta Ta pa bA da nA ya/ sa 
kru tsi tA b+hu la tA ya de sha na ShaN+Da ro Sha NA ya/kritA n+ta rU pA ya bid+yu dz+dzi hwA ya ma ho ra ga bak+Sha NA ya/ kA ra s+pho Ta trA sa na ka rA ya/ su bar+Na ka na ka rA dza me kha lA ya/ hU~M kA ra nA da trA sa na ka rA ya/ a shI ti yo dza nas ha sra ga~M b+hI ra sA ga ra dzA nu maN+Da lA ya/ tsa krA di t+ya 
skan d+ha ba ha nA ya/ daMsh+TA ka rA lA ya/ hA si ta aT+TA TA hA sa nA da nA dA ya/ ma hA saM k+Sho b+ha ka rA ya/ kA la rU pA ya/ trai lo kya b+hak+Sha Na ka ra NA la/ nA gA nAM mr-i t+yu kA lA ya/ i maM gaM gA na dI bA lu ka sam bud+d+ha b+ha ga bad+bi b+hA Shi taM/ man+t+ra mA bar+t+ta yi Sh+yA mi b+ho d+ho 

</font><hr>78-1-11a<br><font size=+1>

pan+nA ga ad+d+hi ba ta ye/ i dan nI lAM bar d+ha ra sha rI raM badzra pA Ni hr-i da yA ya sa mA ti kra ma tha/ mA ku lo t+sA da naM/ b+ha pi Sh+yaM ti/ tad+ya thA/ bud+d+ha bud+d+ha/ bi bud+d+ha bi bud+d+ha/ ma hA ba lo ka pA li nI/ dza ha ra dza ha ra/ nA gA nAM/ phra ha ra pra ha ra/ sar+b+ba nA gA nAM/
ts+tshin+da ts+tshin/ nA gA n-I hr-i da yA ni b+hin+da b+hin+da/ nA ga mar mA Ni pi shir+yan+tu nA ga hr-i da yA ni/ s+pho Ta ya/ s+pho Ta ya/ nA ga nA ya nA ni/ bi shir+yan+tu/ nA ga sha rI rA Ni/ tad+ya thA/ hU~M hU~M phaT/ nA ga bi dA ra ya phaT/ nA ga ts+tshin+da nA ya phaT/ nI la ba sa nA ya phaT/ a bra ti ha ta ba la pa ra 
kra mA ya phaT/ kr-i tA na ta rU pA ya phaT/ ro Sha NA ya phaT/ trA sa nA ya phaT/ kuSh+ma N+Dot+sA da na ka rA ya phaT/ bre ta pi shA tsa pi nA sha ka rA ya phaT/ yak+Sha a pa sma ra bi nA sha ka rA ya phaT/ ha sa ha sa/ dar dar/ mA ra ya mA ra ya/ nA sha ya nA sha ya/ sar+b+ba bi g+h+naM bi nA sha ka rA ya 
phaT/ nI lAM bar d+ha ro badzra pA Ni rA dz+nyA pa ya ti swA hA/ gnod sbyin dang srin po la sogs pas zin pa la ni chu la bzlas te gtor na grol bar 'gyur ro/ /char bzlog pa la ni thal ba la bzlas nas sprin la bltas te gtor bar bya'o/ /chu la bzlas te gtor na ni char 'bab par 
'gyur ro/ /rims la ni skud pa sngon po la bzlas te lag pa la btags na grol bar 'gyur ro/ /zla ba dang nyi ma gzas zin pa'i dus su go ro tsa na la lan stong mngon par bzlas te dpral bar thig le byas na mi snang bar 'gyur ro/ /don la dmigs te gtsang zhing gtsang 
ba'i gos gyon la nyin mtshan du kun du ru bsregs te lan brgyad brgya bzlas na rmi lam du dge sdig thams cad ston par 'gyur ro/ /sa la lan bdun bzlas te chom po la bltas nas bus na chom po bas mi mthong zhing bzlog par 'gyur ro/ /me tog gam 'bras bu la 
lan bdun bzlas te gang la byin pa de dbang du 'gyur ro zhes/ /mkha' 'gro kun dang mnyam sbyor ba'i/ /rdo rje mkha' 'gro bde ba'i mchog /rdo rje sems dpa' de bzhin gshegs/ /bcom ldan rdo rje can gyis gsungs/ /rgyud kyi rgyal po chen po dpal rdo rje mkha' 

</font><hr>78-1-11b<br><font size=+1>

'gro las klu thams cad dgug pa'i rim par phye ba ste gsum pa'o// //de nas bcom ldan 'das la lha mo rnams kyis slar yang mchod pas mchod cing phyag gsum byas te 'di skad ces gsol to/ /las thams cad kyi tshogs bcom ldan 'das lha yis bshad du 
gsol/ de nas bcom ldan 'das kyis rig pa'i rgyal po 'di mgur du bzhes te bka' stsal pa/ g+hi li g+hi li bar+Sha ya baR+Sha ya ba dza da i ni ba ri sha ba ri sha pa ya/ hU~M hU~M hU~M/ ho ho ho/ b+ha sa Tha/ Tha Tha/ ha sa/ ha sa/ ha ha/ o ni zla phyed thig les brgyan/ /
de ni chu 'dzin brgyad la gnas/ mkha' 'gro ma yi rig sngags te/ /sgyu ma chen po'i rang bzhin no/ /'di ni gsungs ma thag tu yang / /klu rnams thams cad brgyal 'gyur zhes/ /rdo rje sems dpa' de bzhin gshegs/ /bcom ldan rdo rje can gyis gsungs/ /na 
maHsh+ma shA na bA si ni/ ma hA kA la/ a nu tsa rA ya/ tad+ya thA/ oM tsa le tsa le pra tsa le/ la lA la lA ya/ de ba liM ga swA hA/ sngags 'di bsnyen pa khri byas te/ mtshan phyed na ling ga'i drung du ji srid 'ongs kyi bar du bzlas pa byas te gong bu dgug pa'i cho ga'o/ /
oM tsa muN+De dru ma ke shi bid+yu dzi hA+e/ ha na ha na/ da ha da ha/ ba tsa ba tsa/ de ba dat+ta mA ra ya swA hA/ rang gi rkang mthil g.yon bar sen rtsis ri rab bris la/ de'i nang rol gyi grwa bzhir yi ge hrIHbzhi bri/ dbus su sngags kyi tshig bris la/ rdog bas mnan te bzlas 
na khugs shing dbang du 'gyur ro/ /skyes bu'i byin pa g.yon pa'i rus pa'i thur ma la steng gi char tshogs kyi dbang phyug phyag bzhi pa zhal 'og tu gzigs pa/ lag pa g.yas pa dang / g.yon bar tho ba dang / dgra sta dang / zhags pa dang / mdung rtse gsum 
pa bsnams pa byas la/ dug dang / khrag dang / ske tshe dang / lan tshwa dang / lce myang tshar bcas pa'i mar nag gi nang du phur bu de btsos te stobs po che'i sngags bzlas la/ gang gi khyim sgor sbas pa de la gcong nad chen po 'byung bar 'gyur la/ bton na thar 

</font><hr>78-1-12a<br><font size=+1>

bar 'gyur ro/ /oM badzra kro d+hA ma hA ba la ha nad ha pA tsa/ bi d+h+wan+sa ya/ ud sA dA ya mA rA ya hU~M phaT/ grog mkhar gyis dang / ba'i rnam lngar bcas pas klu bA su ki'i gzugs brnyan mtho gang tsam pa byas te ka ra bI ra'i lcug mas bkab la 
gu gul gyi bdug ba rgyun mi 'chad par 'dug cing dkar gsum gyi gtor ma byin la/ ka ra bI ra'i lcug mas rgyun mi 'chad par chu gtor zhing bzlas na/ zhag bdun gyis char gyi rgyun 'bebs par byed do/ /ji ste bab par ma gyur na/ nyi ma bdun pa la dum bu dum bur 
byas te/ bum pa'i nang du blugs la/ hU~M bzhi ba'i sngags zlos shing chu po chen por bskur na nges par 'bab par 'gyur ro/ /oM ga ga a rig gA swA hA/ sngags 'dis nang par sngar gdong ma bkrus par rde'u la lan bdun bzlas te gang yang rung ba'i bu gar bcug 
la/ che ge mo'i kha chings shig ces brjod na kha 'chings par 'gyur ro/ /mu kha tiSh+Tha na ti mu ka/ gats+tsha ti/ muHkAHkaR+Ya na ti/ dan+ta laM/ ga laM mU kA nAM/ mu tra pu ri She Na/ de wa dat+ta s+ya mu kha ban d+hA mi swA hA/ glang gi lci ba sa la ma lhung ba byi ba'i khung bu sgo gnam 
du bltas pa'i nang du bcug la/ bzlas shing kha chings shig ces brjod na rgyal po'i pho brang la sogs pa dang / shags 'gyed pa la bzlas pa tsam gyis kha bcings par 'gyur ro/ /a kA ro mu khaM thog mar sbyar/ /sar+b+ba d+har+m+ma NI de mthar/ /rab tu sbyar te slar yang ni/ /
A d+ya nu t+pan+na twAta ces bya/ /sngon du gsungs pa'i sbyor ba yang / /blo gros chen mo mdun gnas te/ /sngags 'di bdun ni brjod byas na/ /mkhar gnas rnams kyis nges par ni/ /chu ni rab tu mang po 'bebs/ /sde tshan gyi mtha' ma ra'i stan la gnas pa la/ dbyangs 
yig bzhi pa dang thig les brgyan te/ tsan+dan dmar pos nyal ba'i sngas kyis gzhi la byugs te/ der rang gi khrag gis snying po la ming bris la nyal ba'i dus su me tog dmar pos gtor zhing bdug pas bdugs na/ rang gi bud med chags pas mi phyed par 'gyur ro/ /

</font><hr>78-1-12b<br><font size=+1>

snying gar nyi ma la hU~M bsgoms te/ bdag nyid khams gsum rnam par rgyal ba la sogs par bsgoms la/ rdo rje so can gyi khrag gis shing dzA ti'i lcug ma'i myu gus ras sam gro ga la rlung gi sa bon gyi dbus su bsgrub bya'i ming dang bskul tshig tu bcas pa/ hU~M Ta k+kI 
zhes bya ba'i sa bon gnyis kyi dbus su bris la lcags kyu la sogs pas dgug pa la sogs pa'i las byas te so phag gi dbus su bcug la/ skud pa dmar pos dkris nas rlung mtshams su g.yon brkyang gi rkang pas mnan te bzlas na rgya mtsho la thug gi sa gzhi thams 
cad du 'khyam par 'gyur ro/ /bton nas 'o mas bkrus na grol bar 'gyur gyi gzhan du ni ma yin no/ /bdag nyid ma~M dmar po las bud med kyi gzugs su bskyed de/ oM dmar po spyi bo yang bsams la/ bu mo'i kha nas bdag gi khar sngags kyi phreng ba cho ga 
bzhin du zhugs par bsams na dbang du 'gyur ro/ /bud med kyi gci ba'i shul gyi sa dang / rang gi gci ba'i shul gyi sa las mo mtshan gyi gzugs byas te/ de'i steng du rang gi mtshan ma bzhag la/ sngags lan bdun bzlas nas der gci ba'i las byas la/ nyi ma 
bdun du dus gsum du sngags brgya rtsa brgyad bzlas na/ brgya byin gyi chung ma yang 'ong bar 'gyur na gzhan rnams lta ci smos/ skyes pa'i thod par go ro tsa na dang sen rtsis bsgrub bya'i gzugs brnyan bris te/ snying gar ming dang sbel ba'i sngags bris la/ dri'i chus 
byugs nas thod pa gnyis kha sbyar cing ro'i skud pas kun tu dkris te/ spra tshil gyis byugs la ro bsregs pa'i sol ba'i me la/ ji srid spra tshil zhu bar ma gyur gyi bar du rig pa'i rgyal po 'di zlos shing gdungs na/ las kyi cho ga de lta bus lha'i 'jig rten yang 'ong 
bar 'gyur ro/ /dug can gyi thod par gnod sbyin smyon pa'i lce bcug la/ rta'i rmig pa'i ser gar bcug ste/ gang gi khyim sgor sbas pa nyi ma bdun gyis bskrad par 'gyur ro/ /yang na las kyi dus su kha zas kyi phud kyi chang bu la sngags lan brgya rtsa brgyad 

</font><hr>78-1-13a<br><font size=+1>

bzlas te/ khro ba dang bcas pas bsgrub byar gzhug ste/ nyi ma bdun gyis bskrad par 'gyur ro/ /lci ba sa la ma lhung ba la bsgrub bya'i gzugs brnyan sor bcu drug pa'am/ phyed dang bcu gsum pa byas la/ ras ma'i dum bu la de'i ming bris te ltor 
bcug la/ bag zan gyis de'i kha bkang ste/ ro'i skes dkris la gtun shing la sngags lan bdun bzlas te/ khro ba dang bcas pas de'i gdong btsogs na bcings par 'gyur ro/ /dpa' bo g.yul du bsad pa'i ras la bu mo'i gzugs brnyan ri mor bris te/ ba glang 
gi rdul dang / shing bu pa ta la'i rtsa ba'i bdug pas bdugs na bu mo de 'ong bar 'gyur ro/ /ras sam/ gro ga'am/ spang leb bam/ rtsig ngos la/ khro bo gshin rje'i gshed kyi gzugs kha dog thams cad dang ldan pa g.yas brkyang bas gnas pa/ lag pa g.yas 
na tho ba g.yon na sbrul zhags 'dzin cing / khro gnyer dang / smin ma bcum pa/ mche ba gtsigs shing spyan dmar ba/ skra gyen du 'greng zhing sbrul gyi rgyan gyis brgyan pa 'od 'bar ba dang bcas pa bris la/ sbrul zhags kyi ltor dur khrod kyi sol bas dgra'i tshogs 
kyi ming sngags dang spel ba bris te bzhag na/ ji srid gnas kyi bar du dgra rnams bcings par 'gyur te/ tha na yid kyis kyang cung zad tsam yang gnod par sems par mi 'gyur te/ gal te gnod par sems na 'byung po dang / rims dang / gdon dang / sha 
za dang / mkha' 'gro mas nye bar 'tshe bar 'gyur la/ lha rnams kyis kyang gtor bar 'gyur te/ pha rol gyi dpung gi tshig spel na dpung bcings par 'gyur ro/ /gzhan yang shing lo la sogs pa la sngags phreng gnyis su bris te/ phreng gnyis pa'i mthar 
bsgrub bya'i ming yi ge dang spel te bris nas bcings la/ kham phor du bzhag ste/ der bshang ba btang la/ ba glang gi lci skam gyi thal bas bkang ste/ kham phor kha sbyar la dbugs nang du rngub cing sa 'og tu sbas nas/ sas 'thug pa kho nar bkab na/

</font><hr>78-1-13b<br><font size=+1>

dgra bcings par 'gyur ba las gzhan du ma yin no/ /rat+na badzra zhes byas nas/ /de nas oM dang badzra brjod/ /hrI dang phaT ni mthar sbyar ba/ /sngags 'di dpung ni 'ching byed yin/ sa nag po la lha mo tsa mu N+DI gdong byas la/ go ro tsa nas bsgrub bya du yod pa'i ming dang spel ba'i 
sngags bris te de'i khar bcug la/ de'i khar mchod pa rnam pa lngas mchod cing / khyim gyi phyogs gcig tu bzhag la/ nyin gcig bzhin du mchod par byas na kha bcings shing dbang du 'gyur ro/ /kham phor la ldong ros kyis bud med kyi gzugs brnyan bris la de'i b+ha gar mdzub 
mo btsugs te/ zla ba gzas zin nas ji srid grol gyi bar du sngags bzla ba'am/ yang na bud med dngos kyi b+ha gar yang rung ste/ de ltar bsgrub pa'i mdzub mo des mdzub yug tsam gyis bu mo thams cad 'ong bar 'gyur ro/ /ni ma pa'i lo ma la dug dang / rang gi khrag 
dang / d+ha du ra'i khu bas yi ge phuHbri/ de'i dbus su bsgrub bya'i ming bris la bag zan nam zan gyi ril bu'i nang du bcug ste dgongs mo bya rog tshang du 'gro kha ma la zar bcug na nges par bskrad par 'gyur ro/ /rtsig ngos sam spang leb la yi ge tha bri/ de'i nang du dbyangs kyi 
yi ges 'khor bar bri de'i nang du pha bri/ de'i nang du ha bri/ ha'i nang du ka/ der bsgrub bya'i ming bris la de kha bcad de bzhag na dbang du 'gyur zhing bcing bas bcings par 'gyur ro/ /lte ba'i pad+ma'i dbus su ming gi yi ge'am/ a bsgoms te/ pad+ma'i bsdu ba byas la/ 
snying gi zhags pas bcings na bsrung bar 'gyur te/ a ni sems can thams cad kyi/ /rang gi phyag rgya rtags sa bon/ /srog bsrung la sogs don gyi phyir/ /stobs kyis yang dag bcing bar bya/ /yang na rdo rje lte ba kha sbyor gyi nang du gangs kyi 'od lta bu'i yi ge a 
bsams la/ de'i mtha' gnyis su snying gi zhags pas bcings na yang srung ba'i dam par 'gyur ro/ /snying ga'i pad+ma la gnas par yi ge ba kha mthur du bltas pa bsams la/ lte ba'i pad+mar yi ge a nas kyi 'bru tshod tsam bsams te/ ba las ba'i 'o ma'i rgyun 

</font><hr>78-1-14a<br><font size=+1>

lta bu'i bdud rtsi'i chu rgyun 'babs pas a la khrus chab gsol ba rtag tu bsams na/ pad+ma kha sbyor gyi bsam gtan gyi sbyor ba 'dis ni lus brtan par 'gyur ba dang / srog bsrung ba la snying gar dbang bskur zhing rgyas pa phun sum tshogs par 'gyur ro/ /
shing ta la'i 'dab ma la bsgrub bya'i ming gi yi ge gdang spel ba/ thog ma dang tha mar oM kha sbyar ba'i ri mo bris la ri mo de dur khrod kyi sol bas bkang la bum pa la sogs pa'i nang du bcug ste/ spra tshil la sogs pas kha bcad la dbugs nang du rngub cing mi gtsang ba'i 
phung po'i nang du bcug na rgyu ba dang mi rgyu ba thams cad bcings par 'gyur ro/ /shing ar ka'i rtsa ba la tshogs kyi dbang phyug gi gzugs lag pa bzhi dang ldan pa byas te/ sa bon dang / dgug pa dang / dam tshig sbyin pa la sogs pa byas nas/ lan tshwa dang / ma ri 
tsi dang / bca' sga dang / sngon po dang / ske tshe dang / spun pa dang / chu rnams kyis legs par byugs te nyi ma phyed na khyim gyi chu'i nang du ske man chad kha lhor bstan te bcug la mchod pa rnam pa lngas mchod de/ sngags pas 'di skad ces brjod par bya'o/ /khyod kyis 
bdag la sogs pa'i las 'di zhes bya ba byas na/ de nas ci nus pa'i rjes su mthun pa'i mchod pa khyod la sbyin no zhes brjod la nyi ma bdun gyi bar du bya'o/ /de nas bya ba byas pa dang / de nas bton la 'o mas bkru zhing ci nus pa'i mchod pa byin la bzod pa gsol bar 
bya'o/ /bum pa dri'i chus bkang ste rin po che dang / sman dang / 'bru dang ldan par byas shing stobs po che'i sngags brgya rtsa brgyad bzlas nas maN+Dal gru bzhi par byas pa'i steng du skyes bu'i gtso bo bzhag ste/ bum pa des khrus byas la sngags de gro ga la go ro tsa nas bris 
nas gtsug pud la btags te g.yul du zhugs na pha rol gyi g.yul las rgyal bar 'gyur ro/ /dur khrod kyi ras sam/ a ba d+hU tI'i ras la dug dang / khrag dang / ni ma pa'i lo ma'i khu ba rnams kyis sngags kyi yi ge re re zhing / bsgrub bya'i ming dang spel ba 

</font><hr>78-1-14b<br><font size=+1>

lugs las bzlog ste bris la bcings nas nya phor gyi nang du bcug ste/ sha za'i shing gi rtsa ba'i rlung mtshams su sbas na ni bskrad par 'gyur la me mtshams su bzhag na ni phan tshun sdang bar 'gyur la/ bden bral gyi mtshams su gsang ste sbas na ni gsod par 'gyur 
ro/ /cho ga 'di nyid kyis rnal 'byor pas g.yul du zhugs na dpung bcings par 'gyur ro/ /slar bzlog pa la ni bton la 'o mas bkru zhing / skyes bu'i ming dang spel ba'i sngags lugs su 'byung bar bzlas so/ /ldong ros kyis rang gi lag pa g.yon pa'i mthil la 
bsgrub bya'i ming bris la me mar gyi rtse mo la bsros na dbang du 'gyur ro/ /maN+Dal byugs te/ zan gyi chang bu la ming sngags bzlas nas dgongs mo tshang du 'gro kha ma'i bya rog la byin na yang bskrad par 'gyur ro/ /bsgegs nas bsad pa'i ro'i thag gu blangs la/ 
dum bu gsum du byas te/ ro bsregs pa'i shing phyed tshig pa blangs la srub shing byas nas/ dur khrod du shing gi khri 'khrog cing sgra dang bcas pa la 'dug ste/ thag gu des srub shing la btags nas/ ro'i bum par bcug ste/ des bsrubs shing sngags bzlas 
na gang gi ming nas bzung ste bzlas pa de 'ong bar 'gyur ro/ /yang tha mal pa'i rdo'am/ brdar rdo la klu'i rgyal po gdengs ka gsum dang ldan pa'i gzugs byas la rdza ma nag po'i nang du bzhag ste/ sbrang rtsi dang 'bras yos kyi bo ga ling dang / dri dang / me tog dang / 
bdug pa dang / mar me dang / 'o thug la sogs pas mchod la snod de nyid kyi nang du bzhag ste/ ras sar pas bkab la bcings nas rgya btab ste/ de'i steng du lag pa bzhag la stong rtsa brgyad bzlas nas shin tu gsang ste grong khyer gyi dbus su sbas na ji srid ma 
bton gyi bar du grong khyer de gnas par 'gyur ro/ /grong khyer ba 'bros pa rnams dgug par 'dod na de nyid du mchod cing dus gsum du sngags bzlas na 'ong bar 'gyur ro/ /grong khyer ba 'bros par rtsom pa la ni bu ram la bzlas te bza' bar byin na mi 'bros so/ /

</font><hr>78-1-15a<br><font size=+1>

grong brtan par bya ba'i sbyor ba gzhan yang rdza mkhan gyi lag pa phyis pa'i 'jim pa la snod byas la stong rtsa brgyad yongs su bzlas te/ dbugs mi 'byin par chu'i nang du bzhag na brtan par 'gyur ro/ /ji ste dgra gsad par 'dod na spra tshil lam/ bag zan las 
gzugs brnyan byas la/ chos gos kyi gzugs brnyan gyi gdong nas brtsams te rkang pa'i mthar thug par dkris la legs par sbas te/ de'i steng du lag pa bzhag la ming dang spel ba'i sngags stong du gcig gis ma tshang ba bzlas nas lha mchod pa'i khyim gyi phyogs gcig tu 
bzhag ste/ snying gar seng ldeng gi phur bu btab la phur bu'i steng du dus gsum du chu tshan blugs shing yongs su bzlas na brlag par 'gyur ro/ /nyi shu'i phyed kyi rdzas dang kha cher sbyar la rnal 'byor pas thig le byas na skye bo skal ba bzang por 'gyur ro/ /rdzas de dag ma la 
ya skyes dang bcas pas yan lag thams cad byugs te/ gang la reg pa de shi yang mi gtong ngo / /rdzas de dag nyid dmar po dang pa la sha dang / sbrang rtsi dang / nad kyi dbang po dang / 'tshod byed dang / lhan cig tu bsres te byas na rtag tu sa stengs pa rnams byams 
shing thams cad du rgyal bar 'gyur te/ rgyal po dang / rgyal po'i blon po rnams kyis rnal 'byor pa thams cad du bsrung bar 'gyur ba la the tsom med do/ /rtsa sngags 'bum du bzlas nas su/ /de 'og las rnams brtsam par bya/ /gzhan du dus min 'chi ba dang / dmyal 
bar nges par bsreg 'gyur zhes/ /mkha' 'gro kun dang mnyam sbyor ba'i/ /rdo rje mkha' 'gro bde ba'i mchog /rdo rje sems dpa' de bzhin gshegs/ /bcom ldan rdo rje can gyis gsungs/ /rgyud kyi rgyal po chen po dpal rdo rje mkha' 'gro las/ las thams cad kyi 
tshogs rab tu 'byung ba zhes bya ba'i cho ga rgyas pa'i rim par phye ba ste bzhi pa'o// //de nas mkha' dbyings dbus gyur par/ /nyi ma'i dkyil 'khor bsam bya ba/ /phyogs dang phyogs mtshams nam mkha' la/ /dpag med rigs kyis yongs gang ba'o/ /mkha' dbyings 

</font><hr>78-1-15b<br><font size=+1>

nyi ma de dbus su/ /rang gi sa bon mtshan ma ni/ /nyi ma stong bas lhag pa yi/ /'od zer rnon po 'bar zhing 'khrug /me stag 'phro bas bdud sde bsreg /gong bur de bsdus sbyor ba yis/ /zhu ba las ni skur bzhengs pa/ /sku mdog sngon po drag chen po/ /'od zer bskal pa'i me 
dang mtshungs/ /'bar ba'i lus dang sgra chen gyis/ /'jigs pa dag kyang 'jigs par mdzad/ /lhag ger bzhad chen tshems kyi 'od/ /lha mo'i dkyil 'khor rgyun chags kyi/ /'khor lo bla re mthar gnas shing / /slar yang 'od ldan phyag bzhi bzhi/ /thong ka sgyu ma chen mos 
mdzes/ /rgyal ba rnam grol dri med rgyun/ /kha ba mchog gi zer tshogs 'khrug /nyis 'gyur du ni byung bas gsal/ /rin chen la zhugs zhabs gnyis bskyod/ /grong khyer sum brtsegs la sogs pa'i/ /mthar thug bskyod pas rab mdzes pa/ /rnam par rgyal ba'i rgyun 
'jug cing / /'byung 'jug dbugs ni yongs gang ba'i/ /sgra yi tshogs kyis 'joms byed pa/ /sa gsum pa ni rab tu g.yo/ /mtshon cha sna tshogs 'phangs pas khyab/ /mun pa'i tshogs kyis gtibs pa bzhin/ /thams cad du ni 'jigs par mdzad/ /gnam la 
gnas pa'i lha rnams dang / /'byung po'i bdag po tshangs sogs kyang / /rkang pa'i grib ma'i mtha' tsam yang / /nye bar bzod par nus ma yin/ /bgegs kyi tshogs gzhan sgyu can dang / /srin po la sogs lha gzhan gyis/ /'od kyi dkyil 'khor phyi rol gyi/ /
dpag tshad 'bum gyi char yang ni/ /nye bar gzung bar nus ma yin/ /yod med de ni lha yi phyogs/ /cung zad 'od kyi lus can yang / /rdul lam du ba lta bur g.yo/ /pad+ma rA ga lta bu yi/ /g.yon zhal 'od zer tshogs kyis ni/ /thams cad ma lus bsreg snyam sems/ /
ban d+hU ka yi me tog gi/ /phung po spungs 'dra'i 'od kyis ni/ /rigs gsum las byung kun nas ni/ /lhags pa thams cad ngo mtshar gyur/ /'od gzugs des ni bsreg snyam sems/ /nyi ma stong bas lhag 'od kyis/ /bskul zhing byang chub thob par mdzad/ /phaT 

</font><hr>78-1-16a<br><font size=+1>

sgra chen pos sad mdzad cing / /rab tu bsgyings pas lha kun bsreg /g.yas zhal dkar po'i 'od zer ni/ /gangs kyi snying po spungs pa dang / /shel dang bai DUr rdo dang ni/ /ngang ba kun da zla 'dra ba'i/ /dri med 'od kyis gsal mdzad pa/ /rnyog pa med 
pa'i gdengs ka'i bar/ /rang gi chu rgyun 'bab pa bzhin/ /rgyal ba'i rigs kun gsal bar mdzad/ /nub ni ser po gser btsos 'dra/ /ku sum dza yi me tog dang / /me 'bar sol ba spungs 'dra zhing / /nyi ma 'char ka'i 'od 'dra ba'i/ /spyan zur bgrad pas 
'jigs par mdzad/ /shin tu drag pa'i gzugs chen las/ /sa gzhi rnams ni ma lus par/ /skar mda'i 'od ltar lding zhing 'khrug /blta bar dka' zhing gzung bar dka'/ /me lce 'khyil pa lta bur 'bar/ /dpag tshad stong phrag du ma ru/ /yangs pa'i rdo rje 
mda' yi ni/ /dra ba chen pos 'khor lo bcings/ /khwa gdong la sogs so so yi/ /ba spu re re'i khung nas kyang / /ri rab du ma'i rdul mtshungs pa'i/ /mkha' 'gro ma yi 'khor lo dang / /rdo rje gsum gyi rang bzhin rnams/ /spro bas nam mkha' gsal mdzad pa/ /
phyag brgyad spyan gsum gyen skra 'bar/ /mkha' 'gro nyi shu bzhi phyed bskor/ /de ltar sngags pas rnam bsam bya/ /g.yas dang po na rdo rje sngon po 'bar zhing rno ba gdengs pa la rigs ldan gyis dkris pa bsnams pa'o/ /gnyis pa na pad+mas bcings pa'i mda'i mchog 
go/ /gsum pa na pad+ma chen pos yu ba dkris pa'i ral gri'o/ /bzhi pa na dung skyong gi zhags pas dkris pa'i lcags kyu'o/ /g.yon gyi dang po na mtha' yas kyi ba dan btags pa'i kha T+wA~M ga bsgreng ba'o/ /gnyis pa na nor rgyas kyi bu yis rgyud byas pa'i gzhu'i mchog 
go/ /gsum pa na 'jog po'i zhags pa dag sdigs mdzub bo/ /bzhi pa na tshangs pa'i mgo khrag 'dzag pa stobs kyi rgyus bcings pa bsnams pa'o/ /klu'i rgyal po de dag thams cad kyang mche ba gtsigs shing lce 'dril ba/ lta ba'i dug can gdengs ka'i nor bu'i 

</font><hr>78-1-16b<br><font size=+1>

'od kyis nam mkha'i ngos thams cad gsal ba'o/ /khwa gdong ma la sogs pa thams cad kyang sbrul gyi rgyan gyis bklubs shing spyan gsum pa/ skra gyen du 'bar ba/ phyag na zangs gri dang / kha T+wA~M ga dang / thod pa bsnams pa thod pa'i phreng bas bklubs shing gcer bu zhal 
mche ba gtsigs pa/ 'od zer sna tshogs 'phro ba/ khro gnyer gyi rim pa can/ zur mig tu gzigs pas sa gzhi bskyod cing / klu'i tshogs skrag pas kha bub tu 'gyel bar bsams na nam mkha' la gnas te char gyi rgyun gtong bas sa gzhi skad cig gis gang bar 
byed do zhes/ mkha' 'gro kun dang mnyam sbyor ba'i/ /mkha' 'gro ma ni 'bar ba'i mchog /rdo rje sems dpa' de bzhin gshegs/ /bcom ldan rdo rje can gyis gsungs/ /yang na rta bla mo zhib tu btags la ras kyis g.yogs te li khri dang bsres la/ sbrang rtsis 
sbrus te/ mgo bdun pa'i klu'i gzugs sor bcu gnyis pa byas la/ de'i khang pa sor bcu drug yangs par byas nas/ khang pa de gru bzhi la gdong bzhi byas te/gru gcig pa ni rta'i gdong pa/ gnyis pa la seng ge'i gdong pa/ gsum pa la spre'u'i gdong pa/ bzhi 
pa la nya'i gdong pa byas te/ de'i nang du klu'i rgyal po ras kha dog sna tshogs pas g.yogs te bzhag la/ de nas sngags brgya rtsa brgyad yongs su bzlas pas btab ste/ yid kyis ji ltar 'dod pa'i me tog dang / bdug pa dang / gtor ma la sogs pa'i mchod 
pa bsams te byin la/ yungs kar la lan bdun bsngags te klu'i steng du gtor te/ de nas 'dod pa thams cad pa'i gtor ma byin na/ des klu'i rgyal po rnams mdza' bor gyur nas/ klu thams cad kyis than pa byung ba'i dus su nyi ma bdun du char phab pas 
'dzam bu'i gling thams cad gang bar byed do/ /char mi 'bab pa'i dus su de ltar byas na gdon mi za bar char 'bab bo/ /ci ste klu gdug pa can yin na yang rlung grang mo dang / rdo char dang / glog dang / ser ba 'bebs te de bzlog par 'dod na rig pa 'dzin pas thal 

</font><hr>78-1-17a<br><font size=+1>

ba dang yungs kar zho gnyis tsam la lan nyi shu'i bar du bzlas te/ ji srid 'dod pa'i sa phyogs su mtshams bcings la/ yang de nyid la lan bdun bzlas te/ klu'i mgor bsnun zhing yid kyis ji snyed 'dod par phyogs bcing ba byas te/ phyogs mtshams 
dang steng 'og tu gtor na mtshams chen po bcings par 'gyur ro/ /ji ste dgra thams cad dang 'gran zla dang sdang ba'i grogs po dang / sdang ba'i phyogs byed pa rnams dang / pha rol gyi 'khor lo 'jigs shing gdul bar 'dod pa dang / btags pa dang / bcing ba dang / gsad 
pa dang / rengs pa dang / gzhom par 'dod na rta bla mo de nyid dur khrod kyi thal ba dang bsgos te/ skyes pa'am/ bud med kyi gzugs byas la/ khro bo chen po'i sngags brgya rtsa brgyad bzlas te/ dur khrod kyis brkos pa'i nang du ming nas smos te bzhag la/ yungs kar la brgya rtsa 
brgyad bzlas te de'i steng du gtor la seng ldeng gi phur bu la lan brgya rtsa brgyad bzlas te btab nas sbas na ji srid phur bu ma bton gyi bar du sdug bsngal chen po nyams su myong bar 'gyur te/ rig pa 'dzin pa ma gtogs pa gzhan gyis dgrol bar mi nus so/ /ci ste gsad par 
'dod na mi rus kyi phur bu la sngags brgya rtsa brgyad bzlas pas bsnun la khrag dang bcas pa'i yungs kar la bzlas te gtor na zhag bdun sdod par mi 'gyur zhes/ /mkha' 'gro kun dang mnyam sbyor ba'i/ /rdo rje mkha' 'gro bde ba'i mchog /rdo rje sems dpa' de bzhin 
gshegs/ /bcom ldan rdo rje can gyis gsungs/ rgyud kyi rgyal po chen po dpal rdo rje mkha' 'gro las/ klu thams cad dgug pa dang / gzhug pa dang / bcing ba'i cho ga rgyas pa ste/ rim par phye ba lnga pa'o// //de nas bcom ldan 'das la lha mo rnams kyis 
slar yang mchod cing phyag byas te/ 'di skad ces gsol to/ /sgra chen pos rnam par 'phrul pa'i klu'i sngags mi 'tshal na/ bka' drin chen pos bshad du gsol/ bka' stsal pa/ sngags kyi rgyal po chen po'i mtshan nyid skal ba chen mo'i lha mo nyon cig /gshin rje 

</font><hr>78-1-17b<br><font size=+1>

mche ba can ma nyid/ /rus sbal gyi ni stan la bzhugs/ /dbu ma yi ni tha ma nyid/ /slar yang bzhi pa la gnas pa/ /gshin rje'i phyogs kyi mthar gnas pa/ /bzang po yis ni steng du brgyan/ /slar yang gshin rje'i mche ba can/ /rus sbal gyis ni rab tu brgyan/ /oM b+ha zhes bya 
ba'i tshig dang ldan/ /dang po ru ni rus sbal gyi/ /stan bzhugs mgon po ri mo dang / /rtses brgyan lan gnyis bsgyur bar bya/ /mgon po phan phan tshig gis brgyan/ /ka ki mu khi/ mu ka ke si/ nag g+ni/ in d+hu b+ha ga gi /ke ti sadz+dzi/ pi hi ba di hi/ a pa ri 'o si'o/ /ka ha ka 
hi dz+dza'i/ kasma da thaM/ dza'i in da b+ha mi bid thu ma he sa ro ba tsak+khe bi sar+b+ba la pa ha N+Do bi ho bi Na sa na ta ha na se'i/ ka ki ha a a san+ti a zhes/ mkha' 'gro kun dang mnyam sbyor ba'i/ /rdo rje mkha' 'gro bde ba'i mchog /rdo rje sems dpa' de bzhin gshegs/ /bcom 
ldan rdo rje can gyis gsungs/ /'bugs byed pa ni sa dbang phyug /zla ba'i dum bus brgyan pa ste/ /slar yang dbu ma'i dbu ma gzung / /byang phyogs kyi ni dbu ma yi/ /zhabs kyi pad+ma nyi mar ldan/ /bden bral la ni sme bas brgyan/ /'bar bas 'bugs pas rnam par 
bklubs/ /byang phyogs kyi ni dang po dang / /khyu mchog steng na gnas pa yi/ /gshin rje phyogs kyi mthar gnas dang / /rlung ni yugs sa me yis brgyan/ /bden bral la ni gnas pa yi/ /gshin rje yi ni mche ba can/ /gti mug rgyan gyis rnam par brgyan/ /gshin rje 'joms 
ma gti mug bklubs/ /klu yi phyag rgya 'di yis ni/ /mkha' 'gro ma kun dga' mgur 'gyur/ /sgyu 'phrul chen po bcu drug 'di/ /yi ge re rer kun gnas zhes/ /mkha' 'gro kun dang mnyam sbyor ba'i/ /mkha' 'gro ma ni bde ba'i mchog /rdo rje sems dpa' de 
bzhin gshegs/ /bcom ldan rdo rje can gyis gsungs/ /dang po rus sbal gzung bar bya/ /bzang po'i steng du gnas pa yi/ /byang gi dang po gnyis par ldan/ /gshin rje pho nya chu lhar bzhugs/ /yi ge ra ni gti mug brgyan/ /slar yang ka sha zhes byar brjod/ /gshin 

</font><hr>78-1-18a<br><font size=+1>

rje mche can bzang pos brgyan/ /slar yang mche can bden bral bzhugs/ /gti mug dang ni lhan cig ldan/ /der ni sa mtha' zhes bya ba/ /gti mug gis ni lhan cig brgyan/ /lha mo bstan pa 'di yis ni/ /bu mo rnams ni dgug pa'i mchog /shar phyogs 
nas ni brgyad bzung zhing / /bzhi par ldan pa'i dbus ma'i mtha'/ /yugs sa mo yis spyi bor brgyan/ /slar yang dbu ma'i mtha' ma gzung / /'bugs pa dang ni ldan par bya/ /gshin rje 'joms ma bzung nas su/ /yugs sa mo yis rna cha bya/ /mthar ni swA hAs yongs 
su brgyan/ /rig byed kyis ni mnyes par bya/ /thod pa'i dbus gnas rgyal bar 'gyur/ /mu oM Ni ka ka kA saM bi/ i ka mu ka Na/ ru pa te/ sa ka mi/ ka mu bi ni aN To ha pa la ha/ la ri gi Ni le a hi/ mu pa ka te/ s+s+ra iny+dzi a bi/ mu taM/ ki gras+ya hA mu ka hats+tsha gA 
tha ki ba yan+ha th+Ta mi su swA kha hA phaT/ klu yi phyag rgya 'di yis ni/ /bcing ba dang ni bskrad par 'gyur/ /oM in de Na ha da b+ha a dza me na u/ ba di a dzi ha hA dA bA ha/ dan de na tadz+dzi ya su la ha re na su li ya swA hA/oM dzaM b+ha ni dzaM b+he hi/ oM stam b+ha ni stam b+ha hi/ oM mo ha ni 
mo he hi/ oM a kaR+Sha ni/ a kaR+She hi/ oM tham b+ha tham b+ha ma ha tham b+ha/ a mu kaM tham b+ha ya swA hA/ de ltar rnal 'byor pa rnams kyi cho ga bzhin las bstan pa'o/ /oM na mo b+ha ga ba ni tsa mun d+he su kha mu khi Shu ka kaN+the ga Do da ri/ a mu ka s+ya mu khaM ban d+ha ban d+ha/ ha na 
ha na/ da ha da ha/ pa tsa pa tsa/ hU~M phaT swA hA/ mkha' 'gro kun dang mnyam sbyor ba'i/ /rdo rje mkha' 'gro bde ba'i mchog /rdo rje sems dpa' de bzhin gshegs/ /bcom ldan rdo rje can gyis gsungs/ dpa' bo 'ded phyogs su bltas pa'i rkang mthil gyi pags 
pa dang / ma na da dang / nyan pa dang / mig sman dang / rdo dang dmar po rnams mi'i khrag dang btags la slar yang tsan+dan dmar po dang lan mang du sbal te/ a mra'i ril bur gyur pa dang / dbus su lig bu mig bcug ste grib ma la bskams nas/ nyi ma dang / zla ba 

</font><hr>78-1-18b<br><font size=+1>

dang / sreg byed kyi dbus su ril bu bcug la/ slar yang skar ma rgyal la lhag par gnas par bya ste/ rig pa'i rgyal po'i zhal du bcug la ji srid mi snang bar gyur pa de srid du bzlas par bya'o/ /sbrul gyi rgyal po rnyed pa dang / ri mo dkar nag dum bu so sor phye la dkar nag so sor shes 
par byas pa de dang / shang kha pulpa dang / a ga ru nag po la stong phrag nyi shu rtsa bzhir gcig gis ma tshang ba'i sngags bzlas la/ phyis kyang brgya rtsa brgyad bzlas te bdug par ba'o/ /skar ma rgyal gsum la snam bu byas te/ zla ba yar ngo la dum bu dkar pos bdug go/ /
mar ngo la ni du ma bu nag pos bdug go/ /de nas de gyon pa'i lus kyis lan khri bzlas na 'grub par 'gyur te/ dkar po dang nag po'i phyogs la so sor gyon pas mi snang bar 'gyur ro/ /gang du 'gro bar 'dod pa der 'gro bar 'gyur zhing gang la 'dod pa de la 'dod pa spyod par 'gyur 
ro/ /de'i kha'i bu gar lig bu mig bcug ste/ du ba med par bsregs la/ de tshig pa dang mtshan mo zhib mor btags te/ mig la byugs na khyim gyi me tog mchog ltar gsal la rang gi lha'i sngags bzlas na mi mthong bar 'gyur ro/ /lto 'phye'i rgyal pos bum mam/ 
kham phor gyi nang du bcug ste gter du sbas la/ de nas rul zhing zags pa dang bton te/ de'i thod pa'i rus pa brdar te thig ler byas na grib ma yang med par byed do/ /de zags pa'i sas lus la byugs na dug sna tshogs zhi bar byed do/ /gang gi rdul gyi dri rtag tu zhim zhing skra 
g.yas su 'khyil pa dang / yid du 'ong zhing grib ma bdun dang ldan la lus la rma med cing bden par smra ba dang / yun ring du mig mi 'dzums pa de ni lha mo dngos grub byed par 'gyur te/ gzhan yang kha'i dbugs dri zhim zhing rtag tu skyid de bar gnas pa de ni byang chub sems 
dpa' rnams ltar sbyin pa chen po rtag tu gtong bas sgrub pa po rnams bskyab pa'i phyir mi ro'i gzugs kyis gnas te/ sems can rnams byin gyis brlab pa'i phyir sangs rgyas shAkya thub pa mya ngan las 'da' ba'i gzugs ltar phan par nye bar gnas pa mdun du bdar ba dang yang 

</font><hr>78-1-19a<br><font size=+1>

dag par ldan pa yin no/ /lha mo de ni dngos grub kyi yon tan thams cad kyi 'byung gnas su gyur pas ce spyang dang / bya rog dang / bya rgod la sogs pa sha zan thams cad kyis kyang bskor te gnas la/ yang dbang po'i tshul gyis gzugs de la gnod sbyin 
dang / srin po dang / lha dang / yi dgas la sogs pas kun nas bskor te/ gnas pa sgrub pa po shin tu mnyam par bzhag pas cho ga de ltar shes par byas nas/ de'i snying ga na ro tsa na yod pa blangs te/ rang gi snying po bzlas pas thig le byas na/ steng du dpag tshad bye 
ba stong phrag gi bar du 'gro zhing slar yang 'ong la/ rdzu 'phrul dang / cho 'phrul sna tshogs mthong zhing mkha' 'gro ma rnams dang dga' mgur rtse zhing rnal 'byor thams cad rnyed par 'gyur ro/ /de'i sha zos pa tsam gyis khams gsum gyi ye shes can du 'gyur zhing / rlung gi shugs 
kyis dpag tshad brgyar 'gro la lha'i lus can du 'gyur te/gang dang gang 'dod pa de dang de ster bar 'gyur ro/ /nam mkha' lding dang / byi la dang / 'ug pa'i zhag la mi ro'i ras kyis sdong bu byas te/ me mar btang na/ gter thams cad mthong bar 'gyur zhing sha za dang / 
'byung po gang dag yib pa de dag thams cad mthong bar 'gyur ro zhes/ mkha' 'gro kun dang mnyam sbyor ba'i/ /rdo rje mkha' 'gro bde ba'i mchog /rdo rje sems dpa' de bzhin gshegs/ /bcom ldan rdo rje can gyis gsungs/ /rgyud kyi rgyal po chen po dpal rdo rje mkha' 'gro 
las klu'i sngags thams cad kyi rab tu sbyor ba'i rim par phye ba ste drug pa'o// //lag pa'i phyag rgya'i mtshan nyid ni/ /de nas yang dag bshad bya ba/ /gang zhig spyi gtsug phreng reg pa/ de la mgo bo bstan par bya/ /gang zhig dpral ba ston byed pa/ /de la mkhur tshos 
bstan par bya/ /gang zhig so ni ston byed pa/ /de la lce ni bstan par bya/ /gang zhig mchu la reg byed pa/ /de la kos ko bstan par bya/ /gang zhig lto ba ston byed pa/ /de la lte ba bstan par bya/ /gang zhig rkub tshos ston byed pa/ /de la sa ni bstan par bya/ /gang zhig 

</font><hr>78-1-19b<br><font size=+1>

skye gnas ston byed pa/ /de la ling ga bstan par bya/ /gang zhig pus mo ston byed pa/ /de la byin pa bstan par bya/ /gang zhig lag pa ston byed pa/ /de la dpung pa bstan par bya/ /gang zhig rkang pa ston byed pa/ /de la mthil ni bstan par bya/ /gang zhig sor mo ston byed pa/ /
de la sen mo bstan par bya/ /gang zhig nam mkha' ston byed pa/ /de la nyi ma bstan par bya/ /gang zhig chu bo ston byed pa/ /de la rgya mtsho bstan par bya/ /gang zhig sor mo gcig ston pa/ /de la sor mo gnyis bstan bya/ /de nas shi ba gso ba dang / /gson po nad med spel bya 
zhing / /'phrog byed ma la sogs pa yis/ /zin pa dang ni dgrol ba'i brda/ /mdor bsdus nas ni bshad bya yis/ /de ni lha mo mnyan par gyis/ /gang zhig steng du lta byed pa/ /de la dpral ba bstan par bya/ /gang zhig mig ni ston byed pa/ /de la so ni bstan par bya/ /gang 
zhig lte ba ston byed pa/ /de la mchu ni bstan par bya/ /gang zhig mchu ni ston byed pa/ /de la mche ba bstan par bya/ /gang zhig lce ni ston byed pa/ /de la lto ba bstan par bya/ /gang zhig byin pa ston byed pa/ /de la brla ni bstan par bya/ /gang zhig brla ni ston byed pa/ /
de la rkang pa bstan par bya/ /gang zhig rkang pa ston byed pa/ /de la sen mo bstan par bya/ /gang zhig long bu ston byed pa/ /de la so ni bstan par bya/ /gang zhig ha har dgod ston pa/ /de la khrag gi gnas bstan bya/ /gang zhig mdung ni ston byed pa/ /de la shIk+ti bstan 
par bya/ /gang zhig rtsed mo ston byed pa/ /de la lta ba bstan par bya/ /gang zhig phyogs ni ston byed pa/ /de la phyogs mtshams bstan par bya/ /gang zhig gci ba ston byed pa/ /de la bshang ba bstan par bya/ /gang zhig bzhin 'gyur ston byed pa/ /de la zhi bas blta bar 
bya/ /de nas mkhur ba dpral dbus su/ /mdung dang sna la shAk+ti yod/ /smin ma bcum ste bzlog cing lta/ /nu ma mtho zhing lte ba yangs/ /rab byed smad ni rnam par 'gyur/ /ri mo gsum pa yongs su zlum/ /mkha' 'gro ma ni nyer 'gro ba'i/ /mtshan nyid 'di dag shes 

</font><hr>78-1-20a<br><font size=+1>

par bya/ /song ba'i sa las slar mi ldog /rgyu med par ni ngu ba dang / /de bzhin don med par ni dgod/ /'jam par smra zhing snying rje med/ /don med par ni mang du smra/ /sgyu ma che dang mnyam sbyor ba'i/ /mkha' 'gro ma ni 'bar ba'i mchog /mtshan nyid 'di dag 
dang ldan pa/ /mkha' 'gro'i mchog tu shes bya zhes/ /rdo rje sems dpa' de bzhin gshegs/ /bcom ldan rdo rje can gyis gsungs/ /rgyud kyi rgyal po chen po dpal rdo rje mkha' 'gro las lag pa'i phyag rgya'i sbyor ba dang / sos btab pa'i mtshan ma la sogs pa'i rim par 
phye ba ste bdun pa'o// //de nas sngags kyi rig pa yi/ /lha mo'i mtshan nyid bshad par bya/ /gang zhig lag g.yon ston byed pa/ /phyag ni 'tshal bar byed pa yin/ /gang zhig srin lag ston byed pa/ /phyag 'tshal ba yi lan gyur yin/ /gang zhig lto ba la rdebs pa/ /ltogs 
so zhes ni ston pa yin/ /gang zhig sor mos sor mo ston/ /bza' bar bya zhes ston pa yin/ /gang zhig byin pa la reg pa/ /bdag ni ngal bar ston pa yin/ /gang zhig sor mo la reg pa/ /bdag ni ngal sos zhes ston pa'o/ /gang zhig so ni sos 'cha' ba/ /sha za'o zhes ni 
ston pa yin/ /gang zhig khro gnyer la reg pa/ /bdag ni bcings par ston pa yin/ /gang zhig mkha' lding la reg pa/ /bdag ni grol bar ston pa yin/ /gang zhig lag pas lag pa ston/ /de ring gtor ma za zhes ston/ /gang zhig lag g.yas ston byed pa/ /de ltar 
gyis zhes ston pa yin/ /gang zhig rna ba la rdebs pa/ /gnas par bya zhes ston pa yin/ /de nas ngag brda'i cho ga bshad/ po taM gi ni phyag 'tshal ba'o/ /pra ti po taM gi ni phyag gi lan no/ /ga muM ni 'gro ba'o/ /lum pa ni 'ong zhes bya ba'o/ /ni ga raM ni byin cig pa'o/ /tsa 
tsu kaM ni long shig pa'o/ /hri da ya ni dpa' bo'o/ /ku ra ba ni shi ba'o/ /kar Ni ka ni dril bu'o/ /a li ka ra ni mgo'o/ /ba ra ha ni skra'o/ /shra ba no ni rna ba'o/ /man tha ni bdud rtsi'o/ /na ra ni mnyam par 'gro ba'o/ /ta li ka ni mkha' 'gro ma'o/ /na ra kaM ni dkyil 'khor 

</font><hr>78-1-20b<br><font size=+1>

ro/ /a mu kaM ni dur khrod do/ /ka khi la ni sgo'o/ /swa sa ni bram ze'o/ /pa ri ti ni rgyal rigs so/ /bi ra di ni rje'u rigs so/ /kru ra ni dmangs rigs so/ /an tha ni shan pa'o/ /a li ka ni phyugs so/ /da ki ni sring mo'o/ /mu ta ka ni klum mo/ /lce so la reg pa ni 
bkres par ston pa'o/ /tri sna ni dris bsgo ba'o/ /a kaM naM ni gang nas zhes pa'o/ /s+tha nad ni che ge mo nas zhes pa'o/ /ki ri no ni me tog go/ /lam bo da ra dan da ni dgod pa'o/ /ni rod ni char dbab pa'o/ /big nya pa ti ni tshim pa'o/ /d+hu ma pri ya na ni chu 'dzin no/ /sa nu ni 
ri bo'o/ /sa ro da ni chu bo'o/ /ang gu la ni cha shas so/ /bdag ni gdong pa'o/ /ra dzi ka ni lce'o/ /a da na ni so'o/ /paM ka ti ni rgyal mtshan no/ /tshan do ni phreng ba'o/ /tsa la ni rlung ngo / /mri ga pa ti ni phyugs so/ /man da la ni mnyam pa'o/ /swa sa ni lam gyi bzhi mdo'o/ /
phal gu sham ni skye ba'o/ /ma hA k+Shar ni phyugs chen po'o/ /tsha ni ra'o/ /na ni skyes bu'o/ /ba ni glang ngo/ /ma ni ma he'o/ /ba ni bza' ba'o/ /a pya kA ni rgyal po'i skyes bu'o/ /s+thA ni gnas pa'o/ /kha la reg pa ni zos pa'o/ /so la reg pa ni ngoms pa'o/ /hri ka ni ngo tsha'o/ /stong 
pa la reg pa ni me thu na las gyis shig pa'o/ /brlan reg pa ni de ltar gyis shig pa'o zhes/ mkha' 'gro kun dang mnyam sbyor ba'i/ /rdo rje mkha' 'gro bde ba'i mchog /rdo rje sems dpa' de bzhin gshegs/ /bcom ldan rdo rje can gyis gsungs/ /rgyud kyi rgyal po chen po 
dpal rdo rje mkha' 'gro las mkha' 'gro ma thams cad kyi brda'i rim par phye ba ste brgyad pa'o// //de nas lha mo thams cad yang dag par 'dus te/ bcom ldan 'das thog ma dang tha ma med pa'i rdo rje rnal 'byor gyi dbang phyug chen po la gsol ba btab pa/ bcom ldan 
'das de bzhin gshegs pa thams cad kyi gsang chen sdang ba thams cad 'dul ba'i 'khrul 'khor gyi le'u zhes bya ba bskyed du gsol/ de nas bcom ldan 'das kyis de bzhin gshegs pa thams cad kyi gsang chen mchog tu rmad du gyur pa/ rin chen kha sbyor zhes bya ba'i 'khrul 

</font><hr>78-1-21a<br><font size=+1>

'khor gsungs pa ni/ mdor bsdus nas ni brjod bya ba/ /de ni bdag gis bshad kyis nyon/ /rigs ldan dang ni rta yi 'gros/ /gshin rje yi dgas de bzhin du/ /gzhan yang ro langs zung dang ni/ /srin po yi ni khyad par gyis/ /de nas rim dang phyi rol rim/ /
nges 'joms sgo dang stong pa dang / /grwa yi mthar ni rdo rjer ldan/ /'khrul 'khor chen po bcu gnyis ni/ /sngags kyi phreng bas khyad par byas/ /rim pa 'di bzhin brjod pa yin/ /gru bzhi shin tu tshad ldan zhing / /re'u mig bzhi bcu dgur ldan pa/ /sngags pas mnyam par 
bzhag ste bya/ /dang po yi ni phreng ba gnyis/ /lhag bcas a la sogs pa dgod/ /re'u mig lhag ma rnams la ni/ /ka la sogs pa mdor bsdus pa'i/ /yi ge thams cad ci rigs par/ /go rims bzhin du dgod par bya/ /dbus kyi re'u mig stong pa la/ /ka Sha zhes 
bya yi ger ni/ /gnas pa'i pa ni bri bar bya/ /'khor lo ri mo gnyis bskor la/ /ri mo'i bar du rnal 'byor pas/ /'phel ba la sogs bsdus te dgod/ /phyi rol pad+ma 'dab brgyad la/ /dbang por ka ste lus ngan tsa/ /chu lha gshin rje Ta dang ta/ /rlung dang me dang dbang chen chur/ /
de ltar ya ra la wa dgod/ /'byung ba chen po khams zhes bya/ /slar yang phyi rol gru bzhi la/ /rlung dang me dang bdud rtsi ro/ /gshin rje 'joms ma la sogs te/ /sha Sha sa har bstan pa dgod/ /r-i r-I l-i l-I zhes bya ba/ /ma ning zhes byar bstan pa bzhi/ /sgo bzhi ru ni dgod par 
bya/ /cho ga'i sbyor ba de lta bus/ /sngags kyi rgyal po de nas dgod/ /'bugs pa rmi lam zla bar ldan/ /re'u mig dang po brgyan par bya/ /gnyis par bden bral phyi rol gzung / /rus sbal dang ni ldan par dgod/ /re'u mig gsum pa la gnas pa/ /dbu ma yi ni mtha' ma 
bzung / /de nyid kyi ni bzhi par gnas/ /re'u mig bzhi par lho yi mtha'/ /bzang po yis ni spyi bor brgyan/ /bden bral phyi rol bzung nas ni/ /rus sbal dang ni ldan par bya/ /re'u mig lnga par yang dag dgod/ /dbu ma'i mtha' ma bzung nas su/ /de nyid kyi ni bzhi par gnas/ /

</font><hr>78-1-21b<br><font size=+1>

re'u mig drug pa brgyan par bya/ /rlung mtshams phyi rol bzung nas ni/ /rus sbal zla phyed thig ler ldan/ /re'u mig bdun par dgod par bya/ /re'u mig la gnas brgyad par rlung / /ma ning dang po'i stan bzhugs shing / /dang po'i gsum pa dgu par dgod/ /nyi shu pa yi stan 
bzhugs pa/ /rlung gi phyi rol bzung nas ni/ /gti mug brgyan pa bcu par dgod/ /nyi shu rtsa gcig pa nyid ni/ /re'u mig bcu gcig pa la dgod/ /bcu gnyis rlung gis brgyan par bya/ /rus sbal gyi ni stan bzhugs pa'i/ /rlung gi phyi rol zla dum dang / /thig les brgyan pa 
bcu gsum dgod/ /bcu bzhi pa yang des brgyan bya/ /dbu ma yi ni dang po yis/ /re'u mig bcwa lnga spras par bzhed/ /gti mug gis ni brgyan pa yi/ /dbu ma'i dbu ma bcu drug par/ /dbu ma'i dbu ma stan bzhugs pa/ /bzang po yis ni mgor brgyan pa/ /lho mtha' bcu 
bdun par ni dgod/ /lho yi dbu mar rlung gi ni/ /stan sbyin gti mug brgyan par bya/ /re'u mig bcwa brgyad pa la dgod/ /re'u mig bcu dgu par gnas pa/ /me ni a yis brgyan pa yin/ /rus sbal dang ni ldan pa yin/ /rlung gi phyi rol zla dum dang / /thig les brgyan pa 
nyi shur dgod/ /dbu ma'i gnyis pa phan pa'i mchog /re'u mig nyi shu gcig par dgod/ /lho mtha' yi ni stan bzhugs pa'i/ /rlung gi phyi rol bzung nas su/ /gti mug ldan pa nyi shu gnyis/ /dang po yi ni gsum pa yis/ /re'u mig nyi shu gsum pa brgyan/ /re'u 
mig nyi shu rtsa bzhi pa/ /nub phyogs dang ni ldan par bya/ /re'u mig nyi shu rtsa drug pa/ /byang gi dbu mar ldan par 'dod/ /re'u mig nyi shu rtsa bdun pa/ /dbu ma yi ni gnyis pas brgyan/ /re'u mig nyi shu rtsa brgyad pa/ /nub phyogs kyis ni mdzes par byas/ /dang po'i dbu 
ma bzung nas ni/ /ri zhes bya ba 'og tu sbyin/ /re'u mig nyi shu dgu par dgod/ /dbu ma yi ni bzhi pa yis/ /re'u mig sum cu pa la brgyan/ /de nyid kyi ni gnyis pa yis/ /re'u mig sum cu gcig pa brgyan/ /rus sbal thig ler ldan pa yi/ /rlung gi phyi rol bzung 

</font><hr>78-1-22a<br><font size=+1>

nas ni/ /re'u mig sum cu gnyis par dgod/ /re'u mig sum cu gsum pa yang / /de nyid kyis ni brgyan par bzhed/ /re'u mig sum cu rtsa bzhi pa/ /nub phyogs kyis ni mdzes par bya/ /o ni thig ler ldan pa dag /re'u mig sum cu lnga par dgod/ /
re'u mig sum cu drug pa yang / /yi ge'i dbang phyug de nyid bzhed/ /rlung gi phyi rol bzung nas su/ /'bugs dang ldan pa sum cu bdun/ /rlung gi 'dab ma la gnas pa/ /re'u mig sum cu brgyad la dgod/ /re'u mig sum cu dgu pa ni/ /lho yi mtha' yis brgyan par bya/ /
re'u mig bzhi bcu tham pa yang / /'phel ba yis ni brgyan par bya/ /re'u mig bzhi bcu rtsa gcig pa/ /'bugs pa rmi lam thig les brgyan/ /shar 'dab dbu ma bzung nas ni/ /shar gyi phyi rol 'og tu sbyin/ /re'u mig bzhi bcu gnyis par dgod/ /re'u mig bzhi bcu 
gsum pa ni/ /nub phyogs kyi ni dang por ldan/ /re'u mig bzhi bcu bzhi pa yang / /dbu ma yi ni gnyis pas brgyan/ /rlung gi phyi rol bzung nas su/ /rus sbal dang ni thig ler ldan/ /re'u mig bzhi bcu lnga la dgod/ /slar yang rlung gi phyi rol bzung / /rus sbal thig ler 
ldan pa dag /bzhi bcu drug la'ang dgod par bya/ /rlung gi phyi rol bzung nas su/ /lho yi mtha' dang ldan par bya/ /re'u mig bzhi bcu bdun par gnas/ /shar gyi phyi rol stan bzhugs pa'i/ /shar gyi 'dab ma'i gsum pa ni/ /re'u mig bzhi bcu brgyad par dgod/ /rlung gis 
phyi rol bzung nas su/ /lho yi mtha' yi stan bzhugs pa/ /bzhi bcu rtsa dgu pa la dgod/ /dgra rnams thams cad bcing ba dang / /khyad par gyis ni rmongs pa dang / /sgrol ba'i cho ga'i sbyor ba 'di/ /bzhin mdzes ma ni khyod la bshad/ /slar yang re'u mig dang po la/ /'bugs 
pa rmi lam zla ba yis/ /brgyan pa dag ni dgod par bya/ /bden bral phyi rol bzung nas ni/ /rus sbal gyi ni stan bzhugs pa/ /re'u mig gnyis par gnas par bya/ /dbu ma'i mtha' ma bzung nas ni/ /de nyid kyi ni bzhi par gnas/ /re'u mig gsum par dgod par bya/ /

</font><hr>78-1-22b<br><font size=+1>

rlung gi phyi rol bzung nas su/ /ma kar rmi lam zla bas brgyan/ /re'u mig bzhi bar dgod par bya/ /rus sbal rmi lam bachod pa yi/ /rlung gi phyi rol bzung nas su/ /re'u mig lnga bar dgod par bya/ /re'u mig drug par gnas pa ni/ /dbu ma yi ni gnyis pa dang / /nub 
phyogs kyi ni dang par 'dod/ /'bugs pa rmi lam thig ler ldan/ /re'u mig bdun par dgod par bya/ /rlung gi phyi rol bzung nas su/ /rus sbal rmi lam gyis brgyan pa/ /re'u mig brgyad par gnas pa yin/ /re'u mig dgu pa la gnas pa/ /dbu ma yi ni gnyis pa 
dang / /de bzhin nub kyi dang po yin/ /lho yi mtha' ma bzung nas ni/ /bzang po yis ni mgor brgyan pa/ /re'u mig bcu pa la gnas pa'o/ /bcu gcig pa la yi ge de/ /rlung gi phyi rol bzung nas ni/ /rus sbal rmi lam ldan par bya/ /re'u mig bcu gnyis pa la bri/ /re'u 
mig bcu gsum la gnas pa/ /dbu ma yi ni gnyis pa dang / /de bzhin du ni nub phyogs sbyin/ /shar gyi gsum pa bzung nas su/ /shar gyi ma ning stan gnas pa/ /re'u mig bcu bzhi pa la 'dod/ /rlung gi phyi rol bzung nas su/ /rus sbal rmi lam zla bas brgyan/ /re'u 
mig bcwa lnga pa la gnas/ dbu ma'i bzhi pa'i stan gnas pa'i/ /de nyid kyi ni mtha' bzung ste/ /re'u mig bcu drug pa la bri/ /rus sbal gyi ni stan gnas pa'i/ /bden bral phyi rol bzung nas ni/ /re'u mig bcu bdun par gnas bya/ /ma ka ra la zhon pa yi/ /rlung gi phyi 
rol thig les brgyan/ /re'u mig bcwa brgyad pa la bri/ /lho yi mtha' yi stan bzhugs pa'i/ /rlung gi phyi rol bzung nas ni/ /bcu dgu pa la bri bar bya/ /re'u mig nyi shu la gnas pa/ /ri yi stan la gnas pa yi/ /dang po yi ni gsum pa gzung / /lho yi mtha' yi 
stan bzhugs pa/ /rlung gi phyi rol bzung nas ni/ /re'u mig nyi shu gcig par bri/ /re'u mig nyi shu gnyis gnas par/ /ma ka ra la zhon pa yi/ /rlung gi phyi rol thig les brgyan/ /nyi shu gsum pa la yang de/ /re'u mig nyi shu bzhir gnas pa/ /ma kar thig le zlas 

</font><hr>78-1-23a<br><font size=+1>

brgyan pa'i/ /rlung gi phyi rol slar yang gzung / /nyi shu rtsa lnga cho ga bzhin/ /nyi shu drug par gnas pa ni/ /ma kar dang thig le yis/ /steng du brgyan pa'i rlung phyi rol/ /nyi shu bdun la'ang de zhes bya/ /nyi shu brgyad pa la gnas par/ /ma kar rmi lam zla ba 
can/ /rlung gi phyi rol gzung bar bya/ /nyi shu dgu pa la gnas par/ /rlung gi phyi rol bzung nas ni/ /'bugs dang lhan cig ldan par bri/ /dbu ma'i bzhi pa bzung nas ni/ /der ni dang po'i gsum pa'ang sbyin/ /mkhas pas re'u mig sum cu brgyan/ /dbu ma'i dbu ma bzung 
nas ni/ /gti mug gis ni mdzes byas pa/ /sum cu gcig par gnas par bya/ /ma ka ra zhon rmi lam dang / /rlung gi phyi rol zla bas brgyan/ /sum cu gnyis par dgod par bya/ /shar gyi gsum pa bzung nas ni/ /r-i zhes bya ba de la sbyin/ /re'u mig sum cu gsum par gnas/ /
rlung gi phyi rol bzung nas ni/ /lho mtha'i stan bzhugs gti mug gis/ /brgyan pa sum cu bzhi la dgod/ /re'u mig sum cu lngar gnas par/ /dbu ma'i dang po bzung nas ni/ /rlung yang der ni dgod par bya/ /'phel ba dang ni lho mtha' dang / /rlung yang der ni sbyin bya ste/ /
re'u mig sum cu drug pa brgyan/ /re'u mig sum cu bdun par gnas/ /dbu ma yi ni gnyis pa la/ /nub phyogs kyis ni mdzes par bya/ /re'u mig sum cu brgyad pa la/ /lho yi mtha' ni bzung nas su/ /dbu ma'i dbu ma stan dang ldan/ /bzung ba yis ni spyi bor brgyan/ /
slar yang lho yi dbu ma bzung / /gti mug dang ni ldan pa yi/ /rlung gi 'og tu sbyin par bya/ /sum cu dgu pa la yang de/ /re'u mig bzhi bcu par gnas pa/ /dbu ma'i dang po bzung nas ni/ /rlung yang der ni dgod par bya/ /bzhi bcu gcig la gnas par ni/ /dbu ma yi ni 
gnyis pa dang / /nub phyogs kyi ni dang po bri/ /bzhi bcu gnyis pa la gnas par/ /rlung gi phyi rol bzung nas ni/ /rus sbal rmi lam ldan nyi zla/ /bzhi bcu gsum pa la gnas par/ /'bugs pa rmi lam zla bas brgyan/ /bzhi bcu bzhi la gnas par ni/ /rlung gi phyi 

</font><hr>78-1-23b<br><font size=+1>

rol bzung nas su/ /rus sbal rmi lam can nyi zla/ /bzhi bcu lnga la gnas par ni/ /ra zhes bya ba byang phyogs kyi/ /dbu ma dang ni ldan par bri/ /bzhi bcu drug la gnas par ni/ /rlung gi phyi rol bzung nas su/ /ma ka ra zhon rmi lam can/ /bzhi bcu bdun la gnas par 
yang / /rlung gi phyi rol bzung byas te/ /gti mug gis brgyan lho mtha'i stan/ /re'u mig bzhi bcu brgyad par ni/ /ri dang ldan par dang po yi/ /dbu ma yis ni brgyan par 'dod/ /bzhi bcu dgu la gnas par yang / /'bugs pa rmi lam zla bas brgyan/ /'di ni rnal 'byor 
ldan pa'i mchog /rmugs dang de bzhin ltung ba dag /sngags kyi rgyal pos bskul bas na/ /las rnams thams cad byed par 'gyur/ /rmugs par byed dang gnod pa dag /lha mo khyod la bshad pa ste/ /ma ka ra zhon dri ma med/ /rmi lam zla bar yang dag ldan/ /rdo rje yi 
ni steng na gnas/ /'bar ba'i phreng bas brgyan pa ste/ /phyogs kun du ni rnam 'phro bar/ /bsgoms nas de yi dbus su ni/ /ji ltar 'byung bzhin bsgrub bya'i ming / /sngags pas de ni spangs nas su/ /phaT kyi gnas su sbyin par bya/ /re'u mig de dag dbus su ni/ /myos 
bar 'gyur ba'i bsgrub bya ni/ /sgrub pa po yis 'dri ru gzhug /ye shes rdo rjes gzhom par bya/ /grib ma yang ni brlag par bsam/ /dpa' bo'i 'phral gyi bum pa'am/ /bram ze'i bum pa skam por ni/ /'khor lo gnyis ni bcug nas su/ /cho ga bzhin du bris byas te/ /
'byung po kun gyi gtor ma sbyin/ /sgrub pos de ltar byas nas ni/ /phyi nas las ni brtsams byas na/ /rdo rje thugs kyi bka' bzhin du/ /las rnams thams cad byed par 'gyur/ /slar yang re'u mig dang po la/ /'bugs pa rmi lam zla bas brgyan/ /re'u mig gnyis 
pa la gnas par/ /bzang pos spyi bor brgyan pa yi/ /lho yi mtha' ni gzung bar bya/ /re'u mig gsum pa la gnas par/ /rlung gi phyi rol bzung nas ni/ /rus sbal rmi lam zlas brgyan bya/ /re'u mig lnga pa la gnas par/ /slar yang 'bugs pa zla bas brgyan/ /

</font><hr>78-1-24a<br><font size=+1>

re'u mig drug pa la gnas par/ /ri yi stan la gnas pa yi/ /shar phyogs kyi ni gsum pa gzung / /re'u mig bdun pa la gnas par/ /rus sbal rmi lam zlas brgyan pa'i/ /rlung gi phyi rol gzung bar bya/ /re'u mig brgyad pa la gnas par/ /dbu ma'i 
bzhi pa'i stan gnas pa'i/ /de nyid kyi ni mtha' ma gzung / /re'u mig dgu pa la gnas par/ /dbu ma'i gnyis pa bzung nas ni/ /nub kyi dang po sbyin par bya/ /re'u mig bcu pa la gnas par//rus sbal gyi ni stan gnas pa'i/ /bden bral phyi rol gzung bar 'dod/ /
bcu gnyis pa la gnas par ni/ /rus sbal rmi lam zlas brgyan pa'i/ /rlung gi phyi rol gzung bar bya/ /bcu gsum pa la gnas par yang / /dbu ma'i gnyis pa bzung nas ni/ /nub phyogs kyi ni dang po sbyin/ /bcu bzhi pa la gnas par ni/ /ri yi stan la gnas gyur 
pa'i/ /shar gyi gsum pa gzung bar bya/ /bcwa lnga pa la gnas gyur pa/ /dbu ma'i bzhi pa'i stan gnas pa'i/ /de nyid kyi ni mtha' gzung bya/ /bcu drug pa la gnas par yang / /rus sbal rmi lam zlar ldan pa'i/ /rlung gi phyi rol gzung bar bya/ /bcu bdun pa la 
gnas par ni/ /rus sbal stan la gnas pa yi/ /bden bral phyi rol gzung bar bya/ /bcu dgu pa la gnas par bya/ /lho yi mtha' yi stan gnas pa/ /rlung gi phyi rol bzung bar brtag /nyi shu pa la gnas par ni/ /dbu ma'i gnyis pa bzung nas ni/ /nub kyi dang po'ang 
sbyin par bya/ /lho mtha'i stan la gnas pa yi/ /rlung gi phyi rol bzung nas ni/ /re'u mig nyi shu gcig par bri/ /'bugs pa rmi lam zlas brgyan pa/ /re'u mig nyi shu dgu par bri/ /dbu ma'i bzhi pa bzung nas ni/ /shar gyi gsum pa der sbyin te/ /re'u mig sum cu 
brgyan par bya/ /sum cu gcig la gnas pa ni/ /rus sbal rmi lam zlas brgyan pa'i/ /rlung gi phyi rol gzung bar bya/ /sum cu gsum la gnas par ni/ /'bugs pa rmi lam zlas brgyan bya/ /sum cu bzhi la gnas par yang / /dbu ma'i dang po bzung nas su/ /der 

</font><hr>78-1-24b<br><font size=+1>

ni rlung yang sbyin par bya/ /sum cu lnga pa nyid dag kyang / /de nyid kyis ni brgyan par bzhed/ /sum cu drug la gnas par ni/ me ni a dang ldan par bya/ /byang gi dbu ma bzung nas su/ /de nyid du ni bri bar bya/ /sum cu bdun par dgod pa ni/ /dbu ma'i gnyis ba bzung nas su/ /
der ni lho phyogs dang po sbyin/ /sum cu brgyad la gnas par yang / /a zhes bya ba bri bya zhing / /lto yi mtha' ni gzung bya ste/ rlung yang der ni bri bar bya/ /bzhi bcu pa la gnas par ni/ /rlung gi phyi rol bzung nas ni/ /'og tu lho mtha' gnas pa dang / /gti mug gis ni brgyan par 
bya/ /re'u meg bzhi bcu gnyis gnas bar/ /dang po'i gsum pa bzung nas su/ /der ni lho phyogs dang po sbyin/ /re'u mig bzhi bcu gnyis gnas par/ /shar gyi gsum pa bzung nas su/ /ri zhes bya ba 'og tu sbyin/ /re'u mig bzhi bcu gsum pa la/ /rlung gi phyi rol bzung nas su/ /
'bugs pa yis ni brgyan par bya/ /bzhi bcu bzhi la gnas par ni/ /rlung gi phyi rol bzung nas su/ /rus sbal rmi lam ldan par bya/ /bzhi bcu lnga pa la gnas pa/ /gti mug gis ni brgyan pa yis/ /dbu ma'i dbu ma gzung bar bya/ /lho yi mtha' ni bzung nas su/ /dbu ma'i 
dbu mas stan du bya/ /bzang po yis ni mgo bor brgyan/ /lho yi dbu ma'ang gzung bya ste/ /gti mug dang ni ldan pa yi/ /rlung ni de yi stan du bya/ /de nyid du ni mkhas pas dgod/ /re'u mig bzhi bcu bdun pa la/ /gti mug gis ni brgyan pa yi/ /lho mtha' yis ni stan 
bzhugs par/ /rlung gi phyi rol gzung bar bya/ /re'u mig bzhi bcu brgyad pa la/ /rus sbal rmi lam zlar ldan pa'i/ /rlung gi phyi rol bzung nas su/ /lan gnyis su ni bri bar bya/ /re'u mig bzhi bcu dgu pa la/ /ri zhes bya ba dang ldan pa'i/ /dang po'i gsum pa bzung ba 
yis/ /mdzes pa mchog tu phan par 'dod/ /lha mo 'dis ni sdang gyur nas/ /khyad par du ni g.yul 'gyed byed/ /rta dang ma he bum par ni/ /cho ga ji bzhin gzhag par bya/ /'bugs pa rmi lam zlas brgyan pa'i/ /slar yang bden bral phyi rol gzung / /rus sbal dang ni lhan 

