D420

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>D420</h1><td>(<a href="https://adarsha.dharma-treasure.org/kdbs/degekangyur" target="new2">e-text produced by ADARSHA</a>)<br><br><a href="verif2.php?id=D420&coll=derge">see text in Tibetan script</a></table>80-1-66a<br><font size=+1>

@##/ /rgya gar skad du/ shrI ma hA mu drA ti la kaM nA ma ma hA yo gi nI tan+t+ra rA dza a d+hi pa ti/ bod skad du/ dpal phyag rgya chen po'i thig le zhes bya ba rnal 'byor ma chen mo'i rgyud kyi rgyal po'i mnga' bdag /dpal phyag rgya chen po'i thig le la phyag 'tshal lo/ /bcom ldan mkha' 'gro 
ye shes nyid/ /gsang pad snying po'i kha 'byed pa/ /gsang pad lte ba'i nang na bzhugs/ /bdag gis zhu ba khyod gson cig /ye shes rgya mtsho'i kye rdo rje/ /'bum lnga yi ni bdag nyid rgyud/ /gang zhig khyod kyis de nyid gsungs/ /sbyor drug rnal 'byor ma yi gzhung / /thams cad 
mkhyen pa dbang phyug mchog /de ni dpa' bo bdag gis shes/ /don dam pa ni ji lta bu/ /de ru bdag ni the tshom skyes/ /char dang thig le tshul dang ni/ /tshul tsam mchog gi mchog gzhan yin/ /sbyor ba drug gis rnam par shes/ /de yi gnas ni gang na yod/ /srog ni gang nas 'byung ba yin/ /
rdo rje 'dzin pa gang du brlag /rdo rje mtshan mo gang nyid ci/ /mtshams gang shaRa ba gang zhig lags/ /gang du nub pa'i dus dang rtsa/ /mchog gi dbang phyug du tsam mchis/ /dus kyi mtshan nyid gang lags gsungs/ /de yi dus kyis don ci byed/ /A li kA li bya ba gang / /mnga' bdag gang 
nas 'byung ba lags/ /ro yi bye brag du zhig bstan/ /dga' ba yang ni de bzhin no/ /gang gi dus kyi dga' ba rnams/ /rdo rje dbang phyug 'byung ba gsungs/ /chos kyi dbyings ni ji ltar bshad/ /rdo rje yang ni ji ltar bstan/ /bdag gi sgra ni ji ltar gsungs/ /gsang ba zhes bgyi ji ltar 
lags/ /mchog ces bgyi pa ji ltar bshad/ /dgyes pa'i don ni gsal bar mdzod/ /rigs kyi bye brag tu tsam bstan/ /phung po la sogs skye mched ci/ /tshangs dang khyab 'jug drag po dang / /dbang phyug rtag tu zhi ba dang / /gang nas 'byung zhing gang du gnas/ /chen po'i chen po 
de ji ltar/ /phyag rgya'i bye brag du zhig bshad/ /phyag rgya chen po ji ltar lags/ /mgon po mchod pa'i bye brag ci/ /de ru me tog ji ltar yin/ /mgon po chen po mchod sbyin ni/ /ji lta bu zhig 'tshal ba lags/ /mchog gi dngos po'i dkyil 'khor ni/ /bcom ldan 'das de ji lta bu/ /

</font><hr>80-1-66b<br><font size=+1>

de ru lha mo ci 'dra ba/ /lha mo bgyi ba gang la gsungs/ /bcom ldan dur khrod du zhig mchis/ /de ru shing ni ji ltar bshad/ /dur khrod dang ni shing rnams ni/ /rgyal ba'i dbang phyug de dag gsungs/ /mgon po nang gi sbyin sreg dang / /bdud rtsi lnga yi cho ga dang / /rnal 'byor ma yi 'dus 
gnas dang / /de ru skad ni ji lta bu/ /bdag nyid kyi ni rang ngo bo/ /mgon po chen po khyod kyis gsungs/ /dpal phyag rgya chen po'i thig le las rgyud thams cad kyi rgyu zhes bya ba'i le'u ste dang po'o//    //bcom ldan 'das kyis bka' stsal pa/ /dris pa yang dag gting dpag dka'/ /snying 
po yi ni snying po mchog /sangs rgyas kun gyi gsang chen po/ /mchog las mchog gi yang dag mchog /lha chen po ni la sogs dang / /bzang mo de ru byol song yin/ /don dam de ni khyod gcig pu/ /zhal bzang mo ni snod yin no/ /gsang ba'i gsang ba yang dgar ba/ /nyon cig yang dag 
bdag gis bshad/ /dang po re zhig slob ma la/ /dbang rnams lan cig bskur ba yis/ /de tshe gsang chen bshad pa yi/ /nges par snod du gyur pa'o/ /dbang med na ni dngos grub med/ /bye ma btsir yang mar med ltar/ /gang zhig rgyud lung nga rgyal gyis/ /dbang bskur med la gsal 
byed pa/ /slob dpon slob ma shi ma thag /dngos grub thob kyang dmyal bar 'gro/ /de bas 'bad pa thams cad kyis/ /bla ma la ni dbang don zhu/ /dbang bskur yod dang de nyid shes/ /ye shes dang ni thugs rje che/ /yang dag rlabs che dpa' bo dang / /ser sna med dang rang bzhin bzang / /skal 
ldan mtshan nyid thams cad rdzogs/ /phrag dog yul ni rnam par spangs/ /rtag tu dga' ba'i yid ldan pa/ /'dod chags chen po gcig pu'i yid/ /sdom pa de ni shes pa na/ /bla ma de lta bu la bya/ /de lta bu yi bla ma yis/ /'bad pas slob ma brtag par bya/ /ji ltar bsregs la sogs pas 
gser/ /ji ltar mkhas pas rin po che/ /ji ltar bde ldan bu mo ni/ /de ltar slob ma brtag par bya/ /de bas thams cad rab 'bad de/ /phan tshun so sor brtag par bya/ /de lta min na skyon du 'gyur/ /nam yang dngos grub thob mi 'gyur/ /ji ltar dug la rab sngags kyis/ /dag pa byas na 

</font><hr>80-1-67a<br><font size=+1>

bdud rtser 'gyur/ /de bzhin slob ma dbang sogs kyis/ /lus ni dri ma med par 'gyur/ /gang zhig dbang bskur sbyin byed pa/ /de ni rdor sems lta bur blta/ /bla ma sprul rgyal lta bur blta/ /dpal ldan bla ma me 'drar blta/ /bla ma ston pa bas lhag blta/ /yid bzhin rin 
chen mnyam par blta/ /ji ltar rab sbyor dang sngags kyis/ /sprul gyi rgyal po'i spyi bo las/ /tshad med pa yi rin chen rnyed/ /dbul ba thams cad med par byed/ /rab sbyor log dang sngags log gis/ /dga' mo nges par tshig par byed/ /de lta bu yi cho ga yis/ /khrims la sogs 
pa'i spyod pa yis/ /dpal zhal de nyid rin dbang phyug /tshe 'di nyid kyis rnyed par 'gyur/ /de ltar min te ma gus na/ /gsung gi me yis nges tshig byed/ /ji ltar me yis shing tshig pa/ /skad cig gis ni thal bar byed/ /gal te de bzhin dpal bla ma/ /mnyes na skad cig gis sdig 
tshig /rgyud 'di la ni mchog gi ni/ /bcom ldan dbang bskur du zhig mchis/ /bcom ldan 'das kyis bka' stsal pa/ /dbang bskur bzhi yi rim pa la/ /'bras bu yis ni gsum du bstan/ /dang por slob dpon dbang dang gcig /gnyis pa gsang ba'i dbang ni mchog /gsum pa 
shes rab ye shes dbang / /de ltar de bzhin bzhi pa'o/ /slob dpon dbang la bcu gcig dbye/ /gsang ba'i dbang dang bcu gnyis mchog /shes rab ye shes bcu gsum pa/ /de ltar de bzhin bcu bzhi'o/ /dbang re la ni sa re ste/ /de rnams sa yi dbang phyug bdag /rgyu rtsa gsum gyis 
shes par bya/ /de yi 'bras bu bzhi pa'o/ /yang na 'bras bu gsum dang bral/ /yang na bdag nyid gsum po yin/ /dga' ba'i bye brag shes par bya/ /'khor lo rnams kyi rim pas so/ /yar ngo yi ni gsum pa'i tshe/ /slob ma rab la dbang bskur bya/ /bzhin bzangs mig gi dkyus ring ba/ /
gzugs bzang lang chos brgyan pa yis/ /bcu gnyis yang na bcu drug gam/ /ma rnyed nyi shu lon pa'ang rung / /nyi shu yan chad phyag rgya gzhan/ /des ni dngos grub thag ring byed/ /sring mo yang na bu mo 'am/ /chung ma bla ma la dbul bya/ /de nas sna tshogs rdzas kyis ni/ /bla ma dad pas mchod 

</font><hr>80-1-67b<br><font size=+1>

par bya/ /sna tshogs rab ni brgya sogs dang / /rin chen sna tshogs rgyal mtshan mchog /mu tig phreng ba rin thang med/ /grangs med gser gyis mchod bya'o/ /de ring phan chad bdag ni 'bangs/ /chen po'i chen po mchod pa bzhis/ /de lta bu yi cho ga yis/ /'bad de bla ma mchod par bya/ /
bla ma'i gzugs ni bdag rang yin/ /bdag mchod byas na dngos grub 'thob/ /de yis skad cig phyag rgya che/ /mchod pa byas nas bsnyen par bya/ /bsnyen pa las ni gang zhig 'byung / /slob ma'i kha ru dbab par bya/ /sbom po mtha' ltag sbyar ba yis/ /longs spyod nang du gzhug par bya/ /de 
tshe yang dag ye shes skye/ /bu mo'i bde ba ji lta bu/ /srog dang rtsol ba mnyam byas nas/ /shin tu legs dgyes kyis mchod bya/ /rin chen kha la hUM phaT sngags/ /bkod nas mda' la bskyon par bya/ /de yi dus su dga' skad cig /ji ltar rang bzhin skye bar 'gyur/ /de ltar phyag rgya 
la bshad bya/ /'di ni dga' ba'i mtshan nyid do/ /de nasaslob ma'i lag tu ni/ /byin nas 'di skad smra bar bya/ /nga yi bka' lung rtog med pas/ /pad+ma'i don la ji bzhin gyis/ /pad+ma'i snying po'i dbus na ni/ /rdor dbyings dbang phyug ma ni bzhugs/ /de ma rnyed pa'i bar du ni/ /thabs 
gzhan la ni byang chub med/ /de ni rang bzhin dga' ba'i gzugs/ /phra mo'i phra mo yang dag mchod/ /dpal phyag rgya chen po'i thig le las slob dpon dang slob ma brtag pa dang / yon dbul ba dang / dbang bskur ba zhes bya ba'i le'u ste gnyis pa'o//    //de nas gsang ba bshad 
par bya/ /mchog dang rab mchog mchog gi mchog /phung po lnga yi bdag nyid sku/ /legs dgyes dbang po'i 'khor lo drug /zla phyed byad gzugs char yang ni/ /rlung gi 'khor lo'i nang na bzhugs/ /phyed min gang ba yang ma yin/ /chu yi zla ba bzhin du mthong / /sgyu 'phrul chen po 'gro ba'i ma/ /
char yang grangs med bsten pa yin/ /de ni mchog dang gzhan mchog phra/ /skye med gnyis med bsam du med/ /rlung gi 'khor lo skyed byed ma/ /sangs rgyas kyis kyang rnyed dka' ba'o/ /me yi 'khor lo'i nang na ni/ /thig le gcig pa yi ge med/ /thams cad nang yod yig kun yin/ /thams cad khyab 

</font><hr>80-1-68a<br><font size=+1>

dang bde ba 'byung / /bde ba 'phel bar byed pa'o/ /dbyangs dang dpe byad dang bral lo/ /grangs med pa yi khams gsum ni/ /rgyu dang skye bar byed pa'o/ /tshul ni glo bur ba yi gnas/ /rnam pa thams cad dang bral ba/ /dngos po sbrul lce 'dra ba yin/ /mtho ris sa ni skyed pa'o/ /
yi ge ma yin khams kyang med/ /zla tshes thig le rgyan dang bral/ /skye med grangs med mi zad pa/ /de ni don dam tshul yin no/ /sprul pa yi ni 'khor lo'i gnas/ /lte ba'i snyoms pa zhes su grags/ /chos kyi 'khor lo'i tshul tsam ni/ /dri ma med pa sprul mig 'dra/ /dri med ma bcos 
pa yi gnas/ /gnas med rnam pa med pa'o/ /g.yo ba med dang brjod du med/ /dbugs kyi rgyu ba med pa'o/ /mchog gi ye shes tshul can ni/ /bcu gsum dbang phyug gis mi shes/ /mchog gi longs spyod 'khor lor gnas/ /mchog gi rnam pa bdud rtsi mchog /theg pa mchog gi 
mtha' na yod/ /ji ltar chang gi mthu bzhin no/ /thams cad bdag nyid byad gzugs bral/ /gzugs med bdag nyid kyis bzhugs so/ /gzhan mchog bde chen 'khor lo la/ /thams cad mtha' yi mtha' na bzhugs/ /lta bar byed dang blta bya med/ /mtshan ngan thams cad med pa'o/ /
brjod med mi zad zhi bste/ /rang dga' nyams myong rnam pa'o/ /bla ma yi ni bka' drin gyis/ /legs dgyes dbang po rnyed par 'gyur/ /de lta bu yi ye shes che/ /rnam par shes drug rang bzhin can/ /'khor lo drug gi dbus su ni/ /don dam par ni bshad pa'o/ /steng dang 'og gi sbyor ba yis/ /
kha sbyar byad gzugs kyis ni yod/ /bcu gnyis phyed dang drug gi phyed/ /drug cu rtsa bzhi de bzhin brgyad/ /brgyad gnyis dang ni brgyad bzhi ni/ /'di ni 'khor lo chu skyes dug /dpal phyag rgya chen po'i thig le las sbyor ba drug gi mtshan nyid dang 'khor lo drug gi Rang gi ngo bo zhes bya ba'i le'u ste gsum 
pa'o//    //nyon cig lha mo skal chen mo/ /rtsa yi 'khor lo 'byung ba mchog /stong phrag bdun cu rtsa gnyis te/ /rtsa rnams kyi ni rigs bshad do/ /rigs chen po yi rgyud chen por/ /rgyas par bdag gis gsal bar byas/ /'di ru 'khor lo drug gi grangs/ /mdor bsdus pa ni bshad par 

</font><hr>80-1-68b<br><font size=+1>

bya/ /rlung gi 'khor lo'i rtsa drug ni/ /g.yo ba nam mkha' me dang sbubs/ /rab bskor dang ni 'jigs chen po/ /rtsa de rlung gi 'khor lo'i gnas/ /'dzin ma dang ni ro ma dang / /rtog med ma ni gru gsum gnas/ /me yi 'khor lo'i nang du ni/ /rtsa yi dbang po lngar shes bya/ /
mgyogs ma dang ni yang dag mgyogs/ /shin tu bzang dang bzang 'gro dang / /stobs chen mdang 'jigs chen ma/ /nga rgyal che dang 'jigs byed che/ /mthus myur ma dang mthu yi cha/ /mthu yi chu dang mthu dri dang / /mthu ma dang ni mthus 'bab ma/ /gtsub dang nur dang mthu 
du ma/ /rngam pa za ba nam mkhar 'gro/ /bya yi yan lag bya 'gro ma/ /phyug mo 'jigs ma nga ro dang / /brtul ma mchod ma myos ma dang / /sgra ma sgra 'byung sdig can ma/ /pad+ma'i sdong bu ma sngon mo/ /zil pa zil 'byung skra ma dang / /phyin phyogs kha dang dbyug pa dang / /dbyug pa'i nga 
rgyal dang po ma/ /tshe'u lto ma dang tshe'u grug ma/ /tshe'u bdun ma dang brtson 'grus ma/ /tshe'u khyim ma dang tshe'u kha ma/ /tshe'u 'od ma dang tshe'u lug rgyud/ /'bud ma bdag ma 'od ma dang / /dri med dang ni dri sreg dang / /thag lto ma dang thag dga' ma/ /thag mo dang ni tha ga dus ma/ /phug 
ron phum skye phra ma dang / /lo ma dang ni tshaRa lo dang / /gos gyon ma dang gsal byed ma/ /rtsa 'di brgyad po brgyad du dran/ /drug cu rtsa bzhi'i chu skyes ni/ /lte ba'i sprul pa'i 'khor lor gnas/ /rin chen ma dang pad chen mo/ /gshe chen ma dang stobs chen mo/ /mgo chen ma dang myos chen 
ma/ /dga' chen ma dang mi dga' che/ /de brgyad chos 'khor 'dam skyes ni/ /zhal bzang snying ga'i rgya mtshor ro/ /chags ma longs spyod longs spyod min/ /nyi 'od 'od ma b+ha ga dang / /lu ma dang ni thal gdong ma/ /bza' ster rang za ltogs ma dang / /ra sa ya na ro skyur ma/ /ro 'dzag dang ni 
ro ma dang / /sgur ma longs spyod 'khor lo'i gnas/ /brgyad gnyis 'dam skyes 'dab ma ni/ /mgrin pa yi ni rim pa'i rigs/ /'dod ma 'dod spyod tshe'u lus ma/ /zla 'thung zla lto mdzod ma dang / /skad snyan lkugs ma dur ba ma/ /ce skyang brgya ma skams pa ma/ /me ma rngon ma zla ba ma/ /gang ba 

