D375

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>D375</h1><td>(<a href="https://adarsha.dharma-treasure.org/kdbs/degekangyur" target="new2">e-text produced by ADARSHA</a>)<br><br><a href="verif2.php?id=D375&coll=derge">see text in Tibetan script</a></table>79-1-34a<br><font size=+1>

@##/ /rgya gar skad du/ /yo gi nI sany+tsA R+yaM/ /bod skad du/ /rnal 'byor ma'i kun tu spyod pa/bcom ldan 'das dpal rdo rje sems dpa' la phyag 'tshal lo/ /gang gi drin gyis bde chen gnas/ /skad cig gis ni 'thob 'gyur ba/ /bla ma rin chen lta bu 
yi/ /rdo rje can zhabs pad la 'dud/ /de nas yang dag bshad bya ba/ /kun tu spyod pa'i cho ga mchog /'khor lo gsum bdag 'di sgom pa/ /rnal 'byor lam la gnas pa yin/ /lugs 'byung lugs las bzlog par ni/ /rgyud du sbas par gnas 
gang de/ /bstan pa ru ni ji skad gsungs/ /bshad pa yang ni de bzhin no/ /so sor bstan pa ma lus nyid/ /brda yi cho ga rgyas pa yin/ /gang gis shes pa tsam gyis ni/ /sgrub pa po yis grub thob pa/ /sum cu rtsa bdun tshul gyis ni/ /byang chub phyogs la 
gnas pa yin/ /'jig rten du ni bsgom byar bshad/ /he ru ka dpal 'gro ba'i mchog /de la thog mar rnal 'byor gyi dbang phyug gis phung po lnga la lha'i nga rgyal bskyed par bya ste/ gzugs kyi phung po la ni rnam par snang mdzad do/ /tshor ba'i phung po la ni rdo rje nyi ma'o/ /
'du shes kyi phung po la ni pad+ma gar gyi dbang phyug go/ /'du byed kyi phung po la ni rdo rje rgyal po'o/ /rnam par shes pa'i phung po la ni rdo rje sems dpa' ste/ de bzhin gshegs pa thams cad kyi bdag nyid ni shrI he ru ka rdo rje'o/ /mig gnyis la ni gti mug rdo rje'o/ /rna ba gnyis 
la ni zhe sdang rdo rje'o/ /sna dag la ni phrag dog rdo rje'o/ /lce la ni 'dod chags rdo rje'o/ /lus la ni ser sna rdo rje'o/ /skye mched thams cad la ni dbang phyug rdo rje'i dbyings so/ /sa'i khams la ni ltung byed ma'o/ /chu'i khams la ni gsod byed ma'o/ /me'i khams la ni 
'gugs ma'o/ /rlung gi khams la ni gar dbang ma'o/ /nam mkha'i khams la ni pad+ma'i dra ba mo ste/de ltar phung po dang / khams dang skye mched rnams la lha'i nga rgyal bskyed par bya'o/ /rnal 'byor ma'i kun tu spyod pa las lha rnams kyi gnas kyi rnam par dag pa 

</font><hr>79-1-34b<br><font size=+1>

gnas pa ste dang po'o// //de nas byang chub kyi phyogs kyi chos sum cu rtsa bdun lha'i sbyor bas sbyar bar bya ste/ de thams cad kyang gang zhe na/ lus dran pa nye bar gzhag pa dang / tshor ba dran pa nye bar gzhag pa dang / chos dran pa nye bar gzhag pa dang / sems 
dran pa nye bar gzhag pa dang / 'dun pa'i rdzu 'phrul gyi rkang pa dang / brtson 'grus kyi rdzu 'phrul gyi rkang pa dang / dpyod pa'i rdzu 'phrul gyi rkang pa dang / sems kyi rdzu 'phrul gyi rkang pa dang / dad pa'i dbang po dang / brtson 'grus kyi dbang po dang / dran pa'i 
dbang po dang / /ting nge 'dzin gyi dbang po dang / shes rab kyi dbang po dang / dad pa'i stobs dang / brtson 'grus kyi stobs dang / dran pa'i stobs dang / ting nge 'dzin gyi stobs dang / shes rab kyi stobs dang / ting nge 'dzin yang dag byang chub kyi 
yan lag dang / brtson 'grus yang dag byang chub kyi yan lag dang / dga' ba yang dag byang chub kyi yan lag dang / shin tu sbyangs pa yang dag byang chub kyi yan lag dang / chos rnam par 'byed pa yang dag byang chub kyi yan lag dang / dran pa 
yang dag byang chub kyi yan lag dang / btang snyoms yang dag byang chub kyi yan lag dang / yang dag pa'i lta ba dang / yang dag pa'i rtog pa dang / yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang / yang dag pa'i 
rtsol ba dang / yang dag pa'i dran pa dang / yang dag pa'i ting nge 'dzin dang / dge ba'i chos ma skyes pa rnams bskyed pa dang / dge ba'i chos skyes pa rnams yang dag par srung ba dang / mi dge ba'i chos skyes pa rnams spong ba dang / mi dge ba'i chos ma 
skyes pa rnams mi skyed pa'o/ /de ltar na dran pa nye bar gzhag pa dang /yang dag par spong pa dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa'i mthar thug pa rnams ni 

</font><hr>79-1-35a<br><font size=+1>

byang chub kyi phyogs kyi chos sum cu rtsa bdun yin no/ /rnal 'byor ma'i kun tu spyod pa las byang chub kyi phyogs kyi chos sum cu rtsa bdun bstan pa ste gnyis pa'o// //de la de rnams kyi lha'i sbyor ba'i grangs ji lta bar mdor bsdus nas bshad par bya ste/ 
lus dran pa nye bar gzhag pa ni mkha' 'gro ma'o/ /tshor ba dran pa nye bar gzhag pa ni lA mA'o/ /chos dran pa nye bar gzhag pa ni khaN+Da ro hA'o/ /sems dran pa nye bar gzhag pa ni gzugs can ma'o/ /'dun pa'i rdzu 'phrul gyi rkang pa ni rab tu gtum mo'o/ /brtson 
'grus kyi rdzu 'phrul gyi rkang pa ni gtum pa'i mig can ma'o/ /dpyod pa'i rdzu 'phrul gyi rkang pa ni 'od ldan ma'o/ /sems kyi rdzu 'phrul gyi rkang pa ni sna chen ma'o/ /dad pa'i dbang po ni dpa' bo'i blo gros ma'o/ /brtson 'grus kyi dbang po ni mi'u thung ma'o/ /dran 
pa'i dbang po ni lang ka'i dbang phyug ma'o/ /ting nge 'dzin gyi dbang po ni shing grib ma'o/ /shes rab kyi dbang po ni sa srung ma'o/ /dad pa'i stobs ni 'jigs byed chen mo'o/ /brtson 'grus kyi stobs ni rlung gi shugs can ma'o/ /dran pa'i stobs ni chang 
'thung ma'o/ /ting nge 'dzin gyi stobs ni sngo bsangs ma'o/ /shes rab kyi stobs ni shin tu bzang mo'o/ /ting nge 'dzin yang dag byang chub kyi yan lag ni rta rna ma'o/ /brtson 'grus yang dag byang chub kyi yan lag ni bya gdong ma'o/ /dga' ba yang dag byang chub 
kyi yan lag ni 'khor lo'i shugs can ma'o/ /shin tu sbyangs pa yang dag byang chub kyi yan lag ni khaN+Da ro hA'o/ /chos rnam par 'byed pa yang dag byang chub kyi yan lag ni chang 'tshong ma'o/ /dran pa yang dag byang chub kyi yan lag ni tsakra war ti nI'o/ /btang snyoms 
yang dag byang chub kyi yan lag ni shin tu dpa' mo'o/ /yang dag pa'i lta ba ni stobs chen ma'o/ /yang dag pa'i rtog pa ni 'khor los sgyur ma'o/ /yang dag pa'i ngag ni brtson 'grus chen mo'o/ /yang dag pa'i las kyi mtha' ni khwa gdong ma'o/ /yang dag pa'i 

