D376

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>D376</h1><td>(<a href="https://adarsha.dharma-treasure.org/kdbs/degekangyur" target="new2">e-text produced by ADARSHA</a>)<br><br><a href="verif2.php?id=D376&coll=derge">see text in Tibetan script</a></table>79-1-44b<br><font size=+1>
@##/ /rgya gar skad du/ tsa tur yo gi nI saM pu Ta tan+t+ra nA ma/ bod skad du/ rnal 'byor ma bzhi'i kha sbyor gyi rgyud ces bya ba/dpal phyag na rdo rje la phyag 'tshal lo/ /de nas yang dag bshad bya ba/ /rnal 'byor bzhi yi kha sbyor te/ /zhal bzhi zhes ni rnam par bshad/ /
rgyud rnams kun tu sbas pa ste/ /zhal rnams kyang ni kha sbyor ma/ /'di ru rgyas par brjod pa yin/ /'og dang steng du rnam bshad dang / /de bzhin g.yon dang g.yas pa'o/ /A li kA li'i bye brag gis/ /lte ba'i dbus su rnam par gnas/ /zla ba nyi mar rnam par bshad/ /sa 

</font><hr>79-1-45a<br><font size=+1>

dang rlung gi nyid dag dang / /chu me de bzhin nam mkha' dang / /khams lnga dag dang yang dag ldan/ /gzugs dang reg pa de bzhin sgra/ /mig gnyis dang ni sna dag dang / /lus kyi steng 'og tu yang gsal/ /rtag tu rdor can rnam par gnas/ /cha dang cha 
min rnam par grol/ /stong pa'i dang las yang dag gnas/ /ya yi sde mtha' yang dag rdzogs/ /u yig dag ni thig ler bcas/ /'byar zhing gsal bar 'gyur ba ste/ /kha sbyor rnam pa rnal 'byor gyi/ /rdor can ji ltar chang gis myos/ /'khor nas sems ni 
rnam par grol/ /khams gsum po ni ma lus pa/ /rdo rje'i mig gis mthong bar 'gyur/ /bdun gyi rgyal po'i dngos grub kyis/ /ma lus lus pa med pa mthong / /tshangs pa khyab 'jug dbang ldan dang / /dbang po de bzhin 'dod dbang phyug /pha rol stobs kyis 
mnan nas ni/ /rnal 'byor dbang phyug gis ni mchod/ /tshangs pa la sogs lha rnams kyis/ /dam tshig sgra yis bshad pa ste/ /srog dang rtsol ba kun tu bya/ /de yis 'di ni dam tshig sdom/ /de la kha sbyor rnam pa bshad/ /zhal bzhi ru ni rab tu gnas/ /rnal 
'byor ma bzhi sde zhes bya/ /sbyor ba bzhi dang yang dag ldan/ /gang gang dbang po'i lam nas byung / /de dang de yi rang bzhin nyid/ /'dod pa kun las longs spyod pa/ /sangs rgyas kun gyi rang bzhin 'gyur/ /gzugs ni ji ltar rdzogs pa las/ /de la sgom pa ci 
lta bu/ /sngags rnams ji ltar bskyed par bgyi/ /rdzogs par yang ni ci ltar 'gyur/ /de dag thams cad tha snyad tsam/ /sngags dang rgyud rnams yang dag 'byung / /byang chub sems ni 'di ru bsngags/ /'dod pa lnga dang yang dag ldan/ /mtshon bya mtshan nyid kyis 
ni mtshon/ /mtshon bya du ma'ang mtshon mi bya/ /sngags rnams rgyas par bshad nas ni/ /lha rnams kyi ni bsgom pa nyon/ /steng gi sgo ni gsum yin te/ /lte bar rlung gi gzugs can ma/ /de la dbus su rtag tu stong / /dag pa yi ni shel lta bur/ /longs spyod chen po 

</font><hr>79-1-45b<br><font size=+1>

nges par 'byung / /dgu pa bcu yis ldan pa ste/ /cha brgyad de yi yan lag gis/ /sgo dgu'i sa bon yin pa ste/ /lus la sa bon rjes su brjod/ /ye shes mkha' 'gro bdag nyid kyis/ /steng gi char ni shes rab ste/ /rdo rje 'dzin dang bcas par 'byung / /
sems kyi rdo rje zhes ni bshad/ /'dir ni steng gi pad+mar bshad/ /de la gnas ni b+ha gar bshad/ /shes rab de nyid rdor can bcas/ /rten dang brten par 'byung ba yis/ /rtsa rnams kun la rnam par gnas/ /khu ba'i gzugs su gyur pa yis/ /spro dang 
sdud par byed pas so/ /bskyed pa'i rim pa'i rnal 'byor gyis/ /bsgom pa'i rim pa phyed pas so/ /gdams ngag rim pa'i rnal 'byor gyis/ /lha rnams bsgom par brjod pa ste/ /de rnams sna tshogs rnal 'byor gyis/ /zla ba nyi mar bshad pa yin/ /gzhan 
yang gzhan min rnam par grol/ /sangs rgyas gzugs ni g.yo ba med/ /der ni gzung bar bya ba ste/ /gang zhig de ru ji ltar gnas/ /nyin mo bcom ldan rdo rje can/ /mtshan mo shes rab tu ni brjod/ /nam mkha'i nang song mchog tu zhi/ /dag cing dge ba yid du 'ong / /
sangs rgyas la sogs mu stegs kun/ /lha min gnod sbyin srin po dang / /de nyid 'dod chags chags bral dang / /'dod pas thar bar gyur pa nyid/ /de nyid bud med rnams la chags/ /de nyid mngal ni rab tu len/ /de nyid 'chi ste ril po'iganas/ /de nyid bskams 
pas mthong ba yin/ /de nyid gong du gyur pa ste/ /de nyid dri ru rnam par gnas/ /de nyid sdug bsngal rig pa ste/ /rig pas bde ba nyid dag la/ /de nyid gcig pus khyab pa yin/ /bdud rtsi thigs pa'i gzugs kyis ni/ /gzugs bzang gzugs dang ldan pa'i mchog /
sna tshogs gzugs rnams yid du 'ong / /gzugs kun gsal bar byed pa'i dpal/ /gzugs brnyan ma lus 'chang ba'o/ /bcu drug phyed phyed de yi phyed/ /rtag tu de nyid rig pa po/ /sna tshogs rtag tu zhi ba'i gzugs/ /nam mkha' lnga dang yang dag ldan/ /de 