</font><hr>80-1-69a<br><font size=+1>

gnyid ma gnyid skyes ma/ /chang 'tshong chang ster bdud rtsi ma/ /dung ma dang ni dung rna ma/ /dung mig ma dang dung sna ma/ /mthus phyug ma dang mthu ser ma/ /mthu rmongs ma dang mthu rngam ma/ /'gying ma dang ni ri rten ma/ /sum cu rtsa gnyis thod pa'i gnas/ /bde chen 'khor lo'i rgyal po 'di/ /
des ni 'khor lo rnams la khyab/ /thams cad phra mo reg bya med/ /gzung dang 'dzin pa rnam par spangs/ /bde chen bde ba'i rnam pa can/ /bde chen la sogs sbyin par byed/ /de yi rtsa ba'i 'byung ba yi/ /yang dag thar 'dod pas shes bya/ /lha mo rtsa byung med gyur na/ /phung po'i 'byung ba ji ltar 'gyur/ /
phung po med na ye shes che/ /rnal 'byor rnams kyis ji ltar rnyed/ /phung po lnga ni bdag nyid sku/ /mkha' 'gro lngar ni rab tu grags/ /mkha' 'gro lnga ni ye shes lnga/ /'byung ba lnga yi rang bzhin can/ /rtsa nyid 'byung ba med 'gyur na/ /phung po rnams ni 'byung ba med/ /phung po med na dngos grub ni/ /
rnal 'byor chen pos rnyed mi 'gyur/ /de bas 'bad pa thams cad kyis/ /rtsa yi 'khor lo btsal bar bya/ /ji ltar sprin gyi char gyis ni/ /rtag par de ni che bar 'phel/ /'bras bu mang zhing mtha' yas ni/ /the tshom med par sbyin par byed/ /de ltar phung po'i shing zhes bya/ /rtsa yi chu yis che bar 'phel/ /
cher gyur 'bras bu thar pa ni/ /the tshom med par sbyin par byed/ /lha mo'i dngos po gzugs su ni/ /rtsa yi byad gzugs yin par 'gyur/ /reg khams rgyal mtshan sbyor ba yis/ /me 'khor nang du chu skyes ni/ /gang tshe rdo rjes skyod par byed/ /de tshe me ni khong du chud/ /'khor lo chu skyes 
thams cad ni/ /je gsal je gsal kha 'byar 'gyur/ /de nas rtsa kun 'dzag 'gyur te/ /snod 'dzag pa yi chu thigs bzhin/ /de nas sprul pa'i 'khor lor ni/ /'dus nas gcig tu gyur pa'o/ /rtsa gnyis kha yi rtse mo las/ /zla ba dang ni nyi ma 'dzag /mngal gyi dbus na rtsa gnas pa/ /thag 
pa'i rnam pa'i gzugs su yod/ /de ni gcig tu rgyu zhes bya/ /'bras bu'i bye brag gnyis su 'gyur/ /g.yon nas khub 'byung ba dang / /g.yas nas khrag ni 'byung ba'o/ /gang tshe g.yas phyogs nyi ma ni/ /de tshe bde ba dmar por 'gyur/ /g.yon nas zla ba 'byung ba'i phyir/ /de ni bde ba dkar 

</font><hr>80-1-69b<br><font size=+1>

por 'gyur/ /de gnyis nang na me gnas pa/ /sgong skyes gnyis log ji bzhin no/ /sngon gyi las rlung rnam shes ni/ /gang tshe 'khor bar gyur pa na/ /de yi tshe na b+ha ga'i nang / /'dod chags chen pos yid 'gyur ro/ /gang tshe ma yi zla mtshan 'byung / /me dang nyi ma gsal bar 'byung / /de tshe 'dod 
chags chen po'i yid/ /reg bya bdun pa mchog tu 'gyur/ /bol+la kak+ko la zhugs nas/ /ji ltar chu la chu bzhag bzhin/ /de tshe sa bon 'byung ba yin/ /sa bon las ni gong bu 'byung / /lha mo de las rtsa rnams 'byung / /'bras bu nges par 'byung ba'o/ /dpal phyag rgya chen po'i thig le las 
'khor lo drug gi rtsa 'byung ba zhes bya ba'i le'u ste bzhi pa'o//    //srog ni 'byung bar thim pa'i tshul/ /nyon cig lha mo bdag gis bshad/ /ma skyes pa yi char yang ni/ /gsang ba'i mjal gyi nang du bzhugs/ /de ni rnam shes med pa dang / /bdag nyid med pa'i ye shes sku/ /de yi gnas nas 
srog 'byung ste/ /srog can rnams kyi srog ni mchog /rtag tu bdag nyid srog chen po/ /gnas lnga'i gnas na bzhugs pa'o/ /nam mkha' lnga zhes bya bar grags/ /nam mkha' lnga yi nang du thim/ /'byung ba chen po bzhi po ni/ /srog gi rten du shes par bya/ /yang na srog ni de rnams rten/ /
legs dgyes dbang mo shes par 'gyur/ /rnam shes las ni rlung skye'o/ /de las me ni skye bar 'gyur/ /de las chu ni skye 'gyur te/ /de las sa ni skye ba'o/ /de rnams kun las phung por 'byung / /de nas skye mched 'byung bar 'gyur/ /de nas ye shes rang bzhin skye/ /brgya rtsa brgyad kyi rim pas so/ /rdo 
rje phreng ba'i rgyud chen las/ /sngar ni bdag gis bstan pa'o/ /mtshan mo gang yin nyin gang yin/ /mtshan mo bdag gis bshad par bya/ /mtshan mo shes rab tu ni grags/ /shes rab mtshan mo yin par 'gyur/ /mtshan me'i rnam pa zla bar 'gyur/ /zla ba mya ngan 'das rang bzhin/ /kun 
rdzob dang ni don dam par/ /shes rab gnyis kyis shes par bya/ /kun rdzob reg byar shes par bya/ /gang zhig reg bya med par bde/ /blta bar dka' ba'i mtshan nyid do/ /rang bzhin med pa'i rang bzhin can/ /de ni bdag gis mtshan mor bshad/ /nyin mo thabs su grags pa ste/ /thabs 

</font><hr>80-1-70a<br><font size=+1>

ni nyi ma yin par 'gyur/ /b+ha ga'i 'byung ba nyi ma yin/ /nyi ma b+ha ga'i bdag por 'gyur/ /srid pa'i rnam pa nyi ma yin/ /zla ba mya ngan 'das pa'i gzugs/ /srid pa de ni rigs zhes bstan/ /nyi las 'byung ba zla ba'i rigs/ /dri ma med phyir nyi ma ste/ /rtog pa'i dra ba med pa'o/ /
dri ma med pa mchog phra ba/ /shin tu gsal ba stong sku'o/ /yang dag dri med gnas zhi ba/ /thams cad kun na bzhugs pa'o/ /rgyud rnams kun du sbas pa yi/ /de lta'i nyin mo bdag gis bshad/ /mtshams ni gnyis ka phrad pa ste/ /rdo rje pad+ma nyi zla 'byung / /lte ba gnyis ka phrad pa ni/ /phra ltar 
skad cig mtshan nyid do/ /nyon mongs las grol mtshams yin te/ /rnam pa med pa mchog gi mchog /sbyor gnyis dbus na yod pa ste/ /byug pa dang ni sred pa med/ /de mtshams sems can thams cad kyi/ /'khor ba'i lam rab dag par byed/ /shar ni mchog tu grags pa ste/ /dga' bral la 
sogs dang bral ba/ /mdud pa'i rtse mo mchog gi gnas/ /tsa na ka yi rus rnams gzugs/ /de yi kha ni gnyis yod do/ /shar ni zla ba'i bdag por shes/ /zla ba gyen du 'gro ba'i phyir/ /zla ba'i thig le mnyam par grags/ /thig le bzhir gyes bstan pa'o/ /thog ma tha ma'i dbus gnas na/ /
bzhi ba gang na'ang med pa'o/ /rang rig pa yi bdag nyid phyir/ /de bas brjod du med pa'o/ /de ni gsang bar bstan pa ste/ /shar ba'i don ni 'dus pa'o/ /nyon cig lha mo bde sbyin ma/ /nub pa'i yang dag bdag gis bstan/ /gang tshe sems ni nub pa na/ /sngar ni zla ba'i rnam par 'gyur/ /de tshe 
nub pa'i gnas su 'gro/ /mi 'gro ba ni 'gro bar 'gyur/ /gang tshe thog ma tha mar 'gro/ /de tshe nub par bstan pa'o/ /tha ma nub par bstan pa ni/ /rten pa'i gnas la rten med gnas/ /rten pa yis ni mchog bde la/ /rten med bde ba ga la yod/ /dpal phyag rgya chen po'i thig le las srog dang mtshan 
mo dang / nyin mo dang mtshams dang / shar ba dang nub pa bstan pa zhes bya ba'i le'u ste lnga pa'o//    //rtsa yi 'byung ba thog mar bstan/ /dus ni nyon cig bdag gis bshad/ /dus ni tshod ces bstan pa ste/ /dus la bye brag gnyis su dbye/ /dus ni bsam du med pa dang / /shin tu'i dus ni dus yin no/ /shin 

</font><hr>80-1-70b<br><font size=+1>

tu dus dang ngan dus dang / /sna yi 'phar ma bu ga gnyis/ /'ong ba de ni bzang dus bstan/ /'gro ba bzang min dus su bshad/ /bzang ba min dus chad ces bya/ /bzang ba de ni mchog tu dran/ /gnyi ga dang bral de kho nyid/ /de ni sngar med 'di ru 'dus/ /lta ba med dang blta ru med/ /mtshan 
ngan thams cad dang bral lo/ /de lta'i dus ni bdag gis gzhan/ /zhal bzang yang dag bshad pa yin/ /de yi dus su gzhan du yid/ /rnal 'byor pa de mi bgyid na/ /dam tshig dbang mo bdag ji ltar/ /gzhan min rdo rje 'dzin par 'gyur/ /A li kA li gang nas 'byung / /nyon 
cig de ni bdag gis bshad/ /yang dag dri med gnas nas 'byung / /snang ba mched pa'i gzugs can no/ /dpe byad sum cu gsum dang ldan/ /kA li'i dkyil 'khor shin tu gsal/ /snang ba mched pa'i gnas nas te/ /snang ba de ni gsal bar 'byung / /dbyangs kyi yi ge bcu drug ldan/ /rgyas 
pa A li'i dkyil 'khor ro/ /de gnyis mnyam par sbyor ba yis/ /dal bus ro chen skye bar 'gyur/ /mchog gi bdud rtsi rnam pa ni/ /bde ba chen po'i bde ba'i gnas/ /rig ma'i sna rtse'i gnas na bzhugs/ /chu skye 'khor lo drug gsal byed/ /de yi reg bya bde sbyin pa/ /ro chen brgyad ni shes par 
bya/ /'dar dang rdul dang ba spu langs/ /skad 'gag pa dang mdog gsal dang / /kha dog 'gyur zhing mchi ma myos/ /de ni snying po'i ro brgyad do/ /ro yis dgug byas dga' ba rnams/ /shin tu bzang po skye bar 'gyur/ /dga' dang mchog gi dga' ba dang / /dga' bral lhan skyes de bzhin no/ /
dga' ba zhes bya snang ba yin/ /mchog dga' snang ba mched par bstan/ /dga' bral snang ba thob ces bya/ /lhan skyes de ni yang dag 'od/ /de yi dus na skad cig skye/ /sna tshogs la sogs mtshan nyid do/ /snang ba zla ba zhes su bstan/ /snang ba mched pa nyi ma'o/ /mtshams ni snang ba thob par 
grags/ /gsum dang bral ba yang dag 'od/ /gang che mdud pa'i nang du sems/ /de tshe dga' ba 'byung bar 'gyur/ /mdud pa'i mtshams nas nas gsum tsam/ /mchog gi dga' ba 'byung bar 'gyur/ /gsum gyi gnas nas gsum du 'gro/ /dga' bral 'byung bar 'gyur ba'o/ /gang zhig 

</font><hr>80-1-71a<br><font size=+1>

gsum dang gsum spangs pa/ /de kho na nyid rang bzhin shar/ /de ni gsang ba chen po'i mchog /gsang ba'i gsang ba yang dag mchog /'dus pa la sogs rgyud rnams su/ /legs dgyes dbang mo sbas pa bya/ /sdom pa'am ni kye'i rdo rje/ /der yang gsal bar ma byas so/ /
khyod kyi ngor mdzad mchog de ni/ /gsang chen bdag gis gsal bar byas/ /sangs rgyas byang chub sems dpa' dang / /gzhan ma shi med kun nyon mongs/ /de lta'i mchog gi de kho na/ /bdag min na ni de mi shes/ /gzhan yang chos kyi dbyings grags pa/ /de nyid nyon cig bdag gis bshad/ /
nam mkha' chos kyi dbyings yin te/ /dbyings ni sa bon zhes su dran/ /chos rnams kun gyi nang na yod/ /rgyu dang mchog gi gnas yin no/ /ji ltar til la mar yod dang / /ji ltar shing la me yod pa/ /de bzhin chos rnams kun la yang / /chos kyi dbyings kyis khyab par ni/ /yod na yar ni 
mthong mi 'gyur/ /chos kyi dbyings ni b+ha gar grags/ /b+ha ga rin chen snod yin no/ /dbang phyug la sogs yon tan ldan/ /de ni b+ha gar kun tu grags/ /chos ni b+ha ga zhes byar bstan/ /dbyings ni sems su shes par dran/ /khams gsum gyi ni mtha' yas la/ /sems ni de yi 
rgyu yin no/ /kun rdzob rnam pa'i gzugs su ni/ /chu zla lta bu mthong bar 'gyur/ /don dam de ni mthong ba med/ /mthong med ma yin dngos med min/ /rang rig pa ni mchog zhi ba/ /dngos dang dngos med dang bral ba/ /de ni mchog gi de kho na/ /chos kyi dbyings bdag zhi ba'o/ /dpal 
phyag rgya chen po'i thig le las A li kA li 'byung ba dang dus kyi mtshan nyid dang / chos kyi dbyings bstan pa zhes bya ba'i le'u ste drug pa'o//    //gzhan yang nyon cig bdag gis bshad/ /ji bzhin rdo rje'i mtshan nyid can/ /mi phyed rdo rje zhes su bstan/ /ye shes lnga yi bdag 
nyid mchog /nam mkha' lnga yi dbus su thim/ /nam mkha' lnga yi bdag nyid do/ /pad+ma'i lte ba'i nang na bzhugs/ /thig le gcig pu yi ge med/ /rnam pa thams cad rnam pa med/ /de ni rdo rjer kun tu grags/ /bdag gi sgra yi nges pa'i don/ /nyon cig bdag gis de nyid bshad/ /

</font><hr>80-1-71b<br><font size=+1>

a ni yig 'bru gzugs kyi mchog /thams cad kun gyi lus nang yod/ /rnam pa thams cad mchog ni rdzogs/ /kun yod ma skyes thams cad mkhyen/ /rtag tu stong pa thams cad khyab/ /thams cad sun gcig byed pa'i rgyu/ /srid pa srid mchog nyin mo ni/ /sprul pa'i sku yi bde ba'o/ /
lus ni de bzhin gshegs skyabs sbyin/ /thams cad don ni byed nus pa'o/ /ha~M gi yig 'bru gzugs dang bral/ /lus gnas lus las ma skyes pa'o/ /rnam pa kun las rnam par grol/ /byad gzugs dpe byad kun dang bral/ /dngos po dngos min rnam par grol/ /skye dang 'jig pa'i byed pa 
po/ /dngos po thams cad nub pa po/ /chos kyi sku yi rang bzhin can/ /sems ni rdo rje 'dzin skyabs sbyin/ /yi ge thams cad dang bral la/ /stong pa'i rnam pa mya ngan 'das/ /ye shes sku yi rang bzhin can/ /dri med brjod med zhi ba ste/ /de ni ha~M du kun tu grub/ /bdag ni thams cad kun gyi 
nang / /thams cad bdag nyid rtag tu bzhugs/ /dngos po kun gyi bdag nyid la/ /de ni khyab par yod pa ste/ /bdag ni med na 'gro ba kun/ /ji ltar rtsa bcad shing bzhin no/ /ha~M gi yig 'bru mtshams kyi mthar/ /a ni yig 'bru mgo bo'i rtser/ /a ni yig 'bru zla ba dag /ha~M gi yig 'bru 
nyi ma'i 'od/ /a ni yig 'bru rten yin te/ /ha~M gi yig 'bru brten pa'o/ /a yi yig 'bru srog ces bshad/ /ha~M gi yig 'bru rtsol par dran/ /gang zhig gnas su de gnyis sbyar/ /de ni bdag nyid gsal bar 'gyur/ /rgyud rnams kun las rnyed dka' ba/ /de ni yang dag bdag sgrar bshad/ /
dpal phyag rgya chen po'i thig le las rdo rje'i mtshan nyid dang / bdag sgra'i nges pa'i don zhes bya ba'i le'u ste bdun pa'o//    //gsang ba'i don ni bshad bya ba/ /gsang ba zhes bya ci zhes brjod/ /gsang ba zhes bya dga' bar bstan/ /mchog ces bya ba mchog yin no/ /dgyes pa zhes bya dga' 
bral bstan/ /thams cad bdag nyid lhan skyes dran/ /gsang ba nyid ni gsang ba yin/ /gsang ba khu bar bstan pa'o/ /khu ba srog ces bstan pa ste/ /srog ni rten du dran pa'o/ /rten ni sar ni shes par bya/ /khams gsum kun ni 'byung ba'o/ /mchog ni chu zhes bstan pa ste/ /chu ni srog 