</font><hr>78-1-25a<br><font size=+1>

cig bcas/ /dbu ma'i bzhi pa'i stan bzhugs pa/ /slar yang de yi mtha' bzung ste/ /re'u mig dang po brgyan par bzhed/ /'bugs pas spyi bor brgyan pa yi/ /lho yi mtha' ma gzung bar bya/ /rus sbal dang ni sbyar ba yi/ /bden bral phyi rol de nas gzung / /
dbu ma'i bzhi pa'i stan bzhugs pa/ /slar yang de yi mtha' bzung ste/ /re'u mig gsum pa brgyan par bya/ /dbu ma'i gnyis pa bzung nas ni/ /slar yang nub kyi phyogs kyis mdzes/ /re'u mig lnga pa brgyan par bzhed/ /'bugs pa rmi lam zla bas brgyan/ /dang po'i gsum 
pa bzung nas su/ /shar gyi ma ning 'og tu sbyin/ /rlung gi phyi rol bzung nas ni/ /lho yi mtha' yi stan du bya/ /bdun pa la ni brgyan par bzhed/ /dbu ma yi ni gnyis pa bzung / /nub kyi phyogs ni de ru sbyin/ /bcwa lnga pa ni shin tu brgyan/ /rlung gi phyi rol bzung nas su/ /
rus sbal dang ni rmi lam dang / /zla bas brgyan pa lan gnyis kyis/ /bcu bdun pa ni mdzes par bya/ /rus sbal rmi lam zlas brgyan pa'i/ /rlung gi phyi rol bzung nas ni/ /lan gnyis su ni bzlas pa ni/ /re'u mig bcu dgu pa la dgod/ /ri zhes bya ba'i stan bzhugs 
pa'i/ /shar gyi dbu ma bzung ba dang / /lho mtha'i stan la bzhugs pa yi/ /rlung gi phyi rol bzung ba yis/ /nyi shu gcig pa mdzes par bya/ /dbu ma'i bzhi pa bzung nas ni/ /shar phyogs kyi ni dbu ma dang / /dbu ma yi ni dbu ma la/ /a zhes bya bas mdzes par bya/ /
lho yi mtha' ni bzung nas su/ /dbu ma'i dbu ma gzung bar bya/ /bzang po yis ni mgo bor brgyan/ /slar yang lho yi dbu ma gzung / /rlung ni 'og tu sbyin par bya/ /gti mug gis ni mdzes pa ste/ /a dang ldan pa'i me yang btu/ /byang gi dbu ma bzung ba dag /nyi 
shu dgu pa la ni bri/ /rlung gi phyi rol bzung nas ni/ /rus sbal rmi lam zla ba can/ /sum cu gcig la nyis 'gyur bri/ /slar yang rlung gi phyi rol bri/ /rus sbal rmi lam zla ba can/ /sum cu gsum par nyis 'gyur bri/ /dbu ma'i gnyis pa bzung nas su/ /slar yang nub kyi 

</font><hr>78-1-25b<br><font size=+1>

dang po can/ /sum cu lnga pa brgyan par bzhed/ /'bugs pa rmi lam zla ba can/ /der ni 'phel ba'ang sbyin bya ste/ /lho yi mtha' ni bzung nas su/ /slar yang de bzhin rlung dang ni/ /rlung gi phyi rol bzung nas ni/ /'bugs pa yis ni brgyan pa dag /bcu bzhi pa la bri bar bya/ /
dbu ma'i gnyis pa bzung nas ni/ /nub kyi dang pos brgyan pa yis/ /sum bcu lnga pa mdzes par bya/ /ri zhes bya ba'i stan gnas pa'i/ /dang po yi ni gsum pa dang / /lho mtha'i stan la gnas pa yi/ /rlung gi phyi rol bzung ba la/ /gti mug gis ni mdzes par bya/ /dbu ma'i 
dang po bzung nas su/ /rlung yang der ni sbyin pa yis/ /bzhi bcu bdun pa brgyan par bya/ /'bugs pa rmi lam zla ba can/ /shar gyi gsum pa bzung nas su/ /ri zhes bya ba sbyin par bya/ /lho mtha'i stan la gnas pa yi/ /rlung gi phyi rol de nas bzung / /gti mug gis ni mdzes 
par bya/ /dbu ma'i dang po bzung nas ni/ /de bzhin rlung dang bcas pa yis/ /re'u mig bzhi bcu dgu pa la/ /brgyan pa mchog tu phan pa yin/ /'khor lo 'di ni lha mo che/ /mchog tu rno ste rlag par byed/ /mar ngo yin na tshes bcu dang / /de bzhin yar ngo'i de nyid dam/ /yang na 'byung 
po'i mtshan mo la/ /thod pa'i stan la gnas nas su/ /lho phyogs su ni kha bltas nas/ /dug dang khrag dang gtum po yi/ /sa bon gyis ni snag tsha bya/ /bar snang la ni thod par blugs/ /mi yi rus pa'i smyu gu yis/ /'jigs byed 'jigs pa'i sngags rnams btu/ /dang po sha 
chen gtor byin te/ /de nas las ni brtsam par bya/ /dmar po'am ni sngon po yi/ /gos ni khyad par dag tu bgo/ /mchod pa rdo rje'i cho ga dang / /de bzhin bsam gtan bzlas pa dag /ji ltar sus kyang mi rtogs pa/ /de ltar sngags pas rtag tu bya/ /gsad la gshin rje'i rgyal po ste/ /
yi dgas la ni yi dgas gzugs/ /ro langs la ni ro langs dang / /srin po srin pos gnon par bya/ /stong la stong pa'i pad+ma ste/ /nges par 'joms pa'i grwa ru ni/ /sngags phreng de bzhin phreng ba yi/ /rim pa de ltar brjod pa yin/ /'di ni khams gsum rgyal zhes bya/ /

</font><hr>78-1-26a<br><font size=+1>

sngags tshig 'di yis rnam brgyan pa/ /rig rgyal 'khor lo sgyur ba'i sngags/ /ma byung 'byung bar mi 'gyur ro/ /'khrul 'khor chen po bcu gnyis ni/ /bzhin mdzes ma ni khyod la bshad/ /'di ni sdang ba thams cad kyi/ /de bzhin 'jigs byed mi bzad yin/ /
yang dag cho ga gang gis ni/ /dngos grub myur du 'jug byed pa/ /bza' dang ston mo 'dus pa yi/ /sgrub thabs cho ga de nas bshad/ /phyugs rnams dag ni dgug pa nyid/ /sgrub pos sngar bstan rim pas bya/ /rgyu med pa yis phyugs rnams ni/ /rgyu mtshan med pas gzhom par bya/ /
phyugs rnams dang ni de bzhin lnga/ /bong bu mi dang rus sbal dang / /rnga mo ce spyang rta la sogs/ /khyi dang phag gi sha dag dang / /zangs kyi gtsug phud can de bzhin/ /bza' dang sbyin sreg gtor ma ni/ /ma dpyad par ni byas gyur na/ /ma lus lus pa med 'grub cing / /rgyal srid 
thams cad rab 'grub ces/ /mkha' 'gro kun dang mnyam sbyor ba'i/ /rdo rje mkha' 'gro bde ba'i mchog /rdo rje sems dpa' de bzhin gshegs/ /bcom ldan rdo rje can gyis gsungs/ /rgyud kyi rgyal po chen po dpal rdo rje mkha' 'gro las 'khrul 'khor thams cad 'byung ba zhes 
bya ba'i rim par phye ba ste dgu pa'o// //tshe dang nad med spel ba dang / /bya dang bya min sbyor ba'i mchog /dbugs kyi las la sogs mtshan nyid/ /nyon cig lha mo skal chen ma/ /nyi khri dang ni chig stong dang / /drug brgya ru ni brtsis pa yi/ /chu tshod drug cu'i dbugs rnams kyis/ /
nyin mtshan lo ru grags pa yin/ /'byung dang 'jug pa'i dbugs dag las/ /'byung ba'i mtshan mas bgrang bar bya/ /blo dang ldan pas dbugs gnyis las/ /'jug pa 'byung la thim par bya/ /gnas ni bcu gnyis dag tu yang / /phyi rol mtshan ma gzhag par bya/ /tshes 
grangs bye brag gsungs pa bzhin/ /dbyangs kyi bye brag shes par bya/ /gza' rnams kyi ni bye brag dang / /skar ma rnams kyi rgyu ba las/ /dug gi dug la sogs dang gzhan/ /rim pa 'di yis brjod par bya/ /dpyid zla ra ba nas brtsams te/ /nyi ma byang du 'gro ba'i dus/ /

</font><hr>78-1-26b<br><font size=+1>

zla ba bcu gnyis po rnams ni/ /rim ni rim pa bzhin du gzhag /shar gyi phyogs nas brtsams nas su/ /snga dro mkhas pas brtsi bar bya/ /tshes grangs gsum dang bcu gsum dang / /bzhi dang de bzhin bcu bzhi pa/ /lnga pa dang ni bcwa lnga pa/ /mtshungs pa nyid du sbyar bar 
bya/ /da ni yang dag bshad kyis nyon/ /'di lta ste/ dang po ni 'phel ba'o/ /gnyis pa ni gti mug go/ /gsum pa ni bzang po'o/ /bzhi pa ni khyu mchog go/ /lnga pa ni rus sbal lo/ /drug pa ni chu srin no/ /bdun pa ni yugs sa mo'o/ /brgyad pa ni sme ba'o/ /dgu pa ni 
'bugs pa'o/ /bcu pa ni 'phyo ba'o/ /bcu gcig pa ni rmi lam mo/ /bcu gnyis pa ni sa'i dbang phyug go/ /dang po ni sa'i dbang phyug go/ /gnyis pa ni 'phel ba'o/ /gsum pa ni gti mug go/ /bzhi pa ni bzang po'o/ /lnga pa ni khyu mchog go/ /drug pa ni rus sbal lo/ /bdun pa 
ni chu srin no/ /brgyad pa ni yugs sa mo'o/ /dgu pa ni sme ba'o/ /bcu pa ni 'bugs pa'o/ /bcu gcig pa ni 'phyo ba'o/ /bcu gnyis pa ni rmi lam mo/ /dang po ni rmi lam mo/ /gnyis pa ni sa'i dbang phyug go/ /gsum pa ni 'phel ba'o/ /bzhi pa ni gti mug go/ /lnga pa ni 
bzang po'o/ /drug pa ni khyu mchog go/ /bdun pa ni rus sbal lo/ /brgyad pa ni chu srin no/ /dgu pa ni yugs sa mo'o/ /bcu pa ni sme ba'o/ /bcu gcig pa ni 'bugs pa'o/ /bcu gnyis pa ni 'phyo ba'o/ /dang po ni 'phyo ba'o/ /gnyis pa ni rmi lam mo/ /gsum pa ni sa'i dbang 
phyug go/ /bzhi pa ni 'phel ba'o/ /lnga pa ni gti mug go/ /drug pa ni bzang po'o/ /bdun pa ni khyu mchog go/ /brgyad pa ni rus sbal lo/ /dgu pa ni chu srin no/ /bcu pa ni yugs sa mo'o/ /bcu gcig pa ni sme ba'o/ /bcu gnyis pa ni 'bugs pa'o/ /dang po ni 'bugs pa'o/ /
gnyis pa ni 'phyo ba'o/ /gsum pa ni rmi lam mo/ /bzhi pa ni sa'i dbang phyug go/ /lnga pa ni 'phel ba'o/ /drug pa ni gti mug go/ /bdun pa ni bzang po'o/ /brgyad pa ni khyu mchog go/ /dgu pa ni rus sbal lo/ /bcu pa ni chu srin no/ /bcu gcig pa ni yugs sa mo'o/ /bcu 

</font><hr>78-1-27a<br><font size=+1>

gnyis pa ni sme ba'o/ /dang po ni sme ba'o/ /gnyis pa ni 'bugs pa'o/ /gsum pa ni 'phyo ba'o/ /bzhi pa ni rmi lam mo/ /lnga pa ni sa'i dbang phyug go/ /drug pa ni 'phel ba'o/ /bdun pa ni gti mug go/ /brgyad pa ni bzang po'o/ /dgu pa ni khyu mchog go/ /bcu 
pa ni rus sbal lo/ /bcu gcig pa ni chu srin no/ /bcu gnyis pa ni yugs sa mo'o/ /dang po ni yugs sa mo'o/ /gnyis pa ni sme ba'o/ /gsum pa ni 'bugs pa'o/ /bzhi pa ni 'phyo ba'o/ /lnga pa ni rmi lam mo/ /drug pa ni sa'i dbang phyug go/ /bdun pa ni 'phel ba'o/ /brgyad 
pa ni gti mug go/ /dgu pa ni bzang po'o/ /bcu pa ni khyu mchog go/ /bcu gcig pa ni rus sbal lo/ /bcu gnyis pa ni chu srin no/ /dang po ni chu srin no/ /gnyis pa ni yugs sa mo'o/ /gsum pa ni sme ba'o/ /bzhi pa ni 'bugs pa'o/ /lnga pa ni 'phyo ba'o/ /drug pa ni rmi lam 
mo//bdun pa ni sa'i dbang phyug go/ /brgyad pa ni 'phel ba'o/ /dgu pa ni gti mug go/ /bcu pa ni bzang po'o/ /bcu gcig pa ni khyu mchog go/ /bcu gnyis pa ni rus sbal lo/ /dang po ni rus sbal lo/ /gnyis pa ni chu srin no/ /gsum pa ni yugs sa mo'o/ /bzhi pa ni sme 
ba'o/ /lnga pa ni 'bugs pa'o/ /drug pa ni 'phyo ba'o/ /bdun pa ni rmi lam mo/ /brgyad pa ni sa'i dbang phyug go/ /dgu pa ni 'phel ba'o/ /bcu pa ni gti mug go/ /bcu gcig pa ni bzang po'o/ /bcu gnyis pa ni khyu mchog go/ /dang po ni khyu mchog go/ /gnyis pa ni rus sbal 
lo/ /gsum pa ni chu srin no/ /bzhi pa ni yugs sa mo'o/ /lnga pa ni sme ba'o/ /drug pa ni 'bugs pa'o/ /bdun pa ni 'phyo ba'o/ /brgyad pa ni rmi lam mo/ /dgu pa ni sa'i dbang phyug go/ /bcu pa ni 'phel ba'o/ /bcu gcig pa ni gti mug go/ /bcu gnyis pa ni bzang po'o/ /
dang po ni bzang po'o/ /gnyisapa ni khyu mchog go/ /gsum pa ni rus sbal lo/ /bzhi pa ni chu srin no/ /lnga pa ni yugs sa mo'o/ /drug pa ni sme ba'o/ /bdun pa ni 'bugs pa'o/ /brgyad pa ni 'phyo ba'o/ /dgu pa ni rmi lam mo/ /bcu pa ni sa'i dbang phyug go/ /bcu gcig pa 

</font><hr>78-1-27b<br><font size=+1>

ni 'phel ba'o/ /bcu gnyis pa ni gti mug go/ /dang po ni gti mug go/ /gnyis pa ni bzang po'o/ /gsum pa ni khyu mchog go/ /bzhi pa ni rus sbal lo/ /lnga pa ni chu srin no/ /drug pa ni yugs sa mo'o/ /bdun pa ni sme ba'o/ /brgyad pa ni 'bugs pa'o/ /dgu pa ni 'phyo 
ba'o/ /bcu pa ni rmi lam mo/ /bcu gcig pa ni sa'i dbang phyug go/ /bcu gnyis pa ni 'phel ba'o/ /'phel ba'i nyi ma la skyes pa'i byis pa ni/ /nyi ma dgu pa'am/ zla ba dgu pa'am/ lo dgu na shi chad du ma gyur na/ /phyug cing skal ba bzang ba dang / /sems gdug cing rtsub 
la me drod chung zhing yul mtha' 'khob kyi gtso bor 'gyur la/ g.yem pa la dga' ba dang / thams cad du 'jam por smra zhing nor dang ldan zhing nad med pa dang / skyid pa la rtag par 'gyur te/ tshe lo brgyad cu rtsa gcig 'tsho ste/ /sa'i dbang phyug gi nyi ma la 'chi bar 'gyur ro/ /sa'i 
dbang phyug gi nyi ma la btsas pa'i byis pa ni/ nyi ma brgyad pa'am/ zla ba brgyad dam/ lo brgyad pa la gal te shi chad du ma gyur na nor dang 'bru rtag par 'gyur zhing bden par smra la mdza' bshes mang zhing chos shes pa dang / mkhas la tshangs par spyod cing sems can kun la phan pa 
byed la/ bzo shes pa dang / 'jam por smra zhing skal ba dang ldan te/ bstan bcos thams cad rgyas par 'gyur ba la the tshom med de/ tshe lo brgyad cu rtsa brgyad 'tsho ste/ rmi lam gyi nyi ma la 'chi bar 'gyur ro/ /rmi lam gyi nyi ma la btsas pa'i byis pa ni nyi ma bzhi'am/ lnga'am/ 
bcu'am/ min na zla ba brgyad dam/ /lo brgyad pa la gal te shi chad du ma gyur na/ /des bla ma nyon mongs par byed pa dang / dpa' zhing rtul phod pas pha rol gnon pa dang / dgra thams cad 'joms shing skye bo dam pa dang mdza' ba dang / skyabs med pa rnams kyi dpung gnyen byed 
cing thams cad du tshig rtsub smra la sdig pa'i las la nan tan byed pa dang / dbul zhing 'phyar ba dang / nad med cing rtag tu bza' ba rnyed pa dang / mthon po la rten pas 'tsho zhing rtag tu seng ge dang 'dra bar sems te/ tshe lo drug cu 'tsho zhing 'phyo ba'i nyi ma la dgra'i mtshon gyis 'chi 

</font><hr>78-1-28a<br><font size=+1>

bar 'gyur ba la the tshom med do/ /'phyo ba'i nyi ma la btsas pa'i byis pa ni zla ba bzhi pa dang / drug pa dang / dgu pa dang / bcu pa la gal te shi chad du ma gyur na/ /de ni shes rab chung zhing blo dang me drod dman la/ sdang ba mang zhing bu tsha mi 'tsho la 'khor mang 
ba dang / yo byad 'phel zhing sdug bsngal mang ba dang /gnyen 'dun thams cad dga' la/ ngan ngon la rtsi ba dang nor dang phyugs mang la chung ma gsum len cing cung zad tsam gyis khro ba dang / nga rgyal che zhing dgra rnams 'jigs la khe spogs kyis 'tsho ste/ /tshe lo brgyad cu 
rtsa gcig 'tsho zhing 'bugs pa'i nyi ma la 'chi bar 'gyur ro/ /'bugs pa'i nyi ma la btsas pa'i byis pa ni nyi ma gnyis pa'am/ zla ba gnyis pa'am/ /bzhi pa'am/ lo brgyad pa'am/ bcu pa la gal te shi chad du ma gyur na/ /de ni pha ma ltogs pa dang / nor chung zhing 
rmongs pa dang sdig pa'i bsam pa dang ldan zhing ngang tshul ngan la nad bu can du 'gyur ba dang / tshangs par spyod cing dpa' la sdug pa dang / ser sna dang ldan par 'gyur te/ tshe lo drug cu rtsa bzhir 'tsho la/ sme ba'i nyi ma la rang gi khyim du 'chi bar 'gyur ro/ /sme ba'i nyi ma la 
btsas pa'i byis pa ni nyi ma gnyis pa'am/ lnga pa'am/ zla ba gsum pa'am/ dgu pa'am/ lo dgu pa la gal te shi chad du ma gyur na des ni rang gi rigs bstod cing chos shes pa dang / bstan bcos phun sum tshogs shing bzo sna tshogs rig pa dang / dpa' la nga rgyal 
che ba dang / g.yo sgyu can yin la phrag dog dang ldan zhing nor nyung ba dang / gzugs bzang zhing bya ba thams cad yang ba yin te/ tshe lo drug cu rtsa gsum du bde bar 'tsho la yugs sa mo'i nyi ma la chur 'chi bar gdon mi za'o/ /yugs sa mo'i nyi ma la btsas pa'i byis pa 
ni nyi ma gnyis pa'am/ bcu pa'am/ zla ba gnyis pa'am/ brgyad pa'am/ lo brgyadapal gal te shi chad du ma gyur na de ni sdig pa'i blo dang ldan zhing sems can kun la 'khyal tshig smra zhing nor nyung la 'phyar ba dang / thams cad du nad kyis thebs la rgyal po'i chad pas 

</font><hr>78-1-28b<br><font size=+1>

gcod cing bud med thams cad la skal ba bzang por 'gyur la bzo dang nor thabs thams cad kyi bzo la mkhas pa ste/ tshe lo lnga bcu rtsa lnga'am/ yang na sum cu rtsa drug tu 'tsho la chu srin gyi nyi ma la 'chi bar the tshom med do/ /chu srin gyi nyi ma la btsas pa'i byis pa ni nyi ma bcu 
pa'am/ zla ba gsum pa'am/ lnga ba'am/ lo dgu pa la ma shi na bsod nams dang / tshul khrims phun sum tshogs shing / zhi des dang / bslab pa dang ldan zhing nor dang / gzugs dang / skal ba phun sum tshogs la dpal dang grags pa dang / bu dang / tsha bo 'phel 
la/ grong khyer gyi gtso bo 'gyur ba dang / 'khor dang / longs spyod phun sum tshogs pa dang / bzo dang dus kyi mtha' la mkhas pa dang / dgra thams cad rlag par byed do/ /tshe lo lnga bcu rtsa lnga'am/ yang na drug cu rtsa bzhir 'tsho la rus sbal gyi nyi ma la 'chi bar 'gyur ro/ /rus 
sbal gyi nyi ma la btsas pa'i byis pa ni nyi ma gnyis pa dang / dgu pa dang / zla ba brgyad pa dang / dgu pa dang / lo dgu pa la ma shi na de ni rtag tu sems khral che ba dang / khro ba dang bcas shing cung zad kyis mgu ba dang / /mang du smra zhing gnyen rnams byams pa dang / rtag tu g.yem 
pa dang / phyugs la gtong phod che ba dang / bu dang chung ma gsod pa dang / sems chung zhing bsam pa ngan pa dang / zhing las kyis 'tsho zhing mdze nad kyis thebs te/ tshe lo drug cu rtsa bzhi'am/ brgyad cu tham par 'tsho ba khyu mchog gi nyi ma la rang gi yul du 'chi bar 'gyur ro/ /
khyu mchog gi nyi ma la btsas pa'i byis pa ni nyi ma dgu pa'am/ zla ba gnyis pa dang / brgyad pa'am/ lo brgyad pa dang / dgu pa la gal te ma shi na dpa' zhing rtul pho pas pha rol gnon la sgeg cing phyug pa dang / chung ma mang du len la gnyen 'dun thams cad dga' zhing pha'i tshe 
'joms pa dang / khe spogs dang / g.yem pa la dga' zhing le lo dang / mu cor du smra ba dang / ngang tshul ngan pa dang / las gdug pa la dga' ste/ tshe lo drug cu'am/ nyi shur 'tsho la bzang po'i nyi ma la mtshon gyis 'chi bar 'gyur ro/ /bzang po'i nyi ma la btsas pa'i 

</font><hr>78-1-29a<br><font size=+1>

byis pa ni nyi ma lnga pa'am/ zla ba dgu pa'am/ lo bcu pa la ma shi na de ni dbul zhing chos spyod la bden par smra ba dang / snyan par smra ba dang / chung ma gcig la dga' zhing rig pa'i bdag por 'gyur ba dang / bzo dang / dus thams cad shes shing rang gi gnyen 
'dun byams pa dang / rigs kyi 'chad pas 'tsho ba ste/ tshe lo brgyar 'tsho la gti mug gi nyi ma la chur 'chi bar 'gyur ba las gzhan du ma yin no/ /gti mug gi nyi ma la btsas pa'i byis pa ni nyi ma gnyis pa'am/ zla ba dgu pa'am/ lo dgu pa la gal te shi chad du ma 
gyur na mang du za zhing sems chung la rtag tu g.yem pa la dga' ba dang / rgyun du khro zhing brkam chags che la/ na dbu can du 'gyur ba dang / yid gzhungs shing gnyen 'dun byams pa dang / rtag tu khro ba dang nga rgyal can du 'gyur ba dang / ngang tshul ngan zhing sdig spyod la tshig rtsub 
dang khyal ba smra ba la dga' ba dang / mtshon cha rdeg pa la dga' ste/ tshe lo drug cu rtsa bzhir 'tsho la 'phel ba'i nyi ma la yan lag gi zug rngu dang skrangs 'bur gyis 'chi bar 'gyur ba la the tshom med do/ /'phel ba'i nyi ma la nad kyis thebs na shin tu bag bya dgos te/ gal te 
zhag bcwa lnga la ma shi na de nas nyi ma lnga na 'tsho bar 'gyur ro/ /sa'i dbang phyug la ni nyi ma gsum na ma shi na de nas nyi ma bdun na 'tsho bar 'gyur ro/ /rmi lam la yang nyi ma gsum nam shi na de bzhin du nyi ma bdun na 'tsho'o/ /'phyo ba la ni nyi ma gsum mam lnga na 'chi 'tsho cha phyed 
do/ /'bugs pa la ni nyi ma gsum mam bzhi pa la ma shi na nyi ma bcu na 'tsho bar 'gyur ro/ /sme ba la ni nyi ma gsum pa la 'chi ba'am brgya pa la 'tsho ste/ yun ring du nad kyis gdung bar 'gyur ro/ /yugs sa mo la ni nyi ma lnga pa la 'chi ba'am dgu pa la ldang bar 
'gyur la/ zhag bcu na nad las grol bar 'gyur ro/ /chu srin la ni nyi ma brgyad pa la 'chi ba'am/ zhag nyi shu rtsa gcig gis 'tsho 'chi cha phyed par 'gyur ro/ /rus sbal la ni nyi ma brgyad pa la ma shi na des zhag bcu pa la nad las grol bar 'gyur ro/ /khyu mchog la ni nyi 

</font><hr>78-1-29b<br><font size=+1>

ma gsum pa'am/ lnga pa la ma shi na nad cung zad dang bcas par 'gyur zhing brgyad pa la ldang ngo / /bzang po la ni nyi ma brgyad pa dang bcu pa la ma shi na de nas grol bar 'gyur ro/ /gti mug la ni nyi ma gsum pa'am bdun pa la ma shi na de nas grol bar 'gyur ro/ /gang gi mche bas mngon 
zin na/ /'chi bdag dang ni mngon par 'grogs/ /dug bsdu ba yi sbyor ba yis/ /de rnams ji ltar 'grub 'gyur zhing / /tshe dang nad med spel ba'i phyir/ /gzhan la cho ga ji ltar sbyar/ bka' stsal pa/ sems can kun gyi nad rnams ni/ /gzhom zhing bskyang bar bya ba dang / /
shi ba rnams kyang 'tsho 'gyur na/ /gzhan lta smos kyang ci zhig dgos/ /de rnams bsod nams che 'gyur ba/ /chu yi sbyin sreg cho ga ni/ /mdor bsdus nas ni brjod bya ba/ /de ni nga yis bshad kyis nyon/ /sa yi cha ni yid 'ong la/ /kha dog dkar po dri yis byug /me tog phreng 
dkar gyis brgyan cing / /rgyal mtshan bla res 'bar byas par/ /rtsa ba nag po ra ri med/ /bum pa chu yis bkang sogs pa/ /de dbus lha mo bsam pa ni/ /pad+ma'i stan la yang dag bzhugs/ /zhal gcig phyag ni gnyis pa ste/ shin tu mdzes pa'i na bzas bklubs/ /rgyan 
rnams kun gyis brgyan pa ste/ /pad+ma'i phreng bas mdzes par byas/ /mkha' 'gro ma yi 'khor lo spro/ /gang dang kun da zla 'dra ba'i/ /bdud rtsi'i chu rgyun 'bab pa yis/ /dug gi mthu ni 'phrog par mdzad/ /lha mo'i sbyor ba 'di lta bus/ /bsams na dug ni 'joms par 'gyur/ /
'o ma nag por gyur gyi bar/ /mun pas ring du zil mnan pa/ /slar yang bdug pas bdug par bya/ /dpyid zla ra sogs rim bzhin du/ /nyi ma byang du 'gro ba'i tshe/ /ji lta'i dus bzhin mtshan ma ni/ /rim gyis rim gyis sbyar bar bya/ /nyin mo yi ni chu tshod dag /mkhas pas 
bzhi dang bcu gnyis bsgyur/ /mtshan mo drug dang bcu gsum bsgyur/ /chu tshod mkhas pas brtsam par bya/ /re'u mig dag ni gnyis pa la/ /dus la mkhas pas mtshan ma bya/ /nyin mo drug dang bcu gnyis bsgyur/ /chu tshod kyi ni mtshan ma bya/ /bzhi dang bcu gsum 

</font><hr>78-1-30a<br><font size=+1>

bsgyur ba ni/ /mtshan mo'i chu tshod du ni brtag /brgyad dang bcu gnyis bsgyur ba dag /nyin mo ru ni brtag par bya/ /gnyis dang bcu ni gsum bsgyur ba/ /mtshan mo'i chu tshod du ni brtag /chu tshod sum cu tham pa ni/ /dbus kyi pi shu gnyi gar sbyar/ /gnyis 
dang bcu ni gsum po dag /nyin mo'i chu tshod shes bya ste/ /brgyad dang bcu gnyis sbyor ba dag /de yi mtshan mo'i mtshan mar bya/ /bzhi dang bcu gsum mtshan ma ni/ /nyin mo yi ni chu tshod do/ /drug dang bcu ni gnyis bsgyur ba/ /mtshan mo'i chu tshod mtshan ma bya/ /drug dang bcu ni 
gsum bsgyur ba/ /nyin mo yir ni shes bya ste/ /bzhi dang bcu ni gnyis bsgyur ba/ /mtshan mo'i chu tshod du ni grags/ /de bzhin lhor ni 'gro ba yi/ /dus shes par ni bshad par bya/ /bzhi dang gsum bsgyur chu tshod ni/ /nyin mo yi ni bshad pa yin/ /drug dang bcu ni gnyis bsgyur 
ba/ /mtshan mo yi ni mtshan mar bya/ /gnyis dang bcu ni gsum bsgyur ba/ /de bzhin nyin mo'i chu tshod yin/ /brgyad dang bcu ni gnyis bsgyur ba/ /chu tshod mtshan gyi ra rab tu grags/ /bcu ni gsum du bsgyur ba dag /pi shu'i nyin mo'i chu tshod de/ /de bzhin mtshan gyi chu tshod kyang / /
bcu ni gsum du bsgyur bar bya/ /brgyad dang bcu ni gnyis bsgyur ba/ /nyin mo yi ni bsam par bya/ /gnyis dang bcu ni gsum bsgyur ba/ /mtshan mo'i chu tshod du ni brtag /bzhi dang bcu ni gnyis bsgyur ba/ /nyin mo'i chu tshod rim pa yin/ /drug dang bcu ni gsum bsgyur ba/ /
de bzhin mtshan mo'i chu tshod do/ /sum brgya drug cu'i dbugs kyis ni/ /chu tshod kyi ni dus rnams 'da'/ /chu tshod drug cu'i grangs kyis ni/ /nyin mtshan phrugs gcig tu ni brjod/ /zla ba'i go rims ji bzhin du/ /rim pa de bzhin mtshan ma bya/ /chu tshod dbugs ni 
rdzogs dang po/ /rim gyis 'phel zhing rim gyis 'bri/ /las dang las min bye brag bzhin/ /dbugs ni rim gyis gzung bar bya/ /mkha' 'gro gnyis dang dus tshigs dang / /bgrod pa gnyis kyis mtshon par bya/ /gnyis po dag ni bcur bsgyur ba/ /de bzhin lo yi chu 

</font><hr>78-1-30b<br><font size=+1>

tshod do/ /de yi mtshan ma ldan pa yis/ /nyin mtshan gyi ni dbugs su brtsi/ /ngag gi dbang phyug kun bzung nas/ /dbyangs kyi mtshan mar mngon par bzhag /ma ning gnyis ni spangs nas su/ /sa yi dbang phyug kun du bzhag /a yi rim pa la bab na/ /dpal dang mngon 
par mnyam 'grogs shing / /nor rnyed par ni snang ba ste/ /skal ba bzang por gdon mi za/ /a yi re'u mig la bab na/ /rims dang nad kyis gzir ba dang / /'jigs shing skrag par snang 'gyur bas/ /a zhes bya bas nges par ston/ /yi ge i la bab gyur na/ /rgyal po'i dpal 
ni ster 'gyur te/ /kun nas nor ni rnyed pa dang / /gang zhig bsams pa de 'grub 'gyur/ /yi ge i la bab gyur na/ /zla ba drug na 'chi ba dang / /de bzhin dgras ni gzir ba dang / /me yis 'jigs par shes par bya/ /yi ge u la bab gyur na/ /dpal ldan grogs mo rnyed pa dang / /
nor dang 'bru ni 'phel ba dang / /dpal rnams kyang ni rnyed par 'gyur/ /u la gal te bab gyur na/ /de ni dgra yis 'tshe bar snang / /bran bza' dang ni gnyen tshan rnams/ /'jigs shing skrag par snang bar 'gyur/ /yi ge e la bab gyur na/ /'phral du skye bo skal can 
'gyur/ /skyes pa bud med dag gi ni/ /mchod pa'i gnas ni 'thob par 'gyur/ /a yi mtshan ma la lhung na/ /dgra dang rgyal po'i 'jigs pa dang / /lus can rkun pos gzir 'gyur zhing / /nad dang rims kyis thebs par 'gyur/ /o yi mtshan ma la bab ba na/ /gnas kyi 
dbang por 'gyur ba dang / /nor dang 'bru ni rnyed 'gyur zhing / /yid 'ong rim pa de bzhin no/ /au yi mtshan ma la bab na/ /'thab mo dang ni dgras 'tshe zhing / /gnas las nyams dang brdeg btsog dang / /byas pa chud ni zos par 'gyur/ /yi ge a~M la bab gyur na/ /bran 
bza' dag ni rnyed 'gyur zhing / /bu dang rig pa'ang rnyed 'gyur te/ /de bzhin grogs po rnyed par 'gyur/ /ji ltar sngon gyi a zhes pa/ /de bzhin mtha' ma'ang gzung bar bya/ /drug 'gyur du ni bzhag nas su/ /snga ma de bzhin sum 'gyur bya/ /sum brgya drug cur bsres 

</font><hr>78-1-31a<br><font size=+1>

nas su/ /sa bzhi ru ni bcad nas su/ /yi ge lhag ma gzung byas te/ /dge dang mi dge mtshon par bya/ /yang na ri mo kyag kyog bri/ /dbyangs kyi dang po la sogs bgrang / /yang na me tog gtor nas ni/ /de bzhin sa ni mtshon par bya/ /yang na snga dro ro hi tA'i/ /
dus su rtsib po yis blta/ /rnal 'byor bstan bcos rab rgyas pa'o/ /bcu gnyis kyi ni gnas dag tu/ /sems ni bskyed pa'i cho ga bshad/ /ro hi tA'i dus bdag nyid bsam/ /sa dbang phyug la de bzhin khyim/ /rmi lam la ni spun gyi bsam/ /byA ku li la nye du ste/ /b+hi dri kA la 
bu yi bsam/ /sme ba la ni dgra yir bstan/ /raN+DA la ni sbyor ba bsam/ /ma kar la gso dpyad don/ /rus sbal la ni chos kyi don/ /khyu mchog la ni drag po'i las/ /bzang po la ni nor shes bya/ /gti mug la ni kun tu 'khrug /'phel ba la ni reg byed na/ /don rnams 'grub 
par 'gyur ba dang / /nor dang 'bru dang phrad pa dang / /grogs po sdug dang 'phrad par 'gyur/ /dus ni ring por mi sdod cing / /myur du 'phrad 'gyur gdon mi za/ /sa dbang phyug la reg tsam gyis/ /lam du 'gro ba nyid dang ni/ /kha zas sems dang bu dang nor/ /las kyi bsam 
pa ston par byed/ /rmi lam la ni nor rnyed cing / /mchod pa 'thob cing grogs dang 'phrad/ /gnyen bshes yid ni dga' ba dang / /zhi zhing dgos pa'ang 'grub par ston/ /bya ku la la mya ngan dang / /khyad par can gyi don nyams shing / /gnyen 'dun dang ni 'brel bar 'gyur/ /
b+hi dri skyes ni ster ba dang / /byams par smra ba rnyed 'gyur te/ /bu ni skye ba mthong bar 'gyur/ /mi ki rA la rtsod pa dang / /ca cos kun tu nyon mongs shing / /chom po bkra ni mi shis dang / /gnyen 'dun nad kyis thebs par 'gyur/ /raN+DA la ni btung dang bza'/ /gos dang 
rgyan la sogs rnyed cing / /stor ba slar yang rnyed pa dang / /bud med sdug dang phrad par 'gyur/ /ma ka ra la sems khral dang / /don gnyer 'bras bu med par 'gyur/ /yid 'ong nor dang 'bral 'gyur zhing / /'dod pa rnams dang 'phrad mi 'gyur/ /rus sbal la ni skal 

</font><hr>78-1-31b<br><font size=+1>

bzang zhing / /zhi dang srung dang bkra shis 'gyur/ /stan dang nor dang btung ba rnyed/ /khyu mchog la ni las rnams la/ /rgyal po'i chad pas nges par 'jigs/ /mya ngan dang ni gnas su 'gro/ /bye bral dag ni mthong bar 'gyur/ /bzang po la ni longs spyod dang / /don rnams 
thams cad nges par 'grub/ /mchod pa'i gnas 'gyur grogs dang ni/ /bkra shis dag ni 'byung bar 'gyur/ /gti mug la ni don rnams kun/ /snying po med pa'i rtswa dang mtshungs/ /gnas ni bcings dang lam gyi ni/ /'du shes dag ni mthong bar 'gyur/ /nyon cig lha 
mo skal chen mo/ /yan lag gi ni mtshan rnams ni 'phel ba'i nyi ma la mig g.yon pa 'gul na pha dang ma skrag par 'gyur ro/ /sa'i dbang phyug la ni mdzes par snang ngo / /rmi lam la ni gos rnyed do/ /'phyo ba la ni nor rnyed dom/ /'dugs ba la ni ma dang pha la nyes don 'byung ngo / /
sme ba la ni cir yang mi 'gyur ro/ /yugs sa mo la ni gnyen 'dun 'ong ngo / /chu srin la ni bgo ba rnyed do/ /rus sbal la ni 'thab rtsod do/ /khyu mchog la ni byang phyogs nas mgron po 'ong ngo / /bzang po dang / gti mug la de bzhin du bgo ba'o/ /'phel ba'i nyi ma la 
mig g.yas pa 'gul ba'i 'bras bu yang snga ma bzhin no/ /sa'i dbang phyug la ni ci'i mtshan mar yang mi 'gyur ro/ /rmi lam la ni 'thab rtsod do/ /byA bu'i la ni lam rings kyi gtam thos par 'gyur ro/ /'bugs pa la ni nor nyams par 'gyur ro/ /sme ba la ni nor rnyed 
par 'gyur ro/ /yugs sa mo la ni ngu bar ston no/ /chu srin la ni cir yang mi 'gyur ro/ /rus sbal la ni bgo ba rnyed do/ /khyu mchog la ni stor brnyed par 'gyur ro/ /bzang po la ni 'gron po 'ong bar 'gyur ro/ /gti mug la ni pho nya dang phrad do/ /yang ro hi tAShi nyi ma la/ /
rna ba g.yas pa ngu na bud med dang 'phrad do/ /sa'i dbang phyug gis ni mdzes par 'gyur ro/ /rmi lam gyis ni mgu bar 'gyur ro/ /byA ku lis ni btung ba rnyed do/ /b+hi dri kAs ni cung zad skrag par 'gyur ro/ /mi ki rAs kyang de bzhin no/ /raN+DA sa ni mya ngan gyis 'dzin no/ /ma ka 

</font><hr>78-1-32a<br><font size=+1>

ras ni mdzes par 'gyur ro/ /rus sbal ni 'gron po 'ong ngo/ /br-iSha b+has ni byams sdug tu 'gyur ro/ /bzang pos ni mnyes par 'gyur ro/ /gti mug gis ni cir yang mi 'gyur ro/ /ro hi tA'i nyi ma la rna ba g.yon pa ngu na/ bza' ba dang btung ba 'ong bar 'gyur ro/ /
sa'i dbang phyug gis ni dge bar 'gyur ro/ /rmi lam gyis ni sngon ma mthong ba cung zad mthong bar 'gyur ro/ /byA ku li la bcing bar 'gyur ro/ /b+hi dri kA la 'thab rtsod 'byung ngo / /mi ki rA la gzhan dag 'ong ngo / /raN+DA la stor brlag thos par 'gyur ro/ /ma ka ral shi chad thos par 
'gyur ro/ /kUrma la mya ngan gyis 'dzin to/ /br-iSha b+ha la dge bar ston no/ /bzang pos ni gtam ngan thos par 'gyur ro/ /gti mug gis ni cir yang mi 'gyur ro/ /ro hi tA'i nyi ma la rkan g.ya' na/ mi chen po 'ong ngo / /sa'i dbang phyug gis ni khyim dge bar 'gyur ro/ /rmi lam 
gyis ni su zhig 'ong bar ston no/ /byA ku lis ni bgo brnyed do/ /b+hi dri kAs ni sems khral skye'o/ /mi ki rAs ni bde bar ston no/ /raN+DA sa ni skrag go/ /ma ka ras ni khyim 'phel lo/ /kurma ni su zhig 'chi bar ston to/ /khyu mchog gis ni 'gron po 'ong bar ston to/ /bzang pos ni 
chom po 'ong bar ston to/ /gti mug gis ni khyim mdzes par ston to/ /ro hi ta'i nyi ma la lus thams cad g.yon/ 'thab rtsod dang skyo sngogs 'byung ngo / /sa'i dbang phyug gis ni nor rnyed do/ /rmi lam gyis ni 'jigs par 'gyur ro/ /byA ku lis ni ma dang pha la nyes don 'byung ngo / /
b+hi dri kAs ni las nye bar gnas par ston to/ /mi ki rAs ni pha ma skrag pa skye bar 'gyur ro/ /raN+Das ni lho phyogs nas 'gron po 'ong bar ston to/ /ma ka ras ni skya bseng 'ong bar ston to/ /k+shurmas ni 'gron po blo bur du 'ong ngo / /br-iSha b+has ni mya ngan skye'o/ /b+ha dras ni 'jigs pa 
chen po 'byung ngo / /gti mug gis ni sangs rgyas rjes su dran no/ /ro hi tA'i nyi ma la rkang pa'i sha 'gul na dge'o/ /sa'i dbang phyug kyang de bzhin no/ /rmi lam gyis ni gtam 'dri pa dag 'ong ngo / /byA ku lis ni 'thab rtsod do/ /b+hi dri kAs ni bdag po mdzes par 'gyur ro/ /

</font><hr>78-1-32b<br><font size=+1>

mi ki rAs kyang 'thab rtsod do/ /raN+DAs ni 'thab rtsod dang skyo sngogs su 'gyur ro/ /ma ka ras kyang de bzhin no/ /kUrmas ni de nyid du su zhig 'chi bar ston to/ /br-iSha b+has ni gos rnyed do/ /b+ha dras ni nang dang phrad par 'gyur ro/ /mo hi tAs ni mya ngan dang phrad par 'gyur ro/ /'phel 
ba nor rgyas bu yin te/ /gti mug de bzhin 'jog po yin/ /bzang po stobs kyis rgyu ba ste/ /khyu mchog pad+mar shes bya ste/ /rus sbal de bzhin pad+ma che/ /chu srin du ni dung skyong gsungs/ /yu goms mo ni mtha' yas bzhed/ /rig ldan sme bar shes par bya/ /'bugs pa mgo 
brgya ba zhes bya/ /'phyo ba yid kyis 'gro ba ste/ /rmi lam gtsigs pa zhes bya yin/ /sa yi dbang phyug char 'bebs so/ /lha mo bcu gnyis 'di dag ni/ /lo gnas rten 'brel bcu gnyis dngos/ /de ltar sa rnams shes byas nas/ /dge dang mi dge brtag par bya/ /de nas dus su 
bgrod pa ni/ /bshad kyis sgrub pa po rnams nyon/ /dga' ba skad cig nyid dang ni/ /'bras bu'i yan lag bye brag rnams/ /sum 'gyur du ni bsgyur byas te/ /kun la rkang pa bzhi yis dgang / /mdud pa bcad cing 'char ba yis/ /dus ni de ltar brjod pa yin/ /chad pa bgegs 
dang gza' rnams dang / /mdung dang dgra rnams ltung ba dang / /khyim sa yi ni dpyad dag la/ /lto 'phye'i ltor ni brko ba dang / /'gro 'ong sbyor ba'i bye brag dang / /tshe dang nad med spel ba dang / /de bzhin sa bon gdab pa dang / /phyugs rnams ji ltar gdul ba dang / /bral dang 'du dang 
rgyal srid dang / /rnyed pa dag ni spang bya zhing / /yid las byung dang g.yul 'gyed dang / /sdong bu'i phung po de bzhin te/ /byis pa gso ba'i sgrub pa dang / /mig sman khyab par de bzhin te/ /dus dang tshod la sogs pa nyid/ /nyin dang nyin gyis dbye bar bya/ /bcud kyis len dang rtsi rnam 
gnyis/ /las ni yongs su smin par bya/ /sems 'phel mnyam par 'jug pa yis/ /srid dang zhi ba'i rang bzhin te/ /de ltar rtsi dang bcud len sogs/ /blo ldan 'bad pas shes bya zhes/ /dam tshig kun dang mnyam sbyor ba'i/ /rdo rje mkha' 'gro bde ba'i mchog /rdo rje 

</font><hr>78-1-33a<br><font size=+1>

sems dpa' de bzhin gshegs/ /bcom ldan rdo rje can gyis gsungs/ /rgyud kyi rgyal po chen po dpal rdo rje mkha' 'gro las/ /dbugs brtsi ba'i rim par phye ba zhes bya ba ste bcu pa'o// //de nas yang dag bshad bya ba/ /dngos grub mchog gi rig ba la/ /
sgyu ma chen mo zhes bya ba/ /gsang ba chen po'i dbang phyug ste/ /sems can thams cad 'dul mdzad gnyen/ /dbang phyug thams cad byed pa po/ /'di ni rig pa dam pa mchog /ming tsam mchog tu rnyed dka' ba/ /dang po chos kyi 'byung gnas bsam/ /de nas yi ge dgod par 
bya/ /dbyangs yig dang po thig ler bcas/ /pad+ma'i steng du yang dag gnas/ /rtag tu dbugs kyi ngo bo ste/ /'byung ba ru ni byed pa yin/ /'bar ba'i phreng bas mdzes pa'i mdog /phyogs kun tu ni rnam par 'phro/ /sna tshogs mdudapa'i 'char ba che/ /zla ba'i dbus gnas 
bsgom par bya/ /kun tu 'gro ba 'thob 'gyur zhing / /'di ni rnyed dka'i sangs rgyas 'gyur/ /de nyid spangs pas yi ge med/ /'gyur med rnyog pa med pa ste/ /dung dang zla 'dra dri med pa'i/ /byang chub sems zhes de bya'o/ /rang gi snying gi dbus gyur par/ /'dab brgyad pang+mas 
shin tu brgyan/ /de yi dbus gyur sa bon ni/ /gangs dang 'dra bar 'dzag pa ste/ /mchog tu zhi ba'i ha la ni/ /dbyangs yig drug pa dang sbyar nas/ /thig les steng du brgyan pa yi/ /yi ge dgod pas dgod par bya/ /rnal 'byor pa yi dbugs rngub byed/ /dngos dang dngos med 
rnam spangs pa'o/ /rang gi mgrin dbus gnas par yang / /pad+ma dmar po kun 'od mdzes/ /der ni thig le zla ba yis/ /brgyan pa'i dbyangs yig bcu gsum pa/ /pu lu ta zhes bya bar grags/ /mgo yi klad pa'i dbus gnas par/ /thig le'i gzugs can mi shigs pa/ /
a ta sa yi me tog bzhin/ /'og tu bltas shing 'phyang ba ste/ /nyin dang mtshan du bdud rtsi yi/ /tshul gyis 'bab pas yang dag gnas/ /dang po 'khor lo bsgoms nas ni/ /dbyangs yig gis ni khyad par sbyar/ /rang gi phyag rgyar mngon ldan pas/ /sangs rgyas byang chub 

</font><hr>78-1-33b<br><font size=+1>

rab tu ster/ /de yi brtul zhugs ma bshad de/ /sbyin sreg las dang sngags rnams dang / /gzung ba dang ni bgrang phreng dang / /gcig nas gcig tu ldog par 'gyur/ /sngags kyi dkyil 'khor dbyibs chos dag /sbyor ba rnam gsum zhes bya ste/ /dug med byas nas nan tan 
du/ /bsten bya 'di ni bsten byas nas/ /srid pa'i longs spyod dag 'gyur zhing / /srid pas srid pa mchog gi bdag /ye shes rnam pa gsum gyis ni/ /srid pa'i nyes pas gos mi 'gyur/ /rnal 'byor pa yis sbyor ba 'di/ /rtag tu rgyun du goms byas na/ /zla drug 
tsam gyis nges par ni/ /rdo rje sems dpa' mnyam 'gyur zhes/ /rdo rje mkha' 'gro bde ba'i mchog /bcom ldan rdo rje can gyis gsungs/ /zla ba'i dkyil 'khor yongs rdzogs pa/ /b+ha ga'i dbus su bsgom par bya/ /de yi dbus gyur sa bon ni/ /sngo zhing cung zad dmar ba'i 'od/ /
'od zer sngon po'i phreng 'khrugs las/ /'dam skyes sngon po lta bu yi/ /zhal gcig phyag bzhi spyan gsum pa/ /mgo skyes kham pa gyen bsgreng zhing / /rgyan rnams kun gyis rnam par bklubs/ /rked pa stag gi pags pas dkris/ /phyag na lcags kyu zhags pa dag /mda' 
dang gzhu ni mchog tu 'gengs/ /in+d+ra nI la lta bu ste/ /dang po'i yi ge las byung bsgom/ /gang gi rig pa rab sbyor bas/ /kun nas de ma thag tu 'grub/ /dmar po ru ni bsgoms nas su/ /de nas cho ga bzhin du bya/ /dbyangs yig gnyis pa dang ldan par/ /srid pa gsum 
po bsgom par bya/ /'bad pas bsgrub bya snang byas te/ /slar yang de nyid du ni gzhug /des ni sa gsum ma lus pa/ /sgrub pa po yi dbang du 'gyur/ /tshangs dang khyab 'jug drag po dang / /dbang po dang ni 'dod lha sogs/ /yi ge phan tshun bskul ba yi/ /chung ma dang ni 
bcas te 'gugs/ /bcom ldan de nyid shes bya ba/ /spyod pa'i gar gyis gtso bo yin/ /de nas dbus ma'i mtha' dang ldan/ /thig le sgra yis yang dag mtshan/ /sku gsung thugs la legs gnas par/ /dngos po sgom pas bsgom byas na/ /gong bu dgug pa'i dam pa 

</font><hr>78-1-34a<br><font size=+1>

yin/ /b+ha ga yi ni dbus gyur pa/ /ye shes rgya mtsho bsgom byas la/ /yi ge mi 'gyur rdzogs pa las/ /sku mdog dkar po zhal bzhi pa/ /rdo rje dang ni kha T+wAM bsnams/ /dpa' bo sbyi gtsug zla phyed brgyan/ /gshor dang thod pa'ang bsnams pa ste/ /dbugs 
mi g.yo bar bsgom par bya/ /rlung dang me ni yang dag ldan/ /chu dang dbang chen mnan pa ste/ /spro ba'i bdag nyid can gyis spro/ /'bad de bsgrub bya dmigs na ni/ /khu ba dgug pa'i dam pa yin/ /tsi yi ye shes las byung ba/ /sku mdog ser po kun tu 'bar/ /zhal bzhi 
pa la phyag bzhi pa/ /mgo skyes thodapa'i phreng bas brgyan/ /sdigs mdzub rdo rje zhags pa dang / /ka bA la ni phyag g.yon na/ /g.yas na rdo rje 'bar ba dang / /de bzhin du ni lcags kyu'i mchog /rta zhal tshul du byas nas ni/ /chang 'gugs pa yi dam pa yin/ /ra yi ye shes 
las byung ba/ /'od zer dmar po drag chen po/ /dpa' bo thodapa'i phreng ba can/ /rgyan kun gyis ni rnam par bklubs/ /zhal bzhi pa la phyag bzhi pa/ /ce spyang gi ni gdong can te/ /kha T+wAM ga dang thod pa dang / /rdo rje de bzhin ral gri bsnams/ /khrag gis gang ba'i lus can 
sgom/ /'bad de bsgrub bya dmigs nas ni/ /mkha' 'gro ma yi 'khor lo spro/ /rdo rje phra mos phug nas su/ /'jib pa nyid du rab bsgoms na/ /khrag dgug pa yi dam pa zhes/ /sgyu ma kun dang mnyam sbyor ba'i/ /rdo rje mkha' 'gro zhes grags pa/ /rdo rje sems dpa' de bzhin 
gshegs/ /bcom ldan rdo rje can gyis gsungs/ /rgyud kyi rgyal po chen po dpal rdo rje mkha' 'gro las/ /sgyu ma kun tu rnam par 'phrul pa'i rim par phye ba ste bcu gcig pa'o// //rdo rje mkha' 'gro'i sgrub thabs ni/ /bshad par bya yis lha mo nyon/ /dang por ro ni bsgoms 
byas te/ /mkhas pas chos dbyings rang bzhin bsam/ /rnal 'byor pa ni der gnas nas/ /go 'phang mchog ni bsgom par bya/ /rang snying zla ba'i dbus su ni/ /de nyid thams cad bkod nas su/ /de yi 'od zer las byung ba/ /mkha' 'gro ma sogs mchod nas ni/ /phyag 

</font><hr>78-1-34b<br><font size=+1>

byas nas ni 'di skad brjod/ /sangs rgyas byang chub sems dpa' rnams/ /kun nas bdag la dgongs gsol/ /bdag ming 'di zhes bgyi ba ni/ /dus 'di nas bzung ji srid du/ /byang chub snying por mchis kyi bar/ /ji ltar dus gsum mgon po rnams/ /yang dag byang chub nges mdzad 
pa/ /de bzhin bla med byang chub sems/ /dam pa bdag gis bskyed par bgyi/ /sangs rgyas rnal 'byor skyed sdom pa/ /sangs rgyas chos dang dge 'dun te/ /bla na med pa'i dkon mchog gsum/ /deng nas brtsams te mchog tu gzung / /bslab pa yi ni tshul khrims dang / /dge ba'i chos ni bsdu 
ba dang / /sems can don byed tshul khrims gsum/ /bdag gis so sor brtan por bzung / /rdo rje rigs mtho chen po la/ /rdo rje dril bu phyag rgya yang / /yang dag nyid du gzung bgyi zhing / /slob dpon dag kyang bdag gis gzung / /rin chen rigs chen rnal 'byor gyi/ /
dam tshig yid du 'ong ba la/ /nyin re zhing ni dus drug tu/ /sbyin pa rnam bzhi stsal bar bgyi/ /byang chub chen po las byung ba'i/ /pad+ma'i rigs chen dag pa la/ /phyi nang gsang ba'i theg pa gsum/ /dam chos yang dag gzung bar bgyi/ /las kyi rigs mchog chen po la/ /
mchod pa ci nus bgyi ba dang / /sdom pa thams cad ldan par bgyi/ /bla na med pa'i byang chub sems/ /dam pa de ni bskyed bgyi zhing / /sems can kun gyi don gyi phyir/ /sdom pa ma lus gzung bar bgyi/ /ma rgal ba rnams bsgral ba dang / /ma grol ba rnams bdag 
gis dgrol/ /dbugs ma phyin pa dbugs dbyung zhing / /'gro kun mya ngan 'das la dgod/ /de nas oM swa b+hA ba shud+d+haHsarba d+ha rmAHswa b+hA ba shu d+ho\u0f85haM/ de nas tshig 'di brjod nas chos thams cad bdag med par blta ste/ de nyid bcom ldan rdo rje can/ /rdo rje sems 
dpa' de bzhin gshegs/ /sku mdog sngon po 'jigs chen po/ /thod pa'i phreng bas rnam par bklubs/ /zhal bzhi pa la phyag bzhi pa/ /spyan gsum gyis ni mdzes pa ste/ /yi dgas chen po gdan du byas/ /nyi ma la bzhugs gar dang ldan/ /phyag na thod 

</font><hr>78-1-35a<br><font size=+1>

pa kha T+wAM dang / /de bzhin gzhan yang gzhu dang mda'/ /cho ga'i bya ba de nyid kyis/ /ye shes rgya mtsho bsgom par bya/ /shar ni dkar zhing 'od sngo ste/ /g.yon na kha T+wAM dril bu dang / /gzhan na rdo rje thod pa'o/ /byang phyogs mar gad ser skya'i 'od/ /g.yon na kha TAM zhags pa 
dang / /g.yas na rde'u chung thod pa bsnams/ /nub phyogs dmar zhing ser skya'i 'od/ /gzhu dang mda' yi mchog dang ni/ /sna tshogs pad+ma thod pa dag /g.yon dang g.yas kyi phyag tu dgod/ /lho ni dkar zhing ser ba'i 'od/ /g.yon na dung dang rin chen te/ /g.yas na ba dan thod pa 
bsnams/ /glang chen ce spyang mi dang ni/ /glang gi thod par rim bzhin gzhug /dang po ltung byed ma yin te/ /gnyis pa de bzhin gsod ma yin/ /gsum pa 'gugs ma zhes bya ste/ /bzhi pa gar gyi dbang phyug ma/ /rig ma de dag gyen skra 'bar/ /rgyan rnams thams cad rnam par 
bklubs/ /gar dang ldan pas yang dag bzhugs/ /phyogs mtshams dag ni bzhi po ru/ /thod pa rnam pa bzhi po dgod/ /sangs rgyas gzugs kyis rnam brgyan pa/ /spyi gtsug gsal bar yang dag ldan/ /dang po'i yi ge ldan pa ru/ /bsgoms na skad cig de la 'bar/ /
rdzas kyi dngos grub 'bras rab ster/ /lha mo de ltar bsgoms na ni/ /sbyor ba'i dngos grub rig pa che/ /yid ches yang dag 'jug par 'gyur/ /mi snang ba dang thams cad dang / /sgrub pos skad cig gis mthong 'gyur/ /lha mchog las skyes phrogs nas su/ /sangs rgyas 
kun gyi bu mo spyong / /gad+hA'i bye snyed sangs rgyas rnams/ /nyid kyi rdo rje gnas bzhugs pa/ /lag tu shing thog bzhag pa bzhin/ /rdo rje mig gis mthong bar 'gyur/ /gad+gA'i bye snyed zhing dag na/ /sku gsung thugs kyi mtshan nyid rnams/ /thams cad rang gi sems nyid 
kyi/ /ri mo las byung mthong bar 'gyur/ /sngags kyi yi ge go zlog pas/ /rgyud dang sngags ni bsgom par bya/ /gsang chen dam pa de dag ni/ /mdzes ma khyod la bshad pa yin/ /tho rangs rang gi snying gar ni/ /a las zla ba'i dkyil 'khor bsam/ /de steng yi ge 

</font><hr>78-1-35b<br><font size=+1>

hU~M bsgoms la/ /byams pa'i sems ni bskyed nas su/ /de nas dkyil 'khor bri bar bya/ /gru bzhi pa la sgo bzhi pa/ /kha khyer de bzhin rdo rjes mtshan/ /skud pa bzhi dang yang dag ldan/ /dar gyi phreng bas mdzes par byas/ /dkyil 'khor grwa rnams thams cad dang / /sgo dang 
sgo khyud mtshams rnams su/ /rdo rje rin chen rnam spras par/ /phyi yi dkyil 'khor thig gdab bya/ /shes rab can gyis de'i nang du/ /'khor lo'i phreng bas rnam brgyan te/ /de yi dbus su pad+ma ni/ /dkar pos shin tu mdzes par bya/ /slar yang de yi dbus gyur par/ /
'od ldan pad+ma dmar po bri/ /de nas sngags pas de'i nang du/ /rdo rje'i phreng ba kun 'khrugs bri/ /slar yang pad chen 'dab brgyad pa/ /in+d+ra nI la'i 'od 'bar bri/ /rdo rje ka ba'i nang logs su/ /dkyil 'khor lngas ni rnam brgyan pa/ /ri rab lhun po'i steng du ni/ /sna tshogs 
pad+ma yid 'ong bsam/ /mkha' 'gro kun dang mnyam sbyor ba'i/ /rdo rje mkha' 'gro bde ba'i mchog /rdo rje sems dpa' de bzhin gshegs/ /bcom ldan rdo rje can gyis gsungs/ /rgyud kyi rgyal po chen po dpal rdo rje mkha' 'gro las rdo rje mkha' 'gro 'byung ba'i rim par phye ba ste 
bcu gnyis pa'o// //de nas yang dag bshad bya ba/ /dngos grub thams cad rab sgrub pa/ /gang zhig shes pa tsam gyis ni/ /sgrub pos dngos grub thob 'gyur ba'o/ /a ni sna rtser bsams nas su/ /pa ni ling ga'i lte bar bsam/ /de nas mnyam par sbyar byas te/ /rnal 
'byor ma yi 'khor lo kun/ /pad+ma'i lte ba rnams su sbyar/ /a ba ng+hU tI'i gnas de bzhin/ /smin ma'i bar du gzhag par bya/ /dbyangs yig dang por yang dag ldan/ /bsgoms na skad cig de la 'bar/ /de nas 'bar phreng rgya mtshor ni/ /kun nas sgo yi 'khor lo bsam/ /
lte ba snying ga kha dang ni/ /dpral steng spyi gtsug 'khor lo ni/ /dang po sngags tshogs byin gyis brlab/ /lte ba snying gar rnal 'byor ma/ /lce gnyis dpa' bos byin gyis brlab/ /dpa' bo dang ni rnal 'byor ma/ /gnyis med cho ga ji bzhin du/ /mgal me'i 'khor lo la gnas 

</font><hr>78-1-36a<br><font size=+1>

pa/ /mkha' 'gro ma ni de bzhin 'khor/ /glog lta bur ni gsal ba'i 'od/ /yid shugs chen pos rig pa che/ /lha yi rnal 'byor dus su ni/ /phyogs bcu rnams su spro bar bya/ /shin tu phra ba'i rdul tshogs ni/ /shin tu phra ba'i dngos por bsgom/ /'gyur 
ba med cing snang ba med/ /kun mkhyen 'bras bu ster ba'o/ /me tog la ni gnas bsams te/ /gang la byin te rgyas 'debs 'gyur/ /dung dang zla 'dra'i 'od mdzad pa/ /ltung byed ma yi sbyor ba bsam/ /bsgrub bya kha ru bcug nas ni/ /ldang cing bzlas na ltung bar 'gyur/ /de nas nyi 
ma la gnas pa'i/ /mdung tshul nyi ma'i 'od can ni/ /bskal pa'i me ltar rab 'jigs pa'i/ /gsod ma bsams te yid kyis su/ /bsgrub byar lhan cig gcig gyur nas/ /steng du bltas na 'chi bar 'gyur/ /de nas rlung dang me yi ni/ /dkyil 'khor la gnas me stag gi/ /phung 
bo 'phro ba'i 'gugs ma bsam/ /yid kyis bsgrub bya'i snying zhugs te/ /de yi snying ni rtsa nas dbyung / /'gugs ma'i sngags bzlas 'gugs par 'gyur/ /rlung gi dkyil 'khor sems kyis ni/ /rlung gi dkyil 'khor la gnas te/ /rlung mdog bsgrub bya rlung nang bsam/ /
slar yang bdag dang bsgrub bya ni/ /gcig tu gyur te gar mdzad ma'i/ /sngags zlos shing ni gar byas na/ /gar byed byed du 'jug par 'gyur/ /mchod pa rdo rje rab sbyor gyis/ /de nas las rnams kun bsgrub bya/ /snying ga nyid dang de bzhin kha/ /mgo dang spyi gtsug mtshon cha 
ste/ /lte ba snying ga rnams su ni/ /dbugs mi g.yo bas bsgom par bya/ /dang po rdo rje sems dpa' ste/ /gnyis pa pad+ma gar dbang rgyal/ /gsum pa rnam par snang mdzad de/ /de bzhin bzhi ba rta mchog rgyal/ /lnga pa rdo rje nyi ma ste/ /drug pa he ru kar ni brjod/ /slar 
yang lte ba snying ga dang / /de bzhin kha dang mgo dang ni/ /spyi gtsug mtshon cha nyid dag ste/ /rdo rje phag mo gshin rje ma/ /de bzhin rmongs ma skyong ma ste/ /skrag ma dang ni gtum mo rnams/ /drug po 'di dag rig pa che/ /pha rol phyin pa rnam pa drug /de nas dbang bskur 

</font><hr>78-1-36b<br><font size=+1>

bsgoms nas ni/ /phyi nas mchod pa brtsam par bya/ /bdag nyid he ru kar byas nas/ /dpal ldan he ru kar dran bya/ /dam tshig ye shes gcig gyur las/ /des 'di rdo rje can du brjod/ /rnal 'byor 'di ni mchod chen dang / /de bzhin sngags kyi dgod pa ste/ /de nas dpa' 
bo mchod shes nas/ /las ni 'bad pa nyid kyis bya/ /sngags pas rang dgar dbye bya ste/ /phyin ci log tu nges par sbyar/ /tshar gcod pa dang phan 'dogs pa'i/ /las kyi mdog tu rnam par sgom/ /de nyid dbye bas phye nas ni/ /rtsa yi lam du sbyar bar bya/ /sbyor ba yi ni don 
rnams la/ /dga' ba chen pos 'dis bsgrub bya/ /cho ga 'di yis bsgrubs na ni/ /lha dang lha min mir bcas 'grub/ /mkha' 'gro kun dang mnyam sbyor ba'i/ /rdo rje mkha' 'gro bde ba'i mchog /rdo rje sems dpa' de bzhin gshegs/ /bcom ldan rdo rje can gyis 
gsungs/ /rgyud kyi rgyal po chen po dpal rdo rje mkha' 'gro las/ /dpa' bo'i gnyis su med pa'i mchod pa dang / /las kyi tshogs rnams 'byung ba'i rim par phye ba ste bcu gsum pa'o// //de nas sku gsung thugs kyi ni/ /'khor lor gnas pa'i bye brag dang / /gnas kyi 
rab tu dbye ba dang / /yul gyi dbye ba bshad par bya/ /go ni ma la ya yul te/ /spyi gtsug dzA laM d+ha ra yin/ /au D+yan rna ba g.yas pa ste/ /ar bu da ni rgyab phyogs yin/ /gnas kyi ming can rnam bzhi'o/ /go da ba ri rna g.yon te/ /rA me shwa ri smin dbus gsungs/ /mig 
ni de bI ko Ti ste/ /dpung ba ma la ba zhes brjod/ /'di dag nye ba'i gnas yin te/ /gnas kyi khyad par tshul gyis ni/ /mkha' spyod thugs kyi 'khor lor gnas/ /kA ma ru mchan khung de bzhin du/ /nu ma o Ter rab tu grags/ /de dag zhing ste lte ba ni/ /tri sha ku ni 
zhes bya yin/ /sna yi rtse mo ko sa la/ /de dag nye ba'i zhing du brjod/ /kha ni ka ling ga yin te/ /mgrin pa lam bA ka ru brjod/ /tshan d+ho ha zhes bya bar grags/ /snying ga kAn tsi zhes bya ste/ /chu so hi ma la zhes bya/ /nye ba'i rol sar brjod pa yin/ /gnas kyi 

</font><hr>78-1-37a<br><font size=+1>

khyad par tshul gyis ni/ /sa spyod gsung gi 'khor lor gnas/ /mtshan ni yi dgas gnas pa ste/ /gr-i ha de ba bshang ba'i lam/ /de dag 'dun sar brjod pa ste/ /brla ni sau rASh+Ta zhes bya/ /byin pa gnyis ni gser gling ste/ /nye ba'i 'dun sa nyid yin 
no/ /sor mo rnams ni nA gar/ /rkang ba'i bol ni sin d+hU ste/ /dur khrod ces ni bya bar brjod/ /mthe bo ma ru zhes bya ste/ bus mo ku lu tA zhes brjod/ /nye ba'i dur khrod sa 'og ni/ /sku yi 'khor lor yang dag gnas/ /rang lus skyes pa'i yul 'di dag /mkha' spyod ma yi 
gnas su brjod/ /phyi dang nang dang yang dag gnas/ /nyi shu rtsa bzhir phye ba yis/ /sku gsung thugs kyi 'khor lo yin/ /gnas rnams dag ni thams cad du/ /rtsa rnams kun ni yang dag bshad/ /yul 'di rnams ni bu mos gang / /rtsa yi gzugs kyis gnas so zhes/ /
dpa' bo kun dang mnyam sbyor ba'i/ /mkha' 'gro ma yi dra ba'i sdom/ /rdo rje sems dpa' de bzhin gshegs/ /bcom ldan rdo rje can gyis gsungs/ /slar yang bsdus te bshad bya ba/ /de ni bdag gis bshad kyis nyon/ /pul+lI ra dang ma la yar thod pa'i dum bu can 
dang rab tu gtum mo ste/ so dang sen mo 'bab pa'o/ /dzA laM d+ha ra ra keng rus chen po dang gtum mig ma ste/ /skra dang ba spu 'bab pa'o/ /au Di ya ne ra keng rus dang 'od ldan ma ste/ /pags pa dang dri ma 'bab pa'o/ /ar bu dar mche ba rnam par gtsigs pa dang sna chen ma ste/ 
sha 'bab pa ste gnas so/ /go dA ba ri ra lha'i sgra dang dpa' bo'i blo ma ste/ /thams cad du ni rgyus pa 'bab pa'o/ /rA me shwa ri ra 'od pag med pa dang mi thung ma ste/ /rus pa'i phreng ba 'bab pa'o/ /de bI ko Tar rdo rje'i 'od dang lang ka'i dbang phyug ma ste/ /rtag tu mchin pa 
'bab pa'o/ /mA la par rdo rje'i lus dang ljon grib ma ste/ /snying phrug 'bab pa ste nye ba'i gnas so/ /de ltar bstan pa 'di dag ni/ /thugs kyi 'khor lo mkha' spyod de/ /snyoms par zhugs pas yang dag gnas/ /kA ma rU pa ra ni myu gu can dang sa srung ma ste/ /rtag tu 

</font><hr>78-1-37b<br><font size=+1>

mig 'bab pa'o/ /o Ter ni rdo rje ral ba can dang 'jigs byed chen mo ste/ /mkhris pa 'bab par grags pa ste zhing ngo / /tri sha ku ni ra dpa' bo chen po dang rlung gi shugs ma ste/ glo ba 'bab pa'o/ /ko sa lar rdo rje hU~M mdzad dang chang 'thung ma ste/ rgyu ma'i phreng ba 'bab pa'o/ /nye 
ba'i zhing ngo / /ka ling gar ni shin tu bzang po dang sngo bsangs lha mo ste/ /rtsib logs kyi snal ma 'bab pa'o/ /lam pA kar ni rdo rje bzang po dang shin tu bzang mo ste/ bong bu rnams ltar lto 'bab pa'o/ /rol sa'o/ /kA na tsir ni 'jigs byed chen po dang rta rna ma ste/ bshang ba 'bab 
par grags so/ /hi ma la yar ni mig mi bzang dang khwa gdong ma ste/ mtsho ga ma'i srubs 'bab pa'o/ /nye ba'i rol sa'o/ /gsung gi 'khor lo sa spyod de/ /snyoms par zhugs pas yang dag gnas/ /pre ta pu ri ra ni stobs po che dang 'khor lo'i shugs can ma ste/ /thams cad du 
bad kan 'bab pa'o/ /gr-i ha de ba tAr ni rin chen rdo rje dang dum skyes ma ste/ rtag tu rnag 'bab pa'o/ /'dun sa'o/ /sau rASh+Tar ni/ rta mgrin dang glang sna ma ste/ rtag tu khrag 'bab par grags so/ /su brna dwI ba ra nam mkha'i snying po dang 'khor lo'i go cha ma ste/ /de bzhin du 
rdul 'bab pa'o/ /nye ba'i 'dun sa'o/ /nA ga rar ni lha'i dgra dang shin tu dpa' mo ste/ /tshil 'bab pa'o/ /sin+d+hu'i yul du ni pad+ma gar gyi dbang phyug ma dang / stobs chen ma ste/ /rtag tu mchi ma 'bab pa'o/ /dur khrod do/ /ma rur ni rnam par snang mdzad dang 'khor los 
sgyur ma ste/ /mchil ma 'bab par grags so/ /ku lu tAr ni rdo rje sems dpa' dang brtson 'grus chen mo ste/ /snabs gzhon nu 'bab pa'o/ /nye ba'i dur khrod do/ /sku yi 'khor lo sa 'og spyod/ /snyoms par zhugs bas zhugs yin zhes/ /mkha' 'gro kun dang mnyam 
sbyor ba'i/ /rdo rje mkha' 'gro bde ba'i mchog /rdo rje sems dpa' de bzhin gshegs/ /bcom ldan rdo rje can gyis gsungs/ /rgyud kyi rgyal po chen po dpal rdo rje mkha' 'gro las/ dpa' bo gnyis su med pa'i gnas bstan pa zhes bya ba'i rim par phye ba ste bcu bzhi 

</font><hr>78-1-38a<br><font size=+1>

pa'o// //de nas las kyi rab mchog ni/ /sbyor ba kun gyi dam pa ste/ /gang yang grub par byed pa'i sngags/ /de yi dbye ba rim bzhin bshad/ /yi ge pho nya la sogs sngags/ /mda' yi shugs kyis yongs su 'khor/ /sprul pa'i 'khor 
lo'i dbus su ni/ /sde tshan brgyad kyis shin tu bskor/ /sngags rnams thams cad 'byung ba ste/ /gzhan yang ci yang rung ba skye/ /chos kyi 'khor lo zhes bya ba/ /lus can rnams kyis snying dga' byed/ /sgra lnga dang ni yang dag ldan/ /ya ra la was rnam par bklubs/ /longs 
spyod 'khor lo zhes bya ba/ /ro rnams kyi ni rten rang bzhin/ /cha rnams bzhi po dag gis ni/ /kun nas yongs su bskor ba'o/ /bde ba chen po'i 'khor lo che/ /byang chub sum cu gnyis dang ldan/ /zla ba nyi ma zhes bya ba/ /g.yon dang g.yas kyi ngos gnyis su/ /dpa' bo 
mkha' 'gro ma rnams kyi/ /'gro dang 'ong bar nges par brjod/ /gnas gnyis la ni mnyam par zhon/ /'og dang steng du yang dag brten/ /g.yon dang g.yas kyi ngos gnyis su/ /dbyangs yig bcu gnyis steng bltas bris/ /ka sogs 'og tu bltas pa ni/ /ngos 
gnyis dag tu spel ba ste/ /dbus su des ni sbyar bar bya/ /de ltar bstan pa 'di dag ni/ /rtsa dang sgra yi rang bzhin no/ /gnyis med ye shes rdo rje ste/ /mkha' 'gro sgra yi rang bzhin no/ /nges 'byung sangs rgyas thams cad de/ /gang du skye ba zhes byar grags/ /shin 
tu rnam dag ye shes che/ /lha mo kun gyi rang bzhin gang / /rdo rje sems dpa' zhes bya ste/ /mchog tu bde bar brjod pa yin/ /rang byung gi ni gzugs 'di nyid/ /spro dang sdud par byed pa'o/ /yi ge pho nya la sogs sngags/ /der ni cha dang bral ba gang / /b+ha ga'i dbus su 
gzugs med pa/ /de ni rtag tu gnas pa yin/ /smin dbus pad+ma'i zla ba ru/ /bcu drug skud pas bskor ba yin/ /shes rab thabs kyi mnyam sbyor gyis/ /kha sbyor zhes byar brjod pa yin/ /lag gnyis kun tu 'khyud pa yin/ /rdo rje lu gu rgyud bcings brjod/ /slar 

</font><hr>78-1-38b<br><font size=+1>

yang rnam par grol ba'i lam/ /'bab pa'i tshogs ni mchog tu dga'/ /sbyor ba kha sbyar nyid dang ni/ /rdo rje lu gu rgyud du bzhed/ /rdo rje pad+ma dbye ba dang / /sgro chun sbrang rtsi byed par bshad/ /skor ba gang phyir bskyod pa ste/ /bde de'i thabs kyis kun rig pa'o/ /dga' dang bde ba'i 
rang bzhin gyis/ /zhags pa pad+mor bcug pa yin/ /chags pa lcags kyu kho na ste/ /de bzhin gshegs pa thams cad dgug /mi 'khrug rdo rjes dkrug par bya/ /de ni gsal shing zhes byar brjod/ /de nas chags sogs nyon mongs kyi/ /bag chags dum bu nyid du bya/ /
shin tu rgya cher dmigs pa yis/ /kun rdzob de bzhin brdung ba dang / /dngos kun rdo rjes mid par bya/ /rdo rje zhes bya de bzhin gshegs/ /ji ltar bstan kyang de dbus su/ /rtag stong 'byin dang sdud pa po/ /de ni de nyid ces bya ste/ /rang 'byung gcig gis khyab pa'o/ /gang 
ming sangs rgyas thams cad kyi/ /sgyu ma zhes byar grags pa ste/ /gsang ba mchog gi dgyes pa na/ /thams cad bdag nyid gang gnas pa'o/ /'di ni kun mkhyen zhes bya ste/ /kunatu 'gro ba mi shigs pa'o/ /pad+ma yi ni sna rtse ru/ /rgyu dang mi rgyu kun bsgom bya/ /phyi rol yi 
ge spangs nas su/ /yid kyi bzlas dang ldan par bya/ /nges pa'i go 'phang rtag tu gnas/ /bstan pa chos dbyings rang bzhin no/ /rtag tu phra ba rdul dang bral/ /ye shes sku ste dri ma med/ /gsal ba chos kyi rang bzhin shes/ /mya ngan 'das pa 'ba' zhig yul/ /phan tshun 
mdud pa'i gsang sngags ni/ /bye brag tu ni phye nas su/ /sa bon phreng ba de nas bsgom/ /hU~M gi skud pas brgyu bar bya/ /bsgrub bya 'gog par gyur na ni/ /gom pa gnyis kyang mi 'gro'o/ /'di yi shes rab lhan skyes te/ /de yi gzugs su gyur pas gnas/ /las kyi rlung 
gis bskyod nas su/ /lte ba'i dkyil 'khor 'di nas 'bar/ /sgyu ma chen po zhes byar bshad/ /las rnams thams cad rab sgrub pa'o/ /skra rtse brgyar gyur ba yi cha/ /skad cig glog gi 'od zer can/ /lha yi rnal 'byor dus su ni/ /ba spu rnams kyi bu ga nas/ /phyogs 

