D416

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>D416</h1><td>(<a href="https://adarsha.dharma-treasure.org/kdbs/degekangyur" target="new2">e-text produced by ADARSHA</a>)<br><br><a href="verif2.php?id=D416&coll=derge">see text in Tibetan script</a></table>79-1-263b<br><font size=+1>

@##/ /rgya gar skad du/ shrI badzra ma hA kA la kro d+ha nA tha ra ha s+ya sid+d+hi b+ha ba tan+t+ra nA ma/ bod skad du/ dpal rdo rje nag po chen po khros pa'i mgon po gsang ba dngos grub 'byung ba zhes bya ba'i rgyud/ dpal he ru ka la phyag 'tshal lo/ /de nas bcom ldan kun mkhyen pa'i/ /ye shes mngon par mkhyen 
pa yis/ /bdud kyi dkyil 'khor 'joms byed pa/ /bka' yi 'khor lo bshad par bya/ /de bzhin gshegs pa thams cad kyi thogs pa med cing gdon mi za ba bde ba chen po zhes bya ba'i ting nge 'dzin la snyoms par zhugs nas 'di skad ces gsungs so/ /ji srid 'khor ba'i gnas su ni/ 
kun mkhyen bde gshegs bzhugs gyur pa/ /mya ngan 'da' bar mi mdzad cing / /de srid mtshungs med sems can don/ /rgyun mi 'chad par 'gro ba kun/ /srid pa'i zhags pas 'jigs med par/ /byams pa'i thugs kyi brtson 'grus kyis/ /rtag tu sems can don rnams mdzad/ /nam mkha'i 
khams kyi mtha' thug par/ /smon lam rnam par sbyong byed cing / /snying rjes don brtson sems kyis ni/ /dpa' bos srid pa sbyong bar mdzad/ /sna tshogs gzugs can nor bu bzhin/ /'di ni rgyud rnams kun du yang / /kla klo'i skad kyis sbas pa ste/ /'khor ba'i sdug bsngal 'joms pa po/ /
rdo rje sems dpa' mnyam gyur pa'i/ /rdo rje slob dpon bdag nyid che/ /myur du dngos grub ster byed pa/ /'phral du yang dag yid ches byed/ /bsam pa gang dang gang dag gis/ /mi rnams sems dang mthun par 'jug /de dang de yi gzugs sprul te/ /sna tshogs g.yogs te bde bar 
bzhugs/ /de phyir 'bad pa du ma yis/ /sna tshogs tshul gyis mthun par bya/ /bdag nyid sangs rgyas he ru ka /dpa' bo rnal 'byor ma tshogs can/ /rang gi lha yi rab sbyor bas/ /bdag nyid ye shes mchog 'grub 'gyur/ /'di yis rgyal ba rgya mtsho dang / /dkyil 'khor ba dang zhing skyong 
tshogs/ /gdod nas grub pa'i dur khrod gnas/ /mkha' 'gro'i dbang phyug mgon po che/ /sku gsung thugs dang phrin las tshogs/ /ye shes yon tan rigs kyi lha/ /nag po chen po 'khor dang bcas/ /lha mo chen mo bka' 'bangs bcas/ /rdo rje 'dzin pas dus kun du/ /sgyu ma lta bu'i 

</font><hr>79-1-264a<br><font size=+1>

ting 'dzin gyis/ /phyi nang gsang ba'i mgon po che/ /bde ba chen po'i rol pa yis/ /ye shes gsang ba bsam mi khyab/ /tshe 'di nyid du 'grub 'gyur zhes/ /bcom ldan rdo rje can gyis gsungs/ /thams cad nam mkha'i mtshan nyid de/ /nam mkha' la ni mtshan nyid 
med/ /khams gsum po ni ma lus pa/ /'gro kun sgyu ma lta bu yin/ /brtan pa dang ni g.yo ba yi/ /'gro ba dmigs su med pa ste/ /mthong ba dang ni thos la sogs/ /thams cad sgyu ma lta bur 'char/ /gang gis skye bo 'ching gyur pa/ /de nyid yongs shes rnam par grol/ /phyag rgya'i 
sbyor ba 'di yis ni/ /sa gsum bde ba chen por bsgyur/ /nyon mongs med na ye shes med/ /nyan rang byang chub lam las ring / /phung po khams dang skye mched dang / /'byung ba bzhi la sogs pa rnams/ /thams cad gdod nas dag pa yi/ /ye shes chen po'i byin brlabs kyis/ /dngos 
bo du ma gsal bar snang / /ye shes med par skye mi 'gyur/ /sangs rgyas ye shes kyis rab bskul/ /de bas bla med rgyud 'di ru/ /'bad de dad pa bskyed par bya/ /gsang ba'i sdom pa bla na med/ /dang po bla ma'i dam tshig dag /thob pas rgyu dang 'bras bu 'byung / /sku gsung thugs kyi rang 
bzhin te/ /brtan pa dag ni longs spyod yin/ /nges par brtan pa mya ngan 'da'/ /rnal 'byor gyi ni dam tshig gnas/ /brda yi sbyor ba gsang ba dang / /dbang bskur bas ni dngos grub ster/ /bla ma de bzhin gshegs pa dang / /rgyal ba byang chub sems dpar bcas/ /dkyil 'khor 
bdag po bla na med/ /sngags pa gsang ba 'dir zhugs gang / /yang dag bla ma bsten par bya/ /'dir ni byang chub sems kyis ni/ /bsnyen pa nye bar bsnyen pa dang / /bsgrub pa bsgrub pa chen po yi/ /khyad par rim pa rtags dang dus/ /las la sbyar ba shes par bya/ /ji srid las kyi sbyor ba 
yis/ /mgon po 'khor bcas mnyes gyur na/ /las dang dngos grub sna tshogs pa/ /myur du 'grub par the tshom med/ /dpal mgon po chen po dngos grub 'byung ba'i rgyud las gsang ba mngon par byang chub pa'i le'u ste dang po'o// //de nas bcom ldan 'das de bzhin 

</font><hr>79-1-264b<br><font size=+1>

gshegs pa thams cad dang / byang chub sems dpa' thams cad kyis bcom ldan 'das rdo rje 'dzin pa'i gsung rmi lam lta bur nye bar gsan te/ gsung rdo rje'i tshig 'di gsungs so/ /rdo rje 'dzin pa gang zhig gis/ /sgyu ma brag cha'i sgra brnyan ltar/ /yid 'ong dben pa'i gnas dag tu/ /dngos 
grub thams cad bsdus pa sgrub/ /bskal pa bzang po 'di la ni/ /byung ba'i mgon po ma lus pa/ /kun gyi snying pos gyur pa ni/ /gsang ba zhing skyong mgon po che/ /sangs rgyas kun gyi mgon po 'dis/ /bstan pa bsrung bar mdzad pa yin/ /zhes gsungs so/ /de nas byang chub sems dpa' 
sems dpa' chen po kun tu bzang po la sogs pa dang / rdo rje 'dzin pa la sogs pas bcom ldan 'das la 'di skad ces gsol to/ /gang du rdo rje'i theg pa che/ /gsang ba bsdus pa'i yang dag lam/ /sangs rgyas bstan pa srung byed pa'i/ /snying po 'bras bu lam byed pa/ /snyigs ma lnga 
ldan dus nyid du/ /'dren pa ye shes bstan pa bsrung / /'di nyid gsang ba'i sgrub pa gang / /rdo rje'i theg pa 'dir bstan gsol/ /de skad ces gsol ba dang / de nas bcom ldan 'das rdo rje 'dzin pas bka' stsal pa/ shes rab snying rje zung 'jug pa/ /ting 'dzin gang du sgom gyur pa/ /
bla med dkon mchog bstan pa ste/ /rgol ba ngan pa bzlog par mdzad/ /thub pa mchog gi bstan pa la/ /'dzin dang skyong dang srung ba gsum/ /lnga brgya dus kyi snyigs ma la/ /bdag tu 'dzin pa spong bar mdzad/ /sku gsum ye shes lnga ldan par/ /gsang ba gcig pu bsgrub par bya/ /zhes 
bka' stsal to/ /gsang ba'i bde ba chen po dbyings la rab tu bzhugs pa bcom ldan 'das dpal he ru ka rdo rje rang rig pa'i rnal 'byor ma'i tshogs kyi dkyil 'khor chen po'i dbus su sangs rgyas thams cad kyi lhun gyis grub pa'i gnas gsang ba rang byung bla na med pa'i rdo rje rab tu rgyal ba'i snying po 
mi phyed pa'i rdo rje'i ting nge 'dzin la snyoms par zhugs te/ sku gsung thugs rdo rje'i snying po ye shes kyi dngos grub sgrub cing bdud kyi g.yul las rab tu rgyal bar byed pa zhes bya ba'i chos mi zad pa yang dag par 'byung ba zhes bya ba ston par mdzad do/ /rdo rje gzhi la gnas pa'i cha/ /gter gyi bum pa kha 

</font><hr>79-1-265a<br><font size=+1>

khyer ldan/ /dus kyi rgyal po 'od gsal ba/ /chu 'dzin phyogs tsam phyed ldan nyid/ /sgra dang sgra las khyab pa ste/ /du ma ma yin gnas pa'i yul/ /dam tshig gsang ba 'byung ba las/ /rgyal ba rin chen 'bar ba'i gtso/ /phyogs dus med par rang byung ba/ /chos 'byung 
pho brang dkyil 'khor du/ /rigs kyi yon tan ldan par ni/ /nam mkha'i rgya mtsho 'bras ldan pa/ /phun sum tshogs pa lhun gyis grub/ /mi phyed lhan cig skyes pa rgyal/ /pho brang gsang ba'i gzhal yas khang / /dkyil 'khor rin chen 'od 'khrug pa/ /ge sar pad+ma'i dbus su ni/ /kun 
nas zlum por 'khor ba ni/ /tshad med phreng bas brgyan pa ni/ /bkod pa dpag med rim par ldan/ /ri rab lhun po mchog byung ba'i/ /de nyid kun nas yongs bskor ba'i/ /rgya mtsho dang ni ri rnams te/ /shin tu mnyam zhing mtshungs par 'khor/ /de nyid rim pa yongs su brtan/ /bye brag mtshungs 
med dmar chen mtsho/ /rim pas chu gter 'o ma'i gnas/ /'byung ba bsdus pa mi lus kyi/ /phung po rus pa'i ri bo la/ /phyi nang mnyam pa'i tshang can gyi/ /lhun gyis grub par bstan pa yin/ /de las dngos po sna tshogs kyis/ /tha dad snang ba ye shes gzugs/ /rang byung bde ba chen po 
nyid/ /mnyam pa med pa kun tu 'byung / /dus gsum de bzhin gshegs pa yi/ /'byung gnas snying po rdo rje'i gdan/ /rdo rje skyil krung mi phyed las/ /thog mtha' med pa'i rang bzhin can/ /gsang ba chen po'i rigs dag pa'i/ /'dod chags rdo rje'i skur ldan pa/ /lho phyogs bya rkang ri dang 
ni/ /dpal gyi ril mdun phyogs pa/ /d+hA na ka Ta par pa ta/ /pad+ma ge sar rgyas pa'i dbus/ /chos kyi 'byung gnas rtag par gnas/ /dpal ldan dga' ba'i khang pa brtsegs/ /gsang ba sngags kyi rgya mtsho yi/ /ma lus rgyal ba bgrod pa'i yul/ /gsang ba chos kyi dbyings chen 
bo/ /dpal ldan rgyu skar dkyil 'khor du/ /kla klo'i yul gyi mi rnams dang / /lha dang lha min dri zar bcas/ /gsang chen yongs su rdzogs pa yi/ /rang byung ye shes pho brang du/ /tshangs dbang khyab 'jug dbang phyug bdag /dkyil 'khor sgo bzhor bcug nas kyang / /skye bo chags can 

</font><hr>79-1-265b<br><font size=+1>

rab 'dul phyir/ /mchog tu gyur pa'i snying po gsung / /phyogs bcur gnas kyi sangs rgyas dang / /byang chub sems dpa'i tshogs rnams dang / /dpa' bo rnal 'byor dbang phyug tshogs/ /gang gA'i klung gi bye snyed kyi/ /khrag khrig ri rab rdul mnyam pa/ /de dbus seng ge'i khrir bzhugs 
pa'i/ /thub pa'i rgyal po de bzhin gshegs/ /rdo rje 'dzin pa chen po la/ /rdo rje snying po sems dpa' che/ /bla gos phrag pa gcig gzar te/ /pus mo'i lha nga sa la btsugs/ /thal mo sbyar te 'di don zhus/ /gsang chen khyad par 'phags pa yi/ /lhun gyis grub pa'i phyag rgya che/ /
mi 'gyur rdo rje theg pa'i lam/ /dus dang gnas dang gang zag ste/ /spyod yul bstan pa'i khyad par gyi/ /grub dang sgrub pa phrin las tshogs/ /thabs dang stobs dang 'jug pa ste/ /rim pa mngon byed rgyur ldan pa/ /de nyid bcom ldan gsung du gsol/ /zhes gsol to/ /de nas bcom 
ldan 'das rdo rje 'dzin pas bka' stsal pa/ bla ma sangs rgyas bstan pa la/ /dga' zhing mgu la rab dang ba'i/ /sems dpa' chen pos gsang ba'i don/ /rab tu zhus pa legs so legs/ /shin tu rmad du byung ba yi/ /gdul dka' ma lus gdul don du/ /byang chub sems kyi ye 
shes mdzod/ /khyod la yang dag bstan par bya/ /de nas dngos grub thams cad kyi/ /grub pa rab tu ster byed pa/ /rgyal ba kun gyi snying po ste/ /gsang ba las kyi rim pa nyid/ /dus gsum sangs rgyas thams cad kyi/ /bstan pa bsrung zhing bka' la gnas/ /dam tshig 'dzin pa'i zhing 
skyong la/ /mgon pos bcu'i dbang phyug gtso/ /dpal ldan rig 'dzin thams cad la/ /mchog tu gyur pa'i las sgrub pa/ /dpal ldan nag po chen po ni/ /'dis ni lha min 'dus pa yi/ /g.yul las rgyal bar byed pa yin/ /lha srin sde brgyad ma lus pas/ /mchod 'os gtso 
bor gyur ba yin/ /dpal ldan lha mo chen mo dang / /nag mo re ma tir gyur pas/ /lcam dral gyur bas bstan pa bsrung / /sku dang gsung dang thugs gsang ba/ /phyi nang de nyid kho na'i don/ /yon tan phrin las dbang phyug tu/ /dam tshig mgon po zhing skyong ba/ /nyi shu rtsa bzhi'i gtso bo ste/ /

</font><hr>79-1-266a<br><font size=+1>

gzhan yangs gsum dbang byed pa'o/ /dpal mgon po chen po dngos grub 'byung ba'i rgyud las gsang ba spyi la dgongs pa'i le'u ste gnyis pa'o// //de nas gsang ba bshad bya ba/ /'di nyid bla med sgrub pa po/ /'khor ba'i rgya mtshor lhung ba yi/ /sems can duH
kha gzigs nas ni/ /ji lta ji ltar grol 'gyur ba/ /de dang de yi thabs ston mdzad/ /dus ni bskal pa bzang po yi/ /rdzogs ldan tha mar gyur pa yi/ /dpag med dus las 'das nas ni/ /gnyis ldan dang ni gsum ldan las/ /rtsod pa'i dus kyi rim pa la/ /bcom ldan tshe lo brgya ba'i 
dus/ /de nyid bstan pa'i snyigs ma yi/ /lnga brgya pa yi dus kyi mthar/ /shin tu gdug cing rtsub pa yi/ /mi srun pa yi dus kyi tshe/ /de tshe mgon po'i bstan pa 'byung / /gang zag la yang gnyis su bshad/ /bsgral bar bya ba'i gang zag dang / /sgrol bar byed pa'i sgrub po ste/ /dang po 
bstan pa 'jig byed cing / /dkon mchog gsum po smod pa dang / /bla ma la sdang bdag la smod/ /de dag la sogs bya bar bshad/ /sgrub pa po ni rnam pa gsum/ /he ru ka dpal rnal 'byor ma/ /dag cing sbyangs te ting 'dzin gsal/ /rim pa go 'phang thob pa ste/ /thun mong spyi 
dang bye brag tu/ /dam tshig gnas pa'i rdo rje 'dzin/ /gnas kyi khyad par 'byung ba yang / /bsnyen pa'i dus dang bsgrub pa dang / /las la sbyar ba'i dus shes pas/ /yid 'ong dben dang dur khrod sogs/ /bsam gtan 'phel dang khyad par ro/ /yul dang dbang po'i spyod yul du/ /
mthong ba dang ni thos pa dang / /reg pa dang ni dran pa yis/ /dkyil 'khor pa yi snang ba dang / /ma lus dngos po gang shar ba/ /bde ba can du shes par bya/ /bstan pa kun las bsdus pa ni/ /byang chub sems dpa'i lam las kyang / /gsang ba 'bras bu lam byed pa/ /rdo rje theg pa 'di 
nyid de/ /bstan pa 'dzin skyong srung dang gsum/ /'di ni khyad par bsrung ba yin/ /grub pa bsnyen pa'i ting 'dzin dang / /nye bar bsnyen pa'i ting 'dzin dang / /dpal ldan khrag 'thung ye shes che/ /rnam dag mtshan nyid kun grub pa/ /bde ba'i bsod nams rgyun gnas pa/ /rnam dag stobs 

</font><hr>79-1-266b<br><font size=+1>

ni rgyas par byed/ /bsnyen pa'i dus su rang lha yi/ /he ru kar ni gnas pa yi/ /mdun du bka' sdod dam tshig gi/ /mgon po phyag bzhi bsgom par bya/ /de nas thugs ka'i rang sngags las/ /'od 'phros 'khor ba'i bzlas pa las/ /khyad par du ni sgra bcas dang / /shin tu dal bar 
bzlas pa bya/ /nye bar bsnyen pa'i dus su ni/ /bdag nyid he ru ka las ni/ /hU~M phyung mdun du 'od 'phros pas/ /bskyed cing mthar ni nye bar bsdu/ /sgrub pa'i dus su mgon po yi/ /rgyas 'debs spyi bor he ru ka/ /de nyid gsang sngags phyogs bcas pa/ /de nyid sems dpa' sum 
brtsegs bsam/ /gsang ba zhing skyong rgyal po che/ /cho ga gsum gyis sgrub pa'i tshul/ /'jig rten 'jig rten 'das pa'i bdag /thams cad bde chen gnas pa la/ /dus gsum 'khor lo gsum du gnas/ /brtul zhugs 'dzin pas 'thob par 'gyur/ /sgrub pa chen po bla na med/ /ye 
shes mgon po chen po nyid/ /khwa gdong la sogs lha mo brgyad/ /rim pa bzhin du yongs su bskor/ /dkyil 'khor pho brang dbus su yang / /dur khrod du ni mgon po rol/ /'jig rten gsum na rnyed dka' ba/ /dam tshig spyod pa'i rang bzhin ni/ /rtag tu rang sngags sbas pa ste/ /rab tu 
'bad de gsang bar bya'o/ /phrin las khyad par gang yin pa/ /las la sbyor ba rim shes bya/ /rengs par byed dang skrod pa dang / /rmugs par byed dang brgyal du 'jug /rnam par rmongs dang lkugs par byed/ /dug gis 'dzin dang 'on long dang / /rang sha rang gis za byed cing / /gshis 
dan dug dang khrag tu skyug /'di dag dus min 'chi byed pa/ /las kyi khyad par yongs su bstan/ /char dbab pa dang sprin dral dang / /thog dang ser ba dbab pa dang / /rang phyogs su ni bzlog cing bsrung / /byad ka bzlog dang ngag bcing dang / /nus pa gzhom dang cho 'phrul dang / /phran 
tshegs las kyi gsang ba'o/ /thabs ni las kyi rim pa ste/ /rten gyi gang zag 'ga' zhig gis/ /dang por bla ma mnyes par bya/ /gnyis par dbang bzhi thob pa dang / /gsum par byin gyis brlabs nas ni/ /bka' bsgo'i rjes gnang tshul bzhin du/ /ma nor 'jug pa'i go rims shes/ /