</font><hr>80-1-72a<br><font size=+1>

gi tshe yin no/ /chad la de ni 'od ces bstan/ /'od ni rnam par dag ces dran/ /rnam par dag pa bde chen dngos/ /de ni rang bzhin bstan pa'o/ /rnam par dag pa 'byung min gnas/ /babs pa rnam dag brjod pa yin/ /babs pa dngos min zhes byar bstan/ /dngos min rnam dag 
brjod ma yin/ /rnam dag phra ba'i phra mo ste/ /phra mo'i rnam dag gzhan na gnas/ /phra mo'i rang bzhin zhes byar bstan/ /gzung dang 'dzin pa rnam par spangs/ /rang dngos bde ba chen po ni/ /ye shes rlung du rab tu grags/ /de ni nam mkha' zhes su bshad/ /nam mkha' stong par bstan pa'o/ /stong pa 
las ni thams cad 'byung / /stong pa'i nang du thams cad thim/ /stong pa yang dag dri med gnas/ /rnam pa thams cad dang bral ba/ /mchog gi rnam pa skye med dag /rang dga' nyams su myong ba dngos/ /de ni rang bzhin zhes su bshad/ /thams cad bdag nyid rtag tu bzhugs/ /rigs 
lnga yi ni mtshan nyid de/ /nyon cig bdag gis bshad par bya/ /rigs ni ka pA la zhes brjod/ /ka pA la ni ka ru bshad/ /ka ni rtsa ba zhes byar grags/ /rtsa ba bye brag lnga ru dran/ /de bzhin gshegs pa lnga yi sku/ /de ni phung po lnga zhes dran/ /phung po lnga ni grub pa'i sku/ /'byung ba lnga yi 
rang bzhin can/ /tshangs pa khyab 'jug drag po dang / /dbang phyug rtag tu zhi ba la/ /lnga la khyab pa gcig pu ste/ /bdag ni don dam pa yi pha/ /thams cad khyab pa'i stong chen po/ /bdag ni 'pho med ma skyes pa'o/ /ka ni gang zhig thugs rje 'thung / /pA ni dam tshig skyong ba yin/ /la ni 
ngan 'gro'i pha rol phyin/ /de ni ka pA la ru bshad/ /ka yi sgra ni rang bzhin yin/ /ka ni gang du'ang mi gnas pa'o/ /dngos po thams cad khyab pa'o/ /de ni ka zhes bstan pa'o/ /de bdag he ru ka yi dngos/ /chos kyi 'khor lo'i gnas na bzhugs/ /rtag tu zhi ba longs spyod 'khor/ /dbang 
phyug bde chen 'khor lo'o/ /drag po lte ba'i 'khor lor gnas/ /khyab 'jug me yi 'khor lo'o/ /tshangs pa rlung gi 'khor lor te/ /rlung ni thams cad nang yod tshe/ /bdag ni 'khor lo drug gi dbus/ /kun la de ni khyab par bzhugs/ /stong nyid gzhan mchog stong pa nyid/ /bdag dpal 

</font><hr>80-1-72b<br><font size=+1>

he ru ka yi mchog /mkha' 'gro lnga yi gtso bo ste/ /ye shes mkha' 'gro dbang phyug bdag /'byung ba lnga yi rang bzhin can/ /mkha' 'gro ma yis kun du bskor/ /dpal phyag rgya chen po'i thig le las/ gsang ba dang dga' ba bzhi dang / rigs lnga'i mtshan nyid ces bya ba'i le'u ste 
brgyad pa'o//    //de nas gzhan yang bshad bya ba/ /phyag rgya'i brda ni rab yin te/ /rna cha gdu bu 'khor lo dang / /mgul do de bzhin thal ba dang / /tshangs pa'i skud pa phyag rgya drug /pha rol phyin drug dran pa'o/ /sbyin pa tshul khrims bzod brtson 'grus/ /bsam gtan shes 
rab drug yin no/ /sbyin pa chos zhes bstan pa ste/ /tshul khrims las zhes dran pa'o/ /bzod pa dam tshig ces su dran/ /brtson 'grus ting 'dzin shes par bya/ /bsam gtan ye shes zhes byar dran/ /shes rab ces bya phyag rgya che/ /don dam par ni shes par bya/ /skye mched drug ni dag 
par bya/ /phyag rgya drug tu rab tu grags/ /rigs drug rim par shes par bya/ /lha mo'i bdag nyid phyag rgya drug /ya~M ra~M la~M ba~M a~M ha~M ste/ /lha mo yi ni rim pas so/ /de ru mchod pa rab tu bya/ /mchod pa ro mnyam rim pa'o/ /thim dang longs spyod dbang gis ni/ /gnas kun gyi ni de bzhin no/ /
gtum mo btso blag Do ma bi dang / /gar mkhan thod pa bram ze mo/ /gtum mo pad+ma'i rigs yin te/ /btso blag rin chen rigs su dran/ /Dom bi rdo rje'i rigs zhes bya/ /gar mkhan ral gri'i rigs su dran/ /thod pa can ni 'khor lo'i rigs/ /de lnga dag pa phyag rgya'o/ /ye shes phyag rgya bram 
ze mo/ /rdo rje sems dpa'i rigs su dran/ /bram ze mo ni ma yin te/ /thod pa ma ni sring mor dran/ /gar mkhan bu mor shes par bya/ /Dom bi chung mar rab tu grags/ /btso blag mkhan ni mna' ma yin/ /gtum mo sgyug mor dran pa'o/ /shes rab thabs kyi cho ga yis/ /rtog pa med pas mchod 
par bya/ rnam rtog med pas dngos grub 'grub/ /ji ltar bsnyen pa skad cig gis/ /ma ni sems zhes bstan pa ste/ /gsung ni 'di ru sring mor dran/ /bu mo sku ru rnam par grags/ /chung ma srog ces bya bar dran/ /mna' ma rtsol bar dran pa ste/ /sgyug mo mnyam par dran pa'o/ /ma ni mthu yi rtsa 

</font><hr>80-1-73a<br><font size=+1>

yin te/ /sangs rgyas rin po che yi snod/ /sring mo khu ba'i rtsa yin te/ /mchog ma'i gnas na yod pa'o/ /bu mo khrag gi rtsa yin te/ /khu ba'i rtsa yi 'og na yod/ /chung ma dri chu'i rtsa yin te/ /gnyis kyi bar na yod pa'o/ /mna' ma mchi ma'i rtsa yin te/ /mgrin pa'i gnas na yod 
pa'o/ /sgyug mo snabs kyi rtsa yin te/ /dpral ba'i gnas na yod pa'o/ /ma ni sa ru shes par bya/ /sring mo chu ru dran pa'o/ /bu mo me ni yin par dran/ /chung ma rlung du rab tu grags/ /mna' ma de ni nam mkha' ste/ /sgyug mo nam mkha' ma yin no/ /ma ni mngar ba yin par 'gyur/ /srid mo de ni 
skyur bar dran/ /bu mo kha bar shes bya ste/ /chung ma lan tshwar 'di ru dran/ /tsha ba de ni mna' ma ste/ /sgyug mo bska bar dran pa'o/ /de rnams 'bad pas mchod par bya/ /myur du dngos grub thob par 'gyur/ /rnal 'byor rgyud las rnyed dka' ba/ /phyag rgya'i rigs su bdag gis bshad/ /dpal 
phyag rgya chen po'i thig le las phyag rgya'i brda dang mchod pa'i cho ga zhes bya ba'i le'u ste dgu pa'o//    //de nas mchod pa'i cho ga ni/ /phyi dang nang ni bdag gis bstan/ /sa rdo la sogs mchod rten la/ /nam yang de la phyag mi bya/ /rab gnas dkyil 'khor sbyin sreg rnams/ /nam yang de 
ni mi bya'o/ /dri chen rdor chu sa bon sogs/ /rtag tu bdag nyid mchod par bya/ /'gro dang mi 'gro gang zhig ni/ /de ni thams cad sems yin no/ /de yi gzugs grub sems ma yin/ /sems ni stong pa'i rang bzhin no/ /ngo bo nyid bral stong pa ste/ /de bas 'gro ba sems su grub/ /de lta bu yi 
dag byas na/ /rtsa sogs la yang mchod pa bya/ /nyid ni mnga' bdag rdo rje sems/ /sems ni bdag nyid dran pa'o/ /sems ma yin pa lha yi dngos/ /phyi rol gzhan ma med pa'o/ /de ltar shes nas bdag nyid ni/ /dang po de nyid mchod par bya/ /rigs lnga dag tu kun spyod pa/ /rigs gcig 
tu ni rnam par brtag /byams dang sdang ba'i bye brag dang / /btung dang mi btung spang bar bya/ /bud med gang yang snod min med/ /dge dang mi dge smra mi bya/ /dngos grub rnal 'byor med pa dang / /sngags med sngags pa med par ni/ /dngos grub chen po thob 'dod na/ /de lta bu yi sems mi 

</font><hr>80-1-73b<br><font size=+1>

bya/ /rlabs che gting ring yang dag pa'i/ /skyes bu chen pos sems de bya/ /nyan thos rnams dang mnyam pa'i sems/ /nam yang de ltar mi bya'o/ /brtan med nyan thos skal ldan min/ /log pa'i mun pas ye shes g.yogs/ /de rnams la ni gtam tsam yang / /skyes bu chen 
pos mi sbyin no/ /smad par yang ni yong mi bya/ /de la nam yang phyag mi bya/ /phyi dang nang gi sbyor ba yi/ /'di ru gnas ni bdag gis bshad/ /rdo rje'i gnas ni u rgyan dang / /gnas ni dzA lan d+har ra dran/ /gnas ni pUl+li ra ma dang / /gnas ne kA ma rU pa'o/ /nye ba'i gnas ni mA la ra bstan/ /sin 
d+hu na gar sing g+ha la/ /zhing ni mu~M mu ni ru grags/ /de bzhin de wi koT dang / /nye ba'i zhing ni ku lu ta/ /ar bu dar ni de bzhin dran/ /ha re ke la ts+tshan do har/ /go dA ba ri de bzhin no/ /lam pa ka dang kI tsiste/ /nye ba'i ts+tshan dong bstan pa'o/ /'dus pa de ni kar mar te/ /de bzhin du ni gser 
gling ngo / /kong ka dang ni bin d+ha ste/ /nye ba'i 'dus par dran pa'o/ /yi dgas 'dus pa'i dur khrod dang / /dur khrod rgya mtsho'i ngogs su'o/ /nye ba'i dur khrod tsa ri tra/ /de bzhin kau mAr pa ra'o/ /ka smIr pi la wa ru grags/ /de bzhin ke rad yul yin no/ /nye ba'i pi la ne pa la/ /nye ba'i pi la 
kar no ja/ /u Di yan spyi bo'i gnas/ /dzA lan d+ha ra sbyi gdug dran/ /pUl+lir ni mtshog ma ste/ /kA ma rU ni smin phrag dbus/ /mA la ba ni sna rtse ste/ /sin d+hu mig gnyis yin par grags/ /na gar rna ba gnyis su dran/ /sing g+ha mkha' yi pad mar gnas/ /mumU ni ni ko sko'o/ /de bI ko Ta 
mgrin gling du/ /ku lu ta ni rgyab gling du/ /ar bu da ni nu gnyis su/ /ha ri ke la snying ga'o/ /gong dA ba ri lte ba'i gnas/ /lam pa ka ni gsang bar ro/ /kA~M tsi ling ga'i dbus su gnas/ /kar ma ling ka'i rtse mor ro/ /gser gling gzhang kha'i gnas su ste/ /kong ka na ni brla gnyis dran/ /pin 
d+ha pus mo gnyis yin no/ /yi dgas 'dus pa byin pa ste/ /rkang bo la gnyis su rgya mtsho ngogs/ /ko+o mA rI ni mthe bong ste/ /tsA ri tra ni sor mor ro/ /kha che'i yul ni lus rnams kun/ /ker ta ni rkang mthil lo/ /ne pa la ni ltag pa ste/ /ka pi dzi ni rked pa'o/ /de ni don dam pa yi gnas/ /ri bong can 

</font><hr>80-1-74a<br><font size=+1>

'od me tog dang / /me tog dmar po nyi mnyam gyis/ /mchod pa'i dus su mchod par bya/ /srog gcod pa yi mchod sbyin ni/ /'bad pas de ru dbul bar bya/ /pad ma chen po'i mtsho gnas su/ /srog ni gcad par bya ba'o/ /chad pa nam yang mi bya ste/ /de la brtson 'grus 
chen po bya/ /srog gcod pa yi bsod nams bya/ /mchog gi mchog ni yang dag rnyed/ /gru gsum dri med dag par ni/ /de ru dkyil 'khor 'phar ma gnyis/ /nang gi 'phar mar dpal bcom ldan/ /byang chub sems nyid ldan pa'o/ /phyi rol rigs gsum rnal 'byor ma/ /'dzin ma la 
sogs mchog chen no/ /lus kyi nang nas 'byung ba'i phyir/ /de ni lha mo zhes su bstan/ /dkyil 'khor lus su bstan pa dang / /b+hag dkyil 'khor yin par bshad/ /dkyil 'khor byang chub kyi ni sems/ /dkyil 'khor gsum ni rtogs pa'o/ /dur khrod brgyad kyi dbus gnas 
su/ /dkyil 'khor gsum ni bsgom pa'o/ /dbugs 'byung dur khrod ces su bshad/ /sgo dgu dang ni ldan pa'o/ /yang dag nyon cig zhal bzang mo/ /de yi 'byung ba bdag gis bshad/ /gtum drag gzhang kha'i dbyibs can ni/ /gsang ba'i tshang tshing kha ru'o/ /'bar ba zhes bya'i 
dur khrod ni/ /sna yi bu ga gnyis na gnas/ /dmyal sogs de bzhin mi bzad pa/ /mig gnyis la ni gnas pa'o/ /ha ha rgod dang g.yer kha can/ /rna ba gnyis la gnas pa'o/ /dur khrod re re'i shing re ni/ /dbang byed pa ni de na yod/ /gtum drag pa ta la yi shing / /dbyibs can nang na shi 
ka ra'o/ /tshang tshing sa li shing yin no/ /'bar ba zhes bya so ri sha'o/ /dmyal sogs u dum bA ra ste/ /mi bzad pa ni pa ta'i shing / /ha ha rgod na a shwat+tha/ /g.yer kha'i nang na ge sar shing / /shing gi rnam pa brtsa brgyad ni/ /yan lag mang po yod pa'o/ /gzhang mthu rtse me mthus byed 
ma/ /ri yi rtse mo ro lus ma/ /nam mkha' ma dang char sbyin ma/ /rul pa ma dang ltogs ma ste/ /bye brag brgyad du gyes par dran/ /shing gi sgra ni rtsa yin te/ /shing ni me tog yod phyir ro/ /mchog gi dkyil 'khor steng du ni/ /me tog med na ji ltar mchod/ /dpal phyag rgya chen po'i 

</font><hr>80-1-74b<br><font size=+1>

thig le las/ dkyil 'khor dang / lha mo dang / gnas dang / dur khrod dang / shing dang / mchod pa zhes bya ba'i le'u ste bcu pa'o//    //nyon mongs thams cad med byed pa/ /nyon cig sbyin sreg bdag gis bshad/ /lte ba'i gnas na tshul yod pa/ /tshul gyis mtha' na gsang pad do/ /de ru rang 
'bar gyi ni rlung / /bskor ba byas nas ngal so ste/ /dbang po gnyis shing sbyor ba yis/ /rlung gis me ni sbar ba'o/ /mar yod pa ni steng 'khor lo/ /de ni mar snod ces su dran/ /ha ni blugs gzar zhes su bshad/ /dgang gzar 'di ru rdo rjer bstan/ /ho ma khung b+ha ga zhes su bshad/ /'bru ni dbang po 
lnga ru dran/ /yam shing phung po zhes byar bstan/ /byang chub sems ni mar du bsreg /mar ngo yi ni man chad du/ /nya la thug nas gshegs su gsol/ /thig pa phyed tsam dgang gzar las/ /hom khung phyi rol yang mi bya/ /sangs rgyas byang chub sems dpa' dang / /lha dang lha min srin po dang / /
'jig rten skyong ba brgyad rnams la/ /bsreg bya yis ni rab tshim bya/ /mchod pa gang zhig rdor sems la/ /bsreg rdzas gang bas dbul bar bya/ /hU~M phaT rnam pa'i sngags kyis ni/ /mkhas pas bsreg rdzas sbyin par bya/ /de yis mkha' 'gro ma rnams dang / /gzhan yang rnal 'byor ma mo mnyes/ /
gang zhig yid la ci bsams pa/ /dngos grub chen po mtha' yas ster/ /re ba thams cad 'grub byed pa/ /de lta'i sbyin sreg bdag gis bshad/ /dpal phyag rgya chen po'i thig le las don dam pa'i sbyin sreg gi cho ga zhes bya ba'i le'u ste bcu gcig pa'o//    //bdud rtsi lnga yi cho ga'i rab/ /
mdor bsdus pa ni bdag gis bshad/ /rnam snang mi bskyod don yod grub/ /dpag med rin 'byung zhes lngar bstan/ /rin chen 'byung ldan khrag ces bstan/ /snang ba mtha' yas khu par brjod/ /don yod grub pa sha chen te/ /mi bskyod pa ni rdo rje chu'o/ /rnam par snang mdzad dri chen bshad/ /de ni 
bdud rtsi lnga yin no/ /dben dang mi med dgyes pa yi/ /gnod pa thams cad dang bral ba'i/ /de ru khang pa rab tu bya/ /nyis brtsegs dang ni sgo dang ldan/ /gcig ni sa yi 'og tu bya/ /de yi steng ni gnyis pa'o/ /'jig rten pa yis gcig tu shes/ /de ltar mkhas pas khang par bya/ /re zhig bsgrub 