</font><hr>78-1-39a<br><font size=+1>

bcu rnams su spros nas ni/ /lha dang lha min kun bsdigs te/ /snying ga'i chos kyi 'khor lo ni/ /bsregs te longs spyod 'khor lor song / /sna bug g.yas nas byung nas ni/ /slar yang zhugs te smin mtshams kyi/ /mdzod spu'i khung nas byung 
nas su/ /phyogs bcur bzhugs pa'i sangs rgyas dang / /byang chub sems dpa' thams cad kyi/ /sna sgo g.yon du zhugs nas ni/ /spyi bo'i 'khor lo bsregs nas su/ /sngon gyi lam nas slar byung ste/ /slar yang spyi gtsug tu ni zhugs/ /bsregs par gyur pa'i 
sangs rgyas rnams/ /dga' ba bskyed nas lte ba yi/ /dkyil 'khor du ni song gyur nas/ /sngon bzhin du ni gnas par gyur/ /dus min 'chi ba las rgyal nyid/ /yan lag kha T+wI ga dang sbyar/ /thod pa'i mchod yon snod du ni/ /zhal du mchod yon nges sbyar zhes/ /mkha' 
'gro kun dang mnyam sbyor ba'i/ /rdo rje mkha' 'gro bde ba'i mchog /rdo rje sems dpa' de bzhin gshegs/ /bcom ldan rdo rje can gyis gsungs/ /rgyud kyi rgyal po chen po dpal rdo rje mkha' 'gro las sku gsum dang sngags dang rgyud kyi 'byung ba dang / /'chi ba blu ba zhes bya 
ba'i rim par phye ba ste bcwa lnga ba'o// //de nas dngos grub kun gyi gnas/ /gsang ba mchog gi dgyes pa ste/ /yid 'ong bcud ni kun gyi rten/ /sems can kun la bde ster ba/ /'dod pa'i yon tan lnga yis brgyan/ /bla re dam pa bres pas 'bar/ /'dab stong ldan pa'i pad+ma 
che/ /sbyor ba'i gdan la bzhugs pa la/ /der ni lha mos zhus gyur pa/ /'khor lo kun gyi nges pa dang / /dbyangs rnams kyi ni bye brag dang / /yi ge'i dbye ba mi 'tshal te/ /'khor lo'i grangs ni ji lta bu/ /de rnams las ni ci zhig lags/ /sna tshogs glu yi sngags dang ni/ /
'khrul 'khor dag ni mdor bsdus dang / /'khor lo'i dbang phyug dus dang ni/ /de bzhin dpa' bo rnams kyi stan/ /'di dag la ni the tshom mchis/ /bde ba chen pos bshad du gsol/ /bcom ldan 'das kyis bka' stsal pa/ /rgyud rnams kun tu sbas pa gang / /de dag 

</font><hr>78-1-39b<br><font size=+1>

thams cad zhu 'dod pa/ /legs so legs so lha mo che/ /blo gros chen mo lags so legs/ /mkha' 'gro ma ni thams cad kyang / /the tsom skye na gzhan ci smos/ /sgyu ma kun tu rnam 'phrul ba/ /nyon cig lha mo sgyu ma che/ /gang zhig bris pa tsam gyis ni/ /sgrub pos 
dngos grub 'thob 'gyur ba/ /mdor bsdus nas ni brjod bya ste/ /de ni bdag gis bshad kyis nyon/ /gnag dang dmar bar rtag gyur nas/ /khyad par du ni gtor ma sbyin/ /tsa ru'i bza' ba lhan cig bya/ /sgrub pa po yis g.yon nas bskor/ /'di yis sgrub po kun la ni/ /ma 
mo dga' 'gyur the tsom med/ /de nas mkha' 'gro ma rnams ni/ /sa rnams la ni rnam rol ba/ /brtson chen 'khor lo sgyur ma dang / /stobs chen ma dang rab dpa' mo/ /'khor lo'i go cha glang sna ma/ /khaN+Da ro ha 'khor lo'i shugs/ /bya gdong ma dang rta rna mo/ /shin tu bzang 
mo sngo bsangs mo/ /chang 'thung ma dang rlung shugs ma/ /de bzhin 'jigs byed chen mo dang / /sa srung ma dang ljon grib ma/ /lang ka'i bdag mo mi'u thung mo/ /dpa' bo'i blo ma sna chen mo/ /'od ldan ma dang gtum mig ma/ /rab gtum ma ste sgrub byed yin/ /mkha' 'gro ma ni nyi shu bzhi/ /
'di dag sngon nyid grub pa yin/ /rang ming brjod pa'i sngags la ni/ /mthar ni hU~M hU~M phaT dang sbyar/ /oM ni thams cad gsal byed do/ /grub gsol 'dod pa thams cad la/ /rnal 'byor dam mchog 'di mthong na/ /gzhan dag snying po med rtswar mtshungs/ /dpa' bo nyid gyur grub 
pa ni/ /dpal ldan he ru ka yi ni/ /dkyil 'khor dam pa mthong bas yin/ /de nas de shes rtag sgom pa/ /dngos grub de bzhin gshegs pas gsungs/ /nyon cig lha mo shes rab can/ /rig pa'i rgyal po sgrub pa'i thabs/ /'khor lo chen po rmad gyur pa/ /gdengs ka'i 
dbang phyug ces bya ste/ /thos pa tsam gyis sreg byed na/ /ming dang ldan par bris pa yis/ /gdengs ka thams cad smos ci dgos/ /dbang ldan nas ni brtsams nas su/ /klu rnams sa bon las byung ba/ /rin chen dang ldan gdengs gsum mtho/ /gzhan yang phyogs 

</font><hr>78-1-40a<br><font size=+1>

ni kun tu bsam/ /de nas mgur ni 'di bzhes te/ /shar du k+Sha maM bar du bri/ /nub tu hi ste byang du haM/ /gshin rdzer hU~M zhes bya ba bri/ /ki li ki li yi dgas su/ /srin por tsi li ji snyed pa/ /rlung ni si li si li bri/ /me yi phyogs su d+hi li nyid/ /dang por rab gtum ma 
nas ni/ /brtson chen ma yi mthar thug pa/ /sngags 'di dag ni byin gyis brlab/ /'khor lo 'di ni skal chen ldan/ /dgra rnams kyi ni gnad gcod pa/ /hU~M phaT ces bya spel ba yi/ /bsgrub bya de yi dbus su bri/ /lan cig bzlas pa'i gu gul gyis/ /bdug pa nyid du sbyar 
byas la/ /klu rnams thams cad 'bebs par 'gyur/ /lag pa g.yon pa la 'khor lo 'di dngos su'am yid kyis bris la sngags lan cig bzlas pas bya bas na 'chi bas dus su zin pa slong bar byed do/ /ka ra bI ra'i 'dab ma'i khu bas ka ra bI ra'i smyug gus bris te/ lan cig 
bzlas pas reg na mngal gang du 'dod pa der 'pho bar 'gyur ro/ /dug dang lan tshwa dang skye tshes bris te/ /khros na gsod par 'gyur ro/ /ro bsregs pa'i mgal pa da du ra'i khu bas me bsad de 'byung po'i nyi ma la de nyid kyis 'khor lo bris la lan cig bzlas pa des gang la bsnun pa 
ltung bar 'gyur ro/ /sang ko ta'i smyug gus sngags cho ga snga ma bzhin bris la/ /thal ba la mngon par bsngags te/ /gang la bsnun pa de sha zas gzung bar 'gyur ro/ /dur khrod kyi sol bas shing leb bam rtsig ngos la 'byung po'i mtshan mo gang gi snying gar ming bris pa de 
gdon chen pos gzung bar 'gyur ro/ /bsgrub bya'i gzugs byas la/ /de'i snying kar 'khrul 'khor bcug ste/ /zhag bdun gyi bar du dri'i chu'i nang du bzhag nas/ /a ti mug ta'i lcug ma la lan bdun bsngags te de la bsnun na/ /zhag bdun gyi mthar rlung gi shugs 
kyis 'ong bar 'gyur ro/ /'khor lo de nyid bye brag du dur khrod kyi ras la pho nya'i kha dog gis bye brag tu gyur ba bris la las kyi pho nya dang lhan cig tu bsgrub par bya'o/ /ka ra bI ra'i lcug ma khru phyed dang gnyis kyi tshad dang ldan pa la gang la mngon par phyogs te sngags bris nas 

</font><hr>78-1-40b<br><font size=+1>

ro bsregs pa'i me 'bar ba la dor te/ ji srid ma tshig pa dang myur du blangs la rig pa'i rgyal po lan bdun bzlas nas gang zhig dran te klad la bskor na/ de de'i mod la rlung gi shugs kyis 'ong bar 'gyur ro/ /skyes pa'i ro'i kham phor la ba bla dang yung ba'i khu bas gang gi ming bris 
bde de'i mod la bcings par 'gyur ro/ /dur khrod kyi ras sam/ zla mtshan gyi ras la shing a sho ka'i smyug gus klu rnams spangs pa'i 'khor lo 'di bris la/ de'i dbus su sngags pas cho ga bzhin yi ge e dang spel ba bris na/ mkha' 'gro ma'i khyad par thams cad 
dang / lus srul po thams cad bcings par 'gyur ro/ /thod pa la skyes pa'i khrag gis gang gi ming bris la sngags pa khro ba dang bcas pas sngags bzlas na/ de'i khrag 'gags par byed la yid zhi ba dang ldan pas zhi bas sngags bzlas na slar gtong bar 'gyur ro/ /
'khor lo de nyid zla bas brgyan cing gsal bar go ro tsa nas gro ga la skar ma rgyal gyi nyin par bris te/ bud med gang gis rtag tu bcangs na rig pa'i rgyal po nyid de'i lhums su zhugs par 'gyur ro/ /bud med dang zhi ba'i 'dus pas kun tu spyod pa'i mi'i mchog de'i lag mthil 
na yod pa'i dpal gang gis kyang dprog bar mi nus la/ rnam pa de lta bu'i cho ga dang ldan pas ni dngos grub thams cad kyi 'bras bu ster bar 'gyur ro/ /bcom ldan 'das 'di la ni brtul zhugs dang spyod pa dang smyung ba dang / cho ga med par yang cho ga zhib mo'i sbyor ba'i 
tshul 'di nyid kyis las thams cad ji ltar 'dod pa bzhin byed do/ /nam mkha'i dbyings kyi dbus bsam pa/ /zla ba'i dkyil 'khor dam pa ste/ /'od zer tshogs ni gsal ba'i mdangs/ /'khor lo'i phreng ba rnam par bklubs/ /de dbus 'khor lo rtsibs brgyad 
dang / /pad+ma'i phreng bas shin tu mdzes/ /slar yang 'khor lo bri bar bya/ /rdo rje phreng ba rnam par 'phro/ /sku gsung thugs kyi rdo rje yi/ /dkyil 'khor dkyil 'khor lta bu yin/ /nam mkha' thams cad g.yog byed pa/ /rang gi lus las spro bar bya/ /dkar dang 

</font><hr>78-1-41a<br><font size=+1>

dmar dang sngon po ste/ /kha dog mchog gi bye brag bya/ /bya ba'i cho ga 'di yis ni/ /dpa' bo'i dbang phyug de bzhin bri/ /dbus su bsgrub par bya ba'i ming / /ji ltar 'dod bzhin sbyar bar bya/ /phyi rol rdo rje'i phreng ba ni/ /'od zer 'bar ba'i phreng 
'khrugs bri/ /'di ni srung ba chen po ste/ /thams cad srung ba bla na med/ /rims dang nad dang dug dang ni/ /mkha' 'gro ma yis 'tshe ba dang / /gdon dang bdud dang log 'dren dang / /gang yang lus srul la sogs pa/ /grib ma yang ni mi 'gom na/ /de yi 
lus lta smos ci dgos/ /zla gzugs lta bu'i yi ge lta/ /phyogs bcur rnam par 'byer bar byed/ /dkar po yis ni zhi 'gyur te/ /nag pos skad cig dag gis gsod/ /dmar po yis ni dbang byed de/ /de nyid kyis ni nges par 'gugs/ /ser pos nges par 
'ching 'gyur te/ /dmag gi dpung ni 'ching bar 'gyur/ /zhes bcom ldan 'das kyis gsungs te/ /las thams cad 'byung ba zhes bya ba'i srung ba'i 'khor lo'o/ /bka' yi 'khor lo'i khyad par ni/ /de nas yang dag bshad par bya/ /las kyi cho ga mthong ba yis/ /
sems can kun gyi don byed pa'o/ /nam mkha'i dbyings kyi dbus gnas par/ /zla ba'i dkyil 'khor lta bu yi/ /dkyil 'khor 'khor lo lta bur bsam/ /de dbus pad+ma bri bya ba/ /bcu drug 'dab mas rnam par brgyan/ /de dbus pad chen 'dab brgyad pa/ /rdo rje 
rtse lnga pa yi mchog /'od zer dkar pos shin tu mdzes/ /sgrub pos 'khor lo'i phyi rol bri/ /pad+ma'i lte bar swA hA bri/ /dngos grub thams cad rab ster ba'o/ /ma mo'i khyim ni nyams dga' bar/ /tsan+dan dmar pos byugs nas ni/ /'bol zhing shin tu 
'jam pa yi/ /stan la skye gnas phyag rgya bcing / /sngags pas bsgrub bya mngon phyogs te/ /brgya rtsa brgyad du bzlas par bya/ /yan lag rus pas brgyan bsam zhing / /gcer bur gyur pas rang gis bri/ /yi dgas gos sam ro yi ni/ /bum pa skam 

</font><hr>78-1-41b<br><font size=+1>

po dag la yang / /yi dgas sen rtsi khrag dang ni/ /de bzhin tsan+dan dmar pos bri/ /'khor lo de yi steng gnas te/ /ji ltar 'dod bzhin thun gsum du/ /blo ldan mthe'u chung bskyod nas ni/ /bram ze gsod pa'ang nyin bdun 'grub/ /tsan+dan dmar po'i rdul las 
ni/ /bsgrub par bya ba'i gzugs byas la/ /tsha ba gsum gyis lus byugs nas/ /sbra tshil gyis kyang byug par bya/ /zangs ma'i khab kyis skye gnas dbug /seng ldeng mdag ma du med la/ /blo dang ldan pas nyin bdun bsro/ /sgrub pa po yis brgya bzlas na/ /
rgyal po blon bcas mdun na 'don/ /btsun mo'i 'khor dang bcas par ni/ /myur du 'gugs par byed pa yin/ /gro ga yi ni 'dab ma la/ /ro yi sen rtsi ro tsa nas/ /mi yi bdag po 'khor bcas pa/ /ming dang spel te bri bar bya/ /mngon par phyogs te bzlas bzhin 
du/ /seng ldeng dang ni dur khrod mer/ /ji srid spra tshil ma zhu bar/ /me yi steng du gdung bar bya/ /bsgrub bya mngon par gdungs tsam gyis/ /lha dang lha min 'ong 'gyur na/ /sa steng skye bo smos ci dgos/ /yi dgas sen rtsi skyes pa yi/ /khrag dang gi wang bcas 
ba yis/ /bsgrub bya'i ming spel gro gar bri/ /bsgrub par bya ba'i rkang rjes sa/ /tsan+dan dmar po nyid dang ni/ /dur khrod zas lhag thal ba rnams/ /sgrub pa po yis gcig bsdus nas/ /seng ldeng me ni du med la/ /rdul de lag pa gnyis kyis ni/ /mnyes 
nas sbyin sreg byas pa yis/ /thal ba de ni bzung nas su/ /bsgrub par bya ba'i gzugs byas te/ /snying gar 'khrul 'khor bcug nas ni/ /zlos bzhin du ni mer gdungs na/ /brgyal zhing sems dang bral 'gyur la/ /rmongs shing rab tu myos nas ni/ /rlung 
gi shugs kyis 'ong bar 'gyur/ /cho ga'i bya ba 'di yis ni/ /yi ge nyi shu rtsa gnyis bzhed/ /lha mo sngags chen 'di dag ni/ /mkha' 'gro ma yi snying 'joms yin/ /de nas de bzhin gshegs kun gyi/ /yid 'ong zhi ba bskyed pa mo/ /bka' yi 'khor lo 

</font><hr>78-1-42a<br><font size=+1>

bshad par bya/ /mkha' dbyings dbus gyur bsam pa ni/ /zla ba'i dkyil 'khor dam pa ste/ /rdo rje rtse gsum kha bzhi pa/ /des ni de nas bri bar bya/ /de dbus pad+ma 'dab brgyad pa/ /shin tu mdzes pa bris nas su/ /bai ro tsa na'i rig pa che/ /
sems can kun skyed sdud pa mo/ /rdo rje sems dpa' de bzhin gshegs/ /bcom ldan rdo rje can gyis gsungs/ /nad thams cad med par byed pa zhes bya ba'i srung ba'i 'khor lo'i sbyor ba'o/ /de nas bcom ldan kun mkhyen pas/ /ye shes mngon par shes pa yi 
'khor lo zhes bya bka' stsal pa/ /ge sar lte bar ldan pa yi/ /pad+ma 'dab ma drug par bri/ /zla ba bzang pos nye bar brgyan/ /rdo rje'i phreng bas rnam par bklubs/ /de yi phyi rol 'khor lo ste/ /ston ka'i zla ltar dri med pa/ /yi ge'i mchog ni rnam pa bdun/ /lha mo chen 
mo phan pa gcig /bdud thams cad kyi las 'joms par byed pa 'khor lo'i rgyal po zhes bya'o/ /tsan+dan dkar po ro tsa nas/ /gro ga la ni bris nas su/ /'khor lo lag pa g.yon par bcang / /'khor lo 'di ni lha mo che/ /las kyi 'od kyis brgyan pa yin/ /de nas 
bsgrub bya nyi dbus su/ /bsams te stong du bzlas nas ni/ /yi ge shel gyi rnam pa ltar/ /bsams te nad kyis gdungs la bstan/ /mthong ba tsam gyi mod la ni/ /nad rnams kun las rnam grol bar/ /'gyur ba nyid du the tshom med/ /lag pa g.yon par 'khor 
lo 'di/ /zla ba'i dbus su rnam bkod na/ /ston ka yi ni zla 'drar 'gyur/ /'khor lo 'di ni lha mo che/ /las kyi 'od kyis rab brgyan na/ /las kyi cho ga mthong ba yis/ /bya ba thams cad byed par 'gyur/ /dur khrod ras sam thod pa 'am/ /a rka yi ni 'dab ma la/ /
sngar bstan pa yi sol ba dang / /skyes pa'i khrag gi snag tsha yis/ /sgrub pos mi rus smyug gus bri/ /nyi ma'i dbus gyur khro sems kyis/ /gzugs brnyan byas la bsgrub bya yi/ /dbus su de ni bcug nas su/ /ske tshe yis ni byugs nas ni/ /yang dang 

</font><hr>78-1-42b<br><font size=+1>

yang du bsro bar bya/ /sngags kyi rgyal po bskul ba yis/ /bya ba thams cad byed par 'gyur/ /'di yi nad rnams thams cad ni/ /'phel dang de bzhin sbyor byed pa'o/ /rims la yi dgas snying gar bri/ /'ga' re yi dgas klad pa ste/ /brjed byed rlung dang sprin la bri/ /
gzer bar bya ba mdung la ste/ /dug dang mdze nad lto 'phye la/ /gza' la gza' yi mtshan mar bri/ /mdor bsdus nas ni 'khor lor dgod/ /shel dang zla ba'i 'od 'dra ba'i/ /yi ge bdud rtsi rgyun 'bab pas/ /ston ka'i zla zer lta bur ni/ /bsam gtan bsams pa 
tsam gyis ni/ /'chi ba'ang nges par slong bar 'gyur/ /sbrul chen brgya yis zin nas ni/ /'chi ba'ang myur du slong bar byed/ /dug gis brgyal bar gyur pa dag /bstan pa tsam gyis slong bar 'gyur/ /rims dang gdon dang brjed byed dang / /lag pa mthong bas rlag 
par byed/ /grib ma yang ni mi 'gom na/ /de yi lus lta smos ci dgos/ /zangs ma yi ni 'dab ma'am/ /lag pa g.yon par 'khor lo 'di/ /ba bla dang ni yung bas bri/ /de nas chu yi nang bzhag la/ /ji ltar 'byung bzhin 'bad de mchod/ /mtshams kyi dus su 
mnyam bzhag pas/ /de bzhin du ni sngags bzlas bya/ /chu yi nang nas bton nas su/ /'o mas bkrus la rgya mtshor gzhug /g.yul du khu tshur bcangs nas ni/ /rgyan rnams kun gyis rnam brgyan te/ /yid la rtag tu zlos byed na/ /ji srid khu tshur ma bkrol bar/ /
myur du thams cad rengs 'gyur te/ /dgra bo gal te lag na ni/ /mtshon cha phyar te thogs pa yang / /ji srid khu tshur ma bkrol bar/ /mtshon cha gtong bar mi nus so/ /yi ge bdun dang rnal 'byor ma/ /drug gi yi ge 'di dag ni/ /'khor lo drug la gnas par 
ni/ /lag pa'i dbus su bkod nas su/ /cho ga rim pas bcang bar bya/ /kha nas gsang sngags rgyal po zlos/ /de yi gzugs gyur bzung nas ni/ /de ni 'gugs 'gyur the tshom ma med/ /tsan+dan dmar po'i rdul dang ni/ /lan tshwa ske tshe de bzhin te/ /bsgrub 

</font><hr>78-1-43a<br><font size=+1>

bya'i rkang rjes rdul dang ni/ /gcig tu byas nas btag par bya/ /lan brgyar bzlas te rab bsgoms na/ /sa bdag skye bo'i nor dang ni/ /bcas te dbang du 'gyur ba'am/ /de ni 'gugs 'gyur the tshom med/ /sbyor ba 'di ni grub pa ste/ /gzhan dag tu ni 
nga mi smra/ /rdul de nyid ni bzung nas su/ /lcags phye dang ni bsre bar bya/ /dur khrod ras la gtums nas su/ /lan bdun du ni bzlas par bya/ /lam gyi bzhi mdor sor brgyad tsam/ /brkos te dgra yi ming nas ni/ /bzung nas sa yis dgab par bya/ /gang gi ming 
bzung de bcings 'gyur/ /phye ma de nyid bzung nas su/ /'o ma yis ni 'bad de bkru/ /slar yang grol 'gyur the tshom med/ /phye ma de nyid bzung nas su/ /smyo byed lnga dang ldan par bya/ /ro yi gos la bsgrub bya yi/ /ming bris nas ni gtum par bya/ /lan brgya bzlas te 
dur khrod du/ /sbas na skyes bu 'phral du ni/ /smyo 'gyur 'di la the tshom med/ /phyung nas ba yi 'o ma yis/ /'bad de slar yang bkrus na ni/ /'grol 'gyur 'dir ni the tshom med/ /rdo rje sems dpa' de bzhin gshegs/ /bcom ldan rdo rje can gyis gsungs/ /de nas bcom 
ldan de bzhin gshegs/ /rdo rje dpa' bo'i 'khor lo gsungs/ /zla ba'i dbus 'gyur rdo rje ni/ /rtse gsum de bzhin kha drug pa/ /slar yang zla bar pad+ma ni/ /'dab drug legs par gnas pa bri/ /de yi dbus gyur sa bon ni/ /'dod don thams cad sgrub byed pa'o/ /
sngags pas lte bar bri bar bya/ /bsgrub bya'i ming dang spel bar bya/ /rdo rje sems sogs lha rnams ni/ /thams cad sna tshogs bla na med/ /sangs rgyas kun gyi go cha che/ /mdzes ma'i gdong can khyod la bshad/ /dbus su snga ma'i gsang sngags bri/ /pad+ma'i 'dab 
mar de bzhin gzhan/ /ring po drug ni yongs spangs pa/ /rdo rje yi ni lte bar bri/ /gur kum sen rtsi rang khrag dang / /ro tsa na yis gro ga la/ /cho ga bzhin du bris nas ni/ /dus gsum du ni bzlas byas la/ /mchod chen byas nas gzung bar bya/ /lan bdun du ni 

</font><hr>78-1-43b<br><font size=+1>

mngon bzlas te/ /gos kyi mtha' mar bcing bar bya/ /lam du 'gro na rkun po dang / /stag sogs 'jigs par mi 'gyur ro/ /thams cad du ni bsrung 'gyur ba/ /'grub 'gyur 'di la the tshom med/ /lte ba der ni thig le yis/ /bskor ba'i thig le dag kyang bya/ /a ri tsa ta 
ka bcud dang / /yung bdag gis khyad par du/ /a sho ka yi smyug gu yis/ /dpa' bo yi ni ras mar bri/ /bsgrub bya'i ming dang spel ba yis/ /sngags 'di stong du de nas bzla/ /bsgrub bya'i rkang rjes sa dang ni/ /glang po che yi rkang rjes rdul/ /dur khrod thal bar bcas pa las/ /
sgrub pos gzugs brnyan byas nas su/ /bcing bas bcings te de yi ni/ /snying ga ru ni gzhug par bya/ /me tog ser pos mchod nas ni/ /gsang ba'i gnas su sbas gyur na/ /dgra rnams thams cad 'ching 'gyur zhing / /rlag par byed pa mi bzad par/ /rdo rje sems dpa' de 
bzhin gshegs/ /bcom ldan rdo rje can gyis gsungs/ /mkha' 'gro ma yi snying po'i sngags/ /de nas bcom ldan 'das kyis gsungs/ /nam mkha'i dbyings gyur sa bon ni/ /kun tu 'od zer rab 'phro ba/ /ston ka'i zla ltar dri med pa'i/ /'khor lo rtsibs ni bcu 
gnyis bya/ /rtsibs de rnams la sa bon gyi/ /yi ge mchog tu phan pa dgod/ /de yi lte bar dgod bya ba/ /rig pa chen mo'i yi ge che/ /bsrung ba rdo rje'i cho ga rig pas/ /mkha' 'gro ma kun go cha bya/ /sngags kyi rgyal po bskul ba yi/ /dbus su bsgrub bya'i ming bri bya/ /
rnam pa'i mchog kun ldan pa ru/ /spro ba'i bdag nyid can gyis spro/ /gur kum dang ni ro tsa nas/ /gro ga 'am ni ras dkar la/ /snying stobs can gyis bri bar bya/ /las kyi cho ga mthong ba yi/ /thams cad du ni bsrung ba dang / /sgrub pa po yis sngar bstan bzhin/ /
gdug pa rnams ni tshar gcod byed/ /dngos grub thams cad rab ster ba'i/ /las mchog de nas bshad par bya/ /gang zhig bsgrubs pa tsam gyis ni/ /'jig rten gsum po dbang byed pa'o/ /skye gnyis rdo rje'i rigs dang ni/ /gzugs bzang bu mo gzhan yang rung / /ka 

</font><hr>78-1-44a<br><font size=+1>

ra bI ra'i me tog dmar/ /rgyal gyi sbyor bas bsgrub par bya/ /go ro tsa nas bsgrubs nas su/ /me tog der ni chur gnas la/ /sgrub po shin tu mnyam bzhag pas/ /lan brgya ru ni bzlas par bya/ /chu bo chen por zhugs nas su/ /lte ba man chad chur bcug ste/ /
lag pa thal sbyar dbus bzung nas/ /rig pa stong du bzlas par bya/ /snyim pa chu yis bkang ba dang / /bcas pas sgrub pos btung bar bya/ /de nas de ni 'grub 'gyur te/ /sgrub pos ngag ni grub pa yis/ /rgyal po chung mar bcas pa dag /yid kyis 'gugs 'gyur 
gdon mi za/ /ka ra bI ra'i me tog ni/ /dmar po yang dag bzung nas ni/ /rig pa lan bdun bzlas byas la/ /skye gnas dbus su gzhug bya ste/ /me tog de ni kha sbyar nas/ /gsang ba'i gnas su gzhag par bya/ /gnyis med ye shes rnal 'byor pas/ /brgya phrag 
gcig tu bzlas par bya/ /sgrub po rtse gcig yid kyis ni/ /me tog de ni blangs nas su/ /me tog gis ni gang bsnun pa/ /de yi mod la dbang du 'gyur/ /brgyal zhing sems dang bral ba dang / /yan lag tshigs kun gzhan dbang ste/ /mngon 'gyur sems ni ldog 
pa ru/ /skad cig gis ni dbang byed 'gyur/ /'di ni mngon sum grub pa yi/ /don yod dbang du byed pa yin/ /zhes bcom ldan 'das kyis gsungs so/ /rnal 'byor ma rnams 'gugs pa'i cho ga 'khor lo'i rgyal po zhes bya ba'o/ /gang zhig bris pa tsam gyis su/ /
rdo rje sems dpa' brlag 'gyur zhing / /dngos grub myur du ster 'gyur ba/ /de nas yang dag bshad par bya/ /zla ba'i dbus gyur rdo rje ste/ /de bzhin gzhan yang pad+ma'o/ /kun nas rnam par 'phro ba yi/ /mkha' 'gro ma yi sa bon dgod/ /dbus su rdo rje phag mo 
ni/ /shin tu drag cing gsal ba'i gzugs/ /yi ge'i dgod pas dgod par bya/ /rim pa de ltar brjod pa la/ /zhi la zhi ba'i yid kyis su/ /ro tsa na yis gro gar bri/ /ma mo'i gnas dang dur khrod du/ /gos chen de bzhin khro dang bcas/ /chags pa la ni dmar 

</font><hr>78-1-44b<br><font size=+1>

po'i gos/ /rgyas la gos ser de bzhin te/ /de dang der ni bsgom byas nas/ /ci rigs par ni sprul par bya/ /bu mo gzhon nu'i ro yi ni/ /gos ni 'bad de blangs nas su/ /tshes brgyad dang ni bcu bzhi la/ /de nyid las byung sol ba yis/ /sna tshogs rdo rje kha bzhi 
la/ /sngags dang spel bar bris nas ni/ /lan bdun du ni bzlas nas su/ /gang gi khyim du sbas gyur pa/ /de ni gshin rje'i grong khyer du/ /nyi ma bdun gyis 'gro bar 'gyur/ /de yi rkang pa'i rkang sbubs dang / /bum pa la sogs dag kyang rung / /rus pa'i phur bu'i sbu 
gur ni/ /'khrul 'khor 'di ni bcug bya ste/ /cho ga'i sbyor ba 'di yis ni/ /'chi 'gyur 'dir ni gdon mi za/ /las rnams kun la sgrub pa pos/ /cho ga dang ni ldan par bya/ /rang gis bzung ba'i sngags kyis ni/ /bskal pa bye ba brgyas mi 'grub/ /las 'di mchog tu 
shes bya ste/ /sngags gzhan rgyas pas ci zhig bya/ /de dag thams cad spangs nas su/ /'di nyid 'bad de gzung bar bya/ /gang dang gang gi bsam gtan gyis/ /sgrub pos bzlas pa brtsam par bya/ /sbyor ba de dang de dag gis/ /'dod pa'i 'bras bu 'thob par 
'gyur/ /ji ltar nor bu dag pa ni/ /rdzas gang la brten de gzugs 'dzin/ /de bzhin rdo rje mkha' 'gro yang / /yang dag bsam gtan mchog 'dzin 'gyur/ /bsam pa gang dang gang gis ni/ /mi rnams yid ni yang dag sbyor/ /de dang de yi dngos 'gyur te/ /sna 
tshogs gzugs can nor bu bzhin/ /de nyid bsdus dang 'dus pa ste/ /gzhan yang sngon dang tha ma yi/ /de nyid sbyor ba'i cho ga can/ /bya ba'i rgyud rnams thams cad du/ /ji srid me yis 'jig gi bar/ /de der 'gro ba nyon mongs 'gyur/ /thams cad du ni sbas pa ste/ /
brtson 'grus pha rol 'joms pa'o/ /rdo rje sems dpa' mnyam ldan pa'i/ /rdo rje slob dpon bdag nyid che/ /myur du dngos grub skye 'gyur ba/ /'phral du yang dag yid ches byed/ /sgrub pos phyag rgya'i sbyor ba yis/ /nyon mi mongs par 'grub par 'gyur/ /dam tshig 

</font><hr>78-1-45a<br><font size=+1>

mi ldan mi dag la/ /klog gam gal te byin gyur na/ /ngan pa'i bdag nyid bcom nas ni/ /ngan 'gro rnams su ltung bar 'gyur/ /g.yon gyi rgyud ni dmigs nas su/ /skye bo g.yon gyi spyod pa bya/ /thams cad g.yon pas byas na ni/ /myur du dngos grub 
'grub 'gyur zhes/ /sgyu ma kun dang mnyam sbyor ba'i/ /rdo rje mkha' 'gro bde ba'i mchog /rdo rje sems dpa' de bzhin gshegs/ /bcom ldan rdo rje can gyis gsungs/ /rgyud kyi rgyal po chen po dpal rdo rje mkha' 'gro las/ /dpa' bo thams cad dang mnyam par sbyor ba'i 
'khor lo 'byung ba zhes bya ba'i rim par phye ba ste bcu drug pa'o// //de nas yang dag bshad bya ba/ /snying po thams cad bsdus pa ste/ /sems can kun la phan bya'i phyir/ /sgrub po'i bdud rtsi sbyor ba'i mchog /ga bur dang ni gur kum dang / /gan+d+ha gan+d+ha pa tra ste/ /
shing tsha dang ni sug smel bcas/ /ku sum dang ni de bzhin chu/ /pi si ta dang kun du ru/ /de bzhin ri yi zhag dang ni/ /ri skyes dang ni sbu gu'i zhag /dri yi mar khu so dang ni/ /de bzhin lag skyes kyi ni rdul/ /gangs kyi chu dang snying po dang/ /rgya mtsho las skyes de dag ni/ /
lus can rnams la phan byed pa/ /gang gang la ni gangs chu bzhin/ /de ltar bcwa brgyad rdzas rnams ni/ /bcud kyis len mchog phan byed yin/ /de nas brtag pa'i las dang ni/ /yon tan yan lag cho ga bshad/ /tsam pa ka dang ba ku la/ /nA ga ge sar ku mu ta/ /
ut+pal shi phA li ka dang / /sbrang rtsi 'dzag dang pri yang ku/ /ku su ma ni nyid dag go/ /shrI ba la dang po so 'cha'/ /ka pi ta dang la ku tsha/ /ku ba dang ni brta ki/ /a ru ra dang ba ru ra/ /ba la ta ka skyu ru ra/ /e la rtsi dang pu na ka/ /e raN+Da dang ma ri tsi/ /de bzhin 
du ni pi pi ling / /bca' ba dang ni shu dag dang / /yung ba dang ni ru rta dang / /bca' sga dang ni sgog skya dang / /rlan can gyi ni do ba dang / /cA ga pha la dkar po dang / /de bzhin rgan po gzhon nur byed/ /glang chen dgra dang ri mdzes dang / /'dzag dang byis pa stug po dang / /

</font><hr>78-1-45b<br><font size=+1>

ral pa dmar po smyo byed dang / /mtshan mo'i shing dang myur 'gro dang / /ka dam+ba dang gser shing ste/ /de bzhin du ni shi ri sha/ /ka ran dza dang shri kru dang / /nim pa dang ni paM la si/ /de bzhin ga du ma dza ri/ /pa la sha dang tsan+dan gnyis/ /de bzhin a gar nag po 
dang / /gur kum gur shing bye ka ra/ /sbrang rtsi mo k+Sha puSha ka ra/ /me tog 'bras bu rtsa ba dang / /shun pa shing dang ro nyid do/ /khu byug zangs kyi gtsug phud can//bya rog dang ni gar ra dang / /rma bya thi bya phug ron dang / /drang srong bu stobs 'phel bar byed/ /ra dang 
ri bong ri dgas dang / /sa li ga dang phag dang ni/ /khyad par du ni byi ba rnams/ /nad rnams thams cad 'joms par byed/ /me tog 'bras bu shun pa'i chang / /de bzhin du ni 'bru yi chang / /gzhan yang chang gi bye brag dag /mdor bsdus nas ni btung ba'i mchog /'di 
dag skyes pa bud med kyi/ /stobs rnams skyed pa'i sman yin te/ /nad rnams thams cad 'joms par byed/ /bza' dang btung dang bzhib pa dang / /ldag pa dang ni mur ba dang / /sna sman mgo bor bsku ba dang / /bkru ba dang ni dril phyi dang / /bza' dang btung sogs 
de dag ni/ /rnal 'byor pa yi sbyor ba mchog /de ltar drug cu rtsa bzhi yi/ /rdzas dang bcwa brgyad dag tu sbyar/ /sbom po phra mo'i sbyor ba rnams/ /skyes pa dang ni bud med kyang / /chung ngu la sogs dbye ba ste/ /rlung dang mkhris pa bad kan sogs/ /re re zhing yang 
gsum gsum 'dod/ /nag po dkar po sngo bsangs te/ /'dzag dang de bzhin 'pho ba la'o/ /dgra dang mdza' bshes bar ma ste/ /khams kyi sde tshan bsdus pa yin/ /dpa' bo gcig dang skye gnyis rtsa/ /'bras bu chen po bska ba gsum/ /lhang tsher dang ni dngul 
chu bzhi/ /bdud rtsi yi ni snying po lnga/ /dus drug de bzhin drug cu ste/ /bdun po yal ga 'dab sogs bcas/ /skam sa dang ni rlan can yul/ /mar dang mar nag bkru sman ni/ /rno dang dngul chu'i zas su sbyin/ /rang skyur dang ni yung ba dag /cha mnyam dngul 

</font><hr>78-1-46a<br><font size=+1>

chu'i 'bras bu ste/ /nyi ma'i 'od zer bsros nas ni/ /sbrang rtsi yi ni thigs pa blugs/ /thal sman lan tshwas bu gar bsgrub/ /ro ni bska ba rnams dang yang / /lhang tsher dkar po'i skyo mo sbyin/ /dngul chu drug char bya ba mchog /skyed byed don ni rga 
ba 'joms/ /cha ni tshad ldan 'ching byed de/ /'bras bus bya ba byed par 'gyur/ /sngon du gser shog blugs pa yis/ /rang skyon 'joms pa'i cho ga yin/ /de nas chu dang lan tshwa dang / /thal ba'am rdul ni blug par bya/ /dron mo blugs na skra dkar skye/ /glang 
chen mgo yi bcud blangs la/ /seng ge'i tshad du btso bar bya/ /de nas slar ni phyung nas su/ /ar ka'i shing gi khu ba blugs/ /chos pa'i 'od kyis snying mig 'joms/ /tsan+d+ra dang ni ra sa na/ /sgog skya dang ni ker sa dang / /a tra pa ti'i rus pa dang / /de bzhin 
du ni me tog gzung / /bya g+hI dang ni kun du ru/ /sa ri ba dang sen mo dang / /nor bu zla 'od na ge sar/ /thigs pa'i rgyun dang ka dam+pa/ /tsam pa ka ri so ba dang / /shi shu pil ba ut+pa la/ /rang skyur dang ni bcas pa ru/ /'dzag dang dngul chu kha tshos bya/ /phyung na 
sbrul gyi gzugs ltar 'gyur/ /khrag dang smyo byed mtshan shing blugs/ /skra dkar gyi ni nyes pa 'joms/ /rgas dang mdze nad sel bar byed/ /rnon po thal sman bcas pa yis/ /bkrus shing bskus na gzhang 'brum 'joms/ /lto skyes ma rnyings rdzas kyi las/ /
bcud dang bcud len mar zhag sngags/ /shi ri sha yi rtswas kyang gzag /mgor gnas la skyes ldan par bya/ /mdog dmar dngul chu rmongs pa gso/ /gsos te 'khrus na 'bras bu'i lam/ /tshad las 'das na dug tu 'gyur/ /de nas pags pa shun pa 
dang / /me tog dang ni 'bras bu sogs/ /kha dang bska dang mngar ba dang / /tshwa dang skyur po la sogs pas/ /khyad par du ni btso bya ba/ /kha med rdzar ni btso bar bya/ /kha dang bcas par sreg pa ste/ /tshar gcad pa dang gnod pa yin/ /kha med pa dang thod pa'i 

</font><hr>78-1-46b<br><font size=+1>

dbyibs/ /'od ma dang ni bya rog mchu/ /de dag btso ba'i zhi ga rdza/ /btso ba yi ni tshad bzhi ni/ /yib dang khros dang 'thor ba dang / /bzhi ba chu ru 'bros pa'o/ /shin tu tshos par gyur na ni/ /'dar dang rmongs dang du ba dang / /khrol khrol sgra ni sgrogs pa yin/ /btsir 
dang mnye dang dkrug pa dang / /de bzhin du ni brdung ba'o/ /sbrang rtsir btso dang bu ram btso/ /glang chen btso dang seng ger btso/ /rnon por byas te btso bar bya/ /mnyes pas dri ma'i rdul 'thor 'gyur/ /blo gros 'khrul ba med pa yis/ /rim gyis rim gyis mnye bar bya/ /
cha yi tshad byas gso ba ni/ /sbyangs nas 'gyur gyi gzhan du min/ /de nas cha gzhan bcas pa la/ /gi ri kar Ni'i phye ma ni/ /lugs las zlog pa'i lam btsugs la/ /tshad ldan cho ga bzhin du btso/ /du ru ska dang ba li ka/ /tsag kra mar de'i sa bon dang / /ba la ta ka shi 
kru'i 'bras/ /pa ri tsa ta ku su ma/ /ut+pal ma li ka sa bon/ /bar dar rus pa ka si dang / /si ri sa sku sa bon dang / /sbrang rtsi po son pa la sha/ /zhi ga rje'u ni tshos pa dang / /de dag skyo ma bskyed phyir blugs/ /de dag gi ni rtogs byas la/ /yid la sems pa'i 
'khrul 'khor gyis/ /bu mo'i bcud ni drangs te blugs/ /'di yis rab tu bsgrub par bya/ /gzhan du nam yang ma yin no/ /bu mo gcig dang gnyis dang ni/ /mang po'i bar du brtag par bya/ /lhang tsher dngul chu shing chen ni/ /de tshe 'bras bu smin par 'gyur/ /bya 
ba kun gyi lam gyis ni/ /byed pa po dang za bor 'gyur/ /lha yis rgya mtsho bsrubs pa bzhin/ /nyi shu rtsa lnga'i cha yi bar/ /stobs ldan bzung ba gnas su 'gyur/ /rdzu 'phrul gyi ni tshad dang ldan/ /dngul chu rma bya'i mgrin 'dra dang / /sbrul gyi gzugs dang sbal ba'i 
gzugs/ /chu 'dzin dbyibs dang rnam pa bzhi/ /sa la'i dri dang dri zhim dang / /de bzhin chang dang chang min dri/ /cha gnyis dang ni cha gsum dang / /bud med mdog nyams snang 'gyur zhing / /bong tshod ran dang ring ba dang / /yan lag rtsub 'dod mgrin pa ring / /mig 

</font><hr>78-1-47a<br><font size=+1>

ni zangs ltar dmar ba ste/ /stobs ldan sngo bsangs nu ma med/ /rkang pa'i khyad par sngar bshad dang / /sbrang rtsi lta bu'i dri dang ldan/ /sgrub po dbang po'i yon tan byed/ /de rnams thabs kyis sbyangs yin te/ /rtsub dang mnyen dang yan lag mkhrang / /
stobs ldan zhes ni bya ba yin/ /de dag 'khyud las 'byung ba ni/ /rdzas ni yongs su sbyor byed de/ /rnon po dang ni lhang tsher la/ /thun mong du ni brten nas su/ /zha nye blugs pas 'joms par 'gyur/ /ro ni kha dang bska bar 'gyur/ /de nas rang skyur nang du ni/ /gci bas 
btsos na nyes pa 'byang / /de nas gci ba'i lan tshwa dang / /phag gi zhag dang tshil dang khrag /bcas par mnyes na'ang nyes pa 'byang / /slar yang tsu ta dza ti na/ /tshwa dang dmar po nyid dang ni/ /pin dza ra dang tsam pa ka /smyo byed cha mnyam dngul chu gcig /de dang 
mnyam pa'i sbrang rtsi chu/ /mnyes na nyes pa zad par 'gyur/ /de nas ma he'i rmig par ni/ /char pa'i chu dang bcas pa la/ /zangs kyi phye ma 'khar phye dang / /mig sman phye ma blugs shing btso/ /tshos nas sbrang rtsi'i nang du gzhug /de yis bcings par 
'gyur ba yin/ /de nas khrag ni cha bdun gyis/ /sbyangs na snum zhing stobs ldan la/ /slar yang cha mnyam khrag dang ni/ /mnyes pas snum zhing rtsub par 'gyur/ /ra gan tsu ta'i shing dang ni/ /zangs dang yung ba la sogs drug /byin pas nyes pa tshar gcod 
'gyur/ /de nas tsan tra'i shing dang ni/ /sbrang rtsi 'dzag dang sen mo dang / /thal sman 'bus zos shing phye dang / /ma hA ha ta mo k+Sha dang / /buSh+ka ra dang bar ta ki/ /ku ba sin du ba ri phye/ /bcas par mi yi rkang du gzhug /cung zad bzhag ste phyung nas su/ /rdo 
yi gtun du mnye bar bya/ /'od ma'i nang du blugs nas ni/ /btso rdza rgod ma'i kha 'dra dang / /ka ra na da yi mchu yi dbyibs/ /bong bu'i gdong dang rnga mo'i gdong / /kha chen 'di dag bcing ba dang / /tshar bcad pa la bsngags pa yin/ /gang yang 'khrul 'khor 

</font><hr>78-1-47b<br><font size=+1>

kha che ba/ /rdza rnga yi ni dbyibs 'dra dang / /'od ma'i dbyibs 'dra la sogs dang / /mtshon cha ral gri'i shubs 'dra ba/ /kang ka yi ni mgrin pa 'dra/ /nyes pa tshar gcod pa la bsngags/ /gzhan yang dngul chu bcings pa la/ /bshad pa de dag rjes su gzung / /
bzhi cha lus pa btso chen te/ /phyed lus stobs chen btso ba yin/ /dngul chur brten pa'i dri ma ni/ /de bzhin du ni sbyar bar bya/ /sbyang ba dang ni rtogs pa dang / /rmongs pa de bzhin gsod pa'o/ /de nas lhang tsher rdul phye dang / /bcas par rtsi yi nang du blugs/ /ban 
du zhes bya'i phye ma ni/ /skyo mar bcas pa'i nang du btung / /lhang tsher dngul chu rnon po yi/ /cho ga yis ni so sor bcing / /de nas cung zhig ngal bso bya/ /gzhag pa me yi gnas sam ni/ /chu kha yi shing la brten par bya/ /lci ba'am 'bras kyi phung po'ang rung / /rdo ba yi ni 
nang dag dang / /ba lang ma he sogs pa'i lhas/ /bye ma yi ni phung por sba/ /de nas ngal bso phyung nas ni/ /gzugs dang sgra dang dri ro sogs/ /tshad dang mtshan ma ji bzhin brtag /la ba'i 'bras bu la la'i rtsa/ /kha cig me tog 'dab ma dang / /shun pa dang 
ni rus pa'ang rung / /rnal 'byor ba yis longs spyod ni/ /rnam pa sna tshogs lta bar bya/ /bcos pa'am bcos min yo byad ni/ /rnyed na rdo rje 'dzin 'drar 'gyur/ /de yang stobs can bcud bral ni/ /sngon bzhin nyes pa sna tshogs 'gyur/ /dngul chu lhang tsher kha dog 
ni/ /sna tshogs dang ldan skyon yin te/ /khrag dang mkhris pa skyed byed yin/ /dmar pos khrag kyang skyed par byed/ /dkar pos zug gzer skyed 'gyur zhing / /srog ni 'joms par byed pa yin/ /ljang ser dag ni ma smin dang / /ser skya lam ni 'gag 'gyur zhing / /
nyis 'gyur cha ni shin tu 'ching / /nyes pa dag ni brgyar ldan pas/ /blo dang ldan pas dpyad de bza'/ /sngo dang nag po bcud chen yin/ /de ltar bcud len rnam dpyad na/ /chu skyes chen po'i yon tan ldan/ /dngul chu'i 'ol se gcig dang ni/ /rgya mtsho las 

</font><hr>78-1-48a<br><font size=+1>

byung nyis 'gyur ldan/ /bzhi 'gyur gyi ni me tog bcas/ /sna sman ldag pa'i mchog yin te/ /khrag dang dngul chu bcu 'gyur du/ /rim gyis spel te bza' bar bya/ /de phan chad ni 'bras bu med/ /dngul chu bso bas rmongs pa dang / /khyad par 
du ni bsad kyang rung / /sngar bstan pa yi me tog dang / /byang chub sems dang bcas te bza'/ /thams cad du ni snga dro bza'/ /cho ga'i rim pa 'di yin no/ /lhang tsher chu dang dngul chu ni/ /dgongs mo'i dus su bldag par bya/ /zla ba la ni zla ba'i lam/ /nyi ma la ni nyi ma 
ste/ /de dang de nas sbyin par bya/ /de ltar yul dang dus dang ni/ /rdzas rnams rgya cher bstan pa dag /yid gzhungs la sogs 'phel byed yin/ /mkha' 'gro kun dang mnyam sbyor ba'i/ /rdo rje mkha' 'gro bde ba'i mchog /rdo rje sems dpa' de bzhin gshegs/ /
bcom ldan rdo rje can gyis gsungs/ /rgyud kyi rgyal po chen po dpal rdo rje mkha' 'gro las/ /bcud kyis len gyi cho ga'i rim par phye ba ste bcu bdun pa'o// //de nas yang dag bshad bya ba/ /rgyud du sbas pa nges par bya/ /yang dag bsdus pa'i cho ga ni/ /bshad 
kyis sgrub pa po rnams nyon/ /bde mchog bla ma'i gnas la sogs/ /mkha' 'gro mas ni thams cad khyab/ /ye shes ldan pa'i rang skye gnas/ /yul dang yul du mngon par skye/ /de ni mkha' 'gro ma zhes bya/ /rdo rje dkyil 'khor gtso mo yin/ /rnal 'byor ma 
drug sgrub po la/ /brda yi skad kyis bshad pa yin/ /ku lu tA dang ma ru yi/ /yul du gnas pa ma mo ste/ /sin+d+hu dang ni nA ga rar/ /rigs kyi gtso mo rnams yin no/ /lam bA ka dang sau rASh+Tar/ /gang gnas rigs kyi lha mo yin/ /kha ba'i ri dang kAn tsi na/ /gang 
yod byis bcas mo zhes bya/ /bAn tsa la yi yul dag dang / /gr-i ta de ba tA dag na/ /lhan cig skyes pa'i bu mo gnas/ /ka ling ka dang ko sa lar/ /brtul zhugs 'dzin ma sha chen za/ /pre ta pu ri zhes bya dang / /tri sha ku nir sbom dbang phyug /khaN+Da ro ha zhes bya 

</font><hr>78-1-48b<br><font size=+1>

gnas/ /pul+lI ra dang dzA laM d+har/ /tsan Da li yi bud med gnas/ /o Te dang ni kAm rU yi/ /yul du bu mo chen mo ste/ /de bI ko Ti zhes bya dang / /rA me shwa ri'i bu mo'ang 'dod/ /go dA ba ri ar bu dar/ /mkha' 'gro ma yi dbang phyug mchog /gser 
gling ji ltar bstan pa bzhin/ /au D+yan yang ni de bzhin no/ /yul 'di rnams kyi bu mo gang / /dpa' bo gnyis med khyab pa ste/ /kun kyang 'dod pa'i gzugs can ma/ /yid kyi shugs kyis 'jug ma yin/ /de nas bcom ldan 'das la lha mos slar yang 
mchod cing phyag byas te/ /'di skad ces gsol to/ /mkha' 'gro ma yi khyad par dang / /zhing skyong 'jigs pa chen po yi/ /ming dang zhing gi ming dang ni/ /gnas rnams kyi ni khyad par dang / /gang du sgrub pa pos thos na/ /the tshom med par 'grub 'gyur ba/ /de 
dag thams cad mdor bsdus te/ /gtso bos bdag la bshad du gsol/ /de nas bcom ldan rdo rje can/ /rdo rje sems dpa' de bzhin gshegs/ /nga yis gang la'ang ma bshad pa'i/ /gsang chen shin tu rnyed dka' ba/ /gang yin khyod ni zhu 'dod pa/ /legs 
so legs so lha mo che/ /sgyu ma chen mor rang 'gro ba/ /bshad kyis rtse gcig yid kyis nyon/ /aT+Ta ha se'i yul gnas pa/ /zhi ba'i gdong zhes grags pa ste/ /rgyal po lha mo'i skye gnas 'byung / /rdo rje yi ni mtshon cha bsnams/ /yul der gnas pa'i lha mo 
de/ /ka dam+pa yi shing la brten/ /dril bu chen po zhes bya ba'i/ /k+She tra pA la stobs po che/ /ko la ki ra ni dpal chen mo/ /gtsigs pa'i skye gnas las byung ba/ /gtsigs pa'i gzugs can lha mo ste/ /rnam par 'gyur zhing 'jigs su rung / /grong khyer 
der gnas drag shul can/ /ri yi rtse mor brten te gnas/ /me yi gdong pa zhes bya ba/ /k+She tra pA la mdzes pa'i gdong / /da ra nar ni bde byed ma/ /sme brtsegs chen po'i skye gnas byung / /lha mo ga ya'i mtshon cha bsnams/ /chos kyi dbang phyug gsol ba mo/ /

</font><hr>78-1-49a<br><font size=+1>

zhing der gnas par grags pa de/ /ta la'i shing la brten te gnas/ /gyen du 'bar skra zhes bya ba/ /k+She tra pA la gtsigs pa che/ /de bI ko Tar rna mo che/ /stobs po che yi skye gnas 'byung / /lha mo lag na mdung can te/ /rnal 'byor dbang phyug kun gyi mchog /
gnas der lha mo drag chen mo/ /b+ha dra'i shing la brten te gnas/ /k+She tra pA la lus chen po/ /mchog gi dbang phyug rgyu zhes bya/ /bi ra dzar ni phyi mo ste/ /ba dan gyi ni phyag rgya bsnams/ /zhi ba'i gzugs can lha mo che/ /'dod pa'i dbang phyug rab stsol ba/ /zhing der 
gnas pa me 'bar ma/ /a mra'i shing la brten te gnas/ /ha har dgod pa sgra chen po/ /sems can thams cad 'jigs par byed/ /e ru dar ni me lce'i kha/ /thod pa dge ba'i skye gnas byung / /lha mo rdo rje shak+ti bsnams/ /zhing der shin tu myos pas gnas/ /
grong khyer der gnas lha mo de/ /gser shing la ni brten te gnas/ /dril bu sgra zhes bya ba yi/ /k+She tra pA la dpa' bo che/ /pre ta pu rir dmar ser te/ /'jigs pa chen po'i spyan dang ldan/ /lha mo gtun shing mtshon cha bsnams/ /gcig pa'i skye gnas las byung ba'o/ /zhing 
der gnas pa'i lha mo de/ /dzA ti'i shing la brten te gnas/ /byin chen zhes bya'i zhing skyong ni/ /shin tu gtsigs shing 'jigs su rung / /e la pu rir bong zhon ma/ /rab tu gtum pa'i skye gnas byung / /phyag na zhags pas 'jigs chen mo/ /zhing der myos pas yang 
dag gnas/ /phyogs der gnas pa'i lha mo de/ /stobs chen pha rol gnon pa mo/ /glang chen rna ba zhes bya ba'i/ /zhing skyes mchog chen las skyes pa'o/ /kha che'i yul du ba lang rna/ /gtum pa'i skye gnas las byung ma/ /rdo rje lcags sgrog thogs nas ni/ /dgra rnams 
'joms la mchog tu brtson/ /gnas der gnas pa'i lha mo de/ /ri yi rtse la brten te gnas/ /sbu gu'i byin pa can zhes bya/ /k+She tra pA la 'jigs chen po/ /ma ru'i yul du rim pa mo/ /'jigs gdong dpa' bo'i skye gnas 'byung / /lcags kyu zhags thogs lha 

</font><hr>78-1-49b<br><font size=+1>

mo de/ /zhing der shin tu myos par gnas/ /yul der gnas pa'i lha mo de/ /dbye chen la ni brten te gnas/ /gtsigs pa zhes bya'i zhing skyong ni/ /rmongs par byed pa bzhin yangs pa'o/ /nA ga rar ni thong gshol ma/ /sme brtsegs yan lag skye gnas byung / /
ro langs can ni 'od chen ma/ /dpa' bo kun la dngos grub stsol/ /gnas der gnas pa'i bzang mo de/ /spa yi shing gi ldum rar gnas/ /spu yi byin pa zhes bya ba'i/ /k+She tra pA la gtsigs pa che/ /pU N+Da bar ta'i yul du ni/ /tsa muN+DI zhes bya ba ste/ /stobs po che 
yi skye gnas byung / /kha T+wAM ga yis lag pa brgyan/ /lha mo spyod dang grol bar byed/ /sdig pa ma lus zad byed pa/ /bum pa zhes bya'i zhing skyong ni/ /zhing de na ni yang dag gnas/ /dzA lan+d+har ni bzhin dngas ma/ /chags pa'i rigs kyi skye gnas 'byung / /rdo rje lcags 
sgrog thogs nas ni/ /bde ba'i mchog ni kun la ster/ /grong khyer mchog der gnas lha mo/ /khang pa rtseg mar brten te gnas/ /ral ba gsum zhes bya ba yi/ /zhing skyong shin tu gtsigs pa che/ /pre ta pu rir glog gi gdong / /gtsigs pa'i skye gnas yang 
dag byung / /lha mo dbyig pa shak+ti thogs/ /bsam pa thams cad rdzogs byed ma/ /zhing der gnas pa'i lha mo de/ /drag pa'i gzugs can 'jigs par byed/ /dril bu'i sgra zhes bya ba yi/ /k+She tra pA la smad pa min/ /'ug pa'i gdong can 'jigs su rung / /
so ba der ni me lce'i gdong / /zangs gri lis ni lag pa brgyan/ /sha chen gyi ni stan la gnas/ /bde ba'i dbang phyug rab ster ba/ /zhing der gnas pa'i lha mo che/ /shal ma li yi shing la gnas/ /bya ba kun mdzes zhes bya ba'i/ /k+She tra pA la 'jigs chen po/ /
tsa ri Ta yi yul du ni/ /ka ran dza gnas zhes bya ba/ /shak+ti gcigs pa'i skye gnas byung / /shak+ti yi ni phyag rgya thogs/ /dril bu chen po zhes bya ba/ /k+She tra bA la stobs po che/ /sbrul dang ldan pa'i gyen skra can/ /gdug pa thams cad 'jigs par mdzad/ /

</font><hr>78-1-50a<br><font size=+1>

au T+yan du ni lha mo che/ /gsang ba zhes bya'i skye gnas byung / /lha mo rdo rje lcags sgrog thogs/ /shin tu drag cing gsal ba'i gzugs/ /sgra chen zhes bya drag po'i gzugs/ /k+She tra pA la stobs po che/ /gnas mchog der gnas lha mo de/ /a sho 
ka yi shing brten gnas/ /dzA lan+d+ha rar gtum mo ni/ /zhi ba yi ni skye gnas byung / /lag na zangs gri phyar te thogs/ /dbang phyug thams cad ster ba mo/ /gnas der gnas pa drag chen mo/ /gser shing la ni brten te gnas/ /skyed pa zhes bya'i dpa' bo che/ /bdud 
rnams thams cad 'jigs par byed/ /k+She re ker ni skye bo'i ma/ /drag cing sngo la stobs chen ma/ /ral gri lag thogs lha mo che/ /dngos grub thams cad ster ba mo/ /lha mo chen mo gyen skra 'bar/ /sA la'i shing la brten te gnas/ /lhun po chen po zhes bya ba'i/ /k+She 
tra pA la zhing der gnas/ /ma ya pU rir 'dod ma ste/ /'jigs pa'i gdong gi skye gnas byung / /rdo rje shak+ti dge ba thogs/ /sgrub po rnams la stobs ster ba/ /gzugs sngon 'jigs pa chen mo ste/ /'byung po'i shing la brten te gnas/ /der gnas 'jigs pa zhes bya ba'i//
k+She tra pA la stobs po che/ /pu tan ra ni a mra ke/ /dgra rnams thams cad 'jigs byed pa/ /thang gshol dang ni ga ya thogs/ /sems can thams cad dbang byed ma/ /da ru'i shing la brten te gnas/ /sems can thams cad 'jigs par byed/ /brtul zhugs chen po zhes 
bya ba'i/ /k+She tra pA la zhing der gnas/ /rgyal po'i khab tu dza na sa/ /khrag chen gyi ni skye gnas byung / /rdo rje lcags kyur yang dag ldan/ /pha rol g.yul las rgyal bar mdzad/ /zhing der gnas pa'i lha mo de/ /dzi la'i sgra 'byin 'jigs par byed/ /rna chen zhes 
bya'i zhing skyong ni/ /rtag tu de dang nye bar gnas/ /bod yul du ni lhan skyes te/ /rang byung gi ni skye gnas byung / /chu srin rgyal mtshan lag na thogs/ /zhi zhing gsal ba'i gzugs can te/ /yul der gnas pa'i lha mo de/ /brag gi khyim la brten te gnas/ /

</font><hr>78-1-50b<br><font size=+1>

longs spyod zhes bya'i dpa' bo che/ /k+She tra pA la thub dka' ba'o/ /mA la bar ni dbang bskur ma/ /tho ba yi ni phyag rgya thogs/ /sgrub pa po la rtag tu brtse/ /grags dang dpal dang bkra shis ster/ /zhing der gnas pa'i lha mo de/ /mngar ba'i shing la brten te gnas/ /
skyes bu'i dbang phyug zhes bya ba'i/ /zhing skyong sna tshogs dbang phyug yod/ /zhing 'di rnams kyi bu mo dang / /dpa' bo rnams ni dngos grub ster/ /rtag tu mtshan mo 'phyan pa dang / /rtag tu mtshan mo 'du bar byed/ /mkha' la spyod pa rnyed dka' ba'i/ /dngos grub 
yangs pa ster 'gyur te/ /sgrub pa po yi las rnams ni/ /thams cad 'grub 'gyur the tshom med/ /de nas dngos grub kun ster ba'i/ /mchod pa'i cho ga bshad par bya/ /me tog bdug pa de bzhin du/ /mar me dri yi khyad par dang / /gtor ma'i snod kyis nye bar 
mchod/ /sha rlon dang ni nya la sogs/ /bza' ba'i rdzas ni thams cad dang / /de bzhin bdud rtsi lnga yi mchog /g.yon gyi char ni snod yin te/ /g.yas su khro bo bstan par bya/ /oM shing gcig dang ni dur khrod dang / /ri bo dang ni ri sul phug /grong dang bzhi 
mdo zhing dang ni/ /khyad par du ni khang stong dang / /sems can snod dang thang dang ni/ /khyad par du ni chu la gnas/ /nag po drag po drag chen po/ /lha sbyin mnyam du bsten pa dang / /nag po gtsigs pa 'jigs byed dang / /rga las 'das dang log 'dren rnams/ /rgan 
byad ma dang drag mo dang / /'jigs byed ma dang u ma dang / /rgyal dang rnam par rgyal ma dang / /mi thub gzhan gyis mi thub ma/ /nag mo bzang mo nag chen mo/ /nag sbom ma dang rnal 'byor ma/ /dbang mo dang ni zla ba mo/ /drag tu sdang dang 'phyang ba mo/ /
'phrog byed ma dang mar me ma/ /'jib byed grong gnas rnal 'byor ma/ /drag mo'i gzugs dang gzugs chen mo/ /mche ba gtsigs dang thod chen mo/ /thod phreng phreng dang kha T+wAM ma/ /sbrul chen ral gri dgra sta can/ /rdo rje de bzhin gzhu can ma/ /de nyid chen 

</font><hr>78-1-51a<br><font size=+1>

mo'i mkha' 'gro lnga/ /las kun rjes su sgrub byed pa/ /sbyor ba'i dkyil 'khor rgyal chen mo/ /de bzhin rdo rje dbang phyug gtso/ /de bzhin gshegs pa'i sku chen te/ /rdul med rnal 'byor 'byin pa mo/ /rdo rje dbang mo bka' 'di yis/ /thams cad 
kun nas 'di+ir sbyon cig /oM kak+ka d+h+ya na ba pa ban d+ha na kha kha khA da nasar+b+ba duSh+TAn ha na ha na ha na g+hA ta ya g+hA ta ya a mu ka s+ya kA R+YaM ku ru hU~M hU~M hU~M phaT dzaH swA hA/ bdud rtsi yis ni kha bkang ste/ /lha rnams thams cad tshim par bya/ /rnal 'byor rnal 'byor ma yis ni/ /las rnams 
thams cad sgrub par bsgom/ /oM bak+Sha bak+Sha sarba yo ge shwa ri hU~M hU~M hU~M dzaHswA hA/ la sogs sbyor ba ji bzhin du/ /gtor ma'i las ni sbyar bya ste/ /zhi dang rgyas dang dbang dang dgug /gsad dang sdang dang bcing ba la/ /sgrub pos gtor ma'i de nyid kyis/ /las rnams 
thams cad bsgrub bya zhing / /ye shes lcags kyu'i bye brag gis/ /rang 'dod lha ni tshim par bya/ /zhing dang gnas dang de bzhin grong / /grong khyer ri yi rtse mo ru/ /'byung po thams cad tshogs gyur par/ /'dus na sgrub po la mchog ster/ /gnas la sogs 
par rtag gnas shing / /sgrub pa po ni gus ldan la/ /lha mo rnams kyis mchog ster bar/ /sgrub pa po la the tshom med/ /gang gis sgrub pa po 'grub pa'i/ /ro yi bsgrub pa bshad par bya/ /rgan po ma yin rma med cing / /mdze dang shu ba la sogs spangs/ /shin 
tu mnyam par bzhag pa yis/ /'byung po'i nyi ma la bsgrub bya/ /bdud rtsi lnga yi khyad par dang / /lha yi chu yis bkru bar bya/ /mar khu chen pos byug pa dang / /bdug pa chen pos de bdug bya/ /maN+Dal gru bzhi byas nas ni/ /de dbus 'bad pas gru gsum bya/ /
sangs rgyas thams cad bdag la gson/ /zhes bya la sogs sngon bzhin brjod/ /ha hA hi hI hU~M hU~M he he/ /zhes bya'i dgod pa rnam pa brgyad/ /sgrub pa po yis chog bzhin bya/ /me la gnas pa'i sa bon ni/ /rlung gi sa bon gyis phye ba/ /spyi gtsug tu ni sbyar byas la/ /sa 

</font><hr>78-1-51b<br><font size=+1>

yi steng du mchod par bya/ /rnal 'byor ma yi dbus gnas par/ /'bad pa yis ni myur du blta/ /sgrub pos bdag nyid bsam bya ba/ /skye gnas dbus su rim bzhin blta/ /'bar phreng gi ni rgya mtsho ste/ /pho nya 'od dang bcas blta zhes/ /mkha' 'gro kun dang mnyam 
sbyor ba'i/ /rdo rje mkha' 'gro bde ba'i mchog /rdo rje sems dpa' de bzhin gshegs/ /bcom ldan rdo rje can gyis gsungs/ /rgyud kyi rgyal po chen po dpal rdo rje mkha' 'gro las/ 'du ba'i gnas nges pa dang / sgrub pa'i cho ga'i rim par phye ba ste bcwa 
brgyad pa'o// //de nas yang dag bshad bya ba/ /ma mo'i dkyil 'khor dge ba dang / /lha rnams thams cad bsgrub pa dang / /de bzhin pho nya'i khyad par dang / /'byung po gdon gyi rig pa che/ /gang gzhan lus srul la sogs pa/ /de bzhin sngags 
kyi phreng ba rnams/ /da ni khyod la bshad kyis nyon/ /gru bzhi pa la sgo bzhi ba/ /sgo khyud dang ni ldan pa yi/ /dkyil 'khor nyams dga' bri bar bya/ /dngos grub kun gyi yon tan gnas/ /'dod yon lnga yis rab brgyan pa/ /mchod pa lnga dang yang dag ldan/ /ro la 
g.yogs pa'i ras sam ni/ /mtshon gyis brgyab pa'i ras dag dang / /bu btsas pa yi ras dang ni/ /ba lang ko ba la sogs la/ /dam tshig can gyi 'dri mkhan gyis/ /sgrub po mchog gis 'dri ru gzhug /tshes brgyad dang ni bcu bzhi la/ /'byung po'i dkyil 'khor 
bsgrub par bya/ /de nas 'bum phrag gcig bzlas pas/ /mngon sum du ni mdun gnas 'gyur/ /tshangs pa mo dang zhi ba mo/ /gzhon nu mo dang phag mo dang / /dbang mo dang ni tsa muN+TI/ /tshogs kyi dbang mo sreg byed ma/ /rim pa gnyis pa'i 'o/ /dbang po gshin 
rje chu lha dang / /lus ngan dang ni yi dgas gtso/ /sreg byed bden bral rlung gi lha/ /rim pa gsum pa'i'o/ /nyi ma dang ni zla ba dang / /mig dmar dang ni gza' lag dang / /phur bu dang ni pa ba sangs/ /spen pa dang ni rA hu la/ /rim pa bzhi pa'i'o/ /tshangs pa 

</font><hr>78-1-52a<br><font size=+1>

khyab 'jug de bzhin du/ /ru dra skem byed sgo bzhir ro/ /sa dang chu dang me dang rlung / /'byung po chen po'i khams rnams dang / /mkha' 'gro ma dang mar me ma/ /'jib byed 'phrog byed bcas pa'i gtso/ /'byung bo las kyang 'byung ba'i gzugs/ /sgrub 
pos cho ga bzhin du bsgrub/ /dkyil 'khor chen po'i sbyor ba yis/ /phyi rol dkyil 'khor bri bar bya/ /dbus su kun nas zlum por ni/ /ri mo mdzes pas bskor bar bya/ /pad ma 'dab brgyad bris nas ni/ /ge sar gsang ba'i spyod yul gyi/ /dbus su khro bo chen 
po bri/ /zhal gcig phyag ni bzhi ba ste/ /zhal gyi mche ba cung zad gtsigs/ /khro dang bcas shing bzhad pa'i zhal/ /sku mdog sngon po drag chen po/ /thod pa'i phreng bas rnam par bklubs/ /yi dgas la zhon nyi mar bzhugs/ /sum cu gsum pa 'jigs par 
mdzad/ /gar dang ldan zhing stag lpags mnabs/ /spyan gsum shin tu gsal ba'i gzugs/ /rdo rje 'bar ba ba dan gsum/ /khrag gang ba yi gshol dang bcas/ /mda' dang gzhu ni de bzhin te/ /g.yas dang g.yon gyi phyag gis 'phyar/ /shar du mkha' 
'gro ma bri ste/ /lho yi phyogs su 'phrog byed ma/ /'jib byed lha mo nub tu bri/ /byang du lha mo 'bar ma'o/ /lha mo phag mo zhes bya ba/ /phyag bzhi yi ge hrIHlas byung / /sku mdog sngon mo drag chen mo/ /phag gi gdong can 'jigs par byed/ /mda' dang de bzhin 
gzhu dang ni/ /rgyal mtshan thod pa thogs pa'o/ /zhi ba mo ni pheM las byung / /mdog dmar gzi brjid chen mo ste/ /thod pa dang ni lcags kyu dang / /kha T+wAM Tam ru de bzhin no/ /gzhon nu ma ni ha~M las byung / /kha dog ser mo phyag bzhi pa/ /mdung rtse gsum dang ba dan gsum/ /
mda' dang gzhu ni de bzhin no/ /tsa muN+Di ni ho las byung / /mdog sngo lag pa bzhi pa ste/ /kha T+wAM dang ni thod pa dang / /gshol dang de bzhin Da ma ru/ /ba~M las byung ba'i tshangs pa mo/ /mdog dkar lag pa bzhi pa ste/ /pad ma dang ni thod pa dang / /de bzhin gzhan 

</font><hr>78-1-52b<br><font size=+1>

na mda' gzhu'o/ /tshogs kyi dbang mo ga~M las byung / /sngo bsangs mdog ste lag bzhi ma/ /mdung rtse gsum dang thod pa dang / /bgrang phreng g.yon gyi lag tu thogs/ /khyab 'jug ma ni bam las byung / /mdog sngo lag pa bzhi pa ste/ /chang dang chu yi thod pa 
dang / /zhags pa kha T+wI de bzhin gzhan/ /dbang mo iM las byung ba ste/ /mdog ser lag pa bzhi dang ldan/ /rdo rje shak+ti thod pa dang / /sdigs mdzub dang ni zhags pa nyid/ /thams cad gyen skra 'bar ba dang / /sna tshogs kyis ni brgyan pa ste/ /ro yi stan 
bzhugs spyan gsum dang / /stag gi pags pas rked dkris pa'o/ /shar sgor tshangs pa bri bya ste/ /mdog dkar lag pa bzhi dang ldan/ /thod pa dang ni bgrang phreng dang / /ril ba spyi blugs pad+ma thogs/ /byang du de bzhin khyab 'jug ste/ /mdog sngon lag pa bzhi 
dang ldan/ /mdung dang de bzhin 'khor lo dang / /thod pa dang ni dbyug pa mchog /lho ru ru dra bri bya ste/ /du ba'i mdog can lag pa bzhi/ /rtse gsum mdung dang thod pa dang / /zhags pa dang ni bgrang phreng thogs/ /nub tu skem byed bri bya ste/ /mdog ser lag pa bzhi dang ldan 
shak+ti dang ni dbyug pa dang / /dpa' bo'i thod pa bgrang phreng thogs/ /dbang ldan khyu mchog stan la zhon/ /kha dog dkar po lag bzhi pa/ /thod pa dang ni rtse gsum thogs/ /gzhan gnyis thal mo sbyar ba'o/ /dbang po glang chen zhon pa ste/ /mdog ser lag pa bzhi dang 
ldan/ /rdo rje dang ni thod pa thogs/ /gzhan gnyis thal mo sbyar ba'o/ /me ni lug gi stan la zhon/ /kha dog dmar po lag bzhi pa/ /me thab nyid dang thod pa dang / /gzhan gnyis thal mo sbyar ba'o/ /gshin rje ma he'i stan la zhon/ /kha dog sngon po lag bzhi pa/ /dbyug 
pa dang ni thod pa thogs/ /gzhan gnyis skrag ste thal sbyar ba'o/ /bden bral mi ro'i stan bzhugs pa/ /kha dog ljang khu lag bzhi pa/ /kha T+wAM ga dang thod pa thogs/ /gzhan gnyis skrag ste thal sbyar ba'o/ /chu lha chu srin stan la bzhugs/ /kha dog dkar po lag 

</font><hr>78-1-53a<br><font size=+1>

bzhi pa/ /zhags pa dang ni thod pa thogs/ /gzhan gnyis skrag ste thal sbyar ba'o/ /rlung ni sha ba'i stan la bzhugs/ /du ba'i mdog can lag bzhi pa/ /ba dan dang ni thod pa thogs/ /gzhan gnyis de bzhin thal sbyar ba'o/ /lus ngan gter gyi 
stan la gnas/ /kha dog ser po lag bzhi ba/ /rin chen dang ni tho ba thogs/ /gzhan gnyis de bzhin thal sbyar ba'o/ /gza' dang skar ma thams cad kyang / /rang rang dam tshig las byung zhing / /rdzu 'phrul ldan zhing stobs chen po/ /rang rang stan la gnas par bsam/ /
ma mo rnams kyang kun gyi ma/ /'byung po'i rig pa gzhan de bzhin/ /las rnams thams cad sgrub pa yi/ /pho nya'i sgrub thabs de nas bshad/ /so sor stobs kyis tshar gcad pa/ /nyon cig lha mo skal chen ma/ /longs spyod la dga'i sgrub pa pos/ /pho nya'i las ni 
brtsam par bya/ /zla ba rdo rje'i cho ga yis/ /rdo rje sems dpa' bsgoms byas te/ /sngags kyi rgyal po bskul ba yis/ /thams cad bran bzhin byed par 'gyur/ /dur khrod dang ni shing gcig tu/ /der ni dkyil 'khor brtsam par bya/ /shar dang byang dang nub dang ni/ /
de bzhin du ni lho phyogs su/ /drug drug tu ni byas nas su/ /de nas mchod pa brtsam par bya/ /gnas la sogs pa nyi shu bzhi/ /rim pa bzhin du yongs su bskor/ /dri dang me tog de bzhin du/ /mar me dang ni dri yi chu/ /de yi chu yis bkang ba yi/ /bum pa'i 
gos kyis mdzes par bya/ /nyin mtshan phrugs gcig gnas gyur cing / /de nas mtshan gcig gnas par bya/ /gnas sogs yang dag phyag byas nas/ /de nas bzod pa gsol bar bya/ /dpa' bo yi ni ston mo yis/ /dang por slob dpon mnyes par bya/ /de ltar 
byas pa'i sngags pa yis/ /phyi nas las ni brtsam par bya/ /gzhan du dus min 'chi ba dang / /dmyal bar nges par bsreg 'gyur te/ /bgegs kyis nye bar gtses nas ni/ /nges par dmyal bar ltung bar 'gyur/ /dam tshig ldan pa'i 'dri mkhan gyis/ /'byung 

