D381

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>D381</h1><td>(<a href="https://adarsha.dharma-treasure.org/kdbs/degekangyur" target="new2">e-text produced by ADARSHA</a>)<br><br><a href="verif2.php?id=D381&coll=derge">see text in Tibetan script</a></table>79-1-73b<br><font size=+1>

@##/ /rgya gar skad du/ sa~M pu Ta nA ma ma hA tan+t+ra/ bod skad du/ yang dag par sbyor ba zhes bya ba'i rgyud chen po/ rdo rje mkha' 'gro la phyag 'tshal lo/ /'di skad bdag gis thos pa'i dus gcig na/ bcom ldan 'das de bzhin gshegs pa thams 
cad kyi sku dang gsung dang thugs kyi snying po rdo rje btsun mo'i b+ha ga rnams la bzhugs so/ /de nas yang bcom ldan 'das kyis rnal 'byor gyi dbang phyug bye ba phrag brgyad cu'i nang nas rdo rje snying po la gzigs te 'dzum pa mdzad do/ /'dzum pa mdzad ma thag tu de'i tshe rdo rje snying po 
stan las langs te/ bla gos phrag pa gcig tu byas nas pus mo g.yas pa'i lha nga sa la btsugs te/ thal mo sbyar ba byas nas bcom ldan 'das la 'di skad ces gsol to/ /ye shes kyi dbang po rgyud thams cad kyi gleng gzhi'i gsang ba yang dag par sbyor ba las byung ba'i 
mtshan nyid mnyan par 'tshal lo/ /e ma'o rdo rje snying po legs so legs so/ /snying rje chen po legs so legs so/ /byang chub sems dpa' chen po yon tan gyi phung po legs so legs so/ /gang zhig rgyud thams cad du gsang ba de thams cad 'dod pas zhus shig /
de nas rdo rje snying po la sogs pa'i byang chub sems dpa' chen po de rnams rab tu 'dzum zhing mig phye bas phyag 'tshal te/ rang gi the tshom yang dang yang du zhus pa/ rgyud ni thams cad ci zhes brjod/ /gleng gzhi yang ni ji ltar lags/ /'di la gsang ba ci zhes gsungs/ /
ji ltar yang dag sbyor byung ming / /de la mtshan nyid ji ltar lags/ /bcom ldan 'das kyis bka' stsal pa/ /rgyud dang thams cad de ni rgyud thams cad do/ /rgyud thams cad kyi sgras ni 'dus pa la sogs pa'o/ /de rnams kyi gleng gzhi ni byung bar nges pa zhes bya 
ba'i don to/ /khyab 'jug dang / /dbang phyug chen po dang / tshangs pa dang / nyan thos dang / rang sangs rgyas rnams kyi spyod yul ma yin pa'i phyir gsang ba'o/ /yang dag par sbyor ba ni thabs dang shes rab kyi bdag nyid can no/ /de las byung ba ni yang dag par sbyor 

</font><hr>79-1-74a<br><font size=+1>

ba'i ting nge 'dzin ces bya ba'i don to/ /'byung ba ni skye ba ste/ de ltar gnas pa dang g.yo ba'i dngos po'i rang bzhin gyi bdag nyid can du gyur pa'o/ /mtshan nyid ces bya ba ni 'dis mtshon par byed pa'o/ /yang na rgyud thams cad kyi gleng gzhi yang dag par 
sbyor ba las byung ba zhes bya ba'i sgras ni rdo rje sems dpar gsungs so/ /gsang ba zhes bya ba 'dis ni man ngag can gyi sngags btu ba dang / dkyil 'khor gyi lha la sogs pa'i mtshan nyid do/ /thabs dang shes rab bdag nyid rgyud/ /de ni nga yis bshad kyis nyon/ /
dang por stong nyid bsams pas ni/ /lus can rnams kyi dri ma bkru/ /gzugs kyi khams ni stong pa yi/ /sgra la de nyid kyis ni bya/ /dri yi khams ni stong pa yi/ /ro la de nyid kyis ni bya/ /reg bya'i khams ni stong pa yi/ /yid la de nyid kyis ni bya/ /
rdo rje snying pos gsol ba/ mig gi rang bzhin stong pa yi/ /nang du rnam shes ji ltar lags/ /rna ba'i rang bzhin stong pa yi/ /nang du rnam shes ji ltar lags/ /sna yi rang bzhin stong pa yi/ /nang du rnam shes ji ltar lags/ /lce yi rang bzhin stong pa 
yi/ /nang du rnam shes ji ltar lags/ /lus kyi rang bzhin stong pa yi/ /nang du rnam shes ji ltar lags/ /yid kyi rang bzhin stong pa yi/ /dbus su rnam shes ji ltar lags/ /de phyir gzugs med lta ba med/ /sgra med thos pa po yang med/ /dri med snom pa 
po yang med/ /ro med myong ba po yang med/ /reg med reg pa po yang med/ /sems med sems las byung ba'ang med/ /bcom ldan 'das kyis bka' stsal pa/ /gnyis med gnyis ni rnam spangs pa'i/ /de nyid lam ni ji bzhin nyon/ /rtog ge med cing rnam shes 
med/ /de bzhin rtog ge pas mi rtogs/ /sangs rgyas kun gyi gsang ba ni/ /nam mkha' lta bur mnyam pa nyid/ /nyan thos rnams kyis mi shes te/ /mi shes pa yi mun pas bsgribs/ /bag chags sad pa'i ye shes gang / /rang rgyal rnams kyi sprul pa'o/ /

</font><hr>79-1-74b<br><font size=+1>

gsang ba sangs rgyas spyod yul nyid/ /de rnams kun gyis mi shes so/ /'khor ba'i rgya mtsho'i 'jigs pa las/ /rgal bar 'gro ba'i sems kyis ni/ /lus kyi dbus su bskor ba yi/ /rgal ba mtshon par gsungs pa ste/ /rnam shes ye shes sems kyis ni/ /
mtshan nyid mtshan gzhi mtshon par byed/ /ye shes kyis ni shes bya blta/ /shes bya rnams gyis 'gro ba brtag /'gro ba brtag pa'i sems kyis ni/ /ji ltar rang 'dod la sogs 'gro/ /'gro bar sngon gyi skye ba ni/ /stong phrag du ma dag tu 'gro/ /yo gis sngar 
gsungs mtshan nyid kyi/ /mtshan nyid stong par bsams nas ni/ /lus kyi stong pa'i zhing sogs la/ /blo dang ldan pas sa bon gdab/ /rtsa yi mdzes spyi las byung ba/ /de ni rdul bral rab tu grags/ /dag pa'i shel gyi 'od dang mnyam/ /byang chub sems ni 'od 
gsal ba/ /ye shes lnga yi dngos de nyid/ /yungs kar gyi ni sbom phra tsam/ /de yi nang du gnas pa'i lha/ /mi gsal gsal ba'i rang bzhin can/ /ma mo phyed pa mchog tu phra/ /thig le'i gzugs kyi yid kyi dngos/ /snying gi dbus su rtag gnas shing / /
'od zer ldan zhing gzi brjid che/ /bcu gnyis mtha' dang dgu yi mthar/ /rkang mthil mgo bo med par ni/ /thag pa gcig ni rnam phyung nas/ /lte ba'i dbus su rnam par gnas/ /cha ni lnga pa tsam nyid ni/ /klu dbang dbyibs su rgyas pa la/ /de yi cha yang 
phye nas ni/ /rdo rje'i dbus su rnam phyung ste/ /skye gnas dbus su sa bon gnas/ /chos dbyings khu bar byas nas ni/ /sgo ni dgu po thams cad du/ /de ni rim pas 'pho bar 'gyur/ /de bzhin me ni tshangs pa'i dngos/ /sa yi sa bon gnyis kyis ni/ /
mig la de nyid sbyar bar bya/ /rlung gi stong sogs sa bon gyi/ /sems kyis sna dang rna ba sogs/ /bdud rtsi chu yi sa bon lce/ /dbang por gtso bo dbang phyug nyid/ /mgrin par gti mug sa bon te/ /lag par nyon mongs de bzhin no/ /g.yo ba snying gi gnas 

</font><hr>79-1-75a<br><font size=+1>

rnams su/ /phyugs bdag lte ba'i rtsa bar ni/ /yan lag brgyad kyi sa bon gyis/ /yan lag brgyad kyi cho gas 'dzin/ /brtan sogs g.yo bar bcas pa yi/ /'gro kun khyab par byed pas khyab/ /tshangs sogs lha dang lha min rnams/ /
de yi gdan du gyur pa yin/ /gang la gtso bo spyod gyur pa'i/ /khyim ni b+ha ga zhes su gsungs/ /ji srid lus la rnam gnas pa/ /de yi las dang las min 'gyur/ /dge dang mi dge gang cung zad/ /byas pa'i las ni thams cad byed/ /rnal 'byor mnyam pa 
nyid du gsungs/ /rab tu sbyor ba sgom pa yin/ /gang tshe las kyi lus bcom pa/ /de ltar lha ru 'gyur ba yin/ /gang gis brtan dang g.yo khyab pa/ /des ni de tshe rang gis nus/ /nam mkha' lta bur mnyam nyid ni/ /de yi kha dog shes par bya/ /mya ngan 'das 
gnas dpa' bo ni/ /gos pa med cing dri ma spangs/ /ma dang sring mo nyid dang yang / /bu mo de bzhin gnyen mo dang / /bram ze mo dang rgyal rigs dang / /rje'u mo de bzhin dmangs mo dang / /gar ma tshos ma g.yung mo dang / /de bzhin du ni gdol pa mo/ /
thabs dang shes rab cho ga yis/ /de nyid rig pas mchod par bya/ /ji ltar bye bar mi 'gyur bar/ /rab tu 'bad pas bsten par bya/ /ma gsang sbrul dang chom rkun sogs/ /sa la spyod pas sdug bsngal byed/ /rigs kyi dbye bas phye nas ni/ /phyag 
rgya rnam pa lngar ni gsungs/ /bram ze skye gnyis rigs skyes ma/ /de bzhin gshegs pa nyid du gsungs/ /rgyal rigs ma ni rgyal po'i rus/ /rma bya zla sogs rigs las skyes/ /rdo rje bdud rtsi zhes byar grags/ /rje'u mo bal glang skyong ba ste/ /las 
kyi rigs las skyes par gsungs/ /dmangs mo yang ni bran mo ste/ /rnam par snang mdzad chen por gsungs/ /gar ma pad+ma'i rigs nyid de/ /tshos ma de bzhin las kyi rigs/ /g.yung mo rdo rje'i rigs su bshad/ /rin chen gdol pa mor shes bya/ /phyag rgya lngar ni 

</font><hr>79-1-75b<br><font size=+1>

rnam par nges/ /'di rnams de bzhin gshegs pa'i rigs/ /mdor bsdus pas ni brjod par bya/ /dpal ldan de bzhin nyid gshegs shing / /de bzhin slar yang gshegs pa nyid/ /'dis ni shes rab rigs pas ni/ /de bzhin gshegs par mngon 
par brjod/ /rigs ni rnam pa lnga ru gsungs/ /rigs ni brgya dang mtha' yas dang / /sku gsung thugs kyi dbye ba yis/ /phyi nas rnam pa gsum du 'gyur/ /rigs dang 'byung ba lnga rnams dang / /phung po lnga yi rang bzhin gyis/ /rdo rje rin chen pad nor bu/ /
'dzin pa'i rim pa'i rigs rnams so/ /sgom pa po med bsgom bya med/ /sngags med lha yang yod ma yin/ /spros pa med pa'i rang bzhin nyid/ /sngags dang lhar ni yang dag gnas/ /rnam snang mi bskyod don yod dang / /rin chen dpag med sems dpa'o/ /
tshangs pa khyab 'jug zhi ba dang / /thams cad sangs rgyas de nyid brjod/ /tshangs pa sgrib bral sangs rgyas nyid/ /'jug phyir khyab 'jug brjod par bya/ /zhi ba rtag tu dge ba ste/ /thams cad kun gyi bdag nyid gnas/ /dam pa'i bde bas de nyid de/ /dga' ba rtogs 
phyir rnam sangs rgyas/ /gang phyir lus las byung ba'i phyir/ /lha zhes mngon par brjod par bya/ /'di la b+ha ga mnga' ba'i phyir/ /bcom ldan 'das zhes brjod par bya/ /b+ha ga rnam pa drug tu brjod/ /dbang phyug la sogs yon tan kun/ /yang na nyon mongs 
la sogs pa/ /'joms pa'i phyir na bcom ldan 'das/ /gang phyir skye 'gro bskyed pa'i phyir/ /shes rab ma zhes brjod par bya/ /gang phyir skal ba ston pa'i phyir/ /shes rab de nyid sring mo nyid/ /shes rab tshos mar brjod pa ni/ /sems can thams cad 
'tshed pa'i phyir/ /btso blag ma zhes de bzhin brjod/ /yon tan 'jo bar gsungs pa'i phyir/ /shes rab bu mor brjod par bya/ /snying rje chen pos g.yo ba'i phyir/ /shes rab gar mar brjod par bya/ /gang phyir bcom ldan mi reg pa/ /de phyir g.yung mor brjod 

</font><hr>79-1-76a<br><font size=+1>

par bya/ /A li kA li rab smras pa/ /brjod pa bzlas par yang dag bshad/ /rkang pa'i rjes ni dkyil 'khor yin/ /nyed phyir dkyil 'khor brjod par bya/ /lag pa sgyur ba phyag rgya yin/ /sor mo nyed pa'ang de bzhin no/ /gang phyir rnam sems bsam 
gtan ni/ /gang sems de ni bsam gtan no/ /pha las bde ba gang thob pa/ /de yi bde ba rang gis bza'/ /bde ba gang gis 'ching ba 'dir/ /de yi bde ba bsam gtan brjod/ /brjod par bya ba dang rjod par byed pa'i byang chub kyi sems bskyed pa la sogs pa'i 
bsgom pa'i de kho na'i rab tu byed pa ste dang po'o// //de nas byang chub kyi phyogs kyi chos sum cu rtsa bdun brjod par bya'o/ /nang gi lus dang / phyi'i lus dang / phyi nang gnyis ka'i lus la lus kyi rjes su lta zhing gnas pa'i phyir yang dag par rab tu shes te/ 
ma rig pa la sogs pas yid gnyis su gyur pa'i 'dul ba'i 'jig rten la dran pa dang ldan pa'o/ /nang gi tshor ba dang / phyi'i tshor ba dang / phyi nang gnyis ka'i tshor ba la tshor ba'i rjes su lta zhing gnas pa'i phyir yang dag par rab tu shes te/ ma rig pa la sogs pas yid 
gnyis su gyur pa'i 'dul ba'i 'jig rten la dran pa dang ldan pa'o/ /nang gi chos rnams dang / phyi'i chos rnams dang / phyi nang gnyis ka'i chos rnams la chos kyi rjes su lta zhing gnas pa'i phyir yang dag par rab tu shes te/ ma rig pa la sogs pas yid gnyis su 
gyur pa'i 'dul ba'i 'jig rten la dran pa dang ldan pa'o/ /nang gi sems dang / phyi'i sems dang / phyi nang gnyis ka'i sems la sems kyi rjes su lta zhing gnas ba'i phyir yang dag par rab tu shes te/ ma rig pa la sogs pas yid gnyes su gyur pa'i 'dul ba'i 'jig 
rten la dran pa dang ldan pa'o/ /'di rnams ni dran pa nye bar gzhag pa bzhi'o/ /sdig pa mi dge ba'i chos ma skyes pa rnams mi skyed pa'i phyir 'dun pa skyed do/ /'bad do/ /brtson 'grus rtsom mo/ /sems rab tu 'jog go/ /smon lam yang dag par 'debs so/ /sdig 

</font><hr>79-1-76b<br><font size=+1>

pa mi dge ba'i chos skyes pa rnams spang ba'i phyir 'dun pa skyed do/ /'bad do/ /brtson 'grus rtsom mo/ /sems rab tu 'jog go/ /smon lam yang dag par 'debs so/ /dge ba'i chos ma skyes pa rnams bskyed pa'i phyir 'dun pa skyed do/ /'bad do/ /brtson 'grus 
rtsom mo/ /sems rab tu 'jog go/ /smon lam yang dag par 'debs so/ /de ltar dge ba'i chos skyes pa rnams gnas par bya ba'i phyir thabs tshad med pa bsgoms pas yongs su gang ba'i phyir yongs su gang bar gyur pas bsgom pa dam pa 'phel bar bya ba'i phyir 'dun pa 
skyed do/ /'bad do/ /brtson 'grus rtsom mo/ /sems rab tu 'jog go/ /smon lam yang dag par 'debs so/ /'di rnams ni yang dag par spong ba bzhi'o/ /'dun pa'i ting nge 'dzin spong ba'i 'du byed dang ldan pa'i rdzu 'phrul gyi rkang pa bsgom par bya ste/ bye brag 
phyed pas nges par 'byung ba dang / 'dod chags dang bral bas nges par 'byung ba dang / 'gog pas nges par 'byung ba dang / rnam par byang bar gyur pas bdag gi 'dun pa nub par 'gyur zhing shin tu rab tu 'jog pa ma yin pa'o/ /brtson 'grus kyi ting nge 'dzin spong ba'i 'du 
byed dang ldan pa'i rdzu 'phrul gyi rkang pa bsgom par bya ste/ bye brag phyed pas nges par 'byung ba dang / 'dod chags dang bral bas nges par 'byung ba dang / 'gog pas nges par 'byung ba dang / rnam par byang bar gyur pas bdag gi brtson 'grus nub par 'gyur zhing shin tu rab 
tu 'jog pa ma yin pa'o/ /dpyod pa'i ting nge 'dzin spong ba'i 'du byed dang ldan pa'i rdzu 'phrul gyi rkang pa bsgom par bya ste/ bye brag phye pas nges par 'byung ba dang / 'dod chags dang bral bas nges par 'byung ba dang / 'gog pas nges par 'byung ba dang / rnam par byang bar gyur 
pas bdag gi dpyod pa nub par 'gyur zhing shin tu rab tu 'jog pa ma yin pa'o/ /sems kyi ting nge 'dzin spong ba'i 'du byed dang ldan pa'i rdzu 'phrul gyi rkang pa bsgom par bya ste/ bye brag phyedapas nges par 'byung ba dang / 'dod chags dang bral bas nges par 'byung ba dang / /'gog 

</font><hr>79-1-77a<br><font size=+1>

pas nges par 'byung ba dang / rnam par byang bas bdag gi sems nub par 'gyur zhing shin tu rab tu 'jog pa ma yin pa'o/ /'di rnams ni rdzu 'phrul gyi rkang pa bzhi ste/ 'dod par spyod pa dang bcas pa'o/ /'jig rten pa'i yang dag pa'i lta ba la dad par 
byed de/ rang gi las kyi rnam par smin pa la so sor yid ches par gyur pa gang zhig de ltar las byed par 'gyur ba dge ba'am sdig pa de dang de'i las kyi rnam par smin pa so sor nyams su myong bar 'gyur ba'i phyir de ni 'tsho ba'i rgyur yang sdig pa'i las mngon par 'du mi byed pa'o/ /
'di ni dad pa'i dbang por gsungs so/ /gang zhig chos rnams la dad pa'i dbang pos dad par byed pa'i chos rnams la brtson 'grus kyi dbang pos shes par byed do/ /'di ni brtson 'grus kyi dbang por gsungs so/ /gang zhig chos rnams la brtson 'grus kyi dbang pos shes pa 
de'i chos rnams ni dran pa'i dbang pos rab tu 'jog par mi byed pa'o/ /'di ni dran pa'i dbang por gsungs so/ /gang zhig chos rnams la dran pa'i dbang pos rab tu 'jig par mi byed pa de'i chos rnams ni ting nge 'dzin gyi dbang pos rtse gcig tu byed pa'o/ /'di ni ting nge 'dzin 
gyi dbang por gsungs so/ /gang zhig chos rnams la ting nge 'dzin gyi dbang pos rtse gcig tu byed pa de'i chos rnams ni shes rab kyi dbang pos so sor rig pa ste/ de ni chos de dang de rnams la so sor rtog pa skye bar 'gyur ro/ /'di ni shes rab kyi dbang por gsungs so/ /
dbang po lnga po 'di rnams 'phel ba ni stobs lnga ru 'gyur te/ dad pa'i stobs dang / brtson 'grus kyi stobs dang / dran pa'i stobs dang / ting nge 'dzin gyi stobs dang / shes rab kyi stobs te/ 'di rnams ni stobs lnga'o/ /de la byang chub kyi yan lag bdun gang zhe na/ 
'di lta ste/ dran pa yang dag byang chub kyi yan lag dang / chos rab tu rnam par 'byed pa yang dag byang chub kyi yan lag dang / brtson 'grus yang dag byang chub kyi yan lag dang / dga' ba yang dag byang chub kyi yan lag dang / shin tu sbyangs pa yang dag byang chub kyi yan 

</font><hr>79-1-77b<br><font size=+1>

lag dang / ting nge 'dzin yang dag byang chub kyi yan lag dang / btang snyoms yang dag byang chub kyi yan lag ste/ bye brag phyed pas nges par 'byung ba dang / 'dod chags dang bral bas nges par 'byung ba dang / 'gog pas nges par 'byung ba dang / kun nas 
nyon mongs pa dang bral ba'i kun nas rnam par byang bar gyur pa dang / chos rab tu 'byed pa ni byang chub kyi yan lag bdun la sogs pa bsgom pa'o/ /de la 'phags pa'i lam yan lag brgyad pa gang zhe na/ yang dag pa'i lta ba ni gang zhig 'jig rten las 'das pa ste/ bdag tu 
lta bas kun nas bslang ba ma yin pa dang / sems can med pa dang / 'tsho ba med pa dang / gso ba med pa dang / skyes bu med pa dang / gang zag med pa dang / shed las skyes med pa dang / shed bu med pa dang / byed pa po med pa dang / tshor ba po med pa'i lta bas 
kun nas bslang ba chang ba ma yin pa dang / rtag par lta bas kun nas bslang ba ma yin pa dang / srid pa dang bral ba'i lta bas kun nas bslang ba dang / rigs su lung bstan pa'i lta bas kun nas bslang ba dang / ji srid 'khor ba ma yin zhing mya ngan las 'das pa'i yang ma 
yin pa'i lta bas kun nas bslang ba ste/ 'di ni yang dag pa'i lta bar gsungs so/ /gang zhig yang dag pa'i rtog pa ni 'dod chags dang / zhe sdang dang / gti mug dang / nyon mongs pas kun nas bslang ba'i rtog pa de ni yang dag pa'i rtog par mi 'gyur ro/ /yang dag pa'i 
rtog pa gang zhig tshul khrims dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong ba'i phung pos kun nas slong ba de'i yang dag pa'i rtog pa de ni yang dag pa'i rtog par 'gyur te/ 'di ni yang dag pa'i rtog par gsungs so/ /gang 
zhig tshig gis bdag la gdung bar mi bya zhing gzhan la gdung bar mi bya ba dang / bdag la nyon mongs par mi bya zhing gzhan dag la nyon mongs par mi bya ba dang / bdag la mi dpya zhing gzhan dag la yang dpya bar mi bya ba ste/ de mnyam par gzhag pa dang ldan pas tshig dang ldan par 

</font><hr>79-1-78a<br><font size=+1>

'gyur zhing / gang gi tshig gis yang dag pa'i 'phags par 'jug par 'gyur ba 'di ni yang dag pa'i ngag ces gsungs so/ /gang zhig las nag po dang nag po'i rnam par smin pa de'i las mngon par 'du mi byed pa dang / gang zhig las dkar ba 
dang dkar po'i rnam par smin pa de'i las mngon par 'du byed pa dang / gang zhig las dkar po dang / nag po'i rnam par smin pa de'i las mngon par 'du mi byed pa dang / gang zhig las dkar po dang / nag po dang / dkar po'i rnam par smin pa dang / nag po 
zad pa'i bsam pas gnas pa de'i las mngon par 'du byed de/ dam pa'i las lta bur 'gyur ba ni yang dag pa'i las kyi mtha' ste/ 'di ni yang dag pa'i las kyi mthar gsungs so/ /gang gi tshe 'phags pa lta bur dul ba dang / yon tan yang dag pa'i chasazhum zhing 
dul ba dang / kha gsag med pa dang / mang du smra ba ma yin pa dang / gtam la mi dga' ba dang / rang gi spyod pa'i tshul khrims dang / 'jig rten pha rol gyi dbang phyug dang ldan pa dang / bdag gi rnyed pa kha na ma tho ba med pas bdag chog par 'dzin pa dang / 'phags 
pa'i bka'i gnag bas 'tsho ba ste/ 'di ni yang dag pa'i 'tsho bar gsungs so/ /rtsol ba ni gang zhig brdzun dang / 'phags pas ma gnang ba dang / 'dod chags dang / zhe sdang dang / gti mug dang / nyon mongs pa rjes su bsten par mi 'dod pa ni rtsol ba ste/ rtsol ba 
gang zhig yang dag pa'i 'phags pa'i lam gyi bden par 'jug cing mya ngan las 'das par 'gro ba dang / so so'i gnas su skyed par byed pa de ni rtsol bar yang dag par rjes su 'brang ba ste/ 'di ni yang dag pa'i rtsol bar gsungs so/ /gang la nye bar gnas pa de ni rab tu mi 
g.yo ba dang / lus drang pos kyog po ma yin pa dang / 'khor ba'i skyon sna tshogs la sogs pa dbang du byed pa ston cing / mya ngan las 'das pa'i gnas 'dod pa'i dran pa ni mi brjed pa ste/ 'di ni 'phags pa'i yang dag pa'i lam la sbyor ba'o/ /'di ni yang dag pa'i dran 

</font><hr>79-1-78b<br><font size=+1>

par gsungs so/ /yang dag pa'i ting nge 'dzin ni ting nge 'dzin gang la gnas nas sems can thams cad rnam par thar bar bya ba'i phyir yang dag par gnas te/ mya ngan las 'das pa mnan pa'o/ /'dis ni yang dag pa'i ting nge 'dzin zhes gsungs so/ /de nyid yang 
dag bshad pa ni/ /dga' ba la sogs sa rnams te/ /dbang po la sogs rang bzhin gyi/ /byang chub sems dpa' rnams kyi gnas/ /phung po la sogs khyad par gyi/ /sangs rgyas thams cad kyi ni gnas/ /sangs rgyas byang chub sems dpa' yi/ /sangs rgyas 
nyid ni mchog tu 'bab/ /byang sems sum cu rtsa gnyis kyis/ /gang tshe 'dir ni gang gyur pa/ /dbang po phung po 'byung ba yi/ /sangs rgyas de yi de ma thag /rang lus nyid la sangs rgyas nyid/ /gzhan ni gang du'ang mi gnas so/ /lus las gzhan du sangs 
rgyas nyid/ /mi shes pa yis bsgribs par brjod/ /ye shes chen po rang lus gnas/ /rtog pa thams cad yang dag spangs/ /dngos po kun la khyab pa po/ /lus gnas lus la ma skyes pa'o/ /rdo rje snying pos gsol ba/ /lus la rtsa du lags/ /bcom ldan 
'das kyis bka' stsal pa/ 'khor lo bzhi yi rab dbye bas/ /brgya phrag gcig dang nyi shu lhag/ /byang chub sems kyi rang bzhin gyis/ /rtsa rnams sum cu rtsa gnyis mchog /gsungs pa/ 'di lta ste/ mi phyed ma zhes brjod pa dang / phra gzugs ma dang / rtse ba 
ma dang / /g.yon pa ma dang / thung ngu ma dang / rus sbal skyes ma dang / /sgom pa ma dang / dbang ma dang / skyon ma dang / 'jug ma dang / /ma mo dang / mtshan mo dang / /bsil sbyin ma dang / /tsha ba ma dang / brkyang ma dang / /ro ma dang / /kun 'dar ma dang / /'bab ma dang / 
rangs ma dang / mdog ma dang / gzugs can ma dang / spyi ma dang / rgyu sbyin ma dang / sbyor bral ma dang / sdug gu ma dang / grub ma dang / 'tshed ma dang / de bzhin du yid bzang ma dang / sum skor ma dang / 'dod ma dang / khyim ma dang / gtum mo dang / bdud 'dra lam 'o/ /

</font><hr>79-1-79a<br><font size=+1>

bcom ldan 'das rtsa 'di dag ji lta bu lags/ srid gsum yongs su gyur pa ste/ gzung ba dang 'dzin pa thams cad yongs su spangs pa'o/ /dran pa nye bar gzhag pa bzhi dang / yang dag par spang ba bzhi dang / rdzu 'phrul gyi rkang pa bzhi dang / dbang po 
lnga dang /stobs lnga dang / byang chub kyi yan lag bdun dang / 'phags pa'i lam yan lag brgyad pa'i mthar thug pa la sogs pa'i rnam par 'grel pa byang chub kyi sems 'jug pa zhes bya ba ste rab tu byed pa gnyis pa'o// //de nas bcom ldan 'das la de 
bzhin gshegs pa thams cad kyis mchod pa byas nas phyag 'tshal te 'di skad ces gsol to/ /gsang ba'i ye shes bla med pa/ /snying po bcom ldan bshad du gsol/ /de nas bcom ldan 'das kyis de bzhin gshegs pa thams cad kyis gsol ba btab par mkhyen 
nas/ rgyud thams cad kyi snying po ye shes mar me rdo rje zhes bya ba'i ting nge 'dzin la snyoms par zhugs te/ rgyud thams cad kyi gsang ba 'di bka' stsal pa/ gsang ba mchog gi dgyes pa na/ /thams cad bdag nyid rtag tu bzhugs/ /sangs rgyas kun dngos sems 
dpa' ni/ /rdo rje sems dpa' bde ba'i mchog /'di ni bcom ldan rnal 'byor te/ /brtan pa rtag pa mchog tu yang / /yid srub so sor skyes pa nyid/ /rtag tu rang bzhin mnan dka' ba/ /sna tshogs las kyi rnal 'byor gyis/ /sna tshogs cho ga 'dod pa yi/ /sangs 
rgyas rdo rje 'dzin sogs rnams/ /sems can rnams ni 'dul bar brjod/ /sangs rgyas kun sogs brtan dang g.yo/ /thams cad dngos po srid pa 'di/ /sangs rgyas kun dang mnyam sbyor ba/ /mkha' 'gro ma yi dra ba sdom/ /'dis ni sgyu ma'i rnal 'byor gyis/ /
thams cad las ni sna tshogs mchog /sangs rgyas sogs pas 'dul ba'i phyir/ /dngos grub sems can kun don mchog /rang gi ngo bos yongs bsgyur bas/ /bud med sgyu ma thams cad 'grub/ /sna tshogs sgyu ma'i phyag rgya 'di/ /mkha' 'gro ma zhes kla klo'i skad/ /De+e bai hA ya 

</font><hr>79-1-79b<br><font size=+1>

sar 'gro bar/ /skad dbyings 'di ni rnam par brtag /nam mkha' kun tu spyod 'grub pas/ /mkha' 'gro ma zhes rab tu grags/ /kun nas sna tshogs phyag rgya ste/ /kun las sna tshogs sdom pa'o/ /rdo rje rdo rje 'dzin pa nyid/ /pad+ma de bzhin pad+ma 'dzin/ /nor bu nor 
bu 'dzin pa nyid/ /'di rnams kyi ni rigs rnams yin/ /de nas de bzhin gshegs pa thams cad zil gyis gnon pa rdul dang bral ba'i gnas zhes bya ba'i ting nge 'dzin la snyoms par zhugs te/ /byang chub kyi sems 'di bka' stsal pa/ stong min stong pa min pa'ang min/ /
dbu mar dmigs par mi 'gyur te/ /shes rab pha rol phyin sbyor ba/ /thabs ni snying rje'i bdag nyid de/ /de nas mdzes pa'i snying rje thabs/ /shes rab pha rol phyin gsal ba/ /rnam rtog med pa'i chos rnams la/ /dngos po med cing sgom pa'ang med/ /rnam rtog med 
pas rtag mos pas/ /brtag pa kun gyis brtag par bya/ /rnam rtog med pa'i chos rnams la/ /sems can don ni yongs su brtag /de bzhin gshegs pa kun bdag chos/ /chos can med cing chos nyid med/ /sgra brnyan lta bur mnyam pa nyid/ /de nas 'di ni chos 
ngag 'byung / /de nas theg pa chen po las byung ba'i bsgom pas yon tan rgyas pa rnams kyis dus gsum gyi de bzhin gshegs pa thams cad kyis bstod pa'i rgyal po 'dis yang dag par bstod pa/ /rnal 'byor gyi bdag po sems can grol bar mdzad pa la bstod cing phyag 
'tshal lo/ /sems can bdag nyid skyes pa gcig par mdzad pa la bstod cing phyag 'tshal lo/ /'khor ba'i rgya mtsho'i gti mug gcod par mdzad pa la bstod cing phyag 'tshal lo/ /de kho na nyid thams cad kyi ye shes gcig tu ston par mdzad pa la bstod cing phyag 'tshal te/ 
bdag rtag tu phyag 'tshal lo/ /yang mchod pa byas nas phyag 'tshal te 'di skad ces gsol to/ /chos rnams thams cad gcig pa'i sku'i/ /snying po bcom ldan bshad du gsol/ /bcom ldan 'das kyis bka' stsal pa/ /dbang po gang dang gang lam nyid/ /de dang de 

</font><hr>79-1-80a<br><font size=+1>

yi rang bzhin 'gyur/ /mnyam par ma bzhag rnal 'byor gyis/ /rtag par shin tu mnyam gzhag nyid/ /gang phyir thams cad bdag nyid kyi/ /rnam shes phung por gnas pa ni/ /skyes bu tha mal sems rmongs pa/ /la las so sor rtog mi nus/ /
sems dang sems byung sems kyi dngos/ /ye shes shes bya rang bzhin can/ /'bras bu rnams la byed pa nyid/ /chos dang chos can sgom pa nyid/ /gang phyir chos ni du mas ni/ /chu bo'i rgyun ni rgya mtsho ltar/ /thar pa nyid ni gcig pu yin/ /mang po dmigs par mi 'gyur 
ro/ /ji ltar nang du rnam gnas pa/ /bla ma'i zhal las rnyed par 'gyur/ /de kho na nyid mdor bstan pa ste rab tu byed pa gsum pa'o// //de nas rgyud rnams thams cad du/ /gtan la phab pa rab bshad bya/ /sems can kun la mnyam pa'i phyir/ /gru gsum 
rgya che'i gzugs can nyid/ /tshangs sogs lha dang lha min bcas/ /de rnams kyi ni gnas su 'gyur/ /de nyid shes rab pha rol phyin/ /kun rdzob rnam pa'i gzugs can ma/ /de nyid yul las rnam par 'das/ /srog chags kun gyi snying la gnas/ /de phyir de rgyas ci zhig bya/ /
mdor bsdus pas ni sangs rgyas nyid/ /bskal pa bye ba grangs med pas/ /ji ltar sangs rgyas gang thob pa/ /gang gis dam pa'i bde bas khyod/ /skye ba 'dir ni thob par 'gyur/ /yang na rdo rje 'dzin pa nyid/ /yang na 'khor los sgyur ba'am/ /'dis ni dngos grub chen po brgyad/ /
gzhan yang yid la 'dod pa yang / /gti mug chags dang nga rgyal dang / /phrag dog dang ni nyon mongs lngas/ /sems can so sor bcings pa gang / /rang gi yan lag nyid kyis 'joms/ /'dis ni 'gro drug sems can bcings/ /'khor bar 'khor zhing skye ba nyid/ /
nyon mongs pas ni rmongs gyur pas/ /sdig pa du ma byed par 'gyur/ /de phyir 'di bcom cang mkhyen nyid/ /sangs rgyas kyis sprul rigs pas ni/ /'khor ba'i rgya mtshor ltung ba yi/ /sbyor bral sdug bsngal mthong nas ni/ /thabs dang shes rab sprul pa'i rgyus/ /nyon mongs 

</font><hr>79-1-80b<br><font size=+1>

rnams ni yid ches 'gyur/ /mtshon pa 'di ni 'bras bur gyur/ /khams gsum du ni dri med snang / /gang dang gang gis gnas gyur pa/ /de ni de yi ngo bo can/ /bud shing bsregs pa'i rigs pas ni/ /dgyes pa'i rgyal ba gar mkhan mchog /phung po khams dang 
skye mched rnams/ /'di nyid rnam dag mtshon pa 'di/ /ji ltar dgra bo nus pa la/ /dgra bo nus pas de bsnun pa/ /gti mug dag pas gti mug ste/ /zhe sdang dag pas zhe sdang nyid/ /'dod chags dag pas 'dod chags te/ /nga rgyal rnam dag nga rgyal che/ /phrag dog 
dag pas phrag dog nyid/ /thams cad rnam dag rdor 'dzin mgon/ /de yi ngo bo rnam dag pa/ /nyon mongs lnga ni mnyam par 'gyur/ /de ltar rigs ni lnga rnams dang / /ye shes lnga dang sangs rgyas lnga/ /'di las rdo rje snying po dang / /khro bo khams gsum sems can 
skye/ /nang gi dbye ba 'di nyid ni/ /bla ma'i zhal las rnyed par 'gyur/ /bla ma dman pa'i sems can rnams/ /sngags dang phyag rgya rnyed mi 'gyur/ /gang zhig shin tu gsal bas ni/ /'dzam gling de 'dir sangs rgyas bsngags/ /gru gsum dag pa e yi dbyibs/ /dbus 
su dgyes pa'i e ba~M yin/ /gru gsum dkyil 'khor nyams dga' bar/ /rdo rje ra li rnam par byung / /btsun mo'i b+ha ga zhes kyang bya/ /chos kyi 'byung gnas zhes byar bshad/ /de yi nang song pad+ma ni/ /'dab ma brgyad pa snying por bcas/ /de la a li ka li 'dres/ /sde tshan 
brgyad ni rnam par gnas/ /sngags kyi gzugs kyis lus can gyi/ /las kyi tshogs ni byed par 'gyur/ /yi ge rnams ni lnga bcu nyid/ /rig byed rnams la nye bar gnas/ /sngags rnams nyid dang rgyud rnams dang / /phyi rol tshul gyi bstan bcos kyi/ /rdo rje snying po'i rang 
bzhin 'di/ /gzhan du 'di las cung zad med/ /a ka tsa Ta ta pa ya sha/ /sde tshan dga' ba lnga bcu yang / /mnyam pa dag tu sprul pa rnams/ /rdo rje ra li pad+mar son/ /'dab ma brgyad po phyogs rnams dang / /mtshams rnams su ni 'di rnams rigs/ /de rnams dbus su ze 

</font><hr>79-1-81a<br><font size=+1>

'bru la/ /dam pa'i dbang phyug ma yod do/ /sde tshan brgyad po rnams kyis ni/ /yi ge dam pa yongs su bskor/ /a ni yig 'bru kun gyi mchog /don chen sde tshan gtso bo ni/ /lus can rnams kyi sngags kun ni/ /'di nyid las ni yang dag 
byung / /gang zhig ral gri mig sman dang / /rkang byug ril bu rkang 'og dang / /gnod sbyin mo yi yan lag ma/ /'jig rten gsum gyi khongs su rgyu/ /dngul chu'i 'gro bas rjes su 'brang / /gang zhig thams cad mthu che ba/ /rang gi khyim du lnga bcu 'dod pa dang ldan par 
'grub bo/ /de ni sde tshan brgyad nang son/ /dbyangs mchog sde tshan bdag nyid 'byin/ /skye bo rnams kyi tshig rgyas pa/ /gang zhig cung zad rtogs bya ba/ /de kun sngags kyi gzugs kyis ni/ /de phyir rab tu skye bar 'gyur/ /lus can rnams ni thams cad kyi/ /sgra ni 
sngags zhes brjod par bya/ /sna tshogs mdud pa'i gnas chen las/ /chos kyi ra li rnam par 'byung / /dngos grub rdzu 'phrul rnam gnas pa'i/ /sngags dang nges pa gang yang med/ /rang bzhin gyis ni ma skyes pa'i/ /sngags kyi yig 'bru dbang phyug mchog /yang 
dag sbyor byung mtshan nyid ni/ /de nas mchog tu rab bshad bya/ /e ni sa ru shes par bya/ /las kyi phyag rgya spyan ma nyid/ /snying rje chen mo thabs chen mo/ /rang bzhin sna tshogs spyod yul ma/ /lte bar sna tshogs 'dam skyes la/ /sprul pa'i 'khor lor rnam par gnas/ /
ba~M ni chu ru shes par bya/ /chos kyi phyag rgya mA ma kI/ /byams pa dang ni smon lam tshul/ /lha mo rdo rje'i rigs gtso ma/ /snying gar chu skyes 'dab brgyad la/ /chos kyi 'khor lor yang dag gnas/ /ma ni me ru brjod pa ste/ /phyag rgya chen mo gos dkar mo/ /dga' dang stobs 
kyi rnal 'byor gyis/ /lha mo pad+ma'i rigs byung ma/ /lkog mar chu skyes 'dab brgyad gnyis/ /longs spyod 'khor lor yang dag gnas/ /yA ni rlung gi rang bzhin te/ /nyon mongs thams cad rab 'joms byed/ /dam tshig phyag rgya chen mor nges/ /lha mo las kyi rigs gtso 

</font><hr>79-1-81b<br><font size=+1>

ma/ /btang snyoms ye shes rnal 'byor gyis/ /sgrol ma 'khor ba sgrol ba mo/ /'dam skyes 'dab ma sum cu gnyis/ /bde chen 'khor lo chen por gnas/ /e ni shes rab brjod par bya/ /ba~M ni thabs dang ldan pa nyid/ /ba~M gis rnam par brgyan pa nyid/ /e ni 
nges par mdzes par 'gyur/ /thabs dang shes rab rang bzhin gyis/ /steng dang 'og tu snyoms par 'jug /e nyid dang ni ba~M nyid dag /gnyis gnyis su ni brjod pa nyid/ /'di skad ces bya ba'i tshig gi phrad ni de skad ces gsungs nas zhes bya ba'i mthar thug pa'i rgyud 
kyi tshogs la bsnyegs so zhes brjod do/ /bdag gis thos pa zhes bya ba ni de skad du 'dod chags chen po 'di la rtag tu gnas pa'o/ /shru zhes bya ba ni 'dzag par gsungs so/ /ta zhes bya ba ni gang yang bde ba chen po'i mgon po'o/ /bdag gis thos pa zhes bya ba ni 
bdag nyid kyis thos pa'i phyir rna ba'i ye shes kyis thos pa yin gyi/ /rtogs pa ni ma yin no/ /bcom ldan 'das mi rtogs pa'i skyon gang lags/ bcom ldan 'das kyis bka' stsal pa/ /sdud par byed pa dang 'chad pa po dag dbyer med par 'gyur ro/ /yang na 
rtogs pa nyid ni gdul bya'i skye bo'i dbang du byas nas 'chad pa po nyid sdud par byed pa yin te/ 'chad pa po nga chos kyang nga / /rang gi tshogs ldan nyan pa dang / /de dag ji ltar 'tshal bar bgyi/ /gang du bde ba chen po'i mgon po gar mdzad pa'i tshe/ gcig nyid 
gcig dang du ma'i ro zhes bya ba'i tshig gis rol par mdzad pa'o/ /rigs kyi bu bcom ldan 'das kyis gang cung zad gsungs pa de bdag gis gcig na zhes bya ba ni dus gcig nyid la'o/ /gcig na zhes bya ba ni skad cig nyid la'o/ /thos pa zhes bya ba ni lhag par son pa ste/ /
'dis bsam gyis mi khyab pa la lhag par mos pa'i ting nge 'dzin rnyed do zhes bya bar bsnyegs so/ /dus zhes bya ba ni dus tshod ces gsungs so/ /dus ni rnam pa gsum du brjod/ /bde ba'i dus dang sdug bsngal dus/ /bsam gyis mi khyab dus nyid do/ /'o ma'i rgyun 

</font><hr>79-1-82a<br><font size=+1>

ltar sna bug tu/ /'ong ba bde ba'i dus su gsungs/ /me yi gzugs kyis 'gro ba nyid/ /sdug bsngal dus dang de gcig grags/ /gcig ni lhan cig med pa yin/ /dus ni bsam gyis mi khyab 'gyur/ /'dod chags med cing chags bral 
med/ /dbu mar dmigs par mi 'gyur ro/ /de la 'dod chags nus mtshan nyid/ /'dod chags bral ba 'gog par gsungs/ /'di bral dbu mar mi rtog pas/ /'di gsum dmigs par mi 'gyur ro/ /'dod chags nyid dang chags bral nyid/ /'dres 
par gyur pa rnyog pa med/ /de bzhin 'dod chags chags bral las/ /ro mnyam gcig pu'i skad cig ma/ /dngos po kun gyi ro mnyam pa/ /bsgom pa'i dus ni gcig tu gsungs/ /'di lta ste/ dbang phyug dang / gzugs dang / grags pa dang / dpal dang / 
ye shes dang / brtson 'grus phun sum tshogs pa ste/ b+ha ga drug ces gsungs so/ /de 'di la mnga' ba'i phyir bcom ldan 'das so/ /yang na gang zhig mi mthun pa'i phyogs kyi chos de rnams bcom pa'i phyir bcom ldan 'das so/ /de bzhin gshegs pa thams 
cad kyi sku dang / gsung dang / thugs rnams dang / de rnams nyid kyi snying po dang / de nyid kyi rdo rje dang / de nyid kyi btsun mo dang / de'i b+ha ga de la bzhugs so/ /kye bcom ldan 'das bzhugs so zhes bya bas ci gsungs pa lags/ bcom ldan 'das kyis bka' 
stsal pa/ de bzhin gshegs pa thams cad kyi ro gcig pa thabs sna tshogs kyis 'dul ba'i skye bo'i yid 'phrog pa dang ldan pa zhes bya ba'i don to/ /de bzhin gshegs pa thams cad kyi sku dang / gsung dang / thugs kyi snying po rdo rje'i rang bzhin gang gi chos kyi 'byung 
gnas la/ gang gi tshe bcom ldan 'das bzhugs pa de'i tshe bdag gis thos pa'o/ /'di lta ste/ shes rab gang gis nyon mongs pa dang / nye ba'i nyon mongs pa 'joms pa de'i phyir shes rab b+ha gar gsungs te/ b+ha ga der de bzhin gshegs pa thams cad dang btsun mo lhan 

</font><hr>79-1-82b<br><font size=+1>

cig tu bzhugs so/ /e ma sangs rgyas thams cad kyi/ /kun mkhyen ye shes bla na med/ /de bzhin gshegs pa'i bde don gang / /btsun mo nye bar mdzad pa'o/ /rigs kyi bu 'di skad bdag gis thos pa zhes bya ba'i yig 'bru ni/ chos kyi thog mar rtag tu yang dag 
par gnas pa ste/ dag pa dang yang dag par rdzogs pa'i sangs rgyas kyi dngos grub skyed par byed pa'o/ /lag na rdo rjes ma bshad pa de ngas khyod la bshad do/ /tshig 'bru 'di rnams kyis sems can rnams 'khor ba las pha rol tu shin tu ring bar 'gro ba mngon du 
mtshon par mdzad pa dang / mngon du ma mdzad pa de nub pa'i sems kyis skye ba 'dir sangs rgyas nyid dam/ rdo rje sems dpa' 'thob par 'gyur te/ gang dag bsam gyis mi khyab pa'i gnas ma thob pa de ni bde bar gshegs pa ste sangs rgyas yin no/ /mtshan 
gzhi mtshon par byed pa ni sems dpar yang dag par gsungs te/ sdang bas bsten pa tsam gyis mnar med par rab tu ltung bar 'gyur bas na/ kun nas nyon mongs pa can gyi sems kyi ro spang bar bya'o/ /kun nas nyon mongs pa can gyi srid pa'i 'jigs 
pa las 'das pa'i sgrub pa po dpal dang ldan pas dag pa'i sems sgom par byed de/ thabs dang shes rab kyi sbyor ba 'dis ji ltar yang dag par thob pa dag pa'i yang dag par rig pa'i bdag nyid can gyi mtshan gzhi thabs dang shes rab kyi nus pas nam mkha' dang mnyam 
zhing gnas gsum du snang ba ste/ de'i mtshan gzhi ni mtshon par dka' ba dang / thams cad du son zhing rgyu dang rkyen spangs pas yid bzhin gyi nor bu lta bur 'jig rten gyi rang dang gzhan gyi don byed de dngos grub thams cad kyi mchog go/ /rgyud thams cad kyi gleng gzhi gsang ba 
dpal yang dag par sbyor ba las byung ba'i brtag pa'i rgyal poste dang po rdzogs so// //de nas yang dag rab bshad bya/ /sgrub pa po la phan don du/ /gang gis slob ma dbang bskur ba'i/ /cho ga yang ni bshad par bya/ /dang por lha yi bdag nyid kyi/ /rnal 

</font><hr>79-1-83a<br><font size=+1>

'byor pas ni nor 'dzin sbyang / /'bad pas hU~M las rdo rje can/ /byas te phyi nas dkyil 'khor bri/ /tshal dang skye bo med gnas dang / /byang chub sems dpa'i khyim dang yang / /khang stong dang ni khyim nang du/ /dkyil 'khor dam pa bzhengs par bya/ /
rdul tshon dam pa nyid dang ni/ /yang na 'bring po nyid kyis te/ /rin chen lnga yi bdag nyid phyes/ /yang na 'bras la sogs pas bri/ /dkyil 'khor khru gsum bya ba dang / /mthe bong gsum ni lhag par bya/ /der ni rigs lnga las byung ba'i/ /rig ma bzang po 
gzhug par bya/ /sngags kyi lam gyi rjes btsal bas/ /gang tshe mkhas pas dbang bskur ba/ /sangs rgyas kun gyi mngon sum du/ /dkyil 'khor bde bar gshegs gnas su/ /'jig rten khams ni mtha' yas bdag/ /blo dang ldan pas de bzhin blang / /
rang byin brlab pa'i gnas thob pas/ /dam tshig nyams pas 'jigs pa yis/ /rdzogs sangs rgyas kyis don dam las/ /sngags kyi lam ni de bzhin gsungs/ /rdo rje sems dpa' la sogs lha'i/ /dam tshig rim pa shin tu ring / /de phyir don kun la 'bad 
pas/ /dbang don rgyal ba'i bdag nyid skyes/ /rdo rje slob dpon yon tan mtsho/ /ji bzhin sbyor bas gsol ba gdab/ /yang nam dang sring bu mo/ /bu sring mo yi bu mo nyid/ /'di nang gang de ji lta bar/ /rnyed nas bsgrub pa nyid du gyis/ /yang namangon du 'di med na/ /
kun mkhyen gyis bsngags rig ma ni/ /sangs rgyas rnams kyis khyab mdzad pa/ /de ni de phyir gzung bar bya/ /skye ba gnyis kyi bu mo dang / /yang na btso blag ma dang / yang na gdol pa mo dang / /g.yung mo dang / /rigs las skyes ma dang / /yang na rgyal mo dang / /gar 
mkhan gyi bu mo dang / bzo mo dang / yang na ri dgas kyi mig ma dang / rked pa phra ba dang / ro smad rgyas pa dang / nu ma mtho ba dang / b+ha ga bzang ba dang / dam tshig gi spyod pa la shin tu dam pa dang / de kho na la gnas pa dang / sngags dang rgyud shes pa ste/ sgrub pa po'i 

</font><hr>79-1-83b<br><font size=+1>

dbang po la gnas gsum du che ba'i bu mo 'di dag bshad do/ /rigs kyi rim pa nyid kyis 'di rnams kyis thams cad 'grub par 'gyur ro/ /ma rnyed ji ltar gang rnyed de/ /de bzhin bcu drug lon pa nyid/ /dang po'i lang tsho phun sum tshogs/ /mig mdzes phyag rgya rnyed nas 
ni/ /rig ma de nyid blangs nas ni/ /skyabs su 'gro ba'i rim pas ni/ /sbyangs nas de nyid gsang ba dang / /sngags dang rgyud kyi rim kun bsgrags/ /sgra 'am 'og gi lam du lces/ /de nyid de bzhin steng du gzhug/ /kun gyi cha rigs sna tshogs byed/ /rim pa nyid 
kyis rna cha dang / ska rags che dang se mo do/ /lag gdub dang ni rkang gdub ldan/ /de ltar dngos grub dam pa ster/ /gang zhig sbyangs pa'i rig ma kun/ /nye bar 'tshe ba med gnas su/ /rig pa 'dzin pa 'khor mang po/ /de nas tsan dan gos phreng sogs/ /rnam 
par brgyan nas dbul bar bya/ /dri dang phreng sogs rim gro yi/ /'o ma'i mchog sogs rgyas pas ni/ /phyag rgya thabs cig sgrub pa pos/ /gus par 'bad pas yang dag mchod/ /slob mas bus po'i lha nga ni/ /sa la dad pas btsugs nas ni/ /thal mo sbyar 
nas bstod pa 'dis/ /ston pa la ni zhu ba bya/ /stong pa'i snying po phyag 'tshal bstod/ /rtog pa thams cad yang dag spangs/ /thams cad mkhyen pa'i ye shes tshogs/ /ye shes sku la phyag 'tshal bstod/ /'gro ba'i mi shes gcod pa can/ /dag pa'i de nyid 
don ston mdzad/ /bdag med chos las byung ba yi/ /rdo rje sems dpa' phyag 'tshal bstod/ /rdzogs sangs rgyas dang byang chub sems/ /pha rol phyin pa'i yon tan rnams/ /mgon po las ni rtag tu byung / /byang chub sems la phyag 'tshal bstod/ /dkon mchog gsum 
dang theg chen dang / /de bzhin bstan dang 'gro ba dang / /khams gsum po ni 'di dag kun/ /'gro ba'i dpa' bo phyag 'tshal bstod/ /yid bzhin nor bu ltar gyur pa'i/ /'gro ba'i 'dod pa'i don grub phyir/ /dpal ldan bde gshegs bka' bzhin mdzad/ /sangs 

</font><hr>79-1-84a<br><font size=+1>

rgyas sras po phyag 'tshal bstod/ /de nyid bla med bdag 'tshal bas/ /yon tan mtsho khyod bka' drin las/ /kun mkhyen rdo rje dbang gis ni/ /da lta nyid du bka' drin skyobs/ /sangs rgyas kun gyi gsang ba ni/ /ji ltar dpal thugs rdo rje yis/ /
rdo rje chos can la gsungs ltar/ /de bzhin mgon pos bdag la skyobs/ /bcom ldan zhabs pad spangs nas ni/ /gzhan du bdag la 'gro ma mchis/ /'khor ba'i 'gro las nges rgyal bar/ /de phyir mgon pos thugs rje mdzod/ /de nas rdo rje slob dpon dpal/ /rjes 
su brtse bcas phan sems kyis/ /slob la snying rje bskyed nas ni/ /tshogs kyi dkyil 'khor dgug pa dang / /'dod yon lnga yis gang ba dang / /bla re bres pas nye bar 'bar/ /rnal 'byor ma dang sbyor ldan zhing / /dril bu sil sil sgra dang ni/ /me tog bdug 'khyil 
nyams dga' ba/ /lha yi dri phreng bde ba'i mchog /dpal ldan rdo rje sems sogs lha'i/ /dkyil 'khor mchog tu ngo mtshar bar/ /slob dpon skal ba bzang po mchog /de nas phyag rgya sbyor byas nas/ /rgyal ba'i bdag skyes byang chub sems/ /pad+ma'i snod du 
gzhug par bya/ /rnga yab g.yob cing gdugs dang ni/ /bkra shis tshigs bcad glu rnams kyis/ /phyag rgya ldan pas slob ma de/ /'gro ba'i gtso bos dbang bskur bya/ /slob dpon mchog gi dbang phyug gis/ /dbang ni rin chen mchog byin nas/ /bzang po'i rang 
bzhin legs sbyangs pa'i/ /dam tshig yid 'ong nges par sbyin/ /khrag chen dang ni ga bur bcas/ /tsan dan dmar po sbyar ba dang / /rigs kyi bdag po'i chu ldan zhing / /lnga pa sems las yang dag byung / /'di rnams dam tshig yang dag par/ /sangs rgyas rnams 
kyis nye bar gsungs/ /bzang po rtag tu bskyang bar gyis/ /sdom pa yang ni da ltar nyon/ /srog chags gsad par mi bya zhing / /bud med rin chen yongs mi spang / /des na slob dpon spang mi bya/ /sdom pa shin tu 'da' bar dka'/ /gang du gsungs pa'i rig ma'am/ /