</font><hr>80-1-75a<br><font size=+1>

dbang skal ldan pa/ /thos pa che zhing ser sna med/ /snying rje chen po'i rlan dang ldan/ /zhe sdang phrag dog bral ba dang / /dpa' ba che dang rlabs che ba/ /sgrub pa'i grogs dang de bzhin te/ /'dod chags dang bral gnyis med pa/ /ser sna med cing brtson 'grus ldan/ /khro ba med cing 
dpa' chen po/ /bla ma la gus thos pa che/ /'bras bu gsum la sogs pas lus/ /dang por yang dag des dag bya/ /de nas sngags pas 'bum phrag gcig /sum b+ha'i sngags ni gsal bar bzlas/ /oM sum b+ha ni sum b+ha hU~M hU~M phaT/ oM gr-i h+Na hU~M hU~M phaT/ oM gr-ih+NA ba ya gr-i h+NA pa ya 
hUM hUM phaT/ oM A na ya ho b+ha ga ban badzra bid+yA rA dza hUM hUM phaT/ de nas yi ge gsum gyi sngags/ /sgrub pa'i dbang pos yid kyis bzlas/ /rmi lam na ni 'di ltar mthong / /rnal 'byor ma yi tshogs kyi 'dus/ /de yi gsung gi sbyin pa ni/ /yid 'phrog ma yi bu mo khyer/ /sems can don 
ni tshad med kyis/ /ji ltar rdo rje 'dzin pas mdzad/ /mig mdzes bu mo rnyed pa ni/ /gzugs dang lang tsho rgyan dang ldan/ /'dod chags chen pos rgyags pa dang / /legs dgyes rings par g.yo ba dang / /sngo bsangs nu sra dpa' mo dang / /rtog med pa dang thos pa che/ /de 'dra'i bu 
mo chen mo la/ /gang tshe zla mtshan 'byung bar 'gyur/ /de la grong pa'i sbyor ba yis/ /shes rab thabs kyi cho ga bya/ /gang tshe ro ni 'byung bar 'gyur/ /de tsam de tsam rab tu bya/ /de tshe kha yi pad+ma yis/ /zhag bdun par du blang bar bya/ /shin tu gsal ba'i pad snod du/ /rin chen 'dra ba'i 
rak+ta bzhug /nyi ma gsum du kha yis ni/ /dag pa'i pad rgyal gzhib bar bya/ /shes rab thabs kyi cho ga ni/ /yang ni rnal 'byor ba yis brtsam/ /de ru chang ni btung bar bya/ /stobs kyi sA lu bza' bar bya/ /yang na ra yi 'o ma 'am/ /yang na nam mkha'i stobs bza'o/ /mtshan 
mo nyin mo sbyor ba yis/ /bsrub thabs chen po dpyad par bya/ /gang tshe khu chen 'ong 'gyur bas/ /bu mo myos par gyur pa na/ /de tshe kha yis blang bar bya/ /lce la sogs pa'i gtsags bu yis/ /skyon med pa yi gnas su ni/ /pad+ma'i snod du gzhag par bya/ /brgyad dang yang na bcu bzhi 

</font><hr>80-1-75b<br><font size=+1>

dang / /yang na bcu ni mar gyi ngo / /mdung rtse yang na ral gris bsad/ /rigs lnga'i nang na rigs gcig go/ /na tsha med dang bde ba 'grub/ /gzugs dang lang tsho ldan pa dang / /skye ba bdun nam yang na gsum/ /sgrub pa'i grogs kyis khyer nas 'ong / /sna tshogs mchod sbyin mchod pa yis/ /rtse 
gcig gis ni mchod par bya/ /de yi yan lag rab ni blang / /pad+ma'i snod ni de la bya/ /shes rab dang ldan thabs kyis ni/ /de yi snod du chang btung bya/ /stobs chen rang nyid cung zad tsam/ /dngos grub 'grub phyir bza' bar bya/ /pad+ma'i snod du bsrubs pa las/ /cung zad 'bad de gzhag par bya/ /
gzhan ma sman gyis 'bad de ni/ /grogs kyi dbang pos btso bar bya/ /ra yi 'o ma ti la mar dang / /mar ni sha ka ra dang bcas/ /kha ra la sogs mnyam pa'i cha/ /stobs ni lnga ru gyur dran pa'o/ /kha ru tsha dang tsha ba gsum/ /sug smel nA ga ge sar dang / /dzA ti pha la dwa tsha dang / /ga bur rim 
par che bar bya/ /shin tu 'jam pa'i dri med snod/ /a ga ru sogs kyis bdug bya/ /'bad de gzhan gyi snod du btso/ /bdug pa byas par gzhag par bya/ /nyi ma bdun gyi bar du ni/ /stobs chen sA lu bza' bar bya/ /de ni zos pa tsam gyis ni/ /gang zhig mi bskyod sngaRa 'ong 'gyur/ /de ni 
pad+ma'i snod du blang / /steng dang 'og ni mkhas pas bor/ /tho rangs cung zad tsam ni btung / /cung zad tsam ni snod du bzhag /shes rab thabs kyi gnyis 'byung ba/ /de yi snang mdzad 'dus pa ni/ /rnal 'byor pa yis rtse gcig bya/ /rnal 'byor grogs po'i sgrub pa'o/ /'bras bu ur shing man 
shing dang / /ti kar ku ta pus kar ma/ /'o ma dang ni chang ror ldan/ /rtse gcig gis ni btso ba ni/ /lcags kyi snod du btso bar bya/ /ma rnyed na ni rdza snod du/ /dag pa'i rigs kyi me tog gis/ /nyi ma bdun du bdug par bya/ /de nas snying po'i sman de ni/ /rim pas che bar blug par bya/ /li shi ga bur 
la ta dang / /gla rtsi tsan+dan dzA ti dang / /dzA ti pha la sug smel dang / /dwa tsha tsha ba gsum dang ro/ /dkar po'i sha kar dang ldan pa'i/ /mar dang bcas nas btso bar bya/ /me ni 'jam par smin pa yis/ /grogs kyi dbang pos btso bar bya/ /a ga ru sogs kyis bdug gis/ /rdo yi snod du gzhag par 

</font><hr>80-1-76a<br><font size=+1>

bya/ /nyin re zhing ni zho gnyis ni/ /zhu ba yin na bza' bar bya/ /zhu ba yin na zho bzhi dang / /de nas zho drug rtag tu bza'/ /bdud rtsi lnga yi cho ga de/ /gsang chen bdag gis bshad pa'o/ /gzhan yang yan lag lnga yi sman/ /mkhas pas de la ril bu bya/ /skyu ru ra tsam du byas te/ /
grib ma la ni bskam par bya/ /ras dang yan lag bkru byas nas/ /de bzhin thig le bya ba'o/ /'bad de kha la gzhag par bya/ /tshogs kyi dkyil 'khor sbos kyang bya/ /zhi dang rgyas dang dbang byed dang / /drag po dregs la sogs pa yin/ /ril bu yis ni byas tsam na/ /the tshom med par 'grub 
par 'gyur/ /dpal phyag rgya chen po'i thig le las bdud rtsi lnga bstan pa zhes bya ba'i le'u ste bcu gnyis pa'o//    //au rgyan gnas la sogs par ni/ /rnal 'byor ma ni 'dus pa'o/ /de yi gnas su skad smra ba/ /gsang ba'i sgra ni yod pa'o/ /nyon cig sems ni rtse gcig 
gis/ /de ni yang dag bdag gis bshad/ /ma da na chang ba la sha/ /ma la a tsa 'dus par dran/ /'gro ba khe Ta ro shrA ba/ /ni ra~M shu ka rus pa'i rgyan/ /phreng kha na ni 'ong ba yin/ /kun tu ru ni dbang po sbyor/ /du dur skal ldan min par bshad/ /ka lin dza ra skal ldan gzhug /Di Na Di reg 
bya min par bstan/ /thod pa pad+ma b+hany+dza na/ /dri chen bzhi mnyam yin par bstan/ /dri chu gla rtsi dran pa'o/ /khu ba ga bur bstan pa ste/ /sha chen sA li dza ru dran/ /b+ha ha ka ni chu zhes bya/ /sgro ni yan lag ces byar dran/ /sha ka bzang po zhes su bshad/ /ho zhes bya ba 'grangs 
par bshad/ /dzeg+h+re k+Sha ba laM kar bkres/ /dbyung ma g+ha na tshogs 'khor lo/ /ka pe la ma ni gyis su gyur/ /na ga raM ni bdag byin bshad/ /b+ha ta ka ni khyod khyer 'gyur/ /a ga ni bor ba zhes su bstan/ /gsang ba rin chen zhes su dran/ /bza' ba dud du shes par bya/ /sha dag 
bza' ba min du dran/ /dag pa zhes bya sngags su bshad/ /dag pa min pa nyi mar brjod/ /ra pa tshangs pa grags pa ste/ /rgyal rigs lus su bstan pa'o/ /chags bral rje zhes bstan pa ste/ /chags pa dmangs rigs zhes byar dran/ /tsaN+Da lI ni gzhu zhes bshad/ /shwa pa tsa na 

</font><hr>80-1-76b<br><font size=+1>

mda' ru bshad/ /tsar ma ka ra srid 'khor lo/ /puk+ka sI ni ral grir bstan/ /'da' ba ka ni stong zhes bshad/ /ha ri ka ni tha la bar bshad/ /ra tsa rgya mtsho zhes su bshad/ /mi na~M shi bar bstan pa'o/ /rgyas pa phag ces bya bar dran/ /phag ni bram zer bstan pa'o/ /nya ni pa la sha zhes bstan/ /
ra ni nyin mor bstan pa'o/ /lug ni mtshan mor shes par bya/ /bya la sogs pa nyi ma phyed/ /me tog gser ni zhes su bstan/ /spos ni shar du la ru brjod/ /dri ni ma la ti ru bshad/ /me mar sha ko ni kar dran/ /gos ni ka shi ka ru bshad/ /bde ba kA ma la ru bstan/ /dpral ba chu zhes bya bar 
brjod/ /smin ma phreng ba zhes su dran/ /mig ni ut+pal shes par bya/ /so ni a da na ru bstan/ /mchu ni pa la wa ru shes/ /mgrin pa gling bur bstan pa'o/ /phung po nga ba zhes su bstan/ /lag ngar myu gur bstan pa'o/ /lag pa mtsho skyes bstan par grags/ /nu ma dpal 'bras brjod pa'o/ /
dbus ni ri 'byung shes par bya/ /lte ba ma da na ru bstan/ /brla ni ka tam pa ru grags/ /pad+ma ja ga na ru dran/ /byin pa dza na bi ru brjod/ /rkang pa a tsa shi rar dran/ /sen mo yan lag ge sar rab/ /sna ni ma da sha ba ri/ /stan ni sha ta ku sum ste/ /nus pa bu ni zhes su dran/ /mi nus 
pa ni pad+ma'i sdong / /thams cad ming gis rdza mar dran/ /gzhon nu rdzing zhes bya bar grags/ /'bar ma mtsho zhes bya bar dran/ /rgan po rgya mtsho zhes par dran/ /myong ba mi smra zhes su 'gyur/ /myong ba ma yin gsal bar dran/ /mi smra ri dgas zhes su brjod/ /glu ni bag chags zhes su 
bshad/ /gar ni grogs po zhes par dran/ /sgra ni tshul 'chos zhes su bshad/ /reg bya zhags pa zhes su dran/ /ro ni sgeg po zhes su bstan/ /gzugs ni ri zhes brjod pa'o/ /gsod pa sgra ni zhes su brjod/ /tshe ni phug ron dran pa'o/ /grong ni tA la'i me tog ste/ /grong khyer 'bras bu yin 
par brjod/ /ljongs ni 'dod pa zhes byar bstan/ /'dod pa srog ces bya bar dran/ /mi shes de ni 'dul bar dran/ /shes pa spang bar shes par bya/ /rgod pa zhes bya byis par bstan/ /du ba khrag tu dran pa'o/ /nyin mo gzhon nur shes par bya/ /mtshan mo bu mor rab tu grags/ /mtshams ni 

</font><hr>80-1-77a<br><font size=+1>

bud med shes par bya/ /nyin phyed bran du bstan pa'o/ /'dus pa yi ni dbus gnas su/ /rnal 'byor ma ni rtag tu brjod/ /dpal phyag rgya chen po'i thig le las rnal 'byor ma 'dus pa'i gnas su gsang ba'i skad bstan pa zhes bya ba'i le'u ste bcu gsum pa'o//    //de nas gzhan yang bshad bya ba/ /yan lag phyag rgya sogs mtshan nyid/ /gang zhig sor mo gcig ni ston/ /bsnyun rmed pa zhes spyan 'dren no/ /sor mo gnyis ni bstan pa yis/ /legs par bsnyun lan ljon pa yin/ /gang zhig gung mo ston byed pa/ /de la srin lag bstan par bya/ /gang 
zhig srin lag ston byed pa/ /de la lce ni bstan par bya/ /gang zhig gzhibs pa ston byed pa/ /de la rtse gsum bstan par bya/ /gang zhig gtsug phud ston byed pa/ /de la mtshog ma bstan par bya/ /gang zhig dpral ba ston byed pa/ /de la mkhur tshos bstan par bya/ /gang zhig 
ltag khung ston byed pa/ /de la sa gzhi bstan par bya/ /gang zhig lag gnyis ston byed pa/ /de la lag ngar bstan par bya/ /gang zhig mgrin pa ston byed pa/ /de la lto ba bstan par bya/ /gang zhig ma mchu ston byed pa/ /de la kos ko bstan par bya/ /gang zhig so ni ston byed pa/ /
de la lce ni bstan par bya/ /gang zhig nu ma ston byed pa/ /de la kos khur bstan par bya/ /gang zhig lto ba ston byed pa/ /de la lte ba bstan par bya/ /gang zhig gsang ba ston byed pa/ /de la ling ga bstan par bya/ /gang zhig brla ni ston byed pa/ /de la gzhang ni bstan par bya/ /gang zhig 
rkang pa ston byed pa/ /de la rkang mthil bstan par bya/ /gang zhig sor mo ston byed pa/ /de la sen mo bstan par bya/ /gang zhig gtsang po ston byed pa/ /de la rgya mtsho bstan par bya/ /gang zhig nam mkha' ston byed pa/ /de la nyi ma bstan par bya/ /gang zhig sa ni ston byed pa/ /de la nam 
mkha' bstan par bya/ /gang zhig khro gnyer ston byed pa/ /de la mtshams ni bstan par bya/ /gang zhig so ni ston byed pa/ /de la mchu ni bstan par bya/ /gang zhig mgrin pa ston byed pa/ /de la kha ni bstan par bya/ /gang zhig dpral ba ston byed pa/ /de la rgyab ni bstan par bya/ /

</font><hr>80-1-77b<br><font size=+1>

'di ni thams cad rnal 'byor ma'i/ /yan lag rgya sogs mtshan nyid do/ /dpal phyag rgya chen po'i thig le las rnal 'byor ma thams cad kyi yan lag gi phyag rgya la sogs pa zhes bya ba'i le'u ste bcu bzhi pa'o//    //de nas gzhan yang bshad bya ba/ /gzugs dang rtags sogs mtshan nyid 
ni/ /dmar zhing ser ba'i bud med gang / /pad+ma'i dri ni rnam par gtong / /lta stangs rang bzhin zhi ba dang / /zhen pas lta ba'i rjes 'gro ba/ /sen mo dmar po pad+ma 'dra/ /mig ni nyi ma'i 'od dang ldan/ /de la khyim na pad+ma yod/ /rtag tu mchod pa'i cho ga byed/ /pad+ma gar gyi dbang 
phyug rigs/ /pad+ma'i gtso mor de shes bya/ /smin mtshams bar na rtse gsum yod/ /lus ni sngo bsangs skya ba dang / /de yi khyim na rdo rje yod/ /tang ku dmar pos mchod par bya/ /he ru ka dpal rigs 'byung ba'i/ /kun gyi ma mor shes par bya/ /rtse gsum gang gi dpral ba'am/ /yang 
na shag ti gsal 'gyur ba/ /mig dmar gdong ni dmar ba dang / /de bzhin rkang pa lag pa dmar/ /rtag tu phug ron la rtsed rtse/ /de bzhin khyi dang khyim bya'o/ /de yi khyim du rdo rje'i mtshan/ /rtag tu gang zhig mchod byed pa/ /dpal ldan rdo rje'i rigs su byung / /mkha' 'gro ma yin dpa' 
bo'i gces/ /sprin sngon dag dang 'dra ba ni/ /rtag tu bar thod yod pa/ /khyim du 'khor lo 'di byed cing / /rtag tu de la mchod byed pa/ /rdo rje phag mo'i rigs 'byung ba'i/ /mkha' 'gro ma ni stobs kyis dregs/ /mig sman nam mkha' sngon po'i mdog /so ni mtho ba drag mo dang / /
rtag tu khrus la dga' ba dang / /mang du smra bar mi byed cing / /khyim du rdo rje 'dri ba dang / /mtshan mo byed na mchod par byed/ /rdo rje phag mo'i rigs 'byung ba'i/ /dpal ldan rdo rje mkha' 'gro ma/ /btso ma gser dang mnyam pa'i 'od/ /mig mi g.yo zhing ba spu mang / /rdo rje gang gi dpral 
ba'am/ /khyim du yang ni gsal 'gyur ba/ /rgyal po'i btsun mo rtag tu sgeg /skal ldan mchog ni bden smra dang / /mA li kA yi dri 'byung zhing / /khyim du rdo rje mchod byed pa/ /khaN+Da ro ha'i rigs 'byung ba'i/ /mkha' 'gro ma ni ye shes rgyal/ /shin tu sha la dga' ba dang / /mig 