</font><hr>78-1-53b<br><font size=+1>

po'i nyi ma la rnyed pa'i/ /bu btsas la sogs ras la ni/ /tshon rtsi khrag dang bsres nas su/ /steng du skyes pa'i nang bzhag nas/ /sgrub pa'i dkyil 'khor bri bar bya/ /yi dgas sen rtsi mar chen dang / /sha chen gyis ni bdug par bya/ /de la dri yis bsgos nas su/ /
de bzhin yi dgas me tog mchod/ /lha mo chen mo mchod pa 'dis/ /me 'bar ma ni mchog tu mnyes/ /shing gcig gi ni drung du ni/ /cho ga bzhin du 'bum bzlas bya/ /rgyal la sogs pa'i dus su ni/ /slob dpon gyis ni 'dri ru gzhug /sor ni bcu gnyis tshad du bya/ /
gzugs bzang bzhon pa phun sum tshogs/ /rgyan rnams kun gyis brgyan pa ste/ /gos ni ser po bgos par bri/ /lag gnyis gyen du thal mo sbyar/ /me 'bar ba ni kun tu 'od/ /sgrub po'i mdun du bkram nas ni/ /'bad de cho ga bzhin mchod bya/ /me tog dmar dang 
dri la sogs/ /sha skam gyis ni bdug par bya/ /sha dang nya sha btsong la sogs/ /nye bar spyod pa'i gtor ma sbyin/ /rdzas lnga dag gi dngos po yis/ /mchod nas 'bum du bzlas na ni/ /dang po la ni sgra 'byung ste/ /gnyis pa la ni nya dri bro/ /gsum par shing ni g.yo 
'gyur te/ /bzhi pa la ni mdun du gnas/ /dam tshig phyag rgya bstan nas ni/ /sngags ni de la brjod par bya/ /lag gnyis thal mo sbyar nas ni/ /spyi bor bzhag ste brjod bya ba/ /oM de be shwa ri hU~M/ phuHphuHphuH/ dam tshig gi sngags dang phyag rgya'o/ /bdud rtsi lnga yis bkang 
ba yi/ /dam tshig chu ni sbyin par bya/ /'bad de dam tshig byin nas ni/ /lag pa g.yon pas gzung bar bya/ /rnal 'byor ma dang gnyis med pa/ /byin gyis rlobs la nga sgrubs shig /de nas shin tu mdzes ma yis/ /bza' dang btung sogs ston mo dang / /
gser zho gnyis ni ster 'gyur te/ /zad pa nyid du longs spyod bya/ /'dod la dga' ba'i 'bar byed ma/ /gal te grub par ma gyur na/ /drag mo yi ni sa bon gyis/ /gzir te 'bum du bzlas par bya/ /sa bon gyis ni gzir tsam gyis/ /mar me ma yi spyi bo 'gems/ /

</font><hr>78-1-54a<br><font size=+1>

rtag tu sems can don brtson pas/ /'bar ma chung mar bsgrub par bya/ /nyon cig lha mo shes rab che/ /gzhan yang mkha' 'gro sgrub pa'i thabs/ /thang ka khru gnyis byas nas su/ /lhag par gnas te mchod gtor nas/ /de nas ri mo 'dri ru gzhug /
dkar zhing dmar la shin du mdzes/ /zhal gcig phyag ni gnyis pa ste/ /shin tu mdzes pa'i na bza' gsol/ /lag ni sdigs mdzub lcags kyu thogs/ /skra grol bas ni rnam par mdzes/ /me 'bar 'od zer shin tu gsal/ /ha har rgod cing mig yon ma/ /sa la 
khrag gis byugs nas su/ /gnas der bris sku dgram par bya/ /me tog dmar po la sogs dang / /dri dang bdug pa'i khyad par gyis/ /nye bar mchod pa'i gtor ma dgod/ /sha dang nya dang btsong la sogs/ /bdud rtsi lnga yis dgang bar bya/ /rnal 'byor ma ni sgom zhing 
zlos/ /'bum phrag gcig gis 'grub par 'gyur/ /lag gnyis thal mo sbyar nas su/ /khar bcug nas ni bgad par bya/ /oM DA ki nI hU~M phuHphuH/ bsgrub pa'i sngags dang phyag rgya'o/ /dang po sa ni g.yo 'gyur te/ /gnyis pa la ni mdun du dgod/ /gsum 
pa mdun du snang 'gyur te/ /bzhi pa la ni bka' nod do/ /bdud rtsi lnga yi khyad par gyi/ /dam tshig 'bad de byin nas ni/ /g.yog mo ru ni bsgrubs pa yis/ /ci 'dod bka' ni bsgo bar bya/ /dgra rnams bsad cing smad pa dang / /yan lag gzir ba gang 'dod pa'i/ /
las la sogs pa thams cad ni/ /g.yog mo'i las kyis bsgrub par 'gyur/ /gal te 'bum gyis gdon za na/ /rdo rje ma yi sa bon gyis/ /sngon du bstan pa'i cho ga bzhin/ /mkhas pas gzir bar byas te bzla/ /ra dag gi ni pags pa la/ /'bad de thang ka brkyang 
bar bya/ /'jib byed ma ni 'dri ru gzhug /kha dog dmar po shin tu mdzes/ /lus la rgyan gyis brgyan pa dang / /mdzes pa'i gos ni gyon par bri/ /g.yon pa sdigs mdzub zhags pa dang / /g.yas su dgra sta dgod par bya/ /lam gyi bzhi mdo yid 'ong bar/ /mkhas 

</font><hr>78-1-54b<br><font size=+1>

pa yis ni bsgrub bya ste/ /lci ba yis ni byugs byas la/ /me tog sna tshogs dgram par bya/ /me tog bdug pa mar me sogs/ /'byung po kun gyi gtor ma sbyin/ /khrag dang nya dang sha dang btsong / /bza' ba dag ni sna tshogs dang / /bdud rtsi lnga yis bkang la sbyin/ /'bad 
de bsam gtan gnas pas bzla/ /oM A kar+Sha ya phuHphaT/ lag gnyis mnyam par byas nas su/ /zhags pa'i tshul gyis gar bskyod bya/ /snying po'i sngags dang phyag rgya'o/ /rnal 'byor pa yis 'bum bzlas pas/ /'jib byed ma ni 'grub 'gyur te/ /dang po khyi 
ni ngu ba'i sgra/ /gnyis pa la ni gsal bar dgod/ /gsum pa la ni mtshon thogs nas/ /bsdigs pa'i phyir ni 'ong bar byed/ /bzhi par mdun du gnas nas ni/ /bdag gis ci bgyi bka' stsol smra/ /bdud rtsi lnga yi khyad par gyi/ /dam tshig dag ni byin nas su/ /
sems can rnams la phan pa'i phyir/ /dbul po bdag gis khyod bsgrubs so/ /de nas nyi ma re re zhing / /gser srang phyed phyed ster bar 'gyur/ /gal te 'bum gyis ma grub na/ /ro langs snying pos gzir te bzla/ /sa bon 'di yis gzir tsam gyis/ /'jib 
byed ma yi mgo 'gems so/ /chu 'gram gyi ni sa phyogs su/ /kam po dzi ni bsgrub par bya/ /ba glang la sogs ko ba ni/ /brgyang ste 'phrog byed ma 'drir gzhug /lus ni sbrul gyis brgyan pa ste/ /kha dog sngon po 'bar ba'i 'od/ /skra grol bas ni rnam par brgyan/ /
gos dmar bgos shing phyag gnyis mdzes/ /ral gri dang ni zhags pa thogs/ /ha har dgod cing rnam par gtsigs/ /khrag gis maN+Dal byugs nas ni/ /dri dang me tog bdug pas bdug /sha dang nya dang btsong la sogs/ /nye bar mchod pa'i gtor ma sbyin/ /
bdud rtsi lnga dang ldan pa yi/ /sngon bzhin lha yi gtor ma sbyin/ /rnal 'byor pa ni sgom zhing zlos/ /'bum gcig gis ni 'grub 'gyur te/ /dang po chu ni g.yo bar 'gyur/ /gnyis pa la ni char chen 'beb/ /gsum par thog ni 'bab 'gyur te/ /bzhi pa la ni mdun 

</font><hr>78-1-55a<br><font size=+1>

du gnas/ /bdud rtsi lnga yi khyad par gyis/ /dam tshig de nas 'bad de sbyin/ /oM kriM kruM phuM phuHphaT/ /lag gnyis khu tshur bcings nas su/ /de yi sngags ni brjod par bya/ /snying po'i sngags dang phyag rgya'o/ /mdun na thal mo sbyar nas ni/ /ci zhig bgyi 
zhes brjod par 'gyur/ /ti se'i gangs kyi rtse ru ni/ /brtse phyir khyod kyis nga khrid la/ /slar yang 'dir ni 'ong ba dang / /rgyal po'i bu mo'am gzhan yang rung / /nga 'dod pa ni khrid de shog /gser dang dngul dang zangs la sogs/ /bza' dang bgo dang btung ba dang / /ji ltar 
'dod bzhin khyer te 'ong / /lha yi bu mo'am mi mo'ang rung / /ti se'i gangs kyi rtse ru ni/ /ji ltar 'dod bzhin khrid par byed/ /bstan pa'i las kyis ma grub na/ /las gzhan gyis ni bsgrub par bya/ /bdag nyid ye shes mkha' 'gro ru/ /mkhas pa yis ni 
bsgoms nas su/ /de ni rkang pa g.yon pa yis/ /mnan te lnga brgyar bzlas na ni/ /gdon mi za bar 'grub par 'gyur/ /gal te des kyang ma grub na/ /dpa' bo'i dbus su bkug nas ni/ /dum bu dum bur gtub par bya/ /kr-i zhes bya dang gsod pa dang / /hU~M gi 
sa bon bsgoms pa yis/ /thams cad du ni bza' bar bsam/ /des ni bsgrub bya'i rnal 'byor ma/ /thams cad kyi ni dbang phyug ma'ang / /gal te ma grub 'chi bar 'gyur/ /bstan pa'i las kyis ma grub na/ /ba la ta ka nag po'i shing / /me sbar ba yi dbus su ni/ /
khrag dang bcas pa'i yungs kar ni/ /nyi ma phyed na hU~M zhes pa/ /brjod cing sbyin sreg byas nas ni/ /mkha' 'gro ma rnams 'chi 'gyur bas/ /gdon mi za bar 'grub par 'gyur/ /de nas shang kar sgrub pa'i thabs/ /nyon cig lha mo skal chen ma/ /dur khrod dang ni shing 
gcig dang / /chu 'gram lam gyi bzhi mdor bsgrub/ /dam tshig can gyi 'dri mkhan gyis/ /tshon gyi dkyil 'khor bri bar bya/ /sor ni bcu bzhi'i tshad dag tu/ /dpa' bo yi ni ras la bri/ /gru gsum dkyil 'khor dge ba ste/ /dkyil 'khor zlum po'i tshul du bya/ /

</font><hr>78-1-55b<br><font size=+1>

sku mdog sngon po glang la zhon/ /lus la thal ba'i rdul gyis byugs/ /pho mtshan gyen 'greng zhi ba'i gzugs/ /ral ba'i cod pan mdung dang ldan/ /zhal bzhi pa la phyag bzhi pa/ /thob pa'i phreng bas rnam par bklubs/ /kha T+wAM ga dang thod pa nyid/ /de bzhin gzhan 
na gshor dang ldan/ /bshang gcir ldan pas mchod bya ste/ /'byung po kun gyi gtor ma sbyin/ /sngags 'di yis ni bkug nas su/ /'bum du bzlas pas bsgrub par bya/ /oM ka pA la mA la a la~M kr-i ta shir se hU~M hU~M/ /A gats+tsha ya A gats+tsha ya ru drA ya sA hA/ /spyan 
drang ba'i sngags so/ /oM AHru dra hU~M hU~M swA hA/ /'bum du bzlas pas 'grub par 'gyur/ /gal te grub par ma gyur na/ /de nas de ni bsreg par bya/ /grub nas bya ba thams cad ni/ /byed par 'gyur te gzhan du min/ /de nas yang dag bshad bya ba/ /nor lha yi 
ni sgrub pa'i thabs/ /ri bo dang ni rgya mtsho'i 'gram/ /'bab chu 'dus pa'i mdo dag tu/ /sngar bstan pa yi cho ga yis/ /dkyil 'khor mchog ni bsgrub par bya/ /sor ni bcu gnyis tshad dag tu/ /khyad par du ni bsgrub par bya/ /kha dog nag po shin tu mdzes/ /zhal 
gcig phyag ni bzhi pa ste/ /'khor lo dang ni dbyig pa bsnams/ /thod pa pad+ma de bzhin no/ /rin chen gyi ni cod pan dang / /rgyan rnams kun gyis rnam par bklubs/ /bshang gci dang ni khu ba khrag /mchod pa nyid du sbyin bya zhing / /mi yi sha yis bdug byas na/ /
dngos grub nye bar byed par 'gyur/ /oM AHbadzra nA rA ya Na hU~M hU~M AH swA hA/ /sbyan drang ba'i sngags so/ /oM ma ma tsakra sA d+ha ya sar+b+ba a sur da man hU~M hU~M swA hA/ stong phrag brgyar ni bzlas pa yis/ /lha ma yin ni kun gyi sgor/ /'jug pa'i nus dang ldan 'gyur zhing / /
sgyu ma thams cad ston byed de/ /dgra rnams thams cad 'dul nus shing / /rgyal srid dag kyang thob 'gyur/ /cho ga'i rim pa 'di nyid kyis/ /de nas tshangs pa'ang bsgrub bya ste/ /chu yi 'gram ni dben pa dang / /khyad par pad mo'i tshal du bsgrub/ /kha dog 

</font><hr>78-1-56a<br><font size=+1>

ser po phyag bzhi pa/ /gdong bzhi yis ni mdzes par byas/ /zhi ba ral pa'i cod pan 'chang / /mchod phyir thogs kyis rnam par brgyan/ /pad+ma dang ni bgrang phreng dang / /dbyug pa dang ni thod pa bsnams/ /sgrub pa po yi gtso bo yis/ /bris 
sku dag ni dmigs nas su/ /yid 'ong sna tshogs dri zhim ni/ /gur kum tsan+dan la sogs pa/ /dri chus yang yang bsgo bya zhing / /rtag tu sgom dang ldan pa yis/ /mchod pa'i cho ga'i rim de dag /b+ha ga'i dbus su sbyin par bya/ /oM bra h+ma A gats+tsha hU~M AHswA hA/ spyan drang 
ba'i sngags so/ /oM b+hur+b+hu bsta twa bi du r+b+ba re Nu/ b+ha rgo de ba sa d+hi ma hi/ d+hi yo yon pra tso da ya ta /'bum du bzlas pas 'grub 'gyur te/ /zhi ba dang ni rgyas pa dang / /dgug dang dbang du bya ba dang / /nor skyed pa dang mngon spyod sogs/ /las rnams thams cad nus 
'gyur te/ /bzlas dang sbyin sreg kun gyis 'grub/ /khyod la yang dag bshad pa yin/ /nyon cig lha mo skal chen mo/ /bgegs kyi rgyal po sgrub pa'i thabs/ /ma mo'i khyim ni nyams dga' bar/ /sgom pa dge ba byas nas ni/ /blo ldan mchod pa sngon 'gro bas/ /
'bad de bris sku dmigs par bya/ /kha dog dmar po cher 'bar ba/ /skyil krung phyed pa'i gar gyis bzhugs/ /zhal gcig pa la spyan gsum pa/ /ral pa'i thor tshugs dag dang ldan/ /'od zer dmar po 'bar zhing 'khrug /mche ba gtsigs pa 'jigs par 
bri/ /dgra sta dang ni gtun shing dang / /mda' dang gzhu ni de bzhin te/ /kha T+wAM ga dang lcags kyu dang / /khrag gis gang ba'i thod pa dang / /de bzhin rdo rje ral gri ste/ /gzhan yang sha chen thod pa bsnams/ /mu sun di dang ba dan gsum/ /shak+ti dang ni bcu gnyis 
so/ /oM a mo lha sid+d+ha sar+b+ba ar+tha me pra sA d+ha ya hU~M hU~M dzaHdzaHsA hA/ /spyan drang ba'i sngags so/ /oM AHga hU~M swA hA/ /bzlas pa'i sngags so/ /stong phrag brgyas ni 'grub 'gyur te/ /de nas las ni brtsam par bya/ /lan cig bzlas nas thig le dag /sngags 

</font><hr>78-1-56b<br><font size=+1>

pas byas na skal bzang 'gyur/ /rgyal po sgor yang mchod 'thob ste/ /dgra rnams thams cad zad byed 'gyur/ /bgegs rnams ma lus bskrad pa dang / /'dod pa kun gyi 'bras ster bar/ /'gyur ba 'di la the tshom med/ /cho ga'i sbyor ba de nyid kyis/ /ma mo rnams kyi sgrub 
thabs mchog /sbyor ba'i rim pa de nyid kyis/ /gza' rnams kyang ni bsgrub par 'dod/ /oM sar+b+ba ti thi nA k+Sha tra gra ha mang+ga le b+h+yaHswA hA/ gza' thams cad kyi sngags so/ /oM zhes bya ba dang po ste/ /swA hA'i mtha' can byin brlab ces/ /mkha' 'gro kun dang mnyam 
sbyor ba'i/ /rdo rje mkha' 'gro bde ba'i mchog /rdo rje sems dpa' de bzhin gshegs/ /bcom ldan rdo rje can gyis gsungs/ /rgyud kyi rgyal po chen po dpal rdo rje mkha' 'gro las/ 'byung po dang gdon thams cad kyi sgrub thabs 'byung ba'i rim par phye ba ste bcu dgu 
pa'o// //de nas bcom ldan 'das la lha mo rnams kyis mchod cing phyag byas te/ 'di skad ces gsol to/ /ye shes de nyid khyad par dang / /lus kyi mtshan ma ji ltar lags/ /rtsa rnams gang la brten gyur dang / /de rnams dbye ba mi 'tshal te/ /
bcom ldan 'das la nyan par 'tshal/ /bde ba chen pos bshad du gsol/ /nyon cig lha mo sgyu ma che/ /sgyu ma kun tu rnam 'phrul ba/ /rtsa chen po ni sum cu gnyis/ /de dag gzhan las shin tu gtso/ /bcu dang gnyis ni de bzhin du/ /dbyangs rnams 'pho ba'i 
mtshan nyid de/ /yar ngo mar ngo'i bye brag gis/ /nyi shu rtsa bzhir brjod pa yin/ /dus ni myur dang ring ba dag /yan lag mtshan ma'i mtshan nyid ni/ /gang zhig shes pa tsam gyis ni/ /'chi ba'i dus la bab pas gnas/ /dbugs ni rnam par rgod gyur na/ /
lus can drug dang gnyis kyis 'chi/ /snga dro ro hi ta'i dus su/ /de yi mtshan ma mtshon par bya/ /sna dang mig gi gnas dang ni/ /'gram pa dang ni rna ba'i rtsa/ /lce dang so yi mtshams dang ni/ /de bzhin mgrin pa'i phyi rol dang / /snying ga'i dra ba lte ba dang / /bzla 

</font><hr>78-1-57a<br><font size=+1>

dang byin pa de bzhin gzhan/ /chu so dang ni mtshan dag dang / /mgo dang spyi gtsug gi ni phyogs/ /dbugs ni chad cing chad gyur pa'i/ /lus kyi mtshan ma myur ba ru/ /'chi ba'i dus ni ston par byed/ /nyi ma'i grangs kyi tshad kyis ni/ /'khor los dus 
kyi bdag nyid brtsi/ /sgo gcig nas ni nyin drug tu/ /gang tshe dbugs ni rgyu gyur pa/ /yon tan gsum gyi lo dag ni/ /zhag ni sum brgya drug cu ru/ /bgos pa yi ni tshad dag ni/ /mdor bsdus nas ni bstan par bya/ /lo gnyis dang ni zla ba dag //dus kyi grangs su 
bstan pa dang / /nyin zhag dag ni bcwa brgyad du/ /de yi tshad ni yang dag brjod/ /nyi ma dag ni bdun dang mtha'/ /gal te rlung ni rgyu gyur na/ /lo gnyis dang ni de bzhin du/ /zla ba drug tu 'tsho 'gyur zhing / /nyi ma brgyad du rlung rgyu na/ /de bzhin lo gnyis zla ba ni/ /rig 
byed kyi ni grangs dang ni/ /nyi ma nyi shu rtsa bzhi ru/ /'tsho 'gyur dus kyi grangs yin no/ /gal te nyin dgu rgyu gyur na/ /lo gnyis zla ba bzhi dang ni/ /nyin zhag nyi ma'i grangs su ni/ /lus can rnams kyi sbyor ba yin/ /gal te nyin bcur rgyu gyur na/ /lo gnyis las 
ni mi 'tsho'o/ /gal te nyin zhag bcu gcig tu/ /sgo gcig nas ni rgyu ba dag /lo gcig zla ba dgu dang ni/ /nyin zhag bcwa brgyad dag las ni/ /mi 'tsho mdzes ma khyod la bshad/ /nyin zhag bcu gnyis rgyu na ni/ /lo gcig dang ni zla ba ni/ /dbyangs kyi grangs dang 
nyin zhag ni/ /dus kyi grangs las mi 'tsho'o/ /gal te nyi ma bcu gsum du/ /g.yas kyi lam nas rgyu ba ni/ /lo gcig dang ni zla ba dag /rig byed kyi ni grangs dang ni/ /nyi ma dgu las mi 'tsho zhes/ /mdzes ma'i gdong can khyod la bshad/ /gal te bdun phrag 
gnyis su ni/ /g.yas kyi lam nas rlung rgyu de/ /lo gcig zla ba gnyis dang ni/ /nyi ma bcu yi phyed dag las/ /'tsho bar mi 'gyur de yi ni/ /tshe tshad nges par bstan pa yin/ /gang zhig nyi ma lnga gsum du/ /g.yas kyi sgo nas rlung rgyu na/ /lo gcig na ni gdon mi 

</font><hr>78-1-57b<br><font size=+1>

za/ /gang zhig brgya phrag gnyis su ni/ /g.yas nas rlung ni rgyu ba dang / /de yi tshe tshad nges pa dag /zla ba bcu dang nyi ma ni/ /nyi shu rtsa bzhi dag las ni/ /mi 'tsho bar ni ngas bshad do/ /gal te nyin zhag bcu bdun du/ /g.yas kyi lam nas rlung rgyu na/ /de nas de yi 
tshe tshad ni/ /zla ba dgu dang nyin zhag ni/ /bcwa brgyad dag las mi 'tsho bar/ /gdon mi za bar bshad pa yin/ /nyin zhag bcwa brgyad rgyu na ni/ /zla ba dag ni brgyad dang ni/ /nyin zhag nyi ma'i grangs su ni/ /de yi dus ni bshad pa yin/ /gal te nyin zhag bcu dgu ru/ /
dri yi bzhon pa rgyu ba dag /ji srid 'tsho ba bshad par bya/ /zla ba dag ni bdun dang ni/ /nyin zhag dus kyi grangs las ni/ /'tsho bar mi 'gyur gdon mi za/ /gal te nyin zhag nyi shur ni/ /rgyu ba zla ba drug na ni/ /de yi srog ni 'gro bar 'gyur/ /gal te nyi+in zhag nyi shu 
gcig /nyi ma'i lam nas rlung rgyu ba/ /zla ba lnga dang nyi ma ni/ /nyi ma'i grangs las mi 'tsho'o/ /nyin zhag nyi shu gnyis rgyu na/ /zla ba rig byed grangs dang ni/ /nyin zhag nyi shu rtsa bzhi las/ /mi 'tsho bar ni yang dag brjod/ /gal te nyin zhag nyi shu gsum/ /sgo gcig 
nas ni rlung rgyu na/ /zla ba bzhi dang nyi ma ni/ /dus kyi grangs las mi 'tsho brjod/ /nyi shu rtsa bzhir rgyu ba dang / /zla ba gsum dang nyi ma ni/ /bcu gcig dag las mi 'tsho'o/ /nyin zhag nyi shu lnga rgyu na/ /zla ba gsum las mi 'tsho'o/ /de las gong ma sngar bstan pa'i/ /
grangs las mdor bsdus shes par bya/ /bcu dang gnyis kyi rtsis las ni/ /bar bar gyi ni bstan pa yin/ /cha dang cha yis rim bzhin du/ /bar bar nyi ma gsal bar byas/ /blo dman rnams kyis rtogs bya'i phyir/ /dus de dag ni bshad pa yin/ /rnal 'byor 
pa rnams la ni dus/ /shin tu phra ba ngas bshad pa/ /khams rnams snyoms pa'i lus las ni/ /de dag blta zhing yid ches bya/ /sgo ni steng du ltas 'bab pa/ /sna yi bar sha chad gyur na/ /nyin zhag bdun gyis the tshom med/ /cha shas dgu ni yang dag gnas/ /

</font><hr>78-1-58a<br><font size=+1>

de bzhin sgo ni steng bltas las/ /mig gi chu ni chad gyur/ /nyi ma lnga na 'chi bar 'gyur/ /cha shas bcu ni shes bya ba/ /steng du ltas te 'gro ba las/ /rna ba g.yon dang 'gram pa yi/ /ngos kyi mtshan ma dag las ni/ /nyin zhag gcig las mi 
'tsho'o/ /cha shas bcu gcig gnas pa yi/ /gsal bar steng du 'gro ba las/ /rna ba g.yas par brten pa yis/ /nyin zhag bcwa brgyad dag na 'chad/ /cha shas bcu gnyis de bzhin gnas/ /lce yi skud pa nag mthong na/ /lus can dus kyi nyin zhag 'chi/ /cha 
shas bcu gsum brten pa yi/ /de bzhin steng du 'bar ba yi/ /steng 'og so ni 'thams gyur na/ /'byung bdag ni ma lus 'dren/ /srog ni dus grangs nyi mas 'gro/ /dbyangs yig bcu bzhi brten pa ni/ /mgrin pa'i blo na gnas pa'i rtsa/ /steng du bltas pa zhes 
grags kyis/ /nyin zhag lnga las mi 'tsho'o/ /cha shas bco lnga gnas pa yi/ /steng du bltas pa'i mchog de la/ /brang gi dra ba zhom gyur na/ /zla phyed na ni gdon mi za/ /cha shas bcu drug rdzogs pa'i bdag /lte ba'i dbus gyur steng bltas pa/ /sen mo'i khrag 
ni med gyur na/ /nyin zhag bcu na yang dag nyal/ /slar yang cha shas bcu bdun ni/ /gnas pa'i brla yi mtshan ma las/ /nyin zhag nyi shu rtsa bzhi na/ /'chi 'gyur 'dir ni gdon mi za/ /cha shas bcwa brgyad gnas pa yi/ /byin pa la ni gnas pa'i rtsa/ /de bzhin 
steng du bltas pa yis/ /nyin zhag nyi ma'i grangs kyis 'chi/ /bcu dgu yi ni cha shas gnas/ /chu so de bzhin steng bltas pas/ /de dang mnyam pa'i nyin zhag gis/ /'chi 'gyur 'dir ni the tshom med/ /cha shas nyi shu gnas pa yi/ /pho mtshan la ni gnas pa'i rtsa/ /
steng du bltas pa'i mchog dbang phyug /mtshan mas nyin zhag dus kyi ni/ /grangs kyis 'chi 'gyur the tshom med/ /re'u mig bcu gnyis rtsis pa la/ /bar bar nyi ma bstan pa dag /lo yi rim gyis de sbyangs te/ /bdun cu rtsa gnyis rim pa dang / /sum cu rtsa drug 

</font><hr>78-1-58b<br><font size=+1>

bcwa brgyad kyis/ /zla ba la sogs go rims bzhin/ /rim gyis rim gyis dbri bar bya/ /lhag mar gang zhig gyur pa ni/ /bsdus te 'tsho ba'i dus su ni/ /lha mo chen mo shes bya zhes/ /mkha' 'gro kun dang mnyam sbyor ba'i/ /rdo rje mkha' 'gro bde ba'i mchog /rdo rje 
sems dpa' de bzhin gshegs/ /bcom ldan rdo rje can gyis gsungs/ /rgyud kyi rgyal po chen po dpal rdo rje mkha' 'gro las rtsa dang mnyam par sbyor ba'i dbugs 'byung ba zhes bya ba'i rim par phye ba ste nyi shu ba'o// //sgo dgu po yi mtshan nyid dang / /rtsa 
ni gang bar gnas pa yi/ /yon tan skyon sogs ji ltar blta/ /de rnams bye brag mi 'tshal te/ /ye shes dbang la nyan par 'tshal/ /bde ba chen pos bshad du gsol/ /gong du 'pho ba'i sbyor mtshan nyid/ /bshad kyis lha mo mnyan par gyis/ /sngon du bdag nyid sbyang 
byas la/ /phyi nas las ni brtsam par bya/ /gzugs med gnas pa mdog sngo ba'i/ /pad chen zla ba lta bu 'dzag /slar yang gzugs su gnas pa ste/ /rnam pa kun gyis brgyan pa'o/ /cha shas bzhi dang yang dag ldan/ /kha ni thur du bltas te 'phyang / /go 'phang 
gnas pa'i gnas nas ni/ /kun da zla 'dra rtag tu dag /rnam shes ye shes bdud rtsi ni/ /lha mo chen mo 'bab pa'i mchog /rten du gyur ba'i pad+ma gang / /zla ba'i 'od kyis rnam par brgyan/ /de ni cha dang cha yi gzugs/ /gong bu gnas ba zhes byar brjod/ /de nas 
gzhan yang bshad bya ba/ /gnas kyi mtha' ni dag par bya/ /dag nas srid pa 'pho bya yi/ /gzhan du na ni don med 'gyur/ /dgang ba yis ni lus bkang na/ /dug dang rims kyi tsha ba 'phrog /bum pa can gyis sgo bcings na/ /sgo yi sbu gu dag par 'gyur/ /'thor bas 
sna tshogs rdul du bya/ /rab tu zhi bas zhi bar 'gyur/ /rnam shes dbrog pa'i cho ga dang / /gzhan du 'gro ba'ang bshad par bya/ /de nas phyi rol sbyor ba ni/ /mkhas pa yis ni sbyang bar bya/ /gnas gnyis dag ni bsams nas su/ /rlung gi dkyil 'khor bsgom 

</font><hr>78-1-59a<br><font size=+1>

par bya/ /rlung gi dbus su me yis ni/ /yang dang yang du dbye bar bya//A li kA lir ldan pa yi/ /sa bon der ni sbyar bar bya/ /rnal 'byor ba yis khyad par du/ /'byung dang 'jug pas bzlas par bya/ /'byung ba ye shes sa bon gyis/ /bsnun dang ldan 
par bsam par bya/ /'jug pa snying gi rnam shes la/ /me tog lta bur bsnun par bya/ /rnal 'byor pas ni 'byung bzlas te/ /bdag nyid las ni phyi rol bya/ /'jug pa 'byung bar mtshon bya ste/ /de kho na nyid mnyam par bsgom/ /mnyam bzhag dngos po bsgoms 
na ni/ /'grub 'gyur 'dir ni the tshom med/ /de nas phyi rol lus la ni/ /sgrub pa po yis rnam par sprul/ /nyi ma'i lam nas ngang phyung ste/ /lha mo cha shas ldan par bya/ /bsgrub bya'i snying gar zhugs nas ni/ /rlung dang me yis 'bar ba dag /de yi rnam shes 
bzung nas ni/ /lus kyi dkyil 'khor du ni 'jug /bsgrub bya'i rnam shes bsdus nas su/ /'og gi 'khor lo sbyar bar bya/ /ji srid zad par byas bar du/ /de srid lkugs te gnas par 'gyur/ /'chi ba'i dus la bab gyur na/ /'chi ba'i mtshan ma ston pa 
dang / /rims la sogs pas ma phog par/ /gong du 'pho ba mchog yin no/ /de nas gzhan lus la 'jug pa/ /mdor bsdus nas ni bshad par bya/ /seng ge rnam rol phyag rgya yis/ /rnal 'byor ba yis bcings nas su/ /rtag tu srog dang rtsol ba 
bya//khyod kyi gnas su sbyar nas ni/ /rang gi lus ni yongs btang ste/ /rim gyis sbyor bas phye nas su/ /cho ga 'di ltar byas pa yis/ /sngags pa gzhan gyi lus la 'jug /sbyor ba'i rim pa de nyid kyis/ /rang gi lus la sbyar bar 'dod/ /'gro dang 
'ong ba'i bye brag gis/ /mnyam par bzhag ste gang byed pa/ /dpa' bo'i dbang phyug thams cad dang / /mkha' 'gro ma dang sbyor bas mchod/ /gang gi ring nas thos gyur ba/ /de ni yang dag bshad kyis nyon/ /de bzhin mkhas pas gzhan sems kyi/ /bsam pa 

</font><hr>78-1-59b<br><font size=+1>

rjes su shes par bya/ /sgom dang bzlas pa'i khyad par gyi/ /sbyor ba'i dam pa skye bar 'gyur/ /gang gi lam nas bsams na ni/ /'grub 'gyur 'dir ni the tshom med/ /'khor lo gang zhig sngar bstan par/ /zhugs te nyan pa gnyis su ni/ /'jig rten gsum dang 
'dres nas ni/ /me stag bzhin du rnam par 'khor/ /rlung gis bskyod pa'i me yis ni/ /shes rab ldan pas zhugs bsams na/ /zla drug tsam gyis nges par ni/ /ring na gnas pa thos par 'gyur/ /bsgom pa'i sbyor ba 'di yis ni/ /ye shes mig gis mthong 'gyur 
ba/ /shin tu ring na gnas pa yang / /sgrub pos skad cig gsal bar mthong / /bstan dang ma bstan gang ci'ang rung / /de kun nga yis yang dag bshad/ /nyon cig lha mo sgyu ma che/ /dge ba'i sgo nas 'gro ba dang / /gang gi lam nas 'gro ba yis/ /thar pa'i dngos 
grub rab ster ba/ /mchog dang tha ma'i bye brag rnams/ /mdor bsdus nas ni bshad par bya/ /lte ba las ni 'dod khams lha/ /thig le gzugs can mtho ris te/ /steng nas 'gro bar steng gi ni/ /myur du 'gro bar byed par 'gyur/ /sna nas gnod sbyin gnas su ste/ /
rna bdag ni grub pa'i lha/ /gal te mig las ye shes 'gro/ /mi rnams kyi ni bdag por 'gyur/ /srid pa'i sgo las yi dgas te/ /de bzhin chu las dud 'gro'o/ /chu min gyis ni dmyal bar ltung / /thar ba'i lam las gzhan du 'gro/ /sngon du bum pa brtsams pa 
yis/ /sgo rnams thams cad bcing bar bya/ /rgyal ba lnga yi mchod rten gyi/ /sgo yi bu gar bsgom par bya/ /de la 'og gi sgo ru ni/ /chu yis bon dkar po bsam/ /chu dang chu min sgo la ni/ /me yis bon 'bar ba ste/ /de la shin tu mnyam gzhag pas/ /dbugs 
ni bum pa can du bsgom/ /lus ni rlung gi mdog tu ste/ /rlung gi dkyil 'khor bsgom par bya/ /rlung gi mtha' ni rtsa ba can/ /rlung gi sa bon rtsa bar te/ /thig le sgra dang ldan pa yi/ /rtsa ba'i sa bon drang bar bya/ /'og tu rlung gi dkyil 'khor gyis/ /sgra dang sgra yis 

</font><hr>78-1-60a<br><font size=+1>

'phul bar byed/ /dus la bab na 'pho bya ste/ /dus min lha rnams gsod par 'gyur/ /lha rnams bsad pa tsam gyis ni/ /dmyal bar nges par sreg par 'gyur/ /de bas 'chi ba'i mtshan ma ni/ /mkhas pas 'bad de shes par bya/ /rnal 
'byorapa yis sngar bstan pa'i/ /sngo chen bde ba phun sum tshogs/ /sgrub po rnams kyis smin pa la/ /steng gi rtsa ba bza' bar bya/ /chu dang skya rengs ldan pa dag /g.yon pa'i bdud rtsir sbyar byas la/ /zos na zhi dang rgyas pa ste/ /dug dang rims kyi tsha ba 'phrog /
cho ga'i sbyor ba 'di yis ni/ /rnyings dang smin pa 'joms par byed/ /lha mo slar yang bzlog pa yis/ /nam mkha' 'gro ba brjod par bya/ /rlung dang me yi bye brag gis/ /rkang pa'i 'khor lo sbyar byas te/ /yid kyis rab tu zhir sbyar nas/ /nam mkha' la 
ni 'gro 'gyur zhing / /mkha' 'gro kun gyis bskor nas su/ /lha yi lus kyis kun tu rtse/ /ji srid zla nyi yod kyi bar/ /de srid nam mkhar gnas par 'gyur/ /slar yang lugs las zlog pa yis/ /kha dog dkar po'i pad+ma bsam/ /bsgrub bya'i dbus su sbyar 
ba ni/ /rtag tu ngag gi dngos grub byed/ /rang gi lus dbus bsgom bya ba/ /rlung gi dkyil 'khor 'khrug pa ltar/ /rang gi kha nas byung nas su/ /bsgrub bya'i kha ru thim par bya/ /nyi ma bdun gyis dngos grub tu/ /'gyur te gzhan du yang ma yin/ /rlung gi 
lam nas bsgrub bya yi/ /lus la thim par gyur pa dang / /de yi sems ni bzung nas su/ /bdag la gzhug ste me la ni/ /bsams te rlung dang me sbar bas/ /de yi lus ni 'khrug par 'gyur/ /tshigs dgu las ni steng gzhan gyis/ /mod la 'pho bar shes bya 
ste/ /nyin re bram ze gsod pa dang / /mtshams med lnga ni byed pa dang / /rku 'phrog 'dod la spyod pa yang / /lam 'di yis ni dag 'gyur te/ /sdig pas gos par mi 'gyur zhing / /srid pa'i skyon las ring du 'gro/ /ji ltar 'dam las skyes pa yi/ /pad+ma dri 

</font><hr>78-1-60b<br><font size=+1>

med yid 'ong ba/ /de bzhin lus kyi 'dam las ni/ /ye shes sku ni 'dod bzhin 'gro/ /mkha' 'gro kun dang mnyam sbyor ba'i/ /rdo rje mkha' 'gro bde ba'i mchog /rdo rje sems dpa' de bzhin gshegs/ /bcom ldan rdo rje can gyis gsungs/ /rgyud kyi 
rgyal po chen po dpal rdo rje mkha' 'gro las gong du 'pho ba'i bsam gtan dang / /seng ge rnam par rol ba'i phyag rgya'i sbyor ba 'byung ba'i rim par phye ba ste nyi shu rtsa gcig pa'o// //ngag gi phyag rgya'i mtshan nyid ni/ /de nas yang dag bshad par bya/ /g.yas 
kyi cha ru rnal 'byor pa/ /g.yon du rnal 'byor ma nyid de/ /sor mo khar ni 'jug byed pa/ /mkha' 'gro ma yi mtshan ma'o/ /g+ho g+hu/ thal mo spyi bor 'jog byed pa/ /'bar byed ma yi mtshan ma'o/ /gu g+h+ru/ mthe bo 'tshir bar byed pa ni/ /'jib byed ma yi mtshan ma 'o/ /
mu g+hu/ lag pa rna bar rdebs pa ni/ /blo ldan 'phrog byed rtags yin no/ /lu g+hu/ sna rtser skyor mo rdebs pa ni/ /thugs bde mi bde 'dri ba yin/ /rda~MSh+Tu/ sha ba'i mgo ltar ston byed pa/ /rnal 'byor byed pa'i mtshan ma'o/ /gan d+ho de/ gang zhig smin ma'i dbus 
reg pa/ /nga yi snying sdug grogs po'o/ /a li ni da ha/ so yis lce ni 'tshir byed pa/ /'dus nang gtor ma bza' zhes pa'o/ /b+ha k+She yo/ lag pa rtsa la 'ju byed pa/ /khyod kyi khyim du ngas phyin pa'o/ /dwi ra ti/ lag pa snying gar nyed byed na/ /da ni nga'i yid 'ong ba'o/ /ru 
tsa pa ta ba ta/ sna rtser khu tshur 'chang ba ni/ /med do zhes ni ston pa'o/ /shu n+ya tA/ /lag pa brkyang ste ltor rdebs na/ /phun sum ldan par yod zhes pa'o/ /kri kas ha/ lte ba ru ni nyed byed na/ /kha zas za bar 'dod ba'o/ /tsan+DA li ka /mdzub mo mdun du ston byed na/ /zhe 
gnag gtum la drag pa'o/ /nI la dan ta ba ta/ smin ma la ni reg byed na/ /'dir 'dod pa ni da lta ston/ /a na~M ga u ta/ lce ni 'dril bar byed pa dang / /da lta 'chi zhes bya ba'o/ /dur gti/ /kun tu lta bar byed pa ni/ /tshes grangs shes par 'dod pa'o/ /ta ra ga na/ tshes 

</font><hr>78-1-61a<br><font size=+1>

gcig nas ni brtsams nas su/ /mthe bos ri mo bri bar bya/ nyi tshod yi ge la sogs pa/ /sngar bstan bzhin du mdun du reg /gi ri/ steng du lta bar byed pa ni/ /nyin phyed dga' bas rol pa'o/ /sa ma tsha ya/ 'dzum dang bcas par lta byed cing / /lag pas 
lag pa bzung nas su/ /rgya mtsho lta bur ston byed pa/ /nor zas byin zhes bya ba'o/ /dzir na pa ta/ /lag gnyis khu tshur 'chang byed na/ /da ltar 'grogs la 'dong zhes pa'o/ /sa la ba ta/ /mthe bong yis ni srin lag la/ /reg pa 'chi bar mi 'gyur ba'o/ /so ma/ mthe bong 
khro bo bza' la sogs/ /sur+ya/ /mkha' 'gro kun dang mnyam sbyor ba'i/ /rdo rje mkha' 'gro bde ba'i mchog /rdo rje sems dpa' de bzhin gshegs/ /bcom ldan rdo rje can gyis gsungs/ /rgyud kyi rgyal po chen po dpal rdo rje mkha' 'gro las rnal 'byor pa dang rnal 
'byor ma rnams kyi dag gi phyag rgya'i brda yis rol pa'i cho ga'i rim par phye ba ste nyi shu rtsa gnyis pa'o// //lha mos slar yang gar mdzad de/ /glu 'di yis ni mnyes par byas/ /e ba~M si ta a ru ni na b+ha/ dza ni te ma d+h+ya ma ga ma A ga ma d+ha ma pA si ni 
sA sA sA/ /ni ga ma sA sA sA/ /ri ga mo b+hu pa ti/ sa ri ri sa ri rI sA sA sA/ /ma d+h+ya ma/ a d+ha ma sA sA sA/ shru ta ni sa sA sA sA/ sa ni sa ri tag+ha ma g+ha ma/ a d+ha ma d+ha ma sA sA sA/ ba ba ma ya ba ba d+ha na mo zhes bya'o/ /shar du me'o/ /gshin rjer ni bre'o/ /nub tu ni 
mi'o/ /byang du ni ku'o/ /me mtshams su ni d+ha si'o/ /bden bral du ni ma ka'o/ /rlung mtshams su ni tu ku'o/ /dbang ldan du ni bi mo'o/ /a ni sgur po'o/ /i ni zla ba la skyes pa'o/ /u ni lha'i bla ma'i 'o/ /e ni pa ba sangs kyi'o/ /o ni nyi ma'i bu'i'i 'o/ /
a~M ni gza'i bdag po ri bong can no/ /a ni nyi ma'o/ /gza' rnams kyi ni cho ga las/ /zla ba nyi ma'i brjod par bya/ /zla ba ka rka Ta la dbang/ /nyi ma gdong lnga pa la ste/ /gza' rnams lhag ma ji snyed pa/ /rA si gnyis gnyis la ni spyod/ /sgang gshong 'khor lo khyod 

</font><hr>78-1-61b<br><font size=+1>

kyis bshad/ /skar ma dus dang nyi ma yi/ /bye brag dag ni mi 'tshal te/ /bde ba chen pos bshad du gsol/ /bka' stsal pa/ lug dang ro hi ta sogs pa/ /gang gi 'chi ba bshad kyis nyon/ /mdor bsdus nas ni brjod par bya/ /zla ba dang ni tshes grangs dang / /
skar ma yi ni dus dang ldan/ /gdon dang nad ni de bzhin te/ /sgang gshong rA si tshad ma ni/ /gang zhig las ni skyes pa'i brjod/ /b+ha dra yi ni nyi ma la/ /dgun zla ra ba'i zla ba yi/ /gza' ni mig dmar dag dang ni/ /rgyu skar smin drug ldan gyur pa/ /de ni de yi 'chi 
dus yin/ /sus kyang bskyab par mi nus so/ /khyu mchog gi ni nyi ma la/ /lus kyi mtshan ma la sogs dang / /smyo zhing 'gul ba'i nad kyis ni/ /'chi bar 'gyur ba bshad par bya/ /de bzhin dgun zla 'bring po yi/ /gza' lag dang ni snar mar ldan/ /nyi ma bzhi pa 
de la ni/ /dgongs mo 'chi 'gyur the tshom med/ /dgun zla tha chungs lha mo che/ /skar ma mgo dang ldan pa dang / /gza' ni gza' lag bcas pa la/ /'khrig pa'i mi ni gang yin pa/ /nyi ma drug la 'chi bar 'gyur/ /dpyid zla ra ba'i tshes brgyad la/ /skar ma mgo 
dang ldan pa dang / /gza' ni pa ba sangs 'dzom zhing / /nyi ma snga dro'i dus la ni/ /karka Ta ni 'chi bar 'gyur/ /dpyid zla 'bring po'i gnyis lnga la/ /skar ma mchu dang ldan pa dang / /gza' ni spen par ldan pa la/ /seng ge'i mi ni 'chi bar 'gyur/ /dpyid zla tha chungs 
bcu gnyis la/ /skar ma nag par ldan pa dang / /gza' ni nyi ma dag la ni/ /skran dang gzer ba'i nad kyis ni/ /bu mo'i mi ni 'chi bar 'gyur/ /dbyar zla ra ba'i bcu bzhi la/ /skar ma lha mtshams ldan pa dang / /gza' ni mig dmar dag la ni/ /srang gi mi ni 'chi 
bar 'gyur/ /dbyar zla 'bring po'i bcu gcig la/ /nag pa dang ni mig dmar la/ /sdig pa'i mi ni 'chi bar 'gyur/ /dbyar zla tha chungs tshes dgu la/ /skar ma gro zhun ldan pa dang / /gzhu yi mi ni 'chi bar 'gyur/ /de dag nges par ldan gyur na/ /'chi 'gyur 

</font><hr>78-1-62a<br><font size=+1>

bden par nga yis bshad/ /ston zla ra ba'i bdun pa la/ /skar ma rgyal dang ldan pa dang / /gza' ni zla bar bcas pa la/ /chu srin mi ni 'chi bar 'gyur/ /ston zla 'bring po'i bcu gsum la/ /skar ma tha skar ldan pa dang / /gza' ni zla bar bcas pa 
la/ /bum pa'i mi ni zad par 'gro/ /ston zla tha chungs sgyu ma che/ /nyi ma dag ni brgyad pa la/ /skar ma nam grur ldan pa dang / /gza' ni spen par bcas pa la/ /nya yi mi ni 'chi bar 'gyur/ /sngon du skye dus shes bya ste/ /phyi nas dus ni brtsi bar bya/ /gzhan du 
dus ni smra ba dag /thams cad don med nyid du 'gyur/ /skye dus shin tu mnyam bzhag ste/ /zhi dang drag po dpyad par bya/ /tshe dang 'chi dus la sogs pa/ /de nas de ltar lung bstan zhes/ /mkha' 'gro kun dang mnyam sbyor ba'i/ /rdo rje mkha' 'gro bde ba'i 
mchog /rdo rje sems dpa' de bzhin gshegs/ /bcom ldan rdo rje can gyis gsungs/ /rgyud kyi rgyal po chen po dpal rdo rje mkha' 'gro las gza' dang nyi ma'i nges par 'chi ba tshar gcad pa'i dbang du byas pa'i rim par phye ba ste nyi shu rtsa gsum pa'o// //ltas kyi mtshan nyid dge ba ni/ /rab tu bshad kyis lha mo nyon/ /A li kA li mnyam byas la/ /sde tshan du ni bsdeb par bya/ /dbyangs dang gsal byed dang po sogs/ /bltas te ming ni gzung bar bya/ /cha shas ldan la snying stobs can/ /de yi rigs ni shes par 
bya/ /mtha' yas la sogs klu rnams dang / /nyi ma la sogs de bzhin gza'/ /mkha' 'gro ma sogs ma mo rnams/ /de yi rigs su rab tu grags/ /lha rnams thams cad nyid dang ni/ /sngags rnams thams cad de las skyes/ /skye bo thams cad skyed 
byed ma/ /des nam zhes bya bar brjod/ /a yig dang ni de bzhin A/ /ka tsa Ta dang yang dag ldan/ /ta pa dang ni ya sha ste/ /sde dgu yi ni yi ge'o/ /i dang slar yang lha mo I/ /de bzhin gzhan yang kha tsha Tha/ /tha pha dang ni ra Sha nyid/ /sde tshan gnyis pa 

</font><hr>78-1-62b<br><font size=+1>

yin par brjod/ /u dang lha mo de bzhin U/ /ga dza Da dang yang dag ldan/ /da ba dang ni la sa ste/ /de dag sde tshan gsum pa yin/ /yi ge e dang de bzhin ai/ /de bzhin slar yang g+ha dz+ha D+ha/ /d+ha b+ha wa ha slar de bzhin/ /'di dag sde tshan bzhi pa yin/ /o yig 
dang ni au yig dang / /aM zhes bya dang tsheg drag bcas/ /slar yang nga nya Na na ma/ /'di dgu sde tshan lnga pa yin/ /kun tu bzhi bcu rtsa bzhi dang / /lhag ma lnga dang bcas par bya/ /de dag skye bo thams cad kyi//skye dang 'jig par yang dag gnas/ /yi ge bcu 
gnyis sgyu 'phrul che/ /'tsho dang dus kyi rang bzhin brjod/ /de dag rA si zhes bya ba/ /skar ma kun dang yang dag ldan/ /zla ba nyi ma'i bye brag gis/ /de bzhin 'og dang steng du lta/ /brtan pa nyid dang g.yo ba nyid/ /gnyis po gnyis su brjod pa yin/ /rkyang pa dang ni 
sbyar ba ste/ /ring dang thung dang pham dang rgyal/ /de las steng gi rgyal ba ste/ /'og ni 'chi bar shes par bya/ /nyi ma'i rgyu bar 'gro ba yi/ /gza' dang rA si skar ma rnams/ /nyi ma la ni gnas de 'char/ /rA si gza' dang gsum par 'dod/ /dbugs rgyu ba 
dang yang dag ldan/ /thams cad rA sir shes par bya/ /karka Ta dang glang po'i dgra/ /de bzhin gzhon nu ma dang srang / /cha shas drug dang yang dag ldan/ /gza' yis bskul nas 'char bar 'gyur/ /sdig pa dang ni chu skyes dang / /khyu mchog dang ni bum par 
bcas/ /cha shas lnga yi tshad dang ldan/ /gza' yis bskul nas 'char bar 'gyur/ /nya dang lug dang de bzhin du/ /gzhu dang zung du sprod pa dag /cha shas bzhi dang yang dag ldan/ /snga ma bzhin du 'char bar 'gyur/ /slar yang ltas dang bcas pa yi/ /
gza' rnams 'char bar bshad par bya/ /'bras bu'i mig dang ldan par bya/ /ltas chen 'byung ba mnyan par gyis/ /nag mo dang / gtsigs ma dang / 'jigs su rung ma dang / rga las 'das ma dang / log 'dren ma dang / gtum mo dang / drag mo'i gzugs can ma 

</font><hr>78-1-63a<br><font size=+1>

dang / dka' zlog lha mo dang / rgyal ma dang / rnam par rgyal ma dang / mi thub ma dang / gzhan gyis mi thub ma dang / nag mo bzang mo dang / nag mo chen mo dang / nag mo sbom mo dang / dbang mo dang / zla ba mo dang / drag mo dang / sdang ma dang / 'phyang 
ba ma dang / sum cu'i dbang mo dang / 'phrog byed ma dang / 'bar ma dang / 'jib byed ma dang / lha mo 'di rnams ming dang ni/ /ltas chen nyi shu rtsa bzhi yi/ /ming ni mtshungs pas 'bras bu ster/ /nyis 'gyur du ni byas nas su/ /dbang po'i cha dang yang dag ldan/ /
ltas ni lhag ma bzung nas su/ /ltas ni shes pa nyid du bya/ /nag mo dang ni 'jigs rung dang / /drag mo'i gzugs dang dka' zlog nyid/ /nag sbom ma dang rgyal ma dang / /drag mo sum cu'i dbang mo dang / /'phrog byed ma dang 'jib byed ma/ /bcu po 'di dag 
rtsub por grags/ /bag ma len dang bkra shis dang / /grong dang tshong 'dus gzugs pa dang / /lam du dpag dang thab mo dang / /chen po'i sar ni dbyung ba sogs/ /ltas de las ni 'bras med pas/ /dge ba'i las rnams mi bya ste/ /rigs de rnams la sgyu ma che/ /
bzang po'i las ni spang bar bya/ /dge bas kyang ni gsod 'gyur na/ /drag po'i las kyis smos ci dgos/ /lus la gnas pa'i dbugs dang ni/ /phyi rol gza' dang rA si ste/ /phyi dang nang du bcas pa yi/ /rgyu ba shes na 'grub par 'gyur/ /gza' gang yin 
pa dbyangs zhes bya/ /dbyangs gang yin pa de nyid kyang / /rA si nyid du shes par bya/ /dbyangs dang rA si de bzhin du/ /skar ma'ang dbyangs kyi gzugs su blta/ /phan tshun sbyor ba ma gtogs par/ /'bras bu 'grub par mi 'gyur ro/ /g.yo ba 'char la g.yo 
ba'i las/ /brtan pa la ni mi g.yor 'gyur/ /'dren ma yis ni 'dren ma ste/ /phyi dang nang du bcas pas gsal/ /mkha' 'gro kun dang mnyam sbyor ba'i/ /rdo rje mkha' 'gro bde ba'i mchog /rdo rje sems dpa' de bzhin gshegs/ /bcom ldan rdo rje can 

</font><hr>78-1-63b<br><font size=+1>

gyis gsungs/ /rgyud kyi rgyal po chen po dpal rdo rje mkha' 'gro las gza' rnams kyi rgyu ba dang sde tshan gyi ltas kyi cho ga'i rim par phye ba ste nyi shu rtsa bzhi pa'o// //da ni gza' dang skar ma ru/ /bcas pa'i rgyu ba bshad kyis nyon/ /nyi ma rgyu ba'i nyin mo ni/ /
thun phyed lnga dang bdun pa la/ /bya ba ci yang mi 'grub bo/ //zla ba yi ni bzhi dang drug /mig dmar gyi ni gsum dang lnga/ /gza' lag gnyis dang bzhi pa la/ /gdon mi za bar 'joms par 'gyur/ /bla mas dang po gsum pa la/ /'chi ba nyid du 'gyur ba yin/ /
ngan spong gi ni gnyis pa dang / /bdun pa la ni shes par bya/ /dal ba yi ni dang po dang / /drug pa la ni 'chi bar byed/ /rigs 'char ba ni de dag gi/ /dus ni yongs su chad par bstan/ /de dag thun mong mtshan nyid de/ /rnal 'byor pa yis gzhan bshad nyon/ /lnga 
nas nyi shu lnga yi bar 'di dag ni brjod bya ste/ /de las bcu gsum gsum gyi bar du re re spel bar bya/ /dgun zla tha chung sa nyi ma la mtshungs gsum mig zla ba drug /gsum zung zla ste zla lhag tshes phyogs mda' yon tan/ /thig le de dag gi ni 'tsho ba yang dag bshad pa 
yin/ /lnga las bcu yi bar dang de bzhin bcu nas ni/ /bcwa lnga'i bar te de nas nyi shu'i bar dang ni/ /de nas nyi shu lnga yi bar du sbyang bar bya/ /de nas sgrub pos shes bya ba/ /gnas skabs 'gyur ba bshad par bya/ /zla ba gang la gnas pa yi/ /dang po skar ma bgrang 
bar bya/ /nyi ma yi ni chu tshod dag /ji snyed 'das pa de snyed ni/ /zla ba'i gnas skabs rgyu ba'i phyir/ /de ni drug cur bsgyur bar bya/ /slar yang nyi tshod zla ba bsnan/ /drug cu ru ni bsgyur byas la/ /mda' dang sreg byed ro yi ni/ /dbang por bcas pas de bzhin bcad/ /
bcu gnyis dag gi nang nas ni/ /lhag ma'i cha shas gzung bar bya/ /lhag ma'i cha shas de yis ni/ /skyid sdug gnas skabs myong bar 'gyur/ /nyin dang mtshan gyi sbyor ba yis/ /lhag ma'i chu tshod du ni brjod/ /dang po'i zla bar rab gnas pa/ /de yi bya ba nyams par 'gyur/ /

</font><hr>78-1-64a<br><font size=+1>

gnyis pa bkra shis shis pa ste/ /gsum pa 'chi ste gsod par 'gyur/ /bzhi pa dgod de tshim par 'gyur/ /lnga pa nor te rnyed par 'gyur/ /drug pa rims te lus 'jig 'gyur/ /bdun pa la ni dga' ba ste/ /tshim pa nyid ni 'thob par 'gyur/ /brgyad 
pa 'jig rten brlag par 'gyur/ /zla ba dgu par gnas pa yis/ /lus ni dgra dang bcas par 'gyur/ /bcu pa dga' mgur rtse 'gyur zhing / /sna tshogs pas ni rgyal bar 'gyur/ /bcu gcig sna tshogs 'jigs pas gdung / /bcu gnyis pa ni longs spyod de/ /
bde ba chen pos rgyal bar 'gyur/ /lug la sogs pa bstan pa yis/ /zla ba rim pa bzhin du rgyu/ /mkha' 'gro kun dang mnyam sbyor ba'i/ /rdo rje mkha' 'gro bde ba'i mchog /rdo rje sems dpa' de bzhin gshegs/ /bcom ldan rdo rje can gyis gsungs/ /rgyud kyi 
rgyal po chen po dpal rdo rje mkha' 'gro las thams cad rgyu ba'i rim par phye ba ste nyi shu rtsa lnga pa'o// //de nas bcom ldan 'das la lha mos mchod cing phyag byas nas 'di skad ces gsol to/ /sgang gshong 'khor lo khyod bshad pa/ /de rnams dbye 
ba ci 'dra dang / /dus kyi grangs ni ji bzhin gsungs/ /rgyu ba yi ni khyad par dag /'di la bdag ni the tshom skyes/ /bde ba chen pos bshad du gsol/ /sgyu ma kun gyis rnam rol pa/ /nyon cig lha mo sgyu ma che/ /dus kyi bgrang ba lus med cing / /thams cad du ni 
thams cad gnas/ /dngos po kun la khyab pa ste/ /lus la gnas kyang lus mi skye/ /dus nyid dus ni med pa dang / /'jig rten nyid ni 'jig rten min/ /bden pa dang ni brdzun pa min/ /lha khyod kyis ni sngar bshad pa'i/ /bsam gyis mi khyab dus mtshan nyid/ /gang 
zhig khyod kyis bshad pa ste/ /don dam shin tu rnyed dka' ba/ /lus las 'das shing dri med pa/ /rnal 'byor pa yis ji ltar rtogs/ /skye bo kun la sman slad du/ /dbugs kyi nges pa bshad du gsol/ /bcom ldan 'das kyis bka' stsal pa/ /nad med rlung 

</font><hr>78-1-64b<br><font size=+1>

dang bral ba dang / /khams ni snyoms par gnas pa dang / /ran par za zhing tshul bzhin rgyu/ /de yi mig 'dzums gzung bar bya/ /mig 'dzum mig ni btsums pa ste/ /mig 'dzums drug la cha shas ni/ /gcig ces bya bar brjod pa yin/ /yud tsam drug ni skad 
cig ste/ /skad cig drug ni thang cig yin/ /thang cig drug ni chung zad yin/ /dus kyi go rims bya ba 'dis/ /sum cu tham par bsgyur ba la/ /yi ge lci ba'i dus zhes brjod/ /yi ge lci ba bcu la ni/ /srog gcig ces bya'i dus su bshad/ /de ni bcu gsum bsgyur 
ba las/ /de yang gnyis su bsgyur ba ni/ /srang gcig zhes ni brjod pa yin/ /srang ni drug cu tham pa la/ /chu tshod gcig tu bzhed pa yin/ /de brgyad thun gcig zhes bya'o/ /de bzhi la ni nyin gcig go/ /nyin mtshan dus ni mnyam pa la/ /mtshan mo'ang de 
dang mnyam par bshad/ /chu srin nas ni sbal pa'i bar/ /nyi ma 'phel bar brjod pa ste/ /lha mo srang ni gsum gsum gyis/ /nyin re zhing ni spel bar bya/ /chu srin las ni 'das nas su/ /mtshan mo srang ni gsum gsum 'bri/ /tshad ma de dag bstan pa'i 
phyir/ /zangs ma srang ni bcu gnyis la/ /snod ni dpangs su sor brgyad dang / /rgyar ni sor mo bcu gnyis pa/ /legs pa nyid du brdung bar bya/ /gser ni 'ol se sum cu las/ /sor drug pa yi tshad tsam du/ /thur ma legs par brdungs nas ni/ /thur ma de yis bu 
ga ni/ /zangs ma'i snod la mkhas pas dbug /chu ni rnyog ma med pa las/ /srang ni drug cu'i tshad du bya/ /srang 'dis chu tshod tshad yin te/ /skye bo rnams la phan phyir bshad/ /chu tshod de ni yud tsam ste/ /thun phyed dang ni thun gcig dang / /nyin dang mtshan mo'i tshad 
kyis ni/ /rim bzhin zla phyed zla b.raspel/ /zla ba gnyis ni dus yin te/ /de gsum nyi ma 'gro ldog brjod/ /nyi ma 'gro ldog gnyis la ni/ /lo gcig nyid du brjod pa yin/ /mkha' 'gro kun dang mnyam sbyor ba'i/ /rdo rje mkha' 'gro bde ba'i mchog /rdo rje sems 

</font><hr>78-1-65a<br><font size=+1>

dpa' de bzhin gshegs/ /bcom ldan rdo rje can gyis gsungs/ /rgyud kyi rgyal po chen po dpal rdo rje mkha' 'gro las dus 'byung ba'i rim par phye ba ste nyi shu rtsa drug pa'o// //de nas skar ma'i rigs gang yin/ /mdor bsdus nas ni bshad 
par bya/ /tha skar dang ni mgo dang rgyal/ /de bzhin du ni nab so dang / /me bzhi lha mtshams de bzhin du/ /nam gru sa ri gro zhun bcas/ /lha yi tshogs zhes brjod pa yin/ /snar ma gre dang chu stod dang / /khrums stod dang ni bra nye dang / /lag dang mgo dang chu smad dang / /
khrums smad mi yi tshogs yin no/ /smin drug dang ni mchu dang ni/ /mon gru dang ni mon gre dang / /skag dang nag pa snron dang ni/ /sa ga dang ni snrubs rnams ni/ /srin po yi ni rigs yin par/ /bzhin mdzes ma ni khyod la bshad/ /smin drug rgyal ni ra yin te/ /mgo dang snar ma klu 
yin no/ /lag dang snubs ni khyi yin te/ /lha mtshams na ba so phag gi rigs/ /mchu dang gre ni byi ba'o/ /skag ni byi lar bshad pa ste/ /nag pa sa ga stag yin no/ /dbo dang khrums stod gnyis po ni/ /khyu mchog zhes ni bshad pa ste/ /stobs 'dod pas ni shes par bya/ /me 
bzhi dang ni sa ri gnyis/ /ma her shes bya stobs kyi mchog /tha skar dang ni khrums smad gnyis/ /rta yi rigs zhes bya bar grags/ /chu stod dang ni gro zhun gnyis/ /spre'u'i rigs su brjod pa yin/ /bra nye dang ni nam gru gnyis/ /glang po'i rigs kyis byin brlabs pa'o/ /
mon gru dang ni mon gre dag /mi yi rigs su yang dag gsungs/ /stobs chen pha rol gnon pa ru/ /lha mo ngas ni bden par bshad/ /chu smad dang ni byi bzhin dang / /ne'u le'i rigs su grags pa yin/ /mang po nyid kyis ci zhig bya/ /mdor bsdus nas ni bshad 
kyis nyon/ /rang gi skye ba'i skar ma ni/ /bya ba kun la dpyad mi dgos/ /skar ma mi yi srog yin te/ /gzhan du ngas ni ma bshad do/ /skar ma'i cha ni bzlog pa dag /bzung na nges par 'chi bar 'gyur/ /lug dang srang dang karka Ta/ /chu srin dag ni g.yo bar 

</font><hr>78-1-65b<br><font size=+1>

brjod/ /sdig pa bum pa seng ge dang / /khyu mchog dag ni brtan pa ste/ /nya dang gnyis sbyor gzhu dang ni/ /bu mo rnams ni 'dren ma'o/ /lha yi bla ma nyi ma dang / /mig dmar skyes pa'i gzugs yin te/ /pa ba sangs dang sgra gcan dang / /zla ba mo yi gzugs 
yin no/ /gza' lag dang ni spen pa gnyis/ /ma ning nyid du bstan pa ste/ /nam mkha'i 'khor lor gnas pa'i gza'/ /mkha' 'gro kun dang mnyam sbyor pa'i/ /rdo rje mkha' 'gro bde ba'i mchog /rdo rje sems dpa' de bzhin gshegs/ /bcom ldan rdo rje 
can gyis gsungs/ /rgyud kyi rgyal po chen po dpal rdo rje mkha' 'gro las skar ma rnams kyi stobs la dbang ba'i cho ga'i rim par phye ba ste nyi shu rtsa bdun pa'o// //tshes dang skar ma gza' 'char ba/ /rab tu bshad kyis lha mo nyon/ /ro hi ta yi 
tshes la ni/ /smin drug dang ni mig dmar la/ /'gron po lam du 'jug par bzang/ /tshes de rnyed pa 'thob 'gyur ba'o/ /ma ka ra yi nyi ma la/ /mchu dang mig dmar ldan pa la/ /gzer dang 'joms sogs 'byung bas na/ /tshes de yongs su spang bar bya/ /
swa p+na yi ni nyi ma la/ /lag dang spen par ldan pa'i tshe/ /nag po nyid du shes bya bas/ /tshes de'ang yongs su spang bar bya/ /ro hi ta yi nyi ma la/ /mchu dang gza' lag ldan pa la/ /bkra shis dang ni bzang por byed/ /raN+Da yi ni nyi ma la/ /lag dang gza' lag bcas 
pa dag /kun tu 'dzoms par bshad pas na/ /mchog gi sbyor bas de yang spang / /sa yi dbang phyug tshes la ni/ /bra nye dang ni gza' lag ldan/ /de yang nag po'i dus zhes bya/ /b+ha dra yi ni tshes dag la/ /gre dang lha yi bla mar ldan/ /tshes de rnyed pa byed pas 
na/ /sbyor pa po yis bsten par bya/ /mi ki ra yi tshes la ni/ /mon gru lha yi bla ma dag /gal te na ni 'dzom gyur na/ /'bru dang nor rnams zad byed par/ /gdon mi za bar bshad pa yin/ /tshes ni bcu gsum dag la ni/ /skag dang lha yi bla ma dag /

</font><hr>78-1-66a<br><font size=+1>

gal te 'dzom na nag po pas/ /nyes pa kun gyis 'jigs par 'gyur/ /pr-i Sha b+ha yi tshes la ni/ /stobs ldan gyi ni blon po dang / /gal te khrums stod 'dzom na ni/ /tshes de rgyas pa ster 'gyur zhing / /dge ba'i grogs rnams thams cad byed/ /
br-i d+d+hi ka yi nyi ma ni/ /chu stod dang ni pa ba sangs/ /gal te 'dzom na nad kyis ni/ /gdungs shing 'joms par the tshom med/ /'byung po yi ni nyi ma la/ /bra nye dang ni pa ba sangs/ /'dzom na gshin rje'i mche ba ste/ /tshes de yongs su spang bar bya/ /kur+m+ma yi ni nyi 
ma la/ /smin drug dang ni spen pa ru/ /gal te 'dzom par gyur na ni/ /rnyed dang grags pa la sogs dang / /bsod nams kun gyi 'bras bu 'thob/ /byA ku li yi nyi ma ni/ /skag dang spen pa ji zhig ltar/ /'dzom na gdung bar byed pas na/ /nyi ma de la'ang 'gro ba spang / /
zla ba nya yi nyi ma la/ /mchu dang spen par ldan gyur na/ /'chi ba'i dus la bab pas na/ /tshes de shin tu spang bar bya/ /me yi mtshams su mi kir bri/ /gshin rje ru ni raN+Da ste/ /srin po ru ni kur+m+ma bri/ /chu yi phyogs su khyu mchog ste/ /'jigs byed du ni byA ku li/ /gter 
gyi phyogs su swa pa na/ /mig gsum phyogs su bzang po bri/ /shar gyi phyogs su'ang khyu mchog go/ /zla ba nyi ma'i bye brag gis/ /de rnams su ni rgyu bar bshad/ /b+ha dra nas ni raN+Dar te/ /byA ku li dang pr-i Sha b+ha/ /'di dag nyi ma rgyu bar ni/ /rigs mchog ma ni khyod la 
bshad/ /khyu mchog dang ni mi ki ra/ /swa pa na dang kur+m+ma ni/ /zla ba'i rgyu bar bshad pa ste/ /rim pa de ltar brjod pa yin/ /nya la me mtshams gnas pa ste/ /stong la rlung gi phyogs su gnas/ /de ltar de dag dbus su ni/ /gnas pa de dag gdung bar 'gyur/ /zla ba 
nyi ma las byung ba'i/ /ri mo mnyam du lta bas na/ /des na shes rab can gyis spang / /zhi dang sdig par lta bas na/ /lta ba'i chad pa 'byung ba ste/ /myur du gsod par byed pa yin/ /sgra gcan gyi ni rgyu ba yi/ /dus ni mdo ru bsdus pa yin/ /yar ngo mar ngo'i bye 

</font><hr>78-1-66b<br><font size=+1>

brag gis/ /blo ldan 'bad de shes par bya/ /mkha' 'gro kun dang mnyam sbyor ba'i/ /rdo rje mkha' 'gro zhes bya ba/ /rdo rje sems dpa' de bzhin gshegs/ /bcom ldan rdo rje can gyis gsungs/ /rgyud kyi rgyal po chen po dpal rdo rje mkha' 'gro las tshes grangs 
dang skar ma'i nges pa rim par phye ba ste nyi shu rtsa brgyad pa'o// //nyon cig lha mo sgyu ma che/ /sgyu ma kun gyis rnam rol pa/ /lus can kun gyi rnam shes te/ /lus las 'das shing dri ma med/ /lhun po dang ni ti se dang / /de bzhin du ni 'bigs 
byed sogs/ /shar gyi lus 'phags ba langaspyod/ /byang gi sgra mi snyan dang ni/ /'dzam bu'i gling dang bcas pa dang / /lan tshwa can dang 'o ma yi/ /rgya mtsho la sogs chu tshogs dang / /'og dang steng du gang gyur pa/ /khams gsum ma lus zad par bya/ /gzugs 
la sogs pa'i phung po dang / /skye mched khams rnams zad par bya/ /'byung po la sogs phyogs bcu yi/ /'jig rten khams kun zad bsams te/ /dngos dang dngos med 'dres par ni/ /bdag nyid kyang ni bsgom par bya/ /gzugs la sogs pa'i mtshan 
nyid rnams/ /mnyam nyid stong pa nyid du blta/ /thams cad nam mkhar thim nas ni/ /ba glang rmig par grong khyer bsgom/ /rnal 'byor can gyi cho ga bzhin/ /sems ni me mar lta bur bsgom/ /de dbus yid kyis bltas nas ni/ /der ni mtshan ma brtag par 
bya/ /me mar lta bus zhi bar 'gyur/ /dmar pos brgyan na rgyas pa ste/ /nyi ma'i dkyil 'khor ltar snang na/ /chags pa la sogs 'grub par 'gyur/ /mtha' mar du ba'am gnag mthong na/ /mngon spyod du ni grags pa yin/ /rlung gi mdog ltar rab 
'khrugs na/ /de ma thag tu bskrad par 'gyur/ /'od zer dkar po long long pos/ /blo ldan sngags kyi dngos grub ni/ /rnal 'byor pa yis 'grub shes bya/ /bkra shis kyis ni lam ston yin/ /cho ga 'dis ni gzhan gsal dang / /gzhan gyi gzugs sogs 

</font><hr>78-1-67a<br><font size=+1>

dbu ma rnams/ /de 'og rnal 'byor bskyed par bya/ /ye shes la sogs sems kyis ni/ /gang zhig stong nyid shes byas na/ /sems ni myur du thar bar 'gyur/ /ye shes kyis ni shes bya brtag /shes byas 'gro ba brtag par bya/ /pha dang ma ni bsad byas shing / /bram ze gtsang ma 
gnyis bzung nas/ /rgyal po yul 'khor bcas bcom na/ /mi de dag par 'gyur zhes bya/ /ye shes rang bzhin kun dang sbyor/ /rdo rje mkha' 'gro bde ba'i mchog /rdo rje sems dpa' de bzhin gshegs/ /bcom ldan rdo rje can gyis gsungs/ /rgyud kyi rgyal po 
chen po dpal rdo rje mkha' 'gro las ye shes 'byung ba'i rim par phye ba ste nyi shu rtsa dgu pa'o// //ye shes khyad par gang gis ni/ /ye shes thun mong byin brlabs pa/ /bye brag can ni ji lta bu/ /lha las rol mo mnyan par 'tshal/ /bcom ldan 
'das kyis bka' stsal pa/ /lci bar gyur pa sum cu pos/ /dge dang sdig pa'i 'bras 'byung ba/ /nga rgyal gyis ni byin brlabs pa/ /sems kyis byas pa'i las tshogs kyis/ /bsgom par gyur pa'i rang rig pa'i/ /sems ni 'gro ba de ru 'gro/ /srid pa'i zhags 
pas rtag 'jigs pas/ /de yi 'gro ba mi mthong ngo / /'du shes rnam pa lnga dang ni/ /lta ba lnga yis pha rol 'gro/ /lha yi ye shes gsal bar blta/ /lha min ye shes khro ba'o/ /yi dgas ye shes zhan pa ste/ /dmyal ba'i ye shes 'jigs pas non/ /byol 
song ye shes blun pa ste/ brten pa rnams ni sems med pa'o/ /rgyu yi ye shes rnam pa lnga/ /glen pas bsgribs dang lkugs pa dang / /byis pa'i shes pa'i shes pa can/ /sems can yongs su ma smin dang / /bla ma'i lam ni sun 'byin pa/ /de dag kun gyis 
mi shes te/ /gsang chen sangs rgyas spyod yul lo/ /ye shes de nyid bye brag dag /bde ba chen pos bshad du gsol/ /bcom ldan 'das kyis bka' stsal pa/ /ye shes de nyid bye brag dag /nyon cig yang dag sgyu ma che/ /las rnams kyi ni bye brag gis/ /

</font><hr>78-1-67b<br><font size=+1>

ye shes bye brag sprul pa yin/ /dman dang rab dman dman pa can/ /gnod sbyin lha min grub ba po/ /klu dang byol song gsang ba pa/ /lto 'phye dang ni mi'am ci/ /mi dang yi dgas mkha' 'gro ma/ /dmyal ba la sogs gang gyur dang / /gsal ba'i gzugs 
su mngon brjod dang / /phra mo sgo nga las byung ba/ /chu dang me dang rlung dang ni/ /de bzhin du ni sa yi khams/ /brtan pa la sogs thams cad dang / /rtsa dang 'dab ma phra ba dang / /sa dang rdo dang brag la sogs/ /thams cad ye shes byin brlabs pas/ /thams 
cad snang ste gzhan du na/ /ye shes med par skye mi 'gyur/ /skye ba bye ba stong phrag tu/ /sangs rgyas ye shes kyis bskul bas/ /de nas rnal 'byor bstan bcos la/ /'bad de dad pa bskyed par bya/ /gar gyi gnas dang mtshungs pa yi/ /phyi rol bstan bcos 
sun 'byin pa/ /rnal 'byor bstan bcos rjes 'brangs na/ /spyod dang grol ba'i 'bras bu 'thob/ /snying po las kyang snying po mchog /rnal 'byor bstan bcos mtshon par bya/ /mkha' 'gro kun dang mnyam sbyor ba'i/ /rdo rje mkha' 'gro bde ba'i mchog /rdo rje 
sems dpa' de bzhin gshegs/ /bcom ldan rdo rje can gyis gsungs/ /rgyud kyi rgyal po chen po dpal rdo rje mkha' 'gro las rdo rje sems dpa'i rnam par 'phrul pa 'byung ba'i rim par phye ba ste sum cu pa'o// //de nas yang dag bshad bya ba/ /rdo rje 
dril bu'i mtshan nyid de/ /rdo rje sems sogs lha rnams su/ /rdo rje'i blos ni shes par bya/ /zhi dang rgyas dang mngon spyod kyi/ /rdo rje dag ni thams cad kyang / /gser la sogs pa legs par brdung / /rdo rje kun gyis shin tu brgyan/ /cha gsum du ni bzung nas su/ /
cha brgyad ska rags legs par brgyan/ /phyogs dang phyogs mtshams brgyad dang ni/ /dbus ma nyid dang sangs rgyas dgu/ /rtse mo dgu ni lha nyid de/ /lha dgu yis ni byin gyis brlabs/ /chu srin las ni byung ba yi/ /rtse mo pad+ma zla bar gnas/ /rtse dgu zhes ni bya ba 