</font><hr>79-1-46a<br><font size=+1>

nyid rab tu zhugs par brjod/ /'gro la gsal ba mar me bzhin/ /sna yi rtse mor rnam par 'byung / /'bar ba'i phreng ba'i 'od zer te/ /'di rnams kun ni bdag gis brjod/ /rten dang brten pa'i mtshan nyid du/ /gang gis shes pas cho ga 
shes/ /de yi dpal ni rgyas par 'grub/ /gzhan yang sngags kyi tshogs bshad de/ /gsang ba'i sbyor ba sbas pa ste/ /sde tshan brgyad kyi mtha' ma gzung / /sa bon lnga dang yang dag ldan/ /de bas b+hu yig sbyin par bya/ /dang por oM yig yang dag ldan/ /a ni 
yig 'bru kun gyi mchog /thig le chen po yi ge med/ /nam mkha' nam mkha'i dbus gnas par/ /sngags dang rgyud ni yang dag 'byung / /ci ltar de ltar sngags kyang ni/ /de bzhin nyid kyi tshul lta bur/ /yi ge tsam dang yang dag ldan/ /de la dbus su rab tu 
grags/ /sangs rgyas byang chub sems dpa' dang / /gang yang gzhan gyi lha tshogs dang / /'byung po ma lus thams cad dang / /lha dang lha min gsang ba pa/ /de yi dbus su yang dag rdzogs/ /yi ge la sogs gzugs can gyis/ /gzugs can rnal 'byor 
lA ma dang / /dum skyes ma yi bye brag gis/ /zhal bzhi zhes ni rnam par bshad/ /rnal 'byor bzhi dang yang dag ldan/ /lte ba dang ni ge sar ldan/ /'dab ma bzhi dang yang dag ldan/ /de la dbus su dpa' bo che/ /phyag brgyad kyis ni rnam par brgyan/ /dang po la ni 
sha yis gang / /gnyis pa khrag gis bkang ba nyid/ /gsum pa bzhi pa lus phyag rgya/ /kha T+wAM ga dang DA ma ru/ /de bzhin kha dog dkar po 'phro/ /dri med ston ka'i nam mkha' bzhin/ /dkar dang dmar dang de bzhin gnag /ljang gu'i zhal te gtsigs pa'o/ /
phyag rgya brgyad ni mdo ru bshad/ /phyag gis mtshon char rab tu grags/ /dang por 'jug pa'i phyag rgya ste/ /gnyis pa snying ni 'byin pa'o/ /gsum pa rmongs byed phyag rgya yin/ /bzhi par ltung byed de bzhin no/ /lnga par gar ma'i phyag rgya'o/ /drug par gsod 

</font><hr>79-1-46b<br><font size=+1>

byed mar ni brjod/ /bdun par za byed ma'i phyag rgya/ /brgyad par steng du len par nges/ /gshin rje mo dang skrag byed da drag /gtum mo dang ni bzang za dang / /b+ha su ma dang 'dod pa nyid/ /de nyid brgyad po phag mo nyid/ /mi bzad rnam par 'gyur ba'i gzugs/ /
khrag dang khu ba za ba mo/ /'od zer 'bar ba sna tshogs 'bar/ /rdo rje mkha' 'gro ma bsgom bya/ /mang por rnam bshad ye shes ni/ /de la dbus su rnam par 'byung / /dpag tshad 'bum gyi rgya khyon du/ /de yis gsal bar byed pa yin/ /sems can thog ma tha ma med/ /
rdo rje sems dpa' chags pa che/ /thig le rdo rje can du 'gyur/ /zla ba phyed pa lta bur gsal/ /gdan ni pad+ma ra ga ste/ /rgyal po'i gzugs ni gsal ba yin/ /rgyal po nyid ces rnam par bshad/ /steng du 'byung bar rab tu grags/ /yang ni dgod par bya ba 
ste/ /rigs kyi dbye bas brjod pa'o/ /shar du rdo rje sems dpar gyur/ /lho ru rnam par snang mdzad brjod/ /nub tu rta yi rgyal po'o/ /byang du pad+ma gar dbang ste/ /'khor lo'i dbus su he ru ka/ /steng gi sgra ni rta gdong yin/ /'di rnams 'di ru dgod 
par gsungs/ /rigs kyis dbye bas rnam pa lnga/ /de ru bsgom par bya ba yin/ /gzhom med gzhig tu med pa ste/ /de yi dbus su yang dag rdzogs/ /mgon po rnam par snang mdzad sogs/ /rnal 'byor ma bzhi'i kha sbyor las tshogs kyis bsgyings pa'i rgyud 
chen po zhes bya ba ste brtag pa dang po'o// //de nas rdo rje phag mo de/ /rkang rgyan dang ni do shal rgyan/ /de yi dkyil 'khor la gar byed/ /dbang bskur ba ni ster ba yin/ /dam tshig la ni legs gzhag phyir/ /phag mos de bzhin rdo rje can/ /ci 'dod de 
bzhin rdo rje can/ /dri chen dri chu za ba dang / /khrag dang khu ba de bzhin sha/ /rtag tu bud med dang nus sam/ /b+ha ga'i pad+mar 'o byed dam/ /smros shig rdor can bde ba che/ /de nas bcom ldan rdo rje can/ /bzhad par gyur nas 'di dag smras/ /lha mo ci ste bdag mi spro/ /khrag dang 