</font><hr>79-1-35b<br><font size=+1>

'tsho ba ni 'ug gdong ma'o/ /yang dag pa'i rtsol ba ni khyi gdong ma'o/ /yang dag pa'i dran pa ni phag gdong ma'o/ /yang dag pa'i ting nge 'dzin ni bcom ldan 'das dpal he ru ka'o/ /dge ba'i chos ma skyes pa rnams bskyed pa ni gshin rje brtan ma'o/ /
dge ba'i chos skyes pa rnams yang dag par srung ba ni gshin rje pho nya ma'o/ /mi dge ba'i chos skyes pa rnams spong ba ni gshin rje mche ba ma'o/ /mi dge ba'i chos ma skyes pa rnams mi skyed pa ni gshin rje 'joms ma'o/ /rnal 'byor ma'i kun tu spyod pa las byang 
chub kyi phyogs kyi chos sum cu rtsa bdun lha rnams kyi rnam par dag pa bstan pa ste gsum pa'o// //de nas yang dag bshang bya ba/ /dpa' bo gnyis med dam pa ste/ /he ru ka dpal sku'i yan lag /yan lag kun ni cha shas gnas/ /sen mo dang 
so la ni thod pa phyed pa'o/ /sku dang spu la ni keng rus chen po'o/ /pags pa dang dri ma la ni keng rus so/ /sha la ni mche ba rnam par gtsigs pa'o/ /rgyus pa la ni lha dgra'o/ /rus pa la ni 'od dpag med do/ /mkhal ma la ni rdo rje'i 'od do/ /snying la ni 
rdo rje'i sku'o/ /mig gnyis la ni myu gu can no/ /mkhris pa la ni rdo rje'i ral pa can no/ /glo ba la ni dpa' bo chen po'o/ /rgyu ma la ni rdo rje ha mdzad do/ /gnyem la ni rab bzang ngo / /lto ba la ni rdo rje bzang po'o/ /bshang ba la ni 'jigs byed chen po'o/ /mtshog 
ma'i sbubs la ni mig mi bzang ngo / /bad kan la ni stobs po che'o/ /rnag la ni rin chen rdo rje'o/ /khrag la ni rta mgrin no/ /rdul la ni nam mkha'i snying po'o/ /tshil la ni dpal he ru ka'o/ /mchi ma la ni pad+ma gar gyi dbang phyug go/ /mchil ma la ni rnam par snang 
mdzad do/ /snabs la ni rdo rje sems dpa'o/ /rnal 'byor ma'i kun tu spyod pa las dpa' bo'i rnam par dag pa bstan pa ste bzhi pa'o// //de nas gzhan yang bshad bya ba/ /dngos grub thams cad sgrub byed pa/ /gang zhig shes pa tsam gyis ni/ /sgrub pos dngos grub 

</font><hr>79-1-36a<br><font size=+1>

thob 'gyur ba'o/ /ji ltar nang gi bdag nyid shes/ /phyi yi dkyil 'khor dam pa yin/ /rnam dgod ji ltar sbyar ba ni/ /snying po thams cad bsdus pa ste/ /rten dang brten pa'i tshul gyis ni/ /b+hai raM b+ha sogs yang dag ga gnas/ /bla ma 
las brgyud rim bzhin du/ /gang zhig cho ga 'di shes pas/ /ri steng pad+ma ge sar gyi/ /sna tshogs 'dab ma 'jam pa la/ /de yi dbus bzhugs dpa' bo ni/ /'dod pa'i don kun sgrub mdzad pa/ /mkha' 'gro ma dang lA ma dang / /khaN+Da ro hA gzugs can ma/ /
pad+ma'i phyogs kyi gnas la dgod/ /dngos grub thams cad sgrub byed yin/ /phyag gnyis pa la zhal gcig pa/ /sna tshogs gzugs dang rnam rol ma'o/ /mtshams kyi bzhi po dag la ni/ /lnga pas gang ba'i thod pa gzhag /pUl+la sogs dang yang dag sbyar/ /
yul dang yul du gnas pa yin/ /spyan drang 'khor lo'i dbus gnas la/ /rnal 'byor rig pas rtag tu mchod/ /pu zhes bya ba ni pul+lI ra ma la ya na khaN+Da ka pA la dang pra tsaN+DA'o/ /dzA zhes bya ba ni dzA lan d+ha ra na ma hA kang kA la dang tsaN+DA k+ShI'o/ /o zhes bya ba ni au 
D+Yin na kang kA la dang pra b+hA ba tI'o/ /a zhes bya ba ni ar bu da na bi ka Ta daM Sh+T+ra dang ma hA na sI ste gnas so/ /go zhes bya ba ni go dA ba rI na su rA bai ri Na dang bI ra ma tI'o/ /rA zhes bya ba ni ra me shwa ri na a mi tA b+ha dang khar wa rI'o/ /de zhes bya ba ni de wi koT na badzra pra b+ha dang lang 
ke shA rI'o/ mA zhes bya ba ni ma la ba na badzra de ha dang dru mats+tsha yA'o/ /nye ba'i gnas so/ /thugs kyi 'khor lo ste nam mkha' la rgyu ba'o/ /kA zhes bya ba ni ka ma rU pa na ang gu ri dang i rA ba tI'o/ /o zhes bya ba ni o Di na badzra dza Ti la dang ma hA b+he+e ra bA'o/ /zhing ngo / /tri 
zhes bya ba ni tri sha ku ni na ma hA b+hai ra ba dang bA yu be gA'o/ /ko zhes bya ba ni ko sa la na badzra hUM kA ra dang / su ra b+ha k+ShA'o nye ba'i zhing ngo / /ka zhes bya ba ni ka ling ga na su b+ha dra dang sh+yA ma de bI'o/ /la zhes bya ba ni lam ba ka na badzra b+ha dra dang / /su b+ha drA'o tshan do ha'o/ /kA zhes bya ba 