</font><hr>78-1-68a<br><font size=+1>

ste/ /rdo rje ye shes 'gro ba sgrol/ /cha gsum gyi ni tshad dag la/ /dbu ma cung zad ring yang rung / /'di ni thun mong tshad yin no/ /rtse mo kun gyi dbus ma zlum/ /phyogs sogs rtse mo 'dus pas gnas/ /dbus na mi zur brgyad dag tu bya/ /dbus kyi cha 
yi tshad ldan pa/ /gnas pa lte ba zhes bya'o/ /rin chen ma ra ka ta ltar/ /de yang cung zad zur brgyad bya/ /steng dang 'og dang dbus dag ni/ /so sor cha ni gsum gsum 'dod/ /steng gi pad+ma zla ba ni/ /drug cha kun nas zlum por bya/ /de dag la ni seng ge'i sna/ /nas 
phyed tsam du mtho bar bya/ /mche ba yini mthar gnas pa/ /de ni drug cha zhes byar grags/ /cha ni nyi shu rtsa bdun la/ /so so ru ni dgu dgur 'dod/ /cha gsum bla ma'i mtha' ma ni/ /steng gi cha gnyis spangs nas ni/ /dbus kyi mtha' yang de bzhin no/ /'dab ma la ni 
gang gnas pa'i/ /chu srin cha gcig nyid yin te/ /de yi phyed du ska rags 'dod/ /rdo rje kun la blo ldan pas/ /chu dang zheng ni mnyam por bya/ /de nas yang dag bshad bya ba/ /dam tshig rdo rje'i mtshan nyid de/ /gser la sogs pa las brdungs pa/ /cha la sogs pa 
sngon du ni/ /ji ltar bstan bzhin ldan par bya/ /pad+ma zla ba la gnas pa'i/ /chu srin gyi ni mche ba'i gzugs/ /'og gi chu srin las byung ba/ /chu zheng ji ltar bstan pa bzhin/ /rtse mo ye shes rang bzhin 'byung / /kun gyi dbus su rnam snang ste/ /shar phyogs su ni mi 
bskyod pa'o/ /lho ru rin chen bstan pa ste/ /'od dpag med pa nub tu dgod/ /byang du don yod grub pa ste/ /rtse bzhi la sogs lha yin no/ /pad+ma byang chub yan lag brgyad/ /sa la ji bzhin dgod par bya/ /phyag na pad+ma byams pa dang / /mkha' snying kun tu bzang po 
dang / /gnod sbyin bdag dang 'jam pa'i dpal/ /sa snying sgrib sel de bzhin te/ /lha ni brgyad po 'di dag nyid/ /'dab ma brgyad la ji bzhin brtag /dbus su ye shes sems dpa' ni/ /bcu gsum gnas su thim par bya/ /gzhan yang 'dab brgyad lha mo 

</font><hr>78-1-68b<br><font size=+1>

brgyad/ /ji bzhin gnas su sbyar bar bya/ /rdo rje lcags kyu zhags pa dang / /rdo rje lcags sgrogs dril bu nyid/ /lha mo dag ni bzhi po 'di/ /phyogs kyi pad+mar yang dag gnas/ /mtshams ni bzhi po dag tu yang / /slar yang de bzhin lha mo bzhi/ /skul byed rin chen sgron ma 
dang / /de bzhin rdo rje lcags sgrog dang / /de bzhin gzhan gyis mi thub ma/ /pad+ma'i 'dab ma kun la dgod/ /rtse mo dag ni rnam lnga la/ /mkha' 'gro ma ni lnga nyid de/ /shar du rdo rje mkha' 'gro ma/ /byang du drag mo zhes bya ba/ /ro langs ma ni nub tu gnas/ /lho ru de 
bzhin tsaN+Da lI/ /dbus su ye shes mkha' 'gro ste/ /dam tshig rdo rje bsgom par bya/ /gdug la rdo rje rtse gsum ste/ /rtse mo dag ni gdengs par bya/ /de bzhin rtse mo gcig pa ni/ /klu rnams skrag par byed pa'o/ /khro bo'i rdo rje gdengs po ste/ /lhag ma rnams ni 'dul 
byed pa'o/ /zhi la zhi ba'i lha nyid de/ /rigs kyi rim pa'i cho gas dbye/ /las kyi cho ga mthong ba yis/ /bya ba thams cad byed par 'gyur/ /de nas gzhan yang bshad bya ba/ /gsang ba'i rdo rje'i mtshan nyid do/ /cha lnga'i tshad dang ldan pa ni/ /spyi gtsug rdo rje zhes byar 
grags/ /rna cha cha drug tshad du bya/ /mgul do cha ni bzhi pa ste/ /snying gar cha lnga pa ni gzung / /gsang ba dang ni lag par yang / /cha drug pa ni gzung bya ste/ /ji ltar mdzes par brtag par bya/ /rdo rje'i rgyan gyis brgyan nas ni/ /rnal 'byor pa yi ye shes 'phel/ /
cho ga'i bya ba 'di nyid kyis/ /rnal 'byor rig pas rtag tu bsgom/ /de nas dril bu'i mtshan nyid kyi/ /chu zheng la sogs bshad par bya/ /rin chen sna tshogs 'bar ba dang / /rdo rje'i ska rags phreng gnyis bya/ /shel sgong dri ma med pa ltar/ /dra ba dra ba phyedapas 
brgyan/ /cha gsum mtshan nyid ldan pa la/ /rdo rje la sogs mtshan mas brgyan/ /dbus kyi khog pa zab pa dang / /thams cad dga' byed bcud kyi gnas/ /de nas pad+ma rin chen dang / /ut+pal ku mu da yis brgyan/ /phyogs dang phyogs mtshams cha brgyad du/ /lha 

</font><hr>78-1-69a<br><font size=+1>

mo la sogs brgyad du grags/ /de yi steng du lha mo ni/ /sa bon brgyad las bsam par bya/ /shar phyogs su ni sgrol ma ste/ /de bzhin byang du gos dkar mo'o/ /nub tu bdag mo'i ming can te/ /lho ru sangs rgyas spyan zhes bya/ /mdog mdzes 
sbrang rtsi yid 'ong ma/ /de bzhin rin chen 'khyil ma'o/ /nam mkha'i phyogs kyi dbus su ni/ /gzugs rdzogs bskor bas yang dag gnas/ /pad+ma rgyas pa lta bu'i dbyibs/ /gzugs med srid pa'i phyogs su ni/ /ye shes bdud rtsi bum pa 'dra/ /shes rab 
bdud rtsi'i gnas yin te/ /de yi dbus kyi stan la ni/ /steng du pad+ma rdo rje ni/ /rtse mo dgu pa bsam par bya/ /dbus kyi dbyug pa ye shes te/ /thams cad spro zhing sdud pa mo/ /oM ltar mchog ni stsol bar 'grub/ /bya ba thams cad rab sgrub ma'o/ /ye shes 
rdo rje'i dril bu ni/ /rtse mo dgu pa de bzhin no/ /sor mo bcu gnyis tshad du ni/ /rdo rje'i phreng ba ska rags byas/ /pad+ma mchog gi 'dab ma dang / /dra ba dra ba phyed pas brgyan/ /sngon bzhin mtshan nyid thams cad ldan/ /lha mo yi ni mtshan mas mdzes/ /shar gyi phyogs su 
pad+ma ni/ /kha dog dkar pos mdzes par bya/ /gshin rjer pad+ma sngo dmar te/ /nub kyi phyogs su pad+ma dmar/ /byang du ut+pa la ni bri/ /bdud rtsi gnas kyi dbus na ni/ /lha mo yi ni zhal gcig bri/ /shes rab pha rol phyin ma'o/ /gzugs mdzes bskor bas yang 
dag gnas/ /steng gi pad dang rdo rje ni/ /snga ma bzhin du bsam par bya/ /dbus kyi ye shes dbyig pa ni/ /zur brgyad pas ni mdzes par bya/ /dril bu 'di ni lha mo che/ /tshe dang nad med phun sum tshogs/ /de nas dpa' bo'i dril bu ste/ /rdo rje'i phreng ba'i skra 
rags ldan/ /de bzhin du ni shes rab dang / /bdud rtsi yi ni bum par ldan/ /mtshan nyid thams cad yongs su rdzogs/ /dra ba dra phyed dpyang bar bya/ /sor dgu ru ni yangs pa ste/ /kha ni sor lnga'i tshad du bya/ /de las cung zad lhag bya min/ /rtse lnga pa'am rtse dgu 

</font><hr>78-1-69b<br><font size=+1>

pa/ /skal ba bzang po thams cad dang / /dbang phyug dang ni sngags rnams kyi/ /'bras bu thams cad rab ster zhing / /mkha' 'gro'i stobs dang rdzu 'phrul ster/ /de bzhin phun tshogs thams cad dang / /de bzhin gshegs pa thams cad kyi/ /dngos grub mchog ni 
gsal bar ster/ /da ni de bzhin gshegs pa yi/ /dril bu'i mtshan nyid bshad par bya/ /khar ba las byung sgra snyan byed/ /khong stong dang ni bum par ldan/ /rdo rje rin chen pad+ma dang / /ral gri la sogs mtshan ma can/ /dra ba dra ba phye pas spras/ /chu srin las ni byung ba 
yi/ /ye shes lnga yi rnam dag pas/ /rtse mo lnga dang bcas pa ste/ /ska rags gnyis gnyis dbus su ni/ /'khor lo'i phreng ba gnyis dang ldan/ /de bzhin ska rags gnyis dbus su/ /pad+ma la ni pad phreng gnyis/ /rin chen la ni rin po che/ /de bzhin ska rags ldan par bya/ /don yod grub 
pa zhes bya la/ /ska rags gnyis dbus ral gris brgyan/ /kun la shes rab gdong ldan pas/ /dpa' bo kun gyis rgyal bar 'gyur/ /kun la'ang 'khar ba'am yang na ni/ /lcags gsum las byung dril bu ste/ /cha gsum dang ni ldan par bya/ /rdo rje'i 
rigs la ba glang gdong / /ska rags rdo rje'i phreng bas bskor/ /bum pa'i steng du gnas pa yi/ /kha khyer cung zad gru bzhir bya/ /ba glang gdong ni myur ba ru/ /nor dang 'bru rnams 'phel bar byed/ /nad med stobs ni rtag ster zhing / /sdug bsngal thams cad 'phrog 
par byed/ /sngar bstan rjes su 'brangs nas ni/ /rdo rjes mtshan nyid mtshon par bya/ /rin chen dbang sogs thod pa dang / /rang rang mtshan ma shes par bya/ /sor brgyad dam ni bcu drug gam/ /nyi shu las ni lhag mi bya/ /ji ltar nus shing rjes mthun par/ /
bsgrub pa'i dbang pos de dag bya/ /kha yang cho ga'i rim pa yis/ /sor mo lga las gzhan pa spang / /lha mo 'di ni dril bu yi/ /sgrub thabs rgya cher bstan pa ste/ /thun mong gi ni rgyud kun las/ /dpa' bo rnams kyis bsngags pa yin/ /mkha' 'gro 

</font><hr>78-1-70a<br><font size=+1>

kun dang mnyam sbyor ba'i/ /rdo rje mkha' 'gro bde ba'i mchog /rdo rje sems dpa' de bzhin gshegs/ /bcom ldan rdo rje can gyis gsungs/ /rgyud kyi rgyal po chen po dpal rdo rje mkha' 'gro las rdo rje dang dril bu'i mtshan nyid dang tshad kyi cho ga'i 
rim par phye ba ste sum cu rtsa gcig pa'o// //rdo rje slob dpon mtshan nyid ni/ /rab tu bshad kyis lha mo nyon/ /dul zhing cha lugs mdzes pa dang / /sems can kun la mi 'jigs sbyin/ /sngags dang rgyud kyi sbyor ba shes/ /rnal 'byor bzo 
yi cha la mkhas/ /thams cad du ni 'jam par smra/ /sems can kun la bu bzhin lta/ /rtag tu gtong la dga' ba dang / /bsam gtan sbyor la mngon par brtson/ /snying rje phan pa'i sems kyis ni/ /bden par smra zhing 'tshe mi byed/ /rtag tu mnyam pa'i 
sems bskyed pas/ /sems can kun gyi mgon skyob ste/ /sems can bsam pa'i bye brag mkhas/ /mgon med rnams la gnyen ltar brtse//mdza' sdug gis ni legs pas lta/ /sngags kyi tshul la shin tu goms/ /dam tshig spyod la rab tu gus/ /
phyag rgya brda yi sbyor ba rig /rnal 'byor ma rnams dam tshig la/ /brda yis sbyor ba ston pa dang / /gnyis med sbyor ba mi phyed gnas/ /sngags kyi 'khor lo spyod la gus/ /dbang bskur don gyi yon tan 'byung / /gnas sogs mthong ba'i ngang tshul can/ /
de nyid bcu ni yongs su shes/ /'di ni slob dpon zhes byar brjod/ /gsol pa/ de lta bu'i slob dpon la ji ltar blta bar bgyi/ bka' stsal pa/ sangs rgyas kun gyi rang bzhin sku/ /yan lag byang chub sems dpa' ste/ /ba spu rnams ni dgra bcom 
nyid/ /spyi gtsug rigs lnga'i sangs rgyas te/ /'jig rten pa ni zhabs kyi gdan/ /'od zer gnod sbyin gsang la sogs/ /de ltar yon tan rang bzhin lus/ /rnal 'byor can gyis rtag tu blta/ /ji lta'i mtshan nyid dang ldan par/ /ye shes can gyis 

</font><hr>78-1-70b<br><font size=+1>

mtshan shes nas/ /de lta'i bla ma 'bad de bsten/ /gang yang khro dang sgyu can dang / /ngag ni shin tu rtsub pa dang / /yon tan dag gis chog shes pa/ /de ni bla mar bsten mi bya/ /gzhan yang slob ma'i spyod pa dang / /las kyi de nyid bshad kyis nyon/ /khro dang bcas shing 
rtog ger gus/ /na so dag ni yol ba dang / /gang yang dge slong dngos gnas dang / /zhen dang chags pas bcings pa la/ /rin thang med pa'i rin chen ni/ /de la bshad par mi bya'o/ /gang yang nga rgyal med pa dang / /sgyu med bdag tu mi 'dzin cing / /de bzhin chos 
la mngon par dad/ /de la man ngag sbyin par bya/ /gzhan du na ni ltung bar 'gyur/ /slob dpon gyi ni gsang ba dang / /rnal 'byor ma dang lhan cig sbyor/ /lha yi dam tshig spyod pa dang / /gtor ma la sogs gsang sbyor ba/ /dmod pa dag tu gang byed pa/ /skrag 
pa kun dang bcas bzhin du/ /mnar med par ni myur bar ltung / /slob dpon gyi ni mal stan dang / /lha ma dang gdugs dang na bza' sogs/ /nye ba'i longs spyod thams cad dang / /grib ma 'gom par mi bya zhing / /co 'dri bar ni mi bya'o/ /gal te byas na 
dus kun du/ /de ni kun tu gzir 'gyur zhing / /don nyams dpal las ring du 'gyur/ /bdud dang sdang bas gzir 'gyur te/ /mchod rten bshig dang sdig mtshungs pas/ /de bas grib ma'ang 'gom mi bya/ /slob dpon smod byed gang yin pa/ /rmi lam 
du yang dngos grub med/ /slob dpon gyi ni yon tan gzung / /skyon rnams nam yang gzung mi bya/ /sngags dang phyag rgya'i sbyor la sogs/ /de yi lam gyis 'grub par 'gyur/ /maN+Dal chog sogs rim pa yis/ /sngon du bslab pa sbyin par bya/ /dngos 
po rang bzhin med par ni/ /mthong ba byang chub rim pa ste/ /rang bzhin dag pa'i chos rnams ni/ /ngo bo med la dngos mthong bas/ /lus kyi las ni rnam gsum dang / /ngag gi rnam pa bzhi rnams dang / /yid kyi rnam pa gsum dag ste/ /de ltar rnam bcur phye ba 

</font><hr>78-1-71a<br><font size=+1>

las/ /dkar po yis ni dkar 'gyur la/ /nag pos de bzhin 'bras gnag 'byin/ /des na de dag spang bya ste/ /sems can rnams la tshig rtsub dang / /tshig 'khyal smra ba spang bar bya/ /snying rje yi ni sems kyis su/ /'tshe dang gnod 
pa spang bar bya/ /bdag ni shi bar gyur kyang bla'i/ /srog chags gsod pa de ltar min/ /rab tu 'bar mer mtshungs pas na/ /gzhan gyi nor la reg mi bya/ /rnal 'byor pa yis brdzun srung zhing / /bla ma'i bka' stsal thams cad bya/ /rnal 'byor pa yi rnal 
'byor pa/ /brdzun du smra ba thams cad dang / /sems can kun la skyon brjod min/ /gzhan gyi bud med spang bya zhing / /log pas 'tsho dang rnyed la sogs/ /de bas thams cad spang bar bya/ /dga' bdag la spyod pa dang / /gtor ma dag gis dus sogs la/ /
dam tshig spyod bar byed pa yang / /bza' dang bca' sogs tshod zin bya/ /rnal 'byor dngos grub 'dod pa rnams/ /sems can mgu las dngos grub 'byung / /de la dang por re zhig slob mas bla gos phrag pa gcig la gzar te/ pus mo g.yas pa'i lha nga sa la 
btsugs la lag pa gnyis thal mo sbyar te/ 'di skad ces brjod par bya'o/ /sangs rgyas chos dang dge 'dun la/ /rtag tu bdag ni skyabs su mchi/ /rnal 'byor gsang sogs mkha' 'gro ma/ /theg pa gsum po thams cad dang / /dpa' bo dpa' mo dbang lha 
mo/ /bdag nyid chen mo rnams dang ni/ /khyad par du yang slob dpon la/ /rtag par bdag ni skyabs su mchi/ /oM pany+tsa DA ki nI pU dzo pa swA nA ya A t+mA nAM ni r+ya ta yA mi hU~M/ sar+b+ba A tsA R+Ya pU dzo ba swA nA ya At+mA nAM ni r+YA ta yA mi hU~M/ sar+b+ba sa twa pa ri trA Na a r+the A t+ma nAM niR+Ya ta 
yA mi hU~M/ zhes bya bas byin gyis brlabs la/ /slar yang 'di skad ces brjod par bya ste/ khro dang bdag tu 'dzin pa dang / /tshig rtsub zhe gcod spang bar bgyi/ /sdig pa'i grogs dang srog gcod dang / /rku 'phrog dag ni spang bar bgyi/ /longs spyod rgya chen spang 

</font><hr>78-1-71b<br><font size=+1>

bgyi zhing / /des dang bcas pas chog shes bgyi/ /gar gyi gnas dang mtshungs pa yi/ /phyi rol bstan bcos spang bar bgyi/ /zhes so/ /de nas yang dag bshad bya ba/ /sdom pa'i cho ga bla na med/ /dang po bla ma dam tshig ni/ /thob pa rgyu dang 'bras bu 'byung / /
bstan dang de bzhin nges par bstan/ /sku gsung thugs kyi rang bzhin te/ /bstan pa dag ni longs spyod yin/ /nges par bstan pas mya ngan 'das/ /bshang gci la sogs bza' ba dang / /rigs dang rigs min de bzhin gzhan/ /sngags rnams kyi ni man 
ngag gis/ /ming sogs cho ga bzhin dbang bskur/ /slob mas dngos po bsgoms nas su/ /mya ngan 'das pa bstan par bya/ /khyod kyis srog chags gsad bya zhing / /brdzun du yang ni smra bar bya/ /ma byin par ni blang bar bya/ /gzhan gyi bud med bsten par 
bya/ /mchod rten las ni mi bya zhing / /glegs bam bklag pa'ang mi bya'o/ /lag pa'i phyag rgya mi bcing zhing / /sngags kyi yi ge bzlas mi bya/ /bstan bcos dag ni rnyed sla ste/ /de yi sbyor ba rnyed par dka'/ /bla ma'i bsnyen bkur brtson pa yi/ /thabs kyis rnal 
'byor pa yis rnyed/ /bdag nyid lus dang gzhan gyi lus/ /bdag nyid bde mchog byang grol te/ /bdag gi lus la ma chags shing / /gzugs brnyan sogs 'dra'i lha ru brtag /mkha' 'gro kun dang mnyam sbyor ba'i/ /rdo rje mkha' 'gro bde ba'i mchog /rdo rje 
sems dpa' de bzhin gshegs/ /bcom ldan rdo rje can gyis gsungs/ /rgyud kyi rgyal po chen po dpal rdo rje mkha' 'gro las bla ma'i bsnyen bkur dang / /dam tshig dang sdom pa'i cho ga'i rim par phye ba ste sum cu rtsa gnyis pa'o// //de nas mkha' 
'gro ma rnams ni/ /sa rnams la ni rnam rol pa'i/ /sngags kyi 'byung bas rol pa ste/ /da ni yang dag bshad par bya/ /oM k+Sha mA~M k+Sha mA~M phaT phaT/ ka ra ka ra/ ban d+ha ban d+ha/ pa tsa pa tsa/ /hIM hIM/ hA~M hA~M/ da ha da ha/ ku ru ku ru/ tra sa ya tra sa ya/ b+ha k+Sha b+ha k+Sha/ hU~M hU~M/

</font><hr>78-1-72a<br><font size=+1>

ki li ki li/ pha sa ru d+hi ra an+t+ra mA lA ba lam+bi na/ gr-ih+na gr-ih+na/ k+Sho b+ha ya k+Sho b+ha ya/ hra hra/ A kaD+D+h+ya a kaD+D+h+ya/ tsi li tsi li/ si li si li/sa b+ta phA tA la ga tA b+hu dza~M ga sar+b+ba~M bA/ ta r+dz+dza ya ta r+dz+dza ya/ hrauM hrauM/ pheM pheM/ hrIM hrIM/ d+hi li d+hi li hu~M hU~M phaT/ oM na mo b+ha ga ba te bI 
re shA ya ma hA k+kalpA g+ni san+ni b+hA ya/ /dza TA mu ku Tot+ka TA ya da~M Sh+Sha ka rA lo gra b+hi Sha Na mu khA ya/ /sa ha sra b+hu dza b+hA su rA ya/ pa ra shu pA sho d+ya ta shU la kha T+wAM ga d+hA ri Ni/ byA g+h+rA dzi nA m+ba ra d+ha rA ya/ ma hA d+hU mrA na d+ha kA ra/ wa pu ShA ya hu~M hU~M phaT/ /oM hU~M swA hA phaT/ oM shrI badzra he he 
ru ru ka~M hu~M hU~M phaT/ DA ki nI dzA la sam+ba ra swA hA/ oM badzra bai ro tsa nI ye swA hA/ oM hrIHha ha hu~M hU~M phaT/ oM ha na ma hi/ swA hA hu/ bau ShaT he/ hu~M hU~M ho/ phaT ha~M swA hA/ oM hIMhIM hU~M/ heM heM hA/ oM ba~M/ ha~M yo~M/ hrA+eM moM/ hreM hriM/ hreM hriM/ hu~M hU~M phaT phaT/ oM sar+b+ba bud+d+ha badzra bar+Na ni ye/ badzra 
DA ki ni ye swA hA/ oM sum+b+ha ni sum+b+ha hU~M hU~M phaT/ oM gr-ih+Na gr-ih+Na hU~M hU~M phaT/ oM gr-i h+NA pa ya hU~M hU~M phaT/ oM A na ya ho b+ha ga bA~M/ bid+yA rA dzA hU~M hU~M phaT swA hA/ oM badzra DA ki nI bar+Sha bar+Sha pa ya hU~M b+hu swA hA/ oM g+hi li g+hi li/ bar+Sha bar+ShA pa ya hU~M hU~M hU~M ho ho ho/ /Tha Tha 
Tha swA hA/ oM sum+b+ha ni sum+b+ha hU~M hU~M phaT/ /oM ka ka k+Shi ka ka ru dri ka ka in ba ha ri Ni/ a mu ka s+ya dzI bi ta~M shI g+h+ra~M A gats+tsha ka ki ya thA su khaM phaT/ oM sar+b+ba ti thin k+Sha tra gra ha ma~M ga le b+h+yaHswA hA/ oM a mu ni ka s+ya i nu ni pa si mu ni ha tha lA~M g+ha le hi pha De i a mu ka s+ya mu kha ha tha 
ban+d+hA ni swA hA/ oM ra t+na badzra badzra hri phaT/ oM gra swA hA/ oM a Te ba Te na Te ku na Te Tha ke Tha ra ke ta ru bi ta ru be na ta ke li li lu lu hi le mi le ti le Shi le si le a the ba the na the kun the a na pa Ti ha na pa ti ka s+ya ka s+ya g+ha s+ya g+ha ma hA g+ha s+ya ma hA g+ha s+ya swA hA/ /oM ping+ga lAk+Sha ya hU~M hU~M hU~M 
phaT swA hA/ /sngags 'di yis ni sgrub pa po/ /las rnams thams cad byed 'gyur te/ /sngags kyi cho ga ji bzhin du/ /nyon cig lha mo bshad par bya/ /oM na mo b+ha ga ba ti badzra bA rA hi Ar+ya a pa rA dzi te trai lo kya mA te ma hA ba d+ye shwa ri sar+b+ba b+hU ta b+ha yA ba he/ /ma hA badzre badzrA sa ne/

</font><hr>78-1-72b<br><font size=+1>

a dzi te a pa rA dzi te ba sh+y-I ka rin tra b+h+ra ma Ni/ bi Sha sho Sha Ni ro Sha Ni kro d+ha ni ka rA li ni/ san+t+ra sa ni mA ra Ni su pra b+he da ni pa rA dza ye/ bi dza ye dzaM b+ha ni staM b+ha ni mo ha ni/ badzra bA rA hi m+wa hA yo gi ni kA me shwa ri kha ge tad+ya thA/ pro taM ge pro taM ge /ha na ha na prA NAM kiM ki ni khiM khi ni/ /d+hu na d+hu na badzra ha ste sho 
Sha ya sho Sha ya kha T+wAM ga ka pA la mA la d+hA ri Ni ma hA pe shi ta mA~M sA sha ni ma nu Sha an+t+ra pra bri t+ti san+ni d+h+ya na ra shi ro mA lA bra~M thi ta d+hA ra Ni/ sum+b+ha ni sum+b+ha ha na ha na pra NA~M/ sar+b+ba pA pa sa twA nA~M sar+b+ba ba shU nA~M ma hA mA~M sa ts+tshe da ni kro d+ha mUr+t+ti da~M Sh+T+wA ka rA li ni ma hA mu dre/ /shri he ru ka de ba s+ya gra ma hi Shi sa ha 
sra shi rau/ sa ha sra bA ha be/ sha ta sa ha srA na ne/ dzA li ta te dza se/ dz+wa lA mu khi ling ga la lo tsa ne/ badzra sha rI re/ badzra A sa ne/ mi li mi li/ ti mi li/ ti mi li he he ha ha/ hU~M hU~M kha kha/ d+ha d+hu/ d+hu ru d+hu ru/ mu ru mu ru/ a dwai te ma hA yo gi ni+A pa Thi ta sid+d+he draiM ng+haM draiM d+haM/ graM graM he he 
ha ha/ b+hI me ha sa ha sa/ bI re ha ha ho ho hU~M hU~M/ trai lo kya bi nA sa ni/ sha ta sa ha sra ko Ti ta thA ga ta pa ri bA ri te hU~M hU~M phaT/ siM ha rU pe khaH/ ga dza rU pe gaH/ trai lo kya u da re sawa mu dra me kha le gra sa gra sa hU~M hU~M phaT/ bI rA dwai te hU~M hU~M hA hA ma hA ba shu mo ha ni yo gi shwa ri twaM DA ki nI sar+b+ba lo kA 
nA~M ban+da ni sa d+yaHpra t+ya ya kA ri Ni hU~M hU~M phaT/ b+hU ta trA sa ni ma hA bI re pa ra ma sid+d+he bir+ya yo ge shwa ri phaT hU~M hU~M phaT/ hU~M hU~M hU~M phaT swA hA/ a A/ i I/ /u U/ r-i r-I/ li lI/ e ai/ o au/ a~M aH/ ka kha ga g+ha nga / tsa tsha dza dz+ha nya/ Ta Tha Da D+ha Na/ ta tha da d+ha na/ 
pa pha ba b+ha ma/ ya ra la wa/ sha Sha sa ha/ k+ShaH/ 'di ni bcom ldan lha de nyid/ /lha rnams kun gyi mchog gi gnas/ /sngags rnams thams cad skyed byed pa/ /rgyud rnams kyang ni de bzhin no/ /mkha' 'gro kun dang mnyam sbyor ba'i/ /rdo rje mkha' 'gro bde ba'i 
mchog /rdo rje sems dpa' de bzhin gshegs/ /bcom ldan rdo rje can gyis gsungs/ /rgyud kyi rgyal po chen po dpal rdo rje mkha' 'gro las sngags kyi cho ga rim par phye ba ste sum cu rtsa gsum pa'o// //de nas yang dag bshad bya ba/ /rgyud du sbas pa nges par bya/ /de nas thams cad chos 'byung bar/ /sna tshogs lte bar mi shigs dge/ /bris nas cho ga bzhin du sngags/ /

</font><hr>78-1-73a<br><font size=+1>

sbas pa nges bar bya/ /de nas thams cad chos 'byung bar/ /sna tshogs lte bar mi shigs dge/ /bris nas cho ga bzhin du sngags/ /chos kun gcig tu bsdu bar bya/ /A li kA li mnyam byas nas/ /sde tshan la ni thim par bya/ /der gnas pa 
las dpa' po ni/ /'dod pa'i don kun sgrub byed tu/ /ye shes longs spyod rdzogs pa dang / /sprul ba 'thob gyur gdon mi za/ /'og dang steng 'grub rtag tu ster/ /bdag gi pho nya mo kun 'gro/ /pho nya mo de grub kun ster/ /mthong dang de bzhin reg pa dang / /
tsum+ba na dang rtag par 'khyud/ /sbyor ba'i gnas kyi khyad par nyid/ /ji snyed rnal 'byor tshogs rnams ni/ /thams cad dngos grub byed par bshad/ /bden pa thams cad sbyin bya ste/ /gzhan du nam yang ma yin no/ /ma dang sring mo bu mo dang / /chung ma pho nya mor 
gnas la/ /gang zhig rtag tu sngags sbyin pa/ /rang gi cho ga de bzhin bya/ /thod pa'i phreng ba'i dbu rgyan dang / /de bzhin sangs rgyas gtsug nor bu/ /pad+ma dpal gyi nags rtsa ba/ /brda yis sangs rgyas phyag rgya yin/ /dbang po gang dang gang lam nas/ /rang bzhin 
de dag de 'gro ba/ /mchog tu mnyam bzhag sbyor ba yis/ sangs rgyas kun tu rang nyid 'gyur/ /mkha' 'gro kun dang mnyam sbyor ba'i/ /rdo rje mkha' 'gro bde ba'i mchog /rdo rje sems dpa' de bzhin gshegs/ /bcom ldan rdo rje can gyis gsungs/ /rgyud kyi rgyal po 
chen po dpal rdo rje mkha' 'gro las/ /rdo rje dbang bskur ba'i brda'i rim par phye ba ste sum cu rtsa bzhi pa'o// //de nas mkha' 'gro ma rnams kyi/ /dngos grub thams cad rab ster ba'i/ /ye shes 'byung ba bshad par bya/ /bong bu'i cha byad rnal 'byor bdag /
yid shugs kyis ni zlog par byed/ /mkha' 'gro ma dang mdzes ma dang / /dum skyes gzugs can rnal 'byor ma/ /rnal 'byor ma ni 'di dag nyid/ /brda yi tshul gyis bstan pa ste/ /bsam gtan phyag rgya 'dod gzugs can/ /bong bu'i cha byad khrag 'dzag zhal/ /

</font><hr>78-1-73b<br><font size=+1>

sbrul gyis dkris pa'i mdung rtse ni/ /gsum pa mkha' 'gro'i lag na thogs/ /kha T+wAM ga dang thod pa ni/ /steng du bstod de thogs pa dang / /mi ro'i stan bzhugs cher 'bar ba/ /skra ni kham pa gyen brjes shing / /spyan gsum gyis ni mdzes par byas/ /rgyan rnams kun 
gyis rnam par bklubs/ /phyag na zangs gri bsnams shing rtse/ /sna tshogs me tog 'bras ldan pa'i/ /rin chen mthon po'i gnas su sgom/ /tshe thung ba dang shi ba yang / /'tsho ba dang ni tshe ring bar/ /bong bu'i tshul gyi rnal 'byor gyis/ /lag mthil gnas pa bzhin 
du mthong / /mkha' 'gro kun dang mnyam sbyor ba'i/ /rdo rje mkha' 'gro bde ba'i mchog /rdo rje sems dpa' de bzhin gshegs/ /bcom ldan rdo rje can gyis gsungs/ /rgyud kyi rgyal po chen po dpal rdo rje mkha' 'gro las he ru ka'i rnam par rol pa'i cho ga'i rim par 
phye ba ste sum cu rtsa lnga pa'o// //de nas yang dag bshad bya ba/ /sgrub po'i cho ga ji bzhin te/ /nyin re'am yang na zla re'am/ /yang na de bzhin lo re ni/ /ji bzhin byin gyis brlabs na ni/ /phyag rgya'i dngos grub 'jug par 'gyur/ /sgrub pa po yi lag 
g.yon gyis/ /pad+ma'i snod ni bzung nas su/ /lag pa g.yas pa ba dan ni/ /gsum par byas te bsgom par bya/ /khams kyi rang bzhin thams cad dang / /de bzhin srog dang rtsa las byung / /mngon par 'dus byas legs bris pa/ /slob dpon kun la sbyin par 
bya/ /lha yi rgyan dang yang dag ldan/ /phyag rgya'i mtshan mas rnam par bklubs/ /sangs rgyas rnal 'byor sdom skyes pas/ /skal ba bzang po'i gar chen bya/ /pad+ma mchog la reg byed pa/ /lo gcig bar du'ang ma byas na/ /sgrub pos dam tshig spang 'gyur te/ /
des ni dam tshig spangs nas su/ /slar yang mi bya'i sdom pa blang / /gzhan du sngags dang phyag rgya ni/ /rim pa 'bras bu med par 'gyur/ /mkha' 'gro kun dang mnyam sbyor ba'i/ /rdo rje mkha' 'gro bde ba'i mchog /rdo rje sems dpa' de bzhin gshegs/ /

</font><hr>78-1-74a<br><font size=+1>

bcom ldan rdo rje can gyis gsungs/ /rgyud kyi rgyal po chen po dpal rdo rje mkha' 'gro las brda yis rol pa dang dam tshig dang sdom pa'i cho ga'i rim par phye ba ste sum cu rtsa drug pa'o// //mtshon cha kun gyi mtshan nyid ni/ /rab tu bshad 
kyis lha mo nyon/ /'khrul 'khor gyis 'phen mi 'phen dang / /de bzhin lag pas 'phen pa dang / /'phangs nas slar ni gzung ba dang / /lag pas 'gyed dang rnam pa lnga/ /dbyibs dang bde blag sbyor ba dang / /ltong rgyud sbyor dang 'dren dang myur/ /'gengs 
dang 'phen dang gsal ba'o/ /grims pa nyid dang sran 'dzugs dang / /mnyen zhing yan lag brtan pa dang / /rgya cher 'gengs shing rnam par dag /lus kyi phyag rgya bde blag can/ /'di yis lus la brgyan nas ni/ /rims dang dug dang dbyig dug dang / /
mkha' 'gros gtses dang gdon rnams kyis/ /nams kyang tshugs par mi 'gyur ro/ /rang gi snying khar 'dren tshul du/ /bde blag can gyis gzhu bzung nas/ /g.yas su rab tu skor byed cing / /mda' 'phangs na ni grub par 'gyur/ /shar phyogs legs 
par bsrangs nas ni/ /nub phyogs cung zad bkug nas su/ /gzhu rgyud dal bus drangs na ni/ /'gro ba thams cad 'gugs par 'gyur/ /thams cad 'gugs pa'i phyag rgya'o/ /rna drung bar du zlum por ni/ /ci rigs par ni legs par bzung / /yi ge 
oM gyis khar drangs te/ /ji srid yi ge a brjod pa/ /de srid bar du gzung bar bya/ /'dzin pa'i phyag rgya'o/ /ci rigs par ni drangs nas ni/ /cho ga bzhin du bzung nas su/ /der ni cung zad dbye bar bya/ /'gengs pa thams cad grub par 'gyur/ /'gengs 
pa'i phyag rgya'o/ /chang pas 'ben ni bsgribs nas su/ /mig ni cung zad gdangs te blta/ /lta ba chang pa la gtad de/ /myur du 'phangs na 'grub pa'i mchog /mda' gzhus rnam par rgyal ba'i phyag rgya'o/ /gru bzhi pa dang rnon po dang / /de bzhin kun nas 

</font><hr>78-1-74b<br><font size=+1>

zlum po ste/ /g.yas phyogs nas ni bskor nas su/ /steng dang de bzhin 'og tu ni/ /rim gyis gnon cing drag tu gnon/ /'apigs pa bcu yi rgya mchog gis/ /khams gsum rgyal sri chen po la/ /bde bar rgyal zhing longs spyod 'gyur/ /dpal khams gsum 
rnam par rgyal ba'i phyag rgya'i sbyor ba bla na med pa'o/ /mkha' 'gro kun dang mnyam sbyor ba'i/ /rdo rje mkha' 'gro bde ba'i mchog /rdo rje sems dpa' de bzhin gshegs/ /bcom ldan rdo rje can gyis gsungs/ /rgyud kyi rgyal po chen po dpal rdo rje mkha' 'gro las 
mtshon cha thams cad kyi brda'i ye shes kyi go cha'i rim par phye ba ste sum cu rtsa bdun pa'o// //pho nya gdul ba'i sgrub pa'i thabs/ /de nas yang dag bshad par bya/ /tha mal sngags kyi lus can dang / /zhing skyes ma ni gang yang rung / /sgrub pos de dag thams cad la/ /
phan pa'i mchog gis bde ba bsgrub/ /'di dag gzhan pas longs spyod kyi/ /bsnyen bkur gyis ni bsten mi bya/ /skal bzang phyug cing sra ba ste/ /rang gi bkra shis rigs spyod dang / /ri mo can ni sems g.yo zhing / /'o ma 'dzin sbom pad+ma can/ /lte ba dung 'dra dung can 
ma/ /de dga'i rim pa bzhin du brjod/ /'byung po'i shing gi rtsa ba 'bad pas khar bcug na/ ji srid bu mo'i bde ba rnyed pa de srid kyi bar du sngags pas 'dzin par 'gyur ro/ /gan du sha dang la k+Sha na'i sman btags te til mar du btsos la rkang pa la bskus na yang 'dod pa la 
spyod pa rnams kyis bsngags so/ /a shwad tha'i shing kan da dang pa tha dang / pu shel tse rnams cha bsnyams te/ shing a ra ka'i 'o ma dang sbyar la des pho mtshan dril phyis byas na/ gdon mi za bar 'phel bar 'gyur te/ de'i 'og tu myur du chu dron gyis bkrus na ji srid 'dod pa 
bzhin 'gyur ro/ /pad+ma dkar po'i ge sar sbrang rtsi dang lhan cig btags te lte bar bskus na/ bud med sra ba rnams kyang khu ba 'dzag par 'gyur ro/ /til dkar po dang / nA ga ge sar dang / dpa' bo tshig 'greng gi rtsa ba rnams btags te/ sbrang rtsi dang ma he'i mar dang lhan cig 

</font><hr>78-1-75a<br><font size=+1>

tu sbyar te lte bar bskus na/ pho mtshan mkhrang zhing bud med chags pa che ba rnams yid 'phrog par 'gyur zhing / bong bu ltar ni 'dod spyod pas/ /bde don gnyer la bde ster bar/ /'dul ba don yod rgyud las ni/ /ngas ni 'dzin pa bshad pa yin/ /ling 
gas bud med bsgrub bya zhing / /b+ha gas skyes pa bsgrub par bya/ /ling ga don gnyer mtshan ma zhes bshad de/ /b+ha ga la ni spel bar bya/ /phyag rgya phyag rgyar sbyor ba yin/ /rnam par rol pas ling ga zhes/ /bya ba ru ni bstan pa ste/ /rnam par 'byed pas b+ha ga 
yin/ /ma bstan gsal bar bstan pa ste/ /nye bar bstan pa'i rang bzhin nyid/ /a yig ba yi yi ge las/ /b+ha ga ling ga bskyed nas ni/ /bung ba la sogs rim ji bzhin/ /mkha' 'gro ma kun bsgrub par bya/ /mkha' 'gro ma dang mnyam sbyor ba'i/ /rdo rje mkha' 
'gro bde ba'i mchog /rdo rje sems dpa' de bzhin gshegs/ /bcom ldan rdo rje can gyis gsungs/ /rgyud kyi rgyal po chen po dpal rdo rje mkha' 'gro las pho nya gdul ba'i cho ga'i rim par phye ba ste sum cu rtsa brgyad pa'o// //de nas bcom ldan 'das la lha mos 
mchod cing phyag byas te 'di skad ces gsol to/ /sems can bsod nams med pa dang / /sngags rnams bsten par mi nus pa/ /de rnams dngos grub ji ltar 'thob/ /stobs med rnams ni stobs bskyed cing / /sngags dang bral yang bsrung 'gyur ba/ /mdor bsdus 
nas ni bshad du gsol/ /sgyu ma kun tu rnam 'phrul ba/ /nyon cig lha mo sgyu ma che/ /sems can rnams ni chags bya'i phyir/ /lha yi sman ni bshad par bya/ /de ni ji ltar gzung bya ba/ /de ni de bzhin bshad par bya/ /bdag nyid lha yi dngos byas nas/ /phyi nas sa 
bon bsgrub par bya/ /sems can rnams ni chags pa dang / /de bzhin bya ba sna tshogs byed/ /sa bon la sogs gzugs pa yi/ /las rnams sna tshogs 'byung ba'o/ /lha mos gsol ba/ ji lta bu'i sa bon la sogs pa lags/ bcom ldan 'das kyis bka' stsal pa/ /

</font><hr>78-1-75b<br><font size=+1>

e raN+Da da dang gser shing la sogs pa'i shing gi sa bon te/ /de la sogs pa yongs su smin pa rnams cho ga bzhin bsgrub par bya'o/ /mar ngo'i 'byung po'i nyi ma la/ /zla mtshan tshon dang dbang po bsgo/ /dur khrod thal bar ldan pa dang / /gtor ma dang ni bsrung bar bcas/ /
de bzhin lha yi lcug ma gzugs/ /pa tha dang ni rgyal ba dang / /gzhan gyis mi thub pa nyid dang / /tsakra ang ga rmongs byed rnams/ /mtshon cha thams cad zlog par byed/ /tsakra ang ga lag pas 'phen/ /pa tas 'khrul 'khor 'phen pa ste/ /'phangs nas bzung ba 
rgyal bas so/ /gzhan gyis mi thub lag pas 'gyed/ /rmongs byed kyis mi 'phen pa'o/ /'di dag brda yi tshul gyis bshad/ /de dag thams cad grims par ni/ /g.yon phyogs su ni bsgril nas su/ /mgrin pa'am spyi bor gzung byas na/ /mtshon cha lnga ni bzlog par 
byed/ /gdol pa'i bu mo mdog sngon gyi/ /pad+ma las ni skyes pa dang / /bdud rtsi lnga yis bsgos nas su/ /nyi tshan dag la bskam par bya/ /khyi nag po yi thod pa ni/ /dur khrod sa yis bkang ba ru/ /mar ngo'i tshe brgyad bcu bzhi la/ /pha mes kyi ni nags su gzugs/ /
de ni 'bad de blangs nas su/ /dur khrod dang ni bla ma dang / /he ru ka dpal mchod byas la/ /grub pa'i sa bon gzung byas te/ /thod pa ru ni bzhag pa la/ /cho ga bzhin du mngon bsngags te/ /mgul par bcings na sbed par 'gyur/ /mnyam par bzhag ste bcing ba 
dgrol/ /bya rog nag po'i thod pa dang / /mdung ngam mtshon gyis bsad pa yi/ /skyes bu yi ni thod pa ru/ /sbrul nag po yi zhag gis ni/ /gser shing la sogs sa bon la/ /yang dang yang du bsgos byas la/ /grog mkhar gyi ni sa dag dang / /dur khrod sa yis bsregs 
bkang ste/ /bzhi mdo lam gyi dbus sam ni/ /chu bo yi ni 'gram dag tu/ /sgrub po shin tu mnyam bzhag pas/ /thod par dgongs mo'i dus su bzhag /gtor ma sbyin zhing bcu ba dang / /bsrung ba dag ni nyin re bya/ /kha T+wAM ga sogs ldan pa yi/ /dpal ldan he ru ka gzugs 

</font><hr>78-1-76a<br><font size=+1>

bya/ /lag g.yon thod pa bzung nas ni/ /brtul zhugs spyod par ldan pa yis/ /cho ga bzhin du bskyed byas na/ /sha za la sogs co mi 'dri/ /sa bon smin pa bzung nas ni/ /mkhas pas sngon bzhin mchod byas nas/ /grub pa'i rdzas kyi phud dag 
ni/ /khyad par du ni bla mar dbul/ /sgrub pos der ni khar bcug na/ /sna tshogs pa yi gzugs su snang / /lha dang sbyin bdag gnod sbyin sogs/ /ji ltar 'dod bzhin gzugs bsgyur te/ /lha yi bu mo rnams dang ni/ /ji srid 'dod kyi bar du rol/ /dgongs mo 
gtor ma sngon 'gro bas/ /ji bzhin lhag par gnas bya zhing / /shing bskyed cho ga rgyas pa las/ /'byung bzhin bsrung ba la sogs bya/ /gzhan du me tog 'bras bu sogs/ /drag po'i gdon gyis gtses pas na/ /'grub pa nyid du mi 'gyur ro/ /de nas skra grol 
gcer bur ni/ /gyur pa'i bu mo'i lag g.yon du/ /gal te smin pa'i 'bras bu de/ /sgrub pa pos ni gzhag par bya/ /gang dang gang gi khrag gis ni/ /yang dang yang du 'bras bu bsgo/ /de yi khrag gis bsgos pa yi/ /sha la sogs pa mtshon bya zhing / /de yi thal 
bas bskyed par bya/ /de yi thod par gzugs pa dang / /de yi sha khrag zhag gis ni/ /yang dang yang du bcu bar bya/ /de yi sha sogs bdug pa dang / /byug pa'ang yang dang yang du bya/ /sngon du gtor ma bsrung sogs bya/ /sa bon de ni smin pa dang / /cho ga bzhin du 
blangs nas ni/ /kha yi nang du bzhag gyur na/ /cho gas ji ltar bsam pa bzhin/ /de dang de yi gzugs 'gyur te/ /de bzhin 'di yi mthu yis ni/ /mi snang bar ni thams cad 'gyur/ /sa bon ma nyams stobs kyis su/ /'ug pa la sogs rnams kyis kyang / /cha 
tsam yang ni mthong mi nus/ /de nas gzhan yang bshad bya ba/ /mtshon cha thams cad bzlog pa'i phyir/ /nyi ma gzas ni zin dus su/ /paN+Da ra ka zhes bya dang / /dpa' bo gcig pa stobs po che/ /snga dro nyi ma shar dus su/ /byang phyogs rtsa ba brkos nas ni/ /mnyam 

</font><hr>78-1-76b<br><font size=+1>

par bzhag pas gzung bar bya/ /sngar bstan cho ga'i rim pa yis/ /rgyu dang mi rgyu rmongs par byed/ /bgrod dka'i lam ni nyam nga ru/ /stag dang seng ge sogs 'jigs dang / /rgyal po rkun po'i 'jigs sogs pa/ /thams cad bsrung ba bla na med/ /yang na de yi ge 
sar ni/ /zho dang lhan cig bza' bar bya/ /ji srid mgrin par lud kyi bar/ /de srid bar du bza' bar bya/ /ji srid de ni ma zhu'i bar/ /rdo rje 'dzin 'dra'i lus su 'gyur/ /de lus mtshon cha phog pa yang / /chu yi thigs pa ltar mi snod/ /mtshon cha thams cad zlog pa 
yi/ /de nas sbyor ba gzhan bshad bya/ /sngon bzhin gtor ma sogs ldan par/ /ang ko ta ka'i rtsa blangs la/ /de las ri lu byas nas su/ /lcags gsum gyis ni dkri bar bya/ /lha mo der ni khar bcug na/ /mtshon cha thams cad ldog 'gyur zhing / /rims dang glo 
dang dbugs mi bde/ /nad rnams gzhan yang tshar gcod la/ /rnam pa sna tshogs dug dang ni/ /lus srul la sogs gzhan dag kyang / /seng ge yis ni glang chen bzhin/ /dri tsam gyis ni 'bros par 'gyur/ /de nas sbyor ba gzhan bshad pa/ /be ti zhes bya lha yi 
sman/ /rgyal dang nyi ma dag gam ni/ /yang na zla ba gzas zin tshe/ /phyag rgyar bcas pa'i sgrub pa pos/ /lha yi rnal 'byor dmigs na ni/ /gtor ma mchog sogs byas nas su/ /'bad de sngags ni bzlas byas la/ /skra grol gcer bur gyur pa yis/ /shin tu 
mnyam par bzhag ste gzung / /cho ga'i bya ba 'di yis ni/ /'grub 'gyur 'dir ni the tshom med/ /cha bdun du ni bgos nas su/ /mkhas pas spyi bor gzung bar bya/ /rim pa 'di yis sgyu ma che/ /mtshon cha thams cad zlog 'gyur te/ /ji snyed sa stengs gnas pa yi/ /
mtshon cha gzhan yang zlog byed pa/ /nyi ma yis ni mun pa bzhin/ /bltas pa tsam gyis zlog par byed/ /de nas cho ga gzhan bshad pa/ /nag po chen po sman chen po/ /blo ldan gza' ni nyi ma dang / /skar ma rgyal dang ldan pa la/ /mchod rten gtor ma'i cho ga yis/ /shin 

</font><hr>78-1-77a<br><font size=+1>

tu mnyam par bzhag pas gzung / /khyu mchog rwa yi sa dang ni/ /phyi nas gcig tu bsre bar bya/ /lo gcig bar du nus dang ldan/ /de nas gsar pa gzhan gzung bya/ /ji srid lus la gnas kyi bar/ /mtshon chas chod cing phugs mi 'gyur/ /sgrub po de yi 
lus la ni/ /dug kyang 'pho bar mi 'gyur ro/ /sngon bstan cho ga'i bya ba yis/ /b+h+ra ma dan ta'i sman gzung bya/ /pad+ma yi ni 'dam dang ni/ /lhan cig tu ni bsre bar bya/ /sngar bstan cho ga'i rim pa yis/ /i shwa ri ni gzung bar bya/ /mtshan ma gcig gi sa dag dang / /
shin tu mnyam par bzhag ste bsre/ /yon tan dag ni snga ma bzhin/ /nyon cig lha mo shes rab che/ /ku ma rI zhes bya ba'i+i sman/ /gzhon nu ma yi rkang rjes rdul/ /de yi gci ba'i sa dang bcas/ /ma he rwa yis dang ldan/ /'dam 'di sum cu gsum pas mchod/ /
de nas yang dag bshad bya ba/ /biTh+Nu bi zhes bya ba'i sman/ /sngar bstan cho ga'i bya ba yis/ /nags kyi phreng ba gzung bar bya/ /bzlog ste 'khor ba'i 'khor lo yi/ /'jim pa 'bad de blangs nas su/ /de dang lhan cig ldan par bya/ /lus la gnas na bsrung bar 
'gyur/ /rtse gcig yid kyis mnyam par gyis/ /phag mo zhes bya'i sman dang ni/ /phag gi lus las byung ba'i 'dam/ /ma he'i rwa yi nang du gzhag /lo gcig bar du nus dang ldan/ /des kyang snga ma bzhin du 'gyur/ /lam gyi bzhi mdo ri rtse dang / /glang chen 
mche b.rachags pa'i sa/ /dbang po shing gi rtsa bar bcas/ /sum cu gsum dbang 'dam zhes bya/ /de nas tsa muN+Da bshad bya/ /kha dog gcig pa bla na med/ /tsaN+Da li yi rtsa bzung la/ /sngar bstan bzhin du bsgrub par bya/ /shing gcig dang ni mtshan gcig pa'i/ /
sa dang sbyar te 'dam du bya/ /de ni lus la gnas par du/ /sum cu gsum pas kyang mi shigs/ /de nas cho ga gzhan bshad bya/ /snying po thams cad bsdus pa ste/ /mngal nas dang po byung ba ni/ /ma yi nu zho ma 'thungs pa/ /rdo rje phag mor bcas pa yi/ /he ru 

</font><hr>78-1-77b<br><font size=+1>

ka ni mchod byas la/ /de ltar byas nas lha mo che/ /gtor ma byin la yang yang bsrung / /de yi ltag pa gshegs nas su/ /lce ni rtsa bar bcas te blangs/ /bring+gi rA dza gser shing dang / /ka ga ga dza gzhan mi thub/ /lha yi sman dang bcas pa las/ /ril bu ru ni byas 
nas su/ /khar bcug nas ni bzung gyur na/ /mtshon cha thams cad zlog par 'gyur/ /ji snyed sa steng gnas pa yi/ /mtshon cha rnams kyang zlog byed na/ /kha cig la lta smos ci dgos/ /rims dang dug dang nad rnams dang / /mkha' 'gro ma dang gdon gyis 'tshe/ /de dag 
thams cad zlog 'gyur te/ /gzhan dag tu ni nga mi smra/ /de nas sbyor ba gzhan bshad bya/ /de yi sha dang zhag dang khrag /gcin dang khu bar bcas pa yis/ /yung ba nag po la byugs te/ /rgyal dang 'byung po'i nyi ma la/ /bgegs ni zhi bar bya ba'i phyir/ /'byung po kun gyi 
gtor byin te/ /las rnams thams cad bsgrub pa'i phyir/ /sngags pa cho gar ldan pa yis/ /byis pa'i ro yi lto bar ni/ /mar ngo 'byung bo'i nyi ma la/ /dur khrod kyi ni sa gzhi ru/ /cho ga bzhin du btsugs la bskyed/ /ce spyang la sogs bsrung bar bya/ /'dab ma brul 
zhing smin pa dang / /sngar gyi cho ga bzhin blangs te/ /de ni lus la gnas kyi bar/ /skad cig gis ni dpa' bor 'gyur/ /sngar bstan byis pa'i lce dang ni/ /yung ba nag por bcas pa las/ /ri lur byas te khar bcug la/ /g.yul du zhugs na dgra bcings 'gyur/ /de 
nas dpung rnams thams cad ni/ /rmongs byed skud pa bshad par bya/ /skar ma rgyal la nan tan du/ /nags kyi ras bal blangs nas ni/ /zla mtshan gyis ni byugs byas la/ /sum sgril yang ni sum sgril du/ /gzhon nu ma yis 'bad de bkal/ /rkang pa brgyad pa'i 
sngags kyis ni/ /bzlas shing mdud pa de tsam bya/ /mdud pa dag ni thams cad kyang / /ma mo brgyad du brtag par bya/ /de ltar sngags brgyad byas pa yis/ /byin gyis brlabs pa byas nas su/ /so so re re dag la yang / /brgya rtsa brgyad brgyad bzlas byas la/ /lag 

</font><hr>78-1-78a<br><font size=+1>

pa g.yon par btags na ni/ /mda' dang ral gri la sogs pa'i/ /mtshon cha thams cad bcings par 'gyur/ /sgyu ma chen po'i rig pa 'di/ /rab tu 'bad de gsang bar bya/ /de nas cho ga gzhan bshad pa/ /nags kyi shal ma li yi ni/ /bal ni 
skar ma rgyal la blangs/ /bu mo yi ni gci ba yis/ /btags te de dang bsre bar bya/ /bu mo yis ni bkal bar bya/ /gza' dang skar ma dge ba dang / /zla ba stobs can dag la ni/ /mdud pa'i sbyor ba byas nas su/ /so so zhing ni re re la/ /sngar gyi rim pa'i sbyor ba yis/ /
shin tu mnyam par bzhag ste bsgrub/ /'di yis bcings pa tsam gyis ni/ /sum cu gsum pas kyang mi 'ching / /las kyi cho ga mthong ba yis/ /mtshon cha thams cad 'ching 'gyur te/ /'di ni ba glang lhas su bsgrub/ /su rag ta dang seng ldeng dang / /nim pa dang ni ar 
ka'ang rung / /skar ma rgyal dang nyi ma la/ /shing bu de gnyis bzung nas ni/ /myos par byed pa'i rig pa che/ /rig pa kun gyi gtso mo ste/ /lan brgya ru ni bzlas nas su/ /shing bu phan tshun drud gyur na/ /dgra bo nang na 'thab par 'gyur/ /rdo rje yi ni chu dang ni/ /mdzub 
mo'i khrag dang bcas pa la/ /myos par byed ma'i rig pa bzla/ /sngags kyi bzlas pa sngon 'gro bas/ /dpral bar thig le byas na ni/ /chom po dang ni rkun po dang / /'tshe bar byed pa gzhan yang rung / /skye bo thams cad rmongs par byed/ /mkha' 'gro kun dang mnyam 
sbyor ba'i/ /rdo rje mkha' 'gro bde ba'i mchog /rdo rje sems dpa' de bzhin gshegs/ /bcom ldan rdo rje can gyis gsungs/ /rgyud kyi rgyal po chen po dpal rdo rje mkha' 'gro las/ stobs skyed pa'i cho ga'i rim par phye ba ste sum cu rtsa dgu pa'o// //gang gis 
sgrub pa po 'grub pa'i/ /de nas sbyor ba gzhan bshad bya/ /ras ster gyi ni sa bon dag /snye ma'i rtser gnas blang bar bya/ /sngon bzhin yi dgas zla phyed kyi/ /'byung po'i nyi ma gza' bzang la/ /gau ri la sogs mkha' 'gro mar/ /bcas pa'i he ru ka mgon mchog /

</font><hr>78-1-78b<br><font size=+1>

bud med kyi ni me tog gis/ /yang yang du ni bsgo bar bya/ /bsgegs pa 'am ni mtshon gyis bsad/ /spyang ki la sogs ma bros pa'i/ /bud med thod pa mdzes pa ru/ /cho ga de yis bskyed par bya/ /de yang rnga mo dag gi ni/ /'khrul 'khor la ni bskyon nas su/ /de 
yi rtse mo blang bar bya/ /sngags pas mchod pa byas nas ni/ /bu mor bsgom zhing de bskul ba'i/ /chu ni 'bad dang bcas te gtor/ /bud med ro bsregs sa dang ni/ /thal bar bcas pas de bkang la/ /ras ster gyi ni sa bon nyid/ /thod pa der ni bskyed par bya/ /
bgegs dgra dang ni gshin gshed kyi/ /sngags ni mngon par bzlas pa yis/ /mchod dang gtor ma phul nas ni/ /ci rigs su ni bsrung bar bya/ /zhi ba'i tshigs bcad sngags kyis ni/ /brgya rtsa brgyad du bzlas pa'i chus/ /der ni bcu ste bskyed par bya/ /gzhan du yi 
dgas 'tshe ba 'byung / /'bu la sogs pa bsrung ba dang / /shing bskyed rig byed bzhin du bya/ /de ni 'bad de smin pa yi/ /ras bal dag ni bzung nas su/ /gzhon nu ma yi khrag gis ni/ /bsgos la sngar gyi bu mo yi/ /skra dang bcas pa bu mos bkal/ /skud pa de yis 
bcings gyur na/ /de ma thag tu skyes bu ni/ /'dod chags gdungs pa'i bud med 'gyur/ /bkrol na slar yang rnal mar 'gyur/ /bsgegs pa'i ro yi khrag dang ni/ /zhag gi yungs kar yang yang bsgo/ /gsang ba yi ni zhing sa ru/ /tshes brgyad skar ma rgyal la ni/ /
lam dang rigs mchog thod pa ni/ /ro bsregs sas bkang ro dang bcas/ /nyi ma shis pa dag la gzugs/ /de ni shin tu smin pa blang / /ci rigs 'khrul 'khor btsir ba'i mar/ bskrad pa la sogs bya ba kun/ /blo ldan ji ltar 'dod bzhin byed/ /sa mtha' lnga 
ba yang dag ldan/ /rlung gi sa bon las byung ba/ /de yi mod la bskrad 'gyur te/ /bsgrub bya de ni slar mi ldog /bsgegs nas bsad pa'i skyes bu'i ro/ /cho ga'i rim bzhin mchod byas la/ /sngar ni ji ltar bstan pa bzhin/ /mar des yan lag kun tu byug /he ru 

</font><hr>78-1-79a<br><font size=+1>

ka yi spyod pa yis/ /sngags ni zlos shing kun tu gnas/ /sbyor chen de ni bgegs bskrad bya/ /sngags pa chen pos de dus su/ /bgegs ni rnam pa sna tshogs pa/ /ro yi lus las byung mthong ste/ /de nas der ni de dus su/ /grub pa'i rdzas 
kyi bar chad byed/ /g.yog dang bcas pa'i sgrub pa pa pos/ /de tshe phyag rgya bcing bya ste/ /skyes gnas phyag rgya dpral ba yi/ /steng du bcings la bstan bya zhing / /drag po yi ni gzugs kyis su/ /dpa' bo'i dam tshig ci rigs bstan/ /sha dang khrag tu bcas pa 
yi/ /gtor ma yi dgas rnams la sbyin/ /de yi lus las 'dzag pa'i mar/ /blangs te ku ba la sogs blugs/ /de yis lus la byugs tsam gyis/ /nam mkhar rgyu ba 'grub par 'gyur/ /gzhan yang ral gri mig sman dang / /rtsi la sogs pa rab tu 
'grub/ /khrag dang mi yi zhag gis ni/ /yungs kar la ni bsgos nas su/ /mi ro yi ni khar bcug la/ /srung ba la sogs 'bad de bya/ /de nas snga ma bzhin bskyed pa'i/ /yungs kar gang la bsnun pa yi/ /bsgrub bya de ni rims nad kyis/ /'dzin te de ma thag 
tu 'chi/ /so bya yi ni khrag dang ni/ /zhag gis snum ster bsgo byas la/ /de yi thod pa ro bsregs pas/ /bkang ba ru ni bskyed par bya/ /mchod dang gtor ma la sogs pa/ /sngar bstan bzhin du ci rigs bya/ /smin pa'i 'bras bu khar bcug na/ /skyes bu bya 
yi gzugs su 'gyur/ /de ltar sa bon gzhan dag kyang / /dog pa la gnas 'bras bu gzung / /de dang 'dra ba'i gzugs 'gyur te/ /kha las bton na sngon bzhin 'gyur/ /bya rnams kyi ni tshe dang mtshungs/ /glang po'i gzugs sogs de bzhin bya/ /bi da ri 
yi sa bon ni/ /mar ngo skar ma rgyal dang ni/ /gza' ni nyi ma dag la gzung / /ma du lung ga'i yar ngo la/ /mi ro'i zhag gis byugs nas su/ /zla ba gzas ni zin pa'i tshe/ /de yi yan lag mchog tu gzugs/ /zin pa de yi gzugs su 'gyur/ /de yi rus 

</font><hr>78-1-79b<br><font size=+1>

pa rkang dang ni/ /sha la sogs pa bskyed par bya/ /de yi pags pa rus pa yi/ /phyag rgyas yan lag brgyan byas la/ /blo dang ldan pas sngar bstan bzhin/ /mchod pa byas te thal ba gtor/ /sngags dang bcas pa'i chu yis ni/ /mkhas pa yis ni rtag tu bcug /
bgegs mthar byed dang gshin gshed kyi/ /sngags ni sngags pas rtag tu bzla/ /sha za la ni gtor ma sbyin/ /gzhan du na ni bton te khyer/ /sa bon de ni smin par gzung / /lcug ma gsum gyis dkris nas su/ /khar bcug na ni sbed 'gyur te/ /nyi ma zla ba sogs pas 
kyang / /'jig rten gsum 'dir mthong mi 'gyur/ /ma du lung ga gcig pu ni/ /khar bcug ma du lung gar 'gyur/ /bton na slar yang snang 'gyur te/ /'bras bskyed thun mong cho ga'o/ /de nas sngags kyi cho ga bshad/ /spyan ma'i sngags kyis gzugs par bya/ /mA ma kI yi 
sngags kyis bcu/ /sgrol ma'i sngags kyis bskyed par bya/ /de bzhin gos dkar mas ni bsrung / /'di dag sa la sogs pa ste/ /thams cad 'dzin cing gso ba yin/ /des na 'bad pa thams cad kyis/ /spyan la sogs pas bsrung bar bya/ /de nas dgongs mo'i dus su 
ni/ /ku ba khan de'i sa bon dag /mi yi zhag sogs kyis byugs la/ /bzhi mdo'i sas bkang thod par bskyed/ /de yi dpral bar thig le bya/ /bza' dang bca' sogs rnam pa lnga/ /mthong ba tsam gyis kha bar 'gyur/ /de nas thig le phyis na ni/ /de yi mod la 
rnal mar 'gyur/ /'ol ma se yi sa bon ni/ /bram ze yi ni thod pa ru/ /skar ma rgyal la sngags pas bskyed/ /de nas phyung ste slar yang ni/ /tha mal skyes bu'i thod par bskyed/ /sa bon de ni grub gyur na/ /kha ru bcug pas de gzugs 'gyur/ /skyes pa bud med ma 
ning sogs/ /bya yi cho ga bzhin du 'gyur/ /kha las bton na slar yang ni/ /tha mal gzugs 'gyur the tshom med/ /sbyor ba 'di ni grub pa ste/ /gzhan dag tu ni nga mi smra/ /sngags pas bung ba'i rgyal po'i sman/ /gsal shing bsad pa'i thod par bskyed/ /zhag 

</font><hr>78-1-80a<br><font size=+1>

dang khrag gis gtor bar bya/ /de yi rtsa ba blangs nas su/ /srin lag gi ni khrag dang ni/ /zhag tu bcas pa bsre bar bya/ /spyi bor bzhag na rgyal bar 'gyur/ /lha la sogs pa dbang du byed/ /ba glang rna ba'i lcug ma ni/ /rnyed nas de yi sa bon ni/ /
smin pa bzung ste khar bcug nas/ /g.yul du zhugs na rgyal bar 'gyur/ /bring+ga rA dza bzung nas su/ /shan pa'i bu mo sngon mo yi/ /khrag gis zla ba mar ngo la/ /yang yang byugs te sbyar bar bya/ /ba glang rna ba'i lcug dang ni/ /skyes pa'i thod par bskyed dang bcas/ /
'bras bu chen po ster bar 'gyur/ /de la sogs pa'i rtsa ba dang / /'bras bu tshul bzhin bskyed pa yis/ /bgegs rnams thams cad rlag byed par/ /sangs rgyas nges pa'i rgyud las gsungs/ /bsgrub par mi bya ba dang ni/ /'grub par mi 'gyur ci yang med/ /
man ngag dag ni ma gtogs par/ /dngos grub snang bar mi 'gyur ro/ /ko ka na ta'i 'bras bu ni/ /sna chen gyi ni thod par bskyed/ /dur khrod skyes pa'i bring+ga ni/ /thod par bskyed pa'i rtsa dang bcas/ /yar ngo mar ngo'i bcu bzhi la/ /bdud rtsi lnga dang lhan cig btags/ /
ril bu mdzes pa byas nas ni/ /grib ma la ni bskam par bya/ /de yis thig le byas nas ni/ /'gro kun bran bzhin dbang du 'gyur/ /am bra'i shing gi rus pa ni/ /mar khu chen pos byugs pa dang / /de bzhin pa yi rnam lngas byug /lag par khu ba byugs nas su/ /
'bras de gang la byin pa ni/ /de dbang 'gyur te gzhan du min/ /bal po se'u'i 'bras bu ni/ /khrag gis byugs te bud med kyi/ /thod par btsugs pa smin pa yi/ /'bras bu de ni mi dbang la/ /rgyal la byin na rtag dbang 'gyur/ /ku ba khan de'i sa bon ni/ /
nim ba la sogs 'bras bus byug /ro bsregs sa dang ldan pa yi/ /chags can kham phor sa bon bskyed/ /shin tu mnyam par bzhag ste bsrung / /mar ngo yi ni nyi ma la/ /nyin phyed nyi ma cha dus bsgrub/ /de ni blugs pa tsam gyis su/ /chang sogs 

</font><hr>78-1-80b<br><font size=+1>

brlag 'gyur the tshom med/ /de nas gzhan yang bshad bya ba/ /yungs kar smin pa brgya dang ni/ /rtsa brgyad blangs nas zhag gis ni/ /bsgos te legs par thum por bya/ /bud med ro yi lto bar gzhug /nyin bdun bzhag ste phyung nas su/ /de yi mchin 
par bcas pa'i sas/ /de yi thod pa bkang bar bskyed/ /gtor ma dang ni srung ba dang / /bdug pa dang ni chus bcu sogs/ /shin tu 'bad dang bcas pa yis/ /las rnams thams cad sngon bzhin bya/ /ji srid smin gyi bar du bskyed/ /de nas sngar bzhin 
'bad pas blangs/ /bud med kyi ni khrag gis byug /'dab ma dang ni sa bon sogs/ /de yi yan lag ci yang rung / /bud med gang dang gang bsnun pa/ /de ni phyi bzhin 'brang bar 'gyur/ /'ol se'i sa bon 'bad de gzung / /dmar ser thod par bskyed par bya/ /de 
yi lcug ma bzung nas su/ /blo dang ldan pas sgo nga bya/ /de yi nang du chang blugs na/ /snod der gnas pa'i rdzas rnams ni/ /ji srid ma zad bar du ni/ /de na gnas pa'ang zad mi 'gyur/ /chu 'gram sa dang rdza mkhan sa/ /de bzhin thong bar chags pa'i sa/ /grog mkhar 
gyi ni sa dag dang / /mtshan ma gcig pa'i sa rnams ni/ /bskyed pa kun la shin tu bsngags/ /gci ba'i shul gyi sa bzung la/ /sngags kyis mngon par byin gyis brlab/ /bong bu'i gcin dang bcas pa las/ /mkhas pas mi yi gzugs brnyan bya/ /gser shing sngar 
bzhin sbyang byas la/ /sngags pas de yi khar bskyed bya/ /de yi yan lag lnga bzung ste/ /ril bu dag ni mdzes par bya/ /las rnams thams cad byed 'gyur te/ /khyad par du ni dbang du byed/ /yungs kar la sogs 'bras bu ni/ /glang po che yi sha dang ni/ /khrag 
dang rus pa'i zhag la sogs/ /de yi thal ba sogs pas byug /de yi thod par bskyed pa dag /de ni kha ru bcug tsam gyis/ /glang po che yi gzugs su 'gyur/ /'di ni thun mong cho ga ste/ /de bzhin rta dang ma he sogs/ /de bzhin stag dang ri bong sogs/ /cho ga de 

</font><hr>78-1-81a<br><font size=+1>

bzhin bskyed pa yis/ /khrag bcas bsgoms nas stag sogs 'gyur/ /sbyor ba'i cho ga'i dus su ni/ /grub pa'i gza' la sogs dang sbyar/ /rtag tu sgom dang bzlas la dga'/ /dam tshig spyod pa bsrung ba dag /de yis rtag tu 'grub 'gyur 
te/ /gzhan du na ni 'bras bu med/ /rdo rje sems dpa' de bzhin gshegs/ /bcom ldan rdo rje can gyis gsungs/ /rgyud kyi rgyal po chen po dpal rdo rje mkha' 'gro las 'bras bu bcos ma'i phyag rgya'i ye shes kyi rim par phye ba ste bzhi bcu pa'o// //de nas A li 
kA li gnyis/ /de nyid las ni kun skyed cing / /spro zhing sdud par byed pa po/ /tha snyad kyi ni cho ga ste/ /sngags kyi mtshan nyid thun mong ba/ /cho ga 'di dag ji bzhin nyon/ /a zhes bya ba mdog dmar ba/ /mgo dang thig le spangs pa ni/ /bsgrub bya'i snying ga mgo bo 
dang / /gsang ba dang ni lte bar bsam/ A zhes bya ba thig ler ldan/ /mtshal dang 'ol ma se dang ni/ /ku su ma ni lta bu'i mdog /bsgrub bya'i mgor ni bsam byas la/ /myos shing sems dang bral ba dang / /lkugs shing rnam par nyams par bsam/ /
de yi lus ni rang nyid kyi/ /sa bon gyis dkrugs rmongs bsgoms na/ /ring por mi thogs dbang 'gyur te/ /rtag tu thams cad ster bar 'gyur/ /i zhes bya ba skas lta bu/ /dbyangs yig gsum pa'i thung ngu ni/ /bsgrub bya'i snying ga lte ba dang / /de bzhin du ni 
mgrin par bsgom/ /I zhes bya ba'i dbyangs yig bzhi/ /li khri yi ni mdog lta bu/ /bsgrub bya yi ni dpral bar dgod/ /gang gi lus la gsum pa dang / /bzhi pa'i mchog ni bkod pa yis/ /myos shing cha lugs nyams pa dang / /sems dang bral bar 
byas nas su/ /ji srid 'tsho yi bar du ni/ /lkugs pa bzhin du dbang du 'gyur/ /de nas dbyangs yig lnga pa ni/ /dbang po'i mtshon cha lta bu'i 'od/ /u zhes bya ba'i bsgrub bya yi/ /mgrin par zhags pa lta bur bsam/ /glog dang mtshungs par 'bar ba 

</font><hr>78-1-81b<br><font size=+1>

yi/ /dbyangs yig mchog ni drug pa ste/ /U zhes bya ba bsgrub bya yi/ /snying gi dbus su bsgom par bya/ /lkugs shing myos par gyur pa dang / /lus ni g.yo zhing sems dang bral/ /gang du sgrub pa por gnas par/ /'khrugs pa bzhin du 'ong bar 'gyur/ /
bdag nyid dang ni nor dang bcas/ /dbang du yang ni 'gyur ba yin/ /r-i zhes bya ba du ba'i mdog /dpral ba lus dang bral ba ste/ /dbyangs yig gi ni dam pa de/ /snying ga dang ni gsang bar bsgom/ /de nas r-I ni mun pa'i mdog /bsgrub bya'i lus kyi mgo bo dang / /de 
bzhin rkang pa mgrin pa ru/ /ring po de ni bsgom par bya/ /bdun pa dang ni brgyad pa 'dis/ /myur du skrod par byed pa ste/ /sems ni rmugs shing nyams gyur nas/ /sa gzhi ma lus rgyu 'gyur te/ /mthong ba yi ni tshe 'di la/ /slar yang zlog par mi 'gyur ro/ /l-i 
zhes bya ba srid pa sdom/ /bya rog gi ni gshog pa 'dra/ /sgrub pos bsgrub bya'i mig dang ni/ /mgrin pa dang ni gsang bar bsgom/ /dbyangs yig ring po l-I zhes pas/ /bsgrub par bya ba dkris par bsam/ /bsgrub bya'i lus la bsgoms tsam gyis/ /sdang bar 
byed pa'i mchog yin te/ /sems can kun gyis smad pa dang / /skye bo kun gyis brnyas pa dang / /mar khu phyung ba'i 'ba' cha bzhin/ /skye bo kun gyis spong bar 'gyur/ /cog la ma yi mtshal dang ni/ /lham bu chu gsher lta bu'i mdog /e zhes bya ba dbyangs kyi 
rgyal/ /gsang dang lte ba snying gar dgod/ /ai zhes bya ba gzi brjid che/ /li khri dang ni nyi ma'i mdog /bsgrub bya'i mig dang de bzhin du/ /kha dang mgrin par bsgom par bya/ /sgrub pa'i mchog gis yid la ni/ /las 'di byas pa tsam gyis su/ /khams 
gsum po ni ma lus pa/ /mthe bo'i khyon tsam du ni mthong / /gdong dang gdong ni mngon phyogs te/ /de yi yi ge'i cha shas kyis/ /dbugs kyi ri mo lcug mas dgug /cha shas lcug ma'i dam tshig dbang/ /a zhes bya ba'i dbyangs yig ni/ /thig le dang ni zla phyed 

</font><hr>78-1-82a<br><font size=+1>

bcas/ /zla ba gnyis ni tsheg drag bcas/ /'di ni sangs rgyas thams cad kyi/ /yi ge mchog gi phyag rgya ste/ /sangs rgyas ri mor yang dag gnas/ /'di ltar A li kA li zhes/ /bcud len thams cad ces byar brjod/ /gtso bo la ni thim byas 
nas/ /rdo rje sems dpa' sogs dang sbyar/ /de yi 'og tu phyi nas ni/ /yi ge thams cad gzhug par bya/ /ji srid snang ba yod kyi bar/ /'dis ni bsrung ba byed par brjod/ /thig le zhes bya sems yin te/ /sems kyi rang bzhin stong pa yin/ /zla ba gnyis dang 
yang dag ldan/ /mi 'gyur mchog gi phyag rgya'o/ /de las dbyangs yig rnams kyi ni/ /sgrub po bdag nyid chen po yi/ /las ni lha dang lha min dang / /mir bcas myur du dbang du byed/ /oM zhes bya ba nyi ma ltar/ /'od zer 'bar ba stong dang ldan/ /bsgrub bya yi 
ni mgo bo dang / /dpral ba khyad par snying gar bsgom/ /oM zhes bya ba rtag 'bar ba/ /nyi ma bye ba'i gzi brjid can/ /bsgrub bya yi ni lus kun la/ /khyab pa nyid du bsgom par bya/ /bskal pa yi ni me dpung ltar/ /dbyangs kyis khyab nas bsgom pa dang / /
dbyangs kyi me yis bsgrub bya yang / /rab tu 'bar bar bsgoms byas nas/ /dgra bo lo brgyar 'tsho ba yang / /de ma thag tu ltung bar 'gyur/ /a ni thams cad sdud pa ste/ /'tshe ba zlog par byed pa'ang yin/ /A ni gshegs su gsol ba ste/ /ji ltar 
'dod bzhin lha yang byed/ /bud med kun gyi mngal du ni/ /bsam na khu ba 'dzag par 'gyur/ /khyad par du ni gzhan dag la'ang / /dkar po dmar po'i ting 'dzin bya/ /a la sogs dang yi ge rnams/ /lus la bkod na dpyad mi dgos/ /de ltar dbyangs 
kyi las rnams ni/ /khyod la bdag gis gang bstan la/ /dbyangs yig dge ba bcu drug ni/ /lus la go char bkod de bya/ /A zhes bya ba rkang gnyis dgod/ /a ni byin pa gnyis la bsam/ /I ni brla la dgod bya ste/ /i zhes bya ba gsang bar gnas/ /u 