</font><hr>79-1-84b<br><font size=+1>

yang na bdag gi rnal 'byor ma/ /dag cing sprul pa'i rig ma ni/ /si hA ga bur bsgos pa ni/ /ji srid khu ba ldan gyur pa/ /de srid phyag rgya bsten par bya/ /phyag rgya'i gdong yang bcing ba dang / /thabs kyi gdong yang de bzhin te/ /bstan pas yang dag gang byung ba/ /
slob ma'i kha ru ltung bar bya/ /ro mnyam slob ma'i spyod yul nyid/ /de nyid la ni bya bar bshad/ /rang rig ye shes nyid du 'gyur/ /rang gzhan yang dag rig pa spangs/ /mkha' mnyam rdul bral stong pa nyid/ /dngos dang dngos min bdag nyid mchog /thabs dang shes 
rab rnam par 'dres/ /'dod chags 'dod chags bral bas 'dres/ /de nyid srog chags rnams kyi srog /de nyid yi ge dam pa nyid/ /de nyid 'di ni kun khyab byed/ /de nyid sangs rgyas ye shes can/ /he ru ka dpal zhes byar brjod/ /gzhan rnams gang rnams de 
rnams dang / /dngos dang dngos med de las byung / /dga' ba dang po dpa' bo ste/ /mchog tu dga' ba rnal 'byor ma/ /shin tu bde dga' thams cad nges/ /de bde thabs las thams cad rig /dang po dga' ba tsam nyid de/ /mchog tu dga' ba gnyis pa'i grangs/ /
gsum pa dga' bral dga' bar bshad/ /bzhi pa lhan cig skyes par brjod/ /de yang dbang ni rnam pa bzhi/ /dang po la ni bum pa'i dbang/ /gnyis pa la ni gsang ba'i dbang/ /gsum pa shes rab ye shes te/ /bzhi pa de yang de bzhin no/ /byang chub sems kyi 
dbang gis ni/ /slob ma sdig pa bral ba yin/ /sangs rgyas grong khyer mchog sngon du/ /de nas de la gnang ba sbyin/ /byang chub snying po'i bar du ni/ /phyogs kun du ni 'khor lo ni/ /chos kyi 'khor lo bla na med/ /kun tu mchog tu rab tu bskor/ /thabs dang shes 
rab rang bzhin bdag /yid bzhin nor bu ltar mthong nas/ /sbyor med bral zhing ma zhum pas/ /sems can don ni da ltar gyis/ /dbang dang bka' gnang thob nas ni/ /bya ba byas par rab 'dzum zhing / /'gro ba dga' bar byed pa yi/ /shin tu snyan pa'i tshig 'di 

</font><hr>79-1-85a<br><font size=+1>

brjod/ /deng bdag skye ba 'bras bur bcas/ /bdag gi 'tsho ba 'bras bur bcas/ /de ring sangs rgyas rigs su skye/ /da ni sangs rgyas rigs su 'gyur/ /bskal pa rgya mtshor 'jigs chen por/ /mnar med skye ba yang dag 'khrugs/ /nyon mongs 
'dam ni brgal dka' las/ /bdag ni mgon po khyed kyis bsgral/ /khyod kyi zhabs kyi bka' drin las/ /theg pa rdzogs pa lta bur bdag /bag chags thams cad bral bas na/ /bdag la byang chub 'tshal ma mchis/ /rangs shing mig ni phye ba yis/ /zhabs la 
'jus nas gus par bya/ /gang dang gang zhig sdug pa'i rdzas/ /re ba med pa'i sems kyis ni/ /de dang de nyid dbul bar bya/ /bla ma'ang snying rje ldan pas ni/ /slob ma bsdu ba'i bsam pa'i phyir/ /de la phan pa'i bsam pas bzung / /de nas phyag 'tshal mchod nas ni/ /
bla ma la ni yon rnams dbul/ /gser ni stong phrag brgya dang ni/ /rin chen rnam pa sna tshogs dang / /gos ni zung 'gyur brgya nyid dang / /glang po rta dang yul 'khor nyid/ /rna cha dang ni rkang gdub dang / /nor bu dang ni sor gdub sogs/ /gser las byas pa'i mchod 
phyir thogs/ /rang gi chung ma bu mo dang / /bran pho bran mo sring mo nyid/ /phyag 'tshal nas ni dbul bar bya/ /bdag gi dngos po thams cad kyis/ /blo dang ldan pas bla mar dbul/ /de ring tshun chad bdag bran du/ /khyod la bdag ni dbul lags zhes/ /de ltar zhu ba byas 
gyur pas/ /mngon par 'dod pa'i gnas thob nas/ /da ni sangs rgyas thams cad kyis/ /bdag la bka' drin legs par skyobs/ /ji ltar bla med byang chub de/ /byin gyis brlabs kyis bdag gis bsgrubs/ /bla na med pa'i byang chub gnas/ /kun mchog mchod pa 
bskyed par bgyi/ /sems can gnas gsum 'khor ba rnams/ /de nyid la ni gzhag par bgyi/ /dbang chog 'dis sbyin par bya zhing slob ma'i lhag par mos pa dang / /zab pa dang rgya che ba'i rig pas lhag par mos pa'i yid kyis shes par byas nas tshig nyid kyis 

</font><hr>79-1-85b<br><font size=+1>

dbang rin po che sbyin par bya'o/ /gang thob dbang rab mchog ni rigs kyi bdag por gzung ba rnyed par dka' zhing mtshungs pa med par gdams/ /longs spyod rdzogs pa'i zhing gi dpal dag blang bar byas pas byang chub sems dpa' chen po'i dbang bskur ba/ /bka' yi 
gnang ba rnyed nas 'jig rten gsum gyi dgra bo las rgyal rtsom pa'i go bgos pa yi blos/ /byang chubadag la dgod pa'i sangs rgyas 'dir ni de nyid rnal 'byor pas ni dri ma med par spyod/ /byang chub kyi sems kyis dbang gnyis pa las rab tu byed pa dang po'o// //de nas thabs dang shes rab don/ /bsgom pa yang dag rab bshad bya/ /pha rol don brtson brtson 'grus kyi/ /sgrub pa po la phan pa'i phyir/ /'khor ba'i rgya mtsho'i 'jigs pa las/ /bsgral dka' gang zhig rnam bsgoms pas/ /rnal 'byor pas ni rang don du/ /
mya ngan 'das par gnas mi 'gyur/ /gang gis khyad 'phags mthar thug par/ /sangs rgyas dri med ngo mtshar ra rmad/ /'grib dang 'phel las rnam par grol/ /byang chub bla med thob par 'gyur/ /phung po lnga sogs chos rnams dang / /theg gsum shin tu spang mi 
bya/ /chos dbyings shin tu mnyam pa nyid/ /chu shing lta bur yongs su gzung / /stong pa bsgom par mi bya ste/ /stong min bsgom par mi bya'o/ /stong pa mi spang rnal 'byor pas/ /stong min yongs su mi spang ngo / /stong dang stong min gzung ba las/ /rtog pa nyung min skye 
bar 'gyur/ /yongs su spangs na kun rtog ste/ /de phyir de gnyis yongs su spang / /gnyis kyis gzung ba yongs spangs pa/ /rnam grol gnas dang bral ba ste/ /nga zhes bya ba'i kun rtog 'di/ /de phyir de ni yang dag spang / /rnam pa med cing dogs pa med/ /'dod pa med 
cing sdig pa bral/ /thog ma tha ma'i rtog las grol/ /nam mkha' lta bur mkhas pas bsgom/ /snying rje ldan pas sems can la/ /rgyab kyis phyogs par mi bya zhing / /sems can yod dang yod min zhes/ /de ltar yongs su brtag mi bya/ /spros pa med pa'i rang bzhin nyid/ /

</font><hr>79-1-86a<br><font size=+1>

shes rab ces ni rab tu grags/ /yid bzhin nor ltar ma lus pa'i/ /thams cad don byed snying rje nyid/ /dmigs med gnas su shes rab dang / /dmigs med snying rje chen po nyid/ /blo dang lhan cig gcig gyur pa/ /nam mkhar nam mkha' ji lta 
ba'o/ /gang la sgom pa po yang med/ /gang yang rnam par sgom pa'ang med/ /bsgom bya nyid kyang yod min pa/ /de yi de nyid sgom par brjod/ /gang yang bya ba yod min 'dir/ /bza' bya nyid kyang yod ma yin/ /byed po bza' las rnam par grol/ /don dam rnam par 
bsgoms pas na/ /'di la sgrub po gang yang med/ /gang yang stong par byed pa med/ /dor ba cung zad med par brjod/ /blang ba'ang cung zad yod ma yin/ /dri za'i grong khyer lta bu dang / /sgyu ma smig rgyu 'dra ba dang / /'phrog pa zla ba'i grong khyer mtshungs/ /rmi lam rtse 
ba lta bur blta/ /sgyu ma ji bzhin thams cad du/ /blta ba nyid dang reg par bya/ /'gro ba thams cad gnas pa ni/ /gang yang rnyed par mi 'gyur te/ /sbyor ba 'dus pas bsam mi khyab/ /rmi lam sad pa lta bu ni/ /ji ltar gzhon nu'i gzugs kyis ni/ /dbang po gnyis 
ni 'dus pa yis/ /b+ha gar ling ga bzhag nas ni/ /sangs rgyas rjes su dran pa bsgom/ /ye shes ci zhig skye zhe na/ /thog ma dbus mtha' dri ma med/ /rang gis rig pa'i ye shes de/ /gzhan du smra bar mi nus so/ /gzugs rnams thams cad lta ba dang / /sgra rnams nyid 
kyang nyan pa dang / /smra ba dang ni rgod pa dang / /sna tshogs ro ni za ba dang / /las rnams thams cad byed pa ni/ /gzhan du sems ni mi 'gro bas/ /de nyid rig pa'i rnal 'byor pa'i/ /rnal 'byor rtag tu skye bar 'gyur/ /'di ni gnyis su med par brjod/ /'di ni byang chub 
sems mchog nyid/ /rdo rje rdo rje sems dpa' dpal/ /rdzogs pa'i sangs rgyas byang chub nyid/ /'di ni shes rab pha rol phyin/ /pha rol phyin pa kun gyi dngos/ /mnyam nyid bsam bya nyid du gsungs/ /sangs rgyas kun mchog bsgom bya nyid/ /'gro ba brtan dang 

</font><hr>79-1-86b<br><font size=+1>

g.yo ba'i bdag /byang chub sems dpa' mtha' yas dang / /rdzogs sangs rgyas dang nyan thos sogs/ /de nyid las ni thams cad skyes/ /dngos dang dngos med sbyor bral ba/ /rnal 'byor pas ni de nyid bsgom/ /dngos dang dngos med rnam grol ba/ /bsgoms na myur du 
'grub par 'gyur/ /ma lus skyon la sdang ba dang / /kun nas nyon mongs rgyab phyogs des/ /dpal ldan bde gshegs yon tan rnams/ /mtha' yas de las skye par 'gyur/ /kun rtog mang po'i mun pas khyab gyur pa'i/ /rab tu 'joms pas smyo zhing blo 'gyu ba/ /chags 
sogs dgag dka'i dri mas gos gyur pa'i/ /sems ni rdo rje can gyis 'khor bar gsungs/ /rang bzhin 'od gsal rtog las rnam par grol/ /'dod chags las sogs dri mas gos bral ba'i/ /gzung ba dang ni 'dzin med sems dpa' mchog /de nyid mya ngan 'das pa 
mchog tu gsungs/ /sdug bsngal phung po du ma'i mtshan gyur pa/ /'di las gzhan du cung zad yod ma yin/ /bde ba mtha' yas 'byung ba'i rgyur gyur pa/ /de las gzhan du grol ba'ang yod ma yin/ /sdug bsngal ma lus zad par 'dod pa dang / /rdzogs sangs 
rgyas kyi bde mchog thob 'dod pas/ /sems ni brtan par byas nas 'bad pas dpyad/ /de yi rang bzhin dngos po med par byed/ /ji srid rtog pa'i mun pa'i yol stug po/ /skye dgu'i yid bsgribs sdug bsngal mtha' yas la/ /ji srid de nas de ni bral yin te/ /de 
srid bde ba rgya chen tha dad min/ /mnyam pa nyid kyi mthar thug 'phags dgyes pa'i/ /de yi zad phyir rang gi bya ba yang / /rgyas pa de yi yan lag 'gro ba blta/ /de ltar de kho na nyid kyi rnal 'byor pas rnal 'byor pas rnal 'byor gyi nges pa byas nas bka'i gnang ba dang / rang gi dam tshig la 
gnas pas sgom par byed na lag pa'i phyag rgya dang / sngags dang sku gzugs kyi nga rgyal bsgom pa dang / dam tshig gi thun mong gi dngos grub sgrub par byed pa yin no zhes pas ci zhig bya/ sangs rgyas nyid kyis byin gyis brlabs pa'i mtshon pa mngon du rang gi lha'i rnal 'byor yin te 

</font><hr>79-1-87a<br><font size=+1>

bskyed pa dang / de mtshon pa na gnas gsum po nam mkha' lta bur 'gyur ro/ /gzhung thams cad spangs nas thob pa'i gnas kyi bsam gtan gyi rnal 'byor de la brtson pas rang rig pa tsam la spro bas nyin dang mtshan du goms par bya'o/ /
ri'i rtse mo dang / zhi ba'i gnas dang / pad+ma'i tshal dang / rgyal po'i tshal dang / dben pa dang / thams cad mkhyen pa'i gnas dang / rang gi khyim mam/ sems la mngon par 'dod pa thams cad mkhyen pas sngags pa 'di'i nang du gang dang gang gi gnas der gnas shing 
sngags shes pa spro ba dang ldan pa des sgom par byed de/ thabs dang shes rab ma rtogs par sangs rgyas nyid mngon du thob par mi 'gyur ro/ /de'i phyir shes rab ma dngos su yang dag par rdzogs pa'i byang chub sbyin par byed pa bzang mo spang bar mi bya ste/ phyag rgya re re dang 
ldan pa 'di ma gtogs par dngos grub ster bar mi 'gyur ro/ /de phyir ye shes skyed pa yi/ /phyag rgya bzhi ni sbyar bar bya/ /gti mug dam tshig phyag rgya ste/ /zhe sdang phyag rgya chen por brjod/ /phrag dog las kyi phyag rgya ste/ /'dod chags chos kyi phyag rgya bdag /yo 
gis phyag rgya sna tshogs 'di/ /bskyed nas rig ma bza' bar bya/ /de la gnyis ka yang lha'i gzugs su mngon du bsams nas gti mug las zhi ba dang / khro ba las ma rungs pa dang / 'do chags las chags pas las rnams byed do/ /de'i don du rab tu byed 
pa lnga po 'di rnams kyis rgyal ba rnams yin no/ /snga dro dang / nyi ma'i mtha' dang / nyi ma phyed dang / /nam phyed kyi dus su yang phyag rgya'i rnal 'byor bya'o/ /mnyam par sbyor ba las gzhan du ni 'grub par mi 'gyur ro/ /bstan pa la smod pa'i 'jigs pa dang / 
skye bo gdug pa'i nang du gnas pa'i rnal 'byor pas rang gi sems 'ba' zhig de bsams pas sems la lhag par mos pa mngon du bya'o/ /gang zhig yang rnal 'byor pa brtson 'grus kyi 'bad pas rnal 'byor 'di bsgrub par bya'o/ /shes rab mngon du ma rnyed na byol 

</font><hr>79-1-87b<br><font size=+1>

song dag la'ang rtag tu goms par bya'o/ /de ltar gang zhig rnal 'byor pas gal te pad+ma 'dzin pa la mngon du nyi ma re re'am/ zla ba so so'am/ lo la reg par mi byed na dam tshig nyams par 'gyur ro/ /dam tshig nyams pas rnal 'byor pa bag med 
pa skye bar 'gyur te/ byang chub sems dpa'i dam tshig blang bar byas na yang mi byed par sdom pa gzung bar bya ste/ de'i phyir kun gyis sdom pa dang ldan zhing de kho na la gnas pas phyag rgya'i rnal 'byor bya'o/ /gsang ba'i nye ba'i rdzas dang sngags dang rgyud 
kyis 'di skad yang dag par rdzogs pa'i sangs rgyas yang dag par sbyor ba'i rnal 'byor gyis rtag tu nye bar 'dug ste/ bsam gyis mi khyab pa'i gnas su gnas gsum po rtse gcig pa'i tshul gyis bsgom par bya'o/ /thabs dang shes rab kyi don bsgom pa 
zhes bya ba gnyis pa las rab tu byed pa gnyis pa'o// //de nas 'khor lo thams cad kyi/ /rnam par 'phrul pa yang dag bshad/ /dpal ldan rdo rje sems sogs lha'i/ /thams cad las ni sna tshogs byed/ /gsang ba mchog gi 
dgyes pa na/ /thams cad bdag nyid 'di la bsgrub/ /rnam par bral dang gnas su yang / /rang gi tshal sogs rnams su yang / /kun las sna tshogs phyag rgya ste/ /kun las sna tshogs sdom pas ni/ /kun las sna tshogs bya ba rnams/ /ji 
ltar bde bar bsgrub par bya/ /bde gshegs kun gyi dkyil 'khor ni/ /stong pa nyid kyi ye shes nyid/ /khro bo'i sgrub thabs thams cad dang / /zhi ba rnams kyi lha rnams la/ /ci zhig nga yis bshad par bya/ /bsam gyis mi khyab sangs rgyas gar/ /
bsgom pa lha yi rnal 'byor dang / /sngags kyi bzlas pa'i chog rim dang / /bris sku 'am ni sku gzugs kyang / /sems kyis thams cad sprul pa ste/ /sems can rnams la phan 'dod phyir/ /nga yis rgyud du bsgrags pa yin/ /stong nyid gcig las rdo rje can/ /

</font><hr>79-1-88a<br><font size=+1>

rigs ni rnam pa lnga ru gsungs/ /rdo rje snying pos gsol pa/ bskyed pa'i yig 'bru gzugs dang ni/ /phyag rgya dbyibs kyi chog rim dang / /sngags kyi bzlas pa'i cho ga yang / /gang gis sgrub pos 'grub 'gyur ba/ /
gtso bo shin tu dga' chen pos/ /bka' drin gyis ni bskyab tu gsol/ /bcom ldan 'das kyis bka' stsal pa/ /dang por byams pa bsgom par bya/ /gnyis par snying rje rnam par bsgom/ /gsum par dga' ba bsgom pa dang / /kun gyi tha mar 
btang snyoms so/ /yang ni stong pa'i byang chub sems/ /gnyis pa la ni sa bon bsdu/ /gsum pa la ni gzugs brnyan rdzogs/ /bzhi pa la ni yig 'bru dgod/ /re phas nyi ma sngon du rnam bsgoms nas/ /nyi der hU~M byung sna tshogs rdo rje ste/ /rdo rje de nyid 
kyis ni ra ba dang / /gur yang cho ga bzhin du bsgom par bya/ /dang por ro ni bsgom par bya/ /chos kyi dbyings kyi bdag nyid brjod/ /de steng rnal 'byor pa gnas nas/ /he ru ka nyid rnam par bsgom/ /rang gi snying gar re pha bsgom/ /de las byung ba'i nyi 
dkyil 'khor/ /der ni hU~M gi dbyibs nyid ni/ /thabs dang shes rab bdag nyid can/ /kha dog nag po 'jigs chen po/ /hU~M las byung ba'i rdo rje nyid/ /rdo rje lte ba'i dbus gnas par/ /yang ni hU~M gi de nyid bsgom/ /de nyid yongs su gyur bltas nas/ /
zhe sdang bdag nyid rnam par bsgom/ /rdo rje skye ba dpa' bo che/ /'dam skyes sngon po 'dra ba 'am/ /yang na sngo dang nyi ma ltar/ /dad pas nges par bsgom par bya/ /nam mkhar rje btsun bltas nas ni/ /rdo rje skye ba snying rje che/ /rgyan rnams thams cad 'dzin pa 
yi/ /lha mo brgyad kyis mchod par bya/ /dkar mo ri dgas mtshan pa 'dzin/ /chom rkun bdud las rgyal ba'i snod/ /ro langs ma ni chu lag ma/ /g+hasma rI ni sman 'dzin cing / /puk+ka sI ni rdo rje lag /de bzhin ri khrod ma ro 'dzin/ /gdol ba mo ni cang te'u rdung / /

</font><hr>79-1-88b<br><font size=+1>

g.yung mo sku la 'khyud pa ste/ /mchod pa'i cho ga rgyas pa yis/ /'di rnams kyis ni gtso bo mchod/ /de nas gnas las rnam grol ba'i/ /chos rnams kun gyi bdag nyid 'gyur/ /A li zla ba kA li nyi/ /sa bon nang du son rig pa/ /de nyid sems 
dpa' zhes byar brjod/ /mchog tu dga' ba'i rang bzhin can/ /nam mkha'i dkyil 'khor khyab pa yi/ /rang gi lus mtshungs rnam par spro/ /bsdus nas snying gar dgug pa na/ /yo gi zhe sdang bdag nyid 'gyur/ /nam mkha'i khams kyi nang 
son par/ /de nas nyi ma'i dkyil 'khor bsam/ /hU~M skyes sngo dang nyi ma ltar/ /rgyan rnams kun gyis rnam par brgyan/ /phyag gnyis pa la zhal gcig pa/ /spyan gsum skra ni gyen du ser/ /sdang mig brgyad gnyis lo yi dbyibs/ /'jigs byed mnan 
cing g.yon pa na/ /rdo rje kha T+wAM ga nyid dang / /thod pa yang ni g.yon pa na/ /g.yas na rdo rje nag po nyid/ /hU~M ni 'don par byed pa'i bdag /lha mo brgyad kyis bskor nas ni/ /dur khrod du ni mgon po rol/ /de ltar rnal 'byor pas ni bsgom/ /rnal 'byor 
bdud rtsi sdom pa kun/ /de nyid bcom ldan rnal 'byor te/ /rdo rje sems dpa' de bzhin gshegs/ /khro bo'i gzugs ni 'dzin gyur pa/ /phyag bzhi yis ni rnam par brgyan/ /bdud bzhi rnam par dag pa ni/ /dga' ba bzhi yi rang bzhin no/ /sngar gsungs 
dkyil 'khor 'khor lor gnas/ /hU~M gi sa bon las byung ba'i/ /g.yon na thod pa lha dang ni/ /lha min khrag gis bkang ba dang / /g.yas na rdo rje me lta bus/ /'jigs pa yang ni 'jigs par mdzad/ /gzhan pa yi ni phyag dag gis/ /lus 
la yang dag 'khyud pa nyid/ /shes rab rdo rje phag mo ni/ /bcom ldan 'das kyi gzugs brnyan bsgom/ /dang por stong pa bsgom bya zhing / /gnyis pa la ni cha bral nyid/ /zla ba'i dkyil 'khor dbus gnas par/ /hU~M ni der ni bsgom par bya/ /

</font><hr>79-1-89a<br><font size=+1>

de bzhin zhal gsum phyag drug par/ /lha yi gzugs su bsgom par bya/ /dang po'i zhal ni dkar min zhing / /g.yas pa dkar zhing zhi ba nyid/ /g.yon pa dmar po lta bu ste/ /spyan gsum bzang po'i gzugs can nyid/ /
rgyan rnams kun gyis yang dag gang / /thod pa'i gdan la yang dag gnas/ /bshang gci khu ba khrag rnams kyi/ /thod pa phyag gis bzung ba dang / /gzhu dang mda' ni 'dzin pa nyid/ /de bzhin rdo rje dril bu nyid/ /dang po rdo rje 'bar ba nyid/ /gsum par de 
bzhin rtse gsum pa/ /dpal ldan shes rab 'khyud pa dang / /ral pa'i cod pan brgyan pa ste/ /sprin gyi 'od 'bar du ma ni/ /sangs rgyas dam tshig spro bar bya/ /b+ha ga'i dbus su sgrub pa pos/ /der ni bdag nyid bsgom par bya/ /lha mo lhan cig ldan par ni/ /de 
nas phyag rgya bsgom par bya/ /thod pa'i stan la gnas par ni/ /'dab mar lha mo bri bar bya/ /sna tshogs gzugs ma yid 'ong ma/ /zhal gcig ma la phyag bzhi ma/ /dang por rig ma bri bar bya/ /gzhu dang mda' ni 'dzin ma mdzes/ /thod pa khu bas gang ba dang / /
lcags kyu lag pas 'dzin pa mo'o/ /gnyis pa rtse gsum lag pa dang / /khrag gis gang ba'i thod pa dang / /rdo rje de bzhin zhags pa nyid/ /gsum pa lag par ral gri dang / /thod pa chu yis gang ba dang / /de bzhin rdo rje dril bu nyid/ /bzhi pa kha T+wAM ga lag 
ma/ /g.yon pa'i lag pas thod pa nyid/ /mu suN+DI dang ba dan gsum/ /lnga pa zhags pa'i lag pa dang / /thod pa lag pas bzung ba dang / /de bzhin ut+pal cang te'u nyid/ /drug pa'i lag pas pad+ma dang / /thod pa tshil gyis gang ba dang / /de bzhin me 
long dgra sta nyid/ /bdun pa 'phang mdung lag pa dang / /dung dang 'khor lo'i mtshon cha 'dzin/ /thod pa khrag gis gang bar ni/ /khru gang tsam du yang dag bri/ /brgyad pa bum pa'i lag pa dang / /de bzhin rdo rje dril bu nyid/ /thod pa skyes pa'i pags pa yis/ /

</font><hr>79-1-89b<br><font size=+1>

bkab pa rdzas kyis gang ba ni/ /ze 'brur bde ba chen po dang / /'dab mar lha mo bri bar bya/ /rol mo rnam pa sna tshogs rnams/ /gsang ba'i dkyil 'khor bri bar bya/ /lha mo rdo rje lcags kyu dang / /rdo rje zhags pa lcags sgrog dang / /de bzhin rdo rje dril bu 
nyid/ /sgo yi skyong ba yang dag khri/ /b+ha ga'i dbus su bsgom bya zhing / /phyis ni bzlas pa yang dag brtsams/ /hU~M ni rdo rje sems dpa' yi/ /oM ni dbyangs kyi dbye ba nyid/ /A ni ngag dang yang dag ldan/ /shel ni dag pa lta bu nyid/ /hrIHni de la 
yang dag sbyar/ /de bzhin du yang swA hA nyid/ /sngags kyis bzlas par yang dag gsungs/ /bsam gtan yi ge gcig po nyid/ /lha mo rnams kyi hrI:nyid ni/ /'dab ma rnams la de nas dgod/ /mchod pa bzhi yi rang bzhin gyis/ /sa bon bzhi 
dang yang dag ldan/ /sgo yi skyong ba thams cad du/ /dang po dbyangs yig la sogs ldan/ /b+ha ga nyid du sgrub pa pos/ /de nas rdo rje gzhug par bya/ /hrIHyi rnam pa nyid dang yang / /de la hU~M ni brjod par bya/ /zla mtshan dus su khrag bcas pa'i/ /
khu ba kha yis bza' bar bya/ /bdag nyid dang ni b+ha ga la/ /me tog dri yis mchod par bya/ /gal te sgrub po grub 'dod na/ /de nyid la ni bzlas par bya/ /rdo rje drag mo de bzhin gcig /de bzhin rdo rje gzugs brnyan gnyis/ /gsum pa rdo rje 'dod chags 
ma/ /bzhi pa rdo rje zhi ba ma/ /lnga pa rdo rje gnod sbyin ma/ /drug pa rdo rje mkha' 'gro ma/ /bdun pa sgra yi rdo rje ma/ /de bzhin brgyad pa rdo rje sa/ /gnyis pa las rab tu byed pa gsum pa'o// //'khor lo sgrub pa'i khyad par gyi/ /rim pa ji bzhin rdo rje nyon/ /
zhi dang rgyas dang dbang dang ni/ /srung dang de bzhin mngon spyod nyid/ /re'u mig dgu sogs 'khor lo yi/ /phyi rol mu khyud nyid du bya/ /'khor lo las kyi kha dog sogs/ /mkhas pas rnam par bsgom par bya/ /o~M tA re tut+tA re tu re swA hA/ /'di yis sa bon 

</font><hr>79-1-90a<br><font size=+1>

thams cad kyis/ /phyag 'tshal sreg blugs tha ma ni/ /dbus su ming ni sbyar bar bya/ /srung ba'i tshig kyang rnam par bya/ /mnyam nyid ye shes stong pas ni/ /bdag nyid kyi ni gzugs su bya/ /mnyam nyid kun rig gnas su ni/ /
srung ba'i 'khor lo sbyar bya ba/ /srung ba ye shes can gyis bsgom/ /'jigs pa thams cad ring du byed/ /sems can dngos po med na ni/ /rnal 'byor dngos po bsgom par bya/ /zla ba'i dkyil 'khor dbus gnas par/ /pad+ma'i gdan ni bsam par 
bya/ /dngos grub thams cad rab ster mar/ /bdag gi lus ni bsgom par bya/ /o~M tA re swA hA/ /mgo bo la'o/ /o~M tA re swA hA/ mig dag la'o/ /o~M tA re swA hA/ sna dag la'o/ /o~M tu swA hA/ rna ba dag la'o/ /o~M re swA hA/ lce la'o/ /o~M tA ri ni swA hA/ snying gar ro/ /
yan lag drug ni rnam par gzung / /'phags ma sgrol ma bsam par bya/ /phyag gnyis sems dpa'i skyil mo krung / /rgyan rnams kun gyis rnam par brgyan/ /kun la skyabs sbyin lag pa dang / /g.yon pa ut+pal lta bu mchog /sngags kyi rgyal pos bskul 
ba yis/ /lha rnams thams cad bsgrub par bya/ /oM ku ru kul+le hrIHswA hA/ /las thams cad pa'i sngags so/ /dgra dang rgyal pos bcings pa dang / /'gro ba'i shin tu 'jigs pa'i dug /yan lag rims ni sna tshogs dang / /dug sogs dus min 'chi 
ba yi/ /'jigs pa'i gnas ni gang gang la/ /de dang de la rab sbyar bya/ /shes rab chub pa blo ldan par/ /srung ba bris nas gzung bar bya/ /srung ba bzang po 'di nyid ni/ /'jigs pa thams cad du ni spangs/ /srung ba 'di ni thams cad las/ /
rnal 'byor de nyid gong na med/ /'bar ba'i 'od zer lta bu yi/ /nyi ma'i dkyil 'khor bsams nas ni/ /de yi dbus su hrIHnyid ni/ /kha dog dmar po lta bu'i 'od/ /de nas bdag nyid bsgom par bya/ /zhal gcig ma la phyag bzhi ma/ /mda' dang 

</font><hr>79-1-90b<br><font size=+1>

gzhu yi lag pa ma/ /ut+pa la dang lcags kyu 'dzin/ /'di ni bsgoms pa tsam gyis ni/ /'jig rten gsum po dbang du byed/ /'bum phrag gcig gis rgyal po rnams/ /khri yis 'jig rten phal pa nyid/ /bye bas phyugs dang gnod sbyin sogs/ /
'bum phrag bdun gyis lha ma yin/ /'bum phrag gnyis kyis lha rnams nyid/ /brgya phrag gcig gis sngags pa nyid/ /'khor lo 'dab ma brgyad pa 'di/ /kha dog dkar po shin tu mdzes/ /mnyam nyid gzugs su bsams nas ni/ /khams 
gsum gyi ni rang bzhin gyis/ /sngar gsungs mtshan nyid yang dag ldan/ /gong du gsungs pas bsgrub par bya/ /shes rab 'bar ba'i las rnams ni/ /'di yi 'khor lo bsgom par bya/ /o~M pradz+nye ma hA pradz+nye hU~M swA hA/ /dngos po'i ngo bos bsgom 
par bya/ /'od zer 'bar ba du ma yi/ /zla ba'i dkyil 'khor dbus gnas par/ /shes rab bdag nyid rnam par sprul/ /phyag gnyis sems dpa'i skyil mo krung / /rgyan rnams kun gyis rnam par brgyan/ /kha dog dkar po 'od gsal ma/ /shes 
rab bdag nyid gzung bar bya/ /'di yi sa bon bzlas nas ni/ /shes rab 'dab ma lta bur 'phel/ /gu ba'am blo ni dman pa yi/ /shes rab 'phel ba'i rnal 'byor ro/ /zla ba'i dkyil 'khor dbus gnas par/ /yi ge de la dgod par bya/ /thod pa'i 
gdan gyi dbus gnas par/ /zhal gcig pa la phyag bzhi pa/ /zhi ba'i 'khor lo dril bu 'dzin/ /thod pa dang ni zhags pa nyid/ /de bzhin 'bar ba'i phreng 'khrugs par/ /kun tu rnam par spro bar bya/ /'dir ni rnal 'byor rim pas ni/ /rin chen 'byung gnas 
bsgom par bya/ /btso ma gser gyi mdog lta bu/ /sku mdog ser po gzi brjid che/ /thodapa'i gdan gyi dbus bzhugs pa/ /zhal gcig pa la phyag bzhi pa/ /dpa' bo rin chen lcags kyu 'dzin/ /thod pa de bzhin zhags pa nyid/ /'dir ni rnal 'byor rim 

</font><hr>79-1-91a<br><font size=+1>

pas ni/ /pad+ma rdo rje 'chang ba bsgom/ /zhal gcig pa la phyag bzhi pa/ /pad+ma rA ga lta bu'i 'od/ /dpa' bo mda' dang gzhu 'dzin cing / /thod pa'i gdan la yang dag bzhugs/ /pad+ma zhags pa 'dzin pa nyid/ /rgyan rnams 
kun gyis rnam par brgyan/ /'dis ni rim pa'i rnal 'byor gyis/ /don yod phyag na ral gri 'dzin/ /thod pa'i gdan gyi dbus bzhugs par/ /zhal gcig pa la phyag bzhi pa/ /thod pa rdo rje dril bu dang / /lcags kyu dag ni g.yas pas 'phyar/ /bai DUR+ya ltar 
ljang gu ste/ /rgyan rnams kun gyis rnam par brgyan/ /nam mkha'i khams kyi dbus son pa/ /zla ba'i dkyil 'khor bsam par bya/ /de yi nang son sa bon ni/ /bru~M las spyan gyi dbyibs su ni/ /thod pa'i gdan gyi dbus gnas par/ /phyag ni brgyad kyis rnam 
par brgyan/ /'khor lo'i lag pa mda' dang gzhu/ /de bzhin rdo rje dril bu nyid/ /zhags pa ral gri thod pa nyid/ /spyan gsum pa la zhal gcig ma/ /rgyan rnams kun gyis yang dag gang / /do shal dang ni rkang gdub brgyan/ /kha dog dkar mo shin tu mdzes/ /
de bzhin thod pa'i dbu rgyan nyid/ /nam mkha'i khams kyi dbus son pa/ /zla ba'i dkyil 'khor yongs gang ba/ /de yi nang son bsam par bya/ /hU~M las mA ma kI yi dbyibs/ /thod pa'i gdan gyi dbus gnas par/ /kha dog sngon mo 'bar chen mo/ /spyan gsum 
ma la zhal gcig ma/ /thod pa'i phreng bas rnam par brgyan/ /mda' dang gzhu ni 'dzin pa nyid/ /lcags kyu dang ni ral gri nyid/ /zhags pa rdo rje de bzhin du/ /dril bu dang ni thod pa'o/ /'khor lo rin chen pad+ma dang / /kha T+wAM ga dang bcu gnyis ni/ /gsang ba'i 
dkyil 'khor bri bar bya/ /rgyan rnams kun gyis rnam par brgyan/ /b+ha ga'i dbus su yongs gang ba'i/ /zla ba'i dkyil 'khor bsgom par bya/ /der ni hrI:ni bsam bya zhing / /gos dkar zhes bya rnam par bsgom/ /thod pa'i gdan gyi dbus gnas par/ /kha dog 

</font><hr>79-1-91b<br><font size=+1>

dmar mo 'bar chen mo/ /rgyan rnams kun gyis yongs gang ba/ /phyag brgyad kyis ni rnam par brgyan/ /gzhu dang mda' ni 'dzin pa dang / /pad+ma'i lag par ral gri dang / /thod pa rdo rje dril bu dang / /zhags pa de bzhin rin chen nyid/ /do shal dang ni rkang gdub 
sgra/ /rgyan rnams kun gyis rnam par brgyan/ /rnal 'byor pas ni 'di bsgoms na/ /myur du sangs rgyas thob par 'gyur/ /nam mkha'i dbus su yongs gang ba'i/ /zla ba'i dkyil 'khor bsgom par bya/ /de yi nang song tA~M nyid ni/ /sgrol ma'i dbyibs su 
bsam par bya/ /thod pa'i gdan gyi dbus gnas par/ /phyag ni brgyad kyis rnam par brgyan/ /ral gri phyag na chags bcas ma/ /ut+pal de bzhin lcags kyu dang / /thod pa khrag gis gang ba dang / /zhags pa de bzhin 'khor lo dang / /gzhu dang mda' 
ni 'dzin pa nyid/ /zhal gcig ma ni yang dag bri/ /kha dog ljang gu spyan gsum ma/ /rgyan rnams kun gyis rnam par brgyan/ /de ltar rnal 'byor pas bsgoms pas/ /rdo rje sems dpa' mnyam par 'gyur/ /rgyud thams cad kyi gleng gzhi'i gsang ba dpal 
yang dag par sbyor ba las byung ba las brtag pa'i rgyal po gnyis pa'o// //he ru ka dang bdag med ma'i/ /skyed pa'i sgrub dang de nyid nyon/ /gang gis gdug pa drag po yis/ /sems can 'dul bar 'gyur ba yi/ /mkha' 'gro mkha' 'gro mas mdzad pa'i/ /
de dag thams cad khyod la bshad/ /rdo rje sems dpar gyur nas kyang / /rdo rje can nyid rdo rjer dbab/ /'bar ba'i phreng 'khrugs drag po ni/ /kun tu rnam par spro bar bya/ /zla ba'i dkyil 'khor dbus gnas par/ /sa bon phreng ba de nas dgod/ /de nas rdo rje chags 
chen las/ /rig mar bcas pa khu bar gyur/ /sna tshogs glu yi mchod pa las/ /de nas rig mas bskul bar bya/ /rje btsun snying rje'i yid bzhengs shig /puk+ka sI ni bdag la skyobs/ /stong pa'i rang bzhin nyid spongs la/ /bdag la bde chen sbyor bzhed 

</font><hr>79-1-92a<br><font size=+1>

mdzod/ /khyod med na ni bdag 'gum pas/ /kye yi rdo rje khyod bzhengs shig /stong pa'i rang bzhin nyid spongs la/ /ri khrod ma 'bras grub par mdzod/ /dga' gtso 'jig rten mgron gnyer ba/ /stong pa nyid la bzhugs sam ci/ /
khyod med phyogs ni mi 'tshal bas/ /gdol pa mo bdag zhu ba bgyid/ /bdag gis khyod kyi thugs 'tshal gyis/ /mig 'phrul mnga' ba khyod bzhengs shig /g.yung mo bdag yid dran nyams pas/ /snying rje rgyun chad ma mdzad cig /aM dang hAM las rdo rje che/ /
khu ba'i gzugs las bzhengs nas ni/ /zhabs rnams sa la rdegs pa dang / /lha dang lha min sdigs par mdzad/ /ga~M ca~M ba~M g+ha~M pa~M sha~M la~M Da~M/ /'di yis sa bon dbyung bar bya/ /bdag po dga' ma'i sa bon la/ /o~M hU~M sngon po 'bar gtsigs pas/ /ma mo'i 
'khor lo grong nyams dgar/ /gtso bo 'di ltar bsgom par bya/ /zhal brgyad pa la zhabs bzhi pa/ /phyag ni bcu drug dag gis brgyan/ /bdud bzhi mnyam par mnan pa nyid/ /'jigs pa yang ni 'jigs pa po/ /sgeg cing dpa' bo mi sdug pa/ /
rgod cing drag shul 'jigs su rung / /snying rje rngam dang zhi ba yi/ /gar dgu'i ro dang ldan pa nyid/ /mgo yi phreng bas do shal mdzad/ /nyi mar bzhugs shing rol mor bcas/ /kha dog nag po 'jigs pa po/ /sna tshogs rdo rje spyi bor 'dzin/ /nyid kyi zhal 
nas hU~M spro zhing / /thal bas sku la byugs pa nyid/ /bdag med lhan cig mnyam sbyor zhing / /dga' ba gnyis gnyis snyoms 'jug pas/ /dpa' rlabs med pa'i rang bzhin can/ /rtsa ba'i zhal ni bzhad cing nag /g.yas pa'i zhal ni kun da mtshungs/ /g.yon 
pa dmar zhing cher 'jigs pa/ /steng ma'i zhal ni rnam par gtsigs/ /spyan ni nyi shu rtsa bzhi che/ /lhag ma'i zhal ni bung ba mtshungs/ /rdo rje ral gri 'dzin pa dang / /mda' dang de bzhin 'khor lo nyid/ /de bzhin gshor dang dbyig pa dang / /rtse gsum pa dang 

</font><hr>79-1-92b<br><font size=+1>

lcags kyu nyid/ /g.yon par dril bu pad+mar bcas/ /gzhu dang kha T+wAM ga 'phyar zhing / /thod pa dang ni rin chen nyid/ /sdigs mdzub zhags pa de bzhin no/ /sangs rgyas sprin gyi 'od zer ldan/ /kun tu rnam par spro bar bya/ /de ltar cho ga sna tshogs kyis/ /dkar 
mo la sogs de nas dgod/ /dkar mo kha dog dkar mo ste/ /gzhu dang mda' ni 'gengs pa mchog /thod pa khrag gis bkang ba dang / /de bzhin rdo rje gri gug nyid/ /chom rkun ma ni kha dog dmar/ /'khor lo lcags kyu 'dzin mar brjod/ /thod pa dang ni 
cang te'u nyid/ /gsal ba'i gzugs can dgod par bya/ /rmongs byed ma ni sku mdog nag /de bzhin thod pa dang ni gshor/ /sa la zlog pa nyid dang ni/ /g.yas pa rtse gsum 'phyar ba'o/ /ro langs ma ni dkar ser mtshungs/ /phyag dag na ni chang dang chu/ /
ral gri dang ni thod pa nyid/ /mdzes ma'i gzugs can bsgom par bya/ /puk+ka sI ni kha dog ser/ /dpag bsam shing gi lcug ma dang / /sha yis gang ba'i thod pa dang / /rin chen dang ni mchog sbyin nyid/ /gdol pa mo ni sngo mdog mtshungs/ /de bzhin rlung 
gi gos 'dzin ma/ /gzhan bdag gis thod pa dang / /de bzhin pad+ma dkar po nyid/ /g.yung mo sngo dang dkar ba'i mdog /rdo rje dang ni lcags kyu 'dzin/ /g.yon pas thod pa 'dzin pa ste/ /gzhan pas rlung gi gos 'dzin ma/ /g+hasma rI ni ljang ser mtshungs/ /
rdo rje me thab dgra sta'i lag /thod pa tshil bus yongs gang ba/ /g.yas pa mi 'jigs sbyin byed ma/ /ri khrod ma ni dkar mdog mtshungs/ /kha T+wAM ga dang thod pa'i lag /rdo rje de bzhin zhags pa nyid/ /sna tshogs gzugs can bsgom par bya/ /ro hi ta 
dang phag nyid dang / /rus sbal de bzhin lto 'phye nyid/ /seng ge de bzhin stag nyid dang / /wa dang dge slong nyid rnams ni/ /de ltar dkar mo la sogs pa'i/ /thod pa brgyad du cho ga bzhin/ /rgyan rnams kun gyis rnam par brgyan/ /sgeg pa la 

</font><hr>79-1-93a<br><font size=+1>

sogs ro dang ldan/ /rta yi gzugs dang phag gi gdong / /khyi gdong de bzhin seng ge ma/ /zhal bzhi ma la phyag bzhi ma/ /sbrul gyi rgyan gyis rnam par brgyan/ /gling bu dang ni pi wang dang / /mu kun+da dang rdza rnga ste/ /
phyag gnyis ma la zhal gcig ma/ /rgyan rnams kun gyis rnam par brgyan/ /nag mo dkar ser lta bu dang / /de bzhin steng du rta gdong ljang / /ser mo nag mo dkar mtshungs dang / /de bzhin steng du phag gdong dmar/ /dmar zhing nag dang 
dkar mtshungs shing / /de bzhin steng du khyi gdong sar/ /ljang dang nag dang dkar ba'i gdong / /steng du 'bar ba'i seng ge gdong / /thams cad skra ni steng du 'bar/ /g.yon brkyang ba yis ro mnan cing / /spyan gsum khro zhing sgeg pa dang / /
rgod pa'i bzhin ni bsgom par bya/ /he ru ka bskyed pa gsum pa las rab tu byed pa dang po'o// //ye shes mkha' 'gro'i sgrub thabs ni/ /rdo rje gtso bo rgyal po nyon/ /gnyis med ye shes chos ldan pa'i/ /gnyis kyi dngos po 
spangs pa yis/ /rnal 'byor kun sogs dang por ni/ /dag pa gsum ni gdon par bya/ /swa b+ha ba shud d+hAH/ sarba d+harmA swa b+ha ba shud d+ho\u0f85 haM/ /badzra shung d+hAH/ /sarba d+harmA badzra shud d+ho\u0f85haM/ /yo ga shud d+hAH/ sarba d+harmA yo ga shud d+ho\u0f85haM/ /de ltar byas 
nas rnal 'byor pas/ /yang ni bsam gtan de nyid bya/ /yid dang rjes mthun gnas rnams su/ /de nas bsam gtan brtsam par bya/ /bla re yang ni bre ba nyid/ /sna tshogs gos ni 'phyang ba dang / /'phan dang rgyal mtshan bsgreng ba dang / /phyogs 
bcu'i gnas ni thams cad du/ /dri zhim me tog sna tshogs dang / /de bzhin dri yi dkyil 'khor du/ /skad cig gcig pa'i rnal 'byor gyis/ /bdag gi lus ni bsam par bya/ /blo gros ldan pas sngar mchod nas/ /ye shes mkha' 'gro 

</font><hr>79-1-93b<br><font size=+1>

ma ni gzung / /de ltar cho ga sna tshogs ni/ /nges par bsgom pa nyid du bya/ /ye shes rgya mtsho ri bo'i mgor/ /phyogs sogs kha dog bzhi ni bsam/ /de bzhin gser gyi rgyan byung dang / /rin chen bdun gyis rnam par spras/ /g.yer 
ka 'bar ba'i phreng ba ni/ /'dod pas kun tu rgyas par ni/ /gnas ni lnga ru seng ge yi/ /gdan ni bsgom pa nyid du bya/ /nyi ma'i dkyil 'khor bsams nas ni/ /gdugs ni dkar pos rnam par spras/ /bdag gis dbugs kyis phyung 
nas ni/ /dbus su ye shes mkha' 'gro ma/ /zhal gsum pa la phyag drug nyid/ /sems dpa'i skyil mo krung gis gnas/ /ma bcings skra yis mdzes pa dang / /sangs rgyas lnga yis rnam par brgyan/ /kha dog sngon mo 'jigs chen mo/ /sbrul 
gyi rgyan gyis rnam par brgyan/ /rgod dang khro ba sgeg pa dang / /spyan gsum gsal ba'i gzugs can ma/ /sgra cher rgod dang gtsigs pa mo/ /gos ni dmar pos shin tu mdzes/ /steng du kha T+wAM ga nyid dang / /gnyis pa la ni dgra sta nyid/ /gsum 
pa la ni rdo rje nyid/ /g.yon na de bzhin dril bu'i sgra/ /gnyis pa la ni lhung bzed nyid/ /gsum par de bzhin ral gri 'dzin/ /'od zer 'bar ba du ma dang / /dbus su mkhas pas bsgom par bya/ /ye shes mkha' 'gro'i mdun du ni/ /bdag 
gis dbugs kyis phyung nas ni/ /kha dog dkar mo shin tu mdzes/ /ma bcings pa yi skra yis brgyan/ /sbrul gyi rgyan gyis brgyan pa dang / /sgeg pa'i ro dang ldan pa dang / /shin tu mdzes pa'i gos kyis brgyan/ /phyag gnyis kyis ni rnam par spras/ /
rnal 'byor lhung bzed kha T+wAM ga/ /rdo rje mkha' 'gro ma bsgom bya/ /ye shes byang gi cha la ni/ /bdag gis dbugs las phyung nas ni/ /phyag gnyis sems dpa'i skyil mo krung / /btso ma gser gyi mdog lta bu/ /rnal 'byor lhung bzed kha T+wAM 

</font><hr>79-1-94a<br><font size=+1>

ga/ /ma bcings skra yis rnam par brgyan/ /yan lag sbrul gyis brgyan dang ni/ /shin tu mdzes pa'i gos kyis brgyan/ /'jigs pa'i mkha' 'gro zhes bya bsgom/ /ye shes nub kyi cha la ni/ /yang ni ro langs ma phyung nas/ /
phyag gnyis sems dpa'i skyil mo krung / /kha dog sngon mo shin tu mdzes/ /rnal 'byor lhung bzed kha T+wAM ga /ma bcings pa yi skra yis brgyan/ /lus la sbrul gyis brgyan pa dang / /shin tu mdzes pa'i gos kyis brgyan/ /ye shes lho yi cha la ni/ /gdol pa mo 
ni dmar mo ltar/ /rnal 'byor lhung bzed kha T+wAM ga /ma bcings pa yi skra yis brgyan/ /phyag gnyis ma la zhal gcig ma/ /sna tshogs rgyan gyis rnam par brgyan/ /yongs gang gzugs dang gzi brjid ldan/ /'di ni rnal 'byor pa yis bsgom/ /dbang 
ldan lha mo seng ge ma/ /gdong ni seng ger bsam par bya/ /dkar dang ser ba lta bur ni/ /klu dbang stan la g.yas brkyang gnas/ /rdo rje lcags kyu sdigs mdzub zhags/ /shin tu mdzes pa'i gos kyis brgyan/ /'od zer 'bar ba du mas ni/ /lus ni 
'bar bar bsgom par bya/ /mer ni stag mo zhes bya ba/ /rin chen bdun po mchog gi gdan/ /phyag gnyis sngo dang dkar ba mtshungs/ /gos dang rgyan gyis brgyan pa dang / /'bar ba'i rdo rje lcags kyu dang / /de bzhin sdigs mdzub zhags pa nyid/ /
'od zer 'bar ba du mas ni/ /lus ni 'bar bar bsgom par bya/ /bden bral lha mo wa gdong ma/ /sgra cher rgodadang 'jigs pa mo/ /ma he'i gdan dang yang dag ldan/ /dmar zhing nag pa'i kha dog ma/ /lus la shin tu mdzes gos dang / /phyag gnyis 
kyis ni rnam par spras/ /lcags kyu zhags pa sdigs mdzub ma/ /sbrul gyi rgyan gyis brgyan pa'o/ /rlung du lha mo 'ug pa ma/ /ser dang dmar ba'i kha dog ma/ /klu yi gdan la gnas pa dang / /de nyid rgyan ni rab tu brtag /phyag gnyis sems dpa'i 

</font><hr>79-1-94b<br><font size=+1>

skyil krung gnas/ /lcags kyu zhags pa sdigs mdzub ma/ /'od zer 'bar ba du ma yis/ /thams cad kyi ni thams cad 'bar/ /mkha' 'gro ma brgyad dbus su ste/ /phyi rol du ni bzhi po rnams/ /de ltar dgod pa'i rim bltas nas/ /phyi nas 
gnas ni rab tu brtag /shar du mkha' 'gro rgyal dbang mo/ /phyag gnyis dang ni mdog dkar mo/ /yi dgas gdan la gnas pa dang / /sbrul gyi rgyan gyis brgyan pa dang / /skra ni grol zhing drag mo dang / /me ni 'bar ba'i 'od lta bu/ /khar ni lag pa 
bcug nas ni/ /sgra cher rgod dang de bzhin 'bar/ /byang du mar me rgyal mo dbang/ /kha dog gser mdog drag shul ma/ /'jigs pa'i gzugs can gtsigs pa can/ /shin tu mdzes pa'i gos kyis brgyan/ /rab tu song ba'i stan la gnas/ /'bar 
ba'i me ni lta bu'i 'od/ /thal mo gnyis kyis lag pa ni/ /mgo bo'i steng du mar me bzhin/ /nub tu lha mo 'jib byed ma/ /kha dog dmar mo 'jigs pa mo/ /rab tu song ba'i stan la gnas/ /shin tu mdzes pa'i gos kyis brgyan/ /khrag gi srad bu 
lag pa yi/ /snyim par khrag ni 'thung bar byed/ /me ni 'bar ba'i 'od drag mo/ /lha mo gtso mo 'jib byed ma/ /lho ru g.yo ldan ma zhes pa/ /kha dog nag po'i 'od lta bu/ /rab tu song ba'i stan la gnas/ /ma bcings pa yi skra yis brgyan/ /
gos ni dmar po shin tu mdzes/ /sbrul gyi rgyan gyis brgyan pa dang / /sdigs mdzub dang ni gtun shing lag /thams cad sems ni rmongs par byed/ /'bar ba'i me yi 'od drag mo/ /thams cad rig pas thams cad bsgom/ /'di rnams 
gzugs sogs mdun du ni/ /dam tshig de bzhin bstan par bya/ /rlung dang me yis bdun pa'i don/ /rdo rje'i sa bon gyis ni bskul/ /thig le sgras ni mnan pas ni/ /rgyun gyi char ni zhes byar gsungs/ /gsum pa las rab tu byed pa gnyis pa'o// //