</font><hr>79-1-267a<br><font size=+1>

rten tshul khyad par shes par bya/ /stobs ni chos rnams thams cad la/ /sgyu ma lta bur shes pa dang / /yang dag bden pa'i stobs kyis ni/ /rang bzhin med par rtogs pas 'byung / /'jug pa thun mong ma yin pa/ /byams pa snying rje byang chub sems/ /tshad med bzhi 
dang ldan pa yis/ /'gro ba'i don la sems pa po/ /mngon du byed pa nyer sgrub ste/ /dus dang grangs dang mtshan ma ste/ /dang po bar dang tha mar yang / /gtso bo dang ni 'khor rnams kyi/ /gang grub rab 'bring tha ma ru/ /rtags kyi dbye ba bstan pa yin/ /rgyu ni thogs pa med pa yi/ /rten 
cing 'brel bar 'byung ba ste/ /mngon sum du ni 'byung ba la/ /gang gis dgag par mi nus pa/ /de las 'bras bu phun sum tshogs/ /snying po smin pa bzhin du 'byung / /gang du thogs med rdo rje yi/ /snying po zad pa med pa'i don/ /yang dag ye shes snang ba po/ /bla ma'i drin las thob 
par 'gyur/ /dpal mgon po chen po dngos grub 'byung ba'i rgyud las gsang ba'i rim pa bstan pa'i le'u ste gsum pa'o// //de nas dbang ldan bdud 'joms pa'i/ /sgrub pa yang dag rab tu bshad/ /gsang ba'i mgon po chen po yi/ /sbas pa'i yum dang bcas pa yi/ /
gsang ba mkha' 'gro ma bzhi dang / /lhan cig tu ni dgyes par rol/ /zhal gcig pa la phyag bzhi ba/ /gdul dka' 'dul ba'i dpa' bo ni/ /zhal gcig pa la spyan gsum pa/ /mi thung khros pa ut+pal mdog /mgo skyes gyen 'greng rngam pa'i sku/ /ro yi gdan la bzhugs 
mdzad cing / /klu brgyad rgyan gyis brgyan pa po/ /khros pas char sprin nag po ltar/ /me stag phung po lta bu yi/ /spyan gsum drag po'i lta bas gzigs/ /glang po'i tshul can stobs ldan pa/ /rgyu ma'i do shal dbyangs pa yi/ /mi mgo rlon pa'i phreng bas bklubs/ /shin tu mi srun sgeg 
pa'i sku/ /bdud 'dul chen po lha yi lha/ /nyams ldan gzi brjid phun sum tshogs/ /ma rig mun sel sgeg pa'i nyams/ /rmad byung chos sgrogs bzhad par ston/ /brtul zhugs spyod pa dpa' bo ste/ /gdug pa 'dul mdzad 'jigs par ston/ /log lta spong byed gtsigs pa'i 

</font><hr>79-1-267b<br><font size=+1>

nyams/ /gdug pa tshar gcod snying rjes khros/ /ngo mtshar nyon mongs 'joms mdzad cing / /khro chags mi g.yo zhi ba'i thugs/ /g.yas kyi dang pos gri gug bsnams/ /g.yon gyi dang pos thod khrag 'dzin/ /g.yas kyi gnyis pas ral gri 'debs/ /g.yon pas kha T+wA~M 'dzin par 
mdzad/ /gsung gis ha ha zhes sgrogs pa/ /log par lta ba 'joms par mdzad/ /stag gi pags pa'i sham thabs can/ /sna tshogs chu skyes nyi mar bcas/ /rang byung rol pa'i stabs kyis gnas/ /de yi mdun du gtum pa mo/ /lha mo zhal gcig phyag gnyis ma/ /mun 
pa'i mdog can zhal gcig ma/ /phyag gnyis spyan gsum khro tshul can/ /gri gug thod pa bsnams par mdzad/ /yab la phyag rgya drug gis brgyan/ /yum la lnga yis rgyas btab gnas/ /sku dang gnyis med 'khril bar bzhugs/ /me 'od phreng bas yongs su bskor/ /ye shes 
rgya mtsho'i 'khor srungs ma/ /shar phyogs mkha' 'gro 'phrog ma dang / /lho phyogs glang sna ma zhes bya/ /nub kyi srin mo ral pa can/ /byang dus yi gtsug yin no/ /gang du rgya mtsho chu ngogs dang / /nag po'i chu dang 'dra ba'i sku/ /ma rungs 'joms byed nag po che/ /'bad pas snying rje 
bskyed pa nyid/ /gsad par bya ba brjod pa nyid/ /snying rje med na mi 'grub pas/ /de phyir snying rje bskyed par bya/ /mtshams med lnga ni byed pa dang / /sangs rgyas bstan pa 'khrug byed pa/ /zhe sdang rigs kyi ting 'dzin gyis/ /re zhig tsam du gsad par bya/ /gzas pa'i shal rtag tu 
rol/ /kun tu gtum pa'i shugs 'chang ba/ /yul dang yul du rol byed pas/ /shing rnams la ni gnas nas kyang / /dkyil 'khor zhing rnams skyong bar byed/ /dur khrod gnas kyis yongs su bskor/ /ma mo'i gnas sogs khyab par byed/ /klu yis mchod pa'i zhing skyong ba/ /
me yi phye mas yongs su bskor/ /sgo dang mig gis khyad par 'gyur/ /gtso bo'i sngags kyis lus can te/ /sgrub pa po yi lus la gnas/ /de dag rim par dus bstan pa/ /dam tshig ldan pa'i sngags pa yis/ /sgrub pa'i rdzas rnams khyad par las/ /'bru nag gtor ma rab 

</font><hr>79-1-268a<br><font size=+1>

tu shis/ /sha chen gyis ni brgyan pa yi/ /tshogs rdzas pU dza gus pas dbul/ /phyi nang gsang ba khyad par las/ /bstan pa'i tshul gyis phrin las las/ /bye brag rgyun dang gnas skabs pa/ /grub dang sgrub pas mngon du 'gyur/ /dus rnams kun tu zhe sdang 
gis/ /rnam pa kun tu gzhom mi bya/ /yul min pa la gsad bya na/ /rnal 'byor dam tshig las nyams phyir/ /grub pa nam yang yod mi srid/ /khyad par ye shes bla med pa/ /dam tshig mgon po sgrub pa yi/ /dam tshig 'di ni rmad po che/ /bde bar gshegs pa'i lam sbyor mdzad/ /
byang chub sems kyi zla ba 'di/ /yar ngo mar ngo rab tu gnas/ /yar ngo yis ni skyed byed la/ /mar ngo la ni 'grib par byed/ /yar ngo yi ni bcwa lnga la/ /byang chub sems kyi mkha' 'gro yang / /bde ba chen por 'du bar mdzad/ /'di ni nges pa'i don du gsungs/ /dkyil 'khor lha 
nyid lus nyid yin/ /gzhan du lha dang dkyil 'khor ni/ /btsal yang rnyed par mi 'gyur zhes/ /'dren pa dpa' bos rtag tu gsungs/ /sku gsung thugs kyi gsang ba la/ /drag po kun gyi srog gyur pa/ /yon tan phrin las dbang phyug gi/ /phyi nang gsang ba'i bdag po yin/ /
ston pa gnas pa'i rang bzhin las/ /'khor lo dgug bya gnyis med bstim/ /dngas snyigs las ni rgyu 'bras dang / /gnas pa khyad par rten 'brel te/ /'khrul dang 'khrul pa ma yin pa/ /khams gsum kun la dbang byed pas/ /'jig rten las dang ye shes kyi/ /mgon po'i 
khyad par mngon du 'byung / /gdags pa tha snyad khyab pa po/ /thun mong bar ni bstan pa yin/ /'di dag las dang skye bo las/ /sgrib pa thun mong lha yi cha/ /dngos dang brgyud pas lung bstan pa/ /srog dang srog ma yin pa ste/ /rgyu dang rkyen dang bskul ba yis/ /gsang sngags 
bzlas pa mngon par phye/ /'di ni mngon du 'byung ba'o/ /dpal mgon po chen po dngos grub 'byung ba'i rgyud las gsang ba mngon par 'byung ba'i le'u ste bzhi pa'o// //de nas yang dag bshad bya ba/ /he ru ka dpal mgon nyid kyi/ /gsang ba'i sprul pa nag po che/ /'di 

</font><hr>79-1-268b<br><font size=+1>

yi sgrub rim bshad par bya/ /gsang ba'i sgrub pa'i thabs mchog ste/ /skal ba can la sbyin par bya/ /gang du sgrub pa'i sa phyogs su/ /mi mthun g.yeng ba spang byas nas/ /de nas nag po bsgrub par bya/ /'gro ba kun la rab bltas nas/ /tshad med byang chub sems kyi blos/ /
snying rje chen po bskyed byas nas/ /bde ba'i stan la 'dug nas ni/ /lhor bltas skra grol gcer bu yis/ /dang por skad cig tsam gyis ni/ /rang lhar bskyed pa'i snying ga ru/ /a las zla ba'i dkyil 'khor yang / /bsil zhing 'od dang bcas pa bsam/ /de'i steng ra~M las nyi 
dkyil 'khor/ /rta bdun 'od zer tsha ba dang / /me yi rang bzhin 'phro ba bsam/ /de dbus yi ge hU~M nag po/ /ye shes lnga yi rang bzhin can/ /de yi 'od kyis snang ba las/ /dpag med kha dog bzhi bcas bsam/ /rang bzhin gnas su 'phros pa las/ /bla ma dang ni 
lhag pa'i lha/ /dkyil 'khor 'khor lo bcas pa dang / /nag po chen po 'khor dang bcas/ /mdun gyi nam mkhar bzhugs pa la/ /skyabs su 'gro dang mchod pa dbul/ /sdig pa bshags pa la sogs bya/ /bzod par gsol nas gshegs su gsol/ /de rjes dngos po 
thams cad kun/ /ma lus stong pa nyid gzhug cing / /o~M swa b+hA ba shud+d+hAHsarba d+har+m+mAHswa b+hA ba shud+d+ho \u0f85ha~M/ o~M badzra shud+d+hAHsarba d+har+m+mAHbadzra shud+d+ho\u0f85ha~M/ o~M yo ga shud+d+hAH sarba d+har+m+mA\u0f85yo ga shud+d+ho\u0f85ha~M/ zhes brjod par bya'o/ /phyi dang nang gi dngos po kun/ /gdod nas dag pa'i ngang du 
bsam/ /de nyid hU~M dang bcas pa yang / /nA da tsam du gnas pa las/ /nam mkha' lta bu'i ngang las ni/ /tshangs pa'i gnas bzhi khyab par bya/ /de las sa bon 'di dag ni/ /'chad bzhin pa las rim pas bsam/ /ya~M las rlung gi dkyil 'khor dang / /ra~M las me yi 
dkyil 'khor dang / kha~M dkar chu yi dkyil 'khor te/ /la~M las gser gyis gzhi nyid/ /de steng bru~M las ri rab 'byung / /de dag phyi nang ngo bo nyid/ /de dag steng gi cha la yang / /dbus su pa~M las pad+ma ni/ /sna tshogs pad+ma rgya che ba/ /lte ba ge sar bcas dbus su/ /ha 

</font><hr>79-1-269a<br><font size=+1>

las sna tshogs rdo rje ni/ /kha dog lnga dang ldan par bsam/ /de dbus ra~M las nyi ma yi/ /hU~M yig sa bon las byung ba/ /sa gzhi ma lus rdo rjer gyur/ /steng 'og phyogs mtshams rdo rje dang / /ral gri 'khor lo mda' dang ni/ /phur bu gri gug kha T+wA~M ga/ /rdo rje 
rtse gcig pa dang ni/ /rtse gsum nyi shu rtsa lnga'i bar/ /dum rnam par 'phros nas ni/ /shin tu rgya che bsam par bya/ /bla re ra ba sogs dang ni/ /gur gyi rnam par mtshams bcing bya/ /me 'od 'bar ba khyab par 'gyur/ /'di dag bsrung ba'i khyad par ro/ /bru~M las byung ba'i 
'khor lo ni/ /rtsibs bcu pa ni yongs su 'khor/ /de steng ra~M las nyi dkyil 'khor/ /de yi dbus su hU~M mdzad do/ /zhal gsum phyag ni drug pa ste/ /rin chen klu dbang rgyan dang ldan/ /rol pas rnam par sgeg par bsam/ /ra~M las nyi ma'i dkyil 'khor dbus/ /de steng hU~M 
bcu rnam par bsam/ /de las khro bo'i rgyal po bcu/ /zhal phyir gzigs pa rnam par bsam/ /khro bo de dag re re zhing / /phyogs skyong bcu bo gdan la ni/ /bkug nas gnyis med bzhugs par bsam/ /de las gsang sngags brjod tsam gyis/ /phur bus gdab dang brdung par 
bya/ /nges ni bla med mchog dag 'gyur/ /khro bo de dag re re zhing / /brtan par bya phyir gsang sngags brjod/ /o~M dkar 'khor lo dang bcas pa/ /'od ldan de las spros bsdus pas/ /bcom ldan rang bzhin yangs shing khyab/ /'od du zhu nas gzhal yas khang / /rin chen sna 
tshogs las grub pa/ /gru bzhi sgo dang rta babs bcas/ /rdo rje dang ni nor bu yi/ /'od zer 'khrugs pa'i rnam pa'o/ /pho brang nang ma zlum po la/ /re mig dgu pa rdo rjes bskor/ /phyi ni pad+ma mu khyud bcas/ /de yi nang na e yi dbyibs/ /drag po'i gnas su bsam par bya/ /dbus 
ma'i nang du ba~M las ni/ /pad+ma nyi zlar bcas pa bsam/ /A li kA li 'dus pa las/ /de las nam mkha'i sa bon te/ /nam mkha' las ni hU~M byung ste/ /gnyis med zhugs las 'od du zhu/ /de la rdo rje gri gug bsam/ /'od kyi snang bas khyab pa las/ /skad cig gis ni sku rdzogs pa/ /

</font><hr>79-1-269b<br><font size=+1>

nag po chen po bsam par bya/ /zhal gcig phyag bzhi 'jigs pa'i gzugs/ /dpa' bo chen po rol pas bzhugs/ /yab yum gnyis su med par bsam/ /de ltar yab yum rdzogs bskyed nas/ /mkha' gsang byin gyis brlab bya ste/ /sngags brjod pas ni dgyes pa bskyed/ /
de las dkyil 'khor lha tshogs rnams/ /yab yum snyoms par zhugs pa las/ /yum gyi mkha' dbyings bde chen du/ /so sor cho gas bskyed byas la/ /phyi rol du ni rim gyis 'byung / /dang por gtso bo'i rgyan dang bcas/ /rdzogs par phyung ste d+hU tI nas/ /gyen du thugs 
ka'i pad+ma las/ /'thon te 'gro ba'i don byas la/ /slar 'dus rang la thim gyur pa/ /dpal ldan snying rje'i stobs su gnas/ /de las rim pa ji bzhin du/ /phyung nas so so'i gdan la bzhugs/ /gtso bo'i phyogs bzhir mkha' 'gro bzhi/ /zhal gcig phyag ni bzhi pa ste/ /
gar stabs ldan pa'i lha mo ni/ /g.yas brkyang ba ni rnam par 'gying / /dpa' mo bde ba'i skur bskyed pa'o/ /mtshams bzhir thod pa bdud rtsis bkang / /sna tshogs pad 'dab la gnas pa/ /nyi ma la gnas mgon po ni/ /shar du sku yi mgon po dang / /lho ru yon tan 
mgon po dang / /nub tu gsung gi mgon po dang / /byang du las kyi mgon po ste/ /thams cad zhal gcig phyag gnyis pa/ /gri gug thod pa bsnams pa'o/ /so so'i g.yon du yum re re/ /gtum mo dang ni drag mo dang / /zlog byed ma dang dpa' mo ste/ /zhal gcig phyag 
gnyis rgyan dang bcas/ /de yi phyi yi gru chad la/ /bde 'dzin pa dang kha T+wA~M ga /gaN+DI 'dzin dang rgyal mtshan 'dzin/ /so so'i yum dang bcas pa ste/ /zhal gcig phyag gnyis 'bar ba'o/ /de yi phyi rol sgo dang grwar/ /lha mo brgyad po gar gyis rol/ /thams cad zhal gcig 
phyag gnyis pa/ /gar stabs ldan pas bzhugs pa'o/ /dkyil 'khor lha rnams rdzogs pa dang / /de nas gtso bo yab yum dag /snyoms par zhugs pas 'od du zhu/ /de nas lha mo bzhi yis ni/ /rdo rje tshad med dbyangs kyis bskul/ /e pa~M si ta u Da na nI bA/ dza tid+ha mad+ha 

</font><hr>79-1-270a<br><font size=+1>

ma/ g+ha ma g+ha ma a~M ka ma/ d+ha d+ha sha ri d+ha ra~M/ /sa ni sa sa sa ni ga ma sa sa sa/ /rig mo bum te sa ri sa ra sa ri ri sa ni sha/ /ma hA ma a d+ha ma sa sa/ /shru tra ni sA sa sA/ /sa ni sa ri ta g+ham a~M g+ha~M/ /a ta ma ta ya/ /sa sA pa pa/ /ma ya a ba sa d+he+e na a i/ 
de ltar bskul bar gyur pa las/ /de ltar nye bar gsan nas ni/ /thugs rje'i ngang las bzhengs mdzad de/ /nag po gsang ba'i bu dang bcas/ /shin tu 'jigs shing 'bar ba'i sku/ /bdud 'dul chen po rgyan dang bcas/ /spro ba dang ni bsdu bar mdzad/ /de nyid brtan dang 
mnyes par mdzad/ /sku gsung thugs ni rgyas gdab cing / /ye shes gzhug dang dbang bskur dang / /byin gyis brlabs dang mchod pa dang / /sngags kyis bsten phyed bzlas pa bya/ /bdud rtsi myang dang bstod cing bskul/ /ting 'dzin don bsam nyer bsdu bya/ /de nas ldang 
bar gyur pa na/ /gnyis pa lha rnams thams cad kun/ /skad cig gis ni rdzogs bya ste/ /de yi ngang la ting nge 'dzin/ /gsang ba khyad par rdzogs par bya/ /rnam rtog bag chags kyis bcings la/ /rtog pa dag pa'i thabs mchog ldan/ /rnam rtog rang bzhin yongs shes na/ /
de nyid thob tu med pa ste/ /bde ba chen po yang dag 'byung / /chags pa med pas kun du spyad/ /'di de'i rang bzhin rnal 'byor ba/ /rig ma rnams la rol byed na'ang / /de nyid shes la bcing med de/ /rnam par rol ba'i tshul mchog go/ /dpal mgon po chen po dngos 
grub 'byung ba'i rgyud las gsang ba lha'i gnas mngon par 'byung ba'i le'u ste lnga pa'o// //de nas yang dag bshad bya ba/ /gang du sngags kyi yi ge dang / /bzang po'i sngags kyi phreng ba 'di/ /rdza rnga bcings pa las shes bya/ /re mig bdun pa'i grangs 
kyis ni/ /kun nas mnyam par dgod par bya/ /mkhas pas dbyangs dang gsal byed ni/ /sde tshan rim pas phye ba nyid/ /kun nas bskor ba'i tshul gyis ni/ /rim pa bzhin du btu bar bya/ /sde tshan drug pa'i lnga pa ni/ /ha yi 'og nas gnas pa blang / /usma yi 

</font><hr>79-1-270b<br><font size=+1>

bzhi pa nyid/ /wa 'og gnas pa de nyid de/ /sde tshan gnyis pa'i dang po ste/ /pa yi steng na gnas pa blang / /an+tas+tha yi gsum pa ste/ /ya yi steng ma yang dag blang / /sde tshan brgyad pa'i bzhi pa ni/ /ma yi steng na gnas pa sbyar/ /sde tshan dang po'i gnyis pa nyid/ /nya 
yi 'og na gnas pa sbyar/ /sde tshan dang po'i lnga pa ste/ /Da yi 'og na gnas par sbyar/ /sde tshan dang po'i bcwa lnga pa/ /d+ha yi steng na gnas pa yi/ /zla tshes thig les brgyan par bya/ /sde tshan dang po'i bcu bzhi pa/ /de yi 'og ma'i yi ge la/ /dbyangs kyi bcwa lnga pa yin te/ /d+ha yi 
'og mas brgyan par bya/ /de nyid thog mar sbyin bya yin/ /sde tshan drug pa'i gnyis pa nyid/ /na yi 'og na gnas pa ste/ /bzhi pa yi ni thog ma gang / /ra yi 'og ma sbyar byas te/ /thog mar 'byung ba'i drug po ste/ /'di ni yid bzhin nor bu ster/ /tsha yi steng na gnas pa gang / /
b+ha yi 'og ma rnam par blang / /Ta yi steng mas brgyan par bya/ /ha yi 'og na gnas pa dang / /wa yi 'og ma gzung bar bya/ /pa yi steng ma nyid btu bya/ /ya yi steng na gnas pa las/ /nya yi steng mas las kun byed/ /ma yi steng gnas yi ge nyid/ /ra yi 'og ma sbyar byas la/ /
nyis 'gyur D+ha yi steng mas brgyan/ /tsa yi steng na gnas pa la/ /i yi steng ma drung du bzhag /'di ni dngos grub 'byung ba'i gnas/ /nga yi steng ma'i yi ge la/ /d+ha yi steng mas yang dag brgyan/ /rig byed mngon sum dang por gnas/ /ma lus ye shes skur gyur pa'o/ /
Sha yi 'og na gnas pa la/ /b+ha yi 'og ma'i yi ge dang / /Na yi 'og nas rab sbyin dang / /pa yi thog ma yang dag blang / /tha 'og Da 'og stan du sbyar/ /tsas par gnas yi ge dang / /dz+hA yi steng ma bdag po ste/ /sa yi bar na gnas pa bzung / /kha dang a yi bar gnas 
pa/ /ta yi 'og ma nya steng ldan/ /ma yi steng gnas r-irA~M 'og sbyar/ /thig les brgyan pa nyis 'gyur sbyar/ /tsa yi steng na gnas pa la/ /a yi steng mas brgyan pa drung / /'di ni sbas pa'i snying po ste/ /rang srog yi ger gsang ba'o/ /da yi steng ma'i yi ge la/ /d+ha yi steng 