</font><hr>78-1-82b<br><font size=+1>

ni lte ba'i rtsa ba ste/ /U zhes bya ba lte ba'i dbus/ /r-i ni lte ba'i steng du dgod/ /r-I zhes bya ba snying gar yin/ /l-i zhes bya ba mgrin par dgod/ /de bzhin l-I ni rkan la'o/ /e zhes bya ba kha la ste/ /de bzhin e ni sna la'o/ /o ni rna bdag la ste/ /au zhes bya ba dpral 
bar ro/ /oM ni mgo la dgod byas te/ /aHzhes bya ba rgyab tu dgod/ /dbang dang dgug la dmar por te/ /gsad la thams cad sngon por ro/ /du ba lta bur bsams na ni/ /bskrad pa nyid 'gyur the tshom med/ /dbyangs yig kun gyis byin brlabs 'di/ /bdag 
gi de nyid gsal ba yin/ /sgrub po bdag nyid dam pa yis/ /de ltar go cha bgos nas ni/ /sgrub pos dbyangs dang yi ge yi/ /phyi nas las rnams shin tu sbyar/ /de nas rig pa'i de nyid 'byung / /las rnams rtag tu byas pa ste/ /ka nas ma yi mthar thug pa'i/ /
las ni blo gros chen pos nyon/ /lha dang lha min mi dang bcas/ /gang gis sa gsum thams cad ni/ /sgrub po shin tu rgyas pa yi/ /dbang du de dag thams cad 'gyur/ /yid la 'dod pa'i 'bras ster ba/ /de ni nga yis bshad par bya/ /dbyangs yig bcu drug po rnams 
kyi/ /mdzes ma khyod la sngar bshad nas/ /da ni ka sogs yi ge yi/ /las rnams 'dod bzhin byed pa bshad/ /lha mo yi ge dang po ni/ /nyi ma'i gzi brjid dang mtshungs shing / /li khri spungs pa lta bu yi/ /thig ler ldan pa'i yi ge che/ /sgrub pos bsgrub bya'i snying ga 
dang / /lte ba dang ni mgo bor bsgom/ /de yis bsgrub bya'i lus kyi ni/ /nang du phug ste khyab par bsam/ /de yis lus ni 'khrugs nas su/ /rmongs shing sems dang bral ba dang / /brgyal bzhin du ni dbang du 'gyur/ /ji srid lus la gnas kyi bar/ /de srid 
dbang du 'gyur ba ste/ /ji srid 'tsho yi bar du ni/ /bdag nyid nor dang bcas 'gyur la/ /kha zhes bya ba'ang brtson chen ma/ /lham bu chu gsher lta bu dang / /nyi ma 'char kha lta bu'i mdog /thig ler bcas pa gzi brjid che/ /gsal zhing 'od dang bcas pa ste/ /

</font><hr>78-1-83a<br><font size=+1>

bsgrub bya yi ni snying ga dang / /mgo dang rkang pa kun tu dgod/ /de yis bsgrub bya phug nas ni/ /rmongs shing sems dang bral bar bsam/ /sgrub pa po yi mchog gis ni/ /de yi lus ni dkrus pa dang / /myos shing brgyal bar bsgom par bya/ /de yis 
shin tu rgyal 'gyur zhing / /yi ge'i dbang pos che bas na/ /sgrub po bdag nyid chen po yi/ /ji srid 'tsho yi bar du ni/ /nor dang bcas pa dbang du 'gyur/ /ga zhes bya ba'i sa bon che/ /rang gi lha yi sdom pa ste/ /tsheg drag bcas pa gzi brjid che/ /gtso bo char 
sprin lta bu'i mdog /bsgrub bya'i mgo dang mgrin pa dang / /khyad par du ni snying gar bsam/ /de yis bsgrub par bya ba'i lus/ /yi ges kun tu phug bsam na/ /lus ni rtag tu dkrugs pas na/ /'dar zhing de yi dbang du 'gyur/ /bdag nyid dang ni nor dang 
bcas/ /sdang ba'i dgra rnams ma lus pa/ /khyim la sogs pa kun tu ni/ /ji srid nyi zla yod kyi bar/ /ma lus par ni 'joms par byed/ /g+ha zhes bya ba sgyu ma che/ /bskal pa'i me dang gzi brjid mtshungs/ /steng du thig les brgyan pa ste/ /ku su ma yi khu ba 
'dra/ /bsgrub bya yi ni lte ba dang / /gsang ba snying ga kha dang ni/ /mgo bo ru ni bsams tsam gyis/ /bsgrub bya dga' bas myos nas su/ /sems dang bral zhing nyams nas ni/ /ji srid 'tsho yi bar du ni/ /bdag nyid nor dang bcas pa ru/ /shin tu de yi dbang du 
'gyur/ /nga zhes bya ba gzi brjid che/ /sde tshan gyi ni mtha' mar gnas/ /de ni 'dod pa'i mda' yin te/ /'jig rten gsum po dbang du byed/ /de ni bsgrub bya'i gsang bar bsam/ /khu ba dag ni 'dzag par byed/ /gsang ba ru ni zhugs pa yis/ /thams cad 
du ni 'bigs par 'gyur/ /yan lag gi ni tshigs kun tu/ /de yis phug pas myos nas ni/ /nor dang bdag nyid bcas pa ni/ /myur ba nyid du dbang du 'gyur/ /ji srid 'tsho yi bar du ni/ /de la chags dang bral mi 'gyur/ /yi ge lnga po kun gyis kyang / /

</font><hr>78-1-83b<br><font size=+1>

bdag nyid go cha bskon par bya/ /ka zhes bya ba snying gar dgod/ /kha zhes bya ba mgo la ste/ /ga zhes bya ba spyi gtsug tu/ /g+ha zhes bya ba go char bya/ /nga zhes bya ba sgrub pa po'i/ /lag pa g.yon la dgod par bya/ /de nas bsgrub bya dbang dang ni/ /dgug dang gsad la 
sogs par sbyar/ /cho ga de ltar byas na ni/ /dpyad mi dgos par dngos grub 'gyur/ /tsa zhes bya ba du ba'i mdog /rlung gi gnas kyi yi ge ste/ /sgrub pos de yi snying ga dang / /mgo dang rkang par bsam par bya/ /bsgrub bya rlung la gnas nas ni/ /kun tu 'pho bar 
bsam pa dang / /sems dang bral bar gyur nas su/ /nam mkha' la ni gnas bzhin du/ /rlung gis gzhan dang gzhan dag tu/ /khyer ba ru ni bsgom par bya/ /bsam gtan sbyor ba 'di yis ni/ /bsgrub bya shin tu brtan pa yang / /bskrad 'gyur 'dir ni the tshom med/ /
bsgrub bya'i lus ni 'phangs pas na/ /ji srid 'tsho yi bar du ni/ /slar yang 'ong bar mi 'gyur ro/ /tsha zhes bya ba'i yi ge che/ /gsal zhing mig sman nag po'i mdog /cha gnyis pa dang yang dag ldan/ /bsgrub bya yi ni mgo bor bsam/ /de yi mgo la du ba yi/ /
tshogs dang mtshungs pa'i rlung gis khyab/ /cung zad tsam gyis bsgrub bya yi/ /lus ni de yis bskor bar bsam/ /slar yang tsha ni tsheg drag bcas/ /lte ba ru ni bsams nas su/ /lan gsum du ni brjod byas na/ /yi ge 'di ni bskrad pa'i mchog /bsgrub bya 
rmongs shing sems dang bral/ /dgra bo mdangs ni nyams nas su/ /sa stengs ma lus pa ru 'khyam/ /ji srid 'tsho yi bar du ni/ /slar yang ldog par mi 'gyur ro/ /dza zhes bya ba'i yi ge rgyal/ /du ba'i mdog can gzi brjid che/ /'od zer ldan zhing shin tu 'bar/ /rdul 
phran dag ni stong du 'phro/ /bsgrub bya yi ni mgo bo dang / /gsang bar yi ge zhugs par bsgom/ /yan lag tshigs kun phug pa dang / /sems dang bral ba bzhin du gnas/ /yi ges yongs su bkang bas na/ /de nas brgyal bar gyur nas ni/ /nyin dang mtshan 

</font><hr>78-1-84a<br><font size=+1>

du rmongs pa dang / /mi sad par ni bsgom par bya/ /sa stengs shing dang nags tshal bcas/ /thams cad du ni 'gro bar 'gyur/ /bskrad pa'i cho ga 'di dag ni/ /dge ma khyod la nga yis bshad/ /ji srid 'tsho yi bar du ni/ /slar yang 'ong bar mi 
'gyur ro/ /dz+ha zhes bya ba stobs po che/ /bsgrub bya yi ni snying ga ru/ /nyi ma lta bur 'bar ba dang / /'od zer gsal ba rnam par 'phro/ /thig le zla ba phyedapas brgyan/ /bsgrub bya'i mgo dang snying ga dang / /lte ba'i steng du yi ge bsam/ /sgrub pa'i dbang pos bsgrub 
bya'i lus/ /'bar bas bcud dang phral bar bsam/ /de yis bsgrub bya brgyal 'gyur zhing / /bskrad pa'am ni 'chi ba'am/ /yang na smyon pa nyid du 'gyur/ /yi ge yis ni ltung bas na/ /slar yang 'ong bar mi 'gyur te/ /sa gzhi nags tshal bcas pa ru/ /
smyo zhing 'gro 'gyur the tshom med/ /dz+ha zhes bya ba 'di yis ni/ /myur du bskrad 'gyur the tshom med/ /nya zhes bya ba'i yi ge mchog /sna tshogs pa yi mdog dang ldan/ /pa la sha yi me tog gi/ /'od zer stong phrag 'bar ba ste/ /chu rgyun stong ni 'bab pa yis/ /de yi 
lus la dbo bar bya/ /de yis nor dang bcas pa ru/ /brgyal zhing sems dang bral ba dang / /rmongs shing myur du dbang du 'gyur/ /Ta zhes bya ba'i yi ge mchog /dbang po'i mtshon cha lta bu'i mdog /'od zer 'bar ba stong phrag gis/ /yi ge 'bar dang ldan par 
bsam/ /bsgrub bya yi ni dpral ba dang / /mgrin pa dang ni snying gar bsam/ /bsgrub bya'i steng du nam mkha' la/ /bdud rtsi sgo yi thig le ni/ /spyi bo'i steng du rtag tu bsam/ /cung zad glog ni g.yo 'dra ba'i/ /kha ba dag ni 'bab par bsam/ /sgrub pa po 
yis bsgrub bya ni/ /yan lag tshigs kun g.yo ba dang / /brgyal zhing rmongs la myos bsams na/ /ji srid nyi zla yod bar du/ /nor dang bdag nyid bcas pa ru/ /de yis thams cad dbang du 'gyur/ /de ltar Ta yi rgyal po yi/ /las ni khyod la nga yis bshad/ /

</font><hr>78-1-84b<br><font size=+1>

de nas yi ge gnyis pa yi/ /las kyi mchog ni bshad par bya/ /Tha zhes bya ba'i yi ge ni/ /dbang chen dang ni 'dra bar 'dod/ /spyi bor bdud rtsi theg les brgyan/ /de bzhin glog dang 'brug gis brgyan/ /yi ge'i mchog ni bsgom par bya/ /bdud rtsi chu rgyun 'bab pa 
yis/ bsgrub bya'i lus la kun tu gtor/ /bsgrub bya'i mgo dang mgrin pa dang / /snying ga ru ni gnas par bsam/ /bsgrub bya'i mgo ni phug pa dang / /lus la kun tu khyab pa yis/ /bsgrub bya myos shig 'dar ba ru/ /sngags pas yi ges rtag tu bsgom/ /de 
nas ji srid 'tsho bar du/ /brgyal zhing rmongs pas dbang du 'gyur/ /de nas Da zhes bya ba ni/ /yi ge'i rgyal po gsum pa ste/ /de yi las kyi mchog rnams ni/ /rtse gcig yid kyis gus pas nyon/ /Da zhes bya ba thig ler bcas/ /rdo rje lta bu'i dbyibs can yin/ /ut+pa 
la ltar ljang ser te/ /'od zer gsal ba kun tu 'phro/ /bsgrub bya'i spyi bor bsam pa yis/ /bsgrub bya'i tshigs ni 'bugs shing 'byed/ /bsgrub bya mig yor bsgom byas na/ /lus ni kun tu g.yo bzhin du/ /ji srid 'tsho yi bar du ni/ /rmongs dang bcas pas 
dbang du 'gyur/ /de nas las kyi mchog gzhan ni/ /shin tu gnyer bar byed pa ste/ /D+ha zhes bya ba yi ge'i rgyal/ /shin tu rmad byung byed pa po/ /dbang po'i mtshon cha lta bu'i mdog /nyi ma lta bur 'bar ba ste/ /bsgrub bya'i snying dang lte ba dang / /mgrin par yi ge 
bsams nas su/ /byang chub sems ni rab 'dzag pas/ /de yi lus la dbo bar bya/ /de yis bzi zhing brgyal nas su/ /gnyid log par ni bsgom byas na/ /'di yis ring por mi thogs par/ /rmongs shing sgrub po'i dbang du 'gyur/ /cho ga'i sbyor ba 'di yis ni/ /nam 
yang chags dang bral mi 'gyur/ /de nas d+ha mtha' yi ge'i las/ /ji ltar 'dod bzhin 'bad de nyon/ /Na zhes bya ba du ba'i mdog /cung zad 'bar zhing gsal ba ste/ /dri ma med pa'i du ba las/ /'od zer gsal ba rnam par 'phro/ /bsgrub bya yi ni lus kun la/ /

</font><hr>78-1-85a<br><font size=+1>

de yis rnam par khyab byed cing / /'od zer glog stong 'khyug 'dra ba/ /bsgrub par bya ba'i steng du bsgom/ /'od zer brgya yis bkang bas na/ /myos nas su ni brgyal bar 'gyur/ /de yis ji srid 'tsho bar du/ /de ni de yi dbang du 'gyur/ /ta zhes 
bya ba'i yi ge mchog /'od zer glog ltar gsal ba ste/ /mdog ni rma bya'i mgrin pa 'dra/ /yi ge 'di ni bsgrub bya yi/ /snying dang mgrin pa gsang ba dang / /lte bar bkod de 'bugs par bsam/ /yi ge de yis rmongs pas na/ /bsgrub bya sems dang bral ba 
dang / /rmongs shing brgyal bar gyur nas su/ /ji srid 'tsho yi bar du ni/ /myos shing dbang 'gyur gzhan du min/ /de yi drung na gnas pa yi/ /tha zhes bya ba yi ge mchog /mu men gyi ni mdog 'dra dang / /ut+pal sngon po'i 'dab ma'i 'od/ /bsgrub bya'i snying ga 
dpral ba dang / /de bzhin du ni rkang par dgod/ /bsgrub bya'i lus la dbang po yi/ mtshon cha bzhin du thim par bsam/ /yi ge'i rgyal pos mnan pas na/ /bsgrub bya sems dang bral 'gyur zhing / /sa 'dzin gyi ni dbang bo bzhin/ /'gro ba dag kyang bcings par 
'gyur/ /reg bya mi shes dri mi shes/ /sgra mi thos shing gzugs mi mthong / /lce yis ro rnams mi myong zhing / /dug gis brgyal ba bzhin du gnas/ /gang dang gang gi steng du ni/ /nyi 'od lta bu'i yi ge bsam/ /yi ge'i rgyal po tha yis ni/ /skyes bu bcings 
'gyur the tshom med/ /de nas gzhan yang da yi ni/ /stong pa'i las kyi cho ga nyon/ /da zhes bya ba mdog sngon ni/ /char sprin nag po'i 'od dang mtshungs/ /'od zer 'bar ba rnam 'phro ba/ /bsgrub bya yi ni mgor bsam la/ /me stag 'phro ba bsgoms pa ni/ /phyogs 
kun tu ni bsam par bya/ /yi ge'i dbang phyug de yis ni/ /bsgrub bya'i mgo bo phug par bsam/ /'bar ba'i sprin ni stong phrag gis/ /de ni kun tu bskor bar bsam/ /de ni bkod pa tsam gyis su/ /sdong gog dang ni mtshungs par 'gyur/ /phug ste shin tu 

</font><hr>78-1-85b<br><font size=+1>

bcings pas na/ /'gro ba'ang mi g.yo bar ni 'gyur/ /ji srid sgrub po 'dod bar du/ /sems dang bral zhing brtan par gnas/ /slar yang sgrub pos bsams tsam gyis/ /rmongs pa las ni grol bar 'gyur/ /de nas yi ge d+ha yi ni/ /las ni rmad du gyur pa nyon/ /b+ha zhes 
bya ba gzhu yi dbyibs/ /kha dog ser po gser gyi mdog /gser lta bu yi 'od zer 'phro/ /bsgrub bya yi ni mgrin pa ru/ /zhags pa lta bur 'bar bar bsam/ /sgrub pa'i dbang pos bsgrub bya de/ /khrid de 'ong bar bsgom byas na/ /sgrub pa po ni gar gnas par/ /
rmongs dang bcas te 'ong bar 'gyur/ /ji srid 'tsho yi bar du ni/ /phyugs de sems dang bral 'gyur zhing / /nyi ma brgyad pa'i cha la ni/ /rang gi gnas nas 'ong bar 'gyur/ /de nas yi ge na yi ni/ /las kyi cho ga'i sgrub pa nyon/ /mdog ni du ba'i phung po 'dra/ /rlung gi dkyil 
'khor 'khrugs dang ldan/ /bsgrub bya'i snying ga mgrin pa dang / /lte ba dang ni rkang par sbyar/ /de yis dgra rnams rang yul nas/ /bskrad 'gyur 'dir ni the tshom med/ /de ni rmongs pas rang yul du/ /nam yang phyis ni 'ong mi 'gyur/ /de nas sde tshan lnga pa ni/ /yi ge 
rnams kyi dbang phyug mchog /las ni shin tu grub pa ste/ /gzhan dang gzhan ni bshad par bya/ /pa zhes bya ba rlung gi gnas/ /char sprin gyi ni sprin gyis bskor/ /'bar zhing du bas 'khrigs par ldan/ /bsgrub bya yi ni mgo bo dang / /mgrin pa snying ga rked pa dang / /
rkang pa dag tu bsams nas ni/ /pa zhes bya ba'i yi ge des/ /bsgrub bya'i lus ni dkri bar bya/ /bsgrub par bya ba nga rgyal dang / /khro bas brtan gnas gtso bo yang / /yi ge gtso bo bkod pa yis/ /skad cig gis ni bskrad 'gyur te/ /gal te tshe rabs gzhan dag 
la'ang / /slar zhing ldog par mi 'gyur ro/ /de nas yi ge pha yi ni/ /las mchog nga yis bshad kyis nyon/ /yi ge pad+ma'i mdog 'dra zhing / /'bar ba bsgrub bya'i spyi bo dang / /mgrin pa snying ga lte ba dang / /gsang ba'i gnas su bkod nas ni/ /ku su ma yi khu 

</font><hr>78-1-86a<br><font size=+1>

'dra ba/ /'dzag pa ru ni rnam bsams te/ /bsgrub bya'i lus ni phyi nang du/ /de yis gang bar bsgom byas na/ /bsgrub bya rmongs shing brgyal 'gyur la/ /sems med lus ni 'dar gyur nas/ /rmongs pas sgrub pa po yi ni/ /dbang du 'gyur te dpyad mi 
dgos/ /ba zhes bya ba'i rgyal po ni/ /gru bzhi pa la stobs po che/ /dung dang zla 'dra dkar po'i mdog /zla ba'i 'od can bsgrub bya ni/ /dbus su sgrub pos par bsam/ /de lus dug gis mi tshugs shing / /nad la sogs pas gzir mi 'gyur/ /rims dang 
bkres dang skom mi 'byung / /'di ni rtag tu bsgoms gyur na/ /tshe ring nad med rgyal bar 'gyur/ /bsam gtan sbyor ba 'di yis ni/ /zla ba dmar dang bcas pa ru/ /lhan cig tu ni bzlas gyur na/ /rtag tu bdud rtsi'i rgyun 'drar 'gyur/ /de nas rgyal po b+ha zhes 
pa'i/ /las kyi mchog ni mnyan par gyis/ /dbang po'i mtshon cha lta bu ste/ /nyi ma 'char kha lta bu'i mdog /bsgrub bya yi ni mgo bo ru/ /rgyal ba'i mchog ni rtag bsams la/ /de yi lus ni ma lus par/ /yi ge'i rgyal pos dbug par bya/ /rmongs shing 
sems dang bral 'gyur te/ /rdo rje yin yang brgya la gyur nas/ /mche bas zin ltar skad cig la/ /ltung zhing 'chi ba nyid gyur pas/ /de yi srog ni rmongs par 'gyur/ /dgra ni lo brgyar 'tsho ba yang / /skad cig gis ni 'chi bar 'gyur/ /de nas gzi brjid chen po 
yi/ /yi ge nyi shu rtsa lnga pa/ /ma zhes bya ba dam pa mchog /de yi las ni ji bzhin nyon/ /tsam pa ka ltar ser ba'i mdog /bskal pa'i me bzhin gzi brjid 'bar/ /'od ni glog stong 'khyug pa bzhin/ /bsgrub par bya ba'i steng bsams la/ /de yi 'od kyis 
bsgrub bya yi/ /steng dang 'og ni ma lus par/ /lus ni kun tu g.yogs bsams na/ /gnod sbyin lha dang klu yi bu/ /sha za dang ni srin po dang / /khams gsum yi ge'i bdag po dang / /lha dang lha min mi dang bcas/ /sgrub po bdag nyid chen po yi/ /skad cig gis 

</font><hr>78-1-86b<br><font size=+1>

ni dbang 'gyur bar/ /mdor bsdus ngas ni khyod la bshad/ /ya zhes bya ba yi ge mchog /mun pa dang ni du ba'i mdog /rlung gi dkyil 'khor dbus gnas shing / /rlung gi gzugs can yi ge che/ /rlung bdun gyi ni gtso bo dang / /gnas zhes bya bar brjod pa ste/ /zla 
phyed kyi ni dbyibs can la/ /ba dan brgya yis rnam par bklubs/ /rnam pa bzhi yi rten gyur pa/ /phyi rol gos ltar dkris pa ste/ /ra zhes bya ba yi ge mchog /'bar ba bye ba stong dang ldan/ /de yi steng du bsam par bya/ /du ba yi ni phreng bas brgyan/ /bsgrub bya'i mgo 
bor bsgoms nas ni/ /dgra bo lo brgya 'tsho ba yang / /sbrul gyi mche bas zin pa ltar/ /skad cig tsam gyis srog dang ni/ /bral zhing 'chi ba'i sgor gzhol 'gyur/ /lha sogs thams cad gang rung gi/ /steng du yi ge 'di sbyar na/ /myur du lhung 'gyur dpyad mi dgos/ /
gdon dang rims rnams thams cad ni/ /de la 'bab par 'gyur ba dang / /sbrul chen brgya yi mche ba 'bab/ /de yis myur du 'chi 'gyur na/ /gnod pa gzhan lta smos ci dgos/ /ya zhes pa dang ra zhes pa/ /rlung dang me yi gzugs can du/ /nam mkha'i 
phyogs su bsams nas ni/ /nam mkha'i ngos ni g.yogs bsams na/ /nyi zla gza' skar sogs pa'ang rung / /chu bo dang ni rgya mtsho yi/ /dbus su yi ge gnyis po dag /bsams nas nyi ma brgyad pa la/ /rgya mtsho la sogs thams cad skam/ /zhing sa 'bru yi phung po dang / /
khyim la sogs pa'i gnas bsam na/ /phyi rol me lce 'bar ba yis/ /thams cad yi ge thal bar byed/ /me yi dkyil 'khor dbus gnas te/ /rlung gis kun tu bskor bar ni/ /yi ge mchog ni gnyis bsams na/ /las ni kun tu nye bar gnas/ /de nas gzhan 
yang yi ge gnyis/ /stobs chen ldan pa bshad par bya/ /dbang chen dang ni de bzhin chu/ /las rnams thams cad byed pa po/ /la zhes bya ba sa yin te/ /sa zhes bya ba 'dzin pa'i mchog /dbang po rdo rjes mtshan pa dang / /'od zer glog ltar 'bar ba ste/ /kha 

</font><hr>78-1-87a<br><font size=+1>

dog lnga dang ldan pa ru/ /yi ge'i dbang po sa la bsgom/ /de steng cu yi yi ge ni/ /bzhi pa legs par gnas pa ste/ /dung dang zla 'dra dkar po'i mdog /kha ba'i rgyun ni 'bab pa ste/ /la yi steng du bkod nas su/ /shin tu bsil 
ba'i bdud rtsi 'dzag /dbang chen gyis ni bskor ba yi/ /chu yi dkyil 'khor dbus gnas pa/ /spyi bor thig le dang ni ldan/ /char pa'i rgyun ni stong phrag 'bebs/ /steng du sprin gyi phung po ni/ /glog dang 'brug la sogs pas brgyan/ /bdud rtsi char gyi rgyun 
'bebs pa/ /nam mkha' thams cad khyab pa ru/ /dkyil 'khor gnyis kyi dbus 'gyur ba/ /gang gi mgo yi steng bsgoms na/ /sgrub po bdag nyid chen po yi/ /las ni ji ltar 'dod bzhin byed/ /gdengs ka gsum gyis mdzes pa yi/ /lhag ma can ni 
zhi gzugs bsam/ /de yi mig gnyis dbang po yi/ /mtshon chas brgyan pa'i dbus su ni/ /bdud rtsi 'bebs pa'i i yig dgod/ /grong khyer gyi ni mtha' ma dang / /bsgrub bya yi ni steng du dbab/ /dug dang gdon dang rims la sogs/ /skad cig gis ni zhi bar 
'gyur/ /da ni skra dkar gzhom pa yi/ /cho ga bshad kyis mnyan par gyis/ /dkyil 'khor nyis 'gyur yi ge ni/ /de ltar rtag tu bsams gyur na/ /tshe thung ba yang ring 'gyur na/ /skra dkar la sogs smos ci dgos/ /bud med dbang phyug rnams la ni/ /'bad 
pas yang yang g.yon bskor zhing / /rang gi spyi bo'i steng du ni/ /lo gcig bar du bsgom byas na/ /rga ba dang ni 'chi ba 'joms/ /nad kyis gdung bar mi 'gyur te/ /gal te klu chen brgyad kyi ni/ /mche ba'i dug gis zin gyur kyang / /dug ni dug med byas nas su/ /
dug gis brgyal ba slong bar mdzad/ /'gron po lam gyis dub pa dang / /gdon la sogs pas gzir ba rnams/ /kun las thar bar 'gyur ba yin/ /bdag gi spyi bor bsams tsam gyis/ /skad cig gis ni bkres skom 'joms/ /nad rnams kun gyis gdungs 

</font><hr>78-1-87b<br><font size=+1>

pa la/ /yi ge bkod pas grol bar 'gyur/ /de ltar las rnams sna tshogs ni/ /lha mo khyod la bshad pa yin/ /gtso mo bzhi yi rnam pa bzhi/ /las kyi cho ga rgyas pa ste/ /rlung dang me dang bdud rtsi bcud/ /de bzhin drod kyi sde pa ste/ /gshin rje brtan ma phyag 
gnyis pa/ /rgyan rnams kun gyis rnam par bklubs/ /lus ni me las byung ba ru/ /bskal ba'i me lce lta bur bsam/ /'og dang steng du wa yis brgyan/ /de yi phyogs kun thams cad du/ /'bar ba gang gi snying gar bsam/ /'od zer 'bar ba rnam par 'phro/ /
wa dang ldan pa'i yi ge che/ /nam mkha' khyab pas bcings 'gyur te/ /brtan ma yi ni 'khrul 'khor gyi/ /yi ge'i rgyal pos bcings pas na/ /sa 'dzin lta bur brtan par 'gyur/ /rkang med dang ni rkang gnyis dang / /rkang bzhi la sogs sems can gyi/ /
lte ba ru ni bsgom byas na/ /de ma thag tu 'chi bar 'gyur/ /de yang bskal pa'i me lta bu'i/ /'od zer 'bar ba 'phro ba yi/ /wa ni steng du bsgom par bya/ /slar yang me yis 'bar bsam na/ /gang gi lag pa g.yon pa la/ /yi ge de ni dgod par bsam/ /ji 
srid lag tu bsam gyi bar/ /sa steng gi ni skye bo rnams/ /rang gi gnas ni de nyid nas/ /'bebs shing 'gugs par byed pa'i mchog /'di ni gshin rje brtan ma la/ /mos pa'i las rnams bshad pa yin/ /dbang po thams cad 'bebs pa yi/ gshin rje'i pho 
nya'i las bshad bya/ /ut+pal sngon po'i 'dab 'dra ba/ /mgo dang thig le spangs pa ni/ /ut+pal sngon po'i 'dab lta bu/ /gang gi lce dang rkan bsams na/ /skal ba bzang po 'joms par 'gyur/ /snying dang kha dang sna dang ni/ /mig dang rna bar de bzhin du/ /yi ge 
dbu ma bkod na ni/ /dbang po thams cad 'phrog 'gyur te/ /gzugs mi mthong zhing sgra mi thos/ /dri mi tshor zhing stobs mi 'gyur/ /de bzhin lce yis ro mi myong / /dug gis brgyal ba bzhin du gnas/ /las rnams de dag thams cad la/ /yid kyis bzlog na grol 

</font><hr>78-1-88a<br><font size=+1>

bar 'gyur/ /gshin rje mche ba du ba'i mdog /sreg pa'i bskal ba lta bu ste/ /thams cad khyab par 'khyams 'gyur pa/ /sna tshogs 'od can bsgom par bya/ /drod kyi sde pa'i yi ge sa/ /du ba dang ni rlung gi mdog /snying dang lag pa rkang par 
dgod/ /khams gsum yang ni bskrad 'gyur na/ /sa steng skye bo smos ci dgos/ /thig ler bcas shing ha dang ni/ /bcas pa gang gi lce steng du/ /bsams na phur bu lta bur 'gyur/ /yi ge dge ba de nyid ni/ /rtag tu lce steng bsams na ni/ /lan cig bzlas 
pas zin 'gyur te/ /de ni snyan dang gas mkhan por 'gyur/ /de ltar sa dang sa mtha' yi/ /yi ge'i cho ga bshad pa'o/ /'jig rten gsum po 'joms byed ma/ /'od zer dmar po gzi brjid che/ /nyi ma bye ba lta bu'i 'od/ /cung zad sngo ba 'jigs chen mo/ /ma 
he dang ni rta dag ni/ /'khrul 'khor sbyor ba kun la bsam/ /de yis yi ge'i rgyal po ni/ /gzi brjid chen po'i yi ge ha/ /de yi las ni sna tshogs mchog /'dod pa'i las ni bshad par bya/ /de ltar bdag lus rtag tu ni/ /yi ge lngar ni bsam byas na/ /'gro 
ba rnams kyi bya ba ni/ /tshig gis thams cad byed par 'gyur/ /sa steng lha dang lha min dang / /mi dang bcas pa 'bebs byed cing / /sgrub pa po ni dus min par/ /'chi ba dag ni 'joms par byed/ /sgrub po yid la 'dod bzhin du/ /nad rnams thams cad gnon 
par byed/ /ngag tsam gyis ni dpung tshogs dang / /chu dang rgya mtsho 'ching ba dang / /gru dang khyogs dang 'khrul 'khor dang / /rta dang glang po la sogs 'ching / /shing chen sa la sgyel ba dang / /sems can rnams ni dbang du byed/ /las kyi cho ga mthong ba yis/ /bya 
ba rnams ni 'dod bzhin byed/ /ha zhes bya ba'i yi ge mchog /mgo dang bral zhing thig les brgyan/ /de yi las rnams ma lus pa/ /phan pa bshad kyis mnyan par gyis/ /khyab bya khyab byed stong pa ste/ /kun tu 'gro ba mi shigs pa/ /shin tu stong dang stong pa ste/ /

</font><hr>78-1-88b<br><font size=+1>

de ni sems med gnyid log pa/ /sad pa dang ni bral ba ste/ /de ni ci yang snang mi 'gyur/ /lha dang lha min gnod sbyin min/ /mi'am ci dang dri za min/ /klu rnams dang ni srin po dang / /rgya mtsho dang ni ri rab min/ /chu bo'i shing dang nags tshal dang / /de bzhin sa sogs 
ma yin te/ /'jigs rung dmyal ba la sogs min/ /me dang du ba sogs min zhing / /nyi ma zla ba gza' skar min/ /mi dang sha za la sogs min/ /mngal skyes dang ni drod las skyes/ /sgo nga dang ni rlan skyes min/ /thang la gnas dang chu gnas min/ /pad+ma las 
ni skyes pa dang / /dbang po khyab 'jug bde byed min/ /rlung dang mkhris pa bde kan sogs/ /'byung ba'i tshogs la sogs min te/ /ha zhes bya ba yi ge mchog /rtag tu bsams na dmigs mi 'gyur/ /lo gcig bar du bsgoms gyur na/ /rga dang nad kun 'joms 
'gyur te/ /de la dug kyang mi 'pho na/ /nad kyi 'jigs pa ga la zhig /dug ni khur bu brgya zos kyang / /de ni 'chi bar mi 'gyur ro/ /rtag tu stong nyid bsgoms na ni/ /de ni thar 'gyur the tshom med/ /mgo dang bral ba'i yi ge k+Sha/ /de nyide mchog tu thim nas su/ /
bsgoms nas skad cig mngon shes skye/ /thig ler ldan pa'i sbyor ba yis/ /rkan dang sna sgo'i lam du ni/ /ri mo dag ni zhugs pa bsam/ /ri mo mar me'i rtse lta bu/ /dkyil 'khor bzhi yi gzi can bsam/ /rtag tu rkan ni phug ste gnas/ /rtag tu sbyor bar gnas pa yis/ /
nyi ma bdun na mthong 'gyur te/ /'di dang mtshungs pa yod ma yin/ /bram ze gsod pa'ang nyin bdun gyis/ /rtse mo rgyas par mthong 'gyur te/ /de ltar mthong ba'i rnal 'byor pas/ /gzhan gyi grong sogs 'dod bzhin 'gro/ /k+Sha yi rgyal po 'di nyid kyi/ /las ni 
bsam gyis mi khyab gnas/ /'jig rten 'jig rten 'das dngos grub/ /brtul zhugs ma ni khyod la bshad/ /re re yi ni las rnams kyang / /bstan pa ru ni nus ma yin/ /skye bo rang don byed pa yi/ /yid bzhin nor bu lta bu yin/ /yi ge sde tshan so so yi/ /yi ge 

</font><hr>78-1-89a<br><font size=+1>

dag ni so so zhing / /re re'ang sbyor ba bzhi bzhi ste/ /gcig kyang bzhi ru sbyor ba bzhin/ /A li kA li'i phyag rgya che/ /dngos grub thams cad rab ster ba/ /shes rab thabs ni ma gtogs par/ /go 'phang mchog ni 'thob mi 'gyur/ /sgyu ma che 
dang mnyam sbyor ba'i/ /rdo rje mkha' 'gro bde ba'i mchog /rdo rje sems dpa' de bzhin gshegs/ /bcom ldan rdo rje can gyis gsungs/ /rgyud kyi rgyal po chen po dpal rdo rje mkha' 'gro las/ /A li kA li'i sngags kyi sgrub thabs 'byung ba'i cho ga'i rim par phye ba ste 
bzhi bcu rtsa gcig pa'o// //de nas bcom ldan 'das la lha mo rnams kyis mchod cing phyag 'tshal te/ slar gsol pa/ khyod kyis sngar bshad gsang ba dang / /thams cad bdag nyid rtag tu bzhugs/ /yi ge bcu drug rig pa che/ /bde mchog 
bla mar bshad pa dang / /khams rnams dang ni de bzhin rtsa/ /'byung gnas sgra tshul nges 'byung dang / /'jig rten gsum du rnyed dka' ba/ /thog ma dbus mthar dbye ba da ga /ji ltar nang du yang dag gnas/ /de rnams dbye ba de bzhin gsungs/ /bka' stsal pa/ 
sgyu ma kun gyi rnam rol pa'i/ /nyon cig lha mo sgyu ma che/ /sangs rgyas kun la'ang gsang ba ste/ /gzhan rnams la lta smos ci dgos/ /sgyu ma chen po bcu drug ni/ /ma mo nyid du rab tu bshad/ /de yis nang gi dkyil 'khor du/ /gyur pa nyid du the tshom med/ /rnal 
'byor pa yi bdud rtsi sbyor/ /bcu drug char yang mi phod do/ /slar yang bdud rtsi rdzas rnams ni/ /da ni bshad kyis mnyan par gyis/ /ra ni dmar chen po yi khams/ /ha zhes bya ba ri las skyes/ /se ni gnad pa tra ste/ /pa ni pags par bstan pa yin/ /ra zhes 
bya ba dri ru gsungs/ /me zhes bya ba me tog ste/ /de bzhin ra ni chu yin no/ /me zhes bya ba pi si ta/ /sa ni kun du ru nyid yin/ /re ni sa ri zhes bya ste/ /At+ma zhes bya na la dza/ /ni zhes bya ba dri yi mar/ /sa ni so dang lag skyes yin/ /dA ni rgya mtsho las byung 

</font><hr>78-1-89b<br><font size=+1>

ba/ /s+thi ni kha ba'i snying po yin/ /ta zhes bya ba ga bur te/ /byang chub sems las byung ba yi/ /rtag tu ye shes dam pa mchog /rtsa rnams thams cad yang dag 'dus/ /de dag lha mo khyod la bstan/ /gsang sogs rnal 'byor pa yi rdzas/ /bshang dang gci sogs 
lnga la bya/ /khams rnams bsdus pa'i sde tshan ni/ /de ltar bcud len bstan pa yin/ /mkha' 'gro kun dngos chags pa yi/ /sems dpa' rdo rje las byung ba/ /pad+ma 'byed pa'i sbyor ba yis/ /pad+ma gar dbang zhes bya ste/ /steng du gsal bar 'phro bas na/ /rdo rje nyi 
ma zhes bya la/ /'di ni gsal zhing 'bar bas na/ /rnam snang mdzad chen thub pa'ang yin/ /rlung ni sna tshogs las byung ba/ /khyad par spyod pas rta mchog yin/ /rnam shes rdo rje sems dpa' ste/ /phan tshun gnyis med rang bzhin no/ /gnas der nyi ma nub pa yi/ /sprul ba'i 
sku yi gzugs kyi bdag /lha dang mi yi bde ba ni/ /bsdus byas rnyog pa med pa ste/ /'khor ba'i lam ni gcod pa po/ /spros pa thams cad nyer zhi ba'i/ /rdo rje sems dpa' he ru ka/ /mkha' 'gro ma kun sgra ru bshad/ /yang na mkha' 'gro ma kun gyi sgras ni rab tu 
gtum mo la sogs pa la bya la dngos po ni rang bzhin te/ /de rnams kyi rdul phra rab las bsgrubs pa'o/ /de nyid sems can gyi don la nus pa dang ldan pa'i phyir sems dpa'i sgrar brjod de/ /mi shes pa'i ri bo 'joms pas na ye shes nyid ni rdo rje'o/ /sems dpa' rnam pa 
gnyis gsungs te/ /snod dang bcud kyi 'jig rten no/ /bcud ni rgyu ba zhes bshad la/ /de bzhin snod ni brtan pa'o/ /re re zhing yang gnyis gnyis te/ /skal ba bzang dang skal ngan no/ /sa dang chu dang me rlung gi/ /gzugs ni rnam pa bzhi ru gnas/ /'di ni zhes bya ba 
ni bcom ldan 'das de nyid de rang byung bas na rang byung bcom ldan 'das so/ /rang byung ba zhes bya ba ni 'byung ba chen po rjes su dpag pa'i rang bzhin gyi phyir ro/ /bcom ldan 'das zhes bya ba ni dbang phyug la sogs pa'i yon tan dang ldan pas so/ /yang na nyon mongs pa 

</font><hr>78-1-90a<br><font size=+1>

la sogs pa'i bdud bcom pas na bcom ldan 'das te/ rang byung bcom ldan 'das de nyid lhag pa'i lha ni gcig nyid de lha nyid yin zhing lhag pa nyid kyi phyir lhag pa'i lha ste/ lhag pa'i lha yi sgrar gang sngar bstan pa'i khams rnams kyi nang na gtso bo dang dam par 
gyur pa ste/ phung po dang khams dang skye mched rnams yang dag par skyed par byed pa'i khu ba dang khrag go/ /mchog tu bde ba de las skyes shing byung bas na 'byung gnas te/ nges 'byung ni sems skyed pa'i bzhed gzhung gsungs pa'o/ /sgra ni dbyangs te/ shes rab kyi dbyangs 
kyi rjes su 'jug pa'o/ /tshul ni sgrar btags pa ste/ de las byung ba'o/ /bsten cing bsnyen par byas pas na dam tshig ste/ yul can gyis yang dag par bzhag pa'i gzugs la sogs pa'i yul rnams dang / don dam par dbyer med pas nye bar brtags nas 
yul can dbang po la yang yul zhes bya'o/ /spyod pa ni dbang po bcu gnyis po de rnams kyi nye bar rgyu ba ste/ de rnams kyi rnam par shes pa'i rang bzhin byang chub kyi sems thob pa ni spyod yul lo/ /'jig rten gsum du rnyed dka' ba zhes bya ba ni zag pa dang bcas 
pa'i dngos po gsum las rnyed par mi 'gyur ba'i mtshan nyid de thog ma dbus mthar yang dag gnas pa'o/ /de la thog ma ni gsang ba ste/ 'di skad ces bya ba sngar 'byung gnas su gyur pa'i rig pa'o/ /mtha' zhes bya ba ni dges ba ste thos ba zhes bya ba bsten par bya'o/ /
dbus zhes bya ba ni mchog ste/ bdag gi zhes bya ba shin tu dam par gyur pa'o/ /yang dag gnas ni thams cad bdag nyid de/ dus gcig na zhes bya ba'o/ /bcom ldan 'das ma sgyu ma chen mo de nyid ngan par spyod pa ste/ lo brgyad pa dang rdo rje pad+mo sbyor bas byung ba'i khrag 
dang bcas pa'o/ /lha dang mi yi bde ba ni/ /bsdus byas rdo rje rdul gyi ni/ /bcu drug char yang mi phod pa ste/ de la bcu drug cha ni bud med kyi skud pa las byung ba'i khams rnams skud pa bcu drug dang lhan cig tu bsgril ba ste chags pa chen po zhes bya ba gang yin pa'o/ /de ltar 

</font><hr>78-1-90b<br><font size=+1>

skud pa bcu drug dang bsgril ba'i cha shas bcu drug go/ /bsdus byas zhes bya ba bdud rtsi lnga'i snying po'i gong bur byas pa ste/ bdud rtsi lnga yi sbyor bar gyur pa'o/ /dang zhes bya ba ni bsdu ba'i don te sde tshan rnams kyis bsdus shing bstan pa'i khams gang dang gang yin pa'i 
rlan de dang des bon dang bsgril te brtag par bya'o/ /lha'i bde ba zhes bya ba ni de bdud rtsi ltar yongs su smin pas rang gis sku rdo rjer gyur pa'i skad cig go/ /mi'i yin pas na mi yis ste nges par gsal ba'i bde ba'o/ /de yang dngos grub thams cad kyi rang bzhin rtag tu bde 
ba'i gsal bas mtshan pa'o/ /chos kyi dbyings dang mnyam par sbyor ba'i sems kyi rdo rje mngon du bya zhing bde ba bsten pa las bde ba nyid du skye bar 'gyur te/ ther zug tu bde ba ster bas so/ /de yang dper na mngar pos bsgos pa'i sa bon ni/ /mngar po nyid ni bsten pa 
dang / /gang phyir mngar pos bskyed byas na/ /de yi ro ni mngar por 'gyur/ /de bzhin du chos kyi bdud rtsi las byung ba'i bde ba bsten na bde ba 'phel bar 'gyur ro/ /de dang mnyam pa dngos po gsum po gang na yang yod pa ma yin te cha shas kun dang mtshungs pa lta zhog /de'i rdul 
phra rab kyi cha dang mtshungs pa yang yod pa ma yin no/ /rdul phra rab ni rdo rje phra mo'i rang bzhin te/ byang chub kyi sems bde ba'i bdag nyid spros pa'o/ /mthu dang ngo bo nyid dag dang / /rang bzhin gyis ni grub pa ste/ /de yi rang bzhin gtam dag ni/ /bzhin mdzes ma ni khyod la bshad/ /
gang zhig phyi rol sbyor la dga'/ /bcu drug char yang mi phod do/ /sbyor ba'i mchog ni 'di mthong na/ /gzhan dag 'bus zos rtswa dang 'dra/ /da ni chu skyes chen po'i yon tan dang ldan pa'i gnas phun sum tshogs pa bshad par bya ste/ mi gsal brda yi tshul gyis ni/ /gnas 
ni gsang ba zhes byar bshad/ /mi gsal ba yi dngos por ni/ /brda yi skad kyis bshad pa yin/ /'di ni rtog pa la brten nas/ /gnas ni gsang ba bshad par bya/ /dgon chen zhes bya ba la sogs pa ni sgra ji bzhin no/ /gzhan yang dgon chen zhes bya ba ni shes rab ste/

</font><hr>78-1-91a<br><font size=+1>

sngags kyi yon tan gyi shing gi tshogs dpag tu med pa dang ldan pa'i phyir ro/ /de nyid rang bzhin gyis lha'i bdag nyid pas nas phyogs so/ /rigs mtha' yas pa'i rang bzhin gyi phyir mang po'i tshig go/ /bdag dang sems can la sogs par rtog pa dang bral bas 
rnam par dben pa ste/ /lta ba ngan par rnams kyis gzhig par mi nus pa'i phyir ri bo'o/ /'jug par dka' ba'i phyir ri 'or te/ zab cing rgya che ba'i shes rab kyi chu bo'i gnas su gyur pas rgya mtsho chen po'i 'gram rnams so/ /'phags pa'i lam yan lag brgyad dang sbyin pa la 
sogs pa'i rang bzhin rnam par dag pa grub pas gdod nas grub pa ste/ nyan thos la sogs pa'i byang chub 'dod chags kyi mes bsregs pas dur khrod do/ /de ltar na me long lta bu la sogs pa lnga rnam par dag pas gnas rnam pa lngar bsgrags so/ /chung ngu ni dang por lo 
bcu gcig ma'i pad+ma dang rol pas bcud kyis len bsgrub par bya'o/ /gnyis par lo bcu gnyis ma dang rol pas ni dam tshig don du gnyer bar bya'o/ /gsum par lo bcu drug ma dang lhan cig tu dga' bas ni sngags rnams goms par bya'o/ /bzhi par lo nyi shu ma 
dang nam mkhar 'phur ba bsgrub par bya'o/ /lnga par lo nyi shu rtsa lnga ma dang dbang bskur bar bya'o/ /zhes bya ba'i bar du'o/ /de ltar na dbugs 'byung mchog dang bar ma dang / zhes bya ba gnas lnga po de dag dang rim pa bzhin du sbyar ro/ /de la rigs ldan rnams ni 
rdo rje rigs kyi bu mo la sogs pa rnams dri yi chus mchod par bya ste/ bcas pa zhes bya ba ni rigs kyi bu mo de'i me tog bzung la mkhas pas rang gi khu ba dang bcas pas mchod do/ /rtag tu zhes bya ba ni thams cad du rgyun mi 'chad par te/ /dus kyi khyad par zhes bya ba snga dro'i 
dus su'o/ /gzhan yang lhan cig skyes grub ces bya ba thun mong gi dngos grub dang ldan zhing sgrub pa po la brtse ba ste/ /thig le des sangs rgyas dang byang chub sems dpa' rnams mchod par bya'o/ /gzhan yang dgon pa chen po zhes bya ba ni bud med kyi phyag rgya ste/ 'dod chags 

</font><hr>78-1-91b<br><font size=+1>

la sogs pa'i nyon mongs pa'i nags tshal dang ldan pa'i phyir ro/ /de nyid thabs kyis yongs su sbyangs na byang chub gyi lam ste/ yongs su sbyangs pa ni mthar thug par mon pa'o/ /de'i d+har mo da ya ni sa phyogs te/ de nyid de bzhin gshegs pa thams cad kyis bsngags 
pa'i rdo rje rigs la sogs pa'i bu mo bas na rnam par dben pa'o/ /de nyid bde ba chen pos mi g.yo bas na ri bo'o/ /sems can dman pas 'jug par dka' bas na ri 'or te phug dang ldan pas na tshang tshing ngo / /thabs dang shes rab snyoms par 'jug pa'i rgya mtsho'i gnas 
pas rgya mtsho'i 'gram ste/ sems can thams cad kyi rgyud la mnyam par gnas pas na dur khrod do/ /gdod nas grub pa ni rtag tu grub pa ste/ 'char ba dang nub pa spangs shing nam mkha' ltar yongs su grub pas rtag tu bde ba chen po'i tshul gyis dmigs pas de'i rang 
bzhin du byas pa'o/ /ni zhes bya ba ni 'dus pa ste de dang ldan pa'i phyir ro/ /sna tshogs pad+ma ras kyis g.yogs zhes bya ba la sna tshogs ni rnam pa du ma ste/ pad+ma ni gzugs kyi tshig bla dgas so/ /ras ni gsal bar ma byas pa ste/ g.yogs pa ni shin tu mi mngon par byas 
ba'o/ /stan ni rig pa nyid gdan du byas pa ste dag pa ni 'jam pa'o/ /lha mo rnams kyi pad+ma rang gi mtshan ma'i gos rgyan gyis brgyan pa'o/ /gzhag pa ni mchod par bya ba ste/ yang dang yang du 'dod pas mnyes par bya ba'o/ /sdom pa ni bde ba'i mchog go/ /pad+ma'i 
khrag dang zhes bya ba ni de bzhin du khrag ni bcud kyis len pa ste/ khrag ni pad+ma yin la bshang ba la sogs pa ni bcud kyis len to/ /des 'di skad du bstan par 'gyur te/ khrag chen ga bur bcas pa dang / /tsan+dan dmar por sbyar ba dag /tshogs kyi nang du zhugs pa na/ /
ra sa ya na bla na med/ /ces bya ba la khrag chen ni dus su 'bab pa'i zla mtshan du gyur pa'o/ /tsan+dan dmar po ni sha ste de dang bcas pa'o/ /tshogs kyi nang du zhugs pa ni dbang po thams cad las byung ba ste/ /de dag thams cad kyi bcud ni ra sa ya na'o/ /bza' bar bya zhes 

</font><hr>78-1-92a<br><font size=+1>

bya ba la/ cho ga gang gis bza' bar bya zhe na/ sbom po'am mtha' ltag ces bya ba la sbom po ni rdo rje'o/ /mtha' ltag ni b+ha ga ste/ a nA ma zhes bya ba ming gis bsnyad pa'i phyir ro/ /khar zhes bya ba ni de nyid kyi khas rang gi lha yi khar ro/ /de yang dang por bla 
mar dbul byas te/ /de nas sangs rgyas rnams la dbul/ /phyag rgya la ni byin nas su/ /zhi ba'i btung ba bzhin du myang / /mchod pa bzhi zhes bya ba la/ /byang chub kyi sems bskyed pa'i rim pa sgom pa pos ni/ /dus bzhir mkha' 'gro ma la sogs pa'i lha mo dang / 
rnam par thar pa'i sgo bzhi'i bdag nyid can ji srid stong pa nyid kyi nga rgyal nas bzung ste/ gzugs yongs su rdzogs pa'i bar du nges par byas pas mchod par bya'o/ /dpa' bo dang ni snyoms 'jug pa zhes bya ba ni/ gzhan yongs su rdzogs pa'i rim pa la gnas pa'i 
sgom pa po'i ste/ dus kyi nges pa med cing thog ma dang tha ma med pa'i nga rgyal gyis rtag tu gnas pa rnams kyis ci zhig bya zhe na/ yid ni nang du chud pa'i ste/ de bzhin gshegs pa thams cad kyi skyed ma mo'i shes rab dang ji lta ba bzhin du mnyam par sbyor ba dang ldan pas 
mchog tu dga' ba rnam par spro ste/ gnas pas tshim par bya zhes bya ba'i bar du'o/ /de ltar mchod pas tha ma mchog dang bar ma ste/ tha ma ni chags pa chen po'i tshul lo/ /de yang rdo rje can gyis thams cad bsdus nas btsun mo'i b+ha ga bde ba can du spros la/ der 
ni dkyil 'khor bri bar bya zhes bya ba dang sbyar ba ste/ gzhan gyi de kho na nyid ji lta ba bzhin du bstan pa'o/ /bar ma ni bdag gi de kho na nyid de/ rdo rje 'dzin pas 'khor lo thams cad rang gi dbus su bsdus la/ rdo rje kun gyi rang bzhin du byas pa cho ga des bsgoms pa ni mchog 
go/ /bud med kun gyi sgyu ma zhes bya ba la bud med kun ni gzugs la sogs pa'o/ /sgyu ma ni yon tan te rang bzhin gyis sku la sogs pas gnas pa'o/ /sgyu ma ste yon tan gyi sgyus ma lus pa/ sgyu ma'i don du gsungs so/ /ma lus pa ni cha shas te cha dang bcas pa'o/ /

</font><hr>78-1-92b<br><font size=+1>

cha ni dngos por bstan pa ste/ /cha med yon tan zhes bya yin/ /yon tan yon tan can sbyar ba/ /yul dang dbang po rab tu dge/ /A li kA li yon tan gsungs/ /mnyam pa dam tshig spyod yul yin/ /de nyid ni mtshan ma yin pas na phyag rgya ste/ /'di ni zhes bya ba ni 
'dzin pa po'i blos mngon du byas pa'o/ /yon tan des rtag tu yon tan dang ldan par gyur pa'i ring po la sogs pa gnyis su med pa'i tshul nyid mchog ste/ bla na med cing dam par gyur pa'o/ /de yang lugs ma la sogs pa gzhan dag las phul du byung bar rang bzhin 
gyis grub pa'i phyir ro/ /rang bzhin gyis grub pa ni 'gyur ba med pa'i mtshan nyid dang ngo bo nyid rnam par dag pa ste/ ji ltar 'o ma la zho la sogs pa bzhin no/ /de bas na bcos ma las bye brag tu gyur pa'o/ /gzhan yang ngan par spyod pa'ang 'grub par 'gyur/ rnyed dang 
bde dang dga' kun gyis/ /zhes bya ba la rnyed pa ni byang chub kyi sems rnyed pa ste/ de nyid dga' ba kun gyis khyad par du 'phel bas yin gyi/ slongs mos 'tsho ba la sogs pa dang / dka' thub kyi sbyor ba la sogs pa rnams ni mi mthun pa'i phyogs yin pas nam 
yang 'grub par mi 'gyur te spang bar bya'o/ /des zhes bya ba ni grub pa'i rdzas kyis te/ khyad par ji lta bu zhig ce na/ rang bzhin dang ngo bo nyid kyis grub pa ste/ rang bzhin gyi sngags kyi yi ge yongs su gyur pa las rang gi lha'i gzugs su yongs su brje ba ste/ sngags 
bzlas pa dang / rang gi sa bon yongs su gyur pa las rang bzhin yongs su brje ba'o/ /sna tshogs zhes bya ba ni khams kyi rang bzhin te/ mkha' 'gro ma rnam pa bcwa brgyad du phye ba yin gyi/ b+hu ba la sogs pa'i khams ni ma yin no/ /nam mkha' kun tu rgyu grub pa/ /
zhes bya ba la nam mkha'i sgras ni sems la bya ste/ ji ltar nam mkha'i khams la sogs pa thams cad kyi gnas su gyur pa bzhin du thams cad kyi go skabs ster ba'i phyir ro/ /yang na nyan thos la sogs pa'i gnas bsregs pas nam mkha' ste/ nam mkha' der bdud rtsi'i 

</font><hr>78-1-93a<br><font size=+1>

rang bzhin gyis rgyu zhing spyod pas na/ de ni nam mkha' kun tu rgyu grub pas/ /mkha' 'gro ma zhes rab tu grags zhes so/ /sna tshogs kun tu phyag rgya ste zhes bya ba la/ /kun tu ni sku gsung thugs kyi rdo rje'i rigs thams cad do/ /sna tshogs ni rdo rje 
'dzin chen po ste/ de'i phyag rgya ni dkyil 'khor gyi 'khor lo'i phyag rgya thams cad do/ /des na sna tshogs phyag rgya ste/ sems kyi rang bzhin gyis zla ba dang dmar po 'grub pa'i rdzas de dag nyi shu rtsa lnga'i bar du rtag tu goms par bya bas stobs su gyur pa'o/ /sna tshogs sdom 
pa ni rnam pa sna tshogs pa'i bde ba grub pa ste/ mkha' 'gro kun zhes bya ba khrag dang mnyam par sbyor ba'i cho gas sngags pa rdo rje mkha' 'gro zhes bya bar grags pa ste/ rang nyid skyes par gyur pa'o/ /de nyid med sems ni de kho na nyid kyi sems med pa ste/phyin ci 
log gi sems kyis sbyor ba'o/ /lha la dmigs pa ni 'dod pa'i lhar sgom pa'o/ /shin tu de nyid sems zhes bya ba ni de kho na nyid kyi sems kyis brgyan pa ste/ phyin ci ma log pa'i mtshan nyid do/ /de yang khrag la sogs pa'i khams sangs rgyas rnams kyi rang 
bzhin gyi de kho na nyid de dngos grub thams cad kyi gnas so/ /lugs ma la sogs pa'i rnal 'byor ni de spangs nas bcos ma sgom par byed pa ste/ gang gi phyir gzugs brnyan ma yin pas so/ /des ni 'di skad bstan par 'gyur te/ ji ltar smin pa'i 'bras 
bu bor nas/ shing gi rtsa ba len par byed pa bzhin du/ rnal ma bor te bcos ma la chags pa yang blo gros dman zhing shin tu blun par ston to/ /des na de kho na nyid kyi sems kyis phun sum tshogs pas bdag nyid sbyor zhing rdzogs pa'i rim pas sangs rgyas kyi sku 
la dmigs pa ni mchog tu mi 'gyur ba'i ye shes 'grub par 'gyur ro/ /ye shes de nyid ni mchog tu mi 'gyur ba ste/ thog ma dang tha ma med pa'i phyir ro/ des na gzhan yang gzugs brnyan dang lugs ma la sogs pa spangs te/ khams sna tshogs kyi shes pa nyid 

</font><hr>78-1-93b<br><font size=+1>

sangs rgyas thams cad 'dus par brtag par bya'o/ /lha yi rnal 'byor dus su ni/ /ba spu rnams kyi bu ga nas zhes bya ba la ba spu ni lte ba'i dkyil 'khor te bu ga ni nam mkha'o/ /rtse mo'i bar zhes bya ba ni yi ge bcu drug yongs su gyur pa'i khams rnams te/ spro ba dam tshig 
dkyil 'khor te/ /rnal 'byor pas ni rtag tu bsgom/ /dam tshig dkyil 'khor zhes bya ba/ /rang gi pad+ma'i lte dbus su/ /zla bar gnas pa'i hU~M yin te/ /sangs rgyas bye ba stong phrag ni/ /phyogs bcu dag tu spro bar byed/ /thig le bcu drug thig skud kyi/ /sngags 
pas thig gis btab pa yi/ /lte ba'i dkyil 'khor bcu drug par/ /a sogs k+Sha yi mthar thug pa/ /tha ma las ni sngags btu bya/ /phyi nas thig ler cha dang bral/ /bshang dang gci ba'i rang bzhin pas/ /'di ru k+Sha ni spang bar bya/ /yi ge ha ni yongs gyur 
pas/ /yi ge thams cad yal ga 'dra/ /'di ni rang byung bcom ldan 'das/ /gcig pu nyid ni lhag pa'i lha/ /sangs rgyas kun dngos stong pa yi/ /yi ge nyid ni mkha' 'gro ma/ /zhes bya ba ni sngags kyi man ngag go/ /ka sogs yang dag gnas pa yi/ /yi 
ge lha yi gzugs yin te/ /a sogs dbyangs rnams thams cad kyi/ /sngags kyis sgeg cing brgyan pa yi/ /lhag pa'i lha ni yi ge hU~M/ /lte ba'i dbus su bsam par bya/ /lte ba pad+ma zhes bya ste/ /bsam pa bsgom par bya ba yin/ /sangs rgyas kun dngos 
stong pa ni/ /rnam shes hU~M gi gzugs nyid do/ /yi ge nyid ni mkha' 'gro ma/ /sgra yi gzugs kyis gnas pa'o/ /gang phyir gzhan yang 'di dag ni/ /ji ltar sangs rgyas kun de bzhin/ /'di ni rtag tu 'don pa dang / /sangs rgyas kun gyi thugs la gnas/ /
mgo dang thig le rnam spangs pa/ /gcig pu nyid ni lhag pa'i lha/ /rang gi dbus gnas rdo rje can/ /yi ge rnams kyis yongs su bskor/ /de kho na nyid snang ba dam pa'i yul la 'jug pa zhes bya ba la ye shes ni spyod yul yongs su shes pa'o/ /yongs su shes pa zhes bya ba ni kun 

</font><hr>78-1-94a<br><font size=+1>

nas shes pa'i ye shes te/ de nyid kyis ni bdag nyid sangs rgyas thams cad do/ /bdag nyid ces bya ba ni kun rdzob ste/ kun rdzob yongs su shes pa ni sangs rgyas nyid do/ /de nyid kyis sangs rgyas dang rdo rje 'dzin pa nyid du 'grub bo/ /thabs gang gis zhe na de kho 
na nyid snang ba zhes bya ba'i bar du'o/ /mkha' 'gro kun dang mnyam sbyor ba'i/ /rdo rje mkha' 'gro bde ba'i mchog /rdo rje sems dpa' de bzhin gshegs/ /bcom ldan rdo rje can gyis gsungs/ /rgyud kyi rgyal po chen po dpal rdo rje mkha' 'gro las gsang ba zhes bya ba la 
sogs pa de kho na nyid 'byung ba'i rim par phye ba ste bzhi bcu rtsa gnyis pa'o// //sbyin sreg las kyi cho ga ni/ /ji bzhin bshad kyis lha mo nyon/ /rgyal srid phyir ni sngags pa yis/ /stong phrag bcur ni bzla bar bya/ /pho nya'i steng du gnas nas ni/ /sbyin sreg 
stong phrag lnga ni bya/ /sha chen 'o ma la bsgres pa/ /rim pa 'di yis bsregs na ni/ /dpag tshad 'bum phrag brgya yi bar/ /tshun chad pho brang rnyed par 'gyur/ /dpal ldan rgyal srid che grub pa/ /sus kyang gzhig par mi nus so/ /mi dang ba lang ce spyang shas/ /de bzhin 
ngo mtshar mchog 'gyur te/ /chang dang 'o mar sbags nas ni/ /sbyin sreg 'bum phrag gcig byas na/ /gling bdun la ni dbang ba yi/ /rgyal srid longs spyod dpal chen 'gyur/ /de nas mtshams med lnga byed pa/ /gang gis gzhom par 'dod pa des/ /dug dang khrag 
dang mar nag bcas/ /mi yi rus pa bsregs byas te/ /tsher ma can gyi shing dang ni/ /de bzhin phub ma mi skrar bcas/ /shan pa yi ni me sbar la/ /gcer bu skra ni lhug pa yis/ /lho phyogs su ni kha bltas te/ /khro dang bcas pas nyin phyed na/ /sems mi 
g.yeng bas bsreg pa'am/ /yang na gos sngon gyon nas su/ /mtshan phyed na ni bsreg par bya/ /sngags kyi mthar ni ming dang sbyar/ /dgra bo stobs dang ldan pa yang / /dpung dang bcas par brlag 'gyur na/ /phal pa la lta ci zhig smos/ /de nas dgra bo 

</font><hr>78-1-94b<br><font size=+1>

stobs kyis ni/ /dregs pa bskrad pa'i cho ga bshad/ /khwa yi gshog pa zhag dang ni/ /ni ma pa'i khu bar bsres pa dag /sha za'i shing la me sbar te/ /rlung du bltas te bsreg byas na/ /mtshan mo bdun ni tshun chad kyis/ /bskrad 'gyur 'dir ni the tshom med/ /de nas 
dbye ba bshad par bya/ /smyo byed me ni 'bar ba la/ /ni ma pa yi ni lo ma dang / /sbrul gyi pags par bsre byas la/ /bya rog dang ni 'ug pa yi/ /tshang gi shing dang bcas pa dag /brgya rtsa brgyad du bsregs na ni/ /mdza' bshes gnyen 'dun bcas pa dang / /
skye bo thams cad sdang bar 'gyur/ /de nas dgug pa bshad bya ste/ /bsgrub bya shing gi stan la ni/ /rol par bcas shing g.yo dang bcas/ /rlung gis gdong ni steng du blta/ /li khri lta bu'i mdog tu bsam/ /zhags pa lcags kyu'i sbyor ba yis/ /sngags kyi mthar 
ni dza bzlas te/ /bsgrub bya'i snying gi pad+ma dbug /bud med yin na skye gnas dbug /khams gsum 'grub par gdon mi za/ /de nas cho ga gzhan bshad pa/ /dgug pa la sogs ji bzhin 'byung / /dum bu gcig pa'i thod pa ni/ /gzugs mdzes ma chag ma 
gsal/ /bsgrub par bya ba'i gzugs bris te/ /'dab ma rlon pa brgya la ni/ /khrag dang go ro tsa nar bcas/ /d+ha du ra yi smyug gu yis/ /sngags ni ming dang bcas par bri/ /thodapa'i nang du bzhag nas su/ /bsgrub bya dmar po ras kyis g.yogs/ /sngags kyi nga rgyal 
bsgyings nas su/ /'dab ma re re bzung nas ni/ /go bzlog snying po'i gsang sngags ni/ /zlos shing 'dab ma thams cad bsreg /yid la bsams bzhin 'gugs par 'gyur/ /de nas gzhan yang tsan+da na ni/ /dmar las bsgrub bya'i gzugs byas la/ /rang khrag go ro tsa 
nar bcas/ /ming bris bsgrub bya'i snying gar gzhug /tsha ba gsum gyis byugs nas su/ /snying ga lte ba gsang ba'i gnas/ /zangs ma'i khab kyis dbug byas na/ /mtshan phyed na ni 'dod bzhin 'gugs/ /gser btsag gis ni skye gnas kyi/ /gzugs bris de yi 

</font><hr>78-1-95a<br><font size=+1>

steng du ni/ /lag pa g.yon pa gzhag byas la/ /brgya rtsa brgyad du bzlas na ni/ /gang gi ming nas bzung gyur pa/ /de ni de mod 'ong bar 'gyur/ /rlung gis gtsubs pa'i shing lo la/ /khwa yi sgro yi smyug gu yis/ /ming dang bcas pa'i 'khrul 'khor ni/ /
mchi ma las ni bris nas su/ /gyen du ldang ba'i tshub mar bskur/ /cho ga des ni bskrad par 'gyur/ /spre'u'i rus pa'i phur bu ni/ /sor drug pa yi tshad du bya/ /sngags ni lan bdun bzlas nas su/ /gang gi khyim sgor sbas na ni/ /de yi rigs ni chad par 'gyur/ /ba glang rta 
dang glang chen dang / /bong bu rnga mo ma he yi/ /gnas su sbas na brlag par 'gyur/ /rlung gi dkyil 'khor la gnas pa'i/ /bsgrub bya rnga mo'i steng du bskyon/ /gcer bu mar khus byugs pa dang / /skra grol kha ni lho ru bltas/ /skyabs med ngu zhing brgyal bar bsam/ /mgrin pa 
zhags pas bcings nas su/ /rgyab nas khro bos rdeg byed cing / /khams gsum gnon pa'i bsam pa yis/ /me yi mtshams su gdong bltas te/ /sngags kyi mthar ni dza bzlas na/ /ji ltar 'dod bzhin 'grub par 'gyur/ /rta dang ma her zhon pa yi/ /dgra bo nang ni 
phan tshun du/ /mtshon cha thogs nas khros nas ni/ /phan tshun dpung dang bcas pa ru/ /'thab mo byed pa bsgom par bya/ /sngags pa g.yul du kha bltas te/ /de yi ming dang spel ba yi/ /yi ge ra ni bri bar bya/ /gdong ni steng du blta bar bsam/ /sgrub po ro yi 
steng du ni/ /rdo rje skyil krung mi g.yor gnas/ /de yis bsgrub bya mnan nas su/ /lus dang ngag ni gzir bar bya/ /sngags ni ming dang spel ba ru/ /snga ma bzhin du bzla bar bya/ /bcing ba'i cho ga'o/ /mkha' 'gro kun dang mnyam sbyor ba'i/ /rdo rje mkha' 'gro 
bde ba'i mchog /rdo rje sems dpa' de bzhin gshegs/ /bcom ldan rdo rje can gyis gsungs/ /rgyud kyi rgyal po chen po dpal rdo rje mkha' 'gro las las thams cad kyi bsam gtan 'byung ba dang sbyin sreg gi cho ga'i rim par phye ba ste bzhi bcu rtsa gsum pa'o// //

</font><hr>78-1-95b<br><font size=+1>

da ni sbyin sreg cho ga gzhan/ /rab tu bshad kyis lha mo nyon/ /bsgegs pa'am ni gzhan yang rung / /rma med shin tu mdzes pa ni/ /'byung po'i nyin zhag la rnyed pa/ /sgrub pos sngar bshad bzhin bsgrubs na/ /dngos grub thams cad rab tu 'grub/ /zla mtshan phyis 
pa'i ras ma ni/ /byi la'i rtug par bcas pa dag /zhib tu brdungs pas bdug pa bya/ /bdug pa 'di yis sgrub pa po/ /shin tu byin gyis rlob par 'gyur/ /khyi mo nag mo'i 'o ma dang / /ma sha 'bras bu bcas pa las/ /'o thug byas te ro yi khar/ /'jigs pa 
med par sbyin sreg bya/ /de nas ro de langs nas ni/ /ci bgyi zhes ni smra 'gyur te/ /ril bu mig sman dngos grub dang / /rkang byug ral gri de bzhin te/ /gter dang dgra bo tshar gcod dang / /gnod sbyin mo dang bcud kyis len/ /gang bslangs gcig ni byin nas 
su/ /'gro bar 'gyur gyi gzhan du min/ /dpa' bo rnams dang rtse 'gyur ba/ /gzhan dag tu ni nga mi smra/ /de nas ro langs chen po yi/ /sgrub thabs gzhan ni bshad par bya/ /sngar bstan mtshan nyid ldan pa yi/ /ro ni mdzes pa bzung nas ni/ /rnal 'byor chen 
por legs gnas pa/ /mtshan phyed na ni bsgoms nas su/ /de yi sha ni dmar chen bcas/ /sbyin sreg brgya rtsa brgyad byas na/ /dpal ldan rdo rje phag mo ni/ /mkha' 'gro ma yis bskor gyur cing / /ro langs srin po du mas bskor/ /ha har bzhadapas 'jigs 
byed pa/ /der ni drung du 'ong bar 'gyur/ /ce spyang brgya phrag mang po ni/ /bskor nas 'jigs pa'i sgra sgrogs byed/ /de mthong 'jigs par mi bya ste/ /sngags kyis bsgyings pa'i lus su bya/ /rdo rje brtul zhugs bdag nyid sems/ /kye ho dpa' bo chen po legs/ /
lha mos de skad brjod nas ni/ /sgrub po yid la gang 'dod pa'i/ /dngos grub brgya yang ster bar 'gyur/ /rnal 'byor ma yis yongs bskor te/ /dpa' bo rang gi gnas su 'gro/ /de ni de yi mod la yang / /lha yi lus su gyur nas ni/ /khams gsum kun 

</font><hr>78-1-96a<br><font size=+1>

tu rgyu bar 'gyur/ /dpa' bo 'dod pa'i gzugs can te/ /skal bzang de bzhin gshegs pa 'dra/ /rtag tu nam mkha' 'phur ba dang / /rga dang 'chi ba rnam par spong / /sa gzhi kun tu rgyu 'gyur zhing / /ji ltar 'dod bzhin dngos grub 'jug /de nas nyon 
mongs zhi bya dang / /ting nge 'dzin ni rgyas bya'i phyir/ /rang gi lha yi sbyor bar gnas/ /nang gi sbyin sreg brtsam par bya/ /zla ba'i dkyil 'khor dbus su ni/ /bdag nyid rtag tu bsam par bya/ /'od zer phreng ba 'khrugs shing drag /'od kyi dkyil 'khor phreng ba 
can/ /phyogs bcur bzhugs pa'i rgyal ba ni/ /stong gsum stong gi rdul mtshungs pa/ /kha dog dkar la sogs bkug ste/ /lus mchog de la gzhug par bya/ /'di ni zhi ba'i sbyin sreg yin/ /rgyas la byang chub sems dpa' dgug /rengs pa'i gzugs su 
lhag par mos/ /shin tu nyon mongs zad bya'i phyir/ /khyad par khro bo'i gzugs su bya/ /sna tshogs rjes su chags bya'i phyir/ /bud med kyi ni gzugs su bsam/ /'di ni nang gi sbyin sreg tu/ /sgrub po kun la bstan pa yin/ /phung po la sogs bud shing ni/ /
las kyi rlung gis bskyod pa yi/ /lte ba'i dkyil 'khor nas 'bar ba/ /ye shes me la bsreg par bya/ /tshangs pa'i me ni rked par gnas/ /la la na ni dgang gzar te/ /ra sa na ni blugs gzar kha/ /dbyug pa rdo rje rin chen 'og /rang gi rdo rje mtha' yi bar/ /
thod pa sreg rdzas snod yin te/ /rdzas rnams thams cad bsreg par bya/ /'di ni bla med sbyin sreg gi/ /cho ga'i rim pa nyid yin te/ /lha mo khyod la bshad pa yin/ /de ltar byas na ting 'dzin ni/ nyams par mi 'gyur brtan 'gyur par/ /rgyud rnams kun 
las thun mong du/ /cho ga 'dis ni rab tu grags/ /mkha' 'gro kun dang mnyam sbyor ba'i/ /rdo rje mkha' 'gro bde ba'i mchog /rdo rje sems dpa' de bzhin gshegs/ /bcom ldan rdo rje can gyis gsungs/ /rgyud kyi rgyal po chen po dpal rdo rje mkha' 'gro 

</font><hr>78-1-96b<br><font size=+1>

las ro langs sgrub pa dang / /nang gi sbyin sreg gi cho ga'i rim par phye ba ste bzhi bcu rtsa bzhi pa'o// //bgrang phreng cho ga ji bzhin du/ /rab tu bshad kyis lha mo nyon/ /yang dag cho ga gang gis ni/ /'di ni 'grub 'gyur the tshom med/ /shel dang nya phyis 
mu tig dang / /khams kun la sogs gzhan yang rung / /dung dang lung tang mu men ni/ /tshe dang nad med 'phel bar byed/ /gser dang de bzhin dngul dang ni/ /khyad par pad+ma'i sa bon dang / /rin chen phreng ba mdzes pa ni/ /mkhas pa yis ni bgrangs nas su/ /rgyal 
srid phyir ni sngags bzlas na/ /dpal chen myur du 'thob par 'gyur/ /gur gum la sogs dri dang ni/ /khyad par du yang byi ru dang / /tsan+dan dmar po dngul la sogs/ /sgrub pa po yis ril bu bya/ /zhen cing rjes su chags pa mchog /sgrub pa po la 'bras bu ster/ /
ru rag lung tang sa bon dang / /mi yi rus pa de bzhin te/ /drag po'i las la sbyar bar bya/ /khyad par du ni mngon spyod la'o/ /zhi rgyas dbang dang mngon spyod la/ /pu traM dzI ba las kun byed/ /sngags mnyes pa la lnga bcu ste/ /rjes su chags par de yi phyed/ /zhi ba la ni 
brgya yin te/ /rgyas la brgyad ni lhag par bya/ /mngon spyod la ni drug cu ste/ /las kyi bye brag gis ni sbyar/ /las kyi bye brag ji bzhin du/ /bgrang ba'i phreng ba rnams ni bya/ /gser gyi skud pas brgyu bar bya/ /las rnams kun byed dge ba yin/ /yang na ras bal skud 
pa ni/ /bu mo gzhon nu gzugs mdzes shing / /yan lag shin tu rdzogs pa dang / /blo gros ldan zhing ngag 'jam smra/ /de yis bkal ba'i skud pas brgyu/ /sngags kyi dngos grub grol bar 'gyur/ /ril bu rnams ni dgra bcom ste/ /steng ma mchod rten du ni brtag /
mchod rten chos kyi dbang po pas/ /chos kyi dbyings ni dbus su bya/ /bskrad la bya rog spu dang ni/ /bong bu rnga mo'i spu las bya/ /rta dang ma he'i spu yis ni/ /phan tshun sdang ba'i skud par bya/ /dur khrod skra yi skud pa dang / /khyi yi spu dang bsres te bkal/ /drag po'i las 