</font><hr>79-1-95a<br><font size=+1>

de nas bdag med sgrub pa ni/ /ci gsungs mdo ru bsdus nas bshad/ /nam mkha'i khams kyi dbus son par/ /nyi ma'i dkyil 'khor bsam par bya/ /'khor lo sngon du ci rigs par/ /lha rnams ji ltar 'byung ba nyid/ /
'khor lo sa dang chu ni sngon/ /go rims bzhin du byin za dang / /lha rnams kyi ni rlung chen dang / /ji ltar sgom pa po 'byung ba'i/ /chos 'byung las skyes 'khor lo ni/ /'phar ma gnyis dag skyon med pa/ /ze 'bru las ni gcig yin te/ /rdo rje can 
gyi sku gsum mchog /bcwa lnga'i gdan dang ldan pa yis/ /ro ni nges par bsam par bya/ /de yi steng du zla ba yin/ /zla ba'i steng du sa bon nyid/ /phyi nas bdud las rgyal bas mnan/ /gnyis 'dus pa las bde chen po/ /A li zla ba'i 
gzugs kyis gnas/ /kA li'i gzugs kyis snang byed do/ /zla ba nyi ma gnyis 'dus pas/ /dkar mo la sogs rab tu grags/ /zla ba me long ye shes ldan/ /de bzhin mnyam nyid ye shes nyid/ /rang lha'i sa bon phyag mtshan ni/ /so 
sor rtog par brjod par bya/ /thams cad gcig gyur nan tan nyid/ /gzugs brnyan rdzogs par dag pa'o/ /mkhas pas cho ga gsungs pa ni/ /rnam pa lnga po bsgom par bya/ /A li kA li mnyam sbyor pa/ /rdo rje sems dpa' nyid kyi gdan/ /
yi ge las byung gong bu la/ /hUM phaT rnam pa 'dod mi bya/ /sems pa'i gzugs brnyan las byung ba/ /dkyil 'khor bdag po bsgom par bya/ /phyag mtshan zhal sogs gong ma bzhin/ /zla ba chu shel nor bu'i 'od/ /thabs dang shes rab rang 
bzhin las/ /de ltar thams cad rdzogs pa nyid/ /A li shes rab kA li thabs/ /zla ba nyi ma'i rab dbye ba/ /gang phyir dkar mo la sogs pa/ /kha dog dbye ba so so yin/ /de phyir kun tu rab 'bad pas/ /dkyil 'khor pa yang rab tu brtag /

</font><hr>79-1-95b<br><font size=+1>

rnal 'byor ma lnga 'di dag ni/ /nang gi 'phar ma yang dag gnas/ /phung po lnga yi rang bzhin gyis/ /rnal 'byor rig pas rtag tu bsgom/ /dbang por rdo rje gshin rjer dkar/ /chu bdag chu yi rnal 'byor ma/ /lus ngan rdo rje mkha' 'gro ma/ /dbus 
su bdag med rnal 'byor ma/ /phyi rol 'phar mar dkar mo dang / /chom rkun de bzhin ro langs ma/ /g+ha sma rI dang pok+ka sI/ /ri khrod ma dang gdol pa mo/ /brgyad pa g.yung mos gang ba'o/ /'og ldan ma dang steng ldan nyid/ /mkha' spyod sa spyod 
ma zhes brjod/ /srid dang zhi ba'i rang bzhin gyis/ /ngos su gyur ma yang dag gnas/ /lha mo thams cad sna tshogs mdog /drag chen phyag rgya lnga yis brgyan/ /zhal gcig ma la phyag bzhi ma/ /spyan gsum gsal ba'i gzugs can ma/ /'khor lo 
rna cha mgul rgyan dang / /lag par gdu bu ska rags nyid/ /sangs rgyas lnga ni rnam dag pas/ /'di lnga phyag rgya dag par gsungs/ /ji ltar bdag med rnal 'byor ma/ /de ltar thams cad rnam par bshad/ /g.yon pas rnal 'byor lhung bzed dang / /de bzhin steng du 
kha T+rA ga /g.yas na rdo rje sngon po dang / /de bzhin du yang gri gug nyid/ /ro la zhon zhing gzi brjid 'bar/ /spyan dmar de bzhin steng skyes ser/ /kha dog sngon mo ches gsal ma/ /stag gi pags pas rnamadakris shing / /'jigs pa'i me ni lta bur ni/ /gsal ba'i gzugs 
can ma de gnas/ /g.yas na dkar dang sngo ba ste/ /g.yon na ma rgad sngo dang mtshungs/ /phyag gnyis ma la zhal gcig ma/ /rgyan rnams kun gyis rnam par brgyan/ /lag pa gcig ni thod pas brel/ /g.yas na gri gug 'dzin pa ma/ /rgod dang khro dang sgeg pa 
dang / /de ni mchod pa'i gzugs gnas pas/ /sangs rgyas sprin dang mnyam pa yi/ /'od zer sna tshogs kun tu spro/ /de nyid gsum gyi rang bzhin bdag /mkhas pas dbus su bsgom par bya/ /gsum pa las rab tu byed pa gsum pa'o// //

</font><hr>79-1-96a<br><font size=+1>

de nas dkyil 'khor chen po mchog /yang dag rab tu bshad par bya/ /rdo rje dbyings dang mnyam pa'i dbyibs/ /rdo rje dbyings zhes bya bar gsungs/ /dkyil 'khor gnas ni sbyangs nas ni/ /phyag rgya chen por yongs su gzung / /
thams cad rnam par bltas nas ni/ /sngags pas 'di ni bsgrub par bya/ /sar pa legs par bkal ba dang / /shin tu tshad ma mdzes pas ni/ /srad bus thig gdab shes rab can/ /ji ltar nus par dkyil 'khor nyid/ /gru bzhi pa la sgo bzhi pa/ /
rta babs rnams kyis shin tu mdzes/ /thig bzhi dang ni yang dag ldan/ /gos dang me tog phreng bas brgyan/ /mtshams kyi cha rnams thams cad dang / /sgo yi khyud kyi grwa rnams su/ /rdo rje rin chen rnams kyis spras/ /phyi rol dkyil 'khor thig 
gdab bya/ /de yi 'khor lo so so'i skabs/ /nang du yang ni zhugs nas ni/ /rdo rje thig ni yongs bcug cing / /ka ba brgyad kyis nye bar mdzes/ /rdo rje ka ba'i rtser gnas pa/ /dkyil 'khor lnga yis rnam par brgyan/ /de nas dkyil 'khor nang 
du ni/ /sangs rgyas gzugs brnyan rnam par dgod/ /gsungs pa'i dkyil 'khor cho ga yang / /sgrub pa'ang khyod la bshad par bya/ /de la dang por lha nyid kyi/ /khyim du sngags pa zhugs nas ni/ /a las zla ba'i dkyil 'khor ni/ /bsams 
nas de steng rdo rje ni/ /dkar po rtse mo lnga pa nyid/ /cho gas bsam par byas nas ni/ /de bzhin gshegs pa kun sogs la/ /mchod nas phyag 'tshal 'di skad gsol/ /sangs rgyas byang chub sems dpa' kun/ /bdag la dgongs pa mdzad du 
gsol/ /bdag ni che ge mo zhes bgyi/ /dus 'di nas ni bzung nas ni/ /ji srid byang chub snying po'i bar/ /ji ltar dus gsum mgon po rnams/ /byang chub tu ni nges mdzad pa'i/ /byang chub sems ni bla med mchog /dam pa bdag gis bskyed par 

</font><hr>79-1-96b<br><font size=+1>

bgyi/ /dge ba'i chos ni sdud pa dang / /sems can don byed tshul khrims dang / /tshul khrims bslab pa rnam pa gsum/ /so sor bdag gis brtan par gzung / /sangs rgyas chos dang dge 'dun te/ /bla na med pa'i dkon mchog gsum/ /
sangs rgyas rnal 'byor las skyes pa'i/ /sdom pa deng nas brtan por gzung / /rdo rje rigs mchog chen po la/ /rdo rje dril bu phyag rgya yang / /de nyid las ni so sor gzung / /slob dpon dag kyang gzung bar bgyi/ /rin chen rigs kyi rnal 
'byor gyis/ /dam tshig yid du 'ong ba la/ /nyi ma re re drug byas nas/ /sbyin pa rnam bzhi rab tu sbyin/ /byang chub chen po las byung ba/ /pad+ma'i rigs mchog dag pa la/ /phyi dang gsang ba theg pa gsum/ /dam pa'i chos kyang so sor gzung / /
las kyi rigs mchog chen po la/ /sdom pa thams cad ldan par ni/ /thams cad so sor gzung bar bya/ /mchod pa'i las kyang ci nus bgyi/ /byang chub sems ni bla med po/ /dam pa bdag gis bskyed par bgyi/ /sems can kun 
gyi don gyi phyir/ /sdom pa ma lus gzung bar bgyi/ /ma bsgral ba dag bsgral bar bgyi/ /ma grol ba dag sgrol bar bgyi/ /dbugs ma phyin pa dbugs dbyung zhing / /sems can mya ngan 'das la gzhag /de nas bcom ldan 'das rdo rje 'dzin pa 
thams cad kyi rtse mo las byung ba zhes bya ba'i ting nge 'dzin la snyoms par zhugs te tshig 'di dag bka' stsal pa/ de nas bsam gtan gnas 'dug nas/ /chos rnams thams cad bdag med par/ /yang dag rjes su blta bar bya/ /phyi dang nang gi bdag 
nyid can/ /'di dag thams cad sems kyis brtags/ /sems las ma gtogs pa nyid ni/ /gzhan du yong pa ma yin no/ /chos kun rang bzhin 'od gsal ba/ /chos kun dang por ma skyes phyir/ /yid kyis a nut+pan+na brjod/ /de nas rang 

</font><hr>79-1-97a<br><font size=+1>

sems de nyid 'dis/ /rang bzhin gyis ni 'od gsal ba/ /'dod pa'i sngags kyis bzlas pas ni/ /zla ba'i dkyil 'khor rnam par blta/ /oM tsit+ta pra ti be d+ha~M ka ro mi/ tshogs kyi dkyil 'khor che dag pa/ /nam mkha' lta bu dri 
ma med/ /yid gnyis kun las rnam par grol/ /mchog tu rnam par rtog pa 'joms/ /nyon mongs dri ma thams cad dag /dang po zla ba ltar bltas nas/ /sangs rgyas kun gyi yon tan 'dir/ /a sogs gzugs kyis 'jug par 'gyur/ /
a A i I u U r-i r-I l-I l-I e ai o au a~M aH/ bcom ldan zla ba'i dkyil 'khor gyi/ /yon tan khyad par ji ltar lags/ /bcom ldan 'das kyis bka' stsal pa/ /gru gsum rgya chen rang bzhin can/ /sangs rgyas kun gyi yon tan 
gnas / /'di ni a sogs gzugs kyis ni/ /sangs rgyas yon tan 'jug par 'gyur/ /shel dang zla ba lta bur ni/ /de yi steng du 'jug par 'gyur/ /sems ni rang bzhin 'od gsal bas/ /de nyid dga' bar byed pa'i rgyu/ /sngags pas 
'di yi sngags kyis ni/ /byang chub sems ni skyed par byed/ /oM bo d+hi tsit+ta ut+bA da yA mi/ byas pa'i rjes su rim 'byung ba/ /sems can rjes su 'dzin pa po/ /dge ba'i chos kyis yang dag gang / /nyon mongs thams cad nges par gnon/ /zla 
ba'i dkyil 'khor dbus su ni/ /byang chub zla ba gnyis pa can/ /'dir yang skar ma'i rnam pas ni/ /sangs rgyas yon tan ka sogs kyi/ /gzugs kyis gzugs brnyan lta bu yi/ /rnal 'byor gyis ni 'jug par 'gyur/ /ka kha ga g+ha nga / tsa tsha dza dz+ha nya/ 
Ta Tha Da D+ha Na/ ta tha da d+ha na/ pa pha ba b+ha ma/ ya ra la wa/ sha Sha sa ha k+ShaH/ 'di yi dkyil 'khor cho ga kun/ /rgyud ni gzhan du ma gsungs so/ /de la dbus su rtse lnga pa/ /'od zer dkar po bcas pa nyid/ /kun tu bzang po'i sems bskyed 

</font><hr>79-1-97b<br><font size=+1>

pas/ /brtan par byed pa'i rgyu yi phyir/ /bdag nyid rdo rje'i gzugs brnyan du/ /'di yi sngags kyis bsgom par bya/ /oM tiSh+Tha badzra/ byang chub spyod pa bla na med/ /de yi sa ni rtogs pa 'di/ /ye shes dag pa zag pa med/ /zla ba'i dkyil 
'khor dbus su ni/ /rdo rje nges par brtag par bya/ /nam mkha'i khams ni thams cad kyi/ /tshad du yang dag gang ba yi/ /rdo rje'i lus kyi bdag nyid du/ /sngags pas bsgom par bya ba'o/ /'dis ni sngags kyi rnal 'byor gyis/ /spro ba dang ni 
bsdu bar bya/ /oM badzra At+ma ko\u0f85 ha~M/ sangs rgyas kun gyi sku gang ni/ /snang ba med cing gnas pa med/ /ma skyes ma byas dag pa nyid/ /dngos po med pa la sogs spangs/ /gcad med dbyer med gzung du med/ /chos kyi sku ni gzugs med pa/ /
rdo rje bdag med yang dag gyur/ /rdo rje'i sku ni gong na med/ /de ltar yang de rdo rjes mtshan pa bsgom par bya ba bcom ldan 'das de bzhin gshegs pa thams cad nyon cig /yang ni rdo rje sems dpa' ni/ /rnam pa kun gyi mchog ldan pa/ /sangs 
rgyas rnams kyi gzugs brnyan ni/ /'di yi sngags kyis bsgom par bya/ /oM ya tha sarba ta thA gA tA sta thA ha~M/ sku dang gsang ba de bzhin spyod/ /spyod yul de nyid rtogs pa ni/ /mngon par byang chub rnam pa lnga/ /sangs rgyas kun gyi bdag nyid dge/ /
de nas yang byang chub sems dpa' sems dpa' chen po rdo rje snying po la sogs pas bcom ldan 'das la 'di skad ces gsol to/ /bcom ldan 'das gsang ba'i rdo rje dang / pad+ma'i rigs kyi ming ci lags/bcom ldan 'das kyis bka' stsal pa/ rdo rje 
de bzhin gshegs pa kun la gnas/ /pad+ma'i rigs ni lha mo chen mo ldan/ /de yi rdo rje pad+ma'i steng du gnas/ /de las de bzhin gshegs pa thams cad don/ /de nas de ltar bdag nyid rnam par snang mdzad du bskyed nas steng dang 'og tu sngags kyi yi ge 

</font><hr>79-1-98a<br><font size=+1>

bkod de/ cho ga bzhin du ri rab dang / gru gsum rgya chen po bskyed par bya ste/ 'od zer sna tshogs kyi dkyil 'khor gyis brgyan pa las yang dag par byung ba'i mdzes pa'i gnas bsgoms nas/ der ba~M las byung ba'i sna tshogs pad+mar nyi 
ma'i dkyil 'khor ro/ /rlung dang me'i dkyil 'khor dang ldan pa ya ra la was brgyan pa'o/ /de nas de'i steng du sngags kyis de bzhin gshegs pa thams cad kyis gsol ba btab cing bstod pa/ rab tu bsngags pa/ nor bu rin po che chen po 'od gsal ba dang / /
kha dog sna tshogs shing dril bu dpyangs pa dang / rlung gis bskyod pa'i gos dang / 'phan dang / me tog gi phreng ba dang / do shal dang / do shal phyed pa dang / zla bas nye bar mdzes par rdo rje nor bu'i rtse mor gzhal med khang bsam par bya'o/ /hU~M gi sngags 
'dis rang gi snying kharazla ba'i dkyil 'khor du sngags 'di bkod de gyur pa las rdo rje rtse lnga pa bsgom par bya'o/ /yang sangs rgyas thams cad spro ba dang bsdu bar bya zhing rdo rje de nyid yang yongs su gyur pa las rdo rje sems dpa' rnam pa kun gyi mchog dang ldan pa 
zla ba'i kha dog gi 'od lta bu ste/ zla ba'i dkyil 'khor gyi steng na bzhugs shing rgyan thams cad kyis brgyan pa/ dpa' po shes rab dang dga' ba gcig pus mdzes pas rdo rje dang / dril bu dang / ral gri dang / lcags kyu nyid dang / thod pa dang / zhags pa 
'dzin pa nyid do/ /g.yas pa ni kha dog nag po'o/ /g.yon pa ni pad+ma rA ga'i 'od do/ /zhal gsum pa dang / phyag drug pa nyid dang / spyan gsum pa nyid dang / bzang po'i gzugs can te/ rang gi rig ma'i pad+ma la bzhugs pa/ /dgyes pa'i dkyil 
'khor bsgom par bya'o/ /rnam pa thams cad kyi mchog dang ldan par dkyil 'khor pa'ang rab tu brtag par bya'o/ /shar du ni rnam par snang mdzad do/ /lhor ni rin chen 'byung gnas so/ /nub tu ni 'od dpag tu med pa'o/ /byang du ni gdon mi za bar grub 

</font><hr>79-1-98b<br><font size=+1>

pa'o/ /dbang ldan du ni spyan no/ /mer ni mA ma kI'o/ /bden bral du ni gos dkar mo'o/ /rlung du ni sgrol ma'o/ /phyi rol gyi 'phar ma la drag shul ma ni kha dog dkar mo'o/ /lho ru ni rdo rje gzugs brnyan ma ni kha dog ser mo'o/ /nub tu ni 'dod chags rdo 
rje ma kha dog dmar mo'o/ /byang du ni rdo rje zhi ba mo kha dog ljang gu ma'o/ /dbang ldan du ni rdo rje gnod sbyin mo kha dog dkar ser lta bu'o/ /me ru ni rdo rje mkha' 'gro ma dmar ser lta bu'o/ /bden bral du ni sgra'i rdo rje ma ni sngon dmar lta bu'o/ /rlung dang sa'i rdo rje ma ni 
kha dog ljang skya ma lta bu'o/ /phyi rol gyi 'phar ma la dbang ldan du ni gling bu ma'o/ /me ru ni bi pa~M ma'o/ /bden bral du ni mu kun da ma'o/ /rlung du ni rdza rnga ma'o/ /gling bu ma la sogs pa ni phyag gnyis ma la zhal gcig ma'o/ /phyi rol gyi snam bu la me tog 
ma la sogs pa'i mtshan ma 'dzin pa'i rnal 'byor ma de gzhag par bya ste/ de bzhin du phyag gnyis ma'o/ /shar gyi sgo la lha mo rdo rje lcags kyu ma nam mkha' sngo bsangs ma'i mdog bri bar bya ste/ zhal g.yas pa dang / gzhan pa ni gnag pa dang dkar 
po'o/ /phyag g.yas pa'i dang po ni lcags kyu'o/ /gnyis pa la ni ral gri 'phyar ba'o/ /gsum pa la ni 'khor lo'o/ /g.yon pa na ni zhags pa dang / sdigs mdzub dang / dril bu 'dzin pa ste phyag drug pa bri bar bya'o/ /lho'i sgor lha mo rdo rje zhags 
pa ma kha dog dkar ser te/ zhal g.yas pa dang / gzhan pa ni gnag pa dang dmar ba'o/ /g.yas pa na ni zhags pa dang / rdo rje dang / ral gri 'phyar ba'o/ /'khor lo dang / dril bu dang / sdigs mdzub zhags pa can te phyag drug go/ /nub kyi sgo la ni rdo rje 
lcags sgrog ma ste/ de bzhin du yang kha dog dmar zhing gzi brjid che ba ste/ zhal g.yas pa dang gzhan pa ni gnag pa dang dkar ba'o/ /phyag drug na lcags sgrog dang / rdo rje dang / ral gri dang / 'khor lo dang / dril bu dang / lcags kyu'o/ /

</font><hr>79-1-99a<br><font size=+1>

byang gi sgo la ni rdo rje dril bu ma 'jigs par byed ma ste/ zhal gsum ni ljang gu dang / nag mo dang / dkar mo'o/ /phyag drug na ni dril bu dang / rdo rje dang / lcags kyu dang / 'khor lo dang / ral gri dang / zhags pa'o/ /thams cad kyang skra steng du 
'bar ba ste/ sna tshogs pad+mar nyi ma'i dkyil 'khor du gzhag par bya'o/ /me'i phyogs nas brtsams te me tog la sogs pa'i mtshan ma 'dzin pa'i rnal 'byor ma de gzhag par bya ste phyag gnyis mar gsungs so/ /shar la sogs pa'i sgo rnams su ni rnal 'byor ma 
lcags kyu ma dang / zhags pa ma dang / lcags sgrog ma dang / dril bu'i lag pa ma ste/ sgo srungs ma dang yang dag par ldan pa'o/ /dza:hU~M ba~M ho:zhes bya ba 'di rnams kyi snying po bstan pa ste the tshom mi za'o/ /de ltar bkod pa dang byas pa la sogs pa'i tshul 
gyis kyang mtshan ma dang phyag rgya dang ldan pa'i dpal rdo rje sems dpa'i phyi'i dkyil 'khor ro/ /gong ma lta bu de'i phyed kyis de'i nang du zla ba phyed pa'i dbyibs lta bu'i rlung gi dkyil 'khor dang ka ba brgyad kyis nye bar mdzes pa dang / /phyi rol du ri mo bzhis yongs su 
bskor ba'o/ /lha mo thams cad kyi gnas su ji skad gsungs pa'i gdan rnams ni dkar mo la sogs pa rab tu brtag par bya'o/ /de la dbus su hrIH'i yi ge rnam par bsgom par bya'o/ /de'i shar gyi re'u mig la ni hrIH'o/ /lho ru ni ho'o/ /nub tu ni gI'o/ /
byang du ni dzi'o/ /me ru ni ha~M ngo / /bden bral du ni dza~M ngo / /rlung du ma~M ngo / /dbang ldan du ha~M ngo / /dkyil 'khor gyi phyi rol du dgod pa ni me'i mtshams su ni a~M ngo / /bden bral du ni u'o/ /rlung du ni e'o/ /dbang ldan du ni ai dgod par bya'o/ /shar gyi 
sgo la dza:'o/ /lho ru ni hU~M ngo / /nub tu ni pa~M mo/ /byang du ni hoHda god par bya'o/ /phyi rol du dur khrod brgyad kyis yongs su bskor ba'i dkyil 'khor bsams te/ der dbang po la sogs pa'i 'byung po chen po brgyad po 'jigs par byed par dgod par bya'o/ /

</font><hr>79-1-99b<br><font size=+1>

shar du ha ri bA sa la/ /lha yi tshogs ni yang dag bri/ /lho ru tsu ta'i shing la ni/ /gshin rje'i gtso bo'i dbang phyug bri/ /nub tu a sho ka gnas su/ /sprin gyi rgyal po der ni dgod/ /de bzhin byang du byang chub shing / /gnod sbyin sde dpon mnyam par 
gzhag /de bzhin mer ni ka rany+dzar/ /drang srong tshogs kyis ya'i dag khyab/ /bden bral la tA dzA Tir ni/ /srin po la sogs de nas dgod/ /rlung du pAr+thi pa la ni/ /rlung gi bdag po yang dag bri/ /dbang ldan pa Ta s+tha lar ni/ /yi dgas tshogs ni 
yang dag bri/ /drag bcas dbang bcas nye dbang bcas/ /zla bcas nyi ma gshin rje'i cha/ /rgyas btab rmongs byas zos byas shing / /thal ba'i dngos bcas 'tsho bar byed/ /thabs dang shes rab rnal 'byor gyis/ /g.yon par kha T+wAM brten nas su/ /
dril bu sil sil sgra sgrogs shing / /khrag gis bkang ba'i thod pa bsnams/ /g.yas su rdo rje 'bar ba ste/ /'jigs pa yang ni 'jigs par mdzad/ /skyil krung phyed pa byas nas ni/ /nyid kyi brla steng g.yon pa mnan/ /tshangs pa la sogs 
mnan pa de/ /grags pa nye bar mi za ste/ /kun du 'od zer sna tshogs kyis/ /sangs rgyas sprin dang mnyam pa 'dis/ /spro ba yang ni sbyin par bya/ /de ltar rnal 'byor pas bsgoms na/ /dngos grub myur du thob par 'gyur/ /dpal yang dag par sbyor 
ba las byung ba ste brtag pa'i rgyal po gsum pa'o// //bcom ldan rnal 'byor rnal 'byor ma'i/ /ngag gi phyag rgya'i mtshan nyid ci/ /gsang ba nyan par 'tshal lags na/ /thub pa chen pos bshad du gsol/ /de nas bcom ldan 'das 
mkha' 'gro ma rnam par rgyal ba'i stobs zhes bya ba'i ting nge 'dzin la snyoms par zhugs nas mkha' 'gro ma'i dam tshig gi phyag rgya bka' stsal pa/ kol+la i riT+Thi a bol+la/ mum+mu Ni re kak+ko lA/ g+ga Na ki pIn+na ho bAdz+dzaM i/ kA ru Ne ki a i na ro lA/ ta hoM ba 

</font><hr>79-1-100a<br><font size=+1>

lA khAdz+dza i/ g+ha De ma a NA pidz+dza i/ ha le kA liny+dza ra pa Ni a i/ du d+hu ra badz+dza a i/ tsa u sa ma kAs+thu ra si h+lA/ kap+pu ru lA i a i/ ma la in+d+ha Na~M sha li dza/ ta hiM b+ha ru kha i a i/ phreM kha Na kheT+Ta ka ran+te/ shud+d+ha a shud+d+ha na mu 
Ni a i/ Ni ra~M shu ang ga ce DA bi a/ ta hiM dza sa rA ba pa Ni a i/ ma la a dza~M kun du ru bAT+Ta i/ DiM Di ma ta hiN+Na badz+dza a i/ mu khe g+ho g+hu gu g+hu/ mu g+hu lu g+hu/ dreSh+TA/ 'di rnams bltas nas rnal 'byor pas mtshan ma gsungs pa zhes bya 
ba la spro bar bya'o/ /DA/ DI/ bu/ su/ mA/ yo/ b+hi/ d+hi+A/ lu/ s+t+rI/ sa/ pe/ phI/ b+ha/ b+hu/ pI/ b+hu/ hI/ ga tri/ ku/ hA/ dzA/ ke/ b+ha/ swA/ pu/ dzA/ o/ a/ go/ rA/ de/ mA/ kA/ o/ tri/ ko/ ka/ la/ kA/ hi/ pre/ gr-i/ so+o/ su/ nA/ shi/ 
ma/ ku/ de nas ngag gits+tsho ma yi/ /cho ga'i rim pa bshad par bye/ /gang gis spun dang sring mor yang / /the tshom med par shes bya ba/ /po ta~M gI dang / pra ti po ta~M gI dang / ga mu dang / lum+ba dang / ni ga ra dang / tsa Tu ka~M dang / hr-i da ya~M dang / kau ra ba dang / 
kar+N+Ni kA dang / a li ka ra Na~M dang / ba rA ha dang / shra wa Na dang / man+dza na dang / na ra:dang / tA li kA dang / na ra ka~M dang / a mru ka~M dang / kA khi la dang / swa sa Na~M dang / pa ri d+hiHdang / bi ra d+hiHdang / kru rA dang / an+taHdang / a li kA dang / b+ha gi nI dang / mu 
da ka~M dang / gr-i ha Na dang / mu drA dang / dan+ta spaR+sha dzi hwA dang / gan+d+ha ba hi nI da~Mng / A ga ma na~M dang / s+thA nA ta dang / ki ra NaHdang / go ma dang / nA dA dang / lam+bo da ra dang / dan+taHdang / ni ro d+ha dang / bi dz+nya p+ti dang / d+hu r+ya dang / d+hu mra pri ya dang / sA nu dang / sa ri taHdang / 
a~M gu l+yA dang / ba da na~M dang / rA dzi kA dang / a da nA dang / pa~M k+ti dang / ts+tsh+nan do dang / tsa loHdang / mr-i ga pa ti dang / maN+Da la~M dang / sa ma~M dang / phal gu ShaM dang / ma hA k+Sha ra~M dang / ts+tshA/ nA/ go dang / ma dang / b+ha dang / hA dang / a pya kA dang / s+tha dang / dan+ta spaR+sha ne 

</font><hr>79-1-100b<br><font size=+1>

dang/ mu kha spaR+sha ne dang / ho dang / hrI kA dang / shU n+ya spaR+sha ne dang / u ru spaR+sha ne dang / steng dang / 'og tu yod pa ni phyag rgya dang phyag rgya'i lan du gsungs so/ /yi ge dang ngag gi ts+tsho ma ste bzhi pa las rab tu byed pa dang po'o// //rdo rje snying po snying rje che/ /
yid ni gcig tu gyur pas nyon/ /gzugs can ma dang 'o byed ma/ /lA mA yongs gyur byis bcas mo/ /mi ldog mo dang 'dod pa mo/ /'di dag mkha' 'gro bdun du gsungs/ /mngon par zhen pas lta ba dang / /smin ma yon por gang byed cing / /sngon 
gyi gzugs ni sdud pa dang / /phyis ni 'jigs par byed pa yang / /de ni gzugs can mar shes bya/ /dpa' bos gnyis med bstan pa'o/ /sdug pa'am gal te mi sdug pa'i/ /byis pa lta zhing 'o byed ma/ /de ni 'o byed mar shes bya/ /mkha' 'gro 
mchog kyang de nyid yin/ /byol song lta stangs khro gnyer gdong / /'di ni smin sgyur sdigs par byed/ /gzhan du dbugs kyis 'jigs byed ma/ /de ni lA mAr rnam par bstan/ /phag dang ce spyang byi la dang / /rta rnams thams cad 'jigs byed ma/ /
de ni yongs gyur ma ru gsungs/ /rab tu dga' zhing gsal bar dgod/ /song bar gyur nas mi ldog ma/ /de ni byis bcas mo ru gsungs/ /gang zhig skyo bas lag pa 'am/ /bong pa 'am ni rkang pas sam/ /gos mtha' ma yang na shing gis ni/ /
des reg pa ni 'tsho mi 'gyur/ /de ni mi ldog mar shes bya/ /rgod dang smra dang ngu ba dang / /glo bur du ni khro 'gyur ba/ /de ni 'dod pa mar shes bya/ /mkha' 'gro rnal 'byor mar gsungs so/ /thod pa dgra sta mche ba dang / /chu srin rgyal mtshan ral gri 
dang/ /'phang mdung dang ni bdun du gsungs/ /yang dag sbyor ba'i cho ga 'di/ /rnal 'byor rig pas rtag tu mchod/ /lus srul mo'i mtshan ma dang phyag rgya ste bzhi pa las rab tu byed pa gnyis pa'o// //de nas lA mA'i mtshan nyid ni/ /yang 

</font><hr>79-1-101a<br><font size=+1>

dag rab tu bshad par bya/ /dmar zhing dkar ba'i bud med gang / /pad+ma'i 'dab ma lta bu'i 'od/ /dkar po'i gos la rtag dga' zhing / /tsan dan sar pa'i dri dang ldan/ /bde gshegs 'dus pa nyid la dga'/ /chags shing 
mthong na rjes 'gro ma/ /khyim du pad+ma 'dri byed pa/ /pad+ma gar dbang rigs las byung / /smin ma'i dbus su rtse gsum son/ /lus ni sngo sangs skya ba dang / /ut+pal sngon po'i dri dang mtshungs/ /khyim du rdo rje bris nas ni/ /rtag tu mchod pa byed pa 
ni/ /he ru ka dpal rigs byung ba/ /de ni mkha' 'gro mar shes bya/ /mig dmar dkar dang dmar ba dang / /de bzhin rkang pa lag pa dmar/ /ra skyes khyim bya dag gis kyang / /rtag tu dga' bar gyur pa dang / /de yi khyim du rdo rje ni/ /bris nas 
rtag tu mchod byed pa/ /he ru ka dpal rigs byung ba/ /mkha' 'gror 'di la the tshom med/ /'khor lo gang gi dpral ba'am/ /lag par yang ni mthong gyur pa'i/ /ser zhing sngo sangs bud med gang / /rtag tu gos ser dga' ba nyid/ /me tog 
dkar po'i dri chen dang / /skal bzang phun sum tshogs ma de/ /khyim du 'khor lo 'dri bar byed/ /de bzhin gshegs pa'i rigs rjes 'gro/ /gnag cing sngo sangs bud med gang / /so ni dkar zhing mtho ba dang / /rtag tu gdug pa'i g.yon pa ni/ /
skra ni rtag tu grol ba yin/ /rtag tu khrus la dga' ba dang / /spyod cing mang du smra ba dang / /rdo rje khyim du bris nas ni/ /rtag tu mchod pa byed pa ni/ /rdo rje phag mo'i rigs las byung / /dkar zhing gser dang mtshungs pa dang / /'bar ba'i mig dang ba spu gang / /
rdo rje gang gi dpral ba'am/ /lag par yang ni mthong gyur pa/ /rtag tu rgyal srid dga' ba dang / /snyems shing bden par smra ba dang / /ma li ka yi dri dang ldan/ /khyim du rdo rje bris nas ni/ /rtag tu mchod pa byed pa ni/ /dum skyes ma yi rigs las byung / /

</font><hr>79-1-101b<br><font size=+1>

rnal 'byor dbang phyug chen mo mchog /sha la dga' ba'i bud med gang / /mig sman nag po lta bu'i 'od/ /dpral bar mdung rtse'i rnam pa nyid/ /drag shul las la dga' ba gang / /rtag tu dur khrod 'gro gang dang / /'jigs med skyugs bro med 
pa dang / /gang gi dpral bar bsdus nas ni/ /khyim du thod pa 'dri byed cing / /rtag tu mchod pa byed pa ni/ /he ru ka yi rigs las byung / /char sprin mdog 'dra'i bud med gang / /so ni mi mnyam par gnas shing / /rtag tu drag shul las rnams dang / /
g.yon pa'i mche ba byung ba ni/ /khyim du dgra sta 'dri byed cing / /rtag tu mchod pa byed pa ni/ /rnam par 'dren pa'i rigs byung ba/ /de ni mkha' 'gror the tshom med/ /gang gi skra ni li ba dang / /bzhin ni yongs su zlum pa dang / /rtag tu kha la sma ra dang / /
smin ma ring zhing ba spu dang / /gos dkar gtsang zhing zhi ba dang / /mi bskyod bden par smra ba dang / /rtag tu dam pa'i chos dga' ba/ /dpa' bo'i sring mor de shes bya/ /pad+ma'i phyag rgya sbyin par bya/ /yang na ru sbal phyag rgya bya/ /ril ba spyi blugs 
mchod byed pa/ /phyag rgya'i lan du brjod par bya/ /de ni tshes bcu'i res dag la/ /khyim du pad+ma 'dri bar byed/ /ma mchu 'phyang zhing mig yangs ma/ /mig ni dmar zhing ser ba dang / /che zhing skal bzang nor dang ldan/ /ser zhing tsam pa lta bu nyid/ /
ring zhing lag pa ring ba dang / /sna tshogs gos la dga' ba dang / /ri mo gsum ni dpral ba 'am/ /steng gi mtshams su nges par gnas/ /rgod pa dang ni dga' ba nyid/ /lam gyi rnam pa gnon cing gnas/ /g.yul du shi ba rnams kyi ni/ /gtam 
la rtag tu dga' ba nyid/ /de 'dra'i rab myos mthong nas ni/ /mdung rtse'i phyag rgya rab bstan bya/ /rkang pa g.yon pa bskums pa yi/ /gar nyid kyang ni rab bstan bya/ /g.yon gyis yongs su bskor ba ni/ /phyag rgya'i lan du brjod par bya/ /bcu bzhi ba dang 

</font><hr>79-1-102a<br><font size=+1>

brgyad pa la/ /khyim du mdung rtse bris shing mchod/ /'jig rten dbang phyug mtshan nyid yin/ /dmar zhing dkar ba'i bud med gang / /mig ni ljang zhing ser ba dang / /de bzhin skra ni 'khyil ba dang / /dar dpyangs bcings par snang ba 
nyid/ /ri mo gcig par rab tu gnas/ /de bzhin steng du ring ba dang / /rtag tu gos dmar la dga' zhing / /rtag tu rgod cing glu len dang / /glo bur du ni khro ba dang / /khyad par du ni sems g.yo dang / /rtsod pa rtag tu dga' ba nyid/ /de 'dra'i rab myos 
mthong nas ni/ /'phang mdung phyag rgya rab bstan bya/ /gnyis pa yis kyang 'bad pa yis/ /dril bu'i phyag rgya rab tu sbyin/ /g.yon gyis yongs su bskor ba ni/ /phyag rgya'i lan du brjod par bya/ /thung zhing byin pa sbom pa dang / /rtag tu gos ser 
dga' ba dang / /mgrin pa nas ni gos 'phyang ba/ /de 'dra'i rab myos mthong nas ni/ /'khor lo'i phyag rgya rab bstan bya/ /gnyis pa'ang rab tu 'bad pas ni/ /dung gi phyag rgya sbyin par bya/ /de bzhin yongs su bskor ba nyid/ /de yi dus ni bcu 
bzhi la/ /khyim du rdo rje 'dri bar byed/ /yan lag kun la ba spur bcas/ /mig ni nag cing ser ba dang / /gtsigs shing rnam 'gyur 'jigs pa dang / /bzhin sbom kha ni sbom pa dang / /ma mchu 'phyang zhing khung mig dang / /sna ni nyams par gyur pa 
dang/ /rtag tu dri za 'dod pa dang / /sprin gyi kha dog lto che ba/ /de 'dra'i rab myos mthong nas ni/ /klu yi phyag rgya rab sbyin bya/ /gnyis pa yang ni 'bad pa yis/ /'phang mdung phyag rgya sbyin par bya/ /yongs su bskor ba gong ma bzhin/ /de ni bcu gcig 
ches la ni/ /mche ba 'dri zhing rtag tu mchod/ /mtshan ma'i phyag rgya ste bzhi pa las rab tu byed pa gsum pa'o// //de nas yan lag phyag rgya yi/ /mtshan nyid yang dag rab bshad bya/ /bud med gang zhig spyi gtsug reg /spyi bo de la rab 

</font><hr>79-1-102b<br><font size=+1>

bstan bya/ /gang zhig dpral ba ston pa la/ /mkhur tshos de la rab bstan bya/ /gang zhig so ni ston pa la/ /lce ni de la rab bstan bya/ /gang zhig ma mchu ston pa la/ /kos ko de la rab bstan bya/ /gang zhig mgrin pa reg pa la/ /lto ba de la rab 
bstan bya/ /gang zhig lto ba ston pa la/ /lte ba de la rab bstan bya/ /gang zhig mjug ma ston pa la/ /sa ni de la rab bstan bya/ /gang zhig gsang ba ston pa la/ /ling ga de la rab bstan bya/ /gang zhig pus mo ston pa la/ /byin pa de la rab bstan bya/ /
gang zhig lag pa ston pa la/ /dpung pa de la rab bstan bya/ /gang zhig rkang pa ston pa la/ /rkang mthil de la rab bstan bya/ /gang zhig sor mo ston pa la/ /sen mo de la rab bstan bya/ /gang zhig sa ni ston pa la/ /nam mkha' de la rab bstan 
bya/ /gang zhig nam mkha' ston pa la/ /nyi ma de la rab bstan bya/ /gang zhig chu bo ston pa la/ /rgya mtsho de la rab bstan bya/ /gang zhig sor mo gcig ston pa/ /legs par 'ongs zhes brjod pa yin/ /gang zhig sor mo gnyis ston pa/ /shin 
tu legs 'ongs brjod pa yin/ /g.yas pa'i smin ma sgyur tshul dang / /g.yon pa'i smin sgyur tshul ston pa/ /slob dpon gnyis dang 'du ba ston/ /rgyud thams cad kyi gsang ba yang dag par sbyor ba las byung ba rdo rje mkha' 'gro ma'i brda ste brtag pa'i rgyal 
po bzhi pa'o// //de nas skye bo dam pa kun/ /'du ba yang dag rab bshad bya/ /de la zas gcig bza' bar bya/ /snod gnyis su yang ma lus brtson/ /kye bcom ldan 'das 'du ba'i gnas gang lags/ bcom ldan 'das kyis bka' stsal 
pa/ /gnas dang nye ba'i gnas dang ni/ /zhing dang de bzhin nye ba'i zhing / /ts+tshan donye ba'i ts+tshan do ha/ /'du ba de bzhin nye 'du ba/ /dur khrod nye ba'i dur khrod dang / /'thung gcod nye ba'i 'thung gcod nyid/ /'di rnams sa ni bcu gnyis te/ /sa 

</font><hr>79-1-103a<br><font size=+1>

bcu'i dbang phyug mgon po nyid/ /'di ni gzhan gyis brjod mi bya/ /kye bcom ldan 'das gnas la sogs pa gang lags/ /de bzhin du sa bcu gnyis po rnams rgya chen po las byung ba bka' drin gyis bskyab tu gsol/ bcom ldan 'das 
kyis bka' stsal pa/ /gnas ni dzA lan d+ha rar gsungs/ /de bzhin du oD+yAn nyid/ /gnas ni kol+la gi ri dang / /de bzhin ar bu da nyid do/ /nye gnas go dA ba ri nyid/ /de bzhin dga' ba'i dbang phyug dang / /de bzhin de bI ko Tar bshad/ /de 
bzhin mA la wa nyid dang tsa/ /de bzhin ka ma rU par gsungs/ /o dra zhing ni nyid du gsungs/ /nye zhing tri sha ku ni dang / /de bzhin ko sha la nyid dang / /ka li kar ni ci gsungs pa'o/ /de bzhin lam bA ka nyid dang / /kAny+tsi kha ba'i gnas nyid ni/ /
ts+tshan dor yang dag gsungs pa dang / /nye ba yi yang ts+tshan do'o/ /pre ta a hi ba si gsungs/ /de bzhin khyim gyi lha nyid dang / /so+o rASh+Ta rang gser gling nyid/ /'du ba de bzhin nye 'du ba/ /nA ga ra dang sin d+hU ni/ /dur khrod nyid du brjod pa dang / /ma ru 
dang ni ku lu tA/ /nye ba yi ni dur khrod nyid/ /snying rje de bzhin las kyi brang / /ha ri ke la nyid dang ni/ /lan tshwa'i rgya mtsho'i nang song dang / /bin+d+hA gzhon nu'i grong khyer nyid/ /'thung gcod nye ba'i 'thung gcod do/ /de dang nye ba dur khrod nyid/ /rab song 
dge 'dun rgya mtsho'i 'gram/ /skyed mos tshal dang rdzing bu'i 'gram/ /nye ba'i dur khrod brjod par bya/ /de nas gnas la lhag par gnas pa'i cho ga bshad par bya ste/ /rdul bral gnas su tsu ta gnas/ /kong ka nar ni zla ba'i gling / /ka rany+dzAr gnas tsA ri 
tra/ /aT+Ta ha sar ka dam+pa/ /lha mo'i mkhar du ba Ta gnas/ /ha ri ke lar hi ra gnas/ /o D+yAn a sho ka ni gnas/ /dzA lan+d+ha rar gser shing gnas/ /gnas ni rab tu dga' ba'i sa/ /de bzhin nye gnas dri ma med/ /zhing ni 'od byed shes par 

</font><hr>79-1-103b<br><font size=+1>

bya/ /nye ba'i zhing ni 'od 'phro can/ /ts+tshan do mngon du gyur par nges/ /nye ba'i ts+tshan do sbyang dka' ba/ /'du ba ring du song ba ste/ /nye ba'i 'du ba mi g.yo ba/ /dur khrod legs pa'i blo gros nyid/ /nye ba'i dur khrod chos kyi sprin/ /pha rol phyin bcu'i sa 
rnams la/ /rnal 'byor ma yi kla klo'i skad/ /pU la sogs pa ci gsungs pa/ /phyi dang nang du bsam par bya/ /rnal 'byor ma rnams legs 'du ba'i/ /nyin par nyid kyang legs bshad bya/ /yi dgas zla phyed bcu bzhi dang / /brgyad pa la yang khyad 
bar du/ /rgyal mtshan dang ni mtshon bsnun nyid/ /skye ba bdun pa khyad par du/ /'bad pas snying rje bskyed nas ni/ /mkhas pas gsad par bya ba nyid/ /snying rje med na mi 'grub pas/ /de phyir snying rje yang dag bshad/ /ji ltar bdag bzhin sems 
can nyid/ /ji ltar sems can de bzhin bdag /'di ltar sems pa'i rnal 'byor bdag /dngos grub myur du 'thob par 'gyur/ /'du ba'i gnas te lnga pa las rab tu byed pa dang po'o// //gsang ba'i pad+ma'i mtshan nyid ni/ /ye shes dbang 
po nyan par 'tshal/ /ye shes sems dang 'dres pa yi/ /rdzogs pa'i byang chub rim pa ci/ /bcom ldan 'das kyis bka' stsal pa/ /gnas bzhi mnyam par gnas nas ni/ /rdzogs byang rim pa rdo rje 'dzin/ /mnyam nyid sems ni bskyed nas ni/ /
'dod chags la sogs ring du spangs/ /yid dang mthun pa'i gnas su ni/ /bde ba'i stan la 'dug nas ni/ /brtan dang g.yo ba'i dngos po kun/ /snying rje phan pa'i sems kyis ni/ /spyi bo med pa'i spyi bo dang / /sgra mtha'i de bzhin gsang pad+ma/ /cha ni 
sna tshogs yig 'bru rnams/ /de bzhin du yang stan rnams nyid/ /sku gsung thugs kyi rdo rje ni/ /chos kyi dbyings kyi rnam par byed/ /bsdus nas gong bu'i rnal 'byor gyis/ /rdo rje sems dpar rang nyid 'gyur/ /chu yi khams dang me yi khams/ /ro 

</font><hr>79-1-104a<br><font size=+1>

gcig mchog gi gnas su ni/ /thabs dang shes rab bdag nyid sbyar/ /sangs rgyas gzugs brnyan dbang po drug /bstan bcos tshad ma slob dpon dang / /lung gi rjes 'brangs de nyid shes/ /gsang don de nyid dngos po yang / /de nyid 
las ni gcig las gcig /sngar gyi mtshan nyid thams cad kyis/ /stong sogs de nyid mtshan nyid kyis/ /lus kyi dri ma bkrus nas ni/ /rdzogs pa'i byang chub rim par sbyar/ /zla ba'i dkyil 'khor dbus gnas par/ /ye shes sems dpa' 
bsam par bya/ /mdog dkar kun da zla ba yi/ /'od zer rnam par spro ba ni/ /phyag gnyis sems dpa'i skyil mo krung / /pad+ma'i gnas la yang dag bzhugs/ /rgyan rnams kun gyis rnam par brgyan/ /sangs rgyas lnga yis rnam par brgyan/ /phyag rgya 
chen po phyag gnyis kyis/ /snying gi gnas su gzir bar mdzad/ /gzugs dang gzi brjid yongs gang ba/ /ye shes sems dpar bsgom pa nyid/ /chu shing me tog lta bur ni/ /lte ba ru ni yang dag gnas/ /langs nas snying gar kun tu gnas/ /
sngar gyi mtshan nyid yongs gang ba/ /bton nas dang po'i pad+ma ni/ /'dab ma brgyad pa shin tu mdzes/ /ze ba dang ni ze 'brur bcas/ /yi ge rnam dgod dgod par bya/ /dkyil 'khor dbus su gnas pa yi/ /phyag gnyis zhal gcig dkar po ni/ /bzang 
po dri med dbus su bsam/ /de yi dbus su rnam shes dang / /ye shes de nyid sbyar bar bya/ /dang po shar gyi 'dab ma la/ /byams par ldan pa'i mi bskyod pa/ /lho yi sgor ni snying rje nyid/ /rin chen de nyid sa bon las/ /nub kyi sgo yi 'dab ma la/ /'od dpag 
med pa'i sa bon dgod/ /byang gi sgo yi gnas su ni/ /sems kyi don yod gtso bo nyid/ /dang po'i dbyangs sogs sa bon gyi/ /zla ba'i thig le ji bzhin rim/ /zla ba'i 'od zer dkar brgyan pa'i/ /yi ge bzhi ni dgod par bya/ /mtshams rnams su ni ma 

</font><hr>79-1-104b<br><font size=+1>

ning nyid/ /rnam pa bzhi po sngar gsungs pa/ /de yi dbus su de yi sems/ /yi ge yis ni sbyar bar bya/ /rdo rje snying [\[]pos[\]] gsol pa/ /sems la the tshom 'khrungs lags pa/ /bcom ldan bdag la bshad du gsol/ /stong pa mtshon du med pa la/ /
yi ge'i rnal 'byor la sogs ci/ /bcom ldan 'das kyis bka' stsal pa/ /de nyid ji ltar rdo rje nyon/ /mtshan gzhi mtshan nyid stong pa nyid/ /snying po med pa'i chu shing las/ /snying po bdud rtsi 'bras 'byung ltar/ /'bras bu rnam shes ye shes ni/ /
gzugs med pa la ye shes gzugs/ /ye shes sku ni skyon med pa/ /mtshan nyid mtshon du med pa nyid/ /dngos dang dngos med rnam par grol/ /yig 'bru med las yig 'bru'i gzugs/ /de dbus ngo bo stong pa nyid/ /de nyid rnal 'byor pa yis 
gzung / /ji ltar mtshan nyid shes kyang ni/ /mnyam nyid ye shes sems kyis ni/ /de yi rdzogs pa'i byang chub lam/ /myur ba nyid du mthong bar 'gyur/ /bla ma'i man ngag lam gyis ni/ /ye shes rnam shes ngo bo las/ /mtshan nyid bstan 
bcos mdor bsdus pa/ /de nyid dpa' bo ston pa po/ /'di yi bsgom pa thams cad kyi/ /'od zer dkar pos rnam par brgyan/ /lcags sgrog lnga po mchod rten gyi/ /bdud rtsi'i sa bon bsams nas ni/ /kha dog dkar po 'od gsal ba/ /bdud 
rtsi'i rgyun ni 'dzag par 'gyur/ /snying gi sa bon pad dbus su/ /mthe bong yongs kyi dkyil 'khor 'di/ /de yi dbus su sa bon ni/ /A li kA li yongs btus pa/ /kha dog dkar po shin tu mdzes/ /zla ba'i 'od zer 'phro ba ni/ /de yi dbus 
su sgo rnams kyi/ /thig le bsam par rab tu grags/ /skra yi rtse mo brgya char ni/ /phra rab gzugs su yang dag gnas/ /rnam par shes pa'i rang bzhin las/ /ye shes can gyi mtshan nyid mtshon/ /go 'phang gnas kyi thig le ltos/ /sems kyi mtshan 

</font><hr>79-1-105a<br><font size=+1>

nyid thams cad shes/ /snying la tshangs pa'i sgo yi ni/ /thig le sgo yi lam las ni/ /bla ma'i man ngag brtson pa yis/ /rnam shes ye shes kyi yang blang / /lam gyi phyi rol bstan bcos kyang / /ma yin ring bar 'gyur ba yin/ /bstan bcos 
rnams ni rnyed sla yang / /sbyor ba de la rnyed par dka'/ /rnal 'byor pa yi thabs kyis ni/ /bla ma gsol ba 'debs la brtson/ /bla ma'i man ngag lam gyis ni/ /rnam par mkhas pas mthong bar 'gyur/ /mnyam gzhag dngos po'i rang bzhin gyis/ /
g.yo ba med cing 'tshe ba med/ /yid ni chos rnams sngon du 'gro/ /yid ni dag cing yid ltar mgyogs/ /yid kyi rgyal po'i bka' drin gyis/ /smra ba dang ni byed par 'gyur/ /de phyir yid kyi bdag nyid kun/ /yid la byung bar blo ldan pas/ /snying gar sems 
bsgom sdom pa ni/ /gal te 'dod na yo gis bzlas/ /rgyu ru gyur pa'i sa bon te/ /de nyid dpyad pas ma yin no/ /'bras bu rgyu yi sa bon te/ /de nyid mthong ba ma yin no/ /gzugs sogs srid pa'i longs spyod kyis/ /dmigs pa'i sa bon rnam pa lnga/ /
spyi bo spyi med yang dag gnas/ /kun nas kun du 'bab par 'gyur/ /rtag tu rtsa ba'i sa bon gyi/ /ye shes rnam shes sa bon las/ /thig le sgra dang yang dag ldan/ /'khor ba'i longs spyod 'dod pa yis/ /yid kyi bzlas pa yang dag ldan/ /yi ge ngag ni rnam 
par spangs/ /nges par rtag tu go 'phang gnas/ /rtag pa dang ni chos kyi dbyings/ /rtag tu phra zhing skyon med pa/ /ye shes la ni rnam shes nub/ /ye shes dngos pos rnam shes kyi/ /rdzogs pa'i byang chub rim mthong 'gyur/ /dang por mtshan ma thams 
cad kyi/ /mar me'i rnam pa mthong bar 'gyur/ /gnyis pa mtshan mo me khyer gyi/ /rnam pa'i rdul ni mtshon par byed/ /rdul dkar tsa na ka dbyibs su/ /phyogs bcur de bzhin mthong bar 'gyur/ /gsum par nyon mongs bcom pa ni/ /rnal 'byor pa yis 

</font><hr>79-1-105b<br><font size=+1>

rnam par brtags/ /lha yi longs spyod 'dod pa yang / /bzhi par yang ni bstan pa'o/ /lha yi gzugs ni thams cad kyang / /lnga par sems kyis brtag par bya/ /drug pa gzugs ni med pa'i cha/ /bdun pa chos kyi dbyings nyid de/ /brgyad par 
rang 'dod rnal 'byor pa'i/ /sangs rgyas rnams kyi 'bras bu'i don/ /rdo rje sems dpa' snying rje che/ /yid ni gcig tu gyur pas nyon/ /nges par dngos po thams cad kyi/ /dag pa de bzhin nyid du brjod/ /phyis ni re rer dbye ba yis/ /lha rnams kyi ni 
brjod par bya/ /lus can rnams kyi phung po dang / /khams rnams dang ni skye mched rnams/ /rang bzhin gyis ni rnam par dag /nyon mongs mi shes sgrib sbyang bya/ /rang rig bdag nyid dag pa nyid/ /dag pa gzhan gyis rnam grol min/ /yul gyi dngos 
po dag pa'i phyir/ /rang gis rig pa'i bde ba mchog /gzugs la sogs pa'i yul gang dang / /gzhan yang rnal 'byor pa snang ba/ /de kun rang bzhin dag pa ste/ /de phyir sangs rgyas sna tshogs dngos/ /kye bcom ldan 'das rnam par ma dag pa 
gang lags/ /bcom ldan 'das kyis bka' stsal pa/ gzugs la sogs pa'o/ /de ci'i slad du zhe na/ gzung ba dang 'dzin pa'i phyir ro/ /gsol pa/ gzung ba dang 'dzin pa gang lags/ bcom ldan 'das kyis bka' stsal pa/ mig gis 
gzugs ni gzung bar bya/ /sgra ni rna bas mnyan par bya/ /dri ni sna yis tshor bar bya/ /lce yis ro ni rig par bya/ /lus kyis dngos po rig par bya/ /yid kyis bde sogs thob pa ni/ /dag pas dug med byas nas ni/ /bsten bya 'di dag bsten par bya/ /
gzugs ni sangs rgyas rnam snang mdzad/ /tshor ba rdo rje nyi ma ste/ /'du shes pad+ma gar dbang phyug /de bzhin 'du byed rdo rje rgyal/ /rnam shes rdo rje sems dpa' nyid/ /kun gyi ngo bo he ru ka/ /mig la gti mug rdo rje bshad/ /zhe sdang rdo rje mngon thos 