</font><hr>79-1-47a<br><font size=+1>

khu ba la sogs bza'/ /rtag tu bud med gus par bgyi/ /b+ha ga'i pad+mar 'o bgyid do/ /yang ni legs so legs so byin/ /sgo skyong de bzhin rdo rje can/ /thod pa yang dag blangs nas ni/ /rdo rje can la bza' ba dbul/ /zhi zhing gcer bur 'dug 
pa dang / /rdo rje can ni skra grol bas/ /legs par dbang bskur ster bar byed/ /b+ha gar 'o byed rdo rje can/ /de nas brtsams te rdo rje khyod/ /sems can don gyis brtul zhugs bzang/ /bza' ba dri chen dri chu dang / /khrag dang khu ba sha dag go/ /b+ha ga'i pad+mar 'o 
bya ste/ /bdud rtsi rnams ni bsgrub par bya/ /rdo rje rnal 'byor pho nya mos/ /de nas rtag tu dbang bskur ro/ /hU~M hU~M haHhaHaHaHhrIHhrIHswA hA/ /de nas de ma thag tu kun/ /rdo rje mkha' 'gro ma nyid kyis/ /sgra chen po ni rab tu bsgrags/ /rdo rje can de dbang 
bskur ro/ /sna tshogs gzugs can drag po che/ /thod pa'i gdan la yang dag bzhugs/ /sha dang khrag dag 'thung ba ste/ /gsang ba'i dkyil 'khor du ni sbyor/ /la la rol mo'i cha byad brdung / /pa Ta ha sogs mu ku Na Da/ /la la rab tu glu len cing / /
la la pi wang bsgreng ba ste/ /la la rdor can gar byed do/ /la la dril bu'i sgra sgrogs byed/ /la la sgra dag rab tu sgrogs/ /phyogs bcur pheM gyi sgra dag go/ /la la gar dag rab tu byed/ /la lar dkyil 'khor du glu len/ /la la me tog rab tu 'grems/ /
de yis rdor can la dbang bskur/ /la la spos kyis rab sbyin byed/ /la la dri yis de bzhin no/ /'di ltar gyur pa'i mchod pa yis/ /gsang ba'i dkyil 'khor la ni bya/ /de nas rdor can lha mo de/ /tshig 'di dag ni brjod pa ste/ /tshogs kyi dkyil 'khor nyid 
dag dang / /dbang dag legs par brjod nas ni/ /nga yis gzhan yang bshad bya ba/ /lha rnams dgod pa mchog dag go/ /rgya ru kun tu khru brgyad de/ /gru bzhi pa la sgo bzhi pa/ /sngags pas de yi nyis 'gyur dbyad/ /gang du mkha' 'gro'i tshogs 'gying ba/ /

</font><hr>79-1-47b<br><font size=+1>

nam mkha' 'od kyis rgya khyab par/ /gang de dkyil 'khor mchog yin no/ /dbus su 'khor lo yang dag bri/ /lte ba dag ni ge sar ldan/ /'dab ma bzhi dang yang dag bcas/ /kha dog dkar por yang dag ldan/ /de la dbus su dpa' bo dgod/ /dag pa'i shel 
bzhin dri ma med/ /dang po'i zhal ni rnam par bzhad/ /dang po'i spyan gyis rnam par gzigs/ /smin ma khro gnyer rab tu gsal/ /mche ba gtsigs shing 'jigs pa ni/ /lho ru bltas pa'i zhal dag go/ /g.yon pa rmad du byung ba ste/ /rgyab ni 'jigs pa chen po 
yin/ /mdun rgyab rta yi zhal gyis brgyan/ /dkar po dmar po de bzhin gnag /ljang gu ya ni kha dog go/ /phyag brgyad kyang ni bri bar bya/ /thod pa'i phreng bas rnam par brgyan/ /dpal ldan mgo bo'i phreng ba 'dzin/ /'jigs byed ljags ni 'dril ba ste/ /
'jig dus chen po'i me dang mtshungs/ /dur khrod lta bur 'jigs su rung / /brtsegs par rgod cing bzhad pa che/ /pheM gyi sgra ni sgrogs pa'o/ /zhal gcig phyag ni gnyis pa ru/ /lha bzhi rnams ni brjod par bya/ /kha T+wAM ga dang thod pa'i lag /khrag dang 
khu ba dag 'thungango / /'khor lo gnyis pa yang dag bshad/ /zla ba'i dkyil 'khor zlum po la/ /'khor lo chen po yi ge brgyad/ /'od zer dmar po 'bar ba ste/ /gzugs can ma dang 'o byed ma/ /lam mchog 'phel dang sa ma li/ /phyir mi ldog dang e hi ki/ /
rdor can brgyad par brjod pa yin/ /lha mo brgyad po 'di ru dgod/ /kha dog dkar po shin tu 'bar/ /lag pas kha T+wAM ga gzung zhing / /thod pa khrag gis bkang ba'o/ /phyi rol 'khor lo yang dag brjod/ /lha rnams bkod pa mchod dang ni/ /saM khi nI dang puk+ka 
si/ /gsod ma dkar mo sgrog ma dang / /gtum mo ri khrod ma nyid dang / /sgrol ma de bzhin khro gnyer ma/ /khams gsum rnam rgyal glang chen mo/ /de bzhin g+hasma rI dag dang / /durga tsa muN+Da dag dang / /de bzhin tshangs ma khyab 'jug ma/ /sgo skyong 