</font><hr>79-1-36b<br><font size=+1>

ni kAny+tsi na ma hA b+he+e ra ba dang ha ya kar+NA'o/ /hi zhes bya ba ni hi mA la ya na bi rU pA k+Sha dang kha gA na nI'o/ /nye ba'i tshan do ha'o/ /gsung gi 'khor lo ste sa la rgyu ba'o/ /pre zhes bya ba ni pre ta pu ri na ma ha ba la dang tsakra be gA'o/ /gr-i zhes bya ba ni gr-i ha de ba tA na rat+na badzra dang khaN+Da ro hA'o/ /
'du ba can no/ /so+o zhes bya ba ni sau rASh+Ta na ha ya grI ba dang / sho+oN+Di nI'o/ /su zhes bya ba ni su par+Na dwI pa na A kA sha gar b+ha dang tsakra ba ra mI NI'o/ /nye bar 'du ba can no/ /nA zhes bya ba ni nA ga ra na shrI he ru ka dang su bI rA'o/ /si zhes bya ba ni si nad+hu de sha na/ pad+ma na r+t+te shwa ra 
dang / ma hA ba lA'o/ /dur khrod do/ /ma zhes bya ba ni ma ru de sha na ba ro tsa na dang tsa kra bar ti nI'o/ /ku zhes bya ba ni ku lu tA na badzra sa twa dang ma hA bI r+yA 'o/ /nye ba'i dur khrod do/ /sku'i 'khor lo ste sa 'og na spyod pa'o/ /kA kA s+yA dang u lU kA s+yA dang shwa nA s+yA dang sU ka 
rA s+yA ni phyogs su'o/ /ya ma dA d+hi dang ya ma dU tI dang ya ma daMSh+Ti NI dang / ya ma ma tha nI ni mtshams su'o/ /de ltar phyi dang nang gi bdag nyid ji srid nges par rtog pa'i spyod yul du gyur gyi bar du dmigs par bya'o/ /rnal 'byor ma'i kun tu spyod pa las lha'i gnas kyis 
bstan pa ste lnga pa'o// //de nas bdag po sogs kun gyi/ /mtshan ma phyag rgya'i tshogs rnams dang / /rang mdog phyag mtshan bzhugs tshul rnams/ /rgyud du sbas pa nges par bya/ /rgyal chen shrI he ru ka ni/ /gdug pa thams cad rab 'joms pa/ /phyag 
gnyis yang dag 'khyud pa dang / /gnyis kyis glang po'i pags pa 'dzin/ /g.yas pa'i lhag mar dgra sta mdung / /rtse gsum gri gug DA ma ru/ /g.yon gyi lhag mar kha T+wAM bsgreng / /thod pa dmar chen zhags pa dang / /tshangs pa'i mgo bo rnams bshad do/ /bcu gnyis 
kyis ni brgyan pa yin/ /thod pa'i phreng ba'i mchod phyir thogs/ /brgya phyed par ni shes par bya/ /bcom ldan yum ni mdun du bzhugs/ /zhal gcig 'bar ba chen po ste/ /'khyud pa yis ni thod pa dag /gdug pa'i bdud kyi khrag bkang bsnams/ /g.yas 

</font><hr>79-1-37a<br><font size=+1>

pas rtag tu sdigs mdzub dang / /ma rungs pa yi gri gug bsnams/ /sku mdog dmar zhing cher 'bar ba/ /thod dum brgyan pa'i sku rags can/ /dbu skra grol zhing spyan gsum sku/ /mche ba gtsigs pa 'jigs 'jegs su rung / /byin pa 
zhabs kyis legs par 'khyud/ /gnyis ka kha sbyar tshul gyis bzhugs/ /mkha' 'gro ma sogs bzhi po ni/ /kha T+wAM ga snod gri gug bsnams/ /sku la spyan gsum rgya lnga sogs/ /skra grol bas ni rnam par brgyan/ /dpa' bo nyi shu rtsa bzhi ni/ /phyag 
rgya lnga la sogs pas brgyan/ /phyag gnyis zhal gcig spyan gsum pa/ /ral pa'i cod pan dar gyis bcings/ /rdo rje dril bus legs 'khyud cing / /chags pa chen po rjes chags mdzad/ /rnal 'byor ma ni nyi shu bzhi/ /dbu skra grol bas rnam par 
brgyan/ /phyag rgya lnga la sogs pa dang / /spyi bor nor bus rnam par brgyan/ /rnal 'byor snod dang bcas pas 'khyud/ /sdigs mdzub kyis ni gri gug bsnams/ /he ru ka dpal la sogs kun/ /g.yas brkyang ba yi gnas pas bzhugs/ /
mgur chu dpung rgyan rna cha dang / /thod pa'i phreng bas rnam par brgyan/ /mchod phyir thogs dang thal ba ni/ /phyag rgya drug par rab tu bshad/ /pha rol phyin drug rnam dag pas/ /phyag rgya drug gis brgyan pa yin/ /sku gsung thugs kyi rdo rje ni/ /spyan gsum 'og 
pag dag gis brgyan/ /sku gsung thugs kyi dbye ba yis/ /yi ge gsum gyi dngos grub kyi/ /ngo bor bdag nyid bsgom bya zhing / /dngos grub 'dod pas gzhan mi bya/ /de yi bsod nams gang 'gyur ba/ /sgrub pa'i yon tan rgya chen po/ /lce ni brgya stong du ma yis/ /
bsod nams brjod par nus ma yin/ /khwa gdong la sogs rnam pa bzhi/ /thams cad kyang ni sgo skyong ste/ /kha T+wAM ga dang thod pa thogs/ /sku la phyag rgya lnga sogs ldan/ /gshin rje brtan sogs mtshams bzhir te/ /de dag zhabs gnyis brkyang pa dang / /

</font><hr>79-1-37b<br><font size=+1>

gzugs gnyis ldan zhing yid 'phrog ma/ /mkha' 'gro ma skyedaji bzhin du/ /khwa gdong la sogs dbye ba nyid/ /de ltar ma lus 'khor lor gnas/ /mdog dbye'i cho ga'i rim bzhin no/ /rnal 'byor ma'i kun tu spyod pa las rang gi mtshan ma dang / /zhal 
dang phyag rgya dang / sku mdog dang mtshon cha bstan pa ste drug pa'o// //de nas go cha gnyis po ni/ /gang shes pas ni myur ba ru/ /sgrub pa po yis grub thob pa/ /rgyud du sbas pa nges bshad bya/ /oM ha/ na ma hi/ swA hA hu/ bo+o Sha Ta he/ hU~M hU~M ho/ 
phaT haM/ snying ga spyi bo spyi gtsug dang / /dpung pa mig gnyis go cha sbyar/ /dang po rdo rje sems dpa' ste/ /gnyis pa rnam par snang mdzad gnas/ /gsum pa pad+ma gar dbang rgyal/ /bzhi pa he ru ka dpal bshad/ /lnga pa rdo rje nyi ma ste/ /drug pa la ni 
rta mchog yin/ /de ni go cha rnam drug gis/ /shin tu bsrungs pa nyid yin no/ /o~M baM/ haM yoM/ hriM moM/ hriM hriM/ hU~M hU~M/ phaT phaT/ lte ba snying ga de bzhin kha/ /spyi bo spyi gtsug go cha nyid/ /dang po rdo rje phag mo'o/ /gnyis pa ya mi nI ru brjod/ /gsum pa 
rmongs byed ma nyid de/ /bzhi pa sbyin ma yin par bshad/ /lnga pa kun tu skrag par grags/ /drug pa gtum mo yin par bshad/ /go cha drug nyid phag mo dang / /dpa' bo gnyis med rnal 'byor ma'o/ /rnal 'byor ma'i kun tu spyod pa las go cha gnyis bstan pa 
ste bdun pa'o// //de nas po cha gnyis shes nas/ /ye shes 'khor lo rnam bsgoms nas/ /sngags dang phyag rgya'i sbyor ba yis/ /dam tshig 'khor lor myur gzhug bya/ /rkang pa mnan la steng du blta/ /steng du pheM gyi sgra bsgrags la/ /phyogs bcu'i 
'jig rten khams gnas pa'i/ /dpa' bo rnal 'byor ma rnams dgug /sngags kyis yang dag bskul ba dang / /skad cig de la spyan drang bya/ /mdzub mo dgug byas gung mo nges par sbyar/ /mthe bong rdo rje brnyan por yang dag sbyar/ /de ni dpral ba'i phyogs kyi dbus 