</font><hr>80-1-78a<br><font size=+1>

sman nag po'am nam mkha' 'dra/ /rtse gsum rnam pa phra ba ru/ /gdug pa'i las la rtag tu dga'/ /dur khrod rtag tu 'gro ba dang / /'jigs pa med cing snying brtse med/ /de la khyim du mchod pa ni/ /chang la sogs pas mchod byed pa/ /he ru ka dpal rigs 'byung ba'i/ /
mkha' 'gro yin par gdon mi za/ /sar pa sprin gyi mdog 'dra ba/ /g.yon gyi mche ba gtsigs pa dag /de yi khyim du dgra sta ni/ /'dri zhing rtag tu mchod byed pa/ /he ru ka dpal rigs 'byung ba'i/ /mkha' 'gro mar ni the tshom med/ /mkha' 'gro ma ni thams cad kyi/ /mdog dang mtshan ma 
rigs 'byung ba/ /mdor bsdus pa ni 'di ru bshad/ /rgyas par ye shes snying por ro/ /dpal phyag rgya chen po'i thig le las mkha' 'gro ma'i gzugs dang / mtshan nyid dang / rigs 'byung ba zhes bya ba'i le'u ste bcwa lnga pa'o//    //gang zhig gzhan min bdag nyid bzhugs/ /
nyon cig dkyil 'khor rgyal dbang ba/ /hU~M gi rnam pa'i rnam pa can/ /bdag nyid hU~M gi dngos po yin/ /hU~M gi rnam pa las gzugs 'byung / /mtshan dang dpe byad ldan pa dag /nyi ma'i dkyil 'khor steng na bzhugs/ /nyi ma bye ba'i 'od dang mnyam/ /khyod dang lhan cig sbyor ba yis/ /
chu skyes sngon po'i gzugs dang ldan/ /zhal bzhi spyan gsum phyag brgyad de/ /g.yas brkyang bas ni gnas na bzhugs/ /rdo rje dril bu nyi zla dang / /mda' gzhu dag ni 'gengs pa dang / /kha T+wA~M ga dang ka pA la/ /khrag chen po yis gang ba'o/ /bde ba'i gnas su bdag dang khyed/ /
legs dgyes dgyes par rol bgyid de/ /de nas dang po'i ro las ni/ /spros nas rdo rje ro langs ma/ /gzugs gnag pa la phyag bzhi ba/ /mda' gzhu lag na 'gengs pa dang / /chu srin g.yas na thogs pa dang / /ka pA la dang kha T+wA~M ga/ /g.yon gyi lag na thogs pa ste/ /shar 
gyi sgo na gnas pa ste/ /yang ni bsrub thabs sbyor ba yis/ /gnyis pa yi ni ro las ni/ /rdo rje dra ba 'phros pa ni/ /gcer bu dang ni spyan gsum pa/ /mdog dmar lag na nya thogs te/ /byang gi sgo yi gnas na bzhugs/ /yang ni ro ni gsum pa las/ /rdo rje rtse mo spros pa ni/ /

</font><hr>80-1-78b<br><font size=+1>

mdog ser lag na seng ge thogs/ /nub sgo yi ni gnas na bzhugs/ /yang ni ro ni bzhi pa las/ /rdo rje zlum po 'phros pa ni/ /mdog dkar lag na bya khyung ste/ /lho yi sgo na bzhugs pa'o/ /ro lnga de ni rnyed pa yis/ /rdo rje ska rags ma ni spros/ /rdza rnga gling bu lag na thogs/ /shar lho 
mtshams na gzugs gnyis pa'o/ /yang na drug pa'i 'byung ba las/ /rdo rje sor mo spro ba ni/ /rgyud mangs rnga chen lag na thogs/ /lho nub mtshams na bzhugs pa'o/ /yang dag bdun pas rnyed pa ni/ /rdo rje rgod ma 'phro ba ste/ /rdza rnga dang ni cha lang thogs/ /nub byang mtshams na bzhugs pa'o/ /ro 
brgyad pa ni rnyed pa yis/ /rdo rje nyi ma spros pa ni/ /ta myu ra dang ka ra thogs/ /phyag gnyis rtag tu 'dzin pa las/ /spros nas byang shar mtshams su ni/ /bdud kun bcom nas bzhugs pa'o/ /yang ni bsrub dang bsrub thabs las/ /dang po dga' ba 'byung ba yis/ /rdo rje legs dgyes 
'phros pa ni/ /ro yi snod ni lag na 'dzin/ /spros nas shar gyi phyogs kyi grwar/ /chos 'byung gi ni grwa na bzhugs/ /b+ha ga'i phyag rgya spyi bor ni/ /mdzub mo tshangs pa'i bu ga'i gnas/ /yang na mchog gi dga' ba las/ /rdo rje mtsho ma 'phros pa ni/ /khrag gi snod ni lag na brel/ /lho nub 
grwa na bzhugs pa'o/ /yang na dga' bral 'byung ba las/ /rdo rje glang chen ma 'phros pa/ /khu ba'i snod ni lag na thogs/ /nub byang phyogs kyi grwa na bzhugs/ /de rnams gnag dang ser dang dmar/ /g.yon brkyang pas ni bzhugs pa'o/ /yang ni yang dag bsrub thabs las/ /lhan cig skyes 
dga' 'byung ba ste/ /lhan cig skyes dga' 'dod chags che/ /me chen rab tu 'bar pa'o/ /khyo dang lhan cig de ru bdag /rang bzhin gyis ni yongs su 'gyur/ /dngos po med par bdag mi 'gyur/ /bdag ni rang bzhin gnas su bzhugs/ /bdag gi ngo bo brjod mi nus/ /sangs rgyas kun gyis 
kyang rnyed dka'/ /yang dag rdzogs pa'i sangs rgyas kyis/ /gal te kun rdzob gzugs su rnyed/ /'jig rten khams ni grangs med pa/ /gzhan ni ma yin bdag gis khyab/ /khyod dang lhan cig kun rdzob tu/ /'byung ba'i rgyu phyir rol pa byed/ /bdag ni rol pa mi byed na/ /sangs rgyas thams 

</font><hr>80-1-79a<br><font size=+1>

cad 'byung mi 'gyur/ /'di ni thams cad mi g.yo bar/ /'gro 'gyur bar ni the tshom med/ /rang bzhin las ni mchog gnas su/ /de dus bdag ni cang mi smra/ /bde chen legs dgyes mgon po bzhengs/ /rdo rje bzang dgyes bdag dga' mdzod/ /mgon po khyod min bdag ro 'dra/ /
thugs rje ro yis bdag skye mdzod/ /kye mgon chad pa'i stong pa'i min/ /mgon po stong pa'i rang bzhin min/ /rdo rje mtsho ma bdag dga' mdzod/ /pad+ma kha phye rol cig rol/ /a la la la a la la/ /ma la la la legs dgyes mgon/ /rdo rje glang chen ma dga' mdzod/ /khyed rang gis gsungs 
bdag min na/ /sangs rgyas 'byung bar mi 'gyur ro/ /ye shes sku las oM hU~M 'dir/ /bdag dang khyod ni lhan cig bzhengs/ /'khor lo dang bcas khro sku mchog /sum cu rtsa gnyis yan lag ldan/ /bde ba'i gnas su bdag dang khyod/ /dur khrod brgyad kyi dbus su ni/ /skye ba'i rgyu yi 
don phyir rol/ /bskyed pa'i rim pa yi ni phyogs/ /mdog gnag pa la 'od che ba/ /dbu skra me bzhin 'bar ba dang / /zhal ni bcu drug spyan gsum pa/ /phyag ni bcu drug ldan pa dang / /zhabs ni rnam pa bzhi yis ni/ /bdud bzhi yi ni steng na bzhugs/ /legs dgyes dbang phyug ma 
khyod bcas/ /ye shes mkha' 'gro dbang phyug bdag /khyod kyang nga yi gzugs dang mnyam/ /'jigs byed chung mar bcas pa'i steng / /gru gsum dbus su nyi ma'i gdan/ /gyen du zhabs ni gar dang ldan/ /'jigs ma dpa' mo chang 'thung ma/ /'jigs byed pho nya stobs ma dang / /
rta mgrin ma dang rta rna ma/ /glang chen sna dang lto ba ma/ /me ma dang ni chu rgyun ma/ /zla ba ma dang nyi 'od ma/ /dung sna ma dang dung gtsug ma/ /dung lte ma dang stobs chen ma/ /bya rgod rgod kha hor pa ma/ /hor mig ma dang hor mgo ma/ /mig dmar skra dmar rin chen ma/ /phug ron dmar mo nag 
mo ma/ /ri bong ri dwags ra ma mo/ /phyag bzhi ma la sna tshogs gzugs/ /spyan gsum pa la bzhin yang 'jigs/ /phyag gnyis mda' gzhu 'gengs par ldan/ /gzhan gyis gri dang thod pa 'dzin/ /rdo rje phreng ba dpral ba ru/ /phyag rgya lnga yis yan lag brgyan/ /de lta bu yi 'khor lo 

</font><hr>80-1-79b<br><font size=+1>

che/ /khyod dang bcas pa bdag gi gnas/ /gang zhig nyi shu rtsa brgyad gnas/ /de ni tshogs kyi gnas su dran/ /rdor dril rin chen 'khor lo dang / /ral gri rtse gsum mda' nyi ma/ /zla ba dgra sta Dam ru/ /gzhu dang tho ba ka pA la/ /b+hU ti'i pags pa gyen du 'phyar/ /gshin rje'i 
pags pa rked la dkris/ /zhal gcig pa la phyag gnyis te/ /khyod kyang bdag gi mdog yin no/ /thams cad rgyan gyis brgyan pa dang / /phyag gnyis mda' gzhu 'gengs pa'o/ /de nas rdzogs pa'i rim pa ni/ /rtsa yi 'byung ba rim pa mchog /lha mo re re rtse re ste/ /
de yi bde ba bdag dang khyod/ /'dzums pa dang ni 'byed pa yis/ /rlung gis me ni khong du chud/ /yang dag pa yi dbang po'i shing / /de yis gtum mo 'bar ba'o/ /rnam par rtog pa'i phung po'i gzugs/ /thams cad lus ni sreg pa'o/ /de yi me 'bar yang dag gis/ /bde chen 'khor lo bzhu 
bar 'gyur/ /bzhu bas rtsa ni thams cad las/ /mchog gi bdud rtsi 'jag pa'o/ /yang ni lus ni sos 'gyur te/ /lha yi sku ni thob par 'gyur/ /de ni goms pa'i sbyor ba yis/ /rtse gcig gis ni goms par bya/ /phyi yi phyag rgya med na yang / /bde ba 'byung bar 'gyur ba yod/ /
blta ba tsam ni dgos pa ste/ /de bzhin thams cad thams cad min/ /phyi nas rnam par rtog pa skye/ /de la dngos grub med par 'gyur/ /ji ltar mun pa'i snod rnams ni/ /mar me med na mthong mi 'gyur/ /mar mes mthong bar gyur tsam na/ /phyi nas mar me dor bar bya/ /snod 
ni 'bad de bsrung bya ste/ /mar mes don bya mi dgos so/ /mar me'i mtshan nyid 'di ru rtsa/ /rtsa ni shes rab mtshan nyid do/ /thabs ni bde ba zhes su bstan/ /bde ba ye shes zhes byar dran/ /bde ba'i ye shes rang bzhin ni/ /gang zhig shes rab ma las rnyed/ /de ni shes rab ye shes 
dbang / /de ni rdzogs pa'i rim pa'o/ /de dngos bde chen ye shes ni/ /dkyil 'khor nang du yang dag bzhugs/ /bde ba chen po gnyis su gyis/ /kun rdzob dang ni don dam mo/ /dga' ba la sogs nyid las ni/ /bde ba gnyis gyes shes par bya/ /de yi rim pa yang dag 

</font><hr>80-1-80a<br><font size=+1>

gnyis/ /dad pas nyon cig bdag gis bshad/ /snang ba reg bya sbyor ba dang / /'gro ba de ni bzhi pa'o/ /rim pa yis ni shes par bya/ /bskyed pa'i rim pa'i phyogs kyi ni/ /shes rab ma yi lta ba yis/ /gnyis ka'i 'dod chags 'byung bar 'gyur/ /de tshe 
dga' ba 'byung ba ste/ /rnam pa sna tshogs skad cig ldan/ /gang tshe de dang lhan cig tu/ /dad pas reg bya yod gyur na/ /de tshe mchog gi dga' ba ni/ /dri ma med pa 'byung bar 'gyur/ /yang ni dbang po gnyis phrad las/ /gang tshe de dang lhan cig sbyor/ /de yi tshe na dga' bral ni/ /
gsal bar 'byung bar 'gyur ba'o/ /gang tshe dbang po gnyis shing las/ /yang dag pa yi me 'bar na/ /de tshe lhan cig skyes dga' ni/ /srid pa med pa 'byung bar 'gyur/ /nu mas reg pas blta ba ni/ /'dod pa de ni dang por dga'/ /phyi nas de dngos rgyas pa ni/ /gang tshe nges par yin 
par 'gyur/ /de tshe skad cig gis de rgyas/ /mchog gis dga' ba byed pa'o/ /gang tshe de nyid shin tu yis/ /'dod chags me ni 'bar 'gyur na/ /de tshe 'bar ba'i thig le ni/ /dga' bral dga' ba 'bab pa'o/ /rdo rje pad+ma rol byed pa/ /de bzhin dga' bral dga' ba'o/ /de ni 
bskyed pa'i rim pa yin/ /u ta'i ye shes dang bral lo/ /yang ni gang tshe u ta ni/ /skad cig nyid las gcig tu 'gro/ /de tshe u ta'i thig le ni/ /gsum gyi rnam par dag par 'gro/ /de nas der ni lhan cig skyes/ /rdo rje lta bu'i bde ba byed/ /de ni bcom ldan shes rab ma/ /
rdzogs pa'i rim pa'i phyogs yin no/ /u ta'i sgras ni bde bar bstan/ /legs dgyes dbang mo de ni bdag /de ru sbyor ba bzhi rnams ni/ /rgyas par bdag gis bshad par bya/ /'dod dang 'dar dang 'gro ba dang / /dga' ba dang ni bzhi yin te/ /de ni dang po'i sbyor ba yin/ /de ni 
dga' ba'i don yin no/ /rgyas dang 'dang 'dun twa dang 'byung ba dang / /mchog gi dga' ba bzhi yin te/ /de ni sbyor ba gnyis pa yin/ /mchog gi dga' ba'i don yin no/ /'bar dang thig le myos pa dang / /dga' bral dang ni bzhi yin te/ /de ni sbyor ba gsum pa yin/ /dga' bral 

</font><hr>80-1-80b<br><font size=+1>

dga' ba'i don yin no/ /u ta dang ni tshul dang gnyid/ /lhan cig skyes dga' bzhi pa'o/ /de ni sbyor ba bzhi ba yin/ /dga' ba'i bye brag bcu drug go/ /bzhi rnams gzhan min 'di ru ni/ /rab kyi don ni 'di ltar 'gyur/ /'dod pa 'dun pa yin par bshad/ /dpal ldan shes 
rab mas sbul lo/ /de ni 'dun pa las ni dkrug /rang gi yid kyis byed pa'o/ /'dod pa'i sgras ni dga' ba yin/ /mthong ba las ni byed pa'o/ /de nyid bcom ldan shes rab ma/ /'dod chags chen pos rgyas pa na/ /de tshe rgyas pa yin par 'gyur/ /mchog gi dga' ba 
gnyis pa'o/ /rgyas pa'i dus su phyi dang nang / /gang tshe shin tu 'bar 'gyur na/ /de tshe yan lag rab de ni/ /skad cig gis ni zhu bar 'gyur/ /da ni 'bar ba'i thig les ni/ /ming ni gsal bar gyur pa'o/ /de ni dga' bral dga' ba ste/ /gsum pa zhes bya bshad pa'o/ /yang 
na de nyid gtso mo ni/ /mchog gi rnam pa rab bde ba/ /de tshe u ta'i dgug pa ni/ /srid pa dang bral byed pa'o/ /de ni bzhi ba yang dag mchog /lhan cig skyes dga' bstan pa'o/ /de ni u ta'i dgug pa ni/ /thig le'i thar pa gsum gyi mthar/ /lhan skyes kyi ni gnas su'o/ /dga' 
ba la sogs bye brag gis/ /lhan cig skyes rim shes par bya/ /bde ba chen po'i gtsug tor nas/ /smin phrag 'khor lo'i dbus yan chad/ /de tsam dga' ba'i gnas yin te/ /thig le gcig pu'i mtshan nyid do/ /smin phrag 'khor los mgrin 'khor lo/ /de tsam mchog gi dga' 
ba'o/ /mgrin pa'i gnas nas snying 'khor lo/ /de tsam dga' bral dga' ba'o/ /de nas yang ni rim pa yis/ /rim pa'i gnas ni rab tu bshad/ /lte ba'i 'khor nas rgyu zhabs su/ /de tsam du ni dga' ba yin/ /rgyu zhabs su ni mdud pa'i rtsar/ /de tsam mchog gi dga' ba'o/ /mdud 
pa'i gnas nas rin chen mkhar/ /de tsam dga' bral dga' ba'o/ /rdo rje rin chen rtse nang yod/ /lhan skyes de ni don dam pa'o/ /dpal phyag rgya chen po'i thig le las dkyil 'khor dang / dga' ba'i bye brag dang / thig le'i mtshan nyid dang / bskyed pa dang / rdzogs pa'i rim pa zhes 