</font><hr>78-1-97a<br><font size=+1>

la khyad par du/ /mdor bsdus nas ni bstan pa yin/ /zhi ba la ni mdzub mor bzhag /rgyas la gung mor dgal bar bya/ /dbang du bya ba srin lag gsungs/ /mtha' ma la ni mngon spyod bya/ /mthe bo lcags kyur byas nas ni/ /lha rnams thams cad 
'gugs par bsam/ /shin tu mnyam bzhag sngags bzlas na/ /'grub 'gyur 'di la the tshom med/ /mkha' 'gro kun dang mnyam sbyor ba'i/ /rdo rje mkha' 'gro bde ba'i mchog /rdo rje sems dpa' de bzhin gshegs/ /bcom ldan rdo rje can gyis gsungs/ /rgyud 
kyi rgyal po chen po dpal rdo rje mkha' 'gro las bzlas pa'i cho ga'i rim par phye ba ste bzhi bcu rtsa lnga pa'o// //de nas pad+mar rdo rje bcug pa bskyod cing gar byas te/ bcom ldan 'das la lha mos 'di skad ces gsol to/ /gtsug lag khang dang khang bzangs dang / /
mchod rten dkyil 'khor grong khyer dang / /khyim dang ldum ra la sogs pa/ /lto 'phye'i lto bar brko ba dang / /slob ma sa gzhi gzung ba dang / /bum pa sta gon gnas pa nyid/ /bsrung ba'i cho ga sngon 'gro ba'i/ /lha dang slob ma sta gon gnas/ /ye shes skud pa tshon rtsi 
rnams/ /mdor bsdus nas ni bshad du gsol/ /slob ma yi ni cho ga dag /ji bzhin bshad kyis lha mo nyon/ /sngar bshad mtshan nyid ldan pa dang / /ye shes yongs su rdzogs pa'i lus/ /sems can don brtson sems kyis ni/ /dngos po kun gyis gsol ba 
gdab/ /slar yang dkyil 'khor bri ba'i phyir/ /slob ma yis ni bla ma la/ /yang dang yang du gsol bar bya/ /gsol nas bla mas smra bya ste/ /yo byad thams cad 'byor ram ci/ /cung zad cig ni 'byor gyur la/ /kha cig dag ni ma 'byor ces/ /smra na slob dpon bdag chen 
gyis/ /de yi sems ni brtag par bya/ /brtan pa la ni brtan par te/ /g.yo ba las ni g.yo ba ru/ /'dren ma la ni 'dren mar shes/ /slob ma yi ni rkang mthil du/ /gzhu 'dra'i rlung gi dkyil 'khor bsam/ /lte bar ye shes me 'bar ba/ /de yi 'od zer snying gar 'bar/ /'bar 

</font><hr>78-1-97b<br><font size=+1>

bas kun nas 'khrigs par bsgom/ /ba~M las byung ba'i mi sdug gzugs/ /sdig ni sna yi sgo nas dbyung / /de nas khro bo'i gzugs bsgoms la/ /de ni kun nas za bar bsgom/ /oM badzra DA ki nI kha kha khA hi khA hi/ /sarba pA pa~M da ha da ha b+ha smi~M ku ru hU~M hU~M phaT/ bsgrub 
bya lha gzugs bskyed nas su/ /srung bdag ni dgod par bya/ /dkyil 'khor cho ga ji bzhin du/ /brtag pa ru ni su yis nus/ /rang gi lha yi sbyor ba yis/ /dkyil 'khor dag ni+i brtags na 'grub/ /grong dang dur khrod tshong dus dang / /tshal dang lha khang grong khyer 
gyi/ /shar dang byang gi sa gzhi shis/ /lho dang nub phyogs de lta min/ /gtsug lag khang gi gnas khang dang / /tshal dang ri rtse rdo leb dang / /khang bzangs kyi ni steng phyogs dang / /dur khrod dang ni lha yi khyim/ /sa yi cha ni ji snyed pa/ /rgyud rnams kun la bsngags pa 
yin/ /sa yi mtshan nyid shes par bya/ /yang na yid ni gar dga' bar/ /de rnams su ni dkyil 'khor bri/ /dman sogs dngos grub bye brag gis/ /pus mo chu so lte ba'i bar/ /brkos la phub ma rdo dang ni/ /gyo mo sol ba zug rngu dang / /tsher ma la sogs bsal 
la bcag /phyi nas mtho gang tshad du brko/ /de ni chu yis rab bkang la/ /shar du bltas te gom brgyar 'gro/ /slar log las ni brtag par bya/ /chu ni gang bar gnas na shis/ /bskams na sngags pas spang bar bya/ /sngon du 'bru la sogs pa gzhug /de ltar sa yi cha 
sbyangs la/ /la~M gya \u0f72sa bon las byung ba'i/ /gos dang rgyan gyis rnam par bklubs/ /zhal gcig phyag ni gnyis pa ste/ /'od zer ser po kun tu 'bar/ /sa yi lha mo lag pa na/ /gser gyi bum pa thogs pa ni/ /lus phyed sa la gnas pa ru/ /bltas te lag pa g.yas 
pa ni/ /sa le reg na bskul bar bya/ /oM e h+ye hi ma hA de bi pr-i th+wI lo ka mA ta re/ sar+b+ba rat+na sa~M bU r+N+Na di bya a lang+kA ra b+hU Shi te hA ra nU bu ra ni r+g+ho Sha badzra sa twa pra pU dzi te gr-i hI twA/ i da~M ar+g+ha~M asmin san+ni hi to b+ha ba hrIHhi+i hi hi hi swA hA/ me tog dri la sogs mchod nas/ /de nyid du ni thim 

</font><hr>78-1-98a<br><font size=+1>

par bsam/ /khang bzangs rdo leb gzhi dang ni/ /gtsug lag khang dang zhabs kyis bcag /ba glang lhas dang rgya mtsho'i 'gram/ /lag pa sa la bzhag nas su/ /rang gi snying po brgyad brgyar bzla/ /der ni brko sogs bya mi dgos/ /de ltar sbyangs pa'i 
sa gzhi la/ /dkyil 'khor dang ni rjes mthun pa'i/ /rin chen la sogs bzhi 'gyur gyi/ /dkyil 'khor gyi ni khang pa bya/ /oM AHla~M hU~M zhes brjod nas/ /sa 'og rdo rje'i dngos por bya/ /oM me di ni badzri b+ha ba hU~M/ /khung ni rim pa 'di yis dgang/ /de dbus khro 
bo chen po ni/ /bskal pa'i me ltar 'bar ba bsgom/ /de nas khra yi gdong sogs ni/ /steng ni khro mo'i gzugs can la/ /lte ba man chad rtse gcig pa/ /rdo rje yi ni gzugs su spro/ /bgegs kyi tshogs la 'og gzigs pa'i/ /bsgyings bcas sngags ni zlos bzhin 
du/ /de rnams snying gar gdab par bya/ /oM badzra DA ki nI sar+b+ba big+h+nAn a nu ts+tshe da ya kI la ya hU~M phaT/ de nas sngar bstan sa dbus su/ /rdo rje 'dzin chen sbyor ba yis/ /bdag nyid nye bar gnas nas ni/ /nam mkha' dang ni mtshungs par bsgom/ /don dam la ni lta ba ste/ /
'di ni srung ba'i dam pa mchog /gang zhig srung ba'i cho ga kun/ /'di nyid du ni brtags pa yin/ /de nas rdo rje mda' yi ni/ /dra ba rdo rje ra ba dang / /rdo rje'i rang bzhin sa ru bya/ /rgyal po chen po ra bsgyings byas la/ /dkyil 'khor sa la hU~M zhes brjod/ /rdo rje'i 
'gros kyis kun tu bskor/ /bdud rtsi lngas ni kun tu byug /de bzhin gshegs pa'i gnas rnams su/ /tsan+dan sogs pas gru bzhir bya/ /phal pa yi ni gnas rnams su/ /so sor zlum por byas nas ni/ /lha yi 'khor lo cho ga bzhin/ /me tog sogs pas mchod 
par bya/ /de nas rin chen gser dang dang dngul/ /zangs sam 'jim pa dag kyang rung / /ji ltar 'byor pa'i rjes mthun par/ /bum pa dag ni bya ba ste/ /rtsa ba nag po la sogs spang/ /lto yang bum pa bzang po'i dbyibs/ /byA g+h+ri seng gri dbyug pa yi/ /ut+pa la dang 

</font><hr>78-1-98b<br><font size=+1>

gzhan mi thub/ /sa ha de ba'i sman chen bcas/ /gser dang dngul dang mu tig dang / //mu men byi ru rin chen lnga/ /til dang nas dang gro dang ni/ /mon sran gre'u dang mu dgar bcas/ /ga bur tsan+dan dmar po sogs/ /sman gyi chu yis dgang bar bya/ /de ltar dam tshig chen po 
yi/ /me tog chu dang ldan par bya/ /dngos po rang bzhin dag pa'i phyir/ /yid 'ong mi 'ong brtag mi bya/ /dngos kun rtog pa las byung bas/ /yid 'ong mi 'ong dpyad mi bya/ /rdzas kyi nus pa bsam mi khyab/ /sangs rgyas nyid du 'bab par 'gyur/ /dper na spa yi rtsa ba 
ni/ /dkar po nag po rna ba dang / /dpral bar byugs pas bud med kyi/ /zla mtshan 'dzag pa zhi bar 'gyur/ /glang chen gcin dang ga bak+Sha/ /dkar po'i sa bon mig bskus na/ /lto ni 'khru bar 'gyur ba bzhin/ /'dir yang yo byad khyad par can/ /sbyangs la nye bar spyod pa 
yis/ /khyad par 'bras bu 'thob par 'gyur/ /dper na sngags kyis sbyangs pa'i dug /zos pas nad rnams thams cad ni/ /'joms shing bcud len nyid du 'gyur/ /de bzhin 'dir yang brtag par bya/ /thams cad rang rang mtshan ma dang / /so so'i sngags kyis mngon 
par bzla/ /mtshan mar rang rang mdog tu bya/ /mgrin par ras zung sar pas dkri/ /kha ni shing lo sar pas dgab/ /ku sha'i chun po 'og tu gding / /kha dog btsos pa'i skud pas brgyan/ /lhag par gnas shing mchod byas nas/ /bdug spos dag ni phul nas su/ /
'khor lo'i dbus su gzhag par bya/ /de nas pus mo g.yas pa ni/ /sa la btsugs te spyis gtugs la/ /'di skad brjod de mkhyen par gsol/ /dkyil 'khor thugs rje'i rang bzhin can/ /slob ma rnams la brtse ba dang / /khyed rnams la yang mchod pa'i phyir/ /
bdag ni de ring 'dri bar 'tshal/ /ji bzhin re ba bkang ba dang / /sems can rnams la sman slad du/ /mgon pos gus ldan bdag la ni/ /bka' drin dag ni gnang bar gsol/ /de ltar lan gsum brjod bya zhing / /bum pa sta gon gnas nas su/ /sangs rgyas 

</font><hr>78-1-99a<br><font size=+1>

'jig rten mgon po rnams/ /de ring bdag la brtse bas dgongs/ /byang chub sems dpa' dgra bcom dang / /gang gzhan sngags kyi lha rnams dang / /'jig rten skyong ba'i lha rnams dang / /bstan pa la ni dga' ba yi/ /'byung po rdzu 'phrul 
chen po dang / /gang yang lha yi spyan can rnams/ /rdo rje can bdag 'di zhes byas/ /dkyil 'khor dge ba 'di zhes pa/ /yo byad ci 'byor pa yis ni/ /de ring 'dri bar 'tshal lags na/ /dkyil 'khor dang ni bcas pa yi/ /bdag dang slob ma'i tshogs bcas la/ /
kun gyis byin rlob nye bar bzhugs/ /cho ga bzhin du lan gsum brjod/ /de nas sar pa legs par bsgril/ /tshad ldan shin tu mdzes pa yis/ /skud pas shes rab can thig gdab/ /cho ga bzhin du me tog mchod/ /nyi shu rtsa lngar phye ba yi/ /skud pa dag ni brkyang 
bar bya/ /shar dang nub dang byang dang lhor/ /thig skud brkyang ba'i rim pa 'dis/ /dkyil 'khor dag ni cha brgyad bya/ /phyed ni lag par bsdogs nas su/ /thig gdab cho ga brtsam par bya/ /g.yon pa'i rdo rje khu tshur ni/ /lte bar bzhag ste gzung bar bya/ /
de yi 'og tu ci bder bya/ /sngags pa shar du kha bltas te/ /phyogs kun mnyam par dmigs nas su/ /mnyam zhing tshad dang ldan pa ru/ /tshangs pa'i thig gnyis bri bar bya/ /me mtshams gnas te rlung dang ni/ /bden bral grwar gnas dbang ldan du/ /sngags 
pa shar dang lhor bltas la/ /skud pa dag ni gdab par bya/ /'dir ni slob dpon slob ma dag /g.yas phyogs su ni bskor bar bya/ /slob ma med na rang nyid kyis/ /phur bur btags te bri bar bya/ /nyis 'gyur byas te phur bur gdab/ /nang gi 'khor 
lo rdo rje ra/ /'od kyi dkyil 'khor rim gnyis su/ /dbang ldan mtshams nas brtsams nas ni/ /g.yas skor du ni skud pa bskor/ /sgo ni dkyil 'khor brgyad cha ru/ /mu khyud med par 'dod pa yin/ /sgo yi tshad kyis sgo khyud de/ /de yi phyed kyis 'gram 

</font><hr>78-1-99b<br><font size=+1>

pa bya/ /sgo yi sum 'gyur twa ra na/ /ba dan dril bur ldan pa yin/ /rgyal mtshan ba dan ri dgas bcas/ /kha khyer tshad dang ldan par bya/ /twa ra na yi phyi rol du/ /tshon gya \u0f72sa yi nyis 'gyur du/ /phyi yi 'od kyi dkyil 'khor bya/ /'khor lo de yi phyi rol du/ /shing la sogs 
pa'i dur khrod bya/ /gzhan yang 'khor lo'i rjes mthun par/ /ji ltar mdzes par rab tu brtag /thig skud chad na slob dpon 'chi/ /dman dang lhag pas nad 'byung ste/ /phyogs ni 'khrul na slob ma myos/ /de bas skyon med shes par bya/ /ye shes thig skud gshegs 
gsol nas/ /de nas las 'di brtsams par bya/ /'dod dang thar pa rab ster ba'i/ /tshon rtsi dag ni bskyed par bya/ /dkar dang ser dang dmar dang ljang / /kun gyi nang rol nag po ru/ /tshon gyi cha ni rim bzhin dgye/ /de nas slob mas ci dgar dgye/ /tshon rtsi re re'i 
zheng du ni/ /sgo yi nyi shu cha yi tshad/ /gal te tshon rtsi mi mnyam zhing / /yo dang dma' bar gyur na ni/ /ri mo dma' bas dgos mi 'grub/ /yon po gdung ba skyed byed pas/ /dpangs ni mthe'u chung gang tsam du/ /mtho zhing drang bar bri bar bya/ /de las sbom na nad 'byung ste/ /
dma' na nor ni zad par 'gyur/ /yon pos phan tshun sdang 'gyur te/ /chad na bla ma slob ma dag /gnyi ga 'chi bar shes par bya/ /g.yas skor ma yin bris na ni/ /rdul tshon phur bus btab par 'gyur/ /shar ni shin tu dkar ba'i mdog /lho ni dmar po'i mdog tu 
bya/ /nub phyogs ser por bya ba ste/ /byang ni ljang khu nyid du bya/ /cho ga dang ni de dag gis/ /sangs rgyas bzhi yi gdan bzhugs pa/ /rdo rje la sogs dpa' rnal 'byor/ /'dab ma'i mkha' 'gro la sogs pas/ /khwa gdong la sogs dbye bar bya/ /dbus su sna tshogs 
pad+ma ni/ /ge sar dang ni ldan pa la/ /mtshams rnams su ni thod pa'o/ /dkar dang dmar dang de bzhin sngo/ /sku la sogs pa'i kha dog dbye/ /de ltar 'khor lo lha mo che/ /dpa' bo rnams ni mchod par bya/ /sngar bshad sa yi mtshan nyid la/ /dbus su mtho bar bri bar bya/ /

</font><hr>78-1-100a<br><font size=+1>

shar dang byang du gzhol ba ni/ /sngags pa rnams kyi dngos grub 'gyur/ /dbus su mtho bas rgyal srid dang / /rig pa 'dzin pa'i gnas dag 'thob/ /byang du mtho bas 'chi 'gyur ram/ /nor rnams brlag par 'gyur ba ste/ /yang na nad kyis 'debs par 
'gyur/ /ji skad bshad pa'i shar mtho bas/ /myur du rigs rnams zad par 'gyur/ /dbus su dmara' ba'i rang bzhin su/ /sgrub pa po ni 'joms dang ldan/ /de nyid bsdus dang bde mchog dang / /gsang dang rdo rje 'jigs byed du/ /dkyil 'khor rnams kyi rgyal po 'di/ /ma 
byung 'byung bar mi 'gyur ro/ /bshad dang ma bshad gang ci 'ang rung / /thams cad he ru ka la gnas/ /mkha' 'gro kun dang mnyam sbyor ba'i/ /rdo rje mkha' 'gro bde ba'i mchog /rdo rje sems dpa' de bzhin gshegs/ /bcom ldan rdo rje can gyis gsungs/ /rgyud kyi rgyal po 
chen po dpal rdo rje mkha' 'gro las sa gzung ba dang / sta gon la gnas pa dang / thig bri ba'i cho ga'i rim par phye ba ste bzhi bcu rtsa drug pa'o// //de nas bcom ldan 'das la lha mos mchod cing phyag byas nas 'di skad ces gsol to/ /rim par phye ba bcu 
bdun par/ /khyod kyis khams kyi bcud len gsungs/ /phyi rol rnam pa du zhig dang / /nang ni rnam pa du ru dbye/ /dgra dang mdza' bshes bar ma dang / /de bzhin gzhan yang tshad dbye dang / /skams sa dang ni rlan can yul/ /khams kyi sde tshan bsdus pa dag /
ngo mtshar chen po 'di dag la/ /bdag ni the tshom skye bar gyur/ /bcom ldan 'das kyis bka' stsal pa/ /da ni sde tshan rnams dang ni/ /'brel ba rab tu bshad kyis nyon/ /sbom po phra mo'i sbyor ba yis/ /chung ngu la sogs bye brag dag /rlung dang mkhris pa bad kan sogs/ /
skyes pa dang ni bud med kyang / /re re zhing yang gsum gsum 'dod/ /nag po ser skya sngo sangs dang / /rtsub dang 'jam dang yan lag mkhrang / /mdzer pa can zhes bya ba yin/ /sbom thung bong tshod ran dang ring / /sngo sangs mtshungs rtsub mgrin pa ring / /mig ni zangs ltar 

</font><hr>78-1-100b<br><font size=+1>

dmar ba ste/ /phreng can thun mong nu ma med/ /mdog nyams sA li'i dri dang ni/ /chang dang chang min myos pa'i dri/ /chang gnyis dang ni chang gsum ste/ /rked pa yi ni bye brag yin/ /sbrang rtsi ltar 'dzag sbrang rtsi'i dri/ /so sor bya yi gzhan du min/ /yid la sems pa'i 'khrul 'khor gyis/ /
bu mo'i bcud ni drangs te blugs/ /'di ni so sor sgrub pa yin/ /bu mo gcig dang gnyis dang ni/ /mang po'i bar du brtag par bya/ /yon tan gsal bar gyur pa ste/ /sgrub po'i dbang po'i yon tan byed/ /nyi shu'i bar du gzhon nu yin/ /de rnams thabs kyis sbyang bar bya/ /
stobs dang ldan pa gzung ba'i gnas/ /de dang 'khyud las byung ba ni/ /rdzas rnams yongs su sbyong byed yin/ /bya ba kun gyi mtshams ldan ni/ /byed po za po'i lam chen yin/ /dngul chu yi ni shing chen po/ /des na chu skyes yon tan lnga/ /rang skyon 'joms pa yid 
ches yin/ /de dag ni thun mong gi cho ga'o/ /lto skyes ma rnyings rdzas kyi las/ /skyed byed don ni rgas pa 'joms/ /lhang tsher dngul chu bcing ba'i mchog /gser sgyur rtsi chen cho ga yis/ /rdzu 'phrul la sogs gsal bar 'gyur/ /lhang tsher dang ni dngul chu bzhi/ /
rma bya'i mgrin pa'i gzugs dang ni/ /sbrul gyi gzugs dang sbal pa'i gzugs/ /sprin chen rnam pa'i rjes su 'gro/ /gzugs dang sgra dang dri dang ro/ /de yi tshad ni kun shes bya/ /de yang stobs ldan bcud bral na/ /sngon bzhin nyes pa sna tshogs 'gyur/ /dngul chu 
lhang tsher kha dog ni/ /sna tshogs dang ldan skyon yin te/ /de yis bad kan skyon dang ni/ /mkhris pa dag kyang skyed par byed/ /dmar pos khrag ni skyed par byed/ /dkar pos gzer nad skyed 'gyur zhing / /srog ni 'joms par byed pa yin/ /ljang ser dag ni ma smin dang / /
ser skyas bshang gci'i lam ni 'gag /nyis 'gyur cha ni shin du 'ching / /nyes pa dag ni brgyad ldan pas/ /blo dang ldan pas dpyad de bza'/ /bcud len sngon por shes byas nas/ /'bad pas de ltar bcud len spyad/ /gzhag pa me yi gnas dang ni/ /chu yi shing 

</font><hr>78-1-101a<br><font size=+1>

la brten pa dang / /'bru yi dbus su gzhug pa dang / /bye ma'i phung por 'khrul 'khor 'jug /gso la kha cig 'bras bu dang / /kha cig me tog 'dab mar bcas/ /shun pa dang ni rus pa masogs/ /sgrub po'i nye ba'i longs spyod ni/ /de nyid rig pas sbyar 
bar bya/ /cho ga du ma mthong ba yis/ /bcos ma'am bcos ma ma yin pa'i/ /yo byad dag ni rnyed gyur na/ /rdo rje 'dzin dang mtshungs par 'gyur/ /zhes bya ba ni gzhag pa dang gso ba'i cho ga'o/ /lci ba dang ni rdo nang dang / /ba glang ma he'i lhas la sogs/ /cho ga bzhin du 
rnam brtags pa'i/ /bcud kyi rdzas ni gzhag par bya/ /bcud len sngon po shes byas nas/ /'bad de de ltar bcud len bya/ /bcud brtag pa'i gnas kyi cho ga'o/ /glang chen mgo yi bcud blugs te/ /seng ger btso bar byas pa yis/ /'bras chan ster ba'i yon tan 'gyur/ /yang na 
gso ba'i thabs gzhan ni/ /sha ri sha yi rtsa ba dang / /gser shog gis ni gso bar bya/ /mdog dmar dngul chu rmongs pa yis/ /pags pa dang ni shun pa dang / /me tog 'bras bur ldan pa yis/ /non por bcas te btsos pa dag /mnyes na dri ma'i rdul 'thor 'gyur/ /blo gros 'khrul pa med pa yis/ /
rim gyis rim gyis mnye bar bya/ /'di dag ni 'jug pa'i cho ga'o/ /de nas gci ba'i lan tshwa dang / /phag gi zhag dang tshil dang khrag /bcas pas mnyes na'ang nyes pa 'byang / /slar yang 'byung po'i skra dang ni/ /dza ni ta dang ral pa dmar/ /bin dza ra dang tsam pa dang / /smyo byed 
dag ni cha bsnyams te/ /de dang mnyam pa'i sbrang rtsi ru/ /mnyes na rtsi yi nyes zad 'gyur/ /de nas ma he'i rmig par ni/ /char ba'i chu dang bcas pa la/ /zangs kyi phye ma khar phye dang / /mig sman phye ma blugs shing btso/ /tshos nas sprang rtsi'i nang du gzhug /de yis bcings par 
'gyur ba yin/ /de nas khrag ni cha bdun gyis/ /sbyangs na snum zhing lci la sogs/ /de yi stobs ni zad par 'gyur/ /slar yang cha mnyam khrag dang ni/ /mnyes pas snum zhing lci bar 'gyur/ /ra gan tsu ta'i shing dang ni/ /zangs ma dang ni yung ba dang / /go ra sa ni 

</font><hr>78-1-101b<br><font size=+1>

dkar nag gnyis/ /drug pos nyes pa tshar gcod 'gyur/ /de nas tsan+d+ra'i shing dang ni/ /sbrang rtsi 'dzag dang sen mo dang / /thal sman 'bus zos shing phye dang / /ma ha ha ha mak+Sha dang / /pus ka ra dang brta ki/ /ku ba sin+d+hu ba ra'i phye/ /bcas par mi yi rkang du gzhug /
cung zad bzhag ste phyung nas su/ /rdo gtun brdung ba sngar bshad nyid/ /'od ma'i nang du blugs nas ni/ /de nas 'khrul 'khor nang du gzhug /btsos nas lhang tsher dngul phye dang / /bcas par rtsi yi nang du blugs/ /lhang tsher dngul chu rnon po yi/ /cho ga yis ni 
so sor bcing / /de dag zla ba las byung ba/ /a tra pa ta'i rus pa dang / /de bzhin du ni me tog bzung / /byA g+h+ri dang ni kun tu ru/ /sa ri pa dang sen mo dang / /nor bu zla 'od na ge sar/ /skyu ru ra khu ka dam+pa/ /tsam pa ki ri so pa dang / /shing sho bil ba ut+pa la/ /rang skyur dang 
ni bcas pa ru/ /'dzag dang dngul chu khwa tshos bya/ /phyung na sbrul gyi gzugs ltar 'gyur/ /khrag dang smyo byed yung ba blugs/ /skra dkar nyes pa kun 'joms byed/ /mar dang mar nag bskol ba ni/ /gnyis po yang dang yang du bya/ /chu shing a ba marga dang / /snu ha pa la 
sha yi 'dab/ /so pan tsa na'i bcud dang ni/ /thal sman sde yis sbyang bar bya/ /sbyang ba'i cho ga'o/ /de nas rang skyur yung ba dag /rnon po dngul chu'i zas su sbyin/ /de nas 'og gi lam nas ni/ /'khrul 'khor gyis ni bkru sman bya/ /rgas dang mdze nad sel bar byed/ /rnon 
po thal sman bcas pa yis/ /bkrus shing bskus na gzhang 'brum 'joms/ /rtsi dang bcud len rim gyis 'phel/ /rnon po dang ni lhang tsher la/ /thun mong du ni brten nas su/ /zha nye blugs pas 'dul 'gyur te/ /de tshe ro ni kha dang bska/ /de nas rang skyur nang du ni/ /lci bas 
btsos na nyes pa 'byang / /nyi ma'i 'od la bsros pas kyang / /skra dkar gyi ni nyes pa skyed/ /bcud ni shin tu bskol ba yi/ /'od kyis snying dang mig 'joms so/ /de la sbrang rtsi po son cha/ /thig le dag ni byin pas sbyang / /skyon sbyang cho ga sngon du ni/ /gser shog thal 

</font><hr>78-1-102a<br><font size=+1>

sman lan tshwas bsgrubs/ /ro ni bska ba dang bcas pa'i/ /lhang tsher dkar po'i skyo mas blugs/ /cha ni nges pa dang bcas pas/ /yun ring du ni mnyes gyur na/ /nyes pa 'byang gi gzhan du min/ /gzhan yang cha dang cha can dang / /gi ri kar+Na'i 
phye ma dang / /drug cha dngul chu bya ba yin/ /cha ni tshad ldan nges par 'ching / /de tshe go zlog lam nas su/ /'khrul 'khor cho ga bzhin du blugs/ /zhi ga rje 'ur btso bar bya/ /de nas tu ru ska dang ni/ /pa li tsakra mar da yi/ /sa bon pa la ta ka dang / /ka shi shi gru'i 
'bras bu dang / /ba ri tsi ta ka me tog /ut+pal mA li ka sa bon/ /rgya shug gi ni rus pa dang / /shi ri sha dang ku sa bon/ /sbrang rtsi po son cha dang ni/ /pa la sha yi shun pa dag /cho ga shes pas zhi ga rjer/ /tshos nas legs par blugs par bya/ /de nas cho ga bzhin 
bton nas/ /slar yang de dag btags pa yis/ /phye ma dang ni skyo ma blugs/ /btso ba dang ni bsreg pa dang / /tshar bcad pa dang mnan pa'o/ /btso ba thod pa'i 'khrul 'khor dang / /'od ma bya rog mchu yi dbyibs/ /yib dang khros dang 'thor ba dang / /chu yi nang du 
'bros pa yin/ /shin tu tshos pa'i mtshan ma ni/ /'dar ba dang ni rmongs pa dang / /du bar 'thul zhing khrol sgra 'byin/ /btsir dang mnye dang dkrug pa dang / /brdung ba dang ni rnam pa bzhi/ /sbrang rtsir btso dang bung bar btso/ /glang chen btso dang seng ger btso/ /rgod ma dang 
ni ka ran dang / /bong bu dang ni rnga mo'i kha/ /bcing ba dang ni tshar bcad la/ /'khrul 'khor 'di dag shin tu bsngags/ /'khrul 'khor gang zhig kha che ba/ /rdza rnga yi ni dbyibs 'dra dang / /'od ma lta bu la sogs pa/ /mtshon cha ral gri'i shubs 'dra dang / /kang ka'i 
mgrin pa bya rog mchu/ /gzhan yang bcing bar gang bshad pa/ /des ni tshar bcad rjes gzung bya/ /bzhi cha lus pa bskol chen te/ /phyed lus stobs ldan bskol ba yin/ /rtsi la brten pa'i nyes pa dag /thun mong min pa de yis 'byang / /sbyang ba dang ni rtogs pa 

</font><hr>78-1-102b<br><font size=+1>

dang / /rmongs dang de bzhin gsad pa'o/ /lhang tsher sman ni bcings pa ru/ /dngul gyi phye ma blugs par bya/ /dpa' bo gcig dang skye gnyis rtsa/ /'bras bu chen po bska ba gsum/ /lhang tsher dang ni dngul chu bzhi/ /bdud rtsi yi ni snying po lnga/ /dus drug de bzhin 
drug cu ste/ /bdun po yal ga 'dab sogs bcas/ /tsha dang kha ba bskam skyes mchog /mngar dang skyur ba rlan can bzang/ //lan tshwa bska ba gnyi ga 'ang rung / /nim pa ba ru ra dang ni/ /a ru ra yi 'bras bu rnams/ /mar nag bskol na bya ba byed/ /skyu ru ra khus 
mkhris sel te/ /bud med 'o mar bskol ba ni/ /'tsho zhing nad med 'phel bar byed/ /tsam pa la dang ba ku la/ /nA ga ge sar ku mu da/ /ut+pal she pha li ka dang / /sbrang rtsi 'dzag dang pri yang ku/ /ku sum pa dang spri ka dang / /re'u nu ka dang bcu gcig ste/ /
me tog gi ni sde ru brjod/ /shrI pha ral po son cha/ /ka pi t+tha dang la ku tsha/ /ku ba dang ni bar ta ki/ /a ru ra dang ba ru dang / /pa la ta ka skyu ru ra/ /e la dzi dang pu na ka/ /e raN+Da dang ma ri tsi/ /pi pi ling dang bcu drug ste/ /'di dag 'bras bu'i sde tshan yin/ /bca' 
ba dang ni shu dag dang / /yung ba dang ni ru rta dang / /bca' lga dang ni sgog skya dang / /rlan can gyi ni do ba dang / /nA ga pA la dkar po dang / /de bzhin rgan po gzhon nu byed/ /ba li ka sdug mtshan mo'i shing / /bcu gnyis rtsa ba yi ni sde/ /dngos grub thams cad rab ster ba'o/ /
glang chen skra dang ri mdzes dang / /'dzag dang byis pa stug po dang/ /ral pa dmar po d+ha du ra/ /a shwa gan d+ha bdun po ni/ /sdong po yal ga rtsa bar bcas/ /ka dam+pa dang gser shing ste/ /de bzhin du ni shi ri sha/ /ka ran dza dang shi gru dang / /nim pa dang ni pi la si/ /de bzhin 
ka du ma dza ri/ /'di brgyad shun pa'i sde zhes brjod/ /tsan+dan gnyis dang a kar ni/ /nag po dang gsum sdong po bzung / /bu ram phye ma ka ra dang / /sbrang rtsi ik+Shu pus ka ra/ /sha kha ra dang rnam pa drug /bcud kyi sde zhes bya ba yin/ /khu byug dang ni bya rog dang / /rma bya 

</font><hr>78-1-103a<br><font size=+1>

dang ni thi bya rnams/ /'di dag gi ni sha gzung ste/ /nyams dang stobs ni 'phel bar byed/ /zangs kyi gtsug pud g+har ka ra/ /phug ron dang ni ne tso rnams/ /'di dag gi ni khu ba gzung / /sems can kun la stobs rab ster/ /ra dang ri bong sha ba dang / /sa la gi 
dang phag dang ni/ /khyad par du ni byi ba rnams/ /nad rnams thams cad 'joms par byed/ /khyad par du ni rlung la bsngags/ /ri'u nu ka dang bar thi ba/ /a mra bil ba'i me tog dang / /ma dza ri dang lha min dgra/ /su ra si dang ral pa can/ /pa par na ga pus pa dang / /
a rdza ka yi 'dab ma dang / /ka tu dang ni pi sha na/ /sgron shing rig pa 'dzin pa dang / /yal ga rnam pa lngar bshad pa/ /'di dag mdza' bo'i sde zhes bya/ /par pa ri dang ga na dang / /dza la dang ni gya gyu dang / /u pi ta yi shun pa dang / /rnag gi dri dang rkun po dang / /khu tra lo 
ha shu ka ti/ /chur skyes shing dang brag zhun dang / /sbrang rtsi me tog b+h+ring ga ra/ /ha ta she pa li dang ni/ /de bzhin du ni pa ya si/ /bar ma yi ni sde tshan yin/ /di ra da dang bo la dang / /zho dang kun dur ka da dza/ /thang shing dang ni sra rtsi dang / /po son cha yi khu ba dang / /shu dag dang ni 
gnad dang / /tu hi na dang ra las skyes/ /mri ga dang ni ba gu dza/ /sgog skya dang ni mi si dang / /shing kun dang ni yung ba rnams/ /dgra bo'i sde zhes bya bar bshad/ /dgra bo yi ni rdzas la khyab/ /gu gul dang ni br-i Sha dang / /ki tang de bzhin 'o ma ste/ /bo ra dang ni rang skyur dang / /ga 
bur dang ni sa la ki/ /dgu po de dag sla ba'i rdzas/ /mu ra ral pa dmar po dang / /dza la dang ni gya gyu dang / /stug po nad dang ku thi ra/ /ni sha dang ni shi gru dang / /shi ra gca' ba shu dag rnams/ /bcu gnyis rtsa ba la skyes yin/ /pu thi dang ni ke so dang / /gla ba dang ni sen mo ste/ /
gan da ku ri zhes bya ba/ /lnga po srog chags las byung ba'i/ /dri ru sgrub pos shes par bya/ /shi ri sha dang gser shing dang / /lo da dang ni ka pit+Tha/ /na gi ka dang pi tsu shun/ /skyur rtsi chen po zhes bya ba/ /bdun po 'di dag shun pa'i sde/ /tsan+dan gsum dang a kar nag /sgron 

</font><hr>78-1-103b<br><font size=+1>

shing dang ni shing sha pa/ /drug po 'di dag sdong bu yi/ /sde zhes bya bar kun tu bshad/ /sgyu ma kun dang mnyam sbyor ba'i/ /rdo rje mkha' 'gro zhes grags pa/ /rdo rje sems dpa' de bzhin gshegs/ /bcom ldan rdo rje can gyis gsungs/ /rgyud kyi rgyal po chen po dpal rdo rje 
mkha' 'gro las bcud kyis len gyi rdzas kyi dbang du byas pa'i cho ga'i rim par phye ba ste bzhi bcu rtsa bdun pa'o// //de nas bcom ldan 'das la lha mos mchod cing phyag byas nas 'di skad ces gsol to/ /las rnams thams cad rab sgrub pa'i/ /sbyin sreg khyod kyis 
sngar gsungs na/ /thab khung rnams kyi tshad dang ni/ /'dug stangs yam shing sogs ma 'tshal/ /bcom ldan 'das kyis bka' stsal pa/ /sgyu ma kun gyis rnam rol pa'i/ /nyon cig lha mo sgyu ma che/ /dang po sa gzhi bzung nas su/ /phyi nas hom khung brtsam par bya/ /zhi bas 
gzhi dkar po'i char/ /khru gang tshad la shin tu zlum/ /khru phyed thur du brko bar bya/ /shin tu mnyam par bzhag pa yis/ /sor brgyad pa yi rdo rje ni/ /pad+ma'i steng du bri bas mtshan/ /khung nas sor bzhi bor nas ni/ /sor bzhi'i dpangs dang zheng ldan pa'i/ /kha khyer gyis ni bskor bar 
bya/ /mtshams su rdo rje'i dbyibs lta bu'i/ /rtse gsum rdo rjes bskor bar bya/ /sa dkar dang ni ba gci yis/ /hem khung kun tu byug par bya/ /brtul zhugs can gyis gnyi gar yang / /dri ni dkar pos byugs nas su/ /shin tu mnyam par bzhag pa yis/ /me tog 
dkar pos gtor bar bya/ /dkyil 'khor khang pa la sogs pa'i/ /shar gyi phyogs su las de brtsam/ /rgyas pas gzhi ser po la/ /rin po che yi dbyibs 'dra'i thab/ /yang na gru bzhi pa yang rung / /khru do zabs su khru gang brko/ /de nang sor brgyad bor nas su/ /
kha khyer sor brgyad tshad du bya/ /sor brgyad dpangs dang ldan pa la/ /rin chen phreng bas bskor bar bya/ /hom khung nang du 'khor lo ni/ /rtsibs brgyad ser po bris pa la/ /'og tu cha drug sor drug pa'i/ /rdo rje rin chen bri bar bya/ /sa ser dang ni dri ser gyis/ /hom 

</font><hr>78-1-104a<br><font size=+1>

khung kun du byugs nas su/ /me tog ser po la sogs pa'i/ /mchod pa dag ni ji bzhin bya/ /'di ni rtag tu grong khyer sogs/ /byang gi phyogs char bya ba yin/ /dbang la sa gzhi dmar po la/ /pad+ma yis ni mtshan pa yi/ /thab khung skye gnas 
dbyibs su bya/ /yang na zla phyed dbyibs lta bu/ /khung bu dang ni kha khyer sogs/ /zhi ba yi ni tshad du bya/ /sa dmar dri dmar sogs byugs te/ /me tog dmar po la sogs gtor/ /'di ni grong khyer la sogs pa'i/ /nub kyi phyogs char rtag tu bya/ /mngon spyod pha mes 
nags dang ni/ /ma mo'i khyim du rtsub pa dang / /gas pa'i sa la bri bar bya/ /gru gsum sor mo nyi shu tshad/ /sor bcu thur du brko bar bya/ /rtse gsum khro bo'i rdo rje ni/ /char sprin gyi ni 'od dang mtshungs/ /sor brgyad pa yi tshad tsam du/ /de yi dbus su mtshan par 
bya/ /khung bu sor gsum bor ba ni/ /kha khyer sor gsum bskor bar bya/ /sa nag dur khrod thal ba sogs/ /ci snyed pa yis byugs byas te/ /dkyil 'khor khang sogs lho phyogs bya/ /lhag ma yi ni las rnams kyang / /las bzhi'i khung bur 'dus mod kyi/ /slar 
yang de rnams khyad par gyi/ /khung bu 'dir ni bshad kyis nyon/ /dgug pa'i hom khung rdo rje ni/ /rtse gcig lta bu'i dbyibs su bya/ /rdo rje lcags kyus bskor ba la/ /lhag ma dag ni dbang dang mtshungs/ /bcing ba la ni gru bzhi ste/ /rmongs la rgyas pa lta bu yin/ /
dbang ldan gyi ni phyogs cha ru/ /sa ni dkar dang ser por bya/ /bskrad la mngon spyod lta bu ste/ /khyad par du ni rlung mtshams su/ /rnga mo'i lci bas byugs te bya/ /mdza' bo dag ni nyams nas su/ /phan tshun sdang bar bya ba la/ /de yang mngon par spyod pa yi/ /cho ga ji bzhin 
blta bar bya/ /las rnams thams cad bsdus pa yi/ /cho ga de nas bshad bya ste/ /las kun de nyid rig pa yis/ /bsam pa la sogs bye brag dbye/ /las kyi rjes mthun sa gzhi la/ /las kyi rjes mthun thab khung bya/ /sngags pa'i yid ni gar dga' ba'i/ /sa phyogs 

</font><hr>78-1-104b<br><font size=+1>

su ni sbyar yang rung / /khru gang pa yi tshad du ni/ /pad+ma ut+pal dbyibs 'dra bya/ /kha khyer pad+ma lta bu ste/ /khung dang kha khyer cung zad gdeng / /nang du bor sogs zhi ba 'dra/ /phyogs bzhir rdo rjes mtshan par bya/ /rgyar ni sor brgyad tshad tsam la/ /dpangs ni sor gcig 
tshad tsam pa'i/ /'khor lo rin chen pad+ma dang / /ral gri mtshon chas bskor ba yi/ /dbus su rdo rje'i mtshan ma bya/ /ngos su rdo rje'i ra ba yis/ /hom khung kun nas zlum po la/ /'og ni 'khor bar bri bar bya/ /hom khung gi ni cho ga'o/ /yam shing pa la sha dang ni/ /u 
dum bA ra a mra dang / /n+ya gro d+ha dang pa la sha/ /ka dam+pa sogs 'o ma can/ /rtse mo cha las byas pa ste/ /sor ni bcu gnyis tshad du bya/ /rlon zhing 'dab mar bcas pa ste/ /snying dang rtse mo nyams pa dang / /shun pa med cing gas pa dang / /thung dang shin tu ring ba dang / /
phra dang sbom dang 'khyog pa dang / /gas dang chag dang 'bus zos dang / /rtse mo cha ni gnyis yod cing / /srog chags ldan zhing skams pa dag /dge ba'i las rnams thams cad la/ /spangs te sdig pa'i las la shis/ /nas dang til dang 'o ma zho/ /sA lu'i 'bras chan 
pri yang ku/ /ku sha sngon po tsu ta'i 'dab/ /me tog tsan+dan dkar po dang / /sbrang rtsi mar dang yos bog dang / /dUr ba dri zhim khu ba rnams/ /rnal 'byor pa yis zhi ba la/ /ji ltar rnyed pas bsreg par bya/ /mchod sbyin gyi ni shing rnams la/ /bud shing thab las 
dma' bar bya/ /nags kyi lci skam dag kyang rung / /srog chags ldan pa spang par bya/ /zhi ba'i yam shing dang bud shing dang 'bru la sogs pa bsreg rdzas kyi cho ga'o/ /yam shing zhi ba'i lta bu ste/ /dbus kyi cha ni mdzes pa las/ /srid du bcag khru gang du bya/ /dri ser 
chu yis gtor nas ni/ /zho dang 'o ma mar la sbag /mngar gsum la ni btags par bya/ /de nas zas mchog zho zad dang / /mar dang til ni nag po dang / /sha ta pus pa mar dang bcas/ /sbrang rtsi dang ni sA lu'i 'bras/ /'bru rnams gzhan dang pad+ma dang / /nA ga ge sar 

</font><hr>78-1-105a<br><font size=+1>

bil ba'i 'bras/ /de bzhin dUr bar bcas pa dag /rgyas pa'i las la bsreg par bya/ /bud shing sngar bzhin khyad par du/ /'bras bu dang ni bcas pas bya/ /tsam pa dang ni a sho ka/ /pu na nA ga nA ge sar/ /shin tu dmar zhing skyur ba dang / /me 
tog dang ni 'bras bur bcas/ /yal ga yi ni cha las bya/ /sor lnga pa yi tshad du ni/ /dbang gi las kyi yam shing bya/ /bud shing yang ni skyur ba dang / /me tog bcas pa'i shing la bya/ /me tog dri ngan rnams dang ni/ /de bzhin 'bru ni nag po dang / /phub ma dag ni gtor 
bar bya/ /de bzhin mi rus phye ma dang / /dug la sogs pa dbul bar bya/ /tsha zhing kha dang tsher mar bcas/ /dur khrod du ni skyes pa'i shing / /rtsa ba'i cha las byas pa ste/ /sor mo bcu gnyis yam shing tshad/ /rtse mo rno la rtsub pa ste/ /rtse gnyis dug la sogs pa 
sbag /'ug pa'i sgro la sogs pa'ang rung / /drag po'i las kyi bud shing bya/ /de nas mchod yon snod bsham pa/ /gser dang dngul las byas pa'am/ /dung dang nya phyis dag kyang rung / /zangs dang khar ba'i rdzas rnams dang / /sa dang shing lo dag kyang rung / /ji ltar 
'byor pa bsham par bya/ /me tog 'o mar bcas pa yi/ /ar+g+ha'i snod ni mdun du gzhag /dri zhim bdug pas bdugs nas su/ /rang gi sngags kyis lan bdun bzla/ /g.yon du chu snod gzhag bya ste/ /zhi ba'i las kyi mchod yon yin/ /zho dang til du bcas pa dang / /
dri ser la sogs ldan pa'i chu/ /rang gi sngags kyis mngon bzlas pa/ /rgyas pa yi ni ar+g+ha yin/ /dbang la zangs kyi snod sogs par/ /dri dmar la sogs bcas pa'i chu/ /me tog dmar pos 'bar ba ste/ /yongs su bkang bas chags par bya/ /chu ni gnag cing 
dri mi zhim/ /khrag dang ldan pas bya ba'am/ /rang skyur dang ni ba glang gcin/ /yang na mi yi gci ba'am/ /yang na bong bu'i gcin yang rung / /phaT dang spel ba'i sngags bzlas pa/ /g.yas kyi phyogs su bzhag nas ni/ /drag po'i las la sbyar bar bya/ /ar+g+ha'i cho ga'o/ /

</font><hr>78-1-105b<br><font size=+1>

nad sogs zhi phyir zhi ba ni/ /snying rjer ldan pas dgongs mo bya/ /dpa' bo shar du bltas nas su/ /me tog phreng sogs rgyan dang ni/ /bgo ba dag ni dkar por bya/ /'jam pa'i stan la gnas nas ni/ /pad+ma'i skyil krung bcas nas su/ /dpal ldan rnam snang mdzad bsgoms 
te/ /rtse dang ldan pas mi smra bar/ /bsgrub bya yi ge oM byung ba'i/ /chu yi dkyil 'khor dkar po la/ /seng ge pad+ma zla ba yi/ /stan la gnas pa dmigs nas su/ /'og nas 'byung ba'i rim pa yis/ /sems can kun la phan bya'i phyir/ /swA hA'i mtha' can sngags bzlas la/ /
rtag tu zhi ba'i las rnams bya/ /dbul dang rid sogs rgyas pa'i las/ /dga' dang ldan pas snga dro bya/ /gos ser la sogs brgyan nas ni/ /byang phyogs su ni kha bltas te/ /bzang po yi ni 'dug stangs sam/ /yang na rol pa'i stabs kyis gnas/ /'bras chan dkar po zho 
dang ni/ /bcas bza' de nyid rig pa yis/ /bza' dang btung bas tshim nas su/ /rin chen 'byung bar bsgoms nas ni/ /yi ge la~M las byung ba yi/ /dbang chen gyi ni dkyil 'khor la/ /glang chen steng du gnas pa yi/ /bsgrub par bya ba dmigs nas su/ /sngags kyi mthar 
ni oM brjod cing / /rgyas par bya ba'i cho ga sbyar/ /dbang gi don du 'di gsungs te/ /mtshan mo chags pa'i sems kyis ni/ /nub kyi phyogs su kha bltas la/ /dmar po'i rgyan gyis bklubs nas ni/ /sems dpa'i skyil krung gnas nas su/ /rdo rje chags pa mchog tu 
bsgoms/ /ya~M las byung ba'i rlung dkyil la/ /btsun mo'i pad+ma 'jam ldan par/ /bsgrub par bya ba dmigs nas su/ /sngags kyi mthar ni hoHbzlas te/ /'od zer dmar pos bskul nas su/ /zur mig lta bas sbyin sreg na/ /bud med rnams ni rmongs par 'gyur/ /
dkon mchog gsum la gnod pa dang / /dam tshig 'das shing khro ba la/ /sdang ba'i sems kyis lhor bltas te/ /mtshan phyed dam ni nyin phyed la/ /gos sogs sngon pos brgyan nas su/ /mkhrang zhing rtsub pa'i stan la ni/ /khro bo'i skyil krung gnas nas su/ /rdo rje khro bor 

</font><hr>78-1-106a<br><font size=+1>

bsgom par bya/ /raM las nyi ma'i dkyil 'khor la/ /bsgrub par bya ba dmigs nas su/ /hU~M dag phaT ces bya ba ni/ /'brug gi sgra ltar grags pa ste/ /thog ma dbus mtha' sbyar bar bya/ /bsgrub bya'i las kyi cho ga'o/ /de nas sgrub po dpal ldan pas/ /
rgyan rnams kun gyis brgyan nas su/ /gsang ba gnyis kyi ting 'dzin gnas/ /sbyin sreg las ni brtsam par bya/ /chu yi snod ni g.yon du gzhag /g.yas su bsreg rdzas gzhag par bya/ /las kun byed pas bzlas pa yis/ /rdzas rnams kun la bsang gtor te/ /de 
nas bkra shis bcas pa yis/ /g.yas nas bskor la ku sha dgram/ /rtse mo'i cha las byas pa ni/ /dri ma med cing ma nyams pa/ /'dab mar bcas shing kha dog sngo/ /shin tu ring min thung ba min/ /'dud par byas pa g.yas skor dgram/ /de nas las kyi rjes mthun par/ /thab 
khung phyogs kyi bye brag gis/ /gzhan yang shar phyogs bstan te dgram/ /de yis sgor ni bkram nas su/ /de nas thab kyi nang du ni/ /sgrub pa po yis ku sha sbyin/ /ku sha'i las ni rdzogs nas su/ /me yi las ni brtsam par bya/ /gtsub shing las byung me 'am ni/ /yang na 
las kyi bye brag gis/ /skye gnyis la sogs me yang rung / /rlung yab kyis ni sbar nas su/ /'o mar ldan pa'i bud shing sogs/ /me ni gsal bar sbar bar bya/ /me ni 'bar bar shes nas su/ /de nas me lha dgug par bya/ /me yi phyogs nas spyan drang ba/ /drang 
srong gi ni 'khor gyis bskor/ /yi ge raM las yang dag byung / /oM las byung ba'i pad+ma ni/ /mdzes pa'i lug gi steng gnas pa/ /bsam gtan la bzhugs yang dag bsam/ /mdog dang na bza' rgyan la sogs/ /las kyi rjes su mthun par bya/ /me yi khams kyi 
rang bzhin te/ /'bar ba'i phreng ba rgya chen bcas/ /zhal gcig dang ni phyag bzhir ldan/ /rdo rje rtse gsum dbyig pa dang / /bgrang phreng ril ba spyi blugs ni/ /g.yas dang g.yon du rim bzhin bsam/ /rdo rje me ni byon pa dang / /thab kyi dbus su bzhugs su gsol/ /de nas 

</font><hr>78-1-106b<br><font size=+1>

ar+g+ha sogs byin te/ /cho ga bzhin du mchod par bya/ /las kun byed pa'i chu yis ni/ /bsang gtor byas nas zhal bsil sbyin/ /dngos grub bslang ba'i bsam pa yis/ /de yi khar ni dgang blugs dbul/ /dge ba'i las la gru mo ni/ /pus mo'i bar du bcug ste 
bsreg /drag po'i las la lag pa g.yon/ /phyi ru phyung ste bsreg par bya/ /oM badzra a na la ma hA b+hU ta dzA la ya sar+b+ba b+ha smiM ku ru sar+b+ba du Sh+TA~M bi g+hA~M hU~M phaT/ me yi sngags ni de nyid la/ /las dang rjes su mthun par spel/ /oM sar+b+ba sam+pa de swA hA/ /zho zan gyi'o/ /oM a g+na ye swA hA/ 
mar gyi'o/ /oM a pra ti ha te badzrA ya swA hA/ zhes bya ba ni ku sha'i'o/ /oM sar+b+ba pA pa~M da ha na badzrA ya swA hU~M/ zhes bya ba ni til gyis sdig pa bsreg par bya ba'o/ /oM badzra A yu She swA hA/ /zhes bya ba ni dUr ba'i ste/ /tshe spel bar bya ba'i'o/ /oM badzra puSh+Ta ye swA hA/ zhes bya 
ba ni 'bras kyi ste/ /khyim rgyas par bya ba'i'o/ /'bru la sogs pa gzhan dag kyang 'dir mar gyis bsgos te bsreg par bya'o/ /de 'og bsang gtor zhal bsil sogs/ /me ni tshim byas 'bar ba yi/ /rnam par yongs su thim par 'gyur/ /de nas me dbus bdag gi lha/ /
rgyan dang na bza' kha dog sogs/ /las kyi rjes su mthun par ni/ /bsam zhing me yi mtshan ma brtag /gser la sogs pa'i kha dog gis/ /me yi mdog ni shes par bya/ /zhi la kha dog dkar po shis/ /rgyas pa la ni gser lta bu/ /dbang la byi ru bcag pa'i 
mdog /mngon spyod la ni nag po dang / /sngo sogs mtshan mar shes par bya/ /dbyibs ni dpal gyi be'u dang / /rdo rje 'khor lo la sogs pa/ /rang gi mtshan mas brgyan pa shis/ /me ni shin tu dri zhim na/ /dge ba'i las kyi dngos grub ster/ /mi ro'i dri dang nya yi dri/ /
du ba che zhing sgra dang ldan/ /me stag gis ni sngags pa sreg /me yi mtshan ma ngan pa ste/ /mi dge ba yi mtshan ma ni/ /mi dge ba yi las la shis/ /de nyid shis pa'i las rnams la/ /shis pa'i mtshan ma ma yin no/ /de nas bgegs ni bskrad nas su/ /de nas slar 

</font><hr>78-1-107a<br><font size=+1>

yang sbyin sreg brtsam/ /de nas rang gi sngags kyis ni/ /me la bsang gtor byas nas su/ /dgang gzar cho ga bzhin bkang la/ /dgang blugs lan gsum sbyin par bya/ /oM ag+na ye a mu ka s+ya shAn+ti ku ru swA hA/ /zhes bya ba'i sngags kyis so/ /lha rnams 
tshim par bya ba'i phyir yi ge gsum gyi sngags sngon du bzlas pa dang / /rang gi sngags spel te rim pa bzhin du bsreg par bya'o/ /de la bsreg pa'i go rims ni 'di yin te/ /dang por ni yam shing ngo / /de'i 'og tu ni mar ro/ /de nas gro dang til la sogs pa'o/ /de nas bza' 
ba la sogs pa'o/ /de nas zan no/ /de nas zho dang / 'o ma dang / 'bras bu la sogs pa dang / bldag pa dang / btung ba la sogs pa'i tshogs bsregs la/ de nas rnal 'byor pas me tog dang / so rtsi la sogs pa dbul lo/ /de bzhin du rang gi lha yang mchod nas 'dod 
pa'i don gyi dngos grub gsol bar bya'o/ /de nas mgon po gshegs su gsol nas/ slar yang slob mas me lha mchod de gshegs su gsol na rnal 'byor pa la 'dod pa'i 'bras bu ster bar 'gyur ro/ /sbyin sreg gi cho ga'o/ /gser ram dngul lam zangs ma'am/ /mchod 
sbyin gyi ni shing yang rung / /dgang gzar skyu dang dbyig pa sogs/ /tshad dang dbyibs la sogs pa bshad/ /steng du sor bzhi dang ldan pa/ /dkyus ni gru bzhir bya ba ste/ /zabs su sor gnyis brko bar bya/ /dkyil du ye shes rdo rjes brgyan/ /de yi steng du mchu sor bzhi/ /
pad+ma'i 'dab ma lta bur bya/ /de dbus bcud ni 'dzag pa yi/ /bu ga mthe'u chung tshad du bya/ /de nas 'og tu dbyug pa ste/ /rdo rje rin chen sor drug brgyan/ /dgang gzar chos ni ster ba'i ma/ /blugs gzar ro ldan thabs yin te/ /sems can kun la phan byed pa/ /rgya ru 
sor gnyis zabs sor gcig /kha ni pad+ma'i 'dab ma 'dra/ /dbus su rdo rjes mdzes pa ste/ /lhag ma sngon bzhin mtshon par bya/ /sor mo lnga dang ldan pa yis/ /gang ba'i sbyin sreg bya bar brjod/ /sor mo gsum dang ldan pa yis/ /sbyin sreg cig shos bya bar 

</font><hr>78-1-107b<br><font size=+1>

brjod/ /zhi ba byang chub mchog gis gzung / /nor bu'i khu tshur rgyas pa la/ /dbang dang dgug pa dag la ni/ /de bzhin pad+ma'i khu tshur gzung / /drag po'i las la 'bad pa yis/ /de bzhin khro bo'i khu tshur bya/ /dgang gzar blugs gzar gyi cho ga'o/ /dgang blugs zhes bya 
ba ni gang ba'i sbyin sreg la sogs pa'o/ /de yi cho ga gzhan bshad bya/ /zhi ba dang ni rgyas dang dbang/ /dge ba yi ni las rnams la/ /gdong ni 'dzum dang bcas par bya/ /drag po'i las la khro gdong gis/ /yam shing la sogs bsreg par bya/ /de nyid bsdus dang 
bde mchog dang / /gsang dang rdo rje 'jigs byed bcas/ /ti la ka sogs ma bshad pa/ /sbyin sreg mdo ru bsdus pa'o/ /mkha' 'gro kun dang mnyam sbyor ba'i/ /rdo rje mkha' 'gro bde ba'i mchog /rdo rje sems dpa' de bzhin gshegs/ /bcom ldan rdo rje can gyis 
gsungs/ /rgyud kyi rgyal po chen po dpal rdo rje mkha' 'gro las las thams cad kyi gsang chen sbyin sreg gi cho ga'i rim par phye ba ste bzhi bcu rtsa brgyad pa'o// //slar yang lha mos gar byas te/ /tshig 'di dag ni gsol bar 'gyur/ /chung ngu la sogs ji lta bu/ /
de rnams bye brag ji ltar lags/ /khams kyi rang bzhin sna tshogs la/ /rdzas kyi mtshan nyid gang bshad pa/ /de dag bdag ni the tshom skyes/ /thub pa chen pos bshad du gsol/ /bcom ldan 'das kyis bka' stsal pa/ /da ni chung ngu la sogs kyi/ /bye brag la sogs 
bshad par bya/ /yon tan ldan pa'i rdzas mtshan nyid/ /bshad kyis shes rab lha mo nyon/ /chung ngu la sogs pa gang dag gi yin pa de dag ni chung ngu la sogs pa ste/ sogs pa'i sgras bar ma dang chen po'i chen po dag la bya ste/ gnas skabs kyi dbye ba rnam pa 
bzhes rnam pa bzhir dbye bar bya'o/ /rlung dang mkhris pa dang bad kan la sogs pa'i rang bzhin gyi dbye bas bud med dang skyes pa dag bye brag tu shes par bya ste/ /rdzas rnams sbyar bar bya'o/ /de yang rlung can la ni snum pa'i rdzas sbyin par bya la/ mkhris pa can la ni bsil ba'i 

</font><hr>78-1-108a<br><font size=+1>

rdzas byin na phan te/ bad kan can la ni kha ba dang bskal ba'i rdzas sbyin no/ /yang rtsub pa dang bsil ba dang snum pa rnams rlung dang mkhris pa dang bad kan can la so sor bsngags so/ /skyes pa dang ni bud med kyang / /re re zhing yang gsum gsum 'dod/ /ces bya 
ba ni khams kyi rang bzhin gyis nges pa gsum du 'dod pa'o/ /kyang zhes bya ba ni brtag pa ste/ ma ning la ni bcud kyis len mi sbyin pa'i phyir ro/ /nag po ni kha dog nag po ste/ 'dzag pa la bsngags so/ /ser skya yang kha dog ste 'pho ba la'o/ /sngo sangs ni nag po dang ser po gnyis 
'dus pa ste/ 'dzag pa dang 'pho ba gnyis ka la'o/ /dang zhes bya ba ni rim pa bzhin du sbyar ba'i don to/ /rtsub pa zhes bya ba ni ba lang gi lce ltar rtsub pa'o/ /'jam pa ni pad+ma can zhes bya ba'o/ /mkhrang ba ni khu ba sra ba ste/ gang gi khu ba 'thas par gyur pa'o/ /mdzer pa can ni 
dung can ma ste/ pad+ma la sha mdzer yod pa'o/ /bud med 'di dag ni bcud bcing ba la dbang bar gyur pa yin no/ /sbom zhes bya ba ni gdong dang kha dang nu ma 'phel kha che zhing sbom pa'o/ /thung zhes bya ba ni bong thung ba dang skra thung zhing chang gi dri dang ldan la 'dod pas myos pa ste/ de dag ni bong 
tshod ran zhes bya bar bshad do/ /ring ba ni gdong dang lag pa dang rkang pa'i dkyus ring ba'o/ /gzhan yang nya'i dri dang ldan pa'i khu ba ring du 'dzag pa ste/ /dung can ma'o/ /sngo sangs mtshungs zhes bya ba ni dbyangs mi snyan zhing yan lag dang skra thung ba'o/ /yan lag rtsub ces bya ba 
ni dri mi zhim zhing 'gros dal ba ste/ ri mo can ma'o/ /mgrin pa ring ba ni gang gi mgrin pa mtho ba de mgrin pa ring ba ste/ pad+ma dkar po lta bu'i 'od yod cing yid du 'ong la dus rtag tu rdul gyi dri zhim pa dang / /ri dgas kyi mig 'dra la ri dgas ltar lta zhing mgrin pa dang lto ri 
dgas 'dra la rked pa ri dgas kyi rgyal po lta bu ste/ pad+ma can du shes par bya'o/ /mig ni zangs ltar dmar ba zhes bya ba ni mig dang rkang pa dang lag pa shin tu dmar zhing mA li ka'i dri dang ldan pa dang / /bde bar gshegs pa'i rigs la dga' zhing de bzhin du bde ba'i dngos grub 

</font><hr>78-1-108b<br><font size=+1>

ster ba'o/ /pi no un+ta zhes bya ba ni pi na ni 'o ma 'dzin pa ste/ /de mkhrang zhing skra li ba dang bzhin kun nas zlum pa dang / lte ba'i dbus na ri mo gsum yod pa de ni phreng ba can du shes par bya ba'o/ /thun mong ma ni gang gi rgyu sbyin par byed pa'o/ /nu ma med ces bya ba ni ngang tshul ngan 
pa dang skyes pa ltar nu ma spangs pa ste/ yan lag ma tshang ba zhes bya ba'i bar du'o/ /mdog nyams zhes bya ba ni mdangs rtsub pa'o/ /sa li dri zhes bya ba ni sA li ltar yid du 'ong ba'i dri yod pa'o/ /chang ni stobs te/ dam tshig dang spyod pa phun sum tshogs pa'i bsam pa dang ldan 
pa'o/ /chang min dri zhes bya ba ni khyad par du mi ro'i dri'i rjes su 'gro ba'o/ /myos pa ni shin tu khyad par du gyur pa'o/ /cha gnyis pa ni cha gnyis te cha gnyis gnyis bsdus pa'o/ /cha gsum ni cha gnyis po de gsum du bsgyur ba ste/ spu med pa dang / sha che ba dang / /ru sbal gyi 
rgyab ltar mtho ba dang / glang po che'i ze ba ltar mkhrang ba dang / skye gnas yangs pa dang khrag dang khu ba rtag tu 'dzag pa ste/ drug po de dag ni skal bzang ma ste/ /su b+ha ga yin la de dag ni sgrub pa po la mchog ster ba yin no/ /de dag ni rked pa'i bye brag go/ /de nyid kyis sbrang rtsi 
ltar 'dzag sbrang rtsi'i dri ste/ sbrang rtsi'i rang bzhin can no/ /so so ni dam tshig gi don dang gzhan la so so ste tha dad par sbyar gyi/ gzhan du ste sems can gyi don du ra sA ya na la sogs pa las gzhan du ni nam yang ma yin te/ gzhan du ni tshig tsam yang sbyar bar mi bya'o/ /'dir ni 
so sor bsgrub pa ste/ yid la sems pa'i 'khrul 'khor gyis zhes bya ba la yid las byung ba ni yid la sems pa ste/ 'khrul 'khor ni shing dang pags pa'i rang bzhin gyis 'khrul 'khor ro/ /bsgrub pa ni des bsgrub par bya'o/ /bu mo gcig ni dang po ste/ byang chub dang 
thar pa'i don du'o/ /gnyis ni dam tshig gi don du'o/ /mang po ni nor gyi don du brtag par zhes bya ba ni khyad par du rdzas bcwa brgyad kyi ste/ gsal bar gyur pa ni gcig nyid mtha' yas pa'i yon tan ster ba'i phyir ro/ /su la zhe na sgrub pa'i dbang po la ste/ yon tan byed pa ni 

</font><hr>78-1-109a<br><font size=+1>

de nyid kyis bya'i gdong pa'i rtsa'i bdud rtsis yon tan de yang dang yang du goms par bya bas so/ /byis pa zhes bya ba ni shed ma bye ba ste/ bu mo gzhon nu ma'o/ /nyi shu zhes bya ba lo nyi shu'i bar du'o/ /de rnams thabs kyis sbyang bar bya zhes bya ba ni de rnams nyid 
sa bon gdab pa'i zhing du gyur pas sbyang bar bya ba yin la/ de rnams nyid thabs yin te mdon par 'dod pa'i don nye bar gtod cing ster la 'bras bu mngon sum du byed pa zhes bya ba'i bar du'o/ /phra mo ni yid du 'ong ba ste nam mkha' lta bu'i spyod yul lo/ /stobs ldan gzung ba yi ni 
gnas zhes bya ba la stobs ldan ni nus pa yod pa'o/ /gzung ba ni bdag gir bya ba'o/ /gnas ni dbyibs te thur du 'bebs pa dang gyen du 'phen pa'i do la dang kur+b+ba la sogs pa'o/ /rdzas ni yongs su sbyong zhes bya ba la rdzas ni srid pa'i rgya mtsho'o/ /de las gru ltar sbyong zhing phan 
'dogs par byed pas na yongs su sbyong ba'o/ /kun gab ces bya ba ni srog chags ne'u le ltar kun du 'khyud pa dang / phug ron ltar 'o byed cing sos ma mchu bzung ste 'jib pa dang skra nas gzung ba dang / sen mo 'debs pa dang khu tshur snun pa dang / sos 'debs shing 'dral ba dang mchan 
khung dang nu ma dang / rked pa dang brla gnyis dang mgrin pa dang rgyab tu sen mos 'dral zhing sid ces bya ba'i sgra dang bcas par sngags pas sngon du bya zhing / /gzhan yang nu ma mnye ba la sogs pas de'i sems rnam par 'dul ba'i bya ba de dag so sor byed pa'i tshul rnam pa brgyad dang sbyar 
ro/ /sen mo 'debs pa de yang 'jam zhing gzhon nu la ni ku sha'i tshad tsam du gdab pa dang dral bar byas te/ rked pa dang rgyab dang b+ha ga'i steng dang skra dang 'gram pa la sogs pa rnams su 'bras kyi gzegs ma'i tshad tsam gyi ri mo ci rigs par chags pa lhod pa rnams la gdab bo//
de yang sen mo 'ba' zhig ni ma yin gyi/ 'o bya ba la sogs pa rnams kyis tshim par bya'o/ /gang zhig chags pa sra ba rnams la ni sor mo ring po gsum sbrul gyi mgo ltar byas la/ mo mtshan gyi bu gar bcug nas/ sid ces bya ba'i sngags 'byung gi bar du brud par byas pas rgan 

</font><hr>78-1-109b<br><font size=+1>

mo la sogs pa tshim par bya ba ni rdo rje sor mo zhes bya'o/ /gang zhig gzhon zhing mnyen pa rnams la ni rang gi mtshan ma dang 'od dang ldan pa'i byang chub kyi sems 'bab pa'i rtsar lce bcug ste bsgril ba tsam gyis dga' bar bya ste rdo rje lce'i thur ma zhes bya'o/ /de ltar sgrub pa pos yang 
dang yang du bsgul bas snying 'dar ba dang dga' bas myos shig sems kyi rdul phra mo'i chu 'dzag la/ ngo tsha la sogs pa dang bral te ba spu langs nas shin tu chags pas lta zhing 'khyud pa la gus par gyur cing sid ces zer ba dang / /de nas skyil krung bcings la rdo rje dang pad+mo mnyam 
par sbyor bas do la dang / kur+b+ba Na dang / /su tsi dang ud k+She pa dang su pra sa ri dang / gra ma nA ga ra dang / preng khe na dang u ru spo da zhes bya ba la sogs pa ji snyed bstan bcos thams cad las 'byung ba'i kar+Na bstan par bya ste/ de dag kun kyang rdo rje sems dpa'i phyag rgyar brjod do/ /de 
dag gis rang gi don gyi dngos grub rab tu sgrub pas na de dag kun dga' ba las byung ba'i rdzas ni yongs su sbyong byed yin zhes bya ba nyid zab mo zhes bya ste/ /de yang ji srid du yul rnams kyi ra sA yan la skyes bus dman par spyod cing dga' ba'i 'khor lor zhugs nas kyang / skyes bu 
dman par spyod pa ni/ mi 'pho zhes bya'o/ /bya ba kun gyi lam gyis ni zhes bya ba ni byang chub kyi lam ste zab po zhes bya ba phyi dang nang gi mig la sogs pa'i dbang po dang / gzugs la sogs pa'i yul thams cad gcig tu bsdus shing rang rang gi tshul dang rang rang gi cha la gnas 
pa'i nye ba'i longs spyod pa thams cad bsdus te nyams su bstar ba yin gyi/ gzhan du so so bas ni thams cad la nye bar longs spyod par mi 'gyur ro/ /nye bar longs spyod pa de nyid khrid par byed pas na lam mo/ /dngul chu yi ni shing chen po zhes bya ba ni ji ltar dpag bsam gyi shing 
'dod pa'i don thams cad ster ba ltar byang chub kyi sems 'dis kyang 'bras bu thams cad spyod yul du byed pa'i phyir ro/ /des na chu skyes yon tan ldan/ /rang skyon 'joms pa'i yid ches yin/ /zhes bya ba la gang gis don ston cing gsal bar byed pas na yid ches te/ de kho na nyid 

</font><hr>78-1-110a<br><font size=+1>

la lta bar byed pa'o/ /de yang 'dir phyag rgya'i ye shes kyi dbang bskur bas dbugs phyung ba yan la/ phyag rgya'i ye shes kyang rnam pa gnyis te/ dngos grub sna tshogs dang bde ba 'jug pas rig pa dang rig par bya bar gzung ngo / /de ltar na dbang po kun las 
skyes pa'i yid ches pa des dpal dang na so dang nad med pa'i bde ba phun sum tshogs par 'gyur te/ dpal dang na so dang chags pa dang ldan pa'i zla ba la sogs pa la nye bar spyad pas dbang phyug dang nad med pa dang stobs 'phel ba dang / sems can gyi don du yun ring du 'tsho zhing bde 
ba dam pa de nyid kyis de kho na nyid la blta zhing yid ches pas phyin ci ma log pa'i dngos grub tu 'gyur ro zhes bya ba'i bar du'o/ /rang gi zhes bya ba ni rang gi khu ba ste/ des zhi ba dang rgyas pa dang dbang dang dgug pa la sogs pa kun du 'gyur te/ de nyid ni rtsi zhes bya ba ra sA ya na'i gtso 
bor bshad do/ /lto skyes ma rnyings rdzas kyi las zhes bya ba la ma rnyings pa ni ma rgas pa ste/ 'bu la sogs pa dang bral zhing mtshan nyid ldan pa'o/ /lto skyes ni mngal nas dang po byung ba shi ba'o/ las ni de'i bya ba ste mi snang ba la sogs pa dang gzhan yang gzugs sna 
tshogs su bsgyur ba dang / rtsi la sogs pa'i bya ba thams cad sbyar bar bya'o/ /skyed byed don ni rgas pa 'joms zhes bya ba la bdag nyid kyi mthu gang gis skyed byed kyi don rga ba 'joms pa ste/ skyed byed ni 'byin pa po'o/ /rdzas des skyed byed kyi don nyid rga ba 'joms pa'o/ /rgas 
pa 'joms pa la sogs pa yang dbang pos o tsa ka'i nad rnams la zla ba brgyad du mngal na gnas pa'i byis pa'i ros bcom pa la sogs pa yin no/ /lhang tsher dngul chu bcing ba'i mchog ces bya ba la/ mchog ni gsal ba dang mngon sum du gyur pa zhes bya ba'i bar du'o/ /
rtsi ni rdzu 'phrul ldan pa'i cha zhes bya ba la/ rdzu 'phrul ni nam mkhar 'phur ba la sogs pa'o/ /cha ni cha shas te skyon gyi tshogs yin la/ de dang bral ba las 'grub pa'o/ /dngul chu bzhi zhes bya ba ni par ta dang / nye ba'i bcud dang / bcud can dang rtsi'i dbang po 

</font><hr>78-1-110b<br><font size=+1>

rnams so/ /lhang tsher bzhi zhes bya ba ni dkar po dang ser po dang sngon po dang dmar po'i bye brag gis so/ /de re re zhing yang rnam pa bzhi ste/ rma bya'i mgrin pa dang sbrul dang sbal pa dang sprin gyi bye brag gis so/ /de la rma bya'i mgrin pa ni mgrin pa'i spu ltar sngon dmar du 'dug 
pa'o/ /sngon po ni bcud chen po ste lhag par gzung bar bya'o/ /sbrul gyi gzugs ni bye brag tu 'phel bas sbrul gyi dbyibs ltar gyur pa'o/ /sbal pa'i gzugs ni sbal pa'i 'gros lta bu'o/ /sprin gyi gzugs ni chu 'dzin gyi 'gros lta bu'o/ /stobs ldan sogs bcud 
bral na ni/ /sngon bzhin nyes pa sna tshogs 'gyur zhes bya ba la/ stobs ldan ni mu zi ste/ de'i skyon ni lci ba dang snum pa dang sra bdag yin te/ skyon des snga mkho bzhin du 'gyur ba'o/ /nag pa dang g.yo ba dang lci ba ni lhang tsher dang rtsi'i skyon no/ /rdo dang rlan dang lci ba dang srog 
chags kyis zos pa lta bu dang rtul ba ni rnon po'i skyon te skyon lnga po des snga ma bzhin no/ /rdo dang bcas pa yang mu zi'i skyon no/ /ba bla yi ni ser skya'o/ /mu tig gi yang ser skya ste/ snying po med pa'o/ /byi ru'i ni snum bag med pa'o/ /khar ba'i ni gser rdo'o/ /mu men gyi ni gser 
med pa'o/ /nor bu'i ni phug pa'o/ /gser gyi ni bcos ma'i lhad do/ /dngul gyi ni 'gas pa dang sra ba la sogs pa'o/ /zha nye'i ni yan lag la gnod pa'o/ /ro nye'i ni sbrul ltar ring ba'o/ /khar ba dang g.yu dang byi ma la la sogs pa ni skya bo'o/ /skyon de dag thams cad kyis kyang 
snga ma bzhin te rin po che'i cho ga'o/ /ma lus pa zhes bya ba ni gzhan srog chags dang rtsa ba la sogs pa yang ste/ swa sti'i 'dab ma'i yang ser skya'o/ /ba da si'i rlig pa'i yang bcos ma dang ser skya'o/ /sman sen mo'i ni phag pa'i rna ba lta bu'o/ /ri dgas kyi skyon chen po ni nya dang thal 
sman la sogs pa'i dri lta bu dang / bsregs na myur du thal bar 'gyur ba ste spang bar bya'o/ /rgya mtsho'i sdig pa'i yang cung zad ser zhing skya ba ste/ las thams cad la spang bar bya'o/ /yung ba'i ni mdog med pa dang skya bo dang phra ba'o/ /shu dag gi ni ljang gur sgrub pa pos shes par bya'o/ /