</font><hr>79-1-38a<br><font size=+1>

gzhag la/ /gcu zhing gcu zhing bskor ba byas pa yis/ /sngags pas dpa' bo rnal 'byor ma byin brlab/ /yi ge d+yA ni sna rtser yang dag sbyar/ /byA ni mtshan gyi lte bar yang dag dgod/ /lte ba snying ga kha dang dpral ba ru/ /sngags kyi 
tshogs dang bcas pas byin gyis brlab/ /lte ba snying ga dag tu rnal 'byor ma/ /sangs rgyas mkha' 'gro ma yi sngags kyis ni/ /a ba d+hU tI gnyis kyis dpa' byin brlab/ /rnal 'byor ma dang dpa' bo gnyis med yin/ /dang por dga' ba dpa' bo ste/ /
mchog tu dga' ba rnal 'byor ma/ /rab tu dga' ba ma lus nyid/ /bde ba'i thabs de kun rig pa'o/ /lha yul sa steng sa 'og tu/ /skad cig gis ni gzugs gcig 'gyur/ /sgom pa bdag gis bshad pa yi/ /bsdu ba de nyid bshad pa ni/ /g.yas dang 
g.yon gyi lag gnyis kyis/ /bskor ba mkha' 'gro'i bde de yin/ /rnal 'byor ma'i kun tu spyod pa las/ ye shes kyi 'khor lo spyan drang ba dang bsdu ba bstan pa ste brgyad pa'o// //de nas sprul par shes bya dang / /longs spyod rdzogs par 'dod pa 
nyon/ /theg pa chen po phyag rgya che/ /rnal 'byor ma yi grub ster bshad/ /phyag rgya chen po las lhag pa'i/ /rnal 'byor kun las mchog gzhan med/ /he ru ka dpal rgyal po che/ /rnal 'byor kun dbang dbang phyug yin/ /mkha' 'gro ma yi dra ba sdom/ /nam 
mkha' dang mnyam las blangs pa/ /kun mkhyen ye shes de'i rang bzhin/ /he ru ka dpal dpa' bo mchog /skye bo dam pa kun 'dus pa/ /zhi ba'i btung bas grub 'gyur ba/ /rtag pa'i go 'phang mchog yin te/ /skyon med pa ni rtag pa'i gnas/ /bu la sogs 
pa yang dag sbyar/ /yul dang yul du rnam par gnas/ /he ru ka dpal bdag nyid dgod/ /yi ge nyi shu rtsa bzhi ni/ /longs spyod rdzogs par shes bya ste/ /rnal 'byor che la gnas pa yin/ /mdor bsdus nas ni rab 'jug pa/ /blo gros brtson pas shes 

</font><hr>79-1-38b<br><font size=+1>

par bya/ /ldog pa'ang ji ltar bstan pa ni/ /bshad bya sgrub pa po rnams nyon/ /shrI ni gnyis med ye shes te/ /he ni rgyu sogs stong pa nyid/ /ru ni bkod dang bral ba ste/ /ka ni gang du'ang mi gnas pa'o/ /de ni rang bzhin stong ba ste/ /kun tu 'gro zhing mi shigs 
par/ /mdor bsdus nas ni sgom byed pa/ /'dod pa'i dngos grub thob par 'gyur/ /chos dang longs spyod sprul pa yi/ /sku gsum dag ni rnam sgom pa/ /byang chub phyogs ni sum cu bdun/ /der ni nges par bsgom par bya/ /rnal 'byor ma'i kun tu spyod pa las 'jug pa 
bstan pa ste dgu pa'o// //de nas bsgoms pas dub gyur na/ /bsdus pa spyod tshul khyad par gyis/ /sbyor dang bral bar mi bya ste/ /spyod pa'i rnal 'byor pa 'di yin/ /sngar ni ji skad bshad pa bzhin/ /bsam gtan cho ga rgyas byas la/ /rang 'dod 
las la gtor ma ni/ /khyad par du yang sbyin par bya/ /zla ba mar ngo'i tshes bcu dang / /zla ba yar ngo'i de nyid la/ /'bad pas dpa' bo chang sogs dang / /rdo rje lha mo rab mchod cing / /sngar bshad sngags dang rgya sbyar ba/ /cho ga bzhin du yang dag bsrung / /
oM A ra l+li hoHdzaHhU~M baM hoH/ badzra DA ki nI sa ma ya s+t+waM dr-i sh+ya hoH/ de ltar lan gsum bzhi lngar brjod/ /dam tshig sogs rdzas legs gnas par/ /rdo rje thal mo kha gyen phye/ /dpa' bo rnal 'byor mas mngon bzla/ /oM kha kha khA hi khA hi/ /sarba yak+Sha RAk+Sha 
sa/ b+hU ta pre ta pi shA tson+mA dA/ pa smA ra badzra DA ka DA ki n+ya da ya i maM ba laM gr-i h+Nan+tu sa ma ya rak+Shan+tu ma ma sarba sid+d+hi m+me pra yats+tshan+tu ya the+e ba~M/ ya theSh+TaM b+huny+dza tha dzi g+h+ra tha/ pi ba tha/ mA ti kra ma tha/ ma ma sarba kArta yA/ /sat+su khaM bi shud d+ha ye/ sa ha yi ka b+ha ban+tu hU~M hU~M phaT phaT 
swA hA/ dpa' bo'i 'khor lo la sogs sngags/ /dur khrod la sogs kyis kyang brgyan/ /lho phyogs kha bltas rnal 'byor pas/ /gnas ni mthon por rab tu mchod/ /nye bar mtshon pa ji lta bar/ /bdag gis nus pas dbul bar bya/ /dgun zla 'bring 