</font><hr>80-1-81a<br><font size=+1>

bya ba'i le'u ste bcu drug pa'o//    //ye shes mkha' 'gro bcom ldan 'das/ /bdag ni the tshom cung zad skyes/ /char yang dang ni thig le'i tshul/ /ye shes gang nas shes par bya/ /bcom ldan 'das kyis bka' stsal pa/ /tshul ni dpral ba'i 
gnas su ste/ /thig le mgrin pa'i gnas su bzhugs/ /char yang snying ga'i gnas su shes/ /ye shes lte ba'i gnas su bzhugs/ /rtog pa las ni rtog pa med/ /gang du phyin nas 'gro ba na/ /de ni de rnams rang bzhin gnas/ /lte ba'i gnas su rab tu grags/ /gang tshe bdud 
rtsi gnas su 'gro/ /de tshe ye shes zhes su dran/ /bdud rtsi byang chub sems su grags/ /tshul la sogs pa'i thig le bzhi/ /de yi gnas ni bzhi yin te/ /dga' ba'i bye brag 'gro bar 'gyur/ /dpral bar dga' ba'i thig le dang / /mgrin par mchog tu dran pa'o/ /snying ga ru ni dga' 
bral te/ /lte ba ru ni lhan cig skyes/ /rtsa yi kun spyod sbyor ba yis/ /dga' ba la sogs rnyed par 'gyur/ /dpral ba'i steng na pad+ma yod/ /de yi steng na gtsug tor ro/ /de ni gsang chen ye shes te/ /rgyal ba yis kyang mi shes so/ /lte ba'i 'og gi gsum gnas su/ /de yi steng du rgyu 
zhabs so/ /gsum dngos 'og gi lte ba'i dbyibs/ /de ru rdo rje byad gzugs gsal/ /gsum dngos gnas na rtsa rnams kyi/ /yang dag mchog gi gnas yin no/ /ro ma 'dzin ma gnyis yin te/ /gsum pa de ni rtog med na/ /rtog med de ni gcig pu ste/ /kun rdzob tu ni gsum du 'gyur/ /
de ni gcig tu lu gu rgyud/ /ji ltar sbrul 'khyil bzhin du'o/ /sku gsung thugs kyi dbye ba yis/ /rtsa ni bye brag gsum du 'gyur/ /rdo rje rtse mo thugs rdo rje/ /gsum gyi dngos po gsung yin no/ /lte ba sku zhes bya bar grags/ /de ni rdo rje gsum nges don/ /snying gar thugs kyi rdo rje ste/ /
mgrin pa gsung gi rdo rje'o/ /dpal bskru yi rdo rje ste/ /rgyas par bdag gis rab tu gsal/ /de yi dbus su srog yod pa/ /de bzhin du ni nye ba'i srog /snying ga'i steng las srog gi rlung / /lte ba'i 'og las gso ba'i rlung / /gang tshe rkang mthil las gso rlung / /gal te 'byung ba 

</font><hr>80-1-81b<br><font size=+1>

yin par 'gyur/ /de yi tshe na srog gi rlung / /gyen du lam du 'gro ba'o/ /gso rlung lte ba'i gnas su ni/ /nges pa yi ni gnas byed do/ /yang na gang tshe srog gi rlung / /gtsug tor las ni phyir 'gro na/ /de tshe gso ba'i rlung de ni/ /rang gi gnas su 'gro ba'o/ /de ni srog gi rlung 
yin te/ /lte ba'i gnas su 'dug sa byed/ /dpal phyag rgya chen po'i thig le las tshul dang / char yang dang / thig le dang / ye shes kyi gnas dang / rtsa'i kun spyod ces bya ba'i le'u ste bcu bdun pa'o//    //bcom ldan de ru bdag zhu ste/ /de yi bsam gtan ji lta bu/ /kha sbyar 
rnam pa'i sbyor ba yis/ /pad rnams 'dug sa'i mtshan nyid do/ /rim pa gang gis sems de ni/ /'gro dang 'ong ba ji ltar 'gyur/ /bcom ldan 'das kyis bka' stsal pa/ /dris pa yang dag gsang ba ste/ /'di ni sus kyang mi shes so/ /gang gis khyod kyis gsal bar shes/ /
nyon cig yang dag bdag gis bshad/ /gang tshe legs dgyes shin tu bde/ /shes rab thabs kyi sbyor ba las/ /de tshe rtog pa med pa'i lam/ /byang chub sems ni 'byung bar 'gyur/ /lte ba'i rtsa bar srog rlung ni/ /skad cig tsam yang mi byed na/ /gang zhig pad+ma khas sbub 
'di/ /skad cig gis ni gyen du 'gyur/ /de yi lte ba'i dbus su ni/ /sems ni brtan par 'gyur ba'o/ /de tshe thur du 'gro mi 'gyur/ /ji ltar ma rdol snod du ni/ /chu ni 'dzag pa med par gnas/ /de bzhin nges par sems 'gyur ro/ /de ni skad cig sgom byed do/ /sangs 
rgyas nyid 'gyur the tshom med/ /dpal phyag rgya chen po'i thig le'as byang chub kyi sems brtan par byed pa dang / bsam gtan brtan pa zhes bya ba'i le'u ste bcwa brgyad pa'o//    //dbang bskur ye shes mtshan nyid ni/ /bcom ldan de nyid don ni gsungs/ /bcom ldan 'das kyis bka' 
stsal pa/ /dbang bskur ba yi ye shes don/ /nyon cig yang dag bdag gis bshad/ /gzugs bzang bcu drug lon pa dang / /sih+la ga bur yod pa yi/ /phyag rgya gcer bur byas nas ni/ /lags dgyes kyis ni mchod par bya/ /pad+ma kha sbyar sbyor bya yis/ /yang dang yang du 

</font><hr>80-1-82a<br><font size=+1>

'dod pa bya/ /rim pa yis ni bskyod par bya/ /khu ba ji ltar 'byung 'gyur ba/ /thams cad 'byung bar gyur pa na/ /pad+ma'i nang du spang bar bya/ /legs dgyes kyi ni dbang phyug ma/ /'di ni slob dpon dbang gi rab/ /yang ni gsang ba'i dbang 'di ni/ /dad pas nyon 
cig bdag gis bshad/ /gang tshe gsang gnas na sems yod/ /de ni gsang bar rab tu grags/ /gsang ba pad+ma'i khu ba yin/ /mdud pa'i nang du gsang ba'o/ /de yi gnas su brtan par bya/ /sems ni nam mkha'i pad+mar min/ /thams cad rgyud las rnyed dka' ba'i/ /
shes rab ye shes bdag gis bshad/ /shes rab mya ngan 'das zhes bshad/ /ye shes srid pa zhes byar dran/ /'khor ba de ni mchog dga' ba/ /mya ngan 'das pa dga' bral dran/ /yang na mya ngan 'das grags pa/ /sangs rgyas rin chen pad+ma'i snod/ /bud med b+ha ga'i phyag rgya'o/ /
de ni shes rab ces byar dran/ /ye shes snod ni yin par grags/ /thams cad bde ba'i mchog gi gnas/ /khu ba shes rab ces su shes/ /ye shes bde ba zhes su dran/ /dbang bskur 'od du zhu bar 'gyur/ /ye shes dus las gzhan pa'o/ /de ni 'gog pa bzhi pa ste/ /rang 
bzhin ye shes mtshan nyid do/ /'od dang stobs dang sprin dang tshul/ /dbugs dang ut+pal sa dang lid/ /snying po zla nyi mun pa dang / /mchog dang sgra dang ro dang glog /de ni bcu drug shes par bya/ /bde ba'i thig le dri med do/ /tshangs bug nas ni mgrin gnas su/ /de tsam du ni 
thig le bzhi/ /de yi gnas su dga' ba bzhi/ /ro gnyis dang ni ldan pa'o/ /mgrin pa nas ni snying gar gnas/ /yang ni de tsam bzhi yin no/ /mchog gi dga' ba'i bzhi yin te/ /ro gnyis dang ni ldan pa'o/ /snying ga'i gnas nas rin chen sker/ /yang ni de tsam bzhi yin no/ /
dga' bral dga' ba'i bzhi yin te/ /ro gnyis dang ni ldan pa'o/ /rin chen ske nas steng gi gnas/ /yang ni de tsam bzhi yin no/ /lhan cig skyes dga' bzhi yin te/ /ro gnyis dang ni ldan pa'o/ /dga' ba bcu drug thig le ste/ /zla ba'i cha ru rab tu dran/ /A li thig ler shes par 

</font><hr>80-1-82b<br><font size=+1>

bya/ /'khor lo bzhi yi rim pas so/ /tshangs pa yi ni zhal dang bral/ /ro dang bcas pa bdag gi zhal/ /bcu gnyis de ni nyi zhes shes/ /kA li thig ler rab tu grags/ /bcu gnyis phyed ni bde thig le/ /dga' dang mchog gi dga' bar dran/ /dga' bral dga' ba'i thig le 
gsum/ /rang bzhin gsum dang bral ba'o/ /yang ni thams cad bdag nyid nyid/ /bzhi po'i don ni bdag gis bshad/ /gnas bzhi la ni dbang bzhi ste/ /legs dgyes dbang mor shes par bya/ /rgyu dang 'bras bu'i rim pa yis/ /mdor bsdus pa ni bzhi yin te/ /sprul dang 
chos dang longs spyod dang / /bde ba chen po bzhi ba'o/ /de dag sku ni bzhi yin te/ /don dam par ni shes bya'o/ /sum cu gnyis phyed rtsa nang du/ /A li thig le bcu drug go/ /gzhan byed kA li thig le ste/ /rtag tu lam nas 'bab pa'o/ /A li ye shes sems su 'gyur/ /kA 
li ye shes sems las 'byung / /bde ba chen po gcig pu ste/ /kun rdzob gnyis su 'byed par 'gyur/ /shes rab rang bzhin zla ba ste/ /thabs ni nyi ma'i rang bzhin no/ /zla rgyu A li 'bras bu ste/ /A li rgyu ste zla 'bras bu/ /nyi ma rgyu ste kA li 'bras/ /kA li rgyu ste nyi 'bras bu/ /
nyi ma'i dbus las zla 'byung ste/ /khu ba'i gzugs ni bde chen po/ /kA li bde ba'i gsang ba'i dbang / /A li shes rab ye shes dang / /de gnyis dbus su bde chen po/ /rang bzhin de ltar dran pa'o/ /reg bya 'khyud pa la sogs pas/ /slob dpon gyis ni dbang bskur ro/ /
dpal phyag rgya chen po'i thig le las dbang gi ye shes dang / /A li kA li'i rgyu 'bras dang / /zla ba 'byung ba dang / rtsa dang / thig le dang / dga' ba bstan pa zhes bya ba'i le'u ste bcu dgu pa'o//    //rnal 'byor dbang phyug spyod pa ni/ /yang ni bcom ldan bka' stsol cig /
bcom ldan 'das kyis bka' stsal pa/ /rnal 'byor dbang phyug spyod pa ni/ /skal ba ldan ma khyod nyon cig /zla ba gcig tu gsang ba spyod/ /yul gyi mtha' 'am yang na tshal/ /thams cad don 'grub 'gyur ba yis/ /sngags 'di rtag tu bzlas par bya/ /hA swA ka ro ro rata ta~M ba de 

</font><hr>80-1-83a<br><font size=+1>

rod+han lam t+ta tsi ko rad+hA ta mre rga lA na dzrA ba oM/ de nas mkha' la rnal 'byor ma/ /'dus nas bka' stsal sbyin par bya/ /bu kye bu mo 'di khyod khyer/ /spyod pa rab ni khyod kyis gyis/ /bu mo bcu drug lon pa dang / /sih+la ga bur yod pa dang / /ut+pal sngon po'i 
mdog 'dra ba/ /tsan+da nas ra ba'i dri yod cing / /sgeg pa yi ni rgyan dang ldan/ /las rnams kun la mkhas pa'o/ /'bad de gsang ba'i gzugs su ni/ /de dang lhan cig bde bar song / /don zin nas ni so sor ni/ /sna tshogs kyi ni gzugs nyid kyis/ /la lar 
'dod chags spyod pa dang / /la lar 'dod chags bral ba'i yid/ /la lar zhi ba'i gzugs dang ni/ /la lar nga rgyal ldan pa'i yid/ /la lar na bas zos pa dang / /la lar bde ba'i lus ni rab/ /la lar slongs mo byed pa dang / /la lar rgyal po chen po rgyal/ /la 
lar gcer bu dri ma can/ /la lar dag pa gtsang sbra can/ /la lar cung zad tsam gyis 'grangs/ /la lar mang pos 'grangs par byed/ /la lar ngo tshar byed pa dang / /la lar ngo tsha med pa'i yid/ /la lar lkugs par 'dug pa dang / /la lar sgra chen sgrogs pa dang / /
la lar dri chen za ba dang / /la lar 'o ma 'thung bar byed/ /la lar sdig pa byed pa dang / /la lar bsod nams chen por byed/ /la lar ngu bar byed pa dang / /la lar dgod la gcig tu dga'/ /la lar cho long rtse ba dang / /la lar gar ni gcig pu byed/ /la lar chang 
gis ra ro dang / /la lar bram ze'i spyod pa dang / /la lar thod pa'i spyod pa dang / /la lar gtum pa'i bran byed dang / /la lar chos ni ston pa dang / /la lar chos ni nyan pa dang / /la lar sgyu ma byed pa dang / /la lar sgyu ma bral ba dang / /la lar brdzun ni smra ba dang / /la lar 
byis pa'i gzugs ni ston/ /la lar rgan po lo mang dang / /la lar smad 'tshong ma yi gzugs/ /la lar 'dod pa mchog spyod dang / /la lar ser sna yis ni 'gugs/ /la lar ser sna dang bral yid/ /la lar byol song yan lag nyid/ /la lar rnam shes med pa dang / /la 

</font><hr>80-1-83b<br><font size=+1>

lar brjod du med pa dang / /la lar yang dag gzugs can ston/ /de ltar rnal 'byor dbang phyug ni/ /rang dbang gis ni kun tu spyod/ /dpal phyag rgya chen po'i thig le las/ rnal 'byor gyi dbang phyug chen po'i spyod pa zhes bya ba'i le'u ste nyi shu pa'o//    //bcom 
ldan ye shes rgya mtsho khyed/ /bdag la the tshom skyes pa mchis/ /sngar gsungs pa yi 'khor lo drug /de yi sa bon ji lta bu/ /gang gi sngags kyis bdud rtsi lnga'i/ /bza' ba dang ni spyod pa'o/ /khyod dang bdag gi snying po ni/ /ji ltar de ni nges par yod/ /sems can 
rnams ni bsrung don du/ /'dus pa'i gnas kyi dbus su ni/ /tshogs kyi 'khor lo ji lta bu/ /bcom ldan 'das kyis bka' stsal pa/ /nyon cig lha mo spyan bzangs mo/ /'khor lo drug gi sa bon ni/ /k+Sh+liM m+la~M p+la~M dz+la~M rla~M h+la~M ni/ /dbus su re re dgod par bya/ /kha~M ra~M sha~M 
ba~M sa~M na~M ba~M ni/ /rlung gi 'khor lo'i sa bon drug /bliM kliM dz+liM me 'khor lo/ /mkhas pas gru gsum dgod par bya/ /ka kha ga g+ha nga / tsa tsha dza dz+ha nya/ Ta Tha Da D+ha Na/ ta tha da d+ha na/ pa pha ba b+ha ma/ ya ra la wa/ sha Sha sa/ sprul pa'i 'khor lo'i 'dab ma la/ /gnyis 
su byas pa'i sa bon gdab/ /trA~M hrIM U~M kha~M dang / lA~M mA~M pA~M tA~M/ chos kyi 'khor lo'i sa bon brgyad/ /a A/ a I/ u U/ r-i r-I/ l-i l-I/ e ai/ o o+o/ a~M AH/ longs spyod 'khor lo brgyad gnyis 'di/ /g.yon skor du ni bri bar bya/ /de ni gnyis su 
byas pa ni/ /bde chen 'khor lo'i sa bon no/ /mnyam pa yi ni sa yi cha/ /chang la sogs pas byug pa bya/ /tsan+dan dang ni gur gum mchog /sna tshogs mchog gi me tog dang / /sna tshogs mchod pa la sogs kyis/ /mkhas pas sa la mchod par bya/ /bu mo 
yid 'phrog lha yi gzugs/ /nyi shu lon pa g.yo ba med/ /gnas ni gang du sngags rgyal btu/ /re zhig dang po de ru gzhug /mchog gi dga' ba'i sbyor ba yis/ /rtse gcig gis ni bsnyen par bya/ /bsnyen pa'i las ni rdzogs pa dang / /de nas sa la bsang gtor 

</font><hr>80-1-84a<br><font size=+1>

bya/ /slob ma de yi thig le ba/ /bu mo la yang de ltar ro/ /sha chen la sogs kyis gang ba'i/ /gtor ma phyogs bzhir gtang bar bya/ /tshogs la 'bad de mchod pa bya/ /med na yang ni 'bad pas so/ /sngags btub yi dus su na/ /'bad de bla ma mchod 
par bya/ /bla ma dgyes na sngags rgyal ni/ /the tshom med par thob par 'gyur/ /de ltar min na skyon yod de/ /sngags kyang thob par mi 'gyur ro/ /rdo rje phreng bas bskor ba yis/ /'dab ma brgyad pa'i pad+ma bri/ /dbus su k+Sha yi sa bon ni/ /rdo rje sems dpa'i rang bzhin 
can/ /A li kA li mnyam sbyar nas/ /thub pa bdun ni btu bar bya/ /dang por rnam par snang mdzad bri/ /lnga ba yi ni lnga pa dang / /uSh+ma yi ni bzhi pa dang / /bcu drug pa yi gnyis par ldan/ /dang po yi ni dang po dang / /me yis 'og tu brgyan pa'o/ /dbyangs yig 
bcu gsum pa dang ldan/ /gti mug thams cad mtshon cha'o/ /bzhi pa yi ni bzhi pa dang / /dbyangs yig bcu gcig pa dang ldan/ /uSh+ma sha yi dang po dang / /an+ta s+tha yi bzhi par ldan/ /de nas me yi sa bon dang / /gnyis pa yi ni gsum pa dang / /an+ta s+tha yi 
dang po dang / /an+ta s+tha yi bzhi pa dang / /dbyangs yig gsum pa dang ldan pa/ /thams cad kyi ni snying po bcom/ /gnyis pa yi ni gsum pa dang / /de nas brgyad pa'i dang po dang / /dbyangs yig gnyis pa dang ldan pa/ /yi ge mchog nyid gnas yin no/ /gsum 
pa yi ni dang po dang / /de nyid kyi ni 'og tu brgyan/ /yang na de nyid bri bar bya/ /uSh+ma yi ni bzhi pa dang / /dbyangs yig gnyis pa dang ldan pa/ /rdo rje sems dpa'i rang bzhin can/ /uSh+ma yi ni gsum pa dang / /lnga pa yi ni lnga pa dang / /uSh+ma yi ni bzhi pa dang / /dbyangs yig 
gnyis pas brgyan pa'o/ /dang po yi ni dang po dang / /an+ta s+tha yi gsum pa dang / /lnga pa yi ni dang po dang / /dbyangs ni gnyis pas brgyan pa'o/ /dang po yi ni gsum pa dang / /nyi shu ba yis brgyan pa'o/ /dbyangs yig gsum pa dang ldan pa/ /khro bo yi ni 