</font><hr>79-1-48a<br><font size=+1>

yang dag bshad pa ni/ /sgo bzhi dag tu sbyar bar bya/ /'khor lo chen po kha dog sngo/ /'bar ba'i phreng ba'i tshogs kyi 'od/ /lha mo chen mo kha dog dkar/ /kha T+wAM ga dang nya phyis 'dzin/ /dkyil 'khor 'di ni rgyal po ste/ /rnal 'byor 
ma bzhi'i sdom pa ni/ /rang gi rgyud du thun mong ste/ /dkyil 'khor bla ma'i bla ma yin/ /srub pa chen po'i sdom pa ni/ /de yi bla ma zhes su gsungs/ /rnal 'byor ma bzhi'i kha sbyor las dkyil 'khor gyi brtag pa zhes bya ba ste gnyis pa'o// //de 
nas gzhan yang bshad bya ba/ /dam tshig chen po'i sgrub thabs so/ /glang po rta dang bong bu dang / /ba lang rnga mo dag dang ni/ /khyi yi sgron ma rab tu 'byung / /sgron ma chen mo rab tu bshad/ /'gro ba dga' bas gsal bar byed/ /bya rog 'ug pa khra dang ni/ /
chu skyar bya rgod lnga po yi/ /spos chen po ni rab tu bshad/ /spos su 'bul bar byed pa'o/ /'di rnams dbang du byed par 'gyur/ /sa gsum po ru rnam par spyod/ /ci srid sbyor ba tshogs pa yis/ /dngos grub thams cad byed pa'i mchog /bdud rtsi lnga 
ni rnam brjod pa/ /'chi med dngos po med pa'o/ /rtog pa med par bza' bar bya/ /blo ldan rang bzhin med pas so/ /sde tshan tha ma'i sngags btus te/ /bcu drug cha yis yang dag ldan/ /pra Na ba sbyor steng du ste/ /thig les gnon cing brgyan pa yin/ /
dri zhes kun tu brjod pa yin/ /kun nas thugs kyi dkyil 'khor lo/ /nyi shu bdun pa 'og tu sbyin/ /sngags la sogs pas phye ba yin/ /spyi bo de ru yang dag sbyar/ /yi ge lha yi gzugs kyis ni/ /nyi shu rtsa drug yang ni sbyar/ /dbyangs yig gnyis 
pas brgyan pa yin/ /nyi shu rtsa gsum yang ni blang / /'og gi char ni sbyar bar bya/ /dbyangs kyi gsum pa yang dag ldan/ /bzhi pas sbyar bar bya ba yin/ /de yi dbus su yang dag gsungs/ /yi ge dbang phyug gis ni brgyan/ /bcu drug mtha' ni yang dag 

</font><hr>79-1-48b<br><font size=+1>

bshad/ /steng dang 'og tu khyab pa yin/ /de la dbus su yang dag gsungs/ /stong pa chen po'i yi ge ste/ /rdo rje sems dpa' gzhig tu med/ /dag pa yi ni shel lta bur/ /rdzas 'di rnams ni bza' ba yin/ /rnal 'byor 'di rnams mchog yin te/ /
rnal 'byor kun las mchog tu 'phags/ /khyod la mdo ru bsdus par bshad/ /bza' ba rnams ni yang dag brjod/ /gang gi rigs pas thams cad bza'/ /dngos po ro mnyam bsres nas ni/ /dag dang ma dag mi byed par/ /de bzhin nyid rnams 
thams cad dang / /bza' ba thams cad bza' bar bya/ /de nyid bcu yis rab dbye bas/ /gzung dang 'dzin pa rnam par grol/ /sbyin pa'i snying po sbyin par bya/ /sems kyis rnal 'byor rdzogs nas ni/ /thams cad rtswa sogs bzhin du btang / /sangs 
rgyas rnams kyi tshul khrims gyur/ /de nyid kun gyis mi 'jigs pa/ /skye bo thams cad 'tshe mi byed/ /dang por snying rje bla na med/ /bzod pa tshul khrims bgegs med dang / /gzhan gyi gnod pa 'gegs pa ste/ /gur dang phur bu dra ba dag /gdug 
pa'i bdud ni 'joms pa ste/ /bdud med 'chi ba med pa yin/ /bdag gi sems ni bcing bar bya/ /gang gis rang sems gdul ba yis/ /bdud kyis gnod pa smos ci dgos/ /mnyam pa'i sems kyi dri yis ni/ /gru bzhi pa ru yang dag bri/ /lus la 
ste'u dang tsan dan dang / /sems kyis mnyam par gnas pa na/ /mnyam pa nyid kyi ye shes brjod/ /dngos po bdag med bsres pa ste/ /gang zhig rnal 'byor rgyal bar 'gyur/ /gang dag rnal 'byor ma yi ni/ /zhu ba rnams la za ba dag/ /de yis sa 
stengs mtha' dag tu/ /rga dang na ba rnam par 'joms/ /rnal 'byor ma bzhi'i kha sbyor las dam tshig chen po'i bdud rtsi lnga zhes bya ba'i brtag pa ste gsum pa'o// //de nas yang dag bshad bya ba/ /sbyor ba dang po'i sgrub thabs te/ /sbyor ba rnam bzhir shes 