</font><hr>79-1-39a<br><font size=+1>

po la sogs pa'i/ /tshes bcu la ni dad pas mchod/ /skye bo dam pa kun 'dul la/ /bde ba thams cad dbul bar bya/ /der ni bshos rnams bza' bya ste/ /lhag ma snod du gzhag par bya/ /de yi lag tu 'ongs pa'i dpal/ /
gang gis kyang ni gzhom mi nus/ /de ni skye bo dad ldan rnams kyis mchod/ /he ru ka dpal mngon par dgyes gyur nas/ /kun tu dgyes pa'i mchog ni stsol 'gyur te/ /gang phyir mchog ni de yi lag na gnas/ /mtshan mo skra ni grol gyur pas/ /
brtul zhugs gos med gtor sbyin na/ /he ru ka dpal rnal 'byor bdag /des ni ma mo dga' bar 'gyur/ /rnal 'byor ma'i kun tu spyod pa las gtor ma dang / /mchod pa tshes bcur bya ba srung ba bstan pa ste bcu pa'o// //de nas pha rol phyin 
drug dang / /byang chub phyogs ni sum cu bdun/ /gnas sogs sa ni bcu po rnams/ /che mchog lha yi bdag nyid can/ /dngos po gang dang gang gis ni/ /mi rnams yid ni yang dag sbyor/ /de yis de yi dngos 'gyur te/ /sna tshogs gzugs 
can nor bu 'dra/ /de bzhin 'jigs dang bcas pa'am/ /'jigs med ji lta ji ltar gnas/ /bsam gtan dag gam sgom pa yis/ /las rnams thams cad rab sgrub byed/ /spyod dang grol ba'i 'bras rab stsal/ /tshe 'di nyid la thob 'gyur ba/ /bsgom 
pa bdag gis bshad par bgyi/ /snying po kun las btus pa yin/ /log pa'i shes pa'i shes pa can/ /gang yang khyod kyis bshad mi bya/ /bla ma'i rim las ji ltar bstan/ /gang gis myur du shes 'gyur ba/ /skye ba bye ba stong phrag tu/ /sgyu 'phrul ye shes 
kyis bskul ba/ /dad pa yang dag bskyed pa dang / /rnal 'byor spyod tshul gnas pa yin/ /lkugs shing glen la thabs ngan ldan/ /byis pa'i shes pa'i shes pa can/ /sems can yongs su ma smin dang / /phyi rol bstan bcos kyis 'chal pa/ /de dag kun gyis 

</font><hr>79-1-39b<br><font size=+1>

mi shes te/ /mi shes mun pas khebs pa dang / /khengs pa la ni rten par dga'/ /nga rgyal la sogs bdun sems ldan/ /de kun gyis kyang sangs rgyas kyi/ /sbyong yul gsang ba mi shes so/ /he ru ka dpal yang dag 'jug /slob dpon 
bdag nyid chen po yis/ /myur du dngos grub skyed byed de/ /'phral du yid ches byed pa yin/ /kun sbyong cho ga'i rnal 'byor shes/ /cho ga'i bya ba bstan par bya/ /srid pa gsum po ma lus na/ /de ni kun mkhyen bstan pa shes/ /mthong ba dang ni 
reg pa dang / /thos pa dang ni dran pa yis/ /sdig pa kun las grol 'gyur ba/ /de ltar de ni the tshom med/ /lha rnams bzlog ste dgod pa dang / /sngags kyi dbye ba bzlog pa dang / /bsgom pa gsang ba bzlog pa ni/ /snying po thams cad bsgrub pa 
yin/ /rgyud rnams kun gyi spyi yi ni/ /sems ni yongs su smin pa dag /'dir ni sbyor sogs sngags rnams kyi/ /dam tshig de ltar bstan pa yin/ /bde gshegs dbugs 'byin gsungs pa ni/ /dag pa'i lus ni skyon med pa/ /bsod nams 
chung ba'i sngags pas kyang / /nga dga' bas ni rnyed par 'gyur/ /rnal 'byor ma'i kun tu spyod pa las thams cad rnam par dag pa bstan pa ste bcu gcig pa'o// //de nas bsrung min bza' min dang / /dkyil 'khor pa min dkyil 'khor min/ /bzlas 
brtul sbyin sreg med mod kyi/ /mdor na sems 'dus tshul can yin/ /gzung bya rnam shes ye shes ni/ /bla mas bstan las rtsol bya ste/ /phyi rol gyi ni bstan bcos pa/ /lam de shin tu ring ba yin/ /rnal 'byor pa rnams thabs kyis ni/ /bla ma'i bsnyen 
bkur la brtson pa/ /ston pa'i mtshan nyid bstan pa dang / /dpa' bos de nyid bstan pa yin/ /skad cig rnam pa'i rnal 'byor bdag /skad cig rnam pa'i phyag rgyar ldan/ /kun nas thams cad skad cig ste/ /skad cig gis ni gsang sngags brjod/ /smras dang lta 

</font><hr>79-1-40a<br><font size=+1>

dang lag bcangs dang / /'khyud dang gnyis gnyis la sogs pa/ /de bzhin gshegs pas dbugs 'byin gsungs/ /gong nas gong du bsten par bya/ /thams cad 'dir ni bstan pa yin/ /rnam pa gzhan dag rtswa dang 'dra/ /de nyid srog 
chags rnams kyi srog /de nyid mi 'gyur dam pa yin/ /de nyid thams cad khyab byed de/ /lus kun la ni rnam par gnas/ /de nyid sangs rgyas ye shes te/ /he ru ka dpal yin par bshad/ /skyes pa ma ning la sogs nyid/ /phra ba'i snying po'ang 'dzin pa 
yin/ /ye shes bdag tu byung de la/ /gang zhig sa la gnas rnams dang / /bstan bcos dag ni ma lus dang / /rig byed grub mthar gnas pa rnams/ /'jig rten 'di dang gzhan dag tu/ /de med par ni grub mi 'gyur/ /rig byed grub pa'i mtha' rnams 
las/ /'di ni snying por rab tu bshad/ /'gro ba 'di kun sangs rgyas lnga'i bdag nyid/ /gar mkhan dag dang ri mo bzang ltar snang / /gang du bde chen zhes bya gcig pu nyid/ /gcig pu'i nyams ni du mas gar mdzad do/ /'dug dang ldang ba nyid ngag dang / /
'jug dang rdzogs pa nyid dag dang / /byin gyis brlab dang dbang bskur dang / /ting 'dzin mchod pa bsdus pa yin/ /de nas cho ga'i ming gzhan pa/ /thabs dang shes rab gnyis med pa/ /de nyid du ni kun skyes pa/ /'byin dang sdud par byed pa yin/ /a A/ 
i I/ u U/ r-i r-I/ l-i l-I/ e e+e/ o o+o/ aM aH/ ka kha ga g+ha nga / tsa tsha dza dz+ha nya/ Ta Tha Da D+ha Na/ ta tha da d+ha na/ pa pha ba b+ha ma/ ya ra la wa/ sha Sha sa ha/ k+ShaH/ 'di ni bcom ldan lha de yin/ /mchog nyid lhag par gnas pa yin/ /lha 
kun gyi ni skyed pa dang / /sngags rnams kyi ni rgyud nyid yin/ /gang zhig 'di rtag sgom pa dang / /rtag tu klog cing sems pa dang / /rnal 'byor pa yis dang por brjod/ /he ru ka dpal gnyis med 'gyur/ /der ni lag sogs rgyan yin te/ /ska rags gnas 