</font><hr>79-1-106a<br><font size=+1>

pa/ /phrag dog rdo rje de bzhin sna/ /kha ni 'dod chags rdo rjer bshad/ /reg la ser sna rdo rje ma/ /khams dang skye mched thams cad ni/ /dam pa'i dbang phyug he ru ka/ /sa yi khams ni ltung byed ma/ /chu khams gsod par byed mar brjod/ /me 
yi khams ni 'gugs byed ma/ /de bzhin rlung ni gar dbang phyug /nam mkha'i khams su brjod pa ni/ /pad+ma 'bar ba 'khyil pa nyid/ /'di ltar lus can rnams kyi lus/ /phung po la sogs lha bdag nyid/ /bde dang sdug bsngal de bzhin las/ /nyon 
mongs la sogs des bskyed pa'i/ /bskyed pa'i cha la legs gnas pas/ /srid dang mya ngan 'das pa thob/ /phung po dang skye mched rnam par dag pa ste lnga pa las rab tu byed pa gnyis pa'o// //de nas spyod pas rtog pa rnams/ /'jig par 
byed pa bshad par byed/ /chos rnams kun la mnyam byung ba/ /de nyid spyod pa gong na med/ /sangs rgyas sras la phan pa'i phyir/ /rdzogs pa'i byang chub rnam gnas pa/ /gang zhig yang ni de nyid las/ /rdo rje yan lag med pa yi/ /shes rab pha rol phyin pa 
mchog /skye ba'i rgya mtsho 'jigs chen por/ /rga ba'i rlabs kyis 'khrugs pa las/ /sems can thams cad sgrol bar byed/ /tshong pa dge bar 'gro ba dang / /myur du dngos grub gsal byed cing / /snying po'i yon tan kun gyi gnas/ /sems kyi rin 
chen las byung ba/ /'dod don rab tu sgrub par byed/ /rdo rje 'dzin pas rab bsngags pa'i/ /longs spyod rdzogs pa'i yon tan kun/ /lus byung 'di las ma gtogs par/ /dga' ba'i dngos grub 'byung mi 'gyur/ /mkhas mchog spyod pa mtshungs med 'di/ /
grol bar 'dod pas spyad par gyis/ /lha yi dgra dang brgya byin dang / /grong khyer sum brtsegs dgra bo dang / /nor sbyin tshangs pa la sogs pas/ /zhabs kyi 'dam skyes mchod pa yis/ /sdig pa 'jig byed 'di la spyod/ /myur du de bzhin gshegs pa yi/ /

</font><hr>79-1-106b<br><font size=+1>

gnas kyi mchog ni thob par 'gyur/ /dpal ldan rdo rje sems dpas ni/ /gang zhig 'gro la phan par ni/ /kun 'dar gyi ni spyod pa gsungs/ /de ltar mchog tu bsam yas gnas/ /shin tu gsang ba yo gis bsgom/ /rtog pa thams cad bral bar 
ni/ /dam tshig la ni spyad par bya/ /rgyu mthun 'bras bu rang bzhin las/ /dang po'i rtsom par yo gi gnas/ /de nas bsgoms pas dub pa na/ /bsdus nas byis pa'i rtse bar bya/ /sna tshogs gdul bya'i 'jig rten la/ /'jam pa'i gzugs can rang nyid 
bsgom/ /grub par grags pa ma lus pa/ /ci gsungs rnam pa sna tshogs pa'i/ /spyod pas bla na med pa yi/ /kun bzang mtshungs pa med 'grub pas/ /spyod pa nges rig rdo rje can/ /bcom ldan 'das kyis bka' stsal to/ /dpal ldan slob dpon 
rdo rje can/ /kun gyi mgon la phyag 'tshal lo/ /gsang ba'i spyod pas gnas nas ni/ /blo gros chen po bya ba byas/ /de nas rang gi 'dod sgyur bas/ /sbyor ba kun la kha phyir bltas/ /kun tu seng ge lta bur ni/ /de nyid ldan pas bdag gis spyad/ /
ji ltar byung don yang dag rig /'gro ba 'don pa'i bsam pa yis/ /yang dag lta ba rab sgyur bdag /brtan pa'i sems ni gnas med pas/ /phung po khams sogs mtshan nyid ni/ /thams cad rmi lam sgyu ma ltar/ /khams gsum 'di dag thams 
cad ni/ /mdor bsdus nas ni 'dir shes bya/ /sgrib pa kun las rnam par grol/ /'tsho bar dbang phyug 'du ba dang / /de bzhin 'jig rten chos brgyad ni/ /thams cad shin tu ring du spangs/ /rtag tu rtog pa med gyur pas/ /gnyis su med par nges 
byas nas/ /pha rol phyin drug rnal 'byor gyis/ /sangs rgyas dngos grub rab grub phyir/ /sems can don la legs nus kyang / /sems can yongs su brtag mi bya/ /byang chub la ni sems bzhag nas/ /phyogs las rgyal ba'i spyod pa brtsam/ /thabs 

</font><hr>79-1-107a<br><font size=+1>

dang shes rab ldan pa'i bdag /sbyor ba kun la rgyab kyis phyogs/ /de nyid goms par rab byas pas/ /skye ba 'dir ni 'grub par 'gyur/ /rtog pa kun las rnam par grol/ /sems can bsam pa'i khyad par las/ /sgyu ma ltar 
sogs rnal 'byor gyis/ /thams cad nyid ni bza' bar bya/ /chos kyi dbyings las yang dag byung / /gang yang kun tu lam grogs med/ /dogs pa med pa'i sems kyis ni/ /ji ltar 'dod par rab tu bza'/ /longs spyod rdzogs don 'di dag 
kun/ /khams gsum dag ni ma lus pa/ /sgrub pa po la phan pa'i phyir/ /rdo rje sems dpas rnam par sprul/ /ye shes mtha' yas thob pa yis/ /de bzhin gshegs phyag mi bya na/ /rtag tu sgom pa ldan pa yis/ /dbang bskur med 
sogs smos ci dgos/ /byang chub sems kyi rang bzhin las/ /dngos po kun gyi rang bzhin 'di/ /de nyid bcom ldan rdo rje can/ /de phyir de nyid lha rnams nyid/ /dkyil 'khor smyung ba mi bya zhing / /phyag rgya mchod rten las mi bya/ /dpal ldan rdo rje mgon 
pos ni/ /gang yang gzhan du bstan pa rnams/ /lhag par mos pas gnas gang yang / /de rnams kyis kyang de nyid rig /ji ltar bdud rtsi'i don gnyer bas/ /snying po blangs nas dor ba spong / /de ltar chos kyi snying po ni/ /thob nas rtog pa thams cad spangs/ /
rtog med gang tshe blo ldan pas/ /dogs pa spangs shing gnas med pa/ /thugs kyi rdo rje ci gsungs bzhin/ /de tshe 'grub 'gyur the tshom med/ /rtog pas dmyal bar 'gro 'gyur te/ /'gro ba drug gi 'khor ba yi/ /rgya mtsho ru ni 'khor bar 'gyur/ /rtog pa 
med na grol 'gyur zhing / /gnas ni dri med zhi ba nyid/ /de phyir rtog pa'i dgra gzhom phyir/ /dam tshig sangs rgyas mdzad pa gang / /de ni rtag tu goms par bya/ /gang gis dam tshig gnas gyur pa/ /sngags shes bsam pa'i nus pas bya/ /dngos 

</font><hr>79-1-107b<br><font size=+1>

po kun la blta bar bya/ /nges par thams cad ma skyes pa'i/ /rnam pa yi ni rnal 'byor gyis/ /khyi dang bong bu rnga mo dang / /glang po la sogs khrag 'thungs nas/ /sha yang rtag tu bza' ba nyid/ /sha chen khrag gis bsgos pa ni/ /thams cad khyad 
par du ni blta/ /dman pa'i sha ni thams cad dang / /srog chags 'bum phrag brgya ldan bza'/ /rnam snang shin tu rul ba yi/ /srin bu brgya phrag zi zir ldan/ /khyi dang mi skyugs bsres nas ni/ /sha ni rdo rje'i chus gos ldan/ /rnal 'byor 
pas ni spro ba yis/ /rnam snang bsres nas bza' bar bya/ /rdo rje'i chu ni btung bar bya/ /gang gi tshe 'ga' zhig tu sha'i bza' ba ma rnyed na bza' ba'i don du sha'i gzugs su rnam par brtags te bza'o/ /gang zhig gzhan pa'i 'jig rten za ba de bza' 
bar bya'o/ /de kho na'i sgrub pa po'i dbang po gang zhig bgrod par bya ba ma yin pa de la bgrod par bya ba dang / gang zhig bya ba ma yin pa de ni de'i bya ba dang / bgrod pa dang bgrod par bya ba ma yin par rnam par rtog pa dang / bza' ba dang bza' bar bya ba ma yin 
pa dang / sdug pa dang mi sdug pa dang / btung ba dang btung ba ma yin par sngags pas mi bya ste/ sku dang / gsung dang / thugs mnyam par gzhag par 'gyur ro/ /ji ltar yang sems 'khrul pa ma yin pa de ltar chang rnal 'byor pas rtag tu btung bar bya ba 
dang / dman pas shin tu sgeg pa dang / rigs dang bcas pa dang / rigs med pa dang / sdug cing phongs pa'i sems can thams cad la gcig pa'i tshul gyis rgyal ba lta bur blta ba dang / glegs bam bklag par gsungs pa mi bya ba dang / dkyil 'khor dang 
me tog bsdu bar mi bya ba dang / sngags kyi bzlas pa mi bya ba dang / lha dang dbang bskur ba la sogs pa la phyag mi bya ba dang / brdzun du smra ba dang / pha rol gyi bud med skal ba bzang mo bsten par bya ba dang / gdug pa can la byams pa mi bya bar gsungs pa dang /

</font><hr>79-1-108a<br><font size=+1>

sangs rgyas dang srog chags gsad pa dang / rgyal bas mchod pa'i slob dpon dang / ye shes kyi dam tshig ni sems can de dam tshig gis rtag tu dngos grub sna tshogs sbyin par byed de/ blo dang ldan pa la phyogs bcur rnam par bzhugs pa mchod 
par byed do/ /gang gi phyir rdzogs pa'i sangs rgyas dang byang chub sems dpa'i bsod nams gang zhig slob dpon gyi ba spu'i khung bu'i rtse mo la mthong ba de'i phyir byang chub sems dpas slob dpon la sangs rgyas kyis mchod pa byed pa mthong ngo / /nges par 
rang gi dam tshig sangs rgyas 'dod pas dngos grub sbyin par byed pas bla ma dam pa la smad par mi bya ba dang / rdo rje spun la mi gus par mi bya ba dang / gang zhig byin pa de bzung nas mchod rten la phyag mi bya ba dang / spun dang / bu dang / pha dang / rgyal 
srid kyi longs spyod dang / gter dang / nor dang / 'bru thams cad la rtswa lta bur mthong nas khams gsum gyi rgyal po bsgrub par bya'o/ /'khyud pa'i spyod pa ste lnga pa las rab tu byed pa gsum pa'o// //de nas yang dag rab bshad bya/ /
spyod pa pha rol phyin mtshan nyid/ /gang gi ring nas shes pa de/ /rdo rje yo gir the tshom med/ /mkha' 'gro ma sogs gtor ma ni/ /ji ltar rnyed dang bza' btung ni/ /de bzhin rnal 'byor pa yis bza'/ /ro yi dkris ma'i gos bzang dang / /ro bsregs 
thal bas rnam par brgyan/ /phru chag shin tu gsang bar ni/ /mtshan mo'i dus su rgyu bar bya/ /bzhi mdo dang ni ri bo dang / /shing gcig gam ni dur khrod dang / /bzhir ni de nas sngags pa yis/ /bsgom pa bzang po bya bar brjod/ /ma mo'i khyim 
dang mtshan mo dang / /yang na dben pa'am bas mthar ni/ /cung zad drod ni thob pa yis/ /gal te spyod pa byed 'dod na/ /bdag nyid gal te 'grub 'dod pas/ /byis pa bzhin du spyad nas ni/ /sems can rjes su gzung ba'i rgyur/ /blo ldan chen 

</font><hr>79-1-108b<br><font size=+1>

pos rgyu bar bya/ /zhen pa med pa'i sems kyis ni/ /kha dog can gyi rtag sgrib pa/ /ba spu'i khung bu'i bu ga nas/ /phyogs bcu rnams su dbyung bar bya/ /'jam pa'i rdo rjer rang gyur nas/ /dkyil 'khor par ni rab tu brtag /pad+ma'i tshal ni nyams dga' 
bar/ /chu bo 'dus pa rnams su yang / /der gnas rnal 'byor pas bsgoms na/ /dngos grub myur du thob par 'gyur/ /phug gam ri yi rtse mor ni/ /shin tu mnyam par bzhag pas gnas/ /ji ltar rnyed pa bzhin du bza'/ /zos shing zos nas 
gtor ma sbyin/ /'bras bu sna tshogs do shal sogs/ /'ol ma zi sogs de bzhin spras/ /srog chags yan lag gos gyon zhing / /bde don gnyer la bde ba sbyin/ /res 'ga' legs sbyar zur chag ni/ /bzlog pa yis ni 'don par byed/ /
bza' dang bza' min ci snyed pa/ /smyon pa'i sbyor bas bza' bar bya/ /gzhan pa'i yul 'khor grub pa dang / /ri yi phug dang tshang tshing dang / /gdod nas grub pa'i dur khrod che/ /rgya mtsho chen po'i 'gram du yang / /der gnas shes rab can gyis bsgom/ /
skrag pa thams cad rnam spangs te/ /de ltar byas nas rnal 'byor pas/ /yang ni phyogs las rnam rgyal brtsam/ /sgrib pa kun las rnam par grol/ /phyogs bcur rnam par gnas pa yi/ /skye ba'i sgrib pas bsgribs pa yi/ /kun gyi bsam pa 
'gengs par byed/ /gzung ba dang ni 'dzin pa kun/ /bsgom pas spangs shing rnam par spangs/ /'dis ni bsgoms pa thams cad kyis/ /phyogs las rnam rgyal mngon par brjod/ /de ltar re zhig gnas byas nas/ /de nyid mi shigs rnal 'byor 
pas/ /rig ma'i lha mo 'dod pa yi/ /shin tu gzugs can bsdus nas bya/ /chus byung yid 'ong rin chen dang / /rig pa 'dzin pa'i nyams dga' 'am/ /lha yi bu mo gnod sbyin mo/ /yang na klu mo rkang 'og tu/ /gnas pa dang ni lha min mo/ /'di 

</font><hr>79-1-109a<br><font size=+1>

nang yo gis rig ma gcig /rang gi sems la mngon 'dod pa/ /lcags kyu zhags pa'i rab sbyor bas/ /rnal 'byor pa yis bkug nas bsgrub/ /nye bar dgos pa rgyas pa kun/ /ma bslangs par ni lha yis ster/ /rga dang nad las rnam 
par grol/ /gnyis med gnas gsum sdig pa med/ /lus kyis sbyin pa byin nas ni/ /phyis ni spyod pa yang dag brtsam/ /skal dang skal med rnam dpyang pas/ /de phyir sbyin pa sbyin mi bya/ /bza' bca' de bzhin btung ba nyid/ /ji ltar rnyed pa bza' bar 
bya/ /yid 'ong mi 'ong rnam rtog phyir/ /zhen pa tsam du mi bya'o/ /bslab dang dbang las rnam par grol/ /de bzhin ngo tsha'i bya ba nyid/ /dngos po kun gyi rang bzhin gyis/ /yo gis rnam dpyad snying rje che/ /mchod sbyin sbyin sreg dka' thub 'das/ /
sngags dang bsam gtan rnam par spangs/ /dam tshig sdom las rnam par grol/ /shin tu rnal 'byor ldan spyod kyis/ /nges par sngon du lha min gang / /brgya byin lta bu yin na yang / /de la 'jigs par mi bya ste/ /seng ge'i gzugs kyis rnam par 
rgyu/ /sems can kun gyi don gyi phyir/ /rtag tu snying rjes btung bar bya/ /rnal 'byor btung dga' rnal 'byor pa/ /gzhan gyi btung bas bzi ba med/ /yang na dpal ldan rgyal tshab che'i/ /brtul zhugs spyod pa bsgrag par bya/ /gang gis dngos grub 
mthar 'gro ba/ /sems can kun gyi don gyi phyir/ /sgom pa po yis rnam gzung ba/ /rna ba dag la rna cha bzang / /spyi bor 'khor lo rnam par 'dzin/ /lag pa dag la lag gdub nyid/ /rked pa la ni ska rags nyid/ /rkang par de bzhin rkang gdub bo/ /
dpung pa'i rtsa bar dpung rgyan nyid/ /mgrin pa la ni nor bu ste/ /bgo ba stag gi pags pa nyid/ /bza' ba mi 'chi bcu phyed de/ /he ru ka sbyor skyes bu nyid/ /mnyam par gzhag pas gnas par bya/ /shin tu bzhin bzang mig yang sam/ /rang gis dbang 

</font><hr>79-1-109b<br><font size=+1>

bskur snying rje can/ /rdo rje'i bu mo 'di khyer nas/ /spyod pa brtul zhugs rtogs par bya/ /rdo rje'i rigs kyi dngos med na/ /gang zhig rang gi 'dod pa'i lha'i/ /rigs kyis kyang ni bya ba'o/ /yang na gzhan gyi rigs byung ba/ /byang chub sa bon bcug pa 
yis/ /sbyang ba byas te khyer nas ni/ /gang tshe rdo rje mchog ldan par/ /de tshe glu ni blang bar bya/ /gang tshe dga' ba skyes pa na/ /thar pa'i rgyur ni gar bya ste/ /de tshe rdo rje rkang pas gar/ /rtag tu rnal 'byor pa yis bya/ /'khor lo'i gzugs kyis mi bskyod 
pa/ /rna cha'i bdag nyid 'od dpag med/ /mgul gyi phreng bar rin chen bdag /lag par rnam par snang mdzad brjod/ /ska rags la ni don yod gnas/ /shes rab kha T+wA~M ga gzugs can/ /thabs kyi gzugs kyis cang te'u/ /sman ni rnam par bza' 
bar bya/ /chu ni rtag tu btung bya ste/ /rga shis zil gyis mi non cing / /kun tu bsrung bar gyur pa de'i/ /rkun ma'i skras kyang cod pan bya/ /de la hU~M byung sbyar bar bya/ /sangs rgyas lnga yi thod pa rnams/ /rnal 'byor spyod pas rnam par 'dzin/ /
sor lnga'i dum bur byas nas ni/ /cod pan la ni rnam par 'dzin/ /thabs dang shes rab rang bzhin las/ /skra yi ska rags nyis skor nyid/ /thal ba skra yi mchod phyir thogs/ /rnal 'byor pa yi spyod pas 'dzin/ /cang te'u'i sgra ni bzlas pa ste/ /sems 
can thams cad mgron gnyer ba'o/ /kha T+wAM ga ni shes rab ste/ /rdo rje bzlas dang bsgom pa yin/ /thod pa can du rang gyur pa/ /brkam dang rmongs dang de bzhin 'jigs/ /khro dang ngo tsha'i bya ba ni/ /rtag tu rnam par spang bar bya/ /he ru ka bdag rnal 'byor 
pa/ /rigs lnga la ni gnas par bya/ /rigs lnga dag dang mnyam par ldan/ /rigs ni gcig tu rnam par brtag /rigs gcig du ma nyid kyis ni/ /gang phyir dbye bas bskyed mi bya/ /bdag nyid kyis ni gnyid spangs nas/ /the tshom med par spyod pa bya/ /

</font><hr>79-1-110a<br><font size=+1>

dpal yang dag par sbyor ba las byung ba las/ spyod pa'i brtag pa ste lnga pa'o// //lha lags nyan par 'tshal lags na/ /rang byin brlab pa'i rim ci lags/ /gsang ba la sogs dgongs pa ci/ /rdo rje sems dpa' 
snying rje che/ /yid ni gcig tu gyur pas nyon/ /thams cad rgyud kyi gtan phab pa/ /mdor bsdus nas ni bsgrag par bya/ /e yi rnam pa gang gsungs pa/ /gnas kyi mtshan nyid mi gsal bar/ /'gro dang rjes su 'ong ba nyid/ /khams dang 
sems kyi rtag 'gro ba'o/ /khams zhes bya ba'i sgra du lags/ /bcom ldan 'das kyis bka' stsal pa/ /'di ltar gsang ba'i yi ge bcu drug brjod par bya ste/ /ra yi rnam pa khrag gi khams/ /ha ni de bzhin reg bya nyid/ /s+ye ni bad kan zhes byar 
gsungs/ /pa yi rnam pa sems nyid dang / /ra yi rnam pa ro nyid de/ /me ni de bzhin lta tshil dag /ra ni me nyid du ni gsungs/ /me yi rnam pa sha ru gsungs/ /sa yi rnam pa bshang bar gsungs/ /rbA yi rnam pas de bzhin tshil/ /sman pags pa 
nyid du gsungs/ /ni yi rnam pas rus pa nyid/ /sa ni gci ba nyid du gsungs/ /dA yi rnam pas glo ba nyid/ /s+thi ni pad+ma nyid du gsungs/ /shin tu mdzes pa'i rdzas dang ldan/ /ta yi rnam pas khu ba ni/ /byang chub sems las byung ba yin/ /rtsa yi 
sgra yi rang bzhin las/ /de ltar lha mo bsgrags pa yin/ /byang chub sems kyi rang bzhin las/ /cha yi bdag nyid 'gyur ba nyid/ /ra ni me zhes bya bar gsungs/ /khrag las mkhris pa yang dag langs/ /mtshan nyid gcig 'dod bad kan las/ /rdul 
dang chu rgyus yang dag byung / /de yi mgon por brjod pa'i rlung / /ha ni kun du 'gro bar gsungs/ /rus pa'i mtshams ni 'di rnams su/ /sa bon lnga ni yang dag btab/ /rkan du ra dang thams cad du/ /sa bon bzhi ni dam pa nyid/ /dang po'i re'u mig 

</font><hr>79-1-110b<br><font size=+1>

gnas der ni/ /sa bon lnga ni mdzes pa nyid/ /ha ni dbyangs kyi drug ldan pa/ /rnam par shes par yongs su grags/ /ha yi rnam pas thams cad du/ /sangs rgyas kun dang mnyam par sbyor/ /sgra yi tshul las byung bton zhing / /dam tshig spyod pa'i 
spyod yul nyid/ /'jig rten gsum du rnyed dka' ba/ /thog ma dbus mtha' yang dag gnas/ /bsrub dang srub byed sbyor ba las/ /ji lta ba ni de bzhin no/ /sngags bzlas bsam gtan la sogs ldan/ /rgyud las gsungs pa mnyan par gyis/ /
rtsa gnyis skye gnas dbus su ni/ /g.yon dang g.yas su de bzhin du/ /g.yon du khu ba rnam shes bya/ /g.yas pa la ni khrag nyid de/ /de yi phan tshun bsdu ba yang / /chos kyi dbyings ni sdud pa yin/ /snying stobs sku dang rdul dag bcas/ /mun 
pa sems kyi rang bzhin las/ /snyi stobs khu ba rin chen rdul/ /mun pa skyed par byed pa nyid/ /rdo rje pad mo mnyam sbyor bas/ /dngos dang dngos med ro gcig 'gyur/ /bshang ba gci ba bad kan dang / /khrag dang lnga pa khu ba nyid/ /bdud rtsi 
lnga yi gong bu'i dngos/ /de phyir rdo rje can du brjod/ /rus pa rkang dang khu ba ni/ /pha las skyes par de bzhin gsungs/ /pags pa dang ni sha dang khrag /ma las skyes pa zhes byar bsgrags/ /gong bu'i bsdu ba rnams kyi yang / /tshad ni 'di dag gsungs 
pa ste/ /gong bu gcig pu gnyis su 'gyur/ /gnyis su gyur pa du ma rnams/ /gcig pu du ma'i rang bzhin gyis/ /de phyir rdo rje can 'dir gsungs/ /rtsa yi kun spyod nyid gsungs pa/ /de yi sgo yang de gnyis la/ /de rnams 'du ba'i dus su ni/ /lha ni 
dmigs par 'gyur ba yin/ /steng gi sgo dang 'og nyid de/ /'og gi sgo ni rnam par shes/ /steng gi sgo ni dbyings nyid do/ /rtsa ni thams cad mnyam sbyor bas/ /rnal 'byor pas ni 'jug par bsam/ /de yi lus kyi steng sgo la'ang / /rdo rje can gyi rtag 

</font><hr>79-1-111a<br><font size=+1>

rgyun bzhugs/ /steng gi sgor ni sbyor ba gsum/ /sgo dgu rnams kyis yongs su bskor/ /kye bcom ldan 'das sbyor ba gsum ni ci zhes bshad/ /ji ltar gang gi rnam pa yis/ /sems kyi rtag tu 'gro ba lags/ /bcom ldan 'das 
kyis bka' stsal pa/ /gsum nyid sbyor ba sbyor ba gsum/ /rnam gsum dbye bas rnam par gnas/ /sku gsung thugs kyi rang bzhin gyis/ /tha ma 'bring po dam pa nyid/ /ka ba gcig dang sgo dgu pa/ /sbom po lnga ni lhag pa'i lha/ /bug pa dgur ni son 
pa'i sgo/ /dgu yi rnam par yongs su grags/ /tha ma'i sga ni skur ldan pa/ /sbom po lha yi sprul pa'o/ /sems dang skyes bu skyes bu can/ /khyad par rnal 'byor pa yi don/ /rtag par kun du dus su ni/ /'gro dang 'ong ba'i khyad par las/ /rkang med rkang 
gcig rkang gnyis dang / /rkang bzhi la ni sogs pa yi/ /rlung la sogs pas rab dbye bas/ /rtag tu 'gro ba rlung rnam bzhi/ /sems kyi gnas pa rnam pa gnyis/ /nub dang rab rgyu'i cho ga yis/ /rtag tu nub dang rab rgyu ba/ /sems can kun la 'gro ba'o/ /
de ltar gang zhig mi rig pa/ /sems med skyed bu med pa dang / /yid dang ldan pa med pa dang / /rnal 'byor pa yi don med pa/ /me nyid gang dang rlung dang ni/ /dbang chen dang ni de bzhin chu/ /'khor lor sems kyi kun spyod pa/ /steng dang ngos dang brang 'og 
'gro/ /zla ba nyi ma'i rab dbye bas/ /gsum pa'i sgo ni yid dang bcas/ /rngub dang dbyung ba gnyis ka yang / /sgo yi dam pa nyid yin te/ /gtso bo dam pa yi ni sgo/ /steng dang 'og tu rab tu grags/ /'og gi sgos ni rnam par shes/ /steng gi sgos ni 
dbyings nyid de/ /rnam snang la sogs sangs rgyas rnams/ /steng gi sgor ni g.yo zhing gnas/ /de rnams 'og tu rnam par gnas/ /steng gis gshegs su gsol ba nyid/ /spyan drangs gshegs su gsol ba yi/ /tshul gyi sems kyis rtag tu 

</font><hr>79-1-111b<br><font size=+1>

'gro/ /dus gsum sangs rgyas thams cad dang / /mkha' 'gro rnal 'byor ma mo rnams/ /'jug pa dang ni ldog pa la/ /yon tan skyon ni rab brjod pas/ /bde dang sdug bsngal rang bzhin gyis/ /lhan cig skyes pa grub pa'i gnas/ /rdo rje sems 
dpa' bde chen po/ /bcom ldan rdo rje can gyis gsungs/ /de nas bcom ldan lha mos ni/ /bol+la kak+ko lar bcug nas/ /sems dpa' chen po mnyes byas te/ /tshig ni 'di dag yang dag gsol/ /dpyid ces bgyi ba ji ltar lags/ /thig le bgyi ba 
ji ltar lags/ /mi phyed la sogs ji ltar gnas/ /de yi gnas ni ji ltar lags/ /pul+lI ra sogs ci gsungs dang / /'khor lo dgod pa de bzhin gzhan/ /ji ltar rtsa yi rdzogs pa yi/ /de yi dbye ba bdag la gsungs/ /bcom ldan 'das 
kyis bka' stsal pa/ /lha mo bshad par bya yis nyon/ /gsang ba las ni ches gsang mchog /rtsa'i rang bzhin dang / gnas la sogs pa dang / sa bcu dang / pha rol tu phyin pa'i sku dang / gsung dang / thugs kyi 'khor lor son pa gnas kyi nang 
gi rab tu dbye bas nyi shu rtsa bzhir gsungs pa/ spyi bo mA la ya yi yul/ /de bzhin spyi gtsug 'bar ba 'dzin/ /de bzhin du ni o D+yan nyid/ /rna ba g.yas pa nyid du brjod/ /rtsib ma'i rgyab ni arbu da/ /bzhi ni gnas shes bya ba'o/ /rna ba g.yon pa'i 
rang bzhin ni/ /de bzhin go dA ba rir shes/ /dga' ba'i dbang phyug bshad pa ni/ /smin ma'i dbus gnas rab tu bskul/ /de bzhin mig dag lha mo'i mkhar/ /lag pa'i rtsa bar ma la ba/ /de ltar nye bar gnas nyid de/ /thugs kyi 'khor lor rnam 
par gnas/ /gnas kyi khyad par rang bzhin gyi/ /mkha' spyod rnams kyi yang dag bshad/ /mchan khung kA ma rU pa nyid/ /nu ma o drar rab tu grags/ /'di dag zhing du yang dag brjod/ /lte ba tri sha ku nir brjod/ /sna yi rtse mor ko sha lA/ /nye ba'i 

</font><hr>79-1-112a<br><font size=+1>

zhing du brjod pa'o/ /kha ni ka ling ka ru brjod/ /mgrin pa lam pa ka ru gsungs/ /tshan do ha zhes rnam par bshad/ /snying gi kAny+tsir brjod pa ste/ /dbang po hi ma la ya nyid/ /nye ba yi ni tshan dor brjod/ /de ltar yul rnams thams cad 
du/ /gsung gi 'khor lor rnam par gnas/ /gnas kyi khyad par yul gyi ni/ /sa spyod rnams kyi yang dag bshad/ /rtags la yi dgas lhag par gnas/ /gsang ba la ni khyim gyi lha/ /'di dag 'du bar brjod pa'o/ /brla ni so+o rASh+Ta ru brjod/ /
rje ngar gnyis ni gser gling gi/ /rang gi ngo bor rnam par bshad/ /nye ba ya ni 'du ba nyid/ /sor mo nA [(]gar[,]ga ra[)] ru brjod/ /rkang pa'i rgyab ni sin d+hur nges/ /dur khrod du ni yang dag brjod/ /mthe bong la ni ma ru zer/ /pus mo ku la dA ru brjod/ /'di 
dag nye ba'i dur khrod nyid/ /mkha' 'gro mar ni gsungs pa'o/ /'di dag yul dang rang lus skyes/ /rang gi nang dang phyi rol gnas/ /sku gsung thugs kyi 'khor lo la/ /nyi shu rtsa bzhir phye ba yis/ /mkha' 'gro ma ni kun gyi gnas/ /thams 
cad du ni yang dag bshad/ /'di rnams gnas su mkha' 'gro ma/ /rtsa yi gzugs kyis yang dag gnas/ /drug pa las rab tu byed pa dang po'o// //de nas gzhan yang dam pa'i de bzhin gshegs pa'i sku ji ltar gnas su son pa'i rtsa'i 'khor lo 
bshad par bya'o/ /snying gi nang song pad+ma ni/ /'dab ma brgyad pa snying por bcas/ /de yi nang du son pa'i rtsa/ /mar me'i rang gi ngo bo can/ /chu shing gi ni me tog ltar/ /brkyang zhing kha ni 'og tu'o/ /de yi nang gnas dpa' bo ni/ /yungs kar gyi ni sbom phra 
tsam/ /mi shigs hU~M gi sa bon ni/ /kha ba lta bur 'dzag pa nyid/ /lus can rnams kyi snying dga' ba/ /dpyid ces bya bar rnam par bshad/ /rgod ma'i me yi gzugs kyis ni/ /bdag med ma ni thig ler brjod/ /las kyi rlung gis bskul ba yis/ /

</font><hr>79-1-112b<br><font size=+1>

lte ba'i dkyil 'khor du ni 'bar/ /dpyid thob pa yi chog shes pas/ /snyoms par 'jug pas rnam par gnas/ /dpa' bo shrI ni he ru ka/ /'di ni dpyid kyi thig ler brjod/ /rnal 'byor ma yi gzugs 'dzin ma/ /rgyu dang mi rgyu bcas par gnas/ /
sku gsung thugs kyi dbye bas ni/ /sgo ni rnam gsum 'byung ba las/ /'gro ba dang ni 'ong bar byed/ /'di ni kun gyi lus la gnas/ /lte bar a yi gzugs kyis ni/ /thung ngu ru ni rab tu grags/ /snying la yang ni hU~M nyid ni/ /ring po ma mo gnyis dang 
gnas/ /mgrin pa o~M gyi gzugs kyis ni/ /ma mo gsum brjod pa lu ta/ /dpral bar ha~M gi rnam pa 'di/ /sgra dang thig le mi shigs pa/ /'khor lo pa zhi yi rab dbye bas/ /sa sogs 'byung ba chen po dang / /thun bzhir byin gyis brlabs pa dang / /
pad+ma bzhi las byung ba dang / /dga' ba bzhi yi ngo bo yis/ /rnal 'byor bzhi ni mngon du'o/ /mchog tu dga' ba'i ngo bo yis/ /bya dang byed pa'i dngos po las/ /rdo rje sems dpa'i gzugs kyis ni/ /'di ni ji ltar bde bar rol/ /'dab ma rnams kyi 
bzhi la yang / /'byung ba bzhi yi rtsa rnams ni/ /mar me'i rang bzhin lta bur ni/ /phyogs bzhi la ni rnam par gnas/ /rtsa rnams bzhi yang mtshams rnams su/ /rnam par gnas shing der son pa'ang / /bdud rtsi lnga ni 'bab pa ste/ /de mchod rang gi gzugs 
gnas pas/ /de yi dngos po'i ngo bo las/ /mchod pa bzhi ni rnam par bshad/ /lus kyi snying gi nang du ni/ /rtsa lnga rnams ni rnam par gnas/ /sku gsung thugs kyi dbye ba yis/ /nyi shu rtsa bzhi nye bar brjod/ /gnas sogs dgye ba la gnas nas/ /gnas dang 
gnas la rnam par gnas/ /spyi bor yang dag byung ba yi/ /rtsa ni spyi bo skyes zhes brjod/ /rdul dang snying stobs mun pa'i tshul/ /de yi nang nas gco mo ni/ /pul+lI rar ni mi phyed ma/ /so dang sen mo 'bab par brjod/ /'bar ba 'dzin pa gra gzugs ma/ /de 

</font><hr>79-1-113a<br><font size=+1>

bzhin skra dang ba spu 'bab/ /o D+yAn gnas ni chen po la/ /rtse ba ma ni rnam par gnas/ /rna ba g.yas par gnas nas ni/ /pags pa dri ma 'bab ma gnas/ /urbu dar ni g.yon pa ma/ /mkha' 'gro ma ni sha 'bab ma/ /gang zhig chu 
rgyus 'bab pa'i rtsa/ /ba yi mchog sbyin rnam par gnas/ /de ni sra pa'i tshul gyis gnas/ /thung du mar ni rnam par bshad/ /gang zhig dga' ba'i dbang phyug rtsa/ /de bzhin rus sbal skyes mar grags/ /sra ba'i dngos pos gnas pa'i phyir/ /rus pa'i 
phreng ba 'khrugs par gnas/ /lha mo'i mkhar du gang zhig rtsa/ /'jam pa sgom pa ma ru brjod/ /de ni rtag tu mchin pa 'bab/ /thams cad lus la rtag par gnas/ /mA la bar ni dbang ma ni/ /rgyal ba'i dbang phyug snying la gnas/ /rtsa ni gang 
zhig mig 'bab ma/ /'dod pa'i gzugs su rnam par gnas/ /gzugs ni mthong bar 'dod pa ste/ /skyon bral ma zhes rnam par bshad/ /o Dir mkhris pa 'bab pa'i rtsa/ /gang zhig 'jug ma chen mor brjod/ /tri sha ku ner byung ba ni/ /ma mo nges 
par glo bar bcas/ /ko sha lar ni mtshan mo nyid/ /rgyu ma'i phreng bzang khyab cing 'bab/ /ka ling kar ni bsil sbyin ma/ /ngos kyi chu rgyus yang dag bshad/ /tsha ba ma ni lto gnas nges/ /lam pA kar ni rab tu grags/ /'bab ma nyid ni kAny+tsir gnas/ /
thams cad du ni bshang ba 'bab/ /mtshams kyi mtha' yi nang du yang / /kha ba'i gnas su rangs ma'i gdong / /shin tu gzugs can bad kan ldan/ /yi dgas lha gnas yang dag gnas/ /gang zhig rtag tu rnag 'bab pa/ /khyim gyi lhar ni yang dag 
gnas/ /mkha' 'gro dam pa'i dbang phyug gis/ /spyi ma nyid du rnam par bshad/ /so rASh+Tar ni gang zhig rtsa/ /rgyu sbyin ma ni dmar po 'bab/ /rdul ni 'bab par gyur pa ni/ /gser gling du ni yang dag bshad/ /yan lag gzi brjid kun khyab ma/ /

</font><hr>79-1-113b<br><font size=+1>

sbyor bral mar ni rab tu grags/ /nA ga rar ni sdu gu ma/ /tshil can sbom zhing myos byed 'bab/ /sin d+hur shin tu grub pa nyid/ /mya ngan mchi ma 'bab mar brjod/ /ma rur gnas ma lud skam 'bab/ /'tshed pa ma zhes rnam par bstan/ /gu lu twar ni yid bzang 
ma/ /sha dang snabs ni 'bab ma'o/ /drug pa las yul gyi dgod pa ste rab tu byed pa gnyis pa'o// //lha lags mnyan par 'tshal lags na/ /nang gi dkyil 'khor mchod pa la/ /sogs pa'i las ni ji ltar lags/ /sbyin sreg las ni mi 
'tshal bas/ /bde ba chen pos bshad du gsol/ /bcom ldan 'das kyis bka' stsal pa/ /he ru la sogs pa'i lha/ /rtsa gzugs mdzes par yang dag byung / /lus kyi dkyil 'khor nyams dga' bar/ /sgo bzhir ji skad gsungs pa'o/ /rang 
gi yan lag brgyad byung bas/ /ka ba de yis bskor nas gnas/ /dngos po kun gyis mnyam pa'i phyir/ /gru bzhi bar ni rab tu grags/ /sku gsung thugs kyi ngo bos ni/ /dkyil 'khor 'khor lo gcig tu gsungs/ /ri ni mgo bo'i ze 'bru la/ /ji 
ltar rtsom chen la sogs rim/ /bla ma'i dus thabs rim nyid kyis/ /de ni rdzogs pa'i dkyil 'khor gnas/ /rkang pa'i mthil du rtsom chen rlung / /gzhu yi dbyibs su rnam par gnas/ /sum mdo yi ni gnas su ni/ /de bzhin gru gsum 'bar ba nyid/ /
zlum po'i rnam pa'i dbyibs kyis ni/ /chu ni lte bar rnam par gnas/ /snying gar yang ni sa nyid de/ /kun nas gru bzhi pa nyid do/ /sgal tshigs dbyug gu'i gzugs kyis ni/ /ri rab ri rgyal de bzhin no/ /der ni spyi bo'i char gnas/ /'dam skyes 'dab ma sum 
bcu gnyis/ /dbyangs dang gsal byed mdzes par gnas/ /sum cu rtsa gnyis byang chub 'dod/ /pad+ma'i nang du son pa gang / /de ni zla ba'i dkyil 'khor brjod/ /spyi bo'i nang du klad pa ni/ /gang zhig gnas pa de ru gsungs/ /de nang ha~M gi rnam pa nyid/ /

</font><hr>79-1-114a<br><font size=+1>

thig le'i gzugs can mi shigs pa/ /'jig rten kun gyi rtsa ba de/ /brtan pa'i bdag nyid g.yo ba'i bdag /gsal dang mi gsal gzugs las ni/ /sa bon gzugs kyi rnam par gnas/ /lus can rnams ni kun gyi gzugs/ /
de phyir gdod nas rdzogs pa nyid/ /bdud rtsi'i gzugs kyis 'dzag par ni/ /nyin dang mtshan du rnam par gnas/ /de nyid kyis ni sgra 'byed cing / /me ni dga' bar byed pa ste/ /des ni gang ba'i dkyil 'khor ni/ /yin pa nyid du the tshom med/ /de nyid 
dkyil 'khor zhes byar gsungs/ /dngos po rnams kyi snying po mchog /de ni len cing gcod pa'i phyir/ /lus ni dkyil 'khor nyid du brjod/ /rtsa chen sum cu rtsa gnyis kyi/ /'khor lor yang ni dkyil 'khor brjod/ /byang chub sems ni rin po che/ /
dkyil 'khor de nyid dkyil 'khor nyid/ /phyi rol bcas pa'i nang gzugs kyis/ /sna tshogs khyab cing rnam par gnas/ /phyi rol gzugs dang sgra la sogs/ /dbang po thams cad 'jug pa'o/ /nang gi khu ba la sogs pa/ /grub pa'i rdzas ni rnam 
par gnas/ /phyi rol bcas pa'i nang nyid kyis/ /rdo rje can gyi byang chub sems/ /sbom dang phra ba'i rang bzhin gyis/ /'gro ba'i gnyen gyi rang bzhin can/ /sangs rgyas byang chub sems dpa' yi/ /dam tshig don du gsungs pas ni/ /dkyil 'khor goms 
pas skye ba 'dir/ /sangs rgyas nyid ni thob par 'gyur/ /nyan thos rnams kyi sangs rgyas dang / /de bzhin rang rgyal rnams kyi dang / /tshangs pa la sogs lha rnams kyi/ /dkyil 'khor goms bas rdzogs pa nyid/ /shes rab me ni cher 'bar bar/ /nang gi 
khu ba la sogs dang / /de bzhin phyi rol gzugs sogs kyi/ /bsreg rdzas kyis ni sbyin sreg bya/ /skye mched drug dang khams rnams dang / /phung po la sogs khyad par las/ /de rnams kyi ni gzugs can lha/ /de bzhin mkha' 'gro ma nyid ni/ /des ni de 

</font><hr>79-1-114b<br><font size=+1>

mchod gang gi phyir/ /rnal 'byor mchod par yang dag bshad/ /thod pa 'di ni mgo bo nyid/ /bsreg rdzas kyi no snod du gsungs/ /blugs gzar ro mar bshad pa ste/ /snying gi 'khor lo brkyang ma dag /dgang gzar zhes byar yang dag brjod/ /thab 
khung lte ba'i dkyil 'khor du/ /las kyi rlung gis bskyod pa yi/ /tshangs pa'i me ni sum mdor gnas/ /sgra ni sngags zhes brjod pa ste/ /bzlas pa 'khor bar byed pa yin/ /bsgom pa mtshungs par snang ba nyid/ /dkyil 'khor gnyis med rnal 'byor phyir/ /
lhan cig skyes pa zhon pa 'di/ /'di ni rgyal ba'i dkyil 'khor gsungs/ /dkyil 'khor bdag po'i gzugs kyi phyir/ /slob dpon sems kyi rgyal po nyid/ /de skad la sogs ci gsungs pa/ /rgyud ni thams cad rtogs par bya/ /da dung bdag la the 
tshom mchis/ /chos dang longs spyod sprul pa dang / /bde ba chen po'i gzugs kyis ni/ /mgon po ji ltar rol bar 'gyur/ /de rnams dbye ba mi 'tshal bas/ /bde ba chen pos bshad du gsol/ /bcom ldan 'das kyis bka' stsal pa/ /spyi bo lter 
son 'khor lo ni/ /e yi dbyibs su yang dag gnas/ /snying dang mgrin par yang dag gnas/ /ba~M gi rnam pa lta bur brjod/ /lte ba'i nang gnas pad+ma ni/ /'dab ma drug cu rtsa bzhir ldan/ /'dam skyes 'dab ma sum cu gnyis/ /spyi bo'i nang du rnam par 
gnas/ /mgrin pa'i nang du son pa yang / /pad+ma lo ma bcu drug nyid/ /de yi snying ga'i gnas su ni/ /pad+ma 'dab ma brgyad du brjod/ /'dab ma drug cu rtsa bzhi nyid/ /sprul pa la ni rab tu grags/ /pad+ma chen po 'dab brgyad par/ /chos kyi sku ni rab tu bskor/ /longs spyod rdzogs pa 
bcu drug rtsibs/ /de bzhin 'dab ma sum cu gnyis/ /bde chen ye shes chen po la/ /kun tu yang dag rnam par gnas/ /sprul pa'i 'khor lo'i dbus su ni/ /sde tshan brgyad kyis yongs su bskor/ /yig 'bru dang po'i ngo bo yis/ /'di ni a ste yi 

</font><hr>79-1-115a<br><font size=+1>

ge mchog /chos kyi 'khor lor rnam bshad pa/ /hU~M ni mi shigs pa ru brjod/ /dbyangs lnga dang ni yang dag ldan/ /ya ra la was rnam par brgyan/ /longs spyod 'khor lo'i nang gnas pa/ /oM ni yig 'bru gsal bar byed/ /cha 
ni rnam pa bzhi rnams kyis/ /kun tu yongs su bskor ba'o/ /bde chen 'khor lo chen po la/ /ha~M ni thig le'i gzugs can no/ /g.yon dang g.yas pa'i ngos dag la/ /zla ba nyi ma rnam par bshad/ /mgrin pa nas brtsams g.yon pa'i rtsa/ /longs 
spyod rdzogs pa'i sku can ma/ /lte ba'i nang du ngal sos shing / /kha ni 'og tu myos byed 'bab/ /gang zhig lte ba las stengs rtsa/ /de bzhin kha ni steng du 'bab/ /mgrin pa'i nang du ngal sos shing / /khrag 'bab par ni rab tu grags/ /myos byed zla ba zhes 
byar bshad/ /khrag ni nyi ma zhes byar gsungs/ /sgo gnyis mnyam par zhon nas ni/ /steng dang 'og tu mnyam gnas pa/ /'di dag zla ba nyi ma gnyis/ /rtsa ni gnyis su rab tu grags/ /dpa' bo rnams dang mkha' 'gro ma'i/ /'gro ba dang ni 'ong ba'i 
rgyur/ /nub pa dang ni 'char don dang / /log dang sad pa lta bur gsungs/ /g.yon dang g.yas pa'i ngos la ni/ /dbyangs ni bcu gnyis yang dag gnas/ /kha ni steng du yang dag bshad/ /ka la sogs pa rnams kyis bskor/ /kha ni 'og gi gnas su 
gnas/ /lhag par byas nas sbyar ba nyid/ /k+Sha ni srin po nyid gsungs pa/ /'og gi char ni rnam par gnas/ /gang tshe mgrin par chags chen gyi/ /gzugs kyi zla ba gnas pa na/ /sangs rgyas rnams kyi dam pa'i sku/ /de tshe longs spyod rdzogs par bshad/ /gang 
tshe rdo rje'i rtser gnas pa/ /de tshe de ni sna rtser ro/ /gang tshe longs spyod rdzogs sku yang / /nub par gnas par gyur pas na/ /b+ha ga'i nang du son de yang / /yungs kar tsam du rnam par gnas/ /nyi ma'i gzugs su yang dag bshad/ /sprul pa'i skur ni brjod pa ste/ /

</font><hr>79-1-115b<br><font size=+1>

sangs rgyas byang chub sems dpa' yi/ /spros pa de yis bskyed pa'o/ /pad+ma gar dbang rgyal po ni/ /'dab ma 'byed pa'i sbyor ba can/ /sprul pa'i sku yi gzugs su ni/ /der ni nyi ma nub pa na/ /gang tshe rdzogs pa'i byang chub sems/ /gong bur gyur pa rnyog pa med/ /
'khor ba'i lam ni rnam bcad cing / /spros pa nyer zhi dge ba ste/ /gnyis med mchog tu dag pa nyid/ /dpal ldan rdo rje sems dpa'i gzugs/ /shrI ni he ru ka zhes brjod/ /rgyud ni srin bu'i gzugs can nyid/ /rgod dang lta dang lag bcangs nyid/ /rgyud du de nyid 
rnam par gnas/ /'dod chags nyid dang chags bral yang / /zos nas srin bu gnas pa nyid/ /rtsa thams cad kyi mnyam par sbyor ba mkha' 'gro ma'i dra ba'i sdom pa ste drug pa las rab tu byed pa gsum pa'o// //de nas byang chub sems dpa' 
chen po rdo rje snying po la sogs pa dang / /rnal 'byor ma bdag med ma la sogs pas 'di skad ces gsol to/ /'khor lo'i bsgom pa'i lam dang ni/ /lha rnams ji ltar 'byung ba dang / /mkha' 'gro'i 'khor lo'i khyad par dang / /dgongs pa'i skad kyi khyad par ni/ /
bcom ldan 'das kyis sngar gsungs na/ /sdom pa'ang bdag la bshad du gsol/ /bcom ldan 'das kyis bka' stsal pa/ /rnal 'byor ma lus dbus gnas par/ /a yi rnam par sdom pa'i gnas/ /ji ltar phyi rol de bzhin nang / /sdom pa de nyid 
rab tu phye/ /bo la'i bde ba phyag rgya che/ /rdo rje skye mched thams cad nyid/ /'dis ni gsang ba'i snyoms 'jug pas/ /phyi rol gnyis gnyis bstan pa med/ /sku gsum lus kyi nang du ni/ /'khor lo'i gzugs kyis brjod par bya/ /sku gsum yongs su 
shes pa las/ /bde ba chen po'i 'khor lor brjod/ /chos dang longs spyod sprul pa dang / /de bzhin bde ba chen po nyid/ /skye gnas mgrin snying dbus su ni/ /sku gsum po ni rnam par gnas/ /ma lus pa yi sems can gyi/ /skye ba gang la brjod bya ba/ /

</font><hr>79-1-116a<br><font size=+1>

gang zhig sprul pa gnas brtan phyir/ /de la sprul pa'i sku nyid yin/ /sems ni chos kyi rang bzhin te/ /chos kyi sku yang snying gar yin/ /ro rnams drug gi gzugs can gyi/ /bza' ba nges par longs spyod brjod/ /chos rnams kun la 
gnas brtan phyir/ /thams cad yod pa'i rang bzhin can/ /mgrin par longs spyod 'khor lo dang / /bde ba chen po spyi bor gnas/ /e ba~M rnam pa rgyu mthun nyid/ /rnam smin chos kyi 'khor lo las/ /skyes bu byed pa longs spyod la/ /bde chen 'khor lor dri 
med nyid/ /rgyu mthun la sogs rab dbye bas/ /'bras bu rnam pa bzhi zhes brjod/ /las kyi rlung gis bskul ba yis/ /las la bcom ldan shes rab brjod/ /gang zhig sprul pa gnas brtan phyir/ /sprul pa'i 'khor lo gnas brtan brjod/ /chos ni ngag 
las byung ba'i phyir/ /'khor lo thams cad yod par smra/ /gang zhig mgrin par kun bkur phyir/ /longs spyod 'khor lor kun bkur nyid/ /gang zhig bde chen mgor gnas phyir/ /bde chen 'khor lor dge 'dun che/ /sde pa sku zhes brjod pa ste/ /lto 
ba gnas su brjod par bya/ /skye gnas 'dod chags bral ba nyid/ /mngal gyi phru ma chos gos te/ /de bzhin ma ni mkhan po nyid/ /mgo bor thal mo sbyar ba phyag /'gro ba'i bya ba khrims kyis gnas/ /de bzhin sngags bzlas a dang ha~M/ /sngags 'don 
skyes pa dge slong nyid/ /gcer bu skra dang kha spu bregs/ /'di rnams rkyen gyis sems can rnams/ /sangs rgyas nyid du the tshom med/ /zla ba bcu yang sa rnams te/ /sems can sa bcu'i dbang phyug go/ /btsun mo'i b+ha ga bde can du/ /khu ba zhes bya rnam par 
gnas/ /de med pas na bde med 'gyur/ /bde ba spangs na de med 'gyur/ /nus pa med phyir ltos dang bcas/ /lha yi rnal 'byor las bde ba/ /de phyir sangs rgyas dngos po min/ /de nyid dngos med tshul yang min/ /zhal phyag rnam pa gzugs can nyid/ /

</font><hr>79-1-116b<br><font size=+1>

mchog tu bde ba gzugs med pa/ /de phyir 'gro kun lhan cig skyes/ /lhan cig skyes pa'i rang bzhin brjod/ /rnam dag rnam pa'i sems kyis ni/ /rang bzhin gyis ni mya ngan 'das/ /zhal phyag kha dog dbyibs las ni/ /lha yi gzugs kyi rnal 
'byor ni/ /skyes pa tsam gyis rnam par gnas/ /'on kyang bag chags phal pas so/ /lha mos de skad bshad pa ni/ /rnal 'byor kun gyi gong na med/ /de nas rnal 'byor ma bdag med ma la sogs lha mo thams cad la 'di lta ste/ spyan ma dang / mA ma 
kI dang / gos dkar mo dang / sgrol ma dang / khro gnyer can dang / skul byed ma dang / ri khrod ma shing lo can dang / 'og zhal ma dang / sdom pa ma dang / /de dag la sogs pa ri rab kyi rdul phra rab dang mnyam pa'i rnal 'byor ma rnams mchog tu ngo mtshar bar gyur cing 
brgyal ba dang / skrag par gyur to/ /de nas mi bskyod pa la sogs pa'i de bzhin gshegs pa thams cad kyis 'di skad ces gsol to/ /rnal 'byor ma ni kun gyi tshogs/ /bcom ldan 'das kyis bslang du gsol/ /de nas bcom ldan 'das thams cad mkhyen 
pa rnam par rgyal ba'i rdo rje zhes bya ba'i ting nge 'dzin la snyoms par zhugs nas/ rnal 'byor ma thams cad bslang ba'i phyir 'di skad ces bka' stsal to/ /sems can rnams ni sangs rgyas nyid/ /'on kyang blo bur dri mas bsgribs/ /de bsal nas ni sangs rgyas 
nyid/ /bcom ldan 'das de de bzhin no/ /rigs kyi bu/ gang zhig mi shes 'jig rten pa/ /btsan dug zos pas brgyal bar 'gyur/ /rmongs spangs de nyid yid kyis ni/ /de yi de nyid yongs su gcod/ /dug gi dum bu gang nyid kyis/ /skye bo thams 
cad 'chi bar 'gyur/ /dug gi de nyid shes pa des/ /dug gis dug ni 'bigs par byed/ /ji ltar rlung gis zin de la/ /ma sha'i bza' ba sbyin par bya/ /ldog pa'i sman ni brtags pa las/ /rlung gis rlung la snun par byed/ /so sor rtog las rnam rtog 