</font><hr>79-1-49a<br><font size=+1>

par bya/ /dam tshig bzhi ni bsgrub pa ste/ /dang po khu ba rnams shes bya/ /gnyis pa de bzhin khrag nyid do/ /rdo rje chu dang dri chen ni/ /dam tshig bzhi ni bsten pa ste/ /'dod chags khu bar rnam par bshad/ /phrag dog khrag ni nyid dag go/ /
gti mug rnam snang rgyal po ste/ /zhe sdang dri chur bcas pa yin/ /dam tshig bzhi yi rnal 'byor gyis/ /dam tshig bzhi la spyod pa pos/ /dang po sbyor ba 'grub 'gyur zhing / /rdo rje sems dpa' dang mnyam 'gyur/ /bris sku gzhug pa'i rnal 'byor gyis/ /
dam tshig de nyid bsgrub bya ste/ /stong pa'i rdo rje brjod bya ste/ /ye shes sems dpa' rnam par bsam/ /mdor bsdus pa ni sngags bzlas bya/ /hU~M dag sngags ni brjod par bya/ /dngos pos bsgom pas bsgom par bya/ /spro dang sdud par byed pa'o/ /
bdud bzhi gzhan las rgyal ba yi/ /go cha mtshon cha 'di yis bcing / /ra ba phur bu gur sogs kyis/ /phyogs bzhi la sogs bcing bar bya/ /khams bzhi por ni yang dag 'byung / /bdud bzhi po ni rnam par brjod/ /bad kan sha dang rkang dag dang / /rus pa'i 
khams la yang dag 'byung / /spyan dang bdag ma sgrol ma dang / /gos dkar la sogs bzhi pa'o/ /khams bzhi dag ni rnam dag pa/ /sbyor ba dang por brjod pa'o/ /brtson chen zhes su rnam bshad pa/ /rlung dang me ni mchog yin te/ /de la dbus su yang dag 
gnas/ /dzA ta ri yi rang bzhin ming / /dbyibs dang kha dog sna tshogs pa/ /kha dog med par rab tu grags/ /dbyangs dang yi ge'i tshul dag tu/ /dbyangs med yi ge med pa'o/ /tshangs min khyab 'jug drag po min/ /nam mkha' min zhing 'dod pa min/ /zla 
ba min zhing skar ma min/ /nyi ma min zhing rlung yang min/ /gnod sbyin srin po lha min min/ /'byung po yi dgas nyid min cing / /snod dang bcud ni sna tshogs dang / /khams gsum po ni ma lus la/ /bdag nyid chen po de yis khyab/ /bems po nyid la yid kyis 

</font><hr>79-1-49b<br><font size=+1>

rtogs/ /de nyid 'jig rten pa ru 'gyur/ /tshangs pa khyab 'jug dbang phyug che/ /zla ba gza' zin skar ma lha/ /de nyid thams cad bde ba che/ /rdo rje 'dzin pa rnam snang mdzad/ /pad+ma nyi ma khrag 'thung rta/ /rdo rje rnal 'byor pho nya mo/ /de nyid rdo rje bde chen po/ /rdo rje 
rdo rje 'dzin pa nyid/ /de bzhin pad+ma pad+ma 'dzin/ /nor bu nor bu 'dzin pa nyid/ /rigs 'di rnams su bsgyur ba'o/ /de nyid dkyil 'khor bri ba nyid/ /rdul tshon kha dog lnga pa'o/ /de nyid sngags su rab tu bya/ /hU~M hU~M phaT kyi yi ge nyid/ /dmyal ba dud 'gro yi 
dgas dang / /lha dang mi dang lha min dang / /rmongs pa'i sems su gyur pa yis/ /'khor ba 'di ru 'khor bar 'gyur/ /rnal 'byor chen po mdor bsdus pa/ /rdo rje can la gnas pa'o/ /lha mo chen mo slar yang dri/ /'gro dang 'ong ba ji ltar 'gyur/ /gnas 
nas 'di yi sems dag ni/ /skye ba ji ltar brjod pa yin/ /khu ba ji ltar gzugs su 'gyur/ /skye bo'i skye ba ji ltar yin/ /de yi gzugs kyi skye mal ni/ /khrag las ji ltar 'byung ba lags/ /'byung ba rnams kyi 'byung ba ci/ /de yi skye ba ji ltar lags/ /
sa dang chu dang de bzhin me/ /rlung dang nam mkha' nyid dang ni/ /skye gnas kun la chags pa ni/ /dngos po rnam pa ji ltar khyab/ /zhi ba'i gzugs ni ji ltar yin/ /thams cad du ni ji ltar skye/ /'di rnams yang dag bshad pa ni/ /lha mo bden par bdag la gsungs/ /
ji ltar de bzhin rdo rje nyon/ /sems can kun gyi skyed pa dag /'khor bar yang dag bsrubs pa las/ /ding 'dir thabs kyis 'di 'gyur ro/ /thog ma tha ma med dus su/ /sems can thams cad yang dag 'byung / /rgya mtsho 'khrugs sogs gting gi bar/ /blo 
gros chen po 'grubs pa yin/ /de las de dag skye bar 'gyur/ /sa yi khams dang yang dag ldan/ /me yis mnyams par nges par bsrubs/ /chu dang rlung gi bye brag go/ /yid kyis de ru rab zhen pa/ /mngal ni bzung zhing blangs pa ste/ /de ni 'khor bar 'khor bar 