</font><hr>79-1-40b<br><font size=+1>

rnams thams cad yin/ /'di ni rtag tu 'dzin byed pa/ /chos kun rtogs par byed pa yin/ /A li kA li mdun bsams te/ /rnal 'byor chen pos rnam gnas la/ /zla ba'i dkyil 'khor legs rdzogs pa/ /lte ba'i rtsa bar gnas par bsgom/ /de yi dbus 
gnas bsam pa ni/ /dam pa'i gnas mchog yi ge ste/ /sku gsung thugs kyi rdo rje can/ /lha yi sku ni bsgom par bya/ /de ni gzugs las 'das pa ste/ /dngos po med pa'i sems nyid yin/ /bsam mi khyab pa nyid bsams te/ /bsam de mtshan 
mar brtag mi bya/ /yang na bdag nyid sems bsam pa/ /de las gzungs ni 'thob par 'gyur/ /rnal 'byor ma'i kun tu spyod pa las rgyud thams cad las nges par byas pa'i de kho na nyid kyi gnas gcig pu bstan pa ste bcu gnyis pa'o// //de nas 
gzhan yang bshad bya ba/ /dpa' bo rnal 'byor ma gnyis med/ /he ru ka dpal rnal 'byor che'i/ /gnas ni yi ge'i sa pa yin/ /pul+lIr ma ya mgo bo la/ dzA lan d+ha ra spyi gtsug nyid/ /au t+yan rna ba g.yas pa ste/ /ar bu da ni rgyab phyogs 
la'o/ /gnas so/ /go dA ba rI rna ba g.yon/ /rA me shwa ra smin ma'i mtshams/ /de bI ko Ta mig gnyis te/ /mA la ya ni dpung mgor ro/ /nye ba'i gnas so/ /kA ma rU pa mchan khung dgod/ /o Te nu ma gnyis la'o/ /zhing ngo / /tri sha ku ni 
lte ba'i dbus/ /ko sa la ni sna rtser ro/ /nye ba'i zhing ngo / /ka ling ka ni kha la dgod/ /la~M ba ka ni mgrin dbus nyid/ /tshan do ha'o/ /kA ny+tsi snying la dgod par bya/ /hi mA la ya mchan rtsar ro/ /u pa tshan do ha'o/ /pre ta pu ri mtshan la ste/ /gr-i ha de 
ba bshang lam la'o/ /'du ba can no/ /so+o rA Sh+Ta brla gnyis bsam/ /gser gling rje ngar gnyis la'o/ /nye bar 'du ba can no/ /nA gar ni sor mor ro/ /sin d+hu rkang pa'i bol gnyis la'o/ /dur khrod do/ /ma ru mthe bong gnyis la dgod/ /ku lu tA ni 

</font><hr>79-1-41a<br><font size=+1>

pus mor gnas/ /nye ba'i dur khrod do/ /pu dzA o a go ra de mA/ /kA o tri ko ka la ka hi/ /pre gr-i so+o su nA si ma ku/ /gnyid log ma log ldang ba dang / /bza' 'am 'gro ba'i chos spyod pa'am/ /gang yin der ni rnam bkod na/ /'jig rten 
gsum gyis mi g.yo'o/ /ming gi rgyud ni 'bum sde las/ /snying po bsdus par gyur pa yin/ /nam mkha' dang ni mnyam pa'i rgyud/ /'bum gcig nang nas de bzhin bshad/ /shes rab rgyud ni gsang ba ste/ /ming 'byung ba las gnas pa yin/ /bstan pa 
yis ni sprul pa yin/ /bshad pas longs spyod rdzogs par 'dod/ /so sor bstan pa ma lus nyid/ /mya ngan 'das pa'i de nyid bstan/ /sku gsum 'khor lo gsum du bshad/ /chos sogs longs spyod rdzogs pa nyid/ /bsod nams ye shes tshogs 
dag ni/ /bden pa gnyis la gnas pa yin/ /blo ngan glen zhing lkugs pa dang / /shes rab dman zhing log lta can/ /phyi rol bstan bcos kyis 'chal pa/ /bla ma la ni sun 'byin yin/ /de dag kun kyang rnam spangs te/ /gus kyang bshad par mi bya'o/ /
cha dang cha yi khyad par la/ /der ni gnyis su med par bshad/ /dag byed dbang gi lha mo dang / /bka' bsgo'i lha mo dpa' bo skyes/ /de 'og ma lus kun spyod pa/ /'khor ba las grol gtso bo yin/ /ma lus rig byed las sprul pa/ /grub pa'i mthar ni 
de rab bsgrags/ /dpa' bo khyod kyis nga la bshad/ /sangs rgyas mu stegs can la sba/ /sgra dang sgra nyams brda rnams kyi/ /lam 'di nyid kyi rjes su 'brang / /bsdus don yang dag blangs pa dang / /brda yi tshig ni rgyas pa yin/ /gang gis kun spyod mi 
shes par/ /rnal 'byor pa ni rnal 'byor ston/ /de yi ngal ba don med de/ /'bras bu de ni thob mi 'gyur/ /'gro la 'phags pas sngon gsungs pa/ /sbas te gzhan du gsungs pa yin/ /kun spyod 'dir ni bshad pa las/ /sgrub pa pos ni rab mnyam gzhag /

</font><hr>79-1-41b<br><font size=+1>

rgyal bas sngon ni rgyud chen po'i/ /sngags kyi yi ge sgrub mdzad pa/ /las kyi bya ba gang yang rung / /dge dang mi dge brtags te bya/ /yi ge mtha' dang dbus dag tu/ /der ni thams cad rab tu grub/ /rnal 'byor ma'i kun tu spyod pa las A li kA li 
dang / las thams cad kyi nges pa gnyis su med par bstan pa ste bcu gsum pa'o// //de nas rgyud rnams thams cad du/ /sbas gsang cho ga bshad bya ste/ /sangs rgyas bzhi yi gdan bzhugs pa/ /rdo rje la sogs dpa' rnal 'byor/ /mkha' 
'gro la sogs rdo rje yi/ /dpa' bo rnal 'byor dbang phyug gtso/ /me long la sogs rnam pa bzhi/ /gnyis med gnyis su med sbyor nyid/ /gnyis med rdzas ni me tog sogs/ /re re nas ni dbul bar bya/ /phyag rgya lnga sogs mchog lus kyi/ /
pha rol son pas phar phyin drug /lag pa'i mchod sogs ye shes can/ /blo ldan dpa' bos shes par bya/ /rnal 'byor ma drug go rims bzhin/ /rdo rje sems sogs bcu gnyis dang / /dpa' bo chen por sbyar bya la/ /lag pa'i mchod 
la sogs pas bstod/ /lnga po lnga dang yang dag bsre/ /'o ma dang yang bsre bar bya/ /mchod pa nges ni legs gnas la/ /spyod dang grol ba'i 'dod dang ldan/ /lag pa'i mchod pas rnal 'byor pa/ /dbul ba'i 'dod don 'grub par 'gyur/ /sems 
ni gzhan du gyur pa dang / /bza' btung gos sogs thob par 'gyur/ /lha yi mchod pa byas na ni/ /de la bsam pa rnam grub 'gyur/ /dpa' bo 'di ni dpa' chen po/ /sa steng rnal 'byor ma rnyed dka'/ /rnal 'byor pa yi spyod brtul zhugs/ /rnal 
'byor dbang phyug kun gyi gtso/ /gang zhig rtag tu 'dir rang mchod/ /'dod pa'i 'bras bu kun rab ster/ /rnal 'byor ma'i kun tu spyod pa las/ /dpa' bo bzhi dang yang dag par sbyor ba'i lag pa'i mchod pa bstan pa ste bcu bzhi pa'o// //de nas dpa' 