</font><hr>79-1-117a<br><font size=+1>

dang / /srid pa nyid kyis srid dag byed/ /ji ltar rna bar chu zhugs pa/ /chu gzhan gyis ni dgug par bya/ /de bzhin dngos po'i rnam rtog kyang / /rnam par nges pas sbyang bar bya/ /ji ltar 'tshed pas tshig pa la/ /yang ni me yis gdung bar bya/ /
de bzhin 'dod chags mes tshig pa/ /'dod chags me yis gdung bar bya/ /skye bo mi bzad pa yi las/ /gang dang gang gis 'ching 'gyur ba/ /thabs dang bcas na de nyid kyis/ /srid pa'i 'ching ba las grol 'gyur/ /'dod chags kyis ni 'jig rten 
'ching / /'dod chags nyid kyis rnam par grol/ /bzlog pa'i sgom pa 'di nyid ni/ /sangs rgyas mu stegs kyis mi shes/ /'byung ba lnga yi rang bzhin las/ /kun du ru las lnga ru 'gyur/ /dga' ba chen po gcig nyid las/ /dbye bas lnga ru 'gro bar 
'gyur/ /bol+la kak+ko la sbyor bas/ /reg pa sra ba'i bag chags kyis/ /sra ba gti mug chos yin phyir/ /gti mug rnam par snang mdzad brjod/ /gang phyir byang sems gsher ba nyid/ /gsher ba chu yi khams su brjod/ chu ni mi bskyod ngo bo'i 
phyir/ /zhe sdang 'dren pa mi bskyod pa/ /gnyis kyi bskyod pa'i sbyor ba las/ /rtag tu drod ni skye bar 'gyur/ /'dod chags dpag med rdo rje yin/ /'dod chags drod las 'byung bar 'gyur/ /kak+ko lar ni gang zhig sems/ /de ni rlung gi rang bzhin can/ /
don yod rlung las 'byung ba'i phyir/ /phrag dog don yod grub pa yin/ /bde ba 'dod chags sems yin te/ /rin chen khrag dang 'dod chags nyid/ /ser sna nam mkha' las byung ba/ /nam mkha' ser sna rdo rje yin/ /sems ni chen po gcig nyid la/ /lnga yi 
gzugs kyis mtshon pa nyid/ /rigs ni lnga po skyes pa lnga/ /de la stong phrag du ma nyid/ /de phyir 'di dag rang bzhin gcig /bde chen mchog tu phan pa nyid/ /'dod chags la sogs sems lnga yis/ /dbye bas lnga ru 'gro bar 'gyur/ /gang gA'i klung ni bcu 

</font><hr>79-1-117b<br><font size=+1>

yi bye ma snyed/ /rigs gcig la ni de bzhin gshegs pa'i tshogs/ /rigs chen lnga ni rigs ni du ma rnams/ /de rnams rigs las brgya phrag du ma rnams/ /de rnams la yang 'bum phrag rigs chen rnams/ /bye ba'i rigs la grangs ni med par 'gyur/ /
de la rigs la grangs med rigs rnams nyid/ /mchog tu dga' ba'i rigs las byung ba rnams/ /zhes bka' stsal to/ /'dir gsol pa/ ci gong bu'i gzugs can 'di tsam du'ang chung ba de snyed kyi rang bzhin du 'gyur ba ci lags/ bcom ldan 'das kyis 
bka' stsal pa/ /skra yi khyon tsam phra ba la/ /sangs rgyas zhing khams du ma ni/ /gnas dang dog dang 'dzer min pa/ /de bzhin 'dir yang blta bya ste/ /stobs bcu dag dang ldan pa'i lha/ /bzhengs shig bzhengs shig bdag gi ni/ /sdum par ston mo bzhes 
par 'tshal/ /rdzu 'phrul stobs kyis rigs kyi bu/ /yang dag byung ba bka' stsal pa/ /yang dag sbyor byung mtshan nyid ni/ /bshad par bya yis lha mo nyon/ /gsang ba la ni sa yi khams/ /mchog la de bzhin du ni chu/ /dgyes pa la ni me ru bshad/ /thams 
cad bdag nyid rlung la gnas/ /rtag tu bzhugs par brjod pa 'di/ /sangs rgyas kun gyi sdom pa bdag /yang na me long lta bu'i tshul/ /de bzhin du yang mnyam pa nyid/ /so sor rtog pa'i cho ga bzhin/ /de bzhin bya ba nan tan la/ /rtag tu bzhugs par brjod 
pa 'di/ /shin tu rnam dag rang bzhin can/ /de bzhin rnam par snang mdzad nyid/ /gzhan yang mi bskyod pa nyid dang / /yang na rin chen 'byung gnas dang / /yang na 'od dpag med pa yis/ /gang tshe rtag bzhugs don yod la/ /bdud rtsi lnga yi gong bu'i dngos/ /
thig le'i gzugs te yid lta bu/ /shin tu yang dag ye shes che/ /lha mo kun gyi rang bzhin can/ /rdo rje sems dpa' zhes byar bshad/ /bde ba dam pa ru ni brjod/ /rang byung ngo bo 'di nyid ni/ /chos kyi skur ni rab tu grags/ /de yi shes rab lhan cig skyes/ /de phyir 

</font><hr>79-1-118a<br><font size=+1>

gnas pa'i gzugs can ma/ /las kyi rlung gis bskul ba yis/ /lte ba'i dkyil 'khor du ni 'bar/ /bdag med ma zhes rnam par bshad/ /dpyid kyi thig le nyid du brjod/ /skra yi rtse mo brgya stong lus/ /glog gi zer ma mnyam pa'i 'od/ /lha 
yi rnal 'byor dus su ni/ /ba spu'i khung bu'i rtse bug nas/ /phyogs bcur rnam par phyung nas ni/ /kun tu lha dang lha min bsdigs/ /snying la chos kyi 'khor lor ni/ /bsregs nas longs spyod 'khor lor song / /sna yi bu ga g.yas pa nas/ /thams cad 
du ni phyung nas ni/ /mdzod spur song ba dag gis kyang / /bug pa nges par phyogs bcu yi/ /sangs rgyas byang chub sems dpa' yi/ /shangs kyi bu ga g.yon par ni/ /zhugs nas spyi gtsug 'khor lor ni/ /kun bsregs rnam par phyung nas ni/ /sngar gsungs 
nyid kyi bug pa nas/ /yang ni spyi gtsug zhugs par bya/ /sangs rgyas rnams ni bsregs pa yis/ /dga' ba de nas bskyed par bya/ /lte ba'i dkyil 'khor phyin nas ni/ /snga ma bzhin du gnas par 'gyur/ /yang dag par sbyor ba las byung ba'i rgyud chen po las 
dpyid kyi thig le zhes bya ba'i brtag pa'i rgyal po ste drug pa'o// //ngag gi phyag rgya'i mtshan nyid ni/ /bcom ldan bdag ni nyan par 'tshal/ /dgongs pa'i skad ni ci zhes bgyi/ /rnal 'byor ma yi rtag dam tshig /nyan thos la sogs mi shes pa/ /
rgod dang lta ba dag gis kyang / /'khyud dang de bzhin gnyis gnyis sogs/ /rgyud kyang rnam pa bzhi rnams kyis/ /dgongs pa'i skad ni ma bsgrags pa/ /bcom ldan nges par gsung du gsol/ /dgongs pa'i skad ni skad chen po/ /dam tshig brda ni rgyas pa ru/ /
rdo rje snying po ngas bshad kyis/ /de nyid rtse gcig sems kyis nyon/ /ma da na chang ba la sha/ /'du ba ma la ya dza nyid/ /'gro ba khe Ta ro ni shra ba/ /rus pa'i rgyan ni ni raM shu/ /'ong ba phreM ka Na ru brjod/ /cang te kri pri ta ru brjod/ /skal med du du ra zhes bshad/ /

</font><hr>79-1-118b<br><font size=+1>

skal ldan kA liny+dza ra~M brjod/ /reg min Di Di ma zhes brjod/ /thod pa pad+ma b+ha dza na~M/ /bza' ba ti pri ta ra shes bya/ /tshod ma ma la tin d+ha na~M/ /bshang ba tsa tus+sa ma~M brjod/ /gci ba ka s+t+ru ri zhes brjod/ /rang byung sih+lar shes par bya/ /khu ba ga bur brjod par 
bya/ /sha chen shA li dza zhes brjod/ /dbang po gnyis sbyor kun du ru/ /rdo rje bol+la zhes brjod de/ /pad+ma kak+ko la zhes zer/ /mu khi/ sor mo kha ru bcug pa ni/ /mkha' 'gro ma yi mtshan ma'o/ /g+ho g+hu/ thal mo spyi bor yang dag gzhag /mar me ma yi 
mtshan ma'o/ /g+hu g+hu/ /mthe bong rgan po bcangs pa ni/ /'jib byed ma yi mtshan ma'o/ /mu g+hu/ lag pas rna ba brdebs pa ni/ /g.yo ldan ma yi mtshan ma nyid/ /lu g+hu/ sna rtser thal mo brdebs pa ni/ /dge ba'i gtam ni 'dri ba'o/ /draSh+Ta ri dgas mgo 
ston pa/ /rnal 'byor ma yi mtshan mar mtshon/ /Da zhes bya ba skyes bur nges/ /DI ni bud med de nas brjod/ /pu zhes bya bar rengs pa nyid/ /su ni de bzhin za ba nyid/ /ma zhes bya ba ma ru brjod/ /yo ni de bzhin chung mar nges/ /b+hi zhes bya ba sring mo nyid/ /
d+hi zhes bya ba mdza' mor brjod/ /lu zhes bya ba bu mor nges/ /s+t+ri ni khrag tu shes par bya/ /sa ni zhi ba'i btung ba nyid/ /pe zhes bya ba btung ba ste/ /bi zhes bya ba nges par sha/ /b+ha zhes bya ba bza' bar brjod/ /b+hu zhes bya ba 'du ba nyid/ /bi zhes bya ba dur khrod 
nyid/ /b+hu zhes bya ba ro ru brjod/ /DI zhes bya ba rnal 'byor ma/ /ga ni de bzhin lA mA nyid/ /s+t+ri zhes bya ba gzugs can ma/ /ku zhes bya ba mkha' 'gro ma/ /kha zhes bya ba dum skyes ma/ /dza zhes bya ba byin pa zung / /ke zhes bya ba lag pa gnyis/ /b+ha zhes 
bya ba phyag 'tshal ba/ /swA ni legs 'ongs bya ba yin/ /'di rnams ni yi ge re re zhing yang brda ste/dpa' bo dang sring mor des shes par bya'o/ /yi ge'i dam tshig gi phyag rgya'i ye shes so/ /rdo rje snying pos gsol pa/ /ngag gi brda ni mi 'tshal bas/ /bde ba chen 

</font><hr>79-1-119a<br><font size=+1>

pos bshad du gsol/ /bcom ldan 'das kyis bka' stsal pa/ /mdor bsdus nas ni bshad bya ba/ /de ni nga yis bshad kyis nyon/ /po ta~M gi zhes bya ba ni phyag go/ /pra ti po ta~M gi zhes bya ba ni phyag gi lan no/ /ga mu zhes bya ba ni 'gro ba zhes brjod 
par 'gyur ro/ /lum pa zhes bya ba ni 'ong ba nyid do/ /ni ga raM zhes bya ba ni byin cig ces brjod par 'gyur ro/ /tsaT+Tu ka zhes bya ba ni khyer cig ces brjod pa yin no/ /hri da ya zhes bya ba ni dpa' bo zhes bya ba yin no/ /kau ra ba zhes bya ba ni gsod pa zhes brjod pa yin no/ /
kar+N+Ni ka zhes bya ba ni dril bu zhes brjod pa yin no/ /a li ka ra Na zhes bya ba ni spyi bo zhes brjod pa yin no/ /ba ra ha zhes bya ba ni skra zhes brjod pa yin no/ /shra ba Na zhes bya ba ni rna ba'o/ /man+thA zhes bya ba ni bdud rtsi'o/ /na ra zhes bya ba ni mnyam par sbyor ba zhes brjod 
pa yin no/ /tA li kA zhes bya ba ni mkha' 'gro ma'o/ /nA ra ka zhes bya ba ni dkyil 'khor ro/ /a mu ka~M zhes bya ba ni dur khrod do/ /kA li la zhes bya ba ni sgo'o/ /swa sa Na~M zhes bya ba ni bram ze'o/ /pa ri d+hi ni rgyal rigs so/ /bi ra ti ri ni rje'u rigs so/ /kru ra zhes 
bya ba ni dmangs rigs so/ /an+ta ni gdol pa'i rigs so/ /a li ka ni phyugs so/ /b+ha gi ni ni mkha' 'gro ma'o/ /mu da ka~M ni tshil bu'o/ /grih+na zhes bya ba ni phyag rgya'o/ /dan+ta spaR+sha ti dzi hwa zhes bya ba ni bkres so zhes brjod pa yin no/ /g+han+da pa hi ni sred pa'o/ /A ga 
ma na zhes bya ba ni gan du'o/ /s+thA na zhes bya ba ni che ge mor ro/ /ki ra Na ni me tog go/ /lam po ni 'jigs pa'o/ /dan+ta ni rgod pa zhes brjod pa yin no/ /ni ro d+ha ni char pa'o/ /bi dzAp+ti ni chog par 'dzin pa'o/ /d+hu mA ni sprin no/ /d+hu mra pri ya dang / sA nu ni ri'o/ /sa ri to ni 
chu bo'o/ /oM gu l+ya ni yan lag dang nying lag go/ /ba da na~M ni kha'o/ /rA dzi ka ni lce'o/ /a da nA ni'o/ /pa~M ka ti ni rgyal mtshan no/ /ts+tshan do ni phreng ba'o/ /tsa la ni rlung ngo / /mr-i ka pa ti ni phyugs so/ /maN+Da la ni mnyam pa'o/ /swA sa ni lam gyi bzhi mdo'o/ /

</font><hr>79-1-119b<br><font size=+1>

phal gu sha ni skye bo'o/ /ma ha k+Sha ra ni phyugs chen po'o/ /ts+tsha ni ra'o/ /na zhes bya ba ni skyes pa'o/ /go zhes bya ba ni ba glang ngo / /zhes bya ba ni ma he'o/ /b+hi zhes bya ba ni bza' ba'o/ /ha zhes bya ba ni rnam grangs so/ /a phya ka zhes bya ba ni rgyal po'i skyes bu'o/ /
s+tha zhes bya ba ni gnas so/ /mu kha sbaR+sha na ni zos so zhes bya ba'o/ /dan+ta spaR+sha na ni 'grangs so zhes bya ba'o/ /ho zhes bya ba ni gang yang rnam grangs so/ /hrI ka ni ngo tsha ba'o/ /shU n+ya spar+sha ne ni mai thu na gyis shig ces bya ba'o/ /u ru spaR+sha ne ni de lta da ltar gyis shig ces bya 
ba'o/ /ngag gi brda yi ye shes so/ /mnyam par drag shul dpral ba can/ /rtag tu ltung bar byed par brjod/ /dbang gi lta stangs g.yon na gnas/ /g.yon pa na ni gzugs brnyan gnyis/ /g.yas pa'i cha la dgug pa nyid/ /gnyis ni steng du sbyar bar 
bya/ /dbu ma rengs pa'i lta stangs nyid/ /sna yi rtse mo'i dbus su gnyis/ /dud 'gro'i lta stangs gsad pa la/ /sna yi rtse mor gzugs brnyan gnyis/ /'byung ba nyid kyis ltung bar byed/ /bum pa yis ni dbang du byed/ /dgang ba yis ni 'gugs pa nyid/ /
zhi ba nyid kyis rengs par byed/ /rlon pa'i shing la ltung byed nyid/ /me tog la ni dbang du grags/ /rdo rje shing la dgug pa nyid/ /g.yo bcas rtsal rengs byed nyid/ /zla drug goms pa'i rnal 'byor gyis/ /'grub 'gyur 'di la the tshom med/ /'di la 'khrul bar 
mi bya ste/ /sangs rgyas rdzu 'phrul bsam mi khyab/ /slob dpon gnyis la phyag 'tshal nas/ /shin tu phyag 'tshal dpal ldan ni/ /rdo rje sems sogs rnal 'byor gyis/ /g.yas pa'i smin ma sgyur tshul gyis/ /nam mkhar 'gro bar bsgoms pas ni/ /gang zhig 
gnas pas 'grub par 'gyur/ /g.yon pa'i smin sgyur pha rol gyi/ /sde las mchog tu rgyal bar 'gyur/ /bdud kyi dpung ni gzhom pa'i phyir/ /de nyid kyi ni rnal 'byor gyis/ /g.yon pa'i migabasgul zhes bya bas/ /dkar mo la sogs gzugs bsgoms 

</font><hr>79-1-120a<br><font size=+1>

pas/ /der ni rdzogs na 'grub par 'gyur/ /g.yas pa'i mig bsgul zhes bya bas/ /dpal ldan rdo rje sems sogs kyis/ /skyes bu'i gzugs ni rdzogs par 'gyur/ /ngag gi tha snyad ma gtogs par/ /'jig rten rab tu grags pa 
yi/ /tha snyad du yang 'grub par 'gyur/ /de ltar yo gis 'jig rten dang / /'jig rten 'das par bsdus par 'grub/ /legs par bshad pa'i dngos grub bo/ /lta stangs kyi phyag rgya'i ye shes so/ /dpal ldan rdo rje sems sbyor zhing / /ji ltar dbyibs kyi sku 
ldan pas/ /'dir ni mi yi thod pa yi/ /yungs kar cho ga bzhin du gdab/ /btsos pa'i mar khu bza' byas shing / /mgo bo 'bras bus de bzhin byugs/ /phyogs mtshams nam mkha' sa bcings pas/ /bsrung ba kun gyi gong na med/ /dpal ldan 
rdo rje sems sbyor zhing / /tshems ni bsdams shing zhal btsums pas/ /dpal ldan g.yon pa bsgyings 'dzin cing / /g.yas par 'khor lo phyogs tshul gyis/ /gsal bar steng 'og byin gyis brlab/ /sa la rang gi phyag rgya bya/ /sangs rgyas kun dngos dngos 
grub sbyin/ /skye ba gnyis pa'i thod par 'di btab nas/ phyi nas ni mi'i thod par ro/ /de nas blangs nas bud med dang / skyes pa dang / ma ning la sogs pa dang / khwa dang / 'ug pa dang / bya rgod dang / mchil pa'i dngos grub sna tshogs byed do/ /'ol ma zi 
dkar po sgrub pa'i cho gas kyang / 'dod na glang po dang / rta'i gzugs 'dzin par 'gyur ba dang / ma he'i gzugs 'dzin par 'gyur ba dang / 'dod na khyi dang / byi la dang / ce spyang gi gzugs 'dzin par 'gyur ba dang / 'dod na bud med dang / /
skyes pa'i gzugs 'dzin par 'gyur ro/ /ro'i kha'i bug pa'i nang du son pa'i bu ra nag po ro bsregs pa'i mes mar ngo'i 'byung po'i nyi ma la gdungs shing bdug pa byin na 'gro ba ma lus pa 'bebs par 'gyur ro/ /ka na ka'i 'bras bu dang / a lo ka dang / ma tu lung ga dang /

</font><hr>79-1-120b<br><font size=+1>

tsi tra ka dang / ba tsa ka dang / khyim bya'i sgo nga dang / arka'i 'bras bu rnams thams cad bdug pa las/ rgyu ba dang mi rgyu ba'i 'jig rten kun 'bebs par 'gyur ro/ /rta gsod pa skya bo'i rtsa ba dang / nyi ma'i ljon shing dang / phe chag pa dang / sdig pa'i rnga ma dang / dug tu 
nges pa'i brgya'i cha dang ldan pa/ 'dis de rnams cha bsnyams te lag pa la byugs na ba glang gi snar 'gyur ro/ /di na ka ra'i 'o mas ba na ri nyi ma bdun du byugs nas nags kyi mi zhag bdun spangs te/ de bzhin du kha Ti kas bris pa'i lag pa dag gis reg na klu'i dbang 
po'i dug 'byin par 'gyur ro/ /'di'i phyir bzlog pa sbyin par bya ste/ mA la ya las byung ba dang / nA ga ge sar dang / nad kyi dbang po dang / ma da na pha la dang / dzA gu'i yul dang / ta ka ra dang ldan par 'bras kyi chu dang ldan pas 'gro ba'i dug sna tshogs 'jig 
par byed do/ /de'i nyin par skyes pa'i byis pa'i ro tsan ta ka ra'i snying por gnas pa'i ril bu zos na lag na rdo rje lta bur ji ltar 'dod par dug btung bar bya'o/ /sbal pa dang / sbrul gdong gnyis pa'i tshil bsdus la sh+leSh+ma'i shing gi 'bras bu 'dis lag pa la byugs 
pas/ reg na dug zhi bar byed do/ /ba'i mar dang / badzri dang / ba hi'i khrag dang / sbrul mgo gnyis pa'i sha dang / sgal tshigs kyis lag pa la byugs na gnas gsum gyi yang dug med par byed do/ /gcer bu la sogs pa'i cho gas mnyam par bzhag pas/ 
bA la ka'i rtsa ba cha bdun du byas nas/ 'byung po'i nyi ma lag pa la bcings na nyin bzhi pa 'jig par byed do/ /lto 'phye'i dbang po'i shun pa sar pa dang / lto 'phye'i dgra'i gshog pa'i cha dang ldan par bdug pa dang ldan pa tsam gyis 'jig rten gsum po sdang bar byed do/ /
yang na kA gnyis dang nyin mo 'jigs pa'i gshog pa dag cho ga bzhin du bdug pas ni 'phrog byed ma smad kyang 'byed par byed do/ /gzhan du ni ma yin no/ /rta'i rmig pa'i khung bur sbrul gyi mgo gzhag cing gnod sbyin smyon pa'i lce dang lhan cig dgra'i gnas kyi sgor sbas 

</font><hr>79-1-121a<br><font size=+1>

na/ nyi ma bdun gyis skrod par 'gyur ro/ /ha li ni dang / phag gi rtug pa dang / ro'i mgo skyes dang / mgrin rings kyi rus pa rnams gnas gsum gyi sbyor ba'i mchog ste/ nyi ma bdun gyis skrod par byed do/ /rta gsod pa dmar po'i me tog dang / b+hal+lA 
ta ka dang / star bu rnams kyis me long la bskus na rta dang /bong bu dang / rnga mo la sogs pa'i gzugs mthong bar 'gyur ro/ /rta dang / ba glang dang / phag dang / /spre'u dang / bong bu dang / rnga mo'i lag skyes rnams kha sbyor du mes bsregs nas sbal pa'i tshil bu bsres 
pas/ de rnams kyi gzugs snga ma bzhin du mthong bar 'gyur ro/ /aM ko Ta ka'i sa bon gyi mar khu dang / ba'i 'o ma dang / mig sman gyi 'bras bus byugs nas gang zhig srid pa'i mtha'i gzugs rnams me long gi dbus su mig sman gyis byugs pa'i mi'i mig 
gis mthong bar 'gyur ro/ /ta ka pa'i 'bras bu dang / aM ko Ta'i 'bras bu dang / mar khu'i tshigs mas rang bzhin gyis gnas pa'i skyes bu bzang po mthong bar 'gyur te/ ta ka ra'i mig sman gyis byugs pas mi mthong bar 'gyur ro/ /ri bong can gyi chu dang / dza lu 
ka dang / sbal pa'i mar khu dang / pA Ta li'i rtsa bas rkang pa'i mthil byugs na/ skyes bu me ma mur gyi tshogs la 'gro bar 'gyur ro/ /shra ma Ni ka dang / sbal pa'i tshil bu dang / dza lu ka dang / zla ba las byung ba dang ldan pas lag pa dang / rkang pa byugs na me kha ba 
ltar bsil bar byed par 'gyur ro/ /kha'i nang du dun+du ba'i rin po che bcug ste/ chur zhugs na shAkya'i gnas kyi nang du zhugs pa lta bur blo dang ldan par 'dod pas gnas so/ /so na ka'i sa bon gyis rkang pa'i lham zung byas na chu'i steng du skyes bu shin tu rnam par dag pa gru 
lta bur 'chag cing 'gro bar 'gyur ro/ /mar sar dang / btsag skya bo dang / dri nga ba dang / nya'i mar khu'i tshigs mas bug pa thams cad byugs na/ skyes pa blo dang ldan pa chu srin lta bur rgyu bar 'gyur ro/ /sa bon dang / ka na ka'i drungs pa chen po'i srin bu'i phye ma dang 

</font><hr>79-1-121b<br><font size=+1>

ldan pa dang / ko k+ki la rnams kyis skyes pa 'drer byed par 'gyur ro/ /bu ram dang / a ra na la dag gis ni phyir zlog par byed do/ /skye ba gnyis pa dang / byi la dang / spre'u dang / rang 'tshed dang / khwa'i dgra dang / sre mong gi spu rnams brdungs shing / tsa ra ma'i 
rtug pa'i phye mas 'jig rten pa thams cad smyo bar byed do/ /ba lang tshe'i rnga ma dang / ka gnyis pa'i gshog pa g.yas pa dang ldan pa mal du bcug na myur du dgra bo rjed byed kyis 'jigs par byed do/ /ka na ka'i 'bras bu dang / ma tu lung ga dang / phug 
ran dang / rma bya dang / zangs kyi gtsug pud can gyis lan cig gis smyo bar byed cing blo gros dang bral bar byed do/ /skra'i las kyi mtha' yin no/ /ka na ka'i 'bras bu blangs nas/ dam tshig chen po dang / srin bu'i phye ma dang bsres nas bza' ba dang btung ba 
la sbyar na de'i skad cig la smyo bar 'gyur te/ nyi ma bdun gyis 'chi bar 'gyur ro/ /tsha ba'i mar khus pi tsu marnga'i shing la gtor zan gyi tshang blangs te byugs nas/ lag pa de nyid kyis ma reg par dur khrod du shing bsregs pa'i thal ba blangs nas gang gi spyi bor 
byin pa de skrod par byed do/ /khwa dang 'ug pa'i gshog pa dag dang / bram ze dang / gcer bu pa dag gi skra gcig tu byas nas d+ha du ra'i shing la me sbar nas/ du ba med par bsregs te/ de'i thal ba blangs la skyes pa'am bud med kyi gnas mal gyi 'og tu bcug na de'i 
skad cig la sdang bar 'gyur ro/ /rnam par shes pa dang ye shes so/ /yang na dbang du bya bar 'dod na dga' ba dang bcas pa/ dkar mo'i snying po'i nus ba mda'i rma phye mar byas nas/ 'dod pa'i phye mas rang gi sa bon dang ldan pas rgyal la bdag po'i brtul zhugs 
ma'ang dbang du byed do/ /skyes ma skal ba ngan pa bzung nas na ra'i shing gi yal ga'i tshigs ma dang / glang po che'i chang dang mnyam par bu mo'i lag par bzhag na/ skal ba bzang ba po steng du 'dren par byed do/ /b+hu ta ke shi dang / ru dan ti dang / daN+Da ut+pa la dang / ha 

</font><hr>79-1-122a<br><font size=+1>

sa de ba dang / phyogs kyi chu dang / bdag nyid kyi myos byed dang btags pas skad cig gis brkyang ma dbang du byed do/ /but+tany+dza ri dang / a pa na ta dang / rtag tu ngu dang / daN+Da ut+pal lhan cig btags pa'i phye ma dang / phyogs kyis chus sam reg pa 
nyid kyis 'gro ba'i yan lag ma dbang du byed do/ /biSh+Du krAn tra dang / sra ban ti dang / la k+Sha Na dang / a ba na ta dang / mig las byung ba dang / phyogs kyi chu lhan cig btags pas lha'i dbang po'i brkyang ma yang skad cig gis dbang du byed do/ /'di na ka ra 
dkar po'i shing gi rtsa ba dang / many+dziSh+Ta dang / mchil pa dang / kuSh+Ta dang / rang gi yan lag gi rma las byung ba dang / di ga d+ha 'di rnams kyis gnas gsum po dbang du byed do/ /ra ma du tI dang / ru dan ti dang / k+Shir d+hi dang / bdag gi myos byed dang bsres shing 
seng ldeng dang btags pa'i ril bu dang so rtsi lhan cig pas rang byung gi brkyang ma yang skad cig gis dbang du byed do/ /ma he la bcings pa'i sna thag dang / ka na ka'i shing gis ro bsregs pa'i thal ba dang yan lag can shi ba'i ro bsregs pa'i me mdag ka na 
ka'i khu bas bsad pa'i phye ma dang / bdag gi myos byed kyis lha'i bdag po'i bu mo yang skad cig gis dbang du byed do/ /reg pa la sogs pas bdag gi ye shes so/ /shriM kha dang / mkha' 'gro'i bdag po'i 'khor lo dang / lha'i bdag po'i sbas pa dang / 
ba lba dang / ba lang gi gi wang dang / ldong ros dang ldan pas dpral bar thig le byas na skad cig gis dbang du byed do/ /durba dkar po dang / ri dgas kyi durba dang / ba lang gi gi wang dang / lhan cig pas dpral bar thig le byas shing lhan cig mthong bas mi'i 
dbang po yang dbang du byed do/ /nam mkha' lding gi bdag po'i 'khor lo dang / lha'i bdag po'i sbas pa dang / a ba na ta'i ral pa dang / du dan ti dang / phyogs kyi chu dang btags pa'i phye mas mi'i bdag po'i brkyang ma yang skad cig gis dbang du byed do/ /skyes 

</font><hr>79-1-122b<br><font size=+1>

pa bag ma sar pa mngon par blangs pa shi ba'i me tog dang / dbang phyug chen po la b+han du ka'i mchod pa'i spyi bo'i me tog dang / skyes pa shi ba dang mtshungs par g.yon pa bsregs pa'i thal ba dang / bdag gi myos byed lhan cig pas bsnun pa'i bud med phyi nas rjes 
su 'brang bar 'gyur ro/ /biSh+Nu krAn ta dang lha yi bdag pos sbas pa dang / mtshan nyid dang / du ba dang / lto'i srin bu dang / lhan cig nam mkha'i chu dang btags pa'i phye mas skad cig gis dbang du byed do/ /u grA dang / ts+tshin+da dang / ru ha dkar po dang / baM se dang / 
kan b+hi dang / in+d+ra ya ba mnyam pa 'di rnams dang ldan pas man ngag las thig le byas pas dbang du byed do/ /shrI ris ka la dang / a nu Na dang / tsan+danadang / ri bong 'dzin pa 'di rnams kyis mnyam par shin tu sbyar ba dang / drang srong gi bu mkha' 'gro ma'i khrag gis 
byugs pa'i thig les 'gro ba dbang du byed do/ /dza yan ti dkar po'i sa bon dang / de bzhin du gi ri kAr+N+Ni ka dkar po'i sa bon dang / lhan cig gi wang dang de yang phag gi sos btags te/ rgyal la dpral bar thig le byas shing rgyal po'i dbang po la bltas na khro bar mi 
'gyur ro/ /thig le 'byung bar byed pa'i ye shes so/ /yang na ril bu bya bar 'dod pas byi la nag po'i mig dang / bya rog nag po'i mig dang / phag nag po'i rna ba g.yon pa'i khrag gis mnye zhing bde bar gshegs pa'i gdung gi dngos po'i ril bu nyi ma dang / zla 
ba dang / me'i nang du son par so sor dkris pa rgyal la bsgrub cing rang 'dod pa'i lha'i sngags kyis bzlas pas 'grub par 'gyur te/ khar bcug na dpal dang ldan pa gnod sbyin ltar 'dod pa'i gzugs can du rnam par spyod do/ /yang na ngang mo nag mo'i mig dang / bya 
rog nag po dang / 'ug pa nag po'i mig dang / khu byug nag po'i mig dang / bde bar gshegs pa'i gdung du yid ches pa dang / baj+ri'i 'o mas ril bu byas pa nyi ma dang / zla ba dang / me'i nang du son par dkris nas khar bcug na mi snang bar byed do/ /yang na gdung gi 

</font><hr>79-1-123a<br><font size=+1>

dngos po'i ril bu skyes pa shi ba dang mtshungs par bud med bsregs pa'i thal ba dang / ka pit+tha yongs su smin pa'i phye ma dang / sardza ra dza'i khu ba dang / rdul dang / de yongs su btags pas bde bar gshegs pa'i gdung gi dngos po yid ches pa nyi ma 
dang / zla ba dang / me'i nang du son par de nyid kyis yongs su dkris nas rgyal la bsgrub cing ril bu khar bcug na gnod sbyin lta bur 'dod pa'i gzugs can du dpal dang ldan par gnas par 'gyur ro/ /yang na sro ta ka dang / ri bong gis mtshan ma'i tsher ma dang / 
sbrang rtsi dang / /sbrang rtsi can dang / dang po'i me tog dang ldan pa dang / pad ma sar pa'i ge sar dang ldan pa'i ril bu lcags gsum gyi nang du gnas pas sbed par byed do/ /yang na a sho ka sngon po rab tu rgyas pa'i myu gu bud med kyi khrag gis lan bdun du byugs shing 
lcags gsum gyi nang du bcug pa khar bcug pas ni 'gro ba ma lus pa sbed par byed do/ /yang na ta ka ra'i byang phyogs kyi rtsa ba phyogs kyi gos kyis gtum zhing zla ba gzas zin pa na ril bu nyi ma dang / zla ba dang / me'i nang du bcug na kha'i nang du gnas pas mi snang bar 
byed do/ /ba glang gi gi wang dang / ang gu ta'i shing gi me tog dang / 'gags nas shi ba'i mig dang / tshil blangs shing kha gnyis pas zos pa'i lhag ma dang ldan pa'i ril bu 'di ni brtags pa'i brkyang ma zhes bya'o/ /yang na pha'i tshal du zla mtshan gyis myos pa'i bu mo 
mnyes pa'i rdzas dang / ba bla dang ldan pas dpral ba'i gnas kyi ngos kyi gnas su thig le byas na gnas gsum po sbed par byed do/ /yang na a sho ka sngon po'i byang gi phyogs su khwa'i tshang gi myu gus dpral ba'i 'gram du thig le byas na rgyu ba dang mi rgyu ba'i 'jig rten thams 
cad sbed par byed do/ /phug ron gyi khong par sro ta'i mig sman bcug nas ro sreg gi me la bsregs te/ grub pa'i mig sman byi la dkar po ma yin pa'i khrag gis bsad pas sbed bar byed do/ /yang na tri NA sar pa'i tshogs kyi myu gus bteg pa'i sa dang / sar g+ha dang /

</font><hr>79-1-123b<br><font size=+1>

ta la dang ldan pa rgyal la grub pas dpral ba'i ngos su thig le byas na sbed par 'gyur ro/ /yang na ril bu mchog tu gyur pa ba bla dang / ba glang gi gi wang 'di dag gong gi bstan pa'i dgos pa'i ril bu mchog 'di sgrub pa'o/ /mi snang ba'i ye shes so/ /de nas mig sman 
gyi sbyor ba bshad par bya ste/ shA li dza las byung ba'i mar khu dang lhan cig dur khrod kyi ras las byung ba'i sdong bu 'byung po'i nyi ma'i mtshan mo ba'i skyed mos tshal du skyes pa'i thod pa gsum gyi nang du mar khu dang bcas pa'i mar me'o/ /de'i steng du pad+ma'i 'dab ma bzhag 
nas dga' ma'i thod pa las du ba blang bar bya'o/ /de nas nyin mo 'jigs pa'i mgo bo bsregs nas tsan dan dmar po dang mang du btags te/ de nyid kyi mtshan mo rdo'i gtan pa la zhib tu btag cing phye mar bya'o/ /gong du blangs pa'i du ba dang lhan cig gcig tu byas 
nas bya rgod kyi pags pa'i snod du bcings te/ bya rgod kyi rje ngar gyi rkang ngam/ gong gi mi'i rus pa'i thur mas so/ /de nas mig sman ji ltar bsgrub par bgyi/ bka' stsal pa/ b+ha ga'i nang du sngags pas cho gas bsgrub par bya'o/ /grub pa'i mig sman gyi sbyor 
ba'i ye shes so/ /de nas las kyi cho ga bshad/ /bzlas dang bsam gtan rtag dga' ba/ /gang gis sgrub po 'grub 'gyur ba'i/ /bcud kyi las kyi cho ga brjod/ /cho ga'i dngos po ma gang yang / /phongs pa'i sems can bde ba 'bab/ /ri dang rgya mtsho las skyes 
pa du ma dang / byas pa'i skyur po dang / bu dang / mdud pa dang / rdo'i gtan pa tshan de la yang dang yang mnyes nas/ snu hi dang / ri'i ze 'bru dang / rol pa dang / 'dab ma'i chu sings po dang bcas par zangs kyi snod du bskol bar bya'o/ /lcags blangs nas sbyar bar bya 
zhing / ba gu la dang / ut+pa la chen po'i cha dang ldan par ji srid du mar sar byung ba de srid du mnye bar bya'o/ /de ma thag tu rdo rje can gyi 'o mas btags nas sin du dang tshwa las khu bar 'gyur ba ste/ zangs dang / dngul gyi cha dang gser lhan cig pa'i cha khyor gub bkab par 

</font><hr>79-1-124a<br><font size=+1>

bzhu zhing / de nas bri'i rdo ba phyed tsam du sbyin par byas la gser phyed kyi tshad gzhug par bya'o/ /bcud kyi ye shes so/ /de nas bcud len bshad par bya/ /thams cad snying po kun bsdus pa/ /dus kyi 'ching bar gnas nas ni/ /rnal 'byor phyag rgya 
bsgrub par bya/ /gzhi mnyam nyid dang gla rtsi dang / /tsan dan dmar po ga bur nyid/ /sA lu skyes dang si h+la dang / /kun du ru dang kak+ko la/ /de bzhin rkang gi snying po nyid/ /'di rnams sman ni chen po nyid/ /dus ni drug tu 'od zer can/ /dpyid dang so ga nyid dang ni/ /
de bzhin du ni dbyar nyid dang / /ston gyi dus dang dgun stod dang / /de bzhin gzhan yang dgun smad do/ /dpyid la cho ga nyi shar na/ /so ga mkhas pas nyin phyed na/ /dbyar la nyi ma bsnyur ba na/ /ston ni de bzhin nyi nub na/ /dgun stod la ni nam phyed na/ /
dgun smad la ni tho rangs so/ /dus kyi sbyor ba mchog 'di ni/ /zhal mchog ma ni khyod la bshad/ /dgun stod dus su nam phyed na/ /me tog tu ni gsungs pa nyid/ /dpyid la yang ni bzhi mnyam nyid/ /nyi shar de bzhin dngos grub ster/ /dbyar la nyi ma 
bsnyur ba na/ /gla rtsi yid du 'ong ba nyid/ /so gar don kun grub pa pos/ /nyi ma phyed na rkang skyes nyid/ /ston ka pad+ma snum pa nyid/ /srod la dngos grub byed pa nyid/ /dgun smad la ni tho rangs na/ /khyad par du ni ga bur nyid/ /rnal 'byor mchog rab 'di nyid 
ni/ /shin tu mnyam par gzhag par byed/ /rga dang 'chi las rnam grol bar/ /'gyur ba 'di la the tshom med/ /bu dang g+han d+ha ga nyid dang / /mchog dang yang dag ldan par ni/ /mar gyis khyab par byas nas ni/ /las rnams kun la sbyar bar bya/ /rdzas ni bcu 
bzhi blangs nas ni/ /dgu dang 'bad pas bza' bar bya/ /zla ba nyi ma'i rnam pa'i chas/ /ji ltar 'dod pa'i las rnams bya/ /nyi ma bdun phrag gsum gyis 'grub/ /so dang sen mo skra ltung zhing / /yang ni nye bar skye bar 'gyur/ /grub na khams rnams thams cad ni/ /

</font><hr>79-1-124b<br><font size=+1>

gser gyi dngos por byed par 'gyur/ /de nas 'bru mar gyi cho ga bshad par bya ste/ pad+ma las skyes pa dang / bo la las skyes pa'i mar khu nyid dang / bzhi mnyam 'di dag mnyam zhing mnyam par ldan pa dang / yung ba dkar po ma yin pa'i tshigs ma dang / bo la'i chu dang 
bcas pa dang / gu DU tsi'i snying po blangs nas thams cad du ba lang gi 'o mas bya'o/ /de nas cha bshad par bya ste/ phye ma srang sum cu rtsa gnyis blangs nas chu nyis 'gyur dang / ji srid kham phor bzhi cha lus pa de sred du bskol bar bya'o/ /bo la gsum dang / ji ltar rjes su 
rim pas lan gsum du bsgrub par bya'o/ /'bru mar bzhi 'gyur gyi 'o ma dang / gu DU ci ta de'i phyed dang / de'i phyed kyi tshigs mar gyur ba dang / gong du gsungs pa'i rdzas dang lhan cig gcig tu byas nas zhen pas btso bar bya'o/ /gal te 'di de'i tshe 'bring po la ni 
gu DU tsi phyi rol du gnas so/ /mgo byug pa la ni drag por gsungs te/ btso ba gsum ni mchog tu 'dod do/ /snar blugs pa la ni srang bcu'o/ /btung ba la ni srang brgyar gsungs so/ /byug pa la ni rnal 'byor pa shin tu mnyam par bzhag pas brgya rtsa brgyad 
du bya'o/ /snar blugs pas ni lo stong thub par 'gyur ro/ /btung ba la ni de bzhin du lnga brgya'o/ /mgo bo byug pa la ni sum brgya'o/ /nga'i tshig la the tshom med de lha'i gzugs su 'gyur ba dang / dbyangs snyan par 'gyur ba dang /rtag tu sdug par 'gyur zhing bstan bcos 
thams cad rgyas par shes shing lus gsal zhing gzi brjid che ba dang / bgegs thams cad 'joms par byed do/ /bzhi mnyam blangs nas bskam par byas nas 'o ma dang lan mang du btags par bya'o/ /ba glang gi lci ba'i mes mi snang bar bsregs nas 'bru mar blangs te 'bru mar 
nag po gnyis dang / mar khu bcu gnyis dang / 'bru mar gyi nyis 'gyur gyi 'o ma dang lhan cig gcig tu byas nas cho ga bzhin du byas pas rnal 'byor pas btso bar bya'o/ /gser bzhi dang / 'bras bu gsum dang / nr-i ba dang / tsi ti dang / ta la dang / 'di rnams kyis 

</font><hr>79-1-125a<br><font size=+1>

rim pa 'phel ba'i tshigs mar brjod pa dang / mtshan mo dang / ba ku tsi dkar po dang / ut+pa la'i snying po dang / lcags kyi dri ma dang / dri'i rdo dang / gu gul dang / sardza ra sa dang / ga bur dang / ri dgasal sa skyes pa'i chang dang / rdzas 'di 
rnams dang / mar khus btsos pas nad med cing tshe ring bar 'phel bar byed do/ /mgo bo la byugs na gnyer ma dang skra dkar sel bar byed cing nad thams cad 'joms par 'gyur ba nyid du the tshom med do/ /de nas lus kyi byug pa'i 'bru mar gyi cho ga bshad par bya'o/ /
de nyid kyis 'bru mar de 'on kyang khrag sel bar byed pa dang / gser gyi shing dang / brtan par rab tu skyes pa dang / sin d+hu bA rai dang / lhan cig gong du gsungs pa'i cho gas sngags pas chu bsgrub par bya'o/ /de'i rjes su sh+yA ma dang / pri ya dang / ke sha ri dang / 
ba ku la dang / rig pa 'dzin ma dang / nA ga dang / 'khor lo 'thag pa dang / mtshan mo rgyu ba dang / ka na ka dang / shi khi dang / pra par dang / b+hu tA ri dang / pa ra hri da dang / bal+la b+hi dang / grol ba dang / lag pa'i rtsibs dang / many+dza ri dang / gser 
shing dang /ba tsA dang / ba ku tsa dang / sprin gyi shing dang / yung ba dang / many+dziSh+Tha dang / nad kyi dbang po/ glang po'i stobs 'di dag gis ni nad thams cad 'joms par byed do/ /tsan+dan gnyis dang / ri dgas kyi chang dang / ga bur dang / sha la ki 
dang / na kha dang / bu ram dang mnyam par ldan pa'i bdug pa ni 'dod pa'i don thams cad sgrub par byed do/ /g.yan pa dang / shu ba dang / za 'brum dang / yan lag las skyes pa'i dug thams cad 'jig par byed de/ lha mo ngas gsungs pa la the tshom mi 
bya'o/ /yung ba dang / srid pa'i rdul dang / sin du bA ra dang / lha khang gi so phag gi rdul dang / ka na ka'i 'dab ma'i tshigs ma dang / gla rtsi dang / bzhi mnyam 'di dag mnyam pa dang / rkun ma dang / ke~M su dang / lhan cig pas nad rnam pa sna tshogs pa 

</font><hr>79-1-125b<br><font size=+1>

srin bu dang / mdze dang / yan lag las skyes pa'i dug las byung ba yang 'jig par byed na yang bA ku ci dang lhan cig pa lta smos kyang ci dgos/ lus byug pa'i cho ga'o/ /de nas bskab gsum dang bzhi mnyam lhan cig phye mar byas nas/ gla rtsi grang mo dang 
lhan cig lo gcig tu brtul zhugs can gyis btung bar bya'o/ /de ltar khong du song ba'i nad rnam pa sna tshogs pa bad kan la sogs pa ltung bar byed do/ /zhu na sngags pa'i skra dkar po la sogs pa 'jig par byed de/ gzhan du ni ma yin no/ /yang na bzhi 
mnyam blangs nas zhib par phye mar byas nas 'bras bu gsum dang lhan cig mar dang sbrang rtsis brdzis nas zho gnyis bza' bar bya'o/ /de nas gzugs bzang por 'gyur zhing lo sum brgya 'tsho bar 'gyur ro/ /de ni rlon pas kyang yin mod kyi 'on kyang mar dang sbrang 
rtsi dang bral ba'o/ /yang na bskab gsum blangs nas phye ma zhib mor bya'o/ /byi la'i rkang rjes tsam las rim pas 'phel bas gla rtsi 'bring po shin tu bsil bar byas nas rnal 'byor pas bdag gi nus pa nye bar brtags nas btung bar byas na rlung dang / bad kan 
'joms pa dang / skra dkar sel bar byed la dron mos ni skra dkar byed pa yin no/ /yang na 'bras bu gsum blangs nas 'o ma dang chur bco bar bya ste mgo bo bsku bar bya'o/ /dbang po'i stan dang / 'bras sA lu dmar po dang lhan cig btags par byas la khur ba byas te 
mar gyis btsos nas sbrang rtsi dang lhan cig bza' bar bya'o/ /de nas zla ba gsum na nad thams cad dang / khyad par du skra dkar 'joms so/ /zla ba drug tu sbyor ba goms pas rnal 'byor pa shin tu dbyangs snyan par 'gyur ba dang / tshil bu dang ldan par 'gyur ro/ /
zla ba dgu na lus bzang po dang / yid ltar mgyogs pa dang / thos pa 'dzin par 'gyur ro/ /lo gcig na ni glang po'i stobs nyid dang / lo sum brgya 'tsho bar 'gyur ro/ /yang na nA ga mU la dang / ba la sha dang / kuSh+Tha cha gsum dang / mA ga d+ha bcu'i cha gcig 

</font><hr>79-1-126a<br><font size=+1>

dang cha mnyam pa'i phye ma dang / ba'i 'o ma dang phye zho gnyis bsres nas yang dag par brdzis te/ 'di nyi ma re re la rnal 'byor pa mkhas pas bza' bar bya'o/ /rnal 'byor pas lo brgyar brag stong pa la sogs par gnas na nges par shin tu yongs su tshim pa 
dang / bkres pa dang / skom pa las rnam par grol bar 'gyur bas sman 'di dang ldan pas brag stong pa la sogs pa la gnas par bya'o/ /sbyor ba gzhan ni rgan po lta bur don med pa'o/ /sbyor ba med pas rnal 'byor pa kun rdzob kyi bden pa'i gnas brag 'bab chu dang bcas 
pa de'i gnas su bsgom par bya'o/ /dus kyi 'chi ba mi rig par/ /gang zhig rnal 'byor bar 'dod pa/ /mkha' la khu tshur bsnun pa dang / /smig rgyu'i chu ni 'thung ba dang / /bkres phyir phub ma rdung ba ltar/ /de ni ngal ba don med cing / /de nyid 'bras bu 'thob mi 
'gyur/ /yo gi shin tu mnyam gzhag pa/ /de ltar cho ga nga yis bsngags/ /ye shes thams cad 'byung ba zhes bya ba/ tshe ring ba'i rig pa ste bdun pa las rab tu byed pa dang po'o// //bcom ldan 'das bdag ni nyan par 'tshal/ /bzlas 
sogs sbyin sreg ji ltar lags/ /zhi rgyas dbang dang mngon spyod dang / /gtor ma mchod sogs ji ltar lags/ /sbyin sreg la sogs mtshan nyid ni/ /ji ltar de nyid rdo rje nyon/ /dang por sngags pas 'bum bzlas bya/ /phyi nas las ni yang dag brtsam/ /g.yas 
brkyang ba dang g.yon brkyang nyid/ /mnyam stobs bi shA khi la~M ni/ /de ltar byas nas rnal 'byor pas/ /yang na phyi nas rig ma gzhug /bram ze mo dang rgyal rigs nyid/ /rje'u rigs de bzhin dmangs mo ni/ /de ltar cho ga sna tshogs nyid/ /de tshe sbyin sreg yang 
dag brtsam/ /zhi ba thab khung zlum po nyid/ /khru gang tshad tsam thig gdab bya/ /btab nas khru phyed brkos nas ni/ /'og tu sa la mtho gang khung / /tsan+dan dkar pos ngos dag byug /de yi phyi rol zlum por sa/ /sor bzhi pa yi mu ran yin/ /rgyas pa'i 

</font><hr>79-1-126b<br><font size=+1>

thab khung gru bzhi ste/ /khru gnyis tshad du rnam par rgyas/ /'og tu khung bu khru gang ba/ /mu ran la ni sor brgyad nyid/ /me tog ser pos brgyan pa dang / /dri ni ser pos rjes su byug /mngon spyod thab khung gru gsum pa/ /rgyar ni sor mo nyi shu ste/ /'og gi 'phang 
du sor mo bcu/ /mu ran la ni sor mo gsum/ /dur khrod sol bas byug par bya/ /dbang dang dgug pa thun mong ste/ /thab khung gcig pa'i mtshan nyid gsungs/ /dgug pa zla ba phyed pa'i dbyibs/ /thab tshad khung bu thab khung phyed/ /tshad gzugs mu ran byas 
nas ni/ /dri ni dmar bos byug par bya/ /zhi la kha dog dkar po yin/ /rgyas la de bzhin ser po nyid/ /dbang la de bzhin dmar po yin/ /ji ltar dbang la de bzhan dgug /ji ltar gsad la de bzhin sdang / /phyogs kyi cha ni 
bshad par bya/ /shar gyi phyogs su zhi ba yin/ /lho yi phyogs su mngon spyod nyid/ /nub tu dbang dang dgug pa ste/ /byang du rgyas pa'i thab khung nyid/ /gong gi las la ltos nas ni/ /rdul tshon rnams ni bshad par bya/ /thab khung brko ba'i bya ba'o/ /de nas 
'bru sna tshogs kyi cho ga bshad par bya sta/ 'bras sA lu dang / so ba dang / til dkar po dang / nas dang / 'bras bu dang / dUr ba dang / 'o ma dang / mar dang / sbrang rtsi dang lhan cig tu bdud rtsi lnga dang bsres la/ 'o ma can gyi shing lnga las skyes pa'i rlon pa'i shing 
yal ga dang bcas pa rtse mo'i char gnas pa 'di sbrang rtsi dang / 'o ma dang / mar la gnyis kyi rtse mo btags te sreg blugs bya'o/ /u du ma bA ra dang / bla k+Sha las bskyed pa'i me rab tu sbar la zhi bar 'dod pas dus gsum du kha shar du blta zhing gnas nas sreg blugs 
brgya rtsa brgyad bya'o/ /de la dkyil 'khor pa yang zhi bar 'gyur ro/ /de nas rgyas par bya bar 'dod na til nag po dang / mon sran gre'u dang / sA li dmar po dang / nas la sogs pa dang / de nyid kyis yam shing du brjod pa ste/ 'on kyang khu tshur gyi tshad dang / khru gang gi 

</font><hr>79-1-127a<br><font size=+1>

tshad 'o ma dang mar la btags te/ gur gum gyi dri'i chus gtor nas mngar gsum dang / zho dang / zan mchog dang / sbrang rtsi dang / mar dang ldan pa dang / me tog brgya ba dang / bil ba'i 'bras bu dang / pad+ma dang / nA ga ge sar dang / 'bru rnams 
dang / /de nas u dum bA ra'i shing la me sbar la las kyi rjes su lha'i rnal 'byor dmigs te/ kha byang du blta zhing gnas nas thun gsum du shin tu mnyam par gzhag pas stong phrag gcig sreg blugs bya'o/ /nyi ma bdun gang ba na nor gyi bdag po chen por 'gyur ro/ /
de nas dbang du bya bar 'dod na til dmar po dang / nag po dang / pri yang ku dang / nA ga ge sar dang / tsam pa ka dang / a sho ka dang / ba ku la dang / pA Na dang / me tog brgya pa rnams dri dang / mar dang / sbrang rtsi dang sbyar zhing / lha'i shing dang / b+ha Ta dang / 
pip+pa li dang / u dum bA ra la sogs pa'i shing rnams las byung ba sor brgyad pa dang / shal+la ki dang / gu gul gyi shing dag dang / seng ldeng nyid dang / dri bzang po la sogs pa dang / de nas skyes pa dang bud med kyi rdo rje'i chu dang lhan cig bsres pas gzugs 
dmar por dmigs nas kha nub tu bltas te gang gi ming nas sreg blugs byas pa de zhag bdun gyis dbang du byed de/ ji srid 'tsho'i bar du spong bar mi 'gyur ro/ /de nas mngon spyod bya bar 'dod pas til nag po dang / mon sran gre'u la sogs pa dang / b+ha la ta ka'i 'bras 
bu dang / nag por gyur pa dang / yungs kar gyi mar khus bskus nas khrag dang bsres pas lhan cig shing nag po 'khyor po las skyes pa'i tsher ma dang / tsha ba dang / kha ba la sogs pa'i shing thams cad las skyes pa'i sor bcu pa dang / skyes pa'i rus ba dang / 
rnam par snang mdzad dang / bong bu'i sbangs dang / spu dang / khyi'i rtug pa dang / spu dang / sen mo dang bcas par thams cad 'bru mar gyis yang dag par byugs nas ro bsregs pa'i me la mnyam par gzhag pas kha lhor bltas te/ gab gi ming nas brgya rtsa brgyad 

</font><hr>79-1-127b<br><font size=+1>

sreg blugs byas na nyi ma gsum gyis 'chi bar 'gyur ro/ /ma shi na mthar gcig tu gnas nas me'i thab khung gru gsum byas te/ gong du gsungs pa'i rdzas de nyid gdol pa'i me la sreg blugs byas na de nyid kyi rnal 'byor gyis mthar byed kyi gnas su khyer bar 'gyur te 'di 
la the tshom mi bya'o/ /yang na bskrad par bya bar 'dod pas yungs kar dang / khre dang / mon sran gre'u dang / rkang rjes kyi rdul bsres nas khrag dang / yungs mar gyis bskus te de nyid la bya'o/ /gser shing la khwa'i tshang dang lhan cig sbyar bas gang gi ming nas sreg 
blugs byas na de skad cig la skrod par byed do/ /yang na khwa'i shing dang / rnga mo'i rtug pa dang / lhan cig chang dang ldan par skra grol zhing gcer bur gyur pas gang gi ming gis ro bsregs kyi me la sreg blugs byas na de'i skad cig la skrod par byed do/ /yang na rengs par 
'dod pas nya dang sha la sogs pa'i rdzas dang / bag phye dang lhan cig 'bru dang / khrag dang / sbrang rtsi bskus nas khwa'i gshog pa dang sbyar zhing khwa'i khyim gyi shing la sogs pa dang / lhag ma dang so shing lhan cig thab khung gru bzhi par gang gi ming nas sreg blugs byas 
na de bya ba kun la rengs par byed do/ /yang na yung pa dang / ldong ros dang / ba bla dang / gi wang dang lhan cig kha byang du bltas te gnas nas gang gi ming nas sreg blugs byas pa de rengs par 'gyur ro/ /khyi dang khyim bya'i sha dang / /rnga mo'i rtug pa byi la'i khrag 
gis byugs pas pi cu ma rnga'i shig gis me spar la gang gi grong gi ming nas sreg blugs byas pa de grong stor par 'gyur ro/ /dam tshig chen po chang gis byugs pas ji srid brgya rtsa brgyad kyi bar du thun gsum gyi bar du sreg blugs byas na zla ba drug gis yul gyi bdag 
por 'gyur ro/ /wa'i sha'i sreg rdzas kyis sreg blugs brgya byas na zla bgasum lon nas dbul po skad cig gis 'jig par byed do/ /ba glang gi sha khrag gis bsgos pas sreg blugs stong byas na dbang du byed do/ /ji srid 'tsho'i bar du the tshom med do/ /de nyid 