</font><hr>79-1-50a<br><font size=+1>

'gyur/ /dga' ba mya ngan ldan pa ste/ /de las 'byung bar 'gyur ba ni/ /so sor skye ba smra ba ste/ /de bzhin chos dag zab mo nyid/ /sangs rgyas rnams kyis sangs rgyas brjod/ /de nyid 'di rnams mnyam bshad pa/ /sum cu pa ste 
rnyed par dka'/ /rnal 'byor ma bzhi'i kha sbyor las de kho na nyid kyi man ngag sbyor ba bzhi'i cha zhes bya ba ste brtag pa bzhi pa'o// //de nas yang dag bshad bya ba/ /sbyin sreg las ni rab tu bsgrub/ /sbyin sreg rnam pa gnyis su gsungs/ /phyi dang nang du yang 
dag gnas/ /phyi ru ji ltar gsungs pa lags/ /nang du yang ni ji ltar 'gyur/ /nyon cig rdo rje nang gi ni/ /ji bzhin sbyin sreg rab bsgrub bya/ /me chen po dag rab tu sbar/ /rnam rtog med pa'i sbyin sreg bya/ /bza' ba btung ba gang yang rung / /de ru thams cad 
sbyin sreg bya/ /sreg rdzas rang bzhin gsungs pa dag /gzugs phung la sogs lnga po dag /rnam rtog med pa'i sbyin sreg bya/ /de dag thams cad sems las byung / /khrag dang khu ba de bzhin sha/ /dri chen dri nu lnga po dag /rnam rtog med par bza' bar bya/ /
blo ldan rang bzhin med pas so/ /gti mug nga rgyal de bzhin chags/ /zhe sdang de bzhin 'dod chags nyid/ /phrag dog ser sna phra ma dag /dam tshig de nyid dri ma med/ /ji ltar nyi ma 'bar ba bzhin/ /de ltar dri ma med par 'gyur/ /ji ltar ston gyi zla gsal ba/ /
de ltar 'di yi dbus gsal yin/ /'dod chags chen por 'gyur ba yin/ /rdo rje snang byed sgron ma bzhin/ /de nyid thar par gsungs pa ste/ /bla med go 'phang thob par 'gyur/ /sbyin sreg 'di la rab gnas na/ /lha rnams dga' bas tshim pa yin/ /sbyin sreg las 
ni rab gsungs nas/ /rab gnas dag ni brjod par bya/ /sngon gyi rnal 'byor la gnas nas/ /de nas rab gnas bya ba ste/ /rab gnas sku sogs thang ka dang / /rnal 'byor can gyis glegs bam ste/ /dpal ldan g.yon gyis dril bu 'dzin/ /g.yas kyis rdo rje yongs su 

</font><hr>79-1-50b<br><font size=+1>

gzung/ //don kun rnal 'byor kun gyis ni/ /mdzes par sku gzugs mchod par bya/ /sha dang chang dag rab tu bkang / /ro yi steng du yang dag gnas/ /par pa Ti kA shaM ku li/ /mchod pa kun gyis dgyes par bya/ /me tog spos dang mar me dang / /dri nyid dang ni 
rnam pa bzhi/ /glu dbyangs de bzhin gar dag dang / /sgrub pos pa Ta ha sogs te/ /sku la sogs pa 'di rnams la/ /rab gnas chen po bya ba yin/ /ya i~M aM hiM ya i aM/ /dze idz+dza i mA a uM/ /mA a uM mA ad+ha m+mu pA/ /pidz+dza i tsit+ta yaM mu/ /tsiN+Tidz+dza 
e+e sa e la/ /sat+t+rAt+thu ki ri dz+dza i/ /glu 'di dag ni blangs pa yis/ /dbang rnams kun kyang blang ba ste/ /chos rnams thams cad yang dag rdzogs/ /de bzhin gshegs pa kun gyi gzhi/ /mchod pa kun gyi sprin chen mo/ /spro zhing bsdu bar brjod pa'o/ /
nga yis rab gnas bshad pa ni/ /rgyud gzhan las ni rnyed par dka'/ /rnal 'byor ma bzhi'i kha sbyor las sbyin sreg rab gnas kyi brtag pa ste lnga pa'o// //de nas mdor bsdus rab bshad pa/ /de nyid gtan la dbab pa'i mchog /rtag tu sems 
ni rnam rtog med/ /rnam rtog bcas pas ci ltar 'gyur/ /ci ltar me dag rab 'bar ba/ /rtag tu shing rnams tshig par brjod/ /de la tshig pa shing rnams te/ /'di yis tshig par mthong ba yin/ /de yis tshig pa ji bzhin du/ /blo ldan rnam rtog med pa yis/ /
phung po lnga yi shing rnams te/ /de bzhin gzugs kyi phung po nyid/ /rus pa rkang dang bad kan dang / /khrag dang khu ba dri chen dag /mig gnyis de bzhin rna ba dang / /de bzhin du ni sna nyid dang / /sa dang chu dang de bzhin me/ /rlung dang nam mkha' nyid dag dang / /'byung 
pa lnga po thams cad la/ /de nyid nyi shu rtsa lnga dag /de yi gnas ni bye brag tu/ /nga yis bye brag brjod pa ste/ /lte bar gnas pa'i 'khor lo chos/ /'dab ma drug cu bzhi dang ldan/ /shes rab gnas su rab tu gsungs/ /zla ba'i gzugs bzhin gsal ba ste/ /de 

</font><hr>79-1-51a<br><font size=+1>

yi dbus su gnas pa dag /me lta bur ni 'bar ba yin/ /me chen de ni 'bar ba ste/ /de yi rtse mo mthong ba ni/ /de yis de ni gzugs mthong yin/ /dngos po thams cad gzugs 'dzin pa/ /blo yi gnas su gsungs shing 
brjod/ /hU~M yig nga ro tshul 'dzin pa/ /rdo rje can ni rtag tu 'byung / /rdo rje 'dzin chen gzugs bzhin no/ /rlung gis bskyod pa me yin te/ /de yi dbus su rab tu grags/ /gang zhig ri bong can gzugs gsungs/ /shes rab de nyid mdor bsdus so/ /ji ltar nyi mar 
rab tu brjod/ /rdo rje 'dzin dang bcas par 'gyur/ /sde tshan brgyad kyi tha ma gzugs/ /thig le dang ni zhabs kyurabacas/ /de nyid nyi ma zhes su gsungs/ /'od zer 'bar ba'i phreng ba can/ /de yi dbus su yang dag 'byung / /rdo rje can gnas mnyam par 'gyur/ /
ji ltar gnyid kyis gzung ba ni/ /cung zad kyang ni mthong ba med/ /gzugs la sogs pa'i gzung ba dag /langs na rtag tu mthong ba yin/ /de ru thabs ni bsgom pa yin/ /de yi rang bzhin mchog tu grags/ /sems can thogs med bde chen brjod/ /de ru der 
gnas dngos po yis/ /shes rab pha rol phyin pa gsal/ /de phyir de nyid dngos po yis/ /blo ldan sems kyis de nyid gsungs/ /sems ni rnam par dag pa ste/ /'khor ba'i rgya mtshor 'khyam par 'gyur/ /sngags pa gar 'dod 'gro ba yin/ /skad cig 
gis ni gnas par 'gro/ /'dod chen rnams ni chags par 'gyur/ /drag po rnams la drag po mtshon/ /zhi ba rnams la zhi ba ste/ /'di ni mdun rgyab rgyal ba rim/ /ji ltar 'di ru pad+ma rim/ /'dod chags skyon gyis gos mi 'gyur/ /sna tshogs bag chags skyon 
mi chags/ /khams gsum po ni de bzhin dag /stong pa ma yin mi stong min/ /dbu ma nye bar thob pa'o/ /shes rab pha rol phyin rnal 'byor/ /thabs ni snying rje'i bdag nyid do/ /'di ni byang chub sems rdo rje/ /sems dang sems byung rang bzhin gyis/ /dngos po 

</font><hr>79-1-51b<br><font size=+1>

med par sgom pa'i dngos/ /de la bsgom par brjod pa min/ /phreng ba med cing bya ba med/ /spungs pa med par brjod pa ste/ /rnal 'byor 'di la gnas pa ni/ /dbu ma'i mchog gi go 'phang ngo / /bla na med pa'i ye shes ni/ /bla med zhes ni rim pa med/ /'dis 
ni 'khor ba rnam par grol/ /phyir mi ldog pa'i go 'phang mchog /rdo rje sems dpa' zhes su gsungs/ /de yis rdo rje sems dpa' 'grub/ /skye ba 'di la grub pa ste/ /rdo rje sems dpa' dang mnyam 'gyur/ /khrag dang khu ba bza' ba ste/ /dri chen dri chu sha dang 
lnga/ /de yi tshe ni rgyas par 'gro/ /rdo rje sems dpa' dang mnyam 'gyur/ /ba hU bi ha hU~M kA ra ga ti ba hU~M bi ha/ /rU pa d+hA ri Ne ba hU~M bi d+hanA nA rany+dzi ha/ ba hU bi ha br-i t+ya gI tat+ya/ /ba hu bi ha dzi ba san+ta t+ya she/ /ShaHni she Sha sa twa bi na ya bi dig+b+han sa ma ra stu bi shud+d+he haHhaHhaHhaHhoH/ a 
hai sam+ba re sidz+dz+ha ma hU~M a ho/ /shuM ha hU~M re u pa rU a la la la la hoH/ glu 'di dag ni blangs pa ste/ /brtag pa kun gyi bla na med/ /de yi tshe ni rgyas par 'gro/ /rdo rje sems dpa' dang mnyam 'gyur/ /rnal 'byor ma bzhi'i kha sbyor las de kho na nyid gtan la dbab pa zhes bya ba ste 
brtag pa drug pa'o// //de nas yang dag bshad bya ba/ /de nyid rnal 'byor thams cad ni/ /sbyin dang tshul khrims brtson de bzhin/ /bsam gtan bzod pa shes rab dang / /stobs dang de bzhin thabs dang ni/ /smon lam ye shes yang dag 'byung / /pha rol 
phyin pa bcu rdzogs pa/ /byang chub sems dpa'i sdom pa yi/ /sbyin pa rnam pa bzhi ru gsungs/ /tshul khrims gsum gyi ngo bo nyid/ /bsam gtan rnam bzhir gsungs pa ste/ /brtson 'grus rnam pa lnga ru 'gyur/ /bzod pa rnam pa bcur shes bya/ /shes rab rnam 
pa drug tu 'gyur/ /stobs ni rnam bcu rab tu gsungs/ /thabs ni rnam pa lngar 'gyur te/ /smon lam gnyis su shes bya ste/ /ye shes rnam lngar gnas pa'o/ /chos dang mi 'jigs rdzas dang byams/ /sbyin pa rnam pa bzhi po ni/ /sbyin pa'i pha rol phyin pa'o/ /