</font><hr>79-1-42a<br><font size=+1>

bo rnal 'byor ma/ /gnyis med spyod pa'i cho ga bshad/ /dang por mnyam gzhag rnal 'byor pas/ /'bad de nus pa bskyed par bya/ /nus pa bskyed pa'i rjes thogs la/ /yid la 'dod pa'i brtul zhugs spyad/ /sems can rjes 
gzung don gyi phyir/ /dpa' bo chen po 'gro bya zhing / /srog chags yan lag go bgos la/ /bde don gnyer bas bde ba bsrung / /mchod phyir thogs ni kun spangs la/ /he ru ka dpal gtsang sbrar gnas/ /grol ba'i 'bras bu 'dod pa yis/ /
rnal 'byor ma kun mnyes par bya/ /rtsa ba'i sngags kyis dpa' bo gang / /tshangs pa'i skud pa la sogs brtag /lha yi snying po'i gsang sngags kyi/ /brgya phyed phreng bas brgyan pa yin/ /thod pa'i dum bu la sogs kun/ /lus kyi khams su 
brtag par bya/ /dpa' bo'i go cha drug gi ni/ /rgya 'dis lus ni mdzes pa yin/ /rdo rje phag mo sogs sngags gang / /mgur chus ske ba mdzes pa yin/ /sangs rgyas kun gyi mkha' 'gro ma'i/ /pags pa'i gos ni 'dzin pa'i mchog /kha T+wAM ga ni lha yi sku/ /
shes rab DA ma ru ru brtag /thod pa dril bu la sogs kun/ /lus kyi khams su brtag par bya/ /yi ge bdun gyi gsang sngags kyi/ /rna chas snyan ni mdzes pa yin/ /rnal 'byor ma drug gsang sngags gang / /ska rags byas pa brgyan pa yin/ /'khor lo 
kun gyi rnal 'byor ma'i/ /sngags ni lag pa'i thod pa yin/ /rnam par snang mdzad yum sngags dang / /thod pas mgo bo brgyan pa yin/ /de ltar bdag nyid rnam bsams nas/ /tsham ngam sngags kyis legs par bsrung / /rtag tu tshangs par spyod 'gyur ba/ /
gsang sngags rkang pa brgyad mchod pa'o/ /nyin mo bcom ldan dpa' bo ste/ /mtshan mo bcom ldan ma brtag bya/ /mi bya ci yang yod min te/ /rtag tu mi bsam yod ma yin/ /mi bza' ci yang yod min la/ /dge dang mi dge mi smra med/ /bdag nyid ji bzhin 

</font><hr>79-1-42b<br><font size=+1>

'gro de bzhin/ /bdag ci 'dra bar gzhan de bzhin/ /de ltar rnam bsam rnal 'byor bdag /'jigs pa thams cad yongs spangs te/ /dpa' bo seng ge bzhin du spyod/ /bsam pa thams cad rdzogs byed yin/ /he ru ka dpal gzhir gnas pa'i/ /yan 
lag bskyod pa ji snyed dang / /tshig tu brjod pa ji snyed pa/ /de snyed phyag rgya gsang sngags yin/ /rigs lnga'i kun tu spyod pa ni/ /rigs gcig nyid du spyad par bya/ /de ltar shes pa'i bdag nyid can/ /go 'phang mchog tu 'gro bar 'gyur/ /gnyis med ye 
shes sems ldan la/ /mi bya ba ni ci yang med/ /mi rtog bdag nyid sems kyis ni/ /'dod pa'i yon tan lnga rnams spyad/ /rnal 'byor ma'i kun tu spyod pa las gnyis su med pa'i brtul zhugs dang gsang sngags bstan pa ste bcwa lnga pa'o// //gzhan yang phyi ma'i dus kyi tshe/ /dus mthar dngos grub mi thob ste/ /blo ni gzhan du rnam 'khrugs pas/ /phyag rgya dkyil 'khor bzlas pa yis/ /bde bar 'grub par mi 'gyur gyi/ /bkres dang skom gyi sdug bsngal 'gyur/ /'bad de 'dod bya dmigs nas ni/ /
de nyid kyis bdag rnal 'byor pa/ /ji ltar he ru ka'i ye shes/ /ji 'dod par ni yongs su rgyu/ /rna bas ring nas thos pa dang / /skad cig gis mthong rnal 'byor pas/ /chos 'di de ltar shes nas ni/ /bsam pa thams cad rdzogs byed yin/ /shes rab chen 
por byas pa nyid/ /gnyis med ye shes brtul zhugs bzang / /A li kA li ma gtogs par/ /gal te chos 'di 'dod na ni/ /de yi ngal ba don med de/ /'bras bu thob par mi 'gyur ro/ /mdo dang bya ba'i spyod pa rnams/ /rnal 'byor gsang sogs dbye ba 
nyid/ /'jig rten kun la bshad pa ni/ /byang chub don gyi rgyu nyid yin/ /nga yis 'jug par bshad pa ni/ /tshogs gnyis gnyis su med pa yin/ /de nyid chos kyi rang bzhin zhes/ /mya ngan 'das pa 'ba' zhig 'dod/ /thams cad bden pa gnyis la ni/ /

</font><hr>79-1-43a<br><font size=+1>

brten par ngas ni sngon bshad pa/ /rnal 'byor pa yis dngos grub kyis/ /sgom pa mngon dgar gyur pa yin/ /spros pa kun la dmigs nas ni/ /spros pas spros pa med par bya/ /rgyud rnams kun tu gsang ba gang / /sprul pa rnams kyi 
de nyid bstan/ /rgyud 'di yis ni rnal 'byor pa/ /bden pa gnyis la yang dag brten/ /sems rnams thams cad bsal nas ni/ /longs spyod kun la nyer spyad bya/ /blo ldan chen po 'khor lo sdom/ /sdom pa la ni rnam par spyod/ /rnal 'byor ma yi 
mtshan ma gang / /gzugs dang brda dang tha snyad dag /khyim lnga la sogs yul rnams su/ /rnal 'byor ma ni lnga nyid gnas/ /bsgrub par bya ba'i gnas kun tu/ /g.yon nas bskor ba la rab brtson/ /ji ltar sngar bshad 'khor lo yi/ /grangs kyi cho 
gas brtul zhugs can/ /dpa' bo'i sngags sogs rnal 'byor ma'i/ /yid la 'dod pa dgod par bya/ /shar gyi 'dab mar mkha' 'gro ma/ /bong bu'i rnam par bsgom par bya/ /he ru ka dpal zhes bya ba/ /las rnams thams cad byed pa yin/ /
he ru ka dpal go 'phang gnas/ /lus ngag yid kyi las rnams la/ /bshad dang ma bshad gang bsam pa/ /de dag thams cad myur du 'grub/ /rnal 'byor ma'i kun tu spyod pa las dngos grub kyi nges pa dang dpal he ru ka'i mdzad pa bstan pa ste bcu drug pa'o// //de 
nas he ru ka dpal rgyud/ /sems ni dri med yin par bshad/ /dag pa'i chos kyi sprul pa ni/ /phag mo'i gzugs su bstan pa yin/ /thabs dang shes rab sbyor ba las/ /de nyid dang ni thams cad 'byung / /me long la sogs rnam pa bzhi/ /pad+ma'i 'dab gnas rnal 
'byor ma/ /mkha' 'gro ma bzhi pad+mar gnas/ /mA ma kI sogs bzang mo yin/ /thod pa'i dum sogs 'khor lor gnas/ /nyi shu rtsa bzhi gnyis med yin/ /sems can 'khor ba las grol ba/ /dpa' bo nyid ni yin par brtag /khro bo rnam rgyal la sogs kun/ /