</font><hr>80-1-84b<br><font size=+1>

gzugs chen che/ /uSh+ma yi ni gsum pa dang / /bzhi pa yi ni lnga pa dang / /de nyid 'og tu ldan par bya/ /dbyangs yig gsum pas brgyan pa ste/ /lha rnams kun gyi byed pa'o/ /lnga pa yi ni bzhi pa dang / /dbyangs yig gnyis pas brgyan pa'o/ /brgyad pa yi ni dang 
po dang / /thams cad kun gyi pha yin no/ /uSh+ma yi ni bzhi pa dang / /dbyangs yig drug pas brgyan pa ni/ /zla tshes thig le dang ldan pa/ /sems kyi dbang phyug yi ge mchog /de nyid yang ni bri bar bya/ /de nas lnga pa'i gnyis pa dang / /gsum pa yi ni dang po 
dang / /uSh+ma yi ni gsum pa dang / /an+ta s+tha yi bzhi par ldan/ /dbyangs yig gnyis pas brgyan pa'o/ /ya yi sde tshan brgyad pa dang / /dbyangs yig gnyis pa dang ldan pa/ /thams cad don grub mchog yin te/ /bdag gi snying po'i sngags rgyal lo/ /dbang po 
gzugs kyi bdag po dang / /an+ta s+tha yi bzhi pa dang / /gnyis pa yi ni gsum pa dang / /me yis 'og tu brgyan pa'o/ /bzhi pa yi ni dang po dang / /dbyangs yig bcu gcig dang ldan pa/ /gnyis pa yi ni gsum pa dang / /dbyangs yig bcu gsum pas brgyan 
pa/ /dang po yi ni gsum pa dang / /me yis 'og tu brgyan ldan pa/ /uSh+ma yi ni bzhi pa dang / /ri yig 'og tu brgyan pa ni/ /dbyangs yig bzhi pa dang ldan pa/ /sems can thams cad dbang du byed/ /yang na de nyid bri bar bya/ /de bzhin lnga pa'i gnyis pa dang / /
gsum pa yi ni dang po dang / /nye ba'i snying po mchog gi sngags/ /dang por rnam par snang mdzad dang / /de nas uSh+ma'i gsum pa dang / /dbyangs yig lnga pa dang ldan pa/ /lha rnams kyi sems gti mug byed/ /de nas me yi sa bon dang / /de nas bzhi pa'i dang po dang / /
uSh+ma yi ni gsum pa dang / /de nas nyi shu rtsa lnga pa/ /de nas rlung gi sa bon bri/ /dbyangs yig bcu gcig pa dang ldan/ /gzhan gyi phyag rgya rab tu 'joms/ /uSh+ma yi ni dang po dang / /an+ta s+tha yi bzhi bar ldan/ /de nas nyi ma'i sa bon dang / /dbyangs yig gsum 

</font><hr>80-1-85a<br><font size=+1>

pas brgyan pa'o/ /uSh+ma yi ni bzhi pa dang / /dbyangs yig drug pa dang ldan pa/ /zla tshes thig les brgyan pa'o/ /yang na de nyid bris pa ni/ /gzhan gyi sngags ni 'joms pa'o/ /lnga pa yi ni gnyis pa dang / /de nas gsum pa'i dang po dang / /
uSh+ma yi ni gsum pa dang / /an+ta s+tha yi bzhi par ldan/ /dbyangs yig gnyis par ldan pa ni/ /sdug bsngal thams cad med byed pa/ /ya yi sde tshan brgyad pa dang / /dbyangs yig gnyis pa dang ldan pa'o/ /dngos grub thams cad 'grub pa ste/ /khyod kyi 
snying po'i sngags rgyal lo/ /dang po lha yi bdag po dang / /de nas dang po'i dang po dang / /'og tu sa yig dang ldan pa/ /dbyangs yig gi ni bzhi pas brgyan/ /zla tshes thig le yis ni brgyan/ /thams cad kun gyi byed pa po/ /an+ta s+tha yi bzhi pa dang / /sa yi 'og 
tu ldan pa dang / /dbyangs yig gi ni bzhi pa ldan/ /zla tshes thig le yis ni brgyan/ /gnyis pa yi ni gsum pa dang / /sa yi yi ge 'og tu ldan/ /dbyangs yig bzhi pa dang ldan pa/ /zla tshes thig les brgyan pa'o/ /lnga pa yi ni gnyis pa dang / /gsum pa 
yi ni dang po dang / /swA hA tha mar ldan pa ni/ /khyod kyi nye ba'i snying po'o/ /de ni sngags kyi gsang chen po/ /su la yang ni mi sbyin te/ /lha mo de bzhin man ngag 'di/ /su la yang ni mi sbyin no/ /bye ba 'bum gyi nang nas gcig /de ni man ngag gi ni snod/ /sngags 
sam yang na man ngag 'di/ /brtag par byas te de nas sbyin/ /bskal pa bye ba brgya yis kyang / /de ltar min na 'grub pa med/ /bla ma'i kha las man ngag 'di/ /legs dgyes dbang mo rnyed par 'gyur/ /bstan bcos lung las yang dag ni/ /nam yang rnyed 
par mi 'gyur ro/ /man ngag don du bla ma mchog /yang dang yang du zhu mi bya/ /bla ma mnyeg na yang dag nyid/ /man ngag de la sbyin par byed/ /ji ltar bu mo lang tsho bab/ /pha la zhu bar mi byed na/ /pha rang nyid kyis shes nas ni/ /da ni bu mo sbyin dus snyam/ /

</font><hr>80-1-85b<br><font size=+1>

trA~M hrIHkha~M gi sngags rgyal gyis/ /bdud rtsi lnga ni spyad par bya/ /sa chu me rlung rnams kyi ni/ /sa bon gyis ni bza' bar bya/ /dpal phyag rgya chen po'i thig le las 'khor lo drug gi sa bon dang / sngags btung dang / bdud rtsi lnga bza' ba dang / /spyad pa zhes bya ba'i le'u ste 
nyi shu rtsa gcig pa'o//    //'byung po rnams ni bsrung don du/ /nyon cig gtor ma bdag gis bshad/ /dur khrod yang na chu ngogs sam/ /yul gyi mtha' 'am yang na ni/ /shing gcig dang ni khang stong du/ /gtor ma 'bad de sbyin par bya/ /tshangs pa ma dang / drag 
mo dang / dbang phyug chen mo dang / khyab 'jug ma dang / phag mo dang / mi'i seng ge mo dang / brgya byin mo dang / me mo dang / chu lha mo dang / rlung lha mo dang / gzhon nu mo dang / gnod sbyin mo dang / mkha' lding mo dang / sprul mo dang / glang chen mo dang / gshin 
rje mo dang / nor sbyin mo dang / nyi ma mo dang / gtum mo dang / de lta bu'i rnal 'byor ma 'khor dang bcas pa thams cad rnal 'byor bas 'dir phyag rgya 'dis dgug par bya'o/ /rdo rje khu tshur gnyis byas te/ /rgyab dang rgyab tu bsnol bar bya/ /mthe'u chung lu gu rgyud du sprel 
mdzub mo drang por bsgreng byas te/ /g.yas dang g.yon gyi phyag gnyis ni/ /cung zad tsam ni dgug par bya/ /rnal 'byor ma thams cad dang / mkha' 'gro ma thams cad dang /'byung po dang / yi dgas dang / sha za dang / drag po chen po dang / brjed byed rnams tshur 
shog tshur shog /nya dang / sha dang / khrag chen po dang / bza' ba sna tshogs dang ldan pa/ me tog dang / spos dang / mar me dang / dri dang / bdud rtsi lnga dang / chang dang / rgyal mtshan dang / ba dan la sogs pa dang / gdugs dang / rngul yab kyis brgyan pa'i gtor ma 'di snoms 
shig /dam tshig 'di srungs shig /bdag gi don thams cad kyi grogs gyis shig /rgyud 'di la gang zhig dad pa yod pa de rnams bsrung ba'i don du gsol cig /'thung shig /rol cig /hU~M hU~M phaT phaT swA hA/ b+ha ga'i phyag rgya mgo steng bca'/ /phyag rgya 'di yis gtor 

</font><hr>80-1-86a<br><font size=+1>

ma sbyin/ /rkang pa mnan cing steng du blta/ /ha ha'i sgra ni sgrogs byed cing / /rus pa'i rgyan dang ldan pa yi/ /he ru kar ni bdag nyid bsam/ /brgya byin 'dra ba'i lha ma yin/ /mdun du byung bar gyur na yang / /de la 'jigs par mi bya ste/ /gzhan rnams 
smos kyang ci zhig dgos/ /dpal phyag rgya chen po'i thig le las gtor ma'i las zhes bya ba'i le'u ste nyi shu rtsa gnyis pa'o//    //tshogs kyi 'khor lo'i cho ga ni/ /nyon cig lha mo spyan bzangs mo/ /gsang ba mchog gi dgyes pa yi/ /de ru 'khor lo rab tu bskor/ /
thams cad dam tshig gcig pa dang / /thams cad rtog pa med pa dang / /ser sna nga rgyal spangs pa dang / /'dod chags zhe sdang bral ba dang / /bla ma la gus bsam gtan ldan/ /phrag dog med cing rtse gcig pa/ /de ltar dgyes pa tshogs 'khor lo/ /mkhas pas 
'bad de gzhug par bya/ /de ltar min na skyon yod de/ /'khor lo yang ni 'grub mi 'gyur/ /thabs dang mnyam pa'i shes rab ma/ /nyi shu rtsa lnga yan chad spangs/ /thabs re shes rab re rer ldan/ /kun la gcig ni mi mdzes so/ /dang po yid 'phrog dgyes pa yis/ /me 
tog dkyil 'khor bri bar bya/ /de ru sna tshogs mchod pa ni/ /rtse gcig gis ni legs par bya/ /bla ma dngos po thams cad kyis/ /dad pa yis ni mchod par bya/ /tshogs pa la yang 'bad de mchod/ /mnyam nyid blta ba sems kyis so/ /ji ltar bla mas phyag rgya 'dzin/ /
tshogs kyis kyang ni de ltar ro/ /rtse gsum yang na ral gris bsad/ /nam phyed na ni blang bar bya/ /sna tshogs mchod pa'i mchod sbyin gyis/ /mchod nas bla ma'i gdan bya'o/ /dbus su bdag nyid he ru kar/ /phyag rgya chen po dang ldan pa/ /de ni bla ma zhes su bstan/ /legs 
dgyes dbang mo bdag nyid do/ /tshogs kyi 'khor lo'i dbus su ni/ /mchil ma la sogs dor mi bya/ /gtam kyang smra bar mi bya ste/ /rkang pa la sogs brkyang mi bya/ /phyag rgya'i brda dang gsang ba'i skad/ /de la 'bad pas bya ba'o/ /bka' lung med na gar dang glu/ /nam 

</font><hr>80-1-86b<br><font size=+1>

yang tshogs kyis mi bya'o/ /dum bu gcig pa'i mtshan ldan snod/ /bla ma'i mdun du gzhag par bya/ /yang na dum bu gsum pa ni/ /lha yi chang gis bkang bar bya/ /sna tshogs mchod pa'i mchod sbyin gyis/ /snod de la ni mchod par bya/ /tshogs kyi 'khor lor snod gzhan 
ni/ /me tog rgyan gyis brgyan pa'o/ /bza' ba sna tshogs dang ldan pa'i/ /dang por gtor ma chen po ni/ /ji ltar dga' ba med mi 'gyur/ /je mang je mang btung bar bya/ /yang dang yang du phyag bya zhing / /phyag rgya bcings la btung bar bya/ /de nas bza' ba thams cad kun/ /dag par 
byas nas bza' bar bya/ /lte ba'i ri bong 'dzin dkar dang / /rta mgrin mchog dang ldan pa dang / /hu~M gis rdo rje dkar legs spyad/ /aHyis rab tu rtogs byas shing / /oM kyi 'od kyis 'bar 'gyur bar/ /byin gyis brlabs nas mngon par bza'/ /rang lce pad 'dab dbus ma ru/ /hu~M byung rdo rje 
dkar po dgod/ /phyi nang bdag nyid thams cad kun/ /'khor lo de yis rab tshim bya/ /'khor lo bzhi yi dbye ba yis/ /'khor lo ma lus kun sbyang bya/ /dpa' bo'i lce la dpa' bo ni/ /dpa' bo'i dpa' bo dbus su'o/ /dpa' bo'i kha la dpa' bo ni/ /mchod pa'i dus su mchod par bya/ /lte ba 
gnyis kyi dbus su ni/ /dpa' bo kun gyi mchog gi gnas/ /dpa' bo rnams kyi mchog gi don/ /dpa' bo de kun mi shes na/ /de yis tshogs kyi 'khor lo ni/ /nam yang thob par mi 'gyur ro/ /gang ci de lta'i rim pa yis/ /phyi dang nang gi bya ba'o/ /de ltar byas na dngos grub 'thob/ /
mkha' 'gro ma yang lhan cig 'dus/ /gal te gzhan ma'i rnal 'byor ma/ /brtag pa'i don du 'ong 'gyur na/ /de la re zhig the tshom ni/ /mkhas pas nam yang mi bya'o/ /gtam ni smra bar mi bya ste/ /phyag rgyas bsnyun ni gsol bar bya/ /gang zhig de ru bla ma yis/ /gsung ba dang ni mdzad 
pa'ang de/ /yang na las kyi rdo rje ni/ /thams cad don kun byed pa'ang rung / /ji ltar rdo rje sems dpas rol/ /las kyi rdo rjes de ltar ro/ /sna tshogs gzugs kyis rnal 'byor ma/ /yang dang yang ni 'ong 'gyur na/ /de ru re zhig 'jigs mi bya/ /dpa' bo yi ni gzugs su spyod/ /bsdams 

</font><hr>80-1-87a<br><font size=+1>

pa la lar byed pa na/ de la chad par ba rtogs bya/ /yang dag dga' ba byung gyur na/ /thar pa'i rgyu phyir gar bya'o/ /'on kyang rdo rje rkang pa'i gar/ /ji ltar rnal 'byor ma mnyes 'od/ /ma'am sring mo chung ma dang / /sgyug mo dang ni mna' ma la/ /shes rab thabs kyi cho ga yis/ /'bad 
de de la mchod par bya/ /de rnams mchod pas dngos grub ni/ /gang zhig sems la bsams pa yod/ /lhag ma'i gtor ma bzung nas ni/ /dgon pa chen por gtang bar bya/ /gal te de ru rnal 'byor ma/ /blta ba de ni ston byed na/ /de rnams mtshan nyid 'di lta bu/ /mkhas pas 'bad pas shes 
par bya/ /gang zhig bzhin gyi dkyil 'khor ni/ /kun du zlum por snang 'gyur zhing / /kha ni sma ra rtag par yod/ /spu dang smin ma ring ba dang / /gos bzang gtsang zhing zhi ba dang / /mi g.yo bden par smra ba dang / /rtag tu dam pa'i chos la dga'/ /dpa' bo'i sring mo de ni dran/ /pad+ma'i phyag rgya sbyin par 
bya/ /de bzhin rus sbal phyag rgya'o/ /pags pa bum pa spyi blugs nyid/ /phyag rgya'i lan du shes par bya/ /de ni tshes bcu'i res dag la/ /khyim du pad+ma 'dri bar 'gyur/ /lA ma yi ni bud med kyi/ /mtshan nyid gyur pa 'di nyid ni/ /ma mchu 'phyang zhing mig dkyus ring / /mig ni dmar zhing ser 
skya gnas/ /phyug cing skal bzang yon tan can/ /ser zhing tsam pa lta bur snang / /shin tu ring min thung ba'ang min/ /sna tshogs pa yi gos la dga'/ /dpral bar ri mo gsum yod cing / /mtshan ngan gyen du bltas pa las/ /rgod cing dga' ba nyid dag dang / /lam ni rnam par mnan 
cing gnas/ /g.yul du shi ba rnams kyi ni/ /gtam dag la ni rtag tu dga'/ /de ltar rab dregs mthong na ni/ /rtse gsum phyag rgya bstan par bya/ /rkang pa g.yas pa bskum pa yis/ /gar nyid kyang ni bstan par bya/ /g.yon pa dag ni yongs bzlog pa/ /phyag rgya'i lan ni yin par bshad/ /
tshes bcu dang ni bcwa brgyad ni/ /de yi dus tshigs yin par bstan/ /khyim du mdung rtse gsum pa yang / /bris nas de ni rtag tu mchod/ /'jig rten dbang phyug lA ma yi/ /mtshan nyid gyur pa 'di dag yin/ /gang gi ma khur tshos dag tu ni/ /khung bur snang bar gnas gyur cing / /de bzhin 