</font><hr>79-1-271a<br><font size=+1>

mas brgyan par bya/ /sangs rgyas kun gyi ye shes che/ /snying po bzlas pa'i rig pa ste/ /bkra shis pa ni thog mar sbyar/ /na yi steng mas yang dag brgyan/ /dza yi gong ma d+ha steng sbyar/ /sa la bar gnas Da steng sbyar/ /thig le nA das brgyan par 
bya/ /na 'og d+ha steng mgo bor sbyin/ /'di las ma steng ri 'og ldan/ /thig le zla tshes dag gis mtshan/ /tsa yi steng na gnas pa la/ /ra yi 'og ma drung du sbyin/ /b+ha steng gnas pa la 'og sbyar/ /nya yi 'og ma yang dag ldan/ /sha sa bar gnas nya 'og sbyar/ /'di ni 
gsang ba'i bzlas pa ste/ /bya ba stobs ldan nyid yin no/ /gang du mngon par phyogs pa yi/ /dpal ldan nag po chen po yi/ /gsang sngags mchog tu gyur pa 'dis/ /stong dang brgya ba bcur 'gyur gyis/ /rigs ni dam pa'i sa la gnas/ /thob pa yul dang yul du gnas/ /pha 
yi 'og ma dang por blang / /ha yi 'og ma blang byas la/ /tha yi steng ma sbyin par bya/ /Da yi steng ma'i drung nyid du/ /sha yi thog mas brten par bya/ /pha yi steng ma btu bar bya/ /la yi steng ma'i yi ge la/ /Da yi steng mas stan du sbyar/ /nya yi steng ma nyis 'gyur la/ /phyi ma nya yi 'og 
mas brgyan/ /e yi 'og gyur bsdus pa la/ /sha yi steng ma drung du sbyar/ /la yi 'og ma rgyan du byas/ /nya yi 'og gis sbyin par bya/ /o yi 'og na gnas pa la/ /nya yi 'og mas brgyan par bya/ /da yi 'og mar gnas pa la/ /thig le nA da dag gis brgyan/ /da yi 'og 
ma'i yi ge la/ /u yi steng ma sbyin par bya/ /tsha yi steng na gnas pa gang / /b+ha yi 'og ma rnam par blangs/ /ta yi steng mas brgyan par bya/ /d+ha yi 'og ma gnas pa dang / /wa yi 'og ma gzung bar bya/ /sa yi steng ma nyid bsdus bya/ /ya yi steng na gnas pa las/ /nya yi 
'og mas de la brgyan/ /nya yi 'og ma kun gyi rten/ /sa yi steng ma blang bar bya/ /b+ha yi steng na gnas pa la/ /la yi 'og mas brgyan par bya/ /pha yi steng ma nyid de blang / /dz+nya yi 'og ma nga steng dang / /ba yi steng na gnas pa la/ /u yi steng ma yang dag blang / /e yi 'og 

</font><hr>79-1-271b<br><font size=+1>

gnas yi ge la/ /d+ha yi steng ma mgo bor sbyin/ /la tha bar gnas pa la yang / /Na yi steng mas brgyan par bya/ /ma steng thig le nA das brgyan/ /dz+ha 'og gnas pa'i yi ge la/ /da steng sa yi steng ma dang / /pha 'og ta yi 'og mas brgyan/ /dz+ha yi gong na gnas pa 
dang/ /ma yi steng ma sa steng gnas/ /ya yi steng ma nyid dang ldan/ /dz+ha 'og nya yi steng ma la/ /d+ha yi steng mas mgo bor brgyan/ /Da yi 'og ma sha steng ldan/ /thig le nA das brgyan pa'o/ /Da yi steng mas tsha nyid du/ /sha yi thog mas brten par bya/ /pha yi 
steng ma btu bar bya/ /la steng gnas pa Ta steng sbyar/ /nya yi steng du nyis 'gyur bas/ /phyi ma'i nya yi 'og mas brgyan/ /dbyangs yig dang po ka 'og can/ /sa steng gnas pa nyid dang yang / /u steng gnas pa yang dag bcas/ /sa steng gnas pa thig les 
brgyan/ /nya yi steng ma'i gnas pa la/ /e+e yi 'og gnas ga mdun gnas/ /ta yi 'og ma mgo bor sbyin/ /nga steng gnas pa Na 'og sbyar/ /la steng gnas pa Ta 'og bcas/ /la 'og zur gnas sbyar bar bya/ /b+ha yi 'og ma'i yi ge la/ /ma steng gnas pa 
stan du byas/ /sha'i 'og dza yi steng mar sbyar/ /Na 'og gnas pa nyid drung ste/ /b+ha steng gnas pa'i 'og mas brgyan/ /sha steng drung du sbyin par bya/ /la steng sha yi thog ma la/ /phyi ma nya 'og gnas pas mdzes/ /Ta 'og sha thog thig les brgyan/ /sha thog r-i 
yi 'og mas brgyan/ /ba thog la steng gnas pa sbyar/ /de la nya 'og sbyin par bya/ /b+ha steng gnas pa la 'og ldan/ /nya 'og dag gis yang dag mdzes/ /ka ga bar gnas pa nyid la/ /nyis 'gyur du ni bsdu bar bya/ /g+ha steng gnas pa de nyid la/ /nya 'og brgyan pa nyid du 
bya/ /ma yi thog ma Da 'og bcas/ /g+ha steng gnas pa nyid dang ni/ /wa 'og gnas pa Tha 'og sbyin/ /ha 'og Na yi 'og mar ldan/ /de yi nyis 'gyur shes par bya/ /kha 'og ma yi ge la/ /u r-i bar gnas sbyar bar bya/ /ma steng pha 'og 'og tu sbyin/ /de ni nyis 

</font><hr>79-1-272a<br><font size=+1>

'gyur sbyar bar bya/ /tsha yi steng ma pha thog drung / /Sha yi thog ma drung du gnas/ /de ni zung du sbyar bar bya/ /ma steng gnas pa sa thog drung / /nyis 'gyur rim par shes par bya/ /sha thog gnas pa wa thog drung / /lan gnyis su ni brjod par bya/ /ka 'og 
gnas pa pha stan pa/ /ba 'og stan du byas pa nyid/ /nyis 'gyur dag tu shes par bya/ /b+ha steng gnas pa Ta steng drung / /Sha yi 'og ma stan du byas/ /sha'i steng Da yi 'og mas brgyan/ /d+ha 'og i thog stan du sbyar/ /pha yi steng ma drung du bzhag /ha yi 'og ma Na 'og ldan/ /
pha thog drag por 'gyur ba'o/ /sha steng tha yi 'og mas brgyan/ /'di nyid rim pa mngon spyod pa'i/ /mA ra ya yi thog mar sbyar/ /ma yi steng gnas ri 'og sbyar/ /nyis 'gyur thig le nA das brgyan/ /tsa yi steng na gnas pa la/ /i yi steng ma brgyan pa drung / /b+ha thog tha 
thog gnas pa sbyar/ /de la nya yi 'og mas brgyan/ /ma steng gnas pa nya 'og ni/ /yang dag stan du bya ba'o/ /'di ni dri med bde ba'i gter/ /snying po gsang sngags 'di nyid ni/ /gang du gnas pa'i sa phyogs su/ /nag po chen po 'khor dang bcas/ /ma lus zhing skyong 'khor 
dang bcas/ /dur khrod ro la ce sbyang dang / /sha za'i tshogs rnams 'du ba bzhin/ /nges par 'du bar byed pa ste/ /bstan pa rgya mtsho srung byed pa'o/ /dpag tshad brgyad khri'i bar du ni/ /de yi bgegs rnams ma lus pa/ /til 'bru tsam du byed par mdzad/ /snying po 'di ni zlos byed 
cing/ /gang du nyi ma gcig tu yang / /ma chad mngon par sems pa yi/ /he ru ka dpal rnal 'byor la/ /'jigs pa kun las srung ba dang / /zhi ba dang ni rgyas pa dang / /de bzhin dbang dang mngon spyod la/ /thogs pa med par 'grub par 'gyur/ /ji srid mtshan ma ma byung gi/ /
bar du 'bad de bsgrub par bya/ /mtshan ma byung nas bla ma yi/ /man ngag bzhin du las la sbyar/ /dpal mgon po chen po dngos grub 'byung ba'i rgyud las gsang ba sngags kyi le'u ste drug pa'o// //de nas gzhan yang bshad bya ba/ /yang dag ye shes bskyed pa po/ /

</font><hr>79-1-272b<br><font size=+1>

gdug pa ma lus 'dul mdzad pa/ /gtum po de yi gsang ba'i yum/ /lha mo bzhi dang bcas pa yi/ /gsang sngags btu ba bshad par bya/ /dbyangs yig bcu bzhi pa dag la/ /thig le nA das rnam par brgyan/ /rig byed mngon sum dang por gnas/ /drug pa yi ni lnga pa 
dang/ /mthar gnas pa yi bzhi pa dang / /bdun pa yi ni dang po nyid/ /an+tas+tha yi gsum pa ste/ /dang po'i gsum pa thog tu sbyin/ /lnga pa'i lnga pa gsum pas brgyan/ /gnyis pa yi ni dang po la/ /an+ta s+tha yi gsum pas brten/ /dbyangs kyi bcu gsum pa yis brgyan/ /
drug pa yi ni dang po dang / /dbyangs kyi dgu pas gnas der sbyar/ /gnyis pa yi ni dang por dang / /an+ta s+tha yi gsum pa dang / /de nyid kyi ni gnyis pa dang / /lnga pa yi ni dang po la/ /dbyangs kyi bdun pas steng 'og sbyin/ /lnga pa yi ni lnga pa la/ /dbyangs kyi gsum pa mgo bor sbyin/ /
gsum pa yi ni dang po la/ /drung du lnga pa'i lnga pa sbyar/ /lnga pa'i bzhi pa dag dang sbyar/ /dang po'i dang po'i drung du ni/ /gnyis pa'i gsum pa sbyar ba dang / /mthar gnas las kyang phyi ma yi/ /de la dbyangs kyi gsum pas brgyan/ /an+ta s+tha yi dang po la/ /dbyangs yig bcu 
gcig pa yis brgya/ /brgyad pa yi ni bzhi pa la/ /dbyangs yig drug pa dag gis brgyan/ /thig le nA das mdzes pa'o/ /drug pa yi ni gnyis pa nyid/ /bzhi pa yi ni thog ma sbyar/ /'di ni gsang ba'i gtum pa mo/ /drag cing shin tu cher 'jigs byed/ /yid bzhin nor 
bu'i rigs 'dzin gter/ /bkra shis pa ni thog mar sbyar/ /mthar gnas pa yi bzhi pa la/ /dbyangs yig bdun pa steng 'og sbyar/ /thig le nA das mdzes pa yin/ /usma Sha yi bzhi pa la/ /dbyangs yig drug pa dang sbyar ba/ /an+ta s+tha yi gnyis pa sbyar/ /de nyid thig 
les mdzes par byas/ /gnyis pa'i dang po blang byas la/ /dbyangs kyi dgu pa blang ba nyid/ /drug pa yi ni lnga pa la/ /usma Sha yi bzhi pa dang / /gnyis pa yi ni dang po dang / /dbyangs yig bcu ba sbyar bar bya/ /bdun pa yi ni gnyis pa dang / /gnyis pa yi ni dang po dang / /

</font><hr>79-1-273a<br><font size=+1>

lnga pa'i dang po btu par bya/ /drug pa yi ni lnga pa la/ /dbyangs yig bcwa lnga pa yis brgyan/ /gnyis pa'i lnga par gnas pa'o/ /mthar gnas pa yi gsum pa dang / /lnga pa yi ni lnga pa dang / /drug pa yi ni bzhi pa dang / /phyi ma'i yang ni bzhi pa la/ /
lnga yi yang lnga pa la/ /dbyangs kyi dasum pas brgyan par bya /dang po yi ni dang po dang / /drug pa yi ni lnga pa la/ /dbyangs kyi lnga pas brgyan par bya/ /gnyis pa yi ni dang po dang / /mthar gnas pa yi gsum pa la/ /an+ta s+tha yi dang po sbyar/ /mthar gnas pa 
yi gsum pa dang / /bdun pa yi ni lnga pa dang / /drug pa yi ni bzhi pa sbyar/ /lnga pa yi ni lnga pa dang / /dbyangs kyi dgu pa'i yi ge la/ /lnga pa'i gsum pa gdags par bya/ /usma Sha yi gsum pa la/ /lnga pa'i dang po sbyar bar bya/ /thig le nA das yang dag brgyan/ /
drug pa yi ni gsum pa dang / /an+tas+tha yi dang po ste/ /yi ge gsum gyi bdag nyid kyis/ /nyis 'gyur dag tu sbyar bar bya/ /usma Sha yi bzhi pa la/ /dang po'i drug pa dang sbyar ba/ /an+tas+tha yi gnyis pa sbyar/ /thig le nA das brgyan par bya/ /'di ni gsang ba'i yum dag 
gis/ /snying po sbas pa mchog gyur pa/ /lha mo nag mo ye shes che/ /sngags ni drag cing sdud pa'o/ /de nas ye shes lnga ldan pa'i/ /rig byed mngon sum dang por bzhag /drug pa yi ni lnga pa dang / /mthar gnas pa yi bzhi pa la/ /gnyis pa yi ni dang po nyid/ /
an+tas+tha yi gsum pa ste/ /dang po'i gsum pa thog tu sbyin/ /dang po'i bcu drug pa mtha' bya/ /mthar ni hU~M phaT sbyar bar bya/ /sde tshan gnyis pa'i dang po la/ /an+tas+tha yi gnyis pa sbyar/ /dang po'i dgu pa blang ba nyid/ /drug pa yi ni lnga pa la/ /thig le nA das brgyan pa'o/ /
gnyis pa yi ni dang po la/ /drung du de nyid lnga pa sbyar/ /gnyis pa'i dang po de nyid dang / /dbyangs kyi dgu pa sbyar bar bya/ /mthar gnas pa yi bzhi pa la/ /bdun pa yi ni gnyis pa sbyar/ /de la thig le nA das brgyan/ /gnyis pa yi ni dang po la/ /an+tas+thi yi gsum pa dang / /

</font><hr>79-1-273b<br><font size=+1>

bdun pa yi ni gnyis pa sbyar/ /lnga pa'i dang po nyid la yang / /dbyangs kyi bdun pa steng 'og sbyar/ /bdun pa yi ni gnyis pa la/ /thig le nA das mdzes byas pa'o/ /'di dag kun gyi thog ma dang / /tha mar yang dag brten par bya/ /'di ni DA ki bzhi dag gi/ /snying po sbas pa mchog 
tu gsungs/ /dpal mgon po chen po dngos grub 'byung ba'i rgyud las gsang sngags rim par bstan pa'i le'u ste bdun pa'o// //de nas gzhan yang bshad par bya/ /gsang ba sngags kyi 'khor lo las/ /mthar ni hU~M phaT sbyar bar bya/ /lha yi 'khor lo rgya mtsho 
nyid/ /lan tshwa chu rgyun 'bab pa'i ngang / /gangs kyi thigs pa bdud rtsi'i chu/ /me tog mdangs gsal snying po yi/ /ge sar ze 'brur ldan pa la/ /'dab rgyas ye shes nyi shar bas/ /rang grol mdangs 'bar rab tu rgyas/ /rdo rje rin chen ral gri dang / /'khor lo 'bar ba'i rtsibs 
dag las/ /'khor ba'i rgyun las 'od zer 'phro/ /steng 'og dag las rim pa ni/ /'khrug cing gcod pa'i gri gug gis/ /las dang phrin las rang byung du/ /byed cing bskul ba'i las grub pa/ /phyi nang gsang ba rim bzhin du/ /dbab dang sngags pa zlog pa ste/ /rtsa ba 
yan lag las bzhir 'gyur/ /dang po thun mong dgu pa ste/ /gnyis pa bye brag phye ba dang / /bskyed pa'i ye shes mi zlog pa/ /klungs su chud pa phyag rgya che/ /snying po gcig la dus gsum du/ /'gyur med de nyid dbye ba nyid/ /gcig las du ma'i ngo bo can/ /'jig rten 
pa dang ye shes che/ /mi 'gyur ba dang 'gugs pa dang / /las rnams byed pa'i srog gyur pa/ /gsang sngags 'khor lo 'di dag ni/ /bye brag rnal 'byor pas shes bya/ /o~M ma hA kA la hU~M hU~M phaT/ o~M badzra ma hA kA la hU~M phaT/ o~M badzra ka'u wa ma hA kA lA ya hU~M hU~M phaT/ 
na mo rat+na tra yA ya/ tad+ya thA/ o~M shrI ma hA kA lA ya/ shA sa na~M u pa hA rI NA~M/ e ShA pash+tsi/ ma kA laHa ya~M/ i da~M rat+na tra yA ya/ a pa kA ri NA~M/ ya di pra ti dz+nyA/ sma ra si ta dA/ e da~M duSh+Ta sa twa/ kha kha khA hi khA hi/ ma ra ma ra/ gr-ih+Na gr-ih+Na/ ban+d+ha ban+d+ha/ ha na ha na/ da ha da ha/

</font><hr>79-1-274a<br><font size=+1>

ba tsa pa tsa/ sar+b+ba duSh+TA~M/ di na me ke na mAr ya hU~M hU~M phaT swA hA/ o~M ma hA kA li ni kro d+ha sa ki la rak+Shi NI tsaN+Da ak+Shi NI tsa N+Da k+ShI ye hU~M phaT/o~M hrIHhU~M kA li ma hA kA li rak+ta mA~M se na/ b+hak+Sha Ni a mu ka s+ya/ sar+b+ba laM stoM p+ta ya hU~M phaT/ o~M AHma~M hra~M ra~M hU~M phaT swA hA/ o~M ka rA li ma~M hU~M phaT/ o~M 
kang kA la~M hrIHhU~M phaT/ oM kA la ra tri ra~M hU~M phaT/ de las dngos dang nyams su yang / /nag po chen po'i zhal ston dang / /tha ma rmi lam lung ston pa/ /mi nag bong thung gsus 'phyang dang / /bya nag khwa ta la sogs 'ong / /de yang rab 'bring tha ma yi/ /bye brag rtags su 'char 
bar 'gyur/ /grangs ni bdun 'bum dag dang ni/ /mngon sum gsal ba'i nges pa 'char/ /khri phrag bdun dang khri phrag dgu/ /stong phrag bdun gyis nye bar 'gyur/ /thabs dang shes rab bcas pa yi/ /sngags kyi stong phrag bcu dag ni/ /dus ni zla drug zhag bdun bar/ /rnal 
'byor smra ba bcad de bzlas/ /mi tshig bar ma chod pa yi/ /gsang sngags phrin las nges par 'grub/ /thun mtshams mchod dang gtor ma dang / /bstod dang bcol bskul las la 'bad/ /rang nyid he ru kar gsal ba/ /ri rab steng du yum bcas bsam/ /de mdun nag 
po chen po nyid/ /gsal ba bskyed tshul dbye ba yis/ /rgyan dang cha lugs rdzogs pa ni/ /mngon sum lta bur blta bar bya/ /bdag dang mdun gyi mgon po yi/ /thugs ka'i sa bon rang sngags las/ /de ltar spro bsdus ting 'dzin bsam/ /de ltar dus dang gzhan du yang / /
rten bcas dkyil 'khor bzhengs pa dang / /rten btsugs brtan byed de nyid bsnyen/ /de nas rten bcas tsam gyis ni/ /nges par de yi mdun song ba/ /mchod dang gtor ma bsham par bya/ /sha chen bsreg spos phul nas ni/ /dmigs pa gtod par byed pa dang / /gang 
la bya ba'i bsgrub bya de/ /dmigs pas bkug cing bstab pa dang / /gtor mar dbul zhing bka' bsgo bya/ /lha dang bral zhing nyes pa bsgo/ /de nas ma nyes nyes pa bsgrag /dpang btsugs las la bcol bskul bya/ /de yis nges par 'grub par 'gyur/ /de las khyad par 

</font><hr>79-1-274b<br><font size=+1>

phrin las ni/ /lha sbyin dang ni mchod sbyin sogs/ /bsgral ba'i zhing de gang yin pa/ /de yi zag pa'i rdzas rnams dang / /phung shul sa dang g.yul sprad sa/ /grog mkhar sa la sogs pa rnams/ /bsdud chad sa la bong bu'i chus/ /sprus te ling ga sta gon bya/ /de nas dben 
par song nas ni/ /mar ngo yi ni tshes brgyad dam/ /bcu bzhi la sogs sgrub dus la/ /gza' skar shin tu drag po la/ /de nas 'khor lo bri bar bya/ /rgyu ni ro ras shing shun dang / /zhing lpags dag la dug sna dang / /khrag dang dug gi me tog gi/ /du ba mtshan ngan thod chags 
la/ /mchog phur bstod pa'i snag tshas bri/ /rgya skyegs dag gis bsres la bri/ /tshad dang ldan pa'i mu khyud ni/ /rim pa bzhi dang ldan pa la/ /nang du ling tshe dgu pa bya/ /phyogs bzhi dbus dang lnga por ni/ /gru gsum nag po sa bon bcas/ /las rnams byed pa rlung yig dang / /
ma hA kA la 'bru bzhi dang / /steng non o~M dang badzra ste/ /de yi phyi rim rtsibs brgyad la/ /a mu ka~M dang ba yi ni/ /yi ge bcu gsum gnyis gnyis pa/ /g.yas skor dag tu dgod par bya/ /de yi phyi rim pad 'dab brgyad/ /sgo mtshams lha mo'i 'khor lo'i sngags/ /ming spel 
bcas pa dgod par bya/ /de yi nang gi gru chad bzhir/ /hU~M gnyis phaT dang bcas pa la/ /ming spel bcug la bri bar bya/ /khyad par sbas pa'i 'khor lo ni/ /dbus su rlung gi sa bon nyid/ /phyogs bzhir mkha' 'gro ma bzhi gnas/ /phyogs bzhir sngags kyi phreng ba las/ /
phyi rol rtsibs la gcod pa'i sngags/ /'dab brgyad cha la tsaN+Di ka/ /mtha' rten snga ma dag dang mtshungs/ /yang na rim pa gsum pa yi/ /gsang sngags ma hA kA la yi/ /phrin las khyad par dgod par bya/ /'dis ni shin tu mngon spyod myur/ /thabs dang shes rab khyad par dang / /
steng 'og bar gyi dbye ba yis/ /zangs dang lcags kyi gri gug gis/ /bla dang tshe srog don snying la/ /myur du 'khor bas gcod par byed/ /sdud byed 'phrog cing len pa'i srog /bsgral ba rdo rje rigs kyi las/ /thun mong du ni bya ba yin/ /khyad par 'khor lo dril bya ste/ /dus kyi rim 

</font><hr>79-1-275a<br><font size=+1>

pas las la sbyar/ /'di ni kun du mnan pa ste/ /las kyi gshin rje'i gnas su gtad/ /'khor lo la yang bsnyen pa dang / /bsgrub pa go rims nor mi bya/ /'dis ni bya ba mi 'grub med/ /dpal mgon po chen po dngos grub 'byung ba'i rgyud las gsang sngags 
dang 'khor lo bsgrub pa'i le'u ste brgyad pa'o// //de nas gzhan yang bshad bya ba/ /dpal ldan nag po chen po yi/ /rnal 'byor ting 'dzin la zhugs te/ /mngon par spyod pa brtsam par bya/ /khyad par dur khrod pa yi shing / /lha 'dre gtum po gnas pa las/ /ma 
mo'i bya brag brtags pa las/ /bcad pa mgo mjug ma nor bar/ /gnyis gshags de nas sngags bris la/ /bsdams te zla ba mig gis ni/ /phye ba'i bdun phrag gsum pa la/ /legs par gzhag ste tshad du bya/ /dkyil 'khor gru gsum pa la gzugs/ /gzhan yang 
bsgrub bya'i gzugs dag ni/ /zur gsum tshud pa sngags dang bcas/ /ming spel bskul tshig ldan pa ni/ /grangs ni rab 'bring tha ma ste/ /ci rigs par ni bya bar gsungs/ /yang na ro sgrom shing la yang / /byang bu byas la ling+ga bri/ /gzhan du mgon po yab yum gyi/ /'khor lo 
legs par bris pa dang / /bsgrub bya srog gi 'khor lo ni/ /gri gug lnga pa 'khor ba dag /de dag par du bcug pa dang / /yang na mgon po'i 'khor lo dang / /bsgrub bya du yod ling+ga rnams/ /de yi nang du dril bar bya/ /'khor lo tshon skud rnam lngas dkri/ /de yi phyi rol ku sha yi/ /
rtswa yis mi gzugs byas nas kyang / /rang mdun gru gsum nag po yi/ /nang du gzugs de gzhug par bya/ /de la lha dang dbye ba dang / /nyes pa bsgo zhing bsgrag par bya/ /de nas bdag nyid lha dang ni/ /mdun du nag po chen po ni/ /zhal gcig phyag bzhi 'jigs pa'i gzugs/ /
yum dang bcas pa bskyed pa dang / /spyan drangs mchod cing bstim par bya/ /las mgon rnams dang ma mo bzhi/ /rgyal chen bzhi dang phyogs skyong bcu/ /lha srin sde brgyad ma lus dang / /gzhan yang dur khrod sha za dang / /ma mo ro langs ce spyang dang / /stag dang dred dang bya gcan 

</font><hr>79-1-275b<br><font size=+1>

sogs/ /bya rog khwa ta la sogs pas/ /yongs su bskor cing phrin las byed/ /de nas rang dang mgon po dang / /lha mo bzhi la sogs pa yi/ /sa bon las ni 'od zer yang / /lcags kyu lta bu dpag med pas/ /bsgrub bya de dag ma lus pa/ /snying gi srog rtsa nas drangs 
te/ /rang dbang med par rlung gis bteg /myur du 'ongs pa mdog nyams pa/ /rid cing skra 'dzings shin tu 'dar/ /yed yed sdang zhing skrag pa de/ /zhags pas bcings dang bsdams pa dang / /dril bu la sogs sgra yis ni/ /shin tu dbang po myos gyur te/ /de yi rnam 
par shes pa ni/ /ming dang bcas pa'i gzugs la bstim/ /de yi dus su gsang sngags ni/ /phrin las sngags rings mtha' ru ni/ /A kar+Sha ya dzaHzhes brjod/ /mgon po nag po yab yum gyi/ /lte bar gru gsum lcags khang ni/ /btson dong mun khang gnas pa bsam/ /
de las thar dus med par bya/ /de nas dong de ro g.yam la/ /rdo rje rgya gram bris pas mnan/ /mtha' mar las sbyor dus su yang / /bsgrub bya'i them pa'am lam dag tu/ /mnan pa byas la phrin las bcol/ /gal te de nyid sbyin sreg gis/ /las sbyor bsgrub bya'i chu rjes sogs/ /
dri ma gos dang skra sogs dang / /tsha ba gsum dang dug sna dang / /khrag dang skye tshe shang tshe dang / /da d+hu ra dang de la sogs/ /sa sna gzhan dang sbyar bar bya/ /bong bu'i chu dang bsres nas ni/ /'jim pa byas la g.yog par bya/ /dug chu ro sol dag gis ni/ /de la byug cing 
gnas lnga ru/ /seng ldeng lcags phur btab la gzhag /de yi lus po thams cad la/ /spra tshil gyis ni byug par bya/ /de la drag po'i shing gi ni/ /tsher ma sna tshogs btsugs la gzhag/ /gru gsum a yi nang du ni/ /de gzugs phyi gan dag tu gzhag /kha nang dur khrod 
thal bas brdzang / /de nas dong kha bcad la gzhag /de la thun bzhir bya ba'am/ /dus drug dag tu bya ba ni/ /rnal 'byor pa yis lhor bltas la/ /nyin phyed mtshan phyed dus su bya/ /yang na dus bzhir las la sbyar/ /phyogs kyi DA ki bzhi yis ni/ /dgug gzhug 

</font><hr>79-1-276a<br><font size=+1>

bstim dang bsngags par bya/ /de nas thod pa mtshan ngan du/ /yungs kar nyungs nag la sogs pa'i/ /thun rdzas rnams la sngags bzlas shing / /dus dus dag tu brdeg par bya/ /skabs skabs dug gi chu yis brdeg /gal te gu gul nag po dang / /
sha chen dag gis bdug par bya/ /yang na 'bras phub me la ni/ /spra tshil ma zhu tsam du bsro/ /de nas sngags kyis brdeg par bya/ /'dis ni nye bar 'grub par 'gyur/ /de ltar cho ga'i thabs 'di yis/ /dgra yi khang par bya rog dag /mang po 'ba' zhig skad 'don dang / /lus 
la tsha bas thebs la sogs/ /du ma'i cho 'phrul 'byung bar 'gyur/ /dang por nang rtags gsal bar 'char/ /phyi rtags rim gyis 'byung bar 'gyur/ /dpal mgon po chen po dngos grub 'byung ba'i rgyud las drag po'i mngon spyod bstan pa'i le'u ste dgu pa'o// //de nas gdug pa 'dul don du/ /nag po chen po khros pa yi/ /bsgrub pa'i rim pa mchog gyur pa/ /gzhan yang rab tu bshad par bya/ /rje btsun he ru ka dpal dang / /nag po chen po'i lha tshogs rnams/ /nam mkhar mngon par bltas nas ni/ /bdun po yongs su dag par bya/ /
bzod par gsol la gshegs su gsol/ /de rjes stong ba'i ngang las ni/ /tshad med bzhi po bsam par bya/ /byang chub sems kyi ngang las ni/ /pad+ma zla nyir gnas pa yi/ /hU~M yig nag po bsam par bya/ /de yi 'od kyis khyab pa las/ /bsdus shing skad cig yongs gyur 
pa/ /dpal ldan nag po chen po ni/ /zhal gcig pa la spyan gsum pa/ /phyag gnyis sku mdog shin tu nag /dbu skra kham nag gyen du brdzes/ g.yas pa gshin rje'i lce 'dra ba'i/ /gri gug rnon po 'dzin par mdzad/ /g.yon pa thod pa khrag bkang bsnams/ /thod pas 
skra mtshams bcings pa dang / /yan lag thung zhing rags pa'i gzugs/ /mche gtsigs 'jigs su rung ba ste/ /ltos 'gro brgyad dang rin chen brgyad/ /rgyu ma'i ga sha stag lpags can/ /mi mgo rlon pa'i phreng ba 'phyang / /zhal nas khrag 'dzag gad rgyangs can/ /phyag rgya 

</font><hr>79-1-276b<br><font size=+1>

drug gis sku la spras/ /drag po'i nyams dang ldan pa ste/ /skad cig tsam gyis bskyed par bya/ /de yi thugs kar nyi ma la/ /ye shes sems dpa' gsal bar dmigs/ /ting 'dzin sems dpa' dang bcas pa/ /rten dang brten par bcas pa bsam/ /de la 'di yi gsang 
sngags byung / /o~M badzra ma hA kA lA ya hU~M hU~M phaT/ ji srid skyo bar ma gyur pa/ /gsang sngags phreng ba bzlas par bya/ /de nas sha chen spos bsreg cing / /gzhan yang dug dang khrag la sogs/ /bdug pa'i du bas mchod par bya/ /ma sha 'bras dang so ba dang / /'bru nag me tog byug pa dang 
sgron ma lnga dang mi 'chi lnga/ /khu ba chan dang chang la sogs// /gtor ma nag po che la dbul/ /mchod dang bstod pa tshul bzhin bya/ /'di yi nye bar spyad pa ni/ /bsgrub bya'i zag pa'i rdzas rnams dang / /tsha ba gsum la sogs pa la/ /gang gi ming dang bcas pa'i gzugs/ /byas 
te dug gis byugs nas kyang / /tsher mas bkang ste thab khung du/ /'bras phub me la gdung la sogs/ /bya ba sna tshogs las byas na/ /skad cig gis ni brlag par byed/ /rdo rje slob dpon smod byed cing / /sangs rgyas bstan pa 'jig byed pa/ /dkon mchog gsum la sdang ba 
dang / /sems can kun la 'tshe ba rnams/ /'di dag nag po chen pos sgrol/ /yan lag dag gi sha chod la/ /mgon po nag po'i zhal du gsol/ /yang na de yi spyi nas ni/ /til tsam du ni mdzad du gsol/ /khrag gi rgyun yang 'thung bar mdzod/ /de ltar phrin las las 
bcol bya/ /de nas sbyin sreg brtsam par bya/ /phung shul g.yul sprad la sogs pa/ /dur khrod sol bas byug byas te/ /gru gsum rim pa kha sgyer ldan/ /de yi nang du drag po'i shing / /tsher ma can gyis brtsig par bya/ /mchod dang bsreg rdzas gtor ma dang / /bsgrub bya'i ling+ga 
sha chen dang / /yungs kar bcas pas yongs su bskor/ /sngags pas lhor bltas ting 'dzin zhugs/ /me lha bskyed cing dgug gzhug bya/ /ling+ga phur btab gtubs byas la/ /me sbar bsregs pas lha la mchod/ /gsang sngags 'dod yon sgyur ldan pa/ /brag gcig gis ni 

</font><hr>79-1-277a<br><font size=+1>

lan cig ste/ /lan grangs rol mtsho'i khyad par gyis/ /phyir mi zlog cing srog gtor byed/ /de rjes gsol gdab bcol bskul bya/ /shin tu myur bar rtags rnams 'grub/ /nag po chen po'i gsang ba'i las/ /ma grub lan gsum spogs pa dang / /sa bon 
'phrog cing gcud pas 'grub/ /dpal mgon po chen po dngos grub 'byung ba'i rgyud las drag po'i sbyin sreg bstan pa'i le'u ste bcu pa'o// //de nas dkyil 'khor chen po yi/ /dur khrod gnas pa'i zhing skyong dang / /nyi shu rtsa bzhi'i zhing skyong bcas/ /de dag rim 
pa bshad par bya/ /rdo rje rigs kyi pho nya mo/ /drug cu rtsa bzhi'i phrin las dang / /'di nyid gsang ba'i mgon po yi/ /thabs mchog 'di ni kun du sbas/ /dpal ldan mgon po rdo rje can/ /khro bo de bzhin gshegs pa'i sku/ /dkyil 'khor dbus bzhugs dpa' bo ni/ /shin tu 
'gying zhing 'bar ba'i sku/ /le tshe dgu pa'i dbus su ni/ /sna tshogs pad+ma nyi dbus la/ /dpa' bo chen po phyed skyil tshul/ /zhal gcig pa la phyag bzhi pa/ /spyan gsum byi ru la ltar dmar/ /sku mdog sngon po 'jigs chen po/ /thod pa'i phreng bas rnam par brgyan/ /phyag rgya lnga 
ldan gar gyis rol/ /dang pos gri gug thod pa dang / /gnyis pa ral gri kha T+wA~M ga/ /klu brgyad rgyan gyi phrin las can/ /de yi thugs kar gnas pa yi/ /sa bon spro dang bsdu ba'i dngos/ /o~M ma hA kA la A kaR+Sha ya ma ma pra sha ma nA ya ha sa ma ya s+t+wa~M/ thams cad sdud cing dbang byed pa/ /
skad cig tsam gyis bskyed par bya/ /de yi shar gyi le tshe la/ /drag po shin tu 'jigs pa ste/ /zhal gcig phyag bzhi spyan gsum pa/ /mthing nag rngam pa'i tshul du gnas/ /de yi mdun du rgan byed ma/ /g.yas su mi sdug drag po che/ /g.yon du 'jigs ma gnas pa dang / /rgyab 
tu u ma rnam par rol/ /nag po'i lho yi phyogs su ni/ /drag po chen po du ba'i mdog /zhal gcig phyag bzhi spyan gsum pa/ /thod phreng gis brgyan gtsigs pa'i tshul/ /de yi mdun du rnam rgyal ma/ /g.yas su rnam par rgyal ba ma/ /rgyab tu mi sdug ma gnas la/ /g.yon 

</font><hr>79-1-277b<br><font size=+1>

du gzhan gyis mi thub ma'o/ /lha gter mnyam gnas nub phyogs su/ /zhal gcig phyag bzhi spyan gsum pa/ /mdog ser rgyu ma'i phreng bas dkris/ /shin tu bzhad pa'i tshul du gnas/ /de yi mdun du nag mo che/ /g.yas su drag chen drag shul can/ /rgyab tu nag sbom 
ma ni gnas/ /g.yon du bzang mo mche ba can/ /nag mo khyab byed byang phyogs su/ /zhal gcig phyag bzhi spyan gsum pa/ /char sprin nag po'i mdog 'dra ba/ /shin tu gdangs shing ljags 'dril ba/ /de yi mdun du dbang mo ste/ /g.yas su zla ba mo zhes bya/ /rgyab tu drag tu sdang 
ba la/ /g.yon du rna ba 'phyang ba'o/ /gtso bo nag po chen po ni/ /shar lho mtshams kyi gnas bzhugs pa/ /gtsigs pa can ni shel gyi mdog /stag lpags gos kyis dkris pa'o/ /mdun du lha mo 'phrog byed ma/ /g.yas su 'bar byed ma gnas la/ /de yi rgyab tu 'jigs 
byed ma/ /g.yon du yul skyong ma gnas so/ /gtso bor gyur pa'i sku yi ni/ /lho nub mtshams su bzhugs pa ni/ /mi sdug pa ni du ba'i mdog /shin tu mi srun gzugs 'chang ba/ /gzig gi ko ba rlon pas dkris/ /mdun du 'jigs byed drag mo che/ /g.yas su gzugs chen 
mo zhes bya/ /rgyab tu mche ba gtsigs ma ste/ /g.yon du thod can ma yin no/ /nag po chen po'i sku yi ni/ /nub byang mtshams kyi grwar bzhugs pa/ /dga' bar ldan pa pad dmar mdog /glang po'i pags pa 'dzin pa'o/ /de yi mdun du thod phreng 'dzin/ /g.yas su phreng ba 'dzin 
ma ste/ /rgyab tu tri shul 'dzin ma'o/ /g.yon du ltos 'gro bsnams pa'o/ /gtso bo nag po chen po yi/ /byang shar mtshams su gnas pa ni/ /log sred can gyi rdza gsar mdog /spre'u'i pags pa 'dzin pa'o/ /de yi mdun du ral gri ma/ /g.yas su dgra sta 'dzin ma ste/ /rgyab 
tu rdo rje mda' thogs ma/ /g.yon du rdo rje gzhu ma'o/ /khro bo'i pho nya 'di dag ni/ /zhal gcig phyag bzhi gar gyis rol/ /dang po gri gug thod pa 'dzin/ /gnyis pas DA ma ru dang ni/ /tri shul ni 'dzin par mdzad/ /pho nya'i rnal 'byor ma 'di dag /'di dag phal cher zhal 

</font><hr>79-1-278a<br><font size=+1>

gcig la/ /phyag gnyis gri gug thod pa can/ /nag mo ser dang dmar ljang ste/ /phyag rgya lnga dang ldan pa'o/ /dur khrod gnas su rol par mdzad/ /pho brang de yi phyi rol du/ /zhing skyong rnams kyis yongs su bskor/ /ka Ta ha re ka ta~M shing / /shan+ti pa la yab yum 
can/ /kol+la kir ni ro yi shing / /g+han+d+ha bA la yum dang ldan/ /d+har par ta pa yi shing / /aM gi pA la yab yum sbyor/ /ko Tir d+hi pa pa d+hi shing / /dz+wA la pA la yab yum sbyor/ /b+hi ra tsa ra te a mra'i shing / /shwa ra d+ha sa gnyis med gnas/ /o Ta dbyangs can ka na ka'i/ /ka pA 
la yi lha srub byed/ /sa Ta b+ha rur dza ti'i 'bras/ /g+han stod da pa lhan cig sbyor/ /o la pu ri ra ma Na/ /ha ti pa yi rna ba can/ /ha na mo ha yab yum sbyor/ /karmi ra bar rtsa ba'i sdong / /tsan+d+ra sa na go Ta'i bdag /ma ri Na par thang sgron shing / /byin pa k+She tra pA lar ldan/ /nA ga 
ba rar sa shing can/ /keng rus ldan pa rol bar 'gyur/ /suN+De par ri dzA lu'i shing / /bu yi rkang pa rtag tu rol/ /dzA la d+ha rar khang brtsegs shing / /bum pa can de bde bar rol/ /b+ha sna gu bar drag klog 'khrug /dzA Ta tri pa mnyam par gnas/ /so sa par ni tril sha'i shing / /
sgra gcan sgrogs pa'i yum dang bcas/ /tsa ri Ta pa'i ka ran tsar/ /mdzes pa shaka ti can yum ldan/ /o Ta ya par a sho ka'i/ /shin tu sgra gcan gsang mor bcas/ /gzung 'dzin sa sar ka ko li/ /sred pa dpa' bo dbang phyug bcas/ /k+Shi ri ke par sA la'i shing / /
lhun po 'bar ba dbang phyug bcas/ /k+Shi ri ki sar sA la'i shing / /lhun po 'bar ba lhan cig bcas/ /b+ha yang ma 'bur 'byung po'i shing / /stobs chen 'jigs pa gnas byed pa'o/ /pu Ta nar ni d+ha du pa'i/ /a b+ha ke pa brtul zhugs 'dzin/ /rA dza g+hi har dza pa na/ /sna chen dzi 
li sgra gcan no/ /khang pa can du rang byung brag /thub dka' rgyal mtshan 'dzin mar bcas/ /ma hA tra yer tsan+dan shing / /sna tshogs dbang phyug dbang bskur bcas/ /'di dag k+She tra pA la ni/ /zhing skyong zhal gcig phyag bzhi pa/ /gri gug cang te'u g.yas pa na/ /g.yon pa thod khrag 

</font><hr>79-1-278b<br><font size=+1>

rtse gsum can/ /yum ni so so'i phyag mtshan ldan/ /skye gnas las byung sgra sgrogs mdzad/ /rtag tu sgrub pa po rnams kyis/ /lus la yang dag gnas nas ni/ /dngos grub ster byed stobs mchog byed/ /'di dag zhing skyong thugs brtse bas/ /rtag par mtshan mo 'du bar mdzad/ /
'di dgas gsum khyab pa ste/ /sna tshogs mdog can 'bar ba'o/ /o~M shIn+taM k+She pa hU~M phaT/ o~M ma hA smr-i ti hU~M phaT/ oM b+ha lan pU hU~M phaT/ o~M shang ka ri hU~M phaT/ o~M kA lA d+hi pa hU~M phaT/ oM dza ya b+ha lan hU~M phaT/ oM be su b+ha ga hU~M phaT/ o~M par+Na san hU~M phaT/ o~M k+Sha tra pA la ha hi hU~M 
phaT/ o~M kI li kI li phe~M phe~M phaT phaT/ k+ShA~M k+ShA~M k+ShA~M k+ShA~M/ ka ha ka ha/ hri~M hri~M hri~M hri~M/ pa tsa pa tsa/ hU~M hU~M phaT phaT/ ha hA/ Da DA ra~M rA~M ra~M rA~M/ kru~M kru~M kru~M kru~M/ kha~M kha~M kha~M kha~M/ ru ru ru ru/ Da~M Da~M Da~M Da~M/ ka~M ka~M ka~M ka~M/ tsa~M tsa~M tsa~M tsa~M/ kra~M kra~M kra~M kra~M/ sa~M sa~M sa~M sa~M/ pha~M ba~M ba~M ba~M/ ya~M ya~M ya~M ya~M/ phai~M phe+e~M phe+e~M phe+e~M/ b+h+rU~M b+h+rU~M 
b+h+rU~M b+h+rU~M/ k+Sha~M k+Sha~M k+Sha~M k+Sha~M/ kle~M kli~M klu~M klu~M/ bA~M bA~M bA~M bA~M swA hA/ yul ni nyi shu rtsa bzhi yi/ /drag po'i zhing skyong nyi shu bzhi/ /sku gsung thugs kyi 'khor lo yi/ /sa gsum rnam par khyab nas gnas/ /'di dag gsang ba'i sngags yin te/ /gzhan du nam yang 'khrul bar 'gyur/ /
oM DA ki nI/ ka kak+na ta na/ b+ha ba ban+d+ha na/ kha kha khA hi ban+d+ha na/ sarba duSh+TA nA~M/ ha na ha na/ g+ha g+ha g+hA ta ya g+hA ta ya/ sarba pA pa a mu ka s+ya shIn+ta~M ku ru hU~M hU~M phaT swA hA/ 'di dag grub pa'i rnal 'byor ma/ /dngos grub stsol bar the tshom med/ /'di nyid dkyil 'khor dgod pa yis/ /
sna tshogs phrin las byed pa ste/ /dur khrod brgyad kyi bdag po mchog /pho nya legs brten 'khor lo yin/ /dpal mgon po chen po dngos grub 'byung ba'i rgyud las dur khrod kyi bdag po rnams dang / pho nya ba khyad par ba rnams dang ma mo dang zhing skyong gi phrin las bstan pa'i le'u ste bcu 
gcig pa'o// //de nas gzhan yang nyi shu bzhi/ /gsang ba'i mgon po 'di nyid kyis/ /dkyil 'khor pho brang gnas pa'o/ /mkha' 'gro'i gsang sngags bstan par bya/ /pho nya legs skyes rnal 'byor ma/ /rgya mtsho dang ni ro yis ni/ /phye ba'i rdo rje nor bu dang / /

</font><hr>79-1-279a<br><font size=+1>

pad+ma ral gri'i rigs dang ni/ /bde gshegs ye shes dam tshig gis/ /sna tshogs sha za'i ma mo rnams/ /gnas skyes yul dang grong gnas pa/ /klu yis mtshon pas kun du phye/ /o~M b+he Ra khi ni swA hA/ Du tri ni/ Da sha ka ra li ni/ dz+wA la mu khi ni/ bA yu be ga ni/ pra 
tsaN+Dini/ ru dra ak+Shi Ni/ ma hA nA si ni/ a se ni ya ma ni/ kIrti ni/ la k+Sh+mI ni/ bi dza ya ni/ shrI dzA na ye/ shrI dzA ya ka ra Ni/ shrI badzri Ni/ ka~M kA li ni/ kA la rA tri N-i/ pra kro d+ha mu khi ni/ kA la dzi hwA ni/ ga rA li ni/ badzra b+he+e ra bA kA ra ni/ d+hu ru si ni/ ya ni ma na a~M ka ri Ni/ mri ka ra sa tis+thA 
ni/ rat+na mA li ni/ sU tra ak+Shi Ni/ ku su li ni/ khat+t+ri Ni/ badzra pra b+ta ni/ badzra kA la ya ni/ sa ma pany+tsa ni/ ka ma ni b+hi/ tsitrA li ga ni/ shu ki ni/ sarba d+hi ni/ sU tra ri Ni/ g+ha la sma ni/ pad+mA k+Shi Ni/ dza la dza la kha Di b+ha ba b+hu d+hi ni/ shrI g+ho ra Ni/ tsan+d+ra mu khi ni/ ha~M sa warmi Ni/ 
wA gi me shwa ra Ni/ g+hi ta ru dra ye/ ka ra Ni swa ka b+hi ru sa ni mr-i d+ha ni d+hi/ g+hu ri Ni/ sha Sho ni/ su shI g+h+ra~M na/ ban+du b+ha ra Ni/ shrI mu khi ni/ brka la ni/ ka li ni/ ha ri Ni thA ye/ pad+mi ni/ na gra pa ek+Shi Ni/ b+hI ma la tsa Na gri Ni swA hA/ b+hak+Sha b+hak+Sha sarba yo gi ni kA me shwa ri/ sarba duSh+Ta gardzadza gardzadza gr-ih+Na 
gr-ih+Na hU~M phaT/ chos brgyad dang ni nya ba dang / /nyi shu dgu dang dgu stong dang / /zhi rgyas dbang dang mngon spyod kyi/ /las ni the tshom med 'grub pa'o/ /dbyug gu drag po'i pho nya dang / /chu tshod kyi ni ma mo dang / /'pho ba gnod sbyin brgya phrag gnyis/ /thun ni pho nya brgya dag go/ /dus sbyor bcu 
gnyis gnas pa'i yul/ /nyi shu rtsa bzhi de yi phyed/ /rtsa rlung yi ge khams la rgyu/ /'ching grol tshar gcod rjes 'dzin pa'o/ /dpal mgon po chen po dngos grub 'byung ba'i rgyud las phyi dang nang gi dngos po pho nya ma'i las bstan pa'i le'u ste bcu gnyis pa'o// //de nas gzhan yang bshad bya ba/ /nag po chen po gtum po ni/ /zhal gdangs mche gtsigs ljags 'dril cing / /a la la yi sgra sgrogs pa/ /rab 'jigs bzhengs pa'i stabs kyis ni/ /gsang ba mchod byed lha mo brgyad/ /kun nas gar gyis rol pa ste/ /'di yis phrin las 

</font><hr>79-1-279b<br><font size=+1>

dbang thob byed/ /o~M badzra ka wu ba ma hA kA lA ye+e hU~M hU~M phaT/ o~M gr-i d+h+ra sa kA ye+e hU~M hU~M phaT/ o~M b+ha ga byA g+hA ye+e hU~M hU~M phaT/ o~M b+ha na su ba rA ye+e hU~M hU~M phaT/ o~M si ma lA ye+e hU~M hU~M phaT/ o~M b+ha na shwA nA s+ye+e hU~M hU~M phaT/ o~M kro Ne d+ha ka rA s+ye+e hU~M hU~M phaT/ o~M ga ru Das gA s+ye+e hU~M hU~M phaT/ 'di 
ni dpal nag po chen po 'khor lha mo brgyad dang bcas pa'i sngags so/ /mtshan phyed dus na gtor ma 'bul/ /sha lnga dang ni bdud rtsi lnga/ /myos byed stobs dang bcas pas mchod/ /gsang ba sgrub pa'i mchog tu bshad/ /bsnyen pa sngon du song ba yis/ /dben par dug dang tsha ba dang / /sa 
la dgra bo'i gzugs bya ste/ /grog 'am ni ro ras la/ /rgya skyegs dug dang khrag rnams kyis/ /bya rog mo yi rus pas ni/ /gzugs bris de yi snying gar ni/ /e yi rnam pa'i 'khor lo la/ /mA ra ya yi mtha' can gyi/ /man ngag bzhin du bri bar bya/ /de nas rkang pa nas brtsams te/ /
dril la dur khrod skra yis dkri/ /sngar gyi gzugs kyi snying ga ru/ /bcug ste tshigs dang lte ba sogs/ /dug dang bcas pa'i tsher ma gzugs/ /de nas sngags pa 'dod lha yi/ /nga rgyal chen po rab ldan pas/ /snying ga'i hU~M las 'od 'phros pas/ /lha la bka' bsgo rnam shes ni/ /
man ngag can gyis dgug par bya/ /o~M badzra ma hA kA la che ge mo A kar+Sha dza dzaHhU~M ba~M hos dgug pa dang / /gzhug dang bcing dang myos par bya/ /de nas tsha ba dug gis brab/ /de bzhin bdun phrag nyi shu gsum/ /zla ba gcig tu las bsgrubs la/ /drag po'i thab tu tsher ma dang / /bra ma'i me la 
bsro bar bya/ /des kyang 'dud par mi byed na/ /bstan pa bde la gnas pa'i phyir/ /snying rje chen po rab bskyed de/ /gri lcags las byas mtshon gyis gtub/ /khrag dang dug dang tsha ba dang / /tsher ma ling gar bcas te bsregs/ /thal ba bla ma'i man ngag ltar/ /mnan dang chu bor 
dor bar bya/ /gzhan yang mi shis thod pa la/ /dug gi myu gus gzugs bris te/ /de yi lce la ud ma ni/ /ming spel bris la thod pa gnyis/ /kha sbyar skud pa nag pos dkri/ /nag po'i gos kyis gtums nas ni/ /mi shis sa phyogs dag tu mnan/ /bsnyen dang sgrub pas mnyes gyur 

</font><hr>79-1-280a<br><font size=+1>

na/ /'chi dang smyo bar 'gyur bar ni/ /the tshom yod pa ma yin no/ /yi dgas sam ni dgra bo gang / /gro ga la ni gzugs bris la/ /snying gar sngags 'dis bskor bar bya/ o~M badzra ma hA kA la che ge mo mA ra ya hU~M hU~M phaT/ ces pa'i sngags bris gtor mar gzhug /
de nas bsgrub sngags bzlas par bya/ /de yi rjes la gtor ma dbul/ /mgon po nag po 'khor bcas la/ /sha khrag rkang sogs bstabs byas nas/ /gtor mas bsad pas bsgral bya ste/ /dmigs par bya ba myur du brlag /gzhan yang gdug pa pha rol te/ /nus pa cung zad yod 
gyur na/ /rang shed rang la dbab pa'i phyir/ /ngag mnan sbyor ba 'di ltar bya/ /gro ga 'am ni ro ras la/ /khrag dang dug dang bdug pa yis/ /gzugs ni lces khengs sngags bri ba/ /stam+b+ha ming spel ldan pa bskor/ /phyin ci log tu dril la bcing / /zag pa'i rdzas sogs sa 
la ni/ /tsha tsha byas pa'i nang bcug la/ /bstim zhing mnan la mdun byas la/ /rnal 'byor spro bsdu phyag rgya bcing / /thun gyis brabs la bzlas pa bya/ /las bcol zhag bdun thun bzhir bya/ /de la sngar bzhin byas nas ni/ /gnod pa'i sa phyogs dag tu mnan/ /myur du 
'grub par the tshom med/ /thod pa 'am ni snod gzhan du/ /sbyin sreg byas pa'i thal ba de/ /thun rdzas kyis brab ling+gar bcas/ /yang na drag po klu la gtad/ /gru gsum dong bcug brdzi bar bya/ /kha bcad nas ni drag po yi/ /nges par thob par the tshom med/ /de ltar las 
la sbyor dus su/ /nyes pa bsgo ba'i thabs shes nas/ /srung byed nyes pa 'di ltar bsgrag /bstan pa 'jig par byed pa yi/ /dgra bo srung byed lha khyod nyon/ /gdug pa'i sems ldan dgra 'di yis/ /dkon mchog bla ma la smod cing / /rnal 'byor la sdang sems can 'tshe/ /sgrub 
pa po la brnyas gyur pas/ /dpag tshad stong du lhung ba yi/ /dmyal ba'i sdug bsngal myong gyur pas/ /bdag gis myur du bsgral nas ni/ /gzugs kyis lha rnams mchod pa yin/ /khyed kyis srung bar ma byed par/ /sdig can 'di ni myur du spongs/ /zhes brjod par bya'o/ /bstan 

</font><hr>79-1-280b<br><font size=+1>

pa bsrung ba'i bsam pa dang / /snying rje chen po ldan pa yis/ /yengs pa med par byas gyur na/ /nges par 'grub par gdon mi za/ /brgya byin dag gi srog kyang g.yo/ /sdig can dgra bgegs smos ci dgos/ /byang chub sems dang rab ldan na/ /ngo bo nyid kyis 'grub par gyur/ /
dpal mgon po chen po dngos grub 'byung ba'i rgyud las lha mo'i 'khor lo dang las bsgrub pa bstan pa'i le'u ste bcu gsum pa'o// //de nas gzhan yang bshad bya ba/ /gsang ba'i cho ga nyams dga' ba/ /dpal ldan lcam dral thams cad kyi/ /sgrub pa rab tu nyams 
dga' ni/ /mgon po kun gyi gnas 'di ni/ /zhal gcig pa la phyag drug pa/ /dang po gri gug thod khrag 'dzin/ /spyan gsum mthing nag rngam pa yi/ /g.yas g.yon par mas phreng ba dang / DA ma ru ni 'dzin cing brdung / /tha ma gnyis kyis ka T+wA~M dang / /sdigs mdzub zhags pa 'ching 
bar mdzad/ /klu brgyad kyis brgyan khrag 'dzag zhal/ /sa bon rang sngags phreng ba can/ /rgyas btab pas ni byin brlabs shing / /rdo rje sems dpa' dbu brgyan pa/ /n+ya gro d+ha yi shing la brten/ /bi nA ya ka mnan par bsam/ /o~M badzra ma hA kA la k+ShiM k+She tra big+h+nA na binA ya ka nA~M hU~M hU~M phaT swA hA/ /
sha chen bsregs spos phul nas ni/ /skyo bar gyur na gsang sngags bzlas/ /de la gtor ma dbul bar bya/ /khyad par byin brlabs gyur par bya/ /phrin las thogs pa med pa 'grub/ /o~M badzra kro d+ha sa ma ya ma hA kA lA ya hU~M phaT/ sku'i mgon po'i sngags so/ /o~M ma hA kA la gu Na 
hr-i da hU~M phaT/ yon tan gyi mgon po'i sngags so/ /o~M badzra ma hA kA la rak+Sha ru dri ba Sha ni hU~M phaT/ /gsung gi mgon po'i sngags so/ /o~M badzra kr-iSh+Na tsaN+Da mA ra ya ma hA kA la tsit+ta la hrIHdzaH/ las kyi mgon po'i sngags so/ /o~M ma hA kA li ha na badzra hU~M phaT/ yi ge bcu pa'i gsang ba'i 
mgon po'i sngags so/ /o~M tsaN+De shwa rI ye swA hA/ /gtum po mo'i sngags so/ /oM tsaN+Di tsa kI ye swa ha/ /drag mo'i sngags so/ /oM kA li ka ye swa ha/ /bzlog byed ma'i sngags so/ /o~M ku li she Sha rI ye swA hA/ /dpa' ma'i sngags so/ /o~M shrI ma hA kA lag Na mai tri dzaH/ bde 'dzin 

</font><hr>79-1-281a<br><font size=+1>

ma'i sngags so/ /o~M re da na ti ma hA kA li tri shU la sar+b+ba sha trU~M dzaH/ rtse gsum 'dzin pa'i sngags so/ /o~M badzra ma hA kA la kro tri ga N+Di sa ya hU~M phaT/ gaN+Di 'dzin pa'i sngags so/ /o~M badzra ma hA kA la te tsi tso+o ta ka ra ma rA NA~M hU~M phaT/ /rgyal mtshan 'dzin pa'i sngags so/ /
gsang ba bed 'dzin mgon po yis/ /lha ma yin gyi grong khyer ni/ /sum brtsegs la sogs khang bzangs rnams/ /khro bo tsan+dan bed bsnams kyis/ /lha dmag bye ba dung phyur rnams/ /phyung nas brlag par mdzad pa yi/ /grong khyer 'bum phrag brgyad cu 'am/ /rlag byed bdud 'dul 
chen po ste/ /'di nyid g.yon gnas lha mo ni/ /kun du dgyes nas gar stabs gnas/ /o~M shrI ma hA kA la du be~M ni dza a mu ka'i mgo bo la ru dra hU~M b+h+yoH/ o~M shrI ma hA kA la tra ga rak+Sha~M du be~M ni dzaHmun nag shig b+h+yoH/ mu shi b+h+yoH/ che ge mo mA ra ya phaT/ o~M badzra ma hA kA la rak+Sha tri yak+Sha/ /ru dras 
ma ya/ sarba sha trU~M ru ru tsa ba lA ya/ ma ra Na rbad rbad/ nri rbad pu rbad pu/ tshal pa tshal pa/ ni sha ku ru sa ma ya/ che ge mo/ gtubs gtubs dza dza/ o~M ru ru ma ma b+h+yaH/ ma ma sha trU~M/ tsit+ta la hri~M hrI~M/ mA ra ya rbud rbud/ re sha~Mg+hA ta ya g+hA ta ya/ kA li ya~M b+ha sha ni ma hA kA la/ 
yak+Sha shA sa na/ a pa ka ri di na me ke na me ru ru ma ma b+h+yaH/ tsit+ta la hri~M hri~M rbad/ tri ri pri tri ka hi swA hA/ ti ka pa tra hU~M/ a tra ka ti swa mo sha mo sna/ tig pug shig /ku mi ta rbad shig rbud sod/ gaN+Di 'dzin pa'i khro bo che/ /ma rungs klad pa 'gems par byed/ /tsa muN+Di ldan rol pa ste/ /
gdug pa 'dul ba'i las la shis/ /kha T+wA~M rtse gsum 'dzin pas ni/ /dgra bgegs lus ngag yid la 'debs/ /gtum po thogs 'bebs mig sgyur ma/ /sangs rgyas bstan pa skyong ba'o/ /gang du keng rus rgyal mtshan bsnams/ /bdud dang bdud kyi phyogs skrag byed/ /'di 
nyid legs ldan rgyal po che/ /rdo rje bse gdong sna tshogs gdong / /dkyil 'khor lha tshogs 'di dag gis/ /gsang sngags rim pa bstan pa'o/ /thun mong khyad par bye brag gis/ /lus kyi mtshan nyid rtags bcas pa/ /grub pa kun du bgrod pa'o/ /dpal mgon po chen po 

</font><hr>79-1-281b<br><font size=+1>

dngos grub 'byung ba'i rgyud las dkyil 'khor ba'i mgon po dang yum dang bcas pa'i gsang sngags dang phrin las kyi le'u ste bcu bzhi pa'o// //de nas bden pa tsam gyis ni/ /grub pa stsol bar mdzad pa po/ /dngos grub 'byung gnas rim pa ni/ /yang dag nyid du 
bshad par bya/ /bya rog g.yang gzhis brgyan pa yi/ /nag po phyag bzhi pa yi sku/ /gsang zhing dam tshig ldan pas bri/ /de ni sku yi rten du bshad/ /gser dngul la sogs kyis bris pa'i/ /nag po chen po'i snying po dang / /nye ba'i snying po bris pa rnams/ /gsung gi rten du 'dod 
pa'o/ /bya rog sogs dang rta nag snying / /khyi yi snying dang mi yi snying / /rin chen lnga dang bcas pa rnams/ /thugs kyi rten du gzung bar bya/ /snying gi rnam pa thams cad dang / /nya sha la sogs 'bru yi chan/ /sman gyi rnam pa thams cad dang / /bsnyen pa'i gtor ma bya ba yin/ /
rdzas dang gta' gtor steng dang 'og /steng nas dar nag gur gyis dbub/ /sha lnga sman lnga myos byed bcas/ /rgyun du thugs dam bskul phyir mchod/ /rta nag lug nag g.yag rog la/ /mgul du snying po bris la gdags/ /de yi ngo bo legs phul la/ /phyi yi rten du bya bar 
bshad/ /nag po ras sam dar la yang / /rin chen lnga dang bcas pa yis/ /nag po zhal gcig phyag bzhi pa/ /bris pa nyin gcig gis rdzogs nas/ /bar chad med par rab gnas bya/ /gsang rten lus la bcang ba'o/ /sna tshogs 'bru nag dpal byas pa'i/ /gtor 
ma mi shas brgyan pa dag /pho brang rten dang brten par bcas/ /nang gi rten du slob pa'o/ /skyes pa grir shi'i thod phreng ni/ /yon tan ldan phyir rtag tu sba/ /mi gsod mtshon las byas pa yis/ /rdo rje gri gug hU~M bris pa/ /phrin las byed pa'i khyad par ro/ /dam tshig gnas 
pa'i rnal 'byor pas/ /nyams dga' dben pa'i gnas nyid du/ /lha mo'i rten yang 'di ltar ro/ /rigs med kyi ni thod pa la/ /gsang sngags yi ge 'di dag ni/ /bris pa tsam gyis las 'grub byed/ /bsgrub pa mi dgos nus pa 'byung / /dur khrod sol bas sngags 'di bri/ /

</font><hr>79-1-282a<br><font size=+1>

o~M shrI de wi tsa muN+Da rak+ta tsa muN+Di/ seM ga mor/ d+ha ke sang ha si ta/ mu khi ka ra ha ra/ kI la kI la/ phre k+Sha ti ta sa na sa ta brU~M brU~M la la ta ya/ ka pA la ma lA d+ha ra ni hU~M hU~M phaT phaT swA hA/ thod pa'i nang du 'khor bar bri/ /phyi yi rten du bshad pa yin/ /bong bu nag mo'i thod pa 
la/ /rten pa lha mo'i sku bris pa/ /nang gi rten du bshad pa yin/ /nal gri'i snying ni mnyams pa/ /mtshon gyi rtse la bkon la gzhag /gsang ba'i rten du gzugs par bya/ /bu mo'i thod pa ja ril dang / /gri gug dar gyis gtums pa dang / /dri bzang mtshon gyis bdug par 
bya/ /de kho na nyid rten du bshad/ /de nas nub phyogs dag nas ni/ /gsum gyis khur nas 'ongs pa'i rdo/ /mi nag gsum gyis 'di skad brjod/ /sku gsung thugs kyi bdag nyid can/ /rdo rje mgon po 'khor bcas pa/ /rang bzhin gnas nas sku bzhengs la/ /'dir ni 
bstan srung bzhugs su gsol/ /lan gsum brjod nas gzhug par bya/ /rol mo'i sgra dang spos dud dang / /sna tshogs rol mos bsu nas kyang / /phrin las gang 'grub rim shes bya/ /'di ni rang bzhin rten yin no/ /dpal mgon po chen po dngos grub 'byung ba'i rgyud 
las phyi nang gsang ba dang sku gsung thugs kyi rten gzugs pa'i le'u ste bcwa lnga pa'o// //de nas gzhan yang bshad par bya/ /dpal ldan nag po chen po yi/ /bka' yi tshogs kyis 'khor gyur pa/ /'di ni kun du shes par bya/ /las kyi mgon po rnams dang ni/ /lha 
mo chen mo 'khor dang bcas/ /lha srin sde brgyad ma lus pa/ /pho nya mngag gzhug las byed pa'o/ /gzhan yang phyogs skyong bcu dang ni/ /klu chen brgyad dang lha chen brgyad/ /gza' chen brgyad dang rgyal chen bzhi/ /rgyu skar nyi shu rtsa brgyad de/ /gnod sbyin brgyad dang 'phrog ma'i 
bu/ /sha za dang ni ma mo dang / /'jig rten pa dang dam tshig gnas/ /zhing skyong ma lus 'khor dang bcas/ /'di dag las kun byed pa yi/ /'jig rten skyong ba bzhi bcas pas/ /grub pa rab tu stsol mdzad pa/ /lha dang lha min mi'am ci/ /lto 'phye grul bum srul po dang / /

</font><hr>79-1-282b<br><font size=+1>

lus srul grib gnon skem byed sogs/ /nam mkha' lding dang dri za dang / /'byung po ma lus 'dus pa kun/ /'di dag sgrub la grogs byed cing / /mthu stobs dpung dang nus pa yis/ /bsrung zhing bar chad nges par sel/ /sgra gcan 'dzin pa'i rA hu la/ /'di la sogs pa 
thams cad la/ /tshogs kyi gtor mas cher mchod na/ /dpal dang rdzu 'phrul myur du ster/ /'di dag 'khor dang bcas pa yi/ /nye dang nye ba'i mtshan ma dang / /rtags dang cho 'phrul du ma 'byung / /sku gsung thugs kyi rtags dang ni/ /phyi nang gsang ba'i rtags gyur pa/ /
dngos dang nyams snang rmi lam dang / /sprul pa'i phrin las nges 'byung ba/ /gtso bo nyid dang 'khor rnams kyi/ /rim pa rjes su 'brel par 'byung / /rtags byung nas ni las la bskul/ /dpal mgon po chen po dngos grub 'byung ba'i rgyud las gtso bo dang 'khor du bcas pa 
mchod par bstan pa'i le'u ste bcu drug pa'o// //de nas gzhan yang bshad bya ba/ /dpal ldan nag po chen po yi/ /thar ba'i grong khyer nyams dga' bar/ /dbang bskur cho ga bshad par bya/ /'dis ni bdud dang bdud kyi phyogs/ /de las rgyal bar byed pa 
yi/ /cho ga bzang po bla na med/ /dkyil 'khor bzang po bzheng bar bya/ /phun sum tshogs pa'i gnas dag tu/ /rgyud shes yang dag bla ma la/ /snod ldan dag pa'i slob ma yis/ /gsol ba lan gsum gdab byas la/ /maN+Dal me tog sngon 'gro yin/ /rdo rje 'dzin pa 
ma lus dang / /rgyal ba mgon po ma lus dang / /dbang phyug dam pa'i dkyil 'khor dang / /dbang bskur gnang bar mdzad du gsol/ /lan gsum brjod nas gnang gyur pas/ /dang po bsnyen pa brtsam par bya/ /mtshan ma nye ba'am tshul shes nas/ /de nas sngon 'gro 
brtsam par bya/ /dang po bgegs rnams nyer zhi yi/ /phrin las mchod pa gtor ma yi/ /ye shes lha rnams mchod pa dang / /lus dang ngag dang yid kyis ni/ /sdig pa bral zhing bgegs dbyung ba'i/ /sngags dang bcas pa'i yungs kar gyis/ /me sbar bsreg 

</font><hr>79-1-283a<br><font size=+1>

ngang bral bar bya/ /de rjes sa phyogs gtsang ma las/ /sa brtag ba dang sbyang bar bya/ /sa blangs nas ni bka' thob pas/ /brko zhing ro lnga bsal bar bya/ /de nas bsrung zhing bcag par bya/ /rdo rje 'dzin pa bzhengs nas ni/ /rdo rje gom pa'i gar stabs 
kyis/ /hU~M hU~M drag po'i sgra brjod pas/ /phyogs kun bcing bar byas nas ni/ /bgegs la bka' bsgo gtor ma sbyin/ /slob ma kun la bsrung byas la/ /rdo rje mgon po chen po yi/ /ting nge 'dzin du gnas pa la/ /gsol ba gdab pas gnang ba sbyin/ /khyad par bdud rtsi 'khyil 
pas bsrung / /yang dag ye shes sems dpa' che/ /'khor ba'i g.yul las rgyal byed pa/ /rgyal ba ma lus bstan skyong che/ /de nas lhag par gnas pa brtsam/ /sa 'dzin lha mo nyid mchod pas/ /bka' byin nas ni thim par blta/ /bum pa bkra shis yang dag ldan/ /ma nyams 
mtshan nyid ldan pa lnga/ /kha tshar ma nyams ras zung dkri/ /snying po sman dang 'bru lnga sogs/ /spos dang rin chen dag gis dgang / /rgyun 'bab chu yis gang ba dang / /'bras ldan shing gis kha brgyan pa'o/ /de nas bsrung ba'i 'khor lo yi/ /bka' yi khro bo rnam par bsgom/ /
dkyil 'khor dri yi thig le la/ /me tog gcal bkram lha rnams ni/ /bskyed cing mchod la gnyis med bstim/ /so shing dor dang ltas brtag pa/ /bsrung skud ku sha sbyin par bya/ /de nas sems bskyed sdom gnas pas/ /dam tshig gsang ba sbyin par bya/ /khyad par lha la 
gsol btab nas/ /rdul tshon dkyil 'khor thig gdab bya/ /dang por ye shes thig gdab cing / /phyi nang dam tshig nges par gdab/ /go rims ma nor nges pa'i tshul/ /srad bu shes rab can thig gdab/ /tshon ni byin gyis brlabs nas kyang / /spra brtag rdul tshon 
rim par dgye/ /gru bzhi pa la sgo bzhi pa/ /rta babs bzhis ni mdzes pa yi/ /zlum skor pho brang le tshe dgu/ /dbus ma e dbyibs drag po nyid/ /phyi rol pad+ma 'dab brgyad pa/ /lha khyams bcas pa'i dkyil 'khor mchog /'dod yon rin chen sked pad dang / /dra phyed ba 

</font><hr>79-1-283b<br><font size=+1>

ku li yi phreng / /yang na kha bad mdzes pa'i rgyan/ /chos 'khor ri dgas gdugs dang bcas/ /thod skam pad+ma'i phreng bar ldan/ /dur khrod brgyad kyis yongs su 'khor/ /rdo rje me 'od 'bar bas 'khrigs/ /dam tshig ye shes gnyis med pa'i/ /gsang sngags nye ba 
sngags par gnas/ /brtan zhing mchod la gsol ba gdab/ /nye bar brgyan cing yongs su bskor/ /de nas slob dpon bdag 'jug bya/ /sbyin sreg las ni rab tu shis/ /dpal mgon po chen po dngos grub 'byung ba'i rgyud las gsang ba chen po'i dkyil 'khor 
gsal bar byed pa'i le'u ste bcu bdun pa'o// //de nas gzhan yang rnam bshad bya/ /yang na le tshe dgu ldan pa'i/ /pad+ma 'dab brgyad phyi rol du/ /mu khyud 'khor lo rim gsum la/ /e dbyibs zhing skyong rim pa dgod/ /lha dang sa bon phyag mtshan ni/ /
sku gsung thugs kyi phyag rgyas mtshan/ /slob ma khrus byas rgyan btags te/ /maN+Dal me tog phyag bya zhing / /ras kyis mig ni bkab nas su/ /dang por me tog dor bar bya/ /mtshan ma mthong bas legs par drang / /sgo bzhi nas ni nang 'jug cing / /gu gul bdug cing 
ting 'dzin gyis/ /nag po chen po'i lha tshogs kyang / /nges par spyan drangs bstim par bya/ /de las nges par rtags rnams byung / /yang na so so'i mgon por bskyed/ /ye shes sems dpa' byin gyis brlab/ /bla ma dkyil 'khor gtso bcas las/ /'od 'phros rang 
byin brlabs par gyur/ /mthong ba dri dang bdud rtsis gtor/ /gdong g.yogs bkrol zhing lha ngo bstan/ /de nas dbang po'i bye brag gis/ /nges par rim pas dbang bskur te/ /bstan pa 'dzin cing bstan pa skyong / /bstan pa srung bar byed pa yi/ /sangs rgyas bstan pa 
'phel mdzad pa/ /sku yi mgon po 'khor bcas kyis/ /bla med dngos grub sbyin pa'i phyir/ /yang dag ye shes dbang bskur ro/ /sku gsung thugs dang yon tan dang / /phrin las lha yi khyad par ro/ /me long ye shes dbang nyid can/ /rdo rje rigs kyi mgon po yis/ /

</font><hr>79-1-284a<br><font size=+1>

dkyil 'khor chen po'i nang du ni/ /zhe sdang dag pas dbang bskur ro/ /mnyam nyid so sor rtog pa dang / /bya ba nan tan chos kyi dbyings/ /ye shes lnga yi rigs kyi gtsang / /nges par dbang bskur bstan par bya/ /phrin las bzhi yi dbang yang 
bskur/ /lha mo brgyad kyis las rnams 'grub/ /bum pa spyi bor byin pa dang / /thod pa'i bdud rtsi blugs pa yis/ /gsang ba bde chen ye shes nyid/ /rang byung dri med dbang bskur ba'o/ /de rjes b+ha li~M gtad pa yis/ /nus pa thogs med sbyin byed yin/ /sku gsung 
thugs kyi gsang ba mchog /lha dang sngags kyi zab pa'i chos/ /ting 'dzin chen po'i phyag rgya che/ /'di nyid dngos grub kun gyi gter/ /zab cing rgya che'i don sgrub pa/ /skal ba can la sbyin par 'os/ /he ru ka dang nag po che/ /bla ma tha dad med pa la/ /tshogs kyi 'khor 
los legs mchod cing / /zhabs la gtugs la smon lam gdab/ /'di ni thob par the tshom med/ /phrin las kun du grub ster byed/ /dpal mgon po chen po dngos grub 'byung ba'i rgyud las dbang bskur zhing byin gyis brlabs pa'i le'u ste bcwa brgyad pa'o//  //de nas gzhan yang bshad bya ba/ /dpal ldan mgon po de nyid kyi/ /phyogs bzhi yongs su skyong ba yi/ /rgyal po chen po rnam pa bzhi/ /shar phyogs nas ni yul 'khor srung / /lho phyogs nas ni 'phags skyes po/ /nub phyogs nas ni spyan mi bzang / /byang phyogs nas ni 
rnam thos sras/ /sangs rgyas bstan pa srung byed pa/ /'di nyid grub pa ster byed pa'o/ /rab tu dben zhing gtsang ba dang / /bkra shis nyams dga'i sa phyogs su/ /rnam thos sras ni bsgrub par bya/ /sa gzhi ba yi lci bas byug /dri bzangs tsan dan dkar dmar dang / /a ga ru 
dang du ru ka/ /kha che gi hang sna tshogs sman/ /bsreg cing tshogs pa'i sman du bya/ /maN+Dal gru bzhi mda' gang ba/ /dkyil 'khor sgo bzhi rta babs dang / /rin chen khang pa yid 'ong ba/ /pho brang rin chen las grub pa/ /sna tshogs pad+ma rin chen gling / /gter dang dpag 

</font><hr>79-1-284b<br><font size=+1>

bsam ljon shing bcas/ /ka ba stong phrag du ma yis/ /rab tu rgyas shing yongs su bskor/ /lte ba rin chen mu khyud la/ /lha mo brgyad kyis yongs su bskor/ /bar ma lha khyams mdzes pa la/ /gnod sbyin chen po brgyad kyis bskor/ /phyi ma rabs bskor ba la/ /klu 
chen brgyad kyis yongs su bskor/ /sgo bzhir gnod sbyin bzhi bkod pa/ /dbus su rin chen seng ge'i khri/ /sna tshogs pad+ma ge sar bcas/ /de dbus zla ba dar gyi gdan/ /de la sku gsung thugs kyi gnas/ /sa bon phyag mtshan sku dgod bya/ /sna tshogs mchod pas yongs 
bskor te/ /'bras dang gro dang 'bru sna la/ /gtor ma shin tu bzang bar bsham/ /khyad par me tog sna tshogs ni/ /nA ga ge sar ku mu da/ /puN+Da ke ba ba ku li/ /baR+shi ka dang tsam pa ka/ /d+ha nu ka ri ma li ki/ /su ti ka dang ut+pa la/ /pad+ma man+dA ra ba dang / /daN+Dod pa 
la sogs pa'o/ /sna tshogs chu dang bsreg spos tshogs/ /gu gul khyad par bsreg par bya/ /ka ra bu ram sbrang rtsi dang / /khur ba 'bras chan zhun mar dang / /zhal zas bye brag thams cad dang / /snang gsal mar me byug pa dang / /sgra snyan sna tshogs mchod pa'i rdzas/ /
gdugs dang rgyal mtshan ba dan dang / /'phan dang bla re la sogs pa/ /sna tshogs dar gyi lda ldi dang / /de ltar bkod pa legs brgyan nas/ /bde ba'i stan la 'dug nas kyang / /rang lhar bskyed pa'i sa bon las/ /'od 'phros mdun gyi dkyil 'khor la/ /rab tu 'phros 
pas 'od du 'bar/ /de las dbus su rgyal chen ni/ /sku mdog gur gum mdog 'dra ba/ /rin chen sna tshogs rgyan gyis brgyan/ /seng ge'i khri la legs bzhugs pa'i/ /phyag g.yas yid bzhin nor bu ste/ /rin chen 'bar ba'i rgyal mtshan can/ /g.yon pa ne'u le'i 
snod can las/ /kha nas rin chen skyug par bsam/ /gnod gnas dbang po gang ba bzang / /nor bu bzang dang rta yi bdag /yang dag shes dang 'brog gnas dang / /lnga rtsen pi tsi kuN+Da li/ /sna tshogs rgyan dang phyag mtshan bcas/ /re re'ang du mas yongs bskor nas/ /

</font><hr>79-1-285a<br><font size=+1>

shin tu gsal zhing brtan par bsam/ /de nas sa bon las 'phros te/ /rang bzhin gnas nas spyan drangs la/ /mchod cing bstod de gnyis med bstim/ /khyad par gsol ba gdab par bya/ /rgyal ba mgon po 'khor bcas pa'i/ /yid 'ong khang 
bzangs pho brang 'di/ /yid bzhin nor bu'i char 'bebs pa'i/ /rin chen gter gyi dngos grub gsol/ o~M bai swA hA/ o~M be+e shra ba NA ya swA hA/ o~M dzam+b+ha lA ya swA hA/ o~M pUr+NaN b+ha drA ya swA hA/ o~M ma Ni b+ha drA ya swA hA/ o~M ku be rA ya swA hA/ o~M sa~M pra dza nA ya swA hA/ o~M gu h+ya s+tha nA ya swA hA/ 
o~M pAny+tsi kA ya swA hA/ o~M pi tsi kuN+Da lA ya swA hA/ dang po lcags kyu'i phyag rgya ste/ /gnyis pa rin chen 'bar ba nyid/ /gsum pa kun nas bstod par bya/ /de nas gtor ma dbul bar bya/ /gsol ba btab nas phrin las bcol/ /de nas ye shes gshegs su gsol/ /
der gnas pa ni bzhugs par bya/ /phyi rten nang rten khyad par ba/ /rim pa 'khor lo sngags dang bcas/ /mis mi mthong bar sbas te bcang / /khyad par rtags ni gsal bar 'byung / /nye ba'i mtshan ma nges mthong nas/ /dngos grub blang zhing gtor ma dbul/ /sbyin sreg 
las kyis myur du 'grub/ /gsang sngags 'bum phrag bcu yis ni/ /'bras bu yid la 'dod kun 'grub/ /kha skong me yi mchod pa bya/ /gtor ma chen po dang bcas pa/ /lan bdun nye bar bsnyen pas 'grub/ /'di ni lha rnams kun gyi gter/ /sgrub pa po la stsol bar 
mdzad/ /dpal mgon po chen po dngos grub 'byung ba'i rgyud las khyad par du 'phags pa rnam thos sras gnod sbyin chen po brgyad dang bcas pa bsgrub pa'i le'u ste bcu dgu pa'o// //de nas gzhan yang bshad bya ba/ /'phags pa chen po de nyid la/ /klu 
chen brgyad kyis yongs bskor ba/ /rim pa 'di ni bstan par bya/ /khyad par sa bcu'i dbang phyug che/ /dpal ldan thugs rje'i bdag po nyid/ /zhal gcig phyag ni gnyis pa nyid/ /spyan gsum cung zad khro ba'i tshul/ /sku mdog dmar dang ljang khu'i mdog /rin chen 

</font><hr>79-1-285b<br><font size=+1>

'bar ba'i dbu rgyan can/ /sku la dar ber sum rim la/ /sna tshogs cod pan rgyan gyis spras/ /phyag rgya rin chen 'bar ba bsnams/ /lha yi ba dan mdzes pa 'phyar/ /g.yon pa mchod rten sku gdung bsnams/ /ne'u le'i rkyal ba nor skyug 'chang / /'khor du khyad par 
klu chen brgyad/ /sku lus mi yi rnam pa la/ /sbrul mgo bdun pa'i gdengs ka can/ /phyag gnyis thal mo sbyar ba nas/ /yid bzhin nor bu legs bsnams pa/ /sems dpa'i 'dug stangs phyed skyil can/ /thams cad gtso la 'dud par byed/ /nor rgyas pad+ma nyid dang 
ni/ /stobs kyi rgyu dang 'jog po nyid/ /pad+ma che dang hu lu che/ /dung skyong rigs ldan brgyad po nyid/ /rgya mtsho chen po'i nang dag gi/ /pad+ma la ni gnas bcas te/ /de ltar bskyed la ye shes pa/ /spyan drangs mchod la gnyis med bstim/ /dgyes pa'i tshul gyis rnal 'byor 
la/ /yid 'ong dngos grub stsol bar 'gyur/ /o~M shrI badzra yak+Sha bai shra ba NA ya hU~M phaT/ o~M ba ru NA ya swA hA/ o~M a nan+tA ya swA hA/ o~M tak+Sha kA ya swA hA/ o~M sha~M kha pA lA ya swA hA/ o~M ka ra ko TA ya swA hA/ o~M pad+mA ya swA hA/ o~M ma hA pad+mA ya swA hA/ o~M ku li kA ya swA hA/ der ni 
gsang sngags bzlas pa yis/ /sngags kyi 'od zer spro bsdu bya/ /de nas klu rnams thams cad la/ /yid 'ong gtor ma dbul bar bya/ /nA ga ge sar pus pa dang / /rgya mtsho lbu ba a ru dang / /dzA ti pa la gur gum dang / /tsan+dan dkar dmar pu shel tse/ /dbang po lag dang 
snying zho sha/ /chu srin sder mo leb rgan dang / /'gron bu dung dang mu tig dang / /nya phyis gla gor zho sha dang / /mkhal ma zho sha rma bya'i mdongs/ /rta ru rgun 'brum mdar gsum dang / /gser gyi bye ma ras skud dang / /'o ma dang ni 'bru sna lnga/ /rin chen sna tshogs ma lus pa/ /
khyad par du ni dbul bar bya/ /de nas mchod cing bstod bya ste/ /dngos grub gang 'dod stsal bar bsam/ /de nas zhi ba'i sbyin sreg bya/ /gsang sngags khri phrag bcu bzlas nas/ /rtags byung nas ni dngos grub blang / /dpal mgon po chen po dngos grub 'byung ba'i rgyud las 

</font><hr>79-1-286a<br><font size=+1>

rgyal po rnam thos sras la klu chen po brgyad kyis bskor ba'i le'u ste nyi shu pa'o// //de nas gzhan yang bshad bya ba/ /drang srong sras mchog de nyid la/ /lha mo brgyad kyis yongs bskor ba'i/ /thabs nyid rnal 'byor pas shes bya/ /rin 
chen bdun pa'i khang bzangs su/ /nor bu sna tshogs gdan bzhugs pa'i/ /'phags pa sku mdog bai DUr+ya/ /zhal gcig phyag drug spyan gsum pa/ /rin chen sna tshogs du mas spras/ /gdug pa klu yis nyer brgyan cing / /g.yas kyi dang po rgyal mtshan 'dzin/ /g.yon gyi 
dang po rin chen snod/ /bar ma gnyis ni rdo rje dang / /pad+ma 'bar ba bsnams pa dang / /tha mas zhags pa tho ba 'phyar/ /stag gi pags pa'i sham thabs can/ /dar gyi cod pan dag gis mdzes/ /skad cig gis ni bsam par bya/ /o~M badzra bi ru ka /ku ber At+ma ka /ma hA 
yak+Sha rA dza rat+na sid+d+hi hU~M swA hA/ /gsang sngags 'di ni brjod pa yis/ /gnod sbyin mo rnams mdun du 'gugs/ o~M tsan+d+ra kAn+t+yai swA hA/ o~M su b+ha drA yai swA hA/ o~M dat+tA ye+e swA hA/ o~M guh+yA ye+e swA hA/ o~M su dat+tA ye+e swA hA/ o~M de bye+e swA hA/ o~M AR+yA ye+e swA hA/ o~M sar swat+ye+e swA hA/ zla 'od can ma rab 
bzang ma/ /sbyin byed ma dang gsang ba ma/ /rab sbyin ma dang dpal lha mo/ /'phags ma dang ni dbyangs ldan te/ /thams cad zhal gcig phyag gnyis ma/ /kun tu rgyal ba 'od 'phro ma/ /gdu bu dpung rgyan mgul rgyan dang / /zhabs gdub do shal legs brgyan cing / /dar dang 
nor bus rnam par mdzes/ /dkar dang ser dang dUr ba'i 'od/ /gser 'od pad+ma rA ga dang / /ut+pal pad+ma rA ga dang / /ut+pal puN+Da rI ka dang / /pa la sha yi mdog mtshungs pa/ /'od kyi phreng bas 'khrigs pa'i nang / /rin chen sgrom bu gter gyi snod/ /rin chen gzhong pa dung 
chos dang / /be tsu ra dang nor bu me/ /dpal be pany+tsa li ka ste/ /g.yon pa kun tu pad+ma bsnams/ /sgeg cing 'gying dang ldan par bsam/ /gtso bos lha mo brgyad po bskul/ /lha mo brgyad po thams cad kyis/ /rin chen char pa phab nas ni/ /bka' bzhin bgyid pa rnam 

</font><hr>79-1-286b<br><font size=+1>

par bsam/ /mgon po myur du bskul ba'i tshe/ /gtso bos mi 'jigs seng ge chibs/ /thun mong gi ni las byed pa'o/ /stobs ldan glang chen rab brtan chibs/ /khyad par sgrub pa'i las rnams byed/ /g.yu 'brug sngon po chibs nas ni/ /snang srid ma lus dbang du sdud/ /
dbang du byed pa'i las rnams dang / /khyad par sbyin sreg drag po ni/ /bzhad dang rngam pa'i tshul gyis ni/ /myur du las la 'gro ba yin/ /phyi nas gsang ba'i rim shes pa'i/ /stong phrag bcu yis 'grub pa ste/ /'di ni rin chen ga'u'i nang / /rin chen 'bar ba'i 'khor lo la/ /
gsang sngags yi ge'i phreng ba can/ /sa bon spro bsdus ting 'dzin bsgom/ /na mo be+e shra ba Na badzra mu sa la/ mu su na sti/ tri shU la a~M ku sha /pA sha pa ra shu/ ban+d+ha mud gar lA lang k+Shi ta/ hasta s+ya/ na mo na maH sar+b+ba de wa ta su tsi ta/ kr-i ta Ta s+ya/ ma hA kI la kI lA ya/ sarba gra 
hA/ a ka ri Sha Ni ya bi dza yA/ dza ya~M dU/ b+ha ga bA na/ nA da ku be rA/ k+Shi ti sa ti tsakra ti ni/ ka la ka la/ nA da ku be ra ki ri ki li/ nA dku be ra/ k+Shi ti pa ti/ tsakra ti ni/ bi dza ma hA b+ha ga ba ni/ nA da ku be ra/ bi kra ta/ drang srong ka ra la/ ban d+ha na/ re'u tra/ d+hi h+ya sa/ gu h+ya/ ka na 
ga na ba ri br-id+hA/ bai shra ba Na/ b+ha ne b+ha ne/ b+hi ba na ba si ti/ ku ti ku ti/ ku be ra/ nA da ku be ra/ namaHstu te swA hA/ 'di ni khyad par sgrub pa ste/ /gsang sngags gnod sbyin stong sde'i tshogs/ /ma lus 'di yis skul bar byed/ /gar mkhan mchog ces bya ba yi/ /lha ni du 
mas yongs bskor ba'i/ /'di ni bskyed cing spyan drang ba/ /spyan drangs mchod cing bstod pa dang / /gang sgrub las la bskul bar bya/ /'di yis rnal 'byor dgos pa sgrub/ /zhi bas nad gdon ma lus la/ /dbang gis khams gsum ma lus bsgyur/ /rgyas pas nor dang 
'bru sogs 'phel/ /mngon spyod kyis ni gdug pa 'dul/ /nor bu bzang pos gter la spyod/ /yang dag shes kyis dus gsum mthong / /gang ba bzang pos longs spyod 'phel/ /gtsug na 'khyil pas tshe dpal ster/ /'brog gnas rgyal bas dud 'gro spel/ /gnod sbyin 

</font><hr>79-1-287a<br><font size=+1>

lnga po 'di dag gis/ /sa gsum g.yo bar byed pa ste/ /'di dag sgrub pos mchod gyur na/ /phun sum tshogs pa'i dpal rnams ster/ /rang nyid lhag pa'i lha yis ni/ /sa bon las 'phros lcags kyus ni/ /'di dag srog gi dbang po la/ /dbang byed 
las byed mi zlog 'gyur/ /gnod sbyin rnams la shing thog dang / /klu rnams gtor mas kun du mchod/ /lha mo a ru ra yi 'bru/ /ma lus myur du mchod pa'o/ /gang po dang ni mdzes ma dag /khyad par mngag gzhug gyur pa'o/ /dpal mgon po chen po dngos grub 'byung ba'i rgyud 
las rgyal po chen po rnam thos sras 'khor dang bcas pa bsgrub pa'i le'u ste nyi shu rtsa gcig pa'o// //de nas gzhan yang bshad bya ba/ /sems can rnams gyi don gyi phyir/ /'khor ba'i srid pa ji srid par/ /byang chub sems kyi chos rnams ston/ /ri bo'i rtse dang 
nags tshal brag /rgya mtsho'i 'gram dang shing gcig sa/ /gdod nas grub pa'i dur khrod de/ /gnas 'di dag tu bsam gtan bsgom/ /las kyi mgon po 'jigs pa'i gzugs/ /gru gsum pho brang la gnas pa/ /dur khrod gzhal yas 'bar ba ni/ /me dpung 'bar ba 'phro 
ba'i dbus/ /zhal gcig pa la phyag gnyis pa/ /sku mdog nag cing mche ba rno/ /yan lag thung zhing gsus pa 'phyang / /thod pa skam po'i dbu rgyan byas/ /spyan gsum sdang mig khro tshul ston/ /bzhin bsgyur mi sdug lus can ni/ /phyag g.yas rdo rje gri gug 'phyar/ /
g.yon pa dam nyams snying khrag gis/ /thod pa bkang nas gsol bar mdzad/ /dug sbrul gdug pas lhu tshigs brgyan/ /dbu skra dmar ser gyen du brdzes/ /mi thod rlon pa'i do shal byas/ /ro yi gdan la brdzis nas kyang / /drag po'i nga ro sgrogs pa'i gnas/ /sku gsung 
thugs kyi mgon po ni/ /gsod byed rngam byed sgrol byed che/ /bsgrub bya nges par sgrol ba'i tshe/ /sku yi mgon pos dam nyams kyi/ /lte ba'i srog rtsa gcod par byed/ /gsung gi mgon pos dam nyams kyi/ /mgrin pa nas ni khrag rnams 'dren/ /rdo rje thugs kyi 

</font><hr>79-1-287b<br><font size=+1>

mgon po yis/ /snying gi dkar nag mtshams su yang / /bya rog mchu ni btsugs nas kyang / /srog rtsa myur du gcod par byed/ /pho nya sha za'i gdong can gyis/ /spyi gtsug nas ni rtsa la 'jib/ /las byed ma mo tsaN+Di kas/ /gsang ba'i mdoms sor dngas ma rngub/ /rtsa 
'jib ma dang khrag 'thung ma/ /srog 'phrog mas ni las la sbyor/ /nyin mtshan dus las 'da' mi byed/ /'di dag gsang sngags ma yengs bzlas/ /dus gsum dag tu ting 'dzin 'bad/ /rtsa ba'i sngags ni srog yin te/ /gsung gi dngos grub snying po yin/ /nye ba'i snying 
pos thugs bskul ba'o/ /ye shes sa bon mi shigs pa/ /dngas ma'i gnas par de bshad do/ /sku gsung thugs dang yon tan las/ /rim par bzlas pas bsam gtan 'grub/ /rtags rnams nye bar ma byung na/ /'bad pas bsten cing mchod par bya/ /gzhan du 
'grub par mi 'gyur ro/ /o~M ma hA kA la gu na hr-i da hU~M phaT/ oM ma hA kA la tra ga shad dzaH ma hA kA la si ti ya ma du dzaH A li kA li mnyam ldan pa'i/ /rtsa brgyad phreng ba rab tu bsgrags/ /rim par byin brlabs ldan bya'i phyir/ /bzlas pa brgya rtsa brgyad du bya/ /bgrang phreng 
nus par ldan pa yis/ /las ni myur bar shis pa yin/ /shel gyis zhi ba chen po 'grub/ /mu tig gis ni rgyas pa la/ /dred po'i so yis gsad pa 'grub/ /de gnyis 'gyur ba bong bu'i so/ /sdang dang skrad pa rnga mo'i so/ /ka sogs rnam dag yum bcu drug /
byis pa 'tsho byed dbang sogs la/ /dbyangs dang gsal byed rnams bsres pas/ /bzhi yis lhag pa'i pad 'bras shing / /lung tang dmar po bdun gcig drug /yang na tsan dan 'bru dgu 'am/ /rgyu skar phyed pos grangs mnyam pas/ /lung tang nag pos rmongs byed nus/ /
dbyangs dang gsal byed phyed sbyangs pas/ /ru drAk+Sha ni mngon spyod la/ /de lta'i cho ga shes pa yis/ /tshar gcad phan gdags las rnams spyad/ /gsang sngags yi ge'i 'khor lo ni/ /mgal me bzhin du bskor bar bya/ /de ltar dus bzhir bsgrub par bya/ /des ni nye 

</font><hr>79-1-288a<br><font size=+1>

bar 'grub par 'gyur/ /des kyang grub par ma gyur na/ /rang nyid ye shes nag po yi/ /gdug pa 'dul bar bsams nas ni/ /las byed mgon po'i srog rtsa 'phrog /de ltar bskul bas las la sbyor/ /gzas pa po de sgrol bar byed/ /gal te las 
la 'gyangs pa na/ /srog gi thigs pa blang ba dang / /gsang sngags snying po go bzlog cing / /lte ba dkrugs pa'i las byas na/ /shi sa bstan par 'gyur ba ste/ /srog ni dmar len byed par 'gyur/ /ma rungs 'dul ba'i las 'di dag /sangs rgyas bstan pa bsrung 
ba las/ /gzhan du byas na nyes par 'gyur/ /sbyin sreg dang ni mnan pa dang / /de bzhin zor dgye las bya ba/ /gsad pa rang gshed gnad la dbab/ /de las myur bar rtags byung tshe/ /thugs dam bskang zhing gtor ma 'bul/ /tshogs kyi 'khor lo'i mchod pa 
dang / /de dag nar mar 'grub par 'gyur/ /dpal mgon po chen po dngos grub 'byung ba'i rgyud las las nye bar bsgrub par bstan pa'i le'u ste nyi shu gnyis pa'o// //de nas gzhan yang bshad par bya/ /dpal ldan lha mo 'khor dang bcas/ /nag mo 
mngon par 'byung ba yi/ /las kyi dngos grub cho ga bshad/ /dam tshig gsang ba'i sngags pa yis/ /brag nag rtse mo rno ba yi/ /kha lhor bltas pa'i brag phug gam/ /gzhan yang ri bo'i zom mam rtse/ /shing gcig dur khrod ma mo'i gnas/ /rab tu 'jigs pa'i gnas 
mchog tu/ /maN+Dal dang ni mchod pa dang / /gtor ma legs par bshams nas ni/ /sha chen bsregs spos phul nas kyang / /bar chad bgegs rnams bskrad par bya/ /gru gsum khrag dang dug gis byug /dug shing tsher ma can gyis brtsig /gzhan yang ling+ga byas 
pa la/ /mi bsad lcags kyu tri shU la/ /de yi lus la gdab par bya/ /tshil chen mar me zur gsum pa/ /btang nas bdag nyid lhar bskyed la/ /dkyil 'khor grub gsum legs gnas pa/ /ma hA kA la phyag bzhi pa/ /mdog nag khrag 'dzag me dpung dbus/ /

</font><hr>79-1-288b<br><font size=+1>

zhal gcig spyan gsum 'bar ba ste/ /g.yas kyi dang po chu gri dang / /'og ma tri shUl rtse gsum pa/ /g.yon gyi dang pos mda' gzhu dang / /gnyis pas mgo bo khrag 'dzag bsnams/ /dur khrod kyis brgyan sham thabs can/ /de yi g.yas dang g.yon gnyis su/ /sha 
za gnyis ni gnas par bsam/ /las kun byed pa'i pho nyar bskul/ /dang po lha mo chen mo ni/ /e dbus gsang sngags las grub pa'i/ /zhal gcig pa la phyag bzhi pa/ /spyan gsum shin tu sku mdog gnag /shin tu rnga ma zhing sgeg pa'i sku/ /g.yas kyi dang po ral gri 
'chang/ /'og ma shag ti 'bar ba can/ /g.yon gyi dang po thod khrag 'dzin/ /'og ma kha T+wA~M bsnams pa'o/ /ral pa kham nag gyen du brdzes/ /mche gtsigs thod pa dug sbrul brgyan/ /glang po'i stod g.yogs stag sham dang / /re lde nag po'i sham thabs gsol/ /bong 
bu gwa dmar steng nas ni/ /phyed krung 'bar bas bzhugs pa'o/ /yang na zhal gcig phyag gnyis ma/ /ral gri ne'u le'i rkyal pa 'dzin/ /dam tshig bskyed la ye shes dgug /phrin las bcol bar bya ba'o/ /o~M shrI ya de wI kA li kA li ma hA kA li b+h+yo hU~M/ o~M ru ru ro ru bi tiSh+Ta bA 
to si tri tsa pa la a shug me b+h+yo dzaH/ ma hA kA li de wI ka rA li bi kr-i ta ka la rA tri Ni/ tsaN+Da rU pi Ni hU~M hU~M phaT/ rag mo tsi ta kha rag ma hU~M b+h+yaH o~M ma hA kA li de wI gr-ih+ne b+ha li~M ta kha kha khA hi khA hi/  da ha da ha/ pa tsa pa tsa/ mA ra ya mA ra ya/ s+pho Ta ya s+pho Ta ya/khA hi hU~M phaT/ bdud rtsi 
lnga dang sha lnga dang / /skyes pa grir shi'i snying khrag gis/ /nag po chen po'i gtor mar blugs/ /ma nyams grir shi'i ba~M blangs la/ /ma hA ru dra bstims nas ni/ /mgo bo lho nub mtshams su bstan/ /rkang pa byang shar mtshams su bstan/ /gan rkyal bzhag la bsgral 
bar bya/ /de yi sha dang khrag dang ni/ /pags pa tshil bu rkang mar bcas/ /klad pa klad rgyas zhag dang ni/ /dbang po lnga dang don snying lnga / /rus pa'i bye brag thams cad kyis/ /ye shes nag po chen po dang / /dpal ldan nag mo re ma ti/ /las kyi mgon po 'khor 

</font><hr>79-1-289a<br><font size=+1>

dang bcas/ /pho nya bran g.yog dur khrod gnas/ /DA ki'i tshogs kyi thugs dam bskang / /de yi sha yi tshogs rnams kyis/ /nag po stong gi thugs dam bskang / /de yi khrag dang chu ser gyis/ /ma mo bye ba'i thugs dam bskang / /de yi chu rgyus rus pa rkang / /sha za 'bum gyi thugs dam bskang / /
mkha' 'gro lnga dang lha mo brgyad/ /de yi phrin las mgon po dang / /sha za 'khor dang bcas la dbul/ /phung po bsgral ba'i tshogs kyis mchod/ /rnam shes bsgral ba'i ye shes bsgyur/ /mi bskyod pa yi zhing khams su/ /rgyal ba'i sras bu bskyed pa yin/ /rnal 'byor 'chi bslu ba dang / /bar chad 
thams cad zlog par byed/ /ma rungs bstan la sdang zhing 'tshe/ /sgrub la gnod na las 'di bya/ /gzhan du byas na brlag par 'gyur/ /de yi sha la sbyin sreg bya/ /tshil ni zhun chen mar me bya/ /glad rgyas thod pa'i rnga lpags bya/ /pags pa tshogs kyi gdan du bya/ /bsregs pa'i rus pa tsha tsha bya/ /'dis 
ni mgon po 'khor bcas tshogs/ /mnyes par 'gyur zhing thugs dam bskang / /gzhan yang phran tshegs las kyi gsang ba rab tu bshad par bya'o/ /dkyil 'khor ba'i lha'i phrin las kyi rnal 'byor dang rab tu ldan pas zhi ba'i las sgrub pa la ni bil ba la sogs pa la sbyin sreg brgya rtsa brgyad du bya'o/ /
'bras ldan gyi shing gang las rgyas pa'i las sgrub na stong phrag gis bya'o/ /khI Di ra'i shing dang dmar ba'i shing gis ni dbang gi las sgrub na khri phrag gis bya'o/ /shin tu rtsub pa'i tsher ma dang ldan pa'i shing dag gis ni mngon spyod la 'bum phrag gis bya bar shis so/ /bskrad pa la ni shing gi lo ma rlung mar byung 
ba'i tshes lam lhung bar blangs te gzugs brnyan bris nas yul gzhan gyi hor khral btags te gtang bar bya'o/ /gal te bzlog par 'dod na zhi ba'i sbyin sreg gi thal bas gtor zhing ba ser skya'i 'o mas lus bkrus na zhi bar byed do/ /rus phye sna tshogs pa la khrag byugs te gzugs brnyan bris la dgra bo 
de'i phyogs su gtor bas ni sha za chen pos 'dzin par byed do/ /yang na ce spyang gi sha la sbyin sreg byas te dur khrod du thal ba phyar nas lhag ma gzas pa po'i sgo la gtor nas btang na dur khrod kyi ce spyang gi tshogs rab tu 'du zhing ngu la sgo la sder mos 'brad par 'gyur ro/ /de lta bu lan gsum byas na ce spyang 

</font><hr>79-1-289b<br><font size=+1>

gis za bar 'gyur ro/ /gang du thog gis shi ba'i rus pa la rab tu bsngags te ri bong gi thod par bcug ste shing rkang gcig pa'i rtse mo la btags na thog 'bab pas 'chi bar 'gyur ro/ /yang na de nyid kyi gzugs byas te de nyid dang rigs mthun pa'i rus pa rnyed na yungs kar gyis brdeg cing pha mes 
kyi dur khrod du grib so lhags pa dang sbas te gtor mas mnan cing dong brus par sbas la ro bsregs pa'i g.yam pas mnan na rigs 'chad par 'gyur ro/ /grog mkhar gyis la gzugs byas la/ de la dug dang til mar gyis byugs la 'bras phub kyi me la rab tu bsro zhing sngags brdegs na rims tsha 
ba chen pos btab par 'gyur ro/ /gzhan pa la ni spra tshil gyis byugs shing tsher ma'i rigs mang po btab par byas nas dus ma yin pa'i rlung la phyar na yul gzhan du gshis ngan du 'chi bar byed do/ /mtsho nang gi nya se ba bzung ste gro ga la ling+ga bris pa de bag zan gyi gzugs dang bcas pa la rab tu 
bsngags te slar btang na chu grir myur du 'chi bar byed do/ /bse shing la ling+ga bsregs te sgo khang du sbas na skrangs pa chen pos btab par 'gyur ro/ /gal te grog mkhar gyi sa la gzugs byas te mchod rten rnying pa'i 'og tu 'byung po'i nyi ma lam nan nas ro g.yam gyis kha bcad na ni 'khor dang bcas pa nus 
pa med cing rab tu gnon par 'gyur ro/ /de nyid kyi zag pa gang yin pa dang phung shul nas sa blangs te gzugs brnyan byas la gnas kyi sar rus pa'i phur bus btab na ni 'on pa dang long ba dang yan lag nyams pa dang lkugs par 'gyur te/ klu gnas pa'i sar sbas na dbang po nyams pa nyid byed do/ /
gal te sa phyogs der char mi 'bab par gyur na ka ra bI ra'i shing btsugs la ba dmar ser gyi 'o ma gtor bar byas pas klu gnas pa'i sar song nas rang ting nge 'dzin du gnas pas bka' bsgo na char chen po 'bab par byed do/ /bal po se'u'i shing dang 'brug shing du bcas pa g.yab cing klu gzir 
na char 'bab cing sprin sad par byed do/ /gal te sprin bral bar 'dod na rlung lha'i gtor ma byas la rlung gi ba dan g.yab par bya'o/ /khrag sna tshogs pa yungs kar yungs nag tu sbyar te klu gnas pa'i sar sbyin sreg tu byas nas bzlas pa'i thun bar du gtor na ser ba mod la 'bab par 'gyur ro/ /yungs 

</font><hr>79-1-290a<br><font size=+1>

kar yungs nag thal chen la rab tu bsngags nas gtor na ser ba mod la gcod par byed do/ /d+ha du ra'i shing la sbyin sreg byas na smyo bar 'gyur ro/ /nim pa'i shing gis ni rengs par byed do/ /me tog ban d+hu ri ka dang pa la sha yis dgug par 'gyur ro/ /tsan+dan dkar po'i sbyin sreg byas na gang la yang gso 
bar byed do/ /a ru ra'i sbyin sreg gis myur du zhi bar byed do/ /ma he'i 'o mas bkrus na bcings pa thams cad grol lo/ /a la ru'i shing dang 'bras bu dang ldan pa'i shing dang gcig tu bsregs te mtshor dor na rgyas par 'gyur ro/ /glang po che'i rus pa la gi hang dang bcas pa'i glang sna can gyi me tog dang ser ba'i 
rigs kyi me tog dang bcas pa kun dga' ra bar sbyin sreg byas na 'byor pa phun sum tshogs par byed do/ /de dag thams cad sngags dang bcas pa'i nus pa 'grub bo/ /drang srong gi rus pa ri bo'i rtser sbas te 'bru snas mchod pa byas te chu bo rgyun du 'bab pa mthong ba'i sar spyod yul du 'gyur na rigs thams 
cad rab tu 'phel bar byed do/ /a mra'i 'bras bu dang shing thog dzi tsin ta ka dang dza lu dang dzi ba ka rnams la snod du bkang ste gtor ma byas nas sku gzugs kyi mdun du phul na ni gnod sbyin gyis 'byor pa thams cad spel bar 'gyur ro/ /phur bus gdab cing yungs kar thal chen gyis mtshams bcad par gyur 
na gnod pa thams cad las bsrung bar 'gyur ro/ /dpal mgon po chen po dngos grub 'byung ba'i rgyud las sna tshogs pa'i las kyi rab tu byed pa bstan pa'i le'u ste nyi shu rtsa gsum pa'o//  //de nas gzhan yang bshad bya ba/ /shin tu gsang ba bla na med/ /nag po mngon par 'byung ba yi/ /las kyi dngos grub 
cho ga bshad/ /dpal nag mo chen po'i phyogs kyi phrin las kyi lha mo la/ shar gyi lha mo 'phrog mas 'gugs pa'i las byed do/ /lho yi lha mo glang sna mas 'ching ba'i las byed do/ /nub kyi lha mo ral pa can gyis sdom pa'i las byed do/ /byang gi lha mo sa'i gtsug gis myos shing dbang du byed par 'gyur ro/ /lha mo bya rgod 
mgo bo can mas rengs pa'i las byed do/ /stag gi mgo bo can mas bskrad pa'i las byed do/ /phag rgod kyi mgo bo can mas smyor 'jug pa'i las byed do/ /ce spyang gi gdong gis dbye ba'i las byed do/ /khyi gdong mas ni rnam par rmongs pa'i las byed do/ /khwa'i gdong gis rnam par gnon pa'i las byed do/ /'ug pa'i gdong 

</font><hr>79-1-290b<br><font size=+1>

gis ni khrag drang ba'i las byed do/ /khyung gi gdong gis ni brgyal ba'i las byed do/ /gzhan yang grong khyer dkrug pa'i las bya bar 'dod na gro ga'am shing shun la dbyangs dang gsal byed spel zhing go bzlog tu bris la bsnol bar byas la rlung gi shugs kyis bsgrub bya gang gi gzugs dang ming 
spel gyis gnas de myur du bskyod pa rlung dang me dang chu bsnol ma rnam par 'khrug par byed do/ /de nas yang kha sbyar dbye ba'i las dag gis pha rol gyi sde dag gi lus dang ngag dang sems kyi dbye bas phyag rgya dang gsang sngags dang ting nge 'dzin gyis bskul nas lan bdun myur du 'grub par 'gyur ro/ /gal 
te klu'i dug gis gzas pa po 'dzin du 'jug par 'dod na ti tha la'i 'bru la byas pa'i dug sbrul gyi gzugs mgo gsum pa lce brkyang ba'am ci rigs su byas pa de'i kha'i nang du gang la dmigs pa'i rdzas de ming dang bcas pas klu gnas pa'i sa phyogs su btang na sbrul gyis 'dzin pa'i las byed do/ /ma he dang 
rta'i 'khrul 'khor 'byung po'i nyi ma la sa ti tsa'i khu bas bris te de nyid kyi sha khrag dang bcas pas bskul bar gyur na ni shin tu 'khrug cing 'bye bar 'gyur ro/ /yang na bi ta na rau pa la trai zhes bya ba'i cho ga'i thabs kyis bgegs chen po bsgral ba'i gzugs la brten nas cho ga phyag mtshan dag btsugs 
te las su bya ba'o/ /yang na sa nag po gru gsum pa la nag po'i tshogs kha phyir bltas pa dang nang du bltas pa dag bkod de/ pha rol rgol ba'i phyogs su bskyal na ni myur du yul dang bcas pa brlag par byed do/ /sha za chen po'i gzugs shin tu 'jigs pa kha gdangs pa nag po gri gug dang 
zhags pa thogs pa mdun du dmigs la phur bus btab pa dang bcas pa'i thabs kyi pha rol gyi dpung g.yos pa dang bcas pa bzlog par byed do/ /gtor ma chen po byas te yang gtor na g.yul bshams pa las rnam par rgyal bar byed do/ /ri rab kyi gzugs la sna tshogs pa'i gzugs brnyan 
bkod de/ phrin las sems dpa' dang bcas pa'i phyag rgyas btab na g.yul chen po las rgyal bar byed do/ /dpag bsam gyi shing ljon pa'i tshul du bya ba las a sho ka'am bi Da ka'i shing la brten nas thabs dang ldan pa'i yul phyogs de yongs su rgyas pa'i gnas thob par byed do/ /rdo rje bya khyung gi 

</font><hr>79-1-291a<br><font size=+1>

phyag rgya bcas la des klu non par byas na de nyid kha dog dkar por gyur pa'i 'jam pa'i spyod yul gyis 'dul ba la nag por bsgyur ba'i rtsub pa'i thabs kyis dkrugs pas klu'i gnas thams cad du ltas chen po drug byung bas thams cad 'dar zhing mgo bo ardza ka'i dog pa bzhin du 'gas pa 
snyam byed nas myur bar 'ongs te bka' nyan cing 'dzam bu'i gling du char gyi rgyun chen pos rab tu gang bar byed par 'gyur ro/ /gang du skyes pa g.yul ngor bsad pa'i mgal dum dang lag ngar gyi rus pa la dpal nag po chen po'i gzugs brnyan ji lta bar byas la bskyed pa dang bstims te bzlas pa bya/ dben 
par sbas nas gsol ba btab na gang 'dod pa 'byung bar 'gyur te/ sa kun la yang bsrung bar 'gyur ba dang 'das pa la sogs pa'i don shes pa dang / de'i mdun du khrus byas te nyal na lung ston pa'am dge mi dge gsal po ston par 'gyur ro/ /yang na dur khrod kyi ras sam dar nag po la yang rung ste/ 
dam tshig dang ldan pas bris te/ mchod pa dang gtor mar ldan pas/ rab tu gnas par byas na sku byin brlabs dang ldan par 'gyur ro/ /de nyid kyang rin po che las byas nas de'i mdun du gsol ba btab na zla ba drug gis nges par yang 'grub par 'gyur ro/ /yang na nag po chen po'i gsang sngags sngon du 
byas te shes rab yongs su 'dzin pa khri phrag gcig bzlas na thos pa'i gzungs yongs su 'dzin pa dang blo yongs su dag pa dang mi brjed pa'i gzungs thob par 'gyur ro/ /srung bas bsrung zhing bcings pa thams cad las yongs su grol lo/ /gang du sgrub pa po phun sum tshogs pas sku gsung thugs yon 
tan phrin las kyi rten la rab tu gnas pa mtshan nyid dang ldan par byas na dngos grub thams cad 'grub pa dang bar chad thams cad las bzlog par 'gyur ba yin no/ /khyad par du yang gsang ba chen po'i dam tshig la nges par gnas pa nyid kyis phyogs dang dus thams cad du ye shes kyi nag po chen pos rjes 
su skyong ba dang rgyang ring po nas kyang nges par gzigs par mdzad do/ /'jigs pa thams cad las rab tu sgrol bar 'gyur ro/ /stobs dang tshe dang dpal rab tu ster cing mi zad pa'i ye shes thob par byed pa dang nyam nga ba dang bag tsha ba med par seng ge'i stobs kyis rgyu zhing bdud kyi ris kyi phyogs ma lus pa pham zhing 

</font><hr>79-1-291b<br><font size=+1>

skrag ste mgo 'gas pa tsam du byed par 'gyur zhing rgya mtsho chen po'i mthar thug par 'byer bar 'gyur ro/ /gang gis gtum pa dang / dpa' ba dang / drag po'i brtul zhugs kyis kun tu spyod la rdo rje'i ting nge 'dzin mi shigs par 'gyur ba med pa'i tshul gyis khyab par rgyu ba'o/ /gnas kyi mkha' 'gro ma dang / pho 
nya'i mkha' 'gro ma dang / 'jig rten gyi mkha' 'gro ma dang / dam tshig gi mkha' 'gro ma dang / sha za'i mkha' 'gro ma'i dbang phyug tu 'gyur ro/ /rdo rje rigs kyi mkha' 'gro'i pho nya mo drug cu rtsa bzhis kyang phrin las thogs pa med pa 'grub par byed do/ /zhing skyong chen po dang nye ba'i zhing skyong nyi shu rtsa bzhi 
po dag gis kyang phrin las thogs pa med pa sgrub par byed pa'o/ /gdul dka' ba ma lus pa 'dul zhing 'jig rten gsum las rnam par rgyal bar byed do/ /gang du rgyud 'di 'chang ba dang / klog pa dang / 'dzin pa dang / sems pa dang / de bzhin nyid du gnas pa dang / rnal 'byor du gang gnas pa la nye bar skyob 
par byed do/ /nye bar dgongs pas mkhyen par 'gyur ro/ /dpal mgon po chen po dngos grub 'byung ba'i rgyud las sa gsum du sgrub pa'i dbang phyug tu bstan pa'i le'u ste nyi shu rtsa bzhi pa'o// //de nas gzhan yang bshad bya ba/ /gsang ba mngon par 'byung ba'i gnas/ /drang srong thub pas yang dag 
bstan/ /nges par gsang ba 'dzin gyur pa/ /rgyal ba yon tan 'byung ba'i gter/ /ye shes mgon po chen po dang / /las kyi mgon po du mar bcas/ /dpal ldan lha mo nag mo ni/ /'khor bcas dkyil 'khor bstan pa ste/ /skal ldan lam 'di 'dzin pa gang / /nga yis lung bstan gyur pa yin/ /
gdug pa rnams ni gzud pa'i phyir/ /mkhas pas snying rje bskyed nas ni/ /cho ga kun mchog gis rab sgrub/ /bdag nyid ji bzhin sems can de/ /de bzhin bdag de dam pa'i bdag /dpal he ru ka'i go 'phang gnas/ /'di la the tshom mi bya ste/ /sun 'byin pas ni 'grub mi 'gyur/ /rnam dag rnam pa can 
sems kyi/ /rang bzhin gyis ni mya ngan 'das/ /ma rungs pa ni gang dag gis/ /skye bo bcings par gyur pa gang / /de nyid thabs dang bcas pa yis/ /srid pa'i bcing las grol bar 'gyur/ /de ltar grub pa'i lam bsten cing / /thun mong khyad par 'grub par 'gyur/ /dus bzhi dag tu gtor ma 'bul/ /

</font><hr>79-1-292a<br><font size=+1>

bgegs med bsod nams 'phel byed pa'o/ /'dir 'jig rten dang 'jig rten las 'das pa'i dpal ye shes kyi mgon po lcam dral 'khor dang bcas pa rnams la gtor ma dbul bar bya ste/ sha chen po dang bcas pa'i gtor ma bshams la/ o~M ba liM ma Ni ra~M hU~M dza/ rak+Sha Ni rak+Sha Ni rak+Sha mi/ kha kha khA hi khA hi 
gr-ih+Na gr-ih+Na ba liM/ ma hA bi Sha nA~M/ pra sA d+ha ya pra sA d+ha ya/ hu lu hu lu phaT/ kha kha khA hi khA hi mA ra mA ra/ sar+b+ba ta sa na sa tra~M/ wa ri ha d+hi ra pra yats+tsha n+tu swA hA/ o~M AHhU~M zhes pas mtshan phyed na gtor ma bsreg spos dang bcas pa dbul bar bya'o/ /o~M hAHka ha ka ha ma li ni mu khi ye yaM sAd+ha ya/ ma hA kA la bud+d+ha dza~M/ pra ti to si/ 
kA ra ya kA ra ya/ pra duSh+TA na/ gr-ih+Na gr-ih+Na/ mA ra mA ra/ kha kha khA hi khA hi/ shI g+h+ra~M/ da ha da ha/ pa tsa pa tsa/ hu ra hu ra/ ma~M ra~M hU~M phaT/ i diM ba li~M gr-ih+Na gr-ih+Na/ shrI sar+b+ba o~M AHhU~M/ dpal mgon po chen po dngos grub 'byung ba'i rgyud las gsang ba grub pa dang gtor ma'i le'u ste nyi shu rtsa lnga 
pa'o// //dpal mgon po chen po khros pa'i mgon po gsang ba mngon par 'byung ba'i rgyud kun gyi rtsa bar gyur pa bstan pa 'dzin pa/ bstan pa skyong ba/ bstan pa bsrung nges pa/ gsang ba bdud dpung 'dul bar byed pa'o/ /dpal mgon po chen po dngos grub 'byung ba'i rgyud kun gyi 
snying por gyur pa gdod nas grub pa'i bla ma yin no rdzogs so//  //rgya gar gyi mkhan po ma hA baN+Di ta a b+ha yA ka ra gup+ta pA da'i zhal snga nas dang / bod kyi lots+tsha ba mkhas pa chen po khe'u rgad 'khor lo grags kyis bsgyur cing zhus pa'o/ /yang slad nas mkhas pa chen po sangs rgyas grags pa'i spyan 
sngar kre bo shes rab dpal gyis kyang zhu tig bgyis pa'o// // //

</font><hr>

</table>