</font><hr>79-1-43b<br><font size=+1>

sgo dang mtha' yi mtshams rnams su/ /sna tshogs gdul ba'i thabs can gyis/ /sems can don la brtson par mdzad/ /gsang ba'i gnas kyi rnam gnas pa/ /rab tu 'bad de sba bar bya/ /rnal 'byor ma dang dpa' bo yis/ /ji ltar 'dod pa'i dngos grub ster/ /rnal 
'byor 'bras bu thob nas ni/ /srid mtshor ltung bar mi 'gyur ro/ /'khor ba las ni sgrol ba'i thabs/ /rgyud kyi snying po bsdus pa yin/ /bla ma slob mas rtogs sla'i phyir/ /cho ga rgya cher ma bshad de/ /sems ni ngal so rnal 'byor ba/ /mya ngan 'das pa bstan 
mi bya/ /de ltar spyod pa'i skyes mchog 'di/ /sdig pa thams cad rnam dag 'gyur/ /'jig rten 'di 'am pha rol tu/ /'dis ni sangs rgyas nyid mthong 'gyur/ /ji ltar sngar bshad sdig pa rnams/ /spang bar bya ba'i mtshan nyid yin/ /gang zhig 'di sgom 
rnal 'byor pa/ /'dod pa'i bde ba thams cad ster/ /he ru ka dpal mtshan brjod pas/ /lha sogs kun gyi gsang gang dang / /mi la sogs la gang zhig yod/ /de yi bsod nams des 'thob bo/ /bsam gtan gyis ni bsams tsam mam/ /'don 
cing klog gam bris pa yis/ /mtho ris longs spyod 'thob 'gyur te/ /yang na 'khor los sgyur nyid 'gyur/ /rnal 'byor pa ni 'pho ba'i tshe/ /dpal ldan he ru ka la sogs/ /dpa' bo dag ni thams cad dang / /rnal 'byor ma ni ji snyed pa/ /lag na sna tshogs me 
tog bsnams/ /ba dan rgyal mtshan sna tshogs dang / /rol mo'i sgra ni sna tshogs dang / /sna tshogs glus ni nye bar mchod/ /'chi ba zhes bya rnam rtog ste/ /mkha' la spyod pa'i gnas su 'khyer/ /de lta'i dpa' bo chen po dang / /rnal 'byor ma ni sa steng dkon/ /
ji ltar bud med byis gtam rjes yi rang / /kun smra bsten pa'i gtam yang rjod par byed/ /lam yang bshad cing 'chi bar 'gyur ba yin/ /rnal 'byor lam ngan de dang 'dra bar bshad/ /de nas gzhan yang bshad bya ba/ /gnas sogs rnal 'byor ma yi gnas/ /he ru ka 

</font><hr>79-1-44a<br><font size=+1>

dpal sogs rnal 'byor/ /dpa' bo gnyis med rnal 'byor ma/ /pul+lIr ma la yar rab gtum/ /dzA lan d+ha rar gtum pa'i mig /au D+yan ni 'od ldan ma/ /ar bu dar ni sna chen mo/ /go dA ba rir dpa' blo ma/ /rA me shwa rang 
me'u thung ma/ /de bI ko Tar lang dbang phyug /mA la par ni shing grib ma/ /kA ma rU par sa srung mo/ /o Tir 'jigs byed chen mo yin/ /tri sha ku nir rlung shugs ma/ /ko sa lar ni chang 'thung ma/ /ka ling lha mo sngo bsangs ma/ /lam pA kar ni rab 
bzang mo/ /kAny+tsi kar ni rta rna ma/ /hi ma la yar bya gdong ma/ /pre ta pu rir 'khor lo'i shugs/ /gr-i ha de bar dum skyes ma/ /so+o rASh+Tar chang 'tshong mo/ /gser gling 'khor lo'i go cha mo/ /nA ga rar ni rab dpa' mo/ /sin d+hu'i yul du stobs chen mo/ /
mya ngan yul du 'khor sgyur ma/ /ku lu tAr ni brtson chen mo/ /yul 'di rnams kyi bu mo gang / /dpa' bo gnyis med rnal 'byor ma'o/ /gsang ba'i sngags la rtag gnas nas/ /rab tu 'bad de bsgrub par bya/ /rnal 'byor ma ni re re zhing / /bye ba grangs 
snyed dag gis bskor/ /mtshan ma mtshan nyid phyag rgya sogs/ /g.yon pa'i sgrub pa po yis sba/ /mi bzad las ni gang gang gis/ /skye bo rnams ni 'ching 'gyur ba/ /thabs dang bcas na de nyid kyis/ /srid pa'i 'ching ba las grol 'gyur/ /'khor ba'i pha rol 
brgal nas 'di/ /ci 'dod ye shes can du 'gyur/ /mgur chu gtsug rgyan dpung rgyan dang / /rna rgyan tshangs pa'i skud pa dang / /mgul pa brgyan cing spyi bor phreng / /ska rags rkang gdub sgra nyid do/ /ri steng sna tshogs pad+ma yi/ /ge sar a li ka li las/ /nyi shu rtsa 
bzhir yang dag ldan/ /dpa' bo rnal 'byor ma tshogs bcas/ /u ma'i bdag po yang dag mnan/ /rdo rje dril bu sku la 'khyud/ /he ru ka dpal rgyal po che/ /go 'phang mchog ni bsgom par bya/ /de nas rtag tu spos chus 'dir/ /rtag tu lus ni yan lag dril/ /dri 

</font><hr>79-1-44b<br><font size=+1>

zhim yan lag gis brgyan cing / /thal ba'i phyag rgya sogs pas bsgos/ /kha dog la sogs g.yogs pa'i gzugs/ /rang gi lus ni yongs su bsgyur/ /spyod pa'i brtul zhugs la zhugs par/ /shes nas rnal 'byor la legs gnas/ /yan lag 
can dang tshigs can dang / /sdud dang de bzhin snying stobs dang / /gar gyi tshul ni bzhi po 'di/ /de nyid mthong bas shes par bya/ /gdung ba'i tshul zhes bya ba ni/ /rnal 'byor shes pa yin par bshad/ /de la 'bad de bya ba ni/ /skal ba bzang po'i gar chen yin/ /
gar gyi gnas su gnas pa kun/ /rgyan rnams de ni yin zhes bya/ /kun tu dgug dang bcing bya dang / /gzhug dang de bzhin bskyod pa dang / /'bebs dang 'di ni 'khyil pa dang / /de bzhin 'dir ni brgyan pa dang / /tshangs skud lus las dgrol ba dang / /
rnam pa kun tu bcing ba dang / /rkang gdub rab tu gzhug pa dang / /lag pa'i rgyan ni nyid dag dang / /srog shing gcig gyur srad bu yin/ /'og pag drug cu rtsa brgyad dang / /rol ldan bcu drug par shes bya/ /phreng ba nyi shu rtsa lnga yin/ /rnal 'byor ma'i kun tu 
spyod pa las de kho na nyid dag pa la sogs pa bstan pa ste bcu bdun pa'o// //rnal 'byor ma'i kun tu spyod pa rdzogs so// //zhu chen gyi lo ts+tsha ba 'gos lha btsas kyis bsgyur cing zhus te gtan la phab pa// //

</font><hr>

</table>