</font><hr>78-1-111a<br><font size=+1>

ru rta'i ni bcag na rgya mtsho'i dbub lta bu'o/ /ka ko la'i ni sbal pa'i gzugs ltar mi mnyam la sbun pa ltar yang ba'o/ /dzA ti pha la'i skyon ni skya ba dang snum med pa dang sgra chung ba'o/ /sug smel dang 'bras bu gsum gyi skyon ni sbun pa ltar yang ba ste/ /nyes pa gsum 
skyed par byed do/ /re'u ruka'i ni na le sha ma ltar chu'i steng na 'phyo ba'o/ /pri yang ku'i ni ljang gu ste 'gal lo/ /gur gum gyi ni blo dang ldan pas phra ba dang seng ldeng lta bu dang / ge sar chung ba dang cung zad ser ba dang mar nag ltar mdog med pa'o/ /u shi ra'i skyon ni 'od ljang gur 'dug 
pa dang / thung ba ste rtag tu spang bar bya'o/ /ke bar ti'i gla sgang gi ni chu rnyog ma can las skyes pa dang zi ma'i nang nas skyes pa ste spang bar bya'o/ /gla sgang gi ni rlan can las skyes pa'o/ /tshi tra ka'i ni kha dog ljang gu'o/ /se ha li'i ni rtsa ba med pa'o/ /ku su ma'i phra ba'o/ /tsam pa 
ka'i ni kha cher bye bar shes par bya'o/ /ke ta ki'i ni bu mang ba'o/ /nyon cig lha mo skal chen ma/ /rtsi dang rdzas rnams skye ba'i yul/ /ri kha ba can gyi rtse mo dang / ri bo dbang chen dang / 'bigs byed kyi brag las byung ba dang / gzhan yang nags kyi tshang tshing gang nas mig sman lta bu'i 
chu rgyun du 'bab pa'i brag las skyes pa ste/ gang dag gis rtsi byin gyis rlob pa'i gnas kyang bshad par bya'o/ /bung ba'i tshogs kyis nam mkha'i ngos su brgyan pa dang / /rlung tshogs mi rgyu de nyid rlung skyes kha ba 'bab/ /sna tshogs shing bu gel ba'i dri yis bsgos pa dang / /mkha' 
las lha tshogs sangs rgyas sgra yis gsal byed pa/ /sna tshogs dri zhim dri yis rol ba'i yid du 'ong / /sna tshogs shing gi 'bras bu brul bas sa gzhi brgyan/ /de lta'i ri shod chu 'bab bcud ni skye ba'i gnas su bshad/ /de la brag dkar po las ni shel dang chu shel la sogs 
pa'i nor bu skye bar 'gyur ro/ /brag ser po chu ser po 'bab pa las ni byi ru dang btsag dang brgya byin gyi gzhu lta bu'i nor bu dang nor bu dzi ba ni ri dmar po dag las skye bar 'gyur ro/ /ri'i ljongs gang ljang sngon du 'dug cing dro ba dang bcas la rlangs pa du ba lta bu yod cing sa rdo gnag pa las ni 

</font><hr>78-1-111b<br><font size=+1>

gser rdo khar ba dang gzhan dag dang lcags khab len gyi rigs rnam pa bzhi skye bar 'gyur ro/ /brag ljangasngon las ni byi ma la la sogs pa rnams dang mu men dang nor bu stam pa la sogs pa sna tshogs dag skye bar 'gyur ro/ /brag kha dog sngon dmar sna tshogs su 'dug pa las ni ldong 
ros dang ba bla dang mu zi la sogs pa skye bar 'gyur ro/ /brag sum zhing srog chags dang bcas pa las ni tsha la la sogs pa thal sman rnams skye bar 'gyur ro/ /de dag blang ba yang dang po gtor ma byin la ku ba'i snod du blang bar bya'o/ /dngul chu gang rdo las gci rlon gyi sbyor bas 
bsgrubs pa de ni mchog go/ /rig pa de dag lha mo che/ /sbyor ba kun gyi dam pa yin/ /tshangs pa brgya byin sogs 'grub na/ /gzhan dag la lta smos ci dgos/ /'das pa'i dus na sngon byung ba/ /bskal pa dang po bde ba che/ /der ni rdo rje sems dpa' che/ /lhag pa yi ni 
lha gcig bzhugs/ /lha min grub pa sogs mthong ste/ /lha yi tshogs ni skrag gyur nas/ /sangs rgyas thams cad 'dus nas ni/ /myur du nga la skul bar byed/ /thig ler zhu las lha mo che/ /bdud kyis kun du gtor ba ni/ /thams cad rmongs par byed pa yi/ /dngul 
chu zhes ni bya bar grags/ /chu gting las byung dman pa ste/ /de bzhin ri las skyes pa mchog /da ni dri yi sbyor ba dag /slar yang bshad kyis lha mo nyon/ /dkar po dang ni dmar po dang / /khyad par du ni ser po ste/ /de rnams dbye ba bshad par bya/ /mchog dang 
dman dang bar ma yin/ /ke ta ka ltar dri zhim zhing / /yang na snum pa gla rtsi'i mchog /kha da si ni skam skyes pa'i/ /rlig pa sha chen zlum po shis/ /sdig pa sngo zhing snum pa dang / /rgya mtsho las ni byung ba bzang/ /sen mo rta yi rmig 'dra dang / /glang po che yi rna lta bu/ /ba 
da ri shi ut+pal dang / /'dab ma lta bu rnam pa bzhi/ /gnyis gnyis shing ni bdug par sbyar/ /a ka ru ni lci ba dang / /snum zhing bya rog mchu 'dra shis/ /gca' ba sor mo'i dbyibs 'dra zhing/ /dri ma med pa shin du bsngags/ /mu ra ser po mchog yin te/ /skya bo dag ni dman 

</font><hr>78-1-112a<br><font size=+1>

shes bya/ /shu dag sbom zhing phyi rol ser/ /nang na dkar po yod pa bzang/ /na nga dbang sha ba'i rwa 'dra bar/ /mdzes pa yon tan ldan pa yin/ /yung ba ku ta tsa ltar ser/ /sbom zhing tshigs ni che ba dang / /bcag na mig sman mdog 'dra ba/ /rtsi yi las la dge 
ba yin/ /cung zad mdog ni sngo ba dang / /bcag nas ha ra yi dri/ /yung ba de ni mar nag dang / /rtsi yi las la dman par bshad/ /ra na sran ma mung+ga ltar/ /sngo ba mchog ni yin par bshad/ /pri yang ku ni nags skyes shing / /sa ha de ba'i 'dab 'dra mchog /gur gum ku 
sum dmar 'dra zhing / /snum la ge sar srab pa mchog /ge sar sbom zhing ser ba dang / /sbrang rtsi'i dri ldan 'bring po yin/ /dzA ti pha la sgra che zhing / /lci la snum pa shin tu gces/ /kak+ko la ni snyoms pa dang / /lci zhing sgra med bzang ba yin/ /u si ra ni dkar ba dang / /ring zhing 
sre ba de bzhin bsngags/ /ke bar ti mud gla sgang ni/ /chu bo'i 'gram dang mtsho 'gram dang / /dri ma med pa'i chu la skyes/ /zi ma 'dab bu la sogs bral/ /shin tu dri zhim yid 'ong mchog /tsha ti ba ni gi wang gi/ /mdog ltar 'tshod pa bsngags pa yin/ /gla sgang skam skyes mkhregs pa 
bzang/ /rlan snyoms yul nas skyes pa 'bring / /a ru ra ni 'bigs byed kyi/ /nags dang ri bo dbang chen skyes/ /nar ma dA yi chu skyes mchog /gzhan dag dman dang 'bring po yin/ /smyung po dang ni 'jigs med dang / /'tsho dang de bzhin bdud rtsi ste/ /gtsang ma dang ni 'phel 
ba dang/ /rnam par rgyal ba bdun du brjod/ /ri mo gsum po smyung po ste/ /'jigs med ri mo lnga pa yin/ /'tsho ba gser mdog shes par bya/ /bdud rtsi sha chen zhes bya ste/ /de bzhin gtsang ma sha med yin/ /ser skya 'phel ba zhes bya ste/ /ku ba lta bu rnam par ra rgyal/ /dri la 
smyung po sbyar bya ste/ /bcud kyis len pa bdud rtsi bsngags/ /'jigs med rnam par rgyal ba 'bring / /lhag ma rnams ni don med do/ /skyu ru ra ni sha che zhing / /rus pa chung la ro dang ldan/ /rdo ba can gyi ri las skyes/ /shin tu smin pa mchog tu bshad/ /ba ru ra ni tha mal pa'i/ /

</font><hr>78-1-112b<br><font size=+1>

ri las skyes pa'am gzhan yang rung / /a ru rkang ni snum zhing sngo/ /lci zhing mar dang bcas pa bzang/ /da ni de dag re re zhing / /gzung bar bya ba bshad kyis nyon/ /rdzas ni dus bzhin skyes pa dang / /bcud dang bcas pa gzung bya ste/ /mthun pas phan pa nyid 'gyur gyi/ /bzlog 
pas gnod pa nyid du 'gyur/ /da ni tshim par bya ba yi/ /cho ga bshad kyis lha mo nyon/ /ma d+hi dang ni pe Sh+thi dang / /de bzhin go d+hi dza ka la/ /de dag 'bru dang bcos pa'i chang / /ro yi bye brag sna tshogs de/ /rim pa de dag brjod pa yin/ /ma d+hi rnam pa lngar bshad de/ /peSh+thi rnam pa 
brgyad du brjod/ /go di rnam pa bdun yin te/ /de bzhin dza ga la ni gsum/ /btso dang sbyor ba'i cho ga dag /da ni rab tu bshad kyis nyon/ /sbrang rtsi las byung dang po ste/ /kha rdzar yi gnyis pa yin/ /rgun 'brum las byung gsum pa ste/ /bcud tshogs las byung bzhi pa yin/ /
lnga pa dbang chen zhes bya ste/ /thams cad kyi ni gtso bor brjod/ /rab tu gdang dang ser skya dang / /myos par byed pa thams cad 'byung / /lo di las byung mdog bzang dang / /mchog tu gser dang dzi bo dang / /zhi ba dang ni rnam pa brgyad/ /de brgyad peSh+thi las byung ba/ /mdor 
bsdus nas ni brjod pa yin/ /ik+Shu las byung dang po ste/ /si tu yi ni gnyis pa yin/ /gsum pa bu ram gnyis las byu+ung / /bzhi pa skya bo zhes bya ste/ /sna tshogs dang ni de bzhin gzhan/ /mi 'jigs zhes bya dang ni bdun/ /'bras bu yi ni khu ba dang / /me tog dang ni de 
bzhin gzhan/ /nya du can gyi 'bras bu dang / /tsa kra ang ga bzung nas ni/ /na le sham ni drug cu bzhi/ /skyu ru ra khu srang bcu dang / /po son cha ni srang phyed bcas/ /chu bre gang du mnyes nas ni/ /nyi ma'i 'od la btso bar bya/ /sa har da dri'i me tog dang / /'u su sha ta pus pha 
dang / /ma la ya dang u shi ra/ /ri las skyes pa'i gzhon nu ma/ /dzA ti shing tsha po son cha/ /de dag so sor zho gnyis gnyis/ /bur shing khu ba srang brgyad dang / /chu ni de yi bzhi 'gyur bcas/ /sngon po kaN+Da ka ri dang / /rgya spos sug smel ta ma la/ /btsod dang nA ga 

</font><hr>78-1-113a<br><font size=+1>

ge sar dang / /u shi ra dang na le sham/ /glang po che yi pi pi ling / /bu ram srang ni gcig dang bcas/ /chu ni srang bdun nang du blugs/ /rgya spos brag zhun ta ma la/ /rgya spos ru rta cha re bya/ /'bru chang bre gang nang du ni/ /thams cad bcas te nyin bdun 
du/ /nyi ma'i 'od la btso bar bya/ /de nas sbrang rtsi de mnyam dang / /'dzam bu'i shing ni cha brgyad bcas/ /slar yang snga ma bzhin du ni/ /nyi ma la ni btso byas te/ /sbrang rtsi tsam zhig lus pa dang / /bdug spos kyis ni bdug par bya/ /de nas zla ba gcig tu ni/ /'bras kyi 
so ba'i nang du gzhug /de nas sa yi 'og tu ni/ /zla ba gcig dang nyin bzhi gzhag /thog ma tha ma mnyam pa ste/ /bar ma bzhi 'gyur du ni blugs/ /du hi ga bur gla rtsis bdug /de ni sgeg mo zhes bya yin/ /da tri'i me tog srang phyed dang / /chang dang mnyam pa'i bu ram dang / /lhag 
ma'i cha ni rdzogs nas su/ /phyi nas gcig tu bsre bar bya/ /chang gi bcu drug cha dang ni/ /da tri'i me tog ji snyed pa/ /dri zhim gyi ni skyo ma dang / /de rnams thams cad gcig tu spyo/ /zla ba re re spel bya ste/ /de yi nang du sgeg mo blugs/ /dang por mnyam por blugs bya ste/ /zla ba 
gnyis la nyis 'gyur bya/ /de ltar gsum bzhi lnga drug bdun/ /la sogs lo gcig bar du spel/ /de nas zla ba drug tu ni/ /kha bcad nas ni sba bar bya/ /bu ram khu bas spel bya ste/ /rab tu myos byed gso bar bshad/ /chu shing smin pa rdog ma brgyad/ /de bzhin sgeg mo srang 
brgyad dang / /phur mo'i phye ma srang gcig dang / /'od ma'i nang du blugs nas su/ /'bru yi nang du zla phyed gzhag /chags can mchog ces bshad pa yin/ /'bras bu gsum dang sha shi dang / /a ka ru dang a rdzu na/ /dzA ti me tog bcas pa'i rdzas/ /phye ma srang gcig bzung 
nas su/ /slar yang sgeg mo srang brgyad bcas/ /nyi ma bdun du gzhag par bya/ /me tog myos byed zhes bya yin/ /rgun 'brum ka ta~M shing dbang phyug /kha rdza ri yi khu ba dang / /spa yi rtsa ba rnam pa gnyis/ pa ta me tog la sogs bcas/ /rnam pa brgyad ni sbyar bar bya/ /

</font><hr>78-1-113b<br><font size=+1>

phabs ni bcos pa'i cho ga yin/ /peSh+thi las byung myos byed de/ /zan las byung ba chu can mchog /tsu ta la sogs shun pa las/ /byung ba chang zhes bya ba yin/ /dza ga la ni 'bru chang brjod/ /rgun 'brum sbrang rtsi dpa' bo gcig /skyur po g.yon can zan mo yin/ /tsin tsa rtsa ba las 
byung gang / /nya phyis can zhes bya bar grags/ /me tog gis bsgos rab myos yin/ /dri zhim dang bcas sgeg mor bshad/ /kha zas mi len rid pa dang / /mkhris pa can la dza gal phan/ /bad kan can la zan chang phan/ /gnyi ga la ni dzi bo bsngags/ /sbyor bas bcud len 
ro yi mchog /tsaka kra ang ga sbrang rtsi dang / /ru rta dang ni gla sgang gi/ /khu ba dang ni tsu ta dang / /kum pa la sogs gzhan dag kyang / /chang gi phabs su sbyar bar bya/ /chang dang phabs kyi cho ga'o/ /gla sgang dang ni ku tsa dang / /yung ba dang ni sgog skya rnams/ /sings po'i nang 
du zhag gsum sbangs/ /de nas lo ma lnga pa yi/ /khu ba'i nang du bskol bar bya/ /'bras phye dang ni bu ram bcas/ /shi gru'i khu ba ra gcin gyis/ /bkrus na dag par 'gyur ba yin/ /sho ban dza dang ra gcin du/ /gla rtsi dag ni sbangs byas na/ /de yis dri dang 'bral mi 'gyur/ /
kha da si yi rlig pa ni/ /dang po thal bas spu phyi la/ /de nas lo ma lnga pa yi/ /khu bar khwa tshos byas nas ni/ /slar yang shi gru'i khu ba dang / /ra yi gcin du spangs nas ni/ /ke ta ki yi nang bcug la/ /so pan tsa yi rtsa bar gzhug /de ni kha da si rlig sbyang / /shu dag 
dang ni yung ba gnyis/ /yungs mar rdo rje'i 'o ma dang / /sings po cha mnyam nang bskol bas/ /dag 'gyur 'dir ni the tshom med/ /e ran da yi khu ba dang / /brag zhun gyi ni chur bcas pas/ /se hal le ni bkrus nas su/ /'dab mar btums te lci bas byug /sa yi 'og tu 
sbas bas 'dag /ku su ma dang 'bras bu rnams/ /dang po ta krar sbangs nas ni/ /bkrus nas shi ri pha la yi/ /nang du bcug nas bsros pas 'dag /mu zi mar khus dag 'gyur te/ /ba bla ba lang sha yis 'dag /bya g+h+ri ba lang lci bas sbyang / /ldong ros rang skyur gyis 

</font><hr>78-1-114a<br><font size=+1>

ni 'dag /gur gum mar gyis 'dag par 'gyur/ /gca' ba glang gi gcin gyis te/ /a ka ru ni khrag gis sbyang / /sih+la pu mo'i khrag gis 'dag /de nas bcom ldan 'das la lha mos mchod cing phyag byas te 'di skad ces gsol to/ /bcud kyis len ni rab 
sbyor ba/ /gnas ni gang du brtsam par bgyi/ /sde tshan rnams ni sngar bshad pa'i/ /'brel pa dag ni ji ltar lags/ /sbyor ba'i rim pa khyod bshad pa'i/ /dgos pa dag ni ci zhig lags/ /mar nag btso ba cho ga dang / /yul dang 'brel pa'i ting nge 'dzin/ /khams ni bcwa 
brgyad bstan pa yi/ /phan tshun bsdus pa ji lta bu/ /'khrul 'khor bye brag bshad pa dag /phyi dang nang ni ji ltar lags/ /nad rnams sna tshogs byung ba dag /ji ltar smin pas 'bras bur 'gyur/ /sbom po'i bye brag du zhig mchis/ /phra mo yi ni khyad par ci/ /rdzas dang bcud 
len mi 'tshal te/ /khyod kyis sbyor ba gang bshad pa'i/ /dus kyi khyad par ji lta bu/ /de rnams bdag ni the tshom skyes/ /bde ba chen pos bshad du gsol/ /bka' stsal pa/ sgyu ma kun gyis rnam rol pa/ /nyon cig lha mo sgyu ma che/ /sbrang rtsi lta bur bcud bsdus pa/ /rgyud 
rnams kun du gsang ba yin/ /gnas sogs ji bzhin mchod nas su/ /bde mchog sngags kyi bsnyen par bya/ /dpa' bo rnal 'byor gnyis med pa/ /nyi shu rtsa bzhi cher mchod nas/ /rnal 'byor chen po de yis ni/ /bcud len sman gyi sbyor ba brtsam/ /rig pa 'dzin pa'i 
grogs po ni/ /sngags kyi bsnyen par gus pa dang / /skyo dub med cing dogs pa med/ /dam tshig spyod la gus pa ste/ /dpa' zhing brtan la g.yo sgyu med/ /'jam zhing bla ma'i bsnyen bkur brtson/ /de dang lhan cig bsgrub par bya/ /sgrub pos gzhan du byas na ni/ /dngos 
grub 'bras bu 'byung mi 'gyur/ /sngar bshad rig pa sbyang byas te/ /dang po dam tshig sbyin par bya/ /gcer bu'i brtul zhugs 'dzin pa yis/ /gnyis pas ming sogs dbang ni bskur/ /dbang bskur nas ni de nyid bstan/ /stong dang stong min sogs spangs pa'i/ /

</font><hr>78-1-114b<br><font size=+1>

ro ni mi mchog gis rtogs bya/ /sgo dgu las ni byung ba'i rdzas/ /sbom po zhes ni bya ba ste/ /rdzas ni 'ju bar byed pa yin/ /bcud ni dngul gyi lhag ma yin //len pa snying stobs zhes byar bshad/ /snying stobs rdzas zhes bya ba ste/ /dngul ni zhu ba zhes byar brjod/ /de ltar rdzas 
dang zhu ba ni/ /bsdus pa len pa zhes bya'o/ /mun pa phra mo zhes bya ste/ /phra mo nam mkha'i khams mtshan nyid/ /phung po la sogs khyad par dang / /khams rnams thams cad 'tshod pa yin/ /sna tshogs gzugs rnams 'byin pa ni/ /nga yi ye shes kyis bskul yin/ /
de dag lha mo skal chen mo/ /rdzas dang khams ni bsdus pa ste/ /brtson 'grus dman zhing tha shal dang / /bsod nams dman pas mthong mi 'gyur/ /brtson 'grus bcud kun gnas yin pas/ /de bas brtson 'grus brtsam par bya/ /bcud ni bcing dang gso ba dag /mdor 
bsdus nas ni bshad pa yin/ /yongs su smin pa'i mchog gis ni/ /mnyam med bcud la brten pa yi/ /rnam bcing la sogs nyes pa brgya/ /blo dang ldan pas dpyad de dgag /bcud ni nag po sngon po ste/ /bcud ni yongs su grub ba yin/ /dngul chu lhang tsher cho ga yis/ /
ji srid bcud chen grub kyi bar/ /de srid du ni 'bad de dpyad/ /'khrul 'khor gang zhig kha che ba/ /de ni kar na rgod ma'i kha/ /'khrul 'khor gang zhig rdza rnga 'dra/ /de nyid bong bu rnga mo'i kha/ /rgod ma'i kha ni 'od ma yi/ /sbu gu yis ni brgyan par bya/ /ka ra na da yi 'khrul 
'khor ni/ /ral gri shubs kyis brgyan par bya/ /'khrul 'khor bong bu'i kha zhes pa/ /kang ka'i mgrin pa'i sbu gur sbyar/ /rnga mo'i kha yi 'khrul 'khor ni/ /bya rog mchu dang mtshungs par sbyar/ /tshar gcad pa ni sbal ba ste/ /'od ma can gyis sbrang rtsir btso/ /bya 
rog mchu can bung bar btso/ /rdo leb 'bar zhing 'od dang bcas/ /kang ka'i mchu can glang chen btso/ /ral gri shubs can 'khrul 'khor gyis/ /seng ge ru ni btso ba yin/ /bcud chen yi ba dang khros pa dang / /'thor zhing shin tu tshos pa yis/ /chu yi nang du 'bros par 'gyur/ /

</font><hr>78-1-115a<br><font size=+1>

de nas glang chen mgo bcud dang / /mu zi la sogs byin nas ni/ /bsregs pas tshar gcad mnan pa dang / /'og tu sa la bor nas su/ /'dar zhing rmongs la du bar 'thul/ /khrol khrol gyi ni sgra 'byin no/ /de nas a shwa gan da dang / /ba la tsakra mar da dang / /
ba la ta ka shi gru ste/ /pa ri cha da ku mu ta/ /ut+pal mA li ka sa bon/ /rgya shug rus pa ki sa bon/ /ku ba'i sa bon ma du dang / /po son pa la sha ba'i shun/ /phye ma skyo mar byas pa yi/ /nang du de nas brdung bar bya/ /cha ni nges dang bcas pas 'ching / /rdzas ni drug 
cha sbyin par bya/ /de nas rdo yi gtun du mnye/ /dang po re zhig sbyang bar bya/ /de nas gcig ba'i lan tshwa dang / /phag gi zhag dang khrag tu bcas/ /dkrugs pas nyes pa gzhom par bya/ /'khrul 'khor gzhug pa bshad par bya/ /tsan+da thal sman la sogs dang / /bcas pa 
rkang gi nang du gzhug /dang po brgya rtsa brgyad par bya/ /phyi nas lto skyes bcas pa'i bcud/ /'od ma'i nang du bcug nas su/ /sngar bshad gnas su gzhag par bya/ /rtsa ba 'bras bu zhes bya ba ni so pan dza la sogs pa'i rtsa ba dang 'bras bu'o/ /ka tu ma dza rdza la sogs pa'i 
ni me tog dang 'dab ma dang rus pa la sogs pa gzung ngo / /bcud btso ba'i sbyor ba'i cho ga'o/ /lhang tsher phyogs kyi cha dang ni/ /bcud ni dbang po'i cha dang bcas/ /cha yi nges pas 'ching 'gyur te/ /cha bcus rim gyis spel bar bya/ /dri zhim zla ba re re sbyin/ /gser 
gyis mdog ni bzang por 'gyur/ /dngul gyis so ni bzang por 'gyur/ /mu tig mig ni dag par 'gyur/ /mu men skra dang spu la phan/ /rdo rjes thog ni zlog 'gyur te/ /lcags kyis chu dang mtshon rnams zlog /sna tshogs dbang phyug sems dang ni/ /lhang tsher gyis ni brgya byin 
dang / /me dang gshin rje chu lha dang / /lus ngan la sogs bgegs kun zlog /nA ga par ni mar sar dang / /rgya mtsho lan tshwar bcas pa yi/ /dngul chu'i sbyor ba mchog 'di yis/ /rgas pa dang ni mdze nad 'joms/ /ba lang lce yi sman dang ni/ /dngul chur bcas pa 

</font><hr>78-1-115b<br><font size=+1>

byugs pa yis/ /gzhang 'brum nad ni sel bar byed/ /ka ri ke sas gso ba ste/ /gi ri kar ni ka dang ni/ /ral ba dmar pos bzhu zhing gsad/ /'dzag dang a shwa gan da dang / /nA ga ba la ba li ka/ /cha mnyam gyis ni rmongs par bya/ /d+ha du ra yi khu ba yis/ /rang 
gi yon tan ma lus byed/ /de nas snying po kun bsdus pa'i/ /mar khu'i cho ga bshad par bya/ /mar khu rnam pa gnyis gsungs te/ /snod dang sems can las byung ba'o/ /dang po snod kyi bshad bya ste/ /'bras bu chen po gsum gyi chus/ /snum ster rnams la yang 
yang bsgo/ /de ni legs par bskams byas la/ /rdul la sogs pa'i skyon bral ba'i/ /sa yi char ni sngags pas bskyed/ /legs par smin cing snum pa dang / /skya bo la sogs skyon spangs gnag /legs par brdung zhing bsros nas su/ /skyu ru ra khu char chus sbangs/ /sra 
ba de yi bdug pas bsgo/ /du med me yis ran par bdug /de nas 'khrul 'khor dag gis btsir/ /dpyid dang sos ka ston dus gsum/ /nyi ma'i 'od la sman mar btso/ /dgun stod dgun smad dbyar dang gsum/ /mar khu me yis ran par btso/ /gan da pa tra dwa tsa dang / /
sug smel nA ga bus bar bcas/ /ral pa dang ni sa li la/ /de dag phye mar byas pa ni/ /til las byung ba'i nang blugs te/ /chu ni mar khu'i bzhi 'gyur bya/ /a ga ru ni srang phyed dang / /sman gyi bzhi 'gyur byas nas su/ /de nas me ni ran pas bskol/ /slar yang ral 
ba gla sgang dang/ /tsan+dan shing tsha ba trar bcas/ /sngar bshad phye ma mnyam por bya/ /de bzhin snga ma bzhin du btso/ /slar yang sih+la dkar min lha/ /ru rta dza la ba thar bcas/ /thams cad bsres pa srang gcig btang / /mar khu srang ni brgyad dang bcas/ /'od ma'i 
nang du blugs nas ni/ /nyi ma bdun du nyi mar btso/ /yid 'ong skal bzang stobs rab ster/ /'dod pa'i don ni phun sum tshogs/ /gal te tshangs pa'i mar khur bcas/ /rnal 'byor can la mchog ster 'gyur/ /gzhan yang sba la sug smel dang / /pa ta b+h+ring ga rA 

</font><hr>78-1-116a<br><font size=+1>

dza dang / /sen mo ru rta bi sha tsa/ /so sor cha bzhi cha drug bdun/ /cha ni bcu gnyis dag dang bcas/ /'di rnams sman gyi skyo ma ni/ /sngar bshad pa yi tshad dang bcas/ /sngar bshad 'od ma'i tshogs btso/ /gang tshe rkang gi mar khur bcas/ /nad 
rnams thams cad 'phrog par 'gyur/ /de nas sha chen mar khu dang / /lhan cig bsres te sbrang rtsi yi/ /snod du blugs te nyi mar bsro/ /nyi ma bdun ni tshun chad kyis/ /ri dgas lte ba dang mtshungs 'gyur/ /sbyor ba 'di ni dam pa ste/ /bsrung ba kun gyi bla na med/ /ti tra 
tsa yi 'bras bu dang / /tsan+da na sih+la shing tshar bcas/ /sngar bshad pa yi mar khu de/ /rkang gi mar dang bsres nas ni/ /sngar bzhin sbrang rtsi'i snod gzhag sogs/ /de ni ga bur mtshungs 'gyur te/ /skye bo thams cad rmongs par byed/ /de nas ri skyes mar khur bcas/ /
'bras gsum gla sgang shu dge dang / /pu ti ta dkar ku su ma/ /se pa la yi ngar pa dang / /gur gum dang ni lhan cig bcas/ /sbrang rtsi'i snod du blugs nas su/ /nyin bdun nyi ma'i drod la btso/ /skal bzang stobs 'phel mdangs dang ldan/ /rtag tu 'o ma btung bya zhing / /
bsam gtan bzlas la 'bad par bya/ /tshangs par spyod la rtag gnas nas/ /khu ba dag ni dgag par bya/ /sbrang rtsi dang ni bcas pa ru/ /sgrub pos phra mo zla drug bza'/ /de yi bshang ba kun blangs la/ /phra mo lhan cig phye mar bya/ /rdza ma sar par bzhag nas su/ /tsha 
gsum tso ra'i phye ma ni/ /nyis 'gyur du na byas pa dang / /'byin byed phye ma bcu char bsre/ /bu ram gyis ni ril bu bya/ /sgrub po shin tu mnyam bzhag pas/ /nyi ma re re zho gnyis gnyis/ /zos na nad rnams thams cad ni/ /'jig 'gyur khyad par gzhang 'brum 'joms/ /
mes po yi ni cha bzhi dang / /sgog skya dang ni bcu drug bsre/ /'o ma dang ni lhan cig btung / /nyi ma bdun ni tshun chad kyis/ /gzer nad klad nad 'joms par 'gyur/ /sings po dang ni lhan cig tu/ /snga ma bzhin du 'thungs na ni/ /nad rnams thams cad sel bar byed/ /zla 

</font><hr>78-1-116b<br><font size=+1>

drug sbyor ba goms pa yis/ /skra dkar dang ni gnyer ma 'phrog /'bras ni dmar po'i phye ma dang / /ba la'i rtsa ba 'dab mar bcas/ /sgog skya zho gnyis lhan cig tu/ /btags te ril bu byas nas ni/ /mar ram mar nag nang du btso/ /zos nas gcin dang 'tsham par 
btung / /des ni rus pa chag pa dag /'byor zhing stobs dang nyams 'phel 'gyur/ /b+h+ring ga rA dza tshangs pa ni/ /rlon pa gci ba dang bcas bza'/ /de yis dug ni 'phrog par byed/ /yung ba'i khu ba zho gnyis dang / /de dang mnyam pa'i gci bar bcas/ /'thungs na rgyu 
ba'i dug dang ni/ /shu ba dang ni nad kun 'joms/ /yung ba'i khu ba ba lang gcin/ /de bzhin 'byung po'i gtso bo ste/ /rig byed grangs dang mnyam pa'i srang / /de la zho ni gnyis gnyis btung / /dpyid kyi dus su cung zad bskyed/ /sbyor ba'i gtso bo 'di yis ni/ /dug dang 
rims rnams sel bar byed/ /gla sgang skyu ru ra dang ni/ /dri rnon dang ni zhag chen dang / /sbrang rtsi cha mnyam phye ma ni/ /khab len lcags kyi snod du gzhag /sbyor ba'i rim pa 'di yis ni/ /srang ni sum brgya'i bar du bya/ /ba sa~M ta zhes bya ba ste/ /dngos grub thams cad rab 
ster ba/ /lo gcig bar du sbyor ba yis/ /yid 'ong yid ni gzhungs par 'gyur/ /nad rnams kun las rnam par grol/ /gnyer ma dang ni skra dkar sel/ /dus kyi rlung dang nyi tshan sogs/ /bsten kyang 'jigs par mi bya'o/ /sbyor ba gzhan la brten pa ni/ /'bras bu 
med cing log par 'gyur/ /rtag tu bsam gtan bzlas byas nas/ /lo ni sum brgya'i bar du 'tsho/ /pi pi ling dang gur gum ni/ /cha ni mnyam por byas nas su/ /so ka'i dus su bza' bar bya/ /de rjes gci ba dro 'thungs na/ /kha zas yi gar 'ong zhing 'ju/ /nir 
ku~M di yi khu ba dang / /gci bar bcas pa sna sman sbyin/ /bad kan las gyur nad rnams 'phrog /de nyid pad+ma'i dri ma dang / /bcas par byugs na glang shu sel/ /ma ra ka da'i rtsa ba dang / /so dang sen mo'i rdul du bsre/ /rma ni dang po mar gyis bkru/ /de rjes sman des byugs 

</font><hr>78-1-117a<br><font size=+1>

na ni/ /rma ni 'drub par byed pa'i mchog /so phag rdul dang sug smel phye/ /gi ri kar+Na'i khu ba ru/ /mnyes te mig 'khyugs na ni/ /rab rib dag ni 'joms pa'i mchog /'bras bu gsum gyi khu bas sbyang / /ma ha ha ta ka yi 'dab/ /'o ma dang ni lig 
bu mig /'byung po'i chu dang bcas pa ru/ /mig tu blugs nas lo d+ha yis/ /bdugs na dri ma med par 'gyur/ /yung ba gnyis kyi cha mnyam phye/ /ba yi dar ba bre dor bcas/ /bre gang lus kyi bar du bskol/ /zhag bdun du ni de 'thungs na/ /de yis lus ni rgyas 
'gyur te/ /bcud kyis len gyi sbyor ba 'di/ /dpa' bo rang nyid bshad pa yin/ /yung ba dang ni so phag dang / /de bzhin btsag dang smyo byed khu/ /rlung med gnas su gnas nas ni/ /lus la dril phyis byas na ni/ /rtag tu stobs ni 'phel byed cing / /dngul chu 
bcing ba dag la phan/ /ru rta mur ba shuka ti ka/ /shing tsha cha mnyam phye dang ni/ /mang si tsha ni nyis 'gyur bcas/ /dril phyis byas na 'dod pa 'grub/ /brag zhun dang ni so phag dang / /nir gun di dang e la tsha/ /cha ni mnyam por byas pa yi/ /yung ba dag ni bzhi 'gyur 
bcas/ /gser shing khu ba cha phyed kyis/ /dril phyis byas na dug 'phrog cing / /gci bar bcas pa'i dril phyis kyis/ /khyi rngo dang ni mdze nad 'joms/ /khye'u ngad bu mo gzhon nu'i sha/ /mar dang bcas pa ci rigs par/ /rgyun du zos na tshe ring 'gyur/ /mdzes ma las 
byung me tog ni/ /zos na rim gyis rga ba 'joms/ /rtag tu ga bur tsan+dan dag /bsten na nad rnams sel ba'i mchog /de bzhin bzhi mnyam gci bar bcas/ /sna sman byin na'ang nad kun sel/ /sha shang ka dang yung ba dang / /kha ba yi ni snying po dag /pad+ma can gyi pad+ma 
ni/ /smyung po yi ni khu ba dang / /sems kyi dbang phyug lag mthil du/ /mnyes te rim gyis bsten na ni/ /nad rnams kun las grol 'gyur zhing / /bsam pa thams cad rdzogs byed par/ /gdon mi za bar ngas bshad de/ /dpyid kyi dus su bskul bar bya/ /mkhrang 

</font><hr>78-1-117b<br><font size=+1>

ma zhes bya chen po'i chen/ /de yi gci ba'i lan tshwa dang / /de yi khrag dang khu bar bcas/ /dngul chu dang ni sbrang rtsir bsre/ /sbyor ba chen po 'di dag ni/ /mdzes ma'i gdong can khyod la bshad/ /rtag tu nad med stobs ldan 'gyur/ /bad kan can gyi mi rnams la/ /
tsha ba'i rdzas dang lhan cig sbyin/ /thung ngu'i pad+ma las byung ba/ /dang po mkhas pas gzung bar bya/ /lce dang dkar por bcas pa las/ /sbyor ba pos ni ril bu bya/ /zla ba drug tu bsten pa yis/ /rgyu dang mi rgyu bcas par 'ching / /ji srid lus ni gnas kyi bar/ /dug 
kyang 'pho bar mi 'gyur ro/ /mkhrang ma las byung me tog gzung / /de bzhin khwa gdong bdud rtsir bcas/ /sha chen dag ni nyis 'gyur bya/ /rang las byung ba'i sems dang bcas/ /de ni zos shing bsten pa yis/ /tshe dang nad med phun sum tshogs/ /rim 'di rtag tu bsten 
byas na/ /lo ni sum brgyar 'tsho 'gyur zhing / /skra dkar dang ni gnyer ma sel/ /bstan bcos kun la 'jigs med 'gyur/ /bshang ba'i phye ma zho gnyis dang / /a pa ma rga'i thal ba dag /mi yi gcin dang ma he'i gcin/ /bcas par mkhas pas blung na ni/ /
stobs rnams bde bar skye 'gyur bar/ /ngas bshad pa la the tshom ma med/ /rdo rje bla ma mchod nas ni/ /de 'og las ni brtsam par bya/ /yung ba she ka ra ra bcas pas/ /khrag dang mkhris pa'ang sel bar byed/ /mi mo'i 'o ma srang brgya dang / /rdo rje'i 'o ma srang brgyar bcas/ /
skyu ru'i khu ba'ang de tsam ste/ /ba yi 'o ma kham phor gang / /yung pa sbrang rtsi tsan+dan dmar/ /srang gcig dang ni pa tha dag /sngar bshad mtshan nyid ldan pa ni/ /brgya rtsa brgyad ni gzung bar bya/ /sngon bzhin ran par btso byas la/ /khyim gyi me tog dkar por bcas/ /
dpyid kyi dus su bskul bar bya/ /sbom po la sogs lnga yi ni/ /las kyi cho ga bshad par bya/ /nu ma med pa rtsub mo dang / /mdzer pa can te gsum pa yi/ /gci ba'i lan tshwa bzung nas su/ /mthe bo yi ni khrag dang bcas/ /'gugs par byed pa'i dam pa yin/ /rdzas 

</font><hr>78-1-118a<br><font size=+1>

la rta dang ma he'i khrag /khro bo yi ni khrag dang bcas/ /de bzhin du ni tha chung gi/ /khrag dang bcas pas gsad pa'ang 'grub/ /thung ngu yi ni lan tshwa dang / /de nyid kyi ni khu bar bcas/ /ring po'i khrag dang bcas pa yis/ /rgyas pa chen por 'gyur ba yin/ /
de nyid srin lag 'byung po'i bdag /don yod dbang du sdud pa yin/ /dri yi chu ni rgyal mtshan gyi/ /khrag dang lhan cig bcas nas su/ /lag mthil du ni mnyes la bza'/ /'dod don thams cad sgrub byed yin/ /pad+ma las byung ma rnyed na/ /ro yi lag pa las byung 
gzung / /rnal 'byor don gnyer dbul po yis/ /lag pa'i mchod pas yid 'dod bya/ /rgyud rnams kun du gang sbas pa/ /de dag thams cad khyod la bshad/ /dbang bskur lag tu bkod nas ni/ /mkhas pas rgyab tu gshegs su gsol/ /mdzes ma kun 
du ru'i sa bon/ /phag gi mche bas mnyes nas su/ /thig ler byas na rgyu mi rgyu'i/ /'gro ba dbang du byed par 'gyur/ /gi ri kar+Na dkar po dang / /pri yang ku ru bcas te blag /nyams stobs dag ni 'phel bar 'gyur/ /bu mo gzhon nu'i mig rnag dang / /
ldong ros bcas pa bsten na ni/ /sna tshogs dug rnams 'joms par byed/ /bu mo sngo bsangs mig rnag dang / /klad pa yi ni zhag tu bcas/ /de ni bsten pa tsam gyis su/ /skra dkar 'joms par the tshom med/ /lce dang khrag ni cha bsnyams la/ /bu ram 'ol 
se bzhi char bcas/ /gzhan yang khu ba mar dang ni/ /dngul chu sngar ni bshad bzhin bzung / /mu zi bzang por bcas pa ni/ /bsten na sbyor ba'i dam pa ste/ /zla drug tsam du nges par ni/ /rga dang na las grol 'gyur zhing / /lo ni sum brgyar 'tsho bar 'gyur/ /
rkang gi zhag dang mu zi ni/ /zho ni phyed phyed sbyar byas la/ /lo gcig bar du bsten na ni/ /lha yi gzugs 'gyur the tshom med/ /nam mkha'i me ni mnyes byed pa/ /su si ra yi tshad dang mnyam/ /'di ni sbyor ba chen po ste/ /tshe dang nad med 'phel byed yin/ /rtsi bsad dang 

</font><hr>78-1-118b<br><font size=+1>

ni bkra shis bcas/ /lhag pa'i lha yi sems par ldan/ /bldag dang gzhib dang sna sman gyis/ /rdo rje'i lus 'gyur the tshom med/ /ce myang tsha dang gser shing dang / /smyo byed dag la bzhi char bcas/ /tsag kra ma rda sen mo'i rdul/ /so ma ra dza yung ba dag /thams cad 
gcig tu sbyor ba yi/ /rdzas ni srang gcig bzung nas su/ /sngar bshad cho ga bzhin du ni/ /mar khu dag ni btso bar bya/ /mi rgyal ta la sa h+ya de/ /'bras bu yi ni chu dang bcas/ /bzhi dang lnga dang drug bdun cha/ /de dag ji snyedamar de snyed/ /lcags kyi dri ma pri yang ku/ /
so dang sen mo yung bar bcas/ /de dag slar yang mar khur btso/ /gsal zhing nad med 'phel bar byed/ /mgo bsku ba yi cho ga'o/ /pri yang ku dang tsan+d+ra dang / /kan te la ba na'i me tog /sbrang rtsi 'dzag dang ku mu ta/ /ut+pal chu yi do bar bcas/ /skyer par bcas pa'i 
skyo ma ni/ /srang gcig tshad du gzung bar bya/ /'dod pa'i me ni 'bar byed de/ /skal bzang stobs ni 'phel bar byed/ /tsam pa dang ni gur kum dang / /ba bla'i khu bar bcas pa bsku/ /bsku byug gi cho ga'o/ /'byin byed gcig dang mar khu gnyis/ /dbang po gsum 
dang ldan par bya/ /bska ba zhes bya skyu ru ra/ /kri ri ma la e la dzi/ /tsam pa ka dang tsan+dan dang / /nA ga ge sar ru rta dang / /pad+ma rag ta pri dar bcas/ /sbrang rtsi me tog pri yang ku/ /pa na ma la phur mo dang / /a pra da di pus par bcas/ /chu yi do ba dpa' bo gcig /sha ta 
pus pa dza la gsum/ /rgya spos dag ni mchog yin te/ /mar khu btso ba'i cho gas ni/ /sna sman btung dang bsku byug bya/ /sna sman srang bcu sbyin bya ste/ /btung ba srang ni rnam pa brgya/ /nyi shu lhag pa mgor bsku yin/ /dril phyis srang ni sum brgyar bya/ /sman bskol cho ga 
bya ste/ /sman ni ji snyed yod pa yi/ /chu ni bcu drug 'gyur du btso/ /sman dang mnyam pa'i chu lus pa/ /bskol ba'i cho ga'i mchog tu bshad/ /ki da dang ni ma tshan di/ /sa la dzang dang gu gul dang / /kun du ru dang a ka ru/ /mar du bcas pa bdug spos kyi/ /

</font><hr>78-1-119a<br><font size=+1>

sbyor ba'i mchog tu bshad pa yin/ /sum cu gsum pa'ang mchod par byed/ /brag zhun ga bur ru rta dang / /tsan+dan sen mo pi pi ling / /gla sgang bcas pa sngar bshad pa'i/ /rdzas dang lhan cig bsres nas ni/ /bye ma kha ra mar dang bcas/ /bu ram 
dag ni spang bar bya/ /kham phor thod pa'i dbyibs 'dra ba/ /ta la'i 'bras bu'i nang du gzhug /bdug spos kyi 'khrul 'khor gnyis kyi cho ga'o/ /biSh+Nu kran da si/ /ral pa dmar po pri yang gsum/ /shing tsha sen mo ru rta dang / /gla sgang rgya spos 'dag gu ni/ /bud 
med khrus kyi 'dag chal mchog /da ni bud med mngal gang nas/ /rnag dang thal ba nya dri 'byung / /de rnams sbyang bar bya ba bshad/ /dang po dri zhim chu yis bkru/ /de nas lo da bskol bas bkru/ /de nas khri steng bzhag nas su/ /kham phor bdug spos kha sbyar te/ /bug 
pa dag ni dbug par bya/ /de ru sbu gu bcug nas ni/ /skye gnas nang du bdug par bya/ /n+ya gro d+ha yi shing bu ni/ /mthe'u chung tshad tsam blangs nas su/ /ba yi gcin gyi nang du ni/ /zhag gcig bar du sbang bar bya/ /de yis so ni brud nas su/ /de 'og tu rta a ru ra/ /cha 
mnyam dri yis so la bsgo/ /kha yi dri ma sel ba'i mchog /gla sgang ru rta e la dang / /sug smel 'u su shing mngar rnams/ /zos na rnag dang sgog dri dang / /chang gi dri ni 'phrog pa'i mchog /pa la ba ni rnam gnyis kyi/ /sbang ba dang ni bsgo byas na/ /me tog 
dang ni skyur po sogs/ /sbyang zhing dri yis bsgo ba'i mchog /ral pa dmar po ba la dang / /sug smel rgya spos 'u su bcas/ /sen mo dang ni gla sgang la/ /skyu ru ra ni sum 'gyur blugs/ /'di ni khrus kyi sbyar ba'i mchog /shing tsha gla sgang rgya spos dang / /pa tra ke par 
ti yi ni/ /gla sgang ru rta sen mor bcas/ /skyu ru ra ni cha gsum bya/ /de dag bkru ba'i 'dag chal mchog /rgyal po la sogs phyi rol sbyor/ /drug cu rtsa bzhi'i rim pa ni/ /bdag las skyes pa lnga dang bsre/ /rgyal po la sogs bcu drug bya/ /a i o a ste 

</font><hr>78-1-119b<br><font size=+1>

dang po'o/ /l-i u e r-i gnyis pa'o/ /I a~M a o ni gsum pa'o/ /U l-I r-I ai ni bzhi pa'o/ /lha yi gzugs su byed pa yi/ /sman ni de dag bstan pa yin/ /dbyangs tshad cho ga shes pa yis/ /de dag thams cad shes par bya/ /a ni sa yi bdag po ste/ /i ni 
sa ha de ba yin/ /o ni rma bya'i cod pan te/ /A ni ngan par sbyor ma yin/ /l-i ni kri ta a dzA li/ /u ni ral ba dmar po yin/ /e ni rtag tu du ba ste/ /r-i ni gi ri kar+Ni ka/ /I ni tsag kra ang ga yin/ /a~M ni sha si she kha ra/ /o zhes bya ba nyi ma'i shing / /au zhes bya ba 
la dzub/ /U ni smyo byed ces bya ste/ /l-I ni mgo yi lcug ma yin/ /r-I ni ma he'i rwa yin te/ /e zhes bya ba rdo rje can/ /ka ni gu gul lo/ /kha ni rdo rje can no/ /ga ni smyo byed do/ /g+ha ni ra ma'o/ /nga dang tsa ni sar pod ka dang a ta pa ri'o/ /tsha dang dza ni sih+lA dang tsam pa ka'o/ /dz+ha ni kun tu ru'o/ /nya dang 
Ta ni ang ko la dang son tsi ka'o/ /Tha ni ldong ros so/ /Da ni a ka ru'o/ /D+ha ni lug ru'o/ /Na ni dUr ba dkar po'o/ /ta dang tha ni nya dang gan d+hi ka'o/ /da dang d+ha ni gur kum dang ro tsa na'o/ /na ni pa~M sh+thi'o/ /pa dang pha ni sha khar dang li shi'o/ /ba ni bri yang ku'o/ /b+ha ni 
nA ga ge sar ro/ /ma ni sen mo'o/ /yar la wa bzhi po ni/ /rlung la sogs pa'i sbyor ba mchog /pr-ing ka an dza li dang ni/ /ral pa dmar po sa ha de/ /dpral bar thig le byas pa yi/ /rgyu dang mi rgyu bcas rmongs byed/ /su ta pa ti ma yu ra/ /ti ka dza la gzhan 
mi thub/ /de dag b+ha gar byugs na ni/ /lan cig tsam gyis bka' nyan 'gyur/ /badzri me sha a ka dang / /a dan dza le thal sman mchog /ral pa ka tam smyo byed dang / /kan ta'i ril bus dbang du byed/ /na ni na ra an dza li/ /la dza lar ni bcas pa yis/ /chu la 
shAkya'i dbang po bzhin/ /rgyal po kri ta an dza li/ /na ri dang ni de stir bcas/ /me ni bcing ba'i dam pa yin/ /bi snu he ma badzri dang / /h+li dur bcas pa khar bcug na/ /de yi mod la ngal sos 'gyur/ /rgyal po blon po la ta dang / /pa na rdo rje mkhrang ba'i mchog /

</font><hr>78-1-120a<br><font size=+1>

pa na sa ha shi kha dang / /me shar bcas pas dug 'joms byed/ /par+ya su pa me sha dang / /sni ha b+ha gar blugs na ni/ /mngal na gnas pa skye bar 'gyur/ /ma he'i rwa dang la ta dang / /na ri a ba nar bcas pa/ /lag pas byugs na rgyan rgyal 'gyur/ /
pri ta tsan di na ra dang / /sa ha de ba khar bcug na/ /mtshan mo dag ni 'jigs med rgyu/ /skrag dang rgyal rtsa mkhris pa dang / /ban du blon po de bzhin te/ /pu tra ar thi cha bsnyams pa/ /'dod dang ldan zhing mngal 'dzin 'gyur/ /sha ta sring ga hasta dang / /tsan+dan gyi ni phye ma 
dag /sems can thams cad dbang du byed/ /bud med kun la bde ba ster/ /ni ta ke ke pe ya dang / /skyes bus b+ha ga byugs na ni/ /dbang du sdud par byed pa'i mchog /rtsa mkhris ral pa dmar po dang / /da la dang ni ba dur bcas/ /ril bu kha ru bcug na ni/ /'khrig 
dus khu ba 'dzin pa'i mchog /ma yu ra dang a shu dang / /a ra ka me shi phye mas ni/ /dgra bo rlag par byed pa yin/ /rmongs byed kan ta gzhan mi thub/ /sa yi bdag por yang dag ldan/ /smig ma yi ni sa bon bcas/ /bya ba kun byed dge ba yin/ /ga ri du hi kra ma 
dang / /bu dan tsa ri rdo rje can/ /rang khrag bcas pa'i skyo ma yis/ /sta re 'bar ba'ang gangs su byed/ /a A/ i I/ u U/ r-i r-I/ l-i l-I/ e ai/ o o+o/ a~M AH/ a la sogs pas lus byugs na/ /lha rnams kyis kyang mchod 'gyur na/ /sa 
stengs skye bo smos ci dgos/ /yang a i o aHrnams ni/ /yid 'ong bdug pa'i sbyor ba'o/ /l-I U r-i o+o rnams ni/ /dril phyis sbyor ba'i dam pa yin/ /A a~M e I rnams ni/ /mig sman la sogs cho ga'o/ /u l-i r-i e+e rnams ni/ /khrus kyi bya ba'i cho ga'i mchog /ka sogs bdud rtsi lnga ldan pa/ /dbang du bya ba'i cho ga mchog /tsa la sogs dang bdud rtsi lngas/ /bram ze rgyal rigs rje'u rigs sogs/ /skyes pa bud med dbang du byed/ /Ta la sogs dang bdud rtsi lngas/ /dmangs rigs dag ni dbang du byed/ /ta 

</font><hr>78-1-120b<br><font size=+1>

la sogs dang til chen gyis/ /dpral par thig ler byas na ni/ /rgyu dang mi rgyu bcas rmongs byed/ /pa la sogs dang bdud rtsi lngas/ /tsan+dan bcas pas dbang du byed/ /sha Sha sa ha rnams kyis ni/ /rlung dang me dang dbang chen chu/ /ya la sogs pa'i dkyil 
'khor gyi/ /cho ga ji bzhin rig pa yis/ /bskrad pa la sogs byed par 'gyur/ /mkha' 'gro kun dang mnyam sbyor ba'i/ /rdo rje mkha' 'gro bde ba'i mchog /rdo rje sems dpa' de bzhin gshegs/ /bcom ldan rdo rje can gyis gsungs/ /rgyud kyi rgyal po 
chen po dpal rdo rje mkha' 'gro las bcud kyis len gyi sbyor ba dang / sdom pa'i cho ga'i rim par phye ba ste/ bzhi bcu rtsa dgu pa'o// //gsang ba mchog gi dgyes pa na/ /thams cad bdag nyid rtag bzhugs la/ /gsang chen du ni legs bzhugs 
pa'i/ /der ni lha mos 'di skad gsungs/ /lha khyod kyis ni sngar bshad pa'i/ /mtshon cha lnga yi cho ga dang / /thodapa'i phreng ba'i dbang bskur ba/ /de bzhin pad+ma'i nags tshal dang / /gnas bzhi khyod kyis gsungs pa yi/ /dgos pa dag ni ji lta bu/ /bsdus 
pa'i ming ni ji ltar lags/ /de bzhin gzhan yang bri ba ci/ /khyod kyis ba dan gsum bshad pa'i/ /mchod pa yi ni khyad par ci/ /de dag bdag ni the tshom gyur/ /thub pa chen pos bshad du gsol/ /sgyu ma kun gyis rnam rol pa'i/ /rgyud rnams kun du sbas 
pa gang / /de dag thams cad zhu 'dod pa/ /sgyu 'phrul chen mo legs so legs/ /nang gi sbyor ba'i sdom pa ni/ /rab tu bshad kyis lha mo nyon/ /ltong rgyud sbyor ba la sogs tshogs/ /me tog dag ni bsdus pa 'dra/ /rna drung bar du 'gengs pa dag /
lcags kyu zhags pa sogs pa'ang sbyar/ /mda' ni myur ba mgyogs pa ste/ /'phen pa mda' yi shugs yin no/ /g.yas dang g.yon ni gnyi ga yis/ /'gengs pa mchog ma'i bar du yin/ /'dzin pa cung zad gnas pa ste/ /mi 'da' bar ni 'phang bar 

</font><hr>78-1-121a<br><font size=+1>

bya/ /mda' yi cho ga brjod mi lang / /da ni phyag rgya brjod par bya/ /sa ni phyag rgyas gdab par bya/ /mnyam pa rkang gnyis gshibs pa ste/ /yangs pa rgya cher skyed pa yin/ /zlum po dkyil 'khor lta bur bya/ /g.yon pa cung 
zad bskums pa ni/ /g.yas pa brkyang zhes bya ba ste/ /g.yon brkyang g.yon pa bsrang nas ni/ /g.yas pa cung zad bskums pa'o/ /mda' gzhu rig byed cho ga yis/ /mtshon cha thams cad 'phang bar bya/ /'di ni dbyibs kyi phyag rgya yin/ /da ni lus 
kyi mtshan nyid rnams/ /phyag rgya rab tu bshad par bya/ /grims pa ni mi lhod pa ste snying stobs dang ldan pa'o/ /sran 'dzugs pa ni brtan zhing brtson 'grus dang ldan pa'o/ /mnyen pa zhes bya ba ni mdzes shing snyan par smra ba'o/ /yan lag brtan zhes bya ba ni 
phyag rgyas rma srol cher 'dod pa'i ngang tshul can no/ /rgya cher 'gengs shing rnam par dag zhes bya ba la 'gengs pa ni yongs su rdzogs pa ste/ tshad dang ldan zhing yid du 'ong ba'i lus 'dzum pa dang bcas shing mthun par 'jug pa'o/ /lus kyi phyag rgya bde blag can/ /
zhes bya ba ni rab tu rdzogs pa'i ngang tshul can no/ /rims dang dug dang dbyig dug dang / /bsam gtan sbyor bas dbug par bya/ /khro bo'i gzugs su bsgoms nas su/ /lha yi dbang por gzhur byas nas/ /klu dbang ba su ta yi rgyud/ /klog ni mda' ru 
bsam bya ste/ /me lce 'bar ba mde 'ur bya/ /sgro ni rlung zhes bya ba ste/ /rnam pa lngar ni 'bugs pa yin/ /lag pa g.yas pa zhes bya ba ni sna sgo g.yas pa ste/ de nas spro bar bya'o/ /lag pa g.yon pa ni sna sgo g.yon pa ste bsdu ba'o/ /chang pas 'ben ni 
bsgribs nas su zhes bya ba ni dbang du bya ba'i don to/ /'gyed pa zhes bya ba ni dgug pa'o/ /de la chang pa zhes bya ba ni rnam par shes pa dang rlung ngo / /mig gdangs pa ni bzhin 'dzum la dang bcas pa'o/ /lta ba chang pa la gtad ces bya ba ni shi ba rnams kyang 'tsho bar 

</font><hr>78-1-121b<br><font size=+1>

byed pa'i mchog go/ /mda' gzhus rnam par rgyal ba yi/ /'bugs pa'i mtshan nyid bshad par bya/ /smin ma'i dkyus ni gzhu yin te/ /bzlog ste lta ba mda' yin no/ /'bugs pa rang gi sems kyis ni/ /gzhan sems don la gtad pa yin/ /rol 
pa 'gros ni dal ba ste/ /'o ma 'dzin pa mkhrang ba ni/ /bo ni u na ta zhes bya/ /bu mo 'di ni yid 'phrog ma/ /thams cad dngos po gsum yin te/ /yan lag mi gsal 'od ldan gang / /de ni yang dag gsal zhing 'bar/ /snying gis thams cad 'dzin pa gang / /
de ni yan lag bsgrub par brjod/ /snying ni pad+ma zhes bshad de/ /pad+ma de ni kun gyis mchod/ /thams cad 'dzin pa mgo bo yin/ /klad pa nas ni kun du rgyu/ /gang gi stobs ni gang yin pa/ /de ni de tshe sbyar bar bya/ /gnas ni rnam pa du mar bshad/ /sha dang 
pus kar bung ba sogs/ /'dir yang rim pa de nyid kyis/ /sems ni dgug pa sngon 'gro ba'i/ /bdag gi gdan la sogs pa yin/ /rang nyid kyis ni rtogs par sla/ /brda yis bshad pa brjod par bya/ /gru bzhi la sogs zhes bya la/ /gru bzhi pa 
ni zur bzhi ste/ /la yig dbang chen dkyil 'khor ro/ /'dab ma can ni gru gsum ste/ /me yi dkyil 'khor ra~M las byung / /de bzhin kun nas zlum po ni/ /ba dang ya zhes bya bar bshad/ /bsgrub par bya la dkyil 'khor dag /yi ge dang bcas 
bsams te bsgrubs/ /g.yas phyogs nas ni bskor ba ni/ /bsgrub bya'i yan lag kun bsams pa'o/ /rim gyis gnon cing 'gro bya ste/ /sgrub po shin tu mnyam bzhag pas/ /rdo rje chags par bdag bsgoms na/ /rgyal srid thams cad longs spyod 
'gyur/ /slar yang e ni gzhur byas te/ /ba zhes bya ba mda' yin no/ /mda' gzhu'i rig byed sbyor ba yis/ /sngar bshad ji bzhin gnas par bya/ /bsgrub par bya ba 'od dmar 'gyur/ /mdun du bltas pa bsam par bya/ /gsang ba'i 

</font><hr>78-1-122a<br><font size=+1>

gnas kyi nges pa ni/ /sha yi 'bugs par ngas bshad de/ /lte ba'i dbugs ni pus ka ra/ /snying ga bung ba zhes bya ste/ /ge sar 'bugs pa dpral ba yin/ /mig sogs g.yo ba zhes bya ste/ /dbang po'i tshogs ni g.yul 'gyed 
pa/ /mi yi bdag po gsad par bya/ /de dag kun gyi man ngag ni/ /bla ma'i kha las nges par bya/ /'khrul 'khor gyis 'phen mi 'phen dang / /zhes bya ba la 'khrul 'khor ni ta la'i 'dab ma dang / gro ga dang ras la sogs pa la ral gri dang / /pad+ma dang / 
'khor lo'i dkyil 'khor sngags dang bcas par bris pa ste/ de ni 'khrul 'khor gyis 'phen pa'o/ /mi 'phen pa zhes bya ba ni rang gi snying ga'i yig 'bru las sna sgo'i lam nas byung ste dgug pa dang / gzhug pa dang / bcing ba dang / dbang du bya ba'o/ /lag pas 
'phen pa zhes bya ba ni rang gi lhar dmigs te dam tshig dbang du bya ba'i phyir 'gro ba dang 'ong bar byed pa'o/ /'phangs nas slar ni gzung ba dang zhes bya ba ni phyag rgyar bcug ste bslang nas thal bar byas la/ slar yang gzung ba zhes bya ba la sogs pa'i yi ges rang nyid 
bkug nas bslang ste/ rdo rje lcags kyu la sogs pas nam mkha'i ngos thams cad yongs su khyab pa'i du ba lta bu'i ye shes der bkug cing gsos te dam bca'o/ /de nas dgra bo'i gzugs brnyan byas te/ rnam par snang mdzad la sogs pa ci rigs par 
bsams nas rkad pha dang rkang par/ lag pa dang lag par/ kha dang khar/ lus dang lus su/ ngag dang ngag tu/ lta ba dang lta bar 'thab cing 'ching bar bsgom par bya ba 'di ni lag pas 'gyed pa ste rnam pa lnga'o/ /A li kA li mnyam byas nas/ /zhes bya ba ni/ 
a~M i~M u~M o~M/ oM a~M aH ka tsa Ta ta pa ya sha rnams te/ /rab tu sbyor ba rgyas par ni/ /bsgrub pa sgrub po rnams la bshad/ /pad+ma gar dbang bsgyur nas su/ /bu mo'i gnas la 'dug par bsam/ /e zhes bya dang ba~M zhes pa/ /la zhes bya ba gsum pa ste/ /sgrub pos 

</font><hr>78-1-122b<br><font size=+1>

'dir ni yi ge bsam/ /me mar gyi ni rtse ltar bya/ /rtse mo lta bu zhes bya ba la/ /shi kha ni mgo ste klad pa'i gong bu'o/ /rtse mo ni me'i rtse mo ste/ des mar sar bum par bcos pa ltar thams cad du bzhu bar bya'o/ /de ltar byas pas 'bras bu ji ltar 'gyur zhe na/ sngags 
kyi mar me 'di yis ni/ /skad cig gis ni 'dar bar 'gyur/ /bu mo chags pas gdungs nas su/ /ji srid 'tsho bar dbang du 'gyur/ /lha mo klu mo gnod sbyin mo/ /lugs ma 'am ni bris pa la/ /de yi ming ni bris nas su/ /blo ldan snying gar bcug ste bsgom/ /nyi ma 
bdun ni tshun chod kyis/ /mar me yi ni cho ga yis/ /'grub 'gyur 'dir ni the tshom med/ /gang gi dbang po rdzas yin te/ /shin tu mnyam par bzhag ste bsgrub/ /dbang po mig la sogs pa yin/ /rigs pa'i sbyor ba lam yin te/ /gang dang gang gi rang bzhin te/ /
de dang de yi dngos po yis/ /bde ba nyid du bsgrub par bya/ /bde ba sems zhes bya ba ste/ /de nyid du ni bdag bde sogs/ /sdug bsngal gyis ni 'grub mi 'gyur/ /bde ba yis ni 'grub par bshad/ /shin tu bde ba'i sgrub thabs ni/ /thos dang bsam gtan sogs 
spangs pa'i/ /dman pa dag ni gang gis kyang / /bsgrub par nus pa ma yin te/ /skye bo thabs dang bral bas na/ /tshul ngan dman pa dka' bas bsgrub/ /bdag nyid sgrub pa dang bral bas/ /skal med ngal ba don med cing / /de la dngos grub zhes mi brjod/ /
a sam zhes bya ba ni dpe dang zla med pa'o/ /a d+hi ta zhes bya ba ni rnal 'byor pa rnams kyi sbyor ba'o/ /sangs rgyas kun du rang nyid 'gyur/ /zhes bya ba ni dngos po thams cad gnyis su med pa'i ye shes su mtshon cing 'jug pa'o/ /pra ta ha~M zhes bya ba ni nyi ma re re zhing ngo / /
yang na zla re ste zla ba nya la'o/ /yang na lo re zhing ste gal te ma 'byor pa 'byor pa'am/ skal ba med pa dang / 'das pa'i dbang gis kyang rung ste/ de dag gis ni lo re zhing bya'o/ /de bzhin zhes bya ba ni dbang bskur ba'i cho ga ltar bya ba'o/ /yang na de bzhin te slob dpon gzhan med 

</font><hr>78-1-123a<br><font size=+1>

na ji bzhin byin gyis brlabs nas zhes bya ba la de la byin gyis brlabs nas zhes bya ba ni sangs rgyas kyi sdom pa ste/ de rnyed nas bdag dang lhan cig tu gar bya ba'o/ /sangs rgyas sdom pa ni sangs rgyas dang 'brel pa ste/ de su zhig ce na/ gzugs la sogs 
pa dang / lang tsho phun sum tshogs pa'i bu mo'o/ /gar zhes bya ba ni bdag nyid rang gi lha'i rnal 'byor dang ldan pas spyad par bya zhes bya ba'i don to/ /des ni 'di skad bstan par 'gyur te/ phyag rgya la sogs pa'i yo byad rnams ji ste rgyun du ma 'byor na des bde ba slar yang 
rjes su gzung ba'i phyir/ rim pa 'dis mchod pa bya zhing dam tshig bsrung zhing bskyang bar bya'o zhes bya ba'i don to/ /gzhan yang brdas bshad pa'i don bstan par bya ste/ pra ta ha~M zhes bya ba ni rab tu mang po'o/ /de ci zhig zhe na/ khams bcwa brgyad kyi mnyam par sbyor ba 
zhes bya ba'i bar du'o/ /zla re zhes bya ba ni zla ba dang / dmar po'o/ /lo re zhes bya ba ni lo bcu gcig ma nas brtsams te/ nyi shu rtsa lnga ma'i bar du'o/ /gal te de dag kyang ma 'byor na ji bzhin byin gyis brlabs nas zhes bya ba bdag nyid gcig pus bde ba'i sbyor bas dam 
tshig bskyang bar bya zhes bya ba'i don to/ /phyag rgyas dngos grub 'jug par 'gyur zhes bya ba la 'jug pa ni nyams su len pa'o/ /sgrub pa po yi lag g.yon gyis/ /pad+ma'i snod ni bzung nas su/ /zhes bya ba la pad+ma'i snod ni dum bu gcig pa'i thod pa ste/ de la ka zhes bya 
ba ni lus so/ /pA la zhes bya ba ni skyong ba ste/ dum bu gcig pa zhes bya ba ni mnyams shing shin tu mdzes pa'o/ /de la pad+ma zhes bya ba ni pad+ma can nam/ rigs gzhan gyi bu mo yang rung ste/ snod ni de'i chos kyi 'byung gnas kyi pad+ma yin la de nyid mnyams pa ste/ rma med pa 
zhes bya ba'i bar du'o/ /lag pa zhes bya ba ni brtan pa zhes bya bar 'jug pa'o/ /g.yon pa zhes bya ba ni zur mig g.yon du lta ba'o/ /ba dan gsum zhes bya ba ni bu mo'i bcud 'dzag pa ste de bza' ba'o/ /lag pa g.yas pa zhes bya ba la lag pa ni lo nyi shu rtsa lnga ma'i 

</font><hr>78-1-123b<br><font size=+1>

bar yin la/ bshes gnyen dang ldan pa'i phyir g.yas pa'o/ /de nyid ni g.yon pa ste/ de las byung ba de longs spyad par bya ba'o/ /de la longs spyad pa zhes bya ba ni ji ltar bla mas nyams su bstar ba de ltar spyad pas 'grub par 'gyur ro/ /sgrub pa pos de ltar nges 
par shes par byas la de nas dus bcing bar bya'i/ gzhan du na ltung bar 'gyur ro/ /ltung ba zhes bya ba ni dam tshig las 'das pa zhes bya ba'i don to/ /sngags ni bla mas bstan pa ste/ /phyag rgya de la bstan pa yin/ /de nyid rtag tu sbyor ba yis/ /chos kyi 'khor 
lo bskor bar 'gyur/ /'di dag thams cad mi rtog pa/ /mi rtog pa yang ma yin te/ /rtog pa med pa'i rang bzhin gyis/ /mi rtog pa ni brtags pa yin/ /dus drug tu ni bstan pa dag /rtag tu rnam par mi rtog gnas/ /rdo rje sems sogs rgyal ba ru/ /
de yi rang bzhin yongs shes bya/ /sos ka dang ni dbyar dang ston/ /dgun stod dgun smad de bzhin dpyid/ /de dag ma 'dres shes byas la/ /'dis ni las rnams thams cad bya/ /sos ka'i dus ni rta mchog ste/ /de bzhin dbyar ni he ru ka/ /rdo rje nyi ma ston yin te/ /pad+mas 
rol pa dgun stod yin/ /dgun smad rdo rje sems dpa' la/ /dpyid ni rnam par snang mdzad do/ /sos ka mar mes mchod bya ste/ /de bzhin dbyar ni chu yis mchod/ /ston ni mar khus mchod bya ste/ /dgun stod de bzhin me tog dbul/ /dgun smad ga bur bza' bya ste/ /kha
khyad par du ni bzhi mnyam gyis/ /dpyid kyi dus su mchod par bya/ /dus kyi mchod dang mnyam med de/ /sbyor ba kun gyi dam pa yin/ /rnal 'byor ma ni thams cad dang / /mkha' 'gro ma dang ma mo mnyes/ /de bas 'bad pe thams cad kyis/ /mchod na mchod pa'i bdag 
nyid 'gyur/ /rang bzhin de dag rdzogs par ni/ /gang zhig gyur pa'i rnal 'byor pas/ /sgrub po rnams kyi las rnams ni/ /thams cad byed 'gyur gdon mi za/ /de dag rang bzhin grub pa ste/ /dus zhes bya bar brjod pa yin/ /dus la sogs pa'i rang bzhin gyis/ /

</font><hr>78-1-124a<br><font size=+1>

rgyal ba thams cad yang dag bzhugs/ /dus kun sems la gnas mod kyi/ /de ltar na yang rnam par 'khrul/ /mi shigs pa zhes bya ba ni yi ge hU~M ste/ de yang bdag nyid kyi lus la gnas pa'i hU~M ngo / /de nyid ni yi ge mchog ces bya ste/ yi ge mchog de'i phyag rgya ni rtsa 
gsum nas bde ba chen po'i sgor sna'i sgo gnyis nas rlung ji lta ba bzhin du 'jug pa yin la/ de nyid ni A li kA li ste/ g.yas dang g.yon du'o/ /des 'di skad bstan par 'gyur te/ lte ba'i dkyil 'khor du byang chub kyi sems la sogs pa'i rlung gi dkyil 'khor 'jug pa yin la/ de'i 
steng du ni chu'i dkyil 'khor ro/ /de nas ni me'o/ /de nas ni sa'o/ /de'i steng du ni pad+ma'o/ /de'i steng du gnas pa'i sa bon ni mi shigs pa dang yi ge'i mchog ces brjod do/ /dbang po kun las byung ba ni/ /dam tshig thod pa zhes bar brjod/ /mdzes pa phreng ba zhes bshad de/ /de kho na nyid dbu 
rgyan yin/ /gtsug gi nor bu dbang bskur te/ /sangs rgyas zhes bya rjes gnang yin/ /he ru ka yi dbang bskur ba'o/ /thod pa lus zhes bya ba ste/ /rked pa phreng ba'i ming can yin/ /dbu rgyan b+ha ga zhes byar brjod/ /sangs rgyas khu ba zhes brjod do/ /gtsug gi nor bu med bar bshad/ /rdo rje pad+ma'i 
dbang bskur ba'o/ /slar yang bshad par bya ba ste/ /thod pa dbang gnyis dam tshig ste/ /phreng ba sngags kyi bdag por brjod/ /bcu drug thig gis btab pa'o/ /stong pa dbu rgyan zhes byar bshad/ /a la sogs pa'i ma mo rnams/ /sangs rgyas zhes bya'i sgra ru brjod/ /de rnams dbus kyi bde ba gang / /
de ni gtsug gi nor bur brjod/ /rigs rnams kun gyis thams cad du/ /rtag tu dbang bskur de lta bu/ /dpal zhes bya ba dga' ba ste/ /bde ba sangs rgyas su ni brjod/ /pad+ma pad+ma nyid yin la/ /nags ni skya reng zhes byar grags/ /rtsa ba byang chub sems yin no/ /yang na pad+ma lte ba'i 'khor 
lo ste/ /nags ni a sogs ma mo yin/ /rtsa ba thar ba ster byed pa'i/ /brda yis sangs rgyas phyag rgya yin/ /yang na lte ba mtsho skyes zhes bya ste/ /nags zhes bya ba ngag yin la/ /rtsa ba lus kyi bla dgas yin/ /sangs rgyas sems kyi brda yin no/ /gcig pu nges pa'i rnal 'byor yin/ /dben 

</font><hr>78-1-124b<br><font size=+1>

pa rtog pa spangs pa ste/ /sbas pa gsal bar ma byas pa'o/ /nags ni sngar bshad khams rnams te/ /lhan cig mchog tu 'jug pas na/ /bsdus pa zhes ni bya bar brjod/ /lha zhes bya bar rang ming brjod/ /gza' dang skar ma la sogs lha/ /a gra zhes bya'i sgra brjod pa/ /de ni rnal 'byor 
shes pa min/ /a gra gtso bo zhes brjod cing / /a gra dam pa zhes bya la/ /a gra dang po zhes bshad cing / /a gra spyi bor gnas pa'o/ /rang gi ming dang ldan pa yis/ /sdig pa dag ni sel bar byed/ /yang na sa ni a sogs te/ /de rnams a gra ha zhes bya/ /mgor gnas 'og tu bltas nas 
ni/ /yi ge tha snyad char du 'bebs/ /tha snyad ces bya ba ni dbyangs dang gsal byed rnams te de rnams kyis 'tsho bar gyur pa'o/ /dbyangs zhes bya ba la swa ni rang nyid kyis so/ /ra ni mdzes pa ste des na me swa ra'o/ /ha ni skal bzang yi ge ste/ /rnam pa'i mchog kun ldan pa dang / /rgyan rnams kun gyis bklubs pa 
yi/ /rdo rje sems sogs lha rnams su/ /bdag gi lus ni bsam par bya/ /bsam gtan sbyor ba 'di yis ni/ /sdig pa kun las grol 'gyur zhing / /bsod nams kun dang ldan pa ru/ /dngos po gsum ni yang dag gnas/ /bris pas bsod nams gang mthong ba/ /bsams pas kyang ni de bzhin mthong / /
slob ma bdag nyid chen po la/ /'di yis dbang ni bskur bar bya/ /dbang bskur dam pa bsgom byar 'dod/ /gang dang gang gi lha yi mchog /de dang de ni slob dpon 'gro/ /gang dang gang la lhag mos pa/ /de dang de yis dbang bskur bya/ /dbang ni rnam pa bzhi dag tu/ /yang dang yang du so sor bshad/ /gang zhig sngar ni 
bshad pa rnams/ /de dag kun gyis brjod pa yin/ /rnal ma'i sbyor ba rtogs bya'i phyir/ /bcos ma yi ni sgom pa dang / /bcos ma yi ni bzlas pa bya/ /rnal ma'i sbyor ba rtogs gyur na/ /bcos ma'i sbyor ba phyi rol nas/ /rnal ma'i sbyor ba rtogs gyur pas/ /bcos ma dag ni mi bya'o/ /dper na gzings la 'jus nas 
ni/ /chu yi pha rol 'gro bar byed/ /pha rol phyin nas 'dor ba ltar/ /bcos ma dag kyang de bzhin no/ /dkyil 'khor la sogs las gang ni/ /bcos ma'i sems kyis gang byed pa/ /phyi rol las rnams gsal byed pas/ /dang po'i las can rnams la bsngags/ /dngos grub de kun 'dir gnas pas/ /rgyal 

</font><hr>78-1-125a<br><font size=+1>

ba'i dngos nyid rig la min/ /gang yang sgra shes bstan bcos rnams/ /drang srong rnams kyis byas pa ltar/ /rang gi sems ni 'jug byed pa'i/ /skyes bu'i bcos ma'i bya ba rnams/ /rgyud kyi rjes su 'brangs nas ni/ /'bad pas sdug bsngal slong bar byed/ /
de phyir dkyil 'khor la sogs pa/ /bya ba'i cho ga la 'bad pa/ /thar pa dang bral phyi rol te/ /skyes bu nyon mongs 'ba' zhig byed/ /mi rtog pas ni 'tshang mi rgya/ /rtog dang bcas pas kyang de bzhin/ /shin tu rnam dag yongs shes na/ /yid 'dod rnams kyi de nyid 
'gyur/ /rgyu dang 'bras bu'i rang bzhin ni/ /dam pa nyid du yod min cing / /rang bzhin gsal ba nyid kyi phyir/ /stong pa nyid kyang ma yin no/ /rang bzhin dbye ba thams cad kyi/ /rnam pa dag ni rnam gnas pa/ /rgya mtsho la ni rin chen bzhin/ /thog mtha' 
med pa'i tshul can yin/ /'jig rten rtag tu tha snyad spyod/ /'jig rten las 'das de dang 'gal/ /yod dang med ces bya ba ni/ /rang bzhin nyid du shes pa min/ /'di yi tshul gyis rab rtogs pa/ /rdzogs dang bral bas grol ba min/ /rnal ma'i lam la brten ni/ /
thams cad byas kyang rnam par grol/ /skyon dang yon tan 'phel byed pa'i/ /'khor ba dang ni mya ngan 'das/ /bde ba dang ni sdug bsngal dngos/ /lhan cig skyes par yang dag gnas/ /mkha' 'gro kun dang mnyam sbyor ba'i/ /rdo rje mkha' 'gro bde ba'i mchog /rdo rje sems dpa' de 
bzhin gshegs/ /bcom ldan rdo rje can gyis gsungs/ /rgyud kyi rgyal po chen po dpal rdo rje mkha' 'gro las rdo rje sems dpa'i dbugs dbyung ba dang / /rang bzhin nyid nges par bstan pa'i rim par phye ba ste lnga bcu pa'o// //rgyud kyi rgyal po chen po dpal rdo rje 
mkha' 'gro rdzogs so// //rgya gar gyi paN+Di ta chen po ga ya d+ha ra dang / /bod kyi zhu chen gyi lots+tsha ba 'gos lhas btsas kyis bsgyur cing zhus te/ dpe gnyis la gtugs nas gtan la phab pa// //

</font><hr>

</table>