</font><hr>79-1-128a<br><font size=+1>

kyi sha chang gis byugs nas lag pa g.yon pas sreg blugs stong byas na sangs rgyas kyang dbang du byed na dman pa'i mi lta smos kyang ci dgos/ yang na nI Sh+Tha ba na~M gi so shing dang / de bzhin du rang gi lus dril ba dang / chang gis byugs pa'i sbyin 
sreg dag gis dbang du byed par the tshom med do/ /khyim gyi me tog zos nas skyugs pa dang / mi'i skra dang ldan pa'i sbyin sreg gis rtag tu mchog tu 'gugs par byed pa yin no/ khwa'i gshog pa yungs mar gyis byugs nas d+ha du ra'i me la gang gi ming gis 
sreg blugs byas na 'phral du skrod pa dang / gsod par byed do/ /lhag par grol ba dang / kuSh+mA N+da dang / khre dang / mon sran gre'u dang / Sha na dang / skyugs pa dang / ske tshe dang / /khyim gyi me tog dang / 'dab ma lhan cig sbyin sreg byas na kha 'ching bar byed 
pa 'di la the tshom med do/ /khyi'i sha dang rdo rje'i chu lhan cig gang gi ming nas sreg blugs byas na de nyi ma bdun gyis dbang du byed par 'gyur ro/ /rta'i sha dang lhan cig rnam par snang mdzad kyis sreg blugs byas na nyi ma bdun gyis mi'i bdag po dbang du byed do/ /
glang po'i sha dang / khu bas lhan cig sreg blugs byas na grong khyer dbang du byed do/ /nya dang / sha chang dang lhan cig ji srid du sreg blugs brgya rtsa brgyad byas na bud med thams cad dbang du byed do/ /yang na khwa'i sha 'ba' zhig gang gi ming nas ji srid stong du sreg 
blugs byas na nyi ma gsum gyis rdo rje sems dpa' yang 'bros na/ yang dman pa'i mi lta ci smos/ khwa dang / khra'i sha gang gi ming gis d+ha du ra'i shing gi me la sreg blugs byas na de skrod par byed do/ /sha chen dang / bya rgod kyi sha gang gi ming gis sreg blugs byas 
na smyo bar 'gyur ro/ /de rnams me la sreg blugs byas na sos par 'gyur ro/ /de ltar las rnams bya ba ni/ /nges par 'grub na bya ba nyid/ /gang gzhan dpya bar 'gyur ba ste/ /gang la'ang bye ba sbyin mi bya/ /bye bar gyur na mi 'grub cing / /bde ba mi yis rnyed mi 

</font><hr>79-1-128b<br><font size=+1>

'gyur/ /de phyir sngags pas gang la yang / /las rgyas dang por gang bya min/ /gal te byed par 'dod na ni/ /de tshe gcig pu gnyis med bya/ /de tshe sngags pas las kun 'grub/ /bdun pa las sbyin sreg gi cho ga ste rab tu byed pa gnyis pa'o// //
lha lags nyan par 'tshal lags na/ /sngags btu'i cho ga ji ltar lags/ /de rnams dbye ba mi 'tshal bas/ /bde ba chen pos bshad du gsol/ /bcom ldan 'das kyis bka' stsal pa/ /lha mo shes rab chen mo nyon/ /de yi sngags ni khyod la bshad/ /
gru gsum dkyil 'khor nyams dga' bar/ /gsang ba'i pad+ma mA ma kI/ /pad+ma 'dab ma brgyad byas nas/ /lte ba sbas pa'i spyod yul du/ /'dod pa'i don kun sgrub byed pa/ /der gnas dpa' bo btu bar bya/ /a la sogs pa'i rab dbye bas/ /sngags kyi sde 
tshan dbang phyug mchog /dang po yi ni gnyis pa dang / /stong pas stong pa mnan pa nyid/ /bdun pa yi ni gsum pa la/ /bcwa lnga zla ba phyed bas brgyan/ /byang chub sa bon de nas blangs/ /bcwa lnga yis ni rnam par mchod/ /'di dag snying por yang dag gsungs/ /
nye snying khyod la bshad par bya/ /bdun pa yi ni gnyis pa ni/ /rdo rje mkha' 'gro ma dang ldan/ /nyis 'gyur uSh+ma rnams kyi ni/ /gsum pa blangs nas drug pa yi/ /gnyis ldan dbyangs kyi lnga pas ni/ /sbyar zhing gang zhig mthar gnas pa'i/ /gnyis par 
lnga pa stan du bya/ /gsum pa yi ni gsum pa la/ /nyi shu rtsa dgu pa yi gdan/ /gang zhig bdun pa'i gsum pa dang / /lnga pa yi ni dang po nyid/ /dbyangs kyi gsum pas sbyar bar bya/ /brgyad pa yi ni gnyis pa la/ /bcu gnyis pa yis stan du bya/ /sum 
cu rtsa gnyis blangs nas ni/ /dkar mo de la sbyar bar bya/ /gang zhig lnga pa'i gsum pa la/ /de nyid bzhi pa 'og tu sbyin/ /mthar gnas gsum pa blangs nas ni/ /g+hasma rI yis mchog tu mdzes/ /gsum pa'i dang po'i sa bon dang / /lnga pa yi 

</font><hr>79-1-129a<br><font size=+1>

yang lnga pa la/ /chom rkun ma ni mchog tu 'dod/ /sangs rgyas rnams kyi zhi ba skyed/ /las rnams thams cad sgrub par byed/ /shi ba slong bar byed par gsungs/ /rdo rje dam tshig skul bar byed pa zhes bya ba yang bka' stsal pa/ oM badzra bai lo 
ce ni swA hA/ /gnyis pa'i bzhi pa chu mas brgyan/ /de nas nye ba'i snying po bka' stsal pa/ /uSh+pa'i dang po'i sa bon ni/ /mkha' spyod ma yis steng du brgyan/ /gnyis pa yi ni dang po dang / /bdun pa yi ni gnyis pa la/ /chom rkun ma yis de bzhin sbyar/ /
brgyad pa yi ni dang po nyid/ /rdo rje ma ni mchog tu 'dod/ /yi ge nyi shu bzung nas ni/ /lnga pa yis ni stan du bya/ /dkar mo yis ni mdzes par gsungs/ /gnyis pa yi ni dang po dang / /nyi shu rtsa bdun blangs nas ni/ /de nyid chom rkun ma yis brtag /
gnyis pa yi ni bzhi pa la/ /rdo rje mkha' 'gro ma yi stan/ /gsum pa'i dang po nyis 'gyur nyid/ /gang zhig gnyis pa'i bzhi pa ni/ /rdo rje mkha' 'gro ma yis sbyar/ /yi ge bcu gcig pa blangs nas/ /dbyangs kyi gsum pas phye ba nyid/ /lnga pa 
yi ni lnga pa la/ /de nyid la ni dkar mor sbyar/ /gnyis pa yi ni bzhi pa la/ /rdo rje ma yi snying po mchog /bcu drug de nas blangs nas ni/ /de bzhin nyi shu rtsa drug nyid/ /nyis 'gyur dang ni gnyis pa yi/ /bzhi pa dbyangs kyi lnga pas brgyan/ /gang zhig 
bzhi pa'i dang po la/ /dkar mo lhan cig snyoms par 'jug /lnga pa yi ni lnga pa la/ /de nyid la ni dkar mo sbyar/ /rdo rje bsrung ba'i sbyor ba la/ /rtag tu las ni rab tu sgrub/ /rdo rje chen po 'jigs don du/ /de yi stobs ni byed par brjod/ /ces bka' 
stsal to/ /oM dz+wa la dz+wa la b+h+yo hU~M phaT swA hA/ gnyis pa yi ni dang po dang / /bzhi pa ni ni dang po la/ /chom rkun mas ni mjos par gsungs/ /bdun pa yi ni bzhi pa la/ /steng du dkar mos brgyan pa nyid/ /gnyis pa ya ni dang po dang / /bcu gcig pa ni de 

</font><hr>79-1-129b<br><font size=+1>

nas gzung / /chom rkun mas ni spyi bor mdzes/ /lnga pa yi ni lnga pa la/ /dbyangs kyi gsum pas sbyar bar bya/ /gnyis pa yi ni dang po dang / /gang zhig bzhi pa'i dang po la/ /chom rkun ma ni mchog tu 'dod/ /gnyis pa yi ni dang po dang / /bzhi pa'i 
dang por mkha' spyod ma/ /spyi bo ru ni rnam par mdzes/ /gnyis pa yi ni dang po dang / /bcu gcig pa la chom rkun ma/ /lhan cig tu ni snyoms par zhugs/ /rtag tu chos ni rgyas pa'i stobs/ /de bzhin mdzod ni chen por gnas/ /gsung gi rdo rjes gsungs 
pa bzhin/ /sngags kyi bzlas pa byed par 'gyur/ /oM badzra d+harmA hrIHswA hA/ de nas bcu drug blangs nas ni/ /rdo rje ma ni mchog tu mdzes/ /mthar gnas pa yi gnyis pa nyid/ /de nyid la ni chom rkun sbyar/ /de nas lnga pa blangs nas ni/ /mkha' 'gro ma ni 
brgyan par brjod/ /de nas bcu drug pa bzung nas/ /lnga pa'i dang po stan du bya/ /rdo rje ma ni de la sbyar/ /yi ge nyi shu bdun pa gzung / /chom rkun ma ni mnyam par bsgom/ /gang zhig lnga pa'i dang po la/ /mkha' 'gro 'og gi cha la sbyar/ /gang zhig bdun 
pa'i gnyis pa la/ /chom rkun snying po 'od gsal ba/ /sangs rgyas rdo rje sde chen dang / /sems can khams ni thams cad gcig /bran khol lta bur thams cad ni/ /nges par dbang du byed par 'gyur/ /de'i skad cig la bcom ldan 'das rdo rje 'dzin pa chen 
pos bka' stsal to/ /oM ni thams cad gsal bar byed/ /mthar ni swA hA sngags btu bya/ /de bzhin gshegs pas gsungs pa bzhin/ /'dod pa'i dngos grub thams cad ster/ /oM ka ra ka ra/ ku ru ku ru/ ban+d+ha ban+d+ha/ tra sa ya hrA sa ya/ k+Sho b+ha ya 
k+Sho b+ha ya/ hrauM hrauM/ hra:hra: phaiM phaiM/ phaT phaT/ da ha da ha/ pa tsa pa tsa/ b+hak+Sha b+hak+Sha ba sa ru d+hi rAn+t+ra mA lA ba la~M bi ni/ gr-ih+Na gr-ih+Na sa p+ta pA tAl ga ta b+hu dzang+ga sar+b+ba~M pA tar+dz+dza ya tar+dz+dza ya/ A kaD+D+h+ya A kaD+D+h+ya/ hrIM hrIM/ dz+nyauM dz+hauM/ k+Sh+mA~M k+Sh+mA~M/ hA~M hA~M/ hIM hIM/ hU~M hU~M/ ki li ki li/

</font><hr>79-1-130a<br><font size=+1>

shi li shi li/ tsi li tsi li/ d+hi li d+hi li/ hU~M hU~M phaT phaT swA hA/ rig pa'i rgyal po yi ni sngags/ /las rnams thams cad sgrub pa'o/ /dang por rnam par snang mdzad sbyin/ /uSh+mA rnams kyi bzhi pa la/ /puk+ka sIs mdzes stong pas mnan/ /mthar 
ni swA hA sbyar bar bya/ /'di ni 'bum du bzlas pa yis/ /'gro ba rtag tu rengs par byed/ /dang por yig 'bru'i bdag po sbyin/ /de nas de rjes mkha' spyod ma/ /mthar ni swA hA sbyar byas pas/ /sangs rgyas rnams kyang dbang du byed/ /rig byed kyi ni dang po 
sbyin/ /gnyis pa'i gnyis pa bzung nas ni/ /stong pas mnan cing mthar swA hA/ /sangs rgyas kyang skrod shes rab can/ /dang por rnam par snang mdzad sbyin/ /gsum pa yi ni gsum pa la/ /ma ning dang ni chu mas brgyan/ /stong bcas mthar ni swA hA 
ni/ /sdang bar byed pa nyid du brjod/ /dang por yig 'bru'i dbang phyug sbyin/ /bdun pa yi ni bzhi pa la/ /stong pa rdo rje mkha' 'gror ldan/ /mthar ni swA hA mngon spyod nyid/ /yang ni yig 'bru'i dbang phyug sbyin/ /hu~M ni dmar po 'dra ba nyid/ /mthar ni 
swA hA thig le mchog /dga' bzang la sogs 'gro rtag 'gugs/ /gti mug rigs ni dang por sbyin/ /g+huHni yang dag rab tu sbyar/ /yang ni swA hA byas nas ni/ /lha dang mi ni gsod par byed/ /brgyad pa gnyis kyi nang du ni/ /brgyad kyi brgyad pas rnam 
par brgyan/ /gti mug rigs ni dang por sbyin/ /cha med mthar ni swA hA sbyar/ /las kyi sa bon de nas gzung / /rnam snang mthar ni swA hA sbyar/ /thams cad du ni sgo srung la/ /ma ning bzhi yi sa bon dang / /de bzhin dbyangs kyi lhag ma nyid/ /rig byed rnams 
kyi dang po sbyin/ /mthar ni swA hA gdon par bya/ /me tog ma dang bdug pa ma/ /dri dang de bzhin mar me nyid/ /gling bu ma dang pa wang ma/ /mu kun da dang rdza rnga ma/ /de ltar cho ga sna tshogs kyis/ /tshogs kyi dkyil 'khor brtag par bya/ /de nas las rnams 

</font><hr>79-1-130b<br><font size=+1>

kun byed pa'i/ /sgrol ma'i 'byung ba bshad par bya/ /ut+pa la ni kha bzhi dang / /mtshams su rnam par gnas pa yin/ /tA~M ni gsum gyis mtshan pa dang / /de yi lte bar cho ga yis/ /kun nas zlum po'i rnam par ni/ /sngags pa yis ni bri bar bya/ /
'di lta ste/ oM pra san+na tA re/ a mr-i ta mu khi/ a mr-i ta lo tsa ne/ sar+b+bA r+tha swa d+ha ni/ sar+b+ba sa twa ba shang+ka ri s+t+rI bA pu ru Sho bA rA dzA no bA ba sha~M ku ru ta~M swA hA/ de'i dbus su 'khor lo rtsibs brgyad pa yi ge dang ldan pa bya ba yin no/ /de'i lte ba la lnga pa'i dang po zla ba phyed pa 
dang thig les brgyan pa'o/ /de nas phreng ba'i dbyibs su bskor zhing mthar swA hA dang / ze'u 'bru la ni hrIHnang du chud par bya'o/ /sngags pas 'khor lo gnyis cho ga bzhin du byas na nyi ma bdun gyis mi'i dbang po yang dbang du byed do/ /yang na 'khor lo rtsibs bcu 
par pad+ma'i dbus su sngags kyi yi ge bcu'i rig pa dang lte ba la bsgrub bya nang du chud par byas na ji srid 'tsho'i bar du dbang du byed par the tshom mi za'o/ /'khor lo rtsibs drug pa bris nas sngags kyi yi ge drug rig pa dang dbus su hrIHba sha~M ku ru hrIHswA hA sbyar bar bya ste/ /
ba glang gi gi wang dang / a la ka ta dang / tsan dan dmar po dang / rang gi khrag lhan cig pas gro ga la bris nas gang zhig 'dzin par byed pas lha la sogs pa'ang dbang du byed na yang dman pa'i mi lta ci smos/ chu'i dkyil 'khor gyi dbus su rdo rje dkar po rtse gsum 
pa gdong bzhi pa bri bar bya'o/ /de'i lte ba la bsgrub bya'i ming nang du chud par bya ste/ kham phor gnyis su cho ga bzhin du kha Ti ka yis bris na rengs par byed do/ /'khor lo rtsibs brgyad po pad+ma'i rnam par kun nas gyur pa la yi ge'i rnam pa dgod par bya ste/ gaH'i 
tshogs nang du chud par bya'o/ /pad+ma'i lte bar gaHbrgyad kyis brgyan te dbus su gaHswA hA gaHbsgrub bya nang du chud par byas nas yung ba'i khu bas rdo ba'i gtan pa la 'di dag bris nas khas bub ste gzhag par byas na shin tu rengs par 'gyur te/ gzhan du ma yin no/ /

</font><hr>79-1-131a<br><font size=+1>

'khor lo ni de nyid de/ 'on kyang hU~M dang phaT nang du chud par bya'o/ /dug dang / khrag dang / ske tshe lhan cig tu mi'i rus pas thod pa la bris te dur khrod du gzhag na 'chi bar 'gyur ro/ /de nyid yin mod kyi o~M nang du chud par byas nas gur gum gyis gro 
ga la bris te me tog ser pos mchod par bya'o/ /yang na mchod pa lnga dang lhan cig pas nyi ma bdun gyis rgyas par 'gyur ro/ /de nyid kyi yi ge dang swA hA nang du chud par byas nas bsrung bar 'gyur ro/ /sngags kyi yi ge'i rig pa bcu po de nyid a nang du chud par 
byas nas/ tsan+dan dkar pos ming bris te/ kham phor la me tog dkar po dri bzang pos ji ltar nus pas mchod cing mchod nas thun gsum du cho ga bzhin du brgya rtsa brgyad bzlas na nyi ma bdun gyis zhi bar 'gyur ro/ /e'i dbus su A che ge mo zhes bri bar bya zhing / /de'i 
steng dang / ngos dag dang / 'og tu hU~M dang / mtshams su ba~M dang / phyi rol du ri mo gsum bskor nas ba lang gi gi wang gis gro ga la bris te mar dang sbrang rtsi'i nang du gzhag par byas na nyi ma bdun gyis dbang du byed do/ /'dab ma bzhi la hrIHdang ldan zhing 
dbus su hrIHlha sbyin zhes bya ba dang / phyi rol du de nas hU~M bzhi bri bar bya ste/ tsan+dan dmar pos kham phor so ma btang ba la ming bris na khros pa zhi bar 'gyur te/ 'di la the tshom med do/ /gur gum dang / ba lang gi gi wang ngam/ yang na a la ka ta'i khu bas 
grog la 'khor lo bris nas gcig 'dzin par byed cing 'khor lo gzhan mar dang sbrang rtsi'i nang du bcug ste/ /gang la kha bltas pa de sdug par 'gyur ro/ /tha dad pa'i sngags ni/ oM sar+b+ba mo ha ni ta re tut+ta re tu re sarba duSh+TA nA~M mo ha ya mo ha ya b+ha ga wa ti sar+b+ba duSh+TA nA~M ban+d+ha ban+d+ha 
hU~M hU~M hU~M phaT phaT phaT swA hA/ gos kyi mtha' ma la mdud pa byas nas lam du 'gro ba na chom rkun gyis mi tshugs so/ /ut+pa la la lan bdun du mngon par bsngags pa byas nas gang la byin pa de dbang du 'gyur ro/ /ut+pal las mtshan pa'i 'khor lo'o/ /pad+ma 

</font><hr>79-1-131b<br><font size=+1>

'dab ma brgyad par gyur pa las hrIHdang shrI mchog dang ldan zhing / lte ba la hrIHlha sbyin shrI ba lang gi gi wang gis gro ga la bris nas 'dzin par byed na thams cad du skal ba bzang por 'gyur ro/ /pad+ma 'dab ma brgyad pa byas nas gti mug gi rigs kyi sngags btu bar 
bya zhing phyi rol du ri mo yongs su zlum por bskor te/ rdo rje rtse gsum pa brgyad kyis bskor te/ de ltar cho gas gur gum gyis bris nas dpung pa la bcings te gdags pa byas na thams cad du bsrung bar 'gyur ro/ /de'i 'khor lo ni de nyid de/ 'on kyang rdo rje dang bral 
ba'o/ /lte ba'am yang na phyi rol du 'di lta ste/ o~M hU~M hU~M bud+d+h+ya bud+d+h+ya/ khA da khA dang / tshin+da tshin+da/ d+hu na d+hu na/ ma tha ma tha/ ba~M d+ha ba~M d+ha/ a mu ka~M a mu ke na/ sa ha pi dwe Sha ya hU~M hU~M phaT phaT swA hA/ sngang bar byed pa 'di ni rta mgrin gyi'o/ /mngon spyod kyi rdzas ni 
ma he dang / rta'i rmig pa'i nang du bris na skad cig gis 'phrog pa dang / bgred par dka' ba lhan cig pa yang sdang bar byed na/ yang dman pa'i mi lta ci smos/ me'i dkyil 'khor gnyis bris nas steng dang 'og dang mtshams zung gi cho gas/ hU~M gaHhU~M hU~M gaHhU~M 
de rnams ni steng du'o/ /hU~M hU~M hU~M phaT 'og gi cha la'o/ /hU~M gaHhU~M hU~M gaHhU~M 'di dag phyi rol gyi spyi bor bri'o/ /dbus su ni hU~M gaHhU~M hU~M gaHhU~M ste/ dug dang / khrag dang / ske tshe dang / dur khrod kyi sol ba dang / nim pa'i lo ma'i khu ba dang / rdo rje'i chus dur khrod kyi 
ras sam/ smyon pa'i ras la bris nas stobs po che'i sngags kyis bskor nas 'bar ba'i me'i steng du gzhag na dgra bo rengs par byed do/ /dbang chen gyi dkyil 'khor du gnas pa'i o~M gnas brgyad du bris pa'i dbus su pad+ma nges par bzhag nas a brgyad kyis brgyan no/ /
lte ba'i nang du bsgrub bya gnas par byas la/ hU~M bzhi yis spras par kham phor kha sbyar gyi nang du gnas pa'i spyi bor rdo rje 'dzin pas mnan cing skul bar byed pa'i sngags kyi rkang pa bzlas shing bsgoms nas rdo rje'i skud pas kun tu dkris na/ 'dis mi thams cad dang /

</font><hr>79-1-132a<br><font size=+1>

lha rnams dang / sku gsum las skyes pa rnams rengs par byed do/ /dbang chen gyi dkyil 'khor du rdo rje rtse gsum pa brgyad kyis mtshan cing / de'i dbus su dkyil 'khor gru bzhi pa la 'di lta ste/ o~M pA ta pA ta ni swA hA/ shar du'o/ /o~M dzam+b+ha 
dzam+b+ha ni swA hA/ /g.yas su'o/ /oM mo ha mo ha ni swA hA/ /nub tu'o/ o~M sta~M b+ha sta~M b+ha ni swA hA/ byang du'o/ /yang dkyil 'khor gru bzhi pa de'i steng du dbang chen gyi dkyil 'khor gyi dbus su che ge mo rengs par mdzod cig ces bya ba 'di nyid kyi sngags gro ga la yung 
ba'i khu bas bris nas sbal pa'i khar bcug ste/ de'i kha myos byed kyi tsher mas phug nas steng gi sbal pa'i ya mgal de yang spang leb la 'og tu sbyar te gzhag par byas na de'i skad cig gis pha rol gyi dpung rengs par byed do/ /'khor lo zlum po'i rnam par 
gyur pa la rdo rje rtse lnga pa mtshams su rnam par gnas pa'o/ /de'i rwa dbus ma'i steng gi mgo bo la hU~M bzhi'o/ /de'i lte ba la yang sngags bri bar bya ba ni 'di lta ste/ oM ba dA kra ma si/ pa rA kra ma si/ u da ya ma si/ ne ra ma si/ arka ma si/ marka ma si/ 
ur ma ma si/ ba nam si/ gul+ma ma si/ tsI ba ra ma si/ ma hA tsI ba ra ma si/ an+ta r+d+dA na ma si swA hA/ o~M ni thams cad du'o/ /de'i dbus su rdo rje rtse gsum pa kha phyogs su gnas pa'o/ /o~M bat+tA li/ oM ba ra li/ o~M bA rA ha mu khi/ de bzhin du g.yas 
dang g.yon du'o/ /de ltar rtse mo thams cad kyi mgor rim pas bri bar bya'o/ /o~M mA rI ts+ye+e ni dbang ldan la sogs pa'i mtshams su'o/ /de ltar dbus su ni/ o~M ba rA li/ o~M ba tA li/ o~M bA rA ha mu khi/ sar+b+ba duSh+Ta pra du nA~M/ kA ya wA ka tsit+ta mu kha~M/ dzam+b+ha ya/ 
stam+b+ha ya/ de'i dbus su mA~M mo/ /de'i dbus su lha sbyin rak+Sha rak+Sha'o/ /mA~M gyi phyi rol du ni/ o~M mA rI ts+ye+e lha sbyin zhes bya'o/ /'khor lo 'di gro ga la gur gum gyis bris nas gzung bar byas na thams cad bsrung bar 'gyur ro/ /skyes bu phyogs kyi gos can skra grol ba dang /

</font><hr>79-1-132b<br><font size=+1>

rna bar rna cha gnyis dang / spyi gtsug gi steng du rdo rje rtse gsum pa gnas zhing ha~M dang ldan pa dang / dpral ba'i steng du la~M la~M dang / g.yas pa'i kos ko nas brtsams te/ gang zhig bdag gi sems la snun par byed pa de la ltung ba dang / rig sngags phyir zlog 
par mdzod cig /de'i lte ba las steng du kha'i bar du mchod rten gyi dbyibs su bri bar bya'o/ /de'i steng du gnas par rdo rje rtse lnga pa bri bar bya zhing / mchod rten gyi snying po dang / g.yas pa dang / brang dang / g.yon pa dang / 'og gi bar ji snyed pa 'dir gnas te/ ye 
d+harmA phreng ba'i dbyibs su bri bar bya'o/ /de'i mgrin par hU~M kha 'og tu bltas pa'o/ /de'i dbus su rdo rje rtse lnga pa kha steng du bltas ba bri zhing ngos dag tu hU~M bcu gnyis so/ /de nas mchod rten gyi bang rim la dbyangs ma ning dang bral ba'o/ /skyes bu'i snying gar rig 
sngags phyir zlogacing ltung bar byed pa gong ma bzhin du ste/ 'on kyang tshar du'o/ /yang byin pa dang / pho mtshan dang / rtags la tshar du'o/ /pu~M yu~M ra~M yan lag brgyad pa'o/ /rta~M rta~M rol pa dang bcas pa'i dbyig pa la'o/ /bra~M ra~M rkang pa dag la'o/ /skar ma rgyal 
la dug dang / lan tsha dang / ske tshe dang / nim pa'i lo ma dang / smyo byed kyi khu ba dang / dur khrod kyi sol ba dang / lhan cig pas skyes bu 'di 'dri ru gzhug par bya'o/ /rdo rje'i lte ba'i dbus su/ tsan+dan dkar pos lha sbyin nang du chud par bya zhing / tsan+dan dkar pos rje 
btsun mchod rten bri/ /gur gum gyis rdo rje bris pa 'di yi rig pa 'dzin par byed na/ de'i thams cad du bsrung ba chen por 'gyur ro/ /ri rab zur brgyad pa rdo rje rtse gsum pas mtshan cing mtshams kyi nang du ni nA~M gi rnam pa bri bar bya'o/ /hU~M gnyis kyis bskor ba dang / /
a la ka tA ka pA pa ma~M sa~M grwa gnyis kyi nang du dbang ldan gyi phyogs nas brtsams nas bri bar bya zhing / phyi rol du ri mo zlum pos bskor bar bya'o/ /de'i dbus su tshogs kyi bdag po bri bar bya ste/ gar gyi dbang phyug gi tshul du la du'i snod dang / g.yas par bgrang phreng 

</font><hr>79-1-133a<br><font size=+1>

dang / g.yon na rdo rje rtse gsum dang / la phug lo ma dang bcas par byi ba la zhon zhing pad+ma la gnas pa dgod par bya'o/ /hU~M gaHhU~M hU~M gaHgaHhU~M br-iSh+Ti ku ru hU+oM gaHgaHhU~M/ glang po'i dpral ba dang / snying ga dang / pho ba dang / lte ba'i steng du bri bar bya ste/ 
tsha ba gsum dang / srin lag gi khrag lhan cig pas kham phor so ma btang ba la 'di bris nas seng ldeng gi me la gdung bar byas na nges par char 'bab par 'gyur te/ gzhan du ni ma yin no/ /ldong ros kyis de nyid kyi gdong gi nang du bris nas me la gdungs na sprin rengs 
shing char 'chad par 'gyur ro/ /'khor lo rtsibs brgyad pa bris nas gaHbrgyad kyis brgyan cing de'i dbus su cho gas bsgrub bya nang du chud par bya ste/ dur khrod kyi ras sam mtshon gyis bsnun pa'i ras la ldong ros dang yung ba'i khu bas bri bar bya'o/ /sA lu btags 
pa la tshogs kyi bdag po byas nas de'i snying gar 'khor lo 'di bcug ste/ kham phor shin tu tshos pa kha sbyar du bzhag nas skud pa ser pos dkris shing / me tog ser pos man ngag ji lta bas mchod par bya'o/ /lha mo de ltar bshad pa ni rgyal po rengs par byed pa'i 
mchog go/ /mA~M gi nang du 'di nyid kyi sngags bri bar bya ste/ o~M bat+tA li+i/ ba rA li/ ba rA ha mu khi sar+b+ba duSh+Ta pra duSh+Ta nA~M mu kha~M stam+b+ha ya/ yung ba'i khu bas so phag gnyis la yang dag par bris nas kha sbyor byas te legs par 'khrul 'khor byas nas sa la sbas na/ gdug 
pa thams cad rengs par byed do/ /gzhan du ni ma yin no/ /de nas sa la 'khrul 'khor bri bar bya ste/ b+ha ga'i nang du ling ga dang bcas par der ming bri bar bya'o/ /gcig pu gnyis su med par bdag nyid gci ba byas na ji srid nyi ma bdun gyis gang zhig bud med 
'dod pa de hriH'i zhags pas bskor ba'i cho gas 'gugs par byed do/ /zla ba'i dkyil 'khor gyi dbus su 'khor lo rtsibs brgyad pa gnas pa bri bar bya ste/ rdo rje dang / rgyal mtshan dang / dgra sta dang / rtse gsum pa dang / zhags pa dang / sna tshogs rdo rje dang /

</font><hr>79-1-133b<br><font size=+1>

kha T+wa ga dang / de bzhin du lcags kyu nyid de ltar mdor bsdus nas bri bar bya'o/ /de'i dbus su zla ba'i dkyil 'khor gang ba'i nang du che ge mo dang che ge mos bu rnyed par gyur cig ces bya ba dang 'khor lo'i lte bar sngags bri bar bya ste/ 'di lta ste/ oM ma Ni d+ha ri 
badzri Ni ma hA pra ti sA re hU~M hU~M phaT phaT swA hA/ de nas zla ba'i dkyil 'khor gyi dbus su sngags 'di bri bar bya ste/ o~M -i mra ta bi lo ki ni/ gar+b+ha saM rak+Sha Ni A kar+Sha Ni hU~M hU~M phaT phaT swA hA/ skar ma rgyal la gur gum dang / ba lang gi gi wang gis gro ga la bris nas 
'dzin par byed na bu rnyed par 'gyur ro/ /'khor lo bum pa'i dbyibs su gyur pa'i mgrin pa ring po'i mgrin par/ yaHde yaHba yaHda yaHt+ta yaHmu yaHts+tshA yaHTa yaHya yaH de ltar cho gas bri bar bya ste/ dbang phyug gi gnas kyi rgyal mtshan gyi ras la khwa'i khrag 
gis gang gi ming nas mngon par bris nas khwa gson po'i mgrin pa la btags te/ rlung gi phyogs su btang na myur du skrod par byed do/ /nyi ma'i dkyil 'khor gyi dbus su gnas par 'khor lo rtsibs brgyad pa bri bar bya ste/ hU~M gi de kho na nyid kyi sa bon snying por 
chud par byas nas rdo rjes mtshan pa rnam par bsams shing phyis bsgrub bya nang du chud par byas te/ gur gum dang / ba lang gi gi wang gis gro ga la cho ga bzhin du bris nas 'dzin na/ rnal 'byor pa de'i rtag tu bsrung bar 'gyur ro/ /pad+ma 'dab ma nyi shu rtsa bzhi 
par gyur pa kun tu ri mo gsum bar/ o~M hrIMHklIMH/ 'dis cho ga bzhin du skar ma rgyal la bris te/ lag pas 'dzin pas des reg na bran bzhin du byed de/ 'khor lo rdza rnga'i dbyibs su gyur pa rdo rje dang pad+mas mtshan pa/ sku rdo rje la sogs pa mdor bsdus 
nas phyi rol du ri mo gsum gyis bskor te/ las kyi rdo rje rab tu bsgoms pas dgra thams cad nges par gnon cing / las kyi cho ga mthong bas sngags kyis las thams cad byed par 'gyur ro/ /de'i sngags bka' stsal pa/ oM sum+b+ha ni sum+b+ha hU~M hU~M phaT/

</font><hr>79-1-134a<br><font size=+1>

oM gr-ih+Na gr-ih+Na hU~M hU~M phaT/ oM gr-ih+Na pa ya gr-ih+NA pa ya hU~M hU~M phaT/ o~M A na ya hoHb+ha ga bAn bi d+yA rA dzA ya hU~M hU~M phaT swA hA/ ya tshan brgyad po'i sa bon dang / /de bzhin ma mo bcu gnyis kyi/ /yi ge bar ma phyi byas pa/ /yan lag drug ni he ru ka /dpa' 
bo drug dang mnyam sbyor ba/ /yi ge re re yang dag gnas/ /snying ga ru ni dang po nyid/ /gnyis pa spyi bo ru ni brjod/ /gsum pa spyi gtsug sbyin par bya/ /bzhi pa go char gyur pa ste/ /mig la lnga par gyur pa yin/ /drug pa mtshon char brjod par bya/ /rdo rje 
phag mo mnyam sbyor ba/ /phyag bzhi yis ni rnam par spras/ /'od zer ser pos gsal bar brgyan/ /dbu skyes zla ba phyed pas mdzes/ /rus pa'i phreng ba nar ba dang / /kha T+wA~M ga ni lag na gnas/ /bdag nyid he ru kar byas nas/ /he ru ka nyid des dran bya/ /
ye shes sems dpa' snying bsams nas/ /ra ba phyogs su dgod par bya/ /khro bo 'bar 'khrugs bsams nas ni/ /mi bzad 'jigs pa'i rgyan gyis brgyan/ /bgegs bskrad phur bas btab nas ni/ /phyogs ni kun tu lha dang ni/ /lha min mi 
ni sdigs par byed/ /de ltar cho gas goms pa ni/ /sum cu rtsa gsum pas mi shigs/ /de nas dkyil 'khor gru bzhi pa dang / sgo bzhi par yang dag par bri bar bya'o/ /der 'dab ma drug pa ge sar dang ldan pa gzhag par bya zhing / sngags pas 
mkha' 'gro ma'i 'khor lo nyis 'gyur du rnam par bri bar bya'o/ /lte ba la dpa' bo dgod par bya zhing / de bzhin du gzhan la mkha' 'gro ma'o/ /sgo kun tu rdo rje rtse gsum pa kha dog ser pos mtshan par bya ba dang / 'khor lo'i snying por pho nya mo dgod 
par bya zhing / sgo la yang cho ga'i rim pa bzhin du'o/ /mchod pa chen po byas nas skar ma bzang po la brtul zhugs can gyis 'di 'dzin par byed na dus ma yin par 'chi ba dang / mtshon phog pa la sogs pa zlog par byed de/ lha mo ngas gsungs pa la the tshom 

</font><hr>79-1-134b<br><font size=+1>

mi bya'o/ /skyes bu dgra las rgyal ba zhes bya ba'i 'khor lo'o/ /yang na zangs kyi 'dab ma la skar ma rgyal la brko bar bya zhing / de nyid kyi sngags bsgrub bya nang du bcug cing sgo dang bral ba ste/ chur gzhag cing dus gsum du mchod pa byas na de nas dgra thams 
cad rengs par byed do/ /sngags pas mnyam par gzhag pas cho ga bzhin du mtsho skam pa med par bcug na zhi bar byed do/ /de nas gzhan yang 'khor lor gyur pa gru bzhi pa dang / sgo bzhi pa dang / rig byed la de bzhin du rdo rjes mtshan pa'o/ /sgo la rdo 
rje tho ba dang / rin chen dbyig to dang / pad+ma dang / de bzhin du rdo rje ral gri'o/ /mtshams su thod pa dkar po gnas pa'i ut+pa la dang lcags kyu'o/ /de bzhin du de'i dbus su pad+ma 'dab ma bcu pa la mkhas pas yi ge dgod par bya ba yin no/ /de'i lte 
ba la sngags kyi mchog 'di bri bar bya ste/ 'di lta ste/ oM pra san+na ta re a mr-i ta mu khi a mr-i ta lo tsa ne sar+b+ba ar+tha sa d+ha ni swA hA/ dbang gi sngags 'di bri bar bya'o/ /de nas gdug pa thams cad zlog par byed pa'i sngags 'di bka' stsal pa/ oM sar+b+ba mo ha ni 
tA re tut+tA re tu re sarba duSh+TA nAM mo ha ya mo ha ya/ b+ha ga ba ti sar+b+ba duSh+TA nAM/ ban+d+ha ban+d+ha hU~M hU~M phaT phaT swA hA/ de'i dbus su zla ba bya zhing zla ba'i dbus su bzhi pa'i dang po ze ba'i dbyibs su zlum po'i rnam pa bri bar bya'o/ /de'i dbus su rtsi bas drug pa bya zhing / de nas 
sngags rig pas yi ge drug hrIH'i cho gas nang du chud par byas na pha rol gyi dpung thams cad las rgyal ba sgrol ma 'byung ba zhes bya'o/ /'di 'bum bzlas pas sa g.yo ba dang / rgya mtsho dang mtsho la sogs pa bskam par 'gyur ba dang / dug bdud rtsir byed par 
'gyur ba dang / bdud rtsi yang dug tu byed par 'gyur ro/ /gyo mo la mngon par bsngags nas steng dang / 'og dang / phyogs dang / mtshams su gtor ba byas na lha thams cad dang / lha ma yin dang / gnod sbyin dang / srin po dang / dri za dang / mi'am ci dang /

</font><hr>79-1-135a<br><font size=+1>

lto 'phye chen po rnams bcings pa dang / mkha' 'gro ma thams cad kyi sbyor ba 'phrog pa dang / klu thams cad kyi dug 'phrog par 'gyur ro/ /gyo mo la yongs su bzlas nas chu la gtor na rgyun las bzlog nas 'bab par 'gyur ro/ /gyo mo de nyid 
kyis rba rlabs rengs par byed do/ /steng du bltas nas stong bzlas na char chen po zlog par byed do/ /pha rol gyi dpung la kha bltas nas stong bzlas pa byas nas g.yul du zhugs na mtshon brgya yis bsnun kyang na ba skye bar mi 'gyur te/ mtshon gyis chod par mi 'gyur 
zhing rdo rje'i lus su 'gyur ba dang / ngo mtshar du ma byed par 'gyur ba dang / sngags kyi rgyal pos bskul bas rtse bar 'gyur ro/ /bdun pa las rgyas pa'i 'khor lo 'byung ba zhes bya ba ste rab tu byed pa gsum pa'o// //rab gnas mtshan nyid 
bzang po ni/ /rim pa ji ltar bshad du gsol/ /bzlas dang bsam gtan mi 'tshal bas/ /sbyin sreg las cho ga ji ltar lags/ /bcom ldan rdo rje snying po bdag /chos kun gcig tu bsdus pa yi/ /dgyes pa chen po rnyed dka' bas/ /bka' 
drin gyis ni bskyab tu gsol/ /bcom ldan 'das kyis bka' stsal pa/ /bsam gtan las cho ga ji lta bar/ /bshad par bya yis lha mo nyon/ /bsam gtan tsam gyis sbyor bas ni/ /las rnams thams cad bsgrub par bya/ /de la dang por sa sbyang ba 
bshad pa'i phyir bka' stsal pa/ rdo rje sems dpar bsnyems byas nas/ /khengs btsas gnyis med yang dag gnas/ /'jig rten gsum rgyal gyur nas ni/ /bgegs rnams thams cad bskrad par bya/ /rkang pa'i dgod pa ci gsungs dang / /de bzhin 
du ni lha rnams nyid/ /sbyin sreg las ni ci gsungs dang / /thab khung gi ni mtshan nyid dang / /de nas phyag rgya sbyor byas nas/ /phyi nas dkyil 'khor bri bar bya/ /khro bo rnam par rgyal ba zhal gsum pa phyag drug par gyur pa bsgoms nas/ khro bo'i 

</font><hr>79-1-135b<br><font size=+1>

sprin phyung ste/ de nyid kyis phyogs bcu'i de bzhin gshegs pa thams cad 'khor dang bcas pa la khyed rnams kyis byin gyis brlabs pa'i gnas su dgongs pa mdzad pa dang / slob dpon dang de'i slob ma rnams bsrung ba mdzad du gsol zhes bskul lo/ /
de nas de bsdus nas nang du bcug ste/ rang gi snying gar zla ba la rigs kyi bdag po'i lte ba'i nang du hU~M gnas par byas nas/ de yang rdo rje 'dzin pa'i gzugs rang gi rig ma dang / rnal 'byor ma dang / bcom ldan 'das lhan cig de bzhin gshegs pa thams cad 
dang gcig tu 'dres par gyur pas dang po'i yi ge gsum gyis byin gyis brlab cing / 'dod pa'i bskor ba byas nas lag pa g.yas pas rdo rje gsor bar bya ba dang / g.yon pas dril bu sgra snyan par dkrol bar bya'o/ /rkang pa'i mthil du hU~M las rdo rje 'bar ba dgod par 
bya zhing / khro bo hU~M mdzad kyi nga rgyal gyis blo dang ldan pas dang por hU~M brjod pas bskrad par bya'o/ /lha dang / lha ma yin dang / gsang ba pa gdug pa can thams cad la khro bo'i skur bsgoms pas/ tshig 'di dag brjod par bya ste/ gang yang lha dang / lha ma 
yin dang / gnod sbyin dang / srin po dang / yi dgas dang / sha za dang / brjed byed dang / 'byung po dang / mkha' 'gro ma dang / lus srul po dang / gnon po mthu che zhing rdzu 'phrul che ba rjes su 'brang ba'i 'khor dang bcas pa dang / nam mkha' lding dang / mi 
'am ci dang / rig sngags grub pa khyed song shig /sa'i phyogs 'dir slob dpon che ge mo zhes bya ba'i slob ma che ge mo zhes bya ba rdzogs pa'i byang chub thob par bya ba'i don dang / sems can thams cad bla na med pa'i ye shes thob par bya ba'i phyir dkyil 'khor gyi 
rgyal po che ge mo zhes bya ba 'dri bas rdo rje 'dzin pa'i bka' thos nas de dag myur ba nyid du song shig /gang zhig mi 'gro ba de dag lag na rdo rje hU~M mdzad khros pa'i gdong rab tu 'bar ba kun tu 'bar zhing rab tu 'bar bas ye shes chen po'i rdo rje'i ye shes kyi rdo rjes mgo 

</font><hr>79-1-136a<br><font size=+1>

bo brgyar 'gas par 'gyur ro zhes lan gsum du brjod do/ /rdo rje chen po lag par bzung nas rang gi rdo rje las khro bo'i sku bton te/ rdo rje'i rkang pas dkyil 'khor gyis kun tu bskor zhing yongs su bcags pas gdug pa can thams cad bskrad 
par bya'o/ /de ltar sa yongs su gzung ba yin no/ /de nas sa'i lha mo dgug pa'i sngags kyis byin gyis brlab pa la sogs pa bya zhing / bla ma la phyag 'tshal nas sngags kyi mkhan po phyag 'tshal te/ phyis sa'i lha mo gser gyi kha dog can bum pa lag na 
thogs pa bkug cing bcug ste bcings nas dri zhim po la sogs pa'i mchod pa lnga po rnams kyis yang dag par mchod cing / lhag par gnas nas nye bar bya'o/ /de'i dgug pa'i sngags bka' stsal pa/ oM e h+ye hi ma hA de bI pr-i thi bI lo ka mA ta re/ sar+b+ba rat+na 
saM pur+N+Ne di bya laM kA ra b+hU Shi te hA ra nU pU ra ni r+g+ho She/ badzra satwa pra pU dzi te/ gr-i hI twA i da marga ho ma kar+m+ma su sA d+ha ye ta/ hI hI hI hI ha~M swA hA/ sngags 'dis sta gon la gnas pa la sogs pa byas nas sa byug pa bya ba'i phyir bshang ba dang gci ba la sogs pa bsang 
gtor byas te byug par bya'o/ /de nas sha chen gyi bdug pas bdug par bya'o/ /bdugs ma thag tu mchod nas de la dbus su phyag rgya gzhag pa ni rig ma rab tu gzhug par bya'o/ /ci lags bcom ldan 'das lugs ma dang / 'dus byas pa dang / ri mo sna 
tshogs dang / shing la sogs pa las byas pa'i rig ma'i lha mo gzhug par bgyi zhes gsungs sam/ bcom ldan 'das kyis bka' stsal pa/ gdol pa la sogs pa'i mi'i bu mo gzhug par bya'o/ /de'i dngos po med na gzhan phal pa mchog gi yan 
lag la hrI'i sngags dgod par bya'o/ /yan lag thams cad la zhes bya ba ni snying ga dang / smin mtshams dang / lkog ma dang / spyi bo rnams su hrIHdang / b+ha ga'i dbus su b+h+ru~M dgod par bya'o/ /ci bcom ldan 'das gong du de rnams kyi dbus su b+hu~M dgod pa 

</font><hr>79-1-136b<br><font size=+1>

lags/ bcom ldan 'das kyis bka' stsal pa/ rigs kyi bu nyon cig /dbus kyi sgras ni lte bar gsungs so/ /der b+hu~M dgod par bya'o/ /der yi ge bkod nas spyan la sogs pa'i gzugs su bsgom par bya zhes bka' stsal to/ /spyan gyi dbyibs 
su bsgom par bya zhing / /der bram ze mo'am/ dmangs mo zhi ba la spyan gyi rnam pa zhes bya ba kha dog dkar mo rgyan thams cad kyis brgyan par bsgom par bya'o/ /dbang la gdol pa mo sgrol ma kha dog dmar mo bsgom par bya'o/ /rgyas pa la gar ma dang 
rgyal rigs dag gos dkar mo kha dog ser mo'o/ /de ltar las kyi dbye bas mchod pa lngas mchod do/ /me tog snyim par gzhug par bya zhes bya ba ni/ de'i b+ha ga la me tog dang / khu ba gzhug par bya'o/ /de ltar sbyin sreg gi sa sbyang bar byas pa yin 
no/ /dkyil 'khor gyi cho ga la yang gzhan phal pa mchog gi bu mor rtogs par bya'o/ /dkyil 'khor gyi phyir sbyin sreg gi cho ga de nye bar bstan par bya ste/ gang la gsang ba chos kyi dkyil 'khor dang / phyi rol gyi dkyil 'khor la yang cho ga 'dis thig 
gdab par bya zhing / rdul tshon gyi dkyil 'khor dang / gsang ba chos kyi dkyil 'khor ji snyed pa'i rang gi dam tshig ste/ 'di skad du rnal 'byor gyi gnas su gyur pa'i sa'i phyogs su thab khung bya'o zhes bka' stsal to/ /sna tshogs las ni rab bsgrub phyir/ /
sbyin sreg las ni rab bshad bya/ /me ni lha yi kha ru gsungs/ /sbyin sreg de nyid rnam par gnas/ /sbyin sreg gis ni lha rnams tshim/ /tshim nas dngos grub rab tu stsol/ /gang zhig sngags kyi lhag chad dag /sbyin sreg gis ni de kun dgang / /sku 
gsum mchog gi rtse las skyes/ /de phyir sbyin sreg rab tu bsngags/ /gtsubs pa las ni byung ba'i mes/ /dag byed las ni byed par 'gyur/ /gdol pa'am dur khrod skyes pa ni/ /mi dge ba ni rab tu bsgrub/ /zlum po dang ni gru bzhi dang / /zla phyed 

</font><hr>79-1-137a<br><font size=+1>

dang ni gru gsum pa/ /rdo rje'i mtshan ma'i mu ran dang / /dkyil 'khor grwar ni spro bar bya/ /thab khung dbus su gtsug tor dang / /chu skyes rdo rje rin chen dang / /pad+ma gzhug par bya ba'o/ /sbyin sreg de nyid chog rim pas/ /rnal 'byor 
ji bzhin gnas nas ni/ /pus mo'i nang du lag pa nyid/ /blugs gzar mar khus khyab pas ni/ /de bzhin dgang gzar dgang blugs nyid/ /g.yas su sbyin sreg yo byad gzhag /g.yon du chu yi snod nyid de/ /mdun du mchod yon snod nyid do/ /las 
kun byed pa bzlas pas ni/ /bsang gtor dang ni 'thor 'thung bya/ /thab khung kun du ku sha yi/ /rtse mo drang pos yongs su bskor/ /me ni 'bar bar rig nas ni/ /me lha spyan ni drang bar bya/ /sngags 'dis cho ga bzhin du g.yas pa'i mthe bong dang / me 
'jigs pa g.yo bas/ oM e h+ye hi ma hA b+hU ta de pa R-i Shi dwi dza sat+ta ma gr-i hI twA hu ti ma hA ra ma smin san+ni hi to b+ha ba/ o~M ag+ne dI pyA dI pyA bi sha ma hA shri ye/ ha bya ka bya bA ha na ya swA hA/ mchod pa lnga la g.yon pa'i rdo rjes bsang gtor bya zhing / me'i phyogs nas bkug 
pa lto ba 'phyang zhing mig gsum pa dang / zhal bzhi pa dang / phyag bzhi pa dang / kha dog dmar zhing ral pa chen po dang / me'i dkyil 'khor la gnas shing las kyi 'od zer gyis brgyan pa ste/ lag pa dang po na mchog sbyin/ gnyis pa na bgrang phreng / g.yon 
pa na ril ba spyi blugs nyid dang / gnyis pa na dbyig gu nyid/ kha dog dmar pos rnam par brgyan cing drang srong gi tshogs kyis yongs su bskor ba 'di lta bu'i gzugs su bsams nas thab khung gi dbus su gzhug par bya'o/ /de'i sbyin sreg thams cad la 
lan gsum gyi bar du sreg blugs sbyin te/ de nas 'thor 'thung byas nas 'bar ba'i rnam pas thim par bya'o/ /rim pa'i sbyor ba 'dis lha rnams mkhas pas tshim par bya'o/ /tshim par byas nas bzod par gsol to/ /dngos grub 'dod pas shes par bya ste/

</font><hr>79-1-137b<br><font size=+1>

gdugs dang / rgyal mtshan dang / rdo rje dang / bum pa dang / pad+ma dang / lcags kyu'i dbyibs dang / rtse gcig pa dang / rtse gnyis pa dang / rtse gsum pa dang / mchog dang / 'bring dang / tha ma dang / khyad par du g.yas su 'khyil ba dang / 'bar 
ba'i kha dog dkar po dang / bzang po'i 'khyil ba mkhas pas brtag par bya ba dang / brgya byin gyi gzhu lta bur gtsang ba dang / snum pa dang / dbang po sbas pa lta bu'i 'od dang / ku sum b+ha dang / bai DUR+ya lta bu dang / dri zhim pa dang / yid du 'ong ba dang / gser 
dang / /dngul lta bu dang / du ba med pa dang / nyi ma lta bu 'bar ba dang / dri ma med pa dang / zhi ba la kha dog dkar po lta bu dang / rgyas pa la ni ser po lta bu dang / rjes su chags pa la ni dmar po mchog dang / mngon spyod la ni sngon po dang / nag po dang / 
me lce mang ba dang / du ba dang / me stag thams cad yang dag par langs pa dang / chung ngu chung ngur 'chad pa dang / myur bar gzi brjid chung ba dang / nag po dang bcas pa dang / pa la sha'i mdog dang /rtse gsum pa dang / nyi ma lta bu nyid dang / de bzhin du ba glang 
gi mgo lta bu nyid dang / ro'i dri dang / nya'i dri dang / bong bu'i dang / khyi'i dang / rnga mo'i ni bgegs dang / bgegs med pa'i 'bar ba'i mtshan ma mtshon par bya ba yin no/ /myur bar bzlas pa dang / bsgom pa la dga' bas de ltar 'grub par 'gyur ro/ 
o~M dang po dang / swA hA mthar 'gro ba'i sngags brjod do/ /zhi ba dang / rgyas pa dang / dbang la rgyun mi 'chad par dbyangs sbyar bar bya zhing / zhi ba la zhi ba'i yid dang / rgyas pa la tshim pas mngon par 'phel bar 'gyur ba dang / dbang la dbang gi yid dang / 
myos par byed cing nang gi gus pa dang bcas pa dang / mngon spyod la hU~M dang phaT kyis lus 'bar zhing 'bar ba dang / 'jig rten gsum bza' ba'i sems kyi cho gas gnas so/ /sngags kyi yi ge'i rkang pa yi/ /nang du chud pas bskul bas sbyar/ /gang yang kha dang 

</font><hr>79-1-138a<br><font size=+1>

ldan pa'i lha/ /sna tshogs las kyis mchod par bya/ /sbyin sreg cho ga thams cad la/ /sngags kyi sgrub pos cho ga shes pas/ /dang por sreg blugs gang bar dbul/ /phyi nas las ni brtsam par bya/ /sbyin sreg de nyid kyis ni bskul/ /sbyin 
sreg cho ga'i rim pa 'di/ /zhi ba rgyas pa dbang dang ni/ /khu ba srid pa'i sbyin sreg la/ /bshang gci khrag dang rkang dang ni/ /rus pa sha chen sbyin sreg gi /thams cad las ni kha bkang yin/ /de nas bcom ldan 'das rnam par snang mdzad chen po de bzhin gshegs pa'i 
rdo rje ye shes kyi 'khor lo sgrub pa'i ye shes rdo rje zhes bya ba'i ting nge 'dzin la snyoms par zhugs nas 'khor lo thams cad rab tu bsgrub pa'i sbyor ba'i las rgyas pa phyi dang nang du gyur pa 'di bka' stsal pa/ gang gi gang yang lha'i 'khor lo'i dbus su bcug pa de'i 
mtshan du bstan par 'gyur ba'i rdo rje'i dkyil 'khor ni mkhas pas bsngags so/ /zhi ba dang / rgyas pa dang / dbang dang / mngon spyod kyi las rnams la bdag pos 'khor lo'i rgyal mo rnam par bsgom par sbyor bar byed do/ /b+ha ga'i dbus su zla ba'i dkyil 'khor gang ba 
bsgom par bya ste/ tA~M las skyes pa'i lha mo sgrol ma mthu chen mo sgeg pa'i ros yang dag par gnas ma/ zhal brgyad ma/ spyan gsum ma/ phyag bcu drug ma/ zhal 'dzum pa/ ma ra ka ta lta bu/ lang tsho phun sum tshogs ma/ na bza' sna tshogs man pas ma/ do 
shal dang / rkang gdub dang / lag gdub dang / dpung rgyan dang / rna rgyan dang / ska rags chen po dang / rgyan sna tshogs kyis brgyan ma/ ut+pa la yis spyi bo brgyan ma/ ya ba'i me tog lta bur mchog ma/ g.yon brkyang bas gnas su bzhugs ma/ sum cu rtsa 
gsum gyi bdag po yang 'jigs shing skrag par mdzad cing / gzhan yang thal mo sbyor ba dang / 'od zer dmar po nye bar 'bar zhing sangs rgyas kyi sprin gyis kun tu khyab par spro ba dang / sems can thams cad lam lta bur sdug par rnal 'byor pas bsgom par byas 

</font><hr>79-1-138b<br><font size=+1>

na myur du sangs rgyas nyid thob par 'gyur ro/ /dang po na ral gri'o/ /gnyis pa na ut+pa la'o/ /gsum pa na mda'o/ /bzhi pa na rdo rje'o/ /lnga pa na lcags kyu'o/ /drug pa na dbyig pa'o/ /bdun pa na gri gug go/ /brgyad pa na mi 'jigs pa'o/ /g.yon 
pa'i dang po na thod pa'o/ /gnyis pa na sdigs mdzub bo/ /gsum pa na gzhu'o/ /bzhi pa na kha T+wa ga'o/ /lnga pa na zhags pa'o/ /drug pa na mi'i mgo bo'o/ /bdun pa na rin po che'o/ /brgyad pa na bum pa 'dzin pa'o/ /g.yas pa'i zhal dang po ni sngon po'o/ /
gnyis pa ni ser po yang dag par 'bar ba'o/ /g.yon pa'i dang po ni dkar po'o/ /gnyis pa ni ljang gu dang / baiDU R+ya lta bu'o/ /steng gi zhal ni rnam par gtsigs shing / du ba'i mdog dang / 'jigs pa chen po dang / khro gnyer shin tu 'jigs par byed pa/ 
dngos grub thams cad sbyin par byed pa/ de ltar lha mo bsgom par bya'o/ /de nas steng gi zhal bong bu'i rnam pa dang / 'dod pa'i gzugs can ma/ zhabs bzhi pa/ rtse gsum sbrul gyis bskor ba/ de bzhin du he ru ka zhes bya ba nges par rgyu'i mchog bsgom par 
bya'o/ /b+ha ga'i nang du yaM las rlung gi dkyil 'khor du ba'i rnam par bsam par bya'o/ /de'i steng du zla ba'i dbus su d+hIHyongs su gyur pa las 'jam pa'i dbyangs kyi gzugs su bdag nyid bsams nas de'i snying gar a las nyi ma'i dkyil 'khor bsams te/ de nas 
nyi ma'i dkyil 'khor las 'od zer phyung ste cho ga bzhin du mchod par bya'o/ /de'i steng du hU~M 'od zer lnga dang ldan pa bsams nas de yongs su gyur pa las rdo rje 'jigs byed zhal dgu pa ma he'i gzugs dang / zhabs bcu drug pa/ phyag sum cu rtsa bzhi pa/ gcer bu 
sku mdog nag cing gzi brjid chen po/ thod pa mchog gis brgyan par mdzad cing / 'jigs byed chen po'i steng gi ling ga dang / g.yon brkyang bas bzhugs shing / gsus pa che ba dang / sku che zhing skra steng du 'bar bas 'jigs pa'i rnam pa dang / thod pa'i phreng 

</font><hr>79-1-139a<br><font size=+1>

ba'i rgyan gyis brgyan pa/ 'jigs pa chen po'i dus lta bur sgrogs pa dang / skyes pa'i pags pa dang / tshil dang / khrag dang / sha dang / /lto ba'i tshil dang / rkang za ba dang / tshangs pa dang bcas pa dang / nye dbang dang / drag po la sogs pa'i 
'jig rten gsum za ba dang / sgra cher bzhad cing lce nar ba dang / 'jigs pa yang 'jigs par mdzad pa bsam par bya'o/ /dang po ni ma he'i gdong ngo / /g.yas pa'i rwa'i zhal gsum ni sngon po dang / dmar po dang / ser po ste/ /khro gnyer dang / zhal 
gtsigs pa'o/ /g.yon pa ni dkar po dang / du ba dang / nag po'o/ /de dag gi dbus su zhal shin tu dmar ba khrag 'dzag pa'o/ /de'i steng du 'jam pa'i gzugs shin tu ser zhing cung zad khro ba dang / byis pa'i rgyan dang / gtsug pud lnga'i mchog dang 
gzhon nu ste/ /de ltar brtan par byas nas shin tu mnyam par gzhag pas sngags pas bsgom par bya'o/ /de nas g.yas pa'i dang po na ni gri gug go/ /gnyis pa na ni 'bigs byed skyong ba'o/ /gsum pa na ni gtun shing ngo / /bzhi pa na ni chu gri'o/ /
lnga pa na ni ka Na ya'o/ drug pa na ni sta re'o/ /bdun pa na ni mdung ngo / /brgyad pa na ni mda'o/ /dgu pa na ni lcags kyu'o/ /bcu pa na ni dbyig to'o/ /bcu gcig pa na ni kha T+wa ga'o/ /bcu gnyis pa na ni 'khor lo'o/ /bcu gsum pa na ni rdo rje'o/ /bcu 
bzhi pa na ni rdo rje tho ba'o/ /bcwa lnga pa na ni ral gri'o/ /bcu drug pa na ni cang te'u'o/ /phyag g.yon pa'i dang po na ni thod pa'o/ /gnyis pa na ni mgo bo'o/ /gsum pa na ni phub bo/ /bzhi pa na ni rkang pa'o/ /lnga pa na ni zhags pa'o/ /drug pa na ni gzhu'o/ /bdun 
pa na ni rgyu ma'o/ /brgyad pa na ni dril bu'o/ /dgu pa na ni lag pa'o/ /bcu pa na ni dur khrod kyi ras so/ /bcu gcig pa na gsal shing gis phug pa'i skyes bu'o/ /bcu gnyis pa na ni me'i thab khung ngo / /bcu gsum pa na ni thod pa'o/ /bcu bzhi pa na ni sdigs 

</font><hr>79-1-139b<br><font size=+1>

mdzub bo/ /bcwa lnga pa na ni ba dan lce gsum pa'o/ /bcu drug pa na ni rlung gi ras so/ /gnyis kyis ni glang po'i pags pa 'dzin pa'o/ /zhabs g.yas pa'i 'og tu ni mi dang / /ma he dang / glang dang / /bong bu dang / rnga mo dang / khyi dang / lug dang / ce sbyang 
ngo/ /zhabs g.yon pa'i 'og tu ni bya rgod dang / 'ug pa dang / khwa dang /ne tso dang / khra dang / man tri dang / bya rgod chen po dang / bya long ngo / /de ltar gyur pa'i rdo rje 'jigs byed bsam gtan nam 'drir gzhug par bya'o/ /de'i 'og tu dur khrod chen po 
srin po dang / zhing skyong ba dang / ro langs dang ldan pa dang / gsal shing gis phug pa'i skyes bu dang / bsregs pa'i skyes bu dang / mdung gis phug pa dang / khwa dang / bya du ma dang / khyi dang ldan par ha has kun tu khyab par byed pa de ltar cho gas rnal 
'byor pas bsgom par bya'o/ /drag shul gyi las thams cad rab tu grub par byed pa zhes bya ba rdo rje 'jigs byed chen po 'di bcom ldan 'das kyis bka' stsal to/ /de nas mA~M las ye shes skyes/ /'od zer can ni snang byed do/ /rta bdun dag gi shing 
rtar gnas/ /'bar ba'i dkyil 'khor 'jigs byed ma/ /zhal gsum ma la spyan gsum ma/ /phyag drug mdog ni ser mo mtshungs/ /g.yas pa sngon por gyur pa dang / /g.yon pa kun da zla ba mtshungs/ /'od zer du ma'i 'od gsal ma/ /phyogs 
bcu srung ba rtsom pa mo/ /zhal ni rnam par 'dzum pa dang / /sgeg cing shin tu lang tsho bab/ /sna tshogs gos la sogs pa dang / /rgyan rnams kun gyis rgyan byed ma/ /dbu rgyan rdzogs pa'i sangs rgyas lnga/ /thor tshugs me tog dag gis spras/ /g.yas 
pa'i phyag na rdo rje ste/ /gnyis pa khab ni skud pa can/ /gsum par mda' ni gsor ba ste/ /g.yon pa la ni sdigs mdzub zhags/ /a sho ka yi yal ga gnyis/ /gsum pa la ni gzhu nyid de/ /kun du 'od zer sna tshogs ni/ /sangs rgyas sprin dang 

</font><hr>79-1-140a<br><font size=+1>

'dra ba spro/ /'di ni bsgoms pa tsam gyis ni/ /sems can rnams ni dbang du sdud/ /rdo rje sems dpa' de bzhin gshegs/ /bcom ldan rdo rje can gyis gsungs/ /nam mkha'i khams kyi nang son par/ /nyi ma'i dkyil 'khor nges bsam bya/ /
ba~M las yongs gyur lha mo ni/ /kha dog ser mo cher 'bar ma/ /zhal gsum ma la spyan gsum nyid/ /khro bcas zhal ni 'dzum pa dang / /rgyan rnams kun gyis shin tu brgyan/ /phyag drugs ra ba'i lang co ma/ /g.yas pa'i phyag na rdo rje dang / /gnyis 
ba na ni dgra sta nyid/ /gsum pa na ni mda' gsor ma/ /g.yon pa na ni sdig mdzub zhags/ /gnyis par shing lo'i rnga yab dang / /gsum par gzhu ni 'dzin pa nyid/ /me tog gis ni thor tshugs dkris/ /pad+ma dkar po gnas pa dang / /
'od zer dmar pos brgyan pa ma/ /khro bo 'bar ba'i spro ba 'bab/ /khro bo 'bar bas kun skrag cing / /bsregs shing skye dgu gzas zin gang / /khro bo 'bar bas smon pa dang / /mi bskyod pa yis mgo bo mnan/ /dkar po rigs lnga'i sangs rgyas yang / /
bdud rtsi rab tu char 'bebs pa/ /sngar bzhin g.yas dang gzhan pa'i zhal/ /'di 'dra'i sgyu ma kun gzhi'i phyir/ /de ltar rnal 'byor pa yis bsgom/ /nad thams cad 'joms par byed pa'i ri khrod ma shing lo can zhes bya ba bcom ldan 'das de bzhin gshegs 
pa rdo rje chen pos bka' stsal to/ /rdo rje khro bo bsgom pa ni/ /lha mo skal ba chen mo nyon/ /khro bo'i skur ni blangs nas ni/ /khro bo'i rgyal po bsgom par bya/ /zhal bzhi pa la phyag bzhi pa/ /ji srid de bzhin phyag 'bum nyid/ /khro bo chen po lus dkar ba/ /
de mdog mtshon cha 'dzin mar ni/ /rdo rje phag mo brtag par bya/ /dpa' bo thod pa'i phreng ba can/ /thal bas lus la byugs pa dang / /phyag rgya lnga yis rnam par brgyan/ /mdung rtse ral pa'i cod pan mtshan/ /zhal gyi mche ba cung zad gtsigs/ /yi 

</font><hr>79-1-140b<br><font size=+1>

dgas chen po gdan mdzad pa/ /pad+ma chen po 'dab brgyad pa/ /kha dog dmar po mnyam 'od du/ /rig ma bzhi dang mnyam par ldan/ /sangs rgyas gzugs brnyan nye bar mdzes/ /rta yi gzugs sogs phyag bzhi ma/ /zhal bzhi dang ni sbrul 
gyis brgyan/ /yi ge yi ge yang dag ldan/ /thod par bzhugs shing sku mdog dkar/ /zhal bzhi yis ni rnam par spras/ /yar la was rnam par brgyan/ /cho gas ji srid bsgrub bya brtsam/ /rlung sogs ji ltar rim pas ni/ /du ba dmar dang 
ser dang dkar/ /bsam gtan 'dis ni bltas tsam gyis/ /'o ma'i shing ltar bud med rnams/ /'ju bar 'gyur te gzhan du min/ /ra yi yi ge yang dag ldan/ /kha dog dmar po phyag bzhi ma/ /'bar ba'i phreng khyab 'jigs ma ste/ /zhal bzhi wa 
yi gdong gis spras/ /hU~M gis bkang ba nyid kyis ni/ /rdo rje phra mo rnam bsgoms pas/ /sna yi rtse mor rdzogs pa las/ /bsgrub bya'i lus la dgang bar bya/ /yan lag tshigs ni thams cad la/ /sna tshogs rdo rje nges sbyar ba/ /des ni rdo rje mtshon 
cha yis/ /'bar ba dang ni khrag gi lus/ /kun tu 'jigs par byed par ni/ /rdo rje mkha' 'gro ma ni bsgom/ /o~M badzra DA ki nI a mu ka s+ya rak+ta mA kar Sha ya hU~M phaT/ /'dis ni rim pa'i rnal 'byor gyis/ /khrag ni 'gugs par byed pa'i mchog /lha 
mo de ltar bshad pas ni/ /skems par 'di la the tshom med/ /de nas de nyid kun rdzogs nas/ /ma he'i gzugs ni 'jigs pa mo/ /sku mdog nag po 'jigs chen po/ /zhal bzhi pa dang 'jigs par mdzad/ /phyag brgyad pa dang zhabs bzhis spras/ /
rdo rje gtun shing ral gri dang / /'khor lo de bzhin cang te'u nyid/ /g.yon na kha T+wA~M ga dang ni/ /thod pa gzhu dang zhags pa nyid/ /sna tshogs mtshon cha 'dzin pa yi/ /rdo rje khro bo yang ni spro/ /yid kyis bsgrub bya'i srung ba ni/ /cho ga yis ni bkug nas ni/ /

</font><hr>79-1-141a<br><font size=+1>

des ni bsgrub bya rnam par bsams/ /zhags pas bcings nas lho phyogs su/ /rdo rje khro bos drangs nas ni/ /rdo rje gzhan gyis brdeg pa dang / /ral gri yis ni dral ba dang / /rgyu ma nar zhing myos pa nyid/ /o~M badzra rAk+Sha sa b+ha k+Sha ye ti phaT/ /de 
nas khyi yi gdong byas nas/ /rdo rje srin po bsgom pa'o/ /o~M hrIHSh+T+ri bi kr-i tA na na hU~M hU~M phaT phaT swA hA/ /'di ni ma he'i gdong gshin rje'i gzugs kyi sngags so/ /khwa dang wa dang bya rgod kyis/ /thams cad du ni yongs su bskor/ /des ni bza' ba ldan par ni/ /
yid kyis bskul bar bsgom par bya/ /rlung gi dkyil 'khor mnyam zhon par/ /rdo rje mche ba rnam par bsam/ /de yi rgyab tu zhon par ni/ /bsgrub par bya ba yongs su brtag /rdo rje khro bos gzir nas ni/ /lho yi phyogs su khyer bar bya/ /rlung gi dkyil 
'khor lo ma dang / /de yi nges par rkang rjes sa/ /rdo rje'i mgo bo rkang par ni/ /de yi ming ni gzung bas sa sba/ /de ltar bsgom pa'i sbyor bas ni/ /cho ga yis ni las rnams bya/ /brgya byin kyang ni skrod byed na/ /sa yi skye bo smos ci dgos/ /bram ze'i skra 
dang dge sbyong spus/ /'ug pa'i gshog pa dkris nas ni/ /de ming sngags kyi nang bcug ste/ /bris nas sa la sbas nas ni/ /rdo rje khro bo gnyis dag gis/ /'thab pa ru ni rnam par bsam/ /de ltar rnam bsam sbyor bas ni/ /ji ltar 'dod pas sdang 
bar byed/ /tsi yi yi ge dang ldan pas/ /rta'i rnam pa'i gdong du byed pa ni chang 'gugs par byed pa la mchog ste/ sku mdog ljang gu dang / zhal bzhi pa dang / zhabs bzhi pa dang / phyag brgyad pa dang / rta mgrin gyi rgyal po chen po dam pa'i dbang phyug 'grub 
par 'gyur ro/ /dang po ni ljang gu la cung zad ser ba ste/ spyan gsum pa'o/ /zhal g.yas pa dang / gzhan pa ni nag po dang dkar po'o/ /de bzhin du steng ma ni rta gdong ste/ rnam par gtsigs shing ljang gu'o/ /g.yas pa ni ba dan lce gsum pa'aphyar ba'i 

</font><hr>79-1-141b<br><font size=+1>

tshul lo/ /gnyis pa na ni sna tshogs rdo rje/ gsum pa na ni ral gri/ bzhi pa na ni mda'o/ /g.yon pa na ni sna tshogs pad+ma'o/ gnyis pa la ni 'phang mdung / gsum pa la ni me long / /bzhi pa la ni gzhu'o/ /g.yon brkyang bas nyi ma la bzhugs shing gar dang 
bcas pa dang / sred med kyi bu dang / dbang phyug chen po la sogs pa 'gyel bar 'gyur ba de ltar sngags pas cho gas bsgom par bya'o/ /bsgrub bya'i lte bar ya~M gi rnam pa bsgom par bya zhing / ma~M gi rnam pa gyur pa las chang lto bar bsgom par bya ste/ phyis 
skyug par byed par bltas na chang skyug par 'gyur ro/ /rlung gi phyogs su song ste/ dkyil 'khor gru bzhi pa byas nas dri'i thig le bdun blo dang ldan pas bya zhing / /kham phor gyis sba bar bya'o/ /der ri rab zur brgyad pa rwa brgyad kyis kun tu spras par sprul te/ sprul 
pa'i rdo rjes mnan nas ya'i rnam pa rlung bdun po kun gyi sa bon dbugs rngub pas nang du sbas te/ dbang chen la~M gis mtshan pas sa'o/ /de ltar sbyor bas bsgrubs na 'jig pa lta bu'i rlung 'ching bar byed do/ /pad+ma 'dab ma brgyad pa bsgoms nas/ de'i 'dab 
ma la klu bdag brgyad dang / dbus su 'bar ba'i 'bar ba chen po can bkod nas rdo rje khro bo'i skus zhabs kyi mthil gyis gzir bar bya ba dang / lto 'phyes sprin gyi chu gtor bar byed pa dang / hU~M gnyis kyi nang du bcug nas dbus su klu'i sa bon bcug ste gzir bar 
bya zhing hU~M gis bzlas pa byas pas char 'bebs par 'gyur ro/ /'jigs pa chen po byed pa'i nyi ma'i mdog gi 'od ltar shin tu dmar bas kha gdangs nas nam mkha' la bzhugs pa dang / hU~M 'bar ba'i ljags kyis sprin la balngag pa dang / rol mtsho bdun yongs su 
gang ba 'gugs pa dang / dbugs rngub pa dang / dbugs 'byin pas ras bal gyi phur ma ltar gtor ba dang / de nas rang gi phyag rgya'i tshogs 'bar ba bton pas skad cig gis 'dral ba dang / gcod pa dang / hU~M gi rnam pas sdigs par byed do/ /ston ka'i 

</font><hr>79-1-142a<br><font size=+1>

dus kyi nam mkha' lta bu/ me'i dkyil 'khor la gnas pa'i mi g.yo mgon dpral ba'i nang nas bton te/ rnam par snang mdzad kyi gnas su phyag drug na ral gri dang / sdigs mdzub dang / mda' dang / zhags pa dang / gzhu dang / rdo rje 
ste/ char rab tu 'bebs shing khro bo grangs med pas yongs su bskor bas bdud las rnam par rgyal ba dang / bgegs thams cad bskrad pa dang / hU~M gi sgras gang bas 'jig rten gsum gang ba yang 'jig par byed do/ /skyes pa'i khrag dang / rkang rjes kyis 
las mi'i gzugs byas nas mig la mi'i rus pa'i phur bu 'od zer can gyi sngags lan nyi shur mngon par bsngags te/ gdab par bya zhing btab ma thag tu de tshogs kyi bdag po'i khar bcug nas rgyab tu rdo rje gtun shing gis brdung bar bya ste/ oM sum+b+ha ni sum+b+ha hU~M 
badzra mu Sha le na tsU r+NaN ya big+h+na' na hU~M phaT/ /de ltar bsam gtan gyi las kyis skyes pa'i bgegs zlog par byed do/ /nam mkha' lding mig sman gyi kha dog lta bu klu brgya stong gis brgyan cing / lus la klu brgyad dang / brgya stong gi gdong dang / nam mkhar gnas 
pa'i bka' sprin de rnams kyis thos nas sprin gyi tshogs kyis char zlog par byed do/ /nam mkha' lding gi gshog pa'i mdog sngon po yang mchus bsnun pas chu bo'i tshogs skems par byed do/ /o~M badzra nA rA ya Na nir+b+bA pa ya ba h+nin+na pA tsa bAm+bu me g+he+eHhU~M/ nam mkha'i 
khams kyi nang son par/ /zhal gsum pa la spyan gsum pa/ /rgyan rnams kun gyis rnam par brgyan/ /stag gi pags pa mnabs pa dang / /kha dog dmar po gzi brjid che/ /nyi ma shar ba'i 'od lta bur/ /ral gri nyid dang kha T+wAM ga/ /gzhu dang de 
bzhin mda' nyid dang / /sha chen gyi ni thod pa dang / /de bzhin du ni cang te'u nyid/ /zhags pa nyid dang lcags kyu dang / /g.yon na ut+pal rnam par spras/ /g.yon brkyang 'jigs pa chen po ni/ /nyi mar gnas shing gar dang ldan/ /dmar po 'bar zhing 

</font><hr>79-1-142b<br><font size=+1>

'khyil ba dang / /gos ni chen po bla bre dang / /dur khrod du ni rab tu bya/ /hrIM:las byung ba'i lha mo ni/ /sgrol ma 'khor ba sgrol ba mo/ /de ltar bsgoms pa tsam gyis ni/ /yo gis sangs rgyas nyid thob na/ /dngos grub gzhan lta smos ci dgos/ /
de nas dbang du bya 'dod pas/ /mya ngan med pa'i brgyad la mya ngan med pa'i 'og tu song ste/ gos dmar pos bgos nas rgyan thams cad kyis brgyan cing sngags bzla bar bya'o/ /zhal gsum pa'i rnal 'byor la gnas nas bdag nyid kha dog dmar por bsams 
te/ phyi nas rang gi sku las phyag gnyis ma dmar mo lag pas lcags kyu dang / zhags pa 'dzin ma dbyung bar bya'o/ /des bsgrub bya'i snying dang mgrin pa bcings nas dgug par bsam par bya zhing rang gi lus la lha mo de gzhug par bya'o/ /bsgrub bya myos pas 
gyur nas de'i snying gar sngags kyi yi ge bcu kha dog dmar por dgod par bya ste/ yang na bsgrub bya dang ye shes kyi gzugs kyis yi ge de rnams la de zhugs pas de rnams lhan cig tu 'dres par gyur par bsam par bya'o/ /bsam gtan gyi sbyor ba 'dis nyi 
ma bdun gyis 'khor los sgyur ba yang ji srid 'tsho'i bar du dbang du byed par the tshom mi za'o/ /de nas rdo rje'i bar chad bzlog pa'i don du bka' stsal pa/ dpal mchog dang po'i gzugs su bdag nyid zhal gsum pa/ zhabs bzhi dang / phyag bzhi pa/ zhal 
dmar po'i 'od zer 'bar ba/ /snyems ma la sogs pa'i lha mo bzhis yongs su bskor bar rnam par bsam nas rdo rje mtshon cha ma dang / /rdo rje kI li kI la dang / rdo rje sdug pa dang / /rdo rje snyems ma'i g.yas na rdo rje mda' 'gengs shing 'dzin pa'o/ /g.yon 
pa bsgyings shing rked par gzhag pa dang / gzhu 'dzin par bsams te/ de nas sems dpa' phyung ste/ sangs rgyas kyi mdzad pa'i sprin rnam pa thams cad kyis rnam par spras pa'i g.yas na mi 'jigs pa sbyin pa dang / dbang gi thod rin po che 'dzag pa nam 

</font><hr>79-1-143a<br><font size=+1>

mkhar son pas ni rdo rje zlog par byed do/ /o~M ma hA su kha badzra te dzaHhU~M/ de ltar shin tu dga' ba'i bcing ba byas nas rnal 'byor bla na med par bshad do/ /gang zhig rnam par phye bas gsod par byed pa 'di bka' stsal to/ /zhi ba la ni mtha'i ya 
dang ni gnyis dang / phyi nas ya dbu ma phyi bas yig 'bru lhag mas ji ltar bde bas so/ /lha mo de ltar bshad pas ni las thams cad rab tu sgrub par byed do/ /rab tu myos ma dbang du bya bar 'dod pas yang brgyad pa la ku ru kul+le'i rnal 'byor la gnas nas 
bsam gtan 'di bya'o/ /myos byed kyi 'bras bu bza' zhing / de nas ka kA ma tsi ka'i khu bas thig le byas nas sngags bzla bar bya'o/ /o~M a mu kI me hrIHba shIb+hA ba tu/ khri bzlas pas 'grub po/ /de nas dug gis zin pa bslang ba'i phyir rang gi snying 
ga na pad+ma 'dab ma brgyad pa bsam par bya'o/ /de'i steng du dbyangs kyi gsum pa 'dab ma brgyad la kha dog dkar po bsam par bya zhing / bdag nyid yang 'og gi klu'i gzugs kha dog dkar po i'i bdud rtsi 'dzag par bsam par bya'o/ /klu de'i mig 
las bdud rtsi byung bas der bsgrub par bya ba de'i lus la ltung bar bsam par bya'o/ /bsam gtan gyi sbyor ba 'dis khams gsum yongs su gang ba'i dug med par byed do/ /de nas zla ba dang nyi ma rnam par gzung bar 'dod pas sA lu btags pa'i bdag nyid las zla ba 
dang nyi ma byas te/ rdo rje'i chu la gzhug par bya zhing sngags bzla bar bya'o/ /o~M tsan drArkaka mA tsa la ma tsa la tiSh+Tha ti Sh+Thi he badzra ya swA hA/ bye ba phrag drug bzla bar bya ste/ phyi nas las 'di yang dag pa brtsam par bya'o/ /zla ba dang nyi ma dag gnas shing nyin mtshan bye brag 
med par gnas par 'gyur ro/ /pha rol gyi sde rnam par gzhig pa'i phyir bsgrub par bya ste/ kha Ti kA dang / bdud rtsi lnga dang / kuT+NA ra tshin+na dang lhan cig btags la ril bu bya'o/ /o~M badzra kar+t+ta ri he badzrA ya swA hA/ dngos grub kyi don du bye ba bzlas shing de grub na bsgrub 

</font><hr>79-1-143b<br><font size=+1>

bya ril ba spyi blugs kyi mgrin pa bskor nas/ bcag na dgra thams cad kyi mgo 'chad par 'gyur ro/ /lha dgas par 'dod pas thig le bsgrub par bya ste/ rdo rje bcings pas rdo rje can gyi me tog bsgrubs te/ sta res bcad pa dang bsregs nas nyi ma gzas zin pa 
dang mi bskyod pa dang btag par bya zhing / btags nas dgra sta bya ste/ de rdog pas mnan nas sngags bzla bar bya'o/ /o~M badzra kuT+ThA ra spA Ta ya s+pha Ta ya phaT phaT swA hA/ dngos grub kyi don du bye ba bzlas la/ phyi nas thig le byas na gang la phyag byas pa de 'gas 
so/ /de nas char gyi rab tu sbyor ba bshad par bya ste/ o~M A phu:/ yi rnam pa'i cho ga ltar mtha' yas kyi gzugs brnyan byas la bdud rtsi lngas ni blugs par bya'o/ /me tog nag pos ni mchod par bya/ klu 'dul ba'i khu bas ni byug par bya/ glang po che'i chang gis 
ni mgo bo byug par bya/ kham phor kha sbyar du ni gzhag par bya/ ba nag po'i 'o mas ni dgang bar bya/ gzhon nu ma nag mos bkal ba'i skud pas ni dkri bar bya/ rlung gi phyogs su rdzing bu byas nas der mtha' yas gzhag par bya/ de'i 'gram du cho gas dkyil 
'khor bzhengs par bya/ de'i dbus su mtha' yas gzhag par bya'o/ /mtha' yas mnan pa'i kye'i rdo rje bri bar bya ste/ zhal brgyad pa/ zhabs bzhi pa/ phyag bcu drug gis brgyan pa/ spyan nyi shu rtsa bzhi par bsgom par bya'o/ /phyis ni slob dpon nang gis sa ma 
rungs pa'i sems kyis dben pa'i gnas su sngags bzla bar bya'o/ /oM g+hu ru g+hu ru/ g+hu Ta g+hu Ta/ sha ma sha ma/ g+ha Ta g+ha Ta/ g+ho Ta ya g+ho Ta ya/ a nan+ta k+Sho b+ha ka rA ya/ nA gA d+hi pa ta ye/ he he ru ru ka~M/ sap+ta pA tA la/ ga tan+tA gA nA kaR+Sha ya/ bar+Sha ya/ gardza ya/ 
tardza ya/ phuHphuHphuHphuHphuHphuHphuHphuHhU~M hU~M hU~M phaT phaT phaT swA hA/ gal te char mi 'bab na de'i tshe sngags 'di bzlog nas bzlas na char 'bab par 'gyur ro/ /gal te mi 'bab na de'i tshe mgo ardza ka'i dog pa ltar 'gas par 'gyur ro/ /sprin dral bar 'dod pas 

</font><hr>79-1-144a<br><font size=+1>

de'i tshe dur khrod kyi ras la sngags 'di bri bar bya'o/ /o~M tar+dz+dza ya tardza ya/ sh+ma shA na pri yA ya phaT swA hA/ dpal yang dag par sbyor ba las byung ba'i rgyud kyi rgyal po chen po las las thams cad kyi bsam gtan 'byung ba zhes bya ba brtag pa'i rgyal po 
ste bdun pa'o// //gzhan du mtshan nyid mtshon pa ni/ /bcom ldan bdag ni nyen par 'tshal/ /de nyid bzhi ni mi 'tshal bas/ /bde ba chen pos bshad du gsol/ /'khor ba sgrol ba'i mtshan nyid kyi/ /ji ltar de nyid rdo rje nyon/ /dang por 
rdo rje'i de nyid de/ /dril bu yang ni gnyis pa la/ /gsum pa la ni phreng ba nyid/ /bzhi par ye shes mtshan nyid do/ /de nyid bzhi yi rba rlabs las/ /pha rol 'dod pa 'dren pa'o/ /dbus su rnam par snang mdzad mgon/ /shar du mi bskyod de bzhin yang / /
rin chen lho yi rwa la'o/ /'od dpag med ni nub tu dgod/ /byang du don yod grub pa ste/ /rwa lnga rnams kyi lha nyid do/ /pad+mar byang chub yan lag brgyad/ /sa ji lta bar gzhag par bya/ /phyag na pad+ma byams pa dang / /nam mkha' kun du bzang po bzhin/ /
gnod sbyin dbang po 'jam dpal dang / /rnam par sel dang sa nyid kyang / /lha rnams brgyad po 'di rnams kyis/ /sa ji lta bar gzhag par bya/ /dbus su skabs gsum sgo nga la/ /ye shes lha ni thim par bya/ /pad+mar lha mo brgyad po rnams/ /ji bzhin 
gnas su sbyar bar bya/ /rdo rje lcags kyu la sogs bzhi/ /de bzhin rtse nam phyogs bral lo/ /rwa la mkha' 'gro ma lnga ste/ /dbus su ye shes ming can te/ /shar du rdo rje mkha' 'gro ma/ /byang du drag mo'i ming can te/ /ro langs ma ni phyogs kyi mthar/ /
gtum mo lho yi dbang phyug ma/ /rdo rje'i de nyid lha rnams su/ /mkhas pas shes par bya ba yin/ /gang phyir de nyid rdo rje yi/ /rdo rje'i bdag nyid bdag sems la/ /rdo rje snying can rnal 'byor pa/ /rdo rje sems ni byed du gzhug /rdo rje dag pa bstan par bya/ /

</font><hr>79-1-144b<br><font size=+1>

rdo rje chos la brtson pa'i yid/ /rdo rje de nyid can kun rnams/ /rdo rje las la mngon par 'gro/ /rdo rje spro ba'i sbyor ba yis/ /rdo rje sems can 'khor ba sgrol/ /rdo rje dgug pa'i rnal 'byor dang / /rdo rje rengs pa'i rnal 'byor rig /mun pa lta bu'i nyon mongs 
pa/ /rnam shes mar me dang lhan cig /ye shes rdo rjes gzhom par bya/ /snang ba'i phyogs ni 'thob ba'o/ /rdo rjes bsgrubs pa thams cad la/ /rdo rje'i bdag ces bstan pa yin/ /rdo rje chos kyi snying po can/ /rdo rje thar pa'i lhur len pa/ /rdo rje pad+ma rnam 
mnan te/ /bsgrub bya de nyid thams cad nas/ /rdo rje pad+ma kun zhugs pa/ /rnam par mkhas pas bsgrub par bya/ /rdo rje dril bu'i mtshan nyid ni/ /rdo rje 'dzin pa'i rgyal po nyon/ /shes rab dkrol ba'i de nyid ni/ /lha ni kun gyis thos par 'gyur/ /
cha gsum gsal bar gzung ba la/ /ska rags byas pa bzang po nyid/ /zhi ba ut+pal ku mu ta/ /rin chen pad+ma rnam par gnas/ /phyogs mtshams brgyad pa'i dbus su ni/ /dgu pa la ni sangs rgyas nyid/ /lha dgu la sogs rtse mo ni/ /lha rnams 
dgu yis byin gyis brlabs/ /chu srin kha las byung ba yi/ /rtse mo 'od zer zla bar gnas/ /rtse mo dgu pa rnam par bshad/ /ye shes rdo rje 'gro ba 'don/ /nam mkha'i khams kyi mthar thug par/ /byang chub snying por rnam par gnas/ /phyogs bcu 
thams cad rig pa'i gnas/ /'jig rten khams ni mtha' yas pa/ /phyogs ni brgyad ces bya bar ni/ /lha mo brgyad du rab tu grags/ /yi ge brgyad kyi sa bon ni/ /phyogs ni brgyad du rnam par dgod/ /shar du lha mo sgrol ma ste/ /byang du yang ni gos 
dkar mo/ /nub kyi phyogs su mA ma kI/ /lho ru yang ni sangs rgyas spyan/ /gser dang sbrang rtsi gzi brjid ma/ /rdo rje phreng ba bzhi pa'o/ /nang gi gzugs ni nam mkha' ste/ /gzugs kyis gang ba gzi brjid can/ /pad+ma kha phye las byung ba/ /

</font><hr>79-1-145a<br><font size=+1>

gzugs med srid pa'i gnas su ni/ /shes rab bdud rtsi bum pa ltar/ /ye shes bdud rtsi'i gnas su ni/ /de yi yang ni dbus su yid/ /lha mo shes rab pha rol phyin/ /gzugs ni mdzes shing yon tan gnas/ /steng gi pad+ma rdo rje rnams/ /
ji ltar gong ma bsam par bya/ /nang gi ye shes dbyug gu ni/ /thams cad sdud cing 'byin par byed/ /A li kA li sgom pa ni/ /gnas ni brgyad du bskyod par bya/ /A li ka li rab sbyor bas/ /'khor ba thams cad gcod par byed/ /rdo rje dril bu'i thabs nyid 
de/ /thabs ni yang ni nang du nyid/ /de la lag gnyis rab tu brkyang / /rnam lnga 'dod pa'i bskor ba bya/ /g.yas par nyi ma yang dag bsam/ /g.yon par zla bsam g.yon pa nyid/ /lus can rnams kyi thabs nyid de/ /rang 'dod lhar ni bsam par bya/ /
byang du rdo rje gsor nas ni/ /phyi nas blo ldan yang dag gdab/ /hU~M gi glu yi rnam pa yis/ /sangs rgyas thams cad dgyes par byed/ /rdo rje gsor bas mdzes pa yis/ /rmongs pa'i sems can rnam par sgrol/ /chos kyi rnam thar 'bras bu nyid/ /rdo rje dgyes 
pa 'dzin pa ste/ /hU~M hU~M hU~M ho ho ho/ /thabs dang shes rab rab dkrol zhing / /thabs dang shes rab lag pa'i dngos/ /o~M badzra d+harma ra Ni ta pra ra Ni ta sa~M pra ra Ni ta sar+b+ba bud+d+ha k+She tra pra tsA li ne/ pradz+nyA pA ra mi tA nA da swa b+hA be tsa badzra sa twa hr-i da ya sa~M to Sha ni hU~M hU~M hU~M ho ho ho swA hA/ /
o~M sarba ta thA ga ta sid d+hi badzra sa ma ye tiSh+Tha e Sha twAn+d+ha' ra yA mi hi hi hi hi hi hU~M hU~M hU~M phaT swA hA/ thabs dang shes rab chos kyis ni/ /'gro ba thams cad sad par byed/ /mi shes 'dam du bying ba yi/ /sems can sangs rgyas don du dkrol/ /rdo rje de nyid kyis ni gzung / /
chos kyi dril bu dkrol bar bya/ /thabs dang shes rab cho ga yis/ /sems can don ni yo gis byed/ /de nyid med sems rnal 'byor pa/ /glang po dril bu dkrol ba nyid/ /rnal 'byor de nyid dman pa yi/ /rang gi dngos grub ring du brtag /brgyad pa las dril 

</font><hr>79-1-145b<br><font size=+1>

bu'i de kho na ste rab tu byed pa dang po'o// //phreng ba la sogs mtshan nyid ni/ /yang dag ji ltar rdo rje nyon/ /gang gi yang dag cho ga yis/ /'grub 'gyur 'di la the tshom med/ /shel dang nya phyis mu tig dang / /khams ni dkar po la 
sogs gzhan/ /zhi ba'i las la khyad par du/ /phreng ba yi ni mtshan nyid do/ /gser dang dngul dang zangs ma pa/ /pad+ma'i sa bon khyad par du/ /rgyas pa la ni phreng ba nyid/ /rnam par mkhas pas bgrang bar bya/ /gur gum la sogs dri sogs kyis/ /dri ni 
thams cad khyad par du/ /bsgrubs shing ril bu byas nas ni/ /dbang la yongs su rab tu grags/ /ru drAk+Sha dang lung tang dang / /de bzhin skyes pa'i rus pa nyid/ /drag po'i las la sbyar bar bya/ /mngon spyod la ni yongs su grags/ /zhi rgyas dbang dang mngon 
spyod la/ /phu tra dzI wa las kun byed/ /sngags kyi bsgrub pa lnga bcu ste/ /dbang la de yi phyed nyid do/ /brgya phrag gcig ni zhi ba la/ /de bzhin rgyas la lhag par brgyad/ /mngon spyod la ni drug cu nyid/ /khyad par du ni las la sbyar/ /ji ltar las kyi bye brag 
gis/ /phreng ba la sogs bya ba'o/ /phyogs dang mtshams ni brgyad rnams kyi/ /dbus su dgug pa sangs rgyas kyi/ /lha ni dgu sogs srad bu la/ /lha dgus byin gyis brlab par bya/ /phreng ba kun ni dgra bcom pa/ /mchod rten steng du rab tu brtag /
mchod rten chos kyi dbang po'i phyir/ /steng du yang ni chos kyi dbyings/ /lag mthil nyi ma bsams nas ni/ /dbyangs yig dang po la sogs pa/ /lag pa'i dbus su rnal 'byor pas/ /bsgom zhing bdud rtsi yi ge nang / /'od zer 'phro ba du ma dang / /kha 
dog dkar po bsams nas ni/ /sor mo rdo rje rtse mo ste/ /g.yon pa pad+ma 'dab mar bsgom/ /pad+ma rdo rje snyoms 'jug pa'i/ /kha sbyar dbus su phreng gzhag la/ /kun gyi de nyid bsgom bya zhing / /phreng ba byin gyis brlab par bya/ /sor mo la sogs bye brag las/ /

</font><hr>79-1-146a<br><font size=+1>

phyis ni sngags pas bzlas pa bya/ /rdo rje gnyis med dngos po las/ /g.yon pa'i rdo rje can gyi dngos/ /zhi la khro bor dgod par bya/ /rgyas la dbu ma'i de nyid la/ /srin lag la ni dbang du gsungs/ /kun gyi mtha' mar mngon spyod la/ /mthe 
bong rdo rje lcags kyu lha/ /dngos po las ni dgug par bya/ /mnyam gzhag bzlas dang sgom pa yis/ /'grub 'gyur 'di la the tshom med/ /de nyid med pa'i rnal 'byor pa/ /de nyid med pa'i sngags zlos dang / /rdo rje dril bu de nyid med/ /phyag rgya'i de nyid skye 
mi 'gyur/ /rnal 'byor pa yis de nyid dmigs/ /de nyid thams cad byed pa nyid/ /yi ge rnams kyi rgyu las ni/ /gzugs kyi snying po bgrang ba'i grangs/ /rdzun pas rnal 'byor ma snying 'grub/ /o~M pa de pa de/ ma hA dz+nyA 
na~M/ sar+b+ba bud d+ha ma ha~M b+ha be ta hU~M hU~M hU~M/ ho ho ho a kha~M swA hA/ sngags kyi phreng ba sbyangs nas ni/ /gang 'dod de nyid bsgrub par bya/ /de nyid las ni 'grub par 'gyur/ /kun du gsal ba med na ring / /ye shes de nyid khyad par du/ /ye shes chen po yang dag nyon/ /
mnyam nyid sems kyis dbye ba las/ /mnyam par gzhag pas 'khor lo brtag /zla ba'i dkyil 'khor dbus gnas par/ /ye shes sa bon gyis ni sprul/ /sku mdog dkar po bsgom par bya/ /pad+ma'i gdan la bzhugs par ni/ /phyag gnyis sems 
dpa'i skyil mo krung / /rgyan rnams kun gyis rnam par brgyan/ /phyag rgya chen po phyag gnyis kyis/ /snying ga'i gnas su btsir ba nyid/ /sku mdog dkar po shin tu mdzes/ /'phags pa rnam par snang mdzad gtso/ /kun tu 'od zer sna tshogs kyis/ /
sangs rgyas dam tshig sprin gyis spro/ /zung ltar rim pa'i cho ga yis/ /sngags kyi bzlas par rab tu grags/ /g.yon dang g.yas pa'i lag gnyis kyis/ /bskor ba mkha' 'gro ma de bde/ /A li kA li sa bon ni/ /hU~M gi srad bus brgyu ba nyid/ /

</font><hr>79-1-146b<br><font size=+1>

'di yi sa bon rnal 'byor pas/ /bsgoms na myur du sangs rgyas thob/ /brgyad pa las sngags kyi bzlas pa dang sgom pa ste rab tu byed pa gnyis pa'o// //'pho ba'i rnal 'byor mtshan nyid kyi/ /de nyid ji ltar rdo rje nyon/ /bzang po'i lam 
du rnal 'byor pas/ /'gro ba mdzes pa khyod la bstan/ /ye shes dbang po nyan par 'tshal/ /sgo rnams dgu ni ji ltar lags/ /ye shes sgo yi dbye bas ni/ /yon tan skyon ni ji ltar lags/ /dus su srog ni 'chad pa yi/ /yang dag rab tu sbyor ba nyon/ /legs 
pa'i lam ni mdzes pa'i gnas/ /ngan pa'i lam yang skyon rnams nyid/ /lte ba'i steng na thig le dang / /mig dang sna sogs rna ba dag /btung dang btung ba min pa'i sgo/ /mtshan nyid lte bar 'dod pa can/ /mtho ris thig les gzugs lus can/ /steng ni 
steng du gnas pa yi/ /'gro dang 'ong bar yongs su grags/ /sna las gnod sbyin dag tu 'gyur/ /rna ba dag las grub pa'i lha/ /gal te mig las shes 'gro na/ /mi rnams kyi ni rgyal por 'gyur/ /srid pa'i sgo las yi dgas te/ /gci las de bzhin 
byol song ngo / /dmyal ba brgyad ni btung min pas/ /de ltar spang phyir rigs kyi bu/ /srid pa'i 'pho ba'i mtshan nyid ni/ /gang phyir sga yi khyad par ni/ /'khor ba'i dbye ba yang dag 'byung / /de phyir sgo yi khyad par gyis/ /rnal 'byor pas ni mnyam gzhag 
pa/ /'chi ba'i dus kyi thob pa ni/ /'chi ba'i mtshan ma bstan pa nyid/ /rim la sogs pas ma phye ba'i/ /'pho ba'i rnal 'byor dam pa nyid/ /bum pa dang por brtsams nas ni/ /sgo rnams thams cad rengs par byed/ /mchod rten rnams kyi lcags sgrog 
lnga/ /sgo yi bug pa'i bsgom pa ni/ /de bas dma' ba'i sgo nyid do/ /sa bon chu ltar dkar po nyid/ /btung dang btung min me yi ni/ /de yi sa bon 'bar ba ltar/ /de yi dang po dbugs kyi yang / /de la shin tu mnyam gzhag pas/ /dbugs ni bum pa 

</font><hr>79-1-147a<br><font size=+1>

can bsgom bya/ /lus kyi rlung gi kha dog dang / /rlung gi dkyil 'khor sems kyis ni/ /rlung gi sa bon rtsa ba rnams/ /rlung ni mtha' yi rtsa ba can/ /thig le sgra dang ldan pa yis/ /sems kyi sa bon gyis ni drang / /rdo rje can gyi sa bon gyis/ /
'jigs pa'i lcags kyu la sogs sbyar/ /gnas ni bcu dang nyi shu ni/ /rtsa bzhi'i gnas las 'jigs mas dgug /go 'phang gnas ni go 'phang ste/ /bug pa dgu yi steng mas so/ /mdzod spu skra dkar sa bon gyi/ /yi ge phyed dang gnyis kyis 
sbyar/ /drag po'i sgra yis brjod nas ni/ /brgyad kyi mtha' yi sa bon gyis/ /'jigs dang 'jigs pa'i sde tshan gyi/ /dang po la sogs dang po yi/ /yi ge phyed pas sbyar nas ni/ /rlung gis sa bon 'og ma las/ /sgra ni sgra yis bskul bar bya/ /
rlung gi sa bon ldan pa dang / /rlung gi dkyil 'khor sems kyis ni/ /gnas ni nyi shu rtsa bzhir ni/ /de nas steng nas steng du mchog /rnal 'byor pas ni skra dkar bas/ /steng gi yi ge bza' bar bya/ /bu ga dgu yi steng mchog nas/ /'phral du yid kyis 
'pho bar byed/ /nyin zhing bram ze gsod pa dang / /mtshams med lnga ni byed pa dang / /chom rkun las kyi longs spyod pa/ /'di yi lam gyis grol 'gyur te/ /sdig pas gos par mi 'gyur zhing / /srid pa'i skyon las shin tu grol/ /dper na 'dam 
las skyes pa yi/ /pad+ma gzi brjid dri ma med/ /de bzhin 'dam sogs lus kyis ni/ /ye shes sku ni rang 'dod pas/ /dus thob na yang 'pho bya ste/ /dus min lha ni gsod pa nyid/ /de phyir lus kyi mtshan shes nas/ /blo dang ldan pas rnal 'byor brtsam/ /
rnal 'byor bsgrub bya'i khyad par las/ /ji ltar de nyid rdo rje nyon/ /mnyam nyid sems kyi dngos po ni/ /sngar gyi mtshan nyid thams cad las/ /snying gi dkyil 'khor dbus gnas par/ /sangs rgyas lnga yi sa bon rnams/ /'di ni nyi ma'i 'od zer 'bar/ /

</font><hr>79-1-147b<br><font size=+1>

ngo bo sems kyis mtshon par bya/ /sngar gsungs stong pa nyid kyis ni/ /sngar gyi mtshan nyid yang dag ldan/ /hU~M la gnas pa'i sems kyis ni/ /gzugs la sogs pa thams cad gzhig /zla ba'i dkyil 'khor dbus gnas par/ /sa bon gyis ni 
gzugs bskyed nas/ /pad+ma'i gdan la bzhugs par ni/ /ye shes mkha' 'gror bdag nyid bsam/ /zhal gsum pa la phyag drug nyid/ /spyan gsum dbu rgyan gyis ni brgyan/ /bzhad dang khro zhing sgeg pa dang / /rgyan rnams kun gyis rnam par brgyan/ /kun 
da zla ba'i mdog ltar dkar/ /shin tu mdzes pa'i gos kyis brgyan/ /sangs rgyas sprin ni spro bar bya/ /sems dpa' skyil mo krung du gnas/ /dang por mda' ni dgod par bya/ /de bzhin gnyis par lcags kyu nyid/ /gsum par rdo rje 'phyar ba'o/ /g.yon 
pa sdigs mdzub zhags pa nyid/ /gnyis par dpag bsam shing lcug ma/ /gsum par gzhu yi cho gas khyab/ /'od zer phreng ba du ma dang / /dbugs ni g.yo ba med par bsgom/ /sa bon brgyad la sogs pa yis/ /yi ge rnam dgod dgod par bya'o/ /A 
li ka li rab sbyor bas/ /ji ltar btus pa'i sa bon bzhin/ /thams cad kha dog dkar po rnams/ /sa bon zla ba'i 'od zer ldan/ /pad+ma'i chu shing me tog gi /snying la sgong skyes gzhag par bya/ /de yi dbus su ye shes dang / /rnam par shes pa lhan cig 
tu/ /dngos po'i ngo bos bsgom par bya/ /g.yo ba med cing 'tshe ba med/ /de nas phyi rol rnal 'byor rnams/ /rnam par mkhas pas gzung bar bya/ /gnas gnyis kyi ni sems dang ni/ /rlung gi dkyil 'khor sems kyis ni/ /de yi dbus su me nyid de/ /
de yi steng du nyi ma der/ /A li ka li ldan pa yi/ /sa bon de nyid dmar po'o/ /rnal 'byor pa yi khyad par du/ /dbyung dang rngub pa'i bzlas pa bya/ /ye shes sa bon dbus su ni/ /'byung ba yis ni bsnun bya zhing / /bsnun pas snying ga'i ye shes ni/ /me tog 

</font><hr>79-1-148a<br><font size=+1>

lta bur bsnun par bya/ /dbyung dang dbyung min bzlas pas ni/ /dbyung dang rngub pa'i rnal 'byor gyi/ bdag nyid phyi rol du ni byed/ /dbyung ba'i mtshan nyid mtshan pa dang / rngub ba'i mtshan nyid mtshon par bya/ dbyung dang rngub ba'i 'byor gyi/ /
mtshan nyid de nyid bsgoms pas ni/ /mnyam gzhag dngos po'i rang bzhin gyis/ /'grub 'gyur 'di la the tshom med/ /de nas phyi rol rnams kyi lus/ /sgrub pa pos ni rnam par sprul/ /gzhan gyi sems kyi rjes su sems/ /rnam par mkhas pas shes 
par bya/ /bsgom dang bzlas pa'i khyad par gyis/ /mnyam par gzhag pa'i sems kyis ni/ /legs pa'i lam ni bsam byas na/ /'grub 'gyur 'di la the tshom med/ /de nas ye shes gzugs gyur dang / /de phyir mar me'i sems kyis ni/ /rnam par 
mkhas pas las rnams byed/ /nyan thos la sogs de nyid ni/ /legs par bshad pa bsgrags pa nyid/ /shel ltar sems ni brtan byas nas/ /mar me'i rnam pa'i sems kyis ni/ /spros pa thams cad dmigs nas ni/ /spros pa nyid ni spros med byed/ /
rang bzhin rnal 'byor dmigs nas ni/ /'di dag thams cad yongs su spang / /kye bcom ldan 'das ye shes gang gis ye shes khyad par du 'phags lags/ bcom ldan 'das kyis bka' stsal pa/ /ye shes rnam pa lnga ru gsungs/ /gsang ba'i me long ye 
shes lha'i/ /khro bo'i ye shes lha ma yin/ /yi dgas ye shes nyi ma ste/ /dmyal ba'i 'jigs shing du ba nyid/ /gti mug ye shes byol song rnams/ /sems med brtan pa la sogs pa/ /mi la rnam shes khyad par ni/ /rnam pa lnga ru shes par bya/ /lnga 
yi dbye bas ye shes bsgrags/ /glen zhing lkugs pas khebs pa yi/ /byis pa'i shes pa'i shes pa can/ /ye shes de nyid khyad par dang / /rnal 'byor bstan bcos khyad par las/ /skye ba bye ba stong phrag tu/ /nga yi ye shes kyis bskul ba/ /mkhas pa rnal 

</font><hr>79-1-148b<br><font size=+1>

'byor bstan bcos la/ /'badapas dad pa bskyed par bya/ /phyi rol bstan bcos sgra la sogs/ /dper na gar mkhan kha dog bzhin/ /rnal 'byor bstan bcos rjes btsal bas/ /bza' dang grol ba'i gnas su bya/ /snying po las ni snying po mchog /rnal 
'byor zhal mchog khyod la bshad/ /brgyad pa las mu stegs kyi ye shes 'jig pa zhes bya ba ste rab tu byed pa gsum pa'o// //sngags rnams kyi ni mtshan nyid ni/ /rdo rje gtso bo rgyal po nyon/ /o~M badzrA mr-i ta ma hA su kha ha~M swA hA/ snying po'o/ /
o~M AHhU~M hU~M swA hA/ rdo rje sems dpa'i bzlas pa'i sngags so/ /o~M AHa~M ha~M swA hA/ rdo rje drag mo'i 'o/ /o~M AHA~M ha~M swA hA/ rdo rje gzugs brnyan ma'i 'o/ /o~M AHiM ha~M swA hwA/ 'dod chags rdo rje ma'i'o/ /o~M AHIM ha~M swA hA/ rdo rje zhi ba ma'i'o/ /
o~M AHu~M ha~M swA hA/ rdo rje gnod sbyin ma'i'o/ /o~M AHU~M ha~M swA hA/ /rdo rje mkha' 'gro ma'i'o/ /o~M AHa~M ha~M swA hA/ sgra'i rdo rje ma'i'o/ /o~M AHaHha~M swA hA/ sa'i rdo rje ma'i'o/ /o~M AHo~M ha~M swA hA/ gling bu ma'i'o/ /o~M AHo~M ha~M swA hA/ pi wang ma'i 
'o/ /o~M AHo~M ha~M swA hA/ mu kun da'i'o/ /o~M AHaiM ha~M swA hA/ rdza rnga ma'i'o/ /o~M AHbadzrAM ku shi dzaHha~M swa hA/ rdo rje lcags kyu ma'i'o/ /o~M AHbadzra pA she hU~M ha~M swA hA/ rdo rje zhags pa ma'i'o/ /o~M AHbadzra s+pho Ta ba~M ha~M swA hA/ rdo rje lcags sgrog ma'i'o/ /o~M 
AHbadzra g+haN+De hoHha~M swA hA/ rdo rje dril bu ma'i'o/ /spyan la sogs pa'i sngags ni snga ma bzhin du sngags pas bzlas par bya'o/ /o~M r-i swA hA/ me tog ma'i'o/ /o~M r-I swA hA/ bdug pa ma'i'o/ /o~M l-i swA hA/ dri ma'i'o/ /o~M l-I swA hA/ mar me ma'i'o/ /
'di dag ni rdo rje sems dpa'i'o/ /o~M hrIHswA hA/ he ru ka'i'o/ /o~M badzra gu h+ye si d+ha pa ra ma yo ge shwa ri ka pa la ma la d+ha ri Ni/ ru d+hi ra pri ye sh+ma shA na bA si ni hU~M phaT swA hA/ dkar mo'i'o/ /o~M badzra tsaN+De shwa ri kha T+wA~M gi ma ha badzri Ni ka pA la mA lA mu ku Te A kaD+D+ha A 