</font><hr>79-1-52a<br><font size=+1>

ngar 'dzin med cing khengs pa bral/ /bden pa gnyis med gnas pa ni/ /tshul khrims rnam gsum brjod pa ni/ /tshul khrims pha rol phyin par gsungs/ /gang gis rnal 'byor ma gnyis dang / /phyi yi rnam pa gnyis su gsungs/ /bsam 
gtan pha rol phyin pa ni/ /dri chen dri chu de bzhin sha/ /khrag dang khu bar yang dag 'byung / /'di rnams brtson 'grus lnga po ni/ /dam tshig sgra yis brjod pa'o/ /tshig rtsub brdzun dang ngag 'khyal dang / /chags sdang zhe sdang phrag dog dang / /nga rgyal khro dang de bzhin dbyen/ /
'di bcu rnam par bshad pa ni/ /rdo rje can ni bzod bcas 'gyur/ /yang dag lta ba yang dag rtog /yang dag ngag dang yang dag las/ /yang dag 'tsho dang yang dag rtsol/ /bdag gis mdo ru bsdus nas ni/ /shes rab rnam pa drug tu brjod/ /dad pa'i stobs 
dang dran pa'i stobs/ /ting 'dzin stobs dang shes rab stobs/ /lus kyi stobs dang ngag gi stobs/ /ye shes stobs dang smon lam stobs/ /brtson 'grus kyi ni stobs rnams te/ /'di rnams stobs ni bcu pa'o/ /ma skyes pa yi dge ba bskyed/ /skyes pa'i 
mi dge yang dag spong / /mi dge ma skyes mi skyed dang / /dge ba skyes pa 'phel ba ste/ /bzhi po thams cad chos rnams kyi/ /dge ba'i chos rnams gsungs pa ni/ /rdzogs par byed pa nyid dag go/ /smon lam rnam pa gnyis su gnas/ /me long mnyam nyid so sor 
rtog /bya grub chos dbyings rnam par dag /ye shes rnam pa lnga ru 'gyur/ /'di rnams bcu bzhi po dag ni/ /pha rol phyin pa mdor bsdus pa/ /bdag gis de nyid brjod pa ste/ /rdor can nyon cig gtan la dbab/ /bcu gnyis mtha' dang dgu yi mtha'/ /mgo nas 
rkang pa'i mthil bar du/ /de yi dbus su nges 'gyur ba/ /lte ba'i dbus su rnam par gnas/ /rtag tu shar bar 'gyur ba ste/ /'di ru rdo rje can gyis mthong / /lus ngag sems kyi dbus dag tu/ /'bar ba'i phreng ba 'bar ba'o/ /steng gi sgo ru rtag gnas pa'o/ /nyi 

</font><hr>79-1-52b<br><font size=+1>

ma'i 'od zer phreng ba can/ /cung zad lus las mthong ba med/ /mgal me'i 'khor lo'i gzugs can te/ /de nyid rnal 'byor lam gyis ni/ /rtag pa'i dus su rnam par gnas/ /de la dbyar gyi dus med cing / /dpyid med ston yang yod ma yin/ /dgun med 
sos kyang med pa ru/ /rnal 'byor pas ni rtag tu bsgom/ /sngags pas seng ge bzhin du spyod/ /sngags dang rgyud la ji ltar gnas/ /nya dang sha ni bza' bar bya/ /chang gi btung ba mchog yin no/ /bcud kyis len gyi cho ga yis/ /sngags ni brjod par mi bya'o/ /mtshon 
cha'i gnas la dus rtag tu/ /mtshon bya'i mtshan nyid mtshon par bya/ /bcom ldan 'das kyis de skad ces gsungs pa la 'khor lha dang mi dang lha ma yin dang bcas pa'i 'jig rten yi rangs te/ bcom ldan 'das kyis gsungs pa la mngon par bstod do// //
rnal 'byor ma bzhi'i kha sbyor zhes bya ba rgyud kyi rgyal po chen po rdzogs so// //dpal oT+D+YAn nas nges par 'byung ba'i rnal 'byor ma'i rgyud chen po stong phrag bcu gnyis pa las 'jig rten pa dang 'jig rten las 'das pa'i rgyal po chen po dpal in+d+ra b+hU ti'i zhabs kyis 
bkol cing gsal bar mdzad pa'o/ /bod kyi lots+tsha ba la chings yon tan 'bar gyis bsgyur te/ /slad kyis de nyid kyi tshe paN+Di ta gnyis la yang gtugs te gtan la phab pa//
  
</font><hr>

</table>