</font><hr>80-1-87b<br><font size=+1>

dmar ser lag pa dmar/ /mig ni ljang ser dag tu snang / /skra ni de bzhin 'khyil pa dang / /mgo la dar ni bcings pa dang / /dpral ba la ni gsal bar ni/ /gzhu yi dngos por rab tu gnas/ /de bzhin mgrin ring sna ring ba/ /rtag tu gos dmar la dga' zhing / /rgod cing glu ni len pa dang / /lan 
'ga' zhig ni khro ba dang / /sems ni rnam par g.yo ba dang / /rtsod pa la ni dga' ba ste/ /'di 'dra'i rab dregs mthong nas ni/ /shag ti'i phyag rgya bstan par bya/ /gnyis pa nyid ni 'bad pa yis/ /dril bu'i phyag rgya bstan par bya/ /g.yon gyi phyogs su ldog pa ni/ /phyag rgya'i lan ni yin par bstan/ /
thung zhing byin pa sbom pa dang / /rtag tu gos ser la dga' zhing / /phrag pa dag nas gos kyang 'phyang / /de 'dra'i bud med mthong nas ni/ /'khor lo'i phyag rgya bstan bya zhing / /'bad pa yis ni gnyis pa yang / /dung gi phyag rgya bstan par bya/ /g.yon nas yongs su bzlog pa ni/ /phyag rgya'i lan ni 
yin par bshad/ /bcu bzhi de yi dus yin te/ /de yi khyim du rdo rje 'dra/ /he ru ka dpal lA ma yi/ /mtshan nyid gyur pa 'di dag yin/ /lus kun la ni ba spu yod/ /mig ni gnag cing ser ba dang / /sbom zhing rnam 'gyur mi bzad pa/ /bzhin 'phel che zhing kha che la/ /mchu ni 'phyang zhing kha 
dog gnag /mig zlum sna ni nyams pa dang / /rtag tu glu dang gar la mkhas/ /sprin gyi gzugs can gsus pa che/ /'di 'dra'i rab dregs mthong nas ni/ /glu yi phyag rgya bstan par bya/ /gnyis pa yang ni 'bad pa yis/ /mdung gi phyag rgya bstan par bya/ /g.yon nas yongs su bzlog na ni/ /
phyag rgya'i lan ni yin par bshad/ /tshes grangs bcu gcig de yi dus/ /khyim du mche bar 'dri byed pa/ /rdo rje phag mo lA ma yi/ /mtshan nyid gyur pa 'di dag yin/ /mtshan mo'i dus su lam du ni/ /de ltar 'bad de shes par bya/ /de kun 'jigs par yong mi bya/ /phyag rgya rnams kyis mnyes 
par bya/ /ji ltar bsams pa bzhin du ni/ /mnyes nas dngos grub ster pa'o/ /dpal phyag rgya chen po'i thig le las tshogs kyi 'khor lo'i cho ga dang / mkha' 'gro ma'i yan lag gi mtshan nyid ces bya ba'i le'u ste nyi shu rtsa gsum pa'o//de nas gzhan yang bshad bya ba/ /de ru las 

</font><hr>80-1-88a<br><font size=+1>

ni rab yin te/ /gang zhig bsten pa tsam gyis ni/ /myur du dngos grub la 'jug pa/ /yan lag dri zhim shin tu 'jam/ /rdul ni dri zhim gyur pa dang / /ngo tsha che zhing bden par smra/ /yun ring mig ni mi 'dzums pa/ /khro ba med cing snying rje che/ /skad cig 'jam par smra 
ba dang / /skye ba bdun nam yang na gsum/ /'bad pa yis ni btsal bar bya/ /bsod nams dang ldan sems pa yi/ /des ni lag tu rnyed par 'gyur/ /de yang zos par byas nas ni/ /de yi snying gar ro tsa na/ /rtse gcig pa yi sems kyis ni/ /he ru ka yi sngags lan bdun/ /bzlas 
nas 'bad pas thig le bya/ /'phral du steng du lding 'gyur zhing / /dpag tshad bye bar 'gro ba'o/ /de ni zos pa tsam gyis ni/ /khams gsum ye shes can du 'gyur/ /dpag tshad bye ba lnga bcur ni/ /nyin mtshan kun tu 'gro ba'o/ /lha yi lus kyang thob 'gyur te/ /bskal pa stong du gnas 
par 'gyur/ /brgya byin gyi ni stobs 'dra'o/ /bud med bltas pa tsam gyis ni/ /ji ltar me yis mar bzhu ltar/ /dpal phyag rgya chen po'i thig le las las kyi cho ga zhes bya ba'i le'u ste nyi shu rtsa bzhi pa'o//    //bcom ldan ye shes rgyal dbang po/ /bdag la the tshom skyes pa mchis/ /
sngags pas sngags rnams 'grub don du/ /bzlas brjod de ni ji ltar lags/ /bcom ldan 'das kyis bka' stsal pa/ /rnal 'byor rnams kyis bzlas dang bsgom/ /nyon cig lha mo 'gro ba ma/ /srog dang rtsol ba mnyam byas nas/ /srog dang rtsol ba bza' bar bya/ /srog dang 
rtsol ba 'gog byas te/ /srog dang rtsol ba la blta'o/ /pad+ma'i kha sbyar sbyor ba las/ /shes rab thabs ni spyad par bya/ /lte ba gnyis kyi nam mkha' las/ /khab rtse dbye ba med pa yi/ /yi ge shel gyi 'od ldan pa/ /A li'i phreng ba dran par bya/ /yi ge re re yid kyis 
ni/ /rtag tu rgyun mi 'chad par bzlas/ /'khor lo rnams kyi lte ba'i nang / /bzlos pa byas nas drang bar bya/ /ha ha'i sgra ni 'jam pa yis/ /mgrin pa ya rkan 'gul med pas/ /nang gi reg bya 'jam pa yi/ /snying ga kho na'i gnas su bya/ /shes rab gtum 

</font><hr>80-1-88b<br><font size=+1>

mo'i gzugs su grags/ /rnam pa dang bral bde sbyin ma/ /reg bya med pa'i reg skyed ma/ /de lta'i shes rab dang lhan cig /rdo rje skyil krung sems kyis ni/ /sems ni g.yo ba med par bya/ /thig tshul char yang ngang bral ba/ /thig tshul char yang dag 
nyid dang / /thig le tshul dang char yang nang / /rnal 'byor gyis ni der sems bya/ /char yang gi ni nang du sems/ /yang ni tshul gyi nang du sems/ /tshul ni thig ler 'gro bar bsgom/ /thig le yang ni stong par 'gro/ /stong pa rang bzhin zhes su bstan/ /
gsum dang bral ba ma skyes mchog /de lta bu yi cho ga yis/ /'di yi cho ga'i thabs kyis ni/ /gang zhig rtse gcig gis ni bzlas/ /des ni dngos grub chen po 'thob/ /zla ba gcig gis gdon mi za/ /dpal phyag rgya chen po'i thig le las rang bzhin gyi 
bzlas pa zhes bya ba'i le'u ste nyi shu rtsa lnga pa'o//    //bcom ldan dpa' bo dpa' dbang phyug /sngar ni khyod kyis dus bka' stsal/ /thams cad mkhyen pa mchog dbang phyug /de yi don ni bshad du gsol/ /de yi dus kyi don 'di ni/ /spyan ring lha 
mo khyod nyon cig /dus ni char yang zhes su bshad/ /de rnams kyi ni sbyor ba'i don/ /sbyor ba bzhi yang bzhi bzhir gyis/ /yan lag gcig ni spangs pa'o/ /rgyal ba rnams kyis rnyed dka' ba/ /de yi skye ba bdag gis bshad/ /rten gyi srog gi dbyug pa la/ /
de ru sbyor ba bstan pa'o/ /srog gi dbyug pa dbus na gnas/ /phra ba'i phra ba yang dag mchog /sum cu rtsa gnyis mdud dang ldan/ /de ni phyi rol nang du min/ /mdud pa yi ni gnas su sbyor/ /de ni char yang rnams kyi don/ /char yang sbyor ba nang du min/ /nang du de ni 
rtog med ma/ /mdud pa'i nang du g.yas dang g.yon/ /ro ma dang ni brkyang ma gnas/ /mdud pa gnyis dbus gcig gcig ste/ /sum cu gnyis kyis bcu drug dran/ /bde chen 'khor lo mgrin pa gnas/ /lte ba'i steng ni yan chad do/ /sor bcu gnyis kyi skud pa ni/ /

</font><hr>80-1-89a<br><font size=+1>

mdud pa med pa gcig pu'o/ /de 'og mdud pa dang ldan pa/ /rlung gi 'khor lo yan chad do/ /spyi bo nas ni mgrin yan chad/ /de tsam sbyor ba bzhi yin no/ /mgrin pa'i 'og nas snying ga'i gnas/ /de tsam gzhan ni bzhi yin no/ /snying ga'i 
gnas nas lte ba'i bar/ /de tsam gzhan yang bzhi yin no/ /lte ba nas ni nor bu'i mgrin/ /de tsam gzhan ni bzhi yin no/ /de ni sbyor ba bzhi ru bshad/ /char yang dga' ba dang bral ba/ /'dod dang rdul dang 'dar dang stobs/ /'gro dang bdud rtsi yang yin te/ /dga' dang 
pad+ma de bzhin te/ /de ni dang po'i sbyor ba bzhi/ /rgyas dang rdul dang mdud dang myos/ /'byung ba dang ni mtshan mo dang / /mchog gi dga' dang ro yin te/ /de ni gnyis pa'i sbyor ba'o/ /'bar dang zhi dang thig le gnas/ /myos dang 'og ma de bzhin no/ /dga' bral dga' ba 
'gug pa ste/ /de ni gsum pa'i sbyor ba'o/ /u ta 'dab ma tshul rlung ma/ /gnyid dang me ma de bzhin no/ /lhan cig skyes dga' ma skyes pa/ /de ni sbyor ba bzhi pa'o/ /rin chen ske ru phyin tsam na/ /de ni zla ba gang bar dran/ /dga' ba yod pa'i sbyor ba ni/ /de ni shar 
bar shes par bya/ /bcwa lnga pa ni 'byung ba'i rgyu/ /bcu drug pa la rtog mi byed/ /skye dang 'jig pa med pa'i phyir/ /de la sbyor ba med pa'o/ /char yang rnam skyed sbyor ba ni/ /rtse gcig gis ni khyod nyon cig /bcu drug de bzhin nyi ma dang / /gang du gnyig sbyor bar 
'gyur/ /de la ma skyes cha zhes bya/ /de rang ngo bo rang bzhin no/ /bcu drug de bzhin nyi ma dang / /char yang 'gyur ba'i rgyun yin no/ /de ni 'byung ba kun gyi pha/ /thabs dang shes rab mnyam par ldan/ /bcu drug pa ni shes rab yin/ /nyi ma thabs su bstan pa'o/ /
bcu drug phan chad shes par bya/ /nyi ma mchog tu dran pa'o/ /de gnyis dbus bzhugs rang bzhin ni/ /ngag gi lam gyis rnyed par dka'/ /de lta bu yi dus kyi don/ /yang dag par ni bdag gis bshad/ /'di las gzhan mchog gsang ba ni/ /zhal 

</font><hr>80-1-89b<br><font size=+1>

bzang yang dag med pa'o/ /'bad pa yis ni sba bar bya/ /sku la yang ni mi sbyin no/ /dpal phyag rgya chen po'i thig le las dus kyi don gyi rang bzhin gyi don zhes bya ba'i le'u ste nyi shu rtsa drug pa'o//    //sngar sbas sngags kyis gsal ba de/ /nyon cig lnga mo bdag gis 
bshad/ /dad ldan rnams kyis shes don du/ /dad pa med la nam yang min/ /hA swA Ta pha hU~M hU~M ya b+hA n+ni sa g+ni pA la kA hA mas ha T+TA T+TA ya dza bi ya dza ra shwad+he kro hA ma oM/ gsang chen po yi sngags 'di ni/ /thams cad don kun grub byed pa/ /Tapha hrIM hrIM gri dzo te dzrab oM/ nye ba'i 
snying po'i sngags chen po/ /thams cad kun gyi dbang du byed/ /hA swA Tapha hU~M hU~M ri shwa ye mas ta ra gu oM/ khyod kyi snying po'i sngags dbang po/ /grangs med yon tan dang ldan no/ /sngags pa'i ye shes grub don du/ /gsang ba'i sngags ni gsal byas so/ /hA swA Tapha dz+liM bliM kliM 
oM/ khyod kyi nye ba'i snying po 'di/ /sangs rgyas kyis kyang rnyed dka' ba/ /bdag gis de yi sngags kyis ni/ /grangs med dbang du byas pa'o/ /dpal phyag rgya chen po'i thig le las sbas pa'i sngags gsal ba zhes bya ba'i le'u ste nyi shu rtsa bdun pa'o//    //yang dam du 
'khyud pa byas nas skad snyan pa yis/ bcom ldan 'das ma legs dgyes dbang phyug mas 'di skad ces zhus so/ /bcom ldan 'das ye shes mkha' 'gro nyi/ /mi shes mun pa 'jig byed pa/ /gsang ba kun ni gsungs pa las/ /phyag rgya chen po de ma gsungs/ /phyag rgya 
chen po ji ltar lags/ /rgyal ba'i dbang phyug yang dag gsungs/ /bcom ldan 'das kyis bka' stsal pa/ /rab tu bde ba'i rnam pa mchog /nyon cig lha mo phyag rgya che/ /phyag rgya chen po gsang ba che/ /brjod med mi zad ma skyes pa/ /thams cad gzugs can gzugs dang 
bral/ /gzugs med gzugs kyi bdag nyid mchog /sbom phra la sogs dang bral ba/ /gzhal du med pa'i rang bzhin no/ /yang dag dri med rnam pa'i 'od/ /gang du yang ni gnas med pa/ /shar ba ma yin nub pa min/ /rtag tu shar ba char yang mchog /dus dang gnas 

</font><hr>80-1-90a<br><font size=+1>

skabs grol ba ste/ /skye dang 'jig par byed pa'o/ /rnal 'byor ma rnams rnyed mi dka'/ /rnal 'byor cung zad rnyed dka' ba/ /thabs mchog gis ni rnyed 'gyur te/ /thabs mchog med na nam yang min/ /dpa' bo chen po bcom 
ldan 'das/ /de la thabs ni bka' stsol cig /bcom ldan 'das kyis bka' stsal pa/ /rtsa yi kun spyod sbyor ba yis/ /slob dpon kha las rnyed par 'gyur/ /rlung 'khor char yang gnas na ni/ /rlung ma gnyid ma yod pa'o/ /g.yas pa dang ni g.yon 
gyi cha/ /char yang la ni shin tu bskor/ /de gnyis khong du chud pa yis/ /de las mchog gi bde ba 'byung / /bde ba'i nang nas phyag rgya che/ /the tshom med par rnyed par 'gyur/ /char yang dbus na rtsa yi gnas/ /phra mo'i phra mo yang dag mchog /rtsa yi gnas na 
rtsa yi gnas/ /de tsam la ni nges khyab bo/ /phyag rgya chen po'i rang bzhin ni/ /lha mo chen mo de ni khyod/ /nga yi 'od ni yang dag khyod/ /phyi dang nang ni yod pa'o/ /gang zhig phyag rgya che mi shes/ /sangs rgyas yin yang rnal 'byor min/ /phyag rgya chen 
po'i thig le 'di/ /gang zhig dri med shes pa min/ /rnal 'byor rnal 'byor ma yi rgyud/ /'bum gcig rnal 'byor nges shes kyang / /de lta mod kyi 'bras rab nges/ /nam yang 'byung bar mi 'gyur ro/ /thams cad chos kun rab shes na/ /de ni nges par 
sangs rgyas yin/ /phyag rgya chen po rab shes na/ /de ni dpal rdor sems dpar 'gyur/ /de yi rang bzhin ye shes ni/ /phyag rgya chen po'i mtshan nyid do/ /de skad ces thos nas bcom ldan 'das ma bye ba 'bum phrag bdun cu rtsa gnyis kyi mkha' 'gro ma dang bcas 
pas bskor ba lan gsum byas nas phyag 'tshal te khrag dron mos mchod do/ /bcom ldan 'das la mkha' 'gro ma thams cad kyis phyag rgya chen po thig le'i rgyud thos nas dga' mgu yi rangs te cang mi smra bar zhugs so/ /yang dam du 'khyud pa byas nas 'di skad ces 

</font><hr>80-1-90b<br><font size=+1>

gsol to/ /bcom ldan rnal 'byor ma yi bdag /cung zad bdag la the tshom skyes/ /gang zhig dkyil 'khor cho ga ni/ /rtsa ba yi ni rgyud du bshad/ /bdag dang gzhan gyi gnas de ni/ /sngar ni bdag gis ma shes so/ /bcom ldan 'das kyis 
bka' stsal pa/ /bdag gi gnas dang gzhan de bzhin/ /nyon cig yang dag bdag gis bshad/ /gzhan gyi gnas ni b+ha gar brjod/ /bdag gi gnas ni snying po'o/ /sgo yi phyi rol gzhan gyi gnas/ /bdag gi gnas ni dkyil 'khor ro/ /yang 
na gzhan gnas sbyor ba yin/ /nye ba'i sbyor ba bdag gnas so/ /sbyor ba mtho ris zhes su bstan/ /de bzhin du yang mi yul sbyor/ /nye ba'i sbyor ba sa 'og ste/ /mtho ris chos kyi snying pad+ma/ /nye ba'i sbyor ba ri rab rtse/ /mi yul lte ba'i lte ba'o/ /
sa 'og sprul pa'i snying po ste/ /ri rab rtse mo gsang sna'o/ /de ltar gzhan ni gsang chen po/ /yang dag gzhan du ngas ma bshad/ /'bad de de ni bsrung bya ste/ /su la yang ni mi sbyin no/ /rnal 'byor ma rgyud dbang phyug rgyal/ /rnal 'byor ma la bshad par bya/ /
yang na sems dpa' chen po 'di/ /legs par brtags nas gsal bar bya/ /dpal he ru ka chen po'i dang po'i dang po grub pa/ de bzhin gshegs pa thams cad kyi gsang bla las kyang ches gsang ba'i rgyud phyi ma dpal phyag rgya chen po'i thig le rnal 'byor ma chen po'i 
rgyud kyi rgyal po'i mnga' bdag thams cad mkhyen pas kyang rnyed par dka' ba/ rmad du byung ba'i rmad du byung ba zhes bya ba'i le'u ste/ nyi shu rtsa brgyad pa'o//    //dpal phyag rgya chen po'i thig le rnal 'byor ma chen mo'i rgyud kyi rgyal po'i mnga' bdag ces 
bya ba rdzogs so//    //rgya gar gyi slob dpon rnal 'byor gyi dbang phyug chen po dpal shes rab gsang ba'i zhal sngar/ ka ma chos kyi ye shes dang / phyug mtshams dgra bcom gyis dad cing gus pas zhus te bsgyur cing gtan la phab pa//    //

</font><hr>

</table>