</font><hr>79-1-149a<br><font size=+1>

kaD+D+ha sar+b+ba duSh+Ta hr-i da ya mA kaD+D+ha ru lu ru lu b+h+yo hU~M phaT/ chom rkun ma'i'o/ /o~M badzrA pa rA dzi te pa ra ma gu h+ye ka pa la mA lA bi b+hU Shi te/ sarba duSh+Ta mo hi ni pri ye e h+ye hi b+ha ga wa ti badzra gu h+ye shwa rI pa hu bi bid+ha be shad+ha ri Ni/ sarba duSh+Ta ni bA ra Ni hU~M phaT/ rab tu rmongs 
ma'i'o/ /o~M badzra be t+tA li kha kha khA hi khA hi/ sarba duSh+TA n+bi kr-i ta be Sha d+hA ri Ni bi kr-i tA la~M kA ra/ b+hU Shi te ha na ha na da ha da ha/ pa tsa pa tsa mA ba lam+ba mA bi lam+ba/ sa ma ya ma nu sma ra pra be sha ya maN+Da la ma d+h+ye/ ut+tA pa ya sar+b+ba~M hU~M hU~M phaT/ ro langs ma'i 'o/ /o~M e h+ye hi b+ha ga wa 
ti badzra gu h+ye shwa ri ba hu bi bi d+ha be sha d+ha ri Ni sarba ta thA ga ta dzuSh+Te sa ma ya ma nu sma ra/ ha na ha na/ ra~M ga ra~M gA ra~M gA pa ya/ pU ra ya pU ra ya/ A bi sha sa A bi sha ya/ sarba b+hU trAn na rta na rta na rtA pa yi na rtA pa ya/haHha ha ha ha/ hU~M hU~M phaT/ puk+ka sI'i 'o/ /o~M 
badzra shU lA gri b+hin+da b+hin+da sarba duSh+Ta hr-i da ya~M/ A kar+Sha ya A kar+Sha ya/ ha na ha na/ da ha da ha/ nirma tha ni rma tha mA ra ya ma ra ya/ mA bi lam+ba mA bi lam+ba sa ma ya ma nu sma ra hU~M hU~M phaT/ gdol pa mo'i 'o/ /o~M badzra ma he shwa ri ha~M ha~M ha~M ha~M ha:ru lu ru lu b+h+yo hU~M hU~M phaT/ b+hak+Sha ya 
sarba duSh+Ta n+nirma tha hr-i da ya~M hU~M hU~M phaT swA hA/ g+ha sma rI'i 'o/ /o~M su~M b+ha ni di b+ha sa ma ya badzre hU~M phaT/ he ru ka dang mtshungs pa'i 'o/ /o~M badzra ba~M she hU~M swA hA/ gling bu ma'i'o/ /o~M badzra bI Ne hU~M swA hA/ /bi baM ma'i'o/ /o~M badzra mu kun+de hU~M swA hA/ mu kun da'i'o/ /o~M badzra 
mr-i rda~M ge hu~M swA ha/ rdza rnga ma'i 'o/ /o~M badzra ba Da bA mu khi yo gI shwa ri hI hi hi hi hi hU~M dza:/ rta gdong ma'i'o/ /o~M badzra da~MSh+TA ba ra ha mu khi trA~M ba trA~M ba hU~M/ rdo rje phag gdong ma'i'o/ /o~M badzra tsan+d+ra sUR+ya hu ta sha ni sing ha nirnA de sid+ha wak+t+re sid+hi ni Ta~M Ta~M ba~M/ seng ge'i gdong ma'i 'o/ /
o~M badzra d+hA tu sa dzI ba ni ma hA yak+Shi Ni shwa na rU pi Ni ma hA prA la ya ni r+N+Na de kA ma rU pi Ni trA~M tra Ta tra Ta hoH/ khyi gdong ma'i 'o/ /swA hA/ zhes bya ba ni thams cad du'o/ /'di rnams ni dpal he ru ka 'khor dang bcas pa'i 'o/ /o~M a~M swA hA/ bdag med ma'i 'o/ /o~M A~M swA hA/

</font><hr>79-1-149b<br><font size=+1>

rdo rje ma'i 'o/ /o~M iM swA hA/ dkar mo'i'o/ /A+o~M IM swA hA/ chu'i rnal 'byor ma'i 'o/ /o~M U~M swA hA/ rdo rje mkha' 'gro ma'i'o/ /o~M U~M swA hA/ puk+ka sI'i 'o/ /o~M r-i swA hA/ ri khrod ma'i'o/ /o~M r-IM swA hA/ gdol pa mo'i'o/ /o~M l-i swA hA/ /g.yung 
mo'i'o/ /o~M l-I~M swA hA/ dkar mo'i'o/ /o~M e~M swA hA/ /chom rkun ma'i'o/ /o~M ai~M swA hA/ /ro langs ma'i'o/ /o~M o~M swA hA/ g+nya sma rI'i'o/ /o~M au~M swA hA/ sa spyod ma'i'o/ /o~M a~M swA hA/ mkha' spyod ma'i'o/ /'di rnams ni bdag med ma 'khor 
dang bcas pa'i'o/ o~M de ba pi tsu badzra hU~M hU~M hU~M phaT swA hA/ kye'i rdo rje'i snying po'i/ /o~M tre+e lo kyA k+She pa hU~M hU~M hU~M phaT swA hA/ phyag gnyis pa'i'o/ /o~M dz+wa la dz+wa la b+h+yo hU~M hU~M hU~M phaT swA hA/ phyag bzhi pa'i'o/ /oM ki Ti ki Ti badzra hU~M hU~M hU~M phaT swA hA/ /phyag drug pa'i 'o/ o~M 
na mo b+ha ga wa te bI re shA ya hU~M hU~M phaT/ o~M ma hA kalpAg+ni san+ni b+hA ya hU~M hU~M phaT/ o~M dza TA ma ku To+At+ka TA ya hU~M hU~M phaT/ o~M da~M Sh+T+rA ka rA lo gra b+hI Sha Na mu khA ya hU~M hU~M phaT/ o~M sa ha sra b+hu dza b+hA su rA ya hU~M hU~M phaT/ o~M pa ra shu pA sho d+ya ta shU la kha T+wA~M ga d+hA ri Ne hU~M hU~M phaT/ o~M byA g+h+ra dzi 
nAm+b+ha ra d+ha rA ya hU~M hU~M phaT/ o~M ma hA d+hU mrA n+d+ha kA ra wa pu ShA ya hU~M hU~M phaT/ phyag 'bum pa'i 'o/ /o~M shrI he he ru ru ka~M badzra DA ki nI dzA la sa~M ba RaM hU~M hU~M phaT swA hA/ dur khrod la dgyes pa phyag gnyis pa'i'o/ /o~M shrI he ru ka badzra sar+b+ba duSh+Ta sa ma ya mu da pra b+ha~M dza ka hU~M hU~M 
phaT swA hA/ drag po'i gdan can gyi phyag gnyis pa'i 'o/ /o~M hrI:ha ha hU~M hU~M phaT/ rig pa'i rgyal po'i'o/ /'di rnams ni he ru ka 'byung ba'i sngags so/ /o~M badzra be+e ro tsa nI ye bud+d+ha DA ki nI ye swA hA/ yi ge bcu drug po 'di rnams ni/ mkha' 'gro ma'i rtsa ba'i sngags 
so/ /o~M mA rI ts+ye+e swA hA/ 'od zer can gyi snying po'o/ /o~M mA rI ts+ye+e bat+tA li ba dA li ba dA li/ ba rA ha mu khi swA hA/ nye ba'i snying po'i sngags so/ /o~M pi shA tsi par+N+Na sha ba ri sar+b+ba mA ri pra sha ma ni hU~M hU~M ma ho da ri phaT/ ri khrod ma shing lo can gyi'o/ /o~M badzrA~M ku sha kaR+Sha ya 

</font><hr>79-1-150a<br><font size=+1>

hu~M/ oM badzra pA sha ban+d+ha hU~M/ o~M badzra kA li tardza ya hU~M/ o~M badzra muSh+Ti gr-ih+Na hU~M/ o~M badzra kI li kI la ya hU~M/ o~M badzra mung+ga rA ko Ta ya hU~M/ sngags 'di rnams ni shin tu grub pa ste/ don yod pa'i dngos grub sgrub pa'o/ /oM badzra DA ki ni i ma~M/ ba 
liM gr-ih+Na gr-ih+Na hU~M phaT swA hA/ o~M dzaHhU~M ba~M ho:/ sa ma ya stA~M/ dr-i sh+ya ho:/ /de ltar lan gsum bzhi lngar bzlas nas gtor ma sbyin par bya'o/ /rdo rje mkha' 'gro ma'i gtor ma'i sngags so/ /o~M kha kha khA hi kha hi/ sarba yak+Sha rAk+Sha sa b+hU ta pre ta pi shA tson+mA dA pa smA ra 
DA ka DA ki n+ya da ya i ma~M ba liM gr-ih+Na ta sa ma ya rak+Shan+tu sar+b+ba sid+d+hi m+me pra yats+tshan+tu hU~M hU~M phaT phaT swA hA/ 'byung po thams cad kyi gtor ma'i sngags so/ /o~M ki Ti ki Ti badzra hU~M/ byin gyis brlab pa'i sngags so/ /o~M AHhU~M shod+ha ya sho d+ha ya rak+Sha rak+Sha hU~M phaT/ sa sbyang 
ba'i sngags so/ /oM badzra DA ki nI hU~M phaT swA hA/ auM gau rI hU~M phaT swA hA/ oM tsaN+Da lI hU~M phaT swA hA/ oM bet+ta lI hU~M phaT swA hA/ sngags pas cho gas bsnun pa dang / gsad pa dang / dgug pa dang / gar byed pa'o/ /oM badzra si hi ni A~M swA hA/ oM badzra byA g+h+ri 
IM swA hA/ oM badzra dza~M bu ke U~M swA hA/ oM badzra u lU kA s+ya r-I swA hA/ oM badzra ra dze n+d+riM l-i swA hA/ oM badzra dIp+ti te dze oM swA hA/ oM badzra tsU Shi Ni tsU Sha ya sar+b+ba sa tA~M auM swA hA/ oM badzra ka m+bo dze a:swA hA/ oM hrIHswA hA/ dbus su ste/ ye shes kyi mkha' 'gro 
ma 'khor dang bcas pa'o/ /oM dzaHhU~M ba~M hoHkha~M ra~M/ mchod yon gyi sngags so/ /oM kha~M ni rI hU~M kha~M/ zhabs bsil gyi sngags so/ /oM d+h+wa~M d+h+wa~M/ dri dang bshos gtsang la sogs pa'i sngags so/ /oM ha ho hrIHswA hA/ phyag rgya chen po'i sngags so/ /oM ku 
ru ku ru sagam yA d+hi pa ti hU~M dzaHswA hA/ dgug pa'i sngags so/ /ha hi hu he ho ha~M/ yan lag drug la dgodapa'i sngags so/ /dpal yang dag par sbyor ba'i rgyud las byung ba bya ba thams cad yang dag par 'byung ba'i brtag pa'i rgyal po ste brgyad pa'o// //

</font><hr>79-1-150b<br><font size=+1>

de nas byang chub sems dpa' chen po rdo rje snying po la sogs pa dang / de bzhin gshegs pa thams cad kyis/ bcom ldan 'das la mchod nas/ phyag 'tshal te 'di skad ces gsol to/ /mya ngan 'das pa'i gnas rgyas pa/ /bcom ldan 
lha yis bshad du gsol/ /gang du gnas su bzhugs gyur pas/ /rgyu dang mi rgyu bcas par rol/ /bcom ldan 'das kyis bka' stsal pa/ /ci rigs brtags pas sems 'dzin pa/ /nga yis bshad par bya yis nyon/ /gang zhig de skad sngar gsungs 
pa/ /thams cad bdag nyid rtag tu bzhugs/ /dkyil 'khor lus zhes brjod par bya/ /sgo bzhi ji skad gsungs pa'o/ /lte ba'i dbus gnas pad chen po/ /kun mkhyen ye shes mngon par grags/ /gnas der gnas pa'i dpa' bo ni/ /dri med 
dri ma rnam par spangs/ /lus la gnas shing nag nog med/ /lus can kun la rnam par rol/ /sangs rgyas kun gyi rdzu 'phrul che/ /rnam par mdzad cing rab tu bsgyur/ /kha cig tu ni byang chub chen po'i sems/ /kha cig tu ni ji ltar spyod rjes 'brang / /
kha cig tu ni dga' ldan lha rnams lags/ /kha cig tu ni 'bab par gyur pa dang / /kha cig tu ni bltams pa rnam dag cing / /kha cig tu ni khab nas gsal byung dang / /kha cig tu ni byang chub chen por mchod/ /kha cig tu ni bdud las mchog tu rgyal/ /
kha cig tu ni mngon par rdzogs byang chub/ /kha cig tu ni 'khor lo rab tu bskor/ /kha cig tu ni phas kyi rgol ba dag /lhan cig chos kyis tshar ni gcod pa po/ /kha cig tu ni dngos grub kun dbang phyug /kha cig dpal ldan 'jig rten gsum las 
rgyal/ /kha cig tu ni dpag bsam shing mchog kun/ /dngos grub dbang phyug bla na med pa nyid/ /de ltar la sogs mtha' yas mchog /sangs rgyas kun bdag sdom pas ni/ /dngos dang dngos med rnam par grol/ /de phyir gti mug yongs su spangs/ /

</font><hr>79-1-151a<br><font size=+1>

A li bung ba zhes byar brjod/ /bung ba rdo rje 'jigs byed nyid/ /A li nam mkha'i mthar gtugs par/ /chos kyi dbyings kyi rang bzhin las/ /rgyu dang mi rgyu gsang blo 'dzin/ /phung po khams dang skye mched dang / /dbang po kun gyi bdud rtsi 
dang/ /las rnams thams cad skye ba nyid/ /de phyir thams cad bkug nas ni/ /rtsa ba'i dbus su thim par bya/ /'jigs byed rdo rje sgra yis ni/ /rdzogs pa'i rnal 'byor rdzas las ni/ /rlung dang me dang bdun pa'i don/ /rdo rje can gyi sa bon sbyar/ /thig 
le sgra yis yang dag mnan/ /char gyi rgyun zhes brjod par bya/ /dbyangs kyi dang po mchog sa bon/ /de yi dbus su gzung bar bya/ /kA li me tog shes par bya/ /me tog rdo rje can gyi lus/ /ma mo kun gyi sa rnams kyang / /kun la 'khor ba bskyed 
par 'gyur/ /ye shes chu bo rgya mtsho 'dir/ /shes rab chu srin dbyangs kyi nyas/ /gnyis med 'dam gyi dbus su ni/ /thabs kyi rnam pa'i myu gu nyid/ /ba~M du lta bur bya ba nyid/ /sbrang rtsi dang ni bdud rtsi'i gnas/ /kA li dang mi bdud rtsi nyid/ /
chu dang me tog nang du 'khor/ /bdud rtsi chu yi cho ga mchog /gnyis las lus ni skye bar 'gyur/ /gang du bdud rtsi dang ni chu/ /lnga yi bdag nyid du ni gsungs/ /me ni tsha ba nyid yin te/ /reg pas rlung ni du bar lta/ /chu ni gsher ba'i dngos po ste/ /sa ni 
gzugs su blta bar bya/ /ye shes rdo rje byin brlabs pas/ /rnam pa lngar ni rab tu bskyed/ /yang ni chu ni kun gyi dbyibs/ /de bzhin me yis zad par byed/ /de bzhin rlung ni rtag pa yi/ /sa ni dbang po'i gzugs can ma/ /hU~M gi glu yi rnam pa yis/ /rnal 
'byor ma kun mnyes par byed/ /rdo rje yan lag dgyes pa'i mthus/ /spyan gyis gzigs par mdzad pa yi/ /yi ge'i dngos po rang bzhin ni/ /stong par rol pa nyid kyis ni/ /dngos dang dngos med rnam spangs pas/ /snying po yang ni 'tshal ba nyid/ /ma lus pa 

</font><hr>79-1-151b<br><font size=+1>

yi bsam pa dang / /yi ge thams cad gzhom par gyis/ /gnyis gnyis 'khyud pa'i rnal 'byor pas/ /chu rnams kyi ni dgos pa can/ /gnyis med chos ni thob pa ni/ /thar pa yang ni thob pa nyid/ /'khor ba'i bde bas rmongs pa la/ /grol ba yang ni spangs 
pa nyid/ /thams cad stong pa'i rang bzhin la/ /rnal 'byor ma yi sngags kyis rol/ /rnal 'byor ma ni lnga po rnams/ /sangs rgyas de nyid mtshon par bya/ /sgyu mar gnas pa du ma kun/ /sna tshogs gzugs kyis sems can smin/ /rdo rje brkyang ba'i dgos pa ni/ /
chos kyi rmongs pa bral bar byed/ /rnal 'byor ma yi thar pa can/ /snying po chos la phyag 'tshol cig /rigs kyi bu bcom ldan 'das de bzhin gshegs pa thams cad kyi glu 'dis rgyal ba thams cad kyis bdag nyid las skye bar 'gyur ba la 'di skad ces 
bka' stsal to/ /dgu pa las de bzhin gshegs pa thams cad kyi skyed pa zhes bya ba ste rab tu byed pa dang po'o// //gtor ma'i las cho ga ji lta bar/ /rdo rje gtso bo rgyal po nyon/ /khru gang tsam gyi tshad du ni/ /dmar po'i dri yis dkyil 
'khor bya/ /dkar pos phyi rol gru gsum bya/ /mchod yon mchod sogs rim gro dang / /nya dang sha sogs bza' ba dang / /chang dang myos byed spro ba yang / /g.yon du nye bar dgos pa kun/ /g.yas pa dag tu chu yi snod/ /sngon du mchod yon dag gi 
snod/ /rdzas ni 'di dag thams cad rnams/ /bdud rtsi lnga yis sbyang bar bya/ /rdo rje sems dpa'i ting 'dzin nam/ /yang na he ru ka dpal brtson/ /las kyi cho ga mthong ba yis/ /sngags dang phyag rgyas dgug par bya/ /me tog dmar pos bdug pa 
sogs/ /dri la sogs pa dbul bar bya/ /oM gyis mtshan pa'i pad+ma'i snod/ /lce hU~M de nyid khyad par las/ /ye shes lcags kyu'i rab dbye bas/ /yid kyis thams cad dgug pa'o/ /kye bcom ldan 'das ye shes kyi lcags kyudur gsungs/ de gang 

</font><hr>79-1-152a<br><font size=+1>

lags/ bcom ldan 'das kyis bka' stsal pa/ /dang po skye dgu'i bdag por brjod/ /de bzhin gnyis par sgrol ma nyid/ /gsum pa la ni rab mchog brjod/ /bzhi pa la ni mang po skyes/ /lnga pa la ni stobs zhes bya/ /rigs lnga 
rnams kyi sngags 'di dag /ye shes lnga yis rab dbye bas/ /ye shes chen po lnga po 'di/ /khyod la phan pa'i bsams pas bshad/ /ye shes lcags kyu'i rab dbye bas/ /las rnams kun la sbyar bar bya/ /gal te las la phan 'dod pas/ /rnal 'byor 
ma kun tshim par bya/ /'dod la dga' bar mi bya zhing / /longs spyod la ni sbyor mi bya/ /sems can don rgyu rnal 'byor pas/ /mchod pa thams cad yang dag brtag /dbyangs kyi bcu gsum las byung ba/ /gang zhing zla ba de rab grags/ /de yi dbus 
su sa bon gyi/ /A li kA li mnyam sbyar bas/ /lha kun de nas tshim par bya/ /'bud pa sbar ba nyid dang ni/ /khyad par du ni bskol ba nyid/ /shel gyi gzugs kyis bskyed bya zhing / /de phyir thams cad brtag par bya/ /de yi dbus nas blangs nas 
ni/ /de nas bdud rtsi myang bar bya/ /lhag ma la sogs dngos po kun/ /phyi rol dkyil 'khor tshim par bya/ /g.yon pa'i cha yi snod dang ni/ /g.yas pa'i khro bo bstan par bya/ /rkang pas mnan cing steng du blta/ /spyi bor phe~M gyi rnam pa 'byung / /zla ba mar 
ngo'i bcu bzhi dang / /khyad par du ni brgyad pa dang / /yar gyi ngo yi bcu pa la/ /mchod pa mchod pa'i bdag nyid 'gyur/ /oM shing gcig dang ni dur khrod dang / /ri bo dang ni 'bab chu dang / /khyim dang grong gi ngos dag dang / /zhing dang grong ni stong pa dang / /
sems can snod dang thang stong dang / /chu la yang ni khyad par du'o/ /drag po nag po drag chen po/ /lha mo yang ni mnyam par gnas/ /nag po thod pa can 'jigs rung / /dga' las 'das dang log 'dren rnams/ /rgan byed ma dang drag mo dang / /gdol pa 

</font><hr>79-1-152b<br><font size=+1>

mo dang 'jigs pa'i gzugs/ /lha mo dka' zlog thams cad du/ /rgyal ma dang ni rnam rgyal nyid/ /mi thub ma dang gzhan mi thub/ /nag mo bzang mo nag mo che/ /rtse mo nag mo rnal 'byor mo/ /dbang mo zla mo 'jigs pa ma/ /gdug pa can dang lam pa kI/ /
sum cu rtsa gsum dbang phyug ma/ /g.yo ldan mar me 'jib byed ma/ /grong du gnas pa'i rnal 'byor ma/ /'jigs pa'i gzugs dang gzugs chen ma/ /mche ba gzugs ngan gtsigs pa nyid/ /thod pa'i phreng ba 'phyang ba can/ /mthu chen lag na kha T+wa ga /
lag na dgra sta ral gri dang / /rdo rje lag ma gzhu yi lag /mkha' 'gro ma yi de nyid che/ /las rnams rjes su sgrub par byed/ /rnal 'byor dkyil 'khor rgyal mo che/ /de bzhin rdo rje'i dbang phyug gtso/ /de bzhin gshegs pa'i sku chen las/ /skyon med 
dbang phyug 'byin pa mo/ /rdo rje dbang phyug bka' lung 'dis/ /thams cad las ni thams cad dgug /oM ka ka ka D+h+ya na ba ba ban+d+ha na kha kha khA da na sar+b+ba duSh+TA nA~M ha na ha na/ g+ha g+ha g+hA ta ya g+hA ta ya a mu ka s+ya shAn+tIM ku ru hU~M hU~M phaT phaT dzaHswA hA/ bdud rtsi'i bsam 
gtan dmigs nas ni/ /bdud rtsis kha ni dgang bar bya/ /las sogs bsams nas rnal 'byor dang / /rnal 'byor ma ni bsgom par bya/ /las rnams thams cad rab 'grub 'gyur/ /has ni kha dog 'phrog par byed/ /hos ni dri ni 'jig par byed/ /
hrIHni brtson 'grus 'joms par ni/ /rim pa 'di ni brjod par bya/ /rnam gsum lan gsum brjod pas ni/ gsum gyis lha rnams tshim par bya/ /pad+ma'i dbang phyug gzugs gser mdog /gzi brjid dri chu rnam snang dang / /rdo rje'i dbang phyug myang ba 
ni/ /lag na rdo rje lha gsum dag /rnam pa gsum du shes par bya/ /'dir ni chos rnams bzang por ltos/ /'du ba rnams la the tshom med/ /bram ze khyi dang gdol pa rnams/ /rang bzhin gcig pa nyid du zo/ /tshigs bcad 'dis ni de nas sbyin/ /rol bcas 

</font><hr>79-1-153a<br><font size=+1>

mchog tu rjes bskor bas/ /g.yon dang g.yas pa'i lag pa yis/ /'dod pas bskor bar bya ba'o/ /rang 'dod lha yi rnal 'byor gyis/ /ji ltar rab tu bsgyur bas 'jug /bde gshegs chos ni rin thang med/ /'dod chags dri ma rnam par 
bsal/ /gzung dang 'dzin pa rnam par spangs/ /gus pas de la phyag 'tshol cig /tshigs bcad 'dis ni blang bar bya/ /yang dag spyod pa'i de nyid 'di/ /gtsang sbra kun du rnal 'byor pa'i/ /ji ltar bde ba zhes byar brjod/ /yan lag yan lag bde gsol 
'debs/ /gnyis gnyis 'khyud pa'i sbyor ba yi/ /sgyu ma yis ni rnam par brgyan/ /dngos po rnam grol phyag 'tshol cig /rdo rje dril bu'i sgra rnams kyis/ /ci 'dod pa yi bkra shis glus/ /hU~M hU~M hU~M/ rdo rje thal mo sbyar byas nas/ /snying ga ru ni gzung 
bar bya/ /de nas sems can kun sogs la/ /smon lam rnams ni gdab bya ba/ /sems can thams cad bde gyur cig /sems can thams cad skyon med par/ /gang gi lam gyis 'gro 'gyur ba/ /de ni sangs rgyas nyid thob gyur/ /ma bsgral ba 
dag bsgral ba bgyi/ /ma grol ba dag bdag gis dgrol/ /rnal 'byor bstan bcos bya ba'i dngos/ /da lta ru ni yang dag brtags/ /rdo rje khu tshur dam bcings nas/ /g.yon pa snying gar gzhag par bya/ /lag pa g.yas pa brkyang nas ni/ /sa la bzhag 
nas gshegs su gsol/ /oM At+ma tiSh+Tha hU~M swA hA/ phyi ni bdag gi dbugs kyis ni/ /bdag gi lus la thim par bya/ /skad cig gcig pa'i rnal 'byor gyis/ /bdag gi dngos pos mchod par bya/ /oM sar+b+ba duSh+Ta gr-ih+Na gr-ih+Na gats+tsha hU~M phaT/ se gol gsum 
gtogs nas phyi rol gyi lha rnams gshegs su gsol bar bya'o/ /dgu pa las gtor ma'i mchod pa ste rab tu byed pa gnyis pa'o// //gsang ba'i pad+ma bde ba can/ /thams cad bdag nyid rtag bzhugs la/ /gsang ba la ni rnam gnas 

</font><hr>79-1-153b<br><font size=+1>

nas/ /de la lha mo des zhus pa/ /sbas pa dam pa'i dngos spyod yul/ /bde gshegs kun gyi dkyil 'khor dang / /khro bo rnams dang lha rnams dang / /thams cad lha ni khyod kyis gsungs/ /ji ltar nang la rnam gnas pa'i/ /de nyid bla med bdag 'tshal 
yang / /bdag la da dung the tshom mchis/ /gang gi cho gas bris sku dang / /glegs bam yang ni bri bar bgyi/ /lha lags 'di dag mi 'tshal bas/ /bde ba chen pos bshad du gsol/ /bcom ldan 'das kyis bka' stsal pa/ /de bdag lang tsho dal ba 
dang / /rgyas shing rnam rtog med pa dang / /khro med lkog 'phyas med pa dang / /shin tu cha phra mkhas spro dang / /bzod dang dad pa snying rje ldan/ /de ltar gyur pa'i ri mo mkhan/ /yang na dam tshig can gyi yang / /ri mo mkhan gyis bri bar bya/ /sgrub pa po dam pas 
dpa' bo shi ba'i ras sam/ ro la dkris pa'i ras sam/ bu btsas pa'i ras sam/ khrag chen pos btsos pa'i ras sam/ bud med kyi me tog gis rab tu bsgrubs pa'i ras rnams la sgrol ma dang / 'od zer can dang / de bzhin du ni ri khrod ma shing lo can la sogs bri bar bya'o/ /
de la 'di'i cho ga ni gsang ba'i phyogs gcig tu 'dug nas shin tu mnyam par gzhagagapas 'driragagazhug par bya'o/ /skyes pa'i thod par gnas par ji ltar gsungs pa'i kha dog lnga sih+la dang / ga bur la sogs pa bsres pa dang / ro'i skra'i pir gyis bris sku 'jigs 
pa bri bar bya'o/ /dang por slob dpon gyis mnyam par gzhag pas shes rab dang ldan zhing / /rgyan thams cad kyis rnam par brgyan pa dang / /dpal yang dag par sbyor ba'i rnal 'byor dang ldan pas yan lag la ni ra~M shu bsam zhing gcer bur gyur pa dang / de bzhin 
du yang lhag ma dang / ma dag pas mkhas pas mi bya'o/ /kye bcom ldan 'das gal te sih+la la sogs pas bsres pa lags na/ de'i tshe ji ltar ma dag pa lags/ bcom ldan 'das kyis bka' stsal pa/ /pho nya gtsang sbra dang po ste/ /gnyis pa la ni zhi bar 

</font><hr>79-1-154a<br><font size=+1>

'dod/ /snod gcig tu ni zas nyid ni/ /gtsang sbra gsum pa nyid du gsungs/ /phyi rol rnal 'byor la dga' bas/ /gtsang sbra 'di dag yang dag brtsam/ /rang sems dri ma can gyur la/ /gnas ni 'di yis ci zhig dgos/ /gang yang 
log pa'i chos gnas pa/ /'dod pa'i don kun 'dod pa ni/ /khyi yi skye gnas brgyar 'gro ste/ /sme sha can du skye bar 'gyur/ /dper na kha cig mar don gnyer/ /dad pas chu ni bsrub gyur kyang / /mar sar thob par mi 'gyur te/ /lus nyon mongs pa kho 
nar zad/ /'dzin dang mchod pa ma gtogs par/ /gzhan du bzang mo don med 'gyur/ /'tsho ba'i thabs kyi rgyu yi phyir/ /rnal 'byor gzhan la brten pa nyid/ /dung dang nya phyis mu tig rnams/ /gsum char rgyu las byung ba nyid/ /chos kyi sku yi lus 
can gyi/ /thod pa la ni su zhig smod/ /mchod phyir thogs pa dag byed kyang / /dam pa'i chos kyi rim par gsungs/ /gtsang sbra he ru ka dpal gnas/ /de phyir kun du rab 'bad pas/ /phyag rgya lhan cig sgrub pas mchod/ /shin tu bzhin mdzes snying rje 
can/ gzugs dang lang tsho skal bzang ma/ /gzugs bzang sgrub pa po la dga'/ /rang gi phyag rgya g.yon du gzhag /pir la byin brlabs 'dri mkhan la/ /byin te bris sku 'jigs pa ni/ /dngos grub thams cad rab ster ba/ /de nas yang dag bri bar bya/ /
'jig rten gzhan la mi bstan zhing / /ri mo mkhan dang sgrub pos blta/ /glegs bam khyod la bshad bya yis/ /lha mo skal ba chen mo nyon/ /gro ga'am ta la'i 'dab ma la/ /glegs bam sor ni bcu gnyis pa/ /sbrang tshan snag tsha byas nas ni/ /mi yi rus 
pa'i smyu gu yis/ /dam tshig can gyis bri bar bya/ /glegs bam dang ni bris sku nyid/ /gal te skal ba med mthong na/ /skye ba 'dir ni 'grub mi 'gyur/ /'jig rten pha rol spyod yul min/ /dam tshig sems dpa' sbyin par bya/ /res 'ga' tsam zhig bstan 

</font><hr>79-1-154b<br><font size=+1>

pa'o/ /glegs bam lam gyi spyod yul du/ /skra dang mchan khung dag du sba/ /dam tshig sems dpa' sbyin par bya/ /dgu pa las bris sku dang glegs bam gtan la dbab pa zhes bya ba ste rab tu byed pa gsum pa'o// //sil snyan yang dag sbyor mtshan nyid/ /
bshad par bya yis lha mo nyon/ /a ra a ra dzeM dzeM sma ra sma ra tsa Ta ba~M hoHra Ta ba~M ho hu lu hu lu hU~M dzaHhU~M dzaH a la a la hU Nu hU Nu hU Nu/ hra~M hra~M hra~M hu ta~M g+he+e hu ta~M g+he+e g+he+e g+he+e g+he+e ta Ta g+he+e g+hai ta~M Ta g+he+e g+haiM ta g+he+e ta g+he+e ta g+he+e hon+do han+do do hU~M do hU~M/ ka ka ka ka /kau kau kau /kauM kauM kauM /
baiM kaiM baiM kaiM baiM kaiM /biM badzra badzri baiM badzra badzraM baiMHkaiMHbaiMHkaiMHbaiMHkaiMHbaiHkaiMHbaiM hU~M b+h+yo hU~M b+h+yo hU~M b+h+yo/ ru lu ru lu ru lu hU~M b+h+yo hU~M b+h+yo hU~M b+h+yo/ rdo rje 'dzin pa la sogs pa'i'o/ /Tak+ki hU~M dzaH/ Tak+ki hU~M dzaH/ Tak+ki dzaH/ 'di ni rol pa'i'o/ /ta Da ba ta Da ba/ brah+me brah+me/ rta mgrin 
gyi'o/ /hrIM Sh+T+rIM hrIM Sh+T+rIM hrIM Sh+T+rIM Sh+T+rIM Sh+T+rIM Sh+T+rIM / hrI+u Sh+t+rI hrI Sh+t+rI hrI Sh+t+rI/ gshin rje'i rgyal po'i'o/ /hrIM hrIM/ ku~M hrIM ku~M hrIM khan+ta khe+eM khan+ta khe+eM khan+ta kheM/ pad+ma~M pad+ma~M/ hrIM pad+ma~M hrIM pad+ma~M/ trIM trIM trIM trIM trIM trIM/ hrIM hrIM hrIM hrIM hrIM hrIM/ hrIM ta~M hrIM ta~M/ hrIM hrIM hrIM / sgrol ma'i'o/ /de nas cang te'u'i mtshan nyid bshad/ /
badzri shiR+sha rtsa ba dang / /tsan+dan dmar po las byung dang / /gzhan rnams gang rnams de rnams ni/ /yid la 'dod pa rnams la bya/ /de yi tshad 'di bka' stsal pa/ /bcu gnyis pa dang bcu pa nyid/ /kha la sor ni drug dang lnga/ /dgu pa dang ni bcu gcig nyid/ /
kha la de yi phyed nyid do/ /gzhan pa yi yang rnge'u chung ni/ /thod pa las ni bskor ba nyid/ /spre'u'i pags pas g.yogs pa'o/ /de bzhin kha sbyor gnyis la ni/ /pad+ma dag ni bri bar bya/ /bud med khrag gis mdzes pa dang / /dur khrod skyes pa'i skra las ni/ /
bkal nas rus pa gnyis ni bcing / /khyim gyi me tog gnyis kyis ni/ /pad+ma ze 'bru gnyis pa la/ /dkyil 'khor nyid ni bri bar bya/ /mtshan mo bzhi mdo dag tu ni/ /rkang pa g.yon pa'i mthe bong gis/ /dkyil 'khor gru bzhi mtshams su ni/ /rdo rje lcags 

</font><hr>79-1-155a<br><font size=+1>

kyu bri bar bya/ /der gnas g.yon pa'i ngos su ni/ /ji ltar dang por ming bzung ba/ /kheM hU~M zhes ni brjod nas ni/ /chu skyar rkang pa'i rus pas gdab/ /de ltar g.yo ldan ma la sogs/ /thams cad 'gugs par byed par 'gyur/ /gal te 'ongs 
par ma gyur na/ /de tshe mkha' 'gro ma kun 'chi/ /nges pa nyid du 'grub 'gyur bas/ /ngas gsungs pa la the tshom med/ /gal te khros pas slob dpon gyis/ /cang te'u rdung bar byed pa na/ /de tshe mchi ma 'dzag cing ngu / /khyod ni dam tshig la ni khro bo sngon 
po mdzes/ /dngos grub phyag na dbyig to rin chen bcings pa 'dzin/ /kye dpal ldan dpa' bo 'du bar 'khor ba sgrol ba 'khums/ /mkha' mdzes rnal 'byor ma yi nang du bdag thong shig /tshogs kyi 'du ba bzang po nyid/ /lha mo skal ba chen mo nyon/ /'dod 
pa'i don kun sgrub pa mo/ /gang du zos pas 'grub 'gyur ba/ /dur khrod ri yi tshang tshing dang / /rgya mtsho chen po'i 'gram du 'am/ /yang na dben pa'am bas mtha' ru/ /bza' ba 'di dag yang dag brtsam/ /me tog bdug pa mar me dang / /de bzhin bza' ba 
bca' ba nyid/ /chang ni sgeg mo ru ni brjod/ /sbrang chang rab tu myos mar brjod/ /bu ram chang ni myos byed gsungs/ /snying po bdud rtsi rgun chang yin/ /sangs rgyas kun gyi kla klo yis/ /bdud rtsi lam ni yan lag brgyad/ /rgun 'brum sbrang rtsi dpa' bo gcig /
nya phyis rtsub pa'i 'dod pa can/ /sings po bshang bar brjod pa ste/ /rtsabs dang bran mo sings por brjod/ /de ltar bza' ba sna tshogs dang / /chang dang nya dang yang dag ldan/ /dga' ba'i longs spyod skal bzang bas/ /dpal ldan rdo rje sems dpa' 'grub/ /
a mra smin dang pa na sa~M/ /rgun 'brum na ri ke la dang / /A lu ka la sogs pa ni/ /'bras bu sna tshogs tha dad pa/ /tshogs kyi dkyil 'khor dbul bar bya/ /'dis ni glu dang phyag rgya dang / /nges par gar kyang khyad par du'o/ /ka ka ka ka ka ka ka ka /hi hi hi hi 

</font><hr>79-1-155b<br><font size=+1>

hi hi hi hi/ hriM hriM hriM hriM/ hU~M hU~M hU~M hU~M hU~M hU~M hU~M hU~M hU~M/ hA hA hA hA hA hA hA hA hA hA hA hA/ i hA hA i hA hA/ hA hA hA/ dzA~M dzA~M dzA~M dzA~M/ a i a i a i/ dzA~M dzA/ iM dzeM dzAM/ iM dzA iM dzA iM dzA iM dzeM dzeM dzeM iM te a~M/ hi hi hi hi hI/ hi hi hi hi hI/ hi hi hi hi hI/ hi hi hi hi hI/ 
hi hi hi hI/ ny+dza hI hI hi hi hi hI ny+dza hI hI hi hi hi hI/ kardza hi hi/ de ltar kla klas kun 'dar nyid/ /he ru ka yi sbyor bas gar/ /phyag rgya nyid kyang khyad par du'o/ /gang phyir lta stangs de khu tshur/ /lta stangs khu tshur rkang pas rkang / /ji ltar rnal 'byor rim pa las/ /
sangs rgyas kun gyis rnam par mdzad/ /sring mo'i bu mo sgyug mo dang / /ma dang sring mo yin na yang / /de rnams gang bar mchod nas ni/ /tshogs kyi dkyil 'khor 'grub par 'gyur/ /skyes pa'i thod chen cha gcig par/ /chang ni bzang pos yongs bkang ste/ /
bla ma la dbul skal chen ma/ /phyag 'tshal nas ni rang yang btung / /pad+ma'i lag pas blang ba dang / /de nyid kyi ni lag pas dbul/ /yang nas yang du phyag 'tshal ba/ /de la sgrub pa po yis bya/ /dpal yang dag par sbyor ba las byung ba bya ba bzhi'i de kho na'i rgyal 
po ste brtag pa dgu pa'o// //rdo rje slob dpon dam tshig gi/ /grub rtags lag na rdo rje nyon/ /dang por dkyil 'khor chen po ni/ /snying ga yi ni dkyil 'khor du/ /rang gi dbang sogs rgyas pa yis/ /rang gis nang du zhugs pas na/ /rdo rje slob 
dpon mtshungs med pa/ /'grub 'gyur 'di la the tshom med/ /gang phyir thos pa de nyid kyi/ /bsam gtan spro ba nyid kyi phyir/ /rdo rje slob dpon 'grub par 'gyur/ /rdo rje sems dpa' snying po sogs/ /'bum du bzlas pas rab tu 'grub/ /skal ba kun gyi sngon grub 
pas/ /slob dpon chen po gdod nas grub/ /cho ga 'dis ni sems can rnams/ /rgyal bar 'gyur bar the tshom med/ /gnyis med spro bar bcas pa rnams/ /de nyid gnas shing go cha bgos/ /thams cad mkhyen pa gang gang gi/ /rigs kyi rab tu dbye ba las/ /

</font><hr>79-1-156a<br><font size=+1>

phyag rgya gang dang gang gsungs pa/ /de dang de ni cho gas blangs/ /de dang de nyid kyis ni bsgrub/ /gti mug bdag nyid nges bar ma/ /lha mo'am skye gnyis bdag nyid skyes/ /gti mug rnam dag bsam gtan pas/ /blangs nas mngon du 
rnam snang 'gyur/ /ma ni rig ma dam pa ste/ /gal te pha yis sngar bstan kyang / /de bzhin de nyid kyis kyang 'grub/ /bde ba chen pos bka' stsal to/ /zhe sdang bdag nyid gdol pa mo/ /bu mo'ang gnod sbyin bu mo blang / /zhe sdang rnam dag bsam gtan pa/ /
mi bskyod pa ni mngon du 'gyur/ /'dod chags bdag nyid gar mkhan ma/ /sring mo'am klu mo lha min blangs/ /'dod chags rnam dag bsam gtan pa/ /'od dpag med pa bsgom par 'gyur/ /phrag dog bdag nyid bzo shes ma/ /chu 'byung dga' ma 
'am sring mo yi/ /bu mo yang dag blangs nas ni/ /phrag dog rnam dag bsam gtan pa/ /dpa' bo don yod grub par 'gyur/ /nga rgyal bdag nyid mna' ma'am/ /rgyal po'i bu mo'am rig 'dzin ma/ /blangs nas nga rgyal rnam dag pa'i/ /bsam gtan pa de 
nor bu'i rigs/ /'byung gnas su ni 'gyur ba'o/ /spyan dang lhan cig sangs rgyas nyid/ /mA ma kI dang mi bskyod par/ /'grub 'gyur dkar mo lhan cig tu/ /pad+ma can dang sgrol ma ni/ /lhan cig don yod grub par 'gyur/ /rin chen rin chen ma dang 'grub/ /
rigs pas 'dod pa 'di dag 'grub/ /gzhan yang 'dis ni khro bo yi/ /lha dang rgyal ba'i sras po dang / /khro bo rab gtum cho ga dang / /zhi la zhi ba'i cho ga yis/ /zhi ba rab tu 'grub par 'gyur/ /'dod chags rgya chen zhen pa dang / /nga rgyal ldan pas 
'grub par 'gyur/ /de ltar dka' ba med pa'i thabs/ /kun mkhyen thugs rje bcas pas bsngags/ /shin tu bde ba sgrub pa'i thabs/ /brtul zhugs dka' thub spyod pa spangs/ /de ltar bdud rtsi'i ro rnyed nas/ /nyon mongs gzhom phyir mi brtson gang / /

</font><hr>79-1-156b<br><font size=+1>

ji ltar dka' thub brtul zhugs des/ /sangs rgyas nyid ni bya bar nus/ /rang gi bde ba'i thabs rnyed nas/ /gang zhig bdag don mi byed pa/ /rmongs pa'i bdag nyid de yi ni/ /sangs rgyas nyid ni gang du 'gyur/ /yang ni de ni shes mi 'gyur/ /'dis ni 
sangs rgyas thams cad du/ /skye bo dam pas mthong ba nyid/ /las kun rmi lam sgyu ma ltar/ /sangs rgyas chos la mi shes pas/ /'khor ba'i rgya mtsho'i pha rol du/ /ji srid ma phyin bar du bya/ /bcu pa las slob dpon dang phyag rgya byin gyis brlab pa ste rab tu byed 
pa dang po'o// //de nas gang du rig ma'i skyes bu grub pa der 'di lta bu'i phun sum tshogs pa 'byung ste/ sa 'di dag dga' zhing mgu la rangs pas rnam pa drug tu g.yos nas bdud kyi gnas su cha lang lta bu'i sgra grags pa dang / phyogs bcur 
bskal pa'i me lta bu'i skar mda' ltung ba dang / rgya mtsho chen po 'khrugs pa'i sgra dang / thams cad du gnam rdo ltung ba dang / de nyid du bskal pa'i me'i gzugs lta bu'i ye shes kyi snang ba 'bar ba dang / phyag rgya'i skye gnas kyi snying por khams gsum thams cad 
snang ba dang / tshangs pa dang / khyab 'jug dang / chu bdag dang / brgya byin dang / drag po dang / me dang / stobs bzang po dang / nyi ma dang / zla ba dang / gnod sbyin dang / grub pa dang / dri za dang / mi 'am ci dang / lto 'phye dang / lha'i mchog dang / rig pa 
'dzin pa dang / chus byung la sogs pa gang zhig gzhan yang sum cu rtsa gsum du gnas pa'i lha rnams der 'ongs nas yang dag par dga' bas me tog gis mchod par byed do/ /pi bang dang / gling bu dang / mu kuN+Da dang / tam+bu ra dang / dung dang / zangs dung 
dang / nan+di dang / pa Ta ha dang / rdza rngas nam mkhar gnas te/ der rtag tu mchod par byed do/ /lha'i bu mo dang / rig pa 'dzin pa'i rgyal po'i bu mo thams cad kyis gar byed pa dang / sil snyan du ma byed pa dang / mi'am ci dang / gnod sbyin gyis glu len par byed cing 

</font><hr>79-1-157a<br><font size=+1>

gar byed pa dang / de la dga' ba dang bcas pas rgyal ba rgyal ba zhes bya ba'i sgras rtag tu rol par byed pa dang / gang zhig grub pa nam mkhar gnas pa'i lha rnams kyis ni legs so'i rnam pa rab tu gsol bar mdzad do/ /gang zhig dga' ldan du 
gnas pa'i lha rab mchog dang / gang zhig lha'i bu dang / rig pa 'dzin pa pa dang / 'og min gyi bar du 'ongs nas phyag 'tshal zhing me tog sna tshogs kyi rnam pa dang / dri sna tshogs kyi char dang / bdug pa sna tshogs kyi khyad par gyis gus pa'i tshul gyis mchod par 
byed do/ /gzhan yang khyod la rgyas par bshad pa'i tshul gyis ci zhig dgos te/ bsgrub par bya ba'i bsod nams kyis khams gsum du skyes pa'i mchod pa de rnams kyis mchod par byed do/ /bcu pa las bde ba chen po'i dngos grub kyi mchod pa dang rim gro zhes 
bya ba ste rab tu byed pa gnyis pa'o// //rig ma'i skyes bu grub pa ni/ /gang du mchi zhing gang du gnas/ /bdag la the tshom 'di dag ni/ /bde ba chen pos bshad du gsol/ /bcom ldan 'das kyis bka' stsal pa/ rig ma'i skyes 
bu grub pa ni/ gang du yang mi 'gro/ gang du yang mi gnas/ thog ma dang / tha ma dang / dbus dang bral ba/ gnyis su med pa/ gnas gsum du snang ba/ thams cad son pa/ thams cad mkhyen pa/ thams cad pa/ thams cad kyi don thams cad sems 
can thams cad kyi sems la gnas pa/ sdig pa thams cad las rnam par grol ba/ yon tan thams cad kyis brgyan par byas pa/ thams cad dang ldan pa/ zhi ba/ mnyam pa med pa/ rtag tu 'char bar mdzad pa/ mgon po/ skyob pa/ kun tu rtog pa 
spangs pa/ dbyibs dang kha dog dang bral ba/ rgyal ba'i yang spyod yul ma yin pa/ rgyal ba'i yang spyod yul ma yin pa/ rgyal po phyed par dka' ba'i phyir rdo rje/ nyon mongs pa'i nye bar gdung ba las grol ba'i phyir zla ba/ dogs pa med pa'i phyir seng ge gting dpag par dka' ba'i phyir chu'i phung 

</font><hr>79-1-157b<br><font size=+1>

ba'o/ /de ltar dpe sna tshogs kyis rnal 'byor pa rnams kyi dper bya'o/ /de nyid gcig pus sems can rnams kyi don byed pa dang / rnam par rtog pa thams cad spangs pas kyang bltams pa ston pa dang / khab nas mngon par 'byung ba dang / gzhon nu'i rol rtsed 
mdzad pa dang / rab tu byung ba dang / rdo rje gdan gyis mnan pa dang / bdud btul ba mnyam pa med pa dang / sangs rgyas pa dang / dam pa'i chos kyi 'khor lo bstan pa dang / lha las babs pa nyams dga' ba dang / shin tu sna tshogs pa'i cho 'phrul dang / glang 
po che nor skyong 'dul ba dang / skal ba dang ldan pa'i skye bo dag pa gzhug pa dang / phas kyi rgol ba tshar gcad pa dang / bsod snyoms kyi lhung bzed la ltos pa med pa dang / 'jig rten gsum gyi 'khor lo 'dul ba dang / byang chub sems dpa'i rgyal tshab nyid dang / 
yongs su mya ngan las 'das pa dang / khams gsum gyi chos kyi rgyal po chen po ste/ de ltar rigs kyi bu 'di ltar khyad par du ma rmi lam lta bur sangs rgyas kyi rol pa mchog tu ston par mdzad de/ gang zhig grub pa sgyu ma'i tshul gyis 'gro ba thams cad kyi don mdzad 
do/ /bcu pa las sangs rgyas kyi sgyu ma rnam par mdzad pa zhes bya ba ste rab tu byed pa gsum pa'o// //gong du bshang gci khrag dang ni/ /nya dang sha yi sbyin sreg ni/ /lha ni khyod kyis gsungs pa nyid/ /ji ltar ye shes sems dpa' la/ /
mi gtsang bas ni kha bkang na/ /sdig pa ji ltar skye mi 'gyur/ /gal te sdig las ji ltar 'bras/ /bcom ldan 'das kyis bka' stsal pa/ /mi shes rmongs pa'i sems can gang / /ye shes thabs ni rnam par spangs/ /phyi rol dngos por mngon zhen bas/ /
rtog pa dra bas dra bar byas/ /de yi sdig dang bsod nams kyi/ /cha gnyis rnam par rtog pa ste/ /'di rnams chos ni rang bzhin dag /ma skyes pa dang gnas med cing / /sems can ye shes 'phel ba'i phyir/ /don dam las ni bsod nams nyid/ /

</font><hr>79-1-158a<br><font size=+1>

thabs ni sangs rgyas rnams kyis bstan/ /skye ba dang ni spangs med na/ /bsod nams min la su zhig zhen/ /dper na sems can pha rol 'gro/ /chu klung chu yis gang ba la/ /shing dang rtswa ni bsdus nas ni/ /chu la gzings ni byas nas su/ /
de la 'jus nas brgal nas kyang / /spangs nas bde bar 'gro bar 'gyur/ /de ltar 'khor ba'i pha rol du/ /chos dang chos min zhon nas ni/ /bde bas byang chub 'thob par 'gyur/ /chos dang chos min rnam par spangs/ /de phyir rtog pa'i dra ba ni/ /spangs 
nas zab mo'i chos ni 'phel/ /de bzhin gshegs pas gsungs pa'i lam/ /lam rig rnam par rtog mi bya/ /rnam rtog gti mug chen po ste/ /'khor ba'i rgya mtshor ltung byed yin/ /mi rtog ting 'dzin la gnas pa/ /mkha' bzhin dri ma med par 'gyur/ /
dbang po gnyis ni mnyam sbyor bas/ /sku gsung thugs ni 'dus pa yis/ /nga rgyal las ni rgyal ba'i gzugs/ /rnam pa thams cad yongs su spangs/ /rnam par shes pa rdzogs pas ni/ /skye ba 'dir ni ye shes can/ /bud med dang ni skyes pa'i lus/ /
las ni du mas bskyed pa ston/ /mi shes pas kyang mi bya ste/ /sku yi rdo rje'i dam tshig go/ /sems can sna tshogs gdung ba dang / /kun rtog ngan pa'i rnam rtog gis/ /sems la smad par mi bya ste/ /thugs kyi rdo rje'i dam tshig go/ /phrag dog nyid kyis 
ma rungs pas/ /tshig rtsul la sogs smra mi bya/ /rna ba bde bar byed pa nyid/ /gsung gi rdo rje'i dam tshig go/ /sha yi khams gnas sangs rgyas ni/ /rnam snang chen po rtse mor skye/ /rkang la mi bskyod gnas pa nyid/ /khrag ni rin chen lta bur ni/ /nor bu 
chen pos rnam par brgyan/ /rus pa la ni 'od dpag med/ /sems can rnams kyi rigs bcas 'bab/ /rtsa yi 'ching ba'i tshogs kyi sgor/ /don yod thub pa rgyal po nyid/ /khyod la gsang ba nga yis bshad/ /dam tshig ye shes rig pas bsten/ /blo ldan 

</font><hr>79-1-158b<br><font size=+1>

thugs kyi rdo rje yis/ /rtag pa ru ni bsgom par bya/ /'dod chags zhe sdang gti mug dang / /sred pa dang ni 'du byed 'phel/ /'di lnga thub pa'i rgyal pos gsungs/ /bshang gci khu ba bad kan dang / /khrag dang yongs su 'dzag pa rnams/ /'byung ba 
bzhi ni yongs gzung nas/ /blo yis rdzogs pa yongs bsgoms pas/ /gang zhig dam tshig bstan par bya/ /thams cad du ni zos pas 'byung / /dper na bud med byis pa yis/ /gtam la rjes mos smra ba yi/ /'du ba'i gtam ni brjod pa ste/ /lam 
yang 'ching ba med par brjod/ /de lta'i cho gas rnal 'byor pa'i/ /legs pa'i lam ni ston pa'o/ /de nas rnal 'byor pa dang / rnal 'byor ma dang / mkha' 'gro ma dang / mkha' 'gro bye ba phrag brgyad cu dang / byang chub sems dpa' dang / de bzhin gshegs 
pa'i dge 'dun du ma'i 'khor thams cad dga' zhing mgu ba'i sems kyis de bzhin gshegs pa thams cad kyi ye shes thams cad kyis thob par gyur to/ /byang chub sems dpa' sems dpa' chen po rdo rje snying po la sogs pa thams cad dang / lha dang / 
klu dang / gnod sbyin dang / dri za dang / thams cad dang ldan pa'i 'khor de dag bcom ldan 'das kyis gsungs pa la mngon par dga'o/ /rgyud thams cad kyi gleng gzhi dpal yang dag par sbyor ba las byung ba de kho na nyid thams cad kyi gleng gzhi brtag 
pa'i rgyal po chen po ste bcu pa rdzogs so// //rgyud kyi rgyal po 'di ni paN+Di ta gA ya d+ha ra dang / bdag nyid chen po 'brog mi shAkya ye shes kyis bsgyur ba las/ slad kyis thams cad mkhyen pa bu ston zhabs kyis rgya dpe rtsa 'grel dang bstun nas hor 
kong bas bas shing 'gyur bcos legs par mdzad pa las bris so// 

  
</font><hr>

</table>