D44

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>D44</h1><td>(<a href="https://adarsha.dharma-treasure.org/kdbs/degekangyur" target="new2">e-text produced by ADARSHA</a>)<br><br><a href="verif2.php?id=D44&coll=derge">see text in Tibetan script</a></table>35-1-1b<br><font size=+1>
@##/ rgya gar skad du/ bud+d+ha a ba tang sa ka nA ma ma hA bai pu l+yaM sU tra/ bod skad du/ sangs rgyas phal po che zhes bya ba shin tu rgyas pa chen po'i mdo/'di 
skad bdag gis thos pa'i dus gcig na/ bcom ldan 'das thog ma mngon par sangs rgyas pa/ sangs rgyas kyi chos thams cad shin tu rnam par sangs rgyas pa'i thugs mnga' ba/ 
dus gsum mnyam pa nyid du thugs su chud pa'i ye shes kyi sku mnga' ba/ 'jig rten gyi khams thams cad du skus shin tu khyab pa/ sangs rgyas kyi zhing thams cad du dbyangs kyi yan 
lag dang gsung gi nga ro shin tu bsgrags pa/ mkha' dang nam mkha' lta bu'i mtshan nyid mnyam pa nyid du rab tu snang ba'i spyod yul can nam mkha' ltar 'gro ba thams cad kun khyab pa'i snying po 
byang chub thams cad la bzhugs pa'i sku byang chub sems dpa' rgya mtsho thams cad kyi nang na rnam par snang ba/ 'jig rten gyi khams thams cad du nyi ma'i dkyil 'khor ltar shar ba/ sangs </font><hr>35-1-2a<br><font size=+1>
rgyas kyi zhing thams cad du yongs su skye ba bstan pa/ rab tu spros pa dus gsum gyi bsod nams rgya chen po rgya mtsho lta bus spyod yul yongs su dag pa/ 'od kyi dkyil 'khor dang / 'od zer kha dog mtha' yas pa mnga' ba/ 
chos kyi dbyings thams cad rgyas par 'gengs pa'i chos kyi sprin thams cad kyis rnam par 'phrul pa/ 'jig rten gyi khams thams cad du bsgribs pa med pa/ skra'i rtse mo thams cad du mtha' dang dbus med par rnam par 'phrul pa byin gyis 
rlob pa'i mthu mnga' ba/ 'gro ba thams cad yongs su smin par bya ba dang / gdul ba la mngon du gyur par yongs su ston pa/ 'khor gyi dkyil 'khor thams cad du/ 'phos pa med par gshegs pa/ yongs su ston 
pas khyab par mdzad pa/ dngos po myed pa'i dbyings kyi mtshan nyid thams cad thugs su chud pa/ 'od zer gyi sgo thams cad du dus gsum rnam par sprul pa'i byin gyi rlabs yongs su ston pa/ sangs rgyas kyi zhing thams cad du bskal pa rgya mtsho 
bsam gyis mi khyab par byin gyi rlabs shin tu bsgrubs pa/ yul ma ga ta'i chos kyi dgon pa snying po byang chub rdo rje rin po che thams cad ltar gzhom du mi chom par sra ba'i sa phyogs nor bu rin po che thams cad kyi mye tog gis sa gzhi brgyan pa nor bu'i rgyal po dri 
ma myed par 'bar bas rab tu bsgrubs pa/ rin po che mang po thams cad kyis rnam pa sna tshogs su brgyan pa/ yon tan rgya mtsho mtha' yas pa'i rgyan rnam pa sna tshogs yang dag par bstan pa/ nor bu'i rgyal po 'od zer dang / sgra dbyangs kyi rgyal mtshan </font><hr>35-1-2b<br><font size=+1>
thams cad kyis rab tu bsgrubs pa/ spos dang / me tog dang / rin po che'i phreng ba dang / dra ba mang po thams cad rnam par bres pa rin po che'i kha dog zad myi shes pa'i char rab tu 'bab pa'i rnam par 'phrul pa yang dag par ston pa'i nor bu'i rgyal pos shin tu bsgrubs pa/ me tog 
sna tshogs chu bo'i klung lta bus yongs su bstan pas brgyan pa/ rin po che'i shing 'od zer gyi kha dog sdug po dang ldan pa'i yal gas brgyan pa/ rgyan thams cad du snang ba shin du 'bar ba'i byin gyi rlabs kyis rnam par sprul pa/ yang dag par bstan pa'i sa'i snying po/ rin 
po che'i 'bru thams cad 'byung bas phyogs kun du sbyangs shing brgyan pa'i snying po byang chub la byang chub chen po'i shing nor bu rin po che rdo rje'i rgyan sna tshogs kyi 'brus/ bsgrubs pa'i sdong po dang ldan pa bai DUr+ya dang / nor bu thams cad kyi rigs 'byung ba'i snying po dang ldan pa'i lhun can 
yongs su yon tan mang po mtha' yas pa'i nor bu rin po che mang po'i 'brus shin tu brgyan cing rab tu 'phel ba'i yal ga can rin po che thams cad kyi lo ma shin tu 'od gsal bas phyogs kyi sprin du gyur pa/ yal ga thams cad kyi rtse mo las me tog dang / 'bras bu'i dra ba yon tan 
rnam pa sna tshogs can rab tu spyangs pa/ rin po che'i 'bras bu'i sna tshogs shin tu 'bar ba'i snying pos/ shing gi rgyan me tog thams cad shin tu rgyas shing rnam par gsal ba/ phyogs bcur 'od kyi dkyil 'khor rin po che rgya che zhing mang ba'i 'od zer lta bur rnam par snang ba 
nor bu'i yon tan zad mi shes pa'i char chen po rnam par sprul pas yongs su bstan pa/ nor bu'i sgo thams cad nas byang chub sems dpa'i sprin 'byung ba shin tu bstan pa/ sangs rgyas kyi rnam par 'phrul pa dang / byin gyi rlabs kyis zad mi shes pa'i dbyangs 'byung ba'i 
drung na/ de bzhin gshegs pa'i gzhal myed khang phyogs thams cad du mngon par snang ba/ rab tu 'phel ba/rin po che'i rgyal po sna tshogs yon tan mtha' yas pa'i ka ba bkye ba/ lhun rin po che'i me tog rnam pa sna tshogs thams cad kyi rgyan gyis brgyan pa/ rgyan mtha' yas </font><hr>35-1-3a<br><font size=+1>
pas shin tu klubs pa'i 'od zer snang bas sprin ltar khebs pa/ pho brang gi mtshams thams cad nas 'od kyi rgyal mtshan rab tu bkye ba/ byang chub sems dpa'i 'khor gyi dkyil 'khor rgya mtsho mtha' yas pa/ rjes su 'dod pa'i snying po can bsam 
gyis myi khyab pa/ gsung rgya chen po'i dbyangs dang / sangs rgyas kyi 'od nor bu'i rgyal po lta bu'i dra bas thams cad yog pa/ sangs rgyas kyi byin gyi rlabs kyis rnam par sprul pa'i 'phrul pa/ dmigs pa thams cad du byung ba/ sems can thams cad kyi khyim gyi 
gzugs brnyan rab tu ston pa/ sems skad cig gis sangs rgyas kyi byin gyi rlabs thams cad chos kyi dbyings 'byam klas par 'phro ba'i snying po can seng ge'i khri chen po sangs rgyas kyi gdan du gyur pa/ rin po che thams cad dang / yid du 'ong ba'i spos sna tshogs kyi snying po 
can pad+mo'i dra ba 'od zer mtha' yas pa 'byung bas brten pa/ rin po che dri ma myed pa'i 'khor lo'i 'od kun tu brdal ba/ me tog gi phreng ba bzang zhing yid du 'ong ba kha dog mtha' yas pas kun nas klubs pa/ nor bu'i 'bru sna tshogs kyi shing gi yal ga las 'od shin du bkye ba/ rta 
babs dang / khri khri 'phang dang / skar khung khang pa brtsegs pa/ rnam pa sna tshogs mtha' yas legs par brgyan pa nor bu'i rgyal po 'od zer 'bar ba'i snying po'i sprin thams cad du 'phros pa'i rgyan can/ byang chub sems dpa' rgya mtsho rgya chen po'i gtsug gi rin po ches bzung zhing 'od 
zer rnam par snang ba/ phyogs bcu'i mtshams thams cad du/ sangs rgyas kyi sprul pa'i 'od kyi snying po'i nor bu'i rgyal pos shin tu brgyan pa/ sangs rgyas kyi yul gyi sgra dbyangs rgya chen pos chos kyi dbyings khyab pa'i byin gyi rlabs dang ldan pa la 
bzhugs shing / byang chub sems dpa' sems dpa' chen po sngon bcom ldan 'das de bzhin gshegs pa rnam par snang mdzad dang / byang chub sems dpa'i spyod pa thabs gcig tu spyod spyod pa'i dge ba'i rtsa ba can/ sangs rgyas kyi zhing bcu'i rdul shin du phra ba snyed dang thabs gcig ste/</font><hr>35-1-3b<br><font size=+1>
'di ltar byang chub sems dpa' sems dpa' chen po kun tu bzang po dang / byang chub sems dpa' sems dpa' chen po dge ba dri ma myed pa'i gzi brjid kyi 'od yid du 'ong ba dang / byang chub sems dpa' sems dpa' chen po yon tan 'od mchog kun du sgron ma dang / byang chub sems dpa' 
sems dpa' chen po kun tu 'bar ba seng ge'i rgyal mtshan dang / byang chub sems dpa' sems dpa' chen po dpal gyi 'od zer kun tu 'od 'phro dang / byang chub sems dpa' sems dpa' chen po yon tan rgya mtsho kun tu dbyangs rgyal mtshan dang / byang chub sems dpa' sems dpa' chen 
po de bzhin gshegs pa'i spyod yul ye shes kun tu snang ba'i 'od dang / byang chub sems dpa' sems dpa' chen po gtsug na rin chen kun tu rgyal mtshan dang / byang chub sems dpa' sems dpa' chen po rgyal ba'i gsung kun tu 'jam dbyangs dang / byang chub sems dpa' sems 
dpa' chen po bsod nams myi zad dri myed kun tu gzi brjid dang / byang chub sems dpa' sems dpa' chen po mtshan gyi 'od zer kun tu snang ba dang / byang chub sems dpa' sems dpa' chen po 'od zer rgya mtsho 'od chen dpal gyi zla ba dang / byang chub sems dpa' sems dpa' chen po 
sprin gyi nga ro rgya mtsho dri myed 'od kyi snying po dang / byang chub sems dpa' sems dpa' chen po yon tan rin chen 'byung ba ye shes dpal gyi gtsug phud dang / byang chub sems dpa' sems dpa' chen po rgya chen 'od 'bar blo gros dbang phyug dang / byang chub sems dpa' sems dpa' chen po 
pad+mo rnam par gnon pa 'od zer gtsug phud dang / byang chub sems dpa' sems dpa' chen po kun tu ye shes sprin gyi nyi ma'i rgyal mtshan snang ba dang / byang chub sems dpa' sems dpa' chen po mthu stobs brtson 'grus rdo rje yangs pa'i snying po dang / byang chub sems dpa' sems 
dpa' chen po spos kyi 'od 'phro shin tu 'bar ba'i 'od kyi rgyal mtshan dang / byang chub sems dpa' sems dpa' chen po rnam par snang mdzad yon tan yangs pa'i rgyal mtshan dang / byang chub sems dpa' sems dpa' chen po bsod nams yangs pa shin tu 'phags pa'i 'od mchog </font><hr>35-1-4a<br><font size=+1>
yon tan 'byung ba'i blo gros dang / de dag la stsogs pa sangs rgyas kyi zhing bcu'i rdul shin tu phra ba snyed kyi/ byang chub sems dpa' sems dpa' chen po kun kyang / de bzhin gshegs pa rnam par snang mdzad dang / dge ba'i rtsa ba rgya mtsho gcig gis 
byung ba pha rol tu phyin pa thams cad kyi 'khor yongs su rgyas pas snang bar gyur pa/ ye shes kyi mig yongs su dag pa/ dus gsum gyi dbyings thams cad du snang bas gsal bar gyur pa/ ting nge 'dzin gyi 'khor thams cad yongs su dag pas snang bar gyur pa/ tha dad pa yang 
dag par shes pa/ rgya mtsho yangs shing zad mi shes pa dang / sangs rgyas kyi yon tan dang mthus snang bar byas pa/ 'gro ba thams cad yongs su smin par bya ba dang / gdul bar brtsam pa'i ye shes mnyam pa nyid kyis snang bar byas pa/ chos kyi dbyings kyi snying po gcig tu 
tha myi dad pa'i ye shes kyi snang bar gyur pa/ sangs rgyas kyi rnam par thar pa zab mo'i yul yangs pa la ye shes kyi spyod yul gyis snang bar byas pa/ sa gcig las byung ba yongs su gnon pa'i rjes su 'brang bas shin tu snang bar byas pa/ smon lam gyi rgya mtsho la 'jug 
pa phyi ma'i mtha'i byin gyi rlabs kyi ye shes thams cad kyi gnas pas snang bar gyur pa/ de bzhin gshegs pa'i gsang ba rmad du byung ba'i dkyil 'khor yangs pa yongs su shes pas snang bar gyur pa/ sangs rgyas kyi chos thams cad mnyam pa nyid la rjes su brtags 
pa'i ye shes kyis shin tu snang bar gyur pa/ de bzhin gshegs pa'i sa kun tu 'od kyi dbyings dang / gnas su rnam par spyod du dbang ba/ ting nge 'dzin rgya mtsho mtha' yas pa'i sgo thams cad du rnam par rgyu bas snang bar gyur pa/ ye shes snang ba thams cad kyi rjes su 
song zhing 'gro ba thams cad kyi spyod pa rgya mtsho la shin tu gnas pa/ chos rgya mtsho thams cad kyi gzungs dang / tha dad pa yang dag par shes pa bstan pa dang / yongs su bstan pa la mkhas pa/ sangs rgyas kyi yon tan rgya mtshor gtogs pa thams cad kyis khyab </font><hr>35-1-4b<br><font size=+1>
par byed pa'i lus can smon lam rgya mtsho mngon par bsgrubs pas/ sangs rgyas kyi zhing 'byam klas pa thams cad rgyas par 'gengs pa/ sangs rgyas thams cad mchod pa'i sbyor ba la phyi ma'i mur thug pa'i bskal par dga' ba'i shugs kyi snang ba rab tu thob pa/ de bzhin gshegs pa 
thams cad kyi zhabs kyi drung du phyin cing snying po byang chub tu nye bar 'dong ba yang dag par ston pa/ kun tu bzang po'i smon lam rgya mtshos sems can ma lus pa thams cad kyi shes pa yongs su rgyas par 'gengs pa'i lus can rnams dang thabs gcig go /sangs rgyas kyi zhing gi rdul 
shin tu phra ba snyed kyi lag na rdo rje dag dang yang thabs gcig ste/ 'di ltar lag na rdo rje mthu chen kha dog bzang po'i 'od dang / lag na rdo rje nyi ma'i shugs kyi rgyal mtshan dang / lag na rdo rje ri rab me tog 'od dang / lag na rdo rje rnam dag sprin gyi dbyangs dang / lag na rdo rje dpa' bo 
shin tu mnga' ba dang / lag na rdo rje rdo rje'i 'od yid du 'ong ba dang / lag na rdo rje shing gi sgra dbyangs dang / lag na rdo rje seng ge'i 'od kyi rgyal po dang / lag na rdo rje 'od 'phro stug pa'i dpal gyi mig dang / lag na rdo rje rin chen gtsug phud pad mo'i 'od dang / de dag la stsogs pa lag 
na rdo rje sangs rgyas kyi zhing gi rdul shin tu phra ba snyed kun kyang / sngon bskal pa mtha' yas par de bzhin gshegs pa mchod par smon pas zham 'bring na 'brang bar gyur pa/ sangs rgyas bsnyen bkur ba'i smon lam gyi pha rol tu phyin pa yongs su rdzogs pa dge ba dang / bsod nams kyi 
dkyil 'khor mtha' yas pa yongs su dag pa/ ting nge 'dzin gyi spyod yul yangs pa la rnam par spyod pa/ rdzu 'phrul dang stobs dang / de bzhin gshegs pa'i spyod yul mtha' yas pa khong du chud pa bsam gyis mi khyab pa'i rnam par thar pa'i yul la zhugs pa/ 'khor gyi dkyil 
'khor thams cad kyi zil gyis mi non pa'i lus can sems can rnams ji ltar 'dul ba bzhin du lus shin tu ston pa/ sangs rgyas kyi sprul pa'i sku thams cad kyi 'phrul pa rjes su rtogs pa/ sangs rgyas thams cad kyi rnam par spyod pa dang / gnas bsrung ba la shin tu brtson pa rnams </font><hr>35-1-5a<br><font size=+1>
dang thabs gcig go /lus kyi ris su gtogs pa'i lha sangs rgyas kyi zhing gi rdul shin tu phra ba snyed dag dang yang thabs gcig ste/ 'di ltar lha khrel dang / dge ba rgyas pa'i 'od dang / 'od zer phyogs su snang ba dang / sgras 'dul ba rgya mtsho'i dpal dang / 
rgyan bzang po me tog gtsug phud dang / spyod yul mtha' yas dpal dang /snang ba'i phreng ba 'dzin pa'i dpal dang / spos dri ma myed pa'i sprin las char 'bab pa'i 'od dang / srung 'dzin yongs su sdud pa dang / sgo kun nas yongs su gnon pa la mngon du gyur pa'i mig dang khrel dang 
dpal mi g.yo ba'i 'od dang / lus kyi ris su gtogs pa'i lha de dag la stsogs pa kun kyang / de bzhin gshegs pa bsnyen bkur bar smon lam btab pa dang ldan pa/ sangs rgyas kyi zhing gi rdul shin tu phra ba snyed dang thabs gcig go /rkang gis 'gro ba'i lha sangs rgyas kyi 
zhing gi rdul shin tu phra ba snyed dag dang yang thabs gcig ste/ 'di ltar rkang gis 'gro rin chen dpal gyi phyag rgya dang / rkang gis 'gro pad mo snang ba'i 'od zer gyi 'od dang / rkang gis 'gro me tog gtsug phud kyi dpal dri ma myed pa dang / rkang gis 'gro shin tu mdzes par 
gnon pa dang / rkang gis 'gro rin chen dpal gyi rgyal mtshan dang / rkang gis 'gro dga' ba'i dbyangs snyan pa dang / rkang gis 'gro shing tsan dan gyi 'od dang / rkang gis 'gro pad mo yid du 'ong ba'i 'od dang / rkang gis 'gro rdul gyi shugs kyi 'od dang / rkang gis 'gro mye tog mang po'i 
dkyil 'khor dang / de dag la sogs pa rkang gis 'gro ba'i lha/ sangs rgyas kyi zhing rdul shin tu phra ba snyed kun kyang sngon bskal pa mtha' yas par de bzhin gshegs pa'i rjes su 'brang ba sha stag dang thabs gcig go /snying po byang chub kyi lha sangs rgyas kyi zhing rdul shin tu phra ba snyed 
dag dang yang thabs gcig ste 'di ltar/ snying po byang chub kyi lha dge ba dri ma myed pa'i rgyan gyis brgyan pa'i rgyal mtshan dang / snying po byang chub kyi lha ri rab spo'i rin po che'i 'od dang / snying po byang chub kyi lha dbyangs kyi 'brug sgra sgrogs pa'i rgyal mtshan dang / me tog gi char </font><hr>35-1-5b<br><font size=+1>
sna tshogs 'bab pa'i mig dang / 'od 'phro mang po shin tu dri ma myed pa dang /me tog gi phreng ba 'od kyi gtsug phud dang / rin po che'i rgyan gyi char rab tu 'bebs pa dang / mthu dam pa spos kyi myig dang / rdo rje sna tshogs kyi sprin dang / pad mo'i shing snang ba'i 'od dang / snying po byang chub 
kyi lha dge ba'i lta ba sna tshogs rnam par ston pa'i 'od dang / de dag la stsogs pa snying po byang chub kyi lha/ sangs rgyas kyi zhing gi rdul shin tu phra ba snyed kun kyang / sngon sangs rgyas rgya chen mchod pa'i smon lam gyi yang dag par 'byung ba sha stag dang thabs gcig go /nam mkha'i 
lha sangs rgyas kyi zhing gi rdul shin tu phra ba snyed dag dang yang thabs gcig ste/ 'di ltar grong khyer gyi lha rin chen rtse mo'i 'od dang / rgyan rnam pa sna tshogs 'byung ba dang / rin chen dri med shin tu dga' ba dang / slos pa'i mya ngan thams cad spong bas rnam par snang ba dang / 
sgron ma shin tu rgyas pa'i mig dang / 'od 'phro ba'i dpal mngon par 'bar ba dang / bsod nams kyi shugs snang ba'i 'od dang / lus dri ma myed pas mnyam pa'i 'od dang / spos kyi rgyal mtshan gtsug phud kyi rgyan dang / grong khyer gyi lha rin chen dpal gyi 'od dang / de 
dag la stsogs pa nam mkha'i lha/ sangs rgyas kyi zhing gi rdul shin tu phra ba snyed kun kyang / bskal pa bsam gyis mi khyab par de bzhin gshegs pa'i gzhal med khang rab tu brgyan pa la brtson pa sha stag dang thabs gcig go /sa'i lha sangs rgyas kyi zhing rdul shin tu phra ba snyed 
dag dang yang thabs gcig ste/ 'di ltar sa'i lha dpal gyi me tog kun nas shin tu rgyas pa dri ma myed pa dang / bsod nams brtan pa shin tu bsags pa'i 'od dang / shing gi yal ga sna tshogs kyi rgyan dang / sems can rin po ches rgyas pa dang / dus dus su dge ba'i mig 
rab tu ston pa dang / gser gyi mig gi dpal dang / spu las spos kyi 'od rnam par 'gyed pa dang /sgra dbyangs yid du 'ong ba sgrog pa dang / me tog gi glong sna tshogs kyi gtsug phud dang / kun nas rdo rje'i rdul gyi rgyan dang sa'i lha khyim dri ma myed pa'i 'od dang / de dag </font><hr>35-1-6a<br><font size=+1>
la sogs pa sa'i lha sangs rgyas kyi zhing gi rdul shin tu phra ba snyed kun kyang bsod nams kyi dbyings gcig tu de bzhin gshegs pa'i sngon gyi smon lam dang rab tu 'brel ba sha stag dang thabs gcig go /ri'i lha tshad med pa dag dang yang thabs gcig ste/ 
'di ltar ri'i lha rin po che'i rtse mo me tog shin du rgyas par gnas pa dang / nags tshal sna tshogs kyi me tog shin tu rgyas pa'i gtsug phud dang / kun nas shin tu 'phags pas rnam par snang ba'i rgyal mtshan dang / rdul thams cad dang / mi gnas pas dri ma myed pa'i gtsug phud dang / 
snang bas phyogs su gsal ba'i 'od dang / stobs la thub pa myed pa'i snang ba'i 'od dang / kun nas gzi brjid dpal gyi dkyil 'khor dang / snang ba'i rdul chu bo'i dkyil 'khor dang kun tu mngon par lta ba'i mig dang / ri'i lha kun nas sra ba rdo rje'i mtshams kyi mig dang / 
de dag la sogs pa ri'i lha tshad med pa kun kyang tshul dri ma myed pa'i mig gi sgo rab tu thob pa sha stag dang thabs gcig go /nags tshal gyi lha bsam gyis mi khyab pa dag dang yang thabs gcig ste/ 'di ltar nags tshal gyi lha yal ga sna tshogs kyi sprin dang / nags tshal 
gyi lha 'od kyi phung po sna tshogs kyi mig yid du 'ong ba'i 'od dang / lo ma dri ma myed pa'i phreng ba'i dpal dang / yan lag rab tu 'phyang ba'i gzi brjid dang / dge ba'i 'od sna tshogs dang sgra skad yid du 'ong ba'i dbyangs dang / kun nas spos mang po ldang ba'i 'od dang / kun nas 
dpal gyi 'od rab tu 'byung ba'i dkyil 'khor dang / nags tshal gyi lha me tog dang 'bras bu dang ro'i 'od dang / de dag la sogs pa nags tshal gyi lha bsam gyis mi khyab pa kun kyang dga' ba'i shugs mtha' yas pas gsal bar gyur pa sha stag dang thabs gcig go /sman 
gyi lha mtha' yas pa dag dang yang thabs gcig ste/ 'di ltar sman gyi lha phun sum tshogs pa dang / tsan dan gyi nags tshal gyi shugs 'chang ba dang / 'od rdul myed pa dang / ming kun tu grags pa glang po'i rgyal mtshan dang / spu'i klong kun nas 'od 'byung ba dang / mun pa </font><hr>35-1-6b<br><font size=+1>
rnam par sel cing rnam par spyod pa dang / sgra dbyangs kun tu 'byung ba dang / nyi ma'i 'od 'gro ba'i mchog gi rgyal mtshan dang / phyogs bcur rmongs pa med par lta ba dang / sman gyi lha mdangs bzang po kun tu 'gyed pa'i mig dang / de dag la sogs pa sman gyi lha mtha' 
yas pa kun kyang snying rje dri ma myed pa'i dkyil 'khor gyis rab tu snang bar gyur pa sha stag dang thabs gcig go /lo tog gi lha mtha' yas pa dag dang yang thabs gcig ste/ 'di ltar lo tog gi lha dang 'jam pa'i dpal dang / dus kyi me tog rnam par mdzes pa'i 'od dang / 
rtsal dam pa'i stobs dang mdangs kyi ngad mtha' yas pa rab tu 'gyed pa dang / sa kun gyi rtsa ba 'bras bu dang / gtsug phud kha dog sna tshogs dang / yal ga dri ma myed par grub pa dang / spos sna tshogs shin tu grub pa dang / bzang zhing yid du 'ong bar snang ba dang / lo tog gi 
lha kha dog rnam par dag cing 'od dri ma myed pa dang / de dag la stsogs pa lo tog gi lha mtha' yas pa kun kyang dga' ba dang mgu ba dang rangs pa shin tu thob pa sha stag dang thabs gcig go /chu klung gi lha mu myed pa dag dang yang thabs gcig ste/ 'di ltar chu klung gi lha chu bo 
kun dang ldan pa dang / ri dang chu kun la rten pa dang / rdul thams cad dri ma myed par rnam par dag pa'i mig dang / nga ros khyab par byed pa dang / srog chags kyi rgyud mtha' yas pa skyob pa dang / gdung ba med pa rgya mtsho gdung ba med pa'i 'od dri ma med pa dang / dga' bde kun 
nas 'byung ba dang / yon tan gyi shugs yangs pa'i rgyal mtshan dang / 'jig rten thams cad kyi dpal rnam par snang ba dang / chu klung gi lha tshogs chen po rgya mtsho'i dpal gyi 'od dang / de dag la sogs pa chu klung gi lha mu med pa kun kyang 'gro ba thams cad la phan pa'i don 
du yid la byed pa la brtson pa sha stag dang thabs gcig go /rgya mtsho'i lha bsam gyis mi khyab pa dag dang yang thabs gcig ste/ 'di ltar rgya mtsho'i lha rin po che'i 'od 'byung ba'i dpal dang / rdo rje kun nas sra zhing myi choms pa'i rgyal mtshan dang ldan pa dang / rdul dang dri ma </font><hr>35-1-7a<br><font size=+1>
myed pa'i gnas dang ldan pa dang / kun nas chu dang ri bo dang khyim gyi dkyil 'khor dang / skyabs rin po che myig gi zla ba'i dpal dang / klu'i dpal pad mo sna tshogs kyi gtsug phud dang / chu lta bur ro mthun par 'dzin pa'i 'od dang / rin po che'i 
'od 'phro ba'i me tog gi tshon gyi 'od dang / ri rab sra ba'i rdo rje sna tshogs dang / rgya mtsho'i lha 'brug sgra sgrogs pa rgya mtsho'i shugs kyi dbyangs dang / de dag la sogs pa rgya mtsho'i lha bsam gyis myi khyab pa kun kyang sangs rgyas kyi yon tan rgya mtsho'i mthar phyin par rgyas par byed pa 
sha stag dang thabs gcig go /me'i lha grangs med pa dag dang yang thabs gcig ste/ 'di ltar me'i lha gzi brjid 'bar zhing 'phro ba'i 'od dang / kun tu 'bar zhing 'phro ba'i rgyal mtshan gyi dkyil 'khor dang / 'od rgya chen pos phyogs rgyas par byed pa dang / rgyal mtshan 
gyi rdul gyi sgos rgyas par byed pa dang / gzi brjid mi zad pa'i gtsug phud dang / dka' thub sna tshogs kyi mig gi dpal dang / phyogs khyim du gyur pa'i ri rab kyi spo dang / 'od drag shul can gyi dbang phyug dang / mun pa dang rab rib sel cing phyogs rnam par snang 
bar byed pa dang / me'i lha 'od 'phro ba'i sprin gyi dbang phyug dang / de dag la sogs pa me'i lha grangs med pa kun kyang sems can thams cad kyi gdung ba sel ba'i snang ba ston pa sha stag dang thabs gcig go /chu'i phung po'i lha tshad med pa dag dang yang thabs gcig ste/ 'di ltar 
chu'i phung po'i lha sprin dang na bun kun tu grub pa'i rgyal mtshan dang / sprin sgra'i shugs rgya mtsho'i sprin dang / chu sna tshogs kyi gtsug phud dang / bzang por 'khyil ba grub pa'i dpal dang / kun nas spos dri ma myed pa'i myu gu'i dpal dang / dba' rlabs kyi sgra bsod nams 
stegs kyi 'od dang / tshim par bya ba la dbang byed pa yongs su sgrub pa dang / sa'i rdul snyed kyi sgo nas dbyangs 'byung ba dang / 'od kun tu 'gro zhing rgyas par byed pa dang / chu'i phung po'i lha rgya mtsho'i dbyangs kyi nga ro'i 'od dang / de dag la stsogs pa'i chu'i phung po'i lha tshad </font><hr>35-1-7b<br><font size=+1>
med pa kun kyang 'gro ba thams cad la phan pa dang bde ba'i skyabs su brtson pa sha stag dang thabs gcig go /rlung gi phung po'i lha tshad myed pa dag dang yang thabs gcig ste/ 'di ltar rlung gi phung po'i lha chags pa myed par 'gro ba'i 'od dang / kun tu rgyas par 'byung 
ba'i mthu'i dpal dang / kun tu reg par byed pa'i sprin gyi rgyal mtshan dang / rgyan yid du 'ong zhing bzang ba'i 'od dang / chu drag po'i snying po skems pa dang / sgra chen pos 'gro ba'i dbyangs dang / shing gi rtse mo me tog rab tu 'phyang ba'i gtsug phud dang / thogs pa med 
par phyogs kun tu rgyas par 'gro ba dang / rlung gi phung po rnam pa sna tshogs 'byung ba'i sprin gyi dkyil 'khor dang / rlung gi phung po'i lha 'jig rten thams cad kyi mun pa kun nas snang bar byed pa dang / de dag la sogs pa rlung gi phung po'i lha tshad myed pa kun kyang sems can thams cad 
kyi sngon gyi mtha'i nga rgyal rnam par gtor ba la brtson pa sha stag dang thabs gcig go /nam mkha'i lha mu med pa dag dang yang thabs gcig ste/ 'di ltar nam mkha'i lha kun nas snang ba dri ma myed pa'i 'od dang / mtha' yas shing zag pa kun tu rgyas par byed pa dang / 
rlung kun nas 'byung ba'i dpal dang / bsgribs pa thams cad dang mi gnas pa'i dkyil 'khor dang / rgya chen po kun tu gnon pa sna tshogs kyi gtsug phud dang / 'od zer snang ba'i 'od thogs pa myed pa dang / stobs kyi rgyun thogs pa myed pa'i dpal dang / phyogs dri ma 
myed par snang ba'i 'od dang / dbyangs shin tu 'phags shing zab pa dang nam mkha'i lha phyogs bcur mngon du ston pa'i 'od dang / de dag la sogs pa nam mkha'i lha mu myed pa thams cad kyang sems rgya mtsho dri ma myed cing yongs su dag pa sha stag dang thabs gcig go /
phyogs kyi lha mu myed pa dag dang yang thabs gcig ste/ 'di ltar phyogs kyi lha phyogs kyi dbyings na rab tu gnas shing kun tu rgyas par 'gengs pa dang / mnyam pa nyid la mngon du lta ba dang / snang ba spyod pa'i rgyan dang / kun tu rgyu zhing rjes su 'brang ba dang / rmongs </font><hr>35-1-8a<br><font size=+1>
pa med pa'i gtsug yongs su 'grub pa dang / nam mkha'i rgyud kun tu spyod pa dang / rnam par spyod pa'i sprin rgya chen po'i rgyal mtshan dang / myig tha dad pa med pa'i gtsug phud dang / 'jig rten gyi bya ba kun nas spyod pa dang / phyogs kyi lha 
phyogs su rnam par lta ba phreng ba'i 'od dang / de dag la sogs pa phyogs kyi lha mu med pa kun kyang / sems can gyi rgyud kyi phyogs snang bar bya ba la brtson pa sha stag dang thabs gcig go /mtshan mo'i lha tshad myed pa dag dang yang thabs gcig ste/ 'di ltar mtshan mo'i lha 
dpal dri ma myed cing kun nas zab pa'i 'od dang / kun nas skyob pa'i mdangs kyi dpal dang / rab tu dga' ba'i mig gis 'gro ba la rnam par lta ba dang / sgras zhing rgya mtsho dang ldan pa dang / mtshan mo thams cad 'byung ba'i dpal dang / shing thams cad rab tu rgyas par byed pa'i 'od dang / kun nas skyong zhing srung ba'i dpal dang / dge ba thams cad kyi dga' ba la dbang sgyur ba dang / mdud par 'dzin pa thams cad zhi ba bya bas dbang po rab tu dga' ba dang / mtshan mo'i lha dge ba'i bsod nams 'byung ba'i dpal ston pa dang / de dag 
la sogs pa mtshan mo'i lha tshad myed pa kun kyang / chos kyi dga' ba 'byung ba la mos par gnas pa la brtson pa sha stag dang thabs gcig go /nyin mo'i lha gzhal du med pa dag dang yang thabs gcig ste/ 'di ltar nyin mo'i lha khyim dang / gzhal 
med khang gi gzugs shin tu ston pa dang / brtsam pa'i blo gros mtshams sbyor ba'i dkyil 'khor dang / kun nas dga' ba'i dpal gyi rgyan dang / me tog dang spos yid du 'ong ba'i 'od dang / kun nas yid du 'ong ba'i sman ston pa sgrub pa'i dpal dang / dga' 
ba'i mig bzang pos tshim par byed pa dang / yul rgya chen po'i phyogs kun nas byung ba'i dpal dang / snying rje rgya chen po'i gzi brjid kyi 'od dang / snang ba rgya chen po'i dge ba'i rtsa ba dang mi 'bral ba'i 'od dang / nyin mo'i lha me tog gi phreng ba kun nas 'phyang ba'i dpal </font><hr>35-1-8b<br><font size=+1>
dang / de dag la sogs pa nyin mo'i lha gzhal du med pa kun kyang mos pa'i chos gzhal du med pa'i rgyan la rab tu brtson pa sha stag dang thabs gcig go /lha ma yin gyi dbang po mtha' yas pa dag dang yang thabs gcig ste/ 'di ltar lha ma yin gyi dbang po sgra gcan dang / 
lha ma yin gyi dbang po thag zangs ris dang / lha ma yin gyi dbang po bde ba'i mchog dang / lha ma yin gyi dbang po mtshon ca chen po dang / lha ma yin gyi dbang po stobs can dang / lha ma yin gyi dbang po rnam par snang ba dang / lha ma yin gyi dbang po rdo rje sra ba sna tshogs kyi yan lag 
dang / lha ma yin gyi dbang po stobs rgya chen po'i rgyu'i blo gros dang /lha ma yin gyi dbang po dpal gyi be'u rab tu 'byung ba dang / lha ma yin gyi dbang po brtul zhugs bzang po'i dbyangs dang / de dag la sogs pa lha ma yin gyi dbang po kun kyang sgyu dang / nga rgyal dang kun nas nyon 
mongs pa rab tu zhi bar bya ba la brtson pa sha stag dang thabs gcig go /nam mkha' lding gi dbang po bsam gyis mi khyab pa dag dang yang thabs gcig ste/ 'di ltar nam mkha' lding gi dbang po mthu stobs chen po'i shugs dang / nam mkha' lding gi dbang po myi shigs pa'i sems 
can rin chen gtsug phud dang / nam mkha' lding gi dbang po shugs dri ma med pa'i dpal dang / nam mkha' lding gi dbang po phyir mi ldog pa'i sems kyi rgyan dang / nam mkha' lding gi dbang po rgya mtsho chen po'i 'od kyi tshul 'chang ba dang / nam mkha' lding gi dbang po chos 
brten pa dri ma med pa'i 'od dang / nam mkha' lding gi dbang po cod pan sna tshogs dpal gyi gtsug phud dang / nam mkha' lding gi dbang po bzhin kun tu khyab par ston pa'i shugs dang / nam mkha' lding gi dbang po dge ba rgya mtsho kun nas lta ba dang / nam mkha' lding gi 
dbang po klu'i sgra yangs pa kun tu lta ba'i dkyil 'khor dang / de dag la stsogs pa nam mkha' lding gi dbang po mtha' yas pa kun kyang sems can thams cad yongs su bsdu ba'i thabs yangs pa rab tu thob pa sha stag dang thabs gcig go /mi 'am ci'i dbang </font><hr>35-1-9a<br><font size=+1>
po du ma dag dang yang thabs gcig ste/ 'di ltar mi 'am ci'i dbang po lha'i blo gros 'od dang / mi 'am ci'i dbang po me tog dpal gyi dkyil 'khor dang / mi 'am ci'i dbang po rgyan rnam pa sna tshogs dang / mi 'am ci'i dbang po nga ro yid du 'ong ba'i 
dbyangs dang / mi 'am ci'i dbang po shing rin po che'i yal ga'i 'od dang / mi 'am ci'i dbang po mthong na dga' zhing spro bar byed pa dang / mi 'am ci'i dbang po rgyan gyi dpal gyi 'od dang / mi 'am ci'i dbang po me tog tshon dbang po'i rgyal mtshan dang / mi 'am ci'i dbang po sa'i 
gzhi'i dpal dang / mi 'am ci'i dbang po drag shul gyi bdag po dang / de dag la stsogs pa mi 'am ci'i dbang po du ma kun kyang chos thams cad la dga' bas rtse ba yang dag par bskyed pa la rab tu brtson pa sha stag dang thabs gcig go /lto 'phye chen po'i dbang po 'phrul po che 
sa mtshams med pa dang yang thabs gcig ste/ 'di ltar lto 'phye chen po'i dbang po blo gros bzang po'i gzi brjid dang / lto 'phye chen po'i dbang po gzi brjid kyi dbyangs la rdul myed pa dang / lto 'phye chen po'i dbang po blo gros sna tshogs mchog gi gtsug phud dang / 
lto 'phye chen po'i dbang po mig bzang po'i bdag po dang / lto 'phye chen po'i dbang po sgron ma'i skyabs kyi rgyal po dang / lto 'phye chen po'i dbang po snang ba shugs bzang po'i rgyal mtshan dang / lto 'phye chen po'i dbang po seng ge'i phru gu dang / lto 'phye chen po'i dbang po rgyan sna 
tshogs kyi dbyangs dang / lto 'phye chen po'i dbang po ri rab kyi bu dang / lto 'phye chen po'i dbang po 'od yid du 'ong ba 'byung ba dang / de dag la stsogs pa lto 'phye chen po'i dbang pos mtshams med pa kun kyang / sems can gyi gti mug gi dra ba chen po bstsal ba la rab tu 
brtson pa sha stag dang thabs gcig go /dri za'i bdag po tshad med pa dag dang yang thabs gcig ste/ 'di ltar dri za'i rgyal po gnas srung po dang / dri za'i rgyal po shing mi 'am ci'i 'od dang / dri za'i rgyal po mig gtsang ma dga' ba rab tu skye ba dang / dri za'i rgyal po me </font><hr>35-1-9b<br><font size=+1>
tog dang / shing shin tu rgyas pa'i cod pan dang / dri za'i rgyal po dga' bas spyod pa kun tu sgrog pa dang / dri za'i rgyal po rab tu dga' ba rgyun tu gnas pa'i myig bzang po dang / dri za'i rgyal po yid du 'ong ba'i dbyangs seng ge'i rgyal mtshan dang / dri za'i rgyal po 'od zer kun tu 
'gyed pa'i 'od dang / dri za'i rgyal po rdo rje'i shing gi yal ga'i rgyal mtshan dang / dri za'i rgyal po rgyan thams cad la dga' ba'i rang bzhin gyi tshul ston pa dang / de dag la stsogs pa dri za'i rgyal po tshad med pa kun kyang / mos pa dang dga' ba chen po la rab tu brtson pa sha stag 
dang thabs gcig go /grul bum gyi bdag po tshad med pa dag dang yang thabs gcig ste/ 'di ltar grul bum gyi dbang po 'phags skyes po dang / grul bum gyi dbang po klu bdag dang / grul bum gyi dbang po legs par spyod pa'i rgyal mtshan dang / grul bum gyi 
dbang po phan par spyod par 'phar ba dang / grul bum gyi dbang po 'jigs pa las sgrol sgrol ba dang / grul bum gyi dbang po sa la sna tshogs bzang po dang / grul bum gyi dbang po ri rab legs par byung ba dang / grul bum gyi dbang po sde dpa' ba dang / 
grul bum gyi dbang po dge ba'i mig gi 'od zer mtha' yas pa dang / grul bum gyi dbang po lha dang lha ma yin sgo mtha' yas pa'i mig dang / de dag la stsogs pa grul bum gyi dbang po tshad myed pa kun kyang chags pa med pa'i chos snang ba mngon par bsgrub pa la rab tu 
brtson pa sha stag dang thabs gcig go /klu'i bdag po mtha' yas pa dag dang yang thabs gcig ste/ 'di ltar klu'i dbang po mig myi bzang dang / klu'i dbang po rgya mtsho dang / klu'i dbang po sprin sgra sna tshogs kyi rgyal mtshan dang / klu'i dbang po 'od 'phro ba'i sgo 
rgya mtsho rab tu snang ba dang / klu'i dbang po kun nas ri'i sprin gyi rgyal mtshan dang / klu'i dbang po 'jog po dang / klu'i dbang po mtha' yas par 'gro ba dang / klu'i dbang po mdzod spu'i gzi brjid dri ma myed pa'i shugs dang / klu'i dbang po kun tu spyod pa rgya chen po'i dbyangs </font><hr>35-1-10a<br><font size=+1>
dang / klu'i dbang po ma dros pa dang / de dag la sogs pa klu'i dbang po mtha' yas pa kun kyang sems can gyi nyon mongs pas gdung ba'i tsha ba chen po char pa'i sprin gyis shin tu zhi bar bya ba la rab tu brtson pa sha stag dang thabs gcig go /gnod sbyin gyi bdag 
po kun tu mtha' yas pa dag dang yang thabs gcig ste/ 'di ltar gnod sbyin gyi dbang po ngal bso po dang / gnod sbyin gyi dbang po dbyangs chen dbang phyug dang / gnod sbyin gyi dbang po sa la shin tu gtum pa'i mtshon cha dang / gnod sbyin gyi dbang po blo gros chen po dang / gnod 
sbyin gyi dbang po mig 'od 'phro ba'i bdag po dang / gnod sbyin gyi dbang po mig rdo rje ltar brtan pa dang / gnod sbyin gyi dbang po sde mchog tu dpa' ba dang / gnod sbyin gyi dbang po sde'i rgyan chen pos rab tu gnon pa dang / gnod sbyin gyi dbang pos dge ba'i tshogs dang / gnod sbyin gyi 
dbang po ri bo'i stobs rab tu 'joms pa dang / de dag la stsogs pa gnod sbyin gyi dbang po kun tu mtha' yas pa kun kyang sems can thams cad la phan pa dang / yongs su bsrung bar rab tu brtson pa sha stag dang thabs gcig go /zla ba'i ris su gtogs pa'i lha du ma dag dang yang 
thabs gcig ste/ 'di ltar lha'i bu zla ba dang / lha'i bu 'od kyi me tog rgyal po'i gtsug phud dang / lha'i bu dpal gyi tshogs sna tshogs kyi rgyan gyi 'od dang / lha'i bu 'jig rten dga' ba'i bde ba sna tshogs dang / lha'i bu shing gi dbang po'i myig gi 'od dang / lha'i bu 
'od bzang po ston pa dang / lha'i bu kun nas spyod pa mi sgul ba'i 'od dang / lha'i bu skar ma'i rgyal po'i bdag po dang / lha'i bu blo dri ma myed pa'i zla ba dang / lha'i bu gzi brjid chen po'i 'od zer mdzes pa dang / de dag la stsogs pa lha'i bu zla ba'i ris su gtogs pa du ma kun kyang / 
sems can thams cad kyi sems rin po che snang bar bya ba la brtson pa sha stag dang thabs gcig go /nyi ma'i ris su gtogs pa'i lha'i bu mu med pa dag dang yang thabs gcig ste/ 'di ltar lha'i bu nyi ma dang / lha'i bu gzi brjid kyi 'od zer 'bar ba'i mig dang / ri bo'i rgyal mtshan </font><hr>35-1-10b<br><font size=+1>
gyi 'od dang / rin chen dri med rmad du byung ba dang / phyir mi ldog par rab tu gnon pa dang / me tog gi phreng ba'i 'od kyi dpal dang / 'od kyi dpal snang ba'i rgyal mtshan dang rin chen gtsug phud rnam par snang ba dang mig kun tu snang ba dang / sa'i dpal gyi be'u 'dzin pa dang / lha'i bu sgo thams cad du skyom 
pa'i dpal gyi 'od dang / de dag la sogs pa lha'i bu nyi ma'i ris su gtogs pa mu med pa kun kyang dge ba'i rtsa ba shin tu sbyangs pa 'gro ba thams cad la phan pa rab tu brtson pa sha stag dang thabs gcig go /sum cu rtsa gsum gyi ris su gtogs pa brgya byin lha'i dbang po la sogs pa tshad med 
pa dag dang yang thabs gcig ste/ 'di ltar lha'i dbang po brgya byin dang / lha'i bu sgra kun tu grags pa'i dbang phyug dkyil 'khor dang / byams par lta ba'i gtsug phud dang / rin po che'i 'od kun tu grags pa'i rgyal mtshan dang / dga' bde 'byung ba'i gtsug phud dang / dran 
pa yid du 'ong ba dang / ri bo'i sgra'i dpal dang / dran pa dang ldan pa dang / me tog dri ma med cing yid du 'ong ba'i 'od dang / ye shes nyi ma'i mig dang / lha'i bu yang dag par bskul ba'i 'od kyi dbang phyug dang / de dag la sogs pa sum cu rtsa gsum gyi ris su gtogs pa'i lha'i bu tshad 
med pa kun kyang chos rgya chen po'i rang bzhin dang / 'gro ba thams cad du skyes shing yang dag par bskul ba la rab tu brtson pa sha stag dang thabs gcig go /rab mtshe ma la sogs pa mtshe ma'i lha'i rgyal po grangs med pa dag dang yang thabs gcig ste/ 'di ltar lha'i rgyal po rab mtshe 
ma dang / dga' ba bde ba'i 'od dang / blo gros mi zad pa'i yon tan dpal dang / 'byung ba bzang zhing dge ba dang / sa dang ri bo'i 'od dang / bsam gyis mi khyab pa'i blo gros dang / 'khor lo'i gtsug dang / gzi brjid 'od 'phro ba dang / 'od rnam par snang ba dang / lha'i rgyal po 
grags pa'i phyogs su rnam par lta ba dang / de dag la sogs pa mtshe ma'i lha'i rgyal po grangs med pa kun kyang dga' ba dang spro ba rgya chen po mngon par bsgrub pa la rab tu brtson pa sha stag dang thabs gcig go /lha'i rgyal po rab dga' ldan la sogs pa bsam gyis mi khyab pa dag dang </font><hr>35-1-11a<br><font size=+1>
yang thabs gcig ste/ 'di ltar lha'i rgyal po rab dga' ldan dang / dga' ba rgya mtsho'i gtsug phud dang / yon tan mchog gi rgyal mtshan dang / 'od zer zhi ba'i 'od dang / rab tu dga' ba'i mig dang / rin chen 'od zer zla ba dang / rnam par gnon pas rab tu 
brtson pa dang / rdo rje'i mdog gi 'od bzang po dang / skar mas rgyan pa'i dpal dang / lha'i bu dga' ba bzang po sna tshogs dang / de dag la sogs pa dga' ldan gyi lha'i rgyal po bsam gyis mi khyab pa kun kyang / sangs rgyas gcig nas gcig tu 'byung ba thams cad rjes su dran par yid la bya 
ba la rab tu brtson pa sha stag dang thabs gcig go /'phrul dga'i lha'i rgyal po mu med pa dag dang yang thabs gcig ste/ 'di ltar lha'i rgyal po rab 'phrul dga' dang / sgras zhi ba'i 'od dang / stobs kyi 'phrul pa'i sgra'i 'od dang / dbang chen sna tshogs dang / sprin sgra shin tu 
'phags pa dang / snang ba'i spyod pa'i dpal dang / gtsug phud yid du 'ong ba'i 'od dang / dga' ba'i blo gros dang / me tog 'od kyi gtsug phud dang / lha'i rgyal po phyogs shin tu snang ba dang / de dag la sogs pa 'phrul dga'i lha'i rgyal po mu med pa kun kyang rnam par thar pa 
rab tu zhi bas sems can thams cad gdul ba la rab tu brtson pa sha stag dang thabs gcig go /lha'i rgyal po dbang sgyur la sogs pa bgrang du med pa dag dang yang thabs gcig ste/ 'di ltar lha'i rgyal po dbang sgyur dang / lha'i rgyal po mig bzang po'i blo gros dang / cod pan sna tshogs 
kyi rgyal mtshan dang / brtson pa'i blo gros dang / go 'phang rnam par gnon pa'i sgra dbyangs sna tshogs dang / 'od yid du 'ong ba'i rgyal mtshan dang / spyod yul zhi ba'i sgo dang / 'khor lo'i ri mo bzang po'i rgyal mtshan dang / me tog blo gros seng ge'i dbang phyug dang / lha'i rgyal 
po dbang po'i stobs ri mo bzang po'i 'od dang / de dag la sogs pa dbang sgyur gyi lha'i rgyal po bgrang du med pa kun kyang / chos kyi dbang rgya chen po la rab tu brtson pa sha stag dang thabs gcig go /bsam gyis mi khyab pa'i tshangs pa chen po dag dang yang thabs gcig ste/</font><hr>35-1-11b<br><font size=+1>
'di ltar tshangs pa chen po rab tu snang ba dang / blo gros kyi 'od dang / blo gros bzang po'i sems snang ba dang / kun tu dbyangs kyi sprin dang / 'jig rten dbang po'i sgra dang / mig rab tu zhi zhing 'od shin tu zab pa dang / phyogs su snang ba 'gyed pa dang / sprul pa'i sgra dbyangs dang / 
mig gi 'od zer mngon par snang ba dang / tshangs pa chen po dbyangs rgya mtsho yid du 'ong ba dang / de dag la sogs pa tshangs pa chen po bsam gyis mi khyab pa kun kyang / sems can thams cad kyi sems snang bar bya ba dang / sim par bya ba la byams pa chen po la gnas pa sha stag 
dang thabs gcig go /lha'i bu gya nom snang ba'i ris su gtogs pa tshad med pa dag dang yang thabs gcig ste/ 'di ltar lha'i bu snang bas dga' ba dang / dge ba sna tshogs kyi 'od dang / dbang po'i dbyangs dang / dran pa'i blo dam pa dang / dga' ba sna tshogs rnam par dag 
pa'i dbyangs dang / legs par bsam pa'i dbyangs dang / 'od 'gyed pa'i dbyangs rnam par snang ba dang / dbyangs zab mo'i 'od dang / grags pa dri ma med pa'i 'od dang / lha'i bu 'od dri ma med pas shin tu 'phags pa dang / de dag la sogs pa gya nom snang ba'i ris su gtogs 
pa'i lha'i bu tshad med pa kun kyang zhi ba dang dga' ba rgya chen po'i rnam par thar pa la gnas pa sha stag dang thabs gcig go /dge rgyas kyi lha'i bu grangs med pa dag dang yang thabs gcig ste/ 'di ltar lha'i bu dge bar grags pa'i blo gros dang mchog tu snang ba dang / rab tu zhi ba'i dpal dang / 
dbyangs kyi ri bo dang / dran pa dge ba'i mig dang / dga' ba dam pa rnam par snang ba dang / 'jig rten dbyangs kyi blo gros dang / gzi brjid 'bar ba'i bdag po dang / chos kyi dga' bas 'phrul pa'i sems dang / 'phrul pas shin tu 'phags pa dang / de dag la sogs pa dge 
rgyas kyi ris su gtogs pa'i lha'i bu grangs med pa kun kyang sgo yangs pa la gnas pas 'gro bar 'byung zhing rnam par 'dul ba la rab tu brtson pa sha stag dang thabs gcig go /lha'i bu 'bras bu chen po'i ris su gtogs pa tshad myed pa dag dang yang thabs gcig ste/ 'di ltar lha'i </font><hr>35-1-12a<br><font size=+1>
bu chos kyi dpal gzi brjid dga' ba dang / dri med sna tshogs rgya mtsho dang / shes rab mchog gi 'od dang / ye shes dbang po'i dpal dang / dga' ba zhi ba dang / sgo kun nas shes pa'i myig dang / dga' ba'i gtsug gi blo gros dang / yon tan blo gros 
bzang po'i 'od dang / 'od zhi zhing dri ma med pa dang / lha'i bu snang ba chen po dri ma med pa dang / de dag la sogs pa 'bras bu chen po'i ris su gtogs pa'i lha'i bu tshad med pa kun kyang zhi ba'i chos kyi gzhal med khang la kun nas rab tu gnas pa sha stag dang thabs gcig go /lha'i bu 
dbang phyug chen po'i ris su gtogs pa grangs med pa dag dang yang thabs gcig ste/ 'di ltar lha'i bu shin tu 'od 'phro rgya mtsho dang / lha'i bu dbang phyug grags pa rab tu snang ba dang / lha'i bu dge ba'i mig dri ma med pa dang / lha'i bu shes rab chen pos dga' zhing spro ba dang / lha'i 
bu 'od mi sgul ba'i dbang phyug dang / lha'i bu mig shin tu mnyam par gzhag pa dang / lha'i bu snang ba shin tu sems pa dang / lha'i bu ye shes chen pos dga' ba dang / lha'i bu sna tshogs kun tu dbyangs kyi rgyal mtshan dang / lha'i bu grags pa rnam par snang ba'i brtul zhugs 
bzang po dang / de dag la sogs pa dbang phyug chen po'i ris su gtogs pa'i lha'i bu grangs med pa kun kyang spyod yul mtshan ma med pa'i mnyam pa nyid la rab tu brtson pa sha stag dang thabs gcig ste/ de bzhin gshegs pa'i 'khor gyi dkyil 'khor rgya mtsho de ni sems can gyi 
ris thams cad yang dag par gzhol ba'o/ /sems can yon tan mtha' yas pa 'dus pa las yongs su byung ba'o/ /phyogs kyi dbyings kun na shin tu gnas pa'o/ /'khor gyi dkyil 'khor sna tshogs kyi dbyings su rnam par gnas pa'o/ /phan tshun 'dres pa med 
cing ji ltar 'ongs pa'i phyogs kyi dbyings la rab tu gnas pa'o/ /de bzhin gshegs pa blta ba la mngon par phyogs pa'o/ /nyon mongs pa'i bag chags dang / sems kyi dri ma thams cad dang bral ba'o/ /bsgribs pa thams cad kyi ri rnam par 'thor ba'o/ /sangs rgyas blta </font><hr>35-1-12b<br><font size=+1>
ba la sgrib pa myed pas snang bar gyur pa ste/ de ni 'di ltar bcom ldan 'das de bzhin gshegs pa rnam par snang mdzad kyi sngon bskal pa rgya mtsho nas/ byang chub sems dpa'i spyad pa spyod pa'i tshe/ bsdu ba'i dngos po bzhis yongs su bsdus te/ de bzhin gshegs pa de dang de dag 
gi drung du bzhud pa'i tshe/ dge ba'i rtsa ba yongs su bzung zhing thabs kyi sgo de dag gis yongs su smin par byas te rnam pa thams cad mkhyen pa nyid kyi lam la bkod cing / dge ba'i rtsa ba tshad med pa rab tu bskyed pas bsod nams chen po'i stobs dang shugs rab tu thob pa dag go /smon 
lam gyi tshul rgya mtsho gzhan dang gzhan la rab tu zhugs shing spyod pa'i dkyil 'khor gzhan dang gzhan yongs su dag pas/ yang dag par byung ba 'byung ba'i lam gzhan dang gzhan gyis shin tu 'byung ba'i de bzhin gshegs pa gzhan dang gzhan mthong bas snang bar gyur pa dag ste/ de 
dag ni mos pa'i stobs gzhan dang gzhan gyis de bzhin gshegs pa'i yon tan rgya mtsho la 'jug go /sangs rgyas blta ba'i rnam par thar pa'i sgo gzhan dang gzhan gyis rnam par 'phrul lo/ /de ni 'di lta ste lha'i bu dbang phyug chen po'i ris su gtogs pa shin tu 'od 'phro rgya mtsho'i 
rnam par thar pa ni chos kyi dbyings dang / nam mkha' ltar zhi ba'i tshul gyi mthu zhes bya'o/ /lha'i bu dbang phyug grags pa rab tu snang ba'i rnam par thar pa ni chos thams cad la dbang ba'i stobs la yang dag par gzhol zhing kun nas rjes su 'gro bas rnam par spyod pa zhes bya'o/ /lha'i bu 
dge ba'i mig dri ma med pa'i rnam par thar pa ni/ chos thams cad 'byung ba med pa dang / 'gro ba med pa dang / brjod du med cing sbyar ba med pa zhes bya'o/ /lha'i bu shes rab chen pos dga' zhing spro ba'i rnam par thar pa ni/ chos kyi tshul thams cad la mngon sum du gyur pa'i shes 
rab rgya mtshos rnam par dpyod pa la rab tu snang ba zhes bya'o/ /lha'i bu 'od mi sgul ba'i dbang phyug gi rnam par thar pa ni sems can la bsam gtan gyi dga' ba dang bde ba mtha' yas pa la mos pa bstan pa rgya chen po'i tshul yang dag par 'byung ba zhes bya'o/ /lha'i bu mig shin tu mnyam </font><hr>35-1-13a<br><font size=+1>
par gzhag pa'i rnam par thar pa ni/ mi shes pa'i mun nag dang / 'jigs pa rnam par zlog pa'i spyod pa rab tu zhi ba zhes bya'o/ /lha'i bu snang ba shin tu sems dpa'i rnam par thar pa ni/ bsam pa'i yul mtha' yas pa'i las srid pa thams 
cad du mi 'byung ba la 'jug pa zhes bya'o/ /lha'i bu ye shes chen pos dga' ba'i rnam par thar pa ni/ chos thams cad kyi phyogs su 'gro zhing yongs su gnon pa dang / brten pa'i phyogs kyi mthu zhes bya'o/ /lha'i bu sna tshogs kun tu dbyangs kyi rgyal mtshan gyi rnam par thar 
pa ni/ sangs rgyas kyi yul rab tu zhi ba la 'jug pa/ kun nas khong du chud pa'i gtsug rab tu snang ba zhes bya'o/ /lha'i bu grags pa rnam par snang ba'i brtul zhugs bzang po'i rnam par thar pa ni/ rang gi gzhal med khang dang / blo'i yul nas dmigs pa tshad med pa'i sangs 
rgyas kyi yul rgya chen po 'byung ba zhes bya'o/ /de nas dbang phyug chen po'i ris su gtogs pa'i lha shin tu 'od 'phro rgya mtshos sangs rgyas kyi mthus lha'i 'khor gyi dkyil 'khor yod pa thams cad la rnam par bltas te/ de'i tshe tshigs su bcad pa 'di dag smras so/ /mi zad chos 
kyi dbyings ni mtha' yas te/ /kun kyang sangs rgyas sku la rab tu gsal/ /de ni gzugs med dngos med rab tu zhi/ /'gro ba'i skyabs su 'byung ba skyes shing byung / /chos kyi sgron ma sangs rgyas shin tu ston/ /chos la mnga' rab mdzad pa 'jig rten byung / /de yi 
spyod yul mtha' yas mi zad de/ /dbang phyug grags pa 'di 'dra'i chos la 'jug /bsam gyis mi khyab sangs rgyas snang ba byed/ /de yi mtshan nyid phyogs na myed pa ste/ /rnam dag lam ni skye bo dag la ston/ /shin tu dri med mig gis 'di 'dra mthong / /'gro ba kun 
gyis bsam du mi nus te/ /rgyal ba'i shes rab mtha' yas gang mnga' ba/ /gti mug bsgribs pa'i sems can rnam par sbyong / /de la shes rab chen po rnam par gnas/ /skye dgu kun gyis sangs rgyas bsam mi khyab/ /mthong ba tsam gyis nyon mongs zhi bar 'gyur/</font><hr>35-1-13b<br><font size=+1>
'gro ba'i dga' ba rgya chen rab tu skyed/ /mi sgul dbang phyug lha yis de mthong ngo / /sems can rgya mtsho gti mug mun bsgribs la/ /sangs rgyas chos nyid rab tu zhi ba ston/ /shes rab sgron ma 'gro ba 'di brjod de/ /dge ba'i myig ni 'di yi tshul la 'jug /sangs rgyas 
kun kyang rnam dag sku ston cing / /thams cad phyogs su shin tu 'phags pa'i sku/ /de yang dngos med 'jig rten mi gnas te/ /kun snang sems dpa' 'di ni de ltar blta/ /mtha' yas chags med rgyal ba rnams kyi gsung / /snod du gyur pa'i sems can de dag nyan/ /
sangs rgyas rnams las 'pho bar mi snang ste/ /'di ni shes pas dga' ba'i rnam thar to/ /thams cad phyogs sgo kun nas sangs rgyas te/ /mi yi dbang po rnam thar zhi la bzhugs/ /sangs rgyas 'jig rten snang zhing rnam par mdzes/ /'di ni sna tshogs rgyal mtshan rnam 
thar to/ /rgyal ba bskal pa rgya mtsho mtha' yas su/ /'gro ba kun don rnam par byang chub cing / /sna tshogs rnam par 'phrul pas sems can 'dul/ /rnam par snang bas rnam thar 'di mthong ngo / /de la lha'i rgyal po chos kyi dpal gzi brjid dga' ba'i rnam 
par thar pa ni/ sems can thams cad kyi dbang po dang the tsom rnam par blta ba'i chos kyi sprin la rab tu gzhol ba zhes bya'o/ /lha'i rgyal po dri med sna tshogs rgya mtsho'i rnam par thar pa ni/ sangs rgyas rjes su dran pa'i rnam pa thams cad yid la byed pa ston pa sbyor ba zhes 
bya'o/ /lha'i rgyal po shes rab mchog gi 'od kyi rnam par thar pa ni/ chos kyi rang bzhin mnyam pa nyid la gnas pa lus kyi rgyan ces bya'o/ /lha'i rgyal po ye shes dbang po'i dpal gyi rnam par thar pa ni/ 'jig rten gyi chos thams cad rnam par sgom pa'i sems skad cig 
tu bsam gyis mi khyab rgyan rgya mtsho la rab tu gnas pa zhes bya'o/ /lha'i dbang po dga' ba zhi ba'i rnam par thar pa ni/ skra'i sbubs gcig tu sangs rgyas kyi zhing bsam gyis mi khyab pa yod dgu 'dzud pa zhes bya'o/ /lha'i rgyal po sgo kun nas shes pa'i mig gi rnam </font><hr>35-1-14a<br><font size=+1>
par thar pa ni/ chos kyi dbyings la sgo kun nas rnam par blta bas 'jug pa zhes bya'o/ /lha'i rgyal po dga' ba'i gtsug gi blo gros kyi rnam par thar pa ni/ sems can thams cad kyi skye ba dang byed pa bskal pa mtha' yas pa mngon par 
'byin pa zhes bya'o/ /lha'i rgyal po yon tan blo gros bzang po'i 'od kyi rnam par thar pa ni/ dmigs pa thams cad 'jig rten gyi dgos pa thams cad chos gzhal du med cing bsam gyis mi khyab pas rnam par dpyod pa zhes bya'o/ /lha'i bu 'od zhi zhing dri ma med 
pa'i rnam par thar pa ni/ sems can dang chos dang 'byung ba thams cad kyi sgo la mngon sum du yang dag par spyod pa 'byung ba zhes bya'o/ /lha'i rgyal po snang ba chen po dri ma med pa'i rnam par thar pa ni/ sems can snod du gyur pa thams cad la rnam par blta zhing sangs rgyas bskyed pa'i chos nyid la 'jug pa zhes bya'o/ /de nas lha'i rgyal po chos dpal rab tu snang ba la mos pas/ sangs rgyas kyi mthus che ba dang / chung zad che ba dang / tshad med che ba dang / 'bras bu che ba'i lha'i 'khor gyi dkyil 'khor 
yod pa thams cad la rnam par bltas te/ de'i tshe tshigs su bcad pa 'di dag smras so/ /sangs rgyas yul rnams kun kyang bsam mi khyab/ /sems can kun kyang rtog par nus pa min/ /sems can mos dang bsam pa yangs pa ni/ /mi zad 
pa dag sangs rgyas skyed pa mdzad/ /sangs rgyas lta bar sems can snod gyur la/ /rgyal ba rnams ni byin gyi brlabs mdzad de/ /de dag rtag tu sangs rgyas mngon sum mthong / /'di ltar sna tshogs rgya mtsho mthong ba yin/ /sangs rgyas chos nyid 
gnas pa med pa dag /'gro ba bkang zhing sangs rgyas ston pa mdzad/ /rgyal ba 'byung med gnas pa yod pa min/ /shes rab mchog gi 'od ni 'di sgom mo/ /sems can snyed kyi tshul dang bsam pa yang / /bsam gyis mi khyab gzhan dang gzhan gyi </font><hr>35-1-14b<br><font size=+1>
sgor/ /sangs rgyas rnam par 'phrul bas tshul ston te/ /dbang po dpal gyi rnam thar rgya mtsho'o/ /de bzhin gshegs pa'i rdzu 'phrul rnams dang ni/ /myi zad 'das pa'i zhing rnams thams cad kyang / /de dag sprul pa'i dkyil 'khor gcig tu ston/ /
chos kyi dkyil 'khor sgo mo gcig la yang / /chos kyi sgo mo mi zad rgya mtsho dag /sangs rgyas chos nyid rab tu nges sgrogs te/ /shes pa'i mig ni 'di yi tshul la 'jug /phyogs bcu dag na zhing dbyings ji snyed pa/ /de dag kun tu sangs rgyas chos ston kyang / /
rgyal ba de ni gar yang 'pho mi mdzad/ /dga' ba'i gtsug gi blo gros spyod yul lo/ /de bzhin gshegs pa'i gzugs brnyan 'dra ba ste/ /mgon po chos kyi gzhal med khang snang ba/ /chos nyid rab tu zhi ba yang dag ston/ /yon tan blo gros bzang pos 'di mthong ngo / /
rang byung rnams kyi spyod yul rnams la ltos/ /sems can kun gyi dbang po'i tshul bzhin du/ /bsam yas 'byung ba'i sgo mos chos char 'bebs/ /'di ni zhi ba'i 'od kyi lha ston to/ /thugs rje rgya chen rab tu bskyed byas shing / /sems can phan phyir mgon po 
rnams 'byung ste/ /snod kyi tshul bzhin chos kyi char yang 'bebs/ /snang ba chen po'i blo gros 'di ston to/ /de la lha'i rgyal po dge bar grags pa'i blo gros kyi rnam par thar pa ni/ sems can thams cad rnam par thar pa'i tshogs kyi tshul la rnam par ltar 'dzud 
pa zhes bya'o/ /lha'i rgyal po mchog tu snang ba'i rnam par thar pa ni/ lha'i bu rang bzhin rnam par rig pa'i 'od ces bya'o/ /lha'i bu rab tu zhi ba'i dpal gyi rnam par thar pa ni/ thabs kyi tshul dang sgo thams cad kyi sangs rgyas kyi yul yongs su sbyong ba zhes bya'o/ /
lha'i bu dbyangs kyi ri bo'i rnam par thar pa ni/ 'khor ba'i rgya mtsho'i phyi ma'i mtha' thams cad du 'gro ba yongs su sgyur ba zhes bya'o/ /lha'i bu dran pa dge ba'i mig gi rnam par thar pa ni/ de bzhin gshegs pa'i tshul rjes su dran zhing sems can 'dul ba'i byin gyi rlabs shes bya'o//</font><hr>35-1-15a<br><font size=+1>
lha'i bu dga' ba dam pas rnam par snang ba'i rnam par thar pa ni/ gzungs rgya mtsho la sgo kun nas rab tu brten pa rgya mtsho'i rjes su 'gro ba zhes bya'o/ /lha'i bu 'jig rten dbyangs kyi blo gros kyi rnam par thar pa ni/ sangs rgyas skye ba shin tu dkon 
pa'i bsam pa bskyed pas mos pa sbyor ba'i snying po zhes bya'o/ /lha'i bu gzi brjid 'bar ba'i bdag po'i rnam par thar pa ni/ sems can thams cad la chos kyi shugs kyis dga' ba bskyed cing sgrol ba zhes bya'o/ /lha'i bu chos kyi dga' bas 'phrul pa'i sems 
kyi rnam par thar pa ni/ byang chub sems dpa'i 'dul ba mtha' yas pa thams cad nam mkha' ltar zad mi shes pa'i sgo rab tu 'jug pa zhes bya'o/ /lha'i bu 'phrul pas shin tu 'phags pa'i rnam par thar pa ni/ sems can gyi+i nyon mongs pa mtha' yas pa'i snying rje 
dang / ye shes kyis rgyas par 'gengs pa zhes bya'o/ /de nas lha'i rgyal po dge bar grags pa'i blo gros kyis sangs rgyas kyi mthus/ dge chung dang / tshad med dge ba dang / dge rgyas kyi lha'i 'khor gyi dkyil 'khor yod pa thams cad la rnam par bltas te/ de'i tshe 
tshigs su bcad pa 'di dag smras so/ /chags med spyod pa'i chos nyid 'di la ltos/ /mi zad phyogs rnams rab tu rgyas bkang ste/ /bsam gyis mi khyab sangs rgyas yul yang ston/ /rnam thar tshul gyis rgya mtsho zad mi shes/ /bde gshegs 
'jig rten kun la myi gnas te/ /chos dbyings dam pa kun nas 'byung ba med/ /mig yor spyod yul zhing rnams thams cad de/ /tshul 'di mchog tu snang ba'i lha yi'o/ /bskal pa rgya mtshor thabs la gnas pas na/ /sangs rgyas 'jig rten kun nas 
rnam par mdzes/ /chos dbyings de bzhin nyid la rab tu gnas/ /de la rab zhi dpal gyi lha 'jug go /sems can gti mug rab rib sgribs pas bsgribs/ /'khor ba'i spyod yul mdongs gyur de dag la/ /rgyal ba dge ba'i lam rnams rab ston te/ /</font><hr>35-1-15b<br><font size=+1>
rnam thar de la dbyangs kyi ri bo 'jug /de bzhin gshegs pa'i bla na med pa'i tshul/ /sems can kun gyis bsam par mi nus te/ /rnam pa thams cad rgyal bas rab tu ston/ /de ni dran pa dge ba'i mig gis mthong / /zhing rnams rgya mtsho rdul dang mnyam pa yi/ /
gzungs kyi sgo rnams mi mgon rtag tu gsung / /sems can thams cad 'dul ba rnam par ston/ /dga' ba rnam par snang bas de mthong ngo / /sangs rgyas skye ba shin tu dkon pa ste/ /bskal pa rgya mtsho dag na bar 'ga' ste/ /de la mos pa'i dkyil 'khor rab tu bskyed/ /
'jig rten dbyangs kyi blo gros de la 'jug /rgyal ba chos mthu rgya che bsam yas dag /sems can kun la rnam par sbyong ba mdzad/ /dngos med chos nyid rgyal ba ston par mdzad/ /gzi brjid 'bar ba'i lhas ni de mthong ngo / /dus gsum bde gshegs phun sum 
tshogs pa dag /de dag sems can yul du bsam mi khyab/ /dran nas bdag gi dga' ba rab skyes te/ /de dag chos dga' sems pa rab tu ston/ /'gro ba rnams ni nyon mongs rgya mtsho la/ /gti mug ltas rnyogs 'jigs pa chen por bying / /snying rje bskyed 
cing 'gro ba 'grel pa ni/ /'phrul pas 'phags pa spyod yul de la blta/ /'od zer dra ba rgyal ba rtag tu 'gyed/ /'od zer sgo kun rgyal ba mi zad pa/ /sems can dbyings rnams 'dul ba rab tu 'jug /sna tshogs dbyangs kyi lhas ni de mthong ngo // //
sangs rgyas rmad ga cad ces bya ba shin tu rgyas pa chen po'i mdo/ dum bu dang po/bam po gnyis so/ /de la gya nom snang ba'i lha'i rgyal po snang bas dga' ba'i rnam par thar pa ni/ dga' ba dang bde ba rab tu zhi ba myong bar byed cing / 'gro ba'i sdug 
bsngal rab tu gzhil ba la gzhol ba zhes bya'o/ /lha'i bu dge ba sna tshogs kyi rnam par thar pa ni/ sems shin tu yangs pa dang / 'gro ba thams cad kyi rnal 'byor yangs pa rgya mtsho snying rje dang / dga' ba'i snying po zhes bya'o/ /lha'i bu dbang po'i dbyangs kyi rnam par </font><hr>35-1-16a<br><font size=+1>
thar pa ni/ bskal pa mtha' yas pa'i spyod pa dang / sems can thams cad kyi bsod nams kyi mthu sems kyi skad cig gcig gis mngon par sgrub pa zhes bya'o/ /lha'i bu dran pa'i blo dam pa'i rnam par thar pa ni/ 'jig rten 'byung ba dang / 
'jig pa dang / gnas pa dang bsod nams sna tshogs nam mkha' lta bu yongs su sbyong ba zhes bya'o/ /lha'i bu dga' ba sna tshogs dbyangs kyi rnam par thar pa ni 'phags pa'i chos thams cad la dga' ba/ mtshungs pa med pa'i shugs rnam par spel bas rab tu tshim par byed pa 
zhes bya'o/ /lha'i bu legs par bsam pa'i dbyangs kyi rnam par thar pa ni/ tshul gyis thams cad rnam par dgod cing shin tu bstan pa'i don du yang dag par gnas pa zhes bya'o/ /lha'i bu 'od 'gyed pa'i dbyangs kyi rnam par thar pa ni dga' ldan gyi pho brang nas 'pho ba'i mchod pa 
shin tu rgyas pa mngon par sgrub pa zhes bya'o/ /lha'i bu dbyangs zab mo'i 'od kyi rnam par thar pa ni/ rdzu 'phrul la rmongs pa med pa'i shes rab rgya mtsho la rnam par spyod pa zhes bya'o/ /lha'i bu grags pa dri ma med pa'i 'od kyi rnam par thar pa ni/ sangs rgyas kyi 
yon tan rgya mtsho yongs su thob cing 'gro ba la ston pa'i sbyor ba zhes bya'o/ /lha'i bu 'od dri ma med pa shin tu 'phags pa'i rnam par thar pa ni/ sngon gyi smon lam gyi byin gyi brlabs kyis dga' ba 'byung ba'i shugs kyi snying po zhes bya'o/ /de nas gya nom snang ba'i lha'i 
rgyal po snang bas dga' bas sangs rgyas kyi mthus/ dga' ba dang snang ba dang /'od chung dang / 'od gsal dang / gya nom pa'i lha'i 'khor gyi dkyil 'khor yod pa thams cad la rnam par bltas nas/ de'i tshe tshigs su bcad pa 'di dag smras so/ /
sngon gyi rgyal ba'i spyod pa bdag gis dran/ /rgyal ba'i mtha' yas grags pa ces mchod dang / /ji ltar sngon cad dga' shugs yongs su dag /de ni rgyal ba'i mthu yis bdag gis mthong / /rgyal ba dri med mtshan nyid med pa'i sku/ /'gro ba'i mya </font><hr>35-1-16b<br><font size=+1>
ngan mang po rnam par zlog /byams dang thugs brtse thugs rje'i sa la bzhugs/ /rnam thar 'di tshul sna tshogs 'od 'jug go /sangs rgyas chos nyid 'di ni rgya che ste/ /zhing rnams rgya mtsho mang po ji lta bur/ /ji ltar 'byung dang ji ltar 'jig pa ston/ /rnam 
thar 'di ni dbang po'i dbyangs kyi yin/ /rgyal ba'i rdzu 'phrul mnyam med phyogs kun gyi/ /zhing gi dbyings su yangs pa shin tu bstan/ /da ltar byung ba'i rgyal ba'i dge ba dag /dran pa dam pa'i rnam thar tshul 'di'o/ /zhing rnams rgya mtsho mang po'i rdul snyed kyi/ /
bde gshegs de dag dga' ba'i yid kyis mchod/ /de phyir nyan pa rdul med don kyang yod/ /sna tshogs dbyangs kyi rnam thar 'di yin no/ /bskal pa rgya mtsho mang po yangs par yang / /tshul bzhin gyis ni rgyal ba rgya chen gsung / /rgyal ba kun la zad med mtha' yang 
yas/ /legs bsam dbyangs kyi rnam thar 'di yin no/ /sangs rgyas rnam 'phrul mtha' yas dbyangs kyi rnams/ /'pho dang rnam par 'tshang rgya tshul yang dag /sems kyi skad cig kun la rab tu ston/ /'od 'gyed dbyangs kyi rnam thar sgo 'di yin/ /
sangs rgyas byin rlabs rgya chen bshad pa yi/ /rdzu 'phrul yul ni bde bar gshegs pa ston/ /dbang po bsam pa kun kyang rnam par sbyong / /dbyangs zab 'od ni 'di la rab tu 'jug /rgyal ba rnams kyi ye shes mtha' yas te/ /mnyam med chags med sangs 
rgyas 'jig rten spyod/ /sems can kun la mchog sbyin mngon par gzigs/ /grags pa dri med tshul 'dir rab tu 'jug /rgyal ba sngon cad byang chub spyod mdzad tshe/ /sangs rgyas rgya mtsho yang dag mchod pa rnams/ /de dag kun gyi smon lam rab grub pa/ /
de ni 'od 'phags dga' ba rab tu nyan/ /de la tshangs pa chen po rab tu snang ba'i rnam par thar pa ni/ chos dri ma myed pa'i spyod yul la gnas shing phyogs bcur thogs pa myed pa'i dbyangs kyi dkyil 'khor gyis rgyas par 'gengs pa dri ma med pa zhes bya'o/ /tshangs </font><hr>35-1-17a<br><font size=+1>
pa chen po blo gros 'od kyi rnam par thar pa ni/ sems can thams cad bsam gtan dang snyoms par 'jug pa la rab tu gnas pa zhes bya'o/ /tshangs pa chen po blo gros bzang po'i sems snang ba rnam par thar pa ni/ chos kyi snang ba bsam 
gyis mi khyab pa thams cad la yang dag par gzhol ba'i 'od ces bya'o/ /tshangs pa chen po kun tu dbyangs kyi sprin gyi rnam par thar pa ni/ sangs rgyas thams cad kyi gsung gi yan lag rgya mtsho'i dkyil 'khor la 'jug cing rtogs pa byed pa zhes bya'o/ /tshangs pa chen 
po 'jig rten dbang po'i sgra'i rnam par thar pa ni/ byang chub sems dpa'i spyod pa yang dag par 'byung zhing sems can thams cad bsdu ba dang gdul ba rjes su dran pa'i sbyor ba zhes bya'o/ /tshangs pa chen po mig rab tu zhi zhing 'od shin tu zab pa'i rnam par thar pa ni/ las 
kyis rnam par phye ba'i 'jig rten gyi khams 'byung ba'i dbyings shin tu ston pa zhes bya'o/ /tshangs pa chen po phyogs su snang ba 'gyed pa'i rnam par thar pa ni/ rnam pa thams cad du sems can 'dul ba la mngon par phyogs pa zhes bya'o/ /tshangs pa chen po sprul pa'i sgra 
dbyangs kyi rnam par thar pa ni/ chos thams cad dge ba'i mtshan nyid kyi sgo dang rab tu zhi ba'i chos la spyod pa'i dkyil 'khor la shin tu gnas pa zhes bya'o/ /tshangs pa chen po mig gi 'od zer mngon par snang ba'i rnam par thar pa ni/ dngos po thams cad la chags pa 
med cing mtha' yas pa'i brtsam pa la brtson pa zhes bya'o/ /tshangs pa chen po dbyangs rgya mtsho yid du 'ong ba'i rnam par thar pa ni/ mi zad pa'i chos gzhal du med pa la rjes su dpyad par rtag tu phyogs shing rnam par lta ba dang rnam par shes pa zhes bya'o/ /
de nas tshangs pa'i dbang po chen po yid du 'ong bas sangs rgyas kyi mthus tshangs ris dang tshangs lha nye phan dang / tshangs pa kun 'khor dang / tshangs chen gyi 'khor gyi dkyil 'khor thams cad la rnam par bltas te/ de'i tshe tshigs su bcad pa 'di dag smras so/ /</font><hr>35-1-17b<br><font size=+1>
rgyal ba sku ni zhi la rab tu zhi/ /'jig rten kun tu dri med snang zhing mdzes/ /mtshan nyid med cing gzugs brnyan med pa'i yul/ /sprin dang mnyam par de bzhin gshegs pa snang / /'gro ba kun gyi bsam du mi nus te/ /sangs rgyas sku dang de bzhin bsam 
gtan yul/ /thams cad tshul gyi sgo yis bsam du med/ /tshangs pa'i blo gros 'od kyis 'di mthong ngo / /rgya mtsho'i chos rnams zhing gi rdul snyed kyang / /sangs rgyas gsung gcig yang dag bka' stsal te/ /bskal pa rgya mtshor gsungs kyang zad pa 
med/ /snang ba sems dpa'i rnam thar 'di yin no/ /sngon gyi rgyal ba'i gsung gi yan lag kyang / /'gro ba snyed de rgyud kun sems can shes/ /rgyal ba de la rtog dang dbyangs mi mnga'/ /tshangs pa kun tu sgra dbyangs 'di la 'jug /de bzhin gshegs pa 
dus gsum gshegs pa dag /byang chub spyod pa'i tshul la gang bzhugs pa/ /de dag rgyal ba'i sku la thams cad snang / /rnam thar 'di la 'jig rten dbang po 'jug /sems can kun gyi las dbang gang yin dang / /sna tshogs rgyu yi sgo yis rnam grol ba/ /
'gro ba bkang zhing sangs rgyas yang dag ston/ /zhi ba zab mo'i mig ni 'di la 'jug /rnam pa mtha' yas sgo yis rang byung rnams/ /phyogs rnams ma lus kun tu sems can 'dul/ /sangs rgyas rtog dang rnam rtog mi mnga' ste/ /snang ba 'gyed pa'i 
spyod yul 'di yin no/ /rgyal ba'i sku ni mi zad nam mkha' bzhin/ /mtshan nyid mi mnga' phyogs la chags pa med/ /sgyu mar gtogs pa'i chos nyid rab tu ston/ /kun tu 'phrul dga'i spyod yul 'di yin no/ /bde gshegs sku dang ye shes rnam 
pa dang / /de bzhin dbyangs kyi dkyil 'khor mtha' med de/ /chags med sems can sangs rgyas mngon du blta/ /'od zer yid 'ong rnam thar 'di la 'jug /chos rje chos kyi gzhal med khang bzhugs shing / /chos kyi sku yi sangs rgyas rab tu snang / /</font><hr>35-1-18a<br><font size=+1>
chos kyi rang bzhin gzhal yas mtshan nyid med/ /rnam thar 'di la rgya mtsho'i 'od 'jug go /de la lha'i rgyal po dbang bsgyur gyi rnam par thar pa ni/ mtha' yas pa'i sems can yongs su smin par bya ba'i sgo yi dbang dang spyod pa'i snying po zhes bya'o/ /
lha'i bu mig bzang po'i blo gros kyi rnam par thar pa ni/ sems can thams cad kyi dga' ba dang bde ba la rnam par lta ba 'phags pa'i spyod yul gyi rjes su 'jug pa zhes bya'o/ /lha'i bu cod pan sna tshogs kyi rgyal mtshan gyi rnam par thar pa ni/ sems can thams 
cad kyi 'byung ba sna tshogs don tha dad pa'i dbyings su yang dag gzhol ba zhes bya'o/ /lha'i bu go 'phang rnam par gnon pa'i sgra dbyangs sna tshogs kyi rnam par thar pa ni/ sems can thams cad la byams pa'i sgo rjes su dran zhing rang gi yul la rnam par lta ba zhes bya'o/ /
lha'i bu 'od yid du 'ong ba'i rgyal mtshan gyi rnam par thar pa ni/ nga rgyal gyi rgyal mtshan rab tu bsnyal ba dang / snying rje chen po'i sgo nas rab tu zhi ba 'byung ba zhes bya'o/ /lha'i bu spyod yul zhi ba'i sgo'i rnam par thar pa ni/ 'gro ba thams cad kyi khong khro ba yang dag par 'dul ba 
rab tu brjod pa zhes bya'o/ /lha'i bu 'khor lo ri mo bzang po'i rgyal mtshan gyi rnam par thar pa ni/ phyogs bcu'i mtha' yas pa'i sangs rgyas yid la bya ba mu med par khebs par 'gengs pa zhes bya'o/ /lha'i bu me tog blo gros seng ge'i dbang phyug gi rnam par thar 
pa ni/ de bzhin gshegs pa'i rnam par 'phrul ba/ rnam pa thams cad rjes su dran pa mngon par 'tshang rgya bas rgyas par byed pa zhes bya'o/ /lha'i bu dbang po'i stobs ri mo bzang po'i 'od sna tshogs kyi rnam par thar pa ni/ 'jig rten gyi dbang po thams cad kyi 
chos nyid la yang dag par gzhol ba'i byin rlabs kyi khyad par zhes bya'o/ /de nas lha'i rgyal po dbang byed kyis sangs rgyas kyi mthus/ lha'i bu dbang byed kyi ris su gtogs pa'i 'khor gyi dkyil 'khor thams cad la rnam par bltas nas/ de'i tshe tshigs su bcad pa </font><hr>35-1-18b<br><font size=+1>
'di dag smras so/ /chos dbyings mthar thug bde bar gshegs pa'i sku/ /'gro ba kun na mngon par rab tu snang / /'byam klas thams cad chos kyis sems can 'dul/ /chos kyi mnga' bdag rgyal ba 'gro la ston/ /'jig rten bde ba sna tshogs ma lus pa/ /
ji snyed de nang 'phags pa de mchog yin/ /chos nyid yangs pa rgyal ba'i gnas yin te/ /mig bzang bdag po 'di la rnam par lta/ /'jig rten phyogs rnams bkang zhing sangs rgyas kyis/ /bsam pa'i dbyangs kyi tshul bzhin chos ston pas/ /sems can kun 
gyi nem nur dogs pa gcod/ /cod pan sna tshogs rgyal mtshan rnam thar to/ /rgyal ba'i gsung gcig ma lus gsung ba ni/ /bskal pa rgya mtshor yangs pa'i chos sgrog ste/ /'gro ba bkang zhing sangs rgyas gsung brjod pa/ /'di ni brtson pa'i 
blo gros rnam thar to/ /'jig rten byams pa 'byam klas rgya chen kun/ /bde gshegs ba spu gcig gi dper mi rung / /rgyal ba'i byams pa mkha' bzhin zad mi shes/ /bshad pa sna tshogs blo gros rnam thar to/ /nga rgyal ri dang mun sprin sgo 'joms shing / /
stobs bcu 'gro ba kun tu khyab byas nas/ /rgyal ba'i thugs rje'i 'od zer rab tu 'gyed/ /rnam thar 'di ni 'od bzang rgyal mtshan gyi'o/ /bde gshegs mthong bas gti mug rab tu 'joms/ /'gro la shes rab dkyil 'khor dge ba ston/ /de dag ngan 
'gro'i tshul rnams rnam 'dul te/ /zhi ba spyod yul sgo yi rnam thar to/ /sangs rgyas spu yi khung nas 'od brjod pa/ /sems can kun dang mthun par bde gshegs mtshan/ /de dag bsam pa ji bzhin mtshan kyang thos/ /'khor lo sna tshogs rgyal 
mtshan rnam thar yin/ /rgyal ba'i rnam par 'phrul pa tshad med pa/ /de dag thams cad 'khor 'dir phyin snang zhing / /chos dbyings nam mkha' rgyal bas rab rgyas pa/ /me tog seng ge dpal gyi rnam thar to/ /bskal pa rgya mtsho mang po tshad med par/ /zhing </font><hr>35-1-19a<br><font size=+1>
rnams kun tu rgyal ba'i yul brjod kyang / /sangs rgyas gshegs dang bzhud par gyur pa med/ /dbang po dpal thob rnam thar 'di yin no/ /de la lha'i rgyal po rab 'phrul dga'i rnam par thar pa ni/ chos kyi rang bzhin sprul par rnam 
par sgom pa'i sbyor ba zhes bya'o/ /lha'i bu sgras zhi ba'i 'od kyi rnam par thar pa ni/ 'jigs pa thams cad rnam par sgom pa'i rang bzhin gyi sbyor ba zhes bya'o/ /lha'i bu stobs kyis 'phrul pa'i sgra'i 'od kyi rnam par thar pa ni/ sems can thams cad kyi gti mug 
gis yongs su mi zad cing rmongs pa med pa'i dkyil 'khor ces bya'o/ /lha'i bu dbang chen sna tshogs kyi rnam par thar pa ni/ sangs rgyas thams cad kyi gsung la yang dag par 'jug cing dga' ba tshad med pas rnam par smin pa zhes bya'o/ /lha'i bu dran pa'i 'od kyi 
rnam par thar pa ni/ sangs rgyas thams cad kyi mtshan nyid dang / bsod nams kyi tshogs la 'jug pa zad mi shes pa shin tu bstan pa zhes bya'o/ /lha'i bu sprin sgra shin tu 'phags pa'i rnam par thar pa ni/ 'das pa'i bskal pa gcig nas gcig tu brgyud 
pa rjes su dran zhing spyod pa'i blo gros zhes bya'o/ /lha'i bu snang ba'i spyod pa'i dpal gyi rnam par thar pa ni/ sems can thams cad kyi shes rab tshad dang bral ba rtogs par byed pa'i ye shes la yang dag par 'jug pa zhes bya'o/ /lha'i bu gtsug phud yid du 'ong 
ba'i 'od kyi rnam par thar pa ni/ nam mkha'i dbyings kyi mthar nyi ma'i shugs kyi rgyu bas kun tu 'gro ba zhes bya'o/ /lha'i bu dga' ba'i blo gros kyi rnam par thar pa ni/ brtsam pa thams cad zad mi shes pa la brtson 'grus kyi stobs yang dag par 'byung ba zhes 
bya'o/ /lha'i bu me tog 'od kyi gtsug phud kyi rnam par thar pa ni/ sems can thams cad kyi las la lta zhing bde ba dang / sdug bsngal bas kun tu rnam par lta ba zhes bya'o/ /lha'i bu phyogs shin tu snang ba'i rnam par thar pa ni/ sems can gyi tshogs </font><hr>35-1-19b<br><font size=+1>
bsam gyis mi khyab pa'i rnam par sgrub pa sna tshogs kyi dran pas mngon tu sgrub pa zhes bya'o/ /de nas lha'i rgyal po rab 'phrul dga' sangs rgyas kyi mthus 'phrul dga'i 'khor gyi dkyil 'khor thams cad la rnam par bltas te/ de'i tshe tshigs su bcad pa 'di dag smras so/ 
'jig rten las kyi rang bzhin bsam mi khyab/ /thams cad 'gro ba 'dir yang shin tu bstan/ /rgyu dang rang bzhin rgyal ba sems can tshul/ /'jig rten 'di kun las kyis rnam par bris/ /thams cad tshul du rang byung dngos po med/ /phyogs rnams 
kun na'ang bzung ba yod pa min/ /chos kyi sku la dngos med de yang bstan/ /sgra zhi 'od kyis rnam thar 'di yang mthong / /rgyal bas bskal pa rgya mtshor spyad pa'i tshe/ /'jig rten gti mug mun pa rnam par zlog /de bas sangs rgyas shin tu dri med snang / /
rnam thar 'di ni stobs kyi 'od kyis shes/ /ji snyed 'jig rten sgra dbyangs zhi ba'i rnams/ /kun kyang sangs rgyas sgra las nye bar 'byung / /phyogs rnams zhing dbyings sna tshogs rnam par sgrog /'di ni sna tshogs dbang gi rnam thar to/ /'gro ba'i bsod nams 
mthu rnams kun bstsogs kyang / /rgyal ba'i mtshan rab gcig tu mi 'gyur te/ /rgyal ba'i bsod nams nam mkha'i dpe lta bu/ /dran pa'i 'od kyis rnam thar 'di mthong ngo / /dus gsum bskal pa mtha' dang mu med pa/ /spu gcig rtse la rang byung rnams 
ston to/ /de dag 'byung 'jig ji lta ba yang ston/ /'di ni 'phags pa'i dbyangs kyis rab tu shes/ /phyogs rnams nam mkha'i mtha' ni rnyed par rung / /rgyal ba'i spu gcig mtha' ni thug pa med/ /de ltar sangs rgyas chags med bsam mi khyab/ /
yid 'ong 'od kyi gtsug gis de mthong ngo / /sngon gyi rgyal bas bskal pa bsam yas par/ /mi skyo'i thugs kyis brtson 'grus rab bskyed de/ /pha rol phyin pa rgya chen rab tu bskang / /de ni dga' dang ldan pa'i rnam thar to/ /'gro ba rnams kyi las kyi rang </font><hr>35-1-20a<br><font size=+1>
bzhin rgyu/ /bsam gyis mi khyab sangs rgyas ma lus gsung / /dri med rnam dag chos nyid de yang ston/ /de la me tog 'od kyi gtsug phud 'jug /rgyal ba'i spu gcig rtse la 'gro ba rnams/ /thams cad snyed kyi gzugs kyi sgo la ltos/ /
'on kyang 'gro zhing 'ong ba de la med/ /rnam thar de ni phyogs su snang bas mthong / /de la lha'i rgyal po rab dga' ldan gyi rnam par thar pa ni/ sangs rgyas thams cad kyi mtshan gyi 'khor lo phun sum tshogs pa mngon par bsgrub pa la 'jug pa zhes bya'o/ /lha'i bu 
dga' ba rgya mtsho'i gtsug phud kyi rnam par thar pa ni/ nam mkha'i dbyings dri ma med pa'i 'od ces bya'o/ /lha'i bu yon tan mchog gi rgyal mtshan gyi rnam par thar pa ni/ smon lam rgya mtsho dri ma med pas 'gro ba rab tu zhi ba byed pa la 'jug pa zhes bya'o/ /lha'i bu 
'od zer zhi ba'i 'od kyi rnam par thar pa ni/ chos rjes su bsrung ba'i sgo kun tu bstan pas snang ba zhes bya'o/ /lha'i bu rab tu dga' ba'i mig gi rnam par thar pa ni/ kun nas nyon mongs pa'i khams nam mkha'i dbyings ltar dri ma med par yongs su sbyong ba zhes bya'o/ /
lha'i bu rin chen 'od zer zla ba'i rnam par thar pa ni/ 'gro ba rnam par gdul ba zad mi shes pa mngon par bsgrub pa'i snying po zhes bya'o/ /lha'i bu rnam par gnon pas rab tu brtson pa'i rnam par thar pa ni/ sangs rgyas thams cad kyi yul la brtson zhing yang dag par 
byang chub mngon par bsgrub pa zhes bya'o/ /lha'i bu rdo rje mdog gi 'od bzang po'i rnam par thar pa ni/ byang chub kyi sems bskyed pa mi shigs par brtan pa'i rgyun thams cad dga' bas yang dag par sdud pa zhes bya'o/ /lha'i bu skar mas brgyan pa'i dpal gyi 
rnam par thar pa ni/ sangs rgyas 'byung ba thams cad kyi drung du nye bar 'gro zhing phyogs bcu'i sems can rtsal gyis rnam par gnon pa'i 'dul ba zhes bya'o/ /lha'i bu dga' ba bzang po sna tshogs kyi rnam par thar pa ni/ bsam pa rgya mtsho mtha' dang dbus med pa sems </font><hr>35-1-20b<br><font size=+1>
skad cig gis yongs su bstan pa la mngon par phyogs pa'i snod yang dag par ston pa zhes bya'o/ /de nas lha'i rgyal po rab dga' ldan gyis sangs rgyas kyi mthus dga' ldan gyi ris su gtogs pa'i lha'i bu'i 'khor thams cad la rnam par bltas te/ de'i tshe tshigs su 
bcad pa 'di dag smras so/ /chos dbyings dam pa de bzhin gshegs pa ste/ /sems can kun dang mnyam nyid mnyam par 'gyur/ /bsam pa sna tshogs rgyal ba'i chos nyid de/ /dri med bsam gyis mi khyab rab tu 'jug /sangs rgyas sku ni phyogs la thogs 
pa med/ /gzung ba med cing chags pa gang yang med/ /'gro ba'i gzugs kyi sgo rnams kun la snang / /rnam thar de la dga' ba'i gtsug phud 'jug /smon lam rgya mtshos ji ltar rnam sbyangs pa'i/ /sngon gyi rgyal ba'i spyod pa rnams la ltos/ /thams cad 
chos kyi dkyil 'khor yongs su rgyas/ /de yi tshul la yon tan rgya mtsho 'jug /bde gshegs chos sku bsam gyis mi khyab ste/ /chos kyi dbyings ni mig yor mtshan nyid do/ /thams cad chos kyi 'od zer snang ba gtong / /zhi ba'i 'od zer snang bas 'di 
ltar mthong / /'gro ba nyon mongs las kyi mun pas bsgribs/ /'jigs dogs bag med dregs pa'i yul can la/ /rgyal ba zhi ba'i chos nyid rab tu ston/ /dga' ba bzang po'i mig gis dga' bar mthong / /mgon po 'jig rten thams cad skyabs gyur cing / /
gnas dang mgon du gyur pa rab 'byung ste/ /rgyal ba sems can kun la bde ba ston/ /de yi tshul la rtse mo'i zla ba 'jug /sangs rgyas thams cad spyod yul bsam mi khyab/ /chos dbyings dam pa de bzhin gshegs pa ste/ /thams cad chos dbyings 
pha rol phyin pa brnyes/ /de ni brtson pa'i blo gros dga' ba'o/ /phyogs bcu dag na sems can snod gyur cing / /bsod nams rgya mtshos rnam dag spyod yul can/ /sangs rgyas yon tan thos shing byang chub 'jug /rdo rje rdul gyi 'od ni 'di ltar sems/ /zhing </font><hr>35-1-21a<br><font size=+1>
rnams rgya mtsho'i rdul dang mnyam pa yi/ /phyogs bcu'i rgyal sras rtag tu kun 'du zhing / /rgyal ba mchod cing chos nyid nyan par byed/ /brgyan pa'i dpal ni rnam thar 'di la 'jug /'gro ba rgya mtsho'i sems ni bsam mi khyab/ /
gnas med g.yo ba med cing rten pa med/ /thams cad skad cig gcig la rgyal bas mkhyen/ /dga' ba sna tshogs dga' bar 'di mthong ngo / /de la lha'i rgyal po rab mtshe ma'i rnam par thar pa ni/ sems can thams cad kyi mya ngan bsal ba dge ba'i sgo yang 
dag par 'byung ba zhes bya'o/ /lha'i bu dga' ba bde ba'i 'od kyi rnam par thar pa ni/ dmigs pa thams cad khyab par byed pa'i yul zhes bya'o/ /lha'i bu blo gros mi zad pa'i yon tan dpal gyi rnam par thar pa ni/ nad thams cad rnam par sel cing phan par snying 
rje ba'i dkyil 'khor ces bya'o/ /lha'i bu 'phrul pa bzang zhing dge ba'i rnam par thar pa ni/ bud med thams cad 'dul ba'i bsam pa rjes su rtogs pa'i tshul la 'jug pa zhes bya'o/ /lha'i bu sa dang ri bo'i 'od kyi rnam par thar pa ni/ chos thams cad gzung ba la 
rmongs pa med pa'i gzungs kyi sgo bde bar snang ba zhes bya'o/ /lha'i bu bsam gyis mi khyab pa'i blo gros kyi rnam par thar pa ni/ dmigs pa'i yul thams cad las kyi rang bzhin bsam gyis mi khyab pa'i tshul la 'jug pa zhes bya'o/ /lha'i bu 'khor lo'i gtsug 
gi rnam par thar pa ni/ chos kyi 'khor lo'i shugs kyis sems can yongs su smin par bya ba bgrang ba'i tshul la 'jug pa zhes bya'o/ /lha'i bu gzi brjid 'od 'phro'i rnam par thar pa ni/ khams thams cad kyi mthar 'gro bas mig shin tu yangs pa'i dkyil 
'khor gyis kun tu blta ba zhes bya'o/ /lha'i bu 'od rnam par snang ba'i rnam par thar pa ni/ las kyi dmigs pa dang 'grogs pa'i bdud kyi las thams cad zlog pa zhes bya'o/ /lha'i bu grags pa'i phyogs su rnam par lta ba'i rnam par thar pa ni/ lha'i gnas </font><hr>35-1-21b<br><font size=+1>
thams cad kyi 'khor du dgos pa myong bar bya ba la sems rab tu dang ba zhes bya'o/ /de nas lha'i rgyal po rab mtshe mas sangs rgyas kyi mthus rab mtshe ma'i dkyil 'khor thams cad la rnam par bltas te/ de'i tshe tshigs su bcad pa 'di dag smras so/ /bskal pa rgya mtsho 
yangs pa rgya chen du/ /'gro ba'i nyon mongs rgya mtsho yongs sbyangs pa'i/ /dri med lam ni ye shes dkyil 'khor rnams/ /yang dag brnyes pa'i sgron mas rab tu bstan/ /rgyal ba'i sku ni mtha' yas rgya che ste/ /phyogs bcur mu mtha' rnyed par yongs mi rung / /
tshul rnams kun gyis sangs rgyas tshad med de/ /de la dga' ba bde ba'i 'od 'jug go /nad dang rga ba 'chi ba mya ngan gyis/ /'jig rten gtses shing rab tu gdung ba rnams/ /de dag kun la thugs rje'i dkyil 'khor can/ /sangs rgyas blo gros zad pa med pas 
mthong / /ye shes sgyu ma sangs rgyas thugs su chud/ /dus gsum kun la chags pa mi mnga' ste/ /'gro ba thams cad spyod pa rab tu mkhyen/ /'di ni 'phrul pa dge ba'i spyod yul lo/ /sangs rgyas dbus dang mtha' med gzugs rnams dang / /
tha dad yang dag shes pa rgya mtsho gsung / /chos kyi 'khor lo yang dag rab tu bskor/ /'di ni sa yi ri 'od rnam thar to/ /sangs rgyas chos kyi rang bzhin rgya chen ston/ /chos rnams thugs su chud pas rnam par dag /thams cad chos kyi yul ni bsam 
yas te/ /blo gros bsam yas tshul las 'di yin no/ /sems can thams cad sdug bsngal zhi byed pa'i/ /bsam gyis mi khyab tshul gyi 'khor lo bskor/ /byang chub spyod pa rgya chen rnams kyang ston/ /'khor lo lta ba 'di yi sa la 'jug /rgyal 
ba'i sku ni sems can grangs bzhin du/ /sprul pas 'jig rten yongs su khyab mdzad de/ /'gro ba kun la mngon par kun na gnas/ /gzi brjid 'od 'phro'i spyod yul 'di yin no/ /sangs rgyas mthong ba tsam gyis 'gro ba yi/ /las kyi sgrib pa thams cad </font><hr>35-1-22a<br><font size=+1>
bzlog par 'gyur/ /bdud kyi las rnams kun kyang de bzhin spong / /rnam snang 'od kyi spyod yul 'di yin no/ /rgya mtsho'i 'khor rnams thams cad kun tu yang / /rgyal ba bzhugs pas mngon par rab tu mdzes/ /chos 
kyi sprin chen char yang rab 'bebs te/ /grags pa kun tu grags pa'i rnam thar to/ /de la lha'i dbang po brgya byin gyi rnam par thar pa ni/ dus gsum du gshegs pa'i de bzhin gshegs pa skye ba 'byung ba dang / rnam par 'jig pa rgya chen po rjes su dran pa 
yid la bya ba dga' ba chen po'i shugs shes bya'o/ /lha'i bu sgra kun tu grags pa'i dbang phyug dkyil 'khor gyi rnam par thar pa ni/ sems can thams cad kyi gzugs de bzhin gshegs pa'i gzugs kyi sku'i yon tan tu yongs su spyod pa'i shugs kyi snying po zhes 
bya'o/ /lha'i bu byams par lta ba'i gtsug phud kyi rnam par thar pa ni/ byams pa'i sprin gyis kun tu khebs par byed pa'i byin gyi rlabs kyis khyab par byed pa zhes bya'o/ /lha'i bu rin po che'i 'od kun tu grags pa'i rgyal mtshan gyi rnam par thar pa ni/ 'jig 
rten thams cad kyi yon tan dang / mthu dang sems can gyi rnam pa sangs rgyas rjes su dran pa'i sgo kun nas 'jug pa zhes bya'o/ /lha'i bu dga' bde 'byung ba'i gtsug phud kyi rnam par thar pa ni/ sems can thams cad gzhal med khang rnam par blta ba'i bsod 
nams yang dag par 'byung ba'i byin gyis rlabs shes bya'o/ /lha'i bu dran pa yid du 'ong ba'i rnam par thar pa ni/ sangs rgyas skye ba 'byung ba dang sems can yongs su smin par bya ba rjes su dran pa rnam par sgom pa zhes bya'o/ /lha'i bu ri bo'i sgra'i dpal gyi 
rnam par thar pa ni/ 'jig rten 'jig pa dang / 'du ba dang bskal pa'i me yongs su 'pho ba'i ye shes kyi rgyan ces bya'o/ /lha'i bu dran pa dang ldan pa'i rnam par thar pa ni/ ma 'ongs pa'i byang chub sems dpa'i spyod pa 'byung ba sems can gdul ba'i rgyu dran pa'i rim </font><hr>35-1-22b<br><font size=+1>
pa zhes bya'o/ /lha'i bu me tog dri ma med cing yid du 'ong ba'i 'od kyi rnam par thar pa ni/ lha'i bu dga' ba thams cad la rtse ba rjes su dran pa'i rim pa zhes bya'o/ /lha'i bu ye shes nyi ma'i mig gi rnam par thar pa ni/ lha'i bu thams cad skye bar rab tu brjod pa'i dge ba 
la rmongs pa med pa zhes bya'o/ /lha'i bu yang dag par bskul ba'i 'od kyi dbang phyug gi rnam par thar pa ni/ lha'i 'khor thams cad yang dag par bskul zhing phan tshun dogs pa'i the tsom rnam par gdon mi za bar gcod pa zhes bya'o/ /de nas lha'i dbang po brgya byin gyis 
sangs rgyas kyi mthus sum cu rtsa gsum pa'i ris kyi lha'i 'khor gyi dkyil 'khor thams cad la rnam par bltas nas/ de'i tshe tshigs su bcad pa 'di dag smras so/ /dus gsum bde bar gshegs pa thams cad dang / /de dag spyod yul rgya chen de dag dang / /de 
dag zhing 'byung 'jig pa ji bzhin dran/ /rgyal ba'i mthu yis de dag dri med snang / /sangs rgyas sku mang phyogs su rgyas byas shing / /mnyam med gzugs kun 'gro la phan pa'i phyir/ /rgyal ba kun nas lham me lhang nge ste/ /grags pa'i dkyil 'khor 'od 
kyis 'di mthong ngo / /byams pa rgya mtsho'i tshul ni rgya che zhing / /shin tu yangs pas 'gro ba kun bkang nas/ /sngon bsgoms sems can mtha' yas khams kyang btul/ /dri med mig gi gtsug phud 'di mthong ngo / /bde gshegs yon tan rgya mtsho de 
dran pas/ /bdag gi dga' ba yang dag 'byung skyes te/ /sangs rgyas 'jig rten kun na mnyam med mchog /'di ni grags rgyal dri med rnam thar to/ /las dge rgya mtshos 'gro ba kun bkang zhing / /dri med ma lus rgyal bas bstan pa mdzad/ /de las 
bsod nams yangs pa kun byung ste/ /dga' bde gtsug phud tshul ni 'di yin no/ /sangs rgyas skye ba yangs pas phyogs bkang zhing / /bde gshegs 'gro ba rgyas pas mngon tu 'gyur/ /de dag rgya chen sems can 'dul la ltos/ /de yi tshul la dran pa'i rgyan </font><hr>35-1-23a<br><font size=+1>
'jug go /bde gshegs ye shes sku mnga' spyan yangs pa/ /'byam klas zhing rnams thams cad kun bzhugs pa/ /'byam klas zhing gi rdul la kun kyang bstan/ /rnam thar 'di la sprin gyi dbyangs 'jug go /rgyal ba'i sras kyi 
byang chub spyod pa dag /ji bzhin yangs pa spu yi rtse mo la/ /rgyal bas de dag tshad med phun sum bstan/ /dran pa'i blo gros 'di yi tshul mthong ngo / /'gro ba 'di na rtse dga' gang bde ba/ /de dag thams cad rgyal ba'i mthu yis byung / /bsod nams 
mnyam med rgyal ba byung la ltos/ /'di ni me tog sna tshogs dri med kyi'o/ /sems gcig rgyud la rgyal ba'i yon tan gyi/ /bde gshegs shin tu rgya chen sus dran pa/ /de la ngan song kun gyi 'jigs pa med/ /ye shes nyi ma'i mig gi rnam thar to/ /
rgyal ba'i rdzu 'phrul chos nyid rgya che zhing / /bsam pa'i las rnams thams cad kun nas gnas/ /de dag the tsom nem nur thams cad sel/ /rnam thar 'di ni brjod dbang blo gros kyi'o/ /de la lha'i bu zla ba'i rnam par thar pa ni/ 'gro ba thams 
cad bsdu zhing rnam par gdul ba'i snang bas chos kyi dbyings kun nas dri ma med pa'i dkyil 'khor ces bya'o/ /lha'i bu 'od kyi me tog rgyal po'i gtsug phud kyi rnam par thar pa ni/ sems can thams cad kyi yul rnam par lta ba dang / mtha' yas pa'i chos 
'byam klas pa la yang dag par 'jug pa zhes bya'o/ /lha'i bu dpal gyi tshogs sna tshogs kyi rgyan gyi rnam par thar pa ni/ 'gro ba thams cad kyi sems rgya mtsho yongs su bzlog cing phan tshun gyi yul dang dmigs pa la yang dag par spyod pa zhes bya'o/ /lha'i bu 
'jig rten pa'i bde ba sna tshogs kyi rnam par thar pa ni/ sems can thams cad bde ba bsam gyis mi khyab pa dang / dga' ba dang rangs pa rgya chen po skyed pa zhes bya'o/ /lha'i bu shing gi dbang po'i mig gi 'od kyi rnam par thar pa ni/ lo tog thams cad kyi myu gu </font><hr>35-1-23b<br><font size=+1>
dang sa bon srung ba dang / dus yongs su bsgyur ba yang dag par ston pa zhes bya'o/ /lha'i bu 'od bzang po ston pa'i rnam par thar pa ni/ 'gro ba thams cad bde ba dang sdug bsngal gyi tshor ba myong ba la byams pa dang / snying rje'i sgos yongs su skyob pa zhes bya'o/ /
lha'i bu kun nas spyod pa mi sgul ba'i 'od kyi rnam par thar pa ni/ zla ba dri ma med pa 'dzin cing spyod pas phyogs yongs su 'dus pa zhes bya'o/ /lha'i bu skar ma'i rgyal po'i bdag po'i rnam par thar pa ni/ chos thams cad sgyu ma lta bu nam mkha'i rang bzhin ltar dngos po 
med pa mtshan nyid med pa zhes bya'o/ /lha'i bu blo dri ma med pa'i zla ba'i rnam par thar pa ni/ sems can thams cad kyi skye ba kun kyang las kyi rang bzhin du yang dag par 'jug pa zhes bya'o/ /lha'i bu gzi brjid chen po'i 'od zer mdzes pa'i rnam par thar pa ni/ lha'i 
dgos pa thams cad la the tsom yang dag par gcod pa brjod pa la 'jug pa zhes bya'o/ /de nas lha'i bu zla bas sangs rgyas kyi mthus zla ba'i gzhal med khang du gtogs pa'i lha'i 'khor gyi dkyil 'khor thams cad la rnam par bltas nas/ de'i tshe tshigs su bcad pa 'di dag 
smras so/ /'gro ba thams cad kun tu 'od bkye zhing / /phyogs bcu'i zhing rnams kun tu sangs rgyas snang / /mun pa chen pos rmongs pa'i 'jig rten du/ /bsam yas rgya chen chos kyi snang ba 'gyed/ /sangs rgyas yul ni mi zad mtha' yas te/ /'gro 
ba 'dir ni mtshungs med bskal par 'jug /rang byung de dag sems can kun la mngon/ /rgyal ba de ltar snang ba'i gtsug gis mthong / /rgyal ba'i ye shes rgya chen de la ltos/ /sems kyi rgya mtsho tshad med skad cig la/ /chos kyi 'khor los thams cad tshim 
par mdzad/ /chu bo dpal gyi rnam thar 'di yin no/ /'phags pa'i bde ba med pa'i 'jig rten rnams/ /mtha' yas sdug bsngal nyam ngas rmongs pa la/ /rgyal ba chos nyid rnam par dag pa ston/ /dga' bde sems dpas rnam thar 'di mthong ngo / /rgyal </font><hr>35-1-24a<br><font size=+1>
ba'i thugs rje rnam dag ngo mtshar che/ /srid pa'i rgyud du 'gro la phan phyir 'khod/ /dge ba rnam par mi 'jig ston mdzad de/ /shing gi mig gi 'od kyis 'di mthong ngo / /rgyal ba'i chos kyis 'od rnams rab bkye ba/ /'jig rten las kyi 
rang bzhin rnam par 'byed/ /dge dang mi dge'i las rnams 'jig pa myed/ /'od bzang mthong ba rnam thar 'di la 'jug /'jig rten kun tu rang byung sa lta bu/ /sems can thams cad bsod nams gzhis bzung zhing / /chos kyi phyogs rnams mya ngan med pa 
ston/ /spyod pa mi sgul tshul ni 'di yin no/ /chos dbyings thug pa med par rgyal bas khyab/ /'gro dang mnyam par bsam yas sku bkye ste/ /chos kyi tshul ni sems can kun la ston/ /de yi tshul la gzi brjid bdag po 'jug /nam mkha'i dngos ltar 
dngos med 'gro ba na/ /gzugs brnyan mnyam pa'i sangs rgyas rnams snang ba/ /'gro ba kun la phan pa'i don tu byung / /dge ba'i dpal gyis rnam thar 'di mthong ngo / /sangs rgyas sku yi spu rtse kun nas kyang / /'gro ba kun la chos sprin ma lus gsung / /
thos nas dga' ba rgya chen rab tu bskyed/ rnam thar 'di la dag pa'i sems 'jug go /de la lha'i bu nyi ma'i rnam par thar pa ni/ sems can gyi dgos pa thams cad la phyi ma'i mthar thug pa'i bskal pa dri ma myed pa'i snang bas phyogs bcu rgyas par byed pa'i rgyan 
ces bya'o/ /lha'i bu gzi brjid kyi 'od zer 'bar ba'i mig gi rnam par thar pa ni/ sems can kun la dbang bsgyur ba/ rjes su bsnyags pa'i yongs su sbyangs pas/ shin tu 'phags pa zhes bya'o/ /lha'i bu ri bo'i rgyal mtshan gyi 'od kyi rnam par thar pa ni/ 
sems can thams cad la dbang bsgyur ba'i yon tan mtha' yas pa yongs su sbyong bas shin tu 'phags pa zhes bya'o/ /lha'i bu rin chen dri med rmad du byung ba'i rnam par thar pa ni/ brtul zhugs dang dka' thub thams cad la bde bar 'jug pa zhes bya'o/ /lha'i bu </font><hr>35-1-24b<br><font size=+1>
phyir mi ldog par rab tu gnon pa'i rnam par thar pa ni/ nyi ma'i 'od chags pa med pas kun tu rgyas par byed cing 'gro ba thams cad kyi mdangs yang dag par 'byung ba zhes bya'o/ /lha'i bu me tog phreng ba'i 'od kyi dpal gyi rnam par thar pa ni/ nyi ma'i 'od dri ma med pas 
sems can gyi dgos pa la snang ba rgya chen po dang dga' ba'i shugs dang mos pa rgya mtsho yang dag par 'byung ba zhes bya'o/ /lha'i bu 'od kyi dpal snang ba'i rgyal mtshan gyi rnam par thar pa ni/ 'jig rten thams cad kyi 'od rnam pa sna tshogs bsod nams kyi tshogs/ 
rnam pa tha dad pas yang dag par bsgrub pa zhes bya'o/ /lha'i bu rin chen gtsug phud rnam par snang ba'i rnam par thar pa ni/ rgya mtsho'i dbyings su rin po che sna tshogs thams cad 'grems shing yul du ma'i gzugs yang dag par ston pa zhes bya'o/ /lha'i 
bu mig kun tu snang ba'i rnam par thar pa ni/ 'gro ba thams cad kyi mig gi dbang po yongs su sbyong zhing rnam par lta ba'i chos kyi dbyings kyi snying po zhes bya'o/ /lha'i bu dpal gyi be'u 'dzin pa'i rnam par thar pa ni/ chu'i rgyud thams cad yongs su sbyong zhing rnam 
par 'jig pa med pa 'byung ba zhes bya'o/ /lha'i bu sgo thams cad skyom pa'i dpal gyi 'od kyi rnam par thar pa ni/ nyi ma'i gzhal med khang gis phyogs su 'jug pa dang / sems can thams cad kyi dgos pa la snang ba yongs su skyob pa zhes bya'o/ /de nas lha'i 
bu nyi mas sangs rgyas kyi mthus nyi ma'i ris su gtogs pa'i lha'i bu'i 'khor du gtogs pa'i dkyil 'khor thams cad la rnam par bltas nas/ de'i tshe tshigs su bcad pa 'di dag smras so/ /bde gshegs ye shes shin tu yangs pa'i 'od/ /phyogs rnams 
kun tu thams cad zhing bkang zhing / /'gro ba thams cad sangs rgyas mngon bstan te/ /thabs kyi sgo nas sems can rnam par 'dul/ /rgyal ba'i yon tan rgya mtsho rnams yangs pa/ /bsam pa thams cad yongs su bkang bstan zhing / /'gro ba 'dir ni shes </font><hr>35-1-25a<br><font size=+1>
rab mnyam med brjod/ /gzi brjid 'od kyis rnam thar 'di mthong ngo / /rgyal ba sangs rgyas kun tu rab 'phags pa/ /phyogs rnams rgyas par kun nas mdzes shing snang / /rgyal ba'i sku ni mi mnyam dpag tu med/ /ri rab 'od mchog 
rnam thar 'di yin no/ /mtha' yas srid par bskal pa rgya mtshor yang / /rgyal bas 'gro don brtul zhugs spyad pas na/ /de phyir sangs rgyas 'od ni nam mkha' bzhin/ /zla ba'i dpal gyis rgyal ba'i sku mthong ngo / /rgyal ba'i gsung mchog chags med 
rnam grol bas/ /phyogs dang zhing rnams thams cad ma lus rgyan/ /'gro bar chos kyi ro rnams bsags pa'i rgyu/ /'di dag brtson 'grus bzang pos rab tu shes/ /'od kyi dra ba bsam yas btang bas na/ /phyogs rnams kun tu sems can 
rnam par spyod/ /mos pa rgya chen yangs pa rab tu bskyed/ /phreng ba snang ba'i dpal gyi rnam thar to/ /'gro ba dag na ji snyed 'od yod pa/ /de dag rgyal ba'i spu gcig dper mi rung / /sangs rgyas 'od rnams de ltar bsam mi khyab/ /'di ni snang ba'i 
'od kyi rnam thar to/ /rgyal ba kun gyi chos nyid 'di 'dra ste/ /thams cad phyogs su byang chub shing dbang drung / /lam ngan song la lam rnams mngon du ston/ /gtsug phud sna tshogs rnam par snang bas mthong / /'gro ba gti mug mun par nub gyur pa/ /
sdug bsngal can la rgyal ba mig skyes shing / /de dag ye shes sgron mas rab tu bstan/ /rnam thar 'di ni mig bzang snang bas mthong / /thams cad tshul gyis rnam thar rang byung ba/ /gang du gang tshe mchod pa gzigs pa na/ /thar pa'i 'bras bu rim 
gyis rab tu ston/ /'di ni snang ba'i dpal gyi tshul dang sa/ /chos rnams gcig gi sgo nas mtha' yas pa'i/ /bskal pa stong du mi mgon rab tu snang / /chos kyi don yangs phyogs rnams kun tu ston/ /'di ni kun tu dpal gyi rnam thar to/ /de la dri </font><hr>35-1-25b<br><font size=+1>
za'i rgyal po gnas srung po'i rnam par thar pa ni/ kun tu rtse ba'i thabs thams cad kyis sems can sdud pa'i spyod pa zhes bya'o/ /dri za'i dbang po shing mi 'am ci'i 'od kyi rnam par thar pa ni/ chags pa thams cad kyi yon tan rnam par brgyan pas kun tu snang ba zhes bya'o/ /
dri za'i dbang po mig gtsang ma dga' ba rab tu skye ba'i rnam par thar pa ni/ 'gro ba thams cad kyi mya ngan rnam par zlog pas dga' ba'i snying po zhes bya'o/ /dri za'i dbang po me tog dang shing shin tu rgyas pa'i cod pan gyi rnam par thar pa ni/ 'gro ba'i lta ba dang nyon mongs pa thams 
cad rnam par 'jil ba zhes bya'o/ /dri za'i dbang po dga' bas spyod pa kun tu sgrog pa'i rnam par thar pa ni/ sems can thams cad dbugs dbyung ba la kha na ma tho ba med pa'i sprin gyi 'od ces bya'o/ /dri za'i dbang po rab tu dga' ba rgyun du gnas pa'i mig bzang po'i rnam 
par thar pa ni/ dga' ba thams cad rab tu gnas pa yangs pa la mos pa'i snying po zhes bya'o/ /dri za'i dbang po yid du 'ong ba'i dbyangs seng ge'i rgyal mtshan gyi rnam par thar pa ni/ rin po che dgram pas phyogs thams cad khyab pa zhes bya'o/ /dri za'i dbang po 
'od zer kun tu 'gyed pa'i 'od kyi rnam par thar pa ni/ dge ba'i lus thams cad yang dag par bstan pas dga' ba shin tu rgyas pa'i 'od ces bya'o/ /dri za'i dbang po rdo rje shing gi yal ga'i rgyal mtshan gyi rnam par thar pa ni/ shing thams cad kyi mdangs 'byung bas 
rab tu dga' ba'i mig kun tu snang ba zhes bya'o/ /dri za'i dbang po rgyan thams cad la dga' ba'i rang bzhin gyi tshul ston pa'i rnam par thar pa ni/ sangs rgyas kyi yul thams cad rnam par dpyod cing sems can gyi sgo rab tu brjod pa zhes bya'o/ /de nas dri za'i 
dbang po gnas srung pos sangs rgyas kyi mthus dri za'i 'khor gyi dkyil 'khor thams cad la rnam par bltas te/ de'i tshe tshigs su bcad pa 'di dag smras so/ /sangs rgyas spyod yul mtha' yas sgo can yang / /'gro ba kun gyis 'jug par nus pa min/ /bde gshegs </font><hr>35-1-26a<br><font size=+1>
nam mkha'i rang bzhin dri ma med/ /rgyal ba 'gro ba kun tu lam yang ston/ /rgyal ba'i yon tan rgya mtsho tshad med de/ /ba spu khung bu kun na'ang shin tu yang / /'gro ba kun la phan dang bde don mdzad/ /yid 'ong shing gi 'od ni 
'di ston to/ /'gro ba'i don ni rgya mtsho yangs mang dang / /sdug bsngal ma lus rgyal bas zlog pa mdzad/ /thabs dang thugs rje rnam pa sna tshogs mnga'/ /dge ba'i mig ni rnam thar 'di ston to/ /phyogs rnams rgya mtsho mtha' yas zhing gi rnams/ /
kun tu rgyal ba'i 'od rab snang bar 'char/ /sems can lta ba'i dri ma rnam par sbyong / /me tog shing gi gtsug phud cod pan tshul/ /sngon cad rgyal ba rgya mtsho rab mang bar/ /byams pa'i tshul yang yongs su bsgoms pas na/ /rgyal ba 'gro ba kun gyi dbugs kyang 'byin/ /
kun tu sgra dbyangs 'di yi tshul la 'jug /rgyal ba mthong bas dga' ba kun dge dang / /'gro ba 'dir ni mi zad bde ba 'byung / /thar pa'i 'bras bu rgyu rnams rim gyis ston/ /mu tig cod pan rnam thar 'di ston to/ /sgrib dang rab rib gti mug stug por ni/ /
sems can 'khor tshe rtag tu shin tu rmongs/ /de la rgyal ba chos nyid yangs pa ston/ /seng ge'i rgyal mtshan 'di la rab tu 'jug /'gro ba kun dang mnyam pa mtha' yas kyang / /bde gshegs gzugs rnams rab tu yangs pa ston/ /'gro bar thabs rnams 
sna tshogs sgo nas snang / /de ltar dbyangs snyan bde bar gshegs pa mthong / /thams cad mkhyen pa'i tshul gyis phyogs mtha' yas/ /sems can dag la rgyas par rgyal bas bstan/ /byang chub spyod mchog 'jug pa'i tshul yin te/ /rdo rje shing gi 
rgyal mtshan rnam par sems/ /skad cig gcig gis bskal pa brgya mang ba/ /sangs rgyas ston kyang 'pho ba yod med de/ /sems can rnams kyi bde ba thams cad skyed/ /dga' ba mthong ba'i rnam thar tshul 'di yin/ /de la grul bum gyi dbang po'aphags </font><hr>35-1-26b<br><font size=+1>
skyes po'i rnam par thar pa ni/ mdud par 'dzin pa byung ba thams cad rab tu zhi bar byed pa'i 'od ces bya'o/ /grul bum gyi dbang po klu bdag gi rnam par thar pa ni/ sgo mtha' yas par spyod pa rgya mtsho la spyod pa zhes bya'o/ /grul bum gyi dbang po legs par spyad pa'i rgyal 
mtshan gyi rnam par thar pa ni/ rgyud thams cad du 'jig rten gyi bsam pa rgya mtsho snyed kyi sgo zhes bya'o/ /grul bum gyi dbang po phan par spyod par 'phar ba'i rnam par thar pa ni/ snang ba dri ma med pa'i bya ba la kun nas spyod par gnas pa zhes bya'o/ /grul bum gyi dbang 
po 'jigs pa las bsgral ba'i rnam par thar pa ni/ 'gro ba thams cad gdon pa'i lam 'jigs pa med pa'i rgyan ces bya'o/ /grum bum gyi dbang po rtsal sna tshogs bzang po'i rnam par thar pa ni/ 'gro ba mtha' yas pa'i sred pa rgya mtshos yongs su gdung ba zhi bar byed pa 
zhes bya'o/ /grul bum gyi dbang po ri rab legs par byung ba'i rnam par thar pa ni/ 'gro ba rgyud thams cad du snang ba'i sprin yang dag par 'byung ba zhes bya'o/ /grul bum gyi dbang po sde dpa'i rnam par thar pa ni/ kun nas snang bas sgrib pa'i ri yang dag par 'jom pa 
zhes bya'o/ /grul bum gyi dbang po dge ba'i mig gi 'od zer mtha' yas pa'i rnam par thar pa ni/ snying rje chen po phyir mi ldog pa'i snying po 'byung ba zhes bya'o/ /grul bum gyi dbang po lha dang lha ma yin sgo mtha' yas pa'i mig gi rnam par thar pa ni/ rgyud kun tu lus 
yang dag par ston par 'gro ba'i yul zhes bya'o/ /de nas grul bum gyi dbang po 'phags skyes pos sangs rgyas kyi mthus/ grul bum gyi 'khor gyi dkyil 'khor thams cad la rnam par bltas te/ de'i tshe tshigs su bcad pa 'di dag smras so/ /'jig rten 
mgon po bzod pa'i stobs dang ldan/ /'gro la phan don bskal pa bsam yas spyod/ /nga rgyal dregs myos spangs pas 'jig rten khams/ /kun na rgyal ba'i sku gsal rab tu mdzes/ /sngon cad rgyal bas spyod pa rgya mtsho dag /spyad de thabs mang tshogs pas </font><hr>35-1-27a<br><font size=+1>
phan bskyed nas/ /phyogs bcur mtha' yas sems can smin par mdzad/ /rnam par thar pa 'di ni klu bdag gi'o/ /sangs rgyas ye shes yangs pa 'gro ba'i mgon/ /de ni sems can bsam pa kun kyang gsal/ /sna tshogs 'phrul 
sgos sems can rnam par 'dul/ /rgyal ba mthong bas sna tshogs rgyal mtshan dga'/ /sangs rgyas rdzu 'phrul yul dag gzugs brnyan 'dra/ /'jig rten kun na phyi mtha'i bskal par gnas/ /chos kyi 'khor lo mkha' 'dra yang dag dngos/ /
de ni phan spyod rgyu bas mthong ba yin/ /mi bzad rab rib bsgribs pa'i 'jig rten du/ /rgyal ba'i 'od bstan rnam thar lam dge ston/ /mgon dang skyabs gyur sdug bsngal thams cad spong / /'jigs las sgrol bas rnam thar 'di mthong ngo / /sred 
pa rgya mtshos gdungs 'gro sdug bsngal ba/ /rgyal ba'i ye shes 'od kyis ma lus zhi/ /sbyangs shing rgyal ba sangs rgyas chos nyid ston/ /sna tshogs khyim ni rnam thar 'di la 'jug /'gro ba 'byam klas kun na sangs rgyas sku/ /thabs sgo tshogs 
pas sems can 'dul ba snang / /chos sprin char 'bebs gsung gi 'brug sgra sgrog /rnam thar 'di ni ri rab blo gros kyi'o/ /sangs rgyas 'od ni dri med 'gro kun tu/ /don yod 'gro ba'i sgrib kun kun nas sol/ /sangs rgyas yon tan snang mdzad sgra 
yang 'byin/ /rnam thar mtha' yas tshul 'di dpa' sdes mthong / /bskal pa snga tshe thugs rje'i sgo mang ba/ /'gro kun phan bde'i don tu rgyal bas bsgoms/ /'byam klas sna tshogs thabs kyis sdug bsngal bsal/ /de ni mtha' yas dge ba'i zer gyis mthong / /
rgyal ba'i sku ni mtha' yas kun tu rgyu/ /'jig rten kun tu'ang byon dang bzhud mi mnga'/ /kun nas rang byung rnam par 'phrul pa snang / /de ni lha dbang mtha' yas sgo yis mthong / /de la klu'i dbang po mig mi bzang gi rnam par thar pa ni/ klu'i 'gro ba'i rgyud thams </font><hr>35-1-27b<br><font size=+1>
cad kyi 'bar ba zhi bar byas pas yongs su skyob pa zhes bya'o/ /klu'i rgyal po rgya mtsho'i rnam par thar pa ni/ sems skad cig gis bsam gyis mi khyab pa'i sems can dang klu rab tu zhi bar bya ba'i lus dang / kha dog rab tu ston pa zhes bya'o/ /klu'i rgyal po 
sprin sgra sna tshogs kyi rgyal mtshan gyi rnam par thar pa ni/ srid pa'i rgyud thams cad du ming gi 'khor lo rgya mtsho mtha' yas pa dge ba'i nga ror sgrog pa zhes bya'o/ /klu'i rgyal po 'od 'phro ba'i sgo rgya mtshos rab tu snang ba'i rnam par thar pa ni/ 'jig rten gyi khams rab tu 
bkod cing rnam par dbye ba dang / sangs rgyas kyi zhing mtha' yas pa la dmigs pa yang dag par ston pa'i sbyor ba zhes bya'o/ /klu'i rgyal po kun nas ri'i sprin gyi rgyal mtshan gyi rnam par thar pa ni/ 'gro ba thams cad la bsod nams rgya mtsho yang dag par bstan pa'i dga' 
ba'i shugs shin tu yangs pa zhes bya'o/ /klu'i rgyal po 'jog po'i rnam par thar pa ni/ 'jigs pa'i sgra skad thams cad yongs su skem pa'i skyabs dri ma med pa zhes bya'o/ /klu'i rgyal po mtha' yas par 'gro ba'i rnam par thar pa ni/ gzugs kyi sprin rgya chen 
po shin tu ston cing bskal par byin gyi rlob pa'i brtson 'grus shes bya'o/ /klu'i rgyal po mdzod spu'i gzi brjid dri ma med pa'i shugs kyi rnam par thar pa ni/ sems can thams cad la dga' ba'i shugs yangs pa dang yang dag par mos pa rgya mtsho shin tu 'byung ba zhes bya'o/ /
klu'i rgyal po kun tu spyod pa rgya chen po'i dbyangs kyi rnam par thar pa ni/ sgra thams cad 'byung ba la yang dag par gzhol zhing yid du 'ong bas thogs pa med par kun tu rgyas par byed pa zhes bya'o/ /klu'i rgyal po ma dros pa'i rnam par thar pa ni/ 'gro ba thams cad kyi sdug 
bsngal rgya mtsho la snying rje'i sgo kun nas sprin gyis 'gengs shing rab tu zhi ba dang / yongs su dag par byed pa zhes bya'o/ /de nas klu'i rgyal po chen po mig mi bzang gis sangs rgyas kyi mthus/ klu'i 'khor gyi dkyil 'khor thams cad la rnam par bltas nas/ de'i tshe tshigs </font><hr>35-1-28a<br><font size=+1>
su bcad pa 'di dag smras so/ /rgyal ba kun gyi chos nyid de dag ltos/ /drang srong chen po 'gro ba kun gyi skyabs/ /mi bzad klu yi rgyud du lhung ba rnams/ /byams pa'i stobs kyis rim gyis 'don pa mdzad/ /'gro ba kun snyed gzugs 
kyi sgo rnams kyang / /rgyal bas spu gcig rtse la mngon par bstan/ /thams cad rdul la 'phrul gyis mngon par 'phrul/ /rgyal ba'i rnam thar rgya mtsho'i klu yis mthong / /rgyal ba de yi rdzu 'phrul mtha' yas te/ /sangs rgyas mtshan kyang 'gro snyed rgya mtsho'o/ /
de dag sems can bsam pa ji bzhin nyan/ /sprin sgra'i rgyal mtshan de 'dra'i rnam thar ldan/ /khro ba rgya mtshor 'gro ba 'di dag kun/ /bsgribs shing g.yogs pa'ang khro ba'i rgya mtshor te/ /de la rang byung byams dang thugs rjes 'dzin/ /'di ni 'od 'phro sgo 
yi klu yis mthong / /'gro ba kun gyi bsod nams mthu yi rnams/ /sangs rgyas spu gcig rtse la mngon par ston/ /bsod nams 'jug pa rgya mtsho kun kyang bstan/ /'di ni ri bo sprin gyi klu yis mthong / /'jigs pa ches mnar sems can sdug bsngal ba/ /
rgyal ba'i 'od chen shin tu yangs pas bskyabs/ /spu yi sgo nas yid 'ong sgra yang 'byung / /rnam thar 'di ni 'jog po klu yis mthong / /dus gsum gshegs pa rgyal ba thams cad kyi/ /sku ni sangs rgyas nyid kyi sku la bstan/ /de bzhin bskal pa brgyud 
pa'i zhing mang yang / /mtha' yas goms pa'i klu yis de mthong ngo / /rgyal bas spu gcig rdzu 'phrul mtha' yas bkang / /zhing mang mtha' yas kun kyang der zhugs te/ /de na bzhugs par rgyal ba 'khor gyis mthong / /rnam thar de ni 'od 'bar klu yi'o/ /
ji snyed rgyal ba rgya mtsho mchod byas pa'i/ /sngon gyi rgyal ba'i chos nyid rab mthong zhing / /de la dga' ba rgya mtsho rnam par bskyed/ /shugs lam klu ni 'di la rab tu 'jug /rang byung gsung gi yan lag thams cad kyi/ /'gro ba thams cad chos </font><hr>35-1-28b<br><font size=+1>
kyis ngoms par mdzad/ /rgyal ba'i gsung ni zhi zhing dga' 'gyur ba/ /de ni kun tu spyod pa'i klus thos so/ /srid pa kun tu sdug bsngal gzir mthong nas/ /nyon mongs las kyis 'khor zhing mgon med pa/ /sangs rgyas thugs rje chen pos rab tu 'grol/ /
rnam thar 'di ni ma dros klus mthong ngo / /de la rgyal po chen po ngal bsos po'i rnam par thar pa ni/ dga' ba'i sgo rnam par blta ba'i yul gyi rgyud kyis phan par sbyor ba zhes bya'o/ /gnod sbyin gyi dbang po dbyangs chen dbang phyug gi rnam par thar pa ni/ sgo thams cad 
la dbang byed pas rnam par lta zhing / sems can la phan par sbyor bas yongs su skyob pa zhes bya'o/ /gnod sbyin gyi dbang po sa la shin tu gtum pa'i mtshon cha'i rnam par thar pa ni/ gtum pa dang drag shul gyi rgyun las bsrung ba kun nas mang po 'byung ba zhes bya'o/ /
gnod sbyin gyi dbang po blo gros chen po'i rnam par thar pa ni/ 'phags pa'i yon tan gyi dkyil 'khor thams cad kyi rjes su mthong ba la rnam par blta bas dga' ba dang mos par spyod pa zhes bya'o/ /gnod sbyin gyi dbang po mig 'od 'phro ba'i bdag po'i rnam par thar pa ni/ 
sems can thams cad la shes rab dang ye shes dang / snying rje rnam par lta ba zhes bya'o/ /gnod sbyin gyi dbang po mig rdo rje ltar brtan pa'i rnam par thar pa ni/ 'gro ba thams cad la phan pa dang bde ba sna tshogs su sbyor ba dang / bsrung ba mngon par bsgrub pa zhes 
bya'o/ /gnod sbyin gyi dbang po sde mchog tu dpa' ba'i rnam par thar pa ni/ chos thams cad kyi don gyi dbyings la yang dag par 'jug pa'i mthu zhes bya'o/ /gnod sbyin gyi dbang po sde'i rgyan chen pos rab tu gnon pa'i rnam par thar pa ni/ 'gro ba thams cad lam 
la dgod par gti mug med pas bsrung ba phun sum tshogs pa zhes bya'o/ /gnod sbyin gyi dbang po dge ba'i tshogs kyi rnam par thar pa ni/ sems can thams cad kyi bsod nams kyi dkyil 'khor rnam par spel bas kun tu dga' ba myong ba zhes bya'o/ /gnod sbyin gyi </font><hr>35-1-29a<br><font size=+1>
dbang po ri bo'i stobs rab tu 'joms pa'i rnam par thar pa ni/ sangs rgyas kyi stobs yang dag par 'byung ba rjes su ye shes kyi 'od ces bya'o/ /de nas rgyal po chen po ngal bsos pos sangs rgyas kyi mthus/ gnod sbyin gyi 'khor gyi dkyil 'khor 
thams cad la rnam par bltas te/ de'i tshe tshigs su bcad pa 'di dag smras so/ /lha dbang sems can ma rung gang dag gis/ /bskal pa brgya mang sangs rgyas mi mthong zhing / /srid pa dag na 'khor zhing sdug bsngal ba/ /de dag yongs su dgrol bar 
sangs rgyas byung / /sangs rgyas sems can phan dang bskyab pa'i phyir/ /'gro ba kun la mngon par kun na bzhugs/ /nyam nga 'gro ba'i 'khor lo dag nas 'don/ /'di la dbyangs kyi dbang phyug gnod sbyin 'jug /mi bzad las kyis bsgribs pa'i sems 
can la/ /rgyal bas zhi ba'i tshul rnams shin tu bstan/ /'gro ba rnams la chos kyi sgron ma 'dzin/ /rnam thar 'di ni gtum pa'i mtshon chas mthong / /rang 'byung bskal pa rgya mtshor spyod pa'i tshe/ /rgyal ba'i yon tan phyogs bcu kun tu grags/ /
de bas rgyal ba'i grags pa kun tu grags/ /'di ni blo chen gnod sbyin bdag pos mthong / /rgyal ba'i shes rab mkha' 'dra mtha' yas te/ /sangs rgyas chos sku bsam gyis mi khyab po/ /de bas thams cad phyogs su rnam par mdzes/ /
'od 'phro mig gi bdag po'i rnam thar to/ /mi yi dbang po 'gro ba thams cad du/ /yid 'ong dbyangs sgrog sdug bsngal zhi bar mdzad/ /phan don skyabs mdzad chos rnams shin tu bstan/ /tshul 'dir rdo rje'i mig legs rab tu 'jug /don dbyings 
rgya chen ji snyed de dag kun/ /rgya mtsho'i mdo tshul 'gro ba'i grangs snyed rnams/ /mi yi dbang po dbyings gcig sgo nas bstan/ /'di ni blo gros dpa' bo'i rnam thar to/ /'gro ba lam ngan gnas pa thams cad la/ /sangs rgyas bsam gyis mi khyab lam </font><hr>35-1-29b<br><font size=+1>
ston te/ /snod du gyur pa'i 'gro ba kun na bzhugs/ /'di la slob pa sde yi rgyan yin no/ /'gro ba'i bsod nams rgyu ba ji snyed pa/ /rgyal ba'i 'od la thams cad rab tu snang / /sangs rgyas ye shes rgya mtsho bsam mi khyab/ /rnam thar 'di ni gnod sbyin nor bdag 
mthong / /rgyal ba'i stobs rnams gang du yongs dag ste/ /bde gshegs stobs rnams yongs su rdzogs pa yi/ /sngon gyi bskal pa bsam gyis mi khyab dran/ /'di ni ri bo stobs 'joms rnam thar to/ /de la mi 'am ci'i dbang po lha'i blo gros 'od kyi rnam 
par thar pa ni/ bya ba thams cad la yang dag par rdzogs par 'jug pa dga' ba 'byung ba zhes bya'o/ /mi 'am ci'i dbang po me tog dpal gyi dkyil 'khor gyi rnam par thar pa ni/ dga' ba thams cad kyi bde ba myong ba las bla na med pa'i chos kyi dga' ba 'byung ba zhes 
bya'o/ /mi 'am ci'i dbang po rgyan rnam pa sna tshogs kyi rnam par thar pa ni/ yon tan thams cad kyis yang dag par ngoms pas mos pa rgya chen po sbyong ba'i snying po zhes bya'o/ /mi 'am ci'i dbang po nga ro yid du 'ong ba'i dbyangs kyi rnam par thar pa ni/ sgra snyan cing 
yid du 'ong ba la thogs pa med pas kun tu sgrub pa zhes bya'o/ /mi 'am ci'i dbang po shing rin po che'i yal ga'i 'od kyi rnam par thar pa ni/ snying rje'i rgyud la 'gro ba dgong cing sems can thams cad yang dag par bskul ba la dmigs pa zhes bya'o/ /mi 'am ci'i dbang po 
mthong na dga' zhing spro bar byed pa'i rnam par thar pa ni/ gzugs kyi lus dge ba thams cad mngon par bsgrub pa zhes bya'o/ /mi 'am ci'i dbang po rgyan gyi dpal gyi 'od kyi rnam par thar pa ni/ khyu mchog gi mthu phyung ba'i rgyan thams cad kyis mdangs rab tu skyed 
pa'i rang bzhin gyis dga' ba'i 'od ces bya'o/ /mi 'am ci'i dbang po me tog tshon bzang po'i rgyal mtshan gyi rnam par thar pa ni/ 'gro ba thams cad kyi las kyi rigs la rnam par lta zhing yang dag par sgrub pa'i 'od ces bya'o/ /mi 'am ci'i dbang po sa gzhi'i dpal gyi </font><hr>35-1-30a<br><font size=+1>
rnam par thar pa ni/ 'gro ba thams cad rtsal gyis mngon par sgrub pa la rab tu brtson pa zhes bya'o/ /mi 'am ci'i dbang po drag shul gyi bdag po'i rnam par thar pa ni/ mi 'am ci'i 'khor thams cad kyi sems la rnam par blta zhing 'dren pa'i 'od 
ces bya'o/ /de nas mi 'am ci'i dbang po lha'i blo gros 'od kyis sangs rgyas kyi mthus/ mi 'am ci'i 'khor thams cad la rnam par bltas te/ de'i tshe tshigs su bcad pa 'di dag smras so/ /ji snyed 'gro ba dag na bde 'byung ba/ /de dag thams cad rgyal ba mthong 
bas 'byung / /mgon po de ni skyabs dang mgon yin te/ /sems can thams cad gnas yin phan mdzad pa'o/ /sems can kun gyi mi zad bde ba'i rnams/ /ji snyed 'byung ba rab tu yod pa kun/ /de dag kun la 'dren pa don yod do/ /de ni dpal 
gyi dkyil 'khor mi cis mthong / /sangs rgyas yon tan rgya mtsho mi zad pa/ /de yi mtha' ni 'gro bas mi rnyed de/ /phyogs rnams kun tu rnam par mdzes shing 'bar/ /sna tshogs rgyan gyi rnam thar 'di 'dra'o/ /sems can kun gyi yid du 
'ong ba yi/ /sgra dbyangs sangs rgyas yang dag rnam sgrog cing / /mya ngan med pa'i chos nyid ston pa ni/ /sgra snyan yid du 'ong ba mi cis thos/ /sngon cad de bzhin gshegs pas spyad pa yi/ /rgyal ba'i rnam par 'phrul pa bdag gis mthong / /rgya chen 
thugs rjes rnam par shin tu sbyangs/ /shing gi 'od kyi mi 'am ci yis mthong / /de bzhin gshegs pa mthong zhing thos pa ni/ /'gro ba rnams la bskal pa bye bar dkon/ /sangs rgyas mtshan gyis kun nas shin tu brgyan/ /dga' bde mos par byed 
pas 'di mthong don/ /bde bar gshegs pa'i ye shes 'byung ba ni/ /sems can kun kyi bsam pa gzhal mdzad de/ /thams cad mkhyen pa nyid kyi lam yang ston/ /'di ni rgyan dbang mi 'am ci yis mthong / /'byam klas las ni bsam gyis </font><hr>35-1-30b<br><font size=+1>
mi khyab ste/ /de phyir sems can bde dang sdug bsngal kun/ /bde bar gshegs pas thams cad rab tu bstan/ /me tog rgyal mtshan 'di ni mi cis mthong / /sangs rgyas gshegs thabs rnam par 'phrul pa yang / /sems can kun gyis shes par mi 
nus te/ /sa rnams thams cad gcig tu 'dus par 'gyur/ /de ltar sa yi 'od kyi mi cis mthong / /'khor du rgyal ba rnam par 'phrul mdzad cing / /rgyal ba'i spyod yul thams cad ston mdzad de/ /'od zer 'khor gyis bskul ba'ang de bzhin mdzad/ /
'di ni drag shul bdag po'i spyod yul lo// //sangs rgyas rmad ga cad ces bya ba shin tu rgyas pa chen po'i mdo/bam po gsum mo/ /de la lto 'phye chen po'i dbang po blo gros bzang po'i gzi brjid kyi rnam par thar pa ni/ rdzu 'phrul gyi 
dbyings thams cad rab tu gnon pa'i yon tan gyi rgyan ces bya'o/ /lto 'phye chen po'i dbang po gzi brjid kyi dbyangs la rdul med pa'i rnam par thar pa ni/ sems can thams cad kyi nyon mongs pa rnam par byang bas tshim par byed cing / yongs su sbyong ba 'byung 
ba'i rgyan ces bya'o/ /lto 'phye chen po'i dbang po blo gros sna tshogs mchog gi gtsug phud kyi rnam par thar pa ni/ sems can thams cad kyi rnam par dpyod pa dge ba la kun nas yang dag par gzhol bas mos par byed ces bya'o/ /lto 'phye chen po'i dbang po mig 
bzang po'i bdag po'i rnam par thar pa ni/ chags pa'i bsod nams phun sum tshogs pa thams cad mnyam pa nyid kyi mtshan nyid du rnam par sgom pa zhes bya'o/ /lto 'phye chen po'i dbang po'i sgron ma'i skyabs kyi rgyal po'i rnam par thar pa ni/ sems can 
thams cad kyi mun pa rnam par ldog cing lam gyi phyogs yang dag par ston pa zhes bya'o/ /lto 'phye chen po'i dbang po snang ba shugs bzang po'i rgyal mtshan gyi rnam par thar pa ni/ de bzhin gshegs pa thams cad kyi bstan pa dang / 'phags pa'i yon tan </font><hr>35-1-31a<br><font size=+1>
la 'jug pas dga' ba 'byung ba zhes bya'o/ /lto 'phye chen po'i dbang po seng ge'i phru gu'i rnam par thar pa ni/ stobs dang brtson pa kha na ma tho ba med pas sems can skyob pa'i bdag po zhes bya'o/ /lto 'phye chen po'i dbang po rgyan sna tshogs 
kyi dbyangs kyi rnam par thar pa ni/ 'gro ba thams cad kyi bde ba dang dga' ba mtha' yas pa rjes su dran pa zhes bya'o/ /lto 'phye chen po'i dbang po ri rab kyi bu'i rnam par thar pa ni/ sgrib pa thams cad rab tu rtogs pa mi skul bas pha rol tu 'gro zhing dga' ba 
kun nas 'byung ba zhes bya'o/ /lto 'phye chen po'i dbang po 'od yid du 'ong ba 'byung ba'i rnam par thar pa ni/ sems can gyi rgyud mnyam pa dang mi mnyam pa la mnyam pa nyid kyi lam gyi phyogs ston pa zhes bya'o/ /de nas lto 'phye chen po'i dbang po blo gros bzang 
po'i gzi brjid kyis sangs rgyas kyi mthus/ lto 'phye chen po'i 'khor gyi dkyil 'khor thams cad la rnam par bltas nas/ de'i tshe tshigs su bcad pa 'di dag smras so/ /sangs rgyas chos nyid rgya chen yangs la ltos/ /sems can kun gyi mdangs dang 
bde ba 'byung / /nad med 'chi med lam yang shin tu ston/ /sdug bsngal thams cad rab zhi gnas kyang med/ /rgyal ba'i rdzu 'phrul chos nyid de yang ltos/ /phyogs rnams kun tu mngon par rab tu 'phags/ /'jig rten kun tu thub pa mngon par 
mdzes/ /lto 'phye chen po 'od mdzes 'di la 'jug /nyon mongs las kyi sgrib pas stug bsgribs shing / /srid pa'i rgya mtsho gting ring nub pa yi/ /sems can rnams la zhi ba'i spyod yul ston/ /gzi brjid rdul med dbyangs kyis 'di mthong ngo / /
sangs rgyas ye shes mnyam med bsam mi khyab/ /'gro ba'i bsam pa ma lus thugs su chud/ /de dag kun la rnam dag chos nyid ston/ /lto 'phye chen po'i sna tshogs gtsug phud 'jug /bsam gyis mi khyab bsod nams rgya mtsho'i dbyings[(]//[)]</font><hr>35-1-31b<br><font size=+1>
mtha' yas yang dag 'byung ba rgyal bas gzigs/ /de bzhin gshegs pa 'jig rten bsod nams zhing / /mig bzang bdag po lto 'phye chen pos mthong / /sems can kun gyi sdug bsngal 'jigs pa rnams/ /ji snyed de dag rgyal bas kun 
nas skyabs/ /rgyal ba chos dbyings nam mkha' lta bu ste/ /de ni sgron ma skyabs kyi spyod yul lo/ /sangs rgyas ba spu re re'i yon tan yang / /'jig rten kun gyis shes par mi nus te/ /mgon po rnams ni mi zad nam mkha' bzhin/ /'di 
ni shugs kyi rgyal mtshan rnam par mthong / /thams cad chos dang stobs kyi mthar phyin pas/ /sangs rgyas ri bo lta bur bskyod mi nus/ /de yi chos nyid rgyal ba rab tu mdzes/ /seng ge'i phrug pa dpal ni 'di la 'jug /rgyal ba rnams kyis 
rnam thar la dga' ba/ /bskal pa snga tshe rgya che spel bas na/ /de phyir 'gro ba kun bltas yid du 'ong / /sna tshogs sgra dbyangs rnam thar 'di la 'jug /rgyal ba'i pha rol phyin pa rgya mtsho rnams/ /yongs bskang chos dbyings sku dang spyod yul med/ /
'jig rten thams cad skyabs gyur sgron ma ste/ /ri rab bu ni tshul bzang 'di la 'jug /de la nam mkha' lding gi dbang po mthu stobs chen po'i shugs kyi rnam par thar pa ni/ thogs pa med pa'i mig la sgrib pa med pas sems can gyi khams rnam par lta ba zhes 
bya'o/ /nam mkha' lding gi dbang po mi shigs pa'i sems rin chen gtsug phud kyi rnam par thar pa ni/ phyogs bcu'i sems can yongs su smin par bya bas/ chos kyi dbyings la rab tu gnas pa zhes bya'o/ /nam mkha' lding gi dbang po shugs dri ma med 
pa'i dpal gyi rnam par thar pa ni/ sgo kun nas brtson 'grus kyi pha rol tu phyin pa rab tu 'byung ba zhes bya'o/ /nam mkha' lding gi dbang po phyir mi ldog pa'i sems kyi rgyan gyi rnam par thar pa ni/ de bzhin gshegs pa'i shugs kyi mthus 'jug pa'i 'od ces bya'o/ /</font><hr>35-1-32a<br><font size=+1>
nam mkha' lding gi dbang po chos brtan pa dri ma med pa'i 'od kyi rnam par thar pa ni/ sems can mtha' yas pa yongs su smin par bya ba'i ye shes rab tu phye ba zhes bya'o/ /nam mkha' lding gi dbang po cod pan sna tshogs kyi dpal gyi gtsug phud kyi 
rnam par thar pa ni/ sangs rgyas kyi grong khyer rab tu brgyan pa yang dag par ston pa zhes bya'o/ /nam mkha' lding gi dbang po gzhi kun tu khyab par ston pa'i shugs kyi rnam par thar pa ni/ stobs kun nas yang dag par bsgrub pas thub pa med pa'i rgyan ces bya'o/ /
nam mkha' lding gi dbang po dge ba rgya mtsho kun nas lta ba'i rnam par thar pa ni/ sems can gyi ris thams cad rnam par bsgom pa'i tshul mngon par bsgrub pa zhes bya'o/ /nam mkha' lding gi dbang po klu'i sgra yangs pa kun tu lta ba'i dkyil 'khor gyi rnam par thar 
pa ni/ sems can mtha' yas skye ba dang / 'chi 'pho ba shes pa'i ye shes la yang dag par 'jug pa zhes bya'o/ /de nas nam mkha' lding gi dbang po mthu stobs chen po'i shugs kyis sangs rgyas kyi mthus 'dab ma bzang po'i 'khor gyi dkyil 'khor thams cad la rnam 
par bltas nas/ de'i tshe tshigs su bcad pa 'di dag smras so/ /phyogs bcu'i zhing rnams ma lus dbyings bkang zhing / /'jig rten mgon po rgya chen spyan gyis gzigs/ /sems can 'dul ba de la tshad kyang med/ /rang byung rnam thar rgya chen 
shin tu yangs/ /'jig rten mgon gyi 'phrul stobs chags pa med/ /phyogs bcu'i snying po byang chub kun na bzhugs/ /rgyal ba'i mdo sde sprin rnams thams cad kyang / /rin chen sna tshogs gtsug phud mkha' lding nyan/ /sngon gyi bde bar 
gshegs pa'i spyod pa rnams/ /pha rol phyin pa rgya chen byang ba mthong / /sangs rgyas kun la mchod pa yang dag byed/ /'dab ma bzang po shugs bzang de brjod do/ /skad cig sems la byang chub spyod mtha' yas/ /thams cad rgyal ba'i spu rtse kun na snang / /</font><hr>35-1-32b<br><font size=+1>
rgyal ba'i spyod yul tshad med ci 'dra ba/ /de ni rgyan bzang nam mkha' lding gis mthong / /rgyal ba'i spyod yul yangs pa bsam mi khyab/ /'gro ba kun gyis bsam par sla ba min/ /ye shes yon tan rgya mtsho 'jig rten mgon/ /rnam thar 'di ni mkha' lding 'gro 
'dzin gyi/ /de bzhin gshegs pa'i ye shes mtha' yas 'od/ /'gro ba gti mug dra ba ma lus sel/ /rgyal ba 'jig rten thams cad kun gyi mgon/ /de 'dra chos bstan 'dzin pa 'dab bzang ston/ /chos kyi grong khyer mi zad thams cad nas/ /
sangs rgyas rgya chen 'jig rten kun tu ston/ /mtha' yas chos kyi sgo mo du ma nas/ /'dab bzang sna tshogs gtsug phud 'di la 'jug /thams cad stobs la rang byung rab tu zhugs/ /rgyal ba kun dang sku gcig chos kyi sku/ /de bzhin nyid dngos rnam par 
rtog mi mnga'/ /kun tu rgyu ba'i 'dab bzang 'di brjod do/ /rgyal ba'i 'od zer 'jig rten kun bkye ba/ /sna tshogs thabs kyis sems can khams kyang 'dul/ /srid pa snga tshe bsdus pa rnam par spyod/ /rnam thar 'di ni mig bzang dam pa'o/ /dri med rgya 
mtsho'i las la gnas pa yis/ /zhing gi dbyings rnams ma lus sangs rgyas gzigs/ /de dag kun tu rgyal ba chos char 'bebs/ /rgya mtsho rgyu ba'i mkha' lding 'di ltar lta/ /de la lha ma yin gyi dbang po sgra gcan gyi rnam par thar pa ni/ dbang po 
chen pos shin tu 'phags shing zil gyis mi non pa zhes bya'o/ /lha ma yin gyi dbang po thags zangs ris kyi rnam par thar pa ni/ sgo kun nas byin gyis rlobs pa rnam par gzhog pa rab tu 'byung ba zhes bya'o/ /lha ma yin gyi dbang po bde ba'i mchog gi rnam par 
thar pa ni/ 'gro ba thams cad kyi sdug bsngal zhi bar byed pa rdul med pa zhes bya'o/ /lha ma yin gyi dbang po mtshon cha chen po'i rnam par thar pa ni/ brtul zhugs dang dka' thub thams cad la gnas pa'i rgyan ces bya'o/ /lha ma yin gyi dbang po stobs can </font><hr>35-1-33a<br><font size=+1>
gyi rnam par thar pa ni/ phyogs bcu rab tu bskul ba'i yul mtha' yas pa zhes bya'o/ /lha ma yin gyi dbang po rnam par snang ba'i rnam par thar pa ni/ 'jig rten thams cad rab tu dgod pa'i sbyor ba rnam pa sna tshogs shes bya'o/ /
lha ma yin gyi dbang po rdo rje sra ba sna tshogs kyi yan lag gi rnam par thar pa ni/ dge ba'i rtsa ba chags pa thams cad kyis mi shigs pa'i dkyil 'khor yongs su sbyang ba la yang dag par 'jug pa zhes bya'o/ /lha ma yin gyi dbang po stobs rgya chen po'i rgyu'i blo 
gros kyi rnam par thar pa ni/ snying rje chen po mngon du bya ba'i stobs la gti mug med pa zhes bya'o/ /lha ma yin gyi dbang po dpal gyi be'u 'byung ba'i rnam par thar pa ni/ dge ba'i rtsa ba thams cad kyi dkyil 'khor rnam par sbyong zhing sangs rgyas mnyes par byed pa zhes 
bya'o/ /lha ma yin gyi dbang po brtul zhugs bzang po'i dbyangs kyi rnam par thar pa ni/ 'gro ba thams cad kyi 'khor lo yang dag par 'jug cing gti mug med pa la yang dag par 'jug pa zhes bya'o/ /de nas lha ma yin gyi dbang po sgra gcan gyis sangs 
rgyas kyi mthus/ lha ma yin gyi 'khor gyi dkyil 'khor thams cad la rnam par bltas te/ de'i tshe tshigs su bcad pa 'di dag smras so/ /phyogs rnams rgya che de dag thams cad du/ /rgyal ba'i zil gyis 'byam klas 'khor kyang gnon/ /nam mkha'i 
mtshan nyid kun tu 'od 'phro ste/ /thams cad sgo nas 'gro bar mngon par mdzes/ /skad cig sems kyis bskal pa brgya mang gi /sangs rgyas yul rnams ma lus thams cad ston/ /'dul ba kun la 'od rnams rab tu 'gyed/ /rnam thar de ni 
thags zangs ris kyis mthong / /sangs rgyas spyod yul gzhal med bdag gis mthong / /sna tshogs sgo nas sems can don kyang mdzad/ /sdug bsngal thams cad bde gshegs zhir mdzad de/ /rnam thar 'di la bde ba'i mchog 'jug go /'gro </font><hr>35-1-33b<br><font size=+1>
ba'i don du brtul zhugs dka' thub rnams/ /dge ba rgyal bas bskal pa brgyar spyad de/ /de phyir rgyal ba'i ye shes kun tu sgo/ /dra ba bzang po sangs rgyas 'di ltar brjod/ /zhing dbyings thams cad rgyal ba g.yo bar mdzad/ /'jigs pa mi ston skrag 
pa yod pa min/ /bde gshegs rdzu 'phrul chags med gzhal du med/ /lha min dbang po stobs can de ltar ston/ /sangs rgyas skye ba bde bar 'byung ba rnams/ /'gro ba kun gyi sdug bsngal zhi bar mdzad/ /thams cad mkhyen gyi ye shes 
phyogs kyang ston/ /rnam par snang ba 'di ni rab tu brjod/ /'gro ba'i bsod nams rgya chen dge ba dag/ /rgyal ba'i mthu yis de dag byung ba ste/ /thar pa'i phyogs kyi lam yang rgyal ba ston/ /chos dpal 
'di mthong 'di la rab tu 'jug /bde gshegs thugs rje sku ni mnyam pa med/ /chags med spyod pa thams cad kun tu snang / /'gro ba thams cad mig yor mtshan nyid de/ /rgyu yi blo gros sangs rgyas yon tan brjod/ /sangs rgyas yul ni ngo 
mtshar mnyam pa myed/ /sangs rgyas rdzu 'phrul chos kyi dbyings kyi klong / /byang chub shing drung kun na rab tu bzhugs/ /dpal gyi be'u lha min bdag pos mthong / /'gro ba kun gyi 'khor lo dbyings dag tu/ /sngan cad bde gshegs spyod pa 
spyod pa'i tshe/ /'gro ba'i sdug bsngal ma lus rab tu bkrol/ /de ltar lha min sgra dbyangs rab tu brjod/ /de la nyin mo'i lha khyim dang gzhal med khang gi gzugs shin tu ston pa'i rnam par thar pa ni/ 'gro ba thams cad kyi rgyud la yang dag par 
'jug pa zhes bya'o/ /nyin mo'i lha brtsam pa'i blo gros mtshams sbyor ba'i dkyil 'khor gyi rnam par thar pa ni sems can gyi don thams cad yongs su rgyas par byas pas shin tu tshim par bya ba la rnam par dpyod pa zhes bya'o/ /nyin mo'i lha kun nas dga' ba'i dpal </font><hr>35-1-34a<br><font size=+1>
gyi rgyan gyi rnam par thar pa ni/ dga' ba dang mgu ba mtha' yas pa'i chos kyi snang ba zhes bya'o/ /nyin mo'i lha me tog dang spos yid du 'ong ba'i rnam par thar pa ni/ sems can mtha' yas pa'i mos pa yang dag par rgyas pa la rnam 
par lta ba zhes bya'o/ /nyin mo'i lha kun nas yid du 'ong ba'i sman ston pa sgrub pa'i dpal gyi rnam par thar pa ni/ kun tu 'od kyi stobs yang dag par bsgrub pa rnam par ston pa'i rgyan ces bya'o/ /nyin mo'i lha lhag pa'i mig bzang pos tshim par byed pa'i rnam par 
thar pa ni/ 'gro ba thams cad kyi bde ba dang / sdug bsngal chos kyi dga' bas snang bar byed pa zhes bya'o/ /nyin mo'i lha tshul rgya chen po'i phyogs kun nas byung ba'i dpal gyi rnam par thar pa ni/ chos kyi dbyings kyi phyogs tha mi dad pa'i snying po zhes bya'o/ /
nyin mo'i lha snying rje rgya chen po'i gzi brjid kyi 'od kyi rnam par thar pa ni/ sems can thams cad la bde ba yang dag par ston cing skyob pa'i stobs la shin tu brtson pa zhes bya'o/ /nyin mo'i lha snang ba rgya chen po'i dge ba'i rtsa ba dang mi 'bral ba'i 'od kyi rnam 
par thar pa ni/ mnyam pa nyid kyis dga' ba'i yon tan kun nas rab tu 'byung ba zhes bya'o/ /nyin mo'i lha me tog gi phreng ba kun nas 'phyang ba'i dpal gyi rnam par thar pa ni/ 'gro bas mthong na don yod pa'i grags pa'i dkyil 'khor ces bya'o/ /de nas 
nyin mo'i lha khyim dang gzhal med khang gi gzugs shin tu ston pas sangs rgyas kyi mthus nyin mo'i lha'i 'khor gyi dkyil 'khor thams cad la bltas nas/ de'i tshe tshigs su bcad pa 'di dag smras so/ /sems can kun gyi spyod pa rgyal bas mkhyen/ /rgyal 
ba dus gsum mnyam pa nyid la bzhugs/ /rgyal ba'i ye shes mi zad nam mkha' bzhin/ /rgyal ba'i 'od kyis phyogs rgyas shin tu snang / /'gro ba kun gyi bsam pa thugs su chud/ /don gyi tshig rnams gzhan dang gzhan dag kyang / /rnam phye rgya </font><hr>35-1-34b<br><font size=+1>
chen tshig gis rgyal ba gsung / /phun sum tshogs pa'i blo gros lha yis mthong / /rgyal ba'i 'od kyis sems can kun dga' ste/ /rgyal ba mthong thos don tu 'gyur ba yin/ /go 'phang dam pa rgya chen zhi ba ston/ /dpal gyi 'od ni de yis rab tu dga'/ /
sangs rgyas mthong ba 'gro ba rgya chen gyi/ /dga' ba tshad med dge chos kun kyang 'byung / /chos sprin gzhal med rgyal ba char 'bebs te/ /de la me tog rgyan pa'i lha dga' bo/ /chos kyi dkyil 'khor stobs la 'jug pa rnams/ /sems can bsdu ba'i sgo la 
rnam dpyod cing / /rab yangs spyad pa spyod tshe rgyal bas sbyangs/ /'di ni yid 'ong 'byung ba'i lhas mthong ngo / /rgyal ba mthong zhing thos pa don med min/ /dga' dang bde ba spro ba yangs pa skyed/ /'byam klas thabs rnams kun gyis sems can 'dul/ /
des ni mig bzang de'i dga' skyed byed/ /chos dbyings 'byam klas phyogs su rab tu 'jug /'gro bar stobs bcus ma lus bstan mdzad de/ /bde gshegs dngos yod ma yin dngos med min/ /'phags pa'i dpal gyi nyin mo'i lha yis mthong / /
sems can mi bde thibs por nub pa rnams/ /gzigs nas rgyal ba 'jig rten mchod pa mdzad/ /sdug bsngal rgyu rnams thams cad rgyal bas bstsal/ /'di la snying rje gzi brjid lha 'jug go/ /'gro ba 'di dag nyon mongs las bsgribs par/ /dga' 
ba 'byung ba'i bde ba rgyal ba gsung / /chos kyi dga' ba rab kyis sdug bsngal 'jig /bsod nams shugs ni rnam thar 'di la 'jug /mkha' 'dra rgyal ba'i bsod nams dkyil 'khor rnams/ /'jig rten dge bas gtso bo mchog byung ste/ /chos 
rnams kun la bde gshegs 'khrul mi mnga'/ /me tog phreng gi rnam thar 'di yin no/ /de la mtshan mo'i lha dpal dri ma med cing kun nas zab pa'i 'od kyi rnam par thar pa ni/ bsam gtan rab tu zhi ba'i bde ba kun nas rnam par gnon pa zhes bya'o/ /mtshan mo'i </font><hr>35-1-35a<br><font size=+1>
lha kun nas skyob pa'i mdangs kyi dpal gyi rnam par thar pa ni/ snang ba 'jig rten thams cad la mngon tu lta zhing 'gro ba 'dul ba ston pa zhes bya'o/ /mtshan mo'i lha rab tu dga' ba'i mig gis 'gro ba la rnam par lta ba'i rnam par thar pa ni/kun 
nas dga' ba rgya chen po dri ma med pa'i mtshan nyid zhes bya'o/ /mtshan mo'i lha sgras zhi ba rgya mtsho dang ldan pa'i rnam par thar pa ni/ dga' ba yangs pa 'byung ba'i sems kyi mtshan nyid kyi rgyan ces bya'o/ /mtshan mo'i lha mtshan mo thams cad 'byung ba'i dpal gyi rnam 
par thar pa ni/ yid du 'ong ba'i sgra zab mos rnam par 'phrul pa la 'jug pa zhes bya'o/ /mtshan mo'i lha shing thams cad rab tu rgyas par byed pa'i 'od kyi rnam par thar pa ni/ dga' ba dang smon lam dang mos pa rgya chen po'i 'od ces bya'o/ /mtshan mo'i lha 
kun nas skyong zhing srung ba'i dpal gyi rnam par thar pa ni/ sems can thams cad yongs su smin par bya ba'i dge ba'i rtsa ba yang dag par brjod pa zhes bya'o/ /mtshan mo'i lha dge ba'i thams cad kyi dga' bar rtse ba la dbang sgyur ba'i rnam par thar pa ni/ byams 
pa mtha' yas pa 'gro ba yongs su skyob pa zhes bya'o/ /mtshan mo'i lha mdud par 'dzin pa thams cad zhi bar bya bas dbang po rab tu dga' ba'i rnam par thar pa ni/ snying rje'i sgo nas char 'bebs pa'i rgyan ces bya'o/ /mtshan mo'i lha dge ba'i bsod 
nams 'byung ba'i dpal ston pa'i rnam par thar pa ni/ 'gro ba thams cad kyi bsam pa yongs su tshim par bya bas kun tu rgyas par 'gengs pa zhes bya'o/ /de nas mtshan mo'i lha dpal dri ma med cing kun nas zab pa'i 'od kyis/ sangs rgyas kyi byin 
gyi rlabs kyis mtshan mo'i lha'i 'khor gyi dkyil 'khor thams cad la rnam par bltas te/ de'i tshe tshigs su bcad pa 'di dag smras so/ /sangs rgyas spyod yul shin tu yangs la ltos/ /stong pa zhi ba nam mkha'i mtshan nyid de/ /dga' ba rgya mtsho </font><hr>35-1-35b<br><font size=+1>
rnam par sbyang byas shing / /rgyal ba dri med phyogs su rnam par mdzes/ /thub pa 'jig rten kun blta dga' ba ste/ /bskal pa rgya mtsho dag na bar 'ga' snang / /thugs rje kun tu rgyas byas mgon po byung / /'gro ba lta ba lha yis 'di mthong ngo / /'dren pa 
'gro ba'i skyabs su gyur pa ste/ /'gro ba dag na mngon tu kun na snang / /lam gyi rgyud rnams thams cad rnam par sbyong / /skyob pa'i mdangs kyi dpal ni 'di la sems/ /dga' ba rgya mtsho bsam gyis mi khyab pa/ /rab tu yangs pa sngan cad bsgoms pas 
na/ /de phyir rgyal ba 'jig rten lta na mdzes/ /zhing dbyangs mtshan mo'i lhas ni 'di mthong ngo / /sangs rgyas spyod yul bsam gyis mi khyab ste/ /phyogs rnams bkang zhing zhi ba'i 'brug sgra sgrog /sems can bsam pa rgya chen rnam par sbyong / /mtshan 
mo 'byung ba'i dpal ni 'di la dga'/ /de bzhin gshegs pa'i 'gro ba'i bsod nams skyed/ /bsod nams dkyil 'khor rnam par yangs pa ston/ /dri med zhi ba'i sa yang ston mdzad de/ /'di la rgyas pa'i 'od ni rab tu 'jug /sangs rgyas 'phrul gyis 
phyogs rnams rab bkang ste/ /sems can thams cad rnam par 'dul ba ston/ /thams cad gzugs su sangs rgyas 'jig rten snang / /mtshan mo'i lha ni dpal gyis 'di mthong ngo / /'dren pas sems kyi skad cig kun na snang / /byams pa rgya mtsho'i 
tshul rnams rnam sbyangs te/ /'jig rten thams cad ma lus rgyas par mdzad/ /bsod nams rtse ba mtshan mo'i lhas mthong ngo / /sems can gti mug thibs pos 'khrugs pa dang / /gtum sems 'khon 'dzin dam pos bsgribs gzigs shing / /
thugs rje bskyed nas rgyal ba 'byung bar gyur/ /'khon 'dzin zhi ba mtshan mo'i lha dga' 'o/ /sems can kun gyi bsam pa rdzogs byas shing / /mgon po sngan cad spyod pa spyad pas na/ /de phyir rgyal ba yon tan mtshan rgyas so/ /bsod nams blta ba'i bdag </font><hr>35-1-36a<br><font size=+1>
po'i spyod yul yin/ /de la phyogs kyi lha phyogs kyi dbyings na rab tu gnas shing kun tu rgyas par 'gengs pa'i rnam par thar pa ni/ kun tu skyob pas 'gro ba'i rgyan byed pa zhes bya'o/ /phyogs kyi lha mnyam pa nyid la mngon du lta ba'i rnam par thar pa ni/ dgos pa 
thams cad dang rdzu 'phrul gyi tshogs kyi 'od ces bya'o/ /phyogs kyi lha snang ba spyod pa'i rgyan gyi rnam par thar pa ni/ chags pa'i mun pa thams cad rnam par sel ba'i snang bas dga' ba dang bde ba 'byung ba zhes bya'o/ /phyogs kyi lha kun tu rgyu zhing rjes su 'brang ba'i rnam par thar pa ni/ thams cad 
kyi rjes su song ba'i sangs rgyas kyi yon tan rjes su dran pa don yod pa ston pa zhes bya'o/ /phyogs kyi lha rmongs pa byed pa'i gtsug yongs su 'grub pa'i rnam par thar pa ni/ 'gro ba thams cad ming gi phyogs kyi 'khor lo la rnam par lta ba'i 'od ces bya'o/ /phyogs kyi lha nam mkha'i rgyud kun tu spyod pa'i 
rnam par thar pa ni/ sgra dbyangs yid du 'ong ba thams cad myong bar byed pas dga' ba rnam par sgom pa zhes bya'o/ /phyogs kyi lha rnam par dpyod pa'i sprin rgya chen po'i rgyal mtshan gyi rnam par thar pa ni/ klu'i sprin 'byung ba dga' ba sbyor ba zhes bya'o/ /phyogs kyi lha mig tha dad pa med pa'i gtsug 
phud kyi rnam par thar pa ni/ 'gro ba thams cad kyi las tha dad pa med pa la yang dag par lta ba'i bdag po'i rgyan ces bya'o/ /phyogs kyi lha 'jig rten gyi bya ba kun nas spyod pa'i rnam par thar pa ni/ skye ba sna tshogs dang las rnam pa tha dad pa la rnam par lta ba zhes bya'o/ /phyogs kyi lha 
phyogs su rnam par lta ba 'phreng ba'i 'od kyi rnam par thar pa ni/ sems can thams cad kyi dgos pa'i pha rol tu phyin par bya bas rab tu dga' ba brtson pa 'byung ba zhes bya'o/ /de nas phyogs kyi lha phyogs kyi dbyings na rab tu gnas shing kun tu rgyas par 'gengs pas/ sangs 
rgyas kyi mthus phyogs kyi lha'i 'khor gyi dkyil 'khor thams cad la rnam par bltas te/ de'i tshe tshigs su bcad pa 'di dag smras so/ /'gro ba thams cad yongs su smin bya'i phyir/ /sangs rgyas rang byung 'jig rten spyod pa byung / /thams cad mkhyen par yongs </font><hr>35-1-36b<br><font size=+1>
su smin bya'i phyir/ /chos kyi phyogs la rab tu 'jug pa ston/ /rdzu 'phrul stobs ni 'gro ba kun dang mnyam/ /rnam pa du ma sems can bsam pa ston/ /rgyal ba mthong bas 'gro ba'i sdug bsngal 'grol/ /kun tu mngon par lta ba'i spyod yul lo/ /sems can 
rgya mtsho mun pas bsgribs pa la/ /sangs rgyas chos kyi sgron ma snang ba ston/ /rnam par snang ba'i sangs rgyas 'od kyang mthong / /snang ba spyod pa rnam thar 'di la dga'/ /chos kyi 'khor lo thams cad kun tu bskor/ /sems can nyon mongs zhi mdzad thogs 
pa med/ /dbyangs kyi yan lag thams cad yongs su rgyas/ /kun nas 'khyil pa'i dpal gyis rab tu thos/ /'gro ba'i ming gi 'khor lo ji snyed pa/ /sangs rgyas mtshan gyis de dag thams cad 'thon/ /sems can rnams kyi gti mug rnam par 
zlog /'di ni gti mug rnam dag spyod yul lo/ /sangs rgyas mngon sum sems can gang 'gro ba/ /de dag thams cad sangs rgyas gsung snyan ni/ /dga' ba rgya chen shin tu yangs pa thob/ /'di ni nam mkha' rgyud kyi rnam thar to/ /skad cig sems 
rgyud kun la tshad med pa'i/ /chos kyi sprin char rgyal ba 'bebs pa mdzad/ /'gro ba'i nyon mongs thams cad rab tu 'jil/ /'di la sprin gyi rgyal mtshan lha 'jug go /sems can kun gyi rgya mtsho'i las rnams kun/ /sangs rgyas rnam pa gzhan min 
yang dag ston/ /sems can nyon mongs las la rab tu dgrol/ /'jig rten bya ba spyod bdag spyod yul lo/ /sangs rgyas sngan cad spyad pa spyod pa'i tshe/ /sems can don du thugs rje rab bskyed de/ /pha rol phyin pa thams cad rgyas par bkang / /
sna tshogs phreng ba'i 'od ni 'di la dga'/ /phyogs rnams sems can rgyal bas snang mdzad pas/ /bsam pa rgya mtsho rnam pa sna tshogs kyis/ /de dag mtha' yas phyogs kyi chos 'jug go /mig bzangs gtsug phud tshul 'dir rab tu 'jug /de la </font><hr>35-1-37a<br><font size=+1>
nam mkha'i lha kun nas snang ba dri ma med pa'i 'od kyi rnam par thar pa ni/ 'gro ba rgya mtsho mtha' yas pa'i bsam pa la rnam par lta ba zhes bya'o/ /nam mkha'i lha mtha' yas shing zab pa kun tu rgyas par byed pa'i rnam par thar pa ni/ 
chos kyi dbyings rgya chen po dang / sangs rgyas kyi ye shes zab mo la yang dag par 'jug pa zhes bya'o/ /nam mkha'i lha rlung kun nas 'byung ba'i dpal gyi rnam par thar pa ni/ yul mtha' yas pa rnam par bsgom pa'i mtshan nyid kyi lus zhes bya'o/ /nam 
mkha'i lha bsgribs pa thams cad dang mi gnas pa'i dkyil 'khor gyi rnam par thar pa ni/ sems can thams cad kyi las dang nyon mongs pa'i sgrib pa yongs su sbyangs pa'i rgyan ces bya'o/ /nam mkha'i lha rgya chen po kun tu gnon pa sna tshogs kyi gtsug 
phud kyi rnam par thar pa ni/ 'gro ba rgya mtsho chen po la rnam par lta zhing rnam par spyod pa zhes bya'o/ /nam mkha'i lha 'od zer snang ba'i 'od thogs pa med pa'i rnam par thar pa ni/ 'gro ba log par ltung ba thams cad snying rje'i 'od kyis skyob pa zhes bya'o/ /nam 
mkha'i lha stobs kyi rgyun thogs pa med pa'i dpal gyi rnam par thar pa ni/ bsod nams thams cad kyi stobs dang / dga' ba bsdu ba la yang dag par gzhol ba zhes bya'o/ /nam mkha'i lha phyogs dri ma med par snang ba'i 'od kyi rnam par thar pa ni/ sems 
can thams cad dri ma myed pa'i sems kyis sgrib pa rnam par zlog par gnas pa'i dbang po zhes bya'o/ /nam mkha'i lha dbyangs shin tu 'phags shing zab pa'i rnam par thar pa ni/ ye shes kyi dkyil 'khor gyi 'od rab tu 'phags pas phyogs kun tu rnam 
par lta ba zhes bya'o/ /nam mkha'i lha phyogs bcur mngon tu ston pa'i 'od kyi rnam par thar pa ni/ sgo thams cad nas phyogs thams cad du 'pho ba med pa'i dkyil 'khor ces bya'o/ /de nas nam mkha'i lha kun nas snang ba dri ma med pa'i 'od kyis sangs rgyas </font><hr>35-1-37b<br><font size=+1>
kyi mthus nam mkha'i lha'i 'khor gyi dkyil 'khor thams cad la rnam par bltas nas/ de'i tshe tshigs su bcad pa 'di dag smras so/ /rgyal ba'i spyan ni rgya chen yangs pa yis/ /sems can rgya mtsho ma lus kun gzigs te/ /'gro ba kun la mngon 
par rab tu bzhugs/ /sangs rgyas dri med nam mkha' rab tu 'dra/ /sangs rgyas sku yi rgya chen 'od kyi rnams/ /phyogs bcu'i 'gro ba khyab cing rnam par mdzes/ /thams cad phyogs su mngon par rab tu gnas/ /kun tu rgyas pa'i 'od 
kyis 'di mthong ngo / /rgyal ba nam mkha'i mtshan nyid 'byung ba med/ /'di la gzung ba snang ba gang yang med/ /thob pa med cing rang bzhin med pa ste/ /rlung gi 'od kyis rnam thar 'di mthong ngo / /bskal pa rgya mtsho brgya phrag mang por yang / /
sangs rgyas sems can sgrib pa sel bar mdzad/ /lam yangs rnam par thar pa rab tu ston/ /'di ni dpa' bo dkyil 'khor 'od kyi'o/ /sngan cad sangs rgyas byang chub spyod pa'i rnams/ /'gro ba kun la phan dang bde don du/ /ji ltar byung ba de dag 
bdag gis mthong / /'di ni sna tshogs gtsug phud spyod yul lo/ /'khor ba rgya mtsho kun tu rgyu ba yi/ /sems can log par ltung zhing 'khor ba la/ /sangs rgyas 'od ni sdug bsngal zhi ba'i rgyu/ /snang ba'i 'od kyis rnam thar 'di mthong ngo / /
bsod nams dge ba thams cad snying po ste/ /chags med stobs dang ye shes rgya chen mkhyen/ /'gro ba thams cad bsod nams zhing gyur pa/ /sangs rgyas de ltar chags med stobs sems so/ /mun pa stug po spyod yul rnam rgyu ba'i/ /sems 
can bsgribs pas rab tu slong ba la/ /de bzhin gshegs pa snang ba rab 'gyed de/ /dri med phyogs snang lhas ni de mthong ngo / /sangs rgyas ye shes shin tu 'phags pa yi/ /mtha' dang dbus yang dmigs pas mi rung ste/ /zhing kun 'gro la </font><hr>35-1-38a<br><font size=+1>
mngon par 'od kyang snang / /zab mo'i 'od kyis de ltar sangs rgyas mthong / /phyogs rnams rgya mtsho kun na spyod pa yis/ /sems can thams cad yongs su dgrol ba'i phyir/ /sangs rgyas smon lam rgya chen shin tu yangs/ /
mngon par lta bas rnam thar 'di mthong ngo / /de la rlung gi phung po'i lha chags pa med par 'gro ba'i 'od kyi rnam par thar pa ni/ 'jig rten gyi bya ba thams cad sangs rgyas kyi chos su yang dag par 'jug pa zhes bya'o/ /rlung gi lha kun tu rgyas par 'byung ba'i mthu'i 
dpal gyi rnam par thar pa ni/ sangs rgyas mchod pa'i yul mtha' yas pa rgya chen po mngon par sgrub pa ston pa zhes bya'o/ /rlung gi lha kun tu reg par byed pa'i sprin gyi rgyal mtshan gyi rnam par thar pa ni/ sems can thams cad kyi nad rab tu zhi bar byed pa 
zhes bya'o/ /rlung gi lha rgyan yid du 'ong zhing bzang ba'i 'od kyi rnam par thar pa ni/ 'gro ba thams cad kyi bsgribs pa'i ri 'joms pa'i dge ba'i rtsa ba rab tu 'byung ba zhes bya'o/ /rlung gi lha chu drag po'i snying po skems pa'i rnam par thar pa ni/ bdud kyi 'khor lo 
sgo kun nas 'joms pa zhes bya'o/ /rlung gi lha sgra chen pos 'gro ba'i dbyangs kyi rnam par thar pa ni/ sems can mtha' yas pa'i 'jigs pa rnam par zlog cing zhi bar byed pa zhes bya'o/ /rlung gi lha shing gi rtse mo'i me tog rab tu 'phyang ba'i gtsug phud kyi rnam 
par thar pa ni/ chos thams cad kyi tshul tha dad pa med par yang dag par shes pa rgya mtsho la 'jug pa zhes bya'o/ /rlung gi lha thogs pa med par phyogs kun tu rgyas par 'gro ba'i rnam par thar pa ni/ 'gro ba thams cad mnyam par dgod pa'i tshul gyis 'dul 
ba'i snying po zhes bya'o/ /rlung gi lha rlung gi phung po rnam pa sna tshogs 'byung ba'i sprin gyi dkyil 'khor gyi rnam par thar pa ni/ bsam gtan gyi sgo rab tu zhi ba'i shugs kyi gti mug rab tu zhi bar byed pa zhes bya'o/ /rlung gi lha 'jig rten thams cad kyi mun pa kun </font><hr>35-1-38b<br><font size=+1>
nas snang bar byed pa'i rnam par thar pa ni/ sems can thams cad kyi spyod pa'i rjes su snyegs pas thogs pa med pa'i rgyan ces bya'o/ /de nas rlung gi lha chags pa med par 'gro ba'i 'od kyis sangs rgyas kyi mthus/ rlung gi lha'i 'khor gyi dkyil 'khor thams 
cad la rnam par bltas te/ de'i tshe tshigs su bcad pa 'di dag smras so/ /rgyal ba kun gyi chos nyid zab mo 'dzin pa ste/ /chags med thams cad tshul gyis de la 'jug /'gro ba kun la sangs rgyas mngon tu bzhugs/ /de ni mtshan med gzugs brnyan 
yod pa min/ /sangs rgyas thams cad mthu la rnam par ltos/ /byang chub spyad pa mtha' yas spyod pa'i tshe/ /skad cig gcig la sangs rgyas mchod cing bstod/ /de la rgyas byed 'od kyi lha 'jug go /sangs rgyas bsam gyis mi khyab 'gro ba'i mgon/ /
tshul rnams kun gyi sbyor ba chud za med/ /sdug bsngal kun las sems can ma lus skyob/ /rgyal mtshan reg pas rnam thar 'di mthong ngo / /'gebs dang sgrib pa shin tu stug po yi/ /mi bdes bsgribs shing bsod nams med pa yi/ /sems can 
sdug bsngal kun las dkrol bar 'gyur/ /rgyan gyis brgyan pa'i lhas ni 'di mthong ngo / /rgyal ba'i rdzu 'phrul rnam par 'phrul la ltos/ /rnam pa kun gyis bdud rnams shin tu 'joms/ /tshul gyis 'dul ba de la rab tu sgrogs/ /gzi brjid drag po'i 
mthus ni 'di mthong ngo / /rgyal ba'i ba spu'i sgo rnams thams cad nas/ /'gro ba kun 'gengs sgra yi dbyangs 'byung ba/ /de dag sdug bsngal 'jigs pa thams cad med/ /'di ni sgra sgrogs lha yis rab tu shes/ /'gro ba kun mnyam rgya mtsho'i zhing 
rnams su/ /tha dad yang dag mkhyen pas bde bar gshegs/ /mtha' yas bskal par rang byung yang dag ston/ /shing gi gtsug phud 'byung ba de la 'jug /rgyal ba'i ye shes thabs rnams kun sgo nas/ /kun tu chags shing thogs pa med pa ste/</font><hr>35-1-39a<br><font size=+1>
spyod yul gzhan yang kun tu mtha' yas med/ /'di ni chags med 'gro ba'i rnam thar to/ /rgyal ba'i spyod yul mtha' yas dag la ltos/ /rab zhi sku mnga' mtshan med sangs rgyas te/ /thabs sgo kun nas 'od kyang rab tu 
snang / /phung po sna tshogs bdag po'i rnam thar to/ /mi mngon bskal pa mtha' yas spyod pa'i tshe/ /de 'dra'i chos kyis 'gro kun tshim mdzad pas/ /thams cad stobs la sangs rgyas rab tu bzhugs/ /'jig rten stobs 'dzin lha yis 'di mthong ngo / /
de la me'i lha gzi brjid 'bar zhing 'phro ba'i 'od kyi rnam par thar pa ni/ sems can thams cad kyi nyon mongs pa'i dba' rlabs thams cad dang mun pa thams cad dang mi gnas pa zhes bya'o/ /me'i lha kun tu 'bar zhing 'phro ba'i rgyal mtshan gyi dkyil 'khor gyi rnam par 
thar pa ni/ sems can thams cad kyi nyon mongs pa'i dba' rlabs dang rab tu gdung ba rnam par zlog pa zhes bya'o/ /me'i lha 'od rgya chen pos phyogs rgyas par byed pa'i rnam par thar pa ni/ bsod nams kyi stobs mi sgul ba dang / snying rje ba dang / 
byams pa'i snying po zhes bya'o/ /me'i lha rgyal mtshan gyi rdul gyi sgos rgyas par byed pa'i rnam par thar pa ni/ nyon mongs pa'i rdul gyis g.yogs pa rnam par sel ba zhes bya'o/ /me'i lha gzi brjid mi zad pa'i gtsug phud kyi rnam par thar pa ni/ nam mkha' 
mtha' yas pa snang bas gsal bar byed pa'i 'od ces bya'o/ /me'i lha dka' thub sna tshogs kyi mig dpal gyi rnam par thar pa ni/ dge ba dang / bsod nams sna tshogs rnam par snang ba'i 'od rab tu zhi ba zhes bya'o/ /me'i lha phyogs khyim du gyur pa'i ri rab 
kyi spo'i rnam par thar pa ni/ 'jig rten gyi rgyud thams cad me ltar 'bar ba'i sems can sdug bsngal rab tu zhi bar byed pa zhes bya'o/ /me'i lha 'od drag shul gyi dbang phyug gi rnam par thar pa ni/ 'jig rten thams cad la dbang sgyur ba'i brtsam pas rab tu gnon </font><hr>35-1-39b<br><font size=+1>
pa zhes bya'o/ /me'i lha mun pa dang rab rib sel cing phyogs rnam par snang ba'i rnam par thar pa ni/ chags par lta ba'i gti mug thams cad rnam par spong ba'i 'od snang ba zhes bya'o/ /me'i lha 'od 'phro ba'i sprin gyi dbang phyug gi rnam par thar pa ni chags pa thams cad la 
mi gnas pa'i stobs 'byung ba yang dag par bsgrub pa'i nga ro zhes bya'o/ /de nas me'i lha gzi brjid 'bar zhing 'phro ba'i 'od kyis sangs rgyas kyi mthus/ me'i lha'i 'khor gyi dkyil 'khor thams cad la rnam par bltas nas/ de'i tshe tshigs su bcad pa 'di dag smras so/ /
rgyal ba'i brtson 'grus stobs la rnam par ltos/ /bskal pa bye ba rgya chen bsam yas par/ /'gro ba'i don du phan pa rab brtsams te/ /sems can kun gyi mun pa rnam par bsal/ /nyon mongs dba' rlabs ldan pa'i 'gro ba rnams/ /lta la gnas shing 
gti mug bsgribs pa yi/ /nyon mongs me ni mgon pos zhi bar mdzad/ /de la rgyal mtshan dkyil 'khor rab tu dga'/ /rgyal ba'i spyod yul rgya chen bdag gis mthong / /phyi ma'i mtha' yi bskal pa rgya mtshor yang / /rgyal ba'i byin gyis rlab rnams 
rab tu 'jug /mthong nas snang ba'i 'od ni rab tu dga'/ /rgyal ba'i bsod nams mi zad nam mkha' bzhin/ /de yi mtha' ni kun tu mi rnyed de/ /rgyal ba'i thugs rjes bskyod du yongs mi nus/ /'di la dpal gyi sprin sgrar rab tu 'jug /bskal pa 
bye bar spyad pa spyod pa'i tshe/ /chos tshul gang rnams bstan pa de dag gis/ /mtha' ni nam yang rnyed par sla ba min/ /rnam thar 'di ni gzi brjid gtsug phud kyi'o/ /phyogs bcu'i 'khor rnams shin tu yang dag par/ /sangs rgyas mgon po thams 
cad mngon du lta/ /'gro ba kun la thub pa rnam par mdzes/ /'di la dka' thub 'od 'phro dpal 'jug go /'gro ba kun na thub pa rab tu 'phags/ /khang khyim thams cad dag na bzhugs par snang / /rnam par yangs pa'i chos kyi char yang 'bebs/ /'di ni </font><hr>35-1-40a<br><font size=+1>
phyogs snang byed pa'i spyod yul lo/ /rgyal ba nyid kyi chos rnams zab pa ste/ /thams cad chos kyi 'gro bar rang byung zhing / /ngo bo nyid kyi chos nyid ston pa mdzad/ /de la drag shul 'od ni rab tu dga'/ /lta ba'i mun nag gti mug sgrib 
pa yi/ /'jig rten bag med 'khrugs pa thams cad la/ /rgyal bas chos ni rab tu bstan mdzad de/ /de la rnam par snang ba'i lha dga' 'o/ /rgyal ba'i smon lam sngan cad byung ba'i rnams/ /ci 'dra bsam gyis khyab par mi rung ste/ /stobs dang pha rol 
phyin pas rnam par sbyang / /'od 'phro sprin ni 'di la 'di ltar 'jug /de la chu'i lha sprin dang na bun kun tu grub pa'i rgyal mtshan gyi rnam par thar pa ni/ sems can thams cad la byams pa'i tshul la yang dag par 'jug pa zhes bya'o/ /chu'i lha sprin sgra'i 
shugs rgya mtsho'i sprin gyi rnam par thar pa ni/ chos kyi sprin mtha' yas pa 'byung ba'i rgyan ces bya'o/ /chu'i lha chu sna tshogs kyi gtsug phud kyi rnam par thar pa ni/ 'gro ba snod du gyur pa thams cad la rnam par lta zhing / sdud pa'i sbyor ba zhes bya'o/ /chu'i 
lha bzang por khyil ba grub pa'i dpal gyi rnam par thar pa ni/ sangs rgyas kyi yul zab mo'i 'od kyi char pa'i byin gyi rlab shes bya'o/ /chu'i lha kun nas spos dri ma med pa'i myu gu'i dpal gyi rnam par thar pa ni/ sangs rgyas kyi 'od dri ma med pa rnam par lta ba 
la yang dag par 'jug pa'i byin gyi rlab shes bya'o/ /chu'i lha dba' rlabs kyi sgra bsod nams stegs kyi 'od kyi rnam par thar pa ni/ chos kyi dbyings mtshan nyid med cing dri ma med pa zhes bya'o/ /chu'i lha tshim par bya ba la dbang byed pa yongs su 
sgrub pa'i rnam par thar pa ni/ snying rje rgya mtsho mi zad pa'i sgor 'jug pa zhes bya'o/ /chu'i lha sa'i rdul snyed kyi sgo nas dbyangs 'byung ba'i rnam par thar pa ni/ sangs rgyas dang byang chub sems dpa'i 'khor gyi dkyil 'khor du dga' ba'i shugs 'byung ba'i </font><hr>35-1-40b<br><font size=+1>
snying po zhes bya'o/ /chu'i lha 'od kun tu 'gro zhing rgyas par byed pa'i rnam par thar pa ni/ bsod nams chags pa med pa shin tu rgyas par rab tu snang bar byed pa'i dkyil 'khor ces bya'o/ /chu'i lha rgya mtsho'i dbyings kyi nga ro'i 'od kyi rnam par thar pa ni/ 'gro ba 
thams cad 'dul ba'i sbyor ba nam mkha' lta bus 'dul bar sbyor ba zhes bya'o/ /de nas chu'i lha sprin dang na bun kun tu grub pa'i rgyal mtshan gyis sangs rgyas kyi mthus/ chu'i lha'i 'khor gyi dkyil 'khor thams cad la rnam par bltas nas/ de'i tshe tshigs su bcad 
pa 'di dag smras so/ /rgyal ba'i mtshan rnams re re thams cad kyang / /sangs rgyas zhing gi rdul dang mnyam pa yi/ /byams pa mngon du gyur pas byung ba bzang / /sems can kun gyis bltas shing mi ngoms so/ /'gro ba kun tu rgyal ba rnams drung du/ /
skyo ba med par spyad cing rnam sbyangs te/ /rnam pa sna tshogs chos kyi sgo yang ston/ /rgya mtsho shugs ni 'di yi tshul la 'jug /rgyal ba rnams ni 'pho bar mi snang ste/ /phyogs rnams bcu nas byon par snang ba med/ /snod kyi tshul bzhin sems can rnams 
kyang lta/ /chu yi gtsug phud dkyil 'khor de la lta/ /de bzhin gshegs pa'i yul ni gzhal du med/ /sems can kun gyis bsam par mi nus te/ /phyogs rnams kun tu khyab par sgra sgrog go/ /'di ni snyan pa'i gtsug phud yul yin no/ /sangs 
rgyas 'od ni mi zad gnas pa ste/ /bsam gyis mi khyab chos kyi dbyings kyis kyang / /sems can thams cad 'dul ba rab tu ston/ /spos kyi phung po sna tshogs lha yis mthong / /de bzhin gshegs pa nam mkha' mnyam pa ste/ /phyogs rnams kun 
tu dri med mtshan nyid med/ /phyogs rnams kun na'ang bzhugs par rab tu snang / /dba' rlabs sgra'i bsod nams 'od kyis mthong / /snying rje'i sgo ni rgya mtsho lta bu ste/ /sems can kun dang mnyam par sngon bshad do/ /sprin dang 'dra bar 'gro bar mngon </font><hr>35-1-41a<br><font size=+1>
sum mo/ /de ltar de nas dga' ba 'byung bas mthong / /phyogs bcu'i zhing rnams ci snyed gang yod pa/ de dag kun na sangs rgyas gdan bzhugs snang / /shin tu rgyas pa'i byang chub mngon sangs rgyas/ /dga' ba rdul med dbyangs 
kyis de mthong ngo / /sangs rgyas spyod yul chags pa med pa ste/ /shin tu rgya che phyogs rnams kun tu gnas/ /rnam par 'phrul pa rgyal ba ston mdzad de/ /de la 'phro ba'i 'od kyi lha 'jug go /sbyor ba'i spyod pa rnams la mtha' med de/ /'gro ba kun dbyings 
thub pa med par 'jug /rgyal ba'i byin gyi rlabs ni 'di 'dra ste/ /nga ros 'gengs pa rnam thar 'di la 'jug /de la rgya mtsho'i lha rin po che'i 'od 'byung ba'i dpal gyi rnam par thar pa ni/ 'gro ba thams cad dang mnyam pa'i bsod nams rgya mtsho rin po che 'byung ba'i rgyan 
ces bya'o/ /rgya mtsho'i lha rdo rje kun nas sra zhing mi choms pa'i rgyal mtshan dang ldan pa'i rnam par thar pa ni/ dge ba'i rtsa ba thams cad bsrung ba'i sbyor ba zhes bya'o/ /rgya mtsho'i lha rdul dang dri ma med pa'i gnas dang ldan pa'i rnam par thar pa ni/ sems can thams 
cad kyi nyon mongs pa rgya mtsho mang po rnam par sel ba zhes bya'o/ /rgya mtsho'i lha kun nas chu dang ri bo dang khyim gyi dkyil 'khor gyi rnam par thar pa ni/ 'gro ba thams cad kyi ngan song dang ngan 'gro'i lam rnam par zlog pa zhes bya'o/ /rgya mtsho'i lha skyabs rin po che mig gi zla ba'i 
dpal gyi rnam par thar pa ni/ shugs chen pos gti mug rnam par sel ba zhes bya'o/ /rgya mtsho'i lha klu'i dpal pad mo sna tshogs kyi gtsug phud kyi rnam par thar pa ni/ rgyud thams cad kyi sdug bsngal rab tu zhi bar byed cing bde ba 'byung bar byed pa zhes bya'o/ /rgya 
mtsho'i lha chu lta bur ro mthun par 'dzin pa'i 'od kyi rnam par thar pa ni/ sems can thams cad kyi lta ba dang / rmongs pa'i rang bzhin dri ma med pa zhes bya'o/ /rgya mtsho'i lha rin po che 'od 'phro ba'i me tog gi tshon gyi 'od kyi rnam par thar pa ni/ rin po che'i rigs thams </font><hr>35-1-41b<br><font size=+1>
cad 'byung zhing / byang chub kyi sems rab tu skye ba zhes bya'o/ /rgya mtsho'i lha ri rab sra ba'i rdo rje sna tshogs kyi rnam par thar pa ni/ sems rgya mtsho mi sgul ba'i bsod nams la rnam par lta ba zhes bya'o/ /rgya mtsho'i lha 'brug sgra sgrog pa rgya mtsho'i shugs kyi dbyangs kyi rnam 
par thar pa ni/ ting nge 'dzin gyi dkyil 'khor thams cad chos kyi dbyings su yang dag par 'jug pa'i rgyal mtshan ces bya'o/ /de nas rgya mtsho'i lha rin po che'i 'od 'byung ba'i dpal gyis sangs rgyas kyi mthus/ rgya mtsho'i lha'i 'khor gyi dkyil 'khor thams cad la 
rnam par bltas nas/ de'i tshe tshigs su bcad pa 'di dag smras so/ /bskal pa rgya mtsho bsam gyis mi khyab par/ /sangs rgyas rgya mtsho rgya chen mang mchod cing / /'gro ba dag la bsod nams mtsho spel bas/ /de phyir rgyal ba lha me lha nge'o/ /'gro 
ba kun tu rgyal ba mngon par mdzes/ /sems can kun gyi dbang po bsam rgyud du/ /chos kyi rgya mtsho rgya chen ston pa mdzad/ /rdo rje sems dpa' sra ba'i dpa' dga' 'o/ /'gro ba kun tu 'jig rten mgon po ni/ /chos kyi sprin las char chen yangs pa 
'bebs/ /sdug bsngal rgya mtsho zhi mdzad zad mi shes/ /rdul dang dri med 'di'i tshul la 'jug /sems can thams cad mnyam med nyon mongs bsgribs/ /lam rgyud rgya mtsho'i sdug bsngal nang na 'khor/ /de dag la ni rgyal ba'i yul ston te/ /dpal 
bcu'i lha ni 'di la rab tu dga'/ /bskal pa rgya mtsho mang po bsam yas su/ /rgyal bas spyod pa mi zad rnams spyad de/ /'gro ba'i gti mug dkyil 'khor rnam par zlog /rin chen zla ba'i dpal ni 'di la 'jug /'khor ba'i rgya mtsho sdug bsngal chen po 
na/ /sems can 'khor zhing mi bde kun gzigs nas/ /rgyal bas bla na med pa'i lam yang bstan/ /klu dpal pad+mo gtsug phud 'di la dga'/ /sangs rgyas spyod yul bsam gyis mi khyab ltos/ /chos kyi dbyings dang nam mkha'i mtshan nyid de/ /</font><hr>35-1-42a<br><font size=+1>
'gro ba'i gti mug dra ba rnam par sbyong / /de skad chu 'dzin shugs ni smra zhing brjod/ /sangs rgyas dri med bsam gyis mi khyab spyad/ /'jig rten kun gyi yul du rnam par mdzes/ /spyod pa'i dkyil 'khor 'gro ba kun la ston/ /sna 
tshogs dpal gyi me tog spyod yul lo/ /bdud kyi dkyil 'khor mi zad rgya che ba'ang / /'byam klas thugs kyi skad cig gcig gis brtul/ /rgyal ba bsam gyis mi khyab mi g.yo ste/ /rdo rje rdul 'dzin tshul ni 'di yin no/ /chos kyi dbyings ni 'byam 
klas kun bkang zhing / /phyogs bcu rnams su rgyal ba'i gsung yang grag /sangs rgyas spyod yul ting nge 'dzin las skyes/ /'di ltar 'di la sprin 'byung rab tu 'jug /de la chu klung gi lha chu bo kun dang ldan pa'i rnam par thar pa ni/ chos kyi chu bo mtha' 
med pas rgyas par 'gengs pa zhes bya'o/ /chu klung gi lha ri dang chu kun la rten pa'i rnam par thar pa ni/ nyon mongs pa thams cad spang ba la yang dag par 'jug pa zhes bya'o/ /chu klung gi lha rdul thams cad dri ma med par rnam par dag pa'i mig gi rnam par 
thar pa ni/ sems can thams cad kyi nyon mongs pa'i rdul dang 'grogs pa'i snying rje'i tshul gyis kun tu rgyas par 'gengs pa zhes bya'o/ /chu klung gi lha nga ros khyab par byed pa'i rnam par thar pa ni/ sems can thams cad kyi sgra yid du mi 'ong ba zlog cing phan pa 
skyed pa zhes bya'o/ /chu klung gi lha srog chags kyi rgyud mtha' yas pa skyob pa'i rnam par thar pa ni/ sems can thams cad la 'tshe ba med pa'i byams pa 'byung ba zhes bya'o/ /chu klung gi lha gdung ba med pa rgya mtsho gdung ba med pa'i 'od dri ma med pa'i rnam 
par thar pa ni/ dge ba'i rtsa ba thams cad gdung bar mi nus pa'i sgo kun nas ston pa zhes bya'o/ /chu klung gi lha dga' bde kun nas 'byung ba'i rnam par thar pa ni/ sems can thams cad kyi 'jungs pa sel cing gtong ba phun sum tshogs pa yongs su spyod pa </font><hr>35-1-42b<br><font size=+1>
zhes bya'o/ /chu klung gi lha yon tan gyi shugs yangs pa'i rgyal mtshan gyi rnam par thar pa ni/ thams cad tshim par byed pa'i bsod nams kyi zhing rab tu 'byung ba zhes bya'o/ /chu klung gi lha 'jig rten thams cad kyi dpal gyi rnam par thar pa ni/ sems can 
thams cad kyi nyon mongs pa rnam par byang bar byed cing / 'khon du 'dzin pa dam po dang / khro ba'i shugs dang bar byed pa zhes bya'o/ /chu klung gi lha tshogs chen po rgya mtsho dpal gyi 'od kyi rnam par thar pa ni/ 'gro ba thams cad bde ba phun sum tshogs pa myong 
bar byed cing thar pa rgya mtsho la 'dzud pa zhes bya'o/ /de nas chu klung gi lha chu bo kun dang ldan pas sangs rgyas kyi mthus/ chu klung gi lha'i 'khor gyi dkyil 'khor yod pa thams cad la rnam par bltas te/ de'i tshe tshigs su bcad pa 'di dag smras so/ /
chos rnams rgya mtsho mtha' yas spyod pa dag /sngan cad rgyal bas sems can don du sbyangs/ /'jig rten bkang zhing nyon mongs gdungs pa'i rnams/ /sprin chen char bzhin rab tu zhi bar mdzad/ /bskal pa brjod du med par rgyal bas sngon/ /
smon lam 'od kyis sems can dbyings shes shing / /'gro ba yongs smin dbang po chos kyang mkhyen/ /'khyil pa zhes bya chu klung lha dga' 'o/ /'gro dang mnyam pa'i snying rje'i tshul bsgoms shing / /mgon po sems can nyon mongs dri ma sbyong / /
yongs smin sems can rgyal ba mngon du lta/ /de la dri med mig gi lha yang mos/ /de bzhin gshegs pa'i dbyangs snyan rgya chen ni/ /kun tu bsgrags pas 'gro ba'i sdug bsngal zhi/ /sangs rgyas dbyangs snyan thos nas dga' mgu yid/ /rnam 
thar 'di ni sgra dbyangs sgrog pas thos/ /bskal pa rgya mtshor 'gro la phan don du/ /sngan cad byang chub spyod pa spyad mthong na/ /de phyir de ni phyogs bkang 'jig rten mdzes/ /lam rgyud skyob pa rjes su dran zhing dga'/ /rgyal ba sngan cad spyad pa spyod </font><hr>35-1-43a<br><font size=+1>
pa'i tshe/ /sna tshogs sgo nas sems can smin par mdzad/ /de dag bsod nams rgya mtshos sdug bsngal 'jil/ /zhi byed chu klung lha ni des dga' 'o/ /sbyin pa'i sgo mo tshad med mi zad mang / /'gro ba 'dod pa kun la yongs btang zhing / /
rgyal bas 'gro ba'i 'jungs pa yongs su bstsal/ /kun nas dga' dpal rnam thar 'di mthong ngo / /thabs tshul rgya mtsho thams cad bsgoms pas na/ /yon tan mang po brgya phrag mang pos byung / /rgyal bas 'gro ba thams cad tshim mdzad de/ /rgya chen sgra 
dbyangs shugs ldan lha yang dga'/ /sgrib pa'i klong dang 'gro ba'i nyon mongs dri/ /'gro ba rnams la byams pa bskyed sbyangs pas/ /mkha' mnyam 'od kyis sangs rgyas rnam par mdzes/ /rnam par mdzes pa'i chu klung lha dga' 'o/ /sangs rgyas rang byung 
yon tan rgya mtsho ste/ /bsod nams zhing ni 'dus byas sdug bsngal 'dor/ /byang chub lam la rim gyis yongs smin mdzad/ /rgya mtsho'i tshogs dpal rnam thar 'di yin no/ /de la lo tog gi lha dang 'jam pa'i dpal gyi rnam par thar pa ni/ ro dang mdangs thams 
cad skyed cing / /sems can thams cad sangs rgyas kyi gzugs kyi sku rab tu thob pa zhes bya'o/ /lo tog gi lha dus kyi me tog rnam par mdzes pa'i 'od kyi rnam par thar pa ni/ 'gro ba thams cad nye bar 'tsho bas dga' ba chen po'i shugs kyi tshim pa skyed pa 
zhes bya'o/ /lo tog gi lha rtsal dam pa'i stobs kyi rnam par thar pa ni/ chos thams cad kyi dbyings yongs su rgyas pas shin tu dag pa'i spyod yul zhes bya'o/ /lo tog gi lha mdangs kyi [(]dad[,]ngad[)] mtha' yas pa rab tu 'gyed pa'i rnam par thar pa ni/ snying 
rje mtha' yas pa'i sgo nas/ sangs rgyas kyi rnam par 'phrul pa rab tu 'gyed cing rjes su dran pa zhes bya'o/ /lo tog gi lha kun gyi rtsa ba 'bras bu'i rnam par thar pa ni/ sangs rgyas thams cad mngon du lta zhing / sangs rgyas rnams la yon tan yang dag par </font><hr>35-1-43b<br><font size=+1>
bskyed pa ston pa zhes bya'o/ /lo tog gi lha gtsug phud kha dog sna tshogs kyi rnam par thar pa ni/ 'gro ba thams cad kyi mos pa'i me tog yongs su sbyong ba zhes bya'o/ /lo tog gi lha yal ga dri ma med par grub pa'i rnam par thar pa ni/ sems can la phan pa'i byams 
pa dang / bsod nams rgya mtsho rgya chen po rnam par 'phel bar byed pa zhes bya'o/ /lo tog gi lha spos sna tshogs shin tu grub pa'i rnam par thar pa ni/ chos thams cad la spyod pa kun tu gnon pas rtsom pa zhes bya'o/ /lo tog gi lha bzang zhing yid du 'ong bar snang ba'i rnam par 
thar pa ni/ 'gro ba thams cad kyi zhum pa dang / yid du mi 'ong ba rnam par zlog cing / chos kyi dbyings thams cad yongs su dag par byed pa zhes bya'o/ /lo tog gi lha kha dog rnam par dag cing / 'od dri ma med pa'i rnam par thar pa ni/ 'gro ba thams cad kyi dge ba'i rtsa ba 
la rnam par lta zhing chos kyis 'khor gyi dbang po tshim par byed pa zhes bya'o/ /de nas lo tog gi lha dang 'jam pa'i dpal gyis sangs rgyas kyi mthus lo tog gi lha'i 'khor gyi dkyil 'khor thams cad la rnam par bltas te/ de'i tshe tshigs su bcad pa 'di dag smras so/ /
rang byung ye shes sgron ma skyes pa ni/ /'gro ba kun gyi skyabs dang mgon gyur te/ /ma lus 'gro ba'i bde ba yang dag skyed/ /bsod nams rgya mtsho sangs rgyas bla na med/ /sangs rgyas mnyan na don yod yon tan sprin/ /'gro ba kun gyi sdug bsngal zhi bar 
mdzad/ /chos rgya chen po mi zad rab tu bskyed/ /dus kyi dkyil 'khor lha ni 'di la 'jug /bde gshegs stobs ni ma lus yongs su rgyas/ /'gro ba dag ni chos kyi legs pas mdzes/ /'gro ba kun 'dul kun tu rnam par snang / /stobs dang 
gzugs kyi mthu yis de mthong ngo / /sems kyi skad cig kun la 'gro mnyam pa'i/ /thugs rjes rgya mtsho sngan cad rnam sbyangs pas/ /de phyir rdzu 'phrul rnams ni mtha' yas so/ /de ni mdangs mthong lha yis rab tu mthong / /thabs rnams kun gyi sgo rnams </font><hr>35-1-44a<br><font size=+1>
don yod par/ /sangs rgyas 'jig rten kun tu khyab gyur cing / /'gro ba kun gyi nyon mongs dag par mdzad/ /'di ni thams cad sgo mo'i rnam thar to/ /'gro ba 'di na mos yangs gang yod pa/ /de dag thams cad rgyal ba'i mthus 
byung ste/ /de bzhin gshegs pa'i ye shes rgya mtsho'o/ /nags tshal rgyan gyis gtsug phud de la 'jug /'jig rten rnams la byams pa che bskyed de/ /sems can rnams la phan phyir rang byung skyes/ /lam rab dge ba zhi ba rab tu ston/ /zhi ba sna 
tshogs dpal gyi rnam thar to/ /phyogs su sems can yongs su smin byed pa'i/ /bde gshegs spyod pa ji ltar rnam dag pa/ /byang chub shing las de dag sgra yang 'byung / /spos zhim dpal gyi lha yis de thos so/ /rgyal ba'i 'jig rten yid du 'ong 
ba spong / /dge ba ma lus rnams kyang rab tu skyed/ /'gro ba kun gyi dbang po rnam par sbyong / /dge bar snang ba'i lha yis de mthong ngo / /'gro ba kun na sangs rgyas shin tu 'phags/ /skye bo kun gyi bsam pa de mkhyen te/ /sna tshogs sgo nas 'gro ba 
yongs smin mdzad/ /rnam dag kha dog 'od kyi rnam thar to/ /de la sman gyi lha phun sum tshogs pa'i rnam par thar pa ni/ bsam pa kun nas rnam par lta ba'i gnon pas 'gro ba rab tu gnon pa zhes bya'o/ /sman gyi lha tsan dan gyi nags tshal gyi shugs 
'chang ba'i rnam par thar pa ni/ blta ba don yod pas sems can 'dren pa'i 'od ces bya'o/ /sman gyi lha 'od rdul med pa'i rnam par thar pa ni/ sems can thams cad nyon mongs pa rab tu zhi bas rdul dang bral ba'i sbyor ba zhes bya'o/ /sman gyi lha ming kun tu 
grags pa'i glang po'i rgyal mtshan gyi rnam par thar pa ni/ ming bsgrags pas dge ba'i rtsa ba rgya mtsho yang dag par 'phel ba zhes bya'o/ /sman gyi lha spu'i glong kun nas 'od byung ba'i rnam par thar pa ni/ nad thams cad la snying rje'i dkyil 'khor gyi shugs </font><hr>35-1-44b<br><font size=+1>
kyi rgyal mtshan zhes bya'o/ /sman gyi lha mun pa rnam par sel cing rnam par sbyong ba'i rnam par thar pa ni/ 'gro ba mdongs pa lta bu thams cad kyi/ ye shes kyi mig rnam par dag par byed pa zhes bya'o/ /sman gyi lha sgra dbyangs kun tu 'byung ba'i rnam 
par thar pa ni/ sangs rgyas kyi chos rab tu bsgrags pas/ don gyi dbyings 'byung ba zhes bya'o/ /sman gyi lha nyi ma'i 'od 'gro ba'i mchog gi rgyal mtshan gyi rnam par thar pa ni/ 'gro ba thams cad la dge ba'i bshes su ston cing dge ba'i rtsa bas yang dag par 
bskul ba zhes bya'o/ /sman gyi lha phyogs bcur rmongs pa med pa'i rnam par thar pa ni/ mos pa'i tshul gyis rnam par dag pa'i snying rje'i snying po zhes bya'o/ /sman gyi lha mdangs bzang po kun tu 'gyed pa'i mig gi rnam par thar pa ni/ sems can thams cad kyi 
nad rab tu zhi bar byed cing / sangs rgyas rjes su dran par sbyor ba zhes bya'o/ /de nas sman gyi lha phun sum tshogs pas sangs rgyas kyi mthus/ sman gyi lha'i 'khor gyi dkyil 'khor yod pa thams cad la rnam par bltas nas/ de'i tshe tshigs su bcad pa 'di 
dag smras so/ /sangs rgyas ye shes bsam gyis mi khyab ltos/ /'gro ba kun gyi bsam pa rab tu mkhyen/ /thabs kyi rnam pa sna tshogs sgo dag nas/ /sdug bsngal kun las sems can rab tu 'grol/ /sangs rgyas chos nyid de ltar bsam 
mi khyab/ /de yi mthu ni thams cad don kyang yod/ /skye dgu rnams kyi sdug bsngal zhi bar mdzad/ /tsan dan shugs dang ldan pa'i rnam thar to/ /sngan cad rgyal ba'i chos nyid dag la ltos/ /bskal pa rgya mtsho mtha' med spyod pa na/ /srid pa kun 
la chags pa gang yang med/ /de la rdul med 'od kyi lha 'jug go /rgyal ba bskal pa stong phrag brgya dag tu/ /mthong zhing mtshan nyid de bzhin shin tu dkon/ /tshul rnams kun tu rang byung don yod de/ /de la rgyal mtshan mchog ni de ltar 'jug /rgyal </font><hr>35-1-45a<br><font size=+1>
ba'i spu yi sgo rnams kun nas kyang / /nad las rab tu grol ba'i 'od bkye bas/ /'jig rten nyon mongs ma lus zhi bar mdzad/ /spu mdangs rgyun gyi rnam thar 'di yin no/ /sdug bsngal las dang nyon mongs sna tshogs pas/ /
'gro ba mdongs shing rab tu rmongs gyur rnams/ /sangs rgyas ye shes 'od kyis rnam par spyod/ /de ni mun dang bral ba'i lhas mthong ngo / /rgyal ba'i gsung gcig las ni mtha' yas pa'i/ /chos kyi sgo mo thams cad kun kyang 'byung / /de ni sems 
can ma lus kun kyang shes/ /'di ni sgra dang ldan pa'i rnam thar to/ /rgyal ba'i ye shes bsam gyis mi khyab ltos/ /srid par sems can yongs su smin byas pa/ /de la 'gro kun mi mgon mngon du snang / /nyi 'od zhi ba'i lha yis de mthong 
ngo / /sangs rgyas thugs rje'i tshul ni rgya mtsho ste/ /'gro ba kun la phan don de skyes so/ /'gro ba kun la lam rnams shin tu ston/ /de ni phyogs su snang ba'i lhas shes so/ /sangs rgyas 'gro dbang rnams kyi 'od yangs pa/ /phyogs rnams 
thams cad ma lus kun tu gang / /sangs rgyas rjes su dran pa'i gzi brjid bskyed/ /mdangs kyi 'od du ldan pa'i rnam thar to// //sangs rgyas rmad ga cad ces bya ba shin tu rgyas pa chen po'i mdo/bam po bzhi pa/ de la 
nags tshal gyi lha yal ga sna tshogs kyi sprin gyi rnam par thar pa ni/ ye shes rgya mtsho yangs shing mtha' yas pa'i snying po zhes bya'o/ /nags tshal gyi lha 'od kyi phung po sna tshogs kyi mig yid du 'ong ba'i 'od kyi rnam par thar pa ni dge ba rgya chen po kun nas 
spungs pa'i shugs shes bya'o/ /nags tshal gyi lha myu gu yid du 'ong ba'i 'od kyi rnam par thar pa ni/ mos pa sna tshogs kyi myu gu rnam par 'phel ba dang / yongs su dag par byed pa zhes bya'o/ /nags tshal gyi lha lo ma dri ma med pa'i phreng ba'i dpal </font><hr>35-1-45b<br><font size=+1>
gyi rnam par thar pa ni/ yon tan gyi dkyil 'khor thams cad kyi rgyan yongs su sbyong zhing rnam par sgom pa zhes bya'o/ /nags tshal gyi lha yan lag rab tu 'chang ba'i gzi brjid kyi rnam par thar pa ni/ shes rab dri ma med pa'i sgo nas chos kyi dbyings la 
dmigs shing / kun nas rnam par dmigs pas rgyas par 'gongs pa zhes bya'o/ /nags tshal gyi lha dge ba'i 'od sna tshogs kyi rnam par thar pa ni/ 'gro ba thams cad kyi spyod pa rgya mtsho la yang dag par 'jug pa'i chos kyi sprin mngon par sgrub pa zhes 
bya'o/ /nags tshal gyi lha sgra skad yid du 'ong ba'i dbyangs kyi rnam par thar pa ni/ sems can thams cad kyi yid du mi 'ong ba'i sgra la bzod pa rab tu thob pas chos kyi snang ba dri ma med pa zhes bya'o/ /nags tshal gyi lha kun nas spos mang po ldang ba'i 
'od kyi rnam par thar pa ni/ spyod pa rgya chen po'i dkyil 'khor spyod pas yongs su dag par byed cing phyogs kun tu rnam par snang ba zhes bya'o/ /nags tshal gyi lha kun nas dpal gyi 'od rab tu 'byung ba'i dkyil 'khor gyi rnam par thar pa ni/ 'gro ba la 
phan pa'i don chos thams cad kyi yon tan gyis rgyas par yang dag par sbyong ba zhes bya'o/ /nags tshal gyi lha me tog dang 'bras bu dang ro'i 'od kyi rnam par thar pa ni/ sangs rgyas skye ba thams cad la dga' bar lta zhing rjes su dran pa'i yon tan gyi rgyan gyi 
snying po zhes bya'o/ /de nas nags tshal gyi lha yal ga sna tshogs kyi sprin gyis sangs rgyas kyi mthus nags tshal gyi lha'i 'khor gyi dkyil 'khor thams cad la rnam par bltas nas/ de'i tshe tshigs su bcad pa 'di dag smras so/ /bsod nams stobs 
dang ye shes stobs rnams dang / /sngon tshe byang chub spyod pas sangs rgyas byung / /stobs rnams kun gyi rang byung pha rol phyin/ /'gro ba kun na 'phags shing rnam par mdzes/ /'gro ba thams cad snyed kyi thugs rje'i sgo/ /de bzhin gshegs pas sngon tshe </font><hr>35-1-46a<br><font size=+1>
rab tu sbyangs/ /rang byung de bas 'gro ba'i don mdzad do/ /sna tshogs spungs 'od rnam thar 'di la 'jug /sems can kun gyis bde gshegs mthong ma thag /mos pa rgya mtsho rnam par dag par 'gyur/ /rgyal ba kun gyi 
lam yang yang dag ston/ /myu gu yid 'ong 'od kyi rnam thar yin/ /rgyal ba kun gyi ba spu'i yon tan 'khor/ /bskal pa rgya mtshor zad par mi nus te/ /'gro ba kun gyis sangs rgyas bsam mi khyab/ /rnam thar 'di ni phreng ba'i dpal gyis mthong / /
sngan cad rgyal bas sangs rgyas gang gi rnams/ /zhing mang rdul snyed mchod pa de dag dran/ /kun tu shes rab dkyil 'khor rnam par sbyangs/ /yal ga 'od kyi brjid kyis 'di mthong ngo / /'gro ba kun gyi spyod pa rgya mtsho dag /skad cig gcig gis 
sangs rgyas thugs su chud/ /rgyal ba'i ye shes chags med shin tu yangs/ /sna tshogs 'gyur spungs 'od kyis 'di mthong ngo / /bde gshegs gsung ni zhi ba rab zhir gsung / /dga' ba yangs pa chen po rnam par skyed/ /sems can mos 
pa ji bzhin de dag shes/ /'di ni sgra rnams sgrogs pa'i dbyangs kyis thos/ /phyogs bcu'i zhing gi dbyings rnams rgyas byas shing / /sangs rgyas byin rlabs rgya chen rab tu 'byung / /rgyal ba'i sngon gyi spyod pa dag kyang ston/ /kun tu dri zhim 'od 
dpal 'di la 'jug /ma rungs sems can yon tan med pa'i rnams/ /myos shing 'khor ba kun tu 'khor ba dag /de dag la ni thams cad mkhyen lam ston/ /'phags pa'i 'od kyi 'khor gyis 'di mthong ngo / /sems can ma rungs sbyor ba spyod pa 
rnams/ /bskal pa bye bas sangs rgyas mthong bar 'gyur/ /gzhan ni bde gshegs skad cig gcig gis lta/ /ri'i 'od kyi lha yis 'di mthong ngo / /de la ri'i lha rin po che'i rtse mo'i me tog shin tu rgyas par gnas pa'i rnam par thar pa ni/ bsam gtan </font><hr>35-1-46b<br><font size=+1>
zhi zhing yangs la dben pa'i snang ba la rab tu 'jug pa zhes bya'o/ /ri'i lha nags tshal sna tshogs me tog shin tu rgyas pa'i gtsug phud kyi rnam par thar pa ni/ 'gro ba bsam gyis mi khyab pa'i dge ba'i rtsa ba yongs su smin par byed pa'i byams pa sgom pa'i rgyan ces bya'o/ /
ri'i lha kun nas shin tu 'phags pas rnam par snang ba'i rgyal mtshan gyi rnam par thar pa ni/ sems can thams cad kyi bsam pa rnam par lta ba'i dbang po la 'jug pas mngon par snang ba zhes bya'o/ /ri'i lha rdul thams cad dang mi gnas pas dri ma med pa'i gtsug 
phud kyi rnam par thar pa ni/ bskal pa rgya mtsho mtha' yas par mi skyo ba'i brtson 'grus kyis rab tu sbyor ba zhes bya'o/ /ri'i lha snang bas phyogs su gsol ba'i 'od kyi rnam par thar pa ni/ sangs rgyas kyi yon tan mtha' yas pa'i snang ba rnam par bstan pa ston 
pa zhes bya'o/ /ri'i lha stobs la thub pa med pa'i snang ba'i 'od kyi rnam par thar pa ni/ sems can yongs su smin par bya ba'i phyir gti mug yongs su sel ba'i 'od ces bya'o/ /ri'i lha kun nas gzi brjid dpal gyi dkyil 'khor gyi rnam par thar pa ni/ chags pa 
thams cad dang mnyam pa'i rgyan gyi sdug bsngal yang dag par 'joms pa zhes bya'o/ /ri'i lha snang ba'i rdul chu bo'i dkyil 'khor gyi rnam par thar pa ni/ de bzhin gshegs pa thams cad kyi bstan pa'i yon tan snang ba yang dag par ston pa zhes bya'o/ /ri'i lha kun 
tu mngon par lta ba'i mig gi rnam par thar pa ni/ sems can thams cad kyi rmi lam gyi mthar yang dge ba'i rtsa ba rnam par 'phel bar byed pa zhes bya'o/ /ri'i lha kun nas sra ba'i rdo rje'i mtshams kyi mig gi rnam par thar pa ni/ don rgya mtsho rgya chen po mtha' yas pa dang 
'grogs pa zhes bya'o/ /de nas ri'i lha rin po che'i rtse mo me tog shin tu rgyas par gnas pas/ sangs rgyas kyi mthus/ ri'i lha'i 'khor gyi dkyil 'khor yod pa thams cad la rnam par bltas nas/ de'i tshe tshigs su bcad pa 'di dag smras so/ /rgyal ba'i rnam </font><hr>35-1-47a<br><font size=+1>
'phrul mi zad tshad med ltos/ /sngon tshe spyod rab mtha' yas rgyal bas spyod/ /rnam thar zhing gi rdul snyed sgom mdzad pas/ /'gro ba ma lus dga' ba'i shugs kyang skyed/ /sangs rgyas spu nas dri ma med dpal bkye/ /yan lag mtshan 
brgyan 'gro ba kun bkang zhing / /byams tshul mtha' yas 'jig rten kun la ston/ /nags tshal rgyas pa'i gtsug gi rnam thar to/ /sangs rgyas sku ni mtha' yas 'gro bar mngon/ /'jig rten kun tu phyogs bcu bkang zhing 'phags/ /dbang po dang ba'i sems 
can rangs shing dga'/ /rnam thar 'di la 'phags pa'i rgyal mtshan 'jug /rang byung mkha' mnyam 'jig rten kun ma chags/ /bskal pa kun spyod brtson 'grus stobs mi skyo/ /sna tshogs mkhas 'gro sbyor ba ma lus 'dul/ /dga' ba dri med gtsug 
phud rnam thar to/ /'jig rten kun ni mdongs gyur mun sdug zhugs/ /thugs rjes der bskyed sangs rgyas 'od bkye zhing / /'gro khams yun ring nyal ba sad par mdzad/ /rigs nas dga' 'od lha'i rnam thar to/ /srid pa'i rgya mtshor spyad pa sngon spyod tshe/ /
zhing rdul mnyam pa'i sems can gtso mchod pas/ /de dag dgyes bzhin sems can byang chub bkod/ /zhi ba'i sa 'di stobs 'chang lha 'jug go /las kyi sprin sgrib g.yogs shing bsgribs pa rnams/ /srid par sems can sdug bsngal 'khor gzigs 
nas/ /de dag mun pa ye shes 'od kyis bstsal/ /gzi brjid dpal 'od rnam thar 'di sems so/ /rgyal ba'i spu las sangs rgyas yon tan kun/ /phyogs dbyings sems can bsam pa bzhin du grags/ /rdzu 'phrul rnam pa bskal pa kun tu gnas/ /
'od mang rdul gyi chu bo'i lha 'jug go /sems can kun spyad dge ba rgya mtsho kun/ /de la phyogs bkang sangs rgyas mngon par snang / /sna tshogs thabs kyis 'jig rten chos kyang ston/ /tshul mngon mig gi lha yis de thos so/ /chos sgo rgya mtsho mi zad </font><hr>35-1-47b<br><font size=+1>
tshad med pa/ /sangs rgyas gsung gcig sems can kun la gsung / /bskal pa kun brjod 'jig rten mang la ston/ /rdo rje tshul mig 'di yi gnas la 'jug /de la sa'i lha dpal gyi me tog kun nas shin tu rgyas pa dri ma med pa'i rnam par thar pa ni/ skad 
cig skad cig cing sems can thams cad la byams pa dang / snying rje'i dkyil 'khor gyis rnam par lta ba zhes bya'o/ /sa'i lha bsod nams brten pa shin tu bsags pa'i 'od kyi rnam par thar pa ni/ sems can thams cad kyi bsod nams kyi stobs dang shugs 
kyi rgyan ces bya'o/ /sa'i lha sems can rin po ches rgyas pa'i rnam par thar pa ni/ ting nge 'dzin sna tshogs bsgoms pa rnam par 'byed pa dri ma med pa zhes bya'o/ /sa'i lha dus dus su dge ba'i mig rab tu ston pa'i rnam par thar pa ni/ sems can thams cad dga' 
zhing bde ba dang rtse ba'i sbyor ba zhes bya'o/ /sa'i lha gser gyi mig gi dpal gyi rnam par thar pa ni/ lus thams cad yongs su dag par byed pa'i tshul ston pa zhes bya'o/ /sa'i lha spu las spos kyi 'od rnam par 'gyed pa'i rnam par thar pa ni/ sangs rgyas thams 
cad kyi yon tan rgya mtsho thams cad rnam par sgom pa brjod pa zhes bya'o/ /sa'i lha sgra dbyangs yid du 'ong ba sgrog pa'i rnam par thar pa ni/ 'gro ba thams cad smra ba'i sgra rgya mtsho byin gyis rlob pa zhes bya'o/ /sa'i lha me tog gi klong sna tshogs kyi gtsug phud kyi 
rnam par thar pa ni/ sangs rgyas kyi zhing phun sum tshogs pa'i rang bzhin dri ma med pa zhes bya'o/ /sa'i lha kun nas rdo rje'i rdul gyi rgyud kyi rnam par thar pa ni/ sangs rgyas kyi chos thams cad kyi 'khor lo byin gyi rlabs kun nas rgyu zhing 'byung ba zhes bya'o/ /sa'i lha 
khyim dri ma med pa'i 'od kyi rnam par thar pa ni/ sangs rgyas kyi zhing thams cad kyi tshul la yang dag par 'jug pa'i chos kyi rgyan bsgom pa 'byung ba zhes bya'o/ /de nas sa'i lha dpal gyi me tog kun nas shin tu rgyas pa dri ma med pas/ sangs rgyas kyi mthus sa'i lha'i 'khor </font><hr>35-1-48a<br><font size=+1>
gyi dkyil 'khor yod pa thams cad la rnam par bltas nas/ de'i tshe tshigs su bcad pa 'di dag smras so/ /sngan cad skad cig skad cig bde gshegs kyis/ /brjod du med pa'i snying rje'i sgo rnams dang / /byams pa'i sgo 
yang mi zad bsgoms pas na/ /de tshe sangs rgyas sku ni mi shigs sra/ /dus gsum gtogs pa'i sems can bsod nams dang / /ji snyed byang chub sems dpa'i bsod nams dag /rgyal ba'i spu gcig de snyed bsod nams 'od/ /bsod nams de mthong 
rab tu dga' bar 'gyur/ /'byung ba med cing byon pa gang yang med/ /ting 'dzin zhi ba rgya mtsho rab tu zhugs/ /sems can rgyan gyi sa 'di rab tu ston/ /'di ni sna tshogs shing gi ze ba'i sa yin no/ /sngan cad thub pas spyod pa spyad pa dang / /'gro ba'i 
sgrib pa rnam par zlog pa ni/ /rin chen bkram pa'i 'od kyi sa yin te/ /rnam thar de la dga' bar lha lta'o/ /de bzhin gshegs pa'i sa ni mtha' yas te/ /'jig rten kun tu skad cig gcig la ston/ /dus tshod yang dag ston pa'i sa yi lha/ /dga' bar 
sangs rgyas yul la rnam par lta/ /sangs rgyas gsung ni mtha' yas bsam mi khyab/ /sems can kun bsgrags nyon mongs zhi bar mdzad/ /gser 'od mig gi dpal ni rab dga' ba/ /sangs rgyas yon tan mtha' yas mnga' ba ste/ /sangs 
rgyas sprul pas rnam par kun gzugs su/ /phyogs kun chos kyi dbyings su rgyas par mdzad/ /spu las dri zhim 'od kyi sa yi lha/ /sangs rgyas sems can 'dul ba de la lta/ /phyogs rnams yid 'ong dbyangs kyis gang byas shing / /'gro ba 'di ni 
phyi mtha'i bskal par brjod/ /yid du 'ong ba'i sgra dbyangs sa'i lha/ /rab tu dga' bar sangs rgyas dbyangs la nyan/ /rgyal ba'i spu las sems can mnyam pa yi/ /spos kyi 'od bkye 'jig rten kun bkang zhing / /sems can ma lus yongs su smin mdzad </font><hr>35-1-48b<br><font size=+1>
cing / /me tog gtsug phud 'phyang bas yang dag mthong / /de bzhin gshegs sku rdo rje lta bu ste/ /mtshams su mi phyed sra ba'i ri bo 'dra/ /'gro ba kun gyis sangs rgyas bskyod mi nus/ /rdo rje rdul gyi lha ni des dga' 'o/ /de la grong khyer gyi lha rin chen 
rtse mo'i 'od kyi rnam par thar pa ni/ sems can la phan pa yang dag par sbyar ba 'byung ba zhes bya'o/ /grong khyer gyi lha rgyan rnam pa sna tshogs 'byung ba'i rnam par thar pa ni/ 'gro ba'i dbang po yongs su smin par byed pa'i 'dul ba 'byung ba zhes bya'o/ /grong khyer gyi 
lha rin chen dri med shin tu dga' ba'i rnam par thar pa ni/ sems can thams cad bsod nams dang dga' ba myong bar byed pa zhes bya'o/ /grong khyer gyi lha slos pa'i mya ngan thams cad spong bas rnam par snang ba'i rnam par thar pa ni/ skyob pa dang mi 'jigs pa dang /
snying rje chen po zhes bya'o/ /grong khyer gyi lha sgron ma shin tu rgyas pa'i mig gi rnam par thar pa ni/ shes rab kyi kun tu rnam par 'byed pa zhes bya'o/ /grong khyer gyi lha 'od 'phro ba'i dpal mngon par 'bar ba'i rnam par thar pa ni/ thabs kyi sgo kun nas ston 
pa'i mthu zhes bya'o/ /grong khyer gyi lha bsod nams kyi shugs snang ba'i 'od kyi rnam par thar pa ni/ 'gro ba kun gyi bsod nams 'byung ba'i snang ba zhes bya'o/ /grong khyer gyi lha lus dri ma med pas mnyam pa'i 'od kyi rnam par thar pa ni/ sems can 
rmongs pa thams cad la rmi lam rnam par ston pa'i 'od ces bya'o/ /grong khyer gyi lha spos kyi rgyal mtshan gtsug phud kyi rgyan gyi rnam par thar pa ni/ nyon mongs pa dang mi dge ba'i dri ma rnam par sel cing thams cad mkhyen pa nyid kyi dri yang dag par bskyed pa 
zhes bya'o/ /grong khyer gyi lha rin chen dpal gyi 'od kyi rnam par thar pa ni/ 'gro ba thams cad kyi sgrib pa'i ri rnam par 'joms pa'i 'od ces bya'o/ /de nas grong khyer gyi lha rin po che'i rtse mo'i 'od kyis sangs rgyas kyi mthus/ grong khyer gyi lha'i 'khor gyi </font><hr>35-1-49a<br><font size=+1>
dkyil 'khor yod pa thams cad la rnam par bltas nas/ de'i tshe tshigs su bcad pa 'di dag smras so/ /mgon po'i chos nyid bsam gyis mi khyab ste/ /snang ba brnyes shing phyogs su rnam par mdzes/ /sems can mtha' yas 
yongs su smin mdzad pa'i/ /sangs rgyas 'gro ba kun la mngon du snang / /sems can thams cad dbang po sna tshogs te/ /de dag ma lus rgyal bas 'gro bar mkhyen/ /rnam thar 'di n-i rab tu thob pa'i phyir/ /sna tshogs 'od 'byung lha yang rab tu dga'/ /rgyal 
bas bskal pa mtha' yas yang dag spyad/ /sngan cad rgyal bas chos kyang yang dag bzung / /dga' ba'i yid kyis rtag tu de dag blangs/ /rnam thar 'di ni dga' ba'i 'od kyis mthong / /'gro ba 'dir ni thugs rje byams bskyed cing / /de bzhin gshegs 
pas sngan cad sems can rnams/ /kun gyi mya ngan mtha' yas rnam par zlog /nyon mongs yongs su sbyang ba 'di la dga'/ /rgyal ba'i shes rab rgya che mtha' yas te/ /tshad med nam mkha' 'dra zhing mtshungs pa yin/ /de bzhin gshegs pa'i shes 
rab rnam spyod pas/ /mar me'i me tog 'od kyi lha dga' 'o/ /de bzhin gshegs pas 'gro mnyam sku gzugs rnams/ /'gro ba kun gyi bsam pa rnams la bstan/ /de 'dra'i tshul la rab tu bsgoms pa yis/ /mngon 'od 'phro ba'i lha de rab tu dga'/ /
bsod nams rgya mtsho rgya chen mtha' yas pa/ /sngan cad de bzhin gshegs pas yongs su sbyangs/ /de 'dra'i rnam par thar la rnam lta bas/ /bsod nams dpal gyi 'od de rab tu dga'/ /srid par rab tu rmongs pa'i sems can rnams/ /'khor gyur 
rab rib mdongs pa gzigs pas na/ /de dag phan phyir sangs rgyas mngon du byung / /dri med 'od kyis rnam thar 'di thob po/ /de bzhin gshegs pa'i rdzu 'phrul stobs la ltos/ /'gro la sprin 'dra mtha' dang dbus yang med/ /de dag bstan cing 'gro ba </font><hr>35-1-49b<br><font size=+1>
rnam par 'dul/ /spos kyi rgyal mtshan 'od kyis 'di mthong ngo / /sems can rmongs pa mun pas mdongs gyur cing / /rnam pa sna tshogs sgrib pas bsgribs gyur pa/ /sangs rgyas 'od kyis rnam par kun shes 'gyur/ /rtse mo'i 'od kyi lha ni 'di la 'jug /
de la snying po byang chub kyi lha dge ba dri ma med pa'i rgyan gyis brgyan pa'i rgyal mtshan gyi rnam par thar pa ni/ sangs rgyas mang po mchod pa yang dag par 'byung zhing / sngon gyi smon lam gyi rgyan ston pa zhes bya'o/ /snying po byang chub kyi lha ri rab spo'i rin po che'i 'od kyi rnam par 
thar pa ni 'gro ba thams cad dang mngon sum du byang chub kyi spyod pa yang dag par sgrub cing 'byung ba zhes bya'o/ /snying po byang chub kyi lha dbyangs kyi 'brug sgra sgrog pa'i rgyal mtshan gyi rnam par thar pa ni/ sems can thams cad kyi bsam pa la sangs rgyas ston cing rmi lam 
gyi mthar/ sangs rgyas kyi chos kyi 'brug sgra sgrog pa zhes bya'o/ /snying po byang chub kyi lha me tog gi char sna tshogs 'bab pa'i mig gi rnam par thar pa n-i/ dga' ba thams cad yongs su gtong zhing rin po che'i char 'beb pa'i rgyan ces bya'o/ /snying po byang chub kyi 
lha 'od 'phro mang po shin tu dri ma med pa'i rnam par thar pa ni/ 'dul ba'i sems can yongs su smin par byed cing snying po byang chub kyi phun sum tshogs pa sna tshogs ston pa zhes bya'o/ /snying po byang chub kyi lha me tog gi phreng ba 'od kyi gtsug phud kyi rnam par thar pa ni/ 
sems can thams cad kyi dbang po bzhin du chos kyi tshul zab mo dran pa ston pa 'byung ba zhes bya'o/ /snying po byang chub kyi lha rin po che'i rgyan gyi char rab tu 'bebs pa'i rnam par thar pa ni/ dga' ba yang dag par myong ba mtha' yas pa la yang dag par 'jug pa zhes bya'o/ /
snying po byang chub kyi lha mthu dam pa spos kyi mig gi rnam par thar pa ni/ sangs rgyas kyi yon tan dang legs pa rab tu brjod pa'i byin gyi rlabs zhes bya'o/ /snying po byang chub kyi lha rdo rje sna tshogs kyi sprin gyi rnam par thar pa ni/ snying po byang chub rnam pa mtha' yas </font><hr>35-1-50a<br><font size=+1>
pa yang dag par ston pa'i rgyan ces bya'o/ /snying po byang chub kyi lha pad+mo'i shing snang ba'i 'od kyi rnam par thar pa ni/ byang chub kyi shing yongs su zhi bas phyogs rgyas par byed pa zhes bya'o/ /snying po byang chub kyi lha dge ba'i lta ba sna tshogs rnam par 
ston pa'i 'od kyi rnam par thar pa ni/ de bzhin gshegs pa'i stobs sna tshogs yang dag par rgyu ba zhes bya'o/ /de nas snying po byang chub kyi lha dge ba dri ma med pa'i rgyan gyis brgyan pa'i rgyal mtshan gyis sangs rgyas kyi mthus/ snying po byang chub kyi lha'i 'khor gyi dkyil 'khor 
yod pa thams cad la rnam par bltas te/ de'i tshe tshigs su bcad pa 'di dag smras so/ /bskal pa mang po mtha' dang dbus med par/ /de bzhin gshegs pas ji ltar sngon spyad dran/ /sangs rgyas thams cad mchod cing bsgrubs pas na/ /de phyir de 
yi bsod nams nam mkha'i tshad/ /zhing rnams mtha' yas tshad med 'dra med par/ /mi zad gtong ba'i sgo nas sngon btang bas/ /ri bo'i spo'i 'od kyi lha de ni/ /bde gshegs dran zhing rab tu dga' bar 'gyur/ /bde gshegs sprul pa rnam pa mtha' yas pa/ /
de dag zhing rnams kun tu rab tu rgyu/ /'gro bar sangs rgyas rmi lam bzhin ston cing / /sprin gyi sgra dbyangs lha de rab tu dga'/ /mtha' yas bskal par dka' ba rab spyad de/ /dang ba'i spyan gyis 'gro la phan pa'i phyir/ /rgya mtsho'i spyan yang yongs su sngon btang ste/ /
de la me tog mig gi lha dga' 'o/ /yon tan rin chen 'od 'phro mtha' yas sprin/ /'gro ba kun tu snying po byang chub nas/ /rab tu bkye ba'i sangs rgyas rdzu 'phrul gyis/ /'od 'phro 'gyed pa'i lus kyi lha yang dga'/ /sems can rnams kyi spyod pa rgya mtsho ste/ /
de la rgyal ba chos kyi char yang 'bebs/ /ji ltar mos par nem nur rnam par sel/ /de yis gtsug phud 'phyang ba dga' ba thob/ /rgyan gyi char 'bebs mig bzang lha de ni/ /sems kyi skad cig gcig gis tshad med pa'i/ /chos don dbyings kyi bye brag mtha' yas </font><hr>35-1-50b<br><font size=+1>
pa/ /rgya mtsho tha dad yang dag shes pas 'jug /zhing rnams brjod du med pa thams cad du/ /'gro ba kun la sangs rgyas legs brjod pas/ /de phyir yon tan sangs rgyas zhing kun grags/ /de ni rjes su spos mig lha yang dran/ /mtha' yas shing gi rnam pa sna 
tshogs gzugs/ /byang chub shing la kun kyang ma lus bstan/ /rdo rje sna tshogs sprin gyi lha de ni/ /byang chub shing la dga' bar rnam par lta/ /sangs rgyas ye shes snying po byang chub la/ /phyogs rnams kun tu mtha' dang mu med de/ /pad+mo snang zhing gsal ba'i lha 
de ni/ /rnam thar rnam yangs 'di la rab dga' 'o/ /sangs rgyas stobs rnams yongs dag bsam mi khyab/ /snying po byang chub 'dir ni kun kyang grag /yang dag bsgrubs pas byung ba de dag ni/ /thams cad sna tshogs snang ba'i 'od nyan to/ /de la rkang gis 'gro 
rin chen dpal gyi phyag rgya'i rnam par thar pa ni/ dga' ba yangs pa rin po che'i char gyis kun tu khyab pa zhes bya'o/ /rkang gis 'gro pad+mo snang ba'i 'od zer gyi 'od kyi rnam par thar pa ni/ /sangs rgyas kyi sku 'od zer gyi kha dog pad+mo'i dra ba thams cad du ston pas dga' bar byed 
pa zhes bya'o/ /rkang gis 'gro me tog gtsug phud kyi dpal dri ma med pa'i rnam par thar pa ni/ sems kyi skad cig thams cad la de bzhin gshegs pa'i 'khor gyi dkyil 'khor gyi dbyibs dang rgyan 'byung ba zhes bya'o/ /rkang gis 'gro shin tu mdzes par gnon pa'i 
rnam par thar pa ni/ gom pa 'dor ba thams cad mtha' yas pa 'dul ba'i rgyan ces bya'o/ /rkang gis 'gro rin chen dpal gyi rgyal mtshan gyi rnam par thar pa ni/ skad cig gcig gis pad+mo'i dra ba sna tshogs sprul pa byed cing rin po che'i char pa dang dbyangs dang snang ba kun 
tu 'gyed pa zhes bya'o/ /rkang gis 'gro dga' ba'i dbyangs snyan pa'i rnam par thar pa ni/ dga' ba'i shugs dang nyams bde ba'i rgya mtsho mtha' yas pa 'byung ba zhes bya'o/ /rkang gis 'gro shing tsan dan gyi 'od kyi rnam par thar pa ni/ /'khor gyi dkyil 'khor thams cad du </font><hr>35-1-51a<br><font size=+1>
spos kyi ngad sprin du ldang ba zhes bya'o/ /rkang gis 'gro pad+mo yid du 'ong ba'i 'od kyi rnam par thar pa ni/ pad+mo'i gseb thams cad nas yid du 'ong ba'i chos kyi dbyangs 'byung bas snang ba skyed pa zhes bya'o/ /rkang gis 'gro rdul gyi shugs 
kyi 'od kyi rnam par thar pa ni/ lus kyi 'od zer rnam pa sna tshogs thams cad kyi dra bas snang ba byed pa zhes bya'o/ /rkang gis 'gro me tog mang po'i dkyil 'khor gyi rnam par thar pa ni/ sems can thams cad la dge ba'i rtsa ba rgya mtshos yang dag par skul ba 'byung ba 
zhes bya'o/ /de nas rkang gis 'gro rin chen dpal gyi phyag rgyas sangs rgyas kyi mthus/ rkang gis 'gro ba'i lha'i 'khor gyi dkyil 'khor yod pa thams cad la rnam par bltas nas/ de'i tshe tshigs su bcad pa 'di dag smras so/ /dga' ba rgya mtsho'i tshul gyis 
shugs bskyed cing / /bskal pa mtha' yas sngan cad spyod pa mdzad/ /zhing rnams kun rdul shin tu phra mnyam pa'i/ /sangs rgyas rnams kyang dgyes pa'i thugs kyis mchod/ /skad cig sems la pad+mo brjod yangs pa/ /dri zhim sna tshogs mngon par sprul 
mdzad nas/ /zhing rnams kun tu rgyal ba gshegs mdzad pa/ /snang ba'i 'od zer lha des rab tu mthong / /'dren pa rnams kyi chos nyid bsam mi khyab/ /'khor rnams kun tu 'byam klas mtha' yas pa'i/ /rnam par 'phrul pa mi zad rab tu ston/ /
me tog gtsug phud lha des de mthong ngo / /phyogs bcu'i zhing gi dbyings rnams ma lus pa/ /thams cad kun tu gshegs shing bzhud pa yis/ /sems can mtha' yas yongs su smin par mdzad/ /shin tu mdzes pas dga' bar de mthong ngo / /sems 
can snyed kyi sprul pa kun 'phros pas/ /re re'i sku yis chos kyi dbyings kyang 'gengs/ /rin chen dri med 'od kyang rab tu gtong / /rkang 'gro dpal gyi mtshan gyis 'di mthong ngo / /de bzhin gshegs pa'i spyod yul mtha' yas te/ /'khor du rgyal ba chos kyi char yang </font><hr>35-1-51b<br><font size=+1>
'bebs/ /bde gshegs de yi 'khor na dgar gnas shing / /dga' sgra dbyangs kyi rnam thar de mthong ngo / /sangs rgyas dbyangs ni mkha' dang mnyam pa ste/ /dbyangs kyi yan lag yon tan kun dang ldan/ /'jig rten kun bkang sems can rnam par 'dul
tsan dan shing gi 'od ni de la nyan/ /spu rtse kun nas rgyal ba rnam 'phrul dang / /dus gsum gshegs pa'i rgyal ba'i mtshan rnams kyi/ /sgra bsgrogs thos shing dga' ba skyer 'gyur te/ /de ni rdo rje 'od kyi lhas mthong ngo / /de bzhin gshegs sku bsam gyis 
mi khyab ste/ /gom pa gom par yon tan rgya mtsho ston/ /de dag sems can ji ltar mos pas mthong / /rdul gyi 'od kyi lhas ni de mthong ngo / /'jig rten mgon po rnam 'phrul rnam mang gis/ /phyogs bcur sems can yang dag skul ba mdzad/ /me tog 
'khor mang rkang pas 'gro ba'i lha/ /mthong zhing dga' ba yangs pa rab tu 'thob/ /de la lus kyi ris su gtogs pa'i lha khrel dang dge bas rgyas pa'i 'od kyi rnam par thar pa ni/ de bzhin gshegs pa rnams kyi sngon gyi smon lam rjes su dran pas rnam par dpyod pa 
zhes bya'o/ /lus kyi ris su gtogs pa'i lha 'od zer phyogs su snang ba'i rnam par thar pa ni/ 'jig rten gyi khams mu med par sangs rgyas kyi 'od rnam par ston pa'i rgyan ces bya'o/ /lus kyi ris su gtogs pa'i lha sgras 'dul ba rgya mtsho'i dpal gyi rnam 
par thar pa ni sangs rgyas kyi gsung 'dul ba'i sems can thams cad la brjod cing yang dag par skul bas dga' ba 'byung ba zhes bya'o/ /lus kyi ris su gtogs pa'i lha rgyan bzang po'i me tog gtsug phud kyi rnam par thar pa ni/ de bzhin gshegs pa'i sku nam mkha'i 
mtshan nyid kyi byin gyi rlabs kun nas rab tu gnas pa 'byung ba zhes bya'o/ /lus kyi ris su gtogs pa'i lha spyod yul mtha' yas dpal gyi rnam par thar pa ni/ sangs rgyas thams cad kyi yul 'gro ba rnams la yang dag par ston pa'i mthu zhes bya'o/ /</font><hr>35-1-52a<br><font size=+1>
lus kyi ris su gtogs pa'i lha snang ba'i phreng ba 'dzin pa'i dpal gyi rnam par thar pa ni/ sems can thams cad gsal ba dang 'dres pa'i mdangs kyis dga' ba zhes bya'o/ /lus kyi ris su gtogs pa'i lha spos dri ma med pa'i sprin 
las char 'babs pa'i 'od kyi rnam par thar pa ni/ sems can thams cad kyi nyon mongs pa'i dri ma mngon par sel ba'i sbyor ba zhes bya'o/ /lus kyi ris su gtogs pa'i lha srung 'dzin yongs su sdud pa'i rnam par thar pa ni/ sems can thams cad kyi bdud 
kyi las dang rmongs pa rnam par zlog pa zhes bya'o/ /lus kyi ris su gtogs pa'i lha sgo kun nas yongs su gnon pa la mngon du gyur pa'i mig gi rnam par thar pa ni/ 'jig rten gyi dbang po thams cad kyi gnas su rgyal ba rnam par dmigs par mngon du 
ston pa'i rgyan ces bya'o/ /lus kyi ris su gtogs pa'i lha khrel dang dpal mi g.yo ba'i 'od kyi rnam par thar pa ni/ sems can thams cad kyi dge ba'i shugs thams cad yang dag par 'dzin cing / yang dag par sbyong ba zhes bya'o/ /de nas lus 
kyi ris su gtogs pa'i lha khrel dang dge bas rgyas pa'i 'od kyis sangs rgyas kyi mthus/ lus kyi ris su gtogs pa'i lha'i 'khor gyi dkyil 'khor yod pa thams cad la rnam par bltas nas/ de'i tshe tshigs su bcad pa 'di dag smras so/ /ri rab rdul 
phran shin tu phra snyed kyi/ /bskal pa de dag pha snga'i bskal pa ni/ /rdul ces bya bar 'od mdzes 'od zer rgyal/ /mchod de smon lam btab pa bdag gis dran/ /sangs rgyas sku las 'od 'phro rab bkye ba/ /de'i 'od zer chos kyi dbyings su rgyu/ /rgyal 
ba'i 'od zer dra ba sems can 'dul/ /'od 'phro 'od zer lha yis de mthong ngo / /dbyangs kyi yan lag yon tan kun rgyas pa'i/ /sangs rgyas gsung ni zhing rnams kun tu sgrogs/ /'gro ba ma lus thams cad yang dag bskul/ /dbyangs kyis 'dul </font><hr>35-1-52b<br><font size=+1>
ba de la dga' bas nyan/ /rgyal ba'i sku ni rab tu zhi ba ltos/ /sku gzugs du ma'ang mtshan nyid mi mnga' ste/ /'gro ba kun na'ang bzhugs par rab tu snang / /me tog gtsug gis ji bzhin nyid du mthong / /'dren pa'i chos nyid bsam gyis mi khyab ste/ /sems 
can de dag dad pa ci bzhin du/ /la la bzhugs dang bzhengs dang gshegs par mthong / /de yang spyod lam 'byung ba'i lhas mthong ngo / /rgyal ba'i tshems kyi mtshams rnams thams cad nas/ /dri zhim 'od 'phro sgron ma'i sprin bkye bas/ /'gro ba kun gyi nyon 
mongs zhi bar 'gyur/ /dri med spos kyi sprin gyis de mthong ngo / /sangs rgyas mgon po 'gro ba'i skyabs su byung / /nyon mongs shin tu sdug bsngal gzir ba rnams/ /mgu bar mdzad cing nyon mongs thams cad bsal/ /snang ba'i phreng ba 'chang bas 
'di mthong ngo / /'dren pa bskal pa brgyar yang shin tu dkon/ /rang byung 'jig rten don mdzad skyes pa ni/ /'jig rten kun gyi dbul ba rnam par sel/ /khrel yod dpal gyi 'od snang de skad smra/ /sems can nyon mongs sgrib pas nyon mongs shing / /
bdud kyi las kyis dkrugs te 'phyen pa'i rnams/ /de dag rgyal ba rnam thar lam ston te/ /srung zhing skyong ba'i dpal gyis de mthong ngo / /de bzhin gshegs pa'i rnam par 'phrul pa ltos/ /sangs rgyas sprin gyis chos kyi dbyings mnan cing / /'jig 
rten dbang po gnas su sems can 'dul/ /kun sgo'i mig gi dpal gyi spyod yul lo/ /de la lag na rdo rje mthu chen kha dog bzang po'i 'od kyi rnam par thar pa ni/ yon tan mtha' yas pa dang / gzugs kyi sku rnam par dpyod pa yang dag par ston pa zhes bya'o/ /
lag na rdo rje nyi ma'i shugs kyi rgyal mtshan gyi rnam par thar pa ni/ sangs rgyas thams cad kyi ba spu las nyi ma'i dkyil 'khor gyi sprin sna tshogs kyi rgyan 'byung ba zhes bya'o/ /lag na rdo rje ri rab me tog 'od kyi rnam par thar pa ni/ rnam par 'phrul pa rgya chen po bstan pas/</font><hr>35-1-53a<br><font size=+1>
yon tan mtha' yas pa'i lus su 'phrul pa zhes bya'o/ /lag na rdo rje rnam dag sprin gyi dbyangs kyi rnam par thar pa ni/ de bzhin gshegs pa'i dbyangs mtha' yas tshad med pa'i rjes su song ba zhes bya'o/ /lag na rdo rje dbang po shin tu mang ba'i rnam 
par thar pa ni/ 'jig rten gyi dbang po thams cad kyi rnam par 'phrul pa ston cing / sangs rgyas kyi byin gyi rlabs kyis yang dag par skul ba zhes bya'o/ /lag na rdo rje rdo rje'i 'od yid du 'ong ba'i rnam par thar pa ni/ sangs rgyas kyi chos kyi dbyings rab tu phye ba thams cad ma lus pa 
la yang dag par spyod pa zhes bya'o/ /lag na rdo rje shing gi sgra dbyangs kyi rnam par thar pa ni/ shing gi lha thams cad 'dren pa'i rgyan yid du 'ong bas brgyan pa zhes bya'o/ /lag na rdo rje seng ge'i 'od kyi rgyal po'i rnam par thar pa ni/ de bzhin gshegs pa'i bsod nams 
kyi dkyil 'khor yangs pa'i tshogs kyi rjes su 'brang ba'i 'od ces bya'o/ /lag na rdo rje 'od 'phro stug po'i dpal gyi mig gi rnam par thar pa ni/ sems can ma rungs pa'i rgyud la lus 'jigs 'jigs ltar rab tu ston cing kun tu rnam par lta ba zhes bya'o/ /lag na 
rdo rje rin chen gtsug phud pad+mo'i 'od kyi rnam par thar pa ni/ byang chub sems dpa'i rgyan thams cad kyis brgyan pa'i gtsug gi nor bu rin po che thams cad kyi char mngon par 'bebs pa zhes bya'o/ /de nas lag na rdo rje mthu chen kha dog bzang po'i 'od kyis sangs rgyas kyi 
mthus/ lag na rdo rje'i 'khor gyi dkyil 'khor yod pa thams cad la rnam par bltas nas/ de'i tshe tshigs su bcad pa 'di dag smras so/ /chos rgyal chos kyis mdzes pa yi/ /chos nyid de la rnam par ltos/ /yon tan mtha' yas sku gzugs kyis/ /'jig 
rten kun tu rnam par mdzes/ /sangs rgyas ba spu thams cad nas/ /'od zer dra ba bsam myi khyab/ /nyi ma'i dkyil 'khor 'dra ba ste/ /phyogs bcu kun tu rnam par mdzes/ /sangs rgyas rnam 'phrul de dag gis/ /chos kyi dbyings su khyab byas shing / /'gro ba kun </font><hr>35-1-53b<br><font size=+1>
la mngon sum du/ /mi zad sku ni shin tu ston/ /sangs rgyas gsung gi dkyil 'khor ni/ /zhing rnams kun tu rab tu sgrog /gsung gis sems can thams cad kyi/ /bsam pa thams cad rab tu 'gengs/ /'jig rten dbang po kun gnas na/ /thub pa rab tu bzhugs 
par snang / /de dag thams cad 'khor rnams la/ /'dren pa dag gi chos ston mdzad/ /rgya mtsho chos kyi sgo bskul bas/ /gzhan dang gzhan gyi tshul dag gis/ /thams cad chos kyi bye brag don/ /rgyal ba zad med rab tu ston/ /rgya chen mtha' med tshul dag la/ /rgya 
mtsho 'khor rnam rab tu 'jug /sangs rgyas 'od zer rab 'dres pas/ /kun gyis 'dren pa mthong bar 'gyur/ /zhing rnams bye ma'i rdul snyed du/ /rdzogs pa'i sangs rgyas kun mchod pas/ /bsod nams rgya chen nam mkha' bzhin/ /kun gyis 'dren pa rab tu 
mthong / /sangs rgyas rdzu 'phrul ma 'dres pa/ /thams cad zhing du ston pa mdzad/ /'gro la sangs rgyas mngon sum du/ /byang chub snying por rnam par mdzes/ /'od zer sna tshogs dkyil 'khor gyi/ /'od 'phro sprin ni kun tu snang / /chos dbyings kun tu khyab byas 
shing / /sangs rgyas spyod yul rab tu ston/ /de la byang chub sems dpa' kun tu bzang po'i rnam par thar pa ni/ tshul rgya mtsho bsam gyis mi khyab pas/ /de bzhin gshegs pa'i yon tan rgya mtsho la 'jug ste/ 'di ltar sangs rgyas kyi zhing thams cad yongs su 
dag par bya ba dang / 'gro ba gdul ba la mthar thug par mngon par sgrub pa zhes bya ba'i rnam par thar pa dang / de bzhin gshegs pa thams cad kyi zhabs kyi drung du phyin pas/ yon tan gyi tshogs thams cad kyi yul zhes bya ba'i rnam par thar pa dang / byang chub sems dpa' 
thams cad kyi sa nas sar smon lam rgya mtshos rab tu gnas pa 'byung ba zhes bya ba'i rnam par thar pa dang / sgo thams cad nas chos kyi dbyings su bdag gi lus kyi sprin rdul snyed mtha' yas pas rgyas par 'gengs pa zhes bya ba'i rnam par thar pa dang / zhing thams cad du </font><hr>35-1-54a<br><font size=+1>
rang gi ming bsam gyis mi khyab pa'i 'khor lo sgrog pa'i byin gyi rlabs shes bya ba'i rnam par thar pa dang / rdul shin tu phra ba'i thams cad kyi sbubs su byang chub sems dpa'i yul dang / rnam par 'phrul pa mtha' dang dbus med pa yang dag par 
ston pa zhes bya ba'i rnam par thar pa dang / dus gsum gyi bskal pa skad cig gcig tu ston pas 'byung ba dang / 'jig pa rab tu 'byung ba zhes bya ba'i rnam par thar pa dang / byang chub sems dpa' thams cad kyi dbang po rgya mtsho'i yul phan tshun du 'jug pa yang dag par ston 
pa zhes bya ba'i rnam par thar pa dang / gang 'di chos kyi dbyings mtha' dang dbus med pa rang gi lus kyi sprul pas rgyas par rnam par 'phrul pa'i byin gyi rlabs shes bya ba'i rnam par thar pa dang / gang 'di byang chub sems dpa'i chos thams cad kyi tshul phan tshun du ston pa 
rgya chen pos thams cad mkhyen pa nyid kyi tshul la 'jug pa zhes bya ba'i rnam par thar pa dag go /de nas byang chub sems dpa' kun tu bzang po rnam par thar pa'i tshul rgya mtsho bsam gyis mi khyab pa dag gis/ de bzhin gshegs pa'i yon tan rgya mtsho la 'jug cing sangs 
rgyas kyi mthus/ 'khor rgya mtsho yod pa thams cad la rnam par bltas nas/ de'i tshe tshigs su bcad pa 'di dag smras so/ /zhing rnams rgyal bas dri med rnam par sbyangs/ /mkha' yangs rdul bzhin yon tan tshad kyang myed/ /sngon gyi rgyal ba'i sras po dri med 
kyis/ /de la bsam yas chos sprin char yang phab/ /ji ltar rgyal ba gdan la bzhugs snang ba/ /de bzhin rdul sbubs ma lus kun nang skye/ /'on kyang bde gshegs gshegs dang 'pho ba med/ /zhing rnams kun tu yul yang rab tu ston/ /sa yi tshul la 
'jug pa tshad med de/ /spyod pa thub pas byang chub sems dpa' bstan/ /bsam gyis mi khyab tshul ni kun gsungs pas/ /rgyal sras rnams ni chos kyi dbyings la 'jug /chos dbyings 'jug tshul rnam pa rgya che ste/ /mtha' yas phyogs su mtha' dang dbus </font><hr>35-1-54b<br><font size=+1>
med sgo/ /rdul phran sbubs su rgyal ba 'phrul ba spros/ /'gro ba'i bsam pa kun kyang rab tu mkhyen/ /phyogs rnams thams cad zhing rnams kun tu yang / /'jig rten gtso mtshan 'gro dang mnyam par byung / /thams cad tshul sgor sangs rgyas don yod de/ /'dul 
bas sems can thams cad rnam par spyod/ /rdul sbubs kun tu mtha' dang dbus med pa'i/ /rnam 'phrul yangs pa rang byung shin tu ston/ /sngan cad thub pa'i byang chub spyod pa rnams/ /ci bzhin kun kyang snying po byang chub brjod/ /yangs dus bskal pa ji snyed 
yod pa'i rnams/ /skad cig skad cig sangs rgyas ma lus ston/ /der ni sems can 'byung zhing 'jig pa'ang bstan/ /'jig rten gtso bo ye shes mtha' yas ltos/ /'byam klas mi zad mtha' yas lo grangs pas/ /rgyal sras thams cad sangs rgyas de lta 
ste/ /thams cad sgor yang sangs rgyas mtha' dbus med/ /rgyal sras kun gyis shes par sla ba min/ /sangs rgyas mkha' 'dra rnam par mi rtog ste/ /chos nyid mi gnas chos kyi sprin dag gis/ /sprul pas spyod tshe kun tu rgyas mdzad cing / /shing 
mchog kun drung byang chub 'tshang rgya bstan/ /sangs rgyas gsung de rab tu brjod pas na/ /chos gnas thams cad ma lus brjod pa yin/ /'gro ba thams cad re re'i sgo dag nas/ /sangs rgyas chos rnams kun la rab tu 'jug /de la byang chub sems dpa' 
dge ba dri ma myed pa'i gzi brjid kyi 'od yid du 'ong ba'i rnam par thar pa ni/ chos kyi dbyings thams cad du mngon par byang chub sems dpa'i 'khor gyi dkyil 'khor du 'gro ba'i rgyan byed pa zhes bya'o/ /byang chub sems dpa' yon tan 'od mchog kun tu sgron ma'i rnam 
par thar pa ni/ sems skad cig gis mngon par rdzogs par byang chub pa'i sgo zad mi shes pa ston cing / chos ston kyi dbyings bsam gyis mi khyab pas yongs su smin pa dang rnam par 'dul bar byed pa'i 'od ces bya'o/ /byang chub sems dpa' kun tu 'bar ba </font><hr>35-1-55a<br><font size=+1>
seng ge'i rgyal mtshan gyi rnam par thar pa ni/ byang chub sems dpa' thams cad kyi bsod nams kyi tshogs dang zhing yang dag par 'byung ba la rnam par lta ba zhes bya'o/ /byang chub sems dpa' dpal gyi 'od zer kun tu 'od 'phro'i rnam 
par thar pa ni/ rdzu 'phrul gyi yul gyi rnam par spyod pa don yod pa zhes bya'o/ /byang chub sems dpa' yon tan rgya mtsho kun tu sgra dbyangs rgyal mtshan gyi rnam par thar pa ni/ sangs rgyas kyi zhing gi rgyan thams cad 'khor gyi dkyil 'khor du yang dag par ston pa 
zhes bya'o/ /byang chub sems dpa' de bzhin gshegs pa'i spyod yul ye shes kun tu snang ba'i 'od kyi rnam par thar pa ni/ de bzhin gshegs pa'i rjes su kun nas song zhing chos kyi dbyings la rnam par spyod pa'i sprin chen po'i snying po zhes bya'o/ /byang chub 
sems dpa' gtsug na rin chen kun tu rgyal mtshan gyi rnam par thar pa ni/'gro ba thams cad kyi spyod pa la rab tu zhugs shing byang chub sems dpa'i spyod pa mtha' yas pa shin tu 'byung ba zhes bya'o/ /byang chub sems dpa' rgyal ba'i gsung kun tu 'jam dbyangs 
kyi rnam par thar pa ni/ sangs rgyas thams cad bsnyen bkur zhing mchod par nye bar 'gro ba'i snying po zhes bya'o/ /byang chub sems dpa' bsod nams mi zad dri med kun tu gzi brjid kyi rnam par thar pa ni/ rdzu 'phrul dang rnam par 'phrul pa thams cad kyi byin gyi rlabs 
rgya chen po 'byung ba zhes bya'o/ /byang chub sems dpa' mtshan gyi 'od zer kun tu snang ba'i rnam par thar pa ni/ de bzhin gshegs pa'i sku med pa las sangs rgyas kyi yul thams cad 'byung ba zhes bya'o/ /de nas byang chub sems dpa' sems dpa' chen po dge ba 
dri ma med pa'i gzi brjid kyi 'od yid du 'ong bas sangs rgyas kyi mthus/ byang chub sems dpa'i rnam par thar pa rgya mtsho'i phyogs thams cad la rnam par bltas nas/ de'i tshe tshigs su bcad pa 'di dag smras so/ /ji snyed gang dag phyogs rnams kun </font><hr>35-1-55b<br><font size=+1>
gyi zhing / /rgyal bas de kun skad cig thugs kyis sbyangs/ /'gro ba kun tu zhi ba med pa'i gsung / /sangs rgyas chos kyi 'khor lo rgya chen bskor/ /skad cig thugs kyi chos dbyings kun bkang ste/ /mtha' yas spyod yul dbyings rnams rgyal ba ston/ /
'gro ba kun lam snying po byang chub tu/ /byang chub 'tshang rgya rnam par 'phrul pa mdzad/ /bskal pa brgya phrag stong rnams tshad med du/ /de bzhin gshegs pas sngan cad spyod spyad de/ /nam mkha' 'dra bar byas nas rab bkye zhing / /sangs rgyas zhing 'di sngon tshe rab 
tu sbyangs/ /mtha' dang dbus med bskal par la la yis/ /skyo ba med par rgyal ba'i yul bsams kyang / /sangs rgyas rdzu 'phrul stobs la dbus med pa/ /phyi ma'i mtha' yi bskal pa kun tu 'gengs/ /rgyal ba'i rdzu 'phrul yul la rnam par ltos/ /
phyogs bcu'i zhing rgyan de dag rnam dag pa/ /rgyal bas 'dir ni kun kyang rab tu bstan/ /skad cig skad cig sna tshogs gzugs kyang snang / /bskal pa brgya stong tshad med pa dag tu/ /rgyal ba'i ba spu gcig mtha' shes par dka'/ /tshul rnams kun sgor 
sangs rgyas chags pa med/ /'gro ba 'di na rgya chen bsam yas mdzes/ /sngon tshe bskal par rgyal bas 'gro kun tu/ /sangs rgyas rgya mtsho rgya chen bsnyen bkur bas/ /de bas 'jig rten gtso la chos dbyings rnams/ /kun nas mchod pa mang po rgya 
chen 'byung / /phyogs rnams bkang ste sangs rgyas 'byung ba dag /rdul gyi sbubs su tshad med zhing yang ston/ /de dag yul du mi zad mtha' yas pa'i/ /bskal pa rgya mtshor byin gyis rlob pa mdzad/ /sngon tshe'i bskal par rgyal bas 'gro don spyad/ /thugs 
rje'i rgya mtsho tshad med rab skyed cing / /'gro ba rgya mtsho kun nas 'khor ba yi/ /'khor rnams rgya mtsho mtha' yas kun kyang sbyangs/ /sangs rgyas mtshan med sku med rdul dang bral/ /de bzhin nyid gnas chos dbyings snying po ste/ /'gro ba kun na mtha' yas </font><hr>35-1-56a<br><font size=+1>
gzugs su snang / /'gro ba kun gyi sdug bsngal kun zhi mdzad/ /de la byang chub sems dpa' 'od zer rgya mtsho 'od chen dpal gyi zla ba'i rnam par thar pa ni/ pha rol tu phyin pa dang sa'i shugs kyis sems can gyi khams kyi tshul dang / sangs 
rgyas kyi zhing rnam par dag pa yang dag par 'byung ba zhes bya'o/ /byang chub sems dpa' sprin gyi nga ro rgya mtsho dri med 'od kyi snying po'i rnam par thar pa ni/ byang chub sems dpa' thams cad kyi sems skad cig la chos kyi dbyings kyi tshul gyis khyim sna tshogs la rnam par 
lta ba zhes bya'o/ /byang chub sems dpa' yon tan rin chen 'byung ba ye shes dpal gyi gtsug phud kyi rnam par thar pa ni/ bskal pa bsam gyis mi khyab par 'gro ba rnams la mngon sum du yon tan dri ma med pas yongs su dag pa sgrub pa zhes bya'o/ /byang chub sems 
dpa' rgya chen 'od 'bar blo gros dbang phyug gi rnam par thar pa ni/ byang chub sems dpa' thams cad kyi snying po byang chub tu thog ma 'gro ba'i ye shes kyi phyogs yang dag par 'byung ba'i rgyun ces bya'o/ /byang chub sems dpa' pad+mo rnam par gnon pa 'od zer gtsug phud kyi 
rnam par thar pa ni/ sangs rgyas kyi chos thams cad tha myi dad par 'gro ba thams cad kyi dbang po dang / mos pa rgya mtsho'i 'od ces bya'o/ /byang chub sems dpa' kun tu ye shes sprin gyi nyi ma'i rgyal mtshan snang ba'i rnam par thar pa ni/ sangs rgyas kyi ye shes bsgrub 
par bskal pa mtha' yas pa dag tu byin gyis rlob cing rnam par spyod pa zhes bya'o/ /byang chub sems dpa' mthu stobs brtson 'grus rdo rje yangs pa'i snying po'i rnam par thar pa ni/ chos thams cad kyi phyag rgya mtha' dang dbus med pa la yang dag par 'jug pa 
zhes bya'o/ /byang chub sems dpa' spos kyi 'od 'phro shin tu 'bar ba'i 'od kyi rgyal mtshan gyi rnam par thar pa ni/ sangs rgyas da ltar byung ba thams cad kyi thog ma'i byang chub sems dpa'i spyod pa shes pa'i dkyil 'khor yang dag par sgrub pa zhes bya'o/ /</font><hr>35-1-56b<br><font size=+1>
byang chub sems dpa' rnam par snang mdzad yon tan yangs pa'i rgyal mtshan gyi rnam par thar pa ni/ rnam par snang mdzad kyi smon lam rgya mtsho thams cad kyi dbyings la rab tu gnas pa zhes bya'o/ /byang chub sems dpa' bsod nams yangs pa shin tu 'phags 
pa'i 'od mchog yon tan 'byung ba'i blo gros kyi rnam par thar pa ni/ sangs rgyas kyi yul zab mo chos kyi dbyings thams cad la kun nas rab tu gnas pa rnam par spyod pa zhes bya'o/ /de nas byang chub sems dpa' 'od zer rgya mtsho 'od chen dpal gyi zla bas/ sangs 
rgyas kyi mthus byang chub sems dpa' rnam par phye ba rgya mtsho mtha' yas pa la rnam par bltas nas/ de'i tshe tshigs su bcad pa 'di dag smras so/ /pha rol phyin pa rgya mtsho bsam yas dang / /sa yi dkyil 'khor rgya chen kun kyang yongs su rgyas/ /tshad 
med sems can rnam par 'dul ba'i tshe/ /sangs rgyas zhing yangs rnams kyang rnam par sbyangs/ /phyogs bcu'i sangs rgyas zhing kun rgyas byas te/ /sangs rgyas sems can khams sbyin 'dul mdzad pa/ /skad cig thugs kyis chos kyi 'khor lo dag /
mtha' yas 'gro mnyam bsam pa tshim par ston/ /bskal pa rgya che mi zad mu med par/ /rgyal ba 'gro la mngon sum kun nas bzhugs/ /mgon pos sngan cad ji ltar sbyangs tshul du/ /rgyal bas spyod yul rnam dag rab tu bstan/ /chos rgyal de dag ji ltar 
rnam 'phrul pa/ /phyogs rnams rgya mtsho ma lus kun na snang / /snying po byang chub kun na'ang rgyal ba dag /'khor gyis bskor cing chos rnams gsung ba snang / /'gro ba'i bsam pa thams cad tshim mdzad cing / /'jig rten dag na sangs rgyas tshul kun mdzes/ /
dbang po ji bzhin chos kyi char yang 'bebs/ /sangs rgyas chos sku yangs pa rnam par mdzes/ /de bzhin nyid ltar mtshan nyid lus med de/ /rgyal ba dri med 'od gsal chos kyi sku/ /ye shes zhi ba'i sku ni tshad med de/ /phyogs dbyings kun bkang chos kyi char </font><hr>35-1-57a<br><font size=+1>
yang 'bebs/ /chos rje thams cad stobs kyis rnam par dag /bde gshegs ye shes mkha' 'dra mtha' yas te/ /rgya chen 'gro ba mtha' dbus myed bkang zhing / /rgyal ba stobs la 'jug pa rab tu ston/ /sangs rgyas 'od kyis chos dbyings 
kun bkang zhing / /sangs rgyas spyod pa thams cad rdzogs par bstan/ /rgyal bas sngon tshe ji ltar rnam sbyangs pa/ /de bzhin ye shes sa rnams rgyal bas bstan/ /phyogs rnams kun tu rang byung rnam par mdzes/ /smon lam rnam par 'phrul pa ma lus ston/ /
ji ltar sngon tshe rgyal bas yongs sbyangs pa/ rgyal ba'i 'od zer dra ba kun nas sgrog /sangs rgyas yul ni phyogs su zad pa med/ /dbus dang mtha' med gzhal med mtha' yas dbyings/ /chos dbyings kun tu chags med brnyes pa ni/ /sangs rgyas zhing rnams 
kun na shin tu mdzes/ /de'i tshe bcom ldan 'das kyi seng ge'i khri dang / pad mo'i ze ba'i dri thams cad dang / nor bu'i rgyal po thams cad kyi ngos dang / 'khor lo'i lte ba thams cad dang / me tog gi ze ba'i dri thams cad dang / stegs bu'i ngos thams cad dang / 
rta babs kyi sgo thams cad dang / nor bu'i gzugs kyi ngos thams cad dang / rin po che 'od 'phro ba'i sgo thams cad dang / 'od zer sgron ma'i sgo thams cad dang / seng ge'i khri'i rgyan gyi sgo thams cad nas/ sangs rgyas kyi zhing gi rdul shin tu phra ba snyed kyi byang chub 
sems dpa' mang po 'thon par gyur te/ 'di ltar byang chub sems dpa' rgya mtsho'i blo gros rnam par rol pa'i ye shes mngon par shes pa'i rgyal po zhes bya ba dang / byang chub sems dpa' sgra dbyangs kun tu sgrog pa dang / byang chub sems dpa' nor bu rin po che sna 
tshogs kyi 'od kyi dkyil 'khor gtsug phud dang / byang chub sems dpa' ye shes chen po nyi mas rab tu gnon pa'i blo gros dang / byang chub sems dpa' yon tan rin po che bsam gyis mi khyab pa ye shes rgya mtsho'i dpal dang / byang chub sems dpa' mig </font><hr>35-1-57b<br><font size=+1>
brgya pa pad+mo'i sna tshogs kyi gtsug phud dang / byang chub sems dpa' nam mkha'i tshul pad+mo sna tshogs kyi gtsug phud dang / byang chub sems dpa' gser gyi 'od 'phro gzi brjid dkyil 'khor gyi 'od dang / byang chub sems dpa' kun tu sgra chos kyi dbyings kyi dbyangs dang /byang chub 
sems dpa' sprin yid du 'ong ba dri ma med pa'i zla ba dang / de dag la stsogs pa byang chub sems dpa' sangs rgyas kyi zhing gi rdul shin tu phra ba snyed mchod pa'i sprin rnam pa sna tshogs rab tu 'gyed cing / 'di ltar nor bu rin po che'i me tog gi sprin thams cad ni rab tu 'byin/ spos 
kyi sprin thams cad ni shin tu 'gyed/ /rin po che'i 'od kyi dkyil 'khor gyi sprin thams cad ni mngon par 'byin/ yul mtha' yas pa'i spos kun tu 'phro ba'i bdug pa'i sprin ni rnam par 'gyed cing / nor bu nyi ma'i snying po 'khor lo'i 'od kyi dkyil 'khor gyi sprin ni rab tu 
gtong / sil snyan gyi sgra dbyangs yid du 'ong ba'i sprin ni rab tu sgrog /rin po che 'od 'phro ba kha dog mtha' yas pa'i sgron ma'i sprin gyis ni rab tu snang bar byed/ nor bu sna tshogs kyi shing gi yal ga las me tog gi dog pa ni rnam par spyod/ rin po che'i 'od dri ma med pa 
zad mi shes pa'i nor bu'i rgyal po'i char ni rab tu 'bebs/ rgyan mdzes pa thams cad yang dag par ston pa'i nor bu'i rgyal po'i sprin gyi char ni rab tu 'bebs shing / de lta bu dag la stsogs pa byang chub sems dpa' re re zhing yang sangs rgyas kyi zhing gi rdul shin tu phra ba snyed kyi 
mchod pa'i sprin gyi char rab tu 'bebs par byed cing lhags par gyur te/ bcom ldan 'das la lan brgya stong du mar g.yas phyogs su bskor ba byas te/ 'khor gyi dkyil 'khor rgya mtsho yod pa thams cad du mchod pa'i sprin rgyun mi 'chad pa'i char mngon par phab nas gang 
nas 'ongs pa'i phyogs su brten te/ de bzhin gshegs pa la mngon du bltas nas seng ge'i khri rin po che sna tshogs du ma'i pad+mo'i snying po can dag mngon par sprul te/ skyil mo krung bcas te 'khod par gyur to/ /byang chub sems dpa' de dag thams cad kyang spyod yul rgya </font><hr>35-1-58a<br><font size=+1>
mtsho rgya chen po yongs su dag pa rnams so/ /sgo kun nas chos kyi snang ba rab tu thob pa rnams so/ /de bzhin gshegs pa'i spyod yul chags pa med pa'i rjes su 'brang ba rnams so/ /tha dad pa yang dag par shes pa thams cad kyis chos rgya 
mtsho la zhugs pa rnams so/ /rnam par thar pa bsam gyis mi khyab pa'i snang ba rab tu thob pa rnams so/ /sgo kun nas de bzhin gshegs pa'i sa'i dbyings rab tu thob pa rnams so/ /gzungs kyi sgo rgya mtsho thams cad kyis chos rgya mtsho rab tu 'dzin pa rnams so/ /
dus gsum mnyam pa nyid kyi ye shes kyi sa la rab tu gnas pa rnams so/ /dga' ba'i shugs rgya chen po rab tu thob pa rnams so/ /bsod nams kyi dkyil 'khor mu med pa yongs su dag pa'i rnams te/ chos kyi dbyings dang nam mkha' la rnam par rgyu zhing 
sangs rgyas thams cad mchod pa mngon par bsgrub pa la rab tu brtson pa sha stag go /de nas byang chub sems dpa' rgya mtsho'i blo gros rnam par rol pa'i ye shes mngon par shes pa'i rgyal pos sangs rgyas kyi mthus 'khor gyi dkyil 'khor rgya mtsho thams 
cad la rnam par bltas nas/ de'i tshe tshigs su bcad pa 'di dag smras so/ /sangs rgyas rnam par sangs rgyas mnyam nyid mkhyen/ /chags med rnyed pas nam mkha' lta bu ste/ /phyogs rnams zhing kun rab tu snang byas nas/ /'byam klas 'khor 
na bzhugs pa rnam par mdzes/ /bde gshegs rang byung mtha' dang dbus med de/ /thams cad phyogs kyi chos dbyings kun rgyas par/ /dbang phyug chen po kun gyis mchod bskor cing / /shing gi rgyal po kun gyi drung na bzhugs/ /de bzhin gshegs 
pa'i rdzu 'phrul stobs dag gis/ /skad cig sems la zad med yon tan gzugs/ /rnam thar gzhan dang gzhan dag thob pas mthong / /de bzhin gshegs pa'i yul ni mtha' yas so/ /bskal pa rgya mtshor sngan cad spyod pa'i tshe/ /de bzhin gshegs </font><hr>35-1-58b<br><font size=+1>
pas srid pa rgya mtsho 'dir/ /sna tshogs thabs kyis sems can smin byas pa/ /de dag rgyal ba de yi chos 'dzin to/ /yongs dag dri med 'khor rnams 'khod pa dag /thams cad sangs rgyas lta zhing rnam par gnas/ /pad+mo'i snying po pad+mo gdan bzhugs pa/ /
tshogs kyi nang na rgyal ba mngon par mdzes/ /sangs rgyas gang na bzhugs pa'i seng ge'i khri/ /rin chen nor bu'i rgyal po'i 'od 'phro zhing / /spos 'phro sprin rnams mtha' yas rab tu 'byung / /snying po du ma'i me tog phreng spyangs pa'o/ /rin chen 'od 'phro'i sprin 
ni rtag tu 'gyed/ /'od zer sgron ma rgya chen rab tu 'bar/ /rta babs rnam pa sna tshogs rnams kyis brgyan/ /thub pa de bzhugs mngon par rab tu mdzes/ /sgra dbyangs yid du 'ong ba rab tu 'gyed/ /rin chen tshon du sna tshogs pad+mo 'phyang / /nor bu'i rgyal 
pos skar khung kun gnas brgyan/ /sangs rgyas de bzhugs rnam par rab tu mdzes/ /zla gam rin chen mang pos yongs su bzung / /rdo rje 'od 'phro snang ba'i snying pos brgyan/ /gtsug na nor bu'i byang chub sems dpas bzung / /sangs rgyas de bzhugs rnam 
par shin tu mdzes/ /phyogs bcur sprul pa'i dra ba rab bkye zhing / /de bzhin gshegs pa'i smon lam sgra yang sgrog /gzugs brnyan bzhin du zhing rnams kun na snang / /thub pa de 'dra'i seng ge'i gdan la bzhugs/ /de nas byang chub sems dpa' sgra dbyangs 
kun tu sgrog pas/ sangs rgyas kyi mthus 'khor gyi dkyil 'khor du yod pa thams cad la rnam par bltas te/ de'i tshe tshigs su bcad pa 'di dag smras so/ /'di ni bde gshegs sangs rgyas byin rlabs te/ /byang chub spyod pa sngan chad spyad pa dang / /sangs 
rgyas mchod pa'i mchod pa du ma dag /rgyal ba'i gdan las de dag thams cad snang / /spos 'od snang ba nor bu'i rgyal po can/ /me tog snying po seng ge'i gdan gyi 'khor/ /rgyan rnams thams cad gzugs brnyan gyur pa dang / /'khor rnams de dag thams </font><hr>35-1-59a<br><font size=+1>
cad kun bkang ste/ /skad cig skad cig rgyan gyi kha dog kun/ /rnam pa du mar sangs rgyas gdan las snang / /sems can ji ltar mos pa de dag kyang / /'khod cing sangs rgyas tshad med gdan la lta/ /rin chen lda ldi pad+mo 
mang btags pa/ /phyi zhing byang chub sems dpa' mang po rnams/ /sgra dbyangs yid du 'ong ba rab 'byin cing / /sangs rgyas gdan la bzhugs la stod pa byed/ /sangs rgyas bsod nams tshad med nam mkha' bzhin/ /'di dag rgyan kun de las rab tu byung / /
sa rnams re re'i rgyan rnams gang yod pa/ /'gro ba kun gyis de dag bsam mi nus/ /mi phyed mtshams kyi rdo rje sna tshogs pa/ /'khor yangs rnam dag shin tu mnyam pa ste/ /nor bu'i dra ba sna tshogs kun tu bkram/ /byang chub shing gi sa yi 'khor 
kun to/ /sa phyogs gang na rgyal ba'i gdan yod pa/ /kha dog mtha' yas rgya chen sna tshogs te/ /me tog mngon gtor rin chen rnam par bkram/ /gser tshon mdzes pas de ni rab tu brgyan/ /sa yi lha mo de dag rab dga' zhing / /skad cig sems 
kyis mi zad sa yang ston/ /kun kyang rgyal ba'i zhal du mngon lta zhing / /kha dog thams cad rgyan gyi sprin gtong ngo / /rin chen sgron ma mang po gsal bar 'bar/ /spos mang dri zhim mang po rtag tu 'byung / /dus dang tshod kyi rnam pa mang ston cing / /lha 
rnams kun kyang sangs rgyas mchod pa byed/ /phyogs rnams bcu na zhing rnams ji snyed pa/ /de dag sa rgyan phun sum tshogs yod pa/ /de dag kun kyang sa dkyil 'di na snang / /sangs rgyas byin rlabs mnyam pa med pas byung / /de nas byang chub 
sems dpa' nor bu rin po che sna tshogs kyi 'od kyi dkyil 'khor gtsug phud kyis sangs rgyas kyi mthus 'od kyi dkyil 'khor yod pa thams cad la rnam par bltas nas/ de'i tshe tshigs su bcad pa 'di dag smras so/ /sngan cad spyad pa spyod pa'i tshe de dag /</font><hr>35-1-59b<br><font size=+1>
zhing kun phun sum tshogs pa mthong ba rnams/ /snying po byang chub 'khor gyi sa 'di la/ /myi zad sa dang de dag rab tu snang / /rnam par yangs pa gang na snang ba yi/ /sa la rin chen mdzes kun rnam par bkram/ /rin chen mang pos dkyil 'khor kun tu gtor/ /
sangs rgyas 'od kyi sprin kyang rab tu snang / /sa rnams kun brgyan shing gi dam pa'i drung / /kun nas nor bu'i rgyal pos rgyan byas las/ /bsod nams 'od kyi dbyangs kyi 'brug sgra 'byung / /sangs rgyas rdzu 'phrul tshul yang rab tu brjod/ /rin chen mang po 
sgron ma'i char phab cing / /rin chen mdzes par bkod pa rnam par mdzes/ /sgra dbyangs kun gyi 'brug sgra shin tu sgrog /sa yi lha rnams sa yang yang dag ston/ /rin chen 'od 'phro sgron ma rnam par snang / /'od zer sprin ni sa las rab tu 'byung / /nor bu 
dra ba sil ma kun nas bkram/ /rin chen sna tshogs rigs kyi yan lag brgyan/ /sa rnams kun nas mdzes pa 'di dag ltos/ /rin chen mang po tshon bzang rgyan du bkye/ /'gro ba dag la chos kyi rgya mtsho sgrog /de dag chos nyid rnam par dag pa mthong / /
ma lus phyogs na sangs rgyas thams cad kyi/ /byang chub shing gi phun sum tshogs pa dag /sa yi dkyil 'khor 'di na kun snang ste/ /de dag chos nyid rnam par dag pa brjod/ /sangs rgyas gdan las chos rnams rgya mtsho yi/ /chos sgo bde bar 
gshegs pas gang gsungs pa/ /sems can kun kyi bsam pa ji bzhin du/ /sa 'khor rnams kyang kun nas rab tu 'byung / /dri zhim 'od rnams rtag tu 'byung bas na/ /de dag ji bzhin snod kyi 'gro ba 'gengs/ /srog chags rnams kyi nyon mongs 
zhi bar byed/ /sa 'khor de nas de 'dra rab tu sgrog /sangs rgyas rdzu 'phrul phun sum gang dag dang / /dri med sa ni gang gis mdzes gyur pa'i/ /phun sum tshogs pa'i rgyan rnams re re zhing / /bskal pa bye ba dag tu 'ang brjod myi nus/ /de nas byang chub </font><hr>35-1-60a<br><font size=+1>
sems dpa' ye shes chen po'i nyi mas rab tu gnon pa'i blo gros kyis/ sangs rgyas kyi mthus 'khor gyi dkyil 'khor yod pa thams cad la rnam par bltas te/ de'i tshe tshigs su bcad pa 'di dag smras so// //
sangs rgyas rmad ga cad ces bya ba shin tu rgyas pa chen po'i mdo/bam po lnga pa/ 'jig rten kun gyi bsam pa tshim mdzad cing / /sangs rgyas chos kyi gzhal med khang na mdzes/ /'byam klas phyogs rnams kun tu mngon sum du/ /sangs rgyas 
'gro gtso gzhal med khang na snang / /rin chen kun gyi snying po rab tu brgyan/ /rgyan rnams kun gyis de bzhin mdzes shing 'bar/ /sangs rgyas pho brang 'od ni bsam myi khyab/ /de na bzhugs shing sangs rgyas rab tu mdzes/ /ka ba'i rgyan ni nor bu sna tshogs te/ /
phyogs rnams kun sgor rta babs sprin kyang bris/ /stegs bu'i phreng ba kun nas rgyan du bkod/ /gser gyi dril bu'i sprin kyang rnam par brgyus/ /me tog bla re rnam pa sna tshogs ltos/ /rin chen shing sdong dar gyi bla re bres/ /nor bu thams cad sgo nas phreng ba 
'brul/ /de nas ye shes rgya mtshor rab tu mdzes/ /spos dri rgyal mtshan rin chen dra ba ste/ /'od zer sgron ma'i sprin gyis kun tu g.yogs/ /rgyan rnams sna tshogs kun nas shin tu bres/ /de na sangs rgyas rab tu 'phags pa bzhugs/ /phyogs rnams 
kun sgo sprul pa'i sprin gyi rnams/ /dbyangs kyis 'jig rten khyab par grag byed cing / /'byam klas phyogs kyi sems can rnam 'dul ba/ /sangs rgyas pho brang 'di na de dag grag /me tog shing dang rin chen spungs spel ba/ /'phags pa phyogs rnams 
kun tu mngon par mdzes/ /de las dus gsum zhing rnams thams cad kyang / /gzugs brnyan gyur par de dag rab tu snang / /phyogs rnams kun tu rin chen mang bkye ba/ /de dag sna tshogs mdzes par rnam par 'bar/ /phyogs rnams kun tu skar khung </font><hr>35-1-60b<br><font size=+1>
mdzes par brgyan/ /rta babs mda' yab sna tshogs mang pos brgyan/ /dri med 'od zer kun nas snang ba yi/ /sangs rgyas pho brang rnam pa bsam yas te/ /gzhal med khang mang thams cad de la snang / /de dag kun na'ang rgyal ba bzhugs shing mdzes/ /phyogs 
rnams kun na 'khor rnams ji snyed pa/ /rgyal ba'i pho brang 'dir ni kun bzhugs kyang / /mtha' med dbus myed mu yang de bzhin du/ /rang byung sangs rgyas pho brang de na bzhugs/ /de nas byang chub sems dpa' yon tan rin po che bsam gyis mi khyab pa ye shes rgya mtsho 
dpal gyis/ sangs rgyas kyi mthus/ 'khor gyi dkyil 'khor rgya mtsho yod pa de dag thams cad la rnam par bltas te/ de'i tshe tshigs su bcad pa 'di dag smras so/ /sangs rgyas zhing rdul shin tu phra snyed kyi/ /bsod nams rgya mtsho rnam par rab sbyangs te/ /
sangs rgyas rdzu 'phrul smon lam yang dag byung / /snying po byang chub dri med rnam par mdzes/ /spos zhim thams cad rtsa ba yang dag rgyu/ /yid bzhin nor mchog rgyal pos kun nas brgyan/ /rdo rje phye ma'i nor bu'i rgyal po bris/ /shing sdong rtsa ba rin chen kun 
las byas/ /rdo rje phye ma'i nor bu 'khor lo 'byung / /lhun rnams thams cad rin chen rgyan gyis brgyan/ /yal ga stug po sprin ltar kun nas 'khyil/ /snying po byang chub de na rgyal ba mdzes/ /yal ga dog pa kun nas mngon pa ste/ /'khor rnams snum 
'jam phyogs rnams kun tu 'phags/ /me tog 'bras bu rgyun rnams kun kyang 'gyed/ /snying po byang chub rgya chen bsam myi khyab/ /'od rnams bkye ba phyogs su rnam par mdzes/ /dri ma med pa'i 'od 'bar zad mi shes/ /yal ga'i sgo nas sprin kun char 
yang 'bebs/ /snying po byang chub smon lam yangs pa byung / /me tog nor dang rin chen mi zad nor/ /mu tig nor bu phyogs rnams kun nas brgyus/ /phye ma nor gyi gnas kyi sprin 'gyed de/ /snying po byang chub phyogs rnams kun tu 'byin/ /bde gshegs </font><hr>35-1-61a<br><font size=+1>
snying po byang chub 'di la ltos/ /pad+mo'i dra ba nor bu dri med mang / /rin chen 'od zer dkyil 'khor kun nas 'phro/ /dril bu'i dra ba sprin gyi sgra dbyangs 'byin/ /phyogs bcu'i shing bzang gzugs rnams gang yod pa/ /'byam klas 
zhing gi ma lus thams cad dag /byang chub shing la de dag kun nas snang / /de drung sangs rgyas dri med rnam par mdzes/ /yal ga kun nas rin chen mi zad nor/ /byang chub sems dpa' dag kyang rtag 'byung zhing / /bsod nams rgya chen dkyil 'khor char 
phab ste/ /phyogs bcur rgyal ba mchod phyir de dag 'dong / /de bzhin gshegs pa sngan cad cir gyur dang / /byang chub spyod las byung ba 'di dag ltos/ /yal ga kun nas rin chen nor mi zad/ /sangs rgyas yul kun bsam gyis myi khyab po/ /de nas 
byang chub sems dpa' myig brgya pa pad mo sna tshogs kyi gtsug phud kyis/ /sangs rgyas kyi mthus 'khor rgya mtsho yod pa thams cad la rnam par bltas nas/ de'i tshe tshigs su bcad pa 'di dag smras so/ /dus gsum gshegs pa'i rgyal ba'i rnam 'phrul 
ba/ /de dag rin chen sgo nas kun kyang grags/ /de ni mtha' dang dbus yang myed pa ste/ /snying po byang chub 'di la kun snang ngo / /me tog mang po'i phreng ba sbyangs bkye zhing / /'od zer sprin gyis phyogs rnams kun bkang ste/ /byang chub shing la gnas 
pa'i lha yi rnams/ /sangs rgyas blta zhing rtag tu mchod pa byed/ /spos kyi rgyal mtshan nor bu sna tshogs 'bar/ /spos kyi 'od 'phro bdug spos rtag tu 'byung / /'khor gyi rgya mtsho kun la khyab par zhim/ /shing gi rgyal po de phyir phyogs su mdzes/ /
pad+mo 'brul ba stug cing gser mdog 'dra/ /rgyal ba'i sprin sgra rtag par rab tu 'gyed/ /phyogs bcu'i zhing rnams ma lus khyab byas shing / /sems can rnams kyi nyon mongs gdung ba sel/ /rgyal ba'i 'khor ni tshad med rgya che ste/ /phyogs rnams kun </font><hr>35-1-61b<br><font size=+1>
nas snying po byang chub la/ /gzugs brnyan snang zhing dri med 'od mchog 'gyed/ /byang chub shing gi rnam 'phrul 'di dag ltos/ /smon lam sgra dang dbyangs kyi mar me rnams/ /rin chen sna tshogs yal ga kun nas 'bar/ /srid pa rgya mtsho kun na sngan cad 
du/ /rgyal ba'i spyod pa ji ltar byung ba ston/ /byang chub lha rnams zhing gi rdul snyed do/ /de dag thams cad snying po byang chub gnas/ /thub pa'i byang chub shing la skad cig cing / /rnam thar gzhan dang gzhan mang de dag ston/ /rang byung spyad pa thams cad spyod 
pa'i tshe/ /sngon chad de bzhin gshegs pa gang mchod pa/ /de dag mtshan bcas sngon gyi sbyor bcas pa/ /thams cad rin chen sgo nas rab tu 'byung / /phyogs bcu'i sems can ji snyed snod gyur pa/ /de dag thams cad 'di las sgra 'byung ste/ /de dag 
cis 'dul rnam dag ci 'dra ba'ang / /snying po byang chub 'di las kun brjod do/ /byang chub shing rnams mtha' yas phyogs kun na/ /bsam gyis myi khyab rgyan gyi sprin can dag /mtha' yas sna tshogs rgyan pa thams cad kyang / /sngan cad de bzhin 
gshegs pas yongs sbyangs pa'o/ /de nas byang chub sems dpa' gser gyi 'od 'phro gzi brjid dkyil 'khor gyi 'od kyis sangs rgyas kyi mthus/ 'khor gyi dkyil 'khor yod pa thams cad la rnam par bltas nas de'i tshe tshigs su bcad pa 'di dag smras so/ /
srid pa'i rgya mtshor byang chub spyod mdzad tshe/ /mos pa'i dkyil 'khor yongs su smon dag cing / /gnas dang gnas min stobs rnams thugs chud pa'i/ /bde gshegs stobs rnams rnam par dag pa mthong / /bskal pa kun tu rgya mtsho'i las sbyangs te/ /
mnyam nyid chos bsgoms ji ltar bsgrubs pa rnams/ /sangs rgyas 'od las de bzhin phyogs bkang zhing / /las rnams rgya mtsho de bzhin rab tu brjod/ /sna tshogs thabs kyis 'byam klas stobs spyod tshe/ /bskal pa snga mar 'gro ba'i dbang po bzhin/ /</font><hr>35-1-62a<br><font size=+1>
yongs su smin byas de bas 'khor kun kyang / /sems dag sangs rgyas dbang po'i stobs la 'jug /'jig rten kun gyi mos pa sna tshogs dang / /bsam pa ji bzhin sbyor ba rnam spyod pa/ /de dag ji bzhin rgyal ba chos ston te/ /rang byung 
mos pa mkhyen pa'i stobs ston to/ /phyogs rnams ma lus zhing rnams rgya mtsho dang / /'byam klas sems can khams dang chos kyi khams/ /nam mkha'i khams rnams mnyam nyid mkhyen mi rtog /rang byung spu rtser khams mkhyen stobs kyang bston/ /bde 
gshegs ye shes rgya chen kun tu 'gro/ /skad cig gcig gis dus gsum ma lus 'gengs/ /phyogs dang zhing dang bskal pa 'gro bkang zhing / /sems can kun la stobs 'jug mngon par bstan/ /bsam gtan rnam thar stobs mtha' dbus med pa/ /
ting 'dzin rgya mtsho'i tshul ni 'gro kun snyed/ /thams cad rgyal ba'i sku la bstan pas na/ /sems can bsam pa'i chos kyi nyon mongs sel/ /sangs rgyas ye shes dus gsum sgrib pa med/ /skad cig kun la dus gsum spu rtser bstan/ /zhing dang 
sems can sangs rgyas de bzhin chos/ /de ltar rgyal bas rjes su dran stobs bstan/ /thub pa'i spyan ni nam mkha' mnyam pa ste/ /de nas chos dbyings ma lus gsal bar gzigs/ /thams cad tshul gyis chags med gzhal yas khang / /
brnyes pas ye shes spyan ni rnam mang bstan/ /'jig rten kun gyi sbyor mang ji snyed dang / /'gro ba'i bag chags bag nyal ma lus par/ /thabs sgo kun nas nyon mongs zhi mdzad cing / /rgyal ba 'jig rten gang bar kun nas byung / /de nas byang 
chub sems dpa' chos kyi dbyings kyi dbyangs kun nas sgrog pas/ sangs rgyas kyi mthus 'khor rgya mtsho yod pa thams cad la rnam par bltas nas/ de'i tshe tshigs su bcad pa 'di dag smras so/ /rgya chen sangs rgyas byin rlabs phyogs kun </font><hr>35-1-62b<br><font size=+1>
tu/ /sangs rgyas ston kyang rtog pa mi mnga' ste/ /pha rol phyin pa rgya chen yongs bkang ba/ /byang chub spyod pa rgya chen de dag snang / /'gro ba rnams la thugs rje che bskyed cing / /sbyin pa'i mthar phyin sngon chad sbyangs pas na/ /de phyir thub pa'i sku ni mtshan gyis 
rgyas/ /'gro ba kun gyis blta zhing dga' ba bskyed/ /bskal pa rgya mtsho mang po mtha' yas ston/ /tshul khrims pha rol phyin pa yongs sbyangs pas/ /de phyir bskal pa phyogs su dri med cing / /shin tu 'phags par 'jig rten sdug bsngal sel/ /ma 
log mnyam pa nyid la dad bskyed de/ /sngon chad bzod pa'i dkyil 'khor rnam sbyangs pas/ /'gro dang mtshungs mnyam yon tan kun ston to/ /de bas phyogs su 'od rnams shin tu 'phro/ /bskal pa rgya mtsho mang por sngon spyod tshe/ /'gro ba rnams kyi sgrib 
pa 'thibs po bsal/ /de phyir phyogs bcu'i 'gro ba kun bkang ste/ /zhing rab drung na rgyal ba mngon par mdzes/ /bsam gtan yan lag rgya mtsho spyod pa'i tshe/ /bskal pa yangs par rgyal ba rab tu spyad/ /de bas 'gro ba'i gzhal med dga' ba bskyed/
nyon mongs dri mas bsgribs pa kun kyang sel/ /sangs rgyas rgya mtsho'i drung du sngon spyad cing / /shes rab mthar phyin rgyal bas sngon bkang ste/ /'gro ba'i gti mug mun pa yongs su bsal/ /de bas rgyal ba kun tu rnam par mdzes/ /'gro ba kun 
mnyam thabs sgo thams cad kyis/ /yang dag byung zhing 'gro ba rnam sbyangs pas/ /phyogs rnams kun na kun la mngon par bzhugs/ /phyi ma'i bskal par 'gro ba mngon du lta/ /smon lam pha rol phyin pa rab spyod tshe/ /bskal pa rgya mtsho shin tu 
rgya che zhing / /phyi ma'i bskal pa 'gro ba'i sprin mnyam par/ /spyad pas de phyir 'gro ba kun na mdzes/ /rgyal bas chos kun stobs kyi mthar phyin pa/ /bskal pa gzhal yas mang por yongs su sbyangs/ /de phyir rang byung stobs kyi pha rol phyin/ /</font><hr>35-1-63a<br><font size=+1>
phyogs kyi zhing rnams kun na de phyir 'phags/ /thams cad mkhyen nyid nam mkha' mtshungs mnyam pa'i/ /ye shes kun gyi sgo nas sngon sbyangs pas/ /de phyir chags med ye shes pha rol phyin/ /phyogs bcu kun na rgyal ba mngon par 
mdzes/ /de nas byang chub sems dpa' sprin yid du 'ong ba dri ma med pa'i zla bas sangs rgyas kyi mthus/ 'khor rgya mtsho yod pa thams cad la rnam par bltas nas/ de'i tshe tshigs su bcad pa 'di dag smras so/ /sangs rgyas rdzu 'phrul yul ni phyogs rnams kyi/ /
'gro ba'i rgyud dbyings nam mkha' mnyam par snang / /sa rnams yangs pa ji ltar sngon bskyed pa/ /de bzhin kun kyang rin chen sgo nas brjod/ /dang po'i sa ni dga' ba'i shugs kyi yul/ /chos dbyings kun gyi bde gshegs rnams mthong zhing / /gzhal med 
bskal par dri med yongs gsungs pas/ /chos dbyings yangs la ye shes rab tu byung / /thams cad chos la dri myed sa gnyis te/ /bskal pa rgya mtsho mang por rnam spyad cing / /rgyal ba tshad med rgya mtsho mchod byas nas/ /'gro ba tshad med dri med sbyangs 
pas byung / /bsod nams dkyil 'khor 'od ni sa gsum ste/ /snying po bzod pa'i dkyil 'khor lhag mthong brten/ /gang du de skyes rin chen sgo dag nas/ /chos kyi sprin ni rgya chen rab tu thos/ /'od 'phro rgya mtsho ldan pa gzhal med sa/ /mthu yi 'khor 'od 
snying po snying rje ste/ /zhing rnams kun tu sgrib dang mnyam pa'i lus/ /'gro ba'i nyon mongs kun nas rnam sbyangs pa'o/ /dga' rgyal snying po mnyam dbyings mnyam nyid de/ /zhing rnams kun tu 'gro zhing zhi la gzhol/ /sa rnams chos yul kun nas rab tu 
skyes/ /de yang rnam dag ji bzhin rgyal bas bstan/ /shes rab rgya mtsho yangs pa'i sprin la spyod/ /'byam klas chos kyi mthar thug rnam pa kun/ /zhing rnams kun la mngon sum nam mkha' 'dra/ /de 'byung byang chub shing chen 'di las grag /chos dbyings </font><hr>35-1-63b<br><font size=+1>
mtha' dang mnyam pa'i lus can te/ /'gro ba kun 'gengs 'gro ba kun snang byed/ /'byam klas thabs kyi sgo nas rnam par dag /ring du song mchog de ni rgyal bas bstan/ /thams cad chos dang smon lam spyod mang dang / /zhing rnams rgya mtsho'i dbyings kyang mnyam 
rtogs pas/ /bskal pa kun tu 'gro mchog mi g.yo ste/ /gzhal med sa de'i sprin kyang rab tu sgrog /tshad med yul can stobs kyis rab tu snang / /rdzu 'phrul chos kyis 'gro zhing stobs la 'jug /'di ni rdul med dge ba'i blo gros sa/ /bskal pa rgya 
mtshor byang chub shing las brjod/ /chos kyi sprin ni rgya chen sa bcu ste/ /dus rnams kun 'gengs nam mkha'i rang bzhin 'dra/ /sangs rgyas yul gyi sgra dang dbyangs kun tu/ /rgyal ba'i byin gyis 'di las rab tu grag /de nas byang chub sems dpa' rnam 
par gnon pa gti mug med pa'i 'od zer gyi rgyal mtshan gyis sangs rgyas kyi mthus phyogs bcur rnam par bltas nas/ de'i tshe tshigs su bcad pa 'di dag smras so/ /rnam pa du mar 'khor rnams gnas pa ni/ /dad pa sna tshogs yongs su dag pa'i sems/ /
rgyan dang yul rnams kun la rab tu zhugs/ /de dag sangs rgyas ye shes 'jug par 'gyur/ /phan tshun smon lam rnam dag spyod yul te/ /dag pa mtha' yas bya ba rab tu byas/ /de bzhin gshegs pa'i rnam 'phrul thams cad kyang / /gzhan dang gzhan 
gyi sgo nas rab tu mthong / /bde gshegs chos kyi sku la zhugs pa dag /la las rgyal ba'i chos sku de nyid la/ /kun tu sprin 'dra gzhal du med pa yi/ /mtha' yas chos kyi rang bzhin chos nyid mthong / /la las rgyal ba'i gzugs sku de nyid la/ /
phyogs bcu kun tu rnam par 'phrul mdzad cing / /yon tan mtha' yas 'od sprin rab 'bar ba/ /'gro ba ngang tshul sprin du gyur par mthong / /la la rgyal ba'i ye shes chags med 'jug /dus gsum mnyam nyid mkha' dang 'dra ba'i sku/ /'gro ba kun </font><hr>35-1-64a<br><font size=+1>
gyi bsam pa'i tshul 'byung ba'i/ /sangs rgyas stobs la rab tu 'jug pa mthong / /sangs rgyas gsung ni thogs pa med 'byung ste/ /phyogs kun zhing rnams ma lus rgyas 'gyur zhing / /'gro ba snod bzhin bskul bar byed pa yi/ /de bzhin 
gshegs pa'i gsung la la la 'jug /la la sangs rgyas snang ba sna tshogs 'jug /sna tshogs snang bas 'gro ba kun bkang zhing / /rgyal ba'i rdzu 'phrul kun tu snang mdzad pa'i/ /sangs rgyas 'od ni la las der yang mthong / /ba spu'i sgo nas 'od zer rab bkye ba'i/ /
'od zer rgya mtsho'i sprin la la la 'jug /sngan cad rgyal ba'i spyod pa bstan pa la/ /la la dga' zhing rgyal ba shes par byed/ /la las bsod nams sna tshogs mtshan gyi rnams/ /bde gshegs bsod nams 'byung ba ji bzhin mthong / /pha rol phyin pa rgya 
mtsho sbyong ba'i tshe/ /ji ltar dag gyur mtshan kyang la las mthong / /sgo rnams kun nas rgyal ba tshad myed de/ /mtha' dang dbus med chos kyi dbyings bkang zhing / /sangs rgyas byin rlabs kun rab brjod pa kun/ /rnam 'phrul sangs rgyas yul ni la las 
mthong / /de nas sangs rgyas kyi byin gyi rlabs kyis/ 'jig rten gyi khams me tog gi rgyan gyis brgyan pa'i gzhi dang snying po rgya mtsho thams cad rnam pa drug tu g.yos so/ /rab tu g.yos so/ /kun tu g.yos so/ /'gul to rab tu 'gul to/ /
kun tu 'gul to/ /ldeg go rab tu ldeg go /kun tu ldeg go /chem chem rab tu chem chem/ kun tu chem chem mo/ /'ur 'ur rab tu 'ur 'ur/ kun tu 'ur 'ur ro/ /shig shig rab tu shig shig /kun tu shig shig go /'jig rten gyi dbang po de dag thams 
cad re res kyang mchod pa mngon par bsgrub pa'i sprin bsam gyis mi khyab pa'i char de bzhin gshegs pa'i 'khor gyi dkyil 'khor du mngon par rab tu phab po/ /'di ltar spos kyi me tog sna tshogs kyi sprin gyi char thams cad rab tu phab po/ /rin po che sna tshogs </font><hr>35-1-64b<br><font size=+1>
thams cad kyi sprin dang / rin po che'i 'od 'phro ba'i pad+mo'i dra ba thams cad kyi sprin dang / nor bu rin po che'i 'od kyi dkyil 'khor kha dog mtha' yas pa'i sprin dang / rin po che kha dog sna tshogs dang / mu tig thams cad kyi sprin dang / spos dang tsan+dan dang / rin po che 
thams cad kyi sprin dang / rin po che'i gdugs thams cad kyi sprin dang / nor bu'i rgyal po'i sgra dbyangs bzang po yid du 'ong ba'i sprin dang / nor bu'i nyi ma'i 'od zer gyi phreng ba mang po'i sprin dang / rin po che'i 'od zer gyi mdzod thams cad kyi sprin dang / rang rang gi 
lus las rgyan thams cad 'phyang ba'i sprin dang / de lta bu dag la stsogs pa 'jig rten gyi dbang po re res kyang mchod pa mngon par bsgrub pa'i sprin bsam gyis mi khyab pa'i char de bzhin gshegs pa'i 'khor gyi dkyil 'khor rgya mtsho thams cad du mngon par phab po/ /
ji ltar 'jig rten gyi khams 'dir 'jig rten gyi dbang po rnams rab tu dga' bar gyur pa de bzhin du/ gzhi dang snying po me tog gi rgyan gyis brgyan pa'i 'jig rten gyi khams rgya mtsho'i 'jig rten gyi dbang po rnams re res kyang mchod pa mngon par bsgrub pa'i sprin gyi char 
de bzhin gshegs pa'i 'khor gyi dkyil 'khor rgya mtsho dag tu rab tu phab par gyur to/ /'jig rten gyi khams thams cad na yang 'jig rten gyi dbang po rnams mos pa gzhan dang gzhan dang / dmigs pa gzhan dang gzhan dang / /ting nge 'dzin gyi tshul gyi sgo rgya mtsho 
gzhan dang gzhan dang / tshogs gzhan dang gzhan dang / yang dag par sgrub pa gzhan dang gzhan dang / dga' ba'i shugs kyis spyod pa gzhan dang gzhan dang / phyogs kyi tshul gzhan dang gzhan dang / chos kyi tshul la 'jug pa gzhan dang gzhan dang / de bzhin 
gshegs pa'i yul dang / byin gyi rlabs la 'jug pa gzhan dang gzhan dang / yul dang stobs la 'jug pa gzhan dang gzhan dang / rnam par thar pa'i tshul rgya mtsho'i sgo gzhan dang gzhan gyis/ de bzhin gshegs pa'i snying po byang chub la bzhugs pa la khong </font><hr>35-1-65a<br><font size=+1>
du chud par byed do/ /'di na ji lta ba bzhin phyogs bcu'i chos kyi dbyings rgya mtsho'i nam mkha'i dbyings kyi mtha' klas pa'i 'jig rten gyi khams rgya mtsho thams cad na yang de bzhin no/ /'jig rten gyi dbang po thams cad kyi rgyan gyi tshul 
rab tu byung ba zhes bya ba'i ste le'u dang po'o// //de nas byang chub sems dpa' de dag dang / 'jig rten gyi dbang po de dag 'di snyam du sems par gyur te/ sangs rgyas bcom ldan 'das rnams la sangs rgyas kyi sa ni ji lta bu zhig 
mnga'/ sangs rgyas bcom ldan 'das rnams la sangs rgyas kyi yul ni ji lta bu zhig mnga'/ sangs rgyas bcom ldan 'das rnams la byin gyi rlabs ni ji lta bu zhig mnga'/ sangs rgyas bcom ldan 'das rnams la sangs rgyas kyi spyod yul ni 
ji lta bu zhig mnga'/ sangs rgyas bcom ldan 'das rnams la sangs rgyas kyi stobs ni ji lta bu zhig mnga'/ sangs rgyas bcom ldan 'das rnams la sangs rgyas kyi myi bsnyengs pa ni ji lta bu zhig mnga'/ sangs rgyas bcom ldan rnams la sangs rgyas kyi 
ting nge 'dzin ni ji lta bu zhig mnga'/ sangs rgyas bcom ldan 'das rnams la sangs rgyas kyi rnam par 'phrul pa ni ji lta bu zhig mnga'/ sangs rgyas bcom ldan 'das rnams la sangs rgyas kyi mnga' chen po ni ji lta bu zhig mnga'/ sangs rgyas bcom 
ldan 'das rnams la sangs rgyas kyi mi 'phrogs pa ni ji lta bu zhig mnga'/ sangs rgyas bcom ldan 'das rnams la sangs rgyas kyi spyan ni ji lta bu zhig mnga'/ sangs rgyas bcom ldan 'das rnams la sangs rgyas kyi snyan ni ji lta bu zhig mnga'/ /sangs rgyas 
bcom ldan 'das rnams la sangs rgyas kyi shangs ni ji lta bu zhig mnga'/ sangs rgyas bcom ldan 'das rnams la sangs rgyas kyi ljags ni ji lta bu zhig mnga'/ sangs rgyas bcom ldan 'das rnams la sangs rgyas kyi sku ni ji lta bu zhig mnga'/ sangs rgyas bcom ldan 'das </font><hr>35-1-65b<br><font size=+1>
rnams la sangs rgyas kyi thugs ni ji lta bu zhig mnga'/ sangs rgyas bcom ldan 'das rnams la sangs rgyas kyi 'od ni ji lta bu zhig mnga'/ sangs rgyas bcom ldan 'das rnams la sangs rgyas kyi 'od zer ni ji lta bu zhig mnga'/ sangs rgyas bcom ldan 'das rnams la sangs rgyas kyi gsung ni ji lta bu 
zhig mnga'/ sangs rgyas bcom ldan 'das rnams la sangs rgyas kyi ye shes ni ji lta bu zhig mnga'/ phyogs bcu'i 'jig rten gyi khams rgya mtsho dag tu sangs rgyas bcom ldan 'das thams cad byang chub sems dpa' thams cad la smon lam rgya mtsho thams cad ni ji lta bu zhig tu 
yongs su ston/ byang chub sems dpa' thams cad la rab tu 'jug pa rgya mtsho thams cad ni ji lta bu zhig tu yongs su ston/ byang chub sems dpa' thams cad la tshogs rgya mtsho thams cad ni ji lta bu zhig tu yongs su ston/ byang chub sems dpa' 
thams cad la theg pa rgya mtsho rnams ni ji lta bu zhig tu yongs su ston/ byang chub sems dpa' thams cad la rab tu gnas pa rgya mtsho thams cad ni ji lta bu zhig tu yongs su ston/ byang chub sems dpa' thams cad la spyod pa rgya mtsho rnams ni ji lta bu 
zhig tu yongs su ston/ byang chub sems dpa' thams cad la 'byung ba rgya mtsho rnams ni ji lta bu zhig tu yongs su ston/ byang chub sems dpa' thams cad la mngon par shes pa rgya mtsho rnams ni ji lta bu zhig tu yongs su ston/ byang chub sems dpa' 
thams cad la pha rol tu phyin pa rgya mtsho rnams ni ji lta bu zhig tu yongs su ston/ byang chub sems dpa' thams cad la sa rgya mtsho rnams ni ji lta bu zhig tu yongs su ston/ byang chub sems dpa' thams cad la smon lam rgya mtsho rnams ni ji lta bu zhig 
tu yongs su ston/ byang chub sems dpa' rnams la ye shes rgya mtsho rnams ni ji lta bu zhig tu yongs su ston/ bcom ldan 'das kyis bdag cag la yang thugs brtse ba nye bar bzung ste/ byang chub sems dpa' rnams kyi bsam pa ji lta ba bzhin du </font><hr>35-1-66a<br><font size=+1>
'jig rten gyi khams rgya mtsho rnams kyang bstan pa mdzad grang / sems can rgya mtsho rnams kyang bstan pa mdzad grang / sangs rgyas rgya mtsho rnams kyang bstan pa mdzad grang / sangs rgyas kyi pha rol tu phyin pa rgya mtsho rnams kyang bstan pa 
mdzad grang / sangs rgyas kyi rnam par thar pa rgya mtsho rnams kyang bstan pa mdzad grang / sangs rgyas kyi rnam par 'phrul pa rgya mtsho rnams kyang bstan pa mdzad grang / sangs rgyas kyi sprul pa rgya mtsho rnams kyang bstan pa mdzad grang / sangs rgyas kyi shin tu bstan pa rgya mtsho 
rnams kyang bstan pa mdzad grang / sangs rgyas kyi mtshan rgya mtsho rnams kyang bstan pa mdzad grang / sangs rgyas kyi sku tshe'i tshad rgya mtsho rnams kyang bstan pa mdzad grang / de nas byang chub sems dpa' de dag gi byin rlabs kyis/ mchod pa'i dkyil 'khor gyi sprin de 
dag las tshigs su bcad pa 'di dag byung ngo / /mtha' yas rgya chen bskal par rab spyad de/ /byang chub shing drung rang byung yang dag skyes/ /phyi mtha'i bskal par 'gro ba'i sprin gyur pa/ /de bzhin gshegs pas sku ni byin gyis brlabs/ /'gro ba ma 
lus kun gyi the tsom gcod/ /mos pa'i stobs ni yangs pa rab tu bskyed/ /sems can sdug bsngal mtha' yas zhi bar mdzad/ /sangs rgyas bde la 'gro ba thams cad 'god/ /byang chub sems dpa' mtha' yas zhing rdul snyed/ /de bzhin 
gshegs pa blta zhing kun nas gnas/ /de dag bsam pa spyod yul ji bzhin du/ /the tsom bsal bar chos rnams rab bstan gsol/ /rgyal ba kun gyi sa ni ji lta bu/ /de bzhin gshegs pa'i yul gyi rgyud rnams dang / /sangs rgyas byin rlabs 
mtha' dang dbus med pa/ /de dag tshul ni rnam dag bstan du gsol/ /de bzhin gshegs pa'i spyod yul ci yis 'jug /rgyal ba'i mkhyen la ji ltar 'jug pa dang / /ye shes rgya chen mthu stobs rnam par sbyangs/ /rgyal sras kun la yang dag </font><hr>35-1-66b<br><font size=+1>
bstan du gsol/ /sangs rgyas ting 'dzin ji ltar mtha' yas dang / /mi snyems chos nyid ji ltar nam sbyangs dang / /rdzu 'phrul mthu yang mtha' dang dbus med pa/ /'gro ba'i bsam pa rnams la bsgrag tu gsol/ /ji ltar chos rgyal pho brang mnga' 
mdzad cing / /rgyal ba'i spyod yul ji ltar mi 'phrogs dang / /sangs rgyas chos gzhan rgya chen de dag kyang / /thugs brtse'i slad du yang dag bstan du gsol/ /rgyal ba'i spyan ni ji ltar tshad myed cing / /snyan dang shangs dang de bzhin ljags dang sku/ /sangs 
rgyas thugs kyang ji ltar mtha' yas pa/ /'di dag tshul la 'jug pa bstan du gsol/ /zhing rnams rgya mtsho ji ltar sems can khams/ /chos dbyings tshul rnams rgya mtsho de dag dang / /sangs rgyas rgya mtsho mtha' dang dbus med pa/ /'di dag 
rgyal ba'i sras la bstan du gsol/ /pha rol phyin pa rgya mtsho bsam yas dang / /rnam par thar la 'jug tshul rgya mtsho dang / /chos rnams kun gyi tshul rnams rgya mtsho dag /byang chub snying por thams cad bstan du gsol/ /de nas bcom ldan 'das 
kyis de'i tshe byang chub sems dpa' de dag gi sems kyi yongs su rnam par rtog pa thugs kyis thugs su chud nas/ zhal gyi sgo tshems kyi mtshams kyi gseb nas 'od zer/ sangs rgyas kyi zhing gi rdul shin tu phra ba snyed rab tu bkye ba 'di lta ste/ rin po che'i ze ba 
rnam par snang ba zhes bya ba'i 'od zer dang / 'di lta ste chos kyi dbyings su dbyangs sna tshogs kyis rgyan byed pa zhes bya ba'i 'od zer dang / 'di lta ste 'od shin tu phra ba'i sprin kun nas lding ba zhes bya ba'i 'od zer dang / 'di lta ste phyogs bcu'i sangs rgyas kyi rdzu 'phrul dang 
snying po byang chub kyi 'od ces bya ba'i 'od zer dang / 'di lta ste rin po che thams cad 'od 'phro ba'i gdugs kyi sprin ces bya ba'i 'od zer dang / 'di lta ste rnam par snang bas chos kyi dbyings rab tu snang ba'i 'od ces bya ba'i 'od zer dang / 'di lta ste sangs rgyas kyi zhing thams </font><hr>35-1-67a<br><font size=+1>
cad du 'byung zhing 'khyil ba'i rgyan ces bya ba'i 'od zer dang / 'di lta ste rin po che rdo rje dri ma med pa mang po'i rgyal mtshan zhes bya ba'i 'od zer dang / 'di lta ste byang chub sems dpa'i 'khor gyi dkyil 'khor du nye bar 'gro ba'i rgyan ces bya ba'i 'od zer dang / 
'di lta ste sangs rgyas thams cad kyi mtshan gyi 'khor lo'i sgra rab tu sgrog pa zhes bya ba'i 'od zer dang / de dag la stsogs pa sangs rgyas kyi zhing gi rdul shin tu phra ba snyed kyi 'od zer rab tu bkye ste/ 'od zer de dag re re zhing 'khor gyi 'od zer sangs rgyas kyi zhing gi rdul shin tu 
phra ba snyed do/ /'od zer de dag re re zhing yang rin po che thams cad kyi kha dog shin tu ston pa dag ste/ de dag rab tu 'phros nas phyogs bcur sangs rgyas kyi zhing gi rdul shin tu phra ba snyed kyi 'jig rten gyi khams rgya mtsho rab tu snang bar byas te/ byang chub sems dpa' 
de dag gis kyang sangs rgyas kyi zhing bcu'i rdul shin tu phra ba snyed kyi 'jig rten gyi khams rgya mtsho nas/ 'od zer gyi sgo de dag thams cad kyi mthus gzhi dang snying po me tog gi rgyan gyis brgyan pa'i 'jig rten gyi khams rgya mtsho dang / byang chub sems dpa'i 'khor 
gyi dkyil 'khor thams cad mthong bar gyur to/ /'od zer de dag thams cad kyi sgo nas kyang sangs rgyas kyi byin gyi rlabs kyis tshigs su bcad pa 'di dag byung bar gyur to/ /bskal pa rgya mtsho mtha' yas spyod spyad de/ /phyogs rnams rgya mtshor sangs rgyas 
kun kyang mchod/ /sems can rgya mtsho rnam par dag byas nas/ /rnam par snang mdzad byang chub mngon sangs rgyas/ /phyogs rnams kun tu snang zhing mngon par mdzes/ /spu rnams kun nas sprul pa'i sprin kyang 'gyed/ /des ni sems can snod bzhin 
bskul byas nas/ /byang chub sbyor ba chags med rnam par dag /srid pa'i rgyud na sngan cad 'khor ba'i tshe/ /rgyal bas sems can yongs su smin mdzad pa/ /de dag skad cig gcig gis rab tu bgrol/ /sangs rgyas rnam 'phrul 'di dag mtha' yas </font><hr>35-1-67b<br><font size=+1>
so/ /rgyan rnams sna tshogs kun tu 'od kyang snang / /byang chub shing ni yal ga rin chen 'phyang / /'od rnams bkye ba kun tu rnam par brgyan/ /byang chub bsam gyis myi khyab de sangs rgyas/ /phyogs rnams kun tu sgra ni rab tu sgrog /sems can kun 
gyi sems bzhin tshim byas te/ /sna tshogs thabs kyi sgo nas rnam par 'dul/ /de las chos nyid zhi sgra rab tu 'byung / /zhing rnams stong gi rdul snyed sngan cad du/ /spyod tshe pha rol phyin kun rgyas par mdzad/ /stobs rnams kun la sangs rgyas rab bzhugs 
kyang / /rgyal ba de'i zhal ltar kun kyang deng / /zhing gi rdul snyed phyogs rnams thams cad nas/ /rgyal sras mang po rab tu dga' ste lhags/ /mchod pa sna tshogs char pa rab 'bebs shing / /thams cad 'khod de rgyal ba mngon sum lta/ /gsung 
dbyangs gcig las mtha' yas mdo yi rnams/ /rgya mtsho dag kyang sangs rgyas shin tu ston/ /'gro kun yid bzhin chos kyi char 'bebs kyis/ /rkang gnyis gtso bo de la bltar yang 'dong / /dus gsum rgyal ba'i smon lam gang yod pa/ /skad 
cig thugs la de dag mngon sum ste/ /rgyal ba byang chub shing drung ston mdzad kyis/ /rgyal ba'i drung du myur du 'dong bar gyis/ /sangs rgyas rnam par snang mdzad ye shes mtsho/ /'od zer kun gyi sgo nas rab tu snang / /chos nyid ji lta ci 'dra de dag 
ltos/ /sangs rgyas 'gro kun mngon sum chos ston to/ /de'i tshe 'jig rten gyi khams rgya mtsho de dag nas/ de bzhin gshegs pa'i 'od zer gyis yang dag par bskul ba'i rnams/ byang chub sems dpa' rang rang gi 'khor gyi dkyil 'khor rgya mtsho 
dang lhan cig tu 'phags te/ bcom ldan 'das de bzhin gshegs pa rnam par snang mdzad gang na ba der 'ong bar gyur te/ 'di ltar 'jig rten gyi khams rgya mtsho gzhi dang snying po me tog gi rgyan gyis brgyan pa 'di dang 'dab chags su/ shar phyogs logs </font><hr>35-1-68a<br><font size=+1>
na 'jig rten gyi khams rgya mtsho pad+mo'i dpal dri ma myed par snang ba'i rgyan ces bya ba yod de/ 'jig rten gyi khams bar ma'i rgyud de dag las 'jig rten gyi khams rin po che'i phreng ba rdo rje'i snying po zhes bya ba na/ de bzhin gshegs pa chos kyi 
chu bo rnam par sangs rgyas pa/ nam mkha' mtha' yas pa'i rgyal po bzhugs pa'i 'khor gyi dkyil 'khor rgya mtsho nas/ byang chub sems dpa' chos kyi dpal pad+mo rnam par blta ba'i rgyal mtshan zhes bya ba/ byang chub sems dpa' 'jig rten gyi khams rgya mtsho'i 
rdul shin tu phra ba snyed dang lhan cig tu 'khor gyi dkyil 'khor rgya mtsho de nas 'phags te/ bcom ldan 'das gang na ba der 'ong bar gyur te/ byang chub sems dpa'i lus kyi sprin bcus nam mkha' kun nas yog par byin gyis rlob cing rin po che'i char gyi 'od zer pad+mo'i sprin 
bcus nam mkha' kun nas yog par byin gyis brlab pa dang / rin po che ri bo'i zom gyi sprin bcus nam mkha' kun nas yog par byin gyis brlab pa dang / nyi ma'i 'khor lo'i lus kyi dkyil 'khor gyi sprin bcus nam mkha' kun nas yog par byin gyis brlab pa dang / 
rin po che'i me tog gi phreng ba'i sprin bcus nam mkha' kun nas yog par byin gyis brlab pa dang / sil snyan sgra thams cad 'byin pa'i sprin bcus nam mkha' kun nas yog par byin gyis brlab pa dang / phye ma'i shing gi mdzod kyi sprin bcus nam mkha' kun nas 
yog par byin gyis brlab pa dang / spos dang bdug spos gzugs thams cad yongs su ston pa'i sprin bcus nam mkha' kun nas yog par byin gyis brlab pa dang / spos thams cad kyi shing gi sprin bcus nam mkha' kun nas yog par byin gyis brlab pa dang / 
de dag la stsogs pa mchod pa'i sprin 'jig rten gyi khams rgya mtsho'i rdul shin tu phra ba snyed kyis nam mkha' kun nas yog par byin gyis brlab pa byed cing / bcom ldan 'das gang na ba der phyin te/ bcom ldan 'das la phyag 'tshal nas shar phyogs su brten te/</font><hr>35-1-68b<br><font size=+1>
me tog snang ba sna tshogs kyi snying po can gyi seng ge'i khri mngon par sprul nas skyil mo krung bcas te 'khod par gyur to/ /de nas yang 'jig rten gyi khams rgya mtsho 'di dang 'dab chags su lho phyogs na/ 'jig rten gyi khams rgya mtsho rin po che thams cad snang bas rnam par brgyan 
pa'i snying po zhes bya ba yod de/ 'jig rten gyi khams bar ma'i rgyud de dag las 'jig rten gyi khams 'od mtha' yas pa'i dkyil 'khor gyi rgyan na/ de bzhin gshegs pa kun nas mkhyen pa'i 'od dpal gyi ri bo'i rgyal po bzhugs pa'i 'khor gyi dkyil 'khor rgya mtsho nas 
byang chub sems dpa' chos rnam par snang ba'i blo gros shes bya ba byang chub sems dpa'i 'jig rten gyi khams rgya mtsho'i rdul shin tu phra ba snyed dang lhan cig tu 'khor gyi dkyil 'khor de nas 'phags te/ bcom ldan 'das gang na ba der 'ong bar gyur te/ nor bu'i 
rgyal po rgyan gyi yul thams cad kyis rnam par gsal bar byas pa'i snying po'i sprin bcus nam mkha' kun nas yog par byin gyis rlob cing / nor bu'i rgyal po kun nas snang ba rin po che'i rgyan gyi sprin bcus nam mkha' kun nas yog par byin gyis brlab pa dang / nor 
bu'i rgyal po rin po che 'od 'phro ba rab tu 'bar zhing sangs rgyas kyi mtshan shin tu sgrog pa'i sprin bcus nam mkha' kun nas yog par byin gyis brlab pa dang / nor bu'i rgyal po kun nas sgra 'byin cing sangs rgyas kyi chos thams cad sgrog pa'i sprin bcus nam mkha' 
kun nas yog par byin gyis brlab pa dang / nor bu'i rgyal po shing gi yal ga sna tshogs kyi snying po byang chub kyi rgyan byed pa'i sprin bcus nam mkha' kun nas yog par byin gyis brlab pa dang / nor bu'i rgyal po sgo kun nas rin po che'i 'od zer dang / sangs 
rgyas kyi sprul pas snang bar byed pa'i sprin bcus nam mkha' kun nas yog par byin gyis brlab pa dang / nor bu'i rgyal po rgyan thams cad dang ma 'dres par 'khor gyi dkyil 'khor du gzugs brnyan ston pa'i sprin bcus nam mkha' kun nas yog par byin gyis </font><hr>35-1-69a<br><font size=+1>
brlab pa dang / nor bu'i rgyal po 'od 'phro ba shin tu sdug pa'i sgron mas sangs rgyas thams cad kyi yul rjes su sgrog pa'i sprin bcus nam mkha' kun nas yog par byin gyis brlab pa dang / nor bu'i rgyal po sangs rgyas kyi zhing bsam gyis myi 
khyab pa dang / de bzhin gshegs pa'i gzhal med khang gi gzugs brnyan yang dag par ston pa'i sprin bcus nam mkha' kun nas yog par byin gyis brlab pa dang / nor bu'i rgyal po rin po che sna tshogs kyi tshon gyis dus gsum gyi sangs rgyas kyi sku'i gzugs brnyan rnam 
par snang ba'i sprin bcus nam mkha' kun nas yog par byin gyis brlab pa dang / de dag la stsogs pa nor bu'i rgyal po'i sprin 'jig rten gyi khams rgya mtsho'i rdul phra mo snyed kyis nam mkha' kun nas yog par byin gyis brlab pa byed cing / bcom ldan 'das gang na ba der 
phyin te/ bcom ldan 'das la phyag 'tshal nas/ lho phyogs su brten nas/ in dra nI la dang / 'dzam bu nA da dang / pad+ma rA ga sna tshogs kyi snying po can gyi seng ge'i khri mngon par sprul nas/ skyil mo krung bcas te 'khod par gyur to/ /de nas yang 'jig rten 
gyi khams rgya mtsho 'di dang 'dab chags su nub phyogs na 'jig rten gyi khams rgya mtsho rin po che'i 'od yid du 'ong bar rab tu snang ba zhes bya ba yod de/ 'jig rten gyi khams de dag las 'jig rten gyi khams gos kyi stan yongs su 'byung ba na/ de bzhin gshegs 
pa spos mngon du snang ba'i yon tan rin po ches brgyan pa'i 'khor gyi dkyil 'khor rgya mtsho nas/ byang chub sems dpa' spos 'od 'phro ba'i rgyan zla ba'i 'od ces bya ba/ byang chub sems dpa' 'jig rten gyi khams rgya mtsho'i rdul shin tu phra ba snyed dang / lhan 
cig tu bcom ldan 'das gang na ba der 'ong bar gyur te/ rin po che dang spos dang me tog sna tshogs thams cad kyi khang pa brtsegs pa'i sprin gyi nam mkha' kun nas yog par byin gyis rlob cing / nor bu'i rgyal po kha dog mtha' yas pas brgyan pa'i khang pa brtsegs </font><hr>35-1-69b<br><font size=+1>
pa'i sprin bcus nam mkha' kun nas yog par byin gyis brlab pa dang / rin po che'i sgron ma dang spos 'od 'phro ba'i khang pa brtsegs pa'i sprin bcus nam mkha' kun nas yog par byin gyis brlab pa dang / mu tig thams cad kyi khang pa brtsegs pa'i sprin bcus nam 
mkha' kun nas yog par byin gyis brlab pa dang / rin po che thams cad kyi me tog gi ze ba'i khang pa brtsegs pa'i sprin bcus nam mkha' kun nas yog par byin gyis brlab pa dang / rin po che'i phreng bas yongs su brgyan pa'i khang pa brtsegs pa'i sprin bcus nam mkha' 
kun nas yog par byin gyis brlab pa dang / 'od zer gyi snang ba phyogs kun tu 'phro ba'i snying po dang ldan pa'i khang pa brtsegs pa rgyan thams cad 'byung ba'i sprin bcus nam mkha' kun nas yog par byin gyis brlab pa dang / rin po che'i tshon thams cad kyis rab tu 
brgyan cing rgyan du ma yang dag par ston pa'i khang pa brtsegs pa'i sprin bcus nam mkha' kun nas yog par byin gyis brlab pa dang / phyogs thams cad rgyan gyis rab tu brgyan par kun nas 'gengs pa'i khang pa brtsegs pa'i sprin bcus nam mkha' kun nas yog 
par byin gyis brlab pa dang / sgo kun tu me tog gi rta babs dang dril bu'i dra ba bres pa'i khang pa brtsegs pa'i sprin bcus nam mkha' kun nas yog par byin gyis brlab pa dang / de dag la stsogs pa khang pa brtsegs pa'i sprin 'jig rten gyi khams rgya mtsho'i rdul shin 
tu phra ba snyed kyis nam mkha' kun nas yog par byin gyis brlab pa byed cing / bcom ldan 'das gang na ba der phyin te/ bcom ldan 'das la phyag 'tshal nas/ nub phyogs su brten te/ seng ge'i khri rin po che'i pad+mo chen po lo ma sna tshogs gser las byas pa'i 
snying po can mngon par sprul nas skyil mo krung bcas te 'khod par gyur to/ /de nas yang 'jig rten gyi khams rgya mtsho 'di dang 'dab chags su byang phyogs na 'jig rten gyi khams rgya mtsho bai DUr+ya pad+mo'i 'od kyi dkyil 'khor gyi snying po zhes bya ba yod de/ 'jig rten gyi </font><hr>35-1-70a<br><font size=+1>
khams kyi rgyud de dag las 'jig rten gyi khams me tog ut+pa la'i rgyan na de bzhin gshegs pa ye shes kyi dpal kun tu dbyangs kyi rgyal po bzhugs pa'i 'khor gyi dkyil 'khor rgya mtsho nas byang chub sems dpa' seng ge'i 'od zer snang bas 
mthu 'byin pa'i blo gros shes bya ba/ byang chub sems dpa' 'jig rten gyi khams rgya mtsho'i rdul shin tu phra ba snyed dang / lhan cig tu 'phags nas bcom ldan 'das gang na ba der 'ong bar gyur te/ spos dang nor bu sna tshogs thams cad kyi shing gi sprin bcus nam 
mkha' kun nas yog par byin gyis rlob cing / sgo thams cad nas lo ma'i dog pa'i sprin 'byung ba'i spos kyi shing gi sprin bcus nam mkha' kun nas yog par byin gyis brlab pa dang / shing gi gzugs thams cad las rgyan mtha' yas pa yongs su ston pa'i 
shing gi sprin bcus nam mkha' kun nas yog par byin gyis brlab pa dang / me tog thams cad kyi sprin rab tu rin po che'i me tog gi shing gi sprin bcus nam mkha' kun nas yog par byin gyis brlab pa dang / rin po che 'od 'phro ba'i dkyil 'khor thams cad kyis rnam 
par snang bar byas pa'i shing gi sprin bcus nam mkha' kun nas yog par byin gyis brlab pa dang / tsan+dan gyi phye ma thams cad dang / byang chub sems dpa'i lus phyed yang dag par ston pa'i shing gi sprin bcus nam mkha' kun nas yog par byin gyis brlab pa 
dang / sngon gyi snying po byang chub kyi rgyan bsam gyis mi khyab par rab tu ston pa'i shing gi sprin bcus nam mkha' kun nas yog par byin gyis brlab pa dang / kha dog mtha' yas pa'i gos kyi mdzod kyi nyi mas rnam par snang bar byas pa'i shing gi sprin bcus nam 
mkha' kun nas yog par byin gyis brlab pa dang / sgra dbyangs thams cad rab tu sgrog cing yid du 'ong ba'i sgra kun tu gtong ba'i shing gi sprin bcus nam mkha' kun nas yog par byin gyis brlab pa dang / de dag la stsogs pa shing gi sprin 'jig rten gyi khams </font><hr>35-1-70b<br><font size=+1>
rgya mtsho'i rdul shin tu phra ba snyed kyis nam mkha' kun nas yog par byin gyis brlab pa byed cing / bcom ldan 'das gang na ba der phyin te/ bcom ldan 'das la phyag 'tshal nas/ byang phyogs su brten te/ seng ge'i khri nor bu sgron ma'i pad+mo'i snying po can mngon par sprul nas 
skyil mo krung bcas te 'khod par gyur to/ /de nas yang 'jig rten gyi khams rgya mtsho 'di dang 'dab chags su byang dang shar gyi phyogs mtshams na/ 'jig rten gyi khams rgya mtsho 'dzam bu chu klung dang / shel gyi kha dog tshon gyi rgyal mtshan can bya ba yod de/ 'jig rten gyi khams 
bar ma'i rgyud de dag las 'jig rten gyi khams rin po che'i rgyan sna tshogs kyi snying po na/ de bzhin gshegs pa chos thams cad la mi 'jigs pa'i sgron ma bzhugs pa'i 'khor gyi dkyil 'khor rgya mtsho nas/ byang chub sems dpa' chos kyi yon tan gyi mdzod mi zad pa'i dpal gyi 
gzi brjid mar me zhes bya ba/ byang chub sems dpa' 'jig rten gyi khams rgya mtsho'i rdul shin tu phra ba snyed dang / lhan cig tu 'phags nas bcom ldan 'das gang na ba der 'ong bar gyur te/ seng ge'i khri rin po che'i kha dog mtha' yas pa'i pad+mo'i snying po can gyi sprin bcus nam 
mkha' kun nas yog par byin gyis rlob cing / seng ge'i khri nor bu'i rgyal po kun tu mngon pas/ rnam par snang bar byas pa'i snying po can gyi sprin bcus nam mkha' kun nas yog par byin gyis brlab pa dang / seng ge'i khri rgyan mang po thams cad kyis rab tu brgyan pa'i 
snying po can gyi sprin bcus nam mkha' kun nas yog par byin gyis brlab pa dang / seng ge'i khri rin po che 'od 'phro ba'i sgron ma sna tshogs kyi phreng ba'i snying po can gyi sprin bcus nam mkha' kun nas yog par byin gyis brlab pa dang / seng ge'i khri phyogs kun nas phreng ba rin po 
che'i char 'bebs pa'i snying po can gyi sprin bcus nam mkha' kun nas yog par byin gyis brlab pa dang / seng ge'i khri spos kyi me tog pad+mo'i phreng ba rin po che thams cad kyi snying po can gyi sprin bcus nam mkha' kun nas yog par byin gyis brlab pa dang / seng ge'i khri sangs </font><hr>35-1-71a<br><font size=+1>
rgyas kyi gdan thams cad kyi rgyan yang dag par ston pa'i nor bu'i rgyal po'i snying po can gyi sprin bcus nam mkha' kun nas yog par byin gyis brlab pa dang / seng ge'i khri rgyan dang phreng ba thams cad 'phyang zhing rta babs dang stegs bus rab tu 
brgyan pa'i snying po can gyi sprin bcus nam mkha' kun nas yog par byin gyis brlab pa dang / seng ge'i khri shing thams cad kyi yal ga las nor bu rin po che dang phye ma 'byung ba'i snying po can gyi sprin bcus nam mkha' kun nas yog par byin gyis brlab pa dang / seng ge'i khri spos 
dang / rin po che'i tshogs sna tshogs kyis kun nas brgyan pa'i nyi mas rnam par snang bar byas pa'i snying po can gyi sprin bcus nam mkha' kun nas yog par byin gyis brlab pa dang / de dag la stsogs pa seng ge'i khri'i sprin 'jig rten gyi khams rgya mtsho'i rdul shin tu phra ba snyed kyis 
nam mkha' kun nas yog par byin gyis brlab par byed cing / bcom ldan 'das gang na ba der phyin te/ bcom ldan 'das la phyag 'tshal nas/ byang dang shar gyi phyogs mtshams su brten te/ seng ge'i khri nor bu rin po che snang ba'i rgyal mtshan gyi pad+mo sna tshogs kyi snying po 
can mngon par sprul nas skyil mo krung bcas te 'khod par gyur to/ /de nas 'jig rten gyi khams rgya mtsho 'di dang 'dab chags su shar dang lho'i phyogs mtshams na 'jig rten gyi khams rgya mtsho bai DUr+ya'i 'od zer kun tu snang ba gser gyi rgyan ces bya ba yod de/ 'jig rten gyi 
khams kyi rgyud de dag las 'jig rten gyi khams spos kyi dpal dri ma med par snang ba na/ de bzhin gshegs pa kun tu dga' ba'i shugs dpal gyi rgyal po bzhugs pa'i 'khor gyi dkyil 'khor rgya mtsho nas byang chub sems dpa' ye shes kyi 'od zer shes rab kun 
nas sgron ma'i blo gros shes bya ba/ byang chub sems dpa' 'jig rten gyi khams kyi rdul shin tu phra ba snyed dang lhan cig tu 'phags te/ bcom ldan 'das gang na ba der 'ong bar gyur te/ nor bu yid bzhin gyi rgyal po thams cad kyi bla re'i sprin bcus nam mkha' </font><hr>35-1-71b<br><font size=+1>
kun nas yog par byin gyis brlab pa dang / rin po che in+d+ra nI la'i ze ba can gyi me tog thams cad kyi rgyan gyi bla re'i sprin bcus nam mkha' kun nas yog par byin gyis brlab pa dang / spos rin po che'i bla re thams cad kyi sprin bcus nam mkha' kun nas yog par byin gyis 
brlab pa dang / rin po che 'od 'phro ba sgron ma'i gzugs kyi bla re'i sprin bcus nam mkha' kun nas yog par byin gyis brlab pa dang / nor bu'i rgyal po sangs rgyas kyi rdzu 'phrul dang 'od dang sgra dbyangs rab tu ston pa'i bla re'i sprin bcus nam mkha' kun nas yog par 
byin gyis brlab pa dang / nor bu dang gos dang rgyan thams cad kyi gzugs brnyan yang dag par ston pa'i bla re'i sprin bcus nam mkha' kun nas yog par byin gyis brlab pa dang / me tog thams cad kyi dog pa lta bu rin po che'i bla re'i sprin bcus nam mkha' kun nas 
yog par byin gyis brlab pa dang / dril bu sna tshogs kun tu sgras khyab par byed pa'i dra ba'i bla re'i sprin bcus nam mkha' kun nas yog par byin gyis brlab pa dang / pad+mo'i dra ba mtha' yas pa sna tshogs rin po che'i snying po can gyi bla re'i sprin bcus nam mkha' 
kun nas yog par byin gyis brlab pa dang / gser gyi ze ba 'od 'phro zhing snang ba'i rgyal mtshan gyi bla re'i sprin bcus nam mkha' kun nas yog par byin gyis brlab pa dang / rgyan bsam gyis mi khyab pa'i gzugs brnyan rab tu ston pa'i rgyan thams cad kyis brgyan 
pa'i bla re'i sprin bcus nam mkha' kun nas yog par byin gyis brlab pa dang / de dag la stsogs pa bla re'i sprin 'jig rten gyi khams rgya mtsho'i rdul shin tu phra ba snyed kyis nam mkha' kun nas yog par byin gyis brlab pa byed cing / bcom ldan 'das gang na 
ba der phyin nas/ bcom ldan 'das la phyag 'tshal te/ shar dang lho'i phyogs mtshams su brten te/ seng ge'i khri pad+mo sna tshogs rin po ches rab tu brgyan pa'i snying po can mngon par sprul nas/ skyil mo krung bcas te 'khod do/ /de nas yang 'jig </font><hr>35-1-72a<br><font size=+1>
rten gyi khams rgya mtsho 'di dang 'dab chags su lho dang nub kyi phyogs mtshams na/ 'jig rten gyi khams rgya mtsho nyi ma'i 'od rab tu 'bar bas kun tu snang ba'i snying po zhes bya ba yod de/ 'jig rten gyi khams bar ma'i rgyud de dag las 
'jig rten gyi khams nyi ma dang seng ge ltar snang ba na/ de bzhin gshegs pa sgo kun nas ye shes rnam par snang ba'i dbyangs bzhugs pa'i 'khor gyi dkyil 'khor rgya mtsho nas/ byang chub sems dpa' me tog kun nas 'od 'phro gtsug phud rab 
tu 'phyang ba zhes bya ba/ byang chub sems dpa' 'jig rten gyi khams rgya mtsho'i rdul shin tu phra ba snyed dang lhan cig tu 'phags te/ bcom ldan 'das gang na ba der 'ong bar gyur te/ sna tshogs thams cad kyis brgyan pa'i rin po che'i gdugs kyi sprin 
bcus nam mkha' kun nas yog par byin gyis rlob cing / 'od zer snang ba'i rgyan gyis brgyan pa'i me tog gi gdugs kyi sprin bcus nam mkha' kun nas yog par byin gyis brlab pa dang / mu tig mang po kha dog mtha' yas pa thams cad kyi 
gdugs kyi sprin bcus nam mkha' kun nas yog par byin gyis brlab pa dang / nor bu'i rgyal po byang chub sems dpa' thams cad kyi snying rje'i sgra rab tu sgrog pa'i gdugs kyi sprin bcus nam mkha' kun nas yog par byin gyis brlab pa dang / rin 
po che'i 'od 'phro ba sna tshogs kyi phreng ba'i gdugs kyi sprin bcus nam mkha' kun nas yog par byin gyis brlab pa dang / rin po che'i tshon rnam pa sna tshogs kyi 'od kyis rab tu brgyan cing dril bu'i dra ba bres pa'i gdugs kyi sprin bcus nam mkha' 
kun nas yog par byin gyis brlab pa dang / rin po che'i shing gi yal ga thams cad kyis brgyan pa'i gdugs kyi sprin bcus nam mkha' kun nas yog par byin gyis brlab pa dang / nor bu'i rgyal po nyi ma rnam par snang ba'i lte ba'i gdugs </font><hr>35-1-72b<br><font size=+1>
kyi sprin bcus nam mkha' kun nas yog par byin gyis brlab pa dang / spos dang gdugs kyi sprin bcus nam mkha' kun nas yog par byin gyis brlab pa dang / tsan dan gyi phye ma mang pos kun tu rgyas par 'gengs pa'i gdugs kyi sprin bcus nam 
mkha' kun nas yog par byin gyis brlab pa dang / sangs rgyas kyi yul rgya chen po rnam par bstan pas kun tu rgyan gyis khyab par byed pa'i gdugs kyi sprin bcus nam mkha' kun nas yog par byin gyis brlab pa dang / de dag la stsogs pa 
gdugs kyi sprin 'jig rten gyi khams rgya mtsho'i rdul shin tu phra ba snyed kyis nam mkha' kun nas yog par byin gyis brlab pa byed cing / bcom ldan 'das gang na ba der phyin te/ bcom ldan 'das la phyag 'tshal nas lho dang nub kyi phyogs mtshams 
su brten te/ seng ge'i khri in+d+ra nI la yid du 'ong bar 'bar ba'i 'od zer gyi snying po can dag mngon par sprul nas skyil mo krung bcas te 'khod do/ /de nas yang 'jig rten gyi khams rgya mtsho 'di dang 'dab chags su nub dang byang gi phyogs mtshams na 
'jig rten gyi khams rgya mtsho'i rin po che'i 'od zer 'bar ba'i skar mda' 'od kyi snying po zhes bya ba yod de/ 'jig rten gyi khams bar ma'i rgyud de dag las 'jig rten gyi khams spos kyi rgyan yid du 'ong ba'i snying po na/ de bzhin gshegs 
pa yon tan rgya mtsho tshad med pa'i 'od bzhugs pa'i 'khor gyi dkyil 'khor rgya mtsho nas/ byang chub sems dpa' 'od zer dang gzi brjid mi zad pa'i rgyal po'i blo gros shes bya ba/ byang chub sems dpa' 'jig rten gyi khams rgya mtsho'i rdul 
shin tu phra ba snyed dang lhan cig tu 'phags te/ bcom ldan 'das gang na ba der 'ong bar gyur te/ rin po che thams cad du snang ba'i 'od kyi dkyil 'khor gyi sprin bcus nam mkha' kun nas yog par byin gyis rlob cing / rin po che 'od 'phro ba'i </font><hr>35-1-73a<br><font size=+1>
gzugs kyi 'od kyi dkyil 'khor gyi sprin bcus nam mkha' kun nas yog par byin gyis brlab pa dang / me tog gi sprin gyis rnam par snang bar byas pa'i 'od kyi dkyil 'khor gyi sprin bcus nam mkha' kun nas yog par byin gyis 
brlab pa dang / 'od zer gyi sgo nas sangs rgyas sprul pa'i 'od kyi dkyil 'khor gyi sprin bcus nam mkha' kun nas yog par byin gyis brlab pa dang / phyogs bcu'i sangs rgyas kyi zhing gzugs brnyan gyi khongs su chud pa'i 'od kyi dkyil 'khor gyi sprin bcus 
nam mkha' kun nas yog par byin gyis brlab pa dang / rin po che'i yal ga'i sgo kun nas sangs rgyas kyi yul rab tu sgrog pa'i 'od kyi dkyil 'khor gyi sprin bcus nam mkha' kun nas yog par byin gyis brlab pa dang / nor bu'i rgyal po rin po che bai DUr+ya'i 
rigs kyi 'od kyi dkyil 'khor gyi sprin bcus nam mkha' kun nas yog par byin gyis brlab pa dang / sems skad cig gcig gis sems can mtha' yas pa'i gzugs yongs su ston pa'i 'od kyi dkyil 'khor gyi sprin bcus nam mkha' kun nas yog par 
byin gyis brlab pa dang / sangs rgyas thams cad kyi smon lam 'byung ba'i sgra yid du 'ong ba rab tu gtong ba'i 'od kyi dkyil 'khor gyi sprin bcus nam mkha' kun nas yog par byin gyis brlab pa dang / 'khor gyi dkyil 'khor thams cad du sems can 'dul ba'i 
sgra sgrog pa nor bu'i 'od kyi dkyil 'khor gyi sprin bcus nam mkha' kun nas yog par byin gyis brlab pa dang / de dag la sogs pa 'od kyi dkyil 'khor gyi sprin bcus 'jig rten gyi khams rgya mtsho'i rdul shin tu phra ba snyed kyis nam mkha' kun nas yog par byin 
gyis brlab pa byed cing / bcom ldan 'das gang na ba der phyin te/ bcom ldan 'das la phyag 'tshal nas nub dang byang gi phyogs mtshams su brten te/ seng ge'i khri 'od zer 'bar ba myi zad pa'i gzi brjid kyi snying po can mngon par sprul nas skyil mo krung </font><hr>35-1-73b<br><font size=+1>
bcas te 'khod do/ /de nas yang 'jig rten gyi khams rgya mtsho 'di dang 'dab chags su 'og gi phyogs na 'jig rten gyi khams rgya mtsho pad+mo dri zhim dpal gyi snying po zhes bya ba yod de/ 'jig rten gyi khams bar ma'i rgyud de las 'jig rten gyi khams rin po che'i 
seng ge snang zhing 'bar ba na de bzhin gshegs pa chos kyi dbyings snang bar mdzad pa'i 'od zer bzhugs pa'i 'khor gyi dkyil 'khor rgya mtsho nas/ byang chub sems dpa' chos kyi dbyings su 'od 'phro ba rnam par snang ba 'byung ba'i blo gros shes bya ba/ byang chub 
sems dpa' 'jig rten gyi khams rgya mtsho'i rdul shin tu phra ba snyed dang lhan cig tu 'phags nas/ bcom ldan 'das gang na ba der 'ong bar gyur te/ rin po che thams cad kyi 'od zer gyi sprin bcus nam mkha' kun nas yog par byin gyis rlob cing / 
spos thams cad kyi 'od zer gyi sprin bcus nam mkha' kun nas yog par byin gyis brlab pa dang / rin po che 'od 'phro ba thams cad kyi 'od zer gyi sprin bcus nam mkha' kun nas yog par byin gyis brlab pa dang / sangs rgyas kyi chos thams cad brjod 
pas khyab par byed pa'i 'od zer gyi sprin bcus nam mkha' kun nas yog par byin gyis brlab pa dang / sangs rgyas kyi zhing thams cad kyi rgyan gyis rnam par snang bar byas pa'i 'od zer gyi sprin bcus nam mkha' kun nas yog par byin gyis brlab pa dang / me tog gi khang 
pa brtsegs pa thams cad kyi 'od zer gyi sprin bcus nam mkha' kun nas yog par byin gyis brlab pa dang / bskal pa thams cad gcig nas gcig tu brgyud par sangs rgyas yang dag par 'byung zhing sems can yongs su smin par bya bar brjod pa'i 'od 
zer gyi sprin bcus nam mkha' kun nas yog par byin gyis brlab pa dang / rin po che zad mi shes pa thams cad dang me tog thams cad kyi ze ba'i 'od zer gyi sprin bcus nam mkha' kun nas yog par byin gyis brlab pa dang / de dag la stsogs pa 'od zer gyi sprin </font><hr>35-1-74a<br><font size=+1>
'jig rten gyi khams rgya mtsho'i rdul shin tu phra ba snyed kyis nam mkha' kun nas yog par byin gyis brlab pa byed cing / bcom ldan 'das gang na ba der phyin nas/ bcom ldan 'das la phyag 'tshal te/ 'og gi phyogs su 
brten nas seng ge'i khri rin po che'i sgron ma rab tu 'bar ba 'byung ba'i snying po can dag mngon par sprul nas skyil mo krung bcas te 'khod do/ /de nas yang 'jig rten gyi khams rgya mtsho gzhi dang snying po me tog gi rgyan gyis brgyan pa 'di dang 'dab chags su steng gi phyogs na 
'jig rten gyi khams rgya mtsho nor bu rin po che sna tshogs kyi 'od rgya mtsho'i rgyan ces bya ba yod de/ 'jig rten gyi khams bar ma'i rgyud de dag las 'jig rten gyi khams mtshan yid du 'ong ba rnam par snang ba zhes bya ba na/ de bzhin gshegs pa yon tan dang 
grags pa thogs pa med pa'i rnam par thar pa rab tu snang ba'i rgyal po bzhugs pa'i 'khor gyi dkyil 'khor rgya mtsho nas/ byang chub sems dpa' stobs dang brtson 'grus chags pa med pa'i blo gros shes bya ba/ byang chub sems dpa' 'jig rten 
gyi khams rgya mtsho'i rdul shin tu phra ba snyed dang lhan cig tu 'phags nas/ bcom ldan 'das gang na ba der 'ong bar gyur te/ rin po che kha dog mtha' yas par 'od 'phro ba'i sprin bcus nam mkha' kun nas yog par byin gyis rlob cing / nor bu rin po 
che kun nas 'od kyi dra ba 'od 'phro ba'i sprin bcus nam mkha' kun nas yog par byin gyis brlab pa dang / sangs rgyas kyi zhing gi rgyan rgya chen pos rnam par snang bar 'od 'phro ba'i sprin bcus nam mkha' kun nas yog par byin gyis brlab pa dang / spos thams 
cad 'od 'phro ba'i sprin bcus nam mkha' kun nas yog par byin gyis brlab pa dang / rgyan thams cad 'od 'phro ba'i sprin bcus nam mkha' kun nas yog par byin gyis brlab pa dang / sangs rgyas thams cad kyi rdzu 'phrul 'od 'phro ba'i sprin bcus </font><hr>35-1-74b<br><font size=+1>
nam mkha' kun nas yog par byin gyis brlab pa dang / shing dang ze ba rnam pa sna tshogs su 'od 'phro ba'i sprin bcus nam mkha' kun nas yog par byin gyis brlab pa dang / rdo rje sna tshogs 'od 'phro ba'i sprin bcus nam mkha' kun nas yog par byin 
gyis brlab pa dang / nor bu'i rgyal po byang chub sems dpa'i spyod pa mtha' yas pa brjod cing 'od 'phro ba'i sprin bcus nam mkha' kun nas yog par byin gyis brlab pa dang / mu tig gi sgron ma 'od 'phro ba'i sprin bcus nam mkha' kun nas yog par byin gyis brlab 
pa dang / de dag la stsogs pa 'od 'phro ba'i sprin 'jig rten gyi khams rgya mtsho'i rdul shin tu phra ba snyed kyis nam mkha' kun nas yog par byin gyis brlab pa byed cing / bcom ldan 'das gang na ba der phyin te/ bcom ldan 'das la phyag 'tshal nas 
steng gi phyogs su brten te/ seng ge'i khri sangs rgyas kyi gsung sgrog pa'i 'od zer 'byung ba'i pad+mo'i snying po can dag mngon par sprul nas skyil mo krung bcas te 'khod do// //sangs rgyas rmad ga cad ces bya ba shin tu rgyas 
pa chen po'i mdo/bam po drug pa/ de dag la stsogs pa 'jig rten gyi khams rgya mtsho sangs rgyas kyi zhing bye ba phrag bcu'i rdul shin tu phra ba rnyed nas kyang byang chub sems dpa' sangs rgyas kyi zhing bye ba phrag bcu'i rdul shin tu phra ba snyed byang chub sems 
dpa' re re zhing yang byang chub sems dpa' 'jig rten gyi khams rgya mtsho'i rdul shin tu phra ba snyed kyis bskor cing mdun du byas te/ byang chub sems dpa' re re zhing yang rgyan rnam pa sna tshogs kyi mchod pa'i sprin 'jig rten gyi khams rgya mtsho'i rdul shin tu phra ba 
snyed kyis nam mkha' kun nas yog par byin gyis rlob cing 'ongs par gyur te/ gang nas 'ongs pa'i phyogs su brten te/ seng ge'i khri rin po che sna tshogs kyi snying po can dag mngon par sprul cing skyil mo krung bcas te 'khod par gyur to/ /'khod </font><hr>35-1-75a<br><font size=+1>
pa'i rjes la byang chub sems dpa' de dag gi ba spu'i khung thams cad re re nas 'od zer gyi sprin rin po che thams cad ltar kha dog sna tshogs pa 'jig rten gyi khams rgya mtsho bcu'i rdul shin tu phra ba snyed rab tu byung bar gyur to/ /
rin po che re re'i sgo nas kyang byang chub sems dpa' seng ge'i khri pad+mo'i snying po can la 'khod pa 'jig rten gyi khams rgya mtsho bcu'i rdul shin tu phra ba snyed rab tu byung bar gyur to/ /byang chub sems dpa' re res kyang chos kyi dbyings kyi tshul rgya mtsho'i khams kyi rdul 
shin tu phra ba snyed thams cad kyi sbubs gang bar byas nas/ rdul shin tu phra ba re re la yang zhing 'byam klas pa sangs rgyas kyi zhing bcu'i rdul shin tu phra ba snyed du rab tu 'jug par gyur to/ /zhing re rer yang dus gsum du gshegs pa'i sangs rgyas bcom 
ldan 'das thams cad shes shing mthong bar gyur to/ /sems kyi skad cig re re la yang rmi lam lta bu'i rnam par 'phrul pa yang dag par bstan pa'i sgo dag nas yang dag par bskul ba byed par gyur to/ /sems kyi skad cig re re la yang 'jig rten 
gyi khams rgya mtsho'i rdul shin tu phra ba snyed re re'i lha'i gnas thams cad du skye ba dang shi 'phos pa yang dag par bstan pa'i sgo dag nas yang dag par bskul ba byed par gyur to/ /sems kyi skad cig re re la 'jig rten gyi khams rgya mtsho'i rdul shin tu phra ba snyed kyi 
byang chub sems dpa'i 'khor gyi dkyil 'khor thams cad shin tu bstan pa'i sgo dag nas yang dag par bskul ba byed par gyur to/ /sems kyi skad cig re re la 'jig rten gyi khams rgya mtsho'i rdul shin tu phra ba snyed kyi zhing 'byam klas pa thams cad rab tu 
bskyod pa dang / sangs rgyas kyi yon tan rab tu brjod cing rnam par 'phrul pa'i sgo dag nas yang dag par bskul ba byed par gyur to/ /sems kyi skad cig re re la 'jig rten gyi khams rgya mtsho'i rdul shin tu phra ba snyed kyi sangs rgyas kyi zhing thams cad </font><hr>35-1-75b<br><font size=+1>
yongs su dag par bya ba dang / smon lam rgya mtsho thams cad rab tu bsgrag pa'i sgo dag nas yang dag par bskul ba byed par gyur to/ /sems kyi skad cig re re la 'jig rten gyi khams rgya mtsho'i rdul shin tu phra ba snyed dang 'gro ba thams cad kyi nges pa'i tshig dang / 
sangs rgyas kyi yan lag rnam par bstan cing brjod pa'i sgo dag nas yang dag par bskul ba byed par gyur to/ /sems kyi skad cig re re la 'jig rten gyi khams rgya mtsho'i rdul shin tu phra ba snyed chos kyi sprin thams cad kyi char bab pa'i sgo dag nas yang dag 
par bskul ba byed par gyur to/ /sems kyi skad cig re re la 'jig rten gyi khams rgya mtsho'i rdul shin tu phra ba snyed kyi phyogs bcu'i 'jig rten gyi khams su chos kyi dbyings snang bas rgyas par rnam par 'phrul pa'i mthu'i sgo dag nas yang dag par bskul ba 
byed par gyur to/ /sems kyi skad cig re re la 'jig rten gyi khams rgya mtsho'i rdul shin tu phra ba snyed kyi sangs rgyas kyi skus chos kyi dbyings gang bar bya ba dang / sangs rgyas kyi rnam par thar pa dang / 'od thams cad kyi sgo dag nas yang dag par bskul ba 
byed par gyur to/ /sems kyi skad cig re re la 'jig rten gyi khams rgya mtsho'i rdul shin tu phra ba snyed kyi dkyil 'khor rgya mtsho thams cad na/ byang chub sems dpa' kun tu bzang po rab tu gnas pa'i sgo dag nas yang dag par bskul ba byed par gyur to/ /de lta 
bu'i chos kyis chos kyi dbyings rgyas par bkang ste/ sems can rnams kyi bsam pa ji lta ba bzhin du yang dag par bskul ba byed cing / 'jig rten gyi khams 'byam klas pa dag tu rab tu brdal te zhing re re yang sems kyi skad cig re re la sems can ri rab kyi 
rdul shin tu phra ba snyed kyi ngan song gi rgyud du gtogs pa'i sdug bsngal thams cad ni rab tu zhi bar byed de/ sems can phyin ci log la nges pa ri rab kyi rdul shin tu phra ba snyed ni yang dag par nges pa'i phung po la rab tu 'god do/ /sems can ri rab kyi </font><hr>35-1-76a<br><font size=+1>
rdul shin tu phra ba snyed ni dge ba dang / yid du 'ong ba dang / mtho ris su skye ba la rab tu 'god do/ /sems can ri rab kyi rdul shin tu phra ba snyed ni nyan thos dang rang sangs rgyas kyi sa la rab tu 'god do/ /sems can ri rab kyi rdul 
shin tu phra ba snyed ni dge ba'i bshes gnyen bsnyen bkur ba'i bsod nams kyi tshogs la rab tu 'god do/ /zhing de dag re rer yang sems can ri rab kyi rdul shin tu phra ba snyed ni sngon chad ma bskyed pa'i byang chub kyi sems bskyed do/ /zhing de dag re rer yang sems can ri rab 
kyi rdul shin tu phra ba snyed ni byang chub sems dpa'i sa phyir mi ldog pa yang dag par thob pa la yang dag par bskul lo/ /zhing de dag re re dag yang sems can ri rab kyi rdul shin tu phra ba snyed de bzhin gshegs pa'i ye shes kyi spyan chos thams cad kun nas snang zhing 
gzigs pa la yongs su sbyangs te rab tu 'god do/ /zhing de dag re re la yang sems can ri rab kyi rdul shin tu phra ba snyed stobs thams cad kyis rab tu gnas pa dang / ye shes kyi tshogs zad mi shes pa dang / sangs rgyas kyi zhing yongs su dag par 
bya ba'i smon lam rgya mtsho la rab tu 'god do/ /zhing de dag re rer yang sems can ri rab kyi rdul shin tu phra ba snyed de bzhin gshegs pa rnam par snang mdzad kyi gdung dang rgyud yang dag par 'byung ba'i gnas rgya mtsho rnam par spyod pa la rab tu 'god do/ /
byang chub sems dpa' de dag gi 'od zer gyi sgo thams cad nas kyang tshigs su bcad pa 'di lta bu dag byung bar gyur to/ /'od zer thams cad sgo nas sgra 'byung ste/ /ji snyed byang chub spyod par 'jug pa dang / /rgyal sras yon tan phun sum gang yod 
pa'i/ /dbyangs kyi tshogs rnams kun tu bkang zhing sgrog /bskal pa rgya mtshor skyo med spyad pa spyod/ /sdug bsngal kun nas 'gro ba kun 'grol kyang / /yid la skyo myed zhum pa gang yang med/ /'di yi tshul la rgyal sras rab tu zhugs/ /</font><hr>35-1-76b<br><font size=+1>
chos kyi sgo rnams kun la rab spyod cing / /tshul 'dir bskal pa rgya mtsho zad par byed/ /mtha' med dbus med lhag ma gang yang med/ /de dag chos nyid zhi ba rab tu sgrog /dus gsum rgyal ba'i smon lam gang yod pa/ /rgyal sras de dag 'gro la phan don 
du/ /de dag thams cad ma lus yongs su spyod/ /de dag spyod pa'i rgyan ni 'di 'dra'o/ /rgyal ba kun gyi 'khor du nyer phyin te/ /phyogs rnams kun na gzugs brnyan lus 'chang zhing / /rgyal sras ye shes rgya mtsho'i blo gros can/ /de dag chos nyid 
zhing 'jug 'di 'dra'o/ /'od zer sgo rnams re re mtha' yas pa'i/ /bsam yas zhing rnams de dag rab tu 'jug /spyod pas myig ni kun nas yongs dag ste/ /rgyal sras de dag spyod yul 'di yin no/ /skra rtse gcig tu de dag rab gnas shing / /
zhing rnams dbyings kun kun nas bskyod byas kyang / /sems can rnams la 'jigs pa myi byed de/ /sa 'di rnam dag tshul 'chang dag gi'o/ /tshul rnams kun la bsam gyis myi khyab lus/ /de dag kun tu zhing rnams sna tshogs sprul/ /skad 
cig sems la 'chi 'pho skye ba snang / /rgyan 'di sems la chags med rnams kyi'o/ /dus gsum bskal pa gang yod ma lus par/ /skad cig gcig gis thams cad rab tu ston/ /sgyu ma lta bu lus med dngos kyang med/ /de 'dra'i 
chos nyid chags med blos rtogs so/ /bzang po'i spyod pa mchog la zhugs pa rnams/ /'gro ba kun la yid du 'ong ba'i lus/ /rgyal sras de dag chos nyid 'di yin te/ /'od zer kun gyi sgo nas dbyangs kyang sgrog /de nas bcom ldan 'das 
kyis byang chub sems dpa' mtha' dang dbus med pa de dag de bzhin gshegs pa'i yul la rnam par spyod pas rnam par 'phrul pa thob par bya ba'i phyir/ smin mtshams kyi mdzod spu nas 'od zer chen po byang chub sems dpa' thams cad ye shes kyi </font><hr>35-1-77a<br><font size=+1>
snang bas phyogs rnam par ston pa'i snying po zhes bya ba rab tu bkye'o/ /'od zer rin po che thams cad kha dog sgron ma'i sprin du brdal ba/ sangs rgyas kyi zhing thams cad du rab tu snang ba de byung nas/ tshul thams cad kyi phyogs 
'byam klas pa rab tu snang bar byas te/ phyogs thams cad kyi dbyings rgya mtsho rnams rab tu snang bar byas nas sems can rgya mtsho rnams rab tu snang bar byas te/ 'jig rten gyi khams rgya mtsho thams cad rab tu bstan nas/ sangs rgyas kyi zhing mang 
po thams cad rab tu bskyod pa'i rgyan gyi tshul thams cad kyis rab tu bskyod nas/ sangs rgyas kyi sprin 'jig rten gyi khams thams cad kyi rdul shin tu phra ba snyed/ rdul shin tu phra ba thams cad dang mnyam pa dag tu rab tu spros nas/ sems can thams 
cad kyi bsam pa dang mos pa ci lta ba rgya mtsho dag tu de bzhin gshegs pa thams cad kyi chos kyi 'khor lo'i sprin gyi char dus gsum gyi rdul shin tu phra ba dang mnyam pa phab ste/ dus gsum gyi sangs rgyas thams cad kyi pha rol tu phyin pa rgya mtsho rab tu bstan 
nas/ sems can thams cad ma lus par 'khor ba thams cad las rab tu gdon par bya ba'i phyir/ mos pa ji bzhin du byung ba dang mthun pa'i sprin gyi char rab tu dbab pa dang / de bzhin gshegs pa thams cad kyi smon lam ma lus pa'i sprin gyi char 
rab tu dbab pa dang / 'jig rten gyi khams thams cad du byang chub sems dpa' kun tu bzang po'i 'khor dag tu dga' bar phrad par byas nas/ bcom ldan 'das la g.yas phyogs su bskor ba byas te/ bcom ldan 'das kyi spyan sngar pad+mo chen po chu 
ba rin po che thams cad las bsgrubs pa/ nang rim nor bu'i rgyal po'i mdzod sna tshogs las byas pa lo ma rin po che thams cad kyi rigs kyi char 'beb pa/ ze ba'i phreng ba'i rgyan spos rin po che thams cad las byas pa/ snying po 'dzam bu chu klung gi gser gyi </font><hr>35-1-77b<br><font size=+1>
tshon gyis rab tu mdzes par bris pa/ 'od kyi 'khor rnam par dag cing 'od zer gyi dra bas rnam par snang bar byas pa'i sprin dang ldan pa/ rgyan thams cad rab tu 'byung ba sems kyi skad cig la sangs rgyas kyi rnam par 'phrul pa mtha' yas ston pa'i sgra rab tu 'byung 
ba/ nor bu'i rgyal po mtha' yas pa dang / sangs rgyas kyi sku'i gzugs brnyan gyi sprin gyis thams cad du gang bar byed pa/ byang chub sems dpa'i spyod pa dang / smon lam thams cad rab tu ston pa'i dbyangs 'byin par gyur te byung ngo / /pad+mo chen 
po de byung ba'i rjes su byang chub sems dpa' chos thams cad la pham pa med pa'i dbyangs zhes bya ba/ byang chub sems dpa' 'jig rten gyi khams rgya mtsho'i rdul shin tu phra ba snyed dang lhan cig tu bcom ldan 'das kyi mdzod spu de nyid nas byung ste/ 
bcom ldan 'das la lan du mar g.yas phyogs su bskor ba byas nas/ bcom ldan 'das la phyag 'tshal te pad+mo chen po de'i snying po la 'dug go /byang chub sems dpa' 'jig rten gyi khams rgya mtsho'i rdul shin tu phra ba snyed po de dag kyang ze ba'i 'phreng ba de dag la 'khod do/ /
de nas byang chub sems dpa' chos thams cad la pham pa med pa'i dbyangs chos kyi dbyings rgya che zhing tshad med pas rab tu dga' ba'i shugs shin tu skyes pa/ de bzhin gshegs pa thams cad kyi spyod yul gyi rjes su song ba'i ye shes can/ sangs 
rgyas kyi chos kyi sku rgya mtsho bsam gyis myi khyab pa la rab tu zhugs pa'i mthu dang ldan pa/ zhing 'byam klas pa thams cad kyi de bzhin gshegs pa rnams kyi zhabs kyi drung du phyin pa dang / ba spu thams cad las sprul pa'i sprin zad mi shes pas kun tu khebs 
par byed pa/ sems kyi skad cig thams cad la dmigs pa thams cad chos kyi dbyings kun tu bsgyur ba/ chos kyi dbyings thams cad la dus gsum khyab par byed pa'i spyod yul gyis rnam par spyod pa/ phyogs thams cad kyi de bzhin gshegs pa'i byin gyi rlabs </font><hr>35-1-78a<br><font size=+1>
'chang ba/ ting nge 'dzin thams cad la rab tu 'jog cing phyi ma'i mtha'i bskal pa'i mur thug par ting nge 'dzin dang / rnam par thar pa la rnam par spyod pa/ sangs rgyas kyi yon tan rgya mtsho mtha' yas pa thams cad dang chos kyi dbyings kyi lus 
dang ldan pas de bzhin gshegs pa'i rdzu 'phrul dang / rnam par 'phrul pa mtha' dang dbus med pa la rnam par bltas te/ de'i tshe tshigs su bcad pa 'di dag smras so/ /sangs rgyas sku ni chos kyi dbyings kyis gsal/ /'gro ba kun la rgyal ba 
mngon sum ste/ /ji ltar mos pa'i sems can rgyas bkang nas/ /snying po byang chub de la rgyal ba bzhugs/ /zhing rnams kun gyi rdul phran mchog snyed kyi/ /rgyal ba spu rtse kun la rab bzhugs te/ /byang chub sems dpa'i 'khor gyis 
kun nas bskor/ /kun kyang bzang po'i spyod pa mchog ston to/ /spu gcig rtse la zhing mang rgya mtsho ste/ /byang chub snying po pad+mo'i gdan la bzhugs/ /chos dbyings rgya chen thams cad kun bkang ste/ /spu rnams kun la rnam par 'phrul pa ston/ /
zhing rnams re re dag na rab bzhugs shing / /zhing rnams 'byam klas kun tu rgyas mdzad pas/ /phyogs bcu'i byang chub sems dpa'i sprin gyi rnams/ /kun kyang snying po byang chub drung du 'dong / /zhing rnams kun gyi rdul phran mchog snyed kyi/ /byang 
chub sems dpa'i yon tan rgya mtsho'i 'od/ /sangs rgyas kyi ni 'khor du nye bar 'dong / /chos dbyings 'byam klas rtag tu rgyas par 'gengs/ /zhing rnams thams cad gzugs brnyan rab tu ston/ /chos dbyings rdul rnams ye shes spyod yul 
can/ /kun kyang bzang po'i spyod la rab tu gnas/ /sangs rgyas kun gyi 'khor du yang dag byung / /byang chub sems dpa' ye shes mchog yul can/ /sangs rgyas chos sprin nyan cing rab tu mkhas/ /sangs rgyas kun gyi 'khor rnams kun </font><hr>35-1-78b<br><font size=+1>
na gnas/ /zhing rnams kun tu bskal pa rgya mtshor spyod/ /rgya mtsho'i chos la rnam par snang bar spyod/ /de dag rgyal ba'i sa rnams rgya mtshor bzhugs/ /sangs rgyas chos rnams gzhan dang gzhan byung ba/ /de dag smon lam rgya mtshor rab tu 'jug /
sangs rgyas yon tan legs pa rgya mtsho dang / /kun tu bzang po'i spyod pa de dag shes/ /sangs rgyas chos kyi dbyings rnams kun bkang zhing / /de dag rnam 'phrul rgya chen kun la zhugs/ /zhing rnams kun gyi rdul phran mang snyed kyi/ /lus 
kyi sprin ni rtag par rab tu ston/ /sems can kun bkang 'od kyis kun la skyob/ /bsam pa yid bzhin chos kyi char yang 'bebs/ /de nas byang chub sems dpa' chos kyi dpal pad+mo rnam par lta ba'i rgyal mtshan gyis/ sangs rgyas kyi byin gyis 
rlabs kyis phyogs bcur rnam par bltas te/ de'i tshe tshigs su bcad pa 'di dag smras so/ /sangs rgyas ye shes shin tu zab/ /dus rnams kun tu de 'byung ste/ /chos dbyings thugs su chud pas na/ /'jig rten mgon zhes rab tu brjod/ /
yang dag sangs rgyas chos kyi sku/ /'dres pa med cing gnas pa med/ /sems can thams cad yid bzhin du/ /gzugs kyi skur yang rab tu mthong / /chos rnams thams cad mngon sangs rgyas/ /chos rnams kun la rab tu zhugs/ /thams 
cad mkhyen pa thams cad gzigs/ /zhing rnams kun na rnam par mdzes/ /kha dog bsam gyis mi khyab par/ /sems can thams cad yid bzhin du/ /sems can mchog gi 'od rnams dang / /de bzhin sku yi sprin kyang mthong / /de bzhin 
gshegs pa'i sku dag las/ /mi zad sangs rgyas sprul pa rnams/ /zhing rnams kun tu rab sgrog cing / /chos kyi rgya mtsho shin tu ston/ /spu rnams re re kun nas kyang / /phyogs bcur 'od zer dra ba dag /sangs rgyas gsung ni rab 'byin cing / /</font><hr>35-1-79a<br><font size=+1>
gdul dka' thams cad rnam par 'dul/ /sangs rgyas 'od zer sgo rnams nas/ /sgra dbyangs zab mo rtag tu 'byung / /sangs rgyas yon tan rgya mtsho ni/ /byang chub sems dpa'i spyod yul lo/ /sangs rgyas chos kyi 'khor lo dag /
mtha' dang dbus med rab tu bskor/ /ye shes zab mo shes bya ba/ /rgya che phyogs su rab tu ston/ /'jig rten khams rnams thams cad du/ /rnam par 'phrul pa gzhan dang gzhan/ /chos kyi dbyings rnams kun bkang zhing / /yang dag sangs rgyas 
ston pa mdzad/ /sku rnams re re kun nas kyang / /zhing rnams kun gyi rdul mnyam par/ /sangs rgyas sems can mnyam phyung zhing / /rnam par 'phrul pa rab tu ston/ /de nas byang chub sems dpa' chos kyi mtsho rnam par snang ba'i blo gros kyis/ 
sangs rgyas kyi mthus phyogs bcur rnam par bltas te/ de'i tshe tshigs su bcad pa 'di dag smras so/ /chos kyi dbyings rnams kun khyab par/ /sangs rgyas sku ni rnam par mdzes/ /rgya chen gsung ni rang byung ba/ /zhing rnams rgya mtshor shin tu 
sgrog /'jig rten thams cad kun 'jug par/ /'jig rten mgon po shin tu mdzes/ /'gro ba kun gyi bsam mkhyen cing / /byin gyi rlabs ni rab tu ston/ /sangs rgyas 'jig rten kun la mngon/ /sems can thams cad bsam pa bzhin/ /
thams cad gzigs pa sangs rgyas kyi/ /rnam par 'phrul pa thams cad mthong / /mtha' yas 'od mnga' sangs rgyas sprin/ /chos rnams rgya mtsho'i 'brug kyang sgrog /ye shes rnam rgyu'i tshul bzhin du/ /rgyal ba'i sras rnams de la 'jug /
'jug pa rnams la 'byung ba med/ /'byung ba yod pa rnam par bstan/ /gang la sangs rgyas bzhugs pa yi/ /chos rnams 'byung ba nam mkha' bzhin/ /'pho dang gnas pa mi mnga' ste/ /'on kyang rgyal ba kun na snang / /sangs rgyas chos kyi </font><hr>35-1-79b<br><font size=+1>
dbyings las byung / /de phyir sangs rgyas rab tu brjod/ /yul na bzhugs med rang bzhin med/ /de la 'byung ba mi mnga' ste/ /sku dang mtshan kyang de bzhin med/ /rgyal ba gzugs brnyan 'dra ba'o/ /'gro ba kun tu chos kyi sprin/ /bsam pa 
kun la rab tu byung / /yang dag sangs rgyas rnams kun tu/ /sems can rgya mtsho 'dul ba mdzad/ /'jig rten khams rnams thams cad kyi/ /snying po byang chub kun na snang / /'khod pa'i rgya mtsho thams cad na/ /zhing rnams kun gyis rnam par 
mdzes/ /sangs rgyas kun gyi sku dag la/ /yon tan rgya mtsho zad mi shes/ /sangs rgyas yon tan mtha' yas te/ /de dag yon tan zad pa med/ /de nas byang chub sems dpa' spos 'od 'phro ba'i rgyan zla ba'i 'od kyis sangs rgyas kyi byin gyi 
rlabs kyis phyogs bcur rnam par bltas te/ de'i tshe tshigs su bcad pa 'di dag smras so/ /bsam gyis myi khyab sangs rgyas sar/ /byang chub sems dpa' gang bzhugs pa/ /de dang de dag sangs rgyas kyi/ /sangs rgyas rnam 'phrul thams 
cad mthong / /ye shes lus kyis zhugs pa rnams/ /zhing kun rdul gyi sbubs su yang / /de bzhin gshegs pa thams cad dang / /bdag nyid lus kyang der mthong ngo / /gzugs brnyan zhing rnams thams cad dang / /sangs rgyas kun gyi spyan 
sngar 'byung / /kun tu byin gyi rlabs rnams dang / /rnam par 'phrul pa rab tu ston/ /kun tu bzang po'i smon lam dang / /spyod pa gang gis rnam sbyangs pa/ /de dag zhing rnams thams cad du/ /sangs rgyas kun gyi rnam 'phrul mthong / /kun 
tu mnyam pa nyid gyur cing / /kun tu lus kyis rab gnas te/ /ye shes kun gyi rjes song na/ /sangs rgyas spyod yul zhugs pa'o/ /sangs rgyas ye shes zhugs pa rnams/ /chos kyi dbyings la rnam par mdzes/ /sangs rgyas kun gyi </font><hr>35-1-80a<br><font size=+1>
sku dag tu/ /rgya mtsho'i zhing la rab tu 'jug /sangs rgyas kun gyi zhing dag tu/ /byin gyi rlabs rnams rab bstan pas/ /gzhan dang gzhan gyi lus ngag dang / /ming gis kun na rab tu gnas/ /byang chub snying por rnam 
'phrul dang / /byang chub mngon par 'tshang rgya zhing / /chos kyi 'khor lo bskor ba dag /skad cig sems kyis ston pa byed/ /zhing rnams 'byam klas thams cad dang / /bskal pa bye ba bsam yas dag /byang chub sems dpa' mnyam gzhag rnams/ /
skad cig sems kyis rnam par ston/ /sangs rgyas zhing rnams thams cad na/ /byang chub sems dpa'i sprul pa rnams/ /sangs rgyas sku la rnam spyod kyang / /mtha' ma rnyed par myi rung ngo / /de nas byang chub sems dpa' seng ge 'od zer snang ba'i mthus 
'byin pa'i blo gros kyis/ sangs rgyas kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so/ /sangs rgyas rnam par snang mdzad kyis/ /chos kyi 'khor lo rab tu bskor/ /chos dbyings tshul rnams thams 
cad kyang / /sangs rgyas sprin gyis mngon du yog /'jig rten khams rnams rgya mtsho dag /phyogs bcu kun na gang yod pa/ /thams cad kun tu 'khor lo 'khor/ /de ni smon lam rnam par 'phrul pa'o/ /'khor rnams rgya mtsho rgya che ba/ /gzhan 
dang gzhan gyi ming dag gis/ /zhing rnams gnas pa kun tu yang / /chos kyi 'khor lo kun tu 'khor/ /rnam par snang mdzad byin rlabs kyis/ /zhing rnams rgya mtsho kun tu yang / /kun tu bzang po'i smon lam dag /brjod cing zhing rnams kun tu 'byung / /
zhing kun rdul la sku yi rnams/ /thams cad chos rab rab tu 'bebs/ /'dres pa med cing 'byung ba med/ /'jig rten dag na rnam par mdzes/ /bskal pa bye ba grangs med par/ /zhing kun rdul phran sbubs dag tu/ /rnam par snang ba mdzad pa'i gsung / /</font><hr>35-1-80b<br><font size=+1>
sngon gyi spyod pa rab tu sgrog /zhing rnams thams cad rdul snyed kyi/ /'od zer dra ba phyogs bcu na/ /sangs rgyas 'od zer kun sgo nas/ /byang chub mchog phyir sems can 'dul/ /kun tu ma 'dres sku dag gis/ /chos dbyings yongs su rab gsal te/ /
'gro rnams 'dul ba ji bzhin du/ /gzugs kyi sku yang rab tu mthong / /dus gsum zhing rnams thams cad kyi/ /mgon po ji snyed bzhugs pa rnams/ /de dag kun gyi mtshan kyang sgrog /sangs rgyas rnam par 'phrul la ltos/ /da ltar byung dang 'das pa 
dang / /sangs rgyas gang rnams ma byon pa/ /de dag kun gyi bsam yas pa/ /chos kyi 'khor lo rab tu grag /de nas byang chub sems dpa' chos kyi yon tan gyi mdzod mi zad pa'i dpal gyi gzi brjid mar mes sangs rgyas kyi byin gyi rlabs kyis phyogs bcur 
rnam par bltas te/ de'i tshe tshigs su bcad pa 'di dag smras so/ /gang gis byang chub sems dpa' yi/ /ye shes tshogs 'di kun non cing / /ye shes rtogs pa rnyed pa rnams/ /de dag 'di yi tshul la zhugs/ /chos kyi dbyings dang mnyam 
pa'i dbyangs/ /zhing rnams kun tu rab tu 'byung / /sangs rgyas kun gyi spyod yul te/ /byang chub sems dpa'i ched du brjod/ /skad cig re re'i sems kun la/ /chos kyi dbyings su rnam par rgyu/ /de bzhin nyid la gnas shing rten/ /chos 
rnams rgya mtsho kun la zhugs/ /rgyan gyi pha rol phyin pa rnams/ /bskal pa bye ba bsam yas su/ /sangs rgyas thams cad sku dag dang / /zhing rnams kun na gnas shing spyod/ /rdul rnams re re'i steng nas kyang / /chos rnams kun ni rab tu 'byung / /
zhing rnams kun kyang khyab par byed/ /ye shes chags med spyod yul lo/ /sangs rgyas thams cad spyod yul du/ /las pa med par kun bkang zhing / /rnam par 'phrul pa'i rnam spyod pas/ /sangs rgyas spyod yul rnams la zhugs/ /sangs </font><hr>35-1-81a<br><font size=+1>
rgyas kun gyi rjes snyegs dbyangs/ /chos kyi dbyings ni rab sgrog pa/ /chos dbyings rjes su shes pa rnams/ /dbyangs kyi rgya mtsho rnams la spyod/ /bskal pa rgya mtshor ma 'dres par/ /sgra dang dbyangs rnams 
shin tu sgrog /dus rnams thams cad shes pas gsal/ /dbyangs kyi de dag sa la zhugs/ /sgra yi shes la rmongs pa myed/ /sems can sgra yang spyod yul te/ /thams cad mkhyen pa kun gyi yang / /rnam par 'phrul pa'i dbyangs shes so/ /
sa nas sar yang phyin gyur cing / stobs kyi sa la rab gnas te/ /bskal pa bye bar sbyangs pas na/ /chos nyid 'di la rab tu 'jug /de nas byang chub sems dpa' ye shes kyi 'od zer shes rab kun nas sgron ma'i blo gros kyis/ sangs rgyas kyi 
byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so/ /gang la sangs rgyas bzhugs pa yi/ /chos rnams de dag mtshan nyid myed/ /ye shes sa ni thob pa rnams/ /'jig rten gtso bo rab tu mthong /
shes rab snang ba'i kun 'od can/ /byang chub sems dpa' mnyam gzhag rnams/ /sangs rgyas thams cad kun gyi yang / /sku yi rnam par 'phrul la zhugs/ /chos kyi dbyings la rnam spyad cing / /lus kyi dngos la rab 'jug ste/ /zab mo'i chos 
rnams rtogs gyur nas/ /smon lam dag gis yang dag byung / /bsod nams rgya mtshos byung gyur cing / /ye shes sa la rnam par gnas/ /chos la rnam spyod khong du chud/ /spyod pa'i mchog la rab tu spyod/ /sangs rgyas zhing rnams thams 
cad kyi/ /sangs rgyas kun gyi drung dag tu/ /chos kyi dbyings la spyad pas na/ /rang bzhin lus ni rab tu mthong / /zhing rnams 'byam klas thams cad du/ /bskal pa bye ba bsam yas su/ /thams cad gzigs pa'i chos kyi rnams/ /rgya </font><hr>35-1-81b<br><font size=+1>
mtsho kun la rab tu spyod/ /bdag mthong bas ni lus dang rdul/ /gcig tu 'dres pa mngon par byas/ /ma skyes mtshan nyid med pa ste/ /zhing rnams kun tu'ang rnam par mdzes/ /'jig rten kun gyi bsam mthun par/ /sems can kun la mngon 
sum du/ /lus kyi sprin ni bstan byas shing / /byang chub don du sems can 'dul/ /sangs rgyas thams cad mthu yis ni/ /byang chub sems dpa' brjod pa ste/ /gang gis mgon po mthong ba yi/ /rgyal ba'i byin rlabs shin tu zab/ /
mgon po ji snyed gang bzhugs pa'i/ /byin rlabs mtha' dang dbus med de/ /chos dbyings rab tu gang byas nas/ /byang chub sems dpa' rnam 'tshang rgya/ /de nas byang chub sems dpa' me tog kun nas 'od 'phro gtsug phud rab tu 'phyang bas/ sangs 
rgyas kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so/ /zhing rnams kun tu sangs rgyas kyi/ /gsung gi dkyil 'khor sgra 'byin te/ /chos kyi dbyings rnams gang byas nas/ /yon 
tan sprin ni rab tu brjod/ /yang dag sangs rgyas chos kyi sku/ /rnam dag nam mkha' 'dra ba ste/ /gzugs kyi sku yang rab ston cing / /chos nyid 'di la shin tu 'jug /dga' dang mos pa'i shugs rnams dang / /sangs rgyas stobs 
rnams thams cad la/ /rab tu gnas shing de dag ni/ /de bzhin gshegs pa'i ye shes 'jug /shes rab chung ngus chos 'di dag /kun nas shes par mi nus te/ /ye shes mig ni rnam sbyangs shing / /'di yi tshul la 'jug par 'gyur/ /
rab tu gnas dang byin rlabs dang / /chos kun rnam par spyad pa dang / /rab tu 'jug dang ldang ba yi/ /mnyam pa nyid la rab tu zhugs/ /chos rnams mtha' yas klong gi rnams/ /chos kun mtshan nyid rnams la ste/ /kun mkhyen nyid la rab zhugs </font><hr>35-1-82a<br><font size=+1>
shing / /chos kyi rgya mtsho kun la spyod/ /sangs rgyas zhing na kun 'khod cing / /thams cad kun na rnam par mdzes/ /'ongs pa med cing 'phos pa med/ /sangs rgyas chos nyid de 'dra'o/ /gzugs brnyan 'dra ba'i sku 
rnams ni/ /sems can rgya mtsho'i nang na snang / /mos pa ci 'dra yod pa rnams/ /de bzhin mgon po kun gyis mthong / /kun tu bzang po'i smon lam dang / /spyod pa mang po sus sbyangs pa/ /de dag thams cad ba spu la'ang / /rnam 'phrul gzhan dang 
gzhan dag mthong / /lus kyi rnams ni re res kyang / /chos kyi dbyings rnams kun tu khyab/ /'khor lo kun na 'khor ba ste/ /chos kyi 'khor lo bsam mi khyab/ /de nas byang chub sems dpa' 'od zer dang gzi brjid mi zad pa'i rgyal po'i blo gros kyis/ 
sangs rgyas kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so/ /sangs rgyas sku ni thams cad nas/ /'od zer sprin mang phyogs rnams bcur/ /kha dog mtha' yas 'bar ba'i 'od/ /sems 
can bsam pa kun la 'phro/ /sangs rgyas zhing rnams thams cad kyi/ /snying po byang chub kun na bzhugs/ /bdud rnams thams cad rab btul te/ /'khor gyi nang na rnam par mdzes/ /thams cad rdul na'ang ma 'dres par/ /'od zer dkyil 'khor 
rgyas par 'gengs/ /phyogs rnams gzhan dang gzhan lam du/ /zhing gi rgyud rnams rab tu ston/ /zhing gi rnams ni rgya mtsho'i klong / /phyogs kyi rnams kyang kun tu gnon/ /zhing rnams thang chen mnyam zhing dag /in+d+ra nI lar kun nas gnas/ /
spyi'u tshugs dag dang snrel zhi dang / /pad+mo'i dbyibs dang khyad khyud dang / /dkyil 'khor 'khor lo'i khyad par du/ /gzugs rnams kun gyis rab tu gnas/ /chos kyi dbyings rnams gar phyin par/ /thub pa myed par gram bdal ba/ /</font><hr>35-1-82b<br><font size=+1>
de dag kun gyi 'khor rnams su/ /shin tu bstan pa'i chos 'byung ngo / /de bzhin gshegs pa'i sku dbyings na/ /'khod pa'i zhing rnams bsam myi khyab/ /de dag kun tu chos nyid 'di/ /'jig rten mgon po rnams kyang ston/ /tha dad med pa'i chos kyi dbyings/ /
chos kyi 'khor lo rab tu 'khor/ /tshig gi tshul gyi rnam pa yis/ /chos bstan pa ni kun tu 'byung / /sangs rgyas gsung gi dkyil 'khor ni/ /tshul rnams bsam cing rab tu brjod/ /dad pa rgya mtsho'i tshul dag gis/ /mi zad tshul rnams rab tu bstan/
sangs rgyas zhing rnams kun na yang / /rgyal ba rnams ni myig yor 'dra/ /snying po byang chub rnams na snang / /'byung ba dag kyang yod pa myin/ /de nas byang chub sems dpa' chos kyi dbyings su 'od 'phro ba'i rnam par snang ba'i 'byung ba blo gros kyis/ sangs 
rgyas kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so/ /blta zhing blta zhing sangs rgyas rnams/ /sku gzugs bsam gyis myi khyab ste/ /dga' ba rgya mtsho kun kyang 'byung / /chos kyi 
shugs ni rab tu 'phel/ /mtshan rab kun nas sangs rgyas rnams/ /phyogs bcu kun tu rab tu 'byung / /rdul rnams kun tu 'jug pa yi/ /sangs rgyas sprin kyang de bzhin bstan/ /skad cig skad cig sems kun la/ /sangs rgyas 'od 
ni dpal gyis 'bar/ /rnam 'phrul gzhan dang gzhan dag gis/ /zhing rnams rgya mtsho kun na snang / /byang chub sems dpa' shes rab che/ /rgya mtsho'i chos la byung ba rnams/ /sangs rgyas kun gyis byin brlabs pa/ /'di yi yul la rnam 
par spyod/ /kun tu bzang po'i smon lam la/ /gang rnams shin tu gnas gyur pa/ /de dang de rnams zhing dag tu/ /sangs rgyas rnam 'phrul kun la blta/ /ye shes zab mo rnam gnon cing / /chos kyi dbyings la gzhol ba ni/ /mos pa rgya </font><hr>35-1-83a<br><font size=+1>
mtsho shes pa ste/ /smon lam kun gyis byung ba'o/ /sangs rgyas kun gyi sku dang gsung / /chags pa med la rab tu zhugs/ /spyod pa gzhan dang gzhan dag gis/ /spyod yul kun kyang khong du chud/ /sangs rgyas 
kun gyi sku gnas shing / /ye shes spyod yul gyur pa rnams/ /chos kyi dbyings la rab brtson pa/ /rgyal ba rnams kyi sa gnon to/ /skad cig sems kyis zhing gi rnams/ /sangs rgyas zhing gi rdul mnyam pa/ /de dag chos nyid ji bzhin du/ /
rdul gcig steng du rnam par spyod/ /zhing rnams ji snyed thams cad ni/ /zhing gi rnam 'phrul gang yod pa/ /chos nyid 'di la zhugs pa rnams/ /zhing gcig tu ni sdud pa byed/ /de nas byang chub sems dpa' stobs dang brtson 'grus chags pa 
myed pa'i blo gros kyis/ sangs rgyas kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so/ /zhing rnams rgya mtsho thams cad du/ /de dag gsung ni zab mo 'byung / /dbyangs kyi yan lag kun 
rgyas pa/ /chos kyi sprin gyi char 'bebs so/ /brjod pa rgya mtsho thams cad kyis/ /sems can kun gyi skad dag tu/ /sangs rgyas zhing rnams kun tu yang / /chos rnams bstan pa rab tu 'byung / /zhing rnams kun tu ma lus par/ /
sangs rgyas rnam par 'phrul mthong zhing / /sangs rgyas gsung rnams thos pa dang / /byang chub mchog phyir kun kyang 'jug /rdul rnams re re'i steng nas kyang / /chos kyi dbyings kyi phyogs tshul gyis/ /sangs rgyas zhing rnams 
kun bkang zhing / /sangs rgyas rnam 'phrul ston pa byed/ /chos kyi sku ni tha dad min/ /nam mkha' bzhin te chags pa med/ /gzugs kyi skur ni rnam dmyigs pa/ /mig yor snang ba'i mtshan nyid do/ /myig yor yul la mi gnas te/</font><hr>35-1-83b<br><font size=+1>
nam mkha' bzhin du dngos po myed/ /mnyam pa nyid 'di rtogs gyur nas/ /ye shes rgya mtsho mthong bar 'gyur/ /sangs rgyas sku ni ma skyes te/ /gzung ba med cing 'byung ba med/ /nam mkha' mnyam pa nyid dang mtshungs/ /gzung du myed las 'di bstan to/ /
zhing rnams kun gyi sangs rgyas rnams/ /de dag spu gcig rtse la tshogs/ /ye shes myig dang ldan pa yis/ /spu rnams kun tu rnam 'phrul mthong / /rnam par snang ba'i smon lam ste/ /chos kyi dbyings ni kun bkang zhing / /bla med chos kyi 'khor 
lo dag /zhing rnams kun na rtag tu 'khor/ /ji snyed bskal pa bsam yas par/ /spu rtse gcig tu rnam sprul pa/ /sangs rgyas kun gyis bshad mdzad kyang / /de yi mtha' ni rnyed par dka'/ /ji ltar gling bzhi pa 'dir de bzhin gshegs pas 
rnam par sprul pa'i snying po byang chub tu phyogs bcu nas byang chub sems dpa' rnams 'dus par gyur pa de bzhin du/ 'jig rten gyi khams rgya mtsho'i gling bzhi pa thams cad kyi gling bzhi pa re rer yang / de bzhin gshegs pas rnam par sprul pa'i snying 
po byang chub dag tu byang chub sems dpa' phyogs bcu'i 'jig rten gyi khams rgya mtsho bye ba'i rdul shin tu phra ba snyed kun nas 'dus par gyur to/ /'di na ji lta ba de bzhin du 'jig rten gyi khams thams cad kyi snying po byang chub de bzhin gshegs pas rnam par 
sprul pa dag tu/ kun nas 'dus pa'i byang chub sems dpa' de dag kyang / chos nyid 'di kho na rab tu ston to/ /de bzhin gshegs pa'i le'u ste gnyis pa'o// //de nas bcom ldan 'das kyi spyan sngar byang chub sems 
dpa' sems dpa' chen po kun tu bzang po seng ge'i khri pad+mo'i snying po can de nyid la 'dug ste/ de'i tshe sangs rgyas kyi mthus ting nge 'dzin sangs rgyas thams cad de bzhin gshegs pa rnam par snang mdzad kyi sku'i snying po zhes bya ba de bzhin gshegs pa </font><hr>35-1-84a<br><font size=+1>
thams cad mnyam pa nyid kyi rjes su song ba'i rang bzhin chos kyi dbyings kyi gzugs brnyan rnam par brtags pa'i tshogs/ nam mkha'i dbyings na brdal ba med cing rgya che ba khyab par byed pa'i rang bzhin chos kyi dbyings rgya mtsho'i klong mnyam 
pa nyid kyi rjes su song zhing shin tu brdal ba'i tshogs chos thams cad kyi sgo'i ting nge 'dzin gyi dkyil 'khor yang dag par 'byung bas rgyas par 'gengs pa/ phyogs thams cad du yang dag par zhugs pa'i chos kyi dbyings kyi lus kyis kun nas yog par byas pa'i rang 
bzhin gyi snying po can dus gsum gyi sangs rgyas 'byung ba'i ye shes snang ba/ rgya mtsho'i klong phyogs thams cad du sgo kun nas tshul rgya mtsho rnam par rig par bya bas mngon tu yang dag par ston pa/ sangs rgyas thams cad kyi stobs dang rnam par thar 
pas byang chub sems dpa'i ye shes kyi lus rgyas par 'gengs pa'i snying po can/ zhing 'byam klas pa thams cad ma lus par chos kyi dbyings su 'jug pas rgyas par 'gengs pa'i ye shes dang ldan pa/ sangs rgyas kyi yon tan rgya mtsho thams cad yongs 
su grub par byed pa bskal pa thams cad du smon lam rgya mtshos rnam par snang bar byed pa'i 'od can/ de bzhin gshegs pa thams cad kyi chos kyi 'khor lo ston cing brjod pa'i byin gyi rlabs la mnyam par bzhag par gyur to/ /ji ltar byang chub sems 
dpa' kun tu bzang pos bcom ldan 'das kyi zhabs kyi drung du byang chub sems dpa'i ting nge 'dzin sangs rgyas thams cad de bzhin gshegs pa rnam par snang mdzad kyi sku'i snying po zhes bya ba 'di la mnyam par bzhag pa de bzhin du 'jig rten gyi khams 'byam 
klas pa chos kyi dbyings kyis klas pa nam mkha'i dbyings kyi mthas gtugs pa/ phyogs rgya mtsho thams cad kyi khongs su gtogs pa/ dus gsum thams cad na yod pa'i sangs rgyas kyi zhing 'byung ba'i khams chos kyi dbyings rgya chen pos non pa'i </font><hr>35-1-84b<br><font size=+1>
ris su gtogs pa shin tu phra zhing sgrib pa myed pa dang / phyogs rgya chen po rgya mtsho thams cad snang ba 'jig rten gyi khams rgya mtsho'i ris su gtogs pas rnam par gnon pa/ de bzhin gshegs pa'i spyan gyis rnam par gzigs pa/ sangs rgyas kyi stobs 
thogs pa myed pas chud pa/ chos kyi dbyings dang sangs rgyas kyi sku thams cad kyi gzugs brnyan rab tu snang ba/ chos kyi dbyings kyi rdul ma lus pa kun tu gtogs pa/ chos kyi dbyings ma lus pa thams cad du rgyas par gang ba'i 'jig rten gyi khams thams cad 
kyi rdul shin tu phra ba dang mnyam pa dag tu rdul phra mo re re la'ang / zhing 'jig rten gyi khams rgya mtsho'i rdul shin tu phra ba snyed la rab tu zhugs nas zhing re re zhing yang de bzhin gshegs pa 'jig rten gyi khams kyi rdul shin tu phra ba snyed la rab tu zhugs te/ de bzhin 
gshegs pa re re'i zhabs kyi drung du yang lus 'jig rten gyi khams rgya mtsho'i rdul shin tu phra ba snyed kyi/ ting nge 'dzin sangs rgyas thams cad de bzhin gshegs pa rnam par snang mdzad kyi sku'i snying po zhes bya ba 'di la mnyam par bzhag go /byang chub sems dpa' 
kun tu bzang pos/ byang chub sems dpa'i ting nge 'dzin sangs rgyas thams cad de bzhin gshegs pa rnam par snang mdzad kyi sku'i snying po zhes bya ba de la mnyam par bzhag pa'i rjes la/ de'i tshe phyogs bcu'i sangs rgyas kyi zhing 'byam klas pa thams cad nas de bzhin 
gshegs pa thams cad kyis zhal bstan to/ /yang dag par rdzogs pa'i sangs rgyas bcom ldan 'das de dag gis 'di skad ces kyang bka' stsal te/ rigs kyi bu khyod de ltar byang chub sems dpa'i ting nge 'dzin sangs rgyas thams cad de bzhin gshegs pa 
rnam par snang mdzad kyi sku'i snying po 'di la mnyam par gzhog pa legs so legs so/ /kye rgyal ba'i sras khyod la phyogs bcu'i de bzhin gshegs pa 'di dag thams cad kyang bcom ldan 'das de bzhin gshegs pa rnam par snang mdzad 'di'i sngon gyi smon lam gyi </font><hr>35-1-85a<br><font size=+1>
byin gyi rlabs dang / khyod kyi sangs rgyas thams cad kyi smon lam dang / spyod pa yongs su dag pa'i mthus 'di lta ste/ sangs rgyas thams cad kyi chos kyi 'khor lo rab tu bskor ba dang / de bzhin gshegs pa'i ye shes rgya mtsho thams 
cad kyi rnam par dbye ba dang / chos thams cad kyi tshul gyi phyogs rgya mtsho ma lus par snang bar bya ba dang / sems can gyi khams thams cad kyi kun nas nyon mongs pa dang / rnam par byang ba dang / chags pa med par 'jig rten gyi khams 'byam klas pa 
thams cad yongs su gnan pa dang / sangs rgyas kyi yul thams cad la chags pa myed par 'jug par bya ba dang / sangs rgyas kyi 'khor thams cad sgo kun nas rab tu brjod pa dang / chos kyi tshul gyi dkyil 'khor thams cad la zhugs pas/ thams 
cad mkhyen pa nyid yongs su bzung ba dang / chos kyi snang ba thams cad kyi tshul rnam par blta ba dang / sems can gyi dbang po rgya mtsho thams cad yongs su shes par bya ba dang / de bzhin gshegs pa thams cad kyi gsung gi yan lag rgya mtsho'i dbyangs 
yongs su bzung ba'i phyir byin gyis rlob pa mdzad do/ /de nas sangs rgyas bcom ldan 'das de dag gis/ byang chub sems dpa' sems dpa' chen po kun tu bzang po la thams cad mkhyen pa nyid kyi stobs la rab tu 'jug pa'i ye shes kyang nye bar 
bsgrubs so/ /chos kyi dbyings mtha' dang dbus med pa la rab tu 'jug pa'i ye shes kyang nye bar bsgrubs so/ /dus gsum gyi sangs rgyas kyi dkyil 'khor thams cad yang dag par 'byung ba'i ye shes kyang nye bar bsgrubs so/ /'jig rten gyi 
khams rgya mtsho thams cad 'jig pa dang / 'du ba'i ye shes kyang nye bar bsgrubs so/ /chos kyi dbyings 'byam klas pa mtha' dang dbus myed pa'i ye shes kyang nye bar bsgrubs so/ /sangs rgyas kyi rnam par thar pa zab mo tha myi dad pa dang / ting nge 'dzin </font><hr>35-1-85b<br><font size=+1>
thams cad la rnam par gnas pa'i ye shes kyang nye bar bsgrubs so/ /byang chub sems dpa' thams cad kyi dbang po rgya mtsho la rab tu 'jug pa'i ye shes kyang nye bar bsgrubs so/ /sems can thams cad kyi skad rgya mtsho dang chos kyi 'khor lo nges pa'i tshig gi 
ye shes kyang nye bar bsgrubs so/ /'jig rten gyi khams mang po thams cad kyi rjes su song zhing chos kyi dbyings thams cad du lus yang dag par gzhol ba'i sems kyang nye bar bsgrubs so/ /sangs rgyas kyi gsung gi yan lag dang sgra dang dbyangs kyang nye bar 
bsgrubs so/ /ji ltar 'jig rten gyi khams 'di'i bcom ldan 'das kyi zhabs kyi drung na 'dug pa la nye bar bsgrubs pa de bzhin du/ 'jig rten gyi khams thams cad rgyas par bkang ste/ 'jig rten gyi khams rgya mtsho dag dang rdul shin tu phra ba'i khongs na lus 
'khod pa thams cad la yang nye bar bsgrubs so/ /de ci'i phyir zhe na/ de ni 'di ltar ting nge 'dzin de nyid kyi chos nyid thob pa'i phyir ro/ /de nas bcom ldan 'das rnam par snang mdzad kyis/ sprul pa'i sangs rgyas bcom ldan 'das de dag gis/ phyag g.yas 
pa mtshan dang dpe byad bzang pos rnam par mdzes par brgyan pa/ 'od zer gyi dra ba'i me tog sna tshogs shin tu rgyas pa/ 'od kyi dkyil 'khor rnam par dag pa'i sprin 'gyed pa/ rin po che 'od 'phro ba thams cad kyi sprin gyis rnam par gsal bar gyur pa/ phyogs 
thams cad du spos 'od 'phro ba'i sprin gyi 'od kyis rnam par snang ba/ sangs rgyas thams cad kyi gsung gi yan lag gi dkyil 'khor gyi rjes su sgra 'byin pa dang / sangs rgyas thams cad kyi rnam par 'phrul pa dang / khyu mchog gi mthu phyung ba yang dag 
par ston pa/ byang chub sems dpa' 'das pa dang / ma 'ongs pa dang / da ltar byung ba rnams kyi kun tu bzang po'i smon lam gyi dkyil 'khor rab tu snang ba rnam par ston pa/ de bzhin gshegs pa thams cad kyi chos kyi 'khor lo'i snang ba yang dag par </font><hr>35-1-86a<br><font size=+1>
ston pa/ dus gsum gyi de bzhin gshegs pa thams cad kyi gzugs brnyan 'byung ba rnams brkyang ste/ byang chub sems dpa' kun tu bzang po'i spyi bor bzhag go /'dir ji lta ba de bzhin du 'jig rten gyi khams rgya mtsho thams 
cad dang rdul shin tu phra ba'i khongs na yod pa thams cad du yang / de bzhin gshegs pa'i zhabs kyi drung dag tu byang chub sems dpa' kun tu bzang po'i spyi bo la phyag rgya mtsho'i sprin rnams rab tu bzhag go /byang chub sems dpa' kun tu bzang po la sangs 
rgyas bcom ldan 'das de dag gis/ reg ma thag tu de nas de'i mod la ting nge 'dzin de las ldang ba'i sgo rgya mtsho 'jig rten gyi khams rgya mtsho'i rdul shin tu phra ba snyed/ dus gsum thams cad du sems kyi skad cig re re la/ ting nge 'dzin las ldang ba'i ye 
shes ma 'dres pa la mkhas pa dang ting nge 'dzin las ldang ba'i byin gyis rlabs kyi sgo chos kyi dbyings dang / dus gsum mnyam pa thams cad kyi sgo dang / sangs rgyas kyi zhing 'das pa dang / ma 'ongs pa dang / da ltar byung ba thams cad kyi sgo dang / sems 
can ma lus pa'i gnas thams cad dang / mnyam zhing sems can thams cad kyi sems rgya mtsho la 'jug pa'i sgo dang / sems can thams cad kyi lus dang / ming gi 'khor lo las ldang ba'i sgo dang / phyogs dang mtshams thams cad du chos 
kyi dbyings rnam par 'byed pa'i sgo dang / rdul shin tu phra ba thams cad du sangs rgyas kyi sku'i sprin mtha' dang dbus myed par 'byam klas pa'i sgo dang / chos kyi tshul rgya mtsho thams cad rab tu bstan pa'i sgo dag nas langs par gyur te/ byang chub 
sems dpa' kun tu bzang po ting nge 'dzin de las langs ma thag tu/ de'i tshe byang chub sems dpa' de dag kyang so so re re zhing ting nge 'dzin rgya mtsho'i sprin 'jig rten gyi khams rgya mtsho'i rdul shin tu phra ba snyed la rab tu zhugs par gyur to/ /gzungs </font><hr>35-1-86b<br><font size=+1>
rgya mtsho'i sprin 'jig rten gyi khams rgya mtsho rdul shin tu phra ba snyed la yang rab tu zhugs par gyur to/ /chos kyi tshul rgya mtsho'i sprin 'jig rten gyi khams rgya mtsho'i rdul shin tu phra ba snyed la yang rab tu zhugs par gyur to/ /tha dad pa yang dag par shes pa'i tshul 
rgya mtsho'i sprin 'jig rten gyi khams rgya mtsho'i rdul shin tu phra ba snyed la yang rab tu zhugs par gyur to/ /spyod pa rgya mtsho'i sprin 'jig rten gyi khams rgya mtsho'i rdul shin tu phra ba snyed la yang rab tu zhugs par gyur to/ /chos kyi dbyings kyi phyogs su rnam par snang 
zhing de bzhin gshegs pa thams cad kyi ye shes snang ba yon tan gyi snying po can rgya mtsho'i sprin 'jig rten gyi khams rgya mtsho'i rdul shin tu phra ba snyed la yang rab tu zhugs par gyur to/ /de bzhin gshegs pa'i stobs dang ye shes ma 'dres pa'i tshul rgya mtsho'i 
sprin 'jig rten gyi khams rgya mtsho'i rdul shin tu phra ba snyed la yang rab tu zhugs par gyur to/ /de bzhin gshegs pa thams cad kyi ba spu'i rtse mo thams cad la zhing gzhan dang gzhan rgya mtsho'i sprin 'jig rten gyi khams rgya mtsho'i rdul shin tu phra ba snyed la yang rab 
tu zhugs par gyur to/ /byang chub sems dpa' re re zhing dga' ldan gyi gnas nas 'pho ba dang 'byung ba dang / byang chub tu rnam par 'tshang rgya ba dang / mya ngan las 'das pa bstan pa rgya mtsho'i sprin 'jig rten gyi khams rgya mtsho'i rdul shin tu phra ba snyed la yang 
rab tu zhugs par gyur to/ /'dir ji lta ba de bzhin du 'jig rten gyi khams rgya mtsho'i thams cad na yang de bzhin gshegs pa thams cad kyi 'khor rgya mtsho rnams dang / rdul shin tu phra ba thams cad kyi khongs na yod pa kun tu yang byang chub sems dpa' rgya 
mtsho rnams rab tu zhugs par gyur te/ sangs rgyas kyi mthu dang / byang chub sems dpa' kun tu bzang po'i ting nge 'dzin gyi chos nyid rab tu thob pas/ phyogs bcu'i 'jig rten gyi khams rgya mtsho thams cad ma lus par bag langs pa tsam du g.yos te/</font><hr>35-1-87a<br><font size=+1>
rin po che thams cad kyis rab tu brgyan par gnas shing chos rgya mtsho thams cad kyi sgra yang shin tu grags par gyur te/de bzhin gshegs pa'i 'khor rgya mtsho thams cad du yang / nor bu'i rgyal po chen po bcu'i sprin gyi char mngon par 
bab par gyur te/ bcu gang zhe na/ 'di lta ste nor bu'i rgyal po mtshan dang ldan pa'i gser dpal gyi rgyal mtshan gyi dpal gyi sprin gyi char mngon par bab po/ /'di lta ste nor bu'i rgyal po 'od kyis rnam par gsal bar byed pa'i sprin gyi char mngon par bab po/ /'di lta 
ste nor bu'i rgyal po phyogs bcur rin po che'i 'khor lo rab tu 'grems pa'i sprin gyi char mngon par bab po/ /'di lta ste nor bu'i rgyal po byang chub sems dpa'i gzugs brnyan rin po che'i snying po'i sprin gyi char mngon par bab po/ /'di lta ste nor bu'i rgyal po sangs rgyas thams 
cad kyi mtshan gyi khams rab tu sgrog pa'i sprin gyi char mngon par bab po/ /'di lta ste nor bu'i rgyal po zhing rnam par snang bar byed cing snying po byang chub tu dpal rab tu 'bar ba'i sprin gyi char mngon par bab po/ /'di lta ste nor bu'i rgyal po phyogs bcur snang ba'i sprul pa 'gyed 
pa'i sprin gyi char mngon par bab po/ /'di lta ste nor bu'i rgyal po byang chub sems dpa' thams cad kyi yon tan gyi 'khor lo dang mthu rab tu grags par byed pa'i sprin gyi char mngon par bab po/ /'di lta ste nor bu'i rgyal po nyi ma'i dpal gyi gzi brjid kyi sprin gyi char mngon 
par bab po/ /'di lta ste nor bu'i rgyal po rol mo'i sgra yid du 'ong bas phyogs thams cad khyab par byed pa'i sprin gyi char mngon par bab ste/ nor bu'i rgyal po'i sprin gyi char bcu po 'di dag mngon par bab par gyur to/ /de bzhin gshegs pa thams cad kyi ba spu'i 
sgo thams cad dang 'od zer gyi sgo thams cad nas kyang tshigs su bcad pa 'di dag byung bar gyur to/ /zhing rnams 'byam klas kun na kun tu bzang po de/ /dbang po yid du 'ong la rab tu 'jug pa mthong / /kun tu rnam 'phrul rnam par 'di 'dra ston par byed/ /</font><hr>35-1-87b<br><font size=+1>
ting 'dzin yul la 'jug pa mtha' dang dbus myed do/ /lus rnams thams cad nas kyang kun tu bzang po de/ /sprul pa rab tu 'gyed cing chos dbyings rtag par 'gengs/ /ting 'dzin kun gyi tshul dang mying dang rnam 'phrul pa/ /thams cad dbyangs kyis chags 
pa myed par rgya che sgrog /ting 'dzin thams cad gzhan dang gzhan gyi rnam 'phrul gyis/ /de bzhin gshegs pa thams cad zhabs kyi drung dag tu/ /rgyal ba kun gyi spyod yul yangs pa gang byas te/ /zhing rnams kun tu rnam par 'phrul pa mang po ston/ /
zhing kun rgyal ba kun gyi zhabs drung ji bzhin tu/ /de ltar zhing kun shin tu phra ba'i rdul phran la/ /ting 'dzin rnam par 'phrul pa thams cad ma lus ston/ /rnam par snang mdzad smon lam dbyings la rab tu zhugs/ /kun tu bzang po'i lus ni nam 
mkha'i mtshan nyid do/ /thams cad zhing la mi gnas de bzhin nyid la gnas/ /lus kyi sprin ni 'gro ba kun dang mnyam par kun bkye zhing / /sems can kun la bsam pa bzhin du de dag ston/ /sangs rgyas sku rnams kun la zhing rnams gang yod pa/ /
mtha' dang dbus myed kun la rab tu zhugs pa rnams/ /kun tu bzang po'i smon lam gnas pa dag la bstan/ /rnam par 'phrul pa 'di 'dra dam pa tshad kyang med/ /'khor rnams rgya mtsho rdul phran mtha' dang dbus myed pa/ /tshad myed thams 
cad lus kyi nang du kun tshud cing / /dbyings la zhing mang dra bar rnam 'tshang rgya ba ston/ /skad cig sems la bskal pa mang po de bzhin ston/ /zhing rnams thams cad 'byam klas pa na rnam grags shing / /rnam par 'phrul pa dam pa ston par rab 
tu snang / /phyogs rnams kun gyi zhing gi dbyings rnams ma lus spyod/ /kun tu bzang po de la rnam lta kun kyang mthong / /rgyal ba kun gyi yon tan ye shes stobs la zhugs/ /ting 'dzin sa ni tshul rnams kun gyis rab tu mnan/ /chos rnams </font><hr>35-1-88a<br><font size=+1>
'byam klas gzhan dang gzhan la rab tu zhugs/ /rang gi byang chub spyod pas sngon cad spyad pa ston/ /de ltar zhing rnams kun tu bsam yas rnam 'phrul pa/ /phyogs rnams rgya che kun tu bkang ste rab tu bstan/ /ting 'dzin 
rnams la 'jug pa rab tu bstan pa'i phyir/ /rgyal ba'i 'od zer sprin las yon tan legs sgra 'byung / /de nas byang chub sems dpa'i 'khor yod pa thams cad sangs rgyas kyi mthus thal mo sbyar te/ byang chub sems dpa' kun tu bzang po la lta zhing dbyangs kyi nga 
ro gcig tu de'i tshe tshigs su bcad pa 'di dag smras so/ /rgyal ba thams cad chos las skyes pa ste/ /smon lam kun gyis sangs rgyas rab tu byung / /de bzhin nyid mnyam nam mkha'i snying po ste/ /chos kyi sku yis rnam par rab tu mdzes/ /zhing 
rnams 'byam klas kun la bzhugs myed kyang / /kun tu bzang po'i 'khor rnams kun na snang / /phyogs bcu kun tu yon tan grag pas khyab/ /ye shes rgya mtsho rab tu snang ba mnga'/ /rgyal ba thams cad sku thob phyir spyod pa/ /phyogs 
bcu'i yon tan rgya mtsho yod pa'i rnams/ /rdul sbubs kun tu de dag chud byas shing / /zhing rnams kun tu rnam par rab tu mdzes/ /zhing rnams kun gyi rgyal ba'i zhabs drung na/ /rgyal sras ting nge 'dzin dang spyad pa dang / /chos rnams kun la spyod 
cing gnas pa'i rnams/ /rdul dang mnyam pa'i bskal par kun kyang snang / /chos kyi dbyings rnams lus kyis khyab byas shing / /zhing rnams 'byam klas kun la shin tu zhugs/ /sems can rgya mtsho'i don du de spyod cing / /rdul phran kun la chos 
kyi dbyings su zhugs/ /chos kyi dbyings la de ltar zhugs nas kyang / /rdul phran kun la mi zad tha mi dad/ /nam mkha'i dbyings ni lus kyis gang byas shing / /rgyal ba'i chos rnams yangs pa rab tu ston/ /yon tan rgya mtsho 'od kun gzhal du med/ /</font><hr>35-1-88b<br><font size=+1>
rnam yangs stobs chen 'od zer yon tan sprin/ /'gro ba rgya mtsho'i don du spyod byed cing / /rgyal ba'i spyod lam gzhal du med pa ston/ /gang gi don tu bskal pa rgya mtsho dag /mtha' yas par ni bzang po'i spyod spyad pa/ /de dag chos kyi dbyings rnams 
gang byas nas/ /thams cad chos kyi sprin las rab tu brjod/ /zhing rnams ji ltar 'byung bar 'gyur ba dang / /stobs bcu rnams kyang ji ltar 'byung 'gyur dang / /sems can rgya mtsho ji ltar 'byung 'gyur ba/ /sems can rnams la sgra dbyangs 
gtong zhing ston/ /'khor rnams yongs pa 'di dag thams cad kyang / /kun tu bzang po khyod la mngon sum gnas/ /sangs rgyas kun gyis gnang bar 'gyur ba yin/ /chos kyi 'khor lo de ring khyod kyis bskor/ /kun tu bzang po'i ting nge 'dzin 
dang rnam par 'phrul pa rab tu byung ba zhes bya ba ste le'u gsum pa'o// //de nas byang chub sems dpa' kun tu bzang pos sangs rgyas kyi byin gyi rlabs kyis/ 'jig rten gyi khams thams cad la rnam par bltas/ sems can gyi khams rgya mtsho la rnam par 
bltas/ chos kyi dbyings rgya mtsho la rnam par bltas/ sems can thams cad kyi las rgya mtsho la rnam par bltas/ sems can thams cad kyi bsam pa dang dbang po rgya mtsho la rnam par bltas/ sangs rgyas thams cad kyi chos kyi rgya mtsho la rnam par 
bltas/ dus rgya mtsho la rnam par bltas/ sangs rgyas thams cad kyi yang dag par 'byung ba'i smon lam rgya mtsho la rnam par bltas/ sangs rgyas thams cad kyi rnam par 'phrul pa rgya mtsho la rnam par bltas nas/ byang chub sems dpa' 
'khor gyi dkyil 'khor yod pa thams cad la smras pa/ kye rgyal ba'i sras dag sangs rgyas bcom ldan 'das rnams kyi 'jig rten gyi khams thams cad 'du zhing 'jig pa yongs su dag pa 'byung ba'i ye shes ni bsam gyis mi khyab po/ /sangs rgyas </font><hr>35-1-89a<br><font size=+1>
bcom ldan 'das rnams kyi sems can thams cad kyi las 'byung ba rgya mtsho mkhyen pa ni bsam gyis mi khyab po/ /sangs rgyas bcom ldan 'das rnams kyi chos kyi dbyings kyi tshul rgya mtsho thams cad la rnam par gnas pa'i ye 
shes ni bsam gyis mi khyab po/ /sangs rgyas bcom ldan 'das rnams kyi de bzhin gshegs pa rgya mtsho thams cad mtha' dang dbus myed par bstan pa'i ye shes ni bsam gyis mi khyab po/ /sangs rgyas bcom ldan 'das rnams kyi sems can thams cad kyi 
las rgya mtsho rnam par dgod pa'i ye shes ni bsam gyis mi khyab po/ /sangs rgyas bcom ldan 'das rnams kyi bsam pa dang / dad pa dang dbang po rgya mtsho la 'jug pa'i ye shes ni bsam gyis myi khyab po/ /sangs rgyas bcom ldan 'das rnams kyi 
thugs kyis skad cig gcig la dus thams cad kyi mnyam pa nyid thugs su chud pa'i ye shes ni bsam gyis mi khyab po/ /sangs rgyas bcom ldan 'das rnams kyi de bzhin gshegs pa thams cad kyi rnam par 'phrul pa rgya mtsho yang dag par bstan pa'i ye 
shes ni bsam gyis myi khyab po/ /sangs rgyas bcom ldan 'das rnams kyi chos kyi 'khor lo rab tu bskor ba'i ye shes ni bsam gyis mi khyab po/ /sangs rgyas bcom ldan 'das rnams kyi rnam par dgod pa rab tu bstan pa rgya mtsho ni bsam gyis myi khyab po/ /
sangs rgyas bcom ldan 'das rnams kyi sangs rgyas kyi sku rab tu bstan pa yongs su dag pa ni bsam gyis mi khyab po/ /sangs rgyas bcom ldan 'das rnams kyi yon tan rgya mtsho mtha' dang dbus myed pas rnam par snang ba ni 
bsam gyis mi khyab po/ /sangs rgyas bcom ldan 'das rnams kyi mtshan dang dpe byad bzang po yongs su dag pa ni bsam gyis myi khyab po/ /sangs rgyas bcom ldan 'das rnams kyi 'od kyi dkyil 'khor yongs su dag pa mtha' yas pa ni bsam </font><hr>35-1-89b<br><font size=+1>
gyis myi khyab po/ /sangs rgyas bcom ldan 'das rnams kyi 'od zer rgya mtsho kha dog sna tshogs kyi sprin rab tu dgye ba mdzad pa ni bsam gyis myi khyab po/ /sangs rgyas bcom ldan 'das rnams kyi sangs rgyas kyi dpal rin po che 'phro ba'i rgya mtsho rnam par rgyu ba ni 
bsam gyis mi khyab po/ /sangs rgyas bcom ldan 'das rnams kyi sangs rgyas kyi gsung dang dbyangs rgya mtsho rab tu 'grub pa ni bsam gyis myi khyab po/ /sangs rgyas bcom ldan 'das rnams kyi cho 'phrul rnam pa gsum yongs su bstan pas sems can rgya 
mtsho yongs su smin par mdzad pa dang / 'dul ba mdzad pa ni bsam gyis mi khyab po/ /sangs rgyas bcom ldan 'das rnams kyi gdul ba rgya mtsho thams cad la brtson pa don yod pa ni bsam gyis mi khyab po/ /sangs rgyas bcom ldan 'das rnams kyi sangs 
rgyas kyi sa la rab tu bzhugs pa ni bsam gyis mi khyab po/ /sangs rgyas bcom ldan 'das rnams kyi de bzhin gshegs pa'i yul la 'jug pa ni bsam gyis mi khyab po/ /sangs rgyas bcom ldan 'das rnams kyi byin gyi rlabs kyi mthu ni bsam gyis mi 
khyab po/ /sangs rgyas bcom ldan 'das rnams kyi sangs rgyas kyi ye shes kyi spyod yul rnam par rgyu ba ni bsam gyis mi khyab po/ /sangs rgyas bcom ldan 'das rnams kyi stobs la thub pa myed pa ni bsam gyis mi khyab po/ /sangs rgyas bcom 
ldan 'das rnams kyi mi bsnyengs pa zil gyis mi non pa ni bsam gyis mi khyab po/ /sangs rgyas bcom ldan 'das rnams kyi sangs rgyas kyi ting nge 'dzin tha mi dad par spyod pa ni bsam gyis mi khyab po/ /sangs rgyas bcom ldan 'das rnams kyi de bzhin gshegs 
pa'i rdzu 'phrul dang rnam par 'phrul pa ni bsam gyis myi khyab po/ /sangs rgyas bcom ldan 'das rnams kyi mnga' ba chen po'i ye shes rnam par dag pa ni bsam gyis mi khyab po/ /sangs rgyas bcom ldan 'das rnams kyi sangs rgyas kyi chos mi 'phrogs </font><hr>35-1-90a<br><font size=+1>
pa ni bsam gyis mi khyab ste/ /de dag thams cad sangs rgyas kyi mthu dang / de bzhin gshegs pa'i byin gyi rlabs kyis byin du brlabs pas/ sems can thams cad sangs rgyas kyi ye shes rgya mtsho la gzung ba dang byang chub sems dpa' 
thams cad de bzhin gshegs pa'i yon tan rgya mtsho la rab tu dgod pa dang / 'jig rten gyi khams rgya mtsho thams cad sangs rgyas kyi rnam par 'phrul pa thams cad kyis rnam par brgyan pa dang / bskal pa rgya mtsho thams cad du de bzhin gshegs pa'i gdung rjes su 
bstsab pa dang / 'jig rten gyi khams rgya mtsho thams cad du chos kyi rang bzhin gyis dkyil 'khor rab tu brjod pa dang / sems can thams cad kyi bsam pa dad pa rgya mtsho tha dad pa ji lta ba bzhin du rab tu bstan pa dang / sems can thams cad kyi dbang po rgya mtsho la 
sangs rgyas kyi chos tshul kun tu snang ba yang dag par bskyed pa dang / sems can thams cad kyi bsam pa rgya mtsho'i sgrib pa'i ri thams cad rnam par gzhom pa dang / sems can thams cad kyi sems dang spyod pa rgya mtsho la 'byung ba'i lam rnam 
par sbyang ba dang / byang chub sems dpa' rgya mtsho thams cad byang chub sems dpa'i smon lam rgya mtsho la rab tu dgod pa'i phyir yang dag par bstan par bya'o/ /de nas byang chub sems dpa' kun tu bzang pos 'khor gyi dkyil 'khor rgya mtsho rnams de bas kyang 
shin tu dga' bar bya ba dang / chos la dga' ba'i shugs thams cad rnam par 'phel bar bya ba dang /mos pa'i tshul yangs pa rgya mtsho yang dag par 'byung bar bya ba dang chos kyi dbyings kyi rang bzhin dang snying po sgo kun dang ldan pa rnam par dag par bya ba dang / 
kun tu bzang po'i smon lam rgya mtsho la rab tu dgod par bya ba dang / ye shes kyi myig dus gsum gyi rjes su song ba yongs su sbyang ba dang / 'jig rten thams cad kun nas snang bar byed pa'i snying po shes rab chen po'i rgya mtsho rnam par 'phel bar bya ba dang /</font><hr>35-1-90b<br><font size=+1>
chos kyi 'khor lo thams cad yongs su bzung ba'i phyir/ gzungs kyi stobs yang dag par bskyed pa dang / snying po byang chub thams cad du sangs rgyas kyi yul thams cad/ rab tu brjod pa dang / de bzhin gshegs pa chos kyi 
tshul snang ba'i 'od chos kyi dbyings rgya chen po dang / thams cad mkhyen pa nyid la dga' ba'i shugs rgya mtsho rnam par 'phel bar bya ba'i phyir/ de'i tshe tshigs su bcad pa 'di dag smras so// /sangs rgyas rmad ga cad ces 
bya ba shin tu rgyas pa chen po'i mdo/bam po bdun pa/ yon tan rgya mtsho rnams kyi ye shes zab/ /mtha' dang dbus med des ni zhing rnams khyab/ /sems can bsam la sbyor ba ci bzhin snang / /rnam par snang mdzad chos kyi 'khor lo'o/ /
bsam gyis mi khyab rgya mtsho'i zhing yod pa/ /bskal pa rgya mtshor rgyal bas rnam sbyangs pas/ /sems can rgya mtsho yongs su smin bya'i phyir/ /sems can nang na rgyal ba rnam par mdzes/ /sems can rgya mtsho 'byung ba bsam mi khyab/ /sangs 
rgyas yul la 'jug pa shin tu zab/ /srid pa'i gnas can dad pa chung ba yis/ /sangs rgyas byang chub shes par myi nus so/ /gzhan du gang rnams shin tu sems brtan cing / /dge ba'i bshes kyis yongs su bzung ba dang / /sangs rgyas 
kun gyi byin gyis rlabs pa dag /sangs rgyas ye shes 'di la rab tu 'jug /gang rnams sems dag g.yo med sgyu myed cing / /snying rje'i sems can khong nas byams dga' dang / /dad pa che zhing rlabs chen de dag ni/ /'di dag 
thos shing dga' ba thob par 'gyur/ /kun tu bzang po'i smon lam sa dag dang /  /chos dbyings nam mkha'i dbyings su khyab pa la/ /gnas shing spyad pa rab tu sus spyod pa/ /de dag rgyal ba'i spyod yul de shes so/ /gang gis rgyal ba'i </font><hr>35-1-91a<br><font size=+1>
rnam 'phrul 'di mthong ba'i/ /byang chub sems dpa' thob bya legs par thob/ /gzhan gyi yul gyis shes par myi nus te/ /'di ni kun tu bzang pos rtogs pa'o/ /de bzhin gshegs pa kun gyis byin brlabs shing / /
'gro ba mtha' dang dbus med 'di dag na/ /kun tu chos kyi 'khor lo rab tu 'khor/ /rnam par snang mdzad yul dang mthu yin no/ /bdag gi lus su zhing rnams thams cad kyang / /rab tu zhugs shing de zhugs zhing rnams kun/ /de dag spu rtse kun tu blta 
bar gyis/ /rgyal ba'i spyod yul shin tu bshad par bya/ /kun tu bzang po'i smon lam spyod pa rnams/ /mtha' dang dbus med mngon par bsgrub pa dang / /kun tu myig gi yul dang lus ldan pa/ /de dag mgon po'i spyod yul 'di nyid do/ /
kye rgyal ba'i sras dag bcu po 'di dag ni 'jig rten gyi khams rgya mtsho shin tu bstan pa ste/ sangs rgyas bcom ldan 'das 'das pa dang / ma byon pa dang / da ltar byung ba rnams kyis gsungs so gsung ngo gsung bar 'gyur ro/ /bcu gang zhe na/ 'di lta ste 'jig rten 
gyi khams yongs su 'byung ba'i tshogs kyi rgyu rkyen shin tu bstan pa dang / 'di lta ste 'jig rten gyi khams rgya mtsho gnas pa shin tu bstan pa dang / 'di lta ste 'jig rten gyi khams rgya mtsho'i dbyibs dang rnam pa shin tu bstan pa dang / 'di lta ste 'jig rten gyi khams rgya mtsho'i lhun shin tu bstan pa dang / 
'di lta ste 'jig rten gyi khams rgya mtsho'i rgyan shin tu bstan pa dang / 'di lta ste 'jig rten gyi khams rgya mtsho yongs su dag par bya ba'i tshul shin tu bstan pa dang / 'di lta ste 'jig rten gyi khams rgya mtsho dag tu sangs rgyas 'byung ba shin tu bstan pa dang / 
'di lta ste 'jig rten gyi khams rgya mtsho'i bskal pa'i byin gyi rlabs shin tu bstan pa dang / 'di lta ste bskal pa mtha' yas pa'i rgyud rgya mtsho shin tu bstan pa dang / 'di lta ste 'jig rten gyi khams rgya mtsho tha mi dad pa shin tu bstan pa'o/ /kye rgyal </font><hr>35-1-91b<br><font size=+1>
ba'i sras dag 'jig rten gyi khams rgya mtsho bcu po 'di dag la sogs pa/ 'jig rten gyi khams rgya mtsho shin tu bstan pa/ 'jig rten gyi khams rgya mtsho'i rdul shin tu phra ba snyed/ sangs rgyas bcom ldan 'das 'das pa dang / ma byon pa dang / da ltar byung 
ba rnams kyis gsungs so/ /gsung ngo gsung bar 'gyur ro/ /kye rgyal ba'i sras dag de la 'jig rten gyi khams rgya mtsho thams cad ni rgyu dang rkyen la dmigs pa'i sgo 'jig rten gyi khams rgya mtsho'i rdul shin tu phra ba snyed phrag bcus byung ngo / /'byung ngo 'byung bar 'gyur ro/ /
bcu gang zhe na/ 'di lta ste de bzhin gshegs pa'i byin gyi rlabs dang / chos nyid rab tu thob pa dang / sems can rnams kyi las kyi tshogs dang / byang chub sems dpa' thams cad thams cad mkhyen pa nyid du yang dag par sgrub pa'i chos nyid dang / sems can 
rnams kyis kyang byang chub sems dpa' dag dang / bsod nams kyi rtsa ba skal ba mthun pa bsags pa dang / byang chub sems dpa' rnams kyi zhing yongs su dag pa'i smon lam gyi khyad par dang / byang chub sems dpa' rnams kyi spyod pas/ rnam par bsgrubs 
pa'i smon lam gyis mngon par bsgrubs pa dang / byang chub sems dpa' rnams kyi mos pa'i dbang rnam par dag pa dang / de bzhin gshegs pa rnams kyi dge ba'i rtsa ba 'gengs pa 'jig rten las 'das pa dang / rgyu 'thun pas mngon par 'tshang rgya zhing sangs rgyas 
kyi rnam par 'phrul pa khyu mchog gi mthu dbyung ba dang / byang chub sems dpa' kun tu bzang po rnams kyi smon lam gyis rnam par 'phrul pa'i sgo'o/ /kye rgyal ba'i sras dag de ltar rgyu dang rkyen la dmyigs pa'i sgo bcu po 'di dag la stsogs pa rgyu dang rkyen la 
dmyigs pa/ 'jig rten gyi khams rgya mtsho'i rdul shin tu phra ba snyed kyi 'jig rten gyi khams rgya mtsho thams cad byung ngo / /'byung ngo 'byung bar 'gyur ro/ /de nas byang chub sems dpa' kun tu bzang pos 'jig rten gyi khams rgya mtsho 'byung ba shin tu </font><hr>35-1-92a<br><font size=+1>
bstan pa 'di nyid gsal bar brjod pa'i phyir/ sangs rgyas kyi byin gyi rlabs kyis/ de'i tshe tshigs su bcad pa 'di dag smras so/ /sangs rgyas ye shes yul ni bsam yas pas/ /byin rlabs rnam 'phrul de dag 'di lta bu/ /
zhing rnams rgya mtsho bstan pa mtha' dbus med/ /rnam par snang mdzad chos kyi yongs su sbyangs/ /byang chub sems ni kun gyi bsam pa bzhin/ /smon lam rgya mtsho bsam yas rnam sbyangs shing / /sems can las rnams rgya mtsho bsam yas pas/ /
phyogs kun zhing rnams rgya mtsho thams cad 'byung / /byang chub sems dpa' kun gyi rnam 'phrul dang / /thams cad mkhyen pa nyid la 'jug pa'i sgos/ /smon lam rgya mtsho thams cad mngon bsgrubs shing / /nam mkha'i dbyings la 'byam klas zhing 
'byung ngo / /spyod pa rgya mtsho mtha' dang dbus myed rnams/ /spyod cing tshad med bde gshegs yul la 'jug /phyogs kyi zhing rnams rgya mtsho kun sbyong zhing / /bskal pa mtha' yas zhing rnams re rer spyod/ /sems can bsam dbyings 
bsam gyis mi khyab pa'i/ /las kyi zhing rnams rgya mtsho thams cad byung / /nyon mongs las kyis de dag nyon mongs bcas/ /mos dang bsam pas rnam pa sna tshogs gzugs/ /zhing rnams rgya mtsho rnam dag rgyan can rnams/ /rin 
chen rgyus byung sna tshogs dri med pa/ /dad pa rgya mtsho rnam par spel ba'i phyir/ /rgyal sras rnams ni phyogs bcu'i zhing rnams spyod/ /chos dbyings rdul gyi khongs su rgyal sras rnams/ /kun tu bzang po'i spyad pa spyod pa dag /rdul gyi khongs 
su mtha' yas zhing ston te/ /rnam dag mkha' bzhin mtha' dang dbus yang myed/ /nam mkha'i dbyings 'dra'i rnam 'phrul 'di 'dra ste/ /snying po byang chub rgyal ba'i zhabs drung na/ /pad+mo'i stan 'khod kha dog mtha' yas kun/ /de dag zhing </font><hr>35-1-92b<br><font size=+1>
bcas lus kyi nang na 'khod/ /skad cig sems kyis dus gsum byung ba yi/ /zhing 'byung tshul dang 'jug pa kun kyang ston/ /sangs rgyas rnams kyis dus gsum zhing bstan pa/ /rnam par snang mdzad rgya mtsho'i zhing myi zad/ /tshul gyi khyad par mtha' 
yas sna tshogs pas/ /rdul rnams kun la mtha' yas rgyan gyi rnams/ /sangs rgyas skad cig gcig la byin gyis rlob/ /rgyan gyi rnam pa tshul kun rab tu mkhyen/ /kye rgyal ba'i sras dag de la gnas pa shin tu bstan pa ni/ 'jig rten gyi khams 
rgya mtsho re re zhing yang 'jig rten gyi khams rgya mtsho'i rdul shin tu phra ba snyed de/ 'di ltar 'jig rten gyi khams rgya mtsho la la ni rgyan thams cad kyi rgya mtsho kun la rab tu gnas so/ /'jig rten gyi khams rgya mtsho la la ni nam mkha'i dbyings kyi gnas la rab tu gnas so/ /
'jig rten gyi khams rgya mtsho la la ni rin po che thams cad kyi 'od zer gyi rgya mtsho la rab tu gnas so/ /'jig rten gyi khams rgya mtsho la la ni sangs rgyas thams cad kyi 'od kyi dkyil 'khor rgya mtsho la rab tu gnas so/ /'jig rten gyi khams rgya mtsho la la ni rin po 
che thams cad kyi kha dog gi mdog la rab tu gnas so/ /'jig rten gyi khams rgya mtsho la la ni sangs rgyas thams cad kyi dbyings kyi dkyil 'khor la rab tu gnas so/ /'jig rten gyi khams rgya mtsho la la ni sgyu ma lta bu'i las kyi byung ba lha ma yin dang mthu bo che lta bu'i 
lag na rdo rje rgya mtsho la rab tu gnas so/ /'jig rten gyi khams rgya mtsho la la ni 'jig rten gyi khams dbang po thams cad kyi lus kyi gzugs brnyan rgya mtsho la rab tu gnas so/ /'jig rten gyi khams rgya mtsho la la ni byang chub sems dpa' thams cad kyi lus 
rgya mtsho la rab tu gnas so/ /'jig rten gyi khams rgya mtsho la la ni byang chub sems dpa' kun tu bzang po'i smon lam gyi byung ba'i rgyan rnam pa thams cad dang ldan pa rgya mtsho la rab tu gnas te/ de dag la stsogs pa 'jig rten gyi khams rab tu gnas pa shin tu bstan pa </font><hr>35-1-93a<br><font size=+1>
ni/ 'jig rten gyi khams rgya mtsho re re zhing yang 'jig rten gyi khams rgya mtsho'i rdul shin tu phra ba snyed do/ /de nas byang chub sems dpa' kun tu bzang pos yang 'jig rten gyi khams rgya mtsho rab tu gnas pa shin tu bstan pa'i don 'di nyid yongs su bstan 
pa'i phyir/sangs rgyas kyi mthus de'i tshe tshigs su bcad pa 'di dag smras so/ /kun kyang zhing rnams rgya mtsho 'di dag rin chen rang bzhin dri myed pa/ /rnam dag sna tshogs nor bu kun 'bar 'od zer rgya mtsho'i 'od ldan ltos/ /'di dag rgyal ba'i byin rlabs 
rgyu yis dbyings legs 'khor bar rnam par snang / /de dag gis ni phyogs bcu nam mkha'i dbyings rnams gzhi kun rab tu khyab/ /zhing rnams rgya mtsho la la dri myed 'od can nam mkha'i dbyings la gnas/ /snang ba'i snying po 'od can nor bu'i rgya mtsho dag la legs 
par gnas/ /'gro ba de dbus rgyal ba 'khor la chos kyi 'khor lo bzang po bskor/ /'di ni sangs rgyas yul yin sems can rgya chen shin tu mgu ba byed pa'o/ /la la me tog sgron ma kun tu rgyas pa'i mu tig nor bus brgyan/ /'od zer dra ba'i kun nas 
sprin 'bar spos 'phro sprin gyi 'od can te/ /zhing mang mtha' dang dbus med rgya chen pad+mo'i rgya mtsho dag la gnas/ /sangs rgyas rnams kyis rab brgyan zhing rnams 'byam klas kun kyang rab tu mdzes/ /zhing rnams rgya mtsho dkyil 'khor dbyings rnams la la sangs 
rgyas byin la gnas/ /yangs shing rin chen mang ldan rgya chen de dag byang chub sems dpas gang / /lag na rdo rje rgya mtsho mang tshogs lha dbang lus la de bzhin gnas/ /de nas bcom ldan rnam par snang ba mdzad kyi 'khor lo rtag tu 'khor/ /
nor bu'i shing dang spos kyi 'od 'phro'i sprin rnams mnyam pa'i dbyings la gnas/ /chu yi phung po dag dang rdo rje'i rgya mtsho brtan la'ang de bzhin gnas/ /la la gos dang brag dang rgyal mtshan me tog rgya chen dag la gnas/ /kun na'ang rnam 'phrul 'di </font><hr>35-1-93b<br><font size=+1>
dag rgya chen rnam par snang mdzad ston pa mdzad/ /zhing rnams ring dang thung dang gling gi gzugs dang rnam pa sna tshogs te/ /sna tshogs rgyan can snying po dri ma bral ba yongs dag dri med snang / /rnam pa sna tshogs de dag smon lam rgya mtsho'i dbyings la rab tu gnas/ /
sangs rgyas sprin gyis kun nas yog par rtag tu nam mkha'i dbyings la gnas/ /zhing rnams rgya mtsho 'byam klas la la spyi'u tshugs yod dang med la gnas/ /byang chub sems dpa'i cod pan rin chen 'khor los bzung bas dag par gnas/ /de na sangs 
rgyas rnam 'phrul rgya chen thams cad kun nas rab tu snang / /rin chen sangs rgyas gsung rnams kun tu gtong ldan las kyis de dag sprul/ /chos kyi dbyings mnyam zhing rnams 'byam klas mig yor sgyu ma dang yang 'dra/ /mig 'phrul rnam phye rnam dag dri 
med sems kyis shin du bskyed pa ste/ /nam mkha'i dbyings rnams sna tshogs rgyan gyi snying po gnas 'gyur 'di la snang / /las kyi yul ni bsam gyis mi khyab 'di dag bde bar gshegs pas bstan/ /skad cig sems kyis zhing rnams 'byam klas 'gro 
ba'i kun dang mnyam pa'i rnams/ /zhing rdul kun la kun tu bzang po rtag par rab tu sgrub byed cing / /de na bskal pa rgya mtshor 'gro ba smin par bya phyir spyad pa spyod/ /chos dbyings rgyas par bkang ste de dag kun tu rnam 'phrul rgya chen ston/ /rdul rnams 
kun na chos dbyings yangs pa'i zhing rnams rgya mtsho kun kyang gnas/ /sangs rgyas sprin gyis byin gyis brlabs pas kun kyang yog cing yongs su rgyas/ /ji ltar rdul phran gcig la rnam 'phrul de bzhin 'gro ba kun na'o/ /rnam par snang ba'i sangs rgyas 
rnam 'phrul rgya chen rab tu ston pa mdzad/ /zhing rnams 'byam klas thams cad mig yor lta bu sgyu ma smyig rgyu 'dra/ /snang ba med cing 'byung med phyogs bcu dag na 'gro dang 'ong ba med/ /mkha' la gnas pa de dag rtag par 'byung zhing 'jig par de bzhin </font><hr>35-1-94a<br><font size=+1>
'gyur/ /shin tu yangs pa de dag smon lam rnam sbyangs las kyis yongs su bzung / /kye rgyal ba'i sras dag de la 'jig rten gyi khams rgya mtsho rnams kyi dbyibs ni rnam pa sna tshogs te/ 'jig rten gyi khams rgya mtsho 'byam 
klas pa la la ni kun nas zlum po'o/ /'jig rten gyi khams rgya mtsho 'byam klas pa la la ni kun nas gru bzhi'o/ /'jig rten gyi khams rgya mtsho 'byam klas pa la la ni nam mkha'i rnam pa du mar rnam par phye ba'o/ /'jig rten gyi khams rgya mtsho 'byam klas 
pa la la ni kun nas 'khyil ba'i dbyibs su 'dug go /'jig rten gyi khams rgya mtsho 'byam klas pa la la ni 'od 'phro ba'i ri'i dbyibs su 'dug go /'jig rten gyi khams rgya mtsho 'byam klas pa la la ni shing sna tshogs kyi lhun gyi dbyibs su 'dug go /'jig 
rten gyi khams rgya mtsho 'byam klas pa la la ni me tog sna tshogs kyi dbyibs su 'dug go /'jig rten gyi khams rgya mtsho 'byam klas pa la la ni khyim sna tshogs kyi dbyibs su 'dug go /'jig rten gyi khams rgya mtsho 'byam klas pa la la ni sems can sna 
tshogs kyi lus kyi dbyibs su 'dug go /'jig rten gyi khams rgya mtsho 'byam klas pa la la ni mtshan sna tshogs kyi dbyibs su 'dug ste/ de dag la stsogs pa 'jig rten gyi khams kyi dbyibs shin tu bstan pa ni 'jig rten gyi khams rgya mtsho'i rdul shin tu 
phra ba snyed do/ /de nas byang chub sems dpa' kun tu bzang pos 'jig rten gyi khams rgya mtsho'i dbyibs kyi tshul rgya mtsho 'di nyid yongs su bstan pa'i phyir/ sangs rgyas kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so/ /rnam pa 
sna tshogs rgya mtsho'i zhing la ltos/ /rnam phye sna tshogs mtha' yas dbyibs su gnas/ /dbyibs kyis rnam par phye ba sna tshogs te/ /phyogs rnams kun nas zhing rnams rgya mtsho snang / /la la zlum po la la zur gsum ste/ /de dag </font><hr>35-1-94b<br><font size=+1>
la la phyogs nang gru bzhir gnas/ /nor bu pad+mo 'khor lo'i yan lag brgyad/ /kun kyang las rnams rgya mtshos rnam par bris/ /rdul med 'od kyi dbyibs dang tshul 'dzin cing / /gser las grub pa rnam phye sna tshogs te/ /sgo mang mtha' yas pa nas 
rgyu zhing 'jug /las rnams rgya mtsho bsam pa dag pas gnas/ /zhing rnams rgya mtsho sna tshogs snying po can/ /nam mkha' 'di la ji ltar sprin gnas bzhin/ /de dag rin chen mang zhing rnam par phye/ /de dag kun na sangs rgyas rnam par 
mdzes/ /zhing rnams 'di kun sems kyis rnam par brtags/ /sna tshogs rgyan dang snang bas kun nas gnas/ /rnam par 'phrul pa gzhan dang gzhan dag gis/ /zhing rnams rgya mtsho sangs rgyas ston pa mdzad/ /bde dang sdug bsngal myong bar 
gyur pa ni/ /rnam par dag dang nyon mongs tshul bzhin te/ /chos nyid 'di ni rtag tu yod pa yin/ /de ltar las rnams rgya mtsho bsam mi khyab/ /skra gcig rtse la bsam gyis mi khyab cing / /thams cad rdul med sna tshogs dbyibs su gnas/ /
kun nas sangs rgyas rnam par snang mdzad bzhugs/ /'khor rnams rgya mtshor chos rnams rab tu ston/ /rdul gcig rtse la phra dang yangs pa'i rnams/ /thams cad rdul snyed kha dog kun dang ldan/ /kha dog dbyibs rnams kun kyang rnam par 
brtags/ /de dag kun na rgyal ba'i 'khor lo 'khor/ /rdul rnams kun la rab tu zhing bstan pa/ /de dag smon lam rnam par 'phrul pa yin/ /nam mkha'i dbyings su las kyis sprul pa ni/ /sna tshogs sems dang bsam pas rnam par brtags/ 
sems can kun mnyam rdul rnams thams cad la/ /sangs rgyas rnam par 'phrul pa sprul pa dag /rnam par snang mdzad chos nyid de yin te/ /rdul phran kun la zhing rnams shin tu gnas/ /kye rgyal ba'i sras dag de la 'jig rten gyi khams rgya </font><hr>35-1-95a<br><font size=+1>
mtsho'i lhun dag ni gzhan dang gzhan du shes par bya ste/ /'di ltar 'jig rten gyi khams rgya mtsho la la ni rin po che'i rgyun thams cad kyi lhun can no/ /'jig rten gyi khams rgya mtsho la la ni rin po che gcig las rnam pa sna tshogs su bkod pa'i 
rgyan gyi lhun can no/ /'jig rten gyi khams rgya mtsho la la ni rin po che thams cad kyi 'od zer gyi lhun can no/ /'jig rten gyi khams rgya mtsho la la ni 'od kha dog sna tshogs kyi lhun can no/ /'jig rten gyi khams rgya mtsho la la ni rgyan thams cad kyi mdog gi 
lhun can no/ /'jig rten gyi khams rgya mtsho la la ni rdo rje'i gzhi mi shigs pa'i lhun can no/ /'jig rten gyi khams rgya mtsho la la ni sangs rgyas kyi rdzu 'phrul dang byin gyi brlabs kyi lhun can no/ /'jig rten gyi khams rgya mtsho la la ni rin po che'i mtshan 
nyid kyi lhun can no/ /'jig rten gyi khams rgya mtsho la la ni sangs rgyas kyi sprul pa'i lhun can no/ /'jig rten gyi khams rgya mtsho la la ni nyi ma'i nor bu'i dkyil 'khor gyi lhun can no/ /'jig rten gyi khams rgya mtsho la la ni rin po che shin tu phra ba 'dzin pa'i 
lhun can no/ /'jig rten gyi khams rgya mtsho la la ni snang ba'i lhun can no/ /'jig rten gyi khams rgya mtsho la la ni rin po che thams cad kyi kha dog 'od 'phro ba'i rnam pa'i lhun can no/ /'jig rten gyi khams rgya mtsho la la ni dri dang kha dog sna tshogs kyi 
spos kyi lhun can no/ /'jig rten gyi khams rgya mtsho la la ni rin po che thams cad kyi me tog cod pan gyi lhun can no/ /'jig rten gyi khams rgya mtsho la la ni rin po che thams cad kyi 'od kyi lhun can no/ /'jig rten gyi khams rgya mtsho la la ni rgyan thams 
cad shin tu bstan pa'i lhun can no/ /'jig rten gyi khams rgya mtsho la la ni sems kyi rnam par rtog pa skad cig gcig gis dmyigs pa thams cad yongs su bstan pa'i lhun can no/ /'jig rten gyi khams rgya mtsho la la ni byang chub sems dpa'i lus kyi rin </font><hr>35-1-95b<br><font size=+1>
po che'i dbyibs kyi lhun can no/ /'jig rten gyi khams rgya mtsho la la ni rin po che thams cad kyi me tog gi ze ba'i lhun can no/ /'jig rten gyi khams rgya mtsho la la ni sangs rgyas thams cad kyi gsung dbyangs rnam par dmigs pa'i lhun can no/ /
de nas byang chub sems dpa' kun tu bzang pos yang 'jig rten gyi khams rgya mtsho'i lhun shin tu bstan pa rgya mtsho 'di nyid la rab tu gzud par bya ba'i phyir/ sangs rgyas kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag 
smras so/ /zhing gi rgya mtsho rnams la ni/ /rin chen rang bzhin kun nas gnas/ /rdo rje bzhin du mi shigs sra/ /rin chen pad+mo rnams la gnas/ /la la 'od zer rang bzhin te/ /dag cing gzung med 'od zer 'byung / /rgyan rnams kun gyi 'od 
zer gyis/ /sna tshogs mkha' bzhin dri ma med/ /la la 'od kyi rang bzhin te/ /dag cing 'od gsal gzer la gnas/ /'od kyi sprin can sna tshogs 'od/ /byang chub sems dpa' rnams kyi gnas/ /zhing rnams rgya mtsho la la ni/ /
mig yor lta bur gnas pa ste/ /brjod du med cing gzung du med/ /smon lam dbang gis rab tu byung / /la la nor bu mu tig rgyu/ /snying po thams cad rnam par 'bar/ /mu tig 'khor lo'i gzhi dag la/ /byang chub sems dpa' yongs su gang / /
rin chen 'od 'phro byung ba'i zhing / /'od 'phro'i sprin gyis mngon khebs shing / /rin chen thams cad sna tshogs ldan/ /thams cad las kyi sprul pa yin/ /la la mtshan las byung ba ste/ /gzhi kun mtshan gyis kun tu bris/ /cod 
pan rnam pa sna tshogs bkod/ /sangs rgyas kun gyis mngon par sprul/ /rgya mtsho'i sems las byung ba yi/ /zhing rnams mos pa nyid la gnas/ /yul na mi gnas sgyu ma bzhin/ /yongs su rtog pas yang dag bskyed/ /sangs </font><hr>35-1-96a<br><font size=+1>
rgyas sku yi 'od zer gyis/ /nor bu sna tshogs kun tu gnas/ /sangs rgyas sprin rnams rnam par snang / /sangs rgyas kun gyis rab sprul nas/ /la la kun tu bzang po yis/ /zhing rnams rgya mtsho shin tu sprul/ /
nam mkha'i rgyan rnams thams cad dang / /smon lam rnams kyis rnam par bris/ /kye rgyal ba'i sras dag de la 'jig rten gyi khams rgya mtsho'i rgyan shin tu bstan pa ni/ 'jig rten gyi khams rgya mtsho'i rdul shin tu phra ba snyed du shes par bya ste/ 'di ltar dmyigs 
pa'i rnam pa sna tshogs thams cad kyi sprin rab tu 'phros pa'i rgyan dang / 'di lta ste byang chub sems dpa' thams cad kyi yon tan gyi 'khor lo rjes su brjod cing rab tu byung ba'i rgyan dang / 'di lta ste 'jig rten gyi khams thams cad du gtogs pa'i sems can rnams 
kyi rnam par smin pa rgya mtsho las rab tu byung ba'i rgyan dang / 'di lta ste byang chub sems dpa' thams cad kyi smon lam rgya mtsho'i glong yongs su ston pa'i rgyan dang / 'di lta ste dus gsum gyi sangs rgyas thams cad kyi gzugs brnyan sna tshogs rnam par 
dmigs pa'i rgyan dang / 'di lta ste sems kyi skad cig la bskal pa mtha' yas par rnam par 'phrul pa'i yul yongs su ston pa'i rgyan dang / 'di lta ste rgyan gyi dmigs pa thams cad las sangs rgyas kyi sku rab tu byung ba'i rgyan dang / 'di lta ste rin 
po che dang spos thams cad kyi sprin rab tu 'byung ba'i rgyan dang / 'di lta ste snying po byang chub kyi rgyan dang / 'od kyi dkyil 'khor gyi rnam par ston pa'i rgyan dang / 'di lta ste byang chub sems dpa' kun tu bzang po'i smon lam dang / spyod pa yongs su ston 
pa'i rgyan dag ste/ kye rgyal ba'i sras dag de dag la stsogs pa'i 'jig rten gyi khams rgya mtsho'i rgyan shin tu bstan pa ni/ 'jig rten gyi khams rgya mtsho'i rdul shin tu phra ba snyed do/ /de nas byang chub sems dpa' kun tu bzang pos yang 'jig rten gyi </font><hr>35-1-96b<br><font size=+1>
khams rgya mtsho'i rgyan shin tu bstan pa 'di nyid yongs su bstan pa'i phyir/ sangs rgyas kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so/ /zhing rnams rgya mtsho rgya che mtha' yas te/ /rnam 
dag las kyis rnam pa sna tshogs gnas/ /phyogs bzhi zhing rnams rgya mtsho rnams kun kyang / /sna tshogs rgyan can yangs par kun nas gnas/ /kha dog sna tshogs yangs pa'i zhing gi rnams/ /rgya mtsho rtag par phyogs rnams kun tu 'byung / /
rgyan dang rin chen 'od 'phro sna tshogs sprin/ /sgra 'byin zhing gi dbyings rnams khebs par byed/ /byang chub sems dpa'i yon tan rgya mtsho rnams/ /de dag kun kyang rgya mtsho'i zhing na grags/ /sna tshogs rgyan dang smon lam sprin gyi rnams/ /
de dag zhing mang rgya mtshor sgra yang 'byin/ /'gro ba'i las rnams rgya mtsho yangs pa dag /rgyan gyi sprin rnams kun nas sgrar 'byin te/ /sems can de dag rnam smyin ci 'dra ba/ /sangs rgyas byin gyis kun nas sgra yang sgrog /dus gsum 'byung 
ba'i de bzhin gshegs pa yis/ /rnam 'phrul zhing rnams rgya mtsho kun na snang / /dmigs pa re re la yang sangs rgyas kun/ /de 'dra'i zhing mang rgya mtsho'i rgyan la ltos/ /'das pa'i bskal pa de bzhin ma 'ongs dang / /phyogs bcu'i da 
ltar 'byung ba ji snyed pa'i/ /bskal pa de dag rgyan mang yangs pa yang / /zhing rnams rgya mtsho re re dag na snang / /dmigs pa kun la sangs rgyas sprin gyi rnams/ /'gro dang mnyam pas 'jig rten kun tu 'gengs/ /rnam par 'phrul 
zhing sems can rnam par 'dul/ /'di ni zhing rnams rgya mtsho'i rnam thar to/ /spos 'od sprin dang de bzhin me tog klung / /rgyan rnams sna tshogs thams cad kun nas kyang / /rtag par kun tu khyab par rab tu 'byung / /'di ni zhing rnams rgya </font><hr>35-1-97a<br><font size=+1>
mtsho'i rnam thar to/ /phyogs bcu kun gyi snying po byang chub rnams/ /sna tshogs rgyan can kun kyang ma lus par/ /thams cad rgya mtsho'i zhing 'di dbyings dag na/ /nam mkha'i sprin bzhin rnam par ston pa snang / /rgyal 
sras kun tu bzang po thams cad kyi/ /zhing rnams mtha' yas 'byam klas rgyan gyi rnams/ /'gro ba'i grangs snyed bskal pa rgya mtshor rnam sbyangs pa/ /zhing rnams rgya mtsho kun na rab tu snang / /kye rgyal ba'i sras dag 'jig rten gyi khams rgya 
mtsho yongs su dag par bya ba'i tshul rgya mtsho ni 'jig rten gyi khams rgya mtsho'i rdul shin tu phra ba snyed du shes par bya ste/ 'di ltar byang chub sems dpa' rnams kyi dge ba'i bshes gnyen thams cad la bsten pa'i dge ba'i rtsa bas skal ba mnyam pa dang / byang chub 
sems dpa' rnams kyi chos kyi dbyings kyi bsod nams rgya chen po'i sprin rnam par 'phel bar bya ba dang / byang chub sems dpa' rnams kyi mos pa'i dkyil 'khor rgya chen po rnam par dag pa dang / byang chub sems dpa' rnams kyi byang chub sems dpa' 
thams cad rab tu brtan pa'i yul la rnam par spyod pa dang / byang chub sems dpa' rnams kyi pha rol tu phyin pa rgya mtsho thams cad yongs su rdzogs par bya ba dang / yongs su sbyangs pa dang / byang chub sems dpa' rnams kyi byang chub sems dpa'i sa 
thams cad kyi dbyings la rab tu 'god cing gzud pa'i rnam par spyod pa dang / byang chub sems dpa' rnams kyi spyod pa dang / 'byung ba rgya mtsho la rnam par spyod pa dang / byang chub sems dpa' rnams kyi smon lam rgya mtsho thams cad mngon par bsgrub 
pa rnam par dag pa dang / byang chub sems dpa' rnams kyi rgyan rgya mtsho thams cad mngon par bsgrub pa rnam par dag pa la rab tu 'jug pa dang / 'di lta ste byang chub sems dpa' rnams kyi stobs kyi tshul yang dag par bsgrub pa rnam par dag pa dang /</font><hr>35-1-97b<br><font size=+1>
de dag la stsogs pa 'jig rten gyi khams rgya mtsho yongs su dag par bya ba'i tshul rgya mtsho 'jig rten gyi khams rgya mtsho'i rdul shin tu phra ba snyed du shes par bya'o/ /de nas byang chub sems dpa' kun tu bzang pos yang 'jig rten gyi khams rgya mtsho yongs su dag par 
bya ba'i tshul rgya mtsho 'di nyid rnam par bstan pa'i phyir sangs rgyas kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so/ /zhing rnams rgya mtsho thams cad sna tshogs rgyan/ /smon lam tshul rnams rgya mtsho kun 
gyis byung / /kha dog mtha' yas las kyi rgya mtsho dag /zhing rnams rgya mtsho rtag tu 'od mang 'gyed/ /sngan cad dge ba'i bshes gnyen bsnyen bkur cing / /bskal pa mnyam pa'i las dge yongs sbyangs te/ /snying rje byams pas dgongs yangs 
kun bkang zhing / /zhing rnams rgya mtsho yangs pa 'di kun sbyangs/ /chos sgo kun tu ting 'dzin sa kun gyis/ /sangs rgyas yon tan rgya mtsho yangs sbyangs te/ /bsam gtan tshul dang rnam thar sa sbyang zhing / /zhing rnams rgya mtsho sna tshogs yangs pa byung / /
mos pa'i dkyil 'khor mtha' yas stobs bskyed cing / /rgyal ba'i mnyam nyid ma nor rtogs byas nas/ /bzod pa rgya mtsho'i tshul rnams yongs sbyangs shing / /rnam dag kha dog mtha' yas zhing rnams byung / /bsod nams sprin ni nam mkha' mnyam 
bskyed cing / /'gro ba kun phan bde don spyod spyad de/ /bsod nams rgya mtsho sems can kun bstan pas/ /'jig rten khams rnams rgya mtsho kun kyang 'byung / /zhing rnams rgya mtsho'i rdul snyed tshad med pa'i/ /pha rol phyin pa ma lus kun sbyangs te/ /
smon lam mthar phyin mi zad goms byas pas/ /dri med rgya mtsho'i zhing rnams yangs pa 'byung / /'byung ba'i spyod pa gang yod tshad med dang / /chos rnams thams cad yangs pa yongs sbyangs te/ /sna tshogs thabs sgos sems can sbyangs pas na/ /'di </font><hr>35-1-98a<br><font size=+1>
'dra yid 'ong rgya mtsho'i zhing rnams 'byung / /rgyan rnams kun gyi tshul dang sa sbyangs shing / /rgyal ba'i yon tan rgya mtsho kun zhugs nas/ /'gro ba kun gyi sdug bsngal mtsho bskams pas/ /zhing gi mtsho yangs 'di kun dag 
par 'gyur/ /stobs rnams rgya mtsho gzhal med yongs sbyangs shing / /'gro ba 'di 'dra tshad med rnams sbyangs te/ /sangs rgyas rgya mtsho yangs kun bsnyen bkur bas/ /zhing rnams rgya mtsho rnam mang rnam par dag /kye rgyal ba'i sras dag de la 'jig 
rten gyi khams rgya mtsho re rer sangs rgyas 'byung ba'i tshul rgya mtsho ni 'jig rten gyi khams rgya mtsho'i rdul shin tu phra ba snyed du shes par bya ste/ 'di ltar sangs rgyas 'byung ba la la ni sku chung ngur kun tu ston to/ /'di lta ste sangs rgyas 'byung ba la la ni chos kyi 
dbyings thams cad gzugs kyi skus gang bar ston to/ /sangs rgyas 'byung ba la la ni sku tshe'i tshad mi ring ngo / /sangs rgyas 'byung ba la la ni sku tshe'i tshad ring ngo / /sangs rgyas 'byung ba la la ni sangs rgyas kyi zhing gcig yongs su dag par byin gyis rlob po/ /
sangs rgyas 'byung ba la la ni 'jig rten gyi khams rgya mtsho thams cad yongs su dag par byin gyis rlob po/ /sangs rgyas 'byung ba la la ni tshul gcig gis bstan pa'i chos kyi 'khor lo byin gyis rlob po/ /sangs rgyas 'byung ba la la ni tshul bsam gyis mi khyab 
par bstan pa'i chos kyi 'khor lo byin gyis rlob po/ /sangs rgyas 'byung ba la la ni sems can gyi khams nyung ngu rnam par gdul ba byin gyis rlob po/ /sangs rgyas 'byung ba la la ni sems can rgya mtsho mtha' yas pa rnam par gdul ba byin gyis rlob ste/ /
de dag la sogs pa 'jig rten gyi khams rgya mtsho re rer sangs rgyas 'byung ba'i tshul rgya mtsho 'jig rten gyi khams rgya mtsho'i rdul shin tu phra ba snyed du shes par bya'o/ /de nas byang chub sems dpa' kun tu bzang pos yang sangs rgyas 'byung ba'i tshul rgya mtsho'i phyogs 'di </font><hr>35-1-98b<br><font size=+1>
nyid yongs su bstan pa'i phyir sangs rgyas kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so/ /rgyal ba 'byung ba thabs rnams sna tshogs kyi/ /sgo nas zhing rnams rgya mtshor rab tu 'byung / /de dag sems can bsam pa 
ji bzhin mkhyen/ /sangs rgyas thabs kyi sgo mang rgya mtsho'o/ /sangs rgyas chos sku bsam gyis myi khyab ste/ /mig yor ma yin mtshan nyid med pa'i gzugs/ /gzugs kyi khyad par 'gro ba 'di dag tu/ /sems can bsam pa'i phyogs bzhin 
ston la ltos/ /sku tshe thung bar la la rnam par ston/ /la la bskal pa bsam yas byin gyis rlob/ /chos kyi sku ni phyogs rnams kun gyi sgo/ /rab tu mdzes par 'gro ba 'di na bzhugs/ /la la zhing rnams rgya mtsho bsam yas dag /sbyong 
zhing 'byam klas phyogs bcu kun na yang / /la la zhing gcig rnam par sbyong ba mdzad/ /smon lam ma lus kun kyang tshul gcig go /la la bsam gyis mi khyab theg pa'i rgyan/ /sems can yid bzhin sangs rgyas ston pa mdzad/ /la la theg 
pa gcig kyang rab ston te/ /rgyal ba'i thabs ni gcig kyang mtha' yas so/ /rang byung la la byang chub sangs rgyas nas/ /sems can mi mang lam la gzhog pa mdzad/ /la la skad cig gcig gis sems can rnams/ /rgya mtsho bsam 
yas byang chub don du 'dul/ /la la spu yi sgo nas bsam yas pa'i/ /sangs rgyas sprul pa'i sprin rnams rab tu 'gyed/ /'gro ba kun tu de dag mngon bkang zhing / /thabs kyi sgo nas sems can 'dul ba mdzad/ /la la sangs rgyas gsung gis 
kun bkang zhing / /zhing du sems can yid bzhin rab tu sgrog /bsam yas bskal par de dag gsung sgrog cing /  /sems can rgya mtsho mtha' yas rnam par 'dul/ /la la zhing rgyan bsam gyis mi khyab ste/ /'khor rnams yang dag kun </font><hr>35-1-99a<br><font size=+1>
nas 'khod bcas pas/ /zhing mang rgya mtsho phyogs su gang byas shing / /sangs rgyas mkha' la sprin ltar khyab par bzhugs/ /de ltar sangs rgyas thabs ni bsam mi khyab/ /zhing rnams rgya mtsho kun tu rgyas bkang zhing / /
'gro ba kun la sangs rgyas mngon sum ste/ /sna tshogs rgyan mang du ma'i tshul dang ldan/ /kye rgyal ba'i sras dag de la 'jig rten gyi khams rgya mtsho'i bskal pa'i byin gyi rlabs kyi tshul shin tu bstan pa ni/ 'jig rten gyi khams rgya mtsho'i rdul shin tu phra ba 
snyed du shes par bya ste/ 'di ltar zhing rgya mtsho la la ni bskal pa grangs med par byin gyis brlabs pa'o/ /zhing rgya mtsho la la ni bskal pa tshad med par byin gyis brlabs pa'o/ /zhing rgya mtsho la la ni bskal pa dpag tu med par byin gyis brlabs pa'o/ /zhing rgya 
mtsho la la ni bskal pa bsam gyis mi khyab par byin gyis brlabs pa'o/ /zhing rgya mtsho la la ni bskal pa mtshungs pa med par byin gyis brlabs pa'o/ /zhing rgya mtsho la la ni bskal pa kun nas mtha' yas par byin gyis brlabs pa'o/ /zhing rgya mtsho la la ni bskal pa 
kun nas mu med par byin gyis brlabs pa'o/ /zhing rgya mtsho la la ni bskal pa gzhal du med par byin gyis brlabs pa'o/ /zhing rgya mtsho la la ni bskal pa brjod du med par byin gyis brlabs pa ste/ de dag la stsogs pa 'jig rten gyi khams rgya mtsho'i bskal pa byin 
gyis rlabs kyi tshul shin tu bstan pa rgya mtsho ni 'jig rten gyi khams rgya mtsho'i rdul shin tu phra ba snyed do/ /de nas byang chub sems dpa' kun tu bzang pos 'jig rten gyi khams rgya mtsho'i bskal pa'i byin gyis rlabs kyi tshul shin tu bstan pa 'di nyid yongs su bstan 
pa'i phyir/ sangs rgyas kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so/ /'jig rten rgya mtsho'i bskal pa tha dad de/ /sna tshogs tshul 'jug rgyan rnams gzhan dang gzhan/ /phyogs bcu'i </font><hr>35-1-99b<br><font size=+1>
zhing rnams rgya mtsho kun na snang / /bskal pa'i tshul ni rgya mtsho grangs kyang med/ /bskal pa mi mthun 'gro ba kun dang mnyam/ /phyogs dbyings 'jig rten rgya mtsho'i khams na snang / /bskal pa mtha' yas la la ring dang thung / /bskal pa 
sna tshogs rgyal ba'i sgras kyang bsgrags/ /rgya mtsho'i zhing rnams 'di dag phyogs dbyings snang / /byin rlabs bskal pa zhing rdul snyed dang ldan/ /la la gzhan rnams bskal pa gcig gis 'jug /la la bskal grangs smon lam du mas byung / /
bskal pa la la dri med la la nyon mongs can/ /la la rnam dag la la nyon mongs rnam par dag /bskal pa'i ming ni smon lam rgya mtsho'i tshul gyis byung / /sems can 'du shes rnam pas tha dad tshul la 'jug /bskal pa zhing gi rdul snyed sngon cad spyod spyad pas/ /'jig 
rten khams rnams rgya mtsho shin tu yangs shing dag /de dag kun nas sangs rgyas yul rgyan tshad kyang med/ /'di dag rgya chen bskal pa'i 'jig rten rgya mtsho'i khams/ /bskal pa'i 'od dang 'od zer rin chen ming sna tshogs/ /bcom ldan dbyangs dang 
'od mnyam 'od 'phro'i mig snang ba/ /snang dang dri med bzang po bskal pa'i ming la 'jug/ /bskal pa 'di dag rnam dag bskal pa kun las byung / /dri med bskal pa la lar sangs rgyas gcig skye'o/ /bskal pa la lar mi yi gtso bo mtha' yas 
'byung / /bskal pa'i tshul rnams thams cad sa tshul zad mi shes/ /smon lam stobs mthus bskal pa sna tshogs 'jug par 'gyur/ /bskal pa la la mtha' yas rnams kyang bskal pa gcig tu 'dus/ /bskal pa la la gcig kyang bskal pa bye ba'i mthu/ /
bskal pa rgya mtsho kun kyang sna tshogs sgo nas 'jug/ /phyogs bcu'i 'jig rten khams kyi nang nas sgra yang 'byin/ /bskal pa la lar bskal pa kun gyi rkyen kyang 'byung / /ming gi rgyan rnams rnam par dag pa'ang de la yod/ /bskal pa la la sangs rgyas rdzu </font><hr>35-1-100a<br><font size=+1>
'phrul mthu yis 'byung / /bskal pa'i tshul rnams kun gyi 'di ni rgyan yangs yin/ /zhing dang bskal pa rgya mtsho tshul ni gcig gis dag /zhing gi rdul rnams kun kyang tshad med gzhal du med/ /skad cig yud tsam nyi ma'i grangs 
kyis bskal par 'gyur/ /'di dag thams cad sems can 'du shes rnam par byung / /kye rgyal ba'i sras dag de la 'jig rten gyi khams rgya mtsho'i bskal pa mtha' yas pa'i rgyud kyi tshul rgya mtsho ni 'jig rten gyi khams rgya mtsho'i rdul shin tu phra ba snyed du shes par bya ste/ 
'di ltar chos nyid rab tu thob pas 'jig rten gyi khams rgya mtsho dag bskal pas 'jig cing 'du ba la rab tu 'jug par gnas pa dang / 'jig rten gyi khams rgya mtshor gtogs pa'i sems can rnams kyi nyon mongs pas bskal pa mtha' yas pa kun nas gnas pa dang / 
'di lta ste 'jig rten gyi khams rgya mtshor gtogs pa'i sems can rnams kyi bsod nams rgya mtsho rgya chen po stsogs pa rnam par dag pas 'jig rten gyi khams rgya mtsho kun nas nyon mongs la rnam par dag par gnas pa dang / 'di lta ste byang chub sems dpa' mos pa sna 
tshogs kyi spyod pa rnams skye bas 'jig rten gyi khams rgya mtsho rnam par dag la kun nas nyon mongs par gnas pa dang / 'di lta ste sems can rgya mtsho rgya chen po byang chub kyi sems la gnas pas 'jig rten gyi khams rgya mtsho shin du dag par gnas pa dang / 'di lta 
ste byang chub sems dpa' rnams 'jig rten gyi khams gzhan dang gzhan du 'dod pas bskal pa rgyan tha dad pa'i tshul du gnas pa dang 'di lta ste/ phyogs bcu'i byang chub sems dpa' rnams 'jig rten gyi khams rgya mtshor 'dus pas bskal pa mtha' yas pa rgyan shin tu 
mang por kun nas gnas pa dang / 'di lta ste de bzhin gshegs pa yongs su mya ngan las 'da' bas 'jig rten gyi khams rgya mtsho dag gi rgyan nub par 'gyur ba dang / 'di lta ste sangs rgyas 'byung ba'i tshe 'jig rten gyi khams rgya mtsho rnams rgyan gyis </font><hr>35-1-100b<br><font size=+1>
brgyan par kun nas gnas pa dang / 'di lta ste/ de bzhin gshegs pa rnam par 'phrul pas 'jig rten gyi khams rgya mtsho'i bskal pa mtha' yas pa yongs su dag par gnas pa dang / de dag la stsogs pa 'jig rten gyi khams rgya mtsho'i bskal pa rgya mtsho mtha' yas pa'i 
rgyud kyi tshul rgya mtsho kun nas gnas pa'i tshul ni 'jig rten gyi khams rgya mtsho'i rdul shin tu phra ba snyed du shes par bya'o/ /de nas byang chub sems dpa' kun tu bzang pos yang 'jig rten gyi khams rgya mtsho'i bskal pa mtha' yas pa'i tshul rgya mtsho 'di nyid yongs 
su bstan pa'i phyir/ sangs rgyas kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so/ /zhing rnams rgya mtsho'i chos nyid 'di dag ltos/ /chos kyis byung ste ji ltar gnas pa ltar/ /de dag 'byung zhing 'jig 
par 'gyur ba yang / /zhing rnams rgya mtsho thams cad rab tu snang / /sems can nyon mongs mi zad ldan pa dang / /las dang nyon mongs ngan pas bsgribs pa'i rnams/ /de dag bsam la zhing gi rgya mtsho rnams/ /kun nas nyon mongs ldan par gyur pa yin/ /
sems can rnam dag bsam pa ldan rnams dang / /bsod nams brtan dang rnam dag spyod yul can/ /rnam dag yul la nyon mongs ldan gyur rnams/ /de dag mos pa sna tshogs spyod yul gyi/ /byang chub sems dpa' skye ba'i dus dag na/ /bskal 
pa de ni rnam par dag par snang / /sems can nyon mongs ldan par gyur pa yang / /de yi chos nyid bsam yas yangs pa yi/ /byang chub bsam pa ji ltar bskyed pa dang / /de dag bsam pa ji ltar rnam 'phel bas/ /de bzhin bskal pa rgya mtsho mang 
po dag /bsam gyis mi khyab zhing rgyan yongs su sbyong / /bye ba mang po mtha' yas mi zad pa'i/ /byang chub sems dpa' phyogs bcu kun rgyu yang / /rgyan la rnam pa tha dad yod pa min/ /bskal pa tha dad tshul gyi bye brag snang / /rdul rnams re re </font><hr>35-1-101a<br><font size=+1>
sbubs su dus kun tu/ /sangs rgyas zhing gi rdul dang mnyam pa yi/ /rgyal sras ji tshul 'dod pa de bzhin du/ /zhing rnams rgya mtsho de tshul dag par 'gyur/ /gal te rgyal ba rnams ni skyer 'gyur na/ /zhing rnams rgyan gyis shin tu brgyan 
par 'gyur/ /bsam pa yongs su dag bzhin rgyas 'gyur te/ /'di na zhing rgyan phun sum tshogs pa'o/ /gal te rgyal ba mya ngan 'das gyur na/ /de tshe de zhing rgyan rnams 'grib par 'gyur/ /sems can rnams kyang snod du rung ba min/ /zhing gi rgya mtsho de yang nyon mongs 
ldan/ /sangs rgyas rdzu 'phrul rnam 'phrul yangs pa dag /bsam gyis mi khyab gang tshe ston pa na/ /de tshe zhing rnams rgya mtsho mang po dag /kun kyang rgyan gyis rnam par brgyan par 'gyur/ /kye rgyal ba'i sras dag de la 'jig rten gyi khams rgya mtsho tha myi dad pa'i tshul 
ni 'jig rten gyi khams rgya mtsho'i rdul shin tu phra ba snyed du shes par bya ste/ /de dag ni sangs rgyas bcom ldan 'das 'das pa dang / ma byon pa dang / da ltar byung ba'i sangs rgyas bcom ldan 'das rnams kyis gsungs so/ /gsung ngo gsung bar 'gyur ro/ /de ni 
'di lta ste 'jig rten gyi khams rgya mtsho gcig tu 'jig rten gyi khams rgya mtsho'i rdul shin tu phra ba snyed kyi 'jig rten gyi khams tha mi dad pa dang / 'di lta ste/ 'jig rten gyi khams rgya mtsho dag tu sangs rgyas skye zhing 'byung ba tha mi dad pa dang 'di lta ste/ 'jig rten gyi 
khams rgya mtsho dag gi snying po byang chub thams cad nas chos kyi dbyings kyi phyogs rgyas par 'gengs pa tha mi dad pa dang 'di lta ste 'jig rten gyi khams rgya mtsho dag gi de bzhin gshegs pa thams cad kyi 'khor gyi dkyil 'khor tha mi dad pa dang / 'di lta ste 'jig rten gyi 
khams rgya mtsho dag gi sangs rgyas thams cad kyi 'od kyi dkyil 'khor chos kyi dbyings rgyas par 'gengs pa tha mi dad pa dang / 'di lta ste 'jig rten gyi khams rgya mtsho dag tu sangs rgyas thams cad kyi sprul pa'i sprin dang / mtshan gyi 'khor lo tha mi dad pa dang 'di lta ste/</font><hr>35-1-101b<br><font size=+1>
'jig rten gyi khams rgya mtsho dag tu sangs rgyas thams cad kyi dbyangs kyi dkyil 'khor bskal pa mtha' yas par brjod cing rgyas par bya ba'i byin gyi rlabs tha mi dad pa dang / 'di lta ste 'jig rten gyi khams rgya mtsho dag tu chos kyi 'khor lo'i tshul tha mi dad pa dang / 
'di lta ste 'jig rten gyi khams rgya mtsho dag tu rdul shin tu phra ba gcig la 'jig rten gyi khams rgya mtsho thams cad yongs su 'du ba tha mi dad pa dang / 'di lta ste 'jig rten gyi khams rgya mtsho dag tu rdul 'byam klas pa thams cad la dus gsum gyi sangs rgyas kyi yul 
rgya chen po ston cing brjod pa tha mi dad pa dag ste/ kye rgyal ba'i sras dag de dag la stsogs pa 'jig rten gyi khams rgya mtsho tha mi dad pa'i tshul 'jig rten gyi khams rgya mtsho'i rdul shin tu phra ba snyed du shes par bya'o/ /de nas byang chub sems dpa' kun tu bzang pos yang 'jig rten gyi 
khams rgya mtsho tha mi dad pa'i tshul rgya mtsho shin tu bstan pa 'di nyid gsal bar bstan pa'i phyir sangs rgyas kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so/ /rdul gcig steng na zhing mang rgya mtsho ste/ /kun na rgyan mang 
rnam dag kun yod kyang / /gnod pa med cing 'dra ba gang yang med/ /'jug pa bsam gyis mi khyab 'di la ltos/ /rdul rnams kun la bsam yas sangs rgyas bzhugs/ /sems can kun gyi bsam pa yid bzhin du/ /zhing rnams rgya mtsho 
thams cad khyab byas kyang / /de dag thabs la tha dad gang yang med/ /rdul rnams kun la shing dbang mtha' yas pa/ /sna tshogs rgyan phyung kun nas bres sbyangs te/ /phyogs rnams kun gyi zhing du mngon bkang yang / /de dag tha dad 'gyur ba 
nam yang med/ /rdul phran rgya mtsho rdul phran re re la/ /mi yi gtso bo 'khor rnams kun bskor cing / /'jig rten kun tu bkang ste 'phags bzhugs kyang / /gnod pa dag dang 'dra ba'i nyes pa med/ /rdul gcig la ni mtha' yas 'od kyi sprin/ /</font><hr>35-1-102a<br><font size=+1>
phyogs bcu'i zhing rnams rgya mtsho kun bkang zhing / /bde gshegs rnams kyi byang chub spyod bstan kyang / /rgya mtsho'i zhing rnams tha dad gang yang med/ /rdul rnams kun la kha dog bsam mi khyab/ /sprul pa'i sprin gyis kun tu gang 
byas te/ /sangs rgyas sprul pas sems can rnam 'dul yang / /'byam klas phyogs na tha dad gang yang med/ /rdul rnams kun la rgya mtsho'i chos brjod de/ /de dag 'khor lo tshul bzhin 'khor mdzad cing / /thabs dang mthu yi sgo mo sna tshogs kyis/ /
thams cad brjod kyang de la tha dad med/ /rdul gcig la ni rgyal ba kun gyi gsung / /'gro ba snod du gyur la de dag brjod byas te/ /rgya mtsho'i zhing du bskal par byin brlabs kyang / /de dag gsung gi yan lag tha mi dad/ /zhing rnams rgya mtsho mtha' yas 
rgyan gyi rnams/ /thams cad rdul sbubs gcig tu rab tu 'dzud/ /rgyal ba rnams kyi rdzu 'phrul mthu la ltos/ /las kyi dngos las de dag skyes pa min/ /rdul gcig la ni dus gsum rgyal ba dag /ji ltar byung ba de dag thams cad snang / /de dag 
gshegs dang byon pa gang yang med/ /'gro ba kun nas sangs rgyas rnam par 'phrul/ /'jig rten gyi khams rgya mtsho shin tu bstan pa'i phyogs gsal bar bya ba yang dag par bsgrubs pa zhes bya ste le'u bzhi pa'o// //sangs rgyas 
rmad ga cad ces bya ba shin tu rgyas pa chen po'i mdo/bam po brgyad pa/ kye rgyal ba'i sras dag de la 'jig rten gyi khams rgya mtsho gzhi dang snying po me tog gi rgyan gyis brgyan pa 'di/ bcom ldan 'das de bzhin gshegs pa rnam par snang mdzad sngon byang chub 
sems dpa'i spyad pa spyod pa'i tshe/ bskal pa rgya mtsho 'jig rten gyi khams rgya mtsho'i rdul shin tu phra ba snyed kyis yongs su dag par byas te/ bskal pa re re zhing yang de bzhin gshegs pa 'jig rten gyi khams rgya mtsho'i rdul shin tu phra ba snyed kyi zhabs kyi drung du/</font><hr>35-1-102b<br><font size=+1>
smon lam rgya mtsho 'jig rten gyi khams rgya mtsho'i rdul shin tu phra ba snyed kyis yongs su dag par byas so/ /kye rgyal ba'i sras dag 'jig rten gyi khams rgya mtsho gzhi dang snying po me tog gi rgyan gyis brgyan pa de ni rlung gi dkyil 'khor ri rab kyi rdul shin tu phra ba snyed kyis shin tu 
bzung ba ste/ de la rlung gi dkyil 'khor thams cad kyi 'og ma ni gzhi kun nas rton pa zhes bya ste/ rin po che thams cad kyi 'od 'phro ba 'bar bas brgyan pa'i gzhis rton to/ /de'i steng na rlung gi dkyil 'khor rin po che sna tshogs kyi rgyan 'byung ba zhes bya ba yod de/ 
nor bu'i rgyal po 'od rnam par dag pa'i rgyal mtshan gyi gzhis rton to/ /de'i steng na rlung gi dkyil 'khor rin po che'i mthu zhes bya ba yod de/ rin po che thams cad kyi dril bu'i gzhis rton to/ /de'i steng na rlung gi dkyil 'khor 'od 'phro ba mnyam par ston pa zhes bya ba 
yod de/ nor bu'i rgyal po nyi ma snang ba'i rgyal mtshan gyi 'khor lo'i gzhis rton to/ /de'i steng na rlung gi dkyil 'khor rgyan kun nas rnam par bres pa zhes bya ba yod de/ 'od zer gyi 'od kyi dkyil 'khor gyi me tog gi gzhis rton to/ /de'i steng na rlung gi dkyil 
'khor gzhi kun nas dri ma med cing yongs su dag pa zhes bya ba yod de/ me tog thams cad 'od 'phro ba'i seng ge'i khri'i gzhis rton to/ /de'i steng na rlung gi dkyil 'khor phyogs su sgra sgrog cing kun tu rgyu ba zhes bya ba yod de/ mu tig dang man shel gyi rgyal 
mtshan sna tshogs kyi gzhis rton to/ /de'i steng na rlung gi dkyil 'khor rin po che thams cad 'dzin pa zhes bya ba yod de/ nor bu'i rgyal po'i shing dang me tog sna tshogs kyi glong gi gzhis rton to/ /de'i steng na rlung gi dkyil 'khor kun nas 'dzin pa'i shugs 
shes bya ba yod de/ spos kyi nor bu thams cad kyi ri rab kyi sprin gyi gzhis rton to/ /de'i steng na rlung gi dkyil 'khor gyi khyim kun tu rgyu ba zhes bya ba yod de/ rin po che thams cad kyi kha dog dang spos kyi khang pa brtsegs pa'i sprin gyi gzhis rton to/ /kye rgyal </font><hr>35-1-103a<br><font size=+1>
ba'i sras dag rlung gi dkyil 'khor ri rab kyi rdul shin tu phra ba snyed de dag thams cad kyi steng ma ni rlung gi dkyil 'khor gzi brjid bzang po dpal gyi snying po zhes bya ste/ nor bu kun nas snang ba'i rgyan dang ldan pa'i spos kyi chu rgya mtsho'i gzhis rton to/ /
spos kyi chu rgya mtsho nor bu kun nas snang ba'i gzhis brgyan pa'i snying po zhes bya ba de las pad+mo chen po spos kyi rgyal mtshan khyer ba'i 'od zer dang ze ba sna tshogs shes bya ba mngon par byung ste/ pad+mo chen po de la 'jig rten gyi khams rgya mtsho gzhi dang snying po me tog gi rgyan gyis brgyan 
pa kun nas gru bzhir 'dug pa rnam par dag pa shin tu brtan pa rdo rje dang nor bu thams cad kyi khor yug gis bskor ba/ rim gyis gzhol bar gnas pa shing gi rgyud rgya mtsho sa la rab tu gnas pa 'di 'dug go/ /de nas byang chub sems dpa' kun tu bzang pos yang 
'jig rten gyi khams rgya mtsho gzhi dang snying po me tog gi rgyan gyis brgyan pa 'di nyid kyi yon tan rgya mtsho yongs su dag pa'i phyogs 'di nyid brjod pa'i phyir sangs rgyas kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so/ /
gzhi rgyan me tog 'jig rten khams kyi rgya mtsho de/ /rin chen kun gyi snying po kha dog sna tshogs te/ /rdul rnams kun dang mnyam pa'i sngan cad sangs rgyas kyi/ /drung du sngon tshe rgya mtshor sbyangs pas dri med pa/ /rgya chen snying rje'i sprin gyis khams rnams kun 
bkang zhing / /zhing gi rdul dang mnyam pa'i lus kyang kun btang nas/ /sngon gyi bskal pa rgya mtshor spyod pa spyad pas na/ /'jig rten rgya mtsho'i khams de yangs shing rnam par dag /sangs rgyas rnam par snang bas smon lam che mdzad de/ /'od snang 
btang ba mkha'i dkyil na gnas pa ni/ /rlung gi phung pos btab kyang mi bskyod mi g.yo ste/ /nor bu kun rgyan sangs rgyas gzugs brnyan snying po'o/ /me tog mdzod bkye gtor ba rin chen yid 'ong bzhin/ /sngon gyi smon lam dbang gis mkha'i dbyings la </font><hr>35-1-103b<br><font size=+1>
gnas/ /rgya mtsho'i rgyan rnams thams cad sna tshogs brtan par gnas/ /phyogs dang phyogs mtshams kun tu 'od kyi sprin kyang gtong / /nor bu thams cad sgo nas byang chub sems dpa'i rnams/ /byung zhing 'od zer sprin 'bar phyogs rnams kun tu gtong / /
'od zer me tog tshon dang 'od zer 'khor lo'i tshogs/ /phyogs rnams ma lus kun gyi chos dbyings khyab par byed/ /rin chen kun gyi 'od zer sprin rnams bkye ba ni/ /phyogs dang phyogs mtshams kun gyi zhing rnams khyab par byed/ /sdug bsngal thams 
cad bcil zhing byang chub mchog la bgrod/ /'jig rten rgya mtsho thams cad 'od 'phro rab tu 'bar/ /'gro ba kun dang mnyam pa'i sprul pa sna tshogs rnams/ /rin chen kun dang spu rnams kun nas rgyal ba 'gyed/ /brgya byin dag dang tshangs pa'ang 'khor 
lo sgyur 'dra dang / /'gro ba kun gyi lus su lus rnams kun kyang gnas/ /sprul pas 'od bkye chos kyi dbyings kyi tshad mnyam pa/ /'od zer sgo nas sangs rgyas thams cad mtshan kyang sgrog /'gro ba ma lus kun gyi bsam pa tshim byas nas/ /tshul 
rnams sna tshogs sgo nas sems can rnam par 'dul/ /'jig rten rgya mtsho me tog snying po de nang na/ /rdul phran kun gyi khongs na chos dbyings thams cad kyi/ /rin chen 'od kyi sangs rgyas sprin rnams 'bar bar snang / /rnam par snang mdzad chos 
dbyings rnam 'phrul zhing la ltos/ /bskal ba rgya mtshor 'gro ba'i sdug bsngal bstsal byas te/ /smon lam yangs pa'i sprin ni chos kyi dbyings mnyam dang / /bzang po spyod pa brnyes shing ye shes sa ldan pa'i/ /dgongs pa las ni rgyan mdzes de dag 
byung ba yin/ /'jig rten gyi khams rgya mtsho gzhi dang snying po me tog gi rgyan gyis brgyan pa'i yon tan rgya mtsho yongs su dag pas snang ba zhes bya ste/ le'u lnga pa'o// //kye rgyal ba'i sras dag de la 'jig rten gyi khams rgya mtsho gzhi dang </font><hr>35-1-104a<br><font size=+1>
snying po me tog gi rgyan gyis brgyan pa'i 'khor yug chen po ni nor bu'i rgyal po pad+mo nyi ma'i gzhi la brten pa ste/ nor bu'i rigs rgya mtsho spos kyi tsan+dan thams cad las grub pa/ nor bu'i rgyal po rgyan gyi yul thams cad kyis lhun shin 
tu 'phags shing zil gyis gnon pa nor bu spos zhim po gzi brjid kyi 'khor lo rnam par snang ba'i snying po can/ nor bu'i rgyal po rdo rje sra zhing mi shigs pa ltar shin tu mkhregs shing sra ba rin po che'i chu thams cad kun nas 'byung ba rin po che'i shing gi nags tshal gyi rgyan 
thams cad me tog shin tu rgyas pa/ spos kyi rtsi mchog bzang po thams cad kyi rgyan gyis brgyan pa/ spos kyi me tog dpal can shin tu bzang bas rnam par brgyan pa/ nor bu'i rgyal po 'jig rten gyi khams thams cad kyi dbyibs lta bu'i dra bas kun nas bres pa ste/ / 
de dag la stsogs pa rgyan bzang po'i rnam pa 'jig rten gyi khams rgya mtsho'i rdul shin tu phra ba snyed kyis rab tu brgyan pa'o/ /de nas byang chub sems dpa' kun tu bzang pos yang khor yug gi rgyan dang yon tan yongs su dag pa 'di nyid bstan pa'i phyir/ sangs 
rgyas kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so/ /'jig rten gyi khams rgya mtsho gang yod pa/ /mtha' dang dbus med sna tshogs rnam pa can/ /nor bu mang pos rnam dag mtha' yas mchog /
de dag sangs rgyas rnam par 'phrul pas byung / /dri med khor yug rgyan gyis brgyan pa ni/ /nor bu mang po de bzhin spos mang dang / /mu tig gsal ba'i tshogs la rab tu gnas/ /kha dog mtha' yas rin chen rnams kyis brten/ /snying po nor bu'i sprin 
can sna tshogs sra/ /'dzam bu chu klung 'od 'phro snying po'i tshogs/ /'od 'phro dam pa phyogs su snang zhing 'tsher/ /khor yug dri ma med pa rnam par mdzes/ /nor bu'i rdo rjes byas shing sra zhing brtan/ /mtshams rnams mi phyed nor bu sna tshogs 'brul/ /mtshan </font><hr>35-1-104b<br><font size=+1>
ldan nor bu'i rin chen rnam bkod pa/ /rgyan rnams kun gyis yongs su dag par snang / /spos chu'i sprin gyi kha dog mtha' yas te/ /rin chen tsan+dan me tog kun tu gram/ /pad+mo sna tshogs gos kyis kun nas yog /rin chen rtsi mchog dri zhim rnams dang 
ldan/ /sna tshogs shing gi sprin gyis kun nas brgyan/ /nor bzang kun gyis kun nas gzi brjid 'bar/ /'od zer sprin gyi 'od kyi dkyil 'khor can/ /gos kyi mdzod kyis shin tu 'bar bar gnas/ /spos kyi 'od 'phro bdug pa gdugs 'chang ba'i/ /
byang chub sems dpa' mang pos chos dbyings gang / /sgra dbyangs mang po rgya mtsho thams cad 'byin/ /'di ni rnam par snang mdzad chos 'khor lo/ /rin chen mdzes pa de dag thams cad dang / /nor bu dag dang kun nas 'od 'phro'i shing / /kun la rnam 
par snang mdzad sku gsal ba/ /gzugs brnyan tshul du nang na yod pa snang / /thams cad gzugs su sku rnams mtha' yas te/ /sangs rgyas sprul mang kha dog mu med pas/ /thams cad phyogs dang chos dbyings kun bkang zhing / /sems can 
mang po tshad med rnam par 'dul/ /thams cad rgyan las sgra dbyangs kun 'byung ste/ /rnam par snang mdzad smon lam 'khor lo yis/ /zhing rnams rgya mtsho yongs su dag byas pa/ /de kun de las rnam par 'phrul zhing grags/ /'jig rten gyi 
khams rgya mtsho'i 'khor yug gi rgyan rgya mtsho shin tu bstan pa zhes bya ba ste/ le'u drug pa'o// //kye rgyal ba'i sras dag de la khor yug chen po de'i nang gi 'jig rten gyi khams rgya mtsho'i sa chen po'i gzhi ni nor bu mang po'i rgyan thams cad 
kyis brgyan pa/ rdo rje ltar shin tu mkhregs shing sra la brtan pa/ rin po che'i rigs thams cad las grub pa/ rgya mtshos rnam par phye ba mi shigs pa'i snying po can mi mtho ba mi dma' ba'i thang mnyam zhing rnam par dag pa/ nor bu rin po che thams cad kyi </font><hr>35-1-105a<br><font size=+1>
kha dog dang / 'od thams cad kyis rab tu brgyan pa/ sems can thams cad kyi lus kyi dbyibs lta bu'i nor bu'i gzugs sna tshogs kyis rab tu bsgrubs pa/ rin po che'i tshon thams cad kyi rgyan gyis brgyan pa/ rin po che yid du 'ong ba'i 
pad+mo thams cad kyis gzhi byas pa dmigs pa thams cad du sna tshogs su gyur pa'i sprin gyis kun nas yog pa/ nor bu'i rgyal po spos kyi mdzod thams cad kyis gzhi mnyam par bdal ba/ nor bu'i rgyal po dus gsum gyi de bzhin gshegs pa'i zhing gi rgyan gyis 
sprin gyi dra ba rnam par bres pa/ de bzhin gshegs pa thams cad kyi spyod yul gyi 'od dang nor bu'i dra ba mig 'phrul lta bus rnam par phye ba ste/ kye rgyal ba'i sras dag de dag la stsogs pa sa'i dkyil 'khor de'i rgyan shin tu bstan pa ni/ 'jig rten gyi khams 
rgya mtsho'i rdul shin tu phra ba snyed do/ /de nas byang chub sems dpa' kun tu bzang pos yang 'jig rten gyi khams rgya mtsho'i gzhi'i rgyan rgya mtsho 'di nyid yongs su brjod pa'i phyir/ sangs rgyas kyi byin gyi rlabs kyis phyogs bcur rnam par bltas te/ 
de'i tshe tshigs su bcad pa 'di dag smras so/ /sa yi dkyil 'khor gzhi ni rnam dag mnyam/ /'khor lo'i dra bas bsgrubs pa mi shigs sra/ /rin chen sna tshogs mnyam pa'i gzhir gnas shing / /rin chen sna tshogs kun gyis kun tu yang / /
yid 'ong sa ni rdo rje gser gyi gzhi/ /rin chen chu ba ri bo'i 'khor los bsgrubs/ /pad+mo'i dkyil 'khor gzhi yin me tog sa/ /tsan+dan phye ma rin chen kun tu bkram/ /'od zer sna tshogs rin chen me tog rnams/ /'od 'phro 'gyed pas phyogs 
su sprin kyang 'bar/ /sangs rgyas 'od snang nor bu rnam par bkram/ /sa kun me tog yid du 'ong bas yog /thams cad sprin ni phyogs na stug lding bas/ /mi zad yangs pa kun nas khebs par 'dug /zhing rnams thams cad phyogs rnams </font><hr>35-1-105b<br><font size=+1>
kun bkang zhing / /sangs rgyas chos ni snyan par rab tu sgrog /rin chen nang snang sangs rgyas smon lam kun/ /shin tu dus ring rtag tu kun tu ston/ /sngan cad spyod pa ci 'dra spyod pa dag /kun kyang nor bu'i 'bru las gsal bar snang / /de yi rgya mtsho 
nor bu sna tshogs bting / /de yi nang na sangs rgyas spyod yul snang / /sangs rgyas spyod yul de dag zhing gi rnams/ /rgya mtsho kun gyi rdul phran re rer snang / /me tog snying po tshon gyi 'khor los bsgrubs/ /der ni byang chub sems dpa' rtag 
'dong zhing / /byang chub sems dpa'i smon lam kun kyang sgrog /snying po byang chub 'khor du rnam 'phrul lo/ /rin chen 'od zer 'od dang ldan pa dag /sa yi nor bu rgyan las rab tu 'byung / /sangs rgyas chos nyid 'di yang rtag tu ston/ /chos 
dbyings nam mkha' lta bu'i kun tu 'gengs/ /sangs rgyas kun yul ye shes rgya chen dang / /kun tu bzang po'i smon lam sus shes pa/ /de dag phyogs rnams rgya mtsho kun tu yang / /zhing rnams rgya mtsho dbyings kyi 'phrul la 'jug /'jig rten 
gyi khams rgya mtsho'i sa'i gzhi rgyan shin tu bstan pa zhes bya ba ste le'u bdun pa'o// //kye rgyal ba'i sras dag de la 'jig rten gyi khams rgya mtsho'i gzhi sa'i dkyil 'khor de la spos chu'i rgya mtsho sangs rgyas kyi zhing brjod du med pa'i rdul 
shin tu phra ba snyed yod de/ de dag kun kyang gzhi rin po che thams cad kyi rgyan gyis brgyan pa'o/ /nor bu'i rgyal po dang spos thams cad kyis rlung rab tu bsgrubs pa'o/ /nor bu'i rgyal po bzang zhing yid du 'ong ba 'od rnam par snang ba'i dra bas kun nas 
bres pa'o/ /rin po che thams cad kyi kha dog dang mdog tu snang ba'i spos kyi chus yongs su rgyas pa'o/ /rin po che thams cad kyi me tog sna tshogs glong du 'khyil pa'o/ /tsan+dan gyi phye ma dang 'dres pa'o/ /sangs rgyas thams cad kyi gsung gi dkyil 'khor </font><hr>35-1-106a<br><font size=+1>
dang smon lam rgya mtsho'i sgra 'byin pa'o/ /rin po che thams cad kyi 'od zer gyi dkyil 'khor gyi sprin rnam par snang ba'o/ /byang chub sems dpa'i lus kyi sprin me tog sna tshogs kyi kha dog lta bu rab tu 'gyed pa'o/ /kha dog dang dbyibs mtha' 
yas pa'i gdugs kyis khebs par rnam par 'phrul pas brgyan pa'o/ /dmigs pa thams cad la 'jig rten gyi khams mang po rgya chen po thams cad snang ba'o/ /phyogs kun nas rin po che'i them skas kyi phreng ba bcu rab tu bkye ba'o/ /mu tig rin po che thams 
cad kyi kha dog lta bu'i mu khyud kyis kun nas bskor ba'o/ /rin po che shel gyi rgyal mtshan bye ba khrag khrig brgya stong brjod du med pa bcus kun nas brgyan pa'o/ /'di lta ste nor bu dang me tog gi khang pa brtsegs pa chu klung gang+gA'i bye ma snyed kha dog mtha' yas pa 
bcus kun nas bskor ba'o/ /'di lta ste nor bu thams cad kyi pad+mo yid du 'ong ba'i grong khyer bye ba khrag khrig brgya stong phrag bcus kun nas bskor ba'o/ /'di lta ste nor bu rdo rje shin tu sra ba'i gling bzhi'i 'jig rten gyi khams kyi rdul shin tu phra ba snyed kyis rab tu bsgrubs 
pa'o/ /rin po che thams cad kyi me tog pun+da ri ka dang / spos kyi chu yongs su rgyas pas kun nas bskor ba'o/ /'di lta ste rin po che'i shing gi phreng ba rin po che 'bar zhing kun nas 'phyang ba'i nor bu'i dra ba can gling bzhi'i 'jig rten gyi khams kyi rdul shin tu phra ba 
snyed kyis kun nas bskor ba'o/ /tsan+dan dang spos dang nor bu mang po sgra thams cad dang sangs rgyas kyi 'od kyi dkyil 'khor gyi phyag gis rnam par snang bar byas pa chu klung gang+gA'i bye ma snyed kyis 'gram shin tu brgyan pa'o/ /'di lta ste rin po che dang gos dang rgyal 
mtshan dang / dril bu mang po thams cad kyi sgra 'byung bas rgyan shin tu rgyas pa'o/ /rin po che yid du 'ong ba'i nor bu thams cad kyi ra ba bye ba khrag khrig brgya stong brjod du med pas kun nas bskor ba'o/ /de nas byang chub sems dpa' kun tu bzang pos yang </font><hr>35-1-106b<br><font size=+1>
spos chu'i rgya mtsho'i rgyan 'di nyid yongs su bstan pa'i phyir/ sangs rgyas kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so/ /sa stengs de na spos kyi chu bo yi/ /rgya mtsho nor bus brgyan pa rnams brjod de/ /
gzhi rnams rin chen gos kyi kun bting ba/ /mi shigs rdo rje lta bu sra zhing mdzes/ /spos dang nor bu'i rgyal po mang po dang / /nyi ma'i nor bu'i 'od 'phro stug sprin dang / /pad+mo'i rin chen 'phreng ba'ang kun nas bres/ /gzhi rnams dri med yid du 'ong ba'o/ /
spos kyi chu yis yongs su rgyas pa ste/ /rin chen 'od zer sna tshogs me tog glong / /sgra dbyangs rab tu gtong ba'i dbyangs kyis kyang / /sangs rgyas rnam par 'phrul pa rab tu sgrog /them skas phreng ba yid du 'ong dang ldan/ /gzhi ni rin chen nor bu mang pos 
brgyan/ /stegs bu kun bkod rin chen pad+mo yi/ /sprin stug dra ba rnam par bres pa ste/ /rin chen nor bu'i shing gi 'phreng ba dag /rin chen gser gyi kha dog yid 'ong 'bar/ /'od kyi tshogs dang rol mo'i sgra dag kyang / /rnam par 'phrul mang dbyangs su 
rab tu sgrog /spos chus yongs gang rin chen bsgrubs pa ste/ /me tog pun+da ri kas kun nas bskor/ /spos dang 'od dang bdug spos 'od zer 'gyed/ /de dag 'od kyi dkyil 'khor rnam par yangs/ /rin chen rgyal mtshan mu tig 'bar ba can/ /gos dang 
nor bu sna tshogs kun 'phyang zhing / /rin chen nor bu'i dril bu dra ba dag /thams cad mkhyen par 'jug pa'i sgra yang sgrog /pad+mo'i grong khyer rnams kyis kun nas bskor/ /kha dog mtha' yas nor bus rnam par brgyan/ /phyogs rnams kun nas mu 
tig sprin bkye zhing / /grong khyer rgya mtshos de dag rab tu brgyan/ /dra ba bzang pos kun nas bskor ba ste/ /rin chen byas pa'i gzugs bzang khyab kyi bar/ /rnam pa du mar 'bar zhing yid 'ong ba'i/ /rgya mtshos bzang zhing mdzes par rab tu brgyan/ /sngon </font><hr>35-1-107a<br><font size=+1>
cad sangs rgyas rnam par snang mdzad kyis/ /sna tshogs rgya mtsho zhing rnams yongs sbyangs pa/ /shin tu rgya che mtha' dang dbus med pa 'ang / /de dag kun na rnam par 'phrul pa byed/ /spos chu'i rgya mtsho de dag re re zhing yang spos chu'i chu 
klung g.yas phyogs su 'khor zhing 'bab pa gling bzhi'i 'jig rten gyi khams rdul shin tu phra ba snyed kyis 'khor bar byas pa ste/ spos chu'i chu klung de dag thams cad kyang 'khor kun nas rdo rje'i pad+mo kha dog dang dri mtha' yas pas bsgrubs pa'o/ /nor bu'i 'khor lo dang nor bu'i 'od rnam par 
dag pa sna tshogs kyis mtha' kun nas dkris pa'o/ /sangs rgyas kyi 'od kyi dkyil 'khor rin po che thams cad kyi kha dog lta bus rnam par snang bar byas pa'i 'od zer gyi sprin dang ldan pa'o/ /sems can thams cad kyi sgra dbyangs sgrog pa'i dril bu'i dra ba rin po 
che thams cad kyi kha dog tu 'dug pas kun nas khebs pa'o/ /spyod pa'i 'od kyi klong sangs rgyas thams cad kyi mtshan gyi dbyibs lta bu rab tu 'byung ba'o/ /nor bu'i rgyal po rgyan thams cad nang na snang zhing 'od shin tu 'bar ba 'jig rten gyi khams rgya mtsho lta bur 
snang ba thams cad kyis shin tu yog par byas pa'o/ /nor bu'i rgyal po phyogs bcu'i sangs rgyas kyi sprul pa rnam par snang ba dang / sangs rgyas thams cad kyi rnam par 'phrul pa'i snying po'i me tog shin tu rgyas pas kun nas khebs pa'o/ /dus gsum du 
gshegs pa'i sangs rgyas dang byang chub sems dpa'i mtshan gyi 'khor lo dbyangs su sgrog pa'o/ /spos kyi chu dang rin po che 'od 'phro ba thams cad kyi 'od dang / 'od zer gyi sprin rab tu 'byung ba ste/ chu klung de dag re re zhing yang rgyan shin tu bstan pa 'jig 
rten gyi khams rgya mtsho'i rdul shin tu phra ba snyed do/ /de nas byang chub sems dpa' kun tu bzang pos yang spos chu'i chu klung gi rgyan dang / yon tan rgya mtsho 'di nyid yongs su bstan pa'i phyir sangs rgyas kyi byin gyi rlabs kyis phyogs bcur rnam par bltas te/ de'i </font><hr>35-1-107b<br><font size=+1>
tshe tshigs su bcad pa 'di dag smras so/ /chu klung dri ma med pa'i chus rgyas shing / /gzhi ni nor bu rdo rje'i pad+mos byas/ /rin chen mang po sil bus gzhi bkram zhing / /kun nas brgyan pa sna tshogs yid du 'ong / /them skas phreng bas de dag kun nas bskor/ /pad+mo 'phyang ba'i mu khyud 'khor 
can te/ /me tog brgyan pa'i mu tig phreng ba dang / /me tog lda ldis sna tshogs kun nas bres/ /nor bu'i chu bo spos chu 'byung ba ni/ /rin chen kun gyi kha dog mdog ltar 'bab/ /rin chen nor bu'i me tog mdzes par bkod/ /sil snyan sgra ni sangs rgyas gsung skad brjod/ /de dag rnyog 
pa nor bu zla ba ste/ /rin chen sna tshogs thams cad dpa' klad do/ /phyogs rnams bcu po kun tu rtag par yang / /spos dang bdug pa 'od 'phro'i rgyan 'byung ngo / /chu bo rnams las rin chen thams cad kyi/ /'od zer 'phro ba kun tu rab tu 'byung / /me tog 
nor bu'i phung po gdugs rnams kyang / /rin chen kun gyis gzer du rab tu 'bar/ /phyogs bcu'i zhing gi gzugs brnyan mang po dang / /sangs rgyas gzugs brnyan rin chen rnams las snang / /rin chen 'khor lo'i gzhi rten yid 'ong las/ /
spos chus rgyas pa'i chu klung rnams kyang 'bab/ /rin chen gser gyi dril bu'i dra ba yis/ /yog cing sangs rgyas gsung du sgra sgrog 'bab/ /rgyal ba kun gyi byang chub spyod pa dang / /kun tu bzang po'i spyod mchog rab tu 'dzud/ /sangs rgyas 
smon lam sgra dbyangs rnam pa dang / /sangs rgyas thams cad sngon gyi sbyor ba dag /rnam dag nor bu'i ngos dang ngogs kun nas/ /sgra rnams sgrog pa kun na rab tu snang / /chu bo thams cad dba' glong dag las kyang / /byang chub sems dpa'i 
sprin chen 'bar ba dag /chos kyi dbyings rnams rab tu rgyas byed pa/ /'byam klas phyogs rnams kun na rab tu snang / /chu klung de dag thams cad dri med cing / /nor bu'i rgyal po sprin gyis kun khyab pa/ /mdzod spu'i dpal dang sangs rgyas gzi brjid </font><hr>35-1-108a<br><font size=+1>
'bar/ /nor bu'i rgyal po sangs rgyas gzugs brnyan snang / /spos chu'i chu klung de dag gi bar dag kyang sa sna tshogs la rin po che thams cad kyis rab tu brgyan pa ste/ chu klung gi bar de dag re re zhing yang rin po che'i me tog pun+da ri ka'i phreng ba/ gling 
bzhi'i 'jig rten gyi khams kyi rdul shin tu phra ba snyed kyis kun nas bskor ba'o/ /chu klung gi bar de dag re re zhing yang rin po che'i shing gi phreng ba gling bzhi'i 'jig rten gyi khams kyi rdul shin tu phra ba snyed kyis rnam par phye ba'o/ /shing gi gseb thams cad nas kyang rgyan thams cad 
kyi sprin rtag par rab tu 'byung ste/ nor bu'i rgyal po byang chub sems dpa'i dpal 'byung ba'i sprin dang / 'od rnams kyang rab tu 'byung ngo / /shing gi bar de dag thams cad kyang 'od shin tu 'bar ba ste/ spos dang me tog sna tshogs kyis rab tu gang ba'o/ /nor bu'i rgyal 
po sangs rgyas thams cad kyi smon lam bskal pa thams cad du byin gyis rlob pa'i sgra sgrog pa'i sprin gyis yongs su gang ba'o/ /spos 'od 'phro ba'i sprin gyi 'od gzer gyis rnam par snang bar byed pa'i sprin gyis mngon par khyab pa'o/ /spos kyi rgyal po yid du 'ong 
ba sna tshogs kyis rnam par rgyas pa'o/ /nor bu'i rgyal po rgyan bsam gyis mi khyab pa'i kha dog yang dag par ston pas mnyam pa nyid du mngon par gang ba'o/ /gos kyi tshogs sna tshogs sprin lta bus mngon par yog pa'o/ /nor bu'i rgyal po phyogs bcur 'od gzer gyi dra ba'i sprin 
gyis yog par byed pas rnam par rgyas pa'o/ /nor bu'i rgyal po sangs rgyas thams cad kyi rnam par 'phrul pa'i 'od kyis mngon par gang ba'o/ /nor bu'i rgyal po sems can thams cad kyi las rnam par smin pa rgya mtsho'i gzugs brnyan shin tu ston pas rgyas pa ste/ 
de dag la stsogs pa chu klung gi bar de dag re re zhing yang rgyan shin tu bstan pa ni 'jig rten gyi khams rgya mtsho'i rdul shin tu phra ba snyed do/ /de nas byang chub sems dpa' kun tu bzang pos yang spos chu'i chu klung gi bar gyi rgyan yongs su dag pa rgya mtsho 'di nyid yongs su </font><hr>35-1-108b<br><font size=+1>
bstan pa'i phyir sangs rgyas kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so/ /chu klung bar rnams shin tu rnam par dag /rin chen rgyan can gser gyis rnam par bres/ /yal ga me tog sprin rnams 'phyang 
lding ba'i/ /shing gi phreng bas kun nas mngon par khyab/ /shing gi yal ga'i dkyil 'khor sgo dag nas/ /rin chen mang po'i sprin rnams kun kyang 'byung / /me tog 'od mang rin chen snying po can/ /phyogs rnams kun sgor 'gro ba khyab par byed/ /gzhi rnams 
nor bu mngon par bkram pa ste/ /me tog rnam bres rin chen 'bru dang ldan/ /kun nas rin chen sprin gyis khyab pa ste/ /rgyan dang sems can thams cad gzugs brnyan snang / /sangs rgyas 'od kyi nor bu'i rgyal po yis/ /sa rnams thams cad kun nas 
rnam par gang / /phyogs rnams thams cad 'bar zhing snang ba'i sprin/ /rdul phran kun la gzugs brnyan gyur par snang / /nor bu'i rgyan gyis shin tu rnam par rgyas/ /mu tig gsal ba'i dra bas rnam par phye/ /nor bu'i 'khor los kun nas rab tu bkod/ /
kun na rgyal ba rnam par 'phrul pa snang / /'byam klas 'od zer ldan pa'i rin chen gyis/ /sangs rgyas sprul pa bkye ba kun na snang / /sangs rgyas mang pos phyogs rnams kun khyab cing / /stobs bcu mnga' ba'i chos nyid rab tu sgrog /rin chen sna tshogs 
pun+da ri ka yis/ /chu rnams kun rgyas snying po nor bu spos/ /de las mi zad 'od zer rgya mtsho'i rnams/ /rab tu 'byung ba'i pad+mo sna tshogs 'byung / /dus rnams gsum po'i rgyan rnams thams cad kyang / /nor bu de dag 'bru yi nang na ste/ /'byung ba 
med cing gzung du'ang yod pa min/ /de ni sangs rgyas rnam par 'phrul pa'i mthu/ /rgyal ba rnam par snang mdzad thams cad du/ /rgyan dang sprul pa thams cad rab tu 'gyed/ /sngon cad sangs rgyas smon lam mthu dag gis/ /de dag 'gro zhing 'ong bar snang </font><hr>35-1-109a<br><font size=+1>
ba med/ /rdul rnams rgya mtsho thams cad dag la yang / /rgyal sras thams cad spyad pa rab spyod de/ /rang gi zhing dang lung bstan sa yi rnams/ /bsam pa rnam dag tshul bzhin de dag mthong / /kye rgyal ba'i sras dag sangs 
rgyas bcom ldan 'das rnams kyi/ / 'jig rten gyi khams rgya mtsho'i rgyan shin tu bstan pa ni bsam gyis mi khyab ste/ kye rgyal ba'i sras dag de ci'i phyir zhe na/ 'jig rten gyi khams rgya mtsho gzhi dang snying po me tog gi rgyan gyis brgyan pa'i dmigs pa dag la'ang dmigs 
pa re re zhing yongs su dag pa'i yon tan dang rgyan shin tu bstan pa rgya mtsho ni 'jig rten gyi khams rgya mtsho'i rdul shin tu phra ba snyed du shes par bya'o/ /de nas byang chub sems dpa' kun tu bzang pos yang 'jig rten gyi khams rgya mtsho yongs su dag cing yon tan mtha' 
dang dbus med pas yon tan rnam par dag pa'i rgyan shin tu bstan pa rgya mtsho 'di nyid yongs su bstan pa'i phyir sangs rgyas kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so/ /zhing gi rgya mtsho 'di rnams thams 
cad kyang / /rin chen rgyan can 'od zer gnas pa ste/ /sdug cing gsal ba'i sprin gyis kun nas yog /rin chen thams cad 'od kyang rnam par 'bar/ /mu tig nor bu'i sprin rnams zad mi shes/ /sangs rgyas gzugs brnyan phyogs su rnam par 
snang / /zhing na yod pa'i rnam par 'phrul pa rnams/ /byang chub sems dpa' rnams la rtag tu ston pa byed/ /sangs rgyas gsung gi sprin ni bsam gyis mi khyab ste/ /nor bu'i rgyal po thams cad snyan par sgrog /rnam par snang mdzad sngon gyi spyod 
pa rnams/ /rin chen rnams las rtag par snang zhing grag /sangs rgyas rnam par snang mdzad dri med 'od/ /rgyan rnams thams cad nang na rnam par snang / /'khor rnams gzugs brnyan mtshan nyid 'chang ba dang / /sprul pa rnams kyis zhing gi rgya mtsho </font><hr>35-1-109b<br><font size=+1>
gang / /sangs rgyas sprul pa rnams ni sgyu ma 'dra/ /de dag la ni byon pa gang yang med/ /sangs rgyas yul rnams byin gyis brlabs pa yi/ /zhing rnams kun na sangs rgyas rnam par 'phrul/ /zhing rnams 'byam klas par ni rnam 'phrul zhing / /ji snyed zhing du 
de dag kun rgyu ba/ /de dag nor bu kun la rab tu snang / /de ltar zhing gi rgya mtsho rnam par sbyangs/ /sprul pa rnams ni mig yor 'dra ba ste/ /thams cad dag na chos nyid 'di yang snang / /'di ni rnam par snang mdzad spyod yul te/ /smon lam rnam par 'phrul 
las byung ba'o/ /bzang po'i spyod pas gang rnams byung gyur pa'i/ /byang chub sems dpa' shes mchog rgya mtsho can/ /de dag rdul phran kun la rang rang gis/ /rang gi zhing rnams rgya mtsho dag par byed/ /de bzhin gshegs pa kun gyi zham ring du/ /
bskal pa bye ba rgya chen bsam yas su/ /de dag spyod yul thams cad mthong bas na/ /skad cig sems la de dag thams cad ston/ /zhing rnams mnyam med 'byung ba med pa ste/ /de dag mkha' 'dra mnyam zhing mtshan nyid med/ /smon lam stobs 
kyis kun tu gnas pa ste/ /sems can rnams la phan phyir rab tu sbyangs/ /kye rgyal ba'i sras dag de la 'jig rten gyi khams rnam par dgod pa shin tu bstan pa gang zhe na/ kye rgyal ba'i sras dag 'jig rten gyi khams kyi spos chu'i rgya mtsho sangs rgyas 
kyi zhing brjod du med pa bcu'i rdul shin tu phra ba snyed po de dag la 'jig rten gyi khams kyi rgyud sangs rgyas kyi zhing brjod du med pa'i rdul shin tu phra ba snyed rab tu gnas te/ /'jig rten gyi khams kyi rgyud de dag re re zhing yang 'jig rten gyi khams 'byam klas pa sangs 
rgyas kyi zhing brjod du med pa'i rdul shin tu phra ba snyed kyi 'khor gyis bskor ba'o/ /'jig rten gyi khams rgya mtsho 'byam klas pa de dag thams cad kyang gzhan dang gzhan la gnas pa/ dbyibs gzhan dang gzhan du 'dug pa/ phyogs gzhan dang gzhan la </font><hr>35-1-110a<br><font size=+1>
lta ba/ rnam pa gzhan dang gzhan gyis 'jug pa/ rgyan gzhan dang gzhan yod pa/ gzhan dang gzhan gyis rgyas par 'gengs pa/ gzhan dang gzhan du 'du ba/ rnam pa gzhan dang gzhan du ma 'dres pa/ rnam par 'phrul ba dang / byin gyi 
rlabs gzhan dang gzhan yod pa dag ste/ kye rgyal ba'i sras dag de la 'jig rten gyi khams rgya mtsho 'byam klas pa la la ni pad+mo'i rgya mtsho la rab tu gnas so/ /'jig rten gyi khams rgya mtsho 'byam klas pa la la ni rin po che'i kha dog mtha' yas pa'i me tog rgya mtsho la rab 
tu gnas so/ /'jig rten gyi khams rgya mtsho 'byam klas pa la la ni rin po che'i 'phreng ba mu tig gi 'bru'i snying po can gyi rgya mtsho la rab tu gnas so/ /'jig rten gyi khams rgya mtsho 'byam klas pa la la ni spos chu'i rgya mtsho la rab tu gnas so/ /'jig rten gyi 
khams rgya mtsho 'byam klas pa la la ni me tog thams cad kyi rgya mtsho la rab tu gnas so/ /'jig rten gyi khams rgya mtsho 'byam klas pa la la ni nor bu rin po che'i dra ba'i rgya mtsho la rab tu gnas so/ /'jig rten gyi khams rgya mtsho 'byam klas pa la la ni 
'od gzer gyi rgya mtsho klong du gyur pa'i chu bo la rab tu gnas so/ /'jig rten gyi khams rgya mtsho 'byam klas pa la la ni/ byang chub sems dpa'i nor bu'i cod pan sna tshogs kyi rgyan la rab tu gnas so/ /'jig rten gyi khams rgya mtsho 'byam klas pa la la ni 
sems can gyi lus sna tshogs rgya mtsho la rab tu gnas so/ /'jig rten gyi khams rgya mtsho 'byam klas pa la la ni/ sangs rgyas thams cad kyi gsung nor bu'i rgyal po la rab tu gnas so/ /de dag la stsogs pa 'jig rten gyi khams rgya mtsho 'byam klas 
pa'i gnas shin tu bstan pa ni 'jig rten gyi khams rgya mtsho'i rdul shin tu phra ba snyed do/ /'jig rten gyi khams rgya mtsho thams cad kyang dbyibs gzhan dang gzhan du 'dug pa sha stag ste/ 'jig rten gyi khams rgya mtsho 'byam klas pa la la ni ri rab kyi dbyibs </font><hr>35-1-110b<br><font size=+1>
lta bu'o/ /'jig rten gyi khams 'byam klas pa la la ni chu klung gi dbyibs lta bu'o/ /'jig rten gyi khams 'byam klas pa la la ni kun tu 'khor ba'i dbyibs lta bu'o/ /'jig rten gyi khams 'byam klas pa la la ni kun nas 'khyil ba'i dbyibs lta bu'o/ /
'jig rten gyi khams 'byam klas pa la la ni 'khor lo'i dbyibs lta bu'o/ /'jig rten gyi khams 'byam klas pa la la ni myig mangs ris kyi dbyibs lta bu'o/ /'jig rten gyi khams 'byam klas pa la la ni shing gi dbyibs lta bu'o/ /'jig rten gyi khams 
'byam klas pa la la ni khang pa brtsegs pa'i dbyibs lta bu'o/ /'jig rten gyi khams 'byam klas pa la la ni rdo rje'i rgyal mtshan gyi dbyibs lta bu'o/ /'jig rten gyi khams 'byam klas pa la la ni phyogs 'byam klas pa'i dbyibs lta bu'o/ /'jig rten 
gyi khams 'byam klas pa la la ni/ khang ba'i dbyibs lta bu'o/ /'jig rten gyi khams 'byam klas pa la la ni pad+mo'i dbyibs lta bu'o/ /'jig rten gyi khams 'byam klas pa la la ni rta babs kyi dbyibs lta bu'o/ /'jig rten gyi khams 
'byam klas pa la la ni sems can gyi lus kyi dbyibs lta bu'o/ /'jig rten gyi khams 'byam klas pa la la ni sprin gyi dbyibs lta bu'o/ /'jig rten gyi khams 'byam klas pa la la ni sangs rgyas kyi mtshan gyi dbyibs lta bu'o/ /'jig rten gyi 
khams 'byam klas pa la la ni 'od kyi dkyil 'khor gyi dbyibs lta bu'o/ /'jig rten gyi khams 'byam klas pa la la ni dra ba sna tshogs bkye ba'i dbyibs lta bu'o/ /'jig rten gyi khams 'byam klas pa la la ni sgo kun nas yod pa'i dbyibs lta bu'o/ /
'jig rten gyi 'byam klas pa la la ni dmigs pa thams cad kyi dbyibs lta bu ste/ kye rgyal ba'i sras dag de la stsogs pa 'jig rten gyi khams 'byam klas pa'i dbyibs rnam par phye ba shin tu bstan pa ni 'jig rten gyi khams kyi rdul shin tu phra ba snyed do/ /</font><hr>35-1-111a<br><font size=+1>
kye rgyal ba'i sras dag 'jig rten gyi khams rgya mtsho'i tshul de dag ni lhun gzhan dang gzhan du bstan pa ste/ 'jig rten gyi khams kyi tshul la la ni phyogs thams cad kyi nor bu'i sprin gyi lhun can no/ /'jig rten gyi khams kyi tshul la la ni 
'od kyi lhun can no/ /'jig rten gyi khams kyi tshul la la ni rin po che dang spos 'od 'phro ba thams cad kyi lhun can no/ /'jig rten gyi khams kyi tshul la la ni rin po che thams cad kyi me tog kha sprod las bsgrubs pa'i lhun can no/ /'jig rten gyi khams kyi 
tshul la la ni byang chub sems dpa'i lus kyi gzugs brnyan gyi lhun can no/ /'jig rten gyi khams kyi tshul la la ni sangs rgyas kyi 'od kyi lhun can no/ /'jig rten gyi khams kyi tshul la la ni rin po che'i 'od kyi lhun can no/ /'jig rten gyi khams kyi tshul la la ni 
sangs rgyas kyi kha dog gi lhun can no/ /'jig rten gyi khams kyi tshul la la ni rin po che thams cad kyi kha dog gi 'od kyi lhun can no/ /'jig rten gyi khams kyi tshul la la ni sems can thams cad kyi bsod nams rgya mtsho yang dag par 'byung ba'i sgra 'i 
lhun can no/ /'jig rten gyi khams kyi tshul la la ni sems can thams cad kyi las rgya mtsho yang dag par 'byung ba'i sgra'i lhun can no/ /'jig rten gyi khams kyi tshul la la ni sangs rgyas thams cad kyi spyod pa'i dkyil 'khor yongs su dag pa'i sgra 'i lhun 
can no/ /'jig rten gyi khams kyi tshul la la ni byang chub sems dpa' thams cad kyi smon lam gyi rgya mtsho'i sgra 'i lhun can no/ /'jig rten gyi khams kyi tshul la la ni sangs rgyas kyi tshul thams cad mngon par bsgrub pa'i sgra 'i lhun can no/ /'jig rten gyi 
khams kyi tshul la la ni zhing gi rgyan thams cad 'byung ba dang 'jig pa'i sgra 'i lhun can no/ /'jig rten gyi khams kyi tshul la la ni sangs rgyas kyi gsung dang dbyangs mtha' dang dbus med pa'i lhun can no/ /'jig rten gyi khams kyi tshul la la ni sangs rgyas </font><hr>35-1-111b<br><font size=+1>
thams cad kyi sprul pa'i 'khor lo'i sgra 'i lhun can no/ /'jig rten gyi khams kyi tshul la la ni sems can thams cad kyi dge ba 'byung ba'i sgra 'i lhun can no/ /'jig rten gyi khams kyi tshul la la ni sangs rgyas thams cad kyi yon tan rgya mtsho yongs su dag pa'i sgra 'i lhun 
can no/ /kye rgyal ba'i sras dge de dag la stsogs pa 'jig rten gyi khams kyi rgyud 'byam klas pa'i tshul gyi lus ni/ 'jig rten gyi khams rgya mtsho'i rdul shin tu phra ba snyed du shes par bya'o/ /de nas byang chub sems dpa' kun tu bzang pos yang 'jig rten gyi khams 
kyi rgyud 'byam klas pa'i tshul gyi lus rnam par dgod pa shin tu bstan pa 'di nyid gsal bar brjod pa'i phyir/ sangs rgyas kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so/ /zhing gi rgyud rgyan shin tu brtan 
par grub/ /dri med dri bral 'od 'gyed snying po can/ /nor bu pad+mo rgya mtsho kun la gnas/ /la la gang+gA'i rgya mtsho dag la gnas/ /rnam pa sna tshogs tshul gyis gzhi gnas shing / /dbyibs kyang sna tshogs kha dog gzugs kyang mang / /ri rab grong khyer shing 
gi dkyil 'khor dang / /zhing rgyud thams cad la la phyogs kun lta/ /la la 'od lus me tog snying po can/ /nor bus byas pa kun nas sprin dang chu/ /la la'i rgyud gsal mu tig 'od zer lus/ /nor bu'i gzhi gnas kun kyang mi shigs sra/ /'byam 
klas la la kha dog sna tshogs gsal/ /'od 'dra 'od 'phro me mar sprin gyi mdog /la la'i rgyud ni sgra dang skad kyi lus/ /de las sangs rgyas gsung dbyangs mtha' yas 'byung / /la la'i rgyud ni smon lam sgra yi lus/ /spyod pa rnam 'phrul sprin gyi sgra yi lus/ /
la la bsod nams yangs dang las kyi sgra/ /la la'i lus ni rgyal ba'i yon tan sgra/ /zhing gi rgyud rnams rgya mtsho bsam yas pa/ /kun nas mi zad du ma'i sgo nas 'jug /rnam 'phrul yangs pa mi zad rgyan gyi rnams/ /tshad med kun gyis phyogs kun rgyas par </font><hr>35-1-112a<br><font size=+1>
'gengs/ /phyogs rnams kun tu zhing rnams 'du 'gyur te/ /yangs pa'i tshul gyis zhing gi rgyud zhugs par/ /phyogs bcu kun tu 'du bar snang ba yang / /'gro ba med cing 'jug pa yod pa min/ /tshul gcig gis ni rgyud rnams 
kun kyang 'gengs/ /thams cad ma lus re rer rab tu 'du/ /de la tha dad gang yang mi dmigs te/ /gzhi med kun 'gengs mtha' dang dbus yang med/ /zhing rnams tshul gyis rgyud la rnam 'phrul ba/ /sangs rgyas rnam snang mdzad pa kun nas snang / /
smon lam sgra ni rgya mtsho rab brjod cing / /zhing gi dbyings na sems can kun kyang 'dul/ /zhing rnams sangs rgyas sku yis kun khyab snang / /bsam gyis mi khyab byang chub sems dpas gang / /sangs rgyas rnam 'phrul mi mnyam stobs ston cing / /sems 
can mang po tshad med rnam par 'dul/ /zhing gi rgyud kyi gnas shin tu bstan pa zhes bya ste le'u brgyad pa'o// //sangs rgyas rmad ga cad ces bya ba shin tu rgyas pa chen po'i mdo/bam po dgu pa/ kye rgyal ba'i sras dag de la 
'jig rten gyi khams rgya mtsho gang chen mtsho'i dbyings de ni spos chu'i rgya mtsho mig 'phrul gyi rnam par phye ba gzhi kun la rab tu gnas pa ni/ sangs rgyas kyi zhing brjod du med pa'i rdul shin tu phra ba snyed de/ kye rgyal ba'i sras dag de la gang chen mtsho'i dbyings 
kyi spos chu'i rgya mtsho sangs rgyas kyi zhing brjod du med pa'i rdul shin tu phra ba snyed kyi nang na spos chu'i rgya mtsho dbus ma ni ze ba yid du 'ong zhing 'od mtha' yas pa zhes bya ste/de'i nang nas nor bu'i rgyal po byang chub sems dpa' thams cad kyi lus rnam par dmigs 
pa'i gzugs brnyan gyi rgyal mtshan gyi pad+mo chen po bzhi spos dang nor bu'i rgyal po thams cad kyis brgyan pa'i rgyan can ces bya ba mngon par byung ste/ de la 'jig rten gyi khams kyi rgyud phyogs kun nas rin po che 'bar ba'i 'od rnam par snang ba zhes bya ba/ 'jig rten gyi </font><hr>35-1-112b<br><font size=+1>
khams sangs rgyas kyi zhing brjod du med pa'i rdul shin tu phra ba snyed kyi 'khor gyis bskor ba/ dmigs pa thams cad kyi rgyan gyis brgyan pa'i lhun can rab tu gnas te/ de dag las thams cad kyi 'og ma ni dpal 'byung ba'i 'od zer rnam par snang ba zhes bya ba'i 'jig 
rten gyi khams te/ de ni rdo rje thams cad kyi rgyun dang / 'od kyi 'khor lo'i sa mtshams nor bu rin po che'i ze ba mang po la rab tu gnas pa/ nor bu'i 'khor thams cad dang nor bu'i rin po che'i me tog gi rgyan thams cad kyis rab tu yog par gyur pa ste/ 'jig rten gyi khams 
sangs rgyas kyi zhing gi rdul shin tu phra ba snyed kyi 'khor gyis bskor ba/ 'jig rten gyi khams de dag kyang gzhan dang gzhan la gnas pa/ rgyan gzhan dang gzhan can dag ste/ de na de bzhin gshegs pa tshul rnam par dag cing dri ma med pa'i mar me zhes bya ba bzhugs so/ /
de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na/ 'jig rten gyi khams spos sna tshogs kyi pad+mo dpal gyi rgyan ces bya ba rgyan thams cad kyi sa mtshams can rin po che'i pad+mo shin tu mang ba la rab tu gnas pa seng ge'i khri'i 
dbyibs ltar 'dug pa/ mu tig gi 'bru rin po che thams cad kyi kha dog lta bu'i bla re'i sprin gyis kun nas yog pa/ kun nas nyon mongs shing rnam par dag pa/ 'jig rten gyi khams sangs rgyas kyi zhing gnyis kyi rdul shin tu phra ba snyed kyi 'khor gyis bskor ba 
yod de/ de na de bzhin gshegs pa seng ge'i 'od zer mchog gi 'od ces bya ba bzhugs so/ /de'i steng sangs rgyas kyi zhing gi rdul shin tu phra ba snyed kyi 'jig rten gyi khams 'das pa na/ 'jig rten gyi khams rin po che thams cad kyi rgyan kun tu snang ba 
zhes bya ba spos kyi rlung gi dkyil 'khor gyi sa mtshams can rin po che'i me tog gi phreng ba sna tshogs la rab tu gnas pa/ nor bu'i 'khor lo gzi brjid bzang po'i nyi ma'i sprin gyis kun nas yog pa/ yan lag brgyad du dma' ba'i dbyibs can 'jig rten gyi khams </font><hr>35-1-113a<br><font size=+1>
sangs rgyas kyi zhing gsum gyi rdul shin tu phra ba snyed kyi 'khor gyis bskor ba/ rnam par dag cing kun nas nyon mongs pa yod de/ de na de bzhin gshegs pa 'od dri ma med pa'i ye shes kyi dpal gyi dbal zhes bya ba bzhugs so/ /de'i 
steng 'jig rten gyi khams sangs rgyas kyi zhing gi rdul shin tu phra ba snyed 'das pa na/ 'jig rten gyi khams 'od zer sna tshogs yid du 'ong ba zhes bya ba rin po che'i rgyan thams cad kyi sa mtshams can kha dog sna tshogs dang ldan pa'i rdo rje brag gi rgya mtsho la rab tu gnas pa rin 
po che pad+mo'i dbyibs ltar 'dug pa/ rdo rje'i 'od zer dang rin po che 'bar ba mtha' yas par snang ba'i 'od kyi nor bu'i rgya mtsho'i sprin gyis kun nas yog pa gcig tu dag pa 'jig rten gyi khams/ sangs rgyas kyi zhing bzhi'i rdul shin tu phra ba snyed kyi 'khor gyis bskor ba 
yod de/ de na de bzhin gshegs pa rdo rje'i 'od zer stobs dang brtson 'grus mtha' yas pa yang dag par 'byung ba zhes bya ba bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na/'jig rten gyi khams 
'od shin tu bkye ba'i me tog sil ma'i 'khor lo zhes bya ba rin po che thams cad kyi dril bu'i dra ba'i rgyan gyi sa mtshams can shing dang nags tshal gyi rgyan thams cad 'byung ba'i rin po che'i 'khor lo mang po'i rgya mtsho la rab tu gnas pa/ phyogs thams cad nas grwa du 
ma'i dbyibs su 'dug pa nor bu'i rgyal po tshangs pa'i dbyangs su sgrog pas kun nas yog pa/ kun nas nyon mongs shing rnam par dag pa/ 'jig rten gyi khams sangs rgyas kyi zhing lnga'i rdul shin tu phra ba snyed kyi 'khor gyis bskor ba yod de/ de na de bzhin 
gshegs pa spos kyi 'od zer dga' ba'i stobs rgya mtsho zhes bya ba bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na/ 'jig rten gyi khams dge ba sna tshogs kyi rnam pa zhes bya ba 'jig rten gyi khams </font><hr>35-1-113b<br><font size=+1>
sangs rgyas kyi zhing drug gi rdul shin tu phra ba snyed kyi 'khor gyis bskor ba/ rnam par dag cing kun nas nyon mongs pa/ rin po che shi la'i rgyal mtshan gyi sa mtshams can/ rdo rje'i khyim gzhal med khang rgya mtsho la rab tu gnas pa kun nas gru bzhi'i dbyibs 
su 'dug pa 'khor lo nor bu gtsug gi bla re'i sprin gyis kun nas yog pa yod de/ de na de bzhin gshegs pa kun tu snang ba'i 'od kyi dbang po'i dpal zhes bya ba bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na/ 
'jig rten gyi khams rgyan gyi 'od zer me tog shin tu rgyas pa'i dkyil 'khor ces bya ba 'jig rten gyi khams/ sangs rgyas kyi zhing bdun gyi rdul shin tu phra ba snyed kyi 'khor gyis bskor ba/ gcig tu dag pa khang pa brtsegs pa'i dbyibs su 'dug pa/me tog 
pad+mo sna tshogs kyi rgyan gyi sa mtshams can rin po che thams cad kyi 'od gzer dang rin po che'i kha dog rgya mtsho la rab tu gnas pa/ kha dog thams cad kyi gos dang mu tig dang stegs bus kun nas yog pa yod de/ de na de bzhin gshegs pa dga' ba rgya mtsho'i 
shugs dang / yon tan grags pa'i dbang phyug 'od gzer ces bya ba bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na/ 'jig rten gyi khams yang dag par 'byung ba'i gzi brjid ces bya ba 
'jig rten gyi khams sangs rgyas kyi zhing brgyad kyi rdul shin tu phra ba snyed kyi 'khor gyis bskor ba/ kun nas nyon mongs shing rnam par dag pa/ nor bu'i rgyal po sgra thams cad gtong ba'i rgyan gyi sa mtshams can/ rin po che sna tshogs kyi kha dog lta bu'i pad+mo 
la 'dug cing nam mkha'i rgya mtsho la rab tu gnas pa/ mig 'phrul gyi dbyibs lta bur 'dug pa/ 'od kyi me tog gi dra ba'i sprin kha dog mtha' yas pas kun nas yog pa yod de/ de na de bzhin gshegs pa grags pa chen po'i ye shes rgya mtsho'i rgyal </font><hr>35-1-114a<br><font size=+1>
mtshan ces bya ba bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na/ 'jig rten gyi khams sgra dbyangs rab tu sgrog pa zhes bya ba 'jig rten gyi khams sangs rgyas kyi zhing dgu'i rdul 
shin tu phra ba snyed kyi 'khor gyis bskor ba/ rnam par dag cing kun nas nyon mongs pa/ rin po che yid bzhin gyi rgyal po'i 'khor lo'i shing gi rgyan gyi sa mtshams can/ nor bu'i rgyal po rgyan thams cad kyi sprin 'bar ba'i sgra yi rgya mtsho'i gzhi la rab tu gnas pa/ tshangs 
pa'i lus kyi dbyibs ltar 'dug pa/seng ge'i khri'i sprin rin po che yid du 'ong ba mtha' yas pa'i rgyan can gyis kun nas yog pa yod de/ de na de bzhin gshegs pa mtshan gyi gzi brjid thub pa med pa'i zla ba zhes bya ba bzhugs so/ /de'i steng 'jig rten gyi khams 
sangs rgyas kyi zhing gi rdul shin tu phra ba snyed 'das pa na/ 'jig rten gyi khams rdo rje'i rgyal mtshan zhes bya ba 'jig rten gyi khams sangs rgyas kyi zhing bcu'i rdul shin tu phra ba snyed kyi 'khor gyis bskor ba/ gcig tu dag pa rgyan mtha' yas pa dang / mu tig gi 'bru 
rab tu 'phyang ba dang / rin po che'i phreng ba'i rgyan gyi sa mtshams can/ rin po che'i seng ge'i khri'i rgyan dang mu tig gi phreng ba dang rgyan thams cad kyis brgyan pa'i nor bu'i rgya mtsho la rab tu gnas pa/ kun nas zlum pa'i dbyibs su 'dug pa/ spos dang nor bu dang me tog 
sna tshogs kyi ri rab kyi sprin ri rab bcu'i rdul shin tu phra ba snyed kyis kun nas yog pa yod de/ de na de bzhin gshegs pa chos rgya mtsho thams cad kyis shin tu 'phags pa'i rgyal po zhes bya ba bzhugs so/ /de'i steng 'jig rten gyi khams sangs rgyas kyi zhing gi 
rdul shin tu phra ba snyed 'das pa na/ 'jig rten gyi khams mdog rnam par snang ba zhes bya ba 'jig rten gyi khams sangs rgyas kyi zhing bcu gcig gi rdul shin tu phra ba snyed kyi 'khor gyis bskor ba kun nas nyon mongs shing rnam par dag pa/ rdo rje ltar mi shigs shing sra </font><hr>35-1-114b<br><font size=+1>
ba'i rgyan gyi sa mtshams can me tog sna tshogs rnam pa mang po'i rgya mtsho la rab tu gnas pa/ zla ba kham pa'i dbyibs ltar 'dug pa/ lha rdzas rin po che'i bla res kun nas yog pa yod de/ de na de bzhin gshegs pa rgyal ba'i yon tan chos nyid tshad med pa zhes bya ba 
bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na/ 'jig rten gyi khams snang ba'i mdog ces bya ba 'jig rten gyi khams sangs rgyas kyi zhing bcu gnyis kyi rdul shin tu phra ba snyed kyi 'khor gyis bskor ba rnam 
par dag cing kun nas nyon mongs pa 'od zer gyi rgyan kun nas snang ba'i sa mtshams can/ spos kyi chu'i rgya mtsho me tog gi glong can gyi gang chen mtsho la rab tu gnas pa/ me tog 'khyil pa'i dbyibs ltar 'dug pa/ gos sna tshogs kyi sprin gyis kun nas yog 
pa yod de/ de na de bzhin gshegs pa tshangs pa'i dbang po'i dpal zhes bya ba bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na/ 'jig rten gyi khams mi mjed ces bya ba 'jig rten gyi khams sangs 
rgyas kyi zhing bcu gsum gyi rdul shin tu phra ba snyed kyi 'khor gyis bskor ba kun nas nyon mongs pa rnam par dag pa/ rdo rje'i gzhi yi sa mtshams can/ rlung gi dkyil 'khor kha dog sna tshogs can gyis shin tu bzung ba/ pad+mo'i dra ba la rab tu gnas 
pa/ kun nas zlum pa'i dbyibs su gnas pa nam mkha' lha yi khang pa can gyis brgyan pa 'di yod de/ de na bcom ldan 'das de bzhin gshegs pa rnam par snang mdzad 'di bzhugs so/ /sangs rgyas kyi zhing 'di'i steng 'jig rten gyi khams sangs 
rgyas kyi zhing gi rdul shin tu phra ba snyed 'das pa na/ 'jig rten gyi khams mnyam la rdul med pa'i 'od ces bya ba 'jig rten gyi khams sangs rgyas kyi zhing bcu bzhi'i rdul shin tu phra ba snyed kyi 'khor gyis bskor ba/ rnam par dag cing kun nas nyon mongs pa rin po </font><hr>35-1-115a<br><font size=+1>
che thams cad kyi rgyan gyi sa mtshams can/ rin po che'i gos sna tshogs rgya mtsho la rab tu gnas pa rdo rje'i dbyibs ltar 'dug pa/ rdo rje'i sprin kha dog mtha' yas pas kun nas yog pa yod de/ de na de bzhin gshegs pa chos kyi dbyings 
shin tu 'phags pa'i dpal zhes bya ba bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na/ 'jig rten gyi khams 'od sna tshogs yid du 'ong ba'i mar me zhes bya ba 'jig rten gyi khams sangs rgyas kyi zhing bco lnga'i rdul 
shin tu phra ba snyed kyi 'khor gyis bskor ba/ gcig tu dag pa rgyan mang po thams cad kyi bla re'i sa mtshams can/ me tog gi dra ba rgya mtsho rnam par dag pa la rab tu gnas pa/ dbyibs dpal gyi be'u ltar 'dug pa/ nor bu'i shing dang spos chu'i sprin rgya mtshos kun nas 
yog pa yod de/ de na de bzhin gshegs pa stobs la thub pa med pas kun tu snang ba'i dpal zhes bya ba bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na/ 'jig rten gyi khams 'od 'phro snang ba dri ma med pa zhes 
bya ba 'jig rten gyi khams sangs rgyas kyi zhing bcu drug gi rdul shin tu phra ba snyed kyi 'khor gyis bskor ba/ nyon mongs shing rnam par dag pa/ nor bu'i rgyal po rin po che mi zad pa 'gyed pa'i sa mtshams can/ spos dang 'od 'phro ba sna tshogs can gyi pad mo'i rgya 
mtsho la rab tu gnas pa/ dbyibs ru sbal gyi mgo ltar 'dug pa/ nor bu'i 'od kyi dkyil 'khor rnam par snang ba'i 'khor lo'i tsan+dan gyi sprin gyis kun nas yog pa yod de/ de na de bzhin gshegs pa yon tan gyi nyi ma dri ma med pa'i spyan zhes bya ba bzhugs so/ /
de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na/ 'jig rten gyi khams rin po che'i 'byung gnas kyis rab tu brgyan pa'i snying po zhes bya ba/ 'jig rten gyi khams sangs rgyas kyi zhing bcu bdun gyi rdul shin tu phra ba snyed kyi 'khor gyis bskor ba </font><hr>35-1-115b<br><font size=+1>
rnam par dag cing kun nas nyon mongs pa dbyibs sems can thams cad kyi lus ltar 'dug pa/ nor bu'i rgyal po'i rgyan gyi sa mtshams can/ nor bu'i rgyal po 'od kyi snying po 'byung ba'i rgya mtsho la rab tu gnas pa/ dbyibs yan lag brgyad du 'dug par 'khor 
yug thams cad kyi rin po che'i rgyan dang / me tog dang / shing gi dra bas kun nas yog pa yod de/ de na de bzhin gshegs pa chags pa med pa'i ye shes phyogs kun tu rnam par snang ba'i 'od ces bya ba bzhugs so/ /de'i steng 'jig rten gyi khams sangs 
rgyas kyi zhing gi rdul shin tu phra ba snyed 'das pa na/ 'jig rten gyi khams rdul dang bral ba zhes bya ba 'jig rten gyi khams sangs rgyas kyi zhing bcwo brgyad kyi rdul shin tu phra ba snyed kyi 'khor gyis bskor ba/ gcig tu dag pa rgyan gyi rnam pa thams cad kyi sa mtshams can/ 
me tog gi seng ge'i khri'i rgya mtsho la rab tu gnas pa/ dbyibs mu tig gi phreng ba skyil ba ltar 'dug pa/ nor bu'i rgyal po rin po che thams cad kyi spos kyi 'od kyi dkyil 'khor gyis kun nas yog pa yod de/ de na de bzhin gshegs pa dpal tshad med pa'i tshul dpal 
gyi rgyal mtshan zhes bya ba bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na / 'jig rten gyi khams phyogs yongs su dag cing snang ba zhes bya ba 'jig rten gyi khams sangs rgyas kyi zhing bcu dgu'i rdul 
shin tu phra ba snyed kyi 'khor gyis bskor ba kun nas nyon mongs shing rnam par dag pa/ nor bu'i rgyal po rin po che'i sprin mi zad pa rab tu 'gyed pa'i sa mtshams can/ spos dang 'od 'phro ba kha dog mtha' yas pa'i ri rab kyi rgya mtsho la rab tu gnas pa dbyibs nor bu'i 
ze ba 'khyil ba ltar 'dug pa/ nor bu'i rgyal po'i dbang po 'od kyi dkyil 'khor 'bar ba kha dog mtha' yas pa rab tu 'bar ba'i sprin gyis kun nas yog pa yod de/ de na de bzhin gshegs pa chos kyi dbyings dang nam mkha' kun tu snang ba'i 'od ces bya ba bzhugs so/ /de'i steng </font><hr>35-1-116a<br><font size=+1>
'jig rten gyi khams sangs rgyas kyi zhing gi rdul shin tu phra ba snyed 'das pa na/ 'jig rten gyi khams rin po che'i 'od 'phro 'khyil ba'i dpal yang dag par 'byung ba zhes bya ba 'jig rten gyi khams sangs rgyas kyi zhing nyi shu'i rdul shin tu phra ba snyed kyi 
'khor gyis bskor ba/ gcig tu rnam par dag pa rin po che nyi zla rnam par snang ba'i sa mtshams can dbyibs lha'i dbang po thams cad ltar 'dug pa/ nor bu'i rgyal po'i rgya mtsho la rab tu gnas pa rgyan gyi rnam pa du ma dang rin po che sna tshogs thams cad dang rdo rje'i rgyal mtshan gyis 
sprin gyis kun nas yog pa/ nor bu'i sgron ma'i 'bru yi dra bas kun nas yog pa yod de/ de na de bzhin gshegs pa mtshan bsod nams kyi sprin gyis shin tu 'phags pa'i gzi brjid ces bya ba bzhugs so/ /'jig rten gyi khams kyi rgyud phyogs kun nas rin po che 
'bar ba'i 'od rnam par snang ba zhes bya ba de ni/ 'jig rten gyi khams 'byam klas pa gzhan dang gzhan la rab tu gnas pa dbyibs gzhan dang gzhan du 'dug pa/ lhun gzhan dang gzhan can/ phyogs 'byam klas pa gzhan dang gzhan la lta ba rnam pa gzhan dang gzhan gyis 
'jug pa/ rgyan gzhan dang gzhan can/ gzhan dang gzhan gyis rgyas par 'gengs pa gzhan dang gzhan du yongs su 'du ba gzhan dang gzhan gyis rnam par ma 'dres pa/ rnam par 'phrul pa dang byin gyis rlabs gzhan can/ sangs rgyas kyi zhing brjod du med pa'i rdul shin 
tu phra ba snyed kyis kun nas yongs su bskor ba ste/ 'di ltar 'jig rten gyi khams kun nas bskor ba/ sangs rgyas kyi zhing bcu'i rdul shin tu phra ba snyed kyis kun nas yongs su bskor ba'o/ /'jig rten gyi khams chu klung sangs rgyas kyi zhing bcu'i rdul shin tu phra 
ba snyed kyis kun nas yongs su bskor ba'o/ /'jig rten gyi khams kun nas bskor ba/ sangs rgyas kyi zhing bcu'i rdul shin tu phra ba snyed dang / 'jig rten gyi khams kun nas 'khyil pa sangs rgyas kyi zhing bcu'i rdul shin tu phra ba snyed dang / 'jig rten </font><hr>35-1-116b<br><font size=+1>
gyi khams kyi 'khor lo sangs rgyas kyi zhing bcu'i rdul shin tu phra ba snyed dang / 'jig rten gyi khams kyi dkyil 'khor sangs rgyas kyi zhing bcu'i rdul shin tu phra ba snyed dang / 'jig rten gyi khams kyi shing sangs rgyas kyi zhing bcu'i rdul shin tu phra ba snyed dang / 'jig 
rten gyi khams kyi phung po/ sangs rgyas kyi zhing bcu'i rdul shin tu phra ba snyed dang / 'jig rten gyi khams kyi rdo rje'i rgyal mtshan sangs rgyas kyi zhing bcu'i rdul shin tu phra ba snyed dang / 'jig rten gyi khams phyogs 'byam klas pa/ sangs rgyas kyi zhing bcu'i 
rdul shin tu phra ba snyed dang / 'jig rten gyi khams khang pa sangs rgyas kyi zhing bcu'i rdul shin tu phra ba snyed dang / 'jig rten gyi khams pad+mo sangs rgyas kyi zhing bcu'i rdul shin tu phra ba snyed dang / 'jig rten gyi khams khyad khyud sangs rgyas kyi zhing bcu'i rdul 
shin tu phra ba snyed dang / 'jig rten gyi khams 'byam klas pa sems can sna tshogs kyi gzugs dang / lus kyi dbyibs ltar 'dug pa/ sangs rgyas kyi zhing bcu'i rdul shin tu phra ba snyed dang / 'jig rten gyi khams 'byam klas pa/ sangs rgyas kyi 
mtshan gyi dbyibs ltar 'dug pa/ sangs rgyas kyi zhing bcu'i rdul shin tu phra ba snyed dang / 'jig rten gyi khams 'od kyi dkyil 'khor sangs rgyas kyi zhing bcu'i rdul shin tu phra ba snyed dang / 'jig rten gyi khams sprin sangs rgyas kyi zhing bcu'i rdul shin tu phra ba snyed 
dang / 'jig rten gyi khams dra ba sangs rgyas kyi zhing bcu'i rdul shin tu phra ba snyed dang / 'jig rten gyi khams 'byam klas pa sa la mngon par blta ba'i dbyibs ltar 'dug pa/ sangs rgyas kyi zhing bcu'i rdul shin tu phra ba snyed dang / 'jig rten gyi khams 
'byam klas pa dmigs pa thams cad kyi dbyibs ltar 'dug pa/ sangs rgyas kyi zhing bcu'i rdul shin tu phra ba snyed kyis kun nas yongs su bskor ba ste/ de dag la stsogs pa 'jig rten gyi khams 'byam klas pa sangs rgyas kyi zhing brjod du med pa'i rdul shin </font><hr>35-1-117a<br><font size=+1>
tu phra ba snyed kyis kun nas yongs su bskor ba'o/ /'jig rten gyi khams 'byam klas pa de dag re re zhing yang 'jig rten gyi khams 'byam klas pa rnam par gdags pa sangs rgyas kyi zhing bcu'i rdul shin tu phra ba snyed kyis kun nas yongs su 
bskor ba'o 'jig rten gyi khams 'byam klas pa sangs rgyas kyi zhing brjod du med pa bcu'i rdul shin tu phra ba snyed po de dag re re zhing yang 'jig rten gyi khams 'byam klas pa'i rnam par gdags pa shin tu bstan pa ni sangs rgyas kyi zhing bcu'i rdul shin tu phra ba snyed de/ spos chu'i 
rgya mtsho ze ba mtha' yas pa'i 'od zer yid du 'ong ba zhes bya ba chu klung gi 'khor dang bcas pa/ chu klung gi glong dang bcas pa'i khongs na 'dug go /spos chu'i rgya mtsho ze ba mtha' yas pa'i 'od zer yid du 'ong ba de dang 'dab chags su shar phyogs logs na spos 
chu'i rgya mtsho gang chen mtsho dri ma med pa'i 'od gzer gyi snying po zhes bya ba yod de/ de na 'jig rten gyi khams kyi rgyud zhing kun nas 'khyil ba rnam par snang ba zhes bya ba spos dang / rin po che'i rgyal po thams cad la rab tu gnas pa'i rgyan dang ldan pa'i pad+mo chen po la rab 
tu gnas pa/ byang chub sems dpa'i spyod pa'i sgra rgya mtsho mngon par bsgrub pa'i nga ro'i lhun can yod do/ /de dag thams cad kyi 'og na 'jig rten gyi khams khyim gyi rgyan gyis brgyan pa'i rgyal mtshan zhes bya ba sangs rgyas kyi zhing gi rdul shin tu phra ba snyed kyi 'jig rten 
gyi khams kyi 'khor gyis bskor ba/ gcig tu dag pa rin po che thams cad kyi rgyan gyi gang chen mtsho la rab tu gnas pa/ 'khor kun nas gru bzhir 'dug pa/ pad+mo 'od gzer gyi dra ba'i sprin gyis kun nas yog pa yod de/ de na de bzhin gshegs pa dpal 
rnam par snang ba'i mdzod spu'i 'od ces bya ba bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na/ 'jig rten gyi khams pad+mo'i ze ba'i dpal gyi snying po zhes bya ba 'jig rten gyi khams sangs rgyas kyi zhing gnyis kyi rdul </font><hr>35-1-117b<br><font size=+1>
shin tu phra ba snyed kyis bskor ba/ rin po che thams cad kyi me tog gi ze ba rgya mtsho la rab tu gnas pa/ dbyibs kun nas dkyil 'khor du 'dug pa mu tig gi grong khyer dpal gyi seng ge'i khri sprin gyis kun nas yog pa yod de/ de na de bzhin gshegs pa chos thams cad kyi 
rgya mtsho mtha' yas pa'i blo gros zhes bya ba bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na/ 'jig rten gyi khams sprul pa'i spos zhim po dpal gyi dkyil 'khor ces bya ba 'jig rten gyi khams sangs rgyas kyi zhing 
gsum gyi rdul shin tu phra ba snyed kyi 'khor gyis bskor ba/ rnam par dag cing kun nas nyon mongs pa rin po che thams cad kyi rgyan dang dril bu'i dra ba rgya mtsho la rab tu gnas pa/ rdo rje'i dbyibs ltar 'dug pa/ rgyan sna tshogs kyi 'od kyi dkyil 'khor gyi sprin gyis kun nas 
yog pa yod de/ de na de bzhin gshegs pa chos kyi mtshan nyid sprul pa med par kun nas snang ba zhes bya ba bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na/ 'jig rten gyi khams gzhi'i kha dog dang 'od yid du 
'ong ba zhes bya ba 'jig rten gyi khams sangs rgyas kyi zhing bzhi'i rdul shin tu phra ba snyed kyi 'khor gyis bskor ba/ gcig tu dag pa spos chu kha dog mtha' yas pa rin po che'i tshon dang ldan pa'i rgya mtsho la rab tu gnas pa/ dbyibs nor bu'i 'khor lo ltar 'dug pa/ mu 
tig nyi ma'i tshul kun tu snang ba'i 'od kyi khang pa brtsegs pa'i sprin gyis kun nas yog pa yod de/ de na de bzhin gshegs pa 'khor legs par 'byung ba rnam par snang mdzad bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed 
'das pa na/'jig rten gyi khams dge ba'i las kyis khyab pa zhes bya ba 'jig rten gyi khams sangs rgyas kyi zhing lnga'i rdul shin tu phra ba snyed kyi 'khor gyis bskor ba/ kun nas nyon mongs shing rnam par dag pa spos dang rdo rje'i rgya mtsho la rab tu gnas pa/ pad+mo'i dbyibs ltar 'dug </font><hr>35-1-118a<br><font size=+1>
pa/ 'od zer rdul dang bral ba dang spos chu'i sprin gyis kun nas yog pa yod de/ de na de bzhin gshegs pa chos kyi shugs kyi dgyes pa mi zad pa'i blo gros zhes bya ba bzhugs so/ /de'i steng 'jig rten gyi khams sangs rgyas kyi zhing gi rdul shin 
tu phra ba snyed 'das pa na/ 'jig rten gyi khams me tog dpal gyi gzi brjid kyi dkyil 'khor ces bya ba 'jig rten gyi khams sangs rgyas kyi zhing drug gi rdul shin tu phra ba snyed kyi 'khor gyis bskor ba/ rnam par dag cing kun nas nyon mongs pa/ nor bu rin po che 
thams cad kyis brtan par bsgrubs pa'i rgya mtsho la rab tu gnas pa/ zur gsum gyi dbyibs su 'dug pa/ byang chub sems dpa'i nor bu'i cod pan gyi 'od dang / 'od zer gyis kun nas yog pa yod de/ de na de bzhin gshegs pa dge ba dri ma med pa kun tu 
snang ba zhes bya ba bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na/ 'jig rten gyi khams rin po che'i pad+mos brgyan pa zhes bya ba/ 'jig rten gyi khams sangs rgyas kyi zhing bdun gyi rdul shin tu phra ba snyed kyi 
'khor gyis bskor ba/ gcig tu dag pa pad+mo'i rgyan thams cad kyi rgya mtsho la rab tu gnas pa/ zla ba kham pa'i dbyibs ltar 'dug pa/ rin po che thams cad kyi me tog gi dkyil 'khor gyi sprin gyis kun nas yog pa yod de/de na de bzhin gshegs pa spyan 
rnam par dag pa me tog gi dpal zhes bya ba bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na/ 'jig rten gyi khams 'od 'phro ba'i dbyings dri ma med pas yang dag par bstsags pa zhes bya ba 'jig rten gyi khams/ sangs 
rgyas kyi zhing brgyad kyi rdul shin tu phra ba snyed kyi 'khor kyis bskor ba/ kun nas nyon mongs shing rnam par dag pa/ rin po che'i 'od mang po'i rgya mtsho la rab tu gnas pa/ rin po che rim gyis gzhol ba'i 'od 'phro ba snang ba'i dbyibs ltar 'dug pa/ rtag tu spos kyi char 'bebs pa'i lus sna tshogs </font><hr>35-1-118b<br><font size=+1>
kyi sprin gyis kun nas yog pa yod de/ de na de bzhin gshegs pa stobs la thub pa med pa'i blo gros shin tu 'byung ba zhes bya ba bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na/ 'jig rten gyi khams tshangs pa'i 'od bzang po zhes bya ba 'jig rten gyi khams sangs rgyas kyi zhing dgu'i rdul shin 
tu phra ba snyed kyi 'khor gyis bskor ba/ rnam par dag cing kun nas nyon mongs pa rin po che'i gos kyi rgyal mtshan gyi rgya mtsho la rab tu gnas pa/ dga' ba 'khyil pa'i dbyibs ltar 'dug pa/ me tog thams cad kyi rgyan gyi bla re'i sprin gyis kun nas yog pa yod 
de/ de na de bzhin gshegs pa nam mkha' yangs pa'i spyan zla ba zhes bya ba bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na/ 'jig rten gyi khams dbyangs rdul dang mnyam pa zhes bya ba 'jig rten gyi 
khams sangs rgyas kyi zhing bcu'i rdul shin tu phra ba snyed kyi 'khor gyis bskor ba/ gcig tu dag pa rin po che sna tshogs kyi chu yi rgya mtsho la rab tu gnas pa/ mig 'phrul gyi dbyibs ltar 'dug pa sil snyan thams cad kyi sgra dang / nor bu'i rgyal po'i gdugs 
kyi sprin gyis kun nas yog pa yod de/ de na de bzhin gshegs pa gser shin tu 'bar ba'i ri rab mar me zhes bya ba bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na/ 'jig rten gyi khams rin po 
che'i kha dog gis brgyan pa zhes bya ba 'jig rten gyi khams sangs rgyas kyi zhing bcu gcig gi rdul shin tu phra ba snyed kyi 'khor gyis bskor ba/ kun nas nyon mongs shing rnam par dag pa brgya byin gyi lus kyi dbyibs ltar 'jug pa/ nor bu'i rgyal po'i rgya mtsho la rab tu 
gnas pa/ nyi ma'i sprul pa'i me tog gi rgyal mtshan gyi sprin gyis kun nas yog pa yod de/ de na de bzhin gshegs pa ye shes kyi dpal shin tu 'phags pas chos kyi dbyibs su rab tu snang ba zhes bya ba bzhugs so/ /de'i steng 'jig rten gyi khams </font><hr>35-1-119a<br><font size=+1>
sangs rgyas kyi zhing gi rdul shin tu phra ba snyed 'das pa na/ 'jig rten gyi khams 'od bzang po gser gyi kha dog ces bya ba 'jig rten gyi khams sangs rgyas kyi zhing bcu gnyis kyi rdul shin tu phra ba snyed kyi 'khor gyis bskor ba rnam par dag cing kun 
nas nyon mongs pa rin po che'i rgyan thams cad kyi rgya mtsho la rab tu gnas pa/ mkhar gyi dbyibs ltar 'dug pa/ snying po byang chub kyi me tog rin po che shin tu rgyas pa'i sprin gyis kun nas yog pa yod de/ de na de bzhin gshegs pa rin po che'i sgron ma kun tu 
snang ba'i dpal zhes bya ba bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na/ 'jig rten gyi khams rnam par snang ba'i 'od zer 'khor lo zhes bya ba 'jig rten gyi khams sangs rgyas kyi zhing bcu gsum 
gyi rdul shin tu phra ba snyed kyi 'khor gyis bskor ba gcig tu dag pa/ rin po che'i gos kyi glong gi rgya mtsho la rab tu gnas pa/ me tog gi ze ba'i dbyibs ltar 'dug pa/ nor bu'i rgyal po sangs rgyas kyi gsung dang dbyangs sgrog pa'i sprin gyis kun nas yog pa 
yod de/ de na de bzhin gshegs pa dpal 'bar ba'i pad+mo la rnam par rol pas shin tu rnam par snang ba zhes bya ba bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na/ 'jig rten gyi khams rin po che'i 
snying pos bsgrubs pa'i dam pa zhes bya ba 'jig rten gyi khams sangs rgyas kyi zhing bcu bzhi'i rdul shin tu phra ba snyed kyi 'khor gyis bskor ba/ kun nas nyon mongs shing rnam par dag pa/ rin po che'i phreng ba'i rgya mtsho la rab tu gnas pa/ gling bzhi'i dbyibs 
ltar 'dug pa/ rin po che'i 'od 'phro ba rab tu stug po 'byung ba'i nor bu'i rgyal po'i sprin gyis kun nas yog pa yod de/ de na de bzhin gshegs pa bsod nams mi zad pa'i me tog shin tu rgyas pa'i gzi brjid ces bya ba bzhugs so/ /de'i steng 'jig rten </font><hr>35-1-119b<br><font size=+1>
gyi khams sangs rgyas kyi zhing gi rdul shin tu phra ba snyed 'das pa na/ 'jig rten gyi khams me long gi mdog ltar rnam par snang ba zhes bya ba 'jig rten gyi khams sangs rgyas kyi zhing bco lnga'i rdul shin tu phra ba snyed kyi 'khor gyis bskor ba/ rnam par dag cing kun 
nas nyon mongs pa rdo rje'i pad+mo'i rgya mtsho la rab tu gnas pa/ lha ma yin gyi lus kyi dbyibs ltar 'dug pa/ byang chub sems dpa'i lus mig yor gyi sprin rin po che'i cod pan 'bar ba'i lus can gyis kun nas yog pa yod de/ de na de bzhin gshegs 
pa spyod pa'i stobs bdud rtsi'i sgra dbyangs zhes bya ba bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na/ 'jig rten gyi khams tsan+dan mchog ltar yid du 'ong ba'i zla bas brgyan pa zhes bya ba 'jig 
rten gyi khams sangs rgyas kyi zhing bcu drug gi rdul shin tu phra ba snyed kyi 'khor gyis bskor ba gcig tu dag pa rdo rje ltar mkhregs pa'i tsan+dan rin po che'i rgya mtsho la rab tu gnas pa yan lag brgyad du bkod pa'i dbyibs ltar 'dug pa/ mu tig gi me tog 
mang po shin tu rgyas pa'i nor bu'i rgyal po'i sprin gyis kun nas yog pa yod de/ de na de bzhin gshegs pa chos dam pa thugs su chud pas shin tu 'phags pa'i dpal gyi gzi brjid yang dag par 'byung ba zhes bya ba bzhugs so/ /de'i steng 'jig 
rten gyi khams sangs rgyas kyi zhing gi rdul shin tu phra ba snyed 'das pa na/ 'jig rten gyi khams gzhi dri ma med cing kun tu snang ba zhes bya ba 'jig rten gyi khams sangs rgyas kyi zhing bcu bdun gyi rdul shin tu phra ba snyed kyi 'khor gyis bskor ba/ kun nas 
nyon mongs shing rnam par dag pa/ rin po che'i 'od kha dog mtha' yas pa'i rgya mtsho la rab tu gnas pa/ spos chu'i glong gi dbyibs ltar 'dug pa/ dri zhim po'i 'od kyi dkyil 'khor gyi sprin gyis kun nas yog pa yod de/ de na de bzhin gshegs pa 'od </font><hr>35-1-120a<br><font size=+1>
kun tu gsal ba'i dbyangs nam mkha' rnam par snang ba zhes bya ba bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na/ 'jig rten gyi khams me tog gi mdog bzang pos rab tu brgyan 
pa zhes bya ba 'jig rten gyi khams sangs rgyas kyi zhing bcwo brgyad kyi rdul shin tu phra ba snyed kyi 'khor gyis bskor ba/ rnam par dag cing kun nas nyon mongs pa/ me tog sna tshogs kyi rgya mtsho la rab tu gnas pa/ sangs rgyas dran pa'i klong gi 
dbyibs su 'dug pa/ sil snyan gyi sgra dbyangs thams cad 'byung ba'i nor bu'i rgyal po'i sprin gyis kun nas yog pa yod de/ de na de bzhin gshegs pa kun tu zhal ston pas shin tu 'phags pa'i 'od ces bya ba bzhugs so/ /de'i steng 'jig rten gyi khams 
sangs rgyas kyi zhing gi rdul shin tu phra ba snyed 'das pa na/ 'jig rten gyi khams mtshan gyis rab tu brgyan pa'i dpal gyi dbyangs shes bya ba 'jig rten gyi khams sangs rgyas kyi zhing bcu dgu'i rdul shin tu phra ba snyed kyi 'khor gyis bskor ba rnam par dag cing kun nas 
nyon mongs pa/ gser gyi seng ge'i khri rgya mtsho la rab tu gnas pa/ seng ge'i khri'i dbyibs ltar 'dug pa/ seng ge'i khri pad+mo kha dog sna tshogs kyi snying po can gyi sprin gyis kun nas yog pa yod de/ de na de bzhin gshegs pa yon tan mu med par rnam 
par snang bas grags pa'i 'od ces bya ba bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na/ 'jig rten gyi khams ri rab dpal gyi sgron ma zhes bya ba 'jig rten gyi khams sangs rgyas kyi zhing nyi shu'i rdul shin tu phra ba snyed 
kyi 'khor gyis bskor ba gcig tu dag pa/ rin po che'i gos dang spos kyi rgyal mtshan rgya mtsho la rab tu gnas pa/ sangs rgyas kyi phyag gi dkyil 'khor gyi dbyibs su 'dug pa/ nor bu'i rgyal po nyi ma'i 'khor lo bsam gyis mi khyab pa rnam par snang ba'i khang pa </font><hr>35-1-120b<br><font size=+1>
brtsegs pa'i sprin gyis kun nas yog pa yod de/ de na de bzhin gshegs pa 'od zer gyi sgron ma nam mkha' kun tu snang ba bzhugs so/ /de dang 'dab chags su lho phyogs logs na spos chu'i rgya mtsho 'od kyi dkyil 'khor mi zad pa 'byung ba zhes bya ba yod de/ 
de la 'jig rten gyi khams kyi rgyud sangs rgyas kyi rgyal mtshan gyi gtsug rnam par bres pa zhes bya ba sangs rgyas thams cad kyi yon tan rgya mtsho'i sgra yi lhun can la rab tu gnas so/ /de thams cad kyi 'og na 'jig rten gyi khams me tog yid du 'ong bar snang ba zhes bya ba 'jig 
rten gyi khams sangs rgyas kyi zhing gi rdul shin tu phra ba snyed kyi 'khor gyis bskor ba gcig tu dag pa/ nor bu'i rgyal po shing gi snying po'i rgya mtsho la rab tu gnas pa/ nor bu'i dkyil 'khor rin po che dam pa thams cad las byang chub sems dpa'i lus su sprul pa'i sprin 
gyis kun nas yog pa yod de/ de na de bzhin gshegs pa zhal mthong na dga' ba pad+mo snang ba zhes bya ba bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na/ 'jig rten gyi khams rgyan 'thun par bres pas brgyan pa zhes bya ba 
yod de/ de na de bzhin gshegs pa rin chen ri rab sgron ma zhes bya ba bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na/ 'jig rten gyi khams rgyan gyi 'od rin po che thams cad kyi kha dog tu snang ba zhes bya ba 
yod de/ de na de bzhin gshegs pa chos kyi dbyings shin tu sprul pa'i dbyangs kyi dpal zhes bya ba bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na/ 'jig rten gyi khams spos kyi snying po rdo rje'i rgyan zhes 
bya ba yod de/ de na de bzhin gshegs pa 'od gzer rdo rje rnam par snang ba'i dbyangs kyi yan lag sgra dbyangs shes bya ba bzhugs so/ /gzhung de bzhin du de'i steng na 'jig rten gyi khams rnyog pa med pa'i dbyangs shes bya ba yod de/ de na de bzhin gshegs pa brtson 'grus kyi stobs </font><hr>35-1-121a<br><font size=+1>
la thub pa med pa'i zla ba zhes bya ba bzhugs so/ /de'i steng na 'jig rten gyi khams rin po che'i pad+mos rab tu brgyan pas shin tu dri ma med pa zhes bya ba yod de/ de na de bzhin gshegs pa chos kyi grong khyer gyi blo gros rab tu sgrog pa'i sgra dbyangs zhes bya ba 
bzhugs so/ /de'i steng na 'jig rten gyi khams bde ba skyed pa zhes bya ba yod de/ de na de bzhin gshegs pa phyogs bcur snyan pa rnam par grags pa'i ye shes sgron ma zhes bya ba bzhugs so/ /de'i steng na 'jig rten gyi khams gzhi dri ma med cing dri ma dang bral ba'i 
dra ba zhes bya ba yod de/ de na de bzhin gshegs pa seng ge'i 'od zer yon tan rgya mtsho yongs su rgyas pa zhes bya ba bzhugs so/ /de'i steng na 'jig rten gyi khams nags tshal gyi rgyal mtshan rnam par snang ba zhes bya ba yod de/ de na de bzhin gshegs pa ye 
shes kyi me tog pad+mo kun tu rgyas pa'i 'od ces bya ba bzhugs so/ /de'i steng na 'jig rten gyi khams rgyan du mas rab tu brgyan pa zhes bya ba yod de/ de na de bzhin gshegs pa spyan gyis kun tu khyab pa chos kyi dbyings kyi dpal gyi rgyal mtshan zhes bya ba bzhugs so/ /
de'i steng na 'jig rten gyi khams rin po che las bsgrubs pa'i rgyan kun tu snang ba zhes bya ba yod de/ de na de bzhin gshegs pa blo gros dam pa bzang po'i ded dpon zhes bya ba bzhugs so/ /de'i steng na 'jig rten gyi khams sangs rgyas kyi zhing gi rdul shin tu phra ba snyed 
'das pa na/ 'jig rten gyi khams ze ba'i rgyal po zhes bya ba yod de/ de na de bzhin gshegs pa 'od mdzad pa zla ba'i dpal zhes bya ba bzhugs so/ /de'i steng na 'jig rten gyi khams sangs rgyas kyi zhing gi rdul shin tu phra ba snyed 'das pa na/ 
'jig rten gyi khams mdzod dri ma med pa'i rgyan zhes bya ba yod de/ de na de bzhin gshegs pa tshangs pa rnam par sangs rgyas pa'i gzi brjid ces bya ba bzhugs so/ /gzhung de bzhin du de'i steng na 'jig rten gyi khams rin po che'i 'od kyi lhun can </font><hr>35-1-121b<br><font size=+1>
zhes bya ba yod de/ de na de bzhin gshegs pa thams cad mkhyen pa nyid kyi stobs nam mkha'i sgron ma zhes bya ba bzhugs so/ /de'i steng na 'jig rten gyi khams rin po che'i glog gi phreng ba rab tu 'byung ba zhes bya ba yod de/ de na de bzhin gshegs 
pa pha rol tu phyin pa thams cad kyi bsod nams rgya mtsho'i mtshan nyid gzi brjid ces bya ba bzhugs so/ /de'i steng na 'jig rten gyi khams 'khor lo'i tshon gyis kun nas khyab pa zhes bya ba yod de/ de na de bzhin gshegs pa chags pa thams cad rnam par 
gdul bas dga' ba mdzad pa zhes bya ba bzhugs so/ /de'i steng na 'jig rten gyi khams rin po che'i ze ba yid du 'ong ba'i rgyal mtshan ces bya ba yod de/ de na de bzhin gshegs pa grags pa chen po dang / yon tan yangs pa'i 
dbyangs rnam par snang ba zhes bya ba bzhugs so/ /de'i steng na 'jig rten gyi khams bsam gyis mi khyab pa'i rgyan gyis kun tu brgyan pas mdzes pa zhes bya ba yod de/ de na de bzhin gshegs pa ye shes ma 'dres pa'i 'od zer yon tan 
rgya mtsho zhes bya ba bzhugs so/ /de'i steng na 'jig rten gyi khams sangs rgyas kyi zhing gi rdul shin tu phra ba snyed 'das pa na/ 'jig rten gyi khams 'od mi zad pa'i rgyal mtshan zhes bya ba 'jig rten gyi khams sangs rgyas kyi zhing 
nyi shu'i rdul shin tu phra ba snyed kyi 'khor gyis bskor ba gcig tu dag pa rin po che thams cad kyi chu'i rgya mtsho la rab tu gnas pa/ pad+mo'i rgyan gyi dbyibs ltar 'dug pa/ nor bu'i rgyal po pad+mo snang ba'i bla re'i dra bas kun nas yog pa 
yod de/ de na de bzhin gshegs pa chos kyi dbyings tshad med pa dri ma med pa'i 'od ces bya ba bzhugs so/ /de'i lho phyogs logs na spos chu'i rgya mtsho rdo rje'i dpal rin po che 'od 'phro ba rab tu snang ba zhes bya ba yod de/ de la 'jig rten gyi khams kyi rgyud sangs rgyas kyi </font><hr>35-1-122a<br><font size=+1>
'od kyis rab tu brgyan pa'i snying po zhes bya ba/ de na de bzhin gshegs pa thams cad kyi mtshan gyi 'khor lo rjes su sgrog pa'i lus can rab tu gnas te/ de thams cad kyi 'og na 'jig rten gyi khams rin po che'i 'od 'phro ba pad+mo rab tu 'gyed pa zhes 
bya ba 'jig rten gyi khams sangs rgyas kyi zhing gi rdul shin tu phra ba snyed kyi 'khor gyis bskor ba/ gcig tu dag pa rin po che thams cad kyi kha dog lta bu'i chu'i glong rgya mtsho la rab tu gnas pa rin po che'i go cha dang mdzod spu'i dbyibs ltar 'dug pa/ rgyan gyi dmigs pa dang khang pa 
brtsegs pa thams cad kyi sprin gyis kun nas yog pa yod de/ de na de bzhin gshegs pa rin po che rnam par dag pa'i 'od ces bya ba bzhugs so/ /de'i steng na 'jig rten gyi khams sangs rgyas kyi zhing gi rdul shin tu phra ba snyed 'das pa na/ 'jig rten gyi khams gzi 
brjid 'od 'phro ba'i snying po zhes bya ba yod de/ de na de bzhin gshegs pa rnam par 'phrul pa la chags pa med pa'i 'od kyi blo gros zhes bya ba bzhugs so/ /gzhung de bzhin du de'i steng na 'jig rten gyi khams rin po che'i 'khor lo gzhi mnyam pa'i rgyan ces bya ba yod de/ de 
na de bzhin gshegs pa rin po che'i 'od zer kun tu 'byung ba zhes bya ba bzhugs so/ /de'i steng na 'jig rten gyi khams tsan+dan gyi shing gi ze ba'i rgyal mtshan zhes bya ba yod de/ de na de bzhin gshegs pa dmigs pa thams cad rnam par dag pas gti mug med 
pa'i 'od zer ces bya ba bzhugs so/ /de'i steng na 'jig rten gyi khams sangs rgyas kyi zhing gi yon tan gyi dkyil 'khor rnam par shin tu phye ba'i rgyan ces bya ba yod de/ de na de bzhin gshegs pa zhal mthong na dga' ba yangs pa skye ba tshangs pa'i dbyangs thugs 
su chud pa zhes bya ba bzhugs so/ /de'i steng na 'jig rten gyi khams 'od srab pa'i rgyan tu snang ba zhes bya ba yod de/ de na de bzhin gshegs pa chos kyi dbyings la rnam par rol pa'i ye shes shin tu yangs pa'i dpal zhes bya ba bzhugs so/ /de'i steng na 'jig </font><hr>35-1-122b<br><font size=+1>
rten gyi khams kha dog dang dbyibs mu med pa zhes bya ba yod de/ de na de bzhin gshegs pa ye shes thogs pa med pa yang dag par 'byung ba'i blo gros zhes bya ba bzhugs so/ /de'i steng na 'jig rten gyi khams 'od 'phro ba'i sprin stug po'i rgyal mtshan zhes bya ba yod de/ 
de na de bzhin gshegs pa phyir mi ldog pa'i chos kyi 'khor lo rab tu sgrog pa zhes bya ba bzhugs so/ /de'i steng na 'jig rten gyi khams rin po che'i rgyan sna tshogs yongs su dag pa'i dkyil 'khor ces bya ba yod de/ de na de bzhin gshegs pa gzugs yongs su sbyangs pa'i 
mtshan gyi me tog shin tu rgyas pa'i gzi brjid ces bya ba bzhugs so/ /de'i steng na 'jig rten gyi khams 'byung ba shin tu 'byam klas pa zhes bya ba yod de/ de na de bzhin gshegs pa nyi ma'i spyan chags pa med pa zhes bya ba bzhugs so/ /de'i steng na 'jig rten gyi 
khams sangs rgyas kyi zhing gi rdul shin tu phra ba snyed 'das pa na/ 'jig rten gyi khams rdo rje'i gdan brtan pa bsgrubs pas dpal rab tu 'byung ba zhes bya ba yod de/ de na de bzhin gshegs pa chos kyi dbyings la ye shes kyi sku shin tu 'phags pa'i 'od ces bya ba bzhugs so/ /
de'i steng na 'jig rten gyi khams sangs rgyas kyi zhing rdul shin tu phra ba snyed 'das pa na/ 'jig rten gyi khams phyogs shin tu brgyan pa rmongs pa med pa zhes bya ba yod de/ de na de bzhin gshegs pa skyes bu mkhas pa'i sgron ma rab tu snang ba zhes bya ba bzhugs so/ /
de'i steng na 'jig rten gyi khams pad+mo'i nags tshal zab mo'i sgra zhes bya ba yod de/ de na de bzhin gshegs pa yon tan thams cad kyis thams cad mkhyen pa'i spyod pa zab mo rnam par snang mdzad ces bya ba bzhugs so/ /de'i steng na 'jig rten gyi khams kha dog dang 'od tha dad 
pa zhes bya ba yod de/ de na de bzhin gshegs pa kun tu snang ba'i me tog gi sprin gyi rgyal mtshan zhes bya ba bzhugs so/ /de'i steng na 'jig rten gyi khams rin po che'i sgo sna tshogs kyi rgyal mtshan zhes bya ba yod de/ de na de bzhin gshegs pa yon tan kun nas mchog tu snang ba </font><hr>35-1-123a<br><font size=+1>
zhes bya ba bzhugs so/ /de'i steng na 'jig rten gyi khams nor bu'i mdzod spus bsgrubs pa'i ze ba'i 'od ces bya ba yod de/ de na de bzhin gshegs pa dbyangs kun tu rab tu sgrog pa'i gsung zhes bya ba bzhugs so/ /de'i steng na 'jig rten gyi khams shugs zabs 
mo'i gang chen mtsho zhes bya ba yod de/ de na de bzhin gshegs pa 'od zer phyogs su gsal bas sems can gyi rgyan gyi rgyal po rab tu snang ba zhes bya ba bzhugs so/ /de'i steng na 'jig rten gyi khams ri rab kyi rtse mo 'bar ba'i 'od ces bya ba yod de/ de na de bzhin gshegs pa mnyam pa'i ye shes 
mchog gi chos kyi dbyings la mngon par 'phags pa'i dbyangs zhes bya ba bzhugs so/ /de'i steng na 'jig rten gyi khams gser gyi pad+mo dri ma med pa zhes bya ba yod de/ de na de bzhin gshegs pa bsod nams dri ma med pa'i mdzod kun nas snang ba'i 'od ces bya ba bzhugs so/ /de'i steng na 'jig 
rten gyi khams sangs rgyas kyi zhing gi rdul shin tu phra ba snyed 'das pa na/ 'jig rten gyi khams nor bus bsgrubs pa'i snying po zhes bya ba 'jig rten gyi khams sangs rgyas kyi zhing nyi shu'i rdul shin tu phra ba snyed kyi 'khor gyis bskor ba gcig tu dag pa rgyan dang / spos dang nor bu dang shing thams cad kyi rgya mtsho la 
rab tu gnas pa dbyibs dpal gyi be'u ltar 'dug pa 'od kyi dkyil 'khor rnam par dag pa'i sprin gyis kun nas yog pa yod de/ de na de bzhin gshegs pa 'od kun tu 'byung bas dpal chen po'i dra ba rnam par snang ba'i dpal zhes bya ba bzhugs so/ /de nas lho phyogs logs na spos chu'i rgya mtsho rin po che iN+Da nI 
las rab tu brgyan pa'i rgyan zhes bya ba yod de/ de nas 'jig rten gyi khams kyi rgyud snang ba phyogs rnam par 'byed pa zhes bya ba spos thams cad kyis rab tu brgyan pa'i rgyan gyi pad+mo'i sprin la rab tu gnas pa sangs rgyas kyi spyod pa dang gsung mtha' dang dbung med pa'i lhun can mngon par 'byung ba yod de/ de 
thams cad kyi 'og na 'jig rten gyi khams yon tan gyi mdzod phyogs su mi zad pa'i dkyil 'khor ces bya ba 'jig rten gyi khams sangs rgyas kyi zhing rdul shin tu phra ba snyed kyi 'khor gyis bskor ba gcig tu dag pa rin po che sna tshogs kyi mdzod kha dog mtha' yas pa'i rgya mtsho la rab tu gnas pa/</font><hr>35-1-123b<br><font size=+1>
zur du ma'i dbyibs su 'dug pa rgyan mig 'phrul lta bu thams cad kyis kun nas yog pa yod de/ de na de bzhin gshegs pa rnam par snang mdzad pad+mo'i spyan rnam par snang ba'i 'od ces bya ba bzhugs so/ /de'i steng na 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams dge ba'i 
tshogs kyis rab tu grol ba'i snying po zhes bya ba yod de/ de na de bzhin gshegs pa bla na med pa'i seng ge'i blo gros chen po zhes bya ba bzhugs so/ /de'i steng na 'jig rten gyi khams sangs rgyas kyi zhing gi rdul shin tu phra ba snyed 'das pa na/ 'jig rten gyi khams pad+mo'i gdan yongs su 'byung ba 
zhes bya ba yod de/ de na de bzhin gshegs pa chos kyi dbyings su dpal gyi 'od zer 'byam klas pas rnam par snang ba'i rgyal po zhes bya ba bzhugs so/ /gzhung de bzhin du de'i steng na 'jig rten gyi khams rin po che'i rgyal mtshan sgra mnyam par sgrog pa zhes bya ba yod de/ de na de bzhin gshegs pa yon tan 
shin tu rgya che ba'i grags pas kun tu khyab pa zhes bya ba bzhugs so/ /de'i steng na 'jig rten gyi khams nor bu rdo rje ltar brtan pa'i rgyan gyi snying po zhes bya ba yod de/ de na de bzhin gshegs pa nyi ma ltar shin tu 'phags pa'i gzi brjid ces bya ba bzhugs so/ /de'i steng na 'jig rten gyi khams zla ba dbang phyug gi me tog gi ze ba zhes bya ba 
yod de de na de bzhin gshegs pa chos kyi dbang phyug ye shes kyi dpal zhes bya ba bzhugs so/ /de'i steng na 'jig rten gyi khams tshon gyi 'khor lo'i gzhi dang snying po zhes bya ba yod de/ de na de bzhin gshegs pa dga' ba yangs pa dri ma med pa'i 'od tshangs pa'i dbyangs zhes bya ba bzhugs so/ /de'i steng na 
'jig rten gyi khams sgra sna tshogs kyi snying po zhes bya ba yod de de na de bzhin gshegs pa stobs chen po'i dpal bzang po'i ded dpon zhes bya ba bzhugs so/ /de'i steng na 'jig rten gyi khams blta na don yod pa'i zla ba zhes bya ba yod de/ de na de bzhin gshegs pa ye shes kyi stobs ri rab kyi gzi 
brjid ces bya ba bzhugs so/ /de'i steng na 'jig rten gyi khams tshad med pa'i rgyan dang / dbyibs shes bya ba yod de/ de na de bzhin gshegs pa dge ba'i zla ba smon lam gyi tshul gyi 'od zer zhes bya ba bzhugs so// //</font><hr>35-1-124a<br><font size=+1>
sangs rgyas rmad ga cad ces bya ba shin tu rgyas pa chen po'i mdo/bam po bcu pa/ /gzhung de bzhin du de'i steng na 'jig rten gyi khams me tog sna tshogs rab tu bkye ba'i dbyangs shes bya ba yod de/ de na de bzhin gshegs pa chos rgya mtsho'i 
smon lam rab tu sgrog pa'i dbyangs shes bya ba bzhugs so/ /de'i steng na 'jig rten gyi khams rin po che thams cad kyi glong gis rab tu brgyan pa zhes bya ba yod de/ de na de bzhin gshegs pa yon tan rin po che'i mtshan gyis yang dag par brgyan pa'i 'od ces bya ba bzhugs so/ /de'i 
steng na 'jig rten gyi khams sra zhing mi shigs pa'i gzhi yongs su 'byung ba zhes bya ba yod de/ de na de bzhin gshegs pa sgra dbyangs kyi gsung snyan dam pa'i lha zhes bya ba bzhugs so/ /de'i steng na 'jig rten gyi khams gzhi thams cad nas 'od kyi sprul pa bzang po zhes bya ba yod de/ de na de 
bzhin gshegs pa brtson 'grus zhi ba mchog gi blo gros zhes bya ba bzhugs so/ /de'i steng na 'jig rten gyi khams rgyan shin tu bsrungs pas spyod pa zhes bya ba yod de/ de na de bzhin gshegs pa 'gro ba mngon sum du dga' bar lta ba zhes bya ba bzhugs so/ /de'i steng na 'jig rten 
gyi khams in+d+ra nI la dang / tsan dan gyi snying po zhes bya ba yod de/ de na de bzhin gshegs pa mi sgul ba zab pa 'od zer rnam par snang ba bsam gyis mi khyab pa'i blo gros shes bya ba bzhugs so/ /de'i steng na 'jig rten gyi khams kha dog rgya mtsho sna tshogs ston pa zhes bya ba 
yod de/ de na de bzhin gshegs pa kun tu 'od rab tu 'gyed pa bsam gyis mi khyab pa'i don mngon par mdzes pa zhes bya ba bzhugs so/ /de'i steng na 'jig rten gyi khams phyogs bcu'i sprul pa shin tu 'bar ba'i 'od ces bya ba yod de/ de na de bzhin gshegs pa yon tan gyi 
gzi brjid dam pa mnyam pa med pa zhes bya ba bzhugs so/ /de'i steng na 'jig rten gyi khams ri rab kyi sprin gyi rgyal mtshan zhes bya ba yod de/ de na de bzhin gshegs pa shugs kyi 'od tshangs pa'i spyan zhes bya ba bzhugs so/ /de'i steng na 'jig rten gyi khams sangs rgyas kyi zhing gi rdul </font><hr>35-1-124b<br><font size=+1>
shin tu phra ba snyed 'das pa na/ 'jig rten gyi khams pad mo rnam par snang ba zhes bya ba 'jig rten gyi khams sangs rgyas kyi zhing nyi shu'i rdul shin tu phra ba snyed kyi 'khor gyis bskor ba/ gcig tu dag pa spos dang / nor bu'i char kha dog mtha' yas pa 'bebs pa'i rgya mtsho la rab tu gnas pa kun nas 
zlum pa rgyan dang theg pa mang pos kun nas yog pa yod de/ de na de bzhin gshegs pa rnam par grol ba brtson 'grus nyi ma'i 'od zer ces bya ba bzhugs so/ /de nas lho phyogs logs na spos chu'i rgya mtsho rdo rje brtan pas bsgrubs pa gzhi'i 'khor lo zhes bya ba yod de/ de'i 'jig rten gyi khams kyi 
rgyud mig 'phrul gyi rnam par bye ba'i dra ba'i bye brag ces bya ba/byang chub sems dpa' kun tu bzang po'i ye shes thams cad yang dag par 'byung ba'i dbyangs kyi lhun can yod de/ de thams cad kyi 'og na 'jig rten gyi khams pad+mo'i dra ba 'khor lo'i sprin ces bya ba/ 'jig rten gyi khams sangs rgyas 
kyi zhing gi rdul shin tu phra ba snyed kyi 'khor gyis bskor ba gcig tu dag pa/ man shel gyi me tog sna tshogs kyi rgyal mtshan gyi rgya mtshos brtan pa ri rab kyi dbyibs ltar 'dug pa/ nor bu'i rgyal po sangs rgyas thams cad kyi yul mig 'phrul lta bu'i sprin gyis kun nas yog pa yod de/ de na 
de bzhin gshegs pa chos kyi sku kun nas rnam par sangs rgyas pa'i blo gros zhes bya ba bzhugs so/ /gzhung de bzhin du de'i steng na 'jig rten gyi khams 'od zer phra mo mi zad pa'i 'od ces bya ba yod de/ de na de bzhin gshegs pa thugs dam pa'i mchog shin tu yangs pa'i blo 
gros zhes bya ba bzhugs so/ /de'i steng na 'jig rten gyi khams dpal gyi chu bo kun nas snang ba rab tu 'gyed pa zhes bya ba yod de/ de na de bzhin gshegs pa bsod nams chen po bla na med pa'i sprin mi zad pa'i gzi brjid ces bya ba bzhugs so/ /de'i steng na 'jig rten gyi khams 
shing dang me tog nye bar gyur pa'i rgyal mtshan zhes bya ba yod de/ de na de bzhin gshegs pa ye shes dang / chos kyi dbyings mu med pa'i gsung zhes bya ba bzhugs so/ /de'i steng na 'jig rten gyi khams mu tig gis yog pa'i 'od ces bya ba yod de/ de na de bzhin gshegs pa seng </font><hr>35-1-125a<br><font size=+1>
ge pha rol tu phyin pa rnam par bsgyings pa zhes bya ba bzhugs so/ /de'i steng na 'jig rten gyi khams mtha' yas pa'i 'khor lo dbyangs rab tu gtong ba zhes bya ba yod de/ de na de bzhin gshegs pa thams cad mkhyen pa'i stobs dang brtson 'grus shin tu 
thugs su chud pa'i blo gros zhes bya ba bzhugs so/ /de'i steng na 'jig rten gyi khams shing mdzes pa'i phung po zhes bya ba yod de/ de na de bzhin gshegs pa sgo kun nas rnam par dmigs par 'gro ba mngon du ston pa zhes bya ba bzhugs so/ /de'i steng na 'jig rten gyi khams 
seng ge'i dpal gyi 'od dra ba zhes bya ba yod de/ de na de bzhin gshegs pa gser gyi 'od dri ma med pa nyi ma'i 'od 'phro ba'i sprin ces bya ba bzhugs so/ /de'i steng na 'jig rten gyi khams sangs rgyas kyi zhing gi rdul shin tu phra ba snyed 'das pa na/ 'jig rten gyi khams rin po che mang 
po rnam par bkod pa zhes bya ba yod de/ de na de bzhin gshegs pa dbang po dam pa'i blo gros kyi dpal zhes bya ba bzhugs so/ /de'i steng na 'jig rten gyi khams gzhi snang zhing dri ma med pa zhes bya ba yod de/ de na de bzhin gshegs pa mthu stobs dri ma med pa'i zla ba zhes bya ba bzhugs so/ /
de'i steng na 'jig rten gyi khams sangs rgyas kyi yon tan dang bsngags pa rab tu 'gyed pa'i dbyangs shes bya ba yod de/ de na de bzhin gshegs pa nam mkha' lta bur mtshan nyid kun tu rnam par sangs rgyas pa'i blo gros zhes bya ba bzhugs so/ /de'i steng na 'jig rten gyi khams 'od 'phro 
mthon po'i snying po zhes bya ba yod de/ de na de bzhin gshegs pa phyogs bcu'i sprul pa rgya chen po'i sprin gyi rgyal mtshan zhes bya ba bzhugs so/ /de'i steng na 'jig rten gyi khams snying po brgyan pa'i 'od ces bya ba yod de/ de na de bzhin gshegs pa mnyam pa med par mkhas pas 
spyod pa rnam par snang ba zhes bya ba bzhugs so/ /de'i steng na 'jig rten gyi khams sangs rgyas kyi zhing gi rdul shin tu phra ba snyed 'das pa na/ 'jig rten gyi khams rin po che thams cad kyi rgyan gyi klong rab tu 'byung ba zhes bya ba yod de/ de na de bzhin gshegs pa 'gro ba bsam gyis </font><hr>35-1-125b<br><font size=+1>
mi khyab pa la thugs brtse ba'i rnam par thar pa mngon par mkhyen pa'i rgyal po zhes bya ba bzhugs so/ /de'i steng na 'jig rten gyi khams khyim dga' bas rab tu brgyan pa zhes bya ba'i 'od ces bya ba yod de/ de na de bzhin gshegs pa don thams cad grub pa'i ri rab ces bya ba bzhugs so/ /
de'i steng na 'jig rten gyi khams rdul dang bral ba zhes bya ba yod de/ de na de bzhin gshegs pa mnyan pa dang / rnam par rig pa dang mthong ba don yod pa zhes bya ba bzhugs so/ /de'i steng na 'jig rten gyi khams me tog dang nor bu mang po'i rgyal mtshan ces bya ba yod de/ de na de bzhin 
gshegs pa yid du 'ong ba'i dbyangs kyi dpal zhes bya ba bzhugs so/ /de'i steng na 'jig rten gyi khams sangs rgyas kyi zhing gi rdul shin tu phra ba snyed 'das pa na/ 'jig rten gyi khams sgo kun tu lta ba'i sprin gyi snying po zhes bya ba 'jig rten gyi khams sangs rgyas kyi zhing nyi shu'i rdul 
shin tu phra ba snyed kyi 'khor gyis bskor ba/ gcig tu dag pa lus dang khyim sna tshogs kyi spos kyi chu bo la rab tu gnas pa rnam par rgyal ba rab tu phye ba'i khang pa brtsegs pa'i dbyibs ltar 'dug pa/ rin po che thams cad kyi sgron ma'i sprin gyis kun nas yog pa yod de/ de na de 
bzhin gshegs pa rang byung dam pa'i sa dang mngon par shes pa'i rgyal po zhes bya ba bzhugs so/  /de'i lho phyogs logs na spos chu'i rgya mtsho pad+mo'i dra ba'i dbang po shin tu rgyas pa zhes bya ba yod de/ de na 'jig rten gyi khams kyi rgyud phyogs su yongs su gzhol ba'i 'od ces bya ba spos dang 
rin po che thams cad kyis rab tu brgyan pa/ pad mo la rab tu gnas pa/ sangs rgyas thams cad kyi ye shes kyi spyod yul kyi 'od dang dbyangs kyi lhun can mngon par byung ste/ de thams cad kyi 'og na 'jig rten gyi khams rin po che'i rgya mtsho sems can gang chen mtsho'i 'od ces bya ba 'jig rten gyi 
khams sangs rgyas kyi zhing gi rdul shin tu phra ba snyed kyi 'khor gyis bskor ba/ gcig tu dag pa mu tig gi sbubs kyi dbyibs ltar 'dug pa/ nor bu thams cad kyi phreng ba bskyil ba'i rgya mtsho la rab tu gnas pa/ nor bu'i rgyal po phyogs kyi sprin rab tu snang ba'i dkyil 'khor gyi sprin gyis kun nas yog </font><hr>35-1-126a<br><font size=+1>
pa yod de/ de na de bzhin gshegs pa yon tan bsam gyis mi khyab pa/ rnam par snang ba dam pa'i zla ba zhes bya ba bzhugs so/ /de'i steng na 'jig rten gyi khams sangs rgyas kyi zhing gi rdul shin tu phra ba snyed 'das pa na/ 'jig rten gyi khams spos kyi dkyil 'khor ces bya ba 
yod de/ de na de bzhin gshegs pa stobs tshad med pa'i dpal zhes bya ba bzhugs so/ /gzhung de bzhin du de'i steng na 'jig rten gyi khams mdzes par snang ba'i tshon gyi 'khor lo zhes bya ba yod de/ de na de bzhin gshegs pa chos kyi dbyings rab tu snang ba'i dbyangs kyi blo gros zhes bya ba bzhugs 
so/ /de'i steng na 'jig rten gyi khams dbyangs kyi rgyal mtshan ces bya ba yod de/ de na de bzhin gshegs pa pad mo'i 'od phyag bzang po rab tu brkyang ba zhes bya ba bzhugs so/ /de'i steng na 'jig rten gyi khams shugs brtan pa'i dkyil 'khor ces bya ba yod de/ de na de bzhin gshegs 
pa phyir mi ldog pa'i yon tan rgya mtsho'i 'od ces bya ba bzhugs so/ /de'i steng na 'jig rten gyi khams 'od kyi rgyan gyi spyod pa zhes bya ba yod de/ de na de bzhin gshegs pa kun tu rgyal ba thams cad mkhyen pa'i shugs dam pa zhes bya ba bzhugs so/ /de'i steng na 'jig rten gyi khams 
seng ge'i khri tshul rnam par snang ba zhes bya ba yod de/ de na de bzhin gshegs pa seng ge'i 'od zer tshad med pa'i stobs kyi blo gros zhes bya ba bzhugs so/  /de'i steng na 'jig rten gyi khams rin po che'i 'od zer gyi mtshan nyid kyis brgyan pa zhes bya ba yod de/ de na de bzhin 
gshegs pa chos thams cad yongs su dag par ston pa'i rig byed mchog ces bya ba bzhugs so/ /de'i steng na 'jig rten gyi khams mar me du ma zhes bya ba yod de/ de na de bzhin gshegs pa mya ngan dang rnam par bral ba'i gzi brjid ces bya ba bzhugs so/ /de'i steng 
na 'jig rten gyi khams sangs rgyas kyi dbyangs la mngon sum zhes bya ba yod de/ de na de bzhin gshegs pa rang byung dam pa'i gzi brjid ces bya ba bzhugs so/ /de'i steng na 'jig rten gyi khams yongs su dag cing dri ma med par spel ba zhes bya ba yod de/ de na de bzhin gshegs </font><hr>35-1-126b<br><font size=+1>
pa gser gyi pad ma snang ba'i 'od ces bya ba bzhugs so/ /de'i steng na 'jig rten gyi khams phyogs kun gyi dbyings su rab tu 'jug pa zhes bya ba yod de/ de na de bzhin gshegs pa chos kyi dbyings rab tu gzigs pas bsgyings pa zhes bya ba bzhugs so/ /de'i steng na 
'jig rten gyi khams 'od 'phro ba'i dpal shin tu 'bar ba zhes bya ba yod de/ de na de bzhin gshegs pa shing mi 'am ci'i rgyal po rab tu 'bar ba zhes bya ba bzhugs so/ /de'i steng na 'jig rten gyi khams spos kyi 'od zer phyogs kun tu rnam par snang ba zhes bya ba yod de/ de na 
de bzhin gshegs pa spos kyi mar me shin tu sprul pa'i rgyal po zhes bya ba bzhugs so/ /de'i steng na 'jig rten gyi khams me tog gi chun po tshad med pa'i dkyil 'khor ces bya ba yod de/ de na de bzhin gshegs pa rgyal ba'i yon tan sgo kun nas ston pa zhes bya ba bzhugs so/ /
de'i steng na 'jig rten gyi khams kun nas dge ba sna tshogs zhes bya ba yod de/ de na de bzhin gshegs pa chos thams cad mnyam pa nyid kyis rnam par 'phrul pa'i rgyal po zhes bya ba bzhugs so/ /de'i steng na 'jig rten gyi khams gser gyi 'od rgya mtsho zhes bya ba yod de/ de na de bzhin gshegs pa 
phyogs su sprul pa yangs pa'i dbang phyug ces bya ba bzhugs so/ /de'i steng na 'jig rten gyi khams me tog gi ze ba'i snying po zhes bya ba yod de/ de na de bzhin gshegs pa chos kyi dbyings grol ba'i 'od bsam gyis mi khyab pa'i blo gros zhes bya ba bzhugs so/ /
de'i steng na 'jig rten gyi khams dbang po'i seng ge'i khri'i ri bo zhes bya ba yod de/ de na de bzhin gshegs pa rgyal ba'i stobs rab tu snang ba zhes bya ba bzhugs so/ /de'i steng na 'jig rten gyi khams sangs rgyas kyi zhing gi rdul shin tu phra ba snyed 'das pa na/ 'jig rten 
gyi khams kha dog mtha' yas par rin po che rnam par snang ba zhes bya ba yod de/ 'jig rten gyi khams sangs rgyas kyi zhing nyi shu'i rdul shin tu phra ba snyed kyi 'khor gyis bskor ba/ gcig tu dag pa kun nas gru bzhir 'dug pa/ shing dang me tog dang nags tshal gyi gzhi rgya </font><hr>35-1-127a<br><font size=+1>
mtsho la rab tu gnas pa nor bu'i rgyal po kha dog mtha' yas pa'i char 'bebs pa'i mig 'phrul gyis kun nas yog pa yod de/ de na de bzhin gshegs pa rnam par snang ba 'gro ba'i dkyil 'khor dam pa'i dbyangs shes bya ba bzhugs so/ /de nas lho phyogs logs na spos chu'i rgya mtsho rin po che dang spos kyi 
mdzod rab tu bstsags pa zhes bya ba yod de/ de na 'jig rten gyi khams kyi rgyud rgyan dang 'od thams cad 'byung ba zhes bya ba/ sangs rgyas kyi chos kyi 'khor lo thams cad rab tu sgrog pa'i lhun can mngon par byung ste/ de thams cad kyi 'og na 'jig rten gyi khams sna tshogs 
'byung ba zhes bya ba 'jig rten gyi khams sangs rgyas kyi zhing gi rdul shin tu phra ba snyed kyi 'khor gyis bskor ba/ gcig tu dag pa rdo rje'i dbyibs ltar 'dug pa rdo rje'i rgyal mtshan sna tshogs la rab tu gnas pa/ rdo rje dang rin po che'i 'od kyi dkyil 'khor gyi sprin gyis kun nas 
yog pa yod de/ de na de bzhin gshegs pa pad+mo'i ze ba 'phags pa'i spyan zhes bya ba bzhugs so/ /de'i steng na 'jig rten gyi khams sangs rgyas kyi zhing gi rdul shin tu phra ba snyed 'das pa na/ 'jig rten gyi khams blta na dga' ba'i sgra zhes bya ba yod de/ de na de 
bzhin gshegs pa dga' ba dang spro ba yang dag par 'byung ba zhes bya ba bzhugs so/ /gzhung de bzhin du de'i steng na 'jig rten gyi khams rin po che'i mtshan gyis yang dag par brgyan pa'i rgyal mtshan zhes bya ba yod de/ de na de bzhin gshegs pa thams cad mkhyen pa 
nyid kyi spyod yul dang spyod pa'i blo gros zhes bya ba bzhugs so/ /de'i steng na 'jig rten gyi khams rnam par snang ba'i ze ba sna tshogs kyi gzhi zhes bya ba yod de/ de na de bzhin gshegs pa dri ma med cing zhi ba'i dbyangs yid du 'ong ba zhes bya ba bzhugs so/ /de'i steng na 
'jig rten gyi khams sprul pa 'od bzang po zhes bya ba yod de/ de na de bzhin gshegs pa nam mkha'i dbyings dri ma med pa'i ye shes zla ba zhes bya ba bzhugs so/ /de'i steng na 'jig rten gyi khams rnam par phye ba rnam pa sna tshogs shes bya ba yod de/ de na de bzhin gshegs </font><hr>35-1-127b<br><font size=+1>
pa bsod nams rgya mtsho'i sprin stug po'i mtshan gyi me tog shin tu rgyas pa zhes bya ba bzhugs so/ /de'i steng na 'jig rten gyi khams rgyan thams cad kyis brgyan pa'i sgra snyan pa zhes bya ba yod de/ de na de bzhin gshegs pa dga' bar mdzad pa'i gtso bo sprin gyi dbyangs 
zhes bya ba bzhugs so/ /de'i steng na 'jig rten gyi khams pad+mo'i tshal gyi snying po zhes bya ba yod de/ de na de bzhin gshegs pa nga ro rnam par grags pa'i rgyal mtshan zhes bya ba bzhugs so/ /de'i steng na 'jig rten gyi khams rin po che thams cad kyi 'od rab tu 'gyed pa'i rgyan ces 
bya ba yod de/ de na de bzhin gshegs pa spyan ras gzigs pa'i spyan gyi mthu rnam par phyung ba zhes bya ba bzhugs so/ /de'i steng na 'jig rten gyi khams shugs bzang po'i ze ba dri ma med pa zhes bya ba yod de/ de na de bzhin gshegs pa mi zad pa'i ye shes rdo rje'i dpal zhes 
bya ba bzhugs so/ /de'i steng na 'jig rten gyi khams pad mo'i grong khyer gyi rgyan ces bya ba yod de/ de na de bzhin gshegs pa kun tu spyan nyi ma'i snying po snang ba zhes bya ba bzhugs so/ /de'i steng na 'jig rten gyi khams shing gi phung po tshad med pa zhes bya ba yod de/ de na de bzhin 
gshegs pa chos thams cad kyi 'brug sgra'i gsung zhes bya ba bzhugs so/ /de'i steng na 'jig rten gyi khams rnam par rol pa brjod pa zhes bya ba yod de/ de na de bzhin gshegs pa ye shes tshad med pa'i me tog shin tu rgyas pa'i gzi brjid ces bya ba bzhugs so/ /
de'i steng na 'jig rten gyi khams ut+pa la'i 'dab ma la rten pa zhes bya ba yod de/ de na de bzhin gshegs pa bsod nams thams cad kyi ri bo shin tu 'phags pa zhes bya ba bzhugs so/ /de'i steng na 'jig rten gyi khams rlung mnyam par 'dzin pa zhes bya ba yod de/ 
de na de bzhin gshegs pa dbang po nyi ma'i gzi brjid ces bya ba bzhugs so/ /de'i steng na 'jig rten gyi khams snang ba yongs su ston pa zhes bya ba yod de/ de na de bzhin gshegs pa 'od gzer gsal ba sku yi 'od ces bya ba bzhugs so/ /de'i steng na 'jig rten gyi </font><hr>35-1-128a<br><font size=+1>
khams spos kyi sgra rdo rje rnam par snang ba zhes bya ba yod de/ de na de bzhin gshegs pas dam pa'i mtshan nyid kyi me tog shin tu rgyas pa zhes bya ba bzhugs so/ /de'i steng na 'jig rten gyi khams sangs rgyas kyi zhing gi rdul shin tu phra ba snyed 'das pa na/ 
'jig rten gyi khams mig 'phrul gyi rgyan la rab tu gnas pa zhes bya ba/ 'jig rten gyi khams sangs rgyas kyi zhing nyi shu'i rdul shin tu phra ba snyed kyi 'khor gyis bskor ba gcig tu dag pa/ stegs bu rgya mtsho'i dbyibs ltar 'dug pa/ rgyan thams cad kyi rgya mtsho la rab tu 
gnas pa/ 'od gzer gyi khang pa brtsegs pa'i sprin gyis kun nas yog pa yod de/ de na de bzhin gshegs pa sprin bzang pos mi bzhengs pa ston pa zhes bya ba bzhugs so/ /de nas lho phyogs logs na spos chu'i rgya mtsho rin po che dang ldan pa'i rgyan ces bya ba yod de/ de las 'jig 
rten gyi khams kyi rgyud dri ma med cing yongs su gsal ba zhes bya ba rdul thams cad la sangs rgyas kyi zhing gi rnam par 'phrul pa shin tu sgrog pa'i lhun can mngon par byung ste/ de thams cad kyi 'og na 'jig rten gyi khams gzhi mnyam pa dri ma med par rnam pa sna tshogs shes bya 
ba 'jig rten gyi khams sangs rgyas kyi zhing gi rdul shin tu phra ba snyed kyi 'khor gyis bskor ba/ rin po che'i 'byung gnas kyi dbyibs ltar 'dug pa/ gcig tu dag pa rin po che thams cad kyi 'od kyi dkyil 'khor gyi rgya mtsho la rab tu gnas pa/ tsan dan dang nor bu dang mu tig gi gdugs sna tshogs kyi kun nas yog pa yod de/ de na de bzhin gshegs pa thub pa med cing mnyam pa med pa'i dpal zhes bya ba bzhugs so/ /de'i steng na 'jig rten gyi khams sangs rgyas kyi zhing gi rdul shin tu phra ba snyed 'das pa na/ 'jig rten gyi 
khams rab tu 'bar ba sna tshogs kyis rnam par brgyan pa zhes bya ba yod de/ de na de bzhin gshegs pa dge ba'i blo gros pad mo mngon par mkhyen pa'i rgyal po zhes bya ba bzhugs so/ /gzhung de bzhin du de'i steng na 'jig rten gyi khams tshon gyi mtshan nyid 'khor lo'i </font><hr>35-1-128b<br><font size=+1>
rgyal mtshan zhes bya ba yod de/ de na de bzhin gshegs pa phyogs bcur yon tan rgya chen po rnam par grags pa'i 'od gzer mi zad pa zhes bya ba bzhugs so/ /de'i steng na 'jig rten gyi khams 'od 'phro ba rab tu brtan pa rin po che'i snying po'i rgyan ces bya ba yod de/ 
de na de bzhin gshegs pa ye shes chen po blta na dga' ba mnyan na don yod pa zhes bya ba bzhugs so/ /de'i steng na 'jig rten gyi khams dpal gyi me tog legs par bstsags pa zhes bya ba yod de/ de na de bzhin gshegs pa stobs dang ye shes tshad med pa'i gtso bo 
zhes bya ba bzhugs so/ /de'i steng na 'jig rten gyi khams dge ba sna tshogs kyi tshon 'byung ba zhes bya ba yod de/ de na de bzhin gshegs pa tshangs pa'i dpal yang dag par 'byung ba zhes bya ba bzhugs so/ /de'i steng na 'jig rten gyi khams spos kyi sprul pa kun tu 'od 
ces bya ba yod de/ de na de bzhin gshegs pa spos kyi glang po phyag na rdo rje zhes bya ba bzhugs so/ /de'i steng na 'jig rten gyi khams snang ba'i gtsug ces bya ba yod de/ de na de bzhin gshegs pa don grub pa shin tu grags pa zhes bya ba bzhugs so/ /de'i 
steng na 'jig rten gyi khams rin po che'i phreng ba rgya mtsho zhes bya ba yod de/ de na de bzhin gshegs pa rnam par snang mdzad 'phrul pa las mngon par byung ba'i gzi brjid ces bya ba bzhugs so/ /de'i steng na 'jig rten gyi khams sangs rgyas kyi zhing gi rdul shin tu phra ba snyed 
'das pa na/ 'jig rten gyi khams me tog dpal gyi mar me'i rgyal mtshan zhes bya ba yod de/ de na de bzhin gshegs pa yon tan gyi sgron ma shin tu chags pa med pa'i blo gros zhes bya ba bzhugs so/ /de'i steng na 'jig rten gyi khams tshul bzang po'i sgo sna tshogs zhes bya ba yod de/ de na 
de bzhin gshegs pa pha rol tu phyin pa dri ma med pa'i zla ba zhes bya ba bzhugs so/ /de'i steng na 'jig rten gyi khams tsan+dan gyi ze ba'i 'od ces bya ba yod de/ de na de bzhin gshegs pa chos kyi dbyings kyi gsung tshad med pa'i blo gros zhes bya ba bzhugs so/ /de'i steng na 'jig rten gyi khams mig 'phrul gyi dra ba shin tu mdzes pa'i rgyal mtshan </font><hr>35-1-129a<br><font size=+1>
zhes bya ba yod de/ de na de bzhin gshegs pa sgron ma shin tu 'phags pa'i 'od ces bya ba bzhugs so/ /de'i steng na 'jig rten gyi khams me tog yongs su dag pa'i glong gi dkyil 'khor ces bya ba yod de/ de na de bzhin gshegs pa chos kyi dbyings nyi ma'i 'od gzer ces bya ba bzhugs so/ /de'i steng na 'jig rten 
gyi khams shin tu mdzes pa'i dpal zhes bya ba yod de/ de na de bzhin gshegs pa yon tan rgya mtsho mtha' dang dbus med pa'i chos kyi 'khor lo rab tu sgrog pa zhes bya ba bzhugs so/ /de'i steng na 'jig rten gyi khams rin po che'i pad+mo'i nags tshal yang dag par gnas pa 
zhes bya ba yod de/ de na de bzhin gshegs pa ye shes bsam gyis mi khyab pa la 'jug pa yang dag par ston pa zhes bya ba bzhugs so/ /de'i steng na 'jig rten gyi khams rdo rje rin po che ltar gzhi mnyam pa zhes bya ba yod de/ de na de bzhin gshegs pa rin po che'i dpal gyi 'od gzi brjid 
kyi rgyal po zhes bya ba bzhugs so/ /de'i steng na 'jig rten gyi khams spos dang nor bu shin tu mang ba zhes bya ba yod de/ de na de bzhin gshegs pa bsod nams rgya mtsho mi zad pa'i rgyan dam pa zhes bya ba bzhugs so/ /de'i steng na 'jig rten gyi khams 'od shin tu phra ba 
'gyed pa zhes bya ba yod de/ de na de bzhin gshegs pa stobs gzhal du med pa'i dbyangs kun tu brjod pa zhes bya ba bzhugs so/ /de'i steng na 'jig rten gyi khams sangs rgyas kyi zhing gi rdul shin tu phra ba snyed 'das pa na/ 'jig rten gyi khams brtan par bsgrubs 
pa phyogs thams cad du rab tu snang ba zhes bya ba 'jig rten gyi khams sangs rgyas kyi zhing gi rdul shin tu phra ba snyed kyi 'khor gyis bskor ba/ gcig tu dag pa rin po che'i yid bzhin gyi rgyal po yan lag brgyad du rnam par phye ba'i 'khor lo rgya mtsho la rab tu 
gnas pa/ rin po che'i rgyan thams cad dang bla re'i sprin gyis kun nas yog pa yod de/ de na de bzhin gshegs pa kun tu spyan yongs su gsal ba'i sgron ma zhes bya ba bzhugs so/ /de nas lho phyogs logs na spos chu'i rgya mtsho rin po che rdo rje ltar brtan pa zhes </font><hr>35-1-129b<br><font size=+1>
bya ba yod de/ de la 'jig rten gyi khams kyi rgyud chos kyi dbyings kyi spyod pa zhes bya ba byang chub sems dpa' thams cad kyi chos kyi tshul dang / sa shin tu sgrog pa'i lhun can rab tu gnas te/ de thams cad kyi 'og na 'jig rten gyi khams gzi brjid shin tu dag pa zhes bya ba 
'jig rten gyi khams sangs rgyas kyi zhing gi rdul shin tu phra ba snyed kyi 'khor gyis bskor ba gcig tu dag pa mu tig bskyil ba'i dbyibs su 'dug pa rin po che thams cad kyi kha dog lta bu'i mu tig gi phreng ba'i rgya mtsho la rab tu gnas pa/ nor bu'i rgyal po byang chub 
sems dpa'i gtsug phud rab tu snang ba'i sprin gyis kun nas yog pa yod de/ de na de bzhin gshegs pa yon tan shin tu 'phags pas rab tu snang ba zhes bya ba bzhugs so/ /de'i steng na 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams yid 
du 'ong bas khyab pa zhes bya ba yod de/ de na de bzhin gshegs pa chos kyi dbang phyug spyod pa'i blo gros zhes bya ba bzhugs so/ /gzhung de bzhin du de'i steng na 'jig rten gyi khams rin po che'i seng ge'i khris brgyan pa zhes bya ba yod de/ de na de bzhin gshegs pa klu 'brug 
chen pos gsal ba zhes bya ba bzhugs so/ /de'i steng na 'jig rten gyi khams rdo rje'i gdan brtan pa yang dag par 'byung ba zhes bya ba yod de/ de na de bzhin gshegs pa seng ge'i khri pad+mo gnon pa'i lte ba zhes bya ba bzhugs so/ /de'i steng na 'jig rten gyi khams dpal gyi 
dbyangs pad+mo can zhes bya ba yod de/ de na de bzhin gshegs pa ye shes kyi phung po rnam par sangs rgyas pa'i 'od zer ces bya ba bzhugs so/ /de'i steng na 'jig rten gyi khams rab tu rnam par phye ba zhes bya ba yod de/ de na de bzhin gshegs pa sa 'dzin gzi brjid bzang po'i 
rgyan ces bya ba bzhugs so/ /de'i steng na 'jig rten gyi khams dga' ba dang / bde ba'i sgra zhes bya ba yod de/ de na de bzhin gshegs pa shin tu yang dag par gnas pa'i chos kyi sgron ma'i rgyal po zhes bya ba bzhugs so/ /de'i steng na 'jig rten gyi khams mig 'phrul gyi nor bu'i </font><hr>35-1-130a<br><font size=+1>
mdzod kyi snying po zhes bya ba yod de/ de na de bzhin gshegs pa blta na don yod cing dga' bar mdzad pa zhes bya ba bzhugs so/ /de'i steng na 'jig rten gyi khams sna tshogs kyi snying po zhes bya ba yod de/ de na de bzhin gshegs pa 'od 'phro ba'i tshogs 
kyi rgyal mtshan zhes bya ba bzhugs so/ /de'i steng na 'jig rten gyi khams gser gyi 'od kyi 'khor lo zhes bya ba yod de/ de na de bzhin gshegs pa sems can gyi spyod pa dag par mdzad pa zhes bya ba bzhugs so/ /de'i steng na 'jig rten gyi khams ri rab rnam par bres pa zhes 
bya ba yod de/ de na de bzhin gshegs pa yon tan thams cad kyi sprin kun tu snang ba zhes bya ba bzhugs so/ /de'i steng na 'jig rten gyi khams shing gi tshogs shes bya ba yod de/ de na de bzhin gshegs pa mtshan rin po che'i me tog shin tu rgyas pa'i zla ba'i blo zhes bya ba 
bzhugs so/ /de'i steng na 'jig rten gyi khams 'jigs pa med pa zhes bya ba yod de/ de na de bzhin gshegs pa 'od dam pa'i gser gyi sgron ma zhes bya ba bzhugs so/ /de'i steng na 'jig rten gyi khams klu'i grags pa dpal gyi rgyal mtshan zhes bya ba yod de/ de na de 
bzhin gshegs pa chos rgya mtsho thams cad rnam par gzigs pa tha dad pa med pa'i 'od zer ces bya ba bzhugs so/ /de'i steng na 'jig rten gyi khams nor bu'i go ca yongs su 'byung ba zhes bya ba yod de/ de na de bzhin gshegs pa sprul pa'i nyi ma zhes bya ba bzhugs so/ /de'i 
steng na 'jig rten gyi khams 'od 'phro bas rab tu brgyan pa'i sgron ma zhes bya ba yod de/ de na de bzhin gshegs pa rin po che'i gdugs kyi dpal rnam par snang ba zhes bya ba bzhugs so/ /de'i steng na 'jig rten gyi khams spos kyi na bun gyi 'od zer ces bya ba yod de/ de na 
de bzhin gshegs pa blo gros dam pas dgongs pa zhes bya ba bzhugs so/ /de'i steng na 'jig rten gyi khams kho na med pa'i sgo zhes bya ba yod de/de na de bzhin gshegs pa brtson 'grus kyi dpal blo gros rgya mtsho zhes bya ba bzhugs so/ /de'i steng na 'jig rten gyi khams rgyan </font><hr>35-1-130b<br><font size=+1>
thams cad kyi rgyal mtshan gyis brgyan pa'i 'od ces bya ba yod de/ de na de bzhin gshegs pa dgongs pa pad+mos kun tu rnam par 'phrul pa zhes bya ba bzhugs so/ /de'i steng na 'jig rten gyi khams sangs rgyas kyi zhing gi rdul shin tu phra ba snyed 'das pa na/ 'jig rten gyi khams mdzod spus 
bsgrubs pa'i mtshan ces bya ba 'jig rten gyi khams sangs rgyas kyi zhing gi rdul shin tu phra ba snyed kyi 'khor gyis bskor ba/ gcig tu dag pa zla ba kham pa'i dbyibs ltar 'dug pa rin po che'i me tog gi ri rab la rab tu gnas pa/ nor bu'i rgyal po rgyan thams cad 'bar ba'i 'od kyi sprin 
gyis kun nas yog pa yod de/ de na de bzhin gshegs pa spyan rnam par dag pa zhes bya ba bzhugs so/ /de nas lho phyogs logs na spos chu'i rgya mtsho lha'i grong khyer rin po che'i shing tags kyis brgyan pa zhes bya ba yod de/ de la 'jig rten gyi khams kyi rgyud mar me'i 'od zer snang ba 
zhes bya ba rnam par snang mdzad gzhan dang gzhan thams cad kyi chos kyi 'khor lo tha mi dad pa'i dbyangs kyi lhun can rab tu gnas te/ de thams cad kyi 'og na 'jig rten gyi khams rin po che'i zla ba 'od 'phro ba zhes bya ba 'jig rten gyi khams sangs rgyas kyi zhing gi rdul shin tu phra ba snyed kyi 
'khor gyis bskor ba/ gcig tu dag pa rgyan thams cad kyi dbyibs ltar 'dug pa/ rin po che'i rgyan rgya mtsho thams cad la rab tu gnas pa/ bai DUr+ya dang dngul gyi seng ge'i khri sprin gyis kun nas yog pa yod de/ de na de bzhin gshegs pa zla ba'i 'od ltar bdag po 
med pa zhes bya ba bzhugs so/ /de'i steng na 'jig rten gyi khams sangs rgyas kyi zhing gi rdul shin tu phra ba snyed 'das pa na/ 'jig rten gyi khams rin po che'i 'od kyi ri bo 'byung ba zhes bya ba yod de/ de na de bzhin gshegs pa chos mi zad pa'i rgya mtsho rin po che'i rgyal mtshan 
zhes bya ba bzhugs so/ /gzhung de bzhin du de'i steng na 'jig rten gyi khams rgyal mtshan gyi sgo sna tshogs kyi 'od ces bya ba yod de/ de na de bzhin gshegs pa me tog gi 'byung gnas rgya mtsho chen po zhes bya ba bzhugs so/ /de'i steng na 'jig rten gyi khams me tog shin tu </font><hr>35-1-131a<br><font size=+1>
rgyas pa'i nor bu rab tu snang ba zhes bya ba yod de/ de na de bzhin gshegs pa skyes bu dam pa'i dbang po'i dpal zhes bya ba bzhugs so/ /de'i steng na 'jig rten gyi khams sgra skad sna tshogs shes bya ba yod de/ de na de bzhin gshegs pa 
thams cad mkhyen pa nyid kyi 'khor lo rnam par snang ba zhes bya ba bzhugs so/ /de'i steng na 'jig rten gyi khams shing mi 'am ci'i dbyangs shes bya ba yod de/ de na de bzhin gshegs pa klu'i grags pa bsod nams tshad med pa'i gzi brjid ces bya ba bzhugs so/ /de'i 
steng na 'jig rten gyi khams snang ba dag pas 'od mtha' yas pa zhes bya ba yod de/ de na de bzhin gshegs pa yon tan rin po che'i ze ba'i 'od zer ces bya ba bzhugs so/ /de'i steng na 'jig rten gyi khams dbyangs dam pa'i dpal zhes bya ba yod de/ de na de bzhin 
gshegs pa stobs kyi rgyan thams cad kyi blo gros zhes bya ba bzhugs so/ /de'i steng na 'jig rten gyi khams rin po che rnam par phye ba rab tu mang ba zhes bya ba yod de/ de na de bzhin gshegs pa rin po che'i ri'i ri rab ces bya ba bzhugs so/ /de'i steng na 'jig 
rten gyi khams yongs su snang ba'i gtsug gi ri rab kyi dbyangs shes bya ba yod de/ de na de bzhin gshegs pa spyod pa thams cad kyi 'od shin tu 'phags pa zhes bya ba bzhugs so/ /de'i steng na 'jig rten gyi khams spos kyi char pa phra mo'i gdugs shes bya ba yod de/ 
de na de bzhin gshegs pa pha rol tu phyin pa thams cad la chags pa med pa'i rgya mtsho zhes bya ba bzhugs so/ /de'i steng na 'jig rten gyi khams me tog gi dra ba seng ges rgyas pa zhes bya ba yod de/ de na de bzhin gshegs pa rin po che'i 'od 'phro ba'i sgo'i rgyal 
mtshan zhes bya ba bzhugs so/ /de'i steng na 'jig rten gyi khams rdo rje'i me tog shin tu snang ba zhes bya ba yod de/ de na de bzhin gshegs pa smon lam thams cad kyis yang dag par 'phags pa'i 'od ces bya ba bzhugs so/ /de'i steng na 'jig rten gyi </font><hr>35-1-131b<br><font size=+1>
khams chos thams cad kyi sa'i 'od ces bya ba yod de/ de na de bzhin gshegs pa chos thams cad kyi don shin tu yangs pa'i gtsug ces bya ba bzhugs so/ /de'i steng na 'jig rten gyi khams mu tig gi phye mas gzhi mnyam pa'i rgyan ces bya ba yod de/ de na de 
bzhin gshegs pa 'od zer gyi dra ba mchog gi blo gros shes bya ba bzhugs so/ /de'i steng na 'jig rten gyi khams bai DUr+ya'i ze ba shin tu 'byung ba bsam gyis mi khyab pa zhes bya ba yod de/ de na de bzhin gshegs pa rin po che brtsegs pa'i rgyal mtshan zhes bya ba bzhugs 
so/ /de'i steng na 'jig rten gyi khams 'od tshad med pa'i 'khor lo bzang po zhes bya ba yod de/ de na de bzhin gshegs pa ye shes la thub pa med pa rgya mtsho'i snying po zhes bya ba bzhugs so/ /de'i steng na 'jig rten gyi khams phyogs rmongs pa med par blta ba zhes 
bya ba yod de/ de na de bzhin gshegs pa don thams cad yongs su sbyangs pa'i yon tan dpag tu med pa zhes bya ba bzhugs so/ /de'i steng na 'jig rten gyi khams dga' ba tshangs pa'i dbyangs shes bya ba 'jig rten gyi khams sangs rgyas kyi zhing gi rdul shin tu phra ba snyed 
kyi 'khor gyis bskor ba gcig tu dag pa sangs rgyas kyi phyag gi dbyibs ltar 'dug pa/ rin po che'i 'od zer gyi dra ba'i glong gi rgya mtsho la rab tu gnas pa/ rgyan thams cad dang byang chub sems dpa'i lus kyis kun nas yog pa yod de/ de na de bzhin gshegs pa 'od la 
thogs pa med pas chos kyi dbyings rnam par snang mdzad ces bya ba bzhugs so/ /spos chu'i rgya mtsho gang chen mtsho dri ma med pa'i 'od 'phro ba'i snying po zhes bya ba de dang 'dab chags su shar phyogs logs na spos chu'i rgya mtsho sprul pa'i lus bzang po zhes bya ba yod de/ de las 
'jig rten gyi khams kyi rgyud phyogs tha dad pa rab tu gnas pa zhes bya ba mngon par byung ste/ de dang 'dab chags su spos chu'i rgya mtsho rdo rje mig gi rgyal mtshan zhes bya ba yod de/ de las 'jig rten gyi khams kyi rgyud chos kyi dbyings la yang dag par 'jug pa'i rgyan ces bya ba </font><hr>35-1-132a<br><font size=+1>
mngon par byung ngo / /de dang 'dab chags su spos chu'i rgya mtsho pad+mo'i tshul rnam par bkod pa zhes bya ba yod de/ de na 'jig rten gyi khams kyi rgyud phyogs bcur sprul pa rab tu 'byung ba zhes bya ba mngon par byung ngo / /de dang 'dab chags su spos chu'i 
rgya mtsho rin po che'i rgyal po'i dkyil 'khor ces bya ba yod de/ de las 'jig rten gyi khams kyi rgyud pad+mo'i lo ma sprin stug po zhes bya ba mngon par byung ngo / de dang 'dab chags su spos chu'i rgya mtsho sprul pa'i spos kyi 'od 'phro bas kun tu brgyan pa zhes bya ba yod de/ de las 'jig 
rten gyi khams kyi rgyud rnam par snang mdzad kyi sprul pa rgyu ba zhes bya ba mngon par byung ngo / /de dang 'dab chags su spos chu'i rgya mtsho rin po che'i gram bu 'dzam bu'i rgyal mtshan ces bya ba yod de/ de las 'jig rten gyi khams kyi rgyud sangs rgyas kyi byin gyis rlabs kyi yul zhes bya ba mngon par 
byung ngo / /de dang 'dab chags su spos chu'i rgya mtsho kha dog kun tu 'bar ba'i gzi brjid ces bya ba yod de/ de las 'jig rten gyi khams kyi rgyud rnam par snang mdzad kyi 'od dam pa zhes bya ba mngon par byung ngo / /de dang 'dab chags su shar phyogs logs na spos chu'i rgya mtsho rgyan 
thams cad kyi yul brgyan pa zhes bya ba yod de/ de las 'jig rten gyi khams kyi rgyud rin po che 'od 'phro ba'i lce rab tu snang ba shin tu 'phro ba zhes bya ba mngon par byung ste/ de dag la stsogs pa spos chu'i rgya mtsho sangs rgyas kyi zhing brjod du med pa'i yang brjod du med pa'i rdul shin tu phra 
ba snyed kyi phyi rol shar phyogs logs kyi khor yug gi mtshams na spos chu'i rgya mtsho gzhi dang snying po shel ces bya ba yod de/ de las 'jig rten gyi khams kyi rgyud grol ba'i 'od ces bya ba 'jig rten gyi khams rgya mtsho yongs su dag pa'i bskal pa rgya mtsho'i dbyangs kyi lhun can mngon par byung ste/ 
de thams cad kyi 'og na 'jig rten gyi khams dri ma med cing yid du 'ong ba'i rgyal mtshan zhes bya ba 'jig rten gyi khams sangs rgyas kyi zhing gi rdul shin tu phra ba snyed kyi 'khor gyis bskor ba gcig tu dag pa yod de/ de na de bzhin gshegs pa mngon par 'phags pa'i ting nge 'dzin dang / brtson 'grus </font><hr>35-1-132b<br><font size=+1>
kyi blo gros zhes bya ba bzhugs so/ /de'i steng na 'jig rten gyi khams sangs rgyas kyi zhing gi rdul shin tu phra ba snyed 'das pa'i 'jig rten gyi khams kyi rgyud kyi dbus na/ 'jig rten gyi khams rdo rje'i rgyal mtshan zhes bya ba gzhi mnyam pa yod pa de na/ 'jig rten gyi khams spos kyi 
rgyal mtshan gyi rgyan zhes bya ba 'jig rten gyi khams sangs rgyas kyi zhing rdul shin tu phra ba snyed kyi 'khor gyis bskor ba gcig tu dag pa yod de/ de na de bzhin gshegs pa chos kyi dbyings sgrib pa med pa'i sgron ma zhes bya ba bzhugs so/ /de'i steng na 'jig rten gyi khams sangs rgyas kyi 
zhing gsum gyi rdul shin tu phra ba snyed 'das pa na/ 'jig rten gyi khams mi mjed ces bya ba gzhi mnyam pa yod pa de na/ 'jig rten gyi khams 'od zer gyi mdzod rab tu 'gyed pa zhes bya ba yod de/ de na de bzhin gshegs pa chos kyi dbyings sgrib pa med pa'i ri rab ces bya ba 
bzhugs so/ /de'i steng na 'jig rten gyi khams sangs rgyas kyi zhing thams cad kyi rdul shin tu phra ba snyed 'das pa'i 'jig rten gyi khams kyi rgyud kyi dang po la 'jig rten gyi khams/ lus dam pa'i spos gyi nom pa zhes bya ba 'jig rten gyi khams sangs rgyas kyi zhing nyi shu'i rdul shin 
tu phra ba snyed kyi 'khor gyis bskor ba gcig tu dag pa yod de/ de na de bzhin gshegs pa byang chub kyi yan lag me tog 'byung gnas shes bya ba bzhugs so/ /spos chu'i rgya mtsho 'od kyi dkyil 'khor dri zhim po mi zad pa 'byung ba zhes bya ba de dang 'dab chags su lho phyogs 
logs na spos chu'i rgya mtsho gzi brjid bzang po dpal dang ldan pa zhes bya ba yod de/ de la 'jig rten gyi khams kyi rgyud gzhi gsal zhing dri ma med pa zhes bya ba rab tu gnas so/ /de dang 'dab chags su spos chu'i rgya mtsho snang ba dang gzi brjid kyis khebs pa zhes bya ba yod de/ 
de la 'jig rten gyi khams kyi rgyud rgyan mtha' yas pa la gzhol ba zhes bya ba rab tu gnas so/ /de dang 'dab chags su spos chu'i rgya mtsho rin po che shin tu rnam par phye ba zhes bya ba yod de/ 'jig rten gyi khams kyi rgyud spos dang rin po che'i chos yang dag par gnas pa </font><hr>35-1-133a<br><font size=+1>
zhes bya ba rab tu gnas so/ /de dang 'dab chags su spos chu'i rgya mtsho sangs rgyas kyi gsung zhi ba'i dbyangs zhes bya ba yod de/ de la 'jig rten gyi khams kyi rgyud rab tu rnam par phye ba'i gnas yongs su 'byung ba zhes bya ba rab tu gnas so/ /
de dang 'dab chags su lho phyogs logs na spos chu'i rgya mtsho spos kyi rgyal mtshan ri rab kyi snying po zhes bya ba yod de/ de la 'jig rten gyi khams kyi rgyud zhing yongs su gsal bar snang ba zhes bya ba rab tu gnas so/ /de dang 'dab chags su spos chu'i rgya mtsho tsan dan shin 
tu yid du 'ong ba'i 'od zer ces bya ba yod de/ de la 'jig rten gyi khams kyi rgyud me tog gi glong gi 'od zer gyi dkyil 'khor ces bya ba rab tu gnas so/ /de dang 'dab chags su spos chu'i rgya mtsho byin gyi rlabs kyi rlung zhes bya ba yod de/ de la 'jig rten gyi khams kyi 
rgyud rin po che'i 'od zer gyi sprin 'dal ba'i rgyal mtshan zhes bya ba rab tu gnas so/ /de dang 'dab chags su spos chu'i rgya mtsho brgya byin gyi gdong dang lus shin tu bsgrubs pa zhes bya ba yod de/ de la 'jig rten gyi khams kyi rgyud mu tig gi rgya mtsho'i snying po zhes bya ba rab tu 
gnas so/ /de dang 'dab chags su lho phyogs logs na spos chu'i rgya mtsho'i gnas shin tu mnyam par yang dag par bsgrubs pa zhes bya ba yod de/ de la 'jig rten gyi khams kyi rgyud bai DUr+ya'i gram bu sna tshogs bkram pa zhes bya ba rab tu gnas te/ de dag la stsogs pa spos 
chu'i rgya mtsho sangs rgyas kyi zhing brjod du med pa'i rdul shin tu phra ba snyed kyi phyi rol lho phyogs logs kyi mtshams na spos chu'i rgya mtsho shing gi ze ba zhes bya ba yod de/ de las 'jig rten gyi khams kyi rgyud phyogs yangs pa'i zhing yang dag par 'byung ba zhes bya ba sangs rgyas thams cad 
bdud kyi 'khor yongs su 'dul ba'i gsung gi lhun can zhes bya ba rab tu gnas so/ /de thams cad kyi 'og na 'jig rten gyi khams kyi rgyud skar mda' 'od 'phro ba zhes bya ba gcig tu dag pa yod de/ de na de bzhin gshegs pa 'jig rten gyi mchod pa yon tan rgya mtsho zhes bya ba </font><hr>35-1-133b<br><font size=+1>
bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa'i 'jig rten gyi khams kyi rgyud kyi dbus na 'jig rten gyi khams rdo rje'i rgyal mtshan zhes bya ba gzhi mnyam pa yod pa de na/ 'jig rten gyi khams rin po che 'byung ba zhes bya ba yod de de na de bzhin gshegs pa rin po 
che'i sprin seng ge'i stobs shes bya ba bzhugs so/ /de'i steng 'jig rten gyi khams sangs rgyas kyi zhing gsum gyi rdul shin tu phra ba snyed 'das pa na/ 'jig rten gyi khams mi mjed ces bya ba gzhi mnyam pa yod pa de na 'jig rten gyi khams gos kyi rgyal mtshan zhes bya ba yod de/ de na de 
bzhin gshegs pa ye shes rgya mtsho'i rgyal po zhes bya ba bzhugs so/ /de'i steng 'jig rten gyi khams sangs rgyas kyi zhing bdun gyi rdul shin tu phra ba snyed 'das pa'i 'jig rten gyi khams kyi rgyud kyi dang po la 'jig rten gyi khams rin po che'i phreng ba seng ge rnam par snang ba zhes bya ba yod de/ 
de na de bzhin gshegs pa pad+mo shin tu sprul pa'i rgyal mtshan zhes bya ba bzhugs so/ /spos chu'i rgya mtsho rdo rje'i 'od zer 'bar ba 'od 'phro ba'i sgron ma zhes bya ba de dang 'dab chags su spos chu'i rgya mtsho rgyan rnam par bres pa thams cad kyis rnam par klubs pa'i rgyal mtshan zhes bya ba yod de/ de la 'jig 
rten gyi khams kyi rgyud rgyan dam pa rnam par dag pa zhes bya ba rab tu gnas so/ /de dang 'dab chags su spos chu'i rgya mtsho rin po che thams cad kyi me tog gis rnam par snang ba'i rgya mtsho zhes bya ba yod de/ de la 'jig rten gyi khams kyi rgyud mtshan gyi rgyan dang / dpal rab tu 
'byung ba zhes bya ba rab tu gnas so/ /de dang 'dab chags su spos chu'i rgya mtsho pad+mo'i ze ba me tog shin tu rgyas pa'i rgyan ces bya ba yod de/ de la 'jig rten gyi khams kyi rgyud byang chub sems dpa'i rgyan rin po che'i cod pan shin tu 'bar ba zhes bya ba rab tu gnas so/ /de dang 
'dab chags su spos chu'i rgya mtsho rin po che'i gos kyis yun ring po nas bkab pa zhes bya ba yod de/ de la 'jig rten gyi khams kyi rgyud mu tig rnam par dag pa rin po che'i dkyil 'khor ces bya ba rab tu gnas so/ /de dang 'dab chags su spos chu'i rgya mtsho me tog bzang po yid </font><hr>35-1-134a<br><font size=+1>
du 'ong ba rnam par snang ba zhes bya ba yod de/ de la 'jig rten gyi khams kyi rgyud snang ba'i sprin 'od zer rnam par brgyan pa zhes bya ba rab tu gnas so/ /de dang 'dab chags su spos chu'i rgya mtsho nam mkha'i phyogs dang mnyam par rnam par snang ba zhes bya ba 
yod de/ de la 'jig rten gyi khams kyi rgyud rin po che kun tu snang ba rnam par dmigs pa'i don shin tu zab pa zhes bya ba rab tu gnas so/ /de dang 'dab chags su spos chu'i rgya mtsho me tog bzang pos rab tu brgyan pa'i rgyal mtshan zhes bya ba yod de/ de la 'jig rten gyi khams kyi rgyud gser 
gyi mig zla ba'i rgyan ces bya ba rab tu gnas so/ /de dang 'dab chags su spos chu'i rgya mtsho spos dang mu tig dam pa'i snying po zhes bya ba yod de/ de la 'jig rten gyi khams kyi rgyud sangs rgyas kyi dpal gyi kun tu snang ba zhes bya ba yod de/ de dang 'dab chags su spos chu'i rgya mtsho rin po che'i 
'khor los bsgrubs pa'i 'od ces bya ba yod de/ de la 'jig rten gyi khams kyi rgyud sprul pa bzang po 'byung ba/ sangs rgyas kyi yul rab tu snang ba zhes bya ba gnas te/de dag la stsogs pa spos chu'i rgya mtsho sangs rgyas kyi zhing brjod du med pa'i yang brjod du med pa'i rdul shin tu phra ba 
snyed kyi phyi rol lho phyogs logs kyi khor yug gi mtshams na spos chu'i rgya mtsho gzhi 'khor lo tshad med pas brgyan pa zhes bya ba yod de/ de la 'jig rten gyi khams kyi rgyud phyogs tshad med pa snrel zhi zhes bya ba zhing gi rgyud yon tan sna tshogs thams cad shin tu ston pa'i sgra'i lhun 
can rab tu gnas te/ de thams cad kyi 'og na 'jig rten gyi khams rdo rje'i me tog gis khyab pa zhes bya ba yod de/ de na de bzhin gshegs pa mtshan mi zad pa'i 'od zer sgo kun nas sgrog pa zhes bya ba bzhugs so/ /de'i steng na 'jig rten gyi khams sangs rgyas kyi zhing bcu'i rdul 
shin tu phra ba snyed 'das pa'i 'jig rten gyi khams kyi rgyud na/ 'jig rten gyi khams rdo rje'i rgyal mtshan gzhi mnyam pa yod pa de na/ 'jig rten gyi khams rin po che'i gos kyi rgyal mtshan 'byung ba zhes bya ba yod de/ de na de bzhin gshegs pa bsod nams kyi sprin kun tu dpal </font><hr>35-1-134b<br><font size=+1>
gyi gzi brjid ces bya ba bzhugs so/ /de'i steng na 'jig rten gyi khams gzhi mnyam pa mi mjed ces bya ba yod pa de na/ 'jig rten gyi khams rin po che'i rgyan sna tshogs kyis brgyan pa zhes bya ba yod de/ de na de bzhin gshegs pa khyad par gyi blo gros rgya mtsho zhes bya ba 
bzhugs so/ /de'i steng 'jig rten gyi khams kyi rgyud kyi dang po la 'jig rten gyi khams nyi ma'i mig gi rgyal mtshan zhes bya ba yod de/ de na de bzhin gshegs pa ye shes nyi ma pad mo'i sprin ces bya ba bzhugs so/ /spos chu'i rgya mtsho rin po che in+d+ra nI las rab tu brgyan 
pa'i rgyan can de dang 'dab chags su spos chu'i rgya mtsho'i gzhung las lha ma yin gyi gnas shin tu 'byung ba zhes bya ba yod de/ de la 'jig rten gyi khams spos kyi 'od zer chu'i shugs 'dzin pa zhes bya ba rab tu gnas so/ /de dang 'dab chags su spos chu'i rgya mtsho seng ge'i rin po ches 
bsgrubs pa rnam pa sna tshogs shes bya ba yod de/ de la 'jig rten gyi khams kyi rgyud rin po che thams cad kyi phyogs khyab par byed pa rnam par dmigs pa zhes bya ba rab tu gnas te/ de dang 'dab chags su spos chu'i rgya mtsho kha dog gi sprin gyi gnas 'byung ba zhes bya ba yod de/ de la 
'jig rten gyi khams kyi rgyud rin po che'i ri bo'i spo la dkyil 'khor rnam par bres pa zhes bya ba rab tu gnas so/ /de dang 'dab chags su spos chu'i rgya mtsho gzhi dang sgo pad+mo rnam par bkram pa zhes bya ba yod de/ de na 'jig rten gyi khams kyi rgyud rnam par snang ba'i chos kyi dbyings 
bde ba'i rgyan ces bya ba rab tu gnas so/ /de dang 'dab chags su spos chu'i rgya mtsho mar me'i tshul bzang po'i 'od rab tu 'phro ba zhes bya ba yod de/ de la 'jig rten gyi khams kyi rgyud sprul pas phyogs rnam par lta zhing kun tu khyab pa zhes bya ba rab tu gnas so/ /de dang 
'dab chags su spos chu'i rgya mtsho bsam gyis mi khyab pa'i rgyan shin tu bstan pa zhes bya ba yod de/ de la 'jig rten gyi khams kyi rgyud phyogs thams cad du snang bas legs par rnam par grags pa zhes bya ba rab tu gnas so/ /de dang 'dab chags su spos chu'i rgya mtsho rin </font><hr>35-1-135a<br><font size=+1>
po che'i phung pos shin tu brgyan pa zhes bya ba yod de/ de la 'jig rten gyi khams kyi rgyud skar mda'i 'od zer rab tu snang ba zhes bya ba rab tu gnas so/ /de dang 'dab chags su spos chu'i rgya mtsho rin po che'i rnam par dag pa'i 'od rab tu 'gyed 
pa'i shugs shes bya ba yod de/ de la 'jig rten gyi khams kyi rgyud rlung chags pa med pa'i ri rab ces bya ba rab tu gnas so/ /de dang 'dab chags su spos chu'i rgya mtsho rin po che'i gos dang stegs bu'i rgyud ces bya ba yod de/ de la 'jig rten gyi khams kyi rgyud de bzhin 
gshegs pa'i sku shin tu snang ba ston pa zhes bya ba rab tu gnas te/ de dag la stsogs pa spos chu'i rgya mtsho sangs rgyas kyi zhing brjod du med pa'i rdul shin tu phra ba snyed kyi phyi rol khor yug gi mtshams na spos chu'i rgya mtsho shing sna tshogs kyi rgyal mtshan zhes bya ba yod de/ de las 'jig 
rten gyi khams kyi rgyud myig 'phrul lta bur shin tu gnas pa zhes bya ba byang chub sems dpa' thams cad kyi ye shes kyis rab tu gnon pa'i sgra yi lhun can mngon par byung ste/ de thams cad kyi 'og na/ 'jig rten gyi khams gser gyi kha dog ces bya ba 'jig rten gyi khams 
sangs rgyas kyi zhing gi rdul shin tu phra ba snyed kyi 'khor gyis bskor ba gcig tu dag pa yod de/ de na de bzhin gshegs pa spos kyi 'od zer dpal gyi gzi brjid ces bya ba bzhugs so// //sangs rgyas rmad ga cad ces bya ba shin tu rgyas pa chen po'i mdo/
bam po bcu gcig pa/ /de'i steng 'jig rten gyi khams sangs rgyas kyi zhing bcu'i rdul shin tu phra ba snyed 'das pa'i 'jig rten gyi khams kyi rgyud kyi dbus na/ 'jig rten gyi khams rdo rje'i rgyal mtshan zhes bya ba gzhi mnyam pa yod pa de na/ 'jig rten gyi 
khams rin po che'i shing gi ze ba zhes bya ba yod de/ de na de bzhin gshegs pa zhal kun tu ston cing sgrib pa med par rnam par dag pa zhes bya ba bzhugs so/ /de'i steng na 'jig rten gyi khams mi mjed ces bya ba gzhi mnyam pa yod pa de na/'jig rten gyi khams bai DUr+ya </font><hr>35-1-135b<br><font size=+1>
yi rgyan sna tshogs zhes bya ba yod de/ de na de bzhin gshegs pa chos kyi dbang phyug zil gyis mi non pa'i blo gros zhes bya ba bzhugs so/ /de'i steng na 'jig rten gyi khams kyi rgyud kyi dang po la 'jig rten gyi khams tshangs pa'i dbyangs kyi legs par spel ba zhes bya ba yod de/ 
de na de bzhin gshegs pa pad mo'i 'od kyi me tog shin tu rgyas pa'i rgyal po zhes bya ba bzhugs so/ /spos chu'i rgya mtsho 'khor lo brtan par bsgrub pa zhes bya ba de dang 'dab chags su spos chu'i rgya mtsho gzhi sprul pa'i pad mos brgyan pa zhes bya ba yod de/ de la 'jig 
rten gyi khams kyi rgyud zhing la yongs su 'du ba rab tu ston pa zhes bya ba rab tu gnas so/ /de dang 'dab chags su spos chu'i rgya mtsho rin po che'i gzi brjid 'bar ba'i 'od ces bya ba yod de/ de la 'jig rten gyi khams kyi rgyud chos kyi dbyings rgyas par 'gengs pa la rmongs pa med pa 
zhes bya ba rab tu gnas so/ /de dang 'dab chags su spos chu'i rgya mtsho spos dang nor bu'i nyi ma sna tshogs zhes bya ba yod de/ de la 'jig rten gyi khams kyi rgyud phyogs yongs su gzhol bar rnam par dmigs pa la 'jug pa zhes bya ba rab tu gnas so/ /de dang 'dab chags 
su spos chu'i rgya mtsho rin po che'i gzi brjid 'bar ba'i 'od ces bya ba yod de/ de la 'jig rten gyi khams kyi rgyud spyod pa kun nas rgyal ba'i gsung sgrog pa zhes bya ba rab tu gnas so/ /de dang 'dab chags su spos chu'i rgya mtsho dbyangs zab mo mu med pa zhes bya ba yod de/ de la 
'jig rten gyi khams kyi rgyud phyogs tha dad pa mtha' dang dbus med pa zhes bya ba rab tu gnas so/ /de dang 'dab chags su spos chu'i rgya mtsho snying po dang ldan zhing shin tu grub pa zhes bya ba yod de/ de la 'jig rten gyi khams kyi rgyud phyogs tha mi dad pa mtha' dang dbus med pa zhes bya ba 
rab tu gnas so/ /de dang 'dab chags su spos chu'i rgya mtsho tshangs pa'i dbyangs yongs su dag pa'i sgra zhes bya ba yod de/ de la 'jig rten gyi khams kyi rgyud rgyan thams cad yongs su dag pa zhes bya ba rab tu gnas so/ /de dang 'dab chags su spos chu'i rgya mtsho tsan dan gyi dbyangs shin tu </font><hr>35-1-136a<br><font size=+1>
rnam par phye ba'i stegs bu'i snying po zhes bya ba yod de/ de la 'jig rten gyi khams kyi rgyud rgyal mtshan shin tu bsgrengs pa zhes bya ba rab tu gnas so/ /de dang 'dab chags su spos chu'i rgya mtsho spos kyi rgyal po 'od zer gyis shin tu bsgrubs pa zhes 
bya ba yod de/ de la 'jig rten gyi khams kyi rgyud zhing gi stobs kun tu snang ba yongs su ston pa zhes bya ba rab tu gnas so/ /spos chu'i rgya mtsho pad+mo'i dbang po mang po me tog shin tu rgyas pa de dang 'dab chags su spos chu'i rgya mtsho dngul gyi pad+mo sna tshogs kyis 
bsgrubs pa'i rgyan ces bya ba yod de/ de la 'jig rten gyi khams kyi rgyud yongs su gsal bar kun tu rgyu ba zhes bya ba rab tu gnas so/ /de dang 'dab chags su spos chu'i rgya mtsho bai DUr+ya'i spos 'od 'phro ba'i sprin stug po zhes bya ba yod de/ de la 'jig rten gyi khams kyi rgyud phyogs su 
dbyangs sgrog pa zhes bya ba rab tu gnas so/ /de dang 'dab chags su spos chu'i rgya mtsho phyogs kun tu gzi brjid kyis rgyal ba'i phung po 'od 'phro ba zhes bya ba yod de/ de la 'jig rten gyi khams kyi rgyud phyogs rnam par phye bar 'phrul pa zhes bya ba rab tu gnas so/ /de dang 'dab chags 
su spos chu'i rgya mtsho gser gyi rgyal mtshan nor bu'i rgyal po'i dpal rab tu 'byung ba zhes bya ba yod de/ de la 'jig rten gyi khams kyi rgyud rdo rje'i rtse mo zhing gi rgyal mtshan zhes bya ba rab tu gnas so/ /de dang 'dab chags su spos chu'i rgya mtsho tha dad pa med pa'i sprin 'bar ba zhes bya ba 
yod de/ de la 'jig rten gyi khams kyi rgyud chos kyi dbyings kyi rnam par gnon pa'i gtsug ces bya ba rab tu gnas so/ /de dang 'dab chags su spos chu'i rgya mtsho rin po che'i me tog zad mi shes pa shin tu rgyas pa'i dpal gyi gzi brjid ces bya ba yod de/ de la 'jig rten gyi khams kyi rgyud 
'od mtha' yas pa rdul dang bral ba zhes bya ba rab tu gnas so/ /de dang 'dab chags su spos chu'i rgya mtsho rgya che zhing gser ltar yongs su dag pa grags pa'i dpal gyi rgyal mtshan zhes bya ba yod de/ de la 'jig rten gyi khams kyi rgyud gzhi tshon tu bstan pa'i gnas shes bya ba rab tu gnas so/</font><hr>35-1-136b<br><font size=+1>
de dang 'dab chags su spos chu'i rgya mtsho myig yor rnam par snang ba zhes bya ba yod de/ de la 'jig rten gyi khams kyi rgyud las kyis kun tu brgyan cing rnam par phye ba zhes bya ba rab tu gnas so/ /de dang 'dab chags su spos chu'i rgya mtsho sgra dbyangs zhi ba zhes bya ba yod de/ de la 
'jig rten gyi khams kyi rgyud rab tu brgyus pa la mngon du blta ba zhes bya ba rab tu gnas te/ de dag la stsogs pa spos chu'i rgya mtsho sangs rgyas kyi zhing brjod du med pa'i rdul shin tu phra ba snyed kyi phyi rol 'khor yug gi mtshams na/ spos chu'i rgya mtsho 'od 'phro ba stug po'i sprin 
gyi rgyal mtshan zhes bya ba yod de/ de la 'jig rten gyi khams kyi rgyud rgyan gyi dmigs pa thams cad kyi 'od ces bya ba snying po byang chub thams cad kyi de bzhin gshegs pa'i 'khor gyi dkyil 'khor gyi sgra yi lhun can rab tu gnas so/ /de thams cad kyi 'og na 'jig 
rten gyi khams dge ba'i mig sna tshogs shes bya ba 'jig rten gyi khams sangs rgyas kyi zhing gi rdul shin tu phra ba snyed kyi 'khor gyis bskor ba gcig tu dag pa yod de/ de na de bzhin gshegs pa phyogs thams cad rnam par snang ba rdo rje'i zla ba zhes bya ba bzhugs so/ /de'i 
steng 'jig rten gyi khams sangs rgyas kyi zhing bcu'i rdul shin tu phra ba snyed 'das pa'i 'jig rten gyi khams kyi rgyud kyi dbus na/ 'jig rten gyi khams rdo rje'i rgyal mtshan zhes bya ba gzhi mnyam pa yod de/ de la 'jig rten gyi khams kha dog uta pa la dang / dpal gyi 
be'u zhes bya ba yod de/ de na de bzhin gshegs pa brtson 'grus chen po blo gros bzang po zhes bya ba bzhugs so/ /de'i steng na 'jig rten gyi khams mi mjed ces bya ba gzhi mnyam pa yod pa de na/ 'jig rten gyi khams mtshams rdo rje ltar sra ba sna tshogs shes bya ba yod de/ de na de 
bzhin gshegs pa sa la'i rgyal po rgyal mtshan zhes bya ba bzhugs so/ /de'i steng na 'jig rten gyi khams sangs rgyas kyi zhing bdun gyi rdul shin tu phra ba snyed 'das pa'i 'jig rten gyi khams kyi rgyud kyi thog ma la 'jig rten gyi khams rgya mtsho dag pa/ sna tshogs </font><hr>35-1-137a<br><font size=+1>
shes bya ba yod de/ de na de bzhin gshegs pa zil gyis mi non par mngon par 'phags pa'i gzi brjid ces bya ba bzhugs so/ /spos chu'i rgya mtsho rin po che'i 'byung gnas kyi mdzod shin tu bstsags pa zhes bya ba de dang / 'dab chags 
su spos chu'i rgya mtsho rin po che'i 'od snang bas rnam par mdzes pa zhes bya ba yod de/ de la 'jig rten gyi khams kyi rgyud grags pa dri ma med pa'i rgyan ces bya ba rab tu gnas so/ /de dang 'dab chags su spos chu'i rgya mtsho rin po che tshad med pa'i me tog shin tu rgyas 
pa zhes bya ba yod de/ de la 'jig rten gyi khams kyi rgyud mtshan nyid nam mkha' lta bur rnam par dpyod pa zhes bya ba rab tu gnas so/ /de dang 'dab chags su spos chu'i rgya mtsho rnam par snang mdzad kyi dpal rnam par yangs pa zhes bya ba yod de/ de la 'jig rten 
gyi khams kyi rgyud thogs pa med pa kun tu snang ba'i rgyan ces bya ba rab tu gnas so/ /de dang 'dab chags su spos chu'i rgya mtsho shing tsan dan gyi ze ba zhes bya ba yod de/ de la 'jig rten gyi khams rgya mtsho mtha' yas par 'khyil pa'i phyogs su rab tu 'jug pa zhes 
bya ba rab tu gnas so/ /de dang 'dab chags su gser rin po che'i gram bu rab tu 'byung ba zhes bya ba yod de/ de la 'jig rten gyi khams kyi rgyud rgyal mtshan gyi rtse mo la zhing gi 'khor lo rgyu ba zhes bya ba rab tu gnas te/ de dang 'dab chags su spos chu'i rgya mtsho 
'khor kun na/ rdo rje'i me tog gi 'byung gnas yod pa zhes bya ba yod de/ de la 'jig rten gyi khams kyi rgyud rnam par phye ba bsam gyis mi khyab par ston pa zhes bya ba rab tu gnas so/ /de dang 'dab chags su spos chu'i rgya mtsho nor bu yid bzhin gyi rgyal 
po 'khor lo sna tshogs kyi gzhi zhes bya ba yod de/ de la 'jig rten gyi khams kyi rgyud rnam par rig pa chags pa med pas sangs rgyas blta ba zhes bya ba rab tu gnas so/ /de dang 'dab chags su spos chu'i rgya mtsho gzhi rin po che'i phreng bas bstsags pa zhes bya ba yod de/ de la </font><hr>35-1-137b<br><font size=+1>
'jig rten gyi khams kyi rgyud blo gros dge ba mtha' yas pa'i gzi brjid ces bya ba rab tu gnas so/ /de dang 'dab chags su spos chu'i rgya mtsho mu tig sna tshogs kyi dkyil 'khor gyi brgyan pa zhes bya ba yod de/ de la 'jig rten gyi khams kyi rgyud sangs rgyas kyi yul dang smon lam gyi rgyu mthun 
pa las byung ba zhes bya ba rab tu gnas so/ /de dag la stsogs pa spos chu'i rgya mtsho sangs rgyas kyi zhing brjod du med pa'i yang brjod du med pa'i rdul shin tu phra ba snyed kyi phyi rol khor yug gi 'tshams na spos chu'i rgya mtsho 'dzam bu'i chu klung gi mdzod kyi dkyil 'khor ces 
bya ba yod de/ de la 'jig rten gyi khams kyi rgyud kun tu sgra sgrog pa'i rgyal mtshan zhes bya ba thams cad mkhyen pa nyid gzhan dang / gzhan gyi sgor rab tu 'jug pa'i dbyangs kyi lhun can mngon par byung ngo / /de thams cad kyi 'og na 'jig rten gyi khams me tog 'od 
'phro ba zhes bya ba 'jig rten gyi khams sangs rgyas kyi zhing gi rdul shin tu phra ba snyed kyi 'khor gyis bskor ba gcig tu dag pa yod de/ de na de bzhin gshegs pa dpa' bas gsol pa zhes bya ba bzhugs so/ /de'i steng na 'jig rten gyi khams sangs rgyas kyi zhing gi 
rdul shin tu phra ba snyed 'das pa na/ 'jig rten gyi khams rdo rje'i rgyal mtshan zhes bya ba gzhi mnyam pa yod pa de na/ 'jig rten gyi khams pad mo rnam par snang ba'i rgyal mtshan zhes bya ba 'jig rten gyi khams sangs rgyas kyi zhing gi rdul shin tu phra ba snyed kyi 
'khor gyis bskor ba gcig tu dag pa yod de/ de na de bzhin gshegs pa yon tan thams cad kyis rnam par 'phags pa'i sems kyi rgyal po zhes bya ba bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na/ 'jig rten 
gyi khams mi mjed ces bya ba gzhi mnyam pa yod pa de na/ 'jig rten gyi khams stobs bcu'i rgyan ces bya ba 'jig rten gyi khams sangs rgyas kyi zhing gi rdul shin tu phra ba snyed kyi 'khor gyis bskor ba gcig tu dag pa kun nas nyon mongs shing rnam par dag pa yod de/</font><hr>35-1-138a<br><font size=+1>
de na de bzhin gshegs pa legs par 'byung ba'i yon tan tshad med pa'i rgyal po zhes bya ba bzhugs so/ /de'i steng na 'jig rten gyi khams kyi rgyud kyi dang po la/'jig rten gyi khams spos dang nor bu brtsegs pa'i rgyal mtshan zhes bya 
ba yod de/ de na de bzhin gshegs pa blo gros rnam par yangs pa'i spyan zhes bya ba bzhugs so/ /spos chu'i rgya mtsho rin po ches mthun par rnam par brgyan pa/ de dang 'dab chags su spos chu'i rgya mtsho 'od gzer gyi mdzod kyi ri bo 'dzin pa zhes bya ba yod de/ /
de la 'jig rten gyi khams kyi rgyud nam mkha'i sprin yangs pa 'byung ba zhes bya ba rab tu gnas so/ /de dang 'dab chags su spos chu'i rgya mtsho rgyan sna tshogs kyi byin gyi rlabs kyi spyod yul zhes bya ba yod de/ de la 'jig rten gyi khams kyi rgyud dri ma med cing sgrib pa med 
par rnam par phye ba rab tu gnas so/ /de dang 'dab chags su spos chu'i rgya mtsho rin po che'i pad mo 'dab ma stug po rab tu 'phyang ba zhes bya ba yod de/ de la 'jig rten gyi khams kyi rgyud lus kyi rgyan dam pa'i mar me zhes bya ba rab tu gnas so/ /de dang 
'dab chags su spos chu'i rgya mtsho rin po che thams cad kyi rgyan shin tu gnas pa zhes bya ba yod de/ de la 'jig rten gyi khams kyi rgyud nyi ma'i 'od zer gyi dra ba 'byung gnas shes bya ba rab tu gnas so/ /de dang 'dab chags su spos chu'i rgya mtsho yang dag par 
bsgrubs pa shin tu mang ba zhes bya ba yod de/ de na 'jig rten gyi khams kyi rgyud rin po che'i ze ba byin gyi brlabs kyi gnas shes bya ba rab tu gnas so/ /de dang 'dab chags su spos chu'i rgya mtsho rin po che shin tu gtsang ba'i spyod pa zhes bya ba yod de/ de la 'jig 
rten gyi khams kyi rgyud lus dam pa rgya mtsho'i rgyan ces bya ba rab tu gnas so/ /de dang 'dab chags su spos chu'i rgya mtsho nor bu sna tshogs kyi phung po 'dzin pa zhes bya ba yod de/ de la 'jig rten gyi khams kyi rgyud nam mkha' rnam par dag pa'i snying po zhes bya ba </font><hr>35-1-138b<br><font size=+1>
rab tu gnas so/ /de dang 'dab chags su spos chu'i rgya mtsho gzi brjid dag cing yangs pas rnam par snang ba zhes bya ba yod de/ de la 'jig rten gyi khams kyi rgyud in+d+ra nI la'i dbyibs ltar 'dug pa skar mda' ltar snang ba zhes bya ba rab tu gnas so/ /de dang 'dab chags su spos chu'i rgya mtsho 
yid du 'ong bar gram bu'i nor bu mu tig rnam par snang ba zhes bya ba yod de/ de la 'jig rten gyi khams kyi rgyud dbyangs kyis kun tu sgrog pa'i nga ro la dga' ba zhes bya ba rab tu gnas te/ de dag la stsogs pa spos chu'i rgya mtsho sangs rgyas kyi zhing brjod du med pa'i yang brjod du med pa'i rdul shin tu phra ba snyed kyi 
phyi rol khor yug gi mtshams na spos chu'i rgya mtsho in+d+ra nI la rab tu 'gyed pa zhes bya ba yod de/ de la 'jig rten gyi khams kyi rgyud phyogs kun tu snang zhing tha mi dad pa zhes bya ba/ byang chub sems dpa' thams cad kyi chos yang dag par 'byung bar nga ro sgrog pa'i lhun can rab tu 
gnas te/ de thams cad kyi 'og na 'jig rten gyi khams dge ba dam pa'i snying po zhes bya ba 'jig rten gyi khams sangs rgyas kyi zhing gi rdul shin tu phra ba snyed kyi 'khor gyis bskor ba gcig tu dag pa yod de/ de na de bzhin gshegs pa yon tan mchog gi blo gros dam pa zhes bya 
ba bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa'i 'jig rten gyi khams kyi rgyud kyi dbus gzhi mnyam pa yod pa de na/ 'jig rten gyi khams yang dag par gnas pa'i rgyan ces bya ba yod de/ de na de bzhin gshegs 
pa 'od lhag par 'phags pas rab tu snang ba zhes bya ba bzhugs so/ /de'i steng na 'jig rten gyi khams mi mjed ces bya ba gzhi mnyam pa yod pa de na/'jig rten gyi khams bai DUr+yas bsgrubs pa kun nas 'khor lo zhes bya ba yod de/ de na de bzhin gshegs pa 
ri rab mar me zhes bya ba bzhugs so/ /de'i steng na 'jig rten gyi khams kyi rgyud kyi thog ma la 'jig rten gyi khams me tog gi rgya mtsho rgyal mtshan zhes bya ba 'jig rten gyi khams sangs rgyas kyi zhing gi rdul shin tu phra ba snyed kyi 'khor gyis bskor ba gcig tu dag pa yod de/</font><hr>35-1-139a<br><font size=+1>
de na de bzhin gshegs pa sprul pa mi zad pa'i sprin gyi mnga' bdag ces bya ba bzhugs so/ /spos chu'i rgya mtsho sgra rdo rje ltar shin tu brtan pa'i dbyangs shes bya ba de dang 'dab chags su spos chu'i rgya mtsho rin po che'i shing tags kyis bskor ba shin tu 
'phags pa zhes bya ba yod de/ de la 'jig rten gyi khams kyi rgyud rin po che'i rgyal mtshan shin tu 'greng ba zhes bya ba rab tu bzhugs so/ /de dang 'dab chags su spos chu'i rgya mtsho me tog gi rgyal mtshan gyis rab tu brgyan pa zhes bya ba yod de/ de la 'jig rten gyi khams kyi rgyud 
snang ba thams cad shin tu ston pa zhes bya ba rab tu gnas so/ /de dang 'dab chags su spos chu'i rgya mtsho rin po che'i sprin dam pa dang ldan pa zhes bya ba yod de/ de la 'jig rten gyi khams kyi rgyud gzhi rin po che thams cad kyis brgyan pa 'od rnam par snang ba zhes bya ba 
rab tu gnas so/ /de dang 'dab chags su spos chu'i rgya mtsho rin po che'i shing gi ze ba'i kha dog kyi rgyan ces bya ba yod de/ de la 'jig rten gyi khams kyi rgyud dge ba'i tshogs kyi gzi brjid rmad ga cad ces bya ba rab tu gnas so/ /de dang 'dab chags su spos chu'i rgya mtsho rin po 
che'i gos dam pas shin tu brgyan pa zhes bya ba yod de/ de la 'jig rten gyi khams kyi rgyud rgya mtsho'i 'od ces bya ba rab tu gnas so/ /de dang 'dab chags su spos chu'i rgya mtsho rin po che'i shing gi yal ga brtsegs pa zhes bya ba yod de/ de na 'jig rten gyi 
khams kyi rgyud rin po che 'od 'phro ba'i sprin la shin tu rten pa zhes bya ba rab tu gnas so/ /de dang 'dab chags su spos chu'i rgya mtsho gzhi yid du 'ong bar snang ba zhes bya ba yod de/ de na 'jig rten gyi khams kyi rgyud chags pa med pa'i rdo rje kun tu rgyu ba zhes bya ba 
rab tu gnas so/ /de dang 'dab chags su spos chu'i rgya mtsho kun nas pad mos brgyan pa zhes bya ba yod de/ de la 'jig rten gyi khams kyi rgyud rgya mtsho'i ngogs mtha' yas pa'i glong zhes bya ba rab tu gnas so/ /de dang 'dab chags su spos chu'i rgya mtsho rin po </font><hr>35-1-139b<br><font size=+1>
che'i yan lag dam pas rnam par brgyan pa zhes bya ba yod de/ de la 'jig rten gyi khams kyi rgyud zhing gi gzhi rnam par dmigs pa zhes bya ba rab tu gnas so/ /de la stsogs pa spos chu'i rgya mtsho sangs rgyas kyi zhing brjod du med pa'i rdul shin tu phra ba snyed kyi phyi 
rol 'khor yug gi mtshams na/ spos chu'i rgya mtsho mi phyed par brtan pa dang ldan pa zhes bya ba yod de/ de na 'jig rten gyi khams kyi rgyud pad ma'i dkyil 'khor shin tu rnam par phye ba'i 'khor lo zhes bya ba sangs rgyas thams cad kyi stobs la 'jug pa shin tu sgrog pa'i lhun can 
rab tu gnas te/ de dag thams cad kyi 'og na 'jig rten gyi khams spos shin tu zhim pa'i rgya mtsho zhes bya ba yod de/ de na de bzhin gshegs pa 'od dang sprul pa tshad med pa'i rgyal po zhes bya ba bzhugs so/ /'jig rten gyi khams kyi rgyud de'i dbus na 'jig rten gyi khams 
rdo rje'i rgyal mtshan zhes bya ba gzhi mnyam pa yod pa de na 'jig rten gyi khams rgyan dang tshul gyi sgo bsam gyis mi khyab pa zhes bya ba yod de/ de na de bzhin gshegs pa ye shes tshad med pa'i tshangs pa zhes bya ba bzhugs so/ /de'i steng na 'jig rten gyi khams mi 
mjed ces bya ba gzhi mnyam pa yod pa de na/ 'jig rten gyi khams snang ba'i phyogs me tog gi snying po zhes bya ba yod de/ de na de bzhin gshegs pa seng ge'i spyan 'od 'phro ba'i sprin ces bya ba bzhugs so/ /de'i steng 'jig rten gyi khams kyi rgyud thog 
ma la 'jig rten gyi khams rgya mtsho'i dbyangs shes bya ba yod de/ de na de bzhin gshegs pa chu'i lha 'od 'phro ba'i sgo zhes bya ba bzhugs so/ /spos chu'i rgya mtsho lha'i grong khyer dang nor bu'i shing tog gis brgyan pa zhes bya ba de dang 'dab chags su spos chu'i rgya mtsho 
snang ba'i 'khor los rnam par gsal ba zhes bya ba yod de/ de la 'jig rten gyi khams kyi rgyud brjod du med pa'i phyogs kyi gnas kyis brgyan pa zhes bya ba rab tu gnas so/ /de dang 'dab chags su spos chu'i rgya mtsho rin po che'i tshon gyi srang rnam pa sna tshogs shes </font><hr>35-1-140a<br><font size=+1>
bya ba yod de/ de na 'jig rten gyi khams kyi rgyud brgyud pa du mas 'jug pa zhes bya ba rab tu gnas so/ /de dang 'dab chags su spos chu'i rgya mtsho rgyan thams cad kyis kun tu gang ba zhes bya ba yod de/ de la 'jig rten gyi khams kyi rgyud 
rin po che rnam par snang ba zhes bya ba rab tu gnas so/ /de dang 'dab chags su spos chu'i rgya mtsho rin po che'i dra ba rnam par phye ba kun tu 'byung ba zhes bya ba yod de/ de la 'jig rten gyi khams kyi rgyud tshul gyi mtshams sbyor ba 'byung ba zhes bya ba rab tu gnas so/ /de 
dang 'dab chags su spos chu'i rgya mtsho rgyal mtshan dam pa'i rgyan ces bya ba yod de/ de na 'jig rten gyi khams kyi rgyud 'jig rten gyi khams rnam par dmigs pa rgya mtsho'i sgra zhes bya ba rab tu gnas so/ /de dang 'dab chags su spos chu'i rgya mtsho nyi ma'i gnas yongs 
su sbyong ba'i 'od ces bya ba yod de/de la 'jig rten gyi khams kyi rgyud mig 'phrul gyis rgyas par 'jug pa zhes bya ba rab tu gnas so/ /de dang 'dab chags su spos chu'i rgya mtsho sil snyan thams cad kyi sgra dbyangs yid du 'ong ba brjod pa zhes bya ba yod de/ de na 
'jig rten gyi khams kyi rgyud glong thams cad kyi gting du rab tu 'jug pa zhes bya ba rab tu gnas so/ /de dang 'dab chags su spos chu'i rgya mtsho rgyan dam pas bsgrubs pa rnam pa sna tshogs shes bya ba yod de/ de la 'jig rten gyi khams kyi rgyud 'od dri ma med pa'i sprin stug po 
'bar ba zhes bya ba rab tu gnas so/ /de dang 'dab chags su spos chu'i rgya mtsho mar me 'od 'phro bas kun tu rgyas pa zhes bya ba yod de/ de na 'jig rten gyi khams kyi rgyud sangs rgyas kyi smon lam gyi dbyibs tha dad pa byin gyis rlabs pa zhes bya ba rab tu gnas so/ /de dag la 
stsogs pa spos chu'i rgya mtsho sangs rgyas kyi zhing brjod du med pa'i yang brjod du med pa'i rdul shin tu phra ba snyed kyi phyi rol khor yug gi mtshams na/ spos chu'i rgya mtsho phreng ba dang gos kyis shin tu bsgrubs pa zhes bya ba yod de/ de la 'jig rten gyi khams kyi rgyud kun nas </font><hr>35-1-140b<br><font size=+1>
snang ba'i gos bzang po shin tu sprul pa zhes bya ba/ sangs rgyas 'das pa dang / ma byon pa dang / da ltar byung ba thams cad kyi mtshan nyid shin tu sgrog pa'i lhun can mngon par byung ngo / /de thams cad kyi 'og na spos chu'i rgya mtsho dbang po'i me tog ze ba 'khyil pa'i snying po zhes 
bya ba yod de/ de na 'jig rten gyi khams rab tu sgrol bas dga' ba byed pa zhes bya ba 'jig rten gyi khams sangs rgyas kyi zhing gi rdul shin tu phra ba snyed kyi 'khor gyis bskor ba gcig tu dag pa yod de/ de na de bzhin gshegs pa rnam par sangs rgyas pa'i ye shes kyis pham pa med 
pa zhes bya ba bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa'i 'jig rten gyi khams kyi rgyud kyi dbus na/ 'jig rten gyi khams rdo rje'i rgyal mtshan zhes bya ba gzhi mnyam pa yod pa de na/ 'jig rten gyi khams 
rin po che'i 'bru'i dra bas brgyan pa zhes bya ba 'jig rten gyi khams sangs rgyas kyi zhing bcu'i rdul shin tu phra ba snyed kyi 'khor gyis bskor ba gcig tu dag pa yod de/ de na de bzhin gshegs pa snang ba tshad med pas dgyes pa zhes bya ba bzhugs so/ /de'i steng na 
'jig rten gyi khams sangs rgyas kyi zhing gi rdul shin tu phra ba snyed 'das pa'i 'jig rten gyi khams mi mjed ces bya ba gzhi mnyam pa yod pa de na/ 'jig rten gyi khams rin po che'i gdan pad+mo dang seng ge zhes bya ba/ 'jig rten gyi khams sangs rgyas kyi zhing bcu'i rdul 
shin tu phra ba snyed kyi 'khor gyis bskor ba/ kun nas nyon mongs shing rnam par dag pa yod de/ de na de bzhin gshegs pa shugs dri ma med cing mnyan na don yod pa zhes bya ba bzhugs so/ /de'i steng 'jig rten gyi khams sangs rgyas kyi zhing bdun gyi rdul shin tu phra ba 
snyed 'das pa'i 'jig rten gyi khams kyi rgyud kyi steng na/ 'jig rten gyi khams kyi rgyud klu'i rin po che'i kha dog gi 'od ces bya ba 'jig rten gyi khams sangs rgyas kyi zhing nyi shu'i rdul shin tu phra ba snyed kyi 'khor gyis bskor ba gcig tu dag pa yod de/ de na de bzhin </font><hr>35-1-141a<br><font size=+1>
gshegs pa chos kyi dbyings yongs su gsal ba rnam par snang ba zhes bya ba bzhugs so/ /kye de ltar rgyal ba'i sras dag spos chu'i rgya mtsho sangs rgyas kyi zhing brjod du med pa phrag bcu'i rdul shin tu phra ba snyed la 'jig rten gyi khams 
kyi rgyud sangs rgyas kyi zhing brjod du med pa phrag bcu'i rdul shin tu phra ba snyed rab tu gnas te/ 'jig rten gyi khams kyi rgyud de dag thams cad kyang spos chu'i rgya mtsho de dag la nor bu'i rgyal po byang chub sems dpa'i lus rnam par dmigs pa'i myig yor gyi rgyal mtshan 
gyis rab tu brgyan pa dang ldan pa'i pad mo la rab tu gnas pa sha stag go/ /'jig rten gyi khams kyi rgyud gzhan dang gzhan can mang po dang / mtshams 'dab chags su gnas pa sha stag go/ 'od rin po che gzhan dang gzhan gyi kha dog tu 'gyed pa sha stag go/ /
'od kyi dkyil 'khor gyi sprin gzhan dang gzhan gyis kun nas yog pa sha stag go/ /rgyan rnam par bres pa'i 'od gzhan dang gzhan can sha stag go/ /bskal pa'i grangs dang tshul gzhan dang gzhan du bstan pa sha stag go /sangs rgyas gzhan dang gzhan skye zhing 
gshegs pa sha stag go/ /chos rgya mtsho'i sgra gzhan dang gzhan rab tu bsgrags pa sha stag go /sems can gyi lus gzhan dang gzhan gyis kun tu yog pa sha stag go /phyogs gzhan dang gzhan la 'jug pa ma 'dres pa sha stag go /sangs rgyas kyi rnam 
par 'phrul pa dang / de bzhin gshegs pa'i byin gyi rlabs gzhan dang gzhan can sha stag go /'jig rten gyi khams kyi rgyud de dag re re'i 'jig rten gyi khams kyi mtshams nas rab tu byung ba'i 'jig rten gyi khams kyi dra ba rgyan sna tshogs la rab tu gnas pa thams 
cad kyis 'jig rten gyi khams rnam pa sna tshogs kyi tshul du 'jig rten gyi khams rgya mtsho gzhi dang snying po me tog gi rgyan gyis brgyan pa zhes bya ba 'di thams cad yongs su gang ngo / /ji ltar 'jig rten gyi khams gcig gi rgyud nas byung ba de bzhin du 'jig rten gyi </font><hr>35-1-141b<br><font size=+1>
khams kyi rgyud rnams dang / 'jig rten gyi khams kyi sa mtshams dang sgo rnam pa sna tshogs kyi rgyan la gnas pa'i 'jig rten gyi khams kyi dra ba sna tshogs thams cad las byung ba kun gyis kyang 'jig rten gyi khams rgya mtsho gzhi dang snying po me tog gi rgyan gyis brgyan pa 'di 
thams cad yongs su gang ngo / /de nas byang chub sems dpa' kun tu bzang pos yang 'jig rten gyi khams kyi rgyud mtha' dang dbus med pa dang / 'jig rten gyi khams 'byam klas pa'i tshul shin tu bstan pa 'di nyid gsal bar brjod pa'i phyir/ sangs rgyas 
kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so/ /'jig rten khams ni rgya mtsho'i rnams/ /yangs dang myi yangs sna tshogs pa/ /nam mkha' dag gi dbyings la gnas/ /chos kyi dbyings ni tha mi dad/ /
'jig rten khams 'di rgya mtsho na/ /zhing gi rgyud ni bsam mi khyab/ /tha dad med par rnam par gnas/ /rnam 'phrul gzhan dang gzhan dag go/ /rnam phye sna tshogs shin tu gnas/ /kha dog tha dad rab tu 'dug /zhing gi rgyud dag rnam phye ba/ /'jig rten khams 
kyi gang chen mtsho/ /lhun dang dbyangs rnams tha dad de/ /sangs rgyas kun gyi rnam 'phrul ba/ /zhing gzhan rgyud rnams rab tu snang / /las kyi de dag shin tu bris/ /ri rab rgya mtsho'i dra ba dang / /'khor lo klong gi dkyil 'khor dang / /pad+mo'i dbyibs 'dra 'byam 
klas pa/ /de dag de yis kun nas bskor/ /rdo rje'i rgyal mtshan brtsegs pa dang / /rdo rje kun nas 'khor gnas pa/ /'byam klas bsam gyis mi khyab pas/ /de dag rgyud ni kun nas bskor/ /'od kyi dra ba bsam mi khyab/ /mu tig mdog kyang rgya mtsho 
ste/ /zhing gi rgyud rnams kun kyang 'bar/ /pad+mo la yang kun gnas so/ /re re dag gi rgyud las kyang / /'od zer dra ba bsam mi khyab/ /'od zer dag gi zhing gyur cing / /rgya mtsho'i phyogs rnams kun tu 'gengs/ /zhing gi rgyud rnams thams </font><hr>35-1-142a<br><font size=+1>
cad kyi/ /dmigs pa kun gyi sgo nas kyang / /thams cad tshul la 'jug pa yi/ /mi zad tshul rnams rab tu snang / /zhing gi rnams ni bsam mi khyab/ /rgyud rnams mi zad shin tu 'byung / /rgyan rnams bstan pa tha dad 
de/ /drang srong chen po'i byin rlabs so/ /zhing gi rgyud rnams de dag na/ /'jig rten bsam gyis mi khyab khams/ /kun nas 'du zhing rnam par 'jigs/ /'byung zhing 'jig par de bzhin 'gyur/ /ji ltar shing la lo ma rnams/ /'byung zhing lhung bar 'gyur ba ltar/ /de 
bzhin zhing gi rgyud rnams na/ /'jig rten khams na 'byung ba yin/ /ji ltar shing gi skye gnas nas/ /shing tog sna tshogs 'byung ba ltar/ /de bzhin zhing gi rgyud rnams na/ /sems can sna tshogs 'byung ba yin/ /ji ltar sa bon khyad par gyis/ /'bras bu sna tshogs 
snang ba ltar/ /de bzhin las kyi khyad par gyis/ /sems can rnams dang zhing byung ngo / /yid bzhin rin chen rgyal po rnams/ /kha dog kun tu snang ba ltar/ /sems can bsam pa rnam dag pas/ /de bzhin zhing rnams rab tu snang / /klu yi rgyal po'i sprin gyi rnams/ /
nam mkha'i dbyings la ston pa ltar/ /de bzhin sangs rgyas smon lam gyis/ /zhing gi rnams ni 'byung ba yin/ /sgyu ma'i mkhan po sngags dag gis/ /sgo rnams sna tshogs ston pa ltar/ /de bzhin sems can las rnams kyis/ /bsam gyis mi khyab zhing 'byung ngo / /
ji ltar ri mo'i gzugs kyi rnams/ /ri mo'i las kyis bris pa ltar/ /de bzhin zhing rnams 'di dag kun/ /sems kyis ri mor bris pa yin/ /sems can lus kyi rnam pa dag /ji ltar sems kyis brtags pa ltar/ /de bzhin zhing gi rnam pa yang / /thams cad las kyis 
rnam par bris/ /ji ltar gzhan dang gzhan gzugs su/ /sems can rnams kyi bsam pa bzhin/ /mgon po rnams ni snang ba ltar/ /de bzhin zhing rnams snang ba'o/ /pad+mo'i dra ba'i phyi rol gyi/ /sems can zhing gi mtshams dag na/ /dbyibs dang kha dog gzhan dang </font><hr>35-1-142b<br><font size=+1>
gzhan/ /dri ma med pa sna tshogs snang / /pad mo'i dra ba de dag la/ /zhing gi dra ba rab tu gnas/ /rgyan dang bstan pa sna tshogs te/ /sems can sna tshogs mang po'i gnas/ /zhing gi dbyings rnams la la ni/ /kun nas nyon mongs rnam par gnas/ /sems can rnams kyi 
nyon mongs las/ /chos nyid de dag nang na snang / /kun nas nyon mongs rnam dag tu/ /zhing gi rgyud ni bsam mi khyab/ /sems can bsam pas rab tu byung / /byang chub sems dpa' rnams kyang 'khod/ /la la rnam dag nyon mongs can/ /zhing gi dbyings ni rnam pa mang / /byang chub 
sems dpa' rnam par 'phrul/ /rgya mtsho'i las las byung ba yin/ /zhing rnams la la'i 'od btang ba/ /rin chen rang bzhin dri ma med/ /rnam pa sna tshogs dri med dag /sangs rgyas rnams kyis yongs su sbyangs/ /zhing gi rgyud rnams la la na/ /bskal pa'i mye ni bsam mi khyab/ /
kun nas nyon mongs rnams la ston/ /zhing gi dkyil 'khor shin tu sra/ /rlung gi phung po smon lam dang / /chu yi phung la rab tu gnas/ /zhing gi rnam pa shin tu mang / /sems can las kyis bsags pa yin/ /zhing na gzhan dang gzhan dag gi /zhing gi chos nyid snang la 
ltos/ /de dag 'byung ba gang yang med/ /de dag la ni 'jig pa'ang med/ /skad cig skad cig sems kun la/ /sangs rgyas rnams kyi byin rlabs kyis/ /zhing rnams rab tu 'byung ba rnams/ /shin tu dri med dag la ltos/ /zhing rnams la la sa yi dngos/ /sra bar de 
dag byung gyur cing / /snang ba med cing 'ong ba'ang med/ /sdig pa'i las kyi gnas yin no/ /zhing rnams la la rdo rje'i dngos/ /kun nas nyon mongs 'jigs pa che/ /bde ba chung zhing sdug bsngal mang / /bsod nams chung ba'i gnas kyang yin/ /zhing rnams la la lcags 
kyi dngos/ /la la zangs kyi dngos su gnas/ /sdig pa'i las kyis kun tu gang / /ri dang brag gis mnyam pa med/ /'jig rten de na dmyal ba yi/ /sems can sdug bsngal skyabs med pa/ /mun pa rjes su rnyed gyur cing / /mye lce rgya mtsho'i nang na 'bar/ /'on kyang byol </font><hr>35-1-143a<br><font size=+1>
song skye gnas su/ /lus ni mngon par 'byung 'gyur te/ /bdag gi las kyi nyes pa yis/ /sdug bsngal tshor ba rab tu myong / /gshin rje'i 'jig rten rnams na'ang snang / /skom dang bkres pas rab tu mnar/ /mye yi ri yi gdung ba yis/ /
sdug bsngal tshor ba'ang myong bar 'gyur/ /la la rin chen bdun las byung / /la la sna tshogs gzugs su gnas/ /dge ba'i las kyis byung ba ste/ /sna tshogs khyim gyis rab tu brgyan/ /mi dang lha rnams la la ni/ /mtho ris dag gi 'jig rten na/ /dge ba'i bsod nams 
'bras bur ldan/ /dga' bde myong ba de dag ltos/ /spu'i rtse mo gcig la yang / /zhing rnams bye ba bsam mi khyab/ /sna tshogs dbyibs kyang tha dad de/ /de dag 'dres pa gang yang med/ /rang rang so so'i las kyis na/ /sems can khams rnams bsam mi khyab/ /'du 
shes sna tshogs 'dzin pa rnams/ /bde dang sdug bsngal nyams su myong / /zhing rnams la la mtha' yas 'od/ /sems can mang don kun nas gnas/ /yongs 'byung rdo rje ut+pa la/ /sna tshogs rnam dag dri ma med/ /zhing rnams la la 'od zer dngos/ /'od kyi 'khor la kun 
nas gnas/ /tsan dan gser las yongs su byung / /'od 'phro sprin gyi mdog dang mnyam/ /zhing rnams la la nyi zla'i dngos/ /spos kyi gos kyis kun nas yog /la la pad mo gcig la ste/ /byang chub sems dpas yongs su rgyas/ /la la mtshan gyi mdog dang 'od/ /
zhing rnams rin chen dri ma med/ /mig 'phrul 'od kyang rab tu 'gyed/ /'od zer dra bas snang bar byas/ /zhing rnams la la rdo rje dang / /pad mo'i dngos su spos la gnas/ /la la nor bu'i 'od kyang yin/ /zhing rnams yongs su dag la ltos/ /me tog glong las la 
la byung / /bsam gyis mi khyab zhing la ltos/ /sangs rgyas sprul pas kun tu khyab/ /byang chub sems dpa'i 'od dang mnyam/ /la la me tog shing rnams dang / /lo ma'i dkyil 'khor sna tshogs te/ /nor bu'i sprin gyis kun tu khyab/ /zhing gi dkyil 'khor rnam par </font><hr>35-1-143b<br><font size=+1>
dag /zhing rnams la la pad+mo'i dngos/ /snang ba bzang pos rnam par mdzes/ /sangs rgyas sprul pa'i gsung yang yin/ /zhing gi dra ba bsam mi khyab/ /rin chen cod pan sna tshogs dang / /byang chub sems dpa'i rgyan rnams dang / /gdan las de bzhin la la byung / /'od 
dang sprul pa'ang rab tu 'gyed/ /tsan dan phye ma sna tshogs dang / /mdzod spu'i rnam par snang ba'i 'od/ /sangs rgyas sprin gyi 'od zer rnams/ /zhing rnams 'byung ba rab tu brjod/ /la la rgyan dang 'od gcig par/ /zhing rnams dri ma med pa snang / /la la rgyan rnams thams 
cad kyis/ /rnam pa sna tshogs rab tu brgyan/ /la la zhing rnams bcu dag gi /rgyan gyis mngon par rab tu brgyan/ /la la zhing rnams stong dag kyang / /rnam par brgyan cing rab tu gnas/ /zhing gi rgyan mang bya ba yis/ /zhing rnams la la rnam par bres/ /rgyan dang tshul 
rnams tha dad par/ /sna tshogs mig yor lta bur snang / /brjod du med pa'i zhing gi rnams/ /rgyan gcig la yang rab tu snang / /'od ni gzhan dang gzhan bkye ba/ /sangs rgyas smon lam mthu las byung / /smon lam rgya mtsho rnams mang bas/ /zhing rnams la la rnam 
par sbyangs/ /de dag rgyan mang thams cad du/ /zhing gi rgya mtsho shin tu snang / /kun tu bzang po'i smon lam gyis/ /zhing rnams yongs su gang sbyangs pa/ /de dag kun la dus gsum gyi/ /zhing gi rgyan rnams kun kyang snang / /zhing gi rgyud kyi rnam sprul pa/ /
kye ma rgyal sras khyed ni ltos/ /ma 'ongs pa yi zhing rnams kyang / /rmi lam bzhin du de dag snang / /ji snyed phyogs bcu'i 'jig rten gyi/ /'das pa'i zhing rnams rgya mtsho yang / /zhing gcig nang na thams cad snang / /mig yor bzhin du sprul pa yin/ /dus 
gsum sangs rgyas thams cad kyi/ /rnam sprul zhing rnams gang yod pa/ /zhing gi rgyud ni 'di la snang / /kun kyang nang na yod par gnas/ /zhing gi rdul gyi rtse mo la/ /sangs rgyas thams cad rnam 'phrul pa/ /shong ba de dag kun nas snang /</font><hr>35-1-144a<br><font size=+1>
mig yor mtshan nyid med pa'o/ /la la rgya mtsho'i dbyibs su 'dug /zhing brgya mang po de dag ltos/ /ri rab ri yi dbyibs 'dra dang / /'jig rten khams ni bsam mi khyab/ /zhing rnams la la rnam par bris/ /myig yor 
dbyibs su gnas pa ste/ /sna tshogs shing gi dbyibs su gnas/ /sangs rgyas kyis kyang kun tu khyab/ /zhing rnams nor bu 'khor lo'i dbyibs/ /la la pad ma'i dbyibs su gnas/ /yan lag brgyad pa sna tshogs mang / /sna tshogs kha dog dri ma 
med/ /la la khri yi dbyibs lta bu/ /grwa yi dbyibs dang khyad khyud de/ /la la grong khyer dbyibs su 'dug /tshangs pa'i lus su rab tu gnas/ /lha yi dbang po'i gtsug phud dbyibs/ /zla ba kham ltar la la gnas/ /nor bu'i ri yi 
dbyibs su 'khod/ /nyi ma'i dkyil 'khor dbyibs kyang 'dra/ /spos chu mtsho yi klong lta bu/ /'jig rten khams rnams rab tu gnas/ /'od kyi dkyil 'khor dbyibs 'dra ba/ /sngon gyi sangs rgyas rnams kyis sbyangs/ /'khor lo bkra shis 
dbyibs lta bu/ /'jig rten la la dkyil 'khor de/ /mdzod spu spyi gtsug dbyibs lta bu/ /la la mig gi tshul yang 'dra/ /sangs rgyas phyag gi dbyibs lta bu/ /la la rdo rje'i dbyibs su 'dug /'od 'phro ri yi dbyibs kyang 'dra/ /byang chub 
sems dpas kun tu gang / /zhing rnams la la seng ge'i dbyibs/ /nor bu'i go car mngon par bsgrubs/ /gzugs dang dbyibs ni du ma ste/ /gzugs rnams kun gyis rab tu gnas/ /zhing gi rgyud ni gcig la yang / /zhing gi dbyibs rnams mi 
zad pa/ /rab tu gnas pa byin rlabs dang / /sangs rgyas smon lam rnams kyis byung / /zhing rnams la la bskal pa tsam/ /la la bskal pa bcu pa ste/ /zhing rnams la la rdul mnyam pa'i/ /bskal pa bye bar brjod pa yin/ /la la </font><hr>35-1-144b<br><font size=+1>
bskal pa gcig la yang / /zhing rnams mang po 'byung ba snang / /tshad med grangs kyang med pa ste/ /'jig pa de bzhin bsam mi khyab/ /zhing rnams la la sangs rgyas med/ /zhing rnams la la sangs rgyas bcas/ /la la'i zhing na sangs rgyas 
gcig /la la sangs rgyas mang po'o/ /sangs rgyas med pa'i zhing rnams dang / /'jig rten gzhan gyi khams su yang / /sangs rgyas sprul pa gshegs mdzad cing / /rnam par 'phrul pa rab tu ston/ /'pho dang 'byung dang sku tshe dang / /byang chub 
mngon par 'tshang rgya dang / /bdud kyi sde dag 'dul ba dang / /chos kyi 'khor lo bskor ba ston/ /sems can bsam pa ji bzhin du/ /gzugs rnams sna tshogs kun kyang ston/ /chos kyi 'khor lo rab bskor ba/ /'jig rten kun na tha mi dad/ /sangs 
rgyas zhing rnams re rer yang / /rgyal ba gcig ni skyer 'gyur te/ /lo grangs bye ba phrag stong du/ /chos kyi dam pa rab tu ston/ /sems can snod du ma gyur la/ /sangs rgyas ston pa mi mdzad do/ /sangs rgyas bsam dang ldan pas ni/ /de nyid gcig kyang 
kun tu mthong / /sangs rgyas mang po'i zhing gi rnams/ /zhing rnams re re dag tu yang / /sangs rgyas bye ba bsam mi khyab/ /rgyal ba rnams ni rab tu skye/ /rgyal ba so so de dag na/ /sprul pa mang po rab 'gyed cing / /chos kyi dbyings ni khyab mdzad nas/ /
sems can rgya mtsho 'dul ba mdzad/ /zhing rnams la la 'od med de/ /mun pa 'jigs pa shin tu che/ /reg na sdug bsngal spu gri 'dra/ /blta na mi bzad skyi yang g.ya'/ /zhing rnams la la lha 'od can/ /la la khyim gyi 'od can te/ /la la nyi zla'i 
'od dang ldan/ /zhing gi dra ba bsam mi khyab/ /zhing rnams la la rang gi 'od/ /shing gi 'od can dri ma med/ /gang du sdug bsngal mi mthong ba/ /de dag sems can dge las byung / /la la ri yi 'od can te/ /zhing rnams la la nor bu'i 'od/ /la </font><hr>35-1-145a<br><font size=+1>
la mar me'i 'od can te/ /sems can rnams kyi las kyis byung / /zhing rnams la la sangs rgyas 'od/ /byang chub sems dpas kun tu gang / /zhing rnams la la pad mo'i 'od/ /'od 'phro 'od can rab tu mdzes/ /zhing rnams la la 
me tog 'od/ /spos chu'i 'od dang ldan pa'ang yod/ /spos dang bdug pa 'od 'phro can/ /smon lam dbang gis rnam par sbyangs/ /zhing rnams la la sprin 'od can/ /nor bu'i go ca'i 'od kyis gsal/ /sangs rgyas byin gyi rlabs kyis snang / /yid du 'ong ba'i sgra dbyangs 
ldan/ /rin chen cod pan 'od dang ldan/ /rdo rje gser gyi 'od kyis snang / /yongs su dag pa'i sgra dbyangs can/ /de dag na ni sdug bsngal med/ /thams cad rgyan gyi 'od can dang / /zhing rnams la la nor bu'i 'od/ /la la snying po byang chub 'od/ /'khor rnams 
kun tu rab tu snang / /sangs rgyas sprul pa'i snang ba can/ /sangs rgyas sprin gyis kun nas yog /kun tu 'od kyis rab tu snang / /chos kyi dbyings dang mnyam pa'i 'od/ /zhing rnams la la me yi 'od/ /zhing rnams la la 'jigs sgra can/ /mi zad 'jigs 
pa'i nga ro can/ /rtsub cing brlang ba'i sgra rnams dang / /yid myong 'jigs pa chen po sgrog /dmyal ba byol song skye gnas dang / /gshin rje'i 'jig rten sdug bsngal rnams/ /mya ngan rgya mtsho'i zhing gi rnams/ /nyon mongs ldan pa'i sgra yang 'byung / /la 
la dag na yid 'ong sgra/ /dga' bar byed cing ston 'dems pa/ /bde ba'i las rnams 'bras bu'i dbyangs/ /zhing gi 'khor na rab tu sgrog /la la brgya byin lha dbang dbyangs/ /gzhan dag tshangs pa'i sgra dbyangs te/ /'jig rten kun gyi dbyangs su yang / /
la la'i zhing na rab tu grag /zhing rnams la la sprin gyi sgra/ /rin chen rgya mtsho 'od zer dang / /nor bur shing gi gzugs sgra dang / /rol mo'i sgra yis kun tu khyab/ /'od zer klong gi sgra rnams dang / /sangs rgyas sprul pa mi zad dang / /byang chub sems </font><hr>35-1-145b<br><font size=+1>
pa'i sgra dag dang / /'od zer sgra ni snyan pa 'byung / /chos kyi 'khor lo'i sgra rnams dang / /kha cig zhing na bsam yas pa'i/ /smon lam rgya mtsho'i nga ro dang / /spyod pa'i sgra yang snyan par 'byung / /dus gsum gshegs pa'i sangs rgyas kyi/ /mtshan gyi 
dkyil 'khor mang po dang / /de dag zhing rnams 'byung ba'i sgra/ /zad pa med pa'i dbyangs su sgrog /sangs rgyas rnams kyi stobs sgra dang / /tshad med sa dang pha rol phyin/ /chos kyi rang bzhin sgra dag kyang / /kha cig zhing na rab tu grag /kun tu bzang po'i 
smon lam gyi/ /sgra ni zhing rnams bye ba 'byin/ /bskal par gnas shing rab tu sgrog /sgra dbyangs 'byin pa zad mi shes/ /zhing gi dbyings rnams la la na/ /sangs rgyas rnam par sprul pa yi/ /sgra yis chos kyi dbyings bkang ba/ /de dag kun nas 
rab tu grag /'jig rten gyi khams kyi rgyud rnam par dgod pa shin tu bstan pa zhes bya ba ste/ le'u dgu pa'o// //sangs rgyas rmad ga cad ces bya ba shin tu rgyas pa chen po'i mdo/bam po bcu gnyis pa/ /rigs kyi bu dag sngon 'das 
pa'i bskal pa 'jig rten gyi khams kyi rdul shin tu phra ba snyed kyi pha rol de bas kyang pha snga'i dus de'i tshe de'i dus na 'jig rten gyi khams rgya mtsho tshul dri ma med par phyogs kun snang ba zhes bya ba'i dbus na/ 'jig rten gyi khams dpal gyi sgra zhes bya ba byung ste/ 'jig rten gyi 
khams dpal gyi sgra zhes bya ba de ni/ rin po che'i pad mo mang po'i rgya mtsho la rab tu gnas pa rnam par dag cing kun nas nyon mongs pa/ 'jig rten gyi khams ri rab kyi rdul shin tu phra ba snyed kyi 'khor gyis bskor ba/ kun nas zlum pa'i dbyibs su 'dug pa/ gzhi rgyan 
mtha' yas pas brgyan pa/ rin po che sna tshogs kyi shing gi khor yug brgya phrag gsum gyis kun nas bskor ba/ rin po che'i rgyan thams cad kyi sprin gyis kun nas yog pa/ ri rab dang grong khyer dang / khang khyim dri ma med cing 'od rnam par snang bas brgyan pa/ zas dang </font><hr>35-1-146a<br><font size=+1>
skom dang / gos kyi longs spyod yid kyis bsams pas 'byung ba rgyan gyi rnam pa brjod pa sna tshogs dang ldan pa zhig ste/ 'jig rten gyi khams dpal gyi sgra zhes bya ba de'i dbus na/ spos chu'i rgya mtsho 'od rnam par dag pa zhes bya ba yod de/ 
de las me tog gi ri rab me tog 'od 'phro ba'i rgyan gyi rgyal mtshan zhes bya ba/ rin po che'i khri 'phang bcu'i 'khor gyis bskor cing brgyan pa zhig byung ste/ ri rab de'i steng na nags tshal chen po yal ga'i dkyil 'khor rin po che'i me tog rgyas pa zhes bya ba/ spos kyi 
rgyal mtshan stong phrag dpag tu med pa shin tu bsgrengs pa'i rgyan can/ me tog gi khang pa brtsegs pa dpag tu med pa'i phreng ba rnam par bres pa/ nor bu'i khang pa brtsegs pa rnam par bkod pa/ rin po che'i rdo rje'i rgyal mtshan dpag tu med pas kun tu brgyan pa/ rin po 
che'i me tog pun da ri ka dpag tu med pa'i phreng ba dag gis kun nas bskor ba/ spos dang / rin po che'i pad mo mang po dpag tu med pas kun tu brgyan pa/ rol mo sna tshogs kyi sgra yid du 'ong ba'i sprin dpag tu med pas kun tu rgyas pa/ spos dang bdug pa'i 'od 'phro ba'i sprin 
dpag tu med pas kun tu snang bar byas pa/ grong khyer bye ba khrag khrig brgya stong phrag bcu sems can sna tshogs snang bas kun nas bskor ba ste/ 'di ltar nags tshal chen po yal ga'i dkyil 'khor rin po che'i me tog rgyas pa zhes bya ba/ de'i shar phyogs logs na 
grong khyer chen po 'od 'phro snang ba zhes bya ba mi yi rgyal po'i gnas grong khyer brgya stong phrag bcu'i 'khor gyis bskor ba/ rin po che 'ba' zhig las byas pa chu dang zheng du dpag tshad stong phrag bdun yod pa/ rin po che sna tshogs kyi shing tags dang / phru ma'i ra ba bdun gyis brgyan cing 
kun nas bskor ba/ rin po che'i 'obs spos kyi chus gang ba/ rin po che'i me tog ut+pa la dang / pad+mo dang / ku mu da dang / me tog pun da ri kas rnam par brgyan pa bdun gyis kun nas bskor ba/ shing ta la'i phreng ba rgyan rnam pa sna tshogs kyi tshogs mang po 'byin pa </font><hr>35-1-146b<br><font size=+1>
bdun gyis kun nas bskor ba/ rin po che'i rgyan dang khang bu brtsegs pas rab tu brgyan pa/ steng nas gser gyi dra ba dang / dril bu'i dra ba dang / me tog gi phreng ba'i dra ba dang / in+d+ra nI la'i dra ba dang / rdo rje pad mo'i dra bas kun nas yog la/ rin po che'i shing drung me 
tog gi dra ba dang / rol mo'i sgra mang po thams cad kyi sprin yid du 'ong bas kun tu khyab pa/ spos dang phreng ba'i rgyan sna tshogs kyis brgyan pa yod de/ de'i 'khor kun na sgo bye ba khrag khrig brgya stong phrag bcu yod de/ sgo de dag thams cad kyang rin po che sna 
tshogs thams cad kyis byas pa ste/ sgo de dag re re'i mdun yang rin po che rdo yi rgyal mtshan rgyan thams cad kyis brgyan pa bdun bdun gyis brgyan pa'o/ /bza' shing gi ra ba bye ba khrag khrig brgya stong phrag bcus kyang kun nas bskor ba ste/ bza' shing gi ra ba de 
dag thams cad kyang spos dang rin po che'i shing sna tshogs las spos kyi dri kun tu byung ba bya sna tshogs yid du 'ong ba'i sgra 'byin pa'o/ /grong khyer chen po 'od 'phro ba'i sprin ces bya ba der myi skyes pa thams cad kyang las kyi rnam par smin pas rdzu 'phrul thob pa dag ste/ nam 
mkha' las rgyu ba mi dang lha mnyam du spyod pa/ yid bzhin gyi yul la longs spyod pa sha stag go /de nas lho phyogs logs na lha yi grong khyer shing gi me tog sna tshogs zhes bya ba yod do/ /de nas lho phyogs logs na klu'i grong khyer kun tu rdzogs pa zhes bya ba yod do/ /
de nas lho phyogs logs na gnod sbyin gyi grong khyer rdo rje'i dpal sna tshogs kyi rgyal mtshan zhes bya ba yod do/ /de nas lho phyogs logs na dri za'i grong khyer gzhal med khang bzang po zhes bya ba yod do/ /de dang 'dab chags su lha ma yin gyi grong khyer 'khor lo'i tshon ces bya 
ba yod do/ /de dang 'dab chags su 'dab ma bzang po'i grong khyer rin po che sna tshogs bzang po'i lte ba zhes bya ba yod do/ /de dang 'dab chags su bram ze'i grong khyer rgyan bzang po sna tshogs zhes bya ba yod de/ de dag la stsogs pa grong khyer bye ba khrag khrig brgya </font><hr>35-1-147a<br><font size=+1>
stong phrag bcu'i 'khor gyis bskor ba'o/ /grong khyer de dag re re zhing yang rgyan mang po du mas brgyan pa nas grong khyer bye ba khrag khrig brgya stong gi 'khor gyis bskor ba'i bar du ste/ nags tshal chen po yal ga'i dkyil 'khor rin po che'i me tog rgyas 
pa zhes bya ba de'i dbus na/ snying po byang chub rin po che'i me tog rnam par snang ba zhes bya ba rin po che thams cad kyi shing / yal ga stug cing rgya che ba'i dkyil 'khor rab tu rgyas pas kun nas bskor ba/ rin po che'i me tog gzugs dang / dbyibs rnam pa tha dad pa 
mang po shin tu rgyas pa spos dang mar me rin po che thams cad kyi kha dog ltar 'dug pa'i phreng ba mang po rgya chen po'i sprin kun tu bkram pa/ rin po che'i 'od thur du 'phro bas zhing kun tu khyab pa 'od kyi dkyil 'khor rnam par dag pa'i sprin gyis brgyan pa/ phyogs bcu 'od zer 
mang pos rnam par snang bar byas pa rgyan thams cad rin po che sna tshogs mang pos spras pa/ rol mo thams cad kyi sgra dbyangs shin tu 'byung ba/ nor bu'i rgyal po thams cad las byang chub sems dpa'i lus 'byung ba/ phyogs bcur me tog sna tshogs mang 
po rab tu 'byung ba yod de/ de'i mdun du pad mo chen po me tog gi ze ba 'od 'phro ba'i dkyil 'khor zhes bya ba rgyar dpag tshad bye ba phrag brgya yod pa/ rtsa ba spos dang rin po che dang rdo rje'i rgya mtsho la zug pa/ chu ba rin po che sna tshogs kyi tshon gyis rnam pa sna 
tshogs su gyur pa/ rin po che rnam pa tha dad pa tshad med pa'i 'dab ma can/ rin po che 'od 'phro ba dang / spos kyi ze ba'i dkyil 'khor gyis brgyan pa/ snying po la rin po che kha dog mtha' yas pa'i tshon bkye ba pad mo'i dkyil 'khor brjod du med pa 
bye ba khrag khrig brgya stong phrag bcu'i 'khor gyis bskor ba/ phyogs bcur 'od kyi dkyil 'khor rgya chen po rab tu 'gyed pa/ ze ba thams cad las yid du 'ong ba'i sgra 'byung ba mngon par byung ngo / /'jig rten gyi khams dpal gyi sgra zhes bya ba der/</font><hr>35-1-147b<br><font size=+1>
de bzhin gshegs pa ri rab bcu'i rdul shin tu phra ba snyed byung ste/ de bzhin gshegs pa ri rab bcu'i rdul shin tu phra ba snyed de dag las bskal pa'i thog ma pa thams cad kyi thog mar bla na med pa yang dag par rdzogs pa'i byang chub tu mngon par sangs rgyas 
pa'i de bzhin gshegs pa ni yon tan thams cad kyi ri bo ri rab kyi dbyangs shes bya ste/ des 'jig rten gyi khams rgya mtsho'i tshul dri ma med par phyogs kun tu snang ba zhes bya ba 'di yongs su sbyangs so/ /kye rgyal ba'i sras dag 'jig rten gyi khams dpal gyi sgra zhes 
bya ba der lo brgya na/ de bzhin gshegs pa 'byung ngo zhes bya ba'i tshe/ nags tshal chen po yal ga'i dkyil 'khor rin po che'i me tog rgyas pa zhes bya ba/ de yang rgyan thams cad kyis brgyan par gyur te/ 'di ltar rin po che'i 'od 'phro ba'i sprin bsam gyis 
mi khyab pa rab tu gtong ba'i snying po can du gyur nas/ sangs rgyas kyi yon tan gyi dkyil 'khor gyi sgra yang rab tu 'byin/ phyogs bcu dag kyang 'od zer gyi dra bas rnam par snang bar byed/ gzhal med khang dang khang khyim gyi grong rdal thams cad kyang rab 
tu snang bar byed/ rin po che'i me tog dang / 'od kyi dkyil 'khor gyi sprin yang rab tu 'gyed/ sems can thams cad kyi sngon gyi dge ba'i rtsa ba yangs pa'i sgra dang / dus gsum gyi de bzhin gshegs pa thams cad kyi mtshan gyi 'khor lo rab tu mthong ba'i sgra 
dang / byang chub sems dpa' thams cad kyi smon lam dang / spyod pa dang 'byung ba mngon par bsgrub pa'i sgra dang sangs rgyas thams cad kyi chos kyi 'khor lo'i nges pa'i tshig sna tshogs rab tu bsgrag pa'i sgra dag kyang rab tu 'byin to/ /de dag ni de bzhin gshegs 
pa skye ba'i ltas te/ rgyan de dag byung ba 'jig rten gyi khams der de bzhin gshegs pa 'byung bar 'jig rten gyi dbang po rnams kyis khong du chud do/ /de bzhin gshegs pa las mnyan pa'i dge ba'i rtsa ba yongs su smin pa dang / sangs rgyas blta bar mos </font><hr>35-1-148a<br><font size=+1>
pa dang snying po byang chub tu mngon par gzhol ba de dag thams cad kyang ltas mngon du byung bas yang dag par bskul to/ /bcom ldan 'das de bzhin gshegs pa yon tan thams cad kyi ri bo ri rab kyi dpal zhes bya ba mnyam pa nyid kyis chos 
kyi dbyings kun tu khyab pa'i sku can sangs rgyas kyi zhing thams cad du yongs su skye ba rab tu 'phros pa/ sku snying po byang chub thams cad la bzhugs pa/ gzugs kyi sku mtha' dang dbus med par rnam par dag pa/ 'jig rten gyi khams thams cad du mngon par 'phags 
shing zil gyis gnon pa/ mtshan rin po che'i me tog thams cad shin tu rgyas pa/ sems can thams cad kyi gnas su gzugs brnyan rab tu 'byung ba/ 'gro ba thams cad la mngon du ston pa/ sangs rgyas kyi sprul pa kha dog mtha' yas pa'i sprin gyis dra ba rab tu 
'gyed pa/ 'jig rten gyi khams 'od kyi dkyil 'khor gyi sprin gyis khyab par mdzad pa/ 'od zer kyi dra ba kha dog mtha' yas pa rab tu gtong ba de pad mo chen po de la mngon par byung bar gyur to/ /ji ltar spos chu'i rgya mtsho rnam par dag pa'i 'od la rab tu 
gnas pa'i ri rab me tog gi 'od 'phro bas brgyan pa'i rgyal mtshan gser shin tu 'bar ba'i rgyan ces bya ba'i rtse mo la/ nags tshal chen po yal ga'i dkyil 'khor rin po che'i me tog rgyas par sangs rgyas kyi gdan la bzhugs pa/ de bzhin du 'jig 
rten gyi khams dpal gyi sgra kun tu yang ri rab bye ba stong phrag drug cu rtsa brgyad kyi rtse mo la bzhugs par kun na snang ngo / /'jig rten gyi khams rgya mtsho kun tu tshul rgya che ba kun gyi 'jig rten gyi khams kyi rgyud sangs rgyas kyi zhing gi rdul shin tu phra ba snyed kyi 'jig rten gyi khams 
'byam klas pa dag gi gling bzhi pa thams cad na'ang snying po byang chub la bzhugs par snang ngo / /de nas bcom ldan 'das de bzhin gshegs pa yon tan thams cad kyi ri bo ri rab dpal gyi sprin gyi smin mtshams kyi mdzod spu nas 'od gzer dge ba'i rtsa ba thams cad yongs su skyed pa zhes bya </font><hr>35-1-148b<br><font size=+1>
ba 'od zer sangs rgyas kyi zhing / zhing gi rdul shin tu phra ba snyed kyi 'khor gyis bskor ba rab tu bkye ste/ 'jig rten gyi khams thams cad khyab par mdzad nas/ 'dul ba thams cad yang dag par bskul to/ /bcom ldan 'das de bzhin gshegs pa yon tan 
thams cad kyi ri bo ri rab dpal gyi sprin gyis 'od zer de dag bkye ma thag tu/ de'i mod la sems can thams cad kyi nyon mongs pa thams cad kyang rab tu zhi bar gyur/ sgrib pa'i dra ba thams cad kyang shin tu bsal/ sangs rgyas blta ba la sgrib pa'i ri thams 
cad kyang rnam par bcom/ sems can thams cad kyi rnyog pa yang rnam par dag dge ba rgya mtsho thams cad kyang rab tu byung / mos pa yangs pa'i dkyil 'khor yang yongs su dag mi khom pa dang / ngan song dang / ngan 'gro'i g.yang sa dang / 'jigs 
pa thams cad kyang rnam par bstsal/ lus dang sems kyi gnod pa thams cad kyang rab tu zhi/ sangs rgyas mthong bas dga' ba'i shugs kyang rnam par dag thams cad mkhyen pa nyid la rab tu gzhol ba yang shin tu thob par gyur te/ de dag 'od gzer des yang 
dag par bskul ba dang / 'jig rten gyi dbang po thams cad 'khor brgya stong du ma dag gis bskor cing / bcom ldan 'das gang na ba der 'dong bar gyur to/ /kye rgyal ba'i sras dag de la grong khyer chen po 'od 'phro ba'i 'od ces bya ba der rgyal po blta na dga' ba 
shin tu gtsang ba'i blo gros shes bya ba/ grong khyer bye ba khrag khrig brgya stong phrag bcu'i bdag po byung ste/ de la bud med bsod nams kyi dpal la stsogs pa stong phrag sum cu rtsa bdun yod do/ /de la bu gzi brjid chen po la stsogs pa lnga brgya yod do/ /rgyal 
po'i bu gzi brjid chen po la yang bud med blta na bzang ba la stsogs pa stong phrag bcu yod do/ /de nas rgyal po gzhon nu gzi brjid chen pos sangs rgyas kyi rnam par 'phrul pa mthong nas sngon gyi dge ba'i rgyus chos bcu khong du chud par gyur to/ /bcu gang zhe na/ 'di lta ste </font><hr>35-1-149a<br><font size=+1>
sangs rgyas thams cad kyi yon tan gyi dkyil 'khor ces bya ba'i ting nge 'dzin khong du chud do/ /'di lta ste sangs rgyas kyi chos kyi dbyings la sgo kun nas rab tu 'jug pa zhes bya ba'i ting nge 'dzin khong du chud do/ /'di lta ste tshul 
yangs pa'i sprin gyi snying po zhes bya ba shes rab kyi pha rol tu phyin pa khong du chud do/ /'di lta ste/ 'gro ba thams cad 'dul ba'i rgyan chen po zhes bya ba'i byams pa chen po khong du chud do/ /'di lta ste sgra yi sprin gyis kun tu rgyas par byed pa zhes bya ba'i snying rje chen po 
khong du chud do/ /'di lta ste yon tan mtha' dang dbus med pas yang dag par 'phags pa zhes bya ba dga' ba chen po khong du chud do/ /'di lta ste chos thams cad ji lta ba bzhin du rtogs pa zhes bya ba'i btang snyoms chen po khong du chud do/ /'di lta ste tshul gyi gzhi 
rgya chen po rgya mtsho'i snying po zhes bya ba'i mngon par shes pa chen po khong du chud do/ /'di lta ste mos pa rgya mtsho'i stobs dang shugs rnam par 'phel bar byed pa zhes bya ba'i smon lam gyi tshul gyi sgo chen po khong du chud do/ /'di lta ste thams cad mkhyen pa nyid kyi ye shes kyi 
'od la yang dag par gzhol ba'i shugs zhes bya ba tha dad pa yang dag par shes pa'i ye shes chen po'i sgo khong du chud do/ /de nas rgyal po gzhon nu gzi brjid chen po zhes bya ba de chos kyi snang ba chen po thob nas/ sangs rgyas kyi byin gyi rlabs kyis 
'khor gyi tshogs thams cad la tshigs su bcad de smras pa/ /nyi ma mang po stong gi rnams/ /mkha' la mngon par 'phags pa bzhin/ /snying po byang chub dri med la/ /sangs rgyas 'od ni shin tu snang / /bskal pa bye ba stong dag gi/ /mgon po 'jig rten byung ba ni/ /sangs 
rgyas yang dag skyes pa rnams/ /rgyal ba kun na rab tu snang / /ltos shig sangs rgyas 'od zer la/ /sangs rgyas sprin ni bsam mi khyab/ /gnas rnams kun na kun kyang snang / /de bzhin gshegs pa mnyam par gzhag /'od 'phro sprin rnams rab </font><hr>35-1-149b<br><font size=+1>
bkye ba/ /'od zer sprin la zad mi shes/ /'jig rten 'di dag snang bar byed/ /sangs rgyas rnam par 'phrul la ltos/ /sangs rgyas rnams kyi sku dag las/ /'od gzer rnams ni dri med pa/ /sems can kun dang mnyam pa'i lus/ /phyogs 
dang phyogs mtshams rgyas 'gengs ltos/ /sangs rgyas gsung ni yid 'ong ba/ /'gro ba kun tu rab tu bsgrags/ /'gro kun dbyangs kyi yan lag tu/ /sangs rgyas yon tan rnam par brjod/ /sangs rgyas 'od kyis phog pa yi/ /sems can kun kyang 
bde bar gyur/ /sdug bsngal thams cad rab tu zhi/ /'gro ba kun kyang dga' ba skyes/ /byang chub sems dpa'i sprin gyi rnams/ /rin chen sprin rnams rab 'gyed cing / /bstod pa'i sprin gyis rgyal ba'i drung / /phyogs bcu kun nas mngon par 'ong / /
snying po byang chub 'di la yang / /sgra yi rgya mtsho zab mo grag /sems can thams cad sdug bsngal zhi/ /sangs rgyas rnam par 'phrul la ltos/ /kun kyang sri zhu ldan gyur te/ /dga' shing shin tu mos byas shing / /chos kyi rgyal po blta ba'i phyir/ /'jig rten mgon po'i drung du 'dong / /kye rgyal ba'i sras dag rgyal bu gzhon nu gzi brjid chen pos tshigs su bcad pa 'di brjod pa'i tshe/ sangs rgyas kyi byin gyi rlabs kyis 'jig rten gyi khams dpal gyi sgra thams cad kyi sems can gyi gnas kun 
tu shin tu grag par gyur to/ /de nas rgyal po blta na dga' ba shin tu gtsang ba'i blo gros kyis tshigs su bcad pa 'di dag thos nas dga' ba chen po skyes te/ /rang gi 'khor de dag la tshigs su bcad de smras pa/ /zhang blon rnams dang gzhon nu dang / /
rgyal po'i mi dang blon po dang / /tshong pa rnams dang de bzhin du/ /yul mi rnams kyang kun 'dus shig /grong khyer rnams ni kun tu yang / /rnga sgra dag gis myur du sgrogs/ /kun kyang 'thun par lhan cig tu/ /rgyal ba blta ba'i phyir dengs </font><hr>35-1-150a<br><font size=+1>
shig /srang rnams thams cad kun tu yang / /dge ba'i dril gyi sgra sgrogs shig/ /bu dang chung ma 'khor bcas pa/ /rgyal ba blta ba'i phyir yang 'dong / /grong khyer rnams kyang brgyan par gyis/ /rgyan rnams kun tu bla re bres/ /rgyal 
mtshan dam pa bzang po'i rnams/ /nor bu sna tshogs brgyan par sgreng / /rin chen dra ba'i bla re rnams/ /nam mkha'i dkyil du bre bar gyis/ /nam mkha' 'di las thams cad du/ /sil snyan sprin gyi sgra dag phyung / /lam gyi srang yang brgyan par gyis/ /rin chen char 
yang kun tu phob/ /bzhon pa rin chen bstad par gyis/ /rgyal ba blta ba'i phyir 'dong ngo / /rang rang so so'i 'khor rnams kyis/ /sna tshogs sprin gyi char phob shig /rgyan gyi sprin rnams thams cad kyis/ /nam mkha'i dbyings kyang dgab par gyis/ /
spos dang pad mo 'od kyi sprin/ /me tog gdugs rnams bsam yas dang / /se mo do dang phreng sprin dang / /gos kyi sprin gyi char phob shig /ri rab rnams dang spos kyi ri/ /nor bu'i 'khor los brgyan par gyis/ /dri med tsan dan phye ma rnams/ /nam mkha'i 
dkyil la rab tu ston/ /nor bu'i phreng ba me tog phreng / /rin chen phreng ba dri med dang / /rin chen sgron gyi phreng ba rnams/ /nam mkha'i dbyings la bsgrub par gyis/ /thams cad sangs rgyas mngon gyis la/ /dga' zhing spro ba'i sems bskyed de/ /
bu dang 'khor du bcas pa'i rnams/ /rgyal ba blta phyir kun 'dong ngo / /de nas rgyal po blta na dga' ba shin tu gtsang ba'i bdag po bsod nams dpal la stsogs pa bud med stong phrag sum cu rtsa bdun dang / gzi brjid chen po la sogs pa gzhon nu 
lnga brgya dang / blo gros kyi stobs las stsogs pa blon po stong phrag drug cu dang / de dag la stsogs pa 'khor bye ba khrag khrig brgya stong phrag bdun cu rtsa bdun gyis bskor cing mdun tu bdar te grong khyer chen po 'od 'phro snang ba nas byung nas sde'i 'khor dang bcas pa nam mkha'i dbyings </font><hr>35-1-150b<br><font size=+1>
su mngon par 'phags te/ rgyal po'i rdzu 'phrul chen po dang / rgyal po'i mthu chen pos/ nam mkha' thams cad rgyan gyi sprin thams cad kyis rnam par brgyan te/ bcom ldan 'das gang na ba der dong nas bcom ldan 'das kyi zhabs la spyi bos phyag 'tshal te/ 
phyogs gcig tu 'khod do/ /lha'i grong khyer shing gi me tog sna tshogs shes bya ba nas kyang lha'i dbang po rab mtshe ma'i rgyal mtshan zhes bya ba lha bye ba khrag khrig brgya stong dang lhan cig tu bcom ldan 'das gang na ba der dong ste/ bcom ldan 'das kyi zhabs la spyi bos phyag 
'tshal nas phyogs gcig tu 'khod do/ /klu'i grong khyer kun tu rdzogs pa nas kyang klu'i rgyal po bcu dri ma myed pa'i 'od ces bya ba klu bye ba nyi shu rtsa lnga dang lhan cig gnod sbyin gyi grong khyer rdo rje'i dpal rgyal mtshan zhes bya ba nas kyang gnod sbyin gyi bdag po dpa' bas rgyal ba zhes bya ba gnod sbyin bye ba bdun cu rtsa bdun dang lhan cig /dri za'i 
grong khyer gzhal med khang bzang po nas kyang dri za'i rgyal po blta na dga' ba zhes bya ba dri za bye ba dgu bcu rtsa bdun dang lhan cig /lha ma yin gyi grong khyer 'khor lo'i tshon nas kyang lha ma yin gyi dbang po gzugs rnam par dag pa las sems pa zhes bya ba lha ma yin bye ba stong phrag 
lnga brgya'i 'khor gyis bskor ba dang lhan cig nam mkha' lding gi grong khyer rin po che sna tshogs bzang po'i lte ba nas kyang nam mkha' lding gi dbang po stobs bcu spyod pa zhes bya ba nam mkha' lding gi 'khor dgu bcu rtsa dgu dang lhan cig mi 'am ci'i grong khyer rtse ba'i dga' ba dang ldan pa nas 
kyang mi 'am ci'i dbang po rdo rje dpal zhes bya ba mi 'am ci bye ba phrag bco brgyad dang lhan cig /lto 'phye chen po'i grong khyer rin po che rdo rje sra ba'i rgyal mtshan nas kyang lto 'phye chen po'i dbang po rin po che grags pa'i rgyal mtshan zhes bya ba lto 'phye chen po bye ba khrag khrig brgya 
stong phrag gsum dang lhan cig /tshangs pa'i grong khyer rgyan bzang po sna tshogs nas kyang tshangs pa'i dbang po gzhan gyis pham pa med pa zhes bya ba tshangs pa bye ba phrag bcwo brgyad kyi 'khor gyis bskor cing mdun du byas te/ bcom ldan 'das yon tan thams cad kyi ri bo ri rab </font><hr>35-1-151a<br><font size=+1>
kyi dpal de bzhin gshegs pa gang na ba der dong nas/ bcom ldan 'das kyi zhabs la spyi bos phyag 'tshal nas phyogs gcig tu 'khod do/ /de dag la stsogs pa grong khyer bye ba khrag khrig brgya stong grong khyer gyi 'khor dang bcas pa dag nas 
sems can gyi ris tha dad pa na gnas pa'i rgyal po mang po 'khor dang bcas te/ bcom ldan 'das gang na ba der dong ste/ bcom ldan 'das la phyag 'tshal nas/ phyogs gcig tu 'khod do/ /de nas bcom ldan 'das de bzhin gshegs pa yon tan thams cad 
kyi ri bo ri rab kyi dpal gyis sems can de dag 'dul ba'i dbang nye bar bzung ste/ 'khor gyi dkyil 'khor gyi rgya mtsho der dus gsum gyi sangs rgyas thams cad yang dag par 'byung ba'i chos rnam par 'phrul pa zhes bya ba mdo'i 'khor 'jig rten gyi khams kyi rdul shin tu phra ba snyed dang 
bcas pa bsam pa ci lta ba bzhin du sems can rnams la yongs su bstan to/ /de nas byang chub sems dpa' gzi brjid chen pos chos kyi gzhung 'di bstan pa thos nas/ bcom ldan 'das de bzhin gshegs pa yon tan thams cad kyi ri bo ri rab kyi dpal gyis sngon 
yang dag par bsgrubs pa'i chos rgya mtsho la chos kyi snang ba rab tu thob bo/ /'di lta ste chos thams cad kyi dkyil 'khor mnyam pa nyid kyi ting nge 'dzin gyi sgo la ye shes kyi snang ba rab tu thob po/ /'di lta ste/ thog ma chos thams cad la yang dag par gzhol ba'i byang 
chub kyi sems la gnas pa'i ye shes kyi snang ba rab tu thob po/ /'di lta ste chos kyi dbyings kyi phyogs rnam par snang ba'i snying po'i mig rnam par dag pa la ye shes kyi snang ba rab tu thob po/ /'di lta ste sangs rgyas kyi chos thams cad kyi ye shes kyi rgya mtsho rab tu snang 
zhing rnam par dbye ba'i smon lam rgya mtsho la ye shes kyi snang ba rab tu thob po/ /'di lta ste yon tan chen po rgya mtsho mtha' dang dbus med pa rnam par dag pa la rab tu 'jug pa'i spyod pa'i dkyil 'khor la ye shes kyi snang ba rab tu thob po/ /'di lta ste sgo yangs pa nas snang ba </font><hr>35-1-151b<br><font size=+1>
zab mo yang dag par 'byung ba rgya mtsho la ye shes kyi snang ba rab tu thob po/ /'di lta ste phyir mi ldog pa'i stobs chen po'i shugs kyi snying po dang mthu chen po'i rgya mtsho la ye shes kyi snang ba rab tu thob po/ /'di lta ste chos kyi dbyings mtha' dang dbus med par sprul pas 
brgyan cing 'byung ba'i dkyil 'khor la ye shes kyi snang ba rab tu thob po/ /'di lta ste yon tan gyi dkyil 'khor rgya mtsho tshad med pa rab tu 'jug pa la mngon par bsgrub pa rgya mtsho'i ye shes kyi snang ba rab tu thob bo/ /'di lta ste sangs rgyas thams cad rnam par dmyigs shing mos 
pa rgya mtsho sprin gyis rgyan yang dag par bsgrub pa rgya mtsho la ye shes kyi snang ba rab tu thob bo/ /'di lta ste chos kyi dbyings mtha' dang dbus med pa dang / mnyam par de bzhin gshegs pa rnam par dmyigs par bya ba dang / 'gro ba thams cad mngon du bstan pa dang 
sangs rgyas kyi rnam par 'phrul pa rgya mtsho la ye shes kyi snang ba rab tu thob po/ /'di lta ste sangs rgyas kyi chos stobs dang / mi 'jig pa thams cad la ye shes kyi snang ba rab tu thob po/ /de nas byang chub sems dpa' gzi brjid chen pos de bzhin gshegs 
pa yon tan thams cad kyi ri bo ri rab kyi dpal gyi sngon gyi sbyor ba rgya mtsho la ye shes kyi snang ba rab tu thob nas/ sangs rgyas kyi byin gyi rlabs kyis de'i tshe tshigs su bcad pa 'di dag smras so/ /rgyal ba'i chos nyid 'di thos nas/ /bdag gi ye shes 
snang ba skyes/ /des ni sangs rgyas sngon spyod pa/ /rgya mtsho rnams kyang rab tu mthong / /sku tshe kun tu ji lta bur/ /phun sum tshogs gyur kun kyang mthong / /mtshan gyi rnam pa rnams dmigs dang / /gang gi sangs rgyas mchod pa'ang shes/ /
sngon chad sangs rgyas drung dag tu/ /bskal pa rgya mtshor spyod spyad de/ /sangs rgyas rgya mtsho mang mchod nas/ /zhing gi rgya mtsho yongs su sbyangs/ /sku yi rgya mtsho mang po dag /rgya chen yongs su kun btang zhing / /spyod pa'i dam pa rab spyad de/ /rgya </font><hr>35-1-152a<br><font size=+1>
mtsho'i zhing yang shin tu sbyangs/ /snyan dang shangs mang rgya mtsho dang / /phyag zhabs dbu yang de bzhin te/ /rgyal srid btsun mo'i 'khor btang zhing / /zhing gi rgya mtsho yongs su sbyangs/ /zhing rnams so so re re 
la/ /bskal pa bye ba bsam yas su/ /byang chub spyod pa rab spyod de/ /zhing gi rgya mtsho rab tu sbyangs/ /kun tu bzang po'i smon lam gyis/ /spyod pa rgya mtsho kun spyad nas/ /sangs rgyas rgya mtsho kun drung du/ /zhing gi rgya mtsho rab tu 
sbyangs/ /ji ltar nyi ma'i 'od snang bas/ /nyi ma'i dkyil 'khor mthong ba bzhin/ /sangs rgyas ye shes 'od snang bas/ /sngon gyi spyod pa rnams kyang mthong / /byang chub 'tshang rgya zhi ba yin/ /chos kyi dbyings ni kun gang ba'i/ /zhing gi 
rgya mtsho dag pa'i rnams/ /dri med 'od can kun kyang mthong / /sangs rgyas kun gyi byin rlabs kyis/ /byang chub spyad pa spyod pa'i tshe/ /zhing gi rgya mtsho yangs pa'i rnams/ /de ltar bdag gis sbyang bar bya/ /kye rgyal ba'i sras dag de'i tshe 
byang chub sems dpa' gzi brjid chen pos/ bcom ldan 'das de bzhin gshegs pa yon tan thams cad kyi ri bo ri rab dpal gyi sprin de mthong ba dang / bsnyen bkur ba dang / mchod pas de bzhin gshegs pa las mngon par khong du chud de/ 'jig 
rten thams cad ni snang bar byed/ sngon gyi sbyor ba rgya mtsho ni rab tu brjod/ byang chub sems dpa'i spyod pa rgya mtsho'i tshul ni rab tu sgrog /sangs rgyas thams cad kyi yon tan rgya mtsho'i tshul ni shin tu brjod/ /chos kyi dbyings thams cad la yang 
dag par gzhol ba'i ye shes kyi sgo yongs su sbyang ba ni shin tu ston/ snying po byang chub thams cad la mngon par 'tshang rgya ba'i rnam par 'phrul pa ni rab tu brjod/ sangs rgyas kyi stobs dang mi bsnyengs pa dang / ye shes tha mi dad pa ni shin tu </font><hr>35-1-152b<br><font size=+1>
brjod/ de bzhin gshegs pa'i sku sgo kun nas rnam par dmigs shing mthong ba ni rab tu brjod/ sangs rgyas kyi zhing rnam par 'phrul pa bsam gyis mi khyab pa shin tu ston/ sangs rgyas kyi rnam par spyod pa mtha' dang dbus med pa'i rgyan ni rab tu ston 
byang chub sems dpa' kun tu bzang po'i spyod pa dang / smon lam ni mngon par bsgrub pa byed cing / sems can ri rab kyi rdul shin tu phra ba snyed byang chub tu sems bskyed de/ sangs rgyas kyi zhing gi rdul shin tu phra ba snyed kyi sangs rgyas kyi zhing rnam par dag pa'ang 
yongs su 'dzin du btsud do/ /de nas de bzhin gshegs pa yon tan thams cad kyi ri bo ri rab dpal gyi sprin gyis/ byang chub sems dpa' gzi brjid chen po la tshigs su bcad de gsungs pa/ /sems can kun la phan pa'i phyir/ /byang chub don du khyod zhugs pa/ /gzi 
brjid chen po legs so legs/ /bsod nams snying po grags pa che/ /snang ba khyod kyis rab tu non/ /chos kyi dbyings ni khyab byas shing / /bsod nams chen po'i sprin ldan pa'i/ /sangs rgyas ye shes mchod par gyur/ /bskal pa zhing gi rdul snyed 
du/ /zhing gcig na yang spyod spyad cing / /nga yi ye shes ji lta bur/ /khyod kyis mthong ba de ltar 'gyur/ /tshul 'di kun nas shes par ni/ /brtson 'grus chung ngus mi nus te/ /brtson 'grus stobs chen ldan pa'i rnams/ /rgya mtsho'i zhing rnams 
dag par byed/ /thams cad rdul la 'jug tshul du/ /bskal pa rgya mtshor su spyod pa/ /rgya mtsho'i zhing gi rgyan gyi rnams/ /de la 'di 'drar rab tu 'gyur/ /sems can rnams ni re re'i phyir/ /bskal pa rgya mtshor spyod spyad cing / /'khor kyang skyo ba 
med pa'i rnams/ /de dag 'jig rten mgon por 'gyur/ /bskal pa phyi ma'i mthar thug pa/ /rgyal ba re re mchod byed kyang / /gang gi sems la skyo med na/ /de dag de bzhin gshegs par 'gyur/ /dus gsum gshegs pa'i mgon po kun/ /</font><hr>35-1-153a<br><font size=+1>
khyod kyi smon lam dbang gis gsal/ /sangs rgyas kun gyi 'khor rnams ni/ /khyod kyi lus kyang rab tu gnas/ /sangs rgyas kun gyi smon lam dag /mtha' dang dbus med rgya mtsho la/ /blo chen gang rnams 'jug 
pa na/ /de dag tshul 'di gnas par 'gyur/ /nga la mchod pa byas pas kyang / /gzi brjid chen po stobs chen gyis/ /sems can ri rab rdul mnyam pa/ /byang chub yongs su smin par byas/ /byang chub sems dpa' grags chen dag /kun 
tu bzang po dpa' ba'i rnams/ /chos kyi dbyings ni kun bkang zhing / /zhing gi rgya mtsho dag par byed/ /kye rgyal ba'i sras dag de la bskal pa rgya chen po rig pa zhes bya ba de la bskal pa bar ma chu klung gang gA'i bye ma snyed cig byung ste/ de'i dus na mi rnams 
kyi tshe yang bskal pa bar ma gnyis thub par gyur te/ rgyal ba'i sras dag de bzhin gshegs pa yon tan thams cad kyi ri bo ri rab dpal gyi sprin de'i sku tshe'i tshad ni lo bye ba phrag lnga bcur gyur to/ /de yongs su mya ngan las 'das nas/ de bzhin gshegs 
pa pha rol tu phyin pa'i spyan bzang po'i rgyan gyi rgyal po zhes bya ba 'jig rten du nags tshal chen po yal ga'i dkyil 'khor rin po che'i me tog rgyas pa de nyid la byung ste/ de bzhin gshegs pa pha rol tu phyin pa'i spyan bzang po rgyan gyi rgyal po de mngon par sangs rgyas 
pa'i rnam par 'phrul pa rgyal bu gzhon nu gzi brjid chen pos mthong ngo / /mthong nas kyang sgo rgya mtsho mtha' yas pa'i snying po zhes bya ba rab tu thob po/ /ye shes rgya chen po'i byin gyi rlabs dang chos kyi klong gi gzungs kyang rab tu thob bo/ /kun gyi rjes su 
song bar 'gro ba 'dul ba'i rnam par thar pa zhes bya ba'i byams pa chen po yang rab tu thob bo/ /dmigs pa'i sgo'i sprin thams cad kyis rgyas par byed pa zhes bya ba'i snying rje chen po yang rab tu thob bo/ /sangs rgyas thams cad kyi yon tan rgya mtsho dang byin gyi </font><hr>35-1-153b<br><font size=+1>
rlabs kyi mdzod ces bya ba'i dga' ba chen po yang rab tu thob bo/ /chos kyi rang bzhin nam mkha'i dbyings rnam par dag pa zhes bya ba'i btang snyoms chen po yang rab tu thob bo/ /rang bzhin dri ma med pa'i chos kyi dbyings yongs su dag pa'i lus zhes bya ba'i shes rab kyi pha rol 
tu phyin pa yang rab tu thob po/ /chags pa med pa'i dbyings rnam par snang ba'i rjes su song ba zhes bya ba'i mngon par shes pa yang rab tu thob po/ /rab tu khong du chud pas dri ma med pa'i klong la yang dag par 'jug pa zhes bya ba'i tha dad pa yang dag par shes pa yang rab tu thob 
bo/ /sangs rgyas thams cad kyi chos kyi dkyil 'khor yongs su dag par byed pa zhes bya ba'i ye shes snang ba yang rab tu thob bo/ /de dag la stsogs pa chos kyi sgo stong phrag bcu kun nas non par gyur te/ de nas rgyal bu gzhon nu gzi brjid chen pos sangs rgyas kyi byin 
gyi rlabs kyis 'khor gyi tshogs thams cad la tshigs su bcad de smras pa/ /bskal pa bye ba bsam gyis mi khyab tu/ /'jig rten gtso bo'i dam pa shin tu dkon/ /sangs rgyas zhing 'di sems can thob rab thob/ /de dag sangs rgyas gnyis pa 'di yang 
mthong / /sangs rgyas sku las 'od rnams rab bkye ba/ /kha dog mtha' yas rgya mtsho rnam par dag /'od zer spyan gyis 'jig rten kun tu khyab/ /kun tu rgyal ba'i yon tan grags par byed/ /'od kyis rig pa rmad kyi dga' ba skye/ /'gro ba de dag kun gyi sdug bsngal zhi/ /phan tshun srid zhu byams pa'i sems gyur cing / /sangs rgyas rnam 'phrul 'di dag kun kyang mthong / /sprul pa'i dra ba sprin rnams bsam mi khyab/ /rnam pa du ma'i 'od kyi dra ba 'gyed/ /phyogs bcu'i zhing rnams kun 
kyang gang byas shing / /sangs rgyas rnam par 'phrul pa rab tu ston/ /rgyal ba rnams kyi spu rtse re re nas/ /dbyangs sprin bkye bas nam mkha' kun bkang zhing / /mun nag chen po kun nas snang bar byed/ /dmyal ba'i sdug bsngal kun kyang rnam par sel/ /</font><hr>35-1-154a<br><font size=+1>
sangs rgyas dbyangs ni phyogs rnams bcu po na/ /sems can rnams kyi sngon dge rgya mtsho rnams/ /thams cad dbyangs kyis kun tu sgra yang sgrog /sangs rgyas rnam par 'phrul pa de dag ltos/ /sangs rgyas 'khor rnams rgya 
mtsho rgya che ba/ /mtha' dang dbus med yang dag rab tu byung / /de na rgyal ba chos kyi 'khor lo bskor/ /sems can rgya mtsho mi zad rnams kyang 'dul/ /tshad med rnam par 'phrul pa dag la ltos/ /zhing rnams kun na rgyal ba mngon par bzhugs/ /
de ltar bde gshegs ye shes chags pa med/ /sems can don du rnam par mngon sangs rgyas/ /dga' zhing mos par kun kyang 'dod par gyis/ /bde ba'i yid dang srid zhu spro ba yis/ /bde gshegs de ni blta ba'i phyir 'dong ngo / /de mthong sdug bsngal 
thams cad zhi bar 'gyur/ /byang chub sems ni yang dag bskyed byas shing / /'gro ba kun la byams pa'i sems 'gyur te/ /kun tu bzang po'i smon lam kun btab cing / /chos rgyal ji bzhin bdag cag 'gyur bar bya/ /sangs rgyas kyi byin gyi rlabs 
kyis de'i sgra la thogs pa med pas 'jig rten gyi khams thams cad du khyab par gyur te/ de thos pa'i sems can tshad med pa rnams kyang byang chub tu smon lam btab par gyur to/ /de yang pha dang ma dang lhan cig tu 'khor thams cad dang / sems can bye ba 
khrag khrig brgya stong de dag gis bskor cing mdun du byas te/ rin po che'i gdugs kyi sprin lngas nam mkha' thams cad kun nas yog par byas te/ bcom ldan 'das gang na ba der dong ngo / /'ongs pa de dag la bcom ldan 'das pha rol tu phyin pa'i spyan bzang po 
brgyan gyi rgyal po de bzhin gshegs pas chos [(]gyi [,]kyi[)]dbyings rang bzhin dri ma med pa'i rgyan ces bya ba'i mdo 'jig rten gyi khams kyi rdul shin tu phra ba snyed kyi mdo'i 'khor can yang dag par bstan to/ /des de thos nas tshul thams cad rnam par dag pa la 'jug par 'byung </font><hr>35-1-154b<br><font size=+1>
ba rab tu skyes so/ /ye shes kyi rim pa rnam par dag cing dri ma med pa'i snang ba zhes bya ba yang non par gyur to/ /pha rol tu phyin pa'i dkyil 'khor 'gro ba thams cad dga' bar lta ba'i rgyan ces bya bar yang zhugs par gyur to/ /zhing thams cad du yang yang dag 
par 'jug pa dang snang ba mtha' yas par mthong bas rnam par dag pa'i spyod pa'i dkyil 'khor la yang rab tu zhugs so/ /spyod pa'i dkyil 'khor bsod nams kyi sprin dri ma med pa'i 'od kyi rgyal mtshan ces bya ba la yang rab tu zhugs par gyur to/ /rjes su 
rtog pa'i dkyil 'khor chos kyi rgya mtsho 'byam klas pa thams cad snang ba zhes bya ba yang rjes su rtogs par gyur to/ /'jug pa'i dkyil 'khor ye shes chen po'i shugs kyi rgyan ces bya ba la yang rab tu zhugs so/ /rang 'byung du 'gyur ba shin tu mthong ba'i shugs 
kyi dbang bskur ba'i ye shes rgya mtsho la yang zhugs par gyur to/ /de bzhin gshegs pa'i yon tan rgya mtsho'i mtshan nyid kyi 'od rnam par snang ba'i snang ba chen pos kyang shin tu snang bar gyur to/ /smon lam gyi stobs tshad med pa la mos pa rgya mtsho'i snying po'i smon lam mngon par 
bsgrub pa'i ye shes kyi stobs la yang rnam par dag par gyur to/ /de nas de bzhin gshegs pa pha rol tu phyin pa'i spyan bzang po rgyan gyi rgyal pos byang chub sems dpa' gzi brjid chen po la tshigs su bcad de gsungs pa/ /legs so yon tan ye shes 
rgya mtsho can/ /sangs rgyas byang chub smon lam yang dag gnas/ /sems can kun gyi mgon dang gnas gyur pa'i/ /rgyal ba dam pa bsam gyis mi khyab 'gyur/ /ye shes rgya mtsho chen por mngon par byung / /chos kyi dbyings su thams cad rgyas byas 
te/ /sangs rgyas spyod yul rgya chen mi zad pa'i/ /bsam gyis myi khyab tshul la 'jug par 'gyur/ /sangs rgyas thams cad yon tan sprin mthong ba'i/ ye shes sa yang mi zad non par gyur/ /pha rol phyin pa rgya mtsho kun gyi tshul/ /grags pa </font><hr>35-1-155a<br><font size=+1>
chen po yongs su rgyas par byed/ /gzungs kyi tshul rnams rgya mtsho mang po dang / /tha dad yang dag shes tshul mi zad dang / /spyod pa smon lam khyod kyis mngon bsgrubs pas/ /gzhal med ye shes ldan par khyod 'gyur ro/ /
ting nge 'dzin gyi rgya mtshor 'jug par 'gyur/ /smon lam rgya mtsho'i nang du khyod skyes te/ /rnam 'phrul 'di la'ang shin tu 'byung bar 'gyur/ /'di ni sangs rgyas chos nyid bsam mi khyab/ /chos dbyings dam pa bsam gyis mi khyab pa'i/ /
bsam pa rgya chen rnam par sbyangs byas te/ /sangs rgyas sprin la rnam par blta bar gyis/ /rgya mtsho'i zhing rnams dri med rnam par sbyongs/ /nga yi byang chub spyod la 'jug par gyis/ /sngon gyi sbyor tshul rgya mtsho mang po yi/ /spyod pa ngas ni ji 
ltar rnam sbyangs pa/ /de 'dra'i tshul yang khyod kyis shes par gyis/ /zhing rnams re rer sangs rgyas mang po ngas/ /rgya mtsho brgya mang shin tu mchod pa byas/ /sngon spyod de yi 'bras bu 'di yin to/ /'di 'dra dri ma med pa'i rgyan la ltos /
las kyi rgya mtsho mi zad rgya chen dang / /zhing rnams rgya mtsho dag bya'i spyod pa dang / /smon lam bsam yas go ca bgos pas na/ /'di rnams 'di 'dra'i rnam par 'phrul par 'gyur/ /sangs rgyas rgya mtsho ma lus mchod byas shing / /zhing rnams rgya chen rgya 
mtsho sbyangs byas nas/ /bskal pa 'byam klas kun tu sbyangs byas shing / /rgyal ba yon tan 'od chen mnga' bar 'gyur/ /kye rgyal ba'i sras dag de bzhin gshegs pa pha rol tu phyin pa'i spyan bzang po rgyan gyi rgyal po de yongs su mya ngan las 'das nas blta na 
dga' ba shin tu gtsang ba'i bdag po de yang dus byas par gyur te/ rgyal bu gzhon nu gzi brjid chen pos 'khor los sgyur ba'i rgyal srid thob par gyur to/ /nags tshal chen po yal ga'i dkyil 'khor rin po che'i me tog rgyas pa zhes bya ba der yang de bzhin </font><hr>35-1-155b<br><font size=+1>
gshegs pa bsod nams rgya mtsho shin tu 'phags shing zil gyis mi non pa zhes bya ba gsum pa byung bar gyur te/ des de bzhin gshegs pa de mngon par 'tshang rgya ba'i rnam par 'phrul pa mthong nas/ 'khor thams cad dang dpung gi yan lag bzhi'i tshogs dang / 
rin po che bdun dang / grong gi myi dang yul mir bcas te/ bcom ldan 'das de bzhin gshegs pa bsod nams rgya mtsho shin tu 'phags shing zil gyis mi non pa gang na bzhugs pa der dong nas/ des bcom ldan 'das de la rin po che'i khang pa brtsegs pa/ spos dang nor 
bu thams cad kyi rgyan gyi snying po zhes bya ba phul lo/ /der de bzhin gshegs pa des kun tu blta ba'i spyod pa byang chub sems dpa'i spyod pa snang ba zhes bya ba'i mdo/ 'jig rten gyi khams rgya mtsho'i rdul shin tu phra ba snyed kyi mdo'i 'khor dang bcas pa'ang yang dag par bshad 
par gyur to/ /de thos nas byang chub sems dpa' gzi brjid chen pos/ bsod nams chen po'i rnam par snang ba zhes bya ba'i ting nge 'dzin rab tu thob po/ /ting nge 'dzin de thob nas kyang dus gsum gyi byang chub sems dpa' thams cad kyi bsod nams rgya mtsho mngon du 
gyur to/ /de nas bcom ldan 'das de bzhin gshegs pa bsod nams rgya mtsho shin tu 'phags shing zil gyis mi non pas 'khor gyi dkyil 'khor thams cad la rnam par gzigs te/ byang chub sems dpa' gzi brjid chen po la tshigs su bcad de gsungs 
pa/ / yon tan bsod nams kun gyi gzi brjid can/ /byang chub mchog gi smon lam yid ldan pa/ /'gro ba kun la snying rje rgya mtsho yis/ /nga yi drung du khyod 'ongs legs so legs/ /snying rje'i snying po khyod ni sems can rnams/ /sdug 
bsngal gyur pa kun grol don zhugs pas/ /'gro ba kun gyi mgon dang skyabs su 'gyur/ /byang chub spyod pa'i tshul yang de yin no/ /byang chub sems dpa' shin tu brtan pa rnams/ /skyo med yid kyis spyod pa spyad pa dag /mchog tu gyur cing dam pa chags </font><hr>35-1-156a<br><font size=+1>
med pa'i/ /ye shes 'di 'dra shin tu thob par 'gyur/ /de ltar khyod ni kun tu bzang po yi/ /mthu chen smon lam spyod par zhugs pas na/ /bsod nams 'od dang bsod nams dpal yin te/ bsod nams 'byung gnas bsod nams 
mchog kyang yin/ /bsam gyis myi khyab rgyal ba rgya mtsho dag /mtha' dang dbus med pa ni khyod kyis shes/ /mtha' dang dbus med de dag mthong gyur nas/ /de dag bsod nams rgya mtsho rtogs par 'gyur/ /khyod kyis phyogs bcu'i zhing rnams thams cad kyi/ /rgyal 
ba'i sprin rnams kun kyang shin tu mthong / /de dag spyod pa rgya mtsho thams cad kyang / /sngon chad ji ltar spyad pa bzhin du mthong / /'di tshul rgya mtsho 'di la su zhugs  shing / /ye shes sa la su dag gnas gyur pa/ /de dag sangs rgyas kun gyi rjes slob cing / /
thams cad gzigs par gdon myi za bar 'gyur/ /khyod ni zhing kun rgya mtsho'i rdul snyed kyi/ /bskal pa rgya mtshor spyod pa rab spyod nas/ /rgyal ba kun gyi sngon spyad rgya mtsho rnams/ /bslabs nas rang byung nyid du 'gyur bar 'ongs/ /zhing rnams rgya mtsho 
yongs su dag pa rnams/ /phyogs bcu dag tu ji ltar mthong ba bzhin/ /khyod kyi zhing yang rnam par dag 'gyur te/ /smon lam kun kyang shin tu sgrog par 'gyur/ /'khor gyi rgya mtsho 'di dag thams cad kyang / /khyod kyi smon lam thos gyur rab tu dga'/ /
kun tu bzang po'i spyod pa'i lam dag gis/ /byang chub mchog la rab tu 'jug par 'gyur/ /mtha' dang dbus myed zhing rnams 'byam klas par/ /bskal pa rgya mtsho dag tu spyad pa spyod/ /kun tu bzang po'i spyod pa thams cad dang / /smon lam rnams kyang yongs 
su rdzogs par gyis/ /nags tshal chen po yal ga'i dkyil 'khor rin po che'i me tog rgyas pa de nyid du/ de bzhin gshegs pa grags pa rnam par grags pa'i spyan pad mo'i dpal zhes bya ba byung bar gyur to/ /rgyal po gzi brjid chen po de yang de nas shi 'phos nas/ rgya mtsho'i </font><hr>35-1-156b<br><font size=+1>
steng na lha'i grong khyer rin po che zhi ba'i gnas shes bya bar phyin te/ der bsod nams dri ma med pa'i dpal zhes bya ba lha'i rgyal po chen por gyur to/ /de nas de lha'i 'khor gyi tshogs chen po dang bcas te/ rin po che'i me tog gi sprin gyi char 'bebs shing / bcom ldan 
'das de bzhin gshegs pa grags pa rnam par grags pa'i spyan pad+mo'i dpal gang na bzhugs pa der dong ngo / /der bcom ldan 'das de bzhin gshegs pa grags pa rnam par grags pa'i spyan pad+mo'i dpal gyis tshul yangs pa'i sgo kun tu rnam par snang ba zhes bya ba'i mdo/ /'jig 
rten gyi khams rgya mtsho'i rdul shin tu phra ba snyed kyi mdo'i 'khor dang bcas pa yang dag par ston to/ /des de dag thos nas dga' ba'i snying po kun nas sgo zhes bya ba'i ting nge 'dzin rab tu thob po/ /chos thams cad kyi tshul rgya mtsho'i dbyings su yang zhugs par gyur to/ /
rnam par snang mdzad kyi le'u zhes bya ba ste/ bcu pa'o// //sangs rgyas rmad ga cad ces bya ba shin tu rgyas pa chen po'i mdo/ /bam po bcu gsum pa/ /bcom ldan 'das 'jig rten gyi khams rgya mtsho ni/ de bzhin gshegs pa ye shes 
gang chen mtsho rnam par snang mdzad kyi phyag gi mthil gyi snying po la rab tu gnas pa/ sangs rgyas kyi sku'i dbyibs ltar 'dug pa/ 'jig rten gyi khams ri rab ni kun tu bzang po tshangs pa'i lha'i lus kyi dbyibs ltar 'dug pa/ stong gsum gyi stong chen po'i 'jig 
rten gyi khams ni yongs su 'dzin pa/ gzhan 'phrul dbang byed kyi lha'i lus kyi dbyibs ltar 'dug pa/ stong gnyis kyi 'jig rten gyi khams kyi lhan cig spyod pa/ 'phrul dga'i lha'i lus kyi dbyibs ltar 'dug pa/ stong gi 'jig rten gyi khams ni kun tu spyod pa/ dga' ldan 
gyi lha'i lus kyi dbyibs ltar 'dug pa/ gling bzhi pa'i 'jig rten gyi khams ni gnas kyi dam pa/ mtshe ma'i lha'i lus kyi dbyibs ltar 'dug pa/ gling ni byang chub kyi rgyal mtshan sum cu rtsa gsum gyi lha'i lus kyi dbyibs ltar 'dug pa/ grong rdal ni </font><hr>35-1-157a<br><font size=+1>
mdzod mtha' yas pa khang pa brtsegs pa'i dbyibs ltar 'dug pa/ bza' shing gi ra ba ni mya ngan dang bral ba snying po byang chub mya ngan med pa'i dbyibs su 'dug pa/ khang pa brtsegs pa ni kun nas smad du med pa'i 'jig rten 
gyi khams rang bzhin chos nyid kyis gnas pa'i dbyibs su 'dug pa na bzhugs te/ 'jig rten gyi khams rgya mtsho de ni 'jig rten gyi khams rgya mtsho tshad med pas kun nas bskor ba ste/ 'di ltar de bzhin gshegs pa'i phyag gi mthil gyi snying po la gnas par ming 
mthun pa/ 'jig rten gyi khams rgya mtsho bcu'i rdul shin tu phra ba snyed kun kyang de bzhin gshegs pa'i sku'i dbyibs su 'dug pa sha stag dang / gzhung de bzhin du byang chub sems dpa' dang / rang sangs rgyas dang nyan thos kyi lag gi mthil gyi snying po 
la rab tu gnas par ming mthun pa thams cad kyang / nyan thos kyi lus kyi dbyibs su 'dug pa sha stag dang / gzhung de bzhin du lha dang klu dang gnod sbyin dang / dri za dang lha ma yin dang / nam mkha' lding dang mi 'am ci dang / lto 'phye chen po dang / mi 
dang mi ma yin pa'i lag gi mthil gyi snying po la rab tu gnas par ming mthun pa thams cad kyang mi ma yin pa'i lus kyi dbyibs su 'dug pa sha stag gis yongs su bskor ba ste/ 'jig rten gyi khams rgya mtsho de ni sangs rgyas kyi sa rgya mtsho 'jig rten gyi khams rgya mtsho bcu'i 
rdul shin tu phra ba snyed kyi mgo dang ldan pa'o/ /sangs rgyas kyi gnas 'phos pa/ rgya mtsho 'jig rten gyi khams rgya mtsho bcu'i rdul shin tu phra ba snyed kyi mgul dang ldan pa'o/ /sangs rgyas kyi tshogs kyi rgya mtsho 'jig rten gyi khams rgya mtsho bcu'i rdul shin tu phra 
ba snyed kyi phrag pa'i lhun dang ldan pa'o/ /byang chub sems dpa'i sa rgya mtsho 'jig rten gyi khams rgya mtsho bcu'i rdul shin tu phra ba snyed kyi lag pa dang ldan pa'o/ /snying rje chen po rgya mtsho 'jig rten gyi khams rgya mtsho bcu'i rdul shin tu phra ba snyed kyi snying dang ldan </font><hr>35-1-157b<br><font size=+1>
pa'o/ /de bzhin gshegs pa'i rnam par grol ba chen po rgya mtsho 'jig rten gyi khams rgya mtsho bcu'i rdul shin tu phra ba snyed kyi lto dang ldan pa'o/ /nyan thos dang rang sangs rgyas kyi rnam par grol ba rgya mtsho 'jig rten gyi khams rgya mtsho bcu'i rdul shin tu phra ba 
snyed kyi ba spu'i bu ga dang ldan pa'o/ /rang sangs rgyas kyis rgya mtsho 'jig rten gyi khams rgya mtsho bcu'i rdul shin tu phra ba snyed kyi sta zur dang ldan pa'o/ /nyan thos kyi sa 'jig rten gyi khams rgya mtsho bcu'i rdul shin tu phra ba snyed kyi brla dang ldan pa'o/ /'jig rten pa'i 
rnam par thar pa rgya mtsho 'jig rten gyi khams rgya mtsho bcu'i rdul shin tu phra ba snyed kyi byin pa dang ldan pa'o/ /sems can gyi khams kyi smon lam rgya mtsho 'jig rten gyi khams rgya mtsho bcu'i rdul shin tu phra ba snyed kyi rkang pa dang ldan pa ste/ 'jig rten gyi khams 
rgya mtsho de ni de bzhin gshegs pa ye shes gang chen mtsho rnam par snang mdzad sngon gyi smon lam rgya mtsho 'jig rten gyi khams rgya mtsho bcu'i rdul shin tu phra ba snyed kyi spyi gtsug dang ldan pa'o/ /chos kyi dbyings nam mkha'i 'jig rten gyi khams rgya mtsho bcu'i rdul shin tu 
phra ba snyed kyi 'phral ba dang ldan pa'o/ /de bzhin gshegs pa'i thugs rang bzhin gyis 'od gsal ba rgya mtsho 'jig rten gyi khams rgya mtsho bcu'i rdul shin tu phra ba snyed kyi mdzod spu dang ldan pa'o/ /byang chub kyi lam rgya mtsho 'jig rten gyi khams rgya mtsho bcu'i 
rdul shin tu phra ba snyed kyi smin tshugs dang ldan pa'o/ /de bzhin gshegs pa spyan gyi khams gang chen mtsho rnam par snang mdzad kyi dbang po rgya mtsho 'jig rten gyi khams rgya mtsho bcu'i rdul shin tu phra ba snyed kyi myig dang ldan pa'o/ /de bzhin gshegs 
pa snyan gyi khams gang chen mtsho rnam par snang mdzad kyi dbang po rgya mtsho 'jig rten gyi khams rgya mtsho bcu'i rdul shin tu phra ba snyed kyi rna ba dang ldan pa'o/ /de bzhin gshegs pa shangs kyi khams gang chen mtsho rnam par snang mdzad kyi dbang po rgya mtsho 'jig rten gyi </font><hr>35-1-158a<br><font size=+1>
khams rgya mtsho bcu'i rdul shin tu phra ba snyed kyi sna dang ldan pa'o/ /de bzhin gshegs pa ljags kyi khams gang chen mtsho rnam par snang mdzad kyi dbang po rgya mtsho 'jig rten gyi khams rgya mtsho bcu'i rdul shin tu phra ba snyed kyi lce dang ldan pa'o/ /de bzhin gshegs pa 
sku'i khams gang chen mtsho rnam par snang mdzad kyi dbang po rgya mtsho 'jig rten gyi khams rgya mtsho bcu'i rdul shin tu phra ba snyed kyi lus dang ldan pa'o/ /de bzhin gshegs pa thugs kyi khams gang chen mtsho rnam par snang mdzad kyi dbang po rgya mtsho 'jig rten gyi khams rgya mtsho bcu'i 
rdul shin tu phra ba snyed kyi yid dang ldan pa'o/ /de bzhin gshegs pa zhi ba rgya mtsho rnam par snang mdzad kyi sangs rgyas kyi sku sprul pa rgya mtsho 'jig rten gyi khams rgya mtsho bcu'i rdul shin tu phra ba snyed kyi skra dang ldan pa'o/ /de bzhin gshegs pa bdud 'dul ba dang nyan thos 
dang rang sangs rgyas kyi skur sprul pa rgya mtsho sangs rgyas kyi zhing rgya mtsho bcu'i rdul shin tu phra ba snyed kyi ba spu dang ldan pa'o/ /byang chub sems dpa'i dad pa'i dbang po rgya mtsho 'jig rten gyi khams rgya mtsho bcu'i rdul shin tu phra ba snyed kyi mdog dang ldan pa'o/ /rnam par thar pa'i sgo 'jig rten gyi 
khams rgya mtsho bcu'i rdul shin tu phra ba snyed kyi kha dang ldan pa'o/ /chos kyi ro rgya mtsho 'jig rten gyi khams rgya mtsho bcu'i rdul shin tu phra ba snyed kyi skom dang ldan pa'o/ /sems can yongs su smin pa rgya mtsho 'jig rten gyi khams rgya mtsho bcu'i rdul shin tu phra ba 
snyed kyi zas dang ldan pa'o/ /'jig rten gyi khams rgya mtsho de ni 'jig rten gyi khams rgya mtsho tshad med pa'i rgyan dang ldan pa ste/ 'di ltar 'jig rten gyi khams rgya mtsho'i sprin 'jig rten gyi khams rgya mtsho bcu'i rdul shin tu phra ba snyed kyi sa kun nas yog par 
khebs pa'o/ /'jig rten gyi khams me tog gi sprin rgya mtsho 'jig rten gyi khams rgya mtsho bcu'i rdul shin tu phra ba snyed kyi char mngon par 'bab pa'o/ /'jig rten gyi khams rgya mtsho'i dril bu'i dra ba 'jig rten gyi khams rgya mtsho bcu'i rdul shin tu phra ba snyed kun </font><hr>35-1-158b<br><font size=+1>
tu bres pa'o/ /'jig rten gyi khams rgya mtsho'i bla re 'jig rten gyi khams rgya mtsho bcu'i rdul shin tu phra ba snyed rnam par bkram pa'o/ /'jig rten gyi khams rgya mtsho'i gdugs dang rgyal mtshan dang ba dan 'jig rten gyi khams rgya mtsho bcu'i rdul shin tu phra ba snyed kyi 
kun tu khengs par bkang ba'o/ /'jig rten gyi khams rgya mtsho de ni kha dog gi chu rgya mtsho 'jig rten gyi khams rgya mtsho bcu'i rdul shin tu phra ba snyed kyi snying po dang ldan pa'o/ /de bzhin du gzugs dang sgra dang dri dang ro dang reg bya dang chos kyi chu rgya mtsho 'jig rten gyi khams rgya 
mtsho bcu'i rdul shin tu phra ba snyed kyi snying po dang ldan pa'o/ /mig sna tshogs kyi chu rgya mtsho 'jig rten gyi khams rgya mtsho bcu'i rdul shin tu phra ba snyed kyi snying po dang ldan pa'o/ /de bzhin du rna ba dang sna dang lce dang lus dang yid kyi chu rgya mtsho 'jig rten gyi khams rgya mtsho bcu'i rdul 
shin tu phra ba snyed kyi snying po dang ldan pa'o/ /kha dog gi chu rgya mtsho re re nas yid kyi chu rgya mtsho'i bar re re las kyang me tog ut+pa la dang / pad mo dang / ku mu ta dang / pun da ri ka 'jig rten gyi khams rgya mtsho bcu'i rdul shin tu phra ba snyed mngon par 'thon te/ 
me tog ut+pa la de dag re re dang /me tog pun da ri ka de dag re re la 'ang me tog ut+pa la'i 'khor dang / me tog pun da ri ka'i 'khor gyi bar du 'jig rten gyi khams rgya mtsho bcu'i rdul shin tu phra ba snyed dag dang ldan pa ste/ me tog ut+pa la dang / me tog pun 
da ri ka'i bar de dag re re las kyang 'jig rten gyi khams ri rab rnam par phye ba/ 'jig rten gyi khams rgya mtsho bcu'i rdul shin tu phra ba snyed mngon par byung ba dag ste/ 'jig rten gyi khams kyi ri'i rgyan dang / 'jig rten gyi khams kyi pad mo'i tshal dang / 'jig 
rten gyi khams kyi smyig ma'i tshal mang po dag kyang mngon par 'thon pa sha stag go /ci'i phyir kha dog gi chu rgya mtsho rnams la/ kha dog gi chu rgya mtsho zhes bya ba gang zhe na/ de dag tu sems can gang yang rung ste/ chu 'thung ba 'am khrus byas pa de dag thams cad kyis </font><hr>35-1-159a<br><font size=+1>
'jig rten gyi khams rgya mtsho 'di'i gzugs su snang ba 'das pa'am ma 'ongs pa'am da ltar byung ba'am nang gi'am phyi'i'am/ che ba'am/ chung ba'am/ bzang ba'am ngan pa'am/ rgyang ring po 'am thag nye ba'ang rung ste/ gang ji 
snyed yod pa de dag thams cad khongs na snang bar so so'i mig gis mngon par mthong bas/ de'i phyir kha dog gi chu rgya mtsho rnams la/ kha dog gi chu rgya mtsho zhes bya ste/ de bzhin du gzugs dang sgra dang dri dang ro dang reg bya dang / chos kyi chu rgya mtsho dag kyang shes par bya'o 
ci'i phyir myig gi chu rgya mtsho la mig gi chu rgya mtsho zhes bya zhe na/ de dag tu sems can gang yang rung ste/ chu 'thung ba dang khrus byed pa de dag thams cad kyis 'jig rten gyi khams rgya mtsho mang po 'jig rten gyi khams rgya mtsho bcu'i rdul shin tu phra ba snyed dag na gzugs 
su snang ba 'das pa'am/ ma 'ongs pa'am/ da ltar byung ba'am/ nang gi'am/ phyi'i 'am che ba'am chung ba'am bzang ba'am ngan pa'am/ rgyang ring po'am thag nye ba'ang rung ste/ gang ji snyed yod pa de dag thams cad nang na snang bar rang rang gi 
myig dang / gzhan gyi myig gis mngon par mthong bas de'i phyir mig gi chu rgya mtsho rnams la mig gi chu rgya mtsho zhes bya ba ste/ de bzhin du rna ba dang sna dang lce dang / lus dang yid kyi chu rgya mtsho dag kyang shes par bya'o/ /'jig rten gyi khams de ni 'jig rten gyi 
khams rgya mtsho'i gzugs brnyan 'jig rten gyi khams rgya mtsho bcu'i rdul shin tu phra ba snyed kyis lhun shin tu brgyan pa ste/ sems can gyi khams rgya mtsho rab tu snang ba'i dpe byad bzang po 'jig rten gyi khams rgya mtsho bcu'i rdul shin tu phra ba snyed kyis rnam par 
gsal bar byas pa'i lus can no/ /chos kyi dbyings rgya mtsho zab mo 'jig rten gyi khams rgya mtsho bcu'i rdul shin tu phra ba snyed kyi mtshan dang ldan pa'o/ /'jig rten gyi khams rgya mtsho de ni 'jig rten gyi khams rgya mtsho mang po 'jig rten gyi khams rgya mtsho bcu'i rdul shin </font><hr>35-1-159b<br><font size=+1>
tu phra ba snyed du/ rdul shin tu phra ba re re la yang gzugs brnyan rab tu snang bar 'byung ba'o/ /ci'i phyir na 'jig rten gyi khams rgya mtsho de bzhin gshegs pa'i phyag gi mthil gyi snying po la rab tu gnas pa de la/ de bzhin gshegs pa'i phyag gi mthil gyi 
snying po la/ rab tu gnas pa'i 'jig rten gyi khams rgya mtsho zhes bya zhe na/ bcom ldan 'das de bzhin gshegs pa ye shes gang chen mtsho rnam par snang mdzad de'i phyag gi mthil na rdul shin tu phra ba'i snying po zhes bya ba yod de/ de'i nang na rnam par shes pa'i khams rgya 
mtsho 'jig rten gyi khams rgya mtsho bcu'i rdul shin tu phra ba snyed yod de/ de dag gi steng na chos kyi dbyings rgya mtsho mtha' yas pa zhes bya ba 'jig rten gyi khams rgya mtsho bcu'i rdul shin tu phra ba snyed rab tu gnas so/ /de dag gi steng na nam mkha'i dbyangs rgya mtshos 
mtshams yongs su chad pa med pa zhes bya ba'i 'jig rten gyi khams rgya mtsho bcu'i rdul shin tu phra ba snyed rab tu gnas so/ /de dag gi steng na mye'i khams rgya mtsho drag shul can zhes bya ba 'jig rten gyi khams rgya mtsho bcu'i rdul shin tu phra ba snyed rab tu gnas so/ /de 
dag gi steng na chu'i khams kyi rgya mtsho sbrang rtsi can zhes bya ba 'jig rten gyi khams rgya mtsho bcu'i rdul shin tu phra ba snyed rab tu gnas so/ /de dag gi steng na sa'i khams rgya mtsho rin po che'i snying po can zhes bya ba 'jig rten gyi khams rgya mtsho bcu'i rdul shin tu phra ba 
snyed rab tu gnas so/ /de dag gi steng nas me tog mtshan ma med pa las skyes pa zhes bya ba 'jig rten gyi khams rgya mtsho bcu'i rdul shin tu phra ba snyed mngon par 'thon te/ me tog de dag kyang so so nas 'jig rten gyi khams rgya mtsho bcu'i rdul shin tu phra ba snyed kyi 'jig 
rten gyi khams rgya mtsho tsam gyi tha gru dang ldan pa dag ste/ de dag gi steng na 'jig rten gyi khams rgya mtsho 'di gnas pas/ de'i phyir 'jig rten gyi khams rgya mtsho de bzhin gshegs pa'i phyag gi mthil gyi snying po la rab tu gnas pa de la de bzhin gshegs pa'i </font><hr>35-1-160a<br><font size=+1>
phyag gi mthil gyi snying po la rab tu gnas pa'i 'jig rten gyi khams rgya mtsho zhes bya'o/ /de ltar de dag la sogs pa 'jig rten gyi khams rgya mtsho de ni yon tan tshad med pa dang ldan pa ste/ mdor na 'jig rten gyi khams 
rgya mtsho mang po 'jig rten gyi khams rgya mtsho bcu'i rdul shin tu phra ba snyed dag na yon tan ji snyed yod pa'i yon tan de snyed ni 'jig rten gyi khams rgya mtsho de na yod do/ /'jig rten gyi khams rgya mtsho de na 'jig rten gyi khams ri rab kun tu bzang po zhes bya ba tshangs pa'i 
lha'i lus kyi dbyibs su 'dug pa/ 'jig rten gyi khams ri rab 'jig rten gyi khams rgya mtsho bcu'i rdul shin tu phra ba snyed kyi 'khor dang ldan pa yod de/ 'jig rten gyi khams ri rab kun tu bzang po de ni 'jig rten gyi khams rgya mtsho'i spos mngon par 'phags 
pa 'jig rten gyi khams rgya mtsho bcu'i rdul shin tu phra ba snyed dang ldan pa'o/ /'jig rten gyi khams rgya mtsho'i bang rim chen po'i khri 'phang du 'dug pa/ 'jig rten gyi khams rgya mtsho bcu'i rdul shin tu phra ba snyed dang ldan pa'o/ /'jig rten gyi khams rgya mtsho'i 
ngos 'jig rten gyi khams rgya mtsho bcu'i rdul shin tu phra ba snyed dang ldan pa'o/ /de ci'i phyir zhe na/ 'jig rten gyi khams ri rab kun tu bzang po de la kun tu bzang po zhes bya zhe na/ 'jig rten gyi khams ri rab kun tu bzang po de ni yongs su ma dag pa'i 'jig rten 
gyi khams gang yang myed de der sems can gang ji snyed skyes pa de dag thams cad chos gang dang gang la yongs su dmyigs par byed pa'i dmyigs pa de dang des kun tu bzang po'i spyod pa yongs su rdzogs par 'gyur bas/ de'i phyir 'jig rten gyi khams ri rab kun tu bzang po de la kun tu 
bzang po zhes bya'o/ /'jig rten gyi khams ri rab de ni de ltar de dag la sogs pa yon tan tshad med pa dag dang ldan pa ste/ mdor na 'jig rten gyi khams rgya mtsho de na yon tan ji snyed cig yod pa de snyed kyi yon tan ni/ 'jig rten gyi khams ri rab kun </font><hr>35-1-160b<br><font size=+1>
tu bzang po de na yod do/ /'jig rten gyi khams ri rab kun tu bzang po de na/ stong gsum gyi stong chen po'i 'jig rten gyi khams yongs su 'dzin pa zhes bya ba gzhan 'phrul dbang byed kyi lha'i lus kyi dbyibs su 'dug pa/ stong gsum gyi stong chen po'i 'jig rten gyi 
khams mang po 'jig rten gyi khams rgya mtsho bcu'i rdul shin tu phra ba snyed kyi 'khor gyis bskor ba yod de/ stong gsum gyi stong chen po'i 'jig rten gyi khams yongs su 'dzin pa de ni lha'i rnam par dgod pa 'jig rten gyi khams rgya mtsho bcu'i rdul shin tu phra ba snyed la 
rab tu gnas so/ /de bzhin du klu dang gnod sbyin dang dri za dang lha ma yin dang / nam mkha' lding dang mi 'am ci dang lto 'phye chen po dang mi dang mi ma yin pa'i rnam par dgod pa 'jig rten gyi khams rgya mtsho bcu'i rdul shin tu phra ba snyed la rab tu gnas so/ /sangs 
rgyas kyi rnam par dgod pa'i 'jig rten gyi khams rgya mtsho bcu'i rdul shin tu phra ba snyed la rab tu gnas pa'o/ /de bzhin du byang chub sems dpa' dang / rang sangs rgyas dang nyan thos kyi rnam par dgod pa 'jig rten gyi khams rgya mtsho bcu'i rdul shin tu phra ba snyed la rab 
tu gnas pa'o/ /stong gsum gyi stong chen po'i 'jig rten gyi khams yongs su 'dzin pa zhes bya ba der sems can gang ji snyed cig skyes pa de dag kyang 'du shes tha dad pa ma gtogs par lam gyi rgyud tha dad pa med do/ /skye gnas tha dad pa med do theg pa tha dad pa med do/ /
stong gsum gyi stong chen po'i 'jig rten gyi khams yongs su 'dzin pa zhes bya ba de la ci'i phyir yongs su 'dzin pa zhes bya zhe na/ stong gsum gyi stong chen po'i 'jig rten gyi khams yongs su 'dzin pa der sems can gang ji snyed skyes pa de dag thams cad la ngan song gi 
'jigs pa med/ theg pa dma' bar ltung ba'i 'jigs pa'ang med/ ser snar ltung ba'i 'jigs pa'ang med/ tshul khrims ngan par ltung ba'i 'jigs pa'ang med/ mi bzod par ltung ba'i 'jigs pa'ang med/ le lor ltung ba'i 'jigs pa'ang med/</font><hr>35-1-161a<br><font size=+1>
rnam par 'khrugs par ltung ba'i 'jigs pa'ang med/ shes rab 'chal bar ltung ba'i 'jigs pa 'ang med pas/ de'i phyir yongs su 'dzin pa'i stong gsum gyi stong chen po'i 'jig rten gyi khams la yongs su 'dzin pa zhes 
bya'o/ /de ltar de dag la sogs pa stong gsum gyi stong chen po'i 'jig rten gyi khams yongs su 'dzin pa de ni yon tan tshad med pa mang po dang ldan pa ste/ mdor na 'jig rten gyi khams ri rab kun tu bzang po na yon tan ji snyed cig yod pa de snyed kyi yon tan ni stong 
gsum gyi stong chen po'i 'jig rten gyi khams yongs su 'dzin pa na yod do/ /stong gsum gyi stong chen po'i 'jig rten gyi khams yongs su 'dzin pa de na stong gnyis kyi 'jig rten gyi khams lhan cig spyod pa zhes bya ba/ 'phrul dga'i lha'i dbyibs su 
'dug pa/ stong gnyis kyi 'jig rten gyi khams mang po 'jig rten gyi khams rgya mtsho bcu'i rdul shin tu phra ba snyed kyi 'khor gyis bskor ba yod de/ stong gnyis kyi 'jig rten gyi khams lhan cig spyod pa zhes bya ba de ni/ rtag tu de bzhin gshegs pa'i 'od rgya 
mtsho mang po dang mi 'bral lo/ rtag tu de bzhin gshegs pa'i ye shes kyi 'od zer dra ba rgya mtsho dang mi 'bral lo/ /rtag tu de bzhin gshegs pa'i sku rgya mtsho dang mi 'bral lo/ /rtag tu de bzhin gshegs pa'i gsung rgya mtsho dang mi 'bral lo/ /rtag tu de bzhin gsheg 
gshegs pa'i mngon par rdzogs par 'tshang rgya ba rgya mtsho dang mi 'bral lo/ /rtag tu de bzhin gshegs pa'i chos kyi 'khor lo bskor ba rgya mtsho dang mi 'bral lo/ /rtag tu de bzhin gshegs pa'i yongs su mya ngan las 'das pa chen po rgya mtsho dang mi 'bral lo/ /rtag tu mu 
stegs kyi gnas thams cad phu dud du bya ba rgya mtsho dang mi 'bral lo/ /rtag tu bdud kyi las thams cad yongs su gcod pa rgya mtsho dang mi 'bral lo/ /stong gnyis kyi 'jig rten gyi khams lhan cig spyod pa zhes bya ba der sems can gang ji snyed cig skyes pa de dag thams cad kyang </font><hr>35-1-161b<br><font size=+1>
ting nge 'dzin gyi sgo rgya mtsho 'jig rten gyi khams rgya mtsho bcu'i rdul shin tu phra ba snyed la rab tu gnas pa/ gzungs kyi sgo rgya mtsho 'jig rten gyi khams rgya mtsho bcu'i rdul shin tu phra ba snyed la rab tu gnas pa/ sa rgya mtsho 'jig rten gyi khams rgya mtsho bcu'i rdul shin tu phra ba snyed 
la rab tu gnas pa sha stag go/ /stong gnyis kyi 'jig rten gyi khams lhan cig spyod pa zhes bya ba de la ci'i phyir na lhan cig spyod pa zhes bya zhe na/ stong gsum gyi stong chen po'i 'jig rten gyi khams dang lhan cig 'grogs shing / 'jig rten gyi khams rgya mtsho mang 
po/ /'jig rten gyi khams rgya mtsho bcu'i rdul shin tu phra ba snyed kyi chos kyi dbyings rgya mtsho ji snyed pa de dag thams cad du rnam par spyod pas lhan cig spyod pa de la lhan cig spyod pa zhes bya'o/ /de ltar de dag las sogs pa stong gnyis kyi 'jig rten gyi khams lhan cig spyod 
pa de ni yon tan dpag tu med pa dang ldan pa ste/ mdor na stong gsum gyi stong chen po'i 'jig rten gyi khams yongs su 'dzin pa de na yon tan gang ji snyed yod pa de snyed kyi yon tan ni/ stong gnyis kyi 'jig rten gyi khams lhan cig spyod pa de na yod do/ stong gnyis 
kyi 'jig rten gyi khams lhan cig spyod pa zhes bya ba de na stong gi 'jig rten gyi khams kun tu spyod pa zhes bya ba dga' ldan gyi lha'i lus kyi dbyibs su 'dug pa/ stong gi 'jig rten gyi khams mang po 'jig rten gyi khams rgya mtsho bcu'i rdul shin tu phra ba snyed kyi 'khor 
gyis bskor ba yod de/ stong gi 'jig rten gyi khams kun tu spyod pa zhes bya ba de ni bde ba yod pa'i 'jig rten gyi khams kyi rgyan rgya mtsho 'jig rten gyi khams rgya mtsho bcu'i rdul shin tu phra ba snyed kyis rab tu brgyan pa/ de bzhin gshegs pa 'od kun tu mtha' yas kyi 
chos kyi sku 'jig rten gyi khams rgya mtsho bcu'i rdul shin tu phra ba snyed kyis rgyas par gang ba/ chos kyi dbyings rgya mtsho 'jig rten gyi khams rgya mtsho bcu'i rdul shin tu phra ba snyed kyis mngon par brlan pa ste/ stong gi 'jig rten gyi khams kun tu spyod pa zhes bya ba der sems </font><hr>35-1-162a<br><font size=+1>
can gang ji snyed skyes pa de dag thams cad kyang sbyin pa'i pha rol tu phyin pa rgya mtsho 'jig rten gyi khams rgya mtsho bcu'i rdul shin tu phra ba snyed la rab tu gnas pa sha stag ste/ de bzhin du tshul khrims dang bzod pa dang brtson 'grus dang bsam gtan dang / shes rab 
kyi pha rol tu phyin pa rgya mtsho 'jig rten gyi khams rgya mtsho bcu'i rdul shin tu phra ba snyed la rab tu gnas pa nas/ ye shes kyi pha rol tu phyin pa rgya mtsho 'jig rten gyi khams rgya mtsho bcu'i rdul shin tu phra ba snyed kyi bar la rab tu gnas pa mngon par shes pa rgya mtsho 'jig rten 
gyi khams rgya mtsho bcu'i rdul shin tu phra ba snyed la rab tu gnas pa/ sems can yongs su smin par bya ba rgya mtsho 'jig rten gyi khams rgya mtsho bcu'i rdul shin tu phra ba snyed la rab tu gnas pa/ byang chub kyi phyogs kyi chos rgya mtsho 'jig rten gyi khams rgya mtsho bcu'i rdul 
shin tu phra ba snyed la rab tu gnas pa sha stag go /ci'i phyir zhe na stong gi 'jig rten gyi khams kun tu spyod pa de la kun tu spyod pa zhes bya zhe na/ 'jig rten gyi khams rgya mtsho mang po 'jig rten gyi khams rgya mtsho bcu'i rdul shin tu phra ba snyed dag na/ chos kyi khams rgya mtsho dang / 
'jig rten gyi khams rgya mtsho dang / sangs rgyas kyi khams rgya mtsho dang / byang chub sems dpa'i khams rgya mtsho dang / sems can gyi khams rgya mtsho gang ji snyed pa de dag thams cad kun nas rnam par spyod pas kun tu spyod pa de la kun tu spyod pa zhes bya'o/ /de ltar 
de dag la sogs pa stong gi 'jig rten gyi khams kun tu spyod pa de ni/ yon tan tshad med pa dang ldan pa ste/ mdor na stong gnyis kyi 'jig rten gyi khams lhan cig spyod pa de na yon tan gang ji snyed yod pa'i yon tan de dag ni stong gi 'jig rten gyi khams kun tu spyod pa na 
yod do/ /stong gi 'jig rten gyi khams kun tu spyad pa zhes bya ba de na/ gling bzhi pa gnas kyi dam pa zhes bya ba mtshe ma'i lha'i lus kyi dbyibs su 'dug pa gling bzhi pa'i 'jig rten gyi khams mang po 'jig rten gyi khams rgya mtsho bcu'i rdul shin tu phra ba snyed kyi 'khor dang ldan pa </font><hr>35-1-162b<br><font size=+1>
yod de/ gling bzhi pa'i 'jig rten gyi khams gnas kyi dam pa zhes bya ba de ni snying po byang chub rgya mtsho'i rgyan 'jig rten gyi khams rgya mtsho bcu'i rdul shin tu phra ba snyed kyis rnam par brgyan pa ste/ snying po byang chub kyi rgyan de dag re re la yang seng ge'i khri rgya mtsho'i rgyan 'jig rten 
gyi khams rgya mtsho bcu'i rdul shin tu phra ba snyed rab tu gnas pa/ seng ge'i khri'i rgyan de dag re re la yang byang chub sems dpa' rgya mtsho 'jig rten gyi khams rgya mtsho bcu'i rdul shin tu phra ba snyed mang po 'khod pa ste/ gling bzhi pa'i 'jig rten gyi khams gnas 
kyi dam pa der sems can gang ji snyed skyes pa de dag thams cad kyang / byang chub sems dpa' kun tu bzang po'i lus dang spyod lam rgya mtsho 'jig rten gyi khams rgya mtsho bcu'i rdul shin tu phra ba snyed dang ldan pa/ sgo mtha' yas pa nas mngon par bsgrub pa'i mdo/ /
'jig rten gyi khams rgya mtsho bcu'i rdul shin tu phra ba snyed yongs su 'dzin pa/ byang chub sems dpa' thams cad kyis 'jig rten gyi khams rgya mtsho bcu'i rdul shin tu phra ba snyed la rab tu gnas pa sha stag go /ci'i phyir na gling bzhi pa'i 'jig rten gyi khams gnas kyi dam pa zhes bya ba de la 
gnas kyi dam pa zhes bya zhe na/ stong gsum gyi stong chen po'i 'jig rten gyi khams yongs su 'dzin pa na/ sems can rnams kyi 'byung gnas dang gnas su bya ba'i gling bzhi pa'i 'jig rten gyi khams gang ji snyed yod pa de dag gi nang na 'di mchog tu bya bas na/ de'i phyir gling bzhi 
pa'i 'jig rten gyi khams gnas kyi dam pa zhes bya ba de la gnas kyi dam pa zhes bya'o/ /de ltar de dag las sogs pa gling bzhi pa'i 'jig rten gyi khams gnas kyi dam pa zhes bya ba de ni yon tan gzhal du med pa dang ldan pa ste/mdor na stong gi 'jig rten gyi khams kun tu 
spyod pa na yon tan gang ji snyed yod pa'i yon tan de dag ni/ gling bzhi pa'i 'jig rten gyi khams gnas kyi dam pa de na yod do/ /gling bzhi pa'i 'jig rten gyi khams gnas kyi dam pa zhes bya ba de na gling byang chub kyi rgyal mtshan zhes bya ba sum cu rtsa gsum gyi lha'i lus kyi dbyibs </font><hr>35-1-163a<br><font size=+1>
su 'dug pa/ gling bzhi pa'i 'jig rten gyi khams rgya mtsho bcu'i rdul shin tu phra ba snyed kyi 'khor gyis bskor ba yod de/ gling byang chub kyi rgyal mtshan zhes bya ba de ni rin po che'i ri khang pa brtsegs pa ltar 'dug pa/ rgya mtsho 
mang po 'jig rten gyi khams rgya mtsho bcu'i rdul shin tu phra ba snyed kyis kun nas bskor ba/ de bzhin gshegs pa'i ye shes kyi 'od zer gyi dra ba rgya mtsho 'jig rten gyi khams rgya mtsho bcu'i rdul shin tu phra ba snyed kyis kun tu khyab pa chos kyi dbyings rgya mtsho 'jig rten gyi 
khams rgya mtsho bcu'i rdul shin tu phra ba snyed kyis mngon par brlan pa ste/ gling byang chub kyi rgyal mtshan zhes bya ba der sems can gang ji snyed skyes par gyur pa de dag thams cad kyang ting nge 'dzin gyi rgyan snying po byang chub kyi rgyan gyi dam par gyur pa/ 'jig rten gyi khams rgya 
mtsho bcu'i rdul shin tu phra ba snyed la rab tu gnas pa theg pa tha dad pas 'byung ba rgya mtsho 'jig rten gyi khams rgya mtsho bcu'i rdul shin tu phra ba snyed la mkhas pa/ chos kyi dbyings rgya mtsho tha mi dad pa/ 'jig rten gyi khams rgya mtsho bcu'i rdul shin tu phra ba snyed la rnam par spyod 
pa sha stag go /ci'i phyir na gling byang chub kyi rgyal mtshan de la byang chub kyi rgyal mtshan zhes bya zhe na/ gling byang chub kyi rgyal mtshan zhes bya ba de na byang chub kyi shing nam mkha'i rten zhes bya ba/byang chub kyi shing 'jig rten gyi khams rgya mtsho bcu'i rdul shin tu phra ba snyed kyi 'khor dang ldan pa yod de der skad cig 
skad cig tu de bzhin gshegs pa 'jig rten gyi khams rgya mtsho bcu'i rdul shin tu phra ba snyed mngon par rdzogs par 'tshang rgya bas/ de'i phyir gling byang chub kyi rgyal mtshan de la byang chub kyi rgyal mtshan zhes bya'o/ /de ltar de dag las sogs pa gling byang chub kyi rgyal mtshan de ni yon 
tan tshad med pa dang ldan pa ste/ mdor na gling bzhi pa'i 'jig rten gyi khams gnas kyi dam pa de na/ gang ji snyed yod pa'i yon tan de dag ni gling byang chub kyi rgyal mtshan de na yod do/ /gling byang chub kyi rgyal mtshan de na grong rdal mdzod mtha' yas pa zhes bya ba khang pa brtsegs pa'i dbyibs su 'dug pa/</font><hr>35-1-163b<br><font size=+1>
grong rdal 'jig rten gyi khams rgya mtsho bcu'i rdul shin tu phra ba snyed kyi 'khor dang ldan pa yod de/ grong rdal mdzod mtha' yas pa zhes bya ba de ni de bzhin gshegs pa'i dgongs pa'i phyir rgya mtsho 'jig rten gyi khams rgya mtsho bcu'i rdul shin tu phra ba snyed phun sum tshogs pa 
dang ldan pa'o/ /de bzhin gshegs pa'i dgongs pa'i phyir rgya mtsho re re zhing yang ting nge 'dzin gyi 'obs rgya mtsho 'jig rten gyi khams rgya mtsho bcu'i rdul shin tu phra ba snyed kyis yongs su bskor ba'o/ /ting nge 'dzin gyi 'obs rgya mtsho de dag re re zhing yang de bzhin gshegs 
pa'i zhi gnas kyi chu rgya mtsho 'jig rten gyi khams rgya mtsho bcu'i rdul shin tu phra ba snyed kyis yongs su gang ba'o/ /de bzhin gshegs pa'i zhi gnas kyi chu rgya mtsho de dag re re zhing yang de bzhin gshegs pa'i ye shes dang yon tan gyi me tog ut+pa la dang / pad mo dang 
ku mu ta dang pun da ri ka 'jig rten gyi khams rgya mtsho bcu'i rdul shin tu phra ba snyed kyis kun nas khyab par gang ba'o/ /grong rdal mdzod mtha' yas pa de ni byang chub kyi sems rin po che shin tu rnam par dag pa'i pha gu rgya mtsho 'jig rten gyi khams rgya mtsho bcu'i rdul shin tu phra ba snyed 
las brtsigs pa/ sa bcu'i khang pa brtsegs pa dang / gzhal med khang gi phreng ba rgya mtsho 'jig rten gyi khams rgya mtsho bcu'i rdul shin tu phra ba snyed kyis rnam par phye ba ste/ grong rdal mdzod mtha' yas pa der sems can gang ji snyed skyes pa de dag thams cad kyang de 
bzhin gshegs pa rnam par snang mdzad kyi chos kyi sku dang ngang tshul rgya mtsho la rab tu zhugs pa/ skad cig skad cig cing sems can gyi khams sna tshogs 'jig rten gyi khams rgya mtsho bcu'i rdul shin tu phra ba snyed yongs su mya ngan las zlo ba 'jig rten gyi khams sna tshogs 'jig rten gyi 
khams rgya mtsho bcu'i rdul shin tu phra ba snyed kyi sdug bsngal gyi phung po rgya mtsho'i khur 'jig rten gyi khams rgya mtsho bcu'i rdul shin tu phra ba snyed bkur ba la yongs su skyo ba med pa sha stag go /ci'i phyir na grong rdal mdzod mtha' yas pa zhes bya ba de la mdzod mtha' yas pa zhes bya </font><hr>35-1-164a<br><font size=+1>
zhe na/ grong rdal mdzod mtha' yas pa de'i sa'i khams kyi rdul shin tu phra ba 'am/ chu'i khams kyi rdul shin tu phra ba 'am/ me'i khams kyi rdul shin tu phra ba 'am/ rlung gi khams kyi rdul shin tu phra ba 'am/ nam mkha'i khams kyi 
rdul shin tu phra ba yang rung ste/ de bzhin gshegs pa rnams kyis de dag la chos kyi mdzod rgya mtsho 'jig rten gyi khams rgya mtsho bcu'i rdul shin tu phra ba snyed ma bzhag pa de lta bu gang yang med pas de'i phyir grong rdal mdzod mtha' yas pa de la mdzod mtha' yas pa zhes bya'o/ /
de ltar de dag las sogs pa grong rdal mdzod mtha' yas pa de ni yon tan tshad med pa dang ldan pa ste/ mdor na gling byang chub kyi rgyal mtshan na yon tan gang ji snyed yod pa'i yon tan de snyed ni grong rdal mdzod mtha' yas pa de na yod do/ /grong rdal mdzod mtha' yas pa 
de na bza' shing gi ra ba mya ngan dang bral ba zhes bya ba snying po byang chub mya ngan med pa'i dbyibs su 'dug pa/ bza' shing gi ra ba 'jig rten gyi khams rgya mtsho bcu'i rdul shin tu phra ba snyed kyi 'khor dang ldan pa yod de/ bza' shing gi ra ba mya ngan dang bral ba de na/ 
nags tshal rgya mtsho 'jig rten gyi khams rgya mtsho bcu'i rdul shin tu phra ba snyed yod de/ nags tshal de dag kyang so so nas stong pa nyid kyi gser rgya mtsho 'jig rten gyi khams rgya mtsho bcu'i rdul shin tu phra ba snyed kyi rgyu las grub pa'o/ /chos kyi dbyings kyi 'od rgya mtsho 
'jig rten gyi khams rgya mtsho bcu'i rdul shin tu phra ba snyed kyi me tog dang ldan pa'o/ /rnam par rtog pa'i gnyen po rgya mtsho 'jig rten gyi khams rgya mtsho bcu'i rdul shin tu phra ba snyed kyi 'bras bu dang ldan pa'o/ /sems can gyi khams thams cad sdig pa las yongs su skyobs 
pa rgya mtsho 'jig rten gyi khams rgya mtsho bcu'i rdul shin tu phra ba snyed kyi lo ma dang ldan pa'o/ /sems can gyi khams yongs su mya ngan las zlo ba rgya mtsho 'jig rten gyi khams rgya mtsho bcu'i rdul shin tu phra ba snyed kyi grib ma bsil ba dang ldan pa'o/ /sems can gyi </font><hr>35-1-164b<br><font size=+1>
khams thams cad kyi bsam pa'i sa rgya mtsho 'jig rten gyi khams rgya mtsho bcu'i rdul shin tu phra ba snyed la snying rje chen po'i rtsa ba rab tu gnas pa'o/ /de bzhin gshegs pa rnam par snang mdzad ye shes gang chen mtsho'i sngon gyi smon lam rgya mtsho 'jig rten gyi khams rgya 
mtsho bcu'i rdul shin tu phra ba snyed kyi yal ga dang ldan pa'o/ /rang bzhin yongs su dag pa'i dar gyi lda ldi dang chun po rgya mtsho 'jig rten gyi khams rgya mtsho bcu'i rdul shin tu phra ba snyed kun tu bres pa'o/ /dri ma med cing yongs su dag pa'i gdugs dang / rgyal mtshan 
dang / ba dan rgya mtsho 'jig rten gyi khams rgya mtsho bcu'i rdul shin tu phra ba snyed mngon par bsgreng ba'o/ /bza' shing gi ra ba mya ngan dang bral ba de ni rdzing rgya mtsho 'jig rten gyi khams rgya mtsho bcu'i rdul shin tu phra ba snyed kyis yongs su brgyan pa ste/ rdzing de dag re re zhing yang 
de bzhin gshegs pa'i zhi gnas rgya mtsho'i chu 'jig rten gyi khams rgya mtsho bcu'i rdul shin tu phra ba snyed kyis yongs su gang ba'o/ /rdzing de dag re re zhing yang de bzhin gshegs pa'i ye shes dang yon tan gyi me tog ut+pa la dang / pad mo dang / pun da ri 
ka 'jig rten gyi khams rgya mtsho bcu'i rdul shin tu phra ba snyed kyis kun nas khyab par gang ba'o/ /bza' shing gi ra ba mya ngan dang bral ba der sems can ji snyed cig 'dong ba de dag thams cad kyang / bcom ldan 'das de bzhin gshegs pa rnam par snang 
mdzad ye shes gang chen mtsho'i sku dang thugs dang 'phrin las mnyam pa rgya mtsho 'jig rten gyi khams rgya mtsho bcu'i rdul shin tu phra ba snyed rab tu thob par 'gyur ba sha stag ste/ dus gsum thams cad du thogs pa med pa'i ye shes la rnam par spyod pa rgya mtsho 
'jig rten gyi khams rgya mtsho bcu'i rdul shin tu phra ba snyed dang ldan pa sha stag go /ci'i phyir na bza' shing gi ra ba mya ngan dang bral ba de la/ mya ngan dang bral ba zhes bya zhe na/ shar phyogs kyi 'jig rten gyi khams mya ngan dang bral ba zhes bya ba na/ de </font><hr>35-1-165a<br><font size=+1>
bzhin gshegs pa mya ngan dang bral ba zhes bya ba bzhugs te/ de dang mthun pa'i rgyus grub pas de'i phyir na bza' shing gi ra ba mya ngan dang bral ba de la mya ngan dang bral ba zhes bya'o/ /de dag la sogs pa bza' shing gi ra ba mya ngan dang bral ba de ni/ yon 
tan tshad med pa dang ldan pa ste/ mdor na grong rdal mdzod pa mtha' yas pa na/ yon tan gang ji snyed yod pa de snyed kyi yon tan ni bza' shing gi ra ba mya ngan dang bral ba de na yod do/ /bza' shing gi ra ba mya ngan dang bral ba de'i nang na khang pa brtsegs pa kun nas smad du med 
pa zhes bya ba 'jig rten gyi khams rang bzhin chos nyid kyis gnas pa'i dbyibs su 'dug pa khang pa brtsegs pa 'jig rten gyi khams rgya mtsho bcu'i rdul shin tu phra ba snyed kyi 'khor dang ldan pa yod de/ khang pa brtsegs pa kun nas smad du med pa de ni de bzhin gshegs pa 
thams cad kyi yon tan rin po che sna tshogs kyi rang bzhin rgya mtsho 'jig rten gyi khams rgya mtsho bcu'i rdul shin tu phra ba snyed las byung ba'o/ /sems can gyi khams thams cad kyi bsam pa sna tshogs rgya mtsho 'jig rten gyi khams rgya mtsho bcu'i rdul shin tu phra ba snyed kyi 
snying po dang ldan pa'o/ /sangs rgyas kyi zhing sna tshogs dam pa'i rgya mtsho 'jig rten gyi khams rgya mtsho bcu'i rdul shin tu phra ba snyed rjes su 'dong ba'o/ /khang pa brtsegs pa kun nas smad du med pa der sems can gang ji snyed skyes pa de dag thams cad kyang / bcom 
ldan 'das de bzhin gshegs pa ye shes gang chen mtsho rnam par snang mdzad kyi ye shes sgyu ma rgya mtsho 'jig rten gyi khams rgya mtsho bcu'i rdul shin tu phra ba snyed kyis sprul pa ye shes sgyu ma rgya mtsho 'jig rten gyi khams rgya mtsho bcu'i rdul shin tu phra ba snyed kyis rnam par bsgrubs pa/ ye shes sgyu ma rgya 
mtsho 'jig rten gyi khams rgya mtsho bcu'i rdul shin tu phra ba snyed kyi pha rol tu phyin pa dam pa thob pa/ de bzhin gshegs pa 'jig rten gyi khams rgya mtsho bcu'i rdul shin tu phra ba snyed kyi/ bsod nams dang ye shes kyi tshogs yongs su bsgrubs pa gang ji snyed yod pa de dag </font><hr>35-1-165b<br><font size=+1>
thams cad kyis/ sems can de dag gi ba spu'i bu ga re re nas mngon par grub pa sha stag go /ci'i phyir na khang pa brtsegs pa kun nas smad du med pa de la kun nas smad du med pa zhes bya zhe na/ chos kyi dbyings 'jig rten gyi khams rgya mtsho bcu'i rdul shin tu phra ba snyed kyi rang bzhin yin pa'i phyir te/ 
de'i phyir khang pa brtsegs pa kun nas smad du med pa de la kun nas smad du med pa zhes bya'o/ /de ltar de dag la sogs pa khang pa brtsegs pa kun nas smad du med pa de ni yon tan tshad med pa dang ldan pa ste/ mdor na bza' shing gi ra ba mya ngan dang bral ba na yon tan gang ji snyed yod pa de snyed kyi yon tan 
ni khang pa brtsegs pa kun nas smad du med pa de na yod do/ /de lta bu'i pho brang brtsegs pa kun nas smad du med pa de na/ byang chub sems dpa'i ye shes kyi rdo rje'i lhun dang ldan pa'i seng ge'i khri rgya mtsho 'jig rten gyi khams rgya mtsho bcu'i rdul shin tu phra ba snyed la/ 
bcom ldan 'das de bzhin gshegs pa ye shes gang chen mtsho rnam par snang mdzad 'das pa dang / ma 'ongs pa dang / da ltar byung ba'i byang chub sems dpa'i 'khor gyi rnam pa rgya mtsho 'jig rten gyi khams rgya mtsho bcu'i rdul shin tu phra ba snyed kyis kun nas 
bskor cing 'das pa dang ma 'ongs pa dang / da ltar byung ba'i rang sangs rgyas kyi 'khor gyi rnam pa rgya mtsho 'jig rten gyi khams rgya mtsho bcu'i rdul shin tu phra ba snyed kyis kun nas bskor te/ 'das pa dang ma 'ongs pa dang / da ltar byung ba'i nyan thos kyi 'khor gyi 
rnam pa rgya mtsho 'jig rten gyi khams rgya mtsho bcu'i rdul shin tu phra ba snyed kyis bskor cing / de bzhin du lha dang klu dang gnod sbyin dang / dri za dang lha ma yin dang / nam mkha' lding dang / mi 'am ci dang lto 'phye chen po dang / mi dang mi ma yin pa 'das pa dang 
ma 'ongs pa dang / da ltar byung ba'i 'khor rnam pa tha dad pa rgya mtsho 'jig rten gyi khams rgya mtsho bcu'i rdul shin tu phra ba snyed kyis kun nas bskor cing bzhugs so rnam par spyod do byang chub sems dpa'i 'khor rnam pa tha dad pa rgya mtsho nas/ myi dang myi ma yin gyi 'khor </font><hr>35-1-166a<br><font size=+1>
rnam pa tha dad pa rgya mtsho'i bar 'das pa dang / ma 'ongs pa dang da ltar byung ba de dag las byang chub sems dpa' de dag re re zhing yang byang chub sems dpa' 'das pa dang / ma 'ongs pa dang / da ltar byung ba'i 'khor rnam pa tha dad pa 
rgya mtsho 'jig rten gyi khams rgya mtsho bcu'i rdul shin tu phra ba snyed kyi 'khor dang ldan pa rang sangs rgyas 'das pa dang ma 'ongs pa dang / da ltar byung ba'i 'khor rnam pa tha dad pa rgya mtsho 'jig rten gyi khams rgya mtsho bcu'i rdul shin tu phra ba snyed kyi 'khor dang ldan pa/ nyan thos 
'das pa dang ma 'ongs pa dang / da ltar byung ba'i 'khor rnam pa tha dad pa rgya mtsho 'jig rten gyi khams rgya mtsho bcu'i rdul shin tu phra ba snyed kyi 'khor dang ldan pa/ de bzhin du lha dang klu dang gnod sbyin dang dri za dang lha ma yin dang nam mkha' lding dang mi 'am ci dang lto 'phye chen 
po dang / myi dang myi ma yin pa 'das pa dang ma 'ongs pa dang / da ltar byung ba'i 'khor rnam pa tha dad pa rgya mtsho 'jig rten gyi khams rgya mtsho bcu'i rdul shin tu phra ba snyed kyi 'khor dang / de ltar 'khor dang 'khor gyi dkyil 'khor gcig nas gcig tu brgyud pa yang 'jig rten gyi khams rgya mtsho 
bcu'i rdul shin tu phra ba snyed du shes par bya'o/ /byang chub sems dpa' rgya mtsho de dag nas myi dang myi ma yin pa'i bar rgya mtsho 'jig rten gyi khams rgya mtsho bcu'i rdul shin tu phra ba snyed po de dag las byang chub sems dpa' re re dang / myi dang myi ma yin pa'i bar re re dag kyang 
lus rnam pa tha dad pa 'jig rten gyi khams rgya mtsho bcu'i rdul shin tu phra ba snyed dang ldan pa sha stag ste/ lus rnam pa tha dad pa rgya mtsho 'jig rten gyi khams rgya mtsho bcu'i rdul shin tu phra ba snyed po de dag las lus re re la yang / mgo rnam pa tha dad pa rgya mtsho 'jig rten 
gyi khams rgya mtsho bcu'i rdul shin tu phra ba snyed yod do/ /mgo rnam pa tha dad pa rgya mtsho 'jig rten gyi khams rgya mtsho bcu'i rdul shin tu phra ba snyed po de dag las mgo re re la yang mig gi dbang po rnam pa tha dad pa rgya mtsho 'jig rten gyi khams rgya mtsho bcu'i rdul shin tu phra ba snyed yod do/ /</font><hr>35-1-166b<br><font size=+1>
de bzhin du rna ba dang sna dang lce dang lus dang yid kyi dbang po rnam pa tha dad pa rgya mtsho'i bar du yang 'jig rten gyi khams rgya mtsho bcu'i rdul shin tu phra ba snyed yod de/ mig gi dbang po rnam pa tha dad pa rgya mtsho 'jig rten gyi khams rgya mtsho bcu'i rdul shin tu phra ba snyed nas yid kyi dbang po 
rnam pa tha dad pa rgya mtsho'i bar 'jig rten gyi khams rgya mtsho bcu'i rdul shin tu phra ba snyed po de dag la dbang po ji snyed cig yod pa de dag las dbang po re re la yang mig gi rnam par shes pa'i rnam par rtog pa rgya mtsho 'jig rten gyi khams rgya mtsho bcu'i rdul shin tu phra ba snyed yod do/ /de 
bzhin du rna ba dang sna dang lce dang lus dang yid kyi rnam par shes pa'i rnam par rtog pa rgya mtsho'i bar du 'jig rten gyi khams rgya mtsho bcu'i rdul shin tu phra ba snyed yod do/ /mig gi rnam par shes pa'i rnam par rtog pa rgya mtsho nas yid kyi rnam par shes pa rnam pa tha dad pa rgya 
mtsho 'jig rten gyi khams rgya mtsho bcu'i rdul shin tu phra ba snyed po de dag la rnam par shes pa ji snyed cig yod pa de dag las rnam par shes pa re re la yang ye shes rnam pa tha dad pa rgya mtsho 'jig rten gyi khams rgya mtsho bcu'i rdul shin tu phra ba snyed yod do/ /ye shes rnam pa tha dad 
pa rgya mtsho 'jig rten gyi khams rgya mtsho bcu'i rdul shin tu phra ba snyed po de dag la ye shes ji snyed cig yod pa de dag las ye shes re res kyang / 'jig rten gyi khams rgya mtsho mang po'i sangs rgyas tha dad pa rgya mtsho'i ye shes rnam pa tha dad pa rgya mtsho'i tshul du chos kyi 'khor lo 
rnam pa tha dad pa rgya mtsho 'jig rten gyi khams rgya mtsho bcu'i rdul shin tu phra ba snyed rab tu bskor bar byed do/ /byang chub sems dpa' rnams la ji lta ba de bzhin du rang sangs rgyas dang / de bzhin du nyan thos dang de bzhin du lha dang klu dang gnod sbyin dang dri za dang lha ma yin 
dang / nam mkha' lding dang mi 'am ci dang / lto 'phye chen po dang mi dang mi ma yin pa rnams la 'ang shes par bya ste/ ye shes la ji lta ba de bzhin du chos thams cad la yang shes par bya'o/ /byang chub sems dpa' de dag dang myi dang mi ma yin pa'i bar de dag gi gnas </font><hr>35-1-167a<br><font size=+1>
kyi yon tan rnam par phye ba rgya mtsho ji snyed cig yod pa dang / stan gyi yon tan rnam par phye ba ji snyed cig yod pa dang / mtshan dang dpe byad bzang po'i yon tan rnam par phye ba ji snyed cig yod pa dang / rgyan gyi yon tan rnam par phye ba rgya mtsho 
ji snyed cig yod pa dang / gos kyi yon tan rnam par phye ba rgya mtsho ji snyed cig yod pa de dag dang / byang chub sems dpa' nas mi dang mi ma yin pa'i bar de dag gi mig gi rdul shin tu phra ba snyed re re nas lus kyi rdul shin tu phra ba snyed re re zhing 'jig rten gyi khams thams cad du rgyas par 
'gengs pa de dag ni/ sangs rgyas rgya mtsho 'jig rten gyi khams rgya mtsho bcu'i rdul shin tu phra ba snyed kyi bskal pa rgya mtsho 'jig rten gyi khams rgya mtsho bcu'i rdul shin tu phra ba snyed du bstan cing brjod kyang zad par mi rung ngo // //sangs rgyas 
rmad ga cad ces bya ba shin tu rgyas pa chen po/bam po bcu bzhi pa/ de nas bcom ldan 'das ye shes gang chen mtsho rnam par snang mdzad kyi sku'i ba spu'i bu ga re re nas kyang 'od zer rgya mtsho 'jig rten gyi khams rgya mtsho bcu'i rdul shin tu phra ba snyed bkye'o/ /
'od zer rgya mtsho de dag re re las kyang sangs rgyas rgya mtsho pad mo rgya mtsho la bzhugs pa 'jig rten gyi khams rgya mtsho bcu'i rdul shin tu phra ba snyed mngon par byung ste/ sangs rgyas re re'i sku'i ba spu'i sgo re re nas kyang yang dag par bskul ba'i tshigs su bcad 
pa rgya mtsho 'jig rten gyi khams rgya mtsho bcu'i rdul shin tu phra ba snyed mngon par 'thon to/ /de dag las yang dag par bskul ba'i tshigs su bcad pa rgya mtsho re re zhing yang shar phyogs kyi 'jig rten gyi khams ji snyed pa dang / rdul shin tu phra ba ji snyed pa'i 'jig rten 
gyi khams re re dang / rdul shin tu phra ba re re la 'ang byang chub sems dpa' rgya mtsho ji snyed cig yod pa dang / rang sangs rgyas rgya mtsho dang / nyan thos rgya mtsho ji snyed cig yod pa dang / lha dang klu dang gnod sbyin dang / dri za dang lha ma yin dang nam mkha' lding dang / myi </font><hr>35-1-167b<br><font size=+1>
'am ci dang / lto 'phye chen po dang / myi dang myi ma yin pa rgya mtsho ji snyed cig yod pa de dag thams cad la yongs su bskul ba byed do/ /shar phyogs dang 'dra bar phyogs rgya mtsho thams cad du'ang de bzhin te/ de nas byang chub sems dpa' rgya mtsho de dag dang mi dang mi ma yin pa rgya mtsho 
ji snyed pa de dag bcom ldan 'das de bzhin gshegs pa ye shes gang chen mtsho rnam par snang mdzad kyi 'od zer gyis yang dag par bskul nas/ rang rang gi sangs rgyas kyi zhing rgya mtsho dag na/ sangs rgyas rgya mtsho gang bzhugs pa de dag la zhus te/ gnang nas byang chub 
sems dpa' rgya mtsho re re dang myi dang myi ma yin pa rgya mtsho'i bar de dag re re zhing byang chub sems dpa'i 'khor rgya mtsho nas mi dang mi ma yin pa'i 'khor rgya mtsho'i bar dang ldan par 'jig rten gyi khams rgya mtsho bcom ldan 'das kyi phyag gi mthil gyi snying po la rab tu gnas pa gang na 
ba der 'dong bar gyur to/ /byang chub sems dpa' rgya mtsho de dag dang / mi dang mi ma yin pa rgya mtsho'i bar de dag la byang chub sems dpa' ji snyed cig yod pa dang mi dang mi ma yin pa ji snyed cig yod pa de dag las byang chub sems dpa' re re dang / myi dang myi ma yin pa'i bar de dag re re zhing yang lus 
rgya mtsho 'jig rten gyi khams rgya mtsho bcu'i rdul shin tu phra ba snyed dang ldan pa sha stag ste/ lus re re la yang lag pa rgya mtsho 'jig rten gyi khams rgya mtsho bcu'i rdul shin tu phra ba snyed yod pa/ lus re re la yang mgo rgya mtsho 'jig rten gyi khams rgya mtsho bcu'i rdul shin 
tu phra ba snyed yod pa/ mgo re re la yang kha'i sgo rgya mtsho 'jig rten gyi khams rgya mtsho bcu'i rdul shin tu phra ba snyed yod pa/ kha'i sgo re re la yang lce rgya mtsho 'jig rten gyi khams rgya mtsho bcu'i rdul shin tu phra ba snyed yod pa sha stag go /de nas byang chub sems 
dpa' rgya mtsho de dag dang / myi dang myi ma yin pa'i bar rgya mtsho de dag gis/ bcom ldan 'das de bzhin gshegs pa ye shes gang chen mtsho rnam par snang mdzad la lus re res kyang g.yas phyogs su bskor ba rgya mtsho 'jig rten gyi khams rgya mtsho bcu'i rdul </font><hr>35-1-168a<br><font size=+1>
shin tu phra ba snyed kyis bskor ba byas te/ lag pa re re nas kyang me tog rgya mtsho 'jig rten gyi khams rgya mtsho bcu'i rdul shin tu phra ba snyed kyis mchod nas de bzhin du mar me dang / spos dang bdug spos dang / byug pa dang phye ma dang 
gdugs dang rgyal mtshan dang ba dan rgya mtsho 'jig rten gyi khams rgya mtsho bcu'i rdul shin tu phra ba snyed kyis mchod de/ lce re re zhing yang bstod pa rgya mtsho 'jig rten gyi khams rgya mtsho bcu'i rdul shin tu phra ba snyed kyis mngon par bstod nas/ rang rang gi stobs dang rdzu 
'phrul gyis sprul pa'i stan rgya mtsho dag la 'khod par gyur to/ /'khod nas kyang lce re re zhing zhu ba rgya mtsho 'jig rten gyi khams rgya mtsho bcu'i rdul shin tu phra ba snyed yongs su zhu ba byed do/ /bcom ldan 'das de bzhin gshegs pa ye shes gang chen mtsho 
rnam par snang mdzad des zhus pa de dag re re la shin tu bstan pa rgya mtsho 'jig rten gyi khams rgya mtsho bcu'i rdul shin tu phra ba snyed kyis shin tu bstan pa mdzad de/ byang chub sems dpa' rgya mtsho dang / myi dang myi ma yin pa rgya mtsho'i bar rnam pa de ltar 'dus pa de 
dag thams cad la chos rgya mtsho mang po rnam grangs du mar rnam par phye'o/ /rnam par bkrol lo/ /gsal bar mdzad do/ /yang dag par bstan to/ /de nas shar phyogs su 'jig rten gyi khams rgya mtsho 'jig rten gyi khams rgya mtsho bcu'i rdul shin tu phra ba snyed 'das pa na/ 'jig 
rten gyi khams rgya mtsho 'jig rten gyi khams rgya mtsho thams cad kyi gnas kyi snying po zhes bya ba yod de/ de na de bzhin gshegs pa sems can thams cad kyi don rgya mtsho rnam par snang mdzad ces bya ba bzhugs shing 'tsho skyong ste/ thog mar yang dge bar du yang dge /
tha mar yang dge ba'i chos don bzang po/ /yi ge bzang po dag pa yongs su gsal ba/ yongs su byang ba/ tshangs pa'i spyod pa yang dag par ston cing / byang chub sems dpa' 'jig rten gyi khams rgya mtsho bcu'i rdul shin tu phra ba snyed la rab tu </font><hr>35-1-168b<br><font size=+1>
ston pa mdzad de/ de bzhin gshegs pa sems can thams cad kyi don rgya mtsho rnam par snang mdzad de'i gnas kyi yon tan rnam par phye ba rgya mtsho ji snyed cig mnga' ba dang / sangs rgyas kyi zhing gi yon tan rnam par phye ba rgya mtsho ji snyed cig mnga' ba dang / 
sku tshe'i yon tan rnam par phye ba rgya mtsho ji snyed cig mnga' ba dang / sems can yongs su smin par mdzad pa'i yon tan rgya mtsho ji snyed cig mnga' ba dang / sku yongs su bstan pa'i yon tan rnam par phye ba rgya mtsho ji snyed cig mnga' ba dang / chos bstan pa'i yon tan 
rnam par phye ba rgya mtsho ji snyed cig mnga' ba de dag ni/ sangs rgyas rgya mtsho 'jig rten gyi khams rgya mtsho bcu'i rdul shin tu phra ba snyed kyis dus gsum rgya mtsho 'jig rten gyi khams rgya mtsho bcu'i rdul shin tu phra ba snyed du gsungs te/ bstan 
kyang zad par mi rung ngo / /'jig rten gyi khams rgya mtsho 'jig rten gyi khams rgya mtsho thams cad kyi gnas kyi snying po zhes bya ba de na 'khor los sgyur ba'i rgyal po rin chen mang po zhes bya ba 'jig rten gyi khams rgya mtsho bcu'i rdul shin tu phra ba snyed kyi 'jig rten gyi khams 
rgya mtsho'i bdag po lha dang myi'i dbang po yod de/ 'jig rten gyi khams rgya mtsho de dag re re zhing yang 'jig rten gyi khams rgya mtsho bcu'i rdul shin tu phra ba snyed kyi 'jig rten gyi khams rgya mtsho'i 'khor dang ldan pa sha stag go /'khor los sgyur ba'i rgyal po rin 
chen mang po de'i 'jig rten gyi khams rgya mtsho re re na yang rin po che rgya mtsho 'jig rten gyi khams rgya mtsho bcu'i rdul shin tu phra ba snyed yod de/ 'di ltar sangs rgyas kyi spyan rin po che rgya mtsho dang / de bzhin du sangs rgyas kyi snyan dang / shangs dang ljags dang sku dang 
thugs rin po che rgya mtsho dang / sangs rgyas kyi gzugs dang sgra dang dri dang ro dang reg bya dang / sangs rgyas kyi chos rin po che rgya mtsho dang / thams cad kyis blta na yid du 'ong ba'i bud med rin po che rgya mtsho dang / don thams cad grub pa'i khyim bdag rin po che rgya mtsho dang /</font><hr>35-1-169a<br><font size=+1>
kun tu rnam par phye ba'i blon po rin po che rgya mtsho dang / nam mkha'i mthas klas pa'i rta rin po che rgya mtsho dang / yid bzhin du 'gro ba'i glang po rin po che rgya mtsho dang / chos kyi dbyings rdo rje'i lte ba can gyi 'khor lo rin po che rgya mtsho dang / 
kun tu snang bar byed pa'i yid bzhin gyi nor bu rin po che rgya mtsho dang / nam mkha' rgyan gyis 'gengs pa'i gdugs rin po che rgya mtsho dang / rang bzhin gyis dri ma med pa'i gos rin po che rgya mtsho dang / zla ba'i zer lta bu'i rdul yab rin po che rgya mtsho dang / shes rab kyi 
ral gri rin po che rgya mtsho dang / 'jig rten thams cad kyi bltar myi mthong ba'i spyi gtsug bsgribs pa med pa rin po che rgya mtsho dang / /thams cad du 'gro ba'i lham rin po che rgya mtsho dang / ting nge 'dzin dang mnyam par gzhag pa thams cad kyi mdzod du gyur pa'i ting nge 'dzin 
rin po che rgya mtsho dang / chos gang chen mtsho thams cad kyi klong dang ldan pa'i gzungs rin po che rgya mtsho dang / de ltar de dag la sogs pa 'jig rten gyi khams rgya mtsho re re na yang rin po che rgya mtsho 'jig rten gyi khams rgya mtsho bcu'i rdul shin tu phra ba snyed yod de/ rin 
po che rgya mtsho de dag la rin po che ji snyed cig yod pa de dag las rin po che re re zhing yang las 'jig rten gyi khams rgya mtsho bcu'i rdul shin tu phra ba snyed byed pa sha stag go /'khor los sgyur ba'i rgyal po rin chen mang po de la bu rgya mtsho kun kyang myi chen po'i mtshan rgya 
mtsho 'jig rten gyi khams rgya mtsho bcu'i rdul shin tu phra ba snyed dang ldan pa/ 'od chen po'i rgyan rgya mtsho 'jig rten gyi khams rgya mtsho bcu'i rdul shin tu phra ba snyed dang ldan pa/ lus dpe byad bzang po rgya mtsho 'jig rten gyi khams rgya mtsho bcu'i rdul shin tu phra ba 
snyed kyis rab tu gsal bar brgyan pa/ phas kyi rgol ba'i sde 'jig rten gyi khams rgya mtsho bcu'i rdul shin tu phra ba snyed rab tu 'joms pa/ sa bcu rgya mtsho 'jig rten gyi khams rgya mtsho bcu'i rdul shin tu phra ba snyed la rab tu gnas pa/ dpa' bar 'gro ba'i ting nge 'dzin </font><hr>35-1-169b<br><font size=+1>
rgya mtsho 'jig rten gyi khams rgya mtsho bcu'i rdul shin tu phra ba snyed rab tu thob pa/ snying po byang chub kyi rgyan rnam par phye ba'i ting nge 'dzin rgya mtsho 'jig rten gyi khams rgya mtsho bcu'i rdul shin tu phra ba snyed yongs su gnon pa la mkhas pa 'jig rten gyi khams rgya mtsho 
bcu'i rdul shin tu phra ba snyed yod do/ /'khor los sgyur ba'i rgyal po rin chen mang po de la bu mo rgya mtsho kun kyang byang chub sems dpa' kun tu bzang po 'jig rten gyi khams rgya mtsho bcu'i rdul shin tu phra ba snyed kyis sprul pa'i bud myed rin po che dang 'dra bar yid kyi lus 
'jig rten gyi khams rgya mtsho bcu'i rdul shin tu phra ba snyed dang ldan pa srid pa'i lam gyi rgyud kyi 'khor lo sna tshogs rgya mtsho 'jig rten gyi khams rgya mtsho bcu'i rdul shin tu phra ba snyed dang ldan pa/ byang chub kyi sems bla na myed pa rgya mtsho 'jig rten gyi khams rgya mtsho 
bcu'i rdul shin tu phra ba snyed kyi mgo dang ldan pa/ chos kyi dbyings nam mkha' rgya mtsho 'jig rten gyi khams rgya mtsho bcu'i rdul shin tu phra ba snyed kyi 'phral ba dang ldan pa/ bsam pa dang lhag pa'i bsam pa 'jig rten gyi khams rgya mtsho bcu'i rdul shin tu phra ba snyed kyi 
smin tshugs can/ shes rab dang ye shes yangs pa rgya mtsho 'jig rten gyi khams rgya mtsho bcu'i rdul shin tu phra ba snyed kyi myig dang ldan pa/ de bzhin gshegs pa thams cad las thos pa 'dzin pa 'jig rten gyi khams rgya mtsho bcu'i rdul shin tu phra ba snyed kyi rna ba yid 
du 'ong ba dang ldan pa/ sdom pa chen po yang dag par blangs pa rgya mtsho 'jig rten gyi khams rgya mtsho bcu'i rdul shin tu phra ba snyed kyi sna legs pa dang ldan pa/ chos rgya mtsho rab tu sgrog pa rgya mtsho 'jig rten gyi khams rgya mtsho bcu'i rdul shin tu phra ba snyed kyi 
lce dang ldan pa/ /chos kyi dbyings mtha' gnyis yongs su spangs pa 'dzud par dgod pa rgya mtsho 'jig rten gyi khams rgya mtsho bcu'i rdul shin tu phra ba snyed dang ldan pa/ byams pa chen po dang snying rje chen po'i 'jig rten gyi khams rgya mtsho bcu'i rdul </font><hr>35-1-170a<br><font size=+1>
shin tu phra ba snyed kyi lag pa dang ldan pa/ sems can thams cad kyi don yongs su bsgrubs pas myi ngoms pa rgya mtsho 'jig rten gyi khams rgya mtsho bcu'i rdul shin tu phra ba snyed kyi snying dang ldan pa/ bsod nams dang ye 
shes kyi tshogs rgya mtsho 'jig rten gyi khams rgya mtsho bcu'i rdul shin tu phra ba snyed kyi nu ma legs pa dang ldan pa/ chos zab mo sna tshogs rgya mtsho 'jig rten gyi khams rgya mtsho bcu'i rdul shin tu phra ba snyed kyi lte ba dang ldan pa/ dmyigs pa thams cad yongs su bstsal 
ba'i mthar thug pa rgya mtsho 'jig rten gyi khams rgya mtsho'i rdul shin tu phra ba snyed rjes su rtogs pa dang ldan pa/ rdo rje lta bu'i ting nge 'dzin yangs shing mi shigs la brtan pa/ 'jig rten gyi khams rgya mtsho bcu'i rdul shin tu phra ba snyed kyi sta zur dang ldan pa/ 
'jig rten pa dang 'jig rten las 'das pa thams cad rim gyis 'brel pa rgya mtsho 'jig rten gyi khams rgya mtsho bcu'i rdul shin tu phra ba snyed kyi rkang pa dang ldan pa/ byang chub kyi yan lag gi me tog sna tshogs kyi dra ba dang phreng ba rgya mtsho 'jig rten gyi khams rgya mtsho bcu'i rdul shin tu 
phra ba snyed mdzes par thogs pa/ sangs rgyas dang byang chub sems dpa' dang / nyan thos dang / rang sangs rgyas kyi rnam par thar pa'i gos rgya mtsho 'jig rten gyi khams rgya mtsho bcu'i rdul shin tu phra ba snyed shin tu bzang bar gyon pa/ sangs 
rgyas thams cad kyi chos kyi rgyan rgya mtsho 'jig rten gyi khams rgya mtsho bcu'i rdul shin tu phra ba snyed kyis legs par brgyan pa/ de bzhin gshegs pa'i tshul khrims dri zhim po rgya mtsho 'jig rten gyi khams rgya mtsho bcu'i rdul shin tu phra ba snyed kyi spos kyis lus shin tu 
byugs pa/ dga' ba'i rgyan dang thabs mkhas pa rgya mtsho 'jig rten gyi khams rgya mtsho bcu'i rdul shin tu phra ba snyed kyi pha rol tu phyin pa'i mchog thob pa/ 'jig rten gyi khams rgya mtsho bcu'i rdul shin tu phra ba snyed yod de/ de dag gi kha nas ye shes kyi rjes </font><hr>35-1-170b<br><font size=+1>
su 'brang ba'i chos rgya mtsho 'jig rten gyi khams rgya mtsho bcu'i rdul shin tu phra ba snyed 'byung ngo / /de dag gi lus kyi ba spu'i bu ga thams cad nas kyang snying rje'i rjes su 'brang ba'i tsan dan gyi spos rgya mtsho 'jig rten gyi khams rgya mtsho bcu'i rdul shin tu phra ba snyed 'byung ngo /
spos rgya mtsho de dag gi dri zhim pos kyang 'jig rten gyi khams rgya mtsho bcu'i rdul shin tu phra ba snyed kyi 'jig rten gyi khams rgya mtsho mang po yongs su rgyas par 'gengs te/ de dag gi dga' ba'i rgyan dang / thabs mkhas pa rgya mtshos 'dul ba'i sems can rgya mtsho gang 
ji snyed yod pas dri zhim po rgya mtsho de dag tshor bar gyur pa de dag thams cad kyang / de bzhin gshegs pa'i tshul khrims dri zhim po rgya mtsho 'jig rten gyi khams rgya mtsho bcu'i rdul shin tu phra ba snyed rab tu thob po/ /sems can gang dga' ba'i rgyan dang thabs mkhas pa 
rgya mtshos 'dul ba de dag gi gzugs kyi yon tan rnam par phye ba rgya mtsho de dag mthong ba de thams cad kyang / de bzhin gshegs pa'i shes rab dang ye shes kyi sku rnam par dag pa yongs su ston pa rgya mtsho 'jig rten gyi khams rgya mtsho bcu'i rdul shin tu phra ba snyed 
rab tu 'thob bo/ /gang gis dbyangs rgya mtsho thos par gyur pa de dag thams cad kyang de bzhin gshegs pa thams cad las thos pa yongs su 'dzin pa rgya mtsho 'jig rten gyi khams rgya mtsho bcu'i rdul shin tu phra ba snyed rab tu 'thob po/ /gang gis lag nas bzung ba de dag 
thams cad kyang byams pa chen po dang / snying rje chen po rgya mtsho 'jig rten gyi khams rgya mtsho bcu'i rdul shin tu phra ba snyed rab tu 'thob bo/ /gang gis mthong la reg pa de dag thams cad kyang bsod nams dang ye shes sna tshogs kyi tshogs rgya mtsho 'jig rten gyi khams rgya mtsho 
bcu'i rdul shin tu phra ba snyed rab tu 'thob po/ /gang dang stan gcig la lhan cig tu 'khod pa de dag thams cad kyang snying po byang chub seng ge'i khri rgya mtsho 'jig rten gyi khams rgya mtsho bcu'i rdul shin tu phra ba snyed la rab tu gnas par 'gyur ro/ /gang gis kha dang khar phrad par byas pa de </font><hr>35-1-171a<br><font size=+1>
dag thams cad kyang rnam par thar pa'i sgo rgya mtsho 'jig rten gyi khams rgya mtsho bcu'i rdul shin tu phra ba snyed rab tu 'thob po/ /gang gis pang du khyud pa de dag thams cad kyang de bzhin gshegs pa'i chos kyi sku mnyam pa nyid rgya mtsho 
'jig rten gyi khams rgya mtsho bcu'i rdul shin tu phra ba snyed rab tu 'thob po/ /gang dang chos kyi dbyings su bsten par gyur pa de dag thams cad kyang 'jig rten gyi khams rgya mtsho mang po 'jig rten gyi khams rgya mtsho bcu'i rdul shin tu phra ba snyed na/ sems can gyi 
khams rgya mtsho gang ji snyed yod pa de dag thams cad kyi bsam pa yongs su dag pa rgya mtsho la/ de bzhin gshegs pa'i byin gyi rlabs 'jig rten gyi khams rgya mtsho bcu'i rdul shin tu phra ba snyed rab tu 'thob pa dang / yongs su dag pa dang yongs su rdzogs 
par 'gyur bar sa bon rgya mtsho rab tu 'debs so/ /de nas 'khor los sgyur ba'i rgyal po rin chen mang po des yang dag par bskul ba'i tshigs su bcad pa rgya mtsho 'jig rten gyi khams rgya mtsho bcu'i rdul shin tu phra ba snyed thams cad du khyab pa'i rna ba rgya 
mtshos thos nas rdzu 'phrul gyi stobs rgya mtsho chags pa med cing bsgribs pa med pas/ de bzhin gshegs pa sems can thams cad kyi don gang chen mtsho rnam par snang mdzad gang na ba der song ste phyin nas/ bcom ldan 'das de'i zhabs gnyis la 
mgo rgya mtsho'i spyi bos btud de phyag 'tshal nas/ chos kyi dbyings rab tu sgrog pa'i lce'i dbang po rgya mtshos zhu ba yongs su zhus pa/ bcom ldan 'das de ltar yang dag par bskul ba'i tshigs su bcad pa rgya mtsho 'jig rten gyi khams rgya mtsho bcu'i rdul shin tu 
phra ba snyed byung ba de su'i mthu las byung ba lags/ de skad ces gsol pa dang / de bzhin gshegs pa sems can thams cad kyi don gang chen mtsho rnam par snang mdzad kyis rgyal po rin chen mang po la 'di skad ces bka' stsal to/ /rgyal po chen po </font><hr>35-1-171b<br><font size=+1>
'di nas nub phyogs logs su 'jig rten gyi khams rgya mtsho bcu'i rdul shin tu phra ba snyed 'das pa na/ 'jig rten gyi khams rgya mtsho de bzhin gshegs pa'i phyag gi mthil gyi snying po la rab tu gnas pa zhes bya ba yod de/ de na de bzhin gshegs pa ye shes gang 
chen mtsho rnam par snang mdzad ces bya ba da ltar bzhugs shing 'tsho skyong ngo / /chos ston to/ /yang dag par bskul ba'i tshigs su bcad pa rgya mtsho 'jig rten gyi khams rgya mtsho bcu'i rdul shin tu phra ba snyed byung ba 'di yang de'i mthus byung ngo / /de nas rgyal po rin chen 
mang pos de bzhin gshegs pa sems can thams cad kyi don gang chen mtsho rnam par snang mdzad la 'di skad ces gsol to/ /bcom ldan 'das bdag kyang 'jig rten gyi khams rgya mtsho de bzhin gshegs pa'i phyag gi mthil gyi snying po la rab tu gnas pa der/ de bzhin 
gshegs pa ye shes gang chen mtsho rnam par snang mdzad kyi zhal blta ba dang / de la phyag bgyi ba dang / mchod pa dang bsnyen bkur ba dang / chos mnyan pa'i slad du mchi'o/ /de skad ces gsol pa dang / bcom ldan 'das de bzhin gshegs pa 
sems can thams cad kyi don gang chen mtsho rnam par snang mdzad kyis/ rgyal po rin chen mang po la 'di skad ces bka' stsal to/ /rgyal po chen po de'i dus la dbab par shes na 'gro la rag ste rgyal po chen po 'jig rten gyi khams/ rgya mtsho de bzhin gshegs 
pa'i phyag gi mthil gyi snying po la rab tu gnas pa der ni 'gro bar dka' ste/ der 'gro ba dang de bzhin gshegs pa de'i zhal blta ba dang / de la phyag bya ba dang / bsnyen bkur ba dang / chos mnyan par ni de bzhin gshegs pa'i byin gyis rlabs ma gtogs par/ 
byang chub sems dpa' ting nge 'dzin snying po byang chub kyi rgyan rnam par phye ba'i snying po rgya mtsho 'jig rten gyi khams rgya mtsho bcu'i rdul shin tu phra ba snyed la rab tu gnas pas kyang bde blag tu bya bar sla ba ma yin gyi/ rgyal po chen po de lta ma yin pa'i 'jig rten gyi khams rgya </font><hr>35-1-172a<br><font size=+1>
mtsho sa mtshams bzang po'i dbyangs zhes bya ba zhig yod do/ /de khyod kyis sngan cad mthong ngam/ 'jig rten gyi khams rgya mtsho de phyogs ni gang na 'dug /'jig rten gyi khams rgya mtsho de 'di nas ni nye'am ring / de na da ltar de 
bzhin gshegs pa ni gang zhig bzhugs shing 'tsho skyong ba dang / chos ston pa mdzad pa shes sam/ rgyal po rin chen mang pos gsol pa/ bcom ldan 'das bdag gis 'jig rten gyi khams rgya mtsho de mthong ba 'am 'jig rten gyi khams rgya mtsho de phyogs gang na mchis 
pa dang / 'jig rten gyi khams rgya mtsho de 'di nas ni nye 'am ring zhig na mchis pa dang / de ltar de na de bzhin gshegs pa gang bzhugs pa dang / 'tsho skyong zhing chos ston pa ni smos su 'ang ma mchis te/ 'jig rten gyi khams rgya mtsho de ni sngon tshe bdag gis 
ma thos so/ /de nas de bzhin gshegs pa sems can thams cad kyi don gang chen mtsho rnam par snang mdzad kyis/ rgyal po rin chen mang po la 'di skad ces bka' stsal to/ /rgyal po chen po 'jig rten gyi khams rgya mtsho de phyogs gang na yod pa dang / 'jig rten gyi khams 
rgya mtsho de 'di nas ji srid pa dang / de na da ltar de bzhin gshegs pa gang bzhugs shing 'tsho skyong ba dang chos ston pa legs par soms shig /de nas rgyal po rin chen mang pos 'jig rten gyi khams rgya mtsho thams cad du yongs su gzhol ba'i ting 
nge 'dzin rgya mtsho la stsogs pa ting nge 'dzin rgya mtsho 'jig rten gyi khams rgya mtsho bcu'i rdul shin tu phra ba snyed la mnyam par bzhag kyang / 'jig rten gyi khams rgya mtsho de phyogs gang na yod pa dang / 'jig rten gyi khams rgya mtsho de 'di nas nye'am ring ba dang 
de na da ltar de bzhin gshegs pa gang bzhugs shing 'tsho skyong ba dang / chos ston pa yang ma shes te/ 'jig rten gyi khams rgya mtsho de'i mtshan ma tsam yang ma mthong ngo / /de nas rgyal po rin chen mang po ting nge 'dzin rgya mtsho de dag las langs te/ de bzhin </font><hr>35-1-172b<br><font size=+1>
gshegs pa sems can thams cad kyi don gang chen mtsho rnam par snang mdzad de la 'di skad ces gsol to/ /bcom ldan 'das bdag gis 'jig rten gyi khams rgya mtsho de mthong ba 'am/ 'jig rten gyi khams rgya mtsho de phyogs gang na mchis pa dang / 
'jig rten gyi khams rgya mtsho de 'di nas ring ngam nye ba dang / de bzhin gshegs pa gang zhig da ltar de na bzhugs shing 'tsho skyong ba dang / chos ston pa lta smos kyang ci 'tshal te/ bdag gis 'jig rten gyi khams rgya mtsho de'i mtshan ma tsam yang ma mthong ngo / /
de nas de bzhin gshegs pa sems can thams cad kyi don gang chen mtsho rnam par snang mdzad kyis/ rgyal po rin chen mang po la 'di skad ces bka' stsal to/ de lta bas na rgyal po chen po rnam grangs des kyang 'jig rten gyi khams rgya mtsho de bzhin gshegs pa'i 
phyag gi mthil gyi snying po la rab tu gnas pa der ni de bzhin gshegs pa'i byin gyi rlabs ma gtogs par/ ting nge 'dzin gyi snying po byang chub kyi rgyan rnam par phye ba snying po rgya mtsho 'jig rten gyi khams rgya mtsho bcu'i rdul shin tu phra ba snyed la gnas pa'i byang 
chub sems dpa' rgya mtshos kyang 'gro bar bya ba 'am/ de bzhin gshegs pa blta ba 'am/ de la phyag bya ba 'am/ bsnyen bkur ba 'am/ de las chos mnyan pa bde blag ma yin par shes par gyis shig de nas rgyal po rin chen mang pos 
de bzhin gshegs pa sems can thams cad kyi don gang chen mtsho rnam par snang mdzad la 'di skad ces gsol to/ /bcom ldan 'das bstan tu gsol/ /'jig rten gyi khams rgya mtsho de ni phyogs gang na mchis/ 'jig rten gyi khams rgya 
mtsho de 'di nas ni thag ji srid cig na mchis/ de bzhin gshegs pa ni gang zhig da ltar de na bzhugs shing 'tsho skyong ba dang / chos ston pa bstan du gsol/ /de nas de bzhin gshegs pa sems can thams cad kyi don gang chen mtsho rnam par </font><hr>35-1-173a<br><font size=+1>
snang mdzad kyis rgyal po rin chen mang po la 'di skad ces bka' stsal to/ /rgyal po chen po khyod kyis khams 'di'i nub phyogs logs kyi sa mtshams kyi mtha' 'di nas 'jig rten gyi khams rgya mtsho 'jig rten gyi khams klong 
gi rdul shin tu phra ba snyed 'das pa na/ 'jig rten gyi khams rgya mtsho sa mtshams bzang po'i dbyangs zhes bya ba yod de/ de na de bzhin gshegs pa spyod pa thams cad dang myi mthun pa'i phyogs yang dag par bsgrub pa'i gang chen mtsho rnam par snang mdzad ces bya ba da 
ltar bzhugs shing 'tsho skyong ngo chos ston to/ /de nas de skad ces bka' stsal kyang / rgyal po rin chen mang pos 'jig rten gyi khams rgya mtsho de ma shes ma mthong nas 'di snyam du sems so/ /'jig rten gyi khams rgya mtsho de de ltar nye na'ang bdag la mthu'i khyad 
par myed na/ de bas ring ba lta ci smos snyam nas/ de ltar rjes su bsams te/ de'i tshe de bzhin gshegs pa'i byin gyi rlabs legs par len pa'i ting nge 'dzin kun tu sgrib pa myed pa la sogs pa ting nge 'dzin rgya mtsho 'jig rten gyi khams rgya mtsho bcu'i 
rdul shin tu phra ba snyed la mnyam par bzhag go /de ltar mnyam par bzhag pa'i mod la/ rgyal po rin chen mang po la de'i tshe 'jig rten gyi khams rgya mtsho mang po 'jig rten gyi khams rgya mtsho bcu'i rdul shin tu phra ba snyed na/ sangs rgyas rgya mtsho gang ji snyed 
bzhugs pa de dag thams cad kyis de bzhin gshegs pa'i byin gyi rlabs rgya mtsho 'jig rten gyi khams rgya mtsho bcu'i rdul shin tu phra ba snyed kyi byin gyis brlabs pa mdzad do/ /sangs rgyas bcom ldan 'das de dag gis de ltar rgyal po rin chen mang po la byin 
gyis brlabs pa mdzad ma thag tu de'i mod la/ 'jig rten gyi khams rgya mtsho sa mtshams bzang po'i dbyangs dang / de bzhin gshegs pa spyod pa thams cad dang / mi mthun pa'i phyogs yang dag par bsgrub pa'i gang chen mtsho rnam par snang mdzad </font><hr>35-1-173b<br><font size=+1>
dang 'jig rten gyi khams rgya mtsho de bzhin gshegs pa'i phyag gi mthil gyi snying po la rab tu gnas pa dang / de bzhin gshegs pa ye shes gang chen mtsho rnam par snang mdzad dang de ma yin pa'i 'jig rten gyi khams rgya mtsho 'jig rten gyi khams rgya mtsho bcu'i rdul shin tu phra ba snyed 
dag na sangs rgyas rgya mtsho gang ji snyed bzhugs pa de dag thams cad de bzhin gshegs pa thams cad kyi ye shes kyi stobs dam pa/ rgya mtsho la sogs pa ye shes rgya mtsho 'jig rten gyi khams rgya mtsho bcu'i rdul shin tu phra ba snyed kyis rab tu shes so/ /dus gsum 
kun tu lta ba rnam par rgyu ba rgya mtsho la sogs pa mig rgya mtsho 'jig rten gyi khams rgya mtsho bcu'i rdul shin tu phra ba snyed kyis rab tu mthong ste/ 'di ltar dper na lag mthil du skyu ru ra'i+i 'bras bu bzhag pa'am/ me long shin tu gsal ba'i dkyil 'khor la 
ngo snang ba bzhin no/ /de nas rgyal po rin chen mang pos ting nge 'dzin rgya mtsho de dag las langs te/ de bzhin gshegs pa sems can thams cad kyi don gang chen mtsho rnam par snang mdzad la yang gsol pa/ bcom ldan 'das bdag 'jig rten gyi khams rgya 
mtsho de bzhin gshegs pa'i phyag gi mthil gyi snying po la rab tu gnas pa der/ de bzhin gshegs pa ye shes gang chen mtsho rnam par snang mdzad kyi zhal blta ba dang / de la phyag bgyi ba dang / mchod pa dang bsnyen bkur ba dang / chos mnyan pa'i slad du 
mchi'o/ /de nas de bzhin gshegs pa sems can thams cad kyi don gang chen mtsho rnam par snang mdzad kyis/ rgyal po rin chen mang po de la 'di skad ces bka' stsal to/ /rgyal po chen po de'i dus la dbab par shes na song la/ byang chub sems dpa' 'dul 
ba'i skyes bu rgya mtsho/ 'jig rten gyi khams rgya mtsho bcu'i rdul shin tu phra ba snyed 'di dag kyang / bcom ldan 'das ye shes gang chen mtsho/ rnam par snang mdzad de la phul cig /de nas rgyal po rin chen mang po byang chub sems dpa' rgya </font><hr>35-1-174a<br><font size=+1>
mtsho 'jig rten gyi khams rgya mtsho bcu'i rdul shin tu phra ba snyed po de dag dang / bu rgya mtsho 'jig rten gyi khams rgya mtsho bcu'i rdul shin tu phra ba snyed po de dag dang lhan cig ste/ bu re re zhing ni 'jig rten gyi khams rgya mtsho'i 'khor los 
sgyur ba rgya mtsho 'jig rten gyi khams rgya mtsho bcu'i rdul shin tu phra ba snyed dang lhan cig 'jig rten gyi khams rgya mtsho'i 'khor los sgyur ba rgya mtsho re re zhing ni 'jig rten gyi khams ri rab kyi 'khor los sgyur ba rgya mtsho 'jig rten gyi khams rgya mtsho bcu'i rdul shin tu phra ba snyed 
dang lhan cig /'jig rten gyi khams ri rab kyi 'khor los sgyur ba rgya mtsho re re zhing ni stong gsum gyi stong chen po'i 'jig rten gyi khams kyi 'khor los sgyur ba rgya mtsho 'jig rten gyi khams rgya mtsho bcu'i rdul shin tu phra ba snyed dang lhan cig /stong gsum gyi stong chen po'i 'jig rten 
gyi khams kyi 'khor los bsgyur ba rgya mtsho re re zhing ni stong gnyis kyi 'jig rten gyi khams kyi 'khor los sgyur ba rgya mtsho 'jig rten gyi khams rgya mtsho bcu'i rdul shin tu phra ba snyed dang lhan cig stong gnyis kyi 'jig rten gyi khams kyi 'khor los sgyur ba rgya mtsho re re zhing ni 
stong gi 'jig rten gyi khams kyi 'khor los sgyur ba'i rgyal po rgya mtsho 'jig rten gyi khams rgya mtsho bcu'i rdul shin tu phra ba snyed dang lhan cig stong gi 'jig rten gyi khams kyi 'khor los sgyur ba rgya mtsho re re zhing ni gling bzhi pa'i 'jig rten gyi khams kyi 'khor los sgyur 
ba rgya mtsho 'jig rten gyi khams rgya mtsho bcu'i rdul shin tu phra ba snyed dang lhan cig gling bzhi pa'i 'jig rten gyi khams kyi 'khor los sgyur ba rgya mtsho re re zhing ni gling gcig gi 'khor los sgyur ba rgya mtsho 'jig rten gyi khams rgya mtsho bcu'i rdul shin tu phra ba snyed dang lhan cig gling gcig 
gi 'khor los sgyur ba rgya mtsho re re zhing ni khams kyi rgyal po 'jig rten gyi khams rgya mtsho bcu'i rdul shin tu phra ba snyed dang lhan cig /khams kyi rgyal po rgya mtsho re re zhing ni mi'i 'jig rten gyi khams rgya mtsho bcu'i rdul shin tu phra ba snyed dang lhan cig tu 'dong bar chas pa dang </font><hr>35-1-174b<br><font size=+1>
'khor los sgyur ba'i rgyal po rin chen mang po de'i chung ma'i 'khor rgya mtsho dang / bu mo rgya mtsho 'jig rten gyi khams rgya mtsho bcu'i rdul shin tu phra ba snyed po de dag gis 'di skad ces smras te/ lha'i zhal snga nas gsan du gsol/ /bdag cag kyang 'jig rten 
gyi khams rgya mtsho de bzhin gshegs pa'i phyag gi mthil gyi snying po la rab tu gnas pa der/ de bzhin gshegs pa ye shes gang chen mtsho rnam par snang mdzad de'i zhal blta ba dang / de la phyag bgyi ba dang / mchod pa dang bsnyen bkur ba dang / chos mnyan pa'i 
slad du mchi bar gsol lo/ /de skad ces smras pa dang / rgyal po rin chen mang pos chung ma'i 'khor rgya mtsho de dag dang / bu mo rgya mtsho de dag la 'di skad ces smras so/ /ji ste khyed sangs rgyas rgya mtsho'i zhal blta ba ni don du mi gnyer/ chos rgya mtsho mnyan pa 
ni tshor bar myi byed/ dge 'dun rgya mtsho bsnyen bkur ba ni don du mi gnyer/ sangs rgyas kyi byang chub rgya mtsho mngon par rdzogs par 'tshang rgya ba ni tshol bar myi byed/ rang sangs rgyas kyi byang chub rgya mtsho mngon par rdzogs par 'tshang rgya ba ni don du mi gnyer nyan thos kyi byang 
chub rgya mtsho mngon par rdzogs par 'tshang rgya ba ni don du mi gnyer/ yul rgya mtsho 'di nas ni 'gro bar 'dod pa myed/yul rgya mtsho gzhan du ni bgrod par 'dod pa myed la/ gal te khyed sangs rgyas dang byang chub sems dpa' dang / nyan thos dang rang sangs 
rgyas thams cad dang / chos kyi dbyings la gnas par gyur te/ 'dod chags dang bcas pa dang / 'dod chags dang bral ba la yang myi gnas/ sems can thams cad gsod phod kyang zhe sdang ngam byams pa la mi gnas/ mu stegs can thams cad kyi lta ba 
rgya mtsho la 'jug cing / spyod kyang log pa'i ye shes sam/ yang dag pa'i ye shes la myi gnas/ chos thams cad kyi tshig rab tu dbye ba bstan pa yang ston la chos kyi dbyings las kyang mi g.yo zhe na deng la rag go /'khor los sgyur ba'i rgyal po rin </font><hr>35-1-175a<br><font size=+1>
chen mang po des bstan pa 'di shin tu bstan pa'i tshe/ chung ma'i 'khor rgya mtsho de dag dang bu mo rgya mtsho de dag las chung ma re re dang / bu mo re res kyang myig gi khams re res chos kyi dbyings thams cad la dbang sgyur ba'i 
sangs rgyas kyi sa rgya mtsho la sogs pa sangs rgyas kyi sa rgya mtsho 'jig rten gyi khams rgya mtsho bcu'i rdul shin tu phra ba snyed rab tu thob par gyur to/ /rna ba'i khams re res kyang nam mkha' khong du chud pa'i sa rgya mtsho la stsogs pa byang chub sems dpa'i sa 'jig rten 
gyi khams rgya mtsho bcu'i rdul shin tu phra ba snyed rab tu thob par gyur to/ /sna'i khams re res kyang gcig la brten pa'i sa rgya mtsho las sogs pa rang sangs rgyas kyi sa 'jig rten gyi khams rgya mtsho bcu'i rdul shin tu phra ba snyed rab tu thob par gyur to/ /lce'i 
khams re res kyang sgra'i rjes su 'gro ba'i sa rgya mtsho la sogs pa nyan thos kyi sa 'jig rten gyi khams rgya mtsho bcu'i rdul shin tu phra ba snyed rab tu 'thob po/ /lus kyi khams re res kyang pha rol tu phyin pa dri ma med pa rgya mtsho la sogs pa pha rol tu phyin pa rgya mtsho 
'jig rten gyi khams rgya mtsho bcu'i rdul shin tu phra ba snyed rab tu 'thob bo/ /yid kyi khams re res kyang sa'i dbang po'i stobs rgya mtsho la stsogs pa stobs rgya mtsho 'jig rten gyi khams rgya mtsho bcu'i rdul shin tu phra ba snyed rab tu 'thob po/ /de nas rgyal po 
rin chen mang po'i chung ma rgya mtsho de dag dang / bu mo rgya mtsho de dag gis theg pa chen po'i tshul rgya mtsho 'jig rten gyi khams rgya mtsho bcu'i rdul shin tu phra ba snyed kyi gting rnyed nas/ spyod pa rgya mtsho 'jig rten gyi khams rgya mtsho bcu'i rdul shin tu phra ba snyed la 
gzhan gyi dring mi 'jog par byas te/ rgyal po rin chen mang po la tshigs su bcad de smras pa/ /bdag cag kun gyis sangs rgyas rgya mtsho mthong / /yongs su mchod de bsnyen bkur zhu ba bgyis/ /'on kyang 'di 'dra rgya mtsho chos ma thos/</font><hr>35-1-175b<br><font size=+1>
sa mang rgya mtsho 'di dag thob ma gyur/ /da ni sangs rgyas sprin las bsgrub pa yi/ /sa mang rgya mtsho dmyig kyang thob par gyur/ /byang chub don du phyogs rnams kun dbyings su/ /rna bas spyod pa dam pa spyod par bgyi/ /sna yi khams 
kyis rang rgyal sa thob ste/ /rten 'brel 'byung ba'i chos rnams rtogs par gyur/ /lces kyang nyan thos sa mang rgya mtsho thob/ /des ni zhi ba'i bde ba thob par gyur/ /lus kyis sa mang rgya mtsho thob pas na/ /bsgrub pa sna tshogs rab tu bsgrub par bgyi/ /yid 
kyis dus gsum chos mang rgya mtsho rnams/ /'tshal bar gyur pas gzhan la bstan par bgyi/ /de bzhin gshegs pa rmad ga cad kyi le'u ste bcu gcig pa'o// //sangs rgyas rmad ga cad ces bya ba shin tu rgyas pa chen po'i mdo/bam po bco lnga pa/ bcom ldan 'das thog 
ma mngon par sangs rgyas pa ma ga d+ha'i chos kyi dgon pa'i snying po byang chub na bzhugs te/ blo shin tu rnam par dag pa/ /myi gnyis pas yang dag par spyod pa/ chos mtshan nyid myed pa la shin tu gzhol ba/ sangs rgyas kyi rnam par spyod pas sangs rgyas thams cad dang / 
mnyam pa nyid brnyes pa/ sgrib pa myed pas rtogs par thugs su chud pa/ phyir myi ldog pa'i chos can spyod yul 'phrogs pa myed pa/ rnam par dgod pa bsam gyis myi khyab pa/ dus gsum mnyam pa nyid la shin tu byung ba/ pho brang kun tu 'od na seng ge'i khri pad+mo'i 
snying po can la bzhugs te/ byang chub sems dpa' sangs rgyas kyi zhing bcu'i rdul shin tu phra ba snyed kun kyang skye ba gcig gis thogs pa 'jig rten gyi khams gzhan dang gzhan nas 'dus pa/ sems can gyi khams la dpyod pa chos kyi dbyings la dpyod pa/ 'jig 
rten gyi khams la dpyod pa/ mya ngan las 'das pa'i dbyings la dpyod pa/ las kyi rnam par smin pa la dpyod pa/ bsam pa'i rgyud la dpyod pa/ don dang yi ge la dpyod pa/ 'jig rten pa dang 'jig rten las 'das pa la dpyod pa/ 'dus byas dang /</font><hr>35-1-176a<br><font size=+1>
'dus ma byas pa la dpyod pa/ 'das pa dang ma 'ongs pa dang da ltar byung ba la dpyod pa sha stag dang thabs gcig go /de nas byang chub sems dpa' de dag 'di snyam du sems te/ bcom ldan 'das kyis bdag cag la thugs brtse 
bar dgongs te/ byang chub sems dpa' rnams kyi bsam pa ji lta ba bzhin du sangs rgyas kyi zhing yongs su bstan kyang rung / sangs rgyas kyi spyod pa yongs su bstan kyang rung / sangs rgyas kyi zhing gi rgyan yongs su bstan kyang rung / sangs rgyas kyi chos nyid 
yongs su bstan kyang rung / sangs rgyas kyi zhing yongs su dag pa bstan kyang rung /sangs rgyas kyi chos bshad pa yongs su bstan kyang rung / sangs rgyas kyi zhing gi rang bzhin yongs su bstan kyang rung / sangs rgyas kyi mthu yongs su bstan kyang rung / 
sangs rgyas kyi zhing gi rgyan yongs su bstan kyang rung / sangs rgyas kyi byang chub yongs su bstan kyang rung / phyogs bcu'i 'jig rten gyi khams su sangs rgyas bcom ldan 'das rnams kyis byang chub sems dpa'i rnam par dgod pa bcu ji ltar rnam par dgod pa de dag 
yongs su bstan kyang rung / byang chub sems dpa'i spyod pa bcu yongs su bstan kyang rung / byang chub sems dpa'i tshad myed pa bcu yongs su bstan kyang rung / byang chub sems dpa'i gter rnams yongs su bstan kyang rung / byang chub sems dpa'i sa rnams 
yongs su bstan kyang rung / byang chub sems dpa'i smon lam rnams yongs su bstan kyang rung / byang chub sems dpa'i ting nge 'dzin bcu rnams yongs su bstan kyang rung / byang chub sems dpa'i rnam par 'phrul pa bcu yongs su bstan kyang rung / byang 
chub sems dpa'i mgo bcu yongs su bstan kyang rung / byang chub sems dpa' thams cad yang dag par 'byung ba'i phyir/ de bzhin gshegs pa'i gdung myi gcad pa dang / sems can thams cad yongs su bskyab pa dang / 'jig rten gyi khams thams cad nye </font><hr>35-1-176b<br><font size=+1>
bar nyon mongs pa med par bya ba dang / 'du byed thams cad yongs su shes par bya ba dang / chos thams cad yang dag par bstan par bya ba dang / kun nas nyon mongs pa thams cad rnam par dag par bya ba dang / the tsom thams cad yongs su gcad pa dang / nem 
nur thams cad shin tu bstsal ba dang / gnas thams cad rab tu gzhom par bya ba'i phyir/ gong du de bzhin gshegs pa'i sa bstan kyang rung / gong du de bzhin gshegs pa'i yul bstan kyang rung / gong du de bzhin gshegs pa'i byin gyi rlabs bstan kyang rung / gong du de bzhin gshegs pa'i spyod yul 
bstan kyang rung / gong du de bzhin gshegs pa'i stobs bstan kyang rung / gong du de bzhin gshegs pa'i myi bsnyengs pa bstan kyang rung / gong du de bzhin gshegs pa'i ting nge 'dzin bstan kyang rung / gong du de bzhin gshegs pa'i rdzu 'phrul bstan kyang rung / 
gong du de bzhin gshegs pa'i mnga' chen po bstan kyang rung / gong du de bzhin gshegs pa'i myi 'phrogs pa bstan kyang rung / gong du de bzhin gshegs pa'i spyan bstan kyang rung / gong du de bzhin gshegs pa'i snyan bstan kyang rung / gong du de bzhin gshegs 
pa'i shangs bstan kyang rung / gong du de bzhin gshegs pa'i ljags bstan kyang rung / gong du de bzhin gshegs pa'i sku bstan kyang rung / gong du de bzhin gshegs pa'i thugs bstan kyang rung / gong du de bzhin gshegs pa'i spobs pa bstan kyang rung / 
gong du de bzhin gshegs pa'i ye shes bstan kyang rung / gong du de bzhin gshegs pa'i khyu mchog gi mthu bstan kyang rung snyam pa dang / de nas bcom ldan 'das kyis byang chub sems dpa' de dag gi sems kyi yongs su rnam par rtog par thugs kyis thugs su chud 
nas de bzhin gshegs pa'i rdzu 'phrul mngon par 'du bya ba mngon par 'du mdzad do/ /rdzu 'phrul gyi rnam pa de dag mngon par 'du mdzad pas/ shar phyogs logs su 'jig rten gyi khams sangs rgyas kyi zhing bcu'i rdul shin tu phra ba snyed 'das pa'i pha rol gyi/</font><hr>35-1-177a<br><font size=+1>
'jig rten gyi khams gser gyi mdog ces bya ba de bzhin gshegs pa rig byed mi g.yo ba'i sangs rgyas kyi zhing nas byang chub sems dpa' 'jam dpal byang chub sems dpa' sangs rgyas kyi zhing bcu'i rdul shin tu phra ba snyed 
dang lhan cig tu/ bcom ldan 'das gang na ba der dong ste phyin nas/ /bcom ldan 'das la phyag 'tshal te/ shar phyogs su brten nas seng ge'i khri pad mo'i snying po can dag mngon par sprul te/ skyil mo krung bcas nas 'khod do/ /lho phyogs logs 
su 'jig rten gyi khams sangs rgyas kyi zhing bcu'i rdul shin tu phra ba snyed 'das pa'i 'jig rten gyi khams kha dog yid du 'ong ba zhes bya ba de bzhin gshegs pa rig byed mi bskyod pa'i sangs rgyas kyi zhing nas/ byang chub sems dpa' sangs rgyas dpal byang chub 
sems dpa' sangs rgyas kyi zhing bcu'i rdul shin tu phra ba snyed dang lhan cig tu/ bcom ldan 'das gang na ba der dong ste phyin nas/ bcom ldan 'das la phyag 'tshal te/ lho phyogs su brten nas seng ge'i khri pad mo'i snying po can dag mngon par 
sprul te skyil mo krung bcas nas 'khod do/ /nub phyogs logs su 'jig rten gyi khams sangs rgyas kyi zhing bcu'i rdul shin tu phra ba snyed 'das pa'i pha rol gyi 'jig rten gyi khams pad mo'i mdog ces bya ba de bzhin gshegs pa rig byed bcings myed kyi 
sangs rgyas kyi zhing nas byang chub sems dpa' nor dpal byang chub sems dpa' sangs rgyas kyi zhing gi rdul shin tu phra ba snyed dang lhan cig tu bcom ldan 'das gang na ba der dong ste phyin nas/ bcom ldan 'das la phyag 'tshal te/ nub phyogs su brten nas seng ge'i 
khri pad mo'i snying po can dag mngon par sprul te/ skyil mo krung bcas nas 'khod do/ /byang phyogs logs su 'jig rten gyi khams sangs rgyas kyi zhing bcu'i rdul shin tu phra ba snyed 'das pa'i/ 'jig rten gyi khams tsam pa ka'i mdog </font><hr>35-1-177b<br><font size=+1>
ces bya ba/ de bzhin gshegs pa rig byed kun spyod kyi sangs rgyas kyi zhing nas/ byang chub sems dpa' rin chen dpal byang chub sems dpa' sangs rgyas kyi zhing bcu'i rdul shin tu phra ba snyed dang lhan cig tu bcom ldan 'das gang na ba der dong 
ste phyin nas/ bcom ldan 'das la phyag 'tshal te/ byang phyogs su brten nas seng ge'i khri pad mo'i snying po can dag mngon par sprul te skyil mo krung bcas nas 'khod do/ /byang shar gyi phyogs mtshams su 'jig rten gyi khams sangs rgyas kyi zhing 
bcu'i rdul shin tu phra ba snyed 'das pa'i pha rol gyi 'jig rten gyi khams uta pa la'i mdog ces bya ba de bzhin gshegs pa rig byed nyi ma'i sangs rgyas kyi zhing nas byang chub sems dpa' yon tan dpal byang chub sems dpa' sangs rgyas kyi zhing bcu'i rdul shin tu phra ba snyed 
dang lhan cig tu bcom ldan 'das gang na ba der dong ste phyin nas/ bcom ldan 'das la phyag 'tshal te/ byang shar gyi phyogs mtshams su brten nas seng ge'i khri pad mo'i snying po can dag mngon par sprul te skyil mo krung bcas nas 'khod do/ /shar lho'i phyogs 
mtshams su 'jig rten gyi khams sangs rgyas kyi zhing bcu'i rdul shin tu phra ba snyed 'das pa'i pha rol gyi 'jig rten gyi khams gser gyi mdog ces bya ba de bzhin gshegs pa rig byed mtha' rgal gyi sangs rgyas kyi zhing nas byang chub sems dpa' mig gi dpal byang chub 
sems dpa' sangs rgyas kyi zhing bcu'i rdul shin tu phra ba snyed dang lhan cig tu/ bcom ldan 'das gang na ba der dong ste phyin nas bcom ldan 'das la phyag 'tshal te/ shar lho'i phyogs mtshams su brten nas seng ge'i khri pad mo'i snying po can dag mngon par 
sprul te/ skyil mo krung bcas nas 'khod do/ /lho nub kyi phyogs mtshams su 'jig rten gyi khams sangs rgyas kyi zhing bcu'i rdul shin tu phra ba snyed 'das pa'i 'jig rten gyi khams rin po che'i mdog ces bya ba de bzhin gshegs pa rig byed dam pa'i </font><hr>35-1-178a<br><font size=+1>
sangs rgyas kyi zhing nas byang chub sems dpa' brtson 'grus dpal byang chub sems dpa' sangs rgyas kyi zhing bcu'i rdul shin tu phra ba snyed dang lhan cig tu/ bcom ldan 'das gang na ba der dong ste phyin nas/ bcom ldan 
'das la phyag 'tshal te/ lho nub kyi phyogs mtshams su brten nas seng ge'i khri pad mo'i snying po can dag mngon par sprul te/ skyil mo krung bcas nas 'khod do/ /nub byang gi phyogs mtshams su 'jig rten gyi khams sangs rgyas kyi zhing bcu'i rdul shin 
tu phra ba snyed 'das pa'i pha rol gyi 'jig rten gyi khams rdo rje'i mdog ces bya ba/ de bzhin gshegs pa/ rig byed dbang phyug gi sangs rgyas kyi zhing nas/ byang chub sems dpa' chos kyi dpal zhes bya ba byang chub sems dpa' sangs rgyas kyi zhing bcu'i rdul shin tu 
phra ba snyed dang lhan cig tu/ bcom ldan 'das gang na ba der dong ste phyin nas/ bcom ldan 'das la phyag 'tshal te/ nub byang gi phyogs mtshams su brten nas/ seng ge'i khri pad mo'i snying po can dag mngon par sprul te skyil mo krung bcas nas 'khod do/ 
'og gi phyogs logs su 'jig rten gyi khams sangs rgyas kyi zhing bcu'i rdul shin tu phra ba snyed 'das pa'i pha rol 'jig rten gyi khams shel gyi mdog ces bya ba de bzhin gshegs pa rig byed tshangs pa'i dbang po'i sangs rgyas kyi zhing nas byang chub sems dpa' ye shes dpal 
byang chub sems dpa' sangs rgyas kyi zhing bcu'i rdul shin tu phra ba snyed dang lhan cig tu/ bcom ldan 'das gang na ba der dong ste phyin nas/ bcom ldan 'das la phyag 'tshal te/ 'og gi phyogs su brten nas seng ge'i khri pad mo'i snying po can dag mngon 
par sprul te/ skyil mo krung bcas nas 'khod do/ /steng gi phyogs logs su 'jig rten gyi khams sangs rgyas kyi zhing bcu'i rdul shin tu phra ba snyed 'das pa'i 'jig rten gyi khams 'dra ba'i mdog ces bya ba de bzhin gshegs pa rig byed sna tshogs kyi </font><hr>35-1-178b<br><font size=+1>
sangs rgyas kyi zhing nas byang chub sems dpa' bzang po'i dpal byang chub sems dpa' sangs rgyas kyi zhing bcu'i rdul shin tu phra ba snyed dang lhan cig tu bcom ldan 'das gang na ba der dong ste phyin nas/ bcom ldan 'das la phyag 'tshal te/ steng gi phyogs su brten 
nas seng ge'i khri pad mo'i snying po can dag mngon par sprul te/ skyil mo krung bcas nas 'khod do/ /de nas byang chub sems dpa' 'jam dpal gyis sangs rgyas kyi byin gyi rlabs kyis/ byang chub sems dpa'i dge 'dun thams cad la bltas te 'di skad 
ces smras so/ /byang chub sems dpa' 'dus pa 'di dag ni ngo mtshar thob pa sha stag ste/ sangs rgyas bcom ldan 'das rnams kyi sangs rgyas kyi zhing ni bsam gyis myi khyab po/ /sangs rgyas bcom ldan 'das rnams kyi sangs rgyas kyi rnam par spyod pa ni bsam 
gyis myi khyab po/ /sangs rgyas bcom ldan 'das rnams kyi sangs rgyas kyi zhing gi rgyan ni bsam gyis myi khyab po/ /sangs rgyas bcom ldan 'das rnams kyi sangs rgyas kyi chos nyid ni bsam gyis myi khyab po/ /sangs rgyas bcom ldan 'das rnams kyi sangs rgyas 
kyi zhing yongs su dag pa ni bsam gyis myi khyab po/ /sangs rgyas bcom ldan 'das rnams kyi sangs rgyas kyi chos bstan pa ni bsam gyis myi khyab bo/ /sangs rgyas bcom ldan 'das rnams kyi sangs rgyas 'byung ba ni bsam gyis myi khyab po/ /sangs rgyas bcom ldan 'das 
rnams kyi sangs rgyas kyi zhing kun tu rgyu ba ni bsam gyis myi khyab po/ /sangs rgyas bcom ldan 'das rnams kyi bla na myed pa yang dag par rdzogs pa'i byang chub ni bsam gyis myi khyab ste/ de ci'i phyir zhe na/ 'di ltar sangs rgyas bcom ldan 'das rnams ni phyogs 
bcu'i 'jig rten gyi khams dag tu sems can 'dul ba rnams kyi bsam pa thugs su chud cing / nam mkha'i dbyings kyi mthas gtugs pa/ chos kyi dbyings kyis klas pa dag tu chos ston te/ de ci'i phyir zhe na/ kye rgyal ba'i sras dag 'jig rten gyi khams myi </font><hr>35-1-179a<br><font size=+1>
mjed 'di nyid dang / de ma yin pa'i gling bzhi pa gzhan dag na'ang sku gzhan dang gzhan mtshan gzhan dang gzhan/ kha dog dang dbyibs gzhan dang gzhan/ chu zheng gzhan dang gzhan/ sku tshe'i tshad gzhan dang gzhan/ skye mched 
brnyes pa gzhan dang gzhan/ dbang po brnyes pa gzhan dang gzhan/ 'byung ba'i skye mched gzhan dang gzhan/ sku gzugs gzhan dang gzhan du de bzhin gshegs pa sems can rnams kyis rab tu shes so/ /de ci'i phyir zhe na/ kye rgyal ba'i sras dag 'jig rten 
gyi khams gling bzhi pa bcom pa dang ldan pa zhes bya ba 'di nyid na yang de bzhin gshegs pa la don thams cad grub pa zhes bya bar rab tu shes so/ /zla ba'i dkyil 'khor zhes bya bar rab tu shes so/ /seng ge'i nga ro can zhes bya bar rab tu shes so/ shAkya thub pa zhes 
bya bar rab tu shes so/ /drang srong dam pa'i mchog ces bya bar rab tu shes so/ /rnam par snang mdzad ces bya bar rab tu shes so/ /go'u ta ma'i rigs zhes bya bar rab tu shes so/ /dge sbyong chen po zhes bya bar rab tu shes so/ /rgyal ba dam pa zhes bya bar rab tu 
shes so/ /mu stegs byed ces bya bar rab tu shes so/ /kye rgyal ba'i sras dag de dag la sogs pa 'jig rten gyi khams gling bzhi pa bcom pa dang ldan pa na mtshan stong phrag bcur de bzhin gshegs pa sems can rnams kyis rab tu shes so/ /kye rgyal ba'i 
sras dag gling bzhi pa 'di dang / 'dab chags su shar phyogs logs na gling bzhi pa shin tu bsrungs pa zhes bya ba yod de/ de na de bzhin gshegs pa la rdo rje zhes bya bar rab tu shes so/ /dbang phyug ces bya bar rab tu shes so/ /blo gros mnga' ba zhes bya bar rab tu shes so/ /
thub par dka' ba zhes bya bar rab tu shes so/ /sprin gyi rgyal po zhes bya bar rab tu shes so/ /nyon mongs pa med pa zhes bya bar rab tu shes so/ /skyabs mdzad pa zhes bya bar rab tu shes so/ /thugs dgyes pa zhes bya bar rab tu shes so/ /mtshungs pa myed pa </font><hr>35-1-179b<br><font size=+1>
zhes bya bar rab tu shes so/ /tshig gcod pa zhes bya bar rab tu shes so/ /kye rgyal ba'i sras dag de dag la sogs pa gling bzhi pa shin tu bsrungs pa zhes bya ba na/ de bzhin gshegs pa la mtshan stong phrag bcur sems can rnams kyis rab tu shes so/ /kye rgyal ba'i 
sras dag gling bzhi pa 'di dang 'dab chags su lho phyogs logs na gling bzhi pa bzod par dka' ba zhes bya ba yod de/ de na de bzhin gshegs pa la dbang po zhes bya bar rab tu shes so/ /nor grags zhes bya bar rab tu shes so/ /dri ma med pa zhes bya bar rab tu shes so/ /
yang dag par gsung ba zhes bya bar rab tu shes so/ /'dul ba zhes bya bar rab tu shes so/ /dgyes pa mnga' ba zhes bya bar rab tu shes so/ /rnam par grags pa zhes bya bar rab tu shes so/ /don mdzad pa zhes bya bar rab tu shes so/ /mtha' 
yas pa zhes bya bar rab tu shes so/ /dpal dang ldan pa zhes bya bar rab tu shes so/ /kye rgyal ba'i sras dag de dag la sogs pa gling bzhi pa bzod par dka' ba na mtshan stong phrag bcur de bzhin gshegs pa sems can rnams kyis 
rab tu shes so/ /kye rgyal ba'i sras dag gling bzhi pa 'di dang / 'dab chags su nub phyogs logs na gling bzhi pa gnyen dang ldan pa zhes bya ba yod de/ de na de bzhin gshegs pa la chu'i lha zhes bya bar rab tu shes so/ /blta na dga' ba zhes bya bar rab tu shes so/
rgyal po dam pa zhes bya bar rab tu shes so/ /seng ge 'dul ba zhes bya bar rab tu shes so/ /bden pa'i blo gros zhes bya bar rab tu shes so/ /mtha' las 'das par gshegs pa zhes bya bar rab tu shes so/ /dgyes pa zhes bya bar rab tu shes so/ /chos 
kyi blo gros zhes bya bar rab tu shes so/ /'phrin las grub pa zhes bya bar rab tu shes so/ /mkhas pa zhes bya bar rab tu shes so/ /kye rgyal ba'i sras dag de dag las sogs pa gling bzhi pa/ gnyen dang ldan pa zhes bya ba de na mtshan stong phrag bcur de </font><hr>35-1-180a<br><font size=+1>
bzhin gshegs pa sems can rnams kyis rab tu shes so/ /kye rgyal ba'i sras dag gling bzhi pa 'di dang 'dab chags su byang phyogs logs na gling bzhi pa seng ge yod pa zhes bya ba yod de/ de na de bzhin gshegs pa la thub pa chen 
po zhes bya bar rab tu shes so/ /dka' thub kyis bsgrubs pa zhes bya bar rab tu shes so/ /zhing la dpa' ba zhes bya bar rab tu shes so/ /thams cad thugs su chud pa zhes bya bar rab tu shes so/ /yid bzang po zhes bya bar rab tu shes so/ /yongs su 
dag pa zhes bya bar rab tu shes so/ /shugs 'dzin ces bya bar rab tu shes so/ /lda ldi bzang po zhes bya bar rab tu shes so/ /brtul zhugs brnyes pa zhes bya bar rab tu shes te/ kye rgyal ba'i sras dag de dag la sogs pa gling bzhi pa seng ge yod pa 
na mtshan stong phrag bcur de bzhin gshegs pa sems can rnams kyis rab tu shes so/ /kye rgyal ba'i sras dag gling bzhi pa 'di dang 'dab chags su byang shar gyi phyogs mtshams na gling bzhi pa rnam par bstsags pa zhes bya ba yod de/ de na de bzhin 
gshegs pa la bdud rnam par 'joms pa zhes bya bar rab tu shes so/ /yang dag par 'byung ba zhes bya bar rab tu shes so/ /zhi ba zhes bya bar rab tu shes so/ /bzang po'i lha zhes bya bar rab tu shes so/ /'dod chags dang bral ba zhes bya bar rab tu 
shes so/ /blo gros mchog ces bya bar rab tu shes so/ /thugs mnyam pa zhes bya bar rab tu shes so/ /gzhan gyis mi thub pa zhes bya bar rab tu shes so/ /blo gros kyi dbyangs zhes bya bar rab tu shes so/ /ring du bzhud pa zhes bya bar rab 
tu shes te/ /kye rgyal ba'i sras dag de dag la sogs pa gling bzhi pa rnam par bstsags pa zhes bya ba na mtshan stong phrag bcur de bzhin gshegs pa sems can rnams kyis rab tu shes so/ /kye rgyal ba'i sras dag gling bzhi pa 'di dang 'dab chags su/ shar </font><hr>35-1-180b<br><font size=+1>
lho'i phyogs mtshams na gling bzhi pa dga' ba zhes bya ba yod de/ de na de bzhin gshegs pa la 'jigs pa zhes bya bar rab tu shes so/ /mye'i phung po zhes bya bar rab tu shes so/ /thugs su chud pa zhes bya bar rab tu shes so/ /khyab pa dang ldan pa zhes 
bya bar rab tu shes so/ /myi ldan pa zhes bya bar rab tu shes so/ /rang bzhin 'dzin pa zhes bya bar rab tu shes so/ /rigs par spyod pa zhes bya bar rab tu shes so/ /myig gi rgyal po zhes bya bar rab tu shes so/ /shin tu 'phags pa zhes bya bar rab 
tu shes so/ /stobs kyi brtson 'grus zhes bya bar rab tu shes te/ /kye rgyal ba'i sras dag de dag la sogs pa gling bzhi pa dga' ba na/ mtshan stong phrag bcur/ de bzhin gshegs pa sems can rnams 
kyis rab tu shes so/ /kye rgyal ba'i sras dag gling bzhi pa 'di dang 'dab chags su lho nub kyi phyogs mtshams na gling bzhi pa snying po dam pa zhes bya ba yod de/ de na de bzhin gshegs pa la myi g.yo ba zhes bya bar rab tu shes so/ /mkhas pa'i rgyal po 
zhes bya bar rab tu shes so/ /yongs su rgyas pa zhes bya bar rab tu shes so/ /myi skyod pa zhes bya bar rab tu shes so/ /mdzes pa'i spyan can zhes bya bar rab tu shes so/ /rgyal ba'i mchog ces bya bar rab tu shes so/ /dbyangs kyi dbang phyug ces bya bar rab 
tu shes so/ /thams cad gtong ba zhes bya bar rab tu shes so/ /drang srong 'dzin pa zhes bya bar rab tu shes so/ /ri rab dpal zhes bya bar rab tu shes te/ kye rgyal ba'i sras dag gling bzhi pa snying po dam pa na mtshan stong phrag bcur de bzhin gshegs pa 
sems can rnams kyis rab tu shes so/ /kye rgyal ba'i sras dag gling bzhi pa 'di dang 'dab chags su nub byang gi phyogs mtshams na gling bzhi pa sa bzang po zhes bya ba yod de/ de na de bzhin gshegs pa la yang dag pa'i mtha' zhes bya bar rab tu shes so/</font><hr>35-1-181a<br><font size=+1>
'od 'phro ba dang ldan pa zhes bya bar rab tu shes so/ /rin po che'i gtsug phud ces bya bar rab tu shes so/ /dran par bya ba zhes bya bar rab tu shes so/ /don gyi mchog ces bya bar rab tu shes so/ /shin tu bzhad pa zhes bya bar rab tu shes 
so/ /rigs gtsang ma zhes bya bar rab tu shes so/ /'od kyi dkyil 'khor zhes bya bar rab tu shes so/ /phyag shin tu 'phyang ba zhes bya bar rab tu shes so/ /thog mar rab tu gnas pa zhes bya bar rab tu shes so/ /kye rgyal ba'i sras dag de dag la sogs pa 
gling bzhi pa sa bzang po na mtshan stong phrag bcur de bzhin gshegs pa sems can rnams kyis rab tu shes so/ /kye rgyal ba'i sras dag gling bzhi pa 'di dang 'dab chags su 'og logs na gling bzhi pa 'od 'phro ba dang ldan pa zhes bya ba yod de/ de na de bzhin gshegs 
pa la shin tu grub pa zhes bya bar rab tu shes so/ /seng ge'i kha dog ces bya bar rab tu shes so/ /rno ba zhes bya bar rab tu shes so/ /gser gyi 'od 'phro zhes bya bar rab tu shes so/ /thams cad kyi bshes gnyen zhes bya bar rab tu shes so/ /gsung 
mthar thug pa zhes bya bar rab tu shes so/ /phan pa mdzad pa zhes bya bar rab tu shes so/ /mthar thug pa zhes bya bar rab tu shes so/ /lha ma nor ba zhes bya bar rab tu shes so/ /sbyin pa snyoms pa zhes bya bar rab tu shes te/ kye rgyal ba'i sras dag de dag la 
sogs pa gling bzhi pa 'od 'phro ba dang ldan pa na mtshan brgya stong phrag bcur de bzhin gshegs pa sems can rnams kyis rab tu shes so/ /kye rgyal ba'i sras dag gling bzhi pa 'di dang 'dab chags su steng logs na gling bzhi pa nor 'dzin ces bya 
ba yod de/ de na de bzhin gshegs pa la blo gros dang ldan pa zhes bya bar rab tu shes so/ /zhal dag pa zhes bya bar rab tu shes so/ /bshes gnyen dang ldan pa zhes bya bar rab tu shes so/ /thog mar gshegs pa zhes bya bar rab tu shes so/ /</font><hr>35-1-181b<br><font size=+1>
byin rnam par bkod pa zhes bya bar rab tu shes so/ /dga' bar mdzad pa zhes bya bar rab tu shes so/ /dgongs pa grub pa zhes bya bar rab tu shes so/ /mye zhes bya bar rab tu shes so/ /tshul khrims dang ldan pa zhes bya bar rab tu shes so/ /gcig la brten pa 
zhes bya bar rab tu shes te/ kye rgyal ba'i sras dag /de dag las sogs pa gling bzhi pa nor 'dzin na mtshan stong phrag bcur de bzhin gshegs pa sems can rnams kyis rab tu shes so/ /kye rgyal ba'i sras dag de ltar de dag la sogs pa 'jig rten gyi khams mi mjed 
'di na gling bzhi pa'i 'jig rten gyi khams bye ba phrag brgya yod de/ /de dag kun na yang de bzhin gshegs pa la mtshan gzhan dang gzhan gyis brjod de mtshan bye ba brgya stong phrag bcur de bzhin gshegs pa sems can rnams kyis rab tu shes so/ /kye rgyal ba'i sras 
dag 'jig rten gyi khams myi mjed 'di dang 'dab chags su shar phyogs logs na 'jig rten gyi khams khebs pa dang ldan pa zhes bya ba yod de/ de na de bzhin gshegs pa la mnyam pa zhes bya bar rab tu shes so/ /'phags par lhag pa zhes bya bar rab 
tu shes so/ /dbugs phyin pa zhes bya bar rab tu shes so/ /bsam pa grol ba zhes bya bar rab tu shes so/ /nyan pa'i bdag po zhes bya bar rab tu shes so/ /khyab par bzhugs pa zhes bya bar rab tu shes so/ /dbang du gyur pa zhes bya bar rab tu shes so/
sA la'i lhun zhes bya bar rab tu shes so/ /rtsal chen po zhes bya bar rab tu shes so/ /blo 'dra ba med pa zhes bya bar rab tu shes te/ /kye rgyal ba'i sras dag de dag la sogs pa 'jig rten gyi khams khebs pa dang ldan pa na mtshan bye ba brgya stong phrag bcur de 
bzhin gshegs pa sems can rnams kyis rab tu shes so/ /kye rgyal ba'i sras dag 'jig rten gyi khams 'di dang 'dab chags su lho phyogs logs na 'jig rten gyi khams lhag pa zhes bya ba yod de/ de na de bzhin gshegs pa la rang bzhin thugs su </font><hr>35-1-182a<br><font size=+1>
chud ces bya bar rab tu shes so/ /bsam pa grol ba zhes bya bar rab tu shes te/ kye rgyal ba'i sras dag de dag la sogs pa 'jig rten gyi khams lhag pa na mtshan brgya stong phrag bcur de bzhin gshegs pa sems can rnams kyis rab tu 
shes so/ /kye rgyal ba'i sras dag 'jig rten gyi khams 'di dang 'dab chags su nub phyogs logs na 'jig rten gyi khams rdul bstsal ba zhes bya ba yod de/ de na de bzhin gshegs pa la dgongs pa dang ldan pa zhes bya bar rab tu shes so/ /lam rnam par bsgoms pa 
zhes bya bar rab tu shes so/ /brten pa'i gzhi zhes bya bar rab tu shes so/ /khyab cing grol ba zhes bya bar rab tu shes so/ /don mkhyen pa zhes bya bar rab tu shes so/ /bye brag la dgyes pa zhes bya bar rab tu shes so/ /gzigs pa dam pa zhes bya bar rab tu shes so/ /
'dul ba thugs su chud pa zhes bya bar rab tu shes so/ /kun tu snyoms pa zhes bya bar rab tu shes so/ /dgyes pa dang ldan pa zhes bya bar rab tu shes te/ /kye rgyal ba'i sras dag de dag la sogs pa 'jig rten gyi khams rdul bstsal ba na/ mtshan bye ba brgya 
stong phrag bcur de bzhin gshegs pa sems can rnams kyis rab tu shes so/ /kye rgyal ba'i sras dag 'jig rten gyi khams myi mjed 'di dang 'dab chags su byang phyogs logs na 'jig rten gyi khams rnam par byung ba zhes bya ba yod de/ de na de bzhin 
gshegs pa la tsam pa ka'i kha dog ces bya bar rab tu shes so/ /nyi ma'i snying po zhes bya bar rab tu shes so/ /mthu shin tu gnas pa zhes bya bar rab tu shes so/ /byin gyi rlabs yang dag par 'byung ba zhes bya bar rab tu shes so/ /rang bzhin dam pa 
zhes bya bar rab tu shes so/ /blo gros kyi nyi ma zhes bya bar rab tu shes so/ /thogs pa med pa zhes bya bar rab tu shes so/ /zla ba shar ba zhes bya bar rab tu shes so/ /rlung gi shugs zhes bya bar rab tu shes so/ /sgra shin tu gsal ba </font><hr>35-1-182b<br><font size=+1>
zhes bya bar rab tu shes te/ kye rgyal ba'i sras dag de dag la sogs pa 'jig rten gyi khams rnam par byung ba na mtshan bye ba brgya stong phrag bcur de bzhin gshegs pa sems can rnams kyis rab tu shes so/ /kye rgyal ba'i sras dag 'jig rten gyi khams 
myi mjed 'di dang 'dab chags su byang shar gyi phyogs mtshams logs na 'jig rten gyi khams 'pho bar byed pa zhes bya ba yod de/ de na de bzhin gshegs pa la sdug bsngal dang bral ba zhes bya bar rab tu shes so/ /thams cad las grol ba 
zhes bya bar rab tu shes so/ /rgyu dang ldan pa zhes bya bar rab tu shes so/ /grol zhing mkhas pa zhes bya bar rab tu shes so/ /'das pa'i gter zhes bya bar rab tu shes so/ /rin po che'i 'od ces bya bar rab tu shes so/ /'jig 
rten ston pa zhes bya bar rab tu shes so/ /gnas med pa'i sa thugs su chud pa zhes bya bar rab tu shes so/ /dang ba'i snying po zhes bya bar rab tu shes so/ /thugs myi sgul ba zhes bya bar rab tu shes te/ kye rgyal ba'i sras dag de dag 
la sogs pa 'jig rten gyi khams 'pho bar byed pa na mtshan bye ba brgya stong phrag bcur de bzhin gshegs pa sems can rnams kyis rab tu shes so/ /kye rgyal ba'i sras dag 'jig rten gyi khams mi mjed 'di dang 'dab chags su shar lho'i phyogs mtshams 
na 'jig rten gyi khams phan pa zhes bya ba yod de/ de na de bzhin gshegs pa la rab tu 'joms pa zhes bya bar rab tu shes so/ /byang ba thugs su chud pa zhes bya bar rab tu shes so/ /gsung snyan pa zhes bya bar rab tu shes so/ /rtsa ba khyad du 
'phags pa zhes bya bar rab tu shes so/ /rgyun gyi gdugs zhes bya bar rab tu shes so/ /rgyu shin tu sbyangs pa zhes bya bar rab tu shes so/ /rnam par phye ba'i pha rol tu phyin pa zhes bya bar rab tu shes so/ /dam pa'i bsam gtan mnga' ba </font><hr>35-1-183a<br><font size=+1>
zhes bya bar rab tu shes so/ /ran par gsung pa zhes bya bar rab tu shes so/ /blo rgya mtsho zhes bya bar rab tu shes te/ kye rgyal ba'i sras dag de dag la sogs pa 'jig rten gyi khams phan pa na mtshan bye ba brgya stong phrag bcur de 
bzhin gshegs pa sems can rnams kyis rab tu shes so/ /kye rgyal ba'i sras dag 'jig rten gyi khams 'di dang 'dab chags su lho nub kyi phyogs mtshams na 'jig rten gyi khams kun tu song ba zhes bya ba yod de/ de na de bzhin gshegs pa la thub pa'i 
dbang po zhes bya bar rab tu shes so/ /mngon par sel ba zhes bya bar rab tu shes so/ /dus las shin tu grol ba zhes bya bar rab tu shes so/ /ngo bo nyid yongs su mkhyen pa zhes bya bar rab tu shes so/ /bka' nyams pa med pa zhes bya bar rab tu shes so/ /
bskal pa mnyam pa med par gzigs pa zhes bya bar rab tu shes so/ /dbang phyug gi dam pa zhes bya bar rab tu shes so/ /drang srong ston pa zhes bya bar rab tu shes so/ /'phrin las brtsams pa zhes bya bar rab tu shes so/ /rdo rje seng ge zhes bya bar rab tu shes 
te/ / kye rgyal ba'i sras dag de dag la sogs pa 'jig rten gyi khams kun tu song ba na/ mtshan bye ba brgya stong phrag bcur de bzhin gshegs pa sems can rnams kyis rab tu shes so/ /kye rgyal ba'i sras dag 'jig rten gyi khams mi mjed 'di dang 'dab chags su nub byang gi phyogs 
mtshams na 'jig rten gyi khams yongs su dga' ba zhes bya ba yod de/ de na de bzhin gshegs pa la me tog yang dag par bstsags pa zhes bya bar rab tu shes so/ /tsan dan gyi gdugs zhes bya bar rab tu shes so/ /pad mo'i snying po zhes bya bar rab tu shes 
so/ /shin tu 'das pa'i chos zhes bya bar rab tu shes so/ /chos kyi ldum bu zhes bya bar rab tu shes so/ /shin tu 'phags pa zhes bya bar rab tu shes so/ /shin tu sbyangs pa'i gdugs zhes bya bar rab tu shes so/ /spyan shin tu yangs pa zhes bya bar rab tu </font><hr>35-1-183b<br><font size=+1>
shes so/ /tshul bzang po dang ldan pa zhes bya bar rab tu shes so/ /chos rtse gcig ces bya bar rab tu shes so/ /dra ba'i snying po zhes bya bar rab tu shes te/ kye rgyal ba'i sras dag de dag la sogs pa 'jig rten gyi khams yongs su dga' ba na mtshan bye ba brgya stong phrag bcur 
de bzhin gshegs pa sems can rnams kyis rab tu shes so/ /kye rgyal ba'i sras dag 'jig rten gyi khams myi mjed 'di dang 'dab chags su 'og gi phyogs na 'jig rten gyi khams mi che ba zhes bya ba yod de/ de na de bzhin gshegs pa la 'od 'phro 'gyed pa zhes 
bya bar rab tu shes so/ /shin tu 'dul ba zhes bya bar rab tu shes so/ /dbang po'i mtshon cha zhes bya bar rab tu shes so/ /mi rtag pa zhes bya bar rab tu shes so/ /rtsa ba thugs su chud pa zhes bya bar rab tu shes so/ /'phro ba myed pa zhes bya bar rab tu shes so/ /rlung 
dang mnyam pa zhes bya bar rab tu shes so/ /gtong ba la mos pa zhes bya bar rab tu shes so/ /lam shin tu brtags pa zhes bya bar rab tu shes so/ /'joms pa'i rgyal mtshan zhes bya bar rab tu shes te/ kye rgyal ba'i sras dag de dag la sogs pa 'jig rten gyi khams mi che 
ba na mtshan bye ba brgya stong phrag bcur de bzhin gshegs pa sems can rnams kyis rab tu shes so/ /kye rgyal ba'i sras dag 'jig rten gyi khams mi mjed 'di dang 'dab chags su steng gi phyogs na 'jig rten gyi khams dbyangs sgrog pa zhes bya ba yod de/ de na de bzhin gshegs pa la dpa' ba'i rgyal mtshan zhes bya bar rab tu shes so/ /rin po che tshad myed pa zhes bya bar rab tu shes so/ /mchod sbyin la brtson pa zhes bya bar rab tu shes so/ /lha'i 'od ces bya bar rab tu shes so/ /dpal 'byung ba zhes bya bar rab tu shes so/ /
'khor los 'phags pa zhes bya bar rab tu shes so/ /thams cad kyi bdag po zhes bya bar rab tu shes so/ /'khor lo mi ldog pa zhes bya bar rab tu shes so/ /bya ba dang bzhud pa med pa zhes bya bar rab tu shes so/ /thams cad mkhyen pas shin tu grol ba zhes bya bar rab </font><hr>35-1-184a<br><font size=+1>
tu shes te/ /kye rgyal ba'i sras dag de dag la sogs pa 'jig rten gyi khams dbyangs sgrog pa na/ mtshan bye ba brgya stong phrag bcur de bzhin gshegs pa sems can rnams kyis rab tu shes so/ /kye rgyal ba'i sras dag ji ltar 'jig 
rten gyi khams mi mjed 'di na de bzhin gshegs pa sems can rnams kyi rab tu shes pa de bzhin du shar phyogs kyi 'jig rten gyi khams bye ba brgya stong tshad med pa grangs med pa/ dpag tu med pa bsam gyis myi khyab pa mtshungs pa med pa kun tu mtha' yas pa mu med pa sa 
mtshams med pa brjod du med pa/ chos kyi dbyings kyis klas pa/ nam mkha'i dbyings kyi mthas gtugs pa'i 'jig rten gyi khams thams cad na yang / de bzhin gshegs pa sems can rnams kyis rab tu shes so/ /gzhung de ltar lho phyogs dang / de bzhin du nub 
phyogs dang / de bzhin du byang shar gyi phyogs mtshams dang / de bzhin du shar lho'i phyogs mtshams dang / de bzhin du lho nub kyi phyogs mtshams dang / de bzhin du nub byang gi phyogs mtshams dang / de bzhin du 'og gi phyogs dang / de bzhin du steng gi 
phyogs kyi 'jig rten gyi khams bye ba brgya stong tshad med pa grangs med pa/ dpag tu med pa bsam gyis mi khyab pa mtshungs pa med pa/ kun tu mtha' yas pa mu med pa sa mtshams med pa brjod du med pa chos kyi dbyings kyis klas pa nam mkha' dbyings kyi mthas 
gtugs pa'i 'jig rten gyi khams thams cad na 'ang / de bzhin gshegs pa sems can rnams kyi rab tu shes te/ sngon bcom ldan 'das kyis byang chub sems dpar gyur pa'i tshe/ yongs su smin par mdzad pa de dag gis ni spyod pa rnam pa tha dad pa dang / 
gsung gi rnam pa tha dad pa dang / nga ro rnam pa tha dad pa dang / phrin las rnam pa tha dad pa dang / rnam par smin pa rnam pa tha dad pa dang / skye mched rnam pa tha dad pa dang / sbyor ba rnam pa tha dad pa dang / dbang po rnam pa tha dad pa dang / mos pa rnam pa tha dad pa dang /</font><hr>35-1-184b<br><font size=+1>
skye mched rab tu thob pa gzhan dang gzhan gyis/ /sems can rnams la chos yongs su bstan pa'ang rab tu shes so/ /sangs rgyas gyi mtshan shin tu bstan pa zhes bya ba'i le'u ste bcu gnyis pa'o// //sangs rgyas rmad ga cad ces bya ba shin 
tu rgyas pa chen po'i mdo/ /bam po bcu drug pa/ /de nas byang chub sems dpa' sems dpa' chen po 'jam dpal kyis byang chub sems dpa' de dag la 'di skad ces smras so/ /kye rgyal ba'i sras dag 'di na sdug bsngal 'phags pa'i bden pa 
zhes bya ba de la/ 'jig rten gyi khams mi mjed 'di nyid na yang byung ba zhes bya'o/ /gnod pa zhes bya'o/ skal ba mi mnyam pa zhes bya'o/ /dmyigs pa zhes bya'o/ /kun 'byung ba zhes bya'o/ /gsal shing gi rang bzhin zhes bya'o/ /gnas 
kyi rtsal ba zhes bya'o/ /gdon mi za ba zhes bya'o/ /shu ba'i gzebs zhes bya'o/ /byis pa'i spyod pa zhes bya'o/ /kye rgyal ba'i sras dag gang 'di na kun 'byung ba 'phags pa'i bden pa zhes bya ba de yang 'jig rten gyi khams mi mjed 'di nyid na yang yongs 
su 'brel ba zhes bya'o/ /chud za ba zhes bya'o/ /tshor bar gcen pa zhes bya'o/ /myong bar byed pa zhes bya'o/ /sbyor ba las byung ba zhes bya'o/ /nges pa zhes bya'o/ /dran pa can zhes bya'o/ /brjod pa zhes bya'o/ /sems can gyi phyi bzhin snyegs pa 
zhes bya'o/ /phyin ci log gi rtsa ba zhes bya'o/ /kye rgyal ba'i sras dag gang sdug bsngal 'gog pa 'phags pa'i bden pa zhes bya ba de yang 'jig rten gyi khams mi mjed 'di nyid na yang 'dzud pa zhes bya'o/ /rdul dang bral ba zhes bya'o/ /zhi ba zhes 
bya'o/ /mtshan nyid med pa zhes bya'o/ /mi nyams pa zhes bya'o/ /rang bzhin med pa zhes bya'o/ /so sor ldan pa zhes bya'o/ /nub par 'grol ba zhes bya'o/ /rang bzhin du gyur pa zhes bya'o/ /rang bzhin la gnas pa zhes bya'o/ /kye rgyal ba'i sras </font><hr>35-1-185a<br><font size=+1>
dag gang yang sdug bsngal 'gog par 'gro ba'i lam 'phags pa'i bden pa zhes bya ba de yang 'jig rten gyi khams mi mjed 'di nyid na theg pa gcig ces bya'o/ /zhi bar 'gro ba zhes bya'o/ /dgra dang bral ba zhes bya'o/ /
yongs su rtog bzang ba zhes bya'o/ /shin tu mnyam par gzhag pa zhes bya'o/ /khur 'dor ba zhes bya'o/ /'gro ba med par 'gro ba zhes bya'o/ /'phags pa'i rjes su 'brang ba zhes bya'o/ /drang srong gi spyod pa zhes bya'o/ /gter bcu zhes bya ste/ /
kye rgyal ba'i sras dag de ltar de dag la sogs pa 'jig rten gyi khams mi mjed 'di nyid na yang / 'phags pa'i bden pa rnams la ming bye ba brgya stong phrag bzhi bcu yod de/ de dag gis sems can rnams bsam pa ji lta ba bzhin du 'dul lo/ /kye rgyal ba'i sras 
dag gang 'jig rten gyi khams mi mjed 'di nyid na sdug bsngal 'phags pa'i bden pa zhes bya ba de la/ 'jig rten gyi khams khebs pa yod pa na/ tshol ba'i rtsa ba zhes bya'o/ /myi 'byung ba zhes bya'o/ /rtsa ba myi brtan pa zhes bya'o/ /bya ba ma byas pa zhes bya'o/ /
rtsod pa thams cad ces bya'o/ /rnam par phye ba nyam chung ba zhes bya'o/ /kun gzhi dang ldan pa zhes bya'o/ /gsod pa'i mchog ces bya'o/ /'gul zhing g.yo ba zhes bya'o/ /dngos po'i gzugs brnyan ces bya'o/ /kye rgyal ba'i sras dag gang sdug bsngal kun 
'byung ba 'phags pa'i bden pa zhes bya ba de yang / 'jig rten gyi khams khebs pa yod pa na las su rung ba zhes bya'o/ /ldan pa zhes bya'o/ /srid pa zhes bya'o/ /'jigs pa zhes bya'o/ /'jigs pa'i rtsa ba zhes bya'o/ /mtshams dang ldan pa zhes bya'o/ /
sdig pa la spyod pa zhes bya'o/ /'dod pa zhes bya'o/ /glad pa na ba zhes bya'o/ /sgal ba zhes bya'o/ /kye rgyal ba'i sras dag gang sdug bsngal 'gog pa 'phags pa'i bden pa zhes bya ba de yang / 'jig rten gyi khams khebs pa yod pa na don ces bya'o/ /</font><hr>35-1-185b<br><font size=+1>
'jigs pa sel ba zhes bya'o/ /yon tan thob par byed pa zhes bya'o/ /dbugs 'byin pa zhes bya'o/ /tshul bzang po zhes bya'o/ /'dul ba zhes bya'o/ /yan lag gcig pu zhes bya'o/ /sdig pa med pa zhes bya'o/ /'dod chags dang bral ba zhes bya'o/ /rtogs 
pa zhes bya'o/ /kye rgyal ba'i sras dag gang sdug bsngal 'gog par 'gro ba'i lam 'phags pa'i bden pa zhes bya ba de yang 'jig rten gyi khams khebs pa dang ldan pa na/ sde'i dbang po zhes bya'o/ /gyen du 'gro ba zhes bya'o/ /'byung ba zhes bya'o/ /sbyor ba dang ldan 
pa zhes bya'o/ /lta ba mnyam pa zhes bya'o/ /mtha' las grol ba zhes bya'o/ /rtogs par byed pa zhes bya'o/ /rjes su brtul ba zhes bya'o/ /myig dam pa zhes bya'o/ /phyogs su snang ba zhes bya ste/ kye rgyal ba'i sras dag de ltar de dag la sogs pa 
'jig rten gyi khams khebs pa dang ldan pa na 'phags pa'i bden pa rnams kyi ming bye ba brgya stong phrag bzhi bcu yod de/ de dag gis sems can rnams bsam pa ji lta ba bzhin du 'dul lo/ /kye rgyal ba'i sras dag gang 'jig rten gyi khams mi mjed 'di na sdug 
bsngal 'phags pa'i bden pa zhes bya ba de yang 'jig rten gyi khams lhag pa na 'jig pa zhes bya'o/ /skal ba gcod pa zhes bya'o/ /smad pa'i gnas zhes bya'o/ /nye bar bsrabs pa zhes bya'o/ /rnam par sred pa zhes bya'o/ /khon du 'gyur ba zhes bya'o/ /nad 
dang ma bral ba zhes bya'o/ /rgyud 'khrugs pa zhes bya'o/ /dka' bar bsgrubs pa zhes bya'o/ /rab tu brtags pa zhes bya'o/ /mos pa dang ldan pa zhes bya'o/ /kye rgyal ba'i sras dag gang sdug bsngal kun 'byung ba 'phags pa'i bden pa zhes bya ba de yang 'jig 
rten gyi khams lhag pa na rab tu 'jigs pa zhes bya'o/ /gti mug gi rtsa ba zhes bya'o/ /dgra dam pa zhes bya'o/ /bkres pa'i yan lag ces bya'o/ /ro med pa zhes bya'o/ /kun skyes pa zhes bya'o/ /rang bzhin ma yin pa zhes bya'o/ /bkur bar bya ba </font><hr>35-1-186a<br><font size=+1>
zhes bya'o/ /mun par khyer ba zhes bya'o/ /blo gros bcom pa zhes bya'o/ /kye rgyal ba'i sras dag gang sdug bsngal 'gog pa 'phags pa'i bden pa zhes bya ba de yang / 'jig rten gyi khams lhag pa na don chen po zhes 
bya'o/ /phan pa'i yan lag ces bya'o/ /don gyi don ces bya'o/ /tshad med pa zhes bya'o/ /mthong ba zhes bya'o/ /rtog pa med pa zhes bya'o/ /mchog tu dul ba zhes bya'o/ /rtag tu mnyam pa zhes bya'o/ /gnas par byed pa zhes bya'o/ /yan lag 
byas pa med pa zhes bya'o/ /kye rgyal ba'i sras dag gang sdug bsngal 'gog par 'gro ba'i lam 'phags pa'i bden pa zhes bya ba de yang 'jig rten gyi khams lhag pa na me'i tsha ba zhes bya'o/ /yan lag dang po zhes bya'o/ /rnam par gdon myi za ba zhes bya'o/ /
mi 'phrogs pa zhes bya'o/ /tshul zab mo zhes bya'o/ /'byung ba zhes bya'o/ /mi dma' ba zhes bya'o/ /rtogs pa khong du chud pa zhes bya'o/ /grol ba'i rang bzhin zhes bya'o/ /rab tu 'grel ba zhes bya'o/ /kye rgyal ba'i sras dag de ltar de dag la sogs pa 
'jig rten gyi khams lhag pa na 'phags pa'i bden pa rnams kyi ming bye ba brgya stong phrag bzhi bcu yod de/ de dag gis sems can rnams bsam pa ci lta ba bzhin du 'dul lo/ /kye rgyal ba'i sras dag gang 'jig rten gyi khams mi mjed 'di na sdug bsngal 'phags pa'i 
bden pa zhes bya ba de yang 'jig rten gyi khams rdul bstsal ba na 'gyod pa zhes bya'o/ /kun spyod pa zhes bya'o/ /gcig la gcig ces bya'o/ /kun tu 'gro ba zhes bya'o/ /ro gcig pa zhes bya'o/ /chos ma yin pa zhes bya'o/ /kun gzhi dang mngon sum zhes 
bya'o/ /log pa la gzhol ba zhes bya'o/ /log par lta ba zhes bya'o/ /grangs med pa zhes bya'o/ /dgra'i dpung zhes bya'o/ /kye rgyal ba'i sras dag gang sdug bsngal kun 'byung ba 'phags pa'i bden pa zhes bya ba de yang / 'jig rten gyi khams </font><hr>35-1-186b<br><font size=+1>
rdul bstsal ba na 'dod chags pa zhes bya'o/ /smra ba zhes bya'o/ /mi dkar ba zhes bya'o/ /gzhi las skyes pa zhes bya'o/ /gzung ba zhes bya'o/ /sdig pa'i kha ba zhes bya'o/ /lhag pa zhes bya'o/ /khur zhes bya'o/ /skyed pa zhes bya'o/ /sra ba 
zhes bya'o/ /kye rgyal ba'i sras dag gang sdug bsngal 'gog pa 'phags pa'i bden pa zhes bya ba de yang 'jig rten gyi khams rdul med pa na mi mnyam pa zhes bya'o/ /bral ba zhes bya'o/ /dri ma med pa zhes bya'o/ /rtsa ba dang bral ba zhes bya'o/ /ldan pa zhes bya'o/ /
bsgrims pa med pa zhes bya'o/ /bag la nyal ba myed pa zhes bya'o/ /'phags pa zhes bya'o/ /phyi ma zhes bya'o/ /dgra bcom pa zhes bya'o/ /kye rgyal ba'i sras dag gang sdug bsngal 'gog par 'gro ba'i lam 'phags pa'i bden pa zhes bya ba de la yang 'jig 
rten gyi khams rdul bstsal ba na dngos po'i snying po zhes bya'o/ /skal ba sbyor ba zhes bya'o/ /grol ba'i don gyi rtsa ba zhes bya'o/ /rang bzhin du gyur pa zhes bya'o/ /mi smad pa zhes bya'o/ /mchog tu rnam par dag pa zhes bya'o/ /srid pa'i mtha' zhes bya'o/ /
sba ba'i snying po zhes bya'o/ /mthar thug par byed pa zhes bya'o/ /yongs su rtogs pa dag pa zhes bya ste/ /kye rgyal ba'i sras dag de ltar de dag la sogs pa 'jig rten gyi khams rdul bsal ba na 'phags pa'i bden pa rnams kyi ming bye ba brgya stong phrag bzhi 
bcu yod de/ de dag gis sems can rnams bsam pa ji lta ba bzhin du 'dul lo/ /kye rgyal ba'i sras dag gang 'jig rten gyi khams mi mjed 'di na sdug bsngal 'phags pa'i bden pa zhes bya ba de la 'jig rten gyi khams rnam par byung ba na 'dod chags kyis 
rgyas pa zhes bya'o/ /gtum pa'i rtsa ba zhes bya'o/ /rgya mtsho'i yan lag ces bya'o/ /yang dag pa las 'das pa'i sbyor ba zhes bya'o/ /skal ba med pa'i rtsa ba zhes bya'o/ /'phro ba zhes bya'o/ /skye zhing 'jig pa zhes bya'o/ /sgrib pa zhes bya'o/</font><hr>35-1-187a<br><font size=+1>
ral gri'i [(]dngo [)]zhes bya'o/ /tshal stug po zhes bya'o/ /kye rgyal ba'i sras dag gang sdug bsngal kun 'byung ba 'phags pa'i bden pa zhes bya ba de yang 'jig rten gyi khams rnam par byung ba na nor bu sbyin pa zhes bya'o/ /'dud 
par byed pa zhes bya'o/ /mi zad pa zhes bya'o/ /bskal pa zhes bya'o/ /chags pa med pa zhes bya'o/ /seng ge zhes bya'o/ /dngos po len pa zhes bya'o/ /'brel ba zhes bya'o/ /snod ces bya'o/ /g.yo ba zhes bya'o/ /kye rgyal ba'i sras dag gang sdug 
bsngal 'gog pa 'phags pa'i bden pa zhes bya ba de yang 'jig rten gyi khams rnam par byung ba na mtshams bral ba zhes bya'o/ /phye ba zhes bya'o/ /yi ge med pa zhes bya'o/ /sbyor ba med pa zhes bya'o/ /mthong ba med pa zhes bya'o/ /bya ba med pa zhes bya'o/ /
nye bar bsgrubs pa zhes bya'o/ /sred pa zhes bya'o/ /gzhol ba zhes bya'o/ /skyid de ba zhes bya'o/ /kye rgyal ba'i sras dag gang sdug bsngal 'gog par 'gro ba'i lam 'phags pa'i bden pa zhes bya ba de la 'jig rten gyi khams rnam par byung ba na zhi bar byed 
pa brjod pa zhes bya'o/ /khyab par 'gro ba zhes bya'o/ /mngon du bya ba la sbyor ba zhes bya'o/ /bde bar 'gro ba zhes bya'o/ tshe tshad med pa zhes bya'o/ /shin tu bsgoms pas mthar phyin pa zhes bya'o/ /lam gyi dam pa zhes bya'o/ /thob par dka' ba'i 
yan lag ces bya'o/ /pha rol gyi mtshams zhes bya'o/ /brgal dka' ba zhes bya ste/ /kye rgyal ba'i sras dag de dag la sogs pa 'jig rten gyi khams rnam par byung ba na 'phags pa'i bden pa rnams kyi mying bye ba brgya stong phrag bzhi bcu yod de/ de dag gis sems 
can rnams bsam pa ji lta ba bzhin du 'dul lo/ /kye rgyal ba'i sras dag gang 'jig rten gyi khams mi mjed 'di na sdug bsngal 'phags pa'i bden pa zhes bya ba de yang / 'jig rten gyi khams 'pho bar byed pa na 'phrog par byed pa zhes bya'o/ /smon pa'i bshes </font><hr>35-1-187b<br><font size=+1>
gnyen zhes bya'o/ /mi brtan zhing 'jig pa zhes bya'o/ /brjod pa sna tshogs shes bya'o/ /nyam nga bas 'tsho ba zhes bya'o/ /don 'dul ba zhes bya'o/ /khur 'dor ba zhes bya'o/ /rtsa ba zab pa zhes bya'o/ /de bzhin sems pa zhes bya'o/ /nam 
mkha'i rtsa ba zhes bya'o/ /kye rgyal ba'i sras dag gang sdug bsngal kun 'byung ba 'phags pa'i bden pa zhes bya ba de yang 'jig rten gyi khams 'pho bar byed pa na sred par byed pa zhes bya'o/ /shin tu sbyor ba zhes bya'o/ /nyes pa'i skyon can du gyur pa zhes bya'o/ /
rlabs shes bya'o/ /'dzin pa zhes bya'o/ /'du shes can zhes bya'o/ /'bras bu la gnas pa zhes bya'o/ /brjod du mi rung ba zhes bya'o/ /tha dad pa med pa zhes bya'o/ /rab tu 'jug pa zhes bya'o/ /kye rgyal ba'i sras dag gang sdug bsngal 'gog pa 'phags pa'i bden pa zhes 
bya ba de yang 'jig rten gyi khams 'pho bar byed pa na bzlog pa zhes bya'o/ /smra ba dang bral ba zhes bya'o/ /sgrub pa zhes bya'o/ /dga' ba zhes bya'o/ /'jigs pa bstsal ba zhes bya'o/ /shin tu byung ba zhes bya'o/ /gti mug med pa zhes bya'o/ /nub pa 
zhes bya'o/ /'phags pa zhes bya'o/ /sel ba zhes bya'o/ /kye rgyal ba'i sras dag gang sdug bsngal 'gog par 'gro ba'i lam 'phags pa'i bden pa zhes bya ba de yang 'jig rten gyi khams 'pho bar byed pa na brjod du med pa zhes bya'o/ /tshul 
nyams pa med pa zhes bya'o/ /rnam par rig pa'i lam zhes bya'o/ /bsngo ba dge ba zhes bya'o/ /rgya chen po la mkhas pa zhes bya'o/ /rnam par phye ba'i tshul zhes bya'o/ /nam mkha'i rang bzhin zhes bya'o/ /zil par gyur pa zhes bya'o/ /ye shes 
kyi bdag po zhes bya'o/ /don yongs su shes pa zhes bya ste/ /kye rgyal ba'i sras dag de ltar de dag la sogs pa 'jig rten gyi khams 'pho bar byed pa na 'phags pa'i bden pa rnams kyi ming bye ba brgya stong phrag bzhi bcu yod de/ de dag gis sems </font><hr>35-1-188a<br><font size=+1>
can rnams bsam pa ji lta ba bzhin du 'dul lo/ /kye rgyal ba'i sras dag gang 'jig rten gyi khams mi mjed 'di na/ sdug bsngal 'phags pa'i bden pa zhes bya ba de la 'ang 'jig rten gyi khams phan pa na khur tsa ba'i khur zhes 
bya'o/ /snying po med pa zhes bya'o/ /rkun po lta bu zhes bya'o/ /rga shi zhes bya'o/ /chags pa'i rang bzhin zhes bya'o/ /shin tu mched pa zhes bya'o/ /ngal bar byed pa zhes bya'o/ /ngom zung gnag pa zhes bya'o/ /kun tu 'phel ba zhes bya'o/ /ral gri dang 'dra ba zhes bya'o/ /kye 
rgyal ba'i sras dag gang sdug bsngal kun 'byung ba 'phags pa'i bden pa zhes bya ba de la'ang / 'jig rten gyi khams phan pa na 'jig pa zhes bya'o/ /'khrugs pa zhes bya'o/ /bskyod pa zhes bya'o/ /nyam chung ba zhes bya'o/ /'phrog pa zhes bya'o/ /bral ba 
zhes bya'o/ /mi ldan pa zhes bya'o/ /thab mor gyur pa zhes bya'o/ /rtsod par gyur pa zhes bya'o/ /gnas su gyur pa zhes bya'o/ /kye rgyal ba'i sras dag gang sdug bsngal 'gog pa 'phags pa'i bden pa zhes bya ba de la'ang / 'jig rten gyi khams 
phan pa na kun spyod pa zhes bya'o/ /yang dag pa zhes bya'o/ /zhum pa med pa zhes bya'o/ /yan lag g.yogs pa zhes bya'o/ /smad pa spangs pa zhes bya'o/ /rjes su mthun pa zhes bya'o/ /gzhir 'gro ba zhes bya'o/ /yan lag spangs pa zhes bya'o/ /tha 
dad pa med pa zhes bya'o/ /glag med pa zhes bya'o/ /kye rgyal ba'i sras dag gang sdug bsngal 'gog par 'gro ba'i lam 'phags pa'i bden pa zhes bya ba de la'ang 'jig rten gyi khams phan pa na snang ba brjod pa zhes bya'o/ /thams cad kyi rgya zhes bya'o/ /
bsam gtan gyi gter zhes bya'o/ /snang ba yod pa zhes bya'o/ /phyir mi ldog pa'i chos can zhes bya'o/ /dngos po zad pa zhes bya'o/ /lam yangs pa zhes bya'o/ /dul ba'i rang bzhin zhes bya'o/ /dge ba yod pa zhes bya'o/ /rtsa ba rgyu ba med pa zhes bya ste/ kye rgyal ba'i </font><hr>35-1-188b<br><font size=+1>
sras dag de ltar de dag la sogs pa 'jig rten gyi khams phan pa na 'phags pa'i bden pa rnams kyi ming bye ba brgya stong phrag bzhi bcu yod de/ de dag gis sems can rnams bsam pa ji lta ba bzhin du 'dul lo/ /kye rgyal ba'i sras dag gang 'jig rten gyi khams mi 
mjed 'di na sdug bsngal 'phags pa'i bden pa zhes bya ba de la'ang 'jig rten gyi khams kun tu 'gro ba na bsam pa thibs po zhes bya'o/ /gnas sna tshogs su bkram pa zhes bya'o/ /skye gnas su skyes pa zhes bya'o/ /rim pas 'dug pa zhes bya'o/ /ngo tsha med pa 
zhes bya'o/ /shes par bya ba'i rtsa ba zhes bya'o/ /'ga' 'ga'i ro zhes bya'o/ /rtseg pa zhes bya'o/ /rtag tu 'jig pa zhes bya'o/ /'gal mye'i rang bzhin zhes bya'o/ /rtsa ba'i sgo zhes bya'o/ /kye rgyal ba'i sras dag gang sdug bsngal kun 'byung ba 'phags pa'i 
bden pa zhes bya ba de la'ang 'jig rten gyi khams kun tu 'gro ba na shin tu g.yo ba zhes bya'o/ /rig pa med pa zhes bya'o/ /blo gros dang ring ba zhes bya'o/ /'phongs par 'gyur ba zhes bya'o/ /'jigs pa zhes bya'o/ /kun tu 'dren pa zhes bya'o/ /nye bar bsgrub pa zhes bya'o/ /
rten du gyur pa zhes bya'o/ /dngos po'i bdag po zhes bya'o/ /mtshams sbyor ba zhes bya'o/ /kye rgyal ba'i sras dag gang sdug bsngal 'gog pa 'phags pa'i bden pa zhes bya ba de la'ang 'jig rten gyi khams kun tu 'gro ba na ngoms pa zhes bya'o/ /bdud rtsi zhes bya'o/ /
rgyu ba med pa zhes bya'o/ /rang gi med pa zhes bya'o/ /rtog pa byang ba zhes bya'o/ /yang dag par gzhog pa zhes bya'o/ /rgyu ba dang bral ba zhes bya'o/ /mched pa med pa zhes bya'o/ /lam med pa zhes bya'o/ /mi gnyis pa zhes bya'o/ /kye rgyal ba'i sras dag gang sdug 
bsngal 'gog par 'gro ba'i lam 'phags pa'i bden pa zhes bya ba de la'ang 'jig rten gyi khams kun tu 'gro ba na snang bar byed pa zhes bya'o/ /bstan pa rgya mtsho zhes bya'o/ /don rnam par gdon mi za ba zhes bya'o/ /chos dang phrad pa zhes bya'o/ /'khor ba med pa zhes </font><hr>35-1-189a<br><font size=+1>
bya'o/ /'brel pa med pa zhes bya'o/ /lam rgya chen po zhes bya'o/ /yang dag par phyin par 'gro ba zhes bya'o/ /sbyor ba dag pa zhes bya'o/ /mthong ba'i bdag po zhes bya ste/ kye rgyal ba'i sras dag de ltar de dag la stsogs pa 'jig 
rten gyi khams kun tu 'gro ba na 'phags pa'i bden pa rnams kyi ming bye ba brgya stong phrag bzhi bcu yod de/ de dag gis sems can rnams bsam pa ji lta ba bzhin du 'dul lo/ /kye rgyal ba'i sras dag 'jig rten gyi khams mi mjed 'di na sdug bsngal 'phags pa'i 
bden pa zhes bya ba de la'ang 'jig rten gyi khams yongs su dga' ba na skye bar byed pa zhes bya'o/ /rnam par bsgrubs pa zhes bya'o/ /chags shing zhen pa zhes bya'o/ /khur khyer ba zhes bya'o/ /mi sdug pa'i rnam pa zhes bya'o/ /nad thibs po zhes bya'o/ /
sdig pa byed pa zhes bya'o/ /sdug bsngal bar byed pa'i rang bzhin zhes bya'o/ /kye rgyal ba'i sras dag gang sdug bsngal kun 'byung ba 'phags pa'i bden pa zhes bya ba de la'ang 'jig rten gyi khams yongs su dga' ba na gzhir gyur pa zhes bya'o/ /sbyor ba dang ldan 
pa zhes bya'o/ /tshod las 'das pa zhes bya'o/ /chos 'phel ba zhes bya'o/ /rtogs pa med pa zhes bya'o/ sdud pa med pa zhes bya'o/ /sdud par byed pa zhes bya'o/ /lang du red pa zhes bya'o/ /chos kyi gzhi zhes bya'o/ /lta ba chung ba zhes bya'o/ /mthong ba chung ba 
zhes bya'o/ /kye rgyal ba'i sras dag gang sdug bsngal 'gog pa 'phags pa'i bden pa zhes bya ba de la yang 'jig rten gyi khams yongs su dga' ba na/ gnas zhig pa zhes bya'o/ /rmongs pa med pa zhes bya'o/ /yang dag pa zhes bya'o/ /des shin tu rtogs pa zhes 
bya'o/ /dge bar byed pa zhes bya'o/ /skyon med pa zhes bya'o/ /'khor ba med pa zhes bya'o/ /mtshan nyid med pa zhes bya'o/ /bdag nyid rtogs pa zhes bya'o/ /ma skyes pa zhes bya'o/ /kye rgyal ba'i sras dag sdug bsngal 'gog par 'gro ba'i lam 'phags </font><hr>35-1-189b<br><font size=+1>
pa'i bden pa zhes bya ba de la yang 'jig rten gyi khams yongs su dga' ba na sa mtshams nye bar gyur pa zhes bya'o/ /sel ba dang 'grogs pa zhes bya'o/ /skal ba mi mnyam pa'i don can zhes bya'o/ /rang bzhin yangs pa zhes bya'o/ /yongs su rtog pa zad 
pa zhes bya'o/ /byin gyi rlabs kyi lam zhes bya'o/ /tshogs kyi tshul zhes bya'o/ /dran pa dang bral ba zhes bya'o/ /rtag pa'i lam zhes bya'o/ /grol ba bsgrub pa zhes bya ste/ /kye rgyal ba'i sras dag de ltar de dag la sogs pa 'jig rten gyi khams yongs 
su dga' ba na 'phags pa'i bden pa rnams kyi ming bye ba brgya stong phrag bzhi bcu yod de/ de dag gis sems can rnams bsam pa ji lta ba bzhin du 'dul lo/ /kye rgyal ba'i sras dag gang 'jig rten gyi khams mi mjed 'di na sdug bsngal 'phags pa'i bden pa zhes 
bya ba de la'ang 'jig rten gyi khams mi che ba na/ 'tshog pa zhes bya'o/ /rdza ma lta bu zhes bya'o/ /nad dang mnyam pa zhes bya'o/ /lus la yod pa zhes bya'o/ /rab tu 'phel ba zhes bya'o/ /stsogs pa'i sgo zhes bya'o/ /sdug bsngal gyi skyon can zhes bya'o/ /
rtag par bya ba zhes bya'o/ /rang la gzhog pa med pa zhes bya'o/ /'gro zhing 'ong ba zhes bya'o/ /kye rgyal ba'i sras dag gang sdug bsngal kun 'byung ba 'phags pa'i bden pa zhes bya ba de la yang 'jig rten gyi khams mi che ba na 'tshe ba zhes bya'o/ /mdud par 
'dzin pa zhes bya'o/ /rab tu sbyor ba zhes bya'o/ /tshor ba'i yan lag ces bya'o/ /a na sems pa zhes bya'o/ /rab rab byed pa zhes bya'o/ /'dud par byed pa zhes bya'o/ /rnam par bral ba zhes bya'o/ /shin tu gdung ba zhes bya'o/ /kye hud na zhes 
bya'o/ /kye rgyal ba'i sras dag gang sdug bsngal 'gog pa/ 'phags pa'i bden pa zhes bya ba de la yang 'jig rten gyi khams mi che ba na stsogs pa med pa zhes bya'o/ /g.yo ba med pa zhes bya'o/ /skyon med pa zhes bya'o/ /ma nyams pa zhes bya'o/ /'grogs pa </font><hr>35-1-190a<br><font size=+1>
med pa zhes bya'o/ /tshad med pa zhes bya'o/ /yangs pa zhes bya'o/ /sangs rgyas kyi yan lag zhes bya'o/ /'dod chags dang bral ba zhes bya'o/ /ma chags pa zhes bya'o/ /kye rgyal ba'i sras dag gang sdug bsngal 'gog 
par 'gro ba'i lam 'phags pa'i bden pa zhes bya ba de la yang 'jig rten gyi khams mi che ba na brtan pa'i spyod yul zhes bya'o/ /'dod chags dang bral ba'i sa mtshams zhes bya'o/ /bden pa la thug pa zhes bya'o/ /don rab tu chud pa zhes bya'o/ /rang bzhin 
la gtugs pa zhes bya'o/ /lta ba yongs su dag pa zhes bya'o/ /dran pas bsgrubs pa zhes bya'o/ /grol ba sdud pa zhes bya'o/ /skyobs pa'i sa mtshams zhes bya'o/ /'khrug pa med par 'gro ba zhes bya ste/ /kye rgyal ba'i sras dag de ltar de dag la sogs pa 
'jig rten gyi khams mi che ba na 'phags pa'i bden pa rnams la ming bye ba brgya stong phrag bzhi bcu yod de/ de dag gis sems can rnams bsam pa ji lta ba bzhin du 'dul lo/ /kye rgyal ba'i sras dag 'jig rten gyi khams mi mjed 'di na sdug bsngal 'phags 
pa'i bden pa zhes bya ba de la yang 'jig rten gyi khams dbyangs sgrog pa na bsam pa nub pa zhes bya'o/ /shin tu 'gro ba zhes bya'o/ /yan lag gnas pa zhes bya'o/ /g.yo sgyu che ba zhes bya'o/ /'brel pa zhes bya'o/ /'dod pa 'byung ba zhes bya'o/ /mying du mi 
rung ba zhes bya'o/ /skye gnas ma rung ba zhes bya'o/ /nye bar 'gro ba zhes bya'o/ /dngo skam pa zhes bya'o/ /kye rgyal ba'i sras dag gang sdug bsngal kun 'byung ba 'phags pa'i bden pa zhes bya ba de la/ yang 'jig rten gyi khams dbyangs sgrog pa na gdul 
ba'i gzhi zhes bya'o/ /sems kyi tshul zhes bya'o/ /bcings pa dang ldan pa zhes bya'o/ /rjes su dran pa zhes bya'o/ /nges par rtogs pa ma yin pa zhes bya'o/ /rnal 'byor dang mi mthun pa zhes bya'o/ /brtag par bya ba zhes bya'o/ /sgo zhes bya'o/ /rtog par </font><hr>35-1-190b<br><font size=+1>
bya ba zhes bya'o/ /bsgribs pa zhes bya'o/ /kye rgyal ba'i sras dag gang sdug bsngal 'gog pa 'phags pa'i bden pa zhes bya ba de la'ang 'jig rten gyi khams dbyangs sgrog pa na gnas med pa zhes bya'o/ /sbyin bsreg gi dam pa zhes bya'o/ /phyir 
log pa zhes bya'o/ /mya ngan dang bral ba zhes bya'o/ /kun tu song ba zhes bya'o/ /chen po zhes bya'o/ /du ba med pa zhes bya'o/ /mi zad pa zhes bya'o/ /yangs pa zhes bya'o/ /shin tu mchod pa zhes bya'o/ /kye rgyal ba'i sras dag gang sdug bsngal 
'gog par 'gro ba'i lam 'phags pa'i bden pa zhes bya ba de la'ang 'jig rten gyi khams dbyangs sgrog pa na/ mthong bas mthong ba zhes bya'o/ /spang ba'i don ces bya'o/ /rnam par bsgom pa'i rgya zhes bya'o/ /mtshan nyid la 'jug pa zhes bya'o/ /
rnyed par dka' ba zhes bya'o/ /de ma thag pa'i don ces bya'o/ /mkhas pas brtag pa zhes bya'o/ /'grogs pa'i don ces bya'o/ /mi g.yo ba la mngon du gyur pa zhes bya'o/ /khyad par gyi don ces bya ste/ kye rgyal ba'i sras dag de ltar de dag la 
sogs pa 'jig rten gyi khams dbyangs sgrog pa na 'phags pa'i bden pa rnams kyi ming bye ba brgya stong phrag bzhi bcu yod de/ de dag gis sems can rnams bsam pa ji lta ba bzhin du 'dul lo/ /kye rgyal ba'i sras dag 'jig rten gyi khams mi 
mjed 'di na ji ltar 'phags pa'i bden pa rnams yongs su bstan pa yod pa de bzhin du shar phyogs kyi 'jig rten gyi khams bye ba brgya stong tshad med pa dpag tu med pa grangs med pa bsam gyis mi khyab pa mtshungs pa med pa/ kun tu mtha' yas pa mu 
med pa sa mtshams med pa/ brjod du med pa chos kyi dbyings kyis klas pa nam mkha'i dbyings kyi mthas gtugs pa dag na yang 'phags pa'i bden pa rnams yongs su bstan pa yod do/ /'jig rten gyi khams re re na yang 'phags pa'i bden pa rnams </font><hr>35-1-191a<br><font size=+1>
kyi ming bye ba brgya stong phrag bzhi bcu bzhi bcu yod de de dag gis sems can rnams bsam pa ci lta ba bzhin du 'dul lo/ /shar phyogs kyi 'jig rten gyi khams na ji lta ba de bzhin du/ lho phyogs dang / de bzhin du nub phyogs dang / 
de bzhin du byang phyogs dang / de bzhin du byang shar gyi phyogs mtshams dang / de bzhin du shar lho'i phyogs mtshams dang / de bzhin du lho nub kyi phyogs mtshams dang / de bzhin du nub byang gi phyogs mtshams dang / de bzhin du 'og gi phyogs dang / de bzhin du steng gi phyogs kyi 'jig rten gyi 
khams bye ba khrag khrig brgya stong tshad med pa grangs med pa bsam gyis mi khyab pa mtshungs pa med pa/ kun tu mtha' yas pa mu med pa sa mtshams med pa gzhal du med pa brjod du med pa chos kyi dbyings kyis klas pa nam mkha'i dbyings kyi mthas gtugs pa dag na yang / 'phags 
pa'i bden pa yongs su bstan pa yod do/ /'jig rten gyi khams re re na yang 'phags pa'i bden pa rnams kyi mying bye ba brgya stong phrag bzhi bcu bzhi bcu yod de de dag gis sems can rnams bsam pa ji lta ba bzhin du 'dul lo/ /'jig rten gyi khams gcig na ji lta ba de bzhin du 
'jig rten gyi khams thams cad shar phyogs nas steng gi phyogs shes bya ba nas/ phyogs bcu ma lus pa'i 'jig rten gyi khams kyi bar dag la yang 'phags pa'i bden pa rnams yongs su bstan pa yod do/ 'jig rten gyi khams re re na yang sdug bsngal 'phags 
pa'i bden pa'i ming bye ba brgya stong phrag bcu bcu yod de/ de dag gis sems can rnams bsam pa ji lta ba bzhin du 'dul lo/ /kun 'byung ba'i bden pa'i ming dang / 'gog pa'i bden pa'i ming dang / lam gyi bden pa'i ming dag kyang de bzhin no/ /'phags pa'i bden pa'i 
le'u zhes bya ba ste bcu gsum pa'o// //de nas bcom ldan 'das kyi zhabs kyi mthil gnyis nas 'od zer bye ba phrag brgya bkye ste/ stong gsum gyi stong chen po'i 'jig rten gyi khams 'di snang bar byas nas 'dzam bu'i gling bye ba phrag brgya bstan to/ /shar gyi lus </font><hr>35-1-191b<br><font size=+1>
'phags bye ba phrag brgya dang nub kyi ban lang spyod bye ba phrag brgya dang /byang gi sgra mi snyan bye ba phrag brgya dang / rgya mtsho chen po bye ba phrag brgya bstan to/ /khor yug rdo rje'i ri bye ba phrag brgya bstan to/ /byang chub sems dpa' skye ba bye ba phrag brgya bstan to/ /
mngon par 'byung ba bye ba phrag brgya bstan to/ /de bzhin gshegs pa rnam par 'tshang rgya ba bye ba phrag brgya bstan to/ /chos kyi 'khor lo bskor ba bye ba phrag brgya bstan to/ /de bzhin gshegs pa yongs su mya ngan las 'da' ba bye ba phrag brgya bstan to/ /ri rab 
ri'i rgyal po bye ba phrag brgya bstan to/ /rgyal po chen po bzhi'i khams kyi lha'i ris bye ba phrag brgya bstan to/ /sum cu rtsa gsum gyi lha'i ris bye ba phrag brgya bstan to/ /mtshe ma'i lha'i ris bye ba phrag brgya bstan to/ /dga' ldan gyi lha'i ris bye ba phrag brgya 
bstan to/ /'phrul dga'i lha'i ris bye ba phrag brgya bstan to/ /gzhan 'phrul dbang byed kyi lha'i ris bye ba phrag brgya bstan to/ /tshangs pa'i 'jig rten bye ba phrag brgya bstan to/ /gya nom snang ba bye ba phrag brgya bstan to/ /dge rgyas bye ba phrag brgya 
bstan to/ /'bras bu chen po bye ba phrag brgya bstan to/ /'og min bye ba phrag brgya bstan to/ /'jig rten gyi khams 'di'i khongs su gang ci yang rung ste/ gtogs par gyur pa de dag thams cad ril gyis bstan to/ /ji ltar 'di na bcom ldan 'das 
sangs rgyas kyi gdan la bzhugs shing / byang chub sems dpa' sangs rgyas kyi zhing bcu'i rdul shin tu phra ba snyed dang thabs gcig tu bzhugs te/ bskor cing mdun du byas par snang ba de bzhin du 'dzam bu'i gling bye ba phrag brgya kun na yang de bzhin gshegs pa 
bye ba phrag brgya bzhugs par snang ngo / /de dag thams cad du'ang sangs rgyas kyi byin gyi rlabs kyis phyogs bcu nas byang chub sems dpa' bcu bcu 'ongs par gyur te/ byang chub sems dpa' de dag thams cad kyang ming 'di zhes bya ba dag ste/ 'di ltar 'jam dpal </font><hr>35-1-192a<br><font size=+1>
dang / sangs rgyas dpal dang / nor dpal dang / rin chen dpal dang / yon tan dpal dang / mig gi dpal dang / brtson 'grus dpal dang / chos kyi dpal dang / ye shes dpal dang / bzang po'i dpal zhes bya ba dag 
go /byang chub sems dpa' de dag thams cad kyang / 'jig rten gyi khams ming 'di zhes bya ba dag nas 'ongs pa dag ste/ 'di ltar gser gyi mdog dang / yid du 'ong ba'i mdog dang / pad mo'i mdog dang / tsam pa ka'i mdog dang / ud pa la'i mdog 
dang / sa le sbram gyi mdog dang / rin po che'i mdog dang / rdo rje'i mdog dang / shel gyi mdog dang 'dra ba'i mdog ces bya ba dag nas 'ongs pa'o/ /byang chub sems dpa' de dag thams cad kyang de bzhin gshegs pa mtshan 'di zhes bya ba dag gi zham ring na 
tshangs pa'i spyad pa spyod de/ 'di ltar rig byed mi g.yo ba dang / rig byed mi skyod pa dang / rig byed bcings pa med pa dang / rig byed kun spyod pa dang / rig byed bsgribs pa med pa dang / rig byed mtha' rgal dang / rig byed dam pa dang / rig byed dbang 
phyug dang / rig byed tshangs pa dang / rig byed sna tshogs shes bya ba dag go /byang chub sems dpa' de dag thams cad kyang byang chub sems dpa' re re zhing byang chub sems dpa' sangs rgyas kyi zhing bcu'i rdul shin tu phra ba snyed dang lhan cig tu phyin te/ gcig ji 
lta ba de bzhin thams cad do/ /thams cad na yang byang chub sems dpa' 'jam dpal zhes bya ba sha stag don 'di nyid brjod de/ gcig na ji lta ba de bzhin thams cad na yang ste/ de'i tshe tshigs su bcad pa 'di dag kyang so so nas smra bar gyur to/ /
'jig rten kun dang mi ldan zhing / /bral bar gyur te dngos med pa'i/ /yang dag sangs rgyas sus shes pa/ /de dag myig gi lam mi gnas/ /shes rab chen po sus mthong zhing / /dngos po'i 'du shes mi 'jug la/ /rnam par bsgoms shing shes </font><hr>35-1-192b<br><font size=+1>
gyur pa/ /de dag de bzhin gshegs par gyur/ /'jig rten khams 'di mthong gyur te/ /sangs rgyas che ba nyid dag la/ /gang gi sems ni mi g.yo ba/ /de dag mi yi mchog tu 'gyur/ /sangs rgyas chos la gang gi rnams/ /mnyam pa'i sems 
su rab 'jug cing / /mi gnyis mngon gyur brtan pa rnams/ /de dag bsam gyis mi khyab 'gyur/ /gang rnams bdag dang sangs rgyas dag /rang bzhin mnyam par rab gnas shing / /mi gnas len pa med pa rnams/ /de dag bde bar gshegs par 
'gyur/ /gzugs dang tshor ba 'du shes dang / /rnam par shes dang sems pa dag /grangs med de bzhin gshegs pa rnams/ /de dag thub pa chen por 'gyur/ /blta bar bya las 'das pa dang / /rnam par blta las de bzhin te/ /chos la gang 
dag rmongs med pa/ /de dag rab tu 'od byed 'gyur/ /gang gis shes rab chen po rnams/ /sems bskyed kun la rab gnas shing / /thams cad mthong yang skye med pa/ /de dag grags pa chen por 'gyur/ /sems can rnams la skye ba med/ /'jig 
pa'ang yod pa ma yin te/ /de ltar gang gis shes pa ni/ /de dag bla na med par 'gyur/ /gang gis gcig la mang shes shing / /mang po'ang gcig tu rab rtogs te/ /gnas kyi rnams su'ang 'byung 'gyur ba/ /de dag 'jigs pa med par 'gyur/ /de nas 'od 
zer de dag 'jig rten gyi khams 'di nas 'das te/ shar phyogs su 'jig rten gyi khams bcu bcu snang bar byas so/ /de bzhin du lho phyogs dang / nub phyogs dang / byang phyogs su 'jig rten gyi khams bcu bcu snang bar byas so/ /byang shar gyi phyogs 
mtshams dang / shar lho'i phyogs mtshams dang / lho nub kyi phyogs mtshams dang / nub byang gi phyogs mtshams dang / 'og gi phyogs dang steng gi phyogs dag tu yang 'jig rten gyi khams bcu bcu snang bar byas so/ /'jig rten gyi khams re re zhing yang </font><hr>35-1-193a<br><font size=+1>
'dzam bu'i gling bye ba phrag brgya bstan pa nas/ 'og min bye ba phrag brgya'i bar du yang bstan te/ 'jig rten gyi khams de dag gi khongs su gang ci'ang rung ste/ gtogs par gyur pa de dag thams cad ril gyis bstan to/ /ji ltar 
bcom ldan 'das sangs rgyas kyi gdan la bzhugs shing / byang chub sems dpa' sangs rgyas kyi zhing bcu'i rdul shin tu phra ba snyed dang thabs gcig pa de bzhin du 'jig rten gyi khams re re dag gi gling bzhi pa bye ba phrag brgya kun na yang de bzhin gshegs pa 
bye ba phrag brgya bzhugs par snang ste/ thams cad du'ang sangs rgyas kyi byin gyi rlabs kyis phyogs bcu nas byang chub sems dpa' bcu bcu 'ongs par gyur to/ /byang chub sems dpa' de dag thams cad kyang ming 'di zhes bya ba dag ste/ 'di ltar 'jam 
dpal dang / sangs rgyas dpal dang / nor dpal dang / rin chen dpal dang / yon tan dpal dang / mig gi dpal dang / brtson 'grus dpal dang / chos kyi dpal dang / ye shes dpal dang / bzang po'i dpal zhes bya ba dag go /byang 
chub sems dpa' de dag thams cad kyang 'jig rten gyi khams ming 'di zhes bya ba dag nas 'ongs pa dag ste/ 'di ltar gser gyi mdog dang / yid du 'ong ba'i mdog dang / pad mo'i mdog dang / tsam pa ka'i mdog dang / uta pa la'i mdog dang / 
sa le sbram gyi mdog dang / rin po che'i mdog dang / rdo rje'i mdog dang / shel gyi mdog dang 'dra ba'i mdog ces bya ba dag nas 'ongs pa'o/ /byang chub sems dpa' de dag thams cad kyang de bzhin gshegs pa mtshan 'di zhes bya ba dag gi zham ring 
na/ tshangs pa'i spyad pa spyod pa dag ste/ 'di ltar rig byed mi g.yo ba dang / rig byed mi skyod pa dang / rig byed bcings pa med pa dang / rig byed kun spyod pa dang / rig byed bsgribs pa med pa dang / rig byed mtha' rgal dang /rig byed dam pa dang /</font><hr>35-1-193b<br><font size=+1>
rig byed dbang phyug dang / rig byed tshangs pa dang / rig byed sna tshogs shes bya ba dag go /byang chub sems dpa' de dag thams cad kyang / byang chub sems dpa' re re zhing byang chub sems dpa' sangs rgyas kyi zhing bcu'i rdul shin tu phra ba snyed dang lhan cig 
tu phyin pa dag ste/ gcig ji lta ba de bzhin thams cad do/ /thams cad na yang byang chub sems dpa' 'jam dpal zhes bya ba sha stag don 'di nyid brjod de/ gcig na ji lta ba de bzhin thams cad na yang brjod de/ de'i tshe tshigs su bcad pa 'di dag 
kyang so so nas smra bar gyur to/ /gang gis 'gro ba shin tu gtses gyur cing / /sred pa'i gsal shing ldan par kun shes nas/ /rang 'byung kun mkhyen yon tan tshol ba rnams/ /de dag chos nyid 'di 'dra 'di yin no/ /chos kyi rang bzhin gnas 
pa mthong gyur nas/ /mtha' gnyis gang gis rab tu spangs gyur cing / /ldog pa med cing dgos pa kun shes pa/ /de dag nga yi 'khor lo mtshungs med skor/ /gang rnams chos dang ldan pa'i bsam pa yis/ /'khor ba'i skye dgu kun gyi don gyi phyir/ /
bskal pa bsam yas rgya chen go gyon pa'i/ /drang srong chen po'i longs spyod 'di 'dra'o/ /gzhan gyis mi pham dpa' ba'i rgyal mtshan can/ /bdud rnams thams cad mthar 'byin mgon po rnams/ /byams pas gang dag mi 'jigs sgra 'byin pa/ /
de dag chos nyid 'di 'dra 'di yin no/ /'di dag nang nas byung ngo zhes bya bar/ /nyon mongs sel ba'i sems ni skad cig tu/ /thams cad shes pa su yi rgyud skyes pa/ /de dag rnam par 'phrul pa 'di dag ston/ /gang rnams chos kyi rnga ni rdung byed cing / /
byang chub sems kyang srog chags thams cad la/ /phyogs bcu'i zhing rnams kun tu shes byed pa/ /rang byung de dag tshul ni 'di 'dra'o/ /gdul bar dka' ba mtha' yas spyod yul can/ /zhing rnams bye ba gang dag spyod gyur cing / /nam yang dngos po dag </font><hr>35-1-194a<br><font size=+1>
la mos med pa/ /de dag de bzhin gshegs bzhin rnam par 'phrul/ /gang rnams dga' zhing mos pa mtha' yas pa/ /rgyal ba rnams ni shin tu rnam dag cing / /de bzhin gshegs pa mkha' 'dra rjes dran pa/ /de dag la ni 
smon lam 'di yang btab/ /sems can don la gang rnams mos gyur cing / /re re dag gis mnar med sdug bsngal ba/ /bskal pa dpag med smin par bya dad pa/ /de dag skyon med pham med shin tu srung / /gang rnams lus dang srog la mi lta zhing / /sangs 
rgyas chos la rtag tu brtul zhugs te/ /mkhas pa bdag med rnam par su spyod pa/ /de dag sangs rgyas chos nyid 'od thob po/ /de nas 'od zer de dag 'jig rten gyi khams de dag 'das nas/ shar phyogs logs su 'jig rten gyi khams brgya snang bar byas pa 
nas gzhung de bzhin du steng gi phyogs su 'jig rten gyi khams brgya snang bar byas so/ /'jig rten gyi khams re rer yang 'dzam bu'i gling bye ba phrag brgya bstan pa nas/ 'og min bye ba phrag brgya'i bar du bstan te/ 'jig rten gyi khams de dag gi khongs su gang 
ci yang rung ste/ gtogs par gyur pa de dag thams cad ril gyis bstan to/ /ji ltar bcom ldan 'das sangs rgyas kyi gdan la bzhugs shing / byang chub sems dpa' sangs rgyas kyi zhing bcu'i rdul shin tu phra ba snyed dang thabs gcig pa de bzhin du 
'jig rten gyi khams re re'i gling bzhi pa bye ba phrag brgya kun na yang de bzhin gshegs pa rnams bzhugs par snang ste/ thams cad du yang sangs rgyas kyi byin gyi rlabs kyis/ phyogs bcu nas byang chub sems dpa' bcu bcu 'ongs par gyur to/ /byang 
chub sems dpa' de dag thams cad kyang ming 'di zhes bya ba dag ste/ 'di ltar 'jam dpal dang / sangs rgyas dpal dang / nor dpal dang / rin chen dpal dang / yon tan dpal dang / mig gi dpal dang / brtson 'grus dpal dang / chos kyi </font><hr>35-1-194b<br><font size=+1>
dpal dang / ye shes dpal dang / bzang po'i dpal zhes bya ba dag go /byang chub sems dpa' de dag thams cad kyang / 'jig rten gyi khams ming 'di zhes bya ba dag nas 'ongs pa dag ste/ 'di ltar gser gyi mdog dang / yid du 'ong ba'i mdog dang / 
pad+mo'i mdog dang / tsam pa ka'i mdog dang / ut+pa la'i mdog dang / sa le sbram gyi mdog dang / rin po che'i mdog dang / rdo rje'i mdog dang / shel gyi mdog dang 'dra ba'i mdog ces bya ba dag nas 'ongs pa'o/ /byang chub sems dpa' de dag thams 
cad kyang de bzhin gshegs pa mtshan 'di zhes bya ba dag gi zham ring na tshangs pa'i spyad pa spyod de/ 'di ltar rig byed mi g.yo ba dang / rig byed mi skyod pa dang / rig byed bcings pa med pa dang / rig byed kun spyod pa dang / rig byed bsgribs pa med pa dang / 
rig byed mtha' rgal dang / rig byed dam pa dang / rig byed dbang phyug dang / rig byed tshangs pa dang / rig byed sna tshogs zhes bya ba dag go /byang chub sems dpa' de dag thams cad kyang / byang chub sems dpa' re re zhing / byang chub sems dpa' 
sangs rgyas kyi zhing bcu'i rdul shin tu phra ba snyed dang lhan cig tu phyin te/ gcig ji lta ba de bzhin thams cad do/ /thams cad na yang byang chub sems dpa' 'jam dpal zhes bya ba sha stag don 'di nyid brjod de/ /gcig na ji lta ba de bzhin thams cad na yang 
brjod de/ de'i tshe tshigs su bcad pa 'di dag kyang so so nas smra bar gyur to/ /bcom ldan 'das kyi sgyu ma'i rang bzhin du/ /thugs su chud pas bsgribs pa med gzigs te/ /zil gyis mi non chags pa mi mnga' bar/ /skye dgu rab tu 'dul bar shin tu 
snang / /la las gser gyi ri bo 'dra ba de/ /sku cher skye bar gyur pa rab tu mthong / /skyes bu zla ba rnam par mdzes pa de/ /tha ma'i sku yang 'dzin par la las mthong / /yon tan tshad las 'das pa kun mnga' zhing / /dgongs pa mkhyen bzhin shin tu mkhas </font><hr>35-1-195a<br><font size=+1>
gyur pa/ /skye dgu'i seng ge don yod gshegs pa ste/ /la las 'chag cing gshegs par shin tu mthong / /phyogs bcu kun tu rnam par snang ba de/ /la la mthon thing spyan du de bzhin mthong / /'dod pa'i yon tan ldan pa'i 
skye dgu rnams/ /gzigs nas bzhad par de bzhin la las mthong / /gzi brjid mtshungs med mnga' la la la yis/ /seng ge'i nga ror gsung ba de bzhin mthong / /zil gyis mi non ma log gsung mnga' ba/ /sku yi tha mar ston pa la las mthong / /bcings 
pa kun las rnam par grol ba de/ /la las khab nas 'byung bar rab tu mthong / /sngon gyi rgyal ba'i sangs rgyas spyod pa rnams/ /gzigs shing zhi ba der gzhol la las mthong / /la las byang chub snying po dam pa la/ /chos rnams thams cad mngon par sangs 
rgyas shing / /yon tan thams cad pha rol phyin pa dang / /mun pa rdul bstsal nyon mongs sbyangs pa mthong / /la las chos kyi 'khor lo skor ba yang / /thugs rje chen po brnyes pa de mthong ngo / /la las skye dgu tshad med rnam 'dul bar/ skyes bu'i dam pa de ni de 
bzhin mthong / /la las gzi brjid mtshungs pa med pa de/ /'jig rten thams cad zil gyis mnan mdzad de/ /rdzu 'phrul chags med bla med stobs mnga' ba/ /seng ge'i nga ro sgrog par de bzhin mthong / /la las rab tu zhi ba'i thugs mnga' ba/ /'jig rten sgron 
ma mya ngan 'das par mthong / /rnam par 'phrul pa de dag mthong nas kyang / /stobs bcu'i stobs mnga' de dag rab tu shes/ /de nas 'od zer de dag 'jig rten gyi khams de dag 'das te shar phyogs logs su 'jig rten gyi khams stong snang bar byas pa nas gzhung de 
bzhin du steng gi phyogs kyi 'jig rten gyi khams stong gi bar du snang bar byas te/ 'jig rten gyi khams re rer yang 'dzam bu'i gling bye ba phrag brgya bstan pa nas/ 'og min bye ba phrag brgya'i bar du bstan to/ /'jig rten gyi khams de dag gi khongs su gang ci yang </font><hr>35-1-195b<br><font size=+1>
rung ste gtogs par gyur pa de dag thams cad ril gyis bstan to/ /ji ltar bcom ldan 'das sangs rgyas kyi gdan la bzhugs par snang ba de bzhin du/ 'jig rten gyi khams re re'i gling bzhi pa bye ba phrag brgya kun na yang / de bzhin gshegs pa sangs 
rgyas kyi gdan la bzhugs par snang ngo / /thams cad du yang sangs rgyas kyi byin gyi rlabs kyis phyogs bcu nas byang chub sems dpa' bcu bcu 'ongs par gyur to/ /byang chub sems dpa' de dag thams cad kyang ming 'di zhes bya ba dag ste/ 'di ltar 'jam 
dpal zhes bya ba nas bzang po'i dpal gyi bar du'o/ /byang chub sems dpa' de dag thams cad kyang / 'jig rten gyi khams ming 'di zhes bya ba dag nas 'ongs pa dag ste/ 'di ltar gser gyi mdog ces bya ba nas 'dra ba'i mdog ces bya ba'i bar dag go /
byang chub sems dpa' de dag kyang thams cad de bzhin gshegs pa mtshan 'di zhes bya ba'i zham ring na tshangs pa'i spyad pa spyod pa dag ste/ 'di ltar rig byed mi g.yo ba zhes bya ba nas rig byed sna tshogs zhes bya ba'i bar dag go /byang chub sems dpa' de dag thams cad kyang 
re re zhing byang chub sems dpa' sangs rgyas kyi zhing bcu'i rdul shin tu phra ba snyed dang lhan cig tu phyin pa dag ste/ gcig ji lta ba de bzhin thams cad do/ /thams cad na yang byang chub sems dpa' 'jam dpal zhes bya ba sha stag don 'di nyid brjod de/ gcig 
na ji lta ba de bzhin thams cad na yang brjod do/ /de'i tshe tshigs su bcad pa 'di dag kyang so so nas smra bar gyur to/ /gang gis bde gshegs rnams kyi chos zab pa/ /zil gyis non pa brjod pa med pa rnams/ /gang la 'jig rten rtag tu myos 'gyur ba/
de dag thams cad rim gyis rab tu ston/ /gal te bdag gcig med du zin na ni/ /de yi spyod yul stong pa zhi ba'ang med/ /rang byung rdul rnams shin tu bstsal ba yi/ /bde gshegs rnams kyi sku yang ji ltar 'byung / /mkhyen dang rnam grol </font><hr>35-1-196a<br><font size=+1>
zhabs dang ldan pa rnams/ /mtshungs pa med la grangs kyang nam yang med/ de ni 'jig rten 'di na la la dag /rgyu la thogs pa med par 'dod phyir ro/ /gang la phung po med cing khams med de/ /skye mched dag dang skye zhing 'chi 
med pa/ /de yi grangs ni 'jig rten 'di brnyes pas/ /skyes bu seng ge rnams su rab tu brjod/ /nang dang phyi zhes bya bar gdags pa rnams/ /de dag rang bzhin dngos nyid stong pa ste/ /rtog pa med cing rnam rtog de bzhin med/ /gzhal du med pa'i chos 
nyid 'di 'dra'o/ /de dag la ni g.yo ba nam yang med/ /snyems shing ldeg dang sgrib pa gang yang med/ /'jig rten thams cad rjes su rab tu mkhyen/ /mtha' yas 'dul ba'i tshul ni 'di 'dra'o/ /zhi ba'i ting 'dzin spyod yul dgyes pa rnams/ /rtse 
gcig gnyis la spyod pa ma yin te/ /yid kyis bstsags pa'ang de bzhin gang yang med/ /'dir ni sangs rgyas rnam 'phrul mtha' yas pa'o/ /rgyu dang rkyen dang bya ba rnam dag dang / /las kyi rnam smin sems can spyod pa yis/ /rgyal ba rnams kyi ye shes 
mi ldog ste/ /bde gshegs chos 'di de ltar bsam mi khyab/ /phyogs rnams bcu na ji ltar 'khod pa yi/ /'jig rten rnam pa sna tshogs kun gzigs shing / /sems can tshad med yongs su 'grel mdzad kyang / /skyes bu'i dbang po de dag rtog mi 
mnga'/ /thams cad mkhyen pa nyid ni gser gyi mdog /de yang kun na rnam par kun tu gnas/ /de dag bsam pa ji 'dra ji bzhin du/ /thub pa rnams ni de ltar chos kyang ston/ /de nas 'od zer de dag 'jig rten gyi khams de dag nas 'das te/ 
shar phyogs logs su 'jig rten gyi khams stong phrag bcu snang bar byas so/ /gzhung de bzhin du steng gi phyogs su 'jig rten gyi khams stong phrag bcu snang bar byas so/ /'jig rten gyi khams re rer yang 'dzam bu'i gling bye ba phrag brgya bstan pa nas/</font><hr>35-1-196b<br><font size=+1>
'og min bye ba phrag brgya'i bar du bstan te/ 'jig rten gyi khams de dag gi khongs su gang ci'ang rung ste/ gtogs par gyur pa de dag thams cad ril gyis bstan to/ /ji ltar bcom ldan 'das sangs rgyas kyi gdan la bzhugs shing / byang chub 
sems dpa' sangs rgyas kyi zhing bcu'i rdul shin tu phra ba snyed dang thabs gcig par snang ba de bzhin du 'jig rten gyi khams re re dag gi gling bzhi pa bye ba phrag brgya kun na'ang de bzhin gshegs pa bye ba phrag brgya bzhugs par snang ste/ thams cad du yang sangs rgyas 
kyi byin gyi rlabs kyis phyogs bcu nas byang chub sems dpa' bcu bcu 'ongs par gyur to/ /byang chub sems dpa' de dag thams cad kyang ming 'di zhes bya ba dag ste/ 'di ltar 'jam dpal nas bzang po'i dpal zhes bya ba'i bar dag go /byang chub sems 
dpa' de dag thams cad kyang 'jig rten gyi khams ming 'di zhes bya ba dag nas 'ongs pa dag ste/ 'di ltar gser gyi mdog nas 'dra ba'i mdog gi bar dag go /byang chub sems dpa' de dag thams cad kyang de bzhin gshegs pa mtshan 'di zhes bya ba dag gi zham ring na tshangs 
pa'i spyad pa spyod pa dag ste/ 'di ltar rig byed mi g.yo ba nas/ rig byed sna tshogs zhes bya ba'i bar dag go /byang chub sems dpa' de dag thams cad re re zhing yang byang chub sems dpa' sangs rgyas kyi zhing bcu'i rdul shin tu phra ba snyed dang lhan cig tu phyin pa dag ste/ gcig 
ji lta ba de bzhin thams cad do/ /thams cad na yang byang chub sems dpa' 'jam dpal zhes bya ba sha stag don 'di nyid brjod de/ gcig na ji lta ba de bzhin thams cad na yang brjod do/ /de'i tshe tshigs su bcad pa 'di dag kyang so so nas smra bar gyur to/ /lha 
dang 'jig rten bcas pa zil mnan te/ /snying rje la ni gang zhig sems gtong zhing / /'gro ba thams cad bskyab par zhugs pa rnams/ /de dag las ni 'di 'drar 'gyur bar 'ong / /bde gshegs rnams la snying nas dad bskyed cing / /gang gi </font><hr>35-1-197a<br><font size=+1>
sems ni nam yang mi ldog par/ /sangs rgyas spyod pa yongs su mi gtong bar/ /de dag las ni 'di 'drar 'gyur bar 'ong / /gang rnams gang du'ang 'jug pa yongs med cing / /sangs rgyas yon tan rnams las mi ldog pa/ /
shin tu brtan pa blo gdung med pa rnams/ /de dag las ni 'di 'drar 'gyur bar 'ong / /gang rnams 'gro zhing 'dug dang 'chag pa'i tshe/ /nyin mtshan rgyun tu rjes su sems byed cing / /sangs rgyas bdag nyid che la sems spel ba/ /de dag las ni 'di 'drar 'gyur 
bar 'ong / /dus gsum thams cad rab tu gzhal byas kyang / /gang gi sems ni zhum par mi 'gyur zhing / /sangs rgyas yon tan rjes su slob mos pa/ /de dag las ni 'di 'drar 'gyur bar 'ong / /bdag gi rang bzhin yongs su gzhal byas shing / /thams 
cad ma lus zhi bar byed pa dang / /bdag dang bdag med 'dod chags bral ba'i sems/ /de dag las ni 'di 'drar 'gyur bar 'ong / /gzhan gyi bsam pa yongs su gzhal byas shing / /rtog dang rnam rtog thams cad rab spangs te/ /spyod pa 'di 'dra dag dang 
ldan gyur pa/ /de dag las ni 'di 'drar 'gyur bar 'ong / /gang rnams bsam gyis mi khyab zhing 'jal zhing / /sems can rgya mtsho yid kyis 'thung byed de/ /blo che rdzu 'phrul stobs dang ldan gyur pa/ /de dag las ni 'di 'drar 'gyur bar 'ong / /gang gis zhing rnams rnam par bsams pas na/ /gzugs dang gzugs med 'du shes yod med pa/ /thams cad grangs su nye bar 'gro ba ni/ /de dag las ni 'di 'drar 'gyur bar 'ong / /gang rnams zhing ni rdul du gzhig byas shing / /thams cad phyogs su bkang zhing 
bgrang byas te/ /de dag nang du rgyal ba 'dzud byed pa/ /de dag las ni 'di 'drar 'gyur bar 'ong / /de nas 'od zer de dag 'jig rten gyi khams de dag 'das nas shar phyogs su 'jig rten gyi khams stong phrag brgya snang bar byas pa nas/ steng gi phyogs kyi </font><hr>35-1-197b<br><font size=+1>
'jig rten gyi khams stong phrag brgya'i bar du snang bar byas so/ /'jig rten gyi khams re rer yang 'dzam bu'i gling bye ba phrag brgya bstan pa nas/ 'og min bye ba phrag brgya'i bar du bstan te/ 'jig rten gyi khams de dag gi khongs su gang ci 'ang rung ste gtogs par 
gyur pa de dag thams cad ril gyis bstan to/ /ji ltar bcom ldan 'das sangs rgyas kyi gdan la bzhugs shing / byang chub sems dpa' sangs rgyas kyi zhing bcu'i rdul shin tu phra ba snyed dang thabs gcig par snang ba de bzhin du/ 'jig rten gyi khams re re'i 
gling bzhi pa bye ba phrag brgya dag na yang de bzhin gshegs pa bye ba phrag brgya dag sangs rgyas kyi gdan la bzhugs par snang ste/ thams cad du yang sangs rgyas kyi byin gyi rlabs kyis phyogs bcu nas byang chub sems dpa' bcu bcu 'ongs par gyur to/ /byang chub 
sems dpa' de dag thams cad kyang ming 'di zhes bya ba dag ste/ 'di ltar 'jam dpal zhes bya ba nas bzang po'i dpal gyi bar dag go /byang chub sems dpa' de dag thams cad kyang 'jig rten gyi khams ming 'di zhes bya ba dag nas 'ongs pa dag ste/ 'di ltar 
gser gyi mdog ces bya ba nas 'dra ba'i mdog ces bya ba'i bar dag go /byang chub sems dpa' de dag thams cad kyang / /de bzhin gshegs pa mtshan 'di zhes bya ba dag gi zham ring na tshangs pa'i spyad pa spyod pa dag ste/ 'di ltar rig byed mi g.yo ba zhes 
bya ba nas rig byed sna tshogs shes bya ba'i bar dag go /byang chub sems dpa' de dag thams cad kyang byang chub sems dpa' re re zhing byang chub sems dpa' sangs rgyas kyi zhing bcu'i rdul shin tu phra ba snyed dang lhan cig tu phyin pa dag ste/ gcig ji lta ba de bzhin thams 
cad do/ /thams cad na yang byang chub sems dpa' 'jam dpal zhes bya ba sha stag don 'di nyid brjod de/ gcig na ji lta ba de bzhin thams cad na yang brjod do/ /de'i tshe tshigs su bcad pa 'di dag kyang so so nas smra bar gyur to/ /mi 'dul kha lo sgyur ba mthu </font><hr>35-1-198a<br><font size=+1>
chen la/ /gang dag kha dog rigs kyis blta 'dod pa/ /mig nyams log par lta bar gyur pa ste/ /de dag rgyal ba'i chos nyid mi shes so/ /de bzhin gshegs pa'i kha dog dbyibs dag ni/ /'jig rten kun na'ang shes par 
nus pa med/ /gang gis bskal pa bye bar bsam byas kyang / /mthu chen rnams kyi kha dog mtha' med do/ /de bzhin gshegs la mtshan nyid mi mnga' ste/ /chos rnams thams cad mtshan nyid med cing dben/ /yan lag kun ldan blta na mnyam med pa/ /bsam 
pa ji bzhin kun na rab tu snang / /sangs rgyas chos rnams gzhal du yod pa min/ /gang rnams ci yang 'di yi tshul bshad de/ /ldan pa ma yin mi ldan ma yin pas/ /sangs rgyas chos rnams rang bzhin rab tu dben/ /de bzhin gshegs pa phung po 
'jig pa med/ /'byung dang 'jig par spro bar mi mdzad de/ /mnga' brnyes mnga' bsgyur rnam par gdon mi za/ /brjod du med par bstan pa rnam par spyod/ /lus dang sems kyang mnyam par rab gyur cing / /nang dang phyi yis rnam par dben pas na/ /gnyis 
po bgrang du mi rung shes pa rnams/ /chags med bcings med bde bar gshegs par 'gyur/ /gya nom snang zhing thugs gsal 'od mdzad pa/ /spyod yul yongs dag kun tu snang gyur te/ /thams cad mkhyen pa kun gzigs kun na bzhugs/ /skye dgu'i 
don kyang rgya chen yangs pa mdzad/ /gcig tu gyur cing mang por rab tu gyur/ /mang por gyur cing gcig tu de bzhin 'gyur/ /'gro ba'i khams ni du mar thugs chud cing / /thams cad tshul dang 'dra bar rab tu 'gyur/ /sku med de la chags pa gang yang med/ /
byon pa med cing bstsags pa yod min yang / /kha dog mtha' yas rnam par dgod byas shing / /'gro ba sna tshogs lus su de dag snang / /'jig rten thams cad sems kyis brtags pa yin/ /sems ni rtog pa nam yang ma yin te/ /bde gshegs ye shes </font><hr>35-1-198b<br><font size=+1>
de 'dra'i rang bzhin no/ /de phyir rgyal ba'i sku ni 'di 'drar snang / /de nas 'od zer de dag 'jig rten gyi khams de dag nas 'das te/ shar phyogs logs su 'jig rten gyi khams brgya stong phrag bcur snang bar byas nas gzhung de bzhin du steng gi phyogs kyi 'jig rten gyi 
khams brgya stong phrag bcu'i bar du snang bar byas te/ 'jig rten gyi khams re rer yang 'dzam bu'i gling bye ba phrag brgya bstan pa nas/ 'og min bye ba phrag brgya'i bar du bstan to/ /'jig rten gyi khams de dag gi khongs su gang ci yang rung ste/ gtogs par gyur pa de 
dag thams cad ril gyis bstan to/ /ji ltar bcom ldan 'das sangs rgyas kyi gdan la bzhugs shing / byang chub sems dpa' sangs rgyas kyi zhing bcu'i rdul shin tu phra ba snyed dang thabs gcig par snang ba de bzhin du 'jig rten gyi khams re re'i gling bzhi pa bye ba 
phrag brgya dag na yang / de bzhin gshegs pa bye ba phrag brgya dag sangs rgyas kyi gdan la bzhugs par snang ste thams cad du yang sangs rgyas kyi byin gyi rlabs kyis phyogs bcu nas byang chub sems dpa' bcu bcu 'ongs par gyur to/ /byang chub sems dpa' de dag 
thams cad kyang ming 'di zhes bya ba dag ste/ 'di ltar 'jam dpal zhes bya ba nas bzang po'i dpal gyi bar dag go /byang chub sems dpa' de dag thams cad kyang 'jig rten gyi khams ming 'di zhes bya ba dag nas 'ongs pa dag ste/ 'di ltar gser gyi mdog 
ces bya ba nas 'dra ba'i mdog ces bya ba'i bar dag go /byang chub sems dpa' de dag thams cad kyang de bzhin gshegs pa mtshan 'di zhes bya ba dag gi zham ring na tshang pa'i spyad pa spyod pa dag ste/ 'di ltar rig byed mi g.yo ba zhes bya ba nas rig byed sna tshogs 
shes bya ba'i bar dag go /byang chub sems dpa' de dag thams cad kyang byang chub sems dpa' re re zhing byang chub sems dpa' sangs rgyas kyi zhing bcu'i rdul shin tu phra ba snyed dang lhan cig tu phyin pa dag ste/ gcig ji lta ba de bzhin thams cad do/ /thams cad na yang </font><hr>35-1-199a<br><font size=+1>
byang chub sems dpa' 'jam dpal zhes bya ba sha stag don 'di nyid brjod de/ gcig na ji lta ba de bzhin thams cad na yang brjod do/ /de'i tshe tshigs su bcad pa 'di dag kyang so so nas smra bar gyur to/ /'jig rten rang byung de las 
mchog med pa/ /mi gnas dam pa phul dang mchog gi rnams/ /drang srong chen po srid pa'i rgyud 'grel ba/ /yon tan kun ldan rnam dag 'di yin no/ /'du 'dzi med cing chags pa mi mnga' la/ /'du shes dngos med gnas pa med pa rnams/ /phun 
sum dge ldan smad pa mi mnga' ba/ /mgon po rnams kyi chos nyid thub par dka'/ /shin tu 'od snang dag par gyur pa rnams/ /brgal du glags med rnyog pa med pa'i rnams/ /g.yo med mtha' ma rnam par spangs pa yi/ /bde gshegs 
rnams kyi ye shes tshul 'di yin/ /lus dang sems la rnam par rtog med cing / /bde gshegs chos la gang zhig 'jug 'gyur ba/ /de dag chos rnams kun gyi rang bzhin la/ /nam yang nem nur dbang du mi 'gro ba/ /'jig rten dag na dmyigs 
pa gang yod pa/ /de dag kun la bstan pa'i chos 'jug ste/ /gang dag phyir rgol med pas bstan mdzad kyang / /rang bzhin ldog par 'gyur ba gang yang med/ /dngos po rab shes las rnams yod min par/ /the tsom thams cad rnam par 
spangs byas te/ /sangs rgyas byang chub rab tu rtogs pa'i tshe/ /sems la rnam par 'byed pa nam yang med/ /mi shes chos rnams rnam par phye ba dag /byung med tshig gi lam gyis rab brjod pa/ /sangs rgyas gsung gi rjes su 'brang 
byas na/ /gcig kyang ma yin mang po'ang ma yin no/ /mang dang gcig pa nam yang yod min te/ /mang po rnams la gcig pa yod med do/ /mang dang gcig pa rnam par bsgom byas na/ /sangs rgyas yon tan mtha' yas shes par </font><hr>35-1-199b<br><font size=+1>
'gyur/ /'jig rten kun tu sems can zhing rnams dang / /shin tu zhi ba'i chos rnams rnam bltas te/ /mi gnas sems la rtog pa myed pa yis/ /dran ldan sangs rgyas byang chub thob par 'gyur/ /sems can chos dang de bzhin zhing gi rnams/ /de dag 
rang bzhin ji bzhin brtag byas na/ /gcig dang tha dad gyur pa ma yin te/ /de ltar sangs rgyas tshul 'di shes pa yin/ /de nas 'od zer de dag 'jig rten gyi khams de dag nas 'das te/ shar phyogs logs su 'jig rten gyi khams bye ba snang bar byas pa 
nas steng gi phyogs kyi 'jig rten gyi khams bye ba'i bar du snang bar byas te/ 'jig rten gyi khams re rer yang 'dzam bu'i gling bye ba phrag brgya bstan pa nas 'og min bye ba phrag brgya'i bar du bstan to/ /'jig rten gyi khams de dag gi khongs su gang ci yang rung ste/ 
gtogs par gyur pa de dag thams cad ril gyis bstan to/ /ji ltar bcom ldan 'das sangs rgyas kyi gdan la bzhugs shing / byang chub sems dpa' sangs rgyas kyi zhing bcu'i rdul shin tu phra ba snyed dang thabs gcig par snang ba de bzhin du 'jig rten gyi khams re re'i 
gling bzhi pa bye ba phrag brgya kun na yang / de bzhin gshegs pa bye ba phrag brgya dag sangs rgyas kyi gdan la bzhugs par snang ngo / /thams cad du yang sangs rgyas kyi byin gyi rlabs kyis phyogs bcu nas byang chub sems dpa' bcu bcu 'ongs par gyur to/ /byang 
chub sems dpa' de dag kyang ming 'di zhes bya ba dag ste/ 'di ltar 'jam dpal zhes bya ba nas bzang po'i dpal gyi bar dag go /byang chub sems dpa' de dag thams cad kyang 'jig rten gyi khams ming 'di zhes bya ba dag nas 'ongs pa dag ste/ 'di ltar gser gyi 
mdog ces bya ba nas 'dra ba'i mdog ces bya ba'i bar dag go /byang chub sems dpa' de dag thams cad kyang / de bzhin gshegs pa mtshan 'di zhes bya ba dag gi zham ring na tshangs pa'i spyad pa spyod pa dag ste/ 'di ltar rig byed mi g.yo ba zhes bya ba nas rig byed </font><hr>35-1-200a<br><font size=+1>
sna tshogs shes bya ba'i bar dag go /byang chub sems dpa' de dag thams cad kyang byang chub sems dpa' re re zhing byang chub sems dpa' sangs rgyas kyi zhing bcu'i rdul shin tu phra ba snyed dang lhan cig tu phyin pa dag ste/ gcig ji lta ba de bzhin 
thams cad do/ /thams cad na yang byang chub sems dpa' 'jam dpal zhes bya ba sha stag don 'di nyid brjod de/ gcig na ji lta ba de bzhin thams cad na'ang brjod do/ /de'i tshe tshigs su bcad pa 'di dag kyang so so nas smra bar gyur to/ /shes rab dpag med chos 
rnams mtha' yas pa/ /srid pa rgya mtsho'i pha rol phyin pa dag /tshe ring nad med mnyam med mtshungs med 'od/ /yon tan che mnga' 'di dag sbyor 'di'o/ /gang gis sangs rgyas chos rnams dngos rtogs shing / /dus gsum kun tu brtags kyang mi ngoms te/
dmigs pa shes byed rnam par mi rtog pa/ /bsam yas mos pa de dag sbyor 'di yin/ /sems can yul mos sems can 'du shes med/ /'jig tshogs chos shes lam gyi rgyud dang bral/ /bsam gtan nang dang sems la bcings pa med/ /chags med 
yid ldan de dag sbyor 'di yin/ /rtog mkhas rab tu rtogs pa'i chos can rnams/ /mya ngan 'das spyod rigs la brtson pa dag /thar pa'i lam brtson mnyam pa nyid ldan pa/ /zhi ba thob pa de dag sbyor 'di'o/ /ded dpon rjes song sangs rgyas byang chub mchog /thams 
cad mkhyen pa chos dbyings bzhin rtogs shing / /bde 'jug mkhas pas sems can rnams 'don pa/ /bde gshegs bsam can de dag sbyor 'di'o/ /sangs rgyas don tshig rjes su shes bya zhing / /chags med blo yangs rtogs shing bsam gtan byed/ /kun 
tu 'gro bar song las rtsol spyod pa/ /rang byung spyod pa de dag sbyor 'di'o/ /nam mkha'i dbyings dang sprul pa yid ldan rnams/ /gnas dang rang bzhin mtshan nyid shes pa dag /mya ngan 'das rigs spyod pa mkha' 'dra rnams/ /thob dka' thob pa </font><hr>35-1-200b<br><font size=+1>
rnams kyi sbyor 'di'o/ /zla ba zla phyed nyin dang nub bgrang zhing / /lo dang bskal pa'i rang bzhin su sems pa/ /'jig rten 'du zhing 'jig par 'gyur ba dang / /grangs tshul sus rtogs de dag sbyor 'di'o/ /zhing gi sems can ji snyed skye 'chi ba/ /gzugs 
dang gzugs med 'du shes 'du shes med/ /de dag ming dang gnas pa rtogs shes pa/ /bsam gyis mi khyab rtogs pa'i sbyor 'di'o/ /'das pa'i dus dang ma 'ongs da ltar la/ /ngag gis lam gyis gang na rtogs byed cing / /dus gsum rang bzhin ji bzhin 
rtogs gyur pa/ /mnyam med de dag sbyor ba 'di yin no/ /de nas 'od zer de dag 'jig rten gyi khams de dag nas 'das te/ shar phyogs logs su 'jig rten gyi khams bye ba phrag bcu snang bar byas pa nas/ steng gi phyogs su 'jig rten gyi khams bye ba phrag 
bcu'i bar du snang bar byas nas/ 'jig rten gyi khams re rer yang 'dzam bu'i gling bye ba phrag brgya bstan pa nas/ 'og min bye ba phrag brgya'i bar du bstan to/ /'jig rten gyi khams de dag gi khongs su gang ci yang rung ste/ gtogs par gyur pa de dag 
thams cad ril gyis bstan to/ /ji ltar bcom ldan 'das sangs rgyas kyi gdan la bzhugs shing byang chub sems dpa' sangs rgyas kyi zhing bcu'i rdul shin tu phra ba snyed dang thabs gcig par snang ba de bzhin du/ 'jig rten gyi khams re re'i gling bzhi pa bye ba phrag brgya 
dag kun na yang de bzhin gshegs pa bye ba phrag brgya dag sangs rgyas kyi gdan la bzhugs par snang ngo / /thams cad du yang sangs rgyas kyi byin gyi rlabs kyis phyogs bcu nas byang chub sems dpa' bcu bcu 'ongs par gyur to/ /byang chub sems dpa' de dag 
thams cad kyang ming 'di zhes bya ba dag ste/ 'di ltar 'jam dpal zhes bya ba nas bzang po'i dpal gyi bar dag go /byang chub sems dpa' de dag thams cad kyang 'jig rten gyi khams ming 'di zhes bya ba dag nas 'ongs pa dag ste/ 'di ltar 'jig rten gyi khams </font><hr>35-1-201a<br><font size=+1>
gser gyi mdog ces bya ba nas 'dra ba'i mdog ces bya ba'i bar dag go /byang chub sems dpa' de dag thams cad kyang de bzhin gshegs pa mtshan 'di zhes bya ba dag gi zham ring na tshangs pa'i spyad pa spyod pa dag ste/ 'di ltar rig byed mi 
g.yo ba zhes bya ba nas rig byed sna tshogs shes bya ba'i bar dag go /byang chub sems dpa' de dag thams cad kyang / byang chub sems dpa' re re zhing byang chub sems dpa' sangs rgyas kyi zhing bcu'i rdul shin tu phra ba snyed dang / lhan cig tu phyin pa dag ste/ gcig ji lta ba de 
bzhin thams cad do/ /thams cad na yang byang chub sems dpa' 'jam dpal zhes bya ba sha stag don 'di nyid brjod de/ gcig na ji lta ba de bzhin thams cad na yang brjod do/ /de'i tshe tshigs su bcad pa 'di dag kyang so so nas smra bar gyur to/ /'das dus gang gis 
bsgrub dka'i brtul zhugs che brtsams shing / /nam yang zhum pa'i sems su gtong bar mi byed de/ /brgal dka' rgal te bdag gis sems can kun gdul zhes/ /seng ge'i sgra sgrog de dag spyod yul 'di yin no/ /gang zhig 'dod dang sred pa 'byung zhing 
'jug pa dang / /ma rig gzhol ba gti mug mun bsgribs 'jig rten rnams/ /sems can rang bzhin bdag med brtan pa bzod par 'gyur/ /bdag kyang 'jig rten mgon 'gyur zhes pa de yul 'di/ /'jig rten sems can mang po 'dod dregs 'dam bying ba/
med pa'i chos la rtog pas sdug bsngal mthong gyur nas/ /sangs rgyas spyod yul chos la bag yod gang spyod cing / /bdag gis sems can kun bsgral de dag spyod yul 'di/ /sngon mtha' shes dka' tshad med brtan pas mthong gyur cing / /bdag rten sems 
can pha rol mtha' yas 'khor gyur pa/ /de dag rgyal bas theg pa zhi ba mchog la bkod/ /bdag gis de 'dra'i chos bstan de yi spyod yul lo/ /sems can khams rnams mgon med nad kyis gzir gyur cing / /ngan song gzhol ba 'dod chags zhe sdang </font><hr>35-1-201b<br><font size=+1>
gti mug gdungs/ /me lce 'bar phung 'jigs gzugs mi bzad bsregs gyur pa/ /mthong nas sgrol phyir zhugs pa de dag spyod yul 'di'o/ /lam gol lam ma yin pa'i rkyen la spyod gyur cing / /mun pa chen por rtol bar dka' rnyed 'gro mthong nas/ /
snang ba chen po bskyed de sangs rgyas chos ston ces/ /'di skad tshig brjod de dag spyod yul 'di yin no/ /srid pa'i mtshos g.yengs sems can rab tu mang ba dag /mtha' mi mthong zhing skyabs med do zhes mi dga' ba/ /mthong nas brtson 'grus stobs bskyed 
chos kyi gru sbyar cing / /pha rol su 'gro zhes brjod de dag spyod yul 'di'o/ /sems can rtsa ba med la gnas pa mi mkhas kun/ /g.yang sa chen por ltung zhing sems nyams rmongs mthong nas/ /snying rjes chos kyi zam la mkhas pa su 'god cing / /dran 
par gyis shes su smra de dag spyod yul 'di'o/ /shin tu dog pa'i btson rar sdug bsngal sems can rnams/ /nad dang rga bas gzir cing mtshams kyis mnar ba dag /mthong nas bdag gis thabs kyi chos rnams kun brtsams te/ /sems can kun dgrol 
sems pa de dag spyod yul 'di'o/ /sangs rgyas chos rnams thams cad thos gyur the tsom med/ /chos dbyings spyod yul phyogs bcu kun tu rgyas bkang ste/ /'di dag thams cad brtags na gsog kyang mi 'jigs shing / /sems can kun la snyoms byed de 
yi spyod yul lo/ /de nas 'od zer de dag 'jig rten gyi khams de dag nas 'das te/ shar phyogs logs su 'jig rten gyi khams bye ba phrag brgya snang bar byas so/ /'jig rten gyi khams bye ba stong snang bar byas so/ /'jig rten gyi khams bye ba brgya phrag stong snang bar byas so/ /'jig 
rten gyi khams bye ba khrag khrig snang bar byas so/ /'jig rten gyi khams bye ba khrag khrig brgya snang bar byas so/ /'jig rten gyi khams bye ba khrag khrig stong snang bar byas so/ /'jig rten gyi khams bye ba khrag khrig brgya phrag stong snang bar byas so/ /'jig rten </font><hr>35-1-202a<br><font size=+1>
gyi khams tshad med pa snang bar byas so/ /'jig rten gyi khams gzhal du med pa snang bar byas so/ /'jig rten gyi khams grangs med pa snang bar byas so/ /de bzhin du/ 'jig rten gyi khams bsam gyis mi khyab pa 
mtshungs pa med pa kun tu mtha' yas pa/ mu med pa sa mtshams med pa dpag tu med pa brjod du med pa dag kyang snang bar byas so/ /'jig rten gyi khams chos kyi dbyings kyis klas pa nam mkha'i mthas gtugs pa thams cad kyang snang bar byas so/ /gzhung de 
bzhin du lho phyogs dang / de bzhin du nub phyogs dang / de bzhin du byang phyogs dang / de bzhin du byang shar gyi phyogs mtshams dang / de bzhin du shar lho'i phyogs mtshams dang / de bzhin du lho nub kyi phyogs mtshams dang / de bzhin du nub byang gi phyogs 
mtshams dang / de bzhin du 'og gi phyogs nas steng gi phyogs kyi bar du 'jig rten gyi khams bye ba snang bar byas so/ /'jig rten gyi khams bye ba brgya snang bar byas so/ /'jig rten gyi khams bye ba stong snang bar byas pa nas/ nam mkha'i mthas gtugs pa'i 
bar gyi 'jig rten gyi khams thams cad kyang snang bar byas so/ /de ltar phyogs bcu'i 'jig rten gyi khams shin tu rgyas par byas pa nas/ chos kyi dbyings ma lus pa thams cad kyang snang bar byas so/ /'jig rten gyi khams re rer yang 'dzam bu'i gling bye ba phrag brgya bstan pa nas/ 
gzhung de bzhin du 'og min bye ba phrag brgya'i bar du bstan to/ /'jig rten gyi khams de dag gi khongs su gang ci yang rung ste gtogs par gyur pa de dag thams cad kyang ril gyis bstan to/ /ji ltar bcom ldan 'das sangs rgyas kyi gdan la bzhugs shing / 
byang chub sems dpa' sangs rgyas kyi zhing bcu'i rdul shin tu phra ba snyed dang thabs gcig par snang ba de bzhin du 'jig rten gyi khams re re'i gling bzhi pa bye ba phrag brgya kun na yang / de bzhin gshegs pa bye ba phrag brgya dag sangs rgyas kyi gdan la bzhugs par snang ngo /</font><hr>35-1-202b<br><font size=+1>
thams cad du yang sangs rgyas kyi byin gyi rlabs kyis phyogs bcu nas byang chub sems dpa' bcu bcu 'ongs par gyur to/ /byang chub sems dpa' de dag thams cad kyang ming 'di zhes bya ba dag ste/ 'di ltar 'jam dpal zhes bya ba nas bzang po'i dpal gyi bar 
dag go /byang chub sems dpa' de dag thams cad kyang 'jig rten gyi khams ming 'di zhes bya ba dag nas 'ongs pa dag ste/ 'di ltar gser gyi mdog ces bya ba nas 'dra ba'i mdog ces bya ba'i bar dag go /byang chub sems dpa' de dag thams cad kyang de bzhin gshegs pa 
mtshan 'di zhes bya ba dag gi zham ring na tshangs pa'i spyod pa spyad pa dag ste/ 'di ltar rig byed mi g.yo ba zhes bya ba nas/ rig byed sna tshogs shes bya ba'i bar dag go /byang chub sems dpa' de dag thams cad kyang / byang chub sems dpa' re re zhing 
byang chub sems dpa' sangs rgyas kyi zhing bcu'i rdul shin tu phra ba snyed dang lhan cig tu phyin pa dag ste/ gcig ji lta ba de bzhin thams cad do/ /thams cad na yang byang chub sems dpa' 'jam dpal zhes bya ba sha stag don 'di nyid brjod de/ gcig na ji 
lta ba de bzhin thams cad na yang brjod do/ /de'i tshe tshigs su bcad pa 'di dag kyang so so nas smra bar gyur to/ /bskal pa gzhal yas bsam gyis mi khyab sems kyi skad cig la/ gang gis mthong yang bstsags med 'gro dang dngos po'i tshul med pa'i/ /lam 
du 'jug pa de ni thams cad kun gyis shes 'gyur te/ /stobs bcus tshul 'di ji ltar mkhyen bzhin 'jigs med sangs rgyas 'gyur/ /grags pa snyan par phyogs rnams kun tu mtshungs med grags gyur cing / /bgegs rnams kun las 'das te chos nyid 
'di la dgar spyad de/ /tshad med thams cad so sor zhi zhing don rnams kun rtogs pas/ /de phyir phyogs rnams kun bkang bde gshegs chos nyid 'di ston to/ /dgongs pa ji bzhin de ni spyod pa'i 'bras bu 'thun pa ste/ /'jig rten don 'gyur de bzhin gshegs </font><hr>35-1-203a<br><font size=+1>
la mchod pa yongs byas shing / /de dag thams cad so sor 'thun par ye shes rnams bsgoms pas/ /sems can dam pa sangs rgyas rnam 'phrul 'di 'drar phyogs bcur ston/ /thog mar nyan 'dod bla ma bsnyen bkur bzod pa des 
byas shing / /rang bzhin med pa'i chos la rab rtogs bsam gtan bsnyen byed pa/ /bde gshegs nyid ni rtogs 'gyur 'gro ba rnam sgom sems tshim byed/ /chos nyid de 'dra spyad pa myur du bde gshegs thob par 'gyur/ /snying nas 'dri zhing phyogs rnams 
rgyas byed rtse gcig thob byed cing / /rgyal ba'i yon tan mos las mi zlog spyod pas tshim byed pa/ /dngos dang dngos med thams cad shes byas spangs shing dngos zad pa/ /sangs rgyas bdag med dpe med mthong ba de dag lus 'di yin/ /bzang po'i spyod yul can 
gyi sems kyi phyogs rnams kun bkang zhing / /zhing rnams thams cad chos kyi gter gyis khyab byas tshim byed pa/ /ji bzhin chos gnas chos nyid mtha' la the tsom med pa'i rnams/ /stobs bcu ci 'dra de bzhin gyur pa'i lus ni 'di dag go /bcom 
ldan 'das kyis chos gang sgra brjod de la 'jug byed cing / /chos kyi 'khor lo ji bzhin blta dka' gzhal yas rtag bskor ba/ /de bzhin gshegs pas gsungs pa'i gsung kun byang chub yan lag rtogs/ /de ltar 'jug pas rtag tu 
sangs rgyas sku rab 'di dag mthong / /mthong yang mig gi rnam shes tshul du rdul med mthong ba med/ /rnam shes sgyu ma bzhin pas mig stong stobs bcu mi mthong ngo / /'du shes thams cad rnam rtog yin gyi sangs rgyas mthong ba min/ /shin tu chags med 
yul med de ni rgyal ba mthong ba yin/ /sems can las mang bstsags pa de dag shin tu blta dka' ste/ /nang dang phyi dang dbyibs dang mdog tu phyogs bcu kun na med/ /de bzhin rang byung sku ni gzhal yas phyogs rnams kun 'gengs pa/ /shes par dka' ba 'dren </font><hr>35-1-203b<br><font size=+1>
pa chen po sgrib pa med pas brnyes/ /nam mkha' dag la zhing rnams bye ba dngos por gnas par snang / /de nas 'ong ba med cing phyogs bcu kun tu 'gro ba med/ /gcig cing gnas par 'gyur yang de dag ci la'ang gnas pa med/ /de bzhin rang byung rnams kyi sku ni mkha' dbyings 
rtag tu 'gengs/ /de bzhin gshegs pa'i 'od zer las rnam par sangs rgyas pa/ le'u bcu bzhi pa'o// //sangs rgyas rmad ga cad ces bya ba shin tu rgyas pa chen po'i mdo/ /bam po bcu bdun pa/ de nas byang chub sems dpa' 'jam dpal 
gyis/ byang chub sems dpa' sangs rgyas dpal la 'di skad ces smras so/ /kye rgyal ba'i sras dag rang bzhin gcig pa'i sems la bye brag tha dad pa'i rnam pa 'di lta bu dag 'di lta ste/bde 'gror 'gro ba dang / ngan song du 'gro ba dang / dbang po tshang ba dang 
dbang po ma tshang ba dang / skye ba 'thun pa dang / skye ba mi 'thun pa dang / sdug pa dang / mi sdug pa dang / bde ba myong ba dang / sdug bsngal myong ba snang ba dag la ltos/ las kyis ni sems mi shes so/ /sems kyis ni las mi shes so/ /tshor bas 
ni rnam par smyin pa mi shes so/ /rnam par smin pas ni tshor ba mi shes so/ /sems kyis ni tshor ba mi shes so/ /tshor bas ni sems mi shes so/ /rgyus ni rkyen mi shes so/ /rkyen kyis ni rgyu mi shes so/ /dngos pos ni dmigs pa mi shes so/ /
dmigs pas ni dngos po mi shes so/ /de nas byang chub sems dpa' sangs rgyas dpal gyis/ byang chub sems dpa' 'jam dpal la tshigs su bcad de smras pa/ /sems can bstan par bya ba'i phyir/ /gang 'di yongs su dri ba dang / /chos 
rnams chos nyid ci 'dra ba/ /'jam dpal bdag las mnyan par gyis/ /chos rnams 'di dag g.yo ba med/ /shin tu dngos po med pa ste/ /de phyir gzhan gyis gzhan dag gi /ngo bo nyid kyang mi shes so/ /ji ltar chu klung rgyud kyi rnams/ /</font><hr>35-1-204a<br><font size=+1>
gzhan dang gzhan du 'grogs rgyu yang / /gcig gis gcig ni mi shes te/ /chos kyi chos nyid de bzhin no/ /ji ltar 'bar ba'i mtshan ma can/ /'od 'phro gzhan dang gzhan 'grogs kyang / /gcig gis 
gcig ni mi shes te/ /chos kyi chos nyid de bzhin no/ /ji ltar rlung ni sten tshul gyis/ /gzhan dang gzhan gyi bar du rgyu/ /gcig gis gcig ni mi shes te/ /chos kyi chos nyid de bzhin no/ /ji ltar sa yi khams kyi rnams/ /
gcig la gcig ni gnas gyur kyang / /gcig gis gcig ni mi shes te/ /chos kyi chos nyid de bzhin no/ /mig dang rna ba sna dag dang / /lce dang lus dang yid kyi rnams/ /'di dag lam ni rgyu 'khod kyang / /byed pa po ni gang yang med/ /'byung ba'i rang bzhin 
med pa yis/ /'byung ba nye bar bstan byas kyang / /bstan par byas pa gang yang med/ /bstan pa la ni dngos po med/ /mig ni rang bzhin nyid kyis stong / /rna ba sna yang rang bzhin gyis/ /lce dang lus dang yid rnams kyang / /med de yongs su brtags pa yin/ /gang 
zhig rang bzhin dngos med par/ /tshul bzhin rab tu rtogs byed pa/ /de yi mig la 'khrul pa med/ /chos mig bsam gyis mi khyab po/ /yang dag pa dang yang dag min/ /bden nam 'on te rdzun yang rung / /'jig rten 'das dang 'jig rten kun/ /tshig gi las 
kyis brjod pa'o/ /de nas byang chub sems dpa' 'jam dpal gyis byang chub sems dpa' nor dpal la 'di skad ces smras so/ /kye rgyal ba'i sras dag sems can thams cad sems can med mod kyi 'on kyang de bzhin gshegs pa ni sems can 'dul ba'i dus la ji ltar 
'bab pa dang / sems can gyi tshe ji lta ba dang lus ji lta ba dang spyod pa ji lta ba dang / mos pa ji lta ba dang mtshan ma ji lta ba dang bsam pa ji lta ba dang sbyor ba ji lta ba dang sems ji lta ba dang / spyod pa ji lta ba bzhin du sems can rnams kyis sems can gdul ba'i phyir mthong ngo / /de nas byang chub </font><hr>35-1-204b<br><font size=+1>
sems dpa' nor dpal gyis/ byang chub sems dpa' 'jam dpal la tshigs su bcad de smras pa/ /gang rnams rab tu zhi spyod cing / thos dang ldan pa'i sa 'di yin/ /'di don ji 'dra de bzhin du/ /'jam dpal bdag las mnyan par gyis/ /bdag gi 
lus la su gnas zhes/ /gang gi nang ni rab shes pa/ /yang dag yod dam med pa'i don/ /des ni rab tu shes pa yin/ /lus kyi rnam par dgod pa ni/ /phyogs na mi gnas brjod pa yin/ /de bas shes pa de gnas la/ /nam yang chags par mi byed 
do/ /lus ni rnam par spyad pa yis/ /dngos po kun kyang rnam par bsgoms/ /sems ni phyir ldog mi 'gyur te/ /dngos po kun nas brtags pa'o/ /gang gi tshe ni rjes su 'brang / /gang gi tshe ni phyir ldog 'gyur/ /ji ltar mgal me 'khor lo yi/ /
thog ma tha ma bskor ba bzhin/ /dngos po thams cad mi rtag par/ /skye bo gang rnams rtogs pa yang / /lus la bdag kyang med pa'i phyir/ /'du shes phyir yang ldog par 'gyur/ /bdag med rmi lam lta bu yi/ /las ni kun tu rab tu 'byung / /rnam par 
smin pas rab tu 'byung / /phyi ma ji bzhin sngon de bzhin/ /sems ni dbang byed yin par bshad/ /dad pa'i tshul ni ji bzhin du/ /tshul bzhin ma yin phyin ci log /'jig rten thams cad ston par byed/ /ji snyed 'jig rten brda yod pa/ /de dag thams 
cad brtags pa ste/ /chos nyid de ni nam du yang / /chos gcig la yang mi gnas so/ /rkyen rnams la ni rten bcas te/ /chos rnams so sor rab tu 'byung / /phyi ma ji bzhin sngon de bzhin/ /de dag ldog par de bzhin 'gyur/ /de nas byang chub sems dpa' 'jam dpal gyis byang chub 
sems dpa' rin chen dpal la 'di skad ces smras so/ /kye rgyal ba'i sras dag sems can thams cad kyi 'byung ba chen po bzhi rnams yongs su 'dzin pa med cing bdag gi med la mnyam pa yin yang / 'on kyang bde ba'i tshor ba dag kyang snang / sdug bsngal gyi tshor ba dag kyang snang /</font><hr>35-1-205a<br><font size=+1>
yid du 'ong bar byed pa dang / yid du mi 'ong bar byed pa dang / nang du byed pa dang phyi rol du byed pa dang / tshor ba chung ba dang / tshor ba che ba dang / tshe 'di la myong ba dang / tshe gzhan la myong ba dag kyang snang la/ chos kyi dbyings la ni yid 
du 'ong ba'am/ yid du mi 'ong ba yang med pa 'di ci zhig /de nas byang chub sems dpa' rin chen dpal gyis byang chub sems dpa' 'jam dpal la tshigs su bcad de smras pa/ /ji ltar las rnams byas gyur pa/ /tshor ba de bzhin 'byung 'gyur gyis/ /
'di la byed pa gang yang med/ /'di ni sangs rgyas bstan pa'o/ /shin tu phyis pa'i me long la/ /ngo ni ji ltar 'dug pa bzhin/ /de la de ni de bzhin snang / /chos kyi rang bzhin de bzhin no/  /ji ltar zhing dang sa bon dag /gcig gi gcig ni 
mi shes kyang / /rang bzhin nye bar ston par byed/ /las kyi rang bzhin de bzhin no/ /sgyu ma byed pa mkhas pa zhig /lam po cher ni song 'dug ste/ /gzugs rnams ston par byed pa bzhin/ /las kyi rang bzhin de bzhin no/ /ji ltar shing gi 'khrul 
'khor rnams/ /sna tshogs sgra mang brjod byed kyang / /de ni bdag dang bdag med min/ /las kyi rang bzhin de bzhin no/ /ji ltar bya rnams mang po yis/ /sgo nga'i sbubs ni phye ba las/ /sgra skad gzhan dang gzhan 'gyur ba/ /las kyi rang bzhin de 
bzhin no/ /ji ltar ma yi mngal du yang / /bu ni 'pho bar mi 'gyur te/ /'on kyang dbang po sna tshogs 'gyur/ /las kyi rang bzhin de bzhin no/ /ji ltar sems dmyal 'jigs pa na/ /gshin rje'i ris gtogs sdug bsngal ba/ /de dag la ni 'ong 
ba med/ /las kyi rang bzhin de bzhin no/ /ji ltar rin chen mchog rnams dang / /lha yi bu rnams kun ldan yang / /'pho bar snang ba gang yang med/ /de bzhin las kyi rang bzhin no/ /ji ltar 'jig rten la la dag /bsam gyis mi khyab 'bar gyur </font><hr>35-1-205b<br><font size=+1>
kyang / /de dag 'ong ba gang yang med/ /las kyi rang bzhin de bzhin no/ /de nas byang chub sems dpa' 'jam dpal gyis/ byang chub sems dpa' yon tan dpal la 'di skad ces smras so/ /kye rgyal ba'i sras dag de bzhin gshegs pas chos gcig mngon par 
sangs rgyas na 'on kyang chos tshad med pa yang yang dag par ston/ zhing tshad med pa yang rnam par ston/ sems can tshad med pa yang rab tu ston/ /gsung tshad med pa yang shin tu sgrog /sku tshad med pa yang shin tu ston/ /bsam pa tshad med pa yang thugs 
su chud/ rdzu 'phrul tshad med pa yang yang dag par ston/ /'jig rten gyi khams tshad med pa yang shin tu skyong / rgyan tshad med pa yang byin gyis rlobs/ /spyod yul tshad med pa yang shin tu ston/ /chos kyi dbyings kyang rnam pa tha dad du mi snang ba 'di ci zhig /de nas 
byang chub sems dpa' yon tan dpal gyis/ byang chub sems dpa' 'jam dpal la tshigs su bcad de smras pa/ /gnas 'di shes par dka' ba ste/ /rgyal ba'i sras kyis bdag la dris/ /de ni mkhas pas rnam par shes/ /yon tan mos pa dpyod par byed/ /
ji ltar sa ni gcig pu yang / /sems can mang po rab tu rgyu/ /de la gcig dang tha dad med/ /sangs rgyas chos nyid de bzhin no/ /ji ltar mye ni gcig pu yang / /'jig rten kun na kun kyang 'bud/ /de la mye lce tha dad med/ /sangs rgyas chos nyid de 
bzhin no/ /ji ltar rgya mtsho gcig pu las/ /chu klung tshad med 'bab gyur kyang / /de la chu yi bye brag med/ /sangs rgyas chos nyid de bzhin no/ /ji ltar rlung ni gcig pu yang / /'jig rten kun na rgyu zhing ldang / /de la gcig dang tha dad med/ /sangs 
rgyas chos nyid de bzhin no/ /sprin chen rnams ni 'brug bsgrags shing / /sa rnams kun kyang ngoms par byed/ /de yi char la bye brag med/ /sangs rgyas chos nyid de bzhin no/ /ji ltar sa ni gcig pu yang / /myu gu sna tshogs 'byin cing ston/ /sa la </font><hr>35-1-206a<br><font size=+1>
bye brag 'byed pa med/ /sangs rgyas chos nyid de bzhin no/ /ji ltar sgrib med nyi ma ni/ /phyogs bcu kun tu snang bar byed/ /de la 'od zer tha dad med/ /sangs rgyas chos nyid de bzhin no/ /ji ltar nam mkha'i zla ba ni/ /'jig 
rten kun la rab tu snang / /gnas nas 'gyur ba gang yang med/ /sangs rgyas chos nyid de bzhin no/ /ji ltar tshangs pa mi mjed bdag /stong gsum na ni 'dug mod kyi/ /de la lus ni bye brag med/ /sangs rgyas chos nyid de bzhin no/ /de nas byang chub sems 
dpa' 'jam dpal gyis byang chub sems dpa' mig gi dpal la 'di skad ces smras so/ /kye rgyal ba'i sras de bzhin gshegs pa la dge ba bskyed pa gcig kyang de bzhin gshegs pa la dge ba'i rtsa ba bskyed pa'i sems can rnams gzugs sna tshogs dang / kha 
dog sna tshogs dang / rigs sna tshogs dang / dbang po sna tshogs dang / longs spyod sna tshogs dang / dbang sna tshogs dang / 'khor sna tshogs dang / yon tan sna tshogs dang / phyug dbul sna tshogs dang / shes rab sna tshogs su yang snang la de bzhin 
gshegs pa ni gang la yang mi mnyam pa'am/ tha dad du dgongs pa gang yang med na 'di ci zhig /de nas byang chub sems dpa' mig gi dpal gyis byang chub sems dpa' 'jam dpal la tshigs su bcad de smras pa/ ji ltar sa ni ro gcig kyang /
sa bon tshul bzhin myu gu ston/ /byams dang sdang bar sems pa med/ /sangs rgyas yon phul de bzhin no/ /ji ltar chu ni ro gcig kyang / /snod kyi dbang gis rnam par 'gyur/ /de bzhin sangs rgyas yon phul ba/ /rgyud kyi rnams la rnam par 
'gyur/ /ji ltar sgyu mkhan mkhas pa ni/ /rtag tu 'khor kyang mgu bar byed/ /de bzhin sangs rgyas yon phul ba/ /shin tu sbyangs pa dga' bar byed/ /ji ltar mkhas pa'i rgyal po dag /'gro ba mang po shes par byed/ /de bzhin sangs </font><hr>35-1-206b<br><font size=+1>
rgyas yon phul ba/ /ji ltar bskyed bzhin shes par byed/ /ji ltar dri med me long la/ /ji 'dra'i gzugs rnams de bzhin snang / /de bzhin sems can bsam tshul de/ /sangs rgyas yon phul rnam dag 'byung / /ji ltar dug phan sman gyi 
rnams/ /dug nad thams cad sos par byed/ /de bzhin sangs rgyas yon phul ba/ /nyon mongs dug ni chen po sel/ /ji ltar nyi ma shar ba ni/ /'gro ba 'di dag snang bar byed/ /mun pa dag kyang rnam par sel/ /sangs rgyas yon phul de bzhin no/ /ji 
ltar zla ba dri med pa/ /kun tu mnyam pa nyid byas te/ /sa ni rab tu snang bar byed/ /sangs rgyas yon phul de bzhin no/ /ji ltar chu yi stobs shugs kyis/ /sa ni thams cad g.yo 'gyur ba/ /sangs rgyas yon phul de bzhin no/ /srid gsum 'gro ba 
rnams kyang skyod/ /'bar dang 'od 'phro bcas pa'i me/ /thams cad dag tu sreg pa'i dngos/ /de bzhin sangs rgyas yon phul ba/ /'du byed thams cad sreg par byed/ /de nas byang chub sems dpa' 'jam dpal gyis/ byang chub sems dpa' brtson 
'grus dpal la 'di skad ces smras so/ /kye rgyal ba'i sras de bzhin gshegs pa'i bstan pa gcig na thams cad lta ba mthun pas nyon mongs pa thams cad spong bar ci'i phyir mi 'gyur/ de dag kun la'ang gzugs ni gzugs nyid du zad/ tshor ba ni tshor ba nyid du 
zad/ 'du shes ni 'du shes nyid du zad/ 'du byed rnams kyang 'du byed rnams nyid du zad/ rnam par shes pa'ang rnam par shes pa nyid du zad/ 'dod pa'i khams kyang 'dod pa'i khams nyid du zad/ gzugs kyi khams kyang gzugs kyi khams nyid du zad/ 
gzugs med pa'i khams kyang gzugs med pa'i khams nyid du zad/ ma rig pa yang ma rig pa nyid du zad/ sred pa'ang sred pa nyid du zad la/ /de bzhin gshegs pa'i bstan pa'ang phan par byed pa 'am/ gnod par byed pa ma yin na/ de ci'i phyir/ /</font><hr>35-1-207a<br><font size=+1>
de nas byang chub sems dpa' brtson 'grus dpal gyis/ byang chub sems dpa' 'jam dpal la tshigs su bcad de smras pa/ de ltar khyod kyis dris pa gang / /la la myur du rnam grol zhing / /la la dka' bar 'grol 'gyur ba/ /
sangs rgyas sras po bdag la nyon/ /'di 'dra dpag tu med pa yi/ /sangs rgyas bstan gyi nyes ma yin/ /dad dang brtson 'grus nan tan gyis/ /rtag tu khyad par 'gyur ba yin/ /ji ltar rtsa dang shing gsher ba/ /mer bcug shin tu nyams chung zhing / /ring 
por mi thogs 'chi bar 'gyur/ /de bzhin le lo bstan pa la/ /ji ltar gtsub mas gtsubs pa'i tshe/ /ma byung bar ni myur bteg na/ /myur du 'chi bar 'gyur ba bzhin/ /de ltar le lo bstan pa la/ /nyi ma'i nor bu'i lci ba la/ /yang dang yang bzhag bteg 
pa la/ de la me 'byung mi 'gyur te/ /de bzhin le lo bstan pa la/ /ji ltar nyi ma shar ba'i tshe/ /byis pa rnams ni mig brtsums shing / /mi mthong ci phyir zhes smra ba/ /de bzhin le lo bstan pa la/ /rkang lag med par skyes pa'i mis/ /ji 
ltar smyug mda' kha bug gis/ /sa ni dbug par 'dod pa bzhin/ /de ltar le lo bstan pa la/ /ji ltar byis pa rgya mtsho las/ /yang du yang du bcus byas shing / /skam par la la 'dod pa ltar/ /de bzhin le lo bstan pa la/ /ji ltar bum pa chus 
bkang zhing / /bskal pa'i me ni byung ba'i tshe/ /la la gsad par 'dod pa ltar/ /de bzhin le lo bstan pa la/ /ji ltar la la phyogs bcu yis/ /nam mkha' ji snyed tha mal pa'i/ /gzugs kyis rgyas par dgang smra ba/ /de bzhin le lo bstan pa la/ /
de nas byang chub sems dpa' 'jam dpal gyis byang chub sems dpa' chos dpal la 'di skad ces smras so/ /kye rgyal ba'i sras chos kyi tshul nyon mongs pa thams cad skems pa 'di nyid blangs kyang / sems can la la 'dod chags kyi dbang du 'gro/ la la zhe </font><hr>35-1-207b<br><font size=+1>
sdang gi dbang du 'gro/ la la gti mug gi dbang du 'gro/ la la nga rgyal gyi dbang du 'gro/ 'chab pa'i dbang du 'gro/ khon du 'dzin pa'i dbang du 'gro/ phrag dog gi dbang du 'gro/ ser sna'i dbang du 'gro/ sgyu'i dbang du 'gro/ g.yo'i dbang du 'gro la 
chos de dag kyang sems med par yang gzung du 'ang mi nus te/ nyon mongs par gdags pa kun kyang rnam pa kun tu sems kyi rgyud tu zad na de ji lta bu/ de nas byang chub sems dpa' chos dpal gyis/ byang chub sems dpa' 'jam dpal la tshigs su bcad 
de smras pa/ /gang gis don de dris pa rnams/ /sangs rgyas sras po nga la nyon/ /yang dag sangs rgyas bstan pa 'di/ /thos pa tsam gyis mi 'grub po/ /la la stobs med chu klung gis/ /nan gyis khyer bar gyur pa dag /skom zhing shi bar gyur pa bzhin/ /
ma bsgoms chos kyang de bzhin no/ /ji ltar 'gro ba mang po la/ /zas dang skom dag sbyin byas kyang / /bdag nyid bkres pas shi ba ltar/ /de bzhin chos la ma bsgoms pa'o/ /ji ltar sman pa la la zhig /sman rnams thams cad bdog bzhin du/ /lto 
ba'i nad kyis shi ba bzhin/ /chos la ma bsgoms de bzhin no/ /ji ltar dbyig gi mdzod dag tu/ /rin chen mang po bgrang byed kyang / /nam phyed tsam yang myi 'thob pa/ /chos la ma bsgoms de bzhin no/ /ji ltar bde ba kun ldan pa'i/ /rgyal po'i pho brang 
'khor skyes kyang / /zas dang gos dag mi bdog pa/ /de bzhin chos la ma bsgoms pa'o/ /ji ltar 'on pa rol mo yi/ /sil snyan glu la mkhas pa zhig /gzhan zhig de yid dga' byed pa/ /chos la ma bsgoms de bzhin no/ /ji ltar dmus long 
ri mo mkhan/ /tshong dus dbus su 'drir 'jug kyang / /bdag nyid kyis ni mi mthong ba/ /chos la ma bsgoms de bzhin no/ /ji ltar mtsho chen mnyan pa zhig /skye bo mang po sgrol byed kyang / /bdag nyid de nang 'chir 'gyur ba/ /chos la ma bskyoms de </font><hr>35-1-208a<br><font size=+1>
bzhin no/ /ji ltar lam gyi bzhi mdor yang / /phun sum tshogs pa kun brjod cing / /bdag gis thob par mi 'gyur ba/ /chos la ma bsgoms de bzhin no/ /de nas byang chub sems dpa' 'jam dpal gyis/ byang chub 
sems dpa' ye shes dpal la 'di skad ces smras so/ /kye rgyal ba'i sras de ste de bzhin gshegs pa'i bstan pa'i ye shes sngon du 'gro ba yin na/ de ci'i phyir de bzhin gshegs pa sems can la la la ni sbyin pa brjod/ la la la ni tshul khrims/ la la la ni 
bzod pa/ la la la ni brtson 'grus/ la la la ni bsam gtan/ la la la ni shes rab brjod pa mdzad/ la la la ni byams pa/ la la la ni snying rje/ la la la ni dga' ba/ la la la ni btang snyoms brjod par mdzad kyang / bla na med pa yang dag par rdzogs 
pa'i byang chub tu ni chos gcig 'gas 'byung bar mi nus so/ /de nas byang chub sems dpa' ye shes dpal gyis/ byang chub sems dpa' 'jam dpal la tshigs su bcad de smras pa/ /sems can gzhan gyi bsam shes pa/ ngo mtshar rmad du byung ba ste/ /de ltar 
gang gis don dris pa/ /sangs rgyas sras po bdag la nyon/ /smra ba'i mchog ni gang yang rung / /chos gcig gis ni 'byung ba med/ /gang yang 'byung ba yod pa myin/ /'byung bar 'gyur ba de bzhin med/ /bskal pa gang la gnas pa yi/ /bsam pa 
mkhyen nas don mdzad cing / /gang la ji dag tshul 'thun pa/ /de bzhin chos kyang bstan pa mdzad/ /ser sna can la sbyin pa brjod/ /tshul khrims ngan la tshul khrims rnams/ /mi bzod pa ni bzod pa des/ /brtson 'grus 'byor pa le lo la'o/ /
rnam par 'khrug la bsam gtan brjod/ /shes rab 'byor pa shes med la'o/ /gdug pa'i sems la byams pa bshad/ /'tshe ba rnams la snying rje ste/ /zhum pa la ni dga' ba bshad/ /'khor ba'i sems la btang snyoms te/ /sangs </font><hr>35-1-208b<br><font size=+1>
rgyas chos rnams thams cad kyang / /rim pas de ltar 'byung ba yin/ /ji ltar sa la las byas pa/ /khyim gyi dngos la rim pa yin/ /de bzhin sbyin pa tshul khrims dag /byang chub sems dpa'i thog mar 'gro/ /rgyal po'i gnas dang grong rdal rnams/ /
rung ba'i phyir ni ra ba ste/ /de bzhin bzod pa brtson 'grus dag /byang chub sems dpa' rung phyir ro/ /ji ltar gdugs gcig rgyal po ni/ /sa rnams thams cad skyong bar byed/ /de bzhin bsam gtan shes rab dag /byang chub sems dpa'i skyabs bzhin no/ /
'khor los sgyur ba'i rgyal po ni/ /bde ba thams cad ster ba ltar/ /de bzhin tshangs pa'i gnas rnams kyang / /byang chub sems dpa'i bde ba 'byin/ /de nas byang chub sems dpa' 'jam dpal gyis/ byang chub sems dpa' bzang po'i dpal la 'di 
skad ces smras so/ /kye rgyal ba'i sras de ste sangs rgyas bcom ldan 'das rnams kyi 'byung ba gcig na/ sangs rgyas kyi zhing rnams na sbyor ba rnam pa tha dad pa dang / /'di ltar 'jig rten gyi khams rnam pa tha dad pa dang / chos bstan pa rnam pa tha dad pa dang / sems can 
gdul ba rnam pa tha dad pa dang / tshe'i tshad rnam pa tha dad pa dang / 'od kyi dkyil 'khor rnam pa tha dad pa dang / rdzu 'phrul dang rnam par 'phrul pa rnams rnam pa tha dad pa dang / 'khor tshogs pa rnam pa tha dad pa dang / bstan pa'i tshul rnam pa tha dad pa dang / chos 
kyi byin gyi rlabs rnam pa tha dad pa dag ci'i phyir snang bar 'gyur/ sangs rgyas kyi chos thams cad yongs su ma rdzogs pa ni/ bla na med pa yang dag par rdzogs pa'i byang chub tu mngon par 'tshang rgya bar mi nus so/ /de nas byang chub sems dpa' bzang po'i 
dpal gyis/ byang chub sems dpa' 'jam dpal la tshigs su bcad de smras pa/ /chos kyi rgyal po chos nyid ni/ /'jam dpal rtag tu gcig pa ste/ / sgrib pa med pa gzigs pa yi/ /'byung ba de yang gcig pu'o/ /sangs rgyas thams cad </font><hr>35-1-209a<br><font size=+1>
sku gcig ste/ /de bzhin gshegs pa chos kyi sku/ /shes rab thugs kyang gcig pa ste/ /mi 'jigs stobs kyang de bzhin no/ /sngon cad byang chub zhugs pa'i tshe/ /ji ltar yongs su bsngo mdzad pa/ /'khor du chos 
rnams bstan pa dang / /de dag zhing yang de bzhin 'gyur/ /zhing gi phun sum gang yod pa/ /sangs rgyas rnams la thams cad 'grub/ /sems can ji snyed sbyangs pa'i rnams/ /de yi rnam pa de ltar mthong / /ji ltar sangs rgyas chos nyid du/ /kun 
gyis sangs rgyas mi mthong ste/ /sangs rgyas zhing dang sku dag dang / /'khor du chos bstan de bzhin no/ /gang rnams smon lam mthun ldan zhing / /sngon chad bsam pa yongs sbyangs pas/ /thams cad gzigs pa'i tshul gyi rnams/ /ji lta bzhin du 
thams cad mthong / /sems can bsam pa ji bzhin dang / /las dang stobs kyang ji bzhin pa/ /de lta de ltar mthong gyur te/ /sangs rgyas rnams kyi rnam 'phrul lo/ /sangs rgyas zhing la rtog mi mnga'/ /de dag byams sdang yod pa min/ /bsam pa'i 
tshul ni ji bzhin du/ /srog chags rnams kyis de bzhin mthong / /rnam pa tha dad 'jig rten khams/ /de ltar snang bar gyur pa ste/ /drang srong chen po kun gzigs pa'i/ /nyes pa'i skyon las gyur pa med/ /gang na 'dul ba yod pa yi/ 'jig 
rten khams rnams thams cad du/ /skyes bu drang srong rnams kyang snang / /de ni sangs rgyas chos nyid do/ /de nas byang chub sems dpa' de dag thams cad kyis/ byang chub sems dpa' 'jam dpal la 'di skad ces smras so/ /kye rgyal ba'i 
sras/ bdag cag gis rang rang gi spobs pa bstan pa rnams smras pa yin na/ da khyod kyis sangs rgyas bcom ldan 'das rnams kyi yul las brtsams te spobs par gyis shig /sangs rgyas kyi yul gyi yul ni gang / sangs rgyas kyi yul gyi tshogs ni gang /</font><hr>35-1-209b<br><font size=+1>
sangs rgyas kyi yul du 'gro ba ni gang / sangs rgyas kyi yul la 'jug pa ni ji lta bu/ sangs rgyas kyi yul khong du chud pa'i shes pa ni gang / sangs rgyas kyi yul gyi rjes su 'gro ba ni gang / sangs rgyas kyi yul shin tu bstan pa ni gang / sangs rgyas kyi 
yul shes par bya ba ni gang / sangs rgyas kyi yul rtogs pa ni gang / sangs rgyas kyi yul gyi tshul ni ji lta bu/ sangs rgyas kyi yul ni ci tsam du yangs/ de nas byang chub sems dpa' 'jam dpal gyis/ byang chub sems dpa' de dag thams cad la tshigs 
su bcad de smras pa/ /nam mkha'i yul dang 'dra ba ste/ /kun tu 'od la 'dra ba med/ /sems can thams cad 'jug pa ste/ /chos nyid la ni 'jug pa med/ /tshogs rnams thams cad bstan par ni/ /bskal pa bye bar mi nus te/ /ji snyed rgyal ba'i 
tshogs mnga' ba/ /de ni sangs rgyas yul yin no/ /blo gros sems kyang ji bzhin du/ /sems can thams cad rab tu 'jug /de la bstan pa thogs pa med/ /de ni sangs rgyas yul yin no/ /'jig rten thams cad 'jug pa dang / /'jig rten rgyu ba 
gang yod pa/ /de dag kun la ye shes gnas/ /gzugs su snang ba ma yin no/ /sangs rgyas ye shes chags med pa/ /dus gsum kun la chags pa med/ /nam mkha' 'byung dang mtshungs pa yin/ /de ni ye shes yul yin no/ /chos kyi dbyings ni tha 
mi dad/ /sems can khams rnams rtogs par mkhyen/ /dbyings rnams thams cad rab tu brnyes/ /de ni sangs rgyas yul yin no/ /sgrar gdags ji snyed yod pa dang / /sems can kun gyi sgra skad du/ /sgra la mkhyen pa thugs chud kyang / /rnam par 
rtog pa gang yang med/ /rnam shes rnam par shes bya med/ /sems kyis brjod pa'ang ma yin te/ /ye shes rang bzhin shin tu dag /sems can rnams la'ang rab tu bshad/ /nyon mongs med cing las med do/ /dngos po med cing gnas pa med/ /snang </font><hr>35-1-210a<br><font size=+1>
ba med cing rgyu ba med/ /'jig rten dag tu'ang mnyam par spyod/ /sems can kun gyi sems kyi rnams/ /dus gsum kun tu rab yangs pa/ /sems gcig la ni rab 'jug pas/ /sangs rgyas rnams kyi ye shes 
'jug /de nas de'i tshe 'jig rten gyi khams de dag na/ sems can kun gyi rgyud ji snyed pa dang / chos kyi rgyud ji snyed pa dang / las kyi rgyud ji snyed pa dang / 'jig rten gyi rgyud ji snyed pa dang / lus kyi rgyud ji snyed pa dang / dbang po'i rgyud ji snyed pa dang / skye ba'i rgyud ji 
snyed pa dang / tshul khrims kyi 'bras bu'i rgyud ji snyed pa dang / tshul khrims log pa'i 'bras bu'i rgyud ji snyed pa dang / yul gyi 'bras bu'i rgyud ji snyed pa de dag thams cad sangs rgyas kyi mthus rab tu snang bar gyur te/ ji ltar 'jig rten gyi khams de dag tu rab 
tu snang bar gyur pa de bzhin du/ shar phyogs kyi 'jig rten gyi khams bye ba khrag khrig brgya stong tshad med pa dpag tu med pa grangs med pa bsam gyis mi khyab pa/ mtshungs pa med pa kun tu mtha' yas pa mu med pa/ sa mtshams med pa gzhal du med pa brjod du myed pa/ 
chos kyi dbyings kyis klas pa/ nam mkha'i dbyings kyi mthas gtugs pa thams cad na yang sems can gyi rgyud ji snyed pa zhes bya ba nas/ gzhung de bzhin du yul gyi 'bras bu'i rgyud ji snyed pa'i bar du de dag thams cad sangs rgyas kyi mthus rab tu snang bar 
gyur to/ /de bzhin du lho phyogs dang / de bzhin du nub phyogs dang / de bzhin du byang phyogs dang / de bzhin du byang shar gyi phyogs mtshams dang / de bzhin du shar lho'i phyogs mtshams dang / de bzhin du lho nub kyi phyogs mtshams dang / de bzhin du nub byang 
gi phyogs mtshams dang / de bzhin du 'og gi phyogs dang / de bzhin du steng gi phyogs kyi 'jig rten gyi khams bye ba khrag khrig brgya stong tshad med pa dpag tu med pa grangs med pa/ bsam gyis mi khyab pa mtshungs pa med pa/ kun tu mtha' yas pa mu med pa/</font><hr>35-1-210b<br><font size=+1>
sa mtshams med pa gzhal du med pa brjod du med pa/ chos kyi dbyings kyis klas pa/ nam mkha'i dbyings kyi mthas gtugs pa dag na/ sems can gyi rgyud ji snyed pa zhes bya ba nas gzhung de bzhin du yul gyi 'bras bu'i rgyud ji snyed pa'i bar du de dag thams cad 
sangs rgyas kyi byin gyi rlabs kyis rab tu snang bar gyur to/ /byang chub sems dpas dris pa snang ba zhes bya ba'i le'u ste bco lnga pa'o// //de nas byang chub sems dpa' ye shes dpal gyis byang chub sems dpa' 'jam dpal la 'di 
skad ces smras so/ /kye rgyal ba'i sras byang chub sems dpa' rnams ji ltar na kha na ma tho ba med pa'i lus kyi las dang ldan pa yin/ kha na ma tho ba med pa'i ngag gi las dang ldan pa yin/ kha na ma tho ba med pa'i yid kyi las dang ldan pa yin/ lus kyi las rnam 
par ma nyams pa yin/ ngag gi las rnam par ma nyams pa yin/ yid kyi las rnam par ma nyams pa yin/ lus kyi las ma smad pa yin/ ngag gi las ma smad pa yin/ yid kyi las ma smad pa yin/ lus kyi las mi 'phrogs pa yin/ ngag gi las 
mi 'phrogs pa yin/ yid kyi las mi 'phrogs pa yin/ lus kyi las mi zlog pa yin/ ngag gi las mi zlog pa yin/ yid kyi las mi zlog pa yin/ lus kyi las mi 'khrugs pa yin/ ngag gi las mi 'khrugs pa yin/ yid kyi las mi 'khrugs 
pa yin/ lus kyi las bsngags pa yin/ ngag gi las bsngags pa yin/ yid kyi las bsngags pa yin/  lus kyi las rnam par dag pa yin/ ngag gi las rnam par dag pa yin/ yid kyi las rnam par dag pa yin/lus kyi las nye bar nyon 
mongs pa med pa yin/ ngag gi las nye bar nyon mongs pa med pa yin/ yid kyi las nye bar nyon mongs pa med pa yin/ lus kyi las ye shes sngon du 'gro ba yin/ ngag gi las ye shes sngon du 'gro ba yin/ yid kyi las ye shes sngon du 'gro </font><hr>35-1-211a<br><font size=+1>
ba yin/ rigs phun sum tshogs pa yin/ rus phun sum tshogs pa yin/ rgyud phun sum tshogs pa yin/ gzugs phun sum tshogs pa yin/ mtshan phun sum tshogs pa yin/ dran pa phun sum tshogs pa yin/ blo gros 
phun sum tshogs pa yin/ rtogs pa phun sum tshogs pa yin/ dga' ba phun sum tshogs pa yin/ blo phun sum tshogs pa yin/ blo gros mchog tu gyur pa yin/ blo gros dam par gyur pa yin/ blo gros rab tu gyur pa yin/ blo gros tshad med 
pa yin/ blo gros grangs med pa yin/ blo gros bsam gyis mi khyab pa yin/ blo gros mtshungs pa med pa yin/ blo gros gzhal du med pa yin/ blo gros brjod du med pa yin/ rgyu'i stobs can yin/ bsam pa'i stobs can yin/ sbyor ba'i stobs 
can yin/ rkyen gyi stobs can yin/ dmigs pa'i stobs can yin/ dbang po'i stobs can yin/ rnam par lta ba'i stobs can yin/ zhi gnas kyi stobs can yin/ lhag mthong gi stobs can yin/ nges par rtogs pa'i stobs can yin/ 
phung po la mkhas pa yin/ khams la mkhas pa yin/ skye mched la mkhas pa yin/ rten cing 'brel par 'byung ba la mkhas pa yin/ gzugs kyi khams la mkhas pa yin/ gzugs med pa'i khams la mkhas pa yin/ 'das pa la mkhas 
pa yin/ ma 'ongs pa la mkhas pa yin/ da ltar byung ba la mkhas pa yin/ dran pa yang dag byang chub kyi yan lag la mkhas pa yin/ chos rnam par 'byed pa yang dag byang chub kyi yan lag la mkhas pa yin/ brtson 'grus yang dag byang chub kyi 
yan lag la mkhas pa yin/ dga' ba yang dag byang chub kyi yan lag la mkhas pa yin/ rab tu byang ba yang dag byang chub kyi yan lag la mkhas pa yin/ ting nge 'dzin yang dag byang chub kyi yan lag la mkhas pa yin/ btang snyoms yang dag </font><hr>35-1-211b<br><font size=+1>
byang chub kyi yan lag la mkhas pa yin/ stong pa nyid yongs su bsgoms pa yin/ mtshan ma med pa yongs su bsgoms pa yin/ smon pa med pa yongs su bsgoms pa yin/ sbyin pa'i pha rol tu phyin pa yin/ tshul khrims kyi pha rol tu phyin pa yin/ bzod pa'i pha rol tu phyin pa yin/ brtson 'grus kyi pha rol tu phyin 
pa yin/ bsam gtan gyi pha rol tu phyin pa yin/ shes rab kyi pha rol tu phyin pa yin/ byams pa'i pha rol tu phyin pa yin/ snying rje'i pha rol tu phyin pa yin/ dga' ba'i pha rol tu phyin pa yin/ btang snyoms kyi pha rol tu phyin pa yin gnas dang gnas ma yin par shes par bya ba khong du chud pa yin/ 'das pa dang / ma 'ongs pa 
dang / da ltar byung ba'i las kyi rnam par smin pa shes par bya ba khong du chud pa yin/ dbang po dang brtson 'grus tha dad pa yongs su rdzogs par bya ba gcig nas gcig tu brgyud pa khong du chud pa yin/ khams sna tshogs dang khams du ma'i shes par bya ba khong du chud pa yin/ mos pa sna 
tshogs dang / mos pa du ma shes par bya ba khong du chud pa yin/ kun tu 'gro ba'i lam shes par bya ba khong du chud pa yin/ bsam gtan dang rnam par thar pa dang / ting nge 'dzin dang snyoms par 'jug pa dang / kun nas nyon mongs pa dang rnam par byang ba 
dang ldang ba shes par bya ba khong du chud pa yin/bsgribs pa med pa'i rjes su dran pa shes par bya ba khong du chud pa yin/ lha'i mig chags pa med par shes par bya ba khong du chud pa yin/ bag chags kyi mtshams sbyor ba yang dag par gcad pa shes par 
bya ba khong du chud pa yin/ lha yi dbang pos yongs su bzung ba yin/ klu'i dbang pos yongs su bzung ba yin/ gnod sbyin gyi dbang pos yongs su bzung ba yin/ dri za'i dbang pos yongs su bzung ba yin/ lha ma yin gyi dbang pos yongs su bzung 
ba yin/ nam mkha' lding gi dbang pos yongs su bzung ba yin/ mi 'am ci'i dbang pos yongs su bzung ba yin/ lto 'phye chen po'i dbang pos yongs su bzung ba yin/ mi'i dbang pos yongs su bzung ba yin/ tshangs pa'i dbang pos </font><hr>35-1-212a<br><font size=+1>
yongs su bzung ba yin/ lha yi dbang pos bkur ba yin/ klu yi dbang pos bkur ba yin/ gnod sbyin gyi dbang pos bkur ba yin/ dri za'i dbang pos bkur ba yin/ lha ma yin gyi dbang pos bkur ba yin/ nam 
mkha' lding gi dbang pos bkur ba yin/ mi 'am ci'i dbang pos bkur ba yin/ lto 'phye chen po'i dbang pos bkur ba yin/ mi yi dbang pos bkur ba yin/ tshangs pa'i dbang pos bkur ba yin/ sems can thams cad kyi gnas su gyur pa 
yin/ skyabs su gyur pa yin/ dpung gnyen du gyur pa yin/ mgon du gyur pa yin/ sgron mar gyur pa yin/ snang bar gyur pa yin/ 'od du gyur pa yin/ 'dren par gyur pa yin/ rnam par 'dren par gyur pa yin/ yongs su 'dren par 
gyur pa yin/ sems can thams cad kyi mchog tu gyur pa yin/ gtso bor gyur pa yin/ thu bor gyur pa yin/ rab tu gyur pa yin/ dam par gyur pa yin/ phul du gyur pa yin/bla na med par gyur pa yin/ kye rgyal ba'i sras ji 
ltar na byang chub sems dpa' rnams mnyam pa med pa yin/ de skad ces smras pa dang / byang chub sems dpa' 'jam dpal gyis/ byang chub sems dpa' ye shes dpal la 'di skad ces smras so/ /kye rgyal ba'i sras de ltar khyod skye bo mang po la 
phan pa dang / skye bo mang po la bde ba dang 'jig rten la snying brtse ba dang / lha dang mi rnams kyi don dang phan pa dang / bde ba dang bde bar rnam par gzud pa'i phyir zhugs shing / de ltar khyod rnam pa 'di lta bu'i gnas dag yongs su 'dri bar sems pa ni/ kye 
rgyal ba'i sras legs so legs so/ /kye rgyal ba'i sras byang chub sems dpa' dag gi sems kyi las yid la byed pa'i sbyor ba gang dang ldan pas/ byang chub sems dpa' rnams yon tan gyi khyad par 'di dag thams cad 'thob par 'gyur </font><hr>35-1-212b<br><font size=+1>
ba dang / sangs rgyas kyi chos thams cad la thogs pa med pa'i lus su 'gyur ba dang / sangs rgyas bcom ldan 'das 'das pa dang / ma byon pa dang / da ltar byung ba rnams kyi lam du 'jug pa dang / sems can thams cad yongs su mi gtong pa'i sems 
kyang de dag la nye bar gnas pa dang / chos thams cad ji lta ba bzhin du rnam par lta ba yang de dag la nye bar gnas pa dang / mi dge ba'i chos thams cad spangs par 'gyur ba dang / dge ba'i chos thams cad dang ldan par 'gyur ba dang / kun tu bzang zhing kun tu 
mdzes pa dang / rnam pa'i mchog thams cad dang ldan pa dang / chos thams cad la dbang bsgyur zhing srog chags thams cad la ston pa gnyis par 'gyur ba'i sems kyi las yid la byed pa'i sbyor ba yod do/ /kye rgyal ba'i sras dag byang chub sems dpa'i sems kyi 
las yid la byed pa'i sbyor ba gang dang ldan pas/ yon tan kyi khyad par 'di dag thams cad thob par 'gyur ba'i byang chub sems dpa'i sems kyi las yid la byed pa'i sbyor ba de dag gang zhe na/ kye rgyal ba'i sras 'di la byang chub sems dpa' khyim gyi nang du 'dug 
pa'i tshe/ sems can thams cad rang bzhin shes pa dang ldan pas khyim gyi thibs pos zil gyis mi non par gyur cig ces sems bskyed do/ /pha ma dang 'grogs pa'i tshe byang chub sems dpas sems can thams cad skye bo thams cad yongs su bskyab 
pa'i phyir sangs rgyas dang 'grogs par gyur cig ces sems bskyed do/ /bu dang bu mo dang 'grogs pa'i tshe/ byang chub sems dpas sems can thams cad sred pa dang shin tu bral bas dga' ba dang mi dga' ba dang rnam par bral bar gyur cig ces sems bskyed do/ /
'dod pa'i yon tan dang 'grogs pa'i tshe/ byang chub sems dpas sems can thams cad yon tan gyi pha rol tu phyin pas 'dod pa'i gsal shing rnam par sel bar gyur cig ces sems bskyed do/ /glu dang gar dang rol mo dang sil snyan dang 'grogs pa'i </font><hr>35-1-213a<br><font size=+1>
tshe/ byang chub sems dpas sems can thams cad gar mkhan gyis tshon lta bur mthong ba dang ldan zhing chos yang dag par 'gro ba'i brjod pa rab tu thob par gyur cig ces sems bskyed do/ /chung ma'i 'khor gyi nang na 'dug pa'i tshe/ 
byang chub sems dpas sems can thams cad 'dod pa'i gsal shing dang bral zhing 'phags pa'i sar chud par gyur cig ces sems bskyed do/ /rgyan gyis brgyan pa'i tshe byang chub sems dpas sems can thams cad srid par 'byung ba/ 'jig pa'i pha rol tu phyin pas 
khur bor bar gyur cig ces sems bskyed do/ /khang thog du phyin pa'i tshe byang chub sems dpas sems can thams cad chos thams cad kyi khyad par khong du chud cing chos kyi khang stengs su phyin par gyur cig ces sems bskyed do/ /sbyin pa gtong ba'i tshe byang chub sems dpas sems 
can thams cad bdag gir bya ba med de/ yongs su 'dzin pa'i sems med cing bdag gi thams cad yongs su gtong bar gyur cig ces sems bskyed do/ /ma bral zhing 'grogs pa'i tshe byang chub sems dpas sems can thams cad thams cad mkhyen pa nyid kyi 
mthar phyin te/ 'du ba dang shin tu bral bar gyur cig ces sems bskyed do/ /btson ra la kha na ma tho ba mthong ba'i tshe/ byang chub sems dpas sems can thams cad gnas med pa la spyod cing / gang du dga' bar 'dod par gyur cig ces sems bskyed do/ /
khyim nas khyim med par 'byung ba'i tshe/ byang chub sems dpas sems can thams cad sems bcings pa dang grol ba med cing chags pa med de mi dgos pa dang bral bar gyur cig ces sems bskyed do/ /dge 'dun gyi ra ba'i mtshams 'da' ba'i tshe/ byang chub sems dpas 
sems can thams cad 'gal ba med pa'i chos dang ldan zhing 'thun par 'gro ba mang po dang ldan par gyur cig ces sems bskyed do/ /mkhan po dang slob dpon gyi drung du 'gro ba'i tshe/ byang chub sems dpas sems can thams cad chos la rtsom zhing cho ga la mkhas </font><hr>35-1-213b<br><font size=+1>
par gyur cig ces sems bskyed do/ /rab tu 'byung bar gsol ba'i tshe/ byang chub sems dpas sems can thams cad bar chad med cing phyir mi ldog pa'i chos can du gyur cig ces sems bskyed do/ /gos dkar po 'dor ba'i tshe/ byang chub sems dpas sems can thams cad 
sdig pa la brtson pa spangs te/ dge ba'i rtsa ba shin tu sbyangs par gyur cig ces sems bskyed do/ /skra dang kha spu 'breg pa'i tshe byang chub sems dpas sems can thams cad shin tu mnyam par bzhag cing nyon mongs pa med par gyur cig ces sems bskyed do/ /gos ngur 
smrig gyon pa'i tshe byang chub sems dpas sems can thams cad drang srong chen po'i sems dang ldan zhing rnyog pa med par gyur cig ces sems bskyed do/ /rab tu 'byung ba'i tshe byang chub sems dpas sems can rnams skye bo thams cad yongs su skyong ba'i phyir/ de bzhin 
gshegs pa'i rab tu 'byung bar rab tu byung bar gyur cig ces sems bskyed do/ /sangs rgyas la skyabs su 'gro ba'i tshe/ byang chub sems dpas sems can thams cad dge ba la mos pa mngon par skyes pas/ sangs rgyas kyi gdung mi 'chad pa'i don du brtson par 
gyur cig ces sems bskyed do/ /chos la skyabs su 'gro ba'i tshe/ byang chub sems dpas sems can thams cad chos kyi gter rab tu thob par gyur cig ces sems bskyed do/ /dge 'dun la skyabs su 'gro ba'i tshe/ byang chub sems dpas sems can 
thams cad chags pa'i gnas dang bral zhing dge 'dun yongs su sdud par gyur cig ces sems bskyed do/ /bslab pa'i tshig yang dag par len pa'i tshe/ byang chub sems dpas sems can thams cad tshul bzang po la yang dag par spyod cing bslab pa thams 
cad shin tu slob par gyur cig ces sems bskyed do/ /slob dpon gyis bstan pa'i tshe byang chub sems dpas sems can thams cad log pa ma yin pa'i las la spyod cing tshul dang spyod yul phun sum tshogs par gyur cig ces sems bskyed do/ /mkhan pos </font><hr>35-1-214a<br><font size=+1>
bstan pa'i tshe/ /byang chub sems dpas sems can thams cad gnas med pa la yang dag par gzhol zhing mi skye ba'i ye shes kyi pha rol tu phyin par gyur cig ces sems bskyed do/ /bsnyen par rdzogs pa'i tshe byang chub sems dpas sems can 
thams cad chos thams cad kyi khyad par gyi pha rol tu phyin ste thabs mkhas pa'i pha rol tu phyin par gyur cig ces sems bskyed do/ /gtsug lag khang du 'gro ba'i tshe byang chub sems dpas sems can thams cad mi 'phrogs pa'i chos can du gyur te bla na med pa'i gnas la rnam par spyod par gyur cig 
ces sems bskyed do/ /stan gding ba'i tshe byang chub sems dpas sems can thams cad chos ji lta ba bzhin du mthong zhing legs par bkod pa'i chos can du gyur cig ces sems bskyed do/ /'dug pa'i tshe byang chub sems dpas sems can thams cad mi gnas pa'i sems kyis 
snying po byang chub la 'dug par gyur cig ces sems bskyed do/ /skyil mo krung 'cha' ba'i tshe byang chub sems dpas sems can thams cad mi g.yo ba'i sa la dge ba'i rtsa ba shin tu brtan par gyur cig ces sems bskyed do/ /zhi gnas yongs su sbyong bar byed pa'i 
tshe byang chub sems dpas sems can thams cad ma lus pa'i mthar thug pa la brtson zhing zhi ba dang / /dul ba la rab tu gzhol bar gyur cig ces sems bskyed do/ /lhag mthong yongs su sbyong ba byed pa'i tshe byang chub sems dpas sems can thams cad shin 
tu nyon mongs pa med pa'i chos can du gyur te/ /chos yang dag par ji lta ba bzhin du mthong bar gyur cig ces sems bskyed do/ /skyil mo krung 'jig pa'i tshe byang chub sems dpas sems can thams cad shin tu mnyam par bzhag cing 'du byed thams cad rang bzhin 
gyis 'jig pa rnam par mthong bar gyur cig ces sems bskyed do/ /rkang mthil gzhog pa'i tshe byang chub sems dpas sems can thams cad sems rnam par grol ba mi 'khrugs pa la rab tu gnas par gyur cig ces sems bskyed do/ /rkang mthil 'degs pa'i </font><hr>35-1-214b<br><font size=+1>
tshe byang chub sems dpas sems can thams cad kha na ma tho ba med pa dang ldan pa thob ste/ 'khor ba'i rgya mtshor bying ba las 'thon par gyur cig ces sems bskyed do/ /smad g.yogs gyon pa'i tshe byang chub sems dpas sems can thams cad ngo tsha shes shing khrel yod pa bla na med pa dang 
ldan zhing dge ba'i rtsa ba shin tu brtan par gyur cig ces sems bskyed do/ /ska rags 'chings pa'i tshe byang chub sems dpas sems can thams cad mi 'khrugs pa'i chos can du gyur te/ dge ba'i rtsa ba shin tu 'brel par gyur cig ces sems bskyed do/ /bla gos 
gyon pa'i tshe byang chub sems dpas sems can thams cad chos thams cad kyi khyad par gyi pha rol tu phyin pa thob ste/ gong nas gong du dge ba'i rtsa ba thob par gyur cig ces sems bskyed do/ /snam sbyar gyon pa'i tshe byang chub sems dpas sems can thams cad mi 
'khrugs pa'i chos can du gyur te thabs dam pas mngon par bkab par gyur cig ces sems bskyed do/ /so shing len pa'i tshe byang chub sems dpas sems can thams cad yongs su dag pa'i dngos po 'thob pa'i phyir dam pa'i chos rnam par dag pa thob par gyur cig ces sems 
bskyed do/ /so shing za ba'i tshe byang chub sems dpas sems can thams cad nyon mongs pa shin tu bcom ste/ sems dul zhing sems rnam par dag par gyur cig ces sems bskyed do/ /dben par 'gro ba'i tshe byang chub sems dpas sems can 
thams cad 'dod chags dang / zhe sdang dang / gti mug spangs te/ sdig pa'i chos thams cad spangs par gyur cig ces sems bskyed do/ /chu ngogs su 'gro ba'i tshe byang chub sems dpas sems can thams cad 'jig rten las 
'das pa'i chos thams cad la shin tu 'byung bar gyur cig ces sems bskyed do/ /gtsang sbra'i las byed pa'i tshe byang chub sems dpas sems can thams cad shin tu dag pa'i dngos pos gtsang zhing des pa dang ldan par gyur cig ces sems bskyed do/ /lag </font><hr>35-1-215a<br><font size=+1>
pa 'khru ba'i tshe byang chub sems dpas sems can thams cad gzung zhing bcang ba'i phyir bkra shis kyi lag pa dang ldan par gyur cig ces sems bskyed do/ /ngo 'khru ba'i tshe byang chub sems dpas sems can thams cad shin tu nyon 
mongs pa dang bral zhing chos thams cad kyi sgo rnam par dag pa thob par gyur cig ces sems bskyed do/ /'khar ba len pa'i tshe byang chub sems dpas sems can thams cad mchod sbyin byas shing lam ston par gyur cig ces sems bskyed do/ /lhung bzed len 
pa'i tshe/ byang chub sems dpas sems can thams cad 'gro ba thams cad kyis mchod par 'os shing snod du gyur cig ces sems bskyed do/ /spyod yul du mngon par zhugs pa'i tshe byang chub sems dpas sems can thams cad gnas med par gzhol zhing sangs rgyas kyi spyod 
yul la mngon du phyogs par gyur cig ces sems bskyed do/ /lam du zhugs pa'i tshe byang chub sems dpas sems can thams cad phyi na ma lus par 'gro zhing sangs rgyas kyi lam du zhugs par gyur cig ces sems bskyed do/ /'gro ba'i tshe byang chub sems 
dpas sems can thams cad shin tu rnam par dag pa'i chos bsgribs pa med pa grub par gyur pas chos kyi dbyings mtha' dang dbus med pa khong du chud par gyur cig ces sems bskyed do/ /lam mtho ba mthong ba'i tshe byang chub sems dpas sems can thams cad shin tu 
zhum pa med de khams gsum las gyen du 'phags par gyur cig ces sems bskyed do/ /lam dma' ba mthong ba'i tshe byang chub sems dpas sems can thams cad dge ba'i rtsa ba shin tu brtan cing sangs rgyas thams cad la shin tu 'dud par gyur cig ces 
sems bskyed do/ /lam nyam nga ba mthong ba'i tshe byang chub sems dpas sems can thams cad lta ba yo zhing myi drang ba dang bral te lam nyam nga ba yongs su spangs par gyur cig ces sems bskyed do/ /lam drang po mthong ba'i tshe byang chub sems dpas sems can thams </font><hr>35-1-215b<br><font size=+1>
cad g.yo med cing sgyu med de sems drang po dang ldan par gyur cig ces sems bskyed do/ /lam rdul chen po mthong ba'i tshe byang chub sems dpas sems can thams cad shin tu rdul med pa'i chos yang dag par thob ste 'dod chags par 'gyur ba'i chos las rnam par 
grol bar gyur cig ces sems bskyed do/ /rdul med pa'i lam mthong ba'i tshe byang chub sems dpas sems can thams cad snying rje chen po yongs su bsgom pa dang ldan zhing sems 'jam par gyur cig ces sems bskyed do/ /g.yang sa mthong ba'i tshe byang chub 
sems dpas sems can thams cad bsgribs pa med pa rtogs par khong du chud cing sdig pa'i chos thams cad bstsal te dge ba'i chos la rab tu gzhol bar gyur cig ces sems bskyed do/ /'khor mthong ba'i tshe byang chub sems dpas sems can thams cad dus gsum du gtogs 
pa'i chos zab mo bstan pa dang 'thun par gyur cig ces sems bskyed do/ /ka ba mthong ba'i tshe/ byang chub sems dpas sems can thams cad khro zhing mkhon du 'dzin pa dang bral te/ khengs pa dang / 'khrugs pa dang rnam par bral bar gyur cig ces 
sems bskyed do/ /nags tshal mthong ba'i tshe/ byang chub sems dpas sems can thams cad lha dang 'jig rten du bcas pas phyag bya ba'i gnas su gyur cig ces sems bskyed do/ /ri mthong ba'i tshe byang chub sems dpas sems can thams cad thob par 
dka' ba dang thibs po med pa rab tu thob cing dge ba'i rtsa ba thams cad kyis mngon par 'phags par gyur cig ces sems bskyed do/ /shing tsher ma can mthong ba'i tshe byang chub sems dpas sems can thams cad 'dod chags dang zhe sdang dang gti mug med cing tsher 
ma dang bral bar gyur cig ces sems bskyed do/ /shing lo ma can mthong ba'i tshe byang chub sems dpas sems can thams cad bsam gtan dang rnam par thar pa dang ting nge 'dzin dang snyoms par 'jug pa dag gis rab tu g.yogs par gyur cig ces sems bskyed do/ /</font><hr>35-1-216a<br><font size=+1>
me tog mthong ba'i tshe byang chub sems dpas sems can thams cad chos thams cad la mngon par shes pa'i me tog rgyas pas me tog lta bur gyur cig ces sems bskyed do/ /me tog gi shing mthong ba'i tshe byang chub sems dpas sems 
can thams cad skyes bu chen po'i mtshan sum cu rtsa gnyis kyi me tog shin tu rgyas par gyur cig ces sems bskyed do/ /shing tog mthong ba'i tshe byang chub sems dpas sems can thams cad snying po byang chub du gzhol zhing / sangs rgyas kyi chos btsal ba thams cad 
'bras bu yod de/ 'bras bu'i dam pa rab tu thob par gyur cig ces sems bskyed do/ /chu klung mthong ba'i tshe byang chub sems dpas sems can thams cad sangs rgyas kyi ye shes nyams su myong ste/ chos kyi rgyud la mnyam par bzhag par gyur cig ces sems 
bskyed do/ /lu ma mthong ba'i tshe byang chub sems dpas sems can thams cad sangs rgyas kyi chos thams cad ro gcig pa'i phyir se gol gtogs pa tsam gyis khong du chud par gyur cig ces sems bskyed do/ /rdzing bu mthong ba'i tshe byang chub sems dpas sems can thams cad chos thams 
cad kyi tshig shin tu bstan pa la mkhas shing chos thams cad kyis rgyas pa'i tshig gi las dang ldan par gyur cig ces sems bskyed do/ /khron pa mthong ba'i tshe byang chub sems dpas sems can thams cad chos thams cad 'byor pa dang ldan zhing spobs pa mang bar 
gyur cig ces sems bskyed do/ /mtsho mthong ba'i tshe byang chub sems dpas sems can thams cad gong nas gong du dmigs pa la rab tu brtson zhing dge ba'i rtsa ba mi zad par gyur cig ces sems bskyed do/ /zam pa mthong ba'i tshe byang chub sems dpas sems can 
thams cad skye bo thams cad yongs su bsgral ba la zam par ded par gyur cig ces sems bskyed do/ /yur ba mthong ba'i tshe byang chub sems dpas sems can thams cad 'gro ba kun gyi sems dang bsam pa la mkhas shing bag la nyal ba dang / kun nas 'khor ba </font><hr>35-1-216b<br><font size=+1>
med par gyur cig ces sems bskyed do/ /ra ba mthong ba'i tshe byang chub sems dpas sems can thams cad gzugs dang sgra dang dri dang ro dang reg la sred pa rab tu byang bar gyur cig ces sems bskyed do/ /mya ngan med pa'i nags tshal mthong ba'i tshe/ byang chub sems 
dpas sems can thams cad sred pa shin tu med cing mya ngan med pa rab tu thob par gyur cig ces sems bskyed do/ /bza' shing gi ra ba mthong ba'i tshe byang chub sems dpas sems can thams cad sangs rgyas kyi byang chub yongs su mi gtong ba la shin tu brtson par gyur cig ces 
sems bskyed do/ /sems can rgyan gyis brgyan pa mthong ba'i tshe/ byang chub sems dpas sems can thams cad skyes bu chen po'i mtshan sum cu rtsa gnyis kyis brgyan par gyur cig ces sems bskyed do/ /rgyan med pa'i sems can mthong ba'i tshe/ byang chub 
sems dpas sems can thams cad sbyangs pa'i pha rol tu phyin pa thob pas rgyan med par gyur cig ces sems bskyed do/ /dga' ba mang ba'i sems can mthong ba'i tshe/ byang chub sems dpas sems can thams cad chos la dga' zhing mos pa dang 
spro bas dga' ba mang bar gyur cig ces sems bskyed do/ /mi dga' ba mang ba'i sems can mthong ba'i tshe/ byang chub sems dpas sems can thams cad 'dus byas kyi dngos po thams cad la mi dga' ba mang bar gyur cig ces sems bskyed do/ /sems 
can bde ba mthong ba'i tshe/ byang chub sems dpas sems can thams cad sangs rgyas kyi bde ba'i yo byad thams cad rab tu thob pas shin tu bde bar gyur cig ces sems bskyed do/ /sems can sdug bsngal ba mthong ba'i tshe/ byang chub sems dpas sems 
can thams cad ye shes kyi rtsa ba rab tu thob ste/ sdug bsngal zhi bar byed par gyur cig ces sems bskyed do/ /nad med pa ma yin pa'i sems can mthong ba'i tshe/ byang chub sems dpas sems can thams cad shin du mya ngan med pa'i chos can du gyur te/ tha dad pa med par </font><hr>35-1-217a<br><font size=+1>
khong du chud par gyur cig ces sems bskyed do/ /sems can sdu gu mthong ba'i tshe byang chub sems dpas sems can thams cad sangs rgyas dang byang chub sems dpa' thams cad la mos pa mang bar gyur cig ces sems bskyed do/ /mi 
sdug pa'i sems can mthong ba'i tshe byang chub sems dpas sems can thams cad mi dge ba'i bshes gnyen gyi bya ba la mos pa chung bar gyur cig ces sems bskyed do/ /drin gzo ba'i sems can mthong ba'i tshe/ byang chub sems dpas sems can thams cad 
sangs rgyas dang byang chub sems dpa' thams cad kyi mdzad pa shes par gyur cig ces sems bskyed do/ /drin gzo ba med pa'i sems can mthong ba'i tshe/ byang chub sems dpas sems can thams cad mi dge ba'i lta ba la drin du gzo ba med par gyur cig 
ces sems bskyed do/ /dge sbyong mthong ba'i tshe/ byang chub sems dpas sems can thams cad ma lus pa'i mthar thug par bya ba la brtson zhing zhi ba dang dul ba la gzhol bar gyur cig ces sems bskyed do/ /bram ze mthong ba'i tshe/ byang chub sems 
dpas sems can thams cad tshangs pa'i dam par gyur te sdig pa spong bar gyur cig ces sems bskyed do/ /dka' thub can mthong ba'i tshe byang chub sems dpas sems can thams cad ma lus pa'i mthar thug par bya ba la brtson zhing dka' thub la shin tu 
gzhol bar gyur cig ces sems bskyed do/ /brtul zhugs la zhugs pa mthong ba'i tshe/ byang chub sems dpas sems can thams cad sangs rgyas kyi byang chub yongs su mi gtong ba'i phyir brtul zhugs dam por gyur cig ces sems bskyed do/ /go 
gyon pa'i sems can mthong ba'i tshe/ byang chub sems dpas sems can thams cad rang 'byung gi chos yongs su btsal ba la go cha bzang po shin tu bgos par gyur cig ces sems bskyed do/ /go ma gyon pa'i sems can mthong ba'i tshe/ byang chub sems </font><hr>35-1-217b<br><font size=+1>
dpas sems can thams cad mi dge ba'i las bya ba thams cad la go gyon pa med par gyur cig ces sems bskyed do/ /rgol ba'i sems can mthong ba'i tshe/ byang chub sems dpas sems can thams cad phas kyi rgol ba thams cad shin tu tshar gcod par gyur 
cig ces sems bskyed do/ /'tsho ba'i sems can mthong ba'i tshe byang chub sems dpas sems can thams cad spyod lam bcos pa myed cing 'tsho ba dag par gyur cig ces sems bskyed do/ /rgyal po mthong ba'i tshe byang chub sems dpas sems can thams 
cad thogs pa med pa'i chos kyi 'khor lo bskor ba'i chos kyi rgyal por gyur cig ces sems bskyed do/ /rgyal po'i bu mthong ba'i tshe byang chub sems dpas sems can thams cad sangs rgyas kyi sras chos las skyes pa'i chos kyi sprul par gyur cig ces sems bskyed do/ /
khyim bdag mthong ba'i tshe byang chub sems dpas sems can thams cad rnam par gdon mi za ba'i blo can du gyur te/ grong gi chos spangs par gyur cig ces sems bskyed do/ /blon po mthong ba'i tshe byang chub sems dpas sems can thams cad mi dge ba'i chos kyi spyod pa 
thams cad la bzang po yid la byed par gyur cig ces sems bskyed do/ /grong khyer mthong ba'i tshe byang chub sems dpas sems can thams cad gdul dka' ba'i sems dang ldan par gyur te/ mthu bo che'i lus dang ldan par gyur cig ces sems bskyed do/ /rgyal 
po'i gnas mthong ba'i tshe byang chub sems dpas sems can thams cad yon tan gyi rjes su 'brang bar 'thun pa la mos pa'i sems dang ldan par gyur cig ces sems bskyed do/ /nags tshal gyi 'dab mthong ba'i tshe byang chub sems dpas sems can thams cad lha dang 
bcas pa'i 'jig rten gyi bsngags par 'os par gyur cig ces sems bskyed do/ /slong du 'gro ba'i tshe byang chub sems dpas sems can thams cad bsgribs pa med pa'i tshul gyis chos kyi dbyings su chud par gyur cig ces sems bskyed do/ /sgor phyin pa'i tshe byang chub </font><hr>35-1-218a<br><font size=+1>
sems dpas sems can thams cad sangs rgyas kyi chos thams cad kyi sgor phyin par gyur cig ces sems bskyed do/ /nang du phyin pa'i tshe byang chub sems dpas sems can thams cad sangs rgyas kyi theg pa dus gsum du mnyam pa nyid kyi nang du phyin 
par gyur cig ces sems bskyed do/ /mi sbyin no zhes ma byas pa'i tshe byang chub sems dpas sems can thams cad bsod nams kyi pha rol tu phyin pa 'thob cing phyir spang ba med par gyur cig ces sems bskyed do/ /mi sbyin no zhes byas pa'i tshe byang chub sems dpas 
sems can thams cad sems can dmyal ba dang byol song gi skye gnas dang gshin rje'i 'jig rten las phyir spangs par gyur cig ces sems bskyed do/ /lhung bzed stong pa mthong ba'i tshe byang chub sems dpas sems can thams cad nyon mongs pa thams cad kyis stongs par 
gyur cig ces sems bskyed do/ /lhung bzed gang ba mthong ba'i tshe byang chub sems dpas sems can thams cad chos dkar po thams cad kyis yongs su rgyas par gyur cig ces sems bskyed do/ /rim gror byas pa'i tshe byang chub sems dpas sems can thams cad sangs 
rgyas kyi chos kyi spyod pa thams cad la/ rim gror byed par gyur cig ces sems bskyed do/ /rim gror ma byas pa'i tshe byang chub sems dpas sems can thams cad mi dge ba'i chos mchod pa thams cad la rag ma lus par gyur cig ces sems bskyed do/ /
khrel yod pa'i sems can mthong ba'i tshe/ byang chub sems dpas sems can thams cad dbang po ldan pa'i spyod pa dang ldan zhing khrel yod par gyur cig ces sems bskyed do/ /ngo tsha med pa'i sems can mthong ba'i tshe/ byang chub sems dpas sems can 
thams cad byams pa la gnas shing / ngo tsha med pa yongs su spangs par gyur cig ces sems bskyed do/ /kha zas bsod par thob pa'i tshe byang chub sems dpas sems can thams cad zang zing med pa'i sems dang ldan zhing smon lam thams cad phun sum tshogs </font><hr>35-1-218b<br><font size=+1>
par gyur cig ces sems bskyed do/ /kha zas mi bsod pa thob pa'i tshe byang chub sems dpas sems can thams cad ting nge 'dzin nyams su bde ba thams cad thob par gyur cig ces sems bskyed do/ /kha zas snum bag thob pa'i tshe byang chub sems dpas sems 
can thams cad snying rje chen po yongs su bsgoms pa'i sems dang ldan zhing sems 'jam par gyur cig ces sems bskyed do/ /snum bag med pa'i kha zas thob pa'i tshe/ byang chub sems dpas sems can thams cad 'jig rten gyi sred pa dang bral te snum bag med 
pa'i sems su gyur cig ces sems bskyed do/ /kha zas za ba'i tshe byang chub sems dpas sems can thams cad chos la dga' ba dang rab tu dga' bas yongs su rgyas shing bsam gtan gyi zas za bar gyur cig ces sems bskyed do/ /ro myong ba'i tshe byang chub sems 
dpas sems can thams cad bdud rtsi'i ros ngoms par gyur cing / skyes bu chen po'i mtshan ro bro ba'i mchog thob par gyur cig ces sems bskyed do/ /zan zos pa'i tshe byang chub sems dpas sems can thams cad sangs rgyas kyi chos 
kyi pha rol tu phyin cing bya ba byas par gyur cig ces sems bskyed do/ /chos ston pa'i tshe byang chub sems dpas sems can thams cad sangs rgyas kyi chos thams cad la yang dag par gzhol zhing spobs pa mi zad pa dang ldan par gyur cig ces sems bskyed do/ /
phyir 'byung ba'i tshe byang chub sems dpas sems can thams cad sangs rgyas kyi ye shes nyams su myong ste/ khams gsum thams cad nas byung bar gyur cig ces sems bskyed do/ /chu 'bog pa'i tshe byang chub sems dpas sems can thams cad dus gsum 
mnyam pa nyid kyis thams cad mkhyen pa'i ye shes la 'bogs par gyur cig ces sems bskyed do/ /khrus byed pa'i tshe byang chub sems dpas sems can thams cad 'od mtha' yas pa dang ldan zhing lus dang sems dri ma med par gyur cig ces sems bskyed do/ /</font><hr>35-1-219a<br><font size=+1>
dro ba la spyod pa'i tshe byang chub sems dpas sems can thams cad mu med par phyin pa ste yongs su gdung ba bsil bar gyur cig ces sems bskyed do/ /bsil ba la spyod pa'i tshe byang chub sems dpas sems can thams cad shin tu bsil bar 
gyur te/ bla na med pa'i bsil ba'i dngos po khong du chud par gyur cig ces sems bskyed do/ /chos thob par byed pa'i tshe/ byang chub sems dpas sems can thams cad sangs rgyas kyi chos kyi gtam gyi rjes su 'gro zhing chos kyi dbyings dang 'dris par gyur cig ces sems bskyed 
do/ /sangs rgyas mthong ba'i tshe byang chub sems dpas sems can thams cad sangs rgyas thams cad dang 'grogs pa rab tu thob ste bsgribs pa med pa'i mig dang ldan par gyur cig ces sems bskyed do/ /mig mi 'gebs par lta ba'i tshe byang chub sems dpas sems can thams cad kun tu 
mdzes pas kun tu bzang por gyur cig ces sems bskyed do/ /mchod rten mthong ba'i tshe byang chub sems dpas sems can thams cad 'gro ba kun gyis mchod par 'os shing mchod rten lta bur gyur cig ces sems bskyed do/ /lta ba'i tshe byang chub sems dpas sems can 
thams cad lha dang bcas pa'i 'jig rten gyis lta bar gyur cig ces sems bskyed do/ /spyi bos 'thug pa'i tshe byang chub sems dpas sems can thams cad lha dang bcas pa'i 'jig rten gyi spyi gtsug bltar mi snang bar gyur cig ces sems bskyed do/ /g.yas phyogs su bskor ba byed 
pa'i tshe/ byang chub sems dpas sems can thams cad thams cad mkhyen pa nyid du don dang 'thun par gyur cig ces sems bskyed do/ /lan gsum du bskor ba'i tshe byang chub sems dpas sems can thams cad sangs rgyas kyi byang chub tu mos pa'i rab dang ldan par gyur cig ces 
sems bskyed do/ /sangs rgyas kyi yon tan brjod pa'i tshe/ byang chub sems dpas sems can thams cad yon tan gyi pha rol tu phyin pas yon tan mi zad par gyur cig ces sems bskyed do/ /mtshan rnams brjod pa'i tshe/ byang chub sems dpas sems </font><hr>35-1-219b<br><font size=+1>
can thams cad mtshan nyid med pa'i chos la gzhol zhing yan lag dam pa phun sum tshogs par gyur cig ces sems bskyed do/ /rkang pa 'khru ba'i tshe byang chub sems dpas sems can thams cad dri ma med pa'i mthar phyin cing rdzu 'phrul gyi rkang pas pha rol tu phyin par gyur 
cig ces sems bskyed do/ /lus myong ba'i tshe byang chub sems dpas sems can thams cad bsam pa la rnyog pa med cing lus kyi 'du byed shin tu bde bar gyur cig ces sems bskyed do/ /gnyid sad pa'i tshe byang chub sems dpas sems can thams cad phyogs 
bcu thams cad du mthu chen po thob par gyur te/ thams cad mkhyen pa'i ye shes la shin tu rnam par sangs rgyas pa'i sangs rgyas su gyur cig ces sems bskyed do/ /kye rgyal ba'i sras 'di dag ni byang chub sems dpa' rnams kyi sems kyi las yid la byed 
pa'i sbyor ba gang dang ldan pas yon tan gyi khyad par 'di dag dang gzhan thams cad kyang thob par 'gyur zhing / lha dang 'jig rten du bcas pa dang / bdud du bcas pa dang / tshangs par bcas pa dang / dge sbyong dang bram ze dang skye dgur bcas pa dang / lha 
dang dri za dang / mi dang lha ma yin du bcas pa'i 'jig rten dang / nyan thos dang rang sangs rgyas su bcas pa thams cad kyis mi 'phrogs par 'gyur ba'i byang chub sems dpa'i sems kyi las yid la byed pa'i sbyor ba rnams so/ /spyod yul yongs su dag pa'i le'u ste/ 
bcu drug pa'o// //sangs rgyas rmad ga cad ces bya ba shin tu rgyas pa chen po'i mdo/bam po bcwo brgyad pa/ /yon tan yangs pa'i spyod yul yongs dag pa/ /de skad smras nas sems can dri med pa/ /'jam pa'i dbyangs 
kyis byang chub yon tan rnams/ /sems can dam pa bzang po'i dpal la dris/ /spyod yul yongs dag rgyal ba'i spyod pa'i rnams/ /bdag gis rgyal sras rnams la 'dir bshad do/ /yon tan spyod pa ji snyed gang yod pa/ /rgyal sras rnams la da ni </font><hr>35-1-220a<br><font size=+1>
khyod kyis shod/ /bzang po'i dpal gyis smras pa rgyal sras nyon/ /yon tan mtha' yas de dag yon tan las/ /mtsho las thigs pa ji bzhin nyung shas shig /mgo smos tsam du cung zad brjod par bya/ /byang chub don du rang byung 
'gyur bya zhes/ /thog mar byang chub sems skyes gyur pa yi/ /yon tan brjod pa'ang mtha' yas dpag tu med/ /dpe zla med pas brjod kyang zad mi 'gyur/ /pha rol phyin dang sa yi yon tan la/ /bskal pa bzang por spyad pa ji bzhin smos/ /de dag 
yon tan chu bo thams cad ni/ /phyogs bcu'i rgyal bas bstan kyang zad mi 'gyur/ /yon tan mtha' yas rnams kyi yon tan las/ /dpe tsam cha shas cung tsam brjod par bya/ /mkha' las 'dab chags lam ltar shin tu chung / /sa chen lhun las rdul phran 
gcig dang 'dra/ /byang chub yon tan bsam pa'i sems skye ba/ /rgyu med ma yin rkyen las 'byung ba yin/ /rgyal ba rnams dang bde gshegs chos rnams dang / /dge 'dun rnams la dad pa bskyed pas skye/ /de yang 'dod pa'i sred pa rgyal srid dang / /bdag 
bde'i don dang grags dang snyan phyir myin/ /'gro ba'i sdug bsngal ma lus gzhil ba'i phyir/ /'jig rten phan bskyed sems ni yongs su skye/ /de ni sems can rtag tu bde don btang / /zhing sbyangs sangs rgyas mang po mchod pa'i rgyur/ /yongs su 
chos 'dzin byang chub 'tshang rgya zhing / /ye shes rnam par sbyong ba'i sems skye'o/ /rgyal ba kun dang chos dang dge 'dun dang / /de bzhin bla mar gyur pa thams cad la/ /dad dang mos dang dga' ba bskyed byas te/ /sri zhur mchod byas byang chub sems kyang 
skye/ /rgyal ba bde gshegs chos la yid ches nas/ /rgyal sras spyod pa rnams la yid ches te/ /byang chub bla na med la yid ches shing / /skyes bu dam pa rnams kyi sems skye'o/ /dad pa sngon 'gro ma ltar bskyed pa ste/ /yon tan </font><hr>35-1-220b<br><font size=+1>
thams cad yongs su skye zhing 'dren/ /nem nur rnam sel nad las rab tu sgrol/ /dad pa bde ba'i grong du phyin par byed/ /dad pa sems gsal rnyog pa med pa ste/ /nga rgyal rnam spangs sri zhu'i rtsa ba yin/ /dad pa spyod mchog nor dang gter yin te/ /lag 
pa lta bu dge sdud rtsa ba yin/ /yongs su gtong la dad pa dga' bar byed/ /rgyal ba'i chos la dad pa spro ba skyed/ /yon tan ye shes khyad par dad pa byed/ /sangs rgyas lam la ston pa'ang rnyed par byed/ /dbang po rno zhing rab tu gsal ba dang / /gzhan gyis 
mi thub dngos la dad pa stobs/ /nyon mongs thub pa med la gnas yin te/ /dad pa rang byung yon tan tshol ba yin/ /dad pa chags pa'i sgo dang mi 'grogs te/ /mi khom spong zhing 'du 'dzi med par byed/ /dad pa bdud kyi lam las bzlog pa ste/ /thar lam 
dam pa yongs su ston pa yin/ /yon tan rgyu yin sa bon ma rul bzhin/ /dad pa byang chub shing rab rnam par spyod/ /ye shes khyad par sgo rnams 'phel bar byed/ /dad pa rgyal ba rnams kyi ston pa yin/ /de bas dad mos khyad par dga' ba la/ /spyod pa rim 
gyis rnam par brjod par bya/ /chos tshul 'di 'dra 'jig rten rnams na dkon/ /rin chen seng ge'i rgyal po ji bzhin no/ /dad pas sangs rgyas sri zhu gang byed pa/ /de dag tshul khrims slob pa mi gtong ngo / /tshul khrims slob pa gang rnams mi gtong ba/ /de 
dag yon tan gnas pas yon tan ldan/ /tshul khrims byang chub shes rab ston pa ste/ /bslab pas sa yi yon tan legs la brtson/ /tshul khrims bslab pa yongs su ma btang na/ /rgyal ba rnams kyis bstod cing bsngags par 'os/ /dad pas 
sangs rgyas sri zhu gang byed pa/ /de dag rgyal ba'i mchod pa yangs pa byed/ /rgyal ba rnams la mchod pa su byed pa/ /de dag sangs rgyas mos pa bsam mi khyab/ /dad pas chos la phu dud gang byed pa/ /de dag rgyal ba'i chos kyis mi ngoms nyan/ /rgyal </font><hr>35-1-221a<br><font size=+1>
ba'i chos kyis mi ngoms su nyan pa/ /de dag bsam gyis mi khyab chos la mos/ /dad pas dge 'dun phu dud su byed pa/ /de dag mi ldog dge 'dun rnams la mos/ /mi ldog dge 'dun rnams la su mos pa/ /de dag dad 
pa'i stobs kyis phyir mi ldog /dad pa'i stobs kyis gang rnams mi ldog pa/ /de dag dbang po rab tu gsal zhing rno/ /gang rnams dbang po rab tu gsal rno ba/ /des ni sdig pa'i grogs po rnam par spangs/ /gang gis sdig pa'i grogs po rnam spangs pa/ /de 
dag chos kyi bshes gnyen yongs su 'dzin/ /chos kyi bshes gnyen gang gis yongs bzung ba/ /de dag dge ba rgya chen yongs su stsogs/ /dge ba rgya chen yongs su gang stsogs pa/ /bdag nyid che ba de dag rgyu mthun ldan/ /bdag nyid che ba rgyu 'thun gang ldan pa/ /de 
dag mos pa'i khyad par yangs pa 'thob/ /mos pa yangs pa'i khyad par sus thob pa/ /de dag rtag tu rgyal bas byin gyis brlabs/ /rgyal ba'i byin gyis gang rnams brlabs gyur pa/ /de dag byang chub don du sems kyang skye/ /byang chub don du gang gis sems skyes pa/ /de 
bzhin drang srong chen po'i yon tan brtson/ /drang srong chen po'i yon tan gang brtson pa/ /de dag sangs rgyas rigs su rigs ldan skyes/ /sangs rgyas rigs su rigs ldan gang skyes pa/ /de dag 'du dang 'bral ba rnam par spangs/ /'du dang 
'bral ba gang gis rnam spangs pa/ /de dag bsam pa dang zhing rnam par dag /gang gis dang zhing bsam pa rnam dag pa/ /de dag lhag pa'i bsam pa dam pa'i mchog /lhag bsam dam pa'i mchog dang su ldan pa/ /de dag rtag tu pha rol 
phyin la spyod/ /pha rol phyin la rtag tu sus spyod pa/ /de dag theg pa chen po 'di la spyod/ /theg pa chen po 'di la sus spyod pa/ /de dag nan tan dam pas sangs rgyas mchod/ /nan tan dam pas sangs rgyas su mchod pa/ /de dag sangs rgyas </font><hr>35-1-221b<br><font size=+1>
rjes dran phyed pa med/ /sangs rgyas rjes dran gang la mi phyed pa/ /de dag rtag tu sangs rgyas bsam yas mthong / /rtag tu sangs rgyas bsam yas sus mthong ba/ /de dag rtag tu sangs rgyas mi 'grogs min/ rtag tu sangs rgyas mi 'grogs su ma 
yin/ /de la chos ni nub pa nam yang med/ /gang la chos nub 'gyur ba med 'gyur ba/ /de dag spobs pa bsgribs pa med dang ldan/ /spobs pa bsgribs pa med dang su ldan pa/ /de dag chos rab ston pa mtha' yang yas/ /gang gi chos rab bstan pa mtha' 
yas pa/ /de dag 'gro la byams pas phan pa tshol/ /'gro la byams pas phan pa su tshol ba/ /de dag snying rje chen po'i rtsa ba brtan/ /snying rje chen po'i rtsa ba su brtan pa/ /de dag chos kyi dga' bas dbang po dga'/ /chos kyi dga' bas dbang po 
gang dga' ba/ /de dag 'du byed nyes la btang snyoms so/ /'du byed nyes pa gang gis btang snyoms pa/ /de dag nga rgyal rloms sems bag med spangs/ /nga rgyal rloms sems bag med sus spangs pa/ /de dag rtag tu bdag dang gzhan don 
brtson/ /bdag dang gzhan don rtag tu su brtson pa/ /de dag 'khor bas yongs su skyo ba med/ /gang la 'khor bas yongs su skyo med pa/ /de dag brtson 'grus dam pa mchog dang ldan/ /brtson 'grus dam pa mchog dang su ldan pa/ /de dag mngon 
shes rnam dag mngon par skyes/ /gang gi mngon shes rnam dag mngon skyes pa/ /de dag spyod pa mchog gi dra bar zhugs/ /spyod mchog dra bar gang rnams zhugs gyur pa/ /de dag 'gro ba yongs su smin par mkhas/ /'gro ba yongs su smin par gang mkhas 
pa/ /de dag 'gro sdud ye shes tshul la mkhas/ /'gro sdud ye shes tshul la su mkhas pa/ /de dag bsdu ba'i dngos po bzhi la brtson/ /bsdu dngos bzhi la gang rnams brtson 'grus pa/ /de dag 'gro ba'i don mang mtha' yas byed/ /'gro ba'i don mang </font><hr>35-1-222a<br><font size=+1>
mtha' yas su byed pa/ /de dag shes rab thabs kyi stobs mchog ldan/ /shes rab thabs kyi stobs mchog su ldan pa/ /dpa' bo de dag bla med lam la gnas/ /bla med lam la dpa' bo gang gnas pa/ /de dag bdud kyi 
dpung gis thub pa myin/ /gang rnams bdud kyi dpung gis thub min pa/ /de dag bdud lam bzhi las yongs su 'das/ /bdud lam bzhi las yongs su su 'das pa/ /de dag phyir mi ldog gi sar yang phyin/ /mi ldog sar ni gang gis phyin gyur pa/ /de dag 
mi skye'i bzod pa thob pa yin/ /mi skye'i bzod pa gang gis thob gyur pa/ /'jig rten sgron de rgyal bas lung yang bstan/ /'jig rten sgron ma rgyal bas lung bstan pa/ /de dag rgyal ba kun dang mngon du gnas/ /rgyal ba kun dang mngon du su gnas pa/ /de dag 
rgyal ba'i rdzu 'phrul gsang la mkhas/ /rgyal ba'i rdzu 'phrul gsang la su mkhas pa/ /de dag rgyal ba kun gyis dgongs pa yin/ /gang rnams rgyal ba kun gyis dgongs gyur pa/ /de dag sangs rgyas yon tan yongs kyis brgyan/ /sangs rgyas yon tan 
yongs kyis su brgyan pa/ /de dag bsod nams dam pas lus kyang sbyangs/ /bsod nams dam pas gang gi lus sbyangs pa/ /de dag gser gyi ri bo 'dra bar 'bar/ /gser gyi ri bo 'dra bar su 'bar ba/ /de dag mtshan rab sum cu gnyis dang ldan/ /
mtshan rab sum cu gnyis dang su ldan pa/ /de dag dpe byad bzang pos lus kyang bris/ /dpe byad bzang pos gang gi lus bris pa/ /de dag lus 'od kun tu mtha' yas so/ /gang gi lus 'od kun tu mtha' yas pa/ /de dag 'od zer rgyan kyang 
bsam mi khyab/ /gang la 'od gzer bsam yas rgyan yod pa/ /de dag 'od las pad+mo mang po 'byung / /gang gi 'od las pad+mo mang 'byung ba/ /de dag rgyal ba pad+mo'i gdan bzhugs te/ /ston cing phyogs bcu'i 'jig rten kun tu yang / /don yod </font><hr>35-1-222b<br><font size=+1>
rnam par spyod cing sems can 'dul/ /gang rnams rgyal ba pad+mo'i gdan bzhugs pa/ /ston cing phyogs bcu'i 'jig rten kun tu yang / /don yod rnam spyod sems can 'dul byed pa/ /de dag mngon shes rnam 'phrul mtha' yang yas/ /gang gi mngon 
shes rnam 'phrul mtha' yas pa/ /de dag bsam gyis mi khyab chos ston cing / /sems can bsam gyis mi khyab dgar byed pas/ /bsam gyis mi khyab zhing ni rnam par spyod/ /gang rnams bsam gyis mi khyab chos ston cing / /bsam yas sems can dga' 
bar sus byed pa/ /de dag bsam pa ji bzhin 'jig rten na/ /tha dad yang dag shes mthus sems can 'dul/ /tha dad yang dag shes pa'i ye shes mthus/ /bsam pa ji bzhin sems can su 'dul ba/ /de dag lus dang ngag yid rtag dus su/ /
ye shes sngon du 'gro bar shin tu 'byung / /gang gi lus dang ngag yid rtag dus su/ /ye shes sngon du 'gro bar rab 'byung ba/ /de dag smon lam stobs kyis ci dga' bar/ /sems can rgyud du gzugs mang yongs su ston/ /smon lam stobs kyis 
gang rnams ci dga' bar/ /sems can rgyud du gzugs mang ston byed pa/ /de dag tshig tu brjod cing ci smra yang / /sgra la dbyangs kyi yan lag bsam mi khyab/ /tshig tu brjod cing ci dang ci smra yang / /gang gi sgra dbyangs yan lag bsam yas pa/ /
de dag 'gro ba ma lus thams cad kyi/ /bsam pa'i sems rnams yud kyis rnam par shes/ /gang gis ma lus 'gro ba thams cad kyi/ /bsam pa'i sems rnams yud kyis rnam shes pa/ /de dag skye dang 'chi 'pho nam yang med/ /nyon mongs rgyu 
ba'ang de bzhin skye ba med/ /skye dang 'chi 'pho gang la med gyur cing / /nyon mongs rgyud kyang de bzhin skye med pa/ /de dag yon tan chos nyid ye shes lus/ /chos kyis smos par 'jig rten kun tu spyod/ /yon tan chos nyid ye shes lus ldan zhing / /</font><hr>35-1-223a<br><font size=+1>
chos kyis smos par 'jig rten su spyod pa/ /de dag sa bcu rnams dang dbang bcu yi/ /pha rol phyin mchog rnam par thar la spyod/ /gang rnams sa bcu dbang rnams bcu po yi/ /pha rol phyin mchog rnam par thar spyod pa/ /
de dag mngon shes rgyan gyis rnam par 'phrul/ /ting 'dzin dam pas rnam par spyod pa thob/ /mngon par shes pa'i rgyan gyis rnam 'phrul zhing / /ting 'dzin mchog gis rnam spyod sus thob pa/ /de dag phyogs bcu'i rgyal ba thams cad las/ /dbang 
bskur rgyan rnams thams cad yongs su nod/ /gang rnams phyogs bcu'i rgyal ba thams cad las/ /dbang bskur rgyan rnams thams cad nod byed pa/ /de dag spyi bor phyogs bcu'i sangs rgyas kyis/ /phyag mthil bdud rtsis mngon par dbang yang bskur/ /
gang rnams spyi bor phyogs bcu'i sangs rgyas kyis/ /phyag mthil bdud rtsis mngon par dbang bskur ba/ /de dag ma lus nam mkha' rgyas byas shing / /phyogs rnams kun tu mthu brtan gnas pa byed/ /gang rnams nam mkha' ma lus rgyas bkang 
zhing / /phyogs rnams kun tu mthu brtan gnas byed pa/ /dpe med de dag spyod yul shes par ni/ /'jig rten lha dang bcas pas mi nus so/ /dpe med gang gis spyod yul shes bya bar/ /'jig rten lha dang bcas pas mi nus pa/ /de dag brtson 
'grus thams cad don kyang yod/ /mthong dang ming thos spobs pa'ang don yod do/ /gang rnams brtson 'grus thams cad don yod cing / /mthong dang ming thos spobs pa don yod pa/ /skyes chen de dag sbyin bdag gtong ba yi/ /sbyin pas gnas te 
thams cad don kyang yod/ /skyes bu dam pa de dag byin mthu yis/ /dam chos tshul ni mi 'jig brten par gnas/ /dge ba'i las lam dam pa mchog rnams kyang / /rin chen 'dra mthus kun na rgyu shing gnas/ /rdo rje stug po'i rin chen tshogs yod </font><hr>35-1-223b<br><font size=+1>
pas/ /de yi mthu yis rgya mtsho'i rin chen rnams/ /mi zad 'phel zhing 'grib pa gang yang med/ /de bzhin yon tan mtha' yas yon tan mtsho/ /sangs rgyas mi bzhugs zhing rnams gang yod pa/ /de dag kun tu byang chub sangs rgyas ston/ /
phyogs rnams gang na dam chos med gyur pa/ /de dag kun tu chos kyi gter ston to/ /de dag mi rtog rnam par mi rtog ste/ /lhun gyis grub par phyogs rnams thams cad du/ /zla ba lta bur gzugs brnyan ston byed cing / /thabs mang stong gis sems can 
'dul ba byed/ /de dag skad cig re re byang chub tu/ /rnam par sangs rgyas phyogs bcu kun tu ston/ /'khor lo bskor dang mya ngan 'das zhi dang / /sku gdung rgya chen de bzhin dpa' bo ston/ /mkhas pa de bzhin nyan thos rang sangs rgyas/ /sangs 
rgyas rnam 'phrul rgyan rnams mtha' yas pa/ /yongs su ston cing bskal pa bsam yas su/ /theg pa gsum gyi sgo nas sems can 'dul/ /khye'u dang bu mo de bzhin bud med lus/ /skyes pa lha dang lha min klu rnams dang / /gnod sbyin grul bum lto 'phye chen 
po'i gzugs/ /mos pa thams cad tshul mkhas yongs su ston/ /ting 'dzin rgya mtsho'i brgya yi sgo dag nas/ /'gro ba'i gzugs mang rgyud ni ji snyed dang / /cha byad spyod pa sgra dbyangs tshul gyi rnams/ /thams cad ma lus dpa' bo ston 
pa byed/ /de dag zhing rgyan bsam gyis mi khyab ste/ /phyogs bcu'i rgyal ba thams cad mchod pa byed/ /de dag 'od zer mang po bsam mi khyab/ /sems can 'brel pa'i ye shes mtha' yang yas/ /de dag tshig gi rnam 'phrul ye shes rnam 'phrul 
dang / /lus kyi rnam 'phrul bsam gyis mi khyab ste/ /sbyin pa tshul khrims rnam par 'phrul pa dang / /bzod pa brtson 'grus rnam 'phrul bsam mi khyab/ /de dag bsam gtan shes rab rnam 'phrul dang / /thabs dang mngon shes rnam 'phrul bsam </font><hr>35-1-224a<br><font size=+1>
mi khyab/ /sangs rgyas tshogs kyi ting 'dzin sgo dag nas/ /yon tan kun gyi rnam 'phrul mtha' yang yas/ /de dag rdul phran 'jug pa'i ting 'dzin rnams/ /rdul phran kun la mngon par bsgrub byed cing / /rdul phran rtse gcig 
bsam yas zhing rnams la/ /ston par byed kyang rdul la 'phel ba myed/ /rdul gcig rtse la'ang sangs rgyas bzhugs zhing dang / /sangs rgyas mi bzhugs zhing yang de bzhin ston/ /la la nyon mongs rnam dag dog pa dang / /yangs shing phra dang che ba'i zhing yang ston/ /zhing 
rnams la la 'jig cing 'du ba dang / /la la spyi tshugs rim gyis gnas par ston/ /la la snrel zhi smyig rgyu lta bu ste/ /de bzhin gzhan rnams mig 'phrul lta bur ston/ /de dag rdul gcig rtser ston ji bzhin du/ /ma lus rdul rnams kun la de bzhin te/ /drang srong ting 
'dzin rnam 'phrul de 'dra'o/ /mtha' yas grags pa'i rnam thar de 'dra'o/ /rgyal ba mchod pa'i rnam 'phrul ting nge 'dzin/ /rgyal ba kun la mngon par sgrub byed cing / /lag pa'i mthil gyis stong gsum rgyas bkang zhing / /skyes bu chen po rnams la mchod pa 
byed/ /phyogs bcu kun na me tog phreng ba dang / /spos dang byug pa rin chen rin che ba/ /de dag byang chub shing drung bzhugs pa yi/ /rgyal ba mchod phyir lag pa'i mthil nas 'gyed/ /na bza' phye ma rin chen ji snyed dang / /rgyal mtshan ba dan gdugs dam sna 
tshogs dang / /gser gyi rgyan dang rin chen bla re dag /lag mthil de nas char du mngon par 'bebs/ /phyogs rnams mtha' yas kun gyi yo byad rnams/ /drang srong che la mchod pa gang 'os pa/ /de dag lag mthil de nas char du 'bebs/ /byang chub shing 
drung rgyal ba mchod pa byed/ /rol mo'i rnam pa phyogs na ji snyed pa/ /rnga chen rnga dang pi wang sgra snyan dang / /rol mo brdung dkrol gling bu sgra rab rnams/ /de dag lag mthil de nas sgra yang sgrog /phyogs bcu'i dpe med ji snyed bzhugs pa yi/ /bde gshegs </font><hr>35-1-224b<br><font size=+1>
yon tan legs pa sna tshogs dang / /bstod pa'i tshigs bcad bsgrubs pa sna tshogs dang / /lag mthil de nas sgra rab snyan par 'byung / /de dag 'od gzer las dges yongs bstsags pa/ /lag pa g.yas nas yongs su 'gyed byed cing / /rgyal ba'i 
zhing rnams spos chus ma lus par/ /kun tu btab cing 'jig rten sgron ma mchod/ /'od zer yid 'ong snang zhing rgyan ldan pa/ /lag pa'i mthil bkye pad+mo bsam mi khyab/ /pad mo rgyan 'phyang mtshan sdug du ma'i gzugs/ /mang po bkye zhing rgyal ba mchod 
pa byed/ /'od zer me tog rgyan rnams rab bkye zhing / /me tog rgyan dang me tog bla re dang / /me tog sna tshogs kun tu yongs bkang zhing / /bdag nyid che ba de dag rgyal ba mchod/ /'od zer spos kyi rgyan rnams rab bkye zhing / /spos kyi rgyan dang spos kyi bla re dang / /
sna tshogs spos kyis kun tu yongs bkang zhing / /bdag nyid che ba de dag rgyal ba mchod/ /'od zer phye ma'i rgyan rnams rab bkye zhing / /phye ma'i rgyan dang phye ma'i bla re dang / /phye ma sna tshogs kun tu yongs bkang zhing / /bdag nyid che ba de dag rgyal ba mchod/ /'od 
zer na bza'i rgyan rnams rab bkye zhing / /nam bza'i rgyan dang na bza'i bla re dang / /na bza' sna tshogs kun tu yongs bkang zhing / /bdag nyid che ba de dag rgyal ba mchod/ /'od zer rin chen rgyan rnams rab bkye zhing / /rin chen rgyan dang rin chen bla re 
dang / /rin chen sna tshogs kun tu yongs bkang zhing / /bdag nyid che ba de dag rgyal ba mchod/ /'od zer pad mo'i rgyan rnams rab bkye zhing / /pad mo'i rgyan dang pad mo'i bla re dang / /pad mo sna tshogs kun tu yongs bkang zhing / /bdag nyid che ba de dag 
rgyal ba mchod/ /'od zer phreng ba'i rgyan rnams rab bkye zhing / /phreng ba'i rgyan dang phreng ba'i bla re dang / /phreng ba sna tshogs kun tu yongs bkang zhing / /bdag nyid che ba de dag rgyal ba mchod/ /'od zer rgyal mtshan mchog rgyan rab bkye zhing / /de dag rgyal mtshan dkar </font><hr>35-1-225a<br><font size=+1>
dmar ser po dang / /sngo dang sna tshogs rnam mang rgyan can gyis/ /rgyal ba'i zhing rnams kun nas brgyan pa byed/ /de dag bde gshegs dbu la gdugs kyi mchog /rin chen dra ba sna tshogs rgyan ldan pa/ /dar gyi lda ldi ba dan 
yongs sbyangs shing / /dril phreng rgyal ba'i gsung sgrog 'dzin pa byed/ /de dag lag pa'i mthil nas bsam gyis mi khyab pa'i/ /mchod pa rgyal ba gcig la byed pa ltar/ /ma lus rgyal ba rnams la'ang de bzhin te/ /drang srong ting 'dzin rnam 'phrul de 'dra'o/ /de 
dag 'gro ba yongs sdud ye shes kyis/ /rnam par 'phrul pa'i ting 'dzin mngon bsgrubs shing / /bya ba'i tshul dang yon tan thams cad du/ /thabs mang stong gis sems can 'dul ba byed/ /la la de bzhin gshegs pa mchod sgo dang / /sbyin pa bsam gyis 
mi khyab gtong ba'i sgo/ /sbyangs pa'i yon tan kun gyi tshul khrims sgo/ /bzod pa mi zad mi sgul sgo dag dang / /la la brtul zhugs dka' thub brtson 'grus sgo/ /bsam gtan rab tu zhir gnas sgo dag dang / /don dam rnam par 'byed pa'i shes rab sgo/ /
tshul rnams kun ldan thabs kyi sgo dag dang / /tshangs pa'i spyod pa dag dang mngon shes sgo/ /bsdu ba'i dngos pos phan tshol sgo dag dang / /bsod nams yongs su bstsags dang ye shes sgo/ /bden pa rten pa'i rnam thar sgo dag dang / /la la stobs dang dbang po lam gyi sgo/ /
nyan thos theg pa rnam grol sgo dag dang / /rang rgyal theg pa rnam par dag pa'i sgo/ /theg pa dam pa rnam 'phrul sgo dag dang / /la la mi rtag pa dang sdug bsngal sgo/ /la la bdag med srog med sgo dag dang / /mi sdug 'du shes 'dod chags bral ba'i sgo/ /la la 
zhi 'gog ting 'dzin sgo dag tu/ /'gro ba'i spyod sgo ji snyed yod rgyu ba/ /de snyed chos kyi sgo la rab zhugs de/ /de dag kun gyi chos nyid sgo dag nas/ /bsam pa ji bzhin 'jig rten sems can 'dul/ /gang rnams kun gyi sgo yi sgo dag nas/ /bsam pa ji </font><hr>35-1-225b<br><font size=+1>
bzhin sems can 'dul ba byed/ /de dag mtshan mar bzung bar mi nus te/ /ting 'dzin rnam 'phrul tshul ni de 'dra'o/ /de dag dga' ba'i rgyan gyis ting 'dzin mchog /'gro ba thams cad yongs su smin byed 'thun/ /dga' bde spro ba rab dga' kun ldan pas/ /
bsam gyis mi khyab yongs ston sems can 'dul/ /gang tshe lo nyes thams cad dkon gyur pa/ /de tshe 'jig rten bde ba'i yo byad rnams/ /thams cad bsam pa rdzogs par bya ba'i phyir/ /sbyin pa yongs su gtong zhing 'gro don byed/ /de dag zas mchog skom 
dang rgyan mchog dang / /gos dang dgab pa rin chen sna tshogs dang / /rgyal srid nor dang bdag sdug yongs btang bas/ /sbyin la mos pa'i 'gro ba 'dul ba byed/ /de dag mtshan rab kun gyis lus brgyan cing / /gos dang rgyan mchog yongs su bgos btags te/ /
phreng bas rnam brgyan spos kyis bsku byas pa'i/ /gzugs rnams yongs su btang bas sems can 'dul/ /mthong bas dga' bde rab tu mos pa la/ /de dag gzugs mchog gzugs bzang cha byad mdzes/ /gzugs kyi dam pa yongs su ston byed cing / /
gzugs la mos pa'i sems can 'dul ba byed/ /de dag ka la ping ka'i sgra snyan dang / /ko kil kun la ngang pa'i sgra dbyangs dang / /rnga dang tshangs pa mi 'am ci yi sgras/ /mos pa thams cad tshul bzhin chos kyang ston/ /de dag stong phrag brgyad cu rtsa bzhi'o/ /
gang gis rgyal ba 'gro ba'i don mdzad pa'i/ /chos kyi bye brag sgo mo de dag gis/ /bsam pa ji bzhin 'jig rten sems can 'dul/ /de dag bde dang sdug bsngal grogs kyang byed/ /don dang don med grogs kyang de bzhin te/ /sems can dgos la 
grogs su 'gyur byas shing / /grogs kyi sgo nas sems can rnam par 'dul/ /sdug bsngal rgya mtsho 'dus byas skyon gyi rnams/ /grogs kyi don du de dag bzod par byed/ /'gro ba kun la phan don bde don du/ /de dag grogs don mi bde nyams su len/ /</font><hr>35-1-226a<br><font size=+1>
gang na 'byung ba med cing chos med de/ /dgon pa'i yon tan thar pa mi dmigs pa/ /de dag kun tu rgyal srid che spangs shing / /zhi ba'i yid kyis gnas med mngon par 'byung / /de dag khyim gyi btson ra srid gnas pa'i/ /
'gro ba thams cad yongs su dgrol ba'i rgyur/ /'dod pa'i dga' ba kun la mi gnas par/ /mngon par byung zhing thar pa yongs su brjod/ /de dag spyod pa bcu rnams spyod byed cing / /skyes chen rnams kyi chos la de dag spyod/ /drang srong spyod pa thams cad ma lus 
par/ /yongs su bsgom zhing 'gro ba'i don kyang byed/ /gang na sems can tshad med che ldan pa/ /bde ba phun ldan nyon mongs chung yod pa/ /de dag kun tu nad gzer nad bu can/ /bdag la dbang byed tsam gyi dbang sgyur ston/ /'dod chags 'bar zhing zhe sdang 
'bar gyur te/ /gti mug rgyu las 'jig rten mer 'bar zhing / /rga shi nad kyis rab tu 'bar gyur pa'i/ /'jig rten bstan cing sems can 'dul ba byed/ /de dag sangs rgyas stobs bcu mi 'jigs bzhi/ /chos kyi khyad par bcwo brgyad rnams kyis kyang / /sangs rgyas 
bdag nyid che ba brjod byed cing / /sangs rgyas yon tan rnams kyis 'gro don byed/ /de dag yongs ston rdzu 'phrul rjes ston gyis/ /gzugs rnams byin rlob mthu yis mthu che ba/ /de bzhin gshegs pa'i rdzu 'phrul ston byed cing / /rdzu 
'phrul rnam par 'phrul pas sems can 'dul/ /de dag thabs kyi tshul mang sna tshogs kyis/ /'gro ba'i don du 'jig rten rim gror byed/ /'jig rten mi chags chu la pad mo bzhin/ /dga' ba mos pa skye bar rnam par spyod/ /de dag rjod 
byed brjod pa'i rgyal po byed/ /gar mkhan rnga mkhan gyad dang rol mo mkhan/ /mdzes shing sdug par bzhad gad byed pa dang / /sgyu mkhan gzugs mang kun tu ston par byed/ /grong dang grong dpon kha lo sgyur ba dang / /ded dpon tshong dpon </font><hr>35-1-226b<br><font size=+1>
khyim bdag de bzhin te/ /rgyal po blon po mnga' rab pho nya dang / /sman pa mi 'jigs gtsug lag mkhas pa byed/ /de dag nags tshal sdong po chen por 'gyur/ /sman dang rin chen mi zad gter dag dang / /yid bzhin nor bu 'dod pa 'byin shing dang / 
lam gol 'khyams la de bzhin lam ston 'gyur/ /'jig rten byung nas mi ring shes gyur cing / /sems can las kyi tshul la mi shes pa/ /de dag kun la rmos thabs tshong thabs dang / /sna tshogs bzo rnams kun kyang brjod pa byed/ /'tshe med 
gnod pa med pa'i sbyor ba rnams/ /sems can bde skyed mkhas pas rab bsngags pa/ /rig mthu sman dang gtsug lag sna tshogs rnams/ /kun kyang drang srong de dag rnam par brjod/ /drang srong rnams kyi spyod pa dam pa'i mchog /gang la lhar bcas 
'jig rten dad gyur dang / /brtul zhugs dka' spyod dka' ba mchog gi rnams/ /kun kyang mkhas pa de dag ston par byed/ /de dag rgyud dang kun rgyu mu stegs can/ /dka' thub spyod yul mi smrar spyod pa dang / /sgren mo gos med ri yi dge sbyong la/ /mu stegs 
can gyi mkhan po mkhas pa byed/ /de dag yongs 'tsho chos la spyod pa dang / /bla na yod dang bla na med pa rnams/ /ral pa ring dang byis pa'i brtul zhugs can/ /de dag du yang de dag mkhan por 'gyur/ /nyi ma'i rjes spyad dka' thub lnga ldan dang / /khyi dang ba 
lang brtul zhugs ri dgas spyod/ /gle'u can mu stegs bcu gsum spyod pa'i rnams/ /de dag kun na'ang de dag slob dpon 'gyur/ /lha rnams ye shes tshul la dga' ba dang / /mu stegs khrus byed yul du rgyu ba dang / /rtsa ba 'bras bu chu la spyod pa'i 
rnams/ /chos sems nang na de dag dam par 'gyur/ /gnas brteg gnas dang gcig tu spyod pa dang / /tsher ma rtswa dang thal ba'i mal can dang / /dbyig pa'i mal can gcig pu spyod pa'i rnams/ /de dag kun tu'ang de dag slob dpon 'gyur/ /</font><hr>35-1-227a<br><font size=+1>
phyi rol mu stegs can rnams ji snyed pa/ /de dag bsam pa mos pa rtogs byas nas/ /bsgrub dka' mi zad drag shul dka' thub kyi/ /mu stegs can gyi sdug bsngal spangs pas 'dul/ /'jig rten lta bas 'khrugs pa shes 
byas nas/ /lta ba ngan la zhen pa'i mu stegs can/ /kun la phra ba'i tshig dang thabs tshul gyis/ /bden pa ston pa de dag kun tu byed/ /la la dra byi la yi sngags tshig tu/ /shin tu gsang ba'i tshig gis bden pa ston/ /la la dag la gsal zhing drang tshig 
gis/ /la la dag la lha yi gsang tshig gis/ /la la dag la yi ge dbye tshig dang / /don des rtogs pa rdo rje'i tshig rnams dang / /rgol ba 'dul ba'i ye shes tshig rnams dang / /bstan pa thub med thar pa'i tshig rnams kyis/ /la la dag la mi skad tshig rnams dang / /kun 
la 'jug pa'i tshig des tshig rnams dang / /la la dag la lha'i tshig des tshig dang / /klu yi tshig des gnod sbyin tshig rnams kyis/ /la la dag la srin po 'byung po dang / /dri za grul bum lto 'phye chen po'i tshig /mi ci lha min nam mkha' lding tshig gis/ /bden pa bstan cing thar par 
'dren pa byed/ /de dag bden pa'i tshig des tshul shes bzhin/ /de ltar rgyal ba'i chos rnams ma lus pa'i/ /chos nyid bsam yas tshig lam shes pas ston/ /de dag ting 'dzin rnam 'phrul de 'dra'o/ /de dag 'gro bde mchog gi ting nge 'dzin/ /'gro ba 
kun la mngon par sgrub byed cing / /'od zer bsam gyis mi khyab rab bkye ste/ /'od zer bkye nas sems can de dag 'dul/ /'od zer mthong na legs pa rab bkye zhing / /sems can ji snyed 'od zer de shes pa/ /de dag mthong legs don med ma yin te/ /
bla na med pa'i ye shes mchog gi rgyu/ /sangs rgyas bstan te chos rnams yongs bstan nas/ /dge 'dun bstan nas mi rnams lam bstan te/ /rgyal ba'i sku gzugs mchod rten bstan pas na/ /des ni mthong na legs pa'i 'od zer grub/ /lha yi 'od zer zil </font><hr>35-1-227b<br><font size=+1>
gyis gnon pa yi/ /'od zer 'od byed rab tu dgye byas shing / /mun pa kun dang rdul rnams kun bstsal te/ /'jig rten phan pa'i 'od de rab tu snang / /'od des sems can ji snyed yongs bskul ba/ /de dag rgyal ba mchod phyir me mar 'dzin/ /
rgyal ba mchod phyir mye mar bzung byas pas/ /'jig rten sgron ma mdzad pa'i rgyal bar 'gyur/ /'bru mar me mar mar gyi me mar dang / /shing dang rtswa dang smig ma spa yi sgron/ /spos dang ro mchog rin chen sgron ma dag /rgyal ba rnam gsol 'od byed de thob bo/ /'od 
zer sgrol zhes bya ba rab bkye zhing / /sems can ji snyed 'od zer des bskul ba/ /de dag sred pa rnam yangs sred pa'i mtshor/ /sems can bsgral don go cha brtan pa gyon/ /gang rnams sred pa'i rnam yangs srid pa'i mtshor/ /sems can bsgral phyir go cha 
brtan gyon pa/ /de dag chu bo bzhi las sgrol bar byed/ /mya ngan med pa bde ba'i grong yang ston/ /stegs dang zam pa gcig smin byas pa dang / /chu klung lam la sgrol ba'i gru byin te/ /'dus byas sun phyung zhi ba bsngags pas na/ /des ni sgrol ba'i 'od zer de grub 
bo/ /'od zer skom pa sel ba rab bkye zhing / /sems can ji snyed 'od zer des bskul ba/ /'dod pa'i yon tan skom pa rab spangs shing / /chos kyis rnam grol ro la don du gnyer/ /'dod pa'i yon tan skom pa rab spangs te/ /chos kyis grol 
ba'i ro la don gnyer bas/ /sangs rgyas bdud rtsi char pa 'bebs par 'gyur/ /'jig rten sred pa'i skom pa rnam par sel/ /rdzing dang chu klung khron pa lu ma dang / /mtsho rnams byang chub don du byed btsud de/ /'dod pa rnams smad bsam gtan bsngags pas na/ /
skom pa rnam sel de ni des sgrub po/ /'od zer dga' bar byed pa rab bkye zhing / /sems can ji snyed 'od zer des bskul ba/ /dga' bas rgyas shing byang chub mchog don du/ /rang 'byung 'gyur bar bya zhes sems bskyed do/ /thugs rje mnga' rnams sku </font><hr>35-1-228a<br><font size=+1>
gzugs mtshan brgyan pa/ /pad mo'i gdan la bzhugs pa byas bsgrubs shing / /rtag tu sangs rgyas yon tan brjod pas na/ /dga' ba byed pa'i 'od ni des grub bo/ /'od zer mos par byed pa rab bkye zhing / /sems can 
ji snyed 'od zer des bskul ba/ /de dag thams cad sangs rgyas mos pas dga'/ /chos la mos dga' dge 'dun mos pas dga'/ /de dag rtag tu sangs rgyas mos dga' ste/ /chos la mos dga' dge 'dun mos dga' bas/ /sangs rgyas chos dang de 
bzhin dge 'dun dang / /rtag tu 'grogs 'thob bzod pa bla med 'thob/ /sangs rgyas rjes dran chos dang tshogs mchog la/ /sems can mang po bskul zhing dran byas te/ /byang chub sems kyi yon tan bstan pas na/ /des ni 'od zer mos par byed pa grub/ /
'od zer bsod nams bstsags pa rab bkye zhing / /sems can ji snyed 'od zer des bskul ba/ /bla na med pa'i byang chub don gnyer cing / /sbyin pa sna tshogs du ma yongs su gtong / /de dag mchod sbyin lhug pa byed pa'i tshe/ /slongs mo pa yi bsam pa 
rdzogs byas te/ /bsam pa kun tshul sbyin pa byin pas na/ /des ni 'od zer bsod nams bstsags grub bo/ /'od zer ye shes ldan pa rab bkye zhing / /sems can ji snyed 'od zer des bskul ba/ /chos gcig sgo nas chos gcig min pa yi/ /chos kyi sgo 
rnams yud kyis rjes dran nas/ /chos kyi bye brag sems can 'dzin btsud de/ /des rtogs don gyi ye shes rnam phye zhing / /chos kyi tshig don brjod pa byas pa nas/ /des ni ye shes ldan pa'i 'od zer grub/ /'od zer shes rab sgron ma rab bkye zhing / /sems can 
ji snyed 'od zer des bskul ba/ /stong pa bdag med ma skyes ma byung ba/ /rang bzhin med pa'i chos la rab tu 'jug /bdag po med chos stong pa byed med pa/ /sprin dang smig rgyu chu zla 'dra ba'i dngos/ /rmi lam lta bu gzugs brnyan rang bzhin rnams/ /bstan pas shes </font><hr>35-1-228b<br><font size=+1>
rab sgron ma de grub po/ /'od zer chos kyi rnam 'phrul rab bkye zhing / /sems can ji snyed 'od zer des bskul ba/ /mi zad gzugs kyi bang mdzod rnams thob cing / /de bzhin gshegs pa kun gyi mdzod kyang 'dzin/ /chos 'chad rnams la yongs su 
phan btags te/ /drang srong rnams la chos kyi bsrung byas shing / /'gro ba kun la chos bzhin phan btags pas/ /'od zer chos kyi rnam 'phrul de grub po/ /'od zer gtong dang ldan pa rab bkye zhing / /sems can 'jungs pa ji snyed des bskul ba/ /skyid pa mi 
brtan mi rtag shes gyur nas/ /de dag rtag tu sbyin mos dga' bar 'gyur/ /'jungs pa gdul dka'i sems can ma dul dang / /nor rnams rmi lam sprin tshul shes gyur nas/ /dga' ba'i yid kyis sbyin pa rnam spel bas/ /gtong dang ldan pa'i 'od zer des 
bsgrub po/ /'od zer yongs su gdung med rab bkye zhing / /tshul ngan sems can ci snyed des bskul ba/ /tshul khrims rnam dag rab tu gnas gyur te/ /rang byung 'gyur bar bya zhes sems bskyed do/ /dge ba'i las lam yongs su dag pa dang / /tshul 
khrims bzang la sems can mang bskul zhing / /byang chub sems la yang dag bskul byas pas/ /yongs su gdung med 'od zer de grub po/ /bzod pas rnam brgyan 'od zer rab bkye zhing / /mi bzod sems can ji snyed des bskul ba/ /khro ba'i tha 
ba nga rgyal yongs spangs shing / /de dag bzod mos rab tu dga' bar 'gyur/ /sdig sems ldan la nyes pa bzod byas te/ /byang chub don du 'khrug pa ma byas shing / /bzod pa'i yon tan rtag tu brjod byas pas/ /des ni bzod pas rnam brgyan de grub 
po/ /'od zer brtson dang ldan pa rab bkye zhing / /le lo'i sems can ji snyed des bskul ba/ /rigs par brtson zhing dkon mchog gsum rnams la/ /sbyor ba skyo med mchod pa byed par 'gyur/ /rigs par brtson par dkon mchog gsum rnams la/ /</font><hr>35-1-229a<br><font size=+1>
sbyor ba skyo ba med pas mchod byas nas/ /de dag bdud bzhi'i lam las yongs 'das te/ /myur du byang chub bla med rab tu thob/ /sems can mang po brtson 'grus bskul byas te/ /dkon mchog gsum la mchod pa rab byas 
nas/ /tha ma'i dus su dam chos yongs su bzung / /des ni brtson ldan 'od zer de grub po/ /'od zer zhi bar byed pa rab bkye zhing / /rnam 'khrugs sems can ji snyed des bskul ba/ /de dag 'dod chags zhe sdang gti mug rnams/ /nyams su mi 
gnod mnyam bzhag sems su gyur/ /sdig to'i grogs po nyes ldan spyod can dang / /'du 'dzi yongs su rnam par spangs byas te/ /bsam gtan zhi ba'i dgon pa rab bsngags pas/ /des ni zhi byed 'od zer de grub po/ /'od zer shes rab rnam brgyan 
rab bkye zhing / /shes rab 'chal pa ji snyed des bskul pa/ /bden dang brtan dang rnam thar tshul rnams dang / /dbang po'i rgyus la rtog par shes gyur cing / /nyi ma sgron ma'i ting 'dzin thob gyur nas/ /shes rab 'od gsal mdzad pa'i rgyal bar 'gyur/ /
rgyal srid nor dang bdag phongs yongs btang ste/ /byang chub don du chos rnams gang btsal ba/ /de dag rim gror rab tu brjod byas pas/ /shes rab rnam brgyan 'od zer des grub po/ /'od zer sangs rgyas ldan pa rab bkye zhing / /sems can ji snyed 
'od zer des bskul ba/ /sangs rgyas bsam gyis mi khyab shin tu mang / /pad mo mchog la bzhugs par rab tu mthong / /sangs rgyas bdag nyid che dang rnam thar dang / /sangs rgyas rnam 'phrul mtha' yas yongs bstan te/ /sangs rgyas 
stobs dang rdzu 'phrul brjod byas pas/ /sangs rgyas ldan pa'i 'od zer des grub po/ /'od zer mi 'jigs sbyin pa rab bkye zhing / /'jigs mnar sems can ji snyed des phog pa/ /'byung po gza' dang bsad cing brdeg pa dang / /nad kyis </font><hr>35-1-229b<br><font size=+1>
'jigs pa kun las rab tu grol/ /mi 'jigs sbyin pas sems can bskyabs pa dang / /srog gcod las las sems rgyud phyir bzlog cing / /'jigs pas skyabs tshol rnams la bskyabs byas pas/ /'od zer mi 'jigs sbyin pa des grub po/ /
'od zer thams cad bde ba rab bkye zhing / /nad pa na ba ji snyed des reg pa/ /thams cad nad kyi sdug bsngal rnam par 'grol/ /bsam gtan ting 'dzin bde ba rnams kyang thob/ /nad gsos 'bras bu sman dang rtsa ba dang / /rin chen ro mchog spos dang byug pa dang / /
bu ram sbrang rtsi 'o ma mar dag dang / /'bru mar zas skom byin pas de grub po/ /'od zer sangs rgyas ston pa rab bkye zhing / /tshe zad mthar ni ji snyed des bskul ba/ /sangs rgyas rjes dran sangs rgyas mthong bar 'gyur/ /de dag shi 'phos sangs rgyas bzhugs shing 
'gro/ /'chi ba'i dus su sangs rgyas dran byas te/ /dga' 'gyur rgyal ba'i sku gzugs bsten byas shing / /'chi ka sangs rgyas skyabs su btang byas pas/ /sangs rgyas ston pa'i 'od zer des thob po/ /'od zer chos rab brjod pa rab bkye zhing / /
sems can ji snyed 'od zer des bskul ba/ /chos nyan brjod cing de bzhin 'dri ba byed/ /chos la mos pas rtag tu dga' bar 'gyur/ /chos kyi mu ge'i dus su chos brjod de/ /chos tshol rnams kyi bsam pa rdzogs byas shing / /mos pa bskyed de chos la brtson gyis 
zhes/ /brjod pa chos rab brjod pa des thob po/ /sangs rgyas sras rnams yongs su bskul pa'i phyir/ /'od zer dbyangs dang ldan pa rab bkye zhing / /khams gsum sgra rgyud ji snyed yod pa dag /kun kyang de bzhin gshegs pa'i gsung du thos/ /gsal ba'i 
dbyangs sgrar drang srong cher brjod de/ /rol mo sgra chen dril gyi sbyin pa rnams/ /'gro ba kun la rgyal ba'i gsung don du/ /yongs su btang bas 'od zer dbyangs ldan thob/ /'od zer 'chi med sbyin pa rab bkye zhing / /sems can ji snyed 'od zer des bskul ba/ /bag </font><hr>35-1-230a<br><font size=+1>
med spyod pa thams cad rnam spangs te/ /yon tan kun la rnal 'byor nyams su len/ /'dus byas rtag tu bde ba med pa ste/ /sdug bsngal 'tshe ba mang pos yongs su gang / /'gog pa rtag tu bde zhing zhi dga' zhes/ /
brjod pas 'chi med sbyin pa de thob bo/ /'od zer khyad par ldan pa rab bkye zhing / /sems can ji snyed 'od zer des bskul ba/ /tshul khrims khyad par ting 'dzin khyad par dang / /shes rab khyad par rgyal ba rnams las nyan/ /tshul khrims 'phags pa ting 
'dzin 'phags pa ste/ /shes rab 'phags pa thub pa'i rgyal mtshan zhes/ /byang chub don du bsngags shing bstod byas pas/ /des ni 'od zer khyad par ldan pa thob/ /'od zer rin chen rnam brgyan rab bkye zhing / /sems can ji snyed 'od zer des bskul ba/ /
rin chen gter mang mi zad thob gyur te/ /drang srong che la rin chen dam pas mchod/ /rgyal ba rnams dang rgyal ba'i mchod rten la/ /rin chen phul zhing 'gro ba nyon mongs la/ /rin chen bsdud de rin chen sbyin btang bas/ /rin chen rnam par brgyan pa'i 'od zer grub/ /
'od zer spos mchog snang ba rab bkye zhing / /sems can ji snyed 'od zer des bskul ba/ /mi la med pa'i spos dri tshor gyur nas/ /sangs rgyas yon tan rnams la nges par 'gyur/ /mi dang lha yi spos dang byug pa yis/ /mi yi gtso la mchod pa rab byas te/ /
spos kyis rgyal ba'i sku gzugs mchod rten dag /byas pas 'od zer spos mchog snang ba grub/ /'od zer sna tshogs rnam brgyan rab bkye zhing / /gdugs dang rgyal mtshan ba dan sna tshogs mchog /rol mo sgra snyan spos dang bdug spos kyis/ /pho brang dam pa 
yongs brgyan me tog 'gengs/ /sngon chad rgyal ba rol mos bstsu byas te/ /me tog byug pa bdug spos phye ma dang / /gdugs dang rgyal mtshan ba dan mchog dag gis/ /mchod pa byas pas sna tshogs rgyan grub bo/ /'od zer shin tu dang byed rab bkye zhing / /</font><hr>35-1-230b<br><font size=+1>
sa rnams lag mthil bzhin du gnas par byed/ /mchod rten drang srong gnas rnams sbyangs byas pas/ /des ni 'od zer shin tu dang byed grub/ /'od zer chen po sprin ldan rab bkye zhing / /spos kyi char 'bebs sprin rnams kun nas gnas/ /mchod rten gam yo spos 
chus yongs btab pas/ /'od zer sprin dang ldan pa rab tu thob/ /'od zer lhab lhub rnam brgyan rab bkye zhing / /gos med gos yod rgyan dang ldan par 'gyur/ /gos dang bgo ba phreng ba sna tshogs dag /yongs su btang bas lhab lhub rnam brgyan grub/ /
'od zer bro mchog ldan pa rab bkye zhing / /bkres pa kha zas bro mchog thob par 'gyur/ /zas dang skom dang bro mchog sna tshogs rnams/ /byin pas bro mchog ldan pa'i 'od kyang thob/ /'od zer nor ston rab tu dgye byas shing / /phongs pa rin chen gter rnams 
thob par 'gyur/ /gnas dang gter rnams mi zad dkon mchog gsum/ /gsol bas nor ston 'od zer de thob bo/ /'od zer mig sbyong rab tu dgye byas shing / /long ba de tshe sna tshogs gzugs 'thob 'gyur/ /rgyal ba dag dang rgyal ba'i mchod rten la/ /mar me 
gsol bas mig sbyong 'od zer grub/ /rna ba rnam sbyong 'od zer rab bkye zhing / /rna ba nyams pa sgra mang thos par 'gyur/ /rgyal ba rnams dang rgyal ba'i mchod rten la/ /sil snyan phul bas rna ba rnam sbyong thob/ /'od zer sna sbyong rab tu dgye byas shing / /sngon 
chad ma tshor dri zhim tshor bar 'gyur/ /rgyal ba rnams dang rgyal ba'i mchod rten la/ /spos zhim gsol bas sna sbyong 'od zer grub/ /'od zer lce sbyong rab tu dgye byas shing / /sgra snyan yid du 'ong bas sangs rgyas ston/ /mi snyan brlang bar smra ba rnam spangs te/ /'jam 
par smra bas lce sbyong 'od zer grub/ /'od zer lus sbyong rab tu bkye byas shing / /dbang po nyams pa dbang po ldan par 'gyur/ /rgyal ba rnams dang rgyal ba'i mchod rten la/ /lus kyis rab btud lus sbyong 'od zer thob/ /'od zer sems sbyong rab tu bkye byas shing / /myos pa </font><hr>35-1-231a<br><font size=+1>
thams cad rang bzhin sems su 'gyur/ /ting 'dzin rjes su sems 'gror rab byas pas/ /des ni sems sbyong 'od zer de grub po/ /'od zer gzugs sbyong rab tu dgye byas shing / /bsam yas sku mnga' mi'i dbang po mthong / /
sku gzugs ri mo sna tshogs mang po dang / /mchod rten rgyas byas gzugs sbyong thob par 'gyur/ /'od zer sgra sbyong rab tu bkye byas shing / /sgra ni sgra min stong par rab tu shes/ /rkyen las byung bas sgra brnyan 'dra'o zhes/ /sgra rnams bstan pas 'od zer de grub po/ /'od 
zer dri sbyong rab tu dgye byas shing / /dri nga thams cad dri zhim mchog tu 'gyur/ /spos mchog rab chus rgyal ba'i mchod rten dag /khrus byas byang chub shing gi 'od de yin/ /'od zer bro mchog rab tu dgye byas shing / /dug can dug myed ro yi mchog tu 'gyur/ /
sangs rgyas nyan thos bcas dang pha ma la/ /bro mchog thams cad phul ba'i 'od de yin/ /'od zer reg sbyong rab tu dgye byas shing / /reg na mi bde thams cad 'jam bder 'gyur/ /tri shul mdung dang ral gri mda' yi char/ /phreng ba yid 'ong ut+pal pad+mor 
'gyur/ /gos mang 'jam pa reg na bde ba'i rnams/ /rgyal ba gshegs pa'i lam du bting bkram ste/ /me tog byug pa na bza' 'jam pa dang / /phreng ba bla re gsol bas 'od de yin/ /'od zer chos spyod rab tu dgye byas shing / /ba spu kun 
nas 'jig rten phan mdzad pa'i/ /bsam yas chos mang 'byung ba thos par 'gyur/ /mos pa'i lam tshul bzhin du dga' bar byed/ /rkyen las byung bas ma skyes rang bzhin yin/ /rgyal ba'i sku ni chos kyi sku yin te/ /chos nyid nam mkha' bzhin du 
rtag gnas shes/ /brjod pas chos sbyong 'od zer de thob po/ /'od zer sgo mo de dag la sogs pa/ /drang srong rnams kyi ba spu'i sgo gcig nas/ /gang gA'i bye ma snyed kyi 'od zer byung / /kun kyang tha dad las kyi tshul can no/ /ji ltar ba spu gcig </font><hr>35-1-231b<br><font size=+1>
sgo sgo gcig /'od zer gang+gA'i bye snyed yongs 'byung ba/ /de bzhin ma lus spu rnams thams cad nas/ /drang srong ting 'dzin rnam 'phrul de 'dra'o/ /yon tan gang gis 'od zer grub 'gyur ba'i/ /yon tan de la bstang grogs sus byas pa/ /de dag 'od zer de dag nyid kyang 'byung / /drang srong ting 'dzin rnam 'phrul de 'dra'o/ /
de dag bsod nams bstang grogs byas pa la/ /rjes su yi rangs smon lam sus btab pa/ /gang gis mthong ste dge ba bsags gyur pa/ /de dag kun kyang 'od zer de dag shes/ /gang gis bsod nams byas shing dge bsags te/ /sangs rgyas yang dang yang du mchod byas shing / /sangs rgyas yon tan 
'dod cing don gnyer ba/ /de dag kun la 'od zer de dag bskul/ /dmus long rnams kyis nyi ma mi mthong yang / /de med ma yin 'jig rten kun tu 'char/ /mig dang ldan pas shar bar shes gyur nas/ /kun kyang rang rang so so'i las la 'jug /
de bzhin skyes chen 'od zer de dag kyang / /med pa ma yin kun tu 'phro ba ste/ /de dag mos pa log pas mnar ba yi/ /phal gyis mi mthong blo gros yangs la mod/ /rgyan dang nor bu bzhon pa gzhal med khang / /rin chen ro mchog spos dang byug pa rnams/ /
de dag che bar gyur la yod mod kyi/ /nyon mongs phongs pa rnams la yod pa min/ /gang gis 'od zer bye brag 'di thos te/ /dad la yid ches mos pa skyes gyur na/ /bdag ni yon tan chen po'i rgyal mtshan du/ /mi 'gyur snyam du nem nur des mi bskyed/ /de dag 
'khor gyi rgyan du rnam 'phrul bas/ /ting 'dzin dam pa mngon par sgrub byed cing / /phyogs bcu kun tu dpe zla med pa yi/ /rgyal sras 'khor rnams yongs su ston pa byed/ /de dag pad+mo mdzes pa stong gsum tsam/ /'od kyi rnam brgyan byin gyis brlabs byas shing / /
lus gcig skyil mo krung gi pad+mo de/ /yongs su rgyas ston ting 'dzin rnam par 'phrul/ /de dag zhing bcu'i rdul snyed pad mo gzhan/ /'khor dang bcas pa byin gyis brlabs byas shing / /rgyal sras kun gyis kun nas yongs bskor pa/ /de dag ting 'dzin </font><hr>35-1-232a<br><font size=+1>
ting 'dzin med par spyod/ /drang srong des ni yongs su smin byas te/ /rgyal ba'i legs pa yongs su gang bsgrubs pa/ /de dag pad mo chen po 'khor byed cing / /kun kyang thal mo sbyar te ngor yang lta/ /skyes bu chen po'i chos 
nyid de 'dra ste/ /gang rnams ting 'dzin rnam spyod zhugs gyur pa/ /kun kyang rang rang slob mas bskor 'gyur te/ /zla ba skar ma'i tshogs kyis bskor ba bzhin/ /de dag ji ltar phyogs gcig 'jug byed cing / /sangs rgyas sras kyi 'khor rnams ston byed pa/ /
de bzhin ma lus phyogs rnams thams cad du/ /ston te ting 'dzin rnam 'phrul de 'dra'o/ /de dag ting 'dzin rab rnams mngon sgrub cing / /phyogs kyi dra ba snrel zhir spyod pa byed/ /la la mnyam bzhag la la nam langs par/ /rang rang lus kyang 
phyogs rnams kun tu ston/ /de dag shar gyi phyogs su mnyam bzhag cing / /dpa' bo de dag nub kyi phyogs nas ldang / /nub kyi phyogs su de bzhin mnyam bzhag cing / /shar gyi phyogs nas bdag nyid che ba ldang / /de bzhin phyogs bcu kun tu 'jug byed de/ /phyogs 
rnams gzhan tu mnyam par bzhag byas shing / /ye shes yon tan mang po gzhan nas ldang / /drang srong ting 'dzin rnam 'phrul de 'dra'o/ /shar phyogs zhing grangs ji snyed yod pa rnams/ /ma lus de dag kun gyi rang byung gi /spyan snga zhabs kyi drung na ting 'dzin la/ /
zhi bar rnam par spyod pa de dag snang / /der ni mnyam bzhag sems can bstan byas nas/ /nub kyi zhing rnams kun nas dpa' bo rnams/ /langs shing rgyal ba kun gyi spyan snga na/ /mchod pa rnam mang du ma byed par snang / /nub kyi zhing grangs ji snyed yod pa rnams/ /
ma lus de dag kun gyi sangs rgyas kyi/ /spyan snga zhabs kyi drung na ting 'dzin la/ /zhi bar rnam par spyod pa de dag snang / /der ni mnyam bzhag sems can brtan byas nas/ /shar gyi zhing rnams kun nas dpa' bo rnams/ /langs shing rgyal ba kun gyi spyan snga na/ /</font><hr>35-1-232b<br><font size=+1>
mchod pa rnam mang du ma byed par snang / /phyogs bcu'i zhing du 'jug pa de 'dra ste/ /phyogs rnams kun tu ma lus dpa' bo rnams/ /la la mnyam bzhag la la rnam par longs/ /'jig rten sgron ma kun la mchod byed snang / /de dag mig gi lam la mnyam bzhag cing / /
bdag nyid che ba gzugs kyi lam las ldang / /'jig rten lhar bcas mos par 'gyur ba yi/ /bsam gyis mi khyab gzugs kyang ston par byed/ /gzugs kyi lam la mnyam par bzhag byas shing / /dran dang ldan pa mig gi lam las ldang / /mig ni ma skyes ma byung rang bzhin 
te/ /stong pa byed pa med par ston par byed/ /de dag rna ba'i lam la mnyam bzhag cing / /bdag nyid che ba sgra yi lam las ldang / /sgra dbyangs thams cad sgra brnyan bzhin du shes/ /'jig rten lhar bcas de la mos par 'gyur/ /sgra yi lam la mnyam par bzhag byas shing / /dran dang 
ldan pa rna ba'i lam las ldang / /rna ba ma skyes ma byung rang bzhin te/ /stong pa byed pa med par ston par byed/ /de dag sna yi lam la mnyam bzhag cing / /bdag nyid che ba dri yi lam las ldang / /dri rab mchog la 'jug par rab tu zhugs/ /'jig rten lhar bcas de la mos par 
'gyur/ /dri yi lam la mnyam par bzhag byas shing / /dran dang ldan pa sna yi lam las ldang / /sna ni ma skyes ma byung rang bzhin te/ /stong pa byed pa med par ston par byed/ /de dag lce yi lam la mnyam bzhag cing / /bro mchog kun gyi lam las ldang bar byed/ /bdag 
nyid che ba de dag blo mchog shes/ /'jig rten lhar bcas de la mos par 'gyur/ /bro ba'i mchog la mnyam par bzhag byas shing / /dran dang ldan pa lce yi lam las ldang / /lce ni ma skyes ma byung rang bzhin te/ /stong pa byed pa med par ston par byed/ /de dag lus kyi 
lam la mnyam bzhag cing / /bdag nyid che ba reg pa'i lam las ldang / /'jig rten bde ba bskyed pa'i reg la zhugs/ /'jig rten lhar bcas de la mos par 'gyur/ /reg gi lam la mnyam par bzhag byas shing / /dran dang ldan pa lus kyi lam las </font><hr>35-1-233a<br><font size=+1>
ldang / /lus ni ma byung ma skyes rang bzhin te/ /stong pa byed pa med par ston pa byed/ /de dag sems kyi lam la mnyam bzhag cing / /bdag nyid che ba chos kyi lam las ldang / /chos sgrub 'jug par bya la rab tu zhugs/ /'jig rten lhar 
bcas de la mos par 'gyur/ /chos kyi lam la mnyam par bzhag byas shing / /dran dang ldan pa sems kyi lam las ldang / /sems ni ma skyes ma byung rang bzhin te/ /stong pa byed pa med par ston pa byed/ /byis pa'i lus su de dag mnyam bzhag cing / /gzhon nu 
dar la bab pa'i lus su ldang / /gzhon nu dar la bab par mnyam bzhag cing / /rgan zhing 'khog pa'i lus su rnam par ldang / /rgan zhing 'khogs pa'i lus su mnyam bzhag cing / /dge bsnyen dad ma'i lus su rnam par ldang / /dge bsnyen dad ma'i lus su mnyam bzhag cing / /
dge bsnyen dad pa'i lus su rnam par ldang / /dge bsnyen dad pa'i lus su mnyam bzhag cing / /dge slong ma yi lus su rnam par ldang / /dge slong ma yi lus su mnyam bzhag cing / /dge slong mang du thos pa'i lus su ldang / /dge slong mang thos lus la 
mnyam bzhag cing / /slob dang mi slob lus su rnam par ldang / /slob dang mi slob lus su mnyam bzhag cing / /rang rgyal lus las de dag rnam par ldang / /rang rgyal lus la de dag mnyam bzhag cing / /sangs rgyas sku mchog phul du rnam par ldang / /sangs rgyas 
sku mchog phul la mnyam bzhag cing / /lha yi lus su de dag rnam par ldang / /lha yi lus su de dag mnyam bzhag cing / /'phrul chen klu yi lus su rnam par ldang / /'phrul chen klu yi lus su mnyam bzhag cing / /'phrul chen gnod sbyin lus su rnam 
par ldang / /'phrul chen gnod sbyin lus su mnyam bzhag cing / /'byung po kun gyi lus su rnam par ldang / /'byung po kun gyi lus su mnyam bzhag cing / /spu rtse gcig gi sgo nas rnam par ldang / /spu rtse gcig gi sgo nas mnyam bzhag cing / /spu rtse kun </font><hr>35-1-233b<br><font size=+1>
gyi sgo nas rnam par ldang / /spu rtse kun gyi sgo la mnyam bzhag cing / /skra rtse gcig gi sgo nas rnam par ldang / /skra rtse gcig gi sgo nas mnyam bzhag cing / /skra rtse kun gyi sgo nas rnam par ldang / /skra rtse kun gyi sgor ni mnyam bzhag cing / /rdul phran gcig las de dag rnam 
par ldang / /rdul phran gcig la de dag mnyam bzhag cing / /rdul phran ma lus kun las rnam par ldang / /rdul phran kun la de dag mnyam bzhag cing / /rgya mtsho rdo rje'i gzhi las rnam par ldang / /rgya mtsho rdo rje'i gzhi la mnyam bzhag cing / /rin chen shing gi 
'bras las rnam par ldang / /rin chen shing gi 'bras la mnyam bzhag cing / /rgyal ba'i 'od zer sgor ni rnam par ldang / /rgyal ba'i 'od zer sgor ni mnyam bzhag cing / /rgya mtsho chu dang chu klung kun nas ldang / /rgya mtsho chu klung kun nas mnyam bzhag cing / /bdag 
nyid che ba me yi lam las ldang / /me yi lam la de dag mnyam bzhag cing / /dran dang ldan pa rlung gi lam las ldang / /rlung gi lam la de dag mnyam bzhag cing / /bdag nyid che bas yi ge zhi las ldang / /sa yi gzhi la mnyam par bzhag byas shing / /lha yi gzhal 
med khang nas rnam par ldang / /lha yi gzhal med khang du mnyam bzhag cing / /dran dang ldan pa klu yi gnas nas ldang / /yon tan mtha' yas bstsags pa de dag gi /ting 'dzin rnam thar de dag bsam myi khyab/ /rgyal ba kun gyi bskal pa bsam yas su/ /
bstan par mdzad kyang zad par myi rung ngo / /rgyal ba kun gyis de skad ma gsungs myin/ /'gro ba'i las kyi rnam smin bsam myi khyab/ /klu yi rnam 'phrul sangs rgyas rnam 'phrul dang / /bsam gtan pa yi rnam 'phrul bsam myi khyab/ /de dag kun la'ang dpe bstan brjod 
par bya/ /de la 'dra ba'i dpe lta yod min te/ /mkhas shing gsal ba'i skye bo dpe rnams kyis/ /bstan na myur du rnam par don shes 'gyur/ /sems kyi lam la rnam thar brgyad gnas pa'i/ /nyan thos gcig tu gyur cing mang por 'gyur/ /mang por gyur cing de </font><hr>35-1-234a<br><font size=+1>
bzhin gcig gyur te/ /nam mkha' 'di la bsam gtan 'cha' zhing 'bar/ /'og nas me 'bar steng nas chu'i rgyun/ /steng nas me 'bar 'og nas chu'i rgyun/ /'gro 'dug nyal zhing 'greng ba de bzhin te/ /skad cig gcig la lus 'phrul bsam mi khyab/ /de ni snying rje chen po 
ldan ma yin/ /byang chub mi tshol 'jig rten yal bar gzhog /'on kyang lus 'phrul bsam gyis myi khyab ston/ /'jig rten phan tshol ci phyir de mi ston/ /nyi zla mkha' las rnam par rgyu 'dod zhing / /phyogs rnams kun gyi mtsho dang lu ma dang / /ldeng ka khron pa rin 
chen rgya mtsho'i snod/ /chu klung kun tu gzugs brnyan ston pa byed/ /de bzhin bsam gyis mi khyab gzugs kun kyang / /skyes bu dpa' bo de dag phyogs bcur ston/ /ting 'dzin rnam thar kun gyi tshul la mkhas/ /de la de bzhin gshegs pa rang byung dpal/ /mtsho 
gsal dang bar yan lag bzhi'i dpung / /so so rang rang gzugs brnyan tshul bzhin mthong / /ral gri shang lang sogs ka mde'u thung mda'/ /bzhon pa theg pa go cha bcas pa mthong / /gang gi gzugs dang cha byad ci 'dra ba/ /chu gsal de la de bzhin ma nor mthong / /
chu la zhe sdang byams pa rtog pa med/ /drang srong ting 'dzin rnam 'phrul de 'dra'o/ /rgya mtsho'i lha mo sgra dang ldan yod pa/ /sems can rgya mtshor ji snyed skyes pa rnams/ /de dag sgra yi yan lag dbyangs tshul shes/ /sgra skad kun tu rang rang skad du brjod/ /dbyangs 
ldan de ni 'dod chags zhe sdang can/ /'on kyang sgra dbyangs las kyi tshul la mkhas/ /gzugs dang chos kyi stobs la dbang thob pa/ /'jig rten lhar bcas ci phyir mgur mi byed/ /dga' byed chung ma sgra snyan ldan pa mo/ /tshangs pa'i bu mo sems las byung 
ba ste/ /dam tshig bden bsgrub mi 'tshe dga' ba yin/ /sems yid dag rnams byin gyis rlob pa byed/ /sgra snyan ldan pa 'dod chags zhe sdang can/ /brtul zhugs grub la dbyangs kyi rjes su 'brang / /'jig rten yid 'ong sgras kyang tshim par byed/ /ye shes </font><hr>35-1-234b<br><font size=+1>
yon tan mang ba cir mi ston/ /sngags kyi tshul mkhas sgyu ma mkhan po yang / /sna tshogs mtha' yas gzugs mang ston pa byed/ /nyin mtshan yud dang zla ba lo brgya dang / /khyim bzang rgyas pa shin tu mdzes pa ston/ /'dod chags sdang ldan sgyu ma'i mkhan po 
yang / /sgyu ma'i 'phrul gyis 'jig rten dga' bar byed/ /bsam gtan mngon shes rnam 'phrul rab byang ba/ /spyod pa tshul mkhas ci phyir dga' mi byed/ /lha dang lha min dbang po 'thab pa'i tshe/ /lha min lha yang rung ste gang pham pa/ /de dag bzhon pa 
theg pa gdugs bcas par/ /go ca gyon bzhin 'jigs pas kun tu byer/ /lha dbang de dag 'dod chags sdang ldan yang / /lus kyi rnam 'phrul bsam gyis myi khyab ston/ /dbang phyug rdzu 'phrul gnas pa'i dpa' bo rnams/ /lus kyi rnam 'phrul ci phyir ston 
mi byed/ /rdo rje 'dzin pa'i glang po shugs ldan pa/ /'phrul chen glang po'i dbang po'i 'khor gyur pa/ /mgo mang sum bcu rtsa gnyis sprul pa byed/ /mgo rnams kun la'ang mche ba drug drug ste/ /so rnams re re kun la'ang rdzing gi rnams/ /bdun 
bdun chus rgyas yongs su sprul pa byed/ /rdzing rnams re re kun tu pad mo rnams/ /bdun bdun rgyan gyis rnam brgyan sprul pa byed/ /pad mo rer yang lha yi bu mo dag /sgyu rtsal kun mkhas bdun bdun sprul pa byed/ /de dag rtsed mo glu gar tshul la mkhas/ /sum 
cu rtsa gsum dbang po de dang rtse/ /glang po de yang glang po'i lus btang zhing / /lha rnams kun dang mnyam zhing 'dra bar rdzu/ /spyod pa'i tshul dang longs spyod kun dang mthun/ /glang po mchog gi rnam 'phrul ci 'dra ltos/ /de ni 'dod chags zhe sdang gti 
mug can/ /'on kyang de 'dra'i rdzu 'phrul ston byed na/ /shes rab thabs kyi stobs la byang gyur rnams/ /ting 'dzin brgyas kyang ji rob 'phrul mi byed/ /sgra gcan ci dga'i tshul du lus rdzu na/ /rdo rje'i gzhi la rkang pa'i mthil bor zhing / /rgya mtsho'i zab ring </font><hr>35-1-235a<br><font size=+1>
lte bar phyin tsam byed/ /ri rab rtse dang nyid kyi mgo yang snyoms/ /de ni 'dod chags zhe sdang gti mug can/ /'on kyang de 'dra'i rdzu 'phrul ston byed na/ /'jig rten sgron ma bdud rnams yongs 'dul ba/ /rdzu 'phrul mtha' yas ji rob ston mi byed/ /bsam 
yas brgya byin 'phrul la'ang ltos shig dang / /lha dang lha dbang 'thab par gyur pa'i tshe/ /lha min bye ba 'phyes pa ji snyed pa/ /de snyed brgya byin rang gi lus 'phrul byed/ /lha min dbang po lha min phal kun gyis/ /brgya byin rang rang mdun na 'dug par shes/ /de ni rdo rje 'chang bas gzung 
'gyur ces/ /lha min dbang po kun kyang mgo rmongs so/ /'jigs pa'i gzugs kyis mig stong rab bstan te/ /rdo rje me lce 'bar ba rab gzas shing / /lus la go bgos gzi brjid thub dka' ba'i/ /brgya byin mthong nas lha min dbang po 'byer/ /de'i bsod nams phal gyi 
stobs dang mthus/ /lha rgyal don du rnam par 'phrul byed na/ /'gro ba ma lus kun gyi mgon gyur pa'i/ /bsod nams mi zad rnams ko cir mi 'phrul/ /lha rnams bskul ba'i lha rdzas rnga yod pa/ /lha yi las rnams rnam par smin pas byung / /lha rnams bag med spyod 
par shes gyur nas/ /mkha' las rnga yi dbyangs kyang rab tu sgrog /'dod pa thams cad mi rtag mi brtan te/ /'jig cing mi gnas dbu ba'i rang bzhin 'dra/ /sgyu ma smig rgyu chu yi zla ba bzhin/ /srid pa kun kyang rmi lam sprin gyi dngos/ /bag med thams cad gcugs can mya 
ngan ldan/ /tshems kyi lam yin 'chi med lam ma yin/ /ji snyed bag med rnam par spyod pa rnams/ /bdud kyi chu srin chen pos zos pa yin/ /yongs su 'dzin pa thams cad sdug bsngal rtsa/ /skye ba thams cad 'phags pa kun gyis smad/ /'dod pa'i yon tan 
mthar zad rang bzhin gyis/ /chos la mos pas rtag tu dga' bar gyis/ /brgya byin lhar bcas rnga yis bskul byas nas/ /kun kyang chos bzang mdun sar dong phyin te/ /lha mang kun la chos gtam zhi ba'i rnams/ /'dod chags bral dang rjes su mthun pa </font><hr>35-1-235b<br><font size=+1>
brjod/ /rnga rab de ni gzugs med mi mthong yang / /don chen rnga yi sgra ni sgrog byed na/ /bsam pa'i tshul bzhin gzugs mang ston byed pa/ /'gro ba kun gyi don chen cir myi byed/ /lha dang lha min 'thab par gyur pa'i tshe/ /lha yi bsod nams khyad par mthu stobs kyis/ /lha 
rnams bskul ba'i lha rdzas rnga yi mchog /lha rnams 'jigs sa re zhes sgra yang sgrog /rngas bskul lha rnams yongs su dga' ba skye/ /'jigs med stobs dang shin tu ldan par 'gyur/ /lha min dbang po 'jigs shing dngangs gyur nas/ /de ma thag tu 'jigs shing kun tu 
'byer/ /de bzhin rnga 'dra 'jigs med stobs pa'i rnams/ /'gro ba kun gyi mgon dang dpung gyur te/ /bdud dang nyon mongs bcom pa'i snying rje can/ /zhi ba'i sgra sgrog nyon mongs rab tu sel/ /dbang po'i lha mo dgu bcu rtsa gnyis te/ /dbang po'i sprul pas kun kyang dga' 
bar 'gyur/ /gcig kyang bdag dang brgya byin rtse bar shes/ /gcig ltas lha mo kun kyang de bzhin no/ /lha mo kun kyang dga' bar gnas snang yang / /chos bzangs 'dun sa kun na'ang de bzhin 'dug /lha rnams kun la chos rab ston par yang / /brgya byin skad cig 
gcig gis rnam par 'phrul/ /brgya byin 'dod chags zhe sdang gti mug can/ /sprul pas rang gi 'khor rnams dga' byed na/ /'gro don mi skyo spyod pa ci'i phyir/ /rdzu 'phrul stobs kyis 'jig rten dgar mi byed/  /bdud kyi dkrugs ma 'gro ba'i dbang bsgyur ba/ /de yi dbang 
du sems can 'di kun 'dong / /las dang nyon mongs kun tu 'khri zhags kyis/ /so so'i skye bo bdud 'khrugs des kyang bcings/ /de ni 'dod chags zhe sdang gti mug can/ /'gro ba mang po bdud kyi dbang byed na/ /dbang bcu'i dbang thob gyur pa ji rob ste/ /'gro ba thams 
cad rang gi phyogs mi gzhog /stong gsum bdag po tshangs pa chen po yang / /stong gsum kun gyi tshangs pa'i gnas rnams na/ /ma lus kun tu 'dug par rab tu snang / /tshangs pa'i sgra dbyangs yid 'ong rnams kyang sgrog /de ni 'jig rten pa yi lam gyis ni/ /bsam </font><hr>35-1-236a<br><font size=+1>
gtan mngon par shes pas rnam par 'phrul/ /'jig rten yongs 'das bla na med pa yi/ /bsam gtan rnam thar gnas pa cir mi 'phrul/ /dbang phyug chen po'i ye shes rnam 'phrul ltos/ /rgya mtshor sprin gyi char rnams rab bkye 
ba/ /skad cig gcig gis thams cad 'grang ba byed/ /thigs 'ga'i zer kyang ma lus nges shes na/ /bskal pa bsam gyis myi khyab tshul bslabs te/ /sangs rgyas ye shes bla na med thob rnams/ /ji rob 'gro ba ma lus thams cad kyi/ /skad cig gcig la sems bsam 
shes mi 'gyur/ /sems can las smin bsam gyis myi khyab pas/ /rlung las 'jig rten thams cad yongs su byung / /rgya mtsho ri dang lha yi gzhal med dang / /sa bon rnams mang kun kyang de las byung / /rlung las sprin byung char pa kun tu 'bab/ /sprin mang zhi bar 
'gyur ba'ang rlung gis 'gyur/ /lo tog rnam par 'phel ba'ang rlung gis te/ /'jig rten kun la rlung ni bde ba skyed/ /de ni pha rol phyin la ma bslabs te/ /sangs rgyas yon tan rlung gis bslabs min na'ang / /'jig rten rnam grub bsam yas ston byed na/ /
rang nyams thob pa ji rob ston mi byed/ /rgya mtsho'i 'brug sgra'i sprin gyi chu tshogs ni/ /bya skad rnams dang ji snyed ri dgas skad/ /khye'u dang bu mo bud med skyes pa'i skad/ /thams cad skad bzhin 'gro la rnam par sgrog /de bzhin sgra brnyan rang bzhin sgra shes 
nas/ /bsgribs pa med pa'i spobs pa rab ldan pas/ /'gro ba kun tu sgra brnyan brjod byas shing / /'jig rten thams cad yid 'ong sgras tshim byed/ /rgya mtsho 'di la ngo mtshar rmad kyi chos/ /'gro ba thams cad rgya dang mnyam snang zhing / /chu dang 'byung po rin chen yongs mi 
zad/ /chu rnams bzung bas yongs su ngoms pa med/ /de bzhin de dag 'gro kun rgyar stsal te/ /bsod nams bsam gtan rnam thar zad mi shes/ /shes rab ye shes yon tan de bzhin kun/ /bsod nams yon tan tshogs kyis ngoms pa med/ /rgya mtsho'i klu ni rnam </font><hr>35-1-236b<br><font size=+1>
par rtse byed na/ /sa yi gzhi nas dbang sgyur gnas kyi bar/ /gling bzhi bcas par sprin chen rgyas par 'gengs/ /de dag kun kyang rgyan mang sna tshogs ldan/ /de ni dbang bsgyur gnas su 'dzam bu chu klung gi /gser gyi mdog du sprin mang rnam par bsgrubs/ /'phrul dga' mu 
tig dmar po'i mdog lta bu/ /dga' ldan gnas su kha ba ba mo'i mdog /mtshe mar mthon ting bai DUr+Ya yi mdog /sum cu gsum du a sma gar b+ha 'dra/ /rgyal chen gnas su shel gyi mdog lta bu/ /rdo rje mi phyed sra mdog rgya mtshor ro/ /mi yi gnas su spos mchog 'dres 
par te/ /klu yi gnas su pad mo'i mdog lta bu/ /gnod sbyin gnas su ngang pa chu skyar mdog /ri yi mdog tu lha min gnas su'o/ /byang du gser gyi kha dog 'od ston te/ /gling rnams gzhan du'ang sna tshogs rgyan du ston/ /'dzam bu'i gling du ri gnag 'dra bar te/ /sprin rnams 
gang rnams ji ltar grub pa bzhin/ /dbang sgyur gnas su gser gyi sprin bstan nas/ /nyi ma'i mdog 'dra glog kyang rab tu 'gyed/ /'phrul dga'i gnas su zla 'od bzang 'dra dang / /dga' ldan gnas su 'dzam bu'i gser mdog ston/ /kha ba ba mo'i mdog tu mtshe mar 
te/ /sum cu rtsa gsum gnas su gser mdog tu/ /rgyal chen gnas su dpal gyi snying po'i mdog /mu tig dmar po'i mdog tu rgya mtshor ro/ /myi ci'i gnas su mthon ting bai DUr+Ya/ /klu yi gnas su dpal gyi snying po'i mdog /gnod sbyin gnas su shel gyi kha dog 
ste/ /a sma'i mdog du lha min gnas su'o/ /byang du ngang gis snang ba'i rin chen mdog /gling rnams gzhan du'ang rnam phye gzhan dang gzhan/ /'dzam bu'i gling du 'od 'phro an+da rnyil/ /sprin gyi mtshan nyid tshul mthun klog kyang 'gyed/ /de ni tshangs pa'i dbang sgyur gnas 
su tshangs dbyangs su/ /'brug sgra sgrog byed 'phrul dgar rnga yi dbyangs/ /rol mo'i sgrar yang dga' ldan gnas su ste/ /lha mo'i dbyangs su mtshe ma dag tu'o/ /sum cu gsum du mi ci'i skad du ste/ /rgyal chen gnas su dri za'i skad du'o/ /ri 'thab dbyangs </font><hr>35-1-237a<br><font size=+1>
su rgya mtsho kun tu ste/ /mi 'am ci'i gnas su gling bu'i sgra/ /klu yi gnas su thal mo brdabs pa'i sgra/ /gnod sbyin gnas su klu yi bu mo'i sgra/ /lha min gnas su lha rdzas rnga yi sgra/ /rgya mtsho'i shugs sgras mi yi gnas 
su'o/ /dbang bsgyur gnas su lha rdzas bsung zhim pa'i/ /me tog sna tshogs rgyan mang char yang 'bebs/ /zla ba bzang po'i 'od 'dra 'phrul dgar te/ /me tog man+da ra ba'i phreng char 'bebs/ /dga' ldan gnas su rin chen chen po'i char/ /rgyan gyi 
dam pa rin chen sna tshogs dang / /gtsug gi rin chen zla ba 'dra ba dang / /gser 'od bzang po'i char pa rab tu 'bebs/ /rgyal mtshan gdugs dang ba dan bzang po dang / /phreng ba byug pa rgyan gyi dam pa dang / /mu tig dmar po la ltar 
btags mdog tu/ /rol mo yid 'ong char pa mtshe mar 'bebs/ /sum cu gsum du rin chen sna tshogs te/ /tsan dan dam pa'i spos dang a ga ru/ /gur gum ge sar lha rdzas ta ma la/ /spos chu'i rgyan dang me tog 'dres par 'bebs/ /nyam du 'gyur ba'i 
kha zas skom gyi rnams/ /kha dog dri zhim ro dang ldan pa dang / /de min rin chen char 'bab bsam yas kyang / /rgyal chen bzhi yi gnas su klu dbang 'bebs/ /de ni rgya mtsho chen por rgyun tu yang / /char rgyun rgyun mi 'chad pa gnya' shing tsam/ /mi zad rin chen 
shin tu rnam rgyal ba'i/ /rin chen char ni mtha' yas rgyun tu 'bab/ /mi ci'i gnas su phreng ba sna tshogs dang / /pad+mo ut+pal dngos dang rin chen dang / /me tog par shi ma la'i phye ma spos/ /pi wang rnga dang gling bu snyan par ro/ /klu yi gnas su mu tig dmar po 
ste/ /gnod sbyin gnas su rin chen dang snang ba/ /lha min gnas su ral gri mde'u thung mdung / /dgra 'dul gzhu dang ste'u ka'i char 'bebs so/ /byang du de ni phreng ba rin chen dang / /me tog par shi ma li tsam pa ka'i/ /phreng ba bzang po kun ran mug ta ka/ /gling rnams </font><hr>35-1-237b<br><font size=+1>
gzhan du'ang char pa sna tshogs so/ /'dzam bu'i gling du chu 'dong rab gsal gyi/ /char rnams sna tshogs shin tu phra bar 'bebs/ /me tog 'bras bu sman dang spos dang shing / /lo las de bzhin 'jig rten bde 'phel byed/ /de ltar sprin rnams bsam gyis myi khyab dang / /
glog dang 'brug dang char pa rnams byed kyang / /khyim nas mi g.yo rnam par rtog pa med/ /klu yi 'phrul yang de ltar bsam mi khyab/ /de ltar chu yi rgya mtsho gnas pa yang / /klu yi rnam 'phrul bsam yas ston byed na/ /chos kyi rgya mtshor zhugs pa'i yon tan bdag /
mtha' yas rnam 'phrul mang por cir mi ston/ /dper bya de dag kun gyis mgo smos tsam/ /skyes bu de dag brjod byas yangs pa ste/ /dpa' bo de dag dpe dang rnam par bral/ /de dag de 'dra'i rnam thar dbang sgyur ro/ /mtha' yas blo gros yangs pa'i blo gros can/ /ma nor blo 
gros mtha' yas blo gros can/ /ye shes mchog dang khyad par blo ldan pa'i/ /rnam thar dam pa de 'dra'i tshul du bshad/ /gang gis rnam thar 'di dag thos gyur nas/ /yid ches 'dzin cing 'jig rten sgrog pa ni/ /ngo mtshar rmad kyi chos dang de ldan te/ /mi yul kun na de ni dga' ba 
byed/ /'di 'dra'i chos la yid ches dad byed pa/ /so so'i skye bo'i tshogs na'ang shin tu dkon/ /dge bstsags bsod nams byas pa de dag ni/ /rgyu yi stobs kyis 'di la yid ches 'gyur/ /gang rnams nyan thos theg la'ang yid ches pa'i/ /mi rnams 'jig rten kun na dkon pa ste/ /
de bas rang rgyal theg la dad pa dkon/ /theg chen dad byed de bas shin tu dkon/ /theg chen 'di la zhugs pa med pa ste/ /'di 'dra'i chos la dad pa shin tu dkon/ /'dzin cing spel byed smos kyang ci dgos te/ /yang dag ma nor 'jug pa smos ci dgos/ /la la stong gsum 
ri dang rgya mtshor bcas/ /bskal par 'dzin cing mgo la khyer byed na'ang / /'di 'dra'i chos la dad par byed pa las/ /de 'dra dka' bar rtsi ba ma yin no/ /la las stong gsum rdul snyed sems can rnams/ /bde ba kun gyis bskal par bsnyen bkur na'ang / /</font><hr>35-1-238a<br><font size=+1>
'di 'dra'i chos la yid ches dad byed pa'i/ /bsod nams ci 'dra thob pa de la min/ /la la zhing bcu ri dang mtshor bcas pa/ /lag pa'i mthil gyis nam mkha'i dbyings 'dzin kyang / /'di 'dra'i chos la yid ches dad byed pa'i/ /
dka' ba de 'dra de la yod pa min/ /la las zhing bcu'i rdul snyed sems can la/ /bde ba kun gyis bskal par bsnyen bkur kyang / /'di 'dra'i chos la yid ches dad byed pa'i/ /bsod nams ci 'dra de 'dra de la min/ /la las zhing bcu'i rdul snyed sangs rgyas rnams/ /
bskal par bde ba kun gyis bsnyen bkur te/ /la las le'u 'di yongs su bzung byas na/ /bsod nams 'di ni de las khyad par 'phags/ /rnam thar de dag yongs su bstan pa'i tshe/ /phyogs bcu'i zhing rnams thams cad g.yos par 'gyur/ /lha dang 
bdud kyi gnas rnams zil gyis mnan/ /'od mang bkye bas ngan song rab tu zhi/ /phyogs bcu kun gyi mi yi seng ge rnams/ /thams cad kun gyis mngon par zhal bstan te/ /phyag brkyang mtha' yas yon tan mang bdog pa/ /bzang po'i dpal gyi mgo la bzhag 
par gyur/ /phyag gi mthil gyis mgo la byug mdzad de/ /sangs rgyas de dag kun gyis gsung brjod pa/ /rnam thar 'di dag khyod kyis legs bshad kyis/ /legs par bstan la rjes su nged dgyes so/ /bzang po'i dpal gyi le'u zhes bya ba ste/ bcu bdun 
pa'o//  //sangs rgyas rmad ga cad ces bya ba shin tu rgyas pa chen po'i mdo/bam po bcu dgu pa/ de nas sangs rgyas kyi mthus shar phyogs kyi 'jig rten gyi khams thams cad dang / de bzhin du lho phyogs dang / nub phyogs dang /
byang phyogs dang / byang shar gyi phyogs mtshams dang / /shar lho'i phyogs mtshams dang / lho nub kyi phyogs mtshams dang / nub byang gi phyogs mtshams dang / 'og gi phyogs dang / steng gi phyogs kyi 'jig rten gyi khams thams cad du gling bzhi pa 'di </font><hr>35-1-238b<br><font size=+1>
la sogs pa gling bzhi pa re re na yang / de bzhin gshegs pa de dag de bzhin du bzhugs par snang ngo / /byang chub sems dpa' de dag kyang de bzhin gshegs pa'i byin gyi rlabs kyis chos ston cing / de bzhin gshegs pa'i zhabs kyi drung na 'khod par yang so so nas shes 
te/ bcom ldan 'das kyis kyang rdzu 'phrul mngon par 'du mdzad pa de ma brtul bar byang chub kyi shing gi drung du ri rab kyi rtse mo'i lha'i dbang po brgya byin gyi khang pa rnam par rgyal ba ga la ba der gshegs par snang ngo / /ji ltar bcom ldan 'das gling bzhi pa 'di'i/ 
ri rab kyi rtse mor gshegs par snang ba/ de bzhin du 'jig rten gyi khams thams cad kyi gling bzhi pa dag gi ri rab kyi rtse mor gshegs par snang ste/ byin gyi rlabs snga ma dag kyang ma nyams par snang ngo / /de nas lha'i dbang po brgya byin gyis bcom ldan 'das rnam 
par rgyal ba'i khang pa logs su mngon par gshegs pa rgyang ring po nas mthong nas rnam par rgyal ba'i khang pa'i nang du rings pa'i gzugs su rdzu 'phrul gyi rang bzhin seng ge'i gdan phyogs rnam par snang ba'i snying po can pog re stong phrag bcus brgyan pa/ gser gyi dra ba stong 
phrag bcu kun tu bres pa/ gnam yol stong phrag bcus bla rer bres pa/ gdugs stong phrag bcu shin tu bzung ba dar gyi lda ldi stong phrag bcu rab tu spyangs pa/ mu tig gi se mo do stong phrag bcu dga' dga' ltar byas pa/ gos stong phrag bcus mngon par bkab 
pa/ lha'i bu mo stong phrag bcus mdun du byas pa/ tshangs pa stong phrag bcus kun nas bskor ba/ 'od zer stong phrag bcus shin tu snang bar gyur pa/ bcom ldan 'das kyi gdan du bshams so/ /ji ltar gling bzhi pa 'di'i ri rab kyi rtse mor lha'i dbang po'i khang pa rnam par rgyal bar lha'i dbang 
po brgya byin gyis de bzhin gshegs pa'i gdan bshams pa de bzhin du/ 'jig rten gyi khams thams cad kyi ri rab kyi rtse mo dag tu 'ang lha'i dbang po brgya byin dag gis de bzhin gshegs pa'i gdan dag tshul de 'dra ba dang rgyan de 'dra bar bshams par gyur to/ /de nas lha'i dbang po </font><hr>35-1-239a<br><font size=+1>
brgya byin gyis bcom ldan 'das kyi gdan seng ge'i khri bcas nas/ zhe sa dang rim gro chen pos bcom ldan 'das gang na ba der thal mo sbyar te/ phyag 'tshal nas bcom ldan 'das la 'di skad ces gsol to/ /bcom ldan 'das gshegs su gsol/ /bde 
bar gshegs pa gshegs su gsol/ /de bzhin gshegs pa dgra bcom pa yang dag par rdzogs pa'i sangs rgyas bde bar gshegs sam zhes gsol to/ /de nas bcom ldan 'das lha'i dbang po brgya byin gyis spyan drangs nas/ rnam par rgyal ba'i khang par gshegs so/ /
de ltar bcom ldan 'das gshegs pa de bzhin du/ 'jig rten gyi khams thams cad kyi lha'i khang pa dag tu'ang gshegs par snang ngo / /de nas lha'i dbang po brgya byin gyis sangs rgyas kyi mthus sum cu rtsa gsum gyi khang pa thams cad du glu dang rol mo dang / sil snyan brgya 
phrag mang po dag btang ste/ zhi bar byas nas yang dag par rdzogs pa'i sangs rgyas snga ma dag las dge ba'i rtsa ba bskyed pa de dag rjes su dran nas/ de'i tshe tshigs su bcad pa 'di dag smras so/ /bkra shis dam pa gang zhig gis/ /thugs rje chen po mnga' ba 'od srungs rigs 
skyes pa/ /rnam par rgyal bar gshegs gyur pa/ /des ni 'dir yang bkra shis legs gyur cig /bkra shis dam pa gang zhig gis/ /gser thub bsgribs pa med par rab tu gzigs pa de/ /rin chen sna tshogs gshegs gyur pa/ /des ni 'dir yang bkra shis legs 
gyur cig /bkra shis dam pa gang zhig gis/ /bsod skyabs gser gyi ri bo 'bar ba 'dra ba de/ /rtse mo mchog du gshegs gyur pa/ /des ni 'dir yang bkra shis legs gyur cig /bkra shis dam pa gang zhig gis/ /thams cad mnga' ba dgra bcom dri ma gsum sel ba/ /
mdzod spu'i rtse mor gshegs gyur pa/ /des ni 'dir yang bkra shis legs gyur cig /bkra shis dam pa gang zhig gis/ /sangs rgyas gtsug tor dgongs pa zil gyis mi non pa/ /rin chen sna tshogs gshegs gyur pa/ /des ni 'dir yang bkra shis legs </font><hr>35-1-239b<br><font size=+1>
gyur cig /bkra shis dam pa gang zhig gis/ /rnam par gzigs pa skyes bu'i zla ba mi yi mgon/ /rin chen rgyan du gshegs gyur pa/ /des ni 'dir yang bkra shis legs gyur cig /bkra shis dam pa gang zhig gis/ /shin tu rgyas pa don dam mkhas shing brtan pa de/ /
ma la ya'i rtse mor gshegs gyur pa/ /des ni 'dir yang bkra shis legs gyur cig /bkra shis dam pa gang zhig gis/ /sangs rgyas ston mchog thogs pa mi mnga' ba/ /dri med zla bar gshegs gyur pa/ /des ni 'dir yang bkra shis legs gyur cig /bkra shis 
dam pa gang zhig gis/ /grags pa dri ma med pa mgon po pad+mo'i bla/ /dri ma med par gshegs gyur pa/ /des ni 'dir yang bkra shis legs gyur cig /bkra shis dam pa gang zhig gis/ /mgon po mar me mdzad pa 'od snang mnga' ba de/ /'od zer dra bar gshegs 
gyur pa/ /des ni 'dir yang bkra shis legs gyur cig /ji ltar lha'i dbang po brgya byin gyis sangs rgyas kyi mthus yang dag par rdzogs pa'i sangs rgyas bcu'i rgyal ba gshegs pa glur blangs te tshigs su bcad pa de bzhin du 'jig rten gyi khams thams cad na yang sangs rgyas kyi 
mthus lha'i dbang po rnams de bzhin gshegs pa'i mtshan gzhan dang gzhan gyis/ yang dag par rdzogs pa'i sangs rgyas bcu'i rgyal ba gshegs pa dag glur len cing tshigs su bcad par gyur to/ /de nas bcom ldan 'das rnam par rgyal ba'i khang par gshegs nas skyil mo krung bcas 
te bzhugs so/ /bcom ldan 'das ji ltar bzhugs pa de bzhin du 'jig rten gyi khams thams cad na yang de bzhin gshegs pa dag gdan de dag la bzhugs par snang ngo / /bcom ldan 'das de ltar bzhugs ma thag tu de'i tshe sangs rgyas kyi mthus/ rnam par rgyal ba'i 
khang pa de yang sum cu rtsa gsum thams cad kyi khang pa dang / lha'i ris tsam du che bar snang bar gyur te/ 'di na ji lta ba ltar 'jig rten gyi khams thams cad na'ang de bzhin no/ /de bzhin gshegs pa ri rab kyi rtser gshegs pa'i le'u ste/ bcwo brgyad pa'o// //</font><hr>35-1-240a<br><font size=+1>
de nas sangs rgyas kyi mthus phyogs bcu nas byang chub sems dpa' bcu bcu 'ongs par gyur te/ byang chub sems dpa' de dag so so nas 'jig rten gyi khams sangs rgyas kyi zhing gi rdul shin tu phra ba snyed kyi pha rol nas 'ongs pa sha stag ste/ byang 
chub sems dpa' re re zhing yang byang chub sems dpa' sangs rgyas kyi zhing gi rdul shin tu phra ba snyed dang lhan cig tu phyin par gyur to/ /byang chub sems dpa' de dag thams cad kyang ming 'di zhes bya ba dag ste/ 'di ltar chos kyi blo gros dang / thams cad blo gros dang / 
dpal gyi blo gros dang / yon tan blo gros dang / brtson 'grus blo gros dang / dge ba'i blo gros dang / ye shes blo gros dang / bden pa'i blo gros dang / mchog gi blo gros dang / dam pa'i blo gros dag go /byang chub sems dpa' de dag thams cad kyang 'jig rten gyi 
khams ming 'di zhes bya ba dag nas 'ongs pa dag ste/ 'di ltar dbang po'i me tog dang / pad mo'i me tog dang / rin po che'i me tog dang / ut+pa la'i me tog dang / rdo rje'i me tog dang / spos kyi me tog dang / yid du 'ong ba'i me tog dang / 'od zer gyi me tog dang / ldum 
bu'i me tog dang / nam mkha'i me tog dag go /byang chub sems dpa' de dag thams cad kyang de bzhin gshegs pa mtshan 'di zhes bya ba dag gi zham ring na tshangs par spyod pa dag ste/ 'di ltar zla ba gzhan ma yin pa dang / zla ba ma nyams pa dang / zla ba mi g.yo ba dang / 
zla ba mi sgul ba dang / zla ba chu'i lha dang / zla ba thogs pa med pa dang / zla ba'i 'od zer dang / zla ba rdul med pa dang / zla ba rnam par grub pa dag go /de nas byang chub sems dpa' de dag thams cad kyis bcom ldan 'das la phyag 'tshal te/ sangs rgyas kyi mthus 
phyogs bcur rgyas par bkang nas gang nas 'ongs pa'i phyogs su brten te/ seng ge'i khri rnam par snang ba'i snying po can dag mngon par sprul nas skyil mo krung bcas te 'khod do/ /ji ltar 'jig rten gyi khams 'di'i ri rab kyi rtse mo la byang chub sems dpa' rnams </font><hr>35-1-240b<br><font size=+1>
lhags pa de bzhin du 'jig rten gyi khams thams cad kyi gling bzhi pa thams cad dang lha'i dbang po'i khang pa kun na yang de bzhin te/ byang chub sems dpa' ming de skad ces bya ba sha stag go /'jig rten gyi khams kyang de skad ces bya ba nas 'ongs pa sha stag go /de bzhin 
gshegs pa yang mtshan de skad ces bya ba'i zham ring na tshangs par spyod pa sha stag go /de nas bcom ldan 'das kyis zhabs kyi mthe bo gnyis nas 'od zer bye ba phrag stong bkye ste/ phyogs bcu thams cad snang bar byas nas 'jig rten gyi khams thams cad kyang 
bstan to/ /byang chub sems dpa' de dag thams cad kyis kyang 'jig rten gyi khams de dag thams cad kyi gling bzhi pa thams cad dang / ri rab kyi rtse mo thams cad na de bzhin gshegs pa'i rnam par 'phrul pa yod pa thams cad kyang mthong bar gyur to/ /de nas byang 
chub sems dpa' chos kyi blo gros kyis sangs rgyas kyi mthus phyogs bcur rnam par bltas te/ de'i tshe tshigs su bcad pa 'di dag smras so/ /snang ba dri ma med la ltos/ /ri rab rtse mo thams cad la/ /mgon po dag ni rab tu snang / /rnam par rgyal ba kun 
na bzhugs/ /lha'i rgyal po thams cad kyis/ /spyan drangs shing ni gshegs par gyur/ /kun kyang sangs rgyas bcu dag gi /rab tu gshegs pas mngon par bstod/ /kun gyi 'khor kyang gcig pa ste/ /byang chub sems dpa' mang po lhags/ /phyogs 
bcu dag nas 'ongs gyur cing / /yid du 'ong ba'i stan la 'khod/ /kun gyi ming yang 'di nyid de/ /ji ltar ded la btags pa bzhin/ /'jig rten khams kyi ming dag kyang / /de skad dag nas kun kyang 'ongs/ /'jig rten khams rnams thams cad na/ /
drang srong chen po'i mtshan kyang de/ /de na tshangs spyod bla med la/ /the tsom med par de dag spyod/ /kye ma rgyal sras khyed ltos shig /drang srong chen po'i byin rlabs kyis/ /'dzam bu'i gling rnams thams cad na/ /rgyal ba 'di na bzhugs snyam byed/ /bdag </font><hr>35-1-241a<br><font size=+1>
cag rnams ni 'di snyam du/ /ri rab rtse la bde gshegs snyam/ /'jig rten khams ni kun na yang / /sangs rgyas ngo mtshar rmad re che/ /'jig rten khams rnams thams cad na/ /byang chub mchog tu sems btang 
zhing / /de dag smon lam 'di btab ste/ /byang chub spyod pa rab tu spyod/ /kha dog mdog ni tshad med pas/ /gang zag mchog ni bskyod byed kyang / /chos kyi dbyings la mi chags te/ /de dag sus kyang mi shes so/ /gang gis 'jig rten mun bstsal zhing / /
thams cad dus su rnam snang ba/ /de la 'dra ba gang yang med/ /de ni shes par ji ltar rung / /de nas byang chub sems dpa' thams cad blo gros kyis phyogs bcur rnam par bltas te/ de'i tshe tshigs su bcad pa 'di dag smras so/ /'dren pa rnams ni mthong nas 
kyang / /bskal pa mang po 'das gyur te/ /'jig rten mgon skyob de dag gis/ /chos nyid de ni shes pa min/ /mtshan ma dag la spyod pa rnams/ /gti mug dra ba 'phel bar gyur/ /sangs rgyas gang gis ma mthong ba/ /'khor ba'i btson rar mdongs pa 
yin/ /chos rnams 'di dag brtag byas na/ /rang bzhin shes par mi rung ste/ /skye dang shi 'phos gyur pa rnams/ /ming tsam du ni bstan pa yin/ /chos rnams gang yang 'gro ba med/ /gang yang de bzhin skye ba med/ /chos nyid 'di ni shes gyur na/ /sangs 
rgyas kun na rab tu snang / /gzung du med cing bltar med cing / /chos kyi rnams ni rang bzhin med/ /dngos med pa yi mtha' shes na/ /sangs rgyas rnams la tshad kyang med/ /tshad med pa yi chos rnams kyi/ /rang bzhin gang gis yongs shes pa/ /de ni ci zhig 
yod ces par/ /mthong bar gyur pa gang yang med/ /gang rnams mtshan ma'i rjes 'brang ba/ /de dag byis pa'i chos nyid de/ /de phyir mtshan nyid kun med pa'i/ /sangs rgyas rnams kyang mi mthong ngo / /dus gsum 'byung ba'i thub pa rnams/ /mtshan rab </font><hr>35-1-241b<br><font size=+1>
kun dang ldan pa ste/ /mi gnas tshul du bzhugs pa yin/ /chos kyi dbyings la g.yo ba med/ /la la dag gi chos nyid shes/ /la la dag ni chos kyang brjod/ /gang la the tsom mi mnga' ba'i/ /yang dag sangs rgyas de ring mthong / /sangs rgyas rnams kyi chos nyid 
'di/ /chos kyi blo gros 'di brjod do/ /de thos nas kyang bdag cag gis/ /sangs rgyas byang chub bsam yas shes/ de nas byang chub sems dpa' dpal gyi blo gros kyis sangs rgyas kyi byin gyi rlabs kyis phyogs bcur rnam par bltas te/ de'i tshe tshigs su 
bcad pa 'di dag smras so/ /kye ma sangs rgyas dpal mnga' ba'i/ /ye shes shes rab shin tu che/ /de la 'jig rten shin tu rmongs/ /sangs rgyas chos ni bsam mi khyab/ /tshul bzhin ma yin 'du shes kyis/ /byis pa rnams ni sems byed pas/ /de phyir 
'du shes kun sbyangs pa'i/ /sangs rgyas rnams ni mi mthong ngo / /shes rab chung ba thams cad ni/ /phung po'i 'du shes rnams la gnas/ /phung po rnam par ma bsgoms pas/ /de bzhin gshegs pa mi mthong ngo / /dngos med dngos su bshad pa ni/ /bdag gi dngos 
shes bya ba yin/ /chos rnams thams cad shes gyis shing / /rgyal ba rnam par snang mdzad ltos/ /sngon chad phung po'i tshul bzhin du/ /ma 'ongs rnams kyang sus mthong ba/ /ma 'ongs pa yi tshul shes pas/ /sangs rgyas bsam gyis mi khyab ltos/ /ji ltar snang ba med pa yi/ /mun pa'i nang na 
gzugs mi snang / /de bzhin chos rnams bshad pa ni/ /mkhas kyang shes par mi rung ngo / /ji ltar dri ma ldan mig gis/ /gsal ba'i gzugs kyang mi mthong ba/ /de bzhin sems ni ma sbyangs pas/ /sangs rgyas chos ni mi mthong ngo / /ji ltar nyi ma 
bsgribs med pa/ /rab rib can gyi mi mthong ba/ /de bzhin phug na gnas sems kyis/ /sangs rgyas dag ni mi mthong ngo / /de bas mig ni rnam par sbyongs/ /gzugs kyi 'du shes rnam par bsgoms/ /chos rnams mthong ba med pa yis/ /'od mdzad </font><hr>35-1-242a<br><font size=+1>
rab tu mthong ma yin/ /ji ltar sngon blos kun bshad cing / /bdag gis ji ltar thos pa bzhin/ /sangs rgyas byang chub mi bsnyengs pa/ /rnam par snang mdzad rab tu mthong / /de nas byang chub sems dpa' yon tan blo gros kyis sangs rgyas 
kyi mthus phyogs bcur rnam par bltas te/ de'i tshe tshigs su bcad pa 'di dag smras so/ /gnas med pa yi chos rnams la/ /gnas ni yongs su brtags pas na/ /de phyir srid pa'i btson ra na/ /byis pa rnams ni rab tu 'khor/ /brjod pas brjod du mi 
rung chos/ /blo zhan rnams kyis rnam par brtags/ /des ni yongs su bsgribs byas pas/ /bdag gi sems kyang rab rmongs byas/ /shes rab chung la lam nor cing / /bdag gi sems la mi mkhas pa/ /phyin ci log gi blo dag gis/ /mi bzad lus ni 
'phel bar byed/ /gang gis stong pa ma mthong ba/ /de dag 'khor zhing nyam yang nga / /chos mig bsam gyis mi khyab pa'i/ /mig kyang de la yod pa min/ /de bas mig ni sbyang bar gyis/ /bsam pa rnams kyang rnam par sems/ /gang phyir bdag cag 
sngon cad du/ /bde gshegs ma mthong chud kyang zos/ /yang dag sangs rgyas mthong de 'ang / /gang gi sems la chags med pa/ /des ni sangs rgyas cis byung ba'i/ /chos rnams de dag rab tu mthong / /gang gis shes rab che mnga' ba/ /chos su bde gshegs 
mthong ba rnams/ /de dag 'jig rten mig can te/ /gang gis mthong ba mthong zhes bya/ /lhag mthong med par mthong ba ni/ /chos rnams ngan par mthong ba ste/ /lhag mthong gis ni mthong gyur na/ /thams cad mthong ba med pa yin/ /kye ma chos kyi 
chos nyid ni/ /yang dag sangs rgyas rnams kyis bshad/ /de ni rang bzhin thams cad du/ /shi ba med cing 'tsho ba med/ /sangs rgyas byang chub ci 'dra ba/ /dpal gyi blos ni sngon bstan te/ /de las bdag gis thos nas kyang / /sangs rgyas chos nyid shes ma gyur/ /</font><hr>35-1-242b<br><font size=+1>
de nas byang chub sems dpa' brtson 'grus blo gros kyis phyogs bcur rnam par bltas te/ de'i tshe tshigs su bcad pa 'di dag smras so/ /rnam par rtog pa spyod pa yi/ /mig ni shin tu 'khrul ba yin/ /'khrul par mthong ba log pa ste/ /sangs rgyas la ni log 
mi mnga'/ /gang gis log par shes gyur te/ /yang dag ji bzhin ma nor la/ /yang dag ma yin bden shes na/ /sangs rgyas dri med mthong ba yin/ /mthong ba dag gis dri mar 'gyur/ /rnam par mthong na de med de/ /sangs rgyas rnams ni mthong dang bral/ /de 
bas rnam par gzigs shes bya/ /de ni 'jig rten spyod pa ste/ /'jig rten de yang rnam par brtags/ /'jig rten 'jig pa shes gyur na/ /snang ba dag ni skye bar 'gyur/ /'jig rten rnams kyi snang ba ni/ /'jig rten mtshan nyid snang ba ste/ /yang dag ji bzhin bsam 
byas shing / /de ltar mthong ba mthong ba'o/ /de ltar mthong ba nyon mongs med/ /dbang du gyur cing zag pa med/ /gang gis tha dad med mthong ba/ /dngos por brtags pa ma yin no/ /rtog dang rnam par rtog pa ni/ /sangs rgyas chos rnams brjod pa ste/ /de dag yod pa ma yin 
pas/ /rang bzhin de phyir sbyangs pa yin/ /de dag rang bzhin rnam par dag /nam mkha' bzhin du mtshan nyid med/ /de dag la ni ston pa med/ /mkhas pa rnams kyis de ltar ltos/ /chos rnams la ni mos myed de/ /chos kyi 'du shes rnam bsgoms shing / /
shes pa de yang ma bsgoms pa/ /des ni thub chen mthong ba yin/ /ji ltar yon tan blos brjod pa/ /de ltar yang dag sangs rgyas mthong / /de mthong bas na 'du byed kun/ /rang bzhin gyis ni rnam par zhi/ /de nas byang chub sems dpa' dge ba'i blo gros kyis 
sangs rgyas kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so/ /kye ma sangs rgyas dpal chen rnams/ /de bzhin gshegs pa tshad med do/ /rnam grol thugs ni sdig mi mnga'/ /'jig rten mthar phyin brgal ba'o/ /</font><hr>35-1-243a<br><font size=+1>
yang dag ji bzhin ma nor bar/ /bskal pa rnams ni tshad med pas/ /ji ltar mkhas pas mthong ba bzhin/ /'jig rten sgron mas rab tu gzigs/ /'du byed thams cad skad cig ma/ /so so'i skye bo de dag 'gengs/ /nam mkha'i khams ni 
gzung byas shing / /de dag de phyir khom pa med/ /khom pa med ces bya ba ni/ /ci yang brjod pa med pa ste/ /khom pa med pa'i rang bzhin gyis/ /khom pa bsam gyis myi khyab thob/ /gang la dngos po med pa yi/ /mi zad khom pa med par bshad/ /yod pa'i rang bzhin shes gyur na/ /
des ni grags chen mthong ba yin/ /mthong ba med pa mthong zhes bya/ /yod pa med pa'ang yod ces bya/ /mthong ba dag gam yod pa ni/ /ma bsgoms na ni rnam par bsgoms/ /ji ltar lta ba sus mthong ba/ /de dag gis ni lta ba bshig /gang las sangs rgyas smos pa yi/ /de dag chos 
rnams zhig pa med/ /ji ltar thub pas bstan pa bzhin/ /sangs rgyas yongs su sus mthong ba/ /de ni 'jig rten snang bar byed/ /rgyal ba rnam par snang mdzad bzhin/ /chos rnams kyi ni snang ba gcig /de bzhin gshegs pas rab tu bstan/ /des ni brtson blo brtan pa de/ /
chos mang bye ba rab tu ston/ /yod dang med pa shes bya ste/ /gang gis 'du shes rnam bsgoms pa/ /des ni sangs rgyas mthong ba ste/ /yang dag mtha' la rab tu gnas/ /de nas byang chub sems dpa' ye shes blo gros kyis sangs rgyas kyi mthus phyogs bcur rnam par 
bltas te/ de'i tshe tshigs su bcad pa 'di dag smras so/ /rgyal ba'i bstan pa 'di thos pas/ /snang ba bdag cag shes par gyur/ /phyogs bcu kun tu snang ba yi/ /yang dag sangs rgyas des kyang mthong / /sems can rang bzhin yod gyur pa/ /de ni sems can g.yang sa 
ste/ /'di la ci yang yod pa min/ /tshig gi lam rnams bsdus pa'o/ /byis pa 'dzin dang bcas pa rnams/ /bdag lus yang dag 'dzin pa la/ /sangs rgyas snang bar mi 'gyur te/ /de bzhin gshegs pa gzung ba med/ /yang dag sangs rgyas ma mthong zhing / /gang rnams mig </font><hr>35-1-243b<br><font size=+1>
yod ma yin pa/ /de dag bskal ba grangs med du/ /srid pa'i gang chen mtsho na 'khor/ /nyon mongs can ni 'khor bar bshad/ /nyon mongs med pa mya ngan 'das/ /mya ngan 'das dang 'khor ba yang / /rang bzhin rnyed par mi rung ngo / /'khor zhes bya ba brda yin te/ /mya ngan 'das 
pa brjod pa yin/ /'phags pa'i chos rnams ma skyes pa/ /bla ma dag ni mi shes so/ /'di ni sangs rgyas rgyal ba 'di/ /'di yin 'di 'dra'i 'du shes can/ /de dag sangs rgyas mi mthong ste/ /tshul bzhin ma yin phyin ci log /zhi ba'i rang bzhin ji lta bar/ /gang gis zhi ba 
shes gyur pa/ /des ni tshig gi lam 'das pa'i/ /yang dag sangs rgyas rab tu mthong / /chos rnams kun gyi spyod pa yin/ /rab tu brjod pa bstan pa med/ /'on kyang mnyam pa nyid du lta/ /rgyal ba chos rnams kun dang mnyam/ /yang dag sangs rgyas mtha' dbus med/ /
thog ma dag dang tha mar yang / /'gal med rtsa ba med pas na/ /de ni sangs rgyas de phyir brjod/ /de nas byang chub sems dpa' bden pa'i blo gros kyis sangs rgyas kyi byin gyi brlabs kyis phyogs bcur rnam par bltas te/ de'i tshe tshigs su bcad pa 'di dag smras so/ /sangs 
rgyas rnams ni mnyam pa'i phyir/ /bskal pa bsam gyis myi khyab par/ /sems can dmyal bar gnas kyang bla/ /de ni bde ba bsam mi khyab/ /ci phyir zhe na bskal pa rnams/ /grangs med sdug bsngal sngan cad byung / /'on kyang bde gshegs ma thos pas/ /bdag cag 
'khor las ma grol lo/ /de bzhin ma nor chos kyi rnams/ /yang dag nyid du rtogs gyur te/ /gang la 'grogs pa med pa rnams/ /de dag byang chub bla na med/ /sangs rgyas rnams dang mngon sum pa/ /sngon cad ma byung 'byung mi 'gyur/ /gang phyir sangs rgyas brjod pa'i chos/ /
de dag mtshan nyid med pa'o/ /chos rnams blta dka' ji bzhin du/ /gang zhig de ltar rtogs pa ni/ /de dag sangs rgyas kun gzigs pa/ /yang dag blta bas shin tu mthong / /yang dag la ni yang dag gzigs/ /yang dag min par yang dag min/ /</font><hr>35-1-244a<br><font size=+1>
'di yi mtha' ni ston pas na/ /sangs rgyas sangs rgyas zhes kyang bya/ /khong du ma chud chos bstan te/ /sangs rgyas chos rnams rab tu brjod/ /'di ni sangs rgyas bsgom pa ste/ /gcig tu dmigs pa ma yin no/ /de ltar mang dang gcig gnas pa/ /mang po 
dag tu rnam par shes/ /gnas pa med pa'i chos rnams kyis/ /bstsags pa dag kyang rab tu byas/ /byas pa med cing byed pa med/ /las kyi 'du shes rnam bsgoms shing / /las 'di ci bzhin shes byas na/ /rnam par dag kyang mi dmigs so/ /gang la sangs rgyas bzhugs pa yi/ /nges pa'i 
gnas ni dmigs med pas/ /gnas pa med pa'i chos rnams kyis/ /sangs rgyas g.yo ba gang yang med/ /de nas byang chub sems dpa' mchog gi blo gros kyis sangs rgyas kyi byin gyi rlabs kyis phyogs bcur rnam par bltas te de'i tshe tshigs su bcad pa 'di dag smras so/ /sems can 
chen po bla na med/ /sems can 'du shes rnam par bsgoms/ /'jug par bya ba gang yang med/ /de bas bla na med ces bya/ /gang la phra ba yod min pa/ /de la sbom pa'ang yod pa min/ /de ni sangs rgyas rnams kyis brnyes/ /rnam par mi rtog 'dus ma byas/ /gang zhig sangs rgyas spyod yul ba/ /de la 
bgrang ba yod pa min/ /yang dag sangs rgyas bgrang dang bral/ /de ni sangs rgyas chos nyid do/ /mun pa rnams ni rnam bsal cing / /de bzhin gshegs pa rnam par snang / /de la snang ba gang yang med/ /mi snang ba yang ci yang med/ /thams cad chos la kun nas dga'/ /skyes pa med cing gnas pa med/ /'dod chags med cing rten pa med/ /chos 
nyid de yang sbed pa med/ /gang la gnyis su bgrang med cing / /gcig kyang yod pa ma yin pas/ /ji bzhin rab tu gnas pa yi/ /shes rab chen pos legs par mthong / /mi gnyis pa la gnyis pa med/ /gnyis pa med pa stong pa ste/ /stong pa de yang khams gsum kun/ /de ni sangs rgyas 
mthong ba'o/ /byis pas byang chub mi shes kyang / /de dag de la rab tu gnas/ /gnas pa med pa'i chos rnams kyis/ /rang gi lus ni rjes su blta/ /lus med pa ni lus su bshad/ /'byung ba med cing bstan du med/ /'jig tshogs mang po bltar med pa/ /sangs rgyas sku ni bla na med/ /sangs </font><hr>35-1-244b<br><font size=+1>
rgyas chos kyi rang bzhin nyid/ /de skad bden pa'i blos smras te/ /de thos pas ni mig kyang sbyangs/ /shin tu 'od kyang dang zhing snang / /de nas byang chub sems dpa' dam pa'i blo gros kyis sangs rgyas kyi byin gyi rlabs kyis phyogs bcur rnam par bltas te de'i tshe tshigs su bcad pa 'di dag smras so/ /drin gzo 
med pa'i sems can phyir/ /skyes bu drang srong mchog gi rnams/ /dpa' chen sems can gtso bo dang / /'od mdzad pa ni rab tu byung / /thugs rje chen po bskyed mdzad de/ /sems can khams la rnam gzigs kyang / /srid pas bcings pa'i sdug bsngal ba'i/ /sems can rnams ni de 
nas gzigs/ /'jig rten lha dang bcas pa na/ /yang dag sangs rgyas dpal mnga' ba/ /sems can gtso bo ma gtogs par/ /skyob pa gzhan ni gang yang med/ /gal te sangs rgyas ma skyes la/ /byang chub sems dpa' 'di 'dra dag /med na 'jig rten khams kun na/ /sems can bde ba 
gcig mi 'byung / /sems can gtso bo 'dren mdzad pa/ /de bzhin gshegs pa skyes pa dang / /byang chub sems dpa' 'di 'dra dag /'byung ba 'jig rten bde ba'i rgyu/ /gang gis de bzhin gshegs mthong ba/ /de dag 'thob pa legs par 'thob/ /gang gis thos shing dad 'gyur ba/ /
de yang 'jig rten mchod rten no/ /gang gis sangs rgyas mthong gyur pa/ /bdag cag rnams kyis 'thob legs thob/ /'di 'dra ba yi tshul thos pas/ /kun kyang yang dag sangs rgyas 'gyur/ /'das pa'i dus na'ang dpal 'di yod/ /byang chub sems dpa' thams 
cad kyis/ /shes rab mig ni rnam sbyangs pas/ /spyod yul 'di dag mthong bar 'gyur/ /rnam par snang mdzad thub mthong nas/ /da dung phyir zhing dad pa skye/ /de yi ye shes mtha' yas pas/ /da dung brjod du yod pa min/ /gang zhig mchog gi blos smras pa/ /rgyal sras gzhan gyis 
bshad pa rnams/ /de dag da rung bdag gis kyang / /bskal pa bsam yas bshad par bya/ /ri rab kyi rtse mor de bzhin gshegs pa'i rnam par 'phrul pa dang / byang chub sems dpa'i tshogs kyi tshigs su bcad pa'i le'u ste/ bcu dgu pa'o// //</font><hr>35-1-245a<br><font size=+1>
sangs rgyas rmad ga cad ces bya ba shin tu rgyas pa chen po'i mdo/ /bam po nyi shu pa/ /de nas byang chub sems dpa' chos kyi blo gros de'i tshe/ sangs rgyas kyi byin gyi brlabs kyis/ sbyong ba mtha' yas pa zhes bya ba'i ting nge 
'dzin la mnyam par gzhag go/ /de ltar byang chub sems dpa' chos kyi blo gros kyis/ byang chub sems dpa'i ting nge 'dzin sbyong ba mtha' yas pa zhes bya ba de la mnyam par bzhag ma thag tu/ de'i mod la phyogs bcu'i phyogs re re'i 'jig rten gyi khams 
sangs rgyas kyi zhing gi rdul shin tu phra ba snyed kyi pha rol nas/ sangs rgyas bcom ldan 'das sangs rgyas kyi zhing bcu'i rdul shin tu phra ba snyed kun kyang chos kyi blo gros zhes bya bar mtshan mthun pa sha stag gis zhal mngon par bstan pa mthong bar gyur te/sangs rgyas bcom 
ldan 'das de dag gis 'di skad ces kyang bka' stsal to/ /chos kyi blo gros khyod de ltar byang chub sems dpa'i ting nge 'dzin sbyong ba mtha' yas pa la mnyam par gzhog pa legs so/ /legs so/ /de bas na rigs kyi bu khyod la phyogs bcu nas de bzhin gshegs 
pa sangs rgyas kyi zhing bcu'i rdul shin tu phra ba snyed kun kyang mtshan mthun pa sha stag gis bcom ldan 'das de bzhin gshegs pa rnam par snang mdzad kyi sngon gyi smon lam dang / khyod bdag gi dge ba'i rtsa bas nye bar brten pas 'di lta ste/ chos thams cad bstan par bya ba 
dang / sangs rgyas kyi ye shes rnam par 'phel bar bya ba dang / chos kyi dbyings su chud par bya ba dang / sems can gyi khams rnam par bsgom pa dang / chags pa myed pa nyid du chud par bya ba dang / bsgribs pa med pa'i spyod yul thob par bya ba dang / kun nas sbyor 
ba thob par bya ba dang / thams cad mkhyen pa nyid yongs su gzung bar bya ba dang / chos thams cad khong du chud par bya ba dang / dbang po thams cad yongs su shes par bya ba dang / chos bstan pa thams cad yongs su gzung ba dang / 'di lta ste/ byang chub </font><hr>35-1-245b<br><font size=+1>
sems dpa'i rnam par dgod pa bcu la rtsom par bya ba'i phyir byin gyis brlabs pa mdzad kyis/ rigs kyi bu khyod kyis sangs rgyas kyi mthu dang / sangs rgyas kyi byin gyi rlabs kyis chos bstan pa 'di la spobs pa bskyed cig /de nas sangs rgyas bcom ldan 'das de dag 
gis byang chub sems dpa' chos kyi blo gros la chags pa myed pa nye bar bsgrub pa mdzad do/ /thogs pa myed pa nye bar bsgrub pa mdzad do/ /mchod pa myed pa nye bar bsgrub pa mdzad do/ /rmongs pa myed pa nye bar bsgrub pa mdzad do/ /tha dad pa myed pa nye bar bsgrub pa mdzad 
do/ /kha na ma tho ba myed pa nye bar bsgrub pa mdzad do/ /dpag tu myed pa nye bar bsgrub pa mdzad do/ /zhum pa myed pa nye bar bsgrub pa mdzad do/ /'phrogs pa myed pa nye bar bsgrub pa mdzad do/ /de ci'i phyir zhe na/ ting nge 'dzin 'di nyid kyi chos nyid thob pa'i phyir ro/ /
de nas sangs rgyas bcom ldan 'das de dag gis/ byang chub sems dpa' chos kyi blo gros kyi spyi bo la phyag g.yas pas byug pa mdzad de/ de ltar sangs rgyas bcom ldan 'das de dag gi phyag gis reg ma thag tu byang chub sems dpa' chos kyi blo gros ting nge 'dzin de las 
langs te/ byang chub sems dpa' de dag la smras pa/ kye rgyal ba'i sras dag byang chub sems dpa'i rigs shes bya ba 'di ni chos kyi dbyings kyis klas pa/ nam mkha'i mthasagatugs pas shin tu yangs pa ste/ de la gnas pa'i byang chub sems dpa' rnams ni 'das pa'i 
sangs rgyas bcom ldan 'das rnams kyi rigs su skye ba yin/ ma byon pa'i sangs rgyas bcom ldan 'das rnams kyi rigs su skye ba yin/ da ltar byung ba'i sangs rgyas bcom ldan 'das rnams kyi rigs su skye ba yin/ kye rgyal ba'i sras dag byang chub sems dpa' brtson 
par byed pa gang las bsams te/ de skad du smras pa de dag gang zhe na/ kye rgyal ba'i sras dag bcu po 'di dag ni byang chub sems dpa' rnam par dgod pa ste/ 'das pa dang ma byon pa dang / da ltar byung ba'i sangs rgyas bcom ldan 'das rnams kyis gsungs pa dang /</font><hr>35-1-246a<br><font size=+1>
gsung ba dang / gsung bar 'gyur ba dag go/bcu gang zhe na/ 'di lta ste/ sems dang po bskyed pa'i byang chub sems dpa' rnam par dgod pa dang / las dang po pa'i byang chub sems dpa' rnam par dgod pa dang / rnal 'byor la spyod pa'i byang 
chub sems dpa' rnam par dgod pa dang / tshe ra skyes pa'i byang chub sems dpa' rnam par dgod pa dang / sbyor ba phun sum tshogs pa'i byang chub sems dpa' rnam par dgod pa dang / bsam pa phun sum tshogs pa'i byang chub sems dpa' rnam par dgod pa dang / 
phyir myi ldog pa'i byang chub sems dpa' rnam par dgod pa dang / gzhon nur gyur pa'i byang chub sems dpa' rnam par dgod pa dang / rgyal tshab kyi byang chub sems dpa' rnam par dgod pa dang / dbang bskur ba'i byang chub sems dpa' rnam par dgod pa'o/ /kye 
rgyal ba'i sras dag bcu po de dag ni byang chub sems dpa' rnam par dgod pa ste/ 'das pa dang / ma byon pa dang / da ltar byung ba'i sangs rgyas bcom ldan 'das rnams kyis gsungs pa dang / gsung ba dang / gsung bar 'gyur ba dag go/ /kye rgyal ba'i sras 
dag de la sems dang po bskyed pa'i byang chub sems dpa' gang zhe na/ kye rgyal ba'i sras dag 'di la byang chub sems dpa' sangs rgyas bcom ldan 'das rnams mthong nas/ mdzes pa dang bzang ba dang / myig tu 'ong ba dang / kha dog rgyas pa dang / thub par dka' 
ba dang / mthu che bar mthong ba dang / rdzu 'phrul gyi rnam par 'phrul pa dang / yongs su bstan pa'i rnam par 'phrul pa dang / rjes su bstan pa'i rnam par 'phrul pa mthong ba'am/ sems can sdug bsngal ba mthong ba'am/ de bzhin gshegs pa dgra bcom pa yang 
dag par rdzogs pa'i sangs rgyas kyi de bzhin gshegs pa'i chos rgya chen po thos par gyur nas/ thams cad mkhyen pa nyid du smon cing snga phyi myed par byang chub tu sems bskyed de/ sems bskyed pa dang po des ni thub par dka' ba'i gnas bcu yongs su bzung bar 'gyur </font><hr>35-1-246b<br><font size=+1>
te/ bcu gang zhe na/ 'di ltar gnas dang gnas ma yin pa shes pa dang / las kyi rnam par smyin pa shes pa dang / kun nas nyon mongs pa dang rnam par byang ba shes pa dang / dbang po dang brtson 'grus rnam pa tha dad pa yongs su rdzogs pa mchog dang tha ma shes pa dang / 
mos pa tha dad pa dang / mos pa du ma shes pa dang / khams tha dad pa dang khams du ma shes pa dang / thams cad du 'gro ba'i lam shes pa dang / bsam gtan dang / rnam par thar pa dang / ting nge 'dzin dang / snyoms par 'jug pa dang / kun nas nyon mongs pa dang / 
rnam par byang ba dang / rjes su bsgribs pa med pa shes pa dang / chags pa myed pa'i lha'i myig shes pa dang / dus gsum mnyam pa nyid du zag pa myed pa shes pa'o/ /thub par dka' ba'i gnas bcu po de dag yongs su zin par gyur te/ de ni sems dang po bskyed pa'i byang 
chub sems dpa'o/ /kye rgyal ba'i sras dag /de ltar byang chub sems dpa' sems dang po bskyed pa de ni sangs rgyas mchod pa la sbyar bar bya ste/ byang chub sems dpa' bsten par bde ba yang de la brjod par bya'o/ /'jig rten gyi nang na gtso bor gyur pa yang de la 
brjod par bya'o/ /phul du phyin pa yang de la brjod par bya'o/ /zil gyis myi non pa'i gnas kyang de la brjod par bya'o/ /sangs rgyas kyi bdag nyid che ba'ang de la bstan par bya'o/ /sangs rgyas tshad med pa dang 'phrad par 'gyur ba yang de la bstan par bya'o/ /rab tu 
zhi ba'i ting nge 'dzin gyi sbyor ba yang de la brjod par bya'o/ /'khor ba'i 'khor lo las ldog par 'gyur ba yang de la brjod par bya'o/ /sems can sdug bsngal ba yongs su bskyab pa yang de la brjod par bya'o/ /de ci'i phyir zhe na/ sangs rgyas kyi chos thams cad la de 
bas kyang shas cher sems skye bar bya ba dang / gnas gang thos kyang de la bdag nyid sbyor bar bya ba dang / bdag nyid gzhan gyi dring 'jog par mi 'gyur bar bya ba'i phyir te/ kye rgyal ba'i sras dag 'di ni sems dang po bskyed pa'i byang chub sems dpa' rnam par </font><hr>35-1-247a<br><font size=+1>
dgod pa'o/ /kye rgyal ba'i sras dag de la las dang po pa'i byang chub sems dpa' rnam par dgod pa gang zhe na/ kye rgyal ba'i sras dag 'di la byang chub sems dpa' thog ma nyid du sems can thams cad la rnam pa bcur sems nye bar gzhog ste/ bcu 
gang zhe na/ 'di lta ste/ phan pa'i sems nye bar gzhog go /snying brtse ba'i sems dang / bde ba'i sems dang / gnas pa'i sems dang / byams pa'i sems dang / phan 'dogs pa'i sems dang / yongs su bsrung ba'i sems dang / mnyam pa'i sems dang / 
slob dpon gyi sems dang / ston pa'i sems nye bar gzhog go /rnam pa bcu po de dag gis sems can thams cad la sems nye bar gzhog ste/ kye rgyal ba'i sras dag 'di ni las dang po pa'i byang chub sems dpa'o/ /kye rgyal ba'i sras dag de la byang chub sems dpa' 
las dang po pa de ni thog ma nyid du kha ton la yongs su bskul bar bya'o/ /mang du thos nas dben par gnas pa la yongs su bskul bar bya'o/ /rab tu dben par gyur nas dge ba'i bshes su 'gyur bar yongs su bskul bar bya'o/ /dge ba'i bshes su gyur nas 
da lo bde ba la yongs su bskul bar bya'o/ da lo bde bar gyur nas dus shes la yongs su bskul bar bya'o/ /dus shes nas mi 'jigs pa la yongs su bskul bar bya'o/ /mi 'jigs par gyur nas don shes pa la yongs su bskul bar bya'o/ /don shes 
nas chos kyi rjes su 'brang ba la yongs su bskul bar bya'o/ /chos kyi rjes su 'gro bar gyur nas rmongs pa med pa la yongs su bskul bar bya'o/ /rmongs pa med par gyur nas rnam par dgod pa la yongs su bskul bar bya'o/ /de ci'i phyir zhe na/ sems can 
thams cad la de bas kyang shas cher snying rje chen po mngon du gzhog par bya ba dang / gnas gang thos kyang de la bdag nyid sbyor bar bya ba dang / bdag nyid gzhan gyi dring 'jog par myi 'gyur bar bya ba'i phyir te/ kye rgyal ba'i sras dag 'di ni las dang po pa'i byang chub </font><hr>35-1-247b<br><font size=+1>
sems dpa' rnam par dgod pa'o/ /kye rgyal ba'i sras dag de la rnal 'byor la spyod pa'i byang chub sems dpa' rnam par dgod pa gang zhe na/ kye rgyal ba'i sras dag 'di la byang chub sems dpa' dmyigs pa'i rnam pa bcus chos thams cad la brtson par byed de/ bcu gang zhe na/ 
'di ltar chos thams cad mi rtag pa dang / chos thams cad sdug bsngal ba dang / chos thams cad stong pa nyid dang / chos thams cad bdag myed pa dang / chos thams cad byed pa myed pa dang / chos thams cad myong ba myed pa dang / chos thams cad brda myed pa 
dang / chos thams cad gnas myed pa dang / chos thams cad rnam par rtog pa myed pa dang / chos thams cad ched du byed pa myed pa ste/ dmyigs pa'i rnam pa bcu po de dag gis chos kyi rjes su 'brang ba'i tshul du brtson par mdzad de/ kye rgyal ba'i sras dag /'di ni rnal 
'byor la spyod pa'i byang chub sems dpa'o/ /kye rgyal ba'i sras dag /de ltar rnal 'byor la spyod pa'i byang chub sems dpa' de ni sems can gyi khams brtag pa la yongs su bskul bar bya'o/ /chos kyi khams brtag pa la yongs su bskul bar bya'o/ /'jig 
rten gyi khams brtag pa la yongs su bskul bar bya'o/ /sa'i khams brtag pa la yongs su bskul bar bya'o/ /chu'i khams brtag pa la yongs su bskul bar bya'o/ /mye'i khams brtag pa la yongs su bskul bar bya'o/ /rlung gi khams brtag pa la 
yongs su bskul bar bya'o/ /'dod pa'i khams brtag pa la yongs su bskul bar bya'o/ /gzugs kyi khams brtag pa la yongs su bskul bar bya'o/ /gzugs myed pa'i khams brtag pa la yongs su bskul bar bya'o/ /de ci'i phyir zhe na/ de bas 
kyang chos la snang ba 'byung ba dang / gnas gang thos kyang de la bdag nyid sbyor bar bya ba dang / bdag nyid gzhan gyi dring 'jog par mi 'gyur ba'i phyir te/ kye rgyal ba'i sras dag 'di ni rnal 'byor la spyod pa'i byang chub sems dpa' rnam par dgod pa'o/ /</font><hr>35-1-248a<br><font size=+1>
kye rgyal ba'i sras dag de la cher skyes pa'i byang chub sems dpa' gang zhe na/ kye rgyal ba'i sras dag 'di la byang chub sems dpa' 'phags pa'i gsung rab la yongs su smyin pa bcus skyes pa yin te/ bcu gang zhe na/ 'di ltar phyir mi ldog pa dang / 
sangs rgyas la shes pas mos pa'i mthar phyin pa dang / chos nges par rtogs pa dang / sems can rnam par bsgoms pa dang / zhing rnam par bsgoms pa dang / 'jig rten gyi khams rnam par bsgoms pa dang / las rnam par bsgoms pa dang / rnam par smyin pa 
rnam par bsgoms pa dang / 'khor ba rnam par bsgoms pa dang / mya ngan las 'das pa rnam par bsgoms pa ste/ yongs su smyin pa bcu po 'di dag gis 'phags pa'i gsung rab las skyes pa yin te/ kye rgyal ba'i sras dag 'di ni tsher skyes pa'i byang chub sems dpa'o/ /
de ltar tsher skyes pa'i byang chub sems dpa' de ni 'das pa'i sangs rgyas rnams kyi chos rnam par bsgom pa la yongs su bskul bar bya'o/ /ma byon pa'i sangs rgyas kyi chos rnam par bsgom pa la yongs su bskul bar bya'o/ /da ltar byung ba'i sangs rgyas kyi chos rnam par bsgom 
pa la yongs su bskul bar bya'o/ /'das pa'i sangs rgyas kyi chos yang dag par bsgrub pa rnam par bsgom pa la yongs su bskul bar bya'o/ /ma byon pa'i sangs rgyas kyi chos yang dag par bsgrub par bya ba rnam par bsgom pa la yongs su bskul bar bya'o/ /da ltar 
byung ba'i sangs rgyas kyi chos yang dag par bsgrub pa rnam par bsgom pa la yongs su bskul bar bya'o/ /'das pa'i sangs rgyas kyi chos yongs su bsgrub pa rnam par bsgom pa la yongs su bskul bar bya'o/ /ma byon pa'i sangs rgyas kyi chos yongs su bsgrub par bya ba rnam par bsgom pa 
la yongs su bskul bar bya'o/ /da ltar byung ba'i sangs rgyas kyi chos yongs su bsgrub pa rnam par bsgom pa la yongs su bskul bar bya'o/ /sangs rgyas mnyam pa nyid rnam par bsgom pa la yongs su bskul bar bya'o/ /de ci'i phyir zhe na/ de dus gsum mnyam pa nyid </font><hr>35-1-248b<br><font size=+1>
la de bas kyang sems 'jug par bya ba dang / gnas gang thos kyang de la bdag nyid sbyor ba dang / bdag nyid gzhan gyi dring la 'jog par mi bya ba'i phyir te/ kye rgyal ba'i sras dag 'di ni tsher skyes pa'i byang chub sems dpa' rnam par dgod pa'o/ /kye rgyal ba'i sras dag de 
la sbyor ba phun sum tshogs pa'i byang chub sems dpa' gang zhe na/ kye rgyal ba'i sras dag 'di la byang chub sems dpa' dge ba'i rtsa ba gang ci rtsom yang rung ste/ de thams cad sems can thams cad yongs su bskyab pa'i phyir rtsom mo/ /sems can thams cad la phan 
par bya ba'i phyir rtsom mo/ /sems can thams cad bde bar bya ba'i phyir rtsom mo/ /sems can thams cad la snying brtse ba'i phyir rtsom mo/ /sems can thams cad yongs su smyin par bya ba'i phyir rtsom mo/ /sems can thams cad yongs su dgrol bar bya ba'i 
phyir rtsom mo/ /sems can thams cad la gnod pa myed par bya ba'i phyir rtsom mo/ /sems can thams cad drang ba'i phyir rtsom mo/ /sems can thams cad dang bar bya ba'i phyir rtsom mo/ /sems can thams cad gdul ba'i phyir rtsom mo/ /sems can 
thams cad yongs su mya ngan las bzla ba'i phyir rtsom mo/ /kye rgyal ba'i sras dag 'di ni sbyor ba phun sum tshogs pa'i byang chub sems dpa' ste/ sbyor ba phun sum tshogs pa'i byang chub sems dpa' de la ni sems can mtha' yas pa brjod par bya'o/ /sems 
can tshad med pa brjod par bya'o/ /sems can grangs med pa brjod par bya'o/ /sems can bsam gyis myi khyab pa brjod par bya'o/ /sems can gzugs myed pa brjod par bya'o/ /sems can dpag tu myed pa brjod par bya'o/ /sems can stong pa 
brjod par bya'o/ /sems can byed pa myed pa brjod par bya'o/ /sems can dngos po myed pa brjod par bya'o/ /sems can rang bzhin myed pa brjod par bya'o/ /de ci'i phyir zhe na/ de'i sems de bas kyang shas cher mngon par zhen pa la mi gnas par bya ba </font><hr>35-1-249a<br><font size=+1>
dang / gnas gang thos kyang de la bdag nyid sbyor bar bya ba dang / bdag nyid gzhan gyi dring myi 'jog par bya ba'i phyir te/ kye rgyal ba'i sras dag 'di ni sbyor ba phun sum tshogs pa'i byang chub sems dpa' rnam par dgod pa'o/ /kye rgyal ba'i 
sras dag de la bsam pa phun sum tshogs pa'i byang chub sems dpa' gang zhe na/ kye rgyal ba'i sras dag 'di la byang chub sems dpa' chos bcu nyan na/ bsam pa nges pa rab tu 'thob pa yin te/ bcu gang zhe na/ 'di ltar sangs rgyas la snyan pa'am/ mi snyan 
par brjod kyang sangs rgyas kyi chos la bsam pa nges pa yin/ chos la snyan pa'am ma myi snyan par brjod kyang sangs rgyas kyi chos la bsam pa nges pa yin/ byang chub sems dpa' la snyan pa'am myi snyan par brjod kyang sangs rgyas kyi chos la bsam pa nges pa yin/ 
byang chub sems dpa'i spyod pa la snyan pa'am myi snyan par brjod kyang sangs rgyas kyi chos la bsam pa nges pa yin/ sems can gyi khams chung ba dang / sems can gyi khams che ba brjod kyang sangs rgyas kyi chos la bsam pa nges pa yin/ sems can gyi khams kun nas 
nyon mongs pa dang / sems can gyi khams kun nas nyon mongs pa med par brjod kyang sangs rgyas kyi chos la bsam pa nges pa yin/ sems can gyi khams skyo bar sla ba dang / sems can gyi khams skyo bar dka' ba brjod kyang sangs rgyas kyi chos la bsam pa nges pa yin/ chos kyi dbyings 
chung ba'am/ chos kyi dbyings che ba brjod kyang sangs rgyas kyi chos la bsam pa nges pa yin/ chos kyi dbyings 'grub pa'am/ chos kyi dbyings 'jig par brjod kyang / sangs rgyas kyi chos la bsam pa nges pa yin/ chos kyi dbyings yod pa'am/ chos kyi 
dbyings med par brjod kyang / sangs rgyas kyi chos la bsam pa nges pa yin/ kye rgyal ba'i sras dag de ni byang chub sems dpa' bsam pa phun sum tshogs pa dag ste/ de ltar bsam pa phun sum tshogs pa'i byang chub sems dpa' de la chos la 'jug pa bcu brjod </font><hr>35-1-249b<br><font size=+1>
par bya ste/ bcu gang zhe na/ 'di ltar chos thams cad mtshan ma med pa dang / chos thams cad mtshan nyid med pa dang / chos thams cad dngos po med pa dang / chos thams cad yod pa ma yin pa dang / chos thams cad brdzun pa dang / chos thams cad dben 
pa dang / chos thams cad rang bzhin med pa dang / chos thams cad sgyu ma lta bu dang / chos thams cad rmi lam lta bu dang / chos thams cad rtog pa med pa brjod par bya'o/ /de ci'i phyir zhe na/ de'i bsam pa de bas kyang shas cher mi 'phrogs pa la 
rnam par bsgrub par bya ba dang / gnas gang thos kyang bdag nyid de la sbyor bar bya ba dang / bdag nyid gzhan gyi dring 'dzog par mi 'gyur bar bya ba'i phyir te/ kye rgyal ba'i sras dag 'di ni bsam pa phun sum tshogs pa'i byang chub sems dpa' rnam par dgod pa'o/ /kye 
rgyal ba'i sras dag de la phyir myi ldog pa'i byang chub sems dpa' gang zhe na/ kye rgyal ba'i sras dag 'di la byang chub sems dpa' dmyigs pa bcu nyan pa'i tshe brtan pa rab tu 'thob ste/ bcu gang zhe na/ 'di ltar sangs rgyas yod ce'am sangs rgyas myed ce na yang sangs rgyas kyi chos las phyir myi ldog go /chos yod ce'am chos myed ce na yang sangs rgyas kyi chos las phyir myi ldog go /byang chub sems dpa'i spyod pa yod ce 'am/ byang chub sems dpa'i spyod pa myed ce na yang sangs rgyas kyi chos las phyir myi 
ldog go /byang chub sems dpa'i byang chub sems dpa'i spyod pa la 'byung zhe'am/ byang chub sems dpa' byang chub sems dpa'i spyod pa la mi 'byung zhe na yang / sangs rgyas kyi chos las phyir mi ldog go /de bzhin gshegs pa 'das zhe'am/ 
de bzhin gshegs pa ma 'das zhen yang / sangs rgyas kyi chos las phyir myi ldog go /de bzhin gshegs pa byon ce'am/ de bzhin gshegs pa byon pa ma yin ce na yang sangs rgyas kyi chos las phyir myi ldog go/ /sangs rgyas da ltar byung </font><hr>35-1-250a<br><font size=+1>
zhe'am/ sangs rgyas da ltar byung ba ma yin zhe na yang sangs rgyas kyi chos las phyir mi ldog go /sangs rgyas kyi ye shes zad myi shes so zhe'am/ sangs rgyas kyi ye shes zad shes so zhes na yang sangs rgyas kyi chos las phyir myi ldog go /dus 
gsum mtshan nyid gcig ce 'am dus gsum mtshan nyid tha dad ce na yang sangs rgyas kyi chos las phyir mi ldog go /kye rgyal ba'i sras dag 'di ni phyir mi ldog pa'i byang chub sems dpa' ste/ de ltar phyir myi ldog pa'i byang chub sems dpa' de la ni chos 'byam klas pa bcu brjod 
par bya ste/ bcu gang zhe na/ 'di lta ste gcig las rnam pa tha dad par 'gyur ba brjod par bya'o/ /mang po las tha mi dad par brjod par bya'o/ /don dang mthun pa'i yi ge brjod par bya'o/ /yi ge dang mthun pa'i don brjod par bya'o/ /dngos po yod pa 
dang mnyam pa nyid du brjod par bya'o/  /dngos po yod pa med pa dang mnyam pa nyid du brjod par bya'o/ /mtshan ma myed pa mtshan ma dang mnyam pa nyid du brjod par bya'o/ /mtshan ma mtshan ma myed pa dang mnyam pa nyid du brjod par bya'o/ /mtshan nyid 
myed pa mtshan nyid dang mnyam pa nyid du brjod par bya'o/ /mtshan nyid mtshan nyid med pa dang / mnyam pa nyid du brjod par bya'o/ /de ci'i phyir zhe na/ de ci nas kyang de bas kyang shas cher mkhas pa thams cad la yongs su byang ba 'byung ba dang / gnas gang 
thos kyang bdag nyid de la sbyor bar bya ba dang / bdag nyid gzhan gyi dring mi 'jog par 'gyur bar bya ba'i phyir te/ kye rgyal ba'i sras dag 'di ni phyir myi ldog pa'i byang chub sems dpa' rnam par dgod pa'o/ /kye rgyal ba'i sras dag de la gzhon nur gyur pa'i byang 
chub sems dpa' gang zhe na/ kye rgyal ba'i sras dag byang chub sems dpa' las bcu la gnas pa yin te/ bcu gang zhe na/ 'di ltar lus kyi spyod pa kha na ma tho ba med pa yin/ ngag gi spyod pa kha na ma tho ba med pa yin/ yid kyi spyod pa kha na ma tho ba med pa yin/</font><hr>35-1-250b<br><font size=+1>
sems bskyed pa tsam gyis skye ba bsgrub pa yin/ sems can gzhan gyi bsam pa shes pa yin/ gang zag gzhan gyi mos pa rtogs pa yin/ sems can gyi khams tha dad pa rab tu shes pa yin/ las kyi byin gyi rlabs tha dad pa rab tu rtogs pa yin/ 'jig rten gyi khams 'grub pa dang / 'jig pa yongs 
su 'jal ba yin/ gar dga' bar 'gro ba la myur ba yin/ kye rgyal ba'i sras dag /'di ni gzhon nur gyur pa'i byang chub sems dpa' ste/ kye rgyal ba'i sras dag de ltar gzhon nur gyur pa'i byang chub sems dpa' de la ni chos mngon par bsgrub pa bcu brjod 
par bya'o/ /bcu gang zhe na 'di lta ste/ sangs rgyas kyi zhing yongs su shes pa brjod par bya'o/ /sangs rgyas kyi zhing rab tu bskyed pa brjod par bya'o/ /sangs rgyas kyi zhing gi byin gyi rlabs brjod par bya'o/ /sangs rgyas kyi zhing du rnam par rgyu ba brjod par 
bya'o/ /sangs rgyas kyi zhing yongs su gnan pa brjod par bya'o/ /'jig rten gyi khams grangs med par 'gro ba brjod par bya'o/ /chos grangs myed pa yongs su dri ba brjod par bya'o/ /yid kyi rang bzhin gyi lus mngon par bsgrub pa brjod par 
bya'o/ /dbyangs kyi sbyor ba rab tu dgye ba brjod par bya'o/ /sems bskyed pa gcig las sangs rgyas grangs med pa bsnyen bkur bar bya ba brjod par bya'o/ /de ci'i phyir zhe na/ de bas kyang shas cher chos thams cad la mngon par bsgrub pa'i mkhas pa 
'byung bar bya ba dang / gnas gang thos kyang de la bdag nyid sbyor bar bya ba dang / bdag nyid gzhan gyi dring 'jog par mi 'gyur bar bya ba'i phyir te/ kye rgyal ba'i sras dag 'di ni gzhon nur gyur pa'i byang chub sems dpa' rnam par dgod pa'o/ /kye rgyal 
ba'i sras dag rgyal tshab kyi byang chub sems dpa' gang zhe na/ kye rgyal ba'i sras dag 'di la byang chub sems dpa'i chos bcu rtogs par bya ba la mkhas pa yin te/ bcu gang zhe na/ 'di ltar sems can gyi skye ba rtogs par bya ba la mkhas pa yin/</font><hr>35-1-251a<br><font size=+1>
nyon mongs pa'i rgyud rtogs par bya ba la mkhas pa yin/ bag chags kyi mtshams 'brel ba rtogs par bya ba la mkhas pa yin/ spyod yul rtogs par bya ba la mkhas pa yin/ chos sna tshogs rtogs par bya ba la mkhas pa yin/ 
spyad pa rtogs par bya ba la mkhas pa yin/ 'jig rten gyi khams rnam par phye ba rtogs par bya ba la mkhas pa yin/ sngon gyi mtha' dang phyi ma'i mtha' shes par rtogs par bya ba la mkhas pa yin/ 'jig rten gyi kun rdzob kyi bden pa brtag pa rtogs par bya ba la mkhas 
pa yin/ don dam pa'i bden pa brtag pa rtogs par bya ba la mkhas pa yin/ kye rgyal ba'i sras dag 'di ni rgyal tshab kyi byang chub sems dpa' ste/ byang chub sems dpa' rgyal tshab de la ni gnas bcu brjod par bya'o/ /bcu gang zhe na/ 'di lta ste/ 
rgyal po'i gnas la mkhas pa brjod par bya'o/ /rgyal po'i gnas kyi tshul brjod par bya'o/ /rgyal po'i gnas su gnas pa brjod par bya'o/ /rgyal po'i gnas su 'gro ba brjod par bya'o/ /rgyal po'i gnas su spyod pa brjod par bya'o/ /chos kyi rgyal por dbang 
bskur ba brjod par bya'o/ /chos kyi rgyal po'i byin brjod par bya'o/ /chos kyi rgyal po'i mthu brjod par bya'o/ /chos kyi rgyal srid la gnas pa brjod par bya'o/ /chos kyi rgyal po'i bsngags pa brjod par bya'o/ /de ci'i phyir zhe na/ ci nas kyang de'i 
sems bsgribs pa med pa mngon par bsgrub pa la de bas kyang shas cher gnas par bya ba dang / gnas gang thos kyang bdag nyid de la sbyor bar bya ba dang / bdag nyid gzhan gyi dring 'jog par mi bya ba'i phyir te/ kye rgyal ba'i sras dag 'di ni rgyal tshab kyi byang chub sems 
dpa' rnam par dgod pa'o/ /kye rgyal ba'i sras dag de la dbang bskur ba'i byang chub sems dpa' gang zhe na/ kye rgyal ba'i sras dag 'di la byang chub sems dpa'i ye shes la rnam par spyod pa bcu dang ldan pa yin te/ bcu gang zhe na/ 'di ltar 'jig rten gyi khams </font><hr>35-1-251b<br><font size=+1>
grangs med pa yongs su bskyed pa'i sems mang ba yin/ 'jig rten gyi khams grangs med pa snang bar bya ba'i sems mang ba yin/ 'jig rten gyi khams grangs med pa byin gyis brlab pa'i sems mang ba yin/ 'jig rten gyi khams grangs med pa 'da' bar bya ba'i 
sems mang ba yin/ 'jig rten gyi khams grangs med pa yongs su sbyang ba'i sems mang ba yin/ sems can grangs med pa rnam par dmigs par bya ba'i sems mang ba yin/ sems can grangs med pa rnam par brtag pa'i sems mang ba yin/ 
sems can grangs myed pa'i dbang po rtogs par bya ba'i sems mang ba yin/ sems can grangs med pa yongs su gzung ba'i sems mang ba yin/ sems can grangs med pa gdul ba'i sems mang ba yin te/ de'i lus ni byang chub sems dpa' rgyal tshab la 
gnas pa'i bar gyis kyang shes par myi nus te lus kyi las shes par myi nus so/ /rdzu 'phrulashes par myi nus so/ /rdzu 'phrul gyi rnam par 'phrul pa shes par myi nus so/ /'das pa lta ba 'am shes par mi nus so/ /ma 'ongs pa lta ba 'am shes 
par mi nus so/ /da ltar byung ba lta ba 'am shes par mi nus so/ /zhing mngon par 'du byed pa shes par mi nus so/ /sems kyi yul shes par mi nus so/ /sems kyi spyod yul yang byang chub sems dpa' rgyal tshab la gnas pa'i bar gyis shes par 
mi nus te/ kye rgyal ba'i sras dag 'di ni dbang bskur ba'i byang chub sems dpa'o/ /kye rgyal ba'i sras dag byang chub sems dpa' dbang bskur ba de la ni/ sangs rgyas bcom ldan 'das rnams kyi ye shes la 'jug pa bcu bka' stsal te/ bcu gang zhe na/ 
'di ltar dus gsum gyi ye shes brjod pa mdzad do/ /sangs rgyas kyi chos kyi ye shes brjod pa mdzad do/ /chos kyi dbyings chags pa med pa brjod pa mdzad do/ /chos kyi dbyings mtha' dang dbus med pa brjod pa mdzad do/ /'jig rten gyi khams thams </font><hr>35-1-252a<br><font size=+1>
cad rgyas par dgang ba brjod pa mdzad do/ /'jig rten gyi khams thams cad snang bar bya ba brjod pa mdzad do/ /'jig rten gyi khams thams cad byin gyis brlab pa brjod pa mdzad do/ /sems can thams cad yongs su shes pa'i ye shes brjod pa 
mdzad do/ /chos thams cad yongs su shes pa'i ye shes brjod pa mdzad do/ /sangs rgyas mtha' yas pa brjod pa mdzad do/ /de ci'i phyir zhe na/ de ci nas kyang de'i sems rnam pa thams cad mkhyen pa nyid du de bas kyang shas cher gnas par bya ba dang / 
gnas gang thos kyang bdag nyid de la sbyor bar bya ba dang / sangs rgyas kyi chos thams cad la gzhan gyi dring myi 'jog par bya ba'i phyir te/ kye rgyal ba'i sras dag 'di ni rgyal tshab kyi byang chub sems dpa' rnam par dgod pa'o/ /de nas de'i tshe sangs rgyas kyi 
mthus phyogs bcu'i 'jig rten gyi khams sangs rgyas kyi zhing bcu'i rdul shin tu phra ba snyed rnam pa drug du g.yos so/ /g.yos so/ /rab tu g.yos so/ /kun tu g.yos so/ /'gul to rab tu 'gul to/ /kun tu 'gul to/ /ldeg go/ /rab tu ldeg go /
kun tu ldeg go /chem chem rab tu chem chem/ kun tu chem chem mo/ /'ur 'ur rab tu 'ur 'ur kun tu 'ur 'ur ro/ /shig shig rab tu shig shig /kun tu shig shig go/ /sangs rgyas kyi mthu dang chos nyid thob pas/ lha rdzas kyi me tog 
gi sprin gyi char mngon par bab po/ /lha rdzas kyi phye ma'i sprin gyi char mngon par bab po/ /lha rdzas kyi phreng ba'i sprin gyi char mngon par bab po/ lha rdzas kyi spos kyi sprin gyi char mngon par bab po/ /lha rdzas kyi gos kyi sprin gyi char mngon par bab po/ /
lha rdzas kyi rin po che'i sprin gyi char mngon par bab po/ /lha rdzas kyi lhab lhub kyi sprin gyi char mngon par bab po/ /lha rdzas kyi rol mo'i sgra mngon par byung bar gyur to/ /lha rdzas kyi snang ba rab tu byung bar gyur to/ /lha rdzas kyi nga ro shin tu grags par gyur to/ /</font><hr>35-1-252b<br><font size=+1>
gling bzhi pa 'di'i ri rab kyi rtse mor lha'i dbang po'i khang pa ji lta ba de bzhin du 'jig rten gyi khams thams cad du yang phyogs bcu rgyas par byung ste/ chos bstan pa 'di yang thams cad du byung ngo / /sangs rgyas kyi byin gyi rlabs kyis phyogs bcu'i 'jig 
rten gyi khams sangs rgyas kyi zhing bcu'i rdul shin tu phra ba snyed kyi byang chub sems dpa' mang po lhags te/ phyogs bcu rgyas par bkang nas 'di skad ces 'dzer to/ /kye rgyal ba'i sras dag de ltar khyod byang chub sems dpa' rnams kyi chos nyid de lta bu ston pa 
legs so/ /legs so/ /kye rgyal ba'i sras dag bdag cag kun kyang ming chos kyi blo gros shes bya ba sha stag ste/ de bzhin gshegs pa'i mtshan chos kyi blo gros shes bya ba sha stag gi zham ring 'jig rten gyi khams chos kyi sprin ces bya ba sha stag nas 'dir phyin 
te/ thams cad na yang sangs rgyas kyi byin gyi rlabs kyis chos bstan pa 'di nyid 'khor gyi rnam pa 'di lta bu dag tu tshig 'di dag dang / yi ge 'di dag dang / khong du chud par bya ba 'di dag gis don 'di nyid mngon par smos shing lhag chad myed par ston te 
kye rgyal ba'i sras dag de ltar bdag cag dbang du gyur pa sha stag sangs rgyas kyi byin gyi rlabs kyis 'dir phyin to/ /ji ltar bdag cag 'jig rten gyi khams 'dir phyin pa de bzhin du phyogs bcu'i 'jig rten gyi khams thams cad kyi 'jig rten gyi khams re 
re'i gling bzhi pa dag gi ri rab kyi rtse mo lha'i dbang po'i khang pa dag tu yang byang chub sems dpa' sangs rgyas kyi zhing bcu'i rdul shin tu phra ba snyed mang po phyin par gyur to/ /de nas byang chub sems dpa' chos kyi blo gros kyis phyogs bcur rnam par bltas 
te/ chos kyi dbyings la rnam par bltas nas sangs rgyas kyi byin gyi rlabs kyis/ de'i tshe tshigs su bcad pa 'di dag smras so/ /rang byung sangs rgyas thugs mchog rab mnga' ba/ /sku gzugs sku mdog shin tu mdzes ldan zhing /</font><hr>35-1-253a<br><font size=+1>
mtshan bzang thub pa med pa mthong gyur nas/ /byang chub don du bstan pa sems bsgyur ro/ /dpe zla med pa'i rdzu 'phrul stobs chen dang / /yongs su bstan dang rjes su bstan mthong ste/ /srid lam kun tu sdug bsngal gyur mthong 
zhing / /byang chub don du bstan pa sems bsgyur ro/ /de bzhin gshegs pa yon tan kun mnga' ba/ /kun tu bzang po'i yon tan thos gyur cing / /nam mkha' dbyings mnyam rtog pa myed pa yi/ /brtan pa byang chub don du sems bskyed do/ /
khams gsum kun na gnas ni 'di dag yin/ /gnas myin rang bzhin dag kyang 'di yin zhes/ /ma nor dngos po khong du chud bya'i phyir/ /brtan pa byang chub don du sems bskyed do/ /'das dang ma 'ongs da ltar byung ba dang / /dkar nag las rnams ji 
snyed yod de dag /de kun mnyam nyid rjes su rtogs bya'i phyir/ /brtan pa byang chub don du sems bskyed do/ /bsam gtan ting 'dzin rnam par thar pa dang / /mnyam gzhag de bzhin kun nas nyon mongs dang / /rnam byang rnam par khong du chud bya'i phyir/ /
brtan pa byang chub don du sems bskyed do/ /sems can kun gyi dbang po ci 'dra dang / /brtson 'grus stobs dang de bzhin ci 'dra ba/ /rnam pa sna tshogs de dag rtogs bya'i phyir/ /byang chub don du brtan pa sems bsgyur ro/ /sems can kun gyi mos pa 
ci 'dra dang / /'jig rten kun gyi bsam pa sna tshogs rnams/ /rnam pa kun tu thams cad rtogs bya'i phyir/ /byang chub don du brtan pa sems bsgyur ro/ /'gro ba rnams kyi sna tshogs khams rnams dang / /'jig rten kun gyi khams mang du ma dang / /
khams kyi rang bzhin rtogs par bya ba'i phyir/ /brtan pa byang chub don du sems bsgyur ro/ /kun tu 'gro ba'i sems rnams ci 'dra dang / /lam rnams ci 'dra 'dus byas 'di dag gi/ /ma nor rang bzhin rtogs par bya ba'i phyir/ /byang chub don du </font><hr>35-1-253b<br><font size=+1>
brtan pa sems bsgyur ro/ /zhing rnams thams cad mthong bar bya ba dang / /sems can 'di dag ji ltar 'khor gyur ces/ /chags med mig ni rnam par dag bya'i phyir/ /brtan pa byang chub don du sems bsgyur ro/ /'das pa'i dus su gang rnams ci 
byung yang / /mtshan nyid gang yin ci 'dra ci dgongs pa/ /sngon gyi gnas rnams rjes su rtogs bya'i phyir/ /brtan pa byang chub don du sems bsgyur ro/ /'jig rten kun na kun sbyor ji snyed dang / /don gyi mtshams 'brel bag chags de bzhin 
te/ /nyon mongs zad bya mthar thug shes bya'i phyir/ /byang chub don du brtan pa sems bsgyur ro/ /'gro ba rnams kyi tha snyad gdags pa dang / /tshig lam skad du brjod pa ji snyed pa/ /brda yi bden pa rjes su rtogs bya'i phyir/ /brtan pa 
byang chub don du sems bsgyur ro/ /chos rnams ji ltar brjod du myed pa dang / /stong pa byed myed rang bzhin dben pa'i rnams/ /de dag dngos nyid khong du chud bya'i phyir/ /brtan pa byang chub don du sems bsgyur ro/ /zhing rnams thams cad rab tu bskyod pa 
dang / /rgya mtsho thams cad yongs su bskyam bya bar/ /de bzhin gshegs pa'i rdzu 'phrul rtogs bya'i phyir/ /brtan pa byang chub don du sems bsgyur ro/ /spu rtse re re'i sgo nas 'od gzer rnams/ /phyogs bcu kun tu ji ltar dgye bya ba/ /de 'dra'i rang bzhin 
khong du chud bya'i phyir/ /brtan pa byang chub don du sems bsgyur ro/ /zhing rnams brjod med bsam gyis mi khyab pa/ /bdag gi lag pa'i mthil du gzhag bya bar/ /sgyu ma'i rnam pa thams cad rtogs bya'i phyir/ /brtan pa byang chub don du sems bsgyur 
ro/ /ji ltar zhing gi sems can yangs pa kun/ /gnod pa myed par skra rtser gzhog byed par/ /srog myed chos rnams khong du chud bya'i phyir/ /brtan pa byang chub don du sems bsgyur ro/ /rgya mtsho thams cad chu chen gang rgyas pa/ /skra rtses </font><hr>35-1-254a<br><font size=+1>
blangs shing kun tu dor bya bar/ /mthar thug ma lus khong du chud bya'i phyir/ /brtan pa byang chub don du sems bsgyur ro/ /ji ltar bsam gyis myi khyab zhing gi rnams/ /phra rab rdul blags ma lus bgrang bya bar/ /rdul phran 
grangs rnams khong du chud bya'i phyir/ /brtan pa byang chub don du sems bsgyur ro/ /'das pa'i bskal pa de bzhin ma 'ongs dang / /'jig rten tshig cing 'grub pa de bzhin te/ /bskal pa zad cing gnas pa shes bya'i phyir/ /brtan pa byang chub don 
du sems bsgyur ro/ /dus gsum 'byung ba'i de bzhin gshegs pa dang / /rang rgyal dang ni nyan thos thams cad kyi/ /chos kyi rang bzhin khong du chud bya'i phyir/ /brtan pa byang chub don du sems bsgyur ro/ /brjod du med pa'i 'jig rten khams kyi 
rnams/ /skra'i nyag mas bcings shing tshad gdab par/ /dngos po'i rang bzhin khong du chud bya'i phyir/ /brtan pa byang chub don du sems bsgyur ro/ /brjod myed 'khor yug shin tu yangs pa dag /ba spu'i khung bu ji ltar gzung bya bar/ /
phra dang yangs pa khong du chud bya'i phyir/ /brtan pa byang chub don du sems bsgyur ro/ /ma lus 'jig rten khams rnams thams cad du/ /ji ltar dbyangs gcig kun tu grags 'gyur bar/ /dbyangs kyi yan lag rnam dag shes bya'i phyir/ /
brtan pa byang chub don du sems bsgyur ro/ /sems can kun gyi sgra skad ji snyed pa/ /dbyangs gcig brjod pas ji ltar brjod bya bar/ /sgra yi rang bzhin khong du chud bya'i phyir/ /brtan pa byang chub don du sems bsgyur ro/ /'jig rten thams 
cad ma lus shes byed cing / /ji ltar 'gro kun zhi zhes ston 'gyur bar/ /lce yangs khong du chud par bya ba'i phyir/ /brtan pa byang chub don du sems bsgyur ro/ /zhing rnams thams cad rab tu tshig pa dang / /kun nas gnas pa ma lus </font><hr>35-1-254b<br><font size=+1>
mthong 'gyur bar/ /rnam rtog chos ni khong du chud bya'i phyir/ /brtan pa byang chub don du sems bsgyur ro/ /zhing rnams thams cad sangs rgyas gcig bzhin du/ /de bzhin gshegs pas ji ltar rgyas bya bar/ /rang byung chos ni ji ltar rtogs bya'i phyir/ /
brtan pa byang chub don du sems bsgyur ro/ /zhing rnams thams cad rdul mchog phra blags pa/ /de snyed lus su ji ltar sprul bya bar/ /thams cad yid kyis dngos su shes bya'i phyir/ /brtan pa byang chub don du sems bsgyur ro/ /kun gzigs 'das pa 
ji snyed byung ba dang / /ma byon sangs rgyas de bzhin bzhugs pa rnams/ /skad cig sems kyis thams cad rtogs bya'i phyir/ /brtan pa byang chub don du sems bsgyur ro/ /tshig gcig brtsams te brjod cing bshad byas kyang / /bskal pa brjod myed 
thams cad zad 'gyur bar/ /chos kyi rnam grangs khong du chud bya'i phyir/ /brtan pa byang chub don du sems bsgyur ro/ /phyogs bcu kun gyi 'jig rten ma lus rnams/ /'byung zhing ji ltar rjes su 'brang ba dag /sems kyi rang bzhin khong du chud bya'i 
phyir/ /brtan pa byang chub don du sems bsgyur ro/ /lus dang ngag dang de bzhin yid kyis kyang / /phyogs kun spyod tshe chags par myi 'gyur bar/ /dus gsum stong pa khong du chud bya'iphyir/ /brtan pa byang chub don du sems bsgyur ro/ /de ltar byang 
chub don du bskyed byed pa/ /phyogs bcu'i sangs rgyas brjod du med pa kun/ /mchod par bya la yongs su bskul bar bya/ /'di ni phyir mi ldog gi gdams ngag go /'khor ba dag na byang chub don spyod tshe/ /byang chub sems dpa'i bde ba ji snyed pa/ 
de dag de la yongs su brjod par bya/ /'di ni phyir mi ldog gi gdams ngag go /'jig rten gtso bo 'jig rten ji snyed pa/ /phyogs bcu'i tha dad tshad med yod pa rnams/ /de dag byang chub sems dpa' de la brjod/ /'di ni phyir mi ldog gi gdams ngag </font><hr>35-1-255a<br><font size=+1>
go/ /mchog gi chos dang ji snyed dam pa'i chos/ /'phrul gyi chos dang bla na med pa'i chos/ /de dag byang chub sems dpa' de la bstan/ /'di ni skyon med rnams kyi gdams ngag go /gzhan gyis myi thub ji snyed gnas yod pa/ /
'jig rten kun gyi zil gyis mi non rnams/ /de la gnas par rgyal sras de brjod de/ /'di ni phyir mi ldog gi gdams ngag go /de bzhin gshegs pa yon tan kun ldan pa/ /'jig rten mgon po bdag nyid che ba kun/ /de la byang chub sems 
dpa' de bzhag te/ /'di ni skyes bu khyu mchog gdams ngag go /sangs rgyas grangs med brjod du med pa dang / /ji ltar 'grogs par 'gyur ba thams cad kyang / /byang chub sems dpa' de la brjod par bya/ /'di ni phyir mi ldog gi gdams ngag go /
ting 'dzin zhi ba ji snyed gang yod pa/ /de dag gdams ngag ji snyed ma lus par/ /byang chub sems dpa' de la bstan par bya/ /'di ni phyir mi ldog gi gdams ngag go / /'khor ba'i 'khor lo ldog par 'gyur ba dang / /chos kyi 'khor lo 'khor bar 
'gyur ba dang / /'jig rten kun gyi chags par mi 'gyur ba/ /byang chub sems dpa' de la bstan par bya/ /sems can sdug bsngal gzir ba ji snyed dang / /ji snyed ngan song gtses par gyur pa yi/ /skyabs dang mgon dang rten du 'gyur bar yang / /
byang chub sems dpa' de la brjod par bya/ /rnam pa 'di 'dras rgyal sras dang po de/ /byang chub don du sems rab skyer 'gyur te/ /de ltar gdams ngag rjes su bstan par bya/ /'di ni rgyal ba rnams kyi rnam par bkod pa'o/ /de nas gnyis pa las kyi dang 
po pa/ /thog ma nyid du sems can thams cad la/ /sems bcu nye bar gzhog cing smon byed pa/ /'di ni skyon dang bral ba'i gdams ngag go /phan pa'i sems dang de bzhin bde ba'i sems/ /snying rje'i sems dang de bzhin byams pa'i sems/</font><hr>35-1-255b<br><font size=+1>
bsrung ba'i sems dang de bzhin mnyam pa'i sems/ /slob dpon sems dang de bzhin ston pa'i sems/ /de 'dra'i sems rnams nye bar gzhag pa la/ /kha ton lung la yongs su bskul bar bya/ /mang du thos pa dgon par gnas par bskul/ /
dben par gyur pas dge bshes bsnyen 'gyur bya/ /dge bshes gyur nas ngang bder 'gyur bar bya/ /ngang tshul bde bas dus tshul shes par bya/ /dus rnams shes nas myi 'jigs 'gyur bar bya/ /mi 'jigs gyur nas don la brtson par bya/ /
don shes gyur nas chos rjes shes par bya/ /chos shes gyur nas rmongs pa myed par bya/ /rmongs pa myed gyur legs par bshad chos la/ /rgyal sras de ni rnam par gnas par bya/ /de tsam gyis ni las kyi dang po pa/ /byang chub don zhugs 
byang chub sems dpa'o/ /gdams ngag rjes su bstan pa'ang de yin te/ /sangs rgyas sras po de ltar slob par byed/ /gang yang byang chub sems dpa' gsung brjod pa/ /chos kyi rgyal po'i gsung la shin tu brtson/ /myi rtag sdug bsngal 
de bzhin stong pa nyid/ /bdag myed de bzhin byed pa myed pa dang / /chos rnams thams cad de bzhin ro med dang / /'du byed ma yin de bzhin gnas myed dang / /ched du spyod med de bzhin rtog myed par/ /kun la byang chub sems dpa' dpyod pa byed/ /
de ni 'gro khams yongs su brtag pa dang / /de bzhin chos dbyings brtag par bskul bar bya/ /'jig rten khams yangs ma lus mthar thug pa/ /brtag par bya la yongs su bskul bar bya/ /sa dang me dang de bzhin chu khams dang / /
de bzhin rlung dang phyogs bcu'i nam mkha' dang / /'dod pa gzugs dang de bzhin gzugs myed pa/ /brtag par bya la yongs su bskul bar bya/ /khams rnams yangs pa de bzhin kun rtog cing / /khams kyi rang bzhin ma lus mthar phyin pas/ /</font><hr>35-1-256a<br><font size=+1>
byang chub sems dpa' rab tu brtson byed pa/ /des na der 'gyur gdams ngag de yin no/ /cher skyes pa yi byang chub sems dpa' ni/ /'phags pa'i gsung rab 'di las skyes pa ste/ /dngos po rang bzhin med rtogs dran pa can/ /chos kyi rjes 'byung rigs ldan legs par skyes/ / de yi gnas las phyir ldog mi 'gyur te/ /sangs rgyas rnams la shin tu mos pa yin/ /chos rnams de bzhin nges par rtogs pa ste/ /sems can rang bzhin med par rnam par sgom/ /chos dang 'jig 
rten de bzhin zhing rnams dang / /rnam smin 'khor ba de bzhin mya ngan 'das/ /rnam sgom rgyal sras de ltar cher skyes pa/ /thugs las byung ba'i sangs rgyas sras shes bya/ /'das dang ma byon da ltar byung ba yi/ /sangs rgyas chos rnams rnam par 
bsgom bya'i phyir/ /yongs su bsdu ba ci 'dra mthar thug pa/ /de ltar de dag 'grub par 'gyur ba dang / /sangs rgyas thams cad mnyam pa nyid rtogs shing / /dus gsum mnyam pa nyid kyi rjes song bas/ /mnyam pa nyid la sna tshogs myi dmyigs 
shing / /dus gsum kun la tha dad myed par 'jug /de tsam gyis na rgyal sras bzhi pa ste/ /de yi bsngags pa rnam pa de 'dra'o/ /de ltar 'di la nan tan bsgrubs byas shing / /byang chub sems dpa' byang chub mchog tu 'byung / /de las 
gzhan yang rgyal sras lnga pa ni/ /sbyor ba phun sum tshogs zhes brjod pa ni/ /thabs mkhas tshul la rjes su zhugs gyur cing / /bsod nams las rnams brtsams pa'i mthar phyin byed/ /'jig rten dag na bsod nams gang byed kyang / /sems 
can kun gyi skyabs su 'gyur ba dang / /phan tshun de bzhin bde ba bskyed pa dang / /snying rjes skye dgu grol bar 'gyur ba dang / /'jig rten rnams kyi gtse ba bstsal ba dang / /dran zhing de bzhin dad par bya ba dang / /sems can mang po thams cad </font><hr>35-1-256b<br><font size=+1>
gdul mos shing / /mya ngan 'das pa'i sems kyi mthu yang che/ /sems can thams cad kun tu mtha' yas dang / /de bzhin tshad med grangs las 'das pa dang / /bsam gyis myi khyab gzhal med dpag med pa/ /de 'dra'i chos rnams de la brjod 
par bya/ /de tsam gyis na rgyal sras lnga pa ste/ /sbyor ba phun sum tshogs pa snying rje can/ /de yi gdams ngag tshul ni de 'dra ste/ /yon tan thams cad mnga' bas bstan pa yin/ /gang yang bsam pa phun sum tshogs bya'i phyir/ /chos kyi ngo bo 
nyid kyis rmongs med cing / /rnam rtog rtog bral dran dang ldan pa de/ /lhar bcas 'jig rten kun gyis bslu mi nus/ /sangs rgyas chos dang de bzhin rgyal sras dang / /spyod pa bsngags sam rnam par smad kyang rung / /sems can nyung zhe'am 'on 
tam mang ngo zhes/ /thos par gyur kyang bsam pa zhum myi 'gyur/ /sems can nyon mongs nyon mongs myed ce 'am/ /gdul sla 'on tam shin tu gdul dka' dang / /chos kyi dbyings de chung ngam rgya che dang / /kun nas 'grub 'gyur rnam par 'jig ce 
'am/ /chos dbyings de ni yod dam med ces kyang / /byang chub sems dpas thos gyur dus gsum tshul/ /nges par rtogs byed thams cad rnam rtog cing / /sangs rgyas chos la bsam pa shin tu nges/ /mtshan ma med dang mtshan nyid myed pa 
dang / /dngos nyid yod myin brdzun dang bden pa dang / /sgyu ma rmi lam myi rtog rang bzhin myed/ /'di 'dra'i chos tshol de dag nyan pa byed/ /phyir mi ldog pa'i byang chub sems dpa' ni/ /sangs rgyas chos dang de bzhin rgyal sras dang / /spyod pa yod myed 
rtag tu rnam par bsgom/ /'byung ngam myi 'byung zhe na'ang phyir mi ldog /de bzhin gshegs pa 'das zhe 'am ma 'das dang / /ma byon to zhe 'am ma byon ma yin dang / /skyes so ma skyes zad 'gyur zad mi 'gyur/ /de bzhin mtshan gcig tha dad </font><hr>35-1-257a<br><font size=+1>
mtshan de bzhin/ /gcig pa rnam pa tha dad mang po dang / /don dang de bzhin yi ge'i dngos rnams dang / /thams cad phan tshun yongs su 'dzud byed pa/ /mi ldog byang chub sems dpa' bstan par bya/ /mtshan ma med la mtshan 
ma yod pa dang / /mtshan nyid myed la mtshan gyis dmyigs pa dang / /rnam phye phan tshun yongs su sbyar ba rnams/ /thos nas 'di la mthar thug 'jug par byed/ /gzhan yang byang chub sems dpa' gzhon gyur pa/ /lus dang ngag dang de bzhin yid 
kun gyis/ /kha na ma thor 'gyur ba nam yang med/ /ci 'dod tshul bzhin de ni skye ba byed/ /gzhan gyi bsam pa ji bzhin rab tu shes/ /de dag mos pa yongs su rtogs par byed/ /phyogs rnams gang du yid kyis smon byed pa/ /kun tu mngon shes 
myur ba yid bzhin 'thob/ /bde bar gshegs pas bsngags pa'i chos thob cing / /de la zhum pa bskyed pa gang yang med/ /zhing rnams yongs su bskyod pa shes pa dang / /de bzhin byin rlabs rnam par rgyu ba dang / /sangs rgyas zhing rnams yongs su 
gnan pa dang / /grangs med kun tu 'gro ba brjod par bya/ /grangs med chos rnams yongs su 'dri ba dang / /ci nas yid kyi rang bzhin lus 'gyur zhing / /dbyangs kyi rnam pa shin tu yangs 'gyur dang / /sems gcig sangs rgyas grangs myed bsnyen 
bkur brjod/ /byang chub sems dpa' rgyal tshab brjod pa ni/ /sems can rnams kyi skye ba rab tu shes/ /nyon mongs rgyud dang rnam par rgyu ba shes/ /de 'dra spyod yul de 'dra'i sbyor ba can/ /chos kyi rgyud mang rnam pa tha dad dang / /sngon mtha' phyi 
mtha' 'jig rten rnam phye dang / /brde yi bden pa don dam bden pa dag /ma lus rtogs par bya la mkhas pa yin/ /de'i rgyal po'i gnas la mkhas par bskul/ /der yang ji ltar yongs su spyad bya dang / /'gro bar bya dang gnas par bya </font><hr>35-1-257b<br><font size=+1>
ba dang / /rgyal po'i gnas su ji ltar rnam spyad brjod/ /de la chos kyi rgyal po'i dbang bskur dang / /byin gyi rlabs dang de bzhin mthu chen dang / /chos su gnas dang 'gro bar bya ba dag /brjod par bya ste rgyal tshab de 'dra yin/ /de tsam gyis na de yi 
mthar thug ste/ /gdams ngag des kyang rlom sems byed pa med/ /khong du chud byed dran ldan rgyal tshab de/ /rgyal ba kun gyi drung na slob pa byed/ /bde bar gshegs pa'i sras po dbang bskur ba/ /thu bo mchog dang dam par gyur pa ni/ /'jig rten 
khams mang grangs myed bskyod pa dang / /yongs su snang bar bya ba'i sems kyang mang / /byin gyi rlabs dang yongs su 'da' bya dang / /yongs su sbyong ba'i sems kyang rab tu mang / /grangs med 'jig rten shes par bya ba dang / /dbang po phun 
ldan rnam par spyad la mkhas/ /de dag gzung cing rnam par 'dul ba dang / /thams cad mkhyen pa'i sems kyang shin tu mang / /zhing mang brjod du myed par 'gro byas shing / /dam chos mkhas rnams ma lus rnam par dpyod/ /de'i lus dang 
lus kyi las rnams dang / /rdzu 'phrul bstan pa'ang shes par mi nus te/ /dus gsum zhing du rgyal ba'i sems dag kyang / /rgyal tshab gyur pa'i bar gyis shes mi nus/ /de la thams cad gzigs pas dus gsum dang / /sangs rgyas chos 
shes chags med de bzhin brjod/ /chos kyi dbyings ni mtha' dang dbus med pa/ /rgyas par 'gengs par bde gshegs brjod par mdzad/ /ci nas 'jig rten khams kun ma lus par/ /yongs su snang byed byin gyis rlob pa dang / /sems can chos rnams de bzhin ma lus dang / /
sangs rgyas mtha' yas de bzhin brjod pa mdzad/ /rgyal sras brtan pa rnam pa bcur bgrang ba/ /rnam par dgod la gnas pa de dag kun/ /rang rang spyod yul rab tu brtson byed pa/ /'jig rten lhar bcas kun gyis shes par dka'/ /'on kyang </font><hr>35-1-258a<br><font size=+1>
sems bskyed dang por mtha' yas pas/ /phyogs bcu ma lus thams cad rgyas par bya/ /dus gsum kun tu gang tshe sems gtong ba/ /de tshe thams cad mkhyen pa kun gzigs 'gyur/ /zhing rnams kun la mu mtha' yod 
pa min/ /sems can chos dang 'jig rten kun de bzhin/ /las dang nyon mongs gnas kyang mtha' yas te/ /byang chub sems rab de la gnas pa yin/ /skad cig sems la byang chub gzhol ba'i sems/ /gang skyes 'jig rten kun gyis 
shes mi nus/ /rang rgyal rnams dang nyan thos kun gyis min/ /de nas gong du spyod pa ji skad brjod/ /gang zhig phyogs bcu'i 'jig rten khams kyi rnams/ /spu gcig srang la tshad du 'jal byed pa/ /des ni byang chub sems dpa'i spyod pa shes/ /
'on kyang sangs rgyas ye shes yongs su tshol/ /phyogs bcu'i rgya mtsho ji snyed yod pa kun/ /spu rtse'i thigs kyis yongs 'jal shes byed pa/ /de ni rgyal sras spyod pa 'di 'dra dag /sems kyi skad cig gcig la bsgrub par byed/ /ji ltar 
zhing rnams rdul rab phrar blags shing / /sems can la la ma lus bgrang byed de/ /'di snyed yod ces grangs su gcod byed pa/ /de 'drar rgyal sras spyod pa brjod pa'o/ /'das pa'i sangs rgyas de bzhin ma byon dang / /gang rnams phyogs 
bcur byung bar gyur pa dang / /rang rgyal de bzhin nyan thos rab mang ba/ /rnam par dmyigs shing byang chub sems skye'o/ /sems can khams rnams ma lus rgyas gang zhing / /byang chub don du thog mar sems bskyed pa/ /de yang bgrang bar 
nus pa ma yin na/ /de las gong du ci zhig smos kyang dgos/ /byang chub sems dpa'i rnam par dgod pa bcu bstan pa'i le'u ste nyi shu pa'o// //sangs rgyas rmad ga cad ces bya ba shin tu rgyas pa chen po'i mdo/ /bam po nyi shu gcig pa/ de nas lha'i bu dran pa dang ldan pas byang </font><hr>35-1-258b<br><font size=+1>
chub sems dpa' chos kyi blo gros la 'di skad ces smras so/ /kye rgyal ba'i sras 'jig rten gyi khams thams cad na/ byang chub sems dpa' 'phags pa'i gsung rab la khyim nas khyim med par rab tu byung zhing ngur smrig gi gos 'chang ba de dag gis/ 
tshangs pa'i spyod pa yongs su dag pa gang gis/ byang chub sems dpa' rnam par dgod pa 'di dag las 'das te/ myur du bla na med pa yang dag par rdzogs pa'i byang chub tu 'byung bar 'gyur ba/ de ji ltar yid la bya/ de skad ces smras pa dang / 
byang chub sems dpa' chos kyi blo gros kyis/ lha'i bu dran pa dang ldan pa la 'di skad ces smras so/ /kye rgyal ba'i sras de bas na/ byang chub sems dpa'i theg pa la yang dag par zhugs pa rnams kyis dmyigs pa bcu rnam par bsgom ste/ 
gong du chos bcu yid la bya'o/ /dmyigs pa bcu rnam par bsgom pa gang zhe na/ 'di lta ste/ lus dang lus kyi las dang / ngag dang ngag gi ngag dang / / yid dang yid kyi las dang / sangs rgyas dang chos dang dge 'dun dang / bslab 
pa yang dag par blang ba dag ste/ ci tshangs pa'i spyod pa de lus sam de ste tshangs pa'i spyod pa de lus yin na ni/ tshangs pa'i spyod pa myi gtsang bar 'gyur/ tshangs pa'i spyod pa chos ma yin par 'gyur/ tshangs pa'i spyod pa 'khrugs par 
'gyur/ tshangs pa'i spyod pa dri nga bar 'gyur/ tshangs pa'i spyod pa gtsang ba ma yin par 'gyur/ tshangs pa'i spyod pa smad par 'gyur/ tshangs pa'i spyod pa mi mthun par 'gyur/ tshangs pa'i spyod pa kun nas nyon mongs par 'gyur/ 
tshangs pa'i spyod pa keng rus su 'gyur/ tshangs pa'i spyod pa srin gyi tshad du 'gyur/ de ste lus kyi las tshangs pa'i spyod pa yin na ni/ nyal ba tshangs pa'i spyod par 'gyur/ 'dug pa tshangs pa'i spyod par 'gyur/ 'greng ba tshangs pa'i spyod par </font><hr>35-1-259a<br><font size=+1>
'gyur/ 'gro ba tshangs pa'i spyod par 'gyur/ bltas pa tshangs pa'i spyod par 'gyur/ rnam par bltas pa tshangs pa'i spyod par 'gyur/ bskum pa tshangs pa'i spyod par 'gyur/ brkyang ba tshangs pa'i spyod par 'gyur/ 'khor ba tshangs 
pa'i spyod par 'gyur/ 'gres pa tshangs pa'i spyod par 'gyur ro/ /de ste ngag tshangs pa'i spyod pa yin na ni/ dbyangs tshangs pa'i spyod par 'gyur/ ngag tshangs pa'i spyod par 'gyur/ brjod pa tshangs pa'i spyod par 'gyur/ smra ba tshangs pa'i spyod par 
'gyur/ smos pa tshangs pa'i spyod par 'gyur/ thong kha nas rtsol ba tshangs pa'i spyod par 'gyur/ lce bsgyur ba tshangs pa'i spyod par 'gyur/ mchu sbyar ba tshangs pa'i spyod par 'gyur/ tshig sbyar ba tshangs pa'i spyod par 'gyur ro/ /de ste ngag gi 
las tshangs pa'i spyod pa yin na ni/ brjod pa tshangs pa'i spyod par 'gyur/ brdar bya ba tshangs pa'i spyod par 'gyur/ shin tu bstan pa tshangs pa'i spyod par 'gyur/ /bstan pas rnam par bstan pa tshangs pa'i spyod par 'gyur/ legs pa brjod pa tshangs pa'i 
spyod par 'gyur/ ngan du brjod pa tshangs pa'i spyod par 'gyur/ rnam par gdags pa tshangs pa'i spyod par 'gyur/ rnam par spyod pa tshangs pa'i spyod par 'gyur/ yongs su smos pa tshangs pa'i spyod par 'gyur/ de ste yid tshangs pa'i spyod pa yin 
ni/ dpyod pa tshangs pa'i spyod par 'gyur/ rnam par dpyod pa tshangs pa'i spyod par 'gyur/ rtog pa tshangs pa'i spyod par 'gyur/ rnam par rtog pa tshangs pa'i spyod par 'gyur/ dran pa tshangs pa'i spyod par 'gyur/ phyir dran pa tshangs 
pa'i spyod par 'gyur/ sems pa tshangs pa'i spyod par 'gyur/ rnam par sems pa tshangs pa'i spyod par 'gyur/ sgyu ma tshangs pa'i spyod par 'gyur/ rmi lam tshangs pa'i spyod par 'gyur ro/ /de ste yid kyi las tshangs pa'i spyod pa yin na </font><hr>35-1-259b<br><font size=+1>
ni/ 'du shes tshangs pa'i spyod par 'gyur/ yid la byed pa tshangs pa'i spyod par 'gyur/ grang ba tshangs pa'i spyod par 'gyur/ dro ba tshangs pa'i spyod par 'gyur/ bde ba tshangs pa'i spyod par 'gyur/ sdug bsngal tshangs pa'i spyod par 'gyur/ bkres 
pa tshangs pa'i spyod par 'gyur/ bskom pa tshangs pa'i spyod par 'gyur/ dga' ba tshangs pa'i spyod par 'gyur/ zhum pa tshangs pa'i spyod par 'gyur ro/ /de ste sangs rgyas tshangs pa'i spyod pa yin ni/ gzugs sangs rgyas sam/ 'on tam tshor 
ba sangs rgyas sam/ 'du shes sangs rgyas sam/ 'du byed sangs rgyas sam/ rnam par shes pa sangs rgyas sam/ mtshan rnams sangs rgyas sam/ mngon par shes pa sangs rgyas sam/ las sangs rgyas sam/ 'on tam rnam 
par smin pa sangs rgyas sam/ de ste legs par bshad pa'i chos nyid tshangs par spyod pa'i gnas yin na ni/ 'gog pa gnas su 'gyur ro/ /mya ngan las 'das pa gnas su 'gyur ro/ /bral ba gnas su 'gyur ro/ /ma skyes pa gnas su 'gyur 
ro/ /ma byung ba gnas su 'gyur ro/ /grags pa med pa gnas su 'gyur ro/ /rtog pa med pa gnas su 'gyur ro/ /rgyu ba med pa gnas su 'gyur ro/ /phrad pa myed pa'i gnas ni tshangs pa'i gnas su 'gyur ro/ /de ste dge 'dun sdom 
pa'i nan tan can/ tshangs pa'i spyod pa yin na ni/ rgyun tu zhugs pa'i 'bras bu'i phyir/ dge 'dun nam/ 'on tam rgyun tu zhugs pa'i 'bras bu dge 'dun/ lan cig phyir 'ong ba'i 'bras bu'i phyir/ dge 'dun nam 'on tam/ phyir 'ong ba'i 
'bras bu dge 'dun/ phyir myi 'ong ba'i 'bras bu'i phyir dge 'dun nam/ 'on tam phyir myi 'ong ba'i 'bras bu dge 'dun/ dgra bcom pa'i 'bras bu'i phyir dge 'dun nam/ 'on tam dgra bcom pa'i 'bras bu dge 'dun/ gsum rig pa nyid </font><hr>35-1-260a<br><font size=+1>
dge 'dun nam/ drug mngon par shes pa dge 'dun nam/ 'on tam khong du chud par nan tan du byed pa tshangs pa'i spyod pa/ de ste bslab pa yang dag par blang ba tshangs pa'i spyod pa yin na ni/ tha dad du gnas pa bslab pa yang dag par 
blang ba'am/ yongs su dag pa bslab pa yang dag par blang ba'am/ slob dpon gyi tshig bslab pa yang dag par blang ba'am/ lan gsum du bzlas pa bslab pa yang dag par blang ba'am/ mkhan po bslab pa yang dag par blang ba'am/ skra bregs pa dang / 
ngur smrig gi gos 'chang ba bslab pa yang dag par blang ba'am/ slongs mos 'tsho ba bslab pa yang dag par blang ba'am/ 'on tam de dag tshangs pa'i spyod pa'am/ zhes de ltar chos de dag la rnam par sgom na/ bdag gi lus la mngon par chags 
pa med pa dang / sgom pa la zhen pa med pa dang / chos rnams gnas pa med pa dang / 'das pa rgyu ba med pa dang / ma 'ongs pa ma phyin pa dang / da ltar byung ba stong pa dang / las la byed pa myed pa dang / rnam par smin pa la tshor ba myed pa 
dang / 'jig rten 'di 'phos pa med pa dang / 'jig rten pha rol chud myi za ba'i phyir tshangs pa'i spyod pa zhes bya ba'i chos de gang yin/ de gang las byung de su'i de ci zhig /de sus byas/ de yod dam/ de med dam/ de gzugs sam/ de 
gzugs ma yin nam/ de tshor ba'am/ de tshor ba ma yin nam/ de 'du shes sam/ de 'du shes ma yin nam/ de 'du byed dam/ de 'du byed ma yin nam/ de rnam par shes pa'am/ dernam par shes pa ma yin nam/ tshangs par spyod 
pa'i chos de gang zhig ces de ltar myi dmyigs shing / dus gsum mnyam pa nyid du nam mkha' yongs su rgyas par bya ba dang / chags pa myed par yid la bya ba dang / sems la bsgribs pa med par dang / gnyis su med par shin tu spyod pa dang /</font><hr>35-1-260b<br><font size=+1>
bsgrubs pa myed pa'i sbyor ba dang / mtshan ma myed pa'i chos gzung ba dang /mtshan nyid med pa'i chos rab tu shes pa dang / sangs rgyas kyi chos mnyam pa nyid dang / sangs rgyas kyi chos thams cad la yang dag par sems pas tshangs pa'i spyod pa yongs 
su dag par yid la bya'o/ /gong du yang chos bcu dang ldan pas yid la bya ste/ bcu gang zhe na/ 'di lta ste/ gnas dang gnas ma yin pa shes pa dang ldan pa dang / 'das pa dang / ma 'ongs pa dang / da ltar byung ba'i las dang rnam par smin 
pa shes pa dang ldan pa dang / bsam gtan dang rnam par thar pa dang / ting nge 'dzin dang / snyoms par 'jug pa dang / kun nas nyon mongs pa dang / rnam par byang ba dang / rnam par ldang ba shes pa dang ldan pa dang / dbang po dang brtson 
'grus tha dad pa dang / yongs su rdzogs pa mchog dang tha ma shes pa dang ldan pa dang / mos pa tha dad pa dang / mos pa du ma shes pa dang ldan pa dang / khams tha dad pa dang / khams du ma shes pa dang ldan pa dang / thams cad du 'gro ba'i 
lam shes pa dang ldan pa dang / lha'i myig thogs pa med pa dang ldan pa dang / bsgribs pa med pa rjes su dran pa shes pa dang ldan pa dang / bag chags kyi mtshams sbyor ba yang dag par bcad pa shes pa dang ldan pa ste/ de bzhin gshegs pa'i 
stobs re re la yang rnam par dbye ba shin tu rgya che bar khong du chud par bya'o/ /thams cad kyang tshad med par blta bar bya'o/ /thos nas kyang snying rje chen po la brtan par bya'o/ /sems can rnam par bsgom pa yang mi gtang bar bya'o/ /chos la shin tu 
brtags pa yang mi gzhig par bya'o/ /bla na med pa'i chos la yang dag pa'i yi dam yang shin tu brtsam par bya'o/ /rnam par smin pa la yang re ba med par bya'o/ /sgyu ma'i rang bzhin yang rjes su rtogs par bya'o/ /rmi lam gyi rang bzhin du </font><hr>35-1-261a<br><font size=+1>
yang yang dag par sbyang bar bya'o/ /mig yor gyi rang bzhin dang yang tha mi dad par bya'o/ /sgra brnyan gyi rang bzhin yang spyod yul du bya'o/ /sprul pa'i rang bzhin du yang mos par bya ste/ de de ltar zhugs pas nyon mongs pa chung bar sangs rgyas kyi chos 
thams cad kyang mngon du 'gyur ro/ /des chos de dag gnyis su myed par rtogs pas/ sems dang po bskyed pa nyid kyis bla na med pa yang dag par rdzogs pa'i byang chub tu mngon par 'tshang rgya ba'i gnas yod do/ /chos thams cad sems kyi rang bzhin du shes 
pas/ gzhan gyi dring mi 'jog par shes rab kyi phung po dang yang ldan par 'gyur ro/ / tshangs par spyod pa'i le'u zhes bya ba ste/ nyi shu rtsa gcig pa'o// //de nas lha'i dbang po brgya byin gyis/ byang chub sems dpa' chos kyi blo gros la 'di skad 
ces smras so/ /kye rgyal ba'i sras bsod nams kyi phung po ji tsam zhig dang ldan na/ sems dang po bskyed pa'i byang chub sems dpar 'gyur/ de skad ces smras pa dang / byang chub sems dpa' chos kyi blo gros kyis/ lha'i dbang po brgya byin la 'di skad 
ces smras so/ /kye rgyal ba'i sras gnas 'di ni yid ches par shin tu dka' ste/ shes par dka' brtag par dka'/ mngon par dad par dka' shin tu rtogs par dka'/ kun nas bsgrub par dka'/ yang dag par spyad par dka'/ brjod par 
dka'/ bskyed par dka'/ brgal bar dka'/ khong du chud par dka' 'on kyang ci tshul du sangs rgyas kyi mthus bshad par bya'o/ /kye rgyal ba'i sras de la ji snyam du sems/ gang shar phyogs kyi 'jig rten gyi khams grangs med par gtogs pa'i sems can 
de dag la la zhig gis bskal par bde ba'i yo byad thams cad kyis rim gror byas te/ bslab pa'i tshig lnga po dag kyang 'dzin du btsud par gyur la de bzhin du lho phyogs dang / nub phyogs dang / byang phyogs dang / de bzhin du byang shar kyi phyogs mtshams dang /</font><hr>35-1-261b<br><font size=+1>
shar lho'i phyogs mtshams dang / lho nub kyi phyogs mtshams dang / de bzhin du nub byang gi phyogs mtshams dang / de bzhin du 'og gi phyogs dang / de bzhin du steng gi phyogs kyi 'jig rten gyi khams grangs myed par gtogs pa'i sems can rnams kyang / bskal par 
bde ba'i yo byad thams cad kyis rim gror byas te/ bslab pa'i tshig lnga po dag kyang 'dzin du btsud na/ rgyal ba'i sras de la ji snyam du sems/ de'i rgyus bsod nams mang du 'phel lam/ de skad ces smras pa dang / lha'i dbang po brgya byin gyis/ 
byang chub sems dpa' chos kyi blo gros la 'di skad ces smras so/ /kye rgyal ba'i sras bsod nams 'di ni sangs rgyas bcom ldan 'das rnams ma gtogs par gzhan gyis shes par mi nus so/ /smras pa kye rgyal ba'i sras byang chub sems dpa' sems dang 
po bskyed pa'i bsod nams kyi phung po la ni/ de dag gi bsod nams snga ma des brgya'i char yang nye bar mi 'gro/ stong gi char yang nye bar mi 'gro/ brgya stong gi cha dang / bye ba'i cha dang / bye ba brgya'i cha dang / bye ba stong gi cha dang / bye ba brgya stong gi cha dang / 
bye ba khrag khrig brgya'i cha dang / bye ba khrag khrig stong gi cha dang / bye ba khrag khrig brgya stong gi char yang nye bar mi 'gro/ grangs dang cha dang bgrang ba dang / dpe dang rgyur yang nye bar mi 'gro'o/ /kye rgyal ba'i sras dpe snga ma de lta zhog gi/ kye rgyal ba'i 
sras phyogs bcu'i 'jig rten gyi khams grangs med par gtogs pa'i sems can ji snyed pa de dag /bskal pa brgyar bde ba'i yo byad thams cad kyis rim gror byas te/ dge ba bcu'i las kyi lam rnams la yang dag par sbyar bar gyur la/ gzhung 
de bzhin du bskal pa stong du bde ba'i yo byad thams cad kyis rim gror byas te/ bsam gtan bzhi la rab tu bkod pa dang / bskal pa brgya phrag stong du bde ba'i yo byad thams cad kyis rim gror byas te/ tshangs pa'i rnam par spyod pa bzhi la rab tu bkod pa dang /</font><hr>35-1-262a<br><font size=+1>
bskal pa bye bar bde ba'i yo byad thams cad kyis rim gror byas te/ gzugs med pa'i snyoms par 'jug pa bzhi la rab tu bkod par gyur pa dang / bskal pa bye bar bde ba'i yo byad thams cad kyis rim gror byas te/ rgyun tu zhugs 
pa'i 'bras bu la rab tu bkod pa dang / bskal pa bye ba stong du bde ba'i yo byad thams cad kyis rim gror byas te/ lan cig phyir 'ong ba'i 'bras bu la rab tu bkod pa dang / bskal pa bye ba brgya stong du bde ba'i yo byad thams cad kyis rim gror byas te/ 
phyir mi 'ong ba'i 'bras bu la rab tu bkod pa dang / bskal pa bye ba khrag khrig tu bde ba'i yo byad thams cad kyis rim gror byas te/ dgra bcom pa la rab tu bkod pa dang / bskal pa bye ba khrag khrig brgya stong du bde ba'i yo byad thams cad kyis rim gror byas te/ 
rang sangs rgyas kyi byang chub la rab tu gzhag par gyur na/ kye rgyal ba'i sras de la ji snyam du sems/ de'i rgyus bsod nams mang du 'phel lam/ lha'i dbang po brgya byin gyis smras pa/ kye rgyal ba'i sras de ni sangs rgyas bcom ldan 'das kyis mkhyen to/ /
byang chub sems dpa' chos kyi blo gros kyis smras pa/ kye rgyal ba'i sras byang chub sems dpa' sems dang po bskyed pa'i bsod nams kyi phung po de la bsod nams kyi phung po snga ma des brgya'i char yang nye bar myi 'gro'o/ /stong gi cha dang brgya stong gi cha dang / 
bye ba'i cha dang / bye ba brgya'i cha dang / bye ba stong gi cha dang / bye ba brgya stong gi cha dang / grangs dang cha dang / bgrang ba dang / dpe dang rgyur yang nye bar mi 'gro'o/ /de ci'i phyir zhe na/ kye rgyal ba'i sras gang 'di phyogs bcu'i 'jig rten gyi khams 
grangs med par gtogs pa'i sems can bskal pa bye ba khrag khrig brgya stong du bde ba'i yo byad thams cad kyis rim gror byas shing / bslab pa'i tshig lnga la gzhag pa dang / dge ba bcu'i las kyi lam la yang dag par sbyar ba dang / bsam gtan bzhi la rab tu </font><hr>35-1-262b<br><font size=+1>
dgodapa dang / tshangs pa'i rnam par spyod pa bzhi dang / gzugs med pa'i snyoms par 'jug pa bzhi dang rgyun tu zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang sangs rgyas kyi byang chub la rab 
tu dgod pa de tsam gyis ni sangs rgyas su mi 'gyur te/ de ni 'di ltar de bzhin gshegs pa'i rigs rgyun mi gcad pa'i phyir sems skye'o/ /'jig rten gyi khams thams cad ma lus par khyab par bya ba'i phyir sems skye'o/ /'jig rten gyi khams thams cad du gtogs 
pa'i sems can thams cad yang dag par bsgral ba'i phyir sems skye'o/ /'jig rten gyi khams thams cad 'du ba dang / 'jig pa yongs su shes par bya ba'i phyir sems skye'o/ /'jig rten gyi khams thams cad du gtogs pa'i sems can rnams kyi kun nas 
nyon mongs pa dang / rnam par byang ba yongs su shes par bya ba'i phyir sems skye'o/ /'jig rten gyi khams thams cad kyi rang bzhin yongs su dag pa yongs su shes par bya ba'i phyir sems skye'o/ /sems can thams cad kyi bsam pa dang / bag la nyal ba dang / bag chags 
kyi mtshams sbyor ba yongs su shes par bya ba'i phyir sems skye'o/ /sems can thams cad kyi 'chi 'pho dang skye ba yongs su shes par bya ba'i phyir sems skye'o/ /sems can thams cad kyi dbang po dang / sbyor ba yongs su shes par bya ba'i phyir sems skye'o/ /
sems can thams cad kyi sems dang spyod pa yongs su shes par bya ba'i phyir sems skye'o/ /sems can thams cad kyi dus gsum gyi shes pa yongs su shes par bya ba'i phyir sems skye'o/ /byang chub sems dpa' rnams kyi sems bskyed pa de ni 'di ltar 
sangs rgyas thams cad dang / yul mnyam pa nyid du bya ba'i phyir sems skye'o/ /kye rgyal ba'i sras dpe snga ma dag lta zhog gi/ kye rgyal ba'i sras 'di la skyes bu la la zhig byung ste/ de sems bskyed pa gcig gis shar phyogs su 'jig rten gyi khams grangs med </font><hr>35-1-263a<br><font size=+1>
pa 'da' la sems bskyed pa de dang 'dra bas/ shar phyogs su bskal pa grangs med pa zad zad du 'das par byas kyang / shar phyogs kyi 'jig rten gyi khams gcig nas gcig tu brgyud pa zad par ma rung nas/ de'i 'og tu skyes bu 
gnyis pa zhig byung ste/ skyes bu snga ma des bskal pa grangs med pa 'das pa snyed sems bskyed pa gcig gis 'das te/ de'i 'og tu skyes bu gsum pa zhig byung ste/ skyes bu de gnyis kyis bskal pa grangs med pa gnyis kyis 'das pa de dag sems bskyed pa gcig gis 'das 
te/ de'i 'og tu skyes bu bzhi pa zhig byung nas/ snga ma gsum gyis 'jig rten gyi khams grangs med par 'das pa de dag sems bskyed pa gcig gis 'das la/ de'i 'og tu skyes bu lnga pa zhig byung ste/ skyes bu snga ma bzhis bskal pa grangs med par 'das 
pa de dag sems bskyed pa gcig gis 'das nas/ de'i 'og tu skyes bu drug pa zhig byung ste/ skyes bu snga ma rnams kyis bskal pa grangs med par 'das pa de dag gi sems bskyed pa gcig gis 'das te/ de'i 'og tu skyes bu bdun pa zhig skyes la/ 
skyes bu snga ma drug gis bskal pa grangs med par 'das pa de dag gi sems bskyed pa gcig gis 'das te/ de'i 'og tu skyes bu brgyad pa zhig skyes te/ skyes bu snga ma bdun gyis bskal pa grangs med par 'das pa de dag sems bskyed pa gcig gis 'das 
la/ de'i 'og tu skyes bu dgu pa zhig byung ste/ skyes bu snga ma brgyad kyis bskal pa grangs med par 'das pa de dag sems bskyed pa gcig gis 'das par byas te/ de'i 'og tu skyes bu bcu pa zhig byung nas/ skyes bu snga ma dgus bskal pa grangs med 
par 'das pa de dag sems bskyed pa gcig gis 'das la/ sems bskyed pa de lta bu'i 'da' bas/shar phyogs logs su bskal pa grangs med par bgrod kyang / shar phyogs kyi 'jig rten gyi khams gcig nas gcig tu brgyud pa'i mtha' ni </font><hr>35-1-263b<br><font size=+1>
shes par mi rung ngo / /shar phyogs su ji lta ba de bzhin du lho phyogs dang / nub phyogs dang / byang phyogs dang / byang shar gyi phyogs mtshams dang / shar lho'i phyogs mtshams dang / lho nub kyi phyogs mtshams dang / nub byang gi phyogs 
mtshams dang / 'og dang steng gi phyogs rnams bcu po thams cad du yang de bzhin du rgya che bas te/ skyes bu de dag gis phyogs bcur ji snyed du 'das pa de dag skyes bu re re phyogs bcur rnam par dgod pas sems bskyed pa gcig gis bskal pa 
grangs med pa 'da' ba 'di'i tshul du bskal pa grangs med par 'das pa de dag /skyes bu brgya dag gis 'jig rten gyi khams yongs su dgod pa'i tshul du phyogs bcur 'jig rten gyi khams gcig nas gcig tu brgyud pa ni mthar rnyed par rung yang srid 
kyi/ byang chub sems dpa' bla na med pa yang dag par rdzogs pa'i byang chub tu sems dang po bskyed pa'i dge ba'i rtsa ba ni mtha' med do/ /de ci'i phyir zhe na/ kye rgyal ba'i sras byang chub sems dpa' rnams kyi sems skye ba ni 'jig rten gyi khams gcig tu 'gro 
ba'am/ grangs yongs su shes pas bla na med pa yang dag par rdzogs pa'i byang chub tu sems skye ba ma yin gyis/ 'di ltar phyogs bcu tshad med par yongs su shes nas byang chub sems dpa' rnams kyi sems skye ste/ 'di ltar 'jig rten gyi khams phra ba 
yangs par yongs su shes pa dang / 'jig rten gyi khams yangs pa phra bar yongs su shes pa dang / 'jig rten gyi khams snrel zhi 'jig rten gyi khams spyi bo tshugs su rgyu bar yongs su shes pa dang / 'jig rten gyi khams spyi'u tshugs 
su rgyu ba/ 'jig rten gyi khams snrel zhir yongs su shes pa dang / 'jig rten gyi khams chung ngu 'jig rten gyi khams chen por yongs su shes pa dang / 'jig rten gyi khams chen po 'jig rten gyi khams chung ngur yongs su shes pa dang /</font><hr>35-1-264a<br><font size=+1>
'jig rten gyi khams yangs pa 'jig rten gyi khams dog par yongs su shes pa dang / 'jig rten gyi khams dog pa 'jig rten gyi khams yangs par yongs su shes pa dang / 'jig rten gyi khams gcig 'jig rten gyi khams brjod du med par 
yongs su shes pa dang / 'jig rten gyi khams brjod du med pa 'jig rten gyi khams gcig tu yongs su shes pa dang / 'jig rten gyi khams brjod du med pa dang / gcig tu zad pa yongs su shes pa dang / 'jig rten gyi khams gcig 'jig rten gyi khams 
brjod du med par gzud pa yongs su shes pa dang / 'jig rten gyi khams kun nas nyon mongs pa 'jig rten gyi khams rnam par dag par yongs su shes pa dang / 'jig rten gyi khams rnam par dag pa 'jig rten gyi khams kun nas nyon mongs par yongs su 
shes pa dang / skra'i rtse mo 'jig rten gyi khams tshad med par yongs su shes pa dang / 'jig rten gyi khams tshad med pa skra'i rtse mor yongs su shes pa dang / 'jig rten gyi khams gcig 'jig rten gyi khams thams cad du bsgrub pa yongs su 
shes pa dang / 'jig rten gyi khams thams cad lus med pa'i rang bzhin du yongs su shes pa dang / 'jig rten gyi khams 'byam klas pa ma lus pa thams cad sems bskyed pa gcig gis thogs pa med par yongs su shes pas/ byang chub sems 
dpa' rnams kyi sems bla na med pa yang dag par rdzogs pa'i byang chub tu skye'o/ /kye rgyal ba'i sras 'jig rten gyi khams 'da' ba'i dpe snga ma de dag lta zhog gi /kye rgyal ba'i sras skyes bu la la zhig skyes par gyur te/ de'i sems bskyed pa gcig 
gis shar phyogs su 'du ba dang / 'jig pa'i bskal pa grangs med pa bgrang la/ sems bskyed pas bgrang ba 'di'i tshul du shar phyogs su bskal pa grangs med pa zad zad du bgrangs kyang / shar phyogs kyi 'jig rten gyi khams kyi 'du ba'i bskal </font><hr>35-1-264b<br><font size=+1>
pa dang / 'jig pa'i bskal pa'i mtha' shes par ma rung nas/ de'i 'og tu skyes bu gnyis pa zhig skyes te/ skyes bu snga ma des bskal pa grangs med par 'du ba dang / 'jig pa'i bskal pa bgrang ba de dag thams cad skad cig gcig gis bgrangs te/ 
de'i 'og tu skyes bu gsum pa zhig byung la/ skyes bu snga ma gnyis kyis bskal pa grangs med par 'du ba dang / 'jig pa'i bgrang ba de dag sems bskyed pa gcig gis bgrangs te/ de'i 'og du skyes bu bzhi pa zhig byung nas/ skyes bu snga ma gsum gyis 
bskal pa grangs med par 'du ba dang / 'jig pa bgrang ba de dag skad cig gcig gis bgrangs te/ de'i 'og tu skyes bu lnga pa zhig byung nas/ skyes bu snga ma bzhis bskal pa grangs med par 'du ba dang / 'jig pa bgrang ba de dag skad cig gcig gis bgrangs par gyur la/ 
de'i 'og tu skyes bu drug pa zhig byung ste/ skyes bu snga ma lngas bskal pa grangs med par 'du ba dang / 'jig pa bgrang ba de dag skad cig gcig gis bgrangs te/ de'i 'og du skyes bu bdun pa zhig byung nas/ skyes bu snga ma drug gis bskal 
pa grangs med par 'du ba dang / 'jig pa bgrang ba de dag skad cig gcig gis bgrangs par gyur la/ de'i 'og tu skyes bu brgyad pa zhig byung ste/ skyes bu snga ma bdun gyis bskal pa grangs med par 'du ba dang / 'jig pa'i bskal pa bgrang 
ba de dag skad cig gcig gis bgrangs par gyur te/ de'i 'og du skyes bu dgu pa zhig skyes la/ skyes bu snga ma brgyad kyis bskal pa grangs myed par 'du ba dang / 'jig pa'i bskal pa bgrang ba de dag skad cig gcig gis bgrangs te/ 
de'i 'og du skyes bu bcu pa zhig byung nas/ skyes bu dgu po snga ma rnams kyis bskal pa grangs med par 'du ba dang / 'jig pa'i bskal pa bgrang ba de dag skad cig gcig gis bgrangs par gyur na/ kye rgyal ba'i sras skyes bu de dag grangs </font><hr>35-1-265a<br><font size=+1>
med pa'i tshul du phyogs bcur rnam par bkod pa dang / skad cig gcig gis 'jig rten gyi khams 'du ba dang / 'jig pa grangs med par bgrang ba'i tshul du bskal pa grangs med par bgrangs na/ 'jig rten gyi khams de dag 
gi 'du ba dang / 'jig pa'i bskal pa gcig nas gcig tu brgyud pa ni/ phyogs bcur mtha' thug par rung yang srid kyi/ byang chub sems dpa' sems dang po bskyed pa'i bla na med pa yang dag par rdzogs pa'i dge ba'i rtsa ba ni mthar 
thug par mi rung ngo / /de ci'i phyir zhe na/ kye rgyal ba'i sras 'jig rten 'ga'i 'du ba dang / 'jig pa bgrang ba rab tu shes par bya ba'i phyir/ byang chub sems dpa' rnams kyis sems bla na med pa yang dag par rdzogs 
pa'i byang chub tu mi skye'i/ 'jig rten gyi khams ma lus pa thams cad kyi 'du ba dang / 'jig pa'i bskal pa shes par bya ba la 'jug pa'i phyir/ byang chub sems dpa' rnams bla na med pa yang dag par rdzogs pa'i byang chub tu sems skye ste/ 
'di ltar bskal pa ring po la bskal pa thung ngur yang dag par 'jug pa shes par bya ba dang / bskal pa thung ngu la bskal pa ring por yang dag par 'jug pa shes par bya ba'i phyir/ byang chub sems dpa' rnams bla na med pa yang dag par rdzogs pa'i 
byang chub tu sems skye'o/ /bskal pa gcig la bskal pa grangs med par yang dag par 'jug pa shes par bya ba dang / bskal pa grangs med pa la bskal pa gcig tu yang dag par 'jug pa shes par bya ba dang / 'di lta ste/ sangs rgyas dang 
bcas pa'i bskal pa/ sangs rgyas med pa'i bskal par yang dag par 'jug pa shes par bya ba dang / sangs rgyas med pa'i bskal pa sangs rgyas dang bcas pa'i bskal par yang dag par 'jug pa shes par bya ba dang / sangs rgyas brjod </font><hr>35-1-265b<br><font size=+1>
du med pa'i bskal pa sangs rgyas gcig gi bskal pa yang dag par 'jug pa shes par bya ba dang / sangs rgyas gcig gi bskal pa sangs rgyas brjod du med pa'i bskal par yang dag par 'jug pa shes par bya ba dang / 'di lta ste bskal pa rnam 
pa tha dad pa la bskal pa rnam pa tha mi dad par yang dag par 'jug pa shes par bya ba dang / bskal pa zad pa la bskal pa ma zad par yang dag par 'jug pa shes par bya ba dang / bskal pa ma zad pa la bskal pa zad par khong du chud pas yang 
dag par 'jug pa shes par bya ba dang / 'di lta ste bskal pa brjod du med pa sems bskyed pa gcig tu yang dag par 'jug pa shes par bya ba dang / sems bskyed pa gcig bskal pa brjod du med par yang dag par 'jug pa shes par bya ba dang / 
'di lta ste bskal pa thams cad bskal pa med par rab tu 'jug pa shes par bya ba dang / bskal pa ma yin pa bskal par 'jug pa shes par bya ba'i phyir/ byang chub sems dpa' rnams bla na med pa yang dag par rdzogs pa'i byang chub tu sems skye'o/ /
'di lta ste sngon gyi mtha'i mur thug pa'i bskal pa dang / phyi ma'i mtha'i mur thug pa'i bskal pa dang / da ltar byung ba'i bskal pa dang / 'jig rten gyi khams ma lus pa thams cad kyi 'du ba dang / 'jig pa'i bskal pa sems 
bskyed pa gcig gis yongs su shes par bya ba'i phyir/ byang chub sems dpa' rnams bla na med pa yang dag par rdzogs pa'i sangs rgyas su sems skye ste/ 'di ltar bskal pa thams cad kyi rgyus mngon par shes par bya ba'i phyir/ de thog mar 
go cha chen po mngon par bsgrub po/ /kye rgyal ba'i sras 'jig rten gyi khams 'du ba dang / 'jig pa'i bskal pa bgrang ba'i dpe de dag lta zhog gi/ kye rgyal ba'i sras 'di la skyes bu la la zhig skyes par gyur te/ der sems bskyed pa </font><hr>35-1-266a<br><font size=+1>
gcig gis/ 'jig rten gyi khams grangs med par gtogs pa'i sems can rnams kyi dad pa sna tshogs thams cad shes pa tshul de lta bur sems bskyed pa re re zhing shes pas shar phyogs su bskal pa grangs med pa zad pa byas kyang 
sems can rnams kyi mos pa tha dad pa gcig nas gcig tu brgyud pa'i mtha' zad par mi rung ba nas/ gzhung de bzhin du bcu'i bar du ste/ shar phyogs su ji lta ba de bzhin du steng gi phyogs kyi bar gyi phyogs bcu thams cad du rgya cher byas na 
de dag gi mos pa tha dad pa gcig nas gcig tu brgyud pa ni mthar thug par rung yang srid kyi/ byang chub sems dpa' bla na med pa yang dag par rdzogs pa'i byang chub tu sems dang po bskyed pa'i dge ba'i rtsa ba ni mthar thug par mi rung ngo / /
de ci'i phyir zhe na/ kye rgyal ba'i sras sems can de tsam gyi mos pa tha dad pa shes par bya ba'i phyir/ byang chub sems dpa' rnams bla na med pa yang dag par rdzogs pa'i byang chub tu sems mi skye'i/ 'di ltar 'jig rten gyi khams ma lus pa 
thams cad du gtogs pa'i sems can rnams kyi dad pa sna tshogs mngon par 'tshang rgya bar bya ba'i phyir/ byang chub sems dpa' rnams bla na med pa yang dag par rdzogs pa'i byang chub tu sems skye'o/ /'di lta ste mos pa mtha' dang dbus med 
pa la 'jug pa dang / sems can gyi mos pa tha dad pa la mkhas pa mngon par 'tshang rgya bar bya ba'i phyir/ byang chub sems dpa' rnams bla na med pa yang dag par rdzogs pa'i byang chub tu sems skye'o/ /'di lta ste sems can gcig 
sems can grangs myed par yang dag par 'jug par bya ba'i phyir/ dad pa'i tshul brjod du med pa'i snang ba'i 'od kyis mos pa gcig nas gcig du brgyud pa ma lus pa dang / 'gro ba rgya mtsho mngon par 'tshang rgya bar bya ba'i phyir/ byang chub sems </font><hr>35-1-266b<br><font size=+1>
dpa' rnams bla na med pa yang dag par rdzogs pa'i byang chub tu sems skye'o/ /'di lta ste 'das pa dang / ma 'ongs pa dang / da ltar byung ba'i dge ba dang / mi dge ba la mos pa tshad med pa la 'jug par bya ba dang / dus gsum thams cad kyi 
mos pa sna tshogs dbang gis yongs su shes par bya ba dang / mos pa ji lta ba bzhin du mngon par 'tshang rgya bar bya ba'i phyir/ byang chub sems dpa' rnams bla na med pa yang dag par rdzogs pa'i byang chub tu sems skye'o/ /'di lta ste skal ba mnyam pa'i 
mos pa dang / skal ba mi mnyam pa'i mos pa shes pa la 'jug par bya ba dang / mos pa thams cad mos pa gcig tu yang dag par 'jug pa dang / mos pa gcig mos pa thams cad dang mnyam pa nyid du mngon par 'tshang rgya bar bya ba dang / de bzhin 
gshegs pa'i stobs la rab tu 'jug pa'i phyir/ byang chub sems dpa' rnams bla na med pa yang dag par rdzogs pa'i byang chub tu sems skye'o/ /'di lta ste mos pa bla ma dang bcas pa dang / mos pa bla na med pa dang / lhag ma dang bcas 
pa dang / lhag ma med pa dang / mnyam pa dang mi mnyam pa'i mos pa'i bye brag shes pa mngon par 'tshang rgya bar bya ba'i phyir/ byang chub sems dpa' rnams bla na med pa yang dag par rdzogs pa'i byang chub tu sems skye'o/ /'di lta ste gnas pa'i 
mos pa dang / mi gnas pa'i mos pa dang / thun mong gi mos pa dang / thun mong ma yin pa'i mos pa dang / 'dres pa dang / ma 'dres pa dang / dge ba dang mi dge ba dang / 'jig rten pa dang 'jig rten las 'das pa'i mos pa dang / mos pa thams 
cad kyi bye brag shin tu shes pa'i dam pa mngon par 'tshang rgya ba'i phyir ro/ /byang chub sems dpa' rnams bla na med pa yang dag par rdzogs pa'i byang chub tu sems skye'o/ /'di lta ste/ dge ba'i mos pa dang / yangs pa'i mos pa </font><hr>35-1-267a<br><font size=+1>
dang / mos pa bar ma dang / tha dad pa dang / nges pa'i mos pa ma lus pa thams cad bsgribs pa med pa'i ye shes dang / chags pa med pa'i sangs rgyas kyi rnam par thar pas mngon par 'tshang rgya bar bya ba'i phyir byang chub 
sems dpa' rnams bla na med pa yang dag par rdzogs pa'i byang chub tu sems skye'o/ /'di lta ste rnam par dag pa'i mos pa dang / kun nas nyon mongs pa'i mos pa dang / yangs pa'i mos pa dang / dog pa'i mos pa dang / phra ba'i mos pa dang / rgya 
che ba'i mos pa dang / sems can gyi khams ma lus pa thams cad kyi mos pa'i tshul rnam pa tha dad pa la rab tu 'jug par bya ba dang / sems can gcig gi mos pa sna tshogs 'byam klas pa bcu mngon par 'tshang rgya bar bya ba'i phyir/ byang chub sems dpa' 
rnams bla na med pa yang dag par rdzogs pa'i byang chub tu sems skye'o/ /'di lta ste/ rgyud stug po'i mos pa dang / sbyor ba'i mos pa dang / yongs su brtags pa'i mos pa dang / ngang gis rjes su 'brang ba'i mos pa dang / rgyu'i tshogs dang 
ldan pa'i mos pa dang / rkyen gyi tshogs las byung ba'i mos pa dang / mos pa'i dra ba ma lus pa thams cad mnyam pa nyid du 'jug pa'i yongs su rig pa'i shes pas mngon par 'tshang rgya bar bya ba'i phyir/ byang chub sems dpa' rnams bla na 
med pa yang dag par rdzogs pa'i byang chub tu sems skye'o/ /kye rgyal ba'i sras mos pa sna tshogs kyi dpe tha dad pa snga ma de dag lta zhog gi/ kye rgyal ba'i sras 'di la skyes bu la la zhig skyes par gyur te/ de'i sems gcig bskyed pas 'jig 
rten gyi khams grangs med par gtogs pa'i sems can rnams kyi dbang po sna tshogs rab tu shes par gyur la/ de lta bu'i tshul du sems bskyed pa re re la shes pas/ shar phyogs logs su bskal pa grangs myed pa zad par byas kyang / shar phyogs </font><hr>35-1-267b<br><font size=+1>
kyi sems can rnams kyi dbang po sna tshogs gcig nas gcig tu brgyud pa mthar thug bar ma rung la tshul de bzhin du mos pa la ji skad brjod pa bzhin dbang po tha dad pa la yang shes par byas te/ de dag gi dbang po sna tshogs gcig nas gcig tu brgyud pa ni/ phyogs 
bcu mthar thug par rung yang srid kyi/ byang chub sems dpa' bla na med pa yang dag par rdzogs pa'i byang chub tu sems dang po bskyed pa'i dge ba'i rtsa ba ni mtha' med do/ /de ci'i phyir zhe na/ kye rgyal ba'i sras dag /sems can de tsam dag gi dbang po 
sna tshogs shes par bya ba'i phyir/ byang chub sems dpa' rnams bla na med pa yang dag par rdzogs pa'i byang chub tu sems skye ba ma yin gyi/ 'di ltar 'jig rten gyi khams ma lus pa thams cad du gtogs pa'i sems can rnams kyi dbang po yongs su 
shes par bya ba'i don du byang chub sems dpa' rnams bla na med pa yang dag par rdzogs pa'i byang chub tu sems skye'o/ /gzhung de bzhin du ji ltar mos pa la brjod pa de bzhin du dbang po rnams la yang shes par bya ste/ thibs por gyur pa'i dbang po dang / 
sbyor ba dang ldan pa'i dbang po dang / yongs su brtags pa'i dbang po dang / ngang gis rjes su 'brang ba'i dbang po dang / rgyu'i tshogs dang ldan pa'i dbang po dang / rkyen gyi tshogs las byung ba'i dbang po dang / dbang po'i dra ba thams cad ma lus pa la mnyam pa 
nyid du 'jug cing yongs su rig pa'i shes pas mngon par 'tshang rgya bar bya ba'i phyir/ byang chub sems dpa' rnams bla na med pa yang dag par rdzogs pa'i byang chub tu sems skye'o/ /kye rgyal ba'i sras dbang po sna tshogs kyi dpe snga ma de dag lta zhog gi/ kye 
rgyal ba'i sras 'di la skyes bu la la zhig skyes par gyur te/ de'i sems bskyed pa gcig gis 'jig rten gyi khams grangs med par gtogs pa'i sems can rnams kyi bsam pa sna tshogs yongs su shes par gyur la/ tshul de lta bur sems bskyed pa re rer shes </font><hr>35-1-268a<br><font size=+1>
pas/ shar phyogs logs su bskal pa grangs med pa zad par byas kyang sems can gyi bsam pa sna tshogs kyi mthar phyin par ma rung la/ gzhung de bzhin du phyogs bcu'i sems can rnams kyi bsam pa sna tshogs ni shes par rung yang srid 
kyi/ byang chub sems dpa' bla na med pa yang dag par rdzogs pa'i byang chub tu sems dang po bskyed pa'i dge ba'i rtsa ba ni mthar thug par mi rung ngo / /de ci'i phyir zhe na/ kye rgyal ba'i sras sems can de tsam dag gi bsam pa sna tshogs yongs su shes par 
bya ba'i phyir/ byang chub sems dpa' rnams bla na med pa yang dag par rdzogs pa'i byang chub tu sems mi skye'i/ 'di ltar 'jig rten gyi khams ma lus pa thams cad du gtogs pa'i sems can rnams kyi bsam pa sna tshogs yongs su shes pas 
mngon par 'tshang rgya bar bya ba'i phyir/ byang chub sems dpa' rnams bla na med pa yang dag par rdzogs pa'i byang chub tu sems skye'o/ /gzhung de ltar mos pa la ji ltar brjod pa bzhin du ste/ bsam pa'i thibs por gyur pa dang / sbyor ba dang 
ldan pa'i bsam pa dang / yongs su brtags pa'i bsam pa dang / ngang gis rjes su 'brang ba'i bsam pa dang / rgyu'i tshogs dang ldan pa'i bsam pa dang / rkyen gyi tshogs las byung ba'i bsam pa'i bar du/ bsam pa'i dra ba ma lus 
pa thams cad mnyam pa nyid du 'jug cing yongs su rig pa'i shes pas mngon par 'tshang rgya bar bya ba'i phyir/ byang chub sems dpa' rnams bla na med pa yang dag par rdzogs pa'i byang chub tu sems skye'o/ /kye rgyal ba'i sras bsam pa sna tshogs kyi 
dpe snga ma de dag lta zhog gi/ kye rgyal ba'i sras 'di la skyes bu la la zhig skyes te/ de'i sems bskyed pa gcig gis 'jig rten gyi khams grangs med par gtogs pa'i sems can rnams kyi sbyor ba yongs su shes la/ gzhung de ltar mos pa </font><hr>35-1-268b<br><font size=+1>
la ji ltar brjod pa bzhin du ste/ phyogs bcu'i sbyor ba sna tshogs gcig nas gcig tu brgyud pa de dag ni mthar thug par rung yang srid kyi/ byang chub sems dpa' bla na med pa yang dag par rdzogs pa'i byang chub tu sems dang po bskyed pa'i dge 
ba'i rtsa ba ni mthar thug par mi rung ngo / /de ci'i phyir zhe na/ kye rgyal ba'i sras sems can de tsam dag gi sbyor ba sna tshogs shes pa'i don du ni/ byang chub sems dpa' rnams bla na med pa yang dag par rdzogs pa'i byang chub tu sems mi skye'i/ 
'di ltar 'jig rten gyi khams ma lus pa thams cad du gtogs pa'i sems can rnams kyi sbyor ba sna tshogs yongs su shes pas mngon par 'tshang rgya bar bya ba'i phyir/ byang chub sems dpa' rnams bla na med pa yang dag par rdzogs pa'i byang chub tu sems skye'o/ /
gzhung de ltar mos pa la ji skad du brjod pa bzhin te/ sbyor ba'i dra ba ma lus pa thams cad kyi bar du mnyam pa nyid du 'jug cing yongs su rig pa'i shes pas mngon par 'tshang rgya bar bya ba'i phyir/ byang chub sems dpa' rnams bla na med pa yang dag 
par rdzogs pa'i byang chub tu sems skye'o/ /kye rgyal ba'i sras sbyor ba sna tshogs kyi dpe de dag lta 'ang zhog gi/ kye rgyal ba'i sras 'di la skyes bu la la zhig skyes te/ de'i sems bskyed pa gcig gis 'jig rten gyi khams grangs med par gtogs 
pa'i sems can rnams kyi sems bskyed pa sna tshogs rab tu shes la/ tshul de lta bu'i sems bskyed pa yongs su shes pas/ gzhung de bzhin du ste/ phyogs bcu'i sems bskyed pa sna tshogs gcig nas gcig tu brgyud pa ni mthar thug par rung yang 
srid kyi/ byang chub sems dpa' bla na med pa yang dag par rdzogs pa'i byang chub tu sems dang po bskyed pa'i dge ba'i rtsa ba ni mthar thug par mi rung ngo / /de ci'i phyir zhe na/ kye rgyal ba'i sras sems can de tsam dag gi sems sna tshogs yongs su shes </font><hr>35-1-269a<br><font size=+1>
par bya ba'i don du/ byang chub sems dpa' rnams bla na med pa yang dag par rdzogs pa'i byang chub tu sems skye ba ma yin gyi/ 'di ltar 'jig rten gyi khams chos kyi dbyings kyis klas pa/ sems can gyi khams kyis gtugs 
pa/ nam mkha'i dbyings kyis klas pa'i sems can gyi khams mtha' dang dbus med pa'i sems sna tshogs thams cad yongs su shes pas/ mngon par 'tshang rgya bar bya ba'i phyir/ byang chub sems dpa' rnams bla na med pa yang dag par rdzogs 
pa'i byang chub tu sems skye'o/ /gzhung de ltar mos pa la ji skad du brjod pa de bzhin du/ sems bskyed pa'i dra ba ma lus pa thams cad mnyam pa nyid du 'jug cing yongs su rig pa'i shes pas mngon par 'tshang rgya bar bya ba'i phyir/ byang chub sems 
dpa' rnams bla na med pa yang dag par rdzogs pa'i byang chub tu sems skye'o/ /kye rgyal ba'i sras sems bskyed pa'i dpe snga ma de dag lta zhog gi/ kye rgyal ba'i sras 'di la skyes bu la la zhig skyes par gyur te/ de'i sems bskyed pa 
gcig gis 'jig rten gyi khams grangs med par gtogs pa'i sems can rnams kyi las sna tshogs rab tu shes la/ sems bskyed pa shes pa'i tshul de lta bus shar phyogs logs su bskal pa grangs med par zad par byas kyang / sems can rnams kyi las 
sna tshogs gcig nas gcig tu brgyud pa mthar thug par ma rung la/ de bzhin du skyes bu bcu pa'i bar du skyes par gyur te/ skyes bu dgu po de dag gis sems can rnams kyi las sna tshogs gcig nas gcig tu brgyud pa yongs su shes par bya ba'i phyir/ 
bskal pa grangs med pa zad par byas pa/ de dag sems bskyed pa gcig gis shes par gyur kyang / phyogs bcur las sna tshogs gcig nas gcig tu brgyud pa de dag ni mthar thug par rung yang srid kyi byang chub sems dpa' bla na med pa yang dag par </font><hr>35-1-269b<br><font size=+1>
rdzogs pa'i byang chub tu sems dang po bskyed pa'i dge ba'i rtsa ba ni mthar thug par mi rung ngo / /de ci'i phyir zhe na/ kye rgyal ba'i sras sems can de tsam dag gi las sna tshogs yongs su shes par bya ba'i don du byang chub sems dpa' rnams bla na med pa yang dag par 
rdzogs pa'i byang chub tu sems skye ba ma yin gyi/ 'di ltar 'jig rten gyi khams dang / dus gsum ma lus pa thams cad du gtogs pa'i sems can rnams kyi las sna tshogs yongs su shes pas mngon par 'tshang rgya bar bya ba'i phyir/ byang chub 
sems dpa' rnams bla na med pa yang dag par rdzogs pa'i byang chub tu sems skye'o/ /'di lta ste las sna tshogs mtha' dang dbus med pa la rab tu 'jug pa dang / las kyi bye brag thams cad la mkhas pa mngon par 'tshang rgya bar bya ba'i phyir/ byang chub 
sems dpa' rnams bla na med pa yang dag par rdzogs pa'i byang chub tu sems skye'o/ /'di lta ste sems can gcig grangs med cing / rnam pa tha dad par yang dag par 'jug pa dang / las kyi tshul brjod pa'i snang ba rab tu 'thob pa dang / las 
thams cad ma lus pa gcig nas gcig tu brgyud pa dang / las dang ldan pa'i 'gro ba rgya mtsho mngon par 'tshang rgya bar bya ba'i phyir/ byang chub sems dpa' rnams bla na med pa yang dag par rdzogs pa'i byang chub tu sems skye'o/ /'di lta ste 'das pa 
dang / ma 'ongs pa dang / da ltar byung ba'i las dge ba dang / mi dge ba'i rnam pa tha dad pa la rab tu 'jug cing dus gsum thams cad kyi las sna tshogs dbang gis yongs su shes par bya ba dang / las ji lta ba bzhin du mngon par 'tshang rgya bar bya ba'i phyir 
byang chub sems dpa' rnams bla na med pa yang dag par rdzogs pa'i byang chub tu sems skye'o/ /'di lta ste/ skal pa mnyam pa'i las dang / skal ba mi mnyam pa'i las shes pa'i mchog thob par bya ba dang / las thams cad las gcig tu yang </font><hr>35-1-270a<br><font size=+1>
dag par 'jug pa dang / las gcig las thams cad dang mnyam pa nyid du mngon par 'tshang rgya bar bya ba'i phyir/ byang chub sems dpa' rnams bla na med pa yang dag par rdzogs pa'i byang chub tu sems skye'o/ /'di lta ste bla ma dang 
bcas pa'i las dang / bla na med pa'i las dang / lhag ma dang bcas pa'i las dang / mnyam pa'i las dang / mi mnyam pa'i las kyi bye brag ye shes kyi rgyud chen pos mngon par 'tshang rgya zhing / shes par bya ba'i phyir/ byang chub sems dpa' rnams 
bla na med pa yang dag par rdzogs pa'i byang chub tu sems skye'o/ /'di lta ste gnas pa'i las dang / mi gnas pa'i las dang / thun mong gi las dang / thun mong ma yin pa'i las dang / mtha' yas pa'i las dang / mu med pa'i las dang / ma 'dres pa'i 
las dang / dge ba'i las dang / mi dge ba'i las dang / 'jig rten pa'i las dang / 'jig rten las 'das pa'i las dang / las kyi bye brag thams cad la ye shes kyi rgyud chen pos mngon par 'tshang rgya zhing shes par bya ba'i phyir/ byang chub 
sems dpa' rnams bla na med pa yang dag par rdzogs pa'i byang chub tu sems skye'o/ /'di lta ste shes pa'i las dang / mi shes pa'i las dang chen po dang / 'bring dang / tshad med pa'i las kyi sgrib pa thams cad ma lus par chags pa med pas 
shes par bya ba dang / sangs rgyas kyi rnam par thar pa mngon par 'tshang rgya bar bya ba'i phyir/ byang chub sems dpa' rnams bla na med pa yang dag par rdzogs pa'i byang chub tu sems skye'o/ /'di lta ste rnam par dag pa'i las dang / kun nas nyon mongs 
pa'i las dang / rgya chen po'i las dang / rgya chung ngu'i las dang / kun tu 'brel pa'i las dang / kun tu ma 'brel pa'i las dang / phra ba'i las dang / sbom pa'i las dang / las ma lus par sems can gyi khams kyi las kyi tshul rnam pa tha dad </font><hr>35-1-270b<br><font size=+1>
pa la rab tu 'jug pa dang / sems can gcig gis las sna tshogs 'byam klas pa bcu mngon par 'tshang rgya bar bya ba'i phyir/ byang chub sems dpa' rnams bla na med pa yang dag par rdzogs pa'i byang chub tu sems skye'o/ /'di lta ste thibs por gyur pa'i las dang / 
sbyor ba can gyi las dang / chung ba'i las dang / dran pa dang ldan pa'i las dang / rgyu'i tshogs dang ldan pa'i las dang / rkyen gyi tshogs las byung ba'i las dang / las kyi dra ba thams cad ma lus pa mnyam pa nyid du yongs su rig cing shes pas mngon par 
'tshang rgya bar bya ba'i phyir/ byang chub sems dpa' rnams bla na med pa yang dag par rdzogs pa'i byang chub tu sems skye'o// //sangs rgyas rmad ga cad ces bya ba shin tu rgyas pa chen po'i mdo/ /bam po nyi shu gnyis pa/ kye rgyal ba'i sras las sna tshogs kyi dpe snga ma de dag lta zhog gi/ kye rgyal ba'i 
sras 'di la skyes bu la la zhig skyes te/ de'i sems bskyed pa gcig gis shar phyogs logs su 'jig rten gyi khams grangs med par gtogs pa'i sems can rnams kyi sems bskyed pa'i shes par gyur la/ tshul de ltar sems bskyed pa re rer yongs 
su shes pas/ shar phyogs logs su bskal pa grangs med par zad par byas kyang / sems can rnams kyi nyon mongs pa sna tshogs mthar thug par ma rung la/ de bzhin du de'i 'og tu skyes bu gnyis pa zhig skyes zhes bya ba nas/ skyes bu bcu pa skyes 
pa'i bar du ste/ skyes bu dgu po de dag gis bskal pa grangs med par nyon mongs pa sna tshogs rab tu shes pa de dag /sems bskyed pa gcig gis yongs su shes par gyur la/ tshul de 'dra bar sems bskyed pa re rer yongs su shes pas/ 
gzhung de bzhin du ste/ phyogs bcu'i nyon mongs pa sna tshogs gcig nas gcig tu brgyud pa de dag ni mthar thug par ra rung yang srid kyi/ byang chub sems dpa' bla na med pa yang dag par rdzogs pa'i byang chub tu sems dang po bskyed pa'i dge ba'i rtsa ba ni </font><hr>35-1-271a<br><font size=+1>
mthar thug par mi rung ngo / /de ci'i phyir zhe na/ kye rgyal ba'i sras sems can de tsam dag gi nyon mongs pa sna tshogs yongs su shes par bya ba'i phyir/ byang chub sems dpa' rnams bla na med pa yang dag par rdzogs pa'i byang chub tu sems 
skye ba ma yin gyi/ 'di lta ste 'jig rten gyi khams ma lus pa thams cad du gtogs pa'i sems can rnams kyi nyon mongs pa tshad med pa thams cad yongs su shes par bya ba'i phyir/ byang chub sems dpa' rnams bla na med pa yang dag par rdzogs pa'i 
byang chub tu sems skye'o/ /'di lta ste nyon mongs pa yang ba dang / nyon mongs pa lci ba mngon par 'tshang rgya ba'i ye shes yongs su shes par bya ba'i phyir/ byang chub sems dpa' rnams bla na med pa yang dag par rdzogs pa'i byang chub tu sems 
skye'o/ /'di lta ste bag la nyal ba'i nyon mongs pa dang / sems kun nas 'khor ba'i nyon mongs pa dang / sems can thams cad kyi nyon mongs pa dang / rnam par byang ba rnam par dgod pa yongs su shes par bya ba'i phyir/byang chub sems 
dpa' rnams bla na med pa yang dag par rdzogs pa'i byang chub tu sems skye'o/ /'di lta ste sems can gcig gi nyon mongs pa tshad med pa sna tshogs rang dbang med par byed pa'i nyon mongs pa rnam par gcad pa'i ye shes yongs su/ shes par bya ba'i phyir 
byang chub sems dpa' rnams bla na med pa yang dag par rdzogs pa'i byang chub tu sems skye'o/ /'di lta ste sems can thams cad kyi nyon mongs pa dang / rnam par dpyod pa rnam pa sna tshogs shes pa yongs su shes par bya ba'i phyir/ byang chub sems dpa' 
rnams bla na med pa yang dag par rdzogs pa'i byang chub tu sems skye'o/ /'di lta ste ma rig pa la gnas pa'i nyon mongs pa dang / srid pa dang ldan pa'i nyon mongs pa dang / srid pa'i rgyud thams cad kyi nyon mongs pa kun tu sbyor ba rnam par gcad </font><hr>35-1-271b<br><font size=+1>
pa'i ye shes yongs su shes par bya ba'i phyir/ byang chub sems dpa' rnams bla na med pa yang dag par rdzogs pa'i byang chub tu sems skye'o/ /'di lta ste 'dod chags kyis ye rngam pa'i nyon mongs pa dang / zhe sdang gis khong khro ba dang / gti mug 
gis mngon par khebs pa dang / cha mnyam pa'i nyon mongs pa dang / nyon mongs pa thams cad rtsa ba dang bcas te/ rnam par gcad pa'i ye shes yongs su shes par bya ba'i phyir/ byang chub sems dpa' rnams bla na med pa yang dag par 
rdzogs pa'i byang chub tu sems skye'o/ /'di lta ste bdag tu bya ba shin tu bsgoms pa'i nyon mongs pa dang / bdag gi bya ba la mngon par zhen pa dang / nga rgyal gyis bslang ba dang / nga rgyal gyis mngon par sbrel ba'i nyon mongs pa dang / nyon 
mongs pa thams cad ma lus par khong du chud cing yongs su shes par bya ba'i phyir/ byang chub sems dpa' rnams bla na med pa yang dag par rdzogs pa'i byang chub tu sems skye'o/ /'di lta ste tshul bzhin ma yin pa yid la byed pa las byung ba'i 
yongs su rtog pa rtsa bar gyur pa'i nyon mongs pa dang / yongs su rtog pa'i shugs kyi rjes su 'brang ba'i nyon mongs pa'i rnam par rtog pa dang / 'jig tshogs la mngon par zhen pa dang / lta ba'i rnam pa drug cu rtsa gnyis kyi tshul sna tshogs 
dang ldan pa'i nyon mongs pa mngon par 'tshang rgya ba'i ye shes yongs su shes par bya ba'i phyir/ byang chub sems dpa' rnams bla na med pa yang dag par rdzogs pa'i byang chub tu sems skye'o/ /'di lta ste/ bsgribs pa'i nyon mongs pa dang / 
kun nas bsgribs pa'i nyon mongs pa thams cad shes pas rnam par dag par bya ba dang / snying rje chen pos yongs su bskyabs pa'i phyir/ byang chub sems dpa' rnams bla na med pa yang dag par rdzogs pa'i byang chub tu sems </font><hr>35-1-272a<br><font size=+1>
skye'o/ /bsam pa dang bag la nyal ba dang / kun nas 'khor ba'i nyon mongs pa'i dra ba thams cad rnam par gcod pa'i phyir/ byang chub sems dpa' rnams bla na med pa yang dag par rdzogs pa'i byang chub tu sems skye'o/ /
kye rgyal ba'i sras nyon mongs pa sna tshogs kyi dpe de dag lta yang zhog gi kye rgyal ba'i sras 'di la skyes bu la la zhig skyes par gyur la/ de'i sems bskyed pa gcig gis 'jig rten gyi khams tshad med par gtogs pa'i sems can rnams dang lhan cig 
pas/ shar phyogs logs su sangs rgyas bcom ldan 'das tshad med pa dag /mnabs stsal bro ba'i mchog tshad med pa dang / bdug spos tshad med pa dang / na bza' dang / gdugs dang / rgyal mtshan dang / ba dan tshad med pa dang / 
pho brang tshad med pa dang / bla re tshad med pa dang / gzhal med khang tshad med pa dang / rin po che'i dra ba dpag tu med pa dang / seng ge'i gdan dpag tu med pa dang / rin po che'i rgyan dang / lhab lhub tshad med pa dang /mchod pa'i rnam pa tshad med pas 
mnyes par bya ste/ bskal pa tshad med par bsnyen bkur la/ rim gro dang bkur stir byas te/ rjes dang mchod pas btud cing phyag 'tshal te/ spyi bos gtugs nas snyan par brjod de 'khor zhing zhal du lta la/ de bzhin gshegs pa re re la yang mi de 
dang 'gro ba phal 'jig rten gyi khams tshad med par gtogs pa de dag gis shin tu dad par mar me grangs med pa dag kyang bus te/ skyes bu des ji lta ba bzhin du sems can de dag gis kyang 'jig rten gyi khams de snyed po de dag nor bu rin po che rnam par snang ba dang 
yid bzhin gyi rgyal po dang / phyogs thams cad snang bar byed pa dang / me'i 'od dang / brgal dka' ba dang / chu'i zla ba'i 'od dang / rin po che'i rgyan dang / bsod nams kyi rgyal mtshan dang / nor bu yid du 'ong ba dang / de dag la stsogs </font><hr>35-1-272b<br><font size=+1>
pa rin po che tshad med pas yongs su bkang ste/ yon du gsol la de bzhin du me tog dang / phreng ba dang / spos dang / byug pa dang / phye ma dang / na bza' dang / gdugs dang rgyal mtshan dang / ba dan dang / pho brang dang / gnam yol dang / 
sil snyan dang rol mo brdung ba dang / glu dang rin po che'i dra ba dang / gser gyi dra ba dang / nor bu'i dra ba dang / dril bu'i dra ba dang / seng ge'i khri dang / de bzhin du sangs rgyas kyi mchod pa brtsams pa rgya cher te/ de bzhin gshegs pa de dag 
bzhugs shing 'tsho skyong ba'i tshe/ mchod pa'i rnam pa de lta bus mchod nas mya ngan las 'das nas kyang mi de dang / 'gro ba phal 'jig rten gyi khams tshad med par gtogs pa de snyed kyis/ de bzhin gshegs pa re re zhing yang mchod rten 'jig rten 
gyi khams tshad med pa dang mnyam par yangs shing rgya che ba rin po che tshad med pa las brtsigs te/ rgyan dang rin po che tshad med pas brgyan pa la mchod rten gcig ji lta ba bzhin du/ mchod rten dpag tu med pa mang po la yang de bzhin du byas te/ 
thams cad kyi tshad kyang de tsam la/ mchod rten re re la yang de bzhin gshegs pa'i sku gzugs mang po tshad med par byas te/ 'jig rten gyi khams mang po yang snang bas rgyas par gyur la/ rnam grangs de lta bur de bzhin gshegs pa la 
mchod pa dang / rim gro'i yon tan yongs su brjod pa de dag byed cing / yongs su mya ngan las 'das pa de dag la yang mchod pa bya bas/ bskal pa tshad med pa zad par gyur te/ shar phyogs su ji lta ba de bzhin du lho phyogs dang / nub phyogs 
dang / byang phyogs dang / byang shar gyi phyogs mtshams dang / shar lho'i phyogs mtshams dang / lho nub kyi phyogs mtshams dang / nub byang gi phyogs mtshams dang / 'og dang steng gi phyogs dang / phyogs bcu thams cad du yang rgya </font><hr>35-1-273a<br><font size=+1>
cher te/ skyes bu bcu sngon du 'gro bas phyogs bcu re re la skyes bu re re zhing yang phyogs bcur byas na/ kye rgyal ba'i sras de la ji snyam du sems/ skyes bu de la stsogs pa'i mi'i 'jig rten gyi khams tshad med pa  
 bcur gtogs pa de dag la de'i rgyus bsod nams kyi phung po cher 'phel lam/ smras pa/ kye rgyal ba'i sras de ni sangs rgyas bcom ldan 'das rnams kyi sangs rgyas kyi ye shes kyis thugs su chud par zad do/ /smras pa/ kye rgyal ba'i sras 
byang chub sems dpa' sems dang po bskyed pa'i bsod nams kyi phung po ji tsam yod pa'i bsod nams kyi phung po de la bskal pa tshad med par mnyes par byas pa'i sangs rgyas mchod pa dang / rim gro las byung ba'i bsod nams kyi phung po snga ma des ni brgya'i char 
yang nye bar mi 'gro'o/ /stong gi cha dang / brgya stong gi cha dang / bye ba brgya stong gi char yang nye bar mi 'gro'o/ /grangs dang / cha dang / bgrang ba dang / dpe dang / rgyur yang nye bar mi 'gro'o/ /kye rgyal ba'i sras dpe snga ma 
de dag lta yang zhog gi/ kye rgyal ba'i sras 'di la skyes bu gnyis pa zhig byung ste/ de'i sems bskyed pa gcig gis/ skyes bu snga ma de dang 'gro ba phal 'jig rten gyi khams tshad med par gtogs pa snga ma rnams kyis/ bskal pa 
tshad med par sangs rgyas mchod pa dang / rim gror mngon par 'du byas pa de de dag sems bskyed pa gcig gis mngon par 'du byed la/ tshul de lta bur sems bskyed pa re rer mnyes par byed pas/ shar phyogs logs su 'jig rten 
gyi khams tshad med par gtogs pa'i sems can rnams dang lhan cig pas/ sangs rgyas bcom ldan 'das tshad med pa mnyes par byas te/ gzhung de bzhin du/ thog ma la ji skad du brjod pa de bzhin du gnyis pa la dpag tu med pa </font><hr>35-1-273b<br><font size=+1>
gsum pa la grangs med pa/ bzhi pa la bsam gyis mi khyab pa/ lnga pa la mtshungs pa med pa/ drug pa la kun tu mtha' yas pa/ bdun pa la mu med pa/ brgyad pa la sa mtshams med pa/ dgu pa la gzhal du med pa'i bar du ste/ kye rgyal ba'i 
sras dpe snga ma de dag lta zhog gi /kye rgyal ba'i sras 'di la skyes bu bcu pa zhig skyes te/ skyes bu snga ma dgu po de dag dang / 'jig rten gyi khams gzhal du med pa bcur gtogs pa'i sems can phal de dag gis/ bskal pa dpag tu med 
par sangs rgyas mchod pa dang / rim gros mnyes par byas pa de tsam du sems bskyed pa gcig gis mnyes par byed cing / tshul de ltar sems bskyed pa re rer mnyes par byed pas/ shar phyogs logs su 'jig rten gyi khams brjod du med par 
gtogs pa'i sems can rnams dang lhan cig pas/ zhal zas ro bro ba'i mchog brjod du med pa zhes bya ba nas/ gzhan yang rgya cher te de lta bus sangs rgyas bcom ldan 'das brjod du med pa mnyes par byas pa nas/ kye rgyal ba'i sras byang chub 
sems dpa' sems dang po bskyed pa'i bsod nams kyi phung po la bskal pa brjod du med par gtogs pa'i sangs rgyas mchod pa dang / bsnyen bkur ba las byung ba'i bsod nams kyi phung po snga mas brgya'i char yang nye bar mi 'gro zhes bya ba nas/ rgyu'i 
bar du yang nye bar mi 'gro zhes bya ba'i bar du ste/ de ci'i phyir zhe na/ kye rgyal ba'i sras de ni 'di ltar sangs rgyas skyes pa de tsam nyi tse zhig mchod cing bsnyen bkur ba'am/ sangs rgyas kyi mchod pa'i yo byad de tsam dag gi phyir/ byang chub sems 
dpa' sems dpa' chen po rnams bla na med pa yang dag par rdzogs pa'i byang chub tu sems mi skye'i/ de ni 'di ltar 'jig rten gyi khams 'byam klas pa ma lus pa thams cad chos kyi dbyings kyis klas pa/ nam mkha'i dbyings kyi mthas gtugs </font><hr>35-1-274a<br><font size=+1>
pa brjod du med pa'i yang brjod du med pa/ phyogs bcu tshad las 'das pa 'byam klas pa/ phyogs bcu'i rnam grangs mtha' yas pa'i dra bas khyab pa/ mig 'phrul gyi rnam pas mtha' yas pa/ 'jig rten gyi khams 
thams cad gzhi mnyam par chud pa/ 'jig rten gyi khams ma lus par 'dus pa'i tshul shin tu bstan pa/ 'du shes kyi rnam pa la gnas pa'i phyogs kyi dra ba rnam par phye ba la gnas pa thams cad du gtogs pa/ lhag ma med pa ma lus pa'i 'jig rten gyi 
khams grangs dang tshul shin tu bstan pa dag tu sngon gyi mtha'i mur thug pa'i bskal pa grangs med pa'i tshul shin tu bstan par gtogs pa thams cad mkhyen pa'i ye shes kyi tshul gyis mngon par thugs su chud pa dag tu/ sangs rgyas bcom ldan 'das gang ji 
snyed nub par gyur te/ yongs su mya ngan las 'das pa dang / gang yang ma 'ongs pa'i dus na 'jig rten gyi khams thams cad du/ de bzhin gshegs pa dgra bcom pa yang dag par rdzogs pa'i sangs rgyas rnams 'byung bar 'gyur ba dang / gang yang da 
ltar byung ba'i dus na da ltar phyogs bcu na sangs rgyas bcom ldan 'das rnams bzhugs shing 'tsho skyong ba dang / chos ston pa de dag thams cad mchod cing rim gror bya ba'i phyir/ byang chub sems dpa' rnams bla na med pa yang dag par rdzogs pa'i byang 
chub tu sems skye ste/ sems bskyed pa de skyes ma thag nas/ de dang der 'das pa'i grangs su gtogs pa dang / sngon gyi mur gyur pa ji snyed pa de bzhin gshegs pa de dag gis/ mngon par thugs su chud pa/ de dag tu sangs rgyas 
bcom ldan 'das gang ji snyed mya ngan las 'das pa de dag gi dge ba'i rtsa ba ji lta ba bzhin du byang chub sems dpa' yid ches so/ /de bzhin gshegs pa ma byon pa de dang de'i dus su gtogs pa phyi ma'i mtha'i mur bstan pa dpag tu med pa'i mtha' dang /</font><hr>35-1-274b<br><font size=+1>
dbus med par shin tu bstan pa dpag tu med pa dag tu sangs rgyas bcom ldan 'das gang ji snyed 'byung bar 'gyur ba de dag gi dge ba'i rtsa ba la yang byang chub sems dpa' de yid ches so/ /da ltar byung ba'i de bzhin gshegs pa'i sangs rgyas kyi ye shes mtha' dang 
dbus med par bstan pa/ ma lus par mngon par sangs rgyas pa'i sangs rgyas bcom ldan 'das de dag gi dge ba'i rtsa ba la yang byang chub sems dpa' de yid ches shing yongs su 'dzin par byed yongs su rgyas par byed/ rab tu 'thob par byed/ 
khong du chud par byed/ rab tu reg par byed/ shin tu bsgrub par byed/ rgyud gcig tu gyur par byed/ sangs rgyas thams cad kyang mnyam pa nyid du khong du chud par byed do/ /de ci'i phyir zhe na/ 'di ltar sems bskyed pa de ni de bzhin gshegs 
pa thams cad kyi gdung rgyun mi 'chad pa'i phyir skye'o/ /'jig rten gyi khams ma lus pa thams cad rgyas par dgang pa'i phyir skye'o/ /'jig rten gyi khams thams cad du gtogs pa'i sems can yongs su bsgral ba'i phyir skye'o/ /'jig rten gyi khams 
thams cad 'du ba dang / 'jig pa yongs su shes par bya ba'i phyir skye'o/ /'jig rten gyi khams thams cad du gtogs pa'i sems can rnams kyi kun nas nyon mongs pa dang / rnam par byang ba yongs su shes par bya ba'i phyir skye'o/ /
'jig rten gyi khams thams cad kyi srid pa gsum yongs su dag pa yongs su shes par bya ba'i phyir skye'o/ /sems can thams cad kyi bsam pa dang bag la nyal ba dang / bag chags thams cad yongs su shes par bya ba'i phyir skye'o/ /sems can 
thams cad kyi shi 'pho dang / skye ba yongs su shes par bya ba'i phyir skye'o/ /sems can thams cad kyi dbang po dang / sbyor ba yongs su shes pa bya ba'i phyir skye'o/ /sems can thams cad kyi sems dang spyod pa yongs su shes par </font><hr>35-1-275a<br><font size=+1>
bya ba'i phyir skye'o/ /sems can thams cad kyi dus gsum gyi shes pa yongs su shes par bya ba'i phyir skye ste/ sems bskyed pa des sangs rgyas bcom ldan 'das 'das pa dag dang nye bar 'gyur ro/ /sangs rgyas bcom ldan 
'das ma byon pa dang / da ltar byung ba rnams dang nye bar 'gyur ro/ /'das pa'i sangs rgyas kyi byang chub tu nye bar 'gro'o/ /ma byon pa dang / da ltar byung ba'i sangs rgyas kyi byang chub tu nye bar 'gro'o/ /sangs rgyas bcom ldan 'das 'das pa rnams kyi 
chos kyang 'thob par 'gyur ro/ /sangs rgyas bcom ldan 'das ma byon pa rnams kyi chos kyang 'thob par 'gyur ro/ /sangs rgyas bcom ldan 'das da ltar byung ba rnams kyi chos kyang 'thob par 'gyur ro/ /sangs rgyas bcom ldan 'das 'das pa 
rnams dang mnyam pa nyid du nye bar 'gro'o/ /sangs rgyas bcom ldan 'das ma byon pa dang / da ltar byung ba rnams dang mnyam pa nyid du nye bar 'gro'o/ /sangs rgyas bcom ldan 'das 'das pa rnams kyi ye shes kyi tshogs rnam par dag par 
'gyur ro/ /sangs rgyas bcom ldan 'das ma byon pa dang / da ltar byung ba rnams kyi ye shes kyi tshogs kyang rnam par dag par 'gyur ro/ /sangs rgyas bcom ldan 'das 'das pa dang / ma byon pa dang / da ltar byung ba'i stobs la thub pa med 
par yang shin tu bstan par 'gyur ro/ /'das pa dang ma byon pa dang / da ltar byung ba'i sangs rgyas bcom ldan 'das dag gi mi bsnyengs pa yongs su dag pa yongs su rdzogs par byed do/ /sangs rgyas bcom ldan 'das 'das pa rnams kyi bstan 
par bya ba'i sangs rgyas kyi chos kyi rgyan mnyam pa nyid kyang rjes su thob bo/ /sangs rgyas bcom ldan 'das 'das pa dang ma byon pa dang da ltar byung ba rnams kyi bstan par bya ba'i sangs rgyas kyi chos kyi rgyan mnyam pa nyid kyang yongs su rdzogs par byed do/ /</font><hr>35-1-275b<br><font size=+1>
nam mkha'i dbyings kyi mthar thug pa/ chos kyi dbyings mtha' dang dbus med par shin tu bstan pa'i dus gsum mnyam pa nyid thugs su chud pa'i sangs rgyas kyi ye shes kyang rjes su 'thob bo/ /de ci'i phyir zhe na/ de ltar de ni sangs rgyas su shog shig ces bya 
ba'i sems bskyed pa des/ 'das pa'i sangs rgyas bcom ldan 'das rnams dang nye ba yin/ ma byon pa dang da ltar byung ba'i sangs rgyas bcom ldan 'das rnams dang nye ba yin/ 'das pa dang ma byon pa dang / da ltar byung ba'i sangs rgyas kyi 
yul rnams dang mnyam pa yin/ 'das pa'i sangs rgyas kyi chos rnams dang mnyam pa yin no/ /ma 'ongs pa dang da ltar byung ba'i sangs rgyas kyi chos rnams dang mnyam pa yin/ sangs rgyas kyi chos kyi yul thams cad dang mnyam pa yin/ gcig 
tu nges pa'i lus gcig tu gyur pas kyang dus gsum du mnyam pa'i sangs rgyas thams cad kyi ye shes dang / 'grogs pa yang thob pa ste/ ye shes de dang 'grogs par 'gyur ba'i sems bskyed pa'i 'byung ba de skyes ma thag tu phyogs bcu na/ 
sangs rgyas bcom ldan 'das rnams kyang ched du brjod pa mdzad do/ /sems bskyed pa de nyid rten du mdzad de/ 'dul ba ji bzhin du chos kyang yang dag par ston/ 'jig rten gyi khams thams cad du yang 'dul ba tshad med pa rnams 'byung bar 'gyur/ 
'jig rten gyi khams thams cad du yang rab tu g.yo bar 'gyur/ 'jig rten gyi khams thams cad kyang snang bas rgyas par 'gyur/ 'jig rten gyi khams thams cad kyi ngan song yang rgyun chad par 'gyur/ 'jig rten gyi khams thams cad kyang 
yongs su dag par 'gyur/ 'jig rten gyi khams thams cad du'ang sangs rgyas 'byung ba yang dag par ston par 'gyur/ sems can thams cad kyang rab tu dga' bar 'gyur/ chos kyi dbyings thams cad la yang rab tu 'jug par 'gyur/</font><hr>35-1-276a<br><font size=+1>
sangs rgyas kyi rigs thams cad kyang yongs su 'dzin par 'gyur/ sangs rgyas kyi rigs kyi snang ba thams cad kyang rab tu thob par 'gyur te/ dus gsum du gtogs pa las sems bskyed pa der sangs rgyas sam/ sangs rgyas 
kyi chos sam/ byang chub sems dpa' 'am/ byang chub sems dpa'i chos sam/ rang sangs rgyas sam/ rang sangs rgyas kyi chos sam/ nyan thos sam nyan thos kyi chos sam/ 'jig rten pa'am 'jig rten pa'i chos sam/ 'jig 
rten las 'das pa'am/ 'jig rten las 'das pa'i chos sam/ sems can nam sems can gyi chos kyang rung ste/ ma 'dus pa gang yang med de/ thams cad mkhyen pa nyid ni ma gtogs so/ /de ltar na sems bskyed pa der ni chos 
kyi dbyings thams cad 'dus so/ /de nas sangs rgyas kyi mthus/ de'i tshe phyogs bcur 'jig rten gyi khams sangs rgyas kyi zhing gi rdul shin tu phra ba snyed rnam pa drug du g.yos par gyur te/ g.yos so rab tu g.yos so/ /kun tu g.yos so/ /
'gul to/ /rab tu 'gul to/ /kun tu 'gul to/  /ldeg go rab tu ldeg go /kun tu ldeg go /chem chem rab tu chem chem/ kun tu chem chem mo/ /'ur 'ur rab tu 'ur 'ur/ kun tu 'ur 'ur ro/ /shig shig rab tu shig shig kun tu shig shig go /
de nas sangs rgyas kyi mthu dang / sems bskyed pa de'i yon tan yang dag par brjod pa'i chos nyid rab tu thob pa'i phyir/ lha rdzas kyi me tog gi char yang mngon par bab po/ /lha rdzas kyi spos kyi char yang mngon par bab po/ /lha rdzas kyi phye 
ma'i char yang mngon par bab po/ /lha rdzas kyi phreng ba'i char yang mngon par bab po/ /lha rdzas kyi gos kyi char yang mngon par bab po/ /lha rdzas kyi rin po che'i char yang mngon par bab po/ /lha rdzas kyi rgyan gyi char yang mngon par bab bo/ /</font><hr>35-1-276b<br><font size=+1>
lha rdzas kyi rol mo rnams kyang mngon par sgra 'byin par gyur to/ /lha rdzas kyi snang ba yang rab tu byung ngo / /lha rdzas kyi 'od kyang rab tu byung ngo / /phyogs bcu'i 'jig rten gyi khams sangs rgyas kyi zhing gi rdul shin tu phra ba snyed 'das pa'i pha rol 
nas/ de bzhin gshegs pa chos kyi blo gros su mtshan btags pa/ sangs rgyas kyi zhing gi rdul shin tu phra ba snyed kyi zhal mngon par bstan te/ gsung brjod pa chos kyi blo gros legs so legs so/ /phyogs bcu na de bzhin gshegs pa sangs rgyas kyi 
zhing gi rdul shin tu phra ba snyed kyi chos bstan pa de la ched du brjod pa mdzad do/ /nged kyis kyang chos bstan pa 'di nyid shin tu rnam par phye ste/ nged kyis ji ltar shin tu rnam par phye ba de bzhin du sangs rgyas thams cad kyis kyang shin tu rnam par phye'o/ /'di nyid 
du yang khyod kyis chos bstan pa des byang chub sems dpa' sangs rgyas kyi zhing stong gi rdul shin tu phra ba snyed kyis byang chub tu sems bskyed do/ /de dag kyang nged kyis lung bstan te/ de dag ni ma 'ongs pa'i dus bskal pa stong phrag brjod du med pa'i mthar thams cad 
kyang dus gcig tu 'jig rten gyi khams ming tha dad pa dag tu de bzhin gshegs pa mtshan gcig pa sha stag 'byung bar 'gyur te/ 'di ltar sems rnam par dag pa zhes bya ba sha stag tu 'gyur ro/ /nged kyis chos bstan pa 'di yang ji ltar ma 'ongs pa'i 
dus na/ ma 'ongs pa'i byang chub sems dpa' ma thos pa rnams kyis thos par bya ba dang / ji ltar 'jig rten gyi khams mi mjed 'dir sems can rnams kyis shes shing gling bzhi pa 'di'i ri rab kyi rtse mo la ji ltar sems can rnams 'dul bar gyur 
pa de bzhin du phyogs bcu'i 'jig rten gyi khams bye ba khrag khrig brgya stong tshad med pa grangs med pa/ bsam gyis mi khyab pa mtshungs pa med pa/ kun tu mtha' yas pa/ dpag tu med pa/ sa mtshams med pa/ brjod du med pa/ chos </font><hr>35-1-277a<br><font size=+1>
kyi dbyings kyis klas pa/ nam mkha'i mthas gtugs pa dag tu yang / sems can rnams 'dul bar 'gyur bar bya ba'i phyir byin gyis brlab bo/ /thams cad na yang chos bstan pa 'di nyid byang chub sems dpa' chos kyi blo gros shes 
bya ba sha stag /sangs rgyas kyi mthu dang / bcom ldan 'das kyi sngon gyi smon lam gyis sangs rgyas kyi chos thams cad yang dag par bstan pa dang / ye shes kyi snang ba shin tu gsal bar bya ba dang / don gyis 'dul ba'i snang ba thob pa dang / chos 
nyid rab tu thob par bya ba dang / byang chub sems dpa' rnams shin tu dga' bar bya ba dang / sangs rgyas kyi chos kyi rgyud yang dag par bstan par bya ba dang / sangs rgyas kyi chos mnyam pa nyid du bya ba dang / chos kyi dbyings gnyis su med pa la 'jug par bya ba'i phyir rab tu ston to/ /de nas byang chub 
sems dpa' chos kyi blo gros kyis phyogs bcur bltas te/ 'khor thams cad la rnam par bltas nas/ nam mkha'i khams rnams la ni rnam par dpyod/ sems can gyi khams ni yongs su smin par byed/ las dang rnam par smin pa'i khams 
ni 'gal bar mi byed/ nam mkha'i khams ni yongs su dag par byed/ kun nas nyon mongs pa las byung ba ni rab tu sel/ mos pa yangs pa las byung ba ni shin tu 'phel bar byed/ sems can gyi dbang po tha dad pa la ni rab tu 'jug 
dus gsum ni mnyam par byed/ mya ngan las 'das pa'i dbyings la ni yang dag par rtog cing / rang gi dge ba'i rtsa ba'i stobs yongs su dag par bya ba la gzhol ba'i phyir/ de'i tshe sangs rgyas kyi mthus tshigs su bcad pa 'di dag smras so/ /
gang zhig phyogs rnams bcu po ma lus rgyas byas shing / /sems can zhing dang chos gsum dag kyang rtogs gyur pa/  /sangs rgyas mtsho mchog byang chub sems dpa' de bzhin te/ /de dag 'jig rten phan phyir sems kyi dam pa bskyed/ /</font><hr>35-1-277b<br><font size=+1>
nam mkha'i dbyings kyis klas pa'i chos dbyings ji bzhin dang / /ji ltar sangs rgyas chos rnams 'gro kun rjes song dang / /sangs rgyas thams cad kun tu khyab brnyes ji bzhin gyis/ /'gro ba myi ldog don du phan par rab tu zhugs/ /'jig rten rnams la byams 
pas rtag par rab gnas shing / /'tshe ba med par 'gro la phan phyir su zhugs te/ /snang ba mi zad 'od byed gnas su gyur pa rnams/ /bsam gyis mi khyab stobs bcu mnga' bas byin gyis brlabs/ /de ni zhing rnams tha dad ma yin tshul yang rnyed/ /
de ni lus kyi rnam pa kun la rab tu zhugs/ /bsod nams ye shes de yang sangs rgyas byang chub bzhin/ /'di ni chags med gzhol ba ye shes rgyur skyes so/ /spyi'u tshugs rgyu ba'i 'gro ba sna tshogs ma lus par/ /gzhan yang zhing rnams 'byam klas 
chags myed mthar thug pa/ /de dag phra sbom rgya che yangs pa thams cad du/ /byang chub sems mchog de ni gcig pu kun tu 'gro/ /brjod du med pa shin tu phra zhing myi gnas pa'i/ /byang chub sems dpa'i spyad pa mchog la rtag zhugs shing / /
mkhas pa gang gis sangs rgyas chos mthong myi ngoms pa/ /de dag chos rnams rgya mtsho'i rnam par chud pa yin/ /'jig rten lam rgyud kun la su zhig snying brtse zhing / /'jig rten gsum po sbyang bar rtag tu zhugs pa rnams/ /phyi ma'i 
mthar thug sangs rgyas gdung gi rgyun mi gcod/ /de ni bdud kyi khyim yang rab tu bcom pa yin/ /dus gsum rgyal ba rnams dang rgyud gcig dngos gyur cing / /shin tu phra ba'i tshul gyis lam la rtag brtson te/ /su zhig sangs rgyas yul la 
dad sems pa/ /de ni chags med thub pa kun gyis dbang yang bskur/ /rdo rje lta bur sra zhing brtan la mi shigs pa/ /rkang gnyis gtso bo'i mdzad pa rtag tu dran shes shing / /'dren pa'i spyod yul snang rab shin tu rnyed pa rnams/ /</font><hr>35-1-278a<br><font size=+1>
gzhan gyi dring la myi rgyug byang chub sems kyang skye/ /'gro ba rnams kyi 'du shes rnam par mang shes shing / /de bzhin las dang 'bras bu sems kyi rnams kyang ste/ /gzhan yang dbang po'i mthu dang khams rnams du ma dag /kun 
kyang byang chub sems dpa' spyod yul gcig yin no/ /gang zhig chos kyi dbyings bzhin byang chub sems yangs shing / /rtag tu chos la mi gnas nam mkha' ji bzhin pa/ /chags med sems ldan de dag sangs rgyas ye shes zhugs/ /de dag rtog 
med chos can yang dag mtha' la gnas/ /sems can bsam pa rnams 'byed sems can 'du shes med/ /chos kyi rnam rtog khrag khrig pha mthar rab tu phyin/ /de dag rtog la mos shing rnam par myi rtog ste/ /de dag zhing rnams bye ba khrag khrig rjes su 
zhugs/ /gang zhig sangs rgyas bye ba khrag khrig rjes sems shing / /gang zhig chos dbyings tshul gyi mdzod du zhugs gyur la/ /gang zhig sems can dbang po'i rnam par mthar phyin pa/ /de dag sems can gtso bzhin chos nyid shes pa yin/ /
lhag pa'i bsam pa dge dang rtag par mngon ldan zhing / /skyes bu seng ge'i bsnyen bkur phyir ldog myi 'gyur la/ /'jig rten gtso bo mkhas pa mthong bas mi ngoms pa/ /de dag sangs rgyas khrag khrig bye bas byin gyis brlabs/ /zab mo'i chos rnams rnam par 
'byed kyang chags pa med/ /gnas pa med pas sems kyi dam pa rtag tu dag /de dag bskal pa mtha' yas skyes bu'i seng ge rnams/ /dus gsum chags pa med par gtogs pa'i yid dang ldan/ /myi 'phrogs thub par mi nus yid kyi dbang po dang / /
gsum pa rjes su song dang rtag tu ldan gyur cing / /chos rnams 'byam klas shin tu bslabs pas rmongs med pa/ /de dag chos dbyings 'gengs kyang nam yang mi ngoms so/ /tshig gi lam 'das ji bzhin mkhas pa zhi ba shes/ /de bzhin nyid la nam yang </font><hr>35-1-278b<br><font size=+1>
rnam par myi 'byed pa/ /de dag sangs rgyas thams cad yul la rjes sems shing / /dus gsum chags pa med par rtogs pa'i yid ldan 'gyur/ /mkhas pa gang zhig sems bskyed 'byam klas chos kyi dbyings/ /'gengs shing phyogs bcu'i sangs rgyas zhing 
du 'gro ba ni/ /de dag khrag khrig tshul rnams brjod du med pa yi/ /snang ba rnyed par gnas pa'i rgyal ba'i sras yin no/ /chos rab mu stegs snying rje'i tshul gyi rjes song zhing / /byams pa'i pha rol phyin pa bar snang ji bzhin te/ /sems can khams la 
nam yang yongs su rtog med pa/ /de dag rnam rtog med la brtson zhing 'jig rten spyod/ /phyogs bcu dag tu bden pas 'gro ba yid 'bebs par/ /dong pas sems can gtso bo de dag kun tu rgyu/ /bden pa'i tshig brtson rtag tu nges pa'i sems ldan pa/ /
de dag phyogs bcu'i myi yi mchog gis byin gyis brlabs/ /'das par gyur pa'i dus kyang de dag rjes su dran/ /de bzhin ma 'ongs dus la 'jug pa rnam par sgom/ /de dag phyogs bcu'i 'jig rten kun na myi gnas te/ /sems can phan dang sgrol phyir 
kun tu rnam par rgyu/ /ye shes 'od mchog dam pas chags pa med gyur la/ /rgyu yi rnam pa chos rab nem nur med brtan rnams/ /de dag the tsom thams cad rnam par ldog pa byed/ /chos kyi dbyings 'dir nem nur med par rab tu 'jug /gang 
zhig bdud rnams kun gyi gnas rnams 'joms byed dang / /gang yang sems can rab rib shin tu sel byed dang / /gang rnams rtog pa 'jig cing rnam rtog mi 'grogs pa/ /sems can gtso bo de dag yul la the tsom med/ /dus gsum ma lus 
the tsom rnam par ldog byas shing / /bsam pa'i mchog gis de bzhin gshegs pa'i drung 'gro ste/ /dad pa'i stobs dang ldan zhing blo brtan rnyed pa rnams/ /de dag don rtogs khong du chud cing blo yang dag /mkhas pa 'gro ba'i don du phyi ma'i mthar spro </font><hr>35-1-279a<br><font size=+1>
ste/ /sems can don du rnam thar 'byam klas yongs su tshol/ /yun ring dus su skyo ba med cing zhum pa med/ /sems can dmyal ba sdug bsngal mang po bzlog par byed/ /de dag bsod nams mi zad ye shes ldan/ /'gro ba'i 
dbang po sna tshogs bsam la rab tu 'jug /skye dgu'i las kyi rgyud kyang shin tu shes byas shing / /bsam pa ji bzhin tshul 'di'i chos rnams mtha' yas brjod/ /'gro la byams pa'i sems rnams kun dang rjes su ldan/ /bdag med nyid 
rtogs 'on kyang btang snyoms byed pa min/ /de dag snying brtse gcig tu gsal bar chos kyang brjod/ /'on kyang dmyigs par mi gnas de dag 'jig rten rgyu/ /de dag 'od zer dra ba sna tshogs mdog bkye zhing / /'gro ba'i mun pa bsal te kun tu 
snang byas nas/ /'od zer sgo yi pad mo dag la rgyal sras rnams/ /kun tu bstan te rdul dang bral ba'i chos kyang ston/ /spu gcig rtse la zhing rnams rgyal bas brgyan pa dang / /de bzhin rgyal ba'i sras kyis brgyan pa mngon par mthong / /
'khor rnams blo sems gzhan dang gzhan can dpe med pa/ /'gro ba de dag sems shes rmongs med ston pa byed/ /sems 'jug gcig gis phyogs rnams bcu po thams cad kyi/ /brjod du med pa khrag khrig zhing rnams kun bgrod cing / /
song ste sangs rgyas 'gro ba'i don du mchod byas nas/ /dri ba khrag khrig don dang ldan pa sna tshogs 'dri/ /bder gshegs rnams la pha yi 'du shes nyer bzhag cing / /chos kyi gter mkhas rtag tu shes rab rnon po can/ /ye shes 'byung gnas mkhas 
pas sangs rgyas chags med phyir/ /'gro ba'i don 'dod byang chub mchog gi spyod pa sgrub/ /gang rnams chos dbyings rnam par phye zhing bsam byas kyang / /bskal pa mang po 'das byas zad par ma gyur te/ /chos nyid gnas med gang la'ang </font><hr>35-1-279b<br><font size=+1>
chud par ma gyur kyang / /chags med ye shes can rnams skyo sems med par spyod/ /dus gsum rgyal ba'i rigs su rigs dang ldan 'gyur zhing / /bder gshegs kun gyi sku las yang dag byung gyur pas/ /chos kyi lus can de dag 'gro la gzugs lus 
ston/ /sgyu mkhan mkhas pa yid 'ong sgyu ma ston pa bzhin/ /mkhas pa de dag la lar spyod pa mchog brnyes snang / /la lar mkhas pa skye zhing mya ngan 'das par snang / /byang chub dam pa'i mchog kyang rnam par 'tshang rgya snang / /mya ngan 'da' 
ba ston pa'ang de bzhin la lar snang / /rang rgyal rnams dang nyan thos rgyal ba'i sa min pa'i/ /chos nyid de la ji ltar rab tu gnas pa ltos/ /lus dang sgra med bsam med 'du shes ldan pa min/ /'on kyang bya ba sna tshogs du ma nye bar ston/ /'gro 
bar chos rnams rnam par 'byed cing skyer 'gyur te/ /'jig rten gtso bo mi bzhugs phyi na rgyal sras rnams/ /chags med mthar phyin pa yi ye shes mi gnas te/ /sangs rgyas byin rlabs rnam par 'phrul pa dag kyang ston/ /'jig rten 'di 
na de dag 'dra ba gang yang med/ /de dag bas kyang 'phags pas lta go ci zhig smos/ /thams cad mkhyen pa'i ye shes yangs pa ma thob par/ /thams cad mkhyen pa'i thabs su rnam 'phrul mchog kyang thob/ /gang rnams chos rab 'phags par 
rtag tu 'jug byed pa/ de dag chos rab dam pa mchog gi theg pa yin/ /'jig rten dus dang dus min tshod kyang shes byas shing / /de dag 'gro la phan phyir rnam par 'phrul pa ston/ /dpa' ba gang rnams zhing kun dag gi lus 'gengs shing / /
gang rnams 'jig rten 'od zer dra ba mchog gtong ba/ /mun pa bstsal cing snang bas 'jig rten rgyas par byed/ /klu yi dbang po bzhin du chos kyi char pa 'bebs/ /rmi lam lta bu log pa'i sgyu ma 'dra ba yi/ /'du byed rab tu shes nas lam </font><hr>35-1-280a<br><font size=+1>
rnams sbyor 'jug cing / /'gro ba thams cad snying rje chen pos khyab byas nas/ /rang bzhin dag pas thar lam bya ba med par ston/ /gang rnams rgyal ba'i stobs rnams ji bzhin tshad med dang / /gang rnams mkha' ltar 'gro ba kun tu 
mtha' yas shing / /gang rnams sems can khams kun yongs su dgrol brtson pa/ /de dag bskal pa bye bar grangs med spyad pa spyod/ /las mchog bla na med pa shin tu sbyangs pa yis/ /yon tan dam pa sna tshogs rnams kyang kun sems shing / /byang chub 
sems dpa' de dag spyod pa mchog myi gtong / /thams cad mkhyen pa'i ye shes 'byung ba rnam par lta/ /sems 'byung gcig gis 'jig rten bsam gyis mi khyab pa/ /'byam klas kun tu rgyu zhing 'gro ba rab tu snang / /rtog dang rnam rtog myi byed dag pa'i sems 
dang ldan/ /de dag gcig min lus la lus gcig ston pa byed/ /de dag 'jig rten kun la rtog par mi byed de/ /mgon po kun gyi chos nyid yongs su mi rtog go /de dag chos kun rnam 'byed 'dod chags bral gyur pa/ /'gro ba thar bar bya ba yongs su mi gtong 
ngo / /'jig rten kun gyi 'du shes rnam pa gang yod pa/ /bzang ngan 'bring dang de bzhin chung dang sna tshogs kyi/ /'du shes thibs po dag dang rab rgal rnam phye ste/ /de dag byin rlabs rnam par 'phrul pa shin tu ston/ /ji ltar sgyu ma rnam pa sna tshogs tshad med 
pa/ /de 'dra'i rnam par 'phrul pas chos dbyings 'di dag 'gengs/ /nam mkha'i dbyings kyi mtha' klas lus kyi bye brag gis/ /'gro ba rnams kyi mos pa ji bzhin ston pa byed/ /de dag gang la'ang ma chags rtog dang rnam rtog med/ /dog pa med cing nyon mongs 
de bzhin rlom sems med/ /de dag sangs rgyas chags pa'i blo med thar la min/ /'gro ba kun la'ang bde ba'i 'du shes rab tu skyed/ /'jig rten kun na shes la mkhas rab mi 'jigs pa/ /'jig rten 'du shes gnas la 'jug par myi byed de/ /de dag </font><hr>35-1-280b<br><font size=+1>
chos kun 'di la 'du shes gang zhes rtog /de ltar gzhig na dus gsum gang yang dmyigs pa myed/ /sngon gyi mthar thug pa yi dus la rab zhugs ste/ /phyi ma'i mthar thug ma 'ongs pa la rab zhugs nas/ /zhing rnams kun na ci yod kun kyang de bzhin du/ /shin 
tu shes kyang rtag par gang yang myi dmyigs so/ /mya ngan 'das pa'i dbyings la'ang brtson par de bzhin gnas/ /nyon mongs med pa'i tshul gyis rjes song mi gnas te/ /de dag yang dag mtha' 'dra de la 'dra ba med/ /byang chub spyod pa las kyang dpa' bo 
myi ldog go/ /gang rnams byang chub brtan pa ri rab bzhin gnas shing / /sangs rgyas rgyal sras mkhas pas chos dbyings thams cad dang / /'gro ba kun tu shin tu gang byas pa/ /'di ni dpa' bo rnams kyi spyod pa'i mchog yin no/ /blo mchog dam pa gang 
zhig thams cad mkhyen pa yi/ /rnam grol mdzes pa'i tshul mchog yangs pa 'dod pa ni/ /des ni gang las zag zad srid gsum bde 'byung ba'i/ /byang chub sems la rim pa med par 'jug par gyis/ /gang gis bsam pa rdul bral byang chub sems gnas pa/ /
de dag yon tan legs pa zad par brjod mi nus/ /'on kyang 'gro ba'i don du bde gshegs legs brjod phyir/ /yon tan ldan pa de yi spyod pa mchog kyang nyon/ /gang gis zhing rnams bye ba khrag khrig rdul byas te/ /phyogs rnams re re kun tu bkang ste bgrang 
byas shing / /de yi rjes su dpag pas rnam 'dren zad byed na/ /'du shes rnams ni mthar thug zad par mi 'gyur ro/ /gang zhig sems can grangs mkhas sems can 'du shes med/ /spyod pa tsam du gzhol zhing sgra la ma chags dang / /gang zhig 'jig rten 
khams 'byed chags pa med pa'i sems/ /de dag ldang dang grangs mkhas grangs dmigs med pa yin/ /yid kyis nam mkha'i dbyings ni mtha' yas rgya che dang / /dus rnams 'jig rten kun tu rtogs pa'i mkhas pa gang / /spar mos thal gtor bzhin du the </font><hr>35-1-281a<br><font size=+1>
tshom rnam btong ba/ /de dag sangs rgyas chos rtogs yid can chags pa med/ /gang dag phyogs rnams mtha' yas zhing la rab 'jug cing / /sems bskyed gcig gis blo nyams med par 'dod byed pa/ /de dag tha dad grangs la rtogs 
pas der zhugs te/ /skyo ba med pa'i chos la yang dag mtha' ltar mkhas/ /gang zhig sangs rgyas bye ba khrag khrig bsam yas pa'i/ /'khor du nye bar phyin te zham ring 'khor gnas shing / /gtso bo dag la 'dri ba'i thog mar gang 'gro ba/ /spyod yul mchog 
can de yi smon lam mchog 'di yin/ /gang zhig phyogs rnams kun gyi mgon po kun dran zhing / /chos nyid de la nam yang gnas par ma gyur pa/ /khams gsum dge ba gang yod kun gyi rgyu yin te/ /de dag zhing rnams thams cad yongs su dag par 
spyod/ /gang rnams skye ba'i rgyud du srid gsum sna tshogs rnams/ /'jig rten kun na yod la ma chags mig gyur pa/ /de dag bag chags mkhas shing de bzhin dbang po mkhas/ /mos pa bye ba khrag khrig bsam yas de bzhin mkhas/ /'gro ba'i bsam pa ji 
bzhin gang gis shes gyur cing / /shes rab chen po de dag de bzhin chos ston pa/ /de dag kun nas nyon mongs rnam dag tshul la mkhas/ /sems mang rnam par sbyong ba'i lam ldan ston/ /gang zhig ting 'dzin bye ba khrag khrig brjod yas rnams/ /
sems kyi rgyu ba gcig gi rjes su zhugs gyur pa/ /de dag mtshan ma sna tshogs gnas pa rab tu shes/ /ldang ba'i rgyu la mkhas shing blo gros spyod yul shes/ /chags myed byang chub de la mngon du gang zhugasashing / /'gro la phan pa'i don du blo yongs su zhugs 
pa/ /ye shes 'byam klas 'di dang de dag ldan pa yin/ /de phyir de dag skyes bu mchog gi gsung yang sgrog /gang zhig bskal pa ring dang bskal pa thung mkhas shing / /nyin zhag mkhas shing de bzhin zla ba zla phyed mkhas/ /gang yang 'jig rten rtag tu skye ba </font><hr>35-1-281b<br><font size=+1>
mkhas gyur pa/ /zhing gi rnam pa mkhas shing rnam phye'i chos med pa'o/ /gang rnams phyogs la zhugs te phyogs kyi rjes 'brang zhing / /phyogs kun tshad ni rjes su shes par ma gyur pa/ /de dag dbus mas phyogs kyi rjes su 'gro byed cing / /zhing rnams sbyong yang yongs 
su dag rtogs chags pa med/ /stobs la 'jug pas rgyal ba rnams kyi stobs shes pa/ /'gro ba rnams kyi gnas dang gnas min bsam byas nas/ /'das dang ma 'ongs da ltar byung ba'i las kyis/ /yang dag rtogs byas las kyi rnam par smin la gnas/ /
'jig rten kun mkhas sna tshogs tha dad ji bzhin du/ /srid gsum rnam par rgyu ba'i tshul yang ci bzhin dang / /dbang po rnon po 'bring dang dbang po tha mar yang / /'gro ba ma lus kun gyi dbang po rnam par 'byed/ /mos pa rnam pa sna tshogs dge dang mi dge 
dang / /bzang ngan de bzhin 'bring la rnam par sems byed cing / /'gro ba kun na 'gro ba brtan pa rnam par 'byed/ /srid gsum rgyu yi rgyud kyang rab tu shes/ /bsam gtan rnam thar nyon mongs ji bzhin mtshan mthong zhing / /nyon mongs mtshams sbyor rnam 
byang ci 'gyur dang / /sngon chad gnas kyi bde dang sdug bsngal rgyud rnams kyang / /brtan pa rnams ni sangs rgyas stobs rnams sbyong bar byed/ /ji ltar 'gro ba'i lam rgyud nyon mongs las 'jug dang / /'gro rgyud thams cad 'jig cing zhig 'gyur 
thams cad dang / /zag pa sna tshogs rnams kyang ji ltar skyes 'gyur ba/ /bag chags mtshams sbyor ci bzhin de bzhin rab tu 'jug /ji ltar 'jig rten nyon mongs zad cing dag gyur pa/ /de la skyes bu khyu mchog spyod pa'i blo dang ldan/ /stobs 'chang 
dag ni stobs bcu rnams kyi 'od snang ste/ /rgyal ba'i stobs kyang thob min the tsom yod pa min/ /spu rtse gcig la gang rnams rnam par sems byed cing / /la la nyon mongs la la dog dang yangs pa yi/ /sna tshogs zhing rnams tshad las 'das pa kun </font><hr>35-1-282a<br><font size=+1>
mthong nas/ /las dang bya ba sna tshogs rgyud du rab tu shes/ /gang rnams rdul gcig rtse la rnam sems brjod med pa'i/ /zhing dang bde gshegs sras rnams sems can gtso mthong yang / /zhing rnams 'khrugs shing 'dres pa'i nyes pa gang med pa/ /
gcig nas 'jug pas rnal 'byor ldan pa kun 'jug la/ /spu gcig rtse la phyogs bcu thams cad rnam phye ste/ /nam mkha'i dbyings thug 'jig rten khams rnams kun zhugs shing / /phyogs 'ga' tsam yang rgyal bas stong par mthong ba med/ /de bzhin 
zhing dang 'jig rten 'byam klas de dag sbyong / /de ltar brtan pas rgyal bas stong min zhing shes nas/ /'jig rten kun kyang spu rtse gcig la yod par 'jug /dus gsum rgyud rnams mtshan nyid tha dad khams kun dang / /nyin zhag dus dang zla phyed 
rgyud kyi rnam thar 'jug /de ltar rgyal sras 'jigs med byang chub sems dpa' rnams/ /skyes bu khyu mchog ye shes rgyal srid thob zhugs pa/ /de dag 'di 'dra shes nas rjes su sems byed cing / /bde gshegs rnams la dga' ba mtha' yas 
yangs pa 'thob/ /gang rnams bye ba khrag khrig sna tshogs lus sgyur cing / /phyogs bcu'i rgyal ba thams cad mngon par mchod pa'i phyir/ /rnam 'phrul dam pa bzang po kun tu ston byed pa/ /de dag mgon po rnams kyi spyod yul rab la zhugs/ /gang 
rnams sangs rgyas bye ba khrag khrig drung bslabs shing / /gang rnams chos kyi mdzod rtogs yid la ngoms med de/ /gang dag mgon po khyu mchog rnams la dga' sems pa/ /de dag chos kyi sprin yin spyod pa mang la spyod/ /ye shes 'phel bar 'gyur ba'i 
chos kyi gnas mkhas pa/ /de dag sangs rgyas 'byung gnas ting 'dzin thob pa yin/ /ri rgyal lta bu de dag dad pa'i 'byung gnas rten/ /ye shes 'byung gnas 'gro ba'i yon tan 'byung gnas so/ /gnas pa med pa dam pa shin tu yangs pa dang / /</font><hr>35-1-282b<br><font size=+1>
thams cad mkhyen la mngon gyur mya ngan med pa dang / /sems can skyob cing nyon mongs rnyog pa med zhugs pa'i/ /byams pa'i bsam pas 'gro ba kun kyang 'gengs/   /de dag snying rje'i blo yang shin tu yangs pa yin/ /bdag la cir sems 
de bzhin sangs rgyas sems can la/ /gzhan du nam mkha' lta bur mtshan nyid med par 'jug /nyams par 'gyur ba'i sems can rnams mthong phyir zhing rtsom/ /byang chub sems la mkhas pa dag gi tshad dag ni/ /bskal pa bye ba'i mthas kyang 
brjod par mi nus te/ /ci phyir zhe na de las sangs rgyas thams cad byung / /dbang bdes rim gror byas dang rang rgyal kun kyang 'byung / /phyogs bcu'i zhing rnams grangs med bcur ni bgrang gyur pa'i/ /sems can thams cad bskal pa gcig tu bder 
bkod cing / /bslab pa bcu dang dge bcu bsam gtan 'thob pa dang / /tshangs pa dag dang rnam grol zhi ba'i gnas bkod cing / /de dag bskal pa bye bar bde bar rab bkod de/ /dgra bcom nyon mongs zhi la rab tu dgod byas kyang /  /byang chub sems 
dpa'i dge ba'i tshogs kyi char myi rung / /byang chub sems dpa' zhugs ma thag tu tshogs chen stsogs/ /nyon mongs med cing shin tu phra lam rtogs pa yin/ /rang rgyal sems can bye ba khrag khrig bkod gyur kyang / /bsod nams bsags pa des ni byang chub 
sems rab la/ /grangs dang cha dang bgrang ba'i rnam par nyer myi 'gro/ /zhing gi rdul ni tshad kyis shes par rung yang srid/ /skad cig sems kyis zhing mang yongs su 'das byas shing / /de ltar bskal pa brjod yas zad par 'gro byas na/ /zhing mtha' thug par rung 
srid byang chub sems mchog min/ /mtha' rnams kun tu bskal pa mang po'i mtha' med de/ /sngon gyi mtha' gyur bskal pa de bzhin ma 'ongs dang / /da ltar byung ba'i bskal pa zad dang thub med pa'i/ /bskal pa de dag zad srid byang chub sems ma yin/ /ci phyir zhe </font><hr>35-1-283a<br><font size=+1>
na 'di ltar phyogs rnams kun bkang shing / /rtog dang rnam rtog yongs su shes par bya ba'i phyir/ /skad cig gcig gis dus gsum rtogs par bya don tu/ /'gro ba'i don du 'dod cing sems mchog rin chen skye/ /phyogs bcu'i zhing rnams 
stong mang kun tu mtha' yas pa'i/ /'gro ba rnams kyi mos pa bsam pa ci 'dra dang / /sbyor ba gang dang sems dang spyod pa de bzhin te/ /mthar thug rung srid mkha' 'dra'i byang chub sems mtha' min/ /de ni 'di ltar phyogs bcu byams dang snying rje dang / /bsam 
pa chen pos 'gro ba thams cad rgyas byas shing / /thar pa'i don du sangs rgyas yon tan kun spyod phyir/ /rin chen sems kyi stobs ni tshad med rab tu skyes/ /mos dang bsam pa yid bzhin yang dag sbyor ba dang / /'gro ba'i dbang po sbyor bar sems dang spyod pa rnams/ /
skad cig gcig gis ji bzhin rtogs par bya ba'i phyir/ /thams cad mkhyen pa'i ye shes lta bu'i sems skyes so/ /'gro ba'i las dang nyon mongs sna tshogs 'byam klas pa/ /gang gis khams gsum 'di dag tu ni skye 'gyur ba/ /de dag mtha' ni phyogs bcur rnyed 
par rung srid kyi/ /byang chub sems kyi mchog la kun tu mtha' med do/ /ci phyir zhe na 'di ltar nyon mongs las grol ba'i/ /sems ni de bzhin gshegs pa mchod pa'i don du skye/ /nyon mongs grol byed de bzhin las kyi rgyud kyang gcod/ /dus gsum 
mun pa sel cing mi zad snying rjes byung / /phyogs bcu'i sangs rgyas ma lus thams cad dang / /sems can mang po thams cad sems gcig bskyed pa yis/ /spos dang me tog phreng ba byug pa dam pa dang / /gdugs dang rgyal mtshan bza' btung na 
bzas mchod par byed/ /gzhan yang gdan gyi rnam pa 'chags dam pa dang / /pho brang mang po sna tshogs tsan dan mchog bsangs pa/ /nor bu rin chen rnam par snang bas brgyan pa dang / /yid bzhin nor bu yid 'ong brgyan pas mchod byas te/ /de ltar </font><hr>35-1-283b<br><font size=+1>
bde gshegs sems can mngon par mchod byed pas/ /bskal pa khrag khrig brjod du med par zad byas kyang / /byang chub sems dpa'i bde bstsags mthar phyin bde ba nyid/ /gang bsgrubs byang chub sems la mnyam par nyer mi 'gro/ /ji snyed dper brjod byas pa 
'di dag thams cad kyang / /yang dag skyes pa'i byang chub sems kyi char mi rung / /de yang 'di ltar dus gsum bzhugs pa'i skyes bu mchog /thams cad byang chub sems mchog de las byung ba yin/ /byang chub sems ni chags pa med pa'i mthar phyin te/ /
thams cad tshad la gnas kyang de la tshad yod min/ /thams cad mkhyen pa'i ye shes gzhol zhing tshad med stobs/ /sems can rang bzhin de bzhin byang chub mthar yang phyin/ /byang chub sems ni nam mkha'i mtha' dang mnyam pa ste/ /chos rnams kun 
la khyab pa chos dbyings ci bzhin no/ /tshad med de bzhin nyid kun de'i spyod yul gyur/ /des ni kun tu khyab pa'i sems can gtso bzhin no/ /de ni 'byam klas chos rnams kun la rjes su zhugs/ /des ni zhing rnams ma lus 'byam klas kun tu khyab/ /des ni 
shes pa 'byam klas thams cad rtogs par chud/ /des ni sangs rgyas 'byam klas kun dang 'gal med thob/ /rtag tu bsod nams bla na med pa dag dang ldan/ /de bzhin rtag tu tshul khrims rnam dag mi gnas ldan/ /rtag tu kun gtong rtag par rab tu 
dge ba ste/ /ldog pa med pa'i brtson 'grus mchog dang rab tu ldan/ /bsam gtan mdzod la rtag par bsam gtan 'jug par byed/ /shes rab shin tu yangs pa dang yang rtag tu ldan/ /rgyal sras rnams kyis rab dam pa gang yod pa/ /
de dag don du ye shes kun tu bzang po byung / /'gro ba kun na skyes bu ye shes gang bzhugs pa/ /de dag gis ni byang chub sems rab byin gyis brlabs/ /ting nge 'dzin dang gzungs kyi dam pas rab tu brgyan/ /de bzhin gshegs pa'i rnam 'phrul </font><hr>35-1-284a<br><font size=+1>
rnam pas rab tu brgyan/ /'jig rten kun dang 'gro ba rnams kyi ji tsam tshad/ /nam mkha'i tshad kyang phyogs bcu dag tu ji tsam pa/ /de dag bas kyang byang chub sems 'di tshad med de/ /de las skyes bu'i seng ge kun kyang skyes shing 
byung / /byang chub sems 'di stobs bcu rnams kyi rtsa ba ste/ /brten pa bzhi yi gnas yin so sor shes pa'i rtsa/ /rgyal ba'i chos rnams bcwo brgyad yang dag 'byin pa ste/ /skyes bu'i gtso bos mkhyen par bya ba'i chos kun 'byin/ /gzugs kyi sku ni 
mtshan rab rnams kyis bstsags pa dang / /chos sku mnyam nyid rtog pa myi mnga' brnyes pa dang / /'gro bas mchod pa'i ye shes chags med gang byung ba/ /kun gyi rtsa ba 'byung gnas byang chub sems 'di yin/ /rang rgyal theg pa 'byung zhing nyan 
thos theg pa'ang 'byung / /bsam gtan ting 'dzin bde ba gzugs kyi khams rnams dang / /gzugs med khams rnams ting nge 'dzin gyi bde ba dag /kun gyi rtsa ba byang chub sems mchog 'di yin no/ /mi dang de bzhin lha yi dbang po'i bde ba dang / /
lam rgyud sna tshogs kun kyang 'di la shin tu sbyangs/ /brtson 'grus stobs dang dbang po'i bde ba gang yod pa/ /kun gyi rtsa ba dang po byang chub sems 'di yin/ /ci phyir zhe na 'di ltar byang chub sems bskyed cing / /pha rol phyin drug brtson par 
spyad pa rab tu spyod/ /sems can rnams la'ang spyod pa yang dag rab tu ston/ /des ni khams gsum 'gro ba'i bde ba kun kyang 'byung / /sangs rgyas chags med thugs chud don dam mkhyen pa rnams/ /chos kyi dam pa'i mchog rnams 
yang dag kun ston cing / /rgya chen nyon mongs las las sems can grol mdzad de/ /mya ngan 'das pa dam pa mchog la dgod mdzad pa/ /ye shes 'od zer 'od yangs nyi ma lta bu ste/ /'gro bar spyod pa dkar pos yongs rgyas zla ba bzhin/ /</font><hr>35-1-284b<br><font size=+1>
yon tan shin tu bsags pa tshad med chu lta bu/ /dri med chags pa mi mnga' tshad med mkha' dbyings 'dra/ /gang zhig yon tan mtha' yas byang chub sems yangs pa/ /shin tu che zhing bde skyid tshad med smon byed cing / /phyi ma'i mthar thug spyod par 
smon pas su brtson pa/ /de dag sems can gdul ba'i don phyir rtag tu brtson/ /'jig rten 'byam klas thams cad rnam par sbyang ba'i phyir/ /smon lam bye ba khrag khrig bsam gyis mi khyab dang / /stong pa mtshan ma med pa smon med mi gnas pa'i/ /
smon lam bye ba brgyas ni sems de dag par 'gyur/ /chos kyi rang bzhin nam mkha' lta bu sus rtogs shing / /zhi dang rab zhi nyer zhir thams cad mnyam gzhog pa/ /de dag chos grangs khrag khrig bsam gyis myi khyab pa'i/ /grangs su 'gro 
la ston kyang de ni gnas pa med/ /phyogs bcu kun gyi 'jig rten gtso bo ji snyed pa/ /de dag kun gyi byang chub sems mchog 'di bsngags te/ /yon tan brgya phrag bsam gyis mi khyab pas kyang brgyan/ /sems can gtso bzhin yang dag pha rol phyin 
pa yin/ /bskal pa sems can snyed du gal te legs brjod kyang / /byang chub sems rab de la mthar thug gang yang med/ /rgyal ba 'byung ba'i rin chen der ni gang skyes pa/ /de yi dpe ni khams gsum glongs kyang gang yang med/ /dus gsum 
rgyal ba kun gyis gang zhig rnam bstsags pa'i/ /byang chub sems rab de la smon lam kun gyis gyis/ /byang chub sems rab dam pa de ni bsod nams gter/ /des ni rgyal sras chags pa med pa rab tu 'thob/ /'gro ba'i sems dang spyod pa shes shing 
mthong rung srid/ /zhing rnams rdul du blags te bgrang bar nus kyang srid/ /bar snang skra yis mnyam par gzhal bar nus srid kyi/ / /byang chub sems mchog yon tan mthar phyin myi nus so/ /'di las dus gsum sangs rgyas thams cad rab tu </font><hr>35-1-285a<br><font size=+1>
byung / /'di las 'jig rten 'gro ba kun gyi bde ba 'byung / /'di las rgyal bas bsngags pa'i legs pa thams cad 'byung / /'dis ni sems can gtso la the tsom med par 'gyur/ /'dis ni 'jig rten kun gyi sgrib 
pa zad par 'gyur/ /'dis ni zhing rnams yongs su dag pa'i mchog du 'gyur/ /'di las 'jig rten dam pa shes dang ldan pa 'byung / /gang zhig phyogs bcu'i rgyal ba blta bar 'dod pa dang / /gang zhig byin dang bsod nams myi zad mdzod 'dod dang / /
gang zhig 'gro ba kun gyi sdug bsngal zlog 'dod pa/ /des ni yon tan mtha' yas byang chub sems bskyed bya/ /byang chub sems dpa' sems dang po bskyed pa'i bsod nams kyi phung po'i dpe yang dag par bsags pa tshigs su bcad pa'i le'u zhes bya ba ste nyi shu gnyis so// //
sangs rgyas rmad ga cad ces bya ba shin tu rgyas pa chen po'i mdo/bam po nyi shu gsum pa/ /de nas byang chub sems dpa' brtson 'grus blo gros kyis byang chub sems dpa' chos kyi blo gros la 'di skad ces smras so/ /kye rgyal ba'i sras byang chub sems dpa' thams 
cad mkhyen pa nyid kyi sems bskyed pa rab tu thob pa/ sems dang po bskyed pa la gnas pa/ de ltar tshad med pa'i bsod nams kyi tshogs dang ldan pa/ thams cad mkhyen pa'i ye shes rgya chen po la yang dag par 'dzeg pa/ byang chub sems dpa'i 
skyon med par shin tu chud pa/ 'jig rten kun tu khrid par byed pa rnam par bzlog pa/ rdzogs pa'i sangs rgyas kyi 'jig rten las 'das pa'i chos nyid kyi rjes su song ba 'das pa dang / ma byon pa dang / da ltar byung ba'i de bzhin gshegs pa thams 
cad kyi byin gyis brlabs pa/ byang chub sems dpa'i rnam par dgod pa la shin tu nges pa/ rdzogs pa'i byang chub tu rab tu gzhol ba de dag gis de bzhin gshegs pa'i bstan pa la ji ltar brtson par byas pa'i rnam pa gang gis/ de bzhin gshegs pa </font><hr>35-1-285b<br><font size=+1>
thams cad mnyes par 'gyur ba dang / byang chub sems dpa'i rnam par dgod pa las 'das par 'gyur ba dang / spyod pa'i dkyil 'khor chen po yongs su dag par 'gyur ba dang / smon lam chen po yongs su rdzogs par 'gyur ba dang / byang chub sems dpa'i 
gter chen po rab tu thob par 'gyur ba dang / sems can rnams la snod ji bzhin du sbyin pa byed par 'gyur ba dang / pha rol tu phyin pa'i phyogs yongs su myi gtong bar 'gyur ba dang / ji ltar dam bcas pa'i sems can rnams sgrol bar 'gyur ba dang / 
sangs rgyas dang chos dang dge 'dun gyi gdung mi chad par 'gyur ba dang / dge ba'i rtsa ba dmigs pa thams cad du sbyor ba don med par mi 'gyur ba dang / kye rgyal ba'i sras byang chub sems dpa' rnams kyis de la brtson par byas pas chos kyi yul 'di dag 
yongs su rdzogs par 'gyur bar ji ltar brtsams par bya ba de legs par bshad pa mdzod cig /'khor 'di dag thams cad ni nyan par 'dod do/ /sems can chen po de dag gis brtson pa'i rnam pa ji lta bus ma rig pa'i mun nag thams cad bstsal te/ bdud 
kyi dkrugs ma'i 'khor thams cad las shin tu rgyal bar byas nas/ phas kyi rgol ba thams cad zil gyis mnan te/ sems kyi dri ma kun nas nyon mongs pa'i phyogs thams cad kun nas bstsal nas/ dge ba'i rtsa ba phun sum tshogs pa thams cad 
shin tu bsgrubs te/ mi khom pa dang / ngan song dang / ngan 'gro'i lam thams cad rnam par bzlog nas/ ye shes kyi dkyil 'khor chen po rnam par byang bar byas te/ byang chub sems dpa'i sa dang / pha rol tu phyin pa dang / gzungs dang / ting nge 
'dzin dang / mngon par shes pa dang / rig pa dang / mi 'jigs pa yongs su dag pa rnams mngon par bsgrubs nas/ sangs rgyas kyi zhing thams cad rnam par dag pa dang / mtshan dang dpe byad bzang po dang / sku dang gsung dang thugs kyi rgyan/</font><hr>35-1-286a<br><font size=+1>
mngon par bsgrub pa yongs su rgyas par byas te/ de bzhin gshegs pa thams cad kyi stobs dang / mi 'jigs pa dang / sangs rgyas kyi chos ma 'dres pa mnyam pa nyid kyi rjes su song ste/ thams cad mkhyen pa'i ye shes kyi yul 
rtogs par 'gyur ba dang / de ltar mngon par byang chub nas kyang bsam pa'i tshul bzhin du sangs rgyas kyi zhing yongs su grub par gyur pa dag tu ji ltar yongs su smin par bya ba'i sems can dag la/ dus dang dbang po'i rgyud ji lta ba bzhin du 
sangs rgyas kyi mdzad pa mtha' yas pa 'byin par 'gyur ba de legs par shod cig /'khor 'di dag thams cad ni nyan par 'dod do/ /ji ltar yang byang chub sems dpa' rnams kyis byang chub sems dpa'i yon tan 'di dang gzhan dag dang / byang chub sems dpa'i 
chos dang / byang chub sems dpa'i spyod pa dang / byang chub sems dpa'i lam gyi yul rnams yongs su rdzogs par byas te/ myur du de bzhin gshegs pa'i mnyam pa nyid 'thob pa dang / de bzhin gshegs pa dgra bcom pa yang dag par rdzogs 
pa'i sangs rgyas rnams kyis bskal pa brgya stong grangs med par yang dag par bsgrubs pa'i chos kyi mdzod 'di yang yang dag par bsrung zhing byang chub sems dpa'i spyod pa la gnas shing / ston pa dang 'chad pa'i tshe/ bdud dang bdud kyi rigs su gtogs pa dang / 
phas kyi rgol ba thams cad kyi zil gyis mi non pa dang / 'jig rten gyi khams thams cad du yang skyo ba med par dam pa'i chos yongs su 'dzin par byed pa dang / de yang dag par ston pa'i tshe/ lha'i dbang po rnams kyis rim gror bya ba dang / 
gzhung de bzhin du klu'i dbang po dang / gnod sbyin gyi dbang po dang / dri za'i dbang po dang / lha ma yin gyi dbang po dang / nam mkha' lding gi dbang po dang / mi 'am ci'i dbang po dang / lto 'phye chen po'i dbang po dang / mi'i dbang po dang /</font><hr>35-1-286b<br><font size=+1>
tshangs pa'i dbang pos rim gror bya ba rab tu 'thob pa dang / de bzhin gshegs pa'i chos kyi dbang pos rim gro bya ba rab tu 'thob pa dang / de ltar rim gror byas nas kyang / 'jig rten thams cad kyis phyag bya ba/ 'jig rten thams cad kyis 
mngon par mchod pa/ 'jig rten thams cad kyis dbang bskur ba/ de bzhin gshegs pa thams cad kyis shin tu dgongs pa/ byang chub sems dpa'i tshogs kyis shin tu bsrungs pa/ rang gi dge ba'i rtsa ba dang / smon lam rab tu thob pa/ 
chos dkar po chen po yang dag par spel ba rnams/ de bzhin gshegs pa dgra bcom pa yang dag par rdzogs pa'i sangs rgyas rnams kyi chos kyi mdzod rnam par 'byed par 'gyur ba dang / dam pa'i chos yongs su 'dzin pa rgya chen po rab tu 'byed 
pa dang / byang chub sems dpa'i rim gyis spyod pa yongs su bsgrubs pa/ shin tu ston par 'gyur ba de lta bu'i gnas dag yang dag par bstan pa mdzod cig /de nas byang chub sems dpa' brtson 'grus blo gros kyis don 'di nyid bstan te brjod pa'i phyir/ 
byang chub sems dpa' chos kyi blo gros la tshigs su bcad de smras pa/ spyod la 'jug pa mtha' yas yangs pa dag /rang 'byung ye shes bsgrub pa dge ba rnams/ /rdzogs pa'i byang chub sems dpa' yon tan can/ /grags pa chen po rnams 
la legs par shod/ /byang chub sems dpa' gang rnams sems thob cing / /bsod nams ldan pa ye shes thob pa rnams/ /skyon med zhugs pa'i 'jig rten rnams bzlog cing / /yang dag sangs rgyas chos mnyam nyid thob rnams/ /
de dag gis ni bde gshegs bstan pa la/ /brtson 'grus brtan pas ji ltar brtson par bya/ /gang gis phyogs bcu'i rgyal ba mnyes byas shing / /yang dag sangs rgyas sa yang gnan bya dang / /spyod pa dag dang smon lam yongs dag dang / /</font><hr>35-1-287a<br><font size=+1>
ye shes gter chen rab tu thob 'gyur zhing / /thob nas de dag 'gro kun mi gnas pas/ /yongs su blangs pa rtag tu gtong byed dang / /gang yang pha rol phyin pa mchog gi lam/ /de dag mi gtong rab tu brjod pa dang / /sems can ji ltar 
sgrol byed dam bcas shing / /yang dag sangs rgyas bsam pa mnyam 'dzin dang / /mig gi dmyigs pa brtan pa thams cad kyi/ /'byung ba yon tan can la stobs 'gyur zhing / /skyes bu khyu mchog de dag brtson gyur pa'i/ /rnam dag lam de khyu mchog 
khyod kyis ston/ /ji ltar de dag mun pa kun bstsal cing / /'khrug pa'i 'khor rnams thams cad pham byas nas/ /dri ma bral ba'i dge ldan mkhas pa rnams/ /skyes bu khyu mchog ye shes ldan 'gyur dang / /mi khom ngan song lam rnams yongs 
spangs shing / /ye shes chen po'i dkyil 'khor mchog spyod dang / /yon tan bzang po thams cad ldan 'gyur zhing / /rgyal ba'i ye shes stobs kyang thob gyur dang / /skyes bu khyu mchog ye shes zhugs nas kyang / /sems can bsam pa ji bzhin 
ston byed cing / /mtha' yas yangs pa'i zhing rnams bsam yas su/ /ston pa chen po'i las kyang byed pa dang / /ci nas de dag spyod pa mchog thob nas/ /mi yi khyu mchog mdzod rnams ston byed de/ /zil gyis mi non gzhan gyis mi pham 
par/ /rgyal ba'i chos nyid rtag tu 'dzin byed ston/ /seng ge bzhin du ji ltar 'jigs pa med/ /ji ltar zla bzhin dag pa'i mdog tu spyod/ /chu la pad mo bzhin du chags med pa/ /de dag rgyal ba'i yon tan ji ltar spyod/ /de skad ces 
smras pa dang / byang chub sems dpa' chos kyi blo gros kyis/ byang chub sems dpa' brtson 'grus blo gros la 'di skad ces smras so/ /kye rgyal ba'i sras khyod ni skye bo mang po la phan pa dang / skye bo mang po la bde ba dang / 'jig rten la snying brtse ba dang /</font><hr>35-1-287b<br><font size=+1>
lha dang mi rnams kyi don dang / phan pa dang bde ba'i phyir zhugs pa ste/ kye rgyal ba'i sras de ltar khyod byang chub sems dpa'i spyod pa shin tu rtogs shing / rnam par dag pa brtsams te/ 'dri zhing de ltar rgyal ba'i sras khyod/ de bzhin gshegs pa 'dri 
ba chos mang po la rab tu gnas pa/ brtson 'grus chen pos shin tu bstsags pa/ brtson 'grus ldog pa myedapas shin tu 'byung ba 'dri bar byed pa ni/ kye rgyal ba'i sras legs so legs so/ /kye rgyal ba'i sras de'i phyir shin tu legs par nyon la yid 
la zung shig dang / sangs rgyas kyi mthu dang / sangs rgyas kyi byin gyi rlabs kyis phyogs tsam bstan par bya'o/ /kye rgyal ba'i sras 'di la byang chub sems dpa' thams cad mkhyen pa nyid du sems bskyed pa thob pa rnams kyis thog mar sems bskyed pa de mi 
nyams par yongs su bsrung ba dang / rim gror bya ba'i phyir bag yod par bya'o/ /kye rgyal ba'i sras de la rnam pa bcus na byang chub sems dpa' bag yod pa la gnas pa zhes bya ste/ bcu gang zhe na/ tshul khrims kyi phung po shin tu bsrung ba dang / byang chub 
kyi sems mnyams shing shin tu sbyangs pa dang / byang chub sems dpa' bsam pa g.yo dang sgyu med pa dang / dge ba'i rtsa ba sbyor ba phyir mi ldog pa dang / rang gi sems bskyed pa shin tu rtogs pa dang / phyogs khyim pa dang / so so'i skye bo dang ma 'dres pa dang / 
dge ba'i rtsa ba'i las 'jig rten gyi 'du shes dang / 'dod pa thams cad dang bral ba dang / byang chub sems dpa'i lam nyan thos dang / rang sangs rgyas kyi theg pa spangs pa rab tu thob pa dang / dge ba'i rtsa ba brtsams pa nan tan rgyun chad pa med pa dang / 
bdag gi rgyud kyi stobs kyi shugs shin tu brtags pa dag ste/ kye rgyal ba'i sras rnam pa bcu po 'di dag dang ldan pa'i byang chub sems dpa' ni bag yod pa la gnas pa zhes bya'o/ /kye rgyal ba'i sras de la byang chub sems dpa' bag yod pa la gnas pa ni/</font><hr>35-1-288a<br><font size=+1>
rnam pa bcus na yongs su dag par 'gyur te/ bcu gang zhe na 'di lta ste/ kye rgyal ba'i sras 'di la byang chub sems dpa' ji ltar smras pa de ltar byed pa yin/ shes bzhin gyi dran pa can yin/ khengs pa med cing g.yo ba med de/ bsam gtan 
zab mo la rab tu gnas pa yin/ sangs rgyas kyi chos zab mo btsal ba la nan tan du byed cing rgyun mi gcod pa yin/ lhag mthong mngon par bsgrub pa la mkhas shing ji ltar thos pa'i chos la tshul bzhin du rtogs par zhugs pa yin/ bsam gtan gyi rjes su song ba'i 
sems kyis/ de bzhin gshegs pa'i rnam par 'phrul pa zab mo'i rjes su song ba yin/ sa dang mnyam zhing mthon dman dang bral ba yin/ sbyor ba bzang ngan dang bar ma la sems nyams pa med pa yin/ sems can kun gyi nang na chung ngu na thams cad mkhyen pa nyid du 
sems gcig bskyed pa la 'ang ston pa'i bsam pa thob pa yin/ mkhan po dang slob dpon dang dge ba'i bshes gnyen dang / byang chub sems dpa' dang / chos smra ba rnams la rim gro dang / bkur sti'i ngang tshul can du gnas pa yin te/ kye rgyal ba'i sras rnam pa 
bcu po de dag gis byang chub sems dpa' bag yod pa la gnas pa/ yongs su dag par 'gyur ro/ /kye rgyal ba'i sras de la byang chub sems dpa' bag yod pa brtson 'grus brtsams pa/ dran pa nye bar bzhag pa mos pa che ba rnal 'byor 
rgyun ma chad pa chos thams cad la mi gnas pa/ chos thams cad la brtson pa/ nyon mongs pa med pa'i tshul la zhugs pa/sems yangs pa sangs rgyas kyi chos mtha' dang dbus med pa'i rjes su song ba rnams kyis ni/ de bzhin gshegs pa dgra bcom 
pa yang dag par rdzogs pa'i sangs rgyas rnams mnyes par 'gyur te/ kye rgyal ba'i sras byang chub sems dpa' chos bcus de bzhin gshegs pa rnams mnyes par bya'o/ /bcu gang zhe na byang chub sems dpa' brtson 'grus thams cad la phyir myi ldog pa dang /</font><hr>35-1-288b<br><font size=+1>
lus dang srog la mi lta ba dang / 'tsho ba'i yo byad dang / 'tsho ba'i rkyen la don du gnyer ba med pa dang / chos thams cad rnam par bsgoms pas nam mkha' dang mnyam pa dang / chos kyi dbyings la yang dag par gzhol ba'i lhag mthong la mkhas pa dang / mi gnas 
pa'i chos rnam par bsgom pa'i phyag rgya dang / rtag tu rgyun mi 'chad par bsgrubs pa'i smon lam chen po dang / yongs su sbyangs pa'i bzod pa shes pa'i snang ba dang / rang gi dge ba'i chos bstsags pa dang / ma bstsags pa shin tu brtags pa dang / mngon par 
'du bya ba med pa'i sgo shin tu byang ba ste/ kye rgyal ba'i sras bcu po de dag gis de bzhin gshegs pa mnyes par bya'o/ /kye rgyal ba'i sras de la byang chub sems dpa' chos bcu la gnas pa rnams kyis ni/ de bzhin gshegs pa rnams mnyes par 'gyur ba yin te/ 
bcu gang zhe na/ 'di lta ste bag yod pa la gnas pa dang / myi skye ba'i bzod pa la gnas pa dang / snying rje chen po la gnas pa dang / pha rol tu phyin pa yongs su rdzogs par bya ba la gnas pa dang / spyod pa yongs su rdzogs par bya ba la gnas pa dang / smon 
lam mngon par bsgrub pa la gnas pa dang / thabs mkhas pa la gnas pa dang / brtan pa'i stobs kyi shugs la gnas pa dang / chos thams cad nam mkha'i rang bzhin lta bu la gnas pa dang / len pa med pa la gnas pa ste/ kye rgyal ba'i sras chos de 
dag la gnas pa'i byang chub sems dpa' rnams kyis ni/ de bzhin gshegs pa mnyes par 'gyur ro/ /kye rgyal ba'i sras de la chos bcu dang ldan pa'i byang chub sems dpa' rnams ni sa rnam par dgod pa las 'da' ba yin te/ bcu gang zhe na 'di lta ste/ 
bsod nams dang ye shes kyi tshogs shin tu bstsags pa dang / pha rol tu phyin pa rnam par phye ba tshad med pa'i lam gzhan gyi dring mi 'jog pa'i ye shes snang ba dang / dge ba'i bshes gnyen dang 'grogs pa rgyun ma chad pa dang / brtson 'grus zhig pa med pa dang /</font><hr>35-1-289a<br><font size=+1>
de bzhin gshegs pa'i byin gyi rlabs kyis legs par brlabs pa dang / dge ba'i rtsa ba sbyor bas mi skyo ba dang / theg pa'i rgyan shin tu bshams pa dang / ye shes kyi bsam pa rab tu rno ba dang / sa dang sa ram yin pa'i 
chos kyi sgo la mi gnas pa dang / 'das pa dang ma byon pa dang / da ltar byung ba'i sangs rgyas bcom ldan 'das thams cad dang / dge ba'i rtsa ba'i rgyud kyi tshul gcig tu gyur pa dag ste/ kye rgyal ba'i sras chos bcu po de dag gis byang chub sems dpa' rnams/ 
sa nas sar rnam par dgod pa las 'da' ba yin no/ /kye rgyal ba'i sras byang chub sems dpa' de dag ni thog ma nas/ sa rnam par dgod pa thams cad la mkhas pa rnam par dpyod pa yin te/ chos kyi sgo gang gis gang khong du chud par 'gyur ba dang / ye shes kyi 
sgo gang gis thob par 'gyur ba dang / bsgrub pa gang yin pa dang / rgyu mthun pa gang yin pa dang / spyod yul gang yin pa dang / rnam par 'phrul pa gang yin pa dang / yang dag par mthong ba gang yin pa dang / chos kyi sgo rnam par dbye ba'i khyad par gang yin pa 
dang / ji ltar thob par bya ba thams cad kyi 'ang rnam par dpyod do/ /de dag la shin tu rnam par dpyad pas/ chos thams cad la mi gnas shing sems kyi rang bzhin gyi chos thams cad khong du chud pas byang chub sems dpa'i sa yang dag par 'da'o/ /kye rgyal ba'i 
sras byang chub sems dpa' rnams ni 'di ltar bdag cag gis ji nas kyang myur du 'da' bar bya'o/ /snyam du myi sems te/ de ci'i phyir zhe na/ 'di ltar de dag 'di snyam du sems te/ bdag cag sa nas sa la rnam par gnas pas/ ji lta ji ltar yang dag 
par gnas pa de lta de ltar bsod nams kyi tshogs ches che ba skye bar 'gyur te/ ji lta ji ltar bsod nams kyi tshogs chen po skyes par gyur pa/ de lta de ltar de bzhin gshegs pa'i sa'i rjes su song zhing sangs rgyas kyi mdzad pa tshad med pas nye bar gnas par </font><hr>35-1-289b<br><font size=+1>
'gyur ro snyam ste de dag sbyor ba rgyun mi chad cing skyo ba med pa'i yid dang ldan pa dang / tshogs kyi rgyan chen pos byang chub sems dpa'i rnam par bkod pa las yang dag par 'da'o/ /kye rgyal ba'i sras de la byang chub sems dpa' rnams kyi rnam pa bcus spyod 
pa'i dkyil 'khor yongs su sbyang bar byas te/ bcu gang zhe na yo byad yongs su gzung ba med pa dang / 'gro ba thams cad tshim par byed pa dang / tshul khrims yang dag par blangs pa kha na ma tho ba med pa dang / bzod pa dang des pa mi zad pa'i sa'i rjes su 
song ba dang / brtson 'grus rtsom pa phyir mi ldog pa'i sbyor ba dang ldan pa dang / dran pa'i stobs kyi shugs rmongs pa med pa dang / gcig las rnam pa tha dad pa'i chos kyi rjes su song zhing khong du chud pa dang / gnas med pa'i spyod pa bsgrub dka' ba 
thams cad la sems ri'i rgyal po lta bu dang / sems can thams cad dang ma 'dres pa'i mu stegs su gyur pa dang / 'gro ba thams cad du sangs rgyas thams cad dang / rgyud kyi tshul gcig tu gyur pa ste/ kye rgyal ba'i sras rnam pa bcu po de dag 
gis/ byang chub sems dpa' rnams kyis spyod pa'i dkyil 'khor yongs su sbyong bar bya'o/ /de dag gis byang chub sems dpa'i spyod pa de ltar yongs su sbyangs pa de rnam pa bcus shin tu dag par 'gyur te/ bcu gang zhe na sems can gyi gtso bo 'jig rten 
gyi khams gzhan na bzhugs pas yang dag par dgongs pa dang / 'das pa'i byang chub sems dpa'i grogs kyis dge ba'i rtsa ba bskyed pa dang / sangs rgyas kyi byin gyi rlabs yang dag par gzung ba la mkhas pa dang / dge ba'i bshes gnyen 
la yang dag par brten pa dang / mos pa dang brtson 'grus dang / bag yod pa la rab tu gnas pa dang / chos tha dad pa thams cad la tha mi dad par rtogs pa dang / snying rje'i byin gyi rlabs shin tu che ba dang / chos thams cad yang dag pa ji </font><hr>35-1-290a<br><font size=+1>
lta ba bzhin du rnam par lta ba'i shes rab kyi pha rol tu phyin pa mngon par bsgrub pa dang / thabs la mkhas par rnam par dpyod pa'i sbyor ba dang / sbyor ba thams cad la de bzhin gshegs pa'i stobs kyi rjes su 'brang ba dag ste/ 
kye rgyal ba'i sras rnam pa bcu po de dag gis/ byang chub sems dpa' rnams kyis spyod pa'i dkyil 'khor yongs su sbyang bar bya'o/ /kye rgyal ba'i sras de la byang chub sems dpa'i smon lam rnam par dag pa bcu ste/ bcu gang zhe na 'di lta ste skyo ba med 
par sems can gyi khams yongs su smin par bya ba'i smon lam dang / dge ba'i rtsa ba sna tshogs bstsags pas 'jig rten gyi khams yongs su dag par bya ba'i smon lam dang / lus dang srog gis bsngo zhing dam pa'i chos yongs su 'dzin pa'i smon lam dang / 
ye shes kyi sgo rnam par dbye ba khong du chud pas sangs rgyas kyi zhing la 'jug pa'i smon lam dang / byang chub sems dpa' thams cad dang gnyis su med pas tshul gcig gi rgyud du 'gro ba'i smon lam dang / de bzhin gshegs pa'i sgo la 'jug pas chos 
thams cad khong du chudapa'i smon lam dang / mos pa rnam par sbyangs pas blta na don yod pa'i smon lam dang / phyi ma'i mthar byin gyis brlabs pas bskal par gnas pa'i smon lam dang / byang chub sems dpa' kun tu bzang po'i theg pa'i rgyan 
rnam pa thams cad kyi sgo nas rnam par sbyang ba'i smon lam dag ste/ kye rgyal ba'i sras byang chub sems dpa' rnams ni de ltar smon lam rnam par sbyong ngo / /de dag rnam pa bcus smon lam yongs su rdzogs par byed de/ bcu gang zhe na yongs su skyo 
ba med pa dang / rgyan chen po mngon par bsgrub pa dang / byang chub sems dpa'i smon lam khyad par du 'phags pa rnams kyi rjes su 'jug pa dang / 'jig rten gyi khams gzhan na bzhugs pa'i de bzhin gshegs pa'i sangs rgyas kyi zhing thos nas/</font><hr>35-1-290b<br><font size=+1>
rang gi smon lam du mngon par bsgrub pa dang / bsam pa phyi ma'i mtha'i mur thug pa dang / sems can gyi khams thams cad yongs su smin par bya bar gtugs pa'i smon lam chen po dang ldan pa dang / bskal pa thams cad du gnas par mi 'jigs pa dang / 
sdug bsngal thams cad kyis ji mi snyam pa dang / bde ba thams cad la ye mi brngam pa dang / bsam pa mnyam pa med pa'i rnam par thar pa yongs su bsgrub pa dag ste/ de dag smon lam chen po de ltar yongs su sbyong zhing / yongs su rdzogs par 
byed pa'i tshe/ sangs rgyas mthong ba'i gter zad mi shes pa'ang rab tu 'thob bo/ /gzungs 'khrul pa med pa'i gter zad mi shes pa'ang rab tu 'thob bo/ /smon lam zad mi shes pas chos thams cad shin tu rtogs pa'i gzungs kyang rab tu 'thob bo/ /
snying rje chen pos 'gro ba thams cad yongs su skyob pa'i gter zad mi shes pa'ang rab tu 'thob po/ /ting nge 'dzin gyi rgyud kyi gter zad mi shes pa'ang rab tu 'thob po/ /'gro ba thams cad tshim par bya ba'i bsod nams kyi gter zad mi shes pa'ang rab tu 
'thob po/ /chos thams cad yang dag pa ji lta ba bzhin du brtags pa'i ye shes kyi gter zad mi shes pa'ang rab tu 'thob bo/ /rnam par smyin pa la gnas pa mngon par bsgrub pa'i gter zad mi shes pa'ang rab tu 'thob bo/ /sangs rgyas kyi byin gyi rlabs mtha' 
yas pa'i gter zad myi shes pa'ang rab tu 'thob bo/ /'jig rten gyi khams mtha' dang dbus med par gtogs pa la 'jug pa'i gter zad mi shes pa'ang rab tu 'thob bo/ /de ltar gter rab tu thob cing bsod nams dang ye shes kyi tshogs zad mi shes 
pa dang ldan pa de dag ye shes chen po'i dkyil 'khor yongs su dag pas/ sems can rnams la bsam pa ji lta ba bzhin du chos kyi gter gyi sbyin pa byed do/ /de la rgyal ba'i sras byang chub sems dpa' rnams sems can rnams kyi bsam </font><hr>35-1-291a<br><font size=+1>
pa ji lta ba bzhin du ji ltar 'jug ce na/ sbyor ba ji lta bur rgyu ba dang / rgyu dang rkyen ji lta ba dang / sems dang sems las byung ba'i sbyor ba ji lta ba las/sems can rnams kyi bsam pa ji lta ba bzhin du 'jug ste/ de dag de ltar bsam pa la zhugs 
pa rnams sems can rnams kyi bsam pa ji lta ba bzhin du shes shing chos yang dag par ston te/ de dag 'dod chags kyi bsam pa rnam par bzlog pa'i phyir mi sdug pa yang dag par ston to/ /zhe sdang gi bsam pa rnam par bzlog pa'i phyir/ byams pa chen 
po'i sbyor ba yang dag par ston to/ /gti mug gi bsam pa rnam par bzlog pa'i phyir chos rnam par 'byed pa la mkhas pa yang dag par ston to/ /cha mnyam pa rnam par bzlog pa'i phyir ye shes kyi khyad par dang ldan pa'i chos kyi sgo yang dag par ston to/ /
'khor ba'i bsam pa rnam par bzlog pa'i phyir/ sdug bsngal rnam pa gsum dang ldan pa yang dag par ston to/ /gnas kyi bsam pa rnam par bzlog pa'i phyir gnas med pa'i chos kyi sgo yang dag par ston to/ /zhum pa'i bsam pa rnam par bzlog pa'i 
phyir/ rgya chen po'i yul yang dag par ston to/ /bdag gi nga rgyal gyis bcom pa'i bsam pa rnam par bzlog pa'i phyir/ chos kyi mnyam pa nyid yang dag par ston to/ /g.yo dang sgyus mi mnyam pa'i bsam pa rnam par bzlog pa'i phyir/ byang 
chub sems dpa'i bsam pa mnyam pa nyid dang / zhi ba'i gnas kyi bsam pa mngon par bsgrub pa yang dag par ston to/ /de dag ni de ltar sems can rnams la bsam pa ji lta ba bzhin du chos kyi gter yang dag par ston to/ /de yang don dbyer med pa yang 
dag par ston te/ yi ge'i mtshams 'byor bar sbyar bas yang dag par ston to/ /shes pa rnam par dbye bas yang dag par ston to/ /bstan pa snga phyi ma 'dres pas yang dag par ston to/ /chos kyi tshul dang tshul ma yin pa'i bye brag dbyer med pas </font><hr>35-1-291b<br><font size=+1>
yang dag par ston to/ /mtshan nyid kyi phyag rgya rnam par mi 'khrugs pas yang dag par ston to/ /chos rab tu dgod pa rgyun chad pa med pas yang dag par ston to/ /mtha' yas pa sbyang bas yang dag par ston to/ /the tshom thams cad shin tu gcad pa'i phyir 
yang dag par ston to/ /dbang po'i rgyud la 'jug pa'i phyir yang dag par ston to/ /de bzhin gshegs pa'i phyag rgya la dgod par gzhol bas yang dag par ston to/ /yang dag pa'i mtha' mtshan nyid med pa rnam par mi 'khrug pas yang dag par ston to/ /
chos kyi dbyings la yang dag par gzhol bas yang dag par ston to/ /chos kyi rnga yang dag par brdung bas yang dag par ston to/ /gnas thams cad yang dag par spang bas yang dag par ston to/ /de bzhin gshegs pa thams cad rjes su dran pa mi 
gtong bas yang dag par ston to/ /tshig dang skad dang sgra dang ngag gi las thams cad mnyam pa nyid la mi gnas pas yang dag par ston to/ /rnam par mi rtog pa'i dbyings kyi rjes su 'gro bas yang dag par ston to/ /dpe thams cad rnam par dgod pas 
rgyud dang mi 'gal bas brtan par bya bas yang dag par ston to/ /de bzhin gshegs pa thams cad kyi ye shes kyi dkyil 'khor rang gi lus su sems pa la yang dag par gzhol bas yang dag par ston to/ /de ltar sems can la chos yang dag par 
ston pas/ rtag tu rgyun myi 'chad par chos kyi nan tan gyi mtshan nyid kyi rjes su 'brang ba dang / rang gi don rting tshugs par byed pa dang / pha rol tu phyin pa'i phyogs mi gtong bas rgya chen po'i pha rol tu phyin pa'i theg pa yang dag par bsgrub bo/ /
de la 'ang sems can thams cad tshim par bya ba dang / yo byad kyis yongs su bsdud pa dang /sbyor ba mnyam par yongs su gtong bas sbyin pa'i pha rol tu phyin pa yongs su dag par byed do/ /yang dag par blangs pa mi gtong ba dang / gnas pa </font><hr>35-1-292a<br><font size=+1>
med pa dang / nga rgyal med pas tshul khrims kyi pha rol tu phyin pa yongs su dag par byed do/ /nyes pa thams cad khyad du gsod pa dang / sems can thams cad kyis mi 'khrugs pa dang / mnyam pa nyid la gzhol ba dang / mthon dman 
med pa dang / zad myi shes pa'i sa mnyam par 'dzin pas bzod pa'i pha rol tu phyin pa yongs su dag par byed do/ /brtsam pa chen po brtsams pa dang/ brtsam pa thams cad la zhum pa med pa dang / sbyor ba phyir mi ldog pa dang / yid la byed pa phyir mi 
'gyur ba dang / mthu mtha' yas pa dang / stobs la thub pa med pa dang / sngon du 'dor ba mi 'phrogs pa dang / dad pa'i mthu chen po dang / blang ba dang / dor ba med pa'i tshogs thams cad yongs su rgyas par bya ba dang / thams cad mkhyen pa'i sgo nyams 
pa med pa la yang dag par 'jug pas brtson 'grus kyi pha rol tu phyin pa yongs su dag par byed do/ /'dod pa'i yon tan thams cad kyi 'du 'dzi yongs su sbyong ba dang mi 'bral ba dang / rim gyis bsam gtan dang ting nge 'dzin mngon par bsgrub pa dang / 
gnas med cing blang ba med pa shin tu rtogs pa dang / nyon mongs pa thams cad rab tu sel ba dang / ting nge 'dzin gyi sgo mtha' yas pa mngon par bsgrub pa dang / mngon par shes pa chen pos rnam par 'phrul pa'i rjes su 'gro ba dang / rim gyis rnam 
par spong ba'i ting nge 'dzin gyi sgo la rab tu 'jug pa dang / ting nge 'dzin gcig la sgo mtha' yas par rab tu 'jug pa dang / ting nge 'dzin gyi spyod yul thams cad shes pa dang / de'i yul gyi rjes su rab tu zhugs pa dang / ting nge 'dzin dang / snyoms 
par 'jug pa thams cad ye shes kyi phyag rgya mi 'khrugs pa thams cad mkhyen pa'i sa la nye bar gyur pas bsam gtan gyi pha rol tu phyin pa yongs su dag par byed do/ /sangs rgyas kyi chos thams cad mnyan pa dang / gzung ba dang / blang ba dang / bcang </font><hr>35-1-292b<br><font size=+1>
ba dang / dge ba'i bshes gnyen thams cad bsnyen bkur bas yongs su mi skyo ba dang / chos thams cad kyis mi ngoms pa dang / ji ltar thos pa la tshul bzhin du rtogs pa dang / de la mngon sum du mnyam par gzhog pa dang / sgro 'dogs pa'i lta ba thams cad 
dang bral ba dang / chos thams cad rnam par 'byed pa la mkhas pa dang / mtshan nyid kyi phyag rgya tha mi dad pa dang / de bzhin gshegs pa'i sgo nas lhun gyis grub par sgom zhing bsgom pa dang / stobs la 'jug pa dang / thams cad mkhyen pa'i ye 
shes la 'jug pa rgyun mi chad pa dang / shes rab kyi pha rol tu phyin pa sgo kun dang ldan pas/ thams cad mkhyen pa'i sgor 'jug pas shes rab kyi pha rol tu phyin pa yongs su dag par byed do/ /'jig rten gyi bya ba'i rgyud thams cad ston pa dang / sems 
can yongs su smyin pas yongs su mi skyo ba dang / bsam pa bzhin du bya ba ston pa dang / bya ba thams cad la mngon par chags pa med pa dang / byis pa'i spyod pa dang / 'phags pa'i spyod pa bsam pa ji lta ba bzhin du ston pa dang / 'khor 
ba dang mya ngan las 'das pa nye bar ston pa dang / sbyor ba thams cad shin tu brtags pas rgyu ba dang / rgyan thams cad bstan pa gnas med pa dang / 'gro ba thams cad kyi rjes su 'gro zhing rjes su 'brang ba dang /sems can thams cad sgrol 
ba'i spyod pas thabs mkhas pa'i pha rol tu phyin pa yongs su sbyong ngo / /sems can gyi khams mthar thug par yongs su smyin par bya ba dang / 'jig rten gyi khams mthar thug par yongs su sbyang ba dang / de bzhin gshegs pa mthar thug par 
mchod pa dang / chos chags pa med pa'i mthar thug par rnam par 'tshang rgya ba dang / chos kyi dbyings kyi mthar thug par spyod pa'i dkyil 'khor yongs su rdzogs par bya ba dang / bskal pa phyi ma'i mthar thug par rab tu gnas pa dang / sems bskyed pa'i </font><hr>35-1-293a<br><font size=+1>
mthar thug par stobs la 'jug pa dang / 'gro ba dang ldog pa mthar thug par mngon par 'tshang rgya ba dang / zhing gi gnas kyi mthar thug par thams cad mthong ba dang / de bzhin gshegs pa'i ye shes kyi mthar thug pa rab tu thob 
par bya bas smon lam gyi pha rol tu phyin pa yongs su dag par byed do/ /bsam pa'i stobs kun nas nyon mongs pa med pa dang / lhag pa'i bsam pa'i stobs dbang du gyur cing thub pa med pa dang / snying rje chen po'i stobs skyo ba med pa dang / byams pa chen po'i 
stobs snyoms pa'i sbyor ba can dang / gzungs kyi stobs don thams cad kyi sbyor ba la bsgribs pa med pa dang / spobs pa'i stobs 'gro ba thams cad tshim par byed pa dang / pha rol tu phyin pa'i stobs theg pa thams cad kyi rgyan byed pa dang / smon lam gyi 
stobs gcad du mi rung ba dang / mngon par shes pa'i stobs tshad med pa mngon par bsgrub pa dang / sangs rgyas kyi byin gyi rlabs la mos pa dam pa'i stobs rab tu 'dzin pas/ stobs kyi pha rol tu phyin pa yongs su dag par byed do/ /'dod chags 
kyi spyod pa khong du chud pa dang / zhe sdang gi spyod pa rjes su rtogs pa dang / gti mug gi spyod pa rab tu rtogs pa dang / cha mnyam pa'i spyod pa rjes su shes pa dang / slob pa'i sems can gyi spyod pa rab tu rtogs pa dang / skad cig gcig gis sems can 
mtha' yas pa'i spyod pa rnam par rtogs pa dang / sems dang bsam pa mtha' yas pa thams cad shes par byed pa dang / chos thams cad la yang dag pa ji lta ba bzhin du rtogs pa dang / de bzhin gshegs pa'i stobs kyi rjes su 'jug pa dang / chos 
kyi dbyings kyi sgo thams cad dang ldan pa khong du chud pas/ ye shes kyi pha rol tu phyin pa yongs su dag par byed do/ /de dag de ltar pha rol tu phyin pa rnams yongs su sbyong zhing pha rol tu phyin pa de dag yongs su rdzogs par byed pa dang / pha rol gyi phyogs </font><hr>35-1-293b<br><font size=+1>
mi gtong bar byang chub sems dpa'i theg pa rgya chen po'i rgyan dang ldan pa la gnas shing / sems can gyi khams ji ltar dam bcas pa bzhin du yang dag par sgrol lo/ /de dag dge ba'i las shin tu bstsags pa ston pas/ ngan song du 'gro ba'i sems can 
sgrol lo/ /brtsam pa chen po la gzud pas sems can gyi khams mi khom par 'gro ba sgrol lo/ /lhag mthong nye bar bstabs pas gzugs kyi khams na 'khod pa'i sems can gyi khams sgrol lo/ /phra ba'i ye shes nye bar bstabs pas gzugs med pa'i khams su 
skyes pa'i sems can rnams sgrol lo/ /zhi ba'i tshul nye bar bstabs pas nyan thos dang rang sangs rgyas kyi theg pa la mos pa'i sems can gyi khams sgrol lo/ /stobs bcu'i rgyan chen po dang ldan pa bstabs pas/ theg pa chen po la mos pa'i sems can gyi 
khams sgrol lo/ /de ltar na sngon las dang po pa'i sa la gnas pa'i tshe/ sems can g.yang sa chen po nas lhung ba rnam pa tha dad par gyur pa ji lta ba bzhin du shes te/ sgo sna tshogs nas gzung bar bya'o/ /zhes seng ge'i sgra bsgrags pa de bzhin du ye shes thob 
pa rnam sems can thams cad bsgral ba'i phyir rab tu zhugs pa yin no/ /kye rgyal ba'i sras byang chub sems dpa' ye shes de lta bu la zhugs pa ni rtag tu rgyun mi gcod par sangs rgyas kyi rigs dang chos kyi rigs dang dge 'dun gyi rigs mi gcod pa'i phyir zhugs pa yin te/ 
de dag byang chub kyi sems gzhan gyi sems kyi rgyud la gzhol bas sangs rgyas kyi rigs mi gcod pa yin/ chos kyi mdzod rnam par 'grel pas chos kyi rigs mi gcod pa yin/ bstan pa'i tshul dang 'gal bar mi byed pas/ dge 'dun gyi rigs mi gcod pa 
yin/ smon lam chen po yang dag par brjod pas sangs rgyas kyi rigs mi gcod pa yin/ rten cing 'brel par 'byung ba'i tshul yang dag par ston pas chos kyi rigs mi gcod pa yin/ snying po thob par byed pa'i chos la brtson pas dge 'dun gyi rigs </font><hr>35-1-294a<br><font size=+1>
mi gcod pa yin/ de bzhin gshegs pa'i sa bon sems can gyi zhing la 'debs pas/ sangs rgyas kyi rigs mi gcod pa yin/ dam pa'i chos yongs su 'dzin pas chos kyi rigs mi gcod pa yin/ tshogs chen po yongs su sdud pa la mi 
skyo bas dge 'dun gyi rigs mi gcod pa yin/ 'das pa dang ma byon pa dang / da ltar byung ba'i sangs rgyas bcom ldan 'das rnams kyi mdzad pa dran pa'i phyir/ rtag tu de bzhin gshegs pa'i gdams ngag dang / rjes su bstan pa mi gtong bas/ sangs rgyas dang 
chos dang dge 'dun gyi rigs mi gcod pa yin/ de dag de ltar skyabs gsum gyi rigs mi gcod pa'i phyir zhugs pas rtsom pa thams cad kha na ma tho ba med pa yin te/brtsams pa gang ci rtsom yang rung / de dag thams cad du thogs pa med par thams cad mkhyen 
pa'i sgor 'byung ba thob par byed do/ /de dag de ltar lus kyi las kha na ma tho ba med pa dang / ngag gi las kha na ma tho ba med pa dang / yid kyi las kha na ma tho ba med pa la gnas pas dge ba'i rtsa ba brtsam pa don yod par rtsom pa yin te/ sems can gyi don sbyor ba 
don yod par rtsom mo/ /sems can don yod par 'dul bar byed do/ /chos don yod par ston to/ /de'i chos ston pa thams cad kyang sems can gyi bsam pa tshim par bya ba la thogs pa med pas khong du chud par 'gyur ro/ /de'i sems bskyed pa gcig 
tsam yang log par mi 'gyur te/ sems bskyed pa gzhan thabs dang shes rab kyis yongs su zin pa thams cad kyang thams cad mkhyen pa nyid du yongs su bsngo'o/ /de de ltar chos dkar po bstsags pa don yod pa de lta bu la gnas pas rgyan rnam par phye ba bcus 
sems bskyed pa thams cad yongs su bsngo ste/ bcu gang zhe na 'di ltar lus kyi rgyan sems can 'dul ba ji lta ba bzhin du yang dag par ston pa dang / ngag gi rgyan the tsom thams cad gcod pa dang / sems kyi rgyan skad cig gcig gis ting nge 'dzin rjes su </font><hr>35-1-294b<br><font size=+1>
rtogs par byed pa dang / sangs rgyas kyi zhing gi rgyan kun nas nyon mongs pa med pa dang / 'od kyi rgyan 'od zer gyi dra ba mtha' dang dbus med pa bkye bas 'gro ba thams cad snang bar byed pa dang / 'khor gyi dkyil 'khor gyi rgyan sems can gyi rnam pa tshad med pa'i 
tshogs yongs su mgu bar byed pa dang / rdzu 'phrul rnam par 'phrul pa'i rgyan sems can gyi bsam pa ji lta ba bzhin du rdzu 'phrul gyis rnam par 'phrul pa dang / bstan pa'i rgyan mkhas pa'i skye bo thams cad kyis yongs su gzung ba dang / mya ngan las 
'das pa'i rgyan mngon par sangs rgyas pa gcig gis phyogs bcu ma lus par rgyas par 'gengs pa dang / chos byin gyis brlabs pa'i rgyan yul dang / dus dang snod ji lta ba bzhin du ston pa dag ste/ de dag rgyan de lta bus sems bskyed pa 
thams cad du mngon par bsgrub pas lus dang ngag dang yid kyi las don yod pa dang / ye shes chen po don yod pa rab tu 'thob ste/ de dag mthong bas kyang 'di ltar bla na med pa yang dag par rdzogs pa'i byang chub tu yongs su smyin par 'gyur ba'i phyir 
sems can rnams la don yod pa yin te/ thos pa dang bsnyen bkur ba dang / 'grogs pa dang / rjes su dran pa dang / rjes su rab tu byung ba dang / chos ston pa dang / dge ba'i rtsa ba la rjes su yid rang ba dang / dad cing mos pa dang / chung ngu na 
ming brjod pa tsam yang 'di ltar bla na med pa yang dag par rdzogs pa'i byang chub tu yongs su smyin pa'i phyir sems can rnams la don du 'gyur ba yin no/ /kye rgyal ba'i sras 'di lta ste dper na rtsi'i ming mthong na bde ba zhes bya ba de mthong ma thag tu sems can 
rnams kyi lus la zhen pa'am ltor zos pa'i dug rab tu zhi bar 'gyur ro/ /kye rgyal ba'i sras de bzh-in du chos de lta bu dang ldan pa'i byang chub sems dpa' yang mthong ma thag tu sems can rnams kyi nyon mongs pa'i dug thams cad byang bar 'gyur te/ chos dkar </font><hr>35-1-295a<br><font size=+1>
po'i stobs kyi shugs kyang skye bar 'gyur ro/ /kye rgyal ba'i sras de ltar byang chub sems dpa' sems dpa' chen po chos nyid de lta bu dang ldan zhing chos de dag la gnas te/ shes rab kyi 'od chen pos ma rig pa'i mun pa bsal nas/ 
bdud kyi dkrugs ma'i 'khor thams cad byams pa dang / snying rje chen po'i stobs kyis pham par byas te/ ye shes dang bsod nams kyi stobs kyi shugs kyis phas kyi rgol ba thams cad zil gyis mnan nas/ rdo rje lta bu'i ting nge 'dzin la 'jug pas/ sems 
kyi dri ma thams cad dang / nyon mongs pa'i phyogs thams cad bsal nas/ skyo ba med pa'i stobs dang shugs kyis dge ba'i rtsa ba phun sum tshogs pa thams cad rab tu bsgrubs te/ sngon cad sangs rgyas kyi zhing yongs su dag par spyod pa'i stobs dang 
shugs kyis mi khom pa dang / ngan song dang ngan 'gro'i lam thams cad rnam par bzlog nas/ mngon par zhen pa med pa'i stobs dang shugs kyis ye shes kyi dkyil 'khor yongs su sbyangs te/ rim gyis thabs dang shes rab kyi stobs dang / shugs 
kyis byang chub sems dpa'i sa dang pha rol tu phyin pa dang / ting nge 'dzin dang / mngon par shes pa dang / rig pa dang mi 'jigs pa yongs su dag pa mngon par bsgrubs nas/ chos dkar po thams cad kyi stobs dang shugs kyis sangs rgyas thams cad kyi 
mtshan dang dpe byad bzang po dang / sku dang gsung dang thugs kyi rgyan yongs su dag pa mngon par bsgrub pa rab tu rgyas par byas te/ ye shes kyis shes par bya ba'i dbang dang / byin gyi rlabs kyis de bzhin gshegs pa'i stobs dang / sangs rgyas kyi 
chos ma 'dres pa thams cad mnyam pa nyid khong du chud par byas nas/ bla na med pa yang dag par rdzogs pa'i byang chub kyang myur du 'thob cing thams cad mkhyen pa'i ye shes kyi yul yang smon lam gyi khyad par ji lta ba bzhin du 'thob par 'gyur ro/ /sngon gyi byin </font><hr>35-1-295b<br><font size=+1>
gyi rlabs dang / ye shes kyi byin gyi rlabs kyis mngon par sangs rgyas nas/ sems can rnams kyi bsam pa ji lta ba bzhin du/ sangs rgyas kyi zhing bstan te/ 'dul ba ji lta ba bzhin du sems can rnams la chos kyi 'khor lo chen po bskor cing / mtha' yas 
pa'i sems can rnam par 'dul lo/ /kye rgyal ba'i sras de ltar byang chub sems dpa'i chos de lta bu dang ldan pa dag ni tshul de lta bus sangs rgyas thams cad dang mnyam pa nyid kyi bar du thob par 'gyur te/ byang chub sems dpa'i spyod pa thob nas kyang /'jig rten gyi 
khams mtha' yas pa dag tu dam pa'i chos yongs su 'dzin cing / chos smra ba chen po yang byed do/ /de ltar chos smra ba byed pa'i tshe de bzhin gshegs pa dgra bcom pa yang dag par rdzogs pa'i sangs rgyas kyi byin gyis brlabs pa de dag chos kyi mdzod chen po 
gzung zhing bsrung ba'i phyir/ tha dad pa yang dag par shes pa'i chos kyi tshul rab tu dbye ba'i rjes su song ba'i byang chub sems dpa'i tshig gis 'khor gyi dkyil 'khor mtha' yas par bdag gi lus kyi rgyan byin gyis brlabs te bstan pa mngon par bsgrubs pas 
rnam pa'i mchog thams cad dang ldan pa dang / tha dad pa yang dag par shes pa'i mkhas pa mtha' yas pa dang / ye shes mi zad pa'i sgor 'jug pa dang / dbyangs kyi dkyil 'khor shin tu rnam par phye ba'i byin gyi rlabs dang / dbyangs gcig bsgrags pas 
'khor gyi dkyil 'khor thams cad mgu bar byed pa'i dbyangs kyi yan lag rnam par dag pa bsam pa dang / bag la nyal ba dang / shes pa'i sa ji lta ba bzhin du rjes su 'brang ba dang / lus kyi byin gyi rlabs 'khor gyi dkyil 'khor thams cad kyi nang du phyin 
kyang zil gyis mi non pa dang / lus kyi rgyan sgo thams cad du rnam par bstan pa dang / 'khor gyi dkyil 'khor thams cad kyi sems dang / bsam pa khong du chud pas rab tu rtogs pa dang / tshig grol ba'i byin gyi rlabs kyis bstan pa dang chos 'chad </font><hr>35-1-296a<br><font size=+1>
pa'i byin gyi rlabs la/ mkhas pas chos kyi gtam chen po byed de/ stobs dang shugs kyi dbang thub pa med pa dang / 'jigs pa med pa'i dbang zhum pa med pa dang / chos kyi dbang zil gyis mi non pa dang / ye shes kyi dbang 
gzhan gyis mi thub pa dang / shes rab kyi pha rol tu phyin pa'i dbang chos kyi mtshan nyid 'khrugs pa med pa dang / tha dad pa yang dag par shes pa'i dbang mtshams sbyor ba rgyun chad pa med par bsam pa shin tu rtogs pa dang / gzungs kyi dbang chos thams cad rnam par 
gdon myi za ba la 'jug pa dang / smon lam gyi dbang dpe sna tshogs kyis bstan pa'i tshul nye bar bsgrub pa shin tu bstan pa dang / snying rje chen po'i dbang phyir mi ldog cing rgyun ma chad pa dang / byams pa chen po'i dbang sngon shin tu bskyed pas bsam pa thams cad tshim 
par byed cing / 'od zer gyi dra ba chen po gtong bas chos kyi gtam chen po byed do/ /de dag ni de bzhin gshegs pa seng ge'i gdan la bzhugs shing chos kyi gtam gsung ba dang / byang chub sems dpa' ye shes dang smon lam gyi khyad par dang ldan pa ma gtogs 
par sems can gyi ris na/ byang chub sems dpa' de la phyir brgal ba'am/ spyi gtsug blta ba'am/ zil gyis gnan pa'am/ dri ba'i tshogs yongs su dri bas thub par bya bar nus pa'i sems can gang yang med de/ de ni gnas med do/ /kye rgyal ba'i 
sras gal te byang chub sems dpa' dbang de lta bu thob pa la 'jig rten gyi khams brjod du med pa tsam du yangs pa'i 'khor gyi dkyil 'khor gcig yod la 'khor gyi dkyil 'khor de yang sems can stong gsum gyi bdag po'i gzi brjid thob pa sha stag gis gang ba zhig yin 
na yang / de dag thams cad byang chub sems dpa'i 'khor gyi dkyil 'khor du 'ongs ma thag tu lus bstan pa'i dbang gis zil gyis mnan te/ byams pa chen po'i dbang gis lus kyi gzhi tshim par byas nas ye shes chen po'i dbang gis sems dang bsam pa rnam </font><hr>35-1-296b<br><font size=+1>
par shes par byas te/ mi 'jigs pa'i bsam pa chen pos chos ston par byed cing / spobs pa chen po'i dbang gis sems can tshim par byed do/ /kye rgyal ba'i sras de ci'i phyir zhe na/ 'di ltar byang chub sems dpa' de ni ye shes kyi dkyil 'khor tshad med 
pa dang ldan/ chos rnam par 'byed pa shin tu rnam par phye ba la mkhas pa dang ldan/ dran pa'i stobs dang shugs ma nyams shing rgya che ba dang ldan/chos thams cad kyi tshul rnam par gdon mi za bar bzung zhing blangs pas rtogs par mkhas pa dang ldan/ 
byang chub sems dpa'i mkhas pa mtha' dang dbus med pa dang ldan/ chos kyi mtshan nyid bsgribs pa med pa'i chos ston pa la mkhas pa dang ldan/ mos pa la mkhas pa sangs rgyas thams cad kyi byin gyi rlabs kyis blangs pa dang ldan/ dus gsum gyi 
de bzhin gshegs pa'i dkyil 'khor du yang dag par gzhol ba'i ye shes kyi byin gyi brlab la mkhas pa dang ldan/ sems can thams cad kyi gtso bo 'das pa dang / ma byon pa dang / da ltar byung ba rnams dang / rgyud kyi tshul gcig tu gyur pa'i 
bsam pa bzang po rnam par dag pa la mkhas pa dang ldan pas/ chos smra ba chen po byed cing / de bzhin gshegs pa rnams kyi chos kyi mdzod kyang rnam par 'byed do/ /'das pa dang / ma byon pa dang / da ltar byung ba'i de bzhin gshegs pa rnams 
kyi ye shes kyi byin gyis brlabs pa'i byang chub sems dpa'i yid kyi smon lam dang / ye shes 'byam klas pas dam pa'i chos kyang yongs su 'dzin to/ /de nas byang chub sems dpa' chos kyi blo gros kyis yang byang chub sems dpa' rim gyis yang 
dag par 'byung ba'i chos kyi sgo'i le'u yang dag par bstan pa'i phyir/ sangs rgyas kyi byin gyi rlabs kyis de'i tshe tshigs su bcad pa 'di dag smras so/ /bsod nams tshogs bstsags byang chub sems la gnas pa rnams/ /rtag tu bag </font><hr>35-1-297a<br><font size=+1>
yod blo brtan mthu chen bdog pa dag /dran dang ldan zhing byang chub sems rab mi gtong bas/ /phyogs rnams bcu por bde gshegs rnams ni mnyes par byed/ /brtson 'grus brtsams pa dran ldan mos pa brtan pa can/ /
'jig rten kun la rtag tu mi gnas mi ldog pa/ /zab pa'i chos zhugs mya ngan med pa'i tshul mkhas rnams/ /phyogs rnams bcu por bde gshegs rnams ni mnyes par byed/ /brtson 'grus brtan pas bde gshegs mnyes par byas nas kyang / /dus 
gsum bsod nams tshogs dang ye shes ldan pa rnams/ /sa rnams gnon byed spyod mchog nyams pa med par byed/ /thub pa'i smon lam rdzogs byed ston pa'ang de bzhin byed/ /ye shes gcig la zhugs pa de dag thob bya ba/ /thob nas 'gro ba kun 
la sbyin pa rab tu gtong / /bsam pa dag dang khams dang sbyor ba shes byas nas/ /dbang po ji bzhin mkhas pa de ltar chos kyang ston/ /pha rol phyin la brtson pa mthu chen ldan pa rnams/ /'gro ba rnams la chos ston bdag gi don mi gtong / /
pha rol phyin rdzogs grol ba mthu chen ldan pa rnams/ /khyu mchog mthu yis 'khor ba'i mtsho las sems can sgrol/ /de ltar nyin mtshan skyo ba med par brtson byed cing / /drang srong rgyal ba chos rigs mi gcod zhugs pa yis/ /dkar po'i spyod pa 
gang yang rung ste spangs pa rnams/ /thams cad don yod rgyal ba rnams kyi sar 'gro'o/ /de dag ji spyod thams cad 'gro ba rnams la yang / /rnam smin don yod nyon mongs dri ma sbyong bar 'gyur/ /'di 'dra'i chos ldan de dag mun pa bsal byas 
shing / /bdud 'khrugs 'khor lo pham byas byang chub thob par byed/ /de ltar brtson zhing ye shes thob pa'i bde gshegs sras/ /bde gshegs rnams kyi chos rab mdzod kyang rab tu ston/ /de dag chos smra'i bya ba kun kyang shin tu byed/ /bdud rtsi mchog </font><hr>35-1-297b<br><font size=+1>
zhim sprin gyi char yang mngon par 'bebs/ /de dag snying rje byams pas 'gro ba kun bkang zhing / /brtan pa de rnams 'khor gyi bsam pa shes byas nas/ /gang gi bsam pa blo gros sems rgyud ci 'dra ba/ /de bzhin rgyal ba'i chos ni stong phrag du ma ston/ /
glang po'i stabs sdug tshul bzang 'gros su 'gro ba rnams/ /seng ge'i rtsal ltar rtag tu sus kyang mi thub cing / /ye shes rgya mtsho lta bu ri rab bzhin gnas pa/ /sprin ltar 'gro ba kun gyi nyon mongs zhi bar byed/ /byang chub sems dpa' chos kyi blo gros kyis de skad 
ces smras pa dang / de la ston pas rjes su dgyes par mdzad do/ /chos snang ba'i le'u zhes bya ba ste nyi shu gsum pa'o// //sangs rgyas rmad ga cad ces bya ba shin tu rgyas pa chen po'i mdo/bam po nyi shu bzhi pa/ /de nas sangs rgyas kyi mthus/ shar phyogs kyi 'jig rten gyi 
khams thams cad dang / lho phyogs kyi 'jig rten gyi khams thams cad dang / gzhung de bzhin du steng gi phyogs kyi 'jig rten gyi khams kyi bar thams cad na/ gling bzhi pa 'di la stsogs pa gling bzhi pa re re na/ de bzhin gshegs pa mang po bzhugs par 
snang ngo / /byang chub sems dpa' de dag kyang / de bzhin gshegs pa'i byin gyi rlabs kyis chos ston to/ /bdag kyang de bzhin gshegs pa'i byin gyi rlabs kyis chos ston to/ /bdag kyang de bzhin gshegs pa'i zhabs kyi drung na 'khod par shes 
so/ /bcom ldan 'das kyis rdzu 'phrul mngon par 'du mdzad pa ma bshig ma btang bar byang chub kyi shing drung yang ma spangs par ri rab kyi rtse mo nas/ mtshe ma'i gnas kyi lha'i bu rab mtshe ma'i khang pa nor bu sna tshogs gang na ba der gshegs par snang ngo / /
ji ltar gling bzhi pa 'di na bcom ldan 'das rab mtshe ma'i gnas su gshegs par snang ba de bzhin du 'jig rten gyi khams thams cad na yang / rab mtshe ma'i gnas su gshegs par snang ste/ byin gyis brlabs snga ma rnams kyang de bzhin ma 'khrugs par snang ngo / /</font><hr>35-1-298a<br><font size=+1>
de nas lha'i rgyal po rab mtshe mas/ bcom ldan 'das rgyang ring po nas khang pa nor bu sna tshogs logs su mngon par gshegs pa mthong nas/ rings pa'i gzugs su khang pa nor bu sna tshogs kyi nang du/ de bzhin gshegs pa'i 
gdan rdzu 'phrul gyis bsgrubs pa'i seng ge'i khri pad mo'i snying po can/ lha rdzas kyi rin po che las byas pa pog re brgya stong phrag bcus kun nas brgyan pa/ gser gyi dra ba brgya stong phrag bcus kun nas mngon par bres pa/ me tog gi bla re brgya stong 
phrag bcus kun tu khyab par byas pa/ phreng ba'i bla re brgya stong phrag bcus kun tu brgyus pa/ spos kyi bla re brgya stong phrag bcus spos thams cad kun tu 'thul bar bdugs pa/ rin po che'i bla re brgya stong phrag bcus kun tu bres pa/ me tog gi gdugs 
brgya stong phrag bcus kun nas bzung ba/ phreng ba'i gdugs brgya stong phrag bcus kun nas bzung ba/ rin po che'i gdugs brgya stong phrag bcus kun nas bzung ba/ 'od zer brgya stong phrag bcus kun nas snang bar byas pa/ rab mtshe ma'i lha'i rgyal po 
brgya stong phrag bcus rab tu gdud pa/ tshangs pa brgya stong phrag bcus mngon par phyag bya ba/ byang chub sems dpa' brgya stong phrag bcus mngon par bstod pa/ rol mo brdung ba brgya stong phrag bcu'i sgra phyung ba/ chos kyi glu'i dbyangs brgya stong phrag bcu'i glu'i dbyangs dang ldan 
pa/ me tog gi sprin gyi char brgya stong phrag bcu rab tu phab pa/ phreng ba'i sprin gyi char brgya stong phrag bcu rab tu phab pa/ rgyan gyi sprin gyi char brgya stong phrag bcu rab tu phab pa/ gos kyi sprin gyi char brgya stong phrag bcu rab tu phab pas kun nas g.yogs pa/ nor bu rin po che'i sprin brgya stong 
phrag bcu'i char rab tu phab pas kun tu snang bar byas pa/ dge ba'i rtsa ba brgya stong phrag bcus kun nas byung ba/ sangs rgyas brgya stong phrag bcus byin gyis brlabs pa/ bsod nams brgya stong phrag bcus bstsags shing bsgrubs pa/ lhag pa'i </font><hr>35-1-298b<br><font size=+1>
bsam pa brgya stong phrag bcus shin tu sbyangs pa/ smon lam brgya stong phrag bcus rnam par dag par byas pa/ spyod pa brgya stong phrag bcus kun nas bslang ba/ chos brgya stong phrag bcus rab tu brtan pa/ rnam par 'phrul pa brgya stong phrag bcu dang ldan pa/ yon tan 
brgya stong phrag bcus shin tu 'phags pa/ brjod pa brgya stong phrag bcus shin tu brjod pa bshams so/ /ji ltar gling bzhi pa 'dir rab mtshe ma'i gnas kyi lha'i rgyal po rab mtshe ma'i khang pa nor bu sna tshogs su de bzhin gshegs pa'i gdan bting ba/ de bzhin du 'jig 
rten gyi khams thams cad kyi gling bzhi pa dag gi /rab mtshe ma'i gnas su yang / khang pa nor bu sna tshogs su lha'i rgyal po rab mtshe ma rnams kyis de bzhin gshegs pa'i gdan rgyan 'di 'dra ba dang / bsham pa'i tshul 'di 'dra ba dag kyang bting bar gyur to/ /
de nas lha'i rgyal po rab mtshems bcom ldan 'das kyi gdan bting nas/ zhe sa dang rim gror bcom ldan 'das gang na ba der logs su thal mo sbyar te phyag 'tshal nas/ bcom ldan 'das la 'di skad ces gsol to/ /bcom ldan 'das gshegs su 
gsol/ bde bar gshegs pa gshegs su gsol/ de bzhin gshegs pa dgra bcom pa yang dag par rdzogs pa'i sangs rgyas bde bar gshegs sam/ de nas bcom ldan 'das lha'i rgyal po rab mtshems spyan drangs pa bzhin du khang pa nor bu sna tshogs 
su gshegs so/ /ji ltar gling bzhi pa 'di rab mtshe ma'i gnas su lha'i rgyal po rab mtshe ma'i khang pa nor bu sna tshogs su gshegs pa de bzhin du 'jig rten gyi khams thams cad du yang rab mtshe ma'i gnas su khang pa nor bu sna tshogs su gshegs par snang ngo / /
de nas lha'i rgyal po rab mtshe ma'i lha'i dbang po'i gnas thams cad du sgra bsgrags te/ lha'i rgyal po rab mtshems bcom ldan 'das la gsol ba btab bo/ /de nas lha'i rgyal po rab mtshems sngon gyi de bzhin gshegs pa dgra bcom pa yang dag par rdzogs </font><hr>35-1-299a<br><font size=+1>
pa'i sangs rgyas rnams la/ dge ba'i rtsa ba ji ltar bskyed pa de rjes su dran nas/ sangs rgyas kyi byin gyi rlabs kyis de'i tshe tshigs su bcad pa 'di dag smras so/ /bkra shis dam pa gang zhig gis/ /sangs rgyas grags pa'i 
dam par mtshan btags mtshan gsol pa/ /nor bu'i gtsug tu gshegs pa ltar/ /des ni 'dir yang bkra shis mchog gyur cig /bkra shis dam pa gang zhig gis/ /'jig rten sgron ma blo zhes mtshan btags pa/ /sbyangs pa'i lam du gshegs 
pa ltar/ /des ni 'dir yang bkra shis mchog gyur cig /bkra shis dam pa gang zhig gis/ /bsgribs med gzigs pa 'dzum pa'i spyan du mtshan btags pa/ /rgyan gcig ldan par gshegs pa ltar/ /des ni 'dir yang bkra shis mchog gyur 
cig /bkra shis dam pa gang zhig gis/ /'jig rten sgron ma mar me mdzad ces mtshan btags pa/ /rnam par rgyal bar gshegs pa ltar/ /des ni 'dir yang bkra shis mchog gyur cig /bkra shis dam pa gang zhig gis/ /bde 
gshegs yang dag don gzigs pa zhes mtshan btags pa/ /dri med rtse mor gshegs pa ltar/ /des ni 'dir yang bkra shis mchog gyur cig /bkra shis dam pa gang zhig gis/ /de bzhin gshegs pa rang 'byung mchog ces mtshan btags pa/ /
rin chen spos su gshegs pa ltar/ /des ni 'dir yang bkra shis mchog gyur cig /bkra shis dam pa gang zhig gis/ /'jig rten sgron ma dbyig gi lha zhes mtshan btags pa/ /dri myed sna tshogs gshegs pa ltar/ /des ni 'dir yang 
bkra shis mchog gyur cig /bkra shis dam pa gang zhig gis/ /'gro ba med pa smra ba'i stag ces mtshan btags pa/ /thams cad tshul du gshegs pa ltar/ /des ni 'dir yang bkra shis mchog gyur cig /bkra shis dam pa gang </font><hr>35-1-299b<br><font size=+1>
zhig gis/ /yon tan kun mnga' dpal gyis rgyal bar mtshan btags pa/ /dga' ba'i rgyan du gshegs pa ltar/ /des ni 'dir yang bkra shis mchog gyur cig /bkra shis dam pa gang zhig gis/ /'jig rten phan brtson dka' thub drag po mtshan 
btags pa/ /kun nas mdog du gshegs gyur pa/ /des ni 'dir yang bkra shis mchog gyur cig /ji ltar lha'i rgyal po rab mtshems sangs rgyas kyi byin gyi rlabs kyis/ sngon gyi rgyal ba gshegs pa brjod de mngon par bstod pa de bzhin 
du 'jig rten gyi khams thams cad kyi rgyal po rab mtshe ma rnams kyang sangs rgyas kyi byin gyi rlabs kyis sngon gyi yang dag par rdzogs pa'i sangs rgyas gshegs pa brjod cing / glu'i dbyangs kyis tshigs su bcad de mngon par bstod do/ /
de nas bcom ldan 'das khang pa nor bu sna tshogs su gshegs nas gdan bting ba la skyil mo krung bcas te bzhugs so/ /ji ltar bcom ldan 'das bzhugs pa de bzhin du 'jig rten gyi khams thams cad du yang gdan gting ba de dag la bzhugs 
par snang ngo / /bcom ldan 'das bzhugs ma thag tu khang pa nor bu sna tshogs de 'di lta ste/ dper na rab mtshe ma'i lha'i ris thams cad tsam du che bar gyur pa snang ste/ 'di na ji lta ba bzhin du 'jig rten gyi khams thams cad na yang de bzhin no/ /
rab mtshe ma'i gnas na rnam par 'phrul pa'i le'u zhes bya ba ste/ nyi shu bzhi pa// /de nas sangs rgyas kyi mthus phyogs bcu nas/ byang chub sems dpa' mang po lhags par gyur te/ byang chub sems dpa' re re zhing yang 
'khor sangs rgyas kyi zhing brgya phrag stong gi rdul shin tu phra ba snyed dang lhan cig tu 'ongs te/ byang chub sems dpa' re re zhing yang byang chub sems dpa' sangs rgyas kyi zhing gi rdul shin tu phra ba snyed dang lhan cig tu phyin to/ /byang chub sems dpa' de dag thams cad kyang ming 'di </font><hr>35-1-300a<br><font size=+1>
zhes bya ba dag ste/ 'di ltar yon tan dang ldan pa dang / blo gros dang ldan pa dang / dpal dang ldan pa dang / dga' ba dang ldan pa dang / khrel dang ldan pa dang / brtson 'grus dang ldan pa dang / stobs dang ldan pa dang / rig pa dang 
ldan pa dang / blo dang ldan pa dang / ye shes dang ldan pa dag go /byang chub sems dpa' de dag thams cad kyang 'jig rten gyi khams ming 'di zhes bya ba dag nas 'ongs pa ste/ 'di ltar gnyen dang ldan pa dang / me tog dang ldan pa dang / nor dang ldan pa dang / dpal dang ldan 
pa dang / sgron ma dang ldan pa dang / rdo rje dang ldan pa dang / bde ba dang ldan pa dang / nyi ma dang ldan pa dang / dge ba dang ldan pa dang / tshangs pa dang ldan pa dag go /byang chub sems dpa' de dag thams cad kyang de bzhin gshegs pa mtshan 'di zhes bya ba dag gi 
zham ring na tshangs par spyod pa dag ste/ 'di ltar nyams pa med pa'i spyan dang / gzhan ma yin pa'i spyan dang / mi g.yo ba'i spyan dang / mi skyod pa'i spyan dang / chu'i spyan dang / bcings pa med pa'i spyan dang / kun tu spyod pa'i spyan dang / 'od kyi spyan 
dang / dam pa'i spyan dang / mthon thing gi spyan dag go /de nas byang chub sems dpa' de dag bcom ldan 'das la phyag 'tshal nas/ sangs rgyas kyi mthus phyogs bcu rgyas par byas te/ gang nas 'ongs pa'i phyogs su brtan nas seng ge'i khri rin po che'i 
snying po can dag bshams te skyil mo krung bcas nas 'khod do/ /ji ltar gling bzhi pa 'dir rab mtshe ma'i gnas su byang chub sems dpa' 'ongs par gyur pa de bzhin du/ 'jig rten gyi khams thams cad kyi gling bzhi pa kun tu yang rab mtshe ma'i gnas kyi khang pa 
nor bu sna tshogs su yang lhags par gyur te/ byang chub sems dpa'i ming yang de skad ces bya ba sha stag /de bzhin gshegs pa'i mtshan kyang de skad ces bya ba'i zham ring na/ tshangs par spyod pa sha stag go /de nas bcom ldan 'das kyis zhabs </font><hr>35-1-300b<br><font size=+1>
kyi bol gnyis nas 'od zer bye ba brgya stong bkye ste/ phyogs bcu thams cad snang bar byas nas/ 'jig rten gyi khams thams cad bstan te/ byang chub sems dpa' de dag gis/ 'jig rten gyi khams thams cad kyi gling bzhi pa kun gyi rab mtshe ma'i gnas 
thams cad na yang de bzhin gshegs pa'i rnam par 'phrul pa yod pa mthong ngo / /de nas byang chub sems dpa' yon tan dang ldan pas/ sangs rgyas kyi mthus phyogs bcur rnam par bltas te/ de'i tshe tshigs su bcad pa 'di dag smras so/ /sangs rgyas 
'od zer 'od snang bas/ /phyogs rnams thams cad rnam par snang / /des ni rab tu gsal byas pas/ /mig la rab rib gang yang med/ /mtshe ma rab kyi gnas 'di na/ /gang zag dam pa sangs rgyas bzhugs/ /de bzhin kun na'ang gsal bar snang / /
de ni 'jig rten ngo mtshar to/ /sems can gtso bo bcu yi rnams/ /gshegs par gyur pa mngon par ston/ /de dag 'khor kyang ci 'dra ba/ /de bzhin kun na rab tu snang / /phyogs rnams bcu po thams cad na/ /chos kyi dam pa rab tu ston/ /de kun ming yang 'di bzhin te/ /bdag cag 
rnams kyi kun rdzob bzhin/ /'jig rten khams kyi ming dag kyang / /de zhes bya ba kun nas 'ongs/ /gang zag dam pa de dag ni/ /tshangs pa'i spyod pa de na spyod/ /bdag cag rnams la gang brtags pa/ /kun gyi ming yang de dang mthun/ /sangs rgyas zhing rnams 
phun ldan pa/ /de dag sangs rgyas rnam 'phrul ba'o/ /mi yi 'jig rten kun na yang / /'di na rgyal ba bzhugs par shes/ /gzhan gyis de yi rgyal po yi/ /gnas na de bzhin bzhugs pa mthong / /'jig rten khams rnams thams cad na/ /gang zag 
dam pa de bzhugs kyang / /rgyal ba mtshe ma rab gnas na/ /bzhugs par bdag cag kun kyang sems/ /'jig rten khams rnams thams cad na/ /sangs rgyas gzi brjid bsam mi khyab/ /de dag smon lam bskul ba'i phyir/ /'jig rten khams su rab tu </font><hr>35-1-301a<br><font size=+1>
bkye/ /sems can gtso bo'i rnam 'phrul pa/ /'di dag de rnams kun gyis mthong / /sangs rgyas yon tan mtha' yas te/ /'jig rten zang zing thub pas spangs/ /phyogs rnams thams cad kun tu rgyu/ /chags 
pa med pa nam mkha' bzhin/ /de ni gcig las shin tu 'das/ /mang po dag tu'ang mi dmigs so/ /mtha' yas legs mnga' sangs rgyas rnams/ /de dag shes par ji ltar rung / /gnas pa med cing len pa med/ /chos dbyings rtogs par 
thugs su chud/ /de nas byang chub sems dpa' blo gros dang ldan pas/ /sangs rgyas kyi byin gyi rlabs kyis phyogs bcur rnam par bltas te/ /de'i tshe tshigs su bcad pa 'di dag smras so/ /'jig rten mgon po 'phrul chen rnams/ /rdul med gang zag dam 
pa dag /'dus shing tshogs pa bsam yas pa'i/ /bskal pa dag tu shin tu dkon/ /de dag thams cad kun gzigs pa/ /sems can gtso bo 'od mdzad de/ /srog chags kun la phan pa'i phyir/ /sems can rnams la chos ston to/ /'jig 
rten mun nag 'di dag tu/ /'jig rten mgon po byung gyur pa/ /'jig rten sgron ma de dag ni/ /blta bar shin tu dka' ba yin/ /sbyin pa tshul khrims bzod pa'i dang / /brtson 'grus bsam gtan bsgoms pa dang / /shes rab sngon chad spyad pas 
na/ /'gro ba thams cad snang ba mdzad/ /sangs rgyas 'dra ba gang yang med/ /de phyir de yi mnyam pa med/ /chos rnams yod pa ma yin pas/ /skyes bu dam pa mthong ba med/ /sangs rgyas shes rab chen po rnams/ /mtshan gyi tshogs ni bsam 
mi khyab/ /sku yi tshogs kyis shin tu 'phags/ /chos rnams kun gyis yang dag byung / /'jig rten grags chen dam pa'i rnams/ /dpa' bo chen po de dag snang / /de dag mtshan tsam thos pas kyang / /ngan song thams cad spangs par 'gyur/ /</font><hr>35-1-301b<br><font size=+1>
bskal pa rnams ni brjod med par/ /byang chub don du 'khor byas kyang / /'di yi tshul ni ma shes na/ /byang chub don du zhugs pa myin/ /sangs rgyas bsam gyis mi khyab pa/ /bskal pa bye bar bkur ba dang / /gang gis tshul 'di bsam pa gnyis/ /
'di ni de las khyad du 'phags/ /gang gis brjod byas zhing gi rnams/ /rin chen gang ste thub gsol kyang / /'di yi tshul ni ma shes na/ /sangs rgyas byang chub de la ring / /de nas byang chub sems dpa' dpal dang ldan pas/ sangs rgyas kyi byin 
gyi rlabs kyis/ phyogs bcur rnam par bltas te/ de'i tshe tshigs su bcad pa 'di dag smras so/ /nam mkha' dri ma med pa la/ /nyi ma'i 'od zer mtha' yas pa/ /dpyid kyi zla ba tha ma la/ /phyogs bcu dag tu rab tu snang / /de tshe smyig rgyu ci 
'dra ba/ /de dag bgrang bar mi nus te/ /mig can rnams kyang de la rmongs/ /long ba rnams kyi spyod yul min/ /de bzhin sems can gtso bo yis/ /yon tan mtha' dang dbus med pa/ /bskal pa bsam gyis myi khyab par/ /sus kyang shes par mi nus 
so/ /de dag gang nas blangs pa med/ /de bzhin sus kyang byas pa med/ /de ni ci las skyes pa med/ /rnam par bsgoms na yod pa myin/ /'ong ba med pa'i chos rnams la/ /'gro ba de bzhin myi dmyigs te/ /de phyir de dag rgyu yang myed/ /de bzhin 'jig pa'ang yod 
pa myin/ /'jig pa myed pa'i chos rnams kyi/ /rang bzhin gang gis shes pas ni/ /gang la skye ba med pa yi/ /yang dag sangs rgyas mthong ba yin/ /skyes pa med pa'i chos rnams kyi/ /rang bzhin dngos po mi dmigs te/ /de 'dra'i don du 
shes pas ni/ /dmigs pa med pa shes pa yin/ /'di la shes byed gang yang med/ /chos rnams thams cad mtshan nyid med/ /chos nyid 'di ni shes gyur la/ /yongs su shes pa gang yang med/ /skye ba dag ni brjod pa ste/ /de phyir zhing rnams </font><hr>35-1-302a<br><font size=+1>
rab tu brjod/ /zhing gi rang bzhin shes gyur pa/ /'khrug pa med pa rab tu shes/ /gang tshe 'jig rten zhing yin par/ /tshul bzhin du ni rtogs byed na/ /de tshe thams cad don bstan pa/ /byang chub sems dpas rab tu 
shes/ /de nas byang chub sems dpa' dga' ba dang ldan pas/ sangs rgyas kyi mthus phyogs bcur rnam par bltas te/ de'i tshe tshigs su bcad pa 'di dag smras so/ /gnas 'di shin tu rgya che ste/ /chos kyi dbyings kyis klas pa yin/ /rtag tu 
kun tu song ba ste/ /yid du 'ong zhing gnas kyang med/ /de la yang dag brtags byas shing / /rim gro yod par dad byed na/ /sdug bsngal nam yang mi mthong ste/ /ngan song rnams kyang mi mthong ngo / /tshad med de bzhin grangs med pa'i/ /'jig rten 
khams su su 'gro bas/ /gang rnams 'di na snang ba yis/ /sangs rgyas byin rlabs thos par 'gyur/ /drang srong chen po'i byin gyi rlabs/ /gang gis thos par gyur nas kyang / /'di 'dra sangs rgyas chos so zhes/ /rtog med bla med byang chub 
bo/ /gang rnams 'das pa'i sangs rgyas kyi/ /chos nyid la ni yid ches pa/ /de kun 'jig rten sgron ma ste/ /rkang gnyis ldan pa'i dam par gyur/ /sangs rgyas rnam par 'phrul pa 'di/ /la la zhig gis thos gyur cing / /thos nas dad par 
byed gyur na/ /de dag mi yi dam par 'gyur/ /brtan pa gang rnams da ltar yang / /sangs rgyas chos la dad byed pa/ /de dag don gzigs mi 'jigs pa'i/ /de bzhin gshegs par 'gyur ba yin/ /bskal pa bsam gyis mi khyab par/ /'di 'dra 
thos pa shin tu dkon/ /smon lam dbang ni ma gtogs par/ /blo gros 'di 'drar 'gyur ba myin/ /sangs rgyas dam chos 'di las kyang / /legs par bshad pa gzung byas shing / /gzhan la ston pa su byed pa/ /de dag bsam gyis myi khyab 'gyur/ /de la </font><hr>35-1-302b<br><font size=+1>
brtson 'grus bskyed byas shing / /yid la go ca bgo byas te/ /gang las sangs rgyas brjod pa yi/ /shes pa 'di 'dra mnyan par bya/ /de nas byang chub sems dpa' khrel dang ldan pas/ sangs rgyas kyi byin gyi rlabs kyis phyogs bcur rnam par bltas te/ 
de'i tshe tshigs su bcad pa 'di dag smras so/ /gang zhig thos nas 'di 'dra ba'i/ /dga' ba yangs pa skye ba dang / /the tsom rnam par gcad pa ni/ /'jig rten na ni ngo mtshar che/ /'di ltar thams cad gzigs pa'i rnams/ /nyid kyis 'gro la bka' stsal na/ /sangs 
rgyas mi mkhyen gang yang med/ /de ltar sangs rgyas bsam mi khyab/ /mi shes pa yi rgyu las ni/ /ye shes 'jug par mi 'gyur te/ /mun pa'i mthu dang snang ba gnyis/ /lhan cig 'byung bar mi 'gyur bstan/ /ji ltar gzugs dang gzugs med pa/ /
bskal pa mnyam pa med par bshad/ /de ltar shes dang mi shes pa/ /'grogs par shin tu mi 'gyur ro/ /'khor dang mya ngan 'das pa dag /ji ltar med las brtags pa ltar/ /de bzhin shes dang mi shes pa/ /mtshan nyid bzhin du dmigs pa med/ /
ji ltar 'jig rten 'jig pa dang / /'du bar 'gyur ba ring ba ste/ /phan tshun 'grogs par mi 'gyur ba/ /shes dang mi shes de bzhin no/ /ji ltar byang chub sems dpa' yi/ /thog ma'i sems dang tha ma'i sems/ /lhan cig myi gnas 'byung ba ltar/ /
shes dang mi shes de bzhin no/ /ji ltar lus dang rnam shes pa/ /gzhan dang gzhan las 'byung 'gyur ba/ /de bzhin shes dang mi shes gnyis/ /'grogs par 'gyur ba nam yang med/ /ji ltar dug la phan pa'i rtsi/ /'phral du dug ni dug myin byed/ /de ltar 
shes pa mi shes pas/ /shin tu sol ba byed pa brjod/ /sangs rgyas bla na gang yang med/de dang 'dra ba'ang yod pa min/ /de las gzhan du 'gyur ba med/ /de bas rgyal ba shin tu dkon/ /de nas byang chub sems dpa' brtson 'grus dang ldan pas/</font><hr>35-1-303a<br><font size=+1>
sangs rgyas kyi mthus phyogs bcur rnam par bltas te/ de'i tshe tshigs su bcad de smras pa/ /chos rnams 'di dag 'gal myed par/ /mkhyen nas sangs rgyas thugs su chud/ /des ni mi mkhyen gang yang myed/ /ye shes kyi yang 
pha rol phyin/ /ji ltar gser dang sa le sbram/ /ngo bo nyid kyis 'gal ba med/ /de ltar chos min de bzhin chos/ /de dag thams cad mtshan nyid gcig /sems can sems can ma yin pa/ /ngo bo nyid kyis rang bzhin med/ /gdags su med las 
'byung ba ltar/ /chos rnams rang bzhin de bzhin no/ /ma 'ongs dus ni ji lta bur/ /'das pas brjod par bya ba ste/ /de la mtshan nyid yod pa min/ /de bzhin chos la mtshan nyid med/ /'brel bar skye dang 'gog pa dang / /rang bzhin med dang rang bzhin dag /
rnam pa tha dad gyur pa ltar/ /sangs rgyas rang bzhin de bzhin no/ /mya ngan 'das pa gzung myed pa/ /gnyis kyi dus na brjod par byas/ /de la bye brag gang yang med/ /de bzhin gzugs la rnam rtog pa'o/ /ji ltar ci zhig bgrang byas shing / /bgrang bar 
byed ces brjod pa yang / /de la tha dad gang yang med/ /de bzhin gzugs kyi rang bzhin no/ /ji ltar gcig nas gcig gi blar/ /mang po'i tshul du bgrang ba yis/ /dngos po grangs med 'gyur ba yang / /blo yi rnam pa tha dad bstan/ /'jig rten 
khams rnams la la dag /bsam gyis mi khyab tshig gyur kyang / /nam mkha' 'jig par 'gyur ba med/ /rang 'byung ye shes de bzhin no/ /ji ltar 'jig rten phyogs bcu yi/ /nam mkha' so sor brtags pa ltar/ /de bzhin sangs rgyas rnams 
mthong ste/ /sangs rgyas rnams la rtog mi mnga'/ /de nas byang chub sems dpa' stobs dang ldan pas/ sangs rgyas kyi mthus phyogs bcur rnam par bltas te/ de'i tshe tshigs su bcad de smras pa/ /ji ltar dus rnams gsum po yis/ /sems can </font><hr>35-1-303b<br><font size=+1>
khams rnams brjod par 'gyur/ /sems can de dag thams cad kyang / /phung po lnga las shin tu brjod/ /de rnams las kyi phung chen yin/ /las kyi rtsa ba'ang sems yin te/ /sems ni sgyu ma bzhin du bshad/ /sgyu mar gyur pa'i 'gro 'di'o/ /gang 
na 'jig rten 'di 'byung zhing / /yang na ldog par 'gyur ba yin/ /'jig rten 'jig rten myi byed de/ /gzhan gyi rgyus kyang byas pa myin/ /'jig rten 'di ni 'byung ba 'byung / /'jig rten 'dir yang ldog par 'gyur/ /'byung zhes brjod par mi bya ste/ /
de ni 'jig rten shes pa yin/ /gang la 'jig rten snang ba zhes/ /'du shes rnam par brtags pa yi/ /'jig rten zhes bya gang zhig yin/ /snang ba zhes bya 'ang ci zhig yin/ /dus gsum dag tu rgyu ba yi/ /phung po 'di ni 'jig rten yin/ /de dag 'gog 
pa snang ba zhes/ /'gro ba dag tu 'du shes 'gyur/ /phung po zhes bya 'di ni ci/ /phung po'i rang bzhin ji lta bu/ /phung po rnams ni mi 'jig phyir/ /dngos po med ces rab tu brjod/ /phung po 'di dag rnam brtags don/ /de dag rang bzhin stong pa yin/ /mi 
'jig don ni stong pa ste/ /dngos po med ces bya ba'o/ /'jig rten ci bzhin sangs rgyas te/ /sangs rgyas chos kyang de bzhin no/ /sangs rgyas chos dang sangs rgyas rnams/ /ngo bo nyid kyis rang bzhin med/ /ma nor yang dag ji bzhin pa'i/ /chos nyid 'di 
ni rtogs gyur nas/ /kun gzigs thams cad mkhyen pa yi/ /sangs rgyas kun na rab tu snang / /de nas byang chub sems dpa' rig pa dang ldan pas/ sangs rgyas kyi mthus phyogs bcur rnam par bltas nas/ de'i tshe tshigs su bcad de smras pa/ /rang bzhin 
dngos po med pa yis/ /'jig rten khams rnams thams cad kyi/ /sa yi khams rnams ci bzhin te/ /sangs rgyas rnam 'phrul ngo mtshar che/ /de yi rang bzhin 'di yin la/ /brjod cing bsngags pa mtha' yas te/ /'das pa'i 'jig rten khams </font><hr>35-1-304a<br><font size=+1>
rnams su/ /sus kyang brjod pa ma yin na/ /gzhan du sems can las kyis na/ /shin tu bstan par brjod pa ste/ /sems can rnams ni ma gtogs par/ /las shes bya ba ci mi dmigs/ /de bzhin stong pa'i las kyis kyang / /brjod 
pa rnams ni tshad med par/ /sems can kun gyi las su 'gyur/ /de la ma 'ongs gang yang med/ /ji ltar kha dog dbyibs kyi rnams/ /las kyi rgyud ni bsam mi khyab/ /snang yang de dag de na med/ /rnam par rig pa'i dngos nyid 'dra/ /de bzhin sems 
can gtso bo yi/ /sku ni bsam gyis myi khyab pa/ /brjod pa rnams kyang tshad med par/ /zhing rnams kun na rab tu snang / /sku ni rdzogs pa'i sangs rgyas min/ /sangs rgyas rnams la sku mi mnga'/ /dpa' bo chen po chos sku ste/ /chos kun rtogs par 
thugs su chud/ /gang gis rang byung rnams kyi sku/ /yang dag ci bzhin mthong ba ni/ /sangs rgyas chos ni rnam kun dang / /chos rnams la yang rmongs pa med/ /'das par gyur pa'i chos rnams kun/ /mya ngan 'das par shes gyur na/ /de dag 
shin tu mi gnas pa'i/ /rdzogs pa'i sangs rgyas mthong ba yin/ /yang dag sangs rgyas sus mthong zhing / /dran pa shin tu bsgoms byas te/ /mtshan med tha dad med pa rnams/ /de dag chos kyi rgyal po'i sras/ /de nas byang chub sems dpa' blo dang ldan 
pas/ sangs rgyas kyi mthus phyogs bcur rnam par bltas te/ de'i tshe tshigs su bcad de smras pa/ ji ltar ri mo'i las rnams la/ /tshon rnams sna tshogs kun 'du ba/ /kun kyang 'byung ba chen por mnyam/ /sems kyis yongs su brtags 
pa yin/ /khams la tshon rtsi de dag myed/ /tshon rtsi la yang khams med de/ /khams rnams ma gtogs gzhan na yang / /tshon zhes bya ba gang yang med/ /sems la ri mo de med do/ /ri mo la yang sems med de/ /sems de ma gtogs </font><hr>35-1-304b<br><font size=+1>
gzhan du yang / /ri mo gang yang mi dmigs so/ /sems de rtag pa ma yin pa/ /bsam gyis myi khyab tshad med cing / /phan tshun shes pa myed pa yi/ /gzugs rnams thams cad ston par byed/ /ji ltar ri mo mkhan gyi rnams/ /sems ni 
gang gis ri mo de/ /bris pa'i sems kyang mi shes pa/ /de bzhin chos kyi rang bzhin no/ /sems ni ri mo mkhan dang 'dra/ /sems ni phung po byed pa ste/ /'jig rten khams na ji snyed pa'i/ /'jig rten 'di dag sems kyis bris/ /sems dang 
'dra ba sangs rgyas te/ /sangs rgyas ji bzhin 'gro ba'o/ /sems dang sangs rgyas dag la yang / /ngo bo nyid kyis zad pa med/ /sems kyi rgyud rnams ci 'dra ba/ /de dag sangs rgyas rab tu mkhyen/ /de phyir sangs rgyas rang bzhin gyis/ /'gro ba 
sna tshogs gyur par snang / /lus kyi rnams la sems med de/ /sems la'ang lus rnams yod pa myin/ /sangs rgyas mdzad pa'ang rab tu byed/ /de ltar spyod pa ngo mtshar che/ /gang zhig dus gsum thams cad kyi/ /rgyal ba thams cad shes 'dod 
na/ /sangs rgyas thams cad sems kyi dngos/ /chos kyi dbyings su blta bar gyis/ /de nas byang chub sems dpa' ye shes dang ldan pas/ sangs rgyas kyi mthus phyogs bcur rnam par bltas te/ de'i tshe tshigs su bcad de smras pa/ /gzung du med 
la 'dzin ces bya/ /snang ba med la snang ba ste/ /mnyan du med pa mnyan par byed/ /sems med pa yi sems dang ldan/ /tshad med pa la tshad ma yin/ /gang zhig 'dzin par mi 'dod pa/ /de ni tshad med tshad ma yin/ /nam yang 'dzin par mi 'gyur ro/ /
brjod du med pa smra byed pa/ /bdag la shin tu bslu ba ste/ /de yi don kyang brjod mi byed/ /srog chags rnams kyang tshim mi 'gyur/ /de bzhin mtha' yas brjod ldan pa'i/ /brjod pa gang zhig smra 'dod pa/ /bskal pa grangs med zad byas kyang / /rang </font><hr>35-1-305a<br><font size=+1>
'byung rnams kyis brjod mi zad/ /yid bzhin nor bu dag pa ni/ /kha dog kun tu rab tu snang / /de la kha dog yod pa myin/ /sangs rgyas yon tan de bzhin no/ /ji ltar nam mkha' dri med cing / /gzugs med bstan du med yin yang / /gzugs 
rnams thams cad ston par byed/ /nam mkha' snang ba gang yang med/ /de bzhin thams cad gzigs pa rnams/ /yon tan kun dang ldan ston kyang / /de ni sus kyang mthong ba med/ /sems la'ang de ni mi dmigs so/ /sangs rgyas sgra ni grag mod kyi/ /
de bzhin gshegs pa sgra ma yin/ /sgra ni ma gtogs gzhan du yang / /sangs rgyas shes par mi rung ngo / /ji ltar bdag gi mthong tshul du/ /'di ni shes bya'i gnas ma yin/ /sangs rgyas byang chub blang du med/ /de la rnam par rtog pa med/ /sangs 
rgyas chos rnams gang dag kyang / /su la'ang sangs rgyas gsung pa myed/ /sems can bsam pa ji bzhin du/ /de la de 'dra ston pa mdzad/ /shin tu rgyas pa chen po'i mdo sangs rgyas phal po che zhes bya ba las/ rab mtshe ma'i gnas su byang chub sems 
dpa' 'dus pas/ tshigs su bcad pa bstan pa'i le'u zhes bya ba ste/ nyi shu lnga pa// //sangs rgyas rmad ga cad ces bya ba shin tu rgyas pa chen po'i mdo/ /bam po nyi shu lnga pa// /de nas de'i tshe byang chub sems dpa' yon 
tan dang ldan pa/ sangs rgyas kyi mthus/ byang chub sems dpa'i ting nge 'dzin shin tu rnam par phye ba'i rnam par 'byed pa zhes bya ba la mnyam par bzhag par gyur to/ /de ltar byang chub sems dpa' yon tan dang ldan pa byang chub sems dpa'i ting nge 'dzin 
rnam par phye ba rnam par 'byed pa de la mnyam par bzhag ma thag tu/ de'i tshe phyogs bcu re rer yang / 'jig rten gyi khams sangs rgyas kyi zhing stong phrag bcu'i rdul shin tu phra ba snyed 'das pa'i pha rol nas/ de bzhin gshegs pa'i mtshan yon tan dang </font><hr>35-1-305b<br><font size=+1>
ldan pa zhes bya ba/ sangs rgyas kyi zhing stong phrag bcu'i rdul shin tu phra ba snyed kyis zhal bstan pa mthong ste/ sangs rgyas bcom ldan 'das de dag gis de la 'di skad ces bka' stsal to/ /yon tan dang ldan pa de ltar khyod byang chub sems dpa'i ting nge 'dzin shin tu rnam par 
phye ba'i rnam par 'byed pa la mnyam par bzhag pa legs so legs so/ /rigs kyi bu khyod la ni de bzhin gshegs pa sangs rgyas kyi zhing stong phrag bcu'i rdul shin tu phra ba snyed thams cad kyang mtshan mthun pa sha stag gis/ 'di ltar bcom ldan 'das de bzhin gshegs 
pa rnam par snang mdzad kyi sngon gyi smon lam dang sngon gyi byin gyi rlabs dang / byang chub sems dpa' rnams kyi dge ba'i rtsa bas shin tu brtan pas na 'di ltar chos bstan pa dang / sangs rgyas kyi ye shes rnam par 'phel bar bya ba dang / 'jig rten gyi 
khams la 'jug par bya ba dang / sems can gyi khams rnam par bsgom pa dang / chags pa med pa la 'jug par bya ba dang / sgrib pa med pa'i spyod yul dang / kun nas rab tu sbyor ba dang / thams cad mkhyen pa rab tu bsgrub pa dang / chos thams cad 
khong du chud par bya ba dang / dbang po thams cad yongs su shes par bya ba dang / chos bstan pa thams cad yongs su gzung bar bya ba dang / 'di ltar byang chub sems dpa'i spyod pa bcu brtsam pa rab tu 'thob par bya ba'i phyir/ byin gyis brlab pa mdzad kyis/ 
rigs kyi bu khyod kyis/ sangs rgyas kyi mthu dang / sangs rgyas kyi byin gyi rlabs kyis/ chos bstan pa la spobs par gyis shig /de nas sangs rgyas bcom ldan 'das de dag gis byang chub sems dpa' yon tan dang ldan pa la chags pa med pa nyid nye bar 
bsgrub pa mdzad do/ /bsgrubs pa med pa nyid nye bar bsgrub pa mdzad do/ /byin gyis brlab pa nyid nye bar bsgrub pa mdzad do/ /slob dpon med pa nyid nye bar bsgrub pa mdzad do/ /rmongs pa med pa nyid nye bar bsgrub pa mdzad do/ /tha dad pa med pa nyid nye </font><hr>35-1-306a<br><font size=+1>
bar bsgrub pa mdzad do/ /kha na ma tho ba med pa nyid nye bar bsgrub pa mdzad do/ /tshad med pa nyid nye bar bsgrub pa mdzad do/ /zil gyis mi non pa nyid nye bar bsgrub pa mdzad do/ /zhum pa med pa nyid nye bar bsgrub pa mdzad do/ /de ci'i 
phyir zhe na/ ting nge 'dzin 'di nyid kyi chos nyid thob pa'i phyir ro/ /de nas sangs rgyas bcom ldan 'das de dag gis/ phyag g.yas pa brkyang ste/ byang chub sems dpa' yon tan dang ldan pa'i mgo la byug pa mdzad do/ /sangs rgyas bcom ldan 'das de dag 
gis de ltar reg ma thag tu/ byang chub sems dpa' yon tan dang ldan pa/ ting nge 'dzin de las langs te/ byang chub sems dpa' rnams la smras pa/ kye rgyal ba'i sras dag /byang chub sems dpa'i las ni bsam gyis mi khyab ste/ de ni 'di ltar chos kyi dbyings 
kyis klas so/ /nam mkha'i dbyings kyi mthar thug go /kye rgyal ba'i sras dag /de ci'i phyir zhe na/ de ni 'di ltar byang chub sems dpa' sems dpa' chen po rnams ni/ 'das pa'i sangs rgyas bcom ldan 'das rnams kyi spyod pa la yang slob po/ /ma byon 
pa'i sangs rgyas bcom ldan 'das rnams kyi spyod pa la yang slob po/ /da ltar byung ba'i sangs rgyas bcom ldan 'das rnams kyi spyod pa la yang slob po/ /kye rgyal ba'i sras dag /byang chub sems dpa' rnams kyi spyod pa gang la bsams te/ de skad du smras pa de dag gang 
zhe na/ kye rgyal ba'i sras dag /bcu po 'di dag ni byang chub sems dpa' rnams kyi spyod pa/ sangs rgyas bcom ldan 'das 'das pa dang / ma byon pa dang / da ltar byung ba rnams kyis gsungs pa dang / gsung ba dang / gsung bar 'gyur ba ste/ bcu gang zhe 
na 'di lta ste dga' bar byed pa zhes bya ba/ byang chub sems dpa'i spyod pa dang po dang / bde ba skyed pa zhes bya ba byang chub sems dpa'i spyod pa gnyis pa dang / mi mthun pa med pa zhes bya ba byang chub sems dpa'i spyod pa gsum pa dang / mi zad pa zhes bya ba byang chub </font><hr>35-1-306b<br><font size=+1>
sems dpa'i spyod pa bzhi pa dang / rmongs pa med pa zhes bya ba byang chub sems dpa'i spyod pa lnga pa dang / lta ba bzang po zhes bya ba byang chub sems dpa'i spyod pa drug pa dang / gnas med pa zhes bya ba byang chub sems dpa'i spyod pa bdun pa dang / thub par dka' ba 
zhes bya ba byang chub sems dpa'i spyod pa brgyad pa dang / chos bzang po zhes bya ba byang chub sems dpa'i spyod pa dgu pa dang / bden pa dang ldan pa zhes bya ba byang chub sems dpa'i spyod pa bcu pa dag ste/ kye rgyal ba'i sras dag/bcu po de dag ni byang chub 
sems dpa' rnams kyi spyod pa/ sangs rgyas bcom ldan 'das/ 'das pa dang / ma byon pa dang / da ltar byung ba rnams kyis gsungs pa dang / gsung ba dang / gsung bar 'gyur ba'o/ /kye rgyal ba'i sras dag /de la byang chub sems dpa'i spyod pa dang po 
dga' ba byed pa zhes bya ba gang zhe na/ kye rgyal ba'i sras dag /'di la byang chub sems dpa' sems dpa' chen po/ sangs rgyas bcom ldan 'das rnams kyi sngon gyi spyod pa'i rjes su slob cing rjes su dran par bya ba dang / yid zhum pa med pa dang / yid 
dang bas kun tu 'phel bar bya ba dang / yongs su gzung ba dang / yang dag par bstan pa dang / rjes su rgya che bar byed cing / sdug bsngal ba'i sems can bde bar bya ba'i phyir/ sems can thams cad la bdog pa thams cad yongs su gtong ba dang / 
'gyod pa med pa'i sems kyi sbyor ba dang / rnam par smyin pa la ye brngam pa med pa dang / grags pa 'dod pa med pa dang /gnyan 'dod pa med pa dang / khe 'dod pa med pa dang / gzhan rjes su bsrung ba dang / pha rol la phan gdags pa dang / sems 
can thams cad la phan gdags pa'i sems kyis/ sbyin pa'i bdag po sbyin pa byed pa yin te/ kye rgyal ba'i sras dag /'di ni byang chub sems dpa'i spyod pa dang po'o/ /spyod pa de la gnas pa'i byang chub sems dpa' ni/ skye bo mang po'i yid du 'ong ba yin te </font><hr>35-1-307a<br><font size=+1>
de ni sems can dbul po gang dang gang na yod pa de dang der smon lam gyi dbang gis rab tu skyes te/ skyes nas kyang zad mi shes pa'i longs spyod dang ldan zhing shin tu phyug pa yin te/ de la gal te dus gcig du/ slong ba'i srog chags bye ba 
khrag khrig brgya stong grangs myed pa zhig 'ongs te/ 'di skad du kye shes par gyis shig /bdag cag thams cad ni bkres pas 'chi'o/ /gal te bdag cag khyod kyi sha zos na ni 'tsho bar 'gyur ro/ /zhes tshig tu smra bar gyur kyang / byang chub sems dpa' ni sbyin pa phun 
sum tshogs pa rnam pa 'di lta bu dang ldan te/ slong ba'i srog chags bye ba khrag khrig brgya stong grangs med pa de snyed cig nye bar lhags kyang / byang chub sems dpa' la de'i phyir sems bskyed pa gcig kyang zhum pa'i bsam pa mi 'gyur gyi/ sems can de dag 
thams cad la snying rje chen po rab tu skye ste/ gzhan mang po zhig 'ongs kyang de bas ches dga' ba dang / spro ba 'byung zhing 'di ltar bdag gis gsol ba ma btab par/ sangs rgyas kyi chos la yang dag par stobs pa'i dge ba'i bshes gnyen sdug bsngal zhing slong 
ba sbyin pa'i gnas su gyur pa 'di lta bu dag dang 'grogs par gyur pa ni/ bdag gis thob pa legs par thob ste/ ji nas kyang sems can 'ga'i yid kyang mi nyams par bya ba de ltar bdag gis bya'o/ /bdag gis dge ba'i rtsa ba ci byas pa dang / ci byed pa dang / 
ci byed par 'gyur ba des ji tsam gyis sems can de dag thams cad 'grangs shing dus byed par 'gyur ba de tsam du che ba'i lus su gyur cig  /sems can de dag 'grangs shing tshim par ma gyur gyi bar du gcad cing skye bas mi zad pa de tsam gyi lus su gyur 
cig /dge ba'i rtsa ba des kyang bla na med pa yang dag par rdzogs pa'i byang chub tu yang dag par bsgrubs te/ phung po ma lus pa'i mya ngan las 'das pa'i khams su mya ngan las 'das par bya'o/ /rnam grangs 'di bzhin du ma 'ongs pa'i dus kyi 'jig rten gyi </font><hr>35-1-307b<br><font size=+1>
khams thams cad kyi sems can de dag thams cad las 'di 'dra ba dang ldan par gyur te/ de dag thams cad kyang bdag gi sha zos nas bla na med pa yang dag par rdzogs pa'i byang chub tu yang dag par bsgrubs te/ sangs rgyas kyi chos thams cad dang mnyam pa'i ye 
shes kyis sangs rgyas kyi mdzad pa byas nas/ phung po'i lhag ma ma lus pa'i mya ngan las 'das pa'i dbyings su mya ngan las 'da' bar gyur cig /bdag nyid kyang sems can gyi bsam pa yongs su rdzogs par ma byas kyi bar du/ bdag du 'du shes pa'am/ 
sems can du 'du shes pa'am/ srid par 'du shes pa'am/ srog tu 'du shes pa'am/ so so'i skye bor 'du shes pa'am/ gang zag du 'du shes pa'am/ shed can du 'du shes pa'am/ shed bdag du 'du shes pa'am/ byed pa por 'du shes pa'am/ 
tshor ba por 'du shes pas/ gzhan du chos kyi dbyings nye bar bzung ba dang / sems can gyi khams mtha' yas pa'i chos nyid nye bar bzung ba dang / stong pa'i chos nyid nye bar bzung ba dang / 'dod chags dang bral ba'i chos nyid nye bar bzung ba dang / 
mtshan nyid med pa'i chos nyid nye bar bzung ba dang / dngos po med pa'i chos nyid nye bar bzung ba dang / gnas med pa'i chos nyid nye bar bzung ba dang / gzhi med pa'i chos nyid nye bar bzung ba dang / mngon par 'du bya ba med pa'i chos nyid nye bar bzung ba ma 
gtogs par mngon par 'tshang rgya bar ma gyur cig ces te/ de ni bdag kyang yang dag par rjes su mi mthong / bdag gis lus kyang yang dag par rjes su mi mthong / len to zhes bya bar yang dag par rjes su mi mthong / len pa yang yang dag par rjes su 
mi mthong / sbyin pa'i gnas kyang yang dag par rjes su mi mthong ste/ de ni las kyang yang dag par rjes su mi mthong / rnam par smin pa yang yang dag par rjes su mi mthong / 'bras bu'ang yang dag par rjes su mi mthong / 'bras bu chen po'ang yang dag par rjes su </font><hr>35-1-308a<br><font size=+1>
mi mthong / 'bras bu chung ngu yang yang dag par rjes su mi mthong ngo / /de 'das pa'i dus kyi sems can thams cad kyi lus zhig par yid la byed do/ /ma 'ongs pa dang da ltar byung ba'i sems can thams cad kyi lus 'jig par yid la byed do/ /
de 'di snyam du sems te/ kye ma sems can 'di dag rang gi lus grangs med pa zhig ni 'gags te/ 'gag cing 'gag par 'gyur yang / snying po med pa'i lus las snying po mi len pa ni ngo mtshar che'o/ /de lta yin gyis bdag gis sems can thams cad 
bde bas rim gror bya ba'i phyir/ de bzhin gshegs pa'i rjes su bslab par bya'o/ /thams cad mkhyen pa'i ye shes kyang mngon par sangs rgyas te/ chos thams cad rnam par sbyang ba'i phyir/ chos nyid mi 'jig pa nye bar bzung ste/ dus gsum 
mnyam pa nyid du mthun pa'i tshul gyis zhi bar byas pas sems can rnams la chos bstan par bya'o/ /snyam du sems te/ kye rgyal ba'i sras dag 'di ni byang chub sems dpa'i spyod pa dang po ste/ dga' bar byed pa zhes bya'o/ /kye rgyal ba'i sras dag /byang 
chub sems dpa' rnams kyi spyod pa gnyis pa bde bskyed pa zhes bya ba gang zhe na/ kye rgyal ba'i sras dag 'di la byang chub sems dpa' tshul khrims dang ldan pa yin te/ de ni mi gnas pa yin/ gzugs dang sgra dang dri dang ro dang / reg la mi gnas pa ston pa 
yin/ rigs kyi bdag nyid che ba la mi gnas pa yin/ rgyud kyi bdag nyid che ba la mi gnas pa yin/ zas kyi bdag nyid che ba la mi gnas pa yin/ gzugs kyi bdag nyid che ba la mi gnas pa yin/ longs spyod kyi bdag nyid che ba la mi gnas pa yin te/ 
de ltar de ni tshul khrims las yongs su nyams pa med cing / 'di ltar kun nas 'khor ba med pa dang / kun tu btsal ba med pa dang / yongs su gdung ba med pa dang / bar chad med pa dang / gtse ba med pa dang / 'khrug pa med par bya'o/ /snad pa med </font><hr>35-1-308b<br><font size=+1>
par bya'o/ /sangs rgyas kyis bsngags pa'i chos rnams yongs su bzung ngo snyam du sems te/ kye rgyal ba'i sras dag byang chub sems dpa' de lta bu'i tshul khrims dang ldan pa'i drung du/ gal te nyin gcig tu bdud bye ba khrag khrig brgya stong zhig 'ongs te/ bdud re re 
zhing yang lha'i bu mo bye ba khrag khrig brgya stong 'dod pa'i cho ga thams cad la mkhas pa/ bde bar rim gror bya ba thams cad thogs pa/ lus kyi rgyan gyis yongs su rgyas pa bye ba khrag khrig brgya stong re re bsnyen kyang / byang chub sems dpas 'dod pa ni/ bla 
na med pa yang dag par rdzogs pa'i byang chub la bar du gcod pa yin par shes nas/ ston pa mngon du gyur pa'i phyir 'dod pa dang ldan pa'i sems bskyed pa gcig kyang mi 'byung ste/ byang chub sems dpa' ni thams cad mkhyen pa nyid yid la bya ba dang mi 'bral lo/ /
'dod pa'i don du sems can 'ga' la yang sdug bsngal gyi rgyur 'gyur ba mi byed de/ chung ngu na srog gi dbang po 'gags par gyur kyang gzhan la mi dga' ba mi bskyed do/ /kye rgyal ba'i sras dag /byang chub sems dpa' rnams ni de bzhin gshegs pa mthong nas/ 
chung ngu na sems kyi rgyud gcig tsam gyis 'dod pa la mi spyod na/ gnyis kyis gnyis sbyar ba lta smos kyang ci dgos te 'di ni gnas med do/ /byang chub sems dpa' ni 'di ltar sems skye ste/ sems can 'di dag ni yun ring po nas de ltar gzhol ba dang / 
de ltar 'bab pa/ de ltar bab pa/ de ltar mos pa/ de lta bu'i spyod yul can/ de ltar nges pa/ de ltar bying ba/ de ltar non pa/ de ltar chags pa/ de ltar zhugs pa yin gyis/ bdag gis ni bdud 'di dag dang / bdud kyi bu mo 'di dag dang / 
sems can thams cad ci nas kyang bla na med pa'i tshul khrims yongs su dag pa la bkod de/ thams cad mkhyen pa nyid las phyir mi ldog par byas nas/ bla na med pa yang dag par rdzogs pa'i byang chub tu mngon par 'tshang rgya bar byas te/ phung po'i lhag ma </font><hr>35-1-309a<br><font size=+1>
ma lus pa'i mya ngan las 'das pa'i dbyings su yongs su mya ngan las 'da' bar 'gyur ba de ltar bya'o/ /de ci'i phyir zhe na/ 'di ltar sangs rgyas thams cad kyi rjes su bslabs te/ mi bya ba thams cad yongs su spang ba dang / 
lus kyis mi shes pa thams cad yongs su spang ba ma yin pa dang / sems kyis kyang ma yin pa de ni bdag cag gi las yin gyis/ kye rgyal ba'i sras dag bdag cag gis sangs rgyas kyi chos thams cad kyi rjes su song ba'i ye shes kyis sems can thams 
cad kyi phyin ci log rab tu spang ba'i phyir chos bstan par bya'o/ /phyin ci log ni sems can rnams las gzhan na'ang med de/ phyin ci log rnams las kyang sems can rnams gud na med do/ /phyin ci log tu yang sems can 'dus pa ma yin/ 
sems can du yang phyin ci log 'dus pa ma yin no/ /phyin ci log rnams kyang sems can ma yin/ sems can rnams kyang phyin ci log ma yin no/ /phyin ci log rnams ni nang na yang med/ phyin ci log rnams ni phyi rol na yang med do/ /sems 
can rnams kyang nang na yang med/ sems can rnams ni phyi rol na yang med de/ chos de dag thams cad ni gsog gsob brdzun pa bslu ba'i chos can te/ sgyu ma lta bu byis pa bslu ba dang / ngan pa chung ba snying po med pa/ rmi lam lta bu/ mig yor 
lta bu ste/ de dag khong du chud par bya ba'i phyir 'du byed rjes su rtogs pa'o/ /'du byed rjes su rtogs pa'i phyir mya ngan las 'das pa ste/ de ni sangs rgyas kyi byang chub tu rnam par 'tshang rgya bar byed de/ rgal bas ni sgrol bar byed/ grol bas ni 'gro 
bar byed/ zhi bas ni zhi bar byed/ dbugs phyin pas ni dbugs 'byin par byed/ bkrus pas ni 'khru bar byed/ dag pas ni dag par byed/ mya ngan las 'das pas ni mya ngan las 'da' bar byed/ bde bar gyur pas ni bde bar byed pa ste/</font><hr>35-1-309b<br><font size=+1>
bdag cag gis de bzhin gshegs pa dang skal ba mi mthun par gnas par mi bya ste/ bdag cag gis ni 'jig rten gyi spyod pa thams cad spang bar bya'o/ /bdag cag gis ni sangs rgyas kyi chos thams cad dang ldan par bya'o/ /bdag cag gis 
ni bla na med pa'i chos mnyam pa nyid kyis gnas par bya'o/ /bdag cag gis ni sems can thams cad la sems mnyam pas yang dag par 'jug par bya'o/ /bdag cag gis ni yul thams cad yongs su shes pa dang ldan par bya'o/ /bdag cag 
gis ni yongs su spyod pa kha na ma tho ba med pa'i bag chags dang ldan par bya'o/ /bdag cag gis ni rtogs pa thams cad dang ldan par bya'o/ /bdag cag gis ni 'byung ba thams cad la mkhas pa dang ldan par bya'o/ /bdag cag gis ni bla na 
med pa'i ye shes kun tu mtha' yas pa brjod du med pa/ mi gnas pa/ 'phos pa med pa/ mtha' dang dbus med pa/ mi zad pa gzugs med pa/ bstan du med pa la rab tu mos par bya'o/ /zhes zer te/ kye rgyal ba'i sras 
dag /'di ni byang chub sems dpa'i spyod pa gnyis pa ste/ bde ba skyed pa zhes bya'o/ /kye rgyal ba'i sras dag de la byang chub sems dpa' sems dpa' chen po rnams kyi byang chub sems dpa'i spyod pa gsum pa mi mthun pa med pa zhes bya ba 
gang zhe na/ kye rgyal ba'i sras dag 'di la byang chub sems dpa' chos nyid la brtson te/ bzod pa dang ldan zhing mngon par smra ba'i ngang tshul can yin te/ de yang bdag la gnod par ma yin/ pha rol la gnod par ma yin/ gnyis ka la gnod 
par ma yin/ bdag bsdu bar ma yin/ gzhan bsdu bar ma yin/ gnyis ka bsdu bar ma yin/ bdag yongs su gzung bar ma yin/ gzhan yongs su gzung bar ma yin/ gnyis ka yongs su gzung bar ma yin/ yang dag </font><hr>35-1-310a<br><font size=+1>
par blangs pa grags pa'i phyir ma yin gyi/ byang chub sems dpa' ni sems 'di ltar skye ste/ bdag cag gis sems can la mi dge ba thams cad spang ba'i phyir chos bstan par bya'o/ /'dod chags spang ba dang / 
zhe sdang spang ba dang / gti mug spang ba dang / nga rgyal spang ba dang / 'chab pa spang ba dang / phrag dog spang ba dang / ser sna spang ba dang / g.yo dang sgyu spang ba dang / bzod pa dang nges pa la gzhag pa'i phyir/ bdag cag gis sems can thams cad 
la chos bstan par bya'o/ /zhes te kye rgyal ba'i sras dag byang chub sems dpa' ni de lta bur bzod cing nges pa dang ldan pa yin pas/ de la gal te srog chags brgya stong bye ba grangs med pa zhig 'ongs la srog chags de dag re re zhing yang kha bye ba khrag khrig 
brgya stong grangs med par sprul te/ drung du phyin la kha re re nas kyang mi snyan par brjod pa bye ba khrag khrig brgya stong grangs med pas mi snyan cing yid du mi 'ong ba dang / mi 'dod pa dang / mi sdug pa dang / mi dga' ba dang / mi tshul ba dang / 'phags pa ma 
yin pa dang / 'phags pa ma yin pas brjod pa dang / 'phags pa ma yin pas bsnyen pa dang / yongs su spang bar bya ba sha stag du brjod de lag pa re re zhing yang 'thab cha bye ba khrag khrig brgya stong grangs med pa thogs te/ byang chub sems 
dpa'i lus la gnod par byas la nyin gcig tu ji lta ba de bzhin du bskal pa grangs med par yang mtshams med cing ngal mi shes/ skyo mi shes/ rgyun mi 'chad/ gtong ba med/ sdod pa med/ gcugs su med/ dbugs 'byin pa med/ phyir 
sri ba med par brtags kyang / kye rgyal ba'i sras dag de lta bu'i 'jigs pa chen po mi zad pa/ ma rungs pa/ skyi g.ya' ba/ sdug bsngal ba nyams su 'bab pa/ tsha ba rtsub pas phog ste/ srog la bab par 'chi ma khad kyang de la byang chub sems </font><hr>35-1-310b<br><font size=+1>
dpa' 'di snyam du sems te/ sdug bsngal gyi rnam pa 'di tsam dag gis phog pa la gal te bdag gis sems 'khrug pa zhig byas su zin na/ de ni ma dul ba dang / mi bden pa dang / mi mkhas pa dang / ma zhi ba dang / ma bsgoms pa dang / ma 
bsdams pa dang / ma khugs pa dang / byas pa myed pa dang / mnyam par ma bzhag pa dang / bdag gi lus la brten pas gzhan gyi sems mgu bar bya bar mi nus kyis zhes te/ de lus dang sems rang bzhin shes nas/ thog ma dang tha ma med 
par skye ba dang / 'khor ba'i sdug bsngal rjes su dran nas/ chos 'di dag ni tshul gyis de bzhin no zhes nas/ phyir zhing sems dang bar byed/ rab tu dang bar byed/ dga' bar byed/ rab tu dga' bar byed/ tshim par byed/ gzengs mtho bar byed 
spro bar byed/ rab tu spro bar byed/'dul bar byed/ yongs su 'dems par byed de/ de ltar bdag gis kyang sangs rgyas kyi chos la bzhag ste/ sems can thams cad la yang don 'di bstan par bya'o snyam mo/ /de ci'i phyir zhe na/ 'di ltar 
lus 'di ni bdag dang bdag gis stong pa/ rang bzhin gyis stong pa ste/ stong pa nyid la bde ba'am/ sdug bsngal ba'am/ gnyis su brjod pa gang yang med do/ /gang stong pa de la ci yang med de/ chos thams cad ni ci yang ma yin pa yin 
gyis/ de bdag gis kyang yang dag par shes par byas te/ sems can thams cad la dngos por 'dzin pa spang ba'i phyir chos thams cad bstan par bya dgos kyis/ de ltar bdag gis 'di dag la byams pa'i sems dang / phan pa'i sems dang / 
bde ba'i sems dang / snying rje ba'i sems dang / snying brtse ba'i sems dang / phan par dga' ba'i sems dang / yongs su mi gtong ba'i sems dang / 'tshang rgya ba'i sems dang / byang chub pa'i sems dang / mi 'phrogs pa'i sems </font><hr>35-1-311a<br><font size=+1>
dang / sangs rgyas kyi tshul gyi rjes su bsnyegs pa'i sems kyis bzod par bya'o snyam mo/ /kye rgyal ba'i sras dag /'di ni byang chub sems dpa' sems dpa' chen po rnams kyi byang chub sems dpa'i spyod pa gsum pa ste/ mi mthun 
pa med pa zhes bya'o/ /kye rgyal ba'i sras dag /byang chub sems dpa' sems dpa' chen po rnams kyi spyod pa bzhi pa mi zad pa zhes bya ba de gang zhe na/ 'di la byang chub sems dpa' sems dpa' chen po brtson 'grus dang ldan pa yin te/ brtson 'grus 
mchog dang ldan pa yin/ brtson 'grus rab dang ldan pa yin/ brtson 'grus dam pa dang ldan pa yin/ brtson 'grus phul dang ldan pa yin/ brtson 'grus 'phags pa dang ldan pa yin/ brtson 'grus gya nom pa dang ldan pa yin/brtson 'grus bla na 
med pa dang ldan pa yin/ brtson 'grus mnyam pa med pa dang ldan pa yin te/ de la 'dod chags kyi rang bzhin med/ zhe sdang gi rang bzhin med/ gti mug gi rang bzhin med/ nga rgyal gyi rang bzhin med/ 'chab pa'i rang bzhin med/ phrag dog 
gi rang bzhin med/ 'jungs pa'i rang bzhin med/ sgyu'i rang bzhin med/ khrel med pa'i rang bzhin med do/ /de ni sems can gang la yang tho brtsam pa'i phyir/ brtson 'grus mi rtsom ste/ gzhan du na nyon mongs pa thams 
cad yongs su spang ba'i phyir brtson 'grus rtsom mo/ /bag la nyal ba thams cad yang dag par gzhom pa'i phyir brtson 'grus rtsom mo/ /bag chags thams cad yongs su bsal ba'i phyir/ brtson 'grus rtsom mo/ /sems can gyi khams yongs 
su shes par bya ba'i phyir/ brtson 'grus rtsom mo/ /shi 'pho dang skye ba thams cad yongs su shes par bya ba'i phyir/ brtson 'grus rtsom mo/ /nyon mongs pa thams cad yongs su shes par bya ba'i phyir/ brtson 'grus rtsom mo/ /sems can gyi </font><hr>35-1-311b<br><font size=+1>
bsam pa thams cad yongs su shes par bya ba'i phyir/ brtson 'grus rtsom mo/ /sems can thams cad kyi spyod yul yongs su shes par bya ba'i phyir/ brtson 'grus rtsom mo/ /sems can thams cad kyi dbang po dang / brtson 'grus rnam 
pa tha dad pa mchog dang tha ma'i rgyu yongs su shes par bya ba'i phyir brtson 'grus rtsom mo/ /sems can thams cad kyi sems dang spyod pa shes par bya ba'i phyir brtson 'grus rtsom mo/ /chos kyi dbyings thams cad la 'jug pa yongs su shes par bya ba'i 
phyir brtson 'grus rtsom mo/ /sangs rgyas kyi chos thams cad kyi rang bzhin dang ngo bo nyid yongs su shes par bya ba'i phyir brtson 'grus rtsom mo/ /sangs rgyas kyi chos thams cad mnyam pa nyid yongs su shes par bya ba'i phyir brtson 'grus rtsom mo/ /
dus gsum la mkhas pa mnyam pa nyid yongs su shes par bya ba'i phyir brtson 'grus rtsom mo/ /sangs rgyas kyi chos thams cad shes pa'i snang ba mnyam pa nyid yongs su shes par bya ba'i phyir brtson 'grus rtsom mo/ /sangs rgyas kyi chos thams cad rtogs par 
'gyur ba'i ye shes yongs su shes par bya ba'i phyir brtson 'grus rtsom mo/ /sangs rgyas kyi chos thams cad tshul gcig tu mngon par 'tshang rgya ba yongs su shes par bya ba'i phyir brtson 'grus rtsom mo/ /sangs rgyas kyi chos mtha' dang dbus med 
pa thams cad mngon par 'tshang rgya ba yongs su shes par bya ba'i phyir brtson 'grus rtsom mo/ /sangs rgyas kyi chos thams cad rtogs pa'i ye shes chen po la mkhas pa yongs su shes par bya ba'i phyir brtson 'grus rtsom mo/ /sangs rgyas kyi 
chos thams cad rab tu dbye ba bstan pa dang bsgrub pa rab tu bstan pa'i rgyus yongs su shes par bya ba'i phyir brtson 'grus rtsom ste/ /kye rgyal ba'i sras dag /byang chub sems dpa' sems dpa' chen po ni de lta bu'i brtson 'grus dang ldan pa </font><hr>35-1-312a<br><font size=+1>
yin no/ /de gal te 'jig rten gyi khams grangs med par sems can rnams kyi don du sems can re re'i phyir yang bskal pa grangs med par mnar med pa'i sems can dmyal ba chen por sdug bsngal du 'dug par yang spro zhing 
mos te/ sems can de dag kyang de tsam gyi bar gyis yongs su mya ngan las 'da' bar gyur la/ de'i dus su sangs rgyas bcom ldan 'das grangs med pa zhig byung ste/ sangs rgyas bcom ldan 'das de dag sus mthong ba de dag thams cad kyang bde 
ba'i yo byad kun dang ldan par gyur kyang byang chub sems dpa' de bla na med pa yang dag par rdzogs pa'i byang chub tu mngon par 'tshang mi rgya zhing / byang chub sems dpa' de ni 'jig rten gyi khams grangs med par gtogs pa'i sems can rnams kyi 
phyir/ sems can re re'i don du yang bskal pa grangs med par sems can dmyal ba chen po na/ de snyed kyi sems can yongs su mya ngan las 'das kyi bar du 'dug par spro ste/ de la la la zhig gis 'di skad du rgya mtsho chen po grangs med pa skra'i rtse 
mos gzhal te 'jig rten gyi khams grangs med pa rdul du blags te/ bgrang ba de snyed kyi sdug bsngal gyi tshor ba dang / sems kyi skad cig tu yang mi 'bral ba'i sdug bsngal gyi rnam pa de lta bu dang mi 'bral bar 'gyur ro zhes zer na yang / kye rgyal ba'i 
sras dag /byang chub sems dpa' ni de la de'i phyir sems bskyed pa 'ga' tsam yang 'gyod pa dang ldan pa mi 'byung gi de ni 'di snyam ste/ de ltar bdag gi mthus sems can 'di dag sdug bsngal gyi rnam pa de lta bu las yongs su grol bar gyur pa 
ni bdag gi 'thob pa legs par 'thob po/ /gal te thabs 'di 'dra bas 'jig rten gyi khams thams cad kyi sems can thams cad yongs su mya ngan las 'da' bar 'gyur na yang / byang chub sems dpas sbyor ba de la spro bar bya ba yin no/ /</font><hr>35-1-312b<br><font size=+1>
zhes te/ de bas kyang ches dga' ba dang spro ba skye'o/ /kye rgyal ba'i sras dag /'di ni byang chub sems dpa' sems dpa' chen po rnams kyi byang chub sems dpa'i spyod pa bzhi pa ste mi zad pa zhes bya'o/ /kye rgyal ba'i sras dag /byang chub sems dpa' 
sems dpa' chen po rnams kyi byang chub sems dpa'i spyod pa lnga pa rmongs pa med pa zhes bya ba gang zhe na/ kye rgyal ba'i sras dag /'di la byang chub sems dpa' dran pa dang ldan pa yin te/ dran pa'i dam pa 'khrug pa med pa/ rnam par 'khrug pa med 
pa/ brtan pa sra ba/ mi shigs pa/ zil gyis mi non pa/ yongs su dag pa/ che ba tshad med pa/rmongs pa med pa dang ldan pa yin te/ dran pa des 'jig rten pa'i spyod pa rnams kyang yongs su 'dzin pa yin/ 'jig rten las 'das pa'i 
tshig kyang yongs su 'dzin pa yin/ gzugs dang gzugs med pa'i tshig kyang yongs su 'dzin pa yin/ gzugs kyi rang bzhin la btags pa'i tshig kyang yongs su 'dzin pa yin te/ tshor ba dang / 'du shes dang / 'du byed dang / rnam 
par shes pa la btags pa'i tshig kyang yongs su 'dzin pa yin/ rnam par shes pa'i rang bzhin yongs su shes par bya ba'i phyir tshig kyang yongs su 'dzin pa yin te/ de 'jig rten 'di nas kyang rmongs pa med par shi 'pho'o/ /'jig 
rten pha rol tu yang rmongs pa med par skye ste/ ma'i mngal du yang rmongs pa med par 'gro/ /ma'i mngal nas kyang rmongs pa med par 'byung ste/ byang chub sems dpa'i sems bskyed pa rmongs pa med pas gnas so/ /rmongs pa med par 
dge ba'i bshes gnyen rnams mgu bar byed do/ /rmongs pa med par sangs rgyas kyi chos la mos par byed do/ /rmongs pa med par bdud kyi las rnams rab tu shes so/ /rmongs pa med par bdud kyi las rnams spang bar byed do/ /</font><hr>35-1-313a<br><font size=+1>
rmongs pa med par bskal pa brdzod du med par byang chub sems dpa'i spyod pa la gnas so/ /de dran pa yongs su dag pa'i yan lag tshad med pa dang ldan pa yin te des sangs rgyas bcom ldan 'das rnams dang / byang chub 
sems dpa' 'am/ dge ba'i bshes gnyen rnams las bskal pa grangs med pa na chos thos par gyur pa zab mo zab mor snang ba'am/ yangs pa'i chos rgyan rnam par phye ba'am/ chos sna tshogs tshig dang yi ge sna tshogs kyis bstan 
pa'am/ byang chub sems dpa'i rgyan gyi chos sangs rgyas kyi byin gyis brlabs snang ba can nam/ bla na med pa'i sangs rgyas kyi chos lhag pa'i bsam pa dge ba dang mos pas rnam par dag pa'am/'jig rten thams cad la mi gnas 
pa'i chos 'jig rten gyi khong du chud pa dang 'thun pa'am/ chos yangs pa rgya chen po'i chos su bstan pa'am/ rab rib dang bral ba'i chos 'jig rten gyis shes par bya ba'am/ 'jig rten thams cad dang thun mong ma yin pa'i chos 
byang chub sems dpa'i ye shes kyi rjes su song ba'am/ bla na med pa'i chos thams cad mkhyen pa'i chos kyis rgya cher rnam par 'phrul pa bstan pa de lta bu dag thos kyang bskal pa grangs med pas brjed par mi 'gyur/ nyams par mi 'gyur/ 
rgyun 'chad par mi 'gyur ro/ /de ci'i phyir zhe na/ de ni byang chub sems dpa' sems dpa' chen po spyad pa la spyod pa'i tshe/ sems can su la yang dran pa rnam par 'khrug par mi byed/ chos rig pa thogs par mi byed/ dge ba'i rtsa 
ba'i blo gros 'jig par mi byed/ gzhan gyi blo la gnod par mi byed do/ /kye rgyal ba'i sras dag gal te byang chub sems dpa' sems dpa' chen po de la 'di lta bu'i sgra chen po mtho ba dag dang phrad par gyur te/ drag po'i sgra dang / mi bzad </font><hr>35-1-313b<br><font size=+1>
par bos pa'i sgra dang / skyi g.ya' ba'i sgra dang / yid du mi 'ong ba'i sgra rna ba'i spyod yul du 'ongs pa dang / yid du mi 'ongs pa'i sgra rna ba'i yul du 'ongs pa dang / sems 'khrug par byed pa dang / rna ba'i rnam par shes pa 'khrug par byed pa dang / 
dbang po drug 'phrog par byed pa dag dang 'grogs par gyur kyang / sgra de lta bu dag gis byang chub sems dpa'i sems skad cig kyang rnam par 'grub par mi 'gyur te/ dran pa rnam par 'khrug par mi 'gyur ro/ /spyod yul rnam par 'khrug par mi 'gyur ro/ /
mgo rmongs par mi 'gyur ro/ /'khor bar myi 'gyur ro/ /bslad par mi 'gyur ro/ /byang chub sems dpa' de ni 'di ltar sgra de lta bu dag yid du 'ong zhing 'thun par byed pa dang / yid du mi 'ong zhing khong khro bar byed pa dang / 'jig rten gyi 
khams grangs med par grags par byed pa dag gis/ se gol gtogs pa tsam du yang ting nge 'dzin las ldang bar mi 'gyur ro/ /spyod yul las ldang bar mi 'gyur ro/ /chos la 'jug pa las ldang bar mi 'gyur ro/ /byang chub kyi spyod pa la 
gcig tu 'dus pa las ldang bar mi 'gyur ro/ /byang chub kyi sems yongs su bsgom pa las ldang bar mi 'gyur ro/ /sangs rgyas rjes su dran pa las ldang bar mi 'gyur ro/ /chos yang dag pa ji lta ba bzhin du rnam par brtags pa las ldang 
bar mi 'gyur ro/ /sems can yongs su smin par bya ba'i ye shes rgyun chad par mi 'gyur ro/ /sems can yongs su dag par bya ba'i gnas shes pa rgyun chad par mi 'gyur ro/ /don nges par shes pa rgyun chad par mi 'gyur ro/ /gang gis 
las kyi sgrib par 'gyur ba'i sdig to'i las stsogs par mi byed do/ /gang gis nyon mongs pa'i sgrib par 'gyur ba'i nyon mongs pa bsdud par mi byed do/ /gang gis chos kyi sgrib par 'gyur ba'i chos la rim gror byed par mi byed do/ /gang gis chos </font><hr>35-1-314a<br><font size=+1>
'jig par 'ong ba'i sgrib par 'gyur ba dam pa'i chos yongs su spong bar mi byed do/ /de la de lta bu'i sgra'i 'jig rten gyi khams grangs med par grags pa/ mi snyan pa dang snyan pa bskal pa grangs med par mi sdod pa/ 'khrug par 
byed pa/ sems 'khrug pa/ lus 'khrug pa/ dbang po 'khrug pa/ myos par byed pa/ 'khor bar byed pa/ rnyog par byed pa/ rnam par rnyog par byed pa/ kun tu rnyog par byed pas/ dkrugs par byas kyang / de la byang chub sems 
dpa' 'di ltar sems skye ste/ bdag gis ni 'phags pa'i chos yongs su bsgoms pas nang du mnyam par gzhag par bya'o/ /snyam nas de sgra thams cad kyi skye ba la rab tu rtog go /gnas pa la rab tu rtogs go /'gog pa la rab tu rtog go /
skye ba'i rang bzhin la 'jug go /'gog pa'i rang bzhin la 'jug go /gang gis sgra de dag brjod pa de dag kyang de lta bu'i rang bzhin nyid du shes te/ sgras chags par mi 'gyur/ sgras khong khro bar mi 'gyur zhing / de'i dran pa nyams par mi 'gyur 
ro/ /des sgra de dag thams cad kyi mtshan ma 'dzin cing mtshan ma bskyed de/ sgras bsgo ba la mngon par chags par mi 'gyur/ sgra la gnas par mi 'gyur/ sgra la mngon par chags par mi skyed do/ des sgra de dag brtags na mi dmigs te/ 
sgra de dag thams cad kyi rang bzhin rab tu shes so/ /rang bzhin de yang byas pa med par khong du chud do/ /mngon par 'du byed pa med pa'i rgyas 'debs shing / chos kyi dbyings kyi rang bzhin gyi tshul du chags pa med pa'i mthar yang rab tu shes so/ /
'di ltar byang chub sems dpa' thams cad mkhyen pa'i mthar thug pa/ phyir mi ldog pa mtha' yas pa/ bsam gtan gyi tshul tha dad pa thams cad la rab tu zhugs pa/ ting nge 'dzin thams cad la rgyud gcig gi tshul du zhugs pa/ chos </font><hr>35-1-314b<br><font size=+1>
thams cad mtha' dang dbus med par rab tu chud pa'i lus kyi las dben pa dang ldan pa/ ngag gi las dben pa dang ldan pa/ yid kyi las dben pa dang ldan pas/ shes pa rtogs pa'i chos thams cad kyi rang bzhin ming dang sgra med pa/ zhes bya ba'i ting nge 
'dzin grangs med pa'i ting nge 'dzin gyi sgo dang ldan pa 'thob ste/ snying rje chen po yang yangs shing tshad med par byed do/ /gal te de ltar byang chub sems dpa'i ting nge 'dzin stong phrag grangs med pa sems kyi skad cig gcig gis thob par byed kyang / byang chub 
sems dpa' sems ting nge 'dzin dang ldan pa de la de lta bu'i rnam par 'khrug pas dran pa rnam par 'khrug par mi nus kyi/ de'i phyir zhing 'di snyam du sems skye'o/ /de ltar bdag gis sems can de dag thams cad bla na med pa'i rnam pa rnam par dag pa 
la rab tu bkod de/ thams cad mkhyen pa nyid las phyir mi ldog par byas la/ phung po ma lus pa'i mya ngan las 'das pa'i dbyings su yongs su mya ngan las bzla'o/ /snyam mo/ /kye rgyal ba'i sras dag 'di ni byang chub sems dpa' sems dpa' 
chen po rnams kyi byang chub sems dpa'i spyod pa lnga pa ste/ rmongs pa med pa zhes bya'o/ /kye rgyal ba'i sras dag /byang chub sems dpa' sems dpa' chen po rnams kyi byang chub sems dpa'i spyod pa drug pa lta ba bzang po zhes bya ba de gang zhe na/ 
kye rgyal ba'i sras dag 'di la byang chub sems dpa' sems dpa' chen po dmigs su med cing bstan pa mi dmigs pa'i lus kyi las dben pa dang / ngag gi las dben pa dang / yid kyi las dben pa thob pa yin/ ma chags ma bcings pa'i 
lus kyi las dang / ma chags ma bcings pa'i ngag gi las dang / ma chags ma bcings pa'i yid kyi las ma chags ma bcings par bstan pa/ gnas med pa/ mi gnas pa/ sems ji lta ba bzhin du gnas pa/ sems kyi </font><hr>35-1-315a<br><font size=+1>
rang bzhin tshad med pa'i rjes su song ba/ chos thams cad kyi rang bzhin 'byam klas pa'i rjes su song ba/ mtshan nyid mi dmigs shing / mtshan nyid bstan du med pa zab pa gting dpag dka' ba/ de bzhin nyid kyi rang 
bzhin gyi rjes su song ba/ rnam par smin pa dang / bral ba'i skyon med pa/ mngon par bsgrub pa la mkhas pa/ 'gog pa dang / mthun par gnas pa/ mya ngan las 'das pa'i dbyings kyi spyod yul can/ zhi ba'i rgyud rab tu thob pa/ dngos po med 
pa'i tshul gyi gzhir gyur pa/ tshig gi lam chad pa/ 'gro ba thams cad las 'phags pa/ gnas med pa'i spyod pa rab tu thob pa/ byang chub kyi sems bskyed pa'i mtshan ma la mkhas pa/ rtogs pa bcings pa med pa la gnas pa/de kho na nyid kyi 
chos gnas kyi rjes su zhugs pa/ 'jig rten thams cad kyis mi brjod pa/ 'jig rten las 'das pa'i gnas dang ldan pa thob pa yin te/ de 'di snyam du sems so/ /kye sems can 'di dag thams cad ni rang bzhin 'di lta bu ste/ 'di ltar 
sems can med pa'i rang bzhin no/ /kye chos 'di dag thams cad rang bzhin 'di lta bu ste/ 'di ltar 'dus byas pa med pa'i rang bzhin no/ /kye zhing 'di dag thams cad ni 'di lta bu'i mtshan nyid de/ 'di ltar mtshan nyid med pa'o/ /kye dus 'di 
dag thams cad ni 'di ltar byung ba ste/ 'di ltar tshig gi lam la gzhol zhing chos kun gyi rnam par tshig gi lam la shin tu gnas kyang / chos thams cad ni tshig gi lam la mi gnas pa'o zhes/ de de ltar chos thams cad zab pa yang rab tu shes so/ /
'jig rten thams cad dben pa la yang rab tu 'jug go /de ltar sangs rgyas kyi chos ma bskyed pa la yang rab tu 'jug go /sangs rgyas kyi chos kyang 'jig rten gyi chos su rab tu 'jug go /'jig rten gyi chos kyang sangs rgyas kyi chos su rab tu 'jug </font><hr>35-1-315b<br><font size=+1>
go /sangs rgyas kyi chos dang 'jig rten gyi chos 'dres par mi byed do/ /'jig rten gyi chos dang sangs rgyas kyi chos tha dad par yang mi byed do/ /'di ltar dus gsum la gnas pa'i chos kyi dbyings tha dad pa med pa la yang rab tu 'jug go /byang chub 
sems dpa' sems dpa' chen po las kyang nyams par mi byed de/ sems can thams cad yongs su smin par bya ba dang / gdul ba las kyang mi ldog ste/ sems can thams cad bskyab pa'i phyir snying rje chen po yang phyir zhing rab tu 'dzin par 
byed do/ /sems can gyi khams bdag gis smin par ma byas pa ni su zhig smin par byed/ sems can gyi khams bdag gis dul bar ma byas pa ni su zhig dul bar byed/ sems can gyi khams bdag gis zhi bar ma byas pa ni su zhig zhi bar byed/ 
sems can gyi khams bdag gis shes par ma byas pa ni su zhig shes par byed/ sems can gyi khams bdag gis dag par ma byas pa ni su zhig dag par byed de/ de ltar bdag gis de lta bur zab pa'i chos yang dag par mthong la/ gcig 
pu bla na med pa yang dag par rdzogs pa'i byang chub tu rnam par grol bar bya ba 'di ni bdag la tshul dang mi 'dra ba ste/ sems can gyi khams 'di yang mya ngam chen po'i lam du zhugs pa/ nyon mongs pas kun nas bzung bas mdongs par 
gyur pa/ tshor ba nyams su bab pa mi zad pas nad par gyur pa/ sred pas bskor ba'i btson rar zhugs pa/ sems can dmyal ba dang / byol song gi skye gnas dang / gshin rje'i 'jig rten nas ma g.yos pa/ sdug bsngal 
gyi phung pos mi skyo ba/ sdom pa gsum gyis bcugs su ma rung ba/ mun nag gi nang du rab tu zhugs pa/ ma rig pa'i mngal du skye ba dang / 'chi bas mnar ba 'byung ba ma mthong bar/ mi khom par gyur pa/ mi khom pa brgyad thob pa/</font><hr>35-1-316a<br><font size=+1>
sems kyi rab rib kyis dri ma can du gyur pa/ nyon mongs pa sna tshogs kyi nad kyi yan lag gis btab pa/ mya ngam chen por 'khyams pa/ lta ba'i mya ngam gyis bskor ba'o/ /zhes de ltar byang chub sems dpa' 
sems can gyi khams la rtog pa'i tshe/ sems 'di ltar skye ste/ de ltar bdag bla na med pa yang dag par rdzogs pa'i byang chub tu zhugs te/ ye shes kyi snang ba bla na med pa la zhugs nas/ sems can 'di dag ni yongs su ma smin cing 
rnam par ma dul bar bor te/ bla na med pa yang dag par rdzogs pa'i byang chub tu mngon par 'tshang rgya ba ni/ dus ma yin gyi bdag gis ni bskal pa brjod du med pa'i yang brjod du med par sems can rnams byang chub sems dpa'i 
spyod pa la yongs su smin par bya'o/ /dus de lta bus sems can byang chub tu yongs su ma smin pa rnams yongs su smin par bya'o/ /ma dul ba rnams gdul bar bya'o/ /snyam mo/ /kye rgyal ba'i sras dag 'di ni byang chub sems 
dpa' sems dpa' chen po rnams kyi byang chub sems dpa'i spyod pa drug pa lta ba bzang po zhes bya ba ste/ byang chub sems dpa' rnams spyod pa de dag la gnas pas/ lha dang bdud dang / tshangs par bcas pa'i 'jig rten dang / 
dge sbyong dang / bram ze'i skye dgur bcas pa dang / lha dang dri za dang mi dang mi ma yin dang / lha ma yin du bcas pa'i 'jig rten gyis blta na mdzes shing / byang chub sems dpa' de mthong bas kyang / sems can rnams bla na med pa yang dag par 
rdzogs pa'i byang chub tu don yod par 'gyur ro/ /thos pa dang bsnyen bkur bas kyang / bla na med pa yang dag par rdzogs pa'i byang chub tu don yod par 'gyur ro/ /dmigs pa gang gis kyang rung ste/ byang chub sems dpa' de dang 'grogs </font><hr>35-1-316b<br><font size=+1>
pa thams cad bla na med pa yang dag par rdzogs pa'i byang chub tu don yod par 'gyur ro// //sangs rgyas rmad ga cad ces bya ba shin tu rgyas pa chen po'i mdo/ /bam po nyi shu drug pa/ // kye rgyal ba'i sras dag /de la byang chub sems dpa' 
sems dpa' chen po rnams kyi byang chub sems dpa'i spyod pa bdun pa gnas med pa zhes bya ba gang zhe na/ kye rgyal ba'i sras dag /'di la byang chub sems dpa' gnas med pa'i sems kyis 'jig rten gyi khams grangs med pa la 'jug pa yin/ 
sems bskyed pa re res zhing grangs med pa yongs su sbyong ste/ zhing la gnas mi skyed pa yin/ sangs rgyas bcom ldan 'das grangs med pa blta ba'i phyir 'gro zhing / me tog grangs med pa dang / spos grangs med pa dang / phreng ba grangs med 
pa dang / byug pa grangs med pa dang / phye ma grangs med pa dang / na bza' grangs med pa dang / rin po che grangs med pa dang / rgyal mtshan grangs med pa dang / ba dan grangs med pa dang / rgyan grangs med pa dang / mngon par 'du bya ba grangs 
med pa dang / mngon par 'du bya ba med pa'i mthar phyin pa dang / grangs med pa'i bsam pas bsam tu med pa'i chos la gnas par bya ba'i phyir/ sangs rgyas bcom ldan 'das grangs med pa la blta ba dang / phyag 'tshal ba dang / mchod pa dang 
bsnyen bkur ba'i don du 'gro zhing sems bskyed pa re re la sangs rgyas bcom ldan 'das grangs med pa mthong yang / sangs rgyas de dag la gnas mi skyed pa yin/ sangs rgyas kyi zhing rnams la gnas mi skyed pa yin/ mtshan rnams la gnas mi skyed 
pa yin/ dpe byad bzang po rnams la gnas mi skyed pa yin/ sangs rgyas kyi 'od la gnas mi skyed pa yin/ sangs rgyas kyi chos bstan pa la gnas mi skyed pa yin/ phyogs la gnas mi skyed pa yin/ phyogs mtshams la gnas mi skyed pa </font><hr>35-1-317a<br><font size=+1>
yin/ de bzhin gshegs pa'i 'khor gyi dkyil 'khor la gnas mi skyed pa yin/ byang chub sems dpa'i dge 'dun 'dus pa la gnas mi skyed pa yin/ sangs rgyas kyi chos thams cad nyan cing dga' ba skyed de/ bsam pa 
yangs par byed la/ byang chub kyi sems rab tu 'dzin cing / byang chub sems dpa'i spyod pa la shin tu gnas kyang / sangs rgyas kyi chos la gnas mi skyed pa yin/ de bzhin gshegs pa re re bsnyen bkur la yang bskal pa brjod du med pa zad par 
byed cing / sangs rgyas brjod du med pa mthong bas/ bskal pa grangs med par gnas kyang / sangs rgyas blta ba dang / de bzhin gshegs pa mngon du bya ba dang / chos nyan pas ngoms mi shes te/ sangs rgyas blta ba dang / de bzhin gshegs 
pa'i chos nyan pa la gnas mi skyed do/ /byang chub sems dpa'i rgyan dang / 'khor gyi dkyil 'khor dang /de bzhin gshegs pa khong du chud par byed kyang gnas mi skyed/ chags pa'i sems mi skyed do/ /'jig rten gyi khams kun nas nyon mongs 
pa la zhugs kyang khong khro ba mi skyed/ mos pa med pa'i sems mi skyed do/ /de ci'i phyir zhe na/ 'di ltar byang chub sems dpas ni sangs rgyas kyi chos nyid ji lta ba bzhin du/ shin tu khong du chud de/ de la ni kun nas nyon mongs pa yang med/ rnam par 
byang ba yang med/ mun pa yang med/ snang ba yang med/ rnam par phye ba yang med/ rnam pa tha dad pa yang med/ rnam par rtog pa yang med/ gzhan du 'gyur ba yang med/ bde ba yang med/ mi bde ba yang med/ lam yang med/ lam 
ma yin pa yang med de/ byang chub sems dpa' de ltar chos kyi dbyings la zhugs pa ni sems can gyi khams la yang 'jug ste/ de dag kyang yongs su smin par byed cing rnam par 'dul la sems can rnams la gnas skyed pa yang med do/ /chos rnams </font><hr>35-1-317b<br><font size=+1>
kun nas thob par byed kyang / chos la gnas mi skyed do/ /byang chub kyi sems la zhugs pa'i yid kyis 'tshang rgya bar bya ba la yang rnam par spyod de/ 'tshang rgya bar bya ba de la gnas mi skyed do/ /tshig gi lam yang brjod de/ tshig gi lam la gnas par mi 
byed do/ /sems can gyi rgyud la yang 'jug ste/ sems can gyi rgyud la yang gnas par mi byed do/ /ting nge 'dzin kyang rab tu shes shing de dag la yang mnyam par gzhog ste/ ting nge 'dzin de dag la gnas kyi sems kyang mi skyed do/ /sangs rgyas kyi zhing 
brjod du med par 'gro zhing 'jug la de dag tu phyin te mthong zhing gnas kyang gnas kyi sems mi skyed do/ /de dag nas 'gro yang chags pa'i sems mi skyed de/ de dag sems 'di ltar bskyed do/ /kye sangs rgyas kyi chos de ltar gzung ba med/ sangs 
rgyas kyi byang chub de ltar bsgribs pa med/ chos dang 'dul ba de ltar legs par bstan/ sangs rgyas kyi bstan pa de ltar legs par gnas/ byang chub sems dpa'i spyod pa de ltar legs par 'dug /byang chub kyi sems de ltar legs par gnas/ 
byang chub sems dpa'i rnam par thar pa de ltar shin tu rtogs/ byang chub sems dpa'i rang bzhin de ltar chags pa med/ byang chub sems dpa'i tshul de ltar gnas pa med/ byang chub sems dpa'i lam de ltar shin tu sbyangs/ byang chub sems dpa'i lung 
bstan pa de ltar byin gyis brlabs kyang / byis pa so so'i skye bo 'di dag ni shes pa med pa/ mthong ba med pa/ dad pa med pa/ mos pa med pa/ mi mkhas pa'i gnas la spyod pa/ bsam pa rmugs pa/ 'khor ba'i rgyud shin tu 'byung ba la gzhol ba/ 
sangs rgyas blta ba la log par zhugs pa/ 'dren pa'i sa las nyams pa/ lam shes pa'i drung nas gar ba/ kha lo sgyur ba mi tshol ba/ stobs bcu la rim gro med pa/ byang chub sems dpa' la drin du mi gzo ba/ dma' ba la gnas pa/</font><hr>35-1-318a<br><font size=+1>
dngos po med pas 'jigs pa/ rigs pas spangs pa/ tshul bzhin ma yin pa la zhugs pa/ mnyam pa nyid las log par lhung ba/ g.yang sa chen por rab tu lhung ba/ bdud kyi bsam pa la zhugs pa/ sangs rgyas kyi bsam pa 
las ring du gyur pa/ srid pa la mngon par chags pa sha stag go /zhes de ltar byang chub sems dpa' sems can gyi khams la 'jug cing snying rje chen po de bas kyang cher bskyed nas/ snying rje chen po rgya cher byas te gnas med pa'i dge ba'i rtsa ba yang dag 
par bstsags nas/ 'di snyam du sems bskyed do/ /gal te sems can re re'i phyir yul re re dang / phyogs re rer yang bskal pa brjod du med par sems can re re 'dul ba'i phyir 'dug la/ sems can gcig la ji lta ba de bzhin du sems can 
gyi khams thams cad kyi don du 'dug kyang bdag gis de'i phyir mi dga' ba mi skyed de/ yul de dang phyogs de nas kyang bdag gud du g.yo bar mi bya'o/ /gud du 'gro bar mi bya'o/ /skra'i rtse mo tsam la chos kyi dbyings thams cad 'dus par byas te/ skra'i 
rtse mo'i tshul de lta bus skra'i rtse mor chud pa re re yang sems can gyi khams yongs su smin par bya ba dang 'dul ba'i phyir/ bskal pa brjod du med pa'i yang brjod du med par gnas par bya'o/ /skra'i rtse mo gcig la ji lta ba de bzhin du chos kyi dbyings mtha' 
dang dbus med pa thams cad la yang de ltar te/ se gol gtogs pa tsam du yang gnas kyi 'du shes mi skyed do/ /gnas par mi bya'o/ /gnas kyi sems mi skyed do/ /skra'i rtse mo tsam re re la yang lus gnas med pa dang / chos gnas 
med pa dang / dran pa gnas med pa dang / smon lam gnas med pa dang / ting nge 'dzin gnas med pa dang / rtogs pa gnas med pa dang / spyod yul gnas med pa dang / sems can gyi khams 'dul ba gnas med pa dang / chos kyi dbyings </font><hr>35-1-318b<br><font size=+1>
la 'jug pa gnas med pas phyi ma'i mtha'i bskal pa'i mur thug pa'i bskal par byang chub sems dpa'i spyad pa spyod do/ /de ci'i phyir zhe na/ 'di ni byang chub sems dpa' 'di ltar sems bskyed do/ /bdag gis chos kyi dbyings thams cad sgyu ma lta 
bur shes par bya'o/ /bdag gis sangs rgyas thams cad [(]ba[,]bltar[)] med pa'i tshul du mig yor lta bur shes par bya'o/ /byang chub sems dpa'i spyod pa gnas med pa'i phyir/ rmi lam lta bur shes par bya'o/ /bdag gis de bzhin gshegs 
pa rnams kyi chos bstan pa brag cha lta bur shes par bya'o/ /bdag gis las kyi rnam par shes pa'i mthu las byung bas 'jig rten thams cad sprul pa lta bur shes par bya'o/ /bdag gis spyod pa'i mthu las byung bas lus ni yid kyi rgyu 
las byung bar shes par bya'o/ /bdag gis sna tshogs dang 'dres pa'i phyir 'gro ba thams cad ni sems lta bur shes par bya'o/ /rnam par 'gyur ba med pas bdag gis chos thams cad ni yang dag pa'i mtha' dang mnyam par bstan par bya'o/ /
bdag gis phyogs bcur sems bskyed pas rgyas par bkang ste/ chos kyi dbyings kyis klas pa/ nam mkha'i mthas gtugs pa'i byang chub sems dpa'i spyod pa la gnas par bya'o/ /bdag gis sems yangs par bsgyur ba dang / 
dran pa gnas med pas/ sangs rgyas kyi chos khong du chud cing / mkhas pa sems kyi skad cig gcig gis thob par bya'o zhes/ de ltar byang chub sems dpa' de bdag dang sangs rgyas la bdag med pa'i tshul gyis yang dag par blta zhing / 
sems can chags pa med pa'i mthar phyin pa/ tshig gi lam gyi sa la smin par byed pa'i tshe dga' ba mtha' yas pa thob po/ /sangs rgyas dang rdzogs pa'i sangs rgyas kyi chos la mos pa/ tshad med pa yang yang dag par rab tu 'thob po/</font><hr>35-1-319a<br><font size=+1>
sems can thams cad yongs su bskyab pa'i don du bdag gis skyo ba'i sems mi bskyed do/ /sems can gyi khams yongs su ma smin cing ma dul gyi bar du skyo ba'i smon lam mi bskyad do/ /bdag gis 'jig rten gyi 
khams thams cad las rnam par 'das par 'jig rten gyi khams thams cad du rgyu bar byas te/ smon lam gang la sems can gyi sgra yod pa dang / sems can gyi las dang / sems can nye bar len pa dang / sems can rnam par gzhag pa 
dang / sems can gyi 'du shes dang ldan pa dang / sems can gyi glong dang / sems can gyi 'du byed dang / sems can gyi yul dang / sems can gyi 'jug pa dang / sems can gyi ldog pa yod pa de la bdag gis gnas par bya'o/ /
sems can thams cad 'dul ba'i dbang du smon lam de las g.yo bar yang mi bya ste/ sems bskyed pa gcig gis kyang gnas kyi 'du shes bskyed par mi bya'o/ /de ci'i phyir zhe na/ bdag gis gnas med pa dang /mi gnas par bya ste/ bdag 
gi don yongs su sbyang bar bya'o/ /yongs su rdzogs par bya'o zhes bya ba 'di ni/ kye rgyal ba'i sras dag byang chub sems dpa' sems dpa' chen po rnams kyi byang chub sems dpa'i spyod pa bdun pa ste/ gnas med pa zhes bya'o/ /kye 
rgyal ba'i sras dag /byang chub sems dpa' sems dpa' chen po rnams kyi byang chub sems dpa'i spyod pa thub par dka' ba zhes bya ba brgyad pa gang zhe na/ kye rgyal ba'i sras dag /'di la byang chub sems dpa' sems dpa' chen po rnams 
kyis dge ba'i rtsa ba thub par dka' ba/ gdul bar dka' ba/ rab tu gdul bar dka' ba/ phyed par dka' ba/ zil gyis mi non pa/ bsam gyis mi khyab pa/ kun tu mtha' yas pa mi 'phrogs pa bdag nyid che ba/ rgyud kyi tshul gcig </font><hr>35-1-319b<br><font size=+1>
tu gyur pas sangs rgyas thams cad kyi zham ring na/ byang chub sems dpa'i spyad pa la spyod pa'i tshe/ sangs rgyas kyi chos la shin tu dad pa yin/ yangs par dad pa yin/ de bzhin gshegs pa'i byang chub la shin tu mos pa yin/ byang chub 
sems dpa'i smon lam gyi rgyun mi 'chad pa yin/ bskal pa thams cad du mi skyo ba'i sems dang ldan pa yin/ sdug bsngal thams cad kyis sgyid lug par 'gyur ba med pa yin/ bdud thams cad kyis phyir brgal du med pa yin/ sangs rgyas 
thams cad kyis shin tu byin gyis brlabs pa yin/ byang chub sems dpa'i dka' thub thams cad kyis rnam par sbyangs pa yin/ byang chub sems dpa'i brtul shugs kyis tshad mi shes pa yin/ theg pa chen po'i smon lam las phyir mi ldog 
pa yin/ de la byang chub sems dpa'i spyod pa bsgrub par dka' ba la gnas te/ sems bskyed pa gcig gis bskal pa grangs med par 'khor yang phyir mi ldog pa yin te/ byang chub sems dpa'i smon lam chen po yang rgyun mi gcod do/ /
de mthong ba tsam gyis kyang / sems can rnams bla na med pa yang dag par rdzogs pa'i byang chub las phyir mi ldog par byed do/ /thos pa dang bsnyen bkur bas kyang / sems can rnams bla na med pa yang dag par rdzogs pa'i byang chub las 
phyir mi ldog par byed do/ /sems can thams cad sems can med par yang shes te/ sems can gyi khams yongs su gtong ba ma yin no/ /'di lta ste dper na mnyan pa ni pha rol tu 'gro ba yang ma yin no/ /tshu rol tu 'gro ba 'ang ma yin/ 
chu klung gi gzhung la gnas pa 'ang ma yin/ 'gro ba dang 'ong ba rgyun mi 'chad pa'i phyir pha rol dang pha rol ma yin par sems can rnams kyang sgrol lo/ /de bzhin du byang chub sems dpa' yang 'khor bar 'gro ba yang ma yin/ mya ngan las 'das par 'gro </font><hr>35-1-320a<br><font size=+1>
ba yang ma yin/ 'khor ba'i rgyud la gnas pa yang ma yin te/ tshu rol gyi mu nas sems can rnams bskyod de/ pha rol gyi ngogs bde ba/ 'jigs pa med pa/ 'tshe ba med pa/ 'khrug pa med par rab tu bzhag kyang sems 
can gyi khams bgrang ba'i tshul gyis mngon par chags pa med do/ /sems can gcig las bskyod nas mang po la mngon par chags par yang mi byed/ mang po las bskyod nas sems can gcig la mngon par chags par yang mi byed/ sems can gyi 
khams 'phel bar yang mi byed/ bri bar yang mi byed/ sems can gyi khams skye bar yang mi byed/ 'gog par yang mi byed/ zad par yang mi byed/ stsogs par yang mi byed/ rnam par rtog par yang mi byed/ rnam pa gnyis su yang mi byed do/ /
de ci'i phyir zhe na/ 'di ltar byang chub sems dpa' ni sems can gyi khams la zhugs shing khong du chud pa ste/ chos kyi dbyings ji lta bar sems can gyi khams kyang de bzhin te/ sems can gyi khams dang chos kyi dbyings de la gnyis su med do/ /
gnyis su med pa'i chos la ni 'bri ba'am/ 'phel ba'am/ 'gag pa yang med de/ chos kyi rang bzhin ni rang bzhin gyis med par 'gyur ba'am/len pa'am/ gnas pa'am/ mngon par chags pa'am/ gnyis su 'gyur ba med do/ /de 
ci'i phyir zhe na/ chos thams cad chos kyi dbyings bstan pa'i tshul du gnyis su med pa'i phyir ro/ /de ltar na byang chub sems dpa' chos kyi dbyings rab tu dbye ba'i mkhas pa khong du chud pa yin te/ mtshan nyid rnam par dag pa'i lus dang / 
dngos po med pa yongs su shes pa dang / chos kyi mtshan nyid dang rang bzhin yongs su rtogs pas mtshan nyid med pa la gnas pa yin/ de ni sems can rnam pa sna tshogs kyang shes/ sems can gyi grangs kyang shes te/ 'jig rten gyi khams rnams </font><hr>35-1-320b<br><font size=+1>
la 'ang mngon par chags pa med do/ /sangs rgyas kyi zhing thams cad du yang snang ngo / /sangs rgyas rnams la yang 'jug cing khong du chud par byed de/ las la rnam par rtog par mi byed do/ /don kyang shin tu rtogs pa yin no/ /don gyi yi ge yang 
yongs su brjod do/ /chos 'dod chags dang bral ba'i mthar phyin pa thams cad kyang shes so/ /rab tu shes so/ /khong du chud do/ /byang chub sems dpa'i lam dang yang mi 'bral te/ byang chub sems dpa'i spyod pa las kyang phyir mi ldog go /
chos kyi dbyings su bzung ba las dbang sgyur bar zhugs pas zad mi shes pa'i spyod pa dang ldan pa yin no/ /'di lta ste dper na/ gtsub ma las byung ba'i me'i rgyu tshad med pas/ me'i dgos pa las ma 'gags pa yin te/ de bzhin du byang chub 
sems dpa' yang / 'jig rten thams cad na sems can gyi don las 'gag pa med par zhugs pa yin te/ kun gyis mthar byas pa'ang ma yin/ kun gyi mtha' med par bya ba'ang ma yin no/ /nye bar len pa dang bcas pa'ang ma yin/ 
nye bar len pa med pa'ang ma yin no/ /gnas pa'ang ma yin/ mi gnas pa'ang ma yin no/ /'jig rten gyi chos kyi rjes su song ba yang ma yin/sangs rgyas kyi chos la gzhol ba yang ma yin no/ /so so'i skye bo yang ma yin/ 'bras bu la 
gnas pa'ang ma yin no/ /de ltar byang chub sems dpa' thub par dka' ba'i sems dang ldan pa/ spyad pa la spyod de/ de ni nyan thos kyi theg pa mi ston to/ /rang sangs rgyas kyi theg pa mi ston to/ /sangs rgyas kyi chos kyang ston pa med do/ /
'jig rten dang 'jig rten gyi chos nye bar len pa med do/ /sems can dang sems can 'jig rten pa nye bar len pa med do/ /nyon mongs pa dang rnam par byang ba nye bar len pa med do/ /de ci'i phyir zhe na/ chos thams cad kun nas nyon </font><hr>35-1-321a<br><font size=+1>
mongs pa med par byang chub sems dpas yongs su shes so/ /chos thams cad nye bar blangs pa med par byang chub sems dpas yongs su shes so/ /chos thams cad zhugs pa med par byang chub sems dpas yongs su shes so/
chos thams cad ldog pa med par byang chub sems dpas yongs su shes so/ /de de ltar zhi zhing phra ba dang zab pa dang / bzang po'i chos la spyod pa'i tshe/ spyod do zhes bya bar mi dmigs so/ /spyad par bya'o zhes bya bar mi dmigs so/ khams 
kyi yul dang / skye mched kyi yul dang / nang gi snang ba dang / phyi rol gyi snang ba dang / phyi nang gi snang ba dang / smon lam yongs su bsgrubs pa dang / pha rol tu phyin pa rnams dang / chos thams cad du yang mi dmigs so/ /de ci'i phyir 
zhe na/ 'di ltar chos kyi dbyings thams cad la ni/ gang nyan thos kyi theg pa la zhugs pa 'am/ rang sangs rgyas kyi theg pa la zhugs pa 'am/ byang chub sems dpa'i theg pa la zhugs pa 'am/ bla na med pa yang dag par rdzogs 
pa'i byang chub tu zhugs pa 'am/ so so'i skye bo'i khams la zhugs pa 'am/ kun nas nyon mongs pa'i khams la zhugs pa 'am/ rnam par byang ba'i khams la zhugs pa 'am/ 'khor ba'i khams la zhugs pa 'am/mya ngan 
las 'das pa'i khams la zhugs pa'i chos gang yang med do/ de ci'i phyir zhe na/ 'di la chos gnyis shes bya ba gang yang med de mi gnyis pa yang med do/ /'di lta ste dper na/ nam mkha' ni phyogs bcur ma rnyed/ mi rnyed/ 
rnyed par mi 'gyur yang nam mkhar bgrang ba'i tshul yod do/ /de bzhin du byang chub sems dpas kyang chos gang yang dmigs pa med de/ chos thams cad mngon par 'tshang rgya'o/ /zhes grangs su bgrang ba yang yod de/ de ni yang </font><hr>35-1-321b<br><font size=+1>
dag par bden pa ste/ log pa ma yin no/ /de ni bya ba dang mi 'gal ba'i spyod pa yang ston to/ /smon lam yang mi gtong ngo / /sems can gyi khams yongs su smyin pa dag gdul ba yang byed do/ /chos kyi 'khor lo yang skor ro/ /rgyu dang 
'bras bu yang 'jig par mi byed do/ /chos nyid dang yang 'gal bar mi byed do/ /'das pa dang ma byon pa dang / da ltar byung ba'i sangs rgyas bcom ldan 'das rnams dang yang mnyam par 'gyur ba yin te/ de bzhin gshegs pa'i 
rigs kyang rgyun chad par mi byed/ chos kyi tshul dang yang 'gal bar mi byed/ chos kyi rgyud kyang rab tu shes so/ /chos kyi spobs pa yang 'jig par mi byed/ chos thos pas kyang rlom sems med de/ chos kyi 'byung gnas kyang rab tu thob/ 
chos brjod pa yang rab tu byed/ mi 'jigs pa la yang rab tu gnas/ sangs rgyas kyi spyod pa yang mi gtong ngo / /'jig rten gyi tshul yang 'gog par mi byed/ 'jig rten mnyam pa nyid kyang rab tu ston te/ 'jig rten gyi spyod pa rnams la 
yang gnas pa med do/ /de ltar byang chub sems dpa' thub par dka' ba'i sems dang ldan pa/ byang chub sems dpa'i spyad pa la spyod de/ sems can gyi khams kyang / sems can dmyal ba dang / byol song gi skye gnas dang / gshin 
rje'i 'jig rten nas gyen du skyod de/ de dag bskyod nas kyang yongs su smyin par byed do/ /'dul bar byed do/ rab tu gzhog par byed do/ /'das pa dang / ma byon pa dang / da ltar byung ba'i sangs rgyas bcom ldan 'das rnams kyi lam gyi 
rgyud las kyang mi g.yo'o/ /'jig rten gnas pa drin du mi gzo bas yongs su gang ba dang / dgras yongs su gang ba dang / kun nas nyon mongs pas yongs su gang ba dang / mi mthun pas yongs su gang ba dang / yid gzhag du mi rung </font><hr>35-1-322a<br><font size=+1>
bas yongs su gang ba dang / byis pas yongs su gang ba dang / ma dad pas yongs su gang ba dang / gzhan gyis dring la rgyug pas yongs su gang ba dang / shes rab ngan pas shin tu byung ba dang / 'jig rten gnas pa 
sred pa'i bsam pa dang / ma rig pas kun nas nyon mongs par gyur pa na/ byang chub sems dpa' ni byang chub sems dpa'i spyad pa spyod de/ de 'di snyam du sems skye'o/ /'di ltar bdag gis 'jig rten gnas pa drin du gzo bas yongs su 
gang ba dang / mdza' bos yongs su gang ba dang / mkhas pas yongs su gang ba dang / byang chub sems dpa'i spyod pa spyad pa lta ngo mtshar du yang ci che ste/ de ji lta zhe na/ bdag ni sems can mdza' ba 'am/ mi mdza' ba gang las kyang 
chung ngu na skra'i rtse mo gcig tsam 'am/ chung ngu na dge bar bya ba sbyin pa tsam yang mi 'dod mi tshol te/ phyi ma'i mtha'i mur thug pa'i bskal par byang chub sems dpa'i spyad pa spyod kyang / gzhan du na sems can de dag yongs su 'grol ba dang / 
sems can de dag yongs su dad par 'gyur ba dang / sems can de dag 'byung bar 'gyur ba ma gtogs par de dag las sems skad cig tsam du bde bar 'gyur ba yang mi tshol lo/ /de ci'i phyir zhe na/ bdag ni sems la len pa med 
cing / thams cad la 'dod pa med pas/ sems can gyi gtso bor 'gyur bar byed pa ste/ 'di ltar bdag gis ci nas kyang sems can de dag bla na med pa yang dag par rdzogs pa'i byang chub kyi mthas gtugs te/ shin tu bde ba'i pha rol tu phyin 
par 'gyur bar nan tan du bya'o/ /snyam mo/ /kye rgyal ba'i sras dag 'di dag ni byang chub sems dpa' sems dpa' chen po rnams kyi spyod pa brgyad pa ste/ thub par dka' ba zhes bya'o/ /kye rgyal ba'i sras dag byang chub sems dpa' </font><hr>35-1-322b<br><font size=+1>
sems dpa' chen po rnams kyi byang chub sems dpa'i spyod pa dgu pa chos bzang po zhes bya ba gang zhe na/ kye rgyal ba'i sras dag 'di la byang chub sems dpa' lha dang 'jig rten du bcas pa/ bdud dang bcas pa/ tshangs par bcas pa/ 
dge sbyong dang bram zer bcas pa'i skye dgu dang / lha dang dri za dang / mi dang lha ma yin du bcas pa na/ chos kyi mu stegs bzang por gyur pa yin te/ de sangs rgyas kyi rigs mi gcad pa'i phyir/ dam pa'i chos yongs su 'dzin par byed pa yin/ 
gzungs kyi snang ba rnam par dag pa thob pas/ gtam bya ba dang / lung bstan pa la spobs pa yin/ chos dang ldan pa'i gzungs thob pas don la spobs pa yin/ chos ji lta ba bzhin gyi gzungs chos yang dag par bskul ba thob pas/ 
chos la spobs pa yin/ tshig dang smra ba thams cad kyi gzungs rab tu thob pas nges pa'i tshig la spobs pa yin/ tshig dang yi ge'i don kun tu mtha' yas shing zad mi shes pa la thogs pa med pa'i sgo'i gzungs thob pas spobs pa thogs pa 
med pa yin/ sangs rgyas dbang bskur ba'i gzungs kyi dbang bskur bas mngon par dga' bar byed pa'i spobs pa dang ldan pa yin/ gzhan gyi dring la mi 'jog pa'i gzungs kyi sgo thob pas snang ba thob pa'i spobs pa dang ldan pa yin/ 
spobs pa thun mong ba'i tshul la zhugs pas thun mong gi spobs pa dang ldan pa yin te/ don mang po dang tshig mang po dang /yi ge mang po de dang / de dag la nges pa'i tshig gi gzungs kyi sgor tshud pas nges pa'i spobs pa dang ldan pa yin/ 
rgyud mtha' yas pa'i gzungs thob pas mtha' yas pa'i spobs pa dang ldan pa yin te/ des ni stong gsum gyi stong chen po'i 'jig rten gyi khams kyi don du bdag gis lus gser gyi mdog du mngon par sprul nas/ chos 'byam </font><hr>35-1-323a<br><font size=+1>
klas pa thams cad dbyangs kyi dkyil 'khor gyi sgo thams cad du chud pas sems can de dang de dag 'dul ba'i dbang du bsam pa ji lta ba bzhin du brjod pa dang / dbang po 'byam klas pa mtha' yas pa rnams la/ lce 
yangs pa'i byin gyi rlabs kyis dbyangs kyi yan lag rnam par dag pa dang / dus dang 'byor pa'i chos bstan pa dang / snying rje chen po 'gal ba med pas shin tu bstan pa dang / tshig gcig gi sgra brjod pas 'dul ba ji lta ba bzhin du tshim 
par 'gyur zhing / mtha' yas par snang bar ston pas/ sangs rgyas kyi mdzad pa la spyod do/ /de ni gal te sems can re re zhing / tshig gi rnam pa tha dad pa'i tshig gi cho ga las sna tshogs kyis mngon par 'du byas pa/ rnam par 
smyin pa brjod kyis mi lang zhing 'byam klas pas nye bar gnas pa bye ba khrag khrig brgya stong bsam gyis mi khyab pa/ grangs med pa rnam par phye ba/ rnam pa tha dad pa brjod du med pa dang ldan pa/ de lta bu'i sems can sha stag byang chub sems 
dpa'i 'khor du gyur la/ 'khor gyi dkyil 'khor yang 'jig rten gyi khams brjod du med pa tsam du yangs pa zhig yin te/ 'dul ba brjod du med pa zhig 'dus nas/ sems can re re la yang kha'i sgo bye ba khrag khrig brgya stong grangs 
med pa brjod du med pa yod par gyur te/ sems can gcig ji lta bar sems can de dag thams cad kyang de bzhin du de snyed kyi kha'i sgo dang ldan pa/ sems can de dag thams cad kyis byang chub sems dpa' la skad du brjod pa/bye ba khrag 
khrig brgya stong grangs med pa rnam par brtags pas dus gcig tu dbyangs gcig tu byas te/ yongs su dri bar byas kyang byang chub sems dpa' ni de lta bu'i sems can gcig nas gcig tu brgyud pa dang / de lta bu'i skad gcig nas gcig tu brgyud pa dang/</font><hr>35-1-323b<br><font size=+1>
de lta bu'i brjod pa sna tshogs kyis yongs su dris pa la 'ang / chos gzung ba la thogs pa med pa yin/ brjod pa shes par bya ba'i phyir/ rnam par rtog pa med pa yin te/ dri bas the tsom yongs su dris pa la thogs pa med do/ /'khor gyi dkyil 
'khor gcig du ji lta ba de bzhin du 'khor gyi dkyil 'khor brjod du med pa de tsam thams cad du yang de bzhin te/ de la byang chub sems dpa' 'di snyam du sems so/ /gal te skra'i rtse mo re re las sems bskyed pa re re zhing / 'khor gyi dkyil 
'khor brjod du med pa zhig byung la/ sems skad cig re re la rtog pa gzhan dang gzhan gyis/ skad gzhan dang gzhan du brjod pas chos kyi dbyings thams cad gang bar byed cing 'khor gyi dkyil 'khor rnam pa de lta bu sha stag cig skra'i rtse mo 
thams cad las byung ste/ de ltar byung bas phyi ma'i mtha'i bskul pa'i mur thug par byung yang 'khor gyi dkyil 'khor de dag 'byung bas/ phyi ma'i mtha'i bskal pa'i mur thug pa zad par gyur te/ 'khor de rnams ni zad mi shes par byung la skye ba'i 
rgyun mi 'chad pa zhig yod du zin na yang bstan par bya ba'i sa de la byang chub sems dpa' sems skad cig pa 'ga' tsam du yang zhum pa mi skye'o/ /snyom pa mi skye'o/ /sgyid lug dang / khong snyom mi skye'o/ /the tsom dang yid gnyis mi skye'o/ /bag tsha 
ba dang 'jigs pa mi skye'o/ /rmongs pa dang 'khrul pa mi skye'o/ /byang chub sems dpa' chos bzang po la gnas pa de ni 'di snyam du sems te/ bdag gis sems can 'di dag dang sems can gzhan rnams dang / sems can gyi khams 
thams cad kyang tshig gi lam gyis yongs su mgu bar byas te/ chos bshad pa'i mthar thug par mi bya/ chos la rnam par thogs par mi bya'o/ /zhes nas/ des brjod pa de dag thams cad kyang rab tu shes te/ sems can de dag la brtag</font><hr>35-1-324a<br><font size=+1>
mi dgos par 'byung ba'i tshig dang / tshig gi cho ga rnam pa tha dad pa brtag mi dgos par 'byung ba dang / tshig gi rnam par gdags pa brjod du med pa'i yang brjod du med par 'byung bas chos ston par byed do/ /de brjod pa de dag 
thams cad kyang 'dzin la/ sems kyi skad cig gcig gis kyang / tshig thams cad mkhyen pa nyid du dbang bskur ba/ chags pa med pa'i snying po can/ chos thams cad kyi snang ba rab tu thob pa/ thams cad mkhyen pa'i ye shes la gzhol ba 
gcig gis sems can thams cad kyang go bar byed do/ /de ltar byang chub sems dpa' sems dpa' chen po byang chub sems dpa'i spyod pa chos bzang po la gnas pa ni/ mngon par chags pa med pa'i tshul gyis bdag rnam par dag pa yang rab 
tu 'thob po/ /sems can med par 'byung ba'i tshul gyis sems can thams cad kyi don kyang yongs su rdzogs par byed do/ /de ni dus gcig tu stong gsum pa bcu nas stong gsum pa brjod kyis mi lang ba'i don du byin gyis brlabs shing / 
bdag gi lus gser gyi mdog du mngon par sprul te/ dbyangs kyi dkyil 'khor thams cad shes pa'i sgor chud pa/ chos thams cad du khyab pas mtha' dang dbus med pa'i chos kyi sgor 'jug cing / sangs rgyas kyi 'phrin las bsgrubs te/ 
'jig rten thams cad du rgyu ba 'gags pas/ 'gro ba med pa'i lus rnams dang 'gro ba thams cad du 'byung bas mtha' yas par 'gro ba'i lus rnams dang / mi skye ba dang mnyam pa'i chos la brtson pas ma skyes pa'i lus rnams dang / 
'gog par brjod pa thams cad dmigs pa med pas 'gags pa med pa'i lus rnams dang / ji lta ba bzhin du dmigs pas bden pa med pa'i lus rnams dang / 'jig rten gyi bden pa bzhin du rnam par dmigs pas/ bden pa med pa'i lus rnams dang / 'jig rten gyi bden pa bzhin du rnam </font><hr>35-1-324b<br><font size=+1>
par dmigs pas mi slu ba'i lus rnams dang / 'chi 'pho ba dang skye ba las 'das pas mi 'pho ba'i lus rnams dang / chos kyi dbyings kyi rang bzhin 'jig par mi byed pas/ mi 'jigs pa'i lus rnams dang / dus gsum gyi tshig gi lam la brtson pas skad cig gcig 
gi lus rnams dang / chos kyi mtshan nyid shin tu rtogs pa'i mthar thug pas mtshan nyid med pa'i lus rnams dang / lus rnam par phye ba 'byam klas pa bcu po de dag dang ldan pa'i byang chub sems dpa' ni dge ba'i rtsa ba thams cad bskyed pa 
la sems can thams cad kyi gnas yin no/ /dbugs chen po phyin par bya ba la sems can thams cad kyi dpung gnyen yin no/ /gnas chen po thob par bya ba la sems can thams cad kyi skyabs yin no/ /bla na med pa'i 'byung ba mthong bar bya 
ba la sems can thams cad kyi rten yin no/ /chos kyi tshul la 'jug par bya ba la sems can thams cad kyi 'dren pa yin no/ /las kyi rnam par smyin pa rnam par dmigs par bya ba la sems can thams cad kyi me mar yin no/ /chos 
zab mo rab tu thob par bya ba la 'jig rten thams cad kyi snang ba yin no/ /chos thams cad ji lta ba bzhin du rmongs pa med par khong du chud par bya ba la khams gsum thams cad kyi sgron ma yin no/ /snang ba'i sa rab tu thob par bya ba la 'jig 
rten thams cad kyi snang ba yin no/ /sangs rgyas kyi rnam par 'phrul pa yang dag par bstan par bya ba la 'gro ba thams cad rab tu dga' ba yin no/ /kye rgyal ba'i sras dag 'di ni byang chub sems dpa' sems dpa' chen po rnams kyi/ 
byang chub sems dpa'i spyod pa dgu pa chos bzang po zhes bya ba ste/de la gnas pa'i byang chub sems dpa' sems dpa' chen po rnams ni/ sangs rgyas kyi chos thams cad du 'jug par bya ba la 'gro ba thams cad kyi mu stegs yin no/ /</font><hr>35-1-325a<br><font size=+1>
kye rgyal ba'i sras dag /byang chub sems dpa' sems dpa' chen po rnams kyi byang chub sems dpa'i spyod pa bcu pa bden pa dang ldan pa zhes bya ba gang zhe na/ kye rgyal ba'i sras dag /'di la byang chub sems dpa' 
bden pa'i tshig dam pa dang ldan pas/ bden pa'i tshig can yin te/ de ni gang smras pa de byed/ gang byed pa de smra'o/ /de 'das pa'i sangs rgyas bcom ldan 'das rnams kyi bden pa'i gsung la yang slob bo/ /ma byon pa'i sangs rgyas bcom 
ldan 'das rnams kyi bden pa'i gsung la yang slob bo/ /da ltar byung ba'i sangs rgyas bcom ldan 'das rnams kyi bden pa'i gsung la yang slob bo/ /'das pa'i sangs rgyas bcom ldan 'das rnams kyi rigs la yang 'jug go /ma byon pa'i 
sangs rgyas bcom ldan 'das rnams kyi rigs la yang 'jug go /da ltar byung ba'i sangs rgyas bcom ldan 'das rnams kyi rigs la yang 'jug go /'das pa'i de bzhin gshegs pa thams cad kyi dge ba'i rtsa ba yang 'thob bo/ /ma byon pa'i 
de bzhin gshegs pa thams cad kyi dge ba'i rtsa ba yang 'thob bo/ /da ltar byung ba'i de bzhin gshegs pa thams cad kyi dge ba'i rtsa ba yang 'thob po/ /de ni sangs rgyas bcom ldan 'das 'das pa dang ma byon pa dang da ltar byung ba thams cad dang / dge 
ba'i rtsa ba lhan cig tu gyur pa ste/ de bzhin gshegs pa'i rjes su bslab pa'i ye shes dang ldan pas gnyis su med par smra ba yin no/ /de sems can rnams kyi gnas dang / gnas ma yin pa'i shes pa la yang rab tu 'jug go /de 
sems can rnams kyi 'das pa dang / ma 'ongs pa dang / da ltar byung ba'i las rnam par smin pa shes pa la yang rab tu 'jug go /dbang po dang / brtson 'grus rnam pa tha dad pa rdzogs pa dang / ma rdzogs pa dang / rab dang / tha ma shes </font><hr>35-1-325b<br><font size=+1>
pa la yang rab tu 'jug go /khams tha dad pa dang / khams du ma la yang rab tu 'jug go /mos pa tha dad pa dang / mos pa du ma la yang rab tu 'jug go /thams cad du 'gro ba'i lam gyi ye shes la yang rab tu 'jug go /bsam 
gtan dang rnam par thar pa dang / ting nge 'dzin dang / snyoms par 'jug pa dang / kun nas nyon mongs pa dang / rnam par byang ba rnam par dgod pa/ sems can rnams kyi dus dang dus ma yin pa'ang rab tu shes so/ /'jig rten 
gyi khams 'byam klas pa thams cad sngon gyi gnas rjes su dran pa'i shes pa la 'ang rab tu 'jug go /lha'i mig chags pa med par yang mngon par sgrub po/ /zag pa zad par shes pa'ang rab tu shes te/ byang chub sems dpa'i 
spyod pa nye bar gzung ba 'ang rgyun mi gcod do/ /de ci'i phyir zhe na/ byang chub sems dpa' ni 'gro ba thams cad rnam par dag par bya ba dang / gdul ba'i phyir zhugs pa yin te/ de'i phyir zhing sems 'di snyam du skye'o/ /'di ltar 
'jig rten na gnas pa yongs su ma grol bar bdag rnam par grol ba'i tshul rab tu shes par bya ba dang / sems can thams cad yongs su ma bkrol cing smon lam rjes su ma bsrungs par bla na med pa yang dag par rdzogs pa'i byang 
chub tu mngon par 'tshang rgya bar bya ba 'di ni bdag la mi cha la/ de bas na ci nas kyang sems can 'di dag bla na med pa yang dag par rdzogs pa'i byang chub kyi mthas gtugs par 'gyur ba dang / gang 'di phung po lhag ma ma lus 
pa'i mya ngan las 'das pa'i dbyings kyi mthar thug par gzhol bar 'gyur ba de ltar bya'o/ /de ci'i phyir zhe na/ bdag cag ni sems can thams cad kyis gsol ba ma btab pa'i dge ba'i bshes gnyen te/ sems can </font><hr>35-1-326a<br><font size=+1>
thams cad kyis ma bskul bar yang dag par zhugs pa/ sems can thams cad kyi dge ba'i rtsa ba la thog mar 'gro ba'o/ /bdag cag ni thams cad mkhyen pa nyid la 'jug pa'i phyir kha lo sgyur ba ste/ bdag cag 
gi ni 'gro ba kun gyis gos pa med pa'i phyir mchog tu gyur pa'o/ /bdag cag ni bla na med par kha lo sgyur ba'i sa la dam par gyur pa'o/ /bdag cag ni sems can med pa'i mtha' la rab rib med pa'o/ /bdag cag ni sngon gyi smon lam 
gyis thob pa dang ldan pa'o/ /bdag cag ni byang chub sems dpa'i yon tan gyi rgyan thams cad kyis shin tu sprul pa'o/ /bdag cag ni sangs rgyas 'das pa dang ma byon pa dang da ltar byung ba thams cad kyis yongs su bzung ba'o/ /zhes te 
de sngon gyi smon lam yang 'jig par mi byed do/ /bla na med pa'i ye shes kyi rgyan la yang rab tu 'jug go /sems can thams cad kyi don kyang yongs su rdzogs par byed do/ /sngon gyi smon lam ji ltar btab pa yang thog ma dang / 
bar ma dang / tha ma'i tshul gyis yongs su rdzogs par byas nas/ 'gro ba thams cad rnam par dag par bya ba'i phyir/ chos thams cad shes pa'i mngon par shes pa'ang rab tu thob par byed do/ /sems bskyed pa re re zhing yang 
phyogs bcur rgyas par 'gro ste/ sems bskyed pa gcig gis kyang sangs rgyas kyi zhing brjod du med pa'i yang brjod du med pa la 'jug go /sems bskyed pa re res kyang yang dag par rdzogs pa'i sangs rgyas brjod du med pa'i yang brjod du med pa mthong ste/ de 
bzhin gshegs pa dgra bcom pa yang dag par rdzogs pa'i sangs rgyas de dag gi /sangs rgyas kyi zhing gi rgyan yongs su dag pa la yang rab tu 'jug go /de bzhin gshegs pa'i rnam par 'phrul pa'ang yongs su ston to/ /chos kyi dbyings kyis </font><hr>35-1-326b<br><font size=+1>
klas pa nam mkha'i mthas gtugs par lus byin gyis brlabs pa/ 'gro ba thams cad du khyab pa/ tshad med pa/mi gnas pa'ang rab tu shes te/ bdag gi lus de dag la'ang zhing thams cad yongs su 'dus par kun tu ston cing / dus 
gsum gyi sems can thams cad dang / chos thams cad dang / sangs rgyas thams cad kyang rab tu ston to/ /sems can de dag gi 'du shes kyi rgyud dang mthu la'ang rab tu 'jug go /sems can de dag gi bsam pa dang / mos pa dang las dang / 
rnam par smyin pa rnam par dag par ji tsam pa de tsam du sems can gdul ba'i don du lus byin gyis rlob ste/ de yang 'di ltar byang chub sems dpa' ni sgyu ma lta bu'i chos thams cad kyis shin tu sprul pa ste/ mig yor lta bu'i sangs rgyas skye bar bya ba la pha 
rol tu phyin pa'o/ /'gro ba thams cad rmi lam lta bur rtogs pa'i yid dang ldan pa'o/ /don dang yi ge'i tshogs la mi zad pa'i mdzod do/ /dran pas dbang bsgyur ba'i chos thams cad la nges par rtogs pa thob pa'o/ /shes rab che ba'i ting nge 'dzin 
thams cad la yang rab tu zhugs pa'o/ /gnyis su med pa'i sa la rgyud kyi tshul gcig tu gyur pa'o/ /sems can gyi khams gnyis la gnas pa la snying rje chen por gnas pa ste/ chos de lta bu dang ldan pa'i byang chub sems dpa' ni chos bcu'i mthar 
dben par gyur pa ste/ chos kyi dbyings mig 'phrul lta bu la rab tu 'jug cing gnas pa'o/ /chags pa med pa'i sangs rgyas kyi rnam par thar pa yongs su rdzogs pa'o/ /khyu mchog gi mthu phyung bas seng ge'i sgra sgrog pa'o/ /mi 'jigs pa rab tu thob 
pa'o/ /thogs pa med pa'i chos kyi 'khor lo skor ba'o/ /phyir mi ldog pa'i 'jig rten gyi khams thams cad du rjes su spyod pa'i ye shes dang rnam par thar pa dang ldan pa/ ye shes rgya mtsho la rab tu zhugs pa'o/ /sems can thams cad kyi </font><hr>35-1-327a<br><font size=+1>
'khor ba'i 'khor lo bzlog pa'i phyir rab tu zhugs pa'o/ /'das pa dang ma byon pa dang da ltar byung ba'i sangs rgyas thams cad kyi chos kyi 'khor lo'i byin gyis rlabs dang ldan pa'o/ /sangs rgyas thams cad kyi chos rgya mtsho'i tshul 
gyi rjes su zhugs zhing gting rnyed pa'o/ /kye rgyal ba'i sras dag /'di ni byang chub sems dpa' rnams kyi byang chub sems dpa'i spyod pa bcu pa ste/ bden pa dang ldan pa zhes bya'o/ /de la gnas pa'i byang chub sems dpa' sems dpa' chen po 
rnams bden pas/ lha dang bdud dang / tshangs par bcas pa'i 'jig rten dang / dge sbyong dang bram ze'i skye dgur bcas pa dang / lha dang dri za dang mi dang lha ma yin du bcas pa'i 'jig rten dang phrad par 'dong ngo / /shes par byed do/ /tshim 
par byed do/ /yongs su dag par byed do/ /de nas de'i tshe sangs rgyas kyi mthus phyogs bcu'i 'jig rten gyi khams sangs rgyas kyi zhing gi rdul shin tu phra ba snyed sa rnam pa drug du g.yos par gyur to/ /g.yos so rab tu g.yos so/ /kun tu g.yos 
so/ /'gul to rab tu 'gul to/ /kun tu 'gul to/ /ldeg go rab tu ldeg go /kun tu ldeg go /chem chem rab tu chem chem/ kun tu chem chem mo/ /'ur 'ur rab tu 'ur 'ur/ kun tu 'ur 'ur ro/ /shig shig rab tu shig shig /
kun tu shig shig go /sangs rgyas kyi mthus lha rdzas kyi me tog gi sprin gyi char yang mngon par bab bo/ /lha rdzas kyi spos kyi sprin gyi char yang mngon par bab bo/ /lha rdzas kyi phye ma'i sprin gyi char yang mngon par bab bo/ /lha rdzas kyi phreng 
ba'i sprin gyi char yang mngon par bab bo/ /lha rdzas kyi gos kyi sprin gyi char yang mngon par bab bo/ /lha rdzas kyi rin po che'i sprin gyi char yang mngon par bab bo/ /lha rdzas kyi rgyan gyi sprin gyi char yang mngon par bab bo/ /lha rdzas kyi rol mo'i sgra </font><hr>35-1-327b<br><font size=+1>
yang mngon par byung ngo / /lha rdzas kyi snang ba yang rab tu byung ngo / /lha rdzas kyi sgra yang rab tu byung ngo / /gling bzhi pa 'di'i lha'i dbang po rab mtshe ma'i gnas na/ ji lta ba de bzhin du phyogs bcu thams cad kyang rgyas par byas te/ thams cad na yang 
sangs rgyas kyi mthus chos 'di nyid bstan par snang ngo / /phyogs bcu'i 'jig rten gyi khams sangs rgyas kyi zhing brgya stong gi rdul shin tu phra ba snyed 'das pa'i pha rol nas/ byang chub sems dpa' sangs rgyas kyi zhing brgya stong gi rdul shin tu phra ba snyed 
'ongs te/ phyogs bcu rgyas par byas nas 'di skad ces smras so/ /kye rgyal ba'i sras/ de ltar khyod byang chub sems dpa' rnams kyi spyod pa'i chos nyid 'di ston pa legs so legs so/ /kye rgyal ba'i sras/ bdag cag kun kyang ming yon 
tan dang ldan pa zhes bya ba dag ste/ de bzhin gshegs pa'i mtshan kun tu yon tan zhes bya ba dag gi drung nas 'jig rten gyi khams yon tan gyi rgyal mtshan zhes bya ba dag nas phyin te/ thams cad na'ang sangs rgyas kyi mthus 'khor 'di 'dra ba dag na tshig 
'di dag dang / yi ge 'di dag dang / bstan pa 'di dag dang / don 'di nyid brjod pas lhag chad med par chos bstan pa 'di ston to/ /kye rgyal ba'i sras de ltar bdag cag thams cad kyang sangs rgyas kyi byin gyi rlabs kyis 'khor 'dir phyin te ji ltar 'khor 'dir 
bdag cag phyin pa de bzhin du phyogs bcu'i 'jig rten gyi khams thams cad kyi gling gzhi pa'i 'jig rten gyi khams thams cad kyi rab mtshe ma'i gnas lha'i rgyal po rab mtshe ma'i khang pa nor bu sna tshogs zhes bya ba kun tu yang / byang chub sems dpa' 
sangs rgyas kyi zhing brgya stong gi rdul shin tu phra ba snyed phyin par gyur to// //sangs rgyas rmad gcad ces bya ba shin tu rgyas pa chen po'i mdo/ /bam po nyi shu bdun pa/ /de nas byang chub sems dpa' yon tan dang ldan pas phyogs </font><hr>35-1-328a<br><font size=+1>
bcur bltas te/ 'khor yod pa thams cad la rnam par bltas nas/ chos kyi dbyings la rnam par blta zhing / de bzhin gshegs pa'i rigs yang dag par gzung ba dang / byang chub sems dpa'i rigs yongs su spyod pa 
dang / smon lam gyi rigs phyir mi ldog par bya ba dang / spyod pa'i rigs rgyun tu bsab pa dang / dus gsum gyi rgyud mnyam par bya ba dang / 'das pa dang / ma byon pa dang / da ltar byung ba'i sangs rgyas thams cad kyi rigs yang dag par gzung 
ba dang / dge ba'i rtsa ba ji ltar bskyed pa'i rgyud brjod pa dang / dus dang ji ltar 'byor pa'i yan lag dang dbang po dang / bsam pa dang mos pa dang / nyon mongs pa dang / bag chags dang / sems dang spyod pa dang / rnam par g.yos pa'i 
rgyud thams cad yongs su brtag pa dang / sangs rgyas dang byang chub sems dpa'i rigs thams cad snang bar byed cing / sangs rgyas kyi byin gyi rlabs kyis/ de'i tshe tshigs su bcad de smras pa/ /nam mkha'i lam gyi rgyud gshegs shing / /
bsgribs pa med par gzigs pa rdul rnams sbyangs gyur pa/ /kun tu mtha' yas spyod yul can/ /stobs bcu mnga' ba de la phyag 'tshal lo/ /gang yang rgyal ba mi yi mchog /chags pa mi mnga' yon tan tshad med mnga' ba ste/ /'das 
dus mnyam pas mnyam gyur pa/ /rdul bstsal de dag spyod pa 'di yin no/ /phyogs bcu'i 'jig rten khams dag na/ /don gyi dam pa gzigs pa brten pa bzhugs pa rnams/ /mtha' yas nyes pa kun bstsal pa/ /gnas med de dag 
spyod pa 'di yin no/ /chos dbyings bsam gyis mi khyab par/ /skyes bu seng ge gang rnams byon par ma gyur pa/ /thugs rje che bskyed rnam spyod pa/ /phan mdzad de dag spyod pa 'di yin no/ /dus gsum gzhal du med pa yi/ /rang byung </font><hr>35-1-328b<br><font size=+1>
gti mug rnam par bstsal ba ji snyed pa/ /thams cad chos nyid mnyam pa ste/ /stobs mnga' de dag spyod pa 'di yin no/ /gang rnams mtha' dbus med pa yi/ /'jig rten khams kyi srid pa'i rgyud rnams rab gzigs shing / /gzigs nas rtog 
pa mi mnga' ba/ /mi g.yo de dag spyod pa 'di yin no/ /gang rnams chos kyi dbyings mkhyen cing / /rnam dag don gyi dam pa gzigs pa brtan pa rnams/ /gti mug tha ba nga rgyal sel mdzad pa/ /legs mnga' de dag spyod pa 'di yin no/ /
gang rnams sems can kun mkhas shing / /chos kyi dbyings la ngo bo nyid kyis zhugs gyur pa'i/ /bde gshegs gzhan dring mi 'jog pa/ /mkha' mnyam de dag spyod pa 'di yin no/ /'jig rten kun tu mtha' yas pa/ /nam mkha' klas pa 
yang dag thugs su chud gyur te/ /zil gyis mi non chos mnga' ba/ /thub mchog de dag spyod pa 'di yin no/ /ldog pa med pa de dag rnams/ /mi dma'i chos dang ldan pa thub par dka' ba dag /smon lam stobs kyi mthar phyin pa/ /spyod 
legs mnga' ba'i spyod 'di mnyan par gyis/ /mtha' dang dbus ni med pa'i sar/ /rjes su zhugs shing thams cad gzigs par gyur pa rnams/ /spyod yul zab mo mnga' ba yi/ /smra ba'i seng ge'i spyod pa 'di yin no/ /rab tu dbye ba'i 
tshig rgyus la/ /rjes su zhugs shing rgol ba 'dul bar mdzad pa yin/ /chos rnams rtog pa mnga' ba rnams/ /thub chen de dag spyod pa 'di yin no/ /'jig rten bde ba bskyed mdzad cing / /sems can nyes med thugs dang ldan pa 
rnams/ /kha lo sgyur ba mnyam med pa'i/ /yon tan tshad med de dag spyod pa 'di yin no/ /'jigs pa med pa stob mdzad cing / /sems can thams cad rab tu tshim par mdzad pa rnams/ /dang zhing rnyog pa med pa yi/ /dpe med de dag spyod pa 'di yin no/ /dge ba'i </font><hr>35-1-329a<br><font size=+1>
thugs dang ldan pa rnams/ /bsam pa rnam par dag cing spros pa med pa yi/ /dpal gyi gzi brjid spungs rgyas pa/ /dpal mchog ldan pa de dag spyod 'di'o/ /don gyi pha rol phyin pa rnams/ /yon tan 'byung gnas 
rnam par dag pa'i thugs mnga' ba/ /shin tu sems pa'i blo ldan rnams/ /srid nas 'phags pa de dag spyod 'di'o/ /bdag med nyams pa med pa rnams/ /rnga yi dbyangs rab mnga' ba zhing du gzhol ba dag /chos kyi tshul la gnas pa 
rnams/ /tshig la nyams med de dag spyod 'di'o/ /sbyin pas shin tu 'phags pa rnams/ /bsod nams mtshan rab brgyas kyang rab tu brgyan pa dag /'gro la phan par mdzad pa rnams/ /blo rab de dag spyod yul 'di yin no/ /ye shes shin 
tu zab pa'i sar/ /rjes su zhugs shing blo gros shin tu brtan pa rnams/ /mi g.yo brtan zhing gnas pa dag /brtul shugs brtan pa de dag spyod 'di'o/ /chos kyi dbyings la 'jug pa yis/ /rjes su 'jug pa'i pha rol phyin par gyur pa 
dag /rnam par 'phrul la brtson pa rnams/ /chos kyi nyi ma de dag spyod 'di'o/ /mi mnyam mnyam pa'i blo mnga' rnams/ /mi gnyis yongs su bsgom pa'i ting nge 'dzin ldan pa/ /bsam pa shin tu rtogs pa dag /thams cad 
gzigs pa de dag spyod 'di'o/ /'jig rten khams la rab 'jug pa/ /phra dang yangs dang rgya che'i rnam pa thams cad du/ /spyod yul thob par gyur pa rnams/ /ye shes ri bo de dag spyod 'di'o/ /yongs su dag pa'i sems ldan pa/ /
khams rnams gsum po kun tu chags pa med pa dag /tshul khrims brtul shugs mthar phyin pa/ /rnam dag sems ldan de dag spyod 'di'o/ /nam mkha'i dbyings kyi mthas gtugs pa'i/ /ye shes 'byam klas mngon par brjod du med pa la/ /</font><hr>35-1-329b<br><font size=+1>
zhugs te bslabs pa'i blo ldan pa/ /ye shes stobs can de dag spyod 'di'o/ /ye shes gsal ba'i phung po yis/ /dus gsum chos kyi dbyings rnams bkang ste bsgrub byed kyang / /sgyid lug yid du mi 'gyur bar/ /sangs rgyas yul zhugs de dag 
spyod yul lo/ /kun tu 'gro bar song gyur cing / /stobs bcu mnga' ba'i chos rnams kun kyang shes pa rnams/ /lus kyi chos kyang chags med pa/ /yon tan dpal can de dag spyod 'di'o/ /sems can mtha' dang dbus med pa/ /phyogs bcu'i 'jig 
rten dag na rgyu bar gyur pa rnams/ /sems can kun gyi bdag ni skyabs yin pa/ /'jigs med de dag spyod pa 'di yin no/ /rtag par brtson 'grus gnas 'cha' zhing / /nam yang sangs rgyas chos la zhum pa med pa rnams/ /de ni 'jig rten sbyang phyir 
te/ /klu chen de dag spyod pa 'di yin no/ /dbang po dag gi rgyus shes pa/ /mos pa'i tshul gyis pha rol phyin par gyur pa rnams/ /sna tshogs khams kyang rtogs gyur pa/ /mnyam med rtogs gyur de dag spyod 'di'o/ /phyogs rnams bcu po 
tshad med pa'i/ /mtha' dang dbus med rin chen mang pos 'gengs byed kyang / /nam yang skyo ba'i yid med pa/ /dad par byed pa de dag spyod 'di'o/ /'od zer dra ba mtha' yas pa/ /kun tu 'gyed cing 'jig rten snang bar byed pa rnams/ /snang ba'i 
chos rnams rtogs gyur pa/ /blo gros bsgoms pa de dag spyod 'di'o/ /gang zhig phyogs bcu'i zhing gi rnams/ /khrag khrig bsam gyis mi khyab thams cad skyod byed kyang / /'jig par 'gyur bar mi byed de/ /'jig rten phan pa bskyed la rtag tu brtson/ /
tshig gi tshul la mkhas pa rnams/ /brjod pa rnam par dbye ba'i pha rol phyin gyur pa/ /shes pa rmongs med mkhas pa dag /mi 'gul sems ldan de dag spyod 'di'o/ /spyi'u tshugs rgyu la mkhas pa dag /zhing </font><hr>35-1-330a<br><font size=+1>
rnams rnam par dbye ba'i pha rol phyin pa'i rnams/ /mi zad sa la zhugs pa'i dag /pham med blo gros de dag spyod 'di'o/ /yon tan khrag khrig tshad med pa/ /byang chub rab la gzhol zhing spyad pa spyod pa dag /yon 
tan thams cad mthar phyin pa/ /legs pa mi zad de dag spyod 'di'o/ /'jig rten 'das pa smra ba'i rnams/ /smra ba'i dam pa smra ba'i seng ger gyur pa dag /'gro [(]ba dag [)]bya'i mthar phyin pa/ /rnam dag sems ldan de dag spyod 'di'o/ /sangs 
rgyas rnams kyi dbang bskur bas/ /chos kyi dam pa rab la mngon par dbang bskur zhing / /chos kyi tshul gyi rjes su song ba rnams/ /yid yangs ldan pa de dag spyod 'di'o/ /'gro ba'i srid pa kun srung zhing / /sems can thams cad rnam 
par bsgom pa'i yid ldan pa/ /shin tu rtogs pa'i mdzod 'chang rnams/ /chos kyi ri bo de dag spyod 'di'o/ /dbyangs kyi yan lag gcig gis kyang / /'khor rnams brjod du med pa shes par byed pa dag /dbyangs kyi tshul la zhugs 
pa rnams/ /chags med mthong ba de dag spyod 'di'o/ /gang zhig tshig lam rjes song zhing / /ye shes shin du 'phags pas rnam par mi rtog pa/ /rnam par rtog med spyod yul can/ /rang bzhin med mthong de dag spyod 'di'o/ /chos kyi 
rgya mtshor gnas 'cha' zhing / /chos rnams thams cad rgyu yis rab tu 'debs byed pa/ mtshan nyid med pa'i tshul ldan rnams/ /dpal gyi tshul can de dag spyod 'di'o/ /bde bar gshegs pa'i zhing gcig tu/ /bsam gyis mi 
khyab pa yi dus rnams chud byed cing / /bskal pa grangs med 'dzud byed pa/ /skyo med brtson pa de dag spyod 'di'o/ /tha dad mtshan can mi yi dbang/ /skra yi rtse mo gcig la sangs rgyas brjod yas pa/ /gang gis de dag mthong gyur </font><hr>35-1-330b<br><font size=+1>
rnams/ /spyod pa bzang ldan de dag spyod 'di'o/ /gang gis skra yi cha tsam la/ /brjod du med pa'i 'dren pa rnams ni mthong gyur cing / /de bzhin chos dbyings thams cad de/ /rgyal sras de dag spyod pa 'di yin no/ /bskal pa brjod 
du med pa rnams/ /sems bskyed gcig gis rab tu shes par gyur pa rnams/ /ring dang thung bar nges med pa/ /rnam thar spyod pa de dag spyod 'di'o/ /lta zhing don med mi 'gyur la/ /sangs rgyas spyod pa dag la don yod las ldan 
rnams/ /chags pa med pa'i yid can dag /rgyal ba dam pa de dag spyod 'di yin/ /gang gis sangs rgyas mthong ba'i tshe/ /bskal pa khrag khrig nam du'ang ngoms par mi 'gyur bar/ /dga' ba shin tu spyod pa rnams/ /blta na don 
yod de dag spyod 'di'o/ /sems can khams ni mtha' yas pa/ /sems shing bskal pa mang po zad par byed pa rnams/ /sems can med par shes pa dag /sems can gtso bo de dag spyod 'di'o/ /bsod nams mang po bstsags pa 
rnams/ /ye shes skyob pa bsod nams chen po'i snying po can/ /bsod nams mu stegs 'gro ba yi/ /sems can dam pa'i spyod 'di'o/ /chos dbyings kun tu mtha' yas pa/ /nam mkha'i rnam pa bzhin du de dag tshad med pa/ /tshig 
gi lam la gnas pa rnams/ /seng ge'i sgra sgrog de dag spyod 'di'o/ /gang zhig ting 'dzin gcig pu la/ /ting nge 'dzin ni khrag khrig brjod du med pa yi/ /chos kyi gnas su zhugs gyur pa/ /smra ba'i zla ba de dag spyod 'di'o/ /
bzod pa'i stobs kyi mthar phyin pa/ /de dag chos rnams thams cad zhi la bzod pa yin/ /mi sgul sems dang ldan pa'i rnams/ /mtha' yas shes can de dag spyod 'di'o/ /'jig rten khams ni gcig nas kyang / /de dag lus ni g.yo zhing 'pho bar </font><hr>35-1-331a<br><font size=+1>
mi byed par/ /'gro ba kun tu'ang snang ba rnams/ /mtha' yas lus can de dag spyod 'di yin/ /gang zhig zhing gi tshul rnams kun/ /rjes su 'jug pa shin tu phra ba rab shes kyang / /yongs su rgyas pa'i blo med pa/ /
mtha' yas sems dpa' de dag spyod 'di'o/ /gnas dang gnas min shes gyur cing / /stobs la 'jug pa dag tu shin tu zhugs pa rnams/ /stobs kyi dam pa 'dzin pa dag /stobs kyis stobs che de dag spyod 'di'o/ /'das pa dag 
dang ma 'ongs dang / /da ltar byung ba'i las rnams shin tu 'byam klas pa/ /rtag tu shes pa 'jug gyur pa/ /tshul shes de dag spyod pa 'di yin no/ /'gro ba'i dus dang dus myin pa/ /ji ltar sems can 'dul bar 'gyur ba de bzhin shes/ /
dus la 'bebs par mkhas pa rnams/ /shes pa de dag spyod pa 'di yin no/ /chos la spyod pa kun srung zhing / /lus dang ngag dang yid kyi rnams kyang srung byed pa/ /bdud kyi lam la ma zhugs pa/ /shes pa'i blo can de dag spyod 'di'o/ /
rnam par gzhag pa'i rgyus mkhas pa/ /chos rnams la ni ji ltar spobs par 'jug pa rnams/ /de bzhin nyid dang yul mnyam pa/ /bde gshegs spyod pa de dag spyod 'di yin/ /chags med mdzod la brtson pa dag /gzungs kyi sgo 
mo'i dkyil 'khor rab tu shes pa rnams/ /chos kyi dbyings la 'jug pa yi/ /rjes su zhugs pa de dag spyod 'di yin/ /dus gsum gshegs pa'i rgyal ba rnams/ /ji snyed bzhugs pa kun dang gcig sems yid ldan pa/ /
rang bzhin gcig tu rtogs pa rnams/ /chags med rigs can de dag spyod 'di'o/ /bsgribs med ye shes tshul shes shing / /bsgribs med ye shes phyag rgya dag la zhugs pa rnams/ bsgribs myed myig kyang bdog byed pa/ /myig can de dag spyod </font><hr>35-1-331b<br><font size=+1>
pa 'di yin no/ /gnyis su med la spyod pa yi/ /rdzu 'phrul rnam par gzhog pa'i mgon po thams cad kun/ /rnam par 'phrul pa mkhyen pa rnams/ /gnyis su med spyod de dag spyod 'di'o/ /chos kyi sprin ni mtha' yas pa'i/ /char chen 
rab tu 'bebs shing zhing rnams yangs par rgyu/ /don rnams thams cad rtogs gyur pa/ /chos sprin de dag spyod yul 'di yin no/ /dad pa phyir ldog mi 'gyur zhing / /rtsa ba shin tu tshugs shing dad pa rnam dag pa/ /rnam thar shes pa thams cad 
la/ /bslabs pa rnams kyi spyod yin mnyan par gyis/ /'gro ba 'di dag ji snyed pa/ /ma lus thams cad sems bskyed gcig tu chud byas te/ /sems kyi rang bzhin shes pa rnams/ /rang bzhin med pa de dag spyod 'di yin/ /zhing rnams 
bsam gyis myi khyab pa/ /chos kyi dbyings rnams kun tu gang gis sprul byas shing / /mnyam pa med pa der spyod pa/ /dpe med 'gro ldan de dag spyod 'di'o/ /sangs rgyas zhing rnams mtha' yas te/ /de dag kun na 'jig rten mgon po gang 
bzhugs pa/ /de rnams dang ni mngon sum du/ /sangs rgyas zhabs kyi drung na 'khod gyur pa/ /de dag lus ni gcig pur yang / /ting nge 'dzin la mnyam par gzhag pa rab tu ston/ /lus ni stong phrag mtha' yas pa/ /ting nge 'dzin las ldang na 
shin tu snang / /spyod pa zab dang ldan byas nas/ /spros pa med pa'i spyod pa dag la rab spyod pa/ /dga' ba'i yid dang ldan pa rnams/ /sems can kun la dga' bar byed pa yin/ /dbang po tha dad tshul rnams la/ /blo gros gnas shing shes 
pa rab tu thob pa rnams/ /dbang po dag ni mi gnas pa/ /ma dul 'dul ba de dag spyod 'di yin/ /tha dad chos kyi tshul rnams la/ /chos rnams thams cad kun la dbang bas shes gyur pa/ /kun kyang sangs rgyas mdzad pa la/ /dmigs pa'i </font><hr>35-1-332a<br><font size=+1>
cho gas rab tu spyod pa yin/ /shin tu yangs pa'i ljags mnga' ba/ /de dag dbang po rnams dang legs pa'i spyod thos na/ /su yi sems shig dang mi 'gyur/ /nam mkha' lta bur de dag spyod 'di yin/ /kun tu 
mtha' yas shes ldan zhing / /chos rnams kun tu mtha' yas mig yod pa/ /ye shes mtha' yas tshul ldan pa/ /mtha' yas shes can de dag spyod 'di yin/ /zad mi nus pa zad byed cing / /bsod nams 'byam klas yod pas bsod nams mi 
zad pa/ /'gro ba dag pa'i mthar phyin rnams/ /'dra med de dag spyod pa 'di yin no/ /tshogs dang ldan zhing 'jig rten dang / /de dag chos kyi lam la rab tu 'jug byas kyang / /de dag sems can 'du shes med/ /sems can bye ba khrag khrig 
rab tu 'grel/ /nyon mongs med pa rtogs shes shing / /spyod pa mngon par shes pa thams cad mthong ba rnams/ /bde ba'i lam rnams ston byed pa/ /mig can de dag tshul ni 'di yin no/ /sangs rgyas ye shes spyod pa dang / /tshad 
med yon tan dam pa thob par gyur pa'i rnams/ /mi 'jigs pa ni rnyed gyur pa/ /shes can de dag tshul ni 'di yin no/ /'jug pa kun la rab zhugs shing / /zhing la 'jug dang chos kyi dbang la zhugs gyur pa/ /sems can zhugs la 
gnas byas nas/ /sems can dam pa sems can 'grol bar byed/ /phyogs rnams kun tu chos kyi rnga/ /brdung zhing 'jig rten 'di dag ston byed pa'i/ /chos rab sbyin pa'i bdag po rnams/ /nyams med rtogs myed de dag spyod 'di yin/ /
skyil mo krung 'dug gcig gis kyang / /zhing yangs brjod du med pa kun tu rgyas byed kyang / /su yi lus la gnod med pa/ /chos sku ldan pa de dag spyod 'di yin/ /don dang yi ge gcig la yang / /shin tu bstan pa bye ba khrag khrig rjes su </font><hr>35-1-332b<br><font size=+1>
'brang / /de dag mtha' ni rnyed mi nus/ /mnyam med shes ldan de dag spyod 'di yin/ /bsgribs pa med pa'i tshul shes pa/ /sangs rgyas rnam thar tshul bzhin bslabs pa rnams/ /'jigs pa med par gyur pa dag /tshad med de dag tshul ni 'di yin 
no/ /de dag phyogs rnams rgya mtsho dang / /zhing rnams rgya mtsho mtha' dang dbus med par/ /shes pa rgya mtsho ldan pa yin/ /chos rnams rgya mtshos 'jig rten tshim par byed/ /gang rnams gshegs shing skyes gyur dang / /byang chub rnam par 
'tshang rgya 'gro ba kun dag tu/ /su zhig mngon par snang gyur pa/ /mtha' dbus med pa de dag spyod 'di yin/ /mya ngan 'da' ba du ma yang / /zhing rnams bye ba khrag khrig mngon par snang / /'on kyang smra ba'i seng ge rnams/ /mya ngan mi 
'da' smon lam phyir mi ldog /chos rnams lhun ni gcig gyur cing / /sems can kun dang lus kyang gcig tu gyur pa rnams/ /rgyal bdag la rtog med pas/ /lus gcig gyur pa spyod 'di yin/ /tshig dang don rnams tha dad 
pas/ /'jig rten khams rnams mtha' dang dbus yod ma yin par/ /rang bzhin gcig la mos pa dag /dus gsum shes pa de dag spyod 'di yin/ /sems can dag dang rgyal ba dang / /chos kyi tshul rnams kun la zad pa med rnyed pa/ /
sangs rgyas byin la mos pa dag /rgyal bas byin brlabs de dag spyod 'di yin/ /chags pa med pa'i sku 'dra zhing / /chags pa med pa'i mig gi pha rol phyin pa rnams/ /chags med rna ba mkhas pa dag /chags med yid can de dag 
spyod 'di yin/ /mngon shes thams cad rnyed pa dang / /ye shes mngon par shes pa'i rjes su song ba rnams/ /shes pa kun gyi dpal ldan pa/ /shes pa bzang can de dag spyod 'di yin/ /shin tu mnyam bzhag sems ldan zhing / /</font><hr>35-1-333a<br><font size=+1>
ye shes mtha' yas shes rab shin tu che ba rnams/ /kun tu spyod yul ldan pa dag /thams cad gzigs pa de dag spyod 'di yin/ /yon tan kun gyi mthar phyin pa/ /sems can yangs pa gcig nas 
gcig brgyud sgrol ba rnams/ /yid ni yongs su nyams med pa/ /rtag tu brtson pa de dag spyod 'di yin/ /kun mkhyen thams cad gzigs pa dag /sangs rgyas thams cad dus gsum gshegs pa mgon po yi/ /rigs dang rgyud 
du skyes pa rnams/ /rgyal sras de dag spyod pa 'di yin no/ /rjes su bstan la brtson byed pa/ /phas kyi rgol ba'i lam la 'jigs med spyod pa dang / /mtha' yas blo yi spyod pa dang / /sangs rgyas byang chub rjes su zhugs pa rnams/ /mtha' 
dbus med pa zhing gi rnams/ /thams cad kun tu snang ba gcig gis gsal bar byed/ /thams cad snang bar byed pa rnams/ /mun pa sel ba'i spyod pa 'di yin no/ /gang du rgyal bas mdzad 'os pa/ /der ni sems can khrag khrig shin 
tu 'dul byed cing / /sangs rgyas sku dang sangs rgyas zhing / /sangs rgyas rgyan can khrag khrig snang bar byed/ /spyod pa dag ni mtha' yas la/ /su gnas brtan pa de dag shes par ji ltar rung / /spyad pa thams cad shin tu ston/ /
'gro ba spyod pa thams cad mthar thug byed/ /chos kyi dbyings dang mnyam pa yi/ /bdag gi lus ni brjod du med par gyur pa yis/ /de dag legs pa brjod byas kyang / /bskal pa khrag khrig dag gis mi 
zad do/ /yon tan kun tu mtha' yas shing / /yon tan mchog rnams thams cad mtha' yas pa'i/ /yon tan kun ni brjod byas te/ /thub pas bskal par gsungs kyang zad mi 'gyur/ /rang rgyal rnams dang nyan thos la/ /gzhol </font><hr>35-1-333b<br><font size=+1>
bar gyur pa'i 'jig rten gzhan gyi rnams kyis lta/ /bskal pa brjod yas brjod byas kyang / /zad par mi nus de ni smos ci dgos/ /yon tan gyi me tog shin tu bstsags pa zhes bya ba/ byang chub sems dpa'i spyod pa bstan pa'i le'u ste nyi shu drug 
pa// //de nas byang chub sems dpa' yon tan dang ldan pas/ yang byang chub sems dpa' de dag la smras pa/ kye rgyal ba'i sras dag /bcu po 'di dag ni byang chub sems dpa' rnams kyi gter yin te/ sangs rgyas bcom ldan 
'das/ 'das pa dang / ma byon pa dang / da ltar byung ba rnams kyis gsungs so/ /gsung ngo / /gsung bar 'gyur ro/ /bcu gang zhe na/ 'di lta ste/ dad pa'i gter dang / tshul khrims kyi gter dang / ngo tsha shes pa'i gter dang / khrel yod 
pa'i gter dang / thos pa'i gter dang / gtong ba'i gter dang / dam 'cha' ba'i gter dang / rtogs pa'i gter dang / blo gros kyi gter dang / bla'i gter te/ kye rgyal ba'i sras dag /byang chub sems dpa' rnams kyi byang chub sems 
dpa'i gter bcu po de dag ni/ 'das pa dang / ma byon pa dang / da ltar byung ba'i sangs rgyas bcom ldan 'das rnams kyis gsungs so/ /gsung ngo / /gsung bar 'gyur ro/ /kye rgyal ba'i sras dag /de la dad pa'i gter gang zhe na/ kye rgyal 
ba'i sras dag /'di la byang chub sems dpa' chos thams cad stong pa zhes bya bar dad par byed do/ /chos thams cad mtshan ma med pa zhes bya bar dad par byed do/ /chos thams cad smon pa med pa zhes bya bar dad par byed do/ /chos thams cad 
ma byas pa zhes bya bar dad par byed do/ /chos thams cad ma brtags pa zhes bya bar dad par byed do/ /chos thams cad gnas med pa zhes bya bar dad par byed do/ /chos thams cad tshad med pa zhes bya bar dad par byed do/ /chos thams cad bla na med </font><hr>35-1-334a<br><font size=+1>
pa zhes bya bar dad par byed do/ /chos thams cad 'dar mi rung ba zhes bya bar dad par byed do/ /chos thams cad 'byung ba med pa zhes bya bar dad par byed do/ /de ni chos dang mthun pa'i dad pa dang ldan pa yin te/ chos thams 
cad bsam gyis mi khyab po zhes bya bas zhum par mi 'gyur ro/ /sangs rgyas thams cad bsam gyis mi khyab po zhes bya bas zhum par mi 'gyur ro/ /sems can gyi khams thams cad bsam gyis mi khyab po zhes bya bas zhum par mi 'gyur ro/ /chos kyi 
dbyings bsam gyis mi khyab po zhes bya bas zhum par mi 'gyur ro/ /nam mkha'i dbyings bsam gyis mi khyab po zhes bya bas zhum par mi 'gyur ro/ /mya ngan las 'da' ba'i dbyings bsam gyis mi khyab po zhes bya bas zhum par mi 'gyur ro/ /'das 
pa'i dus bsam gyis mi khyab po zhes bya bas zhum par mi 'gyur ro/ /ma 'ongs pa'i dus bsam gyis mi khyab po zhes bya bas zhum par mi 'gyur ro/ /da ltar byung ba'i dus bsam gyis mi khyab po zhes bya bas zhum par mi 'gyur ro/ /bskal pa 
thams cad la 'jug pa bsam gyis mi khyab po zhes bya bas zhum par mi 'gyur ro/ /de ci'i phyir zhe na/ de'i dad pa ni sangs rgyas bcom ldan 'das rnams kyis ji ltar mkhyen pa bzhin du gcig tu nges par gyur pa yin te/ sangs rgyas kyi ye shes kyi 
mtha' yang zad mi shes so/ /'jig rten gyi khams rnams kyang zad mi shes te/ 'jig rten gyi khams re re yang mtha' yas pa'i sangs rgyas bcom ldan 'das rnams bla na med pa yang dag par rdzogs pa'i byang chub tu mngon par sangs rgyas so/ /
mngon par 'tshang rgya'o/ /mngon par 'tshang rgya bar 'gyur ro/ /yang dag par byung ngo / /yang dag par 'byung ngo / /yang dag par 'byung bar 'gyur ro/ /yongs su mya ngan las 'das so/ /yongs su mya ngan las 'da'o/ /yongs </font><hr>35-1-334b<br><font size=+1>
su mya ngan las 'da' bar 'gyur te/ sangs rgyas kyi ye shes de ni 'bri ba'am/ 'phel ba'am/ skye ba'am/ 'gag pa'am/ 'pho ba'am/ 'gro ba'am/ nye bar byed pa 'am/ ring par byed pa'am/ shes par byed pa 'am/ 'byin 
par byed pa ma yin te/ de ni sangs rgyas kyi ye shes la yang dag par gnas pas zad pa med cing / mtha' yas pa'i dad pa'i gter dang ldan pa yin no/ /kye rgyal ba'i sras dag /dad pa 'di ni mtha' yas pa/ kun tu mtha' yas pa mi zad 
pa/ phyir mi ldog pa/ myu gur gyur pa ma yin pa/ tha dad pa ma yin pa/ ma 'dres pa/ rtsa ba brtan pa/ 'phags pa dang mthun pa/ de bzhin gshegs pa'i rigs kyi rgyud du gyur pa/ sangs rgyas thams cad kyi rigs yang dag 
par 'dzin pa/ byang chub sems dpa' thams cad kyi mos pa yang dag par bskyed pa/ de bzhin gshegs pa thams cad kyi dge ba'i rtsa ba rjes su song ba/ nges par rtogs pa/ sangs rgyas thams cad kyi rigs la mkhas par 
gyur pa yin te/kye rgyal ba'i sras dag /'di ni byang chub sems dpa' sems dpa' chen po rnams kyi dad pa'i gter te/ de la gnas pa'i byang chub sems dpa' rnams ni/ sangs rgyas kyi chos thams cad thos par gyur na/ bden par 
khong du chud de sems can thams cad la rnam par dbye ba'i phyir nan tan du byed par 'gyur ro/ /kye rgyal ba'i sras dag /de la byang chub sems dpa' rnams kyi tshul khrims kyi gter gang zhe na/ kye rgyal ba'i sras dag /'di la byang 
chub sems dpa' thog mar phun sum tshogs pa'i tshul khrims dang ldan pa yin/ byin gyis ma brlabs pa'i tshul khrims dang ldan pa yin/ mi gnas pa'i tshul khrims dang ldan pa yin/ lhag pa'i lta ba med pa'i tshul khrims dang </font><hr>35-1-335a<br><font size=+1>
ldan pa yin/ 'gal ba med pa'i tshul khrims dang ldan pa yin/ gzhan la mi gnod pa'i tshul khrims dang ldan pa yin/ ma 'dres pa'i tshul khrims dang ldan pa yin/ nye ba'i nyon mongs pa med pa'i tshul khrims dang ldan 
pa yin/ skyon med pa'i tshul khrims dang ldan pa yin/ kha na ma tho ba med pa'i tshul khrims dang ldan pa yin/ kye rgyal ba'i sras dag /ji ltar na byang chub sems dpa' thog mar phun sum tshogs pa'i tshul khrims dang ldan pa yin zhe na/ kye rgyal 
ba'i sras dag /'di la byang chub sems dpa' thog ma nyid du sems can thams cad la phan pa dang / bde bar sems pa'o/ /kye rgyal ba'i sras dag /ji ltar na byang chub sems dpa' byin gyis ma brlabs pa'i tshul khrims dang ldan pa yin zhe na/ 
mu stegs can gyi gnas dang / mi 'dra ba'i tshul khrims yin te/ de ni 'di ltar rang bzhin gyis dus gsum mnyam pa nyid du go cha bgos shing spyod pa'o/ /ji ltar na byang chub sems dpa' mi gnas pa'i tshul khrims dang ldan pa yin zhe 
na/ kye rgyal ba'i sras dag /'di la 'dod pa'i khams la mi gnas pa'i tshul khrims can yin/ gzugs kyi khams la mi gnas pa'i tshul khrims can yin/ /gzugs med pa'i khams la mi gnas pa'i tshul khrims can yin/ 
de ci'i phyir zhe na/ 'khor de dag la bdag gir bya ba med de/ de ltar na byang chub sems dpa' mi gnas pa'i tshul khrims dang ldan pa yin no/ /kye rgyal ba'i sras dag /ji ltar na byang chub sems dpa' lhag par lta ba med pa'i tshul khrims dang 
ldan pa yin zhe na/ 'di la byang chub sems dpa' 'gyod pa med pa'i rgyud dang ldan pa yin te/ de ci'i phyir zhe na/ de ni 'di ltar mtshams med pa'i las mngon par 'du mi byed de/ tshul khrims lhod pa la gzhol ba ma yin no/ /</font><hr>35-1-335b<br><font size=+1>
de ltar na byang chub sems dpa' lhag par lta ba med pa'i tshul khrims dang ldan pa yin no/ /ji ltar na byang chub sems dpa' 'gal ba med pa'i tshul khrims dang ldan pa yin zhe na/ 'di la byang chub sems dpa' ma bcas pa ni 'cha' bar mi byed/ bcas 
pa ni gcod par mi byed de/ de ni mya ngan las 'das pa'i mthar thug tu ji ltar mthun pa'i chos dang ldan pa yin no/ /gang gis pha rol gyi sdug bsngal gyi rgyur 'gyur ba dang / pha rol 'khrul bar 'gyur ba'i tshul khrims de lta bu dam bca' ba la 
dam bcas shing mi gnas te/ de ni 'di ltar pha rol gyi sems dang bar bya ba'i phyir tshul khrims yang dag par len par byed do/ /ji ltar na byang chub sems dpa' gzhan la mi gnod pa'i tshul khrims dang ldan pa yin zhe na/ 'di la byang chub 
sems dpa' sems can thams cad brtse ba'i phyir/ tshul khrims kyi rig sngags dang / gsang sngags dang / sman gyi sbyor ba de lta bu mi sgrub kyi/ de ni sems can thams cad bskyab pa'i phyir tshul khrims yang dag par blangs te/gnas so/ /ji ltar na byang chub sems dpa' ma 'dres pa'i tshul khrims dang ldan pa yin zhe na/ 'di la byang chub sems dpa' chad par lta ba dang / rtag par lta ba dang / 'dres pa'i tshul khrims yang dag par len par mi byed de/ de ni 
'di ltar rten cing 'brel par 'byung ba la rten pa'i tshul khrims yang dag par len to/ /ji ltar na byang chub sems dpa' nye ba'i nyon mongs pa med pa'i tshul khrims dang ldan pa yin zhe na/ yon tan med pa bstan par bya ba'i phyir gzhan gyi sems la 
blta zhing / rtog pa rnam pa sna tshogs su 'gyur ba ma yin no/ /de ni 'di ltar chos kyis ngoms pa dang ldan pa yin te/ 'byung ba'i lam tshol zhing sbyor ba'i tshul khrims yang dag par blangs te gnas so/ /ji ltar na byang chub sems dpa' skyon </font><hr>35-1-336a<br><font size=+1>
med pa'i tshul khrims dang ldan pa yin zhe na/ 'di la byang chub sems dpa' tshul khrims des log pa'i tshul khrims nye bar bzung ste/ gang gis pha rol po dma' ba'i tshul khrims can du 'gyur bar bdag la mi bstod gzhan 
la mi smod do/ /de ni 'di ltar g.yeng ba med pa nye bar bzung ste/ tshul khrims yang dag par blangs shing gnas so/ /ji ltar na byang chub sems dpa' kha na ma tho ba med pa'i tshul khrims dang ldan pa yin zhe na/ 'di la byang chub sems 
dpa' srog gcod pa yongs su spangs pa yin te/ ma byin par len pa dang / 'dod pas log par g.yem pa dang / brdzun du smra ba dang / phra ma'i tshig dang / ngag brlang pa dang / tshig 'khyal pa dang / chags sems dang / 
gnod sems dang / log par lta ba yongs su spangs pa yin te/ dge ba bcu'i las kyi lam yang dag par blangs te gnas so/ /de ltar na byang chub sems dpa' kha na ma tho ba med pa'i tshul khrims dang ldan pa yin/ de 'di 
snyam du sems bskyed de/ gang ji snyam du sems can rnams tshul khrims 'chal ba can la yid ma 'cha' zhing / spyod pa thams cad ni phyin ci log gi rgyu las byung ba ste/ de ltar sangs rgyas bcom ldan 'das rnams kyis thugs su chud de/ phyin ci 
log tu gyur pa'i sems can rnams ni tshul khrims log pa la spyod kyis/ bdag gis ni ci nas kyang / bla na med pa yang dag par rdzogs pa'i byang chub tu mngon par sangs rgyas te/ de bzhin nyid kyi don du chos bstan par 'gyur ba de ltar bya'o snyam mo/ /
kye rgyal ba'i sras dag /'di ni byang chub sems dpa' rnams kyi tshul khrims kyi gter te gnyis pa'o/ /kye rgyal ba'i sras dag /de la byang chub sems dpa' rnams kyi ngo tsha shes pa'i gter gang zhe na/ kye rgyal ba'i sras dag 'di la byang chub </font><hr>35-1-336b<br><font size=+1>
sems dpa' sngon gyi mtha'i spyod pa nye bar bzung ste/ gang 'di tshe rabs kyi 'khor ba thog ma dang tha ma med pa'i rgyas par ma dang 'grogs pa dang / pha dang 'grogs pa dang / zhang po dang 'grogs pa dang / sring mo dang 'grogs pa dang / spun dang 
'grogs pa dang / bu dang 'grogs pa dang / bu mo dang 'grogs par gyur kyang / gcig la gcig 'tshe ba dang / gcig la gcig kyal ka byed pa dang / gcig la gcig gnod par byed pa dang / gcig la gcig 'khrig pa dang / gcig 
la gcig sdo ba dang / gcig la gcig 'jigs pa dang / gcig la gcig 'bod pa dang / gcig la gcig za ba dang / gcig la gcig dbang ba dang / gcig la gcig 'khol bar gyur pa de yang 'dod chags kyi dbang dang / zhe sdang gi 
dbang dang / gti mug gi dbang dang / rgyags pa'i dbang dang / nga rgyal gyi dbang dang / 'chab pa'i dbang dang / gnya' drag gi dbang dang / phrag dog gi dbang dang / 'jungs pa'i dbang dang / g.yo'i dbang dang / sgyu'i dbang 
dang / mi dag pa'i las 'di rnams shin tu blangs pa'i phyir/ sems can gcig la gcig 'di lta bu'i rnam pa ngan pa dag nyams su myong bar gyur te/ thams cad kyang mi shes pa'i dbang gis gyur pa nas/ g.yo dang sgyu'i bar gyi dbang 
gis gyur te/ gcig la gcig bag mi byed/ rim gro mi byed/ gcig la gcig bkur sti mi byed/ gcig la gcig phu dud mi byed/ gcig la gcig btsam pa med pa dang / gcig la gcig mi mkhas pa dang / gcig la gcig 
gnod pa dang / gcig la gcig gsod pa dang / gcig la gcig dgrar byed par gyur to zhes ngo tsha bskyed do/ /ji ltar 'das pa'i dus na bdag dang sems can rnams kyi rnam pa ngan pa 'di lta bu'i tshul byung ba/ de bzhin da ltar byung </font><hr>35-1-337a<br><font size=+1>
ba'i dus na yang bdag dang sems can thams cad la rnam pa ngan pa de lta bu dag yod do/ /ji ltar da ltar byung ba'i dus na bdag dang sems can rnams la rnam pa ngan pa de lta bu dag yod pa de bzhin ma 'ongs pa'i dus na yang 
bdag dang sems can thams cad la rnam pa ngan pa de lta bu dag 'byung bar 'gyur te/ de ni 'das pa dang / ma byon pa dang / da ltar byung ba'i sangs rgyas bcom ldan 'das rnams kyis kyang thugs su chud do/ /de ltar bdag gi ngo tsha med cing mi 
bzod la/ sangs rgyas bcom ldan 'das/ 'das pa dang / ma byon pa dang / da ltar byung ba rnams kyis thugs su chud bzhin du/ rnam pa ngan pa 'di lta bu la gnas pa ni mi rigs mi chas/ da ni bdag cag gis ci nas kyang / bla na med pa 
yang dag par rdzogs pa'i byang chub tu mngon par sangs rgyas nas/ de bzhin nyid kyi don du sems can rnams la chos bstan par 'gyur ba de ltar bya'o/ /kye rgyal ba'i sras dag /'di ni byang chub sems dpa' rnams kyi ngo tsha shes pa'i 
gter te gsum pa'o/ /kye rgyal ba'i sras dag /de la byang chub sems dpa' rnams kyi khrel yod pa'i gter gang zhe na/kye rgyal ba'i sras dag /'di la byang chub sems dpa' ni mtha' med par tshol bas khrel bar 'dzin 
pa yin te/ gzugs btsal ba dang / sgra dang / dri dang / ro dang / reg btsal ba dang / bu dang bu mo'i don du btsal ba dang / nor dang / bran pho dang / bran mo dang / g.yog yid du 'ong ba btsal pa'i phyir/ bdag gis kyang mi 
tshul mi cha ba'i gcam bu bya bar 'gyur ro/ zhes te de ni 'tshol ba'i dbang du chags pa nye bar mi len to/ /zhe sdang nye bar mi len to/ /gti mug nye bar mi len to/ /de bzhin du nga rgyal dang / 'chab pa dang / phrag dog dang /</font><hr>35-1-337b<br><font size=+1>
'jungs pa dang / g.yo dang / sgyu dang / gnod par bya ba nye bar mi len to/ /de 'di ltar dran pa skye ste/ gang ci yang rung ste/ sems can rnams rnam pa ngan pa de lta bu nye bar 'dzin pa thams cad ni ma rig pa'i dbang nas/ g.yo dang / sgyu 
dang / gnod par byed pa'i dbang gi bar gyis byung ba ste/ de dag gcig la gcig bag mi byed/ rim gro mi byed/ bsti stang du mi byed/ phu dud du mi byed cing / btsam pa med de/ grogs por mi shes shing / gcig la gcig nyam nga ba dang / 
gcig la gcig gsod pa dang / gcig la gcig dgrar len pa 'di lta bu'i rnam pa ngan pa de dag nye bar len to/ /mngon par dga'o/ /mngon par zhen to/ /tshol lo/ /kun tu tshol lo/ /kun tu btsal nas mngon par smon to/ /'jal lo/ /
kun tu 'jal lo/ /de ltar yang mig nyams pa de dag lam gang dang gang nas mngal gyi dri mas gos te byung ba/ de nyid du 'khrig pa'i chos la sten te mi gtsang ba 'byung ba ni kun gyis kyang shes so/ /de bas na de ltar bdag bla na med pa yang 
dag par rdzogs pa'i byang chub tu smon la khrel med pa'i dbang du gyur nas/ 'das pa dang ma byon pa dang / da ltar byung ba'i sangs rgyas bcom ldan 'das rnams kyi sku bslu ba byed pa 'di ni mi rigs kyis/ da ni bdag gis ci nas kyang bla na med 
pa yang dag par rdzogs pa'i byang chub tu mngon par sangs rgyas nas/ de bzhin nyid kyi don du chos bstan par 'gyur ba de ltar bya'o snyam mo/ /kye rgyal ba'i sras dag /'di ni byang chub sems dpa' rnams kyi khrel yod pa'i gter te bzhi 
pa'o/ /kye rgyal ba'i sras dag /de la byang chub sems dpa' rnams kyi thos pa'i gter gang zhe na/ kye rgyal ba'i sras dag /'di la byang chub sems dpa' thos pa dang ldan pa yin te/ 'di yod na 'di 'byung ngo / /'di med na 'di mi 'byung ngo /</font><hr>35-1-338a<br><font size=+1>
'di byung bas 'di skye'o/ /'di 'gags pas 'di 'gag go /'di dag ni 'jig rten pa'i chos so/ /'di dag ni 'jig rten las 'das pa'i chos so/ /'di dag ni 'dus byas kyi chos so/ /'di dag ni 'dus ma byas 
kyi chos so/ /'di dag ni lung bstan pa'i chos so/ /'di dag ni lung ma bstan pa'i chos so/ /de la ci yod pas gang 'byung bar 'gyur zhe na/ ma rig pa yod pas 'du byed rnams 'byung ngo / /ci med pas gang med par 'gyur zhe na/ rnam par shes 
pa med pas ming dang gzugs med par 'gyur ro/ /ci skyes pas gang skyes par 'gyur zhe na/ sred pa skyes pas sdug bsngal skye'o/ /ci 'gags pas gang 'gags par 'gyur zhe na/ srid pa 'gags pas skye ba 'gag go /de la 'jig rten pa'i 
chos rnams gang zhe na/ gzugs dang / tshor ba dang / 'du shes dang / 'du byed dang / rnam par shes pa'o/ /de la 'jig rten las 'das pa'i chos rnams gang zhe na/ 'di lta ste/ tshul khrims kyi phung po dang / ting nge 'dzin gyi phung po dang / shes rab 
kyi phung po dang / rnam par grol ba'i phung po dang / rnam par grol ba'i ye shes mthong ba'i phung po ste/ 'di dag ni 'jig rten las 'das pa'i chos so/ /'dus byas kyi chos rnams gang zhe na/ 'di lta ste/ 'dod pa'i khams dang / 
gzugs kyi khams dang / gzugs med pa'i khams dang / sems can gyi khams te/ 'di dag ni 'dus byas kyi chos so/ /'dus ma byas pa'i chos rnams gang zhe na/ nam mkha' dang / mya ngan las 'das pa dang / so sor brtags te 'gog 
pa dang / so sor ma brtags par 'gog pa dang / rten cing 'brel par 'byung ba dang / chos kyi gnas nyid de/ 'di dag ni 'dus ma byas pa'i chos so/ /lung bstan pa'i chos rnams gang zhe na/ 'phags pa'i bden pa bzhi dang / dge sbyong </font><hr>35-1-338b<br><font size=+1>
gi 'bras bu bzhi dang / tha dad pa yang dag par shes pa bzhi dang / mi 'jigs pa bzhi dang / dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan 
lag bdun dang / 'phags pa'i lam yan lag brgyad de/ 'di dag ni lung bstan pa'i chos so/ /lung ma bstan pa'i chos rnams gang zhe na/ 'jig rten mtha' yod pa dang / 'jig rten mtha' med pa dang / mtha' yod pa yang ma yin/ mtha' 
med pa yang ma yin zhes bya ba 'di ni lung ma bstan pa'o/ /'jig rten rtag pa dang / 'jig rten mi rtag pa dang / rtag pa yang ma yin/ mi rtag pa yang ma yin pa zhes bya ba 'di ni lung ma bstan pa'o/ /de bzhin gshegs pa shi phan chad yod pa dang / 
de bzhin gshegs pa shi phan chad med pa dang / de bzhin gshegs pa shi phan chad yod kyang yod la med kyang med pa dang / de bzhin gshegs pa shi phan chad yod pa'ang ma yin/ med pa'ang ma yin zhes bya ba ni lung ma bstan pa'o/ /bdag dang 
sems can rnams yod pa dang / bdag dang sems can rnams med pa dang / bdag dang sems can rnams yod pa yang yin la/ med pa yang yin pa dang / bdag dang sems can rnams yod pa yang ma yin la med pa yang ma yin/ 
zhes bya ba 'di ni lung ma bstan pa'o/ /sangs rgyas ji snyed cig yongs su mya ngan las 'das/ rang sangs rgyas ji snyed cig yongs su mya ngan las 'das/nyan thos ji snyed cig yongs su mya ngan las 'das/ sangs rgyas ji snyed cig ma byon/ 
rang sangs rgyas ji snyed cig ma byon/ nyan thos ji snyed cig ma byon/ byang chub sems dpa' ji snyed cig skye bar 'gyur/ sangs rgyas ji snyed cig bzhugs/ rang sangs rgyas ji snyed cig bzhugs/ nyan thos ji snyed cig bzhugs/ byang chub </font><hr>35-1-339a<br><font size=+1>
sems dpa' ji snyed cig bzhugs/ sangs rgyas dag pas su snga/ rang sangs rgyas dag pas su snga/ nyan thos dag pas su snga/ byang chub sems dpa' dag pas su snga/ sangs rgyas dag pas su 'phyi/ rang sangs rgyas dag 
pas su 'phyi/ nyan thos dag pas su 'phyi/ sems can dag pas su 'phyi/ chos dag pas su snga/ 'jig rten gang nas 'ongs/ 'jig rten gang du 'gro/ 'jig rten gyi khams ji snyed cig chags par 'gyur/ 'jig rten gyi khams ji snyed cig gnas pa 
yin/ 'jig rten gyi khams gang nas 'ongs/ 'jig rten gyi khams gang zhig yongs su zad par 'gyur/ 'khor ba'i sngon gyi mtha' ni gang / 'khor ba'i phyi ma'i mtha' ni gang zhes bya ba/ 'di ni lung ma bstan pa'o/ /de 'di ltar dran pa skye ste/ 
sems can gang su yang rung ste/ kun tu rgyug pa dang / kun tu 'khor ba thams cad ni chos 'di dag mi shes pa'i phyir te/ de ltar thos pa dang mi ldan pa'i so so'i skye bo rnams kun tu rgyug go /kun tu 'khor ro/ /de bas na de ni bdag gis ci nas kyang bsam 
pa thams cad thos pa'i mdzod bzung ste/ bla na med pa yang dag par rdzogs pa'i byang chub tu mngon par sangs rgyas nas/ de bzhin nyid kyi don du chos bstan par bya'o/ /zhes bya ba 'di ni/ kye rgyal ba'i sras dag /byang chub sems dpa' 
rnams kyi thos pa'i gter te lnga pa'o/ /kye rgyal ba'i sras dag /de la byang chub sems dpa' rnams kyi gtong pa'i gter gang zhe na/ kye rgyal ba'i sras dag 'di la byang chub sems dpa' gtong ba dang ldan pa yin/ yongs su gtong ba dang ldan pa 
yin/ nang gi gtong ba dang ldan pa yin/ phyi rol gyi gtong ba dang ldan pa yin/ phyi nang gi gtong ba dang ldan pa yin/ thams cad gtong ba dang ldan pa yin/ 'das pa gtong ba dang ldan pa yin/ ma 'ongs pa gtong ba dang ldan pa yin/ da ltar </font><hr>35-1-339b<br><font size=+1>
byung ba gtong ba dang ldan pa yin/ shin tu gtong ba dang ldan pa yin te/ kye rgyal ba'i sras dag /ji ltar na byang chub sems dpa' gtong ba dang ldan pa yin zhe na/ kye rgyal ba'i sras dag /'di la byang chub sems dpa' rang bzhin gyis bgo bsha' byed 
pa'i ngang tshul can yin te/ de rtag tu bgo bsha' byas shing bdag kyang shas kyis spyod pa yin te/ bdag bde bar bya ba dang / bdag yongs su sbyang ba dang / bdag rim gror bya ba'i phyir/ yo byad ji snyed du bstsags pa de dag thams cad kyang bgo 
bsha' byas shing spyod kyi/ ma bgos par ni ma yin no/ /de dag spyod pa'i tshe yang sems 'di snyam du bskyed de/ lus 'di la srin bu'i rigs rnam pa sna tshogs brgyad cu gnas te/ de dag kyang bdag gi lus 'di bde bas ni bde bar 'gyur/ 
bdag gi lus 'di sdug bsngal bas ni sdug bsngal bar 'gyur ro/ /zhes de gang ci la spyod pa de dag thams cad kyang myong ba med pa'i sems kyis de dag mi 'chi ba dang / de dag bde bar bya ba'i phyir gtong ngo / /gzhan yang de 'di snyam du sems te/ yun ring 
po nas zas dang lus bde ba la chags par gyur gyis/ da ni bdag gis lus la chags pa las rnam par 'da' bar bya'o/ /zhes bya ba 'di ni gtong ba'o/ /byang chub sems dpa'i yongs su gtong ba gang zhe na/ 'di la byang chub sems dpa' la/ 
zas sam/ skom mam/bza' ba 'am/ bca' ba'am/ bldag pa 'am/ btung ba'am/ gzhib pa'am/ myang ba 'am/ gos sam/ phreng ba 'am/ byug pa 'am/ rgyan tam ci yang rung ste/ gang spyad na ni 'tsho'i/ ma spyad na ni 'chi 
bar 'gyur ba zhig nye bar gnas par gyur la/ de'i tshe slong ba zhig 'ongs te/ de la ci nas kyang zad par 'gyur ba dang / lhag ma med par bslangs kyang de la byang chub sems dpa' 'di snyam du sems te/ sngon gyi mtha' de dag du bdag bkres </font><hr>35-1-340a<br><font size=+1>
pas shi bar gyur pa'ang / dmigs pas mi slebs te/ su la yang phan par ma gyur to/ /de 'di ltar rim pas sngon chad myong ba'i chos can dang / mnyam pa nyid kyis dus byas par gyur la/ sems can de dag kyang bde bar 'gyur na/ bdag 
gis 'thob par bya ba legs par thob po/ /bdag gis 'di dag kyang zad kyang rung / 'chi ba'i mthar yang thug kyang rung ste/ sems can rnams 'tsho bar bya'o/ /zhes gtong ba 'di ni yongs su gtong ba'o/ /byang chub sems dpa'i nang gi gtong ba gang zhe 
na/ 'di la byang chub sems dpa' dar zhing bzang por gnas pa/ gzugs mdzes pa/ blta na sdug pa/ mdog rgyas pa/ gya nom pa dang ldan pa/ khrus dang byug pa legs par byas pa/ phreng ba dang rgyan legs par btags pa/ gos sar pa ma 
babs pa bgos pa/ gling bzhi pa'i 'jig rten gyi khams su rgyal por dbang bskur bas dbang bskur ba rin po che bdun dang ldan pa/ de lta bu'i drung du slong bdag cig 'ongs te/ 'di skad du bdag cag ni nad kyis gzer to/ /rgas so 'khogs so/ /
sdug bsngal gyis mnar to/ /nad tshabs che'o/ /nad g.yog med do/ /'chi la thug go/ /gal te khyod kyi lus las lag pa 'am/ rkang pa 'am/ sha 'am/ khrag gam/ mgo 'am glad pa'am/ rus pa 'am/ rkang ngam/ su la ci dgos 
pa de dag khyer cig /ces rgyal po la thag thogs med par rang gi lus bdag cag byin na/ lus 'dis bdag cag nad 'di las ldang bar 'gyur ro/ /zhes zer na/ kye rgyal ba'i sras dag /'di la byang chub sems dpa' 'di snyam du sems te/ 
lus 'di lta zhig chos kyis de 'dra bar 'gyur yang su la yang phan par ma gyur gyis/ da ni de lta bu'i chos can gyi lus 'dis sems can 'di dag bde bar 'gyur bar bya'o/ /zhes nas/ de la sems bskyed pa 'ga' tsam yang 'gyod par 'gyur ba </font><hr>35-1-340b<br><font size=+1>
med pa 'di ni nang gi gtong ba zhes bya'o/ /de la byang chub sems dpa'i phyi rol gyi gtong ba gang zhe na/ 'di la byang chub sems dpa' gzhung de bzhin du rgya cher dbang bskur ba dang / 'khor los sgyur ba'i srid la gnas pa/ gling bzhi la dbang ba/ rin po che 
bdun dang bde ba'i yo byad thams cad dang ldan pa/ thog mar mngon par dbang bskur ba/ de lta bu'i drung du slong bdag cig lhags te/ 'di skad du bdag cag ni bkren no/ /dbul lo/ /shin tu sdug bsngal lo/ /nor dang mi ldan no/ /khyod ni bde 
ba'i yo byad thams cad dang ldan na/ byam bu gling bzhi'i 'khor los sgyur ba'i srid bdag cag la byin te/ phyis 'di la dbang mi sgyur bar byas na/ des ni bdag cag bde bar 'gyur ro/ /zhes zer na/ de la byang chub sems dpa' 'di snyam du sems te/ 
phun sum tshogs pa thams cad ni zad pa'i mthar 'gyur te de'i tshe ni su'i bsam pa yang yongs su mgu bar byas par mi nus kyis/ bdag gis da ni 'phral du sems can 'di dag gi bsam pa yongs su tshim par bya'o/ /zhes nas de'i rgyus sems 
bskyed pa 'ga' tsam yang 'gyod par 'gyur ba med par gtong ba 'di ni phyi rol gyi gtong ba zhes bya'o/ /de la byang chub sems dpa'i phyi nang gi gtong ba gang zhe na/ 'di la byang chub sems dpa' 'khor los sgyur ba'i srid la de ltar dbang bskur ba/ 
bde ba'i yo byad thams cad dang ldan pa/ bstsags par bya ba rnam par bstsags pa/ de lta bu'i drung du slong bdag cig 'ongs nas/ 'di skad du khyod kyis ni 'khor los sgyur ba'i rgyal po sngon chad kyang myong / bdag cag ni dge ba ma myong ba yin 
na/ byam bu 'khor lo sgyur ba'i srid bdag cag byin la khyod kyis bdag cag rim gror bya ba dang / bsnyen bkur bar gyis shig ces zer na/ de la byang chub sems dpa' 'di snyam du sems te/ bdag gi lus kyi chos nyid dang /</font><hr>35-1-341a<br><font size=+1>
srid kyi chos nyid de dag thams cad kyang / tha mar med par 'gyur ba ste/ lus kyang rjes su 'brang bar gnas la srid kyang che zhing slong ba rnams kyang mngon du gyur pa 'di'i tshe/ snying po med pa las snying po blang bar bya'o 
zhes nas/ de'i rgyus sems bskyed pa 'ga' tsam yang 'gyod par 'gyur ba med par rim gro byed cing gtong ba 'di ni byang chub sems dpa'i phyi nang gi gtong ba zhes bya'o/ /de la byang chub sems dpa' thams cad gtong ba gang zhe na/ 'di la byang chub 
sems dpa' 'khor los sgyur ba'i rgyal srid la de ltar dbang bskur zhing / bde ba thams cad dang ldan pa de lta bu'i drung du slong bdag cig lhags te/ 'di skad du bdag cag ni khyod kyi legs pa dang yon tan snyan pa thos nas/ grong dang grong khyer dang / 
ljongs dang khams dang rgyal po'i gnas du ma nas/ khyod ni gdon mi za bar bdag cag gi bsam pa yongs su tshim par byed par 'gyur snyam ste/ 'dir phyin na byam bu khyod kyis bdag cag gi bsam pa yongs su rdzogs par gyis shig ces nas/ la la ni 
bdag cag la rin po che bdun dgos so zhes zer/ la la ni bdag cag la gling bzhi dgos so zhes zer/ la la ni bdag cag la rgyal po'i bu dgos so zhes zer/ la la ni bdag cag la rgyal po'i mig gnyis dgos so zhes zer/ la la ni bdag 
cag la rgyal po'i lag pa gnyis dgos so zhes zer/ la la ni bdag cag la rgyal po'i rkang pa gnyis dgos so zhes zer/ la la ni bdag cag la rgyal po'i sha dgos so zhes zer/ la la ni bdag cag la rgyal po'i khrag dgos so zhes zer/ 
la la ni bdag cag la rgyal po'i mgo dgos so zhes zer/ la la ni bdag cag la rgyal po'i snying dgos so zhes zer na/ de la byang chub sems dpa' 'di snyam du sems te/ sdug pa dang yid du 'ong ba thams cad dang bral zhing bye bar yang 'gyur te/</font><hr>35-1-341b<br><font size=+1>
sems can gang gi bsam pa yongs su tshim par ma gyur gyis/ da ni bdag gi lus 'bral bar 'gyur ba'i chos can 'dis sems can de dag gi chags sems rtse zhil bar bya ba'i phyir/ bsam pa yongs su tshim par bya'o/ /bcos pa dang 
ldan pa'i chos kyi gnas su ni sems bskyed par mi bya'o/ /zhes nas/ de dag thams cad btang yang de'i phyir de la sems bskyed pa gcig tsam yang 'gyod par 'gyur ba med de/ sems can gang la yang / rim gro med par mi byed pa 'di ni 
byang chub sems dpa' thams cad gtong ba'o// //sangs rgyas rmad ga cad ces bya ba shin tu rgyas pa chen po'i mdo/ /bam po nyi shu brgyad pa/ de la byang chub sems dpa' 'das pa gtong ba gang zhe na/
'di la byang chub sems dpa' sangs rgyas bcom ldan 'das/ 'das pa rnams kyi byang chub sems dpa'i spyod pa thos pa dang / 'das pa'i sangs rgyas bcom ldan 'das rnams kyi phun sum tshogs pa thams cad nyan cing thos nas/ de dag thams 
cad la chags par mi byed/ 'bral bar mi byed/ dmigs su med pas rab tu 'jug ste/ rtog par mi byed de/ rnam par rtog par mi byed/ yongs su rtog par mi byed/ smon par mi byed/ chags par mi byed/ zhen par mi byed/ rten 
pa'i sems kyis gnas par mi byed/ rmi lam gyi chos de lta bu thob par byed kyang / dge ba'i rtsa ba de dag la snying po med pa'i 'du shes mi bskyed do/ /dge ba'i rtsa ba de dag la rten pa'i 'du shes su mi byed do/ /'on kyang rten pa'i sems can 
rnams gzud pa dang / sangs rgyas kyi chos kyang yongs su smin par bya ba'i phyir brjod do/ /'chad do/ /ston to/ /'das pa'i chos nyid la brtags na shar phyogs su rjes su mi mthong ngo / /lho phyogs dang / nub phyogs dang / byang phyogs </font><hr>35-1-342a<br><font size=+1>
su rjes su mi mthong ngo / /byang shar gyi phyogs mtshams dang / shar lho'i phyogs mtshams dang / lho nub kyi phyogs mtshams dang / nub byang gi phyogs mtshams dang / 'og dang steng gi phyogs su rjes su mi mthong ste/ 
de 'di snyam du gang ci yang rung ma btang ba de ni btang ba'o snyam du sems te/ kye rgyal ba'i sras dag /'di ni byang chub sems dpa'i 'das pa gtong ba'o/ /de la byang chub sems dpa'i ma 'ongs pa gtong ba gang zhe na/ 'di la byang chub sems dpa' 
sangs rgyas bcom ldan 'das ma byon pa rnams kyi spyod pa nyan na/ mtshan ma'i tshul dang / dngos por 'dzin pas mi 'dzin te/ 'jig rten gyi khams gzhan la brtson par mi byed pa yin/ tshol ba mi mnga' ba yin/ 'dod chags pa'i sems kyis mi 
smon pa yin/ de la sems mi sdud pa yin te/ myong bar mi byed do/ /smon par mi byed do/ /de dag tu dge ba'i rtsa ba rnams mi gtong ngo / /de dag tu dge ba'i rtsa ba rnams 'jug par mi byed de/ spyod pa yang rgyun gcod par mi byed do/ /
'on kyang dmigs pa des sangs rgyas kyi chos su 'grub par bya ba'i phyir/ sems can rnams kyi bsam pa dang / tshogs sdud pa byed cing chos nyid kyang rab tu sdud do/ /chos de ni yul na yang mi gnas/ phyogs na yang mi gnas/ nang na yang 
ma yin/ phyi rol na yang ma yin/ rgyang ring po na'ang ma yin no/ /drung na 'ang ma yin no zhes de 'di snyam du sems te/ gang du yang nam yang spyad pa med par bya'o/ /snyam pa 'di ni ma 'ongs pa gtong ba'o/ /kye rgyal ba'i sras dag /de la 
byang chub sems dpa'i da ltar byung ba'i gtong ba gang zhe na/ kye rgyal ba'i sras dag /'di la byang chub sems dpa' rgyal po chen po bzhi'i ris kyi lha rnams dang / sum bcu rtsa gsum pa dang / mtshe ma dang / dga' ldan dang / 'phrul dga' </font><hr>35-1-342b<br><font size=+1>
dang / gzhan 'phrul dbang byed dang / tshangs pa dang / tshangs ris dang / tshangs lha nye phan dang / tshangs pa kun 'khor dang / tshangs chen dang / snang ba dang / 'od chung dang / tshad med snang ba dang / shin tu snang ba dang / dge ba dang / chung 
dge dang / tshad med dge ba dang / dge rgyas dang / che ba dang / chung che dang / tshad med che ba dang / 'bras bu che ba dang / mi che ba dang / mi gdung ba dang / shin tu mthong ba dang / gya nom snang ba dang / 'og min gyi lha rnams nas/ nyan thos kyi 
phun sum tshogs pa dang / rang sangs rgyas kyi phun sum tshogs pa dag kyang nyan te/ des de dag thos nas kyang rmongs par mi 'gyur/ shin tu rmongs par mi 'gyur/ rab tu rmongs par myi 'gyur/ zhum par mi 'gyur/ kun nas zhum par mi 'gyur/ 
rnam par zhum par mi 'gyur/ shin tu zhum par mi 'gyur/ dma' bar mi 'gyur te/ 'di ltar de ni shes pas 'du byed du gtogs pa thams cad rmi lam lta bur mngon du byed do/ /de 'di snyam du gang sbyin par bya ba 'di ni su'i yang ma yin no snyam 
ste/ ngan song gi lam nye bar gnas pa bzlog par bya ba dang / sangs rgyas kyi chos thams cad bsgrub pa'i phyir chos ston kyang / byang chub sems dpa'i lam mngon du gyur pa'i phyir de la sems rgyu ba med de/ 'di ni da ltar byung ba'i gtong ba zhes 
bya'o/ /de la byang chub sems dpa' shin tu gtong ba gang zhe na/ 'di la byang chub sems dpa' sems can mig dang mi ldan pa dang / rna ba dang mi ldan pa dang /sna dang mi ldan pa dang / lce dang mi ldan pa dang / lus dang mi ldan pa grangs med pa zhig 
gis 'di skad du bdag cag la ci med pa de khyod kyis byin la/ nged mi ldan pa med par gyis shig /khyod ni bskal pa grangs med par mi ldan par 'dug cig ces zer na/ byang chub sems dpa' ni de thos ma thag tu sems can de dag mi ldan pa med </font><hr>35-1-343a<br><font size=+1>
par bsgrub ste/ bskal pa grangs med par dbang po dang mi ldan pa de yang nyams su len to/ /de ma'i lto na 'dug pa'i tshe ji lta bur spyod pa dang / mer mer por 'dug pa ji lta bu yin pa dang rdos par gyur pa ji lta bu yin pa 
dang / 'khregs par gyur pa ji lta bu yin pa dang / dbang po grub pa ji lta bu yin pa dang / skyes pa ji lta bu yin pa dang / rgas pa ji lta bu yin pa dang / na ba ji lta bu yin pa dang / shi ba ji lta bu yin pa dang / lus kyi rang bzhin thog ma dang / 
bar ma dang / tha ma ji lta ba bzhin du yang dag par rab tu shes so/ ngom du mi rung ba dang / ngo tsha skye ba 'phags pa ma yin pa/ dri mi zhim pa/ rjen pa'i dri can ror 'gyur ba/ rus pa stsogs pa sha dang khrag gis g.yogs pa/ rma dgu nas rtag 
tu zag pa'o/ /zhes de ni sems bskyed pa gcig tsam gyis kyang / de don du gnyer bar mi sems te/ sems bskyed pa gcig gis kyang chags pa mi bskyed do/ /de shin tu gtong ba des 'dzin pa med pa'i yid dang ldan pa yin te/ lus 'di ni de 
ltar snying po med pa yin na/ bdag gis lus 'di snying po med par mthong ba bzhin du lus la chags pa ji ltar bya/ sems can 'di dag gi bsam pa de bzhin du yongs su tshim par bya'o/ /lus snying po med pa 'dis 'gro ba thams cad kyi bsam 
pa yongs su rdzogs par bya'o/ /'gro ba thams cad kyis kyang shes par bya'o/ /ye shes kyi tshogs gang yang rung ba la yang mi gnas pa'i tshul gyis gzhag par bya'o zhes nas lus kyi 'du shes kyang med/ sems kyi 'du shes kyang med de/ 
kye rgyal ba'i sras dag /'di ni byang chub sems dpa'i gtong ba'i gter te drug pa'o/ /kye rgyal ba'i sras dag /de la byang chub sems dpa'i ye shes kyi gter gang zhe na/ 'di la byang chub sems dpa' gzugs rab tu shes so/ /</font><hr>35-1-343b<br><font size=+1>
gzugs kun 'byung ba rab tu shes so/ /gzugs kyi 'gog pa rab tu shes so/ /gzugs 'gog par 'gro ba'i lam yang dag par ji lta ba bzhin du rab tu shes so/ /de bzhin du tshor ba dang / 'du shes dang / 'du byed dang / rnam par shes pa 
yang dag pa ji lta ba bzhin du rab tu shes so/ /rnam par shes pa'i kun 'byung ba yang dag pa ji lta ba bzhin du rab tu shes so/ /rnam par shes pa 'gog pa yang dag pa ji lta ba bzhin du rab tu shes so/ /rnam par shes pa 'gog par 'gro ba'i lam yang dag pa ji 
lta ba bzhin du rab tu shes so/ /ma rig pa rab tu shes so/ /ma rig pa kun 'byung ba rab tu shes so/ /ma rig pa 'gog pa yang dag pa ji lta ba bzhin du rab tu shes so/ /ma rig pa 'gog par 'gro ba'i lam yang dag pa ji 
lta ba bzhin du rab tu shes so/ /sred pa rab tu shes so/ /sred pa kun 'byung ba rab tu shes so/ /sred pa 'gog pa rab tu shes so/ /sred pa 'gog par 'gro ba'i lam yang dag pa ji lta ba bzhin du rab tu shes so/ /nyan thos rab tu shes so/ /
nyan thos kyi chos rab tu shes so/ /nyan thos kyi kun 'byung ba rab tu shes so/ /nyan thos kyi mya ngan las 'da' ba yang dag pa ji lta ba bzhin du rab tu shes so/ /rang sangs rgyas rab tu shes so/ /rang sangs rgyas kyi chos rab tu shes so/ /
rang sangs rgyas kyi kun 'byung ba rab tu shes so/ /rang sangs rgyas kyi yongs su mya ngan las 'da' ba yang dag pa ji lta ba bzhin du rab tu shes so/ /byang chub sems dpa' rab tu shes so/ /byang chub sems dpa'i kun 
'byung ba rab tu shes so/ /byang chub sems dpa' yongs su mya ngan las 'da' ba yang dag pa ji lta ba bzhin du rab tu shes so/ /ji ltar shes she na las dang las kyi rnam par smin pa dang / bya ba dang / mngon par 'du byed pa dang /</font><hr>35-1-344a<br><font size=+1>
gso ba dang / gsog dang / snying po med pa dang / bdag med par rab tu shes te/ chos gang yang snying po can du shes pa med do/ /chos gang la yang rang bzhin du 'dogs pa med de/ ngo bo nyid mthas gtugs 
pa thams cad rab tu shes so/ /sems can rnams la yang de bzhin nyid kyi don du chos ston te de ci ston ce na/ 'jig pa med pa'i phyir chos ston te/ gang 'jig pa med pa'i phyir zhe na/ gzugs 'jig pa med pa'i phyir/ tshor ba 'jig pa 
med pa'i phyir/ 'du shes 'jig pa med pa'i phyir/ 'du byed 'jig pa med pa'i phyir/ rnam par shes pa 'jig pa med pa'i phyir chos ston to/ /ma rig pa 'jig pa med pa'i phyir/ nyan thos kyi chos dang / rang sangs rgyas kyi chos 
dang / byang chub sems dpa'i chos 'jig pa med pa'i phyir chos ston to/ /de ci'i phyir zhe na/ chos ni ma skyes pa/ 'du ma byas pa/ byed pa po med pa/ rtsod pa med pa/ gnas med pa/ ma skyes pa/ mi 'byung ba/ ma blangs pa 
nye bar ma blangs pa/ byed pa med pa ste/ de shes rab kyi gter de lta bu dang ldan pas las gron chung ngus chos thams cad la mkhas pa/ gzhan gyi dring mi 'jog pa/ yang dag pa ji lta ba bzhin du rab tu shes so/ /shes rab kyi gter de yang mi zad 
pa yin te/ de yang shin tu bstan pa bcus mi zad pa yin no/ /bcu gang zhe na/ thos pa la mkhas pas mi zad do/ /dge ba'i bshes gnyen la bsnyen pas mi zad do/ /tshig rab tu dbye ba la mkhas pas mi zad do/ /chos kyi dbyings la 
'jug pa mngon par bsgrubs pas mi zad do/ /rgyan gcig pa'i ye shes kyi rjes su zhugs pas mi zad do/ /bsod nams thams cad shin tu bstsags pas mi zad do/ /skyo ba med par mngon par bsgrubs pas mi zad do/ /gzungs thams cad kyi </font><hr>35-1-344b<br><font size=+1>
sgor zhugs pas mi zad do/ /sems can thams cad kyi skad dang sgra dang brjod pa sna tshogs kyi phyir mi zad do/ /'gro ba thams cad kyi yid gnyis dang / nem nur dang the tsom yang dag par gcod pa'i phyir mi zad do/ /sangs rgyas kyi rnam par 'phrul 
pa thams cad yongs su bstan pas/ sems can thams cad nye bar 'tsho ba dang / yongs su smyin par bya ba dang / gdul ba'i spyod pa shin tu rtogs pa'i phyir mi zad de/ mi zad pa shin tu bstan pa bcu po de dag gis shes rab kyi gter te 
mi zad pa yin no/ /kye rgyal ba'i sras dag /'di ni byang chub sems dpa' rnams kyi shes rab kyi gter yin te/ de la gnas pa'i byang chub sems dpa' rnams shes rab dang ye shes bla na med pa rnam par 'tshang rgya'o/ /kye rgyal ba'i sras dag /
de la byang chub sems dpa' rnams kyi dran pa'i gter gang zhe na/ kye rgyal ba'i sras dag /'di la byang chub sems dpa' dran pa dang ldan pa yin te/ de yang rgyud rmongs pa med pa'i dran pas sngon gyi gnas rjes su dran te/ 'di ltar tshe gcig 
kyang rjes su dran no/ /tshe gnyis dang / gsum dang / bzhi dang / lnga dang / tshe brgya dang stong dang / che brgya phrag du ma dang / tshe stong phrag du ma dang / tshe brgya stong phrag du ma dang / 'jig pa'i bskal pa'am/ 'du ba'i bskal pa'am/ 
'jig pa dang 'du ba'i bskal pa'am/ 'jig pa'i bskal pa du ma dang / 'du ba'i bskal pa du ma dang / 'du ba dang / 'jig pa'i bskal pa du ma dang / bskal pa brgya dang / bskal pa stong dang / bskal pa brgya stong dang/ bskal pa bye ba khrag khrig brgya stong dang / bskal pa 
bye ba khrag khrig brgya stong tshad myed pa dang / bskal pa bye ba khrag khrig brgya stong grangs med pa bsam gyis mi khyab pa/ mtshungs pa med pa/ kun tu mtha' yas pa/ mu med pa/ sa mtshams med pa/ gzhal du med pa/ brjod du med pa/ gnyis </font><hr>35-1-345a<br><font size=+1>
dang / gsum dang / bzhi dang / lnga dang / gzhung de bzhin du brdzod du med pa'i yang brjod du med pa dang / sangs rgyas skye bar lung bstan pa shin tu brjod pa gcig dang / gnyis dang / gsum dang / bzhi dang / 
lnga nas/ sangs rgyas skye bar lung bstan pa shin tu brjod du med pa brjod du med pa'i yang brjod du med pa dang / sangs rgyas skye ba gcig bstan te/ de dang mtshams sbyor ba'i lung bstan pa gcig dang / gnyis dang / gsum dang / bzhi dang / lnga nas/ 
sangs rgyas skye ba shin tu bstan te/ de dang mtshams sbyor ba lung bstan pa brjod du med pa'i yang brjod du med pa dang / mdo sde gcig dang / gnyis dang / gsum dang / bzhi dang / lnga nas/ brjod du med pa'i yang brjod du med pa'i bar dang 
dbyangs kyis bsnyad pa'i sde dang / lung bstan pa'i sde dang / tshigs su bcad pa'i sde dang / gleng gzhi'i sde dang / ched du brjod pa'i sde dang / 'di ltar 'das pa'i sde dang / skyes ba rabs kyi sde dang / shin tu rgyas pa'i sde dang / chos rmad 
du byung ba bstan pa'i sde dang / man ngag bstan pa'i sde gcig dang / gnyis dang / gsum dang / bzhi dang / lnga nas/ brjod du med pa'i yang brjod du med pa'i bar dang / 'khor 'dus pa gcig dang / chos kyi mtshams sbyar ba gcig 
nas/ chos kyi mtshams sbyar ba brjod du med pa'i yang brjod du med pa'i bar dang / dbang po sna tshogs gcig nas dbang po sna tshogs brjod du med pa'i yang brjod du med pa'i bar dang / dbang po rnam pa tha dad pa sna tshogs gcig nas/ dbang po rnam pa 
tha dad pa sna tshogs brjod du med pa'i yang brjod du med pa'i bar dang / nyon mongs pa sna tshogs gcig nas nyon mongs pa sna tshogs brjod du med pa'i yang brjod du med pa'i bar dang / ting nge 'dzin sna tshogs gcig nas/ ting nge 'dzin sna tshogs brjod du med </font><hr>35-1-345b<br><font size=+1>
pa'i yang brjod du med pa'i bar dag kyang dran pa dag pa/ dang ba rnyog pa med pa dang / rnam par gsal ba rdul med pa/ rdul dang bral ba/ dri ma med pa/ 'od gsal ba/ sang sang po/ bsgribs pa med pas rjes su dran no/ /byang chub sems 
dpa'i dran pa de ni 'jig rten gyi 'khrug pas mi 'phrogs pa yin/ phas kyi rgol ba thams cad kyis nye bar nyon mongs par mi nus pa yin/ sngon gyi dge ba'i rtsa bas shin tu sbyangs pa yin/ 'jig rten gyi chos thams cad kyis ma gos pa yin/ bdud 
dang mu stegs can dmigs pa la gnas pa gzhan gyis mi chod pa yin/ tshe rabs kun tu 'pho ba'i lus shin tu bstan pa thams cad kyis brjod par mi nus pa yin/ sngon gyi mtha' dang / phyi ma'i mtha' dang / da ltar byung ba'i mthas rnam 
par mi chod pa yin/ 'jig rten gyi khams su skye ba dang / gnas pa thams cad kyis skyon du ma gyur pa yin/ sangs rgyas skyes pa'i 'khor gyi dkyil 'khor du 'jug pa shin tu bstan pa thams cad kyis thogs pa med pa yin/ sangs rgyas 
kyi chos thams cad kyi rjes su song ba yin te/ kye rgyal ba'i sras dag /'di ni byang chub sems dpa' rnams kyi dran pa'i gter te brgyad pa'o/ /kye rgyal ba'i sras dag /de la byang chub sems dpa' rnams kyi rtogs pa'i gter gang zhe na/ 
kye rgyal ba'i sras dag /'di la byang chub sems dpa' rtogs pa dang ldan pa yin te/ de yang yi ge de bzhin gzhan ma yin pas/ mdo'i tshul gyi chos ston to/ /de ni tshe'i rgyud gcig pa yang yongs su 'dzin to/ /tshe'i rgyud brjod du med 
pa'i yang brjod du med pa'i bar du yongs su 'dzin to/ /sangs rgyas kyi mtshan gcig kyang yongs su 'dzin to/ /sangs rgyas kyi mtshan brjod du med pa'i yang brjod du med pa'i bar du yang yongs su 'dzin to/ /bskal pa grangs med </font><hr>35-1-346a<br><font size=+1>
pa bstan pa gcig kyang yongs su 'dzin to/ /bskal pa grangs med pa bstan pa brjod du med pa'i yang brjod du med pa'i bar du yang yongs su 'dzin to/ /de bzhin gshegs par lung bstan pa brjod pa gcig kyang yongs 
su 'dzin no/ /de bzhin gshegs par lung bstan par brjod pa brjod du med pa'i yang brjod du med pa'i bar du yang yongs su 'dzin to/ /mdo gcig kyang yongs su 'dzin to/ /mdo brjod du med pa'i yang brjod du med pa'i bar du yang yongs su 
'dzin to/ /'dus pa gcig kyang yongs su 'dzin to/ /'dus pa brjod du med pa'i yang brjod du med pa'i bar du yang yongs su 'dzin to/ /chos kyi mtshams sbyar ba gcig kyang yongs su 'dzin to/ /chos kyi mtshams sbyar ba brjod du med pa'i 
yang brjod du med pa'i bar du yang yongs su 'dzin to/ /dbang po rnam pa tha dad pa sna tshogs gcig kyang yongs su 'dzin to/ /dbang po rnam pa tha dad pa sna tshogs brjod du med pa'i yang brjod du med pa'i bar du yang yongs su 'dzin to/ /nyon 
mongs pa sna tshogs gcig kyang yongs su 'dzin to/ /nyon mongs pa sna tshogs brjod du med pa'i yang brjod du med pa'i bar du yang yongs su 'dzin to/ /ting nge 'dzin sna tshogs gcig kyang yongs su 'dzin to/ /ting nge 'dzin sna tshogs brjod du 
med pa'i yang brjod du med pa'i bar du yang yongs su 'dzin to/ /kye rgyal ba'i sras dag /'di ni byang chub sems dpa' sems dpa' chen po rnams kyi rtogs pa'i gter te mi zad pa/ kun tu mtha' yas pa dgang dka' ba/ gting rnyed par dka' ba/ bsgrub 
par dka' ba/ mi 'phrog pa/ thub pa med pa/ bdag nyid che ba'i sangs rgyas kyi yul gyi rjes su song ba ste/ 'di ni gter dgu pa'o/ /kye rgyal ba'i sras dag /de la byang chub sems dpa' rnams kyi blo gros kyi gter gang zhe na/ kye rgyal ba'i sras dag /</font><hr>35-1-346b<br><font size=+1>
'di la byang chub sems dpa' yang dag par rtogs par byed pa'i rtogs pa dang ldan zhing blo gros dang ldan pa yin te/ mdo sde thams cad dang mi 'gal bas de chos ston pa'i tshe/ dngos po yongs su ldog pa gcig kyang brtsams te/ chos ston pa nas dngos 
po yongs su ldog pa brjod du med pa'i yang brjod du med pa'i bar du chos ston to/ /sangs rgyas kyi mtshan gcig nas tshul de bzhin du brjod du med pa'i yang brjod du med pa'i bar dang / 'jig rten gyi khams gcig dang / sangs rgyas su lung bstan pa 
gcig dang / mdo gcig dang / 'khor 'dus pa gcig dang / chos kyi mtshams sbyar ba gcig dang / dbang po rnam pa tha dad pa sna tshogs gcig dang / nyon mongs pa sna tshogs gcig dang / ting nge 'dzin sna tshogs gcig kyang brtsams te/ 
chos ston pa nas ting nge 'dzin sna tshogs brjod du med pa'i yang brjod du med pa'i bar du brtsams te chos ston to/ /nyi ma gcig kyang zad par byed cing chos ston pa nas/ zla ba phyed dang / zla ba gcig dang / lo gcig dang / lo brgya dang / lo stong 
dang / lo brgya phrag stong dang / bskal pa dang / bskal pa brgya dang / bskal pa stong dang / bskal pa brgya phrag stong dang / bskal pa bye ba khrag khrig brgya phrag stong dang / bskal pa tshad med pa dang / bsam gyis mi khyab pa dang / bskal 
pa dpag tu med pa dang / grangs med pa dang / mtshungs pa med pa dang / kun tu mtha' yas pa dang / mu med pa dang / sa mtshams med pa dang / gzhal du med pa dang /brjod du med pa dag kyang zad par byed cing chos ston na/ 
tshig dang yi ge gcig brtsams kyang don dang tshig dang yi ge'i mthar thug pa med de/ de ci'i phyir zhe na/ de ni 'di ltar byang chub sems dpas byang chub sems dpa'i gter bcu rab tu thob pa'i phyir te/ gter de dag thob pas gzungs kyi snying po'i sgo chos </font><hr>35-1-347a<br><font size=+1>
thams cad la yang dag par gzhol ba zhes bya ba/ gzungs brgya stong grangs med pa'i 'khor can mngon du gyur te/ de gzungs kyi 'khor brgya stong grangs med pa ston par byed do/ /chos snang ba shin tu bstan pa thob 
pas sems can thams cad la chos ston to/ /chos kyi sgo snang ba'i chos can lce yangs pas 'jig rten gyi khams thams cad du mngon par go bar byed pa dang / dbyangs kyi yan lag la mkhas pas 'gro ba thams cad tshim par byed pa dang / dbang 
po ji lta ba bzhin du mgu bar byed pa dang / nyon mongs pa dang kun nas 'khor ba thams cad rnam par bzlog pa dang / sgra dang tshig rnam pa tha dad pa thams cad la rab tu zhugs pa dang / yi ge thams cad kyi spobs pas ston pa'i rjes su song ba dang / 
sems can thams cad kyi sa bon gang po yongs su shes pa'i bsam pa can du byed pas chos ston te thogs par mi byed do/ /skyo bar mi 'gyur ro/ /de ci'i phyir zhe na/ de ni 'di ltar byang chub sems dpas nam mkha'i khams dang / chos kyi 
dbyings mtha' dang dbus med par rgyas par byed pa'i lus rab tu thob pa'i phyir te/ kye rgyal ba'i sras dag /'di ni byang chub sems dpa'i gter bcus blo gros mi zad pa/ thub pa med pa 'dres pa med pa rnam par mi chod pa/ rgyun gcad par mi nus pa phyir mi 
ldog pa/ gting rnyed par dka' ba/ ring du gyur pa/ sgo kun dang ldan pa/ sangs rgyas thams cad kyi chos la zhugs pa'o/ /kye rgyal ba'i sras dag /bcu po de dag ni byang chub sems dpa' rnams kyi gter te/ mi zad pa'i rnam 
pa bcus mi zad pa yin no/ /bla na med pa yin no/ /mthar rdzogs pa'i sangs rgyas su 'gyur ba yin no/ /bcu gang zhe na/ sems can thams cad nye bar 'tsho ba dang / sngon gyi smon lam legs par yongs su bsngos pa dang / bskal pa </font><hr>35-1-347b<br><font size=+1>
thams cad kyi grangs gcad du med pa dang / nam mkha'i dbyings dang mnyam pa nyid du khong du chud pa'i phyir/ sems tshad med pa dang / 'dus byas kyis ma gos pa'i phyir/ 'dus ma byas la yongs su bsngos pa dang / de ma thag pa'i yul du gyur 
pas chos thams cad zad mi shes pa dang / smon lam chen po tha dad pa med pa dang / spyod pa la gnas pa'i stobs shin tu 'dzin pa dang / sangs rgyas thams cad kyis yongs su bzung ba dang / chos thams cad sgyu ma lta bur 'jug pa mtha' dang 
dbus med pa la zhugs pa ste/ mi zad pa'i rnam pa bcu po 'di dag gis/ 'jig rten gyi bya ba thams cad kyi mthar phyin pa zad mi shes pa'i gter chen por 'gyur ro/ /gter mi zad pa bcu bstan pa'i le'u ste/ 
nyi shu bdun pa'o// //de nas sangs rgyas kyi mthus shar phyogs kyi 'jig rten gyi khams thams cad dang / de bzhin du lho phyogs dang / nub phyogs dang / byang phyogs dang / byang shar gyi phyogs mtshams dang / shar lho'i phyogs 
mtshams dang / lho nub kyi phyogs mtshams dang / nub byang gi phyogs mtshams dang / 'og dang steng gi phyogs kyi 'jig rten gyi khams thams cad na yang gling bzhi pa 'di la stsogs pa gling re re na yang / de bzhin gshegs pa rnams bzhugs 
par snang ngo / /byang chub sems dpa' de dag kyang de bzhin gshegs pa'i byin gyi rlabs kyis chos ston to/ /de bzhin gshegs pa'i zhabs kyi drung na'ang 'khod par shes so/ /bcom ldan 'das kyis kyang rdzu 'phrul mngon par 'du mdzad pa 
de'i phyir ma brtul/ byang chub kyi shing drung yang phyir ma brtul/ ri rab kyi rtse mo yang phyir ma brtul bar rab mtshe ma'i gnas nas dga' ldan gyi gnas kyi lha'i rgyal po rab dga' ldan gyi khang pa rin po che'i rgyan ces bya ba gang na ba der gshegs par snang </font><hr>35-1-348a<br><font size=+1>
ngo / /ji ltar gling bzhi pa 'di na bcom ldan 'das dga' ldan gyi gnas su gshegs par snang ba/ de bzhin du 'jig rten gyi khams thams cad kyi gling bzhi pa dag na yang bcom ldan 'das dga' ldan gyi gnas su gshegs par snang ste 
byin gyi rlabs snga ma de dag kyang ma 'khrugs par snang ngo / /de nas lha'i rgyal po rab dga' ldan gyis/ rgyang ma nas bcom ldan 'das khang pa rin po che thams cad kyi brgyan par gshegs pa mthong nas/ rings pa'i gzugs su khang pa rin po che thams cad kyis 
brgyan pa'i nang du de bzhin gshegs pa'i seng ge'i gdan nor bu rin po che las byas pa/ lha rdzas kyi rin po che'i rgyu las grub pa/ dge ba'i rtsa ba thams cad kyi rgyu las yongs su grub pa/ de bzhin gshegs pa'i byin gyi rlabs kyis byung ba/ dge 
ba'i rtsa ba bye ba khrag khrig brgya stong grangs med pa mang pos byung ba/ sangs rgyas thams cad las byung ba'i chos dkar po las byung ba/ bsod nams kyi stobs mtha' yas pa sna tshogs thams cad dang ldan pa/ kha na ma tho ba med pa'i rnam par smyin 
pa thams cad kyis rnam par dag pa/ mi mthun pa med pa'i 'jig rten las 'das pa'i chos kyis byung ba/ / gos pa med pa/ 'gro ba thams cad du byung ba/ thub pa med pa/ 'gro ba thams cad kyis blta na sdug pa/pog re bye ba brgya stong 
phrag bcus brgyan pa/ gser gyi dra ba bye ba brgya stong phrag bcus kun tu bres pa/ me tog gi bla re bye ba brgya stong phrag bcus kun nas bres pa/ phreng ba'i bla re bye ba brgya stong phrag bcus kun nas lding ba/ spos kyi bla re bye ba brgya stong phrag bcus spos 
kun tu 'thul bar sbyar ba/ rin po che'i bla re bye ba brgya stong phrag bcus steng nas bkab pa/ me tog gi gdugs bye ba brgya stong phrag bcus kun nas bsgreng ba/ rin po che'i gdugs bye ba brgya stong phrag bcus kun nas bkab pa/ gdan bye ba </font><hr>35-1-348b<br><font size=+1>
khrag khrig brgya stong mngon par bting ba/ rin po che'i pu shu bye ba brgya stong phrag bcus rgyan du bsgrubs pa/ nor bu'i dra ba bye ba brgya stong phrag bcus shin tu rnam par phye bas yog par byas pa/ rin po che'i dra ba bye ba brgya stong phrag bcus 
'khor kun tu yog pa/ rin po che'i phreng ba 'phyang ba'i dra ba bye ba brgya stong phrag bcu shin tu spyangs pas bkab pa/ lhab lhub kyi dra ba bye ba brgya stong phrag bcus shin tu klubs shing brgyan pa/ gdugs kyi dra ba bye ba brgya stong phrag bcus kun nas khebs 
par bkab pa/ gos sna tshogs kyi dra ba bye ba brgya stong phrag bcus sna tshogs su yog pa/ rin po che'i pad mo'i dra ba bye ba brgya stong phrag bcus shin tu rgyas par bkram pa/ spos rin po che'i dra ba bye ba brgya stong phrag bcu 'thul zhing yid du 'ong bar dri zhim pa/ 
rin po che'i bla re chen po'i dra ba bye ba brgya stong phrag bcu'i rgyan chen po brgyan par bres pa/ rin po che'i dril bu'i rgyan gyi bla re bye ba brgya stong phrag bcus yid du 'ong ba'i sgra phyung ba/ tsan dan rin po che'i mdog lta bu'i bla re bye ba brgya stong phrag bcus yid du 'ong bar 
bkab pa/ rin po che'i me tog sna tshogs kyi bla re bye ba brgya stong phrag bcu me tog shin tu rgyas pa/ gos kha dog mtha' yas pa'i bla re bye ba brgya stong phrag bcus sna tshogs su snang bar bkab pa/ byang chub sems dpa'i bla re bye ba brgya stong phrag bcus sna tshogs 
su kun nas bkab pa/ gdugs kyi bla re kha dog rnam pa sna tshogs bye ba brgya stong phrag bcus rab tu g.yogs shing rnam pa sna tshogs su snang ba/ gser gyi bla re bye ba brgya stong phrag bcus yid du 'ong bar bkab cing rnam par dag par byas pa/ bai DUr+ya'i 
bla re bye ba brgya stong phrag bcus lha rdzas dri ma med cing shin tu dag par byas pa/ snying po sna tshogs can gyi bla re bye ba brgya stong phrag bcus rnam pa sna tshogs kyi bla re bkab pa/ rin po che thams cad kyi bla re bye ba brgya stong phrag bcu'i nor bu rin po che bzang pos shin tu </font><hr>35-1-349a<br><font size=+1>
mdzes shing khebs par bkab pa/ rin po che'i rgyan bye ba brgya stong phrag bcus phyogs thams cad bkang ba/ rin po che'i gzugs brnyan gyi bla re bye ba brgya stong phrag bcus shin tu rnam par phye zhing mdzes par brgyan pa/ rin 
po che'i phreng ba bye ba brgya stong phrag bcus phreng ba kun tu 'brel par brgyan pa/ spos kyi phreng ba bye ba brgya stong phrag bcus mchod pa la tshul dang mthun pa'i spos kyi dri zhim par byas pa/ lha la mchog tu bya ba'i spos dang / bdug spos bye ba khrag khrig 
brgya stong phrag bcus kha dog mtha' yas pa dang / dri zhim por gtul ba'i mchod pa can/ lha la mchog tu bya ba'i lhab lhub kyi rgyud bye ba brgya stong phrag bcus mngon par klubs shing dag par byas pa/ rin po che'i me tog gi phreng ba bye ba brgya stong 
phrag bcus rin po che thams cad kyi rgyud du mdzes par byas pa/ dpal gyi snying po'i phreng ba bye ba brgya stong phrag bcus rin po che sna tshogs su brgyan pa/ nor bu rin po che sna tshogs kyi phreng ba bye ba brgya stong phrag bcus rin po che thams cad kyi rgyan du rnam par 
dag pa/ nor bu rin po che rgya mtsho'i rgyan gyi phreng ba bye ba brgya stong phrag bcus gdan gyi snying po shin tu brgyan pa/ dbang po'i rdo rje bye ba brgya stong phrag bcus shin tu spras pa/ rin po che'i snam bu bye ba brgya stong phrag bcu kun tu spyangs pa/ 'jig rten 
mtha' yas pa'i dbang po'i nor bu rin po che bye ba brgya stong phrag bcus shin tu bzang bar brgyan pa/ gser gyi snying po bye ba brgya stong phrag bcus shin tu bsgrubs shing dag par byas pa/ nor bu rin po che rnam par snang ba bye ba brgya stong phrag bcus 
rdul med par snang bar byas pa/ nor bu rin po che brgya byin mngon par chags pa bye ba brgya stong phrag bcus snying po mtha' yas pa snang bar brgyan pa/ nor bu rin po che dpa' ba'i rgyal mtshan bye ba brgya stong phrag bcus shin tu 'bar bar bsgrubs pa/</font><hr>35-1-349b<br><font size=+1>
nor bu rin po che snang ba'i 'od zer bye ba brgya stong phrag bcus 'od zer snang bar byas pa/ nor bu rin po che lha la mchog tu bya ba bye ba brgya stong phrag bcus skar khung gi shar bu mdzes par bres pa/ nor bu rin po che bsod nams kyis dag pa bye ba brgya stong phrag 
bcus kha dog gsal bar gyur pa/ dngul gyi rta babs bye ba brgya stong phrag bcus bres pas snying po dkar po rab tu rnam par phye ba/ 'gro ba rgya mtsho'i zla gam bye ba brgya stong phrag bcus sbubs shin tu bsgrubs pa/ nor bu rin po che dri ma med pa bye ba 
brgya stong phrag bcus blta na mdzes par shin tu brgyan pa/ nor bu rin po che sems kyi rgyal po bye ba brgya stong phrag bcus 'dab chags yid du 'ong zhing dga' bar kun tu brgyan pa/ nor bu rin po che seng ge'i gdong bye ba brgya stong 
phrag bcus shin tu spras pa'i mchod pa dang ldan pa/ nor bu rin po che 'dzam bu'i rgyal mtshan bye ba brgya stong phrag bcus mthu brtan par shin tu brtan pa/ nor bu rin po che snying po dag pa bye ba brgya stong phrag bcus rnam par snang zhing mdzes par 
byas pa/ nor bu rin po che dbang po'i rgyal mtshan bye ba brgya stong phrag bcus snang ba'i gdugs su bris pa/ nor bu rin po che dngul gyi snying po bye ba brgya stong phrag bcus nang rnam pa sna tshogs su bkram pa/ nor bu rin po che ri rab kyi rgyal mtshan bye ba 
brgya stong phrag bcus snying po shin tu brgyan pa/ mu tig gi phreng ba bye ba brgya stong phrag bcus kha dog mdzes par bres pa/ bai DUr+ya'i phreng ba bye ba brgya stong phrag bcus dra bar bres pa/ mu tig dmar po'i phreng ba bye ba brgya stong phrag bcus rnam pa sna 
tshogs su rnam par phye ba/ nor bu yid du 'ong ba'i phreng ba bye ba brgya stong phrag bcus rnam pa sna tshogs su bkod pa/ rin po che shin tu snang ba'i phreng ba bye ba brgya stong phrag bcus shin tu rnam par phye zhing rab tu bzung ba/ rin po che'i 'bru </font><hr>35-1-350a<br><font size=+1>
sna tshogs kyi phreng ba bye ba brgya stong phrag bcus lus shin tu brgyan pa/ mu tig dmar po'i phreng ba bye ba brgya stong phrag bcus yid du 'ong bar snang ba/ nor bu rin po che'i kha dog du ma'i phreng ba bye ba brgya stong phrag bcus snying 
po kha dog sna tshogs shing kha dog mtha' yas pa'i mthar phyin pa/ dga' bar byed pa'i phreng ba bye ba brgya stong phrag bcus dag par sbyangs pa/ nor bu rin po che dpal gyi 'od zer gyi phreng ba bye ba brgya stong phrag bcus dpal chen po rab tu 'thob 
pa thob par gyur pa/ nor bu'i gzugs bye ba brgya stong phrag bcus phyogs shin tu spa bar brgyan pa/ rin po che dbang po'i kha dog bye ba brgya stong phrag bcu la gnas yongs su 'dzin pa/ dus dang mthun pa'i tsan dan bye ba brgya stong phrag bcus 
'jig rten gyi khams thams cad du dri zhim pos rgyas par byas pa/ rim gro byed pa'i mi'i tshogs bye ba brgya stong phrag bcus sangs rgyas kyi zhing thams cad du rjes su song ba/ spos kyi thum po shin tu che ba bye ba brgya stong phrag bcus kun tu rgyas pa/ gzhan gyis pham pa med 
pa'i spos bye ba brgya stong phrag bcu'i dri kun tu rgyas pa/ spos kyi gzugs bye ba brgya stong phrag bcu'i dri kun tu 'byung ba/ yid du 'ong ba'i spos bye ba brgya stong phrag bcu'i dri rab tu 'byung ba/ snang ba ston pa'i spos bye ba brgya stong phrag bcu'i dris 'gro ba 
kun tu gang ba/ dri sna tshogs kha dog mtha' yas pa bye ba brgya stong phrag bcus sangs rgyas kyi zhing thams cad du phyir mi ldog par zhim pa byug pa bye ba brgya stong phrag bcus shin tu byugs pa/ tsan dan rnam pa tha dad pa'i spos bye ba brgya stong phrag 
bcus tshon du bskus shing mdzes pa/ spos rnam pa tha dad pa bye ba brgya stong phrag bcus dri zhim por shin tu bsgos pa/ a ga ru nag po pad mo'i snying po bye ba brgya stong phrag bcu'i sprin gyi snying por byas pa/ bdug spos bye ba brgya stong </font><hr>35-1-350b<br><font size=+1>
phrag bcus shin tu bdugs shing yog pa/ bdug spos kyi 'od zer bye ba brgya stong phrag bcu dbang po zhi bar zhim pa/ spos kun tu rgyu ba bye ba brgya stong phrag bcu yid du 'ong bar zhim pa/ spos kyi 'od zer bye ba brgya stong phrag bcus ro thams cad du bdugs/ 
shing dri zhim pa/ spos rnam par tshor bar byed pa'i dam pa bye ba brgya stong phrag bcus dbang po mi 'khrugs par spos thams cad kyis mchod par byas pa/ spos kyi rgyal po gzhal du med pa bye ba brgya stong phrag bcus spos kyi gzugs rnam pa sna tshogs su shin tu brgyan 
pa/ lha rdzas kyi me tog gi sprin gyi char bye ba brgya stong phrag bcu mngon par 'bab pa/ lha rdzas kyi spos kyi sprin bye ba brgya stong phrag bcu mngon par 'bab pa/ lha rdzas kyi phye ma'i sprin bye ba brgya stong phrag bcu mngon par 'bab pa/ lha rdzas kyi pad 
mo'i sprin gyi char bye ba brgya stong phrag bcu mngon par 'bab pa/ lha rdzas kyi rin po che'i me tog gi sprin bye ba brgya stong phrag bcu'i char mngon par 'bab pa/ lha rdzas kyi uta pa la'i sprin gyi char bye ba brgya stong phrag bcu kun tu yog par 'bab pa/ lha rdzas 
kyi rin po che'i me tog gi char bye ba brgya stong phrag bcu rab tu 'bab pa/ lha rdzas kyi me tog pun da ri ka'i sprin gyi char bye ba brgya stong phrag bcu shin tu 'bab pa/ lha rdzas kyi me tog man+dA ra ba'i sprin gyi char bye ba brgya stong phrag bcu'i tshogs chen po rab tu 'bab pa/ 
lha rdzas kyi me tog thams cad kyi sprin gyi char bye ba brgya stong phrag bcu'i rgyun tu 'bab pa/ na bza'i sprin bye ba brgya stong phrag bcus bar snang kha dog sna tshogs su gyur pa/ nor bu rin po che'i sprin gyi char bye ba brgya stong phrag bcu kun tu snang bar 'bab pa/ 
gdugs kyi sprin gyi char bye ba brgya stong phrag bcu kun nas yog par 'bab pa/ ba dan gyi sprin gyi char bye ba brgya stong phrag bcu kha dog sna tshogs du mar 'bab pa/ lha rdzas kyi cod pan gyi sprin gyi char bye ba brgya stong phrag bcu sna tshogs su 'bab pa/ lhab lhub </font><hr>35-1-351a<br><font size=+1>
kyi sprin gyi char bye ba brgya stong phrag bcu shin tu klub par 'bab pa/ lha rdzas kyi rin po che'i sprin gyi char bye ba brgya stong phrag bcu kha dog sna tshogs su 'bab pa/ lha rdzas kyi rin po che'i se mo do'i sprin gyi char bye ba brgya stong phrag bcu rgyan chen por 'bab 
pa/ lha rdzas kyi tsan dan gyi sprin gyi char bye ba brgya stong phrag bcu tsan dan rnam pa sna tshogs kyi kha dog du mar 'bab pa/ lha rdzas kyi a ka ru dang / tsan dan gyi sprin gyi char bye ba brgya stong phrag bcu shin tu yog par 'thul zhing 'bab pa/ rin po che'i 
rgyal mtshan bye ba brgya stong phrag bcu shin tu bsgreng ba/ rin po che'i ba dan bye ba brgya stong phrag bcu shin tu spyangs pa/ snam bu rin po che'i lda ldi bye ba brgya stong phrag bcu shin tu bres pa/ spos kyi snod bye ba brgya stong phrag bcu nas shin tu 'thul ba/ 
rin po che'i phreng ba'i chun po bye ba brgya stong phrag bcu kun tu spyangs pa/ rin po che'i sil snyan bye ba brgya stong phrag bcu shin tu 'khrol zhing 'dzin pa/ lha rdzas kyi rdul yab bye ba brgya stong phrag bcu rnam par rlob cing 'dzin pa/ rin po che'i dril 
bu'i dra ba bye ba brgya stong phrag bcu shin tu 'khrol ba/ /rin po che'i stegs bu bye ba brgya stong phrag bcus kun nas bskor ba/ rin po che'i shing ta la'i phreng ba bye ba brgya stong phrag bcu kun nas 'greng ba/ rin po che'i phreng ba bye ba brgya stong 
phrag bcus lda ldir brgyan pa/ rin po che'i shing bye ba brgya stong phrag bcus kun nas yog cing 'khor ba/ khang pa brtsegs pa rin po che'i rgyan can bye ba brgya stong phrag bcus nang gi rgyan du dkrigs pa/ rin po che'i khang bu bye ba brgya stong gi sgo la 
rin po che thams cad kyi phreng ba bkye ba/ gser gyi dril bu bye ba brgya stong phrag bcu 'khrol ba'i sgra yid du 'ong bar 'byung ba/ dpal gyi be'u bye ba brgya stong phrag bcu'i phreng ba rab tu spyangs pas yongs su dag pa/ rin po che'i bkra shis bye ba brgya stong phrag </font><hr>35-1-351b<br><font size=+1>
bcu'i mtshan bzang po byung ba/ gser gyi dam pa bye ba brgya stong phrag bcu'i gser gyi lcag phod kyis kun tu bltas pa/ rin po che'i gdugs gcig nas gcig tu brgyud pa bye ba brgya stong phrag bcu rin po che thams cad kyi yu bas bzung ba/ rin po che'i rgyan bye ba 
brgya stong phrag bcus rin po che'i rgyan gyi dra ba thams cad du rnam par bres pa/ rin po che'i 'od zer bye ba brgya stong phrag bcu 'od zer sna tshogs su rab tu 'phro ba snang ba bye ba brgya stong phrag bcus kun tu snang bar byed pa/ 'od bye ba brgya stong phrag bcu rab 
tu 'tsher ba/ nyi ma'i dkyil 'khor gyi snying po bye ba brgya stong phrag bcus gzugs rab tu mdzes shing lus shin tu 'phags pa/ zla ba'i dkyil 'khor bye ba brgya stong phrag bcus kha dog du mar bsgrubs pa/ spos kyi 'od gzer bye ba brgya stong phrag bcu rab rib 
med par snang ba/ lha rdzas kyi pad mo'i dam pa bye ba brgya stong phrag bcus rab tu bsgrubs shing snying po shin tu 'phags pa/ rin po che'i dra ba bye ba brgya stong phrag bcus snying po kun nas yog par byas pa/ me tog gi dra ba bye ba brgya stong phrag bcu kun nas 
rgyas par bkram pa/ spos kyi dra ba bye ba brgya stong phrag bcu'i dri sna tshogs kyis kun nas yog pa/ lha rdzas kyi gdan rin po che bye ba brgya stong phrag bcu mdzes par bting ba/ lha rdzas kyi gos rin po che bye ba brgya stong phrag bcus mdzes par 
bkram pa/ lha rdzas kyi gos kha dog sngon po bye ba brgya stong phrag bcu shin tu brgyan par bting ba/ lha rdzas kyi gos kha dog ser po bye ba brgya stong phrag bcu rgyan chen por bting ba/ lha rdzas kyi gos kha dog dmar po bye ba brgya stong phrag bcu lha'i dga' bar 
bting ba/ lha rdzas kyi gos kha dog sna tshogs bye ba brgya stong phrag bcu gos kyi rgyan du bting ba/ lha rdzas kyi rin po che sna tshogs kyi gos rnam pa sna tshogs bye ba brgya stong phrag bcu kha dog legs par bting ba/ spos sna tshogs kyis yongs su </font><hr>35-1-352a<br><font size=+1>
bsgos pa'i gos bye ba brgya stong phrag bcu gos bzang por bting ba/ rin po che rmad du byung ba thams cad kyi gos bye ba brgya stong phrag bcus yid du 'ong ba'i rgyan du bting ba/ gos dkar po sna tshogs bye ba brgya stong phrag 
bcus bla gab tu bkab pa/ lha rdzas kyi dril bu'i rgyal mtshan bye ba brgya stong phrag bcus yid du 'ong ba'i sgra phyung ba/ gser gyi dra ba'i rgyal mtshan bye ba brgya stong phrag bcu sgra shin tu 'byin cing yongs su bzung ba/ lha rdzas kyi snam bu rin po che'i 
rgyal mtshan bye ba brgya stong phrag bcus rgyal mtshan gyi dra ba'i rgyan du brgyan pa/ spos kyi rgyal mtshan bye ba brgya stong phrag bcus spos kyi dra ba thams cad kyi rgyan rnam par dag pa/ lha rdzas kyi me tog gi rgyal mtshan bye ba brgya stong phrag bcu me tog thams 
cad kyi char du 'bab pa/ lha rdzas kyi gos kyi rgyal mtshan bye ba brgya stong phrag bcus gos thams cad du bskyod pa/ lha rdzas kyi nor bu rin po che'i rgyal mtshan bye ba brgya stong phrag bcus mdzes pa thams cad kyi rgyal mtshan dang ldan par byas pa/ lha 
rdzas kyi lhab lhub kyi rgyal mtshan bye ba brgya stong phrag bcus lhab lhub thams cad kyi rgyal mtshan rnam pa sna tshogs su gyur pa/ lha rdzas kyi phreng ba'i rgyal mtshan bye ba brgya stong phrag bcu phyogs kun nas 'greng ba/ lha rdzas kyi 
gdugs kyi rgyal mtshan bye ba brgya stong phrag bcu dril bu thams cad 'khrol bas yid du 'ong zhing dga' ba'i sgra phyung ba/ lha rdzas kyi dung bye ba brgya stong phrag bcus sgra snyan pa phyung ba/ lha rdzas kyi rnga bye ba brgya stong phrag bcus rnga chen po'i sgra shin 
tu phyung ba/ lha rdzas kyi pi wang bye ba brgya stong phrag bcus yid du 'ong zhing 'brel pa'i sgra phyung ba/ lha rdzas kyi kha sbyar bye ba brgya stong phrag bcus dbyangs chen por sgra bsgrags pa/ lha rdzas kyi sil snyan bye ba brgya stong phrag bcu glu dang rol </font><hr>35-1-352b<br><font size=+1>
mor sbyar ba dang ldan pa/ lha rdzas kyi rol mo dbyangs kyi dam pa bye ba brgya stong phrag bcu'i sgra yid du 'ong bas sangs rgyas kyi zhing thams cad du mngon par grags par byas pa/ sprul pa'i rol mo bye ba brgya stong phrag bcus 'jig rten gyi khams 
thams cad sgra brnyan gyi tshogs lta bur shes par byas pa/ lha rdzas kyi rnga bo che bye ba brgya stong phrag bcu shin tu brdungs pa'i sgra phyung ba/ yid kyi rang bzhin gyi lha rdzas kyi rol mo bye ba brgya stong phrag bcus rol mo'i sgra yid du 'ong ba dang / glu'i 
dbyangs snyan pa phyung ba/ lha rdzas kyi rol mor gtogs pa sna tshogs bye ba brgya stong phrag bcus yid dga' ba dang zhi ba'i sgra phyung ba/ tshig gi rim pa yid du 'ong ba bye ba brgya stong phrag bcus bstod cing mchod pa/ bstod pa rgya chen po bye ba brgya 
stong phrag bcus dga' bar bstod cing mchod pa/ zab mor bstod pa bye ba brgya stong phrag bcus shin tu bsgoms shing bstod pa/ bstod pa sna tshogs bye ba brgya stong phrag bcus las thams cad kyi rnam par smin pa las yongs su byung bar bstod pa/ 
phra bar bstod pa bye ba brgya stong phrag bcus yang dag par ji lta ba bzhin du bstod pa/ sngon gyi spyod pas bstod pa bye ba brgya stong phrag bcu mngon par brjod de 'das pas bstod pa/ dge ba'i bstod pa bye ba brgya stong phrag bcus bstan cing bstod pa/ sngon 
gyi sangs rgyas bsnyen bkur ba'i bstod pa bye ba brgya stong phrag bcus rnam par dag par bstod pa/ chos kyi sgo'i bstod pa bye ba brgya stong phrag bcus mngon par 'byung bar bstod cing 'jigs pa med par bstod pa/ bstod pa rnam pa tha dad 
pa bye ba brgya stong phrag bcus byang chub sems dpa' thams cad kyis mi zad par brjod cing bsngags te bstod pa/ byang chub sems dpa'i sa'i glu bye ba brgya stong phrag bcus byang chub sems dpa'i sa thams cad glur brjod cing sbyar ba</font><hr>35-1-353a<br><font size=+1>
sangs rgyas kyi yon tan bye ba brgya stong phrag bcus thogs pa med par bstod pa/ sangs rgyas mthong ba'i glu bye ba brgya stong phrag bcu'i glu'i dbyangs su blangs pa/ chos zab mo'i glu bye ba brgya stong phrag bcus thogs pa med 
par chos kyi snang ba thams cad glur blangs te sbyar ba/ dbyangs rgya chen po'i glu bye ba brgya stong phrag bcus yid du 'ong ba'i sgrar sangs rgyas kyi zhing thams cad du bsgrags pa/ sems dang bsam pa bye ba brgya stong phrag bcu thogs pa med par glur blangs shing 
rna ba dang bar byas pa/ khams gsum du gtogs pa'i glu bye ba brgya stong phrag bcus chos thams cad kyi rang bzhin rnam par bstan pa/ dga' bar byed pa'i glu bye ba brgya stong phrag bcu thogs pa med pas dad pa dang / rim gro rab tu bskyed pa/ 
sangs rgyas kyi spyod yul gyi glu bye ba brgya stong phrag bcus chos kyi don thams cad gsal bar brjod cing sgra phyung ba/ gzungs kyi glu bye ba brgya stong phrag bcus chos thams cad kyi tshig rab tu dbye ba la mkhas pa dang / de bzhin gshegs pa thams cad kyi gsung gi 
ldem po dag rab tu rtogs par rnam par bstod pa/ chos thams cad kyi glu bye ba brgya stong phrag bcus chos thams cad kyi glu dang / rol mo dang sil snyan gyi sgra phyung ba dang ldan pa/ byang chub sems dpa' sems dang po bskyed pa bye ba brgya stong phrag bcu la 
thams cad mkhyen pa'i sems kyi stobs dang shugs mthong ma thag tu skye bar byed pa/ byang chub sems dpa' las dang po pa bye ba brgya stong phrag bcu'i sems dga' zhing mos par byed pa/ byang chub sems dpa' rnal 'byor la spyod pa bye ba brgya 
stong phrag bcu'i mos pa rnam par sbyong ba/ byang chub sems dpa' cher skyes pa'i bye ba brgya stong phrag bcu'i theg pa chen po brtsams pa rgya cher byed pa/ byang chub sems dpa' sbyor ba dang ldan pa bye ba brgya stong phrag bcu'i theg pa chen po brtsams </font><hr>35-1-353b<br><font size=+1>
pa yongs su rgyas par byed pa/ byang chub sems dpa' bsam pa dang ldan pa bye ba brgya stong phrag bcu'i byang chub sems dpa'i spyod pa thams cad shin tu sbyong ba/ byang chub sems dpa' phyir myi ldog pa bye ba khrag khrig brgya stong phrag bcu'i byang chub 
sems dpa'i sa thams cad rnam par sbyong ba/ byang chub sems dpa' gzhon nur gyur pa bye ba brgya stong phrag bcu'i byang chub sems dpa'i ting nge 'dzin thams cad snang bar byed pa/ byang chub sems dpa' rgyal tshab bye ba khrag khrig brgya stong phrag 
bcu sangs rgyas kyi yul bsam gyis myi khyab pa la 'jug par byed pa/ byang chub sems dpa' dbang bskur ba bye ba khrag khrig brgya stong phrag bcu de bzhin gshegs pa'i stobs gzhal du med pa ston pa byang chub sems dpa'i rdzu 'phrul bye ba khrag khrig 
brgya stong phrag bcu 'thob par rnam par 'phrul pa/ byang chub sems dpa'i mos pa bye ba brgya stong phrag bcu sgrub cing sbyong ba/ byang chub sems dpa'i dga' ba bye ba brgya stong phrag bcu shin tu bskyed pa/ byang chub sems dpa'i dad pa bye ba brgya stong 
phrag bcu mi shigs par rab tu gzhog pa/ byang chub sems dpa'i shugs bye ba brgya stong phrag bcu rnam par 'phel bar byed pa/ byang chub sems dpa'i rab tu dga' ba bye ba brgya stong phrag bcu'i chos kyi grags pa rnam par 'phel bar 
byed pa/ byang chub sems dpa'i chos kyi don bye ba brgya stong phrag bcu'i ye shes gdon mi za bar nges par ston pa/ byang chub sems dpa'i dran pa bye ba brgya stong phrag bcu 'khrug pa med par sbyong ba/ byang chub sems dpa'i blo gros bye ba brgya stong 
phrag bcu'i ye shes gdon mi za ba bskyed pa/ byang chub sems dpa'i rigs bye ba brgya stong phrag bcu la sangs rgyas kyi chos thams cad 'dzin par byin gyis rlobs pa/ byang chub sems dpa'i blo bye ba brgya stong phrag bcu yangs pa'i blo tshad </font><hr>35-1-354a<br><font size=+1>
myed par ston pa/ byang chub sems dpa'i dad pa bye ba brgya stong phrag bcu rtsa ba brtan par byed pa/ byang chub sems dpa'i gtong ba bye ba brgya stong phrag bcu gtong ba thams cad sbyin pas rnam par sbyong ba/ byang 
chub sems dpa'i tshul khrims bye ba brgya stong phrag bcu tshad myed pa'i tshul khrims kyi pha rol tu phyin par sgrub pa/ byang chub sems dpa'i bzod pa bye ba brgya stong phrag bcu sems 'khrug pa med pas sangs rgyas kyi chos thams cad la bzod par 'jug pa/ 
byang chub sems dpa'i brtson 'grus bye ba brgya stong phrag bcu mtha' yas pa'i brtson 'grus su 'byung bar byed pa/ byang chub sems dpa'i bsam gtan bye ba brgya stong phrag bcu tshad med pa'i bsam gtan rtogs pa'i snang bar byed pa/ byang chub 
sems dpa'i shes rab kyi pha rol tu phyin pa mngon par bsgrub pa bye ba brgya stong phrag bcu shin tu snang zhing shes par byed pa/ byang chub sems dpa'i smon lam bye ba brgya stong phrag bcu'i 'byung ba rnam par sbyong ba/ byang chub sems dpa'i 
chos kyi sgo bye ba brgya stong phrag bcu'i ye shes snang ba gsal bar byed pa/ phyogs bcu'i sangs rgyas 'byam klas pa bye ba brgya stong phrag bcu'i chos kyi sgo snang bar byin gyis rlob pa/ phyogs bcu'i 'byam klas pa bye ba brgya stong phrag bcu'i chos 
kyi tshul rmongs pa myed cing gti mug myed par ston pa/ chos kyi 'byung gnas bye ba brgya stong phrag bcu rab tu 'thob par byed pa/ sangs rgyas kyi zhing bye ba brgya stong phrag bcu 'byam klas pa la 'jug par byed pa/ chos kyi lus bye ba brgya stong phrag 
bcu sangs rgyas kyi zhing thams cad du 'gro bar byed pa/ de bzhin gshegs pa'i gsung bye ba brgya stong phrag bcu mngon par bsgrubs pa rab tu shes par byed pa/ thams cad mkhyen pa nyid kyi tshul bye ba brgya stong phrag bcu mngon par bsgrub pa'i </font><hr>35-1-354b<br><font size=+1>
'byung gnas su gyur pa/ chos 'byam klas pa bye ba brgya stong phrag bcu'i tshogs rab tu bsgrub pa/ chos kyi ye shes bye ba brgya stong phrag bcu'i sangs rgyas kyi chos thams cad mthong ba la rgyal tshab du gyur pa/ de bzhin gshegs pa'i yul bye 
ba brgya stong phrag bcu'i yang dag par ston pa'i spyod yul can/ lha'i dbang po bye ba brgya stong phrag bcu mngon par dga' ba'i lus can/ klu'i dbang po bye ba brgya stong phrag bcu mi skyo bar lta ba/ gnod sbyin gyi dbang po bye ba brgya stong phrag 
bcu thal mo sbyar zhing spyi bo la gzhog pa/ dri za'i dbang po bye ba brgya stong phrag bcu mi ngoms par mos pas ldang ba/ lha ma yin gyi dbang po bye ba brgya stong phrag bcu nga rgyal gyi yid yongs su chad pa/ nam mkha' lding gi dbang po bye ba 
brgya stong phrag bcu'i kha nas dar shin tu spyangs pa/ mi 'am ci'i dbang po bye ba brgya stong phrag bcu sems rab tu dga' ba/ lto 'phye chen po'i dbang po bye ba brgya stong phrag bcu dga' ba'i yid du blta ba/ tshangs pa'i dbang po bye ba brgya stong phrag 
bcu zhe sas phu dud du gnas pa/ 'jig rten gyi dbang po bye ba brgya stong phrag bcu'i spyi bo dang / lus kyis btud pa/ lha'i dbang po brgya byin las stsogs pa bye ba brgya stong phrag bcus shin tu blta ba/ rab mtshe ma'i lha'i rgyal 
po las stsogs pa bye ba brgya stong phrag bcus dga' ba chen po'i sgra phyung ba/ rab dga' ldan gyi lha'i rgyal po las stsogs pa bye ba brgya stong phrag bcus rab tu btud pa/ rab 'phrul dga'i lha'i rgyal po las stsogs pa bye ba brgya stong 
phrag bcus phyag bya ba/ dbang byed kyi lha'i rgyal po las stsogs pa bye ba brgya stong phrag bcus thal mo sbyar ba/ tshangs pa bye ba brgya stong phrag bcus blta ba/ dbang phyug chen po bye ba brgya stong phrag bcus mngon par brjod pa/ /</font><hr>35-1-355a<br><font size=+1>
byang chub sems dpa' bye ba brgya stong phrag bcus mngon par bstod pa/ lha'i bu mo bye ba brgya stong phrag bcus shin tu mchod pa/ smon lam gyi lha'i bu bye ba brgya stong phrag bcu mngon par dga' ba/ sngon 
'grogs pa'i lha bye ba brgya stong phrag bcus sgra phyung ba/ tshangs ris kyi lha'i bu bye ba brgya stong phrag bcus lus thams cad kyis phyag bya ba/ tshangs lha nye phan gyi lha bye ba brgya stong phrag bcus spyi bos btud pa/ tshangs pa kun ris kyi lha 
bye ba brgya stong phrag bcus bskor ba byas pa/ tshangs pa chen po bye ba brgya stong phrag bcus yon tan mtha' yas pa'i mthar phyin pa brgya phrag stong gis shin tu bstod pa'i sgra phyung ba/ kun snang dang ba'i lha bye ba brgya stong phrag 
bcus 'khor lngas phyag bya ba/ 'od chung gi lha bye ba brgya stong phrag bcus sangs rgyas skye ba shin tu dkon pa'i sgra bsgrags pa/ tshad med 'od kyi lha bye ba brgya stong phrag bcus sangs rgyas legs par gshegs so zhes phyag bya ba/ 
kun snang dang ba'i lha bye ba brgya stong phrag bcus shin tu bstod cing mthong bar dka' ba'i sgra phyung ba/ dge ba'i lha bye ba brgya stong phrag bcu gzhal myed khang dang ba can du 'phags pa/ 'od chung gi lha bye ba brgya stong phrag bcus sems dang ba'i lus 
kyis mngon par btud pa/ tshad myed dge ba'i lha bye ba brgya stong phrag bcus sangs rgyas mthong bar mos shing rang gi lus kyis btud pa/ dge rgyas kyi lha bye ba brgya stong phrag bcus mchod pa dang rim gror bya ba/ che ba'i lha bye ba brgya 
stong phrag bcus dge ba'i rtsa ba rjes su dran par bya ba/ chung che'i lha bye ba brgya stong phrag bcus de bzhin gshegs pa che ba'i 'du shes rab tu skyes shing lta ba/ tshad med che ba'i lha bye ba brgya stong phrag bcus dge ba'i chos rtogs shing </font><hr>35-1-355b<br><font size=+1>
rim gro cher bya ba/ 'bras bu che ba'i lha bye ba brgya stong phrag bcus lus shin tu btud pa/ mi che ba'i lha bye ba brgya stong phrag bcus dad pa'i rtsa ba brtan par byas te/ mngon par brjod cing lus btud pa/ mi gdung ba'i lha bye ba brgya stong 
phrag bcus sangs rgyas kyi spyan snga nas thal mo sbyar zhing ngoms mi shes par blta ba/ gya nom snang ba'i lha bye ba brgya stong phrag bcus mngon par bltas te lus btud pa/ shin tu mthong ba'i lha bye ba brgya stong phrag bcus sangs rgyas 
kyis bstan pa ngoms mi shes par lus dbul ba/ 'og min gyi lha bye ba brgya stong phrag bcus spyi bos btud cing mchod pa/ lha sna tshogs bye ba brgya stong phrag bcus dga' ba chen pos snang ba'i sgra phyung ba/ lha bye ba brgya stong phrag 
bcus shin tu bsams shing bsgrubs te brgyan pa/ lha'i byang chub sems dpa' bye ba brgya stong phrag bcus sangs rgyas kyi gdan bsgrub pa la byin gyis brlab rgyun mi gcad pa/ lha'i byang chub sems dpa' chen po bye ba brgya stong 
phrag bcu me tog thogs pa dang / spos thogs pa dang / phreng ba thogs pa dang / phye ma thogs pa dang / byug pa thogs pa dang / na bza' thogs pa dang / gdugs thogs pa dang / rgyal mtshan thogs pa dang / ba dan 
thogs pa dang / rin po che thogs pa dang / phyang 'phrul thogs pa dang / lhab lhub thogs pas mngon par gtor zhing char du phab ste rab tu dgye ba/ lha bye ba brgya stong phrag bcus lha'i khyim mngon par 'phags pa gcig nas 
gcig tu brgyud pa'i pha rol tu phyin par bya ba/ lha'i gzhal med khang bye ba brgya stong phrag bcu'i lha'i bus dad par bsu ba/ lha'i bu btsun pa bye ba brgya stong phrag bcus lhun shin tu bzung ba/ dbang bskur ba'i lha'i bu bye ba brgya stong </font><hr>35-1-356a<br><font size=+1>
phrag bcus lhun kun nas bzung ba/ byang chub sems dpa'i sems bye ba brgya stong phrag bcu legs par sems shing spyod pa/ byang chub sems dpa'i btsun pa'i sems bskyed pa bye ba brgya stong phrag bcu'i yid 
dga' bar byed pa/ byang chub sems dpa'i dbang po bye ba brgya stong phrag bcu rab tu sim par byed pa/ byang chub sems dpa'i lhag pa'i bsam pa bye ba brgya stong phrag bcu yongs su dag par byed pa/ byang chub sems dpa'i mos pa bye 
ba brgya stong phrag bcu rnam par dag par byed pa/ byang chub sems dpa'i las bye ba brgya stong phrag bcu yang dag par sbyong ba/ byang chub sems dpa'i skyes pa'i rabs bye ba brgya stong phrag bcu rab tu ston par byed pa/ byang chub sems 
dpa'i chos kyi sgo bye ba brgya stong phrag bcu rab tu snang bar byed pa/ byang chub sems dpa'i sa bye ba brgya stong phrag bcu rab tu sgrub pa/ byang chub sems dpa'i ris bye ba brgya stong phrag bcu yongs su smin par 'dul ba/ dge ba'i rtsa ba bye 
ba brgya stong phrag bcus yang dag par byung ba/sangs rgyas bye ba brgya stong phrag bcus byin gyis brlabs pa/ bsod nams bye ba brgya stong phrag bcus yongs su grub pa/ lhag pa'i bsam pa bye ba brgya stong phrag bcus yongs su sbyangs 
pa/ smon lam bye ba brgya stong phrag bcus shin tu dag par byas pa/ spyod pa bye ba brgya stong phrag bcus yang dag par skyes pa/ chos bye ba brgya stong phrag bcus nye bar bstan pa/ rnam par 'phrul pa bye ba brgya stong phrag bcus rjes su 
song ba/ yon tan bye ba brgya stong phrag bcus shin tu 'phags pa bshams so// //sangs rgyas rmad ga cad ces bya ba shin tu rgyas pa chen po'i mdo/ /bam po nyi shu dgu pa/ ji ltar gling bzhi pa chen po </font><hr>35-1-356b<br><font size=+1>
'di'i dga' ldan gyi gnas su lha'i dbang po rab dga' ldan gyi khang pa nor bu rin po che thams cad kyi rgyan can du de bzhin gshegs pa'i gdan bting bar gyur pa de bzhin du/ 'jig rten gyi khams thams cad kyi gling bzhi pa chen po dag na yang dga' 
ldan gyi gnas dag tu lha'i rgyal po rab dga' ldan gyi khang pa rin po che thams cad kyi rgyan can dag tu rgyan 'di lta bu dang / tshul 'di lta bu dang / dad pa 'di lta bu dang / mos pa 'di lta bu dang / dga' ba 'di lta bu dang / rab tu dga' ba 'di lta 
bu dang / zhe sa 'di lta bu dang / rim gro 'di lta bu dang / spro ba 'di lta bu dang / nye bar sems pa 'di lta bus de bzhin gshegs pa'i gdan bting bar gyur to/ /de nas lha'i rgyal po rab dga' ldan gyis stan bting nas/ zhe sa 
can gyi rim gro dang bcas par dga' ldan gyi ris su gtogs pa'i lha'i bu bye ba brgya stong phrag bcu dang lhan cig du dong ste/ bcom ldan 'das bsu nas me tog yon tan grangs myed pa'i sprin gyi char ni rab tu phab/ spos yon tan bsam gyis 
myi khyab pa'i char ni rab tu phab/ phreng ba yon tan sna tshogs dang ldan pa'i sprin ni rab tu bkye/ gdugs rnam pa sna tshogs kyi sprin gyi char ni rab tu phab/ lha rdzas kyi gos rab tu phra ba'i sprin rab tu bkye/ rin po che yid du 'ong 
ba mtha' yas pa thams cad kyi sprin gyi char ni rab tu phab/ sems shin tu dang bas lha rdzas kyi lhab lhub dang / phyang 'phrul gyi sprin gyi char ni kun tu phab/ bdug spos rnam pa du ma'i sprin gyis ni kun tu bdug /lha rdzas kyi tsan dan gyi 
phye ma dang / a ka ru'i phye ma dang / spos dam pa thams cad kyi phye ma'i sprin gyi char ni rab tu phab/ lha'i bu mtha' yas pas kyang rang rang gi lus kyi sprin ni shin tu bkye/ dga' ldan gyi ris su gtogs pa'i lha'i bu bye ba brgya stong </font><hr>35-1-357a<br><font size=+1>
phrag bcu dang / de ma yin pa'i lha'i ris nas 'dus pa'i lha'i bu rnams kyis kyang sems shin tu dang bas zhe sa rab tu bskyed nas/ shin tu btud de phyag 'tshal to/ /lha'i bu mo grangs med pa dag 
kyang dga' zhing mos pa'i sems kyis bcom ldan 'das la rab tu sems so/ /byang chub sems dpa' dga' ldan gyi gnas na spyod pa grangs myed pa rnams kyang bar snang la gnas te/ sangs rgyas la mchod par brtson pa'i sems 
kyis lha rdzas las 'das pa'i mchod pas bcom ldan 'das la mchod pa byed do/ /rim gro byed do phyag 'tshal lo/ /de'i tshe sangs rgyas kyi byin gyi rlabs dang / sangs rgyas kyi sngon gyi dge ba'i rtsa ba rgyu mthun pa dang / de bzhin gshegs 
pa'i cho 'phrul bsam gyis mi khyab pas rol mo bkrol ba dang / brdung ba'i tshogs grangs med pa yang sgra 'byin par gyur to/ /lha'i bu dga' ldan gyi gnas na 'khod pa rnams dang / lha'i bu mo rnams kyang bcom ldan 'das la ni lta/ 
de bzhin gshegs pa 'byung ba/ shin tu dkon par ni rjes su sems shing / yang dag par rdzogs pa'i sangs rgyas ni rnam pa'i mchog thams cad dang ldan pa bsgribs pa med pa'i chos can no/ /zhes yang dag par lta zhing de logs su 
mngon par lta bar gyur to/ /dga' ldan gyi gnas na 'khod pa'i 'khor thams cad dang / lha bye ba brgya stong grangs med pa bcom ldan 'das bsu ba'i phyir rin po che thams cad kyi mye tog gi phur ma thogs thogs pa dang / spos thams cad kyi 
phur ma thogs thogs pa dang / rin po che thams cad kyi phur ma thogs thogs pa dang / rgyan thams cad kyi phur ma thogs thogs pa dang / lha rdzas kyi tsan dan thams cad kyi phye ma'i phur ma thogs thogs pa dang / lha rdzas kyi a ka ru </font><hr>35-1-357b<br><font size=+1>
thams cad kyi phye ma'i phur ma thogs thogs pa dang / lha rdzas kyi rin po che thams cad kyi phye ma'i phur ma thogs thogs pa dang / lha rdzas kyi spos kyi me tog thams cad kyi phye ma'i phur ma thogs thogs pa dang / lha rdzas kyi me tog man dA 
ra ba'i phur ma thogs thogs pa rnams kyang dong ste/ bcom ldan 'das la gtor to/ /mngon par gtor to/ /rab tu gtor to/ /lha'i bu dga' ldan gyi gnas su gtogs pa bye ba khrag khrig brgya stong grangs med pa rnams kyang bar snang 
la 'khod de/ ye shes kyi spyod yul la gzhol ba'i sems kyis spos dang bdug pa'i sprin gyis bdug pas bar snang brgyan par byas so/ /sangs rgyas la dga' zhing gzhol ba'i sems kyis lha rdzas kyi me tog thams cad kyi sprin gyi char 
gyis rab tu brgyan pas bar snang brgyan par byas so/ /de bzhin gshegs pa la zhe sa cher bya ba'i sems kyis lha rdzas kyi gdugs sna tshogs kyi sprin gyis bar snang yog par byas te brgyan par byas so/ /sangs rgyas la mchod par gzhol ba'i sems 
kyis lha rdzas kyi phreng ba sna tshogs kyi sprin rab tu dgye bas bar snang brgyan par byas so/ /sangs rgyas las thos par mos pa'i sems kyis gser gyi dra ba grangs med pa las dril bu sna tshogs kyi dra ba 'khrol zhing sgra 'byin pas g.yog par byas te 
bar snang brgyan par byas so/ /de bzhin gshegs pa la yon gyi gnas dam pa yin par 'dzin pa'i sems kyis bla re grangs med pa las rin po che thams cad kyi se mo do'i sprin lding zhing / 'brul ba'i rgyan gyis bar snang brgyan par byas so/ /
sangs rgyas la dge bar 'dun pa'i sems kyis lha rdzas kyi gzhal med khang grangs med par lha rdzas kyi rol mo brdung ba dang / dkrol ba thams cad kyi sgra yid du 'ong ba phyung bas bar snang brgyan par byas so/ /sangs rgyas skye ba shin tu </font><hr>35-1-358a<br><font size=+1>
dkon par dogs pa'i sems kyis lha rdzas kyi na bza' kha dog sna tshogs pa'i sprin dang / na bza' mtshungs pa med pa'i sprin gyi char 'bab pa'i rgyan gyis bar snang brgyan par byas so/ /sangs rgyas la mos pa mtha' 
yas pa'i sems kyis lha rdzas kyi cod pan grangs med pa'i sprin las cod pan gyi char chen po 'khor zhing 'bab pa'i rgyan gyis bar snang brgyan par byas so/ sangs rgyas yid la bde ba skyes pa'i sems kyis lha rdzas kyi rin po che kha dog sna tshogs 
grangs med pa'i sprin las phreng ba sna tshogs kyi char rgyun mi 'chad par 'bab pa'i rgyan gyis bar snang brgyan par byas so/ /lha'i bu bye ba brgya stong grangs med pa yang lha rdzas kyi me tog kha dog tha dad pa grangs med pa lag na thogs te/ me tog zad mi shes pa'i 
mdzod rab tu bkye nas/ bcom ldan 'das la mngon par gtor to/ /mos pa'i spos zhim po rnyed cing sangs rgyas la dad par gnas pas lha rdzas kyi spos dang / bdug pa kha dog sna tshogs grangs med pa lag na thogs te bcom ldan 'das la 
phul lo/ /rgyan chen po sprul pa'i sems kyis lha rdzas kyi tsan dan gyi phye ma kha dog sna tshogs grangs med pa lag na thogs te/ bcom ldan 'das la mngon par gtor to/ /dga' ba'i sems kyis bcom ldan 'das kyi zham ring du 'brang 
zhing rin po che'i gdugs kha dog sna tshogs grangs med pa lag na thogs te/ bcom ldan 'das la mngon par 'gebs so/ /sangs rgyas mtha' yas pa la mos pa'i sems rnam par 'phel bas/ gos rin po che kha dog sna tshogs grangs 
med pa lag na thogs te/ bcom ldan 'das gshegs pa'i lam gos kyis yog par byas so/ /de bzhin gshegs pa la rim gro bya bar mos pa'i sems kyis lha rdzas kyi rgyal mtshan rin po che sna tshogs kyi kha dog can lag na thogs shing / bcom </font><hr>35-1-358b<br><font size=+1>
ldan 'das kyi zham ring du 'dong ngo / /sangs rgyas la dga' ba mtha' yas pa rnam par 'phel ba'i sems kyis lha rdzas kyi lhab lhub dang / phyang 'phrul kha dog sna tshogs grangs med pa'i yang grangs med pa lag na thogs te/ de bzhin 
gshegs pa la phul lo/ /dad pa mi 'phrogs pa'i sems kyis lha rdzas kyi phreng ba grangs med pa lag na thogs te/ bcom ldan 'das la mngon par gsol to/ /mtshungs pa med pa'i dga' ba rnam par 'phel bas/ lha rdzas 
gyi ba dan rin po che kha dog sna tshogs grangs med pa'i yang grangs med pa lag na thogs te/ bcom ldan 'das kyi drung na 'dzin to/ /lha'i bu bye ba khrag khrig brgya stong grangs med pa yang zhi ba la rab tu gzhol zhing bag yod pa tshad med 
pa'i sems kyis lha rdzas kyi rol mo brdung ba dang / dkrol ba kha dog sna tshogs grangs med pa lag na thogs te/ yid du 'ong ba'i sgra dbyangs phyung nas/ bcom ldan 'das dgyes par byed do/ /byang chub sems dpa' bye ba khrag khrig brgya stong brjod du med 
pa/ dga' ldan gyi gnas nas 'ongs pa'i rnams kyang lha rdzas las 'das pa'i mchod pa khams gsum las rnam par 'das pa/ dmyigs pa'i chos las byung ba/ rjen pa'i dri med pa/ chags pa med pa'i 
sems tshim par byed pa/ chos kyi tshul zab mos mngon par grub pa/ blo tshad med pa'i yangs pa las byung ba/ dad pa'i rtsa ba brtan pas rnam par spel ba/ dge ba'i rtsa ba bsam gyis mi khyab pa las byung ba/ dge ba'i rtsa ba dang 
'phrul ba grangs med pas mngon par bsgrubs pa/ sangs rgyas kyi mchod pa yid kyi rang bzhin las byung ba/ mngon par 'du bya ba med pa'i chos kyi sgo'i rgyas btab pas/ chos kyi dbyings thams cad kun nas yog par byas so/ /</font><hr>35-1-359a<br><font size=+1>
lha rdzas las 'das pa'i pha rol tu phyin pa las byung ba'i me tog gi bla re sna tshogs kyis chos kyi dbyings kun nas khebs par byas so/ /lha rdzas las 'das pa mos pa rnam par dag pa/ sangs rgyas thams cad kyi 
yul rgyas par 'gengs pa'i na bza' sna tshogs mngon par dgab pas chos kyi dbyings brgyan par byas so/ /chags pa med pa'i chos kyi rang bzhin rdo rje la yang dag par zhugs pa'i sems kyis lha rdzas las 'das pa'i mi skye ba'i chos 
las byung ba'i dril bu tshom bur bcad pa'i dra bas chos kyi dbyings brgyan par byas so/ /chos thams cad sgyu ma lta bur rtogs pa'i sems kyis lha rdzas las 'das pa'i spos thams cad kyi mchog gis bdug pa'i rgyan gyis chos kyi dbyings 
brgyan par byas so/ /de bzhin gshegs pa bzhugs pas chos kyi dbyings rgyas par bya ba'i sems kyis lha rdzas las 'das pa'i rin po che thams cad kyi khri sangs rgyas kyi gdan du bting ba'i rgyan gyis chos kyi dbyings brgyan par byas so/ /
sangs rgyas kyi mchod pa rang bzhin 'gag pa med pa'i sems kyis lha rdzas las 'das pa'i rin po che sna tshogs kyi rgyal mtshan yang dag par bsgreng ba'i rgyal mtshan gyis chos kyi dbyings brgyan par byas so/ /rmi lam lta bu'i chos nyid 
kyis bsam pa tshim pas lha rdzas las 'das pa'i rin po che sna tshogs kyis sangs rgyas kyi pho brang brgyan pas chos kyi dbyings brgyan par byas so/ /mi gnas pa'i dge ba'i rtsa ba blang ba med pa las byung bas/ lha rdzas las 
'das pa'i rin po che sna tshogs kyi pad mos kun nas yog pa'i rgyan gyis chos kyi dbyings brgyan par byas so/ /lha rdzas las 'das pa'i spos thams cad kyi mchog gi sprin gyis chos kyi dbyings thams cad rgyas par bya ba </font><hr>35-1-359b<br><font size=+1>
dang / me tog kha dog mtha' yas pa sna tshogs kyi sprin dang / na bza' kha dog rnam pa sna tshogs rnam pa tha dad pa thams cad kyi sprin dang / tsan dan gyi dri zhim po mtha' yas par 'phro ba thams cad kyi sprin dang / lha rdzas las 'das pa'i 
rin po che thams cad kyi gdugs rnam pa sna tshogs kyi sprin dang / spos dang bdug pa sna tshogs kyi ngad kun tu ldang ba'i sprin dang / phreng ba yid du 'ong ba thams cad kyi sprin dang / lha rdzas las 'das pa'i lhab lhub rnam par dag pa thams cad 
kyi sprin dang / byang chub sems dpa' bye ba khrag khrig brgya stong brjod du med pa rang gi lus gtong ba'i sprin dang / sangs rgyas kyi yon tan brjod pa las 'das pas bstod cing bsngags pa'i brjod pa zad mi shes pa'i sprin dang / 
de bzhin gshegs pa'i bstod pas brjod pa ji lta ba bzhin du yang dag par bsngags pa'i chos ma log pa las byung ba/ sangs rgyas kyi stobs mtha' dang dbus med pa las rgyu bas 'gro ba thams cad bde ba'i lam bstan pa dang / tshig rnam 
par 'byed pa brjod du med pa smos pas chos tshad med pa la gzhol ba'i gzungs kyi rgyud thams cad las byung ba'i tha dad pa yang dag par shes pa la mkhas pa mi zad pa dang mi 'jigs pas yid dga' bar gyur pa'i rim gro ngoms mi shes pas/de bzhin gshegs pa la mngon par bstod pa/ tshig rnam par dbye zhing brjod pas/ byang chub sems dpa' de dag chos kyi dbyings kyi lus nam mkha'i khams rgyas par byed pa byin gyis brlabs te/ sangs rgyas 'das pa dang / 
ma byon pa dang / da ltar byung ba thams cad kyis yongs su gzung ba'i yid kyi dbang pos mngon par bstod do/ /lha'i ris gzhan dang gzhan nas 'dus pa'i lha'i 'khor de dag thams cad dang / sangs rgyas kyi zhing brjod du med pa </font><hr>35-1-360a<br><font size=+1>
nas 'dus pa'i byang chub sems dpa'i 'khor rnams kyang / de bzhin gshegs pa dgra bcom pa yang dag par rdzogs pa'i sangs rgyas kyi khyu mchog gi mthu phyung ba/ bsam gyis mi khyab pa yongs su ston cing / 
de bzhin gshegs pa'i sku yang dag par 'byung ba dang / bsam gyis mi khyab pa'i rdzu 'phrul yang dag par ston pa dang / sems can grangs med pa'i rgyud tshim par mdzad pa dang / sangs rgyas kyi rgyan rnam par phye bas nam mkha'i 
khams thams cad dang / chos kyi dbyings thams cad rgyas par mdzad pa/ 'gro ba thams cad kyi dge ba'i rtsa ba mtha' yas pa brtan par mdzad pa/ sangs rgyas kyi cho 'phrul gzhal du med pa las byung ba/ tshig gi lam thams cad las 
yang dag par 'das pa/ byang chub sems dpa'i rigs dang ldan pa thams cad kyis mngon par mos par bya ba/ sems can 'dul ba ji lta ba bzhin du tshim par bya ba'i phyir sangs rgyas kyi sku yangs pa rjes su khyab par gyur pa/ 
dge ba'i rtsa ba brjod pa thams cad rnam par dag pas sangs rgyas kyi yon tan tshad med pa yang dag par ston pa/ de bzhin gshegs pa'i yul rgyun mi 'chad par 'byung ba'i sangs rgyas kyi ting nge 'dzin las 'byung ba/ 'gro ba thams cad ma lus pa'i 
lus kyi rjes su 'dal ba/ sku'i byin gyis rlabs las mtshams med pa/ yid tshad med pa yongs su mgu bar mdzad pa/ thams cad mkhyen pa nyid kyi rigs rgyun mi gcod pa/ sangs rgyas kyi rnam par spyod pa mtha' dang dbus med pa 
'byung ba brnyes pa/ 'das pa dang ma byon pa dang / da ltar byung ba'i sangs rgyas thams cad kyi rigs su byung ba/ khams dang mos pa bgrang du med pa thams cad sbyong bar mdzad pa/ byang chub sems dpa' thams cad ye shes mngon par </font><hr>35-1-360b<br><font size=+1>
bsgrub pa la 'jug par mdzad pa/ byang chub sems dpa' thams cad kyi dbang po rab tu dga' bar mdzad pa/ chos kyi sprin gyis nam mkha'i khams thams cad du yog par mdzad pa/ chos kyi dbyings thams cad ma lus par de bzhin 
gshegs pas 'dul ba'i byin gyi rlabs kyis rlob pa/ sems can thams cad kyi rtog pa bsam pa ji lta ba bzhin du yongs su rgyas par mdzad pa/ mi gnas pa'i ye shes kyi rgyud kyis 'gro ba thams cad las 'phags pa/ ye shes kyi rnam pa 
thams cad brnyes pa/ sangs rgyas kyi byin gyi rlabs snang ba gzigs pa/ dge ba'i rtsa ba ji ltar bskyed pa bzhin du yang dag par gzigs pa/ sems bskyed pa rgya chen po skye bar mdzad pa/ 'gro ba thams cad du kun tu bzang 
po thub pa med pa'i ye shes yang dag par rgyu bas byung ba 'gro ba dang zhing thams cad du khyab pa/ chos kyi dbyings thams cad du mi ldog par gshegs pa/ sangs rgyas kyi sku'i rgyud brjod du med pa yang dag par ston pa/ bsam 
pa ji lta ba bzhin du 'khrul pa mi mnga' bar byin gyis rlob pa/ 'gro ba thams cad kyi tshig gi rnam pas yon tan mi zad pa sangs rgyas rjes su dran pas chos kyi dbyings thams cad rgyas par mdzad pa/ 'jig rten gyi khams 
mtha' dang dbus myed pa khyab par mdzad pa/ byang chub kyi sems kyi ji ltar dam bcas pa'i sems can la rim gror mdzad pa/ ji ltar brnyes pa'i chos kyi sbyin pa mdzad pa/ sems can ji ltar 'dul ba bzhin du 'dul ba mdzad pa/ 
mos pa dang bsam pa ji lta ba bzhin du rnam par dag par mdzad pa/ gzugs kyi sku bsam gyis mi khyab par byin gyis rlob pa/ 'gro ba thams cad la gnas pa mi mnga' zhing mnyam pa nyid kyi rjes su bzhud pa/ spyod pa tha dad pa las </font><hr>35-1-361a<br><font size=+1>
byung ba/ de bzhin gshegs pa'i stobs bcu bsgribs pa med pa mngon par sangs rgyas pa/ thugs la chags pa mi mnga' bas rtag tu mnyam par gzhag cing ma 'dres pa/ ye shes thams cad la rnam par spyod pa/ don 
dang tshig dang yi ge tha dad pa yang dag par ston pa/ ye shes rgya mtsho mtha' dang dbus med pa la zhugs pa/ yon tan gyi mchog ye shes snying pos byung bas chos kyi dbyings thams cad du sangs rgyas kyi nyi ma shar ba/ 'gro ba thams cad du sngon 
gyi smon lam zad pa mi mnga' bar chos kyi dbyings kyi rang bzhin la gnas pa/ sangs rgyas kyi rnam par spyod pa mnyams pa brnyes pa/ bdag gi dang yongs su gzung ba med pas gnas par mi mnga' ba/ 'jig rten las 'das pa'i chos 
thams cad 'byung zhing 'jig rten gyi chos thams cad kyis ma gos pa/ 'gro ba thams cad kyis mi shes pa'i rgyal mtshan yang dag par bcad pa/ 'jig rten thams cad kyi mi shes pa chen po yongs su bsal ba'i gnas su gyur pa 'gro ba thams 
cad snang bar mngon par 'don pa/ 'jig rten thams cad ye shes khyad par du 'phags pa la rab tu gzhog pa/ 'gro ba thams cad nye bar 'tsho ba'i bsod nams yongs su mi zad pa/ byang chub sems dpa' thams cad kyi shes pa 
thugs su chud pa/ dad par bya bar 'os pa/ yang dag par rdzogs pa'i sangs rgyas su gzhol ba'i byams pa chen po las byung ba thugs rje chen po yang dag par ston pas spyod pa/ sangs rgyas kyi sku brjod du med pa'i chos dang / 
sangs rgyas kyi chos sna tshogs bsam gyis mi khyab pa'i gsung dang dbyangs kyi char 'bebs pa/ sems can gyi bsam pa ji lta ba bzhin du yang dag par tshim par mdzad pa/ sngon gyi mtha' dang phyi ma'i mtha' dang da ltar byung ba'i </font><hr>35-1-361b<br><font size=+1>
mtha'i dmyigs pa'i byin gyi rlabs shin tu dag cing bsam gyis myi khyab pas sems can dag par mdzad pa/ byang chub sems dpa' thams cad lung bstan pa rgyun mi 'chad pa/ sangs rgyas kyi rigs su dbang bskur bas/ de 
bzhin gshegs pa'i rgyud du byung ba/ 'jig rten thams cad du 'khor lo mi ldog par 'khor ba/ 'jig rten thams cad kyi mngon par zhen pa thams cad las 'phags pa/ sangs rgyas kyi zhing dang chos kyi dbyings thams cad kyi mthas 
klas pa la mi gnas pa/ 'gro ba thams cad mnyam pa nyid du thugs su chud pa/ 'jig rten las 'das pa'i bsod nams kyis rnam par dag pa/ 'khor ba la mi bzhugs par 'jig rten thams cad du snang bar gyur pa/ btsal 
ba mi dmigs pas chos kyi dbyings thams cad kyi rang bzhin ye shes kyi zla ba/ de bzhin gshegs pa tshad med pa'i rjes su bzhud pa/ sgyu ma lta bu'i ye shes kyi byin gyis rlob pa/ mig yor lta bu'i ye shes kyis rnam 
par ston pa/ rmi lam lta bur rjes su dran pa/ sprul pa dang mnyam par byung ba/ sems kyi rang bzhin lta bur 'jig rten sna tshogs thams cad byin gyis rlob pa/ las kyi rnam par smin pa'i tshul dang / bsam pa ji lta ba bzhin du 
sems can gyi skye mched rnam par phye ba yang dag par ston pa/ sems can gyi dbang po dang mthun par sangs rgyas kyi sku byung ba/ de bzhin gshegs pa'i dmigs pa la sems can grangs med pa'i sems yang dag par gnas pa/ 'jig rten thams cad rten cing 'brel par 'byung ba/ rnam par bstan pa'i rang bzhin du chos kyi mtshan nyid kyis yang dag par spyod pa/ ye shes kyi rgyud mtshan nyid med pa'i rang bzhin dang mtshan nyid gcig tu gyur pa/</font><hr>35-1-362a<br><font size=+1>
'jig rten thams cad kyi rang bzhin gyi mtshan nyid snang ba/ mngon par bsgrub pa'i spyod pa yang dag par ston cing 'gro ba thams cad gdon par brtson pa/ sangs rgyas kyi spyod yul bla na med pa yang dag par ston pa/ 'jig 
rten dang zhing thams cad yongs su skyob pas sangs rgyas kyi mtshan ma bzung bar 'jig rten du mngon par byung ba/ 'jig rten gyi nyon mongs pa'i mtshan ma thams cad rnam par bstsal ba/ 'jig rten thams cad kyi rjes su dran pa dang / 
dmigs par 'byor par gyur pa/ 'khrug pa med par khong du chud par 'gyur ba'i rgyu theg pa chen pos zhal yongs su rgyas pas/ chos thams cad kyi don grub pa/ 'gro ba thams cad kyi dge ba'i rtsa bas rnam par phye ba nyams pa med pa'i 
phrin las rnam par smin pas rnam par dag pa/ ye shes kyi 'byung gnas dus gsum mnyam pa nyid du thugs su chud pa/ 'jig rten thams cad kyi yongs su rtog pa yongs su mi rtog pas byung ba/ 'jig rten gyi khams thams 
cad du 'od gzer gyi dra bas gsal bar gyur pa/ phyogs bcu 'byam klas pa thams cad du sangs rgyas kyi 'od kyis snang bar mdzad pa/ sangs rgyas thams cad kyi rjes su bzhud pa blta bas mi ngoms shing btang mi bra ba/ 
yon tan chen po dang ye shes dang mngon par shes pa dang / byang chub sems dpa'i spyod pa 'byung ba dang / dbang po mngon par mkhyen pa'i ye shes kyi spyod yul can/ ye shes kyi dkyil 'khor gyis sangs rgyas kyi mdzad pa 
rgyas par mdzad pa/ sangs rgyas kyi 'phrin las shin tu sgrub pa/ nub cing 'das pa dang / ma 'ongs pa dang da ltar byung ba'i thams cad mkhyen pa'i tshul ston pa/ byang chub sems dpa'i gzungs mtha' yas pa'i char </font><hr>35-1-362b<br><font size=+1>
'bebs pa/ bsam pa yangs pa'i bsgom pa yongs su 'dzin par mdzad pa/ sangs rgyas kyi dpal thams cad kyis rab tu 'bar ba/ de bzhin gshegs pa'i sku kha dog mtha' yas pa sna tshogs su 'jig rten thams cad la mngon 
par ston pa/ sgrib pa'i chos thams cad du ma lhung ba/ chos thams cad kyi rang bzhin gyi don gyis dag pa yon tan gyi chos thams cad la mnga' bas mdzes pa'i dkyil 'khor can yon tan gyi 'od gzer mnga' ba'i nyi mar gyur pa/ bsod 
nams kyi zhing du shar ba/ gzi brjid thams cad kyi dra bas mngon par skyes pa/ 'jig rten thams cad du sangs rgyas kyi sprul pa yang dag par 'dzin pa/ 'jig rten thams cad sprul par thugs su chud pa'i ye shes snang ba dang ldan pa/ 
de bzhin gshegs pa'i go 'phang chags pa myed pa mnga' ba/ phyi ma'i mtha'i yon tan 'jig rten thams cad kyis rnam par shes pa/ 'gro ba thams cad dang mthun par ston pa'i ye shes kyi phyag mnga' ba de bzhin gshegs pa'i ye shes kyi sman pa 
sems can thams cad bde bar mdzad pa/ 'jig rten tshad med pa thams cad du shin tu rnam par dag pas rjes su 'brang ba/ 'gro ba dang zhing 'byam klas pa thams cad du phyir mi ldog pa ye shes kyi spyan phugs rab rib myed cing rnam par 
dag pa/ sangs rgyas kyi lo legs pa yang dag par ston pa/ 'khu ba'i sems can gyi khams las su rung bar mdzad pa/ 'dul ba sna tshogs du ma la 'jug pa/ dus bzhin du 'dul ba'i rgyun mi 'chad pa/ 'gro ba thams cad la 
mnyam pa'i thugs kyis yang dag par spyod pa/ las skyon med pa'i rnam par smin pa dang / mya ngan las 'das pa yang dag par ston pa/ bsam pa dang las dang rgyu mthun pa'i 'bras bu ji lta ba bzhin du sangs rgyas kyi sku rnam par ston pa/</font><hr>35-1-363a<br><font size=+1>
sangs rgyas kyi sku ji lta ba bzhin du sems can gyis chos shes pa 'byung bar mdzad pa/ sangs rgyas kyi sprul pa byin gyis rlob pa/ 'jig rten gyi chos thams cad la rnam par gzigs pa'i ye shes mnga' ba/ 
dga' ba chen po dang lhag pa'i bsam pas dga' bar mdzad pa/ sangs rgyas mthong ba'i dad pa'i shugs mtha' yas pas byung ba/ sems can thams cad kyi rang gi dge ba'i rtsa ba phyir mi ldog par mdzad pa/ sems can gyi las ji lta ba bzhin du rjes su 
'brang bar mdzad pa/ 'gro ba gnyid kyis log pa thams cad sad par mdzad pa/ sangs rgyas skye bas dge ba yang dag par 'phel bar mdzad pa/ sems can la sangs rgyas kyi bag dbab pa chen po stob pa mdzad pa/ 'jig rten gyi lta ba 
thams cad la mi gnas pa/ ye shes kyi don la rab tu gzhog pa/ rab tu gzhag pa'i ye shes kyi tshul gyi spyod yul thugs su chud pa/ sangs rgyas kyis gzigs pa'i zil gyis mnon pa'i rgyan gyis brgyan pa/ chos kyi rgyud thugs su chud 
pa'i ri bo rnam par dag pa/ sangs rgyas 'byam klas pa dang / byang chub sems dpa' gzhan dang gzhan du ston pa/ kha na ma tho ba med pa'i sa la sems can rab tu 'god pa/ sangs rgyas kyi yon tan grangs med pas rnam par bris pa/ las 
kyis sna tshogs su gyur pa'i 'jig rten du de bzhin gshegs pa sna tshogs yang dag par ston pa/ sangs rgyas kyi 'byung gnas rnam par sbyong ba/ ye shes thams cad yongs su 'thob par mdzad pa/ 'jig rten thams cad kyi smon lam rjes su 
srung ba mi shigs pa/ 'gro ba thams cad la dge ba'i bshes gnyen ston pa/ snang ba dri ma med cing mchog tu dag par mdzad pa/'gro ba ma lus pa thams cad kyis ji tsam du mngon sum du mthong ba de tsam du brjod du myed pa/ sems can thams </font><hr>35-1-363b<br><font size=+1>
cad kyi 'gro ba'i rjes su song ba'i byin gyi rlabs mnga' ba/ grogs sngon du 'gro ba'i dge ba'i rtsa bas sems can rnam par dag par mdzad pa/ 'gro ba thams cad kyi smon lam gyi rjes su song ba nyams pa med pa/ sems can thams cad kyi dge ba'i 
rtsa ba yongs su bzung bas dag par mdzad pa la stsogs pa'i tshul gyis yongs su byung ba/ bdud kyi dkrugs ma thams cad rnam par 'joms par byung ba/ chags pa med pa'i mtha'i stobs kyis byung ba/ 'gro ba thams cad kyis blta na 'od shin tu 
dad par snang ba/ ye shes kyi dbyings chags pa med pa'i snying po'i nyi ma sems can gang yang rung ba la chos kyi sbyin pa mdzad pa/ 'od gzer gyi dkyil 'khor gyi mdzod mtha' dang dbus med pa/ de bzhin gshegs pa'i stobs kyi ye shes kyi dkyil 'khor 
mnga' ba/ 'gro ba thams cad la snang bar gyur pa/ bsam pa dang yang dag par rtog pa thams cad yongs su rdzogs pa/ phyir rgol ba shin tu bcom pa/ yon gyi gnas dam pa mchog du gyur pa/ 'gro ba thams cad kyi rten du gyur pa/ yon 
tan tshad med par 'gyur ba/ 'gro ba thams cad yongs su dag par mdzad pa/ dge ba'i rtsa ba chung ngu tshad med par yongs su 'dzin pa/ zad mi shes pa'i ye shes kyi sar 'dzud cing rab tu gzhog pa/ 'jig rten thams cad kyi dge ba'i 
rtsa ba sems la rag las par yid ches pas tshad med pa'i bsod nams dang / yon tan dag par mdzad pa/ ye shes kyi tshul gyis ngan song gsum gyi 'gro ba yongs su skyob pa'o/ /zhes rnam pa de lta bur de bzhin gshegs pa la mos pa rnam pa de lta 
bur/ yang dag par rdzogs pa'i sangs rgyas la yang dag par lta ba/ rnam pa de lta bur ye shes kyi mu stegs las 'bab pa/ rnam pa de lta bu'i yon tan rgya mtsho'i gang chen mtsho thams cad la 'jug pa/ rnam pa de lta bu'i ye shes kyi nam </font><hr>35-1-364a<br><font size=+1>
mkha'i rjes su 'gro ba rnam pa de lta bur 'gro ba thams cad kyi bsod nams kyi zhing du yang dag pa ji lta bur shes pa/ rnam pa de lta bur de bzhin gshegs pa dran pa'i sgos lta ba/ rnam pa de lta bur dge ba'i 'phrin las rnam 
par dag pa'i mtshan nyid phun sum tshogs pas de bzhin gshegs pa la rtog pa/ rnam pa de lta bu'i yang dag par rdzogs pa'i sangs rgyas kyi sku chen po 'jig rten gyi khams thams cad du snang bar byed pa/ rnam pa de lta bu'i de bzhin gshegs pa'i 
sangs rgyas kyi rnam par 'phrul pa thams cad yang dag par bstan par rjes su sems pa de dag gis/ de bzhin gshegs pa'i sku bcom ldan 'das kyi ba spu'i sgo re re nas 'od gzer bye ba khrag khrig brgya stong grangs med pa 'byung ba/ grangs myed pa 
rnam par dag pa/ grangs med par shin tu snang ba/ grangs myed par bltar yod pa/ grangs med pa'i sems can gyi dga' bskyed pa/ grangs med pa'i spro ba skyed pa/ grangs myed pa'i sangs rgyas la 'dun pa rnam par 'phel bar byed pa/ grangs med pa'i lhag pa'i 
bsam pa rnam par sbyong ba/ grangs med pa'i dbang po sim par byed pa/ grangs med pa'i de bzhin gshegs pa'i spyod yul thob par byed pa mang po mthong bar gyur to/ /'od kyi 'khor lo bye ba khrag khrig brgya stong bsam gyis mi khyab pa'ang de 
bzhin gshegs pa'i sku las rnam par 'phrul pa sna tshogs kyis 'phrul zhing 'byung ba/ kha dog bsam gyis myi khyab pa/ mdog bsam gyis mi khyab pa/ 'od bsam gyis mi khyab pa/ chos kyi dbyings mtha' dang dbus med pa thams cad 
rgyas par byed pa/ sangs rgyas kyi byin gyi rlabs dang / sems can rnam par dag pas/ dri zhim por rab tu byung ba/ tshigs su bcad pa bye ba khrag khrig brgya stong bsam gyis mi khyab pa yongs su 'dzin pa/ 'jig rten thams cad </font><hr>35-1-364b<br><font size=+1>
las rnam par 'das shing 'jig rten las 'das pa'i dge ba'i rtsa bas yongs su byung ba/ rgyan bye ba khrag khrig brgya stong bsam gyis mi khyab pa yang dag par ston pa/ bskal pa bye ba khrag khrig bsam gyis mi khyab par yon tan mi zad pa/ 
sangs rgyas kyi rnam par 'phrul pa zad mi shes pa las byung ba/ sangs rgyas skye ba brjod du med pa yang dag par ston pa/ ye shes kyi sgo la rab tu yog pa/ don yangs pa shin tu ston pa/ sangs rgyas kyi sprul pa/ brjod du med pa'i tshul yang 
dag par ston pa/ sangs rgyas kyi yul mtha' dang dbus med pa chos kyi dbyings kyis klas pa/ nam mkha'i khams kyi mthar thug pa/ 'jig rten gyi khams thams cad du byin gyi rlabs kyis byung ba 'gro ba thams cad rnam par dag pa/ 
mnyam pa nyid kyi rjes su song ba/ thams cad mkhyen pa chags pa med pa/ mtha' dang dbus med pa'i sangs rgyas kyi spyod pa las byung ba/ de bzhin gshegs pa bsam gyis mi khyab pas bstan pa'i dpal yod pa/ rin po che'i 'od 'phro 
ba bye ba brgya stong bsam gyis mi khyab pa de ltar byung ba mthong bar gyur to/ /bcom ldan 'das kyis kyang byin gyi rlabs kyi rgyan smon lam chen po las byung ba'i dge ba'i rtsa ba mtha' yas pa dang / de bzhin gshegs pa mnyes par bya ba'i spyod 
pas rnam par dag pa dang / sngon gyi bag yod pa las yang dag par byung ba'i thams cad mkhyen pa'i sems chags pa med pa'i dge ba'i rtsa ba las byung ba dang / de bzhin gshegs pa 'byam klas pa 'gro ba thams cad kyi the tsom gcod pa dang / 
de bzhin gshegs pa mthong ba la sems can tshad med pa rab tu dgod pa dang / dge ba'i rtsa ba'i sgo dang sangs rgyas kyi cho 'phrul zil gyis non pa med pa la rgya mtsho'i mthas gtugs pa'i sems can gzud par bya ba dang / byang chub sems dpa'i </font><hr>35-1-365a<br><font size=+1>
bka' bzhin byed pa thams cad sangs rgyas kyi zhing kun nas 'dus pa dang / sangs rgyas kyi byin gyi rlabs dang / sangs rgyas kyi chos bsam gyis mi khyab pa yongs su brjod pa'i tshul gyis de bzhin 
gshegs pa'i 'khor du ji lta ji ltar sangs rgyas kyi zhing 'byam klas pa bye ba khrag khrig brgya stong brjod du myed pa grangs myed pa dag na/ sems ma dad pa rnams dad par bya ba dang / sems dad pa rnams rnam par 'phel bar bya ba dang / sems rnam par 'phel ba 
rnams rnam par dag par bya ba dang / sems rnam par dag pa rnams yongs su smin par bya ba dang / sems yongs su smin pa rnams 'dul bar bya ba dang / chos zab mo khong du chud par bya ba dang / ye shes snang ba mtha' dang 
dbus med pa khong du chud par bya ba dang / sems tshad med pa'i rnams rgya che bar bya ba dang / thams cad mkhyen pa nyid du sems bskyed pa las phyir mi ldog par bya ba dang / chos nyid dang mi 'gal bar bya ba dang / yang dag pa'i mthas mi skrag 
par bya ba dang / de bzhin nyid rab tu rtogs par bya ba dang / pha rol tu phyin pa'i rnams kyang rab tu rdzogs par bya ba dang / 'jig rten las 'das pa'i dge ba'i rtsa ba rnam par sbyang bar bya ba dang / dmyigs pa thams cad la brtson pa'i sangs 
rgyas kyi rnam par 'phrul pa yang kun tu bzang po'i tshul du mos par bya ba dang / bdud kyi yul las rnam par ldog par bya ba dang / sangs rgyas kyi yul 'thob par bya ba dang / de bzhin gshegs pa'i chos nyid shes par bya ba dang /ye shes bsam 
gyis mi khyab pa skye bar bya ba dang / theg pa chen po'i smon lam las phyir mi ldog par bya ba dang / sangs rgyas blta ba las mi 'phang bar bya ba dang / ye shes khong du chud par bya ba tshad med pa rtogs par bya ba dang / sa mtshams med pa'i </font><hr>35-1-365b<br><font size=+1>
bsod nams kyi stobs yang dag par yongs su bsgrub par bya ba dang / shin tu dga' ba'i sems bskyed par bya ba dang / the tsom med pa'i sa la 'jug par bya ba dang / kha na ma tho ba med cing yongs su dag pa 'thob par bya ba dang / thams cad mkhyen pa nyid la 
brten pa so sor 'thob par bya ba dang / chos mthong ba las phyir mi ldog par bya ba dang / byang chub sems dpa' thams cad kyi tshogs kyi rjes su 'jug par bya ba dang / dus gsum gyi sangs rgyas thams cad kyi rigs grub par bya ba de lta de ltar bcom ldan 
'das kyis thugs rje chen po kun tu khyab pa dang / thams cad mkhyen pa'i ye shes kyi phung po chen pos byin gyis brlabs kyi rgyan rnam pa tha dad pa mang po yang dag par bstan to/ /de ltar bcom ldan 'das kyis sems can thams cad 'dul ba'i dbang du sangs rgyas kyi 
bdag nyid che ba brjod pa'i phyir chags pa med pa'i ye shes kyi snying po rab tu snang bas/ sangs rgyas kyi dpal mtha' yas pa rab tu 'bar ba/ sangs rgyas kyi cho 'phrul bsam gyis mi khyab pas rnam par snang ba thams cad du zhugs pa'i de bzhin 
gshegs pa'i skus rnam par 'phrul pa mtha' dang dbus med pa'i cho 'phrul gyi mthu dang ldan pa/ dgongs pa yongs su rdzogs pa'i sngon gyi smon lam gyis yongs su grub pa'i ye shes kyi rnam par gnon pas de bzhin gshegs pa'i gshegs stabs phun sum 
tshogs pa/ chos kyi dbang phyug brnyes pas chos thams cad la mnga' ba dang ldan pa/ thams cad mkhyen pa nyid kyi sgo nas byung ba'i de bzhin gshegs pa'i sku rnam par dag pas shin tu skyangs pa mnga' ba/ 'das pa dang / ma byon pa dang / da ltar byung 
ba'i sangs rgyas thams cad dang mnyam pa nyid du gyur pa/ dge ba'i rtsa ba thams cad kyi snying po shin tu sbyangs pa/ 'gro ba thams cad kyi dpes dper myi 'gyur ba'i sku gzugs mnga' ba/ mtshan thams cad kyi lo ma shin tu 'phags pa'i sku </font><hr>35-1-366a<br><font size=+1>
can/ stobs bcu'i rgyal mtshan gyi stobs chen po dang ldan pa/ bskal pa mi zad pa thams cad du blta bas mi ngoms pa/ sngon gyi dge ba'i rtsa ba ston pa'i dbyangs kyi ye shes kyi nga ror gyur pa/ byang chub sems dpa' 
thams cad kyi dkyil 'khor mi zad pas 'gro ba thams cad la nyi ma'i dkyil 'khor du gyur pa/ yon tan thams cad kyi rgyal po chos thams cad kyi srid la mnga' ba'i phyir dus gsum du snang bar byed pa'i gsung mnga' bas byin gyi rlabs kyi rgyan sngon gyi dge ba'i 
rtsa ba'i tshogs las yang dag par byung ba'i byin gyis brlabs so/ /de nas lha'i rgyal po rab dga' ldan gyis tshul 'di lta bur de bzhin gshegs pa la mchod pa dang / rim gro dang / rgyan kun tu bshams pa byas te/ dga' ldan gyi ris kyi lha bye ba 
brgya stong grangs myed pa dang lhan cig du/ zhe sa can rim gro dang bcas par bcom ldan 'das gang na ba der thal mo sbyar te/ phyag 'tshal nas bcom ldan 'das la 'di skad ces gsol to/ /bcom ldan 'das gshegs su gsol/ bde 
bar gshegs pa gshegs su gsol/ de bzhin gshegs pa dgra bcom pa yang dag par rdzogs pa'i sangs rgyas bde bar gshegs sam/ de nas bcom ldan 'das lha'i rgyal po rab dga' ldan gyis spyan drangs nas/ sangs rgyas kyi rgyan rnam pa 
'di lta bu dang / sangs rgyas kyi bdag nyid che ba 'gro ba thams cad la mdzes pa/ byang chub sems dpa' thams cad mos pa/ dga' ldan gyi ris kyi lha'i bu thams cad mngon par dga' ba/ lha'i rgyal po rab dga' ldan gyis mi ngoms par 
rim gror bya zhing / tshad med pa'i sems can sangs rgyas la dmyigs par brtson pa bskyed pa/ tshad med pa'i sems can sangs rgyas su dge ba'i rtsa ba bskyed pa mi zad pa'i bsod nams dang ldan par gyur pa/ dad pa dri ma med pa'i tshogs kyis </font><hr>35-1-366b<br><font size=+1>
bstsags pa de bzhin gshegs pa'i zhal blta ba dang / mchod pas skyo bar mi 'gyur ba/ lhag pa'i bsam pa dge ba'i tshogs kyis yang dag par bsdus pa thams cad mkhyen pa'i dge ba'i rtsa ba dang / smon lam dang sems bskyed pa las byung 
bas khang pa rin po che thams cad kyis brgyan par gshegs so/ /ji ltar bcom ldan 'das 'dir gshegs pa de bzhin du 'jig rten gyi khams thams cad kyi gling bzhi dang / /dga' ldan gyi gnas dag du'ang gshegs par snang ngo / /bcom ldan 
'das rin po che thams cad kyis brgyan pa'i khang par gshegs ma thag tu de'i tshe/ rin po che thams cad kyis brgyan pa'i khang pa rin po che'i rgyan las shin tu 'das par gnas so/ /lha rdzas las 'das pa'i rin po che thams cad kyi dra bas kun 
nas yog par gnas so/ /lha rdzas las 'das pa'i rin po che thams cad kyi sprin gyi char mngon par 'bab par gnas so/ /lha rdzas las 'das pa'i rin po che thams cad kyi rgyan gyi sprin gyis brgyan par gnas so/ /lha rdzas las 'das 
pa'i gos thams cad kyi sprin rab tu gtong bar gnas so/ /lha rdzas las 'das pa'i tsan dan thams cad kyi sprin chen po rab tu gtong bar gnas so/ /lha rdzas las 'das pa'i dri thams cad kyi mchog dang / bdug pa 'thul 
ba'i sprin gyi char rab tu 'bab par gnas so/ /lha rdzas las 'das pa'i rin po che sna tshogs thams cad kyi sprin rnam pa tha dad pa'i char rab tu 'bab par gnas so/ /lha rdzas las 'das pa'i me tog mang po'i sprin gyi tshogs kyi char rab tu 
'bab par gnas so/ /lha rdzas las 'das pa'i sil snyan dang / brdung ba bye ba brgya stong bsam gyis mi khyab pa'i sgra rab tu 'byin par gnas so/ /thams cad mkhyen pa'i chos kyi dbyings su grag pa'i rol mo'i sgra dang / glu'i dbyangs kyang rab tu 'gyed </font><hr>35-1-367a<br><font size=+1>
par gnas par gyur te/ ji ltar bcom ldan 'das gshegs pa de bzhin du 'jig rten gyi khams thams cad kyi gling bzhi pa dang / dga' ldan gyi gnas dag tu yang rin po che thams cad kyis brgyan pa'i khang par gshegs par 
snang ngo / /de nas lha'i rgyal po rab dga' ldan gyis lha'i gnas thams cad du lha'i rgyal po rab dga' ldan gyis de bzhin gshegs pa la gsol ba btab po zhes sgra brjod do/ /de nas sangs rgyas kyi mthus lha'i rgyal po rab dga' ldan la bar chad du mi 'gyur 
ba dang / sngon gyi dge ba'i rtsa ba'i tshogs dang / tshad med pa'i dge ba'i rtsa bas brtan pa dang / mtha' yas par sems bskyed pa'i dad pa rnam par 'phel ba dang / shugs chen po yang dag par bskyed pa dang / dga' ba chen po shin tu bskyed pa dang / 
dge ba'i bsam pa rnam par sbyangs pa dang / thams cad mkhyen pa nyid du sems bskyed pas dga' bar bya ba dang / chos la bar chad med pa'i yid du 'gyur bar bya ba dang / chos rnams mi nyams par bya ba'i phyir dga' ldan gnas kyi glu dang / rol mo 
brdung ba dang / dkrol ba'i sgra rgyun mi chad par gyur to/ /de nas lha'i rgyal po rab dga' ldan gyis/ sangs rgyas kyi mthus sngon gyi yang dag par rdzogs pa'i sangs rgyas rnams la dge ba'i rtsa ba bskyed pa de dag rjes su dran nas/ de'i tshe tshigs su 
bcad pa 'di dag smras so/ /bkra shis dam pa gang zhig gis/ /chags pa med pa'i zla bar mtshan gsol mtshan btags pa/ /pho brang mchog du rab gshegs pa/ /des ni 'dir yang bkra shis legs gyur cig /bkra shis dam pa gang 
zhig gis/ /ye shes mtha' yas dbang zhes bya bar mtshan btags pa/ /kha dog gser du rab gshegs pa/ /des ni 'dir yang bkra shis legs gyur cig /bkra shis dam pa gang zhig gis/ /kun tu mtha' yas spyan zhes bya bar mtshan </font><hr>35-1-367b<br><font size=+1>
btags pa/ /pad mo'i rtse mor rab gshegs pa/ /des ni 'dir yang bkra shis legs gyur cig /bkra shis dam pa gang zhig gis/ /yan lag rin po che zhes bya bar mtshan btags pa/ /rin chen mdzod du rab gshegs pa/ /des ni 
'dir yang bkra shis legs gyur cig /bkra shis dam pa gang zhig gis/ /dpal rab rgol ba'i stag ces bya bar mtshan btags pa/ /dbang po'i khang par rab gshegs pa/ /des ni 'dir yang bkra shis legs gyur cig /bkra 
shis dam pa gang zhig gis/ /yon tan thams cad ston pa'i nyi mar mtshan btags pa/ /me tog snying por rab gshegs pa/ /des ni 'dir yang bkra shis legs gyur cig /bkra shis dam pa gang zhig gis/ /yan lag 'od 
gzer mtha' yas par ni mtshan btags pa/ /shing gis brgyan par rab gshegs pa/ /des ni 'dir yang bkra shis legs gyur cig /bkra shis dam pa gang zhig gis/ /mgon po the tsom 'joms pa chos kyi rgyal mtshan te/ /
rin chen khang par rab gshegs pa/ /des ni 'dir yang bkra shis legs gyur cig /bkra shis dam pa gang zhig gis/ /mi yi seng ge ye shes sgron ma mtha' yas pa/ /spos kyi rtse mor rab gshegs pa/ /des ni 'dir yang bkra 
shis legs gyur cig /bkra shis dam pa gang zhig gis/ /sangs rgyas yon tan kun gyi 'byung gnas 'od mnga' ba/ /nor bus brgyan par rab gshegs pa/ /des ni 'dir yang bkra shis legs gyur cig /ji ltar lha'i rgyal po rab dga' 
ldan gyis sangs rgyas kyi mthus sngon gyi yang dag par rdzogs pa'i sangs rgyas rnams kyi yon tan brjod de/ glu'i dbyangs su tshigs su bcad pas/ rgyal ba gshegs pa mngon par bstod pa de bzhin du 'jig rten gyi khams thams cad na yang lha'i </font><hr>35-1-368a<br><font size=+1>
rgyal po rab dga' ldan rnams sangs rgyas kyi byin gyi rlabs kyis glu dbyangs su tshigs su bcad cing / sngon gyi yang dag par rdzogs pa'i sangs rgyas rnams kyi yon tan brjod pa byed cing rgyal ba gshegs pa'ang mngon par bstod 
par gyur to/ /de nas bcom ldan 'das chos kyi sku shin tu rnam par dag pa'i sku dang / 'das pa dang / ma byon pa dang / da ltar byung ba'i yang dag par rdzogs pa'i sangs rgyas thams cad dang / rigs gcig tu gyur pas rnam par 'phrul pa dang / rgyud 
kyi tshul gcig tu gyur pas sangs rgyas thams cad kyi rjes su thugs su chud pa'i thams cad mkhyen pa nyid dang / chos thams cad la bsgribs pa myed par khyab pa'i sangs rgyas kyi spyan dang / chos kyi dbyings mtha' dang dbus med pa thams cad du sangs rgyas kyi byin 
gyi rlabs rgyun mi 'chad pa dang sems can 'dul ba ji lta ba bzhin du yongs su khyab pa'i sangs rgyas kyi cho 'phrul dang / de bzhin gshegs pa'i sku bsgribs pa med pa'i rgyan gyis yang dag par brgyan pa dang / dus bzhin du byung ba'i chos bstan pa dang / 
byang chub sems dpa' brjod du med pa sangs rgyas kyi zhing sna tshogs nas lhags pa'i 'khor gyi dkyil 'khor rnam par dag pa dang / de bzhin gshegs pa'i skus yang dag par spyod pa/ gnyis su med pa'i chos kyi sku la gnas pa'i sangs rgyas khyu mchog gi 
mthu phyung bas/ rin po che thams cad kyis brgyan pa'i khang par gshegs nas gdan bting ba la skyil mo krung bcas te bzhugs so/ /ji ltar bcom ldan 'das bzhugs pa de bzhin du 'jig rten gyi khams thams cad du yang bzhugs par gyur te/ 
ji ltar bcom ldan 'das rin po che thams cad kyis brgyan pa'i khang par gshegs pa dang byon pa'i tshe/ sangs rgyas kyi rim gro dang mchod pa byas shing / rgyan gyis brgyan pa de dag thams cad pas/ de bzhin gshegs pa gdan de la bzhugs pa'i </font><hr>35-1-368b<br><font size=+1>
tshe/ grangs med par gyur pa dang / grangs med pa'i rnam par lha rdzas las 'das pa'i me tog dang / phreng ba dang / byug pa dang / spos dang / phye ma dang / na bza' dang / gdugs dang / rgyal mtshan dang / ba dan dang / rin po che dang / rol mo 
brdung ba dang / dkrol ba dang / glu dang / bstod pa dang / zhe sa dang / rim gro dang / dad pa dang / dga' ba dang / thal mo sbyar ba dang / lha rdzas las 'das pa rnam pa grangs med pa'i rgyan dang / lha rdzas las 'das pa rnam pa grangs med pa'i 
bstod pa dang / lha rdzas las 'das pa rnam pa grangs med pa'i sprin gyi char 'bab pa dang / lha rdzas las 'das pa rnam pa grangs med pa'i gdugs gcig nas gcig du brgyud de bsgreng ba dang / lha rdzas las 'das pa rnam pa grangs med pa'i rgyal mtshan la ba dan 
spyangs pa dang / shin tu spyangs pa grangs med pas sbyar ba/ lha rdzas las 'das pa'i yo byad kyi tshul dang /bsam pa rgya chen po rnam par 'phel bas/ sangs rgyas mnyes par bya ba dang / mdzes pa'i rgyan rnam par dag pa thams cad kyi rin po che'i dri 
thams cad dang / phyogs brgyan pa'i spos kyi sprin chen po dang / rim gro rnam pa sna tshogs rgya che zhing yid du 'ong bas sangs rgyas la mchod pa dang / 'jig rten gyi khams thams cad rim gro la brtson pas de bzhin gshegs pa gdan la bzhugs pa'i tshe/ 
grangs med pa'i gyur du mchod pa byas so/ /de bzhin du 'jig rten gyi khams thams cad kyi dga' ldan gyi gnas dag tu yang mchod pa byas par gyur to/ /de bzhin gshegs pa bzhud pa dang gshegs pa dang / bzhugs pa'i rgyan ces 
bya ba'i le'u ste nyi shu brgyad pa'o// //de nas sangs rgyas kyi mthus phyogs bcu nas byang chub sems dpa' bcu mngon par lhags te/ byang chub sems dpa' de dag so so nas 'jig rten gyi khams sangs rgyas kyi zhing stong phrag bcu'i </font><hr>35-1-369a<br><font size=+1>
rdul shin tu phra ba snyed kyi pha rol nas 'ongs par gyur pa dag ste/ byang chub sems dpa' de dag re re zhing yang sangs rgyas kyi zhing stong phrag bcu'i rdul shin tu phra ba snyed kyi byang chub sems dpa' dag dang lhan cig tu phyin to/ /
byang chub sems dpa' de dag thams cad kyang ming 'di zhes bya bdag ste/ 'di ltar rdo rje'i rgyal mtshan dang / dam pa'i rgyal mtshan dang / dpa' ba'i rgyal mtshan dang / skar ma'i rgyal mtshan dang / ye shes kyi rgyal mtshan dang / rin po che'i 
rgyal mtshan dang / rdul dang bral ba'i rgyal mtshan dang / dri ma med pa'i rgyal mtshan dang / dpal gyi rgyal mtshan dang / chos kyi rgyal mtshan zhes bya bdag go /byang chub sems dpa' de dag thams cad kyang 'jig rten gyi khams ming 'di zhes bya ba dag 
nas 'ongs par gyur pa dag ste/ 'di ltar rin po che'i snying po dang / yid du 'ong ba'i snying po dang / dngul gyi snying po dang / gser gyi snying po dang / nor bu'i snying po dang / rdo rje'i snying po dang / pad mo'i snying po dang / ut+pa la'i snying po dang / tsan 
dan gyi snying po dang / spos kyi snying po zhes bya bdag go /byang chub sems dpa' de dag thams cad kyang de bzhin gshegs pa'i mtshan 'di zhes bya ba dag gi zham ring na tshangs par spyod pa dag ste/ 'di ltar shin tu 'phags pa'i dpal dang / g.yo ba med 
pa'i dpal dang / bcings pa med pa'i dpal dang / spyod pa'i dpal dang / 'od zer gyi dpal dang / mtha' las rgal ba'i dpal dang / mchog gi dpal dang / dbang phyug gi dpal dang / tshangs pa'i dpal dang / shin tu bstsags pa'i dpal zhes bya 
ba dag go /de nas byang chub sems dpa' de dag bcom ldan 'das la phyag 'tshal nas/ phyogs bcu rgyas par byas te/ gang nas 'ongs pa'i phyogs su brten nas/ seng ge'i khri rin po che'i snying po can nor bu sna tshogs dang ldan pa dag mngon par sprul </font><hr>35-1-369b<br><font size=+1>
te/ gser gyi dra bas g.yogs pa'i lus dang / 'od zer bye ba khrag khrig brgya stong grangs med pa gtong ba dang / dri ma med pa'i 'od gtong ba dang / tshad med pa'i 'od rab tu skyed pa dang / bsam pa rnam par dag pa'i rin po che yang dag par 'dzin 
pa'i gzugs dang / byang chub sems dpa'i bsam pa kha na ma tho ba med pa las byung ba'i smon lam dang / 'gro ba thams cad kyis blta na yid du 'ong ba dang / blta na don yod par sems can gdul ba dang / rnam par dag pa'i chos kyis sangs rgyas kyi 
rnam par 'phrul pa yongs su ston pa dang / 'gro ba thams cad yongs su bskyab par byang chub sems dpa'i rtse gcig du smon lam btab pas/ skyil mo krung bcas te 'khod do/ /byang chub sems dpa' de dag thams cad kyang 'di lta ste/ chags 
pa med par spyod pas sangs rgyas kyi zhing thams cad du 'gro ba dang / 'di lta ste/ gnas med pa'i lus dang / 'di lta ste/ tshad med pa'i lus kyis kun tu 'gro ba'i ye shes kyi lus kyi byin gyi rlabs dang / 'di lta ste/ mtha' dang dbus med pa'i sangs 
rgyas kyi rnam par 'phrul pa bsam gyis mi khyab pa la 'jug pa dang / 'di lta ste/ thams cad mkhyen pa'i sgo 'byam klas pa/ tshad med par gyur pa dang / 'di lta ste/ chos la mi 'jigs par mkhas pa'i snang ba mtha' yas pa dang / 'di lta 
ste/ phyi ma'i mtha'i bskal par mi zad pa'i tha dad pa yang dag pa shes pa'i tshul bshad pa dang / 'di lta ste/ gzugs thams cad kyis snang bar byas pa'i ye shes kyi phung po rab tu rgyas pa dang / 'di lta ste/ chos kyi dbyings rgyas par gyur 
pa'i shes rab kyi myig rnam par dag pa'i spobs pa dang / 'di lta ste/ nam mkha'i dbyings kyis klas par ye shes kyi spyod yul yongs su gnas pa dang / mtshams med cing mtha' yas pa'i sangs rgyas rnams kyi spyod pa dang ldan pa rab </font><hr>35-1-370a<br><font size=+1>
tu thob par gyur pa dag go /ji ltar gling bzhi pa 'di'i dga' ldan gyi gnas su/ byang chub sems dpa' 'dus par gyur pa de bzhin du/ 'jig rten gyi khams thams cad kyi gling bzhi pa dang / dga' ldan gyi gnas dag tu yang / 
byang chub sems dpa' ming de skad bya ba dag /'jig rten gyi khams ming de skad ces bya ba dag nas/ de bzhin gshegs pa'i mtshan de skad ces bya ba dag gi zham ring na tshangs par spyod pa sha stag 'ongs par gyur to/ /de nas bcom ldan 'das kyi zhabs pus mo'i 
lha nga gnyis nas 'od gzer bye ba khrag khrig brgya stong byung ste/ phyogs bcu thams cad snang bar byas nas/ 'jig rten gyi khams thams cad bstan to/ /de nas byang chub sems dpa' de dag gis/ 'jig rten gyi khams de dag gi gling bzhi pa thams 
cad dang / dga' ldan gyi gnas thams cad na de bzhin gshegs pa'i rnam par 'phrul pa yod pa mthong bar gyur to/ /byang chub sems dpa' de dag ji snyed kyis phyogs bcur chos kyi dbyings kyis klas pa'i 'jig rten gyi khams kyi mthar thug pa 
dag na/ de bzhin gshegs pa'i sangs rgyas rnam par rol pa mthong bar gyur pa de dag thams cad de bzhin gshegs pa dgra bcom pa yang dag par rdzogs pa'i sangs rgyas rnam par snang mdzad kyi sngon byang chub sems dpa'i spyod pa 
la dge ba'i rtsa ba'i grogs su gyur pa dag ste/ 'di ltar sangs rgyas kyi rnam par thar pa zab mos rnam par 'phrul pa la mos pa sha stag go /chos kyi dbyings kyi lus tha dad pa med pa'i rjes su song ba sha stag go /gnas med pa'i sangs rgyas kyi 
zhing du 'gro ba'i rjes su song bas rab tu zhugs pa sha stag go /sangs rgyas bsam gyis mi khyab pa blta ba la rjes su gzhol ba sha stag go /chags pa med pa'i sems skad cig gis chos kyi dbyings khyab par byed pa sha stag go /bsam pa rin po che rdul </font><hr>35-1-370b<br><font size=+1>
dang bral ba dang ldan pa sha stag go /brjod du med pa'i sangs rgyas mang po dang 'grogs pa dang ldan pa sha stag go /sangs rgyas kyis byin gyi rlabs grangs med pa dang ldan pa sha stag go /yang dag par spyod pa'i mchog gi pha rol tu phyin pa sha stag go /
bla na med pa yang dag par rdzogs pa'i byang chub kyi dran pa rnam par dag pa la gnas pa sha stag go /blo dang sems skad cig thams cad kyis cher 'phags pa rab tu thob pa sha stag go /chung ngur zhugs shing cher gyur pa'i spyod pa la dbang ba sha stag 
go /cher gyur pa la zhugs shing chung ngur 'jug pa'i rjes su chud nas ye shes kyis spyod pa'i pha rol tu phyin pa sha stag go /de lta bu'i gnas dang / sangs rgyas kyi sku'i rang bzhin rjes su rtogs pa dang / de bzhin gshegs pa dang 
'grogs shing thams cad mkhyen pa nyid thob pa/ byang chub sems dpa' rnams dang / rin po che sna tshogs ltar grub pa'i lus dang / de bzhin gshegs par 'gyur ba'i spyod yul thams cad du 'gro ba dang / ye shes chen po'i rgyud kyi sgo rnam par phye 
ba dang / ye shes kyi stobs rdo rje'i rgyal mtshan gyi mthu'i mchog thob pa dang / rdo rje gcod pa'i ting nge 'dzin gyi tshul rab tu thob pa dang / sems can bye ba khrag khrig brgya stong grangs med pa rnams yongs su smyin par gdul ba la rmongs pa 
med pa dang / sangs rgyas kyi rnam par 'phrul pa thams cad du 'gro ba gdon mi za ba'i mchog thob pa dang / bgrang ba thams cad la mngon par chags pa dang / bgrang ba'i mngon par bsgrub pa thams cad shin tu bslabs pa dang / 
bgrang ba'i shes pa thams cad kyi mthar thug cing chos rnam par dgod pa la mkhas pa dang / 'di dag dang gzhan yang yon tan bye ba khrag khrig brgya stong brjod du med pa dang / yon tan bsngags pa rnam par dag pa mi zad pas/ byang chub sems </font><hr>35-1-371a<br><font size=+1>
sems dpa' rnams kyi dus gsum gyi yon tan tshad med pa dang ldan pa sha stag /de bzhin gshegs pa mngon sum du bya ba dang /sangs rgyas 'byam klas pa thams cad blta ba'i phyir kun nas 'dus par 
gyur to/ /de nas byang chub sems dpa' rdo rje rgyal mtshan gyis/ sangs rgyas kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so/ /yang dag sangs rgyas skye ba med/ /rgyal ba 
mya ngan mi 'da' ste/ /rgyu mthun pa yi smon lam gyis/ /des ni rnam par 'phrul pa snang / /'di dag chos ni bsam mi khyab/ /'di dag sems kyi spyod yul min/ /gang gis ye shes pha rol phyin/ /des ni sangs rgyas spyod 
yul mthong / /lus 'di yang dag sangs rgyas myin/ /sgra yang de bzhin gshegs pa myin/ /lus dang sgra las gzhan na yang / /sangs rgyas rnam par 'phrul mi mthong / /sngon gyi las rnams ma gtogs 
par/ /rang byung rnams kyi spyod yul gyi/ /mchog gi tshul rnams shes pa ni/ /blo zhan rnams kyis mi nus so/ /yang dag sangs rgyas rnam 'phrul 'di/ /gang dag nas kyang ma 'ongs te/ /gang du 'gro 
bar mi 'gyur ro/ /'di dag rang byung sku yin no/ /tshad med shin tu 'dren pa rnams/ /chos 'di rab tu bshad mdzad kyang / /chos la gnas pa gang yang med/ /zhing rnams bye ba kun na snang / /mkhyen pas 
mtha' dang dbus med de/ /chos kun thugs su chud cing rtogs/ /chos kyi dbyings la rab zhugs nas/ /rnam par 'phrul pa ston pa mdzad/ /chos rnams kun la chags pa med/ /'gro la de ni bsgribs mi mnga'/ /</font><hr>35-1-371b<br><font size=+1>
tshad med pa yi yon tan gyis/ /zhing rnams kun na rab tu snang / /gang zhig ye shes 'di dag dang / /ye shes thams cad rtogs 'dod pas/ /bsam pa rnam par spyad byas te/ /byang chub spyod pa spyad par bya/ /drang srong chen 
po'i byin gyi rlabs/ /'di 'dra gang gis mthong gyur cing / /de ni the tsom mi byed na/ /dge bshes mchog la bsnyen pa yin/ /de nas byang chub sems dpa' dam pa'i rgyal mtshan gyis/ sangs rgyas kyi byin gyi rlabs kyis phyogs 
bcur rnam par bltas nas/ de'i tshe tshigs su bcad pa 'di dag smras so/ /shin tu zab ste brjod du med/ /brjod du yod kyang 'da' bar dka'/ /tshig gi lam las shin tu 'das/ /nam mkha' la ni rgyal ba snang / /de bzhin gshegs pa'i 
byin rlabs kyis/ /mi yi seng ge mthong bar 'gyur/ /yang dag sangs rgyas rtog med kyang / /rgyal ba rnam par rtog par snang / /'jig rten mgon pos chos nyid dngos/ /zab mo 'di dag yang dag bstan/ /gang zag mtshungs pa med pa yi/ /des ni sku 'di 
rab tu 'byung / /thams cad gzigs kyi spyod yul gyi/ /ye shes chen po 'di 'dra ste/ /'di la gang zhig rtogs 'dod pa/ /des ni rgyal ba mngon du byos/ /yid kyi dbang po rnam dag pas/ /de bzhin gshegs pa bsnyen bkur zhing / /'di yi tshul las 'da' 
byed tshe/ /nam yang skyo bar mi bya'o/ /mi zad pa yi bsod nams dang / /byang chub sems kyis brtan pa rnams/ /the tsom rnam par bzlog byas te/ /de dag la ni skyo med ltos/ /rgyal sras gang gis chos dbyings kyi/ /shin tu bstan pa'i mthar phyin pa/ /des ni kun 
gzigs rnam 'phrul ba/ /'di dag shin tu 'da' bar bya/ /dad pa chos 'di'i rtsa ba zhes/ /chos kyi phung pos bshad mdzad kyis/ /dad pa shin tu cher bskyed la/ /byang chub spyod pa spyad par gyis/ /sangs rgyas bsti stang gang byed cing / /de bzhin gshegs la drin gzo ba/ /</font><hr>35-1-372a<br><font size=+1>
yang dag sangs rgyas dpal ldan las/ /de dag rgyang mar mi gnas so/ /bdag nyid che ba 'di lta bu/ /gang gis thos mthong mkhas pa rnams/ /spyod yul thob par cis 'gyur ba'i/ /smon lam su zhig sbyong mi byed/ /de nas byang chub sems dpa' dpa' 
ba'i rgyal mtshan gyis sangs rgyas kyi byin gyi rlabs kyis phyogs bcur rnam par bltas nas/ de'i tshe tshigs su bcad pa 'di dag smras so/ /ji ltar nyi ma'i 'od snang bas/ /mig gis gzugs rnams mthong gyur pa/ /de bzhin sangs rgyas byin rlabs kyis/ /dag pa'i 
sems ldan rgyal ba mthong / /ji ltar brtson 'grus stobs ldan pa/ /rgya mtsho la ni 'jug par byed/ /de bzhin ye shes stobs ldan pas/ /bsam du med pa'i sangs rgyas mthong / /ji ltar sa bon rnam pa dag /zhing bzang la ni skyer 'gyur ba/ /de bzhin sems 
bsam rnam dag la/ /sangs rgyas chos ni skye bar 'gyur/ /ji ltar nor gyi phung po yis/ /dbul ba thams cad spong byed pa/ /de bzhin sangs rgyas chos rnams kyis/ /byang chub sems dpa' rnam dag 'gyur/ /ji ltar dug tu gyur pa la/ /nad med dug sman 
rgyal bar byed/ /de bzhin nyon mongs rnam pa la/ /rnam dag tshul ni spyod yul lo/ /sangs rgyas kyis ni gang bsngags pa'i/ /dge ba'i bshes la brten byas na/ /de yi mthus ni sangs rgyas kyi/ /chos nyid 'di dag thos par 'gyur/ /
bskal pa bye ba grangs med par/ /sbyin pa mchog rnams sbyin byas kyang / /'di yi tshul la rab spyod pa'i/ /grangs dang char yang myi 'gro'o/ /sangs rgyas yon tan mtha' yas te/ /mtshan gyis shin tu rnam par bris/ /brjod pas 
yang dag sangs rgyas rnams/ /rgyal ba shes par mi nus so/ /rdzogs pa'i sangs rgyas rkang gnyis mchog /gnas nas g.yo ba myi mnga' bar/ /sku ni kun tu rnam rgyu zhing / /chos kyi dbyings ni ston pa mdzad/ /ji ltar nam mkha'i khams </font><hr>35-1-372b<br><font size=+1>
'di ni/ /nam yang rang bzhin mi 'gyur te/ /de bzhin sangs rgyas chos nyid kyang / /ngo bo nyid las 'gyur ba med/ /de nas byang chub sems dpa' skar ma'i rgyal mtshan gyis/ sangs rgyas kyi byin gyi rlabs kyis/ phyogs 
bcur rnam par bltas te/ de'i tshe tshigs su bcad pa 'di smras so/ /mi yi 'jig rten 'di kun dang / /lha yi gnas rnams thams cad dang / /'gro ba ma lus kun na yang / /mi yi gtso bo shin tu snang / /ji ltar sems dngos gcig 
pu las/ /rnam pa tha dad sems brjod pa/ /de bzhin sangs rgyas sku gcig las/ /sangs rgyas thams cad brjod pa yin/ /byang chub gnyis su med pa brjod/ /byang chub de yang mtshan nyid med/ /mtshan gyis mngon par rnam bris pa'i/ /
sku rnams gnyis su snang bar gyur/ /mkha' dang chos kyi dbyings la zhugs/ /sgyu ma'i sa yang rab tu bstan/ /de phyir sangs rgyas de dag gi /spyod yul blta ba zad pa med/ /yang dag sangs rgyas chos kyi sku/ /mgon po thams cad 
dus gsum du/ /ji ltar 'dul ba'i 'gro ba la/ /gzugs kyi sku yang rab tu snang / /'di 'dra'i lus su bdag gyur ces/ /sangs rgyas rtog par mi mdzad de/ /ston la rnam rtog mi mnga' yang / /byin gyi rlabs ni ston 
pa mdzad/ /dbyer med pa yi dbyings la yang / /chos kyi dbyings ni yang dag gnas/ /'jig rten khams ni tshad med par/ /thub pas rnam par rtog pa bstan/ /sku ni sprul pa ma yin te/ /sprul pa myin pa'ang sku 
ma yin/ /sprul pa med pa'i chos 'di yis/ /sprul pa rnams ni rab tu bstan/ /yang dag sangs rgyas tshad med pa/ /chos kyi dbyings la shin tu brten/ /mtha' dang dbus med rab tu zab/ /tshig gi lam gyis bzla bar </font><hr>35-1-373a<br><font size=+1>
dka'/ /kun tu 'gro ba'i chos rnams la/ /de bzhin gshegs pa don des mkhyen/ /zhing rnams kun la chags mi mnga'/ /chos kyi dbyings la rnam par spyod/ de nas byang chub sems dpa' ye shes rgyal 
mtshan gyis sangs rgyas kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so/ /kun mkhyen ye shes ma chags pa/ /de la zhugs par gang gyur pa/ /de yi sems ni tshad mi zin/ /
byang chub kyi ni spyad pa spyod/ /de bzhin gshegs pa mang po rnams/ /yul dang yul du de dag snang / /chos rnams phyogs gcig gang la yang / /yang dag sangs rgyas gnas pa med/ /'jig rten sgron ma de dag gis/ /byin gyi 
rlabs ni gang bstan pa/ /bskal pa bsam gyis mi khyab par/ /'di yi mtha' ni rnyed par dka'/ /dus gsum rnams ni ji snyed pa'i/ /sems can rnams kyi mthar thug pa/ /bgrang ba'i mthar ni phyin par nus/ /'dren pa la ni mthar 
thug myed/ /de dag sku ni gcig tu snang / /sku gnyis de dag bsam mi khyab/ /'jig rten khams su snang gyur kyang / /sku la gnyis su gyur pa med/ /ji ltar zla ba shar gyur pa/ /tshad med pa yi gzugs brnyan rnams/ /chu yi snod du snang gyur kyang / /zla ba gnyis 
su gyur pa myed/ /de bzhin chags myed mkhyen ldan rnams/ /chags med rnam par 'tshang rgya ba/ /zhing rnams kun la rab tu snang / /sangs rgyas la ni gnyis kyang med/ /'di la gcig kyang yod ma yin/ /sku ni gnyis sam gsum du med/ /
ji ltar sems can bsam pa bzhin/ /tshad myed par ni rab tu snang / /sku ni 'das pa ma yin te/ /ma 'ongs pa'ang sku ma yin/ /skyes dang byang chub mya ngan 'das/ /skad cig gis ni rab tu snang / /ji ltar sgyu mar gyur pa'i gzugs/ /skyes pa </font><hr>35-1-373b<br><font size=+1>
ma yin 'ongs pa myin/ /de ltar de bzhin gshegs pa'i sku/ /skye ba myed par shin tu bstan/ de nas byang chub sems dpa' rin po che'i rgyal mtshan gyis/ sangs rgyas kyi byin gyi rlabs kyis phyogs bcur rnam par bltas te/ de'i tshe tshigs 
su bcad pa 'di dag smras so/ /yang dag sangs rgyas tshad myed pas/ /tshad du sku yang rnam par bstan/ /ji ltar 'dul ba'i sems can rnams/ /de bzhin 'dren pa rab tu mthong / /sku la phyogs ni myed par brjod/ /sangs rgyas 
yul ni ma lus khyab/ /bar snang nam mkha' ji lta bar/ /de bzhin sangs rgyas bsam mi khyab/ /der ni sems la 'pho ba myed/ /sems la skye ba'ang yod ma yin/ /sangs rgyas rnams kyi spyod yul ni/ /skye ba myed la rab tu gnas/ /ji ltar 
rab rib ldan pa'i myig /nang na myed cing phyi na'ang myed/ /de bzhin 'jig rten sangs rgyas dag /nang na myi bzhugs phyi na'ang myin/ /'jig rten kun gyi don gyi phyir/ /rkang gnyis kyi ni mchog byung ste/ /'jig rten du ni ma byung ba yang / /'jig rten 
dag tu skye bos mthong / /sangs rgyas rnams la zhing myi gnas/ /rgyal ba dag la nyin mtshan med/ /skad gcig ma yin zla ba myin/ /rgyal ba la ni lo mi gnas/ /'jig rten dag na 'di skad brjod/ /nyi ma che ge mo zhig tu/ /rang byung byang chub rgyal 
bas thob/ /sangs rgyas nyi ma rjes mi 'brang / /de la bskal pa yod ma yin/ /dus kyang ma lus med pa ste/ /dus gsum yang dag rdzogs sangs rgyas/ /mgon po rnams ni mnga' bar 'gyur/ /ji ltar nyi ma'i dkyil 'khor ni/ /nams kyang mtshan dang 
mi gnas te/ /nyin mtshan zhes kyang rab tu brjod/ /de bzhin sangs rgyas chos nyid do/ /bskal pa gcig dang dus gsum du/ /'dren pa bzhugs pa ma yin te/ /dus gsum zhes kyang rab tu brjod/ /sangs rgyas rnams kyi chos nyid ltos/ de nas byang chub sems </font><hr>35-1-374a<br><font size=+1>
dpa' rdul dang bral ba'i rgyal mtshan gyis/ sangs rgyas kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so/ /yang dag sangs rgyas sku gcig ste/ /'dren pa thams cad don 
gcig kyang / /tshad myed gzhan dang gzhan dag tu/ /phyogs bcu kun nas rab tu snang / /gang gis ma lus thams cad kyi/ /chos kyi dbyings rnams kun khyab pas/ /sems can gtso bo thub pa yi/ /spyod yul rnams ni ci 'dra ltos/ /sangs rgyas 
rnams kyi chos nyid ni/ /nang gi skus kyang snang ba myin/ /de bzhin gshegs pa'i byin gyi rlabs/ /phyi rol skus kyang myi snang ngo / /dus mang kun tu las rnams kyis/ /ji ltar las rnams bstsags pa bzhin/ /de bzhin so sor phye ba'i skus/ /rigs 
su byung bar rab tu bstan/ /rgyal ba'i chos nyid ma gtogs par/ /sangs rgyas sku ni 'di 'dra ba/ /grangs su bgrang bar myi nus te/ /bsam pas lta yang shes myi nus/ /ji ltar bdag cag sems kyi las/ /bsam gyis myi khyab myi 'byung ba/ /de bzhin 
sangs rgyas bsam myi khyab/ /sems kyi 'phrin las myi mnga'o/ /ji ltar zhing rnams bsam yas pa/ /sa la rnam par dag par mdzes/ /de bzhin sangs rgyas bsam mi khyab/ /'gro ba dag na mdzes par snang / /ji ltar las rnams 
'jug pa ni/ /rkyen gyis rab tu 'byung 'gyur ba/ /de bzhin rgyu rnams 'thun pa las/ /sangs rgyas shin tu mthong bar 'gyur/ /yid bzhin nor bu'i rgyal po ni/ /ji ltar yid bsam rdzogs byed pa/ /de bzhin sangs rgyas chos nyid kyang / /rtag tu 
smon lam rdzogs par sgrub/ /mtha' dang dbus med 'jig rten 'dir/ /'jig rten mgon po 'dren par 'gyur/ /de yi smon lam de dag gis/ /phyogs bcu 'di dag rgyal bas gang / de nas byang chub sems dpa' dri ma med pa'i rgyal </font><hr>35-1-374b<br><font size=+1>
mtshan gyis/ sangs rgyas kyi byin gyi rlabs kyis/ phyogs bcur rnam par bltas te/ de'i tshe tshigs su bcad pa 'di dag smras so/ /ye shes dkyil 'khor sangs rgyas te/ /'jig rten chos rnams rnam par sbyong / /'jig rten chos rnams 
rnam sbyangs nas/ /sangs rgyas chos rnams rab tu brjod/ /de ste sems can mnyam sangs rgyas/ /sems can la la bsam byas na/ /rgyal ba de dag thams cad mthong / /sangs rgyas la ni gshegs pa med/ /sangs rgyas la ni dmigs 
byas nas/ /sems kyis sangs rgyas dmyigs pas na/ /sems bskyed pa dang rgyal mnyam par/ /de bzhin de dag rgyal ba mthong / /dkar po'i chos kyis nyer brtan cing / /gang gis grags pa rnam sbyangs pa/ /de dag thams cad sems bskyed 
la/ /shes rab ldan pa rab tu bzhugs/ /dmyigs pa dag dang byin gyi rlabs/ /myi yi gtso bo ston pa mdzad/ /de phyir dmyigs pa kun tu yang / /sangs rgyas rgyal ba gshegs par brjod/ /'jig rten khams rnams 'di dag ni/ /sangs 
rgyas sku rnams bdag gi myed/ /sems la bdag gi med pa bstan/ /byang chub rtogs la bdag gi med/ /mi yi seng ge'i chos nyid dang / /dpa' ba'i stobs la rab tu gnas/ /lus dang mtshan nyid mi 'dra ste/ /snang ba'i sems dang mnyam 
pa'i sku/ /ji ltar 'jig rten de bzhin sku/ /ji bzhin skur yang rgyal ba ste/ /sku yi rang bzhin shes pa ni/ /sangs rgyas chags pa med ces bya/ /sangs rgyas kun tu gzigs pa ste/ /chos rnams thams cad rab tu gzigs/ /sangs 
rgyas chos dang byang chub rnams/ /gang la'ang dmyigs pa med pa yin/ /sangs rgyas la ni gshegs pa myed/ /sangs rgyas gang na'ang mi bzhugs te/ /yang dag sangs rgyas log pa med/ /de bzhin gshegs la len mi mnga'/ de nas byang chub </font><hr>35-1-375a<br><font size=+1>
sems dpa' dpal gyi rgyal mtshan gyis sangs rgyas kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so/ /sangs rgyas thams cad kun tu khyab/ /zhing gcig la ni mi gnas te/ /
thams cad du ni sangs rgyas gshegs/ /zhing rnams kun tu rab tu snang / /sangs rgyas sku ni thams cad du/ /byin gyi rlabs dag rab tu 'byung / /'tshang rgya chos kyi 'khor lo dang / /bsam pa bzhin du mya ngan 'da'/ /sangs rgyas la ni su zhig 
sems/ /ci phyir sangs rgyas bsam mi khyab/ /yang dag sangs rgyas su yis mthong / /rgyal ba sus kyang mthong mi 'gyur/ /ji ltar chos rnams chos nyid dang / /ji ltar sangs rgyas spyod yul du/ /gang dag chos rnams gcig tsam yang / /de 
bzhin nyid la mi 'jug go /'di ni 'jig rten 'di rgyal zhes/ /'jig rten dag na rnam rtog yod/ /gang gis ngo bo nyid shes na/ /'jig rten myed de rgyal ba'ang med/ /'jig rten dad par bya ba'i phyir/ /mgon po dag ni mngon sum ston/ /de dag 
gi ni lta ba 'di/ /shin tu dmyigs par mi rung de/ /gang gis chags pa rnams bzlog cing / /chags pa med pa dga' byed pa/ /chags pa thams cad rnam bzlog nas/ /chags med chos nyid rtogs par 'gyur/ /sangs rgyas zhes brjod gang yin dang / /
gang gi rnam 'phrul snang gyur pa'i/ /chos ni dus gsum thams cad du/ /rnam pa kun du mi rnyed de/ /gang gis chos nyid 'di shes shing / /gang gis 'di bzhin yid shes na/ /thams cad mkhyen cing gzigs kun pa'i/ /de bzhin gshegs pa myur du 'gyur/ /
sangs rgyas thams cad rnam 'phrul pa/ /'di dag thams cad tshig gis bstan/ /yang dag sangs rgyas tshig lam myed/ /tshig gi lam gyis rab tu brjod/ /de nas byang chub sems dpa' chos kyi rgyal mtshan gyis/ sangs rgyas kyi byin gyi rlabs kyis </font><hr>35-1-375b<br><font size=+1>
phyogs bcur rnam par bltas te/ de'i tshe tshigs su bcad pa 'di dag smras so/ /gang gis rnam par 'phrul snang ba'i/ /sangs rgyas mthong ba med pa bas/ /'jig rten khams rnams thams cad ni/ /sdug bsngal phung po blangs kyang bla/ /'gro ba 
gang gis byang chub tu/ /sems ni nam yang ma bskyed pa/ /de dag gnas 'di thos gyur na/ /sangs rgyas byang chub 'grub par 'gyur/ /gang gis bsam pa gcig gis kyang / /'di la mos byed mkhas pa ni/ /mi yi mchog tu mi 'gyur zhes/ /des 
ni the tsom mi bya'o/ /de yi rnam par 'phrul pa ni/ /bskal pa bye ba'i bar du dkon/ /su zhig 'di la mos byed pa/ /de dag bla na med par 'gyur/ /brjod du med pa'i sangs rgyas rnams/ /skad cig skad cig bsnyen bkur kyang / /'di yi tshul la ma 
gnas na/ /de dag bsnyen bkur byas ma yin/ /gang las sangs rgyas brjod 'gyur ba'i/ /chos 'di gang gis thos gyur pa/ /des ni myi bde kun gyis kyang / /spyad pa rnams ni blang bar bya/ /ji tsam chos kyi dbyings rnams dang / /dus gsum gyi ni 
mgon po yi/ /sangs rgyas rnams ni rten pa yi/ /ye shes chen po gcig thos nas/ /phyi mtha'i bskal pa bye ba rnams/ /zhing rnams re rer zad byas shing / /'di yi tshul ni brtson byed na/ /de la byang chub dkon pa myed/ /sems can rnams kyi sngon 
mtha' yi/ /'khor bar mi rnams gnas gyur kyang / /des ni sangs rgyas rab byung ba/ /chos nyid 'di ni shes ma gyur/ /chos rnams zhig par byas pa med/ /chos ni 'jig par mi 'gyur te/ /kun tu snang las rnam 'phrul pa/ /'jig rten dag tu 
thams cad bstan/ dga' ldan gyi gnas su byang chub sems dpa' 'dus pa'i tshigs su bcad pa bstan pa'i le'u ste/ nyi shu dgu pa'o// //sangs rgyas rmad ga cad ces bya ba shin tu rgyas pa chen po'i mdo/ /bam po sum </font><hr>35-1-376a<br><font size=+1>
cu pa/ de nas byang chub sems dpa' rdo rje'i rgyal mtshan de'i tshe/ sangs rgyas kyi mthus/ ting nge 'dzin ye shes snang ba zhes bya ba la snyoms par zhugs te/ byang chub sems dpa' rdo rje'i rgyal mtshan byang chub sems dpa'i 
ting nge 'dzin ye shes snang ba zhes bya ba de la snyoms par zhugs ma thag du/ de'i tshe phyogs bcu'i phyogs re rer 'jig rten gyi khams sangs rgyas kyi zhing stong gi rdul shin tu phra ba snyed 'das pa'i pha rol nas/ de bzhin gshegs pa sangs rgyas kyi zhing brgya 
phrag stong gi rdul shin tu phra ba snyed kyis zhal bstan pa mthong ste/ de dag kyang 'di lta ste/ mtshan rdo rje'i rgyal mtshan zhes bya ba sha stag go /phyogs gcig nas ji lta ba ltar phyogs bcu nas kyang de bzhin te/ de la sangs rgyas bcom ldan 'das de dag gis 
'di skad ces kyang bka' stsal to/ /rdo rje'i rgyal mtshan de ltar khyod byang chub sems dpa'i ting nge 'dzin ye shes snang ba la snyoms par zhugs pa legs so legs so/ /'di ltar yang rigs kyi bu khyod la phyogs bcu nas/ de bzhin gshegs pa sangs 
rgyas kyi zhing brgya stong phrag bcu'i rdul shin tu phra ba snyed thams cad kyang mtshan 'thun pa sha stag gis/ 'di ltar bcom ldan 'das rnam par snang mdzad 'di'i sngon gyi smon lam dang / sngon gyi byin gyi rlabs dang / khyod kyi ye shes rnam par dag pa dang / 
byang chub sems dpa' rnams kyi dge ba'i rtsa bas brtan pa'i phyir/ 'di lta ste/ byang chub sems dpa'i mi 'jigs pa rnam par dag par bya ba dang / spobs pa chags pa med par bya ba dang / ye shes kyis bsgribs pa myed pa'i sar 'jug par bya ba dang / 
thams cad mkhyen pa'i sems yangs pa la rab tu 'jug par bya ba dang / dge ba'i rtsa ba myi zad pa phun sum tshogs par bya ba dang / bsgribs pa myed pa'i chos dkar po yongs su rdzogs par bya ba dang / chos kyi dbyings la sgo kun nas 'jug par bya ba dang /</font><hr>35-1-376b<br><font size=+1>
sangs rgyas thams cad kyi cho 'phrul bstan par bya ba dang / sngon gyi mtha'i mur thug pa'i ye shes dang / dran pa rgyun mi chod par rnam par dag par bya ba dang / dbang po sangs rgyas thams cad kyi byin gyi rlabs kyis byin du brlabs par bya ba dang / 
chos kyi sgo mtha' yas pa bstan par bya ba dang / shes pa kun tu gzung bar bya ba dang / 'di lta ste/ yongs su bsngo ba bcu yongs su rdzogs par bstan pa dang / byang chub sems dpa' thams cad kyi dge ba'i rtsa ba gzung bar bya ba dang / 'jig rten 
las 'das pa'i tshogs rnams rab tu bstan par bya ba dang / thams cad mkhyen pa'i ye shes mi chod par bya ba dang / smon lam chen po'i skabs dbye bar bya ba dang / don shin tu bstan pa la 'jug par bya ba dang / chos kyi dbyings yongs su shes 
par bya ba dang / byang chub sems dpa' thams cad kyi yid rab tu dga' bar bya ba dang / sangs rgyas thams cad kyi srid pa gsum gyi dge ba'i rtsa ba 'thun pa la bsten par bya ba dang / de bzhin gshegs pa thams cad kyi rigs yang dag par gzung bar 
bya ba'i phyir byin gyis brlab pa mdzad kyis/ kye rigs kyi bu khyod kyis de bzhin gshegs pa'i mthu dang / sangs rgyas kyi byin gyis brlabs pa dang /'jig rten las 'das pa'i bsod nams kyis brtan pa dang / gzungs kyi snang ba la zhugs pa dang / 
sangs rgyas kyi chos bsgribs pa med pa la zhugs pa dang / chos kyi dbyings snang ba'i chos nyid du bya ba dang / kha na ma tho ba med pa'i chos dkar po yang dag par bsgrub par bya ba dang / ye shes kyi spyod yul yangs pa la gnas pa dang / bsgribs pa med pa'i chos 
snang ba la gnas pas chos bstan pa 'di brjod pa dang / bstan pa'i phyir spobs par gyis shig /de nas sangs rgyas bcom ldan 'das de dag gis/ byang chub sems dpa' rdo rje'i rgyal mtshan gyi ye shes tshad med pa nye bar bsgrub pa mdzad do/ /spobs </font><hr>35-1-377a<br><font size=+1>
pa chags pa myed pa dang / tshig rab tu dbye ba la mkhas pa nye bar bsgrub pa mdzad do/ /bsgribs pa med pa'i chos kyi snang ba nye bar bsgrub pa mdzad do/ /de bzhin gshegs pa rnams kyi sku dang gcig pa nye bar bsgrub pa mdzad do/ /tshad 
med pa'i dbyangs kyi dkyil 'khor rnam par dag par nye bar bsgrub pa mdzad do/ /byang chub sems dpa'i ting nge 'dzin bsam gyis mi khyab pa rnam par dbye ba la mkhas pa nye bar bsgrub pa mdzad do/ /dge ba'i rtsa ba thams cad nyams pa med par 
yongs su bsngo ba'i ye shes nye bar bsgrub pa mdzad do/ /chos thams cad kyi lhag mthong mngon par bskyed pa la mkhas pa nye bar bsgrub pa mdzad do/ /chos thams cad bstan pa'i gnas rgyun mi chad pa nye bar bsgrub pa mdzad do/ /de ci'i phyir 
zhe na/ 'di lta ste/ ting nge 'dzin 'di nyid kyi dge ba'i rtsa ba'i gzi brjid kyi phyir ro/ /de nas sangs rgyas bcom ldan 'das de dag gi phyag g.yas pas/ byang chub sems dpa' rdo rje'i rgyal mtshan gyi spyi bo la byug pa mdzad do/ /sangs rgyas 
bcom ldan 'das de dag gis byang chub sems dpa' rdo rje'i rgyal mtshan la reg ma thag tu ting nge 'dzin de las rnam par langs te langs nas kyang byang chub sems dpa' de dag la smras pa/ kye rgyal ba'i sras dag byang chub sems dpa'i smon lam 
'di lta ste/ 'gro ba thams cad khyab par byed pa/ sems can thams cad yongs su skyob pa 'di ni bsam gyis mi khyab ste/ kye rgyal ba'i sras dag /de la gnas shing byang chub sems dpa' sems dpa' chen po rnams 'das pa'i sangs 
rgyas bcom ldan 'das rnams kyi yongs su bsngo ba la slob bo/ /ma byon pa'i sangs rgyas bcom ldan 'das rnams kyi yongs su bsngo ba la slob par 'gyur ro/ /da ltar byung ba'i sangs rgyas bcom ldan 'das rnams kyi yongs su bsngo ba la slob bo/ /</font><hr>35-1-377b<br><font size=+1>
kye rgyal ba'i sras dag /byang chub sems dpa' sems dpa' chen po rnams kyis yongs su bsngo ba gang la bsams te de skad du smras pa de dag ni gang / kye rgyal ba'i sras dag yongs su bsngo ba'i grangs du zhe na/ kye rgyal ba'i sras dag /bsngo ba bcu po 'di dag 
ni 'das pa dang / ma byon pa dang / da ltar byung ba'i sangs rgyas bcom ldan 'das rnams kyis gsungs so/ /gsung ngo / /gsung bar 'gyur ro/ /bcu gang zhe na/ 'di lta ste/ sems can rnams kyi 'du shes 'gog cing 'gro ba thams cad yongs su 
skyob pa zhes bya ba byang chub sems dpa' rnams kyi yongs su bsngo ba dang po dang / mi phyed pa dang ldan pa zhes bya ba byang chub sems dpa' rnams kyi yongs su bsngo ba gnyis pa dang / sangs rgyas thams cad la yang dag par bskyed pa zhes bya ba byang chub sems 
dpa' rnams kyi yongs su bsngo ba gsum pa dang / thams cad kyi rjes su song ba zhes bya ba byang chub sems dpa' rnams kyi yongs su bsngo ba bzhi pa dang / bsod nams kyi mdzod mi zad pa zhes bya ba byang chub sems dpa' rnams kyi yongs su bsngo ba lnga pa dang / dge ba'i rtsa ba thams cad dang mnyam pa nyid kyi rjes su song ba zhes bya ba byang chub sems dpa' rnams kyi yongs su bsngo ba drug pa dang / 'gro ba thams cad mnyam pa nyid kyi rjes su song ba zhes bya ba byang chub sems dpa' rnams kyi yongs su 
bsngo ba bdun pa dang / de bzhin gshegs pa'i mtshan nyid kyi rang bzhin zhes bya ba byang chub sems dpa' rnams kyi yongs su bsngo ba brgyad pa dang / chags pa med cing bcings pa dang dgrol ba myed pa zhes bya ba byang chub sems dpa' rnams kyi yongs su 
bsngo ba dgu pa dang / chos kyi dbyings tshad med pa'i rjes su song ba zhes bya ba byang chub sems dpa' rnams kyi yongs su bsngo ba bcu pa ste/ kye rgyal ba'i sras dag /byang chub sems dpa' rnams kyi yongs su bsngo ba bcu po de dag ni/ 'das pa dang ma byon pa </font><hr>35-1-378a<br><font size=+1>
dang da ltar byung ba'i sangs rgyas bcom ldan 'das rnams kyis gsungs so/ /gsung ngo / /gsung bar 'gyur ro/ /kye rgyal ba'i sras dag /byang chub sems dpa' rnams kyi yongs su bsngo ba dang po sems can rnams kyi 
'du shes 'gog cing 'gro ba thams cad yongs su skyob pa zhes bya ba gang zhe na/ kye rgyal ba'i sras dag 'di la/ byang chub sems dpa' sbyin pa'i pha rol du phyin pa la rab tu sbyor ba'am tshul khrims kyi pha rol tu phyin pa la rnam par sbyong ba'am/ bzod pa'i pha rol tu phyin 
pa la sems pa'am/ brtson 'grus kyi pha rol tu phyin pa la rtsom pa'am/ bsam gtan gyi pha rol tu phyin pa la rnam par dpyod pa'am/ shes rab kyi pha rol tu phyin pa la 'jug pa'am/ byams pa bsgom pa yang dag par skyed  pa'am/ snying rjes snying 
brtse bar byed pa'am/ dga' ba la rab tu dga' bar byed pa'am/ btang snyoms la shin tu gnas pa byed kyang rung ste/ dge ba'i rtsa ba rnams la shin tu bsams nas/ dge ba'i rtsa ba de dang de dag la rab tu sbyor zhing / dge ba'i rtsa ba tshad myed pa rnam par phye nas/ 
'di ltar dge ba'i rtsa ba gang gis sems can rnams kyi sems can dmyal ba'i ngan song rgyun chad par 'gyur ba dang / byol song gi skye gnas pa dang / gshin rje'i 'jig rten pa rnams kyi sdug bsngal gyi phung po rnam par ldog par 'gyur ba'i dge ba'i rtsa ba 'gro ba thams cad 
la rnam par dag pa'i mthar phyin par phan 'dogs pa gang yin zhes sems skyed do/ /de de ltar dge ba'i rtsa ba de dag yang dag par bskyed pa na/ 'di ltar yongs su bsngo ste/ dge ba'i rtsa ba 'dis sdug bsngal gyi phung po thams cad rnam par bzlog pa'i phyir 
bdag sems can thams cad kyi gnas su gyur cig /nyon mongs pa thams cad las yongs su dgrol ba'i phyir bdag sems can thams cad kyi dpung gnyen du gyur cig /'jigs pa kun las bsrung ba'i phyir bdag sems can thams cad kyi skyabs su </font><hr>35-1-378b<br><font size=+1>
gyur cig /thams cad mkhyen pa'i sa thob par bya ba'i phyir/ bdag sems can thams cad kyi lam du gyur cig /shin tu bde ba dang ldan pa thob par bya ba'i phyir/ bdag sems can thams cad kyi rten du gyur cig /rab rib myed pa'i ye shes snang ba 
yang dag par bstan pa'i phyir/ bdag sems can thams cad kyi snang bar gyur cig /ma rig pa'i mun pa rnam par bsal ba'i phyir/ bdag sems can thams cad kyi sgron mar gyur cig /shin tu dag pa la rab tu dgod pa'i phyir/ bdag sems 
can thams cad kyi mar mer gyur cig /chos kyi tshul la gzud pa'i phyir/ bdag sems can thams cad kyi 'dren par gyur cig /bsgribs pa med pa'i ye shes kyi phung po bstan pa'i phyir/ bdag sems can thams cad kyi yongs su 'dren par gyur 
cig ces/ de de ltar 'gro ba thams cad kyi don du thams cad mkhyen pa nyid kyi mthar shin tu thug par dge ba'i rtsa ba de dag yongs su bsngo ste/ ji ltar mdza' ba bsrung ba'i phyir yongs su bsngo ba de ltar mi mdza' ba bsrung ba'i phyir yang yongs su bsngo'o/ /
de ci'i phyir zhe na/ byang chub sems dpa' sems dpa' chen po rnams la bdag tu bya ba'i bsam pas mi mdza' ba ni gang yang myed de/ de yang 'di ltar byang chub sems dpa' ni chos thams cad mnyam pa nyid la yang dag par byung ba ste/ de 'di snyam 
du byang chub sems dpa' la mi mdza' ba'i don byed pa de dag thams cad ni bdag gi rgyud la dgod dgod pa yin no zhes te/ de dag ni sems can thams cad kyi yul thams cad la zhe sdang ba myed pa'i mig gis lta'o/ /byang chub sems dpa' sems 
dpa' chen po rnams ni 'gro ba thams cad kyi dge ba'i bshes gnyen te/ sems can thams cad la dge ba'i chos yang dag par bstan pa'i phyir 'jug go /'di lta ste dper na/ rgya mtsho chen po ni dug thams cad kyis gdug par bya bar mi nus so/ /</font><hr>35-1-379a<br><font size=+1>
de bzhin du byang chub sems dpa' yang drin mi gzo ba dang / blo zhen pa dang / sems 'khrug pa dang / rnyog pa dang / mun par gyur pa dang / rang bzhin stor ba dang / rlom sems dang ldan pa dang / sgrub pa nyams pa dang / 
sems rmus long lta bur gyur pa'i sems can byis pa thams cad kyis skyon can du mi nus so/ /'di lta ste dper na/ lha'i bu nyi ma 'char ba de ni rmus long gi skyon gyis 'char ba la thogs par mi 'gyur ro/ /dri za'i grong khyer gyi skyon gyis thogs 
par mi 'gyur ro/ /gling bzhi 'jig rten gyi khams kyi sa'i rdul gyi skyon gyis thogs par myi 'gyur ro/ /lha ma yin gyi dbang po sgra gcan gyi skyon gyis thogs par mi 'gyur ro/ /du ba 'khrigs pa'i skyon gyis thogs par mi 'gyur ro/ /'dzam bu'i 
gling gi nye ba'i nyon mongs pa'i skyon gyis thogs par mi 'gyur ro/ /grib ma sna tshogs kyi skyon gyis thogs par mi 'gyur ro/ /dug gi ri'i skyon gyis thogs par mi 'gyur ro/ /khams kyi nye ba'i nyon mongs pa'i skyon gyis thogs par mi 'gyur ro/ /
dus yongs su 'gyur ba'i skyon gyis thogs par mi 'gyur ro/ /de bzhin du byang chub sems dpa' sems dpa' chen po dran pa can yang dag par shes pa dang ldan pa/ sems kyi bdag nyid che ba nyid shin tu zab cing yangs pa yid la yang dag par rtog pa/ 
mi zhan pa yon tan spyad pas ye shes mthar gyur pa chos la shin tu dad pa'i sems mngon par skyes pa/ chos kyi snang ba'i 'od kyis rab tu snang ba don thams cad mthong ba chos mngon par shes pa ye shes rig pa spyod pa med pa lhur byed pa/ sems can thams cad dge ba'i chos spyod pa la rab 
tu sbyor ba/ sems can thams cad kyis nyes par sems bskyed pa la 'khrul pa med pa de yang dge ba'i rtsa ba de dag yongs su bsngo ba na/ gnod par byed pa thams cad kyi skyon gyis thogs par myi 'gyur ro/ /sems can mi srun pa'i tshul gyis ldog par myi </font><hr>35-1-379b<br><font size=+1>
'gyur ro/ /sems can gyi lta ba'i rnyog pas dge ba'i rtsa ba yongs su bsngo ba dang bral bar mi 'gyur ro/ /sems can gyi sems 'khrugs pas ldog par mi 'gyur ro/ /sems can gyi sems kyi rgyud stor bas byang chub sems dpa'i go cha chen po 
bgos pa las ring bar mi 'gyur ro/ /'gro ba thams cad yongs su bskyab pa'i smon lam dkrugs ma'i rnyog pa thams cad kyis bcil bar mi 'gyur ro/ /byang chub sems dpa'i rtsom pa chen po sems can drin du mi gzo ba mthong bas lhod par mi 
'gyur ro/ /byang chub tu dmyigs pa'i dge ba'i rtsa ba sems can mi srun pa'i dbang pos zhum par mi 'gyur ro/ /dge ba'i rtsa ba ji lta ba bzhin las byis pa'i skye bo dang 'grogs pa las 'phang bar mi 'gyur ro/ /sems can gzhan gyi skyon gyis skyo 
bar mi 'gyur ro/ /de ci'i phyir zhe na/ dkyil 'khor 'di ni bsgribs pa med par 'gro ba thams cad/ rnam par dag par bya ba'i phyir 'byung ba ste/ /sems can gcig la dmyigs shing / byang chub sems dpa' rnams bla na med pa yang dag 
par rdzogs pa'i byang chub tu dge ba'i rtsa ba yongs su bsngo ba ma yin/ 'di lta ste/ zhing rnam par dag par bya ba'i phyir zhing gcig la dmyigs te/ byang chub sems dpa' byang chub kyi sems la mngon par spro ba ma yin/ 'di lta ste/ sangs rgyas 
lta ba rnam par dmigs pa'i phyir sangs rgyas gcig la dmyigs te/ byang chub sems dpa' rnams kyi dad pa skye ba ma yin/ 'di lta ste ye shes gcig rjes su rtogs pa'i phyir ye shes gcig la dmyigs nas/ byang chub sems dpa' rnams kyi 
smon lam skye ba ma yin gyi 'di ltar sems can thams cad yongs su bskyab pa'i phyir dge ba'i rtsa ba rnams yongs su bsngo'o/ /zhing thams cad yongs su sbyang ba'i phyir dge ba'i rtsa ba rnams yongs su bsngo'o/ /sangs rgyas thams cad la mchod cing rim </font><hr>35-1-380a<br><font size=+1>
gror bya ba'i phyir/ sangs rgyas thams cad blta ba la dmyigs nas/ byang chub sems dpa' rnams kyi dad pa skye'o/ /sangs rgyas thams cad kyi chos kyi ye shes kyis rjes su rtogs par bya ba'i phyir/ byang chub sems dpa' sems dpa' 
chen po bla na med pa yang dag par rdzogs pa'i byang chub tu dge ba'i rtsa ba yongs su bsngo ba rnams kyi smon lam skye'o/ /de yang 'di ltar byang chub sems dpa' sems dpa' chen po sangs rgyas kyi stobs la dmigs pa la sems yangs pa/ 
bsam pa ma 'khrugs pa/ bskal pa thams cad du shin tu dkon pa'i sems rin po che dang ldan pa rnams kyi sems ni 'di lta ste/ sangs rgyas thams cad dang mnyam pa nyid kyi phyir rab tu skyes te/ de ltar byang chub sems dpa' sems 
dpa' chen pos dge ba'i rtsa ba de dag yang dag par mthong nas/ sems dad pa chen po rnam par dag pa dang / snying rje chen pos brtan pas bsngo zhing dge ba'i rtsa ba de dag sems can thams cad la yongs su bsngo ste de yang tshig tsam du ma yin gyi bsam pa thag pas 
yongs su bsngo'o/ /de yang dga' ba'i sems dang / rab tu dga' ba'i sems dang / dad pa'i sems dang / mos pa'i sems dang / 'jam pa'i sems dang / byams pa'i sems dang / nye ba'i sems dang / snying brtse ba'i sems 
dang / phan gdags pa'i sems kyis yongs su bsngo'o/ /de yang 'di ltar yongs su bsngo ste/ bdag gi dge ba'i rtsa ba 'dis sems can thams cad kyi 'gro ba rnam par dag par gyur cig /skye ba yongs su dag par gyur cig /bsod 
nams kyi bdag nyid che ba yongs su rdzogs par gyur cig /zil gyis mi non par gyur cig /mi zad par gyur cig /thub par dka' ba'i sems su gyur cig /dran pa nyams pa med par gyur cig /rtogs pa nges par gyur cig /blo tshad med par </font><hr>35-1-380b<br><font size=+1>
gyur cig /lus kyi las dang ngag gi las dang / yid kyi las kyi yon tan gyi rgyan thams cad yongs su rdzogs par gyur cig /dge ba'i rtsa ba 'dis sems can de dag thams cad sangs rgyas thams cad mnyes par byed par gyur cig /mnyes 
par byas nas kyang thugs 'byung ba med par gyur cig /sangs rgyas bcom ldan 'das de dag la mi phyed pa'i dad pa yang thob par gyur cig /de dag gis de bzhin gshegs pa dgra bcom pa yang dag par rdzogs pa'i sangs rgyas rnams kyis 
chos bstan pa thob par gyur cig /thos nas kyang the tsom dang yid gnyis med par gyur cig /yang dag par 'dzin cing nan tan gyis bsgrub par gyur cig /sems can gyi dga' ba nyid kyang thob par gyur cig /kha na ma tho ba med pa'i lus kyi las kyang 
yang dag par grub par gyur cig /dge ba'i rtsa ba chen po la bdag rab tu gzhog par gyur cig /shin tu dbul ba dang rnam par bral bar gyur cig /nor bdun 'thob pa yongs su rdzogs par gyur cig /sangs rgyas thams cad kyi rjes su yang 
slob par gyur cig /dge ba'i dbang po 'thob par bya ba'ang thob par gyur cig /mos pa chen po'i mnyam pa nyid kyang yongs su rdzogs par gyur cig /thams cad mkhyen pa'i ye shes kyi go yang rnyed par gyur cig /'gro ba thams cad du nyams pa med 
pa'i mig kyang rnyed par gyur cig /mtshan gyis brgyan pa'i lus yongs su rdzogs pa yang thob par gyur cig /yon tan thams cad kyis brgyan pa'i tshig rnam par dag pa yang yongs su rdzogs par gyur cig /dbang po bsdams shing stobs bcu 
dang ldan pa'i sems dge ba yang yang dag par grub par gyur cig /gnas med par spyod pa yang yongs su rdzogs par gyur cig /sangs rgyas thams cad bde ba'i rim gro gang dang ldan pa'i bde ba'i rim gro de dag sems can thams cad kyis thob par gyur cig</font><hr>35-1-381a<br><font size=+1>
sangs rgyas kyi gnas rab tu thob pas tshad med pa'i gnas su gyur cig /sems can de dag thams cad kyi sdug bsngal gyi phung po sgrib pa'i las sna tshogs las byung ba/ sgrib pa'i las de dag gis bsgribs pas sangs rgyas mi mthong ba 
dang / chos mi thos pa dang / dge 'dun mi shes pa'i bsgribs pa'i las rnam pa sna tshogs kyis bstsags pa'i sdug bsngal gyi phung po de dag bdag gi lus 'dis sems can dmyal ba'i skye gnas dang / ngan song gi sa'i gnas de dang de dag du blang bar bya'o/ /
sems can de dag thams cad ni dge ba'i rtsa ba 'dis de nas bton te/ bdag gis de dag gi sdug bsngal dang nyon mongs pa de dag blang bar bya'o/ /spro bar bya'o/ /mi ldog par bya'o/ /de las mi 'bros par bya'o/ /mi skrag par bya'o/ /mi 'jigs par bya'o/ /
phyir mi ldog par bya'o/ /zhum pa med par bya'o/ /mi skyo bar bya'o/ /de ci'i phyir zhe na/ bdag gis ni sems can thams cad bsgral bar smon lam btab pas na sems can thams cad kyi khur bkur dgos so/ /'di ltar bdag gis sems can thams cad 
yongs su dgrol bar bya'o/ /'di ltar bdag gis sems can thams cad bsgral bar bya'o/ /skye ba'i dgon pa dang / rga ba dang na ba'i dgon pa dang / 'chi ba'i dgon pa dang / 'chi 'pho dang skye ba'i dgon pa dang / nyon mongs pa thams cad kyi dgon pa dang / 
mi khom pa thams cad kyi dgon pa dang / 'khod pa thams cad kyi dgon pa dang / lta ba'i thibs po thams cad kyi dgon pa dang / dge ba'i chos thams cad stong ba'i dgon pa dang / mi shes pa las byung ba'i dgon pa dang / dgon pa de dag thams cad 
nas bdag gis sems can srid pa'i dra bas 'khrigs pa/ ma rig pa'i sgrib pas bsgribs pa/ srid pa'i sred pa dang ldan pa/ zhen pa'i mthar gyur pa/ sdug bsngal gyi shing thags kyis bskor ba/ bdud kyi las la rten pa/ mi mkhas pa/ bsod nams </font><hr>35-1-381b<br><font size=+1>
'gags pa/ the tsom du gyur pa/ rtag tu yid gnyis dang ldan pa/ mi bde ba mthong ba/ 'byung ba la mi mkhas pa/ tshub mas bskor ba'i lo ma lta bur 'khor zhing 'phyan pa de dag thams cad yongs su thar bar bya'o/ /zhes de la byang chub sems dpa'i 
snying rje chen po yongs su rgyas pa'i sems dang ldan pas sems can gyi khams 'khor ba'i 'dam du bying ba mthong nas/ sems can de dag la snying brtse ba chen po skyes pa/ phan cher gdags pa'i sems rab tu bskyed pa/ sems can rnams kyi don chen 
po bya bar dga' ba sems can mang po rab tu 'grol bar dge ba'i rtsa ba yongs su bsngo ba/ yongs su bsngo ba chen po la zhugs pa/ 'das pa dang / ma 'ongs pa dang / da ltar byung ba'i byang chub sems dpa' thams cad kyi yongs su bsngo ba la rab tu zhugs pa/ 
bsngo ba chen po'i mdos sems can thams cad la dge ba'i rtsa ba de dag yongs su bsngo ba/ sems can thams cad shin tu rnam par dag par bya bar sems pa/ sems can thams cad kyi dge ba'i rtsa ba kun thams cad mkhyen pa nyid kyi mthar thug par 
yongs su bsngo ba de sems 'di lta bu dang ldan par gyur te/ sems can thams cad bla na med pa'i ye shes kyi rgyal srid la rab tu gzhag pa'i phyir bdag spyod de/ bdag ni bdag 'ba' shig yongs su dgrol ba la mngon par zhugs pa ma yin gyis/ bdag 
gis sems can 'di dag kun thams cad mkhyen pa nyid kyi sems rab tu snang bas 'khor ba'i dgon pa brgal dka' ba nas gdon par bya'o/ /g.yang sa chen po nas blang bar bya'o/ /gnod pa thams cad las yongs su dgrol bar bya'o/ /'khor ba'i rgyud 
las rab tu bsgral bar bya'o/ /bdag nyid kyis sems can thams cad kyi sdug bsngal gyi phung po blang bar spro bar bya'o/ /bdag gis sems can de dag thams cad 'khor ba'i sdug bsngal chen po'i sa'i 'og nas drang bar bya'o/ /'jig rten gyi khams </font><hr>35-1-382a<br><font size=+1>
kyi mthar thug pa thams cad kyi ngan song kun gyi sdug bsngal thams cad blangs te nyams su myong bar bya ba la bdag gis spro bar bya'o/ /bdag gis sems can thams cad dge ba'i rtsa ba las mi spang bar bya'o/ /sems can thams cad 
yongs su dgrol ba'i phyir bdag ngan song gcig nas phyi ma'i mthar thug pa'i bskal par gnas par spro bar bya'o/ /ngan song gcig tu ji lta ba de bzhin du 'jig rten gyi khams thams cad du gtogs pa'i ngan song thams cad du gnas par spro bar bya'o/ /de ci'i phyir 
zhe na/ kyi hud sems can 'di dag thams cad sdug bsngal gyi gnas su lhung babs ni bdag gcig pu sdug bsngal myong bar bla'i bdag gis der bdag nyid gtar bcug ste/ sems can dmyal ba dang / byol song gi skye gnas dang / gshin rje'i 
'jig rten gyi dgon pa nas/ 'gro ba thams cad blus te/ bdag gis sems can thams cad kyi don du sdug bsngal tshor ba'i phung po 'di dag thams cad bdag gis lus 'dis myong bar bya'o/ /bdag gis ni sems can thams cad kyi gnya' bden 
par smra ba dang / yid ches shing mi bslu bar spro bar bya'i bdag la ni sems can thams cad kyis ma yin te/ de ci'i phyir zhe na/ 'di lta ste/ 'gro ba thams cad yongs su dgrol ba'i phyir/ bdag gis thams cad mkhyen pa'i sems/ sems 
can thams cad la dmyigs pa skye ste/ bdag nyid 'dod pa'i phyir ni bla na med pa yang dag par rdzogs pa'i byang chub tu ma zhugs so/ /'dod pa'i yon tan lnga la dga' zhing spyod pa'i phyir yang ma yin no/ /'dod pa'i yul la bsnyen pa'i phyir yang ma yin 
no/ /'dod pa'i khams su gtogs pa'i dga' ba mang po gzhan blang ba'i phyir yang byang chub kyi spyod pa la mi spyod do/ /de ci'i phyir zhe na/ 'jig rten gyi dga' ba 'di dag thams cad ni dgra yin no/ /'dod pa la bsten pa 'di ni bdud kyi yul lo/ /</font><hr>35-1-382b<br><font size=+1>
'dod pa la bsten pa de ni blo ngan pas bstan pa'i lam mo/ /sangs rgyas thams cad kyis smad pa'i yul lo/ /de dag la bsten pa de las sdug bsngal thams cad 'byung bar 'gyur ro/ /de las sems can dmyal ba dang / byol song gi skye 
gnas dang / gshin rje'i 'jig rten 'di dag thams cad kyang 'byung bar 'gyur ro/ /de las sems can rnams 'thab pa dang / 'tshang 'dru ba dang / rtsod pa dang / gnad la 'bebs pa dang / 'khrug pa dang / kun tu 'khrug pa rnams kyang rab tu 'byung 
ngo / /sems can 'di dag ni 'dod pa la bsten pas sangs rgyas bcom ldan 'das rnams las ring du gyur pa ste/ 'dod pa de dag ni mtho ris su skye ba la yang bar du gcod na/ bla na med pa yang dag par rdzogs pa'i byang chub la lta smos kyang ci 
dgos te/ sems can thams cad kyi bde ba dang / dga' ba thams cad kyi yang bar chad du 'gyur ro/ /de ltar bdag gis 'dod pa ni ro chung zhing tshad med pa'i nyes pa can du mthong na/ ci yang de dag spyod pa'i phyir 'jug gam/ de ci'i phyir zhe na/ 
bdag ni don 'di dag gi phyir bla na med pa yang dag par rdzogs pa'i byang chub tu zhugs pa ma yin no/ /'dod pa la dga' ba'i phyir yang byang chub sems dpa'i spyod pa la mi spyod de/ de bas na sems can thams cad la phan pa dang bde bar zhugs pa'i 
sems bskyed de/ bdag ni 'di ltar sems can thams cad kyi don gyi phyir de dag nyid gyi smon lam yongs su rdzogs par bya ba dang / bsngo zhing bsgrub pa'i phyir don de la zhugs pa ste/ de bas na bdag gis sems can sdug bsngal gyi zhags 
pas bcings pa thams cad kyi sdug bsngal gyi zhags pa bcad de/ sdug bsngal thams cad las yongs su dgrol bar bya'o/ /sdug bsngal gyi rgyud las rnam par bzlog par bya'o/ /bdag gis ji lta ji ltar sems can 'di dag thams cad shin </font><hr>35-1-383a<br><font size=+1>
tu bde ba dang / phan par 'gyur ba'i bde ba dang / tshor ba med pa'i bde ba dang / zhi ba'i bde ba dang / mi gnas pa'i bde ba dang / mi g.yo ba'i bde ba dang / tshad med pa'i bde ba dang / mnyams pa'i bde ba dang / mi 'gag pa'i 
bde ba dang / thams cad mkhyen pa nyid kyi bde ba rab tu 'thob par 'gyur ba de lta de ltar dge ba'i rtsa ba de dag yongs su bsngo bar bya'o/ /bdag kha lo sgyur ba dang / bdag mgon po dang / bdag me sgron 'dzin pa dang / bdag lam bde ba ston pa dang / 
bdag khom pa rnyed pa dang / bdag thabs la mkhas pa dang / bdag don shes pa dang / bdag 'khor ba'i rgya mtsho la thams cad mkhyen pa'i gru bo che'i mnyan par gyur pa dang / bdag yongs su bsngo ba la mkhas pa dang / bdag pha rol ston pas dge ba'i rtsa 
ba de dag ji lta ji ltar sems can rnams kyi skyabs su 'gyur ba dang / 'khor bar gyur pa rnams yongs su rgal bar 'gyur ba dang / de bzhin gshegs pa thams cad mnyes par 'gyur ba dang / thams cad mkhyen pa nyid du bsgribs pa med par 'gyur ba dang / 
bdud kyi yul rnams la mi gnas par 'gyur ba dang / sdig pa mi dge ba'i grogs po thams cad yongs su spong bar 'gyur ba dang / dge ba'i bshes gnyen byang chub sems dpa' thams cad la bsten par 'gyur ba dang / las rnam par dag pa la kha na 
ma tho ba med par 'gyur ba dang / spyad pa chen po'i smon lam rnams yang dag par bsgrub par 'gyur ba dang / dge ba'i rtsa ba thams cad khong du chud par 'gyur ba de lta de ltar yongs su bsngo'o/ /de la byang chub sems dpa' dge ba'i rtsa ba de dag yongs su 
bsngo ba na sems 'di snyam du bskyed de/ kye ma gling bzhi'i 'jig rten gyi khams snang bar bya ba'i phyir/ gling bzhi'i 'jig rten gyi khams na/ sems can ji snyed pa de snyed kyi nyi ma ni mi 'char gyi gling bzhi'i 'jig rten snang bar bya ba'i phyir nyi ma 'di nyid </font><hr>35-1-383b<br><font size=+1>
gcig pu 'char te/ sems can gling bzhir gtogs pa de dag rang rang gi lus las kyang snang ba gang gis de dag gis nyi ma'i grangs shes par 'gyur ba'am/ rang gi don bsgrub par 'gyur ba'am/ lo tog yongs su smin par 'gyur ba'am/ nyin gcig nyin 
gcig cing bza' shing gi ra ba dang / grong khyer dag tu dga' ba dang / rtse ba'i longs spyod myong bar 'gyur ba'am/ phyogs snang bar 'gyur ba'am/ grong dang grong khyer dang ljongs dang / pho brang 'khor dang / rgyal po'i gnas dag tu 'gro ba dang 'ong bar bya 
ba 'am/ spyod pa'i don sbyar bar bya ba'i snang ba mi 'byung ste/ sems can de dag rang rang gi lus la yang 'od gang gis de dag gi don bsgrub pa'i 'od de lta bu mi gtong ste/ 'di ltar lha'i bu nyi ma'i dkyil 'khor gcig pu gnyis su med pa de ni gling bzhi'i 'jig 
rten gyi khams su sems can rnams la snang bar bya ba'i phyir 'char zhing rab tu 'byung ngo / /de bzhin du byang chub sems dpa' dge ba'i rtsa ba yongs su bsngo ba na sems 'di ltar skye ste/ sems can 'di dag thams cad la gang gis de dag bdag nyid yongs su 
bskyab par bya ba de nyid kyang med na/ gzhan bskyab pa lta ci smos kyi bdag nyid gcig pu gnyis su med pas/ sems can thams cad kyi phyir 'di ltar sems can thams cad dgrol ba dang / sems can thams cad snang bar bya ba dang / sems can thams 
cad gsal bar bya ba dang / sems can thams cad shes par bya ba dang / sems can thams cad gzung bar bya ba dang / sems can thams cad bsdu bar bya ba dang / sems can thams cad bskyed par bya 
ba dang / sems can thams cad tshim par bya ba dang / sems can thams cad kyi the tsom gcad pa'i phyir/ dge ba'i rtsa ba rnams yang dag par bsdu'o/ /dge ba'i rtsa ba rnams yongs su bsngo bar bya'o/ /bdag gis ni </font><hr>35-1-384a<br><font size=+1>
nyi ma'i dkyil 'khor de lta bur bya ste/ gzhan las phan pa'i lan re bar mi bya'o/ /gzhan gyis skabs mi rnyed par bya'o/ /sems can thams cad kyi phyir go cha mi 'dor bar bya'o/ /sems can thams cad kyi don du spro ba mi bzlog par 
bya'o/ /sems can thams cad kyi bde ba bsgrub pa'i yongs su bsngo ba las phyir ldog par mi bya'o/ /dge ba'i rtsa ba chung ngu yang bsdu bar bya ste/ yongs su bsngo ba chung ngus yongs su bsngo zhing dga' bar bya'o/ /dge ba'i rtsa ba phan par mi 'gyur ba rnams ni 
sems can rnams la bsngo bar mi bya ste/ ci nas kyang dge ba'i rtsa ba de dag sems can thams cad la bde bar 'gyur ba de ltar bsngo'o/ /mngon par chags pa med pa'i chos nyid la rten te/ yongs su bsngo bar bya'o/ /sems can rnams kyi ngo bo nyid du yongs 
su bsngo bar bya'o zhes te/ de ni 'pho ba'i tshul gyis yongs su bsngo ba la gnas pa ma yin/ srid pa la mngon par chags pa'i phyir dge ba'i rtsa ba de dag la mi gnas so/ /mtshan ma'i tshul gyis dge ba'i rtsa ba de dag yongs su mi bsngo'o/ /dngos po la 
mngon par chags pa'i phyir las kyi rnam par smin pa la yongs su mi rtog go /phung po rnams kyi 'du shes la gnas shing yongs su mi bsngo'o/ /phung po 'jig pa la gnas shing yongs su mi bsngo'o/ /las rnam par rtog pa la gnas shing yongs su mi bsngo'o/ /rnam par smin pa la re bas 
ma yin no/ /brten pas bsnyems shing ma yin no/ /'brel par 'byung ba la kun tu rtog pas ma yin no/ /grags pa la gnas pas ma yin no/ /gnas kyi 'du shes la gnas pas ma yin no/ /gnas su rtog pa la gnas pas ma yin no/ /chos la rnam par 
rtog pa la gnas pas ma yin no/ /sems can gyi 'du shes la gnas pas ma yin te/ khams kyi tshul rnam pa tha dad pa'i rjes su song bas yongs su mi bsngo'o/ /sems kyi kun tu rtog pa la gnas te/ yongs su mi bsngo'o/ /sems kyi phyin </font><hr>35-1-384b<br><font size=+1>
ci log la gnas te yongs su mi bsngo'o/ /'du shes phyin ci log la gnas te yongs su mi bsngo'o/ /lta ba phyin ci log la gnas te yongs su mi bsngo'o/ /tshig gi lam la gnas te yongs su mi bsngo'o/ /de ni 'di ltar chos rnams ji lta ba bzhin rnam par 
dpyod cing yongs su bsngo'o/ /sems can rnams kyi mnyam pa nyid la sems shing yongs su bsngo'o/ /chos kyi dbyings kyi rgyas btab pa'i dge ba'i rtsa ba de dag yongs su bsngo'o/ /'dod chags dang bral ba dang mnyam pa'i chos kyis yongs su brtags pa'i dge 
ba'i rtsa ba de dag yongs su bsngo'o/ /chos thams cad la sgro gdags pa med par dge ba'i rtsa ba de dag rjes su rtogs par byed do/ /gnyis su med pa'i chos kyi dbyings la yang dag par lta zhing yongs su bsngo ba de dag la rab tu 'jug ste/ chos gang yang skye ba
'am/ 'gag par byed pa med do/ /de bzhin du dge ba'i rtsa ba de dag yongs su bsngo ste/ gnyen pos yongs su dag pas bsngo ba de dag la yang dag par spyod do/ /'jig rten las 'das pa 'byam klas pa'i rjes su song ba'i dge ba'i rtsa ba de dag mthong ste/ gnyis 
kyi tshul gyis ni dge ba'i rtsa ba de dag thams cad khong du chud par mi byed do/ /las kyis thams cad mkhyen pa nyid du yang dag par mi spyod do/ /las las gzhan du yang thams cad mkhyen pa nyid la yongs su mi bsngo'o/ /las gang yin pa de yang thams cad mkhyen 
pa nyid la yang dag par rjes su mi mthong ngo / /las kyi lam dang bral bas kyang thams cad mkhyen pa nyid kyi smon lam thob par mi 'gyur te las kyi gzugs brnyan gyis rnam par smin pa'i gzugs brnyan yongs su dag par 'gyur ro/ /rnam par smin pa'i gzugs brnyan 
yongs su dag pas thams cad mkhyen pa'i ye shes thob par 'gyur ro/ /yongs su bsngo ba de g.yo ba dang / rlom sems dang rnam par spyod pa dang bral bar yang rab tu shes so/ /des kyang dge ba'i rtsa ba de dag yongs su bsngo'o/ /yongs su bsngo ba 'dis </font><hr>35-1-385a<br><font size=+1>
yongs su bsngos pas sems can rab tu dgrol ba rgyun chad par mi 'gyur ro/ /dge ba'i rtsa ba de dag yongs su bsngo ba 'dis yongs su bsngo ba na/ chos kyi mtshan nyid la gnas pa'ang mi gtod ste/ las dang rnam par smin pa med pa'i chos 
thams cad la nyon mongs pa med pa'i yongs su bsngo ba'i tshul gyis las dang rnam par smin pa bsgrub pa la mngon par mkhas pa yin no/ /de ltar byang chub sems dpa' dge ba'i rtsa ba de dag yongs su bsngo ba ni bla na med pa yang dag par rdzogs pa'i byang chub tu 
rjes su spyod pa kha na ma tho ba med pa yin no/ /kye rgyal ba'i sras dag 'di ni byang chub sems dpa' sems dpa' chen po rnams kyi yongs su bsngo ba sems can rnams kyi 'du shes 'gog cing 'gro ba thams cad yongs su skyob pa zhes bya ba ste dang po'o /
de nas byang chub sems dpa' rdo rje'i rgyal mtshan gyis/ 'khor thams cad la rnam par bltas te/ chos kyi dbyings la rnam par bltas nas/ don dang tshig dang yi ge la 'jug par bya ba dang / sems rgya chen po mtha' dang dbus med pa yongs su 
bsgom pa dang / 'gro ba thams cad snying rje chen pos khyab par bya ba dang / dus gsum gyi sangs rgyas kyi gdung la sems yang dag par 'brel par bya ba dang / sangs rgyas kyi chos dang yon tan thams cad la 'jug par bya ba dang / sangs rgyas 
thams cad kyi byin gyis brlabs pa'i lus yang dag par bskyed pa dang / sems can thams cad kyi bsam pa rab tu dbye ba dang / dge ba'i rtsa ba bskyed pa'i dus la ji ltar 'bab pa yang dag par blta ba dang / chos kyi las dang 'thun pa'i gzugs kyi lus 
yongs su dag pa yang dag par bstan par byed cing / sangs rgyas kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so/ /gang zhig bsam yas bskal par spyod pa dag /sems can phan </font><hr>35-1-385b<br><font size=+1>
phyir rtag tu zhugs pa ste/ /de dag brtson brtan chags med yid ldan pa/ /sangs rgyas yon tan rtag tu sbyor zhing tshol/ /gang zhig mtshungs med skyes bu 'dul drung du/ /bsam pa dri ma med par rnam sbyangs shing / /chos mkhas 'gro ba 
bskyab pa'i sems ldan pa/ /de dag yongs bsngo'i mdzod du zhugs pa yin/ /brtson 'grus stobs dang de dag nyer ldan zhing / /ye shes stobs kyis rnam dag yid gzhung ste/ /bzod pa'i stobs ldan sgul bar mi nus pa/ /de dag 'gro ba kun skyob mngon 
par brtson/ /shin tu yid brtan mtshungs pa med pa dang / /bsam pa rnam dag dga' ba'i blo ldan pa/ /de dag sa dang 'dra ba'i bzod stobs kyis/ /'gro ba kun la phan phyir mngon par brtson/ /bdag la bde ba tshol bar mi byed de/ /snying rje 
can gyis bsam pa de 'dra'o/ /'gro ba thams cad yongs su bskyab sems can/ /chags med gyur par de dag zhugs pa yin/ /phyogs bcu'i sems can ji snyed gang yang rung / /'gro ba kun nas ma lus bsdu byas te/ /de dag don du brtan 
sems ldan pa rnams/ /de dag yongs su bsngo tshul bslabs pa yin/ /dga' ba'i sems kyis sbyin pa gtong bar byed/ /skyes bu dam pa tshul khrims rnam dag pa/ /brtson 'grus stobs la brtan par gnas pa'i sems/ /de dag ye shes 
dge bas yongs su bsu bsngo/ /de dag blo gros yangs shing mtha' yas pa/ /bzod pa'i stobs la rtag par rab tu zhugs/ /bsam gtan stobs la rjes su sems pas na/ /mkhas pa de dag shes rab bsam mi khyab/ /phyogs bcu'i 'jig rten kun na gang yod pa'i/ /
dge ba de dag yang dag bsgrub pa na/ /'gro ba kun la phan dang bde sems kyis/ /ye shes mkhas la de dag yongs su bsngo/ /dge ba de dag gang la tshad med pa/ /brtan pa de dag yongs su sdud pa'i tshe/ /de la rtag brtson dam pa'i blo gros can/ /</font><hr>35-1-386a<br><font size=+1>
bsam yas ye shes la ni rab tu gzhog /de dag 'gro ba'i don du mnar med par/ /bskal pa bsam gyis mi khyab gnas par spro/ /de dag yid ni zhum par mi 'gyur te/ /de dag bsngo rtogs bsam pa'i yid dang 
ldan/ /gzugs tshol mi byed sgra dang dri ma yin/ /ro dang reg pa de bzhin mi tshol te/ /'gro ba thams cad yongs su dgrol sems kyis/ /ye shes dam pa'i stobs ni rtag tu tshol/ /mkhas pa de dag ye shes mkha' 'dra bas/ /
mtha' dang dbus med spyad pa spyod pa byed/ /rgyal ba'i chos kyi chos nyid ci 'dra ba/ /mtha' yas grags pa'i spyod pa de 'dra'o/ /de dag gang dang gang du 'dong byed pa/ /'gro la bde ba rgya chen rab tu sgrub/ /rtag tu mchog brtson dga' 
ba byed pa ste/ /byang chub spyod pas dga' ba tshol ba med/ /gdug med sems la gnas shing zhugs pa rnams/ /ye shes dam pa mchog la rjes su sems/ /de dag bdag la bde bar mi 'dod de/ /'gro ba kun la bde dang dga' phyir 
brtson/ /de dag yongs su bsngo ba mthar phyin dang / /bsam pa gdug med rnam par dag yid kyis/ /dus gsum rgyal ba gang na bzhugs bzhugs pa'i/ /chos kyi grong rdal de na rab tu gnas/ /gzugs dang tshor ba dag la mi gnas shing / /
'du shes 'du byed yid la 'dam yin te/ /srid pa gsum las yongs su yid bskyod de/ /bsod nams gter la de dag yongs su bsngo/ /sems can ji snyed rgyal bas sad byas pa/ /'gro ba kun nas ma lus bsdu byas te/ /skyes bu dam 
pa de dag dgrol ba'i phyir/ /spyod pa'i mchog la gang zhig brtson byed pa/ /de dag rnam pa kun tu sems brtan te/ /de dag blo gros yangs pa gzhal du med/ /de dag dran pa'i dbang po ma nyams pa/ /de dag mnyam gzhag bsam pa rnam par </font><hr>35-1-386b<br><font size=+1>
dag /'jig rten 'di'i nang dang phyi rnams su/ /gang du'ang de dag gnas 'char mi byed de/ /mkha' la rlung dang rlung mar ci 'dra ba/ /phyogs rnams kun du sems ni de bzhin no/ /de dag lus kyi las rnams brtson byed pa/ /des ni 
rgyal ba mngon par mnyes par byed/ /rgyal ba rnams la ngag kyang bsdams pa ste/ /yid kyis de dag zhugs pa gang yang med/ /mi yi dbang po gang na bzhugs pa'i zhing / /mtha' yas zhing du de dag 'dong byed cing / /de dag kun tu thugs rje 
rgyal ba mthong / /rgyal ba rim gro byas shing de nas 'dong / /de dag rtag tu kha na ma tho med/ /'gro ba kun na de dag 'jigs pa med/ /de dag srid gsum 'di na mu stegs byed/ /de dag bde gshegs lam la gnas pa yin/ /de dag rnam 
par sgom zhing mngon brtson pa/ /skye dang 'jig pa'i tshul la rjes su sems/ /chos kyi ngo bo nyid la rab tu zhugs/ /nyon mongs med pa'i tshul la rab tu zhugs pa yin/ /gang gis spyod pa rab tu brtan gyur cing / /'gro ba kun las shes pa mi ldog 
pa/ /de 'dra'i chos nyid de dag rjes su sems/ /des ni dus gsum chags pa med par 'gyur/ /gang rnams 'gro ba rnam par dag byed pa/ /de dag yongs su bsngo ba'i pha rol phyin/ /de dag gnas rnams thams cad phyir bzlog pas/ /
de phyir de dag spyod la mi gnas so/ /'gro ba kun kyi tshig lam ji snyed dang / /skye dgu thams cad smra zhing mngon brjod pa/ /de dag smra yang rlom sems med pa yin/ /chags med yid ldan spyod pa 'di 'dra'o/ /bsod nams tshul la blo 
gros mtha' yas pa/ /de dag 'di ltar yongs su bsngo bas na/ /phyogs bcu'i 'jig rten bzhugs pa ji snyed pa'i/ /mi yi dbang po de dag mnyes pa yin/ 'gro ba thams cad yongs su skyob pa zhes bya ba ste/ yongs su bsngo ba dang po'o/ /</font><hr>35-1-387a<br><font size=+1>
kye rgyal ba'i sras dag /byang chub sems dpa' sems dpa' chen po rnams kyi yongs su bsngo ba mi phyed pa dang ldan pa zhes bya ba gnyis pa gang zhe na/ kye rgyal ba'i sras dag /'di la byang chub sems dpa' 'di lta ste/ de bzhin 
gshegs pa thams cad mnyes par bya ba'i phyir/ sangs rgyas 'das pa dang / ma byon pa dang / da ltar byung ba thams cad la mi phyed par dad pa yin/ 'di lta ste/ byang chub sems dpa' thams cad kyi/ dge ba'i rtsa ba dang / rgyud kyi tshul 
gcig par bya ba'i phyir/ byang chub sems dpa' thams cad mkhyen pa nyid du sems bskyed pa gcig thob pa yan chad kun la yang mi phyed par dad pa yin/ 'di lta ste/ lhag pa'i bsam pas rab tu zhugs pas/ sangs rgyas kyi chos thams cad la 
mi phyed par dad pa yin/ 'di lta ste/ de bzhin gshegs pa thams cad kyi/ bstan pa yang dag par gzung zhing bsrung ba'i phyir/ de dang de dag du skyes pa'i sangs rgyas kyi bstan pa la mi phyed par dad pa yin/ 'di lta ste/ sdang ba med pa'i mig 
rab tu 'thob pa dang / sems can thams cad kyi don du/ dge ba'i rtsa ba thams cad yongs su bsngo ba'i phyir/ sems can thams cad la mi phyed par dad pa yin/ 'di lta ste/ mtha' yas pa'i dge ba'i rtsa ba mngon par 'du bya zhing / yang dag par bsgrub 
pa'i phyir chos dkar po thams cad la mi phyed par dad pa yin/ 'di lta ste/ lhag pa'i bsam pa dang / mos pa yongs su rdzogs par bya ba'i phyir/ byang chub sems dpa' thams cad kyi yongs su bsngo ba la mi phyed par dad pa yin/ 'di lta ste/ ston pa'i 'du 
shes yongs su ma rgyas pa rgyas par bya ba'i phyir/ chos smra ba'i byang chub sems dpa' thams cad la mi phyed par dad pa yin/ 'di lta ste/ de bzhin gshegs pa bsam gyis mi khyab pa la dad par bya ba'i phyir/ sangs rgyas thams cad kyi rnam par 'phrul pa dang </font><hr>35-1-387b<br><font size=+1>
cho 'phrul la mi phyed par dad pa yin/ byang chub sems dpa'i thabs mkhas pa'i spyod pa/ rnam pa tha dad pa sna tshogs kyis yang dag par gzung ba dmigs pa kun tu rgyu ba/ gzhan dang gzhan can de dag thams cad la mi phyed par dad pa yin te/ de ltar 
mi phyed pa'i gnas rab tu thob pa'i/ byang chub sems dpa' sems dpa' chen po ni dge ba'i rtsa ba ci yang rung ste/ sangs rgyas sam/ byang chub sems dpa' 'am/ nyan thos sam/ rang sangs rgyas sam/ sangs rgyas kyi bstan pa'am/ 
sems can rnams la dmyigs pa gang dge ba'i rtsa ba sna tshogs sam/ dge ba'i rtsa ba rnam pa tha dad pa'am/ byang chub tu sems bskyed pa rnam par 'phel bar bya ba 'am/ byams pa bsgom pa'i dge ba'i rtsa ba yang dag par bskyed pas kyang rung ste/ 
snying rje chen po yangs pa/ tshad med pa/yang dag par mthong bas/ byang chub tu sems bskyed pa yangs par bya ba dang / sangs rgyas thams cad kyi rjes su bslab pa dang /  sangs rgyas thams cad kyi rjes su nan tan du bya ba dang / dge ba'i rtsa ba thams cad 
yang dag par bsdu ba dang / don shes pa la yang dag par 'jug par bya ba dang / bsod nams kyi tshogs yang dag par bsgrub pa dang / sbyin pa'i tshogs rab tu brtsam pa dang / yon tan thams cad kyi tshogs la rab tu 'jug par bya ba dang / dus gsum 
mnyam pa nyid du rnam par dpyod par byed cing / de dge ba'i rtsa ba de dag thams cad mkhyen pa'i tshogs bsag pa'i phyir yongs su bsngo'o/ /sangs rgyas thams cad blta ba dang mi 'bral ba yongs su rdzogs par bya ba dang / dge ba'i bshes gnyen thams cad 
dang mi 'bral ba rab tu thob par bya ba dang / byang chub sems dpa' thams cad dang mi 'bral bar 'grogs pa dang / thams cad mkhyen par sems bskyed pa yid la bya ba dang mi 'bral ba dang / sangs rgyas thams cad kyi bstan pa yang dag par gzung zhing bsrung ba </font><hr>35-1-388a<br><font size=+1>
dang mi 'bral ba dang / sems can gyi khams thams cad yongs su smin par bya ba dang mi 'bral ba dang / 'jig rten las 'das par sems bskyed cing yongs su bsngo ba dang mi 'bral ba dang / chos smra ba thams cad phu dud 
du bya ba dang mi 'bral ba dang / chos kyi snang ba thams cad thob pa dang mi 'bral ba dang / smon lam chen po rab tu brtson par bya ba dang mi 'bral bar yongs su bsngo'o/ /de ltar byang chub sems dpa' dge ba'i rtsa ba de dag yang dag par sgrub cing / yang 
dag par sdud pa dang / nye bar bstsogs pa dang / mngon par 'du byed pa dang / sems pa dang / dmyigs par byed pa dang / rab tu rtog pa dang / yang dag par smon pa dang /kun tu spyod pa dang / nye bar ston pa'i tshe/ 'di ltar yongs su 
bsngo ste/ dge ba'i rtsa ba 'di dag 'di ltar bsgrubs pa las/ dge ba'i rtsa ba dang rgyu 'thun pa'i 'bras bu gang byung ba'i dge ba'i rtsa ba dang / rgyu 'thun pa'i 'bras bu des bdag byang chub sems dpa'i spyad pa spyod pa na/ sems kyi skad cig re re la brjod du med pa'i 
sangs rgyas bcom ldan 'das rnams mthong bar gyur cig /de dag kyang mnyes par byed par gyur cig /de bzhin gshegs pa dgra bcom pa yang dag par rdzogs pa'i sangs rgyas de dag la yang / sangs rgyas kyi rim gro rgya chen po byed par gyur cig /
rin po che grangs med pa dang / me tog grangs med pa dang / dri grangs med pa dang / 'phreng ba grangs med pa dang / na bza' grangs med pa dang / gdugs grangs med pa dang / rgyal mtshan grangs med pa dang / ba dan grangs med pa dang / rgyan 
grangs med pa dang / lhab lhub grangs med pa dang / rim gro grangs med pa dang / byug pa grangs med pa dang / rnam par byug pa grangs med pa dang / me tog thams cad kyi gdan grangs med pa dang / spos thams cad kyi gdan grangs med pa </font><hr>35-1-388b<br><font size=+1>
dang / 'phreng ba thams cad kyi gdan grangs med pa dang / tsan dan bzang po thams cad kyi gdan grangs med pa dang / gos thams cad kyi gdan grangs med pa dang / rdo rje thams cad kyi gdan grangs med pa dang / nor bu rin po che thams 
cad kyi gdan grangs med pa dang / rin po che'i spang leb thams cad kyi gdan grangs med pa dang / rin po che'i kha dog gi gdan grangs med pa dang / rin po che thams cad kyi 'chag sa grangs med pa dang / me tog thams cad kyi 
'chag sa grangs med pa dang / spos thams cad kyi 'chag sa grangs med pa dang / phreng ba'i rgyan thams cad kyi 'chag sa grangs med pa dang /gos thams cad kyi 'chag sa grangs med pa dang / rin po che thams cad kyis sna tshogs su 
spras pa'i 'chag sa grangs med pa dang / rin po che thams cad kyi spang leb bting ba'i 'chag sa grangs med pa dang / rin po che thams cad kyi shing ta la'i phreng ba bsgreng ba'i 'chag sa grangs med pa dang / rin po che'i stegs bus bskor ba'i 'chag 
sa grangs med pa dang / rin po che thams cad kyi dril bu'i dra bas kun nas yog par byed pa'i 'chag sa grangs med pa dang / lha rdzas thams cad las shin tu 'das pa'i rin po che'i gtsug lag khang grangs med pa dang / lha rdzas thams cad las shin tu 
'das pa'i me tog thams cad kyi gtsug lag khang grangs med pa dang / lha rdzas las shin tu 'das pa'i spos thams cad kyi gtsug lag khang grangs med pa dang / lha rdzas las shin tu 'das pa'i phreng ba thams cad kyi gtsug lag khang grangs med 
pa dang / lha rdzas las shin tu 'das pa'i tsan+dan thams cad kyi gtsug lag khang grangs med pa dang / lha rdzas las shin tu 'das pa'i spos dang gdug pa mchog dam pa thams cad kyi gtsug lag khang grangs med pa dang / lha rdzas thams cad </font><hr>35-1-389a<br><font size=+1>
las shin tu 'das pa'i rdo rje'i gtsug lag khang grangs med pa dang / nor bu rin po che'i gtsug lag khang grangs med pa dang / spos kyi shing dang / gos kyi shing dang / rol mo'i shing dang / lhab lhub kyi shing dang / shing 
sna tshogs kyis kun nas bskor ba'i gtsug lag khang grangs med pa dang / yid du 'ong ba'i sgra 'byung ba'i shing grangs med pa dang / snam bu rin po che sbyangs pa'i shing grangs med pa dang / rin po che mang po'i shing grangs med pa dang / me tog dang / 
phreng ba dang / spos dang / byug pa dang / gdugs dang / rgyal mtshan thams cad grangs med pa dang / shing thams cad kyis brgyan pa'i gtsug lag khang grangs med pa dang / ba gam gyi rgyan grangs med pa dang / skar khung gi 
rgyan grangs med pa dang / rta babs kyi rgyan grangs med pa dang / pu shu'i rgyan dang / zla gam gyi rgyan dang / khang pa brtsegs pa'i rgyan dang / bla re'i rgyan grangs med pa dang / gser gyi dra ba'i khab grangs med pa dang / spos dang / bdug pa dam 
pa thams cad kyi rgyan grangs med pa dang / gos thams cad gding bar bting ba'i rgyan gyis thams cad rab tu brgyan pa'i gtsug lag khang grangs med pas bsnyen bkur byed par gyur cig /de ltar mchod pa rgya chen po sbyar te/ sangs rgyas thams 
cad la yid kyi dbang po shin tu dang bas mchod pa dang / rim gro rgyun mi 'chad pa dang / sangs rgyas phu dud du bya ba'i phyir mi ldog pa las byung bas phyag 'tshal zhing mchod pa dang bsnyen bkur byas te/ de bzhin gshegs pa de dag thams cad rim gro bya bas bskal pa 
brjod du med pa'i yang brjod du med pa zad par gyur cig /'gro ba thams cad dad par bya ba dang / sems can thams cad kyi dge ba'i rtsa ba yang dag par bsdu ba dang / 'gro ba thams cad kyi sdug bsngal gyi phung po rnam par bzlog pa dang / sems rgya chen po bskyed pa </font><hr>35-1-389b<br><font size=+1>
la mos par bya ba dang / rgyan chen pos yang dag par brgyan pa dang / tshad med par rnam par bre ba'i rgyan dang / brtsams pa mthar phyin par bya ba dang / sangs rgyas 'byung ba shin tu dkon pa brjod par bya ba dang / de bzhin gshegs pa'i 
stobs yongs su rdzogs par bya ba dang / mchod rten sna tshogs bsnyen bkur bar bya ba dang / sangs rgyas thams cad kyi bstan pa yang dag par gzung bar bya ba'i phyir/ de bzhin gshegs pa bzhugs shing 'tsho skyong ba la de lta bu'i rim gro byed pa dang / 
de dag yongs su mya ngan las 'das nas kyang / sangs rgyas de dag thams cad kyi sku gdung mchod pa la rab tu brtson par bya bas/ bskal pa grangs med pa zad kyang / de bzhin gshegs pa de dag mchod pa dang bsnyen bkur ba'i rgyan dang / brjod pa 
yon tan mtha' yas pa bsngags pas bsgrubs pa dang / 'gro ba thams cad yongs su smin par bya bas bsgrubs pa de dag mthar thug par ma gyur cig /de ltar rim gror byed pa las phyir ldog par ma gyur cig /rgyun gcod par ma gyur cig /
sems yongs su skyo ba med par gyur cig /mngon par chags pa'i 'du shes rnam par spangs pa dang / mi gnas pa'i chos nyid dang / dge ba'i rtsa ba rlom sems thams cad bcom pas/ rlom sems med par gyur pa dang / chos 'gyur ba 
med pa yang dag pa ji lta ba bzhin gyis rgyas btab pa'i chos kyi sgo dang / tshe dang skye ba thams cad du 'khor bar gyur pa'i sangs rgyas kyi spyod pa dang / skye ba med pa'i rang bzhin la spyod cing / dmigs pa'i chos kyis rgyas btab pa'i sems bskyed 
pa dang / de bzhin gshegs pas byin gyis brlabs pa'i yongs su bsngo ba dang / chos kyi rang bzhin la rab tu brtson pa'i yongs su bsngo ba mnyam pa nyid dang / mngon par 'du bya ba med pa'i tshul la zhugs pa'i/ mngon par 'du bya ba med </font><hr>35-1-390a<br><font size=+1>
par mngon par bsgrub pa dang / dngos po thams cad kyi 'du shes dang bral ba'i bsngo ba'i tshul dang / bsngo ba la mkhas pa'i rnam pa tshad med pa dang / byang chub sems dpa'i bsngo ba srid pa kun las 
'phags pa dang / bsgom pa'i sgo mtshan ma la mkhas pas gnas pa dang / byang chub sems dpa'i spyod pa dge ba'i rtsa ba nye bar len pa'i byin gyi rlabs can dang / byang chub tu sems bskyed pa bsngo ba chen pos yongs su sbyangs 
pa dang / dge ba'i rtsa ba thams cad la/ gnas pa'i mos pa yongs su rgyas pas/ gnas thams cad yang dag par bcom par gyur cig /de ltar byang chub sems dpa' sems dpa' chen po ni/ dge ba'i rtsa ba de 
dag 'di ltar ci nas kyang / 'khor ba'i rgyud du chud zos par mi 'gyur ba dang / ci nas kyang thams cad mkhyen pa nyid du/ sems bskyed pa chud zos par mi 'gyur ba dang / ci nas kyang srid pa'i 'du 'dzis chud zos par mi 'gyur 
ba dang/ ci nas kyang sems can gyi khams thams cad bsgral ba dang / ci nas kyang skye ba dang / 'chi 'phos skyon du mi 'gyur ba dang / ci nas kyang chags pa myed pa'i ye shes kyi sgo stor bar mi 'gyur ba dang / ci nas kyang byang chub sems 
dpa'i spyod pa gcig nas gcig tu brgyud pa'i rgyu zad par mi 'gyur ba dang / ci nas kyang 'jig rten gyi chos kyis kun tu blangs par mi 'gyur ba dang / ci nas kyang pha rol tu phyin pa rnams kyis rnam par dag par 'gyur ba dang / ci nas kyang 
thams cad mkhyen pa'i stobs phun sum tshogs par 'gyur bar yongs su bsngo ste/ de ltar byang chub sems dpa' sems dpa' chen po/ byang chub sems dpa'i sems bskyed pa mun pa med pa dang ldan pa ni/ chos dkar po snang bar gyur </font><hr>35-1-390b<br><font size=+1>
pas/ nye bar brtan cing yongs su bsngo ba'i mchog skyes bu dam pas spyad pa dang ldan pa dang / yongs su dag pa'i yid kyis yang dag par rtog pa dang / sems dang 'dra ba'i chos thams cad la zhugs pa dang / sgyu ma dang 'dra ba'i las 
yongs su shes pa dang / mig yor lta bu'i las kyi rnam par smin pa la mos pa dang / sprul pa lta bu'i mngon par 'du byed pa la gnas pa dang / sgra brnyan lta bu'i las la rten pa dang / grib ma lta bu'i byang chub sems dpa'i spyod pa'i rjes su song 
ba dang / chags pa med pa'i chos kyi mig rab tu skyes pa dang /bya ba med pa 'byam klas pa'i rjes su song ba dang / zhi ba'i rigs rab tu thob pa dang / gnyis su med pa dang ldan pa'i 'dus byas dang / 'dus ma byas kyi chos thams 
cad la rab tu zhugs pa dang / chos ma nor ba'i mtshan ma thob par bya ba dang / byang chub sems dpa'i spyod pa thams cad kyi rjes su song ba dang / mtshan ma thams cad la zhen pa med pa dang / thun mong gi las la mkhas pa'i rjes su song 
ba dang / chos dkar po thams cad rgyun ma chad pa dang / chags pa thams cad kyis mngon par ma zhen pa dang / chags pa med par 'gro ba la rten pa dang ldan pa yin te/ de ltar byang chub sems dpa' sems dpa' chen po shin tu bsam pa'i 
blo dang ldan pa/ dge ba'i rtsa ba la rmongs pa med pa/ chos thams cad dang 'gal ba med pa'i chos can rgyu dang las dang bya ba dang / 'gal ba med pa yang dag par mthong ba yongs su bsngo ba la mkhas pa/ ngo bo nyid kyi chos kyi tshul dang 
las rnam par smin pa mngon par bsgrubs pa'i/ pha rol tu phyin pa chos thams cad la rnam par lta zhing / rnam par dpyod pa'i ye shes dang ldan pa/ yongs su bsngo ba'i ye shes chen po mngon par shes pa la shin tu rig pa'i dge ba'i rtsa ba dang </font><hr>35-1-391a<br><font size=+1>
ldan pa/ mngon par 'du bya ba med par spyod pa'i sems dge ba'i rtsa ba dang ldan pa/ de dge ba'i rtsa ba de dag 'di ltar ci nas kyang / 'gro ba thams cad yongs su dgrol ba dang / sangs rgyas kyi rigs bdud kyi las dang bral 
ba/ las kyi rnam par yongs su byang ba'i bdag nyid can thams cad mkhyen pa nyid du mos shing / rjes su song ba'i sems dang ldan par 'gyur bar yongs su bsngo'o/ /bsngo ba de yang tshad med pa'i ye shes khong du chud par bya ba'i phyir yang dag par mthong 
bar byed de/ dge ba'i rtsa ba de dag 'jig rten gyi yul dang rnam par bral ba nyon mongs pa thams cad dang rnam par bral bar yongs su bsngo'o/ /sems can thams cad shin tu rnam par byang ba'i phyir yang yongs su bsngo ste/ ye shes rnam par dag pa'i mthar 
thug par zab pa'i tshul gyis/ dge ba'i rtsa ba de dag ci nas kyang 'khor ba'i chos kyis mi bskyod cing / sangs rgyas kyi dge ba mngon par 'byung bar sems bskyed pa dang ldan par yongs su bsngo'o/ /dge ba'i rtsa ba de dag yongs su bsngo ba'i tshe 
yang bdud kyi las thams cad las rnam par bzlog ste/ chos mnyam pa nyid kyi rgya yongs su bsngo ba'i ye shes kyi rjes su song ba las rgyas 'debs par byed do/ /dge ba'i rtsa ba de dag thams cad mkhyen pa nyid kyi longs spyod kyi phyir yang / chos thams 
cad 'jig rten las 'das par khong du chud pa'i yongs su bsngo bas yongs su bsngo'o/ /de ltar byang chub sems dpa' sems dpa' chen po dge ba'i rtsa ba de dag yongs su bsngo ba ni/ thams cad mkhyen pa'i theg pa'i dkyil 'khor yongs su grub pas/ 'gyod 
pa med pa'i dge ba'i rtsa ba dang ldan pa yin te/ kye rgyal ba'i sras dag /'di ni byang chub sems dpa' rnams kyi yongs su bsngo ba mi phyed pa dang ldan pa zhes bya ba ste gnyis pa'o/ /yongs su bsngo ba de dang ldan pa'i byang chub sems dpa' ni dge ba'i </font><hr>35-1-391b<br><font size=+1>
rtsa ba thams cad yongs su bsngo zhing / sangs rgyas grangs med pa mngon sum du bya ba thob par 'gyur ro/ /chos brjod du med pa yongs su dag pa yang yongs su rdzogs par byed de/ sems can thams cad mnyam pa nyid kyang khong du chud par byed do/ /
chos thams cad la 'jug pa rmongs pa med pa la yang rab tu 'jug go /sangs rgyas thams cad kyi byin gyi rlabs/ bdud kyi las thams cad rab tu 'joms pa yang yongs su sgrub bo/ /mngon par skyes pa'i byang chub kyi sems kyang 
yongs su rdzogs par 'grub par 'gyur ro/ /chags pa med pa la rab tu 'jug pa'i phyir/ gzhan gyi dring mi 'jog pa yang yang dag par 'grub bo/ /chos thams cad kyi don mthong ba yang rab tu 'thob bo/ /sangs rgyas kyi zhing thams 
cad rjes su song ba'i 'du shes kyi gnas kyang rab tu rtogs par byed do/ /'gro ba thams cad yongs su snang bar bya ba'i yongs su dag pa'ang yongs su sgrub bo/ /de nas byang chub sems dpa' rdo rje'i rgyal mtshan gyis/ sangs rgyas kyi byin 
gyi rlabs kyis/ phyogs bcur rnam par bltas te/ de'i tshe tshigs su bcad pa 'di dag smras so/ /de dag yid ni dbye ba med bsgyur cing / /ji snyed las rnams yang dag rtsom byed kun/ /ci nas rgyal ba mngon par mnyes 'gyur 
ba/ /de ltar 'jig rten mkhas la yongs su bsngo bar byed/ /sangs rgyas bsam du med pa bsnyen bkur cing / /sbyin dul sdom pa mchog gi tshul khrims rnams/ /ci nas 'gro kun rnam par dag 'gyur ba/ /de ltar 'jig rten phan phyir yongs su bsngo/ /
ji snyed 'di ni spos kyi gzhal med khang / /me tog rnam pa na bza'i rnam pa dang / /lhab lhub rnam pa gdugs kyi rnam pa dag /des ni ye shes mkhas la bsnyen bkur byed/ /de ltar skyes bu'i seng ge drang srong rnams/ /bskal pa bsam yas bsnyen </font><hr>35-1-392a<br><font size=+1>
cing bkur byas kyang / /rgyal ba skyes bu 'dul ba mchod byas pas/ /nam yang ngoms par tshor bar myi 'gyur ro/ /de dag rgyal ba kun la mos byed cing / /phyogs rnams kun gyi 'jig rten sgron ma rnams/ 
mi yi seng ge mtshungs med ji snyed du/ /'jig rten phyogs bcu dag na bzhugs par mthong / /bskal pa bsam gyis myi khyab rnam mang du/mi ngoms yid kyis sbyin pa gtong byed cing / /dge ba de la rjes su sems byed pas/ /bskal 
pa brgyar yang ngoms par mi tshor ro/ /'gro ba'i 'du shes rnam rtog rab shes kyang / /de la de ni mi rtog rnam mi rtog /de dag 'gro ba'i dbang po ma lus shes/ /de dag phan phyir rtag tu 'jug par byed/ /de dag dga' zhing mnyam par 
gzhag pa'i sems/ /dad pa 'od gsal sri zhu ldan pa rnams/ /bsam yas bskal par 'jig rten 'gro phan phyir/ /yongs su dgrol ba'i sems kyis spro bar byed/ /de dag bde gshegs mya ngan 'das pa las/ /sna tshogs rnam 
pa tha dad yid 'ong ba'i/ /mchod rten bsam gyis mi khyab rtsig byed cing / /mchod pa byed kyang nam yang tshim pa med/ /mtshungs med de dag sku gzugs rnam dag pa/ /rab tu 'od 'bar gser gyi snying po can/ /rgyal ba'i sku gzugs 
ri rab mnyam pa dag /bye ba brgya phrag mtha' yas rab tu byed/ /zil non dam pa rnyed pa de dag ni/ /bsod nams yangs pa'i stobs de sgrub pa na/ /de dag yongs bsngo'i shes pa rab rtogs shing / /dngos dang dngos med thams cad 
rab tu bsgom/ /'di 'dra'i ye shes tshul la yongs bsngos pas/ /de phyir 'khor bas zad par mi 'gyur te/ /chos nyid ye shes mchog dang dam pa dag /de la chos rnams skye ba gang yang myed/ /des ni 'jig rten mkhyen pa rnam dag </font><hr>35-1-392b<br><font size=+1>
ltar/ /sems kyang rab tu rnam par dag par 'gyur/ /des ni mi zad mthar phyin tshul rtogs pa'i/ /'dus byas bsod nams zad par 'gyur ba med/ /gang rnams byang chub sems dang ldan 'gyur cing / /'jig rten kun la gnas 
pa med pa dag /'gro ba kun la chags pa med pa yin/ /phyogs rnams kun tu'ang mtha' yas rab tu 'gro/ /gang gis mi yi dbang po kun 'byung ba/ /de 'dra'i sems su yongs su bsngo ba byed/ /'gro ba thams cad sems dang mnyam 
rtogs kyang / /'gro ba kun tu sems ni dmigs pa med/ /de dag dngos po thams cad ma lus par/ /chos rnams dngos med ji bzhin 'jug pa byed/ /ci nas 'jig rten lam du nyams med par/ /rnam dag mig can yongs 
su bsngo ba byed/ /des ni srid rnams yongs su dag par bsngo/ /dngos su srid la rtog par mi byed de/ /dngos dang dngos med tshul ni shes byed cing / /'od gsal dang bas sems kyang tshim par byed/ /sangs rgyas zhing gcig 
gnas par mi byed de/ /zhing rnams ma lus kun la'ang gnas mi 'cha'/ /'dus byas chos kyis snyems par mi byed de/ /de dag rang bzhin la'ang mi gnas so/ /ci nas rgyal ba kun gyi kun mkhyen dang / /ci nas bla med 
sangs rgyas rgyan thob cing / /ci nas rgyal ba thams cad mnyes 'gyur ba/ /de ltar de dag las ni yongs su bsngo/ /ye shes dam pa'i rnam pa tshul shes pa/ /de dag rkang gnyis dam pa dran byed cing / /de 'dra'i chos 
rnams gnas med rab shes pas/ /de 'dra'i bsod nams gnas pa med par 'gyur/ /de dag 'gro ba kun gyi skyabs yin te/ /las kyi mtha' rnams thams cad rnam par sbyangs/ /'gro ba kun la phan dang bde sems kyis/ /</font><hr>35-1-393a<br><font size=+1>
'jig rten yongs su spang ba gang yang med/ /chos dang bar du mya ngan 'da' ba dag /gang phyir gzhan min 'grangs pa'i sa la srung / /gang gis rgyal 'gyur sangs rgyas gyur pa'i rnams/ /de ltar dge ba 
de dag yongs su bsngo/ /'jig rten 'gro ba'i rgyud la rlom sems med/ /'dus byas rnams la'ang de dag chags pa med/ /tshig gi lam la de dag gnas pa med/ /tshig med lam la'ang nams kyang mi gnas 
so/ /chos rnams thams cad ma lus bsdu mdzad de/ /mi yi dam pa sangs rgyas ji snyed pas/ /'gro rgyud thams cad rnam par phye bas mkhyen/ /thugs kyis rnam par dbye dang rtog mi mnga'/ /rgyan 
gcig las ni rgyan rnams kun 'byin kyang / /rnam par rtog pa'i chos su mi byed de/ /de dag thams cad dngos med spyod med par/ /'jig rten rtog pa med par rab tu shes/ /mi phyed pa dang ldan pa zhes bya ba ste 
yongs su bsngo ba gnyis pa'o// //
// // // //</font><hr>36-1-1b<br><font size=+1>
@##/ /sangs rgyas phal po che zhes bya ba shin tu rgyas pa chen po'i mdo//bam po dang po'o/ /kye rgyal ba'i sras dag byang chub sems dpa' sems dpa' chen po rnams kyi yongs su bsngo ba 
sangs rgyas thams cad la yang dag par bskyed pa zhes bya ba gsum pa gang zhe na/ kye rgyal ba'i sras dag  /'di la byang chub sems dpa' sems dpa' chen po 'das pa'i sangs rgyas bcom ldan 'das rnams 
kyi yongs su bsngo ba la yang rjes su slob bo/ /ma byon pa'i sangs rgyas bcom ldan 'das rnams kyi yongs su bsngo ba la'ang rjes su slob bo/ /da ltar byung ba'i sangs rgyas bcom ldan 'das rnams kyi yongs su 
bsngo ba la'ang rjes su slob bo/ /de byang chub sems dpa'i spyad pa spyod pa'i tshe/ mi mthun pa ma yin zhing yid du 'ong ba'am/ mi mthun pa ma yin zhing yid du 'ong bar reg pa'am/ mi mthun pa ma yin 
zhing yid du 'ong ba'i chos sam/ mi mthun pa ma yin zhing kha na ma tho ba myed pa rnam par dag pa/ dge ba yangs pa/ 'od gsal ba/ gang gis yid dga' ba skye zhing bde bar 'gyur ba/ dang ba skye ba/</font><hr>36-1-2a<br><font size=+1>
dga' ba skye ba/ rab tu dga' bar gnas pa/ spro ba rab tu 'byung ba yid mi bde ba rnam par bzlog pa/ sems bde bar 'gyur ba/ nyams dga' bar 'gyur ba/ bsam pa 'jam par 'gyur ba dang / dbang po sim par 'gyur ba'i 
gzugs gang ji snyed yod pa de dag thams cad mthong bar gyur te/ de bde ba'i 'du shes de dag mthong ba'i tshe/ 'di ltar yongs su bsngo ste/ bdag gi bde ba yongs su bsngo ba 'dis sangs rgyas bcom ldan 'das de dag sangs rgyas kyi rnam par spyod pa'i bde ba bsam 
gyis mi khyab pa dang / phyi phyir zhing yang ldan par gyur cig /sangs rgyas kyi ting nge 'dzin gyi bde ba mtshungs pa myed pas yang dag par gzung bar gyur cig /sangs rgyas kyi thugs rje chen po'i bde ba mtha' yas pa phyir zhing yang shin tu brtan par gyur cig 
sangs rgyas kyi rnam par thar ba'i bde ba tshad med pa dang yang dag par ldan par gyur cig /sangs rgyas kyi cho 'phrul tshad myed pas shin tu gzung bar gyur cig /sangs rgyas kyi khyu mchog gi mthu phyung ba'i bde ba rnyed par dka' bas shin tu khyab par gyur cig /sangs 
rgyas kyi stobs kyi bde ba tshad myed pas shin tu bde bar gyur cig /tshor ba thams cad zhi zhing skye ba med pa'i bde bas 'gyur ba med par bde bar gyur cig /chags pa med par gnas pa rtag tu mnyam par gzhag pa'i de bzhin gshegs pa'i bde ba gnyis su med cing 
yang dag par spyod pas 'khrug pa myed pa'i bde bar gyur cig ces de ltar byang chub sems dpa' sems dpa' chen pos dge ba'i rtsa ba de dag de bzhin gshegs pa rnams la yongs su bsngos nas/ byang chub sems dpa' rnams la yongs su bsngo ba byed de/</font><hr>36-1-2b<br><font size=+1>
'di ltar bsam pa yongs su ma rdzogs pa rnams kyi bsam pa yongs su rdzogs par 'gyur ba'i phyir yongs su bsngo'o/ /lhag pa'i bsam pa yongs su ma dag pa rnams yongs su dag par bya ba dang / pha rol tu phyin pa yongs su ma rdzogs pa thams cad yongs su rdzogs 
par bya ba dang / byang chub kyi sems rdo rje lta bu shin tu brtan par bya ba dang / thams cad mkhyen pa'i go ca phyir mi ldog pa rgyun mi 'chad par bya ba dang / byang chub tu gzhol ba'i dge ba'i rtsa ba rnams yongs su bsrung ba dang / 'gro ba thams cad dang mnyam pa'i byang chub kyi sems 
bskyed pa'i smon lam yongs su rdzogs par bya ba dang / byang chub sems dpa' thams cad kyi rnam par spyod pa thob par bya ba dang / byang chub sems dpa'i dbang po thams cad kyi mngon par shes pa shin tu rno bar bya ba dang / byang chub sems dpa' thams cad kyi dge ba'i rtsa ba 
thams cad mkhyen pa nyid du thug par 'gyur bar bya ba'i phyir yongs su bsngo ste/ de ltar dge ba'i rtsa ba de dag thams cad byang chub sems dpa' rnams kyi don du yongs su bsngo'o/ /de yang dge ba'i rtsa ba chung ngu na se gol gtogs pa tsam du sangs rgyas zhi ba'i sgra thos sam/ chos 
nyan tam/ 'phags pa'i dge 'dun bsnyen bkur byed dam/ gang ci yang rung ste/ dge ba'i rtsa ba de dag sems can thams cad la bar chad med par yongs su bsngo'o/ /sangs rgyas rjes su dran pa yongs su rdzogs par yongs su bsngo'o/ /chos rjes su dran pa rab tu sbyor 
bar yongs su bsngo'o/ /'phags pa'i dge 'dun rim gro bya bar yongs su bsngo'o/ /sangs rgyas mthong ba dang mi 'bral bar yongs su bsngo'o/ /sems rnam par dag par yongs su bsngo'o/ /sangs rgyas kyi chos khong du chud par yongs su bsngo'o/ tshad myed 
ba'i yon tan la rab tu 'jug pa'i phyir yongs su bsngo'o/ /mngon par shes pa dang dge ba'i rtsa ba rnam par dag pa'i phyir yongs su bsngo'o/ /chos kyi the tsom rnam par bstsal ba'i phyir yongs su bsngo'o/ /ji ltar nyan thos dang / rang sangs rgyas rnam par dag pa </font><hr>36-1-3a<br><font size=+1>
bstan pa la spyod pa'i sems can rnams la yongs su bsngo ba de bzhin du/ byang chub sems dpa' sems dpa' chen po de dge ba'i rtsa ba de dag sems can thams cad la 'ang yongs su bsngo ste/ 'di ltar sems can dmyal ba'i lam rnam par bzlog pa'i 
phyir yongs su bsngo'o/ /byol song gi skye gnas rgyun gcad pa'i phyir yongs su bsngo'o/ /gshin rje'i 'jig rten rtsa ba nas 'chad pa'i phyir yongs su bsngo'o/ /ngan song gi rgyud thams cad ma lus par rgyun gcad pa'i phyir yongs su bsngo'o/ /sems can de dag thams 
cad kyang bla na myed pa'i byang chub tu mos shing phyir mi ldog pa'i phyir yongs su bsngo'o/ /lhag pa'i bsam pas thams cad mkhyen pa nyid du sems bskyed pa rab tu thob par bya ba'i phyir yongs su bsngo'o/ /sangs rgyas kyi chos thams cad mi spang ba'i phyir yongs su bsngo'o/ /
thams cad mkhyen pa'i sa shin tu bde ba thob par bya ba'i phyir yongs su bsngo'o/ /sems can thams cad shin tu rnam par dag par bya ba'i phyir yongs su bsngo'o/ /sems can thams cad ye shes mtha' yas pa khong du chud par bya ba'i phyir yongs su bsngo'o/ /byang chub sems 
dpa' ni dge ba'i rtsa ba gang yang rung ste/ byang chub tu dmyigs pa dang ma bral ba'i sems dang / thams cad mkhyen par dmyigs pa la brtson pa'i yid la byed pa dang / bdag gdul ba dang pha rol gdul ba la gzhol ba'i lhag pa'i bsam pa dang / bdag dang gzhan yongs 
su smyin par sbyor ba'i thabs mkhas pa dang / byang chub sems dpa'i tshul dang ye shes kyi rjes su 'brang bas yongs su smin par byed pa'i rnam par thar ba dang / sems bskyed pa gnas pa med pa dang / 'grogs pa'i mnyam par gzhag pa dang / sngon snying rje chen po bskyed pas khyim 
na gnas pa dang / byams pa'i sems dang ldan pas rang gi chung ma'i rjes su 'brang ba dang / sbyor ba nyams pa myed pa dang / byang chub sems dpa'i lam shin tu rnam par dag pas brtson pa dang / yang dag par brtson pa dang / sgrub pa dang / yang dag par sgrub pa dang /</font><hr>36-1-3b<br><font size=+1>
skyed pa dang yang dag par skyed pa dang / dmyigs pa chen pos yang dag par sdud pa dang / grub par byed pa dang / rgya cher byed pa dang / yongs su rdzogs par byed pa dang / khyim na gnas pa dang / bu dang 'grogs shing gnas pa na 'di ltar yongs su bsngo ste/ byang 
chub sems dpa' khyim na gnas pa'i tshe gang ci yang rung ste/ gos dang zas dang mal stan dang / nad kyi rkyen sman dang / yo byad dang 'gro ba dang 'ong ba dang / spyod pa dang ldan pa dang / stan pa dang / skye mched 'byung ba'i las dang / spyod lam la gnas pa dang / spyod lam 
brtul ba dang / lus dang ngag gi las spyod pa dang / dbang po drug bsdams pa dang / rang gi lus phyi ba dang / mnye ba dang / khrus byed pa dang / zos pa dang / 'thungs pa dang / 'chos pa dang / myangs pa dang / brkyang ba dang / brkum pa dang / lta ba dang / kun 
tu lta ba dang / log pa dang / sad pa dang / rang gi lus brten par bya ba/ de dag thams cad byang chub sems dpa' thams cad mkhyen pa'i sems dang ldan pa/ thams cad mkhyen par dmyigs pa la brtson pa/ sems can thams cad la phan pa dang / bde bar sems pa/ 
byang chub tu smon lam tshad med pa btab pa sems tshad myed pa dang ldan pa/ dge ba'i rtsa ba rgya chen po yongs su sdud pa/ 'gro ba thams cad bskyab par brtson pa/ dge ba'i rtsa ba la rtag tu brtson pa/ rlom pa dang bag myed pa rnam par bzlog pa/ thams cad mkhyen pa'i chos nyid 
la rab tu brten pa/ rnam par shes pa dang sems bskyed pa dang / yid la byed pa gzhan med pa/ sangs rgyas thams cad kyi byang chub la mngon par gnas pa nyon mongs pa'i phyogs thams cad las phyir phyogs pa/ byang chub sems dpa' thams cad kyi bslab pa la slob pa'i 
sems dang ldan pa/ thams cad mkhyen pa'i lam nyams pa myed pa/ ye shes kyis la rten pa/ bstan pa'i gnas dang ldan pa/ dge ba'i rtsa bas shes rab che ba/ bung ba bzhin du dge ba'i rtsa ba'i tshogs chen po stsogs pa/ 'gro ba thams cad las rgyud shin tu 'phags pa/ 'du byed </font><hr>36-1-4a<br><font size=+1>
la mngon par zhen pa myed pa/ de bzhin gshegs pa thams cad kyi gdams ngag 'thun par 'dzin pas/ thams cad mkhyen pa nyid du ma bsngos pa gang yang med de/ de ltar byang chub sems dpa' sems dpa' chen po khyim na gnas pa'i tshe/ dge ba'i rtsa ba de 
dag yang dag pa sdud cing sgrub bo/ /yongs su bsngo ste de ltar de chung ngu na khyi'i lam gyi rgyud du gtogs pa dang / de ma yin pa'i byol song gi rigs su gtogs pa la zas sna 'ga' 'am/ kham 'ga' yongs su gtong ba byed kyang de thams cad de dag nyid la phan pa dang / de dag nyid la 
bde ba dang / byol song gi skye gnas de dag sdug bsngal gyi rgya mtsho de dag dang / sdug bsngal gyi rgyud de dag dang / sdug bsngal gyi phung po de dag dang / sdug bsngal gyi tshor ba de dag dang / sdug bsngal gyi bstsags pa de dag dang / sdug bsngal mngon par 'du byed pa de dag 
dang / sdug bsngal gyi gter de dag dang / sdug bsngal gyi rtsa ba de dag dang / sdug bsngal gyi skye mched de dag nas sems can de dag yongs su sgrol zhing rnam par bzlog pa'i phyir yongs su bsngo'o/ /de la dmyigs pas sems can thams cad mngon du byed do/ /dmyigs par 
byed do/ yid la byed do/ /dge ba'i rtsa ba de dang de dag la yang sngon du 'gro bar byed do/ /'di ltar thams cad mkhyen pa nyid du yongs su bsngo'o/ /byang chub tu sems bskyed pas yongs su 'dzin to/ /dge ba'i rtsa ba de dag la nye bar 'jog go /'khor ba'i dgon pa las rnam 
par bzlog go /sangs rgyas kyi bde ba bsgribs pa med pa yang mngon du byed do/ /'khor ba'i rgyud las 'byin par byed do/ /sangs rgyas kyi chos la brtson pa'i byams pas kyang yongs su rgyas par byed do/ /snying rje chen pos kyang de dag la snying brtse bar byed de/ bde ba rnam par 
dag pa yang de dag la yongs su bsngo'o/ /dge ba'i rtsa ba yongs su bsrung bar bya ba'i phyir yang rab tu 'jug ste/ de dag sangs rgyas kyi chos la nye bar sdud do /de dag bdud kyi yul las rnam par bzlog go/ /de dag de bzhin gshegs pa'i yul la 'jug par byed do/ /</font><hr>36-1-4b<br><font size=+1>
de dag 'jig rten kyi rgyud thams cad las gyen du skyod par byed do/ /de dag de bzhin gshegs pa thams cad kyi rigs la yang dag par bsgrub par byed do/ /de dag dus gsum mnyam pa nyid la rab tu gzhog ste/ de ltar byang chub sems dpa' dge ba'i rtsa ba gang ci yang rung ste/ 
yang dag par bsgrubs pa dang / yang dag par bsgrub pa dang / yang dag par bsgrub par 'gyur ba de dag thams cad 'di ltar yongs su bsngo ste/ 'di snyam du sems ba med de/ ji ltar 'das pa'i sangs rgyas rnams kyis sngon byang chub sems dpa'i spyad pa spyod cing sangs rgyas la rim gro mdzad pa'i dmyigs pa dang / 
dge ba'i rtsa ba thams cad kyi dmyigs pa la brtson par mdzad pa'i tshe/ gzugs la gnas pa myed pa dang / tshor ba la mngon par ma chags pa dang / 'du shes kyi rnam pa phyin ci log med pa dang 'du byed mngon par 'du bya ba myed pa dang / rnam par shes pa mngon par chags pa myed 
pa dang / skye mched drug las gyen du 'phags pa dang / 'jig rten gyi chos dang mi 'grogs pa dang / 'jig rten las 'das par yongs su bsngo ba dang / nam mkha' lta bu'i chos 'byam klas pa rab tu mkhyen pa dang / chos thams cad gnas med par rab tu rtogs pa dang / chos 
thams cad ma skyes pas 'byung ba dang / chos thams cad ma 'gags par gzigs pa dang / mi bden pa'i chos thams cad la mngon par chags pa las gyen du 'phags pa dang / chos thams cad mi brdzun zhing bden par gzigs pa dang / chos thams cad 'pho ba med pa la shin tu 
mos pa dang / chos thams cad kyi rang bzhin yang dag pa'i mtha' mnyam pa la gnas pa dang / chos thams cad mtshan nyid med pa'i mtshan nyid las shin tu 'phags pa dang / chos de lta bu'i mtshan nyid can thams cad rang bzhin myed pa'i rang bzhin du rtogs pa dang / sgo kun nas dge ba'i rtsa ba yang 
dag par bsgrub pa la brtson pa dang / de bzhin gshegs pa'i dkyil 'khor gyis gzigs pa thams cad la shin tu gzhol bas/ dge ba'i rtsa ba de dag yongs su bsngos pa de bzhin du bdag gis kyang chos nyid de dag kho na la mos par bya ste/ chos de lta bu la brtson pa'i sems </font><hr>36-1-5a<br><font size=+1>
bskyed pa/ chos thams cad dang mi 'gal ba/ sgyu ma lta bu'i chos las byung ba/ myig yor dang chu zla lta bu'i rjes su song ba dang / me long gi dkyil 'khor la gdong gi dkyil 'khor yod pa lta bu'i rgyud dang ldan pa'i las kyi mthu dang / de bzhin 
gshegs pa'i sa'i mthar phyin par las kyi rgyu yongs su shes pas yongs su bsngo'o/ /zhes sems bskyed de/ de ltar byang chub sems dpa' sems dpa' chen po rnams 'das pa'i sangs rgyas bcom ldan 'das rnams kyi rjes su slob cing dge ba'i rtsa ba de dag yongs su bsngo'o/ /
'das pa rnams la ji lta ba de bzhin du ma byon pa dang / de bzhin du da ltar byung ba dang / de bzhin du 'das pa dang / ma byon pa dang / da ltar byung ba'i sangs rgyas bcom ldan 'das rnams kyi yongs su bsngo ba'i rjes su bslabs te/ dge ba'i rtsa ba de dag yongs su bsngo'o/ /
yang 'di ltar sems bskyed de/ sangs rgyas bcom ldan 'das de dag gis byang chub sems dpa' dge ba'i rtsa ba 'di ltar yongs su bsngo'o/ /zhes bya bar thugs su chud pa de lta bu'i bsngo ba rab dam pa mchog /bla na med pa mnyam pa myed pa/ mi mnyam pa dang mnyam 
pa/ 'dra ba myed pa/ mtshungs pa myed pa/ gtso bor gyur pa/ thu bor gyur pa/ kun tu snyoms pa/ myi mnyam pa myed pa/ bdag nyid che ba shin tu yangs pa/ dge ba rnam par dag pa kha na ma tho ba myed pa/ brjod du med pas yongs su bsngo'o snyam du sems bskyed de/ 
byang chub sems dpa' dge ba'i rtsa ba de ltar yongs su bsngo ba ni lus kyi las rnam par dag pas lus rnam par dag pa yin/ ngag gi las rnam par dag pas ngag rnam par dag pa yin/ yid kyi las rnam par dag pas yid rnam par dag pa yin/ kha na ma tho ba med pa la gnas pas 
byang chub sems dpa'i spyod pa la gnas pa yin/ kha na ma tho ba med pa'i las dang ldan pas dge ba'i rtsa ba la brtson pa yin/ thams cad mkhyen pa nyid la rab tu brtson pas sems nyams pa med pa yin/ chos thams cad byed pa med pa la zhugs pas shin tu che ba la </font><hr>36-1-5b<br><font size=+1>
gnas pa yin/ 'jig rten gyi chos kyis ma gos pas 'jig rten las 'das pa'i chos dang 'byor pa yin/ ye shes dang ldan pa'i mngon par shes pa'i las dang ldan pas las 'byam klas pa mtha' dang dbus med pa thams cad rab tu shes pa yin/ gnas pa thams cad 
yang dag par bcom pas yongs su bsngo ba la mkhas pa yin te/ kye rgyal ba'i sras dag /'di ni byang chub sems dpa' sems dpa' chen po rnams kyi yongs su bsngo ba gsum pa sangs rgyas thams cad la yang dag par bskyed pa zhes bya ba ste bsngo ba de la gnas pa'i sems dang ldan 
pa'i byang chub sems dpa' sems dpa' chen po ni/ de bzhin gshegs pa'i phrin las kyi zil dang ldan pa yin/ sangs rgyas kyi phun sum tshogs pa la zhugs pa yin/ ye shes kyi yul la zhugs pa yin/ byang chub sems dpa'i las dang ma bral ba yin/ thabs mkhas pa rnam 
par dpyod pa la mkhas pa yin/ chos kyi dbyings la rab tu zhugs pa yin/ byang chub sems dpas yongs su smyin par bya ba'i phyir/ mtshams sbyor ba la mkhas pa dang ldan pa yin/ de bzhin gshegs pa thams cad kyi rigs dang rgyud du chud pa yin/ chos thams cad kyi rgyus 
mtha' dang dbus med pa la mkhas pas rab tu dbye bar khong du chud pa yin/ 'jig rten du skye bar snang yang 'jig rten gyi chos kyis mi brjod pa yin no/ /de nas byang chub sems dpa' rdo rje'i rgyal mtshan gyis/ sangs rgyas kyi byin gyi rlabs kyis phyogs bcur rnam par 
bltas te/ de'i tshe tshigs su bcad pa 'di dag smras so/ /de dag bsngo ba bslab pa bslabs pa ste/ /skyes bu'i gtso bo ji snyed 'das pa dang / /gang dag ma byon gang dag bzhugs pa rnams/ /de dag spyod pa rjes su dpa' ba slob/ bde ba ji snyed gang dag rgyu ba dang / /
skyes bu'i gtso bos gang dag rab bsngags pa/ /myig du 'ong zhing dag pa rgya chen rnams/ /'jig rten mkhyen pa rnams la yongs su bsngo/ /lus kyi bde ba gang dag shes pa dang / /myig bde de bzhin rna ba'i bde ba dang / /sna dang lce yi bde ba mtha' yas pa/ /de dag rgyal ba </font><hr>36-1-6a<br><font size=+1>
kun la yongs su bsngo/ /'gro ba kun na dge ba gang yod pa/ /skyes bu 'dul bas thugs su chud pa rnams/ /de dag thams cad ma lus bsdu byas te/ /'jig rten phan phyir de la rjes su dga'/ /'jig rten mkhyen pa'i de la dgar byas nas/ /skyes 
bu'i seng ge'i bde ba gang mnga' ba/ /de 'dra'i bde dang 'gro ba ldan gyur ces/ /'gro ba kun la de dag bsngo ba byed/ /'jig rten dag na bde 'gyur gang yod pa/ /skyes bu dam pas thugs su chud pa rnams/ /bde ba de dang 'gro kun ldan 'gyur te/ /'jig rten sgron 
ma bzhin du kun gyur cig /bde ba de dag yongs su bsngo byed kyang / /mtshungs med rtag tu 'gro phan byed pa dag /sems can phan par rtag tu zhugs pa rnams/ /yongs su bsngo bas rlom sems nam yang myed/ /de ltar de dag yongs su bsngo ba na/ /tshe rabs skyes bu 
seng ge ci 'dra ba/ /de 'dra'i dam par bsod nams 'di gyur cig /snying rje chen pos sems kyang yongs su bskyed/ /'jig rten 'di na byang chub spyad spyod cing / /'gro ba dag tu ji ltar las bsgrubs pas/ /rgyal bas ji ltar mkhyen pa mtshungs med pa'i/ /bde ba kun dang 'bral bar ma gyur cig /gang yang 'gro ba kun na yod pa yi/ /skye mched bsdams pa yang dag skyes pa rnams/ /ye shes dang gis bslab ba slabs pa dag /skye dgu kun la phan phyir yongs su bsngo/ /lus dang ngag dang yid kyi las kyi rnams/ /gang yang 
rung ba'i lam la yod pa dag /ye shes dang gis bslab bya bslabs pa rnams/ /gti mug myed pas yongs su bsngo ba byed/ /ji snyed de dag rab tu spyod pa rnams/ /rgyal sras rnams kyi yang dag bsdu bya ba/ /de ni mtshungs med rgyal ba'i rjes su byung / /de dag zhi ba'i yid 
phyir yongs su bsngo/ /'jig rten thams cad ma lus bsdu byas te/ /'gro yangs 'di na ji snyed dge yod pa/ /bde ba de dang yongs su ldan pa'i phyir/ /de la de dag yongs su bsngo ba byed/ /bdag la bde ba nam yang mi tshol te/ /bde ba kun la'ang rtag par rab </font><hr>36-1-6b<br><font size=+1>
tu zhugs/ /spros pa rnams la nam yang mos pa myed/ /bdag med chos la 'ang rtag par 'jug pa yin/ /rgyal ba kun gyis ji snyed gzigs pa yi/ /rgyal sras ji snyed yod pa de dag phyir/ /myur du ma lus sangs rgyas gyur cig ces/ /bsod nams de dag yongs su 
bsngo ba byed/ /bdag gis legs bstsags las ni gang yod pa/ /de yis 'jig rten ma lus thams cad kyi/ /lam rgyud 'gro bar gtogs pa'i sems can rnams/ /de dag ma lus mi yi gtsor gyur cig /smon lam mang po ji snyed gang yod pa/ /mtshungs pa med pa'i 
rgyal bas bstan pa rnams/ /rgyal sras bsam pa yongs su grub gyur te/ /smon lam de dag rnam par dag gyur cig /'jig rten ji snyed las kyis rnam bris pa/ /phyogs na yod pa thams cad mthong nas kyang / /de dag yongs btsal bslab bya bslabs pa'i rnams/ /ma 
lus bsod nams thams cad yongs su bsngo/ /gnyis kyi chos kyis 'jal bar mi byed de/ /gnyis med chos ni de dag mngon par shes/ /gnyis su myed dang gnyis su myed pa la/ /rgyal sras de dag bsam pa mi rton to/ /'gro ba'i 'du shes rgyu ba ji snyed pa'i/ /ma lus 
'jig rten 'du shes 'jug byed kyang / /'gro ba'i 'du shes rgyu ba rab rtogs pas/ /'du shes yod myin 'du shes med mi 'gyur/ /de dag lus kyis yongs su dag gyur cig /de dag yid kyang yongs su dag pa yin/ /de dag ngag gis shin tu bsdams byas shing / /de dag 
yid kyis yongs su dag pa yin/ /de dag bde gshegs mya ngan 'das pa dran/ /ma byon sangs rgyas de dag rjes su sems/ /phyogs bcu dag na bzhugs pa'i sangs rgyas kyang / /de dag rjes slob chos rnams ston pa byed/ /dus gsum rgyal ba ye shes mkhas pa 
rnams/ /chags pa med pa'i thugs kyis ji lta bur/ /byang chub don phyir phrin las bsgrub mdzad pa/ /de dag 'jig rten phan phyir yongs su bsngo/ /mchog gi blo dang tshul khrims ldan pa'i blo/ /bden pa'i blo dang gzhan du mi 'gyur blo/ /yang dag blo dang rnam par </font><hr>36-1-7a<br><font size=+1>
dag pa'i blo/ /de 'dra'i blo yi dam pas yongs su bsngo/ /sangs rgyas thams cad la yang dag par bskyed pa zhes bya ba ste yongs su bsngo ba gsum pa'o/ /kye rgyal ba'i sras dag /byang chub sems dpa' sems dpa' chen po rnams kyi 
yongs su bsngo ba bzhi pa thams cad du rjes su song ba zhes bya ba gang zhe na/ /kye rgyal ba'i sras dag /'di la byang chub sems dpa' sems dpa' chen po dge ba'i rtsa ba la brtson par byed pa'i tshe/ dge ba'i rtsa ba de dag 'di ltar yongs su bsngo ste/'di ltar yang dag pa'i 
mtha' thams cad rjes su song zhing dngos po thams cad kyi rjes su song ba dang / 'gro ba thams cad kyi rjes su song ba dang / sems can thams cad kyi rjes su song ba dang / zhing thams cad kyi rjes su song ba dang / chos thams cad kyi rjes su song ba dang / nam mkha' thams cad 
kyi rjes su song ba dang / dus gsum thams cad kyi rjes su song ba dang / 'dus byas dang / 'dus ma byas thams cad kyi rjes su song ba dang / spyod pa'i sgra thams cad kyi rjes su song ba de bzhin du dge ba'i rtsa ba 'di yang dus gsum gyi sangs rgyas skye ba thams cad du 
rgyas par khyab par gyur cig /'das pa'i dus kyi sangs rgyas thams cad mchod cing bsnyen bkur ba'i rgyur gyur cig ma 'ongs pa'i dus kyi sangs rgyas thams cad kyi smon lam yongs su rdzogs pa'i rgyur gyur cig da ltar byung ba'i dus kyi 'jig rten gyi khams nam mkha'i dbyings 
kyis klas pa/ chos kyi dbyings kyi mthas gtugs pa/ lha rdzas dang / lha rdzas ma yin pa'i rim gro 'byam klas pa dang ldan pa/ sangs rgyas thams cad mngon du gyur pa'i sangs rgyas thams cad kyi 'khor gyi dkyil 'khor gyi rgyan gyi de bzhin gshegs pa thams cad kyi 
rgyan rnam par bkod pa'i rgyur gyur cig /blo bdag nyid che ba la mos shing shin tu yangs pa'i don du bsgribs pa med pa'i dge ba'i rtsa ba thams cad rgya cher yongs su bsngo ba'i phyir/ 'jig rten gyi khams mtha' dang dbus med pa thams cad sems bskyed pas rgyas par gyur cig /</font><hr>36-1-7b<br><font size=+1>
sangs rgyas bcom ldan 'das gang ji snyed chos kyi dbyings mtha' dang dbus med pa'i 'jig rten gyi khams dang / nam mkha'i dbyings 'byam klas pa la rab tu gnas pa'i 'jig rten gyi khams kyi rgyud dang / las gzhan dang gzhan gyis shin tu bsgrubs pa'i 
phyogs 'byam klas pa dang / 'jig rten gyi khams brjod du med par rnam par rgyu ba'i 'jig rten gyi khams dang / sangs rgyas kyi zhing brjod du med pa'i 'jig rten gyi khams kyi khongs mtha' yas pa dang / sangs rgyas kyi dmyigs pa la gnas pa'i 'jig rten gyi 
khams du ma dang / 'jig rten gyi khams sna tshogs 'byam klas pa dang / sa mtshams myed pa'i 'jig rten gyi 'khor dang snrel zhir rgyu ba'i 'jig rten gyi khams mngon par grub pa dang / spyi'u tshugs su rgyu ba'i phyogs kyi 'khor gyi rgyud kyi 'jig rten gyi khams 'byam 
klas pa dang / sems kyi 'khor mtha' dang dbus med pa'i 'jig rten gyi khams 'byam klas pa shin tu bstan pa thams cad ma lus pa de dag na bzhugs shing 'tsho ba dang / sangs rgyas kyi 'phrul pa dang / cho 'phrul yang dag par ston pa dang / byang 
chub sems dpa' de dag chos kyi dbyings ma lus pa dang / nam mkha'i dbyings su rtsa ba ma rnyed pa/ 'gro ba thams cad yongs su gzung bar bsgrub pa'i de bzhin gshegs pa'i byin gyi rlabs yang dag par ston pa dang / sangs rgyas kyi gzigs pa ye shes 
'byam klas pa'i mngon par shes pas thugs su chud pa/ rab tu brjod pa rnam par 'phrul pa mtha' dang dbus med pas rab tu byung ba/ chos thams cad kyi rang bzhin gyi rjes su song ba tha mi dad pa'i chos kyi dbyings gzhi mnyam pa la rab tu zhugs pa/ 
de bzhin gshegs pa'i snying po'i lus su gcig pa/ chos thams cad kyis rab tu zhugs pa med pa/ 'gro ba thams cad la yang dag par ston pas na phyir ldog pa med pa/ 'jig rten gyi khams thams cad mngon par bsgrub pa la mkhas pa thugs su chud pas </font><hr>36-1-8a<br><font size=+1>
thams cad mngon par mkhyen pa/ chos thams cad kyi rang bzhin gyis shin tu 'phags pa/ bsgribs pa med pa'i byin gyi rlabs kyis phyir mi ldog pa/ sangs rgyas kyi dge ba'i rtsa bas yang dag par byung ba'i phyir chags pa med par gzigs 
pa'i bdag nyid che ba can bzhugs pa'i de bzhin gshegs pa dgra bcom pa yang dag par rdzogs pa'i sangs rgyas de dag dang byang chub sems dpa' sems dpa' chen po de dag la me tog gam/ spos sam/ phreng ba 'am/ byug pa 'am/ gdugs sam/ rgyal mtshan nam/ ba dan 
nam/ rin po che'am/ me mar gyis de bzhin gshegs pa'i sku 'am/ mchod rten la 'ang rung ste/ dmyigs pa tshad med pas sbyar ba'i dge ba'i rtsa ba'i tshogs thams cad kyis dge ba'i rtsa ba gang dang gang bskyed kyang rung ste/ 'khrug pa med pa'i sems dang rtse gcig tu gyur pa 
med pa'i sems dang / g.yo ba med pa'i sems dang / rmongs pa med pa'i sems dang / myi sgul ba'i sems dang / gnas med pa'i sems dang / myi gnas pa'i sems dang / srog med pa'i sems dang / myi g.yeng ba'i sems dang / zhi ba'i sems su byas te/ 
'di ltar yongs su bsngo zhing / 'di snyam du dge ba'i rtsa ba 'di chos kyi dbyings shin tu bstan pas 'dus pa'i sangs rgyas thams cad mkhyen pa'i byang chub kyis 'dus pa'i mying mang po dang / tshig dang nges pa'i ngag mtha' yas pa dang / dus tha dad par mngon par 'tshang rgya ba'i/ 
de bzhin gshegs pa dang / phyi ma'i mthar thug pa'i bskal par byin gyis brlabs pa'i sku tshe'i tshad dang / mtha' dang dbus med par shin tu bstan pa'i sngon gyi mtha' dang phyi ma'i mtha' dang / da ltar byung ba'i yang dag par rdzogs pa'i byang chub kyis rgyas pa dang / chos 
kyi dbyings de bzhin gshegs pa'i 'byung gnas sangs rgyas thams cad kyi sku'i rgyan gyis brgyan pa'i sangs rgyas kyi zhing dang / chos kyi dbyings yongs su gang ba'i 'khor gyi dkyil 'khor du dus ji lta ba bzhin du yang dag par ston pa'i sangs rgyas 'byung ba'i de bzhin gshegs </font><hr>36-1-8b<br><font size=+1>
pa de dag gi spos kyi gdugs tshad med pa yongs su 'byung bar gyur cig spos kyi rgyal mtshan tshad myed pa yongs su 'byung bar gyur cig spos kyi ba dan tshad med pa yongs su 'byung bar gyur cig spos kyi gzhal med khang tshad myed pa yongs su 'byung bar gyur cig /spos 
kyi dra ba tshad myed pa yongs su 'byung bar gyur cig /spos kyi sku gzugs tshad med pa yongs su 'byung bar gyur cig spos kyi 'od tshad med pa yongs su 'byung bar gyur cig /spos kyi 'od gzer tshad myed pa yongs su 'byung bar gyur cig spos kyi sprin tshad myed pa 
yongs su 'byung bar gyur cig /spos kyi gdan tshad myed pa yongs su 'byung bar gyur cig /spos kyi 'chags tshad med pa yongs su 'byung bar gyur cig /spos kyi gtsug lag khang tshad med pa yongs su 'byung bar gyur cig spos kyi zhing tshad med pa yongs su 'byung bar gyur 
cig /spos kyi ri rab tshad med pa yongs su 'byung bar gyur cig spos kyi rgya mtsho tshad med pa yongs su 'byung bar gyur cig spos kyi chu glung tshad med pa yongs su 'byung bar gyur cig spos kyi shing tshad med pa yongs su 'byung bar gyur cig spos kyi na bza' tshad 
med pa yongs su 'byung bar gyur cig spos kyi pad mo tshad med pa yongs su 'byung bar gyur cig spos kyi pho brang tshad med pa yongs su 'byung bar gyur cig me tog gi gdugs dpag tu med pa yongs su 'byung bar gyur cig ces bya ba nas/ tshul de bzhin du me tog 
gi pho brang gi bar du dpag tu med pa yongs su 'byung bar gyur cig /phreng ba'i gdugs grangs med pa yongs su 'byung bar gyur cig ces bya ba nas/ phreng ba'i pho brang gi bar du grangs med pa yongs su 'byung bar gyur cig /byug pa'i gdugs bsam gyis mi khyab pa 
yongs su 'byung bar gyur cig ces bya ba nas/ byug pa'i pho brang gi bar du bsam gyis mi khyab pa yongs su 'byung bar gyur cig phye ma'i gdugs mtshungs pa myed pa yongs su 'byung bar gyur cig ces bya ba nas/ phye ma'i pho brang gi bar du mtshungs pa med par </font><hr>36-1-9a<br><font size=+1>
yongs su 'byung bar gyur cig na bza'i gdugs kun tu mtha' yas pa yongs su 'byung bar gyur cig ces bya ba nas/ na bza'i pho brang gi bar du kun tu mtha' yas pa yongs su 'byung bar gyur cig /rin po che'i gdugs kun tu 
mu med pa yongs su 'byung bar gyur cig ces bya ba nas/ rin po che'i pho brang gi bar du kun tu mu myed pa yongs su 'byung bar gyur cig /mar me snang ba'i gdugs gzhal du myed pa yongs su 'byung bar gyur cig /ces bya ba nas/ mar me snang ba'i pho brang gi bar 
du gzhal du med pa yongs su 'byung bar gyur cig lhab lhub kyi gdugs brjod du med pa yongs su 'byung bar gyur cig ces bya ba nas/ lhab lhub kyi pho brang gi bar du brjod du med pa yongs su 'byung bar gyur cig /nor bu rin po che'i gdugs brjod du med pa'i yang brjod du med pa 
yongs su 'byung bar gyur cig ces bya ba nas/ nor bu rin po che'i pho brang gi bar du brjod du med pa'i yang brjod du med pa yongs su 'byung bar gyur cig de bzhin du nor bu rin po che'i rgyal mtshan dang / nor bu rin po che'i ba dan dang /nor bu rin po che'i bla re dang / 
nor bu rin po che'i dra ba dang / nor bu rin po che'i sku gzugs dang / nor bu rin po che'i 'od dang / nor bu rin po che'i 'od gzer dang / nor bu rin po che'i sprin dang / nor bu rin po che'i gdan dang / nor bu rin po che'i 'chags dang / nor bu rin po che'i gtsug 
lag khang dang / nor bu rin po che'i zhing dang / nor bu rin po che'i ri rab dang / nor bu rin po che'i rgya mtsho dang / nor bu rin po che'i chu klung dang / nor bu rin po che'i shing dang / nor bu rin po che'i na bza' dang / nor bu rin po che'i pad mo dang / nor bu 
rin po che'i pho brang brjod du med pa'i yang brjod du med pa dag kyang kun nas gnas par gyur cig dmyigs pa re re la yang grangs med pa'i rgyan rnams kun nas gnas par gyur cig grangs med pa'i gtsug lag khang dag kun nas gnas par gyur cig </font><hr>36-1-9b<br><font size=+1>
grangs med pa'i khang pa brtsegs pa dag kun nas gnas par gyur cig grangs med pa'i rta babs dag kun nas gnas par gyur cig grangs med pa'i zla gam dag kun nas gnas par gyur cig grangs med pa'i rin po che'i pu shu dag kyang kun nas gnas 
par gyur cig grangs med pa'i rin po che'i skar khung rnam pa tha dad pa kun nas gnas par gyur cig rin po che'i kha dog rnam par dag pa grangs med pa kun nas gnas par gyur cig grangs med pa'i rgyan rnam pa'i mchog thams cad dang ldan pa thams cad 
dang / dpe med pa dag kun nas gnas par gyur cig 'jig rten gyi khams thams cad du ma lus par sangs rgyas kyi rim gro dang / rgyan rnam pa 'di lta bus rnam par dag par gyur cig sems can thams cad ma lus par stobs bcu'i sar 'byung bar gyur 
cig /sems can thams cad shes par bstan pa'i phyir/ chos thams cad ma lus pa la chos kyi snang ba bsgribs pa med pa skye bar gyur cig /'gro ba thams cad gdul ba'i phyir dge ba'i rtsa ba thams cad ma lus par yongs su bsngo bar gyur cig 'pho ba med 
pa'i chos nyid du dus thams cad ma lus pa la 'jug par bya ba'i phyir nam mkha' dbyings ma lus pa thams cad dang 'dra ba'i sems tshad med pas zhing thams cad yongs su rgyas par gyur cig 'gro ba thams cad kyis sangs rgyas mthong ba yongs su rdzogs par bya 
ba'i phyir dge ba'i rtsa ba thams cad rab tu 'bul bar gyur cig 'gro ba thams cad kyis theg pa chen po shin tu grub pa dang / chos thams cad ma lus pa la mngon par chags pa med par bya ba'i phyir dge ba'i rtsa ba ma lus pa la gnas pas/ kun nas gnas par 
gyur cig spyod pa mtha' yas pa byin gyis brlab pa dang / chos kyi dbyings mtha' dang dbus med pa la 'jug par bya ba'i phyir dge ba'i rtsa ba thams cad la yongs su spyod par gyur cig /de bzhin gshegs pa thams cad kyi rnam par 'phrul pa la 'jug </font><hr>36-1-10a<br><font size=+1>
par bya ba'i phyir dge ba'i rtsa ba thams cad yongs su 'gyur bar shog shig sems can thams cad kyis thams cad mkhyen pa'i ye shes khong du chud par bya ba'i phyir dge ba'i rtsa ba 'di dag ma lus par rkyen du 'gyur bar shog shig ci nas kyang bdag 
med pa'i chos kyi dbyings las chos thams cad 'da' bar mi 'gyur bar dge ba'i rtsa ba 'di dag gis sems can thams cad sangs rgyas thams cad la bsnyen bkur yongs su spyod pas yang dag par zin par gyur cig /chags pa med pa la 'jug pa'i phyir chos thams cad 
la yang dag par zin par gyur cigabyang chub sems dpa' thams cad dge ba'i rtsa ba thams cad kyi grogs gcig tu 'thun pa yang dag par zin par gyur cig byang chub sems dpa'i spyod pa thams cad smon lam yongs su rdzogs pas yang dag par zin par gyur cig 
bsgribs pa med pa khong du chud par bya ba'i phyir byang chub sems dpa'i chos snang ba thams cad yang dag par zin par gyur cig mtha' dang dbus myed pa la mkhas par bya ba'i phyir/ de bzhin gshegs pa thams cad gyi rnam par 'phrul pas yang dag par zin par gyur cig 
sems tshad med pas yongs su rgyas par bya ba'i phyir sangs rgyas thams cad kyi stobs dang mi bsnyengs pas yang dag par zin par gyur cig mi gnyis pa'i snang ba grub pas byang chub sems dpa'i ting nge 'dzin dang spobs pa dang / gzungs kyi sgor 'jug 
pas yang dag par zin par gyur cig de bzhin gshegs pa'i rnam par 'phrul pa dang / cho 'phrul chen po shin tu bstan pa bsgrub pa'i phyir/ de bzhin gshegs pa thams cad kyi tshul la mkhas pas yang dag par zin par gyur cig skye ba dang rnam par 'tshang 
rgya ba dang / 'khor lo bskor ba dang / mya ngan las 'da' ba dang / nye bar gshegs pa bstan pa dang / mchod pa dang rim gro dang / sems can gdul ba la 'jug pa'i phyir/ de bzhin gshegs pa dus gsum du byon pa mtha' dang dbus med pa thams cad </font><hr>36-1-10b<br><font size=+1>
ma lus pa'i skye ba dang / sangs rgyas kyi byang chub tu mngon par 'tshang rgya bas yang dag par zin par gyur cig 'jig rten gyi khams thams cad ma lus par bla na myed pa'i sangs rgyas kyi zhing yongs su dag pas zin par gyur cig bskal pa 'byam klas pa 
mtha' dang dbus med pa thams cad ma lus par byang chub sems dpa'i spyod pa 'brel ba rgyun mi 'chad pas yang dag par zin par gyur cig 'jig rten du skye ba'i yul thams cad ma lus par thams cad du skye ba shin tu bstan pas yang dag par zin par gyur cig 
sems can gyi khams thams cad ma lus par byang chub sems dpa'i kun tu bzang po'i spyod pas yongs su smyin par bya bas yang dag par zin par gyur cig sems can gyi nyon mongs pa dang / bag la nyal ba dang / bag chags thams cad ma lus pa rnyog 
pa med pa'i tshul gyis yang dag par zin par gyur cig sems can gyi dbang po 'byam klas pa thams cad ma lus par mtha' dang dbus med pa la 'jug pas yang dag par zin par gyur cig 'gro ba thams cad kyi mos pa dang / lhag pa'i bsam pa thams 
cad ma lus par nyon mongs pa med cing yongs su dag pas yang dag par zin par gyur cig 'gro ba thams cad yongs su smyin par bya ba dang / gdul ba thams cad ma lus par dus la ji ltar 'bab pa bzhin du kun tu bstan pas yang dag par zin par 
gyur cig sems can thams cad ma lus par 'gro ba thams cad sprul pa lta bur khong du chud pas yang dag par zin par gyur cig de bzhin gshegs pa'i rags thams cad ma lus par sangs rgyas byung ba thams cad kyi bstan pa bzung zhing bsrung bas 
yang dag par zin par gyur cig ces sems bskyed cing / de ltar byang chub sems dpa' sems dpa' chen po dge ba'i rtsa ba de dag dmyigs pa med pa'i tshul gyis yongs su bsngo ste/ las kyis ni rnam par smyin pa la yongs su rtog par mi byed/ rnam </font><hr>36-1-11a<br><font size=+1>
par smyin pas ni las la yongs su rtog par mi byed de/chos kyi dbyings rtog pa med pa la yang dag par 'jug go /dge ba'i rtsa ba byed pa med pas gnas pa yin no/ /chos nyid g.yeng ba med pa la 'ang rab tu brtson pa yin no/ /de ni chos 
thams cad la yang dad pas yang dag par 'jug ste/ chos gang rang bzhin gyis yongs su grub par byed pa 'am/ rnam par byed pa de dag gang yang mi mthong ngo / /chos nyid dbang po med pa'i mthar thug pa la yang yang dag par 'jug ste/ chos kyi dbyings lta ba 
po med par yang rab tu shes shing chos thams cad shes pa po med par yang rab tu rtogs so/ /de ltar byang chub sems dpa' sems dpa' chen po chos thams cad kyi dkyil 'khor tshad med pa rab tu shes pa/ chos thams cad kyi rkyen gyi gnas khong du chud pa/ 
chos thams cad lus pa med par rab tu mthong ba/ chos thams cad 'dod chags dang bral ba'i mthar phyin par rjes su lta ba/ 'jig rten 'gyur ba thams cad sprul pa lta bur rjes su rtogs pa/ chos gcig la sems can thams cad du rjes su mthong ba/ 
chos kyi dbyings myi gnyis par rab tu rig pa las kyi dmyigs pa dang nye bar len pa la mkhas pas ma btang ba 'dus byas kyi khams 'dus ma byas su mngon par bsgrubs pas zhig par mi byed pa/ 'dus ma byas kyi khams 'dus byas su sgro gdags pa thams 
cad kyis rnam par mi rtog pa/ chos thams cad rab tu zhi ba la gzhol ba/ dge ba'i rtsa ba mngon par bsgrub pa/ thams cad mngon par bsgrub pa/ sems can thams cad yongs su bskyab par bya ba'i sems dang ldan pa/ chos rgya mtsho thams cad mngon par 
shes pa rmongs pa med par chos nyid la brtson pa/ dge ba'i rtsa ba nam mkha' lta bur thams cad yongs su bsngo ba/ bsod nams kyis rgyas par 'gro bas 'jig rten las 'das pa'i lam du zhugs pa/ 'jig rten gyi chos kun nas mi rgyu ba/ myig la </font><hr>36-1-11b<br><font size=+1>
rab rib med pa/ ye shes kyi snang ba rab tu thob pa/ thabs mkhas pas yongs su bsngo ba'i ngang tshul can de ni ci nas kyang sangs rgyas thams cad kyi byin gyis brlabs pa dang / ci nas kyang zhing thams cad yongs su dag par 'gyur ba dang / ci nas 
kyang sems can thams cad yongs su smyin par 'gyur ba dang / ci nas kyang sangs rgyas kyi chos thams cad nye bar blang bar 'gyur ba dang / ci nas kyang 'jig rten thams cad du bsod nams kyi zhing dam par 'gyur ba dang / ci nas kyang sems can thams cad kyi ded 
dpon du thog mar 'gro ba dang / ci nas kyang snang ba'i dkyil 'khor skye dgu thams cad la 'char bar 'gyur ba dang / ci nas kyang dge ba'i rtsa ba thams cad kyis chos kyi dbyings thams cad rgyas par 'gyur ba dang / ci nas kyang 'gro ba thams cad kyi rten du 'gyur ba dang / 
ci nas kyang yon tan thams cad kyis sems can gyi khams thams cad rnam par sbyong bar 'gyur ba/ de ltar dge ba'i rtsa ba de dag yongs su bsngo ste/ de de ltar yongs su bsngo bas sangs rgyas kyi rigs yang dag par 'dzin pa yin/ sems can gyi rigs 
yongs su smyin par byed pa yin/ zhing gi rigs rnam par spyod pa yin/ chos kyi rigs 'gal bar mi byed pa yin/ las kyi rigs yongs su shes pa yin/ myi gnyis pa'i rigs mnyam par byed pa yin/ phyogs kyi rigs su khyab par 'gro ba yin/ 
'dod chags dang bral ba'i rigs la yang dag par rtog pa yin/ shin tu mos pa'i rigs rab tu sgrub pa yin/dbang po'i rigs shin tu snang bar byed pa yin te/ kye rgyal ba'i sras dag /'di ni byang chub sems dpa' sems dpa' chen po rnams kyi 
yongs su bsngo ba bzhi pa ste/ thams cad du rjes su song ba zhes bya ba'o/ /de la gnas shing byang chub sems dpa' sems dpa' chen po rnams dge ba'i rtsa ba thams cad yongs su bsngo bar byed de/ de de ltar bsngo bas 'jig rten gyi khams thams cad du yang </font><hr>36-1-12a<br><font size=+1>
dag par bstan par bya ba'i phyir thams cad du rjes su song ba'i lus kyi las rab tu 'thob bo/ /sangs rgyas kyi zhing thams cad du rnam par bstan pa bsgribs pa med pa'i phyir thams cad kyi rjes su song ba'i ngag gi las rab tu 'thob bo/ /sangs rgyas 
kyi chos thams cad bstan cing gzung ba'i phyir thams cad du rjes su song ba'i yid kyi las rab tu 'thob bo/ /sems can thams cad rjes su 'brang bar bya ba'i phyir thams cad kyi rjes su song pa'i rdzu 'phrul dang rnam par 'phrul pa rab tu 'thob bo/ /chos thams cad la yang 
dag par 'jug par bya ba'i phyir thams cad du rjes su song ba'i/ chos khong du chud pa rab tu 'thob bo/ /sems can thams cad kyi bsam pa tshim par bya ba'i phyir thams cad kyi rjes su song ba'i gzungs dang spobs pa thob par bya bar rab tu 'thob bo/ /spu'i 
sbubs gcig tu 'jig rten gyi khams thams cad gzud par bya ba'i phyir thams cad du rjes su song ba'i chos kyi dbyings la 'jug pa rab tu 'thob bo/ /sems can gcig gi lus su sems can thams cad kyi lus yang dag par gzhol bar bya ba'i phyir thams cad kyi rjes su 
song ba'i lus la 'jug pa rab tu 'thob bo/ /bskal pa thams cad du de bzhin gshegs pa mthong ba dang mi 'bral ba la 'dug pa'i phyir thams cad kyi rjes su song ba'i bskal pa'i grangs la 'jug pa rab tu 'thob bo/ /skad cig gcig gis de bzhin gshegs pa 'byung 
ba thams cad mngon sum du bstan pa'i phyir/ thams cad rjes su song ba'i skad cig la 'jug pa rab tu 'thob bo/ /de nas byang chub sems dpa' rdo rje'i rgyal mtshan gyis sangs rgyas kyi byin gyi rlabs kyis phyogs bcur rnam par bltas te/ de'i tshe tshigs 
su bcad pa 'di dag smras so/ /'jig rten mtha' dang dbus med gang la yang / /de dag gnas 'cha' gang yang yod pa myin/ /sems can phan pa'i don las phyir mi ldog /mi rab de dag ye shes 'di 'dra'o/ /zhing rnams la yang gnas par mi byed de/ /</font><hr>36-1-12b<br><font size=+1>
phyogs rnams la yang de dag gnas mi 'cha'/ /tshe dang chos kyis rlom sems mi byed de/ /'jig rten dag na rnam par rtog mi byed/ /phyogs bcu'i 'jig rten dag na ji yod pa'i/ /'gro ba de dag ma lus kun bsdus shing / /dngos po dngos med 
chos la dbang bsgyur 'jug /de dag thams cad ma lus dus su bsngo/ /'dus byas 'dus ma byas kyi chos blangs shing / /'jig rten 'di la rnam par rtog mi byed/ /ji ltar 'jig rten de bzhin chos rnams te/ /de ltar 'jig rten sgron ma rnam par dag /ji 
snyed las rnams yang dag rtsom pa gang / /rab dang 'bring dang de bzhin tha ma rnams/ /de dag phyogs bcu'i 'jig rten mkhyen pa rnams/ /ji snyed bzhugs la yongs su bsngo ba byed/ /de dag yongs su bsngo ba'i mthar phyin pa/ /sangs rgyas mchog rjes bslab 
bya bslabs pa rnams/ /ye shes dam pa rjes su sems byed cing / /mi yi dam pa'i chos rnams rab tu 'thob/ /sems can phan pa'i don du rtag zhugs shing / /'gro ba kun tu 'jig rten sgron ma bzhin/ /phyogs rnams kun tu ma lus gyur cig 
ces/ /dge ba de dag yongs su bsngo ba byed/ /de dag sems can rnam par rtog mi byed/ /chos la'ang rnam par rtog pa mi byed de/ /'jig rten gyis kyang rlom sems myed pa yin/ /'gro ba kun nas phyir yang mi ldog go /brtan pa de dag zhi rab rab tu 
zhi/ /de dag mya ngan 'das pa'i spyod yul thob/ /sems can rgyud na 'ang mi spyod ma yin te/ /'di 'dra'i ye shes dam pa khong du chud/ /de dag nam yang rtog dang rnam rtog med/ /rnam par smyin la 'ang de dag gnas mi 'cha'/ /'jig rten thams cad 
rgyu dang bcas pas na/ /chos rnams rgyu med par yang lta ma yin/ /de dag spyod yul 'di 'dra thob pa ste/ /de la rtog dang rnam par rtog pa byed/ /blo mchog de dag 'gro kun kha lo sgyur/ /ye shes tshul la mkhas pas yongs su bsngo/ /thams </font><hr>36-1-13a<br><font size=+1>
cad rjes su song ba zhes bya ba ste/ yongs su bsngo ba bzhi pa'o// //sangs rgyas rmad ga cad ces bya ba shin tu rgyas pa chen po'i mdo/bam po gnyis pa/ /kye rgyal ba'i sras dag /byang chub 
sems dpa' sems dpa' chen po rnams kyi yongs su bsngo ba lnga pa bsod nams myi zad pa'i mdzod ces bya ba gang zhe na/ kye rgyal ba'i sras dag /'di la byang chub sems dpa' sems dpa' chen po/ sgrib pa'i las thams cad las bag yongs su bya ba'i 
phyir bshags pa dang 'brel ba'i dge ba'i rtsa ba 'am/ 'das pa dang / ma byon pa dang / da ltar byung ba'i sangs rgyas bcom ldan 'das thams cad dang / 'das pa dang / ma 'ongs pa dang / da ltar byung ba'i sems can gyi khams thams cad kyi dus 
gsum gyi dge ba'i rtsa ba la rjes su yi rang bas rjes su yi rang ba dang 'brel ba'i dge ba'i rtsa ba 'am/ 'das pa dang / ma byon pa dang / da ltar byung ba'i de bzhin gshegs pa thams cad la nan tan du byas pas phyag bya ba dang / 'brel ba'i dge ba'i rtsa ba 
'am/ sangs rgyas kyi chos thams cad la brtson pas sangs rgyas thams cad la gsol ba gdab pa dang / 'brel ba'i dge ba'i rtsa ba 'am/ 'das pa dang / ma byon pa dang / da ltar byung ba'i sangs rgyas bcom ldan 'das rnams kyi dge ba'i rtsa ba mi zad 
pa gang la/ byang chub sems dpas brtson par bya ba'i dge ba'i rtsa ba 'byam klas pa bsam gyis mi khyab pa de dag la yang dag par 'jug par byed pa 'am/ gang yang 'das pa dang / ma byon pa dang / da ltar byung ba'i sangs rgyas bcom ldan 'das 
mngon par byang chub ba'i dge ba'i rtsa ba de dag la rjes su yi rang bar byed cing / dge ba'i rtsa ba de dag la gnas par byed pa 'am/ sangs rgyas bcom ldan 'das 'das pa dang / ma byon pa dang / da ltar byung ba'i chos kyi 'khor lo bskor bas sems </font><hr>36-1-13b<br><font size=+1>
can mtha' dang dbus med pa dul bar gyur pa de dag la rjes su yi rang ba dang ldan pa'i sems bskyed pas khong du chud par byed pa 'am/ gang yang 'das pa dang / ma byon pa dang / da ltar byung ba'i sangs rgyas bcom ldan 'das de dag dang po thugs bskyed 
pa nas bzung ste/ byang chub sems dpa'i spyod pa thams cad la yang dag par byung bar gyur pa dang / bla na med pa yang dag par rdzogs pa'i byang chub tu 'tshang rgya bar gyur pa dang / mya ngan las 'das pa yang dag par bstan pa'i bar gyi dge ba'i rtsa ba de dag 
thams cad sangs rgyas thams cad dang rgyud kyi tshul gcig tu gyur ba'i ye shes kyi byin gyis brlabs kyi rjes su yi rang ba'am/ de bzhin gshegs pa de dag yongs su mya ngan las 'das pa'i bstan pa yang dag par bzung ba nas nye bar bzung ste/ chos thams cad 
kyi mthar thug pa'i bar du dge ba'i rtsa ba ji snyed yang dag par bsgrub par 'gyur ba 'am/ sangs rgyas la dmyigs pa'i bsam pa 'byam klas pa brjod du med pa dang / rang gi dmyigs pa la dge ba'i rtsa ba gang bstsags pa de dag bla na med pa yang dag par rdzogs pa'i byang 
chub tu bsgribs pa myed par dmyigs par mthar phyin par byed par yang rung ste/ dge ba'i rtsa ba rnam par phye ba tshad med cing 'byam klas pa/ dmyigs pa rgya chen po grangs med pas bstsags pa de dag thams cad 'di ltar yongs su bsngo ste/ dge ba'i rtsa ba gang 
yang dag par bsgrubs pa dang / gang mos par byas pa dang / gang rjes su yi rang ba dang / gang yongs su rdzogs par byas pa dang / gang yongs su grub par byas pa dang / gang spyad pa dang / gang thob par byas pa dang / gang sems pa dang / 
gang rtsom pa dang / gang mthu dang ldan par byed pa'i dge ba'i rtsa ba de dag gis gang ji snyed du sngon gyi 'das pa'i dus thams cad 'byam klas pa'i dus la 'jug pa dang / 'jig rten gyi khams shin tu bstan pa grangs las 'das pa thams cad du </font><hr>36-1-14a<br><font size=+1>
sangs rgyas kyi zhing gi rgyan byung ba dang / gang ji snyed du de bzhin nyid kyi go skabs thams cad kyi sngon gyi mu'i bskal pa'i mthar gyur pa/ sa mtshams med pa'i sangs rgyas kyi rigs mtha' yas pa dang / de bzhin gshegs pa 
thams cad kyi ye shes kyis thugs su chud pa/ byang chub sems dpa'i bsam pas rnam par shes pa/ byang chub sems dpa'i sems kyis yang dag par bzung ba dag tu sangs rgyas kyi zhing gi rgyan yongs su dag pa byung ba dang / gang yang las dang rgyu 'thun pa'i 'bras bu'am/ gang 
yang spyod pa las yang dag par byung ba 'am/ gang yang sems can bsgral bar bya ba'i tshogs rnam par bstan pa 'am/ gang yang shin tu mos pa rnam par dag pa 'am/ gang yang de bzhin gshegs pa'i byin gyi rlabs kyis shes par bya ba 'am/ gang yang sangs rgyas kyi rnam par 'phrul 
ba yang dag par bstan pa 'am/ gang yang byang chub sems dpa'i sa rnams su rnam par rig pa 'am/ gang yang de bzhin gshegs pa'i phrin las 'jig rten las 'das pas byung ba 'am/ gang yang byang chub sems dpa' kun tu bzang po'i spyod pa 'byam klas pas byung ba 'am/ gang 
yang mngon par 'tshang rgya ba'i de bzhin gshegs pa thams cad kyi byin gyi rlabs kyis byung ba 'am/ phyi ma'i mtha'i bskal par mngon par 'tshang rgya ba rgyun chad pa med pa'i 'jig rten gyi khams kyi tshul thams cad shin tu bstan pa/ nam mkha'i dbyings kyis klas pa chos kyi dbyings kyi mthas gtugs pa 
'jig rten gyi khams thams cad 'byam klas pa ma 'ongs pa'i dus mtha' yas pa'i rigs su bstan pa ma 'ongs pa'i lam gyi rgyud rnam pa tha dad pa grangs med pa brjod pa/ ma 'ongs pa'i dus rgyun chad pa med cing sa mtshams kyi mtha' med pa/ de bzhin gshegs pa'i ye shes kyis mngon par bsgrubs pas 
thugs su chud pa/ ma 'ongs pa'i dus kyi skad cig rgyun chad pa med pa/ chos kyi dbyings dang / 'jig rten gyi khams dang / bskal pa gcig nas gcig tu brgyud pa thams cad mtha' yas pa dang / de bzhin gshegs pa'i stobs kyis mngon par 'tshang rgya ba tshad med par gyur pa dang /</font><hr>36-1-14b<br><font size=+1>
ma 'ongs pa'i dus su mtshams med cing ris su mi chod pa dag tu ma byon pa'i de bzhin gshegs pa dgra bcom pa yang dag par rdzogs pa'i sangs rgyas chos kyi dbyings thams cad du khyab par gshegs pa'i sangs rgyas kyi zhing gi yon tan dang rgyan yongs su dag pa/ 
rin po che'i rgyan rnam par bre ba du ma dang / spos kyi rgyan yid du 'ong ba dang / ldan pa thams cad dang / me tog thams cad kyi rgyan gyi char rab tu 'beb pa/ na bza' thams cad kyi rgyan gyi sprin sna tshogs yon tan thams cad kyis brgyan pa/ rnam pa tha dad 
pa'i mdzod de bzhin gshegs pa'i rgyan gyi byin gyi rlabs kyis rnam par bres pa/ sangs rgyas kyi zhing thams cad kyi rgyan rab tu brgyan par bya ba/ rnam pa sna tshogs pa tha dad pa brjod du med pas rab tu brgyan cing grub pa/ grogs bsam gyis mi khyab pa rnam par dag 
pas yongs su bsgrubs pa/ de bzhin gshegs pa mngon par 'tshang rgya ba'i byin gyi rlabs kyis rgyan gyi rnam par dag pa rnams 'byung bar 'gyur ba dang / gang yang ma byon pa'i de bzhin gshegs pa thams cad mngon par 'tshang rgya ba'i sangs rgyas kyi zhing yongs 
su dag pa/ byang chub sems dpa'i mig 'jig rten las 'das pa thun mong ma yin pas rnam par mthong ba/ byang chub sems dpa'i mthu chen po'i dge ba'i rtsa ba rab tu myong bar 'gyur ba chos thams cad sgyu ma'i rnam pa lta bur khong du chud pa/ chos thams 
cad kyi mthu sprul pa lta bus rnam par dag pa/ byang chub sems dpa'i las 'byam klas pa/ mnyam pa nyid kyi rjes su song bas rnam par dag pa/ byang chub sems dpa'i rnam par 'phrul pa dang / ting nge 'dzin gyi tshul bsam gyis mi khyab pa la 
zhugs pa/ sangs rgyas kyi khyu mchog gi mthu phyung ba/ yang dag par rgyu ba/ sangs rgyas kyi 'od bla na med pas snang bar byas pa/ rgya che ba sna tshogs pa/ tshad med pa/ bsam gyis mi khyab pa rnams yang dag par gnas par 'gyur ba dang /</font><hr>36-1-15a<br><font size=+1>
ma byon pa'i sangs rgyas de dag thams cad kyi sangs rgyas kyi zhing yongs su dag par 'gyur ba de bzhin du/ da ltar byung ba'i sangs rgyas thams cad kyi sangs rgyas kyi zhing yongs su dag par rab tu byung ba shin tu grub pa rnam par dag pa/ 
rnam pa sna tshogs pa tha dad pa kun nas yon tan can bsngags par bya ba/ tshad med pa dri zhim po bsam gyis mi khyab pa/ mtha' yas pa/ shing tshad myed pa dang ldan pa/ rgyan grangs med pa can/ gtsug lag khang grangs med pa dang ldan pa/ yid du 'ong 
ba'i sgra grangs med pa yod pa/ mtha' yas par yang dag par ston pa/ rjes su spyod pa'i grogs tshad med pa dang ldan pa/ yon tan sna tshogs zad mi shes pa dang ldan pa/ rgyan thams cad kyis brgyan pa/ spos thams cad kyis brgyan pa/ phreng ba 
thams cad kyis brgyan pa/ phye ma thams cad kyis brgyan pa/ rin po che thams cad kyis brgyan pa/ na bza' thams cad kyis brgyan pa/ rgyal mtshan thams cad kyis brgyan pa/ ba dan thams cad kyis brgyan pa/ rin po che sna tshogs kyi snam bu kun 
tu bting bas brgyan pa/ rin po che thams cad kyi stegs bus brgyan pa/ gser gyi dra ba grangs med pas kun tu g.yog par brgyan pa/ chu klung grangs med pa'i rgyan gyis brgyan pa/ grangs med pa'i sprin gyi char rab tu 'bab pas brgyan pa/ rol mo brdung ba dang 
dkrol ba'i tshogs grangs med pas yid du 'ong ba rnam par dag pa de dag dang / de bzhin du ma lus pa thams cad rab tu bzung ste/ sangs rgyas kyi zhing gi yon tan dang rgyan yongs su dag pa gang ji snyed pa/ gang dang gang sangs rgyas thams cad kyis rab 
tu mkhyen pa/ 'jig rten gyi khams kyi rgyud chos kyi dbyings kyis klas pa/ nam mkha'i mthas gtugs pa zhing gi gnas su gyur pa thams cad phyogs kyi 'khor mtha' yas par shin tu bstan pas phyogs bcur rnam par bkod pa/ 'jig rten gyi khams</font><hr>36-1-15b<br><font size=+1>
'byam klas pa las rnam pa sna tshogs kyis mngon par 'dus byas pa/ nam mkha'i khams dang 'jig rten gyi khams thams cad kyis yongs su bsdus pa/ 'jig rten gyi khams phyogs gzhan dang gzhan gyi rjes su song bar rab tu gnas pa/ las rnam pa tha 
dad pas shin tu byung ba'i 'jig rten gyi khams brjod du med par shin tu bstan pa/ 'jig rten gyi 'byung gnas nam mkha'i gos gtogs pa/ zhing gi rgyud rnam pa tha dad pa brjod du med pa 'jig rten gyi khams mtha' dang dbus med pa'i chos kyi dbyings kyis shin tu 
bstan pa/ de ltar ma lus pa thams cad yongs su bzung ste/ chos kyi dbyings thams cad kyi sangs rgyas kyi zhing thams cad kyi rgyan la 'jug pas rgyan rnam par dag pa thams cad dang ldan pa/ sangs rgyas kyi zhing yongs su dag pa thams cad ji skad du 
bshad pa dang / ji skad du bstan pa dang / ji skad du brjod pa dang / ji skad du gsal bar byas pa dang / ji skad du smos pa dang / ji skad du smras pa dang / ji skad du bslabs pa dang / ji skad du bkrol ba dang / ji lta bur brtags pa dang /ji lta bur rnam par 
bkod pa de dang de dag du de bzhin gshegs pa skyes pa'i sangs rgyas kyi zhing gi rgyan dang / sangs rgyas kyi zhing rnam par dag pa dang / sangs rgyas kyi zhing mnyam pa nyid dang / sangs rgyas kyi zhing dge ba dang / sangs rgyas kyi zhing bdag nyid che ba dang / sangs rgyas 
kyi zhing yangs pa dang / sangs rgyas kyi zhing bde bar bskyang pa dang / sangs rgyas kyi zhing zil gyis mi non pa dang / sangs rgyas kyi zhing zad mi shes pa dang / sangs rgyas kyi zhing shin tu che ba dang / sangs rgyas kyi zhing myi 'phrogs pa dang / sangs rgyas kyi 
zhing mi 'jigs pa dang / sangs rgyas kyi zhing 'od gsal ba dang / sangs rgyas kyi zhing yid du 'ong ba dang / sangs rgyas kyi zhing mi mthun pa myed pa dang / sangs rgyas kyi zhing kun tu snang ba dang / sangs rgyas kyi zhing rab tu snang ba dang / sangs rgyas kyi </font><hr>36-1-16a<br><font size=+1>
zhing rnam par brgyan pa dang / sangs rgyas kyi zhing rab tu brgyan pa dang / sangs rgyas kyi zhing shin tu rnam par phye ba dang / sangs rgyas kyi zhing mchog dang / sangs rgyas kyi zhing gtso bo dang / sangs rgyas kyi zhing rab dang / sangs rgyas 
kyi zhing phul dang / sangs rgyas kyi zhing dam pa dang / sangs rgyas kyi zhing gya nom pa dang / sangs rgyas kyi zhing rmad du byung ba dang / sangs rgyas kyi zhing bla na med pa dang / sangs rgyas kyi zhing mnyam pa med pa dang / sangs rgyas kyi zhing 'dra ba med pa dang / sangs 
rgyas kyi zhing mtha' yas pa dang / de ltar yongs su bzung ste/ 'das pa dang / ma byon pa dang / da ltar byung ba'i sangs rgyas thams cad kyi sangs rgyas kyi zhing gi rgyan rnam par dag pa gang ji snyed pa'i rgyan rnam par dag pa dang / dge ba'i rtsa ba 'dis 'jig rten gyi khams 
thams cad rnam par dag par gyur cig /sangs rgyas kyi zhing thams cad rnam pa 'di lta bu'i rnam par dag pa dang ldan par gyur cig 'jig rten gyi khams re rer yang 'das pa dang / ma byon pa dang / da ltar byung ba'i sangs rgyas thams cad kyi sangs rgyas kyi zhing gi rgyan ji snyed pa de dag thams cad yang 
dag par gnas par gyur cig grub par gyur cig /rnam par dag par gyur cig /yongs su dag par gyur cig /yang dag par grub par gyur cig /rab tu byung bar gyur cig /rab tu brgyan par gyur cig /kun tu brgyan par gyur cig /byang bar gyur 
cig /byin gyis brlabs par gyur cig /'jig rten gyi khams gcig tu ji lta ba de bzhin du 'jig rten gyi khams thams cad du 'ang ma lus par bzung ste/ sangs rgyas kyi zhing chos kyi dbyings kyis klas pa/ nam mkha'i mthas gtugs pa thams cad ma lus 
par de snyed kyi rgyan gyis yongs su brgyan par gnas par gyur cig sangs rgyas kyi zhing thams cad ma lus par dus gsum thams cad kyi sangs rgyas kyi zhing gi yon tan rnam par phye ba dang / sangs rgyas kyi zhing gi rgyan dang / sangs rgyas kyi zhing gi bdag nyid che ba dang / sangs </font><hr>36-1-16b<br><font size=+1>
rgyas kyi zhing blta na myi ngoms pa dang / sangs rgyas kyi zhing tshad med pa dang / sangs rgyas kyi zhing yangs pa dang / sangs rgyas kyi zhing grangs myed pa dang / sangs rgyas kyi zhing bsam gyis myi khyab pa dang / sangs rgyas kyi zhing mtshungs pa med pa dang / sangs rgyas 
kyi zhing mtha' yas pa ji snyed pa de dag gi rgyan gyis rnam par dag par gyur cig sangs rgyas kyi zhing de dag thams cad kyang byang chub sems dpa' yongs su rdzogs pa rjes su 'jug pa/ 'jig rten gyi khams la rab tu 'jug pa/ kun tu spyod pa 
mang ba/ sems can gyi khams rtogs par bya ba khong du chud pa/ chos kyi dbyings la 'jug pa rab tu rtogs pa/ nam mkha'i dbyings la 'jug pa rmongs pa myed pa/sangs rgyas rjes su dran pa rab tu thob pa/ bsam gyis mi khyab pa'i chos rjes su dran pa'i 
tshul can tshad myed pa'i dge 'dun rjes su dran pa la rab tu zhugs pa/ gtong ba la shin tu mos pa/ gtong pa'i rjes su dran pa rab tu thob pa/ ye shes kyi 'od gzer dang ldan pa'i chos kyi nyi ma'i dkyil 'khor can chags pa myed par lta ba dmyigs su 
med pa las rab tu byung ba/ sangs rgyas kyi chos kyi gnas su gyur pa/ dge ba'i rtsa ba dam pas thog mar 'gro ba dang / dge ba'i rtsa ba'i dbang gis sangs rgyas kyi byang chub tu byung ba/ de bzhin gshegs pa'i stobs kyi rjes su song ba/ thams cad mkhyen pa 
nyid kyi yul gyi 'od gzer rab tu 'gyed pa/ bdud kyi las thams cad rnam par sbyangs pa/ sems can gyi khams thams cad kyi rang bzhin khong du chud pa/ phyin ci log myed pas yang dag par byung ba/ dge ba'i rtsa ba dang smon lam la gti mug myed pa sha 
stag gis yongs su gang bar gyur cig /byang chub sems dpa' de lta bu'i tshul can de lta bu'i spyod pa la zhugs pa de lta bu'i yon tan dang ldan pa dge ba'i rtsa ba mtshungs pa myed pa can rtag tu sangs rgyas kyi phrin las la gzhol ba/ sangs rgyas kyi byang chub snang ba </font><hr>36-1-17a<br><font size=+1>
rab tu thob pa/ mun pa myed pa'i chos kyi dbyings kyi ye shes dang ldan pa/ chos kyi dbyings thams cad lus gcig gis khyab par byed pa'i rnam par 'phrul pa chen po yang dag par ston pa/ ye shes chen po khong du chud pas thams 
cad mkhyen pa nyid kyi spyod yul dang ldan pa/ chos kyi dbyings mtha' yas pa'i tshig rab tu dbye ba/ mngon par bsgrub pa la mkhas pa/ zhing thams cad kyi rjes su song ba gnas med par sangs rgyas kyi zhing thams cad na gnas pa/ nam mkha'i dbyings su 
mos pas myi gnas pa'i yid dang ldan pa/ chos kyi dbyings thams cad du rnam par phye ba'i bsam pa can/ byang chub sems dpa'i ting nge 'dzin bsam gyis mi khyab pa la mnyam par gzhol ba la mkhas pa/ thams cad mkhyen pa'i spyod yul [(]kyi [,]gyi [)]sangs rgyas kyi 
zhing la gnas pa/ sangs rgyas thams cad kyi byin gyi rlabs shes par bya ba la mkhas pa/ chos grangs myed pa bstan cing bshad pa la 'jigs pa myed pa/ 'das pa dang / ma byon pa dang / da ltar byung ba'i sangs rgyas thams cad kyi dge ba'i rjes su song ba/ 
de bzhin gshegs pa thams cad kyi chos kyi dbyings la gnas pa/ sangs rgyas thams cad kyis chos bstan pa yongs su 'dzin pa/ sgra bsam gyis mi khyab pa rnam par dbye zhing mngon par bsgrub pa la mkhas pa/ grangs myed pa'i skad rnam pa tha dad pa shes 
pa/ bla na myed pa'i sangs rgyas kyi rnam par 'phrul pa'i sa khong du chud pa/ 'jig rten gyi khams thams cad kyi rjes su song zhing chags pa myed par spyod pa/ nyon mongs pa myed pa'i chos kyi tshul la chos su rtogs pas gnas pa myed pa/ sems bskyed pa 
yangs pa shin tu rnam par bsgoms pa rab tu thob pa/ ye shes gcig nas gcig tu brgyud pa'i rgyud la mkhas pa/ don gcig nas gcig tu bstan pa rab tu grub pa/ de lta bu dag gis 'jig rten gyi khams de dag yongs su brgyan par gyur </font><hr>36-1-17b<br><font size=+1>
cig/ /yongs su gang bar gyur cig /rnam par mdzes par gyur cig /rjes su dong bar gyur cig /kun tu gnas par gyur cig /bsgoms par gyur cig /shin tu bsgoms par gyur cig /sbyangs par gyur cig /shin tu sbyangs par gyur cig 
zhi bar byed par gyur cig /sangs rgyas kyi zhing re re'i phyogs re re zhing yang byang chub sems dpa' tshad myed pa grangs myed pa bsam gyis mi khyab pa/ gzhal du med pa/ mu myed pa/ sa mtshams myed pa/ dpag tu myed pa/ brjod du med pa/ brjod du med pa'i yang brjod du myed pas yongs su 
rgyas par gyur cig /phyogs gcig ji lta ba de bzhin du sangs rgyas kyi zhing chos kyi dbyings kyis klas pa/ nam mkha'i mthas gtugs pa/ ma lus pa lus pa myed pa/ lhag ma myed pa thams cad kyang byang chub sems dpa' 'di lta bu'i tshul can gyis yongs su rgyas 
shing yongs su gang bar gyur cig ces/ de ltar byang chub sems dpa' sems dpa' chen po dge ba'i rtsa ba yongs su bsngo ste/ tshul de lta bus sangs rgyas kyi zhing thams cad dang / tshul de lta bus 'byung ba thams cad dang / tshul de lta bus sems can gyi khams 
thams cad rnam par dag pa dang / tshul de lta bus sangs rgyas thams cad kyi byang chub dang / tshul de lta bus smon lam thams cad dang / tshul de lta bus 'jig rten gyi khams thams cad du sangs rgyas skyes pa mthong ba dang / myi 'bral ba dang / tshul de lta bus de 
bzhin gshegs pa'i sku tshe tshad myed pa dang / tshul de lta bus thogs pa myed par/ chos kyi dbyings thams cad du chos kyi 'khor lo bskor ba/ phyir myi ldog pa'i phyir yongs su bsngo'o/ /de ltar byang chub sems dpa' de dge ba'i rtsa ba de dag sangs rgyas kyi zhing thams 
cad kyi rjes su song ba'i sangs rgyas kyi zhing yongs su dag pa dang / sems can thams cad kyi rjes su song ba'i byang chub sems dpa' yongs su dag pa dang / sangs rgyas kyi skye ba thams cad kyis ma lus par gang bar byas pa'i chos kyi dbyings yongs su dag pa dang / sangs rgyas kyi </font><hr>36-1-18a<br><font size=+1>
zhing thams cad ma lus par shin tu byung ba'i de bzhin gshegs pa'i sku dang / thams cad mkhyen par 'byung bar bgo skal med par yongs su bsngos pa dang / nam mkha'i khams tshad med pa'i rjes su song ba'i sems kyi sa dang / yongs 
su bsngo ba'i tshad bsam gyis mi khyab pa'i rjes su zhugs pa dang / yongs su bsngo ba mnyam pa nyid las kyi rnam par smin pa thams cad las rnam par grol zhing shin tu mos pa dang / yongs su bsngo ba'i khyad par mtha' yas par 'brel bar byas pa dang / yongs su 
bsngo ba'i tshul chos kyi dbyings thams cad kyi rjes su song bas yongs su bsngo ba'i tshe bdag la mi rtog go /bdag gi lus la rnam par mi rtog go /sangs rgyas la mi rtog go /sangs rgyas kyi chos la rnam par mi rtog go /zhing la mi rtog go /zhing gi yang dag par spyod pas rnam 
par dag pa la rnam par mi rtog go /sems can la rnam par mi rtog go /sems can gdul ba la rnam par mi rtog go /las la mi rtog go /las kyi rnam par smin pa la rnam par mi rtog go /sems pa la chags par mi byed do /bsam pas kyang mngon par chags par mi byed do/ /
rgyu chud gzon par mi byed do/ /rgyu dang 'bras bu chud gzon par mi byed do/ /dngos po nye bar len par mi byed do/ /dngos po'i chos la chags par yang mi byed do/ /'khor ba'i rnam pa tha dad pa gcig tu mi byed do/ /zhi ba rnam par brtags pa med pas rlom sems mi bskyed 
do/ /de bzhin gshegs pa rnams kyi de bzhin gshegs pa'i yul gyis bsnyems par mi byed do/ /chos gang gis kyang chos la gnas par mi byed do/ /de ltar byang chub sems dpa' sems dpa' chen po dge ba'i rtsa ba de dag nye bar stobs so/ /khong du chud par byed do/ /yongs su bsngo'o/ /yongs su smin par byed 
do/ /mnyam par byed do/ /sgrub bo/ /mtshan mar mi byed do/ /dmigs par mi byed do/ /mi 'jal lo/ /mi rtog go /rnam par mi rtog go /byang chub sems dpa' sems dpa' chen po de ltar yongs su bsngo ba ni 'das pa dang ma byon pa dang da ltar byung ba'i sangs rgyas thams cad rjes su dran pas dge ba'i rtsa ba myi zad pa yin/</font><hr>36-1-18b<br><font size=+1>
byang chub sems dpa' thams cad la yang dag par 'jug pas/ dge ba'i rtsa ba thams cad myi zad pa yin/ zhing rnam par dag pas yongs su bsngo bas dge ba'i rtsa ba myi zad pa yin/ sems can gyi khams rnam par dag pa la rnam par dpyod pas dge ba'i rtsa ba myi zad pa yin/ 
chos kyi dbyings su 'jug pa la zhugs pas dge ba'i rtsa ba myi zad pa yin/ nam mkha'i khams ltar tshad myed pa'i sems la yongs su sgom pas dge ba'i rtsa ba myi zad pa yin/ sangs rgyas thams cad kyi yul la shin tu mos pas dge ba'i rtsa ba myi zad pa yin/ byang 
chub sems dpa' thams cad kyi las la brtson pas dge ba'i rtsa ba myi zad pa yin/ dus gsum rab tu rnam par 'byed pas dge ba'i rtsa ba myi zad pa yin te/ de ni sems can gyi khams thams cad la sems can myed par rab tu rtog cing yongs su bsngo'o/ /chos thams 
cad la srog myed par khong du chud cing yongs su bsngo'o/ /chos thams cad la byed pa myed par yang dag pa ji lta ba bzhin du shes shing yongs su bsngo'o/ /dge ba'i rtsa ba thams cad la gang zag myed par sems shing yongs su bsngo'o/ /chos thams cad nyon mongs pa 
myed par rab tu rtog cing yongs su bsngo'o/ /chos thams cad kyi rten pa yang dag par mthong shing yongs su bsngo'o/ /dngos po thams cad la myi gnas pa yang dag pa ji lta ba bzhin du shes shing yongs su bsngo'o/ /zhing thams cad la yang dag par myi gnas pa nyid du 
shes shing yongs su bsngo'o/ /byang chub sems dpa'i spyod pa la myi gnas pa nyid du lta zhing yongs su bsngo'o/ /dmyigs pa thams cad la dmyigs su myed pa nyid du shes pas mthong zhing yongs su bsngo'o/ /de de ltar yongs su bsngo bas zhing gang 
yang kun nas nyon mongs pa dang bcas par myig lam du snang bar mi 'gyur ro/ /kun tu lta yang sems can gang yang myi mthun pa mthong bar myi 'gyur ro/ /spyod pa'i tshe chos gang yang yang dag par myi mthong ngo / /ye shes kyi 'jug pas gang la yang 'jug pa </font><hr>36-1-19a<br><font size=+1>
myed do/ /nam mkha'i dbyings thams cad la yang rab tu gnas te/ de yang shin tu shes so/ /bsod nams kyi stobs tshad myed pas de bzhin gshegs pa'i skus chos thams cad gang bar shin tu shes so/ /sems 
can thams cad tshim par bya ba'i phyir/ dge ba'i rtsa ba thams cad du 'gro ba la yang dag par spyod do/ /de'i sems bskyed pa re re zhing yang sems can brjod du med pa'i yang brjod du med pa stobs bcu'i sar yang dag par 'grub bo/ /des sems can thams cad 
bsod nams thams cad kyis yongs su gzung zhing thob par bya ba'i phyir/ dge ba'i rtsa ba rnam par dag pa bsod nams thams cad kyi 'byung gnas dang ldan pa/ thams cad rab tu sgrub bo/ /de yo byad ci 'dod pa phun sum tshogs pas/ bsod nams kyi 
mdzod yid bzhin gyi nor bu lta bu dang ldan pa yin no/ /de gang dang gang du 'gro ba de dang de dag tu zhing thams cad rnam par sbyong zhing 'gro'o/ /de gang dang gang du spyod pa de dang de dag tu sems can brjod du myed pa'i yang brjod du med pa rnam par dag par bya ba'i phyir/ 
bsod nams kyi stobs kyis yongs su bzung ba la rab tu gzhog cing / yang dag par spyod do/ /de ltar yongs su bsngo ba de la rnam pa de lta bu'i rgyu mthun pas/ byang chub sems dpa'i spyad pa spyod pa na gzugs myed pa yin/ 'jig rten thams cad kyi zil 
gyis myi non pa'i bsod nams can yin/ bdud thams cad kyis gzi brjid myi zad pa yin/ phyir rgol ba thams cad kyis dge ba'i rtsa ba mi 'phrogs pa yin/ thams cad mkhyen pa'i yid yang dag par rtogs pa dang ldan pas/ smon lam shin tu che ba dang / 
sems rab tu yangs pa yin/ sems bskyed pa gcig gis sangs rgyas kyi zhing tshad myed par 'gro ba yin/ ye shes kyi stobs mtha' yas pas/ sangs rgyas thams cad kyi yul yongs su shes pa yin/ sangs rgyas thams cad la shin tu dad pa yin/</font><hr>36-1-19b<br><font size=+1>
ye shes mtha' yas par shin tu 'jug pa la rab tu gnas pa yin/ nam mkha'i dbyings kyis klas pa'i byang chub kyi sems mngon par bsgrub pa'i+i mthus nam mkha'i dbyings kyis klas par chos kyi dbyings shin tu yangs pa yin no/ /kye rgyal ba'i sras dag 
'di ni byang chub sems dpa' sems dpa' chen po rnams kyi yongs su bsngo ba lnga pa/ bsod nams myi zad pa'i mdzod ces bya ba ste/ de la gnas pa'i byang chub sems dpa' ni/ mi zad pa'i mdzod bcu rab tu 'thob bo/ /bcu gang zhe na/ skra'i sbubs gcig tu 
sangs rgyas grangs myed pa 'byung ba la 'jug pa'i phyir/ sangs rgyas ba lta ba'i gter mi zad pa'i mdzod rab tu 'thob bo/ /chos thams cad gcig tu rab tu gzhol ba'i de bzhin gshegs pa'i stobs dang / ye shes kyi phyir/ chos la 'jug pa'i gter 
myi zad pa'i mdzod rab tu 'thob bo/ /de bzhin gshegs pa thams cad kyis chos bstan pa yongs su gzung zhing chud mi zos par bya ba'i phyir/ dran pas bzung ba'i gter myi zad pa'i mdzod rab tu 'thob bo/ /de bzhin gshegs pa thams cad kyi chos kyi tshul 
dang / dgongs pa shin tu bstan pa la mkhas par bya ba'i phyir/ blo gros rnam par nges pa'i gter myi zad pa'i mdzod rab tu 'thob bo/ /chos kyi tshul rnam par dbye ba la mkhas par bya ba'i phyir/ rigs pas 'dzin pa'i gter myi zad pa'i mdzod rab tu 
'thob bo/ /nam mkha'i dbyings dang mnyam pa'i blos dus gsum thams cad khyab par bya ba'i phyir/ blo tshad myed pa'i gter myi zad pa'i mdzod rab tu 'thob bo/ /sems can thams cad tshim par bya bas myi zad par bya ba'i phyir/ bsod nams kyi 
gter myi zad ba'i mdzod rab tu 'thob bo/ /sems can thams cad kyi mun pa dang / rab rib dang / ling tog dang / gti mug dang / ma rig pa'i mun pa rnam par bsal ba'i phyir/ ye shes dang / dga' ba dang / blo'i gter myi zad pa'i mdzod rab tu 'thob </font><hr>36-1-20a<br><font size=+1>
bo/ /sangs rgyas thams cad kyi chos nyid tha myi dad pa rab tu bstan pas/ sems can thams cad shes par bya ba'i phyir/ spobs pa rnam par nges pa'i gter rab tu 'thob bo/ /byang chub sems dpa'i spyod pa rgyun myi 'chad 
pas/ thams cad mkhyen pa nyid chags pa myed pa'i thabs skyon myed pa'i dbang bskur ba'i phyir/ stobs bcu dang / /myi 'jigs pa'i gter mi zad pa rab tu 'thob ste/ gter myi zad pa'i mdzod bcu po 'di dag rab tu 'thob bo/ /de nas byang chub sems dpa' 
rdo rje'i rgyal mtshan gyis/ sangs rgyas kyi byin gyi rlabs kyis/ phyogs bcur rnam par bltas te/ de'i tshe tshigs su bcad pa 'di dag smras so/ /bsam pas mthu stobs rnyed pa de dag ni/ /mtha' yas chos la kun tu dbang sgyur cing / /bsod nams 
gter la rjes su yi rang ba/ /de dag chags myed tshul gyis yongs su bsngo/ /dus gsum rgyal ba su dag ji snyed pas/ /rnam dag zhing rnams 'jig rten rnam sbyangs pa/ /yon tan kun dang ldan zhing 'phags pa rnams/ /de 'dra'i rnam dag zhing du yongs su bsngo/ /
dus gsum rgyal ba ji snyed bzhugs pa yi/ /tshul rnams kun la rjes su sems byed cing / /thams cad lus pa myed par des bzung ste/ /de 'dra'i zhing ni bstan pa rnams kyis brgyan/ /dus gsum bskal pa ji snyed yod pa yi/ /zhing gcig yon 
tan de dag blangs byas kyang / /bskal pa ji snyed de dag zad 'gyur gyi/ /zhing gi yon tan bsngags pa zad myi 'gyur/ /'di 'dra'i zhing rnams thams cad ma lus par/ /mi yi mchog gis ji snyed mthong gyur pa/ /thams cad ma lus zhing gi yon tan gyis/ /
ji snyed 'jig rten de dag brgyan par snang / /de dag kun kyang rnam dag yid dang ldan/ /de dag rgyal ba'i gsung skyes sras yin te/ /yon tan kun gyis brgyan pa'i sems dang ldan/ /zhing gi phyogs rnams rab tu rgyas par byed/ /de dag lus ni mtshan gyis shin tu </font><hr>36-1-20b<br><font size=+1>
brgyan/ /de dag dpe byad bzang pos lus kyang mdzes/ /de dag mtha' yas yang dag so sor shes/ /'gro ba'i rgya mtsho myi zad ci bzhin no/ /de dag spyod yul dag dang yang dag ldan/ /ting 'dzin kun la gnas pa rjes su thob/ /mtshungs myed 
shin tu rnam par dag pa'i yid/ /thams cad phyogs rnams su ni 'od kyang 'gyed/ /'di 'dra'i zhing rnams ma lus bzung byas te/ /nyan thos spyod yul dag la dad myed pa/ rang rgyal thams cad shin tu spangs gyur te/ /myi yi dam pas shin tu gang gyur cig /
de dag de 'dra'i yongs bsngo sems ldan pa/ /gang gis ma lus 'jig rten byang chub tu/ /dus gsum rgyal bas mngon par sangs rgyas pa/ /de dang ldan par yongs su bsngo bar byed/ /phyogs bcu kun na ji snyed yod pa yi/ /bdud dang nyon mongs de 
dag rab tu 'joms/ /dpal ldan mthu can gzhan gyis pham myi nus/ /rnam par nges par chos kyi dam pa spyod/ /de dag smon lam mthu stobs yongs pa yis/ /yongs su bsngo ba chags pa myed gyur cing / /bsod nams zad myed de dag mdzod du zhugs/ /
de ni dus gsum kun tu zad mi 'gyur/ /de dag spyod pas chos la 'jal bar byed/ /de dag byed pa myed pa'i chos la zhugs/ /g.yo med chos kyang de dag rab tu shes/ /las kyi rnam pas yongs su mi sems so/ /gzugs ni ma yin 'on kyang gzugs myed 
myin/ /'du shes yod myin 'du shes myed pa myin/ /dngos yod ma yin dngos po myed pa myin/ /dngos myed thams cad rang bzhin khong du chud/ /yod pa ma yin myed pa'ang ma yin te/ /rgyu yi rgyud la mngon par chags myi byed/ /rkyen la 'ang 'jug par de dag myi 
byed de/ /nam yang de dag chags par myi byed do/ /'gro ba 'di na smra tshul ji snyed pa/ /de la nam yang chags par mi byed de/ /'du shes bsam pa brda yang rab tu shes/ /bdag myed chos kyang so sor shin tu rtogs/ /de dag sems can mi 'bral cis </font><hr>36-1-21a<br><font size=+1>
'gyur ba/ /de 'dra'i chos nyid mnyam pa rab tu rtogs/ /de 'dra'i zhing dang de bzhin las kyi rnams/ /dus gsum thams cad ma lus bzung byas shing / /shes pas de dag de bzhin yongs su bsngo/ /las kyi rnam pa gang gis skyes ldan 
zhing / /rang bzhin gang dang mtshan nyid gang yin dang / /de na ci 'dra'i chos nyid yod pa dag /de bzhin de dag dag par yongs su bsngo/ /gang gi yid kyis ngo bo nyid 'jal ba/ /rang bzhin byas pa med par de dag shes/ /'gro la de dag myi gnas len pa med/ /'gro ba kun phyir yongs su bsngo bar gzhol/ /
spyod yul ma lus thams cad bzung byas shing / /'od gsal thams cad rjes su sems par byed/ /ma lus de bzhin nyid kyang de dag shes/ /gang gis lta ba thams cad ma lus shing / /bsam pa'i skyon bor rnam par spongs pa rnams/ /rtag tu de dag dri myed kun gdung 
myed/ /chags myed kun gyi tshul yang rjes su rtogs/ /de dag gis ni chos rnams ma bshig ste/ /nams kyang chos nyid zhig par 'gyur ba myed/ /chos la chags par de dag myi byed de/ /de dag 'jig rten sgra brnyan 'dra ba yin/ /gang gis dus gsum 'jig 
rten skyes pa yi/ /'gro ba rkyen byung chos kyang rab tu shes/ /bsam pa dag dang bag chags khong du chud/ /thams cad 'jig par byed pa gang yang myed/ /de dag las dang las min rab tu shes/ /las dang rnam par 'gal bar myi byed de/ /las kyi rnam 
par smin pa chud myi gzon/ /rgyu las byung ba'i chos kyang shin tu ston/ /'di na sems can gang yang 'khor ba myed/ /sems can 'byung bar de dag mi byed de/ /sems can rnams la gnas pa myed par smra/ /sems can rgyud kyi brda yang rab tu rtogs/ /
bsod nams mi zad pa yi mdzod ces bya ba ste yongs su bsngo ba lnga pa'o/ /kye rgyal ba'i sras dag /byang chub sems dpa' sems dpa' chen po rnams kyi yongs su bsngo ba drug pa dge ba'i rtsa ba thams cad dang mnyam pa nyid kyi rjes su song ba zhes bya ba gang zhe na/ kye </font><hr>36-1-21b<br><font size=+1>
rgyal ba'i sras dag /'di la byang chub sems dpa' sems dpa' chen po rgyal por gyur te/ srid chen po thob nas 'tshe ba dang phyir rgol ba bcom ste/ rgyal po chen por grags pa dang / srid chen po'i khams la gnas shing / srid yongs pa la dbang bar gyur 
nas/ 'khon myed cing ltod pa med par srid la gnas pa/ chos kyi rgyal srid skyong bar byed pa/ chos dang mthun pa/ chos kyi rjes su snyegs pa/ phun sum tshogs pa'i srid chen po thob pa/ sa chen po la gdugs gcig tu gyur pa/ 'khor lo thogs pa 
myed pas skyod pa/ dri ma myed pa'i thabs thob pa/ srid pa pha rol kyi sdes gtse ba myed pa/ chos dang ldan pa/ dbyig pa myed pa dang / mtshon cha myed pas 'gro ba rnams shin tu skyong ba/ chos kyi rjes su zhugs shing bsdu ba'i dngos po bzhis 'gro ba 
sdud pa/ 'khor los sgyur ba'i rgyal por gyur pa/ 'gro ba thams cad la mdzod kyis shin tu stob pa de dbang phyug de lta bu la gnas shing de lta bu'i chos la gnas pa/ g.yog dang 'khor mang po shin tu 'dus pa gzugs dang ldan pa/ 'gro ba thams cad 
lta bas mi ngoms pa/ yid la kha na ma tho ba myed pa/ bsod nams rnam par dag pa dang ldan pa/ zil gyis mi non pa'i mtshan dang ldan pa/ lus shin tu rnam par phye ba mdzes pa dang ldan pa/ blta na bzang ba tshul dang mthun pa'i lus dang ldan pa/ /
stobs dang ldan pa/ thub pa myed pa'i lus dang ldan pa/ stobs chen po dang ldan pa/ mthu bo che'i lus kyis bzung ba/ rnam par dag pa'i las dang ldan pa/ bsgribs pa myed pa'i las rnam par dag pa dang ldan pa de/ zas yongs su gtong ba 'am/ btung 
ba 'am/ ro 'am bzhon pa 'am/ gos sam/ me tog gam/ phreng ba 'am/ spos sam/ byug pa 'am/ mal cha'am/ gnas sam/ rgyab rten nam/ mar me 'am/ sgron ma 'am/ nad kyi rkyen sman nam yo byad rnams sbyin pa 'am/</font><hr>36-1-22a<br><font size=+1>
rin po ches gzhal ba'i snod sna tshogs bkang zhing yongs su gtong ba dang / shing rta sna tshogs dang / shing rta du ma bkang zhing tshad myed pa'i rin po che dang nor yongs su gtong ba dang / glang po cang shes sam/ rta cang shes rgyan thams cad 
kyis brgyan pa gtong ba dang / slong ba rnams la ci rigs su rgyal po'i stan bzang po gtong pa 'am/ gdugs gtong ba 'am/ rgyal mtshan dang ba dan gtong ba 'am/ rin po che gtong zhing sbyin pa 'am/ rgyan dang lhab lhub kyi sbyin pa yongs su gtong ba 'am/ 
cod pan nam/ gtsug gi nor bu dag dbang phyug la spyi bo nas dbang bskur bas mtshon chas bcings shing btson ra na 'dug pa'i sems can rnams mthong nas/ nor thams cad yongs su gtong ba dang / g.yog dang bdag tu bcas te byin nas/ btson ra de dag nas 
sems can rnams yongs su thar bar byed pa gsad par khrid pa mthong nas/ bdag gi lus dang srog yongs su btang ste/ gsad pa de blu bar byed pa/ gtsug phud dang thor pag tu bcas pa'i mgo bo dag kyang bslong bas bslangs na/ gtong ba myed pa'i sems 
kyis gtong ba myig gnyis yongs su gtong ba 'am/ rna ba dang / sna yongs su gtong ba 'am/ so dang lce yongs su gtong ba 'am/ mgo yongs su gtong ba 'am/ rka lag yongs su gtong ba 'am/ rang gi lus kyang dral cing slong ba la khrag yongs su 
gtong ba 'am/ sha dang rkang yongs su gtong ba 'am/ slong ba la rang gi lus las snying phyung ste/ yongs su gtong ba 'am/ slong zhing len pa sna tshogs la rgyu ma dang mtsher pa dang / mkhal ma dang / pho ba rnams yongs su gtong ba 'am/ rang gi lus 
las yan lag dang / nying lag dang rus pa bslangs na dad pa'i sems kyis yongs su gtong ba 'am/ slong ba la mos par lta bas pags pa dang mdog yongs su gtong ba 'am/ rka lag las sor mo yongs su gtong ba 'am/ chos 'dod pa'i phyir rang gi </font><hr>36-1-22b<br><font size=+1>
sha dang sen mo yongs su gtong ba 'am/ chos shin tu dkon pa tshol zhing myes gang ba'i 'obs myi 'greng lag tag bdun du mchod par byed pa 'am/ chos bsrung ba'i phyir sdug bsngal myong ba thams cad kyang rang gi lus kyis bzod par byed pa 'am/ chos tshol zhing chos kyi tshig 
dang / yi ge 'bru gcig gi phyir yang rgya mtsho'i mthar thug pa'i sa chen po yongs su gtong ba 'am/ chos thams cad kyi dbang phyug byed pa 'am/ myi dge ba'i chos las sems can rnams bzlog ste/ dge ba'i chos la rab tu sbyor ba 'am/ skyes bu'i mtshan gcod 
pa mthong nas/ sdig pa'i las de dag las sems can de dag rnam par bzlog par byed pa 'am/ de bzhin gshegs pa mngon par sangs rgyas par 'jig rten thams cad du sgrog cing gtsug lag khang dang pho brang gi longs spyod kyi phyir sa dang khams yongs su gtong ba 'am/ 
rim gro bya ba'i phyir bran dang las byed pa'i myi rnams gtong ba 'am/ slong ba la rim gro bya ba'i phyir bdag nyid 'bul ba 'am/ chos la dad pas dga' zhing mgu ba'i sems rnyed nas/ rang gi lus kyis de bzhin gshegs pa la rim gro byed pa 'am/ bdag nyid 
sems can thams cad la gtong ba 'am/ sangs rgyas thams cad la rim gro bya ba'i phyir rgyal srid yongs su gtong ba 'am/ slong ba rnams la ci rigs su yul dang myir bcas pa 'am/ grong khyer dang rgyal po'i pho brang ngam rgyan thams cad kyis brgyan pa 
yongs su gtong ba 'am/ slong ba la bu dang bu mo dang chung ma dag yongs su gtong ba 'am/ slong ba rnams la ci rigs su khyim thams cad yongs su sbyin zhing gtong ba 'am/ bza' shing gi ra ba sbyin pa 'am/ slong ba sna tshogs dang len pa sna tshogs dang / 
sems can sna tshogs dang / gang zag sna tshogs/ sems sna tshogs dang ldan pa la phyogs tha dad pa nas 'ongs pa tshad las 'das pa'i myi dang / myi sna tshogs dang sbyin pa'i gnas sna tshogs la mchod sbyin bye ba khrag khrig brgya stong du ma grangs myed </font><hr>36-1-23a<br><font size=+1>
pa rnams byed cing yongs su gtong ba 'am/ de sbyin pa'i dmigs pa'i dngos po thams cad yongs su gtong ba'i tshe sems 'di ltar bskyed de yongs su bsngo zhing dge ba'i rtsa ba thams cad kyi snying po'i rjes su song bas/ gzugs shin tu bzung ba/ dge ba'i 
rtsa ba thams cad kyi snying po'i rjes su song bas/ tshor ba shin tu bzung ba dge ba'i rtsa ba thams cad kyi snying po'i rjes su song bas/ 'du shes shin tu bzung ba/ dge ba'i rtsa ba thams cad kyi snying po'i rjes su song bas/ 'du byed shin tu bzung ba/ dge ba'i 
rtsa ba thams cad kyi snying po'i rjes su song bas/ rnam par shes pa shin tu bzung ba/ dge ba'i rtsa ba thams cad kyi snying po'i rjes su song bas/ srid pa thams cad shin tu bzung ba/ dge ba'i rtsa ba thams cad kyi snying po'i rjes su song bas/ 
'khor shin tu bzung ba/ dge ba'i rtsa ba thams cad kyi snying po'i rjes su song bas/ longs spyod shin tu bzung ba/ dge ba'i rtsa ba thams cad kyi snying po'i rjes su song bas sbyin pa shin tu bzung ba des dge ba'i rtsa ba de dag 'di ltar yongs su bsngo ste/ 
bla na med par dmyigs nas bza' ba dang btung ba 'di dag 'di ltar btang ba dang / 'di ltar byin pa dang / 'di ltar chags pa med pa dang / 'di ltar bcings pa med pa dang / 'di ltar nye bar btang ba dang / 'di ltar ma bzung ba dang / 'di 
ltar lhag par bsam pa dang / 'di ltar dngos po yongs su btang ba dang / 'di ltar dmyigs pa la myi gnas pa dang / 'di ltar gtong ba dang ldan pas sems can thams cad ye shes kyi kha zas dang ldan pa dang / chags pa med pa la brtson pa 
sems kyi zas yongs su shes pa dang / chags pa myed pa'i zas dang / dga' ba'i zas dang / zang zing myed pa'i zas dang ye shes kyi 'tsho ba dang / chos kyi brtan pa dang / dge ba'i rtsa bas yongs su bzung ba'i chos kyi sku dang / ye shes kyi </font><hr>36-1-23b<br><font size=+1>
sku la yang dag par spyod pa dang / sbyin pa'i gnas dang snying brtse ba'i kha zas rab tu len par gyur cig ces de ltar byang chub sems dpa' sems dpa' chen po zas sbyin pa de dag yongs su bsngo'o/ /byang chub sems dpa' btung ba'i sbyin pa gtong ba'i tshe 'di 
ltar yongs su bsngo ste/ dge ba'i rtsa ba 'dis sems can thams cad chos kyi btung ba 'thung ba la brtson pa dang / byang chub sems dpa'i lam dang ldan pa/ 'jig rten pa'i skom pa rgyun chad pa dang / sangs rgyas kyi ye shes kyis skom pa las myi ldog 
pa dang / 'dod pa'i yul gyis skom pa las phyir ldog pa dang / chos kyis tshim pa'i dga' ba rab tu 'thob pa dang / chos kyi sku shin tu tshim pa dang / ting nge 'dzin gyis tshim par byed pa'i sems dang ldan pa dang / shes rab rgya mtsho la zhugs 
pa dang / chos kyi ri rab dang ldan pa dang / chos kyi btung bas ngoms par gyur cig ces de ltar byang chub sems dpa' sems dpa' chen po btung ba'i sbyin pa de dag yongs su bsngo'o/ /byang chub sems dpa'i bro ba'i sbyin pa skyon thams cad 
bstsal na rnam par dag paskyur ba dang / dngar ba dang kha ba dang bro ba dang / tsha ba dang / bska ba sna tshogs kyi ro mchog dang ldan pa shin tu 'jam pa'i ro mchog gi rnam pa dang ldan pa/ ro sna tshogs bye ba khrag khrig brgya phrag stong bstsags pa 
dang ldan pa dang / khams rnams mnyam zhing 'khrug pa myed par gzhog pas lus kyi stobs rton par byed pa/ sems dga' ba dad cing mos pa dang / spro ba dang gsal ba bskyed pa/ zhim zhing tshul dang ldan pa'i ro'i dam par gyur pa/ 
nang gi dbang po rnam par dag par byed pa/ lte la bde bas yang dag par ston pa/ snyom pa thams cad sel bar byed pa/ nad thams cad zhi bar byed pa/ nad med par byed pa/ rnam pa 'di lta bu'i ro dam pa sna tshogs bye ba khrag khrig brgya stong grangs myed pa </font><hr>36-1-24a<br><font size=+1>
slong zhing len pa sna tshogs la sbyin zhing yongs su gtong ba'i tshe/ dge ba'i rtsa ba de dag 'di ltar yongs su bsngo ste/ sems can thams cad bdud rtsi'i ros brten pa'i sems kyis ngo bo ba'i mchog dang ldan par gyur cig /sems 
can thams cad kha zas kyi ro thams cad kyi las yongs su shes shing / chos kyi ro'i ye shes la rab tu gnas par gyur cig /sems can thams cad gnas pa'i mtha' chos kyi grong khyer du phyin te/ chos kyi ro du ma'i chos kyi dbyings rab tu rtogs par gyur cig 
sems can thams cad chos kyi dbyings thams cad du rgyas par byed pas 'gro ba thams cad yongs su smin par byed pa dang / gdul ba la zhugs zhing chos kyi sprin gyi char 'bebs par gyur cig /sems can thams cad bla na med pa'i chos kyi dga' bas rgyud tshim 
par gyur te/ ye shes mchog gi ro la sems rnam par gzhog par gyur cig /sems can thams cad ro thams cad kyi mtshan ma la mi 'dzin pas/ sangs rgyas thams cad kyi chos la brtson pa'i sems dang ldan zhing ro'i mchog thams cad la chags pa myed par 
gyur cig /sems can thams cad sangs rgyas kyi chos thams cad du rab tu 'jug pas byung bas chos kyi ro gcig par gyur cig /sems can thams cad/ thams cad mkhyen pa'i theg pa las phyir myi ldog cing ro mchog gi ngo bo nyid la byung bar gyur 
cig/ sems can thams cad dbang po thams cad dbye ba'i ye shes la mngon par mkhas pas sangs rgyas kyi chos kyi ro tha dad pa myed par gyur cig /sems can thams cad bsgribs pa med pa'i sangs rgyas kyi chos kyis tshim par spyod cing / chos kyi ros yid rgyas 
par gyur cig ces/ de ltar ro'i sbyin pa'i tshogs la brtson pa'i byang chub sems dpa' sems dpa' chen po/ /sems can thams cad kyi ye shes chags pa myed pa'i phung po sna tshogs bsgrub pa'i phyir dge ba'i rtsa ba de dag yongs su bsngo'o/ /byang </font><hr>36-1-24b<br><font size=+1>
chub sems dpa' bzhon pa'i sbyin pa gtong ba'i tshe/ dge ba'i rtsa ba rnams yongs su bsngo ste/ sems can thams cad thams cad mkhyen pa'i+i theg pa la zhon par gyur cig theg pa chen po rab tu thob cing rnam par zhig pa med pa'i theg pa dang / mchog 
gi theg pa dang / dam pa'i theg pa dang / mgyogs pa'i theg pa dang / stobs chen po'i theg pa dang / bsod nams dang ldan pa'i theg pa dang / 'jig rten las 'das pa'i theg pa dang / byang chub sems dpa'i theg pa dang / mtha' yas pa'i theg pas byung 
ste/ yon tan thams cad phun sum tshogs par gyur cig ces de ltar byang chub sems dpa' sems dpa' chen po bzhon pa'i sbyin par gtogs pa'i dge ba'i rtsa ba de dag yongs su bsngo'o/ /byang chub sems dpa' gos kyi sbyin pa gtong ba'i tshe/ dge 
ba'i rtsa ba de dag sems can thams cad kyi khrel yod pa dang / ngo tsha shes pa rab tu 'thob par bya ba'i phyir yongs su bsngo'o/ /chos kyis rab tu yog pa'i phyir yongs su bsngo'o/ /cha byad ngan pa thams cad rnam par bzlog par bya ba'i phyir yongs su 
bsngo'o/ /lus spa bar bya ba'i phyir yongs su bsngo'o/ /lus kyis khyud na lus la bde bar reg par bya ba'i phyir yongs su bsngo'o/ /kha dog dag par bya ba'i phyir yongs su bsngo'o/ /kha dog 'jam par bya ba'i phyir yongs su bsngo'o/ /mdog 
shin tu 'jam par bya ba'i phyir yongs su bsngo'o/ /bde bar 'gro ba rab tu 'thob par bya ba'i phyir yongs su bsngo'o/ /sangs rgyas bde bar bsnyen bkur bar bya ba'i phyir yongs su bsngo'o/ /bla na myed pa'i thams cad mkhyen pa nyid dag par bya ba'i phyir 
yongs su bsngo ste/ de ltar byang chub sems dpa' dge ba'i rtsa ba de dag yongs su bsngo bar byed do/ /de ltar byang chub sems dpa' sems dpa' chen po me tog gi sbyin pa byed pa'i tshe/ dri sna tshogs kyi me tog dang / kha dog rnam pa tha dad pa'i </font><hr>36-1-25a<br><font size=+1>
me tog dang / yid du 'ong ba'i me tog du ma dang / myig tu 'ong ba'i me tog dang / myi mthun pa med pa'i me tog dang / dus thams cad na yod pa'i me tog dang / lha rdzas dang myi'i me tog dang / 'od mdzes pa'i me tog dang / shin 
tu dri che zhing yid du 'ong bar mdzes pa'i me tog dang / 'di lta bu'i me tog rnams sangs rgyas bcom ldan 'das mngon du gyur pa dang / de bzhin gshegs pa yongs su mya ngan las 'das pa'i mchod rten rnams la 'bul ba dang / chos dkon mchog la mchod pa 
byed pa dang / dge 'dun dkon mchog la 'bul ba dang / dge ba'i bshes gnyen byang chub sems dpa' la 'bul ba dang / nyan thos dang rang sangs rgyas dang / pha dang ma rnams la sbyin pa byed pa'i tshe chung ngu na bdag gi lus dang de ma yin pa'i gzhan bkren 
pa phongs pa/ slong zhing len pa sna tshogs la de dang de dag sbyin par bya ba'i tshe/ dge ba'i rtsa ba de dag 'di ltar yongs su bsngo ste/ sems can thams cad chos thams cad kyi me tog rgyas pa'i sems dang ldan pas sangs rgyas kyi ting nge 'dzin gyi me tog rgyas 
pa rab tu mthong bar gyur cig sems can thams cad sangs rgyas la dga' ba rab tu rnyed nas blta na myi ngoms par gyur cig /sems can thams cad sems can kun gyi sems mi 'khrug pas blta na yid du 'ong bar gyur cig /sems can thams cad 
dge ba'i las la lta zhing nye bar spyod pas lta ba yongs par gyur cig /sems can thams cad dge ba'i bshes gnyen thams cad la lta ba dang sems mnyams pas rjes su lta ba'i dran pa dang ldan par gyur cig /sems can thams cad 'gro ba kun gyi nyon mongs pa'i 
dug bsreg pa'i phyir dug sman bzang po nyams myong ba lta bur gyur cig sems can thams cad ye shes kyi rgyal po chen po la 'gro ba thams cad 'god pas smon lam chen po mthong bar gyur cig /sems can thams cad sems can kun gyi rab rib dang / ling tog dang /</font><hr>36-1-25b<br><font size=+1>
mun pa bstsal ba'i phyir nyi ma'i dkyil 'khor 'char ba mthong bar gyur cig sems can thams cad byang chub kyi zla 'od dge ba rnam par spel ba'i phyir zla ba lta bu mthong bar gyur cig sems can thams cad dge ba'i bshes gnyen mthong zhing chos kyi rnam pa'i dge 
ba'i rtsa ba thams cad rab tu thob par bya ba'i phyir sems can thams cad kyis rgya mtsho'i rin po che'i gling du 'jug pa mthong bar gyur cig /sems can thams cad kyis bsgribs pa med pa'i ye shes mthong ba'i rnam par dag pa rab tu 'thob par bya ba'i phyir/ byang chub 
sems dpa' dge ba'i rtsa ba'i me tog yongs su gtong bar gtogs pa'i dge ba'i rtsa ba de dag de ltar yongs su bsngo'o/ /byang chub sems dpa' phreng ba'i sbyin pa byed pa'i tshe dge ba'i rtsa ba de sems can thams cad blta na mdzes pa'i phyir yongs su bsngo'o/ /blta na yid du 
'ong ba'i phyir yongs su bsngo'o/ /blta na bzang ba'i phyir yongs su bsngo'o/ /blta na sdug pa'i phyir yongs su bsngo'o/ /blta na mngon par dga' ba'i phyir yongs su bsngo'o/ /blta na mya ngan myed pa'i phyir yongs su bsngo'o/ /blta na rab tu dga' ba'i phyir yongs su 
bsngo'o/ /blta na yid mi bde ba myed pa'i phyir yongs su bsngo'o/ /sangs rgyas mthong ba dang ldan pa'i phyir yongs su bsngo'o/ /bla na myed pa'i thams cad mkhyen pa mthong ba rnam par dag pa thob pa'i phyir/ yongs su bsngo ste/ de ltar byang chub sems dpa' sems dpa' 
chen po phreng ba'i sbyin pa byed pa'i dge ba'i rtsa ba de dag sems can thams cad la yongs su bsngo'o/ /byang chub sems dpa' spos kyi sbyin pa byed pa'i tshe/ dge ba'i rtsa ba de dag sems can thams cad la 'di ltar bsngo ste/ spos yongs su btang bas bsdus pa'i 
dge ba'i rtsa ba 'dis sems can thams cad tshul khrims kyi spos dang ldan par gyur cig /ma nyams pa'i tshul khrims dang / ma 'dres pa'i tshul khrims dang / rnyog pa myed pa'i tshul khrims dang / 'gyod pa myed pa'i tshul khrims dang / kun nas 'khor ba </font><hr>36-1-26a<br><font size=+1>
myed pa'i tshul khrims dang / yongs su gdung pa myed pa'i tshul khrims dang / log par ma zhugs pa'i tshul khrims dang / mtha' yas pa'i tshul khrims dang / 'jig rten las 'das pa'i tshul khrims dang / byang chub sems 
dpa' rnams kyi pha rol tu phyin pa'i tshul khrims dang ldan par gyur cig /tshul khrims kyi phung po gang dang / sangs rgyas thams cad dang ldan pa de'i tshul khrims yongs su dag pa dang / sems can thams cad ldan par gyur cig ces de ltar byang chub sems 
dpa' sems dpa' chen po spos kyi sbyin pa byed pa'i tshe/ dge ba'i rtsa ba de dag sems can thams cad kyi tshul khrims kyi phung po yongs su rdzogs par bya ba'i phyir yongs su bsngo'o// //sangs rgyas rmad gcad ces bya ba shin tu rgyas pa chen 
po'i mdo/ /bam po gsum pa/ byang chub sems dpa' byug pa'i sbyin pa byed pa'i tshe/ dge ba'i rtsa ba de dag 'di ltar yongs su bsngo ste/ byug pa sbyin pas yongs su bzung ba'i dge ba'i rtsa ba 'dis sems can thams cad gtang ba thams cad yongs 
su gtong zhing / sbyin pas bsgos par gyur cig sems can thams cad de bzhin gshegs pa'i tshul khrims kyis shin tu rnam par dag cing tshul khrims kyis bsgos par gyur cig sems can thams cad chags pa myed pa'i bsam pa rab tu thob cing bzod 
pas bsgos par gyur cig /sems can thams cad byang chub sems dpa'i theg pa chen po la brtson 'grus kyi go cha bgos shing brtson 'grus kyis bsgos par gyur cig /sems can thams cad da ltar byung ba'i sangs rgyas mngon du bzhugs pa'i ting nge 'dzin 
rab tu thob pas bsam gtan gyis bsgos par gyur cig /sems can thams cad bla na myed pa'i ye shes kyi rgyal po la skad cig gis rnam par dag cing shes rab kyis bsgos par gyur cig /sems can thams cad bla na myed pa'i chos kyi 'jigs pa myed pa </font><hr>36-1-26b<br><font size=+1>
rab tu thob cing chos kyis bsgos par gyur cig /sems can thams cad yon tan thams cad kyi ye shes rab tu thob cing yon tan gyis bsgos par gyur cig /sems can thams cad de bzhin gshegs pa'i stobs bcu'i pha rol tu phyin pa thob cing byang 
chub sems dpa'i yongs su bsngo ba thams cad kyis bsgos par gyur cig /sems can thams cad myi dge ba'i chos thams cad rab tu spangs shing chos dkar pos bsgos par gyur cig ces de ltar byang chub sems dpa' sems dpa' chen po byug pa'i sbyin pa byed pa'i 
tshe/ dge ba'i rtsa ba de dag yongs su bsngo'o/ /byang chub sems dpa' mal cha'i sbyin pa byed pa'i tshe/ dge ba'i rtsa ba de dag 'di ltar yongs su bsngo ste/ /sems can thams cad shes rab dang ye shes chen po thob pa'i phyir/ lha rdzas kyi mal 
cha rab tu thob par gyur cig /sems can thams cad so so'i skye bo ma yin pa'i byang chub kyi sems kyi gos bgo ba'i phyir 'phags pa'i mal rab tu thob par gyur cig /sems can thams cad 'khor ba'i sdug bsngal thams cad yongs su spang ba'i phyir bde 
ba'i mal rab tu thob par gyur cig /sems can thams cad sangs rgyas thams cad rnam par rol ba'i cho 'phrul yang dag par mthong ba'i phyir rin po che lta bu'i mal rab tu thob par gyur cig /sems can thams cad chos thams cad legs par bkod pa'i gos 
bgo ba'i phyir mnyam pa myed pa'i mal rab tu thob par gyur cig /sems can thams cad 'jig rten las 'das pa'i chos zil kyis ma non pa rnam par dag pas rgya chen po'i mal rab tu thob par gyur cig /sems can thams cad chos kyi bde ba dang ldan 
pas dge ba'i mal rab tu thob par gyur cig /sems can thams cad sangs rgyas kyi dmyigs pa la brtson pas shin tu dag pa'i mal rab tu thob par gyur cig /sems can thams cad dge ba'i bshes gnyen gyis bskyab pa dang ldan pas shin tu </font><hr>36-1-27a<br><font size=+1>
brtan pa'i mal rab tu thob par gyur cig /sems can thams cad sangs rgyas gzims pa lta bu glo g.yas pas 'beb pa dang ldan pas seng ge'i mal rab tu thob par gyur cig ces/ de ltar byang chub sems dpa' dran pa 
shes bzhin gyis shin tu bsams pa'i dbang po yang dag par rgyu ba dang ldan pa mal cha'i sbyin pa yongs su gtong ba'i tshe/ dge ba'i rtsa ba de dag sems can thams cad la yongs su bsngo'o/ /byang chub sems dpa' sems dpa' chen po gnas kyi sbyin pa 
byed pa'i tshe/ dge ba'i rtsa ba de dag 'di ltar yongs su bsngo ste/ dge ba'i rtsa ba 'dis sems can thams cad yon tan gyi gnas la brtson zhing / ting nge 'dzin gyi gnas spyod yul du gyur pa dang gnas pa med cing rten pa med pa'i gnas nas mi g.yo ba dang / gnas 
thams cad rnam par bsgom pa dang / 'jig rten gyi gnas las rnam par 'das pa dang / thams cad mkhyen pa'i gnas la gnas pa dang / sangs rgyas kyi gnas yongs su zin pa dang / bla na myed pa'i gnas kyi mthar phyin pa dang / bde ba'i gnas la brtson 
pa dang / dge ba'i rtsa ba'i gnas la shin tu gnas pa dang / bla na myed pa'i sangs rgyas kyi gnas dang myi 'bral zhing sangs rgyas kyi zhing yongs su dag pa la gnas par gyur cig ces/ de ltar byang chub sems dpa' sems dpa' chen po 'jig rten 
thams cad la phan pa dang bde bar sems pa/ sems can thams cad la yongs su bsngo bas yongs su skyob pa la gnas kyi sbyin pa yongs su gtong ba'i tshe/ dge ba'i rtsa ba de dag sems can thams cad la de ltar yongs su bsngo'o/ /byang chub 
sems dpa' rgyab rten gyi sbyin pa byed pa'i tshe/ dge ba'i rtsa ba de dag 'di ltar yongs su bsngo ste/ sems can thams cad 'gro ba kun la phan pa dang / bde ba'i sems kyis ye shes kyi rten chen po la spyod pa dang /dge ba'i bshes gnyen </font><hr>36-1-27b<br><font size=+1>
gyi rten la spyod pa dang / bla ma'i rten la spyod pa dang / legs par spyod pa'i rten la spyod pa dang / byams pa chen po'i rten la spyod pa dang / snying rje chen po'i rten la spyod pa dang / pha rol tu phyin pa drug gi rten la spyod pa dang / byang chub kyi sems 
shin tu yangs pa'i rten la spyod pa dang / byang chub sems dpa' thams cad kyi lam gyi rten la spyod cing / sangs rgyas thams cad kyi rten la spyod par gyur cig ces/ de ltar byang chub sems dpa' sems dpa' chen po rgyab rten gyi sbyin pa byed pa'i tshe/ 
dge ba'i rtsa ba de dag sems can thams cad yon tan thams cad rnam par dag par 'gyur ba dang / shin tu dag par 'gyur ba dang / ye shes rnam par dag par 'gyur ba dang / lam rnam par dag par 'gyur ba dang / chos rnam par dag par 'gyur ba 
dang / bsam pa rnam par dag par 'gyur ba dang / mos pa rnam par dag par 'gyur ba dang / smon lam rnam par dag par 'gyur ba dang / mngon par shes pa'i yon tan dang / ye shes rnam par dag par 'gyur bar bya ba'i phyir yongs su bsngo'o/ /byang 
chub sems dpa' sems dpa' chen po 'di lta ste/ til mar gyi mar me 'am/ mar gyi mar me 'am/ rin po che'i mar me 'am/ nor bu'i mar me 'am/ ro'i mar me 'am/ mar me chen po 'am/ a ga ru'i mar me 'am/ tsan dan gyi mar me 'am/ 
spos kyi ro thams cad kyi mar me 'am/ kha dog mtha' yas par snang ba'i mar me 'am/ rnam pa de lta bu'i mar me dag de yongs su gtong zhing sbyin pa byed pa na/ dge ba'i rtsa ba de dag 'gro ba thams cad la phan pa dang / 'gro ba thams cad la bde ba dang / 'gro ba thams cad bsdu ba'i phyir 'di 
ltar yongs su bsngo ste/ mar me'i sbyin pas yongs su bsdus pa'i dge ba'i rtsa ba 'dis sems can thams cad sangs rgyas thams cad [(]gyi [,]kyi[)]chos la snang ba mtha' yas par gyur cig /sems can thams cad 'jig rten thams cad shin tu phra ba dmyigs par bya ba'i </font><hr>36-1-28a<br><font size=+1>
phyir snang ba shin tu gsal zhing dang bar gyur cig /sems can thams cad sems can myed pa'i khams yongs su shes shing snang ba rab rib myed par gyur cig /sems can thams cad 'od 'gyed pa'i lus su mngon par byung 
zhing snang ba mtha' yas par gyur cig /sems can thams cad sangs rgyas kyi chos thams cad la phyir myi ldog pa'i sems dang ldan zhing 'od kun tu snang ba dang ldan par gyur cig /sems can thams cad sangs rgyas kyi zhing thams cad snang bar byed 
pa dang ldan zhing sangs rgyas kyi 'od rab tu thob par gyur cig /sems can thams cad chos kyi dbyings thams cad 'od gcig gis rgyas par byed cing / thogs pa myed pa'i snang ba dang ldan par gyur cig /sems can thams cad bsam gyis myi khyab pa'i zhing du 
'od zer rab tu 'gyed cing snang ba dpag tu myed par gyur cig /sems can thams cad ye shes kyi skar mdas 'gro ba thams cad snang bar byed pa'i 'od dang ldan zhing 'od snang ba'i skar mda'i rgyal po lta bur gyur cig /sems can thams cad zhing kun tu 
'od 'gyed pa'i rnam par 'phrul pas byung zhing snang ba kha dog mtha' yas par gyur cig ces/ de ltar byang chub sems dpa' sems dpa' chen po mar me'i sbyin pa rab tu gtong ba'i tshe/ dge ba'i rtsa ba de dag sems can thams cad la phan pa dang / 
sems can thams cad la bde ba'i phyir yongs su bsngo'o/ /sems can thams cad dge ba'i rtsa bas yongs su bzung bas yongs su 'dzin to/ /sems can thams cad dge ba'i rtsa bas yang dag par bzung bas yang dag par 'dzin to/ /sems can thams cad la dge ba'i 
rtsa ba'i skal bas bgo bsha' byed do/ /sems can thams cad la dge ba'i rtsa bas snying brtse bar byed do/ /sems can thams cad la dge ba'i rtsa ba'i skal ba sbyin par byed do/ /sems can thams cad dge ba'i rtsa bas rab tu bzung bas rab tu </font><hr>36-1-28b<br><font size=+1>
'dzin to/ /sems can thams cad dge ba'i rtsa ba byin pas yongs su rdzogs par byed do/ /sems can thams cad dge ba'i rtsa bas dmyigs par byed do/ /sems can thams cad dge ba'i rtsa ba mnyam pa nyid kyis mnyam par byed do/ /sems can 
thams cad dge ba'i rtsa ba shes pas rnam par dpyod pa byed de/ de ltar mar me'i sbyin pas bsdus pa'i dge ba'i rtsa ba de ci nas kyang sems can thams cad la dge ba'i rtsa ba rnams rab tu dgong pa'i phyir/ yongs su bsngo ba thogs pa myed par 'gro bas de ltar 
ltar yongs su bsngo'o/ /byang chub sems dpa' sems dpa' chen po nad kyi rkyen sman dang yo byad sbyin pa byed pa'i tshe/ dge ba'i rtsa ba de 'di ltar yongs su bsngo ste/ dge ba'i rtsa ba 'dis sems can thams cad dmyigs pa kun las shin tu 
langs par gyur cig sems can thams cad de bzhin gshegs pa'i sku rab tu thob cing lus nad med par gyur cig /sems can thams cad myi dge ba'i nad thams cad sos par gyur te/ sman lta bur gyur cig /sems can thams cad 
byang chub sems dpa' phyir myi ldog pa'i sa la rab tu gnas pa'i tshul gyis sman a ga ru de lta bur gyur cig /sems can thams cad nyon mongs pa'i dug bsal shing 'byin cing sangs rgyas kyi sman du gyur cig /sems can thams cad nyon 
mongs pa thams cad rnam par sbyong ba'i spyod pa dang ldan zhing nye bar bgrod pa'i ngang tshul can du gyur cig /sems can thams cad shin tu mi 'khrug pa'i chos dang ldan zhing sman gyi rgyal po lta bur gyur cig /sems can thams cad 'gro ba thams 
cad gso ba la zhugs shing sman gyi sdong po lta bur gyur cig /sems can thams cad thams cad mkhyen pa nyid kyi snang ba rab tu thob cing nad thams cad byang bar gyur cig sems can thams cad bsam pa ji lta ba bzhin du sman gyi sbyor ba la brtson pas </font><hr>36-1-29a<br><font size=+1>
'gro ba thams cad kyi sman la mkhas par gyur cig ces de ltar byang chub sems dpa' sman gyi sbyin pa byed pa'i tshe/ dge ba'i rtsa ba de dag sems can thams cad shin tu gso ba'i phyir yongs su bsngo'o/ /shin tu bde zhing 
dga' ba'i phyir yongs su bsngo'o/ /sems can thams cad shin tu rnam par dag par bya ba'i phyir yongs su bsngo'o/ /sems can thams cad sangs rgyas snyun mi mnga' ba lta bu rab tu thob par bya ba'i phyir yongs su bsngo'o/ /sems can thams cad 
kyi nad kyi zug rngu thams cad bzlog pa'i phyir yongs su bsngo'o/ /sems can thams cad kyi lus nyams pa myed cing brtan pa'i phyir yongs su bsngo'o/ /sems can thams cad rdo rje'i ri khor yug lta bur gzhom du myi choms pa dang stobs dang ldan 
par bya ba'i phyir yongs su bsngo'o/ /sems can thams cad stobs thams cad kyis brtan cing bsam pa shin tu mtho ba thob par bya ba'i phyir yongs su bsngo'o/ /sems can thams cad kyis sangs rgyas kyi bde ba'i rnam pa zil gyis myi non pa yongs 
su rdzogs par 'gyur ba'i phyir yongs su bsngo'o/ /sems can thams cad kyi lus sangs rgyas thams cad kyi byin gyi rlabs kyis brtan pa'i phyir yongs su bsngo'o/ /gzhan yang byang chub sems dpa' sems dpa' chen po snod sna tshogs dang / bre 
dang lnga bre'i sbyin pa byed pa 'di lta ste/ gser gyi snod dang / gser gyi bre dang lnga bre rin po che sna tshogs kyis yongs su bkang ba dang / 'di lta ste dngul gyi snod dang / dngul gyi bre dang / lnga bre rin po che sna tshogs kyis yongs su bkang ba dang / 'di lta ste 
bai DUr+ya'i snod dang / bai DUr+ya'i bre dang lnga bre rin po che rnam pa tha dad pas yongs su bkang ba dang / 'di lta ste shel gyi snod dang / shel gyi bre dang / lnga bre rin po che'i rgyan rnam pa tha dad pas yongs su bkang ba dang / 'di lta ste mu sa ra gal pa'i snod </font><hr>36-1-29b<br><font size=+1>
dang / mu sa ra gal pa'i bre dang / lnga bre mu tig dmar pos yongs su bkang ba dang / 'di lta ste asma gar b+ha'i snod dang / asma gar b+ha'i bre dang / lnga bre rin po che byi ru dang / nor bu rin po che'i 'od zer snang bas yongs su bkang 
ba dang / 'di lta ste rin po che shi la'i snod dang / rin po che shi la'i bre dang / lnga bre kha zas zhim po ro'i mchog sna tshogs kyis yongs su bkang ba dang / 'di lta ste tsan dan gyi snod dang / tsan dan gyi bre dang / lnga bre lha rdzas lta bu'i gos phrugs 
kyis yongs su bkang ba dang / 'di lta ste rdo rje'i snod dang / rdo rje'i bre dang / lnga bre spos rin po che bye ba khrag khrig brgya stong du mas yongs su bkang ba dang / 'di lta ste snod sna tshogs dngos po rnam pa tha dad pa'i tshogs kyis bkang ba dang /bre 
dang lnga bre du ma sna tshogs bstsags par bya ba tshad med pa nor gyi dbyig dang / dngul dang gser phyes yongs su bkang ba de dag yon gyi gnas bsam gyis mi khyab par mos pa'i sems dang ldan pas sangs rgyas bcom ldan 'das rnam la 'bul lam/ dge ba'i bshes 
gnyen shin tu dkon par sems bskyed pas/ byang chub sems dpa' dkon mchog thams cad la 'bul lam/ sangs rgyas kyi bstan pa shin tu bstan pa'i phyir 'phags pa'i dge 'dun la 'bul lam/ 'phags pa'i skye bo la shin tu mos pa'i 
sems kyis gang zag gi rnam pa nyan thos dang / rang sangs rgyas la 'bul lam/ bla ma la bsnyen bkur zhing bshes gnyen la rim gro bya ba'i sems kyis pha dang ma dag la sbyin par byed dam de dang de dag tu yon tan gyi tshogs bsags pa dang / gdams 
ngag dang / bslab pa dang / 'phags pa'i bstan pa la gnas par brtson pas slob dpon dang / bla ma dang sbyin pa'i gnas la 'bul lam/ sems can thams cad la zhe mi sdang ba'i myig gis byams pa yongs su bsgoms shing gtong ba'i </font><hr>36-1-30a<br><font size=+1>
sems kyis 'das pa dang ma 'ongs pa dang / da ltar byung ba'i byang chub sems dpa' thams cad kyi dkyil 'khor gyi sbyin pa'i pha rol tu phyin pa la gcig tu nges par zhugs pa'i sems kyis sbyin pa thams cad rtsom zhing tshogs chen 
po grangs myed pas 'gro ba thams cad yongs su myi gtang zhing myi spang ba'i sems la shin tu gnas te/ sbyin pa'i dngos po thams cad la mngon par ma chags pa dang / yon gyi gnas thams cad rab tu bzung ba'i sems la gnas pas bkren pa dang / 
phongs ba'i slong ba rnams la snod sna tshogs dang bre dang lnga bre yo byad kyi tshogs rnam pa tha dad pas yongs su bkang ba de dag sbyin pa dang yongs su gtong ba'i tshe/ dge ba'i rtsa ba de dag 'di ltar yongs su bsngo ste/ dge ba'i rtsa ba 'dis sems can thams cad dran pa'i 
dbang po nam mkha'i dbyings ltar yangs pa dang ldan te/ 'jig rten pa dang 'jig rten las 'das pa'i skad thams cad gzung ba dang / blang ba dang / yid la bya ba'i dran pa rmongs pa myed cing / snod tshad myed pa'i snying po can du gyur cig /sems can 
thams cad sangs rgyas kyi chos zab mo rgyun 'chad pa myed pa'i chos can du gyur te/ snod bzang po rnam par dag par gyur cig /sems can thams cad 'das pa dang / ma byon pa dang / da ltar byung ba'i sangs rgyas thams cad kyi chos yang 
dag par 'dzin pa'i chos can du gyur te/ bla na myed pa'i snod rin po che lta bur gyur cig /sems can thams cad 'das pa dang / ma byon pa dang / da ltar byung ba'i sangs rgyas thams cad kyi byang chub dbyer myed pa la mos pas yang dag par gzung 
zhing sangs rgyas kyi chos yangs pa'i snod du gyur cig /sems can thams cad byang chub kyi sems bskyed pa rgya che zhing mthu che ba la yang dag par gzhol bas rin po che'i snod rnam pa'i mchog thams cad dang ldan pa shin tu brgyan pa lta bur gyur cig /sems </font><hr>36-1-30b<br><font size=+1>
can thams cad sangs rgyas kyi ye shes mtha' dang dbung med pa tshad myed pa la mos pa rnam par dag cing yon tan thams cad kyi snod dang 'byung gnas su gyur cig /sems can thams cad sangs rgyas kyi rnam par thar pa bsgribs pa med pas thams cad mkhyen 
pa'i ye shes kyi mthar gtugs te/ thams cad mkhyen pa'i ye shes kyi khongs su chud par gyur cig /sems can thams cad sems can gyi khams thams cad ma lus par thams cad mkhyen pa'i stobs la rab tu gzhag pa'i phyir phyi ma'i mtha'i bskal par 
byang chub sems dpa'i spyod pa'i snod du gyur cig /sems can thams cad sangs rgyas thams cad kyi gsung gi yan lag gis chos bstan pa yang dag par 'dzin pa'i sems dang ldan par gyur te/ yon tan mchog thams cad dang dus gsum gyi 
sangs rgyas kyi rigs kyi snod du gyur cig /sems can thams cad sangs rgyas thams cad kyi chos kyi 'khor lo bskor ba la gsol ba 'debs pa dang chos yongs su 'dri ba la smra ba'i sngon du 'gro ba'i skyes bur gyur te/ de bzhin gshegs pa thams 
cad kyi 'khor gyi dkyil 'khor 'jig rten gyi khams nam mkha'i mthas gtugs pa gang bar byed pa shong ba'i snod du gyur cig ces/ de ltar byang chub sems dpa' dge ba'i rtsa ba de dag ci nas kyang sems can gyi khams thams cad byang chub sems dpa' 
kun tu bzang po'i spyod pa dang / smon lam yongs su rdzogs pa'i snod du 'gyur ba'i phyir yongs su bsngo'o/ /byang chub sems dpa' sems dpa' chen po shing rta sna tshogs dang / shing rta du ma dang / rin po che sna tshogs kyi shing rta tshad myed pa dag 
sangs rgyas dang byang chub sems dpa' gcig nas gcig tu brgyud pa dang / bla ma dang / ston pa dang / dge ba'i bshes gnyen dang / dge 'dun dang / nyan thos dang / rang sangs rgyas dang / sbyin pa'i gnas sna tshogs slong zhing len pa dang /</font><hr>36-1-31a<br><font size=+1>
phyogs gzhan nas 'ongs pa'i gang zag sna tshogs dang phongs pa dang bkren pa slong ba dpag tu myed pa dang / byang chub sems dpa'i sgra thos te 'ongs pa dang / byang chub sems dpar yid ches pas skabs phye ste 'ongs pa dang / byang chub 
sems dpa'i sngon gyi smon lam dang sbyin pa'i sgra thos te 'ongs pa dang /byang chub sems dpa'i smon lam dang sems kyis bos shing bstabs pa de dag las sbyin zhing gtong ba 'di lta ste/ nor bu'i shing rta la rgyan gyis shin tu mdzes par byas pa sbyin pa 'am/ 
gser gyi shing rta la dril bu'i dra ba rab tu 'khor ba'i rgyan rin po che'i srad bu'i lda ldi bkye ba sbyin pa 'am/ bai DUr+ya'i shing rta la rin po che bye ba khrag khrig brgya stong du ma rnam pa sna tshogs kyis shin tu spras pa sbyin pa 'am/ dngul gyi shing rta la shin tu dag pa'i gser 
rab tu bzang po'i dra bas g.yogs shing rta cang shes la bcas pa rin po che bye ba khrag khrig brgya stong du mas brgyan cing klubs par sbyin pa 'am/ gser gyi shing rta la rin po che'i dra ba dang rgyan thams cad phun sum tshogs pas brgyan cing glang po cang shes la 
bcas pa sbyin pa 'am/ tsan dan gyi shing rta la rin po che'i dam pa sna tshogs gyis shin tu spras te rin po che'i seng ge'i khris brgyan pa/ na cung brgya phrag stong zhon pa/ rgyan thams cad dang rin po che sna tshogs thams cad kyi gdugs phun sum tshogs 
pa skyes bu cang shes brgya stong du mas drang ba sbyin pa 'am/ /shel gyi shing rta la rin po che du mas kha dog rnam par 'byes par shin tu mdzes par byas shing / na cung bye ba khrag khrig brgya stong grangs myed pas yongs su gang ba rin po che'i bla res yog 
par bres pa/ rgyal mtshan dang / ba dan sna tshogs kyis phyogs bzhi nas brgyan pa sbyin pa 'am/ asma gar b+ha'i shing rta la rin po che sna tshogs du mas shin tu mdzes par byas te/ spos sna tshogs dri zhim pos bdugs pa/ spos [(]gyi [,]kyi[)] </font><hr>36-1-31b<br><font size=+1>
dam pa thams cad kyi byug pas rab tu byugs pa/ me tog gi rgyan thams cad kyis chal par bkang ba/ bu mo brgya phrag stong gis rin po che'i srad bu thogs te/ 'khrul ba myed par drang ba sbyin pa 'am/ dri zhim po sna tshogs kyi shing rta la ras dang 
gos sna tshogs kyi bla re bres pa rin po che'i dra bas yog par khebs pa/ spos zhim po yid du 'ong ba rnam par dag pa/ myi mthun pa myed pa tshor na dga' ba shin tu 'thul ba mtshams kyi lha'i bus drang ba/ rin po che'i 'khor lo thams cad kyis shin tu brgyan cing 
mdzes par byas pa sbyin pa 'am/ rin po che thams cad tshogs pa'i 'od 'byung ba'i shing rta la kha dog rnam pa sna tshogs su snang ba'i rin po che rnam pa du ma'i rgyan gyis brgyan pa/ rin po che sna tshogs kyi dra ba'i bla re bres pa rin po che sna tshogs kyi phreng ba mtha' 
yas pa kun nas sbyangs pa/ bu dang bu mo bskyon pa spos sna tshogs kyi phye mas mtha' 'khor shin tu sbyangs pa sbyin pa byed pa na de dag las sangs rgyas bcom ldan 'das rnams la shing rta 'bul ba'i tshe/ dge ba'i rtsa ba de 'di ltar yongs su bsngo ste/
sems can thams cad sangs rgyas la yon tshad myed pa 'bul bar dad cing sbyin pa'i gnas kyi dam pa la shin tu mos par gyur cig sems can thams cad sbyin pa'i gnas mtha' yas pa rnam par dag pas sangs rgyas la rab tu rten par gyur cig /
sems can thams cad gtong ba rgya chen po yongs su grub pas sangs rgyas thams cad la yongs su gtong bar mos par gyur cing / sems can thams cad sangs rgyas kyi rnam par thar ba bsgribs pa myed pa rab tu thob cing nyan thos dang rang sangs rgyas kyi smon 
lam dang bral te/ sangs rgyas la bskyed pa'i yon tan thams cad mkhyen pa'i ye shes kyis myong bar gyur cig /sems can thams cad mtha' yas pa'i ye shes la shin tu mos shing sangs rgyas la yon gsol bzang mi shes par gyur cig/</font><hr>36-1-32a<br><font size=+1>
sems can thams cad bla na myed pa'i ye shes kyi rgyal pos rnam par dag cing ye shes kyi mchog la rab tu rten par gyur cig /sems can thams cad sangs rgyas kyi rdzu 'phrul thams cad du 'gro ba thob ste/ gang du dga' bar 'gro bar gyur 
cig/ sems can thams cad ye shes mtha' yas pa'i 'byung gnas la rab tu 'khod pa 'grub pa'i phyir ye shes chen po la rab tu rten par gyur cig /sems can thams cad thams cad mkhyen pa nyid kyi zhing las rnam par skye ba'i chos can du gyur te bsod nams 
kyi zhing dam par gyur cig /sems can thams cad dge ba'i rtsa ba thams cad bskyed pas sangs rgyas kyi ye shes la mos shing sangs rgyas thams cad la mi dga' ba med pa'i sems su gyur cig /sems can thams cad sems kyi skad cig gcig gis chos kyi 
dbyings thams cad du ngal ba myed par zhugs te/ sangs rgyas kyi zhing thams cad yongs su bsgrub pa lhun gyis grub par gyur cig /sems can thams cad sangs rgyas skye ba thams cad kyi drung du phyin pas byang chub sems dpa'i mngon par 
shes pas nam mkha'i dbyings thams cad du shin tu rnam par phye ba'i lus la rab tu zhugs par gyur cig /sems can thams cad gnas dpe myed pa'i lus rab tu thob pas ngal zhing dub pa myed par 'jig rten gyi khams thams cad du 'gro bar gyur cig /
sems can thams cad phyir mi ldog pa'i yid [(]gyis [,]kyis[)] 'gro ba dang ldan zhing lus kyi mgyogs pa phun sum tshogs pa dang ldan par gyur cig sems can thams cad sems kyi skad cig gcig gis bsam pa dang / khams khyab par byed pas sangs rgyas kyi rnam par 
'phrul pa thams cad yang dag par ston pa'i snang ba dang ldan zhing sangs rgyas thams cad kyi byin gyi rlabs dang / khyu mchog gi mthu 'byin pa'i pha rol tu phyin pa thob par gyur cig /sems can thams cad byang chub sems dpa' thams cad kyi spyod pa'i </font><hr>36-1-32b<br><font size=+1>
rjes su 'gro ba la bde bar 'gro bas rab tu brtson par gyur cig /sems can thams cad stobs bcu'i ye shes thams cad ma lus pa'i mthar thug par 'gro ba thob pas shin tu myur du 'gro bar gyur cig /sems can thams cad chos kyi dbyings 
thams cad tha myi dad par 'jug pa la 'jig rten gyi khams kyi rgyud thams cad du 'gro ba'i pha rol tu phyin pa thob par gyur cig /sems can thams cad phyir myi ldog pa'i thams cad mkhyen pa'i ye shes kyi spyod yul dang tshul shes te/ byang chub sems 
dpa' kun tu bzang po'i spyod pa khong du chud pa'i pha rol tu phyin pa thob pas 'dong bar gyur cig /sems can thams cad chos nyid thams cad kyi rjes su song zhing chos ji lta ba bzhin du mthong bas 'dra ba myed pa'i ye shes kyi tshul thob par gyur cig /ces de 
ltar byang chub sems dpa' sems dpa' chen po de bzhin gshegs pa rnams mngon du gyur pa 'am/ de bzhin gshegs pa yongs su mya ngan las 'das pa'i mchod rten la shing rta 'bul ba'i tshe/ dge ba'i rtsa ba de dag sems can thams cad kyis de bzhin 
gshegs pa'i theg pa bsgribs pa myed par 'byung ba'i mthar phyin par yongs su bsngo'o/ /byang chub sems dpa' sems dpa' chen po dge ba'i bshes gnyen la shing rta 'bul ba'i tshe/ dge ba'i rtsa ba de dag sems can thams cad la 'di ltar yongs su 
bsngo ste/ dge ba'i rtsa ba 'dis sems can thams cad byas pa'i drin myi gtong ba'i phyir/ dge ba'i bshes gnyen myi gtong ba'i sems stor ba myed par gyur cig /sems can thams cad skal pa mnyam pa'i dge ba'i rtsa ba yongs su 
'dzin pa'i phyir dge ba'i bshes gnyen dang don mthun par gyur cig /sems can thams cad gtong ba dang yongs su gtong ba thams cad kyis dge ba'i bshes gnyen la phan 'dogs pa'i phyir dge ba'i bshes gnyen la bla ma'i rim gros cher brtson par </font><hr>36-1-33a<br><font size=+1>
gyur cig /sems can thams cad dge ba'i bshes gnyen dang nye bar byas te/ spyad pa bsgrub pa'i phyir bsam pa dge ba dang ldan par gyur sems can thams cad dge ba'i bshes gnyen dang mthun pa'i bsnyen 
bkur la nan tan byed pas/ dge ba'i bshes gnyen mthong ba rab tu thob par gyur cig /sems can thams cad sems 'khrul pa myed cing nyams pa myed pa dang / 'dres pa myed cing rnyog pa myed pa'i phyir dge ba'i bshes gnyen la grol ba'i bsam 
pa can du gyur cig /sems can thams cad yo byad ci 'dod pa rab tu bsgrub pa'i phyir dge ba'i bshes gnyen la lus yongs su gtong bar gyur cig /sems can thams cad byams pa dang ldan zhing khon myed par rim gro byed pa'i phyir dge ba'i bshes 
gnyen gyis yongs su bzung zhing rab tu brtan par gyur cig /sems can thams cad sangs rgyas kyi chos kun tu mthun pa yang dag par mnyan pa'i phyir dge ba'i bshes gnyen dang mthun par gyur cig /sems can thams cad smon lam gcig pas 
byang chub sems dpa'i spyod pa la 'byung ba dang / stobs kyi mthar gtugs pa'i phyir dge ba'i bshes gnyen gyi dge ba'i rtsa ba dang / las kyi rnam par smin pa yongs su dag pa dang mthun zhing gcig par gyur cig /sems can thams cad ting nge 'dzin thams cad 
kyi yul la rnam par 'phrul pa'i ye shes mngon par shes pas shes rab bzang pos chos kyi brtson 'grus la shin tu byung bar gyur cig /sems can thams cad chos thams cad bzung ba'i pha rol tu phyin pa'i mthas gtugs par khong du chud pas rig pa'i pha rol tu 
phyin pa thob par gyur cig /sems can thams cad thogs pa myed pa'i theg pas thams cad mkhyen pa nyid kyi mthar gtugs te theg pa chen pos mngon par spyod cing yang dag par gnas par gyur cig /sems can thams cad bde ba'i phyogs las </font><hr>36-1-33b<br><font size=+1>
phyir myi ldog pa'i yid dang ldan zhing 'gro ba thams cad shes pa'i ye shes 'dzin par gyur cig /sems can thams cad sangs rgyas kyi chos la ji ltar thos pa bzhin du rmongs pa med pas chos thams cad la rab tu gzhol zhing ji lta ba bzhin du rtogs pa'i 
mngon par shes pa dang ldan par gyur cig /sems can thams cad bsgribs pa med pa'i ye shes kyis chos thams cad la 'byung ba'i mthar thug ste/ sangs rgyas thams cad kyis yongs su bzung ba'i yid dang ldan par gyur cig /sems can thams cad 
nyams pa myed pa'i rdzu 'phrul gyi rkang pa dpe myed pa rab tu thob pas mgyogs pa dam pa'i pha rol tu phyin pas 'gro bar gyur cig /sems can thams cad 'gro ba thams cad yongs su smin par bya ba dang / theg pa chen pos 'dul ba la rab tu zhugs 
pas 'gro zhing 'ong ba phun sum tshogs par gyur cig /sems can thams cad ye shes kyi shing rtas 'gro ba'i mthar thug pas gti mug myed par 'gro bar gyur cig /sems can thams cad bsgribs pa myed pa'i ye shes kyis thams cad du 'gro ba'i tshul shes 
shing chags pa myed pa'i shing rta bzhon pa dang ldan par gyur cig ces/ de ltar byang chub sems dpa' sems dpa' chen po dge ba'i bshes gnyen la shing rta 'bul ba dang yongs su gtong bas yang dag par bzung ba'i dge ba'i rtsa ba de dag sems can thams 
cad sangs rgyas dang byang chub sems dpa' thams cad la tshul gyi rgyud gcig tu gyur pas bsnyen cing bkur ba'i yongs su bsgrub pa rnam par dag par bya ba'i phyir yongs su bsngo'o/ /byang chub sems dpa' sems dpa' chen po sbyin pa thams cad la shin 
tu bslabs pa'i sems dang ldan pa shes rab kyis shin tu rtogs pa'i bsam pa can/ yon tan gyis rnam par dag pa'i yid dang ldan pa/ mthun par yongs su gtong ba'i bsam pa can/ dge 'dun rin po che shin tu dkon pa'i sems </font><hr>36-1-34a<br><font size=+1>
dang ldan pa/ tshogs rin po che la shin tu mos pa'i bsam pa can/ bstan pa rab tu bzung ba'i yid dang ldan pa/ lhag pa'i bsam pa shin tu brtan pa'i bsam pa can/ rim gro byed pa dang ldan pa/ mchod sbyin 
chen po'i mchod sbyin shin tu byas pa/ bstan pa'i yon tan chen po brjod pa/ sangs rgyas kyi bstan pa yon tan tha myi dad pas 'od gsal zhing rnyog pa myed par dag pa ste/ de bzhin gshegs pa'i dge 'dun dkon mchog la shing rta 'bul ba'i tshe/dge 'dun dkon mchog la shing rta phul bas yang dag par bzung ba'i dge ba'i rtsa ba de dag 'di ltar yongs su bsngo ste/ dge ba'i rtsa ba 'dis sems can thams cad sangs rgyas kyi bstan pa la yang dag par gzhol bas yang dag par zin par gyur cig 
sems can thams cad 'phags pa'i skye mched las chos gzhan myed par shin tu grub pas/ sems nang du gzhol bar gyur cig /sems can thams cad sangs rgyas kyi chos gcig nas gcig tu brgyud pas yang dag par bzung bas 'phags par red 
par gyur cig /sems can thams cad 'jig rten kun gyi shes pas yid ches par bya bas grangs su bgrang bar gyur cig /sems can thams cad chos kyi dbyings myi gnyis pa'i rang bzhin shes pa khong du chud pas chags pa myed pa'i dbyings la 
yang dag par gzhol bar gyur cig /sems can thams cad de bzhin gshegs pa'i ye shes kyi spyod yul gyis yang dag par byung bas cang shes kyis kun nas bskor bar gyur cig /sems can thams cad nye ba'i nyon mongs pa'i rdul thams cad 
dang bral bar nyon mongs pa myed pa'i chos la spyod par gyur cig /sems can thams cad 'phags pa'i dge 'dun so so'i skye bo myed pa'i sas bla na med pa'i dge 'dun dkon mchog rab tu brjod par gyur cig /sems can thams cad chags </font><hr>36-1-34b<br><font size=+1>
pa myed par gyur pa'i ye shes la shin tu brtson pa'i chos can du gyur te/ 'phags pa'i chos dang ldan par gyur cig /sems can thams cad khams gsum thams cad kyis gos pa myed pa'i sems dang ldan zhing tshogs kyi rgyal po dam par gyur 
cig /sems can thams cad ye shes kyi chos kyi 'khor lo bskor ba la mkhas pas legs par bcas pa'i ye shes kyi bzhon pa dang ldan par gyur cig /sems can thams cad 'jig rten gyi khams kyi rgyud brjod du myed pa'i yang brjod du med 
par shin tu 'gro ba'i 'gros la mkhas pas sems skad cig gi /rdzu 'phrul rab tu thob par gyur cig /sems can thams cad 'jig rten gyi khams thams cad du thogs pa myed pa'i ye shes dang ldan zhing nam mkha' lta bu'i lus kyi shing rta sgrub par 
gyur cig /sems can thams cad nam mkha'i dbyings dang de bzhin gshegs pa'i chos kyi dbyings kyi mthas gtugs par khyab par byed pas de bzhin gshegs pa thams cad kyi 'khor gyi dkyil 'khor du 'gro ba'i pha rol tu phyin pa'i mchog thob par 
gyur cig /sems can thams cad sangs rgyas kyi zhing thams cad ma lus par gang du dga' bar 'gro zhing rgyu ba dang ldan pas lus yang ba'i khyad par rjes su rtogs pa rab tu thob par gyur cig /sems can thams cad 'jig rten gyi khams thams 
cad du lus yang dag par ston pa'i phyir/ rdzu 'phrul gyi 'khor mtha' yas pa la mkhas par gyur cig /sems can thams cad 'jig rten gyi khams thams cad du lus 'phos pa myed par 'gro ba yang dag par ston pa'i phyir/ rdzu 'phrul chen 
po'i khyu mchog gi mthu phyung ba'i pha rol tu phyin pa thob par gyur cig /sems can thams cad myig yor lta bu'i rdzu 'phrul gyis 'gro ba mngon par bsgrub pa'i ye shes rab tu thob pas/ sangs rgyas kyi zhing thams cad la myi gnas pa'i lus rab tu </font><hr>36-1-35a<br><font size=+1>
thob par gyur cig /sems can thams cad dus la ji ltar 'bab par sems can yongs su smin par byed cing / 'dul ba myi gtong ba'i phyir bsam gyis myi khyab pa'i rdzu 'phrul gyis khyu mchog gi mthu phyung ba yang dag par ston 
par gyur cig /sems can thams cad skad cig gcig gis chos kyi dbyings thams cad la chags pa myed cing bsgribs pa myed pa'i tshul gyis sems skad cig gcig gis phyogs thams cad du 'gro ba'i rdzu 'phrul la mngon par mkhas par gyur cig ces/ de ltar 
byang chub sems dpa' sems dpa' chen po dag 'dun la shing rta 'bul zhing yongs su gtong bas yang dag par bzung ba'i dge ba'i rtsa ba de dag de ltar sems can thams cad bla na med pa'i ye shes kyi shing rta la gnas pa rnam par dag par 'gyur ba 
dang / chos kyi 'khor lo dang / chos kyi dbyings thams cad shes pa'i ye shes kyi 'khor lo rab tu bskor bar 'gyur ba'i phyir yongs su bsngo'o/ /gzhan yang byang chub sems dpa' sems dpa' chen po sbyin pa'i gnas kyi 'du shes nye bar 
gzhag pa'i sems dang ldan pa/ rim gro can zhes dang ldan pa/ bdag nyid che ba'i yon tan rgya mtsho gang chen mtsho'i tshul la mkhas pa/ yon tan dang ye shes kyi 'byung gnas kyi rigs dang ldan pa/ de bzhin gshegs pa'i yon 
tan la rnam par sems pa/ mthu chen por skyes pa bskal pa bye ba khrag khrig brgya stong du yongs su bsgoms pa'i sems dang ldan pa/ byang chub sems dpa'i spyod pa dus brjod du myed pa thams cad du spyod pa rnam par spyad pa la rab tu zhugs pa/ 
bdud kyi bcings pa thams cad las sems rab tu grol ba/ bdud du ma'i sde dang bdud thams cad kyi shes pa'i stobs rab tu 'joms pa'i sems dang ldan pa gzhal du myed pa'i chos la mkhas pas/ snang bar gyur pa de nyan thos dang / rang </font><hr>36-1-35b<br><font size=+1>
sangs rgyas la shing rta 'bul ba'i tshe/ shing rta yongs su btang bas yang dag par bzung ba'i dge ba'i rtsa ba de dag 'di ltar yongs su bsngo ste/ sems can thams cad bla na myed pa'i sbyin pa yongs su smin pa grub pas sbyin pa'i gnas kyi dam 
par yid ches par gyur cig /sems can thams cad gcig tu spyod cing myi gnyis par yang dag par spyod pas 'du 'dzi myed pa la dga' bar gyur cig /sems can thams cad 'gro ba thams cad bsod nams kyis yang dag par bsdu ba la 
brtson pas sbyin pa rnam par dag par byed pa'i mchog tu gyur cig /sems can thams cad dge ba'i rtsa ba grangs myed pa'i 'bras bu rab tu gtong bas ye shes kyi mu stegs las byung bar gyur cig /sems can thams cad sbyin pa'i dkyil 
'khor mchog gis rnam par dag pas bsgribs pa myed par rtogs par khong du chud par gyur cig /sems can thams cad chos thams cad kyi rang bzhin byed pa myed par khong du chud pas nyon mongs pa myed pa'i chos la rnam par spyod par gyur cig  
sems can thams cad bsod nams kyi zhing sbyin pa'i gnas 'gro ba thams cad dga' bar byas pas bsod nams tshad myed pa shin tu bstsags par gyur cig /sems can thams cad sbyin pa'i gnas su byas te/ phan 'dogs pa rnam par 
dag pas cho 'phrul mtha' yas pas rnam par rol pa yang dag par ston par gyur cig /sems can thams cad stobs bcu'i theg pa mchog gi 'bras bu yongs su stobs pas sbyin pa'i gnas yon tan zad mi shes par gyur cig /sems can thams 
cad bsod nams kyi phung po/ myi zad pas thams cad mkhyen pa'i mthar thug par gyur te/ sbyin pa'i gnas don yod pa'i 'bras bu dang ldan par gyur cig /sems can thams cad ma thos pa'i sangs rgyas kyi chos kyi tshig dang yi ge </font><hr>36-1-36a<br><font size=+1>
'dzin cing sdig pa'i chos rab tu zhi bar gyur cig /sems can thams cad sangs rgyas kyi sgra don yod pa ye shes kyis rnam par rig pas sangs rgyas kyi chos thams cad mnyan pa la mos shing brtson par gyur cig /sems 
can thams cad sangs rgyas thams cad las thos pa rjes su bsgrags pa'i chos can du gyur te/ sangs rgyas kyi chos thams cad thos pa'i pha rol tu phyin pa thob par gyur cig /sems can thams cad zhags pa 'thub pa dgu bcu rtsa drug gi lta ba las rnam par 
'das te bstan pa la gnas pa'i bya ba la mos par gyur cig /sems can thams cad dge ba'i rtsa ba mchog rnam par spel bar byed cing 'phags pa mthong ba rab tu thob par gyur cig /sems can thams cad 'phags pa mthong zhing 'grogs pa'i bde ba 
dang ldan zhing ye shes kyis spyod pa'i gang zag la mos par gyur cig /sems can thams cad sangs rgyas kyi lta ba rjes su thos pa las byung bas/ thos pa don yod par gyur cig /sems can thams cad bstan pa la rab tu gzung ba dang 
yongs su bsrung ba la zhugs pas sangs rgyas kyi bstan pa la ye shes kyi mkhas pa rab tu thob par gyur cig /sems can thams cad sangs rgyas kyi bstan pa gsal bar bya ba'i snang ba rab tu thob pas chos thams cad thos pa shin tu 'dzin pa la zhugs par 
gyur cig /sems can thams cad sbyin pa'i mdzod kyis dga' bar spyod cing gtong ba shin tu byed pa dang / mchod sbyin shin tu byas pas sangs rgyas kyi bstan pa la yon tan ji lta ba bzhin du rtogs pa phun sum tshogs par gyur cig ces/ de ltar 
byang chub sems dpa' sems dpa' chen po/ nyan thos dang rang sangs rgyas la shing rta 'bul ba'i tshe/ dge ba'i rtsa ba de dag sems can thams cad kyi ye shes dang mngon par shes pa rnam par dag pa mchog dam pa phul rab tu 'thob cing ci nas </font><hr>36-1-36b<br><font size=+1>
kyang myi 'jigs pa dang thams cad mkhyen pa'i stobs dang myi 'jigs pa rab tu thob par bya ba'i phyir yongs su bsngo'o/ /'di ltar yang byang chub sems dpa' sems dpa' chen po sbyin pa'i gnas dang len pa sna tshogs phyogs gzhan dang gzhan nas 
'ongs pa'i gang zag dang / slong ba phongs pa dang bkren pa mang po tshad myed pa byang chub sems dpa'i sgra thos te 'ongs pa dang / byang chub sems dpa'i smon lam dang / sems bskyed pas mos shing bstabs pa thams cad gtong bas shin tu re ba'i 
yid can de dag 'ongs pa mthong nas/ slong ba la rim gro bya bas myi ngoms pa'i sems kyis slong ba 'ongs pa rnams la bzod pa gsol ba'i sems bskyed de/ 'di ltar bdag nyid phyogs de dag tu khyod kyi drung du song ste rim gro bya ba zhig na/ de 'di ltar 
khyod 'dir phyin te shin tu ngal bar gyur to/ /zhes spyi bos btud de bzod pa gsol bas slong ba thams cad bzod par byas rim gror byas/ ngal ba bstis nas ci 'dod pa sbyin pa de dag gis shin tu rim gror byed de/ 'di ltar nor bu'i shing rta 
'dzam bu'i gling gi na chung bzang mo rin po ches yongs su gang ba dang / 'di lta ste gser gyi shing rta yul gyi na chung rin po che shin tu rnam par dag pas yongs su bkang ba dang / 'di lta ste bai DUr+ya'i shing rta chung ma'i 'khor glu dang rol mo brdung zhing dkrol 
ba dang ldan pas yongs su bkang ba dang / 'di lta ste dngul gyi shing rta shin tu mdzes pa bud myed gzhon nu lha'i bu mo lta bus yongs su gang ba dang / 'di lta ste rin po che bye ba khrag khrig brgya stong grangs myed pa'i rgyan gyis brgyan pa'i shing rta bud myed 
cang shes rin po che rgyan thams cad kyis brgyan pa tshul mkhas pas yongs su gang ba dang / 'di lta ste tsan dan gyi shing rta byang chub sems dpa' zhon par 'os pa dang / 'di lta ste shel gyi shing rta bud myed bzang mo bzhin bzang ba cha byad sdug gu shin </font><hr>36-1-37a<br><font size=+1>
tu brgyan pa gzugs mdzes pa lta na sdug cing myi mthun pa med pas/ yongs su bkang ba dang / 'di lta ste a sma gar ba'i shing rta dbang bskur bas yongs su gang ba dang / 'di lta ste spos dam pa'i shing rta bu dang bu mos yongs 
su bkang ba dang / 'di lta ste rin po che'i tshogs thams cad kyis brgyan pa'i shing rta nang gi bshes gnyen dbyer myi phyed pas yongs su bkang ba dang / de rnam pa 'di lta bu'i shing rta grangs myed pa rnam pa sna tshogs slong mo ba thams cad la sbyin zhing yongs su gtong 
bas slong ba 'dod par bya ba'i dngos po rab tu thob pas yid la bsam pa shin tu rdzogs nas slong ba de dag thams cad sbyin pa thams cad sbyin pa'i tshul gyis yang dag par bzung ste/ shin tu tshim par byas shing bsam pa rdzogs par byas nas dga' ba dang mgu ba dang 
rang sa pa dang yid bde ba skyes par byas te/ dge ba'i rtsa ba de dag 'di ltar yongs su bsngo'o/ /sems can thams cad byang chub kyi shing drung du bsam gyis mi khyab cing thogs pa med pa'i shing rta'i 'khor lo phyir myi ldog pas 'gro ba dang ldan te/ 
thog pa chen po'i shing rta la zhon par gyur cig /sems can thams cad byang chub sems dpa'i spyod pa thams cad la spyod cing phyi ma'i mtha'i bskal pa'i mur thug par phyir myi ldog par chos kyi shing rta cang shes la zhon par gyur cig /sems can thams cad 
chos thams cad la rnam par rtog pa'i rlom sems med cing thams cad mkhyen pa'i rigs kyi lam la brtson pas chos thams cad ci yang ma yin pa'i shing rta la zhon par gyur cig /sems can thams cad thogs pa med pa'i rdzu 'phrul gyis/ sangs rgyas kyi 
zhing thams cad du 'gro ba la brtson pas kun tu 'gro ba dri ma myed pa'i shing rta la zhon par gyur cig /sems can thams cad sangs rgyas thams cad kyi chos la dga' bas mos shing yang dag par 'gro ba la brtson pas thams cad mkhyen pa'i theg pa'i shing rta </font><hr>36-1-37b<br><font size=+1>
rjes su 'thun pa la rab tu gnas par gyur cig /sems can thams cad byang chub sems dpa'i 'byung ba'i lam bcu dang / byang chub sems dpa'i ting nge 'dzin thams cad la rab tu dga' ba'i yid dang ldan zhing byang chub sems dpa'i spyod pa rnam 
par dag pa'i shing rta la zhon par gyur cig /sems can thams cad tshul dang 'dra ba'i yul na gnas pa dang ldan pa dang / skyes bu dam pa la rten pa thob pas/ sngon byas pa'i bsod nams shin tu bstsags pa dang / yang dag pa'i smon lam 
la shin tu brtson pa dang / byang chub sems dpa'i tshangs par spyod pa rnam par dag pa yongs su rdzogs pa phun sum tshogs pas 'khor lo bzhi pa'i shing rta la zhon par gyur cig /sems can thams cad de bzhin gshegs pa ma lus pa'i stobs 
dang ye shes la brtson pas phyogs thams cad kyi chos kyi dbyings su chos kyi snang ba gtong ba la bslab par gyur cig /sems can thams cad chos kyi shing rtas 'byung ba'i pha rol du phyin pa thob ste/ sangs rgyas kyi chos kyi shing rta la zhon par gyur cig /
sems can thams cad phyogs thams cad du legs pa dang bde ba yang dag par ston pas bsod nams thams cad dge ba'i rtsa ba tshad myed pa dang / chos bsam gyis mi khyab pa'i shing rta la mkhas par gyur cig /sems can thams cad 'jungs pa'i dri 
ma rab tu byang ste sbyin pa gtong bas 'byung ba'i shing rta dang ldan par gyur cig /sems can thams cad chos kyi dbyings mtha' dang dbus med pa ma lus pas tshul khrims rnam par dag pas tshul khrims kyi pha rol tu phyin pa'i ye shes rnam par dag pa'i 
shing rta dang ldan par gyur cig /sems can thams cad sems 'khrugs pa myed par gnas pas 'gro ba thams cad kyi bsam pa 'khrugs pa myed cing bzod pa'i pha rol tu phyin pa'i ye shes kyi shing rta dang ldan par gyur cig /sems can thams </font><hr>36-1-38a<br><font size=+1>
cad 'byung ba'i shing rtas snying po byang chub tu 'gro bar spyod pa'i go cha bgos pas brtson 'grus kyi pha rol tu phyin pa'i ye shes kyi shing rta dang ldan par gyur cig /sems can thams cad shin tu mgyogs pa'i shing rtas snying po 
byang chub tu byung ste/ bsam gtan gyi pha rol tu phyin pa'i ye shes kyi shing rta dang ldan par gyur cig /sems can thams cad chos kyi dbyings kyi shing rta la shin tu zhon zhing sangs rgyas kyi yul sprul pas rgyas par byed pa'i phyir shes rab kyi pha rol tu phyin 
pa'i ye shes kyi shing rta dang ldan par gyur cig /sems can thams cad chos yongs su gtong ba la 'jigs pa med pas thams cad mkhyen pa nyid kyi don du sbyin pa gtong ba'i phyir chos kyi rgyal po'i shing rta la zhon par gyur cig /sems can thams cad 
chos kyi mtshan nyid dang rang bzhin gyi phyogs thams cad la rab tu 'jug pa rmongs pa med pa'i phyir smon lam la myi gnas pa'i ye shes kyi shing rta dang ldan par gyur cig /sems can thams cad theg pa chen po ma nor bas 'jig rten gyi khams thams cad du skye 
zhing lus yang dag par bstan pa'i phyir sangs rgyas thams cad kyi chos kyi shing rta la zhon par gyur cig /sems can thams cad byang chub sems dpa' kun tu bzang po'i smon lam skyo ba myed par yongs su rdzogs par bya ba dang yongs su rdzogs par byed pa'i 
phyir/ thams cad mkhyen pa rin po che'i shing rta la zhon par gyur cig ces de ltar byang chub sems dpa' sems dpa' chen po sbyin pa'i gnas dang len pa dang spong ba sna tshogs la shing rta dga' ba dang / rab tu dga' ba dang mos pa dang spro ba'i 
yid kyi rnam par rtog pas byin pas yongs su bsdus pa'i dge ba'i rtsa ba de dag sems can thams cad thams cad mkhyen pa'i theg pa la bzhon pa shin tu bsgrubs pas ye shes dang sems kyi rnam pa mtha' yas pa yongs su rdzogs par bya ba'i phyir </font><hr>36-1-38b<br><font size=+1>
yongs su bsngo'o// //sangs rgyas rmad ga cad ces bya ba shin tu rgyas pa chen po'i mdo/ /bam po bzhi ba/ /'di ltar yang byang chub sems dpa' sems dpa' chen po glang po cang shes yan lag bdun shin tu gnas 
pa lo drug cu lon pa mche ba drug dang ldan pa/ kha dog pad mo lta bu gdong rnam par dag pa/ dkar zhing dri ma myed pa/ gser gyi rgyal mtshan can gser gyi rgyan dang ldan pa/ gser gyi dra bas lus kun nas yog pa/ sna rin po che sna tshogs kyi 
dra ba'i rgyan du bcug pa/ gser ltar blta na mdzes pa dpag tshad stong gi khyon du ngal ba myed par 'gro ba sbyin zhing gtong ba 'am/ rta cang shes gom pa zo mdog bde bar 'dor zhing 'deg pa dang / bya ltar mgyogs pa dang ldan pa/ rngog ma lcang 
lor 'khril ba/ nam tsong dang rmig par ldan pa/ rmig pa'i dbyibs mtho zhing skyon myed pa gser gyi dril bu'i dra bas brgyan pa rin po che sna tshogs kyi nyi ma'i dkyil 'khor dang / zla ba dang ldan pa/ glo kun nas brgyan pa rin po che sna tshogs kyi gdong 
rgyan gyis rnam par brgyan pa zhon na bde ba lus la byams pa shin tu mgyogs pa phyogs bzhir yid ltar mgyogs pa'i shugs dang ldan pa/ lha rdzas lta bu'i lhab lhub thams cad dang ldan pa de lta bu'i bla ma'i skye bo dang / bla mar bya ba dang / dge ba'i bshes 
gnyen dang / pha dang ma dang phongs pa dang / bkren pa dang / slong ba dang len pa'i 'gro ba thams cad la sbyin zhing yongs su gtong ba dang / sems yangs pas sbyin pa dang / sems la chags pa med par gtong ba dang / rjes su 'gyod pa myed 
pas yid mgu bar byed pa dang / snying rje chen pos yongs su rgyas pa'i bsam pas gtong ba chen po rab tu gtong zhing / byang chub sems dpa'i yon tan thams cad la rab tu brtson pa dang / byang chub sems dpa'i rigs su mngon par skyes </font><hr>36-1-39a<br><font size=+1>
pa'i bsam pa yongs su sbyong ba'i tshe/ dge ba'i rtsa ba de dag 'di ltar yongs su bsngo ste/ sems can thams cad byang chub sems dpa' thams cad kyi yon tan gyi rgyan gyis byung ste/ cang shes kyi theg pa la rab tu gnas 
par gyur cig /sems can thams cad sangs rgyas thams cad kyi rjes su 'gro ba'i chos kyi theg pas byung ste/ theg pa bzang po'i bzhon pa la mngon par zhon par gyur cig /sems can thams cad de bzhin gshegs pa'i stobs bsgribs pa med pa'i ye 
shes kyi theg pas snang bar gyur te/ theg pa chen po la shin tu mos par gyur cig /sems can thams cad smon lam thams cad sgrol ba la rab tu zhugs pas brtsam pa chen po'i theg pa dang ldan par gyur cig /sems can thams cad dge ba'i 
rtsa ba mnyam par bsgrub pa yongs su rdzogs par bya bar ba tu 'thob pa la pha rol tu phyin pa'i theg pa mnyam pa nyid kyis byung bar gyur cig /sems can thams cad bla na myed pa'i ye shes rin po ches sangs rgyas thams cad kyi chos la shin tu 'byung ba'i chos 
can du gyur te/ theg pa rin po che yongs su rdzogs par gyur cig /sems can thams cad byang chub sems dpa'i ting nge 'dzin thams cad kyi me tog rgyas pa'i sems dang rgyud du gyur te/ byang chub sems dpa'i spyod pa'i rgyan rnam par bsags pa'i 
theg pas shin tu byung bar gyur cig /sems can thams cad mtha' yas pa'i theg pa myur ba la mngon par brtson pa'i ye shes kyi chos can du gyur te/ bskal pa grangs med pa'i byang chub sems dpa' spyod pa'i rjes su bsam pa rjes su sems shing 
rnam par sbyong bar gyur cig /sems can thams cad byang chub sems dpa' thams cad kyis yang dag par bsgrub pa la mkhas pas longs spyod kyi mchog thams cad dang cang shes kyi theg pa chen po'i sbyin pa byed par gyur cig /sems can </font><hr>36-1-39b<br><font size=+1>
thams cad 'gro ba kun thams cad mkhyen pa nyid kyi lam gyi mthar gtugs par mngon par gzung bar bya ba'i phyir/ theg pa shin tu mtho bar gnas shing rab tu brtan pa dang ldan par gyur cig ces/ de ltar byang chub sems dpa' 
sems dpa' chen po glang po cang shes dang rta cang shes bye ba khrag khrig brgya stong grangs med pa'i sbyin pa byed pa'i tshe/ dge ba'i rtsa ba de dag sems can thams cad chags pa med pa'i theg pa la mngon par bskyon zhing ye shes kyi bzhon pa/ yongs su 'grub 
pa dang de bzhin gshegs pa'i theg pa bsgrib pa med pas 'byung ba'i mthar thug par yongs su bsngo'o/ /'di ltar byang chub sems dpa' sems dpa' chen po 'khor los sgyur ba'i rgyal por gyur pa chos kyi dbang byed pa/ stan gyi sbyin pa byed cing 
rgyal po bzhugs pa'i khri stan bzang po bai DUr+ya'i rkang pa can seng ge'i khri la gnas pa/ gser gyi rgyu dang rin po che'i dra bas blas pa/ stan reg na bde ba grangs myed pa du ma bting ba/ nyen kor spos kyi dam pa thams cad kyis shin tu dri zhim par 
byas pa nor bu rin po che sna tshogs kyi rgyal mtshan bsgreng ba rin po che bye ba khrag khrig brgya stong du ma'i rgyan gyis brgyan pa/ gser gyi dra ba'i bla re bres pa/ gser gyi dril bu'i dra ba 'khrol ba'i sgra yid du 'ong ba'i dbyangs 'byung ba/ rin po che'i 'bru bye ba 
khrag khrig brgya stong phrag bcus kun nas bskor te rnam par phye bas shin tu 'phags shing blta na mdzes pa/ srog chags bye ba khrag khrig brgya stong grangs med pas kun nas blta ba/ gdugs khab gcig gis sa chen po thams cad skyong bar dbang 
bskur ba/ rgyal srid kyi dbang phyug thams cad la dbang ba'i stan du bya ba de la 'dug cing 'khor lo thogs pa med pas bskyang ba dang / chis bya ba la rgyal po'i bka' thams cad nyams pa med par nyan pa/ dpal rnam par snang ba dang / in dra nI la </font><hr>36-1-40a<br><font size=+1>
dang / nor bu rin po che'i snying pos spras pa/ nyi ma dang zla ba dang skar ma che phra lta bur rab tu brgyan pa/ rgyan rnam pa sna tshogs rmad du byung bas brgyan pa rin po che khyad par du 'phags pa rgya mtshos spras pa/ rgya mtsho dang / 
rgyal mtshan dang / bkra shis dang / bum pa sna tshogs yongs su gang ba dang / dga' ba 'khyil pa'i rgyan sna tshogs kyis rnam par brgyan pa/ 'dzam bu'i chu klung gi gser gyi gyim bag dri ma med cing rdul dang bral bas bkab pa de la 'dzam bu'i gling thams 
cad kyi bdag po spyi bo nas dbang bskur bas mngon par dbang bskur ba'i bsod nams kyi stobs dang ldan pa/ byams pas dbang bskur ba/ pha rol gyi 'khor bcom pa dang ldan pa/ bka' la zlog pa med pa 'dug na dga' ba de lta bu'i stan gyi rnam pa tshul de 'dra ba 
sbyin zhing yongs su gtong ba dang / de dang de dag gi rgyal po bye ba khrag khrig brgya stong grangs med pa la khri stan bzang po'i rnam pa/ de lta bu'i sbyin pa byed cing yongs su gtong ba dang / yang dag par rdzogs pa'i sangs rgyas sbyin pa'i gnas kyi dam pa la 
gsol ba 'am/ skyes bu dam pa dge ba'i bshes gnyen nam/ 'phags pa'i dge 'dun dkon mchog gam/ chos smra ba 'am/ chos la dgab pa'i phyir yongs su g.yog pa'i sems kyis sam/ pha dang ma dang bla ma'i skye bo 'am/ nyan 
thos dang rang rgyal ba'i sbyin pa'i gnas sam/ byang chub sems dpa'i theg pa la yang dag par zhugs pa thams cad dam/ de bzhin gshegs pa thams cad kyi mchod rten mchod pa'i phyir ram/ phongs pa dang / bkren pa slong ba dpag tu 
myed pa dag gam/ sems can thams cad la phan gdags pa'i phyir yang rung ste/ sbyin zhing yongs su gtong ba'i tshe/ dge ba'i rtsa ba de dag 'di ltar yongs su bsngo ste/ dge ba'i rtsa ba 'dis sems can thams cad sangs rgyas kyi chos thams cad </font><hr>36-1-40b<br><font size=+1>
rnam par 'tshang rgya ba'i ye shes dang ldan zhing shin tu byang chub pa'i stan dang ldan par gyur cig /sems can thams cad bdud kyi dkrugs ma dang dpung rab tu gzhom pa'i phyir/ chos kyi dbang phyug thams cad kyi rdo rje'i ri rnam pa thams cad du 
thub pa med pa'i lus dang ldan zhing 'gro ba thams cad la dbang ba'i stan rab tu thob par gyur cig /sems can thams cad 'gro ba thams cad kyis blta bar 'os shing sangs rgyas rnam par rol pa'i seng ge'i gdan rab tu thob par gyur cig /sems can 
thams cad 'gro ba kun la chos kyi dbang phyug gis skyong ba'i phyir stan gyi rgyan dang 'khor rnam par dag pa brjod du myed pa'i yang brjod du med pa rab tu thob par gyur cig /sems can thams cad dge ba'i rtsa ba tshogs chen po rnam par dag pas/ khams gsum pas 
zil gyis myi non pa'i stan rab tu thob par gyur cig /sems can thams cad bskal pa grangs myed par sangs rgyas kyi gdan gyi yon tan bsngags pa mthar thug pa myed pa dang ldan zhing 'jig rten gyi khams brjod du myed pa'i yang brjod du myed pa stan gyis 
rgyas par byed pa'i byin gyi rlabs dang ldan par gyur cig /sems can thams cad chos kyi dbyings thams cad lus kyis rgyas par byed pa'i phyir gter chen po'i tshogs kyi stan la gnas par gyur cig /sems can thams cad ji ltar dam 
bcas pa'i sems can gyi khams thams cad la chos kyi sbyin pas rim gro byed pa'i phyir/ rgyan gyi rnam pa bsam gyis mi khyab pa sna tshogs dang ldan pa'i stan rab tu thob par gyur cig /sems can thams cad rdzu 'phrul dang / rnam par 'phrul pa thams 
cad dang / sangs rgyas kyi khyu mchog gi mthu phyung ba yang dag par ston pa'i phyir dge ba'i stan la rab tu gnas par gyur cig /sems can thams cad de bzhin gshegs pa'i ye shes kyis rnam par 'tshang rgya zhing de bzhin gshegs pa'i bdag nyid che ba </font><hr>36-1-41a<br><font size=+1>
thams cad dang / khyu mchog gi mthu phyung ba yang dag par ston pa'i phyir/ rin po che thams cad kyi stan dang spos thams cad kyi stan dang / me tog thams cad kyi stan dang / gos thams cad kyi stan dang / phreng ba thams 
cad kyi stan dang / nor bu rin po che thams cad kyi stan dang / bai DUr+ya sna tshogs bsam gyis mi khyab pa'i stan dang / 'jig rten gyi khams brjod du myed pa'i yang brjod du myed pa ltar tshad myed pa'i stan dang 'gro ba thams cad ma lus par rgyan gyis rnam par dag pa'i stan dang / rdo rje'i gdan thams cad la 'khod par gyur cig ces/ de ltar byang chub sems dpa' stan gyi sbyin pas yang dag par bzung ba'i dge ba'i rtsa ba de dag sems can thams cad 'gro ba thams cad kyis ma gos pa'i byang chub kyi 
stan rab tu thob cing / sangs rgyas kyi chos thams cad rnam par 'tshang rgya ba'i phyir yongs su bsngo'o/ /'di ltar yang byang chub sems dpa' sems dpa' chen po gdugs kyi sbyin pa byed cing dbang phyug gi lus la dgab pa'i gdugs rin po 
che'i rgyan chen pos shin tu brgyan pa bye ba khrag khrig brgya stong khyad par du 'phags shing dbang che ba'i yo byad du bya ba/ rin po che'i rtsa ba can dril bu'i dra bas kun nas bskor ba/ rin po che'i srad bus gser gyi dril bu sbyangs ba'i sgra 'byung ba/ rin po che'i bai 
DUr+ya'i phreng ba rab tu sbyangs pa/ nyen kor nas rnga'i sgra dbyangs yid du 'ong ba 'byung ba/ gser gyi dra ba rnam par dag pas g.yogs shing brgyan pa/ rin po che'i dra ba brgya phrag stong gi bla re bres pa/ nor bu rin po che'i 'bru grangs myed pas 
spras pa/ rin po che bye ba khrag khrig brgya stong du mas sna tshogs su bres shing brgyan pa/ a ga ru dang / tsan dan dang / spos kyi dam pa sna tshogs bye ba khrag khrig brgya stod du mas/ nyen kor dri zhim par bsgos shing bdugs pa/ 'dzam bu chu klung </font><hr>36-1-41b<br><font size=+1>
gi gser ltar 'od gsal zhing dag pa rgyan bye ba khrag khrig brgya stong mtha' yas pas brgyan pa de bas kyang ches lhag pa'i gdugs bye ba khrag khrig brgya stong grangs myed pa dag kha na ma tho ba med pa'i sems kyis sbyin pa byed cing sems can gyi gtso bo mngon du 
gyur pa 'am/ de bzhin gshegs pa yongs su mya ngan las 'das pa'i mchod rten brgyan pa'i phyir ram/ chos btsal ba'i phyir byang chub sems dpa' dang / dge ba'i bshes gnyen nam/ byang chub sems dpa' chos smra ba btsun par bya ba dag 
gam/ pha dang ma 'am dge 'dun dkon mchog gam/ sangs rgyas thams cad kyi bstan pa 'am/ sbyin pa'i gnas kyi gang zag sna tshogs sam/ slob dpon dang bla ma dang / byang chub kyi theg pa grub pa 'am/ de la zhugs pa dag gam/
phongs pa dang / bkren pa slong ba dang / len pa dag la 'bul ba dang / yongs su gtong ba dang sbyin pa byed pa'i tshe/ dge ba'i rtsa ba de dag 'di ltar yongs su bsngo ste/ sems can thams cad sangs rgyas thams cad kyi g.yog pa rab tu thob 
ste/ dge ba'i rtsa bas yang dag par g.yogs par gyur cig /sems can thams cad nyon mongs pa dang / nye ba'i nyon mongs pa thams cad las yongs su 'das te/ yon tan dang ye shes kyis mngon par bkab par gyur cig /sems can thams cad 
'jig rten gyi rdul dang mun pa dang yongs su gdung ba thams cad las rnam par 'das te lus shin tu bkab par gyur cig /sems can thams cad 'gro ba thams cad kyis blta na sdug cing sangs rgyas thams cad la mnga' ba'i ye shes kyi snying po can du 
gyur cig /sems can thams cad sangs rgyas kyi chos la log pa myed par 'jug par brtson pas ma 'khrugs pa'i chos dkar pos shin tu bkab par gyur cig /sems can thams cad chos kyi lus kyis sangs rgyas kyi sku'i mthar gtugs te mngon </font><hr>36-1-42a<br><font size=+1>
par bgab pa'i lus dang ldan par gyur cig /sems can thams cad 'jig rten kun la stobs bcu'i ye shes kyi bla res skyob pas gdugs su red par gyur cig /sems can thams cad khams gsum thams cad 
las shin tu 'phags shing chags pa med pa'i ye shes kyi snying po dang ldan pas ye shes kyis rnam par snang bar gyur cig /sems can thams cad sbyin pa'i gnas dam pa la bsod nams thams cad kyis mchod pa'i phyir gdugs su 'os par gyur cig /
sems can thams cad bla na med pa'i ye shes kyi gdugs rnam par sangs rgyas pas gdugs kyi dam par gyur cig ces/ de ltar byang chub sems dpa' sems dpa' chen po gdugs kyi sbyin pa byed pa'i tshe/ dge ba'i rtsa ba de dag sems can thams cad 
kyis chos la dbang ba'i gdugs yang dag par bzung ba thob par bya ba'i phyir yongs su bsngo'o/ /gdugs gcig gis nam mkha' thams cad kyi dbyings kyis klas pa/ chos kyi dbyings kyi mthas gtugs pa'i 'jig rten gyi khams thams 
cad du sangs rgyas thams cad kyi khyu mchog gi mthu phyung ba yang dag par bstan pa las phyir myi ldog pa'i phyir yongs su bsngo'o/ /chos kyi dbyings thams cad gdugs gcig gis brgyan te/ de bzhin gshegs pa mchod par bya ba'i phyir yongs su bsngo'o/ /
gdugs dang rgyal mtshan dang ba dan yid du 'ong bas de bzhin gshegs pa thams cad kyi sku la mngon par dgab pa'i phyir yongs su bsngo'o/ /sangs rgyas kyi zhing thams cad ma lus par gdugs kyi rgyan gyis kun tu g.yog par bya ba'i phyir yongs 
su bsngo'o/ /sangs rgyas kyi mtshan la mos pa'i sems can thams cad dang 'gro ba'i tshogs thams cad gdugs thams cad kyis dgab ba'i phyir yongs su bsngo'o/ /rin po che thams cad kyi gdugs sna tshogs brjod du med pa'i yang brjod du myed pa sangs </font><hr>36-1-42b<br><font size=+1>
rgyas gcig la phul bas sangs rgyas thams cad la brjod du myed pa'i gdugs phul bar sems shing yongs su bsngo'o/ /sangs rgyas thams cad kyi byang chub mngon par byang chub pas 'phags pa'i gdugs kyis sangs rgyas thams cad dgab pa'i phyir yongs su bsngo'o/ /
sangs rgyas kyi sku ji snyed 'jig rten gyi khams chos kyi dbyings kyis klas pa/ nam mkha'i mthas gtugs pa thams cad na bzhugs pa thams cad la gdugs kyis dgab pa'i phyir yongs su bsngo'o/ /nor bu rin po che thams cad kyis brgyan pa'i gdugs 
dang rin po che thams cad kyi phreng ba brgyus shing klubs pa dang / spos thams cad kyi mchog gi dri zhim po'i ngad 'byung ba'i gdugs dang rin po che sna tshogs kyis rnam par spras pa'i gdugs dang / rgyan mdzes shing rnam par dag pa'i gdugs dang / rgyan 
tshad med par yangs shing rgya che ba dang / gser gyi dra bas kun nas yog par brgyan pa/ dril bu'i dra ba kun nas sbyangs pa'i sgra yid du 'ong zhing snyan pa 'byung ba'i gdugs dang / ye shes bsgribs pa myed cing chags pa myed pa'i gdugs dang / sangs 
rgyas thams cad la mngon par dgab pa'i gdugs yongs su btang ba'i phyir yongs su bsngo ste/ de ltar byang chub sems dpa' sems dpa' chen po gdugs kyi sbyin pas yang dag par bzung ba'i dge ba'i rtsa ba de dag sems can thams cad 
la ye shes mchog gi gdugs kyis mngon par dgab pa'i phyir yongs su bsngo'o/ /sangs rgyas thams cad kyi yon tan gyis kun nas yog cing rab tu brgyan pa'i phyir yongs su bsngo'o/ /sangs rgyas kyi ye shes dang yon tan dang dgongs pa dam pa 
rnam par dag par bya ba'i phyir yongs su bsngo'o/ /sems rin po che mtha' yas pa la dbang sgyur ba rab tu thob par bya ba'i phyir yongs su bsngo'o/ /chos thams cad la ye shes kyis dbang sgyur ba kun tu rdzogs par bya ba'i phyir yongs su bsngo'o/ /</font><hr>36-1-43a<br><font size=+1>
dge ba'i rtsa ba thams cad kyis mngon par yog par yongs su bsngo ba'i don du yongs su bsngo'o/ /'gro ba thams cad kyis ye shes mchog gi gdugs rab tu thob par bya ba'i phyir yongs su bsngo'o/ /sangs rgyas 
thams cad kyi stobs bcu'i bla rer bres pa'i gdugs su 'gyur bar bya ba'i phyir yongs su bsngo'o/ /chos kyi dbyings thams cad sangs rgyas kyi zhing gcig gis yog par bya ba'i phyir yongs su bsngo'o/ chos thams cad la dbang phyug tu dbang sgyur ba'i 
dbang thob par bya ba'i phyir yongs su bsngo'o/ /mthu chen po dang dbang chen po'i sems kyi rgyud thob par bya ba'i phyir yongs su bsngo'o/ /blo yangs pa dang sems rgya che ba thob par bya ba'i phyir yongs su bsngo'o/ /yon tan tshad myed pas 'gro ba thams 
cad mngon par dga' ba'i phyir yongs su bsngo'o/ /yon tan thams cad kyis sems mngon par dgab pa'i phyir yongs su bsngo'o/ /sems can thams cad kyis 'gro ba thams cad mngon par dgab pa'i phyir yongs su bsngo'o/ /ye shes chen pos 
mnyam par dgab pa thob par bya ba'i phyir yongs su bsngo'o/ /sems can thams cad kyis bsngo ba'i tshul ma lus par thob par bya ba'i phyir yongs su bsngo'o/ /sems dang bsam pa rnam par dag par 'gyur ba'i phyir yongs su bsngo'o/ /bsam 
pa dge ba dang yid kyi dbang po rnam par dag pa dang ldan par bya ba'i phyir yongs su bsngo'o/ /'gro ba thams cad yongs su bsngo ba chen pos mngon par dgab cing yang dag par bsdu ba'i phyir yongs su bsngo'o/ /'di ltar yang byang chub sems dpa' sems 
dpa' chen po rgyal mtshan dang ba dan rin po che sna tshogs rnam pa tha dad pa'i yu ba can/ rin po che'i dril bu'i dra ba 'khrol ba'i sgra yid du 'ong ba 'byung ba snam bu rin po che rnam pa sna tshogs spyangs pa/ kha dog dang tshon sna tshogs kyis snam bus brgyan cing </font><hr>36-1-43b<br><font size=+1>
bsgreng ba/ gser gyi dra bas kun nas spyangs shing klubs pa/ gser gyi dril bu'i sgra 'byung ba dril bu g.yer ka'i dra bas shin tu brgyan pa'i rgyal mtshan dang / ba dan bye ba khrag khrig brgya stong kha dog tha dad pa tshon tha dad pa shin tu mtho ba rin po ches rnam pa sna 
tshogs su brgyan pa/ rgyal mtshan gyi rtse mo zla kham gyis mdzes par brgyan pa/ 'dzam bu'i chu klung gi gser gyi nyi ma'i dkyil 'khor bcug pa/ 'od gzer rnam pa sna tshogs 'byung ba/ rgyal mtshan gyi rgyan gyis thams cad kun tu yog pa/ rgyal 
mtshan gyi rgyan rnam pa du ma 'od dang ldan pas rab tu brgyan pa'i rgyal mtshan rnam pa sna tshogs bsgreng ba'i rgyan de lta bu dag 'jig rten gyi khams thams cad kyi las kyi rnam par smin pa la mos pa'i rgyal mtshan gyi rgyan gyis kun tu khyab par bya ba dang / 'jig 
rten gyi khams chos kyi dbyings thams cad 'byam klas pa/ sangs rgyas kyi zhing nam mkha'i dbyings thams cad 'byam klas pa la gnas pa/ yangs pa kun tu rgyal mtshan gyi sbyin pa yongs su gtong bar mos pas 'jig rten gyi khams thams cad 
rgyas par bya ba dang / byang chub sems dpa'i bsam pa dang mos pa'i khyad par rnam par dag par bya ba'i phyir/ sangs rgyas bcom ldan 'das mngon du gyur pa rnams la 'bul ba'am/ de bzhin gshegs pa yongs su mya ngan las 'das 
pa'i mchod rten nam/ chos dkon mchog mchod pa 'am/ dge 'dun dkon mchog la 'bul lam/ dge ba'i bshes gnyen byang chub sems dpa' rnams sam/ nyan thos dang / rang sangs rgyas rnams sam/ 'khor gyi tshogs 
su gyur pa'am/ gang zag gi rnam pa gzhan su 'ang rung ste/ slong ba thams cad la rim gro bya ba'i phyir sbyin zhing yongs su gtong ba na/ rgyal mtshan dang ba dan sbyin pas yang dag par bsdus pa'i dge ba'i rtsa ba de dag 'di ltar yongs su bsngo ste/</font><hr>36-1-44a<br><font size=+1>
dge ba'i rtsa ba 'dis sems can thams cad ye shes kyi rgyal mtshan dang / ba dan la thub pa med pas dge ba'i rtsa ba dang / bsod nams thams cad yang dag par bsgreng ba'i rgyal mtshan can du gyur cig /sems can thams 
cad chos kyi gom 'phang bris pa sbed pa'i chos nyid kyis chos thams cad la dbang sgyur ba'i rgyal mtshan bsgreng bar gyur cig /sems can thams cad sangs rgyas thams cad kyi byang chub kyi chos yang dag par 'dzin pa'i chos can du gyur te/ rin po che'i 
gzhi la sangs rgyas kyi chos bris pa dang ldan par gyur cig /sems can thams cad 'gro ba kun la mar me snang bar gyur te/ rgyal mtshan shin tu 'phags par gyur cig /sems can thams cad bdud thams cad rnam par 'joms pa'i phyir/ thub 
pa myed pa'i rgyal mtshan dang ba dan can du gyur cig /sems can thams cad bdud thams cad kyis mi thub pa'i chos can du gyur te/ ye shes dang stobs kyi rgyal mtshan rab tu bsgreng bar gyur cig /sems can thams cad rgyal mtshan thams cad mi 
ltung ba'i snang ba can du gyur te/ ye shes mthu bo che'i rgyal mtshan dang ldan par gyur cig /sems can thams cad ye shes kyi dkyil 'khor gyis chos kyi dbyings thams cad rnam par dag par gyur te/ ye shes kyi nyi ma'i dkyil 'khor 'od zer rab tu 'gyed pa'i 
rgyal mtshan dang ldan par gyur cig /sems can thams cad sangs rgyas kyi mchod pa la brtson zhing rgyal mtshan sna tshogs rab tu bsgreng bas sangs rgyas thams cad kyi zhing brjod du med pa rgyas par 'gengs pa'i phyir rin po che'i rgyal mtshan gyi rgyan dang ldan 
par gyur cig /sems can thams cad zhags pa 'thub pa dgu bcu rtsa drug gi rgyal mtshan gyis dben zhing sems 'dod chags dang bral bar gyur te/ sangs rgyas kyi rgyal mtshan rab tu thob par gyur cig ces/ de ltar byang chub sems dpa' sems </font><hr>36-1-44b<br><font size=+1>
dpa' chen po rgyal mtshan dang / ba dan gyi sbyin pa byed pa'i tshe/ dge ba'i rtsa ba de dag sems can thams cad byang chub sems dpa'i spyod pa rgya che zhing yangs pa dang / zab mo thams cad dang ldan par bya ba'i phyir yongs su bsngo'o/ /byang chub sems 
dpa' thams cad kyi spyod pa dang rnam par 'phrul pa dang 'byung ba'i rgyal mtshan dang ldan zhing tha dad pa yang dag par shes pa rnam par dag pa thob par bya ba'i phyir yongs su bsngo'o/ /'di ltar yang byang chub sems dpa' sems dpa' chen po rin po che thams 
cad gtong ba la mos pa dang sems can thams cad nor gyis phyug par byed pa dang / rin po che'i mdzod thams cad 'byed pa dang / rin po che'i gter thams cad gtong ba dang /rin po che'i 'byung gnas thams cad yongs su gtong ba dang / nor bu rin po 
che thams cad kyi sbyin pa byed pa dang / rin po che kun gyis sems can thams cad la khyab par byed pa dang / rin po che'i tshogs thams cad phongs par mi sems pa'i yid kyis gtong ba dang / rin po che'i tshogs thams cad 'thor ba 'am/ rin po che 
thams cad yongs su gtang bar sems bskyed pa'i tshe/ srog chags bye ba khrag khrig brgya stong grangs myed pa la rin po che byin pas yongs su bzung ba'i dge ba'i rtsa ba de dag 'di ltar yongs su bsngo ste/ sems can thams cad dran pa'i rgyud rmongs pa myed cing / 
sangs rgyas mthong ba rab tu thob par gyur cig /sems can thams cad sangs rgyas thams cad kyi chos kyi mdzod 'dzin pas chos dkon mchog gi snang ba rab tu thob par gyur cig /sems can thams cad sbyin pa dang yongs su gtong ba shin tu brtan pas 
dge 'dun dkon mchog yongs su 'dzin par gyur cig /sems can thams cad phyir myi ldog pa'i byang chub kyi sems rnam par dag pas thams cad mkhyen pa nyid kyi sems rin po che rab tu thob par gyur cig /sems can thams cad sangs </font><hr>36-1-45a<br><font size=+1>
rgyas kyi chos thams cad la rmongs pa myed par gzhol bas ye shes rin po che la zhugs par gyur cig /sems can thams cad ye shes rin po che tshad myed pa yang dag par bstan par bya ba'i phyir byang chub sems dpa'i yon tan rin po 
che grangs myed pa phun sum tshogs par gyur cig /sems can thams cad stobs bcu'i ye shes rin po che mngon par 'tshang rgya ba la brtson pas yon tan rin po che mtha' yas pa'i bsngags pa dang ldan par gyur cig /sems can thams cad ye shes 
rin po che shin tu yangs pa'i mthar thug pas ye shes rin po che bcu drug gi snyoms par 'jug pa rab tu thob par gyur cig /sems can thams cad de bzhin gshegs pa'i ye shes rin po che la rnam par sangs rgyas pas rin po che'i dam pas sbyin 
pa'i gnas kyi mchog tu gyur cig /sems can thams cad tha dad pa yang dag par shes pa myi zad pa'i mdzod kyi chos rin po che rab tu ston pa la brtson pas rin po che'i dbang po dam par gyur cig ces/ de ltar byang chub sems dpa' sems dpa' 
chen po rin po che de dag yongs su gtong zhing sbyin pa byas pa'i tshe/ sems can thams cad sangs rgyas kyi spyan rin po che rnam par dag cing nyams pa myed pas/ ye shes dam pa rin po che yongs su rdzogs par bya ba'i phyir yongs su bsngo'o/ /
'di ltar yang byang chub sems dpa' sems dpa' chen po lus dang yan lag dang / nying lag thams cad rgyan gyis shin tu brgyan pa/ lus blta na sdug pa lus rnam par dag cing myi mthun pa myed pa'i rgyan kyis lus shin tu brgyan pa/ rin po che 
thams cad kyis rab tu brgyan pa/ rin po che'i rgyan sna tshogs rnam pa tha dad pa bye ba khrag khrig brgya stong gis shin tu brgyan pa/ sems can thams cad kyi lus/ rgyan gyis brgyan par brtson pa/ sems can thams cad la bu'i 'du shes kyis </font><hr>36-1-45b<br><font size=+1>
'jig rten gyi bde ba dang / sangs rgyas kyi bde ba thams cad stobs pa/ dga' ba sna tshogs kyis sems can rab tu dga' bar byed pa de rgyan sna tshogs rnam pa tha dad pa dag /sems can thams cad yongs su smin par bya ba dang / sangs 
rgyas kyi chos thams cad la rab tu dgod pa'i phyir sbyin zhing yongs su gtong ba'i tshe/ rgyan yongs su btang bas yang dag par bsdus pa'i dge ba'i rtsa ba de dag 'di ltar yongs su bsngo ste/ sems can thams cad ye shes kyi rgyan rnam par dag pas/ 
lha dang bcas pa'i 'jig rten gyi rgyan du red par gyur cig /sems can thams cad bsod nams kyi rgyud kyi mtshan rnam par dag pa dang ldan zhing / mtshan gyis lus shin tu brgyan par gyur cig /sems can thams cad bsod nams brgya'i mtshan dang 
ldan pa'i lus can du red de/ lus mtshan gyis shin tu brgyan par gyur cig /sems can thams cad lus kyi yan lag mtshan kun gyis brgyan pa dang ldan zhing lus mtshan gyis shin tu rnam par bris pa phun sum tshogs par gyur cig /
sems can thams cad tha dad pa yang dag par shes pa/ myi zad pa'i mdzod dang ldan zhing tshig gi rgyan gyis shin tu brgyan par gyur cig /sems can thams cad dbyangs kyi yan lag yid du 'ong zhing / rnam par dag pa dang ldan zhing yon 
tan gyis brgyan pa'i dbyangs dang ldan par gyur cig /sems can thams cad sangs rgyas kyi chos kyi tshig gi tshul rnam par dag pas/ 'gro ba kun mgu bar byed cing / sangs rgyas kyi chos thams cad kyis tshig yid du 'ong bar brgyan pa 
dang ldan par gyur cig /sems can thams cad sangs rgyas kun la lta bas snyoms par 'jug cing / sems kyi rgyan gyis brgyan par gyur cig /sems can thams cad chos snang ba thams cad gyis/ sangs rgyas kyi chos rab tu </font><hr>36-1-46a<br><font size=+1>
thob cing / gzungs thams cad kyi rgyan gyis rab tu brgyan par gyur cig /sems can thams cad sangs rgyas kyi ye shes kyis rgyud shin tu brgyan pas/ sems ye shes kyis yang dag par brgyan pa dang ldan par 
gyur cig ces/ de ltar byang chub sems dpa' sems dpa' chen pos lus kyi rgyan de dag yongs su gtong ba'i tshe/ dge ba'i rtsa ba de dag sems can thams cad kyis sangs rgyas kyi chos tshad med pa thams cad kyi yon tan dang / ye shes kyi rgyan 
yongs su rdzogs te sems can thams cad kyi ris na nga rgyal dang / rgyags pa dang / dregs pa med par bya ba'i phyir yongs su bsngo'o/ /'di ltar yang byang chub sems dpa' sems dpa' chen po dbang phyug la spyi bo nas dbang bskur bas 
mngon par dbang bskur ba/ cod pan dang gtsug gi rin po che'i sbyin pa byed cing yongs su gtong ba dang / mngon par stobs pa dang / sems can thams cad la phan 'dogs pa dang / ltos pa myed par yongs su gtong ba'i sems rnam par 'phel 
bar byed pa dang / sbyin pas bsgos pa'i rgyud yongs su sgom pa dang / sbyin pa la dbang sgyur ba rab tu 'jug pa dang / sbyin pa'i ye shes la rab tu slob pa dang / sbyin pa gtong ba'i dbang po yongs su skyed pa dang / sbyin pa gtong ba'i blo rgya cher 
byed pa'i tshe/ cod pan dang / gtsug gi rin po che yongs su btang bas/ yang dag par bsdus pa'i dge ba'i rtsa ba de dag 'di ltar yongs su bsngo ste/ dge ba'i rtsa ba 'dis sems can thams cad thams cad mkhyen pa nyid du/ sangs rgyas kyi 
chos thams cad kyis spyi bo nas dbang bskur bas/ dbang po thams cad la shin tu dbang bskur bar gyur cig /sems can thams cad ye shes kyi gtsug gi pha rol tu phyin pa thob pas/ /spyi bo gtsug tor can gyi mgo dang ldan par </font><hr>36-1-46b<br><font size=+1>
gyur cig /sems can thams cad 'gro ba kun gyi yon tan gyi spyi bo'i mthar phyin pas/ ye shes rin po che mchog gis sems can thams cad yang dag par sdud par gyur cig /sems can thams cad 'gro ba kun gyi spyi bos phyag bya bar 'os 
shing / ye shes rin po che mchog la yang dag par gnas par gyur cig /sems can thams cad chos kyi skyed pa la dbang sgyur ba rab tu thob ste/ ye shes kyi cod pan shin tu bcings par gyur cig /sems can thams cad 'jig rten kun gyis 
blta bar mi nus pa'i chos can du gyur te/ ye shes kyi nor bu rin po ches mgo rab tu brgyan par gyur cig /sems can thams cad spyi bor gyur pa'i ye shes kyis sangs rgyas kyi chos thams cad la rnam par blta ba'i chos can du gyur te/ spyi 
bo shin tu btsun pa dang ldan par gyur cig /sems can thams cad ye shes rin po che rgya mtsho'i snying po rnam par dag pa dang ldan zhing stobs bcu'i rgyan cod pan gyis mgo rab tu brgyan par gyur cig /sems can thams cad 'dod pa'i khams kyi 
dang po nas bdud thams cad rnam par 'joms pa'i phyir/ sa'i dam pa la gnas par gyur cig /sems can thams cad stobs bcu'i mthar thug ste/ chos kyi ye shes kyi spyi bo rnam par dag par gyur cig /sems can thams cad thams 
cad mkhyen pa'i dbu zil gyis myi non pa'i snang ba rab tu thob ste/ rgyal po'i mchog dam par gyur cig ces/ de ltar byang chub sems dpa' sems dpa' chen po cod pan dang gtsug gi rin po che yongs su gtong ba'i tshe/ dge ba'i rtsa ba 
des sems can thams cad kyis ye shes mchog gi 'byung gnas rnam par dag pa dang / ye shes kyi cod pan dang / nor bu rin po che rab tu thob pa'i phyir yongs su bsngo'o/ /'di ltar yang byang chub sems dpa' sems dpa' chen </font><hr>36-1-47a<br><font size=+1>
pos btson rar bcug cing btson chas bcings pa'i sems can sdug bsngal ba/ sdug bsngal gyi khyim gyis bskor ba/ shing sgrog dang lcags sgrog dang / ltung gi bcing bas bcings pa/ lus lcags 
thag gis btags pa/ bsdams pa shin tu rgyu ba'i lus can mi bde bas lus shin tu mnar ba/ skyabs myed par ltung ba/ bkres pa dang skom pas nyen pa/ gos med pa mun pas yog cing khebs pa/ shin tu rke ba/ brla lcags sgrog gis 
bsgrogs pa de lta bu dag mthong nas/ byang chub sems dpa' snying rje can dang / rgyal po myig bzangs kyis ji ltar byas pa bzhin du bdag dang / 'khor du bcas nor thams cad dang bcas par yongs su btang ste/ byin nas btson ra de nas sems 
can de dag yongs su thar bar byed do/ /des btson ra de nas sems can de dag thar bar byas nas kyang nor gyi sbyin pa thams cad mngon par byin nas sman dang / sman pa dang sngags kyi rnam pas lus nad med par byas te/ bde ba dang yid dga' ba 
la rab tu bkod nas/ chos rin po che thos par byas te/ dga' ba'i gtam gyis dge ba'i rtsa ba la bkod nas/ sangs rgyas kyi bstan pa las myi nyams par byed do/ /de de ltar sems can btson ra nas bkye bas/ yang dag par bsdus pa'i 
dge ba'i rtsa ba de dag 'di ltar yongs su bsngo ste/ dge ba'i rtsa ba 'dis sems can thams cad sred pa'i bcings pa dang / zhags pa las shin tu grol bar gyur cig /sems can thams cad ye shes mthong ba'i pha rol tu phyin cing 'khor ba'i 
rgyud shin tu chad par gyur cig /sems can thams cad bag la nyal ba shin tu bcom ste/ kun nas 'khor ba dang / rnam par bral bas ma rig pa'i mun pa dang rab rib dang / ling tog rnam par bstsal cing / rab rib myed pa'i ye shes </font><hr>36-1-47b<br><font size=+1>
yang dag par mthong bar gyur cig /sems can thams cad 'gro ba kun gdon par bya ba'i ye shes kyi mthar thug par gyur te/ khams gsum pa'i bcings pa thams cad dang bral bar gyur cig /sems can thams cad nyon mongs pa myed pa'i sar ye shes 
bsgribs pa myed pa mthong ba'i pha rol tu phyin pa thob cing nyon mongs pa'i bcings pa thams cad shin tu shigs par gyur cig /sems can thams cad rlom sems kyi g.yo ba rnam par rgyu ba thams cad yang dag par gzhom pa'i phyir g.yo ba myed pa'i ye shes la 
yang dag par gzhol zhing g.yo ba dang rlom sems kyi bcings pa thams cad dang bral bar gyur cig /sems can thams cad khams gsum thams cad tu chags pa med par gnas shing 'dod pa'i dri ma thams cad dang bral te/ 'dod pa'i bcings 
pa thams cad rnam par spangs par gyur cig /sems can thams cad bsam pa sangs rgyas thams cad la btang bas lhag pa'i bsam pa shin tu grol bar gyur cig /sems can thams cad chos kyi dbyings kyis klas pa/ nam mkha'i 
mthas gtugs pa dag tu sems chags pa myed pa dang / grol zhing bcings pa myed par gyur cig /sems can thams cad 'jig rten gyi khams thams cad du 'gro ba thams cad yongs su smin par bya ba dang / gdul ba dang / theg pa chen po la dgod par bya ba'i phyir rnam 
par rgyu zhing byang chub sems dpa'i mngon par shes pas/ 'jig rten gyi khams thams cad du 'dong bar gyur cig ces/ de ltar byang chub sems dpa' sems dpa' chen po sems can thams cad btson ra dang / btson ca nas bkye bas yang dag 
par bzung ba'i dge ba'i rtsa ba de dag sems can thams cad shin tu grol zhing / de bzhin gshegs pa thams cad kyi ye shes kyi sa la gnas par 'gyur ba'i phyir yongs su bsngo'o/ /'di ltar yang sems can la la zhig srog dang bral ba'i </font><hr>36-1-48a<br><font size=+1>
phyir gsad du khrid pa sdug bsngal gyi rnam pa gzhan dang / gzhan gyis myi bzad cing 'dar ba bcing ba lngas bcings pa/ skye bo brgya phrag stong gis kun nas bskor cing 'dzam bu'i gling du gtogs pa sna tshogs nas/ bshal 
zhing bkri ba gnyen bshes kyi rgyud dang / mdza' bo'i rgyud thams cad dang bral bar gyur pa/ ral gris gtsab cing gshegs pa/ gsal shing bsgreng ba la bskyon pa/ lus thams cad kun nas glegs te/ me 'bar ba'i nang du dor ba'am/ sdug 
bsngal gyi rnam pa myi bde ba thams cad kyis myi bde bar bya ba/ gtse ba sna tshogs thams cad du bsgre bzhig /byang chub sems dpa' sems dpa' chen pos mthong bar gyur na/ de la byang chub sems dpa' sems dpa' chen po de gsad 
par bya ba de'i don du lus yongs su gtong ste/ ji ltar byang chub sems dpa' mi pham pa dang / rgyal po khyad par du 'gro bas ji ltar byas pa dang / de ma yin pa'i byang chub sems dpa' sems dpa' chen po gzhan rnams kyang sems can gsad pa 
blu ba'i don du lus gtong zhing / sdug bsngal gyi tshor ba thams cad nyams su len pa de bzhin du rab tu gtong ba byed cing tshig 'di skad du smra'o/ /khyed kyis myi bde ba 'di dag bdag la gyis shig /lus 'di yongs su gtong gis nga'i srog 
gcad par gyis shig /ngal ni ci byas so cog kyang mi nyan pa myed kyis/ khyed kyis myi 'di la ji bya bar 'dod pa de las grangs med pa'i 'gyur du sdug bsngal gyi rnam pas gtse ba thams cad kyis myi bde ba sna tshogs su gyis shig ces te/ 'di 
ltar bdag gis gis gsad par bkri ba mthong yang bdag gi lus dang srog gis myi blu ba ni/ bdag la tshul dang mi 'dra'o/ /de ci'i phyir zhe na/ bdag gis ni sems can thams cad la dmyigs te/ 'gro ba thams cad bsrung ba'i phyir </font><hr>36-1-48b<br><font size=+1>
thams cad mkhyen pa nyid du sems bskyed do/ /snyam nas bdag gi lus dang srog yongs su btang ste/ gsad par bya ba de blus nas dge ba'i rtsa ba de 'di ltar yongs su bsngo'o/ /sems can thams cad gzhan gyis gtse ba'i sdug bsngal 
nye bar byung bas lus dang srog shin tu mi 'phrogs par gyur cig /sems can thams cad sangs rgyas thams cad las thams cad mkhyen pa'i byang chub stobs bcur lung bstan pa'i gnas rab tu thob par gyur cig /sems can thams cad ngan 
song thams cad kyi lam las yongs su 'das te/ 'jigs pa thams cad las rab tu thar bar gyur cig /sems can thams cad 'chi ba med pa'i ye shes kyi dbyings su zhugs pas 'tsho ba thams cad kyi skabs rab tu rnyed par gyur cig /sems 
can thams cad dge ba'i bshes gnyen de bzhin gshegs pas yongs su bzung bas/ dgras 'jigs pa thams cad dang bral bar gyur cig /sems can thams cad kha na ma tho ba myed pa'i las dge ba thams cad spyod pas ral gris gtsab pa 
lta bu'i myi bde ba thams cad las 'das par gyur cig /sems can thams cad byang chub kyi shing dam pa'i drung du phyin cing / 'jigs pa myed par bdud kyi sde thams cad rnam par 'thor bas bag tsha ba dang / 'jigs shing skrag pa thams cad dang 
bral bar gyur cig /sems can thams cad bla na myed pa'i chos kyi 'jigs pa myed pas rnam par dag cing khyu mchog dang / seng ge'i nga ro 'byin pas 'khor gyi 'jigs pa dang / bag tsha ba thams cad dang bral bar gyur cig /sems can thams 
cad kha na ma tho ba myed pa'i las la yang dag par spyod cing / 'gro ba thams cad kyi nang na bsgribs pa myed pa'i ye shes dang ldan pa'i seng ger gyur cig /sems can thams cad skye bo kun yongs su skyong ba'i sems dang ldan zhing / 'gro ba kun tu 'jigs </font><hr>36-1-49a<br><font size=+1>
pa myed pa'i khang par zhugs par gyur cig ces/ de ltar gsad par gyur pa dag /byang chub sems dpa' sems dpa' chen pos rang gi lus dang / srog btang ste/ blus nas/ dge ba'i rtsa ba de dag sems can 
thams cad kyi 'khor ba'i btson ra'i sdug bsngal kun spang ba dang sangs rgyas thams cad kyi bde ba myi spang ba'i phyir yongs su bsngo'o/ /'di ltar yang byang chub sems dpa' sems dpa' chen po la mgo las gtsug phud dang / thor pag tu bcas 
pa bslangs na/ rgyal po gtsug na rin po che dang / byang chub sems dpa' yan lag dam pa shin tu 'phags pa dang / de ma yin pa'i byang chub sems dpa' gzhan dag gis ji ltar byin pa de bzhin du/ des slong ba de dag mthong nas/ 
gtong bar mos pa'i tshig dge bas thor pag dang / gtsug phud du bcas te khyer cig ces stobs shing / kye tshur sheg bdag gi mgo las gtsug phud dang / thor bag tu bcas pa long shig ces nas/ byang chub sems dpa' 'dzam bu'i gling na btsun 
pa myi'i dam pa des/ yid rtse gcig tu byas te/ yid ma 'khrugs pa dang / yid ma 'dres pa dang / las gzhan la mi sems pa'i yid dang / 'jig rten las 'phags pa'i yid dang / rab tu zhi ba'i yid dang / thams cad 
mkhyen pa nyid kyi yid dang / dag pa'i yid dang / drang ba'i yid dang / rigs pa la brtson pa'i yid kyis gtsug phud dang / thor pag tu bcas pa de slong ba la gtong ba'i tshe/ gtsug phud dang / thor pag tu bcas par mtshon gyis phog ste/ 
mgo las phab nas/ pus mo g.yas pa'i lha nga sa la btsugs te/ rim gro dang bcas pa'i lus kyis sor mo bcu'i thal mo sbyar nas/ 'das pa dang / ma byon pa dang / da ltar byung ba'i sangs rgyas thams cad kyi byang chub kyi spyod pa </font><hr>36-1-49b<br><font size=+1>
rjes su dran pa'i sems bskyed pa dang / dga' bas rnam par spel ba'i lhag pa'i bsam pa dang / chos kyis yongs su rgyas pa'i yid kyi dbang po dang / sdug bsngal gyi tshor bas dengs par mi 'gyur ba'i yid kyi dbang po dang / sdug bsngal gyi tshor ba 
skye ba'i mtshan nyid dang / tha dad par khong du chud pa dang / tshor ba gcig nas gcig tu brgyud pa de dag thams cad myi rtog go /zhes bya bar rab tu shes pa dang / byang chub sems dpa' 'das pa dang / ma 'ongs pa dang / da ltar byung ba thams cad 
dang / rgyud kyi tshul gcig tu gyur pa'i gtong ba'i sems dang / sems thams cad mkhyen pa nyid du bskyed pa las phyir myi ldog pa dang / byang chub sems dpa'i spyod pa lhag pa'i bsam pa'i rnam pas thob pa/ gzhan gyi dring myi 'jog 
pas/ dge ba'i bshes gnyen gyis bstan pa'i tshul la gnas te/ gtsug phud dang / thor pag du bcas pa mgo las phog ste/ yongs su gtong ba'i tshe/ dge ba'i rtsa ba de 'di ltar yongs su bsngo ste/ sems can thams cad byang chub 
sems dpa'i gtsug gi mchod rten du gyur te/ gtsug tor bltar mi snang bar gyur cig /sems can thams cad skra shin tu phra ba dang / nyon mongs pa thams cad rnam par bstsal cing / skra rdo rje nag po'i dam pa lta bur gyur cig sems 
can thams cad skra stug cing skra mtshams legs pa dang / skra snum par gyur cig /sems can thams cad mgo legs pa las shin tu legs par skyes pa'i skra rab tu 'jam pa dang ldan par gyur cig /sems can thams cad skra dga' ba 'khyil pa ltar 
g.yas phyogs su 'khyil cing dpal gyi be'u dang / bkra shis kyi skra dang ldan par gyur cig /sems can thams cad nyon mongs pa dang / nye ba'i nyon mongs pa las rnam par 'das shing sangs rgyas kyi mtshan dang ldan pa'i skra thob par gyur cig /sems can </font><hr>36-1-50a<br><font size=+1>
thams cad phyogs bcu'i 'jig rten du 'gro ba thams cad/ rgyas par rang gi skra las 'od gzer rab tu 'gyed par gyur cig /sems can thams cad sangs rgyas kyi dbu shin tu rnam par dag pa ltar skra shin tu mdzes par 
gyur cig /sems can thams cad sems mnyams shing / sangs rgyas kyi dbu skra dang dbu lta bur mdzes pa dang ldan pas spyi bo la gzhag pa'i mchod rten du 'os pa'i skra dang ldan par gyur cig /sems can thams cad sangs rgyas kyi dbu ltar chags pa myed pa'i 
skra mdzes par skyes pas/ mun pa dang / rdul myi chags pa dang ldan par gyur cig ces/ de ltar byang chub sems dpa' sems dpa' chen po gtsug phud dang / thor pag tu bcas pa yongs su btang bas yang dag par bzung ba'i dge ba'i rtsa ba de dag 
sems can thams cad kyis sa lta bur shin tu zhi ba'i sems yongs su rdzogs par bya ba dang / thams cad mkhyen pa'i stobs bcu'i mthas gtugs par bya ba'i phyir yongs su bsngo'o/ /'di ltar yang byang chub sems dpa' sems dpa' chen po 
slong ba rnams la ji ltar byang chub sems dpa' dga' ba byed pa dang / rgyal po zla 'od dang de ma yin pa'i byang chub sems dpa' tshad med pa gzhan dag gis gtong ba'i myig yongs su sbyangs pa'i sems dang / ye shes kyi myig yongs su sbyangs pa'i blo 
dang / chos kyi snang ba rab tu thob pa'i yid kyi gnas dang / bla na med pa'i sangs rgyas mngon du gyur pa'i yid kyi rnam pa dang / mngon par shes pa thams cad kyi mthar thug pa'i yongs su bsngo ba dang / ye shes kyi skye mched la yang dag par btang ba'i 
sems dang / dus gsum gyi byang chub sems dpa' dang / mnyam par byas pa'i sbyin pa dang / gtong ba'i sems dang / zhe sdang ba med pa'i mig gis dad pa myi zlog pa'i dbang dang / slong ba rnams la phan 'dogs pa'i sems dang / sangs </font><hr>36-1-50b<br><font size=+1>
rgyas kyi spyan la gzhol bas byang chub sems dpa'i theg pa chen po dang / byams pa dang / snying rje yongs su bsgoms pa dang / dbang po drug shin tu bsdams pas slong ba rnams la myig byin pa de bzhin du de yang mig yongs su gtong zhing chos de lta bu 
la zhugs pa'i sems kyis slong ba dang / 'dod pa dag la sbyin pa byed cing mchod sbyin gyi don la 'jug pa dang / chos kyi mthu shin tu bskyed pa dang / 'jig rten thams cad kyi dga' bar blta ba dang / bag myed pa'i sred pa rnam par zlog par 
byed pa dang / 'jig rten gyi dga' ba dang / 'dod pa sna tshogs mthong bas rang gi dga' ba khong du chud par byed pa dang / byang chub sems dpa'i dga' ba myong bar byed pa dang / ci bslangs pa'i dngos pos kha myi stongs par byed pa dang / myi gnyis pa'i 
sbyin pa rjes su srung ba dang / rlom sems myed pas shin tu sbyin pa yongs su gtong ba dang / slong ba rnams kyis dngos po ci bslangs pa sbyin par byed pa'i tshe/ dge ba'i rtsa ba de dag 'di ltar yongs su bsngo ste/ dge ba'i rtsa ba 'dis sems can thams cad 
'gro ba thams cad kyi myig tu gyur te/ myig gi dam par gyur cig /sems can thams cad ye shes kyi mdzod shin tu yangs pas nyams pa myed pa'i myig tu gyur cig /sems can thams cad snang ba myi 'phrogs pa dang ldan zhing sha'i myig rnam par dag 
pa yongs su grub par gyur cig /sems can thams cad shi 'pho dang / skye ba shes shing lha'i myig rnam par dag par gyur cig /sems can thams cad de bzhin gshegs pa'i ye shes kyi rjes su 'dong zhing chos kyi myig rab tu thob par gyur cig  /
sems can thams cad gtong ba thams cad rnam par ston pas shes rab kyi myig thob par gyur cig /sems can thams cad chos thams cad mngon par 'tshang rgya ba'i phyir/ sangs rgyas kyi spyan dang ldan par gyur cig /sems can thams cad </font><hr>36-1-51a<br><font size=+1>
chags pa myed pa'i myig gi mthar thug ste/ kun tu lta ba'i mig dang ldan par gyur cig /sems can thams cad sems can gyi khams yongs su shes shing / rab rib med pa'i mig dang ldan par gyur cig /sems 
can thams cad stobs bcu mnga' ba'i de bzhin gshegs par phyin pas bsgribs pa med pa'i myig dang ldan par gyur cig ces/ de ltar byang chub sems dpa' sems dpa' chen po myig yongs su gtong ba na/ thams cad mkhyen pa'i tshad kyi myig gi chos 
sems can thams cad yongs su bsngo ba la nye bar 'god do// //sangs rgyas rmad gcad ces bya ba shin tu rgyas pa chen po'i mdo/ /bam po lnga pa/ 'di ltar yang byang chub sems dpa' sems dpa' chen po ji ltar rgyal po 
khyad par du 'gro ba dang / byang chub sems dpa' mdud pa med pa'i spyi gtsug gis yongs su btang ba bzhin du slong ba nye bar 'ongs pa la byang chub sems dpa'i spyod pa blang ba'i sems dang / de bzhin gshegs pa'i rigs su rigs dang ldan par byung bas/ sangs rgyas 
kyi rigs su byung ba'i sbyin pa'i sems dang /byang chub sems dpa' thams cad rjes su dran pa'i spyod pa la brtson pa dang / sangs rgyas kyi byang chub tu mthun par skyes pa dang / dbang po dang / ye shes dang / yon tan gyis shin tu btsun pa dang / khams 
gsum ma dag cing snying po med pa la snying por rab tu rtogs pa dang / sangs rgyas dang byang chub sems dpa' blta ba rab tu thob pas/ rang gi lus la chags pa med pa'i sems dang / gnas med pa'i sangs rgyas kyi chos thams cad rjes su dran par 
gnas pa dang / dul ba dang zhi ba'i sems dang / dbang po'i rgyu ba shin tu zhi ba dang / 'gro ba'i mya ngam thams cad nas sems can gdon par sems pa'i ye shes 'byung ba'i shes rab dang / bsod nams kyi 'byung gnas dang / rgyud ched du brjod </font><hr>36-1-51b<br><font size=+1>
pa rgya mtshos gtong ba'i sems yangs par byas pa dang / don la rnam par nges pa'i chos dang / mgon po thams cad kyi lam du 'jug pa dang / chos kyi dbang phyug la ye shes kyis spyod pa dang / rang gi lus snying po med pa las snying po blang ba'i 
blos yongs su gtong ba'i tshe/ rna ba dang / sna yongs su btang bas yang dag par bzung ba'i dge ba'i rtsa ba de 'di ltar yongs su bsngo ste/ dge ba'i rtsa ba 'dis sems can thams cad chos thams cad kyi sgra rnam par rig par bya ba la chags pa myed pa'i rna ba 
dang ldan par gyur cig /sems can thams cad kyis sgra thams cad skad ji lta ba bzhin du shes par bya ba'i phyir bsgribs pa med pa'i rna ba dang ldan par gyur cig /sems can thams cad sangs rgyas kyi snyan dang ldan pas thogs pa myed pa'i rna ba dang ldan par 
gyur cig /sems can thams cad rna ba'i skye mched shin tu bsgoms pas rna ba rnam par dag par gyur cig /sems can thams cad rnam par shes pa zhi ba skye ba'i phyir bsgribs pa med pa'i rna ba dang ldan par gyur cig /sems can thams cad sangs rgyas 
thams cad kyi gsung khong du chud pa'i phyir chos kyi dbyings la gzhol ba'i rna ba dang ldan par gyur cig /sems can thams cad bsgribs pa myed pa'i chos rnam par rig par bya ba'i phyir gnas myed pa'i rna ba dang ldan par gyur cig /sems can thams cad phyir 
rgol ba 'jig par byed pa'i shes pa la myi phyed pa'i rna ba dang ldan par gyur cig /sems can thams cad rna ba shin tu dag pa la dbang sgyur bas kun tu 'jug pa'i rna ba dang ldan par gyur cig /sems can thams cad sangs rgyas kyi snyan rab tu thob par bya ba 
thob pas lha'i rna ba rab tu thob par gyur cig ces/ de ltar byang chub sems dpa' sems dpa' chen pos rna ba yongs su btang bas yang dag par bsdus pa'i dge ba'i rtsa ba de dag sems can thams cad kyi/ rna ba rnam par dag pa'i phyir yongs su bsngos nas/</font><hr>36-1-52a<br><font size=+1>
sna rnam par dag par yongs su bsngo ste/ sems can thams cad legs par mthong ba'i sna dang / dpe byad bzang po'i sna dang / mtshan bzang po'i sna dang / shin tu yid du 'ong ba'i sna dang / rnam par dag pa'i 
sna dang / rim gyis gzhol ba'i sna dang / mdzes pa 'phags pa'i sna dang / dgra thams cad rab tu 'dul ba'i sna dang / ngo blta na sdug pa'i sna dang / de bzhin gshegs pa sangs rgyas kyi shangs rab tu 'thob pa'i phyir yongs su bsngo'o/ /sems 
can thams cad ngo la mi sdug pa med pa dang chos thams cad kyi ngo dang / chags pa med pa'i ngo dang / blta na sdug pa'i ngo dang / mi mthun pa myed pa'i ngo dang / shin tu rnam par dag pa'i ngo dang / kha na ma tho ba myed pa'i ngo dang / de bzhin gshegs pa'i zhal gyi 
dkyil 'khor lta bu'i ngo dang / kun nas blta ba'i ngo dang / yid du 'ong zhing tshad med pa'i ngo dang ldan par gyur cig ces/ de ltar byang chub sems dpa' sems dpa' chen po rna ba dang / sna yongs su btang bas yang dag par bsdus pa'i dge ba'i 
rtsa ba de dag sems can thams cad la yongs su bsngo ste/ ci nas kyang sems can thams cad sangs rgyas kyi chos thams cad la rab tu 'jug par 'gyur ba dang / ci nas kyang sems can thams cad kyis sangs rgyas kyi chos thams cad shin tu 'dus 
par 'gyur ba dang / ci nas kyang sems can thams cad kyis sangs rgyas kyi chos thams cad shin tu shes par 'gyur ba dang / ci nas kyang sems can thams cad kyis sangs rgyas kyi chos thams cad la shin tu 'jug par 'gyur ba dang / ci nas kyang 
sems can thams cad kyis de bzhin gshegs pa thams cad shin tu mthong bar 'gyur ba dang / ci nas kyang sems can thams cad kyis sangs rgyas kyi chos kyi sgo khong du chud par 'gyur ba dang / ci nas kyang sems can thams cad shin tu zil </font><hr>36-1-52b<br><font size=+1>
gyis myi non pa'i yongs su dag pa 'thob par 'gyur ba dang / ci nas kyang sems can thams cad kyis sangs rgyas kyi chos thams cad la snang ba rab tu 'thob par 'gyur ba dang / ci nas kyang sems can thams cad kyi sangs rgyas kyi zhing thams cad yongs su 
dag par 'gyur ba dang / ci nas kyang sems can thams cad de bzhin gshegs pa thams cad kyi byin gyis brlabs pa'i lus dang ldan par 'gyur ba de lta de ltar dge ba'i rtsa ba de dag yongs su bsngo'o/ /'di ltar yang byang chub sems dpa' sems 
dpa' chen po skyid pa zil gyis myi non pa'i sa la gnas te/[ (]u dum pa ra [,]u dum bA ra[)] ltar shin tu dkon par sems pa'i sems rnam par dag pa dang / gtong ba myi zad cing 'byam klas pa dang / ngad cing klung sprugs te gtang ba'i sems dang / yongs su gtong 
ba'i blo mtha' yas pa dang / dul ba dang / yongs su dul ba'i yid kyis gtong ba'i dbang po dang / gtong ba thams cad yongs su gtong ba'i mthar thug pa'i thams cad mkhyen pa'i smon lam dang 'gro ba thams cad bde bar byed pa'i gtong ba'i 
'bras bu dang / gtong ba chen po dang / shin tu gtong ba dang / rab tu gtong ba dang / mchog tu gtong ba'i sems kyis rang gi lus dang / yan lag dang / gdong gis kyang phan 'dogs pa dang / myi smon par gtong ba'i sems kyis rnam pa de 
lta bu'i chos la rab tu gnas te ji ltar rgyal po me tog so dang / glang po'i rgyal po mche ba drug pas so ji ltar byin pa de bzhin du rang gi lus dang / kha nas so yongs su gtong ba'i tshe/ dge ba'i rtsa ba de dag 'di ltar yongs su bsngo ste/ /sems can 
thams cad 'gro ba kun gyis mchod rten du mchod par 'os par gyur te/ mche ba dkar zhing rno ba dang ldan par gyur cig /sems can thams cad sangs rgyas kyi mtshan rab tu thob pas so mnyam zhing thags bzang bar gyur cig /sems can thams cad </font><hr>36-1-53a<br><font size=+1>
byang chub sems dpa'i pha rol tu phyin pa la legs par zhugs shing /dul ba'i sems kyis nye bar spyod par gyur cig /sems can thams cad gdong gi dkyil 'khor blta na sdug cing kha'i nad dang so rnam par dag par gyur 
cig /sems can thams cad kha dang so dpe myed pa rnam par dag cing / bzhin dran pa'i rgyan gyis brgyan par gyur cig /sems can thams cad so bzang po'i gseb nas spos zhim po'i mchog grangs med pa yid du 'ong ba'i dga' ba bskyed 
pa'i ngad 'byung bas yongs su dag cing so bzhi bcu tshang ba dang ldan par gyur cig /sems can thams cad shin tu dul ba'i so rab tu thob cing bkra shis dang / dga' ba 'khyil pa dang / pad mo sna tshogs kyis mdzes par bris pa'i so dang 
ldan par gyur cig /sems can thams cad gdong gi dkyil 'khor nas tshad med pa'i 'od gzer snang ba byung bas 'od zer bye ba khrag khrig brgya stong mtha' yas pa rab tu 'byung ba'i so dang ldan par gyur cig /sems can thams cad kha zas la ma 
chags /ma zhen cing kha na ma tho ba med par spyod pas sbyin pa'i gnas dam pa'i mthar thug par gyur te/ /so'i thags legs shing 'bras chan kha phye ba lta bur gyur cig /sems can thams cad byang chub sems dpa'i dam pa lung ston cing 
so'i gseb kun nas 'od 'phro ba kha dog mtha' yas pa'i snang ba 'byung ba dang ldan par gyur cig ces/ de ltar byang chub sems dpa' so'i sbyin pas yang dag par bsdus pa'i dge ba'i rtsa ba de dag sems can ma lus par thams cad mkhyen pa nyid du 
yang dag par bskyed pa dang / chags pa med pa'i rgyan gyis chos thams cad shes pa rnam par dag par bya ba'i phyir yongs su bsngo'o/ /'di ltar yang byang chub sems dpa' sems dpa' chen po la lce bslangs na ji ltar rgyal po bzhin bzangs dang /</font><hr>36-1-53b<br><font size=+1>
byang chub sems dpa' phyir mi ldog pa dang / de ma yin pa'i byang chub sems dpa' gzhan dag gis kyang skye ba'i skye mched rnam pa sna tshogs dag la gnas shing tshe rabs bye ba khrag khrig brgya stong grangs med pa de dag tu yongs su btang bar gyur pa de bzhin 
du des kyang slong ba de dag rgyal po la 'os pa'i seng ge'i gdan dag la bkod cing slong bas mos pa'i sems kyi yid du 'ong zhing 'jam pa'i ngag dang / byams pa la spyod pa'i sems kyis rang gi lce gtong ba'i tshe/ gshe ba med pa'i sems dang / rma med pa'i 
sems dang / nyams pa med pa'i sems dang / rigs chen po'i rigs dang ldan pa'i sems dang / sangs rgyas kyi rigs su 'byung ba'i sems dang / byang chub kyi sems la dgod cing gzhag pa'i sems dang / rgyud 'khrug pa med 
pa'i sems dang / mthu stobs chen po'i shugs kyi sems dang / lus la ma chags pa'i sems dang / tshig tu brjod pa la chags pa med pa'i sems su byas te/ pus mo'i lha nga sa la btsugs shing bdag gi kha nas lce phyung ste/ 
lus thams cad la slong ba dbang byed du bcug nas/ tshig mnyen zhing 'jam pa dang / yid du 'ong ba dang / byams par spyod pas tshig tu brjod cing / ci nas kyang khyed dga' zhing yid bde ba dang / mgu zhing rangs par bdag gi lce long la gang 
du dgos pa de'i dgos pa sgrubs shig ces nas/ de lce sbyin zhing yongs su gtong ba'i tshe/ lce yongs su btang bas/ yang dag par bzung ba'i dge ba'i rtsa ba de'i da ltar yongs su bsngo ste/ dge ba'i rtsa ba 'dis sems can thams cad 
tshig gi tshul thams cad kyis shes par byed pa'i phyir lce shin tu yangs pa dang ldan par gyur cig /sems can thams cad yang dag pa ji lta ba bzhin gyi tshig bden pa gnyis su bya ba med pa dang ldan par gyur te/ gdong gi dkyil 'khor </font><hr>36-1-54a<br><font size=+1>
khebs pa'i lce dang ldan par gyur cig /sems can thams cad sangs rgyas thams cad kyi cho 'phrul dang rnam par 'phrul pa yang dag par ston pa'i phyir sangs rgyas kyi zhing thams cad du khyab pa'i lce dang ldan par gyur cig /sems 
can thams cad ro bro ba'i mchog shin tu rnam par dag pa dang / ldan zhing shin tu srab pa'i lce dang ldan par gyur cig /sems can thams cad 'gro ba kun gyi tshig shes pas the tsom gcod pa'i phyir nges pa'i tshig gi dbyangs mtha' yas pa yod pa'i 
lce dang ldan par gyur cig /sems can thams cad lce'i mdzod nas 'od gzer bye ba khrag khrig brjod du med pa'i yang brjod du med pa 'gyed pa'i phyir snang ba mtha' yas pa 'byung ba'i lce dang ldan par gyur cig /sems can thams cad chos thams cad 
rnam par nges pa'i spobs pa'i tshogs mi zad pas ston cing brjod pas tshig shin tu nges par brjod pa'i lce dang ldan par gyur cig /sems can thams cad spyod pa kun brjod pa tshad med pa'i mdzod kyi lce dang ldan zhing 'dul ba'i mtha' dang mnyam par 
sems can kun gyi tshig thams cad dang / smra ba thams cad rnam par 'grel ba'i lce dang ldan par gyur cig /sems can thams cad spyod pa rjes su brjod pa'i tshig gi rgya mtsho thams cad la rab tu zhugs pas dbyangs kyi tshogs dang / tshig 
gi rnam par shes pa'i lce dang ldan par gyur cig /sems can thams cad spyod pa thams cad mngon par brjod pa'i ye shes kyi pha rol tu phyin pa thob cing chos thams cad kyi tshig thams cad shin tu ston pa'i lce dang ldan par gyur cig ces/ de ltar byang chub sems 
dpa' sems dpa' chen po thams cad mkhyen pa nyid du dmyigs pa'i smon lam la rab tu brtson pa de lce yongs su btang bas/ yang dag par bsdus pa'i dge ba'i rtsa ba de dag sems can thams cad kyis bsgribs pa med pa'i ye shes chags pa myed pa </font><hr>36-1-54b<br><font size=+1>
yongs su rdzogs par bya ba'i phyir yongs su bsngo'o/ /'di ltar yang byang chub sems dpa' sems dpa' chen po chos thams cad kyi dam pa/ mgo lta bu'i ye shes la 'jug cing / sems can thams cad yongs su bskyab pa'i mgo byang chub khong du chud par byed pa 
dang / chos thams cad kyi mchog tshul gyi mgo dang ldan par bya ba'i phyir yang dag par lta ba dang / ye shes rnam par dag pa'i mgo la yang dag par lta ba dang / bsgribs pa myed pa'i mgo yongs su sgrub pa dang / sa dam pa'i mgo rjes su lta ba dang / 'gro ba 
thams cad kyi ye shes dam pa mgo lta bu 'dod cing tshol ba dang / khams gsum pa thams cad kyis bltar med pa'i ye shes kyi mgo'i dam pa yang dag par sgrub pa dang / phyogs thams cad du phyin pa'i ye shes kyi rgyal po'i mgo la mngon par mos par byed 
pa dang chos thams cad la dbang byed pa zil gyis myi non pa'i mgo yongs su grub par byed cing / de lta bu'i chos la spyod par brtson pa'i byang chub sems dpa'i sangs rgyas kyi rigs thams cad kyi yongs su gtong ba'i tshul la bslabs pa/ sangs 
rgyas la mos pa skyes pas dge ba'i rtsa ba rab tu thob pa/ slong ba mtha' yas pas dga' bas yongs su rgyas pa'i sems dang ldan pa yid kyi dbang po shin tu gsal ba/ rgyud rab tu dang zhing sems dang yid shin tu dang ba/ sangs rgyas kyi chos la 
dga' ba'i snang ba thob pa/ byang chub kyi sems bskyed pa shin tu rgya che ba/ rgyun mi 'chad par sems pa/ gtong ba chen po gtong ba shin tu gtong ba/ gtong ba'i yid dang ldan pa dbang po shin tu dga' bas nye bar brtan pa'i chos can 
lhag pa'i bsam pa yangs shing dge la rgya che bas sbyin pa gtong bar mngon par 'dod pa/ ji ltar byang chub sems dpa' ye shes mchog dang / skyes bu dam pa ka shi'i rgyal po dang / de ma yin pa'i byang chub sems dpa' sems dpa' </font><hr>36-1-55a<br><font size=+1>
chen po gzhan grangs med pa dag kyang mgo yongs su btang bar gyur pa/ de ltar mgo gtong ba'i tshe/ mgo yongs su btang bas yang dag par bsdus pa'i dge ba'i rtsa ba de 'di ltar sems can thams cad kyis sangs rgyas 
kyi dbu rab tu thob par bya ba'i phyir yongs su bsngo'o/ /spyi gtsug bltar mi snang ba dang / skye mched zil gyis ma non pa dang / zhing thams cad du mngon par 'phags pa dang / bum pa rgyas pa dang / dga' ba 'khyil pa dang / skra dang / 
mgo'i 'od dang 'od gzer sna tshogs kyis rnam par brgyan pa dang / 'jig rten thams cad rmad du byung ba dang / dpal gyi be'us brgyan pa dang / sangs rgyas kyi dbu dang ldan pa dang / ye shes kyi mgo rtogs par bya ba dang / 'gro ba 
thams cad kyi mchog tu phyin pa'i mgo dang ldan pa dang / mgo rnam par dag pa dang / ye shes kyi dkyil 'khor gyi mgo yongs su rdzogs par bya ba'i phyir yongs su bsngo ste/ de ltar byang chub sems dpa' sems dpa' chen po mgo 
yongs su gtong ba'i tshe/ dge ba'i rtsa ba de dag 'di ltar 'gro ba thams cad kyis chos kyi mchog yongs su rdzogs pa dang / ye shes kyi yan lag dam pa rab tu thob par bya ba'i phyir yongs su bsngo'o/ /'di ltar yang byang chub sems 
dpa' sems dpa' chen po slong ba rnams la dang ba'i lag pa thog mar 'gro ba dang / phan 'dogs pa'i tshul dang / chos spyod pa la brtson par 'gro zhing ldog pa dang / rin po che'i lag pa thog mar 'gro bas lag pa gtong ba dang / spyod pa 
don yod par byang chub sems dpa'i lam la spyod pa dang / lag pa shin tu brkyang zhing gtong ba'i sems ma 'khrugs pa dang / rim par spyod pa'i tshul shin tu nges pa dang / byang chub sems dpa' seng ge'i rtsal gyis spyod cing lag pa yangs </font><hr>36-1-55b<br><font size=+1>
pa/ gtong ba la mos pas lag pa yongs su gtong ba dang / tshul gyi gzhi chen po rab tu brtan pa la spyod pa'i/ byang chub sems dpa'i yid dang ba dang / tshor bas mnyams pa'i blo dang ba dang / 'gro ba ma yin par 'gro ba las phyir log 
pa'i 'gro bas byang chub tu 'byung bas/ de ji ltar byang chub sems dpa' rtag tu brtson pa dang / rgyal po dga' ldan dang / de ma yin pa'i byang chub sems dpa' sems dpa' chen po gzhan tshad myed pa dag kyang 
skye ba'i skye gnas sna tshogs dag na gnas shing lag pa yongs su gtong bar gyur pa de ltar byang chub sems dpa' sems yangs shing rgya che ba tshad med pa dang ldan pa/ sangs rgyas rgya mtsho mthong bar gyur pa/ chos kyi rgyud kyi sgo rnam par phye ba/ 
'jig rten gyi khams thams cad du khyab par gtong ba'i lag pa dang ldan pa/ thams cad mkhyen pa'i byang chub yang dag par 'dzin pa'i smon lam can/ sems bskyed pa rdul med pa dang 'grogs pas kun nas bskor ba med pa/ ye 
shes dang chos kyi lus rgyun mi 'chad pa/ mi shigs mi chod pa'i lus dang ldan pa/ bdud kyi las thams cad kyis mi sgul ba/ dge ba'i bshes gnyen gyis nye bar brtan pas sems spel ba/ byang chub sems dpa' thams cad kyis 
spyad pa dang gcig tu gyur pa'i gtong bas byung ba de slong ba la rka lag gi sbyin pa byed cing yongs su gtong ba'i tshe/ dge ba'i rtsa ba de dag sems can thams cad la 'di ltar yongs su bsngo ste/ thams cad mkhyen pa nyid du dmyigs te/ 
rkang lag yongs su btang ba yongs su byin pa 'di la dge ba'i rtsa ba ci yod pa de dag 'di ltar sems can thams cad la yongs su bsngo'o/ /dge ba'i rtsa ba 'dis sems can thams cad rdzu 'phrul [(]kyi [,]gyi[)] rkang pa thob cing rin po che'i lag pa dang </font><hr>36-1-56a<br><font size=+1>
ldan par gyur cig /de dag rin po che'i lag pa des sems can thams cad sbyin pa'i gnas kyi 'du shes rab tu thob ste/ phan tshun gyi lus la rin po ches 'thor bar gyur cig /mngon par 'thor bar gyur cig /
rab tu 'thor bar gyur cig /sangs rgyas kyi zhing thams cad du khyab pa'i rin po che'i rgyan gyi sprin gyis sangs rgyas thams cad mchod par gyur cig /sems can de dag thams cad kyang phan tshun du zhe sdang ba myed pa'i sems dang ldan zhing phan tshun 
byams pa'i sems dang ldan par gyur cig /de dag sangs rgyas kyi zhing thams cad kyi rjes su dong zhing 'jigs pa med pa la gnas te/ mngon par 'du bya ba med pa'i phyir thams cad lag na rin po che thogs pa dang / lag na spos thogs pa dang 
lag na gos thogs pa dang / lag na gdugs thogs pa dang / lag na phreng ba thogs pa dang / lag na me tog thogs pa dang / lag na phye ma thogs pa dang / lag na lhab lhub thogs pa dang / lag na me tog mtha' yas pa thogs 
par gyur te/ kun nas sgo dang ldan pa'i thabs la gnas shing / sangs rgyas thams cad la mchod par brtson pa'i sems dang / sangs rgyas kyi zhing kun tu 'gro ba'i rdzu 'phrul dang / sangs rgyas kyi zhing thams cad du thogs pa med pa'i lag 
pa dang / 'gro ba thams cad yang dag par 'dzin pa'i rdzu 'phrul dang / cho 'phrul gyi lag pa mtshan bzang po dang ldan pa'i lag pa dang / 'od gzer gyi mdzod mtha' yas pa'i dkyil 'khor rab tu gtong ba'i lag pa dang / 'gro ba thams 
cad lag mthil gcig gis yog par byed pa'i lag pa dang / dra bar 'brel cing sen mo zangs ltar 'dug pa'i lag pa dang / sangs rgyas kyi phyag shin tu yangs pa dang ldan pas/ sangs rgyas thams cad la mchod pa byed par gyur cig </font><hr>36-1-56b<br><font size=+1>
ces/ de ltar byang chub sems dpa' sems dpa' chen po yon tan rgya mtsho thams cad la rab tu zhugs pa'i sems bskyed pa dang / khas len pa'i ngang tshul dang / slong ba thams cad la mngon par mos shing 'dod pas dga' ba dang / spro ba 
dang dang ba chen po rab tu thob pa dang / slong ba 'bod par ston pa dang / sangs rgyas kyi chos rgya mtsho thams cad kyi rjes su zhugs pa'i de bzhin gshegs pa'i dge ba'i rtsa ba thams cad dang / rgyud kyi tshul gcig tu gyur bas rka lag yongs su gtong 
ba byed cing 'gro ba thams cad kyi byang chub tshol ba'i rka lag yongs su gtong bas yang dag par bsdus pa'i dge ba'i rtsa ba de dag 'di ltar thams cad gtong ba'i don du yongs su bsngo'o/ /'di ltar yang byang chub sems dpa' sems dpa' chen po 
thams cad mkhyen pa'i bsam pa dang / sems dang yid du ldan pa byang chub kyi sems kyis rab tu dga' ba/ byang chub sems dpa'i spyod pa la mngon par dad pa'i sems dang ldan pa/ tshor bas dengs par mi 'gyur ba'i sems dang ldan pa/ 
slong ba thams cad la mngon par mos pa'i sems dang ldan pa/ len pa thams cad la zhe mi sdang ba'i sems dang ldan pa/ byang chub sems dpa' thams cad kyi gtong ba'i lam du rab tu zhugs pa'i sems dang ldan pa/ byang chub 
sems dpa' thams cad kyi gtong bas sbyin par bya ba'i rjes su srung ba'i sems dang ldan pa/ byang chub sems dpa'i sbyin pa rgya chen pos btang ba shin tu gtong ba'i sems dang ldan pa/ phyir mi ldog pa'i sems rgyun mi 'chad pa dang ldan pa/ 
bdag gi lus la phangs par mi lta ba'i sems dang ldan pa/ de ji ltar byang chub sems dpa' chos kyi 'byung gnas dang / rgyal po yid bde bar sems pa dang / de ma yin pa'i byang chub sems dpa' sems dpa' chen po gzhan grangs myed pa dag kyang skye ba'i </font><hr>36-1-57a<br><font size=+1>
skye gnas de dang de dag la gnas shing khrag yongs su gtong bar gyur pa de ltar slong ba rnams la rang gi lus kyi khrag gtong ba'i tshe/ khrag yongs su btang bas yang dag par bsdus pa'i dge ba'i rtsa ba de 'di ltar yongs su bsngo ste/ 
dge ba'i rtsa ba 'dis sems can thams cad chos dang ye shes kyi lus dang ldan zhing byang chub sems dpa'i lus phun sum tshogs pa dang ldan par gyur cig /sems can thams cad rdo rje'i snying po dang 'dra bar dge sbyong gi lus dang ldan par gyur cig /
sems can thams cad lus nyams pa myed cing dag pa dang ldan te lus la rma med par gyur cig /sems can thams cad 'jig rten kun gyis mi 'phrogs pa'i sems dang ldan zhing sprul pa lta bu'i lus dang ldan par gyur cig /sems can thams cad 'od dang 
ba'i lus nyams pa myed pa dang ldan zhing yid du 'ong ba'i lus dang ldan par gyur cig /sems can thams cad de bzhin gshegs pa'i sku mi gnas pa dang ldan zhing chos kyi dbyings su mngon par skyes pa'i lus dang ldan par gyur cig /sems can 
thams cad gzhan thams cad la rim gro byed pa'i lus dang ldan zhing / rin po che lta bu'i 'od yod pa'i lus dang ldan par gyur cig /sems can thams cad 'chi ba med pa'i dbyings su chos kyi skyid pa la dbang sgyur ba'i lus dang ldan zhing / ye 
shes dam pa'i lus dang ldan par gyur cig /sems can thams cad 'gro ba kun gyis blta na don yod par skyes pas rin po che rgya mtsho lta bu'i lus dang ldan par gyur cig /sems can thams cad 'jig rten kun gyi gtse bas gos pa med cing bar snang gi rang 
bzhin gyi lus dang ldan par gyur cig ces/ de ltar byang chub sems dpa' sems dpa' chen po rang gi lus las khrag gi sbyin pa byed pa'i tshe/ ye shes kyi theg pa dang / theg pa chen po la rab tu gzhol ba'i sems kyis dge ba'i rtsa ba de dag yongs </font><hr>36-1-57b<br><font size=+1>
su bsngo'o/ /dag pa'i yid kyis yongs su bsngo'o/ /yangs pa'i yid kyis yongs su bsngo'o/ /dga' ba'i yid kyis yongs su bsngo'o/ /rangs pa'i yid kyis yongs su bsngo'o/ /spro ba'i yid kyis 
yongs su bsngo'o/ /zhum pa med pa'i yid kyis yongs su bsngo'o/ /bde ba'i yid kyis yongs su bsngo'o/ /dang ba'i yid kyis yongs su bsngo'o/ /mgu ba'i yid dang rab tu dga' ba'i yid dang / yid bde zhing rangs pa skyes pas/ 
dge ba'i rtsa ba de yongs su bsngo'o/ /'di ltar yang byang chub sems dpa' sems dpa' chen po gtong ba'i sems gzhal du myed pa'i dga' bas rnam par 'phel ba dang / byang chub sems dpa' dang mkhas pa'i skye bos bsten pa'i zla myed pa'i 
dge ba'i rtsa ba dang / lhag pa'i bsam pa dam pa 'jig rten gyi dri ma bstsal ba dang / slong ba thams cad kyis zad par mi nus pa'i nang gi lus nye bar blangs ba'i yongs su gtong ba dang / yon tan rin po ches yang dag par blangs pa'i dge ba 
'byam klas pa dang / byang chub sems dpa' thams cad kyi yi dam gyis nye bar blangs pa'i sbyin pa'i tshogs chen pa dang / slong ba thams cad kyi yid kyis 'dod par bsam pa btang yang 'gyod pa myed pa'i sems dang sbyin pa la dmyigs pa'i dngos pos shin 
tu brtags pa'i las kyi rnam par smin pa'i rten dang / len pa rnams la sbyin pa yongs su gtong ba'i sems nyams pa med pa dang / sangs rgyas thams cad mngon du gyur ba pha lta bu'i 'du shes su mngon par 'dzin pa dang / 'gro ba thams cad la mngon 
du gyur pa'i sems can thams cad rnam par dag pa la gnas pa dang / 'jig rten gyi khams thams cad mngon du gyur pa'i sangs rgyas kyi zhing gi rgyan thams cad dang / 'gro ba thams cad la mngon du gyur pa'i snying rje chen pos yongs su skyob pa dang /</font><hr>36-1-58a<br><font size=+1>
sangs rgyas thams cad kyi byang chub la mngon du gyur pa'i stobs bcu rnam par spyod pa dang / 'das pa dang / ma 'ongs pa dang / da ltar byung ba'i byang chub sems dpa' thams cad mngon du gyur pa'i dus thams cad 
dge ba'i rtsa ba mthun par yongs su rdzogs par bya ba dang / mi 'jigs pa thams cad mngon du gyur pa'i khyu mchog dang / seng ge'i nga ro bsgrags pa dang / dus gsum mngon du gyur pa'i dus thams cad mnyam pa nyid kyi ye shes dang / dus gsum thams 
cad mngon du gyur pa'i phyi ma'i mtha'i bskal par thug par zhe non pa'i byang chub sems dpa'i smon lam dang yongs su yi chad pa med pas mngon du gyur pa'i sems bskyed pa/ grangs med pas ji ltar byang chub sems dpa' phan pa tshol ba dang / rgyal 
po thams cad gtong ba dang / de ma yin pa'i byang chub sems dpa' sems dpa' chen po gzhan grangs med pa dag kyang skye ba'i skye mched sna tshogs dag na gnas shing sha dang rkang yongs su btang ba de ltar slong ba rnams la lus las sha dang rkang yongs 
su gtong ba'i tshe/ sha dang rkang yongs su btang bas yang dag par bsdus pa'i dge ba'i rtsa ba de dag sems can thams cad la 'di ltar yongs su bsngo ste/ dge ba'i rtsa ba 'dis sems can thams cad rdo rje'i snying po ltar 'khregs pa'i yan lag 
dang ldan zhing mi shigs pa'i lus dang ldan par gyur cig /sems can thams cad gsog med pa'i lus rab tu thob pas gsog ma yin pa'i lus dang ldan par gyur cig /sems can thams cad yid kyi rang bzhin gyi lus rnam par dag 
pa dang ldan zhing sangs rgyas kyis brgyan pa'i lus dang ldan par gyur cig /sems can thams cad mtshan sum cu rtsa gnyis kyi lus shin tu grub pas bsod nams brgya pa'i mtshan gyi lus dang ldan par gyur cig /sems can thams cad </font><hr>36-1-58b<br><font size=+1>
de bzhin gshegs pa'i stobs bcu tha mi dad cing ma nyams pa dang ldan te dpe byad bzang po brgyad cus rnam par bris pa'i lus dang ldan par gyur cig /sems can thams cad de bzhin gshegs pa'i sku rab tu thob pas mtha' las 'das pa tshad 
med pa'i lus dang ldan par gyur cig /sems can thams cad bdud thams cad kyi dkrugs ma rab tu 'joms pas kun tu khyab pa'i spyod lam dang ldan zhing thub pa med pa'i lus dang ldan par gyur cig /sems can thams cad 'das pa dang / ma byon 
pa dang / da ltar byung ba'i sangs rgyas thams cad dang lus gcig par gyur cig /sems can thams cad nam mkha'i dbyings kun tu chos kyi skus khyab par byed pa'i phyir chags pa med pa'i lus mngon par grub par gyur cig /sems can thams 
cad 'gro ba thams cad shong ba'i lus dang ldan zhing byang chub kyi lus dam pa dang ldan par gyur cig ces/ de ltar byang chub sems dpa' sems dpa' chen po thams cad mkhyen par dmigs pa'i sems dang ldan pa/ slong ba la sha dang rkang yongs su gtong ba'i tshe 
dge ba'i rtsa ba de dag sems can thams cad kyis sangs rgyas kyi sku mtha' las 'das pa tshad med pa rnam par dag pa rab tu thob par bya ba'i phyir yongs su bsngo'o/ /'di ltar yang byang chub sems dpa' sems dpa' chen po sbyin pa'i rgyud la 
bslabs pa'i sems dang ldan pa sbyin pa thams cad byin pas spyod pa'i sems dang ldan pa sbyin pa'i pha rol tu phyin pa chen po thob pa'i sems dang ldan pa/ pha rol tu 'gro ba'i sbyin pa grub pa'i sems dang ldan pa/ byang chub sems dpa' thams 
cad kyi byin pa'i rjes su bslabs pa'i sems dang ldan pa sbyin pa dang / yongs su gtong ba thams cad kyis zad mi shes pa'i sems dang ldan pa/ sbyin pa'i gnas thams cad la shin tu gnas pa'i sems dang ldan pa/ byang chub sems dpa' thams </font><hr>36-1-59a<br><font size=+1>
cad kyi sbyin pa'i las la rab tu gnas pa'i sems dang ldan pa/ sangs rgyas thams cad yid la bya bas mngon du gyur pa'i gtong ba'i sems dang ldan pa/ slong ba thams cad rgyun mi 'chad par rgyu ba rab tu mchod pa'i sems dang ldan pa/ de 
ji ltar byang chub sems dpa' yongs su skyo ba myed pa dang / rgyal po g.yo ba med pa dang / de ma yin pa'i byang chub sems dpa' sems dpa' chen po gzhan grangs med pa dag gis kyang snying yongs su btang bar gyur pa/ de ltar slong ba kun nas 'ongs pa rnams [(]gyis [,]kyis[)] bslangs 
shing/ rang gi lus las snying yongs su gtong zhing sbyin pa byed pa dang / spong ba dang / thob par byed pa dang / lhag pa'i bsam pa rnam par spyad pa dang / 'gro ba thams cad rab tu dgrol ba'i phyir stobs bcu'i byang chub la dmyigs par byed pa dang / smon 
lam chen pos nan tan du byed pa dang / byang chub sems dpa'i spyod pa la yang dag par gnas pa dang / smon lam yongs su mi gtong bas/ sbyin pa byed pa'i tshe/ dge ba'i rtsa ba de dag sems can thams cad la 'di ltar yongs su bsngo ste/ sems can thams 
cad rdo rje'i rang bzhin lta bus yongs su bzung ba'i snying dpal gyi be'us brgyan pa dang ldan zhing rdo rje'i ri khor yug thams cad ltar myi shigs shing rdo rje'i snying po lta bu'i snying dang ldan pa dang / bag tsha ba med pa'i snying dang thub par dka' ba'i snying dang / 'jig rten 
thams cad kyis mi 'phrogs pa'i snying dang / dpa' ba'i rgyal mtshan ye shes kyi snying po can gyi snying dang / mthu bo che chen po dam pa'i sems kyi rgyal mtshan gyi snying dang / 'gro ba thams cad kyi gtso bo lta bur myi 'phrogs pa'i snying dang / mthu bo che ltar myi shigs 
pa'i snying po can gyi snying dang / bdud kyi las dang bdud kyi dpung dang bdud kyi sde rnam par 'joms pa'i snying dang / brtan pa'i snying dang / gzeng mtho ba'i snying dang / dpa' ba'i snying dang / brtul phod pa'i snying dang / myi 'jigs myi dngangs skrag par myi </font><hr>36-1-59b<br><font size=+1>
'gyur ba'i snying dang / rdo rje'i go cha chen po yang dag par bgos pa'i snying dang / shin tu btsun pa'i byang chub sems dpa'i snying dang / sangs rgyas kyi chos yongs su rdzogs pas byang chub snang bar gyur pa'i snying dang / byang chub kyi shing drung du 'dug nas 
sangs rgyas kyi chos thams cad rjes su rtogs shing rmongs pa med par thams cad mkhyen pa nyid du mngon par 'tshang rgya ba'i snying dang / stobs bcu mngon par byang chub pa rab tu 'thob pa'i snying dang ldan par gyur cig ces/ de ltar byang chub sems dpa' sems dpa' chen 
po snying gi sbyin pas yang dag par bzung ba'i dge ba'i rtsa ba de dag sems can thams cad 'gro ba thams cad kyis gos pa myed pa'i stobs bcu mnga' ba'i thugs phun sum tshogs pa yongs su rdzogs pa dang ldan par yongs su bsngo'o/ /'di ltar yang byang 
chub sems dpa' sems dpa' chen po slong ba mngon par dad par byed pa'i lta ba dang gsal zhing dga' bar byed pa'i mig dang byang chub dang mnyam par bya ba'i byams pa dang / ci 'dod pas slong ba phu dud du bya ba'i sbyin pa dang / rgyun myi 'chad par yid 
la byed pa'i gtong ba dang / lus la snying po med par rtogs pas snying po blang ba'i sems dang / dang bar 'gyur ba'i lus rjes su dran pa yid la byed pa dang / spyang ki dang / wa dang / khyis za bar 'gyur ba'i lus su rab tu rtogs pa dang / 
gzhan la rag lus shing lus myi rtag par yid la byed pa dang / /lus kyi rgyus thams cad khong du chud pa dang / gzhan la dad pa'i sems dang de lta bu'i chos de dag yid la bya ba la brtson pa de ji ltar byang chub sems dpa' legs par byin pa dang / rgyal po sdig 
pa bstsal ba dang / de ma yin pa'i byang chub sems dpa' sems dpa' chen po gzhan grangs med pa dag gis kyang slong ba rnams la rgyu ma dang mchin pa dang / mkhal ma dang / glo ba yongs su btang bar gyur pa de ltar rgyu ma dang mchin pa dang /</font><hr>36-1-60a<br><font size=+1>
mkhal ma dang / glo ba yongs su btang ba'i tshe/ byang chub sems dpa' slong ba de dag la mi 'gebs pa'i mig gis lta zhing 'di ltar sems bskyed de/ 'di ltar bdag gi lus mi rtag cing 'di ltar mi gtsang na 'on kyang 
rgyu ma dang mchin pa dang mkhal ma dang / glo ba lta bu dag kyang slong ba dag la dgos pa ltas sbyin par bya'o zhes de lta bur yid la byed cing dga' ba'i rgyud dang / de ltar chos nyid shes pa'i bsam pa dang / slong ba mthong ba de dge ba'i bshes gnyen du 'du shes pa'i byin gyi 
rlabs kyis lus snying po med pa de las snying po blang bar 'dod de/ de lta bur yid la byed cing rab tu rtogs pa dang ldan pa'i sems kyis rgyu ma dang mchin pa dang / mkhal ma dang glo ba de dag yongs su gtong ba'i tshe dge ba'i rtsa ba de dag sems can thams cad la 'di 
ltar yongs su bsngo ste/ rgyu ma dang mchin pa dang mkhal ma dang glo ba yongs su btang bas yang dag par bsdus pa'i dge ba'i rtsa ba 'dis sems can thams cad ye shes kyi snying po'i lus dang ldan zhing lus kyi phyi nang shin tu gtsang zhing dag par gyur cig /sems 
can thams cad thams cad mkhyen pa'i smon lam yang dag par 'dzin pa'i phyir ye shes kyi lto dang yang dag par ldan par gyur cig /sems can thams cad nang spos zhim po'i mchog thams cad dang ldan zhing phyi rol tu 'od gzer rab tu 'gyed pas/ lta na 
bzang ba'i lus dang ldan par gyur cig /sems can thams cad rim gyis gzhol zhing mnyam pa'i lus kyi yan lag dang ldan te/ gzhu lta bu'i lto dang ldan pa'i lus su gyur cig /sems can thams cad sangs rgyas kyi chos kyi dga' bas lus shin tu 
bskyed pas lus chos kyi zas dang ye shes kyis gso bar gyur cig /sems can thams cad dga' ba'i lus dang chos kyi lus kyis yang dag par spyod pas zad myi shes pa'i lus dang ldan par gyur cig /sems can thams cad tha dad pa yang dag par </font><hr>36-1-60b<br><font size=+1>
shes pa'i chos snang ba dang ldan pas gzungs kyi snying pos lus kyi nang rnam par dag par gyur cig /sems can thams cad nang gi bsam pa'i rgyud shin tu sbyangs pas lus yongs su dag pa dang ldan par gyur cig /sems can thams cad ye 
shes kyis ngoms par byed pa'i chos kyi sprin gyi char rab tu 'bebs pas de bzhin gshegs pa'i sku dang ye shes kyi rnal 'byor khong du chud par gyur cig /sems can thams cad phyi rol gyi lus 'gro ba thams cad la ye shes kyi rgyal mtshan mdzes 
shing snang bar gyur pas nang gi lus dag cing zhi bar gyur cig ces/ de ltar byang chub sems dpa' sems dpa' chen po rgyu ma dang / mchin pa dang / mkhal ma dang / glo ba de dag rang gi lus las slong ba rnams la yongs su gtong ba'i tshe/ 
dge ba'i rtsa ba de dag sems can thams cad kyi lus phyi nang yongs su dag cing bsgribs pa med pa'i ye shes la rab tu 'khod pa thob par bya ba'i phyir yongs su bsngo'o/ /'di ltar yang byang chub sems dpa' sems dpa' chen pos ji ltar byang chub sems dpa' 
chos [(]gyi [,]kyi+i[)] 'byung gnas dang / rgyal po skar ma'i 'od dang / de ma yin pa'i byang chub sems dpa' sems dpa' chen po gzhan dag gis kyang yan lag dang nying lag dang / rus pa slong ba rnams la yongs su btang bar gyur pa de ltar yan lag dang / nying 
lag dang / rus pa bslangs pa na/ slong ba rnams la gtong ba'i tshe/ slong ba mthong ma thag tu sems dga' ba dang / sems mos pa dang / sems dad pa dang / sems rab tu spro ba dang / sems 'thad pa dang / byams pa'i 
sems dang / chags pa med pa'i sems dang / dag pa'i sems dang / slong ba rnams la rim gror bya ba'i sems rab tu 'thob ste/ de yan lag dang nying lag dang / rus pa de dag bslangs pas slong ba la yongs su gtong ba'i tshe/ dge ba'i rtsa </font><hr>36-1-61a<br><font size=+1>
ba de dag sems can thams cad la 'di ltar yongs su bsngo ste/ rang gi lus kyi yan lag dang nying lag dang / rus pa yongs su btang bas yang dag par bsdus pa'i dge ba'i rtsa ba 'dis sems can thams cad rus pa 
dang sha dang / khrag med pa'i lus dang ldan zhing sprul pa lta bu'i lus can du gyur cig /sems can thams cad lus la thub pa med cing zil gyis mi non pas rdo rje lta bu'i stobs kyi lus dang ldan par gyur cig /sems can thams cad chags pa med cing 
grol ba dang / bcings pa med pa'i ye shes kyi lus kyis byung ste/ thams cad mkhyen pa'i stobs dang / chos su ldan pa'i lus phun sum tshogs par gyur cig /sems can thams cad dbang po tha mi dad cing gcad du med pa rab tu thob pas 
ye shes kyi stobs kyi lus dang ldan par gyur cig /sems can thams cad ye shes kyi stobs dang dbang gi pha rol tu phyin pa thob pas chos kyi stobs kyi lus dang ldan par gyur cig /sems can thams cad lus shig shig po myed pas yan lag 
shin tu brtan pa'i lus dang ldan par gyur cig /sems can thams cad 'gro ba kun yongs su smin par byed cing 'dul ba la zhugs pas 'gro ba thams cad ji ltar mos pa'i lus dang yan lag gi byin gyi rlabs dang ldan par gyur cig /sems can thams 
cad mthu po che'i yan lag dang nying lag yang dag par zin pas stobs chen po dang ldan zhing ye shes la gnas pa'i lus dang ldan par gyur cig /sems can thams cad chad cing dub pa med pa'i lus rab tu thob pas shin tu brtan par lus 
kyi rgyud 'brel ba dang ldan par gyur cig /sems can thams cad mthu dang brtson 'grus chen po dang ldan pa'i lus kyis shin tu brtan zhing stobs dang ldan par gyur cig /sems can thams cad mtha' yas pa'i ye shes kyi khyu mchog gi </font><hr>36-1-61b<br><font size=+1>
mthu 'byin pa'i lus dang ldan zhing chos kyi lus kyis 'gro ba thams cad du rnam par brgyan pa'i lus dang ldan par gyur cig /sems can thams cad kha na ma tho ba myed cing blta na don yod pa dang ldan te/ bsod nams kyi stobs kyi lus dang ldan par gyur 
cig /sems can thams cad gnas med pa'i ye shes kyi mthar thug ste/ gnas pa'i lus dang ldan par gyur cig /sems can thams cad sangs rgyas thams cad kyis bsam pa byin gyis brlabs pa dang ldan zhing sangs rgyas kyis yongs su bzung 
ba'i lus dang ldan par gyur cig /sems can thams cad du 'gro ba'i lam gyi lus kyi rjes su song bas 'gro ba thams cad la phan 'dogs pa'i lus dang ldan par gyur cig /sems can thams cad sangs rgyas kyi chos thams cad la phyir phyogs pa med cing 
mngon par lta ba'i snang bas sgo kun nas blta ba'i lus dang ldan par gyur cig /sems can thams cad thams cad mkhyen pa'i theg pa la spyod pa brtsams pa mthar phyin par bya ba la brtson pa'i brtson 'grus dang ldan pa'i lus phun sum tshogs par gyur cig 
sems can thams cad ye shes brtan par gnas pa thob pas nga rgyal dang rlom pa dang / dregs pa thams cad rgyun chad cing rnam par dag pa'i lus dang ldan par gyur cig /sems can thams cad thams cad mkhyen pa'i theg pa la yang dag par ji lta ba 
bzhin du las grub par gyur pas brtul zhugs dam pa'i lus dang ldan par gyur cig /sems can thams cad 'jig rten du skyes pa'i lus thams cad las rnam par 'das shing de bzhin gshegs pa'i dge bas byung ba'i lus su gyur cig ces/ de 
ltar byang chub sems dpa' sems dpa' chen po yan lag dang nying lag dang rus pa de dag slong ba rnams la yongs su gtong ba'i tshe/ dge ba'i rtsa ba de dag sems can thams cad kyis thams cad mkhyen pa'i ye shes grub par bya ba dang / shin tu rnam </font><hr>36-1-62a<br><font size=+1>
par dag pa'i phyir yongs su bsngo'o/ /'di ltar byang chub sems dpa' sems dpa' chen po rang gi lus las slong ba dag gis mdog dang ldan pa'i pags pa bslangs pa'i tshe/ mtshon cha thogs pa'i slong ba mthong yang 
dga' bar byed pa'i dbang pos slong ba la lta zhing slong ba rnams la drin du gzo ba'i 'du shes nye bar bzhag nas legs par bting ba'i stan la slong ba rnams bkod de/ slong ba rnams la rim gro'i 'du shes nye bar gzhog pa dang / len pa rnams la 
shin tu dkon pa'i 'du shes yang dag par skyed pa dang / thams cad mkhyen pa'i gzhir gyur pa smon par bya ba yang dag par mthong bar sems shing slong ba rnams la phan 'dogs pa'i sems kyis rtog cing 'dzum pa dang ldan par lta bas slong ba rnams 
la lta zhing tshur sheg longs shig ces bya ba'i tshig brjod pa dang / slong ba rnams la bdag nyid ji dga' bar bya ba gtong ba de ji ltar byang chub sems dpa' dag pa'i snying po dang / ri dgas kyi rgyal po gser gyi rtsib logs ltar mdog dang ldan pa'i 
pags pa slong ba rnams la yongs su gtong ba'i tshe/ dge ba'i rtsa ba de dag sems can thams cad la 'di ltar yongs su bsngo ste/ sems can thams cad de bzhin gshegs pa'i yon tan gyis mi ngoms shing rnam par dag pas shin tu 'jam pa'i mdog dang 
ldan par gyur cig /sems can thams cad rdo rje'i mdog thub par dka' ba'i kha dog dang ldan zhing ma 'dres pa'i kha dog dang ldan par gyur cig /sems can thams cad 'dzam bu chu klung gi gser gyi snying po ltar dag cing gser gyi mdog dang ldan par gyur cig /
sems can thams cad bsam pa ji lta ba bzhin du kha dog rnam par sbyang bas dag cing kha dog mtha' yas pa'i mdog dang ldan par gyur cig /sems can thams cad dge sbyong de bzhin gshegs pa shin tu gzhon pa'i kha dog gis rnam par dag cing rnyog </font><hr>36-1-62b<br><font size=+1>
pa med cing dang ba'i kha dog dang / mdog gi mchog dang ldan par gyur cig /sems can thams cad rang bzhin gyis kha dog rnam par dag cing kha dog dang mdog gi dam pa dang ldan par gyur cig /sems can thams cad mtshan dang dpe byad bzang pos rnam 
par bris shing sangs rgyas kyi kha dog rnam par dag pas mdog dang kha dog shin tu rnam par dag par gyur cig /sems can thams cad kha dog dang mdog bzang po phun sum tshogs shing 'gro ba kun tu mdog gi snang ba rab tu 'gyed par gyur cig /sems can thams cad 
'jig rten gyi khams thams cad du 'od gzer gyi dkyil 'khor brjod du med pa rnam par 'gyed pa'i rgyal mtshan dang ldan zhing mdog 'od gzer gyi dra ba can dang ldan par gyur cig /sems can thams cad gzugs thams cad kyi kha dog rnam par dag ste/ 
mdog dang kha dog shin tu snum pa dang ldan par gyur cig ces/ de ltar byang chub sems dpa' sems dpa' chen po rang gi lus las mdog dang ldan pa'i pags pa slong ba rnams la yongs su gtong ba'i tshe/ dge ba'i rtsa ba de dag sems can thams cad kyi 
sangs rgyas kyi zhing rnam par dag par 'gyur ba dang / de bzhin gshegs pa'i+i yon tan thams cad dang ldan par bya ba'i phyir yongs su bsngo'o/ /'di ltar yang byang chub sems dpa' sems dpa' chen po sems la phyin ci log med pa/ bzhin 'dzum pa 
can yid bde ba thob pa/ theg pa chen po la legs par gnas pa/ grags pa 'dod pa med pa'i sbyin pa can/ snying thag pa nas sbyin pa la gnas pa/ gtong ba dang / gtong ba chen po la yid rab tu zhugs pa/ 'jungs pa'i dri ma la mi gnas pa'i 
sems dang ldan pa/ phrag dog dang 'jungs pa'i dri ma dang bral ba/ de bzhin gshegs pa'i gsung la rab tu zhugs pa/ de ji ltar byang chub sems dpa' lta ba'i brtson 'grus dang 'dzam bu'i gling gi bdag po gser gyi 'od dang / de ma yin pa'i </font><hr>36-1-63a<br><font size=+1>
byang chub sems dpa' tshad myed pa gzhan dag gis kyang sor mo rnams yongs su btang bar gyur pa ltar slong ba la rkang lag gi sor mo yongs su gtong ba'i tshe/ dge ba'i rtsa ba de dag sems can thams cad la 'di ltar bsngo ste/ 
sor mo byin pa dang / ci blangs pa'i dngos po btang bas yang dag par bsdus pa'i dge ba'i rtsa ba 'dis sems can thams cad sangs rgyas kyi phyag sor thob par gyur te/ sor mo ring bar gyur cig /sems can thams cad sor mo rim gyis gzhol par 
legs par grub bas sor mo zlum pa dang ldan par gyur cig /sems can thams cad sen mo gang ba'i sor mo rnam par dag pa dang ldan zhing sen mo zangs kyi kha dog lta bu'i sor mo dang ldan par gyur cig /sems can thams cad chos thams cad 
'dzin par brtson pa'i sor mo dpe byad bzang po dang ldan zhing skyes bu dpa' bo thams cad mkhyen pa'i sor mo dang ldan par gyur cig /sems can thams cad stobs bcu'i phyag sor dang ldan par gyur te/ dpe byad bzang pos grub pa'i sor mo dang ldan 
par gyur cig /sems can thams cad shin tu sbyangs pa'i sor mo tshul dang mthun par skyes pas sor mo'i dam pa dang ldan par gyur cig /sems can thams cad sor mo'i chos nyid kyi yan lag dang bum pa gang ba dang / bkra shis kyis rnam 
par mdzes pa dang ldan zhing sor mo'i rtse mo la 'khor lo yod pa'i sor mo dang ldan par gyur cig /sems can thams cad stobs bcu'i phyag sor 'phrin las kyi rnam par sbyin pa rgyu mthun par byung ba lta bu dang ldan zhing pad mo bzang po dang / dga' ba 
'khyil pas sor mo thams cad kyi tshigs dang yan lag shin tu brgyan cing dpe byad bzang pos mdzes par rnam par phye ba'i rgyan gyis brgyan pa'i sor mo dang ldan par gyur cig /sems can thams cad sangs rgyas kyi zhing brjod du med pa snang bar </font><hr>36-1-63b<br><font size=+1>
bya ba la brtson zhing 'od gzer gyi dra ba'i mdzod rab tu 'gyed pa'i sor mo dang ldan par gyur cig /sems can thams cad sor mo shin tu mdzes pa dra ba legs par 'brel pa dang ldan zhing sor mo legs pa dang ldan par gyur cig ces/ 
de ltar byang chub sems dpa' sems dpa' chen po sor mo slong ba rnams la sor mo yongs su gtong ba'i tshe/ sems can thams cad rnam par dag par bya ba'i sems kyis dge ba'i rtsa ba de dag thams cad sems can rnams la yongs su bsngo'o/ /gzhan 
yang byang chub sems dpa' sems dpa' chen po chos 'dod pa la/ la la zhig gis chos thos par bya bar bsams te/ des 'di skad du gal te khyod kyi sha dang bcas pa'i sen mo nga la byin na ni/ ngas khyod la chos bstan par bya'o/ /zer ba zhig yod na/ 
de la 'di skad du smras te/ bdag gi sha dang bcas pa'i sen mo ci bder khyer la bdag la chos bstan par mdzod cig ces nas/ ji ltar rgyal po dbang phyug tu gyur pa legs par bshad pa tshol ba dang / byang chub sems dpa' zad mi shes pa dang / 
de ma yin pa'i byang chub sems dpa' sems dpa' chen po gzhan tshad med pa chos kyi chos bzang po nyid la brtson pa/ 'gro ba kun tu chos kyi lo shin tu legs pa yang dag par bstan pa'i phyir sha dang / bcas pa'i sen mo yongs su btang bar 
gyur pa de ltar slong ba rnams la rang gi sha dang bcas pa'i sen mo yongs su gtong ba'i tshe/ dge ba'i rtsa ba de dag sems can thams cad la 'di ltar yongs su bsngo ste/ sems can thams cad sangs rgyas kyi phyag sen rab tu grub cing zangs kyi kha 
dog lta bu'i sen mo dang ldan par gyur cig /sems can thams cad dpe byad bzang po'i sen mo rab tu thob cing mdog snum pa'i sen mo dang ldan par gyur cig /sems can thams cad sen mo'i dam pa dang ldan zhing 'od 'tsher ba'i sen mo dang ldan </font><hr>36-1-64a<br><font size=+1>
par gyur cig /sems can thams cad sen mo bzang po dang ldan zhing thams cad mkhyen pa'i phyag sen rab tu thob par gyur cig /sems can thams cad 'jig rten thams cad kyis mi gos shing mtshungs pa 
med pa'i sen mo dang ldan par gyur cig /sems can thams cad 'od kyis snang bar bya ba la brtson zhing shin tu brgyan pa'i sen mo dang ldan par gyur cig /sems can thams cad nyams pa myed cing rnam par dag pa'i sen mo gang ba dang ldan par gyur 
cig /sems can thams cad ye shes che zhing yangs pa rnam par dag pa dang ldan zhing sangs rgyas kyi chos thams cad kyi rjes su song ba'i mtshan dang ldan par gyur cig /sems can thams cad byang chub sems dpa'i las rnam par smin bas rnam par 
dag cing mdzes par skyes pa'i sen mo dang ldan par gyur cig /sems can thams cad 'od gzer kha dog mtha' yas pa rab tu 'gyed pa'i mdzod dang ldan zhing mgon po thams cad mkhyen pa'i phyag sen dang ldan par gyur cig ces de ltar byang chub 
sems dpa' sems dpa' chen po chos 'dod pa'i phyir sen mo dang shar bcas pa yongs su gtong ba'i tshe/ dge ba'i rtsa ba de dag sangs rgyas thams cad kyi sku dang phyag sen gyi rgyan yongs su rdzogs par bya ba dang / thogs pa med pa'i stobs kyi 
mthar phyin par bya ba'i phyir yongs su bsngo'o// //sangs rgyas rmad ga cad ces bya ba shin tu rgyas pa chen po'i mdo/ /bam po drug pa/ /'di ltar yang byang chub sems dpa' sems dpa' chen po chos kyi don du chos tshol 
ba lhur len pa shin tu dkon pa'i chos tshol ba la zhugs pa la/ chos gtong ba'i gang zag la las me'i rlubs su lus gzhug par byas te/ 'di skad du gal te khyod mi 'greng bdun du brkos pa'i me'i rlubs su mchong phod na/ ngas khyod la chos kyi </font><hr>36-1-64b<br><font size=+1>
sbyin pa bya'o zhes na de la byang chub sems dpa' sems dpa' chen po sgra de thos nas/ shin tu dga' zhing yid bde ba dang rab tu 'dun pa'i yid skyes nas 'di snyam du sems te/ ngan song thams cad dang mnar med pa'i sdug bsngal nyams su blang ba 
dang yang bsngo zhing bdag gis dam pa'i chos btsal dgos na/ 'di ltar me'i rlubs su mchong ba tsam gyis dam pa'i chos rnyed par 'gyur na lta/ kye ma de ltar dkon pa'i sangs rgyas kyi chos de dag kyang sems can dmyal ba'i sdug bsngal lta bu myed par 
mye'i rlubs tsam du mchod pas rnyed pa 'di ni ngo mtshar che'o snyam nas/ 'di ltar bdag gis myi 'greng bdun du brkos pa'i me'i rlubs su mchod par bgyis/ khyod kyis bdag la sangs rgyas kyi chos bshad du gsol zhes nas de ji ltar rgyal po legs par 
bshad pa tshol ba dang / byang chub sems dpa' rdo rje sems dpa' dang / de ma yin pa'i byang chub sems dpa' sems dpa' chen po gzhan grangs med pa dag gis kyang me'i rlubs su mchod par byas pa de ltar chos kyi don du sdug bsngal gyi tshor ba 
thams cad dang bsngo ba'i lus kyis me'i rlubs su mtshor ba'i tshe/ dge ba'i rtsa ba de dag sems can thams cad la 'di ltar yongs su bsngo ste/ dge ba'i rtsa ba 'dis sems can thams cad bla na med pa yang dag par rdzogs pa'i byang chub 
las shin tu phyir mi ldog pa'i chos can du gyur te/ thams cad mkhyen pa'i gnas dang ldan par gyur cig /sems can thams cad sangs rgyas kyi bde ba thams cad myong bar gyur te/ g.yang sa thams cad las phyir ldog par gyur cig /
sems can thams cad 'jigs shing skrag pa thams cad dang bral zhing bag tshab med pa'i sems dang ldan par gyur cig /sems can thams cad bde ba dang yid bde ba dang / chos thams cad kyi rgyan rab tu thob cing chos tshol ba la brtson par gyur </font><hr>36-1-65a<br><font size=+1>
cig /sems can thams cad me gsum rab tu zhi bas gnas pa'i sems dang ldan zhing ngan song gi lam thams cad dang shin tu bral bar gyur cig /sems can thams cad sangs rgyas kyi bde ba'i rnam pa rab tu thob ste/ 
yid bde ba thams cad dang ldan par gyur cig /sems can thams cad me gsum dang bral zhing byang chub kyi sems kyis 'dod chags dang zhe sdang dang gti mug zhi bar gyur cig /sems can thams cad sangs rgyas thams cad mthong ba'i dga' bas yang 
dag par spyod cing byang chub sems dpa'i ting nge 'dzin gyi bde ba rab tu thob par gyur cig /sems can thams cad sangs rgyas kyi chos thams cad mnyam pa med pa la rab tu gzhol zhing shin tu thos pa'i chos can du gyur cig /sems can thams cad 
thams cad mkhyen pa nyid kyi rjes su shin tu song ba'i chos dang ldan zhing byang chub sems dpa'i mngon par shes pas rnam par rol pa'i bde ba rab tu thob par gyur cig ces/ de ltar byang chub sems dpa' sems dpa' chen po chos tshol zhing me'i rlubs su mchod 
pas yang dag par bzung ba'i dge ba'i rtsa ba de dag sems can thams cad kyis sgrib pa'i las dang spyod pa'i mthar phyin cing ye shes kyi me shin tu rdzogs par bya ba'i phyir yongs su bsngo'o/ /'di ltar yang byang chub sems dpa' sems dpa' chen po 
dam pa'i chos kyi phyir sdug bsngal gyi tshor ba thams cad bdag gi lus kyis bzod par byed cing dam pa'i chos brjod pa dang / byang chub sems dpa'i lam ston pa dang / sangs rgyas kyi byang chub la gsal bar byed pa dang / bla na med pa'i ye shes 
kyi phung po tshogs yang dag par stsogs pa dang / stobs bcu la brtson par byed cing thams cad mkhyen par sems bskyed pa yangs par byed pa dang / chags pa med pa'i ye shes kyi phung po la bdag mngon du mthun par yang dag par lta </font><hr>36-1-65b<br><font size=+1>
zhing sems can thams cad kyi rnam par dag pa dang / rnam par byang ba yang dag par sgrub pa dang / byang chub sems dpa'i spyod yul thams cad la rab tu 'jug pa dang / ye shes chen po la brtson zhing sangs rgyas kyi byang chub yongs su bsrung ba'i tshe/ 
ji ltar byang chub sems dpa' chos bzang po tshol ba dang / rgyal bo shugs chen po 'dzin pa dang / de ma yin pa'i byang chub sems dpa' gzhan tshad med pa dag gis kyang ji ltar spyad pa bzhin du de sdug bsngal gyi rnam pa gcig ma yin pa nyams su 'bab pa 
dang / sdug bsngal tshor ba'i gnod pa rnam pa sna tshogs myong ba dang / sdug bsngal gyi gnod pa thams cad dang phrad pa dang /rang gi lus kyis nye bar len cing bzod par byed pa dang / dam pa'i chos spong ba'i gang zag sems gtum pa can sdig 
pa'i las kyis bsgribs pa/ bdud kyi las kyi byin gyis brlabs pa dag las sdug bsngal gyi gnod pa de dag thams cad nye bar len cing bzod par byed pa'i tshe/ dge ba'i rtsa ba de dag 'di ltar dam pa'i chos shes par bya ba'i phyir yongs su bsngo ste/ dge ba'i 
rtsa ba 'dis sems can thams cad bde ba'i nan tan gyis mngon par shes pa myur ba dang ldan zhing sdug bsngal dang mi bde ba yongs su spangs par gyur cig /sems can thams cad bde ba'i rnam pa thams cad rab tu thob pa la gnas pas/ sdug bsngal 
gyi tshor ba thams cad dang bral bar gyur cig /sems can thams cad mig yor lta bu'i bde ba rab tu thob cing sdug bsngal gyi phung po thams cad 'gag par gyur cig /sems can thams cad ye shes kyi spyod pa'i mthar phyin te sdug bsngal gyi btson 
ra nas phyir log par gyur cig /sems can thams cad sdug bsngal gyi lam rgyud dang / gtse ba thams cad las phyir log cing bde ba'i lam mthong bar gyur cig /sems can thams cad sdug bsngal thams cad shin tu rnam par chad pas chos kyi dga' </font><hr>36-1-66a<br><font size=+1>
ba dang bde ba'i rnam pas shin tu brtan par gyur cig /sems can thams cad phan tshun du zhe mi sdang zhing byams pa rab tu thob pas sdug bsngal las grol bar gyur cig /sems can thams cad 'khor ba thams 
cad na yod pa'i sdug bsngal rab tu byang zhing sangs rgyas thams cad kyi bde ba'i don mthong bar gyur cig /sems can thams cad sdug bsngal gyi tshor ba thams cad kyis lus la gnod par 'gyur ba med cing 'dra ba med pa'i bde ba rnam par dag pa dang 
ldan par gyur cig /sems can thams cad sangs rgyas kyi bde ba bsgribs pa med pa'i mthar phyin te/ bde ba'i khyad par thams cad rab tu thob par gyur cig ces/ de ltar byang chub sems dpa' sems dpa' chen po thams cad mkhyen pa'i 
chos kyi phyir sdug bsngal gyi rnam pa thams cad bzod par byed cing nyams su len pa'i tshe/ dge ba'i rtsa ba de dag 'gro ba thams cad g.yangs las bsrung zhing thams cad mkhyen pa'i rnam par thar pa bsgribs pa med pa la rab tu dgod pa'i phyir yongs 
su bsngo'o/ /'di ltar yang byang chub sems dpa' sems dpa' chen po dam pa'i chos btsal ba la shin tu brtson pa/ chos kyi tshig dang yi ge 'khor lngas yang dag par len pa/ 'das pa dang / ma byon pa dang / da ltar byung 
ba'i sangs rgyas kyi chos yongs su btsal ba dang / rjes su dran pa la gnas pa/ chos kyi dga' bas spro zhing mos pa'i sems dang ldan pa/ zang zing med pa'i chos rab tu btsal ba la brtson pa/ 'jig rten pa'i rgyal po'i srid 
dang / skyid pa'i ljan ljin thams cad las rnam par 'das pa sangs rgyas kyi rgyal srid dang chos kyi skyid pa la mngon par mos pa/ 'jig rten gyi dga' ba thams cad kyis ma gos pa'i yid la byed pa dang ldan pa/ 'jig rten las 'das pa'i </font><hr>36-1-66b<br><font size=+1>
dga' bas sems shin tu spel ba/ 'jig rten gyi skyid pa zang zing dang bral ba'i yid dang ldan pa/ spros pa med pa'i sangs rgyas kyi chos la gnas pa/ rab tu 'thob par mngon par zhugs pa des rgya mtsho'i mthar thug pa'i sa chen po grong rdal bye ba 
khrag khrig brgya stong dang / yul dang yul gru bye ba khrag khrig brgya stong dang skye bo du mas yongs su gang ba/ bde ba'i rnam pa thams cad dang / skye bos rgyas pa'i khyim gyis gang ba/ bza' shing gi ra ba bye ba khrag khrig brgya stong rtse zhing dga' bar bya 
ba'i gzhi dang ldan pa/ chu klung yid du 'ong ba sna tshogs dang / grib shing dang / bza' shing mdangs dga' bas shin tu brgyan pa/ 'khrug long med cing shin tu bde ba/ gzhan gyi khams shin tu bcom pa/ 
bdag gi khams la nyams pa med pa/ gser dang rin po che'i mdzod dang bang ba bye ba khrag khrig brgya stong gis brgyan pa/ bu dang bu mo dang chung ma dang 'khor sna tshogs dang / chung ma'i 'khor sna tshogs yod pa/ grong khyer bye ba khrag khrig brgya stong 
dang / rgyal po'i pho brang 'khor dang / pho brang chen po yod pa de lta bu chos kyi don dang / chos btsal ba'i phyir tshig dang / yi ge'i 'bru gcig gi don du yang rgyal po'i srid snying po med pa las snying po bskyed cing chos la dkon 
pa'i 'du shes rab tu bskyed nas/ 'gro ba thams cad kyi don du sangs rgyas kyi rnam par thar pa bsgribs pa med pa dang / thams cad mkhyen pa'i lam rnam par dag pa tshol zhing ji ltar byang chub sems dpa' mthu chen dpal dang / rgyal po 
khyad par dpal dang / de ma yin pa'i byang chub sems dpa' sems dpa' chen po gzhan dag gis kyang ji ltar spyad par gyur pa de bzhin du yongs su gtang bar bya ba'i tshe/ sa chen po rgya mtsho'i mthar thug pa yongs su btang ste chos btsal bas </font><hr>36-1-67a<br><font size=+1>
yang dag par bsdus pa'i dge ba'i rtsa ba de dag 'di ltar yongs su bsngo ste/ dge ba'i rtsa ba 'dis sems can thams cad lag shin tu che bar gtong ba la mngon par mos shing shin tu yangs pa'i gtong ba dang ldan par 
gyur cig /sems can thams cad 'gyod pa med par sbyin pa'i bdag por gyur te/ gtong ba thams cad yongs su gtong bar gyur cig /sems can thams cad lus dang srog dang yo byad la mi lta bas chos tshol ba la shin tu brtson par gyur 
cig /sems can thams cad 'gro ba thams cad kyi the tsom gcad pas tshim par bya ba la brtson cing chos thob par bya bas shin tu dga' bar gyur cig /sems can thams cad sangs rgyas kyi chos la yid dga' ba rab tu thob cing chos la mngon 
bar dga' bar gyur cig /sems can thams cad sangs rgyas kyi chos tshol ba'i sems chen pos spyod pa dang / byang chub tshad med pa rnyed pas lus dang srog dang 'jig rten gyi skyid pa yongs su gtong bar gyur cig /sems can thams cad 
lus dang srog la mi lta zhing chos kyi dga' ba'i mthar thug pas chos kyi rim gro dang sri zhu rab tu thob par gyur cig /sems can thams cad sangs rgyas kyi chos shin tu dkon pa mnyan pa la brtson zhing sangs rgyas kyi bstan pa yang dag par 'dzin par gyur cig 
sems can thams cad byang chub sems dpa'i spyod pa gzhan gyi dring mi 'jog pa'i mthar phyin cing sangs rgyas kyi byang chub snang ba rab tu thob par gyur cig /sems can thams cad rab tu shes pa'i yid kyis the tsom gyi zug rngu dang bral zhing sangs rgyas kyi chos 
thams cad nges par rtogs pa mang bar gyur cig ces/ de ltar byang chub sems dpa' sems dpa' chen po dge ba'i rtsa ba de dag thams cad sems can thams cad kyi don du chos btsal ba dang / chos thams cad kyi don dang bde ba'i lam gyi ye </font><hr>36-1-67b<br><font size=+1>
shes mthong ba yongs su rdzogs par bya ba'i phyir yongs su bsngo'o/ /gzhan yang byang chub sems dpa' sems dpa' chen po chos kyi dbang phyug byed cing srog gcod pa spang ba la sems can rnams rab tu gzhog pa dang / 'dzam bu'i gling gi grong dang / 
grong khyer dang / ljongs dang / pho brang 'khor dang / rgyal po'i gnas thams cad kyi shen pa dang / gsad pa'i gnas thams cad rnam par gcod pa dang / rkang gnyis pa dang / rkang bzhi pa dang / ri dgas mang po la mi 'jigs pa'i sbyin pa byed 
pa dang / ltod pa med pa'i sems kyis byang chub sems dpa'i spyod pa la gnas pa dang / khon med pa'i sems kyis rgyal po'i srid thams cad la gnas pa dang / sems can gyi mi bde ba dang / sdug bsngal thams cad sel ba dang / 'gro 
ba thams cad la bde bar byed pa'i sems rin po che bskyed pa dang / 'gro ba thams cad na rin po che dang 'dra ba'i bsam pa rin po che rab tu sgrub pa dang / sdom pa gsum rnam par dag pa la bdag gnas shing gzhan rab tu 'jog pa'i tshe/ 
srog gcod pa spangs pa dang / bslab pa lnga la sems can rab tu bzhag pas yang dag par bsdus pa'i dge ba'i rtsa ba de dag 'di ltar yongs su bsngo ste/ dge ba'i rtsa ba 'dis sems can thams cad byang chub sems dpa'i sems so sor thob 
cing srog gi dbang po gcad du med pa dang / tshe ring zhing shes rab rab tu thob par gyur cig /sems can thams cad sangs rgyas thams cad la rim gro byed pa'i tshe dang ldan zhing tshe dpag tu med par gyur cig /sems can thams cad gzhan gyi gnod 
pas srog 'gag par mi 'gyur zhing rga shi med pa'i chos la rab tu brtson par gyur cig /sems can thams cad tshe ji srid du 'dod cing bsams par gnas pa la mkhas shing nad med pa'i lus dang ldan par gyur cig /sems can thams cad </font><hr>36-1-68a<br><font size=+1>
phyi ma'i mtha'i bskal pa bye ba brgyar byang chub sems dpa'i spyod pa la gnas shing / sems can thams cad yongs su smin par bya ba dang / gdul ba la zhugs te/ tshe 'gag pa med par gyur cig /sems 
can thams cad stobs bcu'i dge ba'i rtsa ba yang dag par bstsags pa'i 'byung gnas su gyur cing tshe'i dngo 'dzin par gyur cig /sems can thams cad tshe'i tshad 'gag pa med pa'i dge ba'i rtsa ba dang / smon lam yongs su rdzogs pas dge ba'i rtsa 
ba'i bsam pa thams cad yongs su rdzogs par gyur cig /sems can thams cad tshe'i tshad zad mi shes pa'i dge ba'i rtsa ba la brtson zhing sangs rgyas thams cad mthong ba dang mnyes par bya ba'i dus dang mnyam par gyur cig /sems can 
thams cad 'phags pa'i chos la dga' ba rab tu thob cing srog gi dbang po 'gag pa med pa dang / 'phags pa'i skye mched la bslab par bya ba shin tu bslabs par gyur cig /sems can thams cad mthu stobs dang / brtson 'grus zad mi shes pa rab 
tu thob ste/ sangs rgyas kyi ye shes kyis dbang bsgyur ba la rab tu 'jog pa dang / rga ba dang na ba med pa'i tshe phun sum tshogs par gyur cig ces/ de ltar byang chub sems dpa' sems dpa' chen po dge ba'i rtsa ba de dag sems can thams 
cad kyis de bzhin gshegs pa'i stobs bcu'i ye shes shin tu rdzogs par 'gyur ba'i phyir srog gcod pa spangs pa dang / sdom pa gsum rnam par dag pa la rab tu dgod pa'i phyir yongs su bsngo'o/ /gzhan yang byang chub sems dpa' sems dpa' 
chen pos byol song gi skye gnas su gyur pa rkang bzhi pa dang / mir 'gyur ba rnams kyi pho mtshan gcad par gyur cing skyes pa'i rang bzhin dang bral bar gyur pa/ skyes bu'i dngos po gzhig par gyur pa/ nyug rum gyi dngos po la bzhag par gyur pa/</font><hr>36-1-68b<br><font size=+1>
lus la gnod pa shin tu mi zad par gyur pa mthong ba dang / skyes pa'i dngos po las bzlog par gyur pa/ pho smos gnyis ka ma yin pa'i skye gnas su gzhag par gyur pa/ sdug bsngal gyi tshor bas mnar bar gyur pa/ lus mi bde bas shin tu 
gzir bar gyur pa/ skyes par tshul gyis dpag pa tsam du gyur pa rten pa'i lus 'gag par gyur pa dang / sems can rnams kyi gnod pa'i rnam pa de lta bu dag byang chub sems dpa' sems dpa' chen pos mthong na/ byams pa chen pos sems can 
rnams yongs su skyob cing snying rje chen po sngon du btang ste/ 'gro ba thams cad la phan 'dogs pas 'dzam bu'i gling gi skyes pa las nyams par 'gyur ba thams cad rnam par bzlog go /rab tu rgyun gcad do/ /yongs su skyob bo/ /
rnam par 'chad par byed do/ /chos dang mthun pa'i mdzod dang / bde ba bye ba khrag khrig brgya stong dag kyang gtong zhing tshig 'di skad du brjod de/ khyed kyis gang gi phyir sdig pa'i las rnam pa 'di lta bu'i bya bar gyur pa de'i bde ba dang / phan pa'i 
rnam pa thams cad ngas sbyar gyis/ sdig pa'i las kyi rnam pa 'di lta bu dag tshul bzhin ma yin pa la 'jug par sems bskyed pas bde ba myong ba'i don du khyed ma byed cig de ltar pha rol la sdig pa'i las 'di lta bu dag byas shing bdag gis bde 
ba'i tshor ba myong bar 'gyur ba 'di ni gnas ma yin te/ de'i gnas med do/ /'di ltar sdig pa'i rnam pa 'di lta bu la spyod pa 'di ni sangs rgyas thams cad kyis smad pa'o zhes nas/ de ma yin pa'i mi dge ba'i chos gzhan dag byed pa mthong na yang 
rnam par zlog par byed cing / sems can thams cad sbyin pa thams cad yongs su btang bas yang dag par sdud do/ /yo byad thams cad kyis kyang mngon par sdud par byed do/ /'di lta ste dben pa'i chos la yid ches par byed pa dang /</font><hr>36-1-69a<br><font size=+1>
dge ba'i las shin tu bstsags pa dang / mi dge ba'i las phan tshun du byams pa'i sems kyis spyad pa dang / phan tshun du mi gnod cing mi 'tshe ba'i phyir legs par bshad pas kyang shin tu ngoms par byed do/ /
sems can de dag kyang byang chub sems dpa'i tshig thos nas sdig pa'i las de las ldang ngo / /rnam par ldog go /mi spyod do/ /des de ltar bsgrubs pa'i dge ba'i rtsa ba de dag yongs su bsngo ste/ sems can thams cad sangs rgyas kyi mtshan 
gsang ba sbubs na 'dug pa dang ldan zhing skyes bu chen po'i mtshan rab tu thob par gyur cig /sems can thams cad brtson 'grus dang lhag pa'i bsam pa dang / tshangs pa'i spyod pa rnam par dag pas spyod cing skyes bu'i mtshan dang ldan par gyur 
cig /sems can thams cad chags pa med pa dpa' ba'i ye shes la yang dag par gnas pa las mi ldog cing shin tu brtan pas dbang sgyur ba rab tu thob par gyur cig /sems can thams cad 'dod pa'i dga' bas mi zlogs mi chags pa'i 
sems dang ldan par gyur cig /sems can thams cad smad pa med par thams cad mkhyen par 'byung ba'i ye shes bzang po dang ldan zhing skyes bu dam pa dang ldan par gyur cig /sems can thams cad stobs bcu 'byung ba'i dge ba'i+i rtsa ba 
dang ldan zhing skyes bu chen po'i stobs dang ldan par gyur cig /sems can thams cad rmad du byung ba'i tshogs la gnas pa rab tu thob cing dus thams cad du skyes bu'i dbang po nyams pa med par gyur cig /sems can thams cad khams 
gsum thams cad kyi 'dod chags dang bral bas dbang sgyur zhing byang chub sems dpa'i spyod pa la gnas pa dang / 'dod pa lnga'i yon tan gyi dga' ba la ma chags pa dang grol zhing bcings pa med pa'i sems dang ldan par gyur cig /sems can </font><hr>36-1-69b<br><font size=+1>
thams cad 'gro ba kun gyis shes shing yid ches pa'i dul ba dang ldan zhing skyes bu mkhas pa'i dam par gyur cig /sems can thams cad skyes bu dam pa sangs rgyas kyi mkhyen pa la zhugs pa'i ye shes dang ldan zhing byang chub sems dpa'i mthu rtsal 
dang ldan par gyur cig ces/ de ltar byang chub sems dpa' sems dpa' chen po skyes bu dam pa yongs su bsrung ba la zhugs bskal ba dang ldan pa 'phags pa'i skye gnas su skye ba 'thob pa'i ye shes kyi skye gnas dang / rigs la yang 
dag par brtson pa skyes bu khyad par du 'phags pa'i tshul shes pas yang dag par spyod pa/ skyes bu'i tshul bdun yang dag par mthong zhing rtogs pa/ skyes bu'i mthu rtsal dam pa dang / skyes bu'i mthu rtsal ma nor ba dang / sangs 
rgyas kyi bstan pa'i skyes bu'i mthu rtsal dang / dpa' ba'i skyes bu'i mthu rtsal dang / brtan pa'i skyes bu'i mthu rtsal gyis yang dag par bzung ba de skyes bu'i dbang po gcad pa med par byas pa dang / skyes bu'i dbang po brtan par byas pas yang 
dag par bzung ba'i dge ba'i rtsa ba de dag sems can thams cad gang gis de bzhin gshegs pa'i shes rab kyi mthu rtsal yongs su dag pa rab tu thob par 'gyur ba dang / mkhyen pa dang ldan pa'i skyes bur 'grub par yongs su bsngo'o/ /gzhan yang byang 
chub sems dpa' sems dpa' chen po de bzhin gshegs pa mngon par sangs rgyas pa 'jig rten gyi thams cad du grags par byed pa dang / kye ma sangs rgyas 'jig rten du byung ngo / /kye ma sangs rgyas 'jig rten du byung ngo zhes/ 
sangs rgyas kyi sgra sgrog cing / sangs rgyas kyi dbyangs kun tu grags par byed pa dang / sems can gyi nga rgyal dang / bag myed pa dang / spros pa thams cad rnam par bzlog pa dang / sangs rgyas mthong bar sems can rnams </font><hr>36-1-70a<br><font size=+1>
yang dag par stobs pa dang / sangs rgyas rjes su dran pa la sems can rnams rab tu gzhog pa dang / sems can thams cad sangs rgyas la gzhol bar byed pa dang / sangs rgyas dmyigs pa la brtson pa'i 
sems dang ldan pa'i sems can thams cad la rim gror byed pa dang / sangs rgyas rnam par rtog pa sems can rnams la ston pa dang / sangs rgyas brjod pa la sems can rnams yang dag par 'dzud pa 
dang / bskal pa bye bar yang sangs rgyas bcom ldan 'das skye ba ni shin tu dkon no zhes bya ba'i tshig sems can rnams la brjod pa dang / sems can de dag gis kyang de'i phyir/ sangs rgyas mthong bar gyur pa dang /sangs rgyas la 
rim gro dang zhes byed pa dang / dga' ba dang spro ba bskyed pa dang / de bzhin gshegs pa las sangs rgyas thams cad kyi mtshan nyan pa dang / sangs rgyas grangs med pa la shin tu bskyed pa'i dge ba'i rtsa ba stsogs pa dang / srog chags bye ba 
khrag khrig brgya stong grangs med pa'i sangs rgyas kyi gter rnam par sbyong ba dang / srog chags bye ba khrag khrig brgya stong grangs med pa de bzhin gshegs pa rnams kyi drung du yongs su smin par byed pa dang / sems can de dag kyang byang chub sems 
dpa'i dge ba'i bshes gnyen dam pa rab tu shes pa dang / byang chub sems dpa' la yid ches pas sangs rgyas kyi chos la gnas par gyur pa dang / 'jig rten thams cad du bskal pa grangs med par skyed cing spel ba'i dge ba'i rtsa 
bas sangs rgyas kyi phrin las yang dag par bsgrub pa'i tshe/ dge ba'i rtsa ba de dag 'di ltar yongs su bsngo ste/ dge ba'i rtsa ba 'dis sems can thams cad kyis sangs rgyas thams cad mnyes par byas te/ mi mnyes par mi byed </font><hr>36-1-70b<br><font size=+1>
pa dang / sangs rgyas lta ba dang mi 'bral bar gyur cig /sems can thams cad sangs rgyas thams cad lta ba yid la bya ba dang / ma bral zhing sangs rgyas blta bar brtson pa'i yid dang ldan par gyur cig /sems can thams cad sangs rgyas kyi gsung dang / 
chos kyi mdzod yang dag par 'dzin cing ye shes sgom pa shin tu mang bar gyur cig /sems can thams cad chos nyan pa dang mi 'bral zhing bskal pa thams cad du byang chub sems dpa'i spyod pa la yang dag par gnas pa'i phyir/ sangs rgyas 
kyi chos kyi sgra 'byin par gyur cig /sems can thams cad sangs rgyas 'byung ba thams cad mthong zhing ye shes yang dag par gzung ba'i phyir/ dran pa nye bar gzhag par gyur cig /sems can thams cad sangs rgyas yid la bya ba dang mchod 
par bya ba'i mthu la brtson zhing yid la bya ba las gzhan med par gyur cig /sems can thams cad nam mkha'i dbyings kun tu sangs rgyas mthong ba'i 'byung gnas la zhugs shing / phyogs kun tu sangs rgyas mthong ba rab tu thob par 
gyur cig /sems can thams cad 'jig rten gyi khams kun tu sangs rgyas 'byung ba brjod pa la brtson zhing sangs rgyas kyi skus byin gyis brlabs par gyur cig /sems can thams cad mos pa dang / dad pa mi shigs pa dang / 
snying thag pa'i bsam pas sangs rgyas thams cad dang 'grogs par gyur te/ dge ba'i bshes gnyen gyis sangs rgyas kyi chos rdzogs par thob par gyur cig /sems can thams cad sangs rgyas skye ba don yod pas 'gro ba thams cad rnam 
par sbyang ba'i phyir sangs rgyas skye ba thams cad rab tu brjod par gyur cig ces/ de ltar byang chub sems dpa' sems dpa' chen po sangs rgyas skye ba brjod pas yang dag par bzung ba'i dge ba'i rtsa ba de dag sems can thams cad kyis sangs </font><hr>36-1-71a<br><font size=+1>
rgyas mthong ba dang / mnyes par byed pa dang mi mnyes par mi byed cing / sangs rgyas kyi chos bla na med pa thams cad yongs su dag pa'i mthar phyin par yongs su bsngo'o/ /gzhan yang byang chub sems 
dpa' sems dpa' chen pos sangs rgyas bcom ldan 'das rnams kyi pho brang gi longs spyod dam/ byang chub sems dpa' dge ba'i bshes gnyen rnams ci dga' ba'i longs spyod dam/ 'phags pa'i dge 'dun gyi gtsug lag khang gi longs 
spyod dam/ pha ma gnas pa'i gnas sam/ nyan thos dang rang sangs rgyas sam/ gang zag gi rnam pa sbyin pa'i gnas dag gam/ de ma yin pa'i phongs pa dang / bkren pa slong zhing len pa dag gam/ 'khor bzhi phongs pa med par 
gnas pa'i gnas sam/ de bzhin gshegs pa'i mchod rten brtsigs pa'i gnas sam/ yo byad sna tshogs gzhag pa'i gnas ci 'dod pa'i longs spyod du bya ba 'am/ 'jigs pa dang dogs pa med cing dgra dang bral ba skyi g.ya' ba 
med pa'i gnas kyis dag 'bul ba'i tshe/ sa'i sbyin pa yongs su btang bas yul ci 'dod par byin pas yang dag par bzung ba'i dge ba'i rtsa ba de dag 'di ltar yongs su bsngo ste/ dge ba'i rtsa ba 'dis sems can thams cad byang 
chub sems dpa' kun tu bzang po'i spyod pa'i pha rol tu phyin pa thob cing thams cad mkhyen pa'i sa yongs su dag par gyur cig /sems can thams cad sangs rgyas kyi chos thams cad yang dag par 'dzin pa la dran pa'i dbang po rmongs pa med 
cing sa lta bur red par gyur cig /sems can thams cad sangs rgyas kyi bstan pa thams cad bsrung ba la zhugs shing yang dag par 'dzin par gyur cig /sems can thams cad 'gro ba thams cad la zhe sdang ba med cing dge ba'i bsam pa </font><hr>36-1-71b<br><font size=+1>
rnam par sbyang ba la brtson pas sems sa dang mnyam par gyur cig /sems can thams cad sangs rgyas gcig nas gcig tu brgyud pa thams cad du byang chub sems dpa'i sa thams cad yang dag par bsgrub pa la mkhas shing sangs rgyas 
thams cad kyi rigs yang dag par 'dzin pa la zhugs par gyur cig /sems can thams cad 'gro ba kun yongs su smin par bya ba dang / gdul ba rnam par dag pa'i lam la zhugs te gnas su red par gyur cig /sems can thams 
cad sangs rgyas kyi stobs la rab tu dgod par brtson zhing sangs rgyas lta bur 'gro ba thams cad la phan 'dogs par gyur cig /sems can thams cad sangs rgyas kyi dga' ba bla na med pa la rab tu gzhog pa'i phyir/ 'gro ba thams cad kyi dga' bar red par gyur cig /
sems can thams cad sangs rgyas kyi stobs dang / mi 'jigs pa'i chos kyi 'byung gnas su gyur te/ rab tu dgod pa la mkhas par gyur cig /sems can thams cad sangs rgyas thams cad kyi chos kyis rnam par rtse zhing yongs 
su spyod pa thob ste/ sa lta bu'i ye shes dang ldan par gyur cig ces/ de ltar byang chub sems dpa' sems dpa' chen pos sa'i sbyin pa yongs su btang bas yang dag par bzung ba'i dge ba'i rtsa ba de dag ci nas kyang sems can gyi 
khams thams cad kyis de bzhin gshegs pa'i sa yongs su dag pa/ thams cad rab tu thob par bya ba'i phyir sems can thams cad la yongs su bsngo'o/ /gzhan yang byang chub sems dpa' sems dpa' chen po sangs rgyas 
bcom ldan 'das byung ba rnams la rim gro'i don du bdag gi bran dang las byed pa rnams 'bul ba'am/ byang chub sems dpa' dge ba'i bshes gnyen sangs rgyas kyi chos thams cad yang dag par spel ba'i brtson pa rnams sam/</font><hr>36-1-72a<br><font size=+1>
'phags pa'i dge 'dun dkon mchog gam/ pha dang ma dang / slob dpon dang / bla ma'i sbyin pa'i gnas la bran dang / las byed pa'i mi 'bul ba dang / sems can nad pa rnams la rim gro byed pa med pas 
'chi bar mi 'gyur ba'i rim gro bya ba'i phyir bran dang / las byed pa'i mi sbyin pa 'am/ de ma yin pa'i sems can g.yog med pa la bran dang las byed pa'i mi gtong ba 'am/ phongs pa dang bkren pa slong zhing len pa gzhan dang / gzhan 
dag la bran dang las byed pa'i mi gtong ba 'am/ de bzhin gshegs pa mya ngan las 'das pa'i sangs rgyas kyi mchod rten bsrung ba'i phyir 'bul ba 'am/ dam pa'i chos yongs su bsrung ba'i phyir yi ge dang grangs la shin tu bslabs pa'i 
mi bye ba khrag khrig brgya stong mang po 'bul ba byed cing rim gro ba de dag kyang mkhas pa/ tshul shes pa/ cang shes pa/ brtson pa/ le lo med pa/ drang ba/ drang po dang ldan pa/ phan par sems pa/ bde bar sems pa/ byams 
par sems pa/ rim gro byed pa'i ngang tshul can/ khon med pa/ gcugs med par yongs su spyod pa/ bzo dang sgyu rtsal sna tshogs dang / grangs la shin tu bslabs pa'i shes pa gsal ba can/ rim pa'i tshul shes pa/ dga' bar 
byed cing rim gro byed pa la brtson zhing stong ba/ byang chub sems dpa'i las las byung ba/ yid du 'thad pa/ rim gro byed pa/ sems shin tu dang ba/ de lta bu'i rim gro ba dag gnas gar 'os pa dang / ci rigs pa dang / 
phan 'dogs pa de dang de dag la 'bul zhing yongs su gtong ba dang / sbyin pa byed pa'i tshe dge ba'i rtsa ba de dag sems can thams cad la 'di ltar yongs su bsngo ste/ rim gro pa yang dag par gtong ba dang ldan pa'i dge ba'i rtsa ba 'dis/</font><hr>36-1-72b<br><font size=+1>
sems can thams cad sangs rgyas thams cad bsnyen bkur ba dang rim gro bya ba la mkhas shing brtson te/ cang shes kyi sems dang ldan par gyur cig /sems can thams cad sangs rgyas thams cad kyi bka' yang dag par len cing sangs rgyas thams cad dang 
mthun pa'i rim gro bar gyur cig /sems can thams cad yid la bya ba dang bsam pa dang / rnam par rtog pa gzhan med cing sangs rgyas thams cad la rtag tu skabs phye bar gyur cig /sems can thams cad dge ba thams cad yang dag par 
sdud pa la brtson zhing sangs rgyas thams cad kyi rigs las mi nyams pa dang / sangs rgyas kyi rjes su snyeg par gyur cig /sems can thams cad don yod par dus thams cad du 'phrad cing sangs rgyas thams cad la dus dang mthun par rim gro 
dang bsnyen bkur byed par gyur cig /sems can thams cad yi ge rnam par dag pas mi 'jigs par spyod cing / sangs rgyas kyi chos kyi don 'dzin par gyur cig /sems can thams cad sangs rgyas thams cad la lus dang srog phul zhing /sangs rgyas thams cad la ngoms mi shes par lta bar gyur cig /sems can thams cad 'jig rten gyi gnas thams cad yang dag par 'joms pas/ sangs rgyas thams cad la lta ba dang ldan par gyur cig /sems can thams cad ngo mtshar du 'dzin pa dang / 
de ma yin pa'i gnas gzhan med cing sangs rgyas thams cad la rten par gyur cig /sems can thams cad sangs rgyas kyi chos/ bla na med pa la mngon du gyur pa'i sems dang ldan par gyur te/ sangs rgyas kyi rjes su 'brang ba'i blo gros 
dang ldan par gyur cig ces/ de ltar byang chub sems dpa' sems dpa' chen po rim gro pa yongs su btang bas yang dag par bsdus pa'i dge ba'i rtsa ba de dag sems can thams cad kyis rdul med cing / rdul dang bral ba dri ma med pa rnyog </font><hr>36-1-73a<br><font size=+1>
pa med pa'i+i sar sangs rgyas kyi chos rnam par dag pa dang / sangs rgyas kyi sku gzhan la rag lus pa med pa'i rten gyi tshul rab tu thob par bya ba'i phyir yongs su bsngo'o/ /'di ltar yang byang chub sems dpa' sems 
dpa' chen po sems dma' bar byas shing sa la bting ba'i rdog lam dang 'dra ba'i sems su byas te sa dang 'dra bar sdug bsngal thams cad bzod pa/ mi 'gyur ba/ mi skyo ba/ sems can thams cad rim gro byed pas ngal ba med pa'i yid dang ldan 
pa/ sems can thams cad kyi sbyin bdag dge ba'i rtsa ba thams cad nye bar stobs pa'i sems dang ldan pa/ 'gro ba byis pas nye bar byas pa/ nyams su len cing rna la gzon pa'i ngang tshul can/ dge ba shin tu brtan pa la brtson pa yid 
la byed pa/ bzang pos gnas pa la brtson pa/ sems can gyi khams thams cad bsnyen bkur ba'i sems kyis bdag nyid rim gro par 'bul ba'i tshe/ dge ba'i rtsa ba de dag 'di ltar yongs su bsngo ste/ ci nas kyang sems can thams 
cad shin tu rim gro byas pa dang / ci nas kyang byang chub sems dpa'i spyod pa rgyun mi 'chad pa dang / ci nas kyang byang chub sems dpa'i don nyams pa med pa dang / ci nas kyang byang chub sems dpa'i lam du legs par zhugs 
par 'gyur ba dang / ci nas kyang byang chub sems dpa'i mnyam pa nyid khong du chud par 'gyur ba dang / ci nas kyang de bzhin gshegs pa'i rigs su bdag nyid bgrang bar 'gyur ba dang / ci nas kyang byang chub sems dpa'i spyod pa 
bden pa'i tshig dang / 'grogs pa rjes su bsrung bar 'gyur ba dang / ci nas kyang khams gsum thams cad sangs rgyas kyi chos kyis rnam par dag par 'gyur ba dang / ci nas kyang lhag pa'i bsam pas rtogs par sangs rgyas kyi chos thams </font><hr>36-1-73b<br><font size=+1>
cad khong du chud par 'gyur ba dang / ci nas kyang sems can thams cad kyi dge ba'i rtsa ba skyon med cing rnam par dag par 'gyur ba dang / ci nas kyang sems can de dag thams cad yon tan chen po la rab tu zhugs te/ 
thams cad mkhyen pa'i mthar shin tu thug par 'gyur ba de ltar yongs su bsngo'o/ /de 'di ltar yongs su bsngo ste/ 'di ltar lus kyi rim gro sems can thams cad la yongs su btang ba'i dge ba'i rtsa ba gang bstsags pa des sems can thams cad yongs su rtogs 
pa'i chos can rab tu 'dzin pa'i chos can/ yang dag par len pa'i chos can/ mi 'khrul pa'i chos can/ chud mi za ba'i chos can/ mi nyams pa'i chos can/ mi 'brel ba'i chos can/ yid shin tu dul ba'i chos can/ ma dul ba 
'dul ba'i chos can/ chos kyis nye bar 'dul ba'i chos can gyi rim gro ba/ sangs rgyas thams cad la shin tu nye bar sems pa'i sems dang ldan par gyur cig ces/ de ltar byang chub sems dpa' sangs rgyas thams cad la rim gro'i nan tan du 
byas te/ sems can de dag thams cad dge ba'i rtsa ba des mchod rten gyi dam par 'gyur ba dang / 'gro ba thams cad bsnyen bkur bar 'os par 'gyur ba dang / sems can thams cad sangs rgyas kyi ye shes rtogs par 'gyur ba'i phyir/ 
sbyin pa'i gnas dam par 'gyur ba dang / 'gro ba thams cad la snying brtse ba'i phyir len pa'i dam par 'gyur ba dang / dge ba'i rtsa ba thams cad la 'jug pa'i phyir/ bsod nams kyi don dam pa dang ldan par 'gyur ba dang / 
sbyin pa tshad med pa'i phyir sbyin bsreg dam pa dang ldan par 'gyur ba dang / khams gsum thams cad nas 'byung ba'i dam par 'gyur ba dang / lam ji lta ba bzhin tu yang dag par ston pa'i phyir ded dpon dam par 'gyur ba dang / sangs rgyas </font><hr>36-1-74a<br><font size=+1>
kyi chos thams cad yang dag par gzung ba'i phyir gzungs ba'i phyir gzungs kyi dam pa rab tu thob par 'gyur ba dang / nam mkha'i dbyings ltar chags pa med pa'i lam gyis 'byung ba'i chos kyi dbyings tshad med pa dam par 'gyur ba'i phyir 
yongs su bsngo ste/ de ltar byang chub sems dpa' sems dpa' chen po bdag rim gro bar phul bas yang dag par bzung ba'i dge ba'i rtsa ba de dag sems can gyi khams thams cad phyag bya bar 'os pa'i ye shes kyi phung po dang ldan par bya ba'i 
phyir sems can thams cad la yongs su bsngo'o/ /'di ltar yang byang chub sems dpa' sems dpa' chen po chos la dga' ba dang / dad pa dang rab tu dga' zhing dang ba'i sems kyis sangs rgyas bcom ldan 'das rnams la chos 
dkon mchog bla na med pa la mos pa'i bsam pa dang /sangs rgyas thams cad la phar sems pa'i sems bskyed pa dang / chos bye ba grangs med pa tshad med pa'i chos kyi khong du chud cing yang dag par bzung ba dang / shes rab 
chen po rin po che la yang dag par gzhol ba'i dge ba'i rtsa ba mngon du gyur pa dang / de bzhin gshegs pa'i spyod pa mtha' yas pa rjes su dran pa'i sangs rgyas kyi yul dang / don gyi rjes su 'brang bas de bzhin gshegs pa'i ldem 
po dag khong du chud pa dang / de bzhin gshegs pa'i chos kyi sprin las sangs rgyas thams cad kyi chos kyi char mngon par 'bab pa dang / rtul phod pas dbang sgyur ba sems kyi dpa' bas thob pa dang / thams cad mkhyen pa'i 
theg pa phun sum sum tshogs pa thams cad mkhyen pa gang zag gi mchog gi sar shin tu bstan pa dang / chos chen po bye ba brgya stong tshad med pas shin tu brtan pa'i dbang pos bdag gi lus 'bul zhing de ltar byang chub sems dpa' </font><hr>36-1-74b<br><font size=+1>
sems dpa' chen pos chos de lta bu dag nyan pas/ de bzhin gshegs pa la dga' ba tshad med pa rnam par 'phel ba'i sems dang ldan pa/ chos spyod pa la yang dag par gnas pa'i sems can dam pa rang gi the tsom chad pa/ gzhan gyi the tsom 
gcod pa la rab tu zhugs pa/ rab tu dga' ba'i mtshan mas sems ma nyams pa dge ba'i rtsa ba thams cad dang / yon tan gyi 'byung gnas rab tu thob pa/ bsam pa tshad med pa spyod pa'i rjes su zhugs pa/ sems can thams 
cad kyi don la brtson pa'i sems dang ldan pa/ rdo rje'i snying po lta bu'i ye shes dam pa'i khyad [(]bar [,]par[)] khong du chud pa'i sems brtan zhing shin tu gnas pa sangs rgyas thams cad kyi zhabs kyi drung na gnas shing rnam par dag par byed pa/ de bzhin 
gshegs pa thams cad kyi zhabs kyi drung na gnas pa las mi 'bral ba de chos kyi rnam pa 'di lta bu dag la rab tu gnas te/ rang gi lus de bzhin gshegs pa la mngon par 'bul ba'i tshe/ dge ba'i rtsa ba de dag sems can thams 
cad la 'di ltar yongs su bsngo ste/ dge ba'i rtsa ba 'dis sems can thams cad sangs rgyas thams cad kyis yang dag par bzung ba'i lus dang ldan zhing mi dma' ba'i lus yongs su rdzogs pa rab tu thob par gyur cig /sems can 
thams cad sangs rgyas thams cad blta ba dang mi 'bral ba'i rjes su song ba'i sems dang ldan pas sangs rgyas thams cad la nye bar rten cing spyod par gyur cig /sems can thams cad ye shes kyi yon tan dang ldan zhing nyams 
pa med pa'i lus dang ldan par gyur cig /sems can thams cad sangs rgyas thams cad mnyes par bya ba la brtson zhing mi dmyigs pas tshangs pa'i spyad pa spyod par gyur cig /sems can thams cad bdag tu bya ba dang / bdag gir bya ba </font><hr>36-1-75a<br><font size=+1>
las gyen du 'phags shing bdag gi med pa'i lus rab tu thob par gyur cig /sems can thams cad lus 'phos pa med par lus yang dag par ston cing / sangs rgyas kyi zhing thams cad du lus rnam par bkram 
par gyur cig /sems can thams cad bdag gi med cing yongs su 'dzin pa med par 'gro bas gzhan la rag las pa med pa'i lus dang ldan par gyur cig /sems can thams cad bla na med pa'i lus kyi rigs dang ldan zhing sangs rgyas kyi skur mngon 
par skyes par gyur cig /sems can thams cad bzod pa'i stobs kyis sems la thub pa med cing chos kyi stobs dang ldan pa'i lus can du gyur cig /sems can thams cad de bzhin gshegs pa'i sku rnam par dag par yongs su rdzogs pas 
'dra ba med pa'i lus dang ldan par gyur cig /sems can thams cad dmyigs pa med pa'i dbyings su byung bas 'jig rten las 'das pa'i bsod nams kyi lus dang ldan par gyur cig ces/ de ltar byang chub sems dpa' sems dpa' chen 
pos de bzhin gshegs pa la rang gi lus phul bas yang dag par bsdus pa'i dge ba'i rtsa ba de dag ci nas kyang sems can gyi khams thams cad dus gsum gyi de bzhin gshegs pa'i rigs dang rgyud du yang dag par 'grub par 'gyur bar bya ba'i phyir 
sems can thams cad la yongs su bsngo'o/ 'di ltar yang byang chub sems dpa' sems dpa' chen po/ sems can thams cad la 'gro ba kun gyi dge ba'i rtsa ba ltar phan 'dogs pas bdag nyid yongs su gtong ba dang / sems can 
thams cad kyi dge ba'i rtsa ba la yang dag par sems pa dang / mar me lta bur bdag sems can rnams la bsnyen pa dang / bde ba lta bur bdag sems can thams cad la byin gyis rlob pa dang / chos kyi gzhi lta bur bdag 'gro ba </font><hr>36-1-75b<br><font size=+1>
thams cad yang dag par 'dzin pa dang / snang ba lta bur bdag sems can thams cad la yongs su gtong ba dang / 'gro ba thams cad kyi mig yor lta bur bdag sems can thams cad la snang bar byed pa dang / dge ba'i rtsa ba'i rgyu lta bur 
bdag 'gro ba thams cad la ston pa dang / dge ba'i bshes gnyen lta bur bdag sems can thams cad la stobs pa dang / lam lta bur bdag sems can thams cad la yang dag par ston pa dang / bla na med pa'i bde ba'i rnam pa rab tu thob pa lta 
bur bdag sems can thams cad la yongs su sbyong ba dang / nyi ma lta bur bdag 'gro ba thams cad la snyoms par byed pa dang / de lta bu'i chos dang ldan par bdag sems can thams cad la yongs su gtong ba'i tshe/ bdag btang bas 
byung ba'i dge ba'i rtsa ba de dag sems can thams cad la 'di ltar yongs su bsngo ste/ dge ba'i rtsa ba 'dis sems can thams cad sangs rgyas kyi ye shes kyi sar rab tu phyin par gyur cig /sems can thams cad bla na med pa yang dag 
par rdzogs pa'i byang chub kyi ye shes dang ldan par gyur cig /sems can thams cad de bzhin gshegs pa'i 'khor gyi dkyil 'khor du dul ba thob par gyur cig /sems can thams cad sangs rgyas kyi phyir spyod pa la mkhas shing spyod pa/ 
phun sum tshogs pa dang ldan par gyur cig /sems can thams cad don dang chos dang ye shes dang mngon par shes pa dang ldan zhing mya ngan las 'da' ba'i mthu yod par gyur cig /sems can thams cad de bzhin gshegs pa'i rigs su 
'byung bas rab tu tshim par gyur cig /sems can thams cad de bzhin gshegs pa'i dgongs pa dge bas ma rig pa'i bsam pa spang bar gyur cig /sems can thams cad byang chub kyi shing drung du dge ba'i rtsa ba dang ldan pas </font><hr>36-1-76a<br><font size=+1>
shin tu byung bar gyur cig /sems can thams cad 'tshe ba'i sems bskyed pa dang bral zhing nyon mongs pa'i dgra shin tu choms par gyur cig /sems can thams cad sangs rgyas kyi bstan pa yang dag par 'dzin pa'i 
phyir yongs su bsrung ba thob par gyur cig ces de ltar byang chub sems dpa' sems dpa' chen po sems can thams cad la bdag yongs su btang bas yang dag par bsdus pa'i dge ba'i rtsa ba de dag 'gro ba thams cad la phan pa dang / sems 
can thams cad kyis bla na med pa'i bde ba dang ldan pa thob par bya ba'i phyir yongs su bsngo'o/ /'di ltar yang byang chub sems dpa' sems dpa' chen po sangs rgyas thams cad la drin du gzo ba'i sems bskyed pas sangs rgyas thams cad kyi+i 
rim gro bya ba dang / bu ltar bsam pa dang de bzhin gshegs pa thams cad kyi byang chub tu lhag pa'i bsam pa rnam par sbyang ba dang / sangs rgyas kyi chos thams cad la sems 'od snang zhing dang bar byin gyis brlab pa dang / 'jig rten 
gyi 'du shes las bdag phyir log par bya ba dang / bdag sangs rgyas kyi rigs su gtogs par bgrang ba dang / bdag sangs rgyas thams cad dang mthun par gzung ba dang / bdag bdud kyi yul las ring du bya ba dang / bdag sangs rgyas 
kyi yul la mos par bya ba dang / bdag sangs rgyas kyi chos thams cad kyi snod du byin [(]kyis [,]gyis[)] brlab pa dang / de lta bu'i chos la brtson par byed pa'i byang chub sems dpa' sems dpa' chen po sangs rgyas thams cad la rim gro byed pa'i tshe/ dge 
ba'i rtsa ba de sems can thams cad la 'di ltar yongs su bsngo ste/ dge ba'i rtsa ba 'dis sems can thams cad thams cad mkhyen pa'i ye shes rin po che'i 'byung gnas su gyur te/ sems nye bar brtan pa rnam par dag pa rab tu thob par gyur </font><hr>36-1-76b<br><font size=+1>
cig/ /sems can thams cad sdig to'i las thams cad la zhe sdang zhing cang shes dang yang dag par 'grogs par gyur cig /sems can thams cad shin tu gzung ba'i chos can du gyur te/ mi phyed pa'i g.yog dang ldan par gyur cig /sems can 
thams cad dbang bskur ba'i byang chub sems dpa'i sa thob ste/ de bzhin gshegs pa thams cad kyi slob mar gyur cig /sems can thams cad mi dge ba thams cad las shin tu 'das te/ sangs rgyas thams cad kyis yongs su gzung bar 
gyur cig /sems can thams cad byang chub sems dpa'i chos skyon med pa la yang dag par spyod cing / sangs rgyas thams cad dang mthun par gyur cig /sems can thams cad thams cad mkhyen pa'i ye shes su lung bstan pa'i phyir sangs rgyas 
la dmyigs pa dang ldan par gyur cig /sems can thams cad sangs rgyas kyi chos thams cad la dbang sgyur zhing sangs rgyas thams cad la rag lus par gyur cig /sems can thams cad len pa med pa'i las mngon par 'du byed cing / de bzhin 
gshegs pa thams cad kyis nye bar gzung bar gyur cig /sems can thams cad ye shes kyi spyod pas sangs rgyas thams cad mnyes par bya ba la brtson zhing sangs rgyas thams cad la bsnyen bkur byed pa'i dam par gyur cig ces/ de ltar 
byang chub sems dpa' sems dpa' chen po/ de bzhin gshegs pa'i rim gro byed pas/ yang dag par bzung ba'i dge ba'i rtsa ba/ de dag sangs rgyas thams cad kyi byang chub mngon du gyur pas yongs su bsngo'o/ /'jig rten 
thams cad yongs su bskyab pa'i sems kyis yongs su bsngo'o/ /khams gsum pa thams cad las 'byung ba'i sems kyis yongs su bsngo'o/ /gnod pa med pa'i rgyud kyis yongs su bsngo'o/ /tshad med pa'i byang chub yangs pa thob </font><hr>36-1-77a<br><font size=+1>
pas yongs su bsngo'o/ /sangs rgyas kyi chos kyis snang bar byas pa'i shes pas yongs su bsngo'o/ /sangs rgyas thams cad kyis shin tu bzung bas yongs su bsngo'o/ /de bzhin gshegs pa thams cad 
kyis byin gyis brlabs pas yongs su bsngo'o/ /sangs rgyas thams cad kyi chos la mos pas yongs su bsngo'o/ /'das pa dang ma byon pa dang / da ltar byung ba'i sangs rgyas thams cad dang / dge ba'i rtsa ba gcig tu byas te yongs 
su bsngo'o/ /ci nas kyang sangs rgyas kyi chos thams cad khong du chud par bya ba'i phyir 'gyod pa med pa'i sems shin tu rdzogs par 'gyur bar dge ba'i rtsa ba de dag yongs su bsngo'o// //sangs rgyas rmad ga cad ces bya 
ba shin tu rgyas pa chen po'i mdo/ /bam po bdun pa/ 'di ltar yang byang chub sems dpa' sems dpa' chen po yongs su 'dzin pa thams cad las rnam par 'das pa/ rgyal po'i srid la zhen pa'i bsam pa med pa/ ma chags 
pa'i sems dang ldan pa/ skyid pas ma bcings pa/ rgyal po srid la yongs su 'dzin pa med pa yongs su bzung ba la ni mi gnas pa/ ma btang ba gtong ba/ dbang phyug la ma chags pa/ gnod pa med pa'i las dang ldan pa/ 
sems can thams cad la phan pa dang bde bar sems pa de rgyal po'i srid yongs su gtong ba'i tshe/ rgyal po'i srid byin pas yang dag par bzung ba'i dge ba'i rtsa ba de dag 'di ltar yongs su bsngo ste/ ci nas kyang las kyi rnam 
par smin pa la ye rngam pa myed pa de ltar dge ba'i rtsa ba de dag yongs su bsngo'o/ /ci nas kyang 'jig rten gyi chos la dga' ba mi skye ba de ltar dge ba'i rtsa ba de dag yongs su bsngo'o/ /ci nas kyang srid par skye ba'i skye mched la mngon </font><hr>36-1-77b<br><font size=+1>
par zhen pa med par de ltar dge ba'i rtsa ba de dag yongs su bsngo'o/ /ci nas kyang 'jig rten gyi khams thams cad kyi gnas la gnas kyi 'du shes mi bskyed pa de ltar dge ba'i rtsa ba de dag yongs su bsngo'o/ /ci nas kyang phung po dang 
khams dang / skye mched la mngon par zhen pa med pa de ltar dge ba'i rtsa ba de dag yongs su bsngo'o/ /ci nas kyang phyi nang gi chos thams cad du lus la gnas pa'i sems mi skye ba de ltar dge ba'i rtsa ba de dag yongs su bsngo'o/ /ci 
nas kyang byang chub sems dpa'i spyod pa thams cad la rmongs par mi 'gyur ba de ltar dge ba'i rtsa ba de dag yongs su bsngo'o/ /ci nas kyang dge ba'i bshes gnyen thams cad dang ring du mi 'gyur ba de ltar dge ba'i rtsa ba de dag yongs su 
bsngo'o/ /ci nas kyang byang chub sems dpa'i spyod pa chen po'i smon lam nyams par mi 'gyur ba de ltar dge ba'i rtsa ba de dag yongs su bsngo'o/ /ci nas kyang dge ba'i bshes gnyen thams cad mngon par mnyes par 'gyur ba de 
ltar dge ba'i rtsa ba de dag yongs su bsngo'o/ /gzhan yang 'di ltar yongs su bsngo ste/ rgyal po'i srid byin pas yang dag par bsdus pa'i dge ba'i rtsa ba 'dis/ sems can thams cad chos kyi dbang phyug gi dam pa thob ste/
chos kyi rgyal po'i srid la dbang sgyur ba rab tu thob par gyur cig /sems can thams cad rgyal po'i dkrugs ma dang dgra thams cad rab tu gzhom pa'i phyir sangs rgyas kyi rgyal srid rab tu thob par gyur cig /sems can thams 
cad de bzhin gshegs pa'i ye shes kyis sangs rgyas kyi chos rab tu brjod pa'i phyir/ sangs rgyas kyi rgyal srid chen po la rab tu gnas par gyur cig /sems can thams cad bla na med pa'i chos kyi 'khor lo thogs pa med par bskor </font><hr>36-1-78a<br><font size=+1>
ba'i phyir sangs rgyas thams cad kyi yul gyi rgyal srid la rab tu gzhol bar gyur cig /sems can thams cad chos kyi dbang phyug sangs rgyas kyi rigs rgyun mi 'chad par yang dag par 'dzin pa'i tshul du de bzhin gshegs 
pa thams cad kyi dge ba'i rtsa bas mngon par byung bar gyur cig /sems can thams cad byang chub sems dpa' tshad med pa yang dag par bsgrub pa'i phyir sangs rgyas kyi rgyal srid yangs shing tshad med pa rjes su skyong bar gyur cig /sems can thams 
cad sangs rgyas 'byung ba rgyun ma chad pa dang ldan zhing chos kyi dbyings la nges pa'i rgyal srid dang ldan par gyur cig /sems can thams cad 'gro ba kun gdul ba la thogs pa med par zhugs pas sangs rgyas kyi zhing thams cad du ye shes kyi dbang phyug tu 
gyur cig /sems can thams cad 'jig rten gyi khams kun gyi sems can theg pa chen po la rab tu gzhog pa'i tshul gyis 'jig rten gyi khams chos kyi dbyings kyis klas pa/ nam mkha'i mthas gtugs pa thams cad du chos kyi sbyin bdag du 
gyur cig /sems can thams cad 'das pa dang / ma byon pa dang / da ltar byung ba'i sangs rgyas thams cad dang / dge ba'i rtsa ba'i rgyud kyi tshul gcig tu gyur te/ ltod pa med pa'i rgyal srid rab tu thob par gyur cig /de ltar byang chub 
sems dpa' sems dpa' chen po rgyal srid yongs su btang bas yang dag par bzung ba'i dge ba'i rtsa ba de dag ci nas kyang 'gro ba thams cad du shin tu bde ba dang / legs pa 'byung ba'i phyir sems can thams cad la yongs su bsngo'o/ /
'di ltar yang byang chub sems dpa' sems dpa' chen pos sems ma 'khrugs pa dang / byang chub sems dpa'i sems rtse gcig pa dang / smon lam tshad med par byas te/ snying rje chen po bskyed cing byams pa chen po'i stobs nye bar </font><hr>36-1-78b<br><font size=+1>
bzhag ste/ bsam pa shin tu tshim par byas nas/ sems can [(]kyi [,]gyi[)] don la bdag rab tu bzhag ste/ ye shes chen po la shin tu mos par byas nas/ sangs rgyas kyi chos la mnyam pa'i sems su byas te/ dge ba'i chos nyid la rnam par dpyod 
cing thams cad mkhyen pa'i rgyal srid la rab tu gzhol bar sems bskyed pa dang / chos kyi dbang phyug la shin tu brtson pa'i bsam pa dang / ye shes la dbang bsgyur ba thob pa'i yid kyi dbang po dang / yon tan thams cad rnam par sbyong ba'i 
rab tu 'jug pa dang / blo brtan pa dang ldan pa'i bsam pa yangs pa dang / tshogs su gyur pa'i dge ba'i rtsa ba thams cad dang / brtsam par skabs phye ba dang ldan pa'i sangs rgyas kyi chos kyi smon lam dang gzhan la rag las pa med pa'i thams cad 
mkhyen pa nyid kyi chos dang / shin tu brtan pa'i byang chub tu sems bskyed pa'i stobs dang / brtsams pa thams cad mthar 'byin pa'i byang chub sems dpa' thams cad kyi spyod pa'i smon lam gyis mi dang yul du bcas pa dang / grong khyer dang 
rgyal po'i pho brang 'khor rgyan thams cad kyis rnam par brgyan pa thams cad btang bar yongs su gtong bas slong ba rnams la yongs su gtong ba'i tshe/ yul dang / mir bcas pa dang / grong khyer dang / rgyal po'i pho brang 
'khor yongs su btang bas yang dag par bsdus pa'i dge ba'i rtsa ba de dag sems can thams cad la 'di ltar yongs su bsngo ste/ yul dang mir bcas pa dang / grong khyer dang rgyal po'i gnas rab tu byin pa'i dge ba'i rtsa ba 'dis sems 
can thams cad kyis 'jig rten gyi khams thams cad rnam par sbyangs te/ sangs rgyas thams cad bzhugs shing / spyod pa'i phyir sangs rgyas thams cad la 'bul bar gyur cig /sems can thams cad zhi ba'i gnas rab tu thob cing /</font><hr>36-1-79a<br><font size=+1>
dgon pa shin tu dben pa la mngon par mos par gyur cig /sems can thams cad bla na med pa'i dben pa'i mthar thug par grong dang / grong khyer dang / ljongs dang / khams dang / rgyal po'i gnas la gnas med 
par gyur cig /sems can thams cad 'jig rten gyi smra ba thams cad las rnam par 'das te/ 'du 'dzi med par gyur cig /sems can thams cad 'gyod pa med pa'i sbyin bdag tu gyur te/ gtong ba'i sems dang mi 'bral bar gyur cig /
sems can thams cad gnas med pa'i bsam pa rab tu thob cing khyim gyi gnas dang rab tu bral bar gyur cig /sems can thams cad gtong ba shin tu gtong ba'i sems dang ldan zhing gtang bar bya ba gtong bar gyur cig /sems can 
thams cad khyim gyi gnas la chags pa las rnam par 'das te gnas pa chud za ba med par gyur cig /sems can thams cad gnod pa dang / 'tshe ba dang / 'jigs pa thams cad las rnam par 'das te/ gtse ba thams cad kyis 
yongs su gtong bar gyur cig /sems can thams cad sangs rgyas thams cad la sangs rgyas kyi zhing 'bul bas 'jig rten gyi khams thams cad rnam par spyod par gyur cig /ces de ltar byang chub sems dpa' sems dpa' chen po yul dang mir bcas pa 
dang / grong khyer dang rgyal po'i pho brang 'khor yongs su gtong ba'i tshe/ dge ba'i rtsa ba de dag sangs rgyas kyi zhing gi gnas yongs su dag par bya ba'i phyir sems can thams cad la yongs su bsngo'o/ /'di ltar yang byang chub sems dpa' 
sems dpa' chen po g.yog dang / 'khor la dga' ba'i mtshan mar mi 'dzin cing ltos pa med pa'i sems dang ldan pa/ 'khor thams cad la zhen pa med pa'i rgyud can 'dod pa'i dga' ba thams cad kyis sems bcings pa med pa/</font><hr>36-1-79b<br><font size=+1>
gzugs kyi rnam pa thams cad la mngon par ma chags pa'i sems dang ldan pa/ 'dod pa'i dga' ba thams cad la sems mi brkams pa/ 'dod pa'i dga' ba sna tshogs yongs su spyod pa la rtog pa med par gnas pa/ 'dod pa'i sbyor ba thams 
cad la chags pa med pa'i sems dang ldan pa/ bud med kyi dga' ba dang / rtsed mo'i dga' ba yongs su spyod pa thams cad la mtshan mar mi 'dzin pa/ bud med rin po che'i yan lag dang nying lag thams cad la ma chags pa/ 'jig 
rten gyi phun sum tshogs pa thams cad las phyir mi ldog pas g.yog 'khor dang / chung ma'i 'khor dang rol mor bcas/ glu dang / gar dang rnga dang rol mo dkrol ba phyed cing spyod pa bsnyen bkur zhing rim gro bya ba la shin tu mkhas 
par gyur pa/ bzo dang sgyu rtsal shin tu bslabs pa/ 'jig rten pa'i yon tan thams cad dang ldan pa/ dga' bar byed pa yid du 'ong ba'i rim gro rtse bar byed pa/ bkur sti'i tshul la mkhas pa/ rol mo brdung ba'i sgra yid 
du 'ong ba shin tu phyung ba dang / rol mo dkrol ba dang / glu'i sgra mi mthun pa med pa dang / gar gyis nye bar spyod pa dang ldan pa/ bud med cang shes kyi tshogs kyis kun nas bskor ba/ bzhin sdug gu dang cha byad sdug gu'i bu mo rin po che 
dang ldan pa/ phreng ba dang / spos dang / bdug spos dang / rgyan gyi rim gror byed pa/ bzhad gad dang / rol mos dga' bar rtse zhing bkur sti rnam pa sna tshogs yid du 'ong ba ston pa'i bud med rin po che 'grogs 
'grogs pa/ ngag nyan cing mthun par 'dzin pa nges pa'i tshig gis dga' bar byed cing rim gror byed pa rgyan bzang po rab tu mang pos blta na yid du 'ong bar brgyan pas shin tu rnam par dag pa/ rol mo brdung ba dang / dkrol ba bye ba khrag </font><hr>36-1-80a<br><font size=+1>
khrig brgya stong dang ldan pa/ byang chub sems dpa'i las kyi dge ba'i rtsa ba dang / rgyu mthun par byung ba/ cang shes shing byang chub sems dpa'i dbang gi rjes su 'brang ba/ sems dga' bar byed pa de lta 
bu'i g.yog 'khor dang / chung ma'i 'khor dang / rol mor bcas pa shin tu bshes pa de dag thams cad yongs su gtong zhing sbyin pa byed pa'i tshe/ dge ba'i rtsa ba de dag 'gro ba thams cad nas 'byung ba'i sems kyis yongs su 
bsngo'o/ /sangs rgyas kyi chos la dga' ba rab tu thob pas yongs su bsngo'o/ /snying po blangs pa'i sems kyis yongs su bsngo'o/ /ye shes rdo rje'i dbyings mi shigs pa'i sems kyis yongs su bsngo'o/ /
de bzhin gshegs pa'i dkyil 'khor rab tu thob pas yongs su bsngo'o/ /snying po len par byas te yongs su bsngo'o/ /bla na med pa'i sems dang ldan pas yongs su bsngo'o/ /ye shes kyis khong du chud pa'i sems dang ldan 
pas yongs su bsngo'o/ /dge ba'i rtsa ba thams cad kyi 'byung gnas su red par byas te yongs su bsngo'o/ /dus gsum gyi sangs rgyas thams cad dang mi 'gal bar byas te yongs su bsngo'o/ /de lta bu'i chos la rnam par spyod 
cing / byang chub sems dpa' sems dpa' chen po de bzhin gshegs pa'i rigs dang ldan pa'i rigs kyi rgyud du byung ba/ sangs rgyas kyi rigs rnam par dag pas rab tu skyes pa/ thams cad mkhyen pa'i lam du sems mngon par skyes pa/ 
byang chub sems dpa'i las dang ye shes 'byam klas pa la zhugs pa/ 'jig rten gyi dri ma thams cad rab tu sbyong ba/ sbyin pa byed pa/ sbyin pa'i sems dang ldan pa/ yon tan chen po'i dkyil 'khor gyi sbyin pa'i gnas su gyur pa/ 'jig rten </font><hr>36-1-80b<br><font size=+1>
thams cad kyi gnas dang 'gro ba thams cad kyi rten du gyur pa/ sems can thams cad rnam par dag par bya ba la yang dag par zhugs pa/ dge ba'i rtsa ba thams cad gzung ba la yang dag par brtson pa de 'khor thams cad yongs su btang bas yang dag 
par bzung ba'i dge ba'i rtsa ba de dag 'di ltar yongs su bsngo ste/ /sems can thams cad byang chub sems dpa'i ting nge 'dzin mi 'phrogs pa rab tu thob ste/ ting nge 'dzin tshad med pa'i 'khor gyis bskor bar gyur cig /sems can thams 
cad sangs rgyas mthong bas spro ba dang dga' ba rab tu thob ste/ sangs rgyas thams cad kyi ting nge 'dzin gyi rgyan la mnyam par gzhog par gyur cig /sems can thams cad tshad med pa'i ting nge 'dzin gyi rnam par 'phrul pa la gnas shing byang 
chub sems dpa'i ting nge 'dzin gyis rnam par rtse zhing spyod par gyur cig /sems can thams cad sems la 'khrug pa med cing chos dang mthun pa'i ting nge 'dzin rab tu thob par gyur cig /sems can thams cad ting nge 'dzin thams cad la 
dbang sgyur zhing byang chub sems dpa'i ting nge 'dzin zab mo rab tu thob par gyur cig /sems can thams cad yang dag par bral ba'i yid rab tu thob ste/ ting nge 'dzin gyi 'khor dang ldan par gyur cig /sems can thams cad ting nge 'dzin 
kyi mtshan ma 'dzin pa shin tu thob ste/ ting nge 'dzin sna tshogs la mkhas par gyur cig /sems can thams cad ting nge 'dzin thams cad sgom pa la gnas shing ting nge 'dzin gyi khyad par shes par gyur cig /sems can thams cad rtag tu 
rgyun mi 'chad pa'i sems kyis mi gnyis pa'i ting nge 'dzin la yang dag par spyod cing chags pa med pa'i ting nge 'dzin rab tu thob par gyur cig ces/ de ltar byang chub sems dpa' sems dpa' chen po 'khor thams cad yongs su btang bas yang </font><hr>36-1-81a<br><font size=+1>
dag par bzung ba'i dge ba'i rtsa ba de dag sems can thams cad kyi 'khor gzhan gyis mi phyed cing rnam par dag pa dang / byang chub sems dpa'i 'khor gyi tshogs rab tu thob par bya ba'i phyir yongs su bsngo'o/ /byang chub tu sems 
bskyed pa shin tu rnam par dag par 'gyur ba dang / sangs rgyas kyi chos yongs su rdzogs pa rab tu thob par 'gyur ba'i phyir sems can thams cad la yongs su bsngo'o/ /thams cad mkhyen pa'i ye shes khong du chud pa dang /thams cad mkhyen pa'i stobs yongs su 
rdzogs par 'gyur ba'i phyir sems can thams cad la yongs su bsngo'o/ /skal pa mnyam pa'i sems can dang 'grogs pa dang 'thun pa'i g.yog 'khor rab tu 'thob par bya ba'i phyir sems can thams cad la yongs su bsngo'o/ /kha na ma tho ba med pa'i dge 
ba'i rtsa ba rab tu 'grub pa dang / thams cad mkhyen pa'i bsod nams yongs su rdzogs par 'gyur ba'i phyir sems can thams cad la yongs su bsngo'o/ /sangs rgyas kyi sku rnam par dag pa 'thob pa dang g.yog nges pa dang ldan par bya ba'i phyir 
sems can thams cad la yongs su bsngo'o/ /sangs rgyas kyi chos mi zad pa thams cad kyi mdzod shin tu rig pa la zhugs pas rab tu ston pa dang / tha dad pa yang dag par shes pa gcig nas gcig tu brgyud pa thams cad 'thob par bya ba'i phyir 
sems can thams cad la yongs su bsngo'o/ /'gro ba thams cad kyi dge ba'i rtsa ba las rnam par 'das pa dang / sems can thams cad grogs su 'gyur ba'i dge ba'i rtsa ba yongs su rdzogs par bya ba'i phyir/ sems can thams cad 
la yongs su bsngo'o/ /rnam par dag pa'i chos thams cad yongs su rdzogs par 'gyur ba dang / kha na ma tho ba med pa'i las yongs su rdzogs par bya ba'i phyir/ sems can thams cad la yongs su bsngo'o/ /chos snang ba thams cad </font><hr>36-1-81b<br><font size=+1>
kyi rgyan yongs su dag par bya ba dang / sangs rgyas kyi chos thams cad mngon sum du rdzogs par bya ba'i phyir/ sems can thams cad la yongs su bsngo'o/ /gzhan yang byang chub sems dpa' sems dpa' chen po bu dang bu mo dang / chung ma yongs 
su gtong zhing ji ltar gzhon nu shin tu sbyong ba dang / rgyal po rgyan thams cad ston pa dang de ma yin pa'i byang chub sems dpa' sems dpa' chen po gzhan dag kyang thams cad mkhyen pa'i lam la mngon par gnas pa gtong ba dang / yongs su gtong ba 
thams cad rnam par 'phel bar byed pa/ byang chub sems dpa'i gtong ba'i lam rnam par sbyong ba/ phyis 'gyod pa med par gtong ba'i sems rnam par sbyong ba/ gtong ba rin po che thams cad kyis thams cad mkhyen par sems bskyed pa la mnyam 
par gzhog pa/ 'gro ba thams cad rnam par dag par byed pa'i lhag pa'i bsam pa rab tu sgrub pa/ lhag pa'i bsam pas dag pa'i byang chub rnam pa thams cad du yongs su rdzogs par byed pa/ byang chub sems dpa'i lam gyis bdag mngon par 
bskyab par yang dag par lta ba/ sangs rgyas thams cad kyi byang chub tu sems mngon du gyur par byin gyis rlob pa/ de bzhin gshegs pa thams cad kyi rigs la gnas pa'i sems bskyed pa/ yongs su sgyur ba rnams kyis bu dang bu mo dang 
chung ma yongs su btang ba de lta bu dang / bu mo dang / chung ma de dag bsam pa stobs dang ldan par byas te gtong ba dang / bdag de bzhin nyid du mos par byas te/ sbyin par byed pa dang / bdag nyid 'jig rten thams cad kyis 
ci 'dod par spyod par yang dag par lta ba dang / bdag sems can thams cad sbyin pa kun gyi 'byung gnas su gyur par byin gyis rlob pa dang / gang gis sems can dma' bar gyur pa de dag gis yongs su rgyas par byed </font><hr>36-1-82a<br><font size=+1>
pa dang / /de lta bu'i tshul gyis bdag yang dag par 'dzin pa dang / mchod rten dam par 'gyur ro zhes 'gro ba thams cad du bdag spro bar byed pa dang / thams cad mkhyen pa'i sems nyid 'gro ba thams cad 
du shin tu sgrub pa dang / bdag 'gro ba thams cad la phan pa'i mu stegs su rjes su lta ba dang / bdag 'jig rten thams cad kyi 'bab sa bde bar rab tu rtogs pa dang / bdag 'gro ba thams cad kyi sbyin bdag du mos par byed pa dang / bdag ye shes kyi yid 
dang ldan par byas shing / bdag byang chub sems dpa'i spyod pa la rab tu brtson par yang dag par shes pa dang / bdag ji ltar smras pa de ltar byed pa la sbyor ba dang / bdag gis thams cad mkhyen pa'i go ca bgos par rab tu rtog cing ye shes 
dang bsod nams kyi zhing tshol ba dang / 'gro ba thams cad la dam bcas pa'i sems rjes su bsrung ba dang / rab tu nan tan byed pa la bdag shin tu gzhog pa dang / 'gro ba thams cad du snang ba'i ye shes yang dag par skyed pa dang / 
byang chub sems dpa' thams cad kyi gtong ba'i sems yid la byed pa dang / de bzhin gshegs pa thams cad mngon sum du dmigs par byed pa'i tshe/ chags pa med pa dang / grol zhing bcings pa med pa'i sems dang ldan pa/ sems 
can thams cad kyi don du ye shes dang bsod nams kyi tshogs bsags pa de dge ba'i rtsa ba de dag 'di ltar yongs su bsngo ste/ bu dang bu mo dang chung ma yongs su btang bas yang dag par bsdus pa'i dge ba'i rtsa ba 'dis sems can thams cad chos 
thams cad kyis 'jig rten gyi khams rgyas par 'gengs pa'i chos kyi 'khor lo phyir mi ldog pa yang dag par bskor bas sangs rgyas kyi byang chub la gzhog par byed cing / bdag gi lus kyi sprul pa rab tu 'gyed par gyur cig /sems can thams </font><hr>36-1-82b<br><font size=+1>
cad sangs rgyas kyi zhing thams cad du smon lam gyis 'dong zhing lus la mngon par chags pa med par gyur cig /sems can thams cad kyi chags pa dang / khong khro ba spangs shing sdug pa dang / mi sdug pa'i sems dang bral bar gyur cig /
sems can thams cad sangs rgyas kyi rigs kyi rjes su spyod cing de bzhin gshegs pa'i sras su red par gyur cig /sems can thams cad tha dad pa med pa'i sems kyis byung zhing / sangs rgyas thams cad la rab tu 'du shes thob par gyur 
cig /sems can thams cad sangs rgyas thams cad kyi chos kyi sku las byung ba/ gsung las skyes par gyur te/ nges par sangs rgyas kyi sras su gyur cig /sems can thams cad de bzhin gshegs pa'i ye shes khong du chud par 'gyur 
ba'i phyir/ go skabs rab tu thob par gyur cig /sems can thams cad yang dag par bral ba'i mthar phyin te/ sangs rgyas kyi byang chub dang ldan par gyur cig /sems can thams cad bla na med pa'i chos gtong ba la brtson 
zhing sangs rgyas kyi byang chub yang dag par 'god pa dang ldan par gyur cig /sems can thams cad rkyen thams cad kyis zad par mi nus shing shin tu rtogs par gzhag pa'i sems dang ldan par gyur cig /sems can thams cad 
byang chub kyi shing drung du rnam pa'i mchog thams cad dang ldan pa/ bla na med pa yang dag par rdzogs pa'i byang chub tu rnam par sangs rgyas te/ chos las skyes pa dang / chos las byung ba'i bu dang / bu mo dang chung ma rab tu 'phro bar byed 
par gyur cig ces/ de ltar byang chub sems dpa' sems dpa' chen po bu dang / bu mo dang / chung ma yongs su btang ba las byung ba'i dge ba'i rtsa ba de dag bsgribs pa med pa'i ye shes rab tu thob pa dang / khams gsum pa </font><hr>36-1-83a<br><font size=+1>
thams cad la chags pa med pa'i rnam par thar pa khong du chud par bya ba'i phyir yongs su bsngo'o/ /'di ltar yang byang chub sems dpa' sems dpa' chen po khyim gyi dngos po la chags par gnas pa'i rnam pa la mos pa med 
pa/ khyim gyi rnam par rtog pas yongs su rtog pa med pa khyim gyi yo byad thams cad la don du gnyer ba med pa/ khyim gyi chags pa thams cad kyis 'dod par gyur pa med pa/ khyim gyi longs spyod thams cad la ro myong bar lta ba med pa/ khyim 
gyi longs spyod thams cad khong du chud pa'i sems dang ldan pa/ khyim la mngon par chags pa thams cad las gyen du spags pa'i sems dang ldan pa/ khyim dang gnas la rten pa thams cad la mngon par mos pa med par gyur pa/ 
khyim dang gnas la rten pa thams cad yud tsam gyi 'du shes kyis byin gyis brlab pa/ sangs rgyas kyi bstan pa la shin tu 'byung ba'i bsam pa dang ldan pa/ byang chub sems dpa'i gnas thams cad la zhugs pa'i sems dang ldan pa/ 
sangs rgyas kyi chos thams cad kyis brgyan pa'i sems dang ldan pa/ gcig nas gcig tu rjes su 'gyod pa med par gtong ba/ dmigs pa'i dngos po thams cad kyi sgo nas sangs rgyas thams cad kyis yang dag par bsngags pa 
'gyod pa med par gtong ba'i sems dang ldan pa/ khyim yongs su bzung ba shin tu gtong ba la mngon par chags pa med pa'i yid dang ldan pa/ phyogs dang yul thams cad la gnas pa med par gnas pa/ khyim dang gnas la chags pas 
rtsom pa med pa yongs su bzung ba thams cad sbyin par shin tu gtong bas gtong ba/ slong ba thams cad mthong na rab tu dga' ba dang / spro ba dang / yid dga' ba skye bas slong ba rnams la tshul dang ldan pa'i sems kyis khyim dang </font><hr>36-1-83b<br><font size=+1>
khyim gyi yo byad dang / rgyan thams cad yongs su gtong ba'i tshe/ khyim gyi sbyin pa yongs su btang bas yang dag par bsdus pa'i dge ba'i rtsa ba de dag 'di ltar yongs su bsngo ste/ sems can thams cad dkon mchog dam par 'byung ba la mngon par 
mos shing bu dang / bu mo shin tu gtang bar gyur cig /sems can thams cad khyim med par rab tu byung zhing khyim las rnam par grol te yang dag par rdzogs pa'i sangs rgyas kyi bstan pa la tshangs pa'i spyad pa spyod par gyur cig /sems can 
thams cad phyir mi ldog pa'i sems kyis 'jug pa med par gnas shing thams cad yongs su gtong ba la mngon par mos par gyur cig /sems can thams cad stsogs pa med cing chos shes pa la brtson pas/ khyim gyi chos dang rab tu bral bar gyur cig /
sems can thams cad sangs rgyas kyi pho brang dang gnas la yang dag par gnas shing khyim dang / gnas la gnas med par gyur cig /sems can thams cad bar du gcod pa'i nan tan thams cad 'gag par gyur te/ sgrib pa'i chos thams cad 
shin tu spangs par gyur cig /sems can thams cad gos pa med pa'i sems kyi gnas la rten pas ljan ljin med pa'i khyim dang ldan par gyur cig /sems can thams cad khyim na gnas pas mngon par rdzogs par sangs rgyas 
pa mthong ba'i ye shes dang ldan zhing yongs su smin par bya ba la mkhas par gyur cig /sems can thams cad sangs rgyas thams cad kyi gnas kyi rjes su song ba'i/ sems kyi ye shes dang ldan zhing / khyim gyi gnas rnam par rig pa rab tu 
mthong bar gyur cig /sems can thams cad khyim gyis sangs rgyas kyi rnam par spyod pa rab tu thob cing / sems can mtha' yas pa tshim par byed par gyur cig ces de ltar byang chub sems dpa' sems dpa' chen po khyim gyi sbyin pa yongs su </font><hr>36-1-84a<br><font size=+1>
btang bas/ yang dag par bsdus pa'i dge ba'i rtsa ba de dag sems can thams cad kyis/ byang chub sems dpa'i spyod pa dang / smon lam dang / rnam par 'phrul pa sna tshogs rab tu thob par bya ba'i phyir yongs 
su bsngo'o/ /'di ltar yang byang chub sems dpa' sems dpa' chen po bza' shing gi ra ba dga' ba dang rtse ba dang longs spyod mang po sna tshogs kyi gnas yongs su gtong zhing sbyin pa dang / stobs pa dang bdag sems can thams cad kyi bza' shing gi+i ra bar 
gyur pa'o zhes yang dag par lta ba dang / bdag chos kyi dga' bar gyur par 'jig rten thams cad la yongs su ston pa dang / bdag sems can thams cad la yid bde ba'i sbyin pa byed par byin gyis rlob pa dang / bdag 'gro ba thams cad 
du dga' ba mtha' yas pa yang dag par skyes par shin tu ston pa dang / bdag khams gsum thams cad na chos dkar po skye ba'i sgor gyur par yang dag par 'dzin pa dang / bdag 'gro ba thams cad kyi sems dga' ba rtag tu skye bar byed par 'jig rten 
thams cad du gnas par byed pa dang / bdag sems can thams cad la sangs rgyas kyi byang chub stobs par smon lam 'debs pa dang / bdag skye dgu thams cad kyi pha dang 'dra bar nan tan byed pa dang / bdag khams gsum thams cad na ye shes kyi 
'byung gnas su gyur par rab tu rtog pa dang / bdag sems can gyi khams thams cad na yo byad kyis mi brel bar byed pa rab tu gzhog pa dang / bdag smon lam thams cad kyis dge ba'i rtsa ba thams cad ma dang 'dra bar skyed par yang dag par sgrub 
pa'i tshe/ dge ba'i rtsa ba de dag sems can thams cad skyon gyi skyo ba med par yongs su bsngo'o/ /sems can thams cad kyi gnod pas 'khrul pa med pa'i sems kyis yongs su bsngo'o/ /'jig rten gyi gnas drin du mi gzo bas yongs </font><hr>36-1-84b<br><font size=+1>
su gang bas yongs su yi chad pa med pas yongs su bsngo'o/ /sems can thams cad las 'thob par bya ba la re ba med pas yongs su bsngo'o/ /'jig rten thams cad la smon pa med pa'i sems kyis yongs su bsngo'o/ /'jig rten thams cad kyi 
sdug bsngal bstsal ba'i sems kyis 'gro ba thams cad la yongs su bsngo'o/ /bar snang dang mnyam pa'i sems kyis 'gro ba thams cad gos pa med par bya ba'i phyir yongs su bsngo'o/ /dge ba'i rtsa ba thams cad sngon du 'gro ba'i sems kyis yang dag par ji lta ba 
bzhin du rab tu rtogs pa'i phyir yongs su bsngo'o/ /sems can thams cad kyi sdug bsngal blang ba'i go cha bgos pa'i sems kyis skye dgu thams cad la yongs su bsngo'o/ /lta ba'i rnam pa thams cad shin tu bzlog pa'i byang chub sems dpa'i spyod pa chen 
po dang smon lam mnyam pa med pa la rab tu brtson pa dang / theg pa chen po'i smon lam gyis skyo ba med par yongs su bsngo ste/ de ltar byang chub sems dpa' sems dpa' chen po bza' shing gi ra ba yongs su btang bas yang dag par bsdus 
pa'i dge ba'i rtsa ba de dag yongs su bsngo'o/ /de de ltar yid la byed pas rab tu rtog pa'i sems dang ldan par byas shing 'di ltar yang yongs su bsngo ste/ sems can thams cad kyis gong nas gong du ye shes kyi bza' shing gi ra ba rab tu thob ste/ 
dge ba'i rtsa ba gsar pa dang / gsar pa yang dag par 'byung ba dang ldan par gyur cig /sems can thams cad sangs rgyas thams cad la lta zhing bsnyen bkur ba dang / rim gro byed pa'i phyir 'khrug pa med pa'i chos can du gyur cig /
sems can thams cad sangs rgyas kyi zhing gi bza' shing gi ra ba la dga' ba rab tu thob ste/ chos la yongs su dga' bas dga' bar gyur cig /sems can thams cad mngon par dga' ba'i bza' shing gi ra bar sangs rgyas kyi cho 'phrul yang dag par mthong ba'i </font><hr>36-1-85a<br><font size=+1>
phyir dga' ba'i sems dang ldan par gyur cig /sems can thams cad ye shes kyi yul la rnam par rtse zhing / spyod pas sangs rgyas kyi dgyes pa dang / rol pa la rab tu brtson par gyur cig /sems can thams 
cad sangs rgyas kyi zhing dang / de bzhin gshegs pa'i 'khor gyi dkyil 'khor dang 'dul bar 'dod pas dga' ba dang / rtse ba dang longs spyod la rab tu brtson par gyur cig /sems can thams cad byang chub sems dpa'i rnam par thar pas phyi ma'i 
mthar thug pa'i bskal par byang chub sems dpa'i spyod pas yongs su mi skyo ba'i sems kyis gnas pa'i phyir byang chub sems dpa'i rtse ba dang longs spyod dang / dga' ba la mos par gyur cig /sems can thams cad sangs rgyas kyi bza' shing gi ra ba 
sems chen po bskyed pas dga' ba la sten cing chos kyi dbyings thams cad sangs rgyas kyis gang bar chud par gyur cig /sems can thams cad sangs rgyas kyi zhing sna tshogs su sangs rgyas mchod pa dang / rim gro bya ba la dga' zhing sangs rgyas 
kyi zhing thams cad du 'gro ba la brtson par gyur cig /sems can thams cad sangs rgyas kyi zhing thams cad rab tu brgyan par bya ba rnam par dag par 'gyur pa'i phyir dga' zhing mos pa'i sems dang ldan par gyur cig ces/ de ltar byang chub 
sems dpa' sems dpa' chen po bza' shing gi ra ba rtse ba dang / dga' ba dang / longs spyod kyi gnas yongs su gtong ba'i tshe/ dge ba'i rtsa ba de dag sems can thams cad sangs rgyas thams cad kyi bza' shing gi ra ba la rol pa'i 
gnas su 'dong zhing sangs rgyas thams cad mthong bar 'grub par 'gyur bar bya ba'i phyir yongs su bsngo'o/ /gzhan yang byang chub sems dpa' sems dpa' chen po mchod sbyin bye ba khrag khrig brgya stong grangs med pa du ma rung ba/ /sangs rgyas </font><hr>36-1-85b<br><font size=+1>
thams cad kyis bsngags pa/ sems can thams cad la mi 'tshe bar gzhol ba/ 'gro ba thams cad rnam par dag par bya ba la brtson pa/ gtan pa med pa'i las kyi lam gsum shin tu dag pa ye shes kyis grub pa'i mchod sbyin yo byad grangs med pa 
bstsogs pa dmyigs pa bye ba khrag khrig brgya stong grangs med pas rnam par dag pa/ sbyin pa rnam pa tha dad pa'i tshul gyis yang dag par bzung ba/ yo byad kyi rnam pa du ma dang ldan pa sbyin pa'i tshogs sna tshogs bye ba khrag khrig brgya stong grangs 
med pa can gyi mchod sbyin du byed pa'i tshe/ mchod sbyin byas pa'i sbyin pa chen pos yang dag par bzung ba'i dge ba'i rtsa ba de dag byang chub kyi sems dkon pa sbyin pa'i tshogs tshad med pas sems can thams cad rnam par dag par bya ba la zhugs pa 
dge ba brtsams pa thog ma dang / bar ma dang tha mar rnam par dag pa sna tshogs dang ldan pa/ mos pa bye ba khrag khrig brgya stong gi bsam pa can/ sems can grangs med pa mngon par mgu bar byed pa/ byams pa tshad med pa/ bsgom pa dang / 
yang dag par spyod pas nye bar gnas pa/ 'gro ba thams cad snying rje chen pos yongs su bskyab pa shin tu grub pa/ 'das pa dang ma byon pa dang da ltar byung ba'i de bzhin gshegs pa mngon par mnyes par byed pa/ sangs rgyas thams cad kyi rigs kyi phyir 
rjes su 'gyod pa med pas gtong ba'i sems dang ldan pa/ phyis mya ngan du bya ba med par yang dag par spyod pas khyad par rnam par 'phel bar byed pa/ dad pa'i dbang po sems skad cig gis tshad med par rnam par 'phel bar byed pas/ gtong 
ba dang ldan pa des 'di ltar yongs su bsngo ste/ theg pa chen pos sems bskyed pas grub pa'i mchod sbyin byas pa'i dge ba'i rtsa ba 'dis sems can thams cad gtong ba chen po dang shin tu gtong ba dang / rab tu gtong ba dang / mchog tu gtong ba dang /</font><hr>36-1-86a<br><font size=+1>
gya nom par gtong ba dang phul du gtong ba dang / bla na med par gtong ba dang / mnyam pa med par gtong ba dang / 'jig rten thams cad las 'phags pa'i gtong ba dang / sangs rgyas thams cad kyis bsngags pa'i chos 
gtong ba dang ldan zhing sbyin bdag gi dam pa sems can gyi khams thams cad ngan song nas 'don pa/ ye shes kyi lam la rab tu gzhog pa'i smon lam mnyam pa med pa dang ldan pa/ dge ba'i rtsa ba nor ba med pa dang ldan pa/ bdag mnyam pa med pa'i ye shes 
rjes su sangs rgyas pa dang ldan zhing sems can thams cad zhi ba'i ye shes la rab tu gzhog pa/ mngon par shes pa'i ye shes nyams pa med pas 'gro ba thams cad la shin tu mkhas par byas pa/ ye shes kyi sa dang sangs rgyas kyi chos la gzhol ba/ 
sangs rgyas thams cad kyi rgyan gyi pha rol tu phyin pa dang ldan pa/ sangs rgyas kyi chos thams cad phyir mi ldog pas rgyun chad pa med par gyur te/ mchod sbyin shin tu byas par gyur cig /sems can thams cad 'gro ba kun la rim gro byed cing 
bla na med pa'i ye shes kyi mthar thug par rgyun chad pa med pas phyir mi ldog pa'i mchod sbyin byed par gyur cig /sems can thams cad tshad med mtha' yas pa'i bsod nams bstsags pa'i pha rol tu phyin cing dge ba'i rtsa ba legs par bskyed pa dang ldan 
par gyur cig /sems can thams cad bsod nams kyi dkyil 'khor gyis chos kyi dbyings tshad med par bla na med par snang ba'i bde ba yongs su gtong zhing sangs rgyas thams cad kyis bsngags par 'gro ba thams cad kyi sbyin bdag tu gyur cig /sems 
can thams cad sems can gyi khams su snyoms par dge ba'i rtsa bas yang dag par 'dzin pa'i pha rol tu phyin pa thob cing mnyam pa'i sems kyis mchod sbyin byed par gyur cig /sems can thams cad theg pa'i mchog la 'gro ba thams cad rab </font><hr>36-1-86b<br><font size=+1>
tu dgod par brtson zhing mchod sbyin gyi dam pa byed par gyur cig /sems can thams cad dus ma yin pa thams cad las 'das shing dus thams cad la bab pa'i mchod sbyin gyi mthar phyin par 'gro ba thams cad mtshan nyid gcig tu gyur pa'i mchod 
sbyin byed par gyur cig /sems can thams cad skyes bu dam pa'i mchod sbyin phun sum tshogs pa'i pha rol tu phyin pa dang / ldan zhing mchod sbyin legs pa dang ldan par gyur cig /sems can thams cad sangs rgyas thams cad kyis nye bar 
bstan te/ thams cad mkhyen pa nyid kyi mthar phyin pa la bkod de mchod sbyin gyi rgyan mtha' las rgal ba rnam pa sna tshogs kyis mchod sbyin byed par gyur cig /sems can thams cad chos kyi dbyings tshad med par bsod nams kyi mchod sbyin byed 
pas mtha' dang dbus med pa'i bsod nams bstsags pa'i pha rol tu phyin pa yang dag par sgrub cing thams cad mkhyen pa'i rnam par dag pa dang ldan par gyur cig /sems can thams cad smon lam chen pos sems can gyi khams thams cad 
sgrol zhing de bzhin gshegs pa'i gnas su gzhog pas 'gro ba kun gyi mchod sbyin gyi bdag por gyur cig ces/ de ltar byang chub sems dpa' sems dpa' chen pos mchod sbyin byas pa'i bsod nams chen po byin pas yang dag par bsdus pa'i 
dge ba'i rtsa ba de dag ci nas kyang sems can gyi khams thams cad kyis mchod sbyin legs par byas par 'gyur ba dang / mchod sbyin chud mi za bar 'gyur ba dang / sangs rgyas thams cad mngon par mnyes pa'i mchod sbyin dang ldan par 'gyur ba dang / 
sems can thams cad la zhe sdang ba med pa'i mig gis mchod sbyin du 'gyur ba dang / 'gro ba thams cad yongs su skyob pa'i mchod sbyin du 'gyur ba dang / thams cad mkhyen pa'i ye shes kyis grub pa'i mchod sbyin byas par 'gyur ba dang /</font><hr>36-1-87a<br><font size=+1>
sangs rgyas thams cad blta ba dang mi 'bral ba'i mchod sbyin du 'gyur ba dang / cho ga dang shin tu ldan pa'i mchod sbyin tu 'gyur ba dang / byang chub sems dpa'i yon tan thams cad kyis yongs su grub pa'i sangs rgyas kyi 
ye shes kyi mchod sbyin du 'gyur ba dang / sems can thams cad bla na med pa'i mchod sbyin byed cing de bzhin gshegs pa'i mchod sbyin gyi mthar thug par 'gyur bar yongs su bsngo'o/ /gzhan yang byang chub sems dpa' sems dpa' chen po 
yo byad kyi tshogs dang / dngos po la chags pa med pa'i sems dang ldan pa/ mngon par ma chags pa'i sems dang ldan pa/ rnam par smin pa la mi re ba'i sems dang ldan pa/ 'jig rten gyi phun sum tshogs pa thams cad re zhing 'dod pa med 
pa'i sems dang / skyon med pa'i sems dang / rmongs pa med pa'i sems dang / chos la rtogs pas shin tu bstsal ba'i sems dang / sems can thams cad don la gzhag par yongs su bsngo ba'i sems dang / chos thams cad kyi rang bzhin yang dag pa ji 
lta ba bzhin du rab tu rtogs pa'i sems dang ldan pa/ longs spyod mtha' yas pa sna tshogs thams cad la dmigs pa tshad med pa'i rim gro byed pa'i tshul can sems can la phan pa rnam pa tha dad pas rnam pa sna tshogs du mar yang dag par spyod pa dngos 
po'i rnam pa tshad med pa brjod du med pa dang / mngon par 'du bya ba'i rgyan mtshan nyid sna tshogs can thams cad sbyin pa'i tshogs la rab tu brtson pa/ gtang bar bya ba mtha' yas pa stobs pas gtong ba thams cad yang dag par gtong ba la gzhol ba/ phyi 
nang gi yul zad mi shes pa'i dmigs pa thams cad shin tu ston pas de dag gtong ba dang / yongs su gtong ba dang / stobs pa dang / sbyin par byed pa dang / 'bul ba dang / bsam pa'i stobs rnam par 'phel bar byed pa dang / 'gro ba thams </font><hr>36-1-87b<br><font size=+1>
cad du yon tan chen po thob pas sems rin po che dang / 'grogs pa dang / lan la re ba med par 'gro ba thams cad snying rjes rjes su skyong ba dang / 'gro ba rin po che thams cad kyi bsam pa rin po che shin tu sgrub pa dang / 'das pa dang ma byon pa dang da ltar 
byung ba'i sangs rgyas thams cad dang / gcig tu bgrang ba'i dge ba'i rtsa ba thams cad mkhyen pa nyid rnam par 'phel bar byed pa'i tshe/ yo byad thams cad kyi sbyin pa yongs su btang bas yang dag par bsdus pa'i dge ba'i rtsa ba de dag sems can gyi khams thams 
cad ma lus par yongs su smin par bya ba dang / gdul ba gcig nas gcig tu brgyud pa rnam par dag par bya ba'i phyir yongs su bsngo'o/ /zhing thams cad ma lus par gcig nas gcig tu brgyud pa nye ba'i nyon mongs pa med cing rgyan rnam par dag pas 
rnam par dbye ba dang / rab tu brgyan pa yongs su rdzogs par bya ba'i phyir yongs su bsngo'o/ /chos kyi dbyings thams cad ma lus par sems gcig gis rgyas par dgang ba rnam par dag par bya ba'i phyir yongs su bsngo'o/ /nam mkha'i khams 
thams cad ma lus pa'i mthar thug par yongs su rgyas par bya ba'i phyir yongs su bsngo'o/ /dus mtha' dang dbus med pa thams cad ma lus pa la 'jug cing thams cad mkhyen pas 'dul bas dus thams cad du chos kyi 'khor lo rab tu bskor ba'i phyir 
yongs su bsngo'o/ /ye shes kyi byin rlabs thams cad ma lus pa la mkhas pa yang dag par bstan pas 'gro ba thams cad la phan gdags pa'i phyir yongs su bsngo'o/ /sangs rgyas kyi byang chub thams cad ma lus par mngon par 'tshang rgya bar bya bas/ 
phyi ma'i mtha'i mur thug pa'i bskal bar bstan pa/ 'jig rten gyi khams 'byam klas pa thams cad du rgyun mi 'chad pas sems can kun gyis sangs rgyas kyi chos shes par bya ba'i phyir yongs su bsngo'o/ /bskal pa'i grangs thams cad ma lus pa </font><hr>36-1-88a<br><font size=+1>
byang chub sems dpa'i spyod pas rgyas par dgang ba'i phyir yongs su bsngo'o/ /'jig rten gyi khams kyi grangs dang 'jig rten gyi khams kyi rgyud dang 'jig rten gyi khams 'byam klas pa kun nas nyon mongs pa dang / rnam par dag 
pa dang che ba dang / chung ba dang / phra ba dang / yangs pa dang / snrel zhir rgyu ba dang / spyi'u tshugs su bstan pa dang / rgyan gcig pa dang / rgyan tha dad pa dang / 'jig rten gyi khams sna tshogs su bgrang zhing bstan pa thams cad ma lus par byang 
chub sems dpa'i spyod pas yongs su rgyas par dgang ba'i phyir yongs su bsngo'o/ /sangs rgyas kyi phrin las thams cad ma lus pa la dus gsum du brtson pas sems skad cig re re zhing thams cad mkhyen par gdul ba dang / rab tu dgod par bya 
ba'i phyir yongs su bsngo ste/ de ltar byang chub sems dpa' sems dpa' chen po sems can gyi khams grangs med pa thams cad gzung bar bya ba'i phyir sangs rgyas kyi lam rgyun mi gcad pa la zhugs pa snying rje chen pos 'gro ba thams cad yongs 
su skyob cing byams pa chen po tshad med pa la gnas pa/ byang chub sems dpa'i spyod pa thams cad kyi rjes su slob par zhugs pa/ de bzhin gshegs pa'i gdams ngag thams cad kyi tshul la gnas pa/ sangs rgyas thams cad la dge ba'i rtsa 
ba rgyun mi 'chad par skyed pa/ dus thams cad du slong ba la skyo ba med par rim gro byed pa'i sems dang ldan pa/ gtang ba thams cad btang bas 'gyod pa med pa'i sems dang ldan pa/ sbyin pa brtsams pa thams cad mkhyen 
par yongs su bsngo ba la brtson pa des slong ba de dang de dag 'ongs shing yo byad [(]gyi [,]kyi[)] dngos po mtha' yas pa slong ba dang slong ba thams cad kyi bsam pa yongs su rdzogs par byed pa'i byang chub sems dpa'i spyod pas dus gzhan dang gzhan du slong ba </font><hr>36-1-88b<br><font size=+1>
'ongs pa dang / slong ba de dang de dag yul der 'ongs shing dus gzhan dang gzhan du phyin pa/ dmigs pa'i dngos po rnam pa tha dad pa slong ba dang slong ba'i sems can sna tshogs bsam pa 'thun pas gdong du lta ba dang / sems can slong ba 
grangs med par 'dus shing / byang chub sems dpas skabs phye ba la gnas pa dang / sbyin pa 'thob pa la sdod pa'i slong ba sna tshogs dang / len pa sna tshogs dang / sems can sna tshogs dang / gang zag gzhan dang gzhan sems sna tshogs dang ldan pa 
phyogs gzhan dang gzhan nas 'ongs pa'i mi rnam pa tha dad pa gzhan dang gzhan du gyur pa/ skye gnas tha dad pas zin pa sbyin pa'i gnas gzhan dang gzhan du gyur pa/ de lta bu'i slong pa'i tshogs chen po srog chags bye ba khrag khrig brgya stong grangs med pa kun 
nas 'dus pa mthong na slong ba de dag thams cad la sems dga' ba dang / sems dad pa dang / slong ba la byams pa dang / dge ba'i bshes gnyen mthong ba'i 'du shes kyi snying rje chen pos rim gro byed pa'i sems dang / yid rab tu spro ba dang / sems 
shin tu tshim pa rab tu thob ste/ phyir ldog pa med pa'i dad pas gtong ba rgyun mI chad par bya ba'i sems dang / skyo ba med cing khyad par du 'phel bar gtong ba'i sems kyis slong ba ji ltar 'ongs pa dang / dngos po ji slong ba de dag yongs su tshim pa dang / 
yongs su rgyas pa dang / lag gang ba dang / snod gang ba dang / bsam pa gang ba dang / ci 'dod pa'i dngos po thob pa dang / yid bde ba mtha' yas pas rgyas pa dang / dbul bor ba dang / nor dang yo byad thams cad bsdud pas brtan 
pa dang / dngos po yongs su gtang ba thams cad kyis shin tu bsdud pa dang / ci bslangs pa'i dngos po thams cad thob pas yid bde ste/ sgra che zhing mtho ba 'byin pa dang / ji bder 'dong zhing spyod pa dang / bsam pa ji bzhin du shin tu tshim pa dang </font><hr>36-1-89a<br><font size=+1>
nyon mongs pa med par sbyin pa thob pa dang / chad cing dub pa med pa'i sems dang ldan par byed de/ slong ba de dag mthong ba tsam gyis byang chub sems dpa' sems dpa' chen po shin tu dga' bar 'gyur gyi/ brgya byin 
gyi stan la 'dug pas bskal pa bye ba khrag khrig brgya stong du gnas pas ni ma yin no/ /rab mtshe ma'i dbang phyug la bskal pa bye ba khrag khrig brgya stong grangs med par gnas pas ma yin no/ /dga' ldan du skyes te skye ba dang / 'chi 'pho ba las rnam par 'das 
pas ma yin no/ /rab 'phrul dga'i dbang phyug la bskal pa grangs med par bde ba'i rnam pa thob pas ma yin no/ /dbang sgyur ba'i dbang gis bskal pa bsam gyis mi khyab par yid du 'ong ba'i bud med [(]gyi [,]kyi[)] bde ba la gnas pas ma yin no/ /tshangs 
pa'i stan la gnas pas bskal pa brjod du med par tshangs pa'i bde ba la spyod pas ma yin no/ /mir gyur te 'khor lo sgyur ba'i rgyal srid stong gsum gyi mthar thug pa'i bde ba'i rnam pas bskal pas mtshams med cing tshad med par dga' 
ba dang / rtse ba dang longs spyod thob par gyur pas ni ma yin no/ /dge rgyas kyi lha'i bde ba la bskal pa mtshungs pa med par bde ba'i rnam pa zad mi shes pa dang / 'grogs pas ma yin no/ /gtsang ma'i gnas na gnas pas bskal pa mu med 
par bde ba dang / 'grogs par gyur pas ma yin te/ de ltar byang chub sems dpa' sems dpa' chen po slong ba sna tshogs mthong na dga' bar 'gyur ro/ /spro ba skye'o/ /mos pa 'byung ngo / /rab tu dga' ba 'grub po/ /dad pa 
'phel lo/ /bsam pa 'byung ngo / /dbang po las su rung bar 'gyur ro/ /dga' ba'i sems yongs su rdzogs par 'gyur ro/ /mos pa chen pos bskyed pa'i sems kyi shugs rnam par 'phel lo/ /sangs rgyas kyi byang chub rtsa ba </font><hr>36-1-89b<br><font size=+1>
brtan zhing rnam par 'phel bar 'gyur ro/ /de dge ba'i rtsa ba de dag slong ba de dag dang / sems can thams cad la phan pa'i phyir yongs su bsngo'o/ /bde ba'i phyir yongs su bsngo'o/ /don gyi phyir yongs su bsngo'o/ /rnam par dag pa'i phyir yongs su bsngo'o/ /
byang chub kyi phyir yongs su bsngo'o/ /mnyam pa nyid kyi phyir yongs su bsngo'o/ /yid bzang po'i 'byung gnas su 'gyur ba'i phyir yongs su bsngo'o/ /theg pa chen po'i bzang ba nyid kyi phyir yongs su bsngo'o/ /brtsams pa bzang po thams cad shes 
pa dang 'byor bar bya ba'i phyir yongs su bsngo'o/ /byang chub sems dpa' kun tu bzang po'i spyod pa dang smon lam yongs su rdzogs pas stobs bcu'i ye shes mngon par 'tshang rgya bar bya ba'i phyir yongs su bsngo'o/ /de yang sems chags pa med 
pa dang grol zhing bcings pa med pa'i lus kyi las kyi phyir yongs su bsngo'o/ /sems chags pa med pa dang grol zhing bcings pa med pa'i ngag gi las kyi phyir yongs su bsngo'o/ /sems chags pa med pa dang grol zhing bcings pa med pa'i yid [(]gyi [,]kyi[)] 
las kyi phyir yongs su bsngo'o/ /de yang sems can [(]kyi [,]gyi[)] 'du shes kyis yongs su bsngo ba ma yin/ gzhung de bzhin du srog gi 'du shes kyis ma yin/ gang zag gi 'du shes kyis ma yin/ shed las skyes pa'i 'du shes kyis ma yin/ 
shed bdag gi 'du shes kyis ma yin/ skye ba po'i 'du shes kyis ma yin/ byed pa po'i 'du shes kyis ma yin/ tshor ba po'i 'du shes kyis ma yin/ yod pa dang med pa'i 'du shes kyis yongs su bsngo ba ma yin/ 'jig rten 'di'i 'du shes 
kyis ma yin/ 'jig rten pha rol gyi 'du shes kyis ma yin/ shi 'pho ba'i 'du shes kyis ma yin/ skye ba'i 'du shes kyis ma yin/ rtag pa'i 'du shes kyis ma yin/ mi rtag pa'i 'du shes kyis ma yin/ srid pa'i 'du shes kyis ma </font><hr>36-1-90a<br><font size=+1>
yin/ srid pa med pa'i 'du shes kyis ma yin/ 'du shes med pas yongs su bsngo ba ma yin/ 'du shes med pa ma yin pas yongs su bsngo ba ma yin te/ de chags pa med pa'i sems kyis yongs su bsngo'o/ /bcings 
pa med pa'i sems kyis yongs su bsngo'o/ /grol ba med pa'i sems kyis yongs su bsngo ste/ de ni las yongs su mi bsngo'o/ /rnam par smin pa yongs su mi bsngo'o/ /rtog pa yongs su mi bsngo'o/ /rnam par rtog pa yongs su mi 
bsngo'o/ /sems pa yongs su mi bsngo'o/ /bsam pa yongs su mi bsngo'o/ /sems yongs su mi bsngo'o/ /sems med pa yongs su mi bsngo'o/ /de de ltar yongs su bsngo ba'i tshe/ nang la mngon par chags pa med do/ /phyi 
rol la mngon par chags pa med do/ /rkyen la mngon par chags pa med do/ /dmigs pa la mngon par chags pa med do/ /rgyu la mngon par chags pa med do/ /rgyu 'dus pa la mngon par chags pa med do/ /chos la mngon par 
chags pa med do/ /chos nyid la mngon par chags pa med do/ /sems pa la mngon par chags pa med do/ /bsam pa la mngon par chags pa med do/ /de de ltar yongs su bsngo ba'i tshe/ gzugs la mngon par chags pa med do/ /
gzugs nye bar len pa la chags pa med do/ /gzugs 'gog pa la chags pa med do/ /tshor ba la chags pa med do/ /tshor ba nye bar len pa la chags pa med do/ /tshor ba 'gog pa la chags pa med do/ /'du shes la chags pa med 
do/ /'du shes nye bar len pa la chags pa med do/ /'du shes 'gog pa la chags pa med do/ /'du byed la chags pa med do/ /'du byed nye bar len pa la chags pa med do/ /'du byed 'gog pa la chags pa med do/ /rnam par shes </font><hr>36-1-90b<br><font size=+1>
pa la chags pa med do/ /rnam par shes pa nye bar len pa la chags pa med do/ /rnam par shes pa 'gog pa la chags pa med do/ /gang de lta bu'i chos la chags pa med pa de ni gzugs la bcings pa med do/ /gzugs kyi skye ba la bcings pa med 
do/ /gzugs kyi 'gag pa la bcings pa med do/ /tshor ba la bcings pa med do/ /tshor ba'i skye ba la bcings pa med do/ /tshor ba'i 'gag pa la bcings pa med do/ /'du shes la bcings pa med do/ /'du shes kyi skye ba la bcings pa med 
do/ /'du shes kyi 'gag pa la bcings pa med do/ /'du byed la bcings pa med do/ /'du byed kyi skye ba la bcings pa med do/ /'du byed kyi 'gag pa la bcings pa med do/ /rnam par shes pa la bcings pa med do/ /rnam par shes pa'i skye 
ba la bcings pa med do/ /rnam par shes pa'i 'gag pa la bcings pa med do/ /gang chos de dag la bcings pa med pa de ni chos thams cad la chags pa med pa ste/ de ci'i phyir zhe na/ chos gang chos la 'dzin pa 'am/ chos gang la chos kyis 
chags par 'gyur ba'i chos de lta bu skyes pa'i skye ba 'am/skye bar 'gyur ba gang yang med do/ /de yang 'di ltar chos thams cad ni 'du shes dang bral ba'i ngo bo nyid kyis dngos po med pa'i rang bzhin te/ gcig ma yin no/ /gnyis ma yin no/ /
mang po ma yin no/ /tshad med pa ma yin no/ /chung ngu ma yin no/ /mang po ma yin no/ /dma' ba ma yin no/ /yangs pa ma yin no/ /zab pa ma yin no/ /gsal ba ma yin no/ /zhi ba ma yin no/ /spros pa 
ma yin no/ /gnas ma yin no/ /gnas med pa ma yin no/ /chos ma yin no/ /chos med pa ma yin no/ /bsgom pa ma yin no/ /bsgom pa med pa ma yin no/ /yod pa ma yin no/ /med pa ma yin no/ /de de ltar chos med pa'i tshul </font><hr>36-1-91a<br><font size=+1>
gyis chos rnams la rnam par lta ste/ chos kyi tshig gi lam la gnas pas/ chos ma yin zhes bya bar yang dag par rjes su mi mthong ngo / /de las kyi lam yang rgyun gcod par mi byed do/ /byang chub sems 
dpa'i spyod pa yang rnam par thogs par mi byed do/ /thams cad mkhyen pa nyid las kyang phyir mi ldog go /rten pa'i las sgyu ma lta bur yang rab tu shes so/ /chos sgra brnyan dang 'dra ba yang 'jig par mi byed do/ /sems can snang bas 
kyang rlom sems su mi byed do/ /chos thams cad sgyu ma dang mnyam par yang yang dag par ji lta ba bzhin du shes te/ las rnams kyi rgyu'i mthu dang yang 'gal bar mi byed do/ /las la gzhol bar yang rab tu 'jug ste/ chos rnams mngon par 'du 
bya ba med pa yang dag pa ji lta ba bzhin du rab tu shes te/ mngon par 'du bya ba med pa'i lam yang rgyun mi gcod do/ /de dge ba'i rtsa ba de dag 'di ltar yongs su bsngo ste/ gang gi phyir thams cad mkhyen pa nyid yul med cing / thams cad mkhyen 
pa nyid kun tu 'gro bas thams cad mkhyen pa nyid thams cad du yongs su bsngo zhing thams cad las ldog par mi byed do/ /ci'i phyir yongs su bsngo ba zhes bya zhe na/'di ni 'jig rten las pha rol tu gyur pas na de'i phyir yongs su bsngo ba zhes bya'o/ /phung po las gzhan du 'gyur bar 
byed pas na de'i phyir yongs su bsngo ba zhes bya'o/ /tshig gi lam las gzhan du gyur pas na de'i phyir yongs su bsngo ba zhes bya'o/ /sems can gyi 'du shes sna tshogs las pha rol tu gyur pas na de'i phyir yongs su bsngo ba zhes bya'o/ /'jig tshogs mang po las gzhan du gyur pas na de'i phyir yongs 
su bsngo ba zhes bya'o/ /mngon par 'du byed pa las gzhan du gyur pas na/ de'i phyir yongs su bsngo ba zhes bya'o/ /srid pa las gzhan du gyur pas na de'i phyir yongs su bsngo ba zhes bya'o/ /nye bar len pa las gzhan du gyur pas na/</font><hr>36-1-91b<br><font size=+1>
de'i phyir yongs su bsngo ba zhes bya'o/ /'jig rten gyi chos las gzhan du gyur pas na/ de'i phyir yongs su bsngo ba zhes bya'o/ /de de ltar yongs su bsngo bas sangs rgyas kyi rjes su song ba yin/ chos kyi rjes su song ba yin/ ye shes kyi 
rjes su song ba yin/ byang chub kyi rjes su song ba yin/ don gyi rjes su song ba yin/ yongs su bsngo ba'i rjes su song ba yin/ spyod yul gyi rjes su song ba yin/ spyod pa'i rjes su song ba yin/ rang bzhin gyi rjes su song ba yin/ 
rnam par dag pa'i rjes su song ba yin te/ de de ltar yongs su bsngo bas chos shes par bya ba thams cad khong du chud par byed pa yin/ sangs rgyas thams cad mnyes par bya ba yang yongs su rdzogs par byed de/ sangs rgyas gang yang 
thugs 'byung bar byas pa med pa yin/ chos gang yang mi 'thun par byas pa med pa yin/ chos gang yang chud gzan pa med pa yin/ chos gang dang yang 'gal bar byed pa med pa yin/ dngos po gang yang nyams par byed pa med 
pa yin/ chos gang yang bor ba med pa yin/ rgyu gang yang bshig pa med pa yin/ rkyen gang yang phyi nang gi chos thams cad dang 'gal bar byas pa med pa yin/ las kyi 'bras bu yang rgyun gcod par mi byed de/ kye rgyal ba'i sras 
dag 'di ni byang chub sems dpa' sems dpa' chen po rnams kyi yongs su bsngo ba drug pa/ dge ba'i rtsa ba thams cad dang mnyam pa nyid kyi rjes su song ba zhes bya ba ste/ yongs su bsngo ba des yongs su bsngo ba'i byang chub sems dpa' sems 
dpa' chen po sangs rgyas tshad med pas byin gyis brlabs pa yin no/ /snying po thob pa yin no/ /chos nyid thob pa yin no/ /thams cad mkhyen pa la brtson pa yin no/ /don kyi chos dang ldan pa yin no/ /chos thams cad kyi rang bzhin </font><hr>36-1-92a<br><font size=+1>
gyi rjes su song ba yin no/ /dge ba'i rtsa ba dam pa thams cad kyi rjes su song ba yin no/ /smon lam chen po yongs su rdzogs par bya ba'i rjes su song ba yin no/ /rdo rje ltar mi shigs pa'i snying po'i rjes su song ba yin 
no/ /chos thams cad kyi dbang phyug la dbang sgyur ba rab tu thob pa dam pa'i rjes su song ba yin no// //sangs rgyas rmad gcad ces bya ba shin tu rgyas pa chen po'i mdo/ /bam po brgyad pa/ de nas byang chub sems dpa' sems 
dpa' chen po rdo rje'i rgyal mtshan gyis phyogs bcur bltas te/ 'khor thams cad la bltas nas chos kyi dbyings la lta ba dang / don dang yi ge dang / tshig la 'jug pa dang / sems mtha' dang dbus med par yangs pa yongs su 
bsgom pa dang / 'gro ba thams cad snying rje chen pos rgyas par bya ba dang / dus gsum gyi sangs rgyas kyi rigs kyi sems yang dag par 'brel bar bya ba dang / yon tan thams cad la 'jug pa dang / sangs rgyas thams cad kyi byin gyis 
brlabs pa'i lus su yang dag par shes par bya ba dang / sems can thams cad kyi bsam pa rab tu dbye ba dang / dge ba'i rtsa ba ji ltar bskyed pa thob pa yang dag par mthong ba dang / chos kyi lus kyi rjes su song ba'i gzugs kyi lus yongs su dag 
pa yang dag par ston pa dag byed cing sangs rgyas kyi byin gyi rlabs kyis/ de'i tshe tshigs su bcad pa 'di dag smras so/ /de dag rgyal po'i rigs dang ldan gyur cing / /'gro ba kun na rgyal po gang yod pa/ /de dag zil non rgyal po 'gro ba'i mchog /
phan pa'i don du rgyal po mthu chen 'gyur/ /de dag dang ba'i yid du rab gyur cing / /'gro ba kun la dbang sgyur rab thob ste/ /chos dang ldan par chos kyi rgyal srid skyong / /'gro ba rnams kyi bde ba rab tu bskyed/ /de dag rgyal po'i rigs rgyud </font><hr>36-1-92b<br><font size=+1>
rnam dag pas/ /chos dang ldan par chos kyi 'khor lo bskor/ /de dag 'khrug med rgyal srid skyong ba byed/ /phyogs rnams kun nas 'khor lo phyir mi ldog /de dag yon tan gzugs dang rab tu ldan/ /mkhas pa'i blo dang shes rab ye shes 
ldan/ /de dag zil non mthu la ldog pa med/ /bdud kyi dkrugs ma thams cad rab tu 'joms/ /de dag tshul khrims rnam par dag pa ste/ /bzod pa'i stobs la sdom pa'i sems kyis gnas/ /khon 'dzin khro ba rnam dag yid bstsal 
bas/ /rgyal ba rnams kyi chos 'dir rtag tu brtson/ /de dag zas dang skom dag sbyin byed cing / /bzhon dang phreng ba gos dang spos mang dang / /mal dang byug pa rgyab rten mar me dag /rnam pa mtha' yas ji snyed gtong byed cing / /phan pa'i 
sems kyis de dag sbyin byed tshe/ /de la shin tu dad pa'i sems bsgyur cing / /bsam pa dag pas dga' ba yangs bskyed de/ /'jig rten bla ma dag la sbyin pa byed/ /de dag dngos po thams cad gtong byed cing / /phyi dang nang dang gang rnams 
ji snyed pa/ /kun kyang dang ba'i yid kyis rab tu gtong / /yid la zhum par byed pa gang yang med/ /mgo yang gtong zhing mig kyang rab tu gtong / /lag pa gtong zhing de bzhin rkang pa gtong / /sha dag gtong zhing de bzhin rkang yang gtong / /
thams cad lus kyang mi dga' med par gtong / /de dag dbang phyug shin tu yangs sgyur cing / /rigs dang rus ldan 'gro ba mi yi rje/ /kha nas lce yang shin tu brkyang byas shing / /slong ba rnams la mi dga' med par gtong / /de dag dbang phyug 
shin tu yangs sgyur cing / /slong ba rnams la lce sbyin byas nas kyang / /'di na 'gro ba yod pa ma lus kun/ /rgyal ba'i ljags yangs ji bzhin thob 'gyur bsngo/ /rab tu spro byas bu yang sbyin par byed/ /mi dga' med byas chung ma sbyin par </font><hr>36-1-93a<br><font size=+1>
byed/ /rab tu dga' byas rgyal srid sbyin par byed/ /bdag kyang gzhan gyi bran du sbyin par byed/ /ci 'dod gtong zhing thams cad gtong bar byed/ /mi skyor gtong zhing dus su gtong bar byed/ /ci 'dra'i dngos po bslangs 
par gyur pa rnams/ /thams cad bsam pa bzhin du rab tu gtong / /chos kyi don du bdag kyang gtong bar byed/ /byang chub don du dka' ba rab tu spyod/ /sems can don du thams cad bzod par byed/ /ye shes don du phyir ldog mi 'gyur ro/ /
rgyal ba rnams las chos rnams mnyan byas shing / /mngon par g.yog phyir 'bul bar byed pa'i tshe/ /'gro ba thams cad yongs su bskyab sems kyis/ /rgyal ba rnams la dga' ba yangs pa bskyed/ /mi yi gtso bo 'dren pa mthong nas kyang / /
byams ldan phan pa'i sems kyis rim gro byed/ /dga' bar byed pa'i yid dang ldan gyur cing / /snod du gyur te chos rnams len par byed/ /ci nas 'jig rten 'di dag bder 'gyur zhing / /ci nas thams cad bskyab par 'gyur ba dang / /ci nas 
'gro ba thams cad 'grol 'gyur bar/ /de dag 'gro ba kun la yongs su bsngo/ /gzugs mdzes bzhin sdug ngag snyan ldan pa dag /me tog sdug btags spos zhim bskus pa rnams/ /phreng ba lhab lhub rgyan dang ldan pa yi/ /'khor dang ldan 
par de dag rab gyur cing / /mkhas shing shes pa'i g.yog 'khor de dag kyang / /phan par sems pa'i yid kyis gtong ba'i tshe/ /bltos shing re ba'i sems kyang mi 'byung bar/ /sems can phan phyir byang chub rab tu tshol/ /dge ba de la 
rjes su sems byed cing / /sna tshogs yangs shing rgya che snrel zhi la/ /'gro ba kun la brtan pa yongs su bsngo/ /las la gnas su byed pa gang yang med/ /de dag rgyal srid yangs pa sbyin par byed/ /yul dang mir bcas grong khyer dam </font><hr>36-1-93b<br><font size=+1>
pa dang / /rgyal po'i pho brang gnas su gyur pa dang / /khyim dang bza' shing ra ba sbyin par byed/ /bskal pa brgyar yang sus kyang ma byin pa'i/ /sbyin pa 'jig rten mi yi gtso la 'bul/ /'jig rten rnams kyi pha rol phyin byas shing / /
'gro ba kun la pha rol ston par byed/ /de dag phyogs bcu'i slong ba mang po dag /rnam pa sna tshogs mthong bar gyur nas kyang / /slong ba thams cad shin tu mgur byas shing / /shin tu dga' 'gyur de bzhin spro bar byed/ /dus gsum 
rgyal ba kun gyis cir bsngos pa/ /skyes bu 'dul ba de dag spyod yul la/ /rab tu bslabs te pha rol phyin byas shing / /de dag las de yongs su bsngo bar byed/ /chos rnams 'di la kye ma su zhig zhugs/ /gang la zhugs gyur ji ltar 
zhugs gyur ces/ /de dag chos dngos 'di la rnam lta yang / /sbyin pa'i sems la rnam par thogs pa med/ /chos rnams gang la chos kyis chags med par/ /ye shes tshul shes de dag yongs su bsngo/ /chos kyi tshul la de dag yongs su bsngo/ /don gyi tshul shes de dag 
yongs su bsngo/ /don gyi tshul shes de dag yongs su bsngo/ /las la nam yang rnam par rtog pa med/ /rnam par smin la 'ang gnas par mi byed de/ /byang chub rten par rab tu des shes kyang / /chos nyid dbyings las 'gal bar mi byed 
do/ /lus la chags par de dag mi byed do/ /sems la 'ang de dag gnas par mi byed do/ /las kyis de dag blo 'jug mi byed do/ /las kyi ye shes rten la 'ang 'jug mi byed/ /'das pa'i chos la rtog par mi byed de/ /ma 'ongs chos la
'ang blo ni gtong mi byed/ /da ltar yod la 'ang gnas par mi byed de/ /dus gsum kun las rnam par dben par skyes/ /de dag gzugs kyi pha rol phyin gyur cing / /tshor ba 'du shes 'du byed yid rnams dang / /'jig rten kun gyi pha </font><hr>36-1-94a<br><font size=+1>
rol phyin gyur te/ /dag pa de dag dma' ba'i yid mi 'gyur/ /phung po rnams dang khams la yongs btsal cing / /skye mched de bzhin lus kyi rnam pa dang / /sems kyi rnam pa ma lus rnam gzhigs kyang / /byang chub 
dngos su gang yang mi rnyed do/ /rtag la nam yang chags par mi byed do/ /chad pa la yang de dag sems mi 'jug /chos nyid yod dang med pa ma yin te/ /gcig nas gcig brgyud las kyang ma lus shes/ /sems kyi rgyu yis byang chub thob mi 
byed/ /chos nyid la 'ang de dag mi gnas te/ /zhing la'ang de dag gnas pa ma yin no/ /dus gsum chos rnams kun kyang yod ma yin/ /de ltar spyod pa chos 'di kun rtog cing / /ji ltar rgyal ba kun gyis brtag mdzad pa/ /de ltar des btsal 
nam yang rnyed pa med/ /spyod pa rnams la mi shes rmongs pa med/ /bya ba'i lam dang 'gal bar mi byed cing / /las kyi lam rnams yongs su rjod byed pas/ /sems can lam rnams yongs su spyod byed cing / /rgyur bcas rkyen dang 
bcas par de la rtog /ye shes mkhas pas gang rnams rjod mdzad pa'i/ /mkhas pa'i lam la de dag spyod byed cing / /chos kyi tshul la rjes su sems byed pas/ /byang chub tshul ni mi yi gtso bos rtogs/ /chos rnams skye med 'jig pa 
med pa ste/ /'gro ba kun tu gang yang 'pho ba med/ /chos rnams skye dang 'chi 'pho med par yang / /rgyal ba'i chos kyi tshul rnams rab tu rtogs/ /chos rnams gang gi rang bzhin rnam shes pa/ /de ni rang bzhin dngos yod mi rtog ste/ /dngos 
med rtog med de dag rab tu shes/ /bde gshegs ye shes de dag rnam par mthong / /'gro ba kun dang chos nyid thams cad dang / /sems can rnam pa zhing gi rnam pa dang / /chos kyi rnam pa dus rnams ma lus pa'i/ /chos rnams mkhas pas </font><hr>36-1-94b<br><font size=+1>
gang yang brjod pa med/ /chos rnams ma lus gzung bar bya ba med/ /ji snyed sems can rgyal bas sangs rgyas pa/ /de yi chos la'ang chos kyi dngos med de/ /de yang dus dang chos su brjod pa yin/ /chos nyid kun tu 'gro ba ci 'dra ba/ /
de bzhin de dag yongs su bsngo ba byed/ /des kyang 'gro ba kun nas bsgyur byas te/ /de la kun tu dpa' bo yongs su bsngo/ /dge ba'i rtsa ba thams cad dang mnyam pa nyid kyi rjes su song ba zhes bya ba ste/ /yongs su bsngo ba drug pa'o/ /
kye rgyal ba'i sras dag /byang chub sems dpa' sems dpa' chen po rnams kyi yongs su bsngo ba/ 'gro ba thams cad mnyam pa nyid kyi rjes su song ba zhes bya ba bdun pa gang zhe na/ kye rgyal ba'i sras dag 'di la byang chub sems dpa' 
sems dpa' chen po thams cad gtong ba'i dmigs pa la brtson pa/ tshul khrims rnam par dag pa la rab tu brten pa/ lhag pa'i bsam pas byang chub sems dpa'i yi dam phyir mi ldog pa'i brtson 'grus dang ldan pa/ 
thams cad gtong ba'i bzod pa dang ldan zhing rna la gzon pa'i ngang tshul can/ bsam gtan 'byam klas pa rnam pa tha dad pa la mkhas pa'i rjes su zhugs pa/ shes rab kyi tshul dang sa rnam par dpyod pa la mkhas pa/ 'gro ba 
thams cad kyi sems kyis rnam par phye ba'i dge ba'i rtsa ba dang ldan pa/ yon tan mtha' yas pa yang dag par bsdus pa'i dge ba'i rtsa ba dang ldan pa/ byang chub sems dpa'i las la rab tu brtson par yid la byed pa dang ldan pa/ 
'gro ba thams cad kyi dge ba'i rtsa ba thams cad kyi phyogs mngon par skyob pa dge ba'i rtsa ba chung ngu nye bar stsogs kyang rung / dge ba'i rtsa ba chen po nye bar stsogs kyang rung / dge ba'i rtsa ba yangs pa nye bar stsogs kyang rung / dge ba'i </font><hr>36-1-95a<br><font size=+1>
rtsa ba rgya chen po nye bar stsogs kyang rung / dge ba'i rtsa ba tshad med pa nye bar stsogs kyang rung / dge ba'i rtsa ba sna tshogs mang po rdul tsam yan cad nye bar stsogs kyang rung / dge ba'i rtsa ba gzhal du med pa nye bar 
stsogs kyang rung / dge ba'i rtsa ba bsam gyis mi khyab pa nye bar stsogs kyang rung / dge ba'i rtsa ba grangs med pa nye bar stsogs kyang rung / dge ba'i rtsa ba mu med pa nye bar stsogs kyang rung / sangs rgyas la dmigs pa'i dge ba'i rtsa ba nye bar 
stsogs kyang rung / chos la dmigs pa'i dge ba'i rtsa ba nye bar stsogs kyang rung / tshul de bzhin du dge 'dun la dmigs pa dang / dge ba'i bshes gnyen la dmigs pa dang / sems can thams cad la dmigs pa dang / thabs 
mkhas pa la dmigs pa dang / legs pa'i dge ba'i rtsa ba'i sems sgom pa la dmigs pa dang / nang la dmigs pa dang / phyi rol la dmigs pa dang / dge ba'i rtsa ba rnam pa tha dad pa mtha' yas pa'i tshogs la dmigs pa'i dge 
ba'i rtsa ba nye bar stsogs kyang rung ste/ dge ba'i rtsa ba de dag la yongs su spyod pa dang / nye bar gnas pa dang / 'jug pa dang / yang dag par bsgrub pa dang / nye bar stsogs pa dang / tshogs su bya ba dang / mos par bya ba dang / rnam par 
sbyong ba dang / rnam par ston pa dang / rgya cher byed pa'i tshe bzod pa rab tu thob pa'i sems dang ldan pa/ sems can dmyal ba'i sgo shin tu bcad pa dang / dbang po rgyu ba shin tu bsdams pa/ bya ba'i tshul la rab tu zhugs pa/ phyin 
ci log med par 'gro ba/ sangs rgyas kyi chos thams cad kyi snod du gyur pa/ 'gro ba thams cad kyi bsod nams kyi zhing du byung ba/ sangs rgyas thams cad kyi byin gyis brlabs pa/ de bzhin gshegs pa'i dge ba'i rtsa ba thams cad </font><hr>36-1-95b<br><font size=+1>
kyis shin tu gsos pa/ dge ba'i rtsa ba thams cad las byung ba/ sangs rgyas thams cad kyi smon lam gyi rjes su song ba sangs rgyas kyi chos thams cad yongs su spyod pa'i sems dang ldan pa/ de bzhin gshegs pa thams cad kyi phrin las kyi rjes su 'brang 
ba/ rang gi sems kyi go skabs rnyed pa/ 'das pa dang / ma byon pa dang da ltar byung ba'i sangs rgyas dang 'dra ba/ sangs rgyas kyi 'khor thams cad du yang dag par 'byung ba/ sangs rgyas thams cad kyi phyag gi stobs kyis phyung ba/ sangs rgyas 
thams cad kyi yon tan gyis yang dag par 'phags pa/ mtho ris la chags pa med pa/ skyid pa la yongs su 'dzin pa med pa/ mngon par 'du byed pa la chags pa med pa/ dge ba'i rtsa ba'i dngos po thams cad yongs su bsngo bar byed pa/ 
'gro ba thams cad kyi bsod nams kyi gter du gyur pa/ thams cad dang ldan pa'i nan tan la rab tu zhugs pa/ 'gro ba thams cad dgab pa'i gdugs su gyur pa/ 'gro ba thams cad rab tu rten pa'i lam gyis mngon par 'don pa/ sems 
can thams cad kyi dge ba'i rtsa ba brtan par byed pa/ yul thams cad du yongs su bsngo ba/ thams cad mkhyen pa'i byang chub kyi sgo rgyun mi 'chad par byed pa/ ye shes kyi rgyal mtshan yang dag par gzugs par byed pa/ lam chen 
po rnam par spyod pa la brtson pa/ 'gro ba thams cad kyis blta na don yod pa la zhugs pa/ 'jig rten thams cad kyi dri ma sbyong ba/ rab tu sbyin pa'i sems dang ldan pa/ de bzhin gshegs pa'i rigs su rigs dang ldan par byung ba/ 
sangs rgyas kyi rigs rnam par dag par rab tu skyes pa/ yon tan gyi dkyil 'khor chen pos sbyin pa'i gnas su gyur pa/ 'jig rten thams cad kyi rten du gyur pa/ 'gro ba thams cad kyi gnas su gyur pa/ sems can thams cad rnam par dag </font><hr>36-1-96a<br><font size=+1>
pa la yang dag par gzhog pa/ dge ba yongs su bsdu ba la yang dag par brtson pa/ byang chub tu sems bskyed pa'i byin gyi rlab dang lhag pa'i bsam pa rdul med pas yongs su bzung ba de/ dge ba'i rtsa ba de dag 
spyod pa'i tshe/ /sems 'di ltar bskyed de dge ba'i rtsa ba byang chub tu sems bskyed pas yang dag par bzung ba dang / byang chub tu sems bskyed pas bsam pa dang / byang chub tu sems bskyed pas bstan pa dang / byang chub tu sems bskyed pa'i 
bsam pa las byung ba dang / byang chub tu sems bskyed pas phan pa la zhugs pa dang / 'gro ba thams cad ma lus pa la snying brtse bar byed pa dang / thams cad mkhyen pa'i spyod yul du yang dag par bsgrubs pa dang / stobs bcu la dmigs par brtson pa 
dang /stobs bcu'i dbyings su yang dag par bsgrubs pa dang / dge ba'i rtsa ba'i dbyings su mngon par bsgrubs pa dang / dge ba'i rtsa ba de ltar yang dag par bsgrubs pa/ de dag las rnam par smyin par gang byung ba de phyi ma'i mtha'i bskal 
pa'i mur thug par byang chub sems dpa'i spyad pa spyod pa'i tshe/ 'gro ba thams cad la yongs su gtang bar bya ba yongs su gtang ba'i phyir sems can thams cad la yongs su bsngo ste/ sems can gyi khams thams cad las sems can gcig kyang 
ma chud pa med par byas te/ sems can gcig la ji lta ba de bzhin du sems can thams cad ma lus pa la yang yongs su bsngo bar byed de/ 'di ltar yongs su bsngo'o/ /'jig rten gyi khams grangs med pa rin po ches yongs su rgyas pa dang / 
rin po che thams cad kyis chal par gang ba dang / 'jig rten gyi khams grangs med pa gos kyis rnam par dag cing gos kyis yongs su gang ba dang / 'jig rten gyi khams grangs med pa/ spos thams cad kyis yid du 'ong zhing dri zhim pos yongs su rgyas pa dang /</font><hr>36-1-96b<br><font size=+1>
'jig rten gyi khams grangs med pa rgyan thams cad kyis rnam par mdzes shing lhab lhub kyis yongs su rgyas pa dang / 'jig rten gyi khams grangs med pa nor bu rin po che mtha' yas pa khyad par du 'phags shing nor bu rin po ches yongs su 
rgyas pa dang / 'jig rten gyi khams grangs med pa me tog sna tshogs kyi kha dog du ma dang ldan par gyur cing / me tog thams cad kyis yongs su rgyas pa dang / 'jig rten gyi khams grangs med pa kha zas zhim po sna tshogs rnam pa tha dad pa dang ldan 
zhing kha zas zhim po phun sum tshogs pa dang / 'jig rten gyi khams grangs med pa gser dang dngul dang nor gyi dbyig gis dag cing nor gyi dbyig gis yongs su rgyas pa dang / 'jig rten gyi khams grangs med pa rin po che'i ba dan sna tshogs kyis 
brgyan cing lha rdzas kyi gos thams cad kyis kun nas yog ste/ grags pas yongs su rgyas pa dang / 'jig rten gyi khams grangs med pa rin po che sna tshogs kyi cod pan gyis rnam pa sna tshogs kyis yongs su brgyan cing rin po che'i cod pan gyis 
yongs su rgyas pa dag slong ba re re la phyi ma'i mtha'i bskal pa'i mur thug par/ sbyin pas ngoms par ma gyur cig /rgyun gcod par ma gyur cig /slong ba gcig la ji lta ba de bzhin du slong ba thams cad ma lus pa la yongs su gtong zhing 
slong ba re re la yang phyi ma'i mtha'i bskal pa'i mur thug par shin tu tshim par byed kyang yongs su skyo bar ma gyur cig /phyir ldog par ma gyur cig /de yang 'di ltar sgyu med pa'i sems dang / 'dod cing sred pa med pa'i sems dang / 
grags pa 'dod pa med pa'i sems dang / 'gyod pa med pa'i sems dang / mya ngan med pa'i sems dang / thams cad mkhyen pa'i lam la the tsom med pa'i sems dang / gtong bshin tu gtong ba'i sems dang snying brtse ba'i sems dang </font><hr>36-1-97a<br><font size=+1>
yongs su smin par bya ba'i sems dang / thams cad mkhyen pa'i ye shes la rab tu dgod pa'i sems kyis yongs su gtong bar gyur cig ces/ de ltar byang chub sems dpa' sems dpa' chen po dge ba'i rtsa ba de dag ma 'ongs 
pa'i bskal pa'i mthar gtong ba dang / 'dod pa'i sbyin pa gtang ba'i phyir yongs su bsngo'o/ /gzhan yang byang chub sems dpa' sems dpa' chen po dge ba'i rtsa ba de dag sems can gyi khams las sems can gcig kyang ma chud pa med par byas shing 
sems can thams cad la 'di ltar yongs su bsngo ste/ 'jig rten gyi khams grangs med pa glang po cang shes yan lag bdun shin tu gnas pa/ gser gyi rgyal mtshan dang / gser gyi rgyan dang / gser gyi dra bas g.yogs pa dang / rin po che'i rgyan 
thams cad kyis rab tu brgyan pas yongs su gang ba'i sbyin pa byed par gyur cig /'jig rten gyi khams grangs med pa/ rta'i rgyal po sprin ces bya ba dang 'dra ba rta'i rgyan thams cad kyis brgyan pa/ rin po che'i rgyan sdug gu 
sna tshogs dang / yan lag gi rgyan sna tshogs kyis brgyan pas yongs su gang ba'i sbyin pa byed par gyur cig /'jig rten gyi khams grangs med pa bud med dang rol mo brdung ba dang / dkrol ba yid du 'ong ba'i sgra 
dbyangs dang ldan pa dang bcas pas yongs su gang ba'i sbyin pa byed par gyur cig /'jig rten gyi khams grangs med pa bu dang bu mos gang ba byang chub kyi sems la gnas shing phyi ma'i mtha'i bskal pa'i mur thug par slong ba re re la yang 
yongs su gtong bar gyur cig /'jig rten gyi khams grangs med pa rang gi lus kyis yongs su bkang ste byang chub kyi sems kyi stobs shin tu bdo ba'i yid kyis yongs su gtong bar gyur cig /'jig rten gyi khams grangs med pa rang gi </font><hr>36-1-97b<br><font size=+1>
mgos yongs su bskang ste/ bag yod pa'i sems kyis yongs su gtong bar gyur cig /'jig rten gyi khams grangs med par rang gi lus las byung ba'i mig gis yongs su bkang ste/ mig gi sbyin pa byed par gyur cig /'jig rten gyi 
khams grangs med pa sha dang rkang gis yongs su bkang ste/ sdug bsngal gyis nyams pa med pa'i yid kyi dbang pos yongs su gtong bar gyur cig /'jig rten gyi khams grangs med pa bdag dbang ba'i rgyal po'i srid dang skyid pas yongs su bkang ste/ 
srid kyi sbyin pa byed par gyur cig /'jig rten gyi khams grangs med par bran dang las byed pa'i mis yongs su bkang ste/ btang ba thams cad yongs su gtong ba dang ma 'dres par gtang ba chen po'i sems la gnas pas slong ba re re la yang yongs 
su gtong bar gyur cig /de bzhin du sems can gyi khams thams cad ma lus par yongs su bzung ste/ sems can gyi khams thams cad la gcig kyang ma chud pa med par slong ba gcig la ji ltar slong ba thams cad la'ang de bzhin du sems 
can re re zhing yang phyi ma'i mtha'i bskal pa'i mur thug par tshim par byed par gyur cig /'jig rten gyi khams gcig tu phyi ma'i mtha'i bskal pa'i mur thug par byang chub sems dpa'i spyad pa spyod cing / 'jig rten gyi khams gcig tu ji lta ba 
de bzhin du 'jig rten gyi khams chos kyi dbyings kyis klas pa/ nam mkha'i dbyings kyi mthas gtugs pa thams cad du yang snying rje chen po yangs pas yongs su rgyas pa'i sems dang sems can thams cad la snying brtse bas sems can 
thams cad la rim gro byed pa'i tshe/ de'i rgyus bdag gi sems sbyin pa las phyir ldog par ma gyur cig gtong ba'i sems kyis se gol gtogs pa tsam yang skyo bar ma gyur cig /de yang 'di ltar chags pa med pa'i sems dang </font><hr>36-1-98a<br><font size=+1>
shin tu gtong ba'i sems dang / bdag nyid yangs pa'i sems dang / zab pa'i sems dang / legs par yongs su sdud pa'i sems dang / mngon par ma zhen pa'i sems dang / chos la srog med pa'i sems 
dang / yid shin tu thul ba'i sems dang / ma 'khrugs pa'i sems dang / g.yeng ba med pa'i sems dang / rin po che'i rigs sna tshogs thob pa'i sems dang / las kyi rnam par smin pa thams cad la re ba med pa'i sems dang / chos thams 
cad ma lus pa mngon par 'tshang rgya bar bya ba'i sems dang / bsngo ba chen po'i rjes su 'brang ba'i sems dang / don gyi chos shin tu rtogs pa'i sems dang / ye shes chen po'i sa rab tu thob pa'i sems dang / sems can thams cad thams cad mkhyen 
pa'i ye shes la dgod pa'i sems dang / chos kyi snang ba chen po yang dag par bskyed pa'i sems dang / thams cad mkhyen pa'i ye shes la 'jug pa yang dag par bsgrubs pa'i sems kyis sbyin par gyur cig ces/ de ltar byang chub sems dpa' 
sems dpa' chen po sems kyi skad cig re re la nye bar bstsags pa'i dge ba'i rtsa ba de dag yongs su bsngo ste/ sems can de dag longs spyod kyis phongs pa med pa yongs su rdzogs par bya ba'i phyir yongs su bsngo'o/ /de dag gis bsod 
nams mi zad pa yang dag par bsdu ba'i phyir yongs su bsngo'o/ /de dag gis bde bar gtogs pa'i bde ba thams cad rab tu thob par bya ba'i phyir yongs su bsngo'o/ /de dag gis byang chub sems dpa' sems dpa' chen po'i las kyi tshogs kyi phyir 
yongs su bsngo'o/ /de dag gis chos thams cad kyi phung po yongs su rdzogs par bya ba'i phyir yongs su bsngo'o/ /de dag theg pa thams cad las phyir mi ldog par bya ba'i phyir yongs su bsngo'o/ /de dag gis sangs rgyas thams cad mthong zhing </font><hr>36-1-98b<br><font size=+1>
mchod pa yongs su rdzogs par bya ba'i phyir yongs su bsngo'o/ /de dag sems can gyi khams thams cad du nyams pa med pa'i phyir yongs su bsngo'o/ /de dag sems can thams cad la sems mnyam pas rnam par dag par 'gyur ba'i phyir yongs su bsngo'o/ /de dag 
sems can thams cad kyi mi khom pa rnam par spong zhing thams cad mkhyen pa'i ye shes la rab tu dgod par bya ba'i phyir yongs su bsngo'o/ /de ltar yongs su bsngo ba'i tshe/ yid bde zhing sems rab tu dga' bas yongs su bsngo ste/ 'di ltar 
sems can thams cad la phan pa dang / bde ba'i phyir yongs su bsngo'o/ /sems can thams cad la mnyam pa'i sems la gnas te yongs su bsngo'o/ /sems can thams cad la gtong ba'i sems las su rung ba la gnas te yongs su 
bsngo'o/ /sems can thams cad la gtong bas yang dag par bsdu ba'i sems la gnas te yongs su bsngo'o/ /sems can thams cad mngon par mgu bar gtang ba'i sems la gnas te yongs su bsngo'o/ /sems can thams cad kyi dbul 
ba bzlog pa'i phyir gtong ba'i sems la gnas te yongs su bsngo'o/ /sems can thams cad nor thams cad kyis bsdu ba'i sems la gnas te yongs su bsngo'o/ /sems can thams cad la nor grangs med par gtang ba'i sems la 
gnas te yongs su bsngo'o/ /sems can thams cad la gtong ba mtha' yas pa thams cad yongs su gtong ba'i sems la gnas te yongs su bsngo'o/ /sems can thams cad la phyi ma'i mtha'i bskal pa'i mur thug par rgyun chad pa med 
par gtong ba'i sems la rgyun chad pa med par gnas te yongs su bsngo'o/ /sems can thams cad la nor thams cad 'gyod pa med par sbyin pa dang / mdzod thams cad skyo ba med par gtong ba'i sems la gnas te yongs su bsngo'o/ /sems can thams </font><hr>36-1-99a<br><font size=+1>
cad la dngos po thams cad sbyin zhing gtong ba'i sems la gnas te yongs su bsngo'o/ /sems can thams cad kyi rjes su 'gro ba'i gtong ba'i sems la gnas te yongs su bsngo'o/ /sems can thams cad la phan gdags 
pa'i phyir gtong ba'i sems la gnas te/ yongs su bsngo'o/ /sems can thams cad la nor mang po rgya che ba/ yangs pa gtong ba'i sems la gnas te yongs su bsngo'o/ /sems can thams cad rgyan du mas rim gro bya ba'i phyir gtong ba'i 
sems la gnas te yongs su bsngo'o/ /sems can thams cad la thogs pa med par gtong ba'i sems la gnas te yongs su bsngo'o/ /sems can thams cad la tha ba med par gtong ba'i sems la gnas te yongs su bsngo'o/ /sems can thams cad la 
stobs chen po shin tu bdo ba rdo rjes gtong ba'i sems la gnas te yongs su bsngo'o/ /sems can thams cad la nyi ma ltar snyoms pa'i 'od gzer gyis gtong ba'i sems la gnas te yongs su bsngo'o/ /sems can thams cad la sangs rgyas kyi 
ye shes bsgrub pa'i phyir gtong ba'i sems la gnas te yongs su bsngo'o/ /sems can thams cad kyi theg pa chen po'i dge ba'i rtsa ba yongs su rdzogs par bya ba la gnas te yongs su bsngo'o/ /sems can thams cad la sangs rgyas kyi ye 
shes bsgrub pa'i dge ba'i rtsa ba mngon du gyur pa la gnas te yongs su bsngo'o/ /sems can thams cad dang bsam pa tha dad pa med pa yongs su rdzogs par bya ba la gnas te yongs su bsngo'o/ /sems can thams cad kyi dge ba'i rtsa ba shin 
tu rnam par dag par bya ba la gnas te yongs su bsngo'o/ /sems can thams cad kyi the tsom thams cad bstsal zhing dgag pa la gnas te yongs su bsngo'o/ /sems can thams cad ye shes dang / yon tan mnyam pas rnam par dag par 'gyur </font><hr>36-1-99b<br><font size=+1>
bar bya ba la gnas te yongs su bsngo'o/ /sems can thams cad kyi bsod nams thams cad yongs su rdzogs par bya ba la mi 'phrogs pa la gnas te yongs su bsngo'o/ /sems can thams cad kyi mi g.yo ba'i ting nge 'dzin rnam par dag pa 
yongs su rdzogs par bya ba la gnas te yongs su bsngo'o/ /sems can thams cad thams cad mkhyen pa'i ye shes tha dad pa med pa la yongs su bsngo bar bya ba la gnas te yongs su bsngo'o/ /sems can thams cad kyi byang chub sems dpa'i 
spyod pa dang / rnam par 'phrul pa mtha' yas pa yongs su rdzogs par bya ba la gnas te yongs su bsngo'o/ /sems can thams cad kyi dge ba'i rtsa ba gnas med pa/ yang dag par bsgrub pa la gnas te yongs su bsngo'o/ /sems can thams cad kyi 
'das pa dang ma byon pa dang / da ltar byung ba'i sangs rgyas thams cad rjes su dran pa rnam par dag par bya ba la gnas te yongs su bsngo'o/ /sems can thams cad dge ba'i rtsa ba dam pa mngon par skyes bas rnam par dag par bya ba la gnas te yongs 
su bsngo'o/ /sems can thams cad kyi bdud kyi las dang sgrib pa dang / bar du gcod pa'i chos thams cad bstsal cing dgag pa la gnas te yongs su bsngo'o/ /sems can thams cad kyi yon tan gyi spyod pa mtha' yas pa mngon par skyes 
pa mnyam zhing rnam par dag pa yongs su rdzogs par bya ba la gnas te yongs su bsngo'o/ /sems can thams cad sangs rgyas thams cad kyi thugs rlabs chen po yid la bya ba dang mi 'bral bar bya ba la gnas te yongs su bsngo'o/ /sems 
can thams cad sangs rgyas thams cad mnyes par bya ba la brtson pa'i sems dang mi 'bral bar bya ba la gnas te yongs su bsngo'o/ /sems can thams cad kyis go skabs rnyed cing dge ba'i rtsa ba skyon med pa dang / chos dkar po thams </font><hr>36-1-100a<br><font size=+1>
cad kyi mnyam pa nyid rnam par dag pa yongs su rdzogs par bya ba la gnas te yongs su bsngo'o/ /sems can thams cad kyi shin tu rgya che zhing mtha' yas pa'i sems dang / bsam pa rlabs po che mnyam pa nyid kyi rnam 
par dag pa la gnas te yongs su bsngo'o/ /sems can thams cad kyi gtong ba'i sems rnam par dag cing mnyam pa nyid du bya ba la gnas te yongs su bsngo'o/ /sems can thams cad sangs rgyas thams cad kyi tshul khrims dang nan tan mnyam pa nyid 
kyis rnam par dag par bya ba la gnas te yongs su bsngo'o/ /sems can thams cad brtson 'grus chen po'i phung po brtson 'grus thams cad kyis mnyam pa nyid du gyur pa'i rgyud 'tshob par bya ba la gnas te yongs su bsngo'o/ /sems can 
thams cad bzod pa'i pha rol tu phyin pa chen po rab tu thob par bya ba la gnas te yongs su bsngo'o/ /sems can thams cad bsam gtan mtha' yas pas rnam par phye ba'i ye shes dang mngon par shes pa dang ldan par bya ba la gnas te yongs su 
bsngo'o/ /sems can thams cad kyis chos kyi sku shes rab kyi pha rol tu phyin pa yongs su rdzogs par bya ba la gnas te yongs su bsngo'o/ /sems can thams cad kyi chos kyi dbyings mtha' yas pa rnam par dag cing mnyam pa nyid du yongs 
su rdzogs par bya ba la gnas te yongs su bsngo'o/ /sems can thams cad kyi mngon par shes pa thams cad kyi dge ba'i rtsa ba rnam par dag par yongs su rdzogs par bya ba la gnas te yongs su bsngo'o/ /sems can thams cad spyod 
pa 'thun pas yang dag par 'byung zhing chos yang dag par bsgrub pa mnyam pa nyid kyis yongs su rdzogs par 'gyur ba la gnas te yongs su bsngo'o/ /sems can thams cad sangs rgyas thams cad kyi yul la 'jug pa yongs su </font><hr>36-1-100b<br><font size=+1>
rdzogs par bya ba la gnas te yongs su bsngo'o/ /de ltar byang chub sems dpa' sems dpa' chen po dge ba'i rtsa ba de dag 'di ltar sems can thams cad kyi lus kyi las mnyam zhing rnam par dag par 'gyur ba dang / sems can thams cad kyi 
dag gi las mnyam zhing rnam par dag par 'gyur ba dang / sems can thams cad kyi yid kyi las mnyam zhing rnam par dag par 'gyur ba dang / sems can thams cad kyi dge ba'i las rnam par smin pa mnyam zhing rnam par dag par 'gyur ba dang / sems can 
thams cad kyi chos khong du chud pa mnyam zhing rnam par dag par 'gyur ba dang / sems can thams cad kyi don khong du chud pa rnam par dag par 'gyur ba dang / sems can thams cad kyi spyod pa khong du chud pa rnam par dag par 'gyur ba dang / 
sems can thams cad kyi byang chub sems dpa'i smon lam khong du chud pa rnam par dag par 'gyur ba dang / sems can thams cad kyi yon tan thams cad thob pa'i ye shes khong du chud pa rnam par dag par 'gyur ba dang / sems can thams 
cad kyi rgyud gcig tu gyur pa'i dge ba'i rtsa ba thams cad thams cad mkhyen pa'i theg pa la byung bar yongs su bsngo ba mnyam pa nyid kyis yongs su rdzogs par bya ba dang / sems can thams cad kyi zhing rnam par dag pa thams cad mthong ba 
dang / 'jug pa dang nyams su myod pa mnyam pa nyid yongs su rdzogs par bya ba dang / sems can thams cad kyi sangs rgyas thams cad mthong ba mnyam pa nyid yongs su rdzogs pa skyon med par bya ba dang / sems can thams cad kyi mtshan 
dang dpe byad bzang po dang / bsod nams kyi rgyan rnam pa sna tshogs thams cad mnyam pa nyid yongs su rdzogs par bya ba dang / sems can thams cad kyi yan lag drug cu dang ldan pa'i dbyangs kyi rkyen phun sum tshogs pa'i gsung yan lag </font><hr>36-1-101a<br><font size=+1>
brgya stong phrag brgyad kyis brgyan pa dang / gsung gi tshul mtha' yas pa'i yon tan dang ldan pa'i sangs rgyas kyi dbyangs yang dag par bsgrub pa/ yongs su rdzogs par bya ba dang / sems can thams cad kyi stobs bcu'i 
rgyan chags pa med pa'i sems kyis mnyam par 'grub par bya ba dang / sangs rgyas kyi chos kyi rgyan mi 'phrogs pa thams cad dang / tha dad pa yang dag par shes pa mnyam pa nyid yongs su rdzogs par bya ba dang / sems can thams cad bla na med 
pa'i mi 'jigs pas khyu mchog dang seng ge'i nga ro mnyam pa nyid sgrog par bya ba dang / sems can thams cad chos kyi 'khor lo thogs pa med cing phyir mi ldog pa rab tu bskor bas/ thams cad mkhyen pa'i ye shes thob par bya ba dang / sems can thams cad 
kyi chos thams cad mngon par bsgrub pa la 'jug pa mnyam pa nyid yongs su rdzogs par bya ba dang / sems can thams cad kyi dge ba'i rtsa ba'i las thams cad rnam par dag pas dus mnyam pa nyid yongs su rdzogs par bya ba dang / sems can 
thams cad kyi bla na med pa'i ded dpon yongs su grub cing rnam par dag pas mnyam pa nyid du bya ba dang / sems can thams cad kyi rgyan gcig dang / rgyan mtha' yas pa dang / sangs rgyas thams cad kyi rgyan mnyam pa nyid yongs su rdzogs par bya ba 
dang / sems can thams cad kyi dus thams cad mnyam pas dus gsum gyi dkyil 'khor gyi rjes su 'gro ba'i yid mnyam pa nyid yongs su rdzogs par bya ba dang / sems can thams cad sangs rgyas kyi zhing thams cad du 'dong zhing chos bstan 
pa don du gnyer ba'i skye mched mnyam pa nyid yongs su rdzogs par bya ba dang / sems can thams cad thams cad mkhyen pa la phan pa'i rim gro rtag tu byed par shes pa'i rjes su 'dong bar bya ba dang / sems can thams cad kyi chos thams cad rnam </font><hr>36-1-101b<br><font size=+1>
par mthong ba'i ye shes kyis thams cad mthong ba dang ldan pa'i mnyam pa nyid yongs su rdzogs par bya ba dang / sems can thams cad kyi mi g.yo ba'i las kyi lam thams cad kyi rnam par smin pa bsgribs pa med pa mnyam pa nyid yongs su rdzogs par 
bya ba dang / sems can thams cad dbang po thams cad la 'jug pa'i dbang po'i mngon par shes pa sna tshogs kyis 'gro ba thams cad kyi dbang po shes pa mnyam pa nyid yongs su rdzogs par bya ba dang / sems can thams cad kyi rnam par dbye ba med pa'i ye shes 
mnyam pa nyid kyis mnyam pa nyid gcig cing rnam par dag pa yongs su rdzogs par bya ba dang / sems can thams cad kyi dge ba'i rtsa ba mi mthun pa med cing mthun pa thams cad mnyam pa nyid du rnam par phye ba yongs su rdzogs par bya ba dang / sems 
can thams cad kyi byang chub sems dpa'i rdzu 'phrul dang / cho 'phrul chen po can gyi rdzu 'phrul khong du chud pa rab tu 'thob pa'i mnyam pa nyid yongs su rdzogs par bya ba dang / sems can thams cad kyi sangs rgyas kyi yon tan zad mi shes pa dang thams 
cad mkhyen pa'i bsod nams gcig du mnyam pa nyid rab tu thob par bya ba dang / sems can thams cad chos thams cad mnyam pa nyid khong du chud pa dang mi 'bral zhing byang chub tu sems bskyed pa yongs su shes par bya ba dang / sems can thams cad 
sbyin pa'i gnas [(]gyi [,]kyi[)] dam par gyur te/ dam pa'i chos mthong ba yongs su rdzogs par bya ba dang / sems can thams cad kyi mthu chen pos sbyin pa rnam par dag cing snying rje chen po mnyam pa nyid rab tu thob par bya ba dang /sems can thams cad kyi zil 
gyis ma non cing bzod par dka' ba'i gzi brjid mnyam pa nyid yongs su rdzogs par bya ba dang / sems can thams cad kyi thub par dka' zhing blta na don yod pa mnyam pa nyid yongs su rdzogs par bya ba dang / sems can thams cad kyi </font><hr>36-1-102a<br><font size=+1>
pham pa med pa'i sems dang / yid dang bsam pa mnyam pa nyid yongs su rdzogs par bya ba dang / sems can thams cad kyi chos 'byam klas pa thams cad la dogs pa med par zhugs te khong du chud par bya ba dang / 
sems can thams cad 'jig rten gyi khams thams cad du 'od dang 'od gzer gcig rab tu gtong ba mnyam pa nyid la 'jug par bya ba dang / sems can thams cad thogs pa med pa'i byang chub sems dpa' thams cad kyi brtson 'grus brtsams pa mthar 
phyin par bya ba mnyam pa nyid la nan tan byed par bya ba dang / sems can thams cad kyi spyod pa gcig pa dang / smon lam 'thun pa yongs su rdzogs par bya ba dang / sems can thams cad kyi brjod pa gcig dang / 'byung ba mnyam pa nyid yongs 
su rdzogs par bya ba dang / sems can thams cad kyi byang chub sems dpa' thams cad kyi lhag pa'i bsam pa mnyam pa nyid yongs su rdzogs par bya ba dang / sems can thams cad kyi dge ba'i bshes gnyen thams cad mthong zhing mgu bar 
bya ba mnyam pa nyid rab tu thob par bya ba dang / sems can thams cad kyi byang chub sems dpa'i spyod pa thams cad dang / sems can gdul ba rgyun mi 'chad pa mnyam pa nyid yongs su rdzogs par bya ba dang / sems can thams cad kyi thogs 
pa med par chos bstan pa dbyangs kyi yan lag thams cad du grag pa mnyam pa nyid la 'jug pa yongs su rdzogs par bya ba dang / sems can thams cad kyi sems dang shes pa thams cad sems dang shes pa gcig tu yongs su bsngo ba'i dge 
ba'i rtsa ba mnyam pa nyid yongs su rdzogs par bya ba dang / sems can thams cad kyi rnam par bral ba med pa'i dge ba'i rtsa ba thams cad yang dag par bstsags pa mnyam pa nyid la sems can thams cad rab tu dgod par bya ba dang ldan pa'i ye shes </font><hr>36-1-102b<br><font size=+1>
rnam par dag par bya ba dang / sems can thams cad kyi thams cad mkhyen pa'i bsod nams kyi lhun mnyam pa nyid rnam par dag par bya ba dang / sems can thams cad kyi rmongs pa med par sems can thams cad kyi dge ba'i rtsa ba 
bsams shing yongs su bsngo ba shin tu grub par 'gyur ba'i mnyam pa nyid yongs su rdzogs par bya ba dang / sems can thams cad kyi thams cad mkhyen pa nyid du mngon par 'tshang rgya ba mnyam pa nyid yongs su 'grub cing yongs su rdzogs par bya 
ba dang / sems can thams cad kyi 'byung ba thams cad mi mnyam pa med pa dang / mngon par shes pa dang / ye shes kyi 'byung ba thams cad mnyam pa nyid yongs su rdzogs par bya ba dang / sems can thams cad 'khor gcig rnam par 
dag pas 'khor thams cad rnam par dag par byed pa'i ye shes mnyam pa nyid kyis brgyan par bya ba dang / sems can thams cad kyi sangs rgyas kyi zhing thams cad sangs rgyas kyi zhing gcig dang / mnyam pa nyid du mthong ba dang 
ldan par bya ba dang / sems can thams cad kyi lhab lhub thams cad dang / lhab lhub brjod du med pa dang / lhab lhub mtha' yas pa dang / lhab lhub mu med pa dang / sangs rgyas kyi zhing thams cad rgyan gyis rab tu brgyan par bya ba'i lhab 
lhub mnyam pa nyid yongs su rdzogs par bya ba dang / sems can thams cad kyi chos thams cad rnam par rtogs shing mkhas pa dang / don rnam par rtogs pa mnyam pa nyid yongs su rdzogs par bya ba dang / sems can thams 
cad kyi sangs rgyas thams cad kyi rnam par 'phrul pa rnam pa'i mchog dam pa rnam pa thams cad dang ldan pa mnyam pa nyid yongs su rdzogs par bya ba dang / sems can thams cad kyi rnam pa tha dad pa med cing rnam pa tha dad pa dang bral zhing </font><hr>36-1-103a<br><font size=+1>
mngon par shes pa dang / bsod nams dang yon tan mnyam pa nyid rab tu thob par bya ba dang / sems can thams cad kyi chos mi mnyam pa med pa'i dge ba'i rtsa ba mnyam pa dang ldan pa'i sangs rgyas thams cad 
kyi dbang bskur bas dbang bskur ba gcig tu legs par dbang bskur ba mnyam pa nyid yongs su rdzogs par bya ba dang / sems can thams cad tshur zil gyis gnon cing phar zil gyis mi non pa'i sems can thams cad kyi ye shes 
dang / lus rnam par dag pa thob par bya ba'i phyir yongs su bsngo'o/ /de ltar byang chub sems dpa' sems dpa' chen po snying brtse ba dang ldan pa/ phan par dga' ba/ snying rje chen po can sems can thams cad rnam par dag 
par bya ba la yang dag par zhugs pa/ phrag dog med pa ser sna med pa/ rigs pa dang ldan pa/ rab tu dge ba che ba nyid dang ldan pa/ yangs pa la mos pa/ 'khrug pa med pa/ khro ba med pa/ rnyog pa med pa/ rab rib med pa/ khams dang 
bsam pa shin tu gsal ba'i yid dang ldan pa/ drang po drang ba g.yo med pa/ rmongs pa med pa/ mchog tu bya ba mi phyed pa/ 'da' ba med par spyod pa/ phyir mi ldog pa/ sems can thams cad la sems mnyam pa/ chos dkar po'i 
stobs kyi shugs dang ldan pa/ mdud pa med pa/ nyams pa med pa/ chos dkar po thams cad yongs su bsngo ba la mkhas pa/ sems can thams cad yongs su smin par bya ba dang / gdul ba la yang dag par brtson pa las ngan 
pa thams cad 'gags pa/ dka' thub dang brtul zhugs chen po'i dge ba'i rtsa ba sems can thams cad la yongs su bsngo ba la mkhas pa/ brtul zhugs dang / dka' thub gyis sems can thams cad kyi dge ba'i rtsa ba shin </font><hr>36-1-103b<br><font size=+1>
tu sbyong ba/ sems can thams cad kyi sdug bsngal gyi phung po rang gi lus kyis len pa/ ye shes chen po'i mig gis yang dag par lta ba'i dge ba'i rtsa ba dang ldan pa ye shes kyi 'byung gnas dge ba'i rtsa ba rab tu nyan pa/ sems can thams cad la 
dge ba'i rtsa ba yongs su bsngo ba/ sems can thams cad yon tan rnam par dag pa la rab tu dgodapa'i phyir dge ba'i rtsa ba mnyam par yongs su bsngo ba/ sems can thams cad kyi phyir dge ba'i rtsa ba yongs su bsdu ba la mkhas pa/ don gyi rjes 
su song ba'i khams kyi yon tan mngon par shes pa sems can thams cad dang mnyam du dge ba'i rtsa ba rnam par byang ba yongs su bsngo ba/ sems can thams cad kyi bsod nams kyi zhing gi rnam pa la chos dkar po'i sa bon lta bur gyur pa/ dge 
ba'i rtsa ba thams cad 'gyod pa med par yongs su bsngo ba dang ldan pa/ sems can [(]kyi [,]gyi[)] khams thams cad thams cad mkhyen pa'i skal ba yongs su bsngo bas yongs su 'dzin pa dge ba'i rtsa ba thams cad kyi skal ba dang / chos kyis char 'bebs 
pas dbyar gyi dus su gyur pa/ yongs su bsngo ba'i rigs dang ldan pa de dge ba'i rtsa ba de dag 'di ltar yongs su bsngo ste/ ci nas kyang sems can thams cad shin tu bde zhing skyid pa dang ldan par 'gyur ba dang / ci nas kyang sems can thams 
cad rnam par dag par 'gyur ba dang / ci nas kyang sems can thams cad shin tu bde bar 'gyur ba dang /ci nas kyang sems can thams cad shin tu grol bar 'gyur ba dang / ci nas kyang sems can thams cad mnyam pa nyid du 'gyur ba dang / ci 
nas kyang sems can thams cad shin tu shes pa dang ldan par 'gyur ba dang / ci nas kyang sems can thams cad chos dkar po la shin tu bkod par 'gyur ba dang / ci nas kyang sems can thams cad nyams pa med pa'i mig dang ldan par </font><hr>36-1-104a<br><font size=+1>
'gyur ba dang / ci nas kyang sems can thams cad shin tu dul ba'i yid dang ldan par 'gyur ba dang / ci nas kyang sems can thams cad stobs bcu'i 'dul ba dang ldan par 'gyur bar yongs su bsngo ste/ de ltar 
yongs su bsngo ba yang las kyi gnas su yongs su mi bsngo'o/ /rnam par smin pa'i gnas su ma yin no/ /lus kyi gnas su ma yin no/ /dngos po'i gnas su ma yin no/ /zhing gi gnas su ma yin no/ /phyogs kyi gnas su ma yin no/ /sems can 
thams cad [(]gyi [,]kyi[)] gnas su yongs su mi bsngo'o/ /sems can thams cad kyi gnas las gud du 'phags par yang yongs su mi bsngo'o/ /mngon par zhen pa thams cad las gud du 'phags par yang yongs su mi bsngo ste/ mngon par zhen pa'i chos yongs 
su shes par bya ba'i phyir yongs su bsngo'o/ /de ltar dge ba'i rtsa ba de dag sems can thams cad la yongs su bsngo zhing stobs pa 'jig rten thams cad nges par byed pa/ sangs rgyas kyi ye shes yongs su rdzogs par byed pa/ bsam pa mnyam pas sems 
las su rung bar byas pa/ shin tu dag pa/ shin tu brtags pa/ shes rab dang / ye shes dang ldan pa/ nang mnyam par gzhag pa dang ldan pa/ phyi rol gyi dmigs pa shin tu rtogs pa/ 'das pa dang / ma 'ongs pa dang / da ltar byung 
ba'i mthar phyin pa/ sangs rgyas kyi rigs shin tu gsal ba dang ldan pa de/ yongs su bsngo ba des de ltar yongs su bsngo ba'i tshe/ tshur zil gyis gnon la phas zil gyis mi gnon pa yin/ yon tan mi zad pa yin/ 'gro ba thams cad 
du byang chub sems dpa' thams cad kyi spyod pa la brtson pa yin/ zhing thams cad na bzhugs pa'i sangs rgyas kyang tshegs chung ngus mig lam du snang bar mthong ba yin/ 'jig rten gyi khams thams cad na yang byang chub sems </font><hr>36-1-104b<br><font size=+1>
dpa'i spyad pa spyod par snang ba yin te/ tshig rab tu phye ba thams cad la mkhas pa dang ldan pa'i gzungs kyang rab tu thob cing khong du chud do/ /phyi ma'i mtha'i bskal pa'i mur thug par rgyun chad pa med pa'i chos bstan pa'i dkyil 'khor gyis sems 
can thams cad dga' bar bya ba yongs su rdzogs par byed pas/ sangs rgyas kyi zhing brjod du med pa'i yang brjod du med par yongs su sbyang ba'i don du sems kyi skad cig re re la mig yor snang ba'i tshul du skye ba yin/ 'jig rten gyi khams thams 
cad du sangs rgyas kyi zhing yongs su dag pa brjod du med pa'i yang brjod du med pa sems kyi skad cig re re la yongs su rdzogs par byed kyang / sangs rgyas kyi zhing yongs su sbyang bar rnam par dpyod pa'i ye shes kyis ngoms mi shes pa yin/ sems 
can bye ba khrag khrig brgya stong brjod du med pa'i yang brjod du med pa mnyam pa nyid gang la bdag nyid gnas pa de la yongs su rdzogs par byed pa yin/ yongs su sgrub pa yin/ yongs su sbyong ba yin/ pha rol tu phyin pa thams cad la rab tu brtson 
par byed cing sems can rnams yongs su sdud pa yin/ las ji ltar rnam par dag pa'i tshul bzhin du 'ang yang dag par 'byung ba yin/ thogs pa med pa'i rna ba mngon par bsgrub pa yang rab tu 'thob pa yin/ sangs rgyas kyi zhing brjod du med pa'i 
yang brjod du med par chos kyi 'khor lo bskor te/ chos mtha' yas pa bstan cing / brjod pa thos nas de dag thams cad 'dzin pa yin te/ chos bstan pa de la ring ba'i 'du shes nye bar mi gzhog go /sems skad cig gis byung ba/ dngos po 
med pa la rab tu gnas pa rten pa med cing / mngon par 'du bya ba med pa dang / gnas pa med pa'i byang chub sems dpa'i rdzu 'phrul la gnas shing / sangs rgyas kyi zhing brjod du med par 'gro ba dang / sangs rgyas kyi zhing mang po rnam par phye ba thams </font><hr>36-1-105a<br><font size=+1>
cad du 'gro bar bya ba la se gol gtogs pa tsam yang dus gang du 'ang thogs pa med pa yin/ byang chub sems dpa'i spyad pa spyod pa'i tshe/ yang skal ba mnyam pa'i byang chub sems dpa' mthong ba dang ldan pa yin te/ 
yon tan 'di dag dang / gzhan dag kyang rnam par dag cing mtha' dang dbus med pa'i dkyil 'khor byang chub sems dpa'i spyod pa dang 'thun pa brjod du med pa'i yang brjod du med pa dang zad mi shes pa'i yon tan dang legs pa 'thob par 'gyur na bla na med 
pa yang dag par rdzogs pa'i byang chub tu mngon par 'tshang rgya ba'i tshe/ 'di lta ste/ zhing thams cad rnam par dag pa mnyam pa nyid dang / sems can thams cad rnam par dag pa mnyam pa nyid dang / lus thams cad rnam par dag pa mnyam pa nyid dang / 
dbang po thams cad rnam par dag pa mnyam pa nyid dang / las kyi rnam par smin pa thams cad rnam par dag pa mnyam pa nyid dang / 'khor gyi dkyil 'khor thams cad rnam par dag pa mnyam pa nyid dang / spyod pa yongs su rdzogs par bya ba 
thams cad rnam par dag pa mnyam pa nyid dang / chos thams cad kyi tshul la 'jug pa rnam par dag pa mnyam pa nyid dang / de bzhin gshegs pa thams cad kyi smon lam yongs su rdzogs par bya ba rnam par dag pa mnyam pa nyid dang / 
sangs rgyas thams cad kyi yul gyi rnam par 'phrul pa yang dag par bstan pa rnam par dag pa mnyam pa nyid 'thob pa lta ci smos// //sangs rgyas rmad gcad ces bya ba shin tu rgyas pa chen po'i mdo/ /bam po dgu pa/
de ltar byang chub sems dpa' sems dpa' chen po yongs su bsngo ba 'dis yongs su bsngo ba'i tshe/ yon tan gyi rgyud kyis tshul rnam par dag par bya ba dang / yon tan thams cad rab tu brgyan par bya ba yongs su rdzogs par rab tu </font><hr>36-1-105b<br><font size=+1>
'thob ste/ de de ltar yongs su bsngo ba 'dis yongs su bsngo ba'i tshe/ sems can rnams zhing dang 'gal bar mi byed do/ /zhing rnams sems can dang 'gal bar mi byed do/ /zhing rnams sems can gyi las dang 'gal bar mi byed do/ /
sems can gyi las rnams zhing dang 'gal bar mi byed do/ /bsam pa sems dang 'gal bar mi byed do/ /sems bsam pa dang 'gal bar mi byed do/ /bsam pa dang sems dmigs pa dang 'gal bar mi byed do/ /dmigs pa bsam 
pa dang sems dang 'gal bar mi byed do/ /las kyi rnam par smin pa rten pa dang 'gal bar mi byed do/ /rten pa las kyi rnam par smin pa dang 'gal bar mi byed do/ /las bya ba lam dang 'gal bar mi byed do/ /lam las bya ba dang 'gal 
bar mi byed do/ /chos nyid mtshan nyid dang 'gal bar mi byed do/ /mtshan nyid chos nyid dang 'gal bar mi byed do/ /chos rnams skye ba'i rang bzhin dang 'gal bar mi byed do/ /skye ba'i rang bzhin chos rnams dang 'gal bar mi byed do/ /
zhing gi mnyam pa nyid sems can gyi mnyam pa nyid dang 'gal bar mi byed do/ /sems can gyi mnyam pa nyid zhing gi mnyam pa nyid dang 'gal bar mi byed do/ /sems can gyi mnyam pa nyid chos kyi mnyam pa nyid dang 'gal bar mi byed do/ /
chos thams cad mnyam pa nyid/ sems can thams cad mnyam pa nyid dang 'gal bar mi byed do/ /sems can thams cad mnyam pa nyid chos thams cad mnyam pa nyid dang 'gal bar mi byed do/ /'dod chags dang bral ba'i mtha' 
mnyam pa nyid sems can thams cad kyi gnas mnyam pa nyid dang 'gal bar mi byed do/ /sems can thams cad kyi gnas mnyam pa nyid 'dod chags dang bral ba'i mtha'i mnyam pa nyid dang 'gal bar mi byed do/ /'das pa ma 'ongs </font><hr>36-1-106a<br><font size=+1>
pa dang 'gal bar mi byed do/ /ma 'ongs pa 'das pa dang 'gal bar mi byed do/ /ma 'ongs pa dang 'das pa da ltar byung ba dang 'gal bar mi byed do/ /da ltar byung ba ma 'ongs pa dang 'das pa dang 'gal bar mi byed 
do/ /dus mnyam pa nyid sangs rgyas mnyam pa nyid dang 'gal bar mi byed do/ /sangs rgyas mnyam pa nyid dus mnyam pa nyid dang 'gal bar mi byed do/ /byang chub sems dpa'i spyod pa thams cad mkhyen pa nyid dang 'gal bar mi byed do/ 
thams cad mkhyen pa nyid byang chub sems dpa'i spyod pa dang 'gal bar mi byed do/ /de de ltar yongs su bsngo ba'i tshe/ las mnyam pa nyid dang ldan pa yin/ rnam par smin pa mnyam pa nyid dang ldan pa yin/ lus mnyam pa nyid dang ldan 
pa yin/ tshul mnyam pa nyid dang ldan pa yin/ smon lam mnyam pa nyid dang ldan pa yin/ sems can thams cad mnyam pa nyid dang ldan pa yin/ zhing thams cad mnyam pa nyid dang ldan pa yin/ spyod pa thams cad mnyam pa nyid dang ldan 
pa yin/ ye shes thams cad mnyam pa nyid dang ldan pa yin/ 'das pa dang / ma byon pa dang / da ltar byung ba'i sangs rgyas thams cad mnyam pa nyid dang ldan pa yin/ sangs rgyas thams cad mngon par mnyes par byed pa yin/ byang 
chub sems dpa' thams cad mngon par dga' bar byed pa yin/ dge ba'i rtsa ba thams cad mngon par 'grub par byed pa yin/ smon lam thams cad mngon par 'grub par byed pa yin/ sems can thams cad yongs su smin par bya ba mngon par 'grub par 
byed pa yin/ las thams cad rab tu rtogs pa mngon par 'grub par byed pa yin/ dge ba'i bshes gnyen mthong zhing bsnyen bkur byed pa mngon par 'grub par byed pa yin/ rnam par dag pa thams cad kyi dkyil 'khor dang ldan pa mngon </font><hr>36-1-106b<br><font size=+1>
par 'grub par byed pa yin/ chos thams cad kyi tshul la 'jug pa mngon par 'grub par byed pa yin/ chos dkar po thams cad yongs su bsngo ba rnam par dag pa'i dkyil 'khor mngon par 'grub par byed pa yin te/ kye rgyal ba'i sras 
dag 'di ni byang chub sems dpa' sems dpa' chen po rnams kyi yongs su bsngo ba 'gro ba thams cad mnyam pa nyid du rjes su song ba zhes bya ste bdun pa'o/ /yongs su bsngo ba de dang ldan pa'i byang chub sems dpa' sems dpa' chen po ni 'dod pa 
thams cad kyi tsher ma dang bral zhing phyir rgol ba rab tu bcom pa yin/ rgyud kyi tshul gcig tu gyur pas ltod pa med par shin tu byung ba yin/ yon tan gyi rgyal srid dang dbang rab tu thob pas bsod nams kyis skyob pa'i mthu chen po dang ldan 
pa yin/ zhing thams cad du 'gro ba la zhugs pas/ chags pa med par spyod pa yin/ lus thams cad dang ldan pas shin tu rnam par phye ba yin/ spyod pa dang / smon lam thams cad kyis rnam par 'phrul ba'i ye shes dang ldan pas 
spyod pa chen pos byung ba yin/ sangs rgyas kyi zhing thams cad du rna ba'i shes pa thogs pa med par zhugs pas chos thams cad yongs su shes pa dang ldan pa yin/ shes rab kyi mig shin tu dag pa'i blo rab tu thob pas/ sangs rgyas thams cad 
mthong ba dang ldan pa yin/ dge ba'i rtsa ba brtsams pa thams cad mthar phyin par bya ba la rgyun mi 'chad pa yin te/ chos 'thob par bya ba thams cad thob pas rlom sems med pa yin no/ /de nas byang chub sems dpa' sems dpa' 
chen po rdo rje'i rgyal mtshan gyis/ sangs rgyas kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so/ /de dag bsod nams rlabs chen byed pa dang / /rgya che zab mo phra dang rags byed cing / /sna </font><hr>36-1-107a<br><font size=+1>
tshogs chung ngu'i rnam pa byed kyang rung / /thams cad mtha' yas rnam par yongs su bsngo/ /de dag dngos po ji snyed gang yod pa/ /rgya che yangs pa gang dang gang yang rung / /glang po'i shing rta rta yi shing rta dang / /gos 
dang dbyig dang gser dang dngul dag gis/ /phyogs dang zhing rnams mtha' yas kun bkang zhing / /de dag mgo dang mig dang lag pa dang / /sha dang rkang dang de bzhin rkang pa dang / /rang gi lus kyis kun bkang sbyin par bsngo/ /de dag de ltar yongs su 
bsngo byas nas/ /sems can phan phyir yongs su dgrol sems kyis/ /mtha' dang dbus med bskal par spyod pa byed/ /'gro ba kun nas de dag sems mi ldog /de dag 'gro ba kun la phan pa'i phyir/ /legs par byas pa'i las kyis srid 
gsum gyi/ /'gro ba ma lus thams cad ci nas kyang / /bde bar 'gyur zhing byang chub thob par bsngo/ /de dag mnyam zhing mtshungs par yongs su bsngo/ /las rnams dag pa ji ltar yongs bsgrubs pa/ /de dag 'gro ba kun dang mnyam par bsngo/ /
de dag smon lam 'ching bar 'gyur ba med/ /'gro ba kun tu ci la 'ang thogs med par/ /thams cad rjes su smon lam de dag 'gro/ /de dag 'gro la phan phyir sngo byed kyang / /mkhas pa rnams la spros pa gang yang med/ /'gro ba kun la de dag gnyis 
'gyur cing / /sbyin pas 'phags te tshul khrims rnam dag la/ /brtson 'grus stobs kyis sems la bcings med pa/ /de dag smon lam phyir ldog med pa yin/ /de dag bsngo ba'i pha rol phyin pa dag /chos kyi rgyud la blo gros gnyis mnyam 
pa/ /de dag don des pha rol phyin pa'i phyir/ /rkang gnyis dbang po'i drung du ye shes rkang pas 'dong / /de dag chos kyi rnga yi mthar phyin pas/ /rtag tu ye shes rnam pa'i snying po 'chang / /tshul bzhin chos la chags pa med par zhugs/</font><hr>36-1-107b<br><font size=+1>
de bas de dag yid la chags pa med/ /chos la gnyis su byed pa med pa ste/ /gnyis su med par chos la mi byed do/ /gnyis med gnyis las yongs su grol bas na/ /'gro ba kun gyi tshig lam thams cad shes/ /de dag 'jig rten 
mnyam nyid khong du chud/ /sems dang sgra dang las rnams thams cad kyang / /sprul pa lta bur 'gro ba kun shes te/ /kun kyang las kyi rnam smin tshul du 'jug /'jig rten ji snyed yod pa las rnams kyi/ /byin gyis brlabs yin phyogs 
rnams sgra kun kyang / /las kyi rnam par smin pa 'jig rten 'di shes na/ /las rnams thams cad ma lus 'gag par 'gyur/ /de dag 'gro ba kun dang mnyam nyid du/ /lus dang ngag dang sems rnams mnyam nyid kyis/ /'gro ba kun dang mnyam pa 
nyid phyir bsngo/ /mnyam pa nyid kyi gzhung tshul 'di 'dra'o/ /yongs su spyod pas 'gro ba thams cad kyi/ /gzugs rnams sbyangs shing de yi las bsngo ba/ /skyes bu 'dul ba'i bsod nams ci 'dra ba/ /de 'drar 'gro kun bsod 
nams gter du bsngo/ /de dag 'gro ba thams cad zil gnon cing / /brtson 'grus lus dang ldan par gyur pa'i rnams/ /skye dgu kun la phan par bya sems kyis/ /bsod nams rgya mtsho yongs su bsngo bar byed/ /bdag gis bsod 
nams bsgrubs pa gang yod pa/ /de yis 'gro kun rtag tu rnam dag gyur/ /rgyal ba de dag ji ltar rnam dag pa/ /de ltar 'jig rten rnam dag ldan gyur cig /mkhas shing don gyi tshul la shes gyur nas/ /ye shes mkhyen ldan chos rab 
bsngags gyur cig /'gro kun sangs rgyas ji bzhin gyur cig ces/ /dge ba de dag mnyam pa nyid du bsngo/ /de dag chos rnams gsog tu 'jal byed de/ /'gro ba thams cad stong par rnam rig nas/ /byed pa med cing byed po gang yang med/ /</font><hr>36-1-108a<br><font size=+1>
'gro ba rnams kyi las kyang chud mi za/ /chos rnams zhi zhing 'jig rten ma zhi bar/ /rtog med sems kyis de ltar 'jal byed cing / /'jig rten de dag rnam par rtog shes kyang / /rnam par rtog cing yongs su bsngo 
mi byed/ /bde gshegs skur bgrang lus dang ldan pa rnams/ /rgyal ba rnams kyi chos las skyes pa'i sras/ /de dag 'jig rten 'di la the tsom med/ /rgyal sras de dag de ltar yongs su bsngo/ /'gro ba thams cad mnyam pa nyid du rjes su song 
ba zhes bya ste/ yongs su bsngo ba bdun pa'o/ /kye rgyal ba'i sras dag /byang chub sems dpa' sems dpa' chen po rnams kyi yongs su bsngo ba de bzhin nyid kyi mtshan nyid kyi rang bzhin zhes bya ba brgyad pa gang zhe na/ kye rgyal ba'i sras dag /de 
la byang chub sems dpa' sems dpa' chen po chos dkar po spyod pa la rab tu brtson pa'i sems dang ldan pa snying rje chen po shin tu gsal bar bya ba la rab tu zhugs pa/ lhag pa'i bsam pa chen po rin po che rab tu thob pa/ sangs rgyas thams cad yid la bya ba 
la brtson pa/ chos dkar po thams cad yongs su bsngo ba rgyun mi 'chad pa'i sems dang ldan pa/ byang chub sems dpa'i lam gyi bsam pas dge ba'i rtsa ba dam pa bzang po mngon par sgrub pa la mkhas pa/ /yon tan dang ye shes la rab tu 
brtson pa'i yid la byed pa can/ kha lo sgyur ba dge ba'i rtsa ba thams cad ye shes kyis yongs su bsngo ba'i tshul la mkhas pa/ dge ba'i rtsa ba thams cad la yang dag par sems pa'i mig dang ldan pa/ye shes dang mngon par shes pa shin tu rgya che ba 
dang ldan pa/ dran pa shes bzhin can brtan zhing mi g.yo ba'i sems dang ldan pa/ rmongs pa med pa dran pa nye bar gzhag pa khong nas snying brtse ba dang ldan pa/ las la thub pa med pa ye shes la dmigs pa thams cad las phyir mi ldog pa/</font><hr>36-1-108b<br><font size=+1>
theg pa chen po'i sems kyis dpa' ba/ 'gro ba thams cad bde bar bya ba'i dge ba'i rtsa ba rab tu thob pa/ dge ba'i rtsa ba skyon med pa yang dag par stsogs shing dge ba'i rtsa ba rnam pa tha dad pa mtha' yas pa nye bar sgrub pa dang / dmigs par byed pa dang / 
yongs su rdzogs par byed pa dang / yongs su dag par byed pa dang / nan tan du byed pa dang / mngon par brtson par byed pa dang / yongs su spyod cing sems pa dang / yang dag par sbyor ba dang / rab tu ston pa'i tshe dge ba'i rtsa bsgo rnam pa 
tha dad pa gzhan dang gzhan gyi mtshan nyid sna tshogs dang ldan pa/ dngos po gzhan dang gzhan las byung ba/ rnam pa sna tshogs su bkod par gyur pa yang dag par spyod pa du ma dang / brjod pa mtha' yas pa'i tshul gyis rnam par brtags pa/ dge 
ba'i rtsa ba rnam pa sna tshogs su yang dag par spyod cing / tshad med par rnam par phye ba las byung ba/ stobs bcur 'gro ba'i sems kyi byin gyis brlabs pa de dag dmigs pa rnam pa sna tshogs la rab tu brtson pa/ gnyis su med pa'i thams cad 
mkhyen pa nyid la tshul gyi rgyud gcig tu gyur pas/ 'di ltar yongs su bsngo ste/ dge ba'i rtsa ba 'dis byang chub sems dpa'i spyod pa la brtson pa rnams kyi chags pa med pa'i lus yongs su rdzogs par gyur cig /byang chub sems dpa'i spyod pa 
la gnas pa rnams kyi chags pa med pa'i ngag yongs su dag par gyur cig /theg pa chen po la gnas pa'i spyod pa thob par bya ba'i phyir chags pa med pa'i sems yongs su grub par gyur cig /byang chub sems dpa' thams cad kyi spyod pa rnam par dag 
pa'i phyir bsgribs pa med pa'i sems yongs su rdzogs par gyur cig /'gro ba mtha' dang dbus med pa thams cad rgyas par dgang ba'i phyir sbyin pa chen po mtha' yas pa'i sems bskyed pa rab tu thob par gyur cig /zil gyis mi non pa'i sems </font><hr>36-1-109a<br><font size=+1>
rab tu thob pa'i phyir/ /chos la dbang sgyur ba'i sems kyis chos kyi snang ba thams cad ston par gyur cig /byang chub tu sems bskyed pa'i snang ba rab tu thob pa'i phyir/ ye shes kyi 'byung gnas dang / mngon 
par shes pa thams cad rnam par dag par gyur cig /sangs rgyas rjes su dran pa rab tu thob pa'i phyir 'das pa dang / ma byon pa dang / da ltar byung ba'i sangs rgyas thams cad rjes su dran pa rnam par dag par gyur cig /ltod pa med par yongs 
su 'byung ba'i phyir/ kho na med par gnas pa'i lhag pa'i bsam pa yongs su rdzogs par gyur cig /stobs bcu'i ye shes la rab tu dgod pa'i phyir 'gro ba thams cad nye bar blangs pas khyab par bya ba rgyun chad pa med par gyur cig /gos 
pa med par 'jig rten gyi khams su gnas par bya ba'i phyir 'jig rten gyi khams thams cad du rgyu ba'i ting nge 'dzin rab tu thob par gyur cig /sems can mtha' yas pa gdul ba rgyun chad pa myed par bya ba'i phyir/ 'jig rten gyi khams thams cad 
du gnas par bya bas mi skyo bar gyur cig /byang chub sems dpa' bsam gyis mi khyab pa rab tu bsgrub pa'i phyir bsam pa'i rang bzhin mtha' dang dbus med pa mngon par bsgrub pa la mkhas par gyur cig /rnam pa tha dad pa'i phyogs su ye shes 
kyis 'jug pa yongs su rdzogs par bya ba'i phyir/ 'jig rten gyi khams thams cad la rmongs pa med pa'i ye shes dang ldan par gyur cig /ye shes dang mngon par shes pa la dbang sgyur bar bya ba'i phyir sems skad cig gi 'byung bas 'jig rten gyi khams 
rnam par dag pa thams cad yongs su rgyas par gyur cig /'jig rten thams cad mthong ba rnam par dag pa rab tu 'thob par bya ba'i phyir/ chos thams cad la 'jug pa'i rang bzhin yongs su rdzogs par gyur cig /tha dad pa med pa'i ye shes </font><hr>36-1-109b<br><font size=+1>
dam pa thob pa'i phyir/ zhing gcig zhing thams cad du rjes su rtogs pa'i ye shes dang ldan par gyur cig /sems can brjod du med pa gdul zhing byin gyis brlab pa'i phyir/ zhing thams cad byin gyis rlob pa'i byang chub sems dpa'i byin gyi rlabs 
mthong ba yongs su rdzogs par gyur cig /sangs rgyas kyi zhing thams cad tshad med par bya ba'i phyir chos kyi dbyings tshad med pa sangs rgyas kyi zhing gcig tu mngon par mos par gyur cig /sangs rgyas kyi zhing thams cad ye shes kyi mthong ba dam 
pa thob par bya ba'i phyir/ sangs rgyas kyi zhing thams cad du 'gro ba'i ye shes kyi byin gyi rlabs rab tu thob par gyur cig ces/ /de ltar byang chub sems dpa' sems dpa' chen po dge ba'i rtsa ba de dag zhing gi rnam pa'i phyir 
yongs su bsngo'o/ /'gro ba thams cad rgyas par dgang ba'i phyir yongs su bsngo'o/ /ye shes kyis rnam par spyad cing byin gyis brlab pa'i phyir yongs su bsngo'o/ /ji ltar bdag gi phyir yongs su bsngo ba/ de ltar sems can thams cad kyi phyir 
yang yongs su bsngo ste/ 'di ltar sems can dmyal ba'i ngan song dgag pa'i phyir yongs su bsngo'o/ /byol song gi skye gnas kyi ngan song med par bya ba'i phyir yongs su bsngo'o/ /gshin rje'i 'jig rten gyi ngan song rgyun gcad pa'i phyir yongs su 
bsngo'o/ /sems can thams cad kyi sgrib pa'i las rgyun gcod pa'i phyir yongs su bsngo'o/ /sems can thams cad la sems mnyam pa'i ye shes thob par bya ba'i phyir yongs su bsngo'o/ /dgra thams cad dang mdza' ba thams cad bde ba 
thams cad la gzung pa'i ye shes rnam par dag par bya ba'i phyir yongs su bsngo'o/ /sems can thams cad mngon du gyur pa'i ye shes kyi snang ba yang dag par bstan pa rnam par dag par bya ba'i phyir yongs su bsngo'o/ /sems can gyi don bsam gyis mi </font><hr>36-1-110a<br><font size=+1>
khyab pa'i ye shes rtogs pa yongs su rdzogs par bya ba'i phyir yongs su bsngo'o/ /lhag pa'i bsam pa rdul med pa'i byang chub kyi sems dang ye shes tshad med pa yongs su rdzogs par bya ba'i phyir yongs su bsngo'o/ /
sems can thams cad bde ba'i lam bstan par mnyam du yongs su bsngo ba'i phyir yongs su bsngo'o/ /yang dag pa'i sems la brtson pa'i byang chub sems dpa' sems dpa' chen po de 'di ltar yongs su bsngo ste/ sems can thams cad la 
rnam par byang ba'i sprin [(]kyi [,]gyi[)] char 'bab pa'i tshul dang / sems can thams cad la bsod nams kyi zhing du dmigs pa'i tshul dang / sems can thams cad byang chub kyi sems kyi khongs su gtogs pa'i yongs su bsngo bas bsrung ba'i byin gyi rlabs kyis 
sgrib pa thams cad dang mi 'grogs par bya ba'i phyir yongs su bsngo'o/ /bsgribs pa med pa'i dbyings la gnas par yongs su bsngo'o/ /ye shes dang mngon par shes pa chags pa med pas sems can thams cad kyis ye shes mthong ba yongs su rdzogs 
par bya ba'i phyir yongs su bsngo'o/ /sems can thams cad kyi lus kyi rjes su 'gro ba'i rnam par 'phrul pa yongs su rdzogs par bya ba'i phyir yongs su bsngo'o/ /sems can thams cad don yod pa'i dge ba'i rtsa ba rnam pa mchog thams cad dang ldan 
pa'i ye shes kyis phan 'dogs par bya ba'i phyir yongs su bsngo'o/ /'gro ba thams cad yongs su sdud pas 'gro ba thams cad rnam par dag par bya ba'i phyir yongs su bsngo'o/ /thams cad mkhyen pa nyid kyi mthar thug ste/ sems can 
thams cad kyi sems bsgribs pa med cing mi sgul ba rab tu thob par bya ba'i phyir yongs su bsngo'o/ /gang yang byang chub sems dpa' sems dpa' chen pos yul dga' dga' ltar 'dug pa mthong ba'am/ bza' shing gi ra ba dga' dga' </font><hr>36-1-110b<br><font size=+1>
ltar 'dug pa mthong ba dang / ljang pa dga' dga' ltar 'dug pa dang / me tog dga' dga' ltar 'dug pa dang / spos yid du 'ong ba dang / shing tog dga' dga' ltar 'dug pa dang / gos yid du 'ong ba dang / rin po che dga' dga' ltar 'dug 
pa dang / rgyan dga' dga' ltar 'dug pa dang / ldum ra dga' dga' ltar 'dug pa dang / grong khyer dga' dga' ltar 'dug pa dang / ljongs dga' dga' ltar 'dug pa dang / rgyal po'i gnas dga' dga' ltar 'dug pa dang / 
khams dga' dga' ltar 'dug pa dang / yul dga' dga' ltar 'dug pa dang / rgyal po'i srid dga' dga' ltar 'dug pa dang / dbang dga' dga' ltar sgyur ba dang / phyogs dga' dga' ltar 'dug pa dang / 'khor dga' dga' ltar 
'dug pa dang / 'brog dga' dga' ltar 'dug pa dag mthong na/ byang chub sems dpa' thabs dang ye shes la brtson pa bsod nams dam pas byung ba/ dge ba'i rtsa ba don du gnyer ba 'gro ba kun tu bag yod par spyod pa/ legs par bstan 
pa'i dge ba'i rtsa ba la brtson pa rgya mtsho lta bu shin tu dben pa/ dge ba'i rtsa ba zad mi shes pa thams cad dang ldan pa/ bsod nams kyi 'byung gnas dang ldan pa/ dge ba'i rtsa ba thams cad tha mi dad pa la mkhas pas yongs su bsngo ba/ 
rnam pa mtha' yas pa'i dge ba'i rtsa ba thams cad bsngo ba mthong ba dang / rnam par spyod pa'i ye shes dang ldan pa sems can thams cad la sems pas dmigs pa/ chud mi za ba'i dge ba'i rtsa ba dang ldan pa/ sems can thams cad kyi tshad 
kyis klas par rgyun mi 'chad cing de bzhin nyid dang mnyam pa'i dge ba'i rtsa ba dang ldan pa/ dge ba'i rtsa ba de dag 'di ltar yongs su bsngo ste/ sems can thams cad chos nyid ji lta ba bzhin du yongs su 'dzin pa'i chos nyid kyi ngang tshul </font><hr>36-1-111a<br><font size=+1>
can du gyur te/ sangs rgyas mthong ba'i dga' ba rab tu thob cing / sems can grangs med pa thams cad de bzhin nyid dang mnyam par rnam par dag par gyur cig ces/ 'di ltar byang chub sems dpa' sems dpa' chen pos 
dga' dga' ltar 'dug pa mthong ba de dag thams cad sems can thams cad la yongs su bsngos nas sangs rgyas kyi zhing thams cad sangs rgyas thams cad bsnyen bkur ba yongs su rdzogs pas mdangs dga' ba dang / zhing thams cad nye ba'i nyon mongs pa med cing rnam 
par dag pas mdangs dga' ba dang / sems can thams cad la sangs rgyas kyi chos thams cad yang dag par ston pas/ mdangs dga' ba dang / byang chub sems dpa'i spyod pa thams cad yongs su bzung ba rab tu thob pas mdangs dga' 
ba dang / dge ba'i bshes gnyen thams cad la zhe sdang ba med pa'i mig gis lta bas mdangs dga' ba dang / dngos po thams cad yid du 'thad pa mthong ngas mdangs dga' ba dang / sems can thams cad yang dag par gzung ba rab tu thob pas mdangs 
dga' ba dang / sangs rgyas kyi chos thams cad la chos kyi snang ba thams cad rab tu thob pas mdangs dga' ba dang / sems can thams cad la gtong ba'i sems kyis sbyin pa byed pas mdangs dga' ba dang / chos thams cad 'jigs pa med 
par sems can thams cad la rab tu ston pas mdangs dga' ba dang / byang chub sems dpa'i ting nge 'dzin thams cad rab tu thob pas mdangs dga' ba dang / byang chub sems dpa' thams cad kyi gzungs 'dzin pas mdangs dga' ba dang / byang 
chub sems dpa' thams cad kyi ye shes mtha' yas pas rnam par spyod pas mdangs dga' ba dang / byang chub sems dpa' thams cad kyi rnam par 'phrul pa yang dag par ston pas mdangs dga' ba dang / de bzhin gshegs pa'i dkyil </font><hr>36-1-111b<br><font size=+1>
'khor thams cad kyis shin tu stan pa yang dag par bstan pas mdangs dga' ba dang / tshig rab tu phye ba thams cad la mkhas pas bstan pa yang dag par bstan pas mdangs dga' ba dang / snying rje chen po rab tu thob pas mdangs dga' ba dang / byang 
chub tu sems skye ba sar pa gsar pas dbang po dga' bar gyur te mdangs dga' ba dang / sangs rgyas thams cad kyi rigs su chud pas mdangs dga' ba dang / sems can gyi khams thams cad 'dul ba rgyun mi 'chad pas mdangs dga' ba dang / 
byang chub sems dpa' thams cad kyi spobs pa mi zad pas chos thams cad rab tu ston cing mdangs dga' ba dang / 'jig rten gyi khams re rer yang brjod du med pa'i bskal par gnas pas yongs su mi skyo zhing mdangs dga' ba dang / sangs 
rgyas kyi chos mtha' yas pa'i tshul la sgo mnyam pas 'jug pas mdangs dga' ba dang / rtsa ba med pas chos thams cad chags pa med pa'i tshul la rab tu 'jug pas mdangs dga' ba dang / 'dod chags med pa dang mnyam pa'i chos 
thams cad kyi sgrib pa yongs su spang ba'i phyir mi gnyis pa'i dbyings khong du chud pas mdangs dga' ba dang / 'dod chags dang bral ba'i mtha' dang mnyam pa'i chos thams cad la bden pa'i mtha' ji lta ba bzhin du rab tu 'jug pas 
mdangs dga' ba dang/ byang chub sems dpa' thams cad kyi rtsod pa med pa yongs su rdzogs pas mdangs dga' ba dang / bsam pa rdo rje'i snying po lta bus thams cad mkhyen pa'i brtson 'grus rnam par dag pa yongs su rdzogs pas mdangs 
dga' ba dang / dge ba'i rtsa ba thams cad la bar du gcod pa'i dgra rab tu gdul ba yongs su rdzogs pas mdangs dga' ba dang / 'gro ba thams cad du khyab pa'i thams cad mkhyen pa'i tshul gyi sgo mngon par 'tshang rgya ba yang dag par </font><hr>36-1-112a<br><font size=+1>
bstan pa yongs su rdzogs pas mdangs dga' bar bya ba'i phyir yongs su bsngo ste/ de ltar byang chub sems dpa' sems dpa' chen po ye shes kyi snang ba rab tu thob pa/ dge ba'i bshes gnyen gyis yongs su bzung ba/ 
de bzhin gshegs pa'i nyi mas sems shin tu snang bar byas pa/ rmongs pa med pa'i chos la rab tu brtson pa/ ye shes kyi las la zhugs pa/ ye shes kyi sa la shin tu bslabs pa/ chos kyi dbyings thams cad du dge ba'i rtsa ba rnam par bkram pa 
yongs su bsngo ba'i ye shes dang ldan pa/ byang chub sems dpa'i dge ba'i rtsa ba rgya mtsho thams cad kyi gting rnyed pa/ ye shes kyi rig pa dam pa la zhugs pa dge ba'i rtsa ba rnam pa tha dad pa 'byam klas pa thams cad kyi ye shes la 'jug pa dang ldan pa 
de 'jig rten thams cad du gnas med par 'gro ba'i sems dang sems can gyi khams thams cad la mngon par chags pas mi gnas pa'i bsam pa dang / chos thams cad la rlom sems med pa'i yid la byed pa dang / sangs rgyas thams cad la nyams pa med 
pa'i ye shes dang / mngon par shes pa dang / 'das pa dang ma byon pa dang da ltar byung ba'i sangs rgyas thams cad dang mi 'gal ba'i yongs su bsngo ba'i sgos dge ba'i rtsa ba nye bar bstsags pa de dag thams cad chos thams cad kyi mnyam pa nyid dang 'gal ba med 
cing de bzhin gshegs pa'i mtshan nyid 'khrug par mi 'gyur ba dang / dus mnyam pa nyid la rnam par dpyad pa dang / sems can med par rtogs par bya ba dang / de bzhin gshegs pa'i byang chub kyi rjes su 'brang ba dang / chos rnam par dgod 
pa yang dag par brjod pa dang / don shes pa khong du chud par bya ba dang / zil gyis gnon pa'i sa thams cad kyi rjes su 'brang ba dang / chos nyid ji lta ba bzhin du rnam par dpyad pa dang / ye shes kyi dkyil 'khor la yang dag par sems pa dang /</font><hr>36-1-112b<br><font size=+1>
bsam pa shin tu brtan pa yang dag par rdzogs par bya ba dang / las thams cad yang dag par bstsags pa la 'jug pa dang / chos rnams kyi bden pa nyid yang dag par blta ba dang / chos thams cad kyi skyon med pa nyid dang / chos ji lta ba 
bzhin du sprul pa'i rgyu dang ldan pa la rab tu 'jug par bya ba'i phyir chos thams cad kyi rang bzhin dngos po med par khong du chud par bya ba dang / don thams cad rnam pa sna tshogs su 'byung ba la rnam par dpyod pa dang / brjod pa thams cad la gnas 
med par shin tu bsgrub pa dang / gnas thams cad rkyen sna tshogs kyis byung ba yang dag par ji lta ba bzhin du rab tu shes par bya ba dang / yongs su bsngo ba rnam par dben pa la rab tu dpyod pa dang / chos thams cad tshul gcig tu yang 
dag par blta ba dang / tshul mtha' yas pa'i chos thams cad dang 'gal ba med par bya ba dang / yongs su bsngo ba la mkhas pa'i byang chub sems dpa' thams cad la 'grogs pas bsnyen pa dang / dge ba'i rtsa ba thams cad yongs su 
bsngo bas 'gro ba thams cad yang dag par bzung ba dang / 'das pa dang ma 'ongs pa dang da ltar byung ba'i byang chub sems dpa' thams cad kyi yongs su bsngo ba khong du chud par byed cing yongs su bsngo ste/ de ltar byang chub sems dpa' 
sems dpa' chen po 'jigs pa med pa'i sems kyis sangs rgyas kyi chos thams cad la yongs su bsngo'o/ /tshad med pa'i sems kyis sems can thams cad rnam par dag par bya ba'i phyir yongs su bsngo'o/ /bdag gir bya ba 
med pa'i sems kyis phyogs thams cad la yongs su bsngo'o/ /khyad par med pa'i sems kyis 'jig rten thams cad la yongs su bsngo ste/ dge ba'i rtsa ba de yul dang spyod yul thams cad dang / 'jig rten thams cad kyis gos pa med </font><hr>36-1-113a<br><font size=+1>
pa'i phyir yongs su bsngo'o/ /dge ba'i rtsa ba de 'jig rten las 'das pa'i chos la yang dag par spyod pas yongs su bsngo'o/ /dge ba'i rtsa ba de 'gro ba thams cad mi dmigs shing / mi gnas pas yongs su bsngo'o/ /
dge ba'i rtsa ba de thams cad zil gyis gnon pa'i nan tan bstan pas yang dag par bskyed pas yongs su bsngo'o/ /dge ba'i rtsa ba de chos kyi 'byung gnas rnam par brtag pa med pa mngon par bsgrubs pas yongs su bsngo'o/ /dge ba'i rtsa ba de de 
bzhin nyid kyi sgo thams cad du 'gro zhing mtha' dang dbus med par 'gro bas yongs su bsngo'o/ /de bzhin nyid ji lta ba de bzhin du dge ba'i rtsa ba de dag chos thams cad kyi de kho na rab tu rtogs par bya ba'i phyir yongs su bsngo'o/ /de bzhin nyid kyi ngang tshul 
gang yin pa de'i ngang tshul du gyur pa dge ba'i rtsa ba de dag yongs su bsngo'o/ /de bzhin nyid kyi rang bzhin gang yin pa de bzhin du dge ba'i rtsa ba de dag chos thams cad kyi rang bzhin rang bzhin med pa'i phyir yongs su bsngo'o/ /de bzhin nyid kyi mtshan nyid gang yin 
pa de bzhin du dge ba'i rtsa ba de dag mtshan nyid med pa'i chos thams cad mtshan nyid kyis yang dag par dmigs pa'i phyir yongs su bsngo'o/ /chos nyid gang gis de bzhin nyid de rtogs par 'gyur ba de bzhin du dge ba'i rtsa ba de dag sangs rgyas kyi chos 
las phyir mi ldog pa'i phyir yongs su bsngo'o/ /de bzhin nyid kyi spyod yul gang yin pa de bzhin du dge ba'i rtsa ba de dag de bzhin gshegs pa'i spyod yul khong du chud par bya ba'i phyir yongs su bsngo'o/ /de bzhin nyid kyi spyod yul gang yin pa de bzhin du dge 
ba'i rtsa ba de dag 'das pa dang ma byon pa dang da ltar byung ba'i sangs rgyas thams cad kyi yul yul med pa'i rang bzhin du khong du chud pa yongs su rdzogs par bya ba'i phyir yongs su bsngo'o/ /de bzhin nyid gang la gzhog pa de bzhin du dge ba'i rtsa ba de dag 'gro </font><hr>36-1-113b<br><font size=+1>
ba thams cad kyi gnas su 'gyur ba'i phyir yongs su bsngo'o/ /de bzhin nyid ji ltar rjes su song ba de bzhin du dge ba'i rtsa ba de dag phyi ma'i mthar gyur pa'i bskal pa'i rjes su 'brang zhing rgyun 'chad pa med pa'i phyir yongs su bsngo'o/ /de bzhin nyid 
ji ltar tshad med pa de bzhin du dge ba'i rtsa ba de dag 'gro ba thams cad kyi sems/ nam mkha'i dbyings ltar tshad med par bya ba'i phyir yongs su bsngo'o/ /de bzhin nyid kyis gang du khyab pa de bzhin du dge ba'i rtsa ba de dag 'jig rten gyi khams 
thams cad sems gcig gis rgyas par dgang ba'i phyir yongs su bsngo'o/ /de bzhin nyid ji srid du ring bar gnas pa de bzhin du dge ba'i rtsa ba de dag 'jig rten thams cad dga' ba zad mi shes par gnas par bya ba'i phyir yongs su bsngo'o/ /
de bzhin nyid ji ltar rjes su 'gro ba de bzhin du dge ba'i rtsa ba de dag /sangs rgyas kyi chos dpe med pa thams cad yongs su rdzogs par bya ba'i phyir yongs su bsngo'o/ /de bzhin nyid kyi snying po gang yin pa de bzhin du dge ba'i rtsa ba de dag nye ba'i 
nyon mongs pa thams cad bstsal ba'i snying po dang ldan par yongs su bsngo'o/ /de bzhin nyid ji ltar mi shigs pa de bzhin du dge ba'i rtsa ba de dag 'gro ba thams cad mi 'thun pa med par bya ba'i phyir yongs su bsngo'o/ /de bzhin nyid kyi snang 
ba gang yin pa de bzhin du dge ba'i rtsa ba de dag thams cad du snang bar yongs su bsngo'o/ /de bzhin nyid ji ltar thams cad na yod pa de bzhin du dge ba'i rtsa ba de dag thams cad du 'gro bar yongs su bsngo'o/ /de bzhin nyid ji ltar dus thams cad 
na yod pa de bzhin du dge ba'i rtsa ba de dag dus thams cad kyi rjes su 'brang bar yongs su bsngo'o/ /de bzhin nyid ji ltar rnam pa thams cad la yod pa de bzhin du dge ba'i rtsa ba de dag 'gro ba thams cad kyi rjes su 'gro zhing rnam </font><hr>36-1-114a<br><font size=+1>
par dag pas yongs su bsngo'o/ /de bzhin nyid ji ltar chos thams cad la thogs pa med pa de bzhin du dge ba'i rtsa ba de dag spyod pa thams cad la thogs pa med par yongs su bsngo'o/ /de bzhin nyid ji ltar chos 
thams cad la mig tu gyur pa de bzhin du dge ba'i rtsa ba de dag 'gro ba thams cad kyi mig tu gyur par yongs su bsngo'o/ /de bzhin nyid ji ltar dub par 'gyur ba med pa de bzhin du dge ba'i rtsa ba de dag byang chub sems dpa'i spyod pa thams cad la dub pa 
med par yongs su bsngo'o/ /de bzhin nyid ji ltar zab pa de bzhin du dge ba'i rtsa ba de dag yongs su bsngo ba zab mo nyid du yongs su bsngo'o/ /de bzhin nyid ji ltar dngos po med pa de bzhin du dge ba'i rtsa ba de dag dngos po med pa khong du chud par 
bya ba'i phyir yongs su bsngo'o/ /de bzhin nyid ji ltar 'byung ba med pa de bzhin du dge ba'i rtsa ba de dag bstan du med pa'i tshul gyis yongs su bsngo'o/ /de bzhin nyid ji ltar rab rib med pa de bzhin du dge ba'i rtsa ba de dag rab rib med pa'i mig 
'thob par yongs su bsngo'o/ /de bzhin nyid ji ltar 'dra ba med pa de bzhin du dge ba'i rtsa ba de dag byang chub sems dpa'i spyod pa 'dra ba med par bsgrub pa'i phyir yongs su bsngo'o/ /de bzhin nyid ji ltar zhi ba de bzhin du dge ba'i rtsa ba de dag 
rab tu zhi ba la gzhol bar yongs su bsngo'o/ /de bzhin nyid ji ltar rtsa ba med pa de bzhin du dge ba'i rtsa ba de dag rtsa ba med pa'i chos dam pa'i phyir yongs su bsngo'o/ /de bzhin nyid ji ltar mtha' dang dbus med pa de bzhin du dge ba'i 
rtsa ba de dag 'gro ba mtha' dang dbus med pa thams cad rnam par dag par bya ba'i phyir yongs su bsngo'o/ /de bzhin nyid ji ltar chags pa med pa de bzhin du dge ba'i rtsa ba de dag chags pa med pa'i mtha' dang mur thug par yongs su bsngo'o/ /de bzhin nyid </font><hr>36-1-114b<br><font size=+1>
ji ltar bsgribs pa med pa de bzhin du dge ba'i rtsa ba de dag bsgribs pa thams cad rab tu bstsal ba'i phyir yongs su bsngo'o/ /de bzhin nyid ji ltar 'jig rten na rgyu ba med pa de bzhin du dge ba'i rtsa ba de dag 'jig rten gyi chos thams cad rgyu ba med par bya ba'i 
phyir yongs su bsngo'o/ /de bzhin nyid ji ltar 'jig rten du ma gtogs pa de bzhin du dge ba'i rtsa ba de dag 'khor ba thams cad du ma gtogs par bya ba'i phyir yongs su bsngo'o// de bzhin nyid ji ltar mngon par 'du bya ba med pa de bzhin du dge ba'i 
rtsa ba de dag mngon par 'du bya ba thams cad las gyen du 'phags par yongs su bsngo'o/ /de bzhin nyid ji ltar gnas pa de bzhin du dge ba'i rtsa ba de dag de bzhin nyid la gnas par yongs su bsngo'o/ /de bzhin nyid ji ltar chos thams cad dang 
'byor pa de bzhin du dge ba'i rtsa ba de dag sems can thams cad spyod pa thos pa la brtson par bya ba'i phyir yongs su bsngo'o/ /de bzhin nyid ji ltar chos thams cad la yod pa de bzhin du dge ba'i rtsa ba de dag 'gro ba thams cad dang mnyam pa'i spyod pa 
yongs su 'grub par bya ba'i phyir yongs su bsngo'o/ /de bzhin nyid ji ltar chos thams cad dang bral ba med pa de bzhin du dge ba'i rtsa ba de dag 'gro ba thams cad dang phyi ma'i mtha'i mur thug par mi 'bral bar yongs su bsngo'o/ /de bzhin nyid ji ltar chos 
thams cad la zad pa med pa de bzhin du dge ba'i rtsa ba de dag 'gro ba thams cad la yongs su bsngo ba mi zad pa'i phyir yongs su bsngo'o/ /de bzhin nyid ji ltar chos thams cad dang 'gal ba med pa de bzhin du/ dge ba'i rtsa ba de dag 'das pa dang 
ma byon pa dang / da ltar byung ba'i sangs rgyas thams cad dang 'gal ba med par yongs su bsngo'o/ /de bzhin nyid ji ltar chos thams cad kyi mdo yin pa de bzhin du dge ba'i rtsa ba de dag 'gro ba thams cad ma lus pa'i dge ba'i rtsa ba yang dag par bsdu ba'i </font><hr>36-1-115a<br><font size=+1>
phyir yongs su bsngo'o/ /de bzhin nyid ji ltar chos thams cad la rgyud kyi tshul gcig tu gyur pa de bzhin du dge ba'i rtsa ba de dag 'das pa dang ma byon pa dang / da ltar byung ba'i sangs rgyas thams cad dang rgyud kyi tshul gcig tu 'gyur 
bar yongs su bsngo'o/ /de bzhin nyid ji ltar chos thams cad las ma 'das pa de bzhin du dge ba'i rtsa ba de dag 'jig rten pa dang 'jig rten las 'das pa yang dag par bsdu ba'i phyir yongs su bsngo'o/ /de bzhin nyid ji ltar zil gyis mi non pa de bzhin du 
dge ba'i rtsa ba de dag 'gro ba thams cad kyis zil gyis mi non pa'i phyir yongs su bsngo'o/ /de bzhin nyid ji ltar mi sgul ba de bzhin du dge ba'i rtsa ba de dag bdud thams cad kyi las kyis mi sgul ba'i sems dang ldan par yongs su bsngo'o/ /de 
bzhin nyid ji ltar ma 'khrugs pa de bzhin du dge ba'i rtsa ba de dag byang chub sems dpa'i spyod pa thams cad ma 'khrugs par spyad pa'i phyir yongs su bsngo'o/ /de bzhin nyid ji ltar g.yo ba med pa de bzhin du dge ba'i rtsa ba de dag sems can thams cad g.yo med pa'i phyir yongs su 
bsngo'o/ /de bzhin nyid ji ltar zad pa med pa de bzhin du dge ba'i rtsa ba de dag 'jig rten gyi chos thams cad kyi mi zad par bya ba'i phyir yongs su bsngo'o/ /de bzhin nyid ji ltar byang chub yin pa de bzhin du dge ba'i rtsa ba de dag chos thams cad rnam par 'tshang 
rgya ba mthong bar bya ba'i phyir yongs su bsngo'o/ /de bzhin nyid ji ltar zhig pa med pa de bzhin du dge ba'i rtsa ba de dag sems can thams cad kyi lhag pa'i bsam pa 'jig pa med par bya ba'i phyir yongs su bsngo'o/ /de bzhin nyid ji ltar snang ba yin 
pa de bzhin du dge ba'i rtsa ba de dag 'gro ba thams cad kyis ye shes kyi snang ba chen po rab tu thob par bya ba'i phyir yongs su bsngo'o/ /de bzhin nyid ji ltar brjod du med pa de bzhin du dge ba'i rtsa ba de dag brjod pa thams cad brjod du med par shes par bya </font><hr>36-1-115b<br><font size=+1>
ba'i phyir yongs su bsngo'o/ /de bzhin nyid kyis ji ltar 'gro ba thams cad yang dag par bzung ba de bzhin du dge ba'i rtsa ba de dag byang chub sems dpa'i spyod pa thams cad yang dag par bzung ba rab tu thob par bya ba'i phyir yongs su bsngo'o/ /ji ltar de bzhin 
nyid spyod pa thams cad kyi rjes su song ba de bzhin du dge ba'i rtsa ba de dag brjod pa dang spyod pa thams cad ma lus par yongs su shes pa'i ye shes kyi phyir yongs su bsngo'o/ /de bzhin nyid ji ltar chos rnam pa tha dad pa thams cad ma lus pa la 'gro ba de bzhin 
du dge ba'i rtsa ba de dag sangs rgyas kyi zhing thams cad du mngon par 'tshang rgya bas mngon par sangs rgyas shing rnam par 'phrul pa yang dag par bstan pa yongs su rdzogs par bya ba'i phyir yongs su bsngo'o/ /de bzhin nyid ji ltar rnam par rtog pa med pa de bzhin 
du dge ba'i rtsa ba de dag 'jig rten thams cad kyi yongs su rtog pa rnam par rtog pa med par bya ba'i phyir yongs su bsngo'o/ /de bzhin nyid ji ltar lus thams cad la yod pa de bzhin du dge ba'i rtsa ba de dag tshad med pa'i lus kyis sangs rgyas kyi zhing thams 
cad rgyas par dgang pa'i phyir yongs su bsngo'o/ /de bzhin nyid ji ltar skye ba med pa de bzhin du dge ba'i rtsa ba de dag skye ba med pas skye ba mngon par bsgrub pa la mkhas pa bstan pa'i phyir yongs su bsngo'o/ /de bzhin nyid ji ltar gang na yang med pa ma yin pa 
de bzhin du dge ba'i rtsa ba de dag dus gsum du ma gtogs pa'i lus thams cad kyis thams cad du rnam par 'phrul zhing sangs rgyas kyi zhing byin gyis brlab pa yang dag par bstan pa yongs su rdzogs par bya ba'i phyir yongs su bsngo ste/ ji ltar de bzhin nyid 
mtshan mo la yod pa de bzhin du dge ba'i rtsa ba 'dis dus thams cad du bla na med pa'i snang ba thob cing / sangs rgyas kyi mdzad pa yongs su rdzogs par gyur cig /ji ltar de bzhin nyid nyin mo la yod pa de bzhin du dge ba'i rtsa ba 'dis 'gro ba kun gyi nyin mor </font><hr>36-1-116a<br><font size=+1>
bgrang ba thams cad du sangs rgyas kyi rnam par 'phrul pa yongs su ston pa/ phyir mi ldog pa'i chos kyi 'khor los rab tu dgod cing 'gro ba thams cad kyis blta na don yod pa rnam par dag par gyur cig /ji ltar zla ba dang yud la de 
bzhin nyid yod pa de bzhin du dge ba'i rtsa ba 'dis 'gro ba thams cad kyis dus thams cad skad cig gcig tu khong du chud par bya ba'i phyir dus la 'jug par mkhas pa la rab tu gnas par gyur cig /ji ltar de bzhin nyid dbyar gyi dus la yong pa de bzhin du dge ba'i rtsa ba 'dis dbang 
po rnam pa tha dad pa rab tu shes par bya ba'i phyir bskal pa'i gnas sna tshogs su dbang po rnam par dag pa yongs su rdzogs par gyur cig /ji ltar de bzhin nyid 'du ba dang 'jig pa'i bskal pa la yod pa de bzhin du dge ba'i rtsa ba 'dis 'gro ba thams cad rnam par dag 
pa gdul ba'i phyir bskal pa thams cad du rnam par dag pa bkod pas skye ba med cing gos pa med pas gnas par gyur cig /ji ltar de bzhin nyid phyi ma'i mtha' la yod pa de bzhin du dge ba'i rtsa ba 'dis smon lam chen po las phyir mi ldog pa'i phyir phyi 
ma'i mtha'i bskal pa'i mur thug pa thams cad du byang chub sems dpa'i spyod pa la gnas pa rnam par dag par gyur cig /ji ltar de bzhin nyid 'gro ba'i dus la yod pa de bzhin du dge ba'i rtsa ba 'dis sems kyi skad cig gcig tu yang 'bral ba med par bya 
ba'i phyir sems can thams cad kyi sems skad cig gcig gis sangs rgyas thams cad mthong ba yongs su rdzogs par gyur cig /ji ltar de bzhin nyid thams cad du 'gro ba de bzhin du dge ba'i rtsa ba 'dis khams gsum thams cad rnam par dag par 
'gyur ba'i phyir thams cad zil gyis gnon pa thob par gyur cig /ji ltar de bzhin nyid dngos po dang dngos po med pa thams cad kyi rjes su song ba de bzhin du dge ba'i rtsa ba 'dis dngos po med pa yongs su shes pa'i phyir dngos po thams cad rnam </font><hr>36-1-116b<br><font size=+1>
par dag par gyur cig /ji ltar de bzhin nyid dag pa de bzhin du dge ba'i rtsa ba 'dis tshogs chen po rgyu chen pos 'byung ba'i phyir byang chub sems dpa' thams cad kyi spyod pa yongs su dag par gyur cig /de bzhin nyid ji ltar 'od dang ba de bzhin du dge ba'i 
rtsa ba 'dis sems kyi 'od dang ba'i phyir byang chub sems dpa'i ting nge 'dzin thams cad rab tu thob par gyur cig /de bzhin nyid ji ltar dri ma med pa de bzhin du dge ba'i rtsa ba 'dis dri ma med pa'i sems yongs su rdzogs shing dri ma thams cad byang bar gyur cig  
ji ltar de bzhin nyid bdag gi med pa de bzhin du dge ba'i rtsa ba 'dis sangs rgyas kyi zhing thams cad rgyas par 'gengs pa'i phyir tshad med pa yongs su gzung bar sems bskyed pa rnam par dag par gyur cig /de bzhin nyid ji ltar mnyam pa nyid yin pa 
de bzhin du dge ba'i rtsa ba 'dis chos thams cad snang zhing rab rib med pas mnyam par ye shes kyi 'byung gnas thams cad rab tu thob par gyur cig /ji ltar de bzhin nyid bgrang du med pa de bzhin du dge ba'i rtsa ba 'dis 'jig rten gyi khams thams cad du 
chos kyi sprin gyis rgyas par dgang ba'i phyir thams cad mkhyen pa'i theg pa dang / stobs kyi mdzod grangs med pa la gnas par gyur cig /ji ltar de bzhin nyid mnyam pa nyid kyi gnas su gyur pa de bzhin du dge ba'i rtsa ba 'dis byang chub sems dpa'i 
spyod pa thams cad nye bar blangs pa rab tu thob par bya ba'i phyir thams cad mkhyen pa la rab tu dgod par gyur cig /de bzhin nyid ji ltar sems can gyi khams rnam par phye ba thams cad la yod pa de bzhin du dge ba'i rtsa ba 'dis thogs pa med pa'i ye shes yongs 
su rdzogs pas sems can thams cad mngon du red par gyur cig /ji ltar de bzhin nyid shes pa dang / brjod pa dang rnam par brjod pa dang / brda dang gang zag thams cad la yod pa de bzhin du dge ba'i rtsa ba 'dis sgra grag pa thams cad shes pas sems can gyi khams </font><hr>36-1-117a<br><font size=+1>
thams cad shes par bya ba'i phyir sems can thams cad kyi sgra skad shes pa'i mngon par shes pa yang dag par 'dzin pa la mkhas par gyur cig ji ltar de bzhin nyid 'gro ba thams cad las rnam par 'das shing 'gro ba thams cad yongs su bsdu ba'i mthar thug pa de bzhin du dge ba'i rtsa ba 'dis sems can thams cad dge ba'i rtsa ba la rab tu rten par bya ba'i phyir 'gro ba thams cad las 'das par gyur cig /ji ltar de bzhin nyid yangs pa de bzhin du dge ba'i rtsa ba 'dis 'khrul ba med par byang chub sems dpa'i spyod pa thams 
cad la shin tu brtson pas 'das pa dang ma byon pa dang da ltar byung ba'i sangs rgyas thams cad kyi chos bstan pa yang dag par 'dzin par gyur cig ji ltar de bzhin nyid nam yang yal ba med pa de bzhin du dge ba'i rtsa ba 'dis ye shes chen po la sems can thams 
cad rab tu dgod pa'i phyir/ bskal pa thams cad du byang chub sems dpa'i spyod pa la rab tu brtson par gyur cig ji ltar de bzhin nyid chos 'byam klas pa thams cad la yod pa de bzhin du dge ba'i rtsa ba 'dis chags pa med pa'i dran pa rnam par dag pas 
bsod nams kyi rgyud 'byam klas pa gzung bar gyur cig /ji ltar de bzhin nyid bsngags pa mtha' yas pa de bzhin du dge ba'i rtsa ba 'dis byang chub sems dpa'i spyad pa thob pa'i phyir ye shes bsngags pa mtha' yas pa khong du chud par gyur cig /ji ltar de bzhin nyid 
nye bar len pa med pa de bzhin du dge ba'i rtsa ba 'dis 'gro ba thams cad nye bar bzung ba rnam par dag cing chos thams cad la len pa med par gyur cig /ji ltar de bzhin nyid g.yo ba med pa de bzhin du dge ba'i rtsa ba 'dis byang chub sems dpa' kun tu bzang po'i spyod pa 
dang / smon lam yongs su rdzogs pas mi g.yo zhing brtan pa dang / shin tu gnas par gyur cig /ji ltar de bzhin nyid sangs rgyas kyi yul du gyur pa de bzhin du dge ba'i rtsa ba 'dis nyon mongs pa thams cad kyi yul zhi bar bya ba'i phyir 'gro ba thams cad kyi ye shes kyi yul </font><hr>36-1-117b<br><font size=+1>
yongs su rdzogs par gyur cig /ji ltar de bzhin nyid mi 'phrogs pa de bzhin du dge ba'i rtsa ba 'dis mu stegs can gzhan dang phas kyi rgol ba thams cad tshar gcod pa'i phyir bdud kyi las thams cad kyis mi 'phrogs par gyur cig /ji ltar de bzhin nyid bsgom pa yang ma yin/ 
mi bsgom pa yang ma yin pa de bzhin du dge ba'i rtsa ba 'dis rnam par rtog pa thams cad rab tu spang ba'i phyir dngos po dang dngos po med pa thams cad la rnam par mi rtog par gyur cig /ji ltar de bzhin nyid byang ba byang chub med pa de bzhin du dge ba'i rtsa ba 'dis byang chub kyi sems kyi rgyan 
thams cad 'thob par brtson pa'i phyir/ sangs rgyas thams cad mthong bas dma' ba med par gyur cig /ji ltar de bzhin nyid 'gro ba'i smra ba la yod pa de bzhin du dge ba'i rtsa ba 'dis skad la mkhas pa'i rgyud kyis shin tu 'phags par 'gyur ba'i phyir skad rnam par phye ba shes pa 
mngon par shes par gyur cig /ji ltar de bzhin nyid chos thams cad la ltos pa med pa de bzhin du dge ba'i rtsa ba 'dis sems can thams cad kun tu bzang po'i spyod pas byung ba'i phyir sems can thams cad ltos pa med par gyur cig /ji ltar de bzhin nyid sa nas sar 
'gro ba de bzhin du dge ba'i rtsa ba 'dis kun tu bzang po'i rgyan thob pa'i phyir sems can thams cad kyi gnas ye shes kyis thob par gyur cig /ji ltar de bzhin nyid gcad du med pa de bzhin du dge ba'i rtsa ba 'dis spyod pa'i dkyil 'khor thams cad yang dag par bstan 
pa'i phyir/ sems can thams cad kyis mi 'jigs pa gcad du med pa rab tu thob par gyur cig /ji ltar de bzhin nyid zag pa med pa de bzhin du dge ba'i rtsa ba 'dis chos shes pa'i tshul gyis rnam par shes pa'i phyir zag pa med pa'i dge ba'i rtsa ba byang chub kyi sems yongs su rdzogs par gyur cig /ji ltar de bzhin nyid kyi chos gang yang 'gag pa med cing chos gang mngon par sangs rgyas pa med pa de bzhin du dge ba'i rtsa ba 'dis chos kyi dbyings mtha' yas pa sems bskyed pas rgyas par dgang ba'i phyir chos thams cad mngon par 'tshang rgya </font><hr>36-1-118a<br><font size=+1>
bar gyur cig /ji ltar de bzhin nyid sngon gyi mthas zad par ma gyur pa dang phyi ma'i mthas rgyas par 'gyur ba med cing da ltar byung bas rnam pa tha dad par ma gyur pa de bzhin du dge ba'i rtsa ba 'dis 'khor ba thams cad las rnam par 'da' ba'i phyir byang chub 
kyi sems sar pa gsar pa'i smon lam gyis 'gro ba thams cad rnam par dag pa dang ldan par gyur cig /ji ltar de bzhin nyid dus gsum du rnam par rtog pa med pa de bzhin du dge ba'i rtsa ba 'dis da ltar byung ba'i dus la skad cig rnam par dag pa'i phyir/ sngon gyi mtha' dang 
phyi ma'i mtha' rnam par dag par gyur cig /ji ltar de bzhin nyid sangs rgyas dang byang chub sems dpa' thams cad yongs su grub pa'i rgyu yin pa de bzhin du dge ba'i rtsa ba 'dis shin tu brtson pa'i brtson 'grus thob pa'i phyir sems can thams cad kyis sangs rgyas kyi ye shes rab tu 
grub par gyur cig /ji ltar de bzhin nyid nam yang kun nas nyon mongs par mi 'gyur zhing shin tu rnam par dag pa de bzhin du dge ba'i rtsa ba 'dis thams cad mkhyen pa nyid rnam par dag pa yongs su rdzogs par 'gyur ba'i phyir 'gro ba thams cad kyi kun nas 
nyon mongs pa shin tu spangs par gyur cig ces /de ltar yongs su bsngo ba'i byang chub sems dpa' ni 'jig rten thams cad yongs su dag par bya ba'i phyir zhing thams cad mnyam pa nyid 'thob bo/ /chos kyi 'khor lo thogs pa med cing phyir myi ldog pa'i phyir 
'jig rten thams cad mnyam pa nyid 'thob bo/ /thams cad mkhyen par smon pas shin tu 'byung ba'i phyir byang chub sems dpa' thams cad dang mnyam pa nyid 'thob bo/ /dus gsum gyi sangs rgyas thams cad dang mnyam pa nyid kyi phyir/ sangs rgyas thams cad 
dang mnyam pa nyid 'thob bo/ /rang bzhin 'khrugs pa med pa'i phyir chos thams cad dang mnyam pa nyid 'thob bo/ /tshig gi tshul thams cad la mkhas pa'i rgyus yongs su shes pa'i phyir dus thams cad mnyam pa nyid 'thob bo/ /ji ltar bskyed pa'i dge ba'i </font><hr>36-1-118b<br><font size=+1>
rtsa ba yongs su bsngo ba'i phyir/ byang chub sems dpa'i spyod pa thams cad dang mnyam pa nyid 'thob bo/ /dus ji lta ba bzhin du sbyor ba'i sangs rgyas kyi 'phrin las rgyun mi gcod pa'i phyir dus thams cad mnyam pa nyid 'thob bo/ /'jig rten pa dang 'jig rten las 'das pa'i dge ba'i 
rtsa ba gos pa med pa'i mthar thug pa'i phyir/ las kyi rnam par smyin pa thams cad mnyam pa nyid 'thob bo/ /'jig rten thams cad dang mi 'gal bar sangs rgyas kyi mdzad pa yang dag par bstan pa'i phyir sangs rgyas kyi rnam par 'phrul pa dang byin gyi rlabs mnyam pa nyid 'thob ste/ 
kye rgyal ba'i sras dag 'di ni byang chub sems dpa' sems dpa' chen po rnams kyi yongs su bsngo ba de bzhin nyid kyi mtshan nyid kyi rang bzhin zhes bya ba ste brgyad pa'o/ /de la gnas pa'i byang chub sems dpa' sems dpa' chen po ni sangs rgyas kyi khyu mchog 
dang seng ge'i nga ro 'jigs pa med par bsgrag par bya ba'i phyir chos kyi sgo rnam par dag pa mtha' dang dbus med pa rab tu 'thob bo/ /dus thams cad du rgyun mi 'chad pa'i tshul du byang chub sems dpa' thams cad kyi yongs su smyin par bya ba dang gdul ba mtha' dang dbus med pa yongs su 
rdzogs pa rab tu 'thob bo/ /'jig rten gyi khams thams cad lus gcig gis rgyas par dgang ba'i phyir de bzhin gshegs pa'i sku mtha' dang dbus med pa tshad med pa rab tu 'thob bo/ /dbyangs gcig gis sems can gyi khams thams cad shes par 
bya ba'i phyir/ de bzhin gshegs pa'i gsung mtha' dang dbus med pa mngon par bsgrub pa yongs su rdzogs pa rab tu 'thob bo/ /'jig rten gyi khams thams cad/ skra'i sbubs gcig tu yongs su 'du bar bya ba'i phyir/ de bzhin gshegs 
pa'i stobs mtha' dang dbus med pa yongs su rdzogs pa rab tu 'thob bo/ /sems can thams cad kyi lus/ rdul gcig la rab tu dgod pa'i phyir/ de bzhin gshegs pa rnam par 'phrul pa mtha' dang dbus med pa yongs su rdzogs pa rab tu </font><hr>36-1-119a<br><font size=+1>
'thob bo/ sems can gcig gi lus la sangs rgyas kyi yul thams cad mngon par 'tshang rgya ba yongs su bstan pa'i+i phyir de bzhin gshegs pa'i rnam par thar pa mtha' dang dbus med pa thams cad rab tu 'thob bo/ /ting nge 'dzin gcig la ting nge 'dzin thams 
cad mngon par bsgrub pa la mkhas pa'i phyir/ de bzhin gshegs pa'i ting nge 'dzin mtha' dang dbus med pa thams cad yongs su rdzogs pa rab tu 'thob bo/ /phyi ma'i mtha'i mur thug par chos gcig gi tshig shin tu bstan pas/ sems can thams cad kyi the 
tsom gcad pa zad mi shes pa'i phyir/ de bzhin gshegs pa tha dad pa yang dag par shes pa mtha' dang dbus med pa thams cad yongs su rdzogs pa rab tu 'thob bo/ /sems can gyi khams ma lus par stobs bcu'i thams cad mkhyen pa nyid mngon par 
'tshang rgya ba bstan pa'i phyir/ de bzhin gshegs pa'i dpa' ba rlabs po che mtha' dang dbus med pa yongs su rdzogs pa rab tu 'thob bo/ /de nas byang chub sems dpa' rdo rje'i rgyal mtshan gyis sangs rgyas kyi byin gyi rlabs kyis phyogs bcur 
rnam par bltas te/ de'i tshe tshigs su bcad pa 'di dag smras so/ /de dag bsam pa brtan pa'i sems ldan pa/ /dran pa gsal bas rmongs pa med gyur cing / /brtan zhing des la yongs su gdung med pa/ /mtshungs med de dag bsod nams 
yang dag stsogs/ /de dag mi mthun med pa'i yid ldan zhing / /bsam pa shin tu rnam par dag pa rnams/ /ji snyed sna tshogs 'jig rten skye ba yi/ /las kyi rnam pa thams cad rmongs med mkhas/ /de dag las kyi rnam pa sna tshogs 
pa/ /rnam pa tha dad yangs la rjes su sems/ /des ni 'jig rten ma lus bde bar byed/ /de la yid kyis rtag tu mngon par brtson/ /de dag 'gro ba kun dang 'gal med yid/ /dga' bar byed pa'i sems dang ldan pa de/ /</font><hr>36-1-119b<br><font size=+1>
las kyi rnam pa ci 'drar rnam phye ba/ /de dag yang dag bsgrub par mngon par brtson/ /kha lo sgyur sar thams cad gzung sems ldan/ /yongs su gdung med chags med yid dang ldan/ /don dang chos nyid de dag rjes su thob/ /'gro la phan phyir de 
dag mngon par brtson/ /de dag yid kyis dge ba rtogs gyur cing / /gang dag rnam pa tha dad grangs mang ba/ /de dag rgyu dang tshul yang rab tu shes/ /de dag 'jig rten phan phyir yongs su bsngo/ /shin tu yangs pa'i tshul gyi dam pa 'dis/ /mnyam yangs 
ye shes rtag tu tshul shes pas/ /gnas rnams thams cad ma lus mthong byas shing / /de bzhin nyid ltar yongs su bsngo ba byed/ /gang la de bzhin nyid de yod pa yi/ /rnam pa thams cad 'jig rten blangs byas shing / /'jig rten rgyud rnams chags pa med 
pa'i phyir/ /de 'dra'i las su brtan pa yongs su bsngo/ /de ni kun tu 'gro bar rtog byas shing / /de bzhin nyid kyi tshul rgyud gang yin dang / /dmigs pa dag dang 'on tam dmyigs med pa/ /de ltar bsod nams yid du 'ong ba bsngo/ /mun la yod dang nyin la 
yod pa dang / /yud du yan man de bzhin zla yod dang / /lo la yod dang bskal la yod pa 'am/ /de bzhin ci bzhin de bzhin nyid bzhin bsngo/ /dus la yod pa 'am zhing la yod pa dang / /sems can yod pa 'am chos la yod pa dang / /kun la yod pa 'am 
yod pa ma yin pa/ /de bzhin bsod nams ma lus yongs su bsngo/ /de bzhin nyid kyi rang bzhin ci 'dra ba/ /rang bzhin de 'drar sems kyang bsgyur byas shing / /ji ltar de bzhin nyid de rjes 'gro ba/ /de ltar bsod nams gcig min yongs su bsngo/ /
de bzhin ci bzhin de bzhin nyid kyi dngos/ /de la chos nyid gang yang yod med cing / /rang bzhin mi ldan ji ltar de bzhin nyid/ /de ltar las rnams mkhas pa yongs su bsngo/ /de bzhin nyid kyi mtshan nyid ci 'dra dang / /de bzhin nyid kyi ngang tshul ci 'dra dang / /</font><hr>36-1-120a<br><font size=+1>
de bzhin nyid kyi rang bzhin ci 'dra ba/ /de 'drar las rnams kun kyang yongs su bsngo/ /de dag mtha' yas las la rab zhugs shing / /de bzhin nyid de ji ltar mtha' yas te/ /de la chags dang bcings pa med pa ltar/ /
de ltar las rnams shin tu dag par byed/ /de ltar rgyal sras shin tu mkhas pa dag /bsam pas mi g.yo shin tu brtan thob pa/ /ye shes stobs ldan tshul la mkhas gyur pa/ /de dag rgyal ba'i mdzod kyi tshul la zhugs/ /de dag tshul gyi 
rgyal po'i tshul shes pas/ /de la chags dang bcings pa med pa'i phyir/ /chags med sems ni 'jug par mi 'gyur te/ /'jug par byed pa'ang gang yang dmigs pa med/ /chos kyi lus ni rab tu thob byas shing / /'gro ba kun las 
mtshan nyid ji bzhin pa/ /chos nyid de la mtshan nyid med gsungs pa/ /de 'dra'i mtshan nyid chos la rab tu zhugs/ /de ltar de dag 'grogs pa bsam mi khyab/ /de la sems ni lhag ma med par byed/ /bsam yas chos rnams kun la rab tu 
zhugs/ /sems ni sems min rnam par dben pa shes/ /de dag chos dben nyid la 'jug byed cing / /de ltar chos nyid rjes su sems pa byed/ /g.yo dang rlom sems thams cad 'gags pa ste/ /de phyir yon tan rnam par grags pa yin/ /
de dag rnam smin thams cad ma lus par/ /ye shes rgyas btab zad par mi 'gyur te/ /de ni mi zad mi zad nyid kyi dngos/ /mi zad mtha' yi tshul dang 'gal ba med/ /bsam pa lus kyi phyi rol yod pa min/ /sems ni nang na 'ang 
yod pa ma yin te/ /dus rnams gang na'ang sems ni yod pa min/ /rlom sems rlom chos med pas zhi bar 'gyur/ /de 'dra'i smon lam ldan pa rgyal sras rnams/ /chos kyi rang bzhin zhi ba stong pa ste/ /chos rnams ma lus thams cad g.yo </font><hr>36-1-120b<br><font size=+1>
ba med/ /bdag nyid rgyal bas rnam par sangs rgyas med/ /de bzhin nyid gang 'gro ba kun mnyam pa'i/ /chos nyid mtshan nyid rjes su shes byas shing / /bsam yas mtshan nyid de dag mthong gyur nas/ /mtshan nyid med pa'i shes la rmongs pa med/ /
de ltar zab pa'i spyod la rab brtson pa/ /de dag byang chub rtag par brtson pa ste/ /de dag smon lam de yang ldog pa med/ /'gro ba kun gyi don du de dag brtson/ /de dag 'jig rten rnams las 'das gyur cing / /'chi 'pho yongs su rtog pa med 
byas te/ /sprul pa 'dra bar sems kyang rig byas nas/ /de dag 'gro ba gdul phyir rab tu 'jug /de dag mthong dang dran pa 'di 'dra ste/ /las kyi smin pas 'jig rten byung ba yi/ /khams gsum pa yi sems can thams cad la/ /de dag yongs su 
bskyab par mngon par brtson/ /'gro ba kun gyi 'du shes rgyu ba dang / /rnam par rtog pa ji snyed tha dad pa'i/ /bskal pa mi mnyam de dag de bzhin shes/ /ngo bo nyid las nam yang phyir mi ldog /shes pas mkhas pa chos rab bsngags pa'i rnams/ /
'gro ba kun la snying brtse'i sems ldan pas/ /chos kyi tshul la rjes su sems byed cing / /tshul mkhas de dag de ltar yongs su bsngo/ /de bzhin nyid kyi mtshan nyid kyi rang bzhin zhes bya ba ste yongs su bsngo ba brgyad pa'o// //sangs rgyas rmad gcad ces bya ba shin tu rgyas pa chen po'i 
mdo/ /bam po bcu pa/ /kye rgyal ba'i sras dag byang chub sems dpa' sems dpa' chen po rnams kyi yongs su bsngo ba chags pa med pa dang / grol zhing bcings pa med pa zhes bya ba dgu pa gang zhe na/ kye rgyal ba'i sras dag 'di la byang chub sems dpa' 
sems dpa' chen po dge ba'i rtsa ba thams cad la brnyas pa med pa'i sems dang ldan pa yin/ 'khor ba bsgrub pa la brnyas pa med pa'i sems dang ldan pa yin/dge ba'i rtsa ba yang dag par bsdu ba la brnyas pa med pa'i sems dang ldan pa yin/ dge ba'i rtsa ba thams cad yongs su btsal ba la brnyas pa </font><hr>36-1-121a<br><font size=+1>
med pa'i sems dang ldan pa yin/bshags pa'i las la brnyas pa med pa'i sems dang ldan pa yin/ rjes su yi rang ba'i dge ba'i rtsa ba la brnyas pa myed pa'i sems dang ldan pa yin/ 'jig rten gyi khams gzhan na bzhugs pa'i de bzhin gshegs 
pa la phyag bya ba'i las la brnyas pa myed pa'i sems dang ldan pa yin/ thal mo sbyar zhing btud pa'i las la brnyas pa myed pa'i sems dang ldan pa yin/ mchod rten la phyag bya ba dang bla ma la phyag bya ba'i las la brnyas pa med pa'i sems dang 
ldan pa yin/ 'jig rten gyi khams gzhan na bzhugs pa'i de bzhin gshegs pa rnams la gsol ba gdab pa'i las la brnyas pa myed pa'i sems dang ldan pa yin te/ de dge ba'i rtsa ba de dag la rab tu 'jug pa dang / dge ba'i rtsa ba de dag gi go 
skabs dbye bar byed pa dang / dge ba'i rtsa ba de dag la yid ches par brtan par byed pa dang / dge ba'i rtsa ba de dag la bdag rab tu sbyor ba dang / dge ba'i rtsa ba de dag sems kyi bdag nyid che ba nyid la rab tu gzhog pa dang / dge ba'i rtsa ba de dag 
gi phyir chags pa myed pa'i sems la rab tu brtson par byed pa dang / dge ba'i rtsa ba de dag sbyin pa la rag las par yang dag par bsgrub pa dang / dge ba'i rtsa ba de dag gi phyir lhag pa'i bsam pa nyams pa myed pa rab tu bsgrub pa dang / dge ba'i rtsa ba de dag 
de bzhin gshegs pa dmyigs pa'i yul la rab tu sbyor ba dang / dge ba'i rtsa ba de dag gi phyir stobs kyi shugs rab tu thob pa la yang dag par lta ba'i tshe/ dge ba'i rtsa ba de dag 'di ltar yongs su bsngo ste/ 'di ltar chags pa myed pa 
dang grol zhing bcings pa myed pa'i sems su kun tu bzang po'i lus kyi las rab tu grub par gyur cig /chags pa med pa dang grol zhing bcings pa myed pa'i sems su kun tu bzang po'i ngag gi las phun sum tshogs par gyur cig /</font><hr>36-1-121b<br><font size=+1>
chags pa med pa dang grol zhing bcings pa myed pa'i sems su kun tu bzang po'i yid kyi las yongs su rdzogs par gyur cig /thams cad du rab tu brtson pas chags pa med pa dang grol zhing bcings pa myed pa'i sems su kun tu 
bzang po'i rtsom pa la bsten par gyur cig /phyogs thams cad du song zhing chags pa med pa dang grol zhing bcings pa myed pa'i sems su kun tu bzang po'i dbyangs chags pa med pa'i gzungs thob par bya ba rab tu thob par gyur cig /sangs 
rgyas thams cad mthong ba yang dag par 'dzin cing chags pa med pa dang grol zhing bcings pa myed pa'i sems su kun tu bzang po'i sangs rgyas thams cad mthong ba'i gzungs thob par bya ba rab tu thob par gyur cig /chos kyi sprin brjod du med pa ma 
lus par dkyil 'khor thams cad dang ldan pa'i dbyangs kyis rab tu bstan pa'i phyir chags pa med pa dang grol zhing bcings pa med pa'i sems su kun tu bzang po'i dbyangs thams cad la mkhas pa'i gzungs rab tu thob par gyur cig /'jig 
rten gyi khams thams cad du byang chub sems dpa'i spyod pa la brtson zhing chags pa med pa dang grol zhing bcings pa med pa'i sems su kun tu bzang po'i spyod pa bskal pa thams cad du yang dag par 'dzin pa'i gzungs rab tu thob par gyur cig /
phyi ma'i mtha'i bskal pa'i mur thug pa ma lus pa thams cad du sems can gcig gi lus la ji lta ba de bzhin du sems can ma lus pa'i lus la yang chags pa med pa dang grol zhing bcings pa myed pa'i sems su kun tu bzang po'i 
byang chub sems dpa'i spyod pa dang / rnam par 'phrul pa dang byin gyi rlabs thams cad sems can gcig gi lus la byin gyis rlob par gyur cig /byang chub sems dpa'i spyod pa la rab tu brtson zhing chags pa </font><hr>36-1-122a<br><font size=+1>
med pa dang / grol zhing bcings pa med pa'i sems su kun tu bzang po dang mngon sum du 'gyur ba'i gnas su 'khor gyi dkyil 'khor thams cad mtha' dag lhag pa med cing ma lus par gzung ba bstan par byin [(]kyi[)] 
gyis byin du rlob par gyur cig /sems can thams cad 'dzud pa la chags pa myed pa dang grol zhing bcings pa myed pa'i sems su kun tu bzang po'i sgo gcig nas sangs rgyas kyi rnam par 'phrul pa brjod du myed pa'i yang brjod du myed pa myi zad pa 
yang dag par mthong bar gyur cig /sangs rgyas thams cad kyi sku mngon sum du mthong ba'i phyir chags pa myed pa dang grol zhing bcings pa myed pa'i sems su kun tu bzang po'i sgo sna tshogs nas sangs rgyas kyi rnam par 'phrul pa brjod du 
myed pa'i yang brjod du med pa'i bskal par rnam par dgod pa myi zad pa la sems can thams cad rab tu 'jug par gyur cig /yongs su skyo ba myed pa'i sems la chags pa myed pa dang grol zhing bcings pa myed pa'i sems su kun tu 
bzang po'i stobs bcu'i ye shes kyi sgo la sems can du gdags pa brjod du med pa'i yang brjod du myed pa yang dag par 'dzud pa dang / rab tu 'god pa dang / sems kyi skad cig re re la snying rje chen po yang dag par 'byung 
bar gyur cig /kun tu bzang po'i spyod pa la gnas pa'i tshe chags pa med pa dang / grol zhing bcings pa myed pa'i sems kun tu bzang po'i sems can thams cad kyi lus kyis sangs rgyas kyi khyu mchog gi mthu phyung ba dang / rnam par 'phrul pa 
thams cad yang dag par ston par gyur cig /sems can thams cad 'dul ba'i dbang nye bar bzung ste/ sems can gcig la ji lta ba de bzhin du sems can thams cad ma lus pa la yang de bzhin du thams cad mkhyen </font><hr>36-1-122b<br><font size=+1>
pa'i sa'i stobs la rab tu dgod pa'i phyir chags pa myed pa dang grol zhing bcings pa myed pa'i sems su kun tu bzang po'i 'gro ba kun gyi brjod pa sems can gcig gi tshig rnam par gdags pa la byin gyis rlob par gyur cig /chags pa myed 
pa dang grol zhing bcings pa myed pa'i sems su kun tu bzang po'i sems can gcig gi lus la sems can thams cad kyi lus yang dag par gzung bar byin gyis byin du rlob cing / de dag kyang dge ba'i rtsa ba des sangs rgyas kyi sku rab tu thob 
par rang rang gis shes par gyur cig /dge ba'i rtsa ba 'dis chags pa myed pa dang grol zhing bcings pa med pa'i sems su kun tu bzang po'i me tog gcig la 'jig rten gyi khams thams cad ma lus par rnam par dag par byin gyis 
brlabs pa yang dag par shes par gyur cig /sangs rgyas kyi zhing thams cad du sems can thams cad gdul ba'i dbang nye bar bzung ste/ rnam par bstan par bya ba'i phyir chags pa myed pa dang grol zhing bcings pa myed pa'i 
sems su kun tu bzang po'i chos kyi dbyings su sgra dbyangs mngon par bsgrub pa mngon par bsgrub par gyur cig /dge ba'i rtsa ba 'dis chags pa myed pa dang grol zhing bcings pa myed pa'i sems su kun tu bzang po'i sngon gyi mtha'i bskal pa'i mur thug par 
sems kyi skad cig re res shin tu ston cing sangs rgyas kyi shugs kyi rgyan 'jig rten gyi khams 'byam klas par gtogs par thams cad du rjes su dran par gyur cig /dge ba'i rtsa ba 'dis 'jig rten gyi khams 
sna tshogs 'byam klas pa thams cad du ma byon pa'i sangs rgyas 'byung ba'i phyir chags pa myed pa dang grol zhing bcings pa myed pa'i sems su kun tu bzang po'i bskal pa'i phyi ma'i mtha'i mur thug pa/ 'jig rten gyi khams </font><hr>36-1-123a<br><font size=+1>
thams cad du gtogs par shin tu bstan pa la 'jug par gyur cig /dge ba'i rtsa ba 'dis byang chub sems dpa' kun tu bzang po'i spyod pa la brtson zhing chags pa myed pa dang grol zhing bcings pa myed pa'i 
sems su chos kyi dbyings thams cad snang ba gcig tu rgyas par bkang ste/ 'jig rten gyi khams nam mkha'i dbyings kyi mthar thug pa thams cad snang bar byed par gyur cig /dge ba'i rtsa ba 'dis kun tu bzang 
po'i spyod pa la nye bar spyod pa thob cing chags pa myed pa dang / grol zhing bcings pa myed pa'i sems su rgyud mtha' yas pa'i spyod pa'i rgyus ston par gyur cig /dge ba'i rtsa ba 'dis chags pa myed pa dang 
grol zhing bcings pa med pa'i sems su de bzhin gshegs pa'i ye shes la 'jug pa'i tshe/ bskal pa thams cad zad par gyur kyang ye shes mtha' dang dbus myed pa'i mthar myi 'gyur zhing de bzhin gshegs pa'i ye shes kyi 
byin gyi rlabs kyang kun tu bzang po'i spyod pas rab tu grub par gyur cig /dge ba'i rtsa ba 'dis chags pa myed pa dang grol zhing bcings pa myed pa'i sems su byang chub sems dpa' thams cad kyi spyod pa la brtson par byed pa'i tshe/ chos 
kyi dbyings ma lus pa la bzhugs pa'i de bzhin gshegs pa thams cad ma lus pas zhal bstan pa mdzad de/ sangs rgyas thams cad kyi byin gyis brlabs shing kun tu bzang po'i spyod yul la rab tu zhugs pa'i bsam pas lus 
kyi las dang ngag gi las dang yid kyi las la dub pa myed par brtson zhing byang chub sems dpa'i spyad pa spyod par gyur cig /dge ba'i rtsa ba 'dis chags pa myed pa dang grol zhing bcings pa myed pa'i sems dang ldan zhing </font><hr>36-1-123b<br><font size=+1>
kun tu bzang po'i sems don gyi tshogs dang myi 'gal ba chos kyi lus mnyams pa nges pa'i tshig gi sar rnam par dag pa spobs pa thams cad myi zad pa'i mdzod sems can thams cad gdul ba'i sar gyur pas sangs 
rgyas thams cad kyi byang chub rab tu thob par gyur cig /dge ba'i rtsa ba 'dis chags pa myed pa dang / grol zhing bcings pa myed pa'i sems su/ byang chub sems dpa' kun tu bzang po'i spyod pa 
la brtson zhing 'od mtha' yas pa dang / snang ba bsam gyis mi khyab pas chos kyi sgo re re la 'jug cing / de bzhin du chos thams cad [(]gyi [,]kyi[)] sgo nas 'gro zhing 'jug pas/ thams cad mkhyen pa'i 
sa'i mthar thug pa rab tu thob par gyur cig /dge ba'i rtsa ba 'dis chags myed pa dang grol zhing bcings pa myed pa'i sems su kun tu bzang po'i rgyan gyi pha rol du phyin pa thob ste/ dmyigs pa re re zhing 
thams cad mkhyen pa nyid thams cad la zhugs kyang / thams cad mkhyen pa'i ye shes mthar thug par myi 'gyur ba'i tshul gyi rgyal po de lta bu thob par gyur cig /dge ba'i rtsa ba 'dis chags pa med pa dang 
grol zhing bcings pa myed pa'i sems su/ tshe 'di nas nye bar bzung ste phyi ma'i mtha'i bskal pa'i mur thug par rmongs pa myed cing rgyun myi+i chad par chos la gzhol zhing / byang chub sems dpa' kun tu bzang po'i 
spyod par gyur pa'i rgyud brjod du med pa'i thams cad mkhyen pa nyid du rnam par 'tshang rgya ba'i tshul thob par gyur cig /dge ba'i rtsa ba 'dis chags pa myed pa dang grol zhing bcings pa myed pa'i sems su byang chub sems dpa'i </font><hr>36-1-124a<br><font size=+1>
spyod pa thams cad la rab tu snang bar gyur pa'i sems bsgribs pa med pa'i chos kyi snang ba rab tu thob pas rgyun myi 'chad pa'i las la rab tu brtson zhing / byang chub sems dpa' kun tu bzang po'i 
rnam par 'phrul pa rab tu thob par gyur cig /dge ba'i rtsa ba 'dis chags pa myed pa dang grol zhing bcings pa med pa'i sems su byang chub sems dpa' kun tu bzang po'i spyod pa thob par bya ba la brtson zhing thams cad kyi 
tshul dang mtha' yas pa'i tshul dang / bsam gyis mi khyab pa'i tshul dang / byang chub sems dpa'i tshul dang / thams cad mkhyen pa'i tshul dang / byang chub sems dpa'i 'dul ba thams cad kyi tshul dang / chos kyi 'khor lo 
mtha' dang dbus myed par rab tu bskor ba'i tshul dang / dus brjod du myed pa'i tshul dang / chos rnam pa tha dad pa bstan pa'i tshul dang / 'jigs pa med pa'i mdzod sa mtshams myed pa'i tshul dang / chos thams cad ma lus 
par bstan pa'i tshul dang / tshul dang tshul ma yin pa rjes su rtogs pa'i ye shes thob par bya ba rab tu thob par gyur cig /dge ba'i rtsa ba 'dis chags pa myed pa dang grol zhing bcings pa myed pa'i sems su phyir mi ldog pa'i sems 
can byang chub tu yang dag par 'byung ba nyams pa myed par bya ba dang / brtan pa dam pa'i dge ba'i rtsa bas sems can thams cad rnam par dag pa'i mthar phyin par byed cing kun tu bzang po'i las kyi bsral bas 'gro ba thams cad 
dga' bar byed pa'i lus kyi las yongs su rdzogs par gyur cig /dge ba'i rtsa ba 'dis chags pa myed pa dang grol zhing bcings pa med pa'i sems su sems can gyi khams thams cad dga' bar byed pa'i tshig brjod du myed pa </font><hr>36-1-124b<br><font size=+1>
la rab tu brtson zhing dag gi las kyi rgyan thams cad rnam par dag pa dang / byang chub sems dpa' kun tu bzang po'i byin gyi rlabs la brtson pas sems can thams cad kyi rnam par brjod pa yongs su shes 
par bya ba'i ye shes rnam par dag pa yongs su thob par gyur cig /dge ba'i rtsa ba 'dis kun tu bzang po'i spyod pa'i spyod yul rab tu rtogs shing chags pa med pa dang / grol zhing bcings pa myed pa'i sems su 'gro ba 'byam 
klas pa thams cad dang / zhing 'byam klas pa thams cad dang / sems can 'byam klas pa thams cad dang / mngon par shes pa dang / ye shes brjod du med pa'i yang brjod du med pa'i chos 'byam klas pa dang / chos 'byam 
klas pa'i rgyan de bzhin gshegs pa'i dkyil 'khor gyi mdzod thams cad nas byung ba dang / lhag pa'i bsam pas rnam par dag pa'i sems kyi rgyud mnyam pa nyid kyis zhugs pa'i ye shes 'byam klas pa rab tu rtogs par 
gyur cig /dge ba'i rtsa ba 'dis chags pa myed pa dang grol zhing bcings pa myed pa'i sems su sangs rgyas thams cad kyi sku las byung ba'i lus rnam par dag pa dang / lhag pa'i bsam pa rnam par dag pas mos pa 
rab tu grub pa dang sangs rgyas kyi byin gyi rlabs la brtson pa dang / sangs rgyas kyi gzi brjid kyis yongs su bzung ba dang / sangs rgyas kyi yul la yang dag par gnas pa dang / ye shes kyi rgya mtha' 
yas pas snang bar byas pa dang / byang chub sems dpa'i las kyi mngon par byung ba dang / tshig rab tu dbye ba thams cad la mkhas pa rnam par dag pa khong du chud par bya ba la rab tu zhugs pa dang / theg pa chen </font><hr>36-1-125a<br><font size=+1>
po mtha' yas pa'i rnam par 'phrul pas rab tu byung ba dang / 'gro ba mtha' dang dbus myed pa thams cad mngon par rdzogs par 'tshang rgya bar bya ba yang dag par bstan pa dang / byang chub sems dpa' 
kun tu bzang po'i spyod pa dang / smon lam dang yongs su bsngo ba yongs su rdzogs pa thob par gyur cig /dge ba'i rtsa ba 'dis mnyam pa nyid kyi smon lam gyi dbang pos brtson zhing chags pa myed pa dang / grol zhing bcings pa med pa'i sems 
su dbang po rno ba dang dbang po dge ba dang / chos thams cad la dbang sgyur ba'i dbang po dang / myi zad pa'i dbang po dang / dge ba'i rtsa ba thams cad la brtson pa'i dbang po dang / sangs rgyas kyi yul thams cad la 
mnyam pa nyid du gyur pa'i dbang po dang / byang chub sems dpa' thams cad kyi lung bstan pa la phyir mi ldog par shin tu brtson pa'i dbang po dang / sangs rgyas kyi chos thams cad shin tu phugs pa'i dbang po rdo rje'i khams 
lta bu dang / de bzhin gshegs pa thams cad kyi ye shes mtha' dang dbus myed pa'i snang ba rab tu thob pas rdo rje 'od 'phro ba'i dbang po dang / dbang po rab tu dbye ba thams cad ma lus pa la dbang sgyur ba'i dbang po dang / sems 
can mu myed pa thams cad mkhyen pa'i dbang po la rab tu dgod pa'i phyir dbang po mtha' yas pa 'byam klas pa dang / dbang po thams cad yongs su rdzogs par bya ba'i dbang po bsgribs pa myed cing rnam par dag pa rab tu thob par 
gyur cig /dge ba'i rtsa ba 'dis kun tu bzang po'i spyod pa la rab tu brtson pa'i sems dang ldan zhing chags pa myed pa dang grol zhing bcings pa myed pa'i sems su byang chub sems dpa' thams cad kyi rdzu 'phrul dang tshad myed </font><hr>36-1-125b<br><font size=+1>
par 'byam klas pa byin gyis brlab pa'i rdzu 'phrul dang / ye shes mtha' yas pas khyu mchog gi mthu 'byin pa'i rdzu 'phrul dang lus ma g.yos par sangs rgyas kyi zhing thams cad kun tu bstan pa'i rdzu 'phrul dang / byang chub sems dpa'i 
dbang chags pa med cing thogs pa med pa'i rdzu 'phrul dang / ma 'ongs pa'i sangs rgyas kyi zhing byin gyis brlab cing yang dag par bstan pa'i rdzu 'phrul dang / sangs rgyas kyi zhing thams cad lus gcig gis rgyas par dgang ba'i 
rdzu 'phrul dang / byang chub sems dpa'i rnam par thar pa bsgribs pa med pas rnam par rtse ba'i rdzu 'phrul dang / mngon par 'du bya ba med pa'i sems skad cig gi rdzu 'phrul dang / dngos po med pa la rab tu 
gnas pas myi rten pa'i rdzu 'phrul dang / skra yi sbubs gcig tu 'jig rten gyi khams brjod du myed pa rab tu dgod pa dang / chos kyi dbyings thams cad du rgyu zhing de bzhin gshegs pa'i 'khor gyi dkyil 'khor 
bstan pas sems can 'byam klas pa thams cad rnam par bstan pa'i ye shes kyi sgo la 'jug pa'i rdzu 'phrul rab tu thob par gyur cig /dge ba'i rtsa ba 'dis chags pa myed pa dang grol zhing bcings pa myed pa'i sems su sangs 
rgyas kyi zhing shin tu dag pa la rab tu zhugs pa'i ye shes kyi 'jug pa dang / sangs rgyas kyi zhing mtha' dang dbus myed par rab tu zhugs pa'i ye shes kyi sa dang skye ba myed pa la brtson pa'i sems bskyed pa la 'jug pa dang / kun 
tu bzang po'i rtogs pa'i sgo nas 'jug pas rab tu 'byung ba'i byang chub sems dpa'i spyod pa rab tu thob pas/ 'jig rten gyi khams brjod du myed pa re rer lus kun tu dgye ba'i byin gyi rlabs shin tu bstan pas </font><hr>36-1-126a<br><font size=+1>
zhing gi rgyud la rab tu zhugs par gyur cig /dge ba'i rtsa ba 'dis chags pa myed pa dang grol zhing bcings pa myed pa'i sems su sangs rgyas kyi rigs su byung ba'i byang chub sems dpa'i spyod pa'i 
rgyud la gnas shing rnam pa'i tshul rnam pa tha dad pa brjod du myed pa'i yang brjod du myed pa bsam gyis myi khyab pa'i lhag pa'i bsam pas rnam par phye ba thob ste/ tshad myed pa'i smon lam la yang dag par brtson zhing chos kyi dbyings 
thams cad dang / dus gsum gyi chos kyi dbyings thams cad du rgyun myi chad par rab tu zhugs pa'i sems su kun tu bzang po'i spyod pa'i tshul shes pa dang / rab tu shes pa dang / rjes su rtogs pa'i shes rab kyi 
dbyings la rab tu zhugs par gyur cig /dge ba'i rtsa ba 'dis byang chub sems dpa' kun tu bzang po'i spyod pa'i sgos rnam par dag par byas pa'i myig gi sgo dang ldan zhing / chags pa myed pa dang grol zhing bcings pa myed pa'i 
sems su skra yi sbubs re re zhing brjod du myed pa'i yang brjod du myed pa'i zhing rnams yang dag par 'dzud pa rab tu shes par gyur cig /de bzhin du chos kyi dbyings thams cad la 'jug pa nye bar bzung ste/ nam mkha'i dbyings 
kyi mthar thug par gyur te/ skra'i sbubs gcig tu ji lta ba bzhin du chos kyi dbyings thams cad nam mkha'i mthas gtugs pa'i skra yi sbubs thams cad du 'dzud pa la rab tu mkhas par gyur cig /shin tu shes par gyur cig 
mngon par rtogs par gyur cig /dge ba'i rtsa ba 'dis chags pa myed pa dang grol zhing bcings pa myed pa'i sems su sems kyi skad cig gcig la brjod du myed pa'i bskal pa lhag pa'i bsam pas yang dag par ston par byed cing mtha' </font><hr>36-1-126b<br><font size=+1>
dang dbus myed pa gcig nas gcig tu brgyud pas mthong bar gyur cig /rab tu zhugs par gyur cig /de bzhin du sems can gyi khams thams cad ma lus pa'i sems kyi skad cig la 'jug pa'i tshul du tshul 'di kun tu bzang po 
la brtson pa'i lhag pa'i bsam pas yongs su shes par gyur cig /rab tu rtogs par gyur cig /dge ba'i rtsa ba 'dis chags pa myed pa dang grol zhing bcings pa myed pa'i sems kyis lus re rer yang brjod du myed pa'i yang brjod 
du myed pa'i lus yongs su 'dzud pa mthong bar gyur cig /rab tu rtogs par gyur cig /lus gcig la ji lta ba de bzhin du/ lus 'byam klas pa la 'jug pa thams cad ma lus par nye bar bzung ste/ sems 
can gyi khams thams cad ma tshang ba myed pa dang / lhag pa myed par shes pa'i sems bskyed pa chos kyi dbyings thams cad rgyas par khyab pa/ byang chub sems dpa' kun tu bzang po'i spyod pas yongs su 
bsngos pa'i tshul gyis 'di la rab tu zhugs par gyur cig /dge ba'i rtsa ba 'dis chags pa myed pa dang / grol zhing bcings pa myed pa'i sems su sangs rgyas thams cad rtogs par bya ba rab tu rtogs shing / nam mkha'i dbyings 
thams cad de bzhin gshegs pa'i sku dang bral ba myed cing / mtshan gyis rnam par 'phrul pa'i sku dang dbyangs kyi yan lag rab tu bgye ba rgyun chad pa myed pas snang bar mdzad pas gang ba rab tu chud par gyur cig /de bzhin gshegs 
pas gsungs pa de dag kyang yang dag par 'dzin par gyur cig /de bzhin gshegs pa'i sku de dag kyang / kun tu bzang po'i smon lam yangs pa rgya chen po dang / 'jig rten thams cad kyi 'du shes phyin ci log dang /</font><hr>36-1-127a<br><font size=+1>
sems phyin ci log dang / lta ba phyin ci log las 'phags pa'i lta ba dang / phyin ci log thams cad spangs pa'i lta ba'i tshul gyis dmigs su myed par rab tu rtogs par gyur cig /dge ba'i rtsa ba 'dis byang chub sems dpa' kun tu 
bzang po'i spyod pa la brtson pa'i byang chub sems dpa'i sa la gnas shing chags pa myed pa dang grol zhing bcings pa myed pa'i sems su sems kyi skad cig gcig la mig 'phrul rnam par dbye ba'i tshul dang / chos kyi dbyings thams cad gzhi mnyam pas rnam par dbye ba dang / 
'jig rten gyi khams sna tshogs la tshul gcig tu 'jug pa dang / 'jig rten gyi khams brjod du myed pa'i yang brjod du med pa la rnam pa du mar rab tu 'jug pa dang / chos kyi dbyings thams cad la tshul gcig tu 'jug pa dang / nam mkha'i dbyings thams cad rnam pa 
tha dad pa kun tu dgye bar 'gal ba myed pa'i tshul la rab tu 'jug pas 'jig rten gyi khams kyi rgyud thams cad dang / snrel zhir rgyu ba'i 'jig rten gyi khams la rab tu 'jug pa dang / spyi'u tshugs su rgyu ba'i 'jig rten gyi khams la rab tu 'jug pa dang / phyogs kyi dra ba brjod du myed 
pa'i yang brjod du myed pa'i rgyud dang / zhing 'byam klas pa thams cad la 'jug pa yongs su shes par gyur cig /rab tu rtogs par gyur cig /dge ba'i rtsa ba 'dis chags pa myed pa dang grol zhing bcings pa myed pa'i sems su spyod pa'i ye shes rin po ches 'du shes kyi 
rnam pa thams cad la 'jug par bsgoms pa'i ye shes kyi sa la yang dag par gnas shing 'du shes kyi rnam pa 'di lta ste/ sems can du 'du shes pa'i rnam pa dang / chos su 'du shes pa'i rnam pa dang / zhing du 'du shes pa'i rnam pa dang / phyogs su 'du shes pa'i rnam pa 
dang / sangs rgyas su 'du shes pa'i rnam pa dang / dus su 'du shes pa'i rnam pa dang / las su 'du shes pa'i rnam pa dang / spyod par 'du shes pa'i rnam pa dang / khams su 'du shes pa'i rnam pa dang / mos par 'du shes pa'i rnam pa dang / dbang por 'du shes pa'i </font><hr>36-1-127b<br><font size=+1>
rnam pa dang / dus su 'du shes pa'i rnam pa dang / byin gyi rlabs su 'du shes pa'i rnam pa dang / nyon mongs par 'du shes pa'i rnam pa dang / rnam par byang bar 'du shes pa'i rnam pa dang / yongs su smyin par 'du shes pa'i rnam pa dang / sangs rgyas mthong 
bar 'du shes pa'i rnam pa dang / chos kyi 'khor lo bskor bar 'du shes pa'i rnam pa dang / chos bshad pa kun shes par bya bar 'du shes pa'i rnam pa dang / 'dul bar 'du shes pa'i rnam pa dang / 'byung ba rnam pa tha dad par 'du shes pa'i rnam pa dang / sa sna tshogs 
dang sa du mar 'du shes pa'i rnam pa dang / byang chub sems dpa'i 'jug par 'du shes pa'i rnam pa dang / byang chub sems dpa'i gnas su 'du shes pa'i rnam pa dang / byang chub sems dpa'i snyoms par 'jug par 'du shes pa'i rnam pa dang / byang chub sems 
dpa'i snyoms par 'jug pa las ldang bar 'du shes pa'i rnam pa dang / byang chub sems dpa'i 'jig par 'du shes pa'i rnam pa dang / byang chub sems dpa'i 'du bar 'du shes pa'i rnam pa dang / byang chub sems dpa'i 'chi 'pho bar 'du shes pa'i rnam pa dang / 
byang chub sems dpa'i skye bar 'du shes pa'i rnam pa dang / byang chub sems dpa'i rnam par thar par 'du shes pa'i rnam pa dang / byang chub sems dpa'i rnam par 'phrul par 'du shes pa'i rnam pa dang / byang chub sems dpa'i byin gyi rlabs su 'du shes pa'i rnam 
pa dang / byang chub sems dpa'i yul du 'du shes pa'i rnam pa dang / 'jig pa dang 'du ba'i bskal par 'du shes pa'i rnam pa dang / nyin mtshan dang rab rib med pa dang / snang bar 'du shes pa'i rnam pa dang / zla ba phyed dang zla ba gcig dang lo dang dus 'gyur 
bar 'du shes pa'i rnam pa dang / 'gro ba dang 'ong bar 'du shes pa'i rnam pa dang / 'greng ba dang 'dug par 'du shes pa'i rnam pa dang / 'du shes kyi rnam pa de dag dang / 'du shes kyi rnam pa'i sa de dag thams cad rnam par rtog pa med pa'i sems dang ldan </font><hr>36-1-128a<br><font size=+1>
zhing 'du shes thams cad rnam par spangs pa'i yid dang / chags pa thams cad rnam par zlog pa'i sems dang / bsgribs pa thams cad rab tu spangs pa'i yid kyis yang dag par rtogs pa dang ldan zhing / de bzhin gshegs pa thams cad 
kyis yongs su gsal bar byas pa'i ye shes dang / sangs rgyas kyi chos thams cad kyis mngon par brlan pa'i dge ba'i rtsa ba dang / de bzhin gshegs pa thams cad kyi sku la yang dag par gnas pa'i lus dang / chos dkar po thams cad yongs su gzung 
ba dang / yang dag par rdzogs pa'i sangs rgyas kyi spyod pa'i pha rol tu phyin pa thob pa shin tu bslabs pa/ sems can thams cad kyi gtso bo kun tu bzang po'i spyad pa spyod pas dbang bskur ba'i smon lam dang ldan pas/ sems kyi skad cig gcig la 'jug 
pas shes par gyur cig /mthong bar gyur cig /rab tu shes par gyur cig /zhugs par gyur cig /shin tu sgrub par gyur cig /yongs su rgyas par byed par gyur cig /yongs su shes par gyur cig /rab tu rtogs par gyur cig /rjes su thob 
bar gyur cig /rab tu 'phel bar byed par gyur cig /byin gyis rlob par byed par gyur cig /dge ba'i rtsa ba 'dis 'gro ba thams cad la rnam pa bzang po'i spyod pa'i ye shes rin po che dang / kun tu bzang po'i 'byung ba rtsom pa rlabs po che dang / chags pa med pa 
dang grol zhing bcings pa myed pa'i sems re re la sems tshad myed pa yongs su 'dzud par byed cing yang dag par rten pa dang / rnam par rtog par gyur pa dang / rnam pa sna tshogs su gyur pa dang / mngon par 'du bya ba rnam pa sna tshogs kyi las dang / tshad med 
pa'i las dang / mtshan nyid tha dad pa'i las dang / sems rnam pa sna tshogs dang / bsam pa rnam pa tha dad pas byung zhing yang dag par gzhol bar gyur pas rab tu shes par gyur cig /dge ba'i rtsa ba 'dis kun tu bzang po'i smon lam dang / ye shes </font><hr>36-1-128b<br><font size=+1>
rin po che dang / chags pa med pa dang / grol zhing bcings pa med pa'i sems su skye mched re re zhing / brjod du med pa'i skye mched rab tu gzung ba dang / de bzhin du skye mched 'byam klas pa la rab tu 'jug pa shes par gyur cig /rab tu shes par gyur 
cig /khong du chud par gyur cig /shin tu rtogs par gyur cig /dge ba'i rtsa ba 'dis byang chub sems dpa' kun tu bzang po'i spyod pa dang las la rab tu brtson pa'i ye shes kyis dang / chags pa med pa dang grol zhing bcings pa myed pa'i sems 
su las 'byam klas pa re re la las mngon par 'du bya ba brjod du med pa'i yang brjod du med pa rkyen sna tshogs kyis mngon par 'du byas pa rnams yang dag par gzung ba dang / las 'byam klas pa gcig la ji lta ba de bzhin du las kyi mngon par 'du bya ba thams 
cad kyis las kyi yul sna tshogs su dmigs pa la brtson par byed pa shes bar gyur cig /rab tu shes par gyur cig /ye shes shin tu thob par gyur cig /yongs su rdzogs par byed par gyur cig /dge ba'i rtsa ba 'dis chags pa myed pa dang grol zhing 
bcings pa myed pa'i sems su chos re re la brjod du med pa'i yang brjod du med pa'i chos yang dag par gzung pa rab tu shes par gyur cig /chos gcig po de yang chos thams cad du yang dag par gzud pa rab tu shes par gyur cig /chos rnam par phye 
ba yang rab tu shes par gyur cig /ma chags pa dang 'gal ba med par yang chud par gyur cig /dge ba'i rtsa ba 'dis/ byang chub sems dpa'i spyod pa kun tu bzang po'i chags pa med pa'i rgyud du gyur pa la gnas 
shing / thams cad shes pas chags pa med pa dang / grol zhing bcings pa med pa'i sems su chos bstan pa re re la/ chos bstan pa rnam par phye ba 'byam klas pa brjod du med pa'i yang </font><hr>36-1-129a<br><font size=+1>
brjod du med pa gzhan dang / gzhan yongs su smyin par bya bas/ yang dag par bsdus pa 'dul ba bsam gyis myi khyab pas yang dag par bsdus pa mtha' dang dbus myed pa'i dus su yang dag par bshad pa/ 
dus thams cad du sems can gyi dbang po dang mos pa ji lta ba bzhin du go bar byed pa/ sems can gyi mthu ji bzhin du sangs rgyas kyi gsung gi dbyangs kyis rnam par rig par byed pa/ sangs rgyas kyi gsung gcig gis brjod du myed pa'i 'khor gyi dkyil 'khor gyi sems 
can 'byam klas pa rnam pa tha dad pa mngon par dga' bar byed pa/ chos kyi dbyings thams cad de bzhin gshegs pa gcig gi 'khor gyi dkyil 'khor du gyur pa'i byang chub sems dpa'i bsam pa rgya cher byed pa/ mtha' dang dbus med pa'i spyod pa'i dkyil 'khor 
la rab tu gnas shing kun tu bzang po'i sa la rab tu zhugs pa'i sems kyis yongs su shes par gyur cig /rab tu shes par gyur cig /khong du chud par gyur cig /sems skad cig sems skad cig cing khong du chud pa'i ye shes kyis ji skad du brjod pa'i 
chos 'byam klas pa la 'jug pas khong du chud par gyur cig /sems kyi skad cig brjod du myed pas rnam par spel ba'i ye shes kyi phung po chen pos phyi ma'i mtha'i bskal pa mtha' dang dbus myed pa'i mur phyin par zhing 'byam klas pa thams cad spyod cing ston par gyur 
cig /kun tu bzang po'i dmyigs pa ye shes chen po la brtson pa dang / spyod pa brtsoms pa thams cad la rab tu 'grub par byed pa'i kun tu bzang po'i sas nam mkha'i dbyings thams cad spyod pa la 'jug pa bral ba myed pas yongs su rgyas par byed par gyur cig /dge ba'i 
rtsa ba 'dis byang chub sems dpa' kun tu bzang po'i spyod pa'i sgo la rab tu brtson pa'i dbang pos chags pa myed pa dang / grol zhing bcings pa myed pa'i sems su byang chub sems dpa'i spyod pa'i rgyal po rab tu thob cing bsam pa brjod du myed pa'i yang brjod du myed pa rnam par </font><hr>36-1-129b<br><font size=+1>
phye ba la gnas pa dang / dmyigs pa bsam gyis myi khyab pa dang / spyod pa dge bas byung bas dbang po re re la dbang po brjod du myed pa'i yang brjod du myed par yang dag par gzung ba yongs su shes par gyur cig /rab tu shes par gyur cig /shin tu rtogs par gyur cig /
khong du chud par gyur cig /dge ba'i rtsa ba 'dis chags pa myed pa dang grol zhing bcings pa myed pa'i sems dang / 'jigs pa myed pa'i sems dang / rmongs pa myed pa'i sems dang / 'khrugs pa myed pa'i sems dang / rnam par 'khrugs pa myed pa'i 
sems dang / bslad pa myed pa'i sems dang / dbang po myi dma' ba'i sems dang / rtse gcig pa'i sems dang / shin tu mnyam par bzhag pa'i sems dang / chos shin tu rnam par phye ba'i sems dang / ye shes shin tu brten pa'i 
sems dang / byang chub sems dpa' kun tu bzang po'i spyod pa dang / yongs su bsngo ba'i rjes su song ba'i sems kyis gzugs shes pa shin tu phra ba dang / lus shes pa shin tu phra ba dang / zhing shes pa shin tu phra ba dang / bskal pa shes pa shin 
tu phra ba dang / 'jig rten shes pa shin tu bra ba dang / yul shes pa shin tu phra ba dang / dus shes pa shin tu phra ba dang / chos kyi grangs shes pa shin tu phra ba dang / las kyi rnam par smyin pa shes pa shin tu phra ba dang / rnam par dag pa shes pa shin tu phra ba dang / 
shin tu phra ba 'di dag thams cad sems kyi skad cig gcig tu brkyang ba'i ye shes byang chub sems dpa' kun tu bzang po'i spyod pa'i rjes su song bas yang dag pa ji lta ba bzhin du rab tu shes par gyur cig /shin tu rtogs par gyur cig /khong du chud par gyur cig /dge ba'i 
rtsa ba 'dis chags pa myed pa dang / grol zhing bcings pa myed pa'i sems su rag las pa myed par byang chub sems dpa'i spyod pa la rab tu gnas shing kun tu bzang po'i spyod pa la brtson pa'i spyod pa chen po la dub pa myed par gnas shing sems can gyi rgyud shin tu </font><hr>36-1-130a<br><font size=+1>
phra ba dang / sems can gyi shi 'pho shin tu phra ba dang / sems can skye ba shin tu phra ba dang / sems can gyi gnas shin tu phra ba dang / sems can gyi rten shin tu phra ba dang / sems can mtha' dang dbus med pa'i rigs shin 
tu phra ba dang / sems can gyi khams thams cad kyi yul shin tu phra ba dang / sems can gyi 'du byed shin tu phra ba dang / sems can bstan pa shin tu phra ba dang / sems can dmyigs pa shin tu phra ba'i shin tu phra ba 'di dag dang / shin tu phra ba 
la 'jug pa ji snyed gang yang rung ste/ de dag thams cad sems gcig brkyang ba'i spyod pa'i ye shes kyis shes par gyur cig /khong du chud par gyur cig /dge ba'i rtsa ba 'dis chags pa myed pa dang grol zhing bcings pa myed pa'i sems su byang chub 
sems dpa' kun tu bzang po'i spyod pa la rab tu brtson pa'i lhag pa'i bsam pas byang chub sems dpa' rnams kyi thog ma sems bskyed pa nas nye bar bzung ba'i byang chub sems dpa'i spyod pa shin tu phra ba dang / byang chub sems dpa'i gnas shin tu phra ba dang / 
byang chub sems dpa'i rnam par 'phrul pa shin tu phra ba dang / byang chub sems dpa'i sangs rgyas kyi zhing tshad myed par 'gro ba shin tu phra ba dang / byang chub sems dpa'i chos snang ba rab tu thob pa shin tu phra ba dang / byang chub sems dpa'i mig 
rnam par dag pa shin tu phra ba dang / byang chub sems dpa'i lhag pa'i bsam pa yongs su grub pa shin tu phra ba dang / byang chub sems dpa'i sangs rgyas thams cad kyi 'khor gyi dkyil 'khor du 'gro ba shin tu phra ba dang / byang chub sems dpa'i gzungs 
kyi sgo shes pa shin tu phra ba dang / byang chub sems dpa'i 'jigs pa myed pa'i sa mtha' dang dbus myed pa dang / tha dad pa yang dag par shes pa thams cad kyi mdzod kyi 'od shin tu phra ba dang / byang chub sems dpa'i ting nge 'dzin mtha' dang dbus </font><hr>36-1-130b<br><font size=+1>
myed pa'i mtshan ma shin tu phra ba dang / byang chub sems dpa'i sangs rgyas thams cad mthong ba'i ting nge 'dzin rab tu thob pa'i shes pa shin tu phra ba dang / byang chub sems dpa'i ting nge 'dzin zab mo mngon par bsgrubs pa shin tu phra ba dang / byang chub sems dpa'i ting 
nge 'dzin rgya chen po'i rgyan shin tu phra ba dang /byang chub sems dpa'i chos kyi dbyings kyi ting nge 'dzin gyi ye shes shin tu phra ba dang / byang chub sems dpa'i khyu mchog gi mthu phyung ba chen po'i rnam par 'phrul ba dang / ting nge 'dzin mngon par bsgrubs pa'i ye shes 
shin tu phra ba dang / byang chub sems dpa'i phyi ma'i mtha'i mur spyod pa yang dag par gzung ba'i ting nge 'dzin gyi ye shes shin tu phra ba dang / byang chub sems dpa'i ting nge 'dzin rnam par dbye ba mtha' dang dbus myed pa thams cad mngon par bsgrubs pa'i ye shes shin 
tu phra ba dang / byang chub sems dpa'i sangs rgyas thams cad dang mngon sum du zhabs kyi drung na 'dug kyang sangs rgyas gcig dang yang bral ba myed pa'i ting nge 'dzin mngon par bsgrubs pa shin tu phra ba dang / byang chub sems dpa' thams cad kyi ting nge 'dzin rgya che zhing /
yangs pa dang / zab cing bsgribs pa myed pa dang / chags pa myed pa la rab tu brtson pas thams cad mkhyen pa nyid kyi mthar thug par spyod pa yang dag par gzung ba'i mdzod shes pa'i sa khong du chud pa dang / mngon par shes pa'i sa rab tu thob pa dang / don gyis 
shin tu rtogs pa dang / byang chub sems dpa' thams cad kyi ting nge 'dzin bsgribs pa med pa'i ye shes shin tu phra ba thams cad shes par gyur cig /rab tu rtogs par gyur cig /dge ba'i rtsa ba 'dis chags pa med pa dang / grol zhing bcings pa med pa'i 
sems kyis byang chub sems dpa' thams cad kyi byang chub sems dpa' rnam par dgod pa'i ye shes shin tu phra ba dang / byang chub sems dpa'i sa shin tu phra ba dang /byang chub sems dpa'i spyod pa rnam pa tha dad pa shin tu phra ba dang / byang chub sems dpa'i </font><hr>36-1-131a<br><font size=+1>
yongs su bsngo ba mngon par bsgrubs pa shin tu phra ba dang / byang chub sems dpa'i sangs rgyas thams cad kyi gter rab tu thob pa shin tu phra ba dang / byang chub sems dpa'i ye shes rnam par dpyad pa shin tu phra ba dang / byang chub sems 
dpa'i smon lam rnam par 'phrul pa shin tu phra ba dang / byang chub sems dpa'i snyoms par 'jug pa bstan pa shin tu phra ba dang / byang chub sems dpa'i rdzu 'phrul gyi tshul shin tu phra ba dang / byang chub sems dpa'i phyag rgya shin tu phra ba dang / byang chub 
sems dpa'i tshe gcig gis thob pa la yang dbang sgyur ba shin tu phra ba dang / byang chub sems dpa'i dga' ldan gyi gnas su skyes pa shin tu phra ba dang / byang chub sems dpa'i lha'i pho brang gi gnas na 'dug pa shin tu phra ba dang / byang chub sems 
dpa'i sangs rgyas kyi zhing yongs su dag pa shin tu phra ba dang / byang chub sems dpa'i myi'i 'jig rten na dga' bar gnas pa shin tu phra ba dang / byang chub sems dpa'i 'od gzer gyi dra ba dgye ba shin tu phra ba dang / byang chub sems dpa'i rigs rnam par dbye ba shin 
tu phra ba dang / byang chub sems dpa'i 'khor gyi dkyil 'khor rnam par dbye ba shin tu phra ba dang / byang chub sems dpa'i 'jig rten gyi khams thams cad du rgyas par skye ba shin tu phra ba dang / byang chub sems dpa'i lus gcig gis shi 'pho ba rnam pa tha 
dad pa bstan pa shin tu phra ba dang / byang chub sems dpa' ma'i mngal tu 'gro ba shin tu phra ba dang / byang chub sems dpa' mngal tu song nas gnas pa shin tu phra ba dang / byang chub sems dpa' ma'i mngal na rnam par 'phrul pas chos kyi dbyings thams 
cad 'khor gyi dkyil 'khor gcig par ma'i ltor shong ba'i ye shes shin tu phra ba dang / byang chub sems dpa' ma'i mngal na sangs rgyas kyi khyu mchog gi mthu phyung ba thams cad yang dag par bstan pa'i ye shes shin tu phra ba dang / byang chub sems dpa'i tshe shin tu phra ba dang /</font><hr>36-1-131b<br><font size=+1>
byang chub sems dpa' gom pa bdun du seng ge'i stabasasu 'gro ba'i ye shes shin tu phra ba dang / byang chub sems dpa' btsun mo'i 'khor gyi nang na thabs mkhas pa yang dag par ston pa'i ye shes shin tu phra ba dang / byang chub sems dpa' mngon par 'byung ba'i tshul dang / spyod pa 
rab tu sbyor ba shin tu phra ba dang / byang chub sems dpa' byang chub kyi shing drung du 'dug pa shin tu phra ba dang / byang chub sems dpa' bdud kyi sde rab tu pham par byas te/ bla na myed pa yang dag par rdzogs pa'i byang chub tu rnam par 'tshang rgya ba shin tu phra ba dang / de bzhin gshegs 
pa'i byang chub kyi gdan la 'dug ste/ 'jig rten gyi khams thams cad du 'od gzer gyi dra ba rab tu dgye ba shin tu phra ba dang / de bzhin gshegs pa'i rnam par 'phrul pa yang dag par bstan pa shin tu phra ba dang / de bzhin gshegs pa'i seng ge'i nga ro phyung ba'i mya ngan las 
'das pa chen po shin tu phra ba dang / de bzhin gshegs pa sems can thams cad gdul ba'i 'khor du thogs pa myed pa shin tu phra ba dang / de bzhin gshegs pa'i rnam par 'phrul pa bsam gyis myi khyab pa la byang chub kyi sems rdo rje lta bu yongs su shes pa shin tu phra ba 
dang / 'jig rten thams cad rgyas par 'gengs pa'i de bzhin gshegs pa'i byin gyi rlabs yongs su bstan pa shin tu phra ba dang / 'jig rten gyi khams thams cad rgyas par 'gengs pa'i sangs rgyas kyi mdzad pa phyi ma'i mtha'i mur thug par rgyun myi chad pa shin tu 
phra ba dang / de bzhin gshegs pa'i byin gyi rlabs chos kyi dbyings kyi mthar thug par thogs pa med pa shin tu phra ba dang / nam mkha'i dbyings kyi mthas gtugs pa'i zhing gi yul thams cad du sems can 'dul bar sangs rgyas skye ba bstan pa shin tu phra ba dang / 
sangs rgyas kyi sku gcig sangs rgyas kyi sku tha dad par rab tu spro ba'i shes pa shin tu phra ba dang / 'das pa dang / ma 'ongs pa dang / da ltar byung ba'i dus gsum du gshegs pa'i de bzhin gshegs pa gang ji snyed pa'i dkyil 'khor gyi khyu mchog gi mthu dbyung ba'i ye shes </font><hr>36-1-132a<br><font size=+1>
shin tu phra ba gang ji snyed pa de dag thams cad sems kyi skad cig re re zhing rnam par 'phel ba'i ye shes kyi dkyil 'khor dang / byang chub sems dpa'i spyod pa sbyor ba phyir myi ldog cing rgyun myi 'chad pa dang / kun tu bzang bor rab tu 'phros pa'i yongs 
su bsngo ba'i sa dang / de bzhin gshegs pa thams cad khong na yang dag par 'dzin pa'i byang chub sems dpa'i spyod pa dang / 'dod chags dang bral ba myed pas byung ba'i byang chub sems dpa'i sgo'i dkyil 'khor dang / spyod pa 'byam klas ba la brtson pa 
shin tu rnam par sbyangs pa dang /byang chub sems dpa'i spyod pa la dmyigs pa 'gro ba thams cad bde bar bya ba dang / byang chub sems dpa'i sems dang bsam pas chen por bsgrubs pa dang / chos kyi dbyings thams cad du 'dal ba'i dmyigs pa'i 
mdzod kyi yongs su bsngo ba'i sgo rdo rje'i rgyal mtshan dang / byang chub sems dpa' 'jug pa'i sgo de bzhin gshegs pas dgongs pa dang / chos bstan pa 'gal ba myed pa'i tshul gyis chos thams cad kyi don rab tu bstan pa dang / 'gro ba thams cad kyis mi sgul ba'i 
dam bcas pa shin tu rgya che ba dang / sems skad cig gis mthar phyin pa'i 'jug pa dang / dmyigs pa'i mdzod sems dang sems ma yin pa'i sa thams cad rab tu rtogs pa dang / yang dag par bstan pa'i sgo sems ma yin pa'i sems kyis mngon par 
bsgrubs pa dang / ye shes kyis tshig gi lam thams cad las gyen du 'phags pa dang / spyod pas mngon par 'tshang rgya ba'i byin gyi rlabs byang chub sems dpa' thams cad dang / rgyud [(]gyi [,]kyi[)] tshul gcig tu gyur pa dang / kun tu bzang po'i spyod pa'i dkyil 'khor 
phyi ma'i mtha'i mur rgyun mi 'chad pa dang / spyod pa rgyun myi 'chad pa dang / 'jig rten thams cad kyi 'gro ba'i rtog pa dang / 'du shes kyi rnam pa dang / tshig gi lam du gdags pas gtugs pa'i byin gyi rlabs khyad par gyi smon lam chen pos rnam par 'phrul </font><hr>36-1-132b<br><font size=+1>
pas khong du chud par gyur cig /rab tu shes par gyur cig /shin tu bsgrubs par gyur cig /rnam par spyod par gyur cig /'gro ba kun tu yang dag par ston par gyur cig /dge ba'i rtsa ba 'dis 
chags pa med pa dang grol zhing bcings pa med pa'i sems su sems can gyi khams thams cad la 'jug pa shes pa shin tu phra ba dang / sems can gyi khams rnam par dbye ba shes pa shin tu phra ba dang / sems can gyi khams sna tshogs rtogs par bstan pa shes 
pa shin tu phra ba dang / sems can gyi khams du ma'i mngon par zhen pa shes pa shin tu phra ba dang / sems can gyi khams kyi bye brag tha dad pa shes pa shin tu phra ba dang / sems can gyi khams skal ba mnyam pa shes pa shin tu phra ba dang / sems can gyi khams 
mtha' dang dbus myed pa'i lam gyi rgyud shes pa shin tu phra ba dang / sems can gyi khams bsam gyis myi khyab pa mngon par 'du bya ba sna tshogs rnam par rtog par gyur pa shes pa shin tu phra ba dang / sems can mtha' yas pa'i kun nas nyon mongs pa shes 
pa shin tu phra ba dang / sems can grangs myed pa'i rnam par byang ba shes pa shin tu phra ba dang / sems can gyi khams kyi yul shes pa shin tu phra ba 'di dag dang / shes pa shin tu phra ba gang ji snyed pa de dag thams cad sems skad cig dang 
ldan pa'i ye shes kyi phung po dang / sems can thams cad yongs su smin par bya ba'i byin gyi rlabs dang / dus ji lta ba bzhin du bstan pas 'dul ba yongs su bzung ba dang / dus thams cad du chos kyi sgo brjod du myed pa rab tu bstan cing chos kyi 'khor lo 
bskor ba'i byin gyi rlabs dang / byang chub sems dpa'i spyod pa la rab tu brtson pa'i ye shes 'byam klas pa dang / 'gro ba thams cad rab tu dga' ba'i gnas su gyur pa'i lus brjod du myed pa'i byin gyi rlabs kyi khyu mchog gi mthu phyung ba dang /</font><hr>36-1-133a<br><font size=+1>
byang chub sems dpa'i sems la zhugs pa ye shes kyi nyi mas snang bar byas pa dang / byang chub sems dpa'i sems mngon par rdzogs pa'i byin gyi rlabs byang chub sems dpa'i ye shes kyi khyu mchog gi mthu phyung ba dang / ye 
shes chen po 'byam klas pa dang / kun tu bzang po'i spyod pa la rab tu brtson pa'i 'jug pas yang dag pa ji lta ba bzhin du yongs su shes par gyur cig /rab tu shes par gyur cig /dge ba'i rtsa ba 'dis chags pa myed pa dang grol zhing bcings pa myed pha'i 
sems su 'jig rten gyi khams chos kyi dbyings kyis klas pa nam mkha'i mthas gtugs pa thams cad shes pa shin tu phra ba 'di lta ste/ 'jig rten gyi khams shes pa shin tu phra ba dang / 'jig rten gyi khams cher gyur pa shes pa shin tu phra ba dang / 
'jig rten gyi khams kun nas nyon mongs pa shes pa shin tu phra ba dang / 'jig rten gyi khams rnam par dag pa shes pa shin tu phra ba dang / 'jig rten gyi khams rgya chen po shes pa shin tu phra ba dang / 'jig rten gyi khams sna tshogs shes pa shin tu phra ba dang / 
'jig rten gyi khams yangs pa shes pa shin tu phra ba dang / 'jig rten gyi khams dog pa shes pa shin tu phra ba dang / 'jig rten gyi khams thams cad bsgribs pa med pa'i rgyan gyis rab tu brgyan pa shes pa shin tu phra ba dang /'jig rten gyi khams thams cad ma 
lus par sangs rgyas skye bas rgyas par dgang ba shes pa shin tu phra ba dang / 'jig rten gyi khams thams cad ma lus par rab tu snang bar bya ba shes pa shin tu phra ba dang / 'jig rten gyi khams thams cad ma lus par lus kyis rgyas par dgang ba shes pa 
shin tu phra ba dang / 'jig rten gyi khams thams cad ma lus par 'od gzer rab tu dgye bas snang bar bya ba shes pa shin tu phra ba dang / 'jig rten gyi khams thams cad ma lus par sangs rgyas thams cad kyi byin gyi rlabs dang sangs rgyas thams cad kyi rnam par </font><hr>36-1-133b<br><font size=+1>
'phrul ba dang / khyu mchog gi mthu phyung ba yang dag par bstan pa shes pa shin tu phra ba dang / 'jig rten gyi khams thams cad ma lus par dbyangs gcig gis dbyangs thams cad du rnam par bstan cing rgyas par dgang ba shes pa shin tu phra ba dang / 'jig rten gyi 
khams thams cad ma lus pa'i 'khor gyi dkyil 'khor gyis sangs rgyas kyi sku kun nas bskor bar sangs rgyas kyi zhing thams cad la 'jug pa shes pa shin tu phra ba dang / chos kyi dbyings thams cad ma lus par sangs rgyas kyi zhing gcig tu byin gyis 
brlabs pa shes pa shin tu phra ba dang / chos kyi dbyings thams cad ma lus pa'i sangs rgyas kyi zhing gcig sangs rgyas kyi zhing thams cad du byin gyis brlabs pa shes pa shin tu phra ba dang / 'jig rten gyi khams thams cad ma lus par rmi lam lta bur 'jug pa shes pa shin tu phra 
ba dang / 'jig rten gyi khams thams cad ma lus par myig yor lta bur rnam par dmyigs pas rgyas par dgang ba shes pa shin tu phra ba dang /'jig rten gyi khams shes pa shin tu phra ba 'di dag dang shes pa shin tu phra ba de dag thams cad byang chub sems 
dpa'i spyod pa sgyu ma lta bu'i rnam pa mngon par bsgrub pa la zhugs shing khong du chud pa dang / byang chub sems dpa' kun tu bzang po'i spyod pa dang / rnam par 'phrul ba dang / ye shes khong du chud pas byang chub sems dpa'i spyod pa thams cad rgyun mi 
chad pa kun tu bzang po sgyu ma lta bur mthong ba dang / sangs rgyas thams cad kyi khyu mchog gi mthu phyung ba dang / rnam par 'phrul pa byang chub kyi sems kyis yang dag par bskyed pa dang / lus la chags pa myed par brtson pa'i yang dag par lta ba dang / dge ba'i 
rtsa ba chags pa myed pa'i ye shes dang ma bral ba dang / mngon par chags pa myed pa'i chos nyid dang / sems kyi rgyud dmyigs pa myed pas yang dag par 'jug pa dang / mtshan ma la 'jug pa mtshan ma thams cad las gyen du 'phags pa dang / byang chub </font><hr>36-1-134a<br><font size=+1>
sems dpa'i spyod pa'i mtshan ma yongs su sbyangs pa dang / 'du shes kyi rnam pa thams cad dang bral ba'i ting nge 'dzin thams cad kyi rgyan dang / 'jig rten gyi khams thams cad du byang chub sems dpa'i spyod pa rnam par dgod pa/ khams thams cad dang 
shes pa dang ldan pas rab tu shes par gyur cig /khong du chud par gyur cig /dge ba'i rtsa ba 'dis chags pa myed pa dang grol zhing bcings pa myed pa'i sems su chos kyi dbyings mtha' yas pa la 'jug pa shes pa shin tu phra ba dang / chos kyi dbyings shin tu bstan pa 
shes pa shin tu phra ba dang / chos kyi dbyings yangs pa la 'jug pa shes pa shin tu phra ba dang / chos kyi dbyings bsam gyis mi khyab pa rnam par dbye ba shes pa shin tu phra ba dang / chos kyi dbyings thams cad rnam par dbye ba shes pa shin tu phra ba dang / chos 
kyi dbyings thams cad sems gcig gis rgyas par dgang ba shes pa shin tu phra ba dang / chos kyi dbyings thams cad la yang dag par gzhol ba shes pa shin tu phra ba dang / chos kyi dbyings thams cad dmyigs su myed pa'i spyod yul du shes pa shin tu phra ba dang / 
chos kyi dbyings thams cad du chags pa myed par rnam par brtag pa shes pa shin tu phra ba dang / chos kyi dbyings thams cad skye ba med par yongs su rig pa shes pa shin tu phra ba dang / chos kyi dbyings thams cad du byin gyi 
rlabs kyi lus kyi rnam par 'phrul pa shes pa shin tu phra ba dang / chos kyi dbyings 'byam klas pa shes pa shin tu phra ba 'di dag thams cad byang chub sems dpa' kun tu bzang po'i spyod pa'i byin gyi rlabs kyis ye shes dang / 
chos la dbang sgyur ba rab tu thob pa 'gro ba thams cad tshim par byed pa la brtson pa/ don gyi lus yongs su myi gtong zhing chos kyi lus blta ba la bsgribs pa med pa'i ye shes mnyam pa myed pa mngon par bsgrub pa'i rnam pa rab tu thob pa/</font><hr>36-1-134b<br><font size=+1>
chos thams cad la myi gnas pa'i rang bzhin las ma g.yos pa/ yang dag pa ji lta ba bzhin nam mkha' ltar gos pa myed pa'i tshig gi lam rnam par brjod pa'i spyod pa dang ldan pa rnam par bkod pa'i don gyi rang bzhin shin tu rtogs pa/ rang bzhin gyis zhi ba yongs 
su rig pa'i ye shes kyis myi gnas pa'i yid kyi yang dag par rtog pa dang ldan pa/ dmyigs pa'i tshul la rten pa myed par gnas pa chos kyi dbyings thams cad kyi tshul yangs pa khong du chud pa 'jig rten thams cad du myi gnyis pas yang dag par rgyu ba chos thams 
cad la myi dmyigs pa/ gnas thams cad yang dag par bcom pas kun tu bzang po'i spyod pa'i sgo 'di dag la zhugs pa'i ye shes kyis yang dag pa ji lta ba bzhin du khong du chud par gyur cig /dge ba'i rtsa ba 'dis chags pa myed pa dang grol zhing bcings pa 
myed pa'i sems su bskal pa gang ji snyed pa thams cad shes pa mngon par bsgrub pa 'di lta ste/ brjod du myed pa'i bskal pa sems kyi skad cig gcig tu byin gyis rlob pa shes pa shin tu phra ba dang / sems kyi skad cig gcig la brjod du myed pa'i 
bskal pa yang dag par bstan pa shes pa shin tu phra ba dang / grangs myed pa'i bskal pa la yang dag par 'jug pa shes pa shin tu phra ba dang / bskal pa gcig grangs myed pa'i bskal par yang dag par 'jug pa shes pa shin tu phra ba dang / bskal pa ring 
po bskal pa thung ngur yang dag par 'jug pa shes pa shin tu phra ba dang / bskal pa thung ngu bskal pa ring por yang dag par 'jug pa shes pa shin tu phra ba dang / sangs rgyas dang bcas pa'i bskal pa sangs rgyas mi bzhugs pa'i bskal par 'jug pa shes pa shin tu phra ba dang / 
bskal pa thams cad ma lus pa'i grangs shes pa shin tu phra ba dang / bskal pa thams cad ma lus par bskal pa ma yin par shin tu brtag pa shes pa shin tu phra ba dang / sngon gyi mtha'i mur thug pa'i bskal pa dang / phyi ma'i mtha'i mur thug pa'i bskal pa dang /</font><hr>36-1-135a<br><font size=+1>
da ltar byung ba'i mu la yod pa'i bskal pa dang / dus gsum gyi bskal pa thams cad ma lus par sems kyi skad cig gcig gis mngon par rdzogs par byang chub pa shes pa shin tu phra ba dang / bskal pa shes pa shin tu phra ba 'di dag 
dang / bskal pa ma lus pa'i grangs de bzhin gshegs pa'i ye shes kyis thugs su chud pa shes pa shin tu phra ba de dag thams cad byang chub sems dpa' thams cad kyi spyod pa'i dkyil 'khor gyi rgyal po rab tu thob pa'i sems dang ldan pa kun tu bzang po'i spyod pa la 
rab tu zhugs pa'i sems dang ldan pa/ rtog pa dang rnam par rtog pa'i spros pa thams cad rab tu bstsal ba'i sems dang ldan pa/ skyo ba myed pa'i smon lam chen pos rtsom pa rgyun mi chad pa'i sems dang ldan pa/ mtha' dang dbus myed pa'i 'jig rten 
mang por sangs rgyas mang po yang dag par bstan pas yongs su rgyas par 'gengs pa'i sems dang ldan pa/ de bzhin gshegs pa thams cad kyi dge ba'i rtsa ba byang chub sems dpa'i spyod pa'i rigs yang dag par gzung ba'i sems dang ldan pa/ sems can 
thams cad shin tu bag dro bar byed pa'i spyod pa'i rigs dang rnam par 'dres pa'i sems dang ldan pa/ bskal pa'i grangs thams cad du mngon par rdzogs par 'tshang rgya ba yang dag par bstan pa'i sems dang ldan pa/ 'jig rten gyi khams re re nas phyi ma'i mtha'i mur 
myi g.yo bar spyod pa rgyun mi gcod pa'i sems dang ldan pa/ 'jig rten gyi khams thams cad du de bzhin gshegs pa'i sku'i 'phrin las byang chub sems dpa'i lus kyis yongs su rgyas par 'gengs pa'i sems dang ldan pas sems kyi rgyu ba gcig 
gi gnas kyis yang dag pa ji lta ba bzhin du rab tu shes par gyur cig yang dag pa ji lta ba bzhin du khong du chud par gyur cig /dge ba'i rtsa ba 'dis chags pa myed pa dang / grol zhing bcings pa med pa'i sems su chos shin tu phra ba shes </font><hr>36-1-135b<br><font size=+1>
pa 'di lta ste/ zab mo'i chos shin tu phra ba dang / yangs pa'i chos shin tu phra ba dang / sna tshogs kyi chos shin tu phra ba dang / rgyan rnam par dbye ba'i chos shin tu phra ba dang / mtha' dang dbus myed pa'i bskal pa thams cad du bstan pa shin tu phra ba dang / 
chos thams cad chos gcig tu yang dag par 'jug pa shin tu phra ba dang / chos gcig chos thams cad du yang dag par 'jug pa shin tu phra ba dang chos thams cad chos ma yin par 'jug pa shin tu phra ba dang / chos ma yin par shes pa chos rnam par dgod pa thams cad dang / 
mi 'gal ba shin tu phra ba dang 'di lta ste/ sangs rgyas kyi chos kyi tshul thams cad ma lus pa'i grangs la 'jug pa shes pa shin tu phra ba'i shin tu phra ba 'di dag dang 'jig rten gyi khams thams cad du chos thams cad kyi grangs rnam par bkod pa dang / bstan pa shes 
pa shin tu phra ba de dag thams cad chags pa myed par shes pa'i sems spyod pa gcig gis khyu mchog gi mthu phyung bas yang dag par bskyed pa dang / mtha' dang dbus myed pa'i chos kyi dbyings la zhugs pa'i sems dang spyod pa'i byin gyi rlabs kyis chos 
rnam pa tha dad pa thams cad khong du chud pa'i bsam pa'i stobs dang /shugs chags pa myed pas rab tu rtogs pa dang / dbang po thams cad mkhyen pa'i ye shes kyis rab tu brten pa dang / dran pa dang shes pa dang chos la mkhas pa sangs rgyas thams cad kyi 
ye shes kyi khong du chud pa dang / sangs rgyas mang po chos kyi dbyings thams cad yongs su khyab pa dang / byang chub sems dpa'i lus yang dag par bstan pa'i las dang / de bzhin gshegs pa thams cad kyi skur gtogs pa dang / tshig rnam par dgod cing shin tu bstan pa 'jig rten gyi khams 
thams cad du grags pa dang / yid kyi las sangs rgyas thams cad kyi byin gyi rlabs kyis yang dag par bzung ba dang / kun tu bzang po'i spyod pa mngon par bsgrubs pa'i ye shes chos mtha' dang dbus myed pa rnam pa tha dad pa'i grangs dang tshul thams cad ma lus pa'i ye shes la mkhas pa'i thams </font><hr>36-1-136a<br><font size=+1>
cad mkhyen pa nyid mngon par bsgrubs pas yang dag pa ji lta ba bzhin du rab tu shes par gyur cig /khong du chud par gyur cig/ //sangs rgyas rmad gcad ces bya ba shin tu rgyas pa chen po'i mdo/ /bam po bcu gcig pa/ dge ba'i rtsa ba 'dis chags pa med pa dang grol 
zhing bcings pa med pa'i sems su zhing thams cad ma lus par mngon par bsgrub pa shin tu phra ba dang / sems can thams cad ma lus pa'i ye shes dang mngon par shes pa mngon pa bsgrub pa shin tu phra ba dang / las kyi rnam par smin pa thams cad ma lus par shes pa mngon par 
bsgrub pa shin tu phra ba dang / 'gro ba thams cad ma lus pa'i sems shes pa mngon par bsgrub pa shin tu phra ba dang / dus thams cad ma lus pa slebs par chos bstan pa shes pa mngon par bsgrub pa shin tu phra ba dang / chos kyi dbyings mtha' dang dbus myed pa 
thams cad ma lus par rab tu rtogs pa'i ye shes mngon par bsgrub pa shin tu phra ba dang nam mkha'i dbyings thams cad ma lus pa'i mthar thug pa dang / dus gsum shes pa mngon par bsgrub pa shin tu phra ba dang / tshig dang ngag gi lam thams cad 
ma lus par shes pa mngon par bsgrub pa shin tu phra ba dang / 'jig rten pa'i chos thams cad ma lus par shes pa mngon par bsgrub pa shin tu phra ba dang / 'jig rten las 'das pa'i spyod pa thams cad ma lus par shes pa mngon par bsgrub pa shin 
tu phra ba dang / shes pa mngon par bsgrub pa 'di dag dang / de bzhin gshegs pa thams cad kyi lam dang / byang chub sems dpa' thams cad kyi lam dang / 'gro ba thams cad kyi lam shes pa mngon par bsgrub pa shin tu phra ba de dag thams cad 
byang chub sems dpa'i spyod pa dang ldan zhing kun tu bzang po'i byin gyi rlabs yang dag par 'dzin pas chos ji lta ba bzhin dang / yi ge ji lta ba bzhin du mig yor dang 'dra ba'i shes pa mngon par bsgrub pa dang / rmi lam dang 'dra ba'i shes pa mngon </font><hr>36-1-136b<br><font size=+1>
par bsgrub pa dang / sgyu ma dang 'dra ba'i shes pa mngon par bsgrub pa dang / sgra brnyan dang 'dra ba'i shes pa mngon par bsgrub pa dang / sprul pa dang 'dra ba'i shes pa mngon par bsgrub pa dang / dben pa dang mnyam pa'i shes pa mngon par bsgrub pa dang / 
zhi ba dang mnyam pa'i shes pa mngon par bsgrub pa dang / chos kyi dbyings thams cad kyi rang bzhin dang mnyam pa'i shes pa mngon par bsgrub pa dang / gnas myed pa dang mnyam pa'i shes pa mngon par bsgrub pa dang / sangs rgyas kyi chos thams cad dang 
mnyam pa'i shes pa mngon par bsgrub pa dang / kun tu bzang po'i spyod pa nye bar blang ba la gnas par brtson pa'i shes pa mngon par bsgrub pa shin tu phra bas rab tu shes par gyur cig /khong du chud par gyur cig ces te de yang 'jig rten nam 'jig rten gyi chos 
la mi rtog pa dang / de yang byang chub 'am byang chub sems dpa' la mi rtog pa dang / de yang byang chub sems dpa'i spyod pa 'am 'byung ba'i lam la mi rtog pa dang / de yang sangs rgyas dang sangs rgyas kyi chos thams cad la mi rtog pa dang / de yang sems can thams cad gdul 
ba dang mi gdul ba la rnam par mi rtog pa dang / de yang dge ba'i rtsa ba 'am yongs su bsngo ba la rnam par mi rtog pa dang / de yang bdag gam gzhan la rnam par mi rtog pa dang / de yang dngos po dang dmyigs pa la rnam par myi rtog pa dang / de yang byang chub sems dpa'i spyod 
pa 'am/ mngon par 'tshang rgya ba la rnam par mi rtog pa dang / de yang chos nyid dam yongs su shes par bya ba la rnam par mi rtog pas/ de ltar byang chub sems dpa' sems dpa' chen po dge ba'i rtsa ba de dag chags pa myed pa dang grol zhing bcings pa myed 
pa'i sems dang / chags pa med pa dang grol zhing bcings pa med pa'i lus dang / chags pa myed pa dang grol zhing bcings pa med pa'i sgra dang / chags pa myed pa dang grol zhing bcings pa myed pa'i las dang / chags pa myed pa dang grol zhing bcings pa myed pa'i rnam par smin pa dang / chags pa myed pa dang grol zhing </font><hr>36-1-137a<br><font size=+1>
bcings pa myed pa'i 'jig rten dang / chags pa myed pa dang grol zhing bcings pa myed pa'i zhing dang / chags pa myed pa dang grol zhing bcings pa myed pa'i sems can dang / chags pa myed pa dang grol zhing bcings pa med pa'i 
chos dang / chags pa myed pa dang grol zhing bcings pa myed pa'i ye shes kyis yongs su bsngo ste/ de de ltar yongs su bsngo bas 'das pa'i sangs rgyas dang / byang chub sems dpa' thams cad kyi yongs su bsngo ba thob pa yin/ ma byon pa'i 
sangs rgyas dang byang chub sems dpa' thams cad kyi yongs su bsngo ba 'thob pa yin/ /da ltar byung ba'i sangs rgyas dang byang chub sems dpa' thams cad kyi yongs su bsngo ba 'thob pa yin/ 'das pa'i sangs rgyas thams cad kyi yongs su 
bsngo ba la slob pa yin/ ma byon pa'i sangs rgyas thams cad kyi yongs su bsngo ba 'grub par 'gyur ba yin/ da ltar byung ba'i sangs rgyas thams cad kyi yongs su bsngo ba la rab tu gnas pa yin/ 'das pa'i sangs 
rgyas thams cad kyi yongs su bsngo ba'i lam la gnas pa yin/ ma byon pa'i sangs rgyas thams cad kyi yongs su bsngo ba'i lam myi gtong ba yin/ da ltar byung ba'i sangs rgyas thams cad kyi yongs su bsngo ba'i lam dang 'gal bar myi byed pa 
yin/ 'das pa'i sangs rgyas thams cad kyi gdams ngag la nan tan du byed pa yin/ ma byon pa'i sangs rgyas thams cad kyi gdams ngag la nan tan byed par 'gyur ba yin/ da ltar byung ba'i sangs rgyas thams cad kyi gdams ngag khong du chud par byed pa yin/ 'das pa'i sangs 
rgyas thams cad kyi mnyam pa nyid yongs su rdzogs par byed pa yin/ ma byon pa'i sangs rgyas thams cad kyi mnyam pa nyid bsgrub par 'gyur ba yin/ da ltar byung ba'i sangs rgyas thams cad kyi mnyam pa nyid la nan tan du byed pa yin/</font><hr>36-1-137b<br><font size=+1>
'das pa'i sangs rgyas thams cad kyi yul la yongs su spyod pa yin/ ma byon pa'i sangs rgyas thams cad kyi yul la rab tu gnas pa yin/ da ltar byung ba'i sangs rgyas thams cad kyi yul dang mnyam par 'gyur ba yin/ 'das pa dang ma byon pa dang da ltar byung ba'i 
sangs rgyas thams cad dang dge ba'i rtsa ba'i mtshan nyid gcig pa yin/ 'das pa dang ma byon pa dang / da ltar byung ba'i sangs rgyas kyi rigs thams cad dang mnyam pa nyid du gnas pa thob pa yin/ 'das pa dang ma byon pa dang da ltar byung ba'i de bzhin 
gshegs pa thams cad kyi spyod yul dang / tshul gyi rgyud gcig tu gyur pa yin/ 'das pa dang ma byon pa dang da ltar byung ba'i sems can gyi gtso bo thams cad kyi yul dang myi 'gal ba thob pa yin te/ kye rgyal ba'i sras dag 'di ni byang chub sems dpa' 
sems dpa' chen po rnams kyi yongs su bsngo ba chags pa myed pa dang / grol zhing bcings pa myed pa'i sems shes bya ba ste dgu pa'o/ /yongs su bsngo ba de dag la gnas pa'i byang chub sems dpa' sems dpa' chen po ni dge ba'i rtsa ba thams cad de de ltar yongs 
su bsngo ste/ de de ltar yongs su bsngo bas 'khor yug rdo rje'i ri thams cad kyis myi choms pa'i stobs dang ldan pa yin/ 'gro ba thams cad kyi gzugs thams cad ma lus pa dang ldan zhing zil gyis myi non pa yin/ bdud kyi sde dang bdud kyi dpung dang / 
bdud kyi las thams cad rab tu 'joms pa yin/ 'jig rten gyi khams thams cad du byang chub sems dpa'i spyod pa ma lus par yang dag par bstan pa la brtson pa yin/ 'gro ba thams cad la go bar byed pa'i sangs rgyas kyi chos thams cad kyi tshig dbye ba la mkhas 
pa dang ldan pa yin/ sangs rgyas kyi chos thams cad la rmongs pa myed pa'i ye shes 'byam klas pa dang ldan pa yin/ gang dang gang du shi 'pho ba dang skye ba dang 'gro ba dang 'ong ba dang / gnas pa dang 'dug pa thams cad du myi phyed pa'i g.yog 'khor dang ldan pa yin/</font><hr>36-1-138a<br><font size=+1>
'das pa dang ma byon pa dang da ltar byung ba'i sangs rgyas thams cad kyi chos bstan pa dang / chos kyi 'byung gnas dran pa yang dag par 'dzin pa rnam par dag pa rab tu thob pa yin/byang chub sems dpa'i spyod pa thams cad yongs su gzung 
ba la myi skyo bas phyi ma'i mtha'i bskal pa'i mur thug par spyod pa rgyun mi chad pa yin/ gnas thams cad yang dag par bcom pa yang rab tu 'thob pa yin/ byang chub sems dpa' kun tu bzang po'i spyod pa dang smon lam yang dag par bskyed pa yang 'thob pa yin/ 
thams cad mkhyen pa'i sangs rgyas kyi mdzad pa dang byin gyi rlabs dang byang chub sems dpa'i spyod pa dang rnam par 'phrul pa thob par bya ba yang rab tu 'thob pa yin no/ /de nas byang chub sems dpa' sems dpa' chen po rdo rje'i rgyal mtshan gyis sangs rgyas kyi byin gyi rlabs kyis 
phyogs bcur rnam par bltas te/ de'i tshe tshigs su bcad pa 'di dag smras so/ /de dag zil gyis myi non 'gyur byas shing / /'dra myed de dag phyogs rnams thams cad du/ /las rnams ci 'drar yongs su bsags byas pa/ /de dag kun 
la brnyas par yong myi byed/ /bdag gis byas pa 'am gzhan gyis byas pa yi/ /dge ba gang la 'ang brnyas par myi byed de/ /de la shin tu mos pa rab bskyed cing / /de dag sems can phan phyir yongs su bsngo/ /de dag sems la mtho ba 
myed byas shing / /yid la dma' ba'ang 'chang ba myed byas te/ /rgyal ba rnams kyi sku yi 'phrin las dang / /gsol ba gdab las las yang gang 'byung dang / /gang yang rnam pa mang po byed gyur cig /sems can kun la bde dang phan sems kyis/ /
brtan pa'i mos dang bsam las byung ba dag /skyes bu dbang por ci nas 'gyur bar bsngo/ /rnam pa sna tshogs ji snyed gang yod tshul/ /'gro ba 'di na tha dad myi 'dra ba/ /rgya che yangs dang phra mo zab mo'i rnams/ /de dag bdag gi yongs bstsags shes </font><hr>36-1-138b<br><font size=+1>
par bya/ /ji snyed 'jig rten yangs par 'gro ba yi/ /sna tshogs lus rnams lus su gzhol gzud pa/ /de dag shes byas spyad pa spyod pa'i tshe/ /ye shes sgo las phyir ldog ma gyur cig /gang yang 'jig rten zhing gi sgo mnga' ba/ /phra dang rgya 
che spyi'u tshugs snel zhi dag /sgra'i sbubs su kun kyang bsdu byas te/ /ye shes sgo nas thams cad shes gyur cig /gang yang sems kyi tshul mang gcig myin pa/ /de dag sems su yang dag bsdu byas te/ /ye shes sgo nas de dag shes 
byas nas/ /spyod lam ldog pa myed par spyad par bya/ /'gro ba kun gyi dbang po bsam pa dag /rgya che de bzhin shin tu phra ba dang / /zab mo sna tshogs ji snyed bsdu byas shing / /thams cad rang bzhin ji bzhin shes gyur cig /gang yang las kyi rnam pa 
sna tshogs pa/ /rab dang 'bring dang de bzhin tha ma rnams/ /thams cad ye shes sgo nas shes byas te/ /bde gshegs stobs la rab tu 'jug gyur cig /bdag gis las gtsang yongs su gang bstsags pas/ /'jig rten bskal pa bsam 
gyis mi khyab pa/ /ji snyed de dag skad cig sems btud cing / /phyogs rnams kun tu de dag shes gyur cig /dus rnams snrel zhir dus gsum gzung byas shing / /bskal pa myi mnyam tha dad mtshan shes nas/ /de dag mnyam nyid de dang 
'gal myed du/ /spyod cing kun tu rmongs pa myed gyur cig /'gro ba'i spyod pa ji snyed gang yang rung / /'jig rten dag na brkyang bskum mi g.yo ba/ /rnam pa tha dad thams cad shes gyur kyang / /mtshan myed dngos kyi rlom sems myed gyur cig /
phyogs rnams kun na skyes dbang ji snyed pa/ /su bzhugs de dag rnam par 'phrul mdzad pa/ /tshul gyis dkon zhing shin tu yangs pa rnams/ /de dag thams cad tshul bzhin shes gyur cig /dga' ldan gnas na rang byung gang bzhugs pa/ /</font><hr>36-1-139a<br><font size=+1>
mi yi seng ge 'dra myed chen po dang / /phra dang yangs dang rnam dag rgya che dag /rang bzhin bzhin du thams cad mthong gyur cig /yum gyi phyal na dpe zla myed pa rnams/ /rnam par 'phrul pa ji snyed mdzad pa dang / /'tshang rgya mya 
ngan 'da' dang 'khor lo'i mchog /'gro ba kun tu ldog pa myed pa dang / /mi yi seng ge bltams par gyur pa'i tshe/ /lha yi mchog dang tshangs pa'i mchog rnams dang / /ye shes mchog dang shes la gnas rnams kyis/ /lag pa'i dam pas rim 
gror blangs pa dang / /de bzhin chos dbyings ma lus ji snyed pa'i/ /phyogs na gang yod thams cad bsdu byas shing / /sangs rgyas rnam 'phrul gzhi mtha' dbung med pa/ /de dag thams cad mthong zhing shes gyur cig /skyes bu khyu mchog 
'jig rten byung gyur cing / /gshegs thabs bdun por gshegs par gyur pa dang / /dpe zla med pas rnam par gzigs pa dag /thams cad chags med sgo nas shes gyur cig /gang yang skyes dbang bzhad mo bzhad pa dang / /skye dgu 'di dag 'dod 
byings gzigs gyur cing / /sems can 'di dag rab rib bsgribs mdongs pa/ /srid pa'i sdug bsngal kun las dgrol bya zhes/ /seng ge'i nga ro rnam par sgrog mdzad pa/ /bdag cag 'jig rten 'phags pa'i gtso yin gyis/ /ye shes sgron ma 
shin tu 'dir bstan cing / /'gro ba kun gyi skye ba dgag par bya/ /gang yang 'od gzer brgya phrag mtha' yas pa/ /mi yi seng ge skye tshe rab 'phro bas/ /ngan song thams cad zhi bar gyur pa dang / /'gro ba kun gyi sdug bsngal zhi gyur dang / /gang yang 
btsun mo'i 'khor gyi khrod bzhugs shing / /mi yi seng ge rnam par 'phrul mdzad dang / /'gro ba kun la phan dang bde thugs kyis/ /'jig rten sgron ma mngon par byung ba dang / /'gro rgyud 'di las shin tu byung gyur cing / /byang chub shing drung skyes dbang bzhugs </font><hr>36-1-139b<br><font size=+1>
gyur nas/ /sa rnams bskyod byas dpe zla med pa yi/ /'od snang phyogs bcu kun tu bkye gyur cing / /bdud kyi khyim rnams rab tu ldeg mdzad de/ /phyogs bcu'i 'jig rten thams cad skul mdzad dang / /sngon spyod gang rnams yongs su smin mdzad cing / /
gang non skyes dbang rnam par 'tshang rgya ba/ /ma lus skra yi sbubs su bsdu byas shing / /phyogs rnams zhing rgyud de bzhin bsdu byas te/ /sems can mtha' yas rgyud kyang yongs bsdus shing / /rgyal ba rnams kyi rnam 'phrul grub gyur cig /tshul rnams 'di 
dag ma lus shes byas te/ /'jig rten mkhyen pa'i yon tan brjod pa dang / /ye shes mkhyen pa'i yon tan ma brjod pa/ /thams cad spyod la gnas te shes gyur cig /ji snyed bdud kyi dkrugs ma mang po dag /de dag dpung gis stong gsum khyab gyur 
cing / /bdud rnams phyin ci log gtong mang po dag /thams cad chags myed sgo nas thul gyur cig /zhing na mi yi seng ge gang bzhugs dang / /brgya byin gnas na skyes dbang gang bzhugs dang / /tshangs pa'i gnas na rang byung gang bzhugs pa/ /chags myed 
thams cad ma lus mthong gyur cig /gang rnams chos kyi 'khor lo bskor ba dang / /myi yi gtso bo'i sku tshul mtha' yas pa/ /dus kyi dus gsum bskal pa ji snyed par/ /gang rnams rgyal bas mtha' ma ma brnyes dang / /dpe zla myed pa'i gdan du gyur pa 
rnams/ /mtha' yas phyogs rnams gang gis khyab gyur pa/ /mtshan nyid tha dad rgyan gyis dag pa rnams/ /kun na rgyal ba bsam yas bzhugs pa dag /de dag rgyal sras mang pos yongs bskor cing / /chos dbyings ma lus kun tu khyab mdzad nas/ /
gang gis sangs rgyas ma lus byung gyur pa'i/ /byang chub spyod pa kun tu ston mdzad cing / /ye shes mkhyen pa rnams kyi tshul gcig gis/ /sangs rgyas ma lus thams cad sdud mdzad cing / /rgyal ba'i rgyan tshul rnam pa sna tshogs kyis/ gang gis chos </font><hr>36-1-140a<br><font size=+1>
kyi chos nyid yongs khyab pa/ /dpe zla myed pa'i rnam 'phrul ji snyed dang / /rgyal ba rnams kyi sku tshul ji snyed dang / /gang yang sku tshe bzung ste skyes gyur dang / /gang yang btsun mo'i 'khor gyis bskor ba dang / /gang yang mngon par 'byung ba 
bstan pa dang / /mkhas pas dbang po shin tu phra mkhyen dang / /mya ngan 'das nas ring bsrel kun bsdus te/ /bgos shing rgyal ba'i mchod rten byas pa'i bar/ /'jig rten dag na tshad myed ma lus pa'i/ /spyod pa mtha' yas de dag rab spyod cing / /rgyal 
ba'i spyod pa yongs su gang brjod pa/ /de dag kun la spyod yangs 'jug gyur cig /de ltar tshul rnams kun la yongs bsngo ste/ /dge ba de dag yongs su bsngo bas na/ /byang chub spyod pa de dag rab tu shes/ /spyod pas skyo bar nam yang mi 'gyur ro/ /
de dag rnam par 'phrul pa ji snyed pa/ /rgyal ba rnams kyi brjod pa gang yang rung / /'gro ba 'di na 'jig rten mkhyen pa yi/ /gang yod thams cad ma lus rtogs par shes/ /de ltar skyes dbang thams cad ma lus par/ /rang 'byung yul rnams rjes su thob gyur te/ 
de dag skad cig gcig gis rtogs gyur kyang / /byang chub spyod las rnam par phyir mi ldog /gang yang rgyal ba'i spyod yul phra mo rnams/ /zhing dang chos kyi rgyud rnams thams cad kun/ /de dag spyod pa mchog gis shes gyur te/ /yongs su bsngo ba'i pha rol 
phyin pa thob/ /bskal pa shin tu phra la 'jug pa gang / /skad cig gcig la grangs dang grangs myed tshul/ /de dag byang chub shes pas rtogs gyur kyang / /spyod pa'i dam pa de las phyir myi ldog /gang yang 'gro ba rnams kyi zhing chen dang / /kun nas nyon 
mongs de bzhin rnam dag rnams/ /kun kyang ye shes spyod pas shes byas shing / /de la yid gzhungs sems can dam pa 'khod/ /dus kyi tshul rnams rjes su sems byed cing / /skad cig sems kyis bsam yas bskal pa dang / /de bzhin dus gsum </font><hr>36-1-140b<br><font size=+1>
ma lus thams cad kyang / /spyod pa'i mchog la gnas shing rab tu shes/ /sems la yang dag gzhol zhing 'jug pa dang / /chos la yang dag 'jug pa'i tshul rnams dang / /zhing la yang dag 'jug pa mkha' 'di la/ /kun kyang spyod pa dam pas rab tu 
shes/ /ye shes mngon par bsgrub pa gang yod dang / /sems can bsgrub dang de bzhin chos bsgrub dang / /rnam par 'phrul thob byang chub bsgrub pa rnams/ /mtha' dbus gzhi myed thams cad ma lus pa/ /'jug pa shin tu phra ba mtha' dag bsdu byas 
shing / /rnam par phye ba ji snyed yod pa rnams/ /bskal pa mi mthun tha dad mtshan ldan pa/ /de dag thams cad spyod pa yangs pas shes/ /phyogs kyi rgyud na zhing rnams gcig myin pa/ /'gro ba rnams na sna tshogs gang yod dang / /sems can 
'gro rgyud sna tshogs tha dad pa/ /spyod pa'i stobs la gnas shing shes par byed/ /gang gis yongs su bsngo ba 'di shes pa/ /de ni ji snyed 'das pa'i sangs rgyas dang / /gang rnams ma byon gang dag bzhugs pa rnams/ /de dag spyod dang mnyam pa nyid 
thob bo/ /rgyal ba kun gyi bsod nams thob par 'gyur/ /rgyal ba kun gyi ye shes thob par 'gyur/ /rgyal ba kun gyi spyod pa'i rjes bslabs shing / /yongs su bsngo ba 'di dag thob par 'gyur/ /'gro ba kun gyis thub par dkar gyur cing / /'jug pa kun 
tu bslab bya bslabs pa dag /rgyal ba kun gyi rjes su sems pa rnams/ /thams cad 'jig rten sgron ma mthong bar 'gyur/ /de yi spyod la tshad gdab mi nus te/ /yon tan rnams la 'ang tshad kyis gzhal mi nus/ /dpe myed de dag spyod la gnas 
bcas shing / /rgyal ba kun gyi rnam 'phrul rab tu shes/ /chags pa myed pa dang grol zhing bcings pa myed pa'i sems shes bya ba ste/ /yongs su bsngo ba dgu pa'o/ /kye rgyal ba'i sras dag byang chub sems dpa' sems dpa' chen po rnams kyi yongs </font><hr>36-1-141a<br><font size=+1>
su bsngo ba chos kyi dbyings tshad myed pa zhes bya ba bcu pa gang zhe na/ kye rgyal ba'i sras dag 'di la byang chub sems dpa' sems dpa' chen po chos smra ba chen por gyur pas dri ma med pa'i go 'phang thob pa/ chos kyi mdzod 
kyi sbyin pa rab tu byin zhing / snying rje chen po dang ldan pas byams pa chen po thob cing / byang chub kyi sems la sems can rab tu dgod par brtson pa/ sems can gyi don la zhugs pas byang chub kyi sems rgyun mi chad par dge ba'i rtsa ba nye bar stsogs pa 
sems can thams cad kyi kha lo sgyur bas 'gro ba thams cad la thams cad mkhyen pa'i lam yang dag par ston pa/ 'gro ba thams cad la chos kyi nyi ma dam par gyur pas dge ba'i rtsa ba tshad myed pas 'jig rten thams cad snang bar byed pa/ 
'gro ba thams cad la sems rab tu mnyam pas sems can thams cad kyi dge ba'i rtsa ba mngon par 'du byed pa rgyun mi gcod pa/ ye shes la dbang sgyur zhing sems rnam par dag pas dge ba'i rtsa ba'i las thams cad nyams pa med par sgrub 
pa/ ye shes chen pos 'gro ba thams cad kyi ded dpon tu gyur pas/ sems can thams cad la bde ba'i lam yang dag par ston pa/ dge ba'i rtsa ba'i chos bskyed pa thams cad la sems can thams cad kyi sngun 'dren pa/ sems can thams cad kyi dge 
ba'i rtsa ba dbyer mi phyed par gyur pas 'gro ba thams cad kyi dge ba'i rtsa ba spel ba la zhugs pa/ /dam pa'i chos sbyin pa sngon du gtong bas chos dkar po thams cad yang dag par rtsom pa thams cad mkhyen pa nyid du sems bskyed pas yongs su bzung ba'i lhag pa'i 
bsam pas stobs dang shugs kyi pha rol tu phyin pa thob pa/ /lhag pa'i bsam pa shin tu brtan pa las byung ba'i byang chub kyi sems bskyed pa yang dag par bsgrub pas nye bar ston pa'i spyod pa mthu chen po'i sems dang ldan pas byang chub tu sems bskyed pa la </font><hr>36-1-141b<br><font size=+1>
mos shing dge ba'i bshes gnyen la rten pa'i spyod pa dang ldan pa/ sgyu med par byang chub tu sems bskyed pa'i lhag pa'i bsam pa yang dag par bsgrubs pas/ thams cad mkhyen pa'i sgo'i dmyigs pa mtha' dang dbus med pa la sems pa/ dge ba'i rtsa 
ba la dmyigs shing yongs su bsngo ba rgya chen pos bsgribs pa med pa'i yul thams cad yang dag par bsdu ba la zhugs shing rab tu bsgrub pa de chung ngu na sangs rgyas kyi gsung las tshig dang / yi ge gcig thos sam/ ston tam yang dag par 'dzin kyang rung ste/ sangs rgyas 
thams cad mngon du gyur pa'i 'jig rten gyi khams 'byam klas pa de dag na sangs rgyas bcom ldan 'das gang bzhugs shing 'tsho skyong ba de dag dran pas dmyigs te/ 'das pa'i sangs rgyas rnams kyang yid la byed/ ma byon pa'i sangs rgyas rnams kyang yid la 
byed/ da ltar byung ba'i sangs rgyas rnams kyang yid la byed/ 'das pa dang ma byon pa dang / da ltar byung ba'i sangs rgyas thams cad kyang yid la byed cing / byang chub sems dpa'i spyad pa spyod pa'i tshe/ dge ba'i rtsa ba de dag 'di ltar yongs su 
bsngo ste/ dge ba'i rtsa ba 'dis sangs rgyas de dag thams cad kyis yang dag par dgongs te/ 'jig rten gyi khams gcig tu byang chub kyi spyad pa spyod par gyur cig /'jig rten gyi khams gcig tu ji lta ba bzhin du 'jig rten gyi khams chos kyi dbyings kyis 
klas pa/ nam mkha'i mthas gtugs pa ma lus pa thams cad du yang byang chub sems dpa'i spyad pa spyod par gyur cig /phyi ma'i mtha'i mur thug pa'i bskal par sems can gcig gi don du byang chub sems dpa'i spyad pa yang dag par spyod par gyur cig /
sems can gcig gi don du ji lta ba de bzhin du sems can [(]kyi [,]gyi[)] khams mtha' dag ma lus pa lhag ma ma lus pa thams cad kyi don du sems can gcig gi phyir yong phyi ma'i mtha'i bskal pa'i mur thug par go ca bgos te/ sems can gcig gi phyir ji lta ba de bzhin du sems </font><hr>36-1-142a<br><font size=+1>
can thams cad kyi phyir yang go ca bgos te/ byang chub sems dpa'i spyad pa yang dag par spyod par gyur cig /dge ba'i rtsa ba 'dis nam yang sangs rgyas dang 'bral ba'i 'du shes dang dge ba'i bshes gnyen dang 'bral ba'i 
'du shes skye bar ma gyur cig /'di ltar yang sangs rgyas thams cad mngon du gyur te/ sangs rgyas skye ba gcig dang yang mi 'bral zhing sangs rgyas thams cad kyis byang chub sems dpa'i tshangs par spyod pa yang dag par bstan pa dang brjod pa dang bsngags 
pa de la spyod par gyur cig /de dag yongs su rdzogs par byed par gyur cig /tshangs pa'i spyod pa ma god par spyod par gyur cig /tshangs pa'i spyod pa mnyams par yongs su rdzogs par byed par gyur cig /tshangs pa'i spyod pa ma 'dres par 
yongs su spyod par gyur cig /tshangs pa'i spyod pa rnyog pa med pa la gnas par gyur cig /ltung ba med pa'i tshangs pa'i spyod pa la gnas par gyur cig /zil gyis mi non pa'i tshangs pa'i spyod pa yongs su spyod par gyur cig /sangs 
rgyas kyis bsngags pa'i tshangs pa'i spyod pa la nan tan du spyod par gyur cig /mi gnas pa'i tshangs pa'i spyod pa rab tu sgrub par gyur cig /mi dmyigs shing byang chub kyi sems la gnas pa'i tshangs pa'i spyod pa rnam par spyod 
par gyur cig /'das pa dang ma byon pa dang / da ltar byung ba'i sangs rgyas thams cad kyis spyad pa'i rjes su spyod pa'i tshangs pa'i spyod pa khong du chud par gyur cig /ji ltar bdag tshangs pa'i spyod pa de la nan tan du byed pa de bzhin du tshangs 
par spyod pa chags pa med pa dang / tshangs par spyod pa gnas med pa dang / tshangs par spyod pa nyon mongs pa med pa dang / tshangs par spyod pa nyams pa med pa dang / tshangs par spyod pa bsgribs pa med pa dang / tshangs par spyod pa brtan pa dang /</font><hr>36-1-142b<br><font size=+1>
tshangs par spyod pa gzhan gyi dring mi 'jog pa dang / tshangs par spyod pa mi sgul ba dang / tshangs par spyod pa mi g.yo ba dang / tshangs par spyod pa mi 'khrugs pa de la sems can thams cad kyang rab tu 'god do/ /sems can thams cad rab tu 
sbyor ro/ sems can thams cad shin tu sgrub bo/ /sems can thams cad rnam par sbyong ngo / /sems can thams cad dri ma med par bya'o/ /sems can thams cad rnam par snang bar bya'o/ /sems can thams cad 
rdul med par bya'o/ /sems can thams cad rab rib med par bya'o/ /sems can thams cad yongs su gdung ba med par bya'o/ /sems can thams cad 'byung ba la gnas par bya'o/ /sems can thams cad 
'gyod pa thams cad dang bral zhing gnod sems dang rnam par bral ba'i pha rol tu phyin pa thob par bya'o/ /de ci 'i phyir zhe na/ byang chub sems dpa'i tshangs par spyod pa rnam par ma dag pas gzhan gyi tshangs par spyod pa rnam par dag par bya bar mi nus so/ /
byang chub sems dpa' tshangs par spyod pa las phyir log pas pha rol byang chub sems dpa'i tshangs par spyod pa bsgrub par mi nus so/ /byang chub sems dpa' tshangs par spyod pa rgyun chad pas gzhan byang chub sems dpa'i tshangs par spyod pa la 
rnam par dag par bya bar mi nus so/ /byang chub sems dpa' tshangs par spyod pa dang bral bas gzhan byang chub sems dpa'i tshangs par spyod pa la nan tan du byed du gzhug par mi nus so/ /byang chub sems dpa' tshangs par spyod pa las nyams pas gzhan byang chub 
sems dpa'i tshangs par spyod pa la sbyar bar mi nus so/ /byang chub sems dpa' tshangs par spyod pa la mos pa med pas/ gzhan byang chub sems dpa' tshangs par spyod pa la mos par bya bar mi nus so/ /byang chub sems dpa' tshangs par spyod pa la </font><hr>36-1-143a<br><font size=+1>
rnam par mi gnas pas gzhan byang chub sems dpa'i tshangs par spyod pa la gnas par gzhag par mi nus so/ /byang chub sems dpa' tshangs par spyod pa la ma zhugs pas gzhan byang chub sems dpa'i tshangs par spyod pa la gzhug par 
mi nus so/ /byang chub sems dpa' tshangs par spyod pa las g.yos pas gzhan byang chub sems dpa'i tshangs par spyod pa myi g.yo ba la gzhag par mi nus so/ /byang chub sems dpa' tshangs par spyod pa ma spyad pas gzhan byang chub sems dpa'i tshangs par spyod pas 
yang dag par gzung bar mi nus so/ /de ci'i phyir zhe na/ byang chub sems dpa' ni ji skad smra ba de ltar byed pa yin/byang chub sems dpa' ni ma nor ba la gnas shing ma nor bar smra ba yin/ byang chub sems dpa' ni bden par smra zhing de bzhin du byed pa la gnas 
pa yin/ byang chub sems dpa' ni lus kyi las dang ngag gi las dang / yid kyi las yongs su dag cing nyon mongs pa thams cad bstsal ba yin/ byang chub sems dpa' ni sgrib pa thams cad rnam par 'thor zhing bsgribs pa med pa'i spyod yul la zhugs pa yin/ 
byang chub sems dpa' ni lhag pa'i bsam pa dang ldan zhing gzhan la lhag pa'i bsam pa dag pas chos ston pa yin/ byang chub sems dpa' ni drang po'i tshul gyis dge ba'i rtsa ba la 'jam pa'i sems dang ldan zhing gzhan drang po la bzhag pa yin/ 
byang chub sems dpa' ni 'gyod pa dang bral bar byas shing gzhan 'gyod pa las rnam par slong ba yin/ byang chub sems dpa' ni yid dang bar gyur cing gzhan sems dang bar dbyer med pa yang dag par sgrub pa yin/ byang chub sems dpa' ni chos yang dag par 
brjod par gyur cing gzhan chos la nye bar stobs pa yin te/ de ltar byang chub sems dpa' sems dpa' chen po dge ba'i rtsa ba de dag yongs su bsngo'o/ /gzhan yang byang chub sems dpa' sems dpa' chen po chos kyi sbyin pa la brtson pa dge ba'i rtsa ba </font><hr>36-1-143b<br><font size=+1>
de dag 'di ltar yongs su bsngo ste/ dge ba'i rtsa ba 'dis chos thams cad kyi sgo mi zad pa rab tu thob par gyur cig /chos thams cad shin tu bstan pa'i sgo 'gro ba thams cad tshim par byed pa/ gzhan gyis brgal ba thams cad las rnam par 'das pa/ 
dor ba dang gzhag pa rab tu 'gag pa thob par gyur cig /dge ba'i rtsa ba 'dis 'das pa dang ma byon pa dang / da ltar byung ba'i sangs rgyas thams cad kyi chos rgya mtsho shin tu ston par gyur cig /chos kyi skye gnas re re dang chos kyi tshul re re dang chos rnam par brjod pa re re dang / 
chos su gdags pa re re dang / chos su smos pa re re dang / chos su brjod pa re re dang / chos kyi sgo re re dang / chos la 'jug pa re re dang / chos bskyed pa re re dang / chos rnam par dgong pa re re las chos mi zad pa/ mtha' dang dbus med 
pa'i mi 'jigs pa la rab tu brtson pa thob ste/ tha dad pa yang dag par shes pa la zhugs pas ston cing 'gro ba thams cad kyis phyi ma'i mthar thug pa mi bde ba dang ldan pa dang / sems can thams cad la lhag pa'i bsam pas bstan par yang dag par 
bsgrub pa'i tshig chags pa med pas byung ba dang / 'khrul pa med pa'i spobs pas 'gro ba thams cad dga' bar byed pa'i chos shin tu ston pa dang / 'gro ba thams cad du rjes su bsgrags pa'i chos kyi tshig gi tshul dang ldan pa dang / chos thams cad kyi snang ba mtha' 
yas pa'i rgyun mi 'chad pa'i dga' ba'i shugs yang dag par bskyed pa dang / sems can thams cad dga' ba dang / mos pas thams cad mkhyen pa nyid la rab tu bzhag par rmongs pa med pa dang / chos snang ba'i spobs pa dang ldan pa dang / 
tshig thams cad yang dag par gzung ba'i byin gyi rlabs kyis/ 'jig rten gyi khams thams cad du rab tu brtson pa dang / chos kyi dbyings su lus tshad med pas byin gyis rlob pa dang / chos kyi dbyings sems yangs pa tshad med pas rgyas par 'gengs pa </font><hr>36-1-144a<br><font size=+1>
dang / chos kyi dbyings su dbyangs thams cad rnam par dag pa tshad med pas grags par byed pa dang / chos kyi dbyings su tshad med pa'i 'khor gyi dkyil 'khor yang dag par ston pa dang / chos kyi dbyings kyi byang chub sems dpa'i las tshad med pa la 
brtson pa dang / chos kyi dbyings kyi byang chub sems dpa'i spyod pa tshad med pa rab tu thob pa dang / chos kyi dbyings la yang dag par 'jug pa tshad med par rab tu rtogs pa dang / chos kyi dbyings su chos tshad med par mngon par bsgrub pa la bslabs pa dang /
chos kyi dbyings su byang chub sems dpa'i spyod pa tshad med pa yang dag par spyod pa la gnas pa dang / chos kyi dbyings tshad med pa'i byang chub sems dpa'i spyod pa'i khongs su chud pas sems can thams cad kyi gtso bos yang dag par bstan pa rab tu thob par gyur 
cig ces/ de ltar sems can thams cad thams cad mkhyen pa'i ye shes la rab tu dgod pa shin tu bsgrub pa'i phyir byang chub sems dpa'i dge ba'i rtsa ba de dag yongs su bsngo'o/ /gzhan yang byang chub sems dpa' sems dpa' chen po dge 
ba'i rtsa ba de dag 'di ltar yongs su bsngo ste/ chos kyi dbyings tshad med pa'i sangs rgyas mthong ba dang / chos kyi dbyings tshad med pa'i sems can gdul ba dang / chos kyi dbyings tshad med pa'i sangs rgyas kyi zhing byin gyis brlab pa dang /chos kyi 
dbyings tshad med pa'i byang chub sems dpa'i ye shes khong du chud par bya ba dang / chos kyi dbyings tshad med pa'i mi 'jigs pa rab tu thob par bya ba dang / chos kyi dbyings tshad med pa'i tha dad pa yang dag par shes pa rab tu thob par bya ba dang / chos kyi 
dbyings tshad med pa'i byang chub sems dpa'i gzungs rab tu thob par bya ba dang / chos kyi dbyings tshad med pa'i byang chub sems dpa'i gnas bsam gyis mi khyab pa rab tu thob par bya ba dang / chos kyi dbyings tshad med pa'i bsod nams bstsags pa </font><hr>36-1-144b<br><font size=+1>
yongs su grub par bya ba dang / chos kyi dbyings tshad med pa'i sems can gyi don gyi dge ba'i rtsa ba yongs su rdzogs par bya ba thob par gyur cig /dge ba'i rtsa ba des chos 'di dag yongs su rdzogs par gyur cig /ji ltar bdag gis thob par gyur pa de bzhin du sems can thams 
cad kyis kyang thob par gyur cig /thob pa 'di dang / mnyam pa nyid 'di dang / yongs su rdzogs pa 'dis sems can thams cad bdag dang spyod pa mnyam par gyur cig /bsod nams mnyam pa dang ye shes mnyam pa dang / stobs mnyam pa dang / 
mi 'jigs pa mnyam pa dang / rnam par dag pa mnyam pa dang / rnam par 'phrul ba mnyam pa dang / mngon par byang chub pa mnyam pa dang / chos bstan pa mnyam pa dang / don mnyam pa dang rnam par nges pa mnyam pa dang / mngon 
par shes pa thams cad mnyam pas mnyam par gyur cig ces/ de ltar byang chub sems dpa' sems dpa' chen po dge ba'i rtsa ba de dag yongs su bsngo'o/ /gzhan yang byang chub sems dpa' sems dpa' chen po dge ba'i rtsa 
ba de dag 'di ltar yongs su bsngo ste/ ji ltar chos kyi dbyings tshad med pa de bzhin du dge ba'i rtsa ba de dag tshad med pa'i ye shes yongs su bsgrub pa'i phyir yongs su bsngo'o/ /ji ltar chos kyi dbyings mtha' dang dbus med pa de bzhin 
du dge ba'i rtsa ba de dag sangs rgyas mtha' dang dbus med pa thams cad mthong ba yongs su rdzogs par bya ba'i phyir yongs su bsngo'o/ /ji ltar chos kyi dbyings la mus gcad pa med pa de bzhin du dge ba'i rtsa ba de dag sangs rgyas kyi 
zhing mus gcad pa med pa thams cad du 'gro bar yongs su bsngo'o/ /ji ltar chos kyi dbyings sa mtshams med pa de bzhin du dge ba'i rtsa ba de dag 'jig rten gyi khams sa mtshams med pa thams cad du byang chub sems dpa'i spyod pa spyad par </font><hr>36-1-145a<br><font size=+1>
yongs su bsngo'o/ /ji ltar chos kyi dbyings la ris su chad pa med pa de bzhin du dge ba'i rtsa ba de dag sems can thams cad la thams cad mkhyen pa'i ye shes ris su chad pa med par bya ba'i phyir yongs su bsngo'o/ /ji ltar chos 
kyi dbyings rgyud kyi tshul gcig par gyur pa de bzhin du dge ba'i rtsa ba de dag sems can thams cad ye shes kyi rgyud kyi tshul gcig tu 'gyur ba'i phyir yongs su bsngo'o/ /ji ltar chos kyi dbyings rang bzhin yongs su dag pa de bzhin du dge ba'i rtsa ba de dag 'gro ba 
thams cad shin tu rnam par dag par bya ba'i phyir yongs su bsngo'o/ /ji ltar chos kyi dbyings 'gro ba thams cad kyi rjes su song ba de bzhin du dge ba'i rtsa ba de dag sems can thams cad kyis byang chub sems dpa' kun tu bzang po'i spyod pa yang dag par bsdu ba'i 
phyir yongs su bsngo'o/ /ji ltar chos kyi dbyings 'gro ba thams cad kyi rgyan tu gyur pa de bzhin du dge ba'i+i rtsa ba de dag sems can thams cad kyis kun tu bzang po'i spyod pa'i rgyan rnam par dag par yongs su bsngo'o/ /ji ltar chos kyi dbyings la 'jig pa med 
pa de bzhin du dge ba'i rtsa ba de dag byang chub sems dpa'i spyod pa thams cad 'jig pa med pa'i phyir yongs su bsngo'o/ /gzhan yang byang chub sems dpa' sems dpa' chen po dge ba'i rtsa ba de dag 'di ltar yongs su bsngo ste/ /gang gis thams cad mkhyen pa 
nyid du 'gyur ba der dge ba'i rtsa ba de dag yongs su bsngo'o/ /thams cad mkhyen pa nyid ni thams cad du 'gro bas na thams cad du 'gro ba'i phyir dge ba'i rtsa ba de dag yongs su bsngo'o/ /ci nas kyang 'gro ba thams cad du shin tu snang bar gyur pa de ltar dge ba'i rtsa ba de dag 
yongs su bsngo'o/ /ci nas kyang sangs rgyas mthong ba dang sangs rgyas kyi mdzad pa yongs su thob pa de ltar dge ba'i rtsa ba de dag yongs su bsngo'o/ /ci nas kyang sangs rgyas mthong ba dang / sangs rgyas kyi mdzad pa thogs pa med par 'gyur ba de ltar </font><hr>36-1-145b<br><font size=+1>
dge ba'i rtsa ba de dag yongs su bsngo'o/ /ci nas kyang sangs rgyas mthong ba sems can thams cad rnam par dag par bya ba las phyir mi ldog pa de ltar dge ba'i rtsa ba de dag yongs su bsngo'o/ /ci nas kyang sangs rgyas mthong ba yongs su shes shing 
rab tu 'phel bar byed pa de ltar dge ba'i rtsa ba de dag yongs su bsngo'o/ /ci nas kyang sangs rgyas mthong ba gnas su mi 'gyur ba de ltar dge ba'i rtsa ba de dag yongs su bsngo'o/ /ci nas kyang sangs rgyas mthong ba chags pa med par khong du chud par 'gyur ba de ltar dge 
ba'i rtsa ba de dag yongs su bsngo'o/ /ci nas kyang sangs rgyas mthong zhing kun tu bzang po'i spyod pa yang dag par 'grub par 'gyur ba de ltar dge ba'i rtsa ba de dag yongs su bsngo'o/ /ci nas kyang sangs rgyas mthong zhing mngon sum du blta ba rgyun mi 'chad pa de ltar 
dge ba'i rtsa ba de dag yongs su bsngo'o/ /ci nas kyang sangs rgyas mthong bas byang chub sems dpa'i stobs dang shugs skye bar 'gyur ba de ltar dge ba'i+i rtsa ba de dag yongs su bsngo'o/ /ci nas kyang sangs rgyas mthong zhing dngos po nyams par 'gyur ba 
thams cad las 'phags par 'gyur ba de ltar dge ba'i rtsa ba de dag yongs su bsngo'o/ /'di ltar yang chos kyi dbyings byed pa med pa dang / chos kyi dbyings kyi rang bzhin dang / chos kyi dbyings kyi ngo bo nyid dang / chos kyi dbyings gnas med pa dang / chos 
kyi dbyings nyams pa med pa dang / chos kyi dbyings dben pa dang / chos kyi dbyings zhi ba dang / chos kyi dbyings gnas pa dang chos kyi dbyings mi 'pho ba dang chos kyi dbyings tha dad pa med pa de bzhin du 'gyur bar yongs su bsngo'o/ /gzhan yang byang chub sems dpa' 
sems dpa' chen po dge ba'i rtsa ba de dag 'di ltar yongs su bsngo ste/ dge ba'i rtsa ba chos bstan cing brjod pas yang dag par bzung ba dang / chos bstan par bskul ba dang / de la dmyigs pa la brtson par byas pa'i dge ba'i rtsa ba dang de dag la sogs </font><hr>36-1-146a<br><font size=+1>
pa dge ba brtsams pa gzhan dang gzhan gyis sems can thams cad sangs rgyas thams cad kyi byin gyis brlabs shing byang chub sems dpar gyur te/ chos smra bar gyur cig /sems can thams cad chos kyi dbyings kyi thams cad mkhyen pa'i 
ye shes la sems can thams cad dgod pa'i tshul gyis bla na med pa'i chos smra bar gyur cig /sems can thams cad 'jig rten kun gyis chos yongs su dris pas zad par mi 'gyur bas mi 'phrogs pa'i chos smra bar gyur cig /sems can thams 
cad chos kyi snang ba bsgribs pa med pa thob pa'i phyir chags pa med pa'i chos smra bar gyur cig /sems can thams cad sangs rgyas kyi chos thams cad kyi tshig dang yi ge brjod pa la mkhas shing ye shes kyi snying po'i chos smra bar gyur cig /sems 
can thams cad de bzhin gshegs pa thams cad kyi ye shes ston pa la mkhas shing sangs rgyas kyi byin gyis brlabs pa'i chos smra bar gyur cig /sems can thams cad gzhan gyis dring mi 'jog cing yang dag pa ji lta ba bzhin du chos ston pas 
mig dang 'dra ba'i chos smra bar gyur cig /sems can thams cad rig pas bzung ba'i tshig dang yi ge chud ma zos par shin tu ston pas sangs rgyas kyis chos thams cad dran pas yang dag par 'dzin pa'i chos smra bar gyur cig /sems can 
thams cad mtshan gyis shin tu brgyan pa'i lus dang ldan zhing 'od mtha' yas par 'phro ba'i chos yang dag par dpyad pa la mkhas pas nye bar mi dmyigs pa'i lam du zhugs pa'i chos smra bar gyur cig /sems can thams cad chos rgyun mi 
'chad pa la gnas shing / /sangs rgyas kyi chos thams cad kyi char bsam pa thag pas dbab pa'i byin gyi rlabs kyis chos kyi sprin rab tu ston cing / sangs rgyas kyi zhing brjod du med pa lus kyis rgyas par 'gengs pa'i chos smra bar </font><hr>36-1-146b<br><font size=+1>
gyur cig /sems can thams cad gzhan gyis pham par mi nus pa'i rgyal mtshan dang ldan pa'i chos smra ba'i mdzod bdog pas chos rgya mtsho thams cad dang / sangs rgyas kyi chos chud mi gson pa'i chos smra bar gyur cig /sems can 
thams cad sangs rgyas kyi spobs pa la brtson zhing chos thams cad yang dag par brjod pa la mkhas pas chos thams cad kyi dkyil 'khor gyi nyi ma'i chos smra bar gyur cig /sems can thams cad chos kyi dbyings mtha' yas pa shin tu bstan 
pa'i chos kyi 'byung gnas dang mdzod rab tu thob cing chos kyi 'byung gnas dang / rigs kyi tshul dang ldan pa'i chos smra bar gyur cig /sems can thams cad chos kyi mdzod rnam par phye ba'i ye shes mngon par shes pa dang ldan zhing chos kyi spyod pa'i 
pha rol tu phyin pa'i chos smra bar gyur cig /sems can thams cad de bzhin gshegs pas shin tu bstan pa'i pha rol tu phyin pa'i ye shes dang ldan zhing dbye ba med pa dang / gnas pa med pa'i chos la gnas pa rab tu thob pa'i chos smra bar 
gyur cig /sems can thams cad yon tan dang bsngags pa mu med cing zad mi shes pa dang ldan te/ chos thams cad khong du chud pa'i chos smra bar gyur cig /sems can thams cad bden pa'i mtha'i tshul gyi rjes su zhugs pas 'gro ba 
thams cad la mi bslu ba'i chos smra bar gyur cig /sems can thams cad bdud kyi las thams cad khong du chud pa'i ye shes dang ldan zhing bdud thams cad rnam par 'thor ba'i chos smra bar gyur cig /sems can thams cad bdag gi 
med pa dang yongs su 'dzin pa med pa'i sems dang ldan zhing sangs rgyas thams cad kyis yongs su bzung ba'i chos smra bar gyur cig /sems can thams cad byang chub sems dpa'i chos kyi stobs kyi smon lam rab tu 'thob cing 'gro ba/</font><hr>36-1-147a<br><font size=+1>
thams cad bde bar byed pa'i chos smra bar gyur cig /de yang 'di ltar yongs su bsngo ste/ nyams pa med pa'i las kyis yongs su bsngo'o/ /nyams pa med pa'i rnam par smin pas yongs su bsngo'o/ /nyams 
pa med pa'i sems kyis yongs su bsngo'o/ /nyams pa med pa'i chos la yongs su bsngo'o/ /nyams pa med pa'i dngos po la yongs su bsngo'o/ /nyams pa med pa'i rgyu rnams kyis yongs su bsngo'o/ /nyams pa med pa'i chos kyi lam 
gyis yongs su bsngo'o/ /nyams pa med pa'i ming mang po dang / tshig mang po dang yi ge mang po'i phyir yongs su bsngo'o/ /nyams pa med pa'i yongs su bsngo ba'i phyir yongs su bsngo'o/ /nyams pa med pa'i sems can gyi don bya ba'i phyir 
yongs su bsngo ste/ de ltar byang chub sems dpa' dge ba'i rtsa ba de dag yongs su bsngo yang / gzugs kyi tshul la chags shing yongs su mi bsngo'o/ /'dod pa la gnas pa'i sgra'i don du yongs su mi bsngo'o/ /dri'i phyir yongs su mi bsngo'o/ /ro'i 
phyir yongs su mi bsngo'o/ /reg bya'i phyir yongs su mi bsngo'o/ /'dod pa la gnas pa'i chos rnams kyi phyir yang yongs su mi bsngo'o/ /mtho ris su skye ba'i phyir yang yongs su myi bsngo'o/ /'dod pa la spyod pa'i phyir yang yongs su myi bsngo'o/ /'dod pa'i 
yul la chags pas kyang yongs su mi bsngo'o/ /g.yog 'khor gyi phyir yang yongs su mi bsngo'o/ /dbang phyug don du gnyer bas yongs su mi bsngo'o/ /'khor ba'i dga' ba'i don du yongs su mi bsngo'o/ /'chi 'pho dang skye ba la gnas shing yongs su mi 
bsngo'o/ /dngos po la mngon par mos shing yongs su mi bsngo'o/ /'dod pa dang ldan par bya ba'i bsam pas yongs su mi bsngo'o/ /kun gzhi la mos pas yongs su mi bsngo'o/ /bsten pa'i sems kyis yongs su mi bsngo'o/ /dge ba'i rtsa ba </font><hr>36-1-147b<br><font size=+1>
gzhig pa'i don du yang yongs su myi bsngo'o/ khams gsum pa la gnas pas kyang yongs su mi bsngo'o/ /bsam gtan dang rnam par thar pa dang / ting nge 'dzin dang snyoms par 'jug pa'i ro la chags pas kyang yongs su mi bsngo'o/ /nyan thos 
dang rang sangs rgyas kyi theg pa la gnas shing yongs su mi bsngo'o/ /'di ltar 'gro ba thams cad yongs su smyin par bya ba dang / gdul ba'i don du thams cad mkhyen pa'i ye shes rdzogs par bya ba'i phyir yongs su bsngo'o/ /chags pa med pa'i ye 
shes la 'jug pa'i phyir yongs su bsngo'o/ /bsgribs pa med pa'i dge ba'i rtsa ba rnam par dag par bya ba'i phyir yongs su bsngo'o/ /'gro ba thams cad 'khor ba nas rab tu 'don pa'i ye shes chen po khong du chud par bya ba'i phyir yongs su bsngo'o/ /byang 
chub tu sems bskyed pa rdo rje lta bu dang / bsam pa brten pa yongs su rdzogs par bya ba'i phyir yongs su bsngo'o/ /yun du 'chi ba med pa'i chos bsgrub pa'i phyir yongs su bsngo'o/ /sangs rgyas kyi rigs kyis brgyan pa'i rgyan du ma dang thams cad 
mkhyen pa'i spyod pas rnam par 'phrul pa yang dag par bstan pa'i phyir yongs su bsngo'o/ /chos snang ba thams cad kyi ye shes kyi rdzu 'phrul gyis byang chub sems dpa'i rnam par 'phrul pa grub par bya ba'i phyir yongs su bsngo'o/ /chos kyi dbyings 
kyis klas pa nam mkha'i mthas gtugs pa'i zhing thams cad du byang chub sems dpa' kun tu bzang po'i spyod pa'i gzhi yongs su rdzogs pa thob cing phyir mi ldog pa dang / rdo rje lta bu'i go cha don yod pas sems can thams cad kun tu bzang po'i sa 
la rab tu dgod pa la gnas shing yongs su bsngo'o/ /phyi ma'i mtha'i bskal pa'i mur thug par sems can thams cad rab tu dgrol bar bya ba rgyun myi 'chad pa dang / sangs rgyas kyis bsgribs pa med pa thams cad 'jig rten du yang dag par </font><hr>36-1-148a<br><font size=+1>
bstan pa'i spyod pa rgyun mi chad pa la rab tu gnas par bya ba'i phyir nye bar gnas shing yongs su bsngo'o/ /de de ltar yongs su bsngo ba yang rang bzhin dang mnyam pa'i sems kyis yongs su bsngo'o/ /chos nyid dang mnyam 
pa'i sems kyis yongs su bsngo'o/ /'gro ba tshad med pa thams cad dang mnyam pa'i sems kyis yongs su bsngo'o/ /nyon mongs pa med pa dang mnyam pa'i sems kyis yongs su bsngo'o/ /byed pa med pa'i rang bzhin dang mnyam pa'i sems 
kyis yongs su bsngo'o/ /chos 'khrug pa med pa yongs su shes pa'i sems kyis yongs su bsngo'o/ /dus gsum mnyam pa nyid du zhugs pa'i sems kyis yongs su bsngo'o/ /'das pa dang ma byon pa dang / da ltar byung ba'i de bzhin gshegs 
pa'i rigs su byung ba'i sems kyis yongs su bsngo'o/ /mngon par shes pa mnyams pa thob pa'i sems kyis yongs su bsngo'o/ /thams cad mkhyen pa'i spyod pa la grub pa'i sems kyis yongs su bsngo'o/ /sems can thams cad sems can 
dmyal ba nas phyir bzlog pa'i phyir yongs su bsngo'o/ /sems can thams cad byol song gi skye gnas su mi dgod pa'i phyir yongs su bsngo'o/ /sems can thams cad gshin rje'i 'jig rten na gnas ba dgag pa'i phyir yongs su bsngo'o/ /sems 
can thams cad kyi sgrib pa'i chos thams cad spang ba'i phyir yongs su bsngo'o/ /'gro ba thams cad kyi sems dge ba'i rtsa bas shin tu tshim par bya ba'i phyir yongs su bsngo'o/ /chos kyi 'khor lo dus la bab par bskor bas dga' bar bya ba'i phyir yongs su bsngo'o/ /
stobs bcu'i 'khor lo la sems can thams cad gzung ba'i phyir yongs su bsngo'o/ /byang chub sems dpa'i chos dang smon lam mtha' dang dbus med pa 'thob par bya ba dang rnam par dag pa'i chos can du bya ba'i phyir yongs su bsngo'o/ /byang chub kyi </font><hr>36-1-148b<br><font size=+1>
sems cang shes bsgom pa yongs su rdzogs par bya bas dge ba'i bshes gnyen grangs med pa thams cad dga' bar bya ba'i sems kyis yongs su bsngo'o/ /sangs rgyas kyi chos zab mo la gnas par bya ba'i lhag pa'i bsam pas sangs rgyas kyi 
chos thams cad yang dag par gzung zhing ye shes kyi snang ba shin tu 'phags par bya ba'i phyir yongs su bsngo'o/ /byang chub sems dpa'i spyod pa la bsgribs pa med par mngon sum du 'gyur bar bya ba'i phyir yongs su bsngo'o/ /sangs rgyas thams 
cad mngon du lta bar mngon par mos pas yongs su bsngo'o/ /chos snang ba thams cad la mngon par mos pas yongs su bsngo'o/ /dogs pa med pa'i byang chub kyi sems kyis 'jigs pa med pa la mngon par mos pas yongs su bsngo'o/ /
byang chub sems dpa'i gnas bsam gyis myi khyab pa'i ye shes la mngon par mos pas yongs su bsngo'o/ /sems can thams cad snying rje chen po rnam par dag pas yongs su bskyab pa la mngon par mos pas yongs su bsngo'o/ /sangs rgyas kyi 
zhing mtha' dag ma lus pa lhag ma med par thams cad rnam par dag par bya ba dang / brjod du med pa'i rgyan sna tshogs kyis thams cad brgyan par mngon par mos pas yongs su bsngo'o/ /bdud kyi las dang / bdud kyi zhags pa dang / 
bdud kyi dkrugs ma thams cad rnam par gtor ba dang / rab tu gzhom par mngon par mos pas yongs su bsngo'o/ /sangs rgyas kyi zhing thams cad du gnas med par byang chub sems dpa'i spyod pa la gnas par mngon par mos pas yongs su bsngo'o/ 
thams cad mkhyen pa'i sems rgya chen pos sangs rgyas thams cad kyi chos kyi rgyud la 'jug par mngon par mos pas yongs su bsngo'o/ /dran pa rnam par sbyangs pas yongs su bsngo'o/ /blo gros rnam par nges pas </font><hr>36-1-149a<br><font size=+1>
yongs su bsngo'o/ /sangs rgyas kyi chos thams cad rig pas shin tu 'dzin pa'i mngon par shes pas yongs su bsngo'o/ /blo mtha' dang dbus med cing chags pa med pas yongs su bsngo'o/ /lhag pa'i bsam pa rnam par 
dag pas yongs su bsngo'o/ /'gro ba thams cad la byams pa chen po spyod pas yongs su bsngo'o/ /snying rje chen po la rab tu brtson pa'i sems kyis yongs su bsngo'o/ /dga' ba'i sems kyis yongs su bsngo'o/ /btang snyoms kyis 
gnyis la chags pa dang bral ba'i dge ba'i rtsa ba la dbang sgyur ba la gnas pas yongs su bsngo'o/ /rten cing 'brel bar 'byung ba'i chos bsngags pa'i lam rab tu dbye bas chos rnam par dbye ba la zhugs pa dang / chos nyid nges par gzhog pa'i 
yid dang sems kyis yongs su bsngo'o/ /dpa' ba'i rgyal mtshan gyi sems kyis yongs su bsngo'o/ /gzhan gyis mi thub pa'i rgyal mtshan dang ldan pa'i mdzod kyi sems kyis yongs su bsngo'o/ /bdud kyi dkyil 'khor thams cad rnam par 
gtor ba'i sems kyis yongs su bsngo'o/ /rnam par dag pa dang chags pa med pa thams cad rab tu 'thob par bya ba'i sems kyis yongs su bsngo'o/ /byang chub sems dpa'i spyod pa thams cad spyad pa las phyir mi ldog par bya ba'i sems kyis 
yongs su bsngo'o/ /chos dam pa dang rab dang phul la mngon par mos pa'i sems kyis yongs su bsngo'o/ /yon tan gyi chos thams cad la dbang sgyur ba'i ye shes kyis khyad par du 'phags pa'i thams cad mkhyen pa la mos shing dad pa'i sems kyis 
yongs su bsngo'o/ /bsam pa thams cad yongs su rdzogs par bya ba dang / bdud kyi dkrugs ma thams cad rab tu gzhig pa dang / chags pa med cing dri ma med pa'i chos kyi go 'phang thob pa dang / sangs rgyas kyi mangs 'gro ba thams cad la chos kyi </font><hr>36-1-149b<br><font size=+1>
'khor lo bskor ba las phyir mi ldog pa'i sems kyis yongs su bsngo'o/ /de bzhin gshegs pa'i chos kyi ye shes kyi nyi ma rab dang phul khyad par du 'phags pa 'od gzer brgya stong gis brgyan pa'i chos kyi dbyings kyi ye shes chen po'i snang ba 'gro ba thams cad 
du rab tu dgye ba'i sems kyis yongs su bsngo'o/ /'gro ba thams cad yongs su smin par bya zhing gdul ba dang / bsam pa ji lta ba bzhin du sems kyi rgyud shin tu tshim par bya ba dang / sngon gyi smon lam chen po nub pa med pas phyi ma'i mtha'i mur 
spyod pa chen po'i rgyud rgyun mi chad cing rnam par dag pa dang snang ba dri ma med pas rgyags pa dang / dregs pa dang / nga rgyal shin tu gcad pa dang / 'gro ba thams cad kyi nyon mongs pa rnam par gtor ba dang / srid pa'i dra ba yang dag par gtub pa dang / 
ma rig pa'i mun pa thibs po bstsal ba dang / bsgribs pa med cing dri ma dang bral la chags pa med pa'i chos kyi/ lo shin tu legs pa dang / 'gro ba thams cad du bskal pa'i grangs rnam par chad pa med pas thams cad mkhyen pa'i ye shes rnam par 'tshang rgya ba 
dang spyod pa rgyud las phyir mi ldog pas sems can gyi tshogs so sor chags pa med pa'i ye shes rab dam pa mchog rnam par 'tshang rgya bar bya ba dang / sems can re re la sangs rgyas kyi sku shin tu bstan pa'i rnam par 'phrul pa las phyir mi ldog par bya ba'i phyir 
yongs su bsngo'o/ /de ltar byang chub sems dpa' dge ba'i rtsa ba de dag yongs su bsngo yang 'dod pa'i yul dang khams gsum pa la gnas shing yongs su mi bsngo ste/ /de ci'i phyir zhe na/ 'di ltar byang chub sems dpa' ni dge ba'i rtsa ba rnams 
'dod ma chags pas yongs su bsngo bar bya'o/ /byang chub sems dpas ni dge ba'i rtsa ba rnams zhe mi sdang bas yongs su bsngo bar bya'o/ /byang chub sems dpas ni dge ba'i rtsa ba rnams gti mug med pas yongs su bsngo bar bya'o/ /byang chub sems </font><hr>36-1-150a<br><font size=+1>
dpas ni dge ba'i rtsa ba rnams gnod pa med pas yongs su bsngo bar bya'o/ /byang chub sems dpas ni dge ba'i rtsa ba rnams nga rgyal med pas yongs su bsngo bar bya'o/ /byang chub sems dpas ni dge ba'i rtsa ba rnams g.yo med pas 
yongs su bsngo bar bya'o/ /byang chub sems dpas ni dge ba'i rtsa ba rnams drang pos yongs su bsngo bar bya'o/ /byang chub sems dpas ni dge ba'i rtsa ba rnams rig pas yongs su bsngo bar bya'o/ /byang chub sems dpas ni dge ba'i rtsa ba rnams 
mngon par brtson pas yongs su bsngo bar bya ste/ de de ltar yongs su bsngo bas sems rab tu dad pa 'thob bo/ /byang chub sems dpa'i spyod pa la go skabs dbye ba 'thob bo/ /byang chub sems dpa'i lam rnam par dag par 'gyur ro/ /de 
bzhin gshegs pa'i rigs su 'jug par 'gyur ro/ /sangs rgyas kyi ye shes rab tu 'grub par 'gyur ro/ /'jig rten gyi nyes pa thams cad rab tu spong ngo / /bdud kyi las thams cad rab tu spong ngo / /dge ba'i gshes gnyen thams cad rab tu 
dga' bar byed do/ /bdag gi smon lam chen po yongs su rdzogs par byed do/ /sems can thams cad gnyer ba chen pos shin tu 'bod pa yin no/ /gzhan yang byang chub sems dpa' sems dpa' chen po chos sbyin pas 'byung ba la stsogs pa'i 
dge ba'i rtsa ba de dag 'di ltar yongs su bsngo ste/ dge ba'i rtsa ba 'dis sems can thams cad kyis chos kyi dbyings rnam par dag pa thob par gyur cig /sems can thams cad kyis dbyangs snyan pa dang / ye shes kyi rnga'i dbyangs dang / thams cad du 
bsam gyis mi khyab cing 'phags pa'i dbyangs dang / yid du 'ong ba'i dbyangs dang / dag pa'i dbyangs dang / zhing thams cad du sgras rgyas par 'gengs pa'i dbyangs dang / yon tan bye ba brgya stong brjod du med pa'i rgyan gyis brgyan pa'i dbyangs dang / sgra mtho ba dang / sgra che bas rnam par 'khrug pa </font><hr>36-1-150b<br><font size=+1>
thams cad rab tu zhi bar byed pa'i dbyangs dang / chos kyi dbyings thams cad sgras rgyas par 'gengs pa'i dbyangs dang / 'gro ba thams cad kyis ngag mnyan pa'i dbyangs rab tu thob par gyur cig /sems can thams cad kyi sgra dang dbyangs mtha' yas pa'i ye shes rab tu thob par 
gyur cig /sgra dang dbyangs thams cad rnam par dag pa rab tu thob par gyur cig /dbyangs tshad med pa dang tshig gi lam thams cad shes pa rab tu thob par gyur cig /dbyangs la dbang sgyur ba zil gyis ma non pa'i dbyangs thams cad la rab tu 'jug pa'i ye shes rab tu thob 
par gyur cig /dbyangs thams cad kyis brgyan pa'i dbyangs kyi yan lag rnam par dag pa'i dbyangs rab tu thob par gyur cig /sems can thams cad 'gro ba thams cad kyi mnyan na mi ngoms pa'i dbyangs rab tu thob par gyur cig /sems can thams cad kyis 'gro ba kun mos 
par nyan pa'i dbyangs kyi pha rol tu phyin pa thob par gyur cig /sems can thams cad dad par byed pa'i dbyangs dang ldan par gyur cing / /sems can thams cad sangs rgyas kyi dbyangs su brjod pas smra ba'i sems rnam par dag pa rab tu thob par gyur cig /sems can thams cad sangs rgyas 
kyi chos thams cad rnam par sgrog pa'i sgra rab rib med pa'i dbyangs kyis smra bar gyur cig /sems can thams cad chos thams cad kyi gzungs kyi rgyan gyis chos thams cad rnam pa du mar ston pa dang / chos kyi dbyings tshad med pa'i 'khor gyi dkyil 'khor thob pa dang / bsam 
gyis mi khyab pa'i chos rdo rje'i tshig gis yang dag par gzung ba dang / chos nyid thams cad brjod pa rab tu dbye ba'i ye shes dang ldan pa dang / tshig dang yi ge brjod du med pa brjod du med pa'i mdzod dang ldan pa dang / chos rnam pa tha dad pa thams cad shin tu bstan pa la gzhag pa dang / gnas par bya ba dang rgyun mi chad 
par bya ba dang chos snang ba thams cad kyi 'od rab tu 'thob pa la 'jug pa dang / 'gro ba thams cad thams cad mkhyen pa nyid kyi rnam par dag pa'i mthar thug par byed pa dang / chos thams cad kyis yang dag par bsdus pa'i don dang tshig dang yi ges rnam par 'phrul pa'i dbyangs kyi byin gyi rlabs dang ldan pa dang / chags pa med pa'i </font><hr>36-1-151a<br><font size=+1>
dbyangs la dbang ba'i pha rol tu phyin pa thob pa dang / 'gro ba thams cad kyi shes pa'i dbyangs dang ldan par gyur cig /dge ba'i rtsa ba 'dis sems can thams cad mi dma' ba'i dbyangs dang / bag tsha ba med pa'i dbyangs dang / 
'dod chags med pa'i tshig gi dbyangs dang /ngag snyan pa'i dbyangs dang / 'khor gyi dkyil 'khor thams cad mngon par dga' bar byed pa'i dbyangs dang / sangs rgyas kyi chos thams cad brjod pa'i dbyangs dang / 'gro ba thams cad kyi the tsom 
gcod cing khong du chud par byed pa'i dbyangs dang / spobs pas legs par sbyar ba'i dbyangs dang / sems can gnyis kyis log pa thams cad sad par byed pa'i dbyangs dam pa yangs pa dang ldan par gyur cig ces/ /de ltar byang chub sems dpa' sems 
dpa' chen po dge ba'i rtsa ba de dag yongs su bsngo'o/ /gzhan yang byang chub sems dpa' dge ba'i rtsa ba de dag 'di ltar yongs su bsngo ste/ /sems can thams cad kyi lus rnam par dag cing kha na ma tho ba med pa dang / sems can thams cad kyi bsod 
nams rnam par dag cing kha na ma tho ba med pa dang / sems can thams cad kyi mtshan rnam par dag cing kha na ma tho ba med pa dang / sems can thams cad kyi las dang rnam par smin pa rnam par dag cing kha na ma tho ba med pa dang / sems can thams cad kyi 
thams cad mkhyen pa nyid rnam par dag cing kha na ma tho ba med pa dang / sems can thams cad kyi byang chub kyi sems tshad med pa rnam par dag cing kha na ma tho ba med pa dang / sems can thams cad kyi dbang bo'i tshul rab tu shes pa rnam par dag cing kha na ma tho ba med pa 
dang / sems can thams cad kyi mos pa rnam par dag cing kha na ma tho ba med pa dang / sems can thams cad kyi spyod pa chags pa med pa la brtson pa'i smon lam rnam par dag cing kha na ma tho ba med pa dang / sems can thams cad kyi dran pa dang / blo gros dang /</font><hr>36-1-151b<br><font size=+1>
rig pa dang /blo dang ye shes dam pa dang / spobs pa rnam par dag cing kha na ma tho ba med pa'i phyir byang chub sems dpa' sems dpa' chen po dge ba'i rtsa ba de dag yongs su bsngo ste/ sems can thams cad kyi lus rnam pa de ltar yongs su dag cing lus 
yongs su dag pa shin tu gsal ba rnyog pa med pa rnam par dang ba/ rnam par dag pa rdul med pa dri ma dang bral ba 'od gsal zhing dang ba/ yid du 'ong ba bsgribs pa med pa de la 'jig rten gyi khams thams cad gzugs brnyan gyi tshul du snang bar gyur cig /mig yor gyi rnam 
par dmyigs pas 'gro ba thams cad snang bar gyur cig /mig yor gyi gnas kyi rnam pa thams cad snang bar gyur cig /'di lta ste dper na/ me long gi dkyil 'khor shin tu dag pa la tshigs su mi 'gyur bar gdong du dmyigs pa rnam par snang ba de lta bu'i lus 
yongs su dag pa/ sems can thams cad kyis rab tu thob par gyur cig /sems can thams cad byang chub sems dpa'i spyod pa yang dag par ston pa dang / chos yang dag par ston pa dang / yon tan yang dag par ston pa dang / nan tan yang dag 
par ston pa dang / 'grub pa yang dag par ston pa dang / byang chub sems dpa'i spyod yul dang / smon lam yang dag par ston pa dang / 'jig rten gyi khams gzhan na bzhugs pa'i sangs rgyas thams cad yang dag par ston pa dang / sangs rgyas 
thams cad kyi rnam par 'phrul pa dang / cho 'phrul yang dag par ston pa dang / byang chub sems dpa'i rnam par thar pa bsam gyis mi khyab pa'i byin gyi rlabs yang dag par ston pa dang / byang chub sems dpa' kun tu bzang po'i spyod pa dang smon lam yongs 
su rdzogs pas thams cad mkhyen pa yang dag par ston par gyur cig /de ltar yongs su dag pa'i lus kyi rnam pas sems can thams cad ma lus par yongs su bzung ste/ thams cad mkhyen pa'i bsod nams kyi sku yongs su dag pa dang ldan par </font><hr>36-1-152a<br><font size=+1>
gyur cig /gzhan yang byang chub sems dpa' sems dpa' chen po chos sbyin pas 'byung ba la stsogs pa'i dge ba'i rtsa ba de dag 'di ltar yongs su bsngo ste/ dge ba'i rtsa ba 'dis 'jig rten gyi khams thams cad du rjes su 
song ba'i lus kyis byang chub sems dpa'i spyad pa spyod par gyur cig /'gro ba thams cad kyis bltan don yod cing / byang chub kyi sems las phyir mi ldog pa dang / sems can thams cad la mthun par gyur pas bsam pa mi 'khrugs pa dang / bskal 
pa thams cad du skyo ba med par byang bas/ 'jig rten gyi khams thams cad du ma 'ongs pa'i dus kyi phyi ma'i mtha'i mur thug par gnas pa dang / chos kyi dbyings tshad med par snying rje chen po rgyun mi gcod pas/ sems can thams cad 
la dus la bab par chos ston pa mi gtong bas dbang po yang dag pa ji lta ba bzhin du shes pa dang / dge ba'i bshes gnyen dran pa'i khongs su gtogs pa'i sems dang ldan pas sems bskyed pa gcig dang yang mi 'bral ba dang / 
sangs rgyas thams cad 'dod cing zhal lta ba'i sems kyis de bzhin gshegs pa yid la byed pa mi gtong ba dang / dge ba'i rtsa ba brtsams pa thams cad rjes med par mi byed cing sems can thams cad thams cad mkhyen pa'i sems la rab tu 
dgod pa'i sems kyis phyir mi ldog pa'i 'khor lo thob par bya ba'i phyir sangs rgyas kyi chos snang ba thams cad kyis chos thams cad la blta zhing byang chub sems dpa' yang dag par len pas/ chos kyi sprin yang dag par 'dzin pa'i byin gyi rlabs 
kyis byang chub sems dpa'i spyad pa spyod par gyur cig /sems can thams cad la 'jug pa dang / zhing thams cad la 'jug pa dang / chos thams cad la 'jug pa dang / 'jig rten dang dus thams cad la 'jug pa dang /</font><hr>36-1-152b<br><font size=+1>
sems can thams cad kyi las dang / rnam par smin pa shes pa la 'jug pa dang / byang chub sems dpa' thams cad kyi thabs mkhas pa'i ye shes la 'jug pa dang / byang chub sems dpa' thams cad kyi mngon par 
bsgrubs pa'i ye shes la 'jug pa dang / byang chub sems dpa' thams cad kyi rnam par dag pa'i spyod yul gyi ye shes la 'jug pa dang / sangs rgyas thams cad kyi byin gyi rlabs dang / khyu mchog gi mthu la 'jug pa dang / chos kyi dbyings 
mtha' dang dbus med pa thams cad la 'jug pa rab tu thob pa la gnas shing / byang chub sems dpa'i spyad pa spyod par gyur cig ces/ de ltar byang chub sems dpa' sems dpa' chen po dge ba'i rtsa ba de dag yongs su bsngo'o/ /gzhan yang byang chub 
sems dpa' sems dpa' chen po dge ba'i las dang chos la brtson pa dge ba'i rtsa ba de dag zhing thams cad yongs su dag par bya ba'i phyir yongs su bsngo ste/ sangs rgyas kyi zhing gcig kyang rgyan dang lhab lhub brjod du med pa'i yang brjod du med pa dang ldan 
zhing chos kyi dbyings tshad med par shin tu yangs par gyur te/ sangs rgyas kyi zhing gcig ji lta ba de bzhin du sangs rgyas kyi zhing sangs rgyas kyi ye shes kyis mngon par sangs rgyas pa thams cad ma lus par de ltar rnam par dag cing 'od gsal ba dang / 
bzang zhing sgrib pa med par gyur cig /sangs rgyas kyi zhing gcig tu dmyigs pa rnam par dag pa rnams ji ltar gzugs brnyan gyi tshul gyis yongs su snang ba de bzhin du sangs rgyas kyi zhing ma lus pa thams cad du yang yongs su snang bar gyur cig /sangs 
rgyas kyi zhing de dag thams cad kyang gcig bzung bas yongs su bzung ste/ chos kyi dbyings tshad med par rtogs pa'i rnam par dag pas rnam par dag par gyur cig/ //sangs rgyas rmad gcad ces bya ba shin tu rgyas pa chen po'i </font><hr>36-1-153a<br><font size=+1>
mdo/ /bam po bcu gnyis pa/ 'di lta ste/ rin po che'i rgyan grangs med pa kun nas gnas par gyur cig /gos rin po che thams cad bting zhing rin po che sna tshogs 
grangs med pa thams cad kyis rin po che rnam par dag pa'i gdan kun nas gnas par gyur cig /rin po che thams cad kyi dril bu'i dra ba dang ldan zhing rin po che'i bla re grangs med pas kun nas gnas par gyur cig /rin po che thams 
cad gcig nas gcig tu brgyud pas yongs su bzung zhing rin po che'i gdugs grangs med pa kun nas gnas par gyur cig /nor gyi dbyig thams cad kyi char rab tu 'bab pa'i rin po che'i sprin grangs med pa kun nas gnas par gyur cig /blta na yid du 'ong la rnam par 
dag pa'i rin po che'i me tog grangs myed pa kun nas gnas par gyur cig /rin po che sna tshogs kyis skar khung shin tu brgyan cing rin po che thams cad kyi stegs bu grangs med pa kun nas gnas par gyur cig /sangs rgyas kyi dbyangs yid du 'ong ba 
sems can thams cad kyi khams su sgrog cing rin po che'i dril bu grangs med pa kun nas gnas par gyur cig /sangs rgyas kyi byang chub kyi yon tan gyis sems rgyas shing gsal bas rin po che'i pad mo grangs med pa kun nas gnas par gyur cig /rin po che 
thams cad kyi me tog dang ldan pa'i rin po che'i shing grangs med pa kun nas gnas par gyur cig /byang chub sems dpa' mang po'i gnas rin po che'i gtsug lag khang grangs med pa kun nas gnas par gyur cig /sangs rgyas thams cad kyi zhing thams cad 
du yid du 'ong bar rgyu ba'i rin po che'i khang pa brtsegs pa grangs med pa kun nas gnas par gyur cig /rin po che'i rgyan chen pos spras pa'i rin po che'i bag ma grangs med pa kun nas gnas par gyur cig /rin po che thams cad rnam par dag pas </font><hr>36-1-153b<br><font size=+1>
rnam par dag pa'i rin po che'i rta babs grangs med pa kun nas gnas par gyur cig /rin po che thams cad kyi se mo do las rab tu bkye ba'i rin po che'i 'od zer gyi sgo grangs med pa rnams kun nas gnas par gyur cig /rin po che sna tshogs kyis brgyan pa'i shing ta la rin po 
che'i zla gam grangs med pas brgyan pa kun nas gnas par gyur cig /bsam gyis mi khyab pa'i rin po ches rnam par dag pa'i rin po che'i skar khung rnam pa sna tshogs grangs med pa kun nas gnas par gyur cig /de bzhin gshegs pa'i 'phrin las kyi dge ba'i 
rtsa ba rab tu grub pas rin po che'i rgyan dang lhab lhub grangs med pa kun nas gnas par gyur cig /rin po che thams cad kyi rgyan dang ldan pa'i rin po che'i snying po rab tu brgyan pa grangs med pa kun nas gnas par gyur cig /yid du 'ong ba'i rin po ches shin 
tu rnam par dag pa'i rin po che'i rgyan dang lhab lhub sna tshogs grangs med pa kun nas gnas par gyur cig /chos thams cad kyi rgyud shin tu rigs par 'bab pa'i rin po che'i chu klung grangs med pa rnams kun nas gnas par gyur cig /chos rgya mtsho thams cad dang 
ldan pa'i rin po che'i rgya mtsho grangs med pa kun nas gnas par gyur cig /chos thams cad kyi me tog bun da ri ka rjes su sgrogs pa'i rin po che'i me tog pun da ri ka grangs med pa kun nas gnas par gyur cig /ye shes kyi ri bo shin tu 'phags shing rnam 
par dag pa'i rin po che'i ri bo grangs med pa kun nas gnas par gyur cig /rin po che thams cad kyi srad bu bres pa'i rin po ches mig mangs ris su rnam par phye ba grangs med pa kun nas gnas par gyur cig /ye shes chen po'i 'od gzer gyis chos 
[(]gyi [,]kyi[)] dbyings thams cad du snang bar byed pa'i rin po che'i 'od thogs pa med par gsol ba grangs med pa kun nas gnas par gyur cig /yid du 'ong ba'i sgra snyan par sgrogs pa'i rin po che'i dril bu rab tu dkrol ba grangs med pa kun nas gnas par gyur cig /</font><hr>36-1-154a<br><font size=+1>
byang chub kyi sems rin po che dang ldan pas rin po che rnam par dag pas rnam par sbyangs pa grangs med pa kun nas gnas par gyur cig /rin po che'i kha dog bsam gyis mi khyab cing rnam par dag pa'i snam bu rin po che rab tu sbyangs pa 
grangs med pa kun nas gnas par gyur cig /rin po che'i zla gam gyi rgyal mtshan gyis rnam par mdzes pa'i rin po che'i rgyal mtshan bsgreng ba grangs med pa kun nas gnas par gyur cig /rin po che thams cad kyi ba dan gyi sprin gyi char mngon par 'bab 
pa'i rin po che'i ba dan grangs med pa kun nas gnas par gyur cig /bar snang gi rgyan sna tshogs kyi snam bu rin po che'i lda ldi mngon par bres pa grangs med pa kun nas gnas par gyur cig /rin po che sna tshogs reg na bde ba'i rin po che'i 
gding ba yongs su bting ba grangs med pa kun nas gnas par gyur cig /byang chub sems dpa' thams cad yang dag par ston cing thams cad mkhyen pa'i spyan rnam par sbyong ba'i rin po che'i glong grangs med pa kun nas gnas par gyur cig /
byang chub sems dpa'i tshogs brgya stong thams cad kyis mdzes par gyur pa'i rin po che'i se mo do rab tu spyangs pa grangs med pa kun nas gnas par gyur cig /gnas pa dang mi gnas pa thams cad las shin tu 'das pas rin po che'i khang pa dang gnas grangs 
med pa kun nas gnas par gyur cig /rdo rje rin po ches mdzes par gyur cing rin po che'i rgyan gyis rab tu brgyan pa grangs med pa kun nas gnas par gyur cig /grangs med par mthong ba thams cad rnam par dag cing rin po che sna tshogs kyis shin tu brgyan 
pa grangs med pa kun nas gnas par gyur cig /rin po che khyad par du 'phags pa thams cad dang ldan zhing rin po che rnam par dag pas rnam par sbyangs pa grangs med pa kun nas gnas par gyur cig /chags pa med pa'i lus kyi tshul rnam par dag pas rin po che'i </font><hr>36-1-154b<br><font size=+1>
'khor yug gis kun nas bskor ba grangs med pa kun nas gnas par gyur cig /'jig rten gyi khams thams cad du dri zhim po rjes su song zhing rin po che'i spos grangs med pa kun nas gnas par gyur cig /sprul pa re re zhing chos kyi dbyings kyi 
tshad dang mnyam pas rin po che'i 'phrul pa shin tu sprul pa grangs med pa kun nas gnas par gyur cig /snang ba re re las snang ba thams cad ston cing rin po che'i snang ba grangs med pa kun nas gnas par gyur cig /chos kyi ye shes kyi 'od rnam par dag pa'i 
rin po che'i 'od grangs med pa kun nas gnas par gyur cig /'od gzer re res kyang chos kyi dbyings thams cad du khyab par 'gyur ba'i rin po che'i 'od gzer nyams pa med pa grangs myed pa kun nas gnas par gyur cig /rin po che'i 'byung gnas thams cad dang ldan 
pa'i rin po che'i 'byung ba grangs med pa kun nas gnas par gyur cig /chos rin po che dbyig thams cad sbyin pa'i rin po che'i mdzod grangs med pa kun nas gnas par gyur cig /de bzhin gshegs pa'i rgyal mtshan shin tu 'phags pa'i rin po che'i 
dpal grangs med pa kun nas gnas par gyur cig /ye shes bzang po chen po rnam par dag pa'i rin po che bzang po grangs med pa kun nas gnas par gyur cig /byang chub sems dpa' thams cad kyi ting nge 'dzin la dga' zhing rtse ba'i rin po che'i bza' shing 
gi ra ba shin tu brgyan pa grangs med pa kun nas gnas par gyur cig /de bzhin gshegs pa'i dbyangs kyis 'gro ba thams cad rnam par ston pa'i rin po che'i dbyangs grangs med pa kun nas gnas par gyur cig /rin po che thams cad kyi 'bru las chos kyi 
'od zer rab tu 'gyed pa'i rin po che'i gzugs grangs med pa kun nas gnas par gyur cig /mtshan thams cad mtshan ma yin pas brgyan pa'i rin po che 'dra ba myed pa grangs myed pa kun nas gnas par gyur cig /rin po che thams cad kyi rim gro byang chub sems </font><hr>36-1-155a<br><font size=+1>
dpa'i dga' ba bskyed pa'i rin po che'i rim gro grangs med pa kun nas gnas par gyur cig /rin po che thams cad kyis lhun legs par brtsigs pa'i rin po che las bsgrubs pa grangs med pa kun nas gnas par gyur cig /rin po che 
thams cad kyis shin tu brtan par brgyan pa'i rin po che'i gnas grangs med pa rnams kun nas gnas par gyur cig /byang chub sems dpa'i ting nge 'dzin gzhal du med pa'i gos bde bar bgo ba rab tu thob pa'i rin po che'i gos dang ldan pa grangs med pa kun nas gnas 
par gyur cig /sems bskyed ma thag tu shin tu mthong ba'i gzungs rab tu thob cing chos gos dang ldan pa grangs med pa kun nas gnas par gyur cig /las rin po che thams cad rnam par smin pa nges par rtogs shing rnam par dag pa'i rin po ches bsgos pa 
grangs med pa kun nas gnas par gyur cig /mthong ma thag tu chos thams cad kyi tshul shes pa'i mig rnam par dag cing nyams pa med par blta ba'i rin po che grangs med pa kun nas gnas par gyur cig /ye shes kyi phung pos grub pa'i rin po che'i 'od kyi phung 
po grangs med pa kun nas gnas par gyur cig /de bzhin gshegs pa'i seng ge'i gzims kyi nga ros rnam par dag pa'i rin po che'i mal grangs med pa kun nas gnas par gyur cig /ye shes kyi mar me yongs su grub pa'i rin po che'i mar me grangs med pa mang po 
kun nas gnas par gyur cig /shing ta la gcig dang gnyis la rin po che'i srad bus mig mangs ris su dres pa shin tu rnam par dag pa'i rin po che'i shing ta la grangs med pa mang po kun nas gnas par gyur cig /rin po che'i yal gas shin tu rnam par dag pa'i rin 
po che'i sdong po grangs med pa kun nas gnas par gyur cig /rin po che sna tshogs kyi yal ga dang ldan pa'i rin po che'i shing lo grangs med pa kun nas gnas par gyur cig /bsam gyis mi khyab pa'i bya mang po chos kyi rgyun sgrogs pas brgyan pa'i rin po che'i </font><hr>36-1-155b<br><font size=+1>
nags tshal grangs med pa kun nas gnas par gyur cig /ye shes kyi snang ba kun tu gtong ba'i rin po che'i lo ma dang ldan pa grangs med pa kun nas gnas par gyur cig /byang chub sems dpa' bsam gyis mi khyab pa me tog gcig la gnas shing chos kyi 
dbyings thams cad du rgyu ba'i rin po che'i me tog dang ldan pa grangs med pa kun nas gnas par gyur cig /thams cad mkhyen pa'i ye shes chen po las phyir mi ldog pa'i 'bras bu rab tu thob pa'i rin po che'i 'bras bu dang ldan pa grangs med pa kun nas gnas 
par gyur cig /grong gi chos thams cad yongs su spangs par gnas pa'i rin po che'i grong grangs med pa kun nas gnas par gyur cig /rin po che thams cad kyis yog pa'i sems can gyis gang zhing rin po che'i 'byung gnas grangs med pa kun nas 
gnas par gyur cig /mthu bo che dpa' bo chos kyi go cha brtan pa bgos pas byang chub sems dpa'i sems phyir mi ldog pa dang ldan pa'i rgyal po'i gnas rin po che grangs med pa kun nas gnas par gyur cig sems kyi gnas thams cad 
la rnam par 'das pas rab tu gang ba'i rin po che'i gnas grangs med pa kun nas gnas par gyur cig /yongs su shes pa'i gos thams cad rab tu bgo ba'i gos rin po che grangs med pa kun nas gnas par gyur cig /khyim med par rab tu byung 
ba'i byang chub sems dpas yongs su gang zhing rin po che'i 'byung gnas kyi gnas grangs med pa kun nas gnas par gyur cig /blta na yid du 'ong ba rin po che dang ldan pa'i mthun pa'i rin po che grangs med pa kun nas gnas par gyur cig /bsam 
gyis mi khyab pa'i ye shes kyi 'od 'phro ba rab tu gtong ba'i chos kyi 'khor lo shin tu sprul pa rab tu bskor ba'i rin po che'i 'khor lo grangs med pa kun nas gnas par gyur cig /rin po che thams cad kyi shing rnam par dag pa myig 'phrul gyi rnam pa </font><hr>36-1-156a<br><font size=+1>
shin tu dag pa'i rin po che'i shing grangs med pa kun nas gnas par gyur cig /blta na bsam gyis mi khyab pa'i rin po che shin tu rnam par bkram pa'i rin po ches sa rnam par dag pa grangs med pa kun nas gnas par gyur cig /
yid du 'ong ba'i dbyangs chos kyi dbyings thams cad du sgrog pa'i rin po che'i rol mo brdung ba grangs med pa kun nas gnas par gyur cig /phyi ma'i mtha'i bskal pa'i mur byin gyi rlabs rgyun mi 'chad pa'i rin po che'i rol mo dkrol ba grangs med 
pa kun nas gnas par gyur cig /chos rin po che rnams yongs su 'dzin pa'i sems can rin po che grangs med pa kun nas gnas par gyur cig /bsod nams rin po che dang ldan pa'i lus rin po che rnam par dag pa grangs med pa kun nas gnas par 
gyur cig /chos rin po che rab tu brjod pa'i rnam par dag pa'i ngag rin po che grangs med pa kun nas gnas par gyur cig /thams cad mkhyen par smon pa'i bsam pa rin po che rab tu thob pa'i sems yongs su byang ba rin po che grangs med pa 
kun nas gnas par gyur cig /thams cad mkhyen pa'i ye shes rin po che'i stobs rmongs pa med pa la rten pa'i dran pa rin po che yongs su dag pa grangs med pa kun nas gnas par gyur cig /sangs rgyas thams cad kyi chos rin po che bzung ba 
dang yang dag par bcad pa'i byin gyi rlabs yod pa'i rig pa rin po che rnam par dag pa grangs med pa kun nas gnas par gyur cig /sangs rgyas thams cad kyi chos kyi mdzod nges par rtogs pa'i byang chub sems dpa'i blo 
gros rin po che yongs su dag pa grangs med pa kun nas gnas par gyur cig /thams cad mkhyen pa rin po che shin tu yangs pas rgyas par 'gengs pa'i blo rin po che tshad med pa grangs med pa kun nas gnas par gyur cig /stobs bcu rin </font><hr>36-1-156b<br><font size=+1>
po che thams cad nyams pa med pa'i mig rin po che yongs su dag pa grangs med pa kun nas gnas par gyur cig /chos kyi dbyings mtha' dang dbus med pa thams cad du mnyan pa rnam par dag pa'i rna ba rin po che yongs su dag pa grangs med pa 
kun nas gnas par gyur cig /mthun pa'i dri rin po che rnam par dag pa'i sna rin po che yongs su dag pa grangs med pa kun nas gnas par gyur cig /mtha' dang dbus med pa'i tshig gi tshul thams cad rnam par ston pa'i lce yangs pa rin po che 
grangs med pa kun nas gnas par gyur cig /'jig rten gyi khams thams cad du thogs pa med par 'gro ba'i lus rin po che yongs su dag bgrangs med pa kun nas gnas par gyur cig /kun tu bzang po'i spyod pa dang smon lam la brtson pa'i yid rin po 
che yongs su dag pa grangs med pa kun nas gnas par gyur cig /dbyangs rin po che rnam par dag pas 'jig rten gyi khams thams cad du rgyas par 'gengs pa'i dbyangs rin po che yongs su dag pa grangs med pa kun nas gnas par gyur cig /
ye shes rin po che sngon du 'gro ba'i lus kyi las rin po che grangs med pa kun nas gnas par gyur cig /ye shes rin po che bsgribs pa med pa la brtson pas ngag gi las rin po che yang dag par yongs su dag pa grangs med pa kun nas gnas par gyur cig /
chags pa med pa'i ye shes rin po che'i mthar thug pa'i yid kyi las rin po che yangs shing yongs su dag par grangs med pa kun nas gnas par gyur cig /sangs rgyas kyi zhing de dag thams cad sangs rgyas kyi zhing gcig dang yul gcig dang 
phyogs gcig dang / skra'i mchog ma'i rtse mo re re zhing yang de ltar skye mched kyi ye shes rnam par dag pa'i byang chub sems dpa' tshad med pa nas byang chub sems dpa' brjod du med pa'i yang brjod du med pa grangs dang bgrang ba las 'das pas kun tu gang bar gyur cig /</font><hr>36-1-157a<br><font size=+1>
phyogs gcig tu ji lta ba de bzhin du chos kyi dbyings kyi mthas gtugs pa nam mkha'i dbyings kyi khongs su gtogs pa'i sangs rgyas kyi zhing ma lus pa thams cad kyang yongs su gang bar gyur cig /de ltar byang chub sems dpa' dge ba'i 
rtsa ba de dag rin po che'i dmigs pas sangs rgyas kyi zhing yongs su dag pa'i phyir yongs su bsngo'o/ /sangs rgyas kyi zhing de dag thams cad kyang sangs rgyas kyi zhing gcig bzung bas bsdusate spos rnam pa sna tshogs thams cad kyi spos kyi rgyan tshad med pa kun 
nas gnas par gyur cig /gzhung de ltar rin po che ji lta ba de bzhin du spos yongs su bsngo ba yang khong du chud par byas te/ ye shes kyi spos chags pa med pa'i mthar thug pa'i spos kyi yid kyi las rgya chen po yongs su dag pa tshad med pa'i bar du kun nas 
gnas par gyur cig /de bzhin du me tog sna tshogs thams cad kyi me tog gi rgyan bsam gyis mi khyab pa kun nas gnas par gyur cig /ces bya ba nas ye shes kyi me tog chags pa med pa'i mthar thug pa'i yid kyi las me tog rgya che zhing yongs su dag pa 
bsam gyis mi khyab pa kun nas gnas par gyur cig /phreng ba dang byug pa sna tshogs thams cad kyi phreng ba dang byug pa'i rgyan mtshungs ba med pa kun nas gnas par gyur cig /ces bya ba nas ye shes kyi phreng ba dang byug pa chags pa med pa'i mthar thug pa'i yid 
kyi las kyi phreng ba dang byug pa'i rgyan rnam par dag pa mtshungs pa med pa'i bar du kun nas gnas par gyur cig /phye ma dang bdug pa sna tshogs thams cad kyi phye ma dang bdug pa'i rgyan sa mtshams med pa kun nas gnas par gyur cig ces bya ba nas ye shes kyi phye ma 
dang bdug pa chags pa med pa'i mthar thug pa'i yid kyi las kyi phye ma dang bdug pa yongs su dag pas mtshams med pa'i bar du kun nas gnas par gyur cig /gos dang chos gos sna tshogs thams cad kyi gos dang chos gos kyi rgyan mu med pa kun nas gnas par gyur cig /</font><hr>36-1-157b<br><font size=+1>
ces bya ba nas ye shes kyi gos dang chos gos kyi rgyan chags pa med pa'i mthar thug pa'i yid kyi las khrel yod pa dang / ngo tsha shes pa'i gos dang chos gos yongs su dag pa mu med pa'i bar du kun nas gnas par gyur cig /zhing thams cad du gdugs sna tshogs yang 
dag par btsugs pa'i gdugs kyi rgyan sa 'tshams med pa kun nas gnas par gyur cig ces bya ba nas ye shes kyi gdugs kyi rgyan chags pa myed pa'i mthar thug pa'i yid kyi las ye shes kyis yang dag pa khyab pa yongs su dag pas mtshams med pa'i bar du kun 
nas gnas par gyur cig /rgyal mtshan dang ba dan sna tshogs thams cad kyi rgyal mtshan dang / ba dan gyi rgyan tshad med pa kun nas gnas par gyur cig /ces bya ba nas ye shes kyi rgyal mtshan dang ba dan chags pa med pa'i mthar thug 
pa'i yid kyi las kyi ye shes kyi rgyal mtshan dang ba dan gyi rgyan yongs su dag pa tshad med pa'i bar du gnas par gyur cig /lhab lhub sna tshogs thams cad kyi lhab lhub kyi rgyan brjod du med pa'i yang brjod du med pa kun nas gnas par gyur cig ces bya ba nas/ ye shes kyi 
lhab lhub kyi rgyan gyi mthar thug pa'i yid kyi las kyi ye shes kyi lhab lhub kyi rgyan gyis brgyan pa rnam par dag pa brjod du med pa'i yang brjod du med pa'i bar du kun nas gnas par gyur cig /de ltar tshul de bzhin du thams cad du yang shes par bya ste/ sangs 
rgyas kyi zhing de dag las sangs rgyas kyi zhing gcig bzung bas bsdus te nor bu rin po che sna tshogs thams cad kyi nor bu rin po che'i rgyan brjod du med pa'i yang brjod du med pa kun nas gnas par gyur cig /ces bya ba nas nor bu rin po che thams cad kyi shing kun tu 
bres pa'i nor bu rin po che'i gdan rnam par dag pa brjod du med pa'i yang brjod du med pa kun nas gnas par gyur cig /de ltar tshul de bzhin du kun tu byas te/ dmyigs pa re re zhing lan brgyar bzlas par bya'o/ /ye shes kyi nor bu rin po che </font><hr>36-1-158a<br><font size=+1>
chags pa med pa'i mthar thug pa'i yid kyi las kyi ye shes kyi nor bu rin po che rnam par dag pa brjod du med pa'i yang brjod du med pa'i bar du gnas par gyur cig ces/ de ltar byang chub sems dpa' sems dpa' chen po 
chos sbyin pa la stsogs pa'i dge ba'i rtsa ba de dag dge ba'i rtsa ba thams cad kyis bsgrubs pa'i sangs rgyas kyi zhing yongs su dag par yongs su bsngo'o/ /sems can thams cad yongs su dag pa mnyam pa nyid kyi phyir yongs su bsngo'o/ /sems can thams cad 
mnyam pa nyid myi 'khrugs pa yongs su dag pa dang / sems can thams cad mnyam pa nyid kyi phyir sangs rgyas kyi chos zab mo la 'jug pa dang / sems can thams cad mnyam pa nyid kyi phyir bsod nams kyi stobs thub pa myed pa rnam par dag 
pa dang / sems can thams cad mnyam pa nyid kyi phyir bsod nams kyi mtshan nyid rnam par dag pa zil gyis mnon pa bstan pa dang / sems can thams cad mnyam pa nyid kyi phyir mi zad pa'i ye shes kyi stobs kyis sems can thams cad sangs 
rgyas kyi chos la gzud pa dang / sems can thams cad mnyam pa nyid kyi phyir tshig gi rnam pa grangs med pa shin tu dag pa'i dbyangs dang / sems can thams cad mnyam pa nyid kyi phyir thogs pa med pa'i mig gis chos kyi dbyings kyis klas 
pa nam mkha'i mthas gtugs pa shes par bya ba dang / sems can thams cad mnyam pa nyid kyi phyir sngon gyi mtha'i mur thug pa'i bskal pa'i 'jig rten gyi khams 'byam klas pa thams cad rjes su dran pa rnam par dag pa dang / sems can 
thams cad mnyam pa nyid kyi phyir bsgribs pa myed pa'i blo gros chen pos chos nges par rtogs pa'i mdzod dang / sems can thams cad mnyam pa nyid kyi phyir byang chub mtha' dang dbus med pas chos kyi dbyings rgyas par dgang ba la chags pa med par yang </font><hr>36-1-158b<br><font size=+1>
dag par gzhol ba dang / sems can thams cad mnyam pa nyid kyi phyir dge ba'i rtsa ba thams cad rgyud [(]gyi [,]kyi[)] tshul gcig tu gyur pas rnam par dbye ba med pa dang / sems can thams cad mnyam pa nyid kyi phyir rgyud kyi tshul gcig tu gyur pa'i lus 
kyi las dang ngag gi las dang / yid kyi las yon tan thams cad kyi rgyan dang ldan pa rnam par dag pa dang / sems can thams cad mnyam pa nyid kyi phyir kun tu bzang po'i spyod pa rgyud kyi tshul gcig tu gyur pas 'byung ba dang / sems can thams 
cad mnyam pa nyid kyi phyir sangs rgyas kyi zhing thams cad rgyud kyi tshul gcig cing rnam par dag pa la 'jug pa dang / goms par bya ba dang / sems can thams cad mnyam pa nyid kyi phyir shes pa thams cad rnam par dpyad pa la 'jug pa yongs su 
rdzogs par bya ba dang / sems can thams cad mnyam pa nyid kyi phyir mi mnyam pa med par dge ba'i rtsa ba thams cad yongs su bsngo ba dang / sems can thams cad mnyam pa nyid kyi phyir lhag pa'i bsam pa gcig nas gcig tu brgyud pa rnam 
pa tha dad pas thams cad mkhyen pa'i ye shes yongs su rdzogs par bya ba dang / sems can thams cad mnyam pa nyid kyi phyir dkar po'i phyogs thams cad bsgrub cing bstan par bya ba dang / sems can thams cad mnyam pa nyid kyi phyir skad 
cig gcig gis thams cad mkhyen pa nyid du mngon par 'tshang rgya ba'i mthar thug par bya ba dang / sems can thams cad mnyam pa nyid kyi phyir nan tan gyi rnam pa thams cad/ yongs su rdzogs pa rnam par dag pa yongs su bsgrub 
pa'i phyir yongs su bsngo ste/ de ltar byang chub sems dpa' sems dpa' chen pos dge ba'i rtsa ba de dag sems can thams cad mnyam pa nyid kyi phyir yongs su bsngos nas/ chos thams cad yongs su dag par chos bstan pa'i tshul gyis </font><hr>36-1-159a<br><font size=+1>
chos nyid kyi stobs mnyam pa nyid yongs su rdzogs par bya ba'i phyir yongs su bsngo ste/ dge ba'i rtsa ba 'dis chos rgya mtsho brjod du med pa'i yang brjod du med pa thob pa rnam par dag pa'i spyod pa'i byin gyi 
rlabs dang ldan par gyur cig /ces yongs su bsngo'o/ /chos rgya mtsho de dag las chos rgya mtsho re re zhing yang chos kyi dbyings tshad med pa'i ye shes kyi snang ba rnam par dag par bya ba'i phyir yongs su bsngo'o/ /tshig thams cad 
rab tu dbye bas shin tu bstan pa mngon par bsgrub pa yang dag par bstan pa'i phyir yongs su bsngo'o/ /chos 'byam klas pa mtha' dang dbus med pa thams cad dang / chos kyi snang ba thams cad kyi ting nge 'dzin rab tu thob par bya ba'i phyir 
yongs su bsngo'o/ /dus gsum dang mi 'gal ba'i sangs rgyas thams cad kyi spobs pa thob par bya ba'i phyir yongs su bsngo'o/ /dge ba'i rtsa ba de 'das pa dang / ma byon pa dang / da ltar byung ba'i sangs rgyas thams cad kyi byin gyis 
brlabs pa'i lus thob par bya ba'i phyir yongs su bsngo'o/ /dge ba'i rtsa ba de sangs rgyas la dga' ba dang chos la dga' ba dang / sems can thams cad yongs su bskyab pa'i phyir snying rje chen po la dga' ba las phyir mi ldog pa yongs su rdzogs 
par bya ba'i phyir yongs su bsngo'o/ /dge ba'i rtsa ba de las kyi rnam pa bsam gyis mi khyab pa las bsgribs pa med pa'i ye shes kyis yang dag par gzhol bar bya ba dang / 'khor gyi dkyil 'khor rnam par dag pa thams cad kyi sems dang 
dbang po dang bar bya ba dang / dga' bar bya ba'i phyir yongs su bsngo'o/ /dge ba'i rtsa ba de zhing gi rgyud snrel zhi dang spyi'u tshugs su rgyu ba thams cad shin tu bstan pa dang / phra ba dang rgya che ba dang yangs pa dang / dog pa dang tha gru che ba sna tshogs </font><hr>36-1-159b<br><font size=+1>
dang / rnam par dag pa dang / kun nas nyon mongs pa thams cad du chos kyi 'khor lo rgyun mi 'chad par mnyam pa nyid du yang dag par bskor ba'i phyir yongs su bsngo'o/ /dge ba'i rtsa ba de sems bskyed par skad cig re re dang mi 'jigs pa gzhan dang gzhan 
tha dad pa yang dag par shes pa mi zad pas chos snang ba sar pa gsar pa rab tu thob cing bstan pa dang / bshad pa'i phyir yongs su bsngo'o/ /dge ba'i rtsa ba de dge ba'i rtsa ba thams cad tshol ba la lhag pa'i bsam pa dang dbang po ma 'khrugs shing mi 
dma' bas chos 'byam klas pa thams cad ma lus par mngon par shes pa'i ye shes dang chos kyi rdzu 'phrul thob pas sems can gyi 'khor gyi dkyil 'khor 'byam klas pa thams cad mngon par dga' ba dang / tshim par chos thams cad rab tu 
bstan pa'i phyir yongs su bsngo'o/ /dge ba'i rtsa ba de chos kyi dbyings tshad med pa thams cad du song ba'i yongs su bsngo ba la gnas shing 'di ltar yongs su bsngo ste/ chos kyi dbyings tshad med par song ba'i lus kyi las kyis yongs su bsngo'o/ /chos 
kyi dbyings tshad med par song ba'i ngag gi las kyis yongs su bsngo'o/ /chos kyi dbyings tshad med par song ba'i yid kyi las kyis yongs su bsngo'o/ /chos kyi dbyings tshad med par song ba'i gzugs mnyam pa nyid la gnas shing yongs su bsngo'o/ /
chos kyi dbyings tshad med par song ba'i tshor ba dang / 'du shes dang / 'du byed dang / rnam par shes pa mnyam pa nyid la gnas shing yongs su bsngo'o/ /chos kyi dbyings tshad med par song ba'i phung po mnyam pa nyid la gnas shing yongs su bsngo'o/ /
chos kyi dbyings tshad med par song ba'i khams mnyam pa nyid la gnas shing yongs su bsngo'o/ /chos kyi dbyings tshad med par song ba'i skye mched mnyam pa nyid la gnas shing yongs su bsngo'o/ /chos kyi dbyings tshad med par song ba'i nang mnyam pa </font><hr>36-1-160a<br><font size=+1>
nyid la gnas shing yongs su bsngo'o/ /chos kyi dbyings tshad med par song ba'i phyi rol mnyam pa nyid la gnas shing yongs su bsngo'o/ /chos kyi dbyings tshad med par song ba'i brtsam pa mnyam pa nyid la gnas shing yongs su 
bsngo'o/ /chos kyi dbyings tshad med par song ba'i bsam pa mnyam pa nyid la gnas shing yongs su bsngo'o/ /chos kyi dbyings tshad med par song ba'i sbyor ba mnyam pa nyid la gnas shing yongs su bsngo'o/ /chos kyi dbyings tshad med par song ba'i mos pa 
mnyam pa nyid la gnas shing yongs su bsngo'o/ /chos kyi dbyings tshad med par song ba'i dngos po mnyam pa nyid la gnas shing yongs su bsngo'o/ /chos kyi dbyings tshad med par song ba'i sngon gyi mtha' dang / phyi ma'i mtha' dang da ltar byung ba 
mnyam pa nyid la gnas shing yongs su bsngo'o/ /chos kyi dbyings tshad med par song ba'i las kyi rnam par smin pa mnyam pa nyid la gnas shing yongs su bsngo'o/ /chos kyi dbyings tshad med par song ba'i kun nas nyon mongs pa dang / rnam par byang ba rnam par 
dag pa mnyam pa nyid la gnas shing yongs su bsngo'o/ /chos kyi dbyings tshad med par song ba'i sems can thams cad mnyam pa nyid la gnas shing yongs su bsngo'o/ /chos kyi dbyings tshad med par song ba'i zhing thams cad mnyam pa nyid la gnas shing yongs 
su bsngo'o/ /chos kyi dbyings tshad med par song ba'i chos thams cad mnyam pa nyid la gnas shing yongs su bsngo'o/ /chos kyi dbyings tshad med par song ba'i 'gro ba thams cad du snang ba mnyam pa nyid la gnas shing yongs su bsngo'o/ /chos kyi dbyings 
tshad med par song ba'i byang chub sems dpa' thams cad mnyam pa nyid la gnas shing yongs su bsngo'o/ /chos kyi dbyings tshad med par song ba'i byang chub sems dpa'i spyod pa dang / smon lam thams cad mnyam pa nyid la gnas shing yongs su bsngo'o/ /</font><hr>36-1-160b<br><font size=+1>
chos kyi dbyings tshad med par song ba'i byang chub sems dpa' 'byung ba thams cad mnyam pa nyid la gnas shing yongs su bsngo'o/ chos kyi dbyings tshad med par song ba'i byang chub sems dpa'i yongs su smin par bya ba dang / 'dul ba thams cad mnyam pa nyid 
la gnas shing yongs su bsngo'o/ /chos kyi dbyings tshad med par song ba'i byang chub sems dpa'i 'khor thams cad mnyam pa nyid la gnas shing yongs su bsngo'o/ /chos kyi dbyings tshad med par song ba'i chos thams cad mi gnyis pa'i dbyings 
mnyam pa nyid la gnas shing yongs su bsngo'o/ /chos kyi dbyings tshad med par song ba'i de bzhin gshegs pa'i dkyil 'khor thams cad mnyam pa nyid la gnas shing yongs su bsngo'o/ /de de ltar yongs su bsngo bas chos kyi dbyings tshad med pa dang / 
mnyam pa'i lus yongs su dag pa kun nas gnas par 'gyur ro/ /chos kyi dbyings tshad med pa dang mnyam pa'i ngag yongs su dag pa kun nas gnas par 'gyur ro/ /chos kyi dbyings tshad med pa dang mnyam pa'i sems yongs su dag pa kun nas gnas 
par 'gyur ro/ /chos kyi dbyings tshad med pa dang mnyam pa'i byang chub sems dpa'i chos spyod pa dang smon lam yongs su dag pa kun nas gnas par 'gyur ro/ /chos kyi dbyings tshad med pa dang mnyam pa'i 'khor gyi dkyil 'khor 
yongs su dag pa kun nas gnas par 'gyur ro/ /chos kyi dbyings tshad med pa dang mnyam pa'i chos thams cad bstan pa dang brjod pas byang chub sems dpa' thams cad go bar bya ba yongs su dag pa kun nas gnas par 'gyur ro/ /chos kyi dbyings 
tshad med pa dang mnyam pa'i 'jig rten gyi khams thams cad ma lus par chos kyi dbyings la yang dag par gzhol ba'i tshul gyis lus 'byam klas pa rjes su 'gro ba kun nas gnas par 'gyur ro/ /chos kyi dbyings tshad med pa dang mnyam pa'i </font><hr>36-1-161a<br><font size=+1>
chos snang ba mtha' dang dbus med pa thams cad dang mi 'jigs pa rnam par dag pa'i tshig gcig brjod pas sems can gyi khams ma lus pa thams cad kyi the tsom gcod cing sems dang dbang po dang bsam pa khong du chud par byed pas 
tshim par byed pa dang / bla na med pa thams cad mkhyen pa'i stobs dang mi 'jigs pa dang / de bzhin gshegs pa'i rnam par 'phrul pa dang / sangs rgyas kyi che ba nyid dang / ye shes la 'jug pa shin tu 'phags pa dang / chos mngon par shes 
pa la gnas par bya ba kun nas gnas par 'gyur te/ kye rgyal ba'i sras dag 'di ni byang chub sems dpa' sems dpa' chen po rnams kyi yongs su bsngo ba chos kyi dbyings tshad med pa zhes bya ba bcu pa ste/ byang chub sems dpa' 
sems dpa' chen po'i chos sbyin pa la stsogs pa'i dge ba'i rtsa ba thams cad bsngo ba des yongs su bsngos na/ byang chub sems dpa' kun tu bzang po'i spyod pa dang smon lam mtha' dang dbus med pa yongs su rdzogs pa thob par 'gyur ro/ /
'jig rten gyi khams thams cad kyi sangs rgyas kyi zhing chos kyi dbyings kyis klas pa nam mkha'i mthas gtugs pa thams cad yongs su dag pa thob par 'gyur ro/ /sems can thams cad kyis kyang rab tu thob par bya ba la brtson par byed par 
'gyur ro/ /chos thams cad la 'jug pa'i ye shes mtha' dang dbus med pa thams cad yongs su 'grub par 'gyur ro/ /sems bskyed pa mtha' dang dbus med pa thams cad kyi skad cig re re la sangs rgyas bskyed pa thams cad 
mthong ba rab tu thob cing khong du chud par 'gyur ro/ /de bzhin gshegs pa thams cad kyi rnam par 'phrul pa dang / rgya chen po'i rnam par 'phrul pa dang / bsgribs pa med pa'i rnam par 'phrul pa dang / bsam gyis mi khyab pa'i rnam </font><hr>36-1-161b<br><font size=+1>
par 'phrul pa dang / 'gro ba thams cad rnam par dag par byed pa'i rnam par 'phrul pa dang / 'jig rten gyi khams thams cad byin [(]kyis [,]gyis[)] rlob cing brten par byed pa'i rnam par 'phrul pa dang / shin tu bstan pa brjod du med pa'i rnam par 'phrul 
pa dang / dus thams cad du rnam par 'phrul ba'i mngon par shes pa dang / ye shes dang phyir mi ldog pa'i byin gyi rlabs kyis chos kyi dbyings mtha' dang dbus med pa thams cad ma lus par rgyas par 'gengs pa la 'jug cing khong du chud par 
'gyur ro/ /kun tu bzang po'i mig mtha' dang dbus med pa mngon par bsgrub pa yongs su rdzogs par bya ba thob par 'gyur ro/ /de mtha' dang dbus med pa'i chos bstan pa chags pa med pa'i rna ba'i ye shes khong du chud pa yang dag par 'dzin par 
'gyur ro/ /chos kyi dbyings mtha' dang dbus med pa thams cad lus kyi skyil mo krung gcig gis yongs su rgyas par byin gyis rlob kyang sems can thams cad la gnod pa med par byed par 'gyur ro/ /dus gsum mtha' dang dbus med pa thams cad la 
'jug pa'i ye shes 'byam klas pa yongs su rdzogs par thob cing khong du chud par 'gyur ro/ /blo mtha' dang dbus med pa thams cad rnam par dag pa dang / sems can thams cad rnam par dag pa dang / chos thams cad rnam par dag pa dang / skye mched 
yongs su shes pa'i ye shes thams cad rnam par dag pa dang / nam mkha'i dbyings mtha' dang dbus med pa thams cad la 'jug cing rgyas par 'gengs pa'i ye shes rnam par dag pa dang / sems can gyi ris dang skye gnas rnam pa sna tshogs su gyur pa 
thams cad nas byung ba'i sgra dang smra ba dang / skad thams cad ma lus pa la mngon sum gyi ye shes rnam par dag pa dang / 'jig rten gyi khams thams cad ma lus par rnam par mtha' yas pa'i 'od zer dang / 'od kyi dkyil 'khor rab tu gtong zhing </font><hr>36-1-162a<br><font size=+1>
mtha' dang dbus med pa snang bar byed pa rnam par dag pa dang / dus gsum thams cad kyi byang chub sems dpa'i spyod pa ma lus par mngon par bsgrub pa'i ye shes rnam par dag pa dang / 'das pa dang / ma byon pa dang / da ltar 
byung ba'i de bzhin gshegs pa'i dkyil 'khor mtha' dang dbus med pa ma lus pa thams cad la skad cig gcig tu 'jug pa'i ye shes rnam par dag pa dang / sems can thams cad kyi mngon par 'du bya ba thams cad ma lus pa la 'jug pas 'gro ba mtha' 
dang dbus med pa rnam par dag par bya ba rab tu thob par 'gyur ro/ /yongs su rdzogs par byed pa'o/ /rab tu sgrub po/ /rnam par dag par byed do/ /mnyam par byed do/ /mngon sum du byed do/ /rab tu rtogs par byed do/ /khong du chud par byed do/ /
yang dag par sems par byed do/ /rnam par dag pa thams cad kyi pha rol tu phyin pa tho par bya ba rjes su thob par byed do/ /de nas de'i tshe sangs rgyas kyis byin gyi rlabs kyis phyogs bcu'i 'jig rten gyi khams su sangs rgyas kyi zhing brgya phrag stong gi rdul shin 
tu phra ba snyed kyi 'jig rten gyi khams rnam pa drug tu g.yos te g.yos so/ /rab tu g.yos so/ /kun tu g.yos so/ /'gul to rab tu 'gul to/ /kun tu 'gul to/ /ldeg go rab tu ldeg go /kun tu ldeg go /chem chem rab tu chem chem/ kun tu chem chem 
mo/ /'ur 'ur rab tu 'ur 'ur/ kun tu 'ur 'ur ro/ /shig shig rab tu shig shig /kun tu shig shig go /sangs rgyas kyi mthu dang chos nyid rab tu thob pas lha rdzas kyi me tog gi sprin gyi char yang mngon par bab po/ /lha rdzas kyi phreng ba'i sprin gyi char 
mngon par bab po/ /lha rdzas kyi phye ma'i sprin gyi char mngon par bab po/ /lha rdzas kyi gos kyi sprin gyi char mngon par bab po/ /lha rdzas kyi rin po che'i sprin gyi char mngon par bab po/ /lha rdzas kyi lhab lhub kyi sprin gyi char mngon par bab po/ /lha </font><hr>36-1-162b<br><font size=+1>
rdzas kyi spos kyi sprin gyi char mngon par bab po/ /lha rdzas kyi nor bu rin po che'i sprin gyi char mngon par bab po/ /lha rdzas kyi dus dang mthun pa'i tsan dan gyi sprin gyi char mngon par bab po/ /lha rdzas kyi sbrul gyi snying po'i tsan dan mchog gi sprin gyi char mngon par bab 
po/ /lha rdzas kyi gdugs dang rgyal mtshan dang / ba dan kha dog sna tshogs kyi sprin gyi char mngon par bab po/ /lha rdzas kyi lha'i lus grangs med pa'i sprin gyi char mngon par bab po/ /lha rdzas kyi dbyangs kyi yan lag brgya stong brjod du myed pa'i tshig dang brjod pa la rtog pa 
bsam gyis mi khyab pa dang ldan pa yid du 'ong bar spyod pa'i chos rin po che'i sprin gyi char mngon par bab po/ /lha rdzas kyi de bzhin gshegs pas bstod pa'i sangs rgyas kyi bsngags pa bsam gyis mi khyab pa'i sprin gyi char mngon par bab po/ /lha rdzas kyi legs 
so/ zhes bya ba dang / lhung lhung ldegs kyi sgra 'byin pa dang / dga' bar byed pa'i dbyangs kyi sprin gyi char mngon par bab po/ /lha rdzas kyi lha'i lus bye ba khrag khrig brgya stong grangs med cing brjod du med pas rab tu btud do/ /lha yul gyi lha grangs med 
pa sangs rgyas rjes su dran pa la brtson par yid la byed cing / de bzhin gshegs pa la shin tu dadapa'i sems kyi rgyud dang ldan pa/ sangs rgyas kyi yon tan dang mi 'bral ba'i sems kyis mngon par gnas so/ /lha rdzas kyi rol mo brdung ba dang dkrol ba'i 
sgra/ lha'i glu'i dbyangs kyi tshul grangs med par grags pa de bzhin gshegs pa mchod cing yid la bya ba la brtson pa rnams kyang rab tu bsgrags so/ /lha rdzas las shin tu 'das pa'i 'od zer brgya stong grangs med pas kyang 'jig rten gyi khams chos kyi 
dbyings kyis klas pa nam mkha'i mthas gtugs pa thams cad kyi sangs rgyas kyi zhing gi tha gru thams cad rab tu snang bas khyab par byas so/ /lha rdzas las 'das pa'i sprul pa dang / sangs rgyas kyi yul grangs med pa bstan pa dang / de bzhin </font><hr>36-1-163a<br><font size=+1>
gshegs pa'i sku'i cho 'phrul rnams kyang yang dag par bstan par gyur to/ /gling bzhi pa 'di'i dga' ldan gyi gnas su lha'i dbang po rab dga' ldan gyi khang pa na ji lta ba de bzhin du 'jig rten gyi khams thams cad du yang phyogs bcur rgyas 
par bka' zhing chos bstan pa 'di nyid kun tu byung ngo / sangs rgyas kyi mthus phyogs bcu'i sangs rgyas kyi zhing bcu'i rdul shin tu phra ba snyed kyi 'jig rten gyi khams kyi pha rol dag nas kyang sangs rgyas kyi zhing brgya stong phrag bcu'i rdul shin tu phra ba snyed kyi byang 
chub sems dpa' lhags nas phyogs bcu bkang ste/ 'di skad zer ro/ /kye rgyal ba'i sras de ltar khyod kyis yongs su bsngo ba'i chos nyid 'di bshad pa legs so legs so/ /kye rgyal ba'i sras bdag cag kun kyang ming rdo rje'i rgyal mtshan 
zhes bya ba sha stag ste/ 'jig rten gyi khams ming rdo rje'i 'od ces bya ba dag na/ de bzhin gshegs pa'i mtshan rdo rje'i dpal zhes bya ba bzhugs pa dag gi drung nas 'dir phyin te/ kun na yang sangs rgyas kyi byin gyi rlabs kyis 'khor gyi 
rnam pa 'di lta bu dag na tshig 'di dag dang / yi ge 'di dag dang / go bar bya ba 'di dag gis don 'di nyid lhag pa med cing chad pa med par brjod de chos 'di nyid ston to/ /kye rgyal ba'i sras bdag cag kyang de ltar phyogs bcu'i 'jig rten gyi khams kyi 'jig rten gyi khams re 
re'i gling bzhi pa dag gi dga' ldan gyi gnas kyi lha'i rgyal po'i rab dga' ldan gyi khang pa rin po che thams cad kyi brgyan ces bya ba dag tu sangs rgyas kyi zhing brgya stong phrag bcu'i rdul shin tu phra ba snyed kyi byang chub sems dpa' rnams phyin pa mngon du mthong ba sha 
stag sangs rgyas kyi byin gyi rlabs kyis 'khor 'dir phyin to/ /de nas byang chub sems dpa' rdo rje'i rgyal mtshan gyis phyogs bcur bltas te 'khor thams cad la bltas nas chos kyi dbyings la rnam par blta ba dang / don dang tshig dang yi ge la </font><hr>36-1-163b<br><font size=+1>
rab tu 'jug pa dang / sems bskyed pa mtha' dang dbus med par yangs pa yongs su bsgom pa dang / 'gro ba thams cad la snying rje chen pos khyab par bya ba dang / dus gsum gyi sangs rgyas kyi rigs su sems yang dag par 'brel bar bya ba 
dang / sangs rgyas thams cad kyi yon tan la 'jug pa dang / sangs rgyas thams cad kyi byin gyis brlabs pa'i lus yang dag par bskyed pa dang / sems can thams cad kyi bsam pa yang dag par shes par bya ba dang / dge ba'i rtsa ba ji ltar bskyed pa
'ang ji ltar dus la bab pa la yang dag par blta ba dang / chos kyi lus kyi rjes su song ba'i gzugs kyi lus yang dag par bstan par byed cing sangs rgyas kyi byin gyi rlabs kyis de'i tshe tshigs su bcad pa 'di dag smras so/ /de dag chos la rab 
tu mkhas gyur cing / /chos rgyud mtha' yas rnam par dag byas nas/ /chos kyi 'od byed chos la kha lo sgyur/ /chos rnams rab rtogs chags pa med pa thob/ /de dag chos kyi kha lo sgyur gyur te/ /shin tu dkon pa'i chos rnams ston byed cing / /
chos kyi sgo la rab tu bzhag bya bar/ /sems can mtha' yas phyogs su go bar byed/ /de dag chos kyi gang chen mtsho 'thung zhing / /chos nyid sprin char phyogs su rab tu 'bebs/ /'jig rten khams su chos nyid nyi shar cing / /sems can phan 
phyir chos rnams ston par byed/ /de dag shin tu dkon pa'i sbyin bdag ste/ /chos kyi rnam tshul shes pa rjes su thob/ /chos kyi snang bas rab tu sems gsal ba/ /'jigs med 'jig rten dag na chos rab ston/ /shin tu dri med chos 
kyi sems dang ldan/ /chos kyi sgo la de dag rab tu gnas/ /chos rnams rgya mtshos de dag shin tu 'phags/ /'jig rten dag tu chos nyid rnga yang brdung / /de dag shin tu dkon pa'i chos brjod cing / /chos nyid bsod nams yang dag bstsogs </font><hr>36-1-164a<br><font size=+1>
par byed/ /chos nyid bsam pa yongs su dag byed cing / /chos kyi gter rnams 'gro ba kun la ston/ /chos kyi khang par rgyal bas dbang bskur ba/ /chos nyid ye shes snying po'i lus dang ldan/ /chos 
kyi mtshan gzhi rtogs pa'i ye shes can/ /de dag chos nyid bzang po'i chos la gnas/ /rgyal ba kun gyis gang la bstod mdzad dang / /rab kyi phul gyis gang zhig gnang gyur cing / /skye dbang thams cad gang gis bskyed gyur pa'i/ /
sbyin pa dam pa de dag sbyin pa byed/ /de dag chos kyi lus ldan shes dang ldan/ /'jig rten mkhas pas chos nyid sprul mdzad pas/ /chos kyi sgron ma 'gro la phan pa'i phyir/ /dma' ba med par mtha' yas chos ston to/ /de dag 
chos bzang dam pa sbyin byas nas/ /dge rtsa de dag rjes su sems byed cing / /'jig rten dag tu dge ba gang byas pa/ /de dag yongs bsngo'i shes dang ldan pa yin/ /rang byung thams cad gang gis bskyed gyur pa'i/ /dge rtsa de dag 'gro 
ba'i don du shes/ /thams cad rnam phye rnam par dag gyur cing / /sangs rgyas rgyan gyis pha rol phyin par byed/ /zhing gi rgyan mang shin tu rgya che zhing / /phyogs rnams kun tu de la tshad med pas/ /'jig rten kun tu bsam yas 
rgyan ldan pa/ /de 'drar zhing rnams ma lus kun gyur cing / /skyes bu 'dul ba'i ye shes ji tsam pa/ /de 'drar sems can rnam dag ldan gyur te/ /rgyal ba'i sras po bzang po ji bzhin du/ /yon tan kun gyis sems rgyan ldan gyur cig /
de dag rnam 'phrul shin tu rnam yangs pa/ /gang gis 'jig rten ma lus rgyas gang ba/ /de yi spyod la shes rab bzang gnas par/ /sems can thams cad ma lus 'gyur bar shog /ji snyed 'jig rten ma lus gang yang rung / /</font><hr>36-1-164b<br><font size=+1>
phyogs su rgyal ba kun gyis sangs rgyas pa/ /kun kyang kun tu bzang po ci bzhin du/ /legs spyod dam pa mchog tu ldan gyur cig /yon tan rgyun rnams ji snyed gang yang rung / /rgyal sras rnams dang rgyal bas thugs chud pa'i/ /yon tan 
gang la mtha' dang dbus med pa'i/ /yon tan de 'drar sems can kun gyur cig /gang yang rdzu 'phrul stobs dang ldan pa rnams/ /'jug pa kun la bslab pa kun bslabs pa/ /rnam 'phrul thams cad yang dag ston pa rnams/ /phyogs rnams 
thams cad rgyas par 'dod gyur cig /sems kyi skad cig gcig gis rang byung rnams/ /'dren pa sems can kun dang mnyam mthong ste/ /chos rnams thams cad ma lus bsdu byas shing / /skra rtse gcig tu mi mgon sdud gyur cig /'jig rten 'di 
na 'gro ba gang rgyu ba/ /gang rnams mi yi dam pas mkhyen gyur pa/ /de dang mnyam pa thams cad ma lus pa'i/ /'jig rten mkhyen la mchod pa byed gyur cig /spos kyi rgyud dang de bzhin me tog dang / /gos kyi rgyud dang de bzhin gdugs rnams kyis/ /
chos dbyings ma lus rgyas par dgang byas shing / /'jig rten kun tu yid kyis 'gengs gyur cig /sangs rgyas mtshan gyi rnam pa bsam yas pa/ /skra rtse gcig tu thams cad bsdu ba yis/ /lhag ma med par lam rnams kun bsdus shing / /'jig 
rten sgron la phyag 'tshal gyur bar shog /rgyal ba de dag kun la phyag 'tshal te/ /thams cad lus kyi tshul gyis 'dud byed cing / /phyogs rnams kun tu rgyal ba kun bstod pas/ /phyi ma'i bskal kun zad par byed gyur cig /sems can snyed kyi yid 
kyi rnam pa yis/ /rgyal ba gcig la 'ang mchod pa byed gyur cig /ji ltar rgyal ba gcig mchod de bzhin du/ /skyes dbang ma lus kun la 'ang mchod gyur cig /de dag mchod pa'i yon tan rjod byed pas/ /'gro ba kun tu bskal pa zad gyur kyang / /</font><hr>36-1-165a<br><font size=+1>
skyes bu 'dul ba dpe zla med pa yi/ /rgyal ba mchod pa'i mthar thug med gyur cig /'gro ba kun na bskal mang ji snyed pa/ /de snyed bskal par spyad pa spyod byed cing / /rgyal ba gcig la rim gro bya bas kyang / /bskal pa 
thams cad ma lus zad gyur cig /rgyal ba gcig la ji tsam brjod gyur pa/ /rgyal ba kun la 'ang bskal pa de snyed de/ /bskal pa'i grangs kyi mthar thug ma gyur cig /rgyal ba'i spyod pas skyo ba med gyur cig /ji ltar chos dbyings rnam par dag pa 
dang / /ji tsam rgya chen yongs su mtha' yas pa/ /de snyed rgya chen me tog bzang po rnams/ /thub mang sems can snyed la 'bul gyur cig /dri zhim ldan pa'i de bzhin phye ma dag /gtsang zhing rnam dag rnam pa sna tshogs la/ /'gro ba kun na dpe zla 
dmyigs med pa/ /de 'dras rgyal ba mchod pa byed gyur cig /zhing rnams du ma sems can mnyam pa yi/ /rgyal ba gcig la gdugs rnams 'bul byed cing / /rgyal ba kun la'ang de bzhin dgab bya bas/ /rgyal ba rnams la gdugs mchod byed gyur 
cig /byug pa dam pa mchog tu gyur pa rnams/ /'gro ba 'di na gang la dpe med pa/ /de yis sangs rgyas mchod byed spyod pa yis/ /bskal mang sems can mnyam pa zad gyur cig /de bzhin byug dang spos kyi phye ma dang / /me tog bdug pa na bza' 
spos rnams dang / /rin chen lhab lhub mchod pa mtha' yas pa'i/ /rim gro skyo ba med par byed gyur cig /'jig rten sgron ma sems can mnyam pa dag /skad cig re rer byang chub 'tshang rgya ba/ /de dag yon tan mtha' yas rjod byed cing / /skyes bu 
'dul la mchod pa byed gyur cig /sems can mnyam pa'i 'jig rten mkhyen pa la/ /sems can mnyam pa'i bskal par bgrang byas shing / /blo mchog ldan pa mchod pa byed pa ni/ /rgyal bas bshad kyang zad par ma gyur cig /rgyal ba rnams la </font><hr>36-1-165b<br><font size=+1>
'di 'dra'i mchod byed cing / /sangs rgyas rnam 'phrul kun tu 'gengs byed pas/ /bzang dang ldan pa'i spyod la gnas bcas shing / /sangs rgyas ma lus thams cad mthong gyur cig /'gro kun dge ba ji snyed yod pa dang / /byas dang byed 'gyur de 
bzhin byed pa dag /bzang po ji bzhin de 'dra'i sa dag la/ /kun kyang kun nas bzang por red gyur cig /'jig rten thams cad ma lus sems can rnams/ /ji snyed rgyal ba kun gyis thugs chud pa/ /kun kyang mkhas pa kun gyis bsngags pa yi/ /
kun tu bzang po de bzhin gyur par shog /phyogs rnams ma lus kun tu ci byas pa/ /skyes bu dam pa de ltar yongs su bsngo/ /rdo rje'i rgyal mtshan rgyal bas gang gsungs pa/ /yongs bsngo dam pa mchog dang phul yang yin/ /de bzhin zhing rnams thams 
cad ma lus par/ /rgyu bzhin kun kyang khong du chud byas te/ /sems can ji snyed thams cad ma lus pa/ /de dag kun kyang kun tu bzang gyur cig /sbyin pas yongs bsngo ji bzhin red gyur cig /tshul khrims kyis kyang bsngo bzhin red gyur cig /
brtson 'grus stobs kyis bskal par mi ldog cing / /bzod pas 'khrug pa med pa'i yid gyur cig /bsam gtan gyis kyang rtse gcig yid ldan zhing / /ting 'dzin kun gyi spyod yul shes gyur cig /shes rab dus rnams gsum po thams cad du/ /
'jig rten dag tu mthar dmyigs med gyur cig /lus dang ngag dang yid rnams thams cad kyang / /rnam pa kun tu rnam dag mkhas gyur cig /spyod pa de dag thams cad ma lus par/ /kun kyang kun tu bzang por red gyur cig /ji ltar chos dbyings 
rlom pa'i sems med cing / /de la spros dang chags pa med pa dang / /mya ngan 'das dang bsgribs pa med pa ltar/ /de bzhin sems la rlom sems med gyur cig /chos mkhas yongs su bsngo ba gang brjod pa/ /de ni rgyal bas gsungs pa'i bsngo ba ste/ /</font><hr>36-1-166a<br><font size=+1>
mkhas pa'i spyod pa ci nas 'grub 'gyur bar/ /dge ba yangs pa de yis yongs su bsngo/ /rgyal ba'i sras kyis 'di la bslabs byas te/ /ji snyed gang yod thams cad ma lus par/ /khams rnams kun kyang yongs su bsdu byas 
te/ /ci nas bde gshegs stobs la 'jug par bsngo/ /yangs pa ji snyed rgyal bas gsungs pa dang / /kun tu bzang zhes gang la gdags pa yi/ /rgyal ba'i sras rnams gang la gnas gyur pa'i/ /spyod pa dam pa de dag su 'dod pas/ sems 
can ma lus thams cad bgrang bar nus/ /dus gsum sems kyang ma lus kun bgrang nus/ /gang la kun tu bzang por ming gdags pa/ /rgyal sras de yi yon tan mtha' med do/ /nam mkha' spu rtses bgrang bar nus kyang srid/ /zhing 
rnams kun gyi rdul yang bgrang bar nus/ /gang la rgyal sras drang srong che gnas pa'i/ /spyod pa de dag bgrang bar mi nus so/ /chos kyi dbyings tshad med pa zhes bya ba ste/ yongs su bsngo ba bcu pa'o/ rdo rje'i rgyal mtshan gyi yongs su bsngo ba'i 
le'u ste/ sum cu pa'o// //shin tu rgyas pa chen po'i mdo/ /sangs rgyas rmad gcad ces bya ba las sa bcu pa'i le'u ste/bam po bcu gsum pa/ de nas bcom ldan 'das lha'i rgyal po dbang sgyur gyi gnas kyi nor bu rin po che dam pa'i 
khang pa na/ byang chub sems dpa'i dge 'dun chen po thams cad kyang bla na med pa yang dag par rdzogs pa'i byang chub las phyir mi ldog pa/ 'jig rten gyi khams gzhan dang gzhan nas 'dus pa sha stag kun kyang byang chub sems dpa'i ye 
shes kyi yul dang spyod yul thams cad rab tu thob pas gnas pa/ de bzhin gshegs pa thams cad kyi ye shes kyi yul la 'jug cing gzhol ba'i spyod yul ma btang ba/ 'gro ba thams cad yongs su smin par bya ba dang / gdul bar bya ba'i dus </font><hr>36-1-166b<br><font size=+1>
bzhin du thogs pa med pa'i byin gyi rlabs rnam pa tha dad pas bya ba thams cad yang dag par ston pa la mkhas pa/ byang chub sems dpa'i smon lam thams cad mngon par bsgrub cing bskal pa dang zhing dang dus su spyod pa la gnas pa'i rgyun 
mi gcod pa/ /byang chub sems dpa'i bsod nams dang ye shes dang rdzu 'phrul gyi tshogs yongs su rdzogs shing 'gro ba thams cad nye bar 'tsho ba mi zad pa la rab tu zhugs pa/ byang chub sems dpa'i shes rab dang / thabs thams cad kyi pha rol 
tu phyin pa dam pa thob pa/ byang chub sems dpa'i spyod pas 'khor ba dang / mya ngan las 'das pa'i sgo yang dag par bstan cing shin tu bsgrub pa'i rgyun mi gcod pa/ byang chub sems dpa'i bsam gtan dang / rnam par thar pa dang / ting nge 
'dzin dang snyoms par 'jug pa dang / mngon par shes pa dang / rig pa dang ye shes la rnam par rol pa'i mngon par shes pas bya ba thams cad yang dag par ston pa la mkhas pa/ byang chub sems dpa'i rdzu 'phrul dang stobs dang / dbang thams 
cad thob cing mngon par 'du bya ba med pa'i sems skad cig gis de bzhin gshegs pa thams cad kyi 'khor gyi dkyil 'khor du 'dod pa la sngun du 'dren pa'i gtam gyi skyes bu dam pa de bzhin gshegs pa thams cad kyi chos kyi 'khor lo yang dag par gzung ba dang / 
sangs rgyas la mchod pa dang / rim gro rgya chen po bya ba'i don du mngon par brtson pa/ byang chub sems dpa'i las thams cad yang dag par blang ba mnyam pa nyid kyi sbyor bas 'jig rten gyi khams thams cad du lus kyi gzugs brnyan rab tu 'byung ba chos kyi dbyings 
thams cad du chags pa med pa'i dbyangs rab tu sgrog pas dus gsum thams cad du chags pa med pa'i sems dang / ye shes kyi yul rgyas par 'gengs pa/ byang chub sems dpa'i yon tan dang nan tan yongs su rdzogs pa thams cad bskal pa brjod du </font><hr>36-1-167a<br><font size=+1>
med par rgyun mi chad par yang dag par bstan pa la yon tan bsngags shing brjod pa zad mi shes pa sha stag ste/ 'di ltar byang chub sems dpa' sems dpa' chen po rdo rje'i snying po dang / byang chub sems dpa' sems dpa' chen po rin po che'i snying 
po dang / byang chub sems dpa' sems dpa' chen po pad mo'i snying po dang / byang chub sems dpa' sems dpa' chen po dpal gyi snying po dang / byang chub sems dpa' sems dpa' chen po pad mo dpal gyi snying po dang / byang chub sems dpa' sems 
dpa' chen po nyi ma'i snying po dang / byang chub sems dpa' sems dpa' chen po gtsang ba'i snying po dang / byang chub sems dpa' sems dpa' chen po sa'i snying po dang / byang chub sems dpa' sems dpa' chen po zla ba dri ma myed pa'i snying po dang / /
byang chub sems dpa' sems dpa' chen po rgyan rnam par bkod pa thams cad rab tu snang bar ston pa'i snying po dang / byang chub sems dpa' sems dpa' chen po ye shes rnam par snang ba'i snying po dang / byang chub sems dpa' sems dpa' chen po 
dpal yid du 'ong ba'i snying po dang / byang chub sems dpa' sems dpa' chen po tsan dan dpal gyi snying po dang / byang chub sems dpa' sems dpa' chen po me tog dpal gyi snying po dang / byang chub sems dpa' sems dpa' chen po me tog rgyas pa 
dpal gyi snying po dang / byang chub sems dpa' sems dpa' chen po dpal lha'i snying po dang / byang chub sems dpa' sems dpa' chen po bsod nams dpal gyi snying po dang / byang chub sems dpa' sems dpa' chen po bsgribs pa myed pa'i ye 
shes rnam par dag pa'i dpal gyi snying po dang / byang chub sems dpa' sems dpa' chen po yon tan dpal gyi snying po dang / byang chub sems dpa' sems dpa' chen po mthu chen dpal gyi snying po dang / byang chub sems dpa' sems dpa' chen po </font><hr>36-1-167b<br><font size=+1>
dri ma med pa'i snying po dang / byang chub sems dpa' sems dpa' chen po dri ma dang bral ba'i snying po dang / byang chub sems dpa' sems dpa' chen po spobs pa sna tshogs rgyan gyi snying po dang / byang chub sems dpa' sems dpa' chen po 'od zer 
gyi dra ba chen po rab tu snang ba'i snying po dang / byang chub sems dpa' sems dpa' chen po 'od dri ma med pa'i dpal gyi gzi brjid bzang po'i snying po dang / byang chub sems dpa' sems dpa' chen po gser bzang zhing dri ma med pa'i dbyig gis 
spras pa'i gzi brjid mdzes pa'i snying po dang / byang chub sems dpa' sems dpa' chen po mtshan thams cad kyis brgyan pas rnam par dag pa'i dpal gyi snying po dang / byang chub sems dpa' sems dpa' chen po dpal gyi be 'u rdo rje 'od 'phro 
bas brgyan pa'i snying po dang / byang chub sems dpa' sems dpa' chen po 'od 'bar zhing 'phro ba'i dpal gyi snying po dang / byang chub sems dpa' sems dpa' chen po skar ma'i rgyal po 'od rab tu snang ba'i snying po dang / byang chub sems dpa' sems dpa' chen po nam mkha'i mdzod ye shes bsgribs pa med pa'i snying po dang / byang chub sems dpa' sems dpa' chen po dbyangs kyi dkyil 'khor bsgribs pa med cing nga ro snyan pa'i snying po dang / byang chub sems dpa' sems 
dpa' chen po gzungs kyi snying po yon tan gyi 'gro ba thams cad kyi smon lam yang dag par 'dzin pa'i snying po dang / byang chub sems dpa' sems dpa' chen po rgya mtsho'i rgyan gyi snying po dang / byang chub sems dpa' sems dpa' chen po ri rab dpal 
gyi snying po dang byang chub sems dpa' sems dpa' chen po yon tan thams cad rnam par dag pa'i snying po dang / byang chub sems dpa' sems dpa' chen po de bzhin gshegs pa'i snying po dang / byang chub sems dpa' sems dpa' chen po </font><hr>36-1-168a<br><font size=+1>
sangs rgyas dpal gyi snying po dang / byang chub sems dpa' sems dpa' chen po rnam par grol ba'i zla ba dang / de dag la stsogs pa byang chub sems dpa' sems dpa' chen po tshad med pa gzhal du med pa/ grangs med 
pa bsam gyis mi khyab pa/ mtshungs pa myed pa dpag tu med pa/ kun tu mtha' yas pa/ mu med pas mtshams myed pa/ brjod du myed pa'i yang brjod du med pa/ byang chub sems dpa' sems dpa' chen po rdo rje'i snying po la stsogs pa'i 
sangs rgyas kyi zhing sna tshogs nas 'dus pa sha stag dang / thabs gcig tu bzhugs so/ /de nas de'i tshe byang chub sems dpa' sems dpa' chen po rdo rje'i snying po sangs rgyas kyi mthus theg pa chen po rab tu snang ba zhes bya ba'i ting nge 'dzin la snyoms par zhugs 
so/ /byang chub sems dpa' sems dpa' chen po rdo rje'i snying pos byang chub sems dpa'i ting nge 'dzin theg pa chen po rab tu snang ba de la mnyam par bzhag ma thag tu/ de nas de'i tshe phyogs bcu'i 'jig rten gyi phyogs re re'i 'jig rten gyi khams sangs rgyas kyi zhing bye ba 
phrag bcu'i rdul shin tu phra ba snyed kyi pha rol nas/ sangs rgyas bcom ldan 'das sangs rgyas kyi zhing bye ba phrag bcu'i rdul shin tu phra ba snyed kun kyang mtshan rdo rje'i snying po zhes bya bar mthun pa sha stag gis zhal mngon par bstan te/ sangs rgyas bcom ldan 'das 
de dag gis de la 'di skad ces bka' stsal to/ /rgyal ba'i bu de ltar khyod byang chub sems dpa'i ting nge 'dzin theg pa chen po rab tu snang ba la snyoms par zhugs pa legs so legs so/ /'di ltar rigs kyi bu khyod la phyogs bcu'i sangs rgyas bcom ldan 'das 
sangs rgyas kyi zhing bye ba phrag bcu'i rdul shin tu phra ba snyed kun kyang mtshan rdo rje'i snying po zhes bya bar mthun pa sha stag gis/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rnam par snang mdzad 'di'i sngon gyi smon lam gyi </font><hr>36-1-168b<br><font size=+1>
byin gyi rlabs dang / khyod nyid kyi ye shes kyi khyad par gyis byang chub sems dpa' thams cad la sangs rgyas kyi chos snang ba bsam gyis mi khyab pa rab tu brjod cing ye shes kyis la 'jug par bya ba dang / dge ba'i rtsa ba thams cad yang dag par bsdu ba 
dang / sangs rgyas kyi chos thams cad rab tu dbye ba la mkhas par bya ba dang / chos thams cad la ye shes shin tu yangs par bya ba dang / shin tu legs par gnas pa'i chos rab tu bstan pa dang / ye shes tha myi dad pa rnam par sbyang ba dang 'jig rten gyi chos 
thams cad kyis gos pa myed par bya ba dang / 'jig rten las 'das pa'i dge ba'i rtsa ba yongs su dag par bya ba dang / ye shes bsam gyis mi khyab pa'i yul khong du chud par bya ba nas thams cad mkhyen pa'i ye shes kyi yul gyi bar du khong du chud par 
bya ba dang / 'di ltar byang chub sems dpa'i sa bcu brtsam pa rab tu 'thob par bya ba dang / byang chub sems dpa'i sa ma nor bar mngon par rnam par dgod pa shin tu bstan pa dang / sangs rgyas kyi chos thams cad la yang dag par dmyigs par bya 
ba dang / zag pa med pa'i chos kyi bye brag rnam par bsgom pa dang / rnam par dbye ba shin tu rnam par phye ba'i shes rab kyi snang ba chen po la mkhas pa'i ye shes kyi rgyan thob par bya ba dang / shin tu brtags pa'i ye shes kyi sgo la 'jug par 
bya ba dang / gnas kyi rnam pa ci rigs su brjod pa dang / spobs pa'i snang ba dma' ba myed pa thob par bya ba dang / tha dad pa yang dag par shes pa chen po'i sa shin tu rtogs par bya ba dang / byang chub kyi sems la dran pa nyams pa med par 
bya ba dang / sems can gyi khams thams cad yongs su smyin par bya ba dang / thams cad du song ba'i blo rnam par gdon mi za ba la mkhas pa rab tu thob par bya ba'i phyir byin gyis brlab pa mdzad do/ /de bas na rigs kyi bu khyod kyis </font><hr>36-1-169a<br><font size=+1>
chos kyi sgo rab tu dbye ba la mkhas par 'gyur ba'i chos kyi rnam grangs 'di la sangs rgyas kyi mthu dang / de bzhin gshegs pa'i ye shes snang ba'i byin gyi rlabs kyis rang gi dge ba'i rtsa ba yongs su dag par bya ba dang / 
chos kyi dbyings shin tu sbyangs pa dang / sems can gyi khams thams cad la phan gdags pa dang / chos kyi sku'i ye shes kyi lus la 'jug par bya ba dang / sangs rgyas thams cad kyis dbang bskur ba yang dag par blang ba dang / 'jig rten gyi khams 
thams cad du shin tu 'phags pa'i lus 'byung bar bya ba dang / 'jig rten gyi lam gyi rgyud thams cad las yang dag par 'da' bar bya ba dang / 'jig rten las 'das pa'i chos kyi tshul yongs su dag par bya ba dang / thams cad mkhyen pa'i ye shes 
yongs su rdzogs par bya ba'i phyir spobs pa skyed cig /de nas sangs rgyas bcom ldan 'das de dag gis byang chub sems dpa' rdo rje'i snying po la zil gyis mi non par lus nye bar bsgrub pa mdzad do/ /thogs pa myed pa'i spobs pas shin tu ston pa nye bar 
bsgrub pa mdzad do/ /shin tu sbyangs pa'i ye shes rnam par phye ba la 'jug pa nye bar bsgrub pa mdzad do/ /dran pa nyams pa myed pa'i byin gyi rlabs nye bar bsgrub pa mdzad do/ /blo gros shin tu nges par rtogs pas mkhas pa nye bar bsgrub pa mdzad do/ /
thams cad kyi rjes su song ba'i blo'i rjes su 'gro ba nye bar bsgrub pa mdzad do/ /yang dag par rdzogs pa'i sangs rgyas kyi stobs thub pa myed pa nye bar bsgrub pa mdzad do/ /de bzhin gshegs pa'i myi 'jigs pa che zhing zhum pa myed pa nye bar bsgrub pa 
mdzad do/ /thams cad mkhyen pa'i ye shes dang tha dang pa yang dag par mkhyen pas rnam par dbye ba'i chos kyi tshul shin tu rtog par bya ba nye bar bsgrub pa mdzad do/ /de bzhin gshegs pa thams cad kyi sku dang / gsung dang thugs kyi rgyan shin tu rnam par </font><hr>36-1-169b<br><font size=+1>
phye ba mngon par bsdu ba nye bar bsgrub pa mdzad do/ /de ci'i phyir zhe na/ de ni ting nge 'dzin de nyid kyi chos nyid rab tu thob pa dang / sngon gyi smon lam gyis mngon par bsgrubs pa dang lhag pa'i bsam pa shin tu rnam par sbyangs pa dang / ye shes kyi dkyil 
'khor shin tu sbyangs pa dang / tshogs shin tu bstsags pa dang / yongs su sbyang ba shin tu byas pa dang / dran pa'i snod tshad med pa dang / mos pa rnam par dag cing 'od shin tu gsal ba dang / gzungs kyi sgo tha mi dad pa thob pa dang / chos kyi 
dbyings kyi ye shes kyi phyag rgyas shin tu btab pa'i phyir ro/ /de nas sangs rgyas bcom ldan 'das de dag gis de dag na bzhugs bzhin du rdzu 'phrul gyi mthus so so nas phyag g.yas pa brkyang ste/ byang chub sems dpa' rdo rje'i snying po'i mgo la byug pa mdzad 
do/ /sangs rgyas bcom ldan 'das de dag gis byang chub sems dpa' rdo rje'i snying po la reg ma thag tu de nyid kyi tshe ting nge 'dzin de las langs nas/ byang chub sems dpa' de dag la smras pa/ kye rgyal ba'i sras dag /byang chub sems dpa'i smon 
lam 'di ni shin tu rnam par gdon mi za ba ste/ tha mi dad pa bltar med pa chos kyi dbyings kyis klas par yangs pa/ nam mkha'i dbyings kyi mthar thug pa/ phyi ma'i mtha'i mur thug pa sangs rgyas kyi zhing thams cad dang /sems can gyi 
khams thams cad du rgyas par khyab pa/ 'gro ba thams cad yongs su skyob pa/ de bzhin gshegs pa thams cad kyi byin gyis brlabs pa ste/ kye rgyal ba'i sras dag de ni byang chub sems dpa' sems dpa' chen po rnams 'das pa'i sangs rgyas bcom 
ldan 'das rnams kyi ye shes kyi sa la yang rab tu 'jug par 'gyur ro/ /ma byon pa'i sangs rgyas bcom ldan 'das rnams kyi ye shes kyi sa la yang rab tu 'jug par 'gyur ro/ /da ltar byung ba'i sangs rgyas bcom ldan 'das rnams kyi ye shes kyi sa la yang </font><hr>36-1-170a<br><font size=+1>
rab tu 'jug par 'gyur ro/ /kye rgyal ba'i sras dag /de la bcu po 'di dag ni byang chub sems dpa' rnams kyi ye shes kyis rnams te/ gang la bsams te bdag gis de skad du smras pa de dag ni/ 'das pa dang / ma byon pa dang / da ltar byung 
ba'i sangs rgyas bcom ldan 'das rnams kyis gsungs so/ /gsung ngo / /gsung bar 'gyur ro/ /bcu gang zhe na/ 'di lta ste/ rab tu dga' ba zhes bya ba byang chub sems dpa'i sa dang po dang / dri ma dang bral ba zhes bya ba byang chub sems dpa'i sa gnyis 
pa dang / 'od byed pa zhes bya ba byang chub sems dpa'i sa gsum pa dang / 'od 'phro ba can zhes bya ba byang chub sems dpa'i sa bzhi pa dang / rgyal bar dka' ba zhes bya ba byang chub sems dpa'i sa lnga pa dang / mngon sum pa zhes bya ba byang chub sems 
dpa'i sa drug pa dang / ring du song ba zhes bya ba byang chub sems dpa'i sa bdun pa dang / mi g.yo ba zhes bya ba byang chub sems dpa'i sa brgyad pa dang / legs pa'i blo gros zhes bya ba byang chub sems dpa'i sa dgu pa dang / chos kyi sprin ces bya ba byang chub 
sems dpa'i sa bcu pa ste/ kye rgyal ba'i sras dag /de rnams ni byang chub sems dpa' rnams kyi byang chub sems dpa'i sa bcu pa ste/ de ni 'das pa dang / ma byon pa dang / da ltar byung ba'i sangs rgyas bcom ldan 'das rnams kyis gsungs so/ /gsung 
ngo / /gsung bar 'gyur ro/ /kye rgyal ba'i sras dag /bdag gis ni sangs rgyas kyi zhing gang na 'ang de bzhin gshegs pa dag bcom pa yang dag par rdzogs pa'i sangs rgyas rnams/ byang chub sems dpa'i sa bcu po 'di dag mi gsung ba de lta bu ma mthong ngo / /de ci'i 
phyir zhe na/ kye rgyal ba'i sras dag /byang chub sems dpa' sems dpa' chen po rnams kyi byang chub sems dpa'i lam yongs su sbyong ba'i chos snang ba'i sgo 'di ni yang dag phul zhes bya ba yin te/ 'di ltar byang chub sems dpa'i sa rnam par dgod pa </font><hr>36-1-170b<br><font size=+1>
shin tu bstan pa'o/ /kye rgyal ba'i sras dag gnas 'di ni bsam gyis mi khyab pa ste/ 'di ltar byang chub sems dpa' rnams kyi+is shes pa'o/ /de nas de ltar byang chub sems dpa' rdo rje'i snying pos byang chub sems dpa'i sa bcu po 'di dag ming tsam 
zhig brjod de cang mi zer bar 'dug nas/ de las rab tu phye ste ma bshad pa dang / de nas byang chub sems dpa'i 'khor de dag thams cad byang chub sems dpa'i sa bcu po de dag gi ming tsam zhig thos las rab tu phye ste/ mi brjod pas skom par gyur nas 
de dag 'di snyam du sems te/ de ltar byang chub sems dpa' rdo rje'i snying pos byang chub sems dpa'i sa bcu po de dag gi ming tsam zhig brjod de cang mi zer bar 'dug nas/ de las rab tu phye zhing mi ston pa de la rgyu ni gang rkyen ni ci zhig yod snyam pa dang / 
de'i tshe byang chub sems dpa'i 'khor 'dus pa de na byang chub sems dpa' sems dpa' chen po rnam par grol ba'i zla ba zhes bya ba 'dus shing 'dug 'dug ste/ de nas byang chub sems dpa' rnam par grol ba'i zla bas/ byang chub 
sems dpa'i 'khor de dag gi sems kyi yongs su rtog pa sems kyis yongs su shes nas/ byang chub sems dpa' rdo rje'i snying po la klu'i dbyangs kyis tshigs su bcad de don de dris so/ /ci phyir rtog pa rnam dag cing / /dran dang ye shes ldan pa yis/ /
sa yi mchog ni brjod byas te/ /mkhas pas rnam par phye mi bshad/ /'di kun nges par rtogs pa ste/ /byang chub sems dpa' grags chen yin/ /ci phyir khyod kyis brjod de/ /rab tu phye ba bshad mi bgyi/ /rgyal sras 'jigs med 'di 
dag ni/ /kun kyang shin tu nyan par 'dod/ /sa yi don tshul yang dag tu/ /rnam par phye ste bshad par mdzod/ /'khor 'di shin tu rnam dang ste/ /le lo med cing dge dang ldan/ /dag pa'i mchog la gnas pa ste/ /yon tan ye shes ldan pa yi/ /</font><hr>36-1-171a<br><font size=+1>
phan tshun gcig la gcig lta zhing / /kun kyang rim gro bcas par gnas/ /sbrang rtsi ji ltar spang myin pa/ /de ltar bdud rtsi mchog kyang 'dod/ /rdo rje'i snying po 'jigs med pa/ /shes rab chen pos de thos nas/ /
'khor rnams dga' bar bya ba'i phyir/ /bde bar gshegs pa'i sras la smras/ /sangs rgyas skur ba yang dag 'byung bas na/ /byang chub sems dpa'i spyod pa rab bstan cing / /sa rgyu dam pa rnam par dbye bya ba/ /de ni rmad 'byung mchog tu 
dga' ba yin/ /phra zhing blta dka' rnam par rtog pa spangs/ /sems kyis dang bral bas bsgrub par dka'/ /mkhas pa rnams kyi zag med spyod yul te/ /'gro ba rnams kyis de thos mos par 'gyur/ /rdo rje lta bur bsam pa rab gzhag ste/ /
sangs rgyas ye shes mchog la mos byas shing / /bdag med pa yi sems kyis shes na/ /ye shes dam pa 'di bzod mnyan par nus/ /ji ltar bar snang tshon ris bris pa dang / /nam mkha'i dbyings la rlung gnas ji bzhin du/ /de ltar ye shes zag 
pa med pa yang / /shin tu blta dka' thub pas rnam par phye/ /de la bdag gis sems ni 'di snyam byed/ /sangs rgyas ye shes dam pa bsam yas la/ /'gro ba gang rnams dad par byed dkon zhes/ /de yi phyir na ma smras ma bshad do/ /de skad smras pa dang / 
byang chub sems dpa' rnam par grol ba'i zla bas/ byang chub sems dpa' rdo rje'i snying po la 'di skad smras so/ /kye rgyal ba'i sras 'khor 'di ni byang chub sems dpa' sems dpa' chen po chos 'di dag la bsam pa shin tu sbyangs pa/ kun tu rtog pa 
yongs su sbyangs pa spyad par bya ba shin tu spyod pa/ tshogs shin tu bstsags pa/ sangs rgyas bye ba khrag khrig brgya stong shin tu bsnyen bkur ba/ yon tan dang ye shes tshad med pa dang ldan pa/ the tsom dang nem nur med pa/ nyon mongs pa dang bral ba/ mos pa dang </font><hr>36-1-171b<br><font size=+1>
lhag pa'i bsam pa la rab tu gnas pa/ gzhan gyi dring mi 'jog pa sha stag tshogs pas yongs su dag pa yin gyis/ kye rgyal ba'i sras de bzhin gshegs pa'i byin gyis legs par bshad pa mdzod cig dang / byang chub sems dpa' 'di dag thams cad ni rnam 
pa 'di lta bu'i gnas zab mo la mngon sum du gnas pa sha stag go /de nas byang chub sems dpa' rnam par grol ba'i zla bas don 'di nyid gsal bar bzlas pa'i phyir/ byang chub sems dpa' rdo rje'i snying po la tshigs su bcad de smras pa/ /byang chub sems 
dpa'i spyod pa bla med pa/ /sa rnams rab phye rnam dgod brtags pa yi/ /ye shes sbyong zhing byang chub thob byed pa/ /mchog dang dam pa zhi ba'i chos rnams shod/ /'khor 'di dag pa nyon mongs med pa'i mchog /mos dang bsam pa shin tu sbyangs pa ste/ /
sangs rgyas bye ba mang la spyad pa spyad/ /sa 'di brtags la yid ches ldan pa yin/ /de nas byang chub sems dpa' rdo rje'i snying pos byang chub sems dpa' rnam par grol ba'i zla ba la 'di skad ces smras so/ /kye rgyal ba'i sras 'khor 'di ltar byang chub sems dpa' 
sems dpa' chen po chos kyi rnam pa 'di lta bu'i gnas zab mo la bsam pa shin tu sbyangs pa/ kun tu rtog pa yongs su sbyangs pa/ spyod pa shin tu spyad pa/ tshogs shin tu bstsags pa/ sangs rgyas bye ba khrag khrig brgya stong la dge ba'i rtsa ba shin tu bstsags pa/ yon tan dang ye shes 
tshad med pa dang ldan pa/ the tsom dang nem nur med pa/ nyon mongs pa dang bral ba/ mos pa dang lhag pa'i bsam pa la rab tu gnas pa/ gzhan gyi dring mi 'jog pa sha stag tshogs pas shin tu dag pa yang yin na/ 'on kyang sems can mos pa chung ngu gzhan dag gis zab 
mo'i rnam pa 'di lta bu bsam gyis mi khyab pa'i gnas dag thos par gyur la thos nas kyang the tsom dang yid gnyis su gyur na/ de dag la yun ring por gnod pa dang / don med pa dang / mi bde ba'i rgyur 'gyur bas 'di lta zhig tu snying brtse ba'i phyir bdag ni </font><hr>36-1-172a<br><font size=+1>
cang mi zer bar 'dug pa nyid du mos so/ /de nas byang chub sems dpa' rdo rje'i snying pos don 'di nyid gsal bar bstan pa'i phyir tshigs su bcad pa 'di dag smras so/ /'khor 'di rnam dag shes rab yangs pa ste/ /zab cing gsal ba'i 
spyod ldan rtog shes shing / /gzhan dring myi 'jog ri rgyal bzhin mi g.yo/ /bsam rtog mi 'khrug rgya mtsho chen po 'dra/ /'on kyang ma rtogs mi shes ma sbyang ba/ /rnam shes yul nas don la shes med pas/ thos shing ma ches phral du ngan song ltung / /de dag snying 
brtses ye shes sa ma bshad/ de nas byang chub sems dpa' rnam par grol ba'i zla bas yang byang chub sems dpa' rdo rje'i snying po la gsol ba btab pa/ kye rgyal ba'i sras legs par bshad pa mdzod cig dang / de bzhin gshegs pa'i byin gyis rnam pa 
'di lta bu bsam gyis myi khyab pa'i gnas 'di dag kyang gzhan du mi 'gyur ba dang / legs par yid ches par 'gyur ro/ /de ci'i phyir zhe na/ kye rgyal ba'i sras de ni 'di ltar sa shin tu bstan pa 'di bshad pa'i tshe chos nyid rab tu thob pas/ sangs rgyas thams 
cad kyis kyang dgongs par 'gyur/ byang chub sems dpa' thams cad kyang ye shes kyis 'di yongs su bsrung ba'i don du rab tu brtson par byed do/ /de yang ci'i phyir zhe na/ 'di ni spyod pa'i sa dang po ste/ 'di ni sangs rgyas kyi chos thams cad yang dag par 'grub 
pa'i gzhi yin no/ /kye rgyal ba'i sras 'di lta ste dper na/ yi ge dang 'bru 'grangs pa ji snyed du bstan pa de dag thams cad kyi sngon du 'gro ba'ang yi ge'i phyi mo'o/ /tha mar yang yi ge'i phyi mo la thug ste/ yi ge'i phyi mo bstan pas ma khyab pa de lta bu'i yi ge 
dang 'bru 'grangs pa bstan pa ni gang yang med do/ /kye rgyal ba'i sras de bzhin du sangs rgyas kyi chos thams cad kyang spyod pas rab tu 'grub pas sa sngon du 'gro ba'o/ /rang byung gi ye shes kyi mthar thug par 'gyur bas/ sa'i mthar thug pa'o de bas na/ kye rgyal </font><hr>36-1-172b<br><font size=+1>
ba'i sras shod cig dang / de bzhin gshegs pa dgra bcom pa yang dag par rdzogs pa'i sangs rgyas rnams kyang yongs su bsrung ba'i phyir byin gyis rlob pa mdzad do/ /de nas byang chub sems dpa' rnam par grol ba'i zla bas don 'di nyid gsal bar 
bzlas pa'i phyir/ /byang chub sems dpa' rdo rje'i snying po la tshigs su bcad de smras pa/ /sa dang spyod 'jug byang chub 'gyur ba ye shes sgrub byed pa/ /spyod pa rnam dag thams cad mkhyen pa'i sras kyis legs par shod/ /phyogs bcu'i 
rgyal ba bde gshegs kun mgon 'dren pa ji snyed pa/ /khyu mchog de kun ye shes 'byung gnas ston la dgongs pa mdzad/ /'di ni dang po zhugs pa'i shes spyod 'di mthar thug ste/ /rgyal ba'i chos rab gzhal yas ji snyed de dag 'byung gnas 
'di/ /yi ge 'grangs pa phyi mo'i rjes 'gro sngon du de 'gro ltar/ /de bzhin sa mchog blo yi yul du tha ma thug par 'dong / /de nas byang chub sems dpa' de dag thams cad kyi dbyangs kyi nga ro gcig tu glu'i dbyangs kyis tshigs su bcad de/ byang chub 
sems dpa' rdo rje'i snying po la don 'di nyid kyi phyir/ gsol ba btab pa/ blo yangs dam pa'i phul mnga' ba/ /spobs pa mtha' yas rnam par dbye ba rtogs mkhyen pas/ /yid du 'ong ba'i gsung dbyangs kyis/ /kun la phan don dam pa 
bshad pa mdzod/ /dran dang dga' bas spyod dag pa/ /stobs bcu'i stobs kyis shugs stsogs yon tan ldan pa yi/ /sa yi dam pa mchog gi rnams/ /tha dad yang dag don mkhyen spyod pas shod/ /zhi sdom bsgrub pa'i yid ldan pa/ /
nga rgyal dregs dang lta ba'i nyon mongs zhir gyur pas/ /'khor 'dir the tsom bral ba ste/ /khyod kyis legs par bshad do re zhig sdod/ /skom pa bsil ba'i chu 'dod bzhin/ /bkres pa kha zas nad pa sman rab 'dod pa dang / bung ba sbrang rtsi 'dod </font><hr>36-1-173a<br><font size=+1>
pa ltar/ /de bzhin 'khor 'di khyod kyi tshig la sdod/ /de bas shin tu blo yangs pas/ /rdul med rnams las yi dam pa 'jug pa shod/ /chags med stobs bcu'i tshogs gyur pa/ /bde gshegs spyod pa ma lus bshad 
par mdzod/ /de nas de'i tshe bcom ldan 'das shAkya thub pa'i mdzod spu nas/ byang chub sems dpa'i stobs snang ba zhes bya ba'i 'od zer 'khor gyi 'od zer brgya stong grangs med pa dang ldan pa byung ngo / /de byung nas phyogs bcu thams cad kyi 'jig rten 
gyi khams 'byam klas pa thams cad ma lus par snang bar byas nas/ sems can thams cad kyi ngan song gi sdug bsngal thams cad rtse zil bar byas te/ bdud kyi khyim thams cad zil gyis mnan nas/ de bzhin gshegs pa thams cad 
kyi 'khor gyi dkyil 'khor snang bar byas te/ sangs rgyas kyi yul gyi rnam pa bsam gyis myi khyab pa'i mthu bstan nas/ phyogs bcu thams cad kyi 'jig rten gyi khams 'byam klas pa thams cad du de bzhin gshegs pa thams cad kyi 'khor 
gyi dkyil 'khor du chos bstan pa'i byin gyi rlabs kyis byin du brlabs pa'i byang chub sems dpa'i lus snang bar byas te/ sangs rgyas kyi rnam par 'phrul ba bsam gyis mi khyab pa bstan nas/ steng gi bar snang la 'od zer stug po'i sprin gyi dra 
ba'i khang pa brtsegs pa chen por byas te 'dug go /de bzhin du sangs rgyas bcom ldan 'das de dag gi mdzod spu dag nas kyang byang chub sems dpa'i 'od snang ba zhes bya ba'i 'od zer 'khor gyi 'od zer grangs myed pa dang ldan pa dag byung bar gyur to/ /byung nas kyang de dag 
gis phyogs bcu thams cad du 'jig rten gyi khams 'byam klas pa kun tu de bzhin gshegs pa thams cad kyi 'khor gyi dkyil 'khor du chos bstan pa'i byin gyis byin du brlabs pa'i byang chub sems dpa' rnams snang bar byas te/ sangs rgyas kyi rnam par </font><hr>36-1-173b<br><font size=+1>
'phrul pa bsam gyis myi khyab pa bstan nas/ 'jig rten gyi khams mi mjed 'di yang snang bar byas/ bcom ldan 'das shAkya thub pa de bzhin gshegs pa'i 'khor gyi dkyil 'khor 'di'ang snang bar byas te/ byang chub sems dpa' sems dpa' 
chen po rdo rje'i snying po'i lus kyang snang bar byas nas/ steng gi bar snang la de bzhin du 'od zer stug po'i sprin gyi dra ba'i khang pa brtsegs pa chen por byas te 'khod do/ /de nas 'od zerastug po'i sprin gyi dra ba'i khang pa brtsegs pa chen po de dag nas sangs rgyas kyi byin 
gyis sgra'i rnam pa 'di lta bu 'di byung ngo / /mi mnyam mnyam dang mnyam pa mkha' dang mnyam pa dag /stobs bcu'i khyu mchog mthu ldan tshad med yon tan can/ /'jig rten kun mchog mi yi dam pa phul gyi rnams/ shAkya seng ge'i chos la byin rlabs 
dam pa mdzad/ /bde gshegs sras po 'dren pa'i byin gyis bshad par gyis/ /chos rgyal khyu mchog rnams kyi mdzod kyi dam pa phye/ /sa yi ye shes rnam phye spyod mchog rab yangs pa/ /stobs bcu'i byin gyis ma thogs myur du bstan pa gyis/ /gang gi rna lam 
bsam par chos dam rin chen 'di/ /song bar gyur pa de dag bde gshegs byin gyis brlabs/ /rdul med sa kun rim gyis rab tu rdzogs byas nas/ /stobs bcu ldan pa'i rgyal ba dam par 'grub par 'gyur/ /rgya mtsho'i chu byung gyur cing bskal pa'i myes gdungs 
kyang / /gal te snod gyur sems can de dag 'di la nyan/ /gang rnams the tsom za zhing yid gnyis byed pa ni/ /de dag rna bas rnam pa kun tu thos mi 'gyur/ /de phyir sa yi ye shes lam mchog bstan par gyis/ /gnas dang rgyud dang 'phro ba rim gyis rab tu 
shod/ /spyod dang yul dang chos dang ye shes tshul rnams kyi/ /chos kyi tshul yang 'gro ba kun la phan phyir shod/ /de nas byang chub sems dpa' rdo rje'i snying pos phyogs bcur bltas nas/ 'khor thams cad de bas kyang dad par bya ba'i phyir de'i tshe tshigs su bcad </font><hr>36-1-174a<br><font size=+1>
pa 'di dag smras so/ /phra la shes dka' drang srong chen po'i lam/ /mi rtog rtog yul ma yin lta bar dka'/ /rang bzhin zhi zhing 'gag med 'byung ba med/ /mkhas gsal shes pas khong du chud pa yin/ /ngo bo nyid stong zhi zhing sdug 
bsngal zad/ /rgyud las rnam grol mnyam par mya ngan 'das/ /mtha' dang dbus med tshig gis brjod du med/ /dus gsum grol ba nam mkha' 'dra zhing mtshungs/ /bde gshegs spyod yul zhi zhing nye bar zhi/ /smra ba'i lam rnams kun gyis brjod par dka'/ /
de dag sa dang spyod pa de 'dra bas/ /smra bar dka' na bstan par ga la nus/ /de ni bsam yas sems lam rnam par spangs/ /ye shes mngon bsgrubs rgyal ba'i spyod yul te/ /phung po skye mched khams kyis skyed pa min/ /sems kyis mi shes yid kyis 
rnam ma brtags/ /ji ltar bar snang gnas kyi bya yi rjes/ /shin tu smra dka' bstan par mi nus pa/ /de ltar bde gshegs sras kyi sa rnams kyang / /yid dang sems kyi yul gyis shes mi nus/ /'on kyang byams dang snying rje smon lam gyis/ /de 
las phyogs tsam rim pa'i tshul bzhin du/ /bshad par bya ste sems kyi spyod yul min/ /ye shes tshul gyis rdzogs par bya ba'o/ /de 'dra'i spyod yul phra zhing blta dka' ba/ /rang rig yin pas brjod par mi nus kyang / /'on kyang bde bar gshegs 
pa'i mthus brjod kyis/ /thams cad mthun par nan tan gyis de nyon/ /ye shes sa dang spyod 'jug ci 'dra ba/ /bskal pa bye bar zad par mi nus te/ /yang dag don dngos gzhan min gnas pa las/ /mdo tsam bshad kyis de dag mnyan par gyis/ /mthun 
zhing nan tan yod par sta gon gnas/ /bde gshegs byin gyis bdag gis bshad par bya/ /dpe ldan 'thad la yi ge mnyam pa yi/ /chos sgra dam pa bdag gis brjod par bya/ /'di ni tshig gis brjod par shin tu dka'/ /de ltar tshad med bde gshegs </font><hr>36-1-174b<br><font size=+1>
mthu dag las/ /chu thigs gcig 'dra bdag gi lus 'di la/ /de ring zhugs kyis bshad pa mnyan par gyis/ /kye rgyal ba'i sras dag /de la sems can dge ba'i rtsa ba shin tu bstsags pa spyad pa shin tu spyod pa/ tshogs shin tu bsags pa/ sangs rgyas 
'byung ba shin tu bsnyen bkur ba/ chos dkar po shin tu bsdus pa/ dge ba'i bshes gnyen gyis shin tu bzung ba/ bsam pa yongs su dag pa/ lhag pa'i bsam pa shin tu rgya chen po can mos pa rgya chen po dang ldan pa/ snying rje dang snying brtse ba mngon du gyur pa/ 
sangs rgyas kyi ye shes la mngon par mos pa rnams rnam pa thams cad mkhyen pa'i ye shes la mos pa dang / stobs bcu'i stobs thob par bya ba dang / mi 'jigs pa chen po thob par bya ba dang / sangs rgyas kyi chos mnyam pa nyid thob par bya ba dang / 'gro ba 
thams cad yongs su bskyab par bya ba dang / snying brtse ba dang snying rje chen po yongs su dag par bya ba dang / phyogs bcu ma lus par thogs pa med pa'i ye shes mngon du 'gyur bar bya ba dang / sangs rgyas kyi zhing ma lus pa thams cad thogs pa med par yongs su sbyangs par 
bya ba dang / dus gsum thams cad skad cig gcig gis khong du chud par bya ba dang / chos kyi 'khor lo chen po rab tu bskor ba la khyu mchog gi mthu dbyung ba rgya chen po 'thob par bya ba'i phyir byang chub sems dpa' rnams kyi sems snying rje chen po sngon du 'gro ba/ 
shes rab dang ye shes kyi dbang du gyur pa/ thabs mkhas pas yongs su bzung ba/ bsam pa dang lhag pa'i bsam pas rab tu brtan pa/ de bzhin gshegs pa'i stobs tshad med pa dang ldan pa/ sems can gyi stobs dang / blo'i stobs rnam par dbye bar bya 
ba shin tu rnam par phye ba chags pa med pa'i ye shes mngon du gyur pa rang byung gi ye shes dang mthun pa/ sangs rgyas thams cad kyi chos la shes rab dang ye shes kyi man ngag yang dag par tshol ba/ sangs rgyas byung ba thams cad las gdams ngag </font><hr>36-1-175a<br><font size=+1>
yang dag par blangs pa/ chos kyi dbyings kyis klas pa/ nam mkha'i mthar thug par gnas pa/ phyi ma'i mtha'i mur thug par skye bar 'gyur te/ sems bskyed pa de bskyed ma thag tu/ byang chub sems dpa' sems dpa' 
chen po so so'i skye bo'i sa las rab tu 'das pa yin/ byang chub sems dpa'i skyon med pa shin tu non pa yin/ de bzhin gshegs pa'i rigs su skyes pa yin/ rigs brjod pa la kha na ma tho ba med pa yin/ /
'jig rten gyi lam thams cad las phyir log pa yin/ 'jig rten las 'das pa'i lam shin tu non pa yin/ byang chub sems dpa'i chos nyid la gnas pa yin/ byang chub sems dpa'i rnam par dgod pa la rab tu gnas pa yin/ dus gsum mnyam 
pa nyid kyi rjes su song ba yin/ rdzogs pa'i byang chub la shin tu gzhol bas de bzhin gshegs pa'i rigs su nges pa yin/ kye rgyal ba'i sras dag /chos kyi rnam pa 'di lta bu la gnas pa'i byang chub sems dpa' ni byang chub sems dpa'i sa rab tu 
dga' ba la mi g.yo ba'i tshul gyis rab tu gnas so/ /kye rgyal ba'i sras dag /de la byang chub sems dpa'i sa rab tu dga' ba la gnas pa'i byang chub sems dpa' ni rab tu dga' ba mang ba yin/ yid bde ba mang ba yin/ mos pa mang ba yin/ rangs pa 
mang ba yin/ mgu ba mang ba yin/ spro ba mang ba yin/ rtsol ba mang ba yin/ 'tshe ba med pa mang ba yin/ khro ba med pa mang ba yin/ kye rgyal ba'i sras dag /de ltar byang chub sems dpa'i sa rab tu dga' ba la gnas pa'i byang chub sems dpa' 
ni sangs rgyas bcom ldan 'das rnams rjes su dran zhing rab tu dga' ba yin/ sangs rgyas kyi chos rnams rjes su dran zhing rab tu dga' ba yin/ byang chub sems dpa' sems dpa' chen po rnams rjes su dran zhing rab tu dga' </font><hr>36-1-175b<br><font size=+1>
ba yin/ byang chub sems dpa'i spyod pa rjes su dran zhing rab tu dga' ba yin/ pha rol tu phyin pa rnam par dag pa rjes su dran zhing rab tu dga' ba yin/ byang chub sems dpa'i sa'i khyad par rjes su dran zhing rab tu dga' ba yin/ byang chub sems 
dpa'i spyod yul mi 'phrogs pa rjes su dran zhing rab tu dga' ba yin/ de bzhin gshegs pa'i gdams ngag dang lus rjes su dran zhing rab tu dga' ba yin/ sems can gyi don rab tu thob par bya ba rjes su dran zhing rab tu dga' ba yin/ de bzhin gshegs pa thams cad 
kyi ye shes la 'jug pa'i thabs rjes su dran zhing rab tu dga' ba yin/ yang 'di snyam du sems te/ bdag ni 'gro ba thams cad kyi yul las phyir log go /zhes rab tu dga' ba bskyed do/ /bdag ni sangs rgyas kyi sa dang nye bar gyur to zhes rab tu dga' ba bskyed do/ /bdag 
ni byis pa'i sa las ring du gyur to/ /zhes rab tu dga' ba bskyed do/ /bdag ni ye shes kyi sa dang nye bar gyur to/ /zhes rab tu dga' ba bskyed do/ /bdag ni ngan song dang ngan 'gro'i 'jigs pa thams cad rgyun chad do/ /zhes rab tu dga' ba bskyed do/ /bdag 
ni sems can thams cad kyi gnas su gyur to/ /zhes rab tu dga' ba bskyed do/ /bdag ni de bzhin gshegs pa thams cad mthong bar 'gyur ba dang nye bar gyur to/ /zhes rab tu dga' ba bskyed do/ /bdag ni de bzhin gshegs pa thams cad kyi yul la 
yang dag par 'byung ngo / /zhes rab tu dga' ba bskyed do/ /bdag ni byang chub sems dpa' thams cad kyi mnyam pa nyid dang ldan par gyur to/ /zhes rab tu dga' ba bskyed do/ /bdag ni 'jigs pa dang / bag tsha ba dang sngangs pa dang / skyi g.ya' ba 
thams cad dang bral lo/ /zhes rab tu dga' ba bskyed do/ /de ci'i phyir zhe na/ kye rgyal ba'i sras dag 'di ltar byang chub sems dpas byang chub sems dpa'i sa rab tu dga' ba 'di thob ma thag tu 'jigs pa'i rnam pa 'di dag 'di lta ste/ 'tsho ba med pas 'jigs </font><hr>36-1-176a<br><font size=+1>
pa 'am/ mi bsngags pas 'jigs pa 'am/ 'chi bas 'jigs pa 'am/ ngan song gis 'jigs pa 'am/ 'khor du bag tsha bas 'jigs pa de dag thams cad de la myed pa yin/ de ci'i phyir zhe na/ 'di ltar de ni bdag gi 'du shes dang bral 
bas de la bdag 'phangs par sems pa 'ang med na/ yo byad thams cad la phangs par sems pa lta ga la yod de/ de'i phyir de la 'tsho ba med pas 'jigs pa myed do/ /de ni su las kyang rim gror bya ba chung zad tsam yang re ba med la gzhan du na bdag nyid kyis 
sems can de dag la yo byad mang po thams cad kyis bsdud par bya'o/ /snyam du sems pas/ de'i phyir de la mi bsngags pa'i 'jigs pa med do/ /de bdag tu lta ba dang bral bas de la bdag gi 'du shes myed de de'i phyir de la 'chi ba'i 'jigs pa myed do/ /
bdag shi nas kyang gdon mi za bar sangs rgyas dang byang chub sems dpa' dag dang mi 'bral bar 'gyur ro/ /zhes de'i phyir de la ngan song gi 'jigs pa myed do/ /de 'di snyam du sems te/ bdag gi bsam pa dang 'jig rten na mtshungs pa su yang med 
na lhag pa lta ga la yod ces de'i phyir de la 'khor du bag tsha ba med do/ /kye rgyal ba'i sras dag de ltar 'jigs pa dang / dngangs pa dang bag tsha ba dang skyi g.ya' ba med pa'i byang chub sems dpa' ni snying rje chen po sngon du 'gro bas lhag pa'i bsam pa ma nyams shing mi dma' bas de bas kyang dge ba'i rtsa ba thams cad yang dag par bsdu ba'i phyir rab tu brtson par byed do/ /kye rgyal ba'i sras dag /de dad pa la dbang bsgyur ba dang mos pa mang ba dang yid ches pa shin tu rnam par dag pa dang rtog pa mang ba dang snying brtse ba dang / 
snying rjes mngon par bsgrub pa dang byams pa chen po dang ldan pa dang / yid skyo ba med pa dang ngo tsha shes pa dang khrel yod pa'i rgyan dang bzod cing des pa dang ldan pa dang / de bzhin gshegs pa dgra bcom pa yang dag par rdzogs pa'i sangs rgyas rnams kyi bstan </font><hr>36-1-176b<br><font size=+1>
pa la rim gro dang bkur sti dang ri mo yod pa dang nyin mtshan du mi ngoms par dge ba'i rtsa ba stsogs pa dang dge ba'i bshes gnyen la bsten pa dang / chos kyi dga' bas dga' bar gnas pa dang / mi ngoms par mang du thos pa tshol ba dang / ji skad du thos pa'i chos la 
tshul bzhin du rtogs pa dang / gnas med pa'i yid dang 'thob pa dang bkur sti dang / bsngags pa la chags pa med pa dang yo byad thams cad la phangs par sems shing chags pa med pa dang sems bskyed pa rin po che lta bus ngoms pa myed par mngon par bsgrub pa 
dang / thams cad mkhyen pa nyid kyis la mngon par mos pa dang / de bzhin gshegs pa'i stobs dang mi 'jigs pa dang / sangs rgyas kyi chos ma 'dres pa la dmigs pa dang / pha rol tu phyin pa'i tshogs yongs su tshol ba dang / sgyu dang g.yo yongs 
su spangs pa dang / ji skad du smras pa de ltar byed pa dang / rtag tu rgyun mi 'chad par bden pa'i tshig gi rjes su bsrung ba dang / de bzhin gshegs pa'i rigs la skyon du 'gyur bar myi byed pa dang / byang chub sems dpa'i bslab pa mi gtong ba 
dang / ri'i dbang po'i rgyal po chen po ltar thams cad mkhyen pa nyid kyi sems mi sgul ba dang / 'jig rten gyi bya ba thams cad la mngon par dga' ba med pa dang / 'jig rten las 'das pa'i dge ba'i rtsa ba'i lam dang ldan pa dang / mi 
ngoms par byang chub kyi yan lag gi tshogs rab tu stsogs pa dang / rtag tu rgyun mi 'chad par gong nas gong du khyad par du 'bogs pa'i lam tshol ba dang sa yongs su sbyong ba'i chos kyi rnam pa 'di lta bu dag dang ldan pa'i byang chub sems dpa' sems dpa' 
chen po ni byang chub sems dpa'i sa rab tu dga' ba la gnas pa yin te/ de byang chub sems dpa'i sa rab tu dga' ba de la shin tu gnas shing rnam pa 'di lta bu'i smon lam chen po dang / brtson pa chen po dang / mngon par bsgrub pa chen po 'di dag </font><hr>36-1-177a<br><font size=+1>
mngon par sgrub ste/ 'di ltar sangs rgyas thams cad ma lus pa lhag ma med pa dang mtha' dag la mchod cing rim gro bya ba'i phyir rnam pa'i mchog thams cad dang ldan pa mos pa rgya chen pos rnam par dag pa/ chos kyi dbyings 
kyis klas par rgya che ba nam mkha'i dbyings kyi mthar thug pa/ phyi ma'i mtha'i mur thug ba/ bskal pa 'grangs pa thams cad du sangs rgyas skye ba 'grangs pa la rim gro dang / mchod pa chen po bya ba rgyun mi 'chad pa'i smon lam chen po mngon par sgrub po/ /'di lta ste/ 
de bzhin gshegs pa thams cad kyis gsungs pa'i chos kyi tshul yang dag par gzung ba dang / sangs rgyas thams cad kyi byang chub yang dag par blangs pa dang / yang dag par rdzogs pa'i sangs rgyas thams cad kyi bstan pa yang dag par bsrung 
ba'i phyir chos kyi dbyings kyis klas par rgya che ba/ nam mkha'i dbyings kyi mthar thug pa/ phyi ma'i mtha'i mur thug pa/ bskal pa 'grangs pa thams cad kyi sangs rgyas 'byung ba 'grangs pa'i dam pa'i chos yongs su gzung ba rgyun mi 'chad pa'i 
smon lam chen po mngon par sgrub po/ /'di lta ste/ 'jig rten gyi khams 'byam klas pa thams cad ma lus pa'i sangs rgyas skye ba thams cad kyi dga' ldan gyi pho brang dam pa na bzhugs pa la stsogs te/ 'pho ba dang gshegs pa dang / sku 
na bzhugs pa dang / skye ba dang / gzhon nu'i rol pa dang / btsun mo'i 'khor gyi nang na bzhugs pa dang / mngon par 'byung ba dang / dka' ba spyad pa dang / snying po byang chub tu gshegs pa dang / bdud gdul ba dang / mngon par 'tshang rgya ba dang / gsol 
ba gdab pa dang / chos kyi 'khor lo chen po bskor ba dang / mya ngan las 'das pa chen po ston pa'i drung du 'gro zhing mchod pa dang / rim gro bya ba dang / dam pa'i chos yang dag par gzung ba'i sbyor ba las stsogs pa thams cad gcig tu mngon par </font><hr>36-1-177b<br><font size=+1>
bsgrub pa'i phyir/ chos kyi dbyings kyis klas par rgya che ba nam mkha'i dbyings kyi mthar thug pa/ phyi ma'i mtha'i mur thug pa bskal pa 'grangs pa thams cad du sangs rgyas 'byung ba 'grangs pa'i drung du 'gro ba nas/ mya ngan las 'das pa chen po'i bar 
gyi drung du 'gro ba rgyun mi chad pa'i smon lam chen po mngon par sgrub po/ /'di lta ste/ byang chub sems dpa'i spyod pa rgya chen po shin tu yangs pa tshad med pa/ mi 'phrogs pa tha mi dad pa pha rol tu phyin pa thams cad kyis yang dag par bsdus pa/ 
sa yongs su sbyang ba'i yan lag dang nye ba'i yan lag du bcas pa mngon par bsgrub pa dang / mtshan nyid dang bye brag gi mtshan nyid du bcas pa dang / 'grub pa dang / 'jig pa dang / byang chub sems dpa'i spyod par gtogs pa thams cad 
dang / sa ji lta ba bzhin dang / ji lta bur bstan pa dang / pha rol tu phyin pa yongs su sbyang ba la gdams ngag dang / man ngag gi sbyin pa nye bar bstan pa'i sems bskyed pa mngon par bsgrub pa'i phyir chos kyi dbyings kyis klas pa rgya che ba/ 
nam mkha'i dbyings kyi mthar thug pa/ phyi ma'i mtha'i mur thug pa/bskal pa 'grangs pa thams cad du spyod pa 'grangs pa sems bskyed pas mngon par bsgrub pa/ rgyun mi 'chad pa'i smon lam chen po mngon par sgrub bo/ /'di lta ste/ 
sems can gyi khams thams cad ma lus pa lhag ma med pa mtha' dag gzugs yod pa dang / gzugs myed pa dang / 'du shes yod pa dang / 'du shes med pa dang / 'du shes yod pa'ang ma yin/ 'du shes med pa'ang ma yin pa dang / sgo nga 
las skyes pa dang / mngal las skyes pa dang / drod gsher las skyes pa dang / rdzus te byung ba khams gsum du gtogs pa/ 'gro ba drug tu 'dus pa/ skye ba thams cad du gtogs pa'i sems can gyi khams thams cad yongs su smin </font><hr>36-1-178a<br><font size=+1>
par bya ba dang sangs rgyas kyi chos la gzud pa dang / lam gyi rgyud 'grangs pa thams cad rgyun gcad pa dang / thams cad mkhyen pa'i ye shes la dgod pa'i phyir chos kyi dbyings kyis klas par/ rgya che ba nam mkha'i 
dbyings kyi mthar thug pa/ phyi ma'i mtha'i mur thug pa bskal pa 'grangs pa thams cad dang / sems can 'grangs pa thams cad du sems can gyi khams yongs su smin par bya ba la rgyun mi 'chad pa'i smon lam chen po mngon par sgrub bo/ /
'di lta ste/ 'jig rten gyi khams yangs pa dang / dog pa dang / rgya chen po dang / tshad myed pa dang / phra ba dang / che ba dang/ snrel zhi dang / sbyi'u tshugs su rgyu ba thams cad ma lus pa lhag ma myed pa mtha' dag gzhi mnyam par yang 
dag par 'jug pa khong du chud par bya ba dang / myig 'phrul gyi rnam pa ltar phyogs bcu'i rnam pa tha dad pa ma lus pa'i rnam pa la 'jug pa/ rnam par phye ba'i ye shes khong du chud cing / mngon du 'gyur bar bya ba'i phyir chos kyi dbyings kyis klas 
par rgya che ba/ nam mkha'i dbyings kyi mthar thug pa/ phyi ma'i mtha'i mur thug pa/ bskal pa 'grangs pa thams cad du/ 'jig rten gyi khams 'grangs par 'jig rten gyi khams thams cad la 'jug cing yongs su dag par bya ba'i phyir/ smon lam chen po mngon par sgrub bo/ /
'di lta ste/ zhing thams cad zhing gcig tu yang dag par gzhol bar bya ba dang / zhing gcig zhing thams cad du yang dag par gzhol bar bya ba dang / yongs su sbyang ba dang / sangs rgyas kyi zhing tshad med pa 'od mang po'i rgyan gyis rab tu brgyan par bya 
ba dang / kun nas nyon mongs pa thams cad bstsal bas/ yongs su dag pa'i lam dang ldan pa dang / sems can ye shes kyi 'byung gnas tshad med pas yongs su gang ba'i sangs rgyas kyi yul rgya chen po la yang dag par gzhol zhing khong du chud </font><hr>36-1-178b<br><font size=+1>
par bya ba dang / bsam pa'i tshul bzhin du sems can rnams la yang dag par bstan cing shin tu tshim par bya ba'i phyir/ chos kyi dbyings kyis klas par rgya che ba nam mkha'i dbyings kyi mthar thug pa/ phyi ma'i mtha'i mur thug pa/ bskal 
pa 'grangs pa thams cad du zhing 'grang par sangs rgyas kyi zhing yongs su dag par bya ba la rgyun mi 'chad pa'i smon lam chen po mngon par sgrub bo/ /'di lta ste/ byang chub sems dpa' thams cad dang bsam pa gcig pha'i sbyor ba dang / ltod pa med pa'i 
dge ba'i rtsa ba thams cad bstsags pa dang / byang chub sems dpa' thams cad dang dmyigs pa gcig cing mnyam pa dang / byang chub sems dpa' dang rtag tu rgyun mi 'chad par 'grogs shing myi 'bral ba dang / sangs rgyas 'byung ba ci dgar bstan pa dang / rang gi 
sems bskyed pas de bzhin gshegs pa thams cad kyi yul dang / mthu dang ye shes khong du chud par bya ba dang / mnyams shing rjes su 'brang ba'i mngon par shes pa rab tu thob par bya ba dang / 'jig rten gyi khams thams cad du rnam par rgyu bar bya ba dang / 
sangs rgyas thams cad kyi 'khor gyi dkyil 'khor du gzugs brnyan 'byung ba yang dag par bstan pa dang / skye ba'i skye gnas thams cad du rang gi lus rjes su 'gro bar bya ba dang / theg pa chen po bsam gyis myi khyab pa dang ldan pa'i/ byang chub sems dpa'i spyod pa thams 
cad spyad pa rgyun mi 'chad pa'i phyir chos kyi dbyings kyis klas par rgya che ba/ nam mkha'i dbyings kyi mthar thug pa/ phyi ma'i mtha'i mur thug pa/ bskal pa 'grangs pa thams cad du/ spyod pa 'grangs par theg pa chen po mngon par bsgrub pa la rgyun mi 'chad 
pa'i smon lam chen po mngon par sgrub bo/ /'di lta ste/ phyir mi ldog pa'i 'khor lo la yang dag par gnas shing byang chub sems dpa'i spyod pa spyad pa dang / lus dang / ngag dang / yid kyi las don yod par bya ba dang / mthong ma thag tu </font><hr>36-1-179a<br><font size=+1>
sangs rgyas kyi chos gdon mi za bar 'thob par bya ba dang / dbyangs brjod ma thag tu ye shes khong du chud par bya ba dang / dad par gyur ma thag tu nyon mongs pa phyir mi ldog par bya ba dang / bsam pa sman gyi rgyal po chen po lta bu rab tu thob par bya ba dang / 
lus yid bzhin gyi nor bu lta bu 'thob par bya ba dang / byang chub sems dpa'i spyod pa thams cad spyad pa'i phyir chos kyi dbyings kyis klas par rgya che ba/ nam mkha'i dbyings kyi mthar thug pa/ phyi ma'i mtha'i mur thug pa/ bskal pa 'grangs pa 
thams cad du phyir mi ldog pa'i 'khor lo 'grangs par spyod pa thams cad 'bras bu yod pa rgyun mi 'chad pa'i smon lam chen po mngon par sgrub bo/ /'di lta ste/ 'jig rten gyi khams thams cad du bla na myed pa yang dag par rdzogs pa'i byang chub tu mngon 
par 'tshang rgya ba dang / skra'i sbubs gcig dang tha mi dad pa'i skra'i sbubs thams cad du tshe dang skye ba dang / gzhon nu rol pa dang / btsun mo'i 'khor gyi nang na bzhugs pa dang / mngon par 'byung ba dang rnam par 'phrul pa dang / snying po byang chub tu gshegs 
pa dang / bdud 'dul ba dang mngon par 'tshang rgya ba dang / gsol ba gdab pa dang / chos kyi 'khor lo chen po bskor ba dang / yongs su mya ngan las 'da' ba chen po bstan pa dang / sangs rgyas kyi yul dang mthu dang ye shes chen po khong du chud par 
bya ba dang / sems can gyi khams thams cad kyi bsam pa ji lta ba bzhin du sangs rgyas 'byung ba dang / skad cig gcig tu mngon par 'tshang rgya ba dang / rab tu zhi ba thob par bya ba yang dag par bstan pa dang / mngon par 'tshang rgya ba gcig gis chos 
kyi dbyings thams cad 'phrul pas rgyas par dgang pa dang / dbyangs gcig brjod pas sems can gyi khams thams cad kyi sems dang / bsam pa shin tu tshim par bya ba dang / mya ngan las 'das pa chen po yongs su bstan pa dang / spyod pa rnams </font><hr>36-1-179b<br><font size=+1>
rgyun mi 'chad par bya ba dang / theg pa chen po'i sa la chos thams cad rnam par dgod pa yang dag par bstan pa dang / chos shes pa'i rdzu 'phrul gyi rgyu dang / mngon par shes pa dang dbang gis chos kyi dbyings thams cad sprul pas rnam par dgang ba'i phyir/ 
chos kyi dbyings kyis klas par rgya che ba/ nam mkha'i dbyings kyi mthar thug pa/ phyi ma'i mtha'i mur thug pa/ bskal pa 'grangs pa thams cad du mngon par 'tshang rgya ba 'grangs par ye shes chen po'i mngon par shes pa rgyun mi 'chad pa'i smon 
lam chen po mngon par sgrub bo/ /kye rgyal ba'i sras dag /de ltar rnam pa 'di lta bu'i smon lam chen po dang / brtson 'grus chen po dang / mngon par bsgrub pa chen po'i smon lam gyi sgo bcu po 'di dag las stsogs pa/ smon lam brgya stong 
grangs med pa phrag bcu tshang ba dag /byang chub sems dpa'i sa rab tu dga' ba la gnas pa'i byang chub sems dpas thob bo/ /mngon par sgrub bo/ /smon lam de dag kyang mthar thug pa'i gnas bcus mngon par bsgrub ste/ bcu gang zhe na/ 'di lta ste/ 
sems can gyi khams kyi mthar thug pa dang / 'jig rten gyi khams kyi mthar thug pa dang / nam mkha'i khams kyi mthar thug pa dang / chos kyi khams kyi mthar thug pa dang / mya ngan las 'das pa'i khams kyi mthar thug pa dang / sangs rgyas 
'byung ba'i khams kyi mthar thug pa dang / de bzhin gshegs pa'i ye shes kyi khams kyi mthar thug pa dang / sems kyi dmyigs pa'i khams kyi mthar thug pa dang / ye shes mngon par bsgrub pa'i khams kyi mthar thug pa dang / 'jig rten gyi 
rgyud dang / chos kyi rgyud dang / ye shes kyi rgyud kyi khams kyi mthar thug pa dag go/ //sangs rgyas rmad gcad ces bya ba shin tu rgyas pa chen po'i mdo/ /bam po bcu bzhi pa/ de ltar smon lam chen po 'di dag sems can gyi </font><hr>36-1-180a<br><font size=+1>
khams kyi mthar gang du thug pa de'i mthar thug par gyur cig /smon lam chen po 'di dag 'jig rten gyi khams kyi mtha' gang du thug pa dang / nam mkha'i khams dang chos kyi khams dang / mya ngan las 'das pa'i khams dang / sangs rgyas 'byung ba'i khams dang / 
de bzhin gshegs pa'i ye shes kyi khams dang / sems can gyi dmyigs pa'i khams dang / ye shes mngon par bsgrub pa'i khams dang / 'jig rten gyi rgyud dang / chos kyi rgyud dang / ye shes kyi rgyud kyi khams kyi mtha' gang du thug pa/ de'i mthar 
thug par gyur cig 'di ltar sems can gyi khams mthar thug pa med pa dang / 'jig rten gyi khams dang nam mkha'i khams dang / chos kyi khams dang mya ngan las 'das pa'i khams dang / sangs rgyas 'byung ba'i khams dang / de bzhin 
gshegs pa'i ye shes kyi khams dang / sems can gyi dmyigs pa'i khams dang / ye shes mngon par bsgrub pa'i khams dang / 'jig rten gyi rgyud dang / chos kyi rgyud dang / ye shes kyi rgyud kyi khams mthar thug pa med pa de bzhin du smon 
lam chen po 'di dag kyang mthar thug pa myed par gyur te/ bdag gi dge ba'i rtsa ba 'di dag kyang / mthar thug pa myed par gyur cig ces de ltar smon lam shin tu bsgrubs shing phan pa'i sems dang ldan pa/ 'jam pa'i sems dang ldan pa/ las su 
rung ba'i sems dang ldan pa/ zhi ba'i sems dang ldan pa/ dul ba'i sems dang ldan pa/ nye bar zhi ba'i sems dang ldan pa/ mnyen pa'i sems dang ldan pa/ byams pa'i+i sems dang ldan pa/ 'khrugs pa med pa'i sems dang ldan pa/ 
glong ba med pa'i sems dang ldan pa de ni legs par rtog pa mang zhing dad pa dang ldan pa yin te/ de ni de bzhin gshegs pa dgra bcom pa yang dag par rdzogs pa'i sangs rgyas rnams kyi sngon gyi mtha'i spyod pa mngon par bsgrubs pa'i rgyud la yid ches </font><hr>36-1-180b<br><font size=+1>
pa yin/ pha rol tu phyin pa yang dag par bsdu ba la yid ches pa yin/ sa yang dag par bsgrub pa dang / khyad par du 'gyur ba la mngon par yid ches pa yin/ stobs yongs su 'grub pa la 
mngon par yid ches pa yin/ mi 'jigs pa yongs su rdzogs par 'gyur ba la mngon par yid ches pa yin/ sangs rgyas kyi chos ma 'dres pa mi 'phrogs pa la mngon par yid ches pa yin/ sangs rgyas kyi chos bsam gyis mi khyab pa 
la mngon par yid ches pa yin/ sangs rgyas kyi yul mtha' dang dbus med pa mngon par bsgrub pa la mngon par yid ches pa yin/ de bzhin gshegs pa'i spyod yul tshad med pa'i rjes su song ba'i rjes su 'jug pa la 
mngon par yid ches pa yin/ 'bras bu yongs su grub pa la mngon par yid ches pa yin te/ mdor bsdu na byang chub sems dpa'i spyod pa thams cad dang / de bzhin gshegs pa'i sa dang / ye shes kyi bar du shin tu bstan pa'i 
byin gyi rlabs la mngon par yid ches pa yin no/ /yang de 'di snyam du sems te/ sangs rgyas kyi chos 'di dag de ltar rgya che zhing de ltar zab la de ltar dben zhing de ltar zhi ba ste/ de ltar stong la de ltar mtshan ma med cing de ltar smon pa myed la/ 
de ltar chags pa med de/ /de ltar gos pa myed cing de ltar tshad med la sangs rgyas kyi chos de dag de ltar rlabs chen 'on kyang byis pa so so'i skye bo 'di dag lta ba ngan par ltung ba'i rgyud dang / ma rig pa'i mun nag dang / rab rib thibs pos 
kun nas khebs pa'i yid dang / nga rgyal gyi rgyal mtshan shin tu bsgrengs pa'i yongs su rtog pa dang / sred pa'i dra bas mngon par ye rngam pa'i yid la bya ba dang / sgyu dang g.yo'i thibs po la rjes su spyod pa'i sems dang / bsam pa dang phrag dog dang </font><hr>36-1-181a<br><font size=+1>
'jungs pa can gyi kun nas 'khor bas lam gyi rgyud du skye ba'i kun tu 'brel ba dang / 'dod chags dang zhe sdang dang / gti mug la spyod pa'i las shin tu bstsags pa dang / khro ba dang khon du 'dzin pas 'bar bar byas pa'i sems 
kyi me lce dang / phyin ci log dang bcas pa'i las mngon par bsgrub pa dang / 'dod pa dang sred pa'i ma rig pa dang / lta ba dang kun tu zab pa'i bag chags mtshams 'brel ba'i sems dang / yid dang rnam par shes pa'i sa bon gyis 'di lta ste/ khams gsum 
du ming dang gzugs lhan cig tu/ skyes shing tha mi dad par byung ba'i yang skye ba'i sdug bsngal gyi myu gu mngon par skyed do/ /mying dang gzugs de rnam par 'phel nas skye mched drug gi tshogs 'byung bar 'gyur ro/ /skye mched rnams byung bas phan 
tshun reg pa dang phrad cing 'dus pas tshor ba mngon par 'byung ngo / /tshor ba myong ba de nyid la yang dang yang mngon par dga' bas sred pa dang nye bar len pa rnam par 'phel lo/ /nye bar len pa rnam par 'phel bas/ srid pa kun tu 
'byung ngo / /srid pa kun tu 'byung bas skye ba dang / rga shi dang / mya ngan dang smre sngags 'don pa dang / sdug bsngal dang / yid myi bde ba dang / 'khrug pa rnams kyang 'byung bar 'gyur te/ de ltar sems can de dag gi sdug bsngal gyi phung po bdag dang bdag gi myed pa/ gsob gsog stong ba byed pa myed pa/ sems med pa rtsa dang shing dang / rtsig pa dang / sgang sgong dang mig yor lta bu mngon par 'byung ba yang de ltar khong du myi chud do zhes/ de la byang chub sems dpas sems can 
de dag de ltar sdug bsngal gyi phung po dang 'bral mi myong ba mthong nas/ de'i phyir de'i snying rje chen po rgyas par 'byung ste/ sems can 'di dag ni bdag gis yongs su bskyab par bya ba dag go /yongs su dgrol bar bya ba dag go /shin tu bde ba la </font><hr>36-1-181b<br><font size=+1>
dgod par bya ba dag go snyam ste/ de'i phyir de'i byams pa chen po rgyas par 'byung ngo / /kye rgyal ba'i sras dag /de ltar byang chub sems dpa' snying rje dang byams pa de lta bu'i rnam pa dang ldan pa'i lhag pa'i bsam pas byang chub sems dpa'i sa dang po la 
gnas pa'i tshe/ dngos po thams cad la phangs par sems pa'i sems yongs su spangs nas sangs rgyas kyi ye shes la mos pa dang / dad pa rlabs po che'i blos sbyin pa chen po la rab tu brtson par byed de/ de 'di ltar 'di lta ste/ nor dang / 'bru'i mdzod 
dang / bang ba yongs su gtang bar bya ba dag gam/ gser dang / nor bu dang / mu tig dang / bai DUr+ya dang / rin po che shi la dang / byi ru dang / dngul dang / sa le sbram yongs su gtang bar bya ba 'am/ rin po che'i rgyan dang / lhab lhub yongs su gtang ba 'am rta dang / 
glang po dang / shing rta dang rkang tang dang / bzhon pa yongs su gtang ba 'am/ bran pho dang / bran mo yongs su gtad ba 'am/ grong dang grong khyer dang / ljongs dang / pho brang 'khor dang / rgyal po'i gnas yongs su gtang ba'am/ bza' shing gi ra ba dang / dka' 
thub kyi nags tshal dang / gtsug lag khang yongs su gtang ba'am/ chung ma dang bu dang bu mo yongs su gtang ba'am/ sdug cing yid du 'ong ba'i dngos po thams cad yongs su gtang ba'am/ mgo dang rna ba dang rka lag dang myig dang yan lag gi dam pa dang / 
lus thams cad yongs su gtang ba 'am/ gtang bar bya ba'i dngos po de dag thams cad la chags pa myed par byas nas sangs rgyas kyi ye shes la dad pa dang / mos pa'i blos yongs su gtong ste/ de ltar de byang chub sems dpa'i sa dang po 'di la gnas 
pa'i tshe gtong ba chen po rab tu byed do/ /de de ltar byams pa dang snying rje dang gtong ba'i bsam pa dang ldan pas sems can thams cad yongs su bskyab pa'i phyir yang dang yang 'jig rten pa dang / 'jig rten las 'das pa'i don yongs su tshol zhing don </font><hr>36-1-182a<br><font size=+1>
du gnyer to/ /de de ltar yongs su tshol zhing don du gnyer ba'i tshe/ yongs su skyo ba'i sems mi skye ste/ de'i phyir de'i yongs su mi skyo ba'i sems mngon par 'byung ngo / /yongs su skyo ba med pas gtsug lag thams cad la 
'jigs pa med pa yin/ de'i phyir de gtsug lag thams cad la rab tu shes pa yin te/ de de lta bu'i gtsug lag dang ldan pas bya ba dang myi bya ba shin tu rtogs pa'i blos sems can rab 'bring dang tha ma la dad pa'i tshul ji lta ba dang / 
ci 'os pas ci nus su snying thag pa nas yang dag pa nyid thob par bya ba'i phyir brtson par byed do/ /nan tan du byed do/ de'i phyir de 'jig rten shes pa yin te/ 'jig rten shes pas dus dang tshod du ran par spyod cing ngo tsha shes pa dang / khrel yod pas bsam 
pa shin tu brgyan pas bdag dang gzhan gyi don du rab tu brtson par byed de/ de'i phyir ngo tsha shes shing khrel yod pa yin/ sbyor ba de dag la'ang 'byung bar spyod pa yin/ phyir mi zlogs shing phyir mi ldog pa'i brtson 'grus dang stobs kyi shugs kyang 
rab tu thob pa yin te/ de ltar de'i dga' ba'i stobs dang shugs yongs su skyes pa yin/ dga' ba'i stobs dang shugs rab tu thob pas de bzhin gshegs pa mchod cing rim gro bya ba la rab tu brtson zhing bstan pa la 'ang nan tan shin tu 
byed do/ /de ltar de'i sa yongs su sbyong ba'i chos 'di lta ste/ dad pa dang snying rje dang / byams pa dang / gtong ba dang / skyo ba med pa dang / gtsug lag shes pa dang / 'jig rten shes pa dang / khrel yod cing ngo tsha shes pa dang / dga' ba'i 
stobs kyi shugs dang / de bzhin gshegs pa mchod cing rim gror bya ba'i nan tan yongs su skyes pa yin no/ /de de ltar byang chub sems dpa'i sa rab tu dga' ba 'di la gnas pa'i tshe lta ba rgya chen po dang / smon lam gyi stobs kyis sangs rgyas </font><hr>36-1-182b<br><font size=+1>
mang po rab tu snang bar 'gyur te/ lta ba rgya chen po dang smon lam gyi stobs kyis sangs rgyas brgya phrag mang po dang / sangs rgyas stong phrag mang po dang / sangs rgyas brgya stong phrag mang po dang / sangs rgyas bye ba brgya stong phrag mang po dang / 
sangs rgyas khrag khrig mang po dang / sangs rgyas khrag khrig brgya phrag mang po dang / sangs rgyas khrag khrig stong phrag mang po dang sangs rgyas khrag khrig brgya stong phrag mang po dang / sangs rgyas bye ba khrag khrig brgya stong phrag mang po rab tu snang bar 'gyur ro/ /des de bzhin gshegs 
pa dgra bcom pa yang dag par rdzogs pa'i sangs rgyas de dag mthong nas bsam pa rgya chen pos rim gro byed do/ /bkur sti byed do/ bsti stang byed do/ /mchod pa byed do/ /na bza' dang bsod snyoms dang / gzims ca dang snyun gyi rkyen sman dang / 
yo byad dag kyang 'bul zhing / byang chub sems dpa'i bde ba'i yo byad thams cad kyang yongs su 'bul lo/ /dge 'dun gyi tshogs rnams la 'ang yang dag par mchod par byed de/ dge ba'i rtsa ba de dag kyang bla na med pa yang dag par rdzogs 
pa'i byang chub tu yongs su bsngo'o/ /de ltar des sangs rgyas bcom ldan 'das de dag mchod pas sems can yongs su smin par bya ba mngon par 'grub pa yin/ de bsdu ba'i dngos po sbyin pa dang / ngag snyan pa gnyis kyi shas che bas 
sems can rnams yongs su smin par byed do/ /de'i mos pa'i stobs dang shugs kyis bsdu ba'i dngos po gong ma gnyis kyang yongs su 'grub par 'gyur te/ ma lus par khong du chud par ni ma yin no/ /de'i pha rol tu phyin pa bcu 
las sbyin pa'i pha rol tu phyin pa shas che ba yin te/ lhag ma rnams kyang ci tshul ci nus su yang dag par mi bsgrub pa ma yin no/ /de ji lta ji ltar sangs rgyas bcom ldan 'das rnams la mchod pa byed cing sems can yongs su smin </font><hr>36-1-183a<br><font size=+1>
par bya ba la brtson pa dang / sa yongs su sbyong ba'i chos 'di dag yang dag par blangs te gnas pa de lta de ltar de'i dge ba'i rtsa ba thams cad mkhyen pa nyid du yongs su bsngos pa de dag de bas kyang shas cher shin tu byang 
ba dang / yongs su dag pa dang las su rung bar 'gyur ro/ /kye rgyal ba'i sras dag /'di lta ste dper na/ mgar ba mkhas pas gser gyi sa le sbram/ ji lta ji ltar myer bsregs pa de lta de ltar shin tu byang zhing yongs su dag pa dang / ci 
dgar las su rung bar 'gyur ro/ /kye rgyal ba'i sras dag /de bzhin du byang chub sems dpa' rnams ji lta ji ltar sangs rgyas bcom ldan 'das rnams la mchod pa byed cing sems can yongs su smyin par bya ba la brtson par byed pa dang / 
sa yongs su sbyong ba'i chos kyi rnam pa 'di lta bu dag yang dag par blangs te gnas pa de lta de ltar de'i dge ba'i rtsa ba thams cad mkhyen pa nyid du yongs su bsngos pa de dag shin tu byang ba dang / yongs su dag pa dang / ci dgar las su rung bar 'gyur ro/ /
kye rgyal ba'i sras dag /gzhan yang sa dang po la gnas pa'i byang chub sems dpa' sems dpa' chen pos byang chub sems dpa'i sa dang po de nyid kyi rnam pa dang / 'thob par bya ba dang / rgyu mthun pa'i 'bras bu sangs rgyas dang / byang chub sems 
dpa' dang dge ba'i bshes gnyen las yongs su btsal zhing yongs su dri bar bya'o/ /sa'i yan lag yongs su bsgrub pa'i phyir yang ngoms myi shes par byas te/ des byang chub sems dpa'i sa dang po 'di la gnas pa'i tshe/ byang chub sems 
dpa'i sa gnyis pa dang / gsum pa dang / bzhi pa dang / lnga pa dang / drug pa dang / bdun pa dang / brgyad pa dang / dgu pa dang / bcu pa'i rnam pa dang / thob par bya ba dang / rgyu mthun pa'i 'bras bu sangs rgyas dang / byang chub sems dpa' </font><hr>36-1-183b<br><font size=+1>
dang / dge ba'i bshes gnyen las yongs su btsal zhing yongs su dri bar bya'o/ /sa'i yan lag yongs su bsgrub pa'i phyir yang ngoms mi shes par bya'o/ /des sa'i phyogs dang mi mthun pa'i phyogs la mkhas par bya'o/ /sa 'grub pa dang 'jig pa 
la mkhas par bya'o/ /sa'i rnam pa dang / rgyu mthun pa'i 'bras bu la mkhas par bya'o/ /sa 'thob par bya ba dang rnam par bsgom pa la mkhas par bya'o/ /sa'i rnam pa yongs su sbyang ba la mkhas par bya'o/ /sa nas sar 'phar ba la 
mkhas par bya'o/ /sa dang sa la rnam par gnas pa la mkhas par bya'o/ /sa nas sa'i gnas gzhan du 'pho bar bya ba la mkhas par bya'o/ /sa nas sar yongs su sbyang ba'i khyad par gyi ye shes la mkhas par bya'o/ /sa nas sa thob nas phyir mi ldog 
pa'i ye shes la mkhas par bya'o/ /byang chub sems dpa'i sa yongs su sbyang bas de bzhin gshegs pa'i sa gnan pa la mkhas par bya'o/ /kye rgyal ba'i sras dag /de ltar byang chub sems dpa' sems dpa' chen po sa'i rnam pa 
mngon par bsgrub pa la mkhas pa ni sa dang po las gyen du ma bskyod par sa bcu'i bar du gnan cing thob par bya ba thogs pa myed de/ thogs pa myed par 'gro ba dang / sa'i ye shes snang bas sangs rgyas kyi ye shes snang ba 'ang rab tu thob bo/ /
kye rgyal ba'i sras dag /'di lta ste dper na/ ded dpon chen po mkhas pas lam grogs yongs su gdon pa'i bsam pa dang ldan pa/ grong rdal chen po'i sar phyin par bya bar/ 'dod pa ni thog ma nas lam dang lam gyi yon tan dang / lam las gol ba'i 
nyes pa dang lam gyi bar mal gyi khyad par dang / lam gyi bar mal 'khrul na nyes par 'gyur ba dang / lam du bya mi bya dang / brgyags bshams pa yongs su tshol zhing kun tu 'dri'o/ /thog ma'i lam gyi bar mal nas ma 'phags pa nas grong </font><hr>36-1-184a<br><font size=+1>
rdal du phyin gyi bar du shin tu mkhas pa yin/ lam gyi bar ma la de nas ma 'phags par de nyid nas shes pas shin tu brtags pa'i blo dang brgyags kyi tshogs chen po phun sum tshogs pas lam grogs mang po rnams nyam nyes myed 
par grong rdal chen po der phyin par byed de/ mya ngam dang dgon pa'i nyes pas bdag dang lam grogs rnams la gnod par mi 'gyur bar byed do/ /kye rgyal ba'i sras dag /de bzhin du byang chub sems dpa' sems dpa' chen po ded dpon mkhas pa 
yang gang gi tshe byang chub sems dpa'i sa dang po la gnas shing sa'i phyogs dang mi mthun pa'i phyogs la mkhas pa dang / sa 'grub pa dang 'jig pa la mkhas pa dang / sa'i rnam pa dang rgyu mthun pa'i 'bras bu la mkhas pa dang / sa 'thob par bya 
ba dang / rnam par bsgom pa la mkhas pa dang / sa'i yan lag yongs su sbyang ba la mkhas pa dang / sa nas sar 'phar ba la mkhas pa dang / sa nas sar rnam par gnas pa la mkhas pa dang / sa nas sar khyad par du 'gyur ba'i ye shes la 
mkhas pa dang / sa nas sa thob pa las phyir mi ldog pa la mkhas pa dang / byang chub sems dpa'i sa thams cad yongs su sbyang bas de bzhin gshegs pa'i sa gnon pa la mkhas par gyur pa de'i tshe/ bsod nams kyi tshogs chen po'i 
brgyags yongs su gzung ba dang / ye shes kyi tshogs chen po la rnam par dbye ba shin tu byas pa dang / sems can gyi lam grogs mang po yongs su gdon pa'i bsam pa dang ldan pas thams cad mkhyen pa'i grong rdal chen por phyin par bya bar 
'dod cing thog ma nas sa'i lam dang / sa'i lam gyi yon tan dang / sa'i lam gol ba'i nyes pa dang / sa'i lam gyi bar mal gyi khyad par dang / sa'i lam gyi bar mal 'khrul na nyes par 'gyur ba dang / bsod nams kyi tshogs </font><hr>36-1-184b<br><font size=+1>
chen po'i brgyags bshams shing bstsogs pa dag kyang sangs rgyas dang / byang chub sems dpa' dag dang / dge ba'i bshes gnyen dag las yongs su tshol shing yongs su 'dri ste/ de lam gyi bar mal dang po nas gyen du ma 'phags par 
thams cad mkhyen pa'i grong rdal chen por phyin par bya ba'i bar du mkhas pa yin/ de de ltar ye shes kyis rnam par rtog pa'i blo dang / bsod nams dang ye shes kyi tshogs chen po'i brgyags phun sum tshogs pas sems can gyi lam grogs kyi 
tshogs chen po yongs su smyin pa'i tshul bzhin du 'khor ba'i mya ngam dang dgon pa brgal dka' ba las bsgral te thams cad mkhyen pa'i ye shes kyi grong rdal chen po'i bar phyin par byed cing 'khor ba'i mya ngan dang dgon pa'i nyes pas sems 
can lam grogs sam bdag la gnod par yang mi 'gyur bar byed do/ /kye rgyal ba'i sras dag /de bas na byang chub sems dpa' sems dpa' chen pos yongs su skyo ba med pa'i yid kyis sa yongs su sbyang ba'i khyad par la brtson 
par bya'o/ /de bzhin gshegs pa thams cad kyi ye shes kyis gnan pa'i bar du yang mkhas par bya'o/ /kye rgyal ba'i sras dag /'di ni byang chub sems dpa' sems dpa' chen po rnams kyi byang chub sems dpa'i sa dang po rab tu 
dga' ba'i sgor 'jug pa mdor bsdus te bstan pa'o/ /rgya cher ni shin tu bstan pa brgya stong grangs myed pa la rnam pa'i mur thug pa myed pa ste/ bskal pa grangs myed pa'i mthar thug par shin tu bstan pa'i tshul gyis khong du chud par bya'o/ /
de la gnas pa'i byang chub sems dpa' sems dpa' chen po ni phal cher 'dzam bu'i gling gi rgyal por 'gyur te/ srid chen po la dbang sgyur ba rab tu thob cing chos kyis yongs su bskyang ba dang / sems can rnams sbyin pa chen pos yongs su bsdu </font><hr>36-1-185a<br><font size=+1>
ba la mkhas shing mthu yod pa yin/ sems can rnams kyi 'jungs pa'i dri ma bzlog pa la mkhas pa yin/ sbyin pa chen po rtsom pas yongs su dub par mi 'gyur ba yin/ de sbyin pa 'am ngag snyan pa 'am/
don bsgrub pa 'am/ don mthun pas dge ba'i rtsa ba gang ci rtsom yang rung ste/ de thams cad ji ltar na sems can thams cad kyi mchog tu 'gyur/ gtso bor 'gyur/ thu bor 'gyur/ phul du 'gyur/ dam par 'gyur/ bla na med 
par 'gyur/ 'dren par 'gyur/ rnam par 'dren par 'gyur/ yongs su 'dren par 'gyur ba nas rnam pa thams cad mkhyen pa'i ye shes la rten pa'i bar du 'gyur snyam ste/ sangs rgyas yid la bya ba dang / chos yid la bya ba dang / dge 'dun 
yid la bya ba dang / byang chub sems dpa' yid la bya ba dang / byang chub sems dpa'i spyod pa yid la bya ba dang / byang chub sems dpa'i sa yid la bya ba dang / pha rol tu phyin pa yid la bya ba dang / stobs yid la bya ba dang / 
mi 'jigs pa yid la bya ba dang / sangs rgyas kyi chos ma 'dres pa yid la bya ba nas/ rnam pa'i mchog thams cad dang ldan pa'i thams cad mkhyen pa'i ye shes kyi bar du yid la bya ba dang mi 'bral ba yin/ de 'dod na skad cig 
yud tsam thang cig tu/ khyim dang chung ma dang srid thams cad yongs su spangs te/ de bzhin gshegs pa'i bstan pa la rab tu 'byung ba dang / rab tu byung nas kyang skad cig yud tsam thang cig tu ting nge 'dzin brgya rab tu 
'thob cing snyoms par 'jug pa dang / sangs rgyas brgya mthong ba dang / de dag gis byin gyi rlabs kyang yang dag par shes pa dang / 'jig rten khams brgya skyod pa dang / sangs rgyas kyi zhing brgyar 'gro ba dang / 'jig rten </font><hr>36-1-185b<br><font size=+1>
gyi khams brgya snang bar bya ba dang / sems can brgya yongs su smyin par bya ba dang / bskal pa brgyar gnas par bya ba dang / sngon gyi mtha' dang phyi ma'i mtha'i bskal pa brgya la rab tu 'jug pa dang / chos kyi sgo brgya rnam par 'byed pa dang / 
lus brgya yangs su bstan pa dang / lus re re la byang chub sems dpa'i 'khor brgya yang dag par bstan par bya ba'i brtson 'grus kyi rnam pa de lta bu rtsom mo/ /de yan cad byang chub sems dpa'i smon lam gyi mthu can rnams smon lam gyi khyad 
par gyis rnam par 'phrul te de dag gis lus sam 'od dang rdzu 'phrul lam myig gam spyod yul lam/ dbyangs sam spyod pa 'am rgyan tam byin gyi rlabs sam mos pa 'am/ mngon par 'du byed pa dag kyang bskal pa du ma dang / bskal pa brgya phrag du ma 
dang / bskal pa stong phrag du ma dang / bskal pa brgya stong phrag du ma dang / bskal pa bye ba khrag khrig brgya stong phrag du mas kyang bgrang bar dka'o/ /de nas byang chub sems dpa' rdo rje'i snying pos sa'i don 'di nyid yang brtag par bya ba dang 
bstan par bya ba'i phyir de'i tshe tshigs su bcad pa 'di dag smras so/ /de dag dkar po'i chos bstsags dge ba mthun ldan zhing / /bde gshegs yongs su bsnyen bkur snying rje byams ldan la/ /dad pa rgya che dge sems ngang tshul dag ldan 
pa/ /rgyal ba'i ye shes don du rlabs chen sems kyang bskyed/ /rgyal ba'i chos rdzogs 'gro ba yongs su bskyab don du/ /thams cad mkhyen pa sangs rgyas stobs sbyong brtan mthu can/ /brtse ba chen pos chos kyi 'khor lo bskor 
bya bas/ /rgyal ba'i zhing sbyong sems kyi dam pa rab tu bskyed/ /'gro bar rnam pa sna tshogs dus rnams bstan pa'i phyir/ /'dren pa kun gyi yon tan thams cad 'dod tshol zhing / /dus gsum skad cig gcig tu mi rtog shes byed </font><hr>36-1-186a<br><font size=+1>
pa'i/ /mkha' 'dra shin tu yangs pa'i sems dang ldan par byed/ /shes rab dbang sgyur snying rje sngun 'gro thabs ldan zhing / /mos dang bsam pa rnam dag stobs kyis tshad myed la/ /chags myed mngon gyur 
gzhan gyi dring la myi 'jog pa/ /bde gshegs rnams dang mnyam gyur sems kyi dam pa bskyed/ /bde gshegs sras sems rin chen yang dag skyes 'phral du/ /byis pa'i spyod bral sangs rgyas rnams kyi spyod dang ldan/ /stobs bcu mnga' rigs kha na ma tho med par skyes/ /bde gshegs mnyam nyid rjes rtogs byang chub mchog tu nges/ /'di 'dra'i sems dang sa thob lhan cig mngon par skye/ /bsam pa myi g.yo ri yi rgyal po 'dra bar gnas/ /rab tu dga' zhing spros mang dad 
dang ldan pa ste/ /mos pa'i shugs yangs rtag par sems kyi mchog dang ldan/ /'khrugs dang 'tshe ba myed cing khro ba myed pa ste/ /ngo tsha shes shing sri zhu dran ldan shin tu bsdams/ /'gro ba yongs su bskyab pa'i mtshungs med ye shes dran gyur cing / 
'dod par bya ba'i gnas dang ldan gyur dga' ba skyed/ /sa thob gyur ma thag tu 'jigs pa lnga dang bral/ /'tsho ba med dang 'chi dang mi bsngags ngan 'gro dang / /'khor gyi 'jigs bral de la bag tsha'i rnam pa myed/ /ci phyir zhe na de la bdag gi gnas myed 
do/ /de dag bag tsha bral zhing snying rje byams dang ldan/ /bsti stang dang ldan dga' ba phun sum yon tan mang / /nyin dang mtshan du dge ba'i phyogs la sten byed cing / /sems can don du chos brtson 'dod bskyed phyir ma yin/ /dge ba'i chos thos bsam la 
mkhas shing gnas myed spyod/ /'thob sems sred bral byang chub sems la rtag par dga'/ /bde gshegs ye shes 'dod cing gzhan du sems pa med/ /pha rol phyin pa tshol zhing sgyu dang g.yo yang spangs/ /ci smras de bzhin byed pas bden pa'i tshig </font><hr>36-1-186b<br><font size=+1>
la gnas/ /rgyal ba'i rigs skyon mi 'gyur byang chub slob la spyod/ /'jig rten las kyi bsam bral 'gro ba'i don du brtson/ /dkar pos ngoms pa med par phyir zhing gong du rtsol/ /de dag 'di 'dra'i chos brtson yon tan don dang ldan/ /rgyal 
ba blta ba'i don du smon lam mngon par sgrub/ /dam chos yongs su gzung zhing drang srong drung 'gro dang / /spyod pa mchog gi don du smon lam mngon par sgrub/ /sems can yongs su smin bya sangs rgyas zhing sbyangs te/ /de yi zhing mchog rgyal 
sras kun gyis gang 'gyur zhing / /rgyal sras rnams dang bsam pa gcig cing don mthun phyir/ /skra sbubs kun tu don gyi dam pa mngon 'tshang rgya/ /de dag smon lam du ma mngon par bsgrub pa byed/ /de dag mtha' yas yangs shing 
mthar thug med dang ldan/ /nam mkha'i khams dang chos nyid mya ngan 'das khams dang / /'jig rten mthar thug rgyal ba 'byung dang ye shes sa/ /sems kyi yul dang ye shes 'jug pa'i mthar 
thug dang / /rnam gsum rgyud rnams mthar thug 'gro ba'i mur thug pa/ /rnam pa de tshul bdag smon mthar yang thug gyur cing / /de dag mthar thug ji bzhin bdag spyod de 'drar shog /de ltar mngon bsgrubs 'jam zhing byams pa'i sems ldan 
pa/ /sangs rgyas yon tan yid ches sems can rnam par lta/ /sems can sdug bsngal nyon mongs bdag gis bskyab ces te/ /rten 'brel 'byung 'jug snying rje byams dang ldan pa ni/ de dag don du sna tshogs sbyin pa yang du rtsom/ /rgyal srid mchog 
dang rin chen sna tshogs glang po rta/ /mgo dang rkang lag myig dang de bzhin bdag nyid sha/ /thams cad yongs su gtang yang zhum pa'i yid myed do/ /gtsug lag sna tshogs tshol yang yongs su skyo ba myed/ /gtsug lag 'jig rten </font><hr>36-1-187a<br><font size=+1>
spyod pa'i rjes kyang bar du snyegs/ /'jig rten shes dang ldan zhing khrel yod dga' dang ldan/ /bde gshegs gcig myin rim gro rjes su mchod pa byed/ /de ltar mkhas pa nyin mtshan rtag tu brtson pa yi/ /dge ba myed 
bcug gser bzhin shin tu dag par 'gyur/ /de dag sa rnams bcu po 'di la sbyangs byas shing / /thogs pa myed par chags med rab tu thob par 'gyur/ /ji ltar ded dpon lam grogs mang la phan brtson pa/ /lam gyi yon tan dri zhing bde ba'i 
grong du skyel/ /de bzhin byang chub sems dpa' dang po'i sa gnas pa/ /'gro ba'i don bshams chags med sa bcu rab tu 'thob/ /'di gnas yon tan ldan pa mi yi dbang por 'gyur/ /byams pa'i sems kyis sa rnams yongs su skyong / /
'dzam bu'i rgyal mtshan srid kun rab tu skyong byed cing / /sbyin pas 'gro ba sangs rgyas ye shes mchog la dgod/ /khyu mchog dam pa 'dod na rgyal srid rab tu gtong / /rgyal ba'i bstan pa rab tu byung zhing brtson 'grus rtsom/ /ting 'dzin 
brgya dang sangs rgyas brgya rnams mthong bar byed/ /zhing brgya skyodacing rab tu snang byed kun tu 'gro/ /sems can brgya sbyong chos kyi+i sgo la 'god pa byed/ /bskal pa brgyar 'jug lus brgya rab tu ston pa byed/ /rgyal ba'i sras kyang brgya yi 
grangs tshangs yongs su ston/ /de yi gong na smon mchog stobs ldan tshad kyang myed/ /bdag gis don du mdor bsdus te/ /sa rnams khyed la bshad pa byas/ /rgya che bskal pa bye bar yang / /thams cad zad par mi nus so/ /
de ltar sa yi dang po 'di/ /'jig rten kun la phan sems pa'i/ /byang chub sems dpa' mchog rnams la/ /rgyal ba'i sras kyis bstan pa yin/ /rab tu dga' ba zhes bya ste/ /byang chub sems dpa'i sa dang po/ /sa mchog </font><hr>36-1-187b<br><font size=+1>
yid du 'ong ba 'di/ /gnas kyi dam pa thob gyur nas/ /bde bar gshegs pa'i sras kyi rnams/ /yid rtog dang zhing rab tu dga'/ /kun kyang stan las langs gyur te/ /mkha' yi dbyings la mngon 'phags nas/ /me tog sil ma rab tu 
'thor/ legs zhes bya ba'i tshig kyang brjod/ /rdo rje'i snying po 'jigs med pa/ /shes rab chen po legs so legs/ /byang chub sems dpa'i spyod pa ste/ /sa 'di khyod kyis legs par bshad/ /'khor 'di rnam par dang zhing gsal/ /
rnam grol zla ba 'di yang 'dri/ /rgyal ba'i sras kyi gong du yang / /sa gnyis rab tu brjod pa mdzod/ /yid kyi rtog pa ci 'dra bas/ /sa gnyis pa ni 'thob 'gyur ba/ /shes rab chen pos bshad par mdzod/ /rgyal ba'i sras rnams nyan par 
'dod/ byang chub sems dpa' rdo rje'i snying pos smras pa/ kye rgyal ba'i sras dag de ltar byang chub sems dpa' sa dang po la yongs su sbyang ba byas pa des gnyis pa la mngon par mos pa yin te/ de'i sems kyi bsam pa bcu 
'byung ngo / bcu gang zhe na/ 'di lta ste/ drang po'i bsam pa dang / 'jam pa'i bsam pa dang / las su rung ba'i bsam pa dang / dul ba'i bsam pa dang / zhi ba'i bsam pa dang / dge ba'i bsam pa dang / ma 'dres pa'i bsam pa 
dang / mi ltos pa'i bsam pa dang rlabs po che'i bsam pa dang / bdag nyid che ba'i bsam pa dang / sems kyi bsam pa bcu po 'di dag 'byung ste/ de dag gis byang chub sems dpa'i sa gnyis pa dri ma bral ba la gnas pa 
yin/ kye rgyal ba'i sras dag /de la byang chub sems dpa'i sa dri ma dang bral ba la gnas pa'i byang chub sems dpa' ni rang bzhin gyis srog gcod pa dang bral ba yin te/ dbyig pa spangs mtshon cha spangs/ khon du 'dzin pa spangs </font><hr>36-1-188a<br><font size=+1>
shing ngo tsha dang ldan pas srog chags su gyur pa thams cad la phan pa dang bde bas phan 'dogs shing byams pa'i sems dang ldan pa yin te/ de yid kyi yongs su rtog pa tsam gyis kyang srog chags la 'tshe ba mi byed na 
sems can gzhan la sems can du 'du shes shing ched du bsams te/ lus la gtse ba chen po bya ba lta ci smos/ bdag gi longs spyod gyis chog shes shing gzhan gyi longs spyod la re ba med pas ma byin par len pa dang bral ba yin te/ de gzhan 
gyis yongs su bzung ba'i dngos po la gzhan gyis yongs su bzung bar 'du shes shing rku sems nye bar bzhag ste/ chung ngu na rtswa dang lo ma yang ma byin par mi len na 'tsho ba'i yo byad gzhan lta ci smos/ bdag gi chung mas chog shes shing gzhan gyi chung ma la re ba med pas 
'dod pas log par g.yem pa dang bral ba yin te/ de gzhan gyis yongs su bzung ba'i bud myed gzhan gyi chung ma rus dang mtshan ma dang chos kyis bsrung ba rnams la chags sems kyang myi skye na gnyis kyis gnyis phrad par bya ba lta ci smos/ /yang 
dag par smra zhing bden par smra ba dang / dus su smra ba dang / tshod du smra ba la ji skad du smras pa de bzhin du byed pas/ brdzun du smra ba dang bral ba yin te/ de chung ngu na rmi lam du yang brdzun gyi tshig mi brjod na/ ched du bsams te brjod pa lta ci smos/ 
de sems can gyi dbyen mi byed cing myi 'tshe ba la zhugs pas/ phra ma'i tshig dang bral ba yin te/ de dag dbye ba'i phyir tshu bi las thos shing pha bir snyod pa ma yin/ pha bi las thos nas tshu bir snyod pa ma yin te/'dum pa rnams dbye bar mi byed/ bye 
ba rnams la dpar bas mi rnon te/ /mi 'dum pa la dga' zhing mi 'dum pa la mos pa ma yin pas bden nam rdzun yang rung mi 'dum par bya ba'i tshig mi smra'o/ /zhe gcod pa'i tshig dang bral ba yin te/ snyogs pa dang / brlang ba dang / rtsub pa dang / gzhan </font><hr>36-1-188b<br><font size=+1>
la gnod pa dang / zhe snad par gyur pa dang / nyes pa ngor brjod pa dang / nyes pa ngor brjod pa la gzhol ba dang / grong ma'i tshig dang / ma rabs kyi tshig dang / gzungs su bzung ba ma yin pa dang / rnar mi snyan pa dang / khro ba dang gshe ba las byung ba dang / 
snying na bar byed pa dang / yid yongs su gdung bar byed pa dang / mi snyan pa dang / yid du mi 'ong ba dang / bdag dang gzhan gyi sems ma rung bar byed pa'i tshig gi rnam pa de lta bu spangs te/ gang 'di 'jam pa dang yid du 'ong ba dang / snyan pa dang / gzungs 
su bzung ba dang / rnar 'ong ba dang / snying du sdug pa dang / pho brang 'khor gyi tshig dang / gtsigs pa dang / gsal ba dang / 'go ba dang mnyan par 'os pa dang / mi gnas pa dang / skye bo mang po dga' bar 'gyur ba dang / skye bo mang po'i yid du 'ong ba dang / 
mkhas pas bsngags pa dang / sems can thams cad la phan zhing bde bar 'gyur ba dang / yid bde bar byed pa dang / yid sim par byed pa dang / bdag dang gzhan gyi sems dang bar byed pa dang / 'dod chags dang zhe sdang dang gti mug dang / 
nyon mongs pa thams cad zhi bar byed pa'i tshig gi rnam pa de lta bu dag brjod do/ /tshig kyal pa spangs pa yin te/ legs par lan glon pa'i tshig dang / dus su smra ba dang / bden par smra ba dang / don du smra ba dang / chos su smra ba dang / rigs par smra ba dang / 
dul bar smra ba dang / dus la bab par shin tu go ba'i gtan tshigs dang bcas par smra bar de chung ngu na bzhad gad du bya ba tsam gyi tshig la yang yongs su spang bar bya ba yongs su spong na dgos pa don du gnyer cing tshig gis rnam par 'khrug pa lta ci smos/ chags 
sems med pa yin te/ de gzhan gyi nor dang / gzhan gyi 'dod pa dang / gzhan dbang ba'i yo byad gzhan gyis yongs su bzung ba la ji ltar na/ gang gzhan gyi yin pa de dag bdag gir 'gyur zhes te/ chags sems mi bskyed mi re mi smon </font><hr>36-1-189a<br><font size=+1>
cing 'dod pa'i sems mi bskyed do/ /gnod sems dang bral ba yin te/ sems can thams cad la byams pa'i sems dang phan pa'i sems dang snying brtse ba'i sems dang / bde ba'i sems dang / 'jam pa'i sems 
dang / 'gro ba thams cad la phan gdags pa'i sems dang / 'byung po thams cad la phan zhing snying brtse ba'i sems dang ldan pas/ gang 'di khro ba dang / mdud par 'dzin pa dang / thab dang dri ma dang gnod sems dang khong khro ba la stsogs pa de dag spangs te/
gang 'di phan pa dang ldan pa/ byams pa dang ldan pa/ sems can thams cad la phan pa dang / bde bar bya ba'i phyir rnam par rtog cing / rnam par dpyod pa de dag la rnam par rtog pa yin/ yang dag par lta ba dang ldan zhing ngo mtshar dang bkra shis 
dang / ngang tshul ngan pa'i lta ba sna tshogs dang bral ba yin te/ lta ba drang zhing g.yo med la sgyu med pas sangs rgyas dang / chos dang dge 'dun la bsam pa nges pa yin/ de dge ba bcu'i las kyi lam 'di dag rtag tu rgyun mi 'chad par bsrung zhing 'di ltar sems 
kyi bsam pa mngon par sgrub ste/ sems can rnams kyi ngan song dang ngan 'gro dang / log par ltung ba yod pa gang yang rung ste/ de dag thams cad mi dge ba bcu'i lam yongs su blangs pa'i rgyu las byung gis bdag gis ni 'di ltar bdag 
nyid yang dag pa'i nan tan la gnas te/ gzhan yang yang dag pa'i nan tan la dgod par bya'o/ /yang dag pa'i nan tan la gnas par bstan to/ /de ci'i phyir zhe na/ bdag log pa'i nan tan la gnas shing / gzhan yang dag pa'i nan tan la dgod par bya ba 'di ni gnas med skabs med pa ste/ 'di 
ni mi srid do/ /zhes nas yang de 'di ltar rnam par dpyod de/ mi dge ba bcu'i las kyi lam 'di dag yongs su bzung ba'i rgyus sems can dmyal ba dang byol song gi skye gnas dang / gshin rje'i 'jig rten gyi lam gyi rgyud du skye ba rnams yod par gyur to/ /</font><hr>36-1-189b<br><font size=+1>
dge ba bcu'i las kyi lam yongs su bzung bas ni mir skye ba la sogs pa srid pa'i rtse mo'i bar du skye ba yod par gyur to/ /de'i gong du dge ba bcu'i las kyi lam 'di dag nyi tse'i sems dang khams gsum pas skrag pa'i yid dang / snying rje chen po 
med pa dang / gzhan las thos pa'i sgra'i rjes su 'brang ba'i shes rab kyis rnam par yongs su bsgoms na nyan thos kyi theg pa yongs su sgrub po/ /de'i gong du gzhan gyi dring mi 'jog pa dang / rang mngon par 'tshang rgya ba dang / snying rje chen po 
dang / thabs mkhas pa med pa dang / rten cing 'brel bar 'byung ba zab par khong du chud pas yongs su sbyangs na/ rang sangs rgyas kyi theg pa yongs su sgrub po/ /de'i gong du yangs shing tshad med pa'i sems dang / snying brtse zhing snying rje dang ldan 
pa dang / thabs mkhas pas yang dag par gzung ba dang / smon lam chen po shin tu gdab pa dang / /sems can thams cad yongs su mi gtong ba dang / sangs rgyas kyi ye shes rgya chen po la dmyigs pas yongs su sbyangs na/ byang chub 
sems dpa'i sa yongs su dag pa dang / pha rol tu phyin pa rnam par dag pa'i spyod pa rgya chen po yongs su bsgrub par 'gyur ro/ /de'i gong du dge ba bcu'i las kyi lam 'di dag nyid rnam pa'i mchog thams cad dang ldan par yongs su sbyangs pas 
stobs bcu'i stobs thob par 'gyur ba dang / mi 'jigs pa bzhi 'thob pa nas rnam pa'i mchog thams cad dang ldan pa'i sangs rgyas kyi chos thams cad yongs su 'grub pa yang dag par sgrub bo/ /de lta bas na bdag gis dge ba bcu'i las mngon par bsgrub du 'dra ba la rnam pa 
thams cad du yongs su sbyang zhing mngon par bsgrub pa la brtson par bya'o zhes nas/ de 'di ltar yang dag par slob ste/ mi dge ba bcu'i las kyi lam 'di dag bsten pa dang / bsgoms pa dang mang du byas pa'i shas che bas ni sems can dmyal </font><hr>36-1-190a<br><font size=+1>
ba'i rgyur 'gyur ro/ /'bring gis ni byol song gi skye gnas [(]gyi [,]kyi[)] rgyur 'gyur ro/ /tha mas ni gshin rje'i 'jig rten gyi rgyur 'gyur te/ de la srog gcod pas na sems can dmyal bar khrid do/ /byol song gi skye gnas su 
khrid do/ /gshin rje'i 'jig rten du khrid do/ /de nas ci ste mir skyes na yang rnam par smin pa gnyis mngon par 'grub pa 'di lta ste/ tshe thung ba dang nad mang ba'o/ /ma byin par len pas ni sems can dmyal bar khrid do/ /byol song gi skye 
gnas su khrid do/ /gshin rje'i 'jig rten du khrid do/ /de nas ci ste mir skyes na yang rnam par smyin pa gnyis mngon par 'grub pa 'di lta ste/ longs spyod chung ba dang thun mong gi longs spyod du 'gyur ba'o/ /'dod pas log par g.yem pas ni 
sems can dmyal bar khrid do/ /byol song gi skye gnas su khrid do/ /gshin rje'i 'jig rten du khrid do/ /de nas ci ste myir skyes na yang rnam par smin pa gnyis mngon par 'grub pa 'di lta ste/ ltod pa dang bcas pa'i chung ma dang / g.yog 'khor 
mi srun pa'o/ /brdzun du smra bas ni sems can dmyal bar khrid do/ /byol song gi skye gnas su khrid do/ /gshin rje'i 'jig rten du khrid do/ /de nas ci ste myir skyes na yang rnam par smyin pa gnyis mngon par 'grub pa 'di lta ste/ skur pa mang ba dang / 
gzhan gyis bslu ba'o/ /phra mas ni sems can dmyal bar khrid do/ /byol song gi skye gnas su khrid do/ /gshin rje'i 'jig rten du khrid do/ /de nas ci ste mir skyes na yang rnam par smin pa gnyis mngon par 'grub pa 'di lta ste 
g.yog mi 'dum pa dang / g.yog ngan par 'gyur ba'o/ /zhe gcod pa'i tshig gis ni sems can dmyal bar khrid do/ /byol song gi skye gnas su khrid do/ /gshin rje'i 'jig rten du khrid do/ /de nas ci ste mir skyes na yang rnam par smin </font><hr>36-1-190b<br><font size=+1>
pa gnyis mngon par 'grub pa 'di lta ste/ yid du mi 'ong ba thos pa dang / 'thab mo'i tshig go/ tshig kyal bas ni/ sems can dmyal bar khrid do/ /byol song gi skye gnas su khrid do/ /gshin rje'i 'jig rten du khrid do/ /de nas ci ste mir skyes na'ang rnam par smin pa gnyis mngon par 
'grub pa 'di lta ste/ tshig mi btsun pa dang / spobs pa ma brtags pa'o/ /chags sems kyis ni sems can dmyal bar khrid do/ /byol song gi skye gnas su khrid do/ /gshin rje'i 'jig rten du khrid do/ /de nas ci ste mir skyes na yang rnam par smin pa gnyis mngon par 'grub pa 'di lta ste/ chog mi shes 
pa dang / 'dod pa che ba'o/ /gnod sems kyis ni sems can dmyal bar khrid do/ /byol song gi skye gnas su khrid do/ /gshin rje'i 'jig rten du khrid do/ /de nas ci ste myir skyes na yang rnam par smin pa gnyis mngon par 'grub pa 'di lta ste/ gnod par glags lta ba dang / pha rol gyis mnar ba'o/ /
log par lta bas ni sems can dmyal bar khrid do/ /byol song gi skye gnas su khrid do/ /gshin rje'i 'jig rten du khrid do/ /de nas ci ste myir skyes na yang rnam par smin pa gnyis mngon par 'grub pa 'di lta ste/ lta ba ngan par ltung ba dang g.yo sgyu can no/ /de ltar na mi dge ba bcu'i las kyi lam 
'di dag ni sdug bsngal gyi phung po che zhing tshad med pa sdud par 'gyur gyis mi dge ba bcu'i las kyi lam 'di dag bdag gis spangs te chos la dga' zhing mos par dga' bar gnas par bya'o zhes te/ de mi dge ba bcu'i las kyi lam 'di dag spangs nas dge ba bcu'i 
las kyi lam la gnas shing gzhan yang de nyid la rab tu gzhog go /de sems can rnams la sngon bas kyang phan pa'i sems dang / bde ba'i sems dang / byams pa'i sems dang / snying rje'i sems dang / snying brtse ba'i sems dang / phan gdags pa'i sems dang / yongs su bsrung 
ba'i sems dang / slob dpon kyi sems dang / ston pa'i sems dang mnyam pa'i sems bskyed cing de 'di snyam du sems te/ kye ma sems can 'di dag ni lta ba ngan par ltung ba dag ste/ blo gros mi mnyam zhing bsam pa mi mnyam pa/ log pa'i lam thibs </font><hr>36-1-191a<br><font size=+1>
por rgyu ba yin gyis de dag bdag gis bden pa'i lam yang dag par lta ba'i lam/ de bzhin nyid ji lta ba bzhin la rab tu dgod par bya'o/ /e ma'o sems can 'di dag ni mi mthun zhing rtsod pa dang / 'thab 
pa la zhugs pa rtag tu rgyun mi 'chad par khro ba dang / khon du 'dzin pas shin tu 'bar bar gyur pa yin gyis de dag bdag gis bla na med pa'i byams pa chen po rab tu nye bar bsgrub pa la rab tu dgod par bya'o/ /kye ma sems can 'di dag ni chog 
mi shes shing gzhan gyi nor la mngon par zhen te/ shin tu mi zad par 'tsho bas rjes su spyod pa yin gyis de dag bdag gis lus dang / ngag dang yid kyi las yongs su dag pas 'tsho ba la rab tu dgod par bya'o/ /kye ma sems can 'di dag ni 
'dod chags dang zhe sdang dang gti mug dang / srid pa'i gzhi dang ldan zhing nyon mongs pa sna tshogs kyi me lce rtag tu rgyun mi 'chad par kun tu 'bar bar gyur kyang 'di las 'byung ba'i thabs yongs su mi tshol ba yin gyis de dag bdag gis nyon mongs pa thams 
cad shin tu zhi zhing gtse ba med pa'i mya ngan las 'das pa la rab tu dgod par bya'o/ /kye ma sems can 'di dag ni gti mug gi mun pa dang / rab rib kyi ling thog gis bsgribs shing mun pa chen po thibs po'i nang du song bas shes rab kyi snang ba dang 
ring du gyur te/ 'khor ba'i mya ngam chen por las shing lta ba ngan pa'i mya ngam la gzhol bar gyur pa yin gyis de dag bdag gis ci nas kyang chos thams cad kyi yang dag pa ji lta ba nyid bsgribs pa med pa khong du chud par 'gyur ba dang / gzhan gyi dring mi 'jog 
pa 'thob par 'gyur bar shes rab kyi myig bsgribs pa med pa yongs su sbyang bar bya'o/ /kye ma sems can 'di dag ni 'khor ba'i mya ngam dang dgon pa chen por las shing sems can dmyal ba dang / byol song gi skye gnas dang / gshin rje'i 'jig </font><hr>36-1-191b<br><font size=+1>
rten gyi g.yangs la mngon du bltas pa/ lta ba ngan pa mi zad pa'i dra bas kun nas 'khor ba/ gti mug thibs pos kun nas yog pa/ log pa'i lam gol bar zhugs pa/ long bar gyur pa dge ba'i mgon med pa/ 
'byung ba ma yin pa la 'byung bar lta ba/ /bdud kyi zhags pas bcings pa/ yul gyi rkun pos zin pa/ bdud kyi bsam pa thibs por nub pa/ sangs rgyas kyi bsam pa dang ring du gyur pa yin gyis de dag bdag gis rnam pa de lta bu'i 'khor ba'i 
dgon pa dang / mya ngam brgal dka' ba las bsgral te/'jigs pa med pa'i gnas thams cad mkhyen pa'i grong rdal chen po gtse ba med par rab tu dgod par bya'o/ /kye ma sems can 'di dag ni chu bo chen po'i gling du bying zhing 'dod pa dang srid 
pa'i ma rig pa dang / lta ba'i chu bo la rab tu gzhol ba/ 'khor ba'i rgyud du 'brang ba/ sred pa'i chu klung gis khyer zhing rba rlabs chen pos g.yengs pa/ sred pa'i 'dod chags kyi mthus shin tu bcom pa/ brtag pa'i mthu med par 'dod pa 
dang / gnod sems dang 'tshe ba dang / rnam par rtog pa mang po'i rjes su spyod pa 'jig tshogs la lta ba'i chu'i srin pos khrid pa 'dod pa'i yon tan thibs po'i gling du zhugs pa/ smon pa'i 'dod chags kyi 'dam du thogs pa/ nga'i nga rgyal gyi dbye 
ba chen por 'khyams pa/ rten med pa/ skye mched kyi grong rdal nas ma 'phags pa dge ba'i sgrol ba myed pa yin gyis/ de dag bdag gis snying rje chen po dang / dge ba'i rtsa ba'i stobs kyi shugs kyis bton te/ thams cad mkhyen 
pa rin po che'i gling gtse ba med pa rdul myed pa zhi ba bde ba 'jigs pa med pa la rab tu dgod par bya'o/ /kye ma sems can 'di dag ni khams gsum gyi sdug bsngal dang / yid mi bde ba dang / 'khrug pa mang po can chags pa dang khong khro ba </font><hr>36-1-192a<br><font size=+1>
dang / sdug pa dang mi sdug pas rnam par bcings pa/ mya ngan dang smre sngags 'don pa'i rjes su spyod pa/ sred pa'i sgrog gis bcings pa/ ma rig pa'i thibs pos kun nas yog pa'i nang na mi mthun par 
gyur pa yin gyis de dag bdag gis khams gsum pa'i gnas thams cad las dben pa'i mya ngan las 'das pa bsgribs pa med pa la rab tu dgod par bya'o/ /kye ma sems can 'di dag ni bdag dang bdag gi la mngon par zhen zhing phung po'i 
gnas las ma 'phags pa phyin ci log bzhi la rab tu zhugs pa/ skye mched drug gi grong stong pa la shin tu gnas pa 'byung ba chen po bzhi'i sbrul gyis gtse ba phung po'i gshed ma dang chom pos shin tu bcom pa/ gzhal du med pa'i sdug 
bsngal myong bar gyur pa yin gyis de dag bdag gis bde ba'i dam pa gnas thams cad dang bral ba 'di lta ste/ bsgribs pa med pa thams cad mkhyen pa'i mya ngan las 'das pa la rab tu dgod par bya'o/ /kye ma sems can 'di dag ni dma' ba dang zhan pa dang zhum pa 
la mos shing thams cad mkhyen pa'i ye shes dam pa'i sems mi ldog pas theg pa chen pos 'byung ba yod kyang nyan thos dang / rang sangs rgyas kyi blo can yin gyis de dag bdag gis sangs rgyas kyi chos rgya chen po'i blo gros dang bsam 
pa yangs pa'i theg pa chen po bla na med pa la thams cad mkhyen pa'i ye shes yongs su bstan pas rab tu dgod par bya'o snyam mo/ /kye rgyal ba'i sras dag /de ltar tshul khrims kyi stobs dang mthu de lta bu dang ldan pa'i byang chub sems 
dpa'i snying rje dang byams pa mngon par bsgrub pa la mkhas pa/ sems can thams cad kyis ma bcol pa'i bshes gnyen du gyur pa/ sems can thams cad yongs su ma btang ba/ bya ba dang mi bya ba mngon par bsgrub pa la mkhas pa/</font><hr>36-1-192b<br><font size=+1>
byang chub sems dpa'i sa dri ma med pa la gnas pa de'i lta ba rgya chen po dang / smon lam gyi stobs kyis sangs rgyas mang po rab tu snang bar gyur te/ lta ba rgya chen po dang smon lam gyi stobs kyis sangs rgyas brgya phrag mang po dang / sangs rgyas stong phrag mang po dang / sangs 
rgyas brgya stong phrag mang po dang /sangs rgyas bye ba brgya stong phrag mang po dang / sangs rgyas khrag khrig phrag mang po dang / sangs rgyas khrag khrig brgya phrag mang po dang / sangs rgyas khrag khrig stong phrag mang po dang / sangs rgyas khrag khrig brgya 
stong phrag mang po dang / sangs rgyas bye ba khrag khrig brgya stong phrag mang po rab tu snang bar 'gyur ro/ des de bzhin gshegs pa dgra bcom pa yang dag par rdzogs pa'i sangs rgyas de dag mthong nas bsam pa rgya chen pos rim gro byed do/ /bkur 
sti byed do/ /bsti stang byed do/ /mchod pa byed do/ /na bza' dang / bsod snyoms dang gzims cha dang / snyun gyi rkyen sman dang yo byad dag kyang 'bul zhing byang chub sems dpa'i bde ba'i yo byad thams cad kyang yongs su 
'bul lo/ /dge 'dun gyi tshogs rnams la yang dag par mchod pa byed de/ dge ba'i rtsa ba de dag kyang bla na med pa yang dag par rdzogs pa'i byang chub tu yongs su bsngo'o/ /de bzhin gshegs pa dgra bcom pa yang dag par rdzogs 
pa'i sangs rgyas de dag las dge ba bcu' las kyi lam 'di dag kyang rim gro chen pos rab tu 'dzin te/ ji ltar bzung ba de 'ang bar ma dor chud zos par mi byed do/ /de bskal pa du ma dang / bskal pa brgya phrag du ma dang / bskal pa stong phrag du 
ma dang / bskal pa brgya stong phrag du ma dang / bskal pa bye ba brgya stong phrag du ma dang / bskal pa khrag khrig phrag du ma dang / bskal pa khrag khrig brgya phrag du ma dang / bskal pa khrag khrig stong phrag du ma dang / bskal pa khrag khrig brgya stong phrag du ma dang / bskal </font><hr>36-1-193a<br><font size=+1>
pa bye ba khrag khrig brgya stong phrag du mar ser sna'i skyon dang / tshul khrims ngan pa'i dri ma myed pas gtong ba dang / tshul khrims rnam par dag pa la yang dag par 'byung zhing gnas so/ /kye rgyal ba'i sras dag 'di lta ste/ 
dper na/ gser gyi sa le sbram de nyid nag mtshur du bcug na de bas kyang dri ma thams cad dang bral bar 'gyur ro/ /kye rgyal ba'i sras dag de bzhin du byang chub sems dpa'i sa dri ma dang bral ba 'di la gnas pa'i byang chub sems dpa' yang bskal pa 
du ma nas/ bskal pa bye ba khrag khrig brgya stong du ma'i bar du ser sna'i nyes pa dang / tshul khrims ngan pa'i dri ma med pas gtong ba dang / tshul khrims rnam par dag pa la yang dag par 'byung zhing gnas so/ /de'i bsdu ba'i 
dngos po bzhi las ngag snyan pa shas che ba yin/ pha rol tu phyin pa bcu las tshul khrims kyi pha rol tu phyin pa shas che ba yin te/ lhag ma rnams kyang ci tshul ci nus su yang dag par mi bsgrub pa ma yin no/ /kye rgyal ba'i sras dag /
'di ni byang chub sems dpa'i sa dri ma med pa zhes bya ba ste/ byang chub sems dpa'i sa gnyis pa mdor bstan pa'o/ /de la gnas pa'i byang chub sems dpa' ni phal cher 'khor los sgyur ba'i rgyal po gling bzhi la dbang bar 'gyur te/ 
chos kyis dbang bsgyur ba rab tu thob cing rin po che bdun dang ldan pa/ sems can thams cad kyi ser sna'i skyon dang / tshul khrims ngan pa'i dri ma bzlog par bya ba la mkhas shing mthu yod pa dang / sems can rnams dge ba bcu'i 
las kyi lam la rab tu dgod par bya bar shin tu mkhas pa dang / sbyin pa chen po rtsom pas thub pa med pa yin te/ sbyin pa 'am ngag snyan pa 'am/ don grub pa 'am don mthun pas dge ba'i rtsa ba gang ci rtsom yang rung ste/ de thams cad </font><hr>36-1-193b<br><font size=+1>
ji ltar na sems can thams cad kyi mchog tu 'gyur/gtso bor 'gyur/ thu bor 'gyur/ phul du 'gyur/ dam par 'gyur/ bla na med par 'gyur/ 'dren par 'gyur/ rnam par 'dren par 'gyur yongs su 'dren par 'gyur ba nas thams cad 
mkhyen pa'i ye shes la rten pa'i bar du 'gyur snyam ste/ sangs rgyas yid la bya ba dang / chos yid la bya ba dang / dge 'dun yid la bya ba dang / byang chub sems dpa' yid la bya ba dang / byang chub sems dpa'i spyod pa yid la bya ba dang / 
byang chub sems dpa'i sa yid la bya ba dang / pha rol tu phyin pa yid la bya ba dang / stobs yid la bya ba dang / mi 'jigs pa yid la bya ba dang / sangs rgyas kyi chos ma 'dres pa yid la bya ba nas rnam pa'i mchog thams cad dang ldan pa'i 
thams cad mkhyen pa'i ye shes kyi bar du yid la bya ba dang mi 'bral ba yin no/ /de 'dod na skad cig yud tsam thang cig tu khyim dang / chung ma dang srid thams cad yongs su spangs te/ de bzhin gshegs pa'i bstan pa la rab tu 'byung ba dang /
de rab tu byung nas kyang skad cig yud tsam thang cig tu ting nge 'dzin stong rab tu 'thob bo/ snyoms par 'jug pa dang / ting nge 'dzin stong rab tu thob cing de dag la snyoms par 'jug pa dang / sangs rgyas stong mthong ba dang / de dag gi byin gyi 
rlabs kyang yang dag par shes pa dang / 'jig rten gyi khams stong skyod pa dang / sangs rgyas kyi zhing stong du 'gro ba dang / 'jig rten gyi khams stong snang bar byed pa dang / sems can stong yongs su smin par byed pa dang / bskal pa stong 
du gnas pa dang / sngon gyi mtha' dang / phyi ma'i mtha'i bskal pa stong la rab tu 'jug pa dang / chos kyi sgo stong rnam par 'byed pa dang / lus stong yongs su bstan pa dang / lus re re la yang byang chub sems dpa'i 'khor stong yang dag </font><hr>36-1-194a<br><font size=+1>
par bstan par bya ba'i brtson 'grus de lta bu rtsom mo/ /de yan chad byang chub sems dpa' smon lam gyi mthu can rnams smon lam gyi khyad par gyis rnam par 'phrul te/ de dag gi lus sam/ 'od dang rdzu 'phrul lam/ 
myig gam spyod yul lam/ dbyangs sam/ spyod pa 'am/ rgyan tam byin gyi rlabs sam/ mos pa 'am/ mngon par 'du byed pa dag kyang bskal pa du ma dang / bskal pa brgya phrag du ma dang / bskal pa stong phrag du ma dang / bskal 
pa brgya stong phrag du ma dang / bskal pa bye ba khrag khrig brgya stong du ma'i bar gyis kyang bgrang bar dka' 'o/ /de nas byang chub sems dpa' rdo rje'i snying pos sa'i don 'di nyid yang brtag par bya ba dang / bstan par bya ba'i phyir de'i tshe 
tshigs su bcad pa 'di dag smras so/ /de dag mnyen drang las rung 'jam pa'i sems ldan zhing / /bsam pa dge dang bsam pa zhi dang ldan pa rnams/ /'du 'dzi'i dmyigs bral rlabs chen blo dang ldan pa yi/ /che 
nyid sems ldan mkhas pa de dag gnyis la 'phar/ /de gnas yon tan 'chang zhing dge ba phun ldan pa/ gtse med sems ldan srog gcod rnam par kun spangs shing / ma byin len dang gzhan gyi chung ma de bzhin spangs/ /bden 
dang ldan zhing phra ma mi smra zhe gcod med/ /gzhan gyi longs spyod 'dod sems bral zhing byams sems ldan/ /drang zhing g.yo med yang dag lam du rab tu zhugs/ /g.yo med thibs po med cing shin 
tu nges pa ste/ rtag tu bag yod ston pa'i spyod pa yongs su bsrung / /sems dmyal byol song skye gnas sdug bsngal ji snyed dang / /gshin rje'i ris na yi dgas rtag tu lus 'bar ba/ /de dag sdig blos dge ba myin la </font><hr>36-1-194b<br><font size=+1>
brtson pas byung / /de bas de spangs bden pa'i chos dang ldan par bya/ /myi yi nang du skye ba yid du 'ong la stsogs/ /srid rtse'i bar gyi lha yi bsam gtan bde ba dang / /rang rgyal theg pa de bzhin nyan thos theg pa dag /kun kyang dkar 
lam bcu pos byung ba yin zhes te/ /de ltar shes shing rtag par mkhas pa bag yod pa/ /shin tu bsdams pa'i yid kyis pha rol tshul la dgod/ /sems can sdug bsngal shes shing snying brtse bskyed byas nas/ /de bas gong du snying rje'i 
sems dang ldan par byed/ /kye ma byis pa'i blo can 'di dag lta ngan lhung / /khro zhing shar gnyer gdon pa kun sems rtsod pa can/ /rtag tu mi ngoms yul la yang dang yang du smon/ /gzhi gsum 'brel pa de dag yongs su dgrol bar bya/ /
gti mug mun pa chen pos kun nas yog pa rnams/ /lta ba'i dra mang mya ngam lam du lhung gyur pa/ /'khor ba'i shing thags nang na rtag tu dgras gtse zhing / /bdud kyi chom po'i nang gnas de dag bdag gis dgrol/ /nyon 
mongs rlabs kyis g.yengs shing chu bo bzhir nub pa/ /khams gsum sdug bsngal brgya yis yongs su gdungs pa rnams/ /phung po'i gnas la rten cing bdag tu 'du shes pa/ /de dag sdug bsngal dgrol don bdag gis brtson 
par bya/ /sangs rgyas ye shes dam pa rmad byung phul spangs shing / /'byung ba yod bzhin dma' ba'i blo gros skyed byed pa/ /de dag de bzhin gshegs pa'i ye shes yangs dgod ces/ /rgyal ba'i ye shes don du brtson 
'grus yangs pa rtsom/ /'di gnas yon tan brgya bstsags drang srong chen po rnams/ /bde gshegs du ma mthong zhing mchod pa 'ang rab tu byed/ /dge ba de dag bskal pa bye bar phyir zhing sbyong / /gser gyi dam pa nag mtshur nang du </font><hr>36-1-195a<br><font size=+1>
bcug pa bzhin/ /'di gnas rgyal sras 'khor los sgyur ba'i rgyal por 'gyur/ /dge ba bcu la sems can rab tu dgod pa byed/ /dge tshogs gang yang rung ste stsogs par byed pa rnams/ /stobs bcu ldan zhing 'gro ba'i skyabs 
'gyur don du sogs/ /'dod na rgyal po'i srid kyang rnam par spangs byas shing / /brtan pa rnams ni bstan pa'i mchog la rab byung nas/ /brtson 'grus ldan zhing ting 'dzin dam pa mchog kyang 'thob/ /sangs rgyas stong tshangs skad cig gcig gis mthong bar 
byed/ /'di 'dre'i tshul gyis bgrang bas gzhan yang gcig min pa/ /khyu mchog sa 'di gnas pa rab tu ston par byed/ /de yi god na ye shes smon lam mchog ldan pa/ /rnam par 'phrul pa rnam pa du mas sems can 'dul/ /de ltar sa mchog gnyis pa 'di/ /
'jig rten kun la phan 'dod pa'i/ /byang chub sems dpa'i mchog rnams la/ /bde bar gshegs pa'i sras kyis bstan/ /dri ma dang bral ba zhes bya ba ste byang chub sems dpa'i sa gnyis pa'o// //sangs rgyas rmad ga cad ces bya ba shin tu rgyas pa chen po'i 
mdo/bam po bco lnga ba/ byang chub sems dpa'i spyod yul bsam yas pa/ /sa mchog spyod pa de skad thos gyur nas/ /rgyal ba'i sras rnams rab tu dga' zhing bsti stang du/ /me tog sprin char mngon par kun nas 'bebs/ /ri yi rgyal po bod pa legs so legs/ /sems can 
kun la snying brtse bsam pa yis/ /sa mchog dam pa'i spyod yul de 'dra dang / /mkhas pa'i tshul khrims sdom pa khyod kyis bshad/ /yang dag de dngos ma nor gzhan min pa'i/ /byang chub sems dpa'i spyod pa yid 'ong zhing / /sems can kun la phan dang bde ba rab sems pa/ /phul du 'od 
gsal khyod kyis bstan pa byas/ /da dung da chud lha dang mis mchod cing / /chos kyi ye shes rigs par brjod mkhas pa/ /de dag spyod yul tshul ni ji bzhin du/ /sa yi dam pa gsum po brjod par mdzod/ /drang srong chen po'i sbyin tshul spyod </font><hr>36-1-195b<br><font size=+1>
pa dang / /bzod pa brtson 'grus zhi ba shes rab thabs/ /byams pa'i mchog dang snying rje'i lam gyi rnams/ /rgyal sras spyod pa rnams sbyang bstan mdzod cig /rdo rje'i snying po 'jigs myed la/ /rnam grol zla bas yang 
smras pa/ /gsum la yang dag 'phar 'gyur ba'i/ /bsam pa mkhas pas bshad par mdzod/ /byang chub sems dpa' sems dpa' chen po rdo rje'i snying pos smras pa/ kye rgyal ba'i sras dag /de ltar byang chub sems 
dpa' sa gnyis pa la bsam pa shin tu sbyangs pa ni sa gsum pa yongs su gnon to/ de sems kyi bsam pa yid la bya ba bcus yongs su gnon te/ bcu gang zhe na/ 'di lta ste/ dag pa'i sems kyi bsam pa yid la bya ba dang / mi 
g.yo ba'i sems kyi bsam pa yid la bya ba dang / skyo ba'i sems kyi bsam pa yid la bya ba dang / 'dod chags dang bral ba'i sems kyi bsam pa yid la bya ba dang / phyir mi ldog pa'i sems kyi bsam pa yid la bya ba dang / brtan pa'i 
sems kyi bsam pa yid la bya ba dang / sbyongs ba'i sems kyi bsam pa yid la bya ba dang / rlom pa'i sems kyi bsam pa yid la bya ba dang / rlabs po che'i sems kyi bsam pa yid la bya ba dang / bdag nyid che ba'i sems kyi bsam pa 
yid la bya ba'o/ /kye rgyal ba'i sras dag /byang chub sems dpa' byang chub sems dpa'i sa gsum pa la gnas pa ni 'du byed kyi rnam pa thams cad la mi rtag pa yang dag par ji lta ba bzhin du rab tu rtog go /sdug bsngal ba dang / bdag med pa 
dang / mi sdug pa dang / yid brtan du mi rung ba dang / rnam par 'jigs pa dang / ring du mi gnas pa dang / skad cig tu 'byung zhing 'gag pa dang / mi zad cing mi skye mi 'gag pa dang / sngon gyi mtha' kun nas ma byung ba dang / phyi ma'i mtha' </font><hr>36-1-196a<br><font size=+1>
'pho ba med pa dang / da ltar byung ba mi gnas par rab tu rtog go /de 'du byed kyi rnam pa de lta bu la rab tu rtog pa'i tshe mngon par 'jig pa dang / mya ngan can smre sngags 'don pa can dang / 'khrug pa can yid du 'ong 
ba dang / yid du mi 'ong bas rnam par bcings pa/ sdug bsngal dang yid mi bde ba mang ba bstsags pa med pa las byung ba/ 'dod chags dang zhe sdang dang / gti mug gi mye rab tu 'bar ba/ nad du mas rnam par bskyed pa/ sgyu ma'i rang bzhin 
lta bur mthong nas de de bas kyang 'du byed thams cad las sems gyen du bskyod cing / de bzhin gshegs pa'i ye shes la rab tu gtong ste/ des de bzhin gshegs pa'i ye shes bsam gyis mi khyab pa 'ang rjes su mthong ste/ mtshungs pa myed pa 
dang / gzhal du med pa dang / rnyed par dka' ba dang / ma 'dres pa dang / gnod pa med pa dang / 'khrug pa med pa dang / mi 'jigs pa'i grong rdal du 'gro ba dang / phyir myi ldog pa dang / 'gro ba mang po yongs su skyob pa yang dag par 
rjes su mthong ngo / /des de bzhin gshegs pa'i ye shes de ltar tshad med pa mthong ste/ 'du byed kyi rnam pa de ltar sdug bsngal mang pos gtses pa mthong nas/ sems can thams cad la de bas kyang shas cher sems kyi bsam pa bcu nye 
bar gzhog ste/ bcu gang zhe na/ 'di lta ste/ mgon med pa dang / skyabs med pa dang / rten med pa'i sems kyi bsam pa dang / rtag tu 'phongs pa'i sems kyi bsam pa dang / 'dod chags dang / zhe sdang dang / gti mug gi me kun 
nas 'bar ba'i sems kyi bsam pa dang / srid pa'i btson ras bzung ba'i sems kyi bsam pa dang / rtag tu rgyun mi 'chad par nyon mongs pa'i thibs pos bsgribs pa'i sems kyi bsam pa dang / brtag pa'i mthu med pa'i sems kyi </font><hr>36-1-196b<br><font size=+1>
bsam pa dang / dge ba'i chos la mos pa med pa'i sems kyi bsam pa dang / sangs rgyas kyi chos thams cad las shin tu gol ba'i sems kyi bsam pa dang / 'khor ba'i rgyud kyi rjes su 'bab pa'i sems kyi bsam pa dang / 
thar pa'i lam gyis sdangs pa'i sems kyi bsam pa dang / /sems kyi bsam pa 'di bcu nye bar gzhog go /de nas de ltar sems can gyi khams gtse ba mang po can mthong nas/ brtson 'grus 'di ltar rtsom 
ste/ sems can 'di dag ni bdag gis bskyab par bya ba yongs su dgrol bar bya ba/ yongs su sbyang bar bya ba/ shin tu gdon par bya ba rab tu dgod par bya ba/ shin tu brtan par bya ba/ yongs su tshim par bya ba/ gnas su phyin par bya ba/ 
rnam par gdul bar bya ba dang yongs su mya ngan las 'da' bar bya ba yin no/ /zhes nas de de ltar 'du byed kyi rnam pa thams cad las skyo ba'i rjes su song zhing sems can thams cad la rab tu lta ba'i rjes su song ba dang / thams cad mkhyen pa'i 
ye shes la thams cad mkhyen pa'i ye shes kyi rjes su song zhing / de bzhin gshegs pa'i ye shes la rab tu rten pas sems can thams cad yongs su bskyab par bya ba la brtson pa de 'di ltar yongs su rtog ste/ rgyu dang gzhi dang tshul dang 
thabs gang zhig gis 'di lta bur sdug bsngal dang / nye ba'i nyon mongs par ltung ba'i sems can 'di dag mngon par gdon par nus rgyu dang gzhi dang tshul dang thabs gang zhig gis ni shin tu bde ba'i mya ngan las 'das par dgod 
par nus snyam nas/ /de la byang chub sems dpa' 'di snyam du sems te/ bsgribs pa med pa'i ye shes rnam par thar pa'i gnas ma gtogs par gzhan gyis mi nus so/ /bsgribs pa med pa'i ye shes rnam par thar pa'i gnas de yang chos thams cad </font><hr>36-1-197a<br><font size=+1>
yang dag par ji lta ba bzhin du khong du chud pa ma gtogs par gzhan gyis thob par mi nus so/ /chos thams cad yang dag pa ji lta ba bzhin du khong du chud pa yang rgyu ba med cing skye ba med pa la spyod pa'i shes rab 
ma gtogs par gzhan gyis khong du chud par mi nus so/ /shes rab kyi snang ba de yang bsam gtan la mkhas shing rtogs pa'i blos rab tu rtog pa med par gzhan gyis thob par mi rung ngo / /bsam gtan la mkhas shing rtogs pa'i 
blos rab tu rtog pa de yang thos pas mkhas pa myed par mi 'byung ngo / /zhes de de ltar shin tu brtags pa'i shes pa dang ldan pas de bas kyang shas cher dam pa'i chos tshol ba la mngon par brtson par gnas te nyin mtshan du chos mnyan pa don du gnyer 
ba yin/ sangs rgyas kyi chos btsal ba'i don du chos la mos shing ngoms mi shes la rgyun mi 'chad pa yin/ chos la dga' zhing spro ba dang / chos la rab tu 'jug pa yin/ chos la gzhol zhing chos la 'bab pa dang / chos la 'bab pa 
yin/ chos la rten cing chos la skyabs tshol ba dang / chos la mthu tshol ba yin/ chos dang gnyer ba'i chos la mngon par brtson pa yin te/ de de ltar chos tshol ba la mngon par brtson pas rin po che'i rnam pa 'am/ dbyig gi rnam pa 'am/ 
nor dang / 'bru'i mdzod dang bang ba gang yang rung ste/ yongs su mi gtong ba de lta bu gang yang myed do/ /chos smra ba'i gang zag de 'ba' zhig la dka' ba'i 'du shes su gyur pa las phar de dag gzhan la cung zad kyang dka' ba'i 'du shes myi 
bskyed do/ /de ni chos kyi don du phyi rol gyi dngos po nye bar bzung ba yongs su mi gtong ba de gang yang myed do/ /nang gi dngos po yongs su mi gtong bar bya ba de lta bu 'ang cung zad kyang myed do/ /gang 'di dag 'di lta ste/ g.yog 'khor yongs su gtang </font><hr>36-1-197b<br><font size=+1>
ba'am/ rgyal srid yongs su gtang ba'am/ longs spyod yongs su gtang ba 'am/ nor dang 'bru dang / nor bu dang / gser gyi mdzod dang / bang ba yongs su gtang ba dang / rta dang glang po dang / shing rta dang / bzhon pa yongs su gtang ba 'am 
rin po che'i rgyan dang lhab lhub yongs su gtang ba dang / chung ma dang bu dang bu mo yongs su gtang ba 'am/ mgo dang rka lag dang yan lag gi dam pa yongs su gtang ba 'am/ lus thams cad yongs su 
gtad bar bya ba yang rung ste/ de dag thams cad chos kyi don du yongs su mi gtong ba gang yang myed do/ /bla ma la bsnyen bkur dang rim gro bya ba gang yang rung ste/ nyams su mi len pa gang yang med do/ /nga rgyal dang lhag pa'i nga rgyal yongs su gtang bas/ nga rgyal 
med pa la spyad pa gang yang rung ste/ nyams su mi len pa gang yang myed do/ /lus kyi gnod pa gang yang rung ste/ nyams su mi len pa gang yang myed do/ /de ma thos pa'i chos kyi tshig gcig thos pa nor che bar 'dzin gyis/ stong gsum 
gyi stong chen po'i 'jig rten gyi khams yongs su gang ba'i rin po che'i phung po thob pas ma yin no/ /legs par bshad pa'i tshigs su bcad pa gcig thos pas sems dga' bar 'gyur gyi/ brgya byin dang tshangs pa dang / 'khor los sgyur 
ba'i rgyal bo'i srid la bskal pa brgya stong mang po'i mthar thug par gnas pas ni ma yin no/ /de la la la zhig brgya la 'di skad du zer te/ gal te khyod kyis me'i dong chen por lus bor te/ sdug bsngal gyi tshor ba'i phung po chen po rang gi lus 
kyis nyams su blang bar nus na/ ngas khyod la chos kyi tshig yang dag par rdzogs pa'i sangs rgyas kyis bstan pa/ byang chub sems dpa'i spyod pa yongs su spyod pa 'di bshad par bya'o/ /zhe na yang de 'di snyam du sems te chos kyi tshig </font><hr>36-1-198a<br><font size=+1>
yang dag par rdzogs pa'i sangs rgyas kyis bstan pa byang chub sems dpa'i spyod pa yongs su sbyong ba'i don du ni stong gsum gyi stong chen po'i 'jig rten gyi khams mes gang bar yang tshangs pa'i 'jig rten nas bdag gis 
bdag dor bar mos na me'i dong tha mal pa ni 'di lta zhig tu bdag dor ba lta ci smos kyis/ de bas sems can dmyal ba'i sdug bsngal thams cad nyams su bab pas kyang bdag gis chos btsal bar bya'i mye'i sdug bsngal dang 'grogs 
pa lta khyad du bsad do zhes nas de rnam pa de lta bu'i brtson 'grus rtsom pas chos yongs su tshol lo/ /ji skad du thos pa'i chos rnams la yang tshul bzhin du rab tu rtogs pa'i ngang tshul can yin te/ des chos de dag thos nas kyang rjes la rang gi sems 
rtog par bzhag pas gcig pu dben pa na 'dug cing 'di ltar rtog go /chos dang gnyer ba'i chos la nan tan du bya bas sangs rgyas kyi chos khong du chud par bya ba'i tshig gi lam yongs su dag pa 'ba' zhig gis ma yin no zhes te/ byang chub sems 
dpa' de byang chub sems dpa'i sa 'od byed pa la gnas shing / 'dod pa rnams las dben/ sdig to dang mi dge ba'i chos rnams las dben zhing rnam par rtog pa can rnam par dpyod pa can/ dben pa las skyes pa'i dga' ba dang / bde 
ba'i bsam gtan dang po la nye bar bsgrubs te gnas so/ /de rnam par rtog pa dang / rnam par dpyod pa rnam par zhi ste/ nang shin tu dang zhing sems kyi rgyud gcig tu gyur pas rnam par rtog pa dang / rnam par dpyod pa myed pa/ ting nge 'dzin 
las skyes pa'i dga' ba dang / bde ba bsam gtan gnyis pa nye bar bsgrubs te gnas so/ /de dga' ba la 'dod chags dang bral te btang snyoms su gnas pas/ dran pa dang ldan zhing rab tu shes par bde ba yang lus kyis rab tu tshor te/</font><hr>36-1-198b<br><font size=+1>
'phags pa rnams kyi btang snyoms pa dran pa can dga' ba med la bde ba la gnas pa'o/ /zhes bya bar bsam gtan gsum pa la nye bar bsgrubs te gnas so/ /de bde ba yang spangs/ sdug bsngal ba yang spangs la bde ba'i yid dang / nyam nga ba'i 
yid kyang sngar nub pas sdug bsngal yang med/ bde ba yang med pa'i btang snyoms dran pas yongs su dag pa'i bsam gtan bzhi pa la nye bar bsgrubs te gnas so/ /de gzugs su 'du shes pa las rnam pa thams cad du 'das nas/ thogs pa'i 'du shes 
rnams nub ste/ 'du shes sna tshogs yid la mi byed pas mtha' yas nam mkha' zhes te/ nam mkha' mtha' yas pa'i skye mched la nye bar bsgrubs te gnas so/ /de nam mkha' mtha' yas pa'i skye mched las rnam pa thams cad du 'das nas 
mtha' yas rnam shes shes te rnam par shes pa mtha' yas pa'i skye mched la nye bar bsgrubs te gnas so/ /de rnam par shes pa'i skye mched las rnam pa thams cad du 'das nas ma yod cung zad ces te cung zad kyang med pa'i skye mched la nye bar bsgrubs te 
gnas so/ /de cung zad kyang med pa'i skye mched las rnam pa thams cad du 'das nas/ 'du shes med 'du shes med min gyin gyi skye mched la nye bar bsgrubs te gnas so/ /de chos dang gnyer ba'i chos la nan tan du bya ba ma gtogs par de yang mngon par dga' 
ba'i gnas dang / rten pa yin pas de byams pa dang ldan pa'i sems yangs pa/ rgya che ba gnyis su myed pa tshad myed pa khon med pa/ ltod pa med pa bsgribs pa med pa/ gnod pa myed pa/ thams cad du khyab pas 'jig rten gyi khams chos kyi 
dbyings kyis klas pa/ nam mkha'i mthas gtugs pa thams cad rgyas par bkang nas nye bar bsgrubs te gnas so/ /de bzhin du snying rje dang ldan pa dang / dga' ba dang ldan pa/ btang snyoms dang ldan pa'i sems yangs pa/ rgya che ba </font><hr>36-1-199a<br><font size=+1>
gnyis su med pa/ tshad med pa kho na med pa ltod pa med pa bsgribs pa med pa/ gnod pa med pa thams cad du khyab pas 'jig rten gyi khams chos kyi dbyings kyis klas pa/ nam mkha'i mthas gtugs pa thams cad 
rgyas par bkang nas nye bar bsgrubs te gnas so/ /de rdzu 'phrul gyis rnam pa du ma myong bar byed des 'di yang g.yo bar byed do/ /gcig tu gyur nas mang por 'gyur ro/ /mang por gyur nas gcig tu 'gyur ro/ /snang ba dang mi snang ba la 'ang rab 
tu spyod de rtsig pa la thags thogs med pa dang / ra ba la thags thogs med pa dang / ri la yang dper na nam mkha' bzhin du thags thogs med cing chags pa med par 'gro'o/ /dper na nam mkha' la lding ba'i bya bzhin du nam mkha' la
'ang dkyil mo dkrung gis gnas par byed do/ /chu bzhin dus la'ang nub cing 'byung ba ston to/ /sa bzhin du chu la yang 'bying ba med par 'gro'o/ /mye'i phung po chen po bzhin du du ba 'thul lo/ /me lce 'bar ro/ /sprin chen po bzhin du lus 
las char 'bebs so/ /nyi ma dang zla ba 'di dag 'di ltar rdzu 'phrul che zhing 'di ltar mthu che la/ 'di ltar dbang che bar grags pa dag kyang lag pas nyug cing reg par byed do/ /tshangs pa'i 'jig rten gyi bar du yang lus kyis dbang bsgyur te/ 
de lha'i rna ba'i khams rnam par dag pa myi las 'das pas lha dang mi'i sgra gnyis ka yang nyan to/ ring yang rung nye yang rung ste chung ngu na sbrang bu dang / sha sbrang dang / bung ba dang / srin bu'i sgra yang thos so/ /de sems can 
pha rol dang gang zag pha rol gyi sems kyang sems kyis yang dag pa ji lta ba bzhin du rab tu shes te/ 'dod chags dang bcas pa'i sems la 'dod chags dang bcas pa'i sems shes yang dag pa ji lta ba bzhin du rab tu shes so/ /</font><hr>36-1-199b<br><font size=+1>
'dod chags dang bral ba'i sems la 'dod chags dang bral ba'i sems zhes yang dag pa ji lta ba bzhin du rab tu shes so/ /zhe sdang dang bcas pa dang / zhe sdang dang bral ba dang / gti mug dang bcas pa dang / gti mug dang bral ba dang / 
nyon mongs pa dang bcas pa dang / nyon mongs pa dang bral ba dang / che ba dang / chung ba dang / yangs pa dang / dog pa dang / mnyam par bzhag pa dang / mnyam par ma bzhag pa dang / rnam par grol ba dang / rnam par ma grol ba dang / 
skyon can dang / skyon med pa dang / sems rgya chen po la sems rgya chen po'o zhes yang dag pa ji lta ba bzhin du rab tu shes so/ /sems rgya chung ngu la sems rgya chung ngu'o zhes yang dag pa ji lta ba bzhin du rab tu shes te/ de ltar na sems 
can pha rol dang / gang zag pha rol gyi sems sems kyis yang dag pa ji lta ba bzhin du rab tu shes so/ /de rnam pa du mar sngon gyi gnas rjes su dran te/ tshe rabs gcig kyang rjes su dran no/ /gnyis dang / gsum dang / bzhi dang / lnga dang / 
bcu dang / nyi shu dang / sum cu dang / bzhi bcu dang / lnga bcu dang / tshe rabs brgya yang rjes su dran no/ /tshe rabs brgya phrag du ma dang / tshe rabs stong phrag du ma dang / tshe rabs brgya stong phrag du ma dang / tshe 
rabs bye ba phrag brgya stong phrag du ma nas/ tshe rabs bye ba khrag khrig brgya stong phrag du ma'i bar du rjes su dran no/ /'du ba'i bskal pa du ma dang / 'jig pa'i bskal pa du ma dang / 'du ba dang 'jig pa'i bskal pa du ma yang rjes su dran no/ /bskal pa brgya yang rjes su dran no/ /bskal 
pa stong dang / bskal pa stong phrag brgya dang / bskal pa bye ba stong phrag brgya nas/ bskal pa bye ba brgya stong du ma'i bar du rjes su dran no/ /bskal pa khrag khrig dang bskal pa khrag khrig brgya dang / bskal pa khrag khrig stong dang / bskal </font><hr>36-1-200a<br><font size=+1>
pa khrag khrig stong phrag brgya dang / bskal pa bye ba khrag khrig brgya stong nas/ bskal ba bye ba khrag khrig brgya stong du ma'i bar du rjes su dran te/ bdag ni che ge mo zhig na 'dug 'dug go /ming ni 'di 
zhes bya'o/ /rigs ni 'di yin no/ /rus ni 'di yin no/ /kha zas ni 'di zos so tshe ni 'di tsam zhig tu gyur to/ /'di srid cig tu ring du gnas so/ /bde ba dang nyon mongs pa ni 'di lta bu zhig myong ngo / /de nas shi 'phos 
nas che ge mo zhig tu skyes so/ /de nas kyang shi 'phos nas 'di lta bu zhig tu skyes so/ /zhes sa tshigs dang bcas/ mtshan ma dang bcas/ dan rtags dang bcas par rnam pa du mar sngon gyi gnas rjes su dran no/ /des lha'i mig rnam 
par dag cing mi las 'das pas sems can rnams shi 'pho ba dang / skye ba dang / kha dog sdug pa dang / kha dog mi sdug pa dang / bde ba'i lam du phyin pa dang / ngan song du song ba dang / ngan pa dang / bzang po thams cad rab 
tu mthong ngo / /las ji lta ba bzhin du rjes su 'brang ba'i sems can rnams yang dag pa ji lta ba bzhin du rab tu shes te/ sems can 'di dag ni lus kyis ngan du spyod pa dang ldan pa/ ngag gis ngan du spyod pa dang ldan pa/yid kyis ngan du 
spyod pa dang ldan pa/ 'phags pa rnams la skur pa 'debs pa log par lta ba can dag ste/ log par lta ba'i las rab tu blangs pa'i rgyus lus zhig ste/ shi ba'i 'og tu ngan song ngan 'gro log par ltung ba sems can dmyal bar skye'o/ 
zhes bya ba dang / sems can 'di dag ni lus kyis legs par spyod pa dang ldan pa/ ngag gis legs par spyod pa dang ldan pa/ yid kyis legs par spyod pa dang ldan pa/ 'phags pa la skur ba mi 'debs pa yang dag par lta ba </font><hr>36-1-200b<br><font size=+1>
can dag ste/ yang dag par lta ba'i las rab tu blangs pa'i rgyus lus zhig ste/ shi ba'i 'og tu bde 'gro mtho ris kyi 'jig rten du lhar skye'o zhes bya bar rab tu shes te/ de ltar na lha'i myig rnam par dag pa mi las 'das pas sems can 
'chi ba dang / skye ba dang / kha dog sdug pa dang / kha dog mi sdug pa dang / bde 'gror song ba dang / ngan song du song ba dang / ngan pa dang / bzang po thams cad sa tshigs dang bcas/ mtshan ma dang bcas/ dan rtags dang bcas par rab tu 
mthong te/ /las ji lta ba bzhin du rjes su 'brang ba'i sems can rnams kyang yang dag pa ji lta ba bzhin du rab tu shes so/ /de bsam gtan dang / rnam par thar ba dang / ting nge 'dzin dang snyoms par 'jug pa 'di dag la snyoms par 'jug cing rnam par ldang yang 
gang du byang chub kyi yan lag yongs su rdzogs par 'gyur ba'i gnas ma gtogs par de dag gi dbang gis mi skye'o/ /byang chub sems dpa'i sa 'od byed pa 'di la gnas pa'i tshe/ de'i lta ba rgya chen po dang / smon lam gyi stobs kyis sangs rgyas mang po snang 
bar 'gyur te/ lta ba rgya chen po dang smon lam gyi stobs kyis sangs rgyas brgya phrag mang po dang / sangs rgyas stong phrag mang po dang / sangs rgyas brgya stong phrag mang po dang / sangs rgyas bye ba brgya stong phrag mang po dang / sangs rgyas khrag khrig mang po 
dang / sangs rgyas khrag khrig brgya phrag mang po dang / sangs rgyas khrag khrig stong phrag mang po dang / sangs rgyas khrag khrig brgya stong phrag mang po dang / sangs rgyas bye ba khrag khrig brgya stong rab tu snang bar 'gyur ro/ /des de bzhin gshegs pa dgra 
bcom pa yang dag par rdzogs pa'i sangs rgyas mthong nas/ bsam pa rgya chen pos rim gro byed do/ /bkur sti byed do/ /bsti stang byed do/ /mchod pa byed do/ /na bza' dang / bsod snyoms dang / gzims cha dang / snyun gyi </font><hr>36-1-201a<br><font size=+1>
rkyen sman dang / yo byad dag kyang 'bul zhing byang chub sems dpa'i bde ba'i yo byad thams cad kyang yongs su 'bul lo/ /dge 'dun gyi tshogs rnams la yang yang dag par mchod pa byed de/ dge ba'i rtsa ba de dag kyang bla na med pa yang 
dag par rdzogs pa'i byang chub tu yongs su bsngo'o/ /de bzhin gshegs pa dgra bcom pa yang dag par rdzogs pa'i sangs rgyas de dag la bsnyen bkur byed cing de dag las rim gror chos nyan to/ /len to 'dzin to/ /thos nas kyang ci tshul du nan tan 
gyis yang dag par sgrub ste/ de chos thams cad la 'pho ba myed pa dang / 'jig pa med pa dang rten cing 'brel bar 'byung ba shes pas rab tu lta zhing rtog pas kyang 'dod pa'i bcings pa thams cad bsrabs par 'gyur ro/ /srid pa'i bcings 
pa thams cad bsrabs par 'gyur ro/ /ma rig pa'i bcings pa thams cad bsrabs par 'gyur ro/ /lta ba las byung ba'i bci+ings pa rnams ni snga nas kyang byang ba yin te/ byang chub sems dpa'i sa 'od byed pa 'di la gnas pa'i byang chub 
sems dpa'i log pa'i 'dod chags ni bskal pa du ma dang bskal pa brgya phrag du ma dang / bskal pa stong phrag du ma dang / bskal pa brgya stong phrag du ma dang / bskal pa bye ba brgya stong phrag du ma dang / bskal pa khrag khrig phrag du ma dang / bskal pa khrag khrig brgya phrag du ma dang / 
bskal pa khrag khrig stong phrag du ma dang / bskal pa khrag khrig brgya stong phrag du ma dang / bskal pa bye ba khrag khrig brgya stong phrag du mar spangs shing mi stsogs par gnas so/ /log pa'i zhe sdang spangs shing zhe sdang mi stsogs par gnas so/ /log pa'i 
gti mug spangs shing mi stsogs par gnas te/ dge ba'i rtsa ba de dag kyang yongs su byang ba dang / yongs su dag pa dang / las su rung bar gyur pas gnas so/ /kye rgyal ba'i sras dag /'di lta ste dper na/ gser gyi sa le </font><hr>36-1-201b<br><font size=+1>
sbram de nyid mgar ba mkhas pa'i lag na spyod na srang grangs ci yod pa'i tshad bzhin du 'dug go /kye rgyal ba'i sras dag /de bzhin du byang chub sems dpa' sems dpa' chen po/ byang chub sems dpa'i sa 'od byed pa 'di la gnas pa'i 
log pa'i 'dod chags kyang 'grib pa med par 'byang bar 'gyur ro/ /log pa'i zhe sdang yang 'grib pa med par 'byang bar 'gyur ro/ /log pa'i gti mug kyang 'grib pa med par 'byang bar 'gyur ro/ /dge ba'i rtsa ba de dag kyang rab tu 'byang 
zhing yongs su dag pa dang / las su rung bar 'gyur ro/ /de'i bzod pa dang des pa yang de bas kyang yongs su dag par 'gyur ro/ /grogs la bde zhing nges pa'i bsam pa dang / mi 'khrugs pa'i bsam pa dang / glong ba med pa'i bsam pa dang / 
rnyog pa med pa'i bsam pa dang / mthon dman med pa'i bsam pa dang / sems can la phan 'dogs pas lan mi re ba'i bsam pa dang / phan btags pa la phyir lan glon pa'i bsam pa dang / g.yo med cing sgyu med pa'i bsam pa dang / 
thibs po med pa'i bsam pa yongs su dag par 'gyur te/ de'i bsdu ba'i dngos po bzhi las don sgrub pa shas che ba yin/ pha rol tu phyin pa bcu las bzod pa'i pha rol tu phyin pa shas che ba yin te/ lhag ma rnams kyang ci tshul ci nus su yang 
dag par mi bsgrub pa ma yin te kye rgyal ba'i sras dag /'di ni byang chub sems dpa'i sa 'od byed pa zhes bya ba ste/ byang chub sems dpa'i sa gsum pa'o/ /de la gnas pa'i byang chub sems dpa' ni phal cher lha'i rgyal po dbang 
por 'gyur te sems can rnams kyi 'dod pa'i 'dod chags rnam par bzlog pa'i thabs nye bar bsgrub pa la mkhas shing mthu yod pa yin/ de sbyin pa 'am/ ngag snyan pa 'am/ don bsgrub pa 'am/ don mthun pa'i dge ba'i rtsa ba gang ci rtsom yang rung ste/</font><hr>36-1-202a<br><font size=+1>
de thams cad ji ltar na/ sems can thams cad kyi mchog tu 'gyur/ gtso bor 'gyur/ thu bor 'gyur/ phul du 'gyur/ dam par 'gyur/ bla na med par 'gyur/ 'dren par 'gyur/ rnam par 'dren par 'gyur/ yongs su 'dren par 'gyur ba nas thams cad mkhyen pa'i ye shes la rten pa'i bar du 'gyur snyam ste/ sangs rgyas yid la bya ba dang /chos yid la bya ba dang / dge 'dun yid la bya ba dang / byang chub sems dpa' yid la bya ba dang / byang chub 
sems dpa'i spyod pa yid la bya ba dang / byang chub sems dpa'i sa yid la bya ba dang / pha rol tu phyin pa yid la bya ba dang / stobs yid la bya ba dang / mi 'jigs pa yid la bya ba dang / sangs rgyas kyi chos ma 'dres pa yid 
la bya ba nas/ rnam pa'i mchog thams cad dang ldan pa'i thams cad mkhyen pa'i ye shes kyi bar du yid la bya ba dang mi 'bral ba yin te/ de 'dod na skad cig yud tsam thang cig tu ting nge 'dzin brgya stong rab 
tu thob cing de dag la snyom par 'jug pa dang / sangs rgyas brgya stong mthong ba dang / de dag gi byin gyi rlab kyang yang dag par shes pa dang / 'jig rten gyi khams brgya stong skyod pa dang / sangs rgyas kyi zhing brgya stong du 'gro ba dang / 'jig rten 
gyi khams brgya stong snang bar byed pa dang / sems can brgya stong yongs su smin par byed pa dang / bskal pa brgya stong du gnas par bya ba dang / sngon gyi mtha' dang phyi ma'i mtha'i bskal pa brgya stong la rab tu 'jug pa dang / chos kyi sgo brgya 
stong rnam par 'byed pa dang / lus brgya stong yongs su bstan pa dang / lus re re la yang byang chub sems dpa'i 'khor brgya stong yang dag par bstan par bya ba'i brtson 'grus kyi rnam pa de lta bu rtsom mo/ /de yan cad byang chub sems dpa'i smon lam gyi mthu can rnams </font><hr>36-1-202b<br><font size=+1>
smon lam gyi khyad par gyis rnam par 'phrul te/ de dag gi lus sam 'od dam/ rdzu 'phrul lam/ myig gam spyod yul lam dbyangs sam/ spyod pa 'am/ rgyan tam/ byin gyi rlabs sam/ mos pa 'am/ mngon par 'du byed pa dag kyang bskal pa 
du ma dang / bskal pa brgya phrag du ma dang / bskal ba stong phrag du ma dang / bskal pa brgya stong phrag du ma dang / bskal pa bye ba khrag khrig brgya stong phrag du ma'i bar gyis kyang bgrang bar dka' 'o/ /de nas byang chub sems dpa' sems dpa' chen po rdo rje'i 
snying pos sa'i don 'di nyid yang brtag pa dang bstan par bya ba'i phyir/ /de'i tsha tshigs su bcad pa 'di dag smras so/ /de dag yon tan 'byung gnas bsam dag sems des pa/ /skyo zhing 'dod chags bral te 'tshe med sems dang ldan/ /sems 
bskyed bstan pa dga' ldan rgya chen shugs can rnams/ /mkhas pa bdag nyid che ba'i sems ldan gsum pa gnon/ /'od byed sa phyogs 'di la gnas pa'i mkhas pa ni/ /sdug bsngal mi rtag mi sdug rab tu 'jig chos dang / /ring por mi gnas 
skad cig snying po med pa ni/ /'dus byas rnam pa 'ong ba med la rab tu rtog /nad du gyur pa mya ngan smre sngags 'don dang bcas/ /gnod dang 'khrug dang sdug dang mi sdug rjes 'brang ba/ /sdug bsngal yid blong phung po 'bar ba'i me 'dra bar/ /'dus 
byas mtha' yas kun nas 'bar mthong de las skyed/ /srid pa gsum po kun las skyo zhing ltos sems med/ /bde gshegs ye shes 'dod cing blo gzhan med pa ste/ /bsam du med cing gzhal yas pha rol mtha' yas pa'i/ /rgyal 
ba'i ye shes gnod med de dag rab tu mthong / /de dag sangs rgyas ye shes gnod med mthong gyur nas/ /skyabs med mgon dang bral ba rab tu dgrol ba'i phyir/ /rtag tu dbul zhing me gsum kun nas 'bar gyur dang / /srid pa'i btson rar </font><hr>36-1-203a<br><font size=+1>
sdug bsngal sna brgyas sems bskor cing / /nyon mongs bsgribs dang rnam par lta dang 'dod nyams pa/ /bde gshegs chos kyi dga' ba stor ba'i byis pa rnams/ /'khor ba'i rgyud du 'bab cing thar bas 
sngangs gyur pa/ /bdag gis skyabs pa yin zhes brtson 'grus dam du rtsom/ /ye shes 'dod pas ltos pa med par 'gro don byed/ /gang rgyus rnam thar lam gyi rgyu ni gang zhes rtog /bde gshegs ye shes bsgribs pa med las gzhan med na/ /
bde gshegs ye shes de yang shes rab mthus 'byung ste/ /shes rab thos las 'byung bar byang chub sems dpa' rtog /de ltar shes nas thos don spyad par brtson 'grus rtsom/ /nyin mtshan nyan pa'i rgyur spyod bya ba gzhan myed par/ /chos kyi don 
gnyer chos la rab tu brten pa yin/ /nor bu mu tig rin chen tshogs dang mdza' gnyen dang / /srid longs du ma pho brang phun ldan dam pa dang / /chung ma dag dang bu dang mthun par spyod pa'i 'khor/ /ltos med sems kyis mkhas pa chos kyi don du gtong / 
mgo dang rka lag myig dang de bzhin bdag gi sha/ /lce dang mche ba rna ba sna dang khrag rnams dang / /phangs pa'i rkang dang snying phyung yongs su gtong ba byed/ /'di ni dka' bar mi brtsi thos pa de dkar brtsi/ /la la de drung 'ongs shing 'di skad smrar gyur 
te/ /de ste me lce mi zad 'bar dong mchongaphod na/ /bde gshegs bstan chos rin chen bshad do zhes na yang / /thos nas mi dma'i yid kyis yon tan don du mchong / /chos kyi tshig gcig don du ri rab rtses brtag par/ /stong gsum mes 
bkang tshangs ris yul nas mchongs gyur kyang / /da dung rgyal ba'i byang chub yangs pa thob dka' na/ /de ste tha mal mi bdes rnyed 'gyur shin tu bde/ /drang srong mchog gi ye shes 'thob 'gyur ji srid pa/ /de srid bar du mnar med sdug bsngal </font><hr>36-1-203b<br><font size=+1>
bzod bya na/ /mi yi sdug bsngal phung po sna tshogs ci smos kyis/ /chos rab mnyan pa'i don du bdag gis nyams blang zhes/ /chos rnams thos par gyur nas tshul bzhin sems par byed/ /bsam gtan tshad med de bzhin gzugs med rnam pa 
bzhi/ mngon par shes pa'i dam pa lnga po mngon sgrub kyang / /de dag dbang gis skye bar de dag 'gyur ba min/ /legs ldan 'di gnas sangs rgyas khrag khrig mang po la/ /mchod pa byed cing des rtogs yid kyis chos kyang nyan/ /srabs par gyur 
cing log bral yongs su dag par 'gyur/ /skyon med gser sbram ji ltar srang la bcal ba bzhin/ /de gnas yon tan ldan pa lha yi bdag po ste/ /dbang sgyur don byed 'dod pa'i nad kyi rnam pa sel/ /lha mang sna tshogs du ma dge ba'i 
lam la dgod/ /sangs rgyas yon tan mngon 'dod bsam pa gzhan yang myed/ /'di la gnas pa'i rgyal sras brtson 'grus rab rtsom ste/ /brgya phrag stong las mi nyung ting 'dzin thob pa yin/ /mtshan rab sku brgyan sangs rgyas rnams kyang rab 
tu mthong / /yan cad smon lam rab ldan yon tan bsam mi khyab/ /de ltar sa mchog gsum pa 'di/ /'jig rten kun la phan brtson pa'i/ /byang chub sems dpa'i mchog rnams la/ /rgyal ba'i sras kyis bstan pa yin/ /'od 
byed pa zhes bya ba ste/ byang chub sems dpa'i sa gsum pa'o/ /sa mchog dam pa yid 'ong phul gyi/ /spyod pa yangs pa 'di 'dra thos nas/ /rgyal sras yid dga' shin tu mgu gyur/ /rgyal ba la ni me tog mngon 'thor/ /
chos 'di shin tu bstan cing brjod pas/ /lan tshwa'i gang chen mtsho yang g.yos 'gyur/ /lha yi bu mo yid 'ong snyan pa'i/ /glu yi dbyangs su chos rab dbyangs len/ /dbang bsgyur lha dbang shin tu yid dga'/ /bde gshegs </font><hr>36-1-204a<br><font size=+1>
rin chen lha rdzas nor 'thor/ /don grub yon tan pha rol phyin pa'i/ /rgyal ba de tshe gsung rab sgrog mdzad/ /ci phyir zhe na chos kyi dam pa/ /rdzogs pa'i byang chub sems dpa'i spyod rab/ /
de ring 'dir thos mkhas pa'i sa de/ /bskal pa brgyar yang thos par rab dka'/ /rgyal sras mkhas la spyod pa'i dam pa/ /lha dang mi la phan pas yang shod/ /sa don nges par ma nor lam 'di/ /lha mang 'di 
dag yid dga' nyan 'gyur/ /bde bar gshegs pa'i sras po la/ /rnam thar zla bas yang smras pa/ /bzhi por yang dag 'phar ba yi/ /spyod yul mkhas pas bshad par mdzod/ /byang chub sems dpa' rdo rje'i snying 
pos smras pa/ kye rgyal ba'i sras dag /de ltar byang chub sems dpa' byang chub sems dpa'i sa gsum pa la snang ba shin tu sbyang ba ni/ /byang chub sems dpa'i sa bzhi pa yongs su gnon te/ /de chos snang ba la 
'jug pa bcu yongs su gnon te/ /bcu gang zhe na/ 'di lta ste/ sems can gyi khams rnam par dpyad pa snang ba la 'jug pa dang / 'jig rten gyi khams rnam par dpyad pa snang ba la 'jug pa dang /chos kyi khams rnam par 
dpyad pa snang ba la 'jug pa dang nam mkha'i khams rnam par dpyad pa snang ba la 'jug pa dang / /rnam par shes pa'i khams rnam par dpyad pa snang ba la 'jug pa dang / 'dod pa'i khams rnam par dpyad pa snang ba la 'jug pa dang 
gzugs kyi khams rnam par dpyad pa snang ba la 'jug pa dang / gzugs med pa'i khams rnam par dpyad pa snang ba la 'jug pa dang / bsam pa dang mos pa yangs pa'i khams rnam par dpyad pa snang ba la 'jug pa dang / bdag </font><hr>36-1-204b<br><font size=+1>
nyid che ba'i bsam pa dang mos pa'i khams rnam par dpyad pa snang ba la 'jug pa dang / chos snang ba la 'jug pa bcu po 'di dag gis yongs su gnon to/ /kye rgyal ba'i sras dag /de la byang chub sems dpa'i sa 'od 'phro ba can 
thob pa'i byang chub sems dpa' ni de bzhin gshegs pa'i rigs su de'i bdag nyid kyi chos rab tu 'thob pa'i phyir ye shes yongs su smin par byed pa'i chos bcus yang dag par byung ba yin/ bcu gang zhe na/ 'di lta ste/ phyir mi ldog pa'i 
bsam pa dang / dkon mchog gsum la dad pa myi phyed pa rab tu thob pa'i mthar thug pa dang / 'du byed skye ba dang / 'jig pa rnam par bsgom pa dang / rang bzhin gyis ma skyes pa rnam par bsgom pa dang / 'jig rten rgyu zhing ldog pa rnam par bsgom pa dang / las kyis srid par skye 
brnam par bsgom pa dang / 'khor ba dang mya ngan las 'das pa rnam par bsgom pa dang / sems can gyi zhing dang las rnam par bsgom pa dang / sngon gyi mtha' dang phyi ma'i mtha' rnam par bsgom pa dang / myed pa'i mtha' dang zad pa'i mtha' 
rnam par bsgom pa ste/ kye rgyal ba'i sras dag /ye shes yongs su smin par byed pa'i chos bcu po 'di dag dang ldan pa'i byang chub sems dpa' sems dpa' chen po ni/ de bzhin gshegs pa'i rigs su de'i bdag nyid kyi chos 
rab tu 'thob pa'i phyir yang dag par byung ba yin/ kye rgyal ba'i sras dag /byang chub sems dpa'i sa 'od 'phro ba can la gnas pa'i byang chub sems dpa' de ni yongs su sbyong ba dang ldan zhing shes bzhin can dran pa dang ldan par 'jig rten gyi 
chags sems dang / yid mi bde ba rnam par spangs te/ nang gi lus la lus kyis rjes su lta bar gnas so/ /yongs su spyod pa dang ldan zhing shes bzhin can dran pa dang ldan par 'jig rten gyi chags sems dang yid mi bde ba rnam par </font><hr>36-1-205a<br><font size=+1>
spangs te/ phyi'i lus la lus kyi rjes su lta bar gnas so/ /spyod pa dang ldan zhing shes bzhin can dran pa dang ldan par 'jig rten gyi chags sems dang yid mi bde ba rnam par spangs te/ phyi nang gi lus la lus kyi 
rjes su lta bar gnas so/ /de bzhin du nang gi tshor ba dang / phyi rol gyi tshor ba dang / phyi nang gi tshor ba dang / de bzhin du nang gi sems dang / phyi rol gyi sems dang / phyi nang gi sems la lta ste spyod pa dang ldan zhing shes bzhin can dran pa dang ldan 
par 'jig rten gyi chags sems dang / yid mi bde ba rnam par spangs te/ nang gi chos la chos kyi rjes su lta bar gnas so/ /yongs su spyod pa dang ldan zhing shes bzhin can dran pa dang ldan par 'jig rten gyi chags sems dang yid mi bde ba rnam 
par spangs te/ phyi rol gyi chos la chos kyi rjes su lta bar gnas so/ /yongs su spyod pa dang ldan zhing shes bzhin can dran pa dang ldan par 'jig rten gyi chags sems dang yid mi bde ba rnam par spangs te/ phyi nang gi chos la chos kyi rjes su lta 
bar gnas so/ /de sdig to dang mi dge ba'i chos ma skyes pa rnams mi skye ba'i phyir dang pa skyed do/ /rtsol lo/ /brtson 'grus rtsom mo/ /sems rab tu 'dzin to/ /smon lam yang dag par 'debs so/ /sdig to dang mi dge ba'i chos skyes pa 
rnams spang ba'i phyir dad pa skyed do/ /rtsol lo/ brtson 'grus rtsom mo sems rab tu 'dzin to/ /smon lam yang dag par 'debs so/ /dge ba'i chos ma skyes pa rnams skye bar 'gyur bar dad pa skyed do/ /rtsol lo/ /brtson 'grus rtsom mo/ /sems 
rab tu 'dzin to/ /smon lam yang dag par 'debs so/ /dge ba'i chos skyes pa rnams gnas pa dang / mi nyams pa dang / rgya cher 'gyur ba dang / de bas kyang 'phel bar 'gyur ba dang / bsgom pa dang yongs su rdzogs par 'gyur ba'i phyir </font><hr>36-1-205b<br><font size=+1>
dad pa skyed do/ /rtsol lo/ brtson 'grus rtsom mo/ /sems rab tu 'dzin to/ /smon lam yang dag par 'debs so/ /de mos pa'i ting nge 'dzin spong ba'i 'du byed dang ldan pa'i rdzu 'phrul gyi rkang pa dben pa la gnas pa/ 'dod chags dang bral ba la gnas pa/ 
'gog pa la gnas pa rnam par spangs pas yongs su grub pa yongs su sgom mo/ /brtson 'grus kyi ting nge 'dzin spong ba'i 'du byed dang ldan pa'i rdzu 'phrul gyi rkang pa dben pa la gnas pa 'dod chags dang bral ba la gnas pa/ 'gog pa la gnas pa rnam par spangs pas 
yongs su grub pa yongs su sgom mo/ /sems kyi ting nge 'dzin spong ba'i 'du byed dang ldan pa'i rdzu 'phrul gyi rkang pa dben pa la gnas pa 'dod chags dang bral ba la gnas pa/ 'gog pa la gnas pa/ rnam par spangs pas yongs su grub pa yongs su sgom mo/ /dpyod pa'i ting nge 
'dzin spong ba'i 'du byed dang ldan pa'i rdzu 'phrul gyi rkang pa dben pa la gnas pa/ 'dod chags dang bral ba la gnas pa/ 'gog pa la gnas pa rnam par spangs pas yongs su grub pa yongs su sgom mo/ /dad pa'i dbang po dben pa la gnas pa/ 'dod chags dang bral ba la gnas 
pa/ 'gog pa la gnas pa/ rnam par spangs pas yongs su grub pa yongs su sgom mo/ /brtson 'grus kyi dbang po dben pa la gnas pa 'dod chags dang bral ba la gnas pa/ 'gog pa la gnas pa rnam par spangs pas yongs su grub pa yongs su sgom mo/ /dran pa'i 
dbang po dben pa la gnas pa/ 'dod chags dang bral ba la gnas pa/ 'gog pa la gnas pa rnam par spangs pas yongs su grub pa yongs su sgom mo/ /ting nge 'dzin gyi dbang po dben pa la gnas pa/ 'dod chags dang bral ba la gnas pa/ 'gog pa la gnas pa rnam par spangs pas 
yongs su grub pa yongs su sgom mo/ /shes rab kyi dbang po dben pa la gnas pa 'dod chags dang bral ba la gnas pa/ 'gog pa la gnas pa/ rnam par spangs pas yongs su grub pa yongs su sgom mo/ /dad pa'i stobs dben pa la gnas pa/  </font><hr>36-1-206a<br><font size=+1>
'dod chags dang bral ba la gnas pa/ 'gog pa la gnas pa/ rnam par spangs pas yongs su grub pa yongs su sgom mo/ /brtson 'grus kyi stobs dben pa la gnas pa/ 'dod chags dang bral ba 
la gnas pa/ 'gog pa la gnas pa/ rnam par spangs pas yongs su grub pa yongs su sgom mo/ /dran pa'i stobs dben pa la gnas pa/ 'dod chags dang bral ba la gnas pa/ 'gog pa la gnas pa rnam par spangs pas yongs su grub 
pa yongs su sgom mo/ /ting nge 'dzin gyi stobs dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spangs pas yongs su grub pa yongs su sgom mo/ /shes rab kyi stobs dben pa la 
gnas pa/ 'dod chags dang bral ba la gnas pa/ 'gog pa la gnas pa/ rnam par spangs pas yongs su grub pa yongs su sgom mo/ /dran pa yang dag byang chub kyi yan lag dben pa la gnas pa 'dod chags dang bral ba la gnas pa/ 'gog pa la 
gnas pa/ rnam par spangs pas yongs su grub pa yongs su sgom mo/ /chos rnam par 'byed pa yang dag byang chub kyi yan lag dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spangs pas 
yongs su grub pa yongs su sgom mo/ /brtson 'grus yang dag byang chub kyi yan lag dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spangs pas yongs su grub pa yongs su sgom mo/ /dga' 
ba yang dag byang chub kyi yan lag dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spangs pas yongs su grub pa yongs su sgom mo/ /bag yangs yang dag byang chub kyi yan lag dben pa la </font><hr>36-1-206b<br><font size=+1>
gnas pa/ 'dod chags dang bral ba la gnas pa/ 'gog pa la gnas pa/ rnam par spangs pas yongs su grub pa yongs su sgom mo/ /ting nge 'dzin yang dag byang chub kyi yan lag dben pa la gnas pa/ 'dod chags dang bral ba la gnas pa/ 
'gog pa la gnas pa/ rnam par spongs pas yongs su grub pa yongs su sgom mo/ /btang snyoms yang dag byang chub kyi yan lag dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spangs pas yongs su grub pa yongs 
su sgom mo/ /yang dag pa'i lta ba dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spangs pas yongs su grub pa yongs su sgom mo/ /yang dag pa'i rtog pa 
dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spangs pas yongs su grub pa yongs su sgom mo/ /yang dag pa'i ngag dben pa la gnas pa/ 'dod chags dang bral ba la gnas 
pa/ 'gog pa la gnas pa/ rnam par spangs pas yongs su grub pa yongs su sgom mo/ /yang dag pa'i las kyi mtha' dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spangs 
pas yongs su grub pa yongs su sgom mo/ /yang dag pa'i 'tsho ba dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spangs pas yongs su grub pa yongs su sgom mo/ /yang dag 
pa'i rtsol ba dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spangs pas yongs su grub payongs su sgom mo/ /yang dag pa'i dran pa dben pa la gnas pa/ 'dod chags dang </font><hr>36-1-207a<br><font size=+1>
bral ba la gnas pa/ 'gog pa la gnas pa/ rnam par spangs bas yongs su grub pa yongs su sgom mo/ /yang dag pa'i ting nge 'dzin dben pa la gnas pa/ 'dod chags dang bral ba la gnas pa/ 'gog 
pa la gnas pa/ rnam par spangs pas yongs su grub pa yongs su sgom mo/ /de dag kyang sems can thams cad la lta ba dang / sngon gyi smon lam mngon pas bsgrubs par nye bar brten pa dang / snying rje chen po sngon du btang ba dang / byams pa chen po 
dang ldan par bya ba dang / thams cad mkhyen pa'i ye shes la dmigs pa dang / sangs rgyas kyi zhing bsgrub cing rgyan mngon par grub par bya ba dang / de bzhin gshegs pa'i stobs dang mi 'jigs pa dang / sangs rgyas kyi chos ma 'dres pa dang / 
gzugs dang mtshan dang / dpe byad bzang po dang / dbyangs kyi yan lag dang / gsung phun sum tshogs pa mngon par bsgrub pa dang / gong nas gong du khyad par du 'gyur ba'i chos yongs su btsal ba dang / sangs rgyas kyi rnam par thar ba zab mo 
thos pa khong du chud par bya ba dang / shes rab dang thabs la shin tu mkhas pas rnam par dpyod pa'i phyir ro/ /kye rgyal ba'i sras dag /byang chub sems dpa'i sa 'od 'phro ba can 'di la gnas pa'i byang chub sems dpa' ni gang 'di 'jig tshogs 
la lta ba la stsogs pa bdag tu mngon par chags pa dang / sems can du mngon par chags pa dang / srog dang gso ba dang / gang zag dang / shed bdag dang / shed las skyes pa la mngon par chags pa dang / phung po dang / khams dang / skye mched la 
mngon par chags pa las byung ba/ brkyang ba dang bskum pa dang / rnam par brtag pa dang / rnam par dpyad pa dang dran pa dang / bdag gir byas pa dang / nor du byas pa dang / brten pa'i gnas su gyur pa de dag thams cad kyi thams cad du rab tu </font><hr>36-1-207b<br><font size=+1>
shes so/ /rab tu spong ngo / /de 'di ltar las gang bya ba'i mi cha ba yang dag par rdzogs pa'i sangs rgyas kyis smad pa/ kun nas nyon mongs pa dang ldan pa de dag thams cad kyi thams cad du spong ngo / /las gang bya ba'i rigs pa yang dag 
par rdzogs pa'i sangs rgyas kyis bsngags pa/ byang chub kyi lam gyi tshogs dang mthun pa de dag yang dag par blangs shing gnas te/ de phyir zhing ji lta ji ltar thabs dang shes rab kyis mngon par bsgrubs pa'i lam yang dag par bsgrub pa'i 
phyir lam gyi yan lag rnams bsgom pa de lta de ltar 'jam pa'i sems dang ldan pa yin/ mnyen pa'i sems dang ldan pa yin las su rung ba'i sems dang ldan pa yin/ phan pa dang bde ba skyed pa'i sems dang ldan pa yin/ kun nas 
nyon mongs pa med pa'i sems dang ldan pa yin/ gong nas gong du khyad par yongs su tshol ba'i sems dang ldan pa yin/ ye shes kyi khyad par la mos pa'i sems dang ldan pa yin/ 'gro ba thams cad yongs su bskyab pa'i sems dang ldan 
pa yin/ bla ma la rim gro bya ba dang mthun pa'i sems dang ldan pa yin/ ji skad du thos pa'i chos la nan tan du byed pa'i sems dang ldan pa yin te/ de ni byas pa shes pas drin du gzo ba yin/ 'grogs na bde zhing des pa yin/ 'jam zhing 
mnyen pa yin/ sgyu med cing nga rgyal med la/ thibs po med par spyod pa yin/ mthun par 'dzin cing nga lo bde ba yin te/ de de ltar bzod pa dang ldan de ltar dul ba dang ldan de ltar zhi ba dang ldan te/ de ltar bzod cing dul la zhi ba dang ldan pas gong 
dus yongs su sbyong ba'i las rnams yid la byed cing yang dag par spyod pas phyir mi ldog pa'i brtson 'grus dang ldan pa yin/ rgyun ma chad pa'i brtson 'grus dang ldan pa yin/ kun nas nyon mongs pa med pa'i brtson 'grus dang ldan pa yin/</font><hr>36-1-208a<br><font size=+1>
zlog par mi nus pa'i brtson 'grus dang ldan pa yin/ skyo ba med pa'i brtson 'grus dang ldan pa yin/ yangs pa'i brtson 'grus dang ldan pa yin/ mtha' yas pa'i brtson 'grus dang ldan pa yin/ shin tu sbyangs pa'i brtson 
'grus dang ldan pa yin/ mi mnyam pa dang mnyam pa'i brtson 'grus dang ldan pa yin/ mi 'phrogs pa'i brtson 'grus dang ldan pa yin/ sems can thams cad yongs su smin par byed pa'i brtson 'grus dang ldan pa yin tshul dang mi tshul ba bye brag phyed pa'i 
brtson 'grus dang ldan pa yin te/ phyir zhing de'i bsam pa'i khams yongs su dag par 'gyur ro/ /lhag pa'i bsam pa'i khams dang rnam par mi 'bral lo/ /mos pa'i khams kyang shin tu byang bar 'gyur ro/ /dge ba'i rtsa ba rnam par 'phel ba yang 
yongs su skye'o/ /'jig rten gyi dri ma'i rnyog pa dang yang bral bar 'gyur ro/ /the tsom dang yid gnyis dang nem nur yang rgyun chad par 'gyur ro/ /nem nur med pa la mngon sum du gyur pa yang yongs su rdzogs par 'gyur ro/ /dga' ba dang bag yangs kyang 
yang dag par 'byung ngo / /de bzhin gshegs pa la dad pa rlabs chen po yang mngon sum du 'gyur ro/ /sems kyi bsam pa tshad med pa yang yang dag par skye'o/ /de byang chub sems dpa'i sa 'od 'phro ba can 'di la gnas pa'i tshe lta ba rgya chen po dang smon lam gyi 
stobs kyis sangs rgyas mang po snang bar 'gyur te/ lta ba rgya chen po dang smon lam gyi stobs kyis sangs rgyas brgya phrag mang po dang / sangs rgyas stong phrag mang po dang / sangs rgyas brgya stong phrag mang po dang / 
sangs rgyas bye ba brgya stong phrag mang po dang / sangs rgyas khrag khrig mang po dang / sangs rgyas khrag khrig stong phrag mang po dang / sangs rgyas bye ba khrag khrig brgya stong phrag mang po snang bar 'gyur ro/ /de bzhin gshegs pa dgra bcom pa yang dag par </font><hr>36-1-208b<br><font size=+1>
rdzogs pa'i sangs rgyas de dag mthong nas bsam pa rgya chen pos rim gro byed do/ /bkur sti byed do/ /bsti stang byed do/ /mchod pa byed do/ /na bza' dang bsod snyoms dang / gzims cha dang snyun gyi rkyen sman dang yo byad dag kyang 'bul zhing byang chub 
sems dpa'i bde ba'i yo byad thams cad kyang yongs su 'bul lo/ /dge 'dun gyi tshogs rnams la yang yang dag par mchod pa byed de/ dge ba'i rtsa ba de dag kyang bla na med pa yang dag par rdzogs pa'i byang chub tu yongs su bsngo'o/ /de bzhin gshegs 
pa dgra bcom pa yang dag par rdzogs pa'i sangs rgyas de dag bsnyen bkur ba byed cing de dag gis chos bstan pa yang rim gror nyan cing len to/ /'dzin to thos nas kyang ci tshul du nan tan gyis yang dag par sgrub bo/ /de dag las phal cher de bzhin 
gshegs pa de dag gi bstan pa la rab tu 'byung ste/ phyir zhing de'i bsam pa dang lhag pa'i bsam pa dang mos pa mnyam pa nyid kyang rnam par dag par 'gyur te/ byang chub sems dpa'i sa 'od 'phro ba can 'di la gnas pa'i byang chub sems dpa' 
de bskal pa du ma dang / bskal pa brgya phrag du ma dang / bskal pa stong phrag du ma dang / bskal pa brgya stong phrag du ma dang / bskal pa bye ba brgya stong phrag du ma dang / bskal pa khrag khrig phrag du ma dang / 
bskal pa khrag khrig brgya phrag du ma dang / bskal pa khrag khrig stong phrag du ma dang / bskal pa bye ba khrag khrig brgya stong phrag du mar bsam pa dang lhag pa'i bsam pa dang / mos pa'i bsam pa mnyam pa nyid rab tu gnas so/ /de'i dge ba'i rtsa ba de dag thams cad kyang yongs su 
dag cing shin tu 'od gsal bar 'gyur ro/ /kye rgyal ba'i sras dag /'di lta ste dper na/ gser gyi sa le sbram de nyid mgar ba mkhas pas rgyan du byas pa ni/ de ma yin pa'i gser gyi sa le sbram gzhan rgyan du ma byas pas mi 'phrogs </font><hr>36-1-209a<br><font size=+1>
shing mi thub pa yin/ kye rgyal ba'i sras dag /de bzhin du byang chub sems dpa' sems dpa' chen po byang chub sems dpa'i sa 'od 'phro ba can 'di la gnas pa'i dge ba'i rtsa ba de dag kyang de ma yin pa'i byang chub 
sems dpa'i sa 'og ma rnams la gnas pa'i byang chub sems dpa' rnams kyi dge ba'i rtsa bas mi 'phrogs shing mi thub pa yin/ kye rgyal ba'i sras dag /'di lta ste dper na nor bu rin po che 'od dang ldan pa 'od zer gyi dkyil 'khor yongs su 
dag pa can snang ba rab tu gtong ba ni de ma yin pa'i rin po che'i rnam pas mi 'phrogs shing mi thub pa yin/ rlung langs pa dang chu dang char bab pas 'od mi chod pa yin/ kye rgyal ba'i sras dag /de bzhin du byang chub sems dpa' sems dpa' 
chen po byang chub sems dpa'i sa 'od 'phro ba can 'di la gnas pa yang de ma yin pa'i sa 'og ma la gnas pa'i byang chub sems dpa' rnams kyis mi 'phrogs shing mi thub pa yin/ bdud dang nyon mongs pa'i rgyud rnams kyis ye shes mi chod pa yin/ 
de'i bsdu ba'i dngos po bzhi las don mthun pa'i shas che ba yin/ pha rol tu phyin pa bcu las brtson 'grus kyi pha rol tu phyin pa'i shas che ba yin te/ lhag ma rnams kyang ci tshul ci nus su yang dag par mi sgrub pa ma yin no/ /kye rgyal ba'i sras dag 
'di ni byang chub sems dpa' sems dpa' chen po rnams kyi byang chub sems dpa'i sa bzhi pa ste 'od 'phro ba can zhes bya'o/ /de la gnas pa'i byang chub sems dpa' sems dpa' chen po ni phal cher lha'i rgyal po rab 'tshe mar 'gyur te/ sems 
can rnams kyi 'jig tshogs la lta ba mang po yang dag par gzhol ba la mkhas shing mthu yod pa yin/ de sbyin pa 'am/ ngag snyan pa 'am/ don bsgrub pa 'am/ don 'thun pas dge ba'i rtsa ba gang ci tsam yang rung ste/ de thams cad ji ltar na </font><hr>36-1-209b<br><font size=+1>
sems can thams cad kyi mchog tu 'gyur/ gtso bor 'gyur/ thu bor 'gyur/ phul du 'gyur/ dam par 'gyur/ bla na med par 'gyur/ 'dren par 'gyur/yongs su 'dren par 'gyur ba nas/ thams cad mkhyen pa'i ye shes la rten pa'i bar du 'gyur snyam ste/ sangs rgyas 
yid la bya ba dang / chos yid la bya ba dang / dge 'dun yid la bya ba dang / byang chub sems dpa' yid la bya ba dang / byang chub sems dpa'i sbyong ba yid la bya ba dang / byang chub sems dpa'i sa yid la bya ba dang / pha rol tu phyin pa yid la bya ba dang / stobs 
yid la bya ba dang / mi 'jigs pa yid la bya ba dang / sangs rgyas kyi chos ma 'dres pa yid la bya ba nas rnam pa'i mchog thams cad dang ldan pa'i thams cad mkhyen pa'i ye shes kyi bar du yid la bya ba dang / mi 'bral ba yin te/ de 'dod na skad cig yud 
tsam thang cig tu ting nge 'dzin khrag khrig rab tu thob cing de dag la snyoms par 'jug pa dang / sangs rgyas khrag khrig mthong zhing de dag gi byin gyi rlabs kyang yang dag par shes pa dang / 'jig rten gyi khams khrag khrig skyod pa dang / sangs rgyas kyi zhing khrag khrig 
du 'gro ba dang / 'jig rten gyi khams khrag khrig snang bar bya ba dang / sems can khrag khrig yongs su smin par bya ba dang / bskal pa khrag khrig du gnas par bya ba dang / sngon gyi mtha' dang / phyi ma'i mtha'i bskal pa khrag khrig la rab tu 'jug pa dang / chos 
kyi sgo khrag khrig rnam par 'byed pa dang / lus khrag khrig yongs su bstan pa dang / lus re re la yang byang chub sems dpa'i 'khor khrag khrig yang dag par bstan par bya ba'i brtson 'grus kyi rnam pa de lta bu rtsom mo/ /de yan cad byang chub sems dpa' smon lam 
gyi mthu can rnams smon lam gyi khyad par gyis rnam par 'phrul te/ de dag gi lus sam/ 'od dam rdzu 'phrul lam/ mig gam/ spyod yul lam/ dbyangs sam/ spyod pa 'am/ rgyan tam/ byin gyi rlabs sam/ mos pa 'am/mngon par 'du </font><hr>36-1-210a<br><font size=+1>
byed pa dag kyang bskal pa du ma dang / bskal pa brgya phrag du ma dang / bskal pa stong phrag du ma dang / bskal pa brgya stong phrag du ma dang / bskal pa bye ba khrag khrig brgya stong phrag du ma'i bar gyis kyang bgrang bar dka' 'o/ /
de nas byang chub sems dpa' rdo rje'i snying pos sa'i don 'di nyid yang brtag par bya ba dang / bstan par bya ba'i phyir de'i tshe tshigs su bcad pa 'di dag smras so/ /sa gsum 'od byed pa la shin tu sbyangs byas shing / /nam mkha'i khams dang yid kyi khams 
dang khams gsum dang / sems can spyod dang chos dang 'jig rten dpyod byed cing / /mos dang bsam pa rnam par dag pa yang dag gnon/ /'od 'phro yod pa'i sa thob 'phral du mthu chen rnams/ /ston pa'i rigs su yang dag skyes pas phyir mi ldog/ /
sangs rgyas chos dang dge 'dun dkon mchog dang mi phyed/ /skye zhing 'jig dang gnas pa byed pa med pa ltar/ /'jig rten rgyu ba'i las dang byed dang srid skye dang / /mya ngan 'das 'khor zhing dang sems can rnam par sgom/ /sngon dang phyi mtha' zad dang skye 
med grub pa dang / /las la ston pa'i rigs kyi rjes su 'brang zhing sgom/ /de dag 'di 'dra'i chos ldan phan dang bder sems pa/ /lus dang dran pa tshor ba sems dang chos sgom ste/ /dran pa nye bar gzhag bsgom brten pa rnam spangs pa/ /phyi dang 
nad dang gnyis ka'i rnam par mkhas pa sgom/ /sdig to zad cing dge chos rnam par 'phel 'gyur ba'i/ /yang dag spong ba bzhi la 'ang mkhas pa sgom pa byed/ /rdzu 'phrul rkang pa bzhi dang stobs dang dbang po dang / /byang chub yan lag rin 
chen lam rab yid 'ong sgom/ /de dag kun kyang 'gro la lta ba'i blo sgom ste/ /snying brtse byams pa sngon 'gro smon lam nye bar rton/ /stobs kyi dam pa go 'phang mchog gi rjes sems shing / /thams cad mkhyen pa'i ye shes sangs </font><hr>36-1-210b<br><font size=+1>
rgyas zhing la smon/ /ston pa'i 'jigs med rnams dang chos rnams 'phrogs med dang / sangs rgyas gsung gi mchog la brten pa smon byed cing / /rin chen lam zab rnam par thar pa'i gnas rnams dang / /che ba'i thabs rnams yang dag bsgrub phyir 
bsgom pa byed/ /'jig tshogs lta med lta ba drug cu gnyis kyang med/ /bdag dang bdag gi med cing srog tu dmigs pa med/ /phung po skye mched rnams dang khams kyi gnas dang rten/ /kun kyang mkhas pas bzhi po'i sa la rab tu spangs/ /des ni gang dang 
gang rnams rgyal bas smad mdzad pa'i/ /las dang nyon mongs bcas pa don du mi 'gyur rnams/ /de dag yongs su spangs shing mkhas pa khong nas dag /'gro ba bskyab pa'i don du las rab dge la brtson/ /mkhas pa de ni byams pa'i sems ldan bag kyang 
yod/ /mnyen 'jam sems ldan phan dang bde byed dran dang ldan/ /dam pa'i don rnams thams cad skyon med yongs su tshol/ /ye shes dbang bskur mdon mos 'gro ba'i don kyang byas/ /bla ma rim gror byed dang ldan zhing nan tan brtson/ /drin 
gzo khro ba med cing nga lo bde dang ldan/ /sgyu med thibs po med cing shin tu nges pa ste/ /yang dag sgrub byed brtson 'grus phyir ldog med pa yin/ /yid du 'ong ba'i sa 'di la ni de gnas tshe/ /lhag pa'i bsam pa nyid dang bsam dag 'thob par 'gyur/ /
mos pa rab tu 'byung 'gyur dge chos rnam par 'phel/ /dri ma rnyog pa the tsom yid gnyis thams cad bstsal/ /'di la gnas pa'i mi rab khyu mchog rgyal ba'i sras/ /bde gshegs bye ba du ma mngon par mchod pa byed/ /chos kyang nyan byed bstan pa 
de la rab tu 'byung / /rgyan du byas pa'i gser ltar mi 'phrogs thub pa med/ /mkhas pa 'di la gnas pa'i yon tan bsam pa dang / /ye shes thabs dang spyod pa rnam dag lam la yang / /rnam par bzlog par bdud rnams bye bas mi nus te </font><hr>36-1-211a<br><font size=+1>
rin chen 'od la rlung gis chod par mi 'gyur bzhin/ /mi dang lhas mchod 'os pa 'di la gnas pa ni/ /dbang phyug mtshe ma'i dam pa chos la spyad par 'gyur/ /lta ba'i thibs po rnams las sems can rnam par bzlog /
rgyal ba'i ye shes don tu dge ba rab tu rtsom/ /brtson 'grus ldan pas mi yi khyu mchog khrag khrig brgya/ /gzhan du mi sems shin tu mnyam par gzhag pas mthong / /yan cad smon lam dam pa yon tan don spyod pa/ /ye shes 'byung gnas bskal 
pa mang por mngon par sgrub/ /de ltar sa mchog bzhi pa 'di/ /rnam dag dag pa'i spyod ldan zhing / /yon tan ye shes don ldan la/ /bde bar gshegs pa'i sras kyis bstan/ /'od 'phro can zhes bya ba ste/ byang chub sems dpa'i 
sa bzhi pa'o// //sangs rgyas rmad ga cad ces bya ba shin tu rgyas pa chen po'i mdo/bam po bcu drug pa/ /mkhas pa rnams kyis mchog spyod pa thos gyur nas/ /chos kyi shes pas rgyal sras mgu zhing 
dga'/ /dga' ba'i yid kyis mkha' las me tog char yang 'bebs/ /bdag nyid che ba'i bde gshegs sras po dge zhes brjod/ /lha yi bdag po dbang sgyur lha yi tshogs rnams dang / /dga' bas mkha' la 'phags te bde gshegs 
mchod pa'i phyir/ /me tog sna tshogs sprin chen mdog sdug yid 'ong ba/ /dga' zhing mos pas bde bar gshegs la mngon par gtor/ /glu dbyangs snyan pa yid 'ong sil snyan rnga yi sgra/ /lha tshogs mang pos rgyal ba mchod pa'i don du byas/ /
rgyal ba de tshe rab tu 'phrul pa'i sku yang ston/ /sgra dbyangs rnam pa kun las 'di 'dra'i sgra byung ngo / /yun ring mchog gis thub pa'i dgongs pa rdzogs/ /yun ring mchog gis thub pas byang chub brnyes/ /lha mi phan pa yun ring mchog gis </font><hr>36-1-211b<br><font size=+1>
mthong / /lha yi gnas su shAkya thub pa gshegs/ /yun ring mchog gis rgya mtsho'i chu yang g.yos/ /yun ring mchog gis 'od bzang thub pas bkye/ /yun ring mchog gis sems can bde bar gyur/ /thugs rje che gsung yun ring 
mchog gis thos/ /yun ring mchog gis thub pa che dang phrad/ /yon tan kun gyi mthar phyin da byon to/ /nga rgyal degs snyems mun pa kun spangs te/ /mtshungs med mchod par 'os la mchod pa gyis/ /de la mchod byas bde 'gro'i lam du 'gro/ /de 
la mchod byas bde ba rnam pa mang / /de la mchod byas sdug bsngal thams cad 'byang / /de la mchod byas rgyal ba'i ye shes 'thob/ /rgyal ba mkha' ltar rnam par dag pa ste/ /'gro bas mi gos pad ma'i chu dang 'dra/ /shin tu 
'phags pa rgya mtsho'i ri rab bzhin/ /spro ba'i sems kyis rgyal ba mchod gyis shig /de skad dbyangs su brjod byas nas/ /lha yi bu mo brgya mang ba/ /dga' bas rgyas pas rab tu blta/ /shin tu dga' bas rim gro byed/ /de nas rdo rje'i 
snying po la/ /rnam thar zla bas smras pa ni/ /sa lnga'i rnam pa ci 'dra ba/ /rgyal ba'i sras kyis bshad par mdzod/ /byang chub sems dpa' rdo rje'i snying pos smras pa/ /kye rgyal ba'i sras dag /de ltar byang chub sems dpa' byang chub 
sems dpa'i sa bzhi pa la sa'i lam yongs su rdzogs pa ni byang chub sems dpa'i sa lnga pa la 'jug ste/ de sems kyi bsam pa rnam par dag pa'i mnyam pa nyid bcus 'jug go /bcu gang zhe na 'di lta ste/'das pa'i sangs rgyas kyi chos kyis 
bsam pa rnam par dag pa mnyam pa nyid dang / ma byon pa'i sangs rgyas kyi chos kyis bsam pa rnam par dag pa mnyam pa nyid dang / da ltar byung ba'i sangs rgyas kyi chos kyis bsam pa rnam par dag pa mnyam pa nyid dang / tshul khrims kyis bsam pa rnam par dag pa </font><hr>36-1-212a<br><font size=+1>
mnyam pa nyid dang / sems kyis bsam pa rnam par dag pa mnyam pa nyid dang / lta ba dang nem nur dang dogs pa bstsal bas bsam pa rnam par dag pa mnyam pa nyid dang / lam dang lam ma yin pa shes pas bsam pa rnam par dag pa 
mnyam pa nyid dang / nan tan dang spong ba shes pas bsam pa rnam par dag pa mnyam pa nyid dang / byang chub kyi phyogs kyi chos thams cad gong nas gong du rnam par sgom pas bsam pa rnam par dag pa mnyam pa nyid dang / sems can thams cad yongs su 
smin par bya bas bsam pa rnam par dag pa mnyam pa nyid de/ kye rgyal ba'i sras dag /sems kyi bsam pa rnam par dag pa bcu po 'di dag gis de la 'jug ste/ kye rgyal ba'i sras dag /byang chub sems dpa'i sa lnga pa thob pa'i byang chub sems dpa' 
de ni byang chub kyi phyogs dang lam gyi yan lag de dag nyid la sbyang ba shin tu byas shing / lhag pa'i bsam pa shin tu sbyangs pas de'i gong du lam gyi khyad par tshol zhing de bzhin nyid kyi rjes su zhugs pa dang / smon lam gyi mthu dang / shugs dang snying rje dang / byams 
pas sems can yongs su mi gtong ba dang / bsod nams dang ye shes kyi tshogs rab tu bstsags pa dang / yongs su rgyun 'chad pa med pa dang / thabs la mkhas pas mngon par sgrub pa dang / gong nas gong du sa'i snang ba blta ba dang / de bzhin 
gshegs pa'i byin gyi rlabs btsal ba dang / dran pa dang blo gros dang / rig pa dang / blo'i stobs dang / shugs kyis yid la bya ba'i phyir mi zlog par byas te/ 'di ni sdug bsngal 'phags pa'i bden pa zhes bya bar yang dag pa ji lta ba bzhin du rab tu shes 
so/ /'di ni sdug bsngal kun 'byung ba/ 'di ni sdug bsngal kun 'gog pa/ 'di ni sdug bsngal 'gog par 'gro ba'i lam 'phags pa'i bden pa zhes bya bar yang dag pa ji lta ba bzhin du rab tu shes te/ de kun rdzob kyi bden pa la mkhas </font><hr>36-1-212b<br><font size=+1>
pa yin/ don dam pa'i bden pa la mkhas pa yin/ mtshan nyid kyi bden pa la mkhas pa yin/ rnam par dbye ba'i bden pa la mkhas pa yin/ brtag pa'i bden pa la mkhas pa yin/ dngos po'i bden pa la mkhas pa yin/ 'byung ba'i bden pa 
la mkhas pa yin/ byang zhing mi skye ba'i bden pa la mkhas pa yin/ lam gyi ye shes la 'jug pa'i bden pa la mkhas pa yin/ byang chub sems dpa'i sa'i rim pa mtshams sbyar ba bsgrub par bya bas de bzhin gshegs pa'i ye shes 
yang dag par bskyed pa'i bar du mkhas pa yin te/ de sems can gzhan dang gang zag gzhan la bsam pa ji lta ba bzhin du shin tu dga' bar byed pas kun rdzob kyi bden pa yang rab tu shes so/ /theg pa gcig tu yang dag par gzhol bas don dam 
pa'i bden pa yang rab tu shes so/ /chos kyi rang gi mtshan nyid khong du chud pas mtshan nyid kyi bden pa yang rab tu shes so/ /chos kyi bye brag rnam par dgod pa khong du chud pas rnam par dbye ba'i bden pa yang rab tu shes so/ /phung po dang khams dang 
skye mched rnam par dgod pas rtog pa'i bden pa yang rab tu shes so/ /lus dang sems la gnod pa nyams su 'bab pas dngos po'i bden pa yang rab tu shes so/ /'gro ba'i rgyud kyi mtshams sbyor bas 'byung ba'i bden pa yang rab tu shes so/ /
rims dang yongs su gdung ba thams cad shin tu zhi bas byang zhing mi skya ba'i bden pa yang rab tu shes so/ /mi gnyis pas mngon par bsgrub pas lam gyi ye shes la 'jug pa'i bden pa yang rab tu shes so/ /rnam pa thams cad du mngon par 'tshang rgya ba dang / 
byang chub sems dpa'i sa'i rim pa thams cad mtshams sbyor ba rab tu bsgrub pas de bzhin gshegs pa'i ye shes yang dag par 'byung ba'i bden pa yang rab tu shes so/ /de 'ang mos pas shes pa'i stobs dang shugs kyis te lhag ma ma lus par ye </font><hr>36-1-213a<br><font size=+1>
shes khong du chud pas ni ma yin no/ /de de ltar bden pa la mkhas pa/ mngon par bsgrub pa'i blos 'dus byas thams cad gsob gsog brdzun pa bslu ba'i chos can dku byed pa/ byis pa 'drid par yang dag pa ji 
lta ba bzhin du rab tu shes te/ de sngon bas kyang sems can thams cad la snying rje mngon du 'gyur ro/ /byams pa chen po'i snang ba yang rab tu 'byung ste/ de de ltar ye shes kyi stobs dang shugs rab tu thob cing sems can thams cad la lta 
ba dang / sangs rgyas kyi ye shes la mngon par mos pas 'du byed kyi rnam pa thams cad kyi sngon gyi mtha' dang phyi ma'i mtha' rab tu rtog ste/ 'di ltar sngon gyi mtha'i ma rig pa dang / srid pa dang sred pa las rab tu byung ba'i sems can 
'khor ba'i rgyud du 'bab pa/ phung po'i gnas las ma 'phags pa/ sdug bsngal gyi phung po bdag med pa/ sems can med pa/ srog med pa/ gso ba med pa/ gang zag med pa/ bdag dang bdag gi dang bral ba rnam par 'phel 
lo/ /zhes de 'ang yang dag pa ji lta ba bzhin du rab tu shes so/ /'di ltar phyi ma'i mtha'i med pa la rmongs pa'i 'dod pa 'di nyid rgyun gcod pa dang mthar dbyung ba dang / 'byung bar bya ba dang / yod pa dang med pa de yang yang dag pa ji lta ba 
bzhin du rab tu shes te/ de 'di snyam du sems so/ /de ltar lus grangs med pa zhig 'gags la 'gag par 'gyur zhing 'gag bzhin te/ 'di ltar rgud par 'gyur yang lus la skyo ba mi skyed cing sdug bsngal gyi 'khrul 'khor je 
bas je 'phel du byed pa dang / 'khor ba'i rgyud las phyir mi ldog cing phung po'i gnas mi gtong ba dang / khams [(]gyi [,]kyi[)] sbrul gyis skyo bar mi 'gyur ba dang / nga rgyal dang lta ba'i zug rngu mi 'byin cing 'dod chags dang zhe sdang dang gti mug </font><hr>36-1-213b<br><font size=+1>
gi me lce 'bar ba zhi bar mi byed pa dang / ma rig pa'i mun pa chen po mi sel cing srid pa'i mtsho mi skem la stobs bcu'i ded dpon mi tshol zhing bdud kyi bsam pa thibs po'i rjes su song ste 'khor ba'i rgya mtsho rnam par rtog pa sna tshogs kyi chu srin gyis 
dkrugs pas yongs su g.yeng bar 'khod cing byis pa so so'i skye bo de dag de ltar mi shes shing rmongs pa ni ngo mtshar ches ma la bdag gis sems can de ltar sdug bsngal gyis mnar ba/ mgon med pa/ dpung gnyen med pa/ skyabs med 
pa/ gnas med pa/ gzhi med pa/ rten med pa/ long bar gyur pa/ ma rig pa'i sgo nga'i sbubs dang / bris yog pa/ mun pas khebs pa de dag gi don du bdag gcig pu gnyis su med pas bsod nams dang / ye shes kyi tshogs 
kyi rnam par bstsags par bya ba ji lta bur bstsags pas sems can de dag shin tu rnam par dag pa 'thob par 'gyur ba dang / stobs bcu'i stobs kyi ye shes chags pa med pa'i bar gyi mthar thug pa thob par 'gyur ba'i 
rnam pa de lta bu'i bsod nams dang ye shes kyi tshogs bstsags par bya 'am ci snyam ste/ de de ltar shin tu brtags pa'i ye shes kyis mngon par bsgrub pa'i blos dge ba'i rtsa ba gang ci rtsom yang de dag thams cad sems can thams cad yongs su 
bskyab pa dang / sems can thams cad la phan pa dang / sems can thams cad la bde ba dang / sems can thams cad la snying brtse ba dang / sems can thams cad la gtse ba med pa dang / sems can thams cad yongs su dgrol ba 
dang / sems can thams cad drang ba dang / sems can thams cad dad par bya ba dang / sems can thams cad gdul ba dang / sems can thams cad yongs su mya ngan las bzla ba'i phyir rab tu rtsom ste/ byang chub sems dpa'i </font><hr>36-1-214a<br><font size=+1>
sa lnga pa shin tu rgyal bar dka' ba 'di la gnas pa'i byang chub sems dpa' de ni/ de bas kyang nyams par mi 'gyur ba'i chos nyid kyis dran pa dang ldan pa yin/ shin tu nges par rtogs pa'i ye shes kyi blo gros dang 
ldan pa yin/ mdo'i don dang tshul dang ldem po'i ngag khong du chud pas rig pa dang ldan pa yin/ bdag dang gzhan gyi rjes su srung bas ngo tsha shes shing khrel yod pa yin/ sdom pa dang tshul ma bor bas dga' ba dang ldan pa yin/ gnas dang gnas ma 
yin pa la mkhas shing shin tu brtags pas blo dang ldan pa yin/ gzhan gyi dring mi 'jog pas ye shes dang ldan pa yin/ don dang don ma yin pa'i tshig yang dag par dbye ba la mkhas pas shes rab dang ldan pa yin/ bsgom pa mngon par bsgrub 
pa la mkhas pas mngon par shes pa bsgrub pa thob pa yin/ 'jig rten gyi rjes su 'brang bas thabs la mkhas pa yin/ bsod nams kyi tshogs nye bar stsogs pas ngoms mi shes pa yin/ ye shes kyi tshogs yongs su tshol bas brtson 
'grus rgyun mi 'chad pa yin/ byams pa dang snying rje chen po'i tshogs yang dag par sogs pas skyo ba med pa'i bsam pa dang ldan pa yin/ de bzhin gshegs pa'i stobs dang mi 'jigs pa dang / sangs rgyas kyi chos ma 'dres pa yongs su tshol bas 
snyom las med par yongs su tshol ba la brtson pa yin/ sangs rgyas kyi zhing bsgrub pa dang / rgyan mngon par shom pas mngon par bsgrub pa'i yid dang ldan pa yin/ mtshan dang dpe byad bzang po yang dag par bsgrub pas dge ba rnam pa sna tshogs la 
brtson pa yin/ de bzhin gshegs pa'i sku dang gsung dang thugs kyi rgyan yongs su tshol bas/ rtag tu rgyun mi 'chad par brtson pa yin/ byang chub sems dpa' dang chos smra ba thams cad la rim gro byed pas bsnyen bkur dang / sri zhu chen po'i dang </font><hr>36-1-214b<br><font size=+1>
tshul can yin/ byang chub kyi sems dang thabs mkhas pa chen po'i ngang tshul dang ldan par 'jig rten du rgyu bas khong khro ba med pa'i sems dang ldan pa yin/ sems can thams cad yongs su smin par bya ba la mngon par brtson pas nyin mtshan du gzhan du 
sems pa'i yid yongs su spangs pa yin te/ de de ltar mngon par brtson pas sbyin pas kyang sems can yongs su smin par byed do/ /ngag snyan pa dang / don bsgrub pa dang / don mthun pa dang gzugs kyi lus kun tu bstan pa dang / chos bshad pa 
dang / byang chub sems dpa'i spyod pa brjod pa dang / de bzhin gshegs pa'i che ba nyid smos pa dang / 'khor ba'i nyes pa bstan pa dang / sangs rgyas kyi ye shes kyi yon tan yongs su grag par bya ba dang / rdzu 'phrul dang rnam par 'phrul pa chen po 
mngon par bsgrub pa dang / bya ba dang thabs rnam pa sna tshogs kyi sbyor bas sems can yongs su smin par byed do/ /de ltar sems can yongs su smin par bya ba la mngon par brtson pa dang ldan zhing sangs rgyas kyi ye shes kyi rjes su song ba'i bsam pa 
can dge ba'i rtsa ba phyir mi ldog pa'i sbyor ba dang ldan pa/ khyad par can gyi chos yongs su btsal ba la mngon par brtson pa de gang 'di 'jig rten na yod pa'i yi ge dang gtsug lag dang / lag brda dang / grangs dang / rtsis dang / shod thabs las 
stsogs pa dang / khams kyi cho ga dang / gso ba'i cho ga dang / skem pa dang / brjed byed dang / 'byung po'i gdon bsal ba dang / dug dang ro langs kyi sbyor ba bsal ba dang / rang bzo dang gar gyi cho ga dang / gtam dang / rol mo dang / sgrung gtam 
dga' ba bskyed pa dang / grong dang grong khyer dang / bza' shing gi ra ba dang / chu klung dang / mtshe'u dang / lteng ka dang / rdzing bu dang / me tog dang / shing tog dang / rtsi dang / nags tshal mngon par bsgrub pa dang / gser dang / dngul dang /</font><hr>36-1-215a<br><font size=+1>
nor bu dang / mu tig dang / baiDUr+ya dang / dung dang / rin po che shi la dang / byi ru dang / rin po che rnams kyi 'byung gnas bstan pa dang / nyi ma dang zla ba dang / gza' dang rgyu skar dang / sa g.yo ba dang / ri dgas kyi ltas dang / 
rmi lam dang / ltas bstan pa la 'jug pa dang / yan lag dang / nying lag gi mtshan dang / spyod pa'i mtshan dang / sdom pa dang / tshul dang / bsam gtan dang / mngon par shes pa dang / tshad med pa dang / gzugs med pa'i gnas rnams dang / 
gzhan yang gang sems can la 'tshe bar mi 'gyur ba'i sbyor ba dang / sems can thams cad la phan pa dang / bde bar 'gyur ba yong dgu de dag thams cad 'jig rten la snying brtse bas rim gyis sangs rgyas kyi chos la rab tu dgod pa'i phyir mngon par sgrub bo/ 
byang chub sems dpa'i sa shin tu rgyal bar dka' ba 'di la gnas pa'i byang chub sems dpa'i lta ba rgya chen po dang / smon lam gyi stobs kyis sangs rgyas mang po snang bar 'gyur te/ lta ba rgya chen po dang smon lam gyi stobs kyis sangs rgyas brgya phrag 
mang po dang / sangs rgyas stong phrag mang po dang / sangs rgyas brgya stong phrag mang po dang / sangs rgyas bye ba brgya stong phrag mang po dang / sangs rgyas khrag khrig mang po dang / sangs rgyas khrag khrig brgya phrag mang po dang / sangs rgyas khrag khrig stong 
phrag mang po dang / sangs rgyas khrag khrig brgya stong phrag mang po snang bar 'gyur ro/ /des de bzhin gshegs pa dgra bcom pa yang dag par rdzogs pa'i sangs rgyas de dag mthong nas bsam pa rgya chen pos rim gro byed do/ /bkur sti 
byed do/ /bsti stang byed do/ /mchod pa byed do/ /na bza' dang / bsod snyoms dang / gzims cha dang / snyun gyi rkyen sman dang / yo byad dag kyang 'bul zhing byang chub sems dpa'i bde ba'i yo byad thams cad kyang yongs su 'bul lo/</font><hr>36-1-215b<br><font size=+1>
dge 'dun gyi tshogs rnams la yang yang dag par mchod pa byed do/ /dge ba'i rtsa ba de dag kyang bla na med pa yang dag par rdzogs pa'i byang chub tu yongs su bsngo'o/ /de bzhin gshegs pa dgra bcom pa yang dag par rdzogs pa'i sangs rgyas de dag la rim 
gro byed cing de dag las rim gro dang / zhe sa dang bsti stang du chos bstan pa nyan to/ /len to 'dzin to/ /thos nas kyang ci tshul du nan tan gyis yang dag par bsgrubs te/ de dag las phal cher de bzhin gshegs pa de dag gi bstan pa la rab tu 
'byung ngo / /rab tu byung nas kyang thos pa 'dzin pa'i gzungs rab tu thob pa'i chos smra bar 'gyur ba yin/ de ltar byang chub sems dpa'i sa shin tu rgyal bar dka' ba 'di la gnas pa'i byang chub sems dpa' de'i dge ba'i rtsa ba de dag bskal pa 
du mar shin tu byang ba dang / yongs su dag pa dang / 'od rab tu gsal bar gnas so/ /bskal pa brgya phrag du ma dang / bskal pa stong phrag du ma dang / bskal pa brgya stong phrag du ma dang / bskal pa bye ba brgya stong phrag du ma dang / 
bskal pa khrag khrig phrag du ma dang / bskal pa khrag khrig brgya phrag du ma dang / bskal pa khrag khrig stong phrag du ma dang / bskal pa khrag khrig brgya stong phrag du ma dang / bskal pa bye ba khrag khrig brgya stong phrag du mar dge ba'i rtsa ba de dag shin tu byang ba 
dang yongs su dag pa dang / rab tu 'od gsal bar gnas so/ /kye rgyal ba'i sras dag /gser gyi sa le sbram de nyid rin po che mu sa ra gal pas btab na de bas kyang yongs su 'tsher ro/ /yongs su dag par 'gyur ro/ /'od shin tu gsal 
zhing dang bar 'gyur ro/ /kye rgyal ba'i sras dag /de bzhin du byang chub sems dpa'i sa shin tu rgyal bar dka' ba 'di la gnas pa'i byang chub sems dpa'i dge ba'i rtsa ba thabs dang / shes rab kyis rnam par spyad pa yang de bas kyang shin </font><hr>36-1-216a<br><font size=+1>
tu byang ba dang / yongs su dag pa dang rab tu 'od gsal zhing dang ba yin/ ye shes kyi sbyor ba'i yon tan mngon par bsgrub pa dang ldan pa yin/ mi 'phrogs shing shin tu brtags pa yin/ kye rgyal ba'i 
sras dag /'di lta ste/ dper na/ nyi ma dang zla ba dang / skar ma dang / rgyu skar gyi gzhal med khang gi 'od snang ba ni rlung gi dkyil 'khor gyis mi 'phrogs shing rlung dang thun mong du mi spyod pa yin/ kye rgyal ba'i sras dag /de bzhin du byang chub sems 
dpa'i sa shin tu rgyal bar dka' ba 'di la gnas pa'i dge ba'i rtsa ba thabs dang shes rab dang ye shes dang sems kyis shin tu brtags pa dang ldan pa yang nyan thos dang / rang sangs rgyas kyis mi 'phrogs pa yin/ 'jig rten pa dang thun mong du 
mi spyod pa yin/ de'i pha rol tu phyin pa bcu las bsam gtan gyi pha rol tu phyin pa shas che ba yin te/ lhag ma rnams kyang ci tshul ci nus su mi bsgrub pa ma yin no/ /kye rgyal ba'i sras dag /'di ni byang chub sems dpa'i shin tu 
rgyal bar dga' ba zhes bya ba byang chub sems dpa'i sa lnga pa mdor bstan pa'o/ /de la gnas pa'i byang chub sems dpa' ni phal cher lha'i rgyal po rab dga' ldan du 'gyur te/ sems can thams cad kyi mu stegs kyi gnas thams cad rnam par 
zlog pa la mkhas shing mthu yod pa yin/ de sbyin pa 'am ngag snyan pa 'am/ don bsgrub pa 'am/ don mthun pas dge ba'i rtsa ba gang ci rtsom yang rung ste/ de thams cad ji ltar na sems can thams cad kyi mchog tu 'gyur/ gtso bor 'gyur/ 
thu bor 'gyur/ phul du 'gyur/ dam par 'gyur/ bla na med par 'gyur/ 'dren par 'gyur/ yongs su 'dren par 'gyur ba nas/ thams cad mkhyen pa'i ye shes la brten pa'i bar du 'gyur snyam ste/ sangs rgyas yid la bya ba dang / chos </font><hr>36-1-216b<br><font size=+1>
yid la bya ba dang / dge 'dun yid la bya ba dang / byang chub sems dpa' yid la bya ba dang / byang chub sems dpa'i spyod pa yid la bya ba dang / byang chub sems dpa'i sa yid la bya ba dang / pha rol tu phyin pa yid la bya ba dang / stobs yid la bya ba dang / 
mi 'jigs pa yid la bya ba dang / sangs rgyas kyi chos ma 'dres pa yid la bya ba nas/ rnam pa'i mchog thams cad dang ldan pa'i thams cad mkhyen pa'i ye shes kyi bar du yid la bya ba dang mi 'bral ba yin te/ de 'dod na skad cig yud tsam thang cig tu 
ting nge 'dzin khrag khrig phrag stong rab tu 'thob cing de dag la snyoms par 'jug pa dang / sangs rgyas khrag khrig phrag stong mthong zhing de dag gi byin gyi rlabs kyang yang dag par shes pa dang / 'jig rten gyi khams khrag khrig phrag stong skyod pa dang / sangs rgyas 
kyi zhing khrag khrig phrag stong du 'gro ba dang / 'jig rten gyi khams khrag khrig phrag stong du snang bar bya ba dang / sems can khrag khrig phrag stong yongs su smin par bya ba dang / bskal pa khrag khrig phrag stong du gnas par bya ba dang / sngon gyi mtha' dang phyi 
ma'i mtha'i bskal pa khrag khrig phrag stong la rab tu 'jug pa dang / chos kyi sgo khrag khrig phrag stong rnam par 'byed pa dang / lus khrag khrig phrag stong yongs su bstan pa dang / lus re re la yang byang chub sems dpa'i 'khor khrag khrig phrag 
stong yang dag par bstan par bya ba'i phyir brtson 'grus kyi rnam pa de lta bu rtsom mo/ /de yan cad byang chub sems dpa' smon lam gyi mthu can rnams smon lam gyi khyad par gyis rnam par 'phrul te/ de dag gi lus sam/ 'od dam rdzu 'phrul lam 
mig gam/ spyod yul lam dbyangs sam/ spyod pa 'am rgyan tam byin gyis rlabs sam/ mos pa 'am/ mngon par 'du byed pa dag kyang bskal pa du ma dang / bskal pa brgya phrag du ma dang / bskal pa stong phrag du ma dang / bskal pa </font><hr>36-1-217a<br><font size=+1>
brgya stong phrag du ma dang / bskal pa bye ba khrag khrig brgya stong phrag du mas kyang bgrang bar dka' 'o/ /de nas byang chub sems dpa' rdo rje'i snying pos sa'i don 'di nyid yang brtag par bya ba dang / bstan par bya ba'i 
phyir de'i tshe tshigs su bcad pa 'di dag smras so/ /rgyal ba'i spyod pa bzhi po de ltar rnam sbyangs te/ /dus gsum mnyam pa nyid kyi rjes su sems byed cing / /tshul khrims sems dang nan tan lam rnams rnam dag pas/ /nem nur med pa'i mkhas pa lnga po 
yongs su gnon/ /dran pa'i gzhu dang dbang po'i mda' rno phyir mi ldog /yang dag spong ba rta yin bzhon pa rdzu 'phrul rkang / stobs lnga go ca dgra rnams kyis ni tshugs mi nus/ /dpa' bas mi ldog mkhas pa lnga po yongs su gnon/ /ngo tsha khrel yod gos 
yin mkhas pa'i tshul gtsang spos/ /byang chub yan lag phreng ba byug pa bsam gtan mchog /shes rab rnam par dpyod dang thabs mchog rgyan yin te/ /bza' shing ra ba ting 'dzin dga' ldan yang dag gnon/ /rdzu 'phrul bzhi po rkang pa dran pa rnam dag 
mgrin/ /byams brtse rnam dag mig yin shes rab mche ba mchog /bdag med nga ros nyon mongs dgra rnams rab tu 'joms/ /mkhas pa mi yi seng ge sa lnga yongs su gnon/ /de dag sa mchog lnga po'i phyogs su phyin gyur nas/ /yongs su 
dag pa'i lam rnams phyir zhing gong du sbyong / /bsam dag mkhas pa rgyal ba 'thob par bya don du/ /skyo ba med par snying rje byams pa'i rjes su sems/ /bsod nams tshogs bstsags de bzhin ye shes rab ldan pa/ /sa rnams snang bar 
bya phyir gcig min thabs rtog cing / /sangs rgyas byin gyis dran dang blo gros blo thob pas/ /bden pa bzhi po ma lus yang dag khong du chud/ /don dam bden pa de bzhin kun rdzob mtshan bden dang / /rnam par dbye ba'i bden pa de bzhin brtag bden dang / /</font><hr>36-1-217b<br><font size=+1>
'byung zhing 'jug dang dngos po zhi lam bden pa nas/ /sgrib med bden pa'i bar du yang dag rab tu rtogs/ /de ltar bden pas yongs su sbyangs pa'i blo phra yang / /rnam thar dam pa sgrib med de ni thob pa min/ /ye shes mos yangs yon tan rnams kyi 'byung 
gnas te/ /'gro kun dgra bcom rang rgyal rnams ni zil gyis gnon/ /de dag bden pas de ltar rang gi blo bsgrubs pas/ /'dus byas brdzun zhing rang bzhin snying po med par shes/ /sems can don du bde gshegs ye shes tshol ba'i tshe/ /
bde gshegs thugs brtse byams pa snang ba rab tu thob/ /'dus byas sngon dang phyi mtha' mkhas pa rab tu lta/ /gti mug mun nag mun pas 'khrugs shing sred tshags pa'i/ /'gro rnams sdug bsngal phung po lta ba bdag med cing / /srog bral 
rtsa shing 'dra ba mngon par sel ba byed/ /nyon mongs rjes 'gro 'di dag 'das dang ma 'ongs pa'i/ /sdug bsngal rgyun gcod mthar phyin gzhal bar yong mi byed/ /kyi hud 'gro ba de ltar 'khyams shes snying rje skye/ /gti mug 'khrul bas 'khor 
ba'i rgyud du phyir mi ldog /phung po'i gnas dang khams sbrul lta bu'i zug rngu can/ /mes gdungs yid can sgrib pa'i mun pas bsgribs gyur pa/ /don rnams rnam par ma brtags sred pa'i mtshor ltung zhing / /rgyal ba'i ded dpon bral ba sdug 
bsngal rgya mtshor gnas/ /de ltar rig nas bag yod phyir zhing rab tu rtsom/ /ci rtsom kun kyang 'gro ba rnam thar don du ste/ /phyir zhing dran ldan blo gros rig dang ldan pa yin/ /khrel yod dga' ldan mkhas pa blo ldan shes rab ldan/ /bsod nams 
bstsags dang ye shes dam pas mi ngoms shing / /rtag tu skyo med le lo med par thos pa tshol/ /zhing bsgrub rgyal ba'i mtshan dang sangs rgyas gsung tshol zhing / /sems can phan par brtson pa'i bya bas ngoms mi shes/ /'gro ba smin bya'i don du </font><hr>36-1-218a<br><font size=+1>
mkhas pas bzo yi gnas/ /yi ge lag brda grangs dang rtsis dang gso ba'i thabs/ /'byung po'i gdon dang las rnams sna tshogs bstsal ba'i phyir/ /snying brtse byams pa'i blo gsal gtsug lag kun 
la gzhol/ /rang bzo mchog dang gar sdug sna tshogs dga' byed dang / /chu klung ra ba shing tog me tog 'dug gnas dang / /bya ba sna tshogs sgrub byed sems can bde don du/ /rin chen 'byung gnas du ma 'ang nye bar ston pa byed/ /sa 
g.yo nyi zla gza' skar kun kyang de bzhin du/ /sems can yan lag mtshan ma'i dpyad dang rgyal srid gnas/ /gzugs med bsam gtan mngon shes mchog dang tshad med pa/ /'gro la bde dang phan pa'i don 'dod mngon par 
bsgrub/ /shin tu rgyal dka' 'di thob shes rab mchog spyod pa/ /sangs rgyas bye ba mchod byed chos rnams nyan pa byed/ /de dag dge dang bsam pa phyir zhing dag par 'gyur/ /gser sbram ji ltar mu sar gal bas btab pa 
bzhin/ /ji ltar bar snang gza'i rin chen gzhal med khang / /rlung la rgyu ste 'on kyang rlung gis 'phrogs pa min/ /de ltar 'gro ba'i don spyod 'jig rten chos spyod kyang / /ji ltar pad mo chus mi chags bzhin 'phrogs pa min/ 
'di la gnas pa dga' ldan dbang po mkhas par 'gyur/ /mu stegs spyod dang lta ba mang po'i gnas kyang sel/ /stobs rnams bcu pos sems can bskyab par bya'o zhes/ /dge ba de dag rgyal ba'i ye shes don du rtsom/ 
'di nas gong du brtson 'grus rtsom byed mthu thob pa/ /khrag khrig bye ba stong gi bde gshegs mchod pa byed/ /ting 'dzin thob nas khrag khrig zhing yang mkhas pas skyod/ /yan cad smon lam khyad par yon tan 'byung gnas so/ /</font><hr>36-1-218b<br><font size=+1>
de ltar sa mchog lnga pa 'di/ /thabs kyi rnam pa khrag khrig gis/ /sems can gtso la yang dag tu/ /rgyal ba'i sras kyis bstan pa yin/ /shin tu rgyal bar dka' ba zhes bya ba ste/ /byang chub sems dpa'i sa lnga pa'o/ /
mkhas pa rnams kyi sa mchog spyod pa rab thob nas/ /rgyal sras dga' zhing mkha' las me tog char 'bebs so/ /nor bu rin chen rnam dag 'od gsal rgya chen 'byung ba dag /bde bar gshegs la mngon 'thor dge zhes rnam par 
brjod/ lha rnams brgya phrag stong grangs dga' zhing bar snang las/ /lha rdzas yid 'ong rin chen sna tshogs phye ma'i rnams/ /bde bar gshegs la mngon 'thor byug pa phreng ba spos/ /gdugs dang rgyal mtshan ba dan se mo do yang 'bul/ 
lha'i dbang po dbang bsgyur lha tshogs mang po dang / /steng gi mkha' la 'khod cing rin chen sprin yangs pa/ /rgyal ba mchod pa'i don du bde bar gshegs la 'thor/ /dga' ba'i sems kyis rgyal sras legs zhes rnam par brjod/ /
bar snang gnas nas lha yi bu mo stong gis kyang / /glu dbyangs yid 'ong rol mo'i sgra dbyangs snyan pa phyung / /sgra rnams kun gyi dbyangs las 'di skad tshig kyang byung / /rgyal ba'i gsung ni yid 'ong nyon mongs gdung ba sel/ /chos rnams 
thams cad stong zhing dngos zhi mtshan ma med/ /nam mkha'i dbyings dang mtshungs mnyam rnam dag rnam mi rtog /'gro dang gnas las rnam 'das ma lus spros pa med/ /de bzhin nyid du chos rnams yang dag mnyam mi rtog /chos rnams kun la snang ba 
khong du sus chud pa/ /de la dngos dang dngos med g.yo ba gang yang med/ /snying rje brtse bas 'gro ba dgrol phyir brtson pa ni/ /de dang de dag rgyal sras chos kyi sku skyes pa'o/ /mtshan ma thams cad spangs shing sbyin pa'i spyad pa spyod/ /</font><hr>36-1-219a<br><font size=+1>
tshul khrims shin tu sems dam sngon nas zhi zhing du la/ /'gro ba'i don du chos kyi ye shes mnyams bzod/ /brtson 'grus stobs dang ldan zhing chos rnams kun gyis dben/ /nyon mongs bstsal zhing rnam dag bsam gtan 
tshul la zhugs/ /dngos po thams cad snga nas zhi zhing rnam par phye/ /ye shes spyod dang stobs phyug rtag tu 'gro don brtson/ /rgyal sras de dag sdig zhi che ba nyid dang ldan/ /de skad sgra dbyangs snyan pa stong grangs brjod byas nas/ /lha'i bu mo mi 
smra dad par thub la lta/ /rdo rje'i snying po 'jigs med la/ thar pa'i zla bas yang smras pa/ /sa mchog lnga yi gong ma de/ /rnam pa ci 'dras 'grub par 'gyur/ /byang chub sems dpa' rdo rje'i snying pos smras pa/ /kye rgyal ba'i sras dag 
de ltar byang chub sems dpa'i sa lnga pa la/ sa'i lam yongs su rdzogs pa'i byang chub sems dpa' de ni byang chub sems dpa'i sa drug pa la 'jug go /de chos mnyam pa nyid bcus 'jug ste/ bcu gang zhe na 'di lta ste/ chos thams cad mtshan ma med 
pa mnyam pa nyid dang / chos thams cad mtshan nyid med pa mnyam pa nyid dang / chos thams cad mi skye ba mnyam pa nyid dang / chos thams cad ma byung ba mnyam pa nyid dang / chos thams cad dben pa mnyam pa nyid dang / chos thams cad snga nas 
rnam par dag pa mnyam pa nyid dang / chos thams cad spros pa med pa mnyam pa nyid dang / chos thams cad blang ba med pa dang / dor ba med pa mnyam pa nyid dang / chos thams cad sgyu ma dang rmi lam dang mig yor dang sgra brnyan dang / chu'i zla ba dang / 
gzugs brnyan dang / sprul pa dang mtshungs pa mnyam pa nyid dang / chos thams cad dngos po yod pa dang / dngos po med pa dang / gnyis ka ma yin pa mnyam pa nyid de/ kye rgyal ba'i sras dag /chos mnyam pa nyid bcu po 'di dag gis byang chub </font><hr>36-1-219b<br><font size=+1>
sems dpa' sa drug pa la 'jug go /de chos thams cad la rang bzhin de 'dra bar rab tu rtog cing dpyod pa dang / 'thun par sems shing mi 'thun par mi byed pas byang chub sems dpa'i sa drug pa 'thun pa'i bzod pa rnon pos 'thob ste/ 'on kyang da dung mi skye 
ba'i chos la bzod pa mngon du gyur pa ni thob pa ma yin no/ /de chos thams cad la rang bzhin de ltar rtog pa'i tshe/ de bas kyang snying rje chen po sngon du 'gro ba dang / snying rje chen po la dbang sgyur bas snying rje chen po yongs su rdzogs par bya 
ba'i phyir 'jig rten 'byung ba dang / 'jig pa la rnam par lta'o/ /de 'jig rten 'byung ba dang / 'jig pa la lta ba'i tshe 'di snyam ste/ 'jig rten kun tu rgyu ba'i skye ba ji snyed yod pa de dag thams cad bdag tu mngon par zhen pa las 'byung ste/ bdag tu mngon par zhen pa dang bral 
na 'byung ba yang med par 'gyur ro/ /byis pa'i blo can bdag tu mngon par zhen pa mi shes pa'i rab rib kyis bsgribs pa/ yod pa dang / med pa la mngon par mos pa/ tshul bzhin ma yin pa yid la byed pa la gzhol ba/ yang dag pa ma yin par rab tu zhugs pa/ 
log pa'i rjes su 'brang ba de dag ni bsod nams dang bsod nams ma yin pa'i 'du byed nye bar stsogs te/ 'du byed de dag gis yongs su bsgos pa'i sems kyis bon zag pa dang bcas pa/ nye bar len pa dang bcas pa ni ma 
'ongs pa'i skye ba dang / rga shi dang / yang srid pa mngon par 'grub pa 'byung bar nye bar song ba yin te/ las kyi zhing gi gzhi dang / ma rig pa'i mun pa dang sredapa'i snum dang / nga'i nga rgyal gyis brlan pa'i lta ba'i rnam pa dang 
'dra ba rab tu 'phel bas ming dang gzugs kyi myi gu 'byung ste/ byung nas rnam par 'phel lo/ /ming dang gzugs kyi myi gu rnam par 'phel nas dbang po lnga 'byung bar 'gyur ro/ /dbang po lnga byung nas phan tshun 'dus shing 'phrad pas </font><hr>36-1-220a<br><font size=+1>
reg par 'gyur ro/ /reg pa 'dus pas tshor ba 'byung ngo / /tshor nas de'i rjes su mngon par smon pas sred pa 'byung ngo / /sred pa ni nye bar len pa rnam par 'phel bar byed do/ /nye bar len pa rnam par 'phel 
ba las srid pa 'byung bar 'gyur ro/ /srid pa byung nas phung po lnga po 'byung bar 'gyur te/ phung po lnga byung nas lam gyi rgyud lngar rim gyis dengs par 'gyur ro/ /dengs nas 'bral bar 'gyur te dengs shing bral bas/ mi dga' zhing yongs su gdung bar 
'gyur ro/ /mi dga' ba dang yongs su gdung ba'i rgyus mya ngan dang smre sngags 'don pa dang / sdug bsngal ba dang / yid mi bde ba dang / 'khrug pa 'byung bar 'gyur/ yang de dag las su 'ang 'byung bar byed pa med do/ /rang bzhin dang lhun gyis grub 
par 'jig par 'gyur yang de dag la 'jig par byed pa su 'ang med do zhes de ltar/ byang chub sems dpa' sems dpa' chen po lugs su mthun par rten cing 'brel bar 'byung ba la rab tu rtog go /de 'di snyam du sems te bden par 
mngon par mi shes pa ni yang dag par ma rig pa ste/ ma rig pas byas pa'i las kyi rnam par smin pa ni 'du byed rnams so/ /'du byed la gnas pa'i sems dang po ni rnam par shes pa'o/ /rnam par shes pa dang / lhan cig tu skyes pa'i nye bar len pa'i 
phung po bzhi ni ming dang gzugs so/ /ming dang gzugs rnam par 'phel ba ni drug gi skye mched do/ /dbang po dang yul dang rnam par shes pa gsum phrad pa zag pa dang bcas pa ni reg pa'o/ /reg pa'i rjes las skyes pa ni tshor 
ba'o/ /tshor ba la chags pa ni sred pa'o/ /sred pa rnam par 'phel ba ni nye bar len pa'o/ /nye bar len pa las byung ba'i las zag pa dang bcas pa ni srid pa'o/ /las dang rgyu mthun pa'i 'bras bu ni skye ba'o/ /skye ba ni phung po </font><hr>36-1-220b<br><font size=+1>
'byung ba'o/ /phung po yongs su smin pa ni rga ba'o/ /rgas nas phung po 'jig pa ni 'chi ba'o/ /'chi zhing 'bral ba'i tshe mos shing chags par gyur pa'i sems la yongs su gdung ba ni mya ngan to/ /mya ngan las byung ba'i tshig tu 
rjod pa ni smre sngags 'don pa'o/ /dbang po lnga'i nyams su bab pa ni sdug bsngal lo/ /yid kyi lta ba'i nyams su bab pa ni yid mi bde ba'o/ /sdug bsngal dang yid mi bde ba mang po byung ba ni 'khrugs pa ste/ de ltar na sdug bsngal 
gyi phung po chen po dang sdug bsngal gyi sdong po 'ba' shig byed pa po dang / tshor ba po med pa mngon par grub par 'gyur ro/ /de 'di snyam du sems te byed pa po la mngon par chags pas las rnams yod par gyur to/ /gang na byed pa po med pa 
de na don dam par las kyang mi dmigs so/ /de 'di snyam du sems te/ 'di ltar khams gsum pa 'di ni sems tsam ste/ gang 'di srid pa'i yan lag bcu gnyis de bzhin gshegs pas rab tu phye ste/ bka' stsal pa de dag thams cad kyang sems 
gcig la gnas pa dag go/ /de ci'i phyir zhe na/ dngos pa gang la 'dod chags dang ldan pa'i sems skyes pa de ni rnam par shes pa'o/ /dngos po ni 'du byed do/ /'du byed la mgo rmongs pa ni ma rig pa'o/ /ma rig pa'i sems dang 
lhan cig skyes pa ni ming dang gzugs so/ /ming dang gzugs rnam par 'phel ba ni drug gi skye mched do/ /drug gi skye mched dang 'brel ba ni reg pa'o/ /reg pa dang lhan cig skyes pa ni tshor ba'o/ /tshor bas mi ngoms pa ni sred pa'o/ /
sred pas mnar te sdung cing me gtong ba ni nye bar len pa'o/ /srid pa'i yan lag 'byung ba 'di dag ni srid pa'o/ /srid pa 'byung ba ni skye ba'o/ /skye ba yongs su smin pa ni rga ba'o/ /rga ba dang bral ba ni 'chi ba'o/ /de la ma </font><hr>36-1-221a<br><font size=+1>
rig pa ni bya ba gnyis su nye bar gnas pa yin te/ sems can rnams kyang dmigs pa la rmongs par byed do/ /'du byed mngon par 'grub pa'i rgyu yang 'byin to/ /'du byed rnams kyang bya ba gnyis su nye 
bar gnas pa yin te/ ma 'ongs pa'i rnam par smin pa yang mngon par 'grub par byed do/ /rnam par shes pa mngon par 'grub pa'i rgyu yang 'byin to/ /rnam par shes pa 'ang bya ba gnyis su nye bar gnas pa yin te/ srid pa'i 
nying gi mtshams kyang sbyor ro/ /ming dang gzugs mngon par 'grub pa'i rgyu yang 'byin to/ /ming dang gzugs kyang bya ba gnyis su nye bar gnas pa yin te/ phan tshun nye bar rton pa yang byed do/ /skye mched drug mngon par 'grub pa'i rgyu yang 'byin to/ /
drug gi skye mched kyang bya ba gnyis su nye bar gnas pa yin te/ rang gi yul rnam par phye ba yang ston to/ /reg pa mngon par 'grub pa'i rgyu yang 'byin to/ /reg pa yang bya ba gnyis su nye bar gnas pa yin te/ dmyigs pa la reg par yang byed do/ /tshor ba mngon par 'grub pa'i rgyu yang 
'byin to/ /tshor ba yang bya ba gnyis su nye bar gnas pa yin te/ yid du 'ong ba dang yid du mi 'ong ba dang gnyis ka ma yin par tshor ba yang skyed do/ /sred pa mngon par 'grub pa'i rgyu yang 'byin to/ /sred pa yang bya ba gnyis su nye bar gnas pa yin te/ 
chags par 'gyur ba'i dngos po la mngon par chags par yang byed do/ /nye bar len pa mngon par 'grub pa'i rgyu yang 'byin to/ /nye bar len pa yang bya ba gnyis su nye bar gnas pa yin te/ kun nas nyon mongs pas 'ching ba yang byed do/ /srid 
pa mngon par 'byung ba'i rgyu yang 'byin to/ /srid pa yang bya ba gnyis su nye bar gnas pa yin te/ srid pa'i rgyud gzhan du yang gnas par byed do skye ba mngon par 'grub pa'i rgyu yang 'byin to/ /skye ba yang bya ba gnyis su nye bar gnas pa yin te/</font><hr>36-1-221b<br><font size=+1>
phung po 'byung bar yang byed do/ /rga ba mngon par 'grub pa'i rgyu yang 'byin to/ /rga ba yang bya ba gnyis su nye bar gnas pa yin te/ dbang po yongs su 'gyur bar yang byed do/ /'chi bar 'gyur ba'i rgyu yang 'byin to/ /'chi ba yang bya ba 
gnyis su nye bar gnas pa yin te 'du byed 'jig par yang byed do/ /yongs su ma shes pa rgyun mi 'chad pa'i rgyu yang 'byin to/ /de la ma rig pa'i rkyen gyis 'du byed rnams so/ /zhes bya ba ni ma rig pa'i rkyen gyis 'du byed rnams rgyun 
mi 'chad cing rton pa'o/ /'du byed kyi rkyen gyis rnam par shes pa'o/ /zhes bya ba ni 'du byed kyi rkyen gyis rnam par shes pa rgyun mi 'chad cing rton pa'o/ /rnam par shes pa'i rkyen gyis ming dang gzugs shes bya ba ni rnam par shes 
ba'i rkyen gyis ming dang gzugs rgyun mi 'chad cing rton pa'o/ /ming dang gzugs kyi rkyen gyis drug gi skye mched ces bya ba ni ming dang gzugs kyi rkyen gyis drug gi skye mched rgyun mi 'chad cing rton pa'o/ /drug gi skye mched kyi rkyen gyis reg 
pa'o/ zhes bya ba ni drug gi skye mched kyi rkyen gyis reg pa rgyun mi 'chad cing rton pa'o/ /reg pa'i rkyen gyis tshor ba'o/ /zhes bya ba ni reg pa'i rkyen gyis tshor ba rgyun mi 'chad cing ston pa'o/ /tshor ba'i rkyen gyis sred pa'o/ /
zhes bya ba ni tshor ba'i rkyen gyis sred pa rgyun mi 'chad cing rton pa'o/ /sredapa'i rkyen gyis nye bar len pa'o/ /zhes bya ba ni sred pa'i rkyen gyis nye bar len pa rgyun mi 'chad cing rton pa'o/ /nye bar len pa'i rkyen gyis srid pa'o/ /zhes 
bya ba ni len pa'i rkyen gyis srid pa rgyun mi 'chad cing rton pa'o/ /srid pa'i rkyen gyis skye ba'o/ /zhes bya ba ni srid pa'i rkyen gyis skye ba rgyun mi 'chad cing rton pa'o/ /skye ba'i rkyen gyis rga shi'o zhes bya ba ni skye ba'i rkyen gyis rga shi rgyun mi </font><hr>36-1-222a<br><font size=+1>
'chad cing rton pa'o/ /ma rig pa 'gags pas 'du byed rnams 'gag go/ /zhes bya ba ni ma rig pa'i rkyen med pas 'du byed rnams nye bar zhi zhing rton pa med pa'o/ /'du byed 'gags pas rnam 
par shes pa 'gag go/ /zhes bya ba ni 'du byed kyi rkyen med pas rnam par shes pa nye bar zhi zhing rton pa med pa'o/ /rnam par shes pa 'gags pas ming dang gzugs 'gag go/ /zhes bya ba ni rnam par shes pa'i rkyen med pas ming dang 
gzugs nye bar zhi zhing rton pa med pa'o/ /ming dang gzugs 'gags pas drug gi skye mched 'gag go/ /zhes bya ba ni ming dang gzugs kyi rkyen med pas drug gi skye mched nye bar zhi zhing rton pa med pa'o/ /drug gi skye mched 'gags pas 
reg pa 'gag go/ /zhes bya ba ni drug gi skye mched kyi rkyen med pas reg pa nye bar zhi zhing rton pa med pa'o/ /reg pa 'gags pas tshor ba 'gag go /zhes bya ba ni reg pa'i rkyen med pas tshor ba nye bar zhi zhing rton pa med pa'o/ /tshor ba 
'gags pas sred pa 'gag go /zhes bya ba ni tshor ba'i rkyen med pas sred pa nye bar zhi zhing rton pa med pa'o/ /srid pa 'gags pas len pa 'gag go /zhes bya ba ni sred pa'i rkyen med pas len pa nye bar zhi zhing rton pa med pa'o/ /nye 
bar len pa 'gags pas srid pa 'gag go /zhes bya ba ni nye bar len pa'i rkyen med pas srid pa nye bar zhi zhing rton pa med pa'o/ /srid pa 'gags pas skye ba 'gag go /zhes bya ba ni srid pa'i rkyen med pas skye ba nye bar zhi zhing rton pa med 
pa'o/ skye ba 'gags pas rga shi 'gag go /zhes bya ba ni skye ba'i rkyen med pas rga shi nye bar zhi zhing rton pa med pa'o/ /de la ma rig pa dang srid pa dang nye bar len pa ni nyon mongs pa'i lam gyi rgyun mi 'chad pa'o/ /'du byed dang srid pa ni </font><hr>36-1-222b<br><font size=+1>
las kyi lam gyi rgyun mi 'chad pa'o/ /lhag ma rnams ni sdug bsngal gyi lam gyi rgyun mi 'chad pa'o/ /rab tu rnam par phye bas sngun gyi mtha' dang phyi ma'i mtha' 'gags pas lam gyi rgyun mi 'chad pa'o/ /de ltar lam 'di gsum ni bdag 
med cing bdag dang bdag gi dang bral bar 'byung zhing 'jig pa ste/ rang bzhin gyis mdung khyim lta bu'o/ /de ltar ma rig pa'i rkyen gyis 'du byed rnams shes bya ba 'di ni sngon gyi mtha' la bltas pa'o/ /rnam par shes pa dang ming dang gzugs 
dang drug gi skye mched dang reg pa dang / tshor ba 'di dag ni da ltar byung ba la bltas pa'o/ /sred pa dang nye bar len pa dang srid pa dang / skye ba zhes bya ba 'di ni phyi ma'i mtha' la bltas pa ste/ de phan chad du 'ang de dag rgyun du 'byung ngo / /ma 
rig pa 'gags pas 'du byed rnams 'gag ces bya ba 'di ni lta ba rgyun chad pa ste lhag ma rnams kyang de bzhin no/ /yang 'di ltar srid pa'i yan lag bcu gnyis po 'di dag gi rgyus sdug bsngal gsum 'byung ste/ de la ma rig pa dang 'du 
byed dang rnam par shes pa dang ming dang / gzugs dang / drug gi skye mched ces bya ba ni/ 'du byed kyi sdug bsngal lo/ /reg pa dang tshor ba zhes bya ba 'di ni sdug bsngal gyi yang sdug bsngal lo/ /sred pa dang nye bar len pa dang / 
srid pa dang / skye ba nas 'khrug pa zhes bya ba'i bar 'di ni 'gyur ba'i sdug bsngal lo/ /ma rig pa 'gags pas 'du byed rnams 'gag ces bya ba 'di ni sdug bsngal gsum gyi rgyun chad pa'o/ /ma rig pa'i rkyen gyis 'du byed rnams 
shes bya ba ni 'du byed rnams rgyu dang rkyen las byung ba ste/ lhag ma rnams kyang de bzhin no/ /ma rig pa 'gags pas 'du byed 'gag ces bya ba ni/ 'du byed rnams med pa ste/ lhag ma rnams kyang de bzhin no/ /ma rig pa'i rkyen </font><hr>36-1-223a<br><font size=+1>
gyis 'du byed rnams shes bya ba ni skye ba rnam par 'brel ba ste/ lhag ma rnams kyang de bzhin no/ /ma rig pa 'gags pas 'du byed 'gag ces bya ba ni/ 'jig pa rnam par 'brel ba ste/ lhag ma rnams kyang 
de bzhin no/ /ma rig pa'i rkyen gyis 'du byed rnams shes bya ba ni srid pa lugs su 'thun par brtag pa ste/ lhag ma rnams kyang de bzhin no/ /ma rig pa 'gags pas 'du byed 'gag ces bya ba ni zad pa dang 'jig pa'i lugs su 'thun par 
brtag pa ste/ lhag ma rnams kyang de bzhin no/ /zhes de ltar rten cing 'brel bar 'byung ba la lugs su 'thun pa dang / mi 'thun pa'i tshul du rab tu rtog ste/ 'di ltar srid pa'i yan lag rjes su 'brel ba dang / sems gcig tu yang 
dag par 'du ba dang / rang gi las ma 'dres pa dang / ched du byed pa med pa dang lam gsum gyi rgyud du 'grang ba dang / sngon gyi mtha' dang da ltar byung ba dang / phyi ma'i mtha' la blta ba dang / sdug bsngal gsum 'byung ba dang / rgyu dang rkyen 
las byung ba dang / skye ba dang 'jig pa rnam par 'brel ba dang / srid pa'i lugs su 'thun pa dang / zad par 'gyur bar rab tu rtog pa'o/ /de de ltar rten cing 'brel bar 'byung ba la rnam pa bcur rab tu rtog cing bdag med pa dang / srog 
med pa dang / gang zag med pa dang / ngo bo nyid kyis stong pa dang / rang bzhin gyis byed pa po dang / tshor ba po med par rab tu rtog pa'i tshe/ stong pa nyid kyi rnam par thar pa'i sgo skyes pa yin/ srid pa'i yan lag 'di dag gi rang bzhin 'gags 
shing rnam par thar pa la shin tu nye bar gnas pas chos kyi mtshan ma gang yang mi skye ste des de'i mtshan ma med pa'i rnam par thar pa'i sgo skyes pa yin/ de ltar de stong pa nyid dang mtshan ma med pa la zhugs pas snying rje chen po sngon du gtong </font><hr>36-1-223b<br><font size=+1>
zhing sems can yongs su smin par bya ba ma gtogs par 'dod pa gang yang mi skye ste des de'i smon pa med pa'i rnam par thar pa'i sgo skyes pa yin/ de rnam par thar pa'i sgo gsum po 'di dag sgom pas bdag dang pha rol gyi 'du shes dang bral ba 
dang / byed pa po dang / tshor ba po'i 'du shes dang bral ba dang / yod pa dang med pa'i 'du shes dang bral bas/ byang chub kyi yan lag yongs su ma rdzogs pa rnams yongs su rdzogs par bya ba'i phyir snying rje chen po sngon du btang ste/ de bas kyang 
shin tu brtson par byed do/ /de 'di snyam du sems te/ 'du ba yod pas ni 'dus byas 'phel bar 'gyur ro/ /'du ba dang bral bas ni 'phel ba med do/ /rgyu rkyen dang ldan pas ni 'du byed 'phel bar 'gyur ro/ /rgyu rkyen dang mi ldan pas ni 
'phel ba med do/ /de lta bas na bdag gis de lta bu'i 'dus byas nyes pa mang po'i skyon can shes par byas te 'du ba dang rgyu rkyen dang ldan pa 'di dag rgyun gcad par bya'o/ /sems can yongs su smin par bya ba'i phyir 'du byed rnams 
shin tu zhi ba 'ang mngon du mi bya'o zhes te/ kye rgyal ba'i sras dag de de ltar 'du byed kyi rnam pa de ltar nyes pa mang po'i skyon can snying po dang rang bzhin med pa skye ba med pa 'gag pa med pa'i rang bzhin du rab tu rtog pa dang snying rje chen po rab tu bsgrub 
pa dang / sems can yongs su mi gtong bas chags pa med pa'i ye shes mngon sum zhes bya ba shes rab kyi pha rol tu phyin pa la gnas pa snang ba'i tshul du mngon sum du 'gyur ro/ /de de lta bu'i ye shes dang ldan zhing shes rab [(]gyi [,]kyi[)] pha rol tu phyin 
pa la gnas pas snang bar gyur nas kyang / byang chub kyi yan lag yongs su sdud pa'i rkyen nye bar stsogs shing yang dag par sdud do/ /'dus byas dang 'grogs par yang mi gnas so/ /'du byed rnams rang bzhin gyis zhi ba yang rab </font><hr>36-1-224a<br><font size=+1>
tu rtog go /'on kyang byang chub kyi yan lag rnams ma rdzogs pa'i phyir de la mi gnas te/ de byang chub sems dpa'i sa mngon sum 'di la gnas pa'i tshe 'jug pa stong pa zhes bya ba'i ting nge 'dzin skye bar 'gyur ro/ /
rang bzhin stong pa nyid dang / don dam pa stong pa nyid dang / chen po stong pa nyid dang / 'du ba stong pa nyid dang / mngon par bsgrub pa stong pa nyid dang / yang dag pa ji lta ba bzhin du rnam par rtog pa'i stong pa nyid dang / ltos pa stong pa nyid dang / 
tha dad pa dang tha dad pa med pa stong pa nyid ces bya ba'i ting nge 'dzin kyang skye bar 'gyur te/ de dag la stsogs pa stong pa nyid kyi sgo'i ting nge 'dzin brgya stong phrag bcu de la mngon sum du 'gyur ro/ /de bzhin du mtshan ma med pa'i sgo'i ting nge 'dzin brgya stong 
phrag bcu dang smon pa med pa'i sgo'i ting nge 'dzin brgya stong phrag bcu mngon sum du 'gyur ro/ /de ltar byang chub sems dpa'i sa mngon sum 'di la gnas pa'i byang chub sems dpa' de phyir zhing mi phyed pa'i bsam pa yongs su rdzogs pa 'thob po/ /
nges pa'i bsam pa dang dge ba'i bsam pa dang / zab pa'i bsam pa dang / phyir mi ldog pa'i bsam pa dang / rgyun mi 'chad pa'i bsam pa dang / dri ma med pa'i bsam pa dang / mtha' yas pa'i bsam pa dang / ye shes la mngon par 
mos pa'i bsam pa dang / thabs dang shes rab tu ldan pa'i bsam pa yongs su rdzogs pa 'thob ste/ byang chub sems dpa'i bsam pa 'di bcu ni/ de bzhin gshegs pa'i byang chub kyi rjes su song ba yin/ phas kyi rgol ba thams cad 
kyi phyir mi ldog pa yin/ ye shes kyi sa la yang dag par gzhol ba yin/ nyan thos dang / rang sangs rgyas kyis las rnam par log pa yin/ sangs rgyas kyi ye shes mngon du bya ba la shin tu nges pa yin/ bdud dang nyon mongs pa </font><hr>36-1-224b<br><font size=+1>
kun nas rgyu ba thams cad kyis mi 'phrogs pa yin/ byang chub sems dpa'i snang ba la shin tu gnas pa yin/ stong pa nyid dang / mtshan ma med pa dang / smon pa med pa'i chos yang dag par spyad pa yongs su bsgoms pa yin/ 
thabs dang / shes rab dang / ye shes rnam par dpyad pa dang ldan pa yin/ byang chub kyi phyogs kyi chos mngon par bsgrub pa dang / rnam par 'dres pa yin/ de ltar de byang chub sems dpa'i sa mngon sum 'di la gnas pa'i tshe/ 
shes rab kyi pha rol tu phyin pa la gnas pa'i shas che ba yin/ chos de dag la tshul bzhin du 'thun par byed cing mi mthun par mi byed pas 'thun pa'i bzod pa gsum pa rab tu rno ba rab tu skyes pa yin/ de ltar de byang chub sems dpa'i 
sa mngon sum 'di la gnas pa'i tshe de'i lta ba rgya chen po dang smon lam gyi stobs kyis sangs rgyas mang po snang bar 'gyur te/ lta ba rgya chen po dang / smon lam gyi stobs kyis sangs rgyas brgya phrag mang po dang / sangs rgyas stong phrag mang po dang sangs rgyas 
brgya stong phrag mang po dang / sangs rgyas bye ba brgya stong phrag mang po dang / sangs rgyas khrag khrig phrag mang po dang / sangs rgyas khrag khrig brgya phrag mang po dang / sangs rgyas khrag khrig stong phrag mang po dang / sangs rgyas khrag khrig brgya stong phrag mang po dang / sangs 
rgyas bye ba khrag khrig brgya stong phrag mang po snang bar 'gyur ro/ /des de bzhin gshegs pa dgra bcom pa yang dag par rdzogs pa'i sangs rgyas de dag mthong nas bsam pa rgya chen pos rim gro byed do/ /bkur sti byed do/ /bsti 
stang byed do/ /mchod pa byed do/ /na bza' dang / bsod snyoms dang / gzims cha dang / snyun gyi rkyen sman dang yo byad dag kyang 'bul zhing byang chub sems dpa'i bde ba'i yo byad thams cad kyang yongs su 'bul lo/ /dge 'dun gyi </font><hr>36-1-225a<br><font size=+1>
tshogs rnams la yang yang dag par mchod pa byed de dge ba'i rtsa ba de dag kyang bla na med pa yang dag par rdzogs pa'i byang chub tu yongs su bsngo'o/ /de bzhin gshegs pa dgra bcom pa yang dag par rdzogs pa'i sangs rgyas de dag la 
bsnyen bkur byed cing rim gro dang / bkur stis nan tan tu chos nyan cing len to/ /'dzin to/ /thos nas kyang yang dag pa ji lta ba bzhin du snyoms par 'jug pa dang / shes rab dang ye shes kyi snang bas rab tu brtson par byed de nan tan gyis yongs su 
'dzin pas de sngon pas kyang de bzhin gshegs pa'i chos kyi mdzod rab tu thob pa yin/ de ltar de byang chub sems dpa'i sa mngon sum 'di la gnas pa'i tshe/ dge ba'i rtsa ba de dag kyang bskal pa du ma dang / bskal pa brgya phrag du ma dang / 
bskal pa stong phrag du ma dang / bskal pa brgya stong phrag du ma dang / bskal pa bye ba brgya stong phrag du ma dang / bskal pa khrag khrig phrag du ma dang / bskal pa khrag khrig brgya phrag du ma dang / bskal pa khrag khrig stong phrag du ma dang / 
bskal pa khrag khrig brgya stong phrag du ma dang / bskal pa bye ba khrag khrig brgya stong phrag du mar sngon bas kyang ches byang ba dang/ ces 'od gsal zhing dang bar gnas so/ /kye rgyal ba'i sras dag /'di lta ste dper na/ gser gyi sa le sbram de 
nyid be+e Dur+yas btab na sngon bas kyang shin tu 'tsher la 'od gsal zhing dang bar 'gyur ro/ /kye rgyal ba'i sras dag /de bzhin du byang chub sems dpa'i sa mngon sum 'di la gnas pa'i byang chub sems dpa'i dge ba'i rtsa ba de dag 
kyang shes rab dang ye shes kyis shin tu brtags pas sngon bas kyang shin tu byang la 'od gsal zhing dang ba yin te/ phyi phyir zhing yang rab tu zhi bas mi 'phrogs par 'gyur ro/ /kye rgyal ba'i sras dag /'di lta ste dper na/ zla ba'i 'od ni sems </font><hr>36-1-225b<br><font size=+1>
can gyi lus kyang sim par byed la/ rlung gi dkyil 'khor chen po bzhis kyang mi 'phrogs pa yin/ kye rgyal ba'i sras dag /de bzhin du byang chub sems dpa' sems dpa' chen po/ byang chub sems dpa'i sa mngon sum 'di la gnas pa'i dge 
ba'i rtsa ba de dag sngon bas kyang sems can du ma'i bsam pa'i nyon mongs pa 'bar ba yang zhi zhing sim par byed la/ bdud kyi lam gyi rgyud bzhis kyang mi 'phrogs pa yin/ de'i pha rol tu phyin pa bcu las shes rab kyi pha rol tu phyin pa'i shas che 
ba yin te/ lhag ma rnams kyang ci tshul ci nus su yang dag par mi bsgrub pa ma yin no/ /kye rgyal ba'i sras dag /'di ni byang chub sems dpa'i sa mngon sum zhes bya ba ste/ byang chub sems dpa'i sa drug pa'o/ /de la gnas 
pa'i byang chub sems dpa' ni phal cher lha'i rgyal po rab 'phrul dgar 'gyur te/ sems can thams cad kyi lhag pa'i nga rgyal zhi bar bya ba la mkhas shing mthu yod pa yin/ nyan pa thams cad kyi yongs su dri bas 
mi 'phrogs pa yin/de sbyin pa 'am/ ngag snyan pa 'am/ don bsgrub pa 'am/ don mthun pas dge ba'i rtsa ba gang ci rtsom yang rung ste/ de thams cad ji ltar na sems can thams cad kyi mchog tu 'gyur/ gtso bor 'gyur 
thu bor 'gyur/ phul du 'gyur/ dam par 'gyur/ bla na med par 'gyur/ 'dren par 'gyur/ yongs su 'dren par 'gyur ba nas/ thams cad mkhyen pa'i ye shes la brten pa'i bar du 'gyur snyam ste/ sangs rgyas yid la bya ba dang / chos yid la 
bya ba dang / dge 'dun yid la bya ba dang / byang chub sems dpa' yid la bya ba dang / byang chub sems dpa'i spyod pa yid la bya ba dang / byang chub sems dpa'i sa yid la bya ba dang / pha rol tu phyin pa yid la bya ba dang / stobs yid la bya ba dang /</font><hr>36-1-226a<br><font size=+1>
mi 'jigs pa yid la bya ba dang / sangs rgyas kyi chos ma 'dres pa yid la bya ba nas/ rnam pa'i mchog thams cad dang ldan pa'i thams cad mkhyen pa'i ye shes kyi bar du yid la bya ba dang mi 'bral ba yin te/ de 
'dod na skad cig yud tsam thang cig tu ting nge 'dzin khrag khrig brgya stong rab tu 'thob cing de dag la mnyam par gzhog pa dang / sangs rgyas khrag khrig brgya stong mthong ba dang / de dag gi byin gyi rlabs kyang yang dag par shes pa dang / 'jig rten gyi 
khams khrag khrig brgya stong skyod pa dang / sangs rgyas kyi zhing khrag khrig brgya stong du 'gro ba dang / 'jig rten gyi khams khrag khrig brgya stong snang bar bya ba dang / sems can khrag khrig brgya stong yongs su smin par bya ba dang / bskal 
pa khrag khrig brgya stong du gnas par bya ba dang / sngon gyi mtha' dang / phyi ma'i mtha'i bskal pa khrag khrig brgya stong la rab tu 'jug pa dang / chos kyi sgo khrag khrig brgya stong rnam par 'byed pa dang / lus bye ba khrag khrig brgya stong yongs 
su bstan pa dang / lus re re la yang byang chub sems dpa'i 'khor khrag khrig brgya stong yang dag par bstan par bya ba'i brtson 'grus kyi rnam pa de lta bu rtsom mo/ /de yan cad byang chub sems dpa' smon lam gyi mthu can rnams smon lam gyi 
khyad par gyis rnam par 'phrul te de dag gi lus sam/ 'od dam rdzu 'phrul lam/ mig gam spyod yul lam/ dbyangs sam/ spyod pa 'am/ rgyan tam byin gyi rlabs sam/ mos pa 'am/ mngon par 'du byed pa dag kyang bskal pa 
du ma dang / bskal ba brgya phrag du ma dang / bskal pa stong phrag du ma dang / bskal pa brgya stong phrag du ma dang / bskal pa bye ba khrag khrig brgya stong phrag du ma'i bar gyis kyang bgrang bar dka'o/ /de nas byang chub sems dpa' </font><hr>36-1-226b<br><font size=+1>
rdo rje'i snying pos sa'i don 'di nyid yang brtag par bya ba dang / bstan par bya ba'i phyir de'i tshe tshigs su bcad pa 'di dag smras so/ /mkhas pas lam gyi spyod pa lnga por yongs rdzogs nas/ /chos rnams mtshan med mtshan nyid med dang ma skyes dang / /
ma byung snga nas yongs su zhi zhing spros med pa/ /yongs su bsgom pas ye shes blo can drug pa gnon/ /chos rnams dben zhing len med rnam par rtog med dang / /sgyu ma'i rang bzhin gnyis ka'i dngos lam rnam grol bas/ /chos kyi tshul la 
'gal med rjes su 'thun byed cing / /ye shes ldan pa'i+i dam pa drug pa yongs su gnon/ /'thun pa rno la gnas shing ye shes stobs ldan pa/ /'jig rten kun gyi 'byung dang 'jig la rab tu rtog /gti mug mun pas 'gro ba 'byung ba kun 
tu skyed/ /gti mug de nyid bral bas 'byung ba med pa yin/ /rkyen gyi rnam pa don dam stong par rnam par 'byed/ /bya ba mi 'gal rgyu rkyen byed pa mnyam par shes/ /yang dag ji bzhin byed pa med par las shes nas/ /'dus byas sprin sdug lta bur byed pa med 
par shes/ /bden pa mi shes de ni yang dag ma rig pa/ /las ni sems kyi stobs kyis mgo rmongs byung bar gyur/ /sems la rten te lhan cig byung ba ming dang gzugs/ /de ltar sdug bsngal phung po chen po'i bar du 'byung / /khams gsum sems kyi rgyu 
las byung bar de 'jug ste/ /srid pa'i yan lag bcu gnyis 'di dag sems gcig rten/ /'dod chags skyes pa de las sems su brjod pa yin/ /de bzhin srid pa'i dngos po sems kyi rnam pa'o/ /ma rig bya ba gnyis byed rmongs pa'i dngos po la/ /rmongs par 
byas shing de nas sems pa'i rgyu yang 'byin/ /de bzhin rga ba phung po gzhig bya 'jig byed par/ /de las sdug bsngal ming thogs thams cad mi zad 'byung / ma rig rkyen gyis chad par 'gyur ba yod pa ma ni/ /rnam par chad cing rgyu rkyen bral bas yod pa 'gag /</font><hr>36-1-227a<br><font size=+1>
gti mug sred pa nyer len nyon mongs lam yin te/ /las dang srid pa sems pa lhag ma sdug bsngal yin/ /gti mug skye mched bar du 'dus byas sdug bsngal te/ /reg dang tshor ba de dag sdug bsngal sdug bsngal yin/ /yan lag lhag 
ma 'gyur ba'i sdug bsngal rnams 'phel ba/ /bdag med shes pas sdug bsngal gsum po 'chad par 'gyur/ /mun pa sems dang 'dus byas 'di ni sngon ltas yin/ /rnam par shes nas tshor ba'i rgyud tu da ltar byung / /sred dang srid par sdug bsngal 'byung ba phyi 
ma'i mtha'/ /'gags shing zad pa de dag lta ba chad pa yin/ gti mug rkyen gyis de dag rnam par 'brel ba 'byung / /zad pas byang chub rkyen rnams rnam par 'brel ba yin/ /rgyu las rgyu 'byung med na rgyu yi rgyun chad 'gyur/ /bde phan shes ldan rang 
bzhin stong pa de ltar rtog /rgyud du 'thun pa gti mug mun las byung ba yin/ /mi 'thun bzlog pa gti mug zad pas mi 'byung ba'o/ /zab pa'i rkyen dang de dag yod dang med pa las/ /gnas pa med blo rnam pa bcur ni de ltar rtog /srid pa'i 
yan lag mtshams dang sems gcig las 'thun dang / /ched du mi byed rgyud gsum rjes 'brang sngon mtha' dang / /sdug bsngal gsum dang rgyus byung skye dang 'jig pa dang / /srid pa'i mthar phyin zad dang rkyen gyi lugs 'thun par/ /de ltar 
rten 'brel 'byung la yang dag 'jug byed pas/ /sgyu 'dra yang dag ma yin tshor bar byed med cing / /rmi lam 'dra ba de bzhin mig yor 'dra ba ste/ /byis pa bslu ba'i smig rgyu rang bzhin mtshungs mnyam pa/ /de ltar bsgom pa mkhas pa'i stong pa 
nyid kyi sgo/ /rkyen rnams med pa de ni mtshan ma med pa ste/ /log par shes pas nam yang smon pa med pa yin/ /gzhan du sems can snying brtse'i don du skye ba 'dzin/ /de 'dra'i rnam thar sgo la sgom byed mthu che ba/ /</font><hr>36-1-227b<br><font size=+1>
snying brtse'i blo ldan sangs rgyas yon tan mngon 'dod cing / /'dus byas 'dus pa mkhas pa yongs su rtog byed pas/ /bsam pa nges shing gcig min legs dang ldan pa yin/ /stong nyid ting 'dzin stong phrag bcu rnams yongs su rgyas/ 
de bzhin brtan pa mtshan ma med dang smon med ldan/ /shes rab shas che 'thun pa'i bzod pa mchog can te/ /mkhas pa'i rnam thar ye shes chags pa med dang ldan/ /de 'dra'i bsam pas drang srong che mang mchod byed pas/ /rgyal ba'i bstan pa 'di 
la shin tu bsngags pa yin/ /de ni sangs rgyas mdzod thob khong du chud pas na/ /be+e DUR+Yas btab gser mchog bzhin du sngon bas gsal/ /zla ba'i 'od ni 'gro ba'i lus la sim par byed/ /rlung bzhi langs pas yongs su 'phrogs par mi 
nus so/ /rgyal sras 'od kyang bdud kyi lam las shin tu 'das/ /nyon mongs yongs su gdung dang sdug bsngal nad kyang sel/ /sa 'di phyogs su phyin pa lha yi bdag por 'gyur/ /'phrul dga'i dam pa lhag pa'i nga rgyal sel la mkhas/ /ye 
shes lam dang ldan pa de ni ci rtsom yang / /nyan thos lam las 'das te brtan zhing mi 'phrogs pa'o/ /bde gshegs sras po brtson 'grus ldan pa 'dod gyur na/ /ting 'dzin bye ba brgya stong tshang ba thob par byed/ /skad cig gcig tu phyogs bcur 
sangs rgyas mang po lta/ /dpyid kyi nyi ma gsal zhing lhan par byed pa bzhin/ /zab cing blta dka' phra ba ste/ /nyan thos nga rgyal shes mi nus/ /bdag nyid che la sa drug pa/ /rgyal ba'i sras kyis bshad pa yin/ /
mngon sum pa zhes bya ba ste/ byang chub sems dpa'i sa drug pa'o// //sangs rgyas rmad ga cad ces bya ba shin tu rgyas pa chen po'i mdo/ /bam po bcu bdun pa/ /de nas sna tshogs </font><hr>36-1-228a<br><font size=+1>
yid 'ong sprin/ /lha tshogs mang po mkha' la gnas shing mngon par 'thor/ /tshig snyan rnam par brjod pa byed/ /dga' ba'i dam pa mchog gis yongs su rgyas/ /dge'o don 
dam sems mdzad cing / /yon tan brgya dang yang dag ldan zhing dbang sgyur ba/ /mi yi pun dA ri ka yin/ /'gro la phan pa'i spyod rab yang dag bshad/ /yid 'ong 'od mchog ldan khyod dang / /mi yi gtso bo mya ngan yongs su 
sel mdzad la/ /dbang phyug chen po mkha' gnas shing / /spos sprin yid 'ong dam pa mngon par 'thor/ /tshig snyan rab tu brjod pa byed/ /lha tshogs mang po mkha' las dga' 'gyur dbyangs sgrog cing / /gang gis sa 
bstan 'di thos pa/ /de dag thob pa bzang po thob ces zer/ /rol mo brdung dkrol dbyangs snyan pa/ /brgya mang lha yi bu mos dga' bar byas/ /bde bar gshegs dang khyod mthu yis/ /tshig rab 'di 'dra rab tu brjod par 
'gyur/ /zhi dang nges spyod dam pa can/ /ma dul 'dul mdzad 'jig rten kun gyis mchod byas pa/ /'jig rten kun las 'das pa yi/ /'jig rten spyod pa shin tu phra ba bstan/ /sna tshogs lus kyang rab tu bstan/ lus dang lus 
la chos nyid phun sum tshogs shing ldan/ /rnam dpyod zhi gnas mthus bcil bas/ /dbyangs su sgrog kyang yi ge brjod mi byed/ /zhing rnams brgyar yang 'dod byed cing / /mgon po mchod par 'os la mchod rab byed/ /zhing rgyal 
bdag tu 'du shes pa/ /ye shes dbang sgyur mchog gis rab tu sel/ /sems can yongs su smin byed kyang / /bdag dang gzhan gyi 'du shes rnam pa kun tu med/ /dge ba yangs pa yang dag stsogs/ /'on kyang dge ba </font><hr>36-1-228b<br><font size=+1>
stsogs la gnas pa med/ 'dod chags zhe sdang gti mug gis/ /'jig rten thams cad rab tu 'bar bar mthong gyur cing / /'du shes thams cad rnam spangs nas/ /snying brtse ldan par brtson 'grus rab tu rtsom/ /lha 
mang lha yi bu mo yis/ /gsung ba'i mchog la mchod byas nas/ /kun kyang mi smra dgar gyur te/ /drang srong che la lta zhing gnas/ /thar ba'i zla bas yang smras pa/ /'khor rnams shin tu rnam par dang / /sa bdun pa yi rnam pa 
dag /rgyal ba'i sras kyis bshad pa mdzod/ /byang chub sems dpa' rdo rje'i snying pos smras pa/ /kye rgyal ba'i sras dag /byang chub sems dpa'i sa drug pa la de ltar sa'i lam yongs su rdzogs pa'i byang chub sems 
dpa' ni byang chub sems dpa'i sa bdun pa yongs su gnon to/ /de thabs dang shes rab kyis mngon par bsgrubs pa'i lam brtsam pa'i khyad par bcus yongs su gnon te/ bcu gang zhe na/ 'di lta ste/ stong pa nyid dang mtshan ma 
med pa dang / smon pa med pa'i ting nge 'dzin shin tu bsgoms pa'i yid dang yang ldan la bsod nams dang / ye shes kyi tshogs chen po yang yang dag par stsogs pa yin/ /bdag med pa dang / gso ba med pa dang / gang zag med pa'i chos la
'ang rab tu 'jug la tshad med pa bzhi mngon par bsgrub pa yang yongs su mi gtong ba yin/ bsod nams kyi tshogs kyis shin tu mtho ba'i pha rol tu phyin pa mngon par bsgrub pa 'ang mngon par sgrub la/ chos gang la 'ang mngon par chags pa med pa yin/ khams 
gsum pa las dben par gyur pa'ang thob la khams gsum pa bsdu ba dang / rgyan mngon par bsgrub pa yin/ nyon mongs pa 'bar ba thams cad shin tu zhi zhing rab tu zhi ste/ nye bar zhi ba 'ang yin la sems can thams cad kyi 'dod chags dang zhe sdang dang </font><hr>36-1-229a<br><font size=+1>
gti mug dang / nyon mongs pa'i me lce rab tu zhi bar mngon par bsgrub pa'ang mngon par sgrub pa yin/ sgyu ma dang rmi lam dang mig yor dang / sgra brnyan dang / chu'i zla ba dang / gzugs brnyan dang / sprul pa'i rang bzhin lta bur 
yod pa dang / med pa dang /gnyis ka ma yin pa thams cad kyang khong du chud la/ las dang bya ba rnam par phye ba tshad med pa'i bsam pa yang mngon par sgrub pa yin/ zhing gi tha gru nam mkha' dang mnyam par shin tu bsgoms pa'i yid dang 
yang ldan la/ sangs rgyas kyi zhing yongs su sbyong zhing bsgrub pa dang / rgyan kyang mngon par sgrub pa yin/ sangs rgyas thams cad kyi rang bzhin dang / chos dang / sku nam mkha' lta bur yang rab tu 'jug la/ gzugs dang / mtshan 
dang / dpe byad bzang po bsdu zhing rgyan mngon par bsgrub pa'ang mngon par sgrub pa yin/ de bzhin gshegs pa'i gsung rang bzhin gyis zhi zhing brjod du med pa'i sgra dbyangs dang ldan par yang yid ches la sems can thams cad kyi dbyangs kyi yan lag 
rnam par phye ba'i rgyan mngon par bsgrub pa yang mngon par sgrub pa yin/ sangs rgyas bcom ldan 'das rnams kyis skad cig gcig tu dus gsum thugs su chud par yang khong du chud la dus dang bsgal pa'i grangs mtshan 
nyid tha dad pa la'ang sems can gyi bsam pa rnam par bsgom pa'i phyir rjes su 'jug pa yin te/ kye rgyal ba'i sras dag /thabs dang shes rab kyis mngon par bsgrubs pa'i lam brtsam pa'i khyad par 'di bcus/ byang chub sems 
dpa' sa drug pa la rnam par dbye ba shin tu byas pa/ sa bdun yongs su gnon to/ /kye rgyal ba'i sras dag /de ltar byang chub sems dpa' sems dpa' chen po lam gyi tshogs thabs dang shes rab kyis mngon par bsgrub </font><hr>36-1-229b<br><font size=+1>
pa'i khyad par snang bar gyur pa 'di dag mngon par bsgrubs pas/ byang chub sems dpa'i sa bdun yongs su gnon ces bya ste/ de ltar byang chub sems dpa'i sa bdun la gnas pa'i byang chub sems dpa' de ni sems can gyi khams 
tshad med pa la 'jug go /sangs rgyas bcom ldan 'das rnams kyi/ sems can yongs su smin par mdzad pa dang / 'dul ba'i phrin las tshad med pa la 'jug go /'jig rten gyi khams mang po tshad med pa 
la 'jug go /sangs rgyas bcom ldan 'das rnams kyi/ sangs rgyas kyi zhing rnam par dag pa tshad med pa la 'jug go /chos tha dad pa tshad med pa la 'jug go /sangs rgyas bcom ldan 'das rnams kyi ye shes 
mngon par 'tshang rgya ba tshad med pa la 'jug go /bskal pa'i grangs tshad med pa la 'jug go /sangs rgyas bcom ldan 'das rnams kyi dus gsum thugs su chud pa tshad med pa la 'jug go /sems can gyi mos pa'i khyad par 
tshad med pa la 'jug go /sangs rgyas bcom ldan 'das rnams kyi mtshan dang / sku gzugs dang sku sna tshogs ston pa tshad med pa la 'jug go /sems can rnams kyi bsam pa dang / dbang po tha dad pa tshad med pa la 
'jug go /sangs rgyas bcom ldan 'das rnams kyi gsung brjod pas/ sems can yongs su smin par mdzad pa tshad med pa la 'jug go /sems can rnams kyi sems dang spyod pa tshad med pa la 'jug go /sangs rgyas 
bcom ldan 'das rnams kyi ye shes 'byam klas pa thugs su chud pa tshad myed pa la 'jug go /nyan thos kyi theg pas 'byung ba la mos pa tshad med pa la 'jug go /sangs rgyas bcom ldan 'das rnams kyi lam shin tu bstan </font><hr>36-1-230a<br><font size=+1>
pa'i ye shes la 'jug pa tshad med pa la 'jug cing mos par byed do/ /rang sangs rgyas kyi ye shes yang dag par bsgrub pa shin tu rdzogs par bya ba tshad med pa la 'jug go /sangs rgyas bcom ldan 
'das rnams kyi ye shes zab mo'i sgor 'jug pa bstan pa tshad med pa la 'jug go /byang chub sems dpa' rnams kyi byang chub sems dpa'i spyod pa'i sbyor ba tshad med pa la 'jug go /sangs rgyas bcom ldan 'das rnams kyi 
theg pa chen po yang dag par bsgrub pa la 'jug pa shin tu bstan pa tshad med pa la 'jug go /de 'di snyam du sems te/ de bzhin gshegs pa dgra bcom pa yang dag par rdzogs pa'i sangs rgyas rnams kyi spyod yul ni de ltar tshad med pa ste/ 
de ni bskal pa brgya phrag khrag khrig dang / bskal pa stong phrag khrag khrig dang / bskal pa brgya stong phrag khrag khrig nas de snyed kyi/ bskal pa bye ba khrag khrig brgya stong gis kyang bgrang bar dka' ste/ sangs rgyas bcom ldan 'das 
rnams kyi spyod yul de bdag gis lhun gyis grub par bsgrub par bya'o/ /rtog pa med pa dang / rnam par rtog pa med par yongs su rdzogs par bya'o/ /zhes de de ltar shin tu brtags pa'i ye shes dang / mngon par shes pa dang ldan zhing rtag 
tu rgyun mi 'chad par mngon par brtson pa ni/ thabs dang shes rab kyis yongs su bsgoms pa'i lam gyi tshogs rgya chen po'i ye shes la mi g.yo ba'i tshul gyis yongs su gnas pa yin/ de skad cig gcig tu yang lam mngon par bsgrub pa 
las ldang bar mi byed de/ de 'gro yang de lta bu'i ye shes mngon par bsgrub pa yin/ 'greng ba dang / 'dug pa dang / nyal ba dang / rmi lam dag tu yang sgrib pa med cing spyod lam thams cad la gnas kyang rnam pa 'di lta bu'i ye </font><hr>36-1-230b<br><font size=+1>
shes yid la bya ba dang mi 'bral ba yin/ de'i sems bskyed pa re re la yang byang chub sems dpa'i pha rol tu phyin pa bcu dang / byang chub sems dpa'i sa bcu yang dag par bsgrub pa yang dag par 'byung ngo / /de ci'i 
phyir zhe na/ 'di ltar byang chub sems dpa' sems dpa' chen po de snying rje chen po sngon du btang ba'i sems bskyed pa byung ba re re zhing yang / sangs rgyas kyi chos yang dag par bsgrub pa dang / de bzhin gshegs pa'i 
ye shes kyi don du yongs su bsngo bas de la gang sangs rgyas kyi ye shes yongs su tshol zhing / sems can rnams la dge ba'i rtsa ba yongs su gtong ba 'di ni de'i sbyin pa'i pha rol tu phyin pa'o/ /gang nyon mongs pa'i 
yongs su gdung ba thams cad rab tu zhi ba 'di ni de'i tshul khrims kyi pha rol tu phyin pa'o/ /gang snying rje dang byams pa sngon du 'gro bas sems can thams cad la 'tshig pa med pa 'di ni de'i bzod pa'i pha rol tu phyin pa'o/ /
gang gong nas gong du dge ba'i chos tshol bas mi ngoms par dam 'cha' ba 'di ni de'i brtson 'grus kyi pha rol tu phyin pa'o/ /gang thams cad mkhyen pa'i ye shes mngon du bya ba'i phyir/ 'gyod pa med pa'i lam dang ldan pa 
'di ni de'i bsam gtan gyi pha rol tu phyin pa'o/ /gang rang bzhin gyis ma skyes pa mngon du gyur pa 'di ni de'i shes rab kyi pha rol tu phyin pa'o/ /gang ye shes tshad med pa mngon par bsgrub pa 'di ni de'i thabs mkhas pa'i pha 
rol tu phyin pa'o/ /gang gong nas gong du ye shes la dmigs shing mngon par bsgrub pa 'di ni de'i smon lam gyi pha rol tu phyin pa'o/ /gang phas kyi rgol ba thams cad dang bdud kyi tshogs thams cad kyis lam yongs su mi </font><hr>36-1-231a<br><font size=+1>
chod pa 'di ni de'i stobs kyi pha rol tu phyin pa'o/ /gang chos thams cad la yang dag pa ji lta ba bzhin du rtog pa 'di ni de'i ye shes kyi pha rol tu phyin pa'o/ /kye rgyal ba'i sras dag /de ltar na byang 
chub sems dpa'i sa ring du song ba 'di la gnas pa'i byang chub sems dpa'i pha rol tu phyin pa bcu po de dag de ltar yongs su rdzogs par 'gyur te/ bsdu pa'i dngos po bzhi yang yongs su rdzogs par 'gyur ro/ /byin gyi rlabs 
bcu dang / byang chub kyi phyogs kyi chos sum cu rtsa bdun dang / rnam par thar pa'i sgo gsum dang / mdor bsdu na byang chub kyi yan lag gi chos thams cad skad cig skad cig tu yongs su rdzogs par 'gyur ro/ /de skad ces 
smras pa dang / byang chub sems dpa' rnam par grol ba'i zla bas byang chub sems dpa' sems dpa' chen po rdo rje'i snying po la 'di skad ces smras so/ /kye rgyal ba'i sras ci byang chub sems dpa' sems dpa' chen po/ 
byang chub sems dpa'i sa bdun pa 'di la gnas pa 'ba' zhig gi byang chub kyi yan lag thams cad skad cig skad cig tu yongs su rdzogs par 'gyur ram/ 'on te ma yin gyis sa bcu po thams cad la 'ang de bzhin du yongs su 
rdzogs par 'gyur/ byang chub sems dpa' rdo rje'i snying pos smras pa/ kye rgyal ba'i sras sa bcu po kun la 'ang byang chub sems dpa'i byang chub kyi yan lag thams cad skad cig skad cig tu yongs su rdzogs par lta 'gyur te/ 
byang chub sems dpa'i sa bdun po 'di la ni de dag pas lhag par yongs su rdzogs par 'gyur ro/ /de ci'i phyir zhe na/ kye rgyal ba'i sras byang chub sems dpa'i sa 'di ni nan tan du bya ba'i spyod pa yongs su rdzogs par byed pa </font><hr>36-1-231b<br><font size=+1>
ye shes dang mngon par shes pa'i spyod pa yongs su gnon pa ste/ de ltar kye rgyal ba'i sras byang chub sems dpa'i sa dang po la ni smon lam thams cad la lhag par dmigs pas byang chub sems dpa'i byang chub kyi yan lag thams cad 
yongs su rdzogs par 'gyur ro/ /gnyis pa la sems kyi dri ma thams cad bstsal bas gsum pa la smon lam rnam par 'phel ba dang / chos kyi snang ba thob pas/ bzhi pa la lam la 'jug pas/ lnga pa la 'jig rten 
gyi spyod pa'i rjes su 'brang bas/ drug pa la chos zab mo'i sgor 'jug pas byang chub kyi yan lag thams cad yongs su rdzogs par 'gyur te/ byang chub sems dpa'i sa bdun pa 'di la ni sangs rgyas kyi chos thams cad yongs su 
sgrub pas byang chub kyi yan lag thams cad skad cig skad cig tu yongs su grub par 'gyur ro/ /de ci'i phyir zhe na/ byang chub sems dpa'i sa dang po nas bzung ste/ byang chub sems dpa'i sa bdun pa'i bar du byang chub sems 
dpas mngon par bsgrubs pa'i ye shes mngon par bsgrub pa'i sbyor ba'i yan lag de dag byang chub sems dpa'i sa brgyad pa yan cad lhun gyis grub par yongs su 'grub bo/ /kye rgyal ba'i sras/ 'di lta ste/ dper na/ kun nas nyon 
mongs shing rnam par dag pa'i 'jig rten gyi khams dang shin tu dag pa'i 'jig rten gyi khams dag gi 'jig rten gyi khams gnyis kyi 'jig rten gyi khams kyi bar ni smon lam dang / thabs dang shes rab dang mngon par shes pa'i stobs dang / shugs chen po ma gtogs par 
'dod 'dod brgal bar mi nus so/ /kye rgyal ba'i sras de bzhin du byang chub sems dpa'i spyod pa 'dres pa dang yongs su dag pa'i bar yang smon pa dang / thabs dang / shes rab dang / mngon par shes pa dang / ye shes kyi stobs </font><hr>36-1-232a<br><font size=+1>
dang shugs chen po ma gtogs par/ 'dod 'dod brgal bar mi nus so/ /byang chub sems dpa' rnam par grol ba'i zla bas smras pa/ kye rgyal ba'i sras 'o na ci byang chub sems dpa'i sa bdun rnams la byang chub sems dpa'i 
spyod pa nyon mongs pa'i spyod pas kun nas nyon mongs par yid ches par bya ba yin nam/ byang chub sems dpa' rdo rje'i snying pos smras pa/ kye rgyal ba'i sras byang chub sems dpa'i sa dang po rab tu dga' ba nyid bzung ba yan cad du byang chub sems dpa'i spyod pa 
thams cad byang chub tu yongs su bsngos pa'i dbang gis nyon mongs pa'i rnyog pa dang bral bar gar 'os pa'i tshul gyi lam mnyam pa nyid kyis yid ches par bya ste/ de tsam gyis sa bdun po rnams su nyon mongs pa'i spyod pa las yang dag 
par 'das shes ni mi bya'o/ /kye rgyal ba'i sras 'di lta ste dper na/ 'khor los sgyur ba'i rgyal po ni lha rdzas kyi glang po rin po che la zhon zhing gling bzhi dag tu 'ang 'gro/ mi'i sdug bsngal dang / phongs pa dang / kun nas 
nyon mongs pa'i nyes pa rnams kyang rab tu shes te/ 'on kyang nyes pa de dag gis gos par mi 'gyur ro/ /de tsam gyis mi'i lus las yongs su 'das pa 'ang ma yin te/ nam mi'i lus spangs te tshangs pa'i 'jig rten du skyes 
par gyur pa de'i tshe ni tshangs pa'i gzhal med khang na gnas shing stong gi 'jig rten gyi khams kyang mthong / de dag tu 'ang 'gro tshangs pa'i gzugs brnyan yang kun tu ston te mi zhes kyang mi brjod do/ /kye rgyal ba'i sras de bzhin du byang 
chub sems dpa'i sa dang po bzung ba yan cad byang chub sems dpa' pha rol tu phyin pa'i theg pa la zhon zhing 'gro ba thams cad du rgyu ba'i tshe kun nas nyon mongs pa'i nyes pa rnams kyang rab tu shes te yang dag pa'i lam du zhugs pas </font><hr>36-1-232b<br><font size=+1>
kun nas nyon mongs pa de dag gis gos par yang mi 'gyur ro/ /'on kyang de tsam gyis bdun po rnams la nyon mongs pa'i nyes pa rnams las yang dag par 'das shes ni mi bya ste/ nam sbyor ba can gyi spyod pa thams cad spangs te 
sa bdun po nas sa brgyad pa yongs su non par gyur te/ byang chub sems dpa'i theg pa yongs su dag pa la zhon zhing 'gro ba thams cad du rgyu ba'i tshe kun nas nyon mongs pa'i nyes pa thams cad kyang rab tu shes te/ 'jig rten gyi bya 
ba kun las 'das pas nyes pa de dag gis kun nas nyon mongs par gyur ces mi bya'o/ /kye rgyal ba'i sras byang chub sems dpa'i sa bdun pa 'di la gnas pa'i byang chub sems dpa' ni 'dod chags las stsogs pa'i 
nyon mongs pa thams cad las kyang shin tu shas che bar 'da' ste/ byang chub sems dpa'i sa bdun pa 'di la spyod pa'i byang chub sems dpa' de ni nyon mongs pa can zhes kyang mi bya/ nyon mongs pa med pa zhes kyang mi 
bya'o/ de ci'i phyir zhe na/ nyon mongs pa thams cad rgyu ba med pas nyon mongs pa can zhes mi bya'o/ /de bzhin gshegs pa'i ye shes mngon par 'dod cing bsam pa yongs su ma rdzogs pas nyon mongs pa med pa zhes kyang mi bya'o/ /de ltar byang chub 
sems dpa'i sa bdun pa la gnas pa'i byang chub sems dpa' ni lhag pa'i bsam pas yongs su dag pa'i lus kyi las dang ldan pa yin/ lhag pa'i bsam pas yongs su dag pa'i ngag gi las dang ldan pa yin/ lhag pa'i bsam pas yongs 
su dag pa'i yid kyi las dang ldan pa yin/ de ni 'di ltar mi dge ba'i las kyi lam de bzhin gshegs pas smad pa kun nas nyon mongs pa dang bcas pa de dag las thams cad kyi thams cad du yang dag par 'das pas 'das pa yin/ gang 'di dag dge </font><hr>36-1-233a<br><font size=+1>
ba'i lam yang dag par rdzogs pa'i sangs rgyas kyis bsngags pa de dag gi rjes su rtag tu rgyun mi 'chad par 'brang ba yin/ gang yang byang chub sems dpa'i sa lnga pa la bzo'i gnas dang las [(]gyi [,]kyi[)] gnas ji ltar mngon par 
bsgrubs pa de dag thams cad kyang lhun gyis grub par rab tu 'byung ngo / /de ni stong gsum gyi stong chen po'i 'jig rten gyi khams na slob dpon du bya ba yin te/ de bzhin gshegs pa dgra bcom pa yang dag par rdzogs pa'i sangs rgyas dang / byang chub 
sems dpa'i sa brgyad pa yan cad kyi byang chub sems dpa' ma gtogs par su 'ang de dang bsam pa 'am sbyor bas mnyam pa med do/ 'di ltar yang gang 'di dag bsam gtan rnams dang / ting nge 'dzin dag dang / snyoms par 'jug pa 
rnams dang / mngon par shes pa dag dang / rnam par thar pa rnams kyang thams cad kyi thams cad du bsgom pa mngon par bsgrub pa'i sgo'i tshul gyis mngon du 'gyur te/ 'on kyang da dung byang chub sems dpa'i sa brgyad pa la ji lta ba de bzhin du ni rnam 
par smin pas yongs su rdzogs pa ma yin no/ /de ltar byang chub sems dpa'i sa bdun pa 'di la gnas pa'i byang chub sems dpa'i sems bskyed pa thams cad la shes rab dang / thabs dang / bsgom pa'i stobs yongs su rdzogs 
par 'gyur te/ sngon bas kyang byang chub kyi yan lag thams cad yongs su rdzogs pa rab tu 'thob bo/ /de de ltar byang chub sems dpa'i sa bdun pa 'di la gnas pa'i tshe/ byang chub sems dpa'i ting nge 'dzin rnam par dbye ba shin tu rnam par 
phye ba zhes bya ba la mnyam par gzhog ste/ byang chub sems dpa'i ting nge 'dzin don shin tu bsam pa zhes bya ba dang / khyad par gyi blo gros shes bya ba dang / rab tu phye ba'i don gyi mdzod ces bya ba dang / chos ji lta ba bzhin du rnam par 'byed pa zhes bya ba dang /</font><hr>36-1-233b<br><font size=+1>
rtsa ba shin tu gnas pas brtan pa zhes bya ba dang / ye shes dang mngon par shes pa'i sgo zhes bya ba dang / chos kyi dbyings yongs su sbyangs pa zhes bya ba dang / de bzhin gshegs pa'i yon tan zhes bya ba dang / don sna tshogs kyi mdzod 
'khor ba dang / mya ngan las 'das pa'i sgo zhes bya ba la yang mnyam par gzhog ste/ de dag la stsogs pa mngon par shes pa dang / ye shes chen po'i sgo'i ting nge 'dzin sa yongs su sbyong bar byed pa/ brgya stong phrag bcu tshang ba la snyoms 
par 'jug go /de thabs dang / shes rab kyis yongs su sbyangs pa'i ting nge 'dzin de dag rab tu thob pa dang / snying rje dang snying brtse ba'i mthus nyan thos kyi sa las 'das pa yin/ rang sangs rgyas kyi sa las 'das pa yin/ 
shes rab dang ye shes kyis rnam par dpyad pa'i sa mngon sum du gyur pa yin/ de ltar de byang chub sems dpa'i sa bdun pa 'di la gnas pa'i tshe/ lus kyi las tshad med pa mtshan ma dang bral ba rab tu 'byung ngo / /ngag gi las tshad med 
pa mtshan ma dang bral ba rab tu 'byung ngo / /yid kyi las tshad med pa mtshan ma dang bral ba shin tu rnam par sbyangs ba mi skye ba'i chos kyi bzod pas snang bar gyur ba tshad med pa rab tu 'byung ngo / /byang chub sems dpa' rnam par grol ba'i zla bas smras 
pa/ kye rgyal ba'i sras de lta go byang chub sems dpa'i sa dang po la gnas pa'i tshe 'ang byang chub sems dpa'i lus dang ngag dang yid kyi las tshad med pa/ nyan thos dang rang sangs rgyas kyi spyod pa las yang dag par 
'das na ji rob/ byang chub sems dpa' rdo rje'i snying pos smras pa/ kye rgyal ba'i sras de lta'ang ma yin te/ de ni sangs rgyas kyi chos la dmigs pa'i mthur zad kyi rang gi blo sa rnam par dpyad pa ni ma yin no/ /byang chub </font><hr>36-1-234a<br><font size=+1>
sems dpa'i sa bdun po 'di la ni rang gi blo'i spyod yul rnam par dpyod pa rab tu thob pas nyan thos dang rang sangs rgyas thams cad kyi mi 'phrogs pa yin/ kye rgyal ba'i sras 'di lta ste dper na/ rgyal po'i rigs 
su skyes pa'i rgyal po'i bu rgyal po'i mtshan dang ldan pa ni btsas ma thag tu rgyal po'i byin gyis blon po'i tshogs thams cad zil gyis gnon gyi/ rang gi blos rnam par dpyad pas ni ma yin no/ /nam nar son par gyur pa de'i tshe/ 
rang gi blo'i mthus blon po thams cad kyi byed pa'i tshul las shin tu 'das pa yin/ /kye rgyal ba'i sras de bzhin du/ byang chub sems dpa' 'ang sems bskyed ma thag tu lhag pa'i bsam pa'i bdag nyid chen pos/ 
nyan thos dang / rang sangs rgyas thams cad zil gyis gnon te/ rang gi blos rnam par brtags pa ni ma yin no/ /byang chub sems dpa'i sa bdun pa 'di la gnas pa'i byang chub sems dpa' ni rang gi yul gyi ye shes 
kyi stobs kyi shugs kyis/ nyan thos dang / rang sangs rgyas kyi byed pa'i tshul las shin tu 'das pa yin no/ /kye rgyal ba'i sras/ de ltar byang chub sems dpa' sems dpa' chen po byang chub sems dpa'i sa bdun pa 
'di la gnas pa'i tshe/ lus dang / ngag dang / yid kyi las zab cing dben la rgyu ba med pa dang ldan pa 'ang rab tu thob pa yin te/ khyad par gong du btsal ba'i brtson 'grus kyang yongs su mi gtong ngo / /yongs su btsal 
ba'i brtson 'grus des kyang yang dag pa'i mthar gnas pa la gnas te/ khyad par gong ma shin tu thob par bya ba'i phyir/ yang dag pa'i mtha' mngon du 'ang mi byed do/ /byang chub sems dpa' rnam par grol ba'i zla bas smras pa/</font><hr>36-1-234b<br><font size=+1>
kye rgyal ba'i sras byang chub sems dpa'i sa gang yan cad du/ byang chub sems dpa'i 'gog pa la snyoms par 'jug /byang chub sems dpa' rdo rje'i snying pos smras pa/ kye rgyal ba'i sras byang chub sems dpa'i 
sa drug pa yan cad/ byang chub sems dpa'i 'gog pa la snyoms par 'jug ste/ byang chub sems dpa'i sa bdun pa 'di la gnas pa'i byang chub sems dpa' ni sems skad cig re re la yang 'gog pa la snyoms par 'jug 
ste/ 'gog pa mngon du byas shes ni mi bya'o/ /de bas na de ni bsam gyis mi khyab pa'i lus dang / ngag dang yid kyi las dang ldan zhes bya ba yin no/ /kye rgyal ba'i sras dag /de ltar byang chub sems dpa' yang dag pa'i 
mtha' la gnas pas kyang / gnas la yang dag pa'i mtha' mngon du yang mi byed pa ni ngo mtshar che'o/ /kye rgyal ba'i sras 'di lta ste dper na/ mi la la zhig rgya mtsho chen po'i gru chen por zhugs te rgal ba'i thabs la mkhas shing rlung la 
mkhas pa dang / chu la mkhas pa ni rgya mtsho chen po'i chu'i nyes pas mi gos so/ /kye rgyal ba'i sras de bzhin du byang chub sems dpa' sems dpa' chen po/ byang chub sems dpa'i sa bdun pa 'di la gnas shing pha rol tu phyin pa'i gru chen por 
zhugs pa yang yang dag pa'i mtha' la gnas pas kyang gnas la yang dag pa'i mtha' mngon du yang mi byed do de ltar de ye shes kyi stobs dang shugs thob pa ni ting nge 'dzin dang ye shes kyi stobs dang shugs kyis mngon par bsgrub pa'i blo dang thabs dang shes rab kyi 
stobs dang shugs chen pos 'khor ba'i sgo yang ston la mya ngan las 'das pa'i bsam pa dang yang mi 'bral ba yin 'khor mang pos kun nas bskor bar snang yang rtag tu rgyun mi 'chad par sems kyi dben pa yang rab tu thob pa yin/khams </font><hr>36-1-235a<br><font size=+1>
gsum du skye ba yang smon lam gyi dbang gis mngon par sgrub la 'jig rten gyi nyes pas kyang mi gos pa yin/ zhi zhing rab tu zhi ba 'ang yin la thabs kyis kyang rab tu 'bar te/ de ltar 'bar yang tshig 
par mi 'gyur ba yin/ sangs rgyas kyi ye shes la'ang yongs su 'jug la nyan thos dang / rang sangs rgyas kyi sa las kyang phyir mi ldog pa yin/ sangs rgyas kyi yul gyi mthil du yang phyin la bdud kyi yul na 'ang 'dug par snang ba yin/ 
bdud kyi lam bzhi las kyang yang dag par 'das la bdud kyi yul dang spyod yul yang yang dag par ston pa yin/ mu stegs can gyi gnas thams cad na 'ang 'dug par snang la/ sangs rgyas kyi mu stegs kyi gnas kyi bsam pa yang / 
mi gtong ba yin/ 'jig rten gyi bya ba thams cad dang yang ldan par snang la/ 'jig rten las 'das pa'i tshul la yang yang dag par gzhol ba yin/ lha dang / klu dang / gnod sbyin dang / dri za dang / lha ma yin dang / 
nam mkha' lding dang / mi 'am ci dang / mi dang mi ma yin pa dang / brgya byin dang / tshangs pa dang / 'jig rten gyi mgon po thams cad las lhag pa'i rgyan dang lhab lhub shin tu bsgrub pa yang rab tu thob la/ chos la dga' 
ba yid la bya ba 'ang mi spong ba yin/ de ltar de lta bu'i ye shes dang ldan par byang chub sems dpa'i sa ring du song ba 'di la gnas pa'i byang chub sems dpa' de'i lta ba rgya chen po dang / smon lam gyi stobs kyis sangs rgyas mang po snang bar 
'gyur te/ lta ba rgya chen po dang smon lam gyi stobs kyis/ sangs rgyas brgya phrag mang po dang / sangs rgyas stong phrag mang po dang / sangs rgyas brgya stong phrag mang po dang / sangs rgyas bye ba brgya stong phrag </font><hr>36-1-235b<br><font size=+1>
mang po dang / sangs rgyas khrag khrig mang po dang / sangs rgyas khrag khrig brgya phrag mang po dang / sangs rgyas khrag khrig stong phrag mang po dang / sangs rgyas khrag khrig brgya stong phrag mang po dang / sangs rgyas bye ba khrag khrig 
brgya stong phrag mang po snang bar 'gyur ro/ /des de bzhin gshegs pa dgra bcom pa yang dag par rdzogs pa'i sangs rgyas de dag mthong nas bsam pa rgya chen pos rim gro byed do/ /bkur sti byed do/ /bsti stang byed do/ /mchod pa 
byed do/ /na bza' dang / bsod snyoms dang / gzims cha dang snyun gyi rkyen sman dang / yo byad dag kyang 'bul zhing / byang chub sems dpa'i bde ba'i yo byad thams cad kyang yongs su 'bul lo/ /dge 'dun gyi tshogs 
rnams la yang yang dag par mchod pa byed de/ dge ba'i rtsa ba de dag kyang bla na med pa yang dag par rdzogs pa'i byang chub tu yongs su bsngo'o/ /de ltar de bzhin gshegs pa de dag la bsnyen bkur byed cing / de dag las rjes dang rim 
gros nan tan du chos bstan pa nyan cing len to 'dzin to/ /thos nas kyang ma nor ba'i snyoms par 'jug pa dang / shes rab dang ye shes kyi snang bas rab tu brtson par byed cing nan tan gyis yongs su 'dzin to/ /sangs rgyas bcom 
ldan 'das de dag gi bstan pa yang yang dag par 'dzin to/ /nyan thos dang / rang sangs rgyas kyi mngon par rtogs pa yongs su dri bas kyang mi 'phrogs pa yin te/ de sngon pas kyang sems can la phan 'dogs pa'i chos kyi bzod pa rnam 
par dag par 'gyur ba yin/ de ltar byang chub sems dpa'i sa ring du sod pa 'di la gnas pa'i byang chub sems dpa' de'i dge ba'i rtsa ba de dag sngon bas kyang bskal pa du ma dang / bskal pa brgya phrag du ma dang / bskal pa stong phrag du ma dang / bskal pa brgya stong phrag </font><hr>36-1-236a<br><font size=+1>
du ma dang /bskal pa bye ba brgya stong phrag du ma dang / bskal pa khrag khrig phrag du ma dang / bskal pa khrag khrig brgya phrag du ma dang / bskal pa khrag khrig stong phrag du ma dang / bskal pa khrag khrig brgya stong phrag du ma dang / bskal pa bye ba khrag khrig brgya 
stong phrag du mar shin tu dag cing yongs su byang bar gnas so/ /kye rgyal ba'i sras 'di lta ste dper na/ gser gyi sa le sbram de nyid rin po che thams cad kyis rab tu spras pa ni sngon bas kyang / rgyan gyi rnam pa gzhan dang gzhan gyis mi thub pa dang / 
ches 'od gsal zhing dang bar 'gyur ro/ kye rgyal ba'i sras de bzhin du byang chub sems dpa' sems dpa' chen po/ byang chub sems dpa'i sa ring du song ba 'di la gnas pa'i thabs dang shes rab kyis bsgrubs pa'i dge ba'i rtsa ba de dag sngon 
bas kyang ches shin tu byang ba dang / ches 'od gsal zhing dang bar 'gyur ro/ /nyan thos dang rang sangs rgyas thams cad kyis kyang mi 'phrogs pa yin/ kye rgyal ba'i sras 'di lta ste dper na nyi ma'i 'od ni skar ma'i tshogs dang zla ba'i 'od kyis mi 
'phrogs shing 'dzam bu'i gling na rlan gyi bag yod pa thams cad kyang shin tu skem par byed do/ /kye rgyal ba'i sras de bzhin du/ byang chub sems dpa'i sa ring du song ba 'di la gnas pa'i/ byang chub sems dpa'i dge ba'i rtsa ba de dag kyang sngon bas kyang / 
nyan thos dang / rang sangs rgyas thams cad kyis/ mi 'phrogs pa yin/ phyin ci log bzhi dang ldan pa'i nyon mongs pa'i rlan gyi rnam pa thams cad kyang / yongs su skem mo/ de'i pha rol du phyin 
pa bcu las/ thabs mkhas pa'i pha rol tu phyin pa'i shas che ba yin te/ lhag ma rnams kyang ci tshul ci nus su mi bsgrub pa ma yin no/ /kye rgyal ba'i sras 'di ni/ byang chub sems dpa' sems dpa' chen po rnams kyi/ ring du </font><hr>36-1-236b<br><font size=+1>
song ba zhes bya ba ste/ byang chub sems dpa'i sa bdun pa mdor bstan pa'o/ /de la gnas pa'i byang chub sems dpa' sems dpa' chen po ni/ phal cher lha'i rgyal po dbang sgyur du 'gyur te/ sems can rnams 
la/ mngon par rtogs pa'i ye shes yang dag par bstabs pa la mkhas shing mthu yod pa ste/ nyan thos dang / rang sangs rgyas thams cad kyis/ yongs su dri bas mi zad pa yin/ sems can skyon med par shin tu 
bslab par bya ba la 'ang mkhas pa yin te/ sbyin pa 'am/ ngag snyan pa 'am/ don bsgrub pa 'am/ don 'thun pas/ dge ba'i rtsa ba gang ci rtsom yang rung ste/ de thams cad ji ltar na/ sems can thams cad kyi mchog 
tu 'gyur/ gtso bor 'gyur/ thu bor 'gyur/ phul du 'gyur/ dam par 'gyur/ bla na med par 'gyur/ 'dren par 'gyur/ yongs su 'dren par 'gyur ba nas/ thams cad mkhyen pa'i ye shes la rten pa'i bar 
du 'gyur snyam ste/ sangs rgyas yid la bya ba dang / chos yid la bya ba dang / dge 'dun yid la bya ba dang / byang chub sems dpa' yid la bya ba dang / byang chub sems dpa'i spyod pa yid la bya ba dang / byang chub sems dpa'i sa yid la 
bya ba dang / pha rol tu phyin pa yid la bya ba dang / stobs yid la bya ba dang / mi 'jigs pa yid la bya ba dang / sangs rgyas kyi chos ma 'dres pa yid la bya ba nas/ rnam pa'i mchog thams cad dang ldan pa'i thams cad mkhyen pa'i ye shes kyi bar 
du yid la bya ba dang mi 'bral ba yin te/ de 'dod na skad cig yud tsam thang cig tu/ ting nge 'dzin bye ba khrag khrig brgya stong rab tu thob cing de dag la snyoms par 'jug pa dang / sangs rgyas bye ba khrag khrig brgya stong mthong ba dang / de dag gi byin gyi </font><hr>36-1-237a<br><font size=+1>
rlabs kyang yang dag par shes pa dang / 'jig rten gyi khams bye ba khrag khrig brgya stong snang bar bya ba dang / sems can bye ba khrag khrig brgya stong yongs su smin par bya ba dang / bskal pa bye ba khrag khrig brgya stong du gnas par bya 
ba dang / sngon gyi mtha' dang phyi ma'i mtha'i bskal pa bye ba khrag khrig brgya stong mang po la rab tu 'jug pa dang / chos kyi sgo bye ba khrag khrig brgya stong rnam par 'byed pa dang / lus bye ba khrag khrig brgya stong yongs su bstan pa dang / lus re re la yang 
byang chub sems dpa'i 'khor bye ba khrag khrig brgya stong yang dag par bstan par bya ba'i brtson 'grus kyi rnam pa de lta bu rtsom mo/ /de yan cad byang chub sems dpa' smon lam gyi mthu can rnams smon lam gyi khyad par gyis rnam par 'phrul te/ de dag gi lus sam 'ong 
dam/ rdzu 'phrul lam/ myig gam/ spyod yul lam/ dbyangs sam/ spyod pa 'am/ rgyan tam/ byin gyi rlabs sam/ mos pa 'am/ mngon par 'du byed pa dag kyang bskal pa du ma dang / bskal pa brgya phrag du ma dang / bskal 
pa stong phrag du ma dang / bskal pa brgya stong phrag du ma dang / bskal pa bye ba khrag khrig brgya stong phrag du ma'i bar gyis kyang bgrang bar dka'o/ /de nas byang chub sems dpa' rdo rje'i snying pos sa'i don 'di nyid yang brtag par bya ba dang bstan par bya ba'i 
phyir de'i tshe tshigs su bcad pa 'di dag smras so/ /ye shes zab mo don dam tshig gi rjes snyegs shing / /sa drug rtogs pa'i yid ldan bdag nyid mnyam bzhag pa/ /shes rab thabs gnyis zung du 'brel pa mngon par bsgrub/ /mkhas pas 
bdun sbyong ba dam pa yongs su gnon/ /stong pa mtshan med mi smon snying rje byams dang ldan/ /chos nyid mnyam pa'i rjes 'gro sangs rgyas mchod par byed/ /shes pas shes byas bsod nams stobs kyis mi ngoms pas/ /de'i phyir mkhas pa </font><hr>36-1-237b<br><font size=+1>
bdun pa'i sa phyogs yongs su gnon/ /khams gsum mngon par sgrub byed shin tu dben pa thob/ /nyon mongs stobs rnams zhi zhing grol ba zhi la mos/ /mig yor sgyu ma rmi lam mi gnyis chos spyod kyang / /snying rje las spyod ston pa 
mkhas pas bdun pa gnon/ /nam mkha'i bsam pas zhing rnams yongs sbyong rnam mi rtog /rgyal ba'i mtshan dang ldan zhing mi g.yo chos dang ldan/ /brjod pa'i dbyangs bral 'gro ba dgar bya don du gnyer/ /skad cig sems kyis rgyal bas kun 
mkhyen yang dag gzhol/ /chos rnams 'di dag spyad pas snang ba thob gyur pas/ /'gro ba'i don 'dod sa mchog yongs su gnon ces bya/ /de dag sa 'di gnas shing mtha' yas sems can spyod/ /bde gshegs tshad med las mkhyen rnam par 
dpyod pa byed/ /zhing dang bskal pa chos grangs sna tshogs du ma dang / /mos dang bsam pa sems dang spyod pa sna tshogs dang / /theg pa gsum po bstan pa tshad med yang dag 'jug /bdag gis sems can de dag yongs su smin bya zhes/ /de dag 
de ltar rnam phye shes rab lam ldan pa/ /spyod lam bzhi por mngon par brtson zhing thabs dang ldan/ /sems kyi skad cig kun la byang chub yon tan sgrub/ /pha rol phyin pa bcur 'jug yongs su rdzogs par byed/ /sems skyes 'gro la yongs 
sngo de ni sbyin pa'o/ /tshul khrims nyon mongs zhi ba bzod pa mi 'tshig pa/ /brtson 'grus de nas khyad par gong du rtsom pa ste/ /lam las mi sgul de ni legs ldan bsam gtan no/ /mi skye'i bzod pa rdul med mkhas pa'i shes rab mchog /da dung 
mngon 'dod sngo ba de yi smon lam ste/ /mi thub stobs yin shin tu rtogs pa ye shes so/ /de ltar byang chub yon tan thams cad skad cig ldan/ /dang por dmigs pas yon tan yongs su rdzogs par 'gyur/ /gnyis la dri ma bstsal phyir </font><hr>36-1-238a<br><font size=+1>
gsum la bgegs bstsal bas/ /bzhi la lam gyis lnga la mnyam pa nyid kyis te/ mi skye'i snang bas mkhas pa'i drug po rnam par 'phel/ /bdun po 'dir phyin yon tan mtha' dag kun rdzogs par/ /smon lam du 
ma sna tshogs mngon par bsgrub pa byed/ /ci phyir zhe na ye shes spyod pa 'dir grub pa/ /de ni brgyad pa yan cad kun tu rnam dag 'gyur/ /'da' dka' phyin dka' ye shes mang po'i las kyis 'grub/ /zhing gnyis bar mtshams ji ltar yongs su 
brgal dka' bzhin/ /bdun la spyod pa rgyal po chags med ji bzhin te/ /lam la gnas pa yin gyi thams cad brtan ma 'das/ /brgyad pa'i ye shes sa dang gang tshe ldan gyur pa/ /de tshe sems kyi yul 'das ye shes las la gnas/ /tshangs 
pa 'gro ba lta yang mi yi bdag nyid min/ /de bzhin mkhas pa pad mo bzhin du mi chags spyod/ /'di la gnas pa nyon mongs sna tshogs rab tu 'da'/ /de dag nyon mongs spyod med byang ba 'ang thob pa min/ /lam la gnas kyang de 'dra'i nyon mongs 
spyod med min/ /rgyal ba'i ye shes mngon 'dod de bas zad pa min/ /'jig rten bzo dang las gnas rnam pa sna tshogs dag /mkhas pas gtsug lag rgyus la gnas te shes byas dang / /bsam gtan mngon shes stobs bsgoms ldan par gyur pa rnams/ 
de bas gsal 'gyur ting 'dzin sna tshogs mngon par sgrub/ /nyan thos rang rgyal spyod las yongs su 'das pa ste/ /bdun pa'i byang chub sems dpa'i spyod la mkhas pa gnas/ /sngon chad bsam pas yin gyi 'di la ye shes kyis/ /nar son 
mthu dang ldan pa'i rgyal po'i bu bzhin no/ /shin du zab dang ldan pas gong du rtsom byed de/ /'gog pa'i sems dang ldan yang mngon par mi byed do/ /ji ltar rgya mtshor phyin zhing gru chen zhugs gyur pa/ /chu tshul thams cad mngon gyur gru la skyon </font><hr>36-1-238b<br><font size=+1>
mi 'gyur/ /de dag sngon bas thabs dang shes rab mchog dang ldan/ /shes dka' 'gro ba kun tu shes spyod yon tan mang / /sangs rgyas bye ba yang du bsam pa dag pas mchod/ /gser sbram de nyid rin chen mang pos spras pa bzhin/ /
'di la gnas pa'i mkhas pa'i shes rab mchog gi 'od/ /sred pa'i chu rnams ji ltar gnyi bzhin yongs su skem/ /sa mchog 'di la gnas pa dbang sgyur rgyal por 'gyur/ /ye shes dam pa'i 'bras bu ston la mthu yod mkhas/ /
'dod na brtson 'grus dam pa'i stobs dang ldan gyur pa/ /sangs rgyas bye ba khrag khrig brgya stong tshang ba dag /phyogs rnams kun tu shin tu mnyam par bzhag pas mthong / /yan cad smon lam yon tan mchog can tshad kyang med/ /'di ni sa 
mchog bdun pa ste/ /rang rgyal dbang la spyod pa dang / /'jig rten kun gyis shes par dka'/ /thabs dang shes rab sbyor ba'o/ /ring du song ba zhes bya ba ste/ byang chub sems dpa'i sa bdun pa'o// //
sangs rgyas rmad ga cad ces bya ba shin tu rgyas pa chen po'i mdo/ /bam po bcwo brgyad pa/ mkhas pa'i spyod pa de 'dra dam pa thos nas/ /lha yi tshogs dang lha'i dbang po kun dga'/ /byang chub sems dpa' 'gro phan brtson pa mang po/ /bde bar 
gshegs dang rgyal sras rnams la mchod byed/ /me tog phreng ba rgyal mtshan ba dan yid 'ong / /spos dang phye ma rin chen na bza' rgyan pa/ /dbyig gis spras pa'i gdugs rab khrag khrig du ma/ /phreng ba'i sprin kyi dam pa'i char yang mngon 'bebs/ 
lha'i bu mos yid du 'ong ba'i sgra dbyangs/ /du ma'i sil snyan gar gyi mchog dang ldan byas/ /bde bar gshegs dang rgyal sras mchod pa'i don du/ /thub pa'i yon tan rmad du byung ba rjod byed/ /thams cad gzigs pa rkang gnyis khyu mchog gtso </font><hr>36-1-239a<br><font size=+1>
bo/ /sangs rgyas spyod yul 'gro la phan phyir ston mdzad/ /dbyangs sprin yid du 'ong ba rab tu 'byung ba'i/ /rnga dang sil snyan sna tshogs rnams las 'di 'byung / /skra yi rtse la bde gshegs brgya phrag stong snyed/ /gang glu khrag 
khrig bye ba'i rdul bas de mang / /zhing mchog dam pa mnyam pa med pa dag na/ /khyu mchog rnams ni rdul bral chos rnams ston mdzad/ /spu gcig rtse la 'byam klas dam pa'i zhing mang / /gling bzhi du ma rgya mtsho mtsho chen kun gnas/ /khor yug bye ba de bzhin ri 
rab thams cad/ /so so'i tshul dang ldan par kun kyang snang gyur/ /skra yi rtse mo de la 'gro rgyud drug po/ /yi dgas byol song mi dang sems dmyal lha dang / /gnod sbyin srin po klu dang lha min mang po/ /sna tshogs las kyi yul la kun kyang spyod byed/ /
rdul bral kun gyi zhing gi spyod yul kun tu/ /'khor lo dam pa'i mchog kyang de tshe 'khor gyur/ /'gro ba'i 'du shes sems dang de bzhin spyod pa/ /bde gshegs gsung gi dam pas kun kyang bstan byas/ /sems can lus la bde gshegs zhing mang 
sna tshogs/ /zhing la sems can rmad snyed lus kyang de bzhin/ /lha dang mi yi lam rgyud de bzhin sna tshogs/ /mkhyen nas bde bar gshegs pa chos rnams kun ston/ /shin tu yangs pa'i zhing la 'du shes phrar gyur/ /rdul gyi mtshan ma dag la 'du 
shes yangs gyur/ /de las stsogs pa bde bar gshegs pa'i rdzu 'phrul/ /'jig rten kun gyi brjod kyang zad par mi 'gyur/ /che ba nyid dbyangs de skad du/ /snyan pa'i dbyangs su grag gyur nas/ /'khor rnams rab tu dga' zhing zhi/ /gsung ba'i 
mchog la lta zhing gnas/ /'khor rnams zhi bar shes gyur nas/ /rnam grol zla bas yang smras pa/ /sa brgyad pa yi rnam pa dang / /de la 'jug pa bstan par mdzod/ /byang chub sems dpa' rdo rje'i snying pos smras pa/ /kye rgyal ba'i sras dag /</font><hr>36-1-239b<br><font size=+1>
de ltar byang chub sems dpa' sems dpa' chen po/ byang chub sems dpa'i sa bdun pa la rnam par dbye ba shin tu byas pa/ thabs dang shes rab kyis lam shin tu sbyangs pa/ tshogs shin tu bstsags pa/ smon lam chen po shin tu btab pa'i stobs dang 
shugs can/ de bzhin gshegs pa'i byin gyi rlabs kyis byin du rlabs pa rang gi dge ba'i rtsa ba'i stobs dang shugs thob pa/ de bzhin gshegs pa'i stobs dang mi 'jigs pa dang / sangs rgyas kyi chos ma 'dres pa yid la bya ba dang ldan pa/ bsam pa dang 
lhag pa'i bsam pas yongs su sbyangs ba'i sems dang ldan pa/ bsod nams dang ye shes kyi stobs kyis mngon par 'phags pa/ snying rje dang snying brtse ba chen pos sems can gyi khams thams cad yongs su mi gtong ba'i sbyor ba dang ldan pa/ ye shes 
kyi lam tshad med pa'i rjes su song ba de chos thams cad thog ma nas ma byung ba nyid la yang dag pa ji lta ba bzhin du 'jug go /ma skyes pa dang / mtshan nyid med pa dang / skye ba med pa dang / 'jig pa med pa dang / thug pa med pa dang / mi rgyu ba dang / 
mi ldog pa dang / dngos po med pa'i rang bzhin dang / thog ma dang tha ma dang dbus mnyam pa nyid dang / de bzhin nyid kyis rnam par mi rtog pa'i thams cad mkhyen pa'i ye shes la 'ang yang dag pa ji lta ba bzhin du 'jug ste/ des rnam pa thams 
cad du sems dang yid dang rnam par shes pa'i rnam par rtog pa dang / 'du shes dang bral zhing thogs pa med la nam mkha' dang 'dra zhing nam mkha'i rang bzhin du khong du chud pas mi skye ba'i chos la bzod pa thob ces bya'o/ /kye rgyal ba'i sras dag /de la de 
lta bu'i bzod pa dang ldan pa'i byang chub sems dpa' ni byang chub sems dpa'i sa mi g.yo ba thob ma thag tu byang chub sems dpa'i gnas zab mo shes par dka' ba tha mi dad pa mtshan ma thams cad dang bral ba 'du shes kyi bgegs thams cad las phyir log pa tshad med </font><hr>36-1-240a<br><font size=+1>
pa/ nyan thos dang / rang sangs rgyas thams cad kyis mi 'phrogs pa/ dben pa thams cad mngon du gyur pa/ shin tu thob pa yin/ kye rgyal ba'i sras dag /'di lta ste dper na/ dge slong rdzu 'phrul dang ldan pa sems 
kyi dbang dam pa'i pha rol tu bgrod par phyin pa mthar gyis 'gog pa'i bar du mnyam par bzhag pa ni rgyu ba dang sems pa dang /g.yo ba'i rnam par rtog pa dang / 'du shes thams cad dang bral ba yin/ kye rgyal ba'i sras dag /de bzhin du byang chub sems 
dpa' yang byang chub sems dpa'i sa brgyad pa mi g.yo ba 'di thob ma thag tu ched du bya ba thams cad dang bral te lhun gyis grub pa'i chos nyid thob cing lus dang ngag dang sems kyi rtsol ba thams cad dang bral te shin tu dben pa'i chos nyid la gnas pa yin/ kye rgyal ba'i sras dag 
'di lta ste dper na/ mi la la zhig gnyid kyis log pa'i rmi lam du bdag chu klung chen pos khyer ba snyam byed la/ de de nas ci phyin tu 'bad cing rtsol ba chen po rtsom rtsom pa las de 'bad cing rtsol ba chen po de nyid kyis sad par gyur na/ de sad ma thag tu 'bad cing 
rtsol ba thams cad dang bral bar 'gyur ro/ /kye rgyal ba'i sras dag de bzhin du byang chub sems dpa' yang nyon mongs pa'i chu klung chen po bzhir sems can mang po dong bar shes nas 'bad cing rtsol ba yongs su rtsom mo/ /de brtson 'grus chen po dang ldan pas byang 
chub sems dpa'i sa mi g.yo ba 'di thob ma thag tu ched du bya ba thams cad bral ba yin te/ de'i gnyis po rgyu ba 'am/ mtshan ma rgyu ba dag kyang thams cad du mi snang bar 'gyur ro/ /kye rgyal ba'i sras dag /'di lta ste dper na/ tshangs pa'i 'jig rten 
du skyes shing gnas pa ni 'dod pa la spyod pa'i nyon mongs pa rnams yongs su mi rgyu ba yin/ kye rgyal ba'i sras dag /de bzhin du byang chub sems dpa'i sa mi g.yo ba la gnas pa'i byang chub sems dpa' yang sems dang yid dang / rnam par shes pa yongs su rgyu ba </font><hr>36-1-240b<br><font size=+1>
rnams thams cad kyi thams cad du yongs su mi rgyu ba yin te/ de sangs rgyas la yongs su rgyu ba 'am/ byang chub la yongs su rgyu ba 'am/ byang chub sems dpa' la yongs su rgyu ba 'am/ rang sangs rgyas la yongs su rgyu ba 'am/ nyan thos la yongs su rgyu ba 'am/ 
mya ngan las 'das pa la yongs su rgyu ba'am/ dgra bcom pa la yongs su rgyu ba 'am/ phyir mi 'ong ba la yongs su rgyu ba 'am/ lan cig phyir 'ong ba la yongs su rgyu ba 'am/ rgyun tu zhugs pa la yongs su rgyu ba yang yongs su mi rgyu na 'jig rten pa'i 
yongs su rgyu ba yongs su mi rgyu ba lta ci smos/ kye rgyal ba'i sras dag /de ltar mi g.yo ba'i sa la gnas pa'i byang chub sems dpa' sngon gyi smon lam gyi stobs dang shugs la gnas pa de'i chos kyi sgo'i rgyud de la sangs rgyas bcom ldan 'das rnams de bzhin 
gshegs pa'i ye shes kyis nye bar bsgrub pa mdzad de/ de la 'di skad ces kyang bka' stsal to/ /rigs kyi bu legs so legs so/ /sangs rgyas kyi chos rjes su rtogs par bya ba la 'di ni don dam pa'i bzod pa'ang yin na/ 'on kyang rigs kyi bu nged kyi 
stobs bcu dang / mi 'jigs pa bzhi dang / sangs rgyas kyi chos phun sum tshogs pa de khyod la med cing / sangs rgyas kyi chos phun sum tshogs pa de dag yongs su btsal ba'i phyir brtson 'grus rtsoms shig /bzod pa'i sgo 'di nyid kyang ma btong shig /
rigs kyi bu 'di lta ste/ khyod kyis de ltar zhi ba'i rnam par thar pa thob kyang / byis pa so so'i skye bo 'di dag zhi ba ma yin rab tu zhi ba ma yin te/ nyon mongs pa sna tshogs yongs su rgyu bar gyur na/ de ltar rnam par rtog pa rnam pa sna tshogs kyis 
yongs su mnar ba la soms/ 'di ltar yang rigs kyi bu khyod kyi sngon gyi smon lam sems can kyi don yongs su 'grub par bya bar btab pa dang / ye shes kyi sgo bsam gyis mi khyab pa dran par gyis shig /'di ltar yang rigs kyi bu 'di ni chos </font><hr>36-1-241a<br><font size=+1>
rnams kyi chos nyid de/ de bzhin gshegs pa rnams byung yang rung ma byung rung / chos kyi dbyings dang chos kyi gnas nyid 'di ni de bzhin du 'dug pa ste/ 'dis ni de bzhin gshegs pa rnams nyi tse brjod par bya ba ma yin te/ nyan thos 
dang / rang sangs rgyas thams cad kyang rnam par mi rtog pa'i chos nyid 'di 'thob bo/ /rigs kyi bu khyod nged kyi lus tshad med pa dang / ye shes tshad med pa dang / sangs rgyas kyi zhing tshad med pa dang / ye shes mngon par bsgrub pa tshad med pa dang / 'od kyi 
dkyil 'khor tshad med pa dang / dbyangs kyi yan lag rnam par dag pa tshad med pa la ltos/ khyod kyis kyang de bzhin du mngon par bsgrub par bya dgos so/ /'di ltar rigs kyi bu gang de ltar chos thams cad la rnam par mi rtog pa de ni khyod kyi snang ba gcig pur 
zad de/ rigs kyi bu de bzhin gshegs pa rnams kyi chos snang ba ni 'di 'dra ste/ yongs su mtha' yas par song la yongs su mtha' yas par bsgrub pa ste/ de snyed kyi bskal pa bye ba khrag khrig brgya stong gis kyang bgrang bar dkas/ de dag thob 
par bya ba'i phyir mngon par bsgrub pa skyed cig /'di ltar yang rigs kyi bu phyogs bcu'i zhing tshad med pa dang / sems can tshad med pa dang / chos rnam par phye ba tshad med pa ltos te/ de dag thams cad ma nor bar bgrang bar gyis shig ces 
ste/ kye rgyal ba'i sras dag /de ltar de lta bu'i ye shes dang ldan pa'i byang chub sems dpa' la sangs rgyas bcom ldan 'das de dag ye shes mngon par bsgrub pa'i sgo de dag la stsogs pa gang gis byang chub sems dpa' ye shes rnam par phye ba'i tshul mngon 
par bsgrub pa'i las tshad med pa yongs su rdzogs par byed pa gzhal du med pa de dag nye bar bsgrub pa mdzad do/ /kye rgyal ba'i sras dag khyed kyis yid ches pa dang / khong du chud par bya na gal te sangs rgyas bcom ldan 'das de dag gis </font><hr>36-1-241b<br><font size=+1>
byang chub sems dpa' de mngon par bsgrub pa'i sgor gzhug pa mdzad du zin na/ de nyid de'i mtha' las brgal ba'i mya ngan las 'das par 'gyur te/ sems can thams cad kyi dgos pa 'ang rgyun gcad par 'gyur ro/ /de ltar sangs rgyas bcom 
ldan 'das de dag ni/ byang chub sems dpa' de la ye shes mngon par bsgrub pa'i las gang gis skad cig gcig tu mngon par bsgrub pas kyang thog ma sems bskyed pa phyin cad sa bdun pa la zhugs shing / rjes su song ba yongs su rtsom pa'i bar snga ma de dag 
gis brgya'i char yang nye bar mi 'gro/ stong gi cha dang khrag khrig gi cha dang / khrag khrig brgya'i cha dang / khrag khrig stong gi cha dang / khrag khrig brgya phrag stong gi cha dang / bye ba khrag khrig brgya phrag stong gi char yang nye bar mi 'gro'o/ /grangs dang / cha dang / bgrang ba dang / dpe dang / 
rgyur yang nye bar mi 'gro ba nas bsgrun btsam gyi bar du 'ang mi chog pa de snyed du tshad med pa'i ye shes mngon par bsgrub pa las nye bar bsgrub pa mdzad do/ /kye rgyal ba'i sras dag /de ci'i phyir zhe na/ sngon cad lus gcig gis mngon par bsgrubs pas 
spyod pa mngon par bsgrub par gyur gyi 'di la gnas pa'i byang chub sems dpa' rnams ni lus rnam par phye ba tshad med pas byang chub sems dpa'i spyod pa'i mthu yongs su sdud de/ dbyangs mngon par bsgrub pa tshad med pa dang / ye shes mngon par bsgrub pa 
tshad med pa dang / skye ba mngon par bsgrub pa tshad med pa dang / zhing yongs su sbyang ba tshad med pa dang / sems can yongs su smin par bya ba tshad med pa dang / sangs rgyas mchod cing bsnyen bkur ba tshad med pa dang / chos kyi tshul khong du chud pa tshad med pa dang / 
mngon par shes pa mngon par bsgrub pa'i stobs dang shugs tshad med pa dang / 'khor gyi dkyil 'khor tshad med pa rnam par phye ba dang / tshad med pa'i rjes su song ba'i lus dang / ngag dang yid kyi las kyis byang chub sems dpa'i spyod pa thams cad kyi mthu </font><hr>36-1-242a<br><font size=+1>
mi sgul ba'i tshul gyis yang dag par sgrub bo/ /kye rgyal ba'i sras dag /'di lta ste dper na/ rgya mtsho chen por 'gro ba'i gru ni rgya mtsho chen por ma phyin gyi bar du ched du bskyod cing 'gro bar bya ba yin te/ rgya mtsho chen po la 
zhen ma thag tu rlung gi dkyil 'khor gyis bstsu bas ched du bskyod mi dgos pa yin/ des rgya mtsho chen po la nyin gcig gis ci chod pa de ni sngon ched du bskyod cing 'gro bas lo brgyar yang de ltar tshad med par phyin par mi nus so/ /kye rgyal ba'i sras dag de bzhin du 
byang chub sems dpa' sems dpa' chen po dge ba'i rtsa ba chen po'i tshogs yang dag par bstsags pa/ theg pa chen po'i grur zhugs pa yang / byang chub sems dpa'i spyod pa'i rgya mtshor phyin nas/ yud tsam cig tu lhun gyis grub pa'i ye shes 
kyis thams cad mkhyen pa'i ye shes ji tsam yang dag par gnon pa de ni sngon gyi ched du bya ba'i las kyis bskal pa brgya stong du yang yang dag par gnon par mi nus so/ /kye rgyal ba'i sras dag /de la byang chub sems dpa'i sa brgyad pa 'di thob pa'i byang chub 
sems dpa' ni thabs mkhas pa'i ye shes kyis bsgrub pa lhun gyis grub pa la shin tu zhugs pa'i/ byang chub sems dpa'i blos thams cad mkhyen pa'i ye shes la rnam par dpyod cing 'jig rten gyi khams 'byung ba yang rnam par dpyod do/ /'jig rten gyi 
khams 'jig pa 'ang rnam par dpyod do/ /de 'jig rten ji ltar 'byung ba de yang rab tu shes so/ /'jig rten ji ltar 'jig pa de yang rab tu shes so/ /las gang bstsags pas 'jig rten 'byung bar 'gyur ba de yang rab tu shes so/ /las gang 
bstsags pas 'jig rten na 'jig par 'gyur ba de yang rab tu shes so/ /dus ji srid kyis 'jig rten 'byung bar 'gyur ba de yang rab tu shes so/ /dus ji srid kyis 'jig rten 'jig par 'gyur ba de yang rab tu shes so/ /dus ji srid du 'jig rten byung nas gnas </font><hr>36-1-242b<br><font size=+1>
pa de 'ang rab tu shes so/ /dus ji srid du 'jig rten zhig par gnas pa de yang rab tu shes so/ /de sa'i khams shin tu chung ba yang rab tu shes so/ /sa'i khams shin tu che ba 'ang rab tu shes so/ /sa'i khams tshad med pa yang rab tu shes so/ /
sa'i khams rnam par phye ba yang rab tu shes so/ /de chu'i khams shin tu chung ba yang rab tu shes so/ /chu'i khams shin tu che ba'ang rab tu shes so/ /chu'i khams tshad med pa 'ang rab tu shes so/ /chu'i khams rnam par phye ba yang rab tu shes so/ /
de mye'i khams shin tu chung ba yang rab tu shes so/ /mye'i khams shin tu che ba yang rab tu shes so/ /mye'i khams tshad med pa yang rab tu shes so/ /mye'i khams rnam par phye ba yang rab tu shes so/ /de rlung gi khams shin tu chung ba yang rab tu 
shes so/ /rlung gi khams shin tu che ba yang rab tu shes so/ /rlung gi khams tshad myed pa yang rab tu shes so/ /rlung gi khams rnam par phye ba yang rab tu shes so/ /de shin tu phra ba'i rdul shin tu phra ba nyid kyang rab tu shes so/ /shin tu phra ba'i rdul 
yangs pa yang rab tu shes so/ /shin tu phra ba'i rdul tshad med pa yang rab tu shes so/ /shin tu phra ba'i rdul rnam par phye ba yang rab tu shes so/ /'jig rten gyi khams gang na sa'i khams kyi rdul shin tu phra ba ji snyed pa de dag kyang rab tu shes so/ /chu'i 
khams kyi rdul shin tu phra ba ji snyed pa de dag kyang rab tu shes so/ /mye'i khams kyi rdul shin tu phra ba ji snyed pa de dag kyang rab tu shes so/ /rlung gi khams kyi rdul shin tu phra ba ji snyed pa de dag kyang rab tu shes so/ /rin po che rnam par phye ba ji snyed yod pa dang / 
rin po che'i rdul shin tu phra ba ji snyed yod pa de dag kyang rab tu shes so/ /sems can gyi lus la rdul ji snyed yod pa de dag kyang rab tu shes so/ /zhing gi lhun la rdul shin tu phra ba ji snyed yod pa de dag kyang rab tu shes so/ /de sems can gyi lus che ba dang /</font><hr>36-1-243a<br><font size=+1>
lus yangs pa dang / lus phra ba dang / lus rnam par phye ba yang rab tu shes so/ /sems can dmyal ba pa'i lus rdul shin tu phra ba ji snyed kyis byung ba dang / byol song gi skye gnas pa'i lus rdul shin tu phra ba ji snyed kyis byung ba dang / 
gshin rje'i 'jig rten pa'i lus rdul shin tu phra ba ji snyed kyis byung ba dang / lha ma yin gyi 'jig rten pa'i lus rdul shin tu phra ba ji snyed kyis byung ba dang / lha'i 'jig rten pa'i lus rdul shin tu phra ba ji snyed kyis byung ba dang / myi'i ris su gtogs pa'i lus rdul 
shin tu phra ba ji snyed kyis byung ba de dag kyang rab tu shes so/ /de de ltar rdul shin tu phra ba rab tu dbye ba la zhugs pa ni 'dod pa'i khams 'jig pa yang rab tu shes so/ /gzugs kyi khams 'jig pa yang rab tu shes so/ /gzugs myed pa'i khams 'jig pa 
yang rab tu shes so/ /'dod pa'i khams 'du ba yang rab tu shes so/ /gzugs kyi khams 'du ba yang rab tu shes so/ /gzugs med pa'i khams 'du ba yang rab tu shes so/ /'dod pa'i khams chung ba yang rab tu shes so/ /'dod pa'i 
khams che ba 'ang rab tu shes so/ /'dod pa'i khams tshad myed pa 'ang rab tu shes so/ /'dod pa'i khams rnam par phye ba yang rab tu shes so/ /gzugs kyi khams dang gzugs myed pa'i khams chung ba yang rab tu shes so/ /che ba 'ang rab tu shes so/ /
tshad myed pa 'ang rab tu shes so/ /rnam par phye ba 'ang rab tu shes so/ /de khams gsum rnam par dpyad pa'i ye shes khong du chud pa mngon par bsgrub pa'i ye shes kyi snang ba dang ldan la/ sems can gyi lus rab tu dbye ba la mkhas shing / zhing gi lhun 
rnam par dbye ba'i ye shes la mkhas pas skye ba'i skye mched thams cad mngon par bsgrub pa la blo shin tu gtong ste/ de ni sems can thams cad yongs su smyin par bya ba'i phyir sems can rnams kyi skye ba dang / yongs su grub pa ci 'dra ba de lta bur rang gi </font><hr>36-1-243b<br><font size=+1>
lus byin gyis rlob bo/ /de stong gsum gyi stong chen po'i 'jig rten gyi khams rgyas par bkang zhing sems can gyi mos pa ji lta ba de bzhin du rang gi lus mig yor lta bu'i ye shes kyi rjes su 'brang bas skye bar bya ba'i phyir mngon par bsgrub ste/ stong gsum gyi stong chen 
po'i 'jig rten gyi khams gnyis sam/ gsum mam/ bzhi 'am/ lnga 'am/ bcu 'am/ nyi shu 'am/ sum cu 'am/ bzhi bcu 'am/ lnga bcu dag nas brjod du myed pa'i yang brjod du myed pa'i bar dag rgyas par bkang ste/ sems can gyi mos pa ji lta 
ba de bzhin du rang gi lus myig yor lta bu'i ye shes kyi rjes su 'brang bas skye bar bya ba'i phyir mngon par sgrub bo/ /de de lta bu'i ye shes dang ldan pas sangs rgyas kyi zhing gcig nas kyang myi g.yo la/ sangs rgyas kyi zhing brjod du myed pa dag gi de bzhin 
gshegs pa'i 'khor gyi dkyil 'khor dag du yang snang bar phyin pa yin/ de sems can rnams kyi lus rnam par phye ba dang / mos pa dang bsam pa ji lta ba bzhin du zhing de dang de dag dang / 'khor gyi dkyil 'khor de dang / de dag tu de lta de ltar rang gi 
lus ston te/ dge sbyong gi 'khor gyi dkyil 'khor du dge sbyong gi kha dog dang gzugs ston to/ /bram ze'i 'khor gyi dkyil 'khor du/ bram ze'i kha dog dang gzugs ston to/ /rgyal rigs kyi 'khor gyi dkyil 'khor du rgyal rigs kyi 
kha dog dang gzugs ston to/ /rje'u rigs kyi 'khor gyi dkyil 'khor du/ rje'u rigs kyi kha dog dang gzugs ston to/ /khyim bdag gi 'khor gyi dkyil 'khor du/ khyim bdag gi kha dog dang gzugs ston to/ /rgyal po chen po 
bzhi'i ris kyi 'khor gyi dkyil 'khor du/ rgyal po chen po bzhi'i kha dog dang gzugs ston to/ /sum cu rtsa gsum pa'i 'khor gyi dkyil 'khor du/ sum cu rtsa gsum pa'i kha dog dang gzugs ston to/ /de bzhin du </font><hr>36-1-244a<br><font size=+1>
mtshe ma'i 'khor gyi dkyil 'khor dang / dga' ldan gyi 'khor gyi dkyil 'khor dang / 'phrul dga'i 'khor gyi dkyil 'khor dang / gzhan 'phrul dbang byed kyi 'khor gyi dkyil 'khor dang / tshangs pa'i 'khor gyi dkyil 'khor 
nas 'og min gyi 'khor gyi dkyil 'khor gyi bar tu de lta de lta bu'i kha dog dang gzugs ston to/ /de nyan thos kyis 'dul ba'i sems can rnams la nyan thos kyi lus dang kha dog dang gzugs ston to/ /rang sangs rgyas kyis 'dul ba'i sems can rnams la rang sangs 
rgyas kyi lus dang kha dog dang gzugs ston to/ /byang chub sems dpas 'dul ba'i sems can rnams la byang chub sems dpa'i lus dang kha dog dang gzugs ston to/ /de bzhin gshegs pas 'dul ba'i sems can rnams la de bzhin 
gshegs pa'i sku dang kha dog dang gzugs ston to/ /kye rgyal ba'i sras dag /de ltar sangs rgyas kyi zhing brjod du med pa ji snyed pa de dag gi sems can rnams kyi mos pa rab tu mang ba de dag thams cad du rang gi lus de lta de ltar rnam par phye ba yongs su 
ston to/ /de lus kyi rnam par rtog pa dang / 'du shes thams cad dang rnam par bral ba ste/ lus mnyam pa nyid thob pas/ sems can gyi lus rab tu shes so/ /zhing gi lus dang rnam par smin pa'i lus dang / nyan thos kyi lus dang / rang sangs 
rgyas kyi lus dang / byang chub sems dpa'i lus dang / de bzhin gshegs pa'i sku dang / ye shes kyi lus dang / chos kyi lus dang / nam mkha'i lus kyang rab tu shes so/ /des sems can rnams kyi sems dang bsam pa mngon par bsgrub 
pa yongs su shes pas/ 'dod na sems can gyi lus nam mkha'i lus su byin gyis rlob bo/ /de bzhin du zhing gi lus dang / las rnam par smin pa'i lus dang / nyan thos kyi lus dang / rang sangs rgyas kyi lus dang / byang chub </font><hr>36-1-244b<br><font size=+1>
sems dpa'i lus dang / de bzhin gshegs pa'i sku dang / ye shes kyi lus dang / chos kyi lus kyang nam mkha'i lus su byin gyis rlob bo/ /des sems can rnams kyi sems dang bsam pa mngon par bsgrub pa yongs su shes pas sems can gyi lus 
rang gi lus su byin gyis rlob bo/ /de bzhin du zhing gi lus dang las rnam par smin pa'i lus dang / nyan thos kyi lus dang / rang sangs rgyas kyi lus dang / byang chub sems dpa'i lus dang / de bzhin gshegs pa'i sku dang / ye shes kyi lus dang 
chos kyi lus dang nam mkha'i lus kyang rang gi lus su byin gyis rlob bo/ /des sems can rnams kyi sems dang bsam pa mngon par bsgrub pa yongs su shes pas/ lus gang dang gang / lus gang dang gang du 'dod pa de dang de'i lus su lus de dang de dag byin gyis rlob bo/ /des 
sems can kyi lus rnams kyi las kyi lus kyang rab tu shes so/ /rnam par smin pa'i lus dang / nyon mongs pa'i lus dang / gzugs kyi lus dang / gzugs med pa'i lus kyang rab tu shes so/ /zhing gi lus rnams kyi chung ba'i rang bzhin yang rab tu 
shes so/ /che ba dang tshad med pa dang / kun nas nyon mongs pa dang / rnam par dag pa dang / snrel zhi dang / spyi'u tshugs dang / gzhi mnyam par yang dag par 'jug pa dang / phyogs kyi dra ba rnam par dbye ba yang rab tu shes so/ /las rnam par smin 
pa'i lus rnam par phye ba'i brda yang rab tu shes so/ /de bzhin du nyan thos kyi lus rnam par phye ba'i brda dang / rang sangs rgyas kyi lus rnam par phye ba'i brda dang / byang chub sems dpa'i lus rnam par phye ba'i brda yang rab tu shes so/ /de bzhin gshegs pa'i 
sku rnams kyi mngon par 'tshang rgya ba'i lus kyang rab tu shes so/ /smon lam gyi lus dang sprul pa'i lus dang / byin gyi rlabs kyi lus dang /gzugs dang mtshan dang dpe byad bzang po'i rgyan gyi lus dang / 'od kyi lus dang yid kyi rang bzhin gyi lus dang /</font><hr>36-1-245a<br><font size=+1>
bsod nams kyi lus dang / ye shes kyi lus dang / chos kyi lus kyang rab tu shes so/ /ye shes kyi lus rnams kyi shin tu rnam par dpyad pa nyid kyang rab tu shes so/ /yang dag pa ji lta ba bzhin du brtags pa yang rab tu shes 
so/ /'bras bu'i sbyor bas yang dag par bzung ba dang / 'jig rten pa dang 'jig rten las 'das pa rnam par phye ba dang / theg pa gsum rnam par dgod pa dang / thun mong dang thun mong ma yin pa dang / 'byung ba dang mi 'byung ba dang / slob pa dang / mi slob 
pa yang rab tu shes so/ /chos kyi lus rnams kyi mnyam pa nyid kyang rab tu shes so/ /'khrul pa med pa yang rab tu shes so/ /gnas dang brda dang kun rdzob rnam par dgod pa dang / sems can dang sems can ma yin pa'i chos rnam par dgod pa dang / 
sangs rgyas dang chos dang 'phags pa'i dge 'dun rnam par dgod pa yang rab tu shes so/ /nam mkha'i lus rnams kyi tshad myed pa nyid kyang rab tu shes so/ /thams cad kyi rjes su song ba dang / lus myed pa dang / nor ba med cing mtha' yas pa dang / gzugs 
mang po mngon zhing gsal bar byed pa yang rab tu shes so/ /des lus kyi ye shes mngon par bsgrub pa de lta bu rab tu thob pas bskal pa brjod du med pa'i yang brjod du med par tshe byin gyis brlab pa'i phyir/ tshe'i dbang rab tu 'thob bo/ /ting nge 'dzin shin tu 
rtogs pa'i ye shes la 'jug par bya ba'i phyir sems can gyi dbang rab tu 'thob bo/ /'jig rten gyi khams thams cad rgyan du mas rab tu brgyan cing shin tu klubs pa'i byin gyi rlabs yang dag par bstan pa'i phyir yo byad kyi dbang rab tu 'thob bo/ /las kyi 
rnam par smin pa'i byin gyi rlabs/ dus bzhin du ma nor bar bstan pa'i phyir las kyi dbang rab tu 'thob po/ /'jig rten gyi khams thams cad du skye ba yongs su bstan pa'i phyir skye ba'i dbang rab tu 'thob po/ /sangs rgyas kyi zhing dang dus gang du ci dga' </font><hr>36-1-245b<br><font size=+1>
bar mngon par 'tshang rgya ba yang dag par bstan pa'i phyir smon lam gyi stobs rab tu 'thob bo/ /'jig rten gyi khams thams cad sangs rgyas kyis rab tu gang ba yang dag par bstan pa'i phyir mos pa'i dbang rab tu 'thob bo/ /sangs rgyas kyi zhing thams cad du rdzu 
'phrul dang rnam par 'phrul pa yang dag par bstan pa'i phyir rdzu 'phrul gyi stobs rab tu 'thob bo/ /de bzhin gshegs pa'i stobs dang / mi 'jigs pa dang / sangs rgyas kyi chos ma 'dres pa dang / mtshan dang dpe byad bzang po dang / mngon par 
'tshang rgya ba yang dag par bstan pa'i phyir/ ye shes kyi dbang rab tu 'thob bo/ /mtha' dang dbus med pa'i chos kyi sgo snang ba yang dag par bstan pa'i phyir chos kyi dbang rab tu 'thob bo/ /de byang chub sems dpa'i dbang bcu po 'di dag thob ma thag 
nas bsam gyis mi khyab pa'i ye shes dang ldan pa yin/ tshad med pa'i ye shes dang ldan pa yin/ yangs pa'i ye shes dang ldan pa yin/ mi 'phrogs pa'i ye shes dang ldan pa yin/ des de lta bu'i rjes su song zhing de lta bu'i ye shes dang 
ldan pas lus kyi las kha na ma tho ba shin tu med pa yang dag par rgyu zhing 'byung ba yin/ ngag gi las kha na ma tho ba shin tu med pa yang dag par rgyu zhing 'byung ba yin/ yid kyi las kha na ma tho ba shin tu med cing ye shes sngon du 'gro ba ye shes rjes su 'brang 
ba/ shes rab kyi pha rol tu phyin pas dbang sgyur ba/ snying rje chen po sngon du 'gro ba thabs mkhas pas shin tu rnam par phye ba smon lam gyis shin tu mngon par bsgrubs pa/ de bzhin gshegs pa'i byin gyis shin tu brlabs pa/ sems can gyi 
don bya zhing sbyor ba rgyun ma chad pa/ 'jig rten gyi khams thams cad du rnam par phye ba yang dag par rgyu zhing 'byung ngo / /kye rgyal ba'i sras dag /de la mdor bsdu na byang chub sems dpa'i sa mi g.yo ba 'di thob pa'i byang chub sems dpa'i lus </font><hr>36-1-246a<br><font size=+1>
dang ngag dang yid kyi las ni sangs rgyas kyi chos thams cad yang dag par sdud pa'i phyir yang dag par rgyu zhing 'byung ngo / /de ltar des byang chub sems dpa'i sa mi g.yo ba 'di thob pas/ nyon mongs pa'i rgyu ba thams cad dang bral ba'i phyir 
bsam pa'i stobs shin tu brtan pa yin/ lam dang mi 'bral ba'i phyir lhag pa'i bsam pa shin tu brtan pa yin/ sems can gyi don yongs su mi gtod ba'i phyir snying rje chen po'i stobs shin tu brtan pa yin/ 'gro ba thams cad yongs su skyob 
pa'i phyir byams pa chen po'i stobs shin tu brtan pa yin/ nyams pa med pa'i chos dang ldan pa'i phyir gzungs kyi stobs shin tu brtan pa yin/ sangs rgyas kyi chos thams cad rab tu dbye ba'i bye brag la mkhas pa'i phyir spobs pa'i stobs shin tu brtan 
pa yin/ 'jig rten gyi khams mtha' yas par spyod pa'i rnam pa la mkhas pas mngon par shes pa'i stobs shin tu brtan pa yin/ byang chub sems dpa'i bya ba thams cad yongs su mi gtong bas smon lam gyi stobs shin tu brtan pa yin/ 
sangs rgyas kyi chos thams cad yang dag par bsgrub pa'i phyir/ pha rol tu phyin pa'i stobs shin tu brtan pa yin/ thams cad mkhyen pa'i ye shes rnam pa thams cad du mngon tu gyur pas/ de bzhin gshegs pa'i byin gyi rlabs kyi stobs shin 
tu brtan pa yin te/ de de lta bu'i stobs kyi shugs dang ldan pas bya ba thams cad kyang yang dag par ston la bya ba thams cad la kha na ma tho ba 'ang med pa yin/ kye rgyal ba'i sras dag /'di ni byang chub sems dpa'i ye shes kyis brgyad pa ste/ mi 
'phrogs pa'i phyir mi g.yo ba zhes bya'o/ /ye shes mi zlog pa'i phyir mi 'gyur ba zhes bya'o/ /'gro ba thams cad kyis shes par dka' bas na thob par dka' ba'i sa zhes bya'o/ /kha na ma tho ba med pa'i phyir gzhon nu'i sa zhes bya'o/ /</font><hr>36-1-246b<br><font size=+1>
bsam pa ji lta ba bzhin du dbang bsgyur bas skye ba'i sa zhes bya'o/ /gzod bya ba med pas yongs su rdzogs pa'i sa zhes bya'o/ /ye shes kyi rnam par dbye ba shin tu bya bas mthar thug pa'i sa zhes bya'o/ /smon lam shin tu mngon par bsgrub 
pas mya ngan las 'das pa'i sa zhes bya'o/ /gzhan gyis rnam par mi 'khrugs pas byin gyi rlabs kyi sa zhes bya'o/ /sngon gyi mthar mngon par bsgrubs pas lhun gyis grub pa'i sa zhes bya'o/ /kye rgyal ba'i sras dag /de ltar byang chub sems 
dpa' de lta bu'i ye shes mngon par bsgrub pa dang ldan zhing / sangs rgyas kyi rigs kyi rjes su song ba/ sangs rgyas kyi yon tan gyis shin tu gsal bar gyur pa/ de bzhin gshegs pa'i spyod lam dang / spyod pa dang tshul gyi rjes su song ba/ sangs 
rgyas kyi yul la mngon du gyur pa de ni rtag tu rgyun mi 'chad par de bzhin gshegs pa'i byin gyis shin tu brlabs pa yin/ brgya byin dang / tshangs pa dang / 'jig rten gyi mgon pos rab tu bstsu ba yin/ lag na rdo rje rtag par rjes su 'brang ba yin/ ting 
nge 'dzin gyi stobs yongs su ma btang ba yin/ lus rnam par phye ba tshad med pa mngon par bsgrub pa yin/ lus kyi spyod pa'i stobs thams cad dang ldan pa yin/ mngon par shes pa chen po'i rnam par smin pa yongs su rdzogs pa yin/ ting nge 'dzin 
mtha' yas pa la dbang bsgyur ba yin/ lung bstan pa tshad med pa yang dag par nod pa yin/ yongs su smin pa'i tshul bzhin du 'gro ba rnams la mngon par 'tshang rgya ba yongs su ston pa yin te/ de de lta bu'i sa dang ldan zhing theg pa chen po'i dkyil 'khor 
la rab tu zhugs pa shin tu rnam par dpyad pa'i ye shes mngon par shes pa chen po dang ldan pa/ rtag tu rgyun mi chad par shes rab snang ba'i 'od gzer gtong ba/ chos kyi dbyings chags pa med pa'i lam du zhugs pa/ 'jig rten gyi khams kyi lam rnam par dbye </font><hr>36-1-247a<br><font size=+1>
ba la mkhas pa/ yon tan gyi rnam pa thams cad yang dag par ston pa/ rang gi sems bskyed pa la dbang bsgyur ba sngon gyi mtha' dang phyi ma'i mtha' shin tu rtogs pa'i ye shes can/ bdud kyi lam thams cad yongs su 
bzlog pa'i ye shes dang ldan pa/ de bzhin gshegs pa'i yul dang spyod yul gyi rjes su zhugs pa ni/ 'jig rten gyi khams 'byam klas shing mu med pa dag tu byang chub sems dpa'i spyod pa phyir mi ldog pa'i tshul gyis/ spyod pas de'i phyir byang chub sems 
dpa' de ni byang chub sems dpa'i sa mi g.yo ba thob pa yin zhes bya'o/ /kye rgyal ba'i sras dag /de la byang chub sems dpa'i sa mi g.yo ba thob pa'i byang chub sems dpa' ni ting nge 'dzin gyi stobs kyis mngon par bsgrubs pas rtag tu rgyun mi 'chad par de 
bzhin gshegs pa mtha' yas pa mthong ba dang mi 'bral ba yin/ sangs rgyas mthong ba la mchod cing bsnyen bkur ba rgya chen po yang yongs su mi gtong ste/ de bskal pa re re dang / 'jig rten gyi khams 'byam klas pa re re dag tu yang sangs rgyas du ma dang / 
sangs rgyas brgya phrag du ma dang / sangs rgyas stong phrag du ma dang / sangs rgyas brgya stong phrag du ma dang / sangs rgyas bye ba brgya stong phrag du ma dang / sangs rgyas khrag khrig du ma dang / sangs rgyas khrag khrig brgya phrag du ma dang / sangs rgyas khrag khrig stong 
phrag du ma dang / sangs rgyas khrag khrig brgya stong phrag du ma dang / sangs rgyas bye ba khrag khrig brgya stong phrag du ma la rim gro byed do/ bkur sti byed do/ /bsti stang byed do/ /mchod pa byed do/ /mchod pa mngon par bsgrub pa'i rnam pa thams cad kyang yang dag par 'bul lo/ /
de bzhin gshegs pa de dag la bsnyen bkur byed cing 'jig rten gyi khams rnam par dbye ba sngon du 'gro ba'i chos snang ba nye bar bsgrub pa yang yang dag par len to/ /de sngon pas kyang de bzhin gshegs pa'i chos kyi mdzod rab tu thob pas/ 'jig rten gyi khams rnam par </font><hr>36-1-247b<br><font size=+1>
phye ba yongs su bris pa shin tu bstan pas mi 'phrogs pa yin/ de'i dge ba'i rtsa ba de dag kyang bskal pa du ma dang / bskal pa brgya phrag du ma dang / bskal pa stong phrag du ma dang / bskal pa brgya phrag du ma dang / bskal pa stong phrag du ma dang / bskal pa bye ba brgya stong phrag du 
ma dang / bskal pa bye ba brgya stong phrag du ma dang / bskal pa khrag khrig du ma dang / bskal pa khrag khrig brgya phrag du ma dang / bskal pa khrag khrig stong phrag du ma dang / bskal pa khrag khrig brgya stong phrag du ma dang / bskal pa bye ba khrag khrig brgya stong phrag du mar shin tu byang ba dang 
yongs su dag pa dang shin tu 'od gsal zhing dang bar gnas pa yin/ kye rgyal ba'i sras dag /'di lta ste dper na/ gser gyi sa le sbram de nyid mgar ba mkhas pa des yongs su zin par gyur nas 'dzam bu'i gling gi bdag po'i mgul lam mgo 
la btags na sems can 'dzam bu'i gling pa thams cad kyi rgyan gyi rnam pa kun gyis mi thub mi 'phrogs pa yin/ kye rgyal ba'i sras dag /de bzhin du byang chub sems dpa'i sa mi g.yo ba 'di la gnas pa'i byang chub sems dpa'i dge ba'i rtsa ba de dag nyan 
thos dang / rang sangs rgyas thams cad nas byang chub sems dpa'i sa bdun pa la gnas pa'i byang chub sems dpa' rnams kyi bar gyis kyang mi 'phrogs pa yin/ byang chub sems dpa'i sa 'di dang ldan pa'i byang chub sems dpa'i ye shes kyi 
'od chen po ni ye shes kyi sgo shin tu rnam par phye bas sems can rnams kyi nyon mongs pa'i mun pa rab tu sel to/ /kye rgyal ba'i sras dag /'di lta ste dper na/ stong la dbang ba'i tshangs pa ni/ stong gi 'jig rten gyi khams byams 
pas bkang zhing 'od kyis snang bar byed do/ /kye rgyal ba'i sras dag /de bzhin du byang chub sems dpa'i sa mi g.yo ba 'di la gnas pa'i byang chub sems dpa' yang sangs rgyas kyi zhing brgya stong phrag bcu'i rdul shin tu phra ba snyed kyi bar gyi 'jig rten gyi </font><hr>36-1-248a<br><font size=+1>
khams snang bas rgyas par bkang zhing / sems can rnams kyi nyon mongs pa'i yongs su gdung ba mthar gyis zhi bar byed do/ /lus kyang shin tu tshim par byed do/ /de bzhin du pha rol du phyin pa bcu las smon lam gyi pha rol tu phyin pa'i shas 
che ba yin te/ lhag ma rnams kyang ci tshul ci nus su yang dag par mi bsgrub pa ma yin no/ /kye rgyal ba'i sras dag /'di ni byang chub sems dpa'i sa mi g.yo ba zhes bya ba ste/ byang chub sems dpa'i sa brgyad pa mdor bstan pa'o/ /rgya cher ni bskal pa mu med 
pas bstan pa'i mthar thug par shes par bya'o/ /de la gnas pa'i byang chub sems dpa' ni phal cher stong gi bdag po tshangs pa chen por 'gyur te/ gzhan zil gyis gnon cing / gzhan gyi zil gyis mi gnon pa dang / don mthong zhing dbang thob par 'gyur te/ 
sems can rnams la nyan thos dang rang sangs rgyas dang byang chub sems dpa'i pha rol tu phyin pa ston pa la mkhas shing mthu yod pa yin/ 'jig rten gyi khams rnam par phye ba yongs su dris pas mi 'phrogs pa yin/ de sbyin pa 'am/ ngag snyan pa 'am/ don bsgrub pa 'am/ 
don 'thun pas dge ba'i rtsa ba gang ci rtsom yang rung ste/ de thams cad ji ltar na sems can thams cad kyi mchog tu 'gyur/ gtso bor 'gyur/ thu bor 'gyur/ phul du 'gyur/ dam par 'gyur/ bla na med par 'gyur/ 'dren par 'gyur/ yongs su 'dren par 'gyur 
ba nas thams cad mkhyen pa'i ye shes la brten pa'i bar du 'gyur snyam ste/ sangs rgyas yid la bya ba dang / chos yid la bya ba dang / dge 'dun yid la bya ba dang /byang chub sems dpa' yid la bya ba dang / byang chub sems dpa'i spyod pa yid la bya ba dang / byang chub 
sems dpa'i sa yid la bya ba dang / pha rol tu phyin pa yid la bya ba dang / stobs yid la bya ba dang / myi 'jigs pa yid la bya ba dang / sangs rgyas kyi chos ma 'dres pa yid la bya ba nas rnam pa'i mchog thams cad dang ldan pa'i thams cad mkhyen pa'i ye shes kyi bar du </font><hr>36-1-248b<br><font size=+1>
yid la bya ba dang / myi 'bral ba yin te/ de 'dod na skad cig yud tsam thang cig tu/ ting nge 'dzin stong gsum brgya stong phrag bcu'i rdul shin tu phra ba snyed rab tu 'thob cing de dag la snyoms par 'jug pa dang / sangs rgyas stong gsum brgya stong phrag bcu'i rdul shin tu phra ba 
snyed mthong ba dang / de dag gi byin gyi rlabs kyang yang dag par shes pa dang / 'jig rten gyi khams stong gsum brgya stong phrag bcu'i rdul shin tu phra ba snyed skyod pa dang / sangs rgyas kyi zhing stong gsum brgya stong phrag bcu'i rdul shin du phra ba snyed du 'gro ba dang / 
'jig rten gyi khams stong gsum brgya stong phrag bcu'i rdul shin tu phra ba snyed snang bar bya ba dang / sems can stong gsum brgya stong phrag bcu'i rdul shin tu phra ba snyed yongs su smin par bya ba dang / bskal pa stong gsum brgya stong phrag bcu'i rdul shin 
tu phra ba snyed du gnas par bya ba dang / sngon gyi mtha' dang phyi ma'i mtha'i bskal pa stong gsum brgya stong phrag bcu'i rdul shin tu phra ba snyed la rab tu 'jug pa dang / chos kyi sgo stong gsum brgya stong phrag bcu'i rdul shin tu phra ba snyed rnam par 'byed pa dang /
lus stong gsum brgya stong phrag bcu'i rdul shin tu phra ba snyed yongs su bstan pa dang / lus re re la yang byang chub sems dpa'i 'khor stong gsum brgya stong phrag bcu'i rdul shin tu phra ba snyed yang dag par bstan par bya ba'i brtson 'grus kyi 
rnam pa de lta bu rtsom mo/ /de yan cad byang chub sems dpa'i smon lam gyi mthu can rnams smon lam gyi khyad par gyis/ rnam par 'phrul te de dag gi lus sam 'od dam/ rdzu 'phrul lam/ mig gam/ spyod yul lam/ dbyangs sam/ spyod pa
'am/ rgyan tam/ byin gyi rlabs sam/ mos pa 'am/ mngon par 'du byed pa dag kyang bskal pa du ma dag bskal pa brgya phrag du ma dang / bskal pa stong phrag du ma dang / bskal pa brgya stong phrag du ma'i bar gyis kyang bgrang bar dka'o/ /de nas byang chub sems </font><hr>36-1-249a<br><font size=+1>
dpa' rdo rje'i snying pos sa'i don 'di nyid yang brtag par bya ba dang / bstan par bya ba'i phyir de'i tshe tshigs su bcad pa 'di dag smras so/ /de dag sa bdun shes rab thabs kyis lam sbyangs shing / /shin du mchog bstsags 
smon lam chen po rab btab pa/ /myi yi dam pas byin rlabs dge ba'i rtsa ldan zhing / /ye shes mngon 'dod mkhas pa brgyad pa yongs su gnon/ /bsod nams ye shes nyer bstsags snying rje byams ldan zhing / /tshad med sems kyi rjes song mkha' dang 
'dra ba'i blo/ /drang srong chen po chos thos rtogs pa'i stobs ldan pa/ /myi skye ba yi bzod pa phra zhing zhi ba rab tu 'thob/ /snga nas ma skye mi skye mtshan nyid med pa dang / /ma byung 'jig pa med cing rgyu ba med pa dang / /dngos po skye 'jig med pa'i de nyid 
rtog med pa/ /yid dang sems kyi rgyu ba med cing nam mkha' 'dra/ /de dag 'di 'dra'i bzod ldan spros pa med gyur pa'i/ /mkhas pa zab spyod zhi ba'i gnas rab thob pa yin/ /dgra bcom rang rgyal 'gro ba kun gyis shes par dka'/ /
mtshan ma sna tshogs 'dzin pa'i 'du shes rnam par bstsal/ /de ltar gnas pa'i yid dang sems dang rtog pa med/ /dge slong 'gog dang ldan par rnam par myi rtog thob/ /rmi lam chus khyer gnyid sad bzhin du rtsol dang bral/ /tshangs 
pa'i gnas kyi 'dod pa ji bzhin gnyis kyang med/ /sngon gyi byin gyis bde gshegs yang dag bskul ba mdzad/ /'di ni bde gshegs dbang bskur bzod pa dam pa ste/ /nged kyi ye shes stobs yang sangs rgyas chos kyi rnams/ /de dag khyod 
la med kyis de la brtson 'grus rtsom/ /ci phan khyod kyi nyon mongs 'bar ba kun zhi yang / /'jig rten nyon mongs myes tshig de dag mi blta 'am/ /sems can phan phyir spyad pa'i sngon gyi smon lam sems/ /'gro ba mthar rgyur ye shes don </font><hr>36-1-249b<br><font size=+1>
zhugs shes par gyis/ /chos nyid de bzhin nyid 'di myi rtog rtag tu 'dug /sa 'di rgyal ba nyan thos rang rgyal kun gyi ste/ /'dis ni 'jig rten dag tu stobs bcu mi brjod do/ /gzhan du ye shes yangs pa dus gsum tshad kyis brjod/ /de ltar 
de la mtshungs med lha dang myis mchod pa/ /ye shes sgo mo rnam mang nye bar bsgrub pa mdzad/ /rgyal ba'i chos bsgrub pha rol mtha' yas gzhug mdzad pa/ /de la sngon gyi byang chub spyod pas char myi 'gro/ /khyu mchog de dag ye shes sa mchog 'di thob nas/ /
phyogs rnams kun tu skad cig gcig gis rgyas 'gengs pa/ /ye shes shugs dang ldan zhing mngon shes mchog thob pas/ /rgya mtsho cher phyin gru chen rlung gis bkur ba bzhin/ /ched du bskyod sems bral zhing ye shes las la gnas/ /zhing rnams 
'byung zhing gnas pa rnam par dpyod pa byed/ /khams rnams bzhi po kha dog tha dad yangs pa dang / /phra zhing che dang rnam par phye la yang dag 'jug /stong gsum shin tu rdul phra kun la 'jug byed de/ /khams bzhi 'gro ba'i lus rnams rnam par phye ba dang / /
rgyu drug rin chen rnam par phye ba'i rdul phran rnams/ /rnam par phye zhing ye shes yul gyis ma lus bgrang / /ye shes rnams bsgoms yid ldan lus rnams thams cad du/ /'gro ba'i don phyir rang gi lus rnams gzud pa byed/ /stong gsum thams 
cad sna tshogs gzugs kyis khyab byas shing / /'jig rten mtha' yas dag tu sna tshogs lus kyang ston/ /bar snang mkha' la nyi zla rlung gis rgyu 'gro yang / /so so'i dkyil 'khor gzugs brnyan chu dkyil rab tu snang / /de bzhin mi g.yo'i chos la ye 
shes dam pas rgyu/ /bsam dag 'gro ba rnams la mkhas pa'i gzugs brnyan snang / /'gro ba'i bsam pa bzhin du lus kyi rnam phye ba/ /myi dang lha yi 'khor rnams kun tu ston pa byed/ /nyan thos rang rgyal bde gshegs sras kyi lus rnams dang / /</font><hr>36-1-250a<br><font size=+1>
bde bar gshegs sku yan lag brgyad pa rab tu ston/ /sems can zhing dang de bzhin las kyi rnam smin lus/ /'phags lus sna tshogs de bzhin chos dang ye shes lus/ /nam mkha'i lus dang mnyam pa nyid du 
khyu mchog ldan/ /rdzu 'phrul sna tshogs 'gro ba tshim par bya phyir ston/ /dbang bcu dri ma myed pa'i ye shes dpyod pa thob/ /ye shes spyod dang las rnams snying rje 'thun pa 'ang thob/ /las rnams ji snyed rgyal ba'i chos rnams yongs 
su bsgrub/ /sdom pa gsum la gnas shing mi g.yo ri rab bzhin/ /rgyal sras rnams kyi stobs bcu bskyod par mi nus pa/ /de dag kun ldan bdud rnams kun gyis yong mi zlog /sangs rgyas byin rlabs brgya byin tshangs pas 
phyag kyang bya/ /lag na rdo rje'i dpung rnams rtag tu phyi bzhin 'brang / /sa phyogs 'di la gnas pa'i yon tan mtha' yas te/ /de dag bskal pa khrag khrig stong gis zad mi nus/ /de dag sangs rgyas bye ba bsnyen bkur yang byed pas/ /
rgyal po'i mgo la 'dug pa'i rgyan bzhin shin tu gsal/ /sa phyogs 'di gnas byang chub sems dpa' shes ldan pa/ /stong gi bdag po tshangs chen yon tan mang por 'gyur/ /theg pa gsum ston yongs su myi 'khrugs mi 'phrogs te/ /
'od bzang byams pa'i bsam pas 'gro ba'i nyon mongs sel/ /skad cig gcig tu stong phrag bcu yi zhing rnams kyi/ /rdul khams ji snyed de snyed ting 'dzin ldan pa 'thob/ /phyogs bcu'i sems can gtso bo de snyed mang po mthong / /yan 
cad smon lam mchog gi rgyan can gcig min no/ /'di ni mdor bsdus rgyal sras kyis/ /sa brgyad shin tu bstan pa ste/ /rgya che bskal pa bye bar yang / /thams cad mthar phyin myi nus so/ /byang chub sems dpa'i sa brgyad pa ste </font><hr>36-1-250b<br><font size=+1>
mi g.yo ba zhes bya ba'o// //sangs rgyas rmad ga cad ces bya ba shin tu rgyas pa chen po'i mdo//bam po bcu dgu pa/ /sa yi dam pa 'di bshad tshe/ /de bzhin gshegs pa'i byin rlabs kyis/ /tshad 
med bsam gyis mi khyab pa'i/ /bye ba'i zhing rnams g.yos par gyur/ /thams cad gzigs pa'i sku las kyang / /'od gzer yid du 'ong ba bkye/ /des ni zhing rnams snang bar byas/ /sems can rnams kyang bde bar gyur/ /
byang chub sems dpa' stong snyed kyang / /bar snang gnas la 'khod gyur te/ /lha rdzas lhag pa'i mchod pa yis/ /gsung pa'i mchog la mchod pa byed/ /lha yi rgyal po dbang phyug dang / /dbang bsgyur rnams kyang dga' bar 
gyur/ /mchod pa rnam pa sna tshogs kyis/ /yon tan rgya mtsho mchod pa byed/ /de nas lha mi bu mo stong / /dga' zhing dbang po bder gyur pas/ /sbyar legs snyan pa'i glu yi dbyangs/ /ston pa mchod pa'i don du len/ /rol 
mo'i sgra dbyangs de dag las/ /drang srong chen po'i byin rlabs kyis/ /'di 'dra'i sgra dbyangs stong snyed du/ /snyan pa'i dbyangs su grag par gyur/ /zhi dul rab zhi dri ma thams cad myed gyur cing / /sa yi mchog dang ldan pas spyod pa legs 
spyod pa/ /phyogs bcur 'gro la phan par spyod pa'i khyu mchog rnams/ /mkha' dbyings 'dra ba'i yid kyi rgyal ba'i spyod pa ston/ /myi yi gnas dang lha yi gnas dang klu gnas su/ /phyogs bcur bsod nams stobs kyis rgyan rnams mang po byung / 
de las yang du rgyal sras ye shes la mos pa/ /rgyal ba'i yon tan bsngags pa rgya chen rab tu ston/ /zhing gcig ma g.yos rdul med zhing rnams thams cad du/ /'gro la phan byed zla ba lta bu'i 'od ldan pa/ /thams cad dbyangs su 'du shes sems </font><hr>36-1-251a<br><font size=+1>
zhi yid rab kyis/ /so so'i skad bzhin sgra skad brgya yang rnam par brjod/ /sems can gang rnams blo zhan sems yid dmar gyur pa/ /de la mkhas pa khyu mchog nyan thos spyod pa ston/ /sems can gang rnams sems 
rno rang rgyal theg brtson pa/ /de la rdul med rang rgyal theg pa'i ye shes ston/ /sems can gang rnams phan sems snying rje brtse yid can/ /de la de dag rgyal sras spyod pa'i mchog kyang ston/ /sems can gang rnams blo mchog dam pa'i yid mos pa/ 
de la mkhas pa tshad med sangs rgyas sku ston to/ /ji ltar sgyu mkhan 'gro ba rnams la sgyu ston pa/ /lus mang bye ba sna tshogs de dag dngos po myed/ /de bzhin rgyal sras mkhas pa ye shes sgyu mkhas pa/ /spyod pa thams cad ston kyang de dag dngos 
po med/ /'di 'dra'i sgra skad brgya stong du/ /snyan pa'i dbyangs su brjod byas nas/ /lha'i bu mo mi smra bar/ /zhi la mos pas rgyal ba lta/ /'khor rnams rnam par dang bas na/ /bde gshegs sras la yang smras pa/ /dam chos 
spyod pa'i spyod pa rnams/ /brgyad pa'i gong du yang gsungs shig /byang chub sems dpa' rdo rje'i snying pos smras pa/ kye rgyal ba'i sras dag /de ltar byang chub sems dpa' byang chub sems dpa'i sa brgyad pa la gnas pa ni de lta bu'i blo tshad med 
pa'i ye shes kyis rnam par dpyad pas de nas gong du rnam par thar pa zhi ba la mos par zhe non cing de nas gong du/ de bzhin gshegs pa'i ye shes shin tu rdzogs pa rnam par spyad pa dang / de bzhin gshegs pas gsungs pa'i rjes su 'jug par bya ba 
la 'jug pa dang / ye shes bsam gyis mi khyab pa'i che ba nyid rnam par dbye ba dang / gzungs dang / ting nge 'dzin rab tu dbye ba yongs su sbyang ba dang / mngon par shes pa rgya chen po mngon par bsgrub pa dang / 'jig rten gyi khams rnam par dbye ba khong </font><hr>36-1-251b<br><font size=+1>
du chud par bya ba dang / de bzhin gshegs pa'i stobs dang / mi 'jigs pa dang / sangs rgyas kyi chos ma 'dres pa yongs su mi 'phrogs pa sbyang bar bya ba dang / de bzhin gshegs pa'i chos kyi 'khor lo bskor ba dang / khyu mchog gi 
mthu phyung ba'i rjes su 'brang bar bya ba dang / snying rje chen po'i mthu phyung ba yongs su myi gtong bar byed pas/ byang chub sems dpa'i sa dgu pa yongs su gnon te/ de byang chub sems dpa'i sa 'di la gnas pa'i tshe/ dge ba dang / mi 
dge ba dang / lung du ma bstan pa'i chos mngon par 'du bya ba yang dag pa ji lta ba bzhin du rab tu shes so/ /zag pa dang bcas pa dang / zag pa med pa'i chos mngon par 'du bya ba dang / 'jig rten pa dang / 'jig rten las 'das pa'i chos 
mngon par 'du bya ba dang / bsam pa dang bsam du med pa'i chos mngon par 'du bya ba dang nges pa dang / ma nges pa'i chos mngon par 'du bya ba dang / nyan thos dang / rang sangs rgyas kyi chos mngon par 'du bya ba dang / byang chub sems dpa'i 
spyod pa'i chos mngon par 'du bya ba dang / de bzhin gshegs pa'i sa'i chos mngon par 'du bya ba dang / 'dus byas kyi chos mngon par 'du bya ba dang / 'dus ma byas kyi chos mngon par 'du bya ba yang yang dag pa ji lta ba bzhin du rab tu shes so/ /
de de lta bu'i shes par bya ba khong du chud pa'i blos sems can gyi sems thibs po rab tu rgyu ba yang dag pa ji lta ba bzhin du rab tu shes te/ nyon mongs pa'i thibs po rab tu rgyu ba dang / las thibs po rab tu rgyu ba dang / dbang po thibs po rab tu rgyu ba dang / mos 
pa'i thibs po rab tu rgyu ba dang / khams thibs po rab tu rgyu ba dang / bsam pa dang bag la nyal ba thibs po rab tu rgyu ba dang / skye ba thibs po rab tu rgyu ba dang / bag chags kyi mtshams sbyor ba thibs po rab tu rgyu ba dang / phung po gsum du rnam </font><hr>36-1-252a<br><font size=+1>
par gnas pa'i thibs po rab tu rgyu ba yang dag pa ji lta ba bzhin du rab tu shes so/ /de ni sems can rnams kyi sems rnam pa tha dad pa yang dag pa ji lta ba bzhin du rab tu shes te/ sems rnam pa sna tshogs dang / sems skad 
cig tu myur du 'gyur zhing 'jig pa dang mi 'jig pa dang / sems lus med pa dang / sems mtha' yas shing thams cad du dbang byed pa dang / sems 'od gsal zhing dang ba dang / sems nyon mongs pa dang bcas pa dang / nyon mongs pa med 
pa dang / sems bcings pa dang / rnam par grol ba dang / sems sgyu ma lta bur rnam par bsgrub pa dang / sems 'gro ba'i rgyud ji lta ba bzhin du nye bar gnas pa nas/ sems rnam pa sna tshogs/ stong phrag du ma'i bar du yang dag pa ji lta ba bzhin 
du rab tu shes so/ /de ni nyon mongs pa rnams ring du song ba yang dag pa ji lta ba bzhin du rab tu shes te/ sbyor ba mtha' yas pa dang lhan cig skyes shing tha mi dad pa dang / bag la nyal ba dang / kun nas 'khor ba'i gnas gcig pa dang / sems dang 
ldan pa dang / mi ldan pa dang skye ba'i mtshams sbyor ba dang / lam gyi rgyud ji lta ba bzhin du nye bar gnas pa dang / khams gsum rnam par phye ba dang / sred pa dang / ma rig pa dang / lta ba'i zug rngu dang / nga rgyal dang gti mug gi kha na ma tho ba chen po 
dang / las rnam pa gsum gyi gzhi rgyun myi 'chad pa nas mdor bsdu na nyon mongs pa'i rgyud stong phrag brgyad cu rtsa bzhi'i bar du rjes su 'jug par bya ba yang dag pa ji lta ba bzhin du rab tu shes so/ /de ni las dge ba dang / mi dge ba dang / lung du ma bstan pa yang 
dag pa ji lta ba bzhin du rab tu shes te/ rnam par dmyigs pa dang / rnam par mi dmyigs pa dang / sems dang lhan cig tu skyes shing tha mi dad pa dang / rang gi ngang gis skad cig tu rgyus 'byung zhing 'jig la 'bras bu chud myi za bar mtshams sbyor ba dang / rnam </font><hr>36-1-252b<br><font size=+1>
par smin pa yod pa dang / rnam par smin pa med pa dang / nag po dang / dkar po dang / myi dkar myi gnag pa dang / phyogs du ma'i las yongs su len pa rnam pa tha dad pa dang / las kyi zhing tshad med pa dang 'phags pa dang / 'jig rten pa rnam par 
phye ba dang / 'jig rten las 'das pa'i chos rnam par dgod pa dang / nye bar len pa dang bcas pa dang / nye bar len pa myed pa dang / 'dus byas dang / 'dus ma byas dang / tshe 'di dang skye ba dang / rgyud gzhan du tshor bar 'gyur ba dang / theg pa dang theg 
pa ma yin par nges pa dang ma nges pa nas/ las rnam pa tha dad pa stong phrag brgyad cu rtsa bzhi'i bar du yang dag pa ji lta ba bzhin du rab tu shes so/ /de ni dbang po zhan pa dang / 'bring dang rab rnams yang dag pa ji lta ba bzhin du rab tu shes te/ sngon gyi mtha' dang phyi ma'i 
mthar tha dad pa dang / tha mi dad pa dang / yangs pa dang / 'bring dang tha ma dang / nyon mongs pa dang / lhan cig tu skyes shing tha mi dad pa dang / theg pa dang theg pa ma yin par nges pa dang / ma nges pa dang / yongs su smin pa'i tshul bzhin du 'dul ba dang / dbang po'i 
dra ba'i rjes su 'brang zhing myur du 'jig pa dang / mtshan mar 'dzin pa dang / dbang po'i dbang gzhan gyis myi thul ba dang / dbang po'i rnam pa phyir bzlog tu rung ba dang / phyir bzlog tu mi rung ba dang / ring du song ba dang / lhan cig skyes pa rnam pa sna tshogs 
tha dad pa nas dbang po rnam pa tha dad pa stong phrag brgyad cu rtsa bzhi'i bar du yang dag pa ji lta ba bzhin du rab tu shes so/ /de ni mos pa zhan pa dang 'bring dang / rab rnams yang dag pa ji lta ba bzhin du rab tu shes pa nas/ dbang po'i tshul bzhin du mos pa rnam 
pa tha dad pa stong phrag brgyad cu rtsa bzhi'i bar du yang dag pa ji lta ba bzhin du rab tu shes so/ /de ni khams tha ma dang 'bring dang / rab rnams yang dag pa ji lta ba bzhin du rab tu shes pa nas khams rnam pa tha dad pa stong phrag brgyad cu rtsa bzhi'i bar du yang dag </font><hr>36-1-253a<br><font size=+1>
pa ji lta ba bzhin du rab tu shes so/ /de ni bsam pa tha ma dang 'bring dang / rab rnams yang dag pa ji lta ba bzhin du rab tu shes pa nas bsam pa rnam pa tha dad pa stong phrag du ma'i bar du yang dag pa ji lta ba bzhin du rab tu shes so/ /
de ni bag la nyal ba rnams bsam pa dang lhan cig skyes pa dang / sems dang lhan cig skyes pa dang / sems dang ldan pa dang / sems dang myi ldan pa dang ring du song ba dang / thog ma med pa nas/ gud du ma bskyod pa dang / bsam gtan dang rnam par thar 
pa dang / ting nge 'dzin dang snyoms par 'jug pa dang / mngon par shes pa bzod par dka' ba dang / khams gsum pa'i mtshams shin tu sbyor ba dang / thog ma med pa'i dus kyi sems kyi rgyud kun tu rgyu bar byed pa dang / skye ba'i sgo kun nas 'byung ba rnam par 
dmyigs par byed pa dang / gnyen po thob pas dngos por myi 'gyur ba dang / sa'i skye mched dang phrad pa dang / mi phrad pa dang / 'phags pa'i lam tha dad pa myed pas yang dag par bstsal ba/ yang dag pa ji lta bzhin du rab tu shes so/ /de ni skye ba rnam 
pa tha dad pa yang dag pa ji lta ba bzhin du rab tu shes te/ las ji lta ba bzhin du skye ba dang / sems can dmyal ba dang byol song dang yi dgas dang / lha ma yin dang / myi dang / lha'i gnas rnam par dgod pa dang / gzugs dang gzugs myed par 
skye ba dang / 'du shes yod pa dang 'du shes myed par skye ba dang / las kyi zhing dang / sred pa'i rlan dang / ma rig pa'i mun pa dang / rnam par shes pa'i sa bon gyis yang srid pa rab tu 'byung ba dang / mying dang gzugs lhan cig skyes shing tha myi dad pa dang / 
srid par 'gro yang khyer zhing sred pas mngon par mos pa'i mtshams sbyor ba dang / spyod par 'dod pa dang / 'byung bar 'dod pa dang / sems can la mos pa dang / thog ma dang tha ma myed pa dang / khams gsum pa yongs su 'dzin pa dang / srid pa </font><hr>36-1-253b<br><font size=+1>
nying gi mtshams sbyor ba yang dag pa ji lta ba bzhin du rab tu shes so/ /de ni bag chags rnams rgyu ba dang myi rgyu ba yang dag pa ji lta ba bzhin du rab tu shes te/ /lam gyi rgyud gang dang ji ltar 'brel ba'i bag chags kyis bsgos pa dang / sems can spyad pa spyod pa ji 
lta ba bzhin du bsgos pa dang / las dang nyon mongs pa la goms pa ji lta ba bzhin du bsgos pa dang / dge ba dang myi dge ba dang / lung du ma bstan pa'i las la goms pas bsgos pa dang / yang srid par 'gro bar bsgos pa dang / mthar gyis bsgos pa dang / 
ring du song zhing rgyun mi 'chad pa dang / nyon mongs pa bstsal bas bsgos pa dang / dngos por gyur pa dang dngos por ma gyur pas bsgos pa dang / nyan thos dang rang sangs rgyas dang / byang chub sems dpa' dang / de bzhin gshegs pa mthong zhing thos pas 
bsgos pa yang dag pa ji lta ba bzhin du rab tu shes so/ /de ni sems can gyi phung po yang dag par nges pa dang / log par nges pa dang / gnyis kar ma nges pa yang dag pa ji lta ba bzhin du rab tu shes te/ yang dag par lta bas yang dag par nges pa dang / 
log par lta bas log par nges pa dang / de gnyis ka dang bral bas ma nges pa dang / mtshams myed pa lnga las gang yang rung bar log par nges pa dang / dbang po lngar yang dag par nges pa dang / de gnyis ka dang bral bas ma nges pa dang / log pa brgyad 
du log par nges pa dang / yang dag pa la yang dag par nges pa dang / phyis byar myed pa dang de gnyis ka dang bral bas ma nges pa dang / ser sna dang phrag dog dang / snying myi brtse ba la nye bar spyod pa ma btang bas log par nges pa dang / 'phags pa bla na med 
pa'i lam bsgoms pas yang dag par nges pa dang / de gnyis ka dang bral bas ma nges pa'i phung por bstan pa yang dag pa ji lta ba bzhin du rab tu shes so/ /kye rgyal ba'i sras dag /de ltar de lta bu'i ye shes dang ldan pa'i byang chub sems dpa' ni byang chub sems </font><hr>36-1-254a<br><font size=+1>
dpa'i sa legs pa'i blo gros la rab tu gnas pa zhes bya ste/ byang chub sems dpa'i sa legs pa'i blo gros 'di la gnas pa'i byang chub sems dpa' de ni sems can gyi spyod pa rnam pa tha dad pa de lta bu dag yongs su shes nas/ de'i 
tshul bzhin du thar pa nye bar bsgrub pa nye bar sgrub bo/ /de sems can yongs su smin par bya ba yang yang dag pa ji lta ba bzhin du rab tu shes te/ sems can gdul ba dang / nyan thos kyi theg pa bstan pa dang / rang sangs rgyas kyi theg pa bstan pa 
dang / byang chub sems dpa'i theg pa bstan pa dang / de bzhin gshegs pa'i sa bstan pa yang dag pa ji lta ba bzhin du rab tu shes so/ /des de ltar shes nas sems can rnams la yang dag pa ji lta ba bzhin du chos ston te/ bsam pa rnam par dbye 
ba'i tshul ji lta ba dang / bag la nyal ba rnam par dbye ba'i tshul ji lta ba dang / dbang po rnam par dbye ba'i tshul ji lta ba dang / mos pa rnam par dbye ba'i tshul ji lta ba dang / spyod yul rnam par dbye ba'i tshul ji lta ba bzhin du ye shes nye bar bsgrub pa 
dang / spyod yul thams cad kyi rgyus khong du chud pa dang / khams thibs po yongs su rgyu ba'i tshul ji lta ba bzhin du rjes su 'brang bar bya ba dang / skye ba dang / nyon mongs pa'i las kyi bag chags rnam pa gang dang gang yod pa phyir bzlog 
par bya ba dang / phung po rnam par dgod pa'i tshul ji lta ba bzhin du tshul dang sbyar ba dang / theg pa gang la mos pa'i rnam par thar pa thob par bya bas chos ston te/ de ltar byang chub sems dpa'i sa legs pa'i blo gros 'di la gnas pa'i byang chub sems 
dpa' ni/ chos smra ba chen po'i go 'phang la gnas shing de bzhin gshegs pa'i chos kyi mdzod yongs su bsrung ba yin/ de chos smra ba'i tshul dang ldan pas ye shes la mkhas pa tshad med pa'i rjes su song zhing tha dad pa yang dag par shes pa </font><hr>36-1-254b<br><font size=+1>
bzhis mngon par bsgrubs pa'i byang chub sems dpa'i tshig gis chos ston te/ de la byang chub sems dpa' tha dad pa yang dag par shes pa bzhi rtag tu rgyun mi chad cing ma 'dres par yang dag par 'byung ngo / /bzhi gang zhe na 'di lta ste/ chos tha dad pa yang 
dag par shes pa dang / don tha dad pa yang dag par shes pa dang / nges pa'i tshig tha dad pa yang dag par shes pa dang / spobs pa tha dad pa yang dag par shes pa'o/ /de chos tha dad pa yang dag par shes pas/ chos rnams kyi rang gi mtshan nyid 
rab tu shes so/ /don tha dad pa yang dag par shes pas chos rnams kyi rnam par dbye ba rab tu shes so/ /nges pa'i tshig tha dad pa yang dag par shes pas chos rnams ma 'dres par bstan pa rab tu shes so/ /spobs pa tha dad pa yang dag par shes 
pas chos rnams 'thun par rjes su mtshams sbyar ba rgyun mi 'chad pa rab tu shes so/ /gzhan yang chos tha dad pa yang dag par shes pas chos rnams kyi rang bzhin myed pa rab tu shes so/ /don tha dad pa yang dag par shes pas chos rnams kyi 'byung ba dang / 
'jig pa rab tu shes so/ /nges pa'i tshig tha dad pa yang dag par shes pas chos thams cad rnam par dgod pa rgyun chad pa med par chos ston to/ /spobs pa tha dad pa yang dag par shes pas ji ltar rnam par bkod pa bzhin du 'khrug pa myed pa mtha' yas 
pas chos ston to/ /gzhan yang chos tha dad pa yang dag par shes pas/ da ltar byung ba'i chos rnam par dbye ba rab tu shes so/ /don tha dad pa yang dag par shes pas 'das pa dang / ma 'ongs pa'i chos rnam par 
dbye ba rab tu shes so/ /nges pa'i tshig tha dad pa yang dag par shes pas 'das pa dang / ma 'ongs pa dang / da ltar byung ba ma 'dres par chos ston to/ /spobs pa tha dad pa yang dag par shes pas dus re re zhing chos kyi snang ba mu myed par chos </font><hr>36-1-255a<br><font size=+1>
ston to/ /gzhan yang chos tha dad pa yang dag par shes pas/ chos kyi bye brag rab tu shes so/ /don tha dad pa yang dag par shes pas/ don gyi bye brag rab tu shes so/ /nges pa'i tshig tha dad pa yang dag par shes 
pas skad ji lta ba bzhin du bstan pas chos ston to/ /spobs pa tha dad pa yang dag par shes pas bsam pa ji lta ba bzhin du shes pas chos ston to/ /gzhan yang chos tha dad pa yang dag par shes pas chos kyi rgyus rnam par dbye ba ma 'dres pa mkhas par rab tu 
shes so/ /don tha dad pa yang dag par shes pas rjes su 'gro ba'i ye shes de bzhin nyid du rnam par dgod pa rab tu shes so/ /nges pa'i tshig tha dad pa yang dag par shes pas kun rdzob kyi rgyus yang dag par bstan pas chos ston to/ /spobs pa tha dad pa yang dag 
par shes pas don dam pa'i rgyu la mkhas pas chos ston to/ /gzhan yang chos tha dad pa yang dag par shes pas chos rnams tshul gcig las mi 'gyur ba rab tu shes so/ /don tha dad pa yang dag par shes pas phung po dang / khams dang skye mched 
dang rten cing 'brel par 'byung ba mkhas par khong du chud par bya ba la yang dag par 'jug go /nges pa'i tshig tha dad pa yang dag par shes pas 'gro ba thams cad mngon par smon pa'i sgra dbyangs shin tu snyan pa'i tshig gis chos ston to/ /spobs pa tha dad pa yang 
dag par shes pas/ phyi phyir zhing dran pa mtha' yas pas chos ston to/ /gzhan yang chos tha dad pa yang dag par shes pas theg pa gcig la yang dag par gzhol ba tha dad pa rab tu shes so/ /don tha dad pa yang dag par shes pas theg pa rab tu rnam par phye ba'i 
rnam pa tha dad pa rab tu shes so/ /nges pa'i tshig tha dad pa yang dag par shes pas theg pa thams cad tha dad pa med par shin tu ston to/ /spobs pa tha dad pa yang dag par shes pas theg pa re re la yang chos kyi snang ba mu myed par shin tu ston to/ /gzhan yang chos </font><hr>36-1-255b<br><font size=+1>
tha dad pa yang dag par shes pas/ byang chub sems dpa'i spyod pa dang / ye shes kyi spyod pa dang / chos kyi spyod pa thams cad ye shes kyi khong du chud par bya ba la rab tu 'jug go /don tha dad pa yang dag par shes pas/ sa bcu 
rnam par dgod cing / shin tu bstan pa rnam par phye ba la yang dag par 'jug go /nges pa'i tshig tha dad pa yang dag par shes pas/ sa'i lam ji lta ba bzhin du nye bar bsgrub pa tha myi dad par yang dag par ston to/ /spobs pa tha 
dad pa yang dag par shes pas/ sa re re zhing rnam pa mu myed par yang dag par ston to/ /gzhan yang chos tha dad pa yang dag par shes pas/ de bzhin gshegs pa thams cad mtshan nyid gcig tu/ khong du chud par bya ba la rab tu 
'jug go /don tha dad pa yang dag par shes pas dus dang dngos po dang / mtshan nyid rnam par phye ba sna tshogs khong du chud par bya ba rab tu shes so/ /nges pa'i tshig tha dad pa yang dag par shes pas/ khong du chud pa rnam par phye ba ji lta ba bzhin du 
bstan pas chos ston to/ /spobs pa tha dad pa yang dag par shes pas/ chos kyi tshig re re la yang bskal pa mtha' yas par rgyun mi chad par chos ston to/ /gzhan yang chos tha dad pa yang dag par shes pas/ de bzhin gshegs pa 
thams cad kyi gsung dang / stobs dang / myi 'jigs pa dang / sangs rgyas kyi chos dang / byams pa chen po dang / thugs rje chen po dang / tha dad pa yang dag par mkhyen pa'i tshul dang / chos kyi 'khor lo bskor ba dang / thams cad mkhyen pa'i 
ye shes rtogs par bya ba rab tu shes so/ /don tha dad pa yang dag par shes pas sems can gyi spyod pa stong phrag brgyad cu rtsa bzhi dang / bsam pa ji lta ba dang / dbang po ji lta ba dang mos pa ji lta ba bzhin du de bzhin gshegs pa'i gsung rab tu shes so/ /nges pa'i </font><hr>36-1-256a<br><font size=+1>
tshig tha dad pa yang dag par shes pas/ sems can thams cad kyi spyod pa dang / ma 'dres pa'i de bzhin gshegs pa'i gsung rjes su bsgrags pas chos ston to/ /spobs pa tha dad pa yang dag par shes pas/ de bzhin 
gshegs pa'i ye shes 'od gsal ba dang / spyod pa'i dkyil 'khor la mos pas chos ston to/ /kye rgyal ba'i sras dag /de ltar tha dad pa yang dag par shes pa'i ye shes de lta bu dang ldan pa'i byang chub sems dpa' de bzhin gshegs pa'i chos kyi mdzod 
thob cing / byang chub sems dpa'i sa dgu pa la gnas pa chos smra ba chen po'i go 'phang la gnas pa'i tshe/ don dang ldan pa'i gzungs rab tu thob pa yin/ chos dang ldan pa'i gzungs rab tu thob pa yin/ ye shes mngon par bsgrub pa dang ldan pa'i gzungs rab 
tu thob pa yin/ snang ba dang ldan pa'i gzungs rab tu thob pa yin/ blo gros bzang po dang ldan pa'i gzungs dang / dbyig dang ldan pa'i gzungs dang / grags pa dang ldan pa'i gzungs dang / gzi brjid dang ldan pa'i gzungs dang / chags pa med pa'i sgo'i gzungs dang / 
mtha' yas pa dang ldan pa'i gzungs dang / don sna tshogs kyi mdzod dang ldan pa'i gzungs rab tu thob pa yin/ de gzungs de dag la sogs pa gzungs kyi sgo brgya stong grangs myed pa phrag bcu yongs su tshang bar 'thob ste/ /gzungs kyi sgo brgya stong grangs 
myed pa phrag bcu dang ldan pa'i dbyangs kyi yan lag la mkhas pas de snyed du tshad med pa nyid dang ldan pa'i spobs pa rnam par phye ba'i sgos chos ston to/ /de de ltar tshad myed pa'i gzungs kyi sgo brgya stong grangs myed pas tshad myed pa'i sangs rgyas bcom ldan 'das las chos 
nyan cing thos nas kyang brjed par myi byed de/ ji skad du thos pa yang tshad myed pa rnam par phye bas shin tu ston to/ /de ni de bzhin gshegs pa gcig las gzungs kyi sgo brgya stong grangs med pa phrag bcus chos khong du chud par byed de/ de bzhin gshegs pa gcig las ji lta ba de bzhin </font><hr>36-1-256b<br><font size=+1>
du yang dag par rdzogs pa'i sangs rgyas mtha' yas pa las gzungs kyi sgo brgya stong grangs med pa phrag bcus chos khong du chud par byed do/ /de smon pa tsam gyis kyang yang dag par rdzogs pa'i sangs rgyas rnams las chos kyi sgo snang ba ches mang du yang dag par 'dzin gyi nyan thos shin 
tu mang du thos pa dang ldan pa thos pa 'dzin pa'i gzungs rab tu thob pa rnams kyis ni bskal pa brgya phrag stong du yang gzung ba'i byin gyi rlabs kyis de ltar myi zin to/ /de ltar de lta bu'i gzungs thob cing spobs pa thob pas chos kyi gtam bya ba'i phyir 'dug na/ stong gsum gyi stong 
chen po'i 'jig rten gyi khams thams cad rgyas par bkang ste/ chos kyi stan la 'dug cing sems can rnams la bsam pa ji lta ba bzhin du rnam par phye zhing chos ston to/ /de'i chos kyi stan yang de bzhin gshegs pa dag dang / byang chub sems dpa' dbang 
bskur ba'i sa thob pa ma gtogs par thams cad las 'phags shing snang ba tshad myed pa dang ldan pa yin/ de 'dod na chos kyi stan la 'dug cing dbyangs gcig gis 'khor thams cad du sgra skad sna tshogs rnam pa tha dad pas yang dag par go bar byed do/ /'dod na sgra skad sna tshogs dang / dbyangs kyi yan lag tha dad pa rnam par phye bas 'khor thams cad mngon par go bar byed do/ /'dod na 'od gzer gyi sgo nye bar bsgrub pas chos kyi sgo shin tu brjod do/ /'dod na ba spu'i bu ga thams cad nas dbyangs rnam par phye ba shin tu brjod do/ /'dod 
na stong gsum gyi stong chen po'i 'jig rten gyi khams na gzugs su snang ba ji snyed yod pa'i gzugs su snang ba de dag las chos kyi sgra 'byung bar byed do/ /'dod na dbyangs kyi yan lag gcig gi sgras chos kyi dbyings thams cad khong du chud par byed do/ /'dod na sgra 
dang dbyangs thams cad chos kyi sgrar byin gyis rlob bo/ /'dod na 'jig rten gyi khams thams cad na yod pa'i glu dang rol mo brdung ba dang dkrol ba'i sgra thams cad las chos kyi sgra 'byung bar byed do/ /'dod na yi ge gcig gi sgra las chos thams cad kyi tshig rab tu phye ba'i </font><hr>36-1-257a<br><font size=+1>
sgra 'byung bar byed do/ /'dod na 'jig rten gyi khams mtha' yas shing brjod du myed pa'i sa dang chu dang mye dang rlung gi phung po rdul shin tu phra ba rnam par phye ba rdul shin tu phra ba re re las chos kyi sgo brjod du myed pa 'byung bar byed do/ /
gal te de la stong gsum gyi stong chen po'i 'jig rten gyi khams su gtogs pa'i sems can rnams 'ongs te/ skad cig yud tsam thang cig tu dri ba yongs su 'dri zhing de dag re res kyang sgra rnam pa tha dad pa tshad med pas yongs su dris par gyur la/ gcig gis 
gang dris ba de gzhan myi 'dri bar gyur na'ang de la byang chub sems dpa' des sems can de dag thams cad kyi sgra tshig so so dang / yi ge'i 'bru yan cad ma lus par bzung ste/ bzung nas kyang tshig gcig mngon par brjod pas sems can de dag thams cad kyi sems dang bsam pa 
tshim par byed pa nas/ 'jig rten gyi khams brjod du med pa'i bar du gtogs pa'i sems can thams cad kyis skad cig thang cig yud tsam du dri ba yongs su dris te/ de dag re re zhing yang sgra rnam pa tha dad pa tshad med pas dri bar gyur la/ gcig gis ci dris pa de 
gzhan myi 'dri bar gyur na'ang de dag thams cad byang chub sems dpa' des skad cig yud tsam thang cig tu ma lus par bzung ste/ sgra gcig brjod pas de dag thams cad khong du chud par byed do/ /de 'jig rten gyi khams brjod du med pa'i yang brjod du myed pa'i bar dag kyang 
rgyas par bkang zhing sems can rnams la bsam pa dang / dbang po dang mos pa ji lta ba bzhin du chos ston to/ /chos kyi gtam la zhugs pa'i tshe yang de bzhin gshegs pa'i byin gyi rlabs len cing / sangs rgyas kyi mdzad pa thams cad kyis sems can thams 
cad la nye bar gnas pa yin yang / de lta bu'i ye shes snang bas 'dzin pa yongs su rtsom ste/ gal te skra'i rtse mo'i go gcig la 'jig rten gyi khams brjod du med pa'i rdul shin tu phra ba ji snyed pa de snyed kyi de bzhin gshegs pa bzhugs la de snyed du tshad myed </font><hr>36-1-257b<br><font size=+1>
par gyur pa'i 'khor gyi dkyil 'khor du chos bstan te/ de bzhin gshegs pa de dag re res kyang de snyed kyi sems can tshad med pa la chos rnam pa tha dad par shin tu bstan te/ sems can gyi bsam pa'i rgyud re re la'ang de snyed du chos nye bar bsgrub pa tshad 
myed pa nye bar bsgrub par gyur la/ de bzhin gshegs pa gcig gi ji lta ba bzhin du de bzhin gshegs pa thams cad kyi 'khor gyi dkyil 'khor thams cad du ste/ skra'i rtse mo'i go gcig la ji lta ba de bzhin du chos kyi dbyings thams cad du de ltar gyur kyang de dag 
thams cad zin par 'gyur na/ 'jig rten gyi khams de tsam dag gi sems can rnams kyi lta smos kyang ci dgos/ de de ltar byang chub sems dpa'i sa legs pa'i blo gros 'di thob pa'i byang chub sems dpa' ni nyin mtshan du yid la bsam pa gzhan med par sangs 
rgyas kyi spyod yul la zhugs pas de bzhin gshegs pa dang 'grogs pa rab tu thob cing / byang chub sems dpa'i rnam par thar pa zab mo rab tu thob pa yin/ de de lta bu'i ye shes dang ldan zhing mnyam par bzhag kyang de bzhin gshegs pa lta ba yongs su myi spong 
ste/ bskal pa re re zhing yang sangs rgyas du ma nas/ sangs rgyas brgya stong bye ba khrag khrig lta zhing mthong nas kyang rim gro dang / bkur sti dang / bsti stang dang / mchod pa byed de/ sangs rgyas mthong zhing mchod pa bya ba rgya chen po yongs su mi gtong ngo / /de 
bzhin gshegs pa de dag la zhu ba yongs su zhu ba byed de/ chos kyi gzungs rab tu bstan pa las shin tu 'byung ba yin/ de'i dge ba'i rtsa ba de dag sngon bas kyang shin tu byang zhing myi 'phrogs par 'gyur te/ kye rgyal ba'i sras dag 'di lta ste dper na/ gser gyi sa le 
sbram de nyid mgar ba mkhas pas rgyan tu byas te/ yongs su zin pa 'khor los sgyur ba'i rgyal po'i yan lag gi dam pa mgo 'am mgul du btags na/ khams kyi rgyal po thams cad dang / gling bzhi ba'i sems can thams cad kyi rgyan gyi rnam pas myi thub cing </font><hr>36-1-258a<br><font size=+1>
myi 'phrogs pa yin/ kye rgyal ba'i sras dag de bzhin du byang chub sems dpa'i sa legs pa'i blo gros 'di la gnas pa'i byang chub sems dpa'i dge ba'i rtsa ba de dag kyang nyan thos dang / rang sangs rgyas dang / sa 'og ma la gnas pa'i byang 
chub sems dpa' thams cad kyis myi 'phrogs shing mi thub pa yin/ de'i dge ba'i rtsa ba snang ba des ni sems can rnams kyi nyon mongs pa dang / sems kyi thibs po snang bar byas te/ de nyid nas phyir ldog go /kye rgyal ba'i sras dag 'di lta ste dper na/ stong gnyis la 
dbang ba'i tshangs pa chen po ni stong gnyis kyi 'jig rten gyi khams thams cad kyi thibs po dma' bar gzhol ba yongs su snang bar byed do/ /kye rgyal ba'i sras dag /de bzhin du byang chub sems dpa'i sa legs pa'i blo gros 'di la gnas pa'i byang chub sems dpa'i dge 
ba'i rtsa ba'i snang ba de yang sems can rnams kyi nyon mongs pa dang / sems kyi thibs po snang bar byas te/ de nyid nas phyir ldog go /de'i pha rol tu phyin pa bcu las stobs kyi pha rol tu phyin pa'i shas che ba yin te/ lhag ma rnams kyang ci tshul ci nus su yang dag par mi bsgrub 
pa ma yin no/ /kye rgyal ba'i sras dag /'di ni byang chub sems dpa'i sa legs pa'i blo gros shes bya ba ste/ byang chub sems dpa'i sa dgu pa mdor bstan pa'o/ /rgya cher ni bskal pa mu med pas bstan pa'i mthar thug par shes par bya'o/ /de la gnas pa'i byang chub sems dpa' 
ni phal cher tshangs pa chen por gyur te/ stobs dang mthu chen po thob pa stong gnyis la dbang zhing zil gyis non pa/ gzhan gyi zil gyis myi non pa/mthun pa'i don mthong ba dbang shin tu thob pa/ sems can rnams la nyan thos dang rang sangs rgyas dang / byang chub sems dpa'i pha rol tu phyin 
pa thams cad ston pa la mkhas shing mthu yod pa ste/ sems can gyi bsam pa yongs su dris pa bstan pas myi 'phrogs pa yin/ de sbyin pa 'am/ ngag snyan pa 'am/ don bsgrub pa 'am/ don mthun pas dge ba'i rtsa ba gang ci rtsom yang rung ste/ de thams cad ji ltar na sems can </font><hr>36-1-258b<br><font size=+1>
thams cad kyi mchog tu 'gyur/ gtso bor 'gyur/ thu bor 'gyur/ phul du 'gyur/ dam par 'gyur/ bla na myed par 'gyur/ 'dren par 'gyur/ yongs su 'dren par 'gyur ba nas/ thams cad mkhyen pa'i ye shes la rten pa'i bar du 'gyur snyam ste/ sangs rgyas yid la bya ba dang / chos yid 
la bya ba dang / dge 'dun yid la bya ba dang / byang chub sems dpa' yid la bya ba dang / byang chub sems dpa'i spyod pa yid la bya ba dang / byang chub sems dpa'i sa yid la bya ba dang / pha rol tu phyin pa yid la bya ba dang / stobs yid la bya ba dang / myi 'jigs pa yid la 
bya ba dang / sangs rgyas kyi chos ma 'dres pa yid la bya ba nas/ rnam pa'i mchog thams cad dang ldan pa'i thams cad mkhyen pa'i ye shes kyi bar du yid la bya ba dang / myi 'bral ba yin te/ de 'dod na skad cig yud tsam thang cig tu ting nge 'dzin sangs rgyas kyi zhing 
grangs myed pa brgya stong phrag bcu tshang ba'i rdul shin tu phra ba snyed rab tu thob cing de dag la snyoms par 'jug pa dang / sangs rgyas kyi zhing grangs med pa brgya stong phrag bcu tshang ba'i rdul shin tu phra ba snyed mthong ba dang / de dag gi byin gyi rlabs kyang yang dag par 
shes pa dang 'jig rten gyi khams sangs rgyas kyi zhing grangs myed pa brgya stong phrag bcu tshang ba'i rdul shin tu phra ba snyed skyod pa dang / sangs rgyas kyi zhing grangs med pa brgya stong phrag bcu tshang ba'i rdul shin tu phra ba snyed du 'gro ba dang / 'jig rten gyi khams sangs 
rgyas kyi zhing grangs med pa brgya stong phrag bcu tshang ba'i rdul shin tu phra ba snyed snang bar bya ba dang / sems can sangs rgyas kyi zhing grangs med pa brgya stong phrag bcu tshang ba'i rdul shin tu phra ba snyed yongs su smyin par bya ba dang / bskal pa sangs rgyas kyi 
zhing grangs med pa brgya stong phrag bcu tshang ba'i rdul shin tu phra ba snyed du gnas par bya ba dang / sngon gyi mtha' dang phyi ma'i mtha'i bskal pa sangs rgyas kyi zhing grangs med pa brgya stong phrag bcu tshang ba'i rdul shin tu phra ba snyed la rab tu 'jug pa dang / chos kyi sgo sangs </font><hr>36-1-259a<br><font size=+1>
rgyas kyi zhing grangs med pa brgya stong phrag bcu tshang ba'i rdul shin tu phra ba snyed rnam par 'byed pa dang / lus sangs rgyas kyi zhing grangs med pa brgya stong phrag bcu tshang ba'i rdul shin tu phra ba snyed yongs su bstan pa dang / lus re re la yang byang 
chub sems dpa'i 'khor sangs rgyas kyi zhing grangs med pa brgya stong phrag bcu tshang ba'i rdul shin tu phra ba snyed yang dag par bstan pa'i brtson 'grus kyi rnam pa de lta bu rtsom mo/ /de yan cad byang chub sems dpa'i smon lam gyi mthu can rnams smon lam gyi khyad 
par gyis rnam par 'phrul te/ de dag gi lus sam 'od dam rdzu 'phrul lam/ myig gam spyod yul lam/ dbyangs sam spyod pa 'am/ rgyan tam byin gyi rlabs sam/ mos pa 'am mngon par 'du byed pa dag kyang bskal pa du ma dang / bskal pa brgya phrag du ma dang / 
bskal pa stong phrag du ma dang / bskal pa brgya stong phrag du ma dang / bskal pa bye ba khrag khrig brgya stong phrag du mas kyang bgrang bar dka'o/ /de nas byang chub sems dpa' rdo rje'i snying pos sa'i don 'di nyid yang brtag par bya ba dang bstan par bya ba'i phyir/ de'i tshe tshigs su bcad pa 'di dag smras so/ /de dag 
tshad med stobs kyi blo yis rnam dpyod cing / /ye shes phra ba'i dam pa 'gro bas shes dka' ba/ /de bzhin gshegs pa gsang ba'i gnas la yang dag 'jug /'gro ba'i don byed de dag sa dgu yongs su gnon/ /de dag gzungs mchog ting 'dzin che ba nyid mchog dang / /
mngon shes yangs dang de bzhin zhing 'jug mtha' yas dang / /stobs dang rtogs pa'i ye shes rgyal ba'i brtan gnas dang / /smon lam snying rje'i bsam pas mkhas pa dgu la 'jug /sa dgu ldan pa de dag rgyal ba'i mdzod 'dzin cing / /dge ba'i chos dang myi dge 
lung du ma bstan dang / /zag dang bcas dang 'jig rten pa dang 'phags pa dang / /bsam du rung dang bsam du mi rung mkhas pas shes/ /nges pa'i chos dang ma nges chos kyang rab tu rtogs/ /theg gsum phun sum tshogs pa'i bya ba yongs su 'jal/ /</font><hr>36-1-259b<br><font size=+1>
'dus byas rnam par phye dang grangs dang rgyu ba dag /'jig rten ji ltar mngon byed de la rab tu 'jug /de dag de 'dra'i shes ldan blo mchog phra ldan pa/ /sems can sems kyi thibs po yongs su rtog pa byed/ /rnam shes sna tshogs myur du 'gyur zhing ldog pa 
dang / /rnam shes mtha' yas 'byung la rtag tu mkhas pa 'jug /nyon mongs mtha' yas sbyor dang grogs su 'gyur ba dang / /kun nas 'khor dang bag nyal 'gro rgyud mtshams sbyor dang / /las rnams sna tshogs rnam par phye la 'ang de bzhin 'jug /
rgyu dang 'gog dang 'bras bu 'jig la'ang yang dag 'jug /dbang po rno dang tha ma 'bring dang yangs pa dang / /tha dad sngon dang phyi ma'i mtha' la'ang yang dag 'jug /mos pa dge dang mi dge sna tshogs du ma dag /stong phrag brgyad cu rtsa bzhi kun la yang dag 'jug /
khams kyi rnam pa nyon mongs lta ba srid pa rnams/ /thibs po gyur pa snga phyi med cing 'chad med dang / /bag nyal bsam pa lhan cig skyes pa'i rgyud rnams kyi/ /sems rnams kun rgyu 'brel cing rgyun chad myi 'gyur ba/ /bsam pa bag nyal rgyud yod dngos po 
ma yin te/ /yul la mi gnas bsam pa yongs su 'bral mi 'gyur/ /shes par dka' ba'i bsam gtan yul las phyir myi ldog /rdo rje lta bu'i lam gyis chod 'gyur gzhan gyis myin/ /rgyud drug skye ba rnam par phye la rab tu 'jug /sred rlan ma 
rig mun pa de bzhin las kyi zhing / /rnam shes sa bon bcas 'byung myu gu mying dang gzugs/ /khams gsum sngon mtha' med par de dag rab tu 'jug /de dag bag chags tshul dang nyon mongs las dang sems/ /'dod chags bral bas lam gyi rgyud du 'byung 
ba myin/ /sems can phung po gsum du nges pa yang dag shes/ /lta bar bying ba shes pa'i lam dang de dag ldan/ /de 'dra'i shes ldan sa mchog 'di la gnas pa ste/ /sems can bsam pa mos pa dbang po'i tshul bzhin du/ /chos rnams rnam par phye zhing shin tu </font><hr>36-1-260a<br><font size=+1>
ston pa byed/ /tha dad yang dag don shes nges tshig spobs pa yis/ /de dag chos smra'i tshul la gnas pa rab tu thob/ /seng ge khyu mchog dpe 'dra ri yi rgyal po 'dra/ /bdud rtsi sprin chen zhim pa'i char yang rab tu 'bebs/ /klu yi 
rgyal pos rgya mtsho rgyas par byed pa bzhin/ /don gyi don shes de bzhin chos nyid rab tu shes/ /nges tshig rjes su song zhing spobs pa rab tu thob/ /de dag grangs myed stong phrag bcu yi gzungs thob pas/ /chos rnams 'dzin pa rgya mtsho sprin chen char 'dzin 
bzhin/ /de dag de 'dra'i ting 'dzin gzungs gsal thob gyur pas/ /skad cig gcig gis sangs rgyas mang po stong yang mthong / /rin chen chos rnams thob nas yang du ston byed de/ /tshig gi dkyil 'khor rnam dag dbyangs kyi yan lag ldan/ /
'dod na stong gsum 'jig rten khams su gtogs pa yis/ /sems can bsam sems sna tshogs tshul bzhin smin byed cing / /thams cad bsam pa dbang po ji bzhin tshim par byed/ /gling bzhi rgya mtsho'i sprin bzhin yang dag rab tu 'jug /de bas gong du 
legs ldan brtson 'grus rab thob pa/ /skra rtse'i go gcig bsam gyis mi khyab sems pa byed/ /sems can sna tshogs mang la bde gshegs chos ston pa/ /thos nas sa bon kun 'dzin sa bzhin yongs su 'dzin/ /phyogs rnams bcu po'i sems 
can mang po ji snyed pa/ /de dag thams cad 'khor gcig 'dus par 'khod gyur kyang / /de dag bsam pa skad cig gcig gis bsam byas shing / /sgra skad gcig gis de dag thams cad tshim par byed/ /'di la gnas pa chos rgyal lha myi 
mchog tu 'gyur/ /rgyal ba'i sras po chos kyis yongs su skyong ba yin/ /nyin mtshan kun tu rgyal ba rnams dang rtag par 'grogs/ /zab yangs ye shes rnam par thar pa ldan par gnas/ /de dag du yang sangs rgyas khrag khrig bsnyen bkur byed/ /</font><hr>36-1-260b<br><font size=+1>
'khor los sgyur ba'i rgyan bzang yongs su byang ba bzhin/ /de yi 'od kyang nyon mongs thibs po snang bar byed/ /tshangs pa'i 'od kyis stong gnyis 'jig rten ji bzhin no/ /'di la gnas pa legs ldan tshangs chen 'jig rten du/ /skye 'gyur 
theg gsum ston la mkhas shing mthu yod pa/ /'gro ba kun la phan phyir ci rtsom gang yang rung / /yon tan shes ldan bde gshegs ye shes ldan par sngo/ /grangs med zhing du gtogs pa rdul phran du yod pa/ /de snyed ting 'dzin skad cig 
gcig tu brtan pas 'thong / /phyogs rnams kun gyi rgyal ba mthong zhing gsung yang nyan/ /yan cad smon lam ldan pa tshad med rnam par 'phrul/ /'di ni sa rab dgu pa ste/ /ye shes chen po rnam par spyod/ /zab cing blta dka' shin tu phra/ /
rgyal ba'i sras kyis bstan pa yin/ /legs pa'i blo gros shes bya ba ste/ byang chub sems dpa'i sa dgu pa'o// //sangs rgyas rmad gcad ces bya ba shin tu rgyas pa chen po'i mdo/ /bam po nyi shu pa'o/ /
spyod pa bla na med pa 'di thos nas/ /gtsang gnas lha rnams bye ba rab tu dga'/ /dbang po tshim par bar snang mkha' la gnas/ /bde bar gshegs la rje sar mchod pa byed/ /byang chub sems dpa' bye ba bsam yas pa/ /bar snang mkha' gnas 
rab tu dgar gyur cing / /spos sprin tshad med yid du 'ong ba dag /'gro ba'i nyon mongs sel ba dri zhim bdug pa byed/ /lha yi dbang po dbang bsgyur rab dga' zhing / /bar snang gnas las lha 'khor khrag khrig dang / /rim gro bcas par gos rnams 
'dor bar byed/ /yid 'ong gos brgya yongs su bskor ba byas/ /lha yi bu mo mang po shin tu dga'/ /bde bar gshegs la rjes su mchod pa byed/ /rol mo brdung ba bye ba khrag khrig byed/ /'di 'dra'i sgra dbyangs kun las byung bar gyur/ /zhing mchog </font><hr>36-1-261a<br><font size=+1>
gcig na bde bar gshegs pa bzhugs/ /zhing rnams kun tu sku gzugs rab tu bstan/ /sku gzugs khrag khrig sna tshogs yid du 'ong / /chos dbyings rgya chen yongs su rgyas par gang / /spu gcig rtse nas bde gshegs 'od bkye 
ba/ /'gro ba'i nyon mongs yongs su zhi bar 'phro/ /zhing gi rdul khams zad par nus 'gyur gyi/ /de dag bgrang bas shes par myi nus so/ /la las sangs rgyas mtshan rab mnga' bar mthong / /'khor los sgyur ba'i dam par la las mthong / /zhing 
rnams la lar spyod pa mchog mdzad cing / /dag cing zhi bar rkang gnyis dam pa mthong / /dga' ldan gnas na mgon po bzhugs pa dang / /'pho dang gshegs par de bzhin rab tu snang / /zhing rnams bye bar yum gyi skur bzhugs dang / /zhing rnams la lar 
skye ba de bzhin snang / /'gro ba'i don du mgon po 'byung mdzad dang / /byang chub dam pa mchog tu 'tshang rgya zhing / /chos kyi 'khor lo mya ngan 'da' ba dag /zhing mang khrag khrig kun na de bzhin snang / /sgyu ma'i mkhan po mkhas par lobs gyur pa/ /
ji ltar 'tsho phyir gzugs mang ston pa bzhin/ /de bzhin ston pa ye shes mchog mkhyen pa/ /sku gzugs kun tu 'gro ba rnams la ston/ /stong pa zhi ba rang bzhin mtshan nyid myed/ /chos nyid bar snang mkha' dang mnyam par yang / /sangs rgyas ston pa 
don dam de nyid du/ /sangs rgyas spyod yul mchog gis yang dag bstan/ /bde gshegs spyod yul rang bzhin ci 'dra ba/ /sems can kun gyi chos nyid de 'dra ste/ /mtshan dang mtshan gzhi mnyam pa nyid kyis 'dra/ /mtshan nyid med pa chos rnams kun 
gyi mchog /bde gshegs ye shes don du su gnyer bas/ rtog dang rnam rtogs yod rtog yongs su spongs/ /dngos dang dngos med mnyam nyid shes par gyis/ /myur du myi yi gtso bo mchog tu 'gyur/ /'di 'dra'i sgra skad stong snyed du/ /snyan pa'i dbyangs su </font><hr>36-1-261b<br><font size=+1>
brjod byas nas/ /lha'i bu mo myi smra zhing / /zhi la dga' bar bde gshegs lta/ /'khor rnams zhi bar shes gyur nas/ /rnam thar zla ba 'jigs med pas/ rdo rje'i snying po 'jigs myed pa/ /rgyal sras de la yang smras pa/ /bcu par yang dag 'phar ba yi/ /rnam pa yon tan spyod yul 
dang / /mtshan ma dag dang cho 'phrul rnams/ /mkhas pas kun kyang bstan par mdzod/ /byang chub sems dpa' rdo rje'i snying pos smras pa/ kye rgyal ba'i sras dag /de ltar byang chub sems dpa' de byang chub sems dpa'i sa dgu pa'i bar 
du shes par bya ba/ tshad med pa yongs su brtags pa'i blos rnam par dbye ba shin tu rnam par phye ba/ chos dkar po shin tu rdzogs pa bstsags par bya ba'i tshogs mtha' yas pa shin tu bstsags pa/ bsod nams dang ye shes kyi tshogs yongs su zin pa/ snying 
rje chen po shin tu yangs pa thob pa/ 'jig rten gyi khams rnam par phye ba rnam pa tha dad pa la mkhas pa/ /sems can gyi khams thibs pos nye bar spyod pa la rab tu zhugs pa/ de bzhin gshegs pa'i spyod yul la 'jug pa dang ldan pa'i 'du shes dang / yid la byed pa 
can stobs dang mi 'jigs pa dang / sangs rgyas kyi chos la lhag par dmigs pa'i rjes su song ba ni rnam pa thams cad du thams cad mkhyen pa'i ye shes la dbang bskur ba'i sa thob pa zhes bya'o/ /kye rgyal ba'i sras dag /byang chub sems dpa' ye shes de lta bu dang ldan zhing dbang 
bskur ba'i sa thob pa de la byang chub sems dpa'i ting nge 'dzin dri ma myed pa zhes bya ba mngon du 'gyur ro/ /byang chub sems dpa'i ting nge 'dzin chos kyi dbyings rnam par phye ba la 'jug pa zhes bya ba dang / snying po byang chub kyi rgyan rnam par phye ba zhes bya ba dang / 
'od gzer gyi me tog rnam pa thams cad ces bya ba dang / rgya mtsho'i snying po zhes bya ba dang / rgya mtsho'i rgya zhes bya ba dang / nam mkha'i dbyings ltar yangs pa zhes bya ba dang / chos thams cad kyi rang bzhin rnam par 'byed pa zhes bya ba dang / sems can thams </font><hr>36-1-262a<br><font size=+1>
cad kyi sems dang spyod pa'i rjes su song ba zhes bya ba dang / da ltar byung ba'i sangs rgyas thams cad mngon sum du bzhugs pa zhes bya ba mngon du 'gyur te/ de la de dag la stsogs pa ting nge 'dzin brgya stong phrag grangs med pa phrag 
bcu mngon du 'gyur ro/ /de ting nge 'dzin de dag thams cad la mnyam par gzhog cing rnam par ldang ngo / /de ting nge 'dzin la mkhas pa dang ldan pa yin te/ ting nge 'dzin gyi dgos pa de dag thams cad la yang rab tu spyod do/ /ting nge 'dzin brgya stong grangs myed 
pa phrag bcu'i tha ma la thams cad mkhyen pa'i ye shes kyi khyad par gyis mngon par dbang bskur ba zhes bya ba'i byang chub sems dpa'i ting nge 'dzin mngon du 'gyur te/ mngon du gyur ma thag tu stong gsum brgya stong phrag bcu'i tha gru dang mnyam pa'i rin po che'i pad 
mo rin po che thams cad kyis rnam pa thams cad du spras shing brgyan pa 'jig rten thams cad kyi spyod yul las 'das pa/ 'jig rten las 'das pa'i dge ba'i rtsa bas byung ba/ sgyu ma'i rang bzhin dang / spyod yul gyis yongs su grub pa/ chos kyi dbyings la shin 
tu gnas par snang ba lha rdzas kyi yul las shin tu 'das pa/ nor bu rin po che bai DUr+ya'i chu ba chen po can/ tsan dan gyi rgyal po mtshungs pa med pa'i snying po can/ a sma gar b+ha rab kyi ze ba can/ 'dzam bu chu klung gi gser ltar snang ba'i lo ma can/ 'od gzer tshad myed 
pas shin tu rgyas pa'i lhun can/ rin po che thams cad kyis nang yongs su spras pa rin po che mu med pa'i dra bas kun nas yog pa/ stong gsum brgya stong phrag bcu tshang ba'i rdul shin tu phra ba snyed kyi rin po che'i pad mo chen po'i 'khor dang ldan pa 'byung bar 'gyur te/ 
byang chub sems dpa' de'i lus kyang de dang rkyen tu 'tsham zhing de'i tshul dang mthun par gnas so/ /de thams cad mkhyen pa'i ye shes kyi khyad par gyis dbang bskur ba dang ldan pa'i ting nge 'dzin thob ma thag tu rin po che'i pad mo'i rgyal po chen po de la 'dug par </font><hr>36-1-262b<br><font size=+1>
snang ste/ rin po che'i pad+mo'i rgyal po chen po de la byang chub sems dpa' de 'dug ma thag tu rin po che'i pad+mo'i rgyal po chen po de'i 'khor rin po che'i pad+mo ji snyed byung ba de snyed kyi byang chub sems dpas byang chub sems dpa' de yongs su bskor te/ rin po che'i pad mo de dag 
la 'khod nas/ byang chub sems dpa' de nyid la blta zhing de dag re re zhing yang ting nge 'dzin brgya stong phrag bcu bcu la snyoms par 'jug go /byang chub sems dpa' de dang byang chub sems dpa' de dag gis mnyam par bzhag ma 
thag tu 'jig rten gyi khams thams cad ma lus par g.yo bar 'gyur ro/ /ngan song thams cad rtse zhil bar 'gyur ro/ /chos kyi dbyings thams cad snang bas rgyas par 'gyur ro/ /'jig rten gyi khams thams cad yongs su dag 
par 'gyur ro/ /zhing thams cad du sangs rgyas kyi sgra grag par 'gyur ro/ /skal ba dang spyod pa mthun pa'i byang chub sems dpa' thams cad kyang 'du bar 'gyur ro/ /'jig rten gyi khams thams cad kyi lha dang myi'i rol mo brdung ba dang dkrol ba'i 
sgra yang 'byung bar 'gyur ro/ /sems can thams cad kyi bde ba yang skye bar 'gyur ro/ /yang dag par rdzogs pa'i sangs rgyas thams cad la bsam gyis mi khyab pa'i mchod pa dang / rim gro yang rab tu 'byung bar 'gyur ro/ /de bzhin gshegs 
pa thams cad kyi 'khor gyi dkyil 'khor kyang rnam par dmigs par 'gyur te/ de ci'i phyir zhe na/ kye rgyal ba'i sras dag /byang chub sems dpa' de ni rin po che'i pad mo'i rgyal po de la 'dug ma thag tu rkang pa'i mthil gnyis kyi 'og nas 'od 
gzer brgya stong grangs med pa phrag bcu 'byung ngo / /byung nas kyang phyogs bcur mnar med pa'i sems can dmyal ba chen po yan cad snang bar byas te/ sdug bsngal rnams kyang rab tu zhi bar byed do/ /pus mo'i lha nga gnyis nas 'od </font><hr>36-1-263a<br><font size=+1>
gzer brgya stong grangs med pa phrag bcu byung ste/ byung nas kyang phyogs bcur byol song gi skye gnas kyi gnas thams cad snang bar byas nas sdug bsngal rnams kyang rab tu zhi bar byed do/ /lte ba'i dkyil 'khor nas 'od zer brgya stong grangs med 
pa phrag bcu 'byung ste/ byung nas kyang phyogs bcur gshin rje'i 'jig rten gyi khams thams cad snang bar byas nas/ sdug bsngal rnams kyang rab tu zhi bar byed do/ /g.yas g.yon gyi rtsib logs gnyis nas 'od gzer brgya stong grangs med pa phrag 
bcu 'byung ste/ byung nas kyang phyogs bcur myi'i gnas rnams snang bar byas te/ sdug bsngal rnams kyang rab tu zhi bar byed do/ /lag pa'i mthil gnyis nas 'od gzer brgya stong grangs med pa phrag bcu 'byung ste/ byung nas kyang phyogs bcur lha dang lha 
ma yin gyi gnas rnams snang bar byas nas/ sdug bsngal rnams kyang rab tu zhi bar byed do/ /phrag pa gnyis nas 'od gzer brgya stong grangs med pa phrag bcu 'byung ste/ byung nas kyang phyogs bcur nyan thos kyi theg pa pa rnams kyi gnas snang bar byas nas/ 
chos snang ba'i sgo yang nye bar sgrub bo/ /rgyab dang mgul nas 'od gzer brgya stong grangs med pa phrag bcu 'byung ste/ byung nas kyang rang sangs rgyas kyi gnas thams cad snang bar byas nas zhi ba'i ting nge 'dzin gyi tshul gyi sgo'ang nye bar sgrub bo/ /kha'i sgo nas 'od 
gzer brgya stong grangs med pa phrag bcu 'byung ste/ byung nas kyang phyogs bcur byang chub sems dpa' sems dang po bskyed pa nas bzung ba yan cad sa dgu pa thob pa'i bar dag snang bar byas nas/ shes rab dang thabs kyi tshul gyi sgo yang nye bar sgrub bo/ /smyin mtshams kyi 
mdzod spu nas 'od gzer brgya stong grangs med pa phrag bcu 'byung ste/ byung nas kyang phyogs bcur bdud kyi gnas thams cad zil gyis mnan te/dbang bskur ba'i sa thob pa'i byang chub sems dpa' rnams snang bar byas nas/ de dag gi lus su nub par 'gyur </font><hr>36-1-263b<br><font size=+1>
ro/ /yan lag dam pa'i spyi gtsug nas 'od gzer stong gsum brgya stong grangs med pa phrag bcu tshang ba'i rdul shin tu phra ba snyed 'byung ste/ byung nas kyang phyogs bcur de bzhin gshegs pa'i 'khor gyi dkyil 'khor thams cad snang bar byas te/ 'jig rten lan bcur 
bskor ba byas nas/ steng gi nam mkha'i dbyings la 'dug ste/ 'od gzer gyi dra ba'i dkyil 'khor du byas nas/ de bzhin gshegs pa la mchod cing rim gro bya ba 'od shin tu gsal ba zhes bya ba rab tu byed de/ mchod pa dang rim gro de la sems 
dang po bskyed pa nye bar bzung ba yan cad sa dgu pa thob kyi bar du de bzhin gshegs pa mchod cing rim gro byas pas brgya'i char yang nye bar mi 'gro'o/ /stong gi cha dang brgya stong gi cha dang / khrag khrig gi cha dang / khrag khrig brgya'i cha dang / khrag khrig stong 
gi cha dang khrag khrig brgya stong gi cha dang / bye ba khrag khrig brgya stong gi char yang nye bar myi 'gro'o/ /grangs dang cha dang / bgrang ba dang rgyur yang nye bar myi 'gro ba nas bsgrun pa tsam gyi bar du'ang myi chog go /'od gzer gyi dra ba'i dkyil 'khor 
chen po de las phyogs bcu na me tog du gdags pa dang / spos dang / bdug pa dang / phreng ba dang / byug pa dang / phye ma dang / na bza' dang / gdugs dang / rgyal mtshan dang / ba dan dang / rin po che'i rgyan dang / nor bu rin po cher gdags 
pa ci yod pa de dag thams cad las lhag cing 'jig rten gyi yul thams cad las 'das la 'jig rten las 'das pa'i dge ba'i rtsa ba'i dbang gis grub pa dag sprin chen po'i char bzhin du mngon par 'bab bo/ /mchod pa de dag sems can gang 
gis mthong ba de dag thams cad kyang bla na med pa yang dag par rdzogs pa'i byang chub tu nges par 'gyur ro/ /mchod pa dang / rim gro'i rnam pa de lta bu dag byas nas kyang 'od gzer de dag gis de bzhin gshegs pa'i 'khor gyi dkyil 'khor thams </font><hr>36-1-264a<br><font size=+1>
cad snang bar byas nas/ 'jig rten lan bcur bskor ba byas te/ de bzhin gshegs pa dgra bcom pa yang dag par rdzogs pa'i sangs rgyas rnams kyi zhabs kyi mthil gyi 'og tu nub par gyur te/ de nas de bzhin gshegs pa de dag 
dang byang chub sems dpa' de dag gis 'jig rten gyi khams 'byam klas pa che ge mo zhig tu de lta bu'i spyod pa dang ldan pa'i byang chub sems dpa' dbang bskur ba'i dus la bab par thugs su chud do/ /kye rgyal ba'i sras dag /der phyogs bcu nas byang 
chub sems dpa'i sa dgu la gnas pa'i bar gyi byang chub sems dpa' mtha' yas pa 'ongs te/ byang chub sems dpa' de la kun nas bskor nas/ mchod pa chen po byas te byang chub sems dpa' de nyid la lta zhing ting nge 'dzin stong phrag bcu bcu la 
so so nas mnyam par gzhog go /byang chub sems dpa' dbang bskur ba'i sa thob pa rnams kyi dpal gyi be'u dang rdo rje dang / bkra shis las bdud kyi dgra las rnam par rgyal ba zhes bya ba'i 'od gzer chen po gcig /'od gzer gyi 'khor brgya stong 
grangs med pa phrag bcu dang ldan pa 'byung ste/ byung nas kyang phyogs bcur snang bar byas nas cho 'phrul mu med pa yang dag par bstan te/ byang chub sems dpa' de'i dpal gyi be'u dang / rdo rje dang bkra shis su nub par 'gyur ro/ /'od gzer de dag der nub 
ma thag tu byang chub sems dpa' de'i stobs dang / mthu yang brgya phrag stong gyur pas kyang lhag par mngon par 'phel bar snang ngo / /kye rgyal ba'i sras dag /de nas de bzhin gshegs pa dgra bcom pa yang dag par rdzogs pa'i sangs rgyas de dag gi smin 
mtshams kyi mdzod spu nas thams cad mkhyen pa'i mngon par shes pa dang ldan pa zhes bya ba'i 'od zer 'od gzer gyi 'khor grangs med pa dang ldan pa 'byung ste/ de dag gis phyogs bcu thams cad du 'jig rten gyi khams thams cad ma lus par snang bar byas nas/ 'jig rten lan </font><hr>36-1-264b<br><font size=+1>
bcur bskor te/ de bzhin gshegs pa'i rnam par 'phrul pa chen po bstan nas/ byang chub sems dpa' brgya stong bye ba khrag khrig mang po yang dag par bskul nas/ sangs rgyas kyi zhing 'byam klas pa thams cad rnam pa drug tu bskyod de/ ngan song 
thams cad kyi lam gyi rgyud dang skye ba dang / shi 'pho rab tu zhi bar byas nas bdud kyi gnas thams cad zil gyis mnan te/ de bzhin gshegs pa thams cad mngon par 'tshang rgya ba rnam par sangs rgyas pa'i sangs rgyas kyi gdan yang dag par 
bstan nas/ sangs rgyas thams cad kyi 'khor gyi dkyil 'khor brgyan pa'i mthu rab tu bstan te/ 'jig rten gyi khams chos kyi dbyings kyis klas pa/ nam mkha'i mthas gtugs pa thams cad snang bar byas nas/ phyir log ste/ byang chub sems 
dpa'i 'khor gyi dkyil 'khor thams cad kyi steng nas bskor ba byas te/ rgyan chen po bstan nas/ 'od gzer de dag byang chub sems dpa' de'i yan lag gi dam par nub po/ /de'i 'khor gyi 'od gzer rnams kyang de ltar tshogs pa'i byang chub 
sems dpa' rnams kyi mgor nub par 'gyur ro/ /'od gzer de dag gis phog ma thag tu byang chub sems dpa' de dag gis sngan cad ma thob pa'i ting nge 'dzin stong phrag bcu bcu rab tu 'thob bo/ /'od gzer de dag kyang dus gcig tu byang chub 
sems dpa' de'i yan lag dam pa la 'char bar 'gyur te/ byang chub sems dpa' de yang yang dag par rdzogs pa'i sangs rgyas kyi yul la mngon par dbang bskur zhes bya'o/ /stobs bcu yongs su rdzogs nas ni/ yang dag par rdzogs pa'i sangs rgyas su bgrang ba yang 'thob 
par 'gyur ro/ /kye rgyal ba'i sras dag /'di lta ste dper na/ 'khor los sgyur ba'i rgyal po'i bu thu bo gzhon nu btsun mo dam pa las btsas pa/ rgyal po'i mtshan dang ldan pa de 'khor los sgyur ba'i rgyal pos lha'i glang po rin po che la </font><hr>36-1-265a<br><font size=+1>
gser gyi khri dam pa'i steng du bzhag ste/ steng nas bla re bres shing / gdugs dang / rgyal mtshan dang / ba dan dang / rol mo bcud pa dang / dkrol pa dang / glu'i dbyangs la sogs pa'i rgyan chen po byas te/ rgya mtsho chen po 
bzhi las chu blangs pa gser gyi bum pas bcus te/ chu nges gzhon nu de'i sbyi bo nas mngon par dbang bskur nas/ dbang bskur ma thag tu de ni rgyal po rgyal rigs spyi bo nas dbang bskur ba zhes bya ba'i grangs su 'gro'o/ /dge ba bcu'i las 
kyi lam yongs su rdzogs nas ni 'khor los sgyur bar bgrang ba rab tu 'thob bo/ /kye rgyal ba'i sras dag /de bzhin du byang chub sems dpa' yang sangs rgyas bcom ldan 'das de dag gis dbang bskur ma thag tu/ ye shes kyi dbang mngon 
par bskur bas mngon par dbang bskur ba zhes bya'o/ /stobs bcu yongs su rdzogs nas ni/ yang dag par rdzogs pa'i sangs rgyas kyi grangs su 'gro'o/ /kye rgyal ba'i sras dag 'di ni/ gang gi don du byang chub sems dpa' 
dka' ba brgya stong du ma rtsom pa'i byang chub sems dpa'i mngon par dbang bskur ba'o/ /de de ltar mngon par dbang bskur zhing yon tan dang ye shes rnam par 'phel ba ni/ byang chub sems dpa'i sa chos kyi sprin la gnas pa zhes bya'o/ /
kye rgyal ba'i sras dag /de la byang chub sems dpa'i sa chos kyi sprin la gnas pa'i byang chub sems dpa' ni chos kyi khams yang dag par bsgrub pa yang dag pa ji lta ba bzhin du rab tu shes so/ /'dod pa'i khams yang dag par 
bsgrub pa dang / gzugs kyi khams yang dag par bsgrub pa dang / gzugs med pa'i khams yang dag par bsgrub pa dang / 'jig rten gyi khams yang dag par bsgrub pa dang / sems can gyi khams yang dag par bsgrub pa dang / rnam </font><hr>36-1-265b<br><font size=+1>
par shes pa'i khams yang dag par bsgrub pa dang / 'dus byas dang 'dus ma byas kyi khams yang dag par bsgrub pa dang / nam mkha'i khams yang dag par bsgrub pa dang / yang dag pa dang yang dag pa ma yin pa'i khams bstan pa yang dag par 
bsgrub pa dang / mya ngan las 'das pa'i khams yang dag par bsgrub pa dang / lta ba'i rnam pa dang nyon mongs pa yang dag par bsgrub pa yang dag pa ji lta ba bzhin du rab tu shes so/ /'jig rten gyi khams 'jig pa dang 'du ba yang dag par bsgrub 
pa dang / nyan thos kyi spyod pa yang dag par bsgrub pa dang / rang sangs rgyas kyi spyod pa yang dag par bsgrub pa dang / byang chub sems dpa'i spyod pa yang dag par bsgrub pa dang / de bzhin gshegs pa'i stobs dang mi 'jigs pa dang / gzugs kyi sku dang / chos kyi sku 
yang dag par bsgrub pa dang / rnam pa thams cad mkhyen pa'i ye shes yang dag par bsgrub pa dang / mngon par rdzogs par 'tshang rgya ba dang / chos kyi 'khor lo bskor ba dang / bzlog pa bstan pa yang dag par bsgrub pa dang / mdor 
bsdu na chos thams cad rnam par phye ba la 'jug cing shin tu brtag pa yang dag par bsgrub pa yang dag pa ji lta ba bzhin du rab tu shes so/ /de de lta bu'i ye shes dang ldan pa'i blos gong du sems can rnams kyi sprul pa'i las yang dag pa ji lta ba 
bzhin du rab tu shes so/ /nyon mongs pa'i sprul pa dang / lta ba'i rnam pa'i sprul pa dang / 'jig rten gyi khams kyi sprul pa dang / chos kyi khams kyi sprul pa dang / nyan thos kyi sprul pa dang / rang sangs rgyas kyi sprul pa dang / byang chub 
sems dpa'i sprul pa dang / de bzhin gshegs pa'i sprul pa dang / sprul pa thams cad kyi rnam par dgod pa dang / rnam par mi dgod pa yang dag pa ji lta ba bzhin du rab tu shes so/ /de sangs rgyas kyi byin gyi rlabs kyang yang dag pa </font><hr>36-1-266a<br><font size=+1>
ji lta ba bzhin du rab tu shes so/ /chos kyi byin gyi rlabs dang / dge 'dun gyi byin gyi rlabs dang / las kyi byin gyi rlabs dang / nyon mongs pa'i byin gyi rlabs dang / dus kyi byin gyi rlabs dang / smon lam gyi byin 
gyi rlabs dang / mchod pa'i byin gyi rlabs dang / spyod pa'i byin gyi rlabs dang / bskal pa'i byin gyi rlabs dang / ye shes kyi byin gyi rlabs yang dag pa ji lta ba bzhin du rab tu shes so/ /gang 'di de bzhin gshegs pa dgra bcom pa yang dag 
par rdzogs pa'i sangs rgyas rnams kyi phra ba la 'jug pa'i ye shes 'di lta ste/ spyod pa phra ba la 'jug pa'i ye shes sam/ skye ba dang 'pho ba phra ba la 'jug pa'i ye shes sam/ sku tshe phra ba la 'jug pa'i ye shes sam/ mngon par 'byung ba phra ba 
la 'jug pa'i ye shes sam/ mngon par byang chub ba phra ba la 'jug pa'i ye shes sam/ rnam par 'phrul pa phra ba la 'jug pa'i ye shes sam/ chos kyi 'khor lo bskor ba phra ba la 'jug pa'i ye shes sam/ sku tshe'i tshad byin gyi rlabs pa phra ba 
la 'jug pa'i ye shes sam/ yongs su mya ngan las 'da' ba phra ba la 'jug pa'i ye shes sam/ bstan pa gnas pa phra ba la 'jug pa'i ye shes de dag thams cad yang dag pa ji lta ba bzhin du des rab tu shes so/ /gang 'di de bzhin gshegs pa 
dgra bcom pa yang dag par rdzogs pa'i sangs rgyas rnams kyi gsang ba la 'jug pa'i gnas 'di lta ste/ sku'i gsang ba 'am/ gsung gi gsang ba 'am/ thugs kyi gsang ba 'am/ dus dang dus ma yin pa thugs su chud pa'i gsang ba 'am/ 
byang chub sems dpa' lung bstan pa'i gsang ba 'am/ sems can bsdu ba dang / tshar gcad pa gsang ba 'am/ theg pa tha dad pa gsang ba 'am/ sems can gyi spyod pa dang / dbang po rnam par phye ba gsang ba 'am/ las dang bya ba la 'jug pa </font><hr>36-1-266b<br><font size=+1>
gsang ba 'am/ spyod pa dang mngon par 'tshang rgya ba'i rang bzhin brjod pa thugs su chud pa gsang ba de dag thams cad yang dag pa ji lta ba bzhin du des rab tu shes so/ /gang 'di dag bskal pa la 'jug pa'i ye shes 'di lta ste/ bskal pa gcig la bskal 
pa grangs med par yang dag par 'jug pa dang / grangs med pa'i bskal pa la bskal pa gcig tu yang dag par 'jug pa dang / bskal pa grangs med pa la bskal pa grangs med par yang dag par 'jug pa dang / skad cig la bskal pa dang bskal pa la skad cig 
tu yang dag par 'jug pa dang / bskal pa la bskal pa ma yin par yang dag par 'jug pa dang / bskal pa ma yin pa la bskal par yang dag par 'jug pa dang / sangs rgyas dang bcas pa'i bskal pa sangs rgyas med pa'i bskal 
par yang dag par 'jug pa dang / sangs rgyas med pa'i bskal pa sangs rgyas dang bcas pa'i bskal par yang dag par 'jug pa dang / 'das pa dang / ma 'ongs pa dang / da ltar byung ba'i bskal pa la/ da ltar byung ba dang / 'das pa dang / ma 'ongs pa'i bskal pa 
'jug cing / ma 'ongs pa dang 'das pa dang da ltar byung ba'i bskal par yang dag par 'jug pa dang / bskal pa ring po la bskal pa thung ngur yang dag par 'jug pa dang / bskal pa thung ngu la bskal pa ring por yang dag par 'jug pa dang / bskal pa thams 
cad la ming du gdags pa yang dag par 'jug pa de dag thams cad kyang yang dag pa ji lta ba bzhin du des rab tu shes so/ /gang 'di dag de bzhin gshegs pa rnams kyis thugs su chud pa'i ye shes 'di lta ste/ skra'i rtse mo la 'jug pa'i ye shes 
sam/ rdul shin tu phra ba la 'jug pa'i ye shes sam/ zhing mang po mngon par 'tshang rgya ba la 'jug pa'i ye shes sam/ sems can gyi lus dang / sems mngon par 'tshang rgya ba la 'jug pa'i ye shes sam/thams cad du khyab par mngon par </font><hr>36-1-267a<br><font size=+1>
'tshang rgya ba la 'jug pa'i ye shes sam/ snrel zhi'i spyod pa la 'jug pa yang dag par bstan pa'i ye shes sam/ lugs dang mthun pa'i spyod pa yang dag par bstan pa la 'jug pa'i ye shes sam/ lugs dang myi mthun pa'i 
spyod pa yang dag par bstan pa la 'jug pa'i ye shes sam/ 'jig rten bsam du rung ba dang / bsam du myi rung ba dang / rnam par shes par rung ba dang / rnam par shes par myi rung ba'i spyod pa yang dag par bstan pa la 'jug pa'i ye shes sam/ nyan thos kyis shes 
par bya ba dang rang sangs rgyas kyis shes par bya ba dang / byang chub sems dpas shes par bya ba dang / de bzhin gshegs pas mkhyen par bya ba'i spyod pa yang dag par bstan pa la 'jug pa'i ye shes de dag thams cad kyang yang dag pa ji lta ba bzhin 
du des rab tu shes so/ /kye rgyal ba'i sras dag /de ltar na sangs rgyas bcom ldan 'das rnams kyi ye shes shin tu yangs pa tshad myed pas/ sa 'di la gnas pa'i byang chub sems dpas khong du chud pa'i ye shes kyang tshad 
myed do/ /kye rgyal ba'i sras dag /de ltar byang chub sems dpa'i sa 'di dang ldan pa'i byang chub sems dpa' de byang chub sems dpa'i rnam par thar pa bsam gyis myi khyab pa zhes bya ba rab tu 'thob bo/ /bsgribs pa myed pa zhes bya ba dang / rnam par 
dag pa rab tu 'byed pa zhes bya ba dang / sgo kun tu snang ba zhes bya ba dang / de bzhin gshegs pa'i mdzod ces bya ba dang / 'khor lo thogs pa med pa dang ldan pa zhes bya ba dang / dus gsum gyi rjes su song ba zhes bya ba dang / chos kyi dbyings kyi snying 
po zhes bya ba dang / rnam par thar pa'i dkyil 'khor snang ba zhes bya ba dang / yul ma lus pa zhes bya ba'i byang chub sems dpa'i rnam par thar pa rab tu 'thob bo/ /kye rgyal ba'i sras dag /'di lta ste byang chub sems dpa'i rnam par thar pa </font><hr>36-1-267b<br><font size=+1>
bcu po de dag las stsogs pa rnam par thar pa'i sgo brgya stong grangs med pa byang chub sems dpa'i sa bcu pa 'di la gnas pa'i byang chub sems dpas rab tu 'thob ste/ de bzhin du ting nge 'dzin brgya phrag stong dang / gzungs brgya phrag stong dang / mngon par 
shes pa mngon par bsgrub pa brgya phrag stong yang rab tu 'thob bo/ /de ye shes de lta bu dang ldan pa'i blo dang tshad myed pa rjes su song ba'i dran pa mkhas pa dang ldan pa yin/ de phyogs bcu'i sangs rgyas bcom ldan 'das grangs med pa las 
skad cig yud tsam thang cig tu chos kyi snang ba chen po tshad med pa dang / chos kyi 'od chen po dang / chos kyi sprin chen po yang dag par 'dzin to/ /mos par byed do/ /yang dag par len to/ /bdag gir byed do/ /kye rgyal ba'i sras dag /
'di lta ste dper na/ rgya mtsho'i klu'i rgyal po'i sprin las rnam par bkye ba'i chu'i phung po chen po ni rgya mtsho chen po ma gtogs par sa'i phyogs gzhan gyis bzod pa 'am/ bdag gir bya ba 'am/ blang ba 'am/ gzung bar myi nus so/ /
kye rgyal ba'i sras dag de bzhin du de bzhin gshegs pa rnams kyi de bzhin gshegs pa'i gsang ba la 'jug pa dang / chos kyi snang ba chen po dang / chos kyi 'od chen po dang /chos kyi sprin chen po de dag ni sems can thams cad dang / nyan thos 
dang / rang sangs rgyas thams cad dang sa dang po nye bar bzung ba yan cad/ sa dgu pa'i bar la gnas pa'i byang chub sems dpa' de dag gis kyang bzod pa 'am/ blang ba 'am/ yang dag par gzung ba 'am/ bdag gir bya ba sla ba ma yin te/ 
byang chub sems dpa'i sa chos kyi sprin 'di la gnas pa'i byang chub sems dpa' ni de dag thams cad la mos par byed do/ /yang dag par len to/ /yang dag par 'dzin to/ /bdag gir byed do/ /kye rgyal ba'i sras dag /</font><hr>36-1-268a<br><font size=+1>
'di lta ste dper na/ rgya mtsho chen po ni klu'i rgyal po chen po gcig gis sprin chen po yang bzod do/ /len to/ 'dzin to/ /bdag gir byed do/ /klu'i rgyal po chen po gnyis dang / gsum nas tshad med pa'i bar gyi sprin chen po 
dag kyang skad cig yud tsam thang cig gis bzod do/ /len to/ /'dzin to/ /bdag gir byed do/ /de ci'i phyir zhe na/ rgya mtsho chen po de tshad myed par rgya che zhing yangs pa'i phyir ro/ /kye rgyal ba'i sras dag /de bzhin du byang chub sems 
dpa'i sa chos kyi sprin 'di la gnas pa'i byang chub sems dpa' yang de bzhin gshegs pa gcig las kyang skad cig yud tsam thang cig tu chos kyi snang ba chen po dang / chos kyi 'od chen po dang / chos kyi sprin chen po tshad med pa rnams 
bzod do/ /yang dag par len to/ /yang dag par 'dzin to/ /bdag gir byed do/ /de bzhin gshegs pa gnyis dang / gsum nas tshad med pa'i bar dag las kyang skad cig yud tsam thang cig tu chos kyi snang ba chen po dang / 
chos kyi 'od chen po dang / chos kyi sprin chen po tshad med pa bzod do/ /yang dag par 'dzin to/ /yang dag par len to/ /bdag gir byed do/ /de ci'i phyir zhe na/ sa 'di yang chos kyi sprin ces bya'o/ /byang chub sems dpa' rnam par grol ba'i zla 
bas smras pa/ kye rgyal ba'i sras de bzhin gshegs pa ji snyed cig las byang chub sems dpa' skad cig yud tsam thang cig tu chos kyi snang ba chen po dang / chos kyi 'od chen po dang / chos kyi sprin chen po bzod par byed pa dang / yang dag par 'dzin pa 
dang / yang dag par len cing bdag gir byed pa de dag bgrang bar nus sam/ byang chub sems dpa' rdo rje'i snying pos smras pa/ kye rgyal ba'i sras de bzhin gshegs pa 'di snyed cig las byang chub sems dpa' skad cig yud tsam thang cig tu chos </font><hr>36-1-268b<br><font size=+1>
kyi snang ba chen po dang / chos kyi 'od chen po dang / chos kyi sprin chen po bzod cing yang dag par len pa dang / yang dag par 'dzin cing bdag gir byed do/ /zhes grangs kyis shin tu bstan pa'i tshul du bgrang bar sla ba ma yin te/ 'on kyang dpe tsam du bstan 
par bya'o/ /kye rgyal ba'i sras 'di lta ste dper na/ phyogs bcu'i 'jig rten gyi khams sangs rgyas kyi zhing brjod du med pa bye ba khrag khrig brgya phrag stong gi rdul phra ba snyed na sems can gyi khams ma lus pa'i tshul du ji snyed cig yod pa de dag 
las/ sems can gcig cig thos pa 'dzin pa'i gzungs rab tu thob par gyur te/ 'di lta ste dper na/ bcom ldan 'das rdo rje pad mo'i bla de bzhin gshegs pa dgra bcom pa yang dag par rdzogs pa'i sangs rgyas kyi dge slong rnam par rgyal 
ba chen po zhes bya ba bzhin du de bzhin gshegs pa'i zham ring ba/ nyan thos chen po thos pa 'dzin pa'i mchog tu phyin par gyur la/ rnam pa de lta bu'i thos pa 'dzin pa'i stobs kyi shugs dang / sems can gcig po de ldan par gyur te/ sems can 
gcig po de ci 'dra ba de bzhin du 'jig rten gyi khams de dag thams cad kyi sems can thams cad ldan par gyur la/ gcig gis gang bzung ba de bzhin gyis bzung na/ kye rgyal ba'i sras de la ji snyam du sems sems can de dag gi thos pa 'dzin pa'i shes 
pa de dag tshad med cing mang ba yin mod/ byang chub sems dpa' rnam par grol ba'i zla bas smras pa/ kye rgyal ba'i sras sems can de dag gi thos pa 'dzin pa'i shes pa de ni mang ste tshad kyang myed do/ /byang chub sems dpa' rdo rje'i snying pos smras pa/ 
kye rgyal ba'i sras khyod kyis khong du chud pa dang / yid ches par bya na de ltar byang chub sems dpa'i sa chos kyi sprin 'di la gnas pa'i byang chub sems dpa' ni de bzhin gshegs pa gcig las kyang skad cig yud tsam thang cig tu chos kyi snang ba dang /</font><hr>36-1-269a<br><font size=+1>
'od dang sprin chen po chos kyi dbyings dus gsum gyi mdzod ces bya ba bzod cing yang dag par len to/ /yang dag par 'dzin to/ /bdag gir byed do/ /chos kyi snang ba dang / 'od dang sprin chen po yang 
dag par 'dzin pa'i shes pa de la thos pa 'dzin pa'i shes pa snga mas brgya'i char yang nye bar mi 'gro'o/ /stong gi cha dang / brgya phrag stong gi cha dang / bye ba'i cha dang bye ba brgya'i cha dang / bye ba stong gi cha dang / bye ba brgya stong gi cha dang / bye ba khrag 
khrig brgya stong gi cha dang / grangs dang / cha dang / bgrang ba dang / dpe dang / rgyur yang nye bar myi 'gro ba nas bsgrun pa tsam gyi bar du 'ang myi chog go /de bzhin gshegs pa gcig las ji lta ba bzhin du phyogs bcu'i 'jig rten gyi khams snga ma 
dag na rdul shin tu phra ba ji snyed yod pa de snyed kyi yang dag par rdzogs pa'i sangs rgyas rnams dang / de dag bas kyang ches mang zhing tshad med pa'i de bzhin gshegs pa rnams las skad cig yud tsam thang cig tu chos kyi snang ba dang / 'od dang sprin chen po 
chos kyi dbyings dus gsum gyi mdzod ces bya ba bzod cing yang dag par len to/ /yang dag par 'dzin to/ /bdag gir byed do/ /de bas nas 'di yang chos kyi sprin ces bya'o/ /kye rgyal ba'i sras gzhan yang byang chub sems dpa'i sa chos kyi 
sprin la gnas pa'i byang chub sems dpa' ni rang gi smon lam gyi stobs dang shugs kyis snying brtse ba dang snying rje chen po'i sprin chos kyi snang ba chen po rab tu sgrog pa'i 'brug sgra shin tu sgrog pa mngon par shes pa dang / rig pa dang myi 'jigs pa'i glog rnam 
par 'gyu ba/ 'od gzer chen po'i rlung gis shin tu bskyod pa/ bsod nams dang ye shes kyi sprin gyi dra ba stug pos kun nas khebs pa/ lus sna tshogs kyi sprin gyi klong yang dag par ston pa/ chos kyi sgra chen po rab tu sgrog pa/ bdud kyi 'khor thams </font><hr>36-1-269b<br><font size=+1>
cad shin tu tshar gcod pa/ yongs su bslang ste/ skad cig yud tsam thang cig tu phyogs bcu'i 'jig rten snga ma de dag na rdul phra rab ji snyed yod pa de snyed kyi 'jig rten gyi khams kyang bye ba khrag khrig brgya stong dang / de dag bas kyang ches mang zhing tshad med pa'i 
'jig rten gyi khams bye ba khrag khrig brgya stong rgyas par bkang ste/ dge ba'i bdud rtsi'i rgyun gyi char chen pos bsam pa ji lta ba bzhin du sems can rnams kyi myi shes pa las langs pa'i nyon mongs pa'i rdul gyi me lce thams cad rab tu zhi bar byed de/ de bas 
nas 'di'ang chos kyi sprin ces bya'o/ /kye rgyal ba'i sras gzhan yang byang chub sems dpa'i sa chos kyi sprin la gnas pa'i byang chub sems dpa' ni 'jig rten gyi khams gcig tu yang dga' ldan gyi gnas na bzhugs pa nas bzung ste/ 'pho ba dang yum gyi skur bzhud pa dang /sku na bzhugs pa dang / 
tshe dang mngon par 'byung ba dang / mngon par 'tshang rgya ba dang / gsol ba gdab pa dang / chos kyi 'khor lo chen po bskor ba dang / mya ngan las 'das pa chen po bstan pa'i bar du sems can gyi bsam pa'i tshul dang / 'dul ba'i tshul ji lta ba bzhin du de bzhin gshegs 
pa'i 'phrin las thams cad byin gyis rlob bo/ /de bzhin du 'jig rten gyi khams gnyis nas 'jig rten gyi khams snga ma de dag na rdul phra rab ji snyed yod pa de dag bas kyang ches mang ba'i 'jig rten gyi khams bye ba khrag khrig brgya stong tshad med pa'i bar dag tu yang dga' 
ldan gyi gnas na bzhugs pa nas bzung ste/ yongs su mya ngan las 'das pa chen po bstan pa'i bar du sems can rnams kyi bsam pa'i tshul dang / 'dul ba'i tshul ji lta ba bzhin du de bzhin gshegs pa'i 'phrin las thams cad byin gyis rlob 
bo/ /de de lta bu'i ye shes dang ldan zhing shin tu brtags pa'i mngon par shes pa chen po thob pas/ 'dod na 'jig rten gyi khams dog pa yangs par byin gyis rlob bo/ /yangs pa yang dog par byin gyis rlob bo/ /'dod na kun nas nyon mongs pa </font><hr>36-1-270a<br><font size=+1>
rnam par dag par byin gyis rlob bo/ /rnam par dag pa kun nas nyon mongs par byin gyis rlob bo/ /de bzhin du rgya chen po dang shin tu yangs pa dang / tshad med pa dang / phra ba dang / tha gru chen po dang / snrel zhi dang / spyi'u tshugs 
dang / gzhi mnyam pa la sogs pa'i 'jig rten gyi khams thams cad kyang khyu mchog gi mthu phyung bas mngon par bsgrub pa de dang der byin gyis rlob bo/ /de 'dod na rdul shin tu phra ba gcig la 'jig rten gyi khams khor yug gi 'obs dang bcas pa rnam pa thams 
cad dang ldan pa gcig kyang byin gyis rlob ste/ rdul shin tu phra ba de'ang myi 'phel la bya ba de dag kyang yongs su ston to/ /rdul shin tu phra ba gcig la 'jig rten gyi khams gnyis dang gsum dang bzhi dang lnga nas 'jig rten gyi khams brjod du med pa'i bar 
du thams cad kyang khor yug gi 'obs dang bcas pa rnam pa thams cad dang ldan par byin gyis rlob ste/ rdul shin tu pha ba de yang mi 'phel la bya ba de dag kyang yongs su ston to/ /'dod na 'jig rten gyi khams gcig tu 'jig rten gyi khams gnyis 
kyi rgyun yongs su ston to/ /'dod na 'jig rten gyi khams brjod du med pa'i bar gyi rgyun yongs su ston to/ /'dod na 'jig rten gyi khams gcig gi rgyan 'jig rten gyi khams gnyis su yongs su ston to/ /'dod na 'jig rten gyi khams brjod du med 
pa dag tu yang yongs su ston to/ /'dod na 'jig rten gyi khams brjod du med pa dag na/ sems can gyi khams ji snyed yod pa de dag thams cad 'jig rten gyi khams gcig tu sdud de sems can de dag la yang gnod par myi 'gyur ro/ /'dod na 'jig 
rten gyi khams gcig na sems can gyi khams ci snyed pa de dag 'jig rten gyi khams brjod du med par sdud de/ sems can de dag la yang gnod par myi 'gyur ro/ /'dod na skra'i rtse mo gcig la sangs rgyas kyi yul gyi rgyan rnam pa thams cad dang ldan pa gcig ston to/ /</font><hr>36-1-270b<br><font size=+1>
'dod na sangs rgyas kyi yul gyi rgyan rnam pa thams cad dang ldan pa brjod du med pa'i bar du ston to/ /'dod na 'jig rten gyi khams brjod du med pa dag na rdul shin tu phra ba ji snyed yod pa de snyed kyi lus skad cig yud tsam thang cig tu shin tu 
sprul pa byed do/ /lus re re la yang de snyed kyi lag pa yongs su ston te/ lag pa de dag gis kyang phyogs bcur sangs rgyas mchod pa rab tu byed de/ lag pa re res kyang me tog gi phung po chu klung gang gA'i bye ma snyed sangs rgyas 
bcom ldan 'das de dag la mngon par 'thor ro/ /me tog ji lta ba de bzhin du spos dang / phreng ba dang byug pa dang / phye ma dang / na bza' dang / gdugs dang / rgyal mtshan dang / ba dan dang / de bzhin du rgyan thams 
cad kyang yongs su 'bul lo/ /lus re re la yang de snyed kyi mgo byin gyis rlob cing mgo re re la yang de snyed kyi lce byin gyis brlabs te/ de dag gis kyang sangs rgyas bcom ldan 'das de dag gi yon tan shin tu brjod pa byed do/ /sems bskyed pa 
re re la yang phyogs bcu rgyas par khyab par 'gro ste/ sems bskyed pa tsam gyis kyang mngon par rdzogs par byang chub pa tshad med pa nas/ mya ngan las 'das pa chen po rgyan gyi bar du byin gyis rlob bo/ /dus gsum gyi lus chad med pa yang byin gyis 
rlob ste/ rang gi lus la sangs rgyas bcom ldan 'das chad med pa rnams kyi sangs rgyas kyi zhing gi yon tan dang rgyan tshad med pa byin gyis rlob bo/ /'jig rten gyi khams 'jig pa dang / 'du ba thams cad kyang rang gi lus la byin gyis rlob bo/ /rlung 
gi dkyil 'khor thams cad kyang ba spu'i khung bu gcig nas gtong ste/ sems can rnams la yang gnod par mi byed do/ /'dod na chu'i phung po yan cad 'jig rten gyi khams gcig byin gyis rlob bo/ /der yang pad mo chen po byin gyis rlob bo/ /</font><hr>36-1-271a<br><font size=+1>
pad mo chen po de'i 'od rnam par phye bas kyang 'jig rten gyi khams mu med pa rgyas par gang bar byed do/ /de la yang byang chub kyi shing chen po yongs su ston pa nas/ rnam pa'i mchog thams cad dang ldan pa'i thams cad mkhyen pa'i 
bar du yang dag par ston to/ /rang gi lus la phyogs bcu'i nor bu dang / glog dang nyi zla'i 'od byin gyis rlob pa nas/ snang ba dang 'od thams cad kyi bar du byin gyis rlob bo/ /kha'i dbugs kyis kyang phyogs re re'i 'jig rten gyi khams mtha' yas pa g.yo bar 
byed de/ sems can rnams 'jigs par yang mi byed do/ /phyogs bcur rlung gis 'jig pa dang / myes 'jig pa dang / chus 'jig pa yang byin gyis rlob la/ 'dod na sems can thams cad bsam pa bzhin du gzugs kyi lus dang / gnas yongs 
su rgyan par byin gyis rlob bo/ /rang gi lus la de bzhin gshegs pa'i sku byin gyis rlob bo/ /de bzhin gshegs pa'i sku la rang gi lus byin gyis rlob bo/ /de bzhin gshegs pa'i sku la rang gi sangs rgyas kyi zhing byin gyis rlob bo/ /rang gi sangs 
rgyas kyi zhing du de bzhin gshegs pa'i sku byin gyis rlob bo/ /kye rgyal ba'i sras de ltar byang chub sems dpa'i sa chos kyi sprin la gnas pa'i byang chub sems dpa' ni rdzu 'phrul dang rnam par 'phrul pa 'di dag dang / gzhan yang bye ba khrag khrig brgya 
stong tshad med pa yongs su ston to/ /de nas 'khor de'i byang chub sems dpa' la la dang / lha dang klu dang / gnod sbyin dang / dri za dang / lha ma yin dang / brgya byin dang / tshangs pa dang / 'jig rten gyi mgon po dang / dbang phyug chen po dang / 
gtsang ma'i gnas su gtogs pa kha cig 'di snyam du sems te/ de ltar de ste byang chub sems dpa'i rdzu 'phrul mngon par 'du bya ba'i spyod yul yang de ltar tshad med na/ de bzhin gshegs pa rnams kyi rdzu 'phrul gyi rnam pa ci 'dra ba zhig yod snyam pa </font><hr>36-1-271b<br><font size=+1>
dang / de nas byang chub sems dpa' rnam par grol ba'i zla bas 'khor de dag gi sems dang bsam pa'i rgyud shes nas byang chub sems dpa' rdo rje'i snying po la 'di skad ces smras so/ /kye rgyal ba'i sras 'khor 'di dag the tsom 
du gyur na/ de dag gi the tsom gcod pa'i phyir byang chub sems dpa'i cho 'phrul rnam par phye ba chung zad cig mi bstan tam// //sangs rgyas rmad ga cad ces bya ba shin tu rgyas pa chen po'i mdo/bam po 
nyi shu gcig pa/ de nas byang chub sems dpa' rdo rje'i snying po de'i tshe/ byang chub sems dpa'i ting nge 'dzin sangs rgyas kyi zhing thams cad kyi lhun dang / rang bzhin yang dag par ston pa zhes bya ba la snyoms par 
zhugs so/ /de ltar byang chub sems dpa' rdo rje'i snying po byang chub sems dpa'i ting nge 'dzin sangs rgyas kyi zhing thams cad kyi lhun dang / rang bzhin yang dag par ston pa la snyoms par zhugs ma thag tu de nas de nyid kyi tshe/ byang 
chub sems dpa'i 'khor de dag thams cad dang / lha dang klu dang gnod sbyin dang dri za dang lha ma yin dang / brgya byin dang / tshangs pa dang / 'jig rten gyi mgon po dang / dbang phyug chen po dang / gtsang ma'i gnas kyi ris su gtogs 
pa'i 'khor de dag thams cad byang chub sems dpa' rdo rje'i snying po'i lus kyi nang na 'khod pa rang rang gis shes par gyur te/ der sangs rgyas kyi zhing mngon du grub par shes so/ /sangs rgyas kyi zhing de'i rnam pa dang / rgyan ji snyed pa 
de dag kyang bskal pa khrag khrig tshang bas kyang brjod par mi nus par mthong ste/ der byang chub kyi shing stong gsum brgya stong phrag bcur khyab pa'i lhun can stong gsum khrag khrig yongs su tshang ba tsam du yangs shing / tshad med pa'i yal </font><hr>36-1-272a<br><font size=+1>
ga can/ rtse mo shin tu mtho ba byung ste/ de dang rkyen du 'bab par de'i drung gi snying po byang chub la seng ge'i khri rgya chen po byung nas de la de bzhin gshegs pa mngon par shes pa'i blo gros thams cad kyi rgyal po zhes bya ba 
snying po byang chub tu gshegs te bzhugs par mthong ngo / /de ltar de na rgyan ji snyed snang bar gyur pa de dag ni bskal pa khrag khrig yongs su tshang bas kyang brjod par dka'o/ /des cho 'phrul chen po 'di bstan nas byang chub sems 
dpa'i 'khor de dag thams cad dang / lha dang klu dang / gnod sbyin dang / dri za dang / lha ma yin dang / brgya byin dang tshangs pa dang 'jig rten gyi mgon po dang / dbang phyug chen po dang / gnas gtsang ma'i ris su gtogs pa'i 
'khor de dag thams cad so so'i gnas ji bzhin du bkod pa dang / de nas 'khor de dag thams cad ngo mtshar dang rmad du gyur nas/ mi smra bar byang chub sems dpa' rdo rje'i snying po de nyid la sems shing 'khod par gyur to/ /de nas byang 
chub sems dpa'i rnam par grol ba'i zla bas/ byang chub sems dpa' rdo rje'i snying po la 'di skad ces smras so/ /kye rgyal ba'i sras ting nge 'dzin 'di'i mthu rnam par bkod pa de ni rmad du byung bar ngo mtshar che na/ kye rgyal ba'i sras ting 
nge 'dzin de'i mying ci zhes bya/ byang chub sems dpa' rdo rje'i snying pos smras pa/ kye rgyal ba'i sras ting nge 'dzin de ni sangs rgyas kyi zhing thams cad kyi lhun dang rang bzhin yang dag par ston pa zhes bya'o/ /byang chub sems dpa' rnam 
par grol ba'i zla bas smras pa/ kye rgyal ba'i sras 'o na ting nge 'dzin 'di'i spyod yul dang / yul dang rgyan ji lta bu yin/ byang chub sems dpa' rdo rje'i snying pos smras pa/ kye rgyal ba'i sras byang chub sems dpa'i ting nge 'dzin 'di </font><hr>36-1-272b<br><font size=+1>
la shin tu goms pa ni/ 'dod na sangs rgyas kyi zhing 'di 'dra ba 'jig rten gyi khams chu klung gang gA'i bye ma snyed dam/ de bas kyang mang du rang gi lus la ston to/ /kye rgyal ba'i sras byang chub sems dpa'i sa chos kyi sprin la gnas 
pa'i byang chub sems dpas ni byang chub sems dpa'i ting nge 'dzin 'di 'dra ba brgya stong shin tu mang ba rab tu 'thob ste/ de bas byang chub sems dpa' de'i lus sam/ lus kyi las ni byang chub sems dpa' rgyal tshab kyi go 'phang thob cing byang chub sems 
dpa'i sa legs pa'i blo gros la gnas pa dag gis kyang shes par sla ba ma yin no/ /ngag gam ngag gi las kyang shes par sla ba ma yin no/ /yid dam yid kyi las kyang shes par sla ba ma yin no/ /rdzu 'phrul shes par sla ba ma yin no/ /
dus gsum la rnam par lta ba shes par sla ba ma yin no/ /ting nge 'dzin gyi spyod yul la 'jug pa shes par sla ba ma yin no/ /ye shes kyi yul shes par sla ba ma yin no/ /rnam par thar pas rnam par rol pa shes par sla ba ma yin no/ /
'phrul pa'i las shes par sla ba ma yin no/ /byin gyi rlabs kyi las shes par sla ba ma yin no/ /mthu'i las shes par sla ba ma yin pa nas mdor bsdu na gom pa 'dor zhing 'degs pa'i las kyi bar du yang byang chub sems dpa' 
rgyal tshab kyi go 'phang thob cing byang chub sems dpa'i sa legs pa'i blo gros la gnas pa rnams kyis kyang shes par sla ba ma yin te/ kye rgyal ba'i sras byang chub sems dpa'i sa chos kyi sprin 'di ni mdor bsdus te bstan na yang de ltar tshad 
med pa ste/ rgya cher ni bskal pa brgya stong grangs med pas kyang bstan pa'i mthar thug par mi 'gyur bar shes par bya'o/ /byang chub sems dpa' rnam par grol ba'i zla bas smras pa/ kye rgyal ba'i sras byang chub sems dpa' rnams kyi spyod yul </font><hr>36-1-273a<br><font size=+1>
dang byin gyis rlabs kyang de ltar tshad med na de bzhin gshegs pa rnams kyi spyod yul dang yul gyi rgyud ci 'dra ba zhig yod/ byang chub sems dpa' rdo rje'i snying pos smras pa/ kye rgyal ba'i sras 'di lta ste dper na/ myi la la zhig 
gis gling bzhi pa'i 'jig rten gyi khams nas rde'u rgya shug gi tshig gu tsam gnyis sam gsum zhig blangs te/ 'jig rten gyi khams mtha' yas pa dag na/ sa'i khams ji snyed cig yod pa/ rdo ba 'di las ji tsam zhig gis lhag par 'phags shing 
lhag par tshad med ces zer ba zhig yod na/ kye rgyal ba'i sras de lhar khyod de bzhin gshegs pa dgra bcom pa yang dag par rdzogs pa'i sangs rgyas ye shes tshad med pa mnga' ba rnams kyi chos nyid byang chub sems dpa'i chos nyid kyis 'jal ba ni khyod kyi 
tshig 'di de dang 'dra bar bdag gis dpags so/ /kye rgyal ba'i sras ji ltar gling bzhi pa'i 'jig rten gyi khams nas gang blangs pa'i sa'i khams chung zad la lhag ma las tshad med pa de bzhin du/ kye rgyal ba'i sras byang chub sems dpa'i sa chos kyi sprin 
'di kho na yang bskal pa grangs med par shin tu bstan kyang phyogs tsam zhig bstan du zad na/ de bzhin gshegs pa'i sa lta smos su 'ang ga la yod/ kye rgyal ba'i sras khyod kyis khong du chud pa dang / yid ches par bya na de bzhin gshegs pa 'di bdag 
gi mdun na dpang du bzhugs te/ kye rgyal ba'i sras/ gal te phyogs bcu'i phyogs re re'i sangs rgyas kyi zhing 'jig rten gyi khams mu med pa'i rdul shin tu phra ba ji snyed cig sa 'di lta bu thob pa'i byang chub sems dpa' rnams kyis bu ram shing gi 
tshal lam/ smyig ma'i tshal lam/ 'od ma'i tshal lam/ til gyi zhing thibs po bzhin du yongs su gang bar gyur kyang / byang chub sems dpa'i spyod pa mngon par bsgrub pa bskal pa mu med par mngon par bsgrubs pa de dag gis ni de bzhin </font><hr>36-1-273b<br><font size=+1>
gshegs pa'i ye shes skad cig yud tsam thang cig tu byung ba'i de bzhin gshegs pa'i yul gyi brgya'i char yang nye bar mi 'gro'o/ /stong gi cha dang / brgya stong gi cha dang / bye ba brgya'i cha dang / bye ba brgya stong gi cha dang / bye ba khrag khrig brgya stong gi 
char yang nye bar mi 'gro ba nas grangs dang cha dang bgrang ba dang dpe dang rgyu dang bsgrun pa tsam du yang nye bar mi 'gro'o/ /kye rgyal ba'i sras de ltar ye shes de lta bu dang ldan pa'i byang chub sems dpa' de bzhin gshegs pa'i sku dang gsung dang thugs dang 
gnyis su med pa ni/ byang chub sems dpa'i ting nge 'dzin gyi stobs kyang yongs su mi gtong la sangs rgyas blta ba dang / mchod pa dang / rim gro yang rab tu byed de/ bskal pa re re la yang de bzhin gshegs pa mtha' yas pa la 
mchod pa rnam pa thams cad du mngon par bsgrubs pa'i mchod pa rgya chen po'i rjes su song bas mchod pa byed do/ /sangs rgyas bcom ldan 'das de dag gi byin gyi rlabs kyi snang ba yang yang dag par 'dzin to/ /de ni sngon bas kyang bskal pa du ma dang / bskal pa brgya phrag du ma 
dang / bskal pa stong phrag du ma dang / bskal pa brgya stong phrag du ma dang / bskal pa bye ba brgya stong phrag du ma dang / bskal pa khrag khrig phrag du ma dang / bskal pa khrag khrig brgya phrag du ma dang / bskal pa khrag khrig stong phrag du ma dang / 
bskal pa khrag khrig brgya stong phrag du ma dang / bskal pa bye ba khrag khrig brgya stong phrag du mar chos kyi dbyings yongs su dris pa shin tu bstan pas mi 'phrogs par gnas so/ /kye rgyal ba'i sras dag /'di lta ste dper na/ lha rdzas kyi rgyan 
gyi rnam pa mgar bas ma brdungs pa rin po che'i dam pas spras pa/ lha'i rgyal po dbang bsgyur gyi yan lag gi dam pa mgo'am mgul du btags na/ de ma yin pa'i lha dang myi'i rgyan gyi rnam pa gzhan gyis mi 'phrogs shing mi thub pa yin/</font><hr>36-1-274a<br><font size=+1>
kye rgyal ba'i sras de bzhin du byang chub sems dpa' sa bcu pa chos kyi sprin 'di thob pa'i byang chub sems dpa'i ye shes kyi rgyud de dag kyang sems can thams cad dang / nyan thos dang / rang sangs rgyas thams cad dang / 
byang chub sems dpa'i sa dang po nye bar bzung ba yan cad byang chub sems dpa'i sa dgu pa thob pa'i bar gyi/ byang chub sems dpa' rnams kyis kyang mi 'phrogs pa yin/ byang chub sems dpa'i sa 'di la gnas pa'i ye shes snang ba ni sems 
can rnams thams cad mkhyen pa'i ye shes la gzud pa'i rgyu yin te/ de ma yin pa'i ye shes snang ba gzhan gyis mi 'phrogs so/ /kye rgyal ba'i sras 'di lta ste dper na/ lha'i rgyal po dbang phyug chen po'i 'od kyis ni skye ba'i skye mched thams cad du 'ang 
khyab la sems can rnams kyi lus kyang sim par byed do/ /kye rgyal ba'i sras de bzhin du byang chub sems dpa' sa bcu pa 'di la gnas pa'i byang chub sems dpa'i ye shes snang ba yang nyan thos dang / rang sangs rgyas thams cad dang / byang chub 
sems dpa'i sa dang po la nye bar bzung ba yan cad byang chub sems dpa'i sa dgu pa la gnas pa'i bar gyi byang chub sems dpa' rnams kyis kyang mi 'phrogs pa yin/ thams cad mkhyen pa'i ye shes kyi bar gyi chos nyid la yang sems can rnams 
rab tu gzhog go /kye rgyal ba'i sras byang chub sems dpa'i ye shes de lta bu dang ldan pa la ni/ sangs rgyas bcom ldan 'das rnams kyis dus gsum gyi ye shes yang dag par ston to/ /chos kyi dbyings rab tu phye ba'i ye shes dang / 'jig 
rten gyi khams thams cad rgyas par dgang ba dang / 'jig rten gyi khams thams cad du snang bar byin gyis brlab pa dang / sems can thams cad dang zhing gi chos yongs su shes par bya ba dang / sems can thams cad kyi sems dang / spyod pa la </font><hr>36-1-274b<br><font size=+1>
'jug pa'i ye shes nas mdor bsdu na/ thams cad mkhyen pa'i ye shes thob par bya ba'i bar du yang dag par bstan to/ /de'i pha rol tu phyin pa bcu las ye shes kyi pha rol tu phyin pa'i shas che ba yin te/ kye rgyal ba'i sras 'di ni byang chub 
sems dpa' rnams kyi chos kyi sprin ces bya ba/ byang chub sems dpa'i sa bcu pa mdor bstan pa'o/ /rgya cher ni bskal pa grangs myed pa mu myed pas bstan pa'i mthar thug par shes par bya'o/ /de la gnas pa'i byang chub sems 
dpa' ni phal cher lha'i rgyal po dbang phyug chen por 'gyur te/ sems can rnams la nyan thos dang / rang sangs rgyas dang / byang chub sems dpa'i pha rol tu phyin pa bstan pa la mkhas shing mthu yod pa yin/ chos kyi dbyings rnam 
par phye ba yongs su dris pa bstan pas mi 'phrogs pa yin/ sbyin pa 'am/ ngag snyan pa 'am/ don bsgrub pa 'am/ don mthun pas dge ba'i rtsa ba gang ci rtsom yang rung ste/ de thams cad ji ltar na sems can thams cad kyi mchog tu 
'gyur/ gtso bor 'gyur/ thu bor 'gyur/ phul du 'gyur/ dam par 'gyur/ bla na med par 'gyur/ 'dren par 'gyur/ yongs su 'dren par 'gyur ba nas/ thams cad mkhyen pa'i ye shes la rten pa'i bar du 'gyur snyam ste/ 
sangs rgyas yid la bya ba dang / chos yid la bya ba dang / dge 'dun yid la bya ba dang / byang chub sems dpa' yid la bya ba dang / byang chub sems dpa'i spyod pa yid la bya ba dang / byang chub sems dpa'i sa yid la bya ba dang / 
pha rol tu phyin pa yid la bya ba dang / stobs yid la bya ba dang / mi 'jigs pa yid la bya ba dang / sangs rgyas kyi chos ma 'dres pa yid la bya ba nas rnam pa'i mchog thams cad dang ldan pa'i thams cad mkhyen pa'i ye shes kyi bar du yid la bya ba dang mi </font><hr>36-1-275a<br><font size=+1>
'bral ba yin te/ de 'dod na skad cig yud tsam thang cig tu ting nge 'dzin sangs rgyas kyi zhing brjod du med pa bye ba khrag khrig brgya stong phrag bcu'i rdul shin tu phra ba snyed rab tu 'thob cing de dag la snyoms par 'jug pa 
dang / sangs rgyas sangs rgyas kyi zhing brjod du med pa bye ba khrag khrig brgya stong phrag bcu'i rdul shin tu phra ba snyed mthong ba dang / de dag gi byin gyi rlabs kyang yang dag par shes pa dang / 'jig rten gyi khams sangs rgyas kyi zhing brjod du med 
pa bye ba khrag khrig brgya stong phrag bcu'i rdul shin tu phra ba snyed skyod pa dang / sangs rgyas kyi zhing nas sangs rgyas kyi zhing brjod du med pa bye ba khrag khrig brgya stong phrag bcu'i rdul shin tu phra ba snyed du 'gro ba dang / 'jig rten gyi khams sangs rgyas kyi zhing brjod du med pa bye ba khrag 
khrig brgya stong phrag bcu'i rdul shin tu phra ba snyed snang bar bya ba dang / sems can sangs rgyas kyi zhing brjod du med pa bye ba khrag khrig brgya stong phrag bcu'i rdul shin tu phra ba snyed yongs su smin par bya ba dang / bskal pa sangs rgyas kyi zhing brjod du med pa bye ba khrag 
khrig brgya phrag bcu'i rdul shin tu phra ba snyed du gnas par bya ba dang / sngon gyi mtha' dang phyi ma'i mtha'i bskal pa sangs rgyas kyi zhing brjod du med pa bye ba khrag khrig brgya stong phrag bcu'i rdul shin tu phra ba snyed la rab tu 'jug pa dang / chos kyi sgo 
sangs rgyas kyi zhing brjod du med pa bye ba khrag khrig brgya stong phrag bcu'i rdul shin tu phra ba snyed rnam par dbye bar bya ba dang / lus sangs rgyas kyi zhing brjod du med pa bye ba khrag khrig brgya stong phrag bcu'i rdul shin tu phra ba snyed yongs su bstan pa dang / lus re 
re la yang byang chub sems dpa'i 'khor sangs rgyas kyi zhing brjod du med pa bye ba khrag khrig brgya stong phrag bcu'i rdul shin tu phra ba snyed yang dag par bstan pa'i brtson 'grus kyi rnam pa de lta bu rtsom mo/ /de yan cad byang chub sems dpa'i smon lam gyi mthu </font><hr>36-1-275b<br><font size=+1>
can rnams smon lam gyi khyad par kyis rnam par 'phrul te/ de dag gi lus sam 'od dam/ rdzu 'phrul lam/ mig gam spyod yul lam/ dbyangs sam spyod pa 'am/ rgyan tam/ byin gyi rlabs sam/ mos pa 'am/ mngon par 'du 
byed pa dag kyang bskal pa du ma dang / bskal pa brgya phrag du ma dang / bskal pa stong phrag du ma dang /bskal pa brgya stong phrag du ma'i bar gyis kyang bgrang bar dka'o/ /kye rgyal ba'i sras byang chub sems dpa'i sa bcu po de dag 
ni rim gyis mngon du gzhol bas/ thams cad mkhyen pa'i ye shes la rnam pa thams cad du rjes su song bar blta'o/ /kye rgyal ba'i sras 'di lta ste dper na/ mtsho chen po ma dros pa las byung ba'i 'bab chu ni chu klung chen po'i 
rgyud kyi sgo bzhis 'dzam bu'i gling yongs su ngoms par byas nas mi zad par byas te/ gong du rnam par 'phel ba dang / rgya mtsho chen po'i bar du zhen par 'gyur te/ chu de ni thog ma nas kyang rgya mtsho chen po la mngon par gzhol ba 
yin te/ kye rgyal ba'i sras de bzhin du byang chub kyi sems las byung ba'i dge ba'i rtsa ba'i chu 'bab pa yang smon lam chen po'i chu klung gi rgyun gyi sgo nas bsdu ba'i dngos po bzhis sems can gyi khams ngoms par byas te/ mi zad par byas 
nas gong du rnam par 'phel ba dang / rnam pa thams cad du thams cad mkhyen pa'i ye shes kyi bar gyi rgya mtsho chen po la zhen par 'gyur te/ dge ba'i rtsa ba'i chu de ni thog ma nas kyang thams cad mkhyen pa nyid kyi rgya mtsho chen po la mngon par 
gzhol ba yin/ kye rgyal ba'i sras/ byang chub sems dpa'i sa bcu po de dag ni sangs rgyas kyi ye shes kyi gzhi las yod par 'gyur te/ kye rgyal ba'i sras 'di lta ste dper na/ sa chen po'i gzhi las ri'i rgyal po chen po bcu yod par </font><hr>36-1-276a<br><font size=+1>
gyur pa 'di lta ste/ ri'i rgyal po chen po kha ba can dang / ri'i rgyal po chen po spos ngad can dang / ri'i rgyal po chen po rnam par 'dal ba dang / ri'i rgyal po chen po drang srong ri dang / ri'i rgyal po chen po gnya' shing 'dzin dang / 
ri'i rgyal po chen po rta rna ri dang / ri'i rgyal po chen po sa 'dzin dang / ri'i rgyal po chen po khor yug dang / ri'i rgyal po chen po dpal chen dang / ri'i rgyal po chen po ri rab bo/ /kye rgyal ba'i sras de la 'di lta ste dper na/ ri'i rgyal po chen po kha ba 
can ni sman gyi rnam pa thams cad kyi 'byung gnas te/ sman sna tshogs thams cad blangs pas mthar thug pa med do/ /kye rgyal ba'i sras de bzhin du byang chub sems dpa'i sa rab tu dga' ba la gnas pa'i byang chub sems dpa' yang 'jig 
rten pa'i gtsug lag dang / tshig dang sngags dang / rig pa'i gnas kyi 'byung gnas yin te/ 'jig rten pa'i gtsug lag dang chig dang sngags dang / rig pa'i gnas bstan pas mthar thug pa med do/ /kye rgyal ba'i sras 'di lta ste 
dper na/ ri'i rgyal po spos kyi ngad can ni/ spos kyi rnam pa thams cad kyi 'byung gnas yin te/ spos kyi rnam pa sna tshogs blangs pas mthar thug pa med do/ /kye rgyal ba'i sras/ de bzhin du byang chub sems dpa'i sa dri ma dang 
bral ba la gnas pa'i byang chub sems dpa' 'ang byang chub sems dpa'i tshul khrims dang / sdom pa dang tshul thams cad kyi 'byung gnas yin te/ byang chub sems dpa'i tshul khrims dang sdom pa dang / tshul rnam pa sna tshogs kyi spos kyi mthar 
thug pa med do/ /kye rgyal ba'i sras/ 'di lta ste dper na/ ri'i rgyal po rnam par 'dal ba ni/ rin po che'i rang bzhin shin tu dag pa/ rin po che'i rnam pa thams cad kyi 'byung gnas yin te/ rin po che rnam pa sna tshogs thams cad blangs </font><hr>36-1-276b<br><font size=+1>
bas zad pa med do/ /kye rgyal ba'i sras de bzhin du byang chub sems dpa'i sa 'od byed pa la gnas pa'i byang chub sems dpa' yang 'jig rten pa'i bsam gtan dang / mngon par shes pa dang / rnam par thar pa dang / ting nge 'dzin dang / snyoms par 'jug pa rnams 
kyi 'byung gnas yin te/ 'jig rten pa'i bsam gtan dang / mngon par shes pa dang / rnam par thar pa dang / ting nge 'dzin dang / snyoms par 'jug pa yongs su dris pa bstan pas zad pa med do/ /kye rgyal ba'i sras 'di lta ste/ 
dper na/ ri'i rgyal po chen po drang srong ri ni rin po che'i rang bzhin rnam par dag pa drang srong mngon par shes pa lnga dang ldan pa'i 'byung gnas te/ mngon par shes pa lnga dang ldan pa'i drang srong bgrangs pas zad pa med do/ /kye rgyal ba'i sras/ 
de bzhin du byang chub sems dpa'i sa 'od 'phro ba can la gnas pa'i byang chub sems dpa' yang lam dang lam ma yin pa'i khyad par dang / bye brag shes pa thams cad kyi 'byung gnas yin te/ lam dang lam ma yin pa'i khyad par dang bye brag 
gi rgyus yongs su dris pa yongs su bstan pas zad par mi 'gyur ro/ /kye rgyal ba'i sras 'di lta ste dper na/ ri'i rgyal po chen po gnya' shing 'dzin ni rin po che'i rang bzhin rnam par dag pa gnod sbyin rdzu 'phrul chen po dang ldan pa rnams kyi 
'byung gnas yin te/ gnod sbyin rdzu 'phrul chen po can bgrangs bas zad pa med do/ /kye rgyal ba'i sras de bzhin du byang chub sems dpa'i sa shin tu rgyal bar dka' ba la gnas pa'i byang chub sems dpa' yang mngon par shes pa dang / 
rdzu 'phrul dang rnam par 'phrul pa dang / cho 'phrul thams cad kyi 'byung gnas yin te/ mngon par shes pa dang / rdzu 'phrul dang rnam par 'phrul pa dang / cho 'phrul yongs su dris pa bstan pas zad pa med do/ /kye rgyal ba'i sras 'di lta ste </font><hr>36-1-277a<br><font size=+1>
dper na/ ri'i rgyal po chen po rta rna ri ni rin po che'i rang bzhin rnam par dag pa/ shing tog gi rnam pa thams cad kyi 'byung gnas te/ shing tog gi rnam pa sna tshogs thams cad blangs pas zad par mi 'gyur ro/ /kye rgyal 
ba'i sras/ de bzhin du byang chub sems dpa'i/ sa mngon sum la gnas pa'i/ byang chub sems dpa' yang rten cing 'brel par 'byung ba la 'jug pa shin tu bstan pa'i 'byung gnas yin te/ nyan thos kyi 'bras bu mngon par 
khong du chud par bya ba yongs su dris pa bstan pas zad pa med do/ /kye rgyal ba'i sras 'di lta ste dper na/ ri'i rgyal po chen po sa 'dzin ni rin po che'i rang bzhin rnam par dag pa/klu rdzu 'phrul chen po dang ldan pa rnams kyi 'byung gnas te/ 
klu rdzu 'phrul chen po can bgrangs pas zad pa med do/ /kye rgyal ba'i sras de bzhin du/ byang chub sems dpa'i sa ring du song ba la gnas pa'i byang chub sems dpa' yang thabs dang shes rab shin tu bstan pa'i 'byung gnas yin te/ rang 
sangs rgyas kyi 'bras bu mngon par khong du chud par bya ba yongs su dris pa/ bstan pas zad pa med do/ /kye rgyal ba'i sras 'di lta ste dper na/ ri'i rgyal po chen po khor yug ni rin po che chen po'i rang bzhin rnam par dag pa dbang du gyur pa 
rnams kyi 'byung gnas yin te/ dbang du gyur pa bgrangs pas zad pa med do/ /kye rgyal ba'i sras de bzhin du byang chub sems dpa'i sa mi g.yo ba la gnas pa'i byang chub sems dpa' yang / byang chub sems dpa'i dbang mngon par bsgrub pa/ yongs 
su dris pa shin tu bstan pa'i 'byung gnas yin te/ 'jig rten gyi khams rnam par phye ba yongs su dris pa bstan pas zad pa med do/ /kye rgyal ba'i sras 'di lta ste dper na/ ri'i rgyal po dpal dang ldan pa ni rin po che'i rang bzhin rnam par dag </font><hr>36-1-277b<br><font size=+1>
pa lha ma yin rdzu 'phrul chen po dang ldan pa rnams kyi 'byung gnas yin te/ lha ma yin rdzu 'phrul chen po can bgrangs pas zad pa med do/ /kye rgyal ba'i sras de bzhin du byang chub sems dpa'i sa legs pa'i blo gros la gnas pa'i byang chub sems 
dpa' yang sems can 'byung ba dang / 'jig pa shes pa'i rgyud thams cad kyi 'byung gnas yin te/ 'gro ba thams cad 'byung ba yongs su dris pa bstan pas zad pa med do/ /kye rgyal ba'i sras 'di lta ste dper na/ ri'i rgyal po chen po ri rab ni 
rin po che'i rang bzhin rnam par dag pa lha rdzu 'phrul chen po dang ldan pa rnams kyi 'byung gnas yin te/ lha rdzu 'phrul chen po can bgrangs pas zad pa med do/ /kye rgyal ba'i sras de bzhin du byang chub sems dpa'i sa chos kyi sprin la gnas pa'i byang chub 
sems dpa' yang de bzhin gshegs pa'i stobs dang / myi 'jigs pa dang / sangs rgyas kyi chos ma 'dres pa rnams kyi 'byung gnas yin te/ sangs rgyas kyi 'phrin las yang dag par bstan pa yongs su dris pa bstan pas zad pa med do/ /kye rgyal ba'i sras 
ji ltar rin po che'i ri chen po de dag rgya mtsho chen po las byung zhing rgya mtsho chen po las smos pa de bzhin du/ kye rgyal ba'i sras byang chub sems dpa'i sa bcu po 'di dag kyang thams cad mkhyen pa nyid las byung ngo / /thams cad mkhyen pa nyid las smos pa'o/ /kye rgyal ba'i 
sras 'di lta ste dper na/ rgya mtsho chen po ni rnam pa bcus mi 'phrogs pa'i phyir rgya mtsho'i grangs su 'gro ste/ bcu gang zhe na 'di lta ste/ rim gyis gzhol ba dang / shi ba'i ro dang myi 'gogs pa dang / chu gzhan gyi grangs yongs su spangs 
pa dang / ro gcig pa dang / rin po che mang ba dang / zab cing gting ring ba dang / yangs shing tshad med pa dang / 'byung bo mang po'i gnas su gyur pa dang / dbres kyi tshul las mi 'da' ba dang / sprin chen po'i char thams cad yongs su </font><hr>36-1-278a<br><font size=+1>
'dzin pas mi ngoms pa'o/ /kye rgyal ba'i sras/ de bzhin du byang chub sems dpa' yang spyod pa'i rnam pa bcus mi 'phrogs pa'i grangs su 'gro'o/ /bcu gang zhe na 'di lta ste/ byang chub sems dpa'i sa rab tu 
dga' ba la smon lam chen po rim gyis mngon par bsgrubs pas gzhol ba dang byang chub sems dpa'i sa dri ma dang bral ba la tshul khrims ngan pa'i ro dang mi 'grogs pa dang / byang chub sems dpa'i sa 'od byed pa la 'jig rten pa rnam par 
gdags pa'i grangs yongs su spangs pa dang / byang chub sems dpa'i sa 'od 'phro ba can la/ sangs rgyas la mos pa mi phyed pa'i ro gcig pa dang / byang chub sems dpa'i sa shin tu rgyal bar dka' ba la thabs dang mngon par shes pa tshad 
med pas 'jig rten gyi bya ba mngon par bsgrubs pa'i rin po che mang ba dang / byang chub sems dpa'i sa mngon sum la rten cing 'brel par 'byung ba rab tu brtags pas shin tu zab pa dang / byang chub sems dpa'i sa ring du song ba la blo 
dang rnam par 'byed pa dang / mkhas pa yangs shing tshad med pa dang / byang chub sems dpa'i sa mi g.yo ba la rgyan chen po mngon par bsgrub pa yang dag par bstan pa'i 'byung po mang po gnas pa dang / byang chub sems dpa'i sa legs pa'i 
blo gros la rnam par thar pa thab mo dang / 'gro ba thams cad kyi spyod pa ji lta ba bzhin du khong du chud pa'i tshul gyi dbres las mi 'da' ba dang / byang chub sems dpa'i sa chos kyi sprin la de bzhin gshegs pa thams cad kyi chos snang ba'i sprin chen po'i 
char yang dag par bzung bas/ mi ngoms pa'o/ /kye rgyal ba'i sras 'di lta ste dper na/ nor bu rin po che ni rin po che'i mkhan po mkhas pas shin tu bsregs shin tu bsgrubs shin tu sbyangs shin tu yang dag par byas legs par phug /</font><hr>36-1-278b<br><font size=+1>
rin po che'i srad bus legs par btags/ rin po che'i bai DUr+ya'i rtsa ba'i rgyal mtshan gyi rtse mo la bzhag ste/ 'od thams cad 'byung bar 'gyur la rgyal pos bsngags par gyur te/ rin po che'i rigs bcu las 'das shing shin tu 'phags 
par gyur pa de'i tshe/ sems can thams cad la rin po ches phan gdags pa'i don du nye bar gnas pa yin/ kye rgyal ba'i sras de bzhin du byang chub sems dpa'i thams cad mkhyen pa nyid kyi sems rin po che bskyed pa yang sbyangs pa'i yon tan gyi sdom pa 
dang tshul khrims dang brtul shugs dang dka' thub kyis shin tu bsregs/ bsam gtan dang / rnam par thar pa dang / ting nge 'dzin dang / snyoms par 'jug pas shin tu bsgrubs/ lam gyi yan lag gi rnam pas shin tu sbyangs/ 
thabs dang mngon par shes pas shin tu dag par byas/ rten cing 'brel par 'byung bas shin tu phug /thabs dang shes rab rin po che sna tshogs kyi srad bus shin tu btags/ dbang gi rin po che be+e DuR+Ya'i yu ba'i rgyal mtshan gyi rtse mo la 
bzhag /sems can gyi spyod pa rab tu brtags pa dang / thos pa'i ye shes kyi 'od rab tu 'byung bar gyur te/ chos kyi rgyal po de bzhin gshegs pas yang dag par rdzogs pa'i sangs rgyas kyi mngon par dbang bskur bas dbang bskur bar gyur pa 
de'i tshe/ sems can thams cad la sangs rgyas kyi phrin las rin po che thams cad kyis yang dag par phan gdags pa'i don du nye bar gnas pa yin te/ de'i tshe thams cad mkhyen pa zhes kyang bya'o/ /kye rgyal ba'i sras byang chub sems 
dpa'i spyod pa yang dag par bsgrub cing / rnam pa thams cad mkhyen pa'i ye shes dang yon tan yang dag par bstsags pa'i chos kyi sgo'i rgyud 'di ni sems can dge ba'i rtsa ba ma bskyed pa rnams kyi rna lam du grag par mi 'gyur ro/ /byang chub </font><hr>36-1-279a<br><font size=+1>
sems dpa' rnam par grol ba'i zla bas smras pa/ kye rgyal ba'i sras 'o na rnam pa thams cad du thams cad mkhyen pa'i ye shes dang yon tan yang dag par bstsags pa'i chos kyi sgo'i rgyud 'di gang gi rna lam du grag par gyur pa de dag bsod nams 
kyi tshogs ji tsam zhig dang ldan par 'gyur/ byang chub sems dpa' rdo rje'i snying pos smras pa/ kye rgyal ba'i sras thams cad mkhyen pa'i ye shes kyi mthu ji tsam pa de snyed kyi bsod nams kyi tshogs ni thams cad mkhyen pa nyid du sems bskyed cing bsgrub 
par dmigs pa la yod de/ chos kyi sgo'i rgyud 'di grag cing mngon par gyur pa'i bsod nams kyi tshogs kyang de tsam du shes par bya'o/ /de ci'i phyir zhe na/ kye rgyal ba'i sras rnam pa thams cad du thams cad mkhyen pa'i ye shes dang yon tan yang dag par bstsags pa'i 
chos kyi rgyud 'di ni byang chub sems dpa' ma yin pas mnyan pa 'am/ mos par bya ba 'am/ gzung bar yang mi nus na bsgom pa'i rnam par sbyor bas brtson par mi nus pa lta ci smos/ de bas na kye rgyal ba'i sras gang gis chos kyi sgo'i rgyud 'di thos te thos nas 
mos par byed pa dang / mos par byas shing 'dzin pa dang / bsgom pa'i rnam pas brtson par byed na/ sems can de dag ni thams cad mkhyen pa'i ye shes kyi sgo dang ldan par shes par bya'o/ /de nas de'i tshe sangs rgyas kyi mthu dang chos nyid thob pas/phyogs bcur 'jig rten gyi khams sangs rgyas kyi zhing khrag khrig phrag bcu'i rdul shin tu phra ba snyed rnam pa drug dang ltas chen po bcwo brgyad du g.yos so/ /rab tu g.yos so/ /kun tu g.yos so/ /'gul to rab tu 'gul to/ /kun tu 'gul to/ /
ldeg go rab tu ldeg go /kun tu ldeg go /chem chem rab tu chem chem/ kun tu chem chem mo/ /'ur 'ur rab tu 'ur 'ur/ kun tu 'ur 'ur ro/ /shig shig rab tu shig shig /kun tu shig shig go /sangs rgyas kyi mthu dang chos nyid rab tu thob pas </font><hr>36-1-279b<br><font size=+1>
lha rdzas kyi 'phreng ba'i sprin gyi char mngon par bab bo/ /lha rdzas kyi gos kyi sprin gyi char mngon par bab bo/ /lha rdzas kyi rin po che'i sprin gyi char mngon par bab bo/ /lha rdzas kyi gdugs kyi sprin gyi char mngon par bab bo/ /lha rdzas kyi rgyal mtshan gyi 
sprin gyi char mngon par bab bo/ /lha rdzas kyi ba dan gyi sprin gyi char mngon par bab bo/ /lha rdzas kyi rol mo brdung ba dang / dkrol ba dang glu'i dbyangs kyi sprin gyi sgra mngon par sgrog go /lha rdzas las 'das pa'i thams cad mkhyen pa'i sa la mngon par 
bstod pa'i glu'i dbyangs kyi sprin gyi sgra dbyangs mngon par sgrog go /ji ltar gling bzhi pa'i 'jig rten gyi khams 'di gzhan 'phrul dbang byed kyi gnas su lha'i rgyal po dbang bsgyur gyi gzhal med khang nor bu rin po che'i snying por ji lta ba de bzhin du 'jig 
rten gyi khams thams cad du yang phyogs bcu rgyas par gang zhing chos bstan pa 'di yang thams cad du byung bar gyur to/ /sangs rgyas kyi mthus phyogs bcu nas byang chub sems dpa' sangs rgyas kyi zhing khrag khrig phrag bcu'i rdul shin tu 
phra ba snyed phyogs bcu rgyas par byed cing lhags te de dag phyin nas kyang 'di skad ces zer ro/ /kye rgyal ba'i sras de ltar khyod kyis byang chub sems dpa'i chos nyid 'di brjod pa legs so legs so/ /kye rgyal ba'i sras bdag cag kyang 
rdo rje'i snying po zhes bya bar ming mthun pa sha stag ste/ 'jig rten gyi khams rdo rje'i dpal zhes bya ba nas de bzhin gshegs pa mtshan rdo rje'i rgyal mtshan zhes bya ba dag gi drung nas 'dir lhags te/ 'jig rten gyi khams de dag thams cad na yang 
chos bstan pa 'di nyid sangs rgyas kyi mthus 'khor gyi rnam pa 'di 'dra ba dag la tshig 'di dag nyid dang yi ge 'di dag nyid dang khong du chud par bya ba 'di dag nyid dang / don 'di nyid lhag chad med par mngon par brjod de 'byung bar gyur to/ /</font><hr>36-1-280a<br><font size=+1>
kye rgyal ba'i sras bdag cag kyang dbang du gyur pa sha stag /sangs rgyas kyi mthus 'khor 'dir phyin to/ /kye rgyal ba'i sras 'jig rten gyi khams 'dir bdag cag ji ltar phyin pa de bzhin du phyogs bcu'i 'jig rten gyi khams 
thams cad kyi gling bzhi pa'i 'jig rten gyi khams re re'i gzhan 'phrul dbang byed kyi gnas kyi lha'i rgyal po dbang bsgyur gyi gzhal med khang nor bu rin po che'i snying por yang sangs rgyas kyi zhing khrag khrig phrag bcu'i rdul shin tu phra ba snyed kyi byang chub sems 
dpa' rnams phyin par gyur to/ /de nas byang chub sems dpa' rdo rje'i snying pos/ phyogs bcur bltas te 'khor gyi dkyil 'khor thams cad la bltas nas/ chos kyi dbyings la rnam par blta ba dang / thams cad mkhyen pa'i ye shes kyi sems 
bskyed pa yang dag par brjod pa dang / byang chub sems dpa'i yul yang dag par bstan pa dang / spyod pa'i stobs yongs su sbyangs pa dang / rnam pa thams cad mkhyen pa yang dag par bsgrub pa brjod pa dang / 'jig rten gyi dri ma sel ba dang /
thams cad mkhyen pa'i ye shes nye bar bsgrub pa dang /bsam gyis mi khyab pa'i ye shes kyi rgyan yongs su bstan pa dang / byang chub sems dpa' thams cad kyi yon tan rab tu brjod pa byed cing sa'i don 'di yang brtag par bya ba dang / bstan 
pa'i phyir sangs rgyas kyi mthus de'i tshe tshigs su bcad pa 'di dag smras so/ /zhi dang dul dga' zhi zhing dul ba'i yid ldan la/ /nam mkha'i dbyings 'dra bar snang mkha' dang mtshungs 'dra zhing / /tha ba'i dri ma rnam sbyangs lam rnams shes gnas pa'i 
byang chub sems dpa'i spyod pa'i khyad par rab la nyon/ /bskal pa bye bar dge ba brgya stong rab bsags shing / /sangs rgyas brgya stong drang srong chen po mchod byas te/ /dbang bsgyur rnams dang rang rgyal mtha' yas mchod byas nas/ /'gro ba kun la </font><hr>36-1-280b<br><font size=+1>
phan phyir byang chub sems skye'o/ /brtul zhugs dka' thub dka' spyad dul bzod ldan gyur la/ /khrel yod dpal gyis spyod ldan ye shes dge 'phags shing / /blo gros rig yangs sangs rgyas ye shes sems ldan gyi/ /byang chub sems rab rgyal 
ba'i stobs dang mnyam 'dra skye/ /dus gsum rgyal ba ji snyed mchod rab mchod pa'i phyir/ /nam mkha'i dbyings tshad zhing rnams thams cad yongs su sbyong / /chos rnams thams cad ji snyed de dag mnyam rtogs pas/ /'gro ba dgrol ba'i don du 
byang chub sems skye'o/ /gzhal yas sems skyes sa mchog rab tu thob gyur nas/ /sdig pa thams cad bsal phyir rdul med rab tu dga'/ /smon lam stobs dpyad dkar chos yang dag bstsags byas nas/ /snying rje brtse ldan sa yi 
gong ma yongs su gnon/ /'gro phyir byams sems tshul khrims thos dang yon tan ldan/ /dri med dri bral rang bzhin yang dag bsam pa yis/ /'jig rten thams cad me gsum 'bar bar mthong gyur nas/ /gsum pa rnam yangs blo 
yis 'gro ba'i don du gnon/ /sdug bsngal mi rtag nad pa zug rngus mi bde ba'i/ /khams gsum rtag tu sdug bsngal brgya yi me 'bar bas/ /'dus byas nyes mthong rgyal ba'i legs pa mngon mos shing / /ye shes 'od 'phro yangs ldan 'od 
'phro yod pa gnon/ /dran dang blo ldan lam gyi ye shes thob gyur cing / /sa mchog de la sangs rgyas brgya stong bsnyen bkur nas/ /mi yi gtso bo'i yon tan rtag tu dran byed cing / /'gro ba kun gyis thub dka' rgyal bar dka' ba gnon/ /
ye shes blo gros thabs dang shes rab blo dpyod pas/ /'gro don mtha' yas sna tshogs bya ba bsten byas shing / /stobs bcu mchod pa sems can don rnams bsgrubs byas te/ /mi skye mngon sum mtha' yas sa drug yongs su gnon/ /'jig </font><hr>36-1-281a<br><font size=+1>
rten kun tu 'gro bas shes dka' spyod byed cing / /bdag bral byed med yod dang med pa rnam bstsal ba'i/ /rang bzhin stong chos yan lag bcu gnyis rab 'byung zhes/ /phra zhing rno ba'i sems ldan bdun pa yongs su gnon/ /
thabs dang shes rab sems yangs rab tu thob gyur cing / /ring du song ba gdul dka' ring du song ba gnon/ /rang bzhin dul zhing zhi phyir du ma'i sems spangs te/ /de nas nam mkha' 'dra ba'i mi g.yo yongs su gnon/ /de la mkhas pa'i ye 
shes las rnams sna tshogs phyir/ /zhi ba de las bslang zhing mi yi mchog tu bsnams/ /dbang bcu ldan zhing 'jig rten yang dag nyid dpyad pa'i/ /rang bzhin chen po 'gro phyir legs pa'i blo gros gnon/ /'di la shin tu phra bar 
'jig rten kun dpyad cing / /sems can thibs po'i spyod ldan nyon mongs las dpyad de/ /de dag gdul ba'i spyod pas yon tan mang po gnon/ /bde gshegs mdzod thob don gyi dam pa rab tu ston/ /dkar chos rim gyis de 
'dra'i spyod dang ldan gyur pas/ /sa dgu'i bar du bsod nams ye shes tshogs thob cing / /rgyal ba rnams kyi stobs mchog don dam mngon 'dod pa/ /ye shes yon tan dbang bskur sangs rgyas kun las 'thob/ /brgya stong phrag bcu'i ting 
'dzin grangs med gang yod pa/ /spyod yul shes pa che nyid shes yangs thob gyur nas/ /de yi rjes la thams cad mkhyen par dbang bskur 'thob/ /yul yangs ting 'dzin de dag thos pa de mi sgul/ /gang tshe de yis kun mkhyen dbang bskur thob pa'i 
tshe/ /pad mo rgya chen rin chen kun gyis brgyan pa 'byung / /de yi tshul mthun lus kyi dbus su gnas par 'gyur/ /rgyal ba'i sras kyis yongs bskor de la lta zhing gnas/ /de yi 'od gzer khrag khrig mtha' yas stong phrag mang / /phyogs </font><hr>36-1-281b<br><font size=+1>
bcu'i 'gro ba'i sdug bsngal kun kyang zhi bar byed/ /mgo yi gtsug nas 'od gzer bye ba stong byung zhing / /phyogs rnams kun gyi mi yi gtso bo'i 'khor du rgyu/ /steng gi nam mkha'i dbyings la 'od gzer dra ba gnas/ /sangs rgyas mchod phyir brtson 
par rgyal ba'i zhabs su 'dong / /de'i tshe rgyal ba rnams dang rgyal sras rnams kyis kyang / /chos rab don du rgyal sras dbang bskur thob par mkhyen/ /mchod pa'i don du rgyal sras mtha' yas kun kyang 'ong / /de cho kun mkhyen dbang bskur mi mchog 
mdzod spu nas/ /dbang bskur 'od gzer dam pa mang po 'byung bar 'gyur/ /'od gzer mchog gis bskor zhing spyi bo'i gtsug tu nub/ /gang tshe rgyal mchog bu yi thu bo srid mchog la/ /dbang bskur bzhin du sangs rgyas kun gyis dbang bskur tshe/ /
phyogs bcu'i 'jig rten thams cad kun nas g.yo bar 'gyur/ /mnar med bar gyi sdug bsngal de tshe zhi zhing 'dug /gang tshe kun mkhyen dbang gis mngon par dbang bskur ba/ /de phyir mkhas pas chos sprin sa mchog thob ces bya/ /mkhas pa 'di la gnas 
pa'i shes rgyud tshad med de/ /sa rab 'di la gnas pa 'gro kun gtso yin no/ /gzugs dang gzugs med de bzhin 'dod pa'i khams yangs dang / /sems can khams dang zhing dang chos khams yangs pa dang / /grangs dang grangs med nam 
mkha'i khams kyi bar du ste/ /chos dbyings yangs pa thams cad ma nor khong du chud/ /'di la gnas pa mthu chen sprul pa'i las kun dang / /de bzhin byin rlabs rgyal ba'i ye shes phra ba dang / /mi mchog gsang ba bskal ba'i grangs rnams 
shes bya dang / /skra rtse gcig tu 'jig rten khams rnams gzud pa dang / /mi yi gtso bo 'byung dang sku tshe 'tshang rgya dang / /'khor lo dam pa bskor dang mya ngan 'da' ba'i rnams/ /thams cad rab shes gong du rnam thar zhi ba dag /sngan chad ma thob kun </font><hr>36-1-282a<br><font size=+1>
kyang de tshe rab tu 'thob/ /'di la gnas pa'i mthu chen rgyal ba'i chos kyi sprin/ /thams cad khong du chud byed dran pas kun kyang 'dzin/ /klu rnams kun gyi sprin char rgya mtsho 'dzin pa ltar/ /de bzhin rgyal ba'i chos 
sprin char chen kun kyang 'dzin/ /rgyal ba gcig las chos gang mthu chen des thob pa/ /de la phyogs bcu mtha' yas zhing gi sems can rnams/ /thams cad bde gshegs nyan thos thos pa 'dzin gyur kyang / /byang chub sems dpa' thos pa'i grangs char 
nyer mi 'gro/ /ye shes spyod pa'i stobs kyis sngan cad spyad pa'i mthus/ /skad cig yud tsam gcig tu khrag khrig zhing bkang zhing / /bdud rtsi'i char 'bebs nyon mongs kun kyang zhi bar byed/ /de phyir rgyal bas 'di ming chos kyi sprin ces 
gsungs/ /'di nas mthu chen lha yi 'jig rten gtsor gyur pa'i/ /phyogs rnams kun tu mi yi gtso bo'i yul yang ston/ /rnam 'phrul khrag khrig stong phrag du ma yang ston te/ /byang chub spyod pa de sems 'gro ba myos par 'gyur/ /
mkhas pa legs ldan 'di gnas gom pa bor ba tsam/ /sa dgu'i bar du gnas pas shes par mi nus na/ /sems can gzhan gyis shes par mi 'gyur smos ci dgos/ /dus gsum nyan thos rang rgyal kun gyis de bzhin no/ /'di 
gnas thams cad mkhyen par 'gro ba kun la ston/ /shes pas dus gsum kun tu thogs med zhi chos can/ /zhing rnams kun tu rgyas bkang chos rnams kun gyi bar/ /rgyal ba kun gyi yon tan brjod cing ston pa byed/ /mkhas pa 'di la 
gnas pa sangs rgyas mchod byed cing / /phyogs rnams kun tu zhing dang chos kyi dbyings bkang ste/ /rgyal ba mngon du mchod pas mchod byed 'phrogs pa med/ /yon tan kun ldan sa yi lha yi lha zhes bya/ /mkhas pa 'di gnas shes </font><hr>36-1-282b<br><font size=+1>
rab snang bas 'gro kun gyi/ /mun pa kun bstsal chos kyi tshul yang rab tu ston/ /dbang phyug dam pa'i mthu yis 'gro ba'i 'dod chags sel/ /de bas rgyal sras nyon mongs sel la mkhas zhes bya/ /'di la gnas pa de dag khams gsum 
dbang phyug 'gyur/ /ye shes tshul shes theg pa gsum po ston la mkhas/ /skad cig yud tsam cig gsi ting 'dzin gcig min thob/ /phyogs bcu kun tu rgyal ba'i dam pa gcig min ston/ /'di ni bdag gis rgyal sras sa rnams mdor 
bstan gyi/ /rgya cher bskal pa brgya phrag stong gis bstan mi nus/ /yon tan 'di 'dra'i sangs rgyas ye shes sa 'di la/ /gnas pa rtag tu ri yi rgyal po bzhin mi g.yo/ /rgyal sras thog ma gtsug lag kun gyis mi g.yo ste/ /sman gyi rnam pa 
kun nas ri rgyal gangs bzhin no/ /tshul khrims thos pas gnyis pa spos ngad spos dang 'dra/ /rnam 'dal me tog ji bzhin gsum pa shes par bya/ /lam la mos bzhin mi 'khrugs 'od 'phro thob pa ste/ /drang srong gnas bzhin mkhas 
pa rnams kyi rten gyur pa'o/ /gnod sbyin gnya' shing 'dzin bzhin bsam yas lnga pa thob/ /rta rna'i shing tog 'dra bar drug pa'i 'bras bu ste/ /bdun pa sa 'dzin klu bzhin shes rab chen pos thob/ /khor yug dbang ldan bzhin du 
brgyad pa dbang can thob/ /dgu pa dri ma sel ba dpal can lha min bzhin/ /bcu pa rgyal ba'i legs ldan ri rab lha gnas 'dra/ /dang po smon lam sngon 'gro gong ma tshul khrims tshogs/ /gsum pa spyod pa'i yon tan bzhi pa gcig gi dngos/ /
lnga pa dge mang drug pa shin tu zab pa'i dngos/ /brgyad pa blo gros yangs pa kun tu gcig min rgyan/ /dgu pa mkhas pa ye shes phra zhing zab dang ldan/ /'gro rgyud thams cad ye shes ldan pas rab tu gnon/ /bcu pa rgyal ba rnams las yang </font><hr>36-1-283a<br><font size=+1>
dag chos 'dzin te/ /rgyal sras spyod pa mi sgul rgya mtsho de 'dra'o/ /spyod pa bcu 'das thog ma'i sems rab skye bar 'gyur/ /dka' thub rtul bas gnyis pa gsum pa bsam gtan gyis/ /dag pas bzhi pa shin tu 
byang bas lnga pa'o/ /drug pa rnon pos rtogs pa bdun pa mi phyed sa/ /brgyad pa mthu chen rdo rje'i rgyal mtshan ldan pa yin/ /dgu la ye shes ldan pas thibs po'i spyod pa shes/ /bcu la rgyal bas dbang bskur rgyal po dbang thob bzhin/ /yon tan 
rin chen dag pas de bzhin rim du 'phar/ /phyogs rnams kun gyi zhing rnams bshig ste bgrang bar nus/ /rnam shes gcig gis 'gro ba kun sems shes par rung / /nam mkha'i dbyings kun skra yis gzhal bar nus srid kyi/ /rgyal ba'i yon 
tan bskal pa khrag khrig bshad mi nus/ /de bzhin gshegs pa dgra bcom pa yang dag par rdzogs pa'i sangs rgyas kyis mngon par gnang ste/ yid dga' bar byang chub sems dpa' sems dpa' chen po rdo rje'i snying pos de skad ces smras pa 
dang / bcom ldan 'das gzhan 'phrul dbang byed kyi lha'i nang na bzhugs shing mngon par sangs rgyas nas ring por ma lon te/ zhag bdun pa gnyis la bab pa'i tshe lha'i rgyal po dbang byed kyi gzhal med khang nor bu rin po che'i snying po can na bzhugs 
pas/ byang chub sems dpa' rdo rje'i snying pos bshad pa la mngon par dgyes pa mdzad do/ /byang chub sems dpa'i 'khor de dag thams cad dang / lha dang klu dang gnod sbyin dang / dri za dang lha ma yin dang / brgya byin dang tshangs pa dang / 
'jig rten gyi mgon dang / dbang phyug chen po dang / gtsang ma'i ris su gtogs pa'i 'khor thams cad kyang mngon par dga'o/ /sa bcu'i le'u ste sum cu gcig pa'o// //sangs rgyas rmad gcad ces bya ba shin </font><hr>36-1-283b<br><font size=+1>
tu rgyas pa chen po'i mdo/bam po nyi shu gnyis pa/ bcom ldan 'das de bzhin gshegs pa'i byin gyi rlabs la byang chub sems dpa' sems dpa' chen po kun tu bzang po la sogs pa thams cad kyang byang chub sems dpa' 
kun tu bzang po'i spyod pa la gnas pa/ sangs rgyas kyi zhing brjod du med pa'i yang brjod du med pa bye ba khrag khrig brgya stong phrag bcu dang thabs gcig tu bzhugs te/ de'i tshe 'khor gyi dkyil 'khor de nyid du/ phyogs bcu nas 
byang chub sems dpa' sems dpa' chen po seng ge'i khri chags pa med pa'i rgyan gyi snying po can la 'khod pa bcu 'thon par gyur te/ byang chub sems dpa' de dag re re zhing yang byang chub sems dpa' sems dpa' chen po'i 'khor seng 
ge'i khri chags pa med pa'i rgyan gyi snying po can la 'khod pa/ sangs rgyas kyi zhing brjod du med pa'i yang brjod du med pa bye ba khrag khrig brgya stong phrag bcu'i rdul shin tu phra ba snyed kyis bskor cing mdun du byas pa sha stag go /byang chub 
sems dpa' sems dpa' chen po de dag thams cad kyang ming 'di zhes bya ba dag ste/ 'di ltar byang chub sems dpa' sems dpa' chen po kun tu snang ba'i mdzod kyi snying pos byung ba zhes bya ba dang / byang chub sems dpa' 
sems dpa' chen po zab mo'i mdzod kyi snying pos byung ba zhes bya ba dang / byang chub sems dpa' sems dpa' chen po dpal gyi gzi brjid kyi mdzod kyi snying pos byung ba zhes bya ba dang /byang chub sems dpa' sems dpa' chen po sprin sgra 
zab mo rnam pa tha dad pa'i mdzod kyi snying pos byung ba zhes bya ba dang / byang chub sems dpa' sems dpa' chen po rdo rje mi phyed pa'i gtsug gi mdzod kyi snying pos byung ba zhes bya ba dang / byang chub sems dpa' sems dpa' chen po dag gi </font><hr>36-1-284a<br><font size=+1>
lam myi g.yo bar kun tu 'gro ba'i 'od gzer snang ba'i gzi brjid kyi mdzod kyi snying pos byung ba zhes bya ba dang / byang chub sems dpa' sems dpa' chen po grags pa snyan pa kun tu rnam par grags pa'i 'od kyi gzi 
brjid kyi mdzod kyi snying pos byung ba zhes bya ba dang / byang chub sems dpa' sems dpa' chen po ri'i rgyal po mi g.yo ba'i 'od zer snang ba'i gzi brjid kyi mdzod kyi snying pos byung ba zhes bya ba dang / byang chub sems dpa' sems dpa' chen po kun nas 
blta ba'i gzugs rnam par dmigs pa'i 'od gzer gyi rgyal po snang ba'i gzi brjid kyi mdzod kyi snying pos byung ba zhes bya ba dang / byang chub sems dpa' sems dpa' chen po stobs bcu rnam par dag pa thub pa med pa'i 'od gzer snang 
ba'i gzi brjid kyi mdzod kyi snying pos byung ba zhes bya ba dang / byang chub sems dpa' sems dpa' chen po de dag de ltar 'thon ma thag tu de'i mod la byang chub sems dpa' sems dpa' chen po kun tu bzang po ma gtogs par 
byang chub sems dpa'i 'khor de dag thams cad kyang langs par gyur to/ /byang chub sems dpa' sems dpa' chen po kun tu bzang po'i 'od ma gtogs par 'od thams cad kyang mi snang bar gyur te/ thams cad kyang zil gyis gnon 
par gyur to/ /sangs rgyas kyi mchod pa bsam gyis mi khyab pa chos kyi dbyings thams cad rgyas par khyab pa mang po 'ang mngon par byung bar gyur te/ 'di ltar spos kyi sprin chos kyi dbyings thams cad rgyas par khyab pa byed pa bye ba khrag khrig brgya stong gi char mngon 
par bab par gyur to/ /me tog gi sprin chos kyi dbyings thams cad rgyas par khyab pa brjod du med pa'i yang brjod du med pa bye ba khrag khrig brgya stong phrag bcu'i char mngon par bab par gyur to/ /byug pa'i sprin chos kyi dbyings thams cad rgyas par khyab pa bye ba khrag </font><hr>36-1-284b<br><font size=+1>
khrig brgya stong gi char mngon par bab par gyur to/ /gdugs kyi sprin chos kyi dbyings thams cad rgyas par khyab pa bye ba khrag khrig brgya stong gi char mngon par bab par gyur to/ /gos gyi sprin chos kyi dbyings thams cad rgyas par khyab pa bye ba khrag khrig 
brgya stong gi char mngon par bab par gyur to/ /rin po che'i sprin chos kyi dbyings thams cad rgyas par khyab pa bye ba khrag khrig brgya stong gi char mngon par bab par gyur to/ /rgyal mtshan gyi sprin chos kyi dbyings thams cad rgyas par khyab pa bye ba 
khrag khrig brgya stong gi char mngon par bab par gyur to/ /ba dan gyi sprin chos kyi dbyings thams cad rgyas par khyab pa bya ba khrag khrig brgya stong gi char mngon par bab par gyur to/ /'jig rten gyi khams yongs su dag pa'i sprin chos kyi dbyings 
thams cad rgyas par khyab pa bye ba khrag khrig brgya stong gi char mngon par bab par gyur to/ /byang chub sems dpa'i 'khor gyi dkyil 'khor gyi sprin chos kyi dbyings thams cad rgyas par khyab pa bye ba khrag khrig brgya stong gi char mngon par 
bab par gyur to/ /'od gzer gyi dra ba snang ba chen po'i sprin chos kyi dbyings thams cad rgyas par khyab pa bye ba khrag khrig brgya stong gi char mngon par bab par gyur to/ /rin po che sna tshogs kyi gzhal med khang gi sprin chos kyi dbyings thams cad rgyas 
par khyab pa bye ba khrag khrig brgya stong gi char mngon par bab par gyur to/ /snying po byang chub kyi rgyan rnam par phye ba'i sprin chos kyi dbyings thams cad rgyas par khyab pa bye ba khrag khrig brgya stong gi char mngon par bab par gyur to/ /de bzhin gshegs 
pa'i gzugs brnyan snang ba'i gos kyi sprin chos kyi dbyings thams cad rgyas par khyab pa bye ba khrag khrig brgya stong gi char mngon par bab par gyur to/ /byang chub sems dpa' sems dpa' chen po de dag gi seng ge'i khri mang po de dag las byang </font><hr>36-1-285a<br><font size=+1>
chub sems dpa' re re'i seng ge'i khri'i rgyan rin po che rnam par dag pa re re dang dmyigs pa mang po de dag thams cad las dmigs pa re re las kyang 'jig rten gyi khams 'byam klas pa thams cad yongs su snang bar gyur to/ /
dmigs pa mang po de dag thams cad las dmigs pa re re zhing yang sems can gyi khams 'byam klas pa thams cad yongs su snang bar gyur to/ /dmigs pa mang po de dag thams cad las dmyigs pa re re zhing yang de bzhin gshegs pa 
'byam klas pa thams cad yongs su snang bar gyur to/ /dmigs pa mang po de dag thams cad las dmigs pa re re zhing yang byang chub sems dpa' 'byam klas pa thams cad yongs su snang bar gyur to/ /dmigs pa mang po de dag 
thams cad las dmigs pa re re zhing yang dus 'byam klas pa thams cad yongs su snang bar gyur to/ /dmigs pa mang po de dag thams cad las dmigs pa re re zhing yang 'jig rten gyi khams thams cad kyi 'das pa'i 'jig rten gyi khams 'byam klas pa 
brjod du med pa'i yang brjod du med pa sangs rgyas 'byung ba dang bcas pa/ chos kyi 'khor lo bskor ba dang bcas pa/ de bzhin gshegs pa'i 'khor gyi dkyil 'khor dang bcas pa/ byang chub sems dpa'i 'khor gyi dkyil 'khor dang bcas pa/ 
sems can 'dul ba dang bcas pa/ ming gi 'khor lo dang bcas pa/ mang po yongs su snang bar gyur to/ /byang chub sems dpa' de dag gis sngon gyi mtha'i mur thug pa'i dus dag tu 'jig rten gyi khams gang dang gang du 
byang chub sems dpa'i spyod pa spyad par gyur pa de dag kyang yongs su snang bar gyur to/ /de bzhin gshegs pa de dag gi zhabs kyi drung na/ 'khod cing pha rol tu phyin pa thams cad yongs su sbyong ba yang yongs su snang bar gyur to/ /dmigs </font><hr>36-1-285b<br><font size=+1>
pa mang po de dag thams cad las dmyigs pa re re zhing yang phyi ma'i mtha'i mur thug pa'i dus kyi 'jig rten gyi khams 'byam klas pa brjod du med pa'i yang brjod du med pa sangs rgyas skye ba dang bcas pa chos kyi 'khor lo dang bcas pa/ de bzhin gshegs pa'i 
'khor gyi dkyil 'khor dang bcas pa/ byang chub sems dpa'i 'khor gyi dkyil 'khor dang bcas pa/ sems can 'dul ba dang bcas pa/ ming gi 'khor lo dang bcas pa mang po yongs su snang bar gyur to/ /byang chub sems dpa' de dag gi 
phyi ma'i mtha'i mur thug pa'i dus dag tu 'jig rten gyi khams gang du byang chub sems dpa'i spyad pa spyod par gyur pa de dag kyang yongs su snang bar gyur to/ /de bzhin gshegs pa de dag gi zhabs kyi drung na 'khod cing pha rol tu phyin pa yongs su sbyong 
ba byed pa dag kyang yongs su snang bar gyur to/ /de nas byang chub sems dpa' de dag 'di snyam du gyur te/ byang chub sems dpa' 'di dag 'jig rten gyi khams 'byam klas pa ni gang dang gang nas lhags/ de bzhin gshegs pa ni gang 
dang gang gi zhabs kyi drung nas phyin snyam ste/ byang chub sems dpa'i 'khor gyi dkyil 'khor de dag thams cad kyis byang chub sems dpa' sems dpa' chen po kun tu bzang po la 'di skad ces smras so/ /kye rgyal ba'i sras byang chub sems 
dpa' 'di dag lhags ni gang nas lhags/ 'jig rten gyi khams 'byam klas pa ni gang shed nas/ de bzhin gshegs pa ni gang zhig gi zhabs kyi drung nas 'dir phyin/ de nas byang chub sems dpa' sems dpa' chen po kun tu bzang pos/ byang chub 
sems dpa'i 'khor gyi dkyil 'khor de dag thams cad la 'di skad ces smras so/ /kye rgyal ba'i sras dag de bas na khyed nyid kyis byang chub sems dpa' 'di dag 'jig rten gyi khams ni gang nas lhags/ de bzhin gshegs pa ni gang gi zhabs </font><hr>36-1-286a<br><font size=+1>
kyi drung nas phyin pa yongs su brtag pa dang / yongs su dpyad pa gyis shig /de nas byang chub sems dpa' chags pa med pa'i mig gis kun tu 'gro ba zhes bya ba'i ting nge 'dzin dang / thams cad kyi rjes su song ba zhes bya ba dang / 
chos kyi dbyings shin tu rnam par phye ba zhes bya ba dang / mngon par shes pa thams cad dang ldan pa zhes bya ba dang / dmigs pa thams cad shin tu rnam par phye ba'i snying po zhes bya ba dang / sems can thams cad kyi lus mngon par shes pa dang ldan 
pa zhes bya ba dang / byang chub sems dpa'i ting nge 'dzin sangs rgyas kyi zhing thams cad kyi gzhi rab tu rtogs pa zhes bya ba dag la mnyam par gzhag go /de ltar de dag la sogs pa byang chub sems dpa'i ting nge 'dzin grangs med pa bye ba khrag khrig 
brgya stong phrag bcu la byang chub sems dpa' re res kyang mnyam par gzhag ste/ kun gyis byang chub sems dpa'i ting nge 'dzin gzhan dang gzhan sha stag la mnyam par gzhag kyang 'jig rten gyi khams 'byam klas pa de dag kyang ma mthong / de bzhin gshegs pa gang gi 
zhabs kyi drung na byang chub sems dpa' de dag tshangs pa'i spyad pa spyod pa de dag kyang ma mthong nas ting nge 'dzin de dag las langs te/ byang chub sems dpa' sems dpa' chen po kun tu bzang po la 'di skad ces smras so/ /kye rgyal ba'i sras bdag cag byang chub sems dpa' re res 
kyang byang chub sems dpa'i ting nge 'dzin grangs med pa bye ba khrag khrig brgya stong phrag bcu la mnyam par gzhag kyang 'jig rten gyi khams 'byam klas pa de dag kyang ma mthong / byang chub sems dpa' de dag sangs rgyas bcom ldan 'das gang gi zhabs 
kyi drung na tshangs par spyod pa'i de bzhin gshegs pa de dag kyang ma mthong ngo / /de nas byang chub sems dpa' sems dpa' chen po kun tu bzang pos/ yang byang chub sems dpa'i 'khor gyi dkyil 'khor de dag la smras pa/ kye rgyal ba'i sras dag /</font><hr>36-1-286b<br><font size=+1>
da dung du byang chub sems dpa' de dag 'jig rten gyi khams 'byam klas pa gang nas lhags pa dang de bzhin gshegs pa gang gi zhabs kyi drung nas lhags pa brtag par gyis shig dpyad par gyis shig /'jig rten gyi khams 'byam klas pa de dag ni 
mthong bar dka'o/ /sangs rgyas bcom ldan 'das gang gi zhabs kyi drung na byang chub sems dpa' 'di dag tshangs pa'i spyad pa spyod pa'i de bzhin gshegs pa de dag kyang de bas kyang shin tu mthong bar dka'o/ /de nas byang chub sems dpa' de dag 
las byang chub sems dpa' re res kyang / byang chub sems dpa'i ting nge 'dzin sangs rgyas kyi zhing bcu'i rdul shin tu phra ba snyed la mnyam par gzhag go /de ltar mnyam par gzhag kyang byang chub sems dpa' de dag gis 'jig rten gyi khams 
'byam klas pa de dag kyang ma mthong / sangs rgyas bcom ldan 'das gang gi zhabs kyi drung na byang chub sems dpa' de dag tshangs pa'i spyad pa spyod pa'i de bzhin gshegs pa de dag kyang ma mthong ngo / /de nas byang chub sems dpa' de dag ting nge 'dzin 
de dag las langs te/ byang chub sems dpa' sems dpa' chen po kun tu bzang po la 'di skad ces smras so/ /kye rgyal ba'i sras bdag cag byang chub sems dpa' re res byang chub sems dpa'i ting nge 'dzin sangs rgyas kyi zhing bcu'i rdul shin 
tu phra ba snyed la mnyam par gzhag kyang 'jig rten gyi khams 'byam klas pa de dag kyang ma mthong ngo / /gang gi zhabs kyi drung na byang chub sems dpa' de dag tshangs pa'i spyad pa spyod pa'i de bzhin gshegs pa de dag kyang ma mthong ngo / /de nas 
byang chub sems dpa' sems dpa' chen po kun tu bzang po stan de las nam mkha'i dbyings su 'phags te/ bcom ldan 'das la lan brgya stong du mar g.yas phyogs su bskor ba byas nas/ byang chub sems dpa'i 'khor gyi dkyil </font><hr>36-1-287a<br><font size=+1>
'khor thams cad la 'di skad ces smras so/ /kye rgyal ba'i sras de bzhin gshegs pa'i sku chags pa mi mnga' ba'i rgyan dang ldan pa dus gsum mtshungs par mnyam par 'jig rten gyi khams 'byam klas pa 
thams cad kun tu khyab pa chos kyi dbyings khongs su chud pa/ 'gro ba thams cad kyi bsam pa ji lta ba bzhin du rnam par dmigs pa 'di la ltos shig dang de la 'jig rten gyi khams 'byam klas pa thams cad kyang gzugs brnyan du gyur 
par snang ngo / /de bzhin gshegs pa 'byam klas pa thams cad kyang gzugs brnyan du gyur par snang ngo / /byang chub sems dpa' 'byam klas pa thams cad kyang gzugs brnyan du gyur par snang ngo / /sems can gyi khams 'byam 
klas pa thams cad kyang gzugs brnyan du gyur par snang ngo / /lam gyi rgyud 'byam klas pa thams cad kyang gzugs brnyan du gyur par snang ngo / /kye rgyal ba'i sras dag de bas na khyod kyis rang gi lus kun tu lta ba'i myig dang ldan 
par byin gyis rlobs la shes rab kyi mig nam mkha'i dbyings kyis klas par byin gyis rlob ste/ ye shes yangs pa'i mig dmigs pa thams cad kyi rjes su song la khong du chud par gyis la phyogs 'byam klas pa thams cad du de bzhin 
gshegs pa thams cad byin gyis rlob ste/ de bzhin gshegs pa'i sku thams cad du mi gnas pa 'di la gnas pa thams cad yongs su bstsal ba'i lta bas ltos shig /mngon par zhen pa thams cad las gyen du 'phags pa dang 
srid pa thams cad la mngon par zhen pa med pa dang shin tu phra ba'i tshul gyis stobs bcu'i stobs yongs su non pa dang / dmigs pa chung ngu la rgya chen por 'jug pa'i blta bas ltos shig /de nas byang chub sems dpa' de dag gis </font><hr>36-1-287b<br><font size=+1>
byang chub sems dpa' sems dpa' chen po'i kun tu bzang po'i gdams ngag bzhin du thal mo sbyar te/ bcom ldan 'das la phyag 'tshal nas sems shing rtog pa dang / bcom ldan 'das kyi zhabs kyi mthil gnyis kyi 'khor lo rtsibs stong yod 
pa la 'jig rten gyi khams chos kyi dbyings kyi 'khor lo zhes bya ba yod pa mthong bar gyur te/ 'jig rten gyi khams de na de bzhin gshegs pa chos kyi dbyings kyi rgyan gyi rgyal po zhes bya ba bzhugs shing 'tsho skyong ngo chos ston to/ /de'i sangs rgyas 
kyi zhing nas byang chub sems dpa' kun tu snang ba mdzod kyi snying pos byung ba zhes bya ba byang chub sems dpa'i 'khor sangs rgyas kyi zhing brjod du med pa'i yang brjod du med pa bye ba khrag khrig brgya stong phrag bcu'i rdul shin tu phra ba snyed kyis 
bskor cing mdun du byas te 'ongs nas seng ge'i khri chags pa med pa'i rgyan gyi snying po can la 'dug go /bcom ldan 'das kyi zhabs byin pa ri dgas e na ya'i byin pa lta bu gnyis la 'jig rten gyi khams chags pa med pa'i snying po can zhes bya 
ba yod de de na de bzhin gshegs pa 'od rgya mtsho chags pa med cing dri ma med pa'i snying po zhes bya ba bzhugs shing 'tsho skyong ngo / /chos ston to/ /de'i sangs rgyas kyi zhing nas byang chub sems dpa' zab mo'i mdzod kyi snying pos byung ba zhes 
bya ba byang chub sems dpa'i 'khor sangs rgyas kyi zhing brjod du med pa'i yang brjod du med pa bye ba khrag khrig brgya stong phrag bcu'i rdul shin tu phra ba snyed kyis bskor cing mdun du byas te/ 'ongs nas seng ge'i khri chags pa med pa'i rgyan 
gyi snying po can la 'dug go /de bzhin gshegs pa'i zhabs pus mo gnyis kyi lha nga la 'jig rten gyi khams sa le sbram yod pa zhes bya ba yod de de na de bzhin gshegs pa gser 'bar ba dam pa zhes bya ba bzhugs shing 'tsho skyong ngo chos ston to/ /</font><hr>36-1-288a<br><font size=+1>
de'i sangs rgyas kyi zhing nas byang chub sems dpa' dpal gyi gzi brjid mdzod kyi snying pos byung ba zhes bya ba byang chub sems dpa'i 'khor sangs rgyas kyi zhing brjod du med pa'i yang brjod du med pa bye ba khrag khrig 
brgya stong phrag bcu'i rdul shin tu phra ba snyed kyis bskor cing mdun du byas te/ 'ongs nas seng ge'i khri chags pa med pa'i rgyan gyi snying po can la 'dug go /bcom ldan 'das kyi sku sta zur gyi dkyil 'khor la 'jig rten gyi khams rin po che 
sna tshogs kyi rgyan gyi snying po can zhes bya ba yod de/ de na de bzhin gshegs pa dge ba sna tshogs kyi snying po zhes bya ba bzhugs shing 'tsho skyong ngo chos ston to/ /de'i sangs rgyas kyi zhing nas byang chub sems dpa' sprin sgra zab mo rnam pa tha dad 
pa'i mdzod kyi snying pos byung ba zhes bya ba byang chub sems dpa'i 'khor sangs rgyas kyi zhing brjod du med pa'i yang brjod du med pa bye ba khrag khrig brgya stong phrag bcu'i rdul shin tu phra ba snyed kyis bskor cing mdun du byas te 'ongs nas seng 
ge'i khri chags pa med pa'i rgyan gyi snying po can la 'dug go /bcom ldan 'das kyi sku lte ba'i dkyil 'khor na 'jig rten gyi khams rnam par snang ba'i snying po can zhes bya ba yod de de na de bzhin gshegs pa rnam par snang mdzad gzi brjid kyi 
rgyal po zhes bya ba bzhugs shing 'tsho skyong ngo chos ston to/ /de'i sangs rgyas kyi zhing nas byang chub sems dpa' rdo rje mi phyed pa'i gtsug gi mdzod kyi snying pos byung ba zhes bya ba byang chub sems dpa'i 'khor sangs rgyas kyi zhing brjod du med pa'i yang 
brjod du med pa bye ba khrag khrig brgya stong phrag bcu'i rdul shin tu phra ba snyed kyis bskor cing mdun du byas te 'ongs nas seng ge'i khri chags pa med pa'i snying po can la 'dug go /bcom ldan 'das kyi thugs ka na 'jig rten gyi khams dpal gyi 'od </font><hr>36-1-288b<br><font size=+1>
gzer snying po zhes bya ba yod de/ de na de bzhin gshegs pa dpal gyi be'u rgyan gyis brgyan pa'i snying po zhes bya ba bzhugs shing 'tsho skyong ngo chos ston to/ /de'i sangs rgyas kyi zhing nas byang chub sems dpa' dag gi lam mi g.yo bar kun tu 'gro ba'i 'od gzer 
snang ba'i gzi brjid kyi mdzod kyi snying pos byung ba zhes bya ba byang chub sems dpa'i 'khor sangs rgyas kyi zhing brjod du med pa'i yang brjod du med pa bye ba khrag khrig brgya stong phrag bcu'i rdul shin tu phra ba snyed kyis bskor cing mdun du byas te 'ongs nas seng ge'i khri chags pa med 
pas brgyan pa'i snying po can la 'dug go /bcom ldan 'das kyi sku phrag pa'i lhun gnyis la 'jig rten gyi khams gser yod pa zhes bya ba yod de de na de bzhin gshegs pa gser 'bar ba'i snying po zhes bya ba bzhugs shing 'tsho skyong ngo chos ston to/ /
de'i sangs rgyas kyi zhing nas byang chub sems dpa' grags pa snyan par kun tu rnam par grags pa'i 'od kyi gzi brjid kyi mdzod kyi snying pos byung ba zhes bya ba byang chub sems dpa'i 'khor sangs rgyas kyi zhing brjod du med pa'i yang brjod du med pa bye ba khrag 
khrig brgya stong phrag bcu'i rdul shin tu phra ba snyed kyis bskor cing mdun du byas te 'ongs nas/ seng ge'i khri chags pa med pa'i rgyan gyi snying po can la 'dug go/ /bcom ldan 'das rnam par snang mdzad kyi zhal gyi gsung gi dbyangs la 'jig rten gyi khams rin 
po che sna tshogs zhes bya ba yod de de na de bzhin gshegs pa 'od gzer dpag tu med pa'i gzi brjid kyis rab tu brgyan pa'i rgyal po zhes bya ba bzhugs shing 'tsho skyong ngo chos ston to/ /de'i sangs rgyas kyi zhing nas byang chub sems dpa' ri'i rgyal po mi 
g.yo ba'i 'od gzer snang ba'i gzi brjid kyi mdzod kyi snying pos byung ba zhes bya ba byang chub sems dpa'i 'khor sangs rgyas kyi zhing brjod du med pa'i yang brjod du med pa bye ba khrag khrig brgya stong phrag bcu'i rdul shin tu phra ba snyed kyis bskor cing </font><hr>36-1-289a<br><font size=+1>
mdun du byas te 'ongs nas seng ge'i khri chags pa med pa'i rgyan gyi snying po can la 'dug go /bcom ldan 'das rnam par snang mdzad kyi smin mtshams na 'jig rten gyi khams chos kyi dbyings mi zad pa'i mdzod ces bya ba yod de/ 
de na de bzhin gshegs pa ye shes dus gsum du mi zad pa'i mdzod ces bya ba bzhugs shing 'tsho skyong ngo chos ston to/ /de'i sangs rgyas kyi zhing nas byang chub sems dpa' kun nas blta ba'i gzugs rnam par dmigs pa'i 'od gzer gyi rgyal po snang ba'i 
gzi brjid mdzod kyi snying pos byung ba zhes bya ba byang chub sems dpa'i 'khor sangs rgyas kyi zhing brjod du med pa'i yang brjod du med pa bye ba khrag khrig brgya stong phrag bcu'i rdul shin tu phra ba snyed kyis bskor cing mdun du byas te/ 'ongs nas 
seng ge'i khri chags pa med pa'i rgyan gyi snying po can la 'dug go /bcom ldan 'das rnam par snang mdzad kyi dbu la 'jig rten gyi khams gzhi spyi'u tshugs kyi lhun yongs su 'dzin pa zhes bya ba yod de/ de na de bzhin gshegs pa rin po che'i me tog 
brtsegs pa zhes bya ba bzhugs shing 'tsho skyong ngo chos ston to/ /de'i sangs rgyas kyi zhing nas byang chub sems dpa' stobs bcu rnam par dag pa thub pa med pa'i 'od gzer snang ba'i gzi brjid kyi mdzod kyi snying pos byung ba zhes bya ba/ byang chub sems dpa'i 
'khor sangs rgyas kyi zhing brjod du med pa'i yang brjod du med pa bye ba khrag khrig brgya stong phrag bcu'i rdul shin tu phra ba snyed kyis bskor cing mdun du byas te 'ongs nas/ seng ge'i khri chags pa med pa'i rgyan gyi snying po can la 'dug go /de nas byang 
chub sems dpa' de dag thams cad kyis 'jig rten gyi khams rgya mtsho de dag dang / de bzhin gshegs pa'i 'khor gyi dkyil 'khor de dag dang / byang chub sems dpa'i 'khor gyi dkyil 'khor de dag dang sangs rgyas kyi rnam par 'phrul pa de dag </font><hr>36-1-289b<br><font size=+1>
mthong bar gyur nas/ byang chub sems dpa' de dag thams cad las byang chub sems dpa' re res kyang ting nge 'dzin chos kyi dbyings kyi snying po la stsogs pa ting nge 'dzin sangs rgyas kyi zhing bcu'i rdul shin tu phra ba snyed thob par gyur to/ /
byang chub sems dpa' re res kyang gzungs chos thams cad kyis las stsogs pa gzungs sangs rgyas kyi zhing bcu'i rdul shin tu phra ba snyed thob par gyur to/ /byang chub sems dpa' re res kyang shes rab kyi pha rol tu phyin pa rdul dang bral ba'i 
snying po la sogs pa shes rab kyi pha rol tu phyin pa sangs rgyas kyi zhing bcu'i rdul shin tu phra ba snyed thob par gyur to/ /byang chub sems dpa' de dag thams cad las byang chub sems dpa' re res kyang stobs kyi glog la sogs pa 
thams cad mkhyen pa nyid kyi glog /sangs rgyas kyi zhing bcu'i rdul shin tu phra ba snyed thob par gyur to/ /kye rgyal ba'i sras dag chos kyi sgo 'di dag ni bsam pa rdo rje dam pa lta bur byas te/ yongs su chub par bya'o/ /rim gro 
chen po dang ldan pa'i bsam pas yongs su bsrung bar bya'o/ /kye rgyal ba'i sras chos kyi sgo 'di ni byang chub sems dpa' sems dpa' chen po dge ba'i bshes gnyen gyis yongs su zin pa/ kun tu bzang po'i spyod pa la zhugs pa 
rnams ma gtogs par gzhan gyi rna lam du 'gro bar mi 'gyur ro/ /byang chub sems dpa' sems dpa' chen po kun tu bzang pos de skad ces smras pa dang byang chub sems dpa' sems dpa' chen po de dag yid dga' ste/ 
byang chub sems dpa' sems dpa' chen po kun tu bzang pos smras pa la mngon par dga'o/ /kun tu bzang pos bstan pa'i le'u zhes bya ba ste/ sum cu rtsa gnyis pa'o// //bcom ldan </font><hr>36-1-290a<br><font size=+1>
'das thog ma mngon par sangs rgyas pa pho brang 'od thams cad kyi snying po can na de bzhin du mnyam par gzhag par bcom ldan 'das bsam gtan khrag khrig brgya'i ting nge 'dzin dang / thams cad kyis myi phyed 
pa'i lhag pa'i bsam pas thob pa'i thams cad mkhyen pa'i stobs dang de bzhin gshegs pa'i sku shin tu dag pa dang / gnas med pa la rten pa'i sangs rgyas kyi sku dang mi gnyis pa'i zhi gnas dang yang dag par ldan pa dang / tshad 
myed par khyab pa'i sangs rgyas kyi che ba nyid dang mi gnas pa'i bsam gtan gyi rgyud dang 'gro ba thams cad kyis rnam par dmigs pa'i de bzhin gshegs pa lta ba dang dus la bab pa'i sangs rgyas 'byung ba dang skad cig gcig 
gis byung ba'i mtshan nyid med pa la spyod pas bzhugs te/ byang chub sems dpa' dbang bskur ba byang chub sems dpa'i rnam par dgod pa la rab tu gnas pa mtha' dang dbus med pa'i chos kyi dbyings kyis byang chub sems dpa'i yongs su 
dag pa dang ldan pa byang chub sems dpa'i ting nge 'dzin kun tu lta ba rab tu thob pa 'gro ba thams cad bde bar byed pa'i snying rje chen po rab tu thob pa/ bdud kyi dpung thams cad rab tu 'joms pa thams cad mkhyen pa'i ye shes yang 
dag par bsgrub pa 'gro ba thams cad rab tu zhi bar gnas pas/ byang chub sems dpa'i rnam par thar pa mi gnas pa la gnas pa/ sangs rgyas kyi zhing bcu'i rdul shin tu phra ba snyed dang thabs gcig ste/ 'di ltar byang chub 
sems dpa' rdo rje'i gtsug dang gzhal du med pa'i blo gros dang / zhi ba'i blo gros dang gtong ba'i blo gros dang / klu'i blo gros dang thob pa'i blo gros dang / sbyin pa'i blo gros dang stobs kyi blo gros dang bsam gyis myi khyab pa'i blo gros dang </font><hr>36-1-290b<br><font size=+1>
chags pa med pa'i blo gros dang / mchog gi blo gros dang lha'i blo gros dang / mchod sbyin byas pa'i blo gros dang mthu'i blo gros dang / don gyi blo gros dang chos la dad pa'i blo gros dang / chos kyi blo gros dang zhi ba'i blo gros dang / 
nam mkha'i blo gros dang / skad cig gcig gi blo gros dang / legs pa'i blo gros dang / sdom pa'i blo gros dang / mkha'i blo gros dang / stobs kyi blo gros dang / glang po'i blo gros dang / sangs rgyas kyi mthu'i blo gros dang / 
don rnam par dmigs pa'i blo gros dang / dam pa'i blo gros dang / ye shes snang ba'i blo gros dang / 'phags pa'i blo gros dang dran pa'i rgyan dang / dngos po med pa'i mthar phyin pa dang / rang bzhin gyi rgyan dang yul zab mo dang 
gnas dang gnas ma yin pa la mkhas pa dang / klu'i 'od dang snang ba 'dzin pa dang / sangs rgyas kyi rim gro la brtson pa dang / sems kyi rgyal po dang spyod pa gcig pa dang mngon par shes pa mnyams pa dang / ye shes kyi tshogs dang 
yon tan 'byung gnas dang chos kyi sgron ma dang / 'gro ba'i bdag po dang / 'gro ba 'dzin pa dang / bde ba byed pa dang mchog tu gyur pa dang bla na med pa dang mnyam pa med pa dang 'dra ba med pa dang / 'od thogs pa med pa dang / 'od rab tu snang ba dang / grags pa'i 
'od dang / shin tu rnam par snang ba dang lag pa brtan pa dang / chos kyi char pa dang thig le dam pa dang / ye shes kyi mig dang chos [(]gyi [,]kyi[)] mig dang / shes rab kyi sprin dang sa'i rgyal po dang smon lam khyad par du thogs pa med pas 'gro ba dang / 
ye shes kyi snying po dang bsam pa'i rgyal po dang nang gi blo gros yang dag par grub pa dang thams cad mkhyen pa'i spyod yul dang / sa'i stobs kyis rnam par gnon pa dang sa dang stobs dang / mi 'jigs pa 'dzin pa dang zla ba bzang po dang ri bo chen po'i dpal </font><hr>36-1-291a<br><font size=+1>
dang / rin po che chen po'i dpal dang bar snang gi rgyud dang / khams chen po'i rgyal po dang dkyil 'khor mnyam pa khong du chud pa dang / gzi brjid gzhan gyis mi 'pham pa dang / klu chen po lta ba'i dpal dang mnyam 
pa nyid kyi ngang tshul dang phyir mi ldog pa'i brtson 'grus dang sangs rgyas kyi 'khor lo yang dag par 'dzin pa'i dpal dang / dran pa'i yul nyams pa med pa dang bsam gyis mi khyab pa'i blo gros kyis rnam par rtogs pa dang mtha' dang dbus med pa'i 
blos rnam par rol pa dang / mdzod zad mi shes pa dang / ye shes nyi ma'i dpal dang / chos kyi nyi ma dang / ye shes phun sum tshogs pa'i snying po dang / blo dam pa'i char 'bebs pa dang / kun tu lta ba dang / blta na don yod pa dang rdo rje mngon par shes 
pa dang / ye shes rdo rje'i blo gros dang kun tu mig gi dpal dang / sangs rgyas kyi don gyi nyi ma dang sangs rgyas kyi rdo rje yang dag par gzung ba'i bsam pa dang byang chub sems dpa' sems dpa' chen po mig gi yul kun tu ye shes kyi rgyan dang / de dag 
la sogs pa byang chub sems dpa' sangs rgyas kyi zhing bcu'i rdul shin tu phra ba snyed kun kyang sngon bcom ldan 'das de bzhin gshegs pa rnam par snang mdzad kyi byang chub sems dpa'i spyod pa dang / dge ba'i rtsa ba la grogs su gyur pa sha stag dang 
thabs gcig go /de nas byang chub sems dpa' kun tu mig de'i tshe sangs rgyas kyi mthus stan las langs te/ bla gos phrag pa gcig la gzar nas pus mo g.yas pa'i lha nga sa la btsugs te/ bcom ldan 'das gang na ba der thal mos 
btud de bcom ldan 'das la 'di skad ces gsol to/ /gal te bdag gis zhus nas zhus pa'i lung bstan par bcom ldan 'das kyis skabs dbye bar gnang na/ bdag gis de bzhin gshegs pa dgra bcom pa yang dag par rdzogs </font><hr>36-1-291b<br><font size=+1>
pa'i sangs rgyas la phyogs gcig cig zhu'o/ /de skad ces gsol pa dang bcom ldan 'das kyis byang chub sems dpa' sems dpa' chen po kun tu mig la 'di skad ces bka' stsal to/ /kun tu mig khyod kyis de bzhin gshegs 
pa la ci dang ci 'dod pa dris shig dang ngas dris pa de dang / de'i lung bstan pas khyod kyi sems tshim par bya'o/ /de skad ces bka' stsal pa dang / byang chub sems dpa' kun tu mig gis bcom ldan 'das la 'di skad ces gsol 
to/ /btsun pa bcom ldan 'das ting nge 'dzin dang / rnam par thar ba du ma dang ldan pa'i byang chub sems dpa' kun tu bzang po'i sgo dang / kun tu bzang po'i spyod pa dang smon lam du ldan pa rnams ting nge 'dzin dang rnam par thar pa 
la snyoms par 'jug cing rnam par ldang ba lags/ ting nge 'dzin gyi khyad par gyi gnas 'thob pa lags/ byang chub sems dpa'i ting nge 'dzin bsam gyis mi khyab pa la snyoms par 'jug pa dang rnam par ldang ba la mkhas pa rgyun 
mi 'chad pa 'thob pa lags/ ting nge 'dzin thams cad kyi khyu mchog gi mthu dang rnam par 'phrul pa dang ldan pa lags de skad ces gsol ba dang / bcom ldan 'das kyis byang chub sems dpa' kun tu mig la 'di skad ces bka' 
stsal to/ /kun tu mig khyod kyis de ltar 'das pa dang / ma 'ongs pa dang /da ltar byung ba'i byang chub sems dpa'i dkyil 'khor thams cad dang / de bzhin gshegs pa'i dkyil 'khor thams cad kyi don du de bzhin gshegs pa la don 
'di 'dri bar bsam pa legs so legs so/ /kun tu mig de bas na byang chub sems dpa' kun tu bzang po bsam gyis mi khyab pa'i byang chub sems dpa'i rnam par 'phrul pa dang ldan pa/ byang chub sems dpa'i khyu mchog gi mthu bsgrub par </font><hr>36-1-292a<br><font size=+1>
dka' ba dang ldan pa byang chub sems dpa'i spyod pa la 'jug pa tshad med pas mngon par byung ba/ byang chub sems dpa'i cho 'phrul dang / rnam par 'phrul pa la shin tu bslabs pa byang chub sems dpa'i smon lam 
bsgrub par dka' bas rnam par sbyangs ba byang chub sems dpa'i 'byung ba phyir mi ldog pa dang ldan pa/ pha rol tu phyin pa'i tshul mtha' yas pas rnam par sbyangs pa/ gzungs 'thob par bya ba mu med pa dang ldan pa tha dad pa yang dag par shes 
pa/ zad mi shes pas thogs pa myed par rnam par dag pa/ 'gro ba thams cad la skyo ba myed pa thob pa'i snying rje chen pos phyi ma'i mtha'i mur thug pa'i smon lam dang ldan pa/ 'di 'khor 'dir 'dus te/ 'dug pa yin gyis de la dris shig 
dang / ting nge 'dzin dang rnam par 'phrul pa ston to/ /de nas byang chub sems dpa'i 'khor de dag gis byang chub sems dpa' kun tu bzang po'i ming thos ma thag tu/ byang chub sems dpa'i ting nge 'dzin bsam gyis mi khyab pa mngon du gyur to/ /
chags pa med pa'i sems rnam par phye bas kyang byin gyis brlabs par gyur to/ /ye shes bsam gyis mi khyab par 'jug par bya ba la 'ang rab tu gzhol bar gyur to/ /ye shes mi 'phrogs pa'i spyod yul yang rab tu byung ngo / /de bzhin 
gshegs pa grangs med pa mthong zhing rnam par dmyigs pa yang mngon du gyur to/ /de bzhin gshegs pa'i stobs tshad med pa yang khong du chud par gyur to/ /de bzhin gshegs pa dang rgyud kyi tshul gcig pa yang rjes su rtogs par gyur 
to/ /dus gsum mtha' yas pa la 'jug pa yang khong du chud par gyur to/ /bsod nams zad mi shes pa'i byin yang thob par gyur to/ /rnam par 'phrul pa bzang po yongs su rdzogs par bya ba'ang khong du chud par gyur </font><hr>36-1-292b<br><font size=+1>
nas/ de dag thams cad kyis rim gro dang bcas shing rjes dang bcas pas de bzhin gshegs pa'i 'khor gyi dkyil 'khor thams cad du lta bar gyur na/ de bzhin gshegs pa'i byin gyi rlabs dang / byang chub sems dpa' 
kun tu bzang po'i rdzu 'phrul gyi khyu mchog gi mthus byang chub sems dpa' kun tu bzang po yang ma mthong / byang chub sems dpa' kun tu bzang po'i lus kyang ma mthong / byang chub sems dpa' kun tu bzang po gang na gnas 
pa'i stan yang ma mthong ngo / /de nas byang chub sems dpa' kun tu mig gis bcom ldan 'das la 'di skad ces gsol to/ /bcom ldan 'das byang chub sems dpa' kun tu bzang po da lta ga la mchis/ bcom ldan 
'das kyis bka' stsal pa/ kun tu mig 'khor 'di nyid na nga'i zhabs kyi drung na 'dug go /nga'i zhabs kyi drung na spyod do/ /nga'i zhabs kyi drung nas ma g.yos so/ /de nas byang chub sems dpa' kun tu mig dang / byang chub 
sems dpa'i 'khor de dag thams cad kyis/ yang 'khor gyi dkyil 'khor thams cad la rnam par bltas nas/ bcom ldan 'das la 'di skad ces gsol to/ /bcom ldan 'das bdag cag gis kun tu bzang po de ma 
mthong ngo / /de'i lus kyang ma mthong de'i stan yang ma mthong ngo / /bcom ldan 'das kyis bka' stsal pa/ rigs kyi bu dag khyed kyis byang chub sems dpa' kun tu bzang po'i lus ma mthong zhing stan ma mthong ba ni/ de de bzhin 
te yus so de ci'i phyir zhe na/ 'di ltar byang chub sems dpa' kun tu bzang po de ni brjod du med cing zab pa la gnas pa ste/ 'di ltar ye shes kyi dbyings mtha' yas pa la 'jug pa la zhugs pa'o/ /seng ge rnam par bsgyings pa'i ting </font><hr>36-1-293a<br><font size=+1>
nge 'dzin rab tu thob pa'o/ /sangs rgyas kyi cho 'phrul bla na med pa rab tu thob pa'o/ /chags pa med pa'i mthas rnam par dag pa'i de bzhin gshegs pa'i stobs bcus grub pa'o/ /chos kyi 
dbyings dam pa'i lus dang ldan pa'o/ /sangs rgyas thams cad kyi byin gyi rlabs la gnas pa'o/ /'das pa dang ma byon pa dang da ltar byung ba'i sangs rgyas thams cad dang ye shes tha mi dad pa'i rgyun dang ldan pa'o/ /'di lta ste/ 
byang chub sems dpa' kun tu bzang po 'di ni sems skad cig gi mtha'i rjes su 'brang ba'o/ /de nas byang chub sems dpa' kun tu mig gis de bzhin gshegs pa las kun tu bzang po'i yon tan rnam par dag pa thos ma 
thag tu byang chub sems dpa'i ting nge 'dzin grangs med pa brgya stong phrag bcu la mnyam par gzhag ste/ byang chub sems dpa' kun tu bzang po mngon par 'dod cing mthong bar bya ba dang / gsol ba gdab pa'i bsam pas tshol 
lo/ /yongs su tshol lo rab tu rtog go /shin tu zhib cing brtags par rnam par dpyod do/ /rjes su rtog go /rnam par lta'o/ 'on kyang byang chub sems dpa' kun tu mig gis byang chub sems dpa' kun tu bzang po ma 
mthong ngo / /byang chub sems dpa'i 'khor de dag thams cad kyis kyang mthong bar ma gyur to/ /de nas byang chub sems dpa' kun tu mig ting nge 'dzin de las langs te/ bcom ldan 'das la 'di skad ces gsol 
to/ /bcom ldan 'das ting nge 'dzin grangs ma mchis pa stong phrag bcu la mnyam par gzhag ste/ rnam par bltas kyang byang chub sems dpa' kun tu bzang po ma mthong ngo / /de'i lus kyi las kyang ma mthong ngo / /de'i ngag </font><hr>36-1-293b<br><font size=+1>
dang ngag gi las kyang ma mthong ngo / /de'i yid dang yid kyi las kyang ma mthong ngo / /de'i stan yang ma mthong ngo / /byang chub sems dpa' sems dpa' chen po kun tu bzang po de gang na mchis pa dang spyod pa'i phyogs de yang ma mthong ngo 
bcom ldan 'das kyis bka' stsal pa/ kun tu mig don de bzhin te/ khyod kyis byang chub sems dpa' kun tu bzang po de mi mthong ngo / /de ci'i phyir zhe na/ byang chub sems dpa'i rnam par thar pa bsam gyis mi khyab pa la shin tu 
bslabs pa ni byang chub sems dpa' kun tu bzang po'o/ /kun tu mig de la ji snyam du sems/ sgyu ma'i gzugs kyi rnam pa sna tshogs mang po sgyu ma'i sngags kyi yi ge gang la gnas pa dmyigs par nus sam/ btsun pa bcom 
ldan 'das ma lags so/ /bcom ldan 'das kyis bka' stsal pa/ kun tu mig rgyu ma'i sngags kyi gzugs kyi/ rnam pa de dag kyang dmigs shing bstan par mi nus na/ byang chub sems dpa' kun tu bzang po'i lus kyi spyod yul 
gsang ba dang / ngag gi spyod yul gsang ba dang / yid kyi spyod yul gsang ba la 'jug par mi nus pa dang / mthong bar mi nus pa lta smos kyang ci dgos/ de ci'i phyir zhe na/ byang chub sems dpa' kun tu bzang po ni zab cing / 
bsam gyis mi khyab par rnam par spyod pa'o/ /byang chub sems dpa' kun tu bzang po ni tshad med cing tshad las 'das pa ste/ ye shes rdo rje'i blo dang ldan pa'o/ /chos kyi dbyings mtha' dang dbus med pa la yang dag par gnas pa'o/ /
'jig rten gyi khams thams cad du gnas med par spyod cing / sems can thams cad kyi lus dang gzugs kyi rjes su zhugs pa'o/ /blang ba med pa'i chos kyi tshul dang ldan pa'o/ /mi zad cing tha mi dad pa'i rdzu 'phrul dang khyu mchog gi </font><hr>36-1-294a<br><font size=+1>
mthu la lhun gyis grub par gnas pa'i mthar phyin pa'o/ /byang chub sems dpa' kun tu bzang po ni chos kyi dbyings khong du chud pa dang ldan pa'o/ /de ltar rigs kyi bu byang chub sems dpa' kun tu bzang po ni 
blta na don yod pa'o/ /mnyan na don yod pa'o bsnyen bkur byed pa don yod pa'o/ /bsam pa don yod pa'o rjes su dran pa don yod pa'o/ /de la dad par byas pa don yod pa'o/ /byang chub sems dpa' kun tu bzang po de ni mthong ba don yod pa'o/ /
thos pa don yod pa'o/ /bsnyen bkur ba don yod pa'o/ /khams pa don yod pa'o/ /rjes su dran par byas pa don yod pa'o/ /de la mos par byas pa don yod pa'o/ /blta ba don yod pa'o/ /brtags pa don yod pa'o/ /btsal ba don yod 
pa'o/ /byang chub sems dpa' kun tu bzang po ni rjes su smon lam gdab pa don yod pa'o/ /de nas byang chub sems dpa' kun tu myig dang / byang chub sems dpa'i 'khor de dag thams cad byang chub sems dpa' kun tu bzang po 
mthong bar 'dod cing / thal mo sbyar te bcom ldan 'das dang byang chub sems dpa' kun tu bzang po la phyag 'tshal zhing tshig 'di skad brjod do/ /sangs rgyas thams cad la phyag 'tshal lo/ /byang chub sems dpa' kun tu 
bzang po la phyag 'tshal lo/ /sangs rgyas thams cad la btud de phyag 'tshal lo/ /byang chub sems dpa' kun tu bzang po la btud de phyag 'tshal lo/ /de nas bcom ldan 'das kyis byang chub sems dpa' kun tu mig dang 
byang chub sems dpa'i 'khor chen po de dag la bka' stsal pa/ rigs kyi bu dag byang chub sems dpa' kun tu bzang po la phyag 'tshol la gsol ba thob shig /phyogs thams cad du mngon du gyis la kun tu mig gi las su byin gyis rlob </font><hr>36-1-294b<br><font size=+1>
ste/ byang chub sems dpa' kun tu bzang po la dmigs pa gyis la/ chos kyi dbyings thams cad mngon tu bya ba'i sems kyis byin gyis brlab pa gyis te/ chos thams cad 'dod chags dang bral bar khong du chud par gyis la byang 
chub sems dpa' kun tu bzang po dang smon lam gcig par byung ste/ gnyis su med pa la mnyam par zhog la 'jig rten gyi khams thams cad lus las mngon par byung bar byin gyis rlob ste/ dbang po tha mi dad pa'i rjes su 'brang bar gyis la/ 
kun tu bzang po'i smon lam kun tu 'gro ba yongs su sbyang bar gyis shig dang / byang chub sems dpa' kun tu bzang po mthong bar 'gyur ro/ /de nas byang chub sems dpa' kun tu mig gis bcom ldan 'das kyis bka' stsal pa de skad thos 
nas/ byang chub sems dpa'i 'khor de dag dang bcas pas spyi bos gtugs te phyag 'tshal nas/ byang chub sems dpa' kun tu bzang po la gsol ba gtab bo/ byang chub sems dpa' de dag gis gsol ba gtab ma thag tu/ 
de'i tshe byang chub sems dpa' kun tu bzang pos rnam par thar pa'i rnam par 'phrul pa gang gis byang chub sems dpa' de dag thams cad kyis byang chub sems dpa' kun tu bzang po de bzhin gshegs pa'i zhabs kyi drung na gnas shing 
pad mo'i stan la 'dug par mthong bar 'gyur ba dang / 'khor de'i byang chub sems dpa' rnams kyi lus las kyang 'byung bar snang ba dang 'jig rten gyi khams kyi rgyud 'byam klas pa dag nas kyang 'ong bar snang ba dang / sangs 
rgyas gcig nas gcig tu brgyud pa thams cad yang dag par ston pa dang sangs rgyas thams cad kyi 'phrin las 'jig rten gyi khams thams cad du rab tu brjod pa dang / byang chub sems dpa'i spyod pa thams cad rab tu ston pa dang / thams </font><hr>36-1-295a<br><font size=+1>
cad mkhyen pa'i ye shes kyi lam snang bar byed pa dang / byang chub sems dpa'i rnam par 'phrul pa thams cad yang dag par ston pa dang / byang chub sems dpa'i khyu mchog gi mthu phyung ba thams cad yang dag par brjod 
pa dang / de bzhin gshegs pa tshad med pa'i dus gsum rab tu ston pa de lta bu'i rnam par thar pa'i rnam par 'phrul pa kun tu bstan to/ /de nas byang chub sems dpa' kun tu myig dang byang chub sems dpa'i 'khor de dag thams cad kyis 
rnam par 'phrul pa de dag mthong nas dga' zhing mgu ste/ rangs nas rab tu dga' zhing bde ba dang yid dga' ba skyes nas dmigs pa thams cad kyis btud pa'i rjes sa/ byang chub sems dpa' kun tu bzang po la phyag 'tshal to/ /
de'i tshe/ sangs rgyas kyi byin gyi rlabs dang / byang chub sems dpa'/ de dag mos pa dang / byang chub sems dpa'/ kun tu bzang po'i sngon gyi dge ba'i rtsa bas sbrin gyi char stong phrag bcu mngon par bab par gyur 
pa 'di lta ste/ me tog sna tshogs kyi sprin gyi char mngon par bab bo/ /phreng ba sna tshogs kyi sprin gyi char mngon par bab po/ /spos sna tshogs kyi sprin gyi char mngon par bab bo/ /spos kyi phye ma sna tshogs kyi sprin gyi char mngon par bab bo/ /
gdugs sna tshogs kyi sprin gyi char mngon par bab bo/ /na bza' sna tshogs kyi sprin gyi char mngon par bab bo/ /rgyan sna tshogs kyi sprin gyi char mngon par bab bo/ /rin po che sna tshogs kyi sprin gyi char mngon par bab bo/ /spos sna tshogs 
kyi sprin gyi char mngon par bab po/ /snam bu rin po che'i sprin gyi char mngon par bab po/ /'jig rten gyi khams brjod du med pa rnam pa drug tu g.yos so rol mo brdung ba dang / dkrol ba thams cad kyi sgra mang po byung ngo / lha'i nga </font><hr>36-1-295b<br><font size=+1>
ro snyan pa mang po rab tu byung ngo / /'jig rten gyi khams brjod du med pa'i yang brjod du med pa snang ba chen pos khyab par snang ngo / /'jig rten gyi khams brjod du med pa'i yang brjod du med pa'i sems can rnams rnam par dag par gyur to/ /
ngan song gi lam gyi rgyud gsum rnam par zhi bar gyur to/ /'jig rten gyi khams brjod du med pa'i yang brjod du med pa rnam par dag par gyur to/ /byang chub sems dpa' brjod du med pa'i yang brjod du med pa byang chub sems dpa' kun 
tu bzang po'i spyod pa la zhugs par gyur to/ /byang chub sems dpa' brjod du med pa'i yang brjod du med pa byang chub sems dpa' kun tu bzang po'i spyod pa la yongs su grub par gyur to/ /byang chub sems dpa' brjod du med pa'i yang 
brjod du med pa byang chub sems dpa' kun tu bzang po'i spyod pa la smon lam yongs su rdzogs par byas nas/ bla named pa yang dag par rdzogs par byas nas/ bla na med pa yang dag par rdzogs pa'i byang chub tu mngon par sangs rgyas par gyur to/ /de nas byang chub sems dpa' kun tu 
mig gis bcom ldan 'das la 'di skad ces gsol to/ /bcom ldan 'das byang chub sems dpa' kun tu bzang po ni/ bdag nyid che ba la mngon par spyod pa'o/ /mtshungs pa ma mchis pa la rnam par spyod pa'o/ /yongs 
su mi chod pa la rnam par spyod pa'o/ /slar mi ldog pa la rnam par spyod pa'o/ /mnyam pa nyid rjes su rtogs pa la rnam par spyod pa'o/ /gzhan gyis mi zlog pa la rnam par spyod pa'o/ /chos thams cad tha mi dad pa la rnam par 
spyod pa'o/ /chos thams cad ma 'dres par rnam par spyod pa'o/ /sems can thams cad kyi sems kyi byin gyi rlabs mkhas pa la rnam par spyod pa'o/ bcom ldan 'das byang chub sems dpa' kun tu bzang po ni chos thams cad kyi dbang dang /</font><hr>36-1-296a<br><font size=+1>
ting nge 'dzin dang rnam par thar pa la rnam par spyod pa'o/ /bcom ldan 'das kyis bka' stsal pa/ kun tu mig de khyod kyis ji skad du smras pa de bzhin te/byang chub sems dpa' kun tu bzang po ni yon tan 
grangs med pas rnam par dag pa'o/ /yon tan mtshungs pa med pas rnam par brgyan pa'o/ /yon tan tshad med pa rin po che dang ldan pa'o/ /yon tan bsam gyis mi khyab pa'i 'byung gnas rgya mtsho'o/ /yon tan dpag 
tu med pa'i mtshan nyid do/ /yon tan mu med pa'i sprin to/ /yon tan sa mtshams med pas bsngags shing bstod pa'o/ /chos rin po che zad mi shes pa'o/ /byang chub sems dpa' kun tu bzang po ni sangs rgyas thams 
cad kyis yon tan brjod cing bsngags pa mi zad pa'o/ /de nas bcom ldan 'das kyis byang chub sems dpa' kun tu bzang po la 'di skad ces bka' stsal to/ /kun tu bzang po khyod kyis byang chub sems dpa' kun tu mig 
dang / byang chub sems dpa'i 'khor thams cad la/ byang chub sems dpa' kun tu bzang po'i spyod pa dang / smon lam yongs su rdzogs pa dang ldan pa'i byang chub sems dpa' sems dpa' chen po rnams kyi ting nge 'dzin 
shin tu bstan pa gang gis 'das pa dang / ma 'ongs pa dang / da ltar byung ba'i byang chub sems dpa'i spyod pa byung ba dang / 'byung ba dang 'byung bar 'gyur ba'i ting nge 'dzin bcu shin tu bstan pa la mkhas pas ting nge 'dzin rgya chen 
po bcu shin tu bstan pa spobs par gyis shig /bcu gang zhe na 'di lta ste/ byang chub sems dpa'i ting nge 'dzin rgya chen po la mkhas pa rab tu thob pa dang / rjes su 'gro ba snang ba zhes bya ba dang / 'di lta ste/ byang chub sems </font><hr>36-1-296b<br><font size=+1>
dpa'i ting nge 'dzin rgya chen po rab tu thob pa yid du 'ong ba zhes bya ba dang / 'di lta ste/ zhing 'byam klas pa gcig nas gcig tu brgyud pa'i rjes su song ba dang / 'di lta ste/ lhag pa'i bsam pa gtsang mas spyod pa zhes bya ba 
dang / 'di lta ste 'das pa'i rgyan gyi snying po zhes bya ba dang / 'di lta ste/ ye shes rnam par snang ba'i snying po zhes bya ba dang / 'di lta ste/ sangs rgyas thams cad kyis rnam par bkod pa'i 'jig rten gyi khams kyi rgyan ces bya ba 
dang / 'di lta ste/ sems can gyi lus tha mi dad pa zhes bya ba dang / 'di lta ste/ sems can gyi khams la dbang ba zhes bya ba dang / 'di lta ste/ byang chub sems dpa'i ting nge 'dzin rgya chen po la mkhas pa rab tu thob pa bcu pa 
chags pa med pa'i dkyil 'khor ces bya ba ste/ byang chub sems dpa' sems dpa' chen po rnams kyi ting nge 'dzin rgya chen po 'di bcu ni/ 'das pa dang ma byon pa dang / da ltar byung ba'i de bzhin gshegs pa thams cad 
kyis gsungs so/ /gsung ngo gsung bar 'gyur ro/ /byang chub sems dpa' gang gis ting nge 'dzin bcu po 'di dag la bsten cing bsgoms te mang du byas pa dang / dngos por byas pa dang / shes par byas pa dang / mngon 
du byas pa dang mdun du byas pa dang / mnyam par gzhag pa dang / shin tu brtsams pa de dag kyang byang chub sems dpa'i ting nge 'dzin bcu po 'di dag dang ldan pas/ byang chub sems dpa' yin yang sangs rgyas zhes bya'o/ 
de bzhin gshegs pa zhes bya'o/ /stobs bcu pa zhes bya'o/ /'dren pa zhes bya'o/ /rnam par 'dren pa zhes bya'o/ /thams cad mkhyen pa zhes bya'o/ /thams cad gzigs pa zhes bya'o/ /chags pa med pa la </font><hr>36-1-297a<br><font size=+1>
gnas pa zhes bya'o/ /bsgribs pa myed pa'i spyod yul can zhes bya'o/ /chos thams cad kyi dbang phyug ces bya'o/ /byang chub sems dpa' gang gis ting nge 'dzin 'di dag thob pa de ni 'jig rten gyi khams thams cad du rjes su song ba yang yin la/ 'jig rten gyi khams 
thams cad nas phyir log pa 'ang yin/ sems can thams cad kyi khams su rab tu song ba 'ang yin la sems can med pa'i mtha' yang khong du chud pa yin/ chags pa med pa'i lus kyi snying po'i rjes su song ba 'ang yin la/ chos kyi dbyings 
thams cad la 'jug par spyod pa yin no/ /chos kyi dbyings mtha' dang dbus med pas kyang rnam par dag la 'das pa dang / ma byon pa dang da ltar byung ba'i de bzhin gshegs pa thams cad kyi yang rjes su 'brang ba yin/ de bzhin gshegs 
pa thams cad kyi chos rnam par mthong ba yang yin la/ spyod pa thams cad kyi yang rjes su song ba yin/ dbyangs kyi yan lag dang yi ge la rab tu spobs shing / byang chub sems dpa'i spyod pa thams cad yongs su rdzogs pas rnam par dag pa yin 
la/ byang chub sems dpa'i spyod pa rnam par phye ba yongs su rdzogs par bya ba la 'ang rab tu gnas pa yin/ rtag par dus gsum skad cig tu/ zhugs pa 'ang yin la dus gsum thams cad yongs su shes par bya ba'i phyir yang yang 
dag par gzhol ba 'ang yin/ sangs rgyas thams cad kyi chos ston pa yang yin la/ thabs kyis chos thams cad kyi 'khor lo bskor ba las phyir mi ldog pa'i lus dang yang ldan pa yin/ 'das pa dang / ma 'ongs pa dang / da ltar byung 
ba'i byang chub sems dpa' thams cad rnam par 'tshang rgya bar bya ba'i tshul la yang rab tu zhugs la sangs rgyas gcig mngon par sangs rgyas pas/ sangs rgyas thams cad du 'ang shin tu ston pa yin te/'di dag ni byang chub sems dpa' rnams kyi chos kyi rnam </font><hr>36-1-297b<br><font size=+1>
pa'i tshul lo/ /'di dag ni byang chub sems dpa' rnams kyi/ ye shes rnam par sbyangs pa'i tshul lo/ /thams cad mkhyen pa'i rgyal mtshan gzhan gyis mi pham pa'i tshul lo/ /byang chub sems dpa' kun tu bzang po'i spyod pa 
dang smon lam gyi tshul lo/ /byang chub sems dpa'i mngon par shes pa rnon po dang / 'grogs pa'i tshul lo/ /gzungs dang spobs pa thams cad kyi tshul lo/ /dus gsum tha mi dad pa'i tshul lo/ /'das pa dang / ma byon pa dang da 
ltar byung ba'i sangs rgyas thams cad kyi tshul lo/ /sems can thams cad thams cad mkhyen pa nyid la rab tu dgod pa'i tshul lo/ /'di dag ni byang chub sems dpa' thams cad kyi 'jig rten gyi khams thams cad yongs su dag par 
bya ba'i khyu mchog gi mthu bstan pa'i tshul lo/ /byang chub sems dpa'i ting nge 'dzin 'di dag thob pa'i byang chub sems dpa' rnams ni+i mthu mi zad pa'i phyir chos kyi dbyings kyi stobs thob pa yin no/ /'pho ba med pa'i mthar thug par 'gyur 
ba'i phyir nam mkha'i dbyings ltar tshad med pa yin/ chos kyi rgyal srid la 'gro ba dbang bskur ba'i phyir dbang mtha' yas par bsgyur ba yin/ stobs bcu shin tu yangs pa'i tshul thob pa'i phyir/ 'gro ba thams cad du tshad med pa'i ye 
shes thob pa yin/ rab tu zhi ba'i mtha' la zhugs pas/ nyon mongs pa med pa'i sems rab tu bsgoms pa yin/ shugs dang ldan pa'i rtsal bdog pas snying rje chen po'i seng ge yin/ yon tan dang bsngags pa thams cad dang ldan pas 
chos kyi sgron ma la yang dag par gzhol zhing mi zad pa yin/ nyan thos dang rang sangs rgyas thams cad kyi bsam gyis mi khyab pa yin/ chos shes shing khong du chud pas gnas kyi mthar phyin pa yin/ spyod pa dang rnam par gdags pa dang / brda thams </font><hr>36-1-298a<br><font size=+1>
cad la sna tshogs su shin tu bstan pa byed par mkhas pa yin/ chos thams cad mtshan ma med pa lam khas pa la zhugs pas/ mtshan ma med pa la mos pa yin/ de bzhin gshegs pa'i mnga' chen pos rnam par dag 
pas rigs dang / rgyud rnam par dag pa yin/ gzhi med pa la 'jug pa'i ye shes kyis chos kyi gzhi rab tu dbye ba'i snying po'i rjes su song ba yin/ chos yongs su gtong ba la brtson pas dus thams cad du mkhas pa dang ldan pa yin/ 
shes par bya ba thams cad khong du chud pas sems can gyi nang na mkhas pa yin/ skye dgu thams cad shin tu dag par byed pas mtha' yas pa rnam par sbyong ba yin/ sangs rgyas kyi byang chub rnam par sangs rgyas pa dang / 'tshang 
rgya bar bya ba'i spyod pa yang dag par ston pas byang chub sems dpa'i 'khor gyi dkyil 'khor gyi thabs la mkhas pa yin/ byang chub sems dpa'i spyod pa'i byin gyi rlabs kyis zad mi shes pa yin/ thams cad mkhyen pa'i yul rnam 
par 'tshang rgya bar bya ba la mkhas pas/ cho 'phrul chen po ston pa yin gyis de bas na kun tu bzang po byang chub sems dpa'i ting nge 'dzin bcu po 'di dag rgya cher spros te/ bshad pas bstan par gyis shig /byang chub sems dpa'i 
'khor 'di dag thams cad mnyan par 'dod do/ /de nas byang chub sems dpa' kun tu bzang pos/ bcom ldan 'das kyis bka' stsal pa dang / byang chub sems dpa' de dag gis kyang gsol ba btab par shes nas/ byang chub 
sems dpa' kun tu myig dang / byang chub sems dpa'i tshogs thams cad la smras pa/ kye rgyal ba'i sras dag /bcu po 'di rnams ni byang chub sems dpa' sems dpa' chen po rnams kyi byang chub sems dpa'i chos ma lus par </font><hr>36-1-298b<br><font size=+1>
mthar thug pa ste/ bcu gang zhe na 'di lta ste/ sangs rgyas skye ba khong du chud pa'i ye shes dang / sems can dri ma med par mngon par bsgrub par bya ba'i ye shes dang / 'jig rten gyi khams mig yor lta bur shes pa'i ye shes dang / chos kyi 
dbyings kyi rjes su 'jug pa'i ye shes dang / byang chub sems dpa' rab tu gzung ba la mkhas pa'i ye shes dang / phyir mi ldog pa'i byang chub sems dpa'i thabs yongs su gnan pa'i ye shes dang / don thams cad dang ldan pa'i chos 
kyi lhag mthong la mkhas pa'i ye shes dang / byang chub kyi sems kyi mthu'i rjes su song ba'i ye shes dang / sangs rgyas kyi chos thams cad shes pa'i ye shes dang / thams cad mkhyen pa'i smon lam dang byin gyi rlabs kyi ye shes te/ 
kye rgyal ba'i sras dag /de dag ni byang chub sems dpa' rnams kyi byang chub sems dpa'i chos ma lus par mthar thug pa'o/ /kye rgyal ba'i sras dag /bcu po 'di dag ni byang chub sems dpa' sems dpa' chen po rnams kyi sems 
bskyed pa mtha' dang dbus med pa ste/ bcu gang zhe na 'di lta ste/ sems can thams cad nye bar gzung ba dang / yongs su dgrol ba'i phyir/ sems bskyed pa mtha' dang dbus med pa dang / 'di lta ste sangs rgyas kyi chos thams 
cad yongs su bsgrub pa'i phyir/ sems bskyed pa mtha' dang dbus med pa dang / 'di lta ste sangs rgyas thams cad bsnyen bkur zhing mchod pa'i phyir sems bskyed pa mtha' dang dbus med pa dang / 'di lta ste/ sangs 
rgyas thams cad mthong bar bya ba'i mig tshad med pa yang dag par bsgrub pa'i phyir sems bskyed pa mtha' dang dbus med pa dang / 'di lta ste sangs rgyas thams cad kyi gsung dang dbyangs dang bka' yang dag par bzung zhing </font><hr>36-1-299a<br><font size=+1>
nyams pa med par bya ba'i phyir/ sems bskyed pa mtha' dang dbus med pa dang / 'di lta ste/ sangs rgyas thams cad kyi rnam par 'phrul pa'i bye brag tha dad pa rnam par dbye ba la mkhas par khong du chud 
pa bskyed pa'i phyir sems bskyed pa mtha' dang dbus med pa dang / 'di lta ste/ de bzhin gshegs pa rnams kyi byang chub kyi mtshams sbyar ba'i stobs la 'jug par bya ba'i phyir/ sems bskyed pa mtha' dang dbus med pa 
dang / 'di lta ste thams cad mkhyen pa'i stobs mtha' yas pas shin tu phra bar dmigs shing / yongs su mnan pa'i sangs rgyas kyi chos rab tu bstan pa'i phyir sems bskyed pa mtha' dang dbus med pa dang / 'di lta 
ste/ sangs rgyas kyi khyu mchog gi mthu bsam gyis mi khyab cing 'byam klas pa la 'jug pa dang khong du chud par bya ba'i phyir/ sems bskyed pa mtha' dang dbus med pa dang / 'di lta ste sangs rgyas kyi tha dad pa yang dag 
par mkhyen pa mngon du bya bar lhag pa'i bsam pa yang dag par gtang zhing sangs rgyas kyi chos thams cad yang dag par blang ba'i phyir/ sems bskyed pa mtha' dang dbus med pa dang / 'di lta ste/ de bzhin gshegs 
pa thams cad kyi 'khor gyi dkyil 'khor du 'jug cing / lus sna tshogs kyi byin gyi rlabs yang dag par bstan pa'i phyir/ sems bskyed pa mtha' dang dbus med pa ste/ kye rgyal ba'i sras dag /bcu po de dag ni byang 
chub sems dpa' rnams kyi sems bskyed pa mtha' dang dbus med pa'o/ /kye rgyal ba'i sras dag /bcu po 'di rnams ni byang chub sems dpa' sems dpa' chen po rnams kyi ting nge 'dzin gyi bye brag la 'jug pa'i </font><hr>36-1-299b<br><font size=+1>
ye shes te/ bcu gang zhe na 'di ltar shar phyogs su snyoms par zhugs te/ nub phyogs nas rnam par ldang ba dang / nub phyogs su snyoms par zhugs te/ shar phyogs nas rnam par ldang ba dang shar dang byang gi mtshams su snyoms 
par zhugs te/ lho dang nub kyi mtshams nas rnam par ldang ba dang / lho dang nub kyi mtshams su snyoms par zhugs te/ shar dang byang gi mtshams nas rnam par ldang ba dang / lho phyogs su snyoms par zhugs te/ 
byang phyogs nas rnam par ldang ba dang / byang phyogs su snyoms par zhugs te/ lho phyogs nas rnam par ldang ba dang / nub dang byang gi mtshams su snyoms par zhugs te/ shar dang lho'i mtshams nas rnam par ldang ba dang / 
shar dang lho'i mtshams su snyoms par zhugs te/ nub dang byang gi mtshams nas rnam par ldang ba dang / 'og gi phyogs su snyoms par zhugs te/ steng gi phyogs nas rnam par ldang ba dang / steng gi phyogs su snyoms par zhugs shing 
'og gi phyogs nas rnam par ldang ba ste/ kye rgyal ba'i sras dag bcu po 'di rnams ni byang chub sems dpa' sems dpa' chen po dag gi ting nge 'dzin gyi bye brag la 'jug pa'i ye shes so/ /kye rgyal ba'i sras dag bcu po 'di rnams ni/byang 
chub sems dpa' sems dpa' chen po rnams kyi ting nge 'dzin rgya chen por bya ba la mkhas pa ste/ bcu gang zhe na 'di lta ste/ kye rgyal ba'i sras dag 'di la byang chub sems dpa' sems dpa' chen pos stong gsum gyi stong chen po'i 
'jig rten gyi khams pad mo gcig tu byin gyis brlabs te/ pad+mo gcig po de rang gi skyil mo krung gis rgyas par khyab par byin gyis rlob bo/ /rang gi lus de las kyang stong gsum gyi stong chen po'i 'jig rten gyi khams ston to/ /stong </font><hr>36-1-300a<br><font size=+1>
gsum gyi stong chen po'i 'jig rten gyi khams der yang gling bzhi pa khrag khrig phrag brgya ston to/ /gling bzhi pa khrag khrig brgya po re re zhing yang bdag gi lus re re byin gyis rlob ste/ lus de dag re re la'ang stong gsum 
gyi stong chen po'i 'jig rten gyi khams khrag khrig brgya brgya ston to/ /'jig rten gyi khams de dag gi gling bzhi ba re rer yang byang chub sems dpa'i spyod pa khrag khrig brgya brgya yang dag par ston te/ byang chub sems dpa'i spyod pa de dag re re 
la yang mos pa bye ba khrag khrig brgya brgya mngon par sgrub bo/ /mos pa de dag re re la yang dbang po sna tshogs rnam par phye ba khrag khrig brgya brgya yongs su rdzogs pa rab tu thob par bya ba yongs su rdzogs par byed do/ /dbang po sna tshogs 
rnam par phye ba de dag re re la yang byang chub sems dpa' khrag khrig phrag brgya brgya phyir mi ldog pa'i las kyis byang chub sems dpa'i chos la rab tu gzhog go /'on kyang lus mang po 'am lhag par 'phel bar mi byed do/ /mnyam par gzhag 
pa'ang nyams par 'gyur ba med do/ /kye rgyal ba'i sras dag 'di lta ste dper na/ lha ma yin gyi dbang po sgra gcan zhes bya ba yod de/ de'i rang bzhin gyi lus ni dpag tshad bdun brgya'o/ /de'i sprul pa'i lus ni dpag tshad brgya stong phrag 
drug cu rtsa brgyad de/ de'i lus phyed rgya mtsho chen po'i nang na/ 'dug kyang lus kyi stod gyen du 'phags pa ri rab kyi rtse mo dang mnyam yang / kye rgyal ba'i sras lha ma yin gyi dbang po sgra gcan da sprul pa'i lus tshad brgya stong phrag drug cu rtsa brgyad 
pa des sngon gyi lus 'jig par mi byed do/ /sngon skyes pa'i phung po dang khams dang / skye mched kyang yongs su nyams par mi 'gyur ro/ /lus chen po de yod pas kyang sprul pa'i lus la gzhan du 'du shes par mi 'gyur te/ lus snga </font><hr>36-1-300b<br><font size=+1>
ma shi 'phos pa'i 'du shes kyang med la gsar du skyes pa'i lus kyis kyang nyams dga' ba rab tu thob pa yin te/ sprul pa'i lus des mthu dang dbang byed par dbang sgyur bar yang yang dag par ston na/ rmongs shing 'khrul bar 'gyur ba 'ang 
med de/ lha ma yin gyi dbang po sgra gcan de ni 'dod chags can zhe sdang can gti mug can te/ nga rgyal dang dregs pa dang ldan yang rgya mtsho'i nang na gnas shing rgya mtsho'i nang gi khyim na 'dug bzhin du rnam pa de lta bu'i sprul pa'i lus 
kyis mngon par 'phags na/ byang chub sems dpa' sems dpa' chen po chos thams cad sgyu ma'i rnam par rab tu rtogs pa/ 'jig rten thams cad na dpe med pa/ mig yor dang mnyam par rab tu zhugs pa/ 'jig rten gyi 
khams thams cad sangs rgyas skyes pa'i sprul pa rnam par dmigs pa lta bur khong du chud pa/ sgra dbyangs rnam par dmigs pa thams cad ri'i brag ca lta bur shes pa/ yang dag pa'i chos rab tu mthong ba/ chos ji lta ba bzhin gyi lus dang ldan 
pa/ rang bzhin gyis 'od gsal zhing dang ba'i chos la zhugs pa/ sems kyi rang bzhin dngos po myed par rab tu rtogs pa/ lus kyi yul tshad med pa la gnas pa/ sangs rgyas kyi ye shes snang bas byang chub kyi spyod pa rnam par sbyangs 
pa lta smos kyang ci dgos te/ de ting nge 'dzin chen po de la gnas pas chud zad du 'khrul pa 'ang med na blong zhing rmongs par 'gyur ba med pa lta ci smos/ de lus kyi stod lha'i 'jig rten du 'phags par byin gyis rlob cing lus kyi smad 'dod pa'i 
khams na 'dug par byin gyis rlob kyang shin tu mnyam par bzhag pas rab tu sbyar ba'i ting nge 'dzin gyi dkyil 'khor chen po des lha ma yin gyi dbang po sgra gcan de yang rang gi lus kyi nang du rlag pa de lus chen po ston cing sbyoms pa'i skye </font><hr>36-1-301a<br><font size=+1>
ba dang rdzu 'phrul thams cad kyang lus kyi nang du rlag par byin gyis rlob bo/ /kye rgyal ba'i sras dag 'di lta ste dper na/ mi sdug pa sgom pa la gnas pa'i dge slong ni/ mi sdug pa'i mtshan mar rnam par lta zhing 
nang gi lus la rtog pa la mngon par brtson pa yin/ de bzhin du byang chub sems dpa' sems dpa' chen po yang lus su 'jig rten gyi khams thams cad chud par bya ba'i phyir chos kyi lus la brtag par mngon par brtson pa yin te/ 
lus de la 'jig rten dang / 'jig rten gyi chos mthong ba yang 'di lta ste/ byang chub sems dpa'i khyu mchog gi mthu dang / rnam par 'phrul pa dang / ting nge 'dzin rab tu thob pas lus la 'jig rten dang 'jig rten gyi 
chos kyis chags pa med do/ /kye rgyal ba'i sras dag 'di ni byang chub sems dpa' sems dpa' chen po rnams kyi ting nge 'dzin rgya chen po la mkhas pa'i ye shes rjes su 'gro ba snang ba zhes bya'o/ /kye rgyal ba'i sras dag gzhan 
yang byang chub sems dpa' sems dpa' chen po stong gsum gyi stong chen po'i 'jig rten gyi khams kyi rdul shin tu phra ba snyed kyi stong gsum gyi stong chen po'i 'jig rten gyi khams rnams/ stong gi 'jig rten gyi khams re re la byin gyis 
rlob ste/ 'jig rten gyi khams de dag re re yang lus rnam par dmigs pa/ stong gsum gyi stong chen po'i 'jig rten gyi khams kyi rdul shin tu phra ba snyed yang dag par ston to/ /lus de dag re re las kyang 'od gzer gyi dkyil 
'khor stong gsum gyi stong chen po'i 'jig rten gyi khams kyi rdul shin tu phra ba snyed rab tu 'gyed do/ /'od gzer re re la yang kha dog stong gsum gyi stong chen po'i 'jig rten gyi khams kyi rdul shin tu phra ba snyed yang dag par ston te/ kha dog </font><hr>36-1-301b<br><font size=+1>
de dag re res kyang 'jig rten gyi khams stong gsum gyi stong chen po'i 'jig rten gyi khams kyi rdul shin tu phra ba snyed snang bar byed do/ /snang ba de dag re res kyang sems can stong gsum gyi stong chen po'i 'jig rten gyi khams kyi rdul shin tu phra ba snyed yongs su smin par byed do/ /
de la yang byang chub sems dpa' des 'jig rten gyi khams rab tu shes so/ /'jig rten gyi khams rnam par phye ba rab tu shes so/ /'jig rten gyi khams kun nas nyon mongs pa rab tu shes so/ /'jig rten gyi khams rnam par dag pa rab tu shes so/ /'jig rten gyi khams su 'gro ba 
rab tu shes so/ /'jig rten gyi khams byin gyis brlab pa rab tu shes so/ /'jig rten gyi khams su gnas par bya ba rab tu shes so/ /'jig rten gyi khams snang bar bya ba rab tu shes so/ /'jig rten gyi khams nas 'gro ba'ang rab tu shes so/ /de ltar byang chub sems dpa' 'jig 
rten gyi khams la de ltar 'jug kyang 'jig rten gyi khams ji lta ba de bzhin du byang chub sems dpa' la 'jug ste/ 'jig rten gyi khams rnam par dmigs pas/ 'jig rten gyi khams spro bar yang myi byed de/ chos kyi rang bzhin las kyang 'jig rten gyi khams 'jig par myi byed do// //
sangs rgyas rmad ga cad ces bya ba shin tu rgyas pa chen po'i mdo/bam po nyi shu gsum pa/ kye rgyal ba'i sras dag /'di lta ste dper na lha'i bu nyi ma 'char ba'i tshe ri rab ri'i rgyal po 'khor bar gnas pa'i rin po che'i ri bdun la 'char bar 'gyur te/ ri bdun po de dag la shar nas ri 
mtshams kyi gnas bdun po shin tu rub pa de dag tu 'ang snang ba'i tshul gyis kun tu 'char ro/ /de yang rin po che'i ri bdun po gser gyi mdog can de dag la nyi ma'i gzugs brnyan snang bas ri bdun gyi nyi ma'i gzugs brnyan ri mtshams bdun po de dag tu snang ba'i tshul gyis 'char 
bar 'gyur te/ ri mtshams bdun po de dag kyang gser gyi mdog tu 'dug pas/ de dag las kyang ri bdun po de dag la gzugs brnyan gyi tshul du nyi ma'i 'od 'char shing rnam par dmigs par 'gyur ro/ /de ltar na gcig gis gcig snang bar </font><hr>36-1-302a<br><font size=+1>
bya ba'i tshul du ri mtshams de dag tu nyi ma'i gzugs brnyan shar cing rin po che'i ri de dag la nyi ma'i gzugs brnyan 'byung bas de'i phyir rin po che'i ri rnams las nyi ma 'char zhes bya'o/ /de ltar gcig nas gcig tu snang 
ba rnam par dmigs par brgyud pas nyi ma'i dkyil 'khor gyi mthar thug pa med de/ de ltar snang ba yang dngos po yang ma yin/ dngos po ma yin pa'ang ma yin/ yod pa'ang ma yin/ med pa'ang ma yin/ ri rnams la gnas pa'ang ma yin 
nang du phyin pa 'ang ma yin/ phyi rol na gnas pa 'ang ma yin/ de dag dang bral bar gnas pa 'ang ma yin no/ /kye rgyal ba'i sras dag de bzhin du byang chub sems dpa' sems dpa' chen po byang chub sems dpa'i ting nge 'dzin 'di la 
gnas pa yang 'jig rten gyi khams rnam par dmigs pa 'jig par yang mi byed do/ /chos rnams kyi rang bzhin yang yongs su mi spong ngo / /byang chub sems dpa' de nyid 'jig rten gyi khams kyi nang du phyin pa 'ang ma yin no/ /byang chub sems 
dpa' de 'jig rten gyi khams rnam par dmigs pa'i phyi rol na 'dug pa 'ang ma yin no/ /byang chub sems dpa' de 'jig rten gyi khams la yang mi rtog ste/ byang chub sems dpa' de 'jig rten gyi khams la rnam par rtog pa 'ang ma yin no/ /byang chub sems 
dpa' de 'jig rten gyi khams kyi mtshan ma rnam par 'jig par byed pa yang ma yin no/ /chos thams cad kyi mtshan nyid gcig po yang mtshan nyid med pa las rnam par mi zlog ste/ byang chub sems dpa' de yang chos rnam par dbye ba 'khrug par mi byed do/ /byang chub sems dpa' 
de de bzhin nyid kyi rang bzhin gnas pa de las kyang phyir mi ldog go /kye rgyal ba'i sras dag 'di lta ste dper na/ sgyu ma'i gtsug lag mig 'phrul zhes bya ba 'jig rten na yod de/ sgyu ma'i mkhan po sgyu ma'i gtsug lag de la shin tu bslabs shing </font><hr>36-1-302b<br><font size=+1>
nan tan tu byed byed pa rnams lam po che'i bzhi mdo dag tu 'khod cing 'gro ba'i tshogs chen po 'dus pa dag gi mdun du skad cig yud tsam du nyi ma gcig dang / nyin zhag bdun dang zla ba phyed dang / zla ba gcig dang zla ba gcig kyang ston to/ /lo gcig kyang 
ston to/ /lo brgya yang ston to/ /grong yang ston to/ /yul yang ston to/ chu klung gi rgyun kyang ston to/ /rgya mtsho yang ston to/ /sprin yongs su sdud pa yang ston to/ /sprin chen po las char 'bab pa yang ston to/ /gnam stong pa las char 'bab pa yang 
ston to/ /'jig rten gyi gnas rnam pa sna tshogs yang ston te/ de ltar bstan pas nyi ma gcig po 'ji+ig par mi 'gyur ro/ /nyi ma gcig pos kyang nyin zhag dang zla ba dang lo de dag 'jig par mi 'gyur ro/ /yun ring pos kyang sgyu ma ston cing bsgrub pa zad 
par mi 'gyur te/ sgyu ma bstan pa'i dus kyis kyang yun ring po rnam par dmigs pa zad par mi 'gyur ro/ /kye rgyal ba'i sras dag de bzhin du byang chub sems dpa' sems dpa' chen po ting nge 'dzin 'di la mnyam par gzhag pa yang 'jig rten gyi khams 
gcig tu 'jig rten gyi khams grangs med pa la 'jug pa rab tu ston to/ /rlung gi phung po dang / me'i phung po dang / chu'i phung po dang / sa'i phung por bcas pa dang / rgya mtsho dang gling du bcas pa dang / rin po che'i ri dang ri rab dang khor 
yug dang / btang bzung dang khor yug chen pos yongs su bskor bar bcas pa dang / mi'i 'jig rten dang grong rdal dang yul gru dang / grong gi gang par bcas pa dang / bza' shing gi ra ba dang / chu klung dang / mtsho dang lteng kar bcas pa dang / 
lha'i gnas dang / rgyan du bcas pa dang / klu'i gnas su bcas pa dang / gnod sbyin gyi gnas su bcas pa dang / dri za'i gnas su bcas pa dang / lha ma yin gyi gnas su bcas pa dang nam mkha' lding gi gnas su bcas pa dang / mi 'am ci'i </font><hr>36-1-303a<br><font size=+1>
gnas su bcas pa dang / mi'i rgyan dang gnas su bcas pa dang / 'dod pa'i khams kyi yul dang bcas pa dang / gzugs kyi khams kyi yul dang bcas pa dang / gzugs med pa'i khams kyi yul dang bcas pa 
dang / 'jig rten gyi khams byur bur bcas pa dang / 'jig rten gyi khams stong du bcas pa dang / 'jig rten gyi khams stong gsum du bcas pa dang / las dang rnam par smin par bcas pa dang / shi 'pho dang skye bar bcas pa dang / sems 
can du bcas pa dang yun ring por bcas pa dang / yud tsam thang cig tu bcas pa dang / nyi mar bcas pa dang / dus mtshams su bcas pa dang / zla ba dang lo dang lo brgyar bcas pa dang bskal pa dang / 'jig pa dang 'du bar bcas pa dang / 
kun nas nyon mongs pa dang rnam par dag pa dang / yangs pa dang phra ba dang rgya che ba dang tshad med par bcas pa dang / sangs rgyas skye bar bcas pa dang / byang chub sems dpa'i 'khor du bcas pa dang / 'dul ba'i sems can du bcas 
pa dang / sangs rgyas rnam par 'phrul pa'i yul dang thams cad du byin gyis brlab pa dang / sangs rgyas kyi zhing rnam par dag par bcas pa dang / yul dang phyogs dang / gzhi sna tshogs dang / gnas snod du mas gang ba dang / 'gro ba'i rgyud sna 
tshogs dang / sems can gyi ris bsam gyis mi khyab par bcas pa dang / sngon gyi mtha' dang phyi ma'i mtha' dang / da ltar byung ba dang / rin po che sna tshogs dang / rin po che du ma dang / las dang rnam par smin pa sna tshogs rnam par 
dag par bcas pa dang / 'jig rten gyi khams de dag la 'jig rten gyi khams gcig tu 'jug pa'i tshe/ 'jig rten na yod pa dang / 'jig rten du gtogs pa'i sems can de dag thams cad kyang ston to/ mthong bar byed do/ /shes par byed </font><hr>36-1-303b<br><font size=+1>
do/ /rnam par dpyod do/ /rtogs par byed do/ /rab tu shes par byed do/ /khong du chud par byed do/ /de la yang dag par 'jug pa yang mi zad pa'i ye shes kyis thob par gyur par yang dag pa ji lta ba bzhin du ma nor bar lta'o/ /'jig rten 
gyi khams kyi grangs de dag gis kyang 'jig rten gyi khams 'di dag rnam par 'jig par mi byed de 'jig rten gyi khams 'di dag gis 'jig rten gyi khams de dag rnam par 'jig par myi byed do/ /de ci'i phyir zhe na/ byang chub sems dpa' ni chos 
thams cad la srog med pa'i chos la yongs su rab tu zhugs pa ste/ byang chub sems dpa' ni byed pa med pa'i chos la rab tu zhugs pas spyod pa thams cad la rlom sems med do/ /byang chub sems dpa' ni 'jig rten thams cad nyon mongs pa 
med pa'i chos la brtson pas bdag med pa la spyod pa yin/ byang chub sems dpa' ni lus thams cad la rten cing 'brel bar 'byung ba'i chos su yang dag pa ji lta ba bzhin du lta bas sems can med pa la spyod pa yin/ byang chub sems dpa' ni 
skye ba dang 'jig pa thams cad chos kyi rgyud kyi rgyu las byung ba'i chos su rtogs pas gang zag med pa la spyod pa yin/ byang chub sems dpa' ni chos kyi rang bzhin yang dag par blang ba la zhugs pas shed can dang shed las skyes pa med pa la 
gnas pa yin/ byang chub sems dpa' ni chos thams cad rang bzhin gyis dben pas byed pa po med pa la spyod pa yin/ byang chub sems dpa' ni chos thams cad la de bzhin gshegs pa'i spyod pa rnam par phye ba gcig gis spyod pas rnam par 
mi rtog pa la spyod pa yin/ byang chub sems dpa' ni chos kyi dbyings dbyer med pa'i chos nyid kyis bsam gyis mi khyab pa la gnas pa yin/ byang chub sems dpa' ni thabs kyi rnam grangs la mkhas shing sems can gdul ba la brtson </font><hr>36-1-304a<br><font size=+1>
pas snying rje chen po la spyod pa yin te/ de ltar na byang chub sems dpa' sems dpa' chen po 'jig rten gyi khams gcig rnam par gzhog pas 'jig rten gyi khams rnam par dgod pa grangs med pa la 'jug go /bskal pa 
grangs med pa'i rgyud rab tu shes so/ /byang chub sems dpa'i 'jug pa grangs med pa yang dag par mthong ngo / /sangs rgyas grangs med pa'i rjes su yang dag par 'brang ngo / /de bzhin gshegs pa dgra bcom pa yang dag par rdzogs 
pa'i sangs rgyas de dag gis chos bstan pa yang dag par 'dzin to/ /byang chub sems dpa'i spyod pa de la bdag yang dag par spyod par mthong ste/ 'di nas kyang bdag gud du g.yo ba myed do/ /de dag dang bdag tu tha dad pa 
med par yang rab tu shes te/ chos kyi dbyings la 'jug pas kyang rgyun chad pa med par rab tu 'jug go /ye shes kyi rjes su 'jug cing / phyir mi ldog pa 'ang rab tu shes te/ dper na sgyu ma'i mkhan po des 'di la gnas shing sgyu 
ma thams cad ston kyang sgyu ma'i sprul pa des sa 'di skyon can du'ang mi 'gyur la/ sgyu ma'i sprin de dag gis kyang sa 'di rlan par mi 'gyur te/ sgyu ma'i nyi ma des mun pa'i grangs su bya ba 'di dag bstsal bar yang mi 'gyur ro/ /de bzhin du byang 
chub sems dpa' yang sangs rgyas kyi zhing gi yul la zhing du 'jug pa'ang byed/ 'jig rten ma yin pa'i yul la 'jig rten yang rab tu shes/ gzugs med pa'i yul la gzugs su byin gyis rlob pa'ang shin tu ston te/ gcig gis 
gnyis pa yang 'jig par mi byed do/ /gnyis pas kyang gcig 'jig par mi byed do/ /de ni des 'jig rten gyi chos thams cad sgyu ma'i dra bar chos kyi rang bzhin la 'jug pas rab tu shes shing khong du chud pa dang / ye shes </font><hr>36-1-304b<br><font size=+1>
kyi rang bzhin la 'jug pa dang / las kyi rang bzhin la 'jug pas khong du chud pa dang / las kyi rang bzhin ye shes kyi rang bzhin du rab tu bsgrub pa dang / ye shes kyi rang bzhin du las thams cad rab tu spyod pas de'i phyir rab tu 
shes so/ /'di lta ste dper na/ sgyu ma'i mkhan po de ni sgyu ma'i rnam par ston na sa med par yongs su ston pa ma yin/ skye bo'i tshogs sna tshogs med par yongs su ston pa'ang ma yin no/ /de bzhin du byang chub sems 
dpa' yang nam mkha'i rang bzhin med par 'jig rten thams cad la yongs su 'jug pa 'ang ma yin/ 'jig rten gyi khams rnam pa med par nam mkha'i rang bzhin la 'jug pa'ang ma yin no/ /de ci'i phyir zhe na/ nam mkha'i rang 
bzhin yang 'jig rten dang tha mi dad/ 'jig rten gyi rnam pa yang nam mkha'i rang bzhin dang tha mi dad de/ byang chub sems dpa' de ni nam mkha'i rang bzhin de la 'jig rten gyi yul dang las sna tshogs kyi rgyan rnam pa sna tshogs la 
rab tu 'jug go /mngon par sgrub bo/ /yang dag par lta'o/ /rnam par lta'o/ /khong du chud par byed do/ /rtog par byed do/ /goms par byed do/ /rjes su sgom mo/ /rab tu rtog go /rnam par dpyod do/ /sems skad 
cig gis 'jig rten gyi khams grangs med pa'i 'jig pa dang / 'du ba'i rnam pa yang rab tu shes so/ /bskal pa gcig nas gcig tu brgyud pa'i rnam pa la brtson par bya ba yang rab tu shes so/ /skad cig gcig gis 
bskal pa de dag gcig nas gcig tu brgyud pa'i dus thams cad dbang du byed do/ /sems skad cig re re la bskal pa dang dus rnam par dmigs pas mang du byed pa de yang lus las gzhan du mi byed de/ de yang de bzhin </font><hr>36-1-305a<br><font size=+1>
gshegs pa'i ye shes bsam gyis mi khyab pa'i rnam par thar pa sgyu ma la byang chub sems dpa' rab tu slob cing yongs su grub pa'i pha rol tu phyin pas ye shes sgyu ma'i mthar phyin pa dang / 'jig rten sgyu ma'i grangs 
kyi rjes su zhugs pa dang / chos thams cad sgyu ma'i rang bzhin du rtogs pa dang / 'jig rten dang 'gal ba med pa'i ye shes sgyu ma'i mthar phyin pa dang / dus gsum sgyu ma tha mi dad par khong du chud pa dang / mngon par shes pa sgyu 
ma nges par rtogs pa dang / sems sgyu ma mtha' yas shing mu med pa la rab tu zhugs pa dang / sangs rgyas thams cad sgyu ma'i rang bzhin du yang dag par mos par byas pa'i phyir te/ de ltar byang chub sems dpa' 'jig rten 
gyi khams thams cad la rab tu 'jug cing rnam par spyod kyang thams cad du chags pa med de/ kun la 'ang rlom sems med do/ /'di lta ste dper na/ sgyu ma byed pa ni mig 'phrul dang sgyu ma thams cad ston kyang yongs su ston pa yang med de/ 
de la rmongs par yang mi 'gyur ro/ /de bzhin du byang chub sems dpa' rnams kyang chos thams cad la 'jug pa'i pha rol tu 'ang phyin la chos la zhugs pas rlom pa yang med do/ /kye rgyal ba'i sras dag /'di ni byang chub sems 
dpa' sems dpa' chen po rnams kyi ting nge 'dzin rgya chen po la mkhas pa'i ye shes yid du 'ong ba zhes bya ba ste gnyis pa'o/ /kye rgyal ba'i sras dag /gzhan yang byang chub sems dpa' sems dpa' chen po dag shar phyogs 
logs su 'jig rten gyi khams grangs med pa 'das shing / der sangs rgyas kyi zhing 'byam klas pa gcig nas gcig tu brgyud pa'i rjes su song ba zhes bya ba'i ting nge 'dzin la snyoms par 'jug go /'jig rten gyi khams de dag ji snyed </font><hr>36-1-305b<br><font size=+1>
'das pa de snyed kyi sangs rgyas kyi zhing gi rdul shin tu phra ba snyed kyi 'jig rten gyi khams 'das nas/ 'jig rten gyi khams de dag tu'ang 'jig rten gyi khams la lar nyi ma rangs par snyoms par 'jug go /la lar snga dro'i dus la lar nyi ma gung 
gi dus la lar phyi dro'i dus la lar snga dro'i thun gyi dus/ la lar nyi ma gung gi thun gyi dus/ la lar phyi dro'i thun gyi dus/ la lar skad cig gcig gi dus/ la lar yud tsam cig gi dus/ la lar thang cig gi dus/ la lar srod kyi dus 
la lar yud du yan man gyi dus/ la lar zla ba gcig gi dus/ la lar lo'i dus/ la lar lo brgya stong gi dus/ la lar lo bye ba brgya stong gi dus/ la lar lo bye ba khrag khrig brgya stong gi dus/ la lar bskal pa gcig gi dus/ 
la lar bskal pa brgya'i dus/ la lar bskal pa stong gi dus/ la lar bskal pa brgya phrag stong gi dus/ la lar bskal pa bye ba khrag khrig brgya stong gi dus/ la lar bskal pa tshad med pa'i dus/ la lar bskal pa dpag tu med 
pa'i dus/ la lar bskal pa mu med pa'i dus/ la lar bskal pa mtha' yas pa'i dus/ la lar bskal pa grangs med pa'i dus/ la lar bskal pa bsam gyis mi khyab pa'i dus/ la lar bskal pa gzhal du med pa'i dus/ 
la lar bskal pa bgrang du med pa'i dus/la lar bskal pas mtshams med pa'i dus/ la lar bskal pa brjod du med pa'i dus su snyoms par 'jug kyang / byang chub sems dpa' des chos sgyu ma de dag ring du gnas par sems par 
mi 'gyur ro/ /dus gzhan du rjes su 'brang bar yang mi sems te/ /byang chub sems dpa' de dus rnam pa tha dad pa sna tshogs de dag la mngon par chags par yang myi byed do/ /mngon par zhen pa yang mi byed do/ /dbang du yang mi byed do/ /</font><hr>36-1-306a<br><font size=+1>
mi rtog go /rnam par mi rtog go /chos thams cad la nyams pa med par gzhol bas byams pa'i mngon par shes pa dang ldan pa yin/ ting nge 'dzin gyi mngon par shes pa dang ldan pa yin/ kye rgyal ba'i sras dag /
'di lta ste dper na/ lha'i bu nyi ma ni nyin par snang bar byed cing 'gro yang / nyin par dang yang 'grogs pa med/ mtshan mo dang yang mi 'grogs so/ /'gro ba'i tshe 'ang nyin mor snang la/ nub nas 
kyang mtshan mor snang ngo / /'on kyang nyin par yang skyed pa med la mtshan mo yang gshig pa med do/ /de bzhin du byang chub sems dpa' sems dpa' chen po yang 'jig rten gyi khams grangs med pa dag tu snyoms par zhugs shing / 
grangs su brjod pas rnam par ston to/ /kye rgyal ba'i sras dag /'di ni byang chub sems dpa' sems dpa' chen po rnams kyi ting nge 'dzin rgya chen po la mkhas pa'i ye shes zhing 'byam klas pa gcig nas gcig tu brgyud pa'i rjes su song ba 
zhes bya ba ste gsum pa'o/ /kye rgyal ba'i sras dag /gzhan yang byang chub sems dpa' sems dpa' chen po rnams ni sems can gyi lus sangs rgyas kyi skur mngon par mos par byed de/ des de bzhin gshegs pa shin tu mang 
po mthong bas 'jig rten gyi khams grangs med pa'i rdul shin tu phra ba snyed kyi de bzhin gshegs pa de dag la spos kyi rnam pa'i mchog thams cad kyis mchod pa byed do/ /me tog sna tshogs yid du 'ong ba thams cad kyis mchod pa byed do/ /zhing yangs 
pa'i rnam pa sangs rgyas kyi zhing grangs med pa'i rdul shin tu phra ba snyed kyis mchod pa byed do/ /rgyan gyi rnam par 'gro ba thams cad las shin tu 'das pa thams cad kyis mchod pa byed do/ /'gro ba thams cad kyi rin po che sna tshogs tshad med pas kun tu </font><hr>36-1-306b<br><font size=+1>
yog pa'i rnam pa thams cad kyis mchod pa byed do/ /rgyan rnam par phye ba'i tshogs kyi rnam pa thams cad kyis mchod pa byed do/ /nor bu rin po che sna tshogs dam pa'i gtsug lag khang gi rnam pa grangs med pa thams cad kyis mchod pa byed do/ /lha rdzas las 
kyang 'das pa'i man bstsal dang / zhal zas sangs rgyas kyi byin gyis brlabs pa'i rnam pa dam pa thams cad kyis mchod pa byed do/ /sangs rgyas kyi zhing thams cad rnam par dag par bya ba'i rgyan sna tshogs rnam pa tha dad pa 
ma lus pa sangs rgyas bsnyen bkur ba dang / mchod pa'i rnam par gtogs pas sangs rgyas thams cad la rim gro bya ba'i tshul dang ldan par mchod pa byed do/ /de bzhin gshegs pa de dag gi zhabs la'ang phyag 'tshal zhing lus 
thams cad kyis rab tu 'bebs so/ /rje sar zhu ba rnams kyang byed de/ sangs rgyas kyi chos kyang shin tu rtogs par byed do/ /sangs rgyas kyi bstan pa yang rab tu 'dzin to/ /sangs rgyas kyi che ba nyid kyang khong du chud par byed 
do/ /de bzhin nyid la yang yang dag par 'jug pas rab tu 'jug go /snying rje chen po'i rjes su 'brang ba 'ang rab tu byed do/ /chags pa med pa'i stobs rab tu spel ba la'ang mngon par mos shing / sangs rgyas kyi chos thams cad kyang yongs 
su 'thob par byed do/ /sems can thams cad kyi gtso bo'i rjes su yang rab tu 'brang ste/ skad cig gcig gis mthar yang rab tu 'jug go /de bzhin gshegs pa de dag 'byung ba'i tshe'ang skye ba mi dmigs so/ /de bzhin gshegs pa 
de dag mya ngan las 'da' ba'i tshe'ang 'jig pa mi dmigs so/ /kye rgyal ba'i sras dag /'di lta ste dper na/ g.yeng ba'i sems kyis yul rnam par dmigs pa ni gzugs las kyang ma byung dmigs pa las kyang ma byung </font><hr>36-1-307a<br><font size=+1>
ngo / /sems rnam par mi dmigs pa'i tshe'ang mi dmigs pa gang las kyang 'gag par mi 'gyur ro/ /kye rgyal ba'i sras dag /de bzhin du byang chub sems dpas kyang de bzhin gshegs pa de dag 'byung ba'i 
tshe 'byung ba mi dmigs so/ /de bzhin gshegs pa de dag mya ngan las 'da' pa'i tshe'ang 'jig par mi dmigs so/ /kye rgyal ba'i sras dag /'di lta ste dper na/ nyi ma'i gung la smig rgyu ba snang ba ni sprin las byung ba'ang ma yin/ rgya mtsho las 
byung ba 'ang ma yin/ sprin la gnas pa yang ma yin/ sa la gnas pa yang ma yin/ phyogs nas byung ba yang ma yin/ dge ba yang ma yin/ mi dge ba yang ma yin/ dad pa yang ma yin/ rnyog pa can yang ma yin/ btung ba 
yang ma yin/ bdo ba yang ma yin/ dngos po yod pa yang ma yin/ dngos po med pa yang ma yin/ ro dang ldan pa yang ma yin/rnam par dmigs pa dang rnam par mi dmigs pa'i grangs su yang mi chud na/ de'i rkyen gyis rnam par shes 
par gdags pa 'ang yod de/ smig rgyu pa'i rgyud ji lta ba de bzhin du chu klung gi 'du shes skye ste/ rgyang ring po nas 'du shes dang rnam par shes pa skye'o/ /nye bar bsnyen na 'jig cing smig rgyu bar rnam par dmigs pa yang med do/ /kye rgyal 
ba'i sras dag /de bzhin du byang chub sems dpas kyang de bzhin gshegs pa de dag skye ba'i tshe'ang skye bar mi dmigs so/ /de bzhin gshegs pa de dag mya ngan las 'da' ba'i tshe 'ang 'jig par mi dmigs kyang mtshan yod pas sangs 
rgyas la sangs rgyas kyi 'du shes kyis rnam par dmigs so/ /mtshan myed pas mtshan med pa'i mtshan mas mi dmigs te/ kye rgyal ba'i sras dag /'di ni byang chub sems dpa' sems dpa' chen po rnams kyi ting nge </font><hr>36-1-307b<br><font size=+1>
'dzin lhag pa'i bsam pa gtsang mas spyod pa zhes bya ba ste/ de la snyoms par zhugs shing rnam par langs kyang de ni 'jig pa med do/ /kye rgyal ba'i sras dag /'di lta ste dper na/ mi gnyid kyis log pa rmi lam rmis nas sad de 
mtshan ma yid kyis zin la dran zhing rmi lam bsgribs pa med pa rnam par dmigs pa ni sad kyang rmi lam rjes su dran pas yongs su dran no/ /kye rgyal ba'i sras dag /de bzhin du byang chub sems dpa' sems dpa' chen po rnams 
kyang sangs rgyas mthong ba'i mtshan ma yang yongs su 'jig par mi byed do/ /sangs rgyas kyi chos blangs pa rnams kyang yang dag par 'dzin to/ /de bzhin gshegs pa de dag gis 'khor gyi dkyil 'khor rnam par dag par yang bsam 
pa ji lta ba bzhin du rnam par dmigs so/ /sangs rgyas kyi zhing gi rgyan kyang rjes su 'thob par byed do/ /don gyi tshul yang rnam par 'phel bar byed do/ /chos thams cad kyi tshul yang rnam pa du mar yongs su sbyong ngo / /ye shes kyi sgron 
ma yang shin tu yangs par byed do/ /sangs rgyas kyi rigs kyang rnam par 'phel bar byed do/ /mi 'jigs pa yongs su dag pa yang rab tu brjod do/ /tha dad pa yang dag par shes pa mi zad pa'ang rab tu ston to/ /kye rgyal ba'i sras 
dag 'di ni byang chub sems dpa' sems dpa' chen po rnams kyi ting nge 'dzin rgya chen po la mkhas pa'i ye shes bzhi pa'o/ /kye rgyal ba'i sras dag /gzhan yang byang chub sems dpa' sems dpa' chen po rnams ni sangs rgyas bcom ldan 'das 
rnams kyi 'od la rab tu 'jug go/ bskal pa gcig nas gcig tu brgyud pas/ zhing gcig nas gcig tu brgyud pa khong du chud par byed do/ /zhing gcig nas gcig tu brgyud pas sangs rgyas gcig nas gcig tu brgyud pa rab tu shes so/ /</font><hr>36-1-308a<br><font size=+1>
sangs rgyas gcig nas gcig tu brgyud pas chos bstan pa gcig nas gcig tu brgyud pa rab tu shes so/ /chos gcig nas gcig tu brgyud pas/ bsam pa gcig nas gcig tu brgyud pa rab tu shes so/ /
bsam pa gcig nas gcig tu brgyud pas/ dbang po gcig nas gcig tu brgyud pa rab tu shes so/ /dbang po gcig nas gcig tu brgyud pas/ 'dul ba gcig nas gcig tu brgyud pa rab tu shes so/ /'dul ba gcig nas gcig tu 
brgyud pas/ de bzhin gshegs pa rnams kyi sku tshe gcig nas gcig tu brgyud pa rab tu shes so/ /sku tshe gcig nas gcig tu brgyud pas/ lo grangs bye ba khrag khrig gcig nas gcig tu brgyud pa rab tu shes pa ste/ de ltar de bzhin gshegs pa 
rnams kyi ye shes mtha' yas pa 'dab chags par rab tu shes so/ /de bzhin du 'das pa'i zhing rnams 'dab chags par rab tu shes so/ /de bzhin du 'das pa'i chos kyi rnam grangs rnams 'dab chags par rab tu shes so/ /de 
bzhin du 'das pa'i bskal pa rnams 'dab chags par rab tu shes so/ /de bzhin du 'das pa'i chos rnams 'dab chags par rab tu shes so/ /de bzhin du 'das pa'i sems can rnams 'dab chags par rab tu shes so/ /de bzhin 
du 'das pa'i mos pa rnams 'dab chags par rab tu shes so/ /de bzhin du 'das pa'i sems can gyi spyod pa rnams 'dab chags par rab tu shes so/ /de bzhin du 'das pa'i nyon mongs pa rnams 'dab chags par rab tu shes so/ /de bzhin 
du 'das pa'i bag chags rnams 'dab chags par rab tu shes so/ /de bzhin du 'das pa'i rnam par byang ba rnam par dag pa rnams 'dab chags par rab tu shes so/ /de dag ting nge 'dzin 'das pa rnam par dag pa'i snying po zhes bya ba la snyoms </font><hr>36-1-308b<br><font size=+1>
par 'jug ste/ sems bskyed pa gcig gis bskal pa brgya phrag stong la 'jug go /de dang 'dab chags pa'i sems mtha' yas pas bskal pa bye ba khrag khrig brgya phrag stong la 'jug go /bskal pa tshad med pa la 'jug go /bskal pa dpag tu med 
pa la 'jug go /bskal pa gzhal du med pa la 'jug go /bskal pa mu med pa la 'jug go /bskal pas mtshams med pa la 'jug go /bskal pa grangs med pa la 'jug go /bskal pa bsam gyis mi khyab pa la 'jug go /bskal pa 
dpag gis mi khyab pa la 'jug go /bskal pa brjod du med pa'i yang brjod du med pa la 'jug go /de dag ting nge 'dzin da ltar byung ba 'gag pa med pa la 'das pa ma skyes shing bsgribs pa med pa zhes bya ba la snyoms par 'jug ste/ ting nge 'dzin de la 
de dag chos bcus dbang bskur ba yin/ de dag de las langs nas kyang de bzhin gshegs pa rnams la dbang bskur ba'i chos bcu po de dag la bsam gyis mi khyab par yang dag par 'jug go /rab tu 'thob par byed do/ /shin tu brtson 
par byed do/ /yongs su rdzogs par byed do/ /thogs pa med par yongs su khong du chud par byed do/ /rtogs par byed do/ /rjes su 'thob par byed do/ /yongs su rgyas par byed do/ /yongs su 'dzin to/ /'khor gsum la 
rab tu zhugs pas mnyam pa nyid du 'dzin par byed do/ /bcu gang zhe na 'di lta ste/ don tha dad pa yang dag par shes pa dang / nges pa'i tshig tha dad pa yang dag par shes pas chud mi za ba dang / 'phral du bsgrub pa ma yin pa'i 
spobs pa tha dad pa yang dag par shes pa dang / gcad du med pa'i chos tha dad pa yang dag par shes pa dang / mi 'jigs pa rnams la rang byung ba dang / sems can med pa'i tshig rab tu brten pa dang / sems can thams cad kyi 'jug </font><hr>36-1-309a<br><font size=+1>
pa'i tshul dang / khams gsum pa'i dam pa dang dge ba'i rtsa ba bla na med pa dang / de bzhin gshegs pa'i sku rdul gcig gi tshad du ston pa ste/ des de bzhin gshegs pa'i sku rdul brgya'i bar gyi tshad du rab tu mthong ngo / /de bzhin gshegs pa'i sku rdul stong gi tshad 
du rab tu mthong ngo / de bzhin gshegs pa'i sku rgyang grags tsam du rab tu mthong ngo / /de bzhin gshegs pa'i sku dpag tshad phyed tsam du rab tu mthong ngo / /de bzhin gshegs pa'i sku dpag tshad gcig tsam du rab tu mthong ngo / /de bzhin 
gshegs pa'i sku dpag tshad bcu tsam du rab tu mthong ngo / /de bzhin gshegs pa'i sku dpag tshad brgya tsam du rab tu mthong ngo / /de bzhin gshegs pa'i sku dpag tshad brgya stong tsam du rab tu mthong ngo / /de bzhin gshegs pa'i 
sku 'dzam bu'i gling tsam du rab tu mthong ngo / /de bzhin gshegs pa'i sku gling bzhi'i 'jig rten gyi khams tsam du rab tu mthong ngo / /de bzhin gshegs pa'i sku stong gi 'jig rten gyi khams tsam du rab tu mthong ngo / /de bzhin gshegs 
pa'i sku stong gnyis kyi 'jig rten gyi khams tsam du rab tu mthong ngo / /de bzhin gshegs pa'i sku stong gsum gyi stong chen po'i 'jig rten gyi khams tsam du rab tu mthong ngo / /de bzhin gshegs pa'i sku 'jig rten gyi khams brgya'i tshad du 
rab tu mthong ngo / /de bzhin gshegs pa'i sku 'jig rten gyi khams stong gi tshad du rab tu mthong ngo / /de bzhin gshegs pa'i sku 'jig rten gyi khams brgya phrag stong gi tshad du rab tu mthong ngo / /de bzhin gshegs pa'i sku 'jig 
rten gyi khams bye ba brgya stong gi tshad du rab tu mthong ngo / /de bzhin gshegs pa'i sku 'jig rten gyi khams tshad med pa'i tshad du rab tu mthong ngo / /de bzhin gshegs pa'i sku 'jig rten gyi khams dpag tu med pa'i tshad du rab tu mthong </font><hr>36-1-309b<br><font size=+1>
do/ /de bzhin gshegs pa'i sku 'jig rten gyi khams grangs med pa'i tshad du rab tu mthong ngo / /de bzhin gshegs pa'i sku 'jig rten gyi khams mtha' yas pa'i tshad du rab tu mthong ngo / /de bzhin gshegs pa'i sku 'jig rten gyi khams 
mu med pa'i tshad du rab tu mthong ngo / /de bzhin gshegs pa'i sku 'jig rten gyi khams bsam gyis mi khyab pa'i tshad du rab tu mthong ngo / /de bzhin gshegs pa'i sku 'jig rten gyi khams gzhal du med pa'i tshad du rab tu mthong ngo / /
de bzhin gshegs pa'i sku 'jig rten gyi khams dpag tu med pa'i tshad du rab tu mthong ngo / /de bzhin gshegs pa'i sku 'jig rten gyi khams bgrang du med pa'i tshad du rab tu mthong ngo / /de bzhin gshegs pa'i sku 'jig rten gyi khams 
sa mtshams med pa'i tshad du rab tu mthong ngo / /de bzhin gshegs pa'i sku 'jig rten gyi khams brjod du med pa'i tshad du rab tu mthong ngo / /de bzhin gshegs pa'i sku 'jig rten gyi khams brjod du med pa'i yang brjod du med pa'i tshad du rab tu mthong 
ngo de ltar na byang chub sems dpa' de bzhin gshegs pa'i sku de lta bu'i kha dog tshad med par rab tu mthong ngo / /de lta bu'i sku gzugs tshad med par rab tu mthong ngo / /de lta bu'i mtshan tshad med par rab tu mthong ngo / /de lta bu'i 'od tshad 
med par rab tu mthong ngo / /de lta bu'i 'od gzer gyi dra ba snang ba tshad med par rab tu mthong ngo / /chos kyi dbyings tshad med par rab tu mthong ngo / /chos kyi dbyings mtha' dang dbus med par rab tu mthong ngo / /chos kyi 
dbyings thams cad ye shes kyis khong du chud par rab tu mthong ngo / /chags pa med pa'i lus rab tu mthong ngo / /bsgribs pa med pa'i rnam par dag pa rab tu mthong ngo / /de ltar byang chub sems dpa' de bzhin gshegs pa'i sku </font><hr>36-1-310a<br><font size=+1>
rab tu mthong yang de bzhin gshegs pa'i sku de rnam par 'phel bar yang mi byed/ 'grib par yang mi byed do/ /kye rgyal ba'i sras dag /'di lta ste dper na/ nam mkha' ni yungs kar srin bus zos 
pa'i sbubs kyis chung ngu byas pa yang ma yin/ 'jig rten gyi khams grangs med pa dang / 'jig rten gyi khams kyi mtshams de dag gis yangs par byas pa yang ma yin no/ /kye rgyal ba'i sras dag /de bzhin du de bzhin gshegs pa'i sku 
yang lta ba rgya chen pos yangs par byas pa 'ang ma yin/ lta ba rgya chung ngus bltas pas chung ngu byas pa yang ma yin no/ /kye rgyal ba'i sras dag /'di lta ste dper na/ zla ba'i dkyil 'khor ni 'dzam bu'i gling nas lta bas chung ngu byas 
pa 'ang ma yin/ zla ba'i dkyil 'khor la gnas te bltas pas cher byas pa 'ang ma yin no/ /kye rgyal ba'i sras dag /de bzhin du byang chub sems dpa' de dag ting nge 'dzin 'di la gnas shing sangs rgyas de dag mthong bar 
yang 'gyur la/ de bzhin gshegs pa'i sprul pa de dag kyang 'jig par mi byed do/ /bsam pa ji lta ba bzhin du yang sangs rgyas mthong bar byed do/ /sangs rgyas kyi gsung de bzhin gshegs pa'i dbyangs kyis chos ji snyed du brjod 
cing bstan pa de dag thams cad kyang rab tu 'dzin cing shes par byed pa yin/ rab tu shes par byed pa yin/ nyams pa med pa'i chos la 'ang rab tu rten pa yin/ kye rgyal ba'i sras dag /'di lta ste dper na/ sems can rnams 
kyi 'chi 'pho dang skye ba ni sems la gsol ba gdab pa med do/ /de bzhin du byang chub sems dpa'i ting nge 'dzin 'di la gnas pa'i 'jig rten gyi khams kyi rgyan dang sangs rgyas rnam par dmigs pa yang nan tan bya mi dgos </font><hr>36-1-310b<br><font size=+1>
par rnam par 'dag ste/ byang chub sems dpa' de ni myur ba bcu dang ldan pa yin/ bcu gang zhe na/ 'di lta ste/ spyod pa la yang dag par byung bas yongs su rdzogs par bya ba myur du yongs su rdzogs 
par byed pa yin/ sangs rgyas kyi chos snang bas 'jig rten myur du snang bar byed pa yin/ chos kyi 'khor lo'i thabs mkhas pas sems can myur du yongs su smin par byed pa yin/ las 
ji lta ba bzhin du sems can rnam par dmyigs pas sangs rgyas kyi zhing myur du yongs su sbyong ba yin/ stobs bcu mnyam pa nyid kyi ye shes myur du gnon pa yin/ de bzhin gshegs pa thams cad dang myur du 'grogs pa yin/ 
byams pa chen po'i stobs kyis bdud kyi dkrugs ma myur du 'joms pa yin/ the tsom yongs su gcod pas sems can thams cad myur du tshim par byed pa yin/ mos pa dang 'dul ba ji lta ba bzhin du rnam par 'phrul ba myur du yang dag 
par ston pa yin/ 'jig rten gyi khams thams cad du sgra skad sna tshogs rnam par dag par 'gyur ba'i phyir chos thams cad kyi rang bzhin dang myur du ldan par 'gyur ba yin/ byang chub sems dpa' de ni chos thams cad la byang chub sems 
dpa'i rgya bcus btab pa yin te/ bcu gang zhe na 'di lta ste/ byang chub sems dpa' de ni 'das pa dang / ma byon pa dang / da ltar byung ba'i sangs rgyas thams cad dang / dge ba'i rtsa ba gcig pa yin/ byang chub sems dpa' 
de ni mtha' dang dbus med pa'i lus kyis ye shes kyi rang bzhin gcig pa yin/ byang chub sems dpa' de ni de bzhin gshegs pa thams cad la mchod pas spyod pa gcig pa yin/ byang chub sems dpa' de ni gnyis su med pa yang dag </font><hr>36-1-311a<br><font size=+1>
par blang ba la rtogs par bzhag pas dkyil 'khor tshad med pa yin/ byang chub sems dpa' de ni chos kyi dbyings yongs su shes pas chags pa med pa'i yul dang ldan pa yin/ byang chub sems dpa' de ni stobs 
bcu'i snang ba thob pas bsgribs pa med pa'i spyod yul dang ldan pa yin/ byang chub sems dpa' de ni mi gnyis pa la yang dag par spyod pas dgang sla ba yin/ byang chub sems dpa' de ni 'gro ba thams cad 'dul ba'i phyir 
yongs su rgyun 'chad pa med pa yin/ byang chub sems dpa' de ni don shes shing mkhas par bya ba la shin tu rtogs par bzhag pa yin/ byang chub sems dpa' de ni sangs rgyas thams cad dang mi gnyis pa yin te/ kye rgyal ba'i sras dag /
'di ni byang chub sems dpa' sems dpa' chen po rnams kyi ting nge 'dzin rgya chen po la mkhas pa'i ye shes kyi tshul sangs rgyas thams cad kyis rnam par bkod pa'i 'jig rten gyi khams kyi rgyan ces bya ba ste/ ting nge 'dzin de dang ldan pa'i byang chub 
sems dpa' ni sangs rgyas kyi chos thams cad la slob dpon med pa yin/ 'gro ba thams cad du 'gro ba'i rtsal yod pas gzhan gyi dring mi 'jog pa yin/ sems rang bzhin 'od gsal zhing dag pa dang ldan pas shin tu dag pa 
yin/ 'jig rten thams cad yongs su 'grel ba la zhugs pas thu bo dam pa yin/ skye dgu thams cad la bsam pa thag pa nas phan pa yin/ ma 'ongs pa'i sangs rgyas kyi rigs rab tu bsgrub pa yin/ thams cad mkhyen pa'i sgo la rab tu 
gzhog pa yin/ gnyis su med par smra zhing nor ba med par khong du chud par ston pas de kho na nyid la mkhas pa yin/ sangs rgyas kyi chos thams cad kyi chos kyi mdzod rab tu btang ba yin/ sems can gyi ris rnams su bsam pa ji lta ba </font><hr>36-1-311b<br><font size=+1>
bzhin du chos kyi sprin gyi char 'bebs pa yin/ kye rgyal ba'i sras dag /'di lta ste dper na/ brgya byin mngon par dga' ba'i nor bu rin po che ni/ lha'i rgyal po'i spyi bo la btags na/ nor bu de'i byin gyis lha'i dbang po brgya byin 
'od dang ldan par 'gyur ba ste/ nor bu rin po che bdog pas lha'i rgyal po brgya byin chos bcus sum cu rtsa gsum pa'i lha thams cad zil gyis gnon te/ bcu gang zhe na/ sum cu rtsa gsum ris kyi lha'i bu gzhan thams cad kyi lha rdzas 
las 'das pa'i mdog dang / lha rdzas las 'das pa'i gzugs dang / lha rdzas las 'das pa'i blta na mdzes pa dang / lha rdzas las 'das pa'i 'khor dang / lha rdzas las 'das pa'i longs spyod dang / lha rdzas las 'das pa'i rdzu 
'phrul dang / lha rdzas las 'das pa'i dbang chen po dang / lha rdzas las 'das pa'i spyod pa dang / lha rdzas las 'das pa'i blo gros dang / lha rdzas las 'das pa'i shes rab ste/ de ni lha rdzas las 'das pa'i bsod nams rab tu 
grub pas nor bu rin po che de thob pa'i phyir ro/ /kye rgyal ba'i sras dag /de bzhin du byang chub sems dpa' de yang ting nge 'dzin 'di thob pas ye shes kyi tshogs chen po yangs pa'i gter chen po bcu 'thob bo/ /bcu gang zhe na/ 'di lta ste 
sangs rgyas kyi zhing thams cad snang bar bya ba'i ye shes rab tu 'thob bo/ /'di lta ste sems can gyi khams thams cad du skye zhing 'byung ba'i ye shes rab tu 'thob bo/ /'di lta ste/ dus gsum du sprul pa'i byin gyis brlabs pa'i ye shes 
rab tu 'thob bo/ /'di lta ste sangs rgyas thams cad kyi sku'i byin gyis brlabs pa'i ye shes rab tu 'thob bo/ /'di lta ste/ chos thams cad rtogs par rig pa'i ye shes rab tu 'thob bo/ /'di lta ste/ chos thams cad nye bar ston pa'i chos </font><hr>36-1-312a<br><font size=+1>
shin tu brjod pa'i ye shes rab tu 'thob bo/ /'di lta ste/ 'gro ba thams cad khongs su chudapa'i chos kyi lus kyi ye shes rab tu 'thob bo/ /'di lta ste/ chos thams cad mngon du gyur cing kun tu mthong ba'i myig 
gi ye shes rnam par dag pa rab tu 'thob bo/ /'di lta ste/ dbang thams cad kyi pha rol tu phyin pa'i ye shes rab tu 'thob bo/ /'di lta ste/ chos 'byam klas pa thams cad ma lus par khong du chud pa rab tu 'thob bo/ /ting nge 'dzin 'di 
thob ma thag tu byang chub sems dpa' de rnam par dmigs pa thams cad 'jig rten gyi khams thams cad rnam par brgyan par bya ba'i phyir dag pa'i lus bcu 'thob bo/ /bcu gang zhe na/ 'di lta ste/ 'jig rten gyi khams brjod du 
med pa'i yang brjod du med pa snang bar bya ba'i phyir/ 'od kyi dkyil 'khor brjod du med pa'i yang brjod du med pa rab tu 'gyed do/ /'di lta ste/ 'jig rten gyi khams rnam par dag par bya ba'i phyir/ kha dog du ma dang / kha dog 
sna tshogs dang / 'od kyi dkyil 'khor brjod du med pa'i yang brjod du med par byin gyis rlob po/ /'di lta ste/ sems can byin gyis brlab cing gdul ba'i phyir 'od gzer gyi dkyil 'khor brjod du med pa'i yang brjod du med pa rab 
tu 'gyed do/ /'di lta ste/ sangs rgyas thams cad kyi spyan sngar 'gro ba'i phyir lus brjod du med pa'i yang brjod du med par byin gyis rlob bo/ /'di lta ste/sangs rgyas thams cad bsnyen bkur bar bya ba'i phyir/ spos dang me tog sna 
tshogs yid du 'ong ba'i sprin du ma brjod du med pa'i yang brjod du med pa'i char mngon par 'bebs so/ /'di lta ste/ sangs rgyas bsnyen bkur ba dang / sems can gdul ba'i phyir ba spu'i khung bu re rer yang rol mo brdung ba dang dkrol ba dang </font><hr>36-1-312b<br><font size=+1>
brgya phrag du ma yid du 'ong zhing rgya che ba brjod du med pa'i yang brjod du med par byin gyis rlob bo/ /'di lta ste sems can mos pa'i tshul bzhin yongs su smin par bya ba'i phyir/ sprul pa'i rgyud rnam pa sna tshogs rnam par dag pa dang / khyu 
mchog gi mthu dang rnam par 'phrul pa'i sprul pa du ma brjod du med pa'i yang brjod du med pa la rab tu rten to/ /'di lta ste/ /phyogs bcur sangs rgyas kyi chos rnam pa tha dad pa sna tshogs yongs su dri ba'i phyir gom pa re res 'jig rten 
gyi khams brjod du med pa'i yang brjod du med pa yongs su 'da' bar byed do/ /'di lta ste/ mthong ba dang / thos pa dang / mchod pa thams cad don yod par bya ba'i phyir spyi gtsug bltar mi snang ba'i lus rnam par dag pa dang / 
gzugs dang mtshan sna tshogs rnam par dag pa brjod du med pa'i yang brjod du med pa rab tu 'thob po/ /'di lta ste/ sgra skad sna tshogs dang / sgra skad du mas 'gro ba rnams rnam par bstan pa'i phyir/ sgra dang skad dang nga ro dang / 
dbyangs kyi yan lag brjod du med pa'i yang brjod du med pa rab tu brjod do/ /de ltar byang chub sems dpa' lus kyi gzi brjid phun sum tshogs shing / rnam par dag pa bcu rab tu 'thob po/ /byang chub sems dpa' de ni sems 
can byin gyis brlab pa yongs su rdzogs par bya ba bcu rab tu 'thob ste/ bcu gang zhe na/ 'di lta ste/ sangs rgyas mthong zhing rnam par dmigs par bya ba'i phyir/ sems can rnams byin gyis rlob bo/ /'di lta ste/ sangs 
rgyas la dad pa rab tu 'thob par bya ba'i phyir/ sems can rnams byin gyis rlob bo/ /'di lta ste/ chos nyan cing khong du chud par bya ba'i phyir/ sems can rnams byin gyis rlob po/ /'di lta ste/ sangs rgyas dang bcas pa'i 'jig </font><hr>36-1-313a<br><font size=+1>
rten gyi khams bstan pa'i phyir sems can rnams byin gyis rlob po/ /'di lta ste sangs rgyas kyi rnam par 'phrul pa yang dag par bstan pa'i phyir sems can rnams byin gyis rlob bo/ /'di lta ste las ji ltar bstsags pa bzhin 
du rjes su dran par bya ba'i phyir sems can rnams byin gyis rlob bo/ /'di lta ste/ rtse gcig tu 'gyur ba yongs su rdzogs par bya ba'i phyir sems can rnams byin gyis rlob bo/ /'di lta ste sangs rgyas kyi cha byad rnam par dag par bya ba'i 
phyir sems can rnams byin gyis rlob bo/ /'di lta ste/ byang chub kyi sems la yang dag par 'jug par bya ba'i phyir sems can rnams byin gyis rlob bo/ /'di lta ste/ sangs rgyas kyi ye shes yongs su rdzogs par bya ba'i phyir/ /
sems can rnams byin gyis rlob bo/ /kye rgyal ba'i sras dag /de ltar byang chub sems dpa' de sems can byin gyis brlab pa bcu yongs su rdzogs par byed do/ /kye rgyal ba'i sras dag /de ltar byang chub 
sems dpa' sems can byin gyis brlab pa bcu yongs su rdzogs par byas nas sems can rnams la sangs rgyas kyi mdzad pa bcu byed de/ bcu gang zhe na/ 'di ltar byang chub sems dpa' ni thos pas kyang sems can 
rnams yongs su smin par byed pas sems can rnams la sangs rgyas kyi mdzad pa byed pa yin/ 'di lta ste/ byang chub sems dpa' ni mthong bas kyang sems can 'dul ba'i phyir/ sangs rgyas kyi mdzad pa byed pa yin/ 
byang chub sems dpa' ni rjes su dran pas kyang sems rnam par dag par 'gyur bas sangs rgyas kyi mdzad pa byed pa yin/ byang chub sems dpa' ni 'jig rten gyi khams skyong bas kyang ngan song gsum rnam par bzlog pa'i phyir/</font><hr>36-1-313b<br><font size=+1>
sangs rgyas kyi mdzad pa byed pa yin/ byang chub sems dpa' ni byin gyi rlabs kyis kyang sems can rnams kyi dran pa nyams par mi 'gyur ba'i phyir/ sangs rgyas kyi mdzad pa byed pa yin/ byang chub sems dpa' 
ni rmi lam du mthong bas kyang sems can rnams kyi dran pa nyams par mi 'gyur ba'i phyir/ sangs rgyas kyi mdzad pa byed pa yin/ byang chub sems dpa' ni 'od kyi dkyil 'khor 'gyed pas kyang sems can rnams kyi dran 
pa nyams par mi 'gyur ba'i phyir/ sangs rgyas kyi mdzad pa byed pa yin/ byang chub sems dpa' ni byang chub sems dpa'i spyod pa yang dag par ston pas kyang sems can rnams smon lam gyi khyad par la rab tu gzhog 
pas sangs rgyas kyi mdzad pa byed pa yin/ byang chub sems dpa' ni mngon par 'tshang rgya bas kyang sems can rnams chos khong du chud par rtogs par 'gyur ba'i phyir sangs rgyas kyi mdzad pa byed pa yin/ byang chub sems 
dpa' ni mya ngan las 'das pa ston pas kyang sems can mi dga' ba bstan pas shin tu rtogs par byed pa'i phyir/ sangs rgyas kyi mdzad pa byed pa yin te/ kye rgyal ba'i sras dag /'di dag ni byang chub sems dpa' sems can 
rnams la sangs rgyas kyi mdzad pa bcu byed pa'o/ /kye rgyal ba'i sras dag /gzhan yang byang chub sems dpa' sems dpa' chen po de ting nge 'dzin chen po lus yang dag par 'dres pa zhes bya ba la snyoms par 'jug ste/ lus yang 
dag par 'dres pa des mi gnas pa bcu yongs su rdzogs par byed do/ /bcu gang zhe na 'di lta ste/ 'jig rten gyi khams thams cad la mi gnas pa dang / phyogs thams cad la mi gnas pa dang / bskal pa thams cad la </font><hr>36-1-314a<br><font size=+1>
mi gnas pa dang / sems can thams cad la mi gnas pa dang / chos thams cad la mi gnas pa dang / byang chub sems dpa'i spyod pa thams cad la mi gnas pa dang / byang chub sems dpa'i smon 
lam thams cad la mi gnas pa dang / ting nge 'dzin thams cad la mi gnas pa dang / sangs rgyas thams cad la mi gnas pa dang / sa thams cad la mi gnas pa ste/ byang chub sems dpa' lus yang dag par 'dres pa'i 
ting nge 'dzin la gnas pa'i tshe/ gnas med pa bcu po 'di dag rab tu 'thob bo// //sangs rgyas rmad ga cad ces bya ba shin tu rgyas pa chen po'i mdo/bam po nyi shu bzhi pa/ ji ltar na byang chub sems dpa' 
sems can thams cad kyi lus yang dag par 'dres pa la mnyam par gzhog ce na/ kye rgyal ba'i sras dag /'di la byang chub sems dpa' nang gi lus su snyoms par zhugs shing phyi rol gyi lus las rnam par ldang ngo / /phyi rol gyi lus 
su snyoms par zhugs shing / nang gi lus las rnam par ldang ngo / /lus gcig tu snyoms par zhugs shing / lus tha dad pa las rnam par ldang ngo / /lus tha dad pa la snyoms par zhugs shing myi'i lus las rnam par ldang ngo / /mi'i lus su snyoms par 
zhugs shing / gnod sbyin gyi lus las rnam par ldang ngo / /gnod sbyin gyi lus su snyoms par zhugs shing / klu'i lus las rnam par ldang ngo / /klu'i lus su snyoms par zhugs shing / lha ma yin gyi lus las rnam par ldang 
ngo / /lha ma yin gyi lus su snyoms par zhugs shing / lha'i lus las rnam par ldang ngo / /lha'i lus su snyoms par zhugs shing / tshangs pa'i lus las rnam par ldang ngo / /tshangs pa'i lus su snyoms par zhugs shing / 'dod </font><hr>36-1-314b<br><font size=+1>
pa'i khams nas rnam par ldang ngo / /'dod pa'i khams nas snyoms par zhugs shing / mtho ris kyi 'jig rten nas rnam par ldang ngo / /mtho ris kyi 'jig rten du snyoms par zhugs shing / sems can dmyal ba nas rnam par 
ldang ngo / /sems can dmyal bar snyoms par zhugs shing / myi'i khams nas rnam par ldang ngo / /myi'i khams la snyoms par zhugs shing / de ma yin pa'i lam gyi rgyud gzhan nas rnam par ldang ngo / /de ma yin pa'i lam 
gyi rgyud la snyoms par zhugs shing / lus stong las rnam par ldang ngo / /lus stong la snyoms par zhugs shing / lus gcig las rnam par ldang ngo / /lus gcig la snyoms par zhugs shing / lus 
bye ba las rnam par ldang ngo / /lus bye ba la snyoms par zhugs shing / lus gcig las rnam par ldang ngo / /lus gcig la snyoms par zhugs shing / lus khrag khrig las rnam par ldang ngo / /lus khrag khrig la 
snyoms pa zhugs shing / 'dzam bu'i gling du gtogs pa'i sems can las rnam par ldang ngo / /'dzam bu'i gling du gtogs pa'i sems can la snyoms par zhugs shing / nub kyi ban lang spyod du gtogs pa'i sems can las 
rnam par ldang ngo / /nub phyogs kyi ban lang spyod du gtogs pa'i sems can la snyoms par zhugs shing / byang gi sgra mi snyan du gtogs pa'i sems can las rnam par ldang ngo / /byang gi sgra mi snyan du gtogs pa'i sems 
can la snyoms par zhugs shing / shar gyi lus 'phags por gtogs pa'i sems can las rnam par ldang ngo / /shar gyi lus 'phags por gtogs pa'i sems can la snyoms par zhugs shing / gling gsum du gtogs pa'i </font><hr>36-1-315a<br><font size=+1>
sems can las rnam par ldang ngo / /gling gsum du gtogs pa'i sems can la snyoms par zhugs shing / gling gnyis su gtogs pa'i sems can las rnam par ldang ngo / /gling gnyis su gtogs pa'i sems 
can la snyoms par zhugs shing / gling bzhir gtogs pa'i sems can las rnam par ldang ngo / /gling bzhir gtogs pa'i sems can la snyoms par zhugs shing / rgya mtshor gtogs pa'i sems can las rnam par ldang ngo / /rgya mtshor 
gtogs pa'i sems can la snyoms par zhugs shing / rgya mtsho'i lha'i lus las rnam par ldang ngo / /rgya mtsho'i lha'i lus su snyoms par zhugs shing / rgya mtshor gtogs pa'i chu'i phung po las rnam par ldang ngo / /rgya mtshor gtogs pa'i chu'i 
phung po la snyoms par zhugs shing / rgya mtshor gtogs pa'i sa'i phung po las rnam par ldang ngo / /rgya mtshor gtogs pa'i sa'i phung po la snyoms par zhugs shing / rgya mtshor gtogs pa'i mye'i phung po las rnam par ldang ngo / /rgya mtshor 
gtogs pa'i me'i phung po la snyoms par zhugs shing / rgya mtshor gtogs pa'i rlung gi phung po las rnam par ldang ngo / /rgya mtshor gtogs pa'i rlung gi phung po la snyoms par zhugs shing / 'byung ba chen po bzhi las rnam par ldang ngo / /
'byung ba chen po bzhi la snyoms par zhugs shing / chos 'byung ba med pa las rnam par ldang ngo / /chos 'byung ba med pa la snyoms par zhugs shing / ri rab las rnam par ldang ngo / /ri rab la snyoms par zhugs shing / rin po 
che'i ri bdun las rnam par ldang ngo / /rin po che'i ri bdun la snyoms par zhugs shing / rin po che'i rgyan bdun las rnam par ldang ngo / /rin po che'i rgyan bdun la snyoms par zhugs shing / sa bon dang lo tog dang / sa dang shing dang ri nag po sna tshogs </font><hr>36-1-315b<br><font size=+1>
las rnam par ldang ngo / /sa bon dang / lo tog dang sa dang shing dang / ri nag po la snyoms par zhugs shing / me tog bzang po dang dri zhim po dang rin po che'i rgyan gyis brgyan pa'i ri las rnam par ldang ngo / /me tog bzang po dang dri zhim po dang rin po che'i rgyan gyis brgyan pa'i ri la 
snyoms par zhugs shing / gling bzhi par gtogs pa'i bla dang 'og thams cad dang / sems can rnam par phye ba thams cad kyi skye gnas las rnam par ldang ngo / /gling bzhi bar gtogs pa'i bla dang 'og thams cad dang sems can rnam par phye ba thams cad kyi 
skye gnas la snyoms par zhugs shing / stong gi 'jig rten gyi khams su gtogs pa'i sems can las rnam par ldang ngo / /stong gi 'jig rten gyi khams su gtogs pa'i sems can la snyoms par zhugs shing / stong gnyis kyi 
'jig rten gyi khams su gtogs pa'i sems can las rnam par ldang ngo / /stong gnyis kyi 'jig rten gyi khams su gtogs pa'i sems can la snyoms par zhugs shing / stong gsum gyi 'jig rten gyi khams su gtogs pa'i sems can las rnam par ldang ngo / /
stong gsum gyi 'jig rten gyi khams su gtogs pa'i sems can la snyoms par zhugs shing / stong gsum gyi stong chen po'i 'jig rten gyi khams su gtogs pa'i sems can las rnam par ldang ngo / /stong gsum gyi stong chen po'i 
'jig rten gyi khams su gtogs pa'i sems can la snyoms par zhugs shing / stong gsum gyi stong chen po'i 'jig rten gyi khams khrag khrig phrag brgyar gtogs pa'i sems can las rnam par ldang ngo / /stong gsum gyi stong chen 
po'i 'jig rten gyi khams khrag khrig phrag brgyar gtogs pa'i sems can la snyoms par zhugs shing / bye ba brgya phrag stong du gtogs pa'i sems can las rnam par ldang ngo / /'jig rten gyi khams bye ba brgya phrag stong du gtogs pa'i </font><hr>36-1-316a<br><font size=+1>
sems can la snyoms par zhugs shing / 'jig rten gyi khams tshad med par gtogs pa'i sems can las rnam par ldang ngo / /'jig rten gyi khams tshad med par 
gtogs pa'i sems can la snyoms par zhugs shing / 'jig rten gyi khams grangs med par gtogs pa'i sems can las rnam par ldang ngo / /'jig rten gyi khams grangs med par gtogs pa'i sems 
can la snyoms par zhugs shing / sangs rgyas kyi zhing dpag tu med par gtogs pa'i sems can las rnam par ldang ngo / /sangs rgyas kyi zhing dpag tu med par gtogs pa'i sems can la snyoms par zhugs 
shing / sangs rgyas kyi zhing mtha' yas par gtogs pa'i sems can las rnam par ldang ngo / /sangs rgyas kyi zhing mtha' yas par gtogs pa'i sems can la snyoms par zhugs shing / sangs 
rgyas kyi zhing mu med par gtogs pa'i sems can las rnam par ldang ngo / /sangs rgyas kyi zhing mu med par gtogs pa'i sems can la snyoms par zhugs shing / 'jig rten gyi khams gzhal 
du med par gtogs pa'i sems can las rnam par ldang ngo / /'jig rten gyi khams gzhal du med par gtogs pa'i sems can la snyoms par zhugs shing / 'jig rten gyi khams 
bsam gyis mi khyab par gtogs pa'i sems can las rnam par ldang ngo / /'jig rten gyi khams bsam gyis mi khyab par gtogs pa'i sems can la snyoms par zhugs shing / 'jig rten gyi </font><hr>36-1-316b<br><font size=+1>
khams dpag gis mi lang bar gtogs pa'i sems can las rnam par ldang ngo / /'jig rten gyi khams dpag gis mi lang bar gtogs pa'i sems can la snyoms par zhugs shing / 'jig rten gyi khams brjod du med 
pa'i sems can las rnam par ldang ngo / /'jig rten gyi khams brjod du med pa'i sems can la snyoms par zhugs shing / 'jig rten gyi khams brjod du med pa'i yang brjod du med par gtogs pa'i sems can las rnam par 
ldang ngo / /'jig rten gyi khams brjod du med pa'i yang brjod du med par gtogs pa'i sems can la snyoms par zhugs shing / kun nas nyon mongs pa'i sems can las rnam par ldang ngo / /kun nas nyon mongs pa'i sems 
can la snyoms par zhugs shing / rnam par byang ba'i sems can las rnam par ldang ngo / /rnam par byang ba'i sems can la snyoms par zhugs shing / mig gi skye mched las rnam par ldang ngo / /mig gi skye mched la snyoms 
par zhugs shing / rna ba'i skye mched las rnam par ldang ngo / /rna ba'i skye mched la snyoms par zhugs shing / sna'i skye mched las rnam par ldang ngo / /sna'i skye mched la snyoms par zhugs shing / lce'i skye mched las rnam par 
ldang ngo / /lce'i skye mched la snyoms par zhugs shing / lus kyi skye mched las rnam par ldang ngo / /lus kyi skye mched la snyoms par zhugs shing / reg gi skye mched las rnam par ldang ngo / /reg gi skye mched la snyoms par 
zhugs shing / ro'i skye mched las rnam par ldang ngo / /ro'i skye mched la snyoms par zhugs shing / dri'i skye mched las rnam par ldang ngo / /dri'i skye mched la snyoms par zhugs shing / sgra'i skye mched las rnam par </font><hr>36-1-317a<br><font size=+1>
ldang ngo / /sgra'i skye mched la snyoms par zhugs shing / gzugs kyi skye mched las rnam par ldang ngo / /gzugs kyi skye mched la snyoms par zhugs shing / rdul shin tu phra ba gcig las rnam par ldang ngo / /rdul 
shin tu phra ba gcig la snyoms par zhugs shing / 'jig rten gyi khams grangs med pa'i rdul shin tu phra ba rnam par phye ba las rnam par ldang ngo / /'jig rten gyi khams grangs med pa'i rdul shin tu phra ba rnam par phye ba la snyoms par 
zhugs shing / nyan thos las rnam par ldang ngo / /nyan thos la snyoms par zhugs shing / rang sangs rgyas las rnam par ldang ngo / /rang sangs rgyas la snyoms par zhugs shing / rang gi lus las rnam par ldang ngo / /rang gi 
lus la snyoms par zhugs shing / sangs rgyas kyi sku las rnam par ldang ngo / /sangs rgyas kyi sku la snyoms par zhugs shing / sems kyi skad cig gcig las rnam par ldang ngo / /sems kyi skad cig gcig la snyoms par 
zhugs shing / bskal pa bye ba las rnam par ldang ngo / /bskal pa bye ba la snyoms par zhugs shing / sngon gyi mtha' las rnam par ldang ngo / /sngon gyi mtha' la snyoms par zhugs shing / phyi ma'i mtha' las rnam par ldang ngo / /
phyi ma'i mtha' la snyoms par zhugs shing / da ltar byung ba'i mtha' las rnam par ldang ngo / /da ltar byung ba'i mtha' la snyoms par zhugs shing / dus gsum las rnam par ldang ngo / /dus gsum la snyoms par zhugs shing / 
skad cig gi mtha' las rnam par ldang ngo / /skad cig gi mtha' la snyoms par zhugs shing / dus gsum las rnam par ldang ngo / /dus gsum la snyoms par zhugs shing /phyogs bcu nas rnam par ldang ngo / / phyogs bcur snyoms </font><hr>36-1-317b<br><font size=+1>
par zhugs shing / ngag gi lam las rnam par ldang ngo / /ngag gi lam la snyoms par zhugs shing / phyogs bcu nas rnam par ldang ngo / /kye rgyal ba'i sras dag /'di lta ste dper na/ 'byung po'i gnod sbyin gyis non pa'i mi 
ni gnod sbyin gyi dbang gis lus de dang der gyur cing 'phyan te rang la dbang med do/ /'byung po'i gnod sbyin de yang gzhan gyi lus kyi dbang gis 'gro ste/ bdag gi lus mi ston to/ /kye rgyal ba'i sras dag/ de bzhin 
du ting nge 'dzin 'di thob pa'i byang chub sems dpa' yang nang du snyoms par zhugs shing / phyi rol las rnam par ldang ngo / /phyi rol du snyoms par zhugs shing / nang nas rnam par ldang ngo / /'di lta ste dper na/ shi ba'i ro sngags 
kyi byin gyis brlabs pa ni 'gro zhing rgyu'o/ /gang gi phyir yongs su bslab pa de la yang ci dga' ba thob par byed de shi ba'i ro de dang sngags su yang gcig pa ma yin no/ /kye rgyal ba'i sras de bzhin du/ ting nge 'dzin 'di thob pa'i byang chub 
sems dpa' yang dmigs pa skal pa mnyam par snyoms par zhugs shing / skal pa mi mnyam pa'i dmigs pa las rnam par ldang ngo / /skal pa mi mnyam pa'i dmigs pa la snyoms par zhugs shing / skal pa mnyam pa'i dmigs 
pa las rnam par ldang ngo / /kye rgyal ba'i sras dag /'di lta ste/ dge slong dbang thob pa ni gcig tu gyur cing mang por 'gyur ro/ /mang por gyur cing gcig tu 'gyur ro/ /lus gcig nas shi 'phos te/ de'i tshe lus mang po de 
dag tu skyes pa 'ang ma yin/lus mang po de dag las shi 'phos te/ de'i tshe lus gcig tu skyes pa 'ang ma yin no/ /gcig tu gyur pa las shi 'phos te/ mang por skyes pa 'ang ma yin/ mang por gyur pa las shi 'phos te/ gcig </font><hr>36-1-318a<br><font size=+1>
tu gyur pa 'ang ma yin no/ /kye rgyal ba'i sras de bzhin du byang chub sems dpa' yang lus gcig tu snyoms par zhugs shing / lus mang po las rnam par ldang ngo / /lus mang po la snyoms par zhugs shing / lus 
gcig las rnam par ldang ngo / /'di lta ste dper na/ sa gcig gi ro ni rnam pa gcig pa ste/ lo tog mang po dang / 'byung ba mang po sna tshogs su rang gi ro kun tu gtong yang / sa'i ro dus dus su rnam pa tha dad par 'gyur ba ma yin no/ /
de bzhin du byang chub sems dpa'i ting nge 'dzin 'di thob pa yang rnam pa gcig la snyoms par zhugs shing / rnam pa mang po las rnam par ldang ngo / /rnam pa mang po la snyoms par zhugs shing / rnam pa gcig las rnam par ldang ngo / /kye rgyal 
ba'i sras dag /'di ni byang chub sems dpa' sems dpa' chen po rnams kyi byang chub sems dpa'i ting nge 'dzin sems can rnams kyi khams tha mi dad pa zhes bya ba ste brgyad pa'o/ /de la gnas pa'i byang chub sems dpa' ni rab tu bsngags 
pa'i chos bcus rab tu bsngags pa yin bcu gang zhe na 'di lta ste/ de bzhin nyid la mnyam par bzhag pa'i tshul gyis de bzhin gshegs pa zhes bya/ sangs rgyas kyi chos thams cad khong du chud par rtogs pas sangs rgyas zhes bya/ 'jig rten 
thams cad la rab tu ston pas ston pa zhes bya/ chos thams cad shes par gyur pas/ thams cad mkhyen pa zhes bya/'gro ba thams cad kyi rten du gyur pas mgon zhes bya/ chos thams cad kyi tshul rjes su rtogs pas 'dren pa zhes bya/ 
sems can thams cad la thams cad mkhyen pa'i ye shes kun tu byin par byed pas/ rnam par 'dren pa zhes bya/ 'gro ba thams cad du snang ba'i sgron mar gyur pas snang ba zhes bya/ don grub ste bya ba byas la chos thams cad rab tu phye ba shes shing </font><hr>36-1-318b<br><font size=+1>
chags pa med pa la spyod pa yongs su rdzogs pas/ stobs bcu mnga' ba zhes bya/ chos kyi 'khor lo thams cad la dbang ba'i pha rol tu phyin pa thob pas thams cad gzigs pa zhes bya ba ste/ kye rgyal ba'i sras dag /byang chub sems dpa' de 
ni rab tu bsngags pa'i chos 'di bcus rab tu bsngags pa yin byang chub sems dpa' de ni snang ba bcus snang bar byas pa yin te/ bcu gang zhe na 'di lta ste/ sangs rgyas thams cad kyi snang ba dang / sems can gyi khams yang dag par blangs te/ rnam par brgyan 
cing byin gyis brlabs pa'i snang ba dang / gdul zhing byin gyis brlabs pa'i snang bas sems can thams cad kyi snang ba dang / chos kyi dbyings kyi dkyil 'khor thams cad du ston pas mi 'jigs pa tshad med pa'i snang ba dang chos thams cad 
la tha dad par byed pa med pas tha dad par byed pa med pa'i snang ba dang / chos thams cad 'dod chags dang bral bar khong du chud pas tshul la 'jug pa'i snang ba dang / chos thams cad 'dod chags dang bral bas mnyam pa nyid kyis tha dad par bya ba med 
pa la 'jug pa'i snang ba dang / sangs rgyas thams cad kyi byin gyi rlabs rgyun mi 'chad pas 'gro ba thams cad kyi skyabs su rnam par 'phrul pa'i snang ba dang / sangs rgyas thams cad kyi khyu mchog gi mthu phyung ba pha rol tu phyin pa 
thob pas/ mun pa shin tu bstsal ba'i snang ba dang / thams cad la gnas par shin tu bstan pa la mkhas shing gzhol bas/ chos thams cad kyi de bzhin nyid kyi snang ba ste/ snang ba 'di bcus byang chub sems dpa' de snang 
bar byas pa yin/ byang chub sems dpa' de thams cad du mngon par 'du bya ba med pa bcus shin tu bslabs pa yin/ bcu gang zhe na 'di lta ste/ mngon par 'dus ma byas pa'i lus kyi las dang / mngon par 'dus ma </font><hr>36-1-319a<br><font size=+1>
byas pa'i ngag gi las dang / mngon par 'dus ma byas pa'i yid kyi las dang / dngos po med pa la gnas shing / mngon par 'dus ma byas pa'i rdzu 'phrul dang / ma nyams shing mngon par 'dus ma byas pa'i chos 
nyid dang / tha mi dad pa'i ye shes dang / ma skyes pa'i ye shes dang / ma 'gags pa'i chos nyid dang / bstan pa'i tshig rab tu shes pa dang / don nyams pa med pa ste/ kye rgyal ba'i sras dag /byang chub sems 
dpa' de thams cad du mngon par 'dus ma byas pa'i tshig bcu po 'di dag gis shin tu bslabs pa yin/ kye rgyal ba'i sras dag /de ltar na de ni byang chub sems dpa' sems dpa' chen po rnams kyi ting nge 'dzin rnam pa 
tha dad pa'i dmigs pa rnams kyis gcig dang mang po la snyoms par 'jug cing / rnam par ldang ba dang / skal ba mi mnyam pa dang / skal ba mnyam pa dang / skal pa mnyam pa dang / skal pa mi mnyam pa dang / yangs pa dang / phra ba dang / 
phra ba dang / yangs pa dang / chung ba dang / che ba dang / che ba dang / chung ba dang / rjes su 'gro ba dang / rnam par phye ba dang / rnam par phye ba dang / rjes su 'gro ba dang / lus med pa dang / lus dang bcas pa dang / lus dang bcas pa dang /lus med pa dang / rnam par ldang ba dang / 
snyoms par zhugs pa dang / snyoms par zhugs pa dang / rnam par ldang ba dang / rnam par dmigs pa dang / dmyigs pa med pa dang / dmyigs pa myed pa dang / rnam par dmigs pas ting nge 'dzin 'di ni cho 'phrul thams cad kyi yul lo/ /kye rgyal ba'i sras dag /'di lta ste dper na/ 
rig sngags can chen po'i rig sngags kyis bsgrubs pa ni gzugs rnam pa sna tshogs bstan pa'i 'byung gnas su rab tu grub par 'gyur yang sngags de yang gzhan la sgyu ma'i gzugs kyi rnam par smin pa dag kyang gzhan no/ /de lta </font><hr>36-1-319b<br><font size=+1>
yin yang sgyu ma'i rnam pa de dag ni sngags kyi sgra'i mthar thug pa yin te/ mig gi rnam par shes pas shes par bya ba'i sgyu ma'i gzugs kyi rnam pa dang / sgyu ma dang / rna ba'i rnam par shes pas shes par bya ba'i sgyu ma'i sgra dang sgyu 
ma dang / sna'i rnam par shes pas shes par bya ba'i sgyu ma'i dri dang / sgyu ma dang / lce'i rnam par shes pas shes par bya ba'i sgyu ma'i ro dang / sgyu ma dang / lus kyi rnam par shes pas shes par bya ba'i sgyu ma'i reg bya dang / 
sgyu ma dang / yid kyi rnam par shes pas shes par bya ba'i sgyu ma'i rnam pa dang / sprul pa mang pos cho 'phrul zhing rnam par 'gyur ba dag kyang de bzhin no/ /kye rgyal ba'i sras dag /de bzhin du byang chub sems dpa' yang 
skal ba mnyam par snyoms par zhugs shing / skal ba mi mnyam pa las rnam par ldang bar ston to/ /skal ba mi mnyam pa la snyoms par zhugs shing / skal ba snyam pa las rnam par ldang bar ston to/ /
kye rgyal ba'i sras dag /'di lta ste dper na/lha dang lha ma yin g.yul du lhags pa'i tshe/ lha rnams rgyal zhing lha ma yin pham par gyur na/ de'i tshe lha'i dbang po dpag tshad brgya'i lus mig stong dang ldan pa/ dpung gi 
tshogs yan lag bzhis yongs su bskor cing / lha ma yin rnam par 'thor te/ de'i tshe lha ma yin gyi dbang po de lha ma yin gyi sgyu la shin tu mkhas pas/ sum cu rtsa gsum pa'i lha'i sde kun tu 'byer ba dang / rdzing bde ba 
'byung ba'i drung gi khung nas lha ma yin shing rta dang / bzhon pa dang dpung du bcas pa mang po 'byung bar ston to/ /kye rgyal ba'i sras dag /de bzhin du byang chub sems dpa' sems dpa' chen po yang sgyu ma lta bu'i ye shes la </font><hr>36-1-320a<br><font size=+1>
gnas pa yongs su grub pa'i phyir tha mi dad pa'i chos la snyoms par zhugs shing / tha dad pa'i chos las rnam par ldang ba ston to/ /kye rgyal ba'i sras dag /'di lta ste dper na/ sa bon mang po dang 'byung ba 
mang po dag las sa bon sa la btab na sa bon ni 'og tu 'gro/ 'bras bu ni steng du 'byung ba yin/ kye rgyal ba'i sras dag /de bzhin du byang chub sems dpa' yang ting nge 'dzin gyi rgyud kyi tshul gcig par snyoms par zhugs 
shing / tshul gyi rnam pa tha dad pa las rnam par ldang ba ston to/ /'di lta ste dper na/ bud med skyes pa dang phrad par gyur pa'i khrag rdus pa las bur 'gyur te/ rdus pa de ma'i khong na gnas shing rim gyis skyes pa dang / zla 
ba bcu la las yongs su dag pa ni yan lag dang nying lag dang thams cad dang ldan pa/ dbang po tshang zhing rnam par dag par skye yang khrag rdus pa de yang gzhan dbang po drug rnams kyang gzhan no/ /khrag rdus pa de la yang dbang po 
drug phra ba'i tshul du med pa ma yin te/ srid pa'i yan lag gi mtshan nyid dang ldan la las gcig nas gcig tu brgyud pas bskyed cing rlung dang ldan na/ las kyi rnam par smin pa ji lta ba bzhin du yan lag mnyams par skye'o/ /de 
bzhin du byang chub sems dpa' yang thams cad mkhyen pa'i dngos po'i tshul du snyoms par zhugs shing / dngos po med pa'i tshul las rnam par ldang ngo / /'di lta ste dper na/ klu'i gnas ni sa la rten mod kyi bar snang gnas 
la sprin kyang skyed la bar snang gnas la klu'i gnas dang khyim myed kyang / sprin gyi char 'dod pa'i mi rnams gyen du lta zhing / klu'i sprul pa bar snang gi gnas la yod pa la lta ste/ gnas 'og na 'dug kyang sprin bla na lding bar snang ngo / /de </font><hr>36-1-320b<br><font size=+1>
bzhin du ting nge 'dzin 'di thob pa'i byang chub sems dpa' yang mtshan nyid med pa la snyoms par zhugs shing / mtshan nyid las rnam par ldang ngo / 'di lta ste dper na/ tshangs pa yid du 'ong ba zhes bya ba'i tshangs pa'i gzhal med khang chen 
po rnam dag phul zhes bya ba yod de/ gzhal med khang chen po de la stong gi 'jig rten thams cad snang ngo / /stong phrag bcu'i 'jig rten thams cad snang ngo / /stong phrag brgya'i 'jig rten thams cad snang ngo / /stong gsum gyi stong chen po'i 
'jig rten gyi khams lha'i gnas dang bcas pa/ klu'i gnas dang bcas pa/ gnod sbyin gyi gnas dang bcas pa/ dri za'i gnas dang bcas pa/ lha ma yin gyi gnas dang bcas pa/ nam mkha' lding gi gnas dang bcas pa/ mi 'am 
ci'i gnas dang bcas pa/ lto 'phye chen po'i gnas dang bcas pa/mi'i 'jig rten dang bcas pa/ ngan song gi rgyud gsum dang bcas pa/ ri rab dang bcas pa/ khor yug dang bcas pa/ rin po che'i ri dang bcas pa/ btang bzung dang 
bcas pa/ rgya mtsho dang bcas pa/ gling bzhi ma 'dres par 'khor dang bcas pa/ grong khyer dang / grong rdal dang / pho brang 'khor dang / rgyal po'i gnas dang bcas pa/ ri dang brag dang / shing mang po sna tshogs dang bcas pa/ 
rin po che'i rgyan dang bcas pa/ sman dang nags tshal dang rdzing dang / lu ma'i rgyan dang / chu klung dang chu klung chen po dang / khor yug chen po'i mthar thug pa thams cad snang ste/ de yang de tsam du zad kyi stong gsum gyi stong chen po'i 'jig rten gyi 
khams 'dir gtogs pa las/ chung ngu na rdul shin tu phra ba'i gzegs ma bar snang ba gnas la 'phyo ba lta bur phra ba dang / ra ba dang chu klung yangs pa de dag thams cad kyang tshangs pa'i gzhal med khang 'gro ba thams cad na phul du gyur cing / rnam par dag pa'i </font><hr>36-1-321a<br><font size=+1>
lhun la gzugs brnyan gyi tshul du snang zhing rnam par dmigs la mthong bar gyur kyang de dag la thag thogs gang yang med do/ /de yang 'di ltar dper na/ me long gi dkyil 'khor la bzhin gyi gzugs brnyan snang ba bzhin du gzhal med khang 
chen po de la thams cad snang / thams cad kyang gsal/ thams cad kyang dmigs te/ thams cad kyi gzugs brnyan dmigs par yod do/ /de bzhin du byang chub sems dpa' yang sems can gyi khams tha mi dad pa/ zhes bya ba'i ting nge 'dzin 'dis 
zhing gi rgyud kyang rab tu shes so/ /sangs rgyas kyi rgyud kyang rab tu shes so/ /sems can gyi rgyud kyang rab tu shes so/ /chos kyi rgyud kyang rab tu shes so/ /spyod pa'i rgyud kyang rab tu sgrub bo/ /mos pa'i rgyud kyang yongs su rdzogs par 
byed do/ /ting nge 'dzin gyi rgyud la 'ang rnam par 'phrul par byed do/ /rnam par ldang ba'i rgyud kyang yongs su ston to/ /ye shes kyi rgyud kyang rab tu 'thob bo/ /skad cig gi mtha'i rgyud la'ang rab tu gnas so/ /kye rgyal ba'i sras dag /byang chub 
sems dpa' de ni rnam par 'phrul pa bcus kyang mchog tu gyur pa yin te/ bcu gang zhe na 'di ltar/ sangs rgyas kyi rnam par 'phrul pa nam mkha'i dbyings kyis klas pa/ chos kyi dbyings kyi mthas gtugs pa dang / byang chub sems 
dpa'i rnam par 'phrul pa tha dad pa med pa'i mthar thug pa tha mi dad pa'i dbang dam pa'i pha rol tu phyin pa dang / byang chub sems dpa'i spyod pa dang / smon lam chen po'i rnam par 'phrul ba de bzhin nyid la zhugs shing / sangs rgyas kyi 
mdzad pa'i pha rol tu phyin pa thob pa dang / 'jig rten gyi khams rnam par 'phrul pa dmigs pa thams cad don yod cing rnam par dag pas 'jig rten gyi khams thams cad rab tu snang bar bya ba'i byin gyi rlabs can dang / sems can </font><hr>36-1-321b<br><font size=+1>
thams cad rnam par 'phrul pa bsam gyis mi khyab pa'i las rnam par smin pa sgyu ma lta bu la 'jug pa dang / ye shes dang / ting nge 'dzin gyi rnam par 'phrul pa yangs pa dang / phra ba'i ting nge 'dzin gyi mtshan ma dang / ting nge 'dzin 
las ldang ba shes pa dang / 'di lta ste byang chub sems dpa'i mthu dang byang chub sems dpa'i khong du chud pas/ de bzhin gshegs pa'i yul la 'jug cing 'byung ba dang / de bzhin gshegs pa'i sku ston pa'i rnam par 'phrul ba dang / gzhan 
yang byang chub sems dpa' sangs rgyas sprul pa dang / sangs rgyas su byin gyis rlob pa dang / chos kyi 'khor lo sprul pa dang / 'dul ba byin gyis brlab pa byed cing / de bzhin gshegs pa'i rigs dang / rgyud du skye ba dang / sangs 
rgyas kyi sgra grag par bya ba rab tu sgrub pa'i rdzu 'phrul dang / rnam par 'phrul pa sems ltar mgyogs pa'i pha rol tu phyin pa yin/ gzhan yang byang chub sems dpa' sangs rgyas brjod du med pa'i bstan pa dang / ldem po dag rab tu shes 
te/ chos kyi sgo bye ba khrag khrig brgya stong brjod du med pa'i yang brjod du med pas chos kyi 'khor lo rnam par 'phrul ba dag par byed do/ /gzhan yang byang chub sems dpa' sems dpa' chen po nyin zhag gi grangs dang yud du yan man dang / zla ba'i grangs dang lo dang 
bskal pa'i grangs rab tu shes te/ skad cig gcig dang ldan pa'i ye shes kyis dus gsum mngon par bsgrub pa'i rnam par 'phrul pa yang dag par ston te/ byang chub sems dpa'i spyod pa rnam par 'phrul pa bcu po 'di dag la 'ang pha 
rol tu phyin pa thob pa yin te/ kye rgyal ba'i sras dag /'di ni byang chub sems dpa' sems dpa' chen po rnams kyi ting nge 'dzin rgya chen po la mkhas pa'i ye shes sems can gyi khams tha mi dad pa zhes bya ba ste brgyad pa'o/ /gzhan </font><hr>36-1-322a<br><font size=+1>
yang byang chub sems dpa' sems dpa' chen po bdag gi lus dang mig gi skye mched nas yid kyi skye mched kyi mthar thug pa'i bar du/ byang chub sems dpa'i ting nge 'dzin chos kyi dbyings la dbang bsgyur ba zhes bya ba la 
snyoms par 'jug ste/ bdag gi ba spu'i khung bu re rer yang / byang chub sems dpa'i ting nge 'dzin chos kyi dbyings la dbang bsgyur ba la snyoms par 'jug go /de'i rang bzhin gyi chos nyid kyang der byin gyis rlob ste/ de nyid nas 
'jig rten yang rab tu shes so/ /'jig rten gyi chos kyang rab tu shes so/ /'jig rten gyi khams kyang rab tu shes so/ /'jig rten gyi khams bye ba khrag khrig brgya stong yang rab tu shes so/ /'jig rten gyi khams grangs med pa 
yang rab tu shes so/ /'jig rten gyi khams sangs rgyas kyi zhing brjod du med pa'i rdul shin tu phra ba snyed kyang rab tu shes so/ /'jig rten gyi khams de dag kyang byang chub sems dpa'i yon tan yongs su rdzogs shing / dag pas 
rnam par dag la 'od gsal zhing rgyan bzang po shin tu mang bas rnam pa du mar brgyan cing / rin po che bzang po sna tshogs kyis shin tu gang bar mthong ste/ de nas bskal pa brgyar yang byang chub kyi spyad pa spyod cing gnas so/ /bskal pa stong dang / 
bskal pa khrag khrig dang / bskal pa bye ba khrag khrig brgya stong dang / bskal pa tshad med pa dang / bskal pa grangs med pa dang / bskal pa dpag tu med pa dang / bskal pa mu med pa dang / bskal pa bgrang du med pa dang / 
bskal pa mtha' yas pa dang / bskal pa mtshungs pa med pa dang / bskal pa bsam gyis mi khyab pa dang / bskal pa gzhal du med pa dang / bskal pa brjod du med pa dang / bskal pa brjod du med pa'i yang brjod du med pa dang /</font><hr>36-1-322b<br><font size=+1>
bskal pa sangs rgyas kyi zhing brjod du med pa'i yang brjod du med pa'i rdul shin tu phra ba snyed du byang chub sems dpa'i spyad pa spyod cing gnas so/ /yongs su rgyun mi gcod do/ /de na de ltar byang chub sems dpa' de mnyam par bzhag pas snyoms 
par 'jug go /rnam par ldang ngo / /de de ltar ting nge 'dzin de la snyoms par zhugs shing / rnam par ldang ba dang / 'jig rten gyi khams mngon par bsgrub pa dag kyang rab tu spyod do/ /der yang sems can gyi khams yongs su smin 
par byed do/ /chos kyi dbyings khong du chud par byed do/ /dus shes par bya ba rab tu rtogs par byed do/ /chos bstan pa shin tu byin gyis rlob po/ /chags pa med cing thogs pa med pa'i rgyud kyang yongs su rdzogs par byed do/ /
chos kyi dbyings kyi dbang gis mig tha dad pa med pa 'ang khong du chud pa yin/ rna ba tha dad pa med pa'i dam pa'i pha rol tu phyin pa yin/ sna tha dad pa med pa la mkhas par gyur pa yin/ lce tha dad pa med pa'i bslab pa la shin tu bslabs pa yin/ 
lus tha dad pa med pa shin tu grub pa yin/ sems tha dad pa med pa'i rjes su song zhing khong du chud pa yin te/ de de lta bu'i ye shes dang ldan pas gzungs khrag khrig stong phrag bcu'i chos snang ba 'byung ngo / /spyod pa yongs su dag pa 
khrag khrig stong phrag bcu yongs su 'grub bo/ /dbang po thams cad mngon par shes pa khrag khrig stong phrag bcu rab tu gnon to/ /mngon par shes pa khrag khrig stong phrag bcu yongs su rdzogs par 'gyur ro/ /ting nge 'dzin khrag khrig stong phrag 
bcu yongs su gnon to/ /rdzu 'phrul khrag khrig stong phrag bcu yongs su 'grub bo/ /stobs khrag khrig stong phrag bcu rnam par 'phel lo/ /bsam pa khrag khrig stong phrag bcu yongs su rdzogs par 'gyur ro/ /byin gyi rlabs </font><hr>36-1-323a<br><font size=+1>
khrag khrig stong phrag bcu yang dag par ston no/ /rnam par 'phrul ba khrag khrig stong phrag bcu mngon sum du 'gyur ro/ /byang chub sems dpa'i chags pa med pa khrag khrig stong phrag bcu yang dag par 'grub bo/ /byang chub 
sems dpa'i tshogs khrag khrig stong phrag bcu yongs su rdzogs par 'gyur ro/ /byang chub sems dpa'i rigs khrag khrig stong phrag bcus yongs su sbyong zhing kun tu 'gro'o/ /byang chub sems dpa'i tshul khrag khrig stong phrag bcus yongs su snang 
bar 'gyur ro/ /don khrag khrig stong phrag bcu shin tu ston to/ /smon lam khrag khrig stong phrag bcu dang yang dag par ldan no/ /yongs su bsngo ba khrag khrig stong phrag bcu shin tu ston to/ /byang chub sems dpa'i skyon med pa khrag khrig 
stong phrag bcu yongs su dag par byed do/ /chos kyi sgo khrag khrig stong phrag bcu rab tu snang bar byed do/ /byang chub sems dpa'i bstan pa khrag khrig stong phrag bcu yongs su rdzogs par byed do/ /byang chub sems 
dpa'i rnam par dag pa khrag khrig stong phrag bcu rnam par dag par byed de/ byang chub sems dpa'i ting nge 'dzin chos kyi dbyings la dbang bsgyur ba 'di la gnas pa'i byang chub sems dpa' sems dpa' chen po ni/
yon tan gyi tshogs du ma dang ldan pa yin/ yon tan gyi tshogs tshad med pa dang ldan pa yin/ yon tan gyi tshogs mtha' yas pa dang ldan pa yin/ yon tan gyi tshogs bsam gyis mi khyab pa dang ldan 
pa yin/ yon tan gyi tshogs mtshungs pa med pa dang ldan pa yin/ yon tan gyi tshogs gzhal du med pa dang ldan pa yin/ yon tan gyi tshogs brjod du med pa dang ldan pa yin/ yon tan gyi tshogs zad mi shes pa dang ldan pa yin/ /</font><hr>36-1-323b<br><font size=+1>
yon tan gyi tshogs kun tu mtha' yas pa dang ldan pa yin/ yon tan gyi tshogs de dag gis byang chub sems dpa' shin tu sbyangs pa yin/ yang dag par byang bar byas pa yin/ rab tu brgyan pa yin/ yongs su bzung ba yin/ yang dag par 
grub par byas pa yin/ yang dag par brjod pa yin/ nye bar brtan pa yin/ mthun pa'i 'bras bu dang ldan par byas pa yin/ byang chub sems dpa'i ting nge 'dzin chos kyi dbyings la dbang bsgyur ba 'di la gnas pa'i byang chub 
sems dpa' de ni shar phyogs logs kyi sangs rgyas kyi zhing grangs med pa stong phrag bcu'i rdul shin tu phra ba snyed kyi de bzhin gshegs pa mtshan mthun la mtshan gcig la yang rnam par brtag cing / rnam par dbye ba'i rnam pa sangs rgyas kyi 
zhing grangs med pa stong phrag bcu'i rdul shin tu phra ba snyed mda' zhing mtshan gcig la ji lta ba de bzhin du mtshan re re las rnam par brtag cing rnam par dbye ba'i rnam pa sangs rgyas kyi zhing grangs med pa stong phrag bcu'i rdul shin tu phra ba snyed 
mda' ba sha stag gi byin gyis brlab pa mdzad do/ /shar phyogs su ji lta ba de bzhin du lho phyogs dang / de bzhin du nub phyogs dang / de bzhin du byang phyogs dang / de bzhin du byang shar gyi phyogs mtshams dang / de bzhin du shar lho'i 
phyogs mtshams dang / de bzhin du lho nub kyi phyogs mtshams dang / de bzhin du nub byang gi phyogs mtshams dang / de bzhin du 'og gi phyogs dang / de bzhin du steng gi phyogs kyi sangs rgyas kyi zhing grangs med pa stong phrag bcu'i 
rdul shin tu phra ba snyed kyi de bzhin gshegs pa mtshan rnam par dgod pa gcig tu mthun pa sha stag /byang chub sems dpa' de la byin gyis rlob pa mdzad cing zhal mngon par ston to/ /byang chub sems dpa' de'i sangs rgyas kyi zhing rnam par dag </font><hr>36-1-324a<br><font size=+1>
pa yang byin gyis rlob pa mdzad do/ /de bzhin gshegs pa'i sras kyi thu bor brjod pa'i phyir lus tshad med pa yang rab tu brjod pa mdzad do/ /de bzhin gshegs pa'i spyan bsam gyis mi khyab pa 'ang rab tu bstan to/ /
de bzhin gshegs pa'i snyan tshad med pa 'ang shin tu brjod do/ /de bzhin gshegs pa'i shangs mi bsnyengs pa'i dgongs pa dang ldan pa yang rab tu bstan to/ /de bzhin gshegs pa'i sras kyi thu bo'i yon tan phun sum tshogs pa yang yang dag par bstan to/ /de 
bzhin gshegs pa'i rdzu 'phrul rjes su bsgrags pa yang rab tu bshad do/ /de bzhin gshegs pa'i byang chub mtha' dang dbus med pa yang dag par sbyang ba mdzad do/ /de bzhin gshegs pa'i gsung dgongs pas rnam par dag pa 'ang thob par mdzad do/ /de bzhin 
gshegs pa'i chos kyi 'khor lo phyir mi ldog pa yang yang dag par ston to/ /de bzhin gshegs pa'i 'khor mtha' yas pa yang rnam par dmigs pa mdzad do/ /de bzhin gshegs pa'i chos ldem po dag mtha' yas pa la 'ang rab tu zhugs pa mdzad 
do/ /de bzhin gshegs pa'i dge ba'i rtsa ba yang yang dag par brjod do/ /de bzhin gshegs pa'i mnyam pa nyid la 'ang yang dag par gzhug pa mdzad do/ /de bzhin gshegs pa'i rigs dang rgyud dus kyi 
tshad dang mnyam pa yang rab tu brjod do/ /de bzhin gshegs pa'i chos kyi rnam pa dang bye brag thams cad kyang shin tu bstan to/ /de bzhin gshegs pa'i chos kyi byin gyi rlabs rnam par dmigs par bya ba'ang rab tu brjod do/ /de 
bzhin gshegs pa'i zhing bstan pa yang byin gyis brlab pa mdzad do/ /de bzhin gshegs pa'i gsung chos kyi sprin gyi char yang rab tu 'bebs so/ /sangs rgyas kyi zhing thams cad rnam par dmigs par bya ba yang yongs su bstan to/ /sangs rgyas thams cad kyi </font><hr>36-1-324b<br><font size=+1>
snyoms par 'jug pa yang rab tu brjod do/ /sangs rgyas thams cad kyi 'khor kun nas 'dus pa gcig nas gcig tu brgyud pa 'ang rnam par dmigs pa mdzad do/ /sangs rgyas thams cad kyi chos bsam gyis mi khyab pa 'ang byin gyis brlab pa mdzad do/ /chos 
thams cad mnyam pa nyid kyang yang dag par bstan to/ /chos thams cad mi 'pho zhing rgyun 'chad pa med pa yang khong du chud par mdzad do/ /chos kyi dkyil 'khor thams cad kyi rjes su 'gro ba yang rab tu rdzogs par mdzad do/ /de bzhin 
gshegs pa'i yon tan tshad med pa yang yongs su bstan to/ /ting nge 'dzin gyi dkyil 'khor thams cad sbyang ba yang khong du chud par mdzad do/ /sems sgyu ma lta bu mthar thug pa med pa yang rab tu bsgrub pa mdzad do/ /kye rgyal ba'i 
sras dag /byang chub sems dpa'i ting nge 'dzin chos kyi dbyings la dbang bsgyur ba 'di la gnas pa'i byang chub sems dpa' ni/ sangs rgyas bcom ldan 'das mtshan tha dad pa mtshan re re zhing yang rnam par dbye ba'i bye brag /sangs rgyas 
kyi zhing grangs med pa stong phrag bcu'i rdul shin tu phra ba snyed mnga' ba mtshan de dag re re'i rnam par dbye ba'i rnam grangs kyang sangs rgyas kyi zhing grangs med pa stong phrag bcu'i rdul shin tu phra ba snyed mnga' bdag gis mtha' dang dbus med pa'i tshul 
du lus kyang byin gyis brlab pa mdzad do/ /chags pa med pa'i tshul du sems kyang byin gyis brlab pa mdzad do/ /chos thams cad nyams pa med pa la gzhol bar dran pa'ang byin gyis brlab pa mdzad do/ /chos thams cad 
rtogs par khong du chud par blo gros kyang byin gyis brlab pa mdzad do/ /chos thams cad shin tu 'dzin par rig pa'ang byin gyis brlab par mdzad do/ /chos thams cad yangs shing 'byam klas pa'i tshul du blo yang byin gyis brlab </font><hr>36-1-325a<br><font size=+1>
pa mdzad do/ /mngon par shes pa rnon pos chos tha mi dad par mkhas par khong du chud par dbang po tshad med pa'ang byin gyis brlab pa mdzad do/ /byin gyi rlabs kyis chos kyi dbyings khong du chud pa'i tshul du 
spyod yul thogs pa med pa yang byin gyis brlab pa mdzad do/ /bsgribs pa med pa'i ye shes rnam par dag par ye shes la 'jug pa 'ang byin gyis brlab pa mdzad do/ /'jig rten gyi khams thams cad du rnam par 'phrul pa yang dag 
par ston par mngon par 'tshang rgya ba 'ang byin gyis brlab pa mdzad do/ /kye rgyal ba'i sras dag /de ltar byang chub sems dpa'i ting nge 'dzin 'di la gnas pa'i byang chub sems dpa' ni rgya mtsho'i sgo bcu la shin tu rtogs pa yen te/ 
bcu gang zhe na/ 'di ltar sangs rgyas rgya mtsho mthong bas rtogs pa yin/ sems can rgya mtsho ming gis khong du chud pa yin/ chos rgya mtsho ye shes kyis rab tu rtogs pa yin/ zhing rgya mtsho la dngos po med par gnas shing mngon 
par 'dus ma byas pa'i bsam pas rjes su 'brang ba yin/ yon tan rgya mtsho phun sum tshogs pas rab tu rtogs pa yin/ ye shes kyi rnam par 'phrul pa rgya mtsho rnam par dmigs pas khong du chud pa yin/ dbang po rgya mtsho rnam 
par phye ba la mkhas pa'i sa'i ye shes kyis khong du chud pa yin/ sems rgya mtsho sems can gyi ris thams cad kyi sems tha dad pa dang sems yangs pa dang / sems tshad med pa yongs su shes pas khong du chud pa 
yin/ spyod pa rgya mtsho smon lam gyis yongs su rdzogs par byed pa yin/ smon lam rgya mtsho mtha' las brgal bar 'byung ba rnam par dag pas yongs su grub par byed pa yin te/ 'di dag ni byang chub sems dpa' de rgya mtsho'i sgo </font><hr>36-1-325b<br><font size=+1>
bcu la shin tu rtogs pa rnams so/ /byang chub sems dpa' de ni mchog tu bya ba bcu 'thob pa yin te/ bcu gang zhe na/ 'di ltar sems can thams cad kyi phul du bya ba 'thob pa yin/ lha thams cad kyi mchog tu bya ba 'thob 
pa yin/ tshangs pa khyu mchog thams cad kyi nang na chags pa med pa 'thob pa yin/ 'jig rten thams cad kyis mi 'phrogs pa 'thob pa yin/ 'gro ba thams cad kyis mi thub pa 'thob pa yin/ 'gro ba thams cad dang tha mi dad pa 
'thob pa yin/ lam gyi rgyud thams cad nas 'byung ba 'thob pa yin/ skye ba thams cad du dbang phyug 'thob pa yin/ sangs rgyas kyi chos thams cad la dbang 'thob pa yin/ 'byung ba'i rnam par 'phrul pa thams cad la stobs dang 
shugs 'thob pa yin te/ 'di dag ni byang chub sems dpas mchog tu bya ba bcu 'thob pa'o/ /byang chub sems dpa' de ni stobs bcus sems can gyi khams su nan tan byed pa yin te/ bcu gang zhe na/ 'di ltar 
'gro ba thams cad 'dul ba'i stobs kyi 'byung ba'i ded dpon du 'gyur ba dang / brtson 'grus kyi stobs kyis phyir mi ldog pa dang / chags pa med pa'i stobs kyis dri ma med pa dang / zhi ba'i stobs kyis bsgrib pa med pa dang / 
sems kyi rgyud yongs su bsgyur ba'i stobs kyis chos thams cad la dbang bsgyur ba dang / rang bzhin gyi chos kyi stobs kyis don gyi dbang dang / bsgribs pa myed pa'i chos kyis shes rab che ba dang / myi 'jigs pa'i stobs kyis 
chos ston pa dang / tha dad pa yang dag par shes pa'i stobs kyis byin gyi rlob pa'i chos nyid dang / rang byung gi stobs kyis mtha' yas pa'i ye shes rnam par ston pa ste/ stobs chen po/ stobs 'phags pa/</font><hr>36-1-326a<br><font size=+1>
stobs dpe med pa/ stobs tshad med pa/ stobs shin tu bsgrubs pa/ stobs mi g.yo ba/ stobs shin tu brtan pa/ stobs 'khrugs pa med pa/ stobs ye shes kyi blo gros can/ 
stobs legs par bsgrubs pa/ stobs mnyam par bzhag pa/ stobs yongs su dag pa/ stobs chos kyi lus can/ stobs chos snang ba can/ stobs chos kyi sgron ma can/ stobs chos kyi tshul can/ 
stobs zil gyis mi non pa/ stobs shin tu mnyam par bzhag pa/ rtsal dam pa dang ldan pa'i stobs/ skyes bu dam pa'i stobs/ skyes bu dam pas bsten pa'i stobs/ yang dag par rdzogs pa'i sangs 
rgyas kyi byin gyis brlabs pa'i stobs/ rnam pa thams cad du dge ba'i rtsa ba la brten pa'i stobs/ dge ba'i rtsa ba tshad med pa la gnas pa'i stobs/ de bzhin gshegs pa'i stobs la zhugs pa'i stobs 
sems rtogs par bzhag pa'i stobs/ byang chub sems dpa'i dga' ba rnam par 'phel ba'i stobs/ byang chub sems dpa'i dad pa rab tu bskyed pa'i stobs/ byang chub sems dpa'i shugs shin tu 'phel bar byed 
pa'i stobs/ byang chub sems dpa'i sems kyi rgyu mthar phyin pa'i stobs/ byang chub sems dpa'i lhag pa'i bsam pa rnam par dag par byed pa'i stobs/ byang chub sems dpa'i dge ba'i rtsa ba la yongs su gnas pa 
dang / rgyu mthun pa'i stobs/ chos la shin tu gzhol ba'i stobs/ lus la thogs pa med pa'i stobs/ thabs mkhas pa'i tshul la zhugs pa'i stobs/ chos thams cad 'od dang zhing rnam par snang ba'i stobs/</font><hr>36-1-326b<br><font size=+1>
'gro ba thams cad du g.yo ba med pa'i phun sum tshogs pa'i stobs/ sems can thams cad kyis mi 'phrogs shing mi sgul ba'i stobs bcus sems can gyi khams su nan tan byed pa ste/ byang chub sems dpa' de'i yon tan 
de ltar tshad med pa dang / chos kyi bsngags pa de ltar tshad med pa yongs su rdzogs par 'gyur ro/ /mngon par snang bar 'gyur ro/ /'byung bar 'gyur ro/ /'phel bar 'gyur ro/ /rab tu skye bar 'gyur ro/ /rab tu rton par 
'gyur ro/ /yang dag par 'phel bar 'gyur ro/ /rnam par dag par 'gyur zhing yongs su dag par 'gyur te/ yon tan de dag la mtha' med do/ /bden pa shes pa la mtha' med do/ /byang chub sems dpa'i spyod pa de dag 
la mtha' med do/ /byang chub sems dpa'i tshul de dag la mtha' med do/ /byang chub sems dpa'i khyu mchog gi mthu de dag la mtha' med do/ /byang chub sems dpa'i dga' ba spyod pa de dag la mtha' med do/ /byang 
chub sems dpa'i mngon par grub pa de dag la mtha' med do/ /byang chub sems dpa'i rnam par dag pa de dag la mtha' med do/ /byang chub sems dpa'i 'byung ba de dag la mtha' med do/ /byang chub sems dpa'i las la dbang 
bsgyur ba de dag gi mtha' ni bskal pa brjod du med pas kyang brjod par mi nus te/ de dag ni byang chub sems dpa' des 'thob bo/ /de dag ni byang chub sems dpa' des 'grub bo/ /de dag ni byang chub sems dpa' des gnon to/ /de dag 
ni byang chub sems dpa' de la mngon sum du dad par 'gyur ro/ /de dag ni byang chub sems dpa' de la rab tu snang ngo / /de dag ni byang chub sems dpa' des yongs su shes so/ /de dag ni byang chub sems dpa' de'i chos kyi </font><hr>36-1-327a<br><font size=+1>
tshul du 'byung ngo / /de dag ni byang chub sems dpa' de'i rnam par dgod pa'i ye shes su 'gro'o// //sangs rgyas rmad ga cad ces bya ba shin tu rgyas pa chen po'i mdo/ /
bam po nyi shu lnga pa/ ting nge 'dzin 'di la gnas pa'i byang chub sems dpa' ni ting nge 'dzin tshad med pa grangs med pa/ gzhal du med pa/ mu med pa/ kun tu mtha' yas pa/ dpag tu med pa/ bsam gyis 
mi khyab pa/ mtshungs pa med pa/ brjod du med pa'i yang brjod du med pa dag la dmigs pa re re nas 'jug pas snyoms par 'jug go /rnam par ldang ngo / /ting nge 'dzin de dag dang / ting nge 'dzin gyi khyad par yang rab tu shes so/ /
ting nge 'dzin gzhal du med pa yang rab tu shes so/ /ting nge 'dzin shin tu yangs pa yang rab tu shes so/ /ting nge 'dzin la rnam par spyad pa'ang rab tu shes so/ /ting nge 'dzin gyi mtshan ma yang rab tu shes so/ /ting nge 'dzin gyi bstan pa 
yang rab tu shes so/ /ting nge 'dzin gyi spyod yul yang rab tu shes so/ /ting nge 'dzin gyi rgyu mthun pa'i 'bras bu 'ang rab tu shes so/ /ting nge 'dzin gyi dben pa 'ang rab tu shes so/ /ting nge 'dzin gyi rang bzhin yang rab tu shes 
so/ /ting nge 'dzin gyi 'byung ba'ang rab tu shes so/ /'di lta ste dper na/ klu'i rgyal po chen po ma dros pa'i gnas nas/ chu klung chen po ma 'dres pa/ rnyog pa med pa/ dang ba/ 'od gsal ba/ dri ma med pa/ dag pa/ nam mkha' lta bu dri ma 
dang bral ba bzhi 'bab ste/ de dag kyang gnyis dang gsum dang bzhi'i sgo nas 'bab ste/ 'di ltar chu klung chen po gang gA ni glang po che'i kha nas 'bab bo/ /chu klung chen po si ta ni seng ge'i kha nas 'bab bo/ /chu klung chen po sin d+hu ni glang gi kha </font><hr>36-1-327b<br><font size=+1>
nas 'bab bo/ /chu klung chen po pa k+shu ni rta'i kha nas 'bab bo/ /de dag de ltar phyogs bzhi nas kha bzhi nas 'bab ste/ chu klung gang gA ni dngo nas dngul gyi bye ma 'dren cing 'bab ste/ dngul gyi bye ma la gnas so/ /chu klung si ta ni dngo 
nas rdo rje'i bye ma 'dren cing 'bab ste/ rdo rje'i bye ma la gnas so/ /chu klung sin d+hu ni dngo nas gser gyi bye ma 'dren cing 'bab ste/ gser gyi bye ma la gnas so/ /chu klung chen po pak+shu ni dngo nas bai DUr+ya sngon po'i bye ma 'dren cing 
'bab ste/ bai DUr+ya sngon po'i bye ma la gnas so/ /chu klung chen po gang gA ni lha rdzas kyi dngul gyi kha dog lta bu'i sgo nas 'bab bo/ /chu klung chen po si ta ni lha rdzas kyi rdo rje'i kha dog lta bu'i sgo nas 'bab bo/ /chu klung chen po sin d+hu ni 
lha rdzas kyi gser gyi kha dog lta bu'i sgo nas 'bab bo/ /chu klung chen po pa k+shu ni lha rdzas kyi bai DUr+ya sngon po'i kha dog lta bu'i sgo nas 'bab bo/ /chu klung chen po de bzhi yang kha'i sgo dpag tshad tsam gyi tshad nas 'bab ste/ de dag 
'bab pa'i tshe re res kyang mtsho chen po la lan bdun du g.yas phyogs su bskor te/ phyogs bzhir 'bab cing rgya mtsho chen po gang chen mtsho la zhen par 'dong ngo / /de ltar chu klung chen po rnams kyis lan bdun du g.yas phyogs su 
bskor ba'i bar gyi gling de dag kyang me tog uta pa la dang / pad mo dang / ku mu da dang / pun da ri ka dang / lha rdzas kyi rin po che'i rang bzhin las grub pa yid du 'ong ba dri zhim pa/ mtha'i rgyan du sdug pa/ mdog gsal ba/ 
rin po che sna tshogs kyi kha dog ltar 'dug pa/ 'od dang zhing gsal ba/ gcig gi gzugs brnyan gcig tu snang ba mdangs dga' ba blta na yid du 'ong ba/ rang bzhin dang zhing shin tu rnam par dag pas brgyan pa ste/ blta na kha </font><hr>36-1-328a<br><font size=+1>
dog gsal ba/ mun pa sel cing snang ba 'byin pa/ blta na gtang mi bra zhing shin tu rnam par phye bar brgyan pa/ kha dog sna tshogs su me tog gis kun nas yog pa/ 'dab ma sna tshogs dang ldan zhing snying 
po kha dog sna tshogs can/ ze ba mdog du mar snang ba'i me tog gis yongs su brgyan pa ste/ mtsho chen po de'i nang dang / mtsho'i dkyil 'khor ni rgyar dpag tshad lnga bcu yod pa de/ zabs su dpag tshad lnga bcu yod do/ /
de'i gzhi ni rin po che'i gseg ma bdal ba ste/rin po che sna tshogs kha dog du ma dang ldan pas shin tu brgyan par gnas pa'o/ /de'i ngogs ni rin po che sna tshogs pha gu brtsigs pa ltar 'dug pas kun nas 'khor ba'o/ /
de'i dri ni tsan dan bzang po'i bsung lta bu ste/ me tog kha dog du ma can las bsung gi ngad rnam pa du ma langs pa dang ldan pa/ me tog ut+pal dang / pad mo dang / ku mu da dang pun da ri kas kun nas yog pa/ rin po 
che'i shing me tog rab tu rgyas pas kun nas 'khor ba ste/ nam lha'i bu nyi ma 'char ba'i tshe nyi ma'i 'od zer de dag mtsho'i rin po che dang gseg ma dang / me tog dang / chu klung gi rgyud kyi bye ma dang / dngo'i kha dang / chu klung gis g.yas phyogs su bskor 
ba'i mtsho dang rin po che'i shing gi lhun dang / yal ga dang lo ma dang me tog la bab par gyur na/ de'i tshe 'od zer re res phog kyang rin po che'i 'byung gnas sna tshogs kyi dbyings na gnas pa'i 'od zer gyi dra ba bye ba khrag khrig brgya 
stong gis kun nas yog pa lta bur snang ste/ thams cad kyang 'od kyi mdog dam pa des/ 'jam 'jam ltar 'dug pas mtsho chen po ma dros pa rnam pa'i mchog thams cad dang ldan par snang ngo / /mtsho chen po ma dros pa de'i 'khor na </font><hr>36-1-328b<br><font size=+1>
rin po che rgyan du 'khod pa yid du 'ong zhing chal bar rgyas la rgya che bar 'dal ba de dag thams cad kyang nyi ma'i dkyil 'khor lta bur gyur bar snang ste/ rin po che dam pa sna tshogs shin tu phra ba thams cad dang / rin po che'i bye ma kun tu 
bdal ba dang / rin po che'i rgyan sna tshogs shin tu phra ba dang / rin po che'i rdul shin tu phra ba dang / rin po che'i rdul shin tu phra ba'i bye ma de ltar phra ba dag la'ang phan tshun du/gzugs brnyan snang na/ chung zhes dog pa 'am che zhes 
yangs pa med par dngos pa ji lta ba bzhin du ma nor bar snang ngo / /chu klung chen po de dag ji ltar mtsho chen po ma dros pa las kha bzhi nas 'bab pa de bzhin du/ byang chub sems dpa' sems dpa' chen po'i tha dad pa yang 
dag par shes pa bzhi'i chu klung chen po 'bab pa yang thams cad mkhyen pa nyid kyi rgya mtsho la zhen par 'dong ngo / /ji ltar chu klung chen po gang gA glang po'i kha dngul gyi kha dog tu 'dug pa nas dngul gyi bye ma 'dren cing 'bab pa/ 
de bzhin du byang chub sems dpa' chos dkar po dag par byed pa'i sgo nas don tha dad pa yang dag par shes pa/ de bzhin gshegs pa'i tshul thams cad yongs su sbyong ba/ don gyi tshul thams cad shin tu dag par byed pa 
yang chos thams cad kyi snang ba rnam par gsal bar byed cing 'bab ste/ bsgribs pa med pa'i rgya mtsho'i mthar thug par 'gro'o/ /ji ltar chu klung chen po si ta seng ge'i kha rdo rje'i kha dog tu 'dug pa nas rdo rje'i bye ma 'dren cing 'bab pa 
de bzhin du/ byang chub sems dpa'i chos tha dad pa yang dag par shes pa sangs rgyas kyi rdo rje'i tshig brjod pa dang / 'gro ba thams cad la snang bar bya ba dang / ye shes kyi rdo rje'i tshig rab tu 'dren cing 'bab ste/ chags pa </font><hr>36-1-329a<br><font size=+1>
med pa'i rgya mtsho la zhen par 'gro'o/ /ji ltar chu klung chen po sin d+hu glang gi kha gser gyi kha dog tu 'dug pa nas gser gyi bye ma 'dren cing 'bab pa de bzhin du byang chub sems dpa'i nges pa'i tshig tha dad pa yang dag par shes pa 
sems can gyi tshogs thams cad khong du chud par byed cing 'gal ba med pa dang / 'gro ba thams cad tshim par byed pa/ shin tu 'gro ba yang tshul rnam par dag pa'i yan lag gis yongs su smin par bya ba dang / 'dul ba la 
rtag tu brtson par 'bab ste/ rten cing 'brel bar byung ba'i tshul gyi rgya mtsho la zhen par 'gro'o/ /ji ltar chu klung chen po/ pak+shu rta'i kha bai DUr+ya sngon po'i kha dog du 'dug pa nas/ be+e DuR+Ya sngon po'i bye ma 'dren cing 'bab pa de bzhin 
du byang chub sems dpa'i spobs pa tha dad pa mi zad pa yang chos brjod du med pa bye ba khrag khrig brgya stong rab tu snang bar bya ba dang / dam pa'i chos kyi chu klung rgyun du 'bab par bya ba'i klung rab tu bskyed par byed cing chos thams cad kyi rgya mtsho las 
gzhol bar 'bab ste/ byang chub sems dpa' thams cad kyi chos rgya mtsho la zhen par 'gro'o/ /ji ltar chu klung chen po bzhi po de dag gis mtsho chen po ma dros pa la g.yas phyogs su bskor ba byas te/ phyogs bzhi nas rgya mtsho la zhen par 
'dod pa de bzhin du/ byang chub sems dpa'i yang lus kyi las mthun pa dang ldan pa yin/ ngag gi las mthun pa dang ldan pa yin/ yid kyi las mthun pa dang ldan pa yin/ mthun pa'i ye shes sngon du 'gro ba dang ldan pa yin/ ji ltar de dag 
phyogs bzhi nas rgya mtsho chen po la zhen par 'dod pa de bzhin du/ byang chub sems dpa' yang phyogs bzhi nas thams cad mthong ba'i ye shes kyi rgya mtsho la zhen par 'gro ba yin te/ bzhi gang zhe na/ 'di lta ste/ sangs rgyas rnam par dmigs </font><hr>36-1-329b<br><font size=+1>
pas/ sangs rgyas thams cad mthong ba'i phyogs dang / 'di lta ste/lus kyi las nges pa dang / gzungs brjod du med pas yongs su 'dzin pas chos thams cad snang ba'i phyogs dang / 'di lta ste byang chub sems dpa'i spyod pa thams cad 
yongs su rdzogs par bya ba'i phyir pha rol tu phyin pa'i phyogs dang / chos kyi 'khor lo bskor bas sems can thams cad dga' bar bya ba yongs su rdzogs par bya ba'i phyir snying rje chen po'i phyogs so/ /ji ltar chu klung chen po de dag gis lan bdun du bskor 
ba'i bar gyi gling rnams me tog uta pa la dang / pad mo dang ku mu da dang / pun da ri kas kun nas yog pa de bzhin du byang chub sems dpa' bar ma dor 'dul bar ma gyur ba'i sems can rnams la btang snyoms su gzhog pa yang ting nge 'dzin bye ba khrag 
khrig brgya phrag stong gis kun tu khyab pa'o/ /sangs rgyas mthong ba'i rnam pa sna tshogs su brgyan pa'o/ /sangs rgyas kyi zhing yongs su dag cing rdul med pas yid du 'ong ba'o/ /ji ltar mtsho chen po ma dros pa rin po che'i shing gis yongs 
su 'khor ba de bzhin du/ byang chub sems dpa' yang byang chub tu mngon par 'tshang rgya ba ston na sangs rgyas kyi zhing gis kun nas 'khor zhing brgyan pa yin/ ji ltar mtsho chen po ma dros pa'i nang dpag tshad lnga bcu yod la dang zhing 
rnyog pa med pa dang gsal ba de bzhin du/ byang chub sems dpa' mngon par 'tshang rgya ba'i sems kyang dge ba'i rtsa ba thams cad kyis yongs su rgyas pas dang zhing rnyog pa med la gsal ba dang / mtha' dang dbus med pa yin/ ji ltar 
mtsho chen po ma dros pa rin po che'i pha gus brtsigs pas mtha' bskor cing tsan dan dri zhim po'i bsung dang ldan pa de bzhin du byang chub sems dpa' mngon par 'tshang rgya ba'i sems kyang ye shes rin po che khrag khrig stong phrag bcus shin tu brgyan </font><hr>36-1-330a<br><font size=+1>
cing khyad par du 'phags pa'i smon lam gyi ye shes dang ldan la dge ba'i rtsa ba dri zhim po thams cad dang ldan pa'o/ /ji ltar mtsho chen po ma dros pa'i nang rin po che thams cad kyi gram bus yongs su brgyan cing 
nor bu rin po che rnam pa sna tshogs kyis mdzes par gyur pa de bzhin du/ byang chub sems dpa'i ye shes bra ba khong du chud pa'i dran pa yang byang chub sems dpa'i rnam par thar pa bsam gyis mi khyab pa'i rin po ches rnam par brgyan cing 
da ltar byung ba'i chos thams cad la thogs pa med pa'i sangs rgyas thams cad kyi gnas la rnam par spyod pas tshul dang / dus shes par bya ba thams cad la zhugs pa yin/ ji ltar klu'i rgyal po chen po ma dros pa gtse ba dang / mi bde ba 
thams cad las rnam par 'das pa de bzhin du/ byang chub sems dpa' yang 'jig rten gyi gtse ba dang / 'jigs pa thams cad dang bral ba yin te/ 'jig rten thams cad du snang bar gnas kyang 'jig rten thams 
cad kyis mi gos pa yin/ ji ltar chu klung chen po bzhi po de dag gis 'dzam bu gling mngon par brlan cing yongs su brlan nas rgya mtsho chen po la zhen par 'dod pa de bzhin du/ byang chub sems dpa' yang ye shes kyi chu klung chen po 
bzhis lha dang 'jig rten du bcas pa/ tshangs par bcas pa/ dge sbyong dang bram ze'i skye dgur bcas pa mngon par brlan te/ bla na med pa yang dag par rdzogs pa'i byang chub kyi ye shes rgya mtsho stobs bcus rnam par brgyan pa la zhen 
par 'gro'o/ /bzhi gang zhe na 'di lta ste/ smon pa'i ye shes kyi chu klung 'gro ba thams cad bskyab pa dang / 'gro ba thams cad gdul ba'i phyir rgyun mi 'chad par 'gro ba dang / 'di lta ste pha rol tu phyin pa yongs su rdzogs pa'i chu klung byang chub </font><hr>36-1-330b<br><font size=+1>
sems dpa'i spyod pa rnam par dag pas rab tu dang ba/ sems can gyi khams thams cad la phan 'dogs shing mi zad pa'i rgyun gyis mthar thug pas dus gsum gyi ye shes rgya mtsho la zhen par 'bab pa dang / 'di lta ste byang 
chub sems dpa'i mnyam pa med pa'i ye shes kyi chu klung ting nge 'dzin rin po che grangs med pas brgyan pa sangs rgyas thams cad lta zhing sangs rgyas thams cad kyi ye shes rgya mtsho la zhen par 'bab pa dang / 'di lta ste/ snying 
rje chen po'i ye shes kyi chu klung byams pa chen po'i dbang du gyur pa/ 'gro ba thams cad nas phyir mi ldog cing 'gro ba thams cad nye bar bzung ba'i phyir/ thabs mkhas pa'i mtshams sbyor ba grangs med pas/ yongs su 
gdung ba zhi bar byed cing stobs bcu rgya mtsho la zhen par 'bab pa'o/ /ji ltar chu klung chen po bzhi po de dag mtsho chen po ma dros pa nas mi zad pa'i rgya mtsho la zhen par 'dod pa de bzhin du byang chub sems dpa' yang khyad par du 
'phags pa'i smon lam dang ldan pa'i byang chub sems dpa'i spyod pas thams cad mkhyen pa'i ye shes zad mi shes pa'i mthar thug par 'gro zhing rnam par 'tshang rgya bar rnam par rol pas rnam par 'tshang rgya ba yin/ ji ltar chu klung 
chen po bzhi po de dag rgya mtsho chen po la zhen par 'dong zhing phyir mi ldog pa de bzhin du/ byang chub sems dpa' smon lam gyi rgyun ma 'chad par byang chub sems dpa' kun tu bzang po'i smon lam la rab tu brtson pa yang thams 
cad mkhyen pa nyid du mngon par bsgrub pa las/ phyir mi ldog cing sangs rgyas kyi byang chub chos thams cad la bsgribs pa med pa dang / chags pa med pa la gnas pa'i de bzhin gshegs pa'i ye shes rgya mtsho la zhen par </font><hr>36-1-331a<br><font size=+1>
'gro'o/ /ji ltar chu klung chen po bzhi pa de dag bskal par gnas shing skyo ba dang / yongs su skyo ba med par rgya mtsho la zhen par 'dod pa de bzhin du/ byang chub sems dpa' kun tu bzang po'i spyod 
pa dang / smon lam la brtson pa'i byang chub sems dpa' yang phyi ma'i mtha'i mur thug pa'i bskal par byang chub sems dpa'i spyad pa spyod pas yongs su mi skyo bar de bzhin gshegs pa thams cad kyi ye shes kyi rgya 
mtsho rgyun ma chad par rjes su gzhol zhing zhen par 'gro ba yin/ ji ltar mtsho chen po ma dros pa de rin po che sna tshogs kyi mdog ltar 'dug cing dngul gyi bye ma'i mdog tu snang ba dang / gser gyi bye ma'i mdog du snang ba dang 
rdo rje'i bye ma'i mdog tu snang ba dang / bai DUr+ya'i bye ma'i mdog tu snang ba dang / nyi ma'i 'od gzer gyis phog na nyi ma'i dkyil 'khor rnam pa thams cad dang ldan pa'i gzugs su mngon zhing snang ba dang / nyi ma'i 'od gzer dang 
phrad na mtsho chen po ma dros pa de dmigs pa thams cad kyi gzugs su gyur par snang yang gzugs lus kyi gzugs su snang ba dang / rin po che sna tshogs kyi rnam par snang bar gyur pa de dag gcig gis gcig bdo zhing phan tshun du gnod par 'gyur ba med 
do/ /de bzhin du byang chub sems dpa' yang chos kyi dbyings la dbang bsgyur ba'i ting nge 'dzin 'di la gnas pas rang gi lus kyi ba spu'i khung bu re re yang de bzhin gshegs pa sangs rgyas kyi zhing brjod du med pa'i yang brjod 
du med pa'i rdul shin tu phra ba snyed rab tu mthong ngo / /sangs rgyas kyi zhing yang mthong ngo / /'khor gyi dkyil 'khor du yang 'jug go /chos bstan pa yang nyan to/ /de dag thams cad kyang mnyes par byed do/ /de bzhin </font><hr>36-1-331b<br><font size=+1>
gshegs pa'i sku tshad med pa la 'ang yid ches shing khong du chud par byed do/ /sangs rgyas kyi zhing de dag na de bzhin gshegs pa rnams la bsnyen bkur byed cing chos nyan pas kyang bskal pa brjod du myed pa'i yang brjod du med pa bye ba khrag khrig 
'da' bar byed kyang yun ring po'i 'du shes kyang myi skye/ yun thung ngu'i 'du shes kyang mi skye'o/ /ba spu'i bu ga de dag tu'ang de'i lus la mi bde ba med cing 'jig rten gyi khams de dag dang / de bzhin gshegs pa bzhugs pa de dag dang / 
'khor gyi dkyil 'khor de dag dang sems can gyi khams sna tshogs 'khod pa de dag la'ang gnod pa med do/ /de ci'i phyir zhe na/ de ni 'di ltar chos kyi dbyings la 'jug pa de sems shin tu phra bas mtha' dang dbus med pa las kyi rnam 
par smin pa dpe med pa'i tshul la 'jug pa/ ting nge 'dzin bsam gyis mi khyab pa'i yul rtogs par gnas pa/ bsam gyis myi khyab pa'i yul sangs rgyas thams cad kyi yul rnam par bsgrub pa/ sangs rgyas thams cad kyi 
byin gyi rlabs bsam gyis mi khyab pa sangs rgyas kyi rnam par 'phrul pa tshad med pa bsgrub par dka' ba/ bzod par dka' ba/ de bzhin gshegs pa'i stobs bcu yongs su 'dzin pa/ byang chub sems dpa' kun tu bzang po'i 
spyod pa dang / dmigs pa yongs su rdzogs par byed pa/ sangs rgyas thams cad kyi rnam par 'phrul pa la 'jug pas skyo ba med pa'i phyir ro/ /de ltar byang chub sems dpa' de sems skad cig la snyoms par zhugs shing rnam par ldang 
yang / yun ring po yang 'jig par mi byed/ mngon par zhen par yang mi ltung / dmigs pa thams cad la'ang gnas pa med de/ dngos po thams cad la 'ang myi gnas so/ /skad cig gi rgyud la 'ang rab tu 'jug go /sems can gyi </font><hr>36-1-332a<br><font size=+1>
don yang yang dag par sgrub bo/ /sangs rgyas kyi khyu mchog gi mthu phyung ba mthong bas kyang ngoms par mi byed do/ /chos kyi dbyings kyi mthar dbyung bas kyang sgyid lug par mi byed de/ de la bzhag par bya ba yang gang yang myed 
do/ /thams cad mkhyen pa'i ye shes mngon par bsgrub pa'i rjes su yang rab tu 'jug go /ye shes kyi sprul pa yang byin gyis rlob po/ /sems can gyi ris la 'jug par yang mtha' dang dbus med par 'jug go /'jig rten gyi khams 
thams cad rnam par dag pa yang yongs su rdzogs par byed do/ /'jig rten gyi phyin ci log thams cad kyang rnam par rtog pa med pas rab tu shes so/ /rtog pa'i sa thams cad las kyang yongs su 'da'o/ /mtshan ma sna tshogs 
yongs su shes pa yang mi spong ngo / /byang chub sems dpa'i ye shes dang thabs la mkhas pa yang yongs su rdzogs par byed do/ /shin tu rnam par dag pa la 'ang rtog par mi byed do/ /thams cad zil gyis gnon pa'i sa yang rab tu 
'thob par byed do/ /'di lta ste dper na/ nam mkha'i rang bzhin ni dngos po thams cad kyi rjes su song ba 'ang yin la/ dngos po thams cad las kyang rnam par 'das pa'o/ /de bzhin du byang chub sems dpa' yang 'jig rten gyi 
khams thams cad du'ang rgyu la/ 'jig rten gyi khams thams cad las kyang rnam par 'das pa yin/ sems can gyi khams yongs su dgrol ba la'ang brtson la sems can gyi 'du shes thams cad kyang med pa yin/ chos kyi dbyings thams 
cad kyang ye shes kyi spyod yul du gyur la chos thams cad kyis snyems pa'i sems kyang med pa yin/ sangs rgyas thams cad blta bas kyang mi ngoms la/ sangs rgyas thams cad la blta ba'i gnas kyang yongs su bstsal ba yin/</font><hr>36-1-332b<br><font size=+1>
ting nge 'dzin gyi rnam pa thams cad la mkhas par bya ba 'ang khong du chud la/ chos thams cad kyi de bzhin nyid khong du chud pas chags pa yang med pa yin/ chos kyi tshig rnam par shes pa mtha' yas pa'i spobs pa dang yang ldan 
la tshig med cing yi ge med pa yang khong du chud pa yin/ brjod du med pa la'ang shin tu spyod la/ dbyangs kyi yan lag rnam par dag pa dang yang ldan pa yin/ chos thams cad kyi 'ang mthar phyin la gzugs sna tshogs kyis 'dul ba rnams 
kyang yul du byed pa yin/ chos thams cad kyi rang bzhin gyi mthar yang rab tu thug la snying rje chen pos sems can gyi khams thams cad yongs su dgrol zhing gdul ba la yang rab tu brtson pa yin/ sems can gyi khams 'phel ba 
dang / 'grib pa med pa'ang rab tu shes la chos kyi dbyings kun tu khyab pa khong du chud pa las kyang mi g.yo ba yin/ 'gro ba thams cad gdul ba yang rgyun mi gcod la de bzhin gshegs pa'i spyod pa 'khor gsum yongs su dag pa yang khong 
du chud pa yin/ chos rnam pa sna tshogs la'ang rnam par mi rtog la bstan pa sna tshogs la 'jigs pa med pas chos bstan pa'i chos kyi 'khor lo yang rgyun mi chad pa yin/ kye rgyal ba'i sras dag /'di ni byang chub sems dpa' sems 
dpa' chen po rnams kyi ting nge 'dzin rgya chen po la mkhas pa'i ye shes chos kyi dbyings la dbang bsgyur ba zhes bya ba ste dgu pa'o/ /kye rgyal ba'i sras dag /byang chub sems dpa' sems dpa' chen po rnams kyi ting nge 'dzin rgya chen po la 
mkhas pa'i ye shes bcu gang zhe na/ kye rgyal ba'i sras dag 'di la byang chub sems dpa' sems dpa' chen po byang chub sems dpa'i ting nge 'dzin chags pa med cing dri ma med pa zhes bya ba la snyoms par 'jug ste/ ting nge 'dzin de la snyoms </font><hr>36-1-333a<br><font size=+1>
par zhugs pa'i tshe lus kyi las chags pa med par yang dag par gnas so/ /ngag gi las chags pa med par yang dag par gnas so/ /yid kyi las chags pa med par yang dag par gnas so/ /sangs rgyas kyi 
zhing mnyam pa nyid chags pa med par yang dag par gnas so/ /sems can yongs su smin par bya ba'i ye shes chags pa med pa la yang dag par 'jug go /sems can 'dul ba'i ye shes chags pa med par yang dag par 
gnas so/ /'od gzer kun tu dgye ba chags pa med pa rab tu 'gyed do/ /'od kyi dkyil 'khor chags pa med pa rab tu gtong ngo / /sprul pa mang po chags pa med pa rab tu 'gyed do/ /chos kyi 'khor lo chags pa med pa 
rab tu skor ro/ /byang chub sems dpa'i khyu mchog gi mthu phyung ba'ang rab tu thob par byed do/ /sangs rgyas kyi stobs rnams la'ang yang dag par 'jug go /sangs rgyas kyi ye shes kyang rab tu 'thob par byed do/ /sangs 
rgyas kyi bzhengs pas rnam par ldang ngo / /sangs rgyas kyi rnam par 'phrul ba snang bas nye bar spyod do/ /byang chub sems dpa'i de ting nge 'dzin 'di la gnas pa'i tshe thams cad mkhyen pa nyid la rab tu rtog go /thams cad mkhyen pa 
nyid la yongs su lta'o/ /thams cad mkhyen pa nyid khong du chud par byed do/ /thams cad mkhyen pa nyid rtogs par byed do/ /thams cad mkhyen pa nyid dmigs par byed do/ /thams cad mkhyen pa nyid la rab tu lta'o/ /
thams cad mkhyen pa nyid la rjes su lta'o/ /thams cad mkhyen pa nyid la rnam par lta ste/ byang chub sems dpa' sems dpa' chen po de byang chub sems dpa' kun tu bzang po'i smon lam chen po dang / byang chub sems dpa'i </font><hr>36-1-333b<br><font size=+1>
sems chen po dang / byang chub sems dpa'i spyod pa chen po dang / byang chub sems dpa'i khong du chud pa chen po dang / byang chub sems dpa'i rtogs pa chen po dang / byang chub sems dpa'i snang ba chen po dang / byang chub sems 
dpa'i skye ba chen po dang / byang chub sems dpa'i byin gyi rlabs chen po dang / byang chub sems dpa'i sprul pa chen po dang / byang chub sems dpa'i rgyun chen po yongs su mi gcod do/ /ldog par mi byed do/ /skyo bar mi byed 
do/ /gtong bar mi byed do/ /'gyed par mi byed do/ /sgyid lug par mi byed do/ /gzhog par mi byed do/ /byang chub sems dpa'i rgyun mthar 'byin par mi byed do/ /de ci'i phyir zhe na/ de ni byang chub sems dpa'i chos 
la smon lam chen pos rab tu grub pa dang / yang dag par 'jug pa'i 'byung gnas chen po dang / 'jigs pa med pa'i sangs rgyas kyi chos rgya mtsho chen po shin tu bslabs pas byang chub sems dpa'i smon lam khyad par du 'phags pa 
dang ldan pa'i phyir ro/ /byang chub sems dpa'i spyod pa khyad par dang ldan pa'i phyir ro/ /thabs mkhas pa'i ye shes snang ba la shin tu bslab pa'i phyir ro/ /byang chub sems dpa'i sprul pa yongs su shes pa'i phyir ro/ /sems 
can thams cad kyi gtso bos byin gyis brlab pa'i phyir ro/ /'das pa dang ma byon pa dang da ltar byung ba'i sangs rgyas thams cad kyi/ thugs rje chen po'i rjes su snyegs pa'i phyir ro/ sangs rgyas kyi chos 'gyur ba med pa yongs 
su bsgrub pa'i phyir ro/ /de ci'i phyir zhe na/ 'di lta ste dper na/ mi la la zhig gis nor bu rin po che sna tshogs tshon gyis bsgyur ba'i gos kyi steng du bzhag na/ nor bu rin po che de yang khong nas tshon gyis gyur bar snang ste/</font><hr>36-1-334a<br><font size=+1>
nor bu rin po che'i rang bzhin ni 'gyur ba med do/ /de bzhin du byang chub sems dpa' yang ting nge 'dzin rin po che thob pa'i ye shes kyi sgos thams cad mkhyen pa nyid la yongs su lta zhing / byang chub sems 
dpa' kun tu bzang po'i spyod pa 'ang rgyun mi gcod do/ /ji ltar nor bu rin po che de kha dog thams cad ston kyang nor bu'i rang bzhin yongs su mi spong ba de bzhin du/ byang chub sems dpa' yang byang chub sems dpa'i spyod pa'i rang 
bzhin thams cad mkhyen pa'i yon tan can yongs su mi spang ngo / /de ci'i phyir zhe na/ 'di ltar byang chub sems dpa' de ni 'gro ba thams cad kyi don du yang dag par zhugs pa'i phyir ro/ /'gro ba thams cad dgrol bar smon pa'i phyir ro/ /
sangs rgyas thams cad mnyes par byed pa las phyir mi ldog pa'i phyir ro/ /'jig rten gyi khams thams cad rnam par sbyong bas sgyid lug pa med pa'i phyir ro/ /'gro ba thams cad du rgyun mi chad par spyod pas skyo ba med pa'i 
phyir ro/ /chos rgya mtsho mtha' dang dbus med cing tshad med pas yongs su yi chad pa med pa'i phyir ro/ /sems can rnam par dag par bya ba'i dmigs pas rnam par 'phel ba thams cad ston pa'i las phyir 'gyed pa med pa'i 
phyir ro/ /'gro ba thams cad la rim gro bya bas snyom pa med cing sgyid lug pa med pa'i phyir ro/ /'gro ba thams cad snang bar bya bas skyo ba med pa'i phyir ro/ /chos kyi sgo mtha' yas pa la 'jug pa las phyir mi ldog cing 
yongs su skyo ba med pa'i phyir ro/ /'di lta ste dper na/ nam mkha'i rang bzhin ni 'jig rten gyi khams thams cad yongs su 'dzin cing rten kyang ngal ba med cing dub pa med la nyam chung bar mi 'gyur zhing dga' bar mi 'gyur/</font><hr>36-1-334b<br><font size=+1>
'jig par mi 'gyur 'gyes par mi 'gyur/ byang bar mi 'gyur/ rnam pa tha dad par mi 'gyur/ rnam pa gzhan du mi 'gyur/ dngos po gzhan du mi 'gyur/ rang bzhin rnam par mi spong ngo / /de ci'i phyir zhe na/ de ni nam mkha'i rang 
bzhin chos nyid kyi ngo bo nyid kyi phyir ro/ /de bzhin du byang chub sems dpa' yang smon lam chen po rgya che zhing yangs la tshad med pa dang ldan pas sems can thams cad dgrol ba la nye bar gnas pa'i sgos skyo zhing dub pa'i sems mi 
skyed do/ /'di lta ste dper na/ mya ngan las 'das pa ni dus gsum gyi sems can mtha' dang dbus med pa de snyed cig yongs su mya ngan las zlo yang bar 'ga' tsam yang skyo ba med cing sgyid lug pa med de yongs su yi chad pa med 
do/ /de ci'i phyir zhe na/ 'di lta ste/ mya ngan las 'das pa'i mthar thug pa 'di ni chos thams cad kyi dben pa nyid de de bas na gang las kyang phyir nur bar bya ba med do/ /de bzhin du byang chub sems dpa' yang 'gro ba thams cad 
gdon pa'i phyir 'jig rten du skyes pas sems can thams cad yongs su dgrol ba la skyo ba'i sems mi skyed do/ /'di lta ste dper na/ thams cad mkhyen pa nyid la byang chub sems dpa' de snyed cig byang chub kyi don du gnas kyang 
skyo ba dang dub pa med de/ 'das pa dang ma 'ongs pa dang / da ltar byung ba rnams sangs rgyas kyi mnga' bsgyur ba la bsgrubs so/ /bsgrub po/ /bsgrub par 'gyur ro/ /de ci'i phyir zhe na/ de ni zad pa med pa'i chos nyid thob pa'i phyir te/ 
de las gzhan du 'gyur ba med cing 'dul ba'i chos la mngon par chags pa med pas phyir nur ba med do/ /de bzhin du byang chub sems dpa' yang thams cad mkhyen pa nyid kyi ting nge 'dzin mang po bdag gis thob par byed cing khong du chud par byed do/ /</font><hr>36-1-335a<br><font size=+1>
de ltar byang chub sems dpa' de'i ting nge 'dzin de ni 'od phyogs thams cad kyi mthas klas par 'dal ba/ 'jig rten gyi khams thams cad du 'od gzer thogs pa med pa/ yon tan sna tshogs du ma'i snying po 
can gos brjod du med pa yongs su 'byung ba rin po che brjod du med pa yongs su 'byung ba/ spos brjod du med pa yongs su 'byung brgyan dang / lhab lhub du ma dang ldan pa/ gser gyi dra ba rgya chen pos kun nas yog pa/ dril bu'i dra 
ba'i sgra kun nas 'byung ba/ blta na bzang zhing yid du 'ong ba/ rin po che sna tshogs brjod du med pa'i mdzod dang ldan pa/ rin po che sna tshogs mang po ston pas dag cing bzang bar spyod pa gnas shin tu brtan pa/ thams cad mkhyen pa 
nyid kyi sgo ston pa'i yon tan can/ de bzhin gshegs pa mang pos byin gyis rlabs pa/ dge ba'i rtsa ba dag pa thams cad kyis yang dag par byung bas rnam par snang ba de bzhin gshegs pa thams cad kyi dpal gyi byin dang 
ldan pa/ de bzhin gshegs pa thams cad kyi byin gyi rlabs las byung ba/ lus gcig tu gnas kyang phyogs bcu brjod du med cing tshad med par byang chub sems dpa' 'byung ba'i go 'phang dang yon tan tshad med pa grangs med pa 
brgya stong rnam par dag pa phun sum tshogs pa thams cad mkhyen pa nyid du mthun zhing gnas su gyur pa/ sangs rgyas thams cad mkhyen pa nyid du mthun zhing gnas su gyur pas/ sangs rgyas thams cad kyi snang ba 'byung bar byed pa/ 
'gro ba thams cad kyi mchod rten du gyur pa/ 'jig rten thams cad kyis phyag bya zhing mdun du bya bar 'os pa/ chos nyid sgyu ma lta bu'i mthun pa'i 'bras bu sprul pa kun tu 'gyed pa/ 'gro ba thams cad kyi dpe dang dpe med pa'i yon tan </font><hr>36-1-335b<br><font size=+1>
can te/ de la gnas pa'i tshe/ byang chub sems dpa' skyil mo krung gcig tu gnas shing de'i bdag nyid yongs su rdzogs par byed pa'i tshe/ 'jig rten gyi khams thams cad ma lus par byang chub sems dpa'i skyil mo krung gcig gis 
yongs su khyab par 'gyur te/ sangs rgyas thams cad kyi byin gyis brlabs pa ste/ de ltar gnas pa'i tshe/ ba spu'i khung bu gcig nas kyang sangs rgyas kyi zhing bye ba khrag khrig brgya stong brjod du med pa phrag bcu'i rdul shin tu phra ba snyed kyi 
'od gzer 'byung ste/ ba spu'i khung bu gcig nas ji lta ba de bzhin du ba spu'i khung bu thams cad nas kyang 'od gzer de snyed de snyed 'byung ngo / /'od zer gyi sgo de dag re re las kyang sangs rgyas kyi zhing bye ba khrag khrig brjod du med pa phrag 
bcu'i rdul shin tu phra ba snyed kyi nor bu rin po che rnam par snang ba'i snying po can kha dog du mar snang ba/ rgyan sna tshogs dang ldan pa/ yon tan gyi rnam pa du ma dang ldan pa/ rin po che'i dra ba rgya chen pos kun nas khebs pa/ me tog gi 
dra ba rgya chen pos yongs su khebs pa/ spos rin po che khrag khrig brgya stong kun tu gtong ba/ rin po che'i rgyan yid du 'ong ba sna tshogs kyi snying po can/ rin po che'i gdugs bsam gyis mi khyab pas bkab pa 'byung ste/ rin po che de dag 
re re las kyang khang pa brtsegs pa sangs rgyas kyi zhing bye ba khrag khrig brgya stong phrag bcu'i rdul shin tu phra ba snyed 'byung ngo / /khang pa brtsegs pa de dag re re las kyang seng ge'i khri pad mo'i snying po can sangs rgyas kyi zhing bye ba khrag 
khrig brgya stong brjod du med pa phrag bcu'i rdul shin tu phra ba snyed 'byung ngo / /seng ge'i khri pad mo'i snying po can de dag re re las kyang 'od sangs rgyas kyi zhing bye ba khrag khrig brgya stong grangs med pa phrag bcu'i rdul shin tu phra ba snyed 'byung ngo / /</font><hr>36-1-336a<br><font size=+1>
'od de dag re re las kyang kha dog sangs rgyas kyi zhing bye ba khrag khrig brgya stong brjod du med pa'i rdul shin tu phra ba snyed 'byung ngo / /kha dog de dag re re las kyang snang ba'i dkyil 'khor sangs rgyas kyi zhing bye ba khrag 
khrig brgya stong brjod du med pa phrag bcu'i rdul shin tu phra ba snyed 'byung ngo / /snang ba'i dkyil 'khor de dag re re las kyang nor bu rin po che rnam par snang ba sna tshogs kyi me tog sangs rgyas kyi zhing bye ba khrag khrig brjod du med pa phrag bcu'i 
rdul shin tu phra ba snyed 'byung ngo / /me tog de dag re re las kyang rin po che thams cad kyi rgyan sangs rgyas kyi zhing bye ba khrag khrig brjod du med pa phrag bcu'i rdul shin tu phra ba snyed 'byung ngo / /rgyan de dag re re las kyang khyu mchog gi mthu 
phyung ba sangs rgyas kyi zhing bye ba khrag khrig brgya stong brjod du med pa phrag bcu'i rdul shin tu phra ba snyed 'byung ngo / /khyu mchog gi mthu phyung ba de dag re re las kyang sangs rgyas kyi chos sangs rgyas kyi zhing bye ba khrag khrig brgya stong phrag bcu'i 
rdul shin tu phra ba snyed kyi char rab tu 'bab bo/ /chos kyi tshig rnam par phye ba'i char de dag las kyang chos khong du chud par bya ba'i mdo'i tshul sangs rgyas kyi zhing bye ba khrag khrig brgya stong phrag bcu'i rdul shin tu phra ba snyed yongs su brjod 
do/ /mdo'i tshul yongs su brjod pa de dag re re las kyang chos kyi sgo sangs rgyas kyi zhing bye ba khrag khrig brgya stong brjod du med pa phrag bcu'i rdul shin tu phra ba snyed rab tu ston to/ /chos kyi sgo rab tu bstan pa de dag re re zhing yang ye shes 
rdo rje lta bus gtan la phebs pa'i chos kyi 'khor lo chos kyi rnam grangs sna tshogs dang ldan pa bstan pa rgya chen po can chos kyi tshig rnam pa tha dad pa dang ldan par 'khor ba sangs rgyas kyi zhing bye ba khrag khrig brgya stong phrag bcu'i rdul shin tu phra ba </font><hr>36-1-336b<br><font size=+1>
snyed rab tu skor ro/ /chos kyi 'khor lo bskor ba de dag re re zhing yang sems can gyi khams sangs rgyas kyi zhing bye ba khrag khrig brgya stong brjod du med pa phrag bcu'i rdul shin tu phra ba snyed yongs su smin par byed do/ /sems can gyi khams yongs 
su smin par bya ba 'byam klas pa de dag re re zhing yang sems can gyi khams sangs rgyas kyi zhing bye ba khrag khrig brgya stong brjod du med pa phrag bcu'i rdul shin tu phra ba snyed sangs rgyas kyi chos la 'dul te/ de ltar snyoms par zhugs shing rnam par 
'phrul pa rgya chen po ston pa/ ting nge 'dzin gyi yul zil gyis myi non pa/ sprul pa'i sgyu ma sna tshogs la mngon par zhen pa med pa/ rang bzhin tshad med pa mtha' dang dbus med pa brjod du med pa dang ldan pa/ chos kyi dbyings rdul med pa'i rang bzhin can 
yang dag pa'i mtha'i mtshan nyid can/ de bzhin gshegs pa'i rigs la spyod pa/ chags pa med pa'i mthar thug pa/ gnas med pa/ len pa med pa/ rtsa ba med pa/ zab pa/ gting dpag dka' ba/ mngon sum du khong du chud pas rab tu rtogs pa 
tshad med pa rmongs pa med pa/ gzhi med pa/ chos kyi dbyings kyi gnas gzhi med pa dang ldan pa/ 'das pa dang ma byon pa dang da ltar byung ba'i sangs rgyas thams cad kyis bsngags pa/ de bzhin gshegs pa'i stobs dang rgyu mthun pa'i 'bras bu 
can/ sangs rgyas kyi yul gyi rjes su snyegs pa/ byang chub sems dpa'i tshe gcig pa'i mngon sum du gyur pa/ byang chub sems dpa'i mig rdul med pa dang ldan pa/ shes rab kyi mig kun tu spyod pa can/ sha'i mig rdul dang bral zhing rdul med par 
yang dag par skyes pa/ sangs rgyas kyi spyan kun tu snang ba can/ ye shes kyi mig zhes bya ba'i don gyi yul dang / rnam pa rab tu ston pa can chos kyi sgo 'byed pa'i skyes bu dam pa yang dag par zhugs pa'i byang chub kyi sems yongs </font><hr>36-1-337a<br><font size=+1>
su rdzogs pa/ yul la thogs pa med pa/ ye shes kyi rnam pa'i 'byung gnas su gyur pa/ 'jig rten thams cad las mngon par 'phags pa/ skye ba med pa yang dag par byung ba/ rnam par 'phrul pas skye ba 
kun tu ston pa/ byin gyi rlabs kyi yul la mkhas pa/ yon tan mchog gis rnam par dag pa/ bsam pa 'od gsal ba'i snying po can/ mos pa shin tu dge pas ye shes nam mkha'i dbyings kun nas khebs pa dang ldan pa/ 
'phags pa'i tshogs kyis blta bar 'os pa/ smon lam mngon du gyur pa/ 'dod pa yongs su rdzogs/ yon tan bsngags pa zad mi shes pa/ sangs rgyas thams cad kyi lhag mthong gi mdzod du gyur pa/ sangs rgyas kyi byang 
chub kyi 'byung gnas rgya mtshor gyur pa ye shes rin po che thams cad kyis shin tu brgyan pa/ ye shes kyi skyes bu pun da ri kar byung ba/ sems can gyi don mtha' dang dbus med par rab tu sgrub pa/ sangs rgyas kyi ye shes mu med pa la 
zhugs pa'i 'od gzer gyis snang bar gyur pa/ ye shes kyi 'od yongs su snang ba/ chos rnam par dag pa snang bas kun tu spyod pa/ shin tu dben pa'i sgor gyur pa/ sangs rgyas kyi chos thams cad la thogs pa med par dmigs pa'i ye 
shes kyi mthar thug pa/ sangs rgyas thams cad kyi byang chub kyi thabs dang ldan pa/ yon tan gyi spyod pa las byung ba/ skyes bu dam pa byang chub sems dpa'i tshul rab tu shes pa/ byang chub sems dpa'i btsun spu 
la rab tu gnas pa/ sangs rgyas thams cad kyis yang dag par dgongs pas/ rab tu zhugs pa/ sangs rgyas kyi chos kyi sku'i byin dang / snying po can/ dran pa bsam gyis mi khyab pa rtse gcig tu </font><hr>36-1-337b<br><font size=+1>
gyur pa/ dmigs pa med pa'i yul dang mtshan ma ston pa/ shin tu yangs pa las yang dag par byung ba'i rgyud can/ chags pa med pa'i spyod yul du khong du chud pa'i chos kyi dbyings kyis byang chub tshad med pa nam mkha'i dbyings 
ltar yangs shing sa mtshams med pa'i sangs rgyas gyi yul gyis 'jig rten thams cad du/ sems can gyi don byed pa/ thams cad mkhyen pa'i deg ba'i rtsa ba dang / rgyu mthun pa'i ye shes tshad med pa'i yul rnam par 
non pa/ dag cing drag shul che ba'i ye shes kyis grub pa/ byang chub sems dpa'i bsam pa dang yang dag par 'grogs pa/ byang chub sems dpa' thams cad kyi rigs dag par byed pa de bzhin gshegs pa'i byang chub yid du 'ong ba 
dang ldan pa/ sangs rgyas dang byang chub sems dpa'i chos thams cad kyis kha na ma tho ba med pa'i tshul shin tu phra ba'i thabs shes pa/ rtogs pa rdo rje lta bu'i stobs dang mthus byung ba/ sangs rgyas kyi byin gyi rlabs kyis rtogs par 
gyur pa/ sems can gyis thos par dka' ba mi gnyis pa'i sgor zhugs pa/ chos kyi tshul mtshan nyid med pa la gzhol ba/ mtshan ma'i rgyud kyi chos ston pa thams cad las shin tu 'phags pa/ sems can bsam pa bzhin du 
'dul ba yang dag par ston pa/ dad pa ji lta ba bzhin du 'gro ba tshim par byed pa/ chos kyi dbyings tha mi dad pa'i rang bzhin can/ ye shes mi zad pa'i yul shin tu non pa/ byang 
chub sems dpa'i mthu chen pos byung ba/ byang chub sems dpa'i mnyam pa nyid thub pa med pa rab ta thob pa/ de bzhin gshegs pa mthong ba'i yon tan la 'jug pa/ thams cad kyi mtha'i rjes su 'gro ba/ rnam par phye ba thams cad la mkhas pa'i ye shes dang ldan pa/ chos kyi </font><hr>36-1-338a<br><font size=+1>
grangs yongs su ston pa/ zhing thams cad rnam par dmigs par bya ba la rab tu gzhol ba/ zhing dag par bya bar dka' ba thams cad kyi rgyan du gyur pa/ sangs rgyas kyi chos snang ba thams cad 
yang dag par ston pa/ byang chub sems dpa'i gnas kyis byung ba 'das pa dang ma byon pa dang / da ltar byung ba'i sangs rgyas thams cad kyi chos rab tu brjod pa/ 'jig rten thams cad la rnam par lta ba dge ba mtha' dang mu med 
pas yang dag par byung ba/ 'jig rten gyi rtsom pa thams cad las rnam par 'das pa/ sangs rgyas kyi 'jig rten las 'das pas shin tu byung ba/ mtshungs pa med pa dang / 'dra ba med pa'i dbang gis shes par gyur pa/ 
mkhas pas khong du chud pa/ skyes bu dam pas yang dag par bsu ba/ ma byon pa'i sangs rgyas thams cad kyi rgyud yongs su 'dzin pa/ byang chub sems dpa'i dge ba'i bshes gnyen gyis byung ba/ lhag pa'i bsam pa rnam par 
dag pas 'bras bu yongs su grub pa/ lhag pa'i bsam pa che ba nyid la gnas pa rab tu thob pa/ mnyan pa dang bstan pa'i dge ba'i rtsa ba thob par bya ba rab tu thob pa/ chos thams cad la chags pa med par gnas pa'i mtha'i dkyil 'khor dang ldan pa/ g.yo 
ba med par kun tu spyod pa rlom sems thams cad rnam par 'jig pa/ g.yo ba thams cad las yang dag par langs pa/ chos la gnas pas ye shes rnam par snang ba dang ldan pa/ mun pa med pa la zhugs pa/ sangs rgyas kyi chos 
thams cad la yang dag par zhugs pas snang ba thob pa/ 'gag pa med par srid pa thams cad las shin tu 'phags pa/ srid pa thams cad khong du chud pa 'dus byas thams cad yul du gyur pa'i tha dad pa yang dag par shes pa dang </font><hr>36-1-338b<br><font size=+1>
ldan pa/ mngon par 'du bya ba med pa'i rang bzhin dang / ngo bo nyid can lus kyi las mtha' yas pa dang ldan pa/ ngag gi las mu med pa dang ldan pa/ yid kyi las mtha' dang dbus med pa dang ldan pa/ tha snyad dang yi ge'i 
rgyud brjod du med pa dang ldan pa/ sangs rgyas kyi yon tan rgya mtsho la zhugs pa/ 'du shes kyi rnam pa thams cad khong du chud pas chags pa med cing bcings pa med pa 'du shes thams cad dang bral ba'i yul la shin tu bsgoms 
pa/ chos kyi dbyings gzugs med pa nam mkha'i rang bzhin lta bus yang dag par byung ba/ chos thams cad nam mkha' lta bur rnam par bsgom pa la rab tu zhugs pa/ chos kyi dbyings bstan pa la ye shes dbang du gyur 
pa/ thams cad mkhyen pa'i yul ma 'dres pa'i sgo mngon par bsgrubs pa/ stobs bcu'i sar shes par bya ba shin tu bslabs pa/ thams cad mkhyen pa nyid kyi ye shes kyi stegs dang ldan pa/ chos thams cad la lhag mthong 
gi ye shes dang ldan pa/ byang chub sems dpa' chos de dang de dag rnam par dgod pa'i don khong du chud par bya ba la ye shes kyi mig gis zhi gnas kyis yang dag par non cing ye shes chen po bsgom pas rnam par snang bar gyur pa'i khyad 
par can gyi smon lam dang ldan pa/ rab tu ston pa sangs rgyas thams cad kyi de bzhin gshegs pa'i mthu tha dad pa med pa bstan pa ste/ de nyid chags pa med pa'i sgo'i tshul lo/ /de nyid byang chub sems dpa' mang po'i 'byung ba'o/ /
de nyid byang chub sems dpa'i mthus thams cad mkhyen pa'i brtson 'grus la 'jug pa ste/ chags pa med pa la gnas par bya ba'i phyir zhing rnams kyi zhing ngo / /sems can med pa'i mtha' la gnas par bya ba'i phyir/ sems </font><hr>36-1-339a<br><font size=+1>
can gyi khams rnams 'dul ba'o/ dmigs pa thams cad mi dmigs par bya ba'i phyir sangs rgyas kyi chos thams cad rab tu ston pa'o/ /rtog pa thams cad las rab tu dben par bya ba'i phyir gnyis su med 
pa shin tu ston pa'o/ /gnyis su med pa'i don du mngon par 'du bya ba med pa thams cad kyi mngon par 'du byed pa rab tu brjod pa'o/ /gzugs su dmigs pa med kyang gzugs kyi grangs su bstan pa dang / tshor ba'i yul med kyang tshor ba'i 
yul du brjod pa'i phyir sangs rgyas thams cad kyi bdag nyid ched du brjod pa'o/ /phyin ci log thams cad kyang byang la 'du shes kyi gnas thams cad kyang yongs su ston pa'o/ /mngon par 'du bya ba med par yang bstan la 'du byed 
thams cad kyang rab tu brjod pa'o/ /'du byed thams cad kyang rnam par mi dmigs la chos thams cad rnam par shes par yang rab tu brjod pa'o/ /chos kyi 'khor lo yang byin gyis rlob la/ chos thams cad brjod du 
med par yang rab tu ston pa'o/ /chos thams cad la'ang rgyu ba med la chos kyi 'khor lo'ang shin tu bskor ba'o/ /chos thams cad la'ang rnam pa tha dad pa med pa la rnam par dbye ba yang yongs su ston pa'o/ /
chos thams cad la skye ba med par yang ston la/ gzugs rnams 'jig pa'i mtshan nyid du'ang brjod pa'o/ /chos thams cad shin tu phra bar yang khong du chud la/ phra ba rnams shin tu yangs par yang ston pa'o/ /bla na med pa'i chos kyang 
sbyin par byed la/ gong ma'i go 'phang shes par bya ba yang rab tu ston pa'o/ /chos thams cad brjod du med par yang rjod la/ brjod pa'i tshig dang yi ge'i rgyan rnam par dag pa yang rab tu ston pa'o/ /phyi dang nang gi chos </font><hr>36-1-339b<br><font size=+1>
med par bstan pa la'ang shin tu mkhas la chos thams cad sems med cing brtags pa'i rgyud ji lta ba bzhin du 'ang rab tu ston pa'o/ /yongs su 'grub pa tshad med pas 'byung ba yang khong du chud la/ byang ba'i mthar phyin pas chos 
thams cad zag pa zad par yang rab tu ston pa'o/ /chos thams cad nyon mongs pa med par khong du chud la rang byung gi 'du shes kyang rab tu brjod pa'o/ /chos thams cad la slob dpon med pa yang shin tu ston la bla ma la 
brten cing sten par yang rab tu ston pa'o/ /chos thams cad gzhan gyi dring mi 'jog par yang shes la dge ba'i bshes gnyen gyi spyod yul yang rab tu brjod pa'o/ /chos thams cad rgyu ba med par yang brjod la chos kyi 'khor 
lo bskor ba yang shin tu ston pa'o/ /chos thams cad 'byung ba med par yang rab tu shes la/ rgyu las 'byung ba'ang yongs su mi gtong ba'o/ /chos thams cad thog ma med par yang rab tu brjod la sngon gyi mtha'i mu yang 
rab tu spyod pa'o/ /chos thams cad 'ong ba med par yang khong du chud la 'ong ba'i mtha' yang rab tu brjod pa'o/ /chos thams cad ma 'ongs pa dang / da ltar byung ba med par yang rab tu ston la/ da ltar byung bar yang shin tu ston 
pa'o/ /bya ba med pa'i lam yang yongs su brjod la bya ba'i lam yang shin tu ston pa'o/ /chos thams cad rgyu ba med par yang rab tu shes la/ rgyu bsags par yang rab tu brjod pa'o/ /chos thams cad mnyam pa med 
par yang ston la/ mnyam pa nyid kyi lam gyis lam gos pa 'ang rab tu brjod pa'o/ /chos thams cad tshig gi lam dang bral bar yang ston la dus gsum shin tu bstan pa'ang shin tu rtogs par byed pa'o/ /chos thams cad gnas pa myed par </font><hr>36-1-340a<br><font size=+1>
yang ston la gnas shin tu gzhom pa la rab tu mkhas pa'o/ /chos thams cad lus med kyang / 'das pa dang ma byon pa dang da ltar byung ba'i sangs rgyas thams cad kyi sku yang rab tu thob par byed pa'o/ /'das 
pa dang ma byon pa dang / da ltar byung ba'i sangs rgyas thams cad kyang shin tu ston la sangs rgyas gcig par bstan pa yang rab tu ston to/ /chos thams cad la brjod pa med par yang khong du chud la chos thams cad yongs su 
brjod pa 'ang rab tu ston to/ /chos thams cad bltar med par yang ston la lta ba 'ang rab tu brjod pa'o/ /chos thams cad la mtha' med par yang ston la chos bstan pa'i rnam pas kyang rab tu brjod pa'o/ /chos thams 
cad la yul med kyang ye shes kyi yul du rab tu brjod pa'o/ /chos kyi rnam grangs thams cad khyad par med kyang 'bras bu'i khyad par rnam par sbyang ba rab tu ston pa'o/ /chos thams cad la 'byung ba med kyang spyod pas 'byung ba'i 
khyad par rab tu ston pa'o/ /chos thams cad kun tu khyab pa yin yang mdos yongs su brjod pa shin tu ston pa'o/ /chos thams cad la snang ba med kyang snang ba yongs su brjod pa'i phyir rnam par snang bar byed pa ste/ de ltar rgya che 
ba'i ting nge 'dzin gyi ye shes kyi dkyil 'khor chen po la/ byang chub sems dpa' rnams 'jug go /khong du chud par byed do/ /thob par byed do/ /rjes su snyegs par byed do/ /shin tu sgrub par byed do/ /yongs su 
rdzogs par byed do/ /shin tu stsogs so/ /yongs su sbyong ngo / /snyoms par 'jug go /chos thams cad de'i chos nyid dang rang bzhin dang ye shes kyi snying po'i tshul gyis sangs rgyas thams cad kyi chos su khong du chud par </font><hr>36-1-340b<br><font size=+1>
byed kyang / byang chub sems dpa' de ni/ 'di snyam du mi sems te byang chub sems dpa' ni 'di snyed cig go /byang chub sems dpa'i chos ni 'di snyed cig go/ /byang chub sems dpa'i mthar thug pa ni 'di tsam zhig go /sprul pa'i 
byin gyi rlabs ni 'di tsam zhig go /mngon par shes pa bsgrub pa ni 'di snyed cig go /ye shes ni 'di tsam zhig go /nges par rtogs par bya ba ni 'di tsam zhig go /rjes su snyegs pa ni 'di tsam zhig go /'jug par bya 
ba ni 'di tsam zhig go /byang chub sems dpa'i yul ni 'di tsam zhig go snyam du sems pa med do// //sangs rgyas rmad ga cad ces bya ba shin tu rgyas pa chen po'i mdo/ /bam po nyi shu 
drug pa/ de ci'i phyir zhe na/ de ni 'di ltar byang chub sems dpa'i ting nge 'dzin rnams ni rnam pa de lta bu ste/ de ltar tshad med pa'i phyir ro/ byang chub sems dpa'i ting nge 'dzin rnams ni de lta bu'i khyad par dang ldan pa'i phyir ro/ /de 
dag ni gzhan dang gzhan gyis bskyed pa/ gzhan dang gzhan du byin gyis brlabs pa/ gzhan dang gzhan du rgyu ba/ chos rnam pa sna tshogs kyi sgo can ye shes kyi sgo brjod du med pa/ blos rnam par brtag cing rnam par dbye bas khyad par gyi 
mtha' med pa nges par rtogs pa grangs med pas khong du chud pa/ ye shes bye ba khrag khrig brgya stong brjod du med pas rgya che ba/ sangs rgyas mthong ba sna tshogs kyi mdzod du gyur pas mtha' dang dbus med pa mos pas rnam par 
dag pa/ dbang po shin tu yangs pa/ mngon par shes pa rab tu rno ba/ bstsags pa med pa'i spyod yul can/ kun tu lta bas rab tu thob pa/ sangs rgyas thams cad blta bas grub pa/ kun tu bzang po'i lhag pa'i bsam </font><hr>36-1-341a<br><font size=+1>
pas bsgrubs pa/ ye shes kyi rgyal po'i sku las byung ba/ de bzhin gshegs pas bstan pa'i ye shes tshad med pa rnam par 'phrul ba'i rnam par phye ba mtha' dang dbus med pa/ sangs rgyas thams 
cad kyi ye shes zad mi shes pa las gol ba med pa'i sgo can/ sangs rgyas kyi yul thams cad mngon sum du gyur ba/ byang chub sems dpa' kun tu bzang po'i ye shes kyi khyu mchog gi mthu phyung bas rnam par sbyang ba/ sgo 
thams cad kyi dkyil 'khor rab tu skyes pas dpe med par brjod pa/ dmigs pa shin tu phra bas chos kyi dbyings thams cad la yang dag par gzhol ba/ chos kyi dbyings thams cad ma lus par dmigs po shin tu 
phra bas byin gyis rlob pa/ 'phags par gsung ba'i thams cad mkhyen pas shin tu snang bar byas pa/ dbang gi dmigs pa thams cad mngon par bsgrub pa/ chos kyi sgo thams cad kyi mthar phyin pa'i tha dad pa yang dag par 
shes pa can/ chos kyi dbyings kyis klas pa'i ye shes kyi lus dang ldan pa/ thams cad du 'gro ba'i lam gyis grub pa/ ting nge 'dzin thams cad mkhas par khong du chud pa/ sems sangs rgyas thams cad kyi byin gyis brlabs 
pa dag ste/ sems skad cig re re la byang chub sems dpa' kun tu bzang po'i spyod pa la gnas te/ ting nge 'dzin brjod du med pa'i yang brjod du med pa bye ba phrag brgya la snyoms par zhugs kyang / byang chub sems dpa' 
kun tu bzang po'i ting nge 'dzin dang / yul gyi rgyan gyi snang bas yongs su snang bar bya ba rnams kyi mtha' dmigs par mi rung ngo / /de ci'i phyir zhe na/ chos thams cad ni byin gyi rlabs kyis byin du brlabs pa ste/ thams cad kyang khong du chud par </font><hr>36-1-341b<br><font size=+1>
bya ba'o/ /zhing rnams ni mu med pa ste thams cad kyang khong du chud par bya ba'o/ /sems can gyi khams thams cad ni bsam gyis mi khyab pa ste/ de dag ni rdo rje'i tshig khong du chud par bya ba'o/ /de dag gi khyad par thams cad kyang khong 
du chud par bya ba'o/ /sngon gyi mtha' ni thog ma dang tha ma med pa ste/ de dag kyang thams cad khong du chud par bya ba'o/ /phyi ma'i mtha' ni mu med pa ste/ de dag kyang lhag ma ma lus par khong du chud par bya ba'o/ /da ltar 
byung ba'i dus ni mtha' dang dbus med pa ste/ nam mkha'i dbyings kyis klas pa/ chos kyi dbyings kyi mthas gtugs pa ste/ de yang ma lus par khong du chud par bya ba'o/ /sangs rgyas kyi yul ni bsam gyis 
mi khyab pa'i yul te/ de dag kyang thams cad khong du chud par bya ba'o/ /byang chub sems dpa'i spyod pa ni grangs med pa ste/ de dag kyang thams cad khong du chud par bya ba'o/ /sangs rgyas kyi thugs su chud pa dang dgongs pa ni yul mtha' 
yas pa yul brjod du med pa ste/ de dag kyang thams cad khong du chud par bya ba'o/ /chos su dmigs pa thams cad ni sems kyi rang bzhin mthar phyin pa med pa ste/ de dag kyang thams cad lhag ma med par khong du chud par bya ba'o/ /
de ci'i phyir zhe na/ 'di lta ste dper na/ yid bzhin gyi nor bu las ni ji bsam pa thams cad 'byung yang de snyed du mngon par 'du byed pas stongs par mi 'gyur zhing bsam pa thams cad yongs su rdzogs par 'gyur yang rgyun chad 
pa med do/ /zad par 'gyur ba med do/ /yid bzhin gyi nor bu de yang rgyun gcod par sems pa med do/ /de bzhin du byang chub sems dpa' yang sems sgyu ma lta bu la zhugs pas chos kyi dmigs pa thams cad mngon par bsgrub </font><hr>36-1-342a<br><font size=+1>
kyang mthar phyin pa'i sems mi bskyed de ting nge 'dzin de dang de dag gi rgyun yongs su mi gcod do/ /de ci'i phyir zhe na/ 'di ltar byang chub sems dpa' ni sgyu ma'i dkyil 'khor yangs shing rgya che ba tshad med pa la 
zhugs pas kun tu bzang po'i spyod pa don yod pa nges par rtogs pa la gnas pa dang / mngon par bsgrub pa khong du chud pa'i ye shes kyi sgo dang ldan pas de la rgyas par 'gyur ba 'am/ 'bri bar 'gyur ba med do/ /'di lta ste dper na/ 
byis pa so so'i skye bo rnams ni sems kyi sgo mu med pa ste/ de dag gi sems ni ma skyes mi skye skye bar mi 'gyur ba yin yang / de dag gi sems skye ba dang / skye bar 'gyur ba'ang mtha' med pa ste/ thug pa med pa'o/ /
zad par mi 'gyur ba'o/ /sems kyi rgyud yongs su rgyun chad pa med de bsam gyis mi khyab pa'o/ /de bzhin du byang chub sems dpa' ting nge 'dzin gyi rnam pa sgyu ma'i sgo mang po kun dang ldan pa 'di lta bu la snyoms par zhugs pa la'ang 
mur thug pa med do/ /tshad kyis gcal ba med do/ /de ci'i phyir zhe na/ byang chub sems dpa' kun tu bzang pos de snyed du tshad med pa'i chos kyi tshul gyi sgo khong du chud pa'i phyir ro/ /'di lta ste dper na/ klu'i rgyal po rgya 
mtsho chen po dang / dga' bo dang bsnyen dga' bo dang / yid du 'ong ba dang / klu'i rgyal po chen po de ma yin pa dag gis char phab na char ba'i thigs pa re re zhing ba ru ra'i 'bras bu tsam gyi rgyun du phab kyang / char pa de la zad ces bya ba med 
do/ /sngar bab pa de nyid phyir 'bab ces bya ba med do/ /sprin gyi mngon par 'du bya ba la zad ces bya ba myed do/ /de bzhin du byang chub sems dpa' kun tu bzang po'i ting nge 'dzin gyi sgo dang ye shes kyi sgo dang / chos kyi sgo dang sangs </font><hr>36-1-342b<br><font size=+1>
rgyas lta ba'i sgo dang / phyogs su 'gro ba'i sgo dang sems kyi dbang gi rjes su 'gro ba'i sgo dang / byin gyi rlabs kyi sgo dang / cho 'phrul gyi sgo dang / rnam par 'phrul ba'i sgo dang / mya ngan las 'das pa'i tshul gyi sgo dang / chos 
kyi tshul gyi sgo dang / byang chub sems dpa'i tshogs rgya mtsho brjod du med pa'i yang brjod du med pa yongs su rdzogs par bya ba'i sgo dang / de bzhin gshegs pa sangs rgyas kyi zhing brjod du med pa'i yang brjod du med pa'i rdul shin tu phra ba 
snyed mngon par sangs rgyas pa'i drung du 'gro ba'i sgo dang / dbang po'i dra ba brjod du med pa'i yang brjod du med pa la 'jug cing khong du chud par bya ba'i sgo dang /'jig rten gyi khams kyi rgyud tha dad pa'i bye brag brjod du med pa'i yang brjod 
du med pa sems kyi tshad kyis khong du chud par bya ba dang / sangs rgyas kyi zhing 'byam klas pa'i sgo dang / 'jig rten gyi khams dngos po yod pa dang dngos po med pa brjod du med pa'i yang brjod du myed pa'i sgo dang / sems can gyi 'du shes 
khong du chud par bya ba dang / rjes su bsnyeg pa brjod du med pa'i yang brjod du med pa'i sgo dang / dus rnam pa tha dad cing bskal pa mi mthun pa khong du chud par bya ba dang / bstan pa brjod du myed pa'i yang brjod du med pa'i sgo dang 
'jig rten gyi khams kyi rgyud 'byung ba dang / 'jig pa brjod du med pa'i yang brjod du med pa yang dag pa ji lta ba bzhin du shes pas khong du chud pa'i sgo dang / sangs rgyas kyi zhing spyi'u tshugs brjod du med pa'i yang brjod du med pa 
dang / snrel zhir rgyu ba brjod du med pa'i yang brjod du med pa dag tu sems kyi skad cig gcig gis byang chub tu rnam par 'tshang rgya bar bya ba'i sgo la mtha' med do/ /zad pa myed do/ /sa mtshams med do/ /mu med do/ /skyo ba </font><hr>36-1-343a<br><font size=+1>
med do/ /yongs su yi 'chad pa med do/ /thug pa myed do/ /rgyun chad pa myed do/ /phyir ldog pa med do/ /chud za ba med do/ /'on kyang byang chub sems dpa' de chos kyi sgos thug pa myed par mi 'gyur ro/ /
nges par rtogs par bya bas yongs su yi 'chad par 'gyur ba med do/ /thams cad mkhyen pa'i sgo zad par 'gyur ba med do/ /sangs rgyas kyi zhing 'byam klas pa'i 'jig rten gyi khams thams cad snang bar bya ba las phyir ldog pa med 
do/ /chos kyi 'khor lo brjod du med pa'i yang brjod du med pa rab tu bskor ba la btang snyoms su byed pa myed do/ /sangs rgyas kyi dgongs pa yongs su dri ba la zad par 'gyur ba med do/ /sangs rgyas kyi byang chub blta ba la mthar thug 
pa myed do/ /sems can gyi khams thams cad 'dul bar bya ba yongs su gtong ba med do/ /kun tu bzang po'i spyod pa dang / smon lam gyis 'byung ba rgyun 'chad par 'gyur ba myed do/ /kha dog mtha' yas pa'i lus tshad med pa/ 
brjod du med pa'i yang brjod du med pa yongs su bstan pas sa mtshams su 'gyur ba med do/ /de ci'i phyir zhe na/ 'di lta ste dper na/ me ni ji srid du shing yod pa de srid du 'bar te/ me 'bar ba la mthar thug pa myed do/ /
de bzhin du byang chub sems dpa' yang ji tsam du sems can gyi khams la rnam par dpyod pa dang / ji tsam du chos kyi dbyings la 'jug pa dang / ji tsam du 'jig rten gyi khams su rgyu ba dang / ji tsam du nam mkha'i rang 
bzhin gyi tshad mi dmigs pa dang / ji tsam du sangs rgyas kyi zhing brjod du med pa'i yang brjod du med pa'i rdul shin tu phra ba snyed kyi sangs rgyas kyi zhing gcig nas gcig tu brgyud pa'i sems kyi skad cig re re la 'jug cing khong du chud par bya ba dang / ji tsam du </font><hr>36-1-343b<br><font size=+1>
thams cad mkhyen pa'i ye shes dang sangs rgyas kyi zhing 'byam klas pa brjod du med pa'i yang brjod du med pa dag gi chos kyi bye brag rnam par phye ba la 'jug pa dang / ji tsam du sems can gyi khams kyi rgyud brjod du med pa'i yang brjod 
du med pa dge ba'i rtsa ba la gzhog cing nye bar 'tsho bar byed pa dang / nye bar ston pa dang / shin tu rnam par dag par byed pa dang / ji tsam du byang chub sems dpa'i dge ba'i rtsa ba dam pa brjod du med pa'i yang brjod du med pa 
yang dag par mthong zhing smon lam gcig tu nges pa med pa kun tu bzang po'i spyod pa dang /smon lam la nges par bya ba dang / kun tu bzang po'i spyod yul gyi ye shes kyi sgo la gzhog pa dang / ji tsam du dus gsum la 'jug pa'i 
rgyud brjod du med pa'i yang brjod du med pa 'byam klas pa dang / snyoms shing rnam par rtog pa'i dus la 'jug pas mtha' dang dbus med pa'i tshul du 'jug pa dang / ji tsam du 'jig rten gyi khams 'byung ba dang / 'jig 
pa dang gnas pa brjod du med pa'i yang brjod du med pa rnam par rtog pa'i dmigs pa kun tu rgyu ba 'byung zhing rgyun mi 'chad pa de tsam du ye shes kyi dmigs pa snying rje chen po las byung ba/ smon lam chen pos sprul pa/ 
'gro ba thams cad ma lus par gdul ba la brtson pa yang mthar thug ces bya ba med do/ /de ci'i phyir zhe na/ 'di ltar de ni byang chub sems dpa' kun tu bzang po'i spyod pa dang / smon lam yongs su rdzogs par bya 
ba'i phyir/ byang chub sems dpa' kun tu bzang po'i spyod pa'i khyad par ye shes kyis bsgrubs pas 'gro ba thams cad yongs su dgrol bar bya ba la brtson pa'i phyir ro/ /de bas na byang chub sems dpa' ting nge 'dzin gyi rnam </font><hr>36-1-344a<br><font size=+1>
pa de lta bu dang / de lta bu'i yul de ltar rgya che ba dang / de ltar yangs pa dang / de ltar tshad med pa dang / de ltar bsam gyis mi khyab pa dang / de ltar 'od kun tu mtha' yas pa dang / 
de ltar sangs rgyas thams cad mngon du gyur pa dang / de ltar de bzhin gshegs pa thams cad kyi byin gyis brlabs pa dang / de ltar dge ba'i rtsa ba thams cad kyis yongs su grub pa dang / de ltar mi 'khrugs pa'i sems dang 
ldan pa la mngon par brtson par bya'o/ /yongs su yi 'chad pa med pas brtan par bya'o/ /skyo ba med pa'i sems kyis bsgrub par bya'o/ /bsam pa phyir mi ldog par bskyed par bya'o/ /gdon mi za bar 'byung bas sbyar bar bya'o/ /
rtsom pa'i nan tan gyis mthun par spyad par bya'o/ /bsam gyis mi khyab pa'i ye shes yongs su gnon par bya'o/ /sgyu'i sa la mngon par zhen pa med par bya'o/ /'jig rten gyi yul thams cad la mi gnas par bya'o/ /
chos thams cad la chags pa med par bya'o/ /rlom sems thams cad yang dag par bsal bar bya'o/ /dngos po thams cad la chags pa med par bya'o/ /dmigs pa thams cad la rtogs pa med par bya'o/ /chos khong du 
chud par bya ba la tshod 'dzin pa med par bya'o/ /chos kyi ye shes rtog par khong du chud par bya'o/ /thams cad mkhyen pa'i gdan la sangs rgyas su byang chub pas rmongs pa med par bya'o/ /chos kyi snang ba yongs su bsgrub par 
bya'o/ /'gro ba thams cad dge ba'i rtsa bas yongs su bsdu bar bya'o/ /bdud kyi yul las sems can yongs su bskyod par bya'o/ /chos kyi yul la sems can rab tu dgod par bya'o/ /sangs rgyas kyi yul la rab </font><hr>36-1-344b<br><font size=+1>
tu gzung bar bya'o/ /smon lam gyi yul las phyir ldog pa med par bya'o/ /'byung ba'i yul la rtogs pas gzhag par bya'o/ /rnam par dag pa'i yul la rab tu zhen par bya'o/ /pha rol tu phyin pa'i yul khong du chud par bya'o/ /
sangs rgyas thams cad la shin tu mos par bya'o/ /chos thams cad la dngos po med pa'i bdag nyid du yang dag par 'jug par bya'o/ /chos thams cad rang bzhin med pa khong du chud par bya'o/ /'jig rten gyi rang 
bzhin snang bar bya'o/ /chos kyi 'thad pa rab tu brjod par bya'o/ /ye shes kyi rang bzhin yang dag par bstan par bya'o/ /go ca'i dam pa bgos pa yongs su mi spang bar bya'o/ /skal pa mnyam par spyod pa rnams dang 
lhan cig gnas par bya'o/ /sangs rgyas thams cad rjes su dran pa la sems lhod pa med par bya'o/ /de bzhin gshegs pa thams cad la rnam par rtog pa med par bya'o/ /chos kyi dbyings tha dad pa med pa la bdag rab tu 
sbyar bar bya'o/ /sems sgyu ma lta bur rab tu shes par bya'o/ /'jig rten gyi rgyud thams cad rmi lam lta bur khong du chud par bya'o/ /smon lam dang sangs rgyas blta bar bya ba thams cad mig yor lta bur shes par bya'o/ /
slob pa med pa'i chos 'byam klas pa/ thams cad sprul pa lta bur shes par bya'o/ /tshig gi lam thams cad sgra brnyan lta bur khong du chud par bya'o/ /chos thams cad sgyu ma lta bur rtogs par bya'o/ /shi 'pho dang skye ba 
thams cad 'khrul 'khor lta bur shes par bya'o/ /sangs rgyas kyi zhing du 'gro ba thams cad lus med par khong du chud par bya'o/ /de bzhin gshegs pa thams cad la sangs rgyas kyi chos dri bas yongs su skyo ba med par bya'o/ /</font><hr>36-1-345a<br><font size=+1>
'jig rten gyi chos thams cad 'jig par bstan pa'i sa dang / gdams ngag dang man ngag tu bya ba la btang snyoms med par bya'o/ /gdul bar bya ba dus la bab pa'i sems can rnams yongs su smin par 
bya'o/ /zhes de ltar byang chub sems dpa' de byang chub sems dpa' kun tu bzang po'i spyod pa la nan tan byed pa dang / de ltar byang chub sems dpa'i spyod pa'i dkyil 'khor yongs su sgrub pa dang / de ltar byang chub 
sems dpa'i 'byung ba la rab tu brtson pa dang / de ltar 'das pa dang / ma byon pa dang / da ltar byung ba'i sangs rgyas kyi chos yongs su 'dzin pa dang / de ltar chos nyid 'khrugs pa med pa rnam par 'byed pa dang / de 
ltar sangs rgyas kyi zhing 'byam klas pa rnam par spyod pa dang / de ltar de bzhin gshegs pa thams cad la mos par byed pa dang / de ltar sangs rgyas kyi stobs 'byam klas pa khong du chud par byed pa dang / de ltar chags 
pa med pa'i sems kyis rab tu 'byed pa dang / phyogs mtshams med pa brjod du myed pa'i yang brjod du med pa rnam pa tha dad pa dag tu skal ba mnyam par rnam par dgod pa la 'gro ba rnams rab tu dgod pa'i tshe/ 
sangs rgyas kyi zhing de bzhin gshegs pa dang bcas pa/ sangs rgyas kyi zhing brjod du med pa'i yang brjod du med pa'i rdul shin tu phra ba snyed thams cad ma lus pa de dag gi /phyogs gcig gi de bzhin gshegs pa mtshan tha 
dad pa dang / mtshan gcig pa thams cad dang / phyogs gcig nas ji lta ba bzhin du phyogs bcu'i phyogs 'byam klas pa'i rgyud thams cad nas kyang de bzhin te/ phyogs 'byam klas pa'i rgyud gcig nas ji lta ba bzhin du </font><hr>36-1-345b<br><font size=+1>
phyogs kyi rgyud sangs rgyas kyi zhing brjod du med pa'i yang brjod du med pa'i rdul shin tu phra ba snyed thams cad nas kyang de bzhin te/ phyogs re re nas kyang mtshan re re'i sgos de bzhin gshegs pa sangs rgyas kyi zhing brjod du med pa'i yang 
brjod du med pa'i rdul shin tu phra ba snyed kyis zhal mngon par bstan to/ /de bzhin du chos kyi dbyings kyi mthas klas pa'i phyogs bcu ma lus par rdzogs pa'i sangs rgyas kyi zhing thams cad nas kyang / de bzhin gshegs pa kun 
gyis zhal mngon par bstan te/ byang chub sems dpa' de ye shes chen po'i ting nge 'dzin dang snyoms par 'jug pa kun tu bzang po'i spyod yul la yang dag par gnas pa'i rnam pa de lta bu dang / de bzhin gshegs pa'i yul la 
rmongs pa med cing chos thams cad la rab tu gzhol bar bya ba'i phyir de bzhin gshegs pa'i blo gros nye bar bsgrub pa mdzad do/ /thams cad mkhyen pa nyid du yang dag par gzhol zhing chos rnam pa tha dad pa thams cad kyi don khong du chud 
par bya'o/ /phyir blo gros nye bar bsgrub pa mdzad de/ chags pa med pa la rtogs par gzhog pas/ sangs rgyas kyi chos thams cad yongs su 'dzin par bya ba'i phyir rig pa nye bar bsgrub pa mdzad do/ /ye shes 'byam 
klas pa khong du chud par bya ba dang / blos rnam par sangs rgyas pa'i chos kyi dbyings kyi yul gyi mthas klas pa thams cad la sangs rgyas kyi byang chub nye bar bsgrub par mdzad do/ /byang chub sems dpa' de chos kyi snang ba dang / 
'od thams cad kyis mun pa med pa'i ye shes 'byam klas pa las phyir mi ldog par bya ba'i phyir shes rab nye bar bsgrub pa mdzad do/ /byang chub sems dpa' de thabs mkhas pa 'jig rten thams cad las 'phags pas sems can </font><hr>36-1-346a<br><font size=+1>
'dul ba la bsgribs pa med par bya ba'i phyir ye shes nye bar bsgrub pa mdzad do/ /byang chub sems dpa' de chos kyi rgyud mtha' yas pa brjod pa la zad mi shes pa tha dad pa yang dag par shes pa bskyed pa'i phyir spobs pa 
nye bar bsgrub pa mdzad do/ /byang chub sems dpa' de 'gro ba thams cad du lus brjod du med pa'i yang brjod du med pa'i rgyud dang / kha dog mtha' yas pa rnam pa tha dad pa rnam par ston par bya ba'i phyir sprul pa nye bar bsgrub pa mdzad 
do/ /byang chub sems dpa' de sems can sna tshogs thams cad la dbyangs kyi yan lag dang ldan pa'i sgra dbyangs dang / skad sna tshogs bstan par bya ba'i phyir lce yangs pa nye bar bsgrub pa mdzad do/ /byang chub sems dpa' 
de mthong ma thag tu ston pa dang / thos par byed pas sems can thams cad yongs su smyin par bya ba la rmongs pa med par bya ba'i phyir rmongs pa med pa nye bar bsgrub pa mdzad do/ /des byang chub sems dpa' de byang chub sems dpa' kun tu bzang 
bo'i spyod pa la yongs su grub pa yin/ yongs su grub nas kyang thams cad mkhyen pa'i sgo yongs su rdzogs par bya bas de bzhin gshegs pa'i rigs la 'jug go /'byung ba'i sgo yongs su dag par byed do/ /chags pa 
med pa'i sgos yongs su 'byung bar byed do/ /sems can thams cad 'byung ba'i sgo yongs su rtsom zhing byin gyis rlob bo/ /chos thams cad kyi rnam par 'phrul pa'i sgo yang dag par ston to/ /cho 'phrul gyi sgo tshad 
med pas sems can 'dul ba la rab tu 'jug go /byang chub sems dpa' kun tu bzang po'i spyod pa'i rnam pa la rab tu mkhas par spyod do/ /sangs rgyas thams cad kyi khyu mchog gi mthu phyung ba la byang chub sems dpa' </font><hr>36-1-346b<br><font size=+1>
kun tu bzang po'i spyod pas yang dag par 'byung ngo / /phyi ma'i mtha'i mur thug pa'i 'gro ba thams cad gdul ba'i phyir/ sangs rgyas kyi chos thams cad rnam par phye ba'i chos kyi 'khor lo rab tu bskor ba 'gro ba thams cad gdul ba'i 
mthar thug par byin gyi rlabs kyis byin tu rlob bo/ /de ci'i phyir zhe na/ byang chub sems dpa' ni/ smon lam gyi khyad par de lta bu dang ldan pas yongs su grub pa ma grub na/ 'jig rten thams cad kyi slob dpon du gyur pa yin/ 
chos kyi nyi ma 'jig rten du shar ba yin/ ye shes kyi zla ba 'jig rten thams cad du snang bar byung ba yin/ ye shes dam pa'i ri rab mi g.yo ba 'jig rten thams cad las mngon par 'phags pa yin/ ye shes kyi rgya mtsho tshad med pa 
'jig rten thams cad du yang dag par gnas pa yin/ bsgrub pa rgyun mi chad pas 'jig rten thams cad du chos kyi nan tan byed pa yin/ 'jig rten gyi khams mtshams med pa thams cad du rab tu snang ba yin/ rnam par dag 
pa yangs shing mtha' yas pa 'gro ba thams cad du brjod pa yin/ sems can gyi khams mtha' dang dbus med pa dge ba'i rtsa ba dang bsod nams kyi rgyud dang thams cad mkhyen pa nyid dang ldan pa'i smon lam chen po rab tu 
brtson par gzhog pa yin/ kun tu bzang pos spyod pa'i brtson 'grus yangs ba rgya chen po'i smon lam chen po la rab tu gzhog pa yin/ spyod pa chen po dang ting nge 'dzin yangs pa'i rnam par 'phrul pa brjod du med 
pa'i yang brjod du med pa la sems can gyi khams yang dag par gzhog cing rab tu sbyor ro/ /de ltar byang chub sems dpa'i de lta bu'i ngang tshul can de lta bu'i ye shes can/ de lta bu'i chos 'thob par gyur pa/ de lta bu'i </font><hr>36-1-347a<br><font size=+1>
chos kyis snang bar gyur pa/ de lta bu'i chos la gnas pa/ chos de lta bu mthong bar gyur pa/ mngon par shes pa de lta bu'i yid dang ldan pa/ cho 'phrul dam pa de lta bu dang ldan pa/ cho 'phrul mchog 
tu bya ba phul du byung ba de lta bus yang dag par bsgrubs pa/ rtag tu brtson pa'i snying rje chen pos mngon par 'phags pa/ chos kyi don bzang po la rtag tu rgyun mi 'chad par brtson pa/ bde ba'i lam yang dag par ston pa/ 
bsod nams chen po dang ye shes yangs pa'i 'od gzer gyi rgyal mtshan du gyur pa/ rnam par thar pa bsam gyis mi khyab pa shin tu thob pa/ thams cad mkhyen pa'i yul la don yod par rjes su song ba/ sangs rgyas kyi 
rnam par thar pa'i pha rol tu phyin pa thob pa/ rnam par thar pa'i tshul shin tu phra ba/ bsam gyis mi khyab pa rab tu bsgoms pa/ chos kyi dbyings kyi rgyud dang / tshul rmongs pa med par khong du chud pa/ kun tu bzang po'i ting nge 'dzin brjod du med pa'i yang brjod du med 
pa la rnam par rtse zhing brjod pa/ seng ge bsgyings ba'i ye shes kyis grub pa la shin tu gnas pa/ sems dang yid rnam par shes pa la chags pa med pa rnams kyi chos kyi bsam pa dang / lhag pa'i bsam pa rab tu yangs 
pa chen po bcu 'byung ngo / /bcu gang zhe na/ 'di la byang chub sems dpa' sangs rgyas thams cad rjes su dran pas gnas pa yin/ chos thams cad kyi de bzhin nyid tshad med pas gnas pa yin/ sems can 
thams cad gdul ba'i snying rje chen pos gnas pa yin/ zhing rnam par dag pa'i gnas bsam gyis mi khyab pa'i phyir gnas pa rnam par dag pas gnas pa yin/ sangs rgyas bcom ldan 'das rnams ni yul la mos pa rnam </font><hr>36-1-347b<br><font size=+1>
par dag pas gnas pa yin/ 'das pa dang ma byon pa dang da ltar byung ba'i sangs rgyas thams cad kyi byang chub tha dad par mi byed pas gnas pa yin/ chags pa med pa'i mtha' bsgribs pa med pa'i chos thams cad kyi ngo bo nyid dang / 
rang bzhin mtshan nyid med pas gnas pa yin/ de bzhin gshegs pa thams cad kyi dge ba'i rtsa ba 'das pa dang ma byung ba dang / da ltar byung ba thams cad dang rgyud kyi tshul gcig tu gyur pas gnas pa yin/ de bzhin gshegs 
pa thams cad kyi sku'i phrin las dang gsung gi phrin las dang / thugs kyi phrin las 'das pa dang ma byung ba dang / da ltar byung ba med pa'i chos kyi dbyings shin tu ston pa'i ye shes sngon du 'gro bas gnas pa yin/ de bzhin gshegs 
pa 'das pa dang ma byon pa dang da ltar byung ba thams cad kyi skye ba dang / mngon par 'byung ba dang / snying po byang chub tu gshegs pa dang / mngon par 'tshang rgya ba dang / chos kyi 'khor lo bskor ba dang / yongs su mya ngan las 
'da' ba dus gsum mnyam pa nyid du thugs su chud pa skad cig gcig gi mthar 'jug pas gnas pa yin te/ de ltar byang chub sems dpa'i lhag pa'i bsam pa de dag ni tshad med pa/ shin tu yangs pa bgrang du med pa gzhal 
du med pa/ zad mi shes pa brjod par dka' ba/ bsam gyis mi khyab pa/ brjod du med pa/ bzod par dka' ba/ 'gro ba thams cad kyis mi 'phrogs pa dag ste/ chos thams cad kyi ye shes rab tu bsgrub pa'i phyir 
byang chub sems dpa' de lhag pa'i bsam pa de lta bus gnas so/ /de dag gi byang chub sems dpa' de byang chub sems dpa' kun tu bzang po'i spyod pa'i pha rol tu phyin pa thob pa yin te/ chos rnam par dag pa yang rab tu </font><hr>36-1-348a<br><font size=+1>
thob bo/ /bsam pa'i stobs kyang rnam par 'phel bar byed do/ /sems can rnams la dge ba'i rtsa ba tshad med pa yang yang dag par ston to/ /byang chub sems dpa'i stobs kyang rnam par 'phel bar byed do/ /
byang chub sems dpa'i yon tan mi khom pa khom par byed pa thams cad kyang yongs su rdzogs par byed do/ /shin tu 'byung ba'i phyir byang chub sems dpa'i spyod pa thams cad yongs su grub pa yang rab tu thob bo/ /sangs rgyas thams 
cad kyi chos kyi gzungs kyis 'das pa dang ma byon pa dang da ltar byung ba'i sangs rgyas thams cad kyi bstan pa yang dag par 'dzin to/ /'dod chags dang bral ba'i mthar sems can gyi khams thams cad la yang dag par lta'o/ /
tshig gi lam gyi rgyud kyis sems can thams cad 'dul ba yongs su ston to/ /de ci'i phyir zhe na/ de ni ting nge 'dzin rgya chen po de lta bu thob pa'i byang chub sems dpa' rnams kyi chos nyid de/ des byang chub sems dpa' de sangs 
rgyas kyi ye shes 'byam klas pa thams cad la mchog tu bya ba rab tu 'thob bo/ /de'i phyir chos 'byam klas pa thams cad ston pa la mkhas pa'i tha dad pa yang dag par shes pa rab tu 'thob bo/ /de'i phyir 'jig rten thams cad du 
chos kyi dam pa 'jigs pa med pa rnam par dag pa rab tu 'thob bo/ /de'i phyir ting nge 'dzin thams cad kyi rjes su 'gro ba'i ye shes rab tu 'thob bo/ /de'i phyir byang chub sems dpa'i tshul thams cad la mkhas pa'i dam pa 
rab tu 'thob bo/ /de'i phyir tshul thams cad kyi rgyan rab tu 'thob bo/ /de'i phyir 'jig rten thams cad du chos kyis dbugs phyin pa'i pha rol tu phyin pa dang ldan par 'gyur ro/ /de'i phyir sems can thams cad kyi dus dang dus </font><hr>36-1-348b<br><font size=+1>
ma yin pa rab tu shes so/ /de'i phyir 'jig rten gyi khams thams cad snang bar bya ba rab tu shes so/ /de'i phyir sems can thams cad la bsgribs pa med pa'i ye shes khong du chud par 'gyur ro/ /de'i phyir don thams cad bsgrubs par 
yon tan thams cad la yan lag rab tu gnas par 'gyur ro/ /de'i phyir theg pa'i dam pa rab tu brtson par byas te/ sems can thams cad la mnyam par gzhag pa rnam par dag pa rab tu brjod do/ /de ci'i phyir zhe na/ de ni 
byang chub sems dpa' sems can gyi don la gnas pa snying rje chen po de lta bu rnam par 'phel bar byed pa dang / dge ba'i bshes gnyen dang bsten par 'dod pa/ sangs rgyas thams cad blta bar 'dod pa/ chos thams cad 
snang bar bya bar 'dod pa/ zhing thams cad du 'gro bar 'dod pa/ phyogs thams cad du rgyu bar 'dod pa/ dus gsum mnyam pa nyid khong du chud par 'dod pa/ chos thams cad mnyam pa nyid mngon par 
'tshang rgya bar 'dod pa/ sangs rgyas mnyam pa nyid la rab tu gnas par 'dod pa/ ye shes mnyam pa nyid la 'dug par 'dod pas chos 'di dag la las de lta bur brtson zhing las gzhan med pa dang / ngoms mi shes pa dang / sems 
ma 'khrugs pa dang / yid rtse gcig tu gyur pa dang / de ltar gnas pa la brtson pa dang / de ltar khong du chud pa'i yid dang / de ltar ma nyams pa'i sems dang / de lta bu'i yid bde ba dang / de ltar las su rung ba dang / de ltar 
brtson pa dang / de ltar mthar 'byin pa dang / de ltar rnam par spyod pas nan tan du bya zhing mngon par bsgrub par bya'o/ /de ci'i phyir zhe na/ byang chub sems dpa' rnams ni log par smra ba ma yin/ byang chub sems dpa' rnams </font><hr>36-1-349a<br><font size=+1>
ni gzhan du smra ba ma yin te/ byang chub sems dpa' rnams ni ji skad du smras pa de bzhin du byed pa'o/ /de ci'i phyir zhe na/ 'di lta ste dper na/ rdo rje ni gcog tu mi rung bar brjod pa ste/ mi chogs pa'i rang bzhin 
yongs su mi gtong ngo / /de bzhin du byang chub sems dpa' yang chos 'di dag las brjod pa ste/ 'di lta bu'i chos la gnas pa yongs su mi gtong ngo / 'di lta ste dper na/ gser ni kha dog shin tu bzang bar brjod pa ste/ gser 
gyi kha dog bzang po rnam par dag pa yongs su mi gtong ngo / /de bzhin du byang chub sems dpa' yang de ltar dge zhing bzang ba'i chos kyis brjod pa ste/ de ltar dge zhing bzang ba'i chos la gnas pa yongs su mi gtong ngo / /'di 
lta ste dper na/ lha'i bu nyi ma ni snang ba'i dkyil 'khor gyis brjod pa ste/ snang ba yongs su mi gtong ngo / /de bzhin du byang chub sems dpa' yang 'gro ba thams cad du snang bas brjod pa ste/ byang chub sems dpa'i snang ba yongs 
su mi gtong ngo / /'di lta ste dper na/ ri'i rgyal po ri rab ni rin po che bzhi'i phung pos rgya mtsho las shin tu 'phags par brjod pa ste/ rgya mtsho las shin tu 'phags pa yongs su mi gtong ngo / /de bzhin du byang chub sems dpa' yang 'jig 
rten thams cad la dge ba'i rtsa bas shin tu 'phags par brjod pa ste/ 'jig rten thams cad las shin tu 'phags pa yongs su mi gtong ngo / /'di lta ste dper na/ sa chen po ni 'gro ba thams cad yongs su rton par brjod pa 
ste/ rton pa'i rang bzhin yongs su mi gtong ngo / /de bzhin du byang chub sems dpa' yang 'gro ba thams cad yongs su 'grel pas brjod pa ste/ snying rje chen po yongs su mi gtong ngo / /'di lta ste dper na/ rgya mtsho chen </font><hr>36-1-349b<br><font size=+1>
po ni rin po che thams cad kyi 'byung gnas su brjod pa ste/ rgya mtsho'i chu yongs su mi gtong ngo / /de bzhin du byang chub sems dpa' yang dge ba'i rtsa ba thams cad kyi 'byung gnas su brjod pa ste/ sems can thams cad yongs 
su dgrol ba'i smon lam yongs su mi gtong ngo / 'di lta ste dper na/ 'phong gi slob dpon ni mda' gzhu dang 'phong la zo bdog bde bas ji srid du mda' gzhu dang ldan zhing mda' gzhu la brtson pas brjod par bya ba ste/ 'phong gi tshul 
du bya ba yongs su mi gtong ngo / /de bzhin du byang chub sems dpa' yang ji tsam du ting nge 'dzin gyi sgo dang / yul gyi rnam pa 'di lta bu la mngon par brtson zhing yongs su bsgrub pa de tsam du thams cad mkhyen pa'i ye shes kyis 
snang bar 'gyur ba yin/ 'di lta ste dper na/ 'khor los sgyur ba'i rgyal po ni ji tsam du tshe ring ba de tsam du bde ba myong ba yin/ de bzhin du byang chub sems dpa' yang ji tsam du byang chub sems dpa'i spyad pa spyod cing 
rnam pa 'di lta bu'i ting nge 'dzin chen po la snyoms par 'jug pa de tsam du sems can gyi khams rnam par dag par 'gyur ro/ /shin tu rnam par dag pa yang rab tu thob bo/ /'di lta ste dper na/ ji tsam du sa bon btab 
pa de tsam du rnam par 'phel lo/ de bzhin du byang chub sems dpa' yang ci tsam du byang chub sems dpa' kun tu bzang po'i spyod pa la brtson pa de tsam du sems can gyi khams rnams dge ba'i rtsa ba la rnam 
par dag par 'gyur ro/ /'di lta ste dper na/ sprin chen po ni ji tsam du char 'beb pa de tsam du dbyar gyi dus la sa bon rnam par 'phel bar 'gyur ro/ /de bzhin du byang chub sems dpa' yang ji tsam du </font><hr>36-1-350a<br><font size=+1>
chos kyi sprin gyi char 'bebs shing byang chub sems dpa'i spyad pa spyod pa dang / rnam pa 'di lta bu'i ting nge 'dzin chen po la snyoms par 'jug pa de tsam du sems can rnams shin tu rnam par dag par 'gyur te/ 
shin tu mthar thug par 'gyur ba dang / shin tu bde ba phun sum tshogs pa dang ldan pa dang / mchog tu bya ba shin tu 'thob pa dang / shin tu pha rol tu phyin pa dang / 'jig rten thams cad shin tu tshim par byed pa dang / skye dgu thams cad kyi bya ba thams cad 
la the tsom shin tu gcod pa dang / sbyin bsreg yongs su bzung zhing sbyin pa yongs su sbyong bas bsod nams rmad du byung ba dang / phyir mi ldog pa'i 'khor lo la rab tu gzhog pa'i phyir thams cad mkhyen pa nyid du skal ba shin tu mnyam par 'gyur ba dang / sems 
can thams cad khams gsum las bsgral ba'i phyir ye shes shin tu rnam par dag par byed pa yin/ thams cad mkhyen pa'i ye shes la sems can rnams dgod pa'i phyir chos kyi 'khor los sgyur ba dam par 'gyur ba yin/ de 
ci'i phyir zhe na/ byang chub sems dpa' ni rang bzhin gyi chos kyi dbyings rnam par phye ba ste/ bsam gyis mi khyab pa'o/ /tshad med pa'o/ /byang chub sems dpa'i spyod pa rnam par sbyong ba'o/ /thams cad mkhyen pa nyid kyi phyir 
ye shes sbyong ba'o/ /yongs su 'dul bas sems can sbyong ba'o/ /yongs su bsngo bas zhing sbyong ba'o/ /rab tu gzhog pas chos sbyong ba'o/ /zhum pa med pas mi 'jigs pa sbyong ba'o/ /rab tu bstan pa tha dad pa yang dag 
par shes pa sbyong ba'o/ /shin tu bstan pas chos sbyong ba'o/ /chos thams cad las phyir mi ldog par gzungs sbyong ba'o/ /sangs rgyas kyi 'byung ba thams cad kyi don du sangs rgyas kyi bstan pa sbyong ba'o/ /de ltar byang chub sems </font><hr>36-1-350b<br><font size=+1>
dpa' ting nge 'dzin 'di la gnas pa ni yon tan 'di dag dang / gzhan yang yongs su dag pa brjod du med pa'i yang brjod du med pa bye ba khrag khrig brgya stong rab tu 'thob bo/ /ting nge 'dzin chen po'i dkyil 'khor 'di dag 
gi dbang dang / sangs rgyas thams cad kyi byin gyi rlabs dang / rang gi dge ba'i rtsa ba'i rgyu'i stobs dang / ye shes kyi sa'i sgrol ba'i mthu dang / dge ba'i bshes gnyen gyis nye bar brtan pa'i stobs dang / bdud kyi 
las thams cad rab tu 'joms pa'i mthu dang / dge ba'i las skal pa mnyam pa rnams kyi gzhung gcig pa'i mthu dang smon lam rnams kyi dag pa'i stobs dang / ji ltar bskyed pa'i dge ba'i rtsa ba rnams yongs su grub pa'i stobs 
dang / 'jig rten las 'das pa'i bsod nams thub pa med cing zad mi shes pa'i mthu de ltar snyoms par 'jug pa la gnas pa ni/ yon tan mtshungs pa mnyam pa bcus sangs rgyas 'das pa dang / ma byon pa dang da ltar byung ba 
thams cad mtshungs pa mnyam pa yin te/ bcu gang zhe na/ 'di ltar gzugs dang mtshan dang dpe byad bzang po sna tshogs kyis byang chub sems dpa' mtshungs pa mnyam pa yin/ 'od dang 'od zer gyi dra ba rab tu 'gyed pa 
rnam par dag pas byang chub sems dpa' mtshungs pa mnyam pa yin/ rdzu 'phrul dang rnam par 'phrul pa dang / sprul pa sems can 'dul ba'i tshul bzhin du ston pas/ byang chub sems dpa' mtshungs pa mnyam pa yin/ 
lus tshad med pa dang / kha dog mtha' yas pa dang / dbyangs thams cad rnam par dag pas/ byang chub sems dpa' mtshungs pa mnyam pa yin/ sangs rgyas kyi zhing rnam par dag pa byin gyis rlob cing sems can gyi </font><hr>36-1-351a<br><font size=+1>
las dang spyod pa ji lta ba bzhin du rnam par dmigs pa yang dag par ston pas byang chub sems dpa' mtshungs pa mnyam pa yin/ sems can thams cad kyi tha snyad gzungs dam pas 'dzin pa'i mthu dang dran pa nyams 
pa med pa'i mthar thug par gnas pas byang chub sems dpa' mtshungs pa mnyam pa yin/ tha dad pa yang dag par shes pa mi zad pas sems can thams cad kyi sgra skad shes pas/ ston cing chos kyi 'khor lo bskor bas byang chub 
sems dpa' mtshungs pa mnyam pa yin/ mi 'jigs pas bag tsha ba med par seng ge'i nga ro sgrog cing chos dang mthun par sems can thams cad khong du chud par byed pas/ byang chub sems dpa' mtshungs pa mnyam pa yin/ dus gsum 
gyi tshig lam la 'jug pa skad cig gi mthar 'jug par byed pas byang chub sems dpa' mtshungs pa mnyam pa yin/ sangs rgyas kyi stobs dang de bzhin gshegs pa'i yul rnam par phye ba sems can rnams la yang dag par ston pas/ byang 
chub sems dpa' de bzhin gshegs pa thams cad dang mtshungs pa mnyam pa yin/ de nas byang chub sems dpa' kun tu myig gis/ byang chub sems dpa' kun tu bzang po la 'di skad ces smras so/ /kye rgyal ba'i sras de ltar byang chub 
sems dpa' de rnam pa de lta bu de dag dang ldan pas de bzhin gshegs pa thams cad dang mtshungs pa mnyam pa yin na/ ci'i phyir sangs rgyas ma yin/ ci'i phyir stobs bcu ma yin/ ci'i phyir thams cad mkhyen pa ma yin/ ci'i phyir 
kun tu gzigs pa ma yin/ ci'i phyir chos thams cad kyi dkyil 'khor la bsgribs pa mi mnga' bar gzigs pa ma yin/ ci'i phyir chos thams cad mngon par sangs rgyas pa ma yin/ ci'i phyir 'das pa dang ma byon pa dang da ltar byung ba'i sangs rgyas </font><hr>36-1-351b<br><font size=+1>
thams cad dang mi gnyis par spyod pa ma yin/ci'i phyir gnas pa'i mthar gyur pa'i ye shes dang ldan pa ma yin/ ci'i phyir byang chub sems dpa' kun tu bzang po'i spyod pa dang smon lam rgyun gcod pa ma yin/ ci'i phyir chos kyi 
dbyings kyi mthar thug pa ma yin/ ci'i phyir byang chub sems dpa'i rgyud nye bar len pa btang snyoms su mi gzhog /de nas byang chub sems dpa' kun tu bzang pos/ byang chub sems dpa' kun tu mig la 'di skad ces smras so/ /
kye rgyal ba'i sras khyod de skad du gal te/ byang chub sems dpa' de bzhin gshegs pa thams cad dang mtshungs pa mnyam pa yin na/ ci'i phyir sangs rgyas ma yin zhes zer ba de ji skad smras pa de bzhin te legs so legs so/ /
kye rgyal ba'i sras nam byang chub sems dpa'i spyod pa'i dkyil 'khor dang 'das pa dang ma 'ongs pa dang da ltar byung ba'i smon lam tha mi dad par zhugs pas yang dag par skyes pa'i yul thob par gyur pa de'i tshe sangs rgyas zhes bya'o/ /de bzhin 
gshegs pa'i don du byang chub sems dpa'i spyad pa spyod pa rgyun ma bcang pas de byang chub sems dpa' zhes bya'o/ /nam de bzhin gshegs pa rnams kyi stobs bcu la zhugs par gyur pa de'i tshe stobs bcu zhes bya'o/ /de bzhin 
gshegs pa'i stobs sgrub cing / byang chub sems dpa'i spyod pa rgyun mi gcod pas byang chub sems dpa' zhes bya'o/ /nam ched du bya ba med par chos kyi dbyings shin tu bstan pa thams cad rtogs par gyur pa de'i tshe thams 
cad mkhyen pa zhes bya'o/ /chos kyi dbyings thams cad shin tu bstan pa tha dad pa la 'jug pa rig par spyod cing mkhas par bya ba las phyir mi ldog pas de'i phyir byang chub sems dpa' zhes bya'o/ /nam byang chub </font><hr>36-1-352a<br><font size=+1>
sems dpa' de chos thams cad mi gnyis par yang dag par spyod pa yongs su shes par gyur pa de'i tshe sangs rgyas kyi chos thams cad rnam par sangs rgyas pa'i blo mnga' ba zhes bya'o/ /byang chub sems 
dpa' de chos thams cad gnyis pa dang gnyis ma yin pa la mkhas pas rnam pa tha dad pa'i rgyud la 'jug cing chos gcig nas gcig tu brgyud pa mkhas pa la gnas pas de byang chub sems dpa' zhes bya'o/ /nam byang chub sems dpa' de 
kun tu gzigs pa'i yul ye shes kyi sgos khong du chud par gyur pa de'i tshe kun tu gzigs pa zhes bya'o/ /byang chub sems dpa' de kun tu gzigs pa'i yul mngon par sgrub cing sems dang ye shes sems skad cig tu rnam par 
'phel bas yongs su skyo bar mi byed pas byang chub sems dpa' zhes bya'o/ /nam byang chub sems dpa' de chos snang ba'i sgo thams cad kyis snang bar byed cing mun pa med pa'i sa la gnas pa de'i tshe bsgribs pa med par 
gzigs pa zhes bya'o/ /byang chub sems dpa' de bsgribs pa med pa'i ye shes ston pa'i don du sangs rgyas rjes su dran pas de byang chub sems dpa' zhes bya'o/ /nam byang chub sems dpa' des de bzhin gshegs pa 
rnams kyi ye shes kyi tshul mngon par khong du chud par gyur pa de'i tshe/ chos thams cad mngon par sangs rgyas pa zhes bya'o/ /byang chub sems dpa' de de bzhin gshegs pa rnams kyi ye shes kyi tshul mngon par sangs rgyas pa 
la spyod cing rtogs pa la khong du chud pas de byang chub sems dpa' zhes bya'o/ /nam byang chub sems dpa' de de bzhin gshegs pa'i gnas la spyod cing / de bzhin gshegs pa thams cad dang mi gnyis par gyur pa de'i tshe </font><hr>36-1-352b<br><font size=+1>
'das pa dang ma byon pa dang / da ltar byung ba'i sangs rgyas thams cad dang mi gnyis pa zhes bya'o/ /byang chub sems dpa' de de bzhin gshegs pa'i sku thob par bya ba'i phyir bdag yongs su sbyong zhing rnam par sgom pas 
byang chub sems dpa' zhes bya'o/ /nam byang chub sems dpa' de 'gro ba thams cad du gnas pa yang dag pa'i mtha' khong du chud par gyur pa de'i tshe yang dag pa'i mtha' mkhyen pa zhes bya'o/ /byang chub sems dpa' de gnas pa'i yang dag 
pa'i mtha' la rtogs par gzhog cing yang dag pa'i mtha' mngon du mi byed la/ chos thams cad rab tu dbye ba'i rgyud la btang snyoms rab tu thob pa yang ma yin pas de byang chub sems dpa' zhes bya'o/ /nam byang chub sems 
dpa' de len pa med cing 'dor ba med pa la rtog pa med cing rnam par rtog pa med par gyur pa de'i tshe/ smon lam yongs su btang ba zhes bya'o/ /byang chub sems dpa' de byang chub sems dpa'i spyod pa yongs su rdzogs par 
byed cing shin tu yangs par byed pa dang / rnam par sbyong ba dang phyir ma ldog par byed pas byang chub sems dpa' kun tu bzang po'i spyod pa dang smon lam rgyun ma bcad pa zhes bya'o/ /nam byang chub sems dpa' de chos kyi dbyings 
snang bar bya ba'i tshul gyis chos kyi dbyings mtha' dang dbus med pa rab tu shes shing mtshan nyid gcig gis chos thams cad kyi mtshan nyid rab tu shes par gyur pa de'i tshe chos kyi dbyings kyi mthar thug pa zhes bya'o/ /nam byang chub sems 
dpa' de phyir mi ldog pa'i btang snyoms dang ldan par gyur pa de'i tshe/ byang chub sems dpa'i rgyud nye bar len pa la btang snyoms pa zhes bya'o/ /byang chub sems dpa' de chos kyi dbyings la 'jug pa rab tu shes pa'i tshul gyis chos </font><hr>36-1-353a<br><font size=+1>
kyi dbyings mtha' dang dbus med pa rab tu shes shing chos thams cad mtshan nyid tha dad pa'i tshul gyis mtshan nyid sna tshogs rab tu shes la phyi ma'i mtha'i mur thug pa'i bskal par skyo ba med cing yongs su yi 'chad 
pa med de/ 'gro ba thams cad snying rje chen pos yongs su bskyab pa'i sems kyis sems can thams cad yongs su 'grel cing 'dul bas de'i phyir byang chub sems dpa' kun tu bzang po zhes bya'o/ /kye rgyal ba'i sras dag 'di lta ste 
dper na/ glang po'i rgyal po shugs dang ldan pa zhes bya ba ni ri gser gyi logs zhes bya ba'i rin po che bdun gyi rang bzhin gyi lung pa rin po che'i rab bdun gyis bskor ba/ rin po che'i shing thags kyi dra ba bdun gyis bskor ba rin po che'i dra 
bas kun nas yog pa na gnas te/ glang po'i rgyal po shugs dang ldan pa de yang thams cad du dkar ba gangs kyi mdog ltar 'dug pa/ gser gyi rgyal mtshan can/ gser gyi rgyan gyis brgyan pa/ gser gyi phyang 'phrul gyis klubs pa/ gser 
gyi dra bas bkab pa/ dril bu'i dra ba brgyus pa/ rin po che thams cad kyi dra bas sna kun nas bkab pa/ rin po che'i dril bu'i phreng ba kun nas brgyus pa/ yan lag bdun shin tu gnas pa/ mche ba drug dang ldan pa/ yid du 'ong ba gzugs 
dang kha dog mi mthun pa med pa blta na skyo mi shes par sdug pa rnam par dag pa/ rigs dang ldan pa cang shes pa yid bzhin du byed pa ste/ de ni lha'i dbang po sum cu rtsa gsum gyi bdag po brgya byin gyi sgo na gser gyi logs kyi ri lung pa nas mi snang bar 
gyur te/ sum cu rtsa gsum gyi lha'i rgyal po brgya byin la rim gro bya ba'i phyir 'ong ngo / /de nas lha'i rgyal po brgya byin gyis glang po'i rgyal po shugs dang ldan pa la zhon par gyur na/ de'i tshe glang po'i rgyal po shugs dang ldan pa de rdzu 'phrul gyi rnam pa sna tshogs ston </font><hr>36-1-353b<br><font size=+1>
te/ mgo sum cu rtsa gsum mngon par sprul pa byed do/ /mgo re re la yang mche ba drug drug mngon par sprul pa byed do/ /so re re la yang rdzing bu bdun bdun mngon par sprul pa byed do/ /rdzing bu re re zhing yang pad mo bdun bdun mngon par 
sprul pa byed do/ /pad mo re re la yang lha'i bu mo brgya phrag bdun bdun mngon par sprul pa byed do/ /lha'i bu mo de dag thams cad kyang lha rdzas kyi rol mo stong phrag du ma'i sgra 'byin pas lha'i dbang po brgya byin la rim gror byed do/ /lha'i dbang 
po brgya byin yang shugs dang ldan pa'i rim gro dang sprul pa la longs spyod pa'i phyir/ chu klung phyogs mtshams zhes bya ba'i ngogs nas pun da ri ka gcig gis khebs pa zhes bya ba'i bza' shing gi ra bar 'gro'o/ /de nas lha'i dbang po brgya byin 
pun da ri ka gcig gis khebs pa'i bza' shing gi ra bar phyin nas/ glang po'i rgyal po shugs dang ldan pa las babs te/ khang ba rin po che thams cad kyi rgyan dang snying po can na gnas shing lha'i bu mo mtha' yas pa dang rtse'o/ /de nas glang po'i 
rgyal po shugs dang ldan pa'i lus sna tshogs kyis rdzu 'phrul brtul te sum cu rtsa gsum pa'i lha rnams dang pun da ri ka gcig gis khebs pa'i bza' shing gi ra ba de na lha mo rnams dang lhan cig rtse dga' zhing dga' bar spyod do/ /de ltar glang po'i 
rgyal po shugs dang ldan pa rtse dga' zhing dga' bar spyod pa'i tshe/ sum cu rtsa gsum pa'i lha dang lus mtshungs par gnas pas sum cu rtsa gsum pa'i lha dang glang po'i rgyal po shugs dang ldan pas lus shes lus kyi khyad par med do/ /gzugs shes 
gzugs kyi khyad par med do/ /kha dog ces kha dog gi khyad par med do/ /gzi brjid ces gzi brjid kyi khyad par med do/ /'od dang rgyan dang gos dang rtsed mo dang longs spyod dang blta ba dang tshul gyis kyang khyad par gang yang med de glang po'i rgyal po shugs dang ldan pa dang / sum cu rtsa </font><hr>36-1-354a<br><font size=+1>
gsum pa'i lha rnams su 'di dag ni sum cu rtsa gsum pa'i lha'o/ /'di dag ni glang po'i rgyal po shugs dang ldan pa'o zhes bya bar rnam par brtag tu med do/ /sum cu rtsa gsum pa'i lha rnams dang glang po'i rgyal po shugs 
dang ldan par 'dra'o/ /glang po'i rgyal po shugs dang ldan pa dang / sum cu rtsa gsum pa'i lha rnams su 'dra'o/ /kye rgyal ba'i sras dag de ltar glang po'i rgyal po shugs dang ldan pa gser gyi logs kyi ri rin po che bdun gyi rang bzhin 
gyi lung pa nas dga' ba sna tshogs mngon par sprul pa byas te/ sum cu rtsa gsum pa'i lha'i nang du lha'i dbang po brgya byin gyi longs spyod kyi don du 'ongs nas lha'i dbang po brgya byin la mchod pa dang rim gro bya ba dang / 
bkur sti bya ba dang / phu dud bya ba'i phyir sum cu rtsa gsum pa'i lha dang tha mi dad pa'i tshul gyis lha'i dga' ba la spyod pa de bzhin du byang chub sems dpa' sems dpa' chen po/ byang chub sems dpa' kun tu bzang po'i spyod pa 
dang smon lam la brtson pa/ byang chub sems dpa'i ting nge 'dzin rin po che'i rgyan gyis brgyan pa/ byang chub sems dpa'i yon tan byang chub kyi yan lag bdun shin tu gnas pa/ 'od gzer kun tu 'gyed pa'i lus dang ldan 
pa/ chos kyi dril gyi sgra kun tu sgrog pa'i dbyangs dang ldan pa/ chos kyi rgyal mtshan rab tu bsgreng ba'i rgyal mtshan can/snying rje'i lung pa'i gnas na 'dug pa/ mthu bo che'i stobs kyi lus kyi khyad par can/ theg pa chen po'i 
smon lam gyi mche ba dang ldan pa/ drag shul gyi seng ges bag tsha ba med pa/ ye shes kyi rgyud kyi chos kyi cod pan btags pa/ gsang ba'i gnas thams cad nas rab tu byung ba/ byang chub sems dpa'i spyod pa dang smon lam gyis skyo ba myed </font><hr>36-1-354b<br><font size=+1>
pa'i byang chub kyi shing drung na mos shing spyod pa dang / smon lam gyi rgyun mi gcod pa/ byang chub kyi shing drung du 'dug cing thams cad mkhyen pa nyid kyi rdzing bu tha dad pa med par mngon par 'tshang rgya bar mngon sum du gyur pa/ byang 
chub sems dpa' kun tu bzang po'i spyod pa dang / smon lam rgya chen po rnam par 'phel bar byed pa dang / blo rnam par sangs rgyas pa byang chub sems dpa'i smon lam mngon par sgrub cing rgyun mi gcod pa/ 
lhod par mi byed pa/ phyir ldog par mi byed pa/ snying rje chen po mtha' dang dbus med pa rnam par 'phel bar byed pa/ smon lam chen po'i theg pas sems can thams cad kyi ris na kun tu bzang po'i spyod pa la mngon 
par gnas shing brtson 'grus yongs su mi gtong ba/ phyi ma'i mtha'i mur thug par sems can thams cad kyi sdug bsngal yongs su bstsal ba'i phyir/ byang chub sems dpa' kun tu bzang po'i lam yongs su chad par mi byed 
kyang byang chub tu mngon par yang 'tshang mi rgya ste/ rdzogs par byang chub pa'i sgo brjod du myed pa'i yang brjod du myed pa dang / chos kyi 'khor lo bskor ba'i sgo brjod du med pa'i yang brjod du med pa dang / sgom pa'i bsam pa sna tshogs kyi sgo 
brjod du med pa'i yang brjod du med pa dang / zhing 'byam klas pa sna tshogs kyi gnas su mya ngan las 'da' ba dang / rnam par 'phrul pa dang mngon par 'tshang rgya ba'i sgo brjod du med pa'i yang brjod du med pas/ 'jig rten gyi 
khams sna tshogs 'byam klas pa brjod du med pa'i yang brjod du med pa dag tu skye bar snang ngo / /byang chub sems dpa' kun tu bzang po'i spyad pa spyod par snang ngo / /de bzhin gshegs pa byang chub kyi shing drung du mngon par sangs </font><hr>36-1-355a<br><font size=+1>
rgyas pa brjod du med pa'i yang brjod du med pa/ byang chub sems dpa'i tshogs brjod du med pa'i yang brjod du med pas kun nas bskor ba dag gi zhabs kyi drung du 'gro bar snang ngo / /phyogs 'byam klas pa dang 
phyogs mtshams 'byam klas pa'i sangs rgyas kyi zhing mang po rgya mtsho dag tu mngon par sangs rgyas nas skad cig gcig lon pa dang / mngon par sangs rgyas nas yud tsam cig lon pa dang / mngon par sangs rgyas nas dus gzhan du 
gyur pa dang / mngon par sangs rgyas nas nyi ma gcig lon pa dang / mngon par sangs rgyas nas zla ba phyed lon pa dang / mngon par sangs rgyas nas lo gcig lon pa dang / mngon par sangs rgyas nas lo grangs med pa lon pa dang / 
mngon par sangs rgyas nas bskal pa gcig lon pa dang / mngon par sangs rgyas nas bskal pa brjod du med pa'i yang brjod du med pa snyed lon pa'i de bzhin gshegs pa dag gi zhabs kyi drung du nye bar 'gro'o/ /de bzhin du shar 
phyogs kyi sangs rgyas kyi nying gi sangs rgyas thams cad la rim gro byed do/ /mchod pa byed do/ /phyag 'tshal lo/ /rab tu 'dud do/ /sangs rgyas rnams la zhu ba byed do/ /rnam par 'phel ba'i sgyu ma'i dkyil 'khor gyi zhing 
yongs su byang zhing byang chub sems dpa'i spyod pa rnam par dag pa mtha' yas pa dang / ye shes brjod du med pa'i yang brjod du med pa dang / byang chub sems dpa'i rnam par 'phrul ba brjod du med pa'i yang brjod du med pas 
byang chub sems dpa' khyu mchog gi mthu phyung ba sna tshogs dang byang chub sems dpa'i ye shes yangs pa sna tshogs dang / byang chub sems dpa'i spyod yul sna tshogs dang byang chub sems dpa'i rdzu 'phrul sna tshogs dang / byang chub </font><hr>36-1-355b<br><font size=+1>
sems dpa'i mngon par bsgrub pa'i khyu mchog gi mthu mtha' dang dbus med pa sna tshogs dang / byang chub sems dpa'i rnam par thar pa la rnam par rtse ba sna tshogs dang / byang chub sems dpa'i chos snang ba rnam par dag pa'i tshul 
sna tshogs kyi byang chub sems dpa'i spyod pa dang / smon lam gyis thams cad du spyod par snang ngo / /byang chub sems dpa' kun tu bzang po'i rdzu 'phrul dang / khyu mchog gi mthu phyung ba'i tshul gyis sngon gyi mtha' yang 'jig par mi byed de/ /
'khor ba'i 'khor lo rgyun gcad pa dang / 'jig rten gyi khams kyi rgyud 'byam klas pa rnam par dag par bya ba dang de bzhin gshegs pa'i rgyud dang / sangs rgyas thams cad mthong bar bya ba dang / sangs rgyas kyi chos thams cad la 
'jug cing khong du chud par bya ba dang / dus gsum gyi rgyud kyi sangs rgyas kyi tshul rjes su dran par bya ba dang / thams cad mkhyen pa'i ye shes kyi rgyud rnam pa tha dad pa'i sgra dang / chos thams cad kyi rgyu phyogs kyi rgyud dang chos kyi lus thams cad kyi rjes su 
'grang bar bya ba dang / byang chub sems dpa'i spyod pa thams cad yang dag par gzung ba'i rgyud khong du chud cing yongs su rdzogs par bya ba dang / kun tu bzang po'i rgyud kyis thams cad mkhyen pa'i ye shes dang khyu mchog gi mthu mngon par 'tshang 
rgya bar bya ba'i phyir/ sems can brjod du med pa'i yang brjod du med pa rnam par dag par byed do/ /kye rgyal ba'i sras dag ltos dang de ltar kun tu bzang po'i spyod pa rgyun mi 'chad pa dang / byang chub sems dpa'i spyod pa yongs su 'chad pa med pa 
dang / thams cad mkhyen pa nyid kyi snang ba nyams pa med pa dang / sangs rgyas thams cad yongs su blta ba'i phyir kun tu bzang po'i spyod pa rgya chen po 'byung zhing thams cad mkhyen pa'i khyu mchog gi mthu phyung ba myong bar byed pa ngo mtshar mi che </font><hr>36-1-356a<br><font size=+1>
'am/ kye rgyal ba'i sras dag glang po'i rgyal po shugs dang ldan pa de ni glang po'i gnas nas kyang 'pho ba med la sum cu rtsa gsum gyi skye ba'i skye mched du yang rab tu skye'o/ /bzhon pa'i dngos por yang rnam par spyod do/ /lha'i 
rtse ba la'ang yongs su spyod do/ /rim gro bya ba'i tshul yang yongs su mi spong ngo / /lha'i bu mo rnams dang yang kun tu rtse'o/ /lha rnams dang yang mtshungs shing mnyam ste/ rnam pa tha dad pa med do/ /kye rgyal ba'i sras dag de bzhin du byang 
chub sems dpa' yang kun tu bzang po'i spyod pa theg pa chen po yang yongs su mi gtong zhing shi 'pho ba yang med la sangs rgyas kyi khyu mchog gi mthu phyung ba la yang rab tu spyod do/ /thams cad mkhyen pa nyid la yang rnam par rtse'o/ /sangs rgyas kyi rnam 
par thar pa yang rab tu shes so/ /chags pa med pa nyid kyang mngon par sgrub bo/ /chags pa med cing bsgribs pa med pa yang rnam par dag par byed do/ zhing rnams la yang gnas pa med do/ /sangs rgyas kyi chos rnams la yang rlom sems 
myed cing mi rtog rnam par mi rtog go /chos thams cad kyang mnyam pa nyid du byed do/ /myi gnyis pa dang yang 'gal bar myi byed de/ sangs rgyas kyi zhing yang yongs su mi spong ste/ de lta na byang chub sems dpa' de 'das pa dang / 
ma byon pa dang da ltar byung ba'i sangs rgyas thams cad dang yang mtshungs shing mnyam la byang chub sems dpa'i spyod pa yang rgyun mi gcod pa yin/ kye rgyal ba'i sras dag glang po'i rgyal po shugs dang ldan pa de glang po'i yul na yang snang la lha'i yul na 
yang spyod do/ /de bzhin du byang chub sems dpa' sems dpa' chen po rnam pa 'di lta bu'i chos rgya chen po dang ldan pa yang / byang chub sems dpa' kun tu bzang po'i spyod pa dang / smon lam la rab tu gnas pa'i byang chub sems dpa'i lhag </font><hr>36-1-356b<br><font size=+1>
pa'i bsam pa rnam par dag pas yang dag par gnas pa yin/ kye rgyal ba'i sras dag 'di ni ting nge 'dzin gyi dkyil 'khor rgya chen po tshad med pa byang chub sems dpa' nye bar spyod pa/ lhag pa'i bsam pas rab tu thob pa/ ye shes chen po la 
zhugs pa bcu pa ste/ kye rgyal ba'i sras dag 'di dag ni byang chub sems dpa' kun tu bzang po'i ting nge 'dzin rgya chen po'i dkyil 'khor bcu rnams so/ /ting nge 'dzin bcu'i le'u ste/ sum cu rtsa gsum pa'o// //
sangs rgyas rmad gcad ces bya ba shin tu rgyas pa chen po'i mdo/ /bam po nyi shu bdun pa/ de nas byang chub sems dpa' sems dpa' chen po kun tu bzang pos yang byang chub sems dpa' de dag la smras pa/ kye rgyal ba'i 
sras dag bcu po 'di dag ni byang chub sems dpa' sems dpa' chen po rnams kyi mngon par shes pa ste/ bcu gang zhe na/kye rgyal ba'i sras dag 'di la byang chub sems dpa' sems dpa' chen po stong gsum gyi stong chen po'i 'jig rten gyi 
khams gcig tu sems can ji snyed skyes pa de dag thams cad kyi sems dang bsam pa'i rgyud rab tu shes so/ /sems bskyed pa rab tu shes so/ /dge ba dang mi dge ba dang / yangs pa dang dog pa dang / rgya chen po dang rgya chung ngu dang / 
'khor ba'i rjes su 'gro ba dang 'khor ba las ldog pa dang / yid gsal ba dang / nyan thos kyi sems dang rang sangs rgyas kyi sems dang / byang chub sems dpa'i sems dang / nyan thos kyi spyod pa dang / rang sangs rgyas kyi spyod pa 
dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang mi ma yin pa dang / sems can dmyal ba pa dang / byol song gi skye gnas pa dang / gshin rje'i 'jig </font><hr>36-1-357a<br><font size=+1>
rten pa dang / yi dgas dang / mi khom par skyes pa rnams kyi sems dang spyod pa yang rab tu shes te/ sems can gyi ris sna tshogs dang / sems can gyi ris du ma rnam par dbye ba dang / rnam par gdags pa 
'byam klas pa mang po dag gi sems can rnams kyi bsam pa sems kyis rab tu shes so/ /de bzhin du 'jig rten gyi khams brgya dang / 'jig rten gyi khams stong dang / 'jig rten gyi khams brgya stong dang / 'jig rten gyi khams bye ba 
khrag khrig brgya stong nas gzhung de bzhin du 'jig rten gyi khams brjod du med pa'i yang brjod du med pa dang / 'jig rten gyi khams sangs rgyas kyi zhing brgya phrag stong gi rdul shin tu phra ba snyed du skyes pa'i sems can de dag gi bsam pa sems kyis rab tu shes 
te/kye rgyal ba'i sras dag 'di ni byang chub sems dpa' rnams kyi sems la mkhas shing shes pa zhes bya ba ste/ ye shes kyi mngon par shes pa dang po'o/ /kye rgyal ba'i sras dag gzhan yang byang chub sems dpas 'jig rten gyi khams sangs 
rgyas kyi zhing brjod du med pa'i yang brjod du med pa'i rdul shin tu phra ba snyed kyi bar dag na sems can shi 'pho ba dang skye bar 'gyur ba 'di lta ste/ bde ba'i lam dang ngan song dang / kha dog sdug pa dang / kha dog mi sdug pa dang / ngan pa dang 
bzang po dang / kun nas nyon mongs pa dang / kun nas nyon mongs pa med pa dang / rnam par byang ba dang rnam par ma byang ba dang / de ltar sems can gyi ris du ma dang / lha'i ris dang / klu'i ris dang / gnod sbyin gyi ris dang / dri za'i ris 
dang / lha ma yin gyi ris dang / nam mkha' lding gi ris dang / mi 'am ci'i ris dang / lto 'phye chen po'i ris dang mi'i ris dang / mi ma yin pa'i ris dang dog pa'i ris dang / yangs pa'i ris dang / chung ba'i ris dang che ba'i ris dang /</font><hr>36-1-357b<br><font size=+1>
rnam par dgod pa sna tshogs kyi ris kyi skye ba dang shi 'pho rab tu shes te/ de lha'i mig thogs pa med cing dag la rnam par dag pas sems can rnams las ji ltar bsags pa'i tshul bzhin du yang dag par mthong ste/ bde ba dang sdug bsngal 
rnam pa ji lta bu myong ba dang las ji lta bur bstsags pa dang / las kyi mngon par 'du bya ba rnam pa ji lta bu dang ldan pa dang / bsam pa'i rnam pa ji lta bu yin pa dang / rtog pa ji lta bu dang ldan pa dang / lta ba ji lta bu dang ldan pa dang / 
spobs pa ji lta bu dang ldan pa dang / rgyu ji lta bu dang ldan pa dang / las ji lta bu dang ldan pa dang / dmyigs pa ji lta bu dang ldan pa dang / rnam pa ji lta bus rgyu ba de dag thams cad kyang rab tu mthong ngo / /kye rgyal ba'i sras dag 'di ni 
byang chub sems dpa' sems dpa' chen po rnams kyi lha'i mig ste/ ye shes kyi mngon par shes pa gnyis pa'o/ /kye rgyal ba'i sras dag /gzhan yang byang chub sems dpas bdag dang sems can gzhan 'jig rten gyi khams sangs rgyas 
kyi zhing brjod du med pa'i yang brjod du med pa'i rdul shin tu phra ba snyed kyi bar dag tu gtogs pa rnams kyi sngon gyi gnas rjes su dran zhing rab tu shes te/ bdag gi sngon gyi gnas kyang bskal pa sangs rgyas kyi zhing brjod du med pa'i yang 
brjod du med pa'i rdul shin tu phra ba snyed rjes su dran no/ /sems can gzhan gyi sngon gyi gnas kyang bskal pa sangs rgyas kyi zhing brjod du med pa'i yang brjod du med pa'i rdul shin tu phra ba snyed rjes su dran zhing rab tu shes so/ /bdag ni sngon 
che ge mo zhig na 'dug 'dug ste ming ni 'di zhes bya ba'o/ /rus ni 'di zhes bya'o/ /rigs ni 'di zhes bya'o/ /kha zas ni 'di za za'o/ /bde ba dang sdug bsngal ni 'di lta bu zhig myong bar gyur to/ /zhes bya bar bdag gi sngon </font><hr>36-1-358a<br><font size=+1>
gyi gnas rjes su dran zhing rab tu shes so/ /sems can 'di ni sngon che ge mo zhig na 'dug 'dug ste/ ming ni 'di zhes bya'o/ /rus ni 'di zhes bya'o/ /rigs ni 'di zhes bya'o/ /kha zas ni 'di za za'o/ /
bde ba dang sdug bsngal ni 'di lta bu zhig myong bar gyur to/ /zhes bya bar sems can gzhan 'jig rten gyi khams sangs rgyas kyi zhing brjod du med pa'i yang brjod du med pa'i rdul shin tu phra ba snyed kyi bar dag tu gtogs pa rnams kyi 
sngon gyi gnas rjes su dran zhing rab tu shes so/ /sems can de dag re re zhing yang tshe'i rgyud gcig nas gcig tu brgyud pa'i srid pa'i rgyud rgyu dang bcas rkyen dang bcas pa dang / tshe'i rgyud du gnas shing 'dug 'dug pa'i rnam pa sngon gyi mthar 
rnam pa sna tshogs su gnas gnas pa dang / 'jig rten gyi rgyud dang / byung ba'i rgyud gcig nas gcig tu brgyud pa dang / mtshan nyid tha dad pa'i lus rnam pa tha dad pa sna tshogs thams cad las rnam pa tha dad pa sna tshogs bstsags pa'i skye ba'i sgo sna tshogs kyi skye 
gnas su gyur pa dang / bag la nyal ba dang / las dang lta ba sna tshogs kyis sems rnam pa tha dad pa sna tshogs bskyed pa dang / rgyu dang rkyen sna tshogs gzhan gyis 'byung ba rnam pa tha dad pa'i las kyi rgyud rnam pa 
sna tshogs 'jig rten gyi khams sangs rgyas kyi zhing brjod du med pa'i yang brjod du med pa'i rdul shin tu phra ba snyed rjes su dran zhing rab tu shes so/ /'jig rten gyi khams kyi rgyud gcig gi sems can rnams kyi las ji ltar shes pa 
de bzhin du 'jig rten gyi khams kyi rgyud sangs rgyas kyi zhing brjod du med pa'i yang brjod du med pa'i rdul shin tu phra ba snyed kyi sems can rnams kyi sngon gyi gnas na 'dug cing spyod spyod pa rjes su dran zhing rab tu shes so/ /sngon gyi mtha'i </font><hr>36-1-358b<br><font size=+1>
bskal pa de dang de dag gi 'jig rten gyi khams de dang de dag tu sangs rgyas bcom ldan 'das sangs rgyas kyi zhing brjod du med pa'i yang brjod du med pa'i rdul shin tu phra ba snyed byung ba rnams mtshan ni 'di zhes bya'o/ /byung ba ni 'di 
ltar byung ngo / /'khor gyi rnam pa ni 'di lta bu'o/ /yab dang yum gyi mtshan ni 'di skad ces bya'o/ /zham ring ba'i ming ni 'di skad ces bya'o/ /nyan thos mchog gi zung dang bzang po'i zung gi ming ni 'di skad ces bya'o/ /
rigs ni 'di zhes bya'o/ /rgyal po'i pho brang ni ming 'di zhes bya ba nas mngon par byung ste/ byang chub kyi shing ming 'di zhes bya ba'i drung du brten nas/ bla na med pa yang dag par rdzogs pa'i byang chub tu mngon par sangs rgyas te 
gnas kyi ming 'di zhes bya ba dag na bzhugs shing mdo 'di snyed cig yang dag par bstan to/ /sems can 'di snyed cig gi don mdzad do/ sku tshe'i tshad 'di tsam zhig gis sangs rgyas kyi mdzad pa yang dag par bstan te/ phung po ma 
lus pa'i mya ngan las 'das pa'i dbyings su yongs su mya ngan las 'das so/ /mya ngan las 'das nas kyang de dag gi chos ni 'di srid gcig tu gnas par gyur to zhes mtshan rnam par dgod pa sangs rgyas kyi zhing brjod du med 
pa'i yang brjod du med pa'i rdul shin tu phra ba snyed dang mtshan de dag re re'i rnam pa yang sangs rgyas kyi zhing brjod du med pa'i yang brjod du med pa'i rdul shin tu phra ba snyed kyi de bzhin gshegs pa dgra bcom pa yang dag par rdzogs pa'i sangs rgyas de dag byang chub 
tu thugs bskyed pa dang bcas/ smon lam dang bcas spyod pa dang bcas 'byung ba dang bcas/ sangs rgyas mchod pa dang bcas sems can yongs su smin par mdzad pa dang bcas/ 'khor gyi dkyil 'khor dang bcas/ chos kyi 'khor lo dang bcas/</font><hr>36-1-359a<br><font size=+1>
dus gang du byung ba dang bcas/ sku tshe ji srid dang bcas/ sangs rgyas kyi cho 'phrul dang bcas/ sangs rgyas kyi rnam par 'phrul pa yang dag par bstan pa dang bcas/ yongs su mya ngan las 'da' ba dang bcas 
chos 'bar bar gnas pa dang bcas/ mchod rten rnam par phye ba'i rgyan dang bcas/ sems can gyi dge ba'i rtsa ba bskyed pa dang bcas par rjes su dran zhing rab tu shes so/ /kye rgyal ba'i sras/ 'di ni byang chub sems dpa' 
sems dpa' chen po rnams kyi sngon gyi gnas rjes su dran pa zhes bya ba ye shes kyi mngon par shes pas sngon gyi mtha'i mur gyur pa'i bskal pa la 'jug pa ste/ gsum pa'o/ /kye rgyal ba'i sras dag gzhan yang byang chub sems dpa' 
phyi ma'i mtha'i mur gyur pa'i bskal pa la 'jug ste/ 'jig rten gyi khams re re zhing yang bskal pa sangs rgyas kyi zhing brjod du med pa'i yang brjod du med pa'i rdul shin tu phra ba snyed la rab tu 'jug go /bskal pa grangs med pa de dang de dag la sems 
can gyi lam gyi rgyud ji snyed byung ba dang / sems can shi 'pho bar gyur pa ji snyed pa dang / sems can gyi skye ba ji snyed pa dang / sems can gyi srid pa'i rgyud gcig nas gcig tu brgyud pa ji snyed pa dang / sems can gyi las ji snyed 
pa dang / rnam par smin pa ji snyed pa dang / dge ba 'am mi dge ba 'am/ 'byung ba 'am mi 'byung ba 'am/ nges pa 'am ma nges pa 'am/ log par nges pa 'am/ yang dag par nges pa 'am/ bag la nyal ba dang bcas pa'i dge ba'i rtsa ba'am/ 
bag la nyal ba med pa'i dge ba'i rtsa ba'am/ phun sum tshogs pa'i dge ba'i rtsa ba 'am/ rgud par gyur pa'i dge ba'i rtsa ba 'am/ dge bas yongs su bzung ba 'am/ mi dge bas yongs su bzung ba 'am/ yang dag par blangs pa'i dge </font><hr>36-1-359b<br><font size=+1>
ba'i rtsa ba 'am/ yang dag par ma blangs pa'i dge ba'i rtsa ba 'am/ mngon par bsgrubs pa'i sdig pa'i chos sam/ mngon par ma bsgrubs pa'i sdig pa'i chos kyang rung ste/ de dag thams cad rab tu 
shes so/ /de dag re re la yang / 'jig rten gyi khams sangs rgyas kyi zhing brjod du med pa'i yang brjod du med pa'i rdul shin tu phra ba snyed du/ phyi ma'i mtha'i mur thug pa'i bskal par 'jug go /'jig rten 
gyi khams kyi rgyud de dag re re zhing yang / bskal pa sangs rgyas kyi zhing brjod du med pa'i yang brjod du med pa'i rdul shin tu phra ba snyed gcig nas gcig tu brgyud pa la rab tu 'jug go /sangs rgyas bcom ldan 'das 
sangs rgyas kyi zhing brjod du med pa'i yang brjod du med pa'i rdul shin tu phra ba snyed mtshan 'di zhes bya ba dag 'byung bar 'gyur ro zhes bya ba nas/ mtshan rnam par phye ba sangs rgyas kyi zhing brjod du med pa'i yang brjod du med 
pa'i rdul shin tu phra ba snyed kyis de bzhin gshegs pa dgra bcom pa yang dag par rdzogs pa'i sangs rgyas kyi zhing brjod du med pa'i yang brjod du myed pa'i rdul shin tu phra ba snyed dang po thugs bskyed pa dang bcas/ smon lam dang bcas/ 
spyod pa dang bcas/ 'byung ba dang bcas/ sangs rgyas mchod cing rim gro mdzad pa dang bcas/ sems can yongs su smin par mdzad pa dang bcas/ chos kyi 'khor lo dang bcas/ 'khor gyi dkyil 'khor dang bcas/ 
dus ji lta ba dang bcas/ sku tshe'i tshad ji lta ba dang bcas/ sangs rgyas kyi cho 'phrul dang bcas/ sangs rgyas kyi rnam par 'phrul pa yang dag par bstan pa dang bcas/ yongs su mya ngan las 'das pa dang bcas/ chos 'bar bar </font><hr>36-1-360a<br><font size=+1>
gnas pa dang bcas/ mchod rten rnam par phye ba'i rgyan dang bcas/ sems can gyi dge ba'i rtsa ba bskyed pa dang bcas par rjes su dran zhing khong du chud do/ /kye rgyal ba'i sras dag 'di ni byang chub sems dpa' 
rnams kyi phyi ma'i mtha'i+i mur gyur pa'i bskal pa shes pa la 'jug pa ste/ ye shes kyi mngon par shes pa bzhi pa'o/ /kye rgyal ba'i sras dag gzhan yang byang chub sems dpa' chags pa med pa'i rna ba rnam par dag pa mngon par bsgrub cing rnam par 
sbyong /yongs su sbyong / yongs su rdzogs par byed/ yangs par byed/ tshad med par byed/ 'thob par byed/ mngon du byed/ 'od gsal bar byed/ bsgribs pa med par byed/ khong du chud par byed de/ de chags pa med pa'i rna ba mngon par bsgrubs pa dang ldan 
pas sgra ji snyed mnyan par 'dod pa de dag rab tu nyan to/ /gang myi 'dod pa de dag ni mi nyan to/ /de shar phyogs kyi sangs rgyas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas sangs rgyas kyi zhing brjod du med pa'i 
yang brjod du med pa'i rdul shin tu phra ba snyed kyis bshad pa de dag rab tu nyan to/ /shar phyogs na sangs rgyas bcom ldan 'das de dag ston pa dang gsung ba dang / 'chad pa dang brjod pa dang rnam par dgod pa mdzad pa dang / ji snyed du smin par mdzad 
pa dang ji snyed du 'dul ba dang ji snyed du dran par bskul ba dang ji snyed du chos ston pa zab cing yangs la rnam par phye ba sna tshogs dang ldan pa thabs kyi tshul mtha' yas shing rnam par dag la/ tshad med pa la mkhas pa dang ldan pa de dag thams cad rab tu 'dzin to/ /
don bzang po dang yi ge bzang po 'khor gyi dkyil 'khor du nges pa'i tshig dang bcas pa/ ji ltar shes par byas pa/ ji ltar khong du chud par byas pa/ ji ltar 'dul bar gyur pa ji ltar dmigs par gyur pa/ ji ltar rten </font><hr>36-1-360b<br><font size=+1>
par gyur pa/ ji ltar 'byung bar gyur pa de dag thams cad rab tu 'dzin to/ /yang dag par 'dzin to/ chud zos par mi byed do/ /zhig par mi byed do/ thogs par mi byed do/ /ldog par mi byed do/ /'khrul bar mi byed do/ /rmongs par 
mi byed do/ /gzhan la rab tu ston cing /gzhan gyis khong du chud par byed kyang de la tshig gcig gam yi ge gcig kyang 'khrul bar mi byed do/ /de de ltar yi ge dang tshig yan cad du chags pa med pa'i rna ba'i rnam par shes pas 'dzin 
te/ ji ltar shar phyogs kyi sangs rgyas bcom ldan 'das de dag gis legs par gsungs pa de dag nyan pa de bzhin du lho phyogs dang de bzhin du nub phyogs dang / de bzhin du byang phyogs dang / de bzhin du byang shar gyi 
phyogs mtshams dang / de bzhin du shar lho'i phyogs mtshams dang / de bzhin du lho nub kyi phyogs mtshams dang / de bzhin du nub byang gi phyogs mtshams dang / de bzhin du 'og gi phyogs dang / de bzhin du steng 
gi phyogs kyi phyogs re re zhing yang de bzhin gshegs pa dgra bcom pa yang dag par rdzogs pa'i sangs rgyas sangs rgyas kyi zhing brjod du med pa'i yang brjod du myed pa'i rdul shin tu phra ba snyed kyis gsungs pa rab tu nyan to/ /
kye rgyal ba'i sras dag 'di ni byang chub sems dpa' sems dpa' chen po rnams kyi thogs pa med pa'i rna ba rnam par dag pa zhes bya ba ste/ ye shes kyi mngon par shes pa lnga pa'o/ /kye rgyal ba'i sras dag gzhan yang byang chub sems 
dpa' sems dpa' chen pa dngos po med pa la gnas shing mngon par 'dus ma byas pa'i rdzu 'phrul thob pa yin te/ mtshan nyid thob pa yin/ mnyam pa nyid thob pa yin/ rgya chen po thob pa yin/ tshad med pa thob pa yin/ mi </font><hr>36-1-361a<br><font size=+1>
gnas pa thob pa yin/ sems ltar mgyogs pa thob pa yin/ thub pa med pa thob pa yin/ ldog pa med pa thob pa yin/ mi g.yo ba thob pa yin/ rnam par 'phel ba thob pa yin/rjes su 'gro ba thob 
pa yin/ de 'jig rten gyi khams ji srid du ring yang rung ste/ de dag na bzhugs pa'i sangs rgyas bcom ldan 'das de dag gi gsung thos te/ 'jig rten gyi khams thams cad na bzhugs pa dang / 'jig rten gyi khams tshad med pa na 
bzhugs pa dang / 'jig rten gyi khams grangs med pa na bzhugs pa dang / 'jig rten gyi khams dpag tu med pa na bzhugs pa dang / 'jig rten gyi khams mtshungs pa med pa na bzhugs pa dang / 'jig rten gyi khams bsam 
gyis mi khyab pa na bzhugs pa dang / 'jig rten gyi khams gzhal du med pa na bzhugs pa dang / 'jig rten gyi khams sangs rgyas kyi zhing brjod du med pa'i yang brjod du med pa'i rdul shin tu phra ba snyed na bzhugs pa de dag thams cad 
kyi gsung nyan to/ /thos nas kyang 'jig rten gyi khams der bdag nyid phyin par byed de/ de yang gang na sangs rgyas skye ba sangs rgyas kyi zhing rdul shin tu phra ba snyed yod pa'i 'jig rten gyi khams de dang de dag gcig nas gcig tu brgyud pa'i 
phyogs bcu'i rgyud phyogs rnam pa tha dad par gnas pa dang / phyogs bcu'i dra ba'i 'khor sna tshogs sbyi'u tshugs su rgyu ba'i phyogs kyi tshul dang / snrel zhir rgyu ba'i phyogs kyi tshul dang / phyogs rgya mtsho sangs rgyas kyi zhing brjod du 
med pa'i yang brjod du med pa'i rdul shin tu phra ba snyed kyi phyogs la 'jug pa rnam pa sna tshogs dang / phyogs kyi mtshan nyid tha dad par rjes su 'brang bar bya ba sangs rgyas mu med pa skye ba dang ldan pa sangs rgyas kyi zhing rnam pa tha dad pa </font><hr>36-1-361b<br><font size=+1>
yongs su dag pa sangs rgyas skye ba dang ldan pa 'jig rten gyi khams kyi rgyan gzhan dang gzhan yod pa yon tan bya ba sna tshogs kyis rnam par sbyangs pa yon tan tshad med pas yongs su rgyas pa'i sangs rgyas kyi zhing rnam par dag pa dag tu rnam par 'phrul 
pa sna tshogs kyis rnam par 'phrul pa dang / de bzhin gshegs pa'i mtshan yongs su brjod pa byed cing de dag tu bdag phyin par byed pas/ de bzhin gshegs pa dag gi zhabs kyi drung na 'dug kyang 'di nas kyang g.yos pa med do/ /der song 
ba'ang med la der yang bdag phyin par rab tu ston cing de bzhin gshegs pa de dag gi zhal blta'o/ /de dag la phyag 'tshal lo/ /de dag la 'dud pa byed do/ /de dag la mchod pa byed do/ /de dag la rim gro byed do/ /de dag la 
bsnyen bkur byed do/ /byang chub sems dpa'i chos kyang yongs su 'dri'o/ /sangs rgyas kyi ye shes mngon par bsgrub pa la'ang rab tu 'jug go /sangs rgyas bcom ldan 'das de dag gi 'khor gyi dkyil 'khor gyi mtshan ma yang 
rab tu shes so/ /chos bstan pa'i mtshan ma'ang rab tu shes so/ /sangs rgyas kyi zhing gi mtshan ma'ang rab tu shes so/ /de dag la mngon par chags pa'ang med de/ de dag la'ang pha rol tu phyin pa shin tu thob pa yin/ 
sangs rgyas kyi zhing du 'gro ba dang / sangs rgyas kyi zhing la dmigs pas bskal pa sangs rgyas kyi zhing brjod du med pa'i yang brjod du med pa'i rdul shin tu phra ba snyed kyis 'gro yang 'gro ba dang / sangs rgyas blta ba'i rnam par dmigs pa mthar 
thug pa med do/ /sangs rgyas kyi zhing gcig nas gcig tu brgyud pa las phyir ldog pa med do/ /de bzhin gshegs pa'i zhal blta ba'i rgyun gcod pa med do/ /de bzhin gshegs pa'i 'khor gyi dkyil 'khor mi dmigs par byed </font><hr>36-1-362a<br><font size=+1>
pa med do/ /shugs la nyams pa med do/ /sangs rgyas kyi chos yongs su dri ba'i rgyun gcod pa med do/ /sangs rgyas kyi chos btsal bas yongs su yi chad pa med do/ /smon lam gyi khyad par dang ldan pa'i byang chub 
sems dpa'i spyod pa kun tu bzang po'i smon lam gyis yongs su rdzogs par bya ba sangs rgyas kyi rigs 'byam klas pa tshad med pa'i don du zhugs pa las phyir ldog pa med do/ /phyogs thams cad kyi sangs rgyas kyi zhing de bzhin 
gshegs pas thugs su chud pa dag tu 'gro zhing yang dag par gzhol bar bya ba la thogs pa med do/ /kye rgyal ba'i sras dag /'di ni byang chub sems dpa' sems dpa' chen po rnams kyi dngos po myed pa la gnas shing 
mngon par 'dus ma byas pa'i rdzu 'phrul zhes bya ba sangs rgyas kyi zhing thams cad du 'gro ba'i ye shes kyi mngon par shes pa ste drug pa'o/ /kye rgyal ba'i sras dag gzhan yang byang chub sems dpa' sems dpa' chen po 'jig rten gyi 
khams sangs rgyas kyi zhing brjod du med pa'i yang brjod du med pa'i rdul shin tu phra ba snyed du skyes pa'i sems can rnams kyi skad sna tshogs rab tu shes te/ 'phags pa'i skad shes so/ /'phags pa ma yin pa'i skad shes so/ /
lha'i skad shes so/ /klu'i skad shes so/ /gnod sbyin gyi skad shes so/ /lha ma yin gyi skad shes so/ /nam mkha' lding gi skad shes so/ /myi 'am ci'i skad shes so/ /lto 'phye chen po'i skad shes so/ /myi'i skad shes 
so/ /myi ma yin pa'i skad shes pa nas sems can gyi ris brjod du med pa'i yang brjod du med pa'i bar gyi sems can gyi skad dang / sgra dang tshig dang brda rnams rab tu shes te/ rnam par dgod pa'i mkhas pa thams cad la </font><hr>36-1-362b<br><font size=+1>
rab tu 'jug go /brda la 'jug pa thams cad rab tu shes so/ /spyod pa rnam par dgod pa thams cad rab tu shes so/ /skad rnam par dbye ba thams cad rab tu shes so/ /skad rnam pa tha dad pa rgya mtsho thams cad la rab tu 'jug ste/ 
de ji lta ji ltar 'jig rten gyi khams la 'jug pa de lta de ltar sems can gyi khams la 'jug go /ji lta ji ltar sems can gyi khams la 'jug pa de lta de ltar skad rnam par phye ba thams cad khong du chud par byed de/ de la sems can 
gzhan gyi skad kyis rmongs par 'gyur ba med do/ /'di lta ste dper na/ lha'i bu nyi ma ni shar ma thag tu gzugs rnam par phye ba'i rgyud thams cad snang bar byed do/ /de nas myig dang ldan pa rnams gzugs de dang de dag mthong bas mtshan 
ma yongs su 'dzin to/ /de bzhin du byang chub sems dpa' yang skad kyi sprin rnam par phye ba thams cad la 'jug ste/ skad thams cad mngon par shes pa'i ye shes kyi skad dang dbyangs kyi tshul mkhas pa la 'jug cing khong du chud par byed do/ /
kye rgyal ba'i sras dag 'di ni byang chub sems dpa' sems dpa' chen po skad kyi tshul thams cad la mkhas pa zhes bya ba ste/ ye shes kyi mngon par shes pa bdun pa'o/ /kye rgyal ba'i sras dag gzhan yang byang chub sems dpa' 
sems dpa' chen po chos thams cad kha dog dang bral bar rab tu shes te/ tha mi dad pa'i kha dog dang / rnam pa med pa'i kha dog dang / bye brag med pa'i kha dog dang / rnam par dbye ba med pa'i kha dog dang / sngon po med pa'i kha dog dang / 
ser po med pa'i kha dog dang / dkar po med pa'i kha dog dang / nag po med pa'i kha dog dang / dmar po med pa yang rab tu shes te/ de de bas kyang chos kyi dbyings la 'jug par byed pa'i tshe rang gi lus kha dog sna tshogs dang ldan par </font><hr>36-1-363a<br><font size=+1>
byin gyis rlob ste/mtha' yas pa'i kha dog dang / tshad med pa'i kha dog dang / rnam par dag pa'i kha dog dang / shin tu brgyan pa'i kha dog dang / thams cad dang ldan pa'i kha dog dang / dpe med pa'i kha dog dang / kun tu 
snang ba'i kha dog dang / yid du 'ong ba'i kha dog dang / mi sdug pa med pa'i kha dog dang / zad myi shes pa'i kha dog dang / shin tu gsal ba'i kha dog dang / kha na ma tho ba myed pa'i kha dog dang / mthu chen po dang ldan pa'i kha 
dog dang thub par dka' ba'i kha dog dang / nyams par mi 'gyur ba'i kha dog dang / shin tu bsgrubs pa'i kha dog dang / shin tu mdzes pa'i kha dog dang / dpag tu med pa'i kha dog dang / shin tu bsrungs 
pa'i kha dog dang / shin tu bsags pa'i kha dog dang / yongs su smin par byed pa'i kha dog dang / 'dul ba ji lta ba bzhin du bsgrubs pa'i kha dog dang / thogs pa med pa'i kha dog dang / shin tu dang ba'i kha dog dang / 
rnyog pa med pa'i kha dog dang / rab tu gsal ba'i kha dog dang / mdangs dang ldan pa'i kha dog dang / bsam gyis mi khyab pa'i tshul dang ldan pa'i kha dog dang / zil kyis gnon pa'i kha dog dang / thams cad zil gyis 
gnon pa'i kha dog dang / thams cad zil du brlag pa'i kha dog dang / thams cad zil du rlog par byed pa'i kha dog dang / rab rib med pa'i kha dog dang / mun pa med pa'i kha dog dang / shin tu mnyam par gzhag pa'i kha 
dog dang / sems bde ba'i kha dog dang / mtshan sna tshogs dang ldan pa'i kha dog dang / dpe byad bzang po sna tshogs dang ldan pa'i kha dog dang / che ba nyid dang ldan pa'i kha dog dang / spyod yul dang ldan pa'i kha dog dang /</font><hr>36-1-363b<br><font size=+1>
yang dag par bsgrubs pa'i kha dog dang / bsam pa rnam par dag pa'i kha dog dang / shin tu sbyangs pa'i kha dog dang / mchog tu byung zhing rgya che ba'i kha dog dang / thub pa med pa'i kha dog dang /gnas pa med pa'i kha dog dang / 
kun tu mtha' yas pa'i kha dog dang / sangs rgyas kyi zhing brjod du med par rab tu 'dal ba'i kha dog dang / rnam par 'phel ba'i kha dog dang / snying po bzung ba'i kha dog dang / yon tan mchog dang ldan pa'i kha dog dang / yid 
bzhin gyi kha dog dang / mos pa rnam par spyod pa'i kha dog dang / tshogs shin tu bstsags pa'i kha dog dang / chos bsgribs pa med par shin tu rtogs pa'i kha dog dang / nam mkha' ltar 'od dang ba'i kha dog dang / rnam par 
dag pas brgyan pa'i kha dog dang / dri ma med pa'i kha dog dang / rdul dang bral ba'i kha dog dang / rdul med pa'i kha dog dang / dri ma med pa'i kha dog dang / mtshungs pa med pa'i kha dog dang / blta na bzang ba'i kha dog 
dang / kun nas blta ba'i kha dog dang / dus bzhin du yang dag par ston pa'i kha dog dang / rab tu zhi ba'i kha dog dang / 'dod chags dang bral ba'i kha dog dang / 'od shin tu gsal ba'i kha dog dang / bsod 
nams kyi zhing du gyur pa'i kha dog dang / bde bar byed pa'i kha dog dang / 'jigs pa med par byed pa'i kha dog dang / gti mug med par spyod pa'i kha dog dang / ye shes kyis rnam par gnon pa'i kha dog dang / chags pa med pa'i lus kyi kha dog 
dang / lus kyi rgyan kun tu mtha' yas pa'i kha dog dang / don yod pa'i kha dog dang / byams pa chen pos yang dag par 'phags pa'i kha dog dang / snying rje chen pos byin gyis brlabs pa'i kha dog dang / tshul mthun </font><hr>36-1-364a<br><font size=+1>
par 'byung ba'i kha dog dang / bsod nams kyi stobs dang ldan pa'i kha dog dang / rjes su dran par bya ba'i kha dog dang / rin po che mtha' yas pa'i kha dog dang / rin po che dam pa rnam par 
snang ba'i kha dog dang / 'gro ba thams cad dad par bye ba'i kha dog dang / thams cad mkhyen pa nyid la mngon du gyur pa'i kha dog dang / bzhin 'dzum pa'i kha dog dang / rin po che'i rgyan gyi dam pa thams cad dang 
ldan pa'i kha dog dang / sems mi gnas pa'i kha dog dang / gnas med pa'i kha dog dang / byin gyi rlabs kyis rnam par 'phrul pa'i kha dog dang / rdzu 'phrul rnam pa du mas khyu mchog gi mthu phyung ba'i kha dog dang / de bzhin 
gshegs pa'i rigs su yang dag par byung ba'i kha dog dang / 'dra ba med pa'i kha dog dang / chos kyi dbyings su 'dal ba'i kha dog dang / 'khor ji lta ba bzhin du 'gro ba'i kha dog dang / rnam pa sna tshogs kyi kha dog dang / 
shin tu grub pa'i kha dog dang / shin tu sbyangs pas rab tu byung ba'i kha dog dang / 'dul ba ji lta ba bzhin du spyod lam ston pa'i kha dog dang / blta na mi ngoms pa'i kha dog dang / rnam pa sna tshogs su 'od gsalaba'i kha 
dog dang / 'od gzer gyi dra ba grangs med pa rab tu 'gyed pa'i kha dog dang / 'od sna tshogs brjod du med pa'i kha dog dang / dri zhim po dang 'od bsam gyis mi khyab pas khams gsum las yang dag par 'da' ba'i kha dog dang / 
nyi ma'i dkyil 'khor lta bu'i 'od gzer gyis tshad med par snang ba'i kha dog dang / 'khor lo dpe med pa'i gzugs byin gyis rlob pa'i kha dog dang / me tog gi sprin yid du 'ong ba mtha' yas par rab tu 'thor ba'i kha dog dang /</font><hr>36-1-364b<br><font size=+1>
phreng ba'i sprin gyi pad mo sna tshogs su bsgrubs pas yang dag par brgyan pa'i kha dog dang / 'gro ba thams cad las shin tu 'das pa'i kha dog dang / spos zhim po thams cad kyi bsung 'byung bas spos 'phro bar 'gyed pa'i kha dog dang / 
de bzhin gshegs pa thams cad kyi mdzod spu nas byung ba'i kha dog dang / sgra dbyangs brjod du myed pas chos thams cad bstan pa yang dag par ston pa'i kha dog dang / rnam pa'i mchog thams cad dang ldan pas kun tu bzang po'i kha 
dog tu bdag gi lus byin gyis rlob ste/ kye rgyal ba'i sras dag /de ltar byang chub sems dpa' sems dpa' chen po ni kha dog med pa'i chos kyi dbyings la zhugs pas mthong bas 'dul ba dang / rjes su dran pas 'dul 
ba dang / chos kyi 'khor los 'dul ba dang / dus kyis 'dul ba dang / skad cig gis 'dul ba dang / bsnyen bkur bas 'dul ba dang / khong du chud par bya bas 'dul ba dang rdzu 'phrul gyis 'dul ba dang / rnam par 'phrul ba sna tshogs kyis 'dul ba dang / 
cho 'phrul bsam gyis mi khyab pas 'dul ba rnams la rnam pa de lta bu'i kha dog tu rang gi lus byin gyis rlob po/ /kye rgyal ba'i sras dag /'di ni byang chub sems dpa' sems dpa' chen po rnams kyi kha dog grangs med pa'i lus mngon par bsgrub 
pa'i rgyan ces bya ba mngon par shes pa'i ye shes 'gro ba thams cad yongs su 'grel ba la brtson pa ste brgyad pa'o/ /kye rgyal ba'i sras dag gzhan yang byang chub sems dpa' sems dpa' chen po chos thams cad bdag med par rab 
tu shes so/ /chos thams cad rig med par rab tu shes so/ /chos thams cad 'ong ba med par rab tu shes so/ /chos thams cad 'bral ba med par rab tu shes so/ /chos thams cad bye brag med par rab tu shes so/ /chos thams cad tha dad pa med par rab tu shes so/ /chos </font><hr>36-1-365a<br><font size=+1>
thams cad gnyis su byar med par rab tu shes so/ /chos thams cad mi gnyis pa dang mi gnyis pa ma yin par rab tu shes so/ /chos thams cad bdag nyid med par rab tu shes so/ /chos thams cad 
'dra ba med par rab tu shes so/ /chos thams cad 'gro ba myed par rab tu shes so/ /chos thams cad ma skyes par rab tu shes so/ /chos thams cad ma 'gag par rab tu shes so/ /chos thams cad 'pho ba med par rab 
tu shes so/ /chos thams cad 'jig pa med par rab tu shes so/ /chos thams cad bden pa med par rab tu shes so/ /chos thams cad brdzun pa myed par rab tu shes so/ /chos thams cad mtshan nyid myed pas mtshan 
nyid gcig par rab tu shes so/ /chos thams cad yod pa'ang ma yin par rab tu shes so/ /chos thams cad med pa'ang ma yin par rab tu shes so/ /chos thams cad chos kyang ma yin par rab tu shes so/ /chos thams cad chos 
ma yin pa 'ang ma yin par rab tu shes so/ /chos thams cad spyod pa la gzhol ba yang ma yin par rab tu shes so/ chos thams cad spyod pa la mi gzhol ba 'ang ma yin par rab tu shes so/ /chos thams cad las kyang ma yin par rab tu shes 
so/ /chos thams cad las ma yin pa'ang ma yin par rab tu shes so/ /chos thams cad rnam par smin pa'ang ma yin par rab tu shes so/ /chos thams cad rnam par smin pa ma yin pa'ang ma yin par rab tu shes so/ /chos thams cad 
mngon par 'du bya ba med par yang rab tu shes so/ /chos thams cad mngon par 'du bya ba med pa yang ma yin par rab tu shes so/ /chos thams cad brda yang ma yin par rab tu shes so/ /chos thams cad brda ma yin pa'ang ma yin par rab tu shes so/ /</font><hr>36-1-365b<br><font size=+1>
chos thams cad don dam pa'ang ma yin par rab tu shes so/ /chos thams cad don dam pa ma yin pa 'ang ma yin par rab tu shes so/ /chos thams cad 'byung ba 'ang ma yin par rab tu shes so/ /chos thams cad mi 'byung ba 'ang 
ma yin par rab tu shes so/ /chos thams cad 'byin pa 'ang ma yin par rab tu shes so/ /chos thams cad mi 'byin pa 'ang ma yin par rab tu shes so/ /chos thams cad tshad med par yang rab tu shes so/ /chos thams cad tshad med pa ma 
yin par yang rab tu shes so/ /chos thams cad 'jig rten pa 'ang ma yin par rab tu shes so/ /chos thams cad 'jig rten las 'das pa 'ang ma yin par rab tu shes so/ /chos thams cad rgyu las byung ba 'ang ma yin par rab 
tu shes so/ /chos thams cad rgyu las ma byung ba 'ang ma yin par rab tu shes so/ /chos thams cad kha dog nges pa med pa 'ang rab tu shes so/ /chos thams cad kha dog nges pa myed pa 'ang ma yin par rab tu shes so/ /chos 
thams cad kha dog yongs su grub pa yang ma yin par rab tu shes so/ /chos thams cad kha dog yongs su ma grub pa 'ang ma yin par rab tu shes so/ /chos thams cad byung ba 'ang ma yin par rab tu shes so/ /chos 
thams cad byung ba ma yin pa 'ang ma yin par rab tu shes so/ /chos thams cad rnam par brtags pa yang ma yin par rab tu shes so/ /chos thams cad rnam par ma brtags pa 'ang ma yin par 
rab tu shes so/ /chos thams cad tshul yang ma yin par rab tu shes so/ /chos thams cad tshul ma yin pa 'ang ma yin par rab tu shes so/ /de ni spyod pa la mngon par chags pa med do/ /don dam pa la gnas pa </font><hr>36-1-366a<br><font size=+1>
myed do/ /chos la rab tu rtog pa med do/ /yi ge yongs su sgrub pa med do/ /zhi ba'i rjes su shin tu 'brang ngo / /smon lam yongs su mi gtong ngo / /don gyi tshul la rnam par lta'o/ /chos 
kyi tshul la rab tu 'jug go /chos kyi sprin kun nas slong ngo / /chos yongs su 'bab pa'i yi ge'i char mngon par 'bebs so/ /tshul brjod du med pa la 'jug go /tha dad pa yang dag par shes pa zad mi shes pa don gyi tshul rab tu 
brjod cing chos kyi tshul mngon par ston pas chos thams cad kyi nges pa'i tshig la mkhas pa dang / chos thams cad spobs pas thabs mkhas pa'i tshul brjod du med pa'i yang brjod du med pa la rab tu 'jug go byams pa chen 
po rnam par dag pa dang ldan zhing snying rje chen po rab tu thob pa/ yi ge med pa'i yul dang ldan pa/ yi ge mngon par bsgrub pa'i don la brtson zhing 'gal ba med pa/ rang gzhan gyi chos la brtson pa chos thams cad rten cing 'brel bar 'byung bar 
ston pas gos pa med pa/ brjod pa thams cad kyi rjes su song ba'i spobs pa dang ldan pa/ de chos thams cad zad mi shes pa'i spobs pas ston to/ /brjod do/ /rnam par 'god do/ /yang dag par ston to/ /'grel to/ /rnam par 
'gyed do/ /'byin to/ /khong du chud par byed do/ /rab tu ston to/ /rtogs par byed do/ /rab tu sgrub bo/ /rnam par sbyong ngo / /the tsom sel to/ /dogs pa gcod do/ /de kho na ston to/ /rang bzhin rjod do/ /'gro ba la phan 
'dogs so/ /chos nyid las mi nyams so/ /mi gnyis pa la 'jug go /chags pa med pa'i sgo ston to/ /dbyangs kyi yan lag thams cad yang dag par bsgrub pas rab tu 'jom pa'i sgras sgra'i char yang bsam pa ji lta bu'i dus </font><hr>36-1-366b<br><font size=+1>
las yol bar mi byed par mngon par 'bebs so/ /kye rgyal ba'i sras dag /'di ni byang chub sems dpa' sems dpa' chen po rnams kyi chos thams cad shes pa'i ye shes kyi mngon par shes pa ste dgu pa'o/ /kye rgyal ba'i sras 
dag /gzhan yang byang chub sems dpa' sems dpa' chen po sems skad cig re re zhing chos thams cad 'gog pa'i ting nge 'dzin la snyoms par 'jug kyang / byang chub sems dpa'i lam gyi rgyun mi gcod do/ /byang chub sems dpa'i las 
kyang thogs par mi byed do/ byang chub sems dpa'i byams pa chen po las kyang rnam par mi 'da'o/ /snying rje chen po las kyang phyir mi ldog go /pha rol tu phyin pa rnams kyang rgyun mi gcod do/ /zhing thams cad rab tu 
dbye zhing mkhas par bya bas kyang skyo bar mi byed do/ /'gro ba thams cad yongs su dgrol ba'i smon lam yang rgyun mi gcod do/ /chos kyi 'khor lo yang thogs par mi byed do/ /sems can yongs su smin par bya ba dang / gdul 
bar bya ba yang ring du mi spong ngo / /sangs rgyas mchod cing rim gro bya ba yang rgyun mi gcod do/ /chos thams cad la dbang bsgyur ba'i sgo las kyang phyir mi ldog go /sangs rgyas mthong ba'i skal ba med par yang mi 'gyur 
ro/ /chos thams cad yongs su dri ba las kyang phyir mi ldog go /mnyam pa nyid dang bstod pa yang rab tu shes so/ /bsgribs pa med par yang mngon par sgrub bo/ /sangs rgyas kyi chos thams cad la khyad par gyi smon 
lam mnyam pa nyid kyang yongs su rdzogs par byed do/ /zhing thams cad kyi gzhi dang / dbyibs tha dad pa'i rjes su 'ang rab tu 'jug ste/ sangs rgyas kyi rigs thams cad kyi pha rol tu phyin pa yang 'thob pa yin/ 'jig rten </font><hr>36-1-367a<br><font size=+1>
gyi khams kyi rgyud de dang de dag tu chos thams cad sprul pa lta bur bslab pa 'ang shin tu bslabs pa yin/ chos thams cad mtshan ma med pa la zhugs pas chos thams cad rten cing 'brel bar 'byung ba la 
mkhas pa dang ldan pa yin/ chos thams cad lus med pa'i tshul dang / chos thams cad kyi rang bzhin gyi tshul dang spyod pa'i tshul khong du chud pa dang yang ldan pa yin/ chos thams cad kyi rjes su 'brang ba la mi gnas pa yin 
chos kyi tshul thams cad rab tu rtogs shing bsam pa dang / dbang po ji lta ba'ang rab tu rtogs pa yin/ de 'dod na bskal pa dang bskal pa gcig dang / bskal pa brgya dang / bskal pa stong dang / bskal pa khrag khrig 
dang / bskal pa khrag khrig brgya dang / bskal pa khrag khrig stong dang / bskal pa bye ba khrag khrig brgya dang / bskal pa bye ba khrag khrig stong dang / bskal pa tshad med pa dang / dpag tu med pa dang / grangs med pa 
dang / bsam gyis mi khyab pa dang / mtshungs pa med pa dang / gzhal du med pa dang / kun tu mtha' yas pa dang / mu med pa dang / sa mtshams med pa dang / bskal pa brjod du med pa'i yang brjod du med par chos thams 
cad 'gog pa'i ting nge 'dzin gcig la snyoms par zhugs kyang de'i lus 'jig par mi 'gyur ro/ /nyam chung bar mi 'gyur ro/ /skal ba zhan par mi 'gyur ro/ /chud mi za'o/ rnam par chud mi za'o/ /zhum par mi 'gyur 
ro/ /rnam par zhum par mi 'gyur ro/ /zad par mi 'gyur ro/ /dngos po yod pa dang med par mi 'gyur te/ byang chub sems dpa'i bya ba yang yongs su rdzogs par byed do/ /byang chub sems dpa'i chos nyid kyang </font><hr>36-1-367b<br><font size=+1>
brjod do/ /sems can gyi dus kyang yongs su mi spong ngo / /sems can 'dul ba'i dus la bab pa yang thogs par mi byed do/ /sangs rgyas kyi chos nyid kyang rnam par 'phel bar byed do/ /byang chub sems dpa'i mnyam pa 
nyid kyang yongs su rdzogs par byed do/ /sems can thams cad kyi don kyang yongs su mi gtong ngo / /sprul pa'i rgyud kyang rgyun mi gcod do/ /mig yor lta bu'i chos kyi tshul las kyang ldog par mi byed do/ /bsam gtan dang / ting nge 
'dzin gyis las kyang mi g.yo'o/ /kye rgyal ba'i sras dag /'di ni byang chub sems dpa' sems dpa' chen po rnams kyi chos thams cad 'gog pa zhes bya ba ste/ ye shes kyi mngon par shes pa bcu pa'o/ /de la gnas pa'i byang 
chub sems dpa' sems dpa' chen po ni lha dang 'jig rten du bcas pas bsam gyis mi khyab pa yin/ 'gro ba thams cad kyis bsam gyis mi khyab pa yin/ nyan thos thams cad kyis bsam gyis mi khyab pa yin/ rang 
sangs rgyas thams cad kyis bsam gyis mi khyab pa yin/ sa 'og ma la gnas pa'i byang chub sems dpa' thams cad kyis bsam gyis mi khyab pa yin/ lus kyi las bsam gyis mi khyab pa yin/ ngag gi las bsam gyis mi khyab pa yin/ 
yid kyi las bsam gyis mi khyab pa yin/ ting nge 'dzin rnam par 'phrul pa la 'jug pa bsam gyis mi khyab pa yin/ ye shes kyi spyod yul bsam gyis mi khyab pa yin te/ sangs rgyas bcom ldan 'das rnams kyis byang chub sems 
dpa' de dag bstan par mdzad cing bshad pa dang / gnas de dag dgod par mdzad de/ khong du chud par mdzad pa dang / mngon par shes pa de lta bu thob pa'i byang chub sems dpa' bstan pa dang / brjod pa dang / bshad pa dang / rab tu bkod pa dang / bsngags pa dang / bstod pa dang / bkrol </font><hr>36-1-368a<br><font size=+1>
ba dang / rab tu bstan pa dang / yongs su brjod pa ni ma gtogs so/ /kye rgyal ba'i sras dag bcu po de dag ni/ byang chub sems dpa' rnams kyi mngon par shes pa ste/ de dag la gnas pa'i byang chub sems dpa' 
sems dpa' chen po rnams ni dus gsum thams cad kyi ye shes kyi mngon par shes pa bsgribs pa med pa rab tu 'thob bo/ mngon par shes pa'i le'u ste sum cu rtsa bzhi pa'o// //sangs rgyas rmad gcad ces bya ba 
shin tu rgyas pa chen po'i mdo/bam po nyi shu brgyad pa/ de nas byang chub sems dpa' kun tu bzang pos/ yang byang chub sems dpa' de dag la smras pa/ kye rgyal ba'i sras dag bcu po gang 'di rnams ni/ byang chub sems 
dpa' sems dpa' chen po rnams kyi bzod pa thob pa ste/ bzod pa thob pa de dag dang ldan pa'i byang chub sems dpa' ni bzod pa thams cad kyis bsgribs pa med pa thob pas/ sangs rgyas kyi chos zad mi shes pa bsgribs pa med pa thams cad thob 
par 'gyur ba dag go /bcu gang zhe na/ 'di lta ste/ sgra khong du chud pa'i bzod pa dang / mthun pa'i bzod pa dang / mi skye ba'i chos kyi bzod pa dang / sgyu ma lta bu'i bzod pa dang / smig rgyu lta bu'i bzod pa dang / rmi lam lta bu'i bzod 
pa dang / sgra brnyan lta bu'i bzod pa dang / gzugs brnyan lta bu'i bzod pa dang / sprul pa lta bu'i bzod pa dang / nam mkha' lta bu'i bzod pa'o/ /kye rgyal ba'i sras dag bcu po de rnam ni byang chub sems dpa' rnams kyi bzod pa thob pa ste/ 
'das pa dang ma byon pa dang / da ltar byung ba'i sangs rgyas bcom ldan 'das rnams kyis gsungs so/ /gsung ngo / /gsung bar 'gyur ro/ /kye rgyal ba'i sras dag de la bzod pa dang po sgra khong du chud pa gang zhe na/ 'di lta ste chos de dag thos </font><hr>36-1-368b<br><font size=+1>
nas mi 'jigs myi skrag /skrag par mi 'gyur zhing dad pa dang / yid ches pa dang / mos pa dang / spro ba dang 'jug pa dang rjes su 'brang ba dang / de'i rang bzhin du gnas shing khong du chud par byed pa ste/ kye rgyal ba'i sras dag /'di ni byang 
chub sems dpa' sems dpa' chen po rnams kyi sgra khong du chud pa'i bzod pa thob pa ste dang po'o/ kye rgyal ba'i sras dag /byang chub sems dpa' sems dpa' chen po rnams kyi mthun pa'i bzod pa thob pa gnyis pa gang zhe na/ kye rgyal ba'i 
sras dag /'di la byang chub sems dpa' sems dpa' chen po chos 'di dag ni mthun pa zhes bya bar rtog go /dpyod do/ /mnyam par byed do/ /mi 'gal bar byed do/ /chos de dag la ji ltar mthun par 'jug par bya ba de ltar rnam par sgom 
mo/ /bsam pa rnam par dag par byed do/ /mnyam par byed do/ /brtson par byed do/ /rtogs par byed do/ /rab tu sgrub po/ /kye rgyal ba'i sras dag 'di ni byang chub sems dpa' sems dpa' chen po rnams kyi mthun pa'i bzod pa 
thob pa ste gnyis pa'o/ /kye rgyal ba'i sras dag byang chub sems dpa' sems dpa' chen po rnams kyi mi skye ba'i chos kyi bzod pa thob pa gsum pa gang zhe na/ kye rgyal ba'i sras dag 'di la byang chub sems dpa' sems dpa' chen po rdul 
tsam gyi chos kyang gang yang skyes par mthong ba med do/ /chos gang yang 'gag par mthong ba med do/ /de ci'i phyir zhe na/ gang ma skyes pa de ni ma 'gags pa'o/ /gang ma 'gags pa de ni mi zad pa'o/ /gang mi zad pa de ni rdul med 
pa'o/ /gang rdul med pa de ni tha mi dad pa'o/ /gang tha mi dad pa de ni gzhi med pa'o/ /gang gzhi med pa de ni zhi ba'i sa'o/ /gang zhi ba'i sa yin pa de ni 'dod chags dang bral ba'o/ /gang 'dod chags dang bral ba de ni mngon par 'du bya </font><hr>36-1-369a<br><font size=+1>
ba med pa'o/ /gang mngon par 'du bya ba med pa de ni smon pa med pa'o/ /gang smon pa med pa de ni gnas pa med cing len pa med pa ste/ kye rgyal ba'i sras dag /'di ni byang chub sems dpa' sems dpa' chen 
po rnams kyi mi skye ba'i chos kyi bzod pa thob pa ste gsum pa'o/ /kye rgyal ba'i sras dag /byang chub sems dpa' sems dpa' chen po rnams kyi sgyu ma lta bu'i bzod pa thob pa bzhi pa gang zhe na/ kye rgyal ba'i sras dag 'di la byang chub sems 
dpa' sems dpa' chen po chos thams cad rten cing 'brel par 'byung ba'i tshul gyis sgyu ma lta bur 'jug ste/ chos kyi rnam pa gcig la rnam pa mang por mos par byed do/ /chos rnam pa mang po la chos kyi rnam pa gcig tu mos par byed do/ /
de ni chos de dag la sgyu ma'i tshul gyis zhing du'ang sgom par byed do/ /sems can du 'ang khong du chud par byed do/ /chos kyi dbyings su yang rtog par byed do/ /'jig rten gyi khams su yang mnyam par byed do/ /sangs rgyas 
skye bar yang mtshungs par byed do/ /'jug tu med pa'i tshul gyis kyang rjes su 'jug go /byin gyi rlabs kyi tshul gyis kyang mngon par sgrub bo/ /'di lta ste dper na/ sgyu ma ni glang po'i lus la yang mi gnas so/ /rta'i 
lus la yang mi gnas so/ /shing rta'i lus la yang mi gnas so/ /rkang thang gi lus la yang mi gnas so/ /bud med la 'ang mi gnas so/ /skyes pa la 'ang mi gnas so/ /rogs po la 'ang mi gnas so/ /bu mo la 'ang mi gnas so/ /shing la 'ang 
mi gnas so/ /lo ma la 'ang mi gnas so/ /me tog la 'ang mi gnas so/ /'bras bu la 'ang mi gnas so/ /sa dang chu dang mye dang rlung la 'ang mi gnas so/ /nyin zhag dang zla ba yaRa kham mar kham dang / zla ba dang lo la 'ang </font><hr>36-1-369b<br><font size=+1>
myi gnas so/ /lo brgya la'ang myi gnas so/ /zla ba dang nyi ma la'ang mi gnas so/ /bskal pa la'ang mi gnas so/ /zhi ba dang rab tu zhi ba la'ang mi gnas so/ /sna tshogs dang rnam pa sna tshogs la'ang mi gnas so/ /gcig pa dang 
tha dad pa la'ang mi gnas so/ /yangs pa dang dog pa la 'ang mi gnas so/ /rgya chen po dang rgya chung ngu la'ang mi gnas so/ /tshad yod pa dang tshad med pa la 'ang mi gnas so/ /phra ba dang rags pa la'ang mi gnas so/ /'khor sna 
tshogs la 'ang mi gnas so/ /'khor kyang sgyu ma la mi gnas/ sgyu ma yang 'khor la mi gnas te/ sgyu ma kun tu bstan pa dang sna tshogs kyi sgyu ma rnam pa tha dad pa bstan pa'i grangs su bgrang ba yang yod do/ /de bzhin du byang 
chub sems dpa' sems dpa' chen po yang 'jig rten thams cad la/ sgyu ma lta bur 'jug cing las kyi 'jig rten dang / nyon mongs pa'i 'jig rten dang / zhing gi 'jig rten dang chos kyi 'jig rten dang / dus kyi 'jig rten dang / 
rgyud kyi 'jig rten dang / ldan pa'i 'jig rten dang / mi ldan pa'i 'jig rten dang / 'jug pa'i 'jig rten dang / mngon par 'du bya ba'i 'jig rten la 'jug pa'i tshe/ byang chub sems dpa' sems dpa' chen po 'jig rten 
thams cad la sgyu ma'i rnam par 'jug pas sems can rnams skye bar mi byed do/ /'jig par mi byed do/ /zhing rnams skye bar mi byed do/ /'jig par mi byed do/ /chos rnams skye bar mi byed do/ /'jig par mi byed do/ /
'das pa la mi rtog go /'das pa la rnam par mi rtog go /ma 'ongs pa la mngon par 'du mi byed do/ /ma 'ongs pa 'byung bar mi byed do/ /da ltar byung ba la gnas pa med do/ /da ltar byung ba la chags pa med do/ /byang chub </font><hr>36-1-370a<br><font size=+1>
la dpyod pa med do/ /byang chub la yongs su rtog pa med do/ /sangs rgyas 'byung bar mi byed do/ /sangs rgyas yongs su mya ngan las 'da' bar mi byed do/ /smon lam la gnas par mi byed 
do/ /skyon med pa la chags par mi byed do/ /mnyam pa nyid mi len to/ /chags pa med pa mi 'dor ro/ /zhing la chags pa med do/ /tha dad pa med par yang khong du chud do/ /sems can gyi khams kyang mngon par sgrub ste/ sems 
can gyi khams tha dad pa'ang rab tu shes so/ /chos kyi dbyings kyang khong du chud de gnas pa'i chos nyid las kyang mi g.yo'o/ /dus mnyam pa nyid la'ang rab tu 'jug ste/ dus la rnam par rtog pas kyang 'gal bar mi byed do/ /phung 
po dang skye mched rnams kyang mngon par sgrub ste/ gnas yang dag par gzhol ba 'ang khong du chud par byed do/ /sems can rnams kyang yongs su smin par byed de/ chos kyi dbyings mnyam pa nyid tha dad pa med par yang rab tu 
shes so/ /chos thams cad brjod du med cing yi ge med par yang rab tu shes te/ so so yang dag par rig pas kyang thogs pa med do/ /sems can thams cad dgrol ba'i don du 'dod pa la 'ang chags par mi byed do/ /snying 
rje chen pos kyang 'dul ba'i sems can rnams la chos kyi 'khor lo bskor ro/ /sems can la lta ba'i phyir snying rje chen po'ang byin gyis rlob ste/ snying rje chen po'i phyogs la'ang sems can thams cad yongs su 'grel to/ /
sngon gyi rgyu yang rab tu rjod de/ rgyu 'pho ba med pa 'am yang dag par ji lta ba bzhin du rab tu shes so/ /kye rgyal ba'i sras dag /'di ni byang chub sems dpa' sems dpa' chen po rnams kyi sgyu ma lta bu'i bzod pa thob pa ste bzhi pa'o/ /</font><hr>36-1-370b<br><font size=+1>
kye rgyal ba'i sras dag byang chub sems dpa' sems dpa' chen po rnams kyi smig rgyu lta bu'i bzod pa thob pa lnga pa gang zhe na/ kye rgyal ba'i sras dag 'di la byang chub sems dpa' sems dpa' chen po 'jig rten thams 
cad smig rgyu lta bur rab tu shes te/ 'di lta ste dper na/ smig rgyu ni yul na'ang mi gnas phyogs na'ang mi gnas pa'o/ /de bzhin du byang chub sems dpa' sems dpa' chen po yang yul na yang mi gnas/ phyogs na'ang mi 
gnas pa'i chos nyid rab tu shes te/ 'jig rten nang na'ang mi gnas/ phyi rol na'ang mi gnas pa dang / yod pa'ang ma yin/ med pa'ang ma yin pa dang / rtag pa'ang ma yin/ chad pa'ang ma yin par rnam par rig par gyur pa 
rab tu shes so/ /yang dag pa ji lta ba bzhin du rab tu shes so/ /nang zhes bya ba nang na gnas pa ma yin pa dang / nang zhes bya ba phyi rol na gnas pa ma yin pa dang / kha dog gcig pa ma yin pa dang / kha dog tha dad pa ma yin 
pa'ang rab tu shes te/ chos thams cad kha dog med pa'i sa thob par bya ba'ang rab tu rdzogs par byed do/ /kye rgyal ba'i sras dag 'di ni byang chub sems dpa' sems dpa' chen po rnams kyi smig rgyu lta bu'i bzod pa thob pa ste/
lnga pa'o/ /kye rgyal ba'i sras dag byang chub sems dpa' sems dpa' chen po rnams kyi rmi lam lta bu'i bzod pa thob pa drug pa gang zhe na/ kye rgyal ba'i sras dag 'di la byang chub sems dpa' sems dpa' chen po 'jig rten 
thams cad rmi lam lta bur rab tu shes te/ 'di lta ste/ dper na/ rmi lam ni 'jig rten las byung ba'ang ma yin/ 'jig rten las 'das pa'ang ma yin/ rmi lam ni 'dod pa'i khams kyang ma yin/</font><hr>36-1-371a<br><font size=+1>
gzugs kyi khams kyang ma yin/ gzugs med pa'i khams kyang ma yin no/ /rmi lam ni shi 'pho ba 'ang ma yin/ skye ba 'ang ma yin no/ /rmi lam ni kun nas nyon mongs pa 'ang ma 
yin/ rnam par byang ba 'ang ma yin no/ /rmi lam ni lta ba 'ang ma yin/ /rnam par dag pa 'ang ma yin te/ rmi lam snang ba yang med pa 'ang ma yin no/ /de bzhin du byang chub sems dpa' sems dpa' chen po yang 'jig rten thams cad 'khrug 
pa med pa'i tshul gyis rmi lam gyi ngo bo nyid dang tshul dang / rmi lam la mngon par chags pa dang / rmi lam rab tu dben pa dang / rmi lam gyi rang bzhin dang / rmi lam gyi byin gyi rlabs dang / rmi lam tha mi dad pa dang / rmi lam gyi 'du 
shes dang rnam par rtog pa dang / rmi lam gyi 'jig rten khong du chud pa lta bur rab tu shes te/ kye rgyal ba'i sras dag 'di ni byang chub sems dpa' sems dpa' chen po rnams kyi rmi lam lta bu'i bzod pa thob pa ste drug pa'o/ /kye rgyal 
ba'i sras dag byang chub sems dpa' sems dpa' chen po rnams kyi sgra brnyan lta bu'i bzod pa thob pa bdun pa gang zhe na/ kye rgyal ba'i sras dag 'di la byang chub sems dpa' sems dpa' chen po 'phags pa'i chos kyi pha rol tu phyin pa ni/ 
chos nyid mngon par bsgrub pa'i bslab pa la shin tu bslabs pa yin te/ 'di lta ste dper na/ sgra brnyan ni sgra sna tshogs grag par byed kyang 'pho ba med do/ /de bzhin du byang chub sems dpa' sems dpa' chen po yang / 
de bzhin gshegs pa'i gsung nang na brjod pa 'ang ma yin par rab tu shes so/ /de bzhin gshegs pa'i gsung phyi rol na brjod pa yang ma yin par rab tu shes so/ /de ltar shes pa de yang nang nas shes pa 'ang ma yin par rab tu shes so/ /phyi rol nas shes </font><hr>36-1-371b<br><font size=+1>
pa'ang ma yin par rab tu shes so/ /phyi nang nas shes pa 'ang ma yin par rab tu shes te/ 'on kyang bstan pa mngon par bsgrub pa 'ang rab tu shes so/ /byin gyi rlabs la mkhas pas 'jug pa yang rab tu shes so/ /tshig kyang rab tu shes so/ /
sgra brnyan lta bur rten cing 'brel bar 'byung bas grag par gyur pa'i chos nyid kyang 'khrug par mi byed de/ sgro 'dogs par yang mi byed la dbyangs kyi yan lag rnam pa tha dad pa la 'jug cing bslab pa la'ang shin tu bslabs pa yin/ 'di lta ste dper 
na/ lha'i dbang po brgya byin gyi lha'i bud med 'grogs ma'i kha'i dbugs kyis lan gcig bus bas kha'i dbugs yan lag stong dang ldan pa 'byung ngo / /kha'i dbugs la rnam par rtog pa med kyang dbyangs kyi yan lag rnam pa stong du sgrog go /de bzhin du 
byang chub sems dpa' sems dpa' chen po yang rnam par mi rtog pa dang ldan pa'i dbyings la 'jug pa'i tshe/ dbyangs kyi yan lag mtha' yas pa rnam par bsgom pa la mkhas pas 'jig rten gyi khams mtha' dang dbus med par 'gro ba thams 
cad la phyir mi ldog pa'i chos kyi 'khor lo bskor ba la rab tu 'jug cing 'khor rnams la yang rgya cher yang dag par ston to/ /lce shin tu yangs pa'ang byin gyis rlob ste/ dbyangs chags pa med pa 'ang rab tu rjod do/ /zhing thams cad du 'gengs 
pa'i dbyangs kyang byin gyis rlob bo/ /sems can rnams kyi mtha' yas par khong du chud par yang byin gyis rlob bo/ /chos rnam par phye ba 'byam klas pa yang rab tu snang bar byed do/ /dbyangs thams cad la 'jug pa med pa 'ang rab tu shes 
so/ /sgra rnam par dmigs pa 'ang rnam par dmigs pa med par rab tu shes so/ /dbyangs sna tshogs kyang rnam par 'god do/ /dbyangs kyi yan lag gi dkyil 'khor khong du chud pas kyang rab tu spyod do/ /kye rgyal ba'i sras dag 'di ni </font><hr>36-1-372a<br><font size=+1>
byang chub sems dpa' sems dpa' chen po rnams kyi sgra brnyan lta bu'i bzod pa thob pa ste/ bdun pa'o/ /kye rgyal ba'i sras dag byang chub sems dpa' sems dpa' chen po rnams kyi gzugs brnyan lta bu'i bzod 
pa thob pa brgyang ba gang zhe na/ kye rgyal ba'i sras dag 'di la byang chub sems dpa' sems dpa' chen po 'jig rten nas shi 'pho ba med do/ /'jig rten du skye ba med do/ /'jig rten gyi nang na mi gnas so/ /'jig rten gyi phyi rol 
na mi gnas so/ /'jig rten du rgyu ba med do/ /'jig rten du rgyun 'chad pa med do/ /'jig rten dang 'dres pa med do/ /'jig rten dang tha dad pa med do/ /'jig rten du 'gro ba med do/ /'jig rten las gol bar 'gro ba med do/ /'jig rten du gzhol bar 
'gro ba med do/ /'jig rten las ldog pa med do/ /byang chub sems dpa' de nyid kyang 'jig rten ma yin te/ 'jig rten las 'das pa'ang ma yin no/ /byang chub sems dpa'i spyad pa spyod pa'ang ma yin te/ smon lam chen po rgyun gcod pa'ang 
ma yin no/ /mang ba 'ang ma yin/ nyung ba 'ang ma yin te/ sangs rgyas kyi chos thams cad rdzogs par thob par bya ba la'ang don yod par spyod do/ /'jig rten gyi bya ba thams cad kyang yongs su rdzogs par byed do/ /'jig rten gyi rgyud kyi rjes su 
'brang ba 'ang ma yin no/ /chos kyi rgyud thogs par byed pa 'ang ma yin no/ /'di lta ste dper na/ gzugs brnyan ni nyi ma 'am/ zla ba 'am bud med dam skyes pa 'am/ shing ngam/ ri 'am/ gnas sam/ rtsig pa 'am/ sa 'am chu klung gi rgyud dam/ dngos 
po sna tshogs mtha' yas pa tshad med pa rnams kyi gzugs gang dang gang yod pa de dag thams cad rnam par dmyigs par byed de/ chu 'am/ til mar ram/ nor bu 'am/ mching bu 'am/ me long ngam gzhan yang yo byad kha dog dang ba mdog gsal ba gang yang rung ste/</font><hr>36-1-372b<br><font size=+1>
de dag shin tu dad pa'i phyir de dag tu gzugs brnyan rnam par dmigs par byed kyang gzugs brnyan ni shin tu dang ba'i dbyings de dang 'dres pa'ang med de/ gzugs brnyan de de las gud na 'dug pa'ang ma yin no/ /gzugs brnyan de de 
ltar rnam par dmigs pa dang yang 'grogs pa med do/ /dang pa'i dngos po de yang gzugs brnyan gyis dang 'grogs pa med do/ /gzugs brnyan de chu klung gi rgyun gyis kyang khyer bar mi nus so/ /gzugs brnyan de chu bo'i rgya mtshor 
'chi bar yang mi 'gyur ro/ /dang ba sna tshogs de dag gis kyang gzugs brnyan de la gos par mi 'gyur te/ de dag tu gzugs brnyan rnam par dmigs pa 'ang yod cing de dag gis bzung ba 'dra yang gzugs brnyan gang du dmigs 
par gyur pa des de'i cha bzung ba med do/ /gzugs brnyan de ni ring bar yang snang nye bar snang ste/ de ltar ring ba dang nye ba 'ang med do/ /de bzhin du byang chub sems dpa' sems dpa' chen po yang rang gi ye shes kyi dkyil 'khor gzhan gyi rgyud 
kyi yul du snang bar byed kyang 'di ni gzhan gyi rgyud do/ /'di ni bdag gi ye shes kyi rgyud do/ /'di ni bdag gi ye shes kyi dkyil 'khor to zhes gnyis su mi byed do/ /bdag gi yul dang gzhan gyi yul rnam par dbye ba 'ang rab tu shes so/ /'di lta ste/ 
dper na sa bon du gyur pa ni shin tu 'phel zhing skye ba yin te/ chu ba dang lo ma dang sbu gu'i gnas su gyur pa nas rnam par dbye ba 'ang yod do/ /de bzhin du byang chub sems dpa' sems dpa' chen po yang chos nyid mi gnyis pa la 
gnyis kyi mtshan nyid mi mthun pa'i ye shes la chags pa med pa'i mtha'i tshul gyis rab tu 'jug go /kye rgyal ba'i sras dag 'di ni byang chub sems dpa' sems dpa' chen po rnams kyi gzugs brnyan lta bu'i bzod pa thob pa ste/ brgyad </font><hr>36-1-373a<br><font size=+1>
pa'o/ /bzod pa de dang ldan pa'i byang chub sems dpa' sems dpa' chen po ni/ sangs rgyas kyi zhing bsam gyis myi khyab pa dag tu 'gro ba 'ang ba med la/ sangs rgyas kyi zhing brjod 
du myed pa dag tu yang snang ngo / /'jig rten gyi khams gang nas kyang g.yo ba med cing / 'jig rten gyi khams gang du yang 'gro ba med la/ lus kyi dkyil 'khor gzugs brnyan du gyur pa yang kun tu rnam par dmigs 
par byed do/ /rjes su song ba'i lus kyang 'jig rten thams cad du phyin par byed do/ /lus rnam par phye ba chags pa med pas spyod pa yang rab tu shes so/ /gang yang 'jig rten na 'jig rten gyi mtshan ma dang / 'jig rten dong skom 
yod pa de dag 'dres pa 'ang ma yin/ tha dad pa yang ma yin par rab tu shes so/ /de bzhin gshegs pa'i rigs su rigs dang ldan par byung ba'i lus dang ngag dang yid rnam par dag pa 'ang rab tu 'thob bo/ /kha dog mtha' yas 
pa'i lus thams cad rnam par dag pa 'ang rab tu 'thob bo/ /kye rgyal ba'i sras dag byang chub sems dpa' sems dpa' chen po rnams kyi sprul pa lta bu'i bzod pa thob pa gang zhe na/ kye rgyal ba'i sras dag 'di la byang chub sems 
dpa' sems dpa' chen po 'jig rten thams cad sprul pa lta bur rab tu 'jug ste/ sems can thams cad kyi bsam pas sprul pa dang / bsams te sprul pa dang / 'jig rten gyi khams mngon par 'du byed pas sprul pa dang / 
rnam par rtog pas sprul pa dang / bde ba dang sdug bsngal thams cad kyi phyin ci log gis sprul pa dang / sgro btags pas sprul pa dang / 'jig rten gyi chos thams cad med pas sprul pa dang / tshig gi lam gyi byin gyi </font><hr>36-1-373b<br><font size=+1>
rlabs kyis sprul pa dang / nyon mongs pa thams cad kyi yongs su rtog pas sprul pa dang / 'du shes kyis sprul pa dang / 'di lta ste 'dul ba rnam par byang bar bya ba dang / rnam par dag par bya ba'i yongs su rtog pas sprul pa dang 
'di lta ste dus gsum du phyir mi ldog pas sprul pa mnyam pa nyid kyis byung ba med pa dang / 'di lta ste byang chub sems dpa'i smon lam gyis sprul pa spyod pas yangs par byas pa dang / 'di lta ste de bzhin gshegs pa'i thugs rje chen 
pos sprul pa 'gro ba thams cad la bstabs par rnam par bkod pa dang / 'di lta ste chos kyi 'khor lo dang / thabs mkhas pa'i ye shes kyis sprul pa mi 'jig pa dang / so so yang dag par rig pa'i ye shes kyis 'jug pa 
rab tu shes te de ltar byang chub sems dpa' sems dpa' chen po 'jig rten pa dang / 'jig rten las 'das pa'i sprul pa rab tu shes par byed do/ /khong du chud par byed do/ /rtogs par byed do/ /yangs par byed do/ /
mtha' dang dbus dang mu med par ji ltar bskyed pa bzhin du thob par byed do/ /grub par byed do/ /dbang du byed do/ /de kho na nyid du shes so/ /yang dag pa nyid las mi g.yo bar byed do/ /yang dag par lta'o/ /ji ltar 
spyod pa bzhin du chud za bar mi byed do/ /'di lta ste dper na/ sprul pa ni sems las mi 'byung ste/ sems kyi chos las ma byung las kyis bsgrubs pa ma yin/ rnam par smin pa'i rjes su 'brang ba ma yin/ 'jig rten 
du skyes pa ma yin/ 'jig rten du 'gag pa ma yin/ chos kyi rjes su snyegs pa ma yin/ chos thob par byed pa ma yin/ ring du gnas pa ma yin/ yud tsam du gnas pa ma yin/ 'jig rten na spyod pa ma yin/ 'jig rten </font><hr>36-1-374a<br><font size=+1>
las 'das pa ma yin/ phyogs su 'gro ba ma yin/ phyogs la gzhol ba ma yin/ tshad yod pa ma yin/ tshad med pa ma yin/ skyo ba ma yin skyo ba med pa ma yin/ rgyun chad pa ma yin rgyun mi chad pa 
ma yin/ 'phags pa ma yin/ so so'i skye bo ma yin/ kun nas nyon mongs pa ma yin/ rnam par byang ba ma yin/ shi 'phos pa ma yin/ skyes pa ma yin/ shes pa ma yin/ mi shes pa ma yin/ snang ba ma yin/ 'jig pa ma yin/ 'jig rten 
la gnas pa ma yin/ chos kyi dbyings la gzhol ba ma yin/ mkhas pa ma yin/ shes rab 'chal pa can ma yin/ nye bar len pa ma yin/ nye bar mi len pa ma yin/ 'khor ba ma yin/ mya ngan las 'das pa ma yin/ 
yod pa ma yin/ med pa ma yin no/ /de bzhin du byang chub sems dpa' sems dpa' chen po yang 'phrul pa'i byin gyi rlabs la mkhas pas/ 'jig rten na byang chub sems dpa'i spyad pa spyod de/ de 'jig rten gyi chos la lta zhing 
bdag mngon par sprul pa byed kyang 'jig rten gyi sprul pa la mngon par chags pa med do/ /bdag gi sprul pa la mngon par chags pa med do/ /bdag dang 'jig rten gyi mngon par sprul pa la yongs su rtog pa med do/ /'jig rten 
la gnas pa med do/ /'jig rten rgyun gcod pa med do/ /chos la gnas pa med do/ /chos kyi dbang du 'gro ba ma yin no/ /sems can gyi khams kyang rdul tsam yang 'dul ba med do/ /sems can gyi khams smon lam las yongs su 
spong ba med do/ /chos de dag la rtog pa med do/ /rnam par rtog pa med do/ /chos de dag la len pa med do/ /chos de dag la 'dor ba med do/ /sangs rgyas kyi chos yod pa ma yin pa de dag kyang yongs su rdzogs par byed de/ chos de </font><hr>36-1-374b<br><font size=+1>
dag kyang yod pa'ang ma yin med pa'ang ma yin no/ /ji ltar sprul pa de yod pa'ang ma yin med pa yang ma yin pa de bzhin du/ byang chub sems dpa' sems dpa' chen po yang sprul pa lta bu'i bzod pa la gnas shing / sangs rgyas thams cad 
kyi byang chub kyang yongs su rdzogs par byed do/ /sems can gyi don kyang rab tu byed do/ /kye rgyal ba'i sras dag 'di ni byang chub sems dpa' sems dpa' chen po rnams kyi sprul pa lta bu'i bzod pa thob pa ste/ dgu pa'o/ /bzod pa de 
dang ldan pa'i byang chub sems dpa' sems dpa' chen po ni sangs rgyas kyi zhing thams cad la mi gnas pa yin te/ ji ltar sprul pa de 'jig rten gyi khams thams cad la mi gnas par spyod cing / sangs rgyas kyi chos thams cad la rnam par rtog 
pa med par spyod pa dang / ji ltar sprul pa de sangs rgyas kyi byang chub dang byang chub sems dpa'i spyod pa thams cad la dub pa med par spyod pa dang / ji ltar sprul pa de phyin ci log med cing lus su dmigs pa thams cad la lus med par 
spyod pa dang / ji ltar sprul pa de byin gyi rlabs kyis gzugs kyi rnam pa thams cad kyi gzugs la mi gnas par spyod pa dang / ji ltar sprul pa de rang bzhin snang ba'i tshul du yang dag pa'i mtha' mnyam pa nyid yongs su rdzogs par byed pa 
dang / ji ltar sprul pa de chos thams cad la rnam par grol ba'i chos gnas med par spyod pa dang / ji ltar sprul pa de gnas med pa'i rang bzhin dang / chos thams cad kyi tshul gyi rnam par byang ba la spyod pa dang / ji ltar sprul pa de de 
bzhin gshegs pa thams cad kyi 'khor du cho 'phrul gyi nye bar 'gro zhing 'gro ba med par spyod pa dang / ji ltar sprul pa de khor yug dang / ri rab thams cad la snang ba bzhin no/ /kye rgyal ba'i sras dag byang chub sems dpa' sems dpa' </font><hr>36-1-375a<br><font size=+1>
chen po rnams kyi nam mkha' lta bu'i bzod pa thob pa bcu pa gang zhe na/ kye rgyal ba'i sras dag 'di la byang chub sems dpa' sems dpa' chen po nam mkha' ji lta ba de ltar mtshan nyid med pa'i tshul gyis chos 
kyi dbyings thams cad la 'jug go /nam mkha' ji lta ba de ltar zhing thams cad bsgrub pa med pa'i tshul gyis 'jig rten gyi khams thams cad la 'jug go /nam mkha' ji lta ba de ltar gnyis su med pa'i tshul gyis chos thams 
cad la 'jug go /nam mkha' ji lta ba de ltar 'jug pa med pa'i tshul gyis sems can thams cad kyi spyod pa la 'jug go /nam mkha' ji lta ba de ltar rnam par dbye ba med pa'i tshul gyis sangs rgyas thams cad la 'jug go /nam 
mkha' ji lta ba de ltar tha dad pa med pa'i tshul gyis de bzhin gshegs pa rnams kyi stobs thams cad la 'jug go /nam mkha' ji lta ba de ltar sngon gyi mtha' dang phyi ma'i mtha' dang da ltar byung ba'i tshul gyis bsam gtan thams cad la rab tu 'jug 
go /nam mkha' ji lta ba de ltar brjod du med pa'i tshul gyis chos thams cad yang dag par bstan pa la 'jug go /nam mkha' ji lta ba de ltar chags pa med cing bsgribs pa med pa'i tshul gyis de bzhin gshegs pa thams cad kyi sku 
la 'jug go /nam mkha' ji lta ba de ltar nam mkha'i dbyings kyi tshul gyis chos thams cad gsal ba med pa la 'jug go /de ltar byang chub sems dpa' sems dpa' chen po nam mkha' lta bu'i chos thams cad la de lta bu'i bzod 
pa las byung ba'i ye shes kyis 'jug pa'i tshe/ lus nam mkha' lta bur rab tu 'thob bo/ /nam mkha' lta bu'i lus kyi las rab tu 'thob bo/ /nam mkha' lta bu'i ngag rab tu 'thob bo/ /nam mkha' lta bu'i ngag gi las rab tu 'thob bo/ /</font><hr>36-1-375b<br><font size=+1>
nam mkha' lta bu'i yid rab tu 'thob bo/ /nam mkha' lta bu'i yid kyi las rab tu 'thob bo// //'di lta ste dper na/ nam mkha' ni chos thams cad dang ldan te/ 'chi 'pho ba 'ang med do skye ba 'ang med do/ /de bzhin du byang chub sems 
dpa' sems dpa' chen po yang chos thams cad kyi lus dang ldan te shi 'pho ba 'ang med do/ /skye ba yang med do/ /'di lta ste dper na/ nam mkha' ni gzhi med de tha dad pa med do/ /de bzhin du byang chub sems dpa' sems dpa' chen 
po yang chos thams cad shes pas gzhi med de sangs rgyas kyi stobs rnams dang tha mi dad do/ /'di lta ste dper na nam mkha' ni 'jig rten thams cad kyi gzhi ste/ rang bzhin med pa dang yul med pas gzhi yang ma yin no/ /de bzhin du byang 
chub sems dpa' sems dpa' chen po yang chos thams cad kyi gzhi yin te/ chos thams cad kyi rang bzhin med pas gzhi yang ma yin no/ /'di lta ste dper na nam mkha' ni skye ba med cing 'gag pa med kyang 'jig rten thams cad kyi skye ba dang 'gag 
pa 'dzin to/ /de bzhin du byang chub sems dpa' sems dpa' chen po yang 'jug pa 'ang med yongs su rdzogs pa yang med de/ 'jig rten thams cad kyi rnam par dag pa yang rab tu ston to/ /'di lta ste dper na nam mkha' ni phyogs kyang 
ma yin/ phyogs mtshams kyang ma yin te/ phyogs rgya mtsho mtha' yas pa la 'ang yang dag par gzhol lo/ /de bzhin du byang chub sems dpa' sems dpa' chen po yang las kyang ma yin/ rnam par smin pa yang ma yin te las dang 
rnam par smin pa rgya mtsho yang yongs su ston to/ /'di lta ste dper na nam mkha' ni ldang ba med cing 'dug pa med de/ rnam par phye ba mtha' yas pa 'ang yongs su ston to/ /de bzhin du byang chub sems dpa' sems dpa' chen po yang spyod pa </font><hr>36-1-376a<br><font size=+1>
yang med gnas pa yang med de/ spyod pa rnam par phye ba'ang yongs su ston to/ /'di lta ste dper na nam mkha' ni kha dog kyang ma yin/ kha dog med pa'ang ma yin te/ kha dog gi rnam pa yang yongs su 
ston to/ /de bzhin du byang chub sems dpa' sems dpa' chen po yang 'jig rten pa'i kha dog kyang ma yin/ 'jig rten las 'das pa'i kha dog kyang ma yin te/ kha dog mtha' yas pa yang yongs su ston to/ /'di lta ste 
dper na/ nam mkha' ni ring du gnas pa yang ma yin yud tsam cig tu gnas pa yang ma yin te/ gnas pa dang yongs su gnas pa yang rab tu ston to/ /de bzhin du byang chub sems dpa' sems dpa' chen po yang ring du gnas pa 
yang ma yin/ yud tsam cig tu gnas pa yang ma yin te/ byang chub sems dpa'i spyod pa la gnas pa dang / yongs su gnas pa yang rab tu ston to/ /'di lta ste dper na nam mkha' ni kun nas nyon mongs pas nyon mongs par 
gyur pa'ang med la rnam par byang bas rnam par byang bar gyur pa yang med do/ /de bzhin du byang chub sems dpa' sems dpa' chen po yang 'jig rten la 'jug pas bsgribs pa yang med rnam par dag cing gsal bar gyur pa yang med do/ /'di 
lta ste dper na nam mkha' ni 'jig rten thams cad kyi mngon sum du gyur pa yin te/ 'jig rten thams cad ni nam mkha'i mngon sum du gyur pa ma yin no/ /de bzhin du byang chub sems dpa' sems dpa' chen po yang chos thams cad 
la mngon du gyur pa ste/ byang chub sems dpa' ni chos thams cad kyi mngon sum du gyur pa ma yin no/ /'di lta ste dper na/ nam mkha' ni gnas thams cad la rab tu gzhol ba yin te/ nam mkha'i mtha' ni yod pa ma yin no/ /</font><hr>36-1-376b<br><font size=+1>
de bzhin du byang chub sems dpa' sems dpa' chen po yang chos kyi gnas thams cad la gnas te/ byang chub kyi sems ni mtha' yod pa ma yin no/ /de ci'i phyir zhe na/ de ni bdag nyid nam mkha' dang mnyam par byas te/ 
yongs su bsgoms pa dang / rnam par sbyangs pa dang / shin tu bsgrubs pa dang / mnyam pa nyid du byas pa dang / rgyud kyi tshul gcig tu byas pa dang / ro gcig tu byas pa dang / tshad gcig tu byas pa dang / nam mkha' 
lta bur dag pa'i kha dog tu byas pa dang / thams cad du 'gro bar byas pa'i phyir ro/ /chos thams cad la yang dag par sems pa dang / khong du chud par byed pa dang / chos thams cad tha mi dad pa rab tu thob par byed pa 
dang / zhing thams cad du 'gro bar bsgrub pa dang / lus thams cad la gnas pa med pa yongs su rdzogs par byed pa dang / phyogs thams cad kyi 'byung gnas rab tu thob par byed pa dang / stobs thams cad tha mi dad par 
bsgrub pa dang / yon tan thams cad yul mtha' yas par yongs su rdzogs par byed pa dang / chos thams cad kyi 'byung gnas rab tu thob par byed pa dang / dpag tu med pa thob par byed pa dang / rdo rje ltar 
brtan pa la rab tu gzhol ba dang / dbyangs kyi yan lag tshad med pa thams cad mngon par bsgrub pa dang / 'jig rten thams cad du phyin cing chos kyi 'khor lo yongs su mi gtong ba'i phyir ro/ /kye rgyal ba'i sras dag 'di 
ni byang chub sems dpa' sems dpa' chen po rnams kyi nam mkha' lta bu'i bzod pa thob pa ste/ bcu pa'o/ /bzod pa de dang ldan pa'i byang chub sems dpa' sems dpa' chen po ni 'gro ba med pa'i tshul du 'gro ba med </font><hr>36-1-377a<br><font size=+1>
pa'i lus rab tu 'thob bo/ /'gag pa med pa'i tshul du skye ba med pa'i lus rab tu 'thob bo/ /'jig pa med pa'i tshul du 'pho ba med pa'i lus rab tu 'thob bo/ /ji ltar mthong ba ma yin 
pa'i tshul du bden pa med pa'i lus rab tu 'thob bo/ /mtshan nyid med pa'i tshul du mtshan nyid gcig pa'i lus rab tu 'thob bo/ /sangs rgyas kyi stobs tshad med pa'i tshul du tshad med pa'i lus rab tu 'thob bo/ /de 
bzhin nyid kyi mtshan nyid kyi tshul du mnyam pa nyid kyi lus rab tu 'thob bo/ /dus gsum mnyam pa nyid khong du chud cing bzod pa'i tshul du tha mi dad pa'i lus rab tu 'thob bo/ /mnyam pa nyid kyi mig rnam par dag pas bsgribs pa med 
pa'i tshul du thams cad du 'gro ba'i lus rab tu 'thob bo/ /chos thams cad ldan pa dang ma ldan pa med pa'i tshul du 'dod chags dang bral ba'i mtha'i lus rab tu 'thob bo/ /bsod nams zad mi shes pa'i tshul du nam mkha' ltar 
mtha' dang mu med pa rab tu 'thob bo/ /chos thams cad nam mkha'i rang bzhin gyi mtshan nyid kyis mtshan nyid gcig pa'i tshul du chos nyid mnyam pa nyid thob pas zad mi shes shing thogs pa med pa rab tu 'thob bo/ /nam mkha' ltar thogs 
pa myed pa'i tshul du dbyangs mtha' yas shing tshad med pa rab tu 'thob bo/ /nam mkha' ltar thams cad la thogs pa med pa'i tshul du byang chub sems dpa'i spyod pa thams cad la mkhas pa yongs su rdzogs shing rnam par dag pa rab tu 'thob bo/ /
nam mkha' ltar rgyun chad pa med pa'i tshul du sangs rgyas kyi chos rgya mtsho gcig nas gcig tu brgyud pa tshad med pa thams cad rab tu 'thob bo/ /nam mkha' ltar tshad med cing mthar thug pa med pa'i tshul du sangs rgyas kyi zhing thams </font><hr>36-1-377b<br><font size=+1>
cad tshad med pa'i zhing du byin gyis rlob pa rab tu 'thob bo/ /nam mkha' rgya mtsho'i tshul du chos thams cad kyi rnam par 'phrul pa rgyun mi 'chad pa yang dag par ston pa yang yongs su rdzogs par 'gyur ro/ /nam mkha' ltar 'jig rten 
thams cad 'dzin pa'i tshul du lus thams cad 'jig pa med cing shin tu brtan pa yongs su rdzogs par 'gyur ro/ /'jig rten gyi gdung ba thams cad kyis nam mkha' 'tshig par mi 'gyur ba'i tshul du rdo rje ltar sra zhing brtan la rno ba'i dbang 
po yongs su 'grub par 'gyur ro/ /nam mkha' lta bu'i ye shes kyi byin gyi rlabs kyi tshul du 'jig rten thams cad rab tu 'dzin pa'i stobs la yang dag par 'byung ngo / /kye rgyal ba'i sras dag 'di dag ni byang chub sems dpa' sems dpa' 
chen po rnams kyi bzod pa thob pa bcu'o/ /de nas byang chub sems dpa' sems dpa' chen po kun tu bzang pos don 'di nyid de bas kyang gsal bar bstan pa'i phyir/ byang chub sems dpa' de dag la tshigs su 
bcad de smras pa/ /ji ltar skyes bu la la zhig /rin chen 'byung gnas thos gyur nas/ /nor tshogs chen po bsags don du/ /rab tu dga' ba skye ba yin/ /de bzhin shes rab che ldan pa'i/ /byang chub sems dpa' 
rgyal sras rnams/ /de bzhin gshegs pa'i chos kyi mtshan/ /zab cing zhi ba rab tu nyan/ /zab pa'i chos ni thos gyur cing / /de dag yid ni 'jigs mi 'gyur/ /de dag sems la sdangs ba med/ /skrag pa skye bar mi 'gyur 
ro/ /rgya chen dbyangs ni thos gyur nas/ /bzod pa'i dbyangs kyis byang chub tu/ /shes rab chen po yang dag 'jug /de la the tsom skye ba med/ /bdag ni thams cad mkhyen par bya/ /bdag ni mi yi mgon du bya/ /chos rab </font><hr>36-1-378a<br><font size=+1>
shin tu zab pa rnams/ /bdag gis sgra yi sgo nas thos/ /sgra yi rjes su 'brang bas ni/ /dga' ba'i dam pa mi 'thob ces/ /de bzhin gshegs pa'i chos don du/ /de yi mos pa brtan pa skye/ /
bsam pa byang chub sems rab kyis/ /'dul zhing yongs su sgom pa byed/ /chos rnams 'khrugs par mi byed de/ /de yis dad pa rnam par 'phel/ /des ni sgra rjes 'gro ba yi/ /bzod pa rab tu thob par 'gyur/ /
spyod la shin tu brtson byed cing / /dbyangs kyi bzod la rab tu gnas/ /chos kyi 'byung gnas yin pas na/ /shin tu brtson pa rab tu tshol/ /brtson 'grus ldog par mi byed de/ /sangs rgyas byang chub bsgrub par byed/ /
dbyangs tsam gyis ni gnas byed pas/ /byang chub sems la bag tsha med/ /dbyangs kyis mos pa rab tu 'thob/ /des ni rgyal ba mnyes par byed/ /skyes bu la la bsod nams rgyas gyur pas/ /gser gyi 'byung gnas chen 
po rnyed gyur nas/ /brgyan pa'i gnas kyi rgyan du rab sbyangs na/ /de dag lus dang mthun pa'i rgyan du byed/ /de bzhin mkhas pas chos kyi phul thos na/ /sems dang blo yangs rgya mtshor bsgyur byas shing / /ji ltar sngon thos 
chos rnams rtog par byed/ /mi mthun tshul du chos la tshol mi byed/ /de dag rtogs nas shin tu mthun par spyod/ /rnam par mi sgom chos ni gang yang med/ /de dag chos rnams ji bzhin mthun byed cing / /de bzhin de ni 
chos rnams khong du chud par byed/ /mkhas pa'i sems ni rnam dag skyer 'gyur te/ /dga' ba'i sems yid rnam dag gsal ba skye/ /chos kyi yid la bdag nyid che ba brtson/ /rten cing 'brel 'byung chos la rab tu 'jug</font><hr>36-1-378b<br><font size=+1>
chos rnams mnyam pa nyid la de brtson te/ /dngos po rnam par bsgom la mngon par brtson/ /rgyal ba'i mdzod dang 'gal bar mi byed de/ /chos rnams mi mnyam med par rab tu shes/ /de ni bsam pa mthar thug rab brtan 
pas/ /rgyal ba'i byang chub ji bzhin rab tu spyod/ /ri rab bzhin du mi g.yo brtan pa yis/ /de yi bsam pa byang chub mchog la rten/ /mnyam gzhag sems dang ldan pas de brtson te/ /brtson 'grus ldan pa'i yid kyis 
rab tu spyod/ /bskal pa stong du spyad pa spyod byed kyang / /de yi brtson 'grus 'jig par mi 'gyur ro/ /'di dag chos la yang dag de 'jug ste/ /rgyal ba'i rtogs bya'i gting yang rab tu rnyed/ /chos nyid zhi ba rab tu thob gyur pas/ /
de la 'jum pa'i yid byed gang yang med/ /dpe zla med pas ji skad gsungs pa ltar/ /de ni chos rnams mnyam pa nyid du byed/ /mi mnyam tshul du bzod pa mi skyed de/ /ye shes mnyam nyid yongs su rdzogs par sgrub/ /bde 
bar gshegs pas mthun par gang gsungs pa/ /de dag bzod pa'i sgo nas rab tu 'grub/ /chos rnams 'jig dang ldan pa ma yin te/ /chos nyid ji bzhin de 'dra rab tu shes/ /lha gnas 'di'i lha'i bu rnams 'dir 'dus dang / /
sum cu rtsa gsum gnas su lha rnams skyes gyur pa/ /de dag zil dngar sna tshogs rnam pa gzhan dang gzhan/ /de dag khar ba'i snod gcig mngon spyod zad gyur na/ /zil dngar zhim pa de dag 'ong ba ma yin te/ /phyogs bcu kun 
nas zil dngar stobs pa med/ /las rnams ji lta ji bzhin lha rnams de ltar za/ /de la skye ba med de bza' ba med pa min/ /de bzhin byang chub sems dpa'i sems rab mngon skyes kyang / /de la rdul cha'i chos kyang skyes </font><hr>36-1-379a<br><font size=+1>
par gyur pa med/ /ma skyes gang yin chos de nam yang 'gag pa med/ /dam pa'i chos kyi rkyen brten mkhas pa rab tu zhugs/ /ma 'gag gang yin mi zad chos rgyud de dang de/ /chos nyid 'di yi tshul la 
rab tu gnas pa yin/ /tha dad ched pa'i chos dbyings 'di la rab tu 'jug /'jig rten tha dad med pa'i rgyud kyi tshul yang shes/ /de bzhin nyid mnyam 'jig rten zhi ba'i gzhar gyur pa/ /gzhi med tha dad med pa'i yang dag 
mtha' shes te/ /smon lam rdo rje'i rang bzhin 'gro la phan phyir 'debs/ /rgyal sras de ni bde gshegs mkhyen la'ang mngon chags med/ /de ni dben gzhol sangs rgyas chos rnams ston pa byed/ /chos kyi shugs las 'on kyang g.yo bar 'gyur ba med/ /brda dang grangs kyi tshul gyis mngon par 'du byed de/ /'jig rten snying brtser smon lam dam pa rab tu 'debs/ /smon lam 'debs la gnas kyang stobs bcu ldan pa ste/ /
'gro ba ma lus kun la de ni gnas pa med/ /mkhas pa'i ye shes yongs su len dang 'dor ba spangs/ /chos dang chos kyi man ngag rnam pa'i tshul la mkhas/ /'di ni bzod pa'i dam pa ma skyes chos can te/ /des ni 
chos rnams zad med zad par mi 'gyur ro/ /mi skye'i tshul gyis yongs su gdams bya'i chos kyi dbyings/ /de bzhin nyid las brtan pa rnam par 'gyur ba med/ /rgyal sras byang chub don du bzod pa 'dir gnas pa/ /de la phyogs kun 
sangs rgyas mtha' yas lung yang ston/ /rgyal sras de la sangs rgyas mkhyen pas dbang bskur mdzad/ /phyogs bcu kun nas rab tu snang bar mngon du gnas/ /de dag chos kun rab zhi rtag tu zhi ba'i sems/ /mngon par sgrub cing dge </font><hr>36-1-379b<br><font size=+1>
ba kun la 'gro ba 'god/ /dus gsum chos rnams kun gyi mtshan nyid de 'dra bas/ /mtshan rnams yongs su dag byas sems can 'dul ba byed/ /sgyu ma lta bu'i chos rnams nges par sus rtags pa/ /de dag 'jig rten sna tshogs 
du ma rtogs byed cing / /'jig rten sna tshogs sgyu tshul yang dag rtogs byas nas/ /las yangs shin tu bstsags pas rnam pa sna tshogs pa/ /sems las las kyi rnam pa du ma 'byung bar 'gyur/ /de bas 'jig rten sems 
de sgyu ma lta bur bstan/ /de dag rnam brtags sgyu ma 'dra bas nub par 'gyur/ /srid pa'i lam rgyud ma lus sgyu 'dra yang dag smin/ /ji ltar sgyu ma'i rnam pa byin rlabs byas pa'i gzugs/ /lam gyi bzhi mdor 'jig 
rten phal gyi nang bstan pa/ /'gro bas mthong na de la kun kyang mos pa skyed/ /sgyu mas 'jig rten las ni gang yang 'grub mi 'gyur/ /de bzhin 'gro ba ji snyed gang rnams yod pa dag /sgyu ma'i rang bzhin lta 
bu ma skyes chos nyid de/ /dngos yod dngos med de bzhin yod dang med pa dang / /skal pa mi mnyam tshul gyi 'gro rgyud rab tu ston/ /sgyu ma'i tshul rnams shes nas sems can yongs su 'grel/ /sgyu ma lta bu yin 
par sems can khong du chud/ /sems can sgyu 'dra de bzhin sgyu ma sems can 'dra/ /sems can med cing sgyu ma 'dra bar 'jig rten shes/ /sems can zhing dang chos dang de bzhin dus gsum dang / /'jig rten 
thams cad sgyu ma'i rnam par rab tu 'byed/ /sgyu ma'i rnam pa lta bur chos rnams rab rtogs pas/ /'jig rten ma lus 'di dag sgyu ma'i rnam par shes/ /skyes pa dag dang de bzhin bud med rogs pa dang / /bu mo de </font><hr>36-1-380a<br><font size=+1>
bzhin rnam par dul ba nye bar ston/ /glang po rta dang ba glang phyugs dang shing rnams dang / /me tog 'bras bu bzang dang ldan pa'i mtsho yang ston/ /thabs kyi rnam pa sna tshogs mang bar sgyu ma'i 
sems/ /sna tshogs gnas la 'ang sgyu ma yongs su gnas pa med/ /sgyu ma dben la gzhol zhing shin tu zhi ba yang / /'jig rten rnam par rtog pa sna tshogs mang po ston/ /de bzhin rgyal sras btsun pa rigs dang ldan pa 
rnams/ /'jig rten sgyu ma sna tshogs ji bzhin ston pa byed/ /bsgom dang rnam par bsgom pa'i dngos po'i sems kyang med/ /dngos po dngos myed sgyu ma ji bzhin rab tu shes/ /zhing dang sems can chos kyi rnam pa 
mang por bcas/ /las rnams sna tshogs rnam pas yongs su bstsags pa la/ /gnas par mi byed mngon par chags pa de bzhin med/ /chags med mtha' yi sgyu ma'i tshul ni des shes so/ /de ltar rgyal sras mkhas pa 
rnams/ rab tu zhi la dga' zhing spros pa med pa ste/ /gnas med sa dang yang dag ldan/ /chos dbyings gnas la de dag rab du zhugs/ /de ni chos nyid rtogs pa ste/ /brtan pa de dag rgyal ba'i sku skyes sras yin no/ /'du shes sgyu la 
mkhas pa ste/ /'gro ba thams cad 'du shes 'dra bar shes/ /smig rgyu'i 'du shes 'dra ba ste/ /'gro ba thams cad de ltar 'du shes phyin ci log /'du shes rnams phye mkhas pa ste/ /de ni 'gro kun 'du shes spangs pa 
yin/ /sems can sna tshogs khong du chud/ /'jig rten kun gyi sna tshogs rnam pa kun dang bral/ /'jig rten 'du shes rab tu shes/ /'jig rten 'du shes med min 'du shes ldan/ /phyogs rnams 'du shes 'dra ba ste/ /</font><hr>36-1-380b<br><font size=+1>
sems can mtha' yas 'du shes rnam pa sna tshogs yin/ /ma nor mig dang ldan pa rnams/ /'jig rten sna tshogs 'du shes rab tu mthong / /'jig rten smig rgyu 'dra ba ste/ /'du shes sna tshogs rnam pas 'jig rten 
rnam par bkod/ /'jig rten 'du shes gnas pa ste/ /de dag phyin ci log gsum rnam par spangs/ /ji ltar smig rgyu'i tshogs kyi rnams/ /'gro ba rnams la chu yi rnam par dmigs par snang / /de la chu ni yod min 
yang / /chu yi 'du shes rnam par rab tu bslu/ /de bzhin 'jig rten thams cad kyang / /khams gsum lam rgyud rnam pa sna tshogs mtha' yas te/ /'du shes rnam pa smig rgyu bzhin/ /chags med yid ldan spyod yul 
mtha' yas so/ /'du shes thams cad rnam par spangs/ /chags med ye shes ldan zhing spros pa med pa rnams/ /'gro ba 'du shes chags gyur pa/ /'du shes bslus las brtan pa 'grel bar byed/ /nga rgyal rlom dang 
dregs pa spangs/ /'du shes thams cad bstsal cing 'jig rten 'dren pa byed/ /mi zad zad pa rtogs pa rnams/ /bden pa zad mi shes pa'i tshul 'di yin/ /'jig rten 'di dag thams cad rmi lam lta bur khong du chud/ 
chos rnams thams cad rmi lam ngo bo nyid du rab tu rtogs/ /rmi lam de dag yul la mi gnas phyogs la 'ang mi gnas te/ /rmi lam lta bur 'jig rten rab tu zhi la de dag gzhol/ /rmi lam rang bzhin mkhas shing rnam par rtog med 
chos dang ldan/ /rmi lam rtogs pa'i yid ldan sems la 'gyur ba gang yang med/ /'jig rten kun tu rmi lam lta bur shin tu rgyu zhing spyod/ /dus gsum ma lus thams cad sgyu ma lta bu'i tshul du rtogs/ /rmi lam shi 'phyor </font><hr>36-1-381a<br><font size=+1>
'gyur ba med cing skye ba de bzhin med/ /rmi lam phyogs rnams kun na yod pa ma yin med pa min/ /khams gsum rmi lam lta bur 'di la rnam rtog myed byas shing / /rmi lam shin tu rtogs mkhas 
de dag sems la bcings pa med/ /'gro ba rmi lam rang bzhin 'dra la de dag mi gnas te/ /'jig rten 'gro ba rnam par dben la de dag brten pa med/ /'jig rten rnams la mi rtog de bzhin rnam par rtog pa med/ /rmi 
lam rtogs shing mkhas pa'i bzod pa'i sa ni 'di yin no/ /rmi lam 'gro ba rnams na rnam pa sna tshogs du ma snang / /tha dad rnam pa gzhan dang gzhan du bye brag rnam pa mang / /de bzhin ye shes zla bas 'gro ba thams cad rnam par 
mthong / /rmi lam sgra dang 'dra bar de dag rnam par rtogs pa med/ /rmi lam lta bu'i tshul gyis rnam pa brtan pas rab tu rtogs/ /de dag rmi lam mtshan nyid rnam 'das bskal pa mnyam pa min/ /rmi lam de dag gcig pa ma yin 
nam yang mang ba myin/ /rmi lam rnam bkod rnam par 'gro ba thams cad rab tu shes/ /de dag sems can thams cad rmi lam 'dra ba'i chos can dang / /zhing rnams thams cad rmi 'dra de bzhin chos rnams rmi 'dra kun/ /ji ltar nyon 
mongs de bzhin rnam par byang ba rab tu shes/ /'jig rten rmi 'dra de la rnam par rtog par byed pa gang yang med/ /rmi lam lta bu'i spyod pas yang dag grub par gyur pa rnams/ /rmi lam lta bu'i smon lam rnam pas gnas pa med 
pa dag /rmi lam lta bu'i chos rnams kun la gnas 'cha' mi byed de/ /'jig rten rmi lam 'dra la khyad par byed pa gang yang med/ /'jig rten 'di dag rmi lam lta bur 'byung bar shes shing dag /rmi lam tshul rtogs 'gro ba kun tu mi </font><hr>36-1-381b<br><font size=+1>
'jigs chos dang ldan/ /rmi lam bzhin spyod ldan pas 'jig rten kun tu chud mi za/ /ring thung kun kyang rmi lam rgyud bzhin de dag rab tu shes/ /'di ni rmi lam lta bu'i yid ldan rnams kyi bzod pa ste/ /rmi lam lta 
bu'i 'jig rten sems can rab tu 'dren pa byed/ /sems can rnams kyi bsam pa rtogs byas chags med ye shes can/ /sems la bcings med 'gro ba khrag khrig yongs su 'grel pa byed/ /de ltar byang chub sems dpa'i 
spyod pa rgya che mtha' yas/ /chos rnams mngon par bsgrubs pa yangs pa khong du chud byed/ /chos kyi chos nyid du ma'i tshul rnams khong du des chud/ /chos tshul rnam pa tha dad kun la chags pa'i sems med/ /'gro kun dbyangs 
kyi yan lag rnam pa ji snyed yod pa/ /de dag sgra dbyangs sgra brnyan bzhin du khong du des chud/ /sgrar brjod de dag nang na med par rab tu shes te/ /sgra rnams thams cad phyi nang med par rab tu de shes/ /sgra brnyan ji ltar rnam pa sna 
tshogs sgra tshul grag ste/ /rnam rtog dbyangs dang 'dra yang rnam rtog myed pa'i sgra yin/ /sgra rnams rnam pa sna tshogs thams cad de bzhin rab shes/ /sgra la mngon par chags med de bzhin rlom pa'i sems med/ /sems 
can kun gyi gtso bo thams cad des mthong gyur cing / /'jig rten mgon po chos rnams gsung zhing dbyangs sgrog mdzad pas/ /mdo mang brjod du med pa rab tu gsung zhing ston kyang / /rgyal ba'i gsung dbyangs de la de ni gnas 
par mi byed/ /sgra brnyan de dag ji ltar sgra yi rnam par grag kyang / /sgra brnyan rnam pa dag la sgra rnams gang yang yod min/ /de ltar dbyangs kyi bye brag rjes 'brang chos kyi rnam pa/ /chos nyid 'jig med ldan pa rnam phye chos </font><hr>36-1-382a<br><font size=+1>
la rab mkhas/ /de dag sgra dbyangs thams cad rnam par rab tu sgom ste/ /sgra rnams rnam par dbye la mkhas pas sgra rnams sel byed/ /'gro ba kun dbyangs dbyangs tshul min par rab tu shes 
te/ /dbyangs kyi yan lag dag pa de dag dbyangs kun rab shes/ chos rnams de dag kun la sgra med sgrar 'jug byed de/ /brjod pa khrag khrig sna tshogs rnams kyi rjes su zhugs shing / /'gro ba thams cad sgra brnyan bzhin du 
mngon par ston byed/ /'gro ba ma lus kun gyi sgra yang de bzhin rab shes/ /de dag tshig tshul rjes su 'gro ba'i shes bya rtogs ldan/ /'jig rten 'di dag thams cad sgra bsnyan yan lag 'drar shes/ /dbyangs kyi rang 
bzhin rnam par dag par khong du chud de/ /sgra yi mtshan nyid ji bzhin 'jig rten de bzhin shes so/ /ji ltar sgra rnams chos rnams du ma rnam par ston byed/ /sgra yi rnam rtog sna tshogs dbyangs kyi yan lag kun ldan/ /
'jig rten ma lus kun dbyangs mtshan nyid ci 'dra de bzhin/ /'gro ba kun gyi mtshan nyid rgyal ba'i sras kyis rab shes/ /bzod pa 'di 'dra'i stobs kyi mkhas gyur dpa' bo de dag /sgra dbyangs sna tshogs 'jig rten kun tu yongs 
su sbyong ste/ /dus gsum shes pa'i blo dang ldan pas sgra yi tshul shes/ /'on kyang rnam rtog gnas la de dag gnas mi 'cha'o/ /zhi ba'i yid ldan 'di ltar byang chub brtson/ /'jig rten phan pa'i don du byang chub tshol/ /
chos nyid rab tu zhi la rtag tu 'jug /brtan pa 'jig rten rnams la rtog mi byed/ /mi sgul mthu can ye shes stobs ldan pas/ /chos nyid dngos med zhi ba ji bzhin du/ /'jig rten thams cad ma lus des shes te/ /</font><hr>36-1-382b<br><font size=+1>
de la gzhol zhing phan par de spyod do/ /'gro ba kun la nam yang mi gnas te/ /'gro ba kun dang 'bral bar byed ma yin/ /'gro ba kun la de ni gnas mi 'cha'o/ /de la gnas pa gang yang yod pa min/ /'gro ba chos nyid rang bzhin ldan par shes/ /rang bzhin 
de la'ang gnas par mi byed do/ /'gro ba 'di la 'ang de ni rten mi byed/ /'gro ba'i gnas las yongs su grol ba yin/ /'jig rten gnas pa ji snyed gang yang rung / /de dag rang bzhin tshul rnams kun shes te/ /gnyis 
med chos kyang bstan pas rab tu shes/ /gnyis med de la 'ang de ni gnas mi 'cha'/ /de ni 'jig rten rnams dang ldan gyur kyang / /'jig rten lam la gnas pa'i sems med de/ /'jig rten phyi rol spyad pa 
spyod pa min/ /chos kun ye shes rang bzhin yin par shes/ /chu la gzugs brnyan ji ltar snang ba rnams/ /nang na mi 'dug phyi na mi gnas pa/ /de bzhin brtan pa byang chub don du spyod/ /'jig rten rnam 
sgom 'jig rten yod pa myin/ /'jig rten skye med grol ba ma yin te/ /'jig rten brjod par mi nus gyur pa min/ /'jig rten phyi rol rgyu ba 'ang ma yin te/ /'gro ba 'di ni gzugs brnyan ji bzhin no/ /de ltar 
zab pa'i tshul las byung bas na/ /dag cing 'od gsal dri med sems dang ldan/ /ye shes gzhol bas chos kyi sgron ma ste/ /smon lam kun las yongs kyang ldog pa med/ /de ni 'jig rten stsogs par mi byed de/ /
ye shes mthar thug mtha' yang mi dmigs so/ /skye dgu mtha' yas kun la bde byed de/ /'gro ba kun las chags pa rnam par bzlog /dpe med rnams kyi zab pa nyid la ltos/ /'gro ba kun gyi don du rab tu brtson/ /</font><hr>36-1-383a<br><font size=+1>
bzod pa 'di ni ye shes gzhol ba ste/ /de ltar gnas shing spyad pa de 'dra spyod/ /chos gnas rnam par dben la rab tu zhugs/ /sprul pa de 'dra kun dang ldan gyur cing / /sprul pa'i dngos la 
spyod pa rjes song bas/ /sprul pa'i dngos po nam yang gtong ba myed/ /de ni byang chub spyod pa'i sa mchog tu/ /sprul pa'i dngos ldan rjes su spyad pas na/ /sprul pa ci 'drar rnam pa kun zhi ba/ /sprul pa de 'dra'i tshul la rnam par gnas/ /de 
bas 'gro kun sprul par rab tu shes/ /skye dgu'i las kyi rnam pa mtha' yas pa/ /sprul pa'i dngos dang mnyam pa nyid kyis mnyam/ /sprul pa'i mtha' rtogs shin tu rnam par dben/ /mi yi mgon po thams cad sprul 
par shes/ /dus gsum sangs rgyas ji snyed gang bzhugs pa/ /smon lam gang btab spyod pa spyad pa'i rgyu/ /des ni mi gtso thams cad sprul pa yin/ /gang gis sems can rnam dag sprul pa yi/ /byams dang 
snying rje chen po shin tu yangs/ /de ltar sprul pa rnams phye shes pa ni/ /de dag byin gyi rlabs 'phrul snang byed pa'o/ /de dag 'jig rten rnam par rtog pa med/ /sprul pa'i dngos tshul 'gro ba thams cad shes/ /
'gro ba'i las gyi rnam pa gang yod pa'i/ /'jig rten de dag sprul pa'i sas bsgrubs pa'o/ /sprul pa'i mdzod mang rnam par phye ba la/ /zhugs shing byang chub spyad pa spyod byas pa/ /de dag sna tshogs bye brag rnam pa mang / /
'jig rten las kyi rnam pas byas ba bzhin/ /sprul pa rnam par rtog pa med pa ste/ /sprul pa nam yang yongs su rtog pa med/ /rtog dang rnam par rtog pas yid dben pa/ /sprul pa bzhin du de dag spyod pa yin/ /</font><hr>36-1-383b<br><font size=+1>
sprul pa rgya mtsho shes pas khong du chud/ /sprul pa'i dngos pos 'jig rten rgyas kyang 'debs/ /sprul pa mi gnas 'gro ba med pa ste/ /sprul pa ji bzhin de bzhin ye shes so/ /de ni nam mkha' gnas med ji bzhin du/ /bzod pa 
bcu pa'i tshul la rab tu 'jug /de ni mkha' 'drar chos rnams kun byas shing / /sems can sems can med par nam mkha' shes/ /de ni nam mkha' lta bu'i shes ldan te/ /de la chags pa gang yang yod pa min/ /ji 
ltar nam mkha' sna tshogs ma yin pa/ /de ltar 'jig rten chags med rab tu shes/ /de ni bzod pa mkha' 'dra'i mthu ldan pas/ /mi zad nam mkha' bzhin du zad pa med/ /de ni mkha' 'dra'i spyod yul thob gyur kyang / /
mkha' la rnam par rtog pa mi byed do/ /nam mkha' la ni ngo bo nyid med de/ /nam mkha'i sa mtshams nam yang chad pa med/ /mkha' la bye brag tha dad yod pa min/ /de ni mkha' 'dra'i blo yi stobs dang ldan/ /
mkha' la mthar thug rtsa ba med pa ste/ /nam mkha' la ni mtha' dbus yod pa min/ /mkha' la rnam pa tha dad de bzhin med/ /ye shes stobs kyang nam mkha' de dang 'dra/ /brtan pas de 'dra'i chos nyid rab shes 
te/ /ji ltar nam mkha' skyes pa myed pa dang / /ji ltar nam mkha' 'gag pa med tshul du/ /de 'dra'i chos nyid dam pa des thob bo/ /nam mkha' 'dra ba'i chos la de gnas shing / /phyogs rnams kun gyi 'gro ba kun 
ston to/ /bdud kyi dkrugs ma thams cad bcom byas shing / /mkha' 'dra'i bzod pa'i tshul la shin tu brtan/ /des ni mkha' 'drar mtshan nyid med pa kun/ /'jig rten ji snyed mtshan nyid tha dad pa/ /mtshan nyid </font><hr>36-1-384a<br><font size=+1>
mtshan 'das mtshan ma med tshul du/ /kun kyang yang dag mkha' dang 'dra bar byed/ /gang la dus gsum thams cad gnas pa yin/ /chos nyid mkha' 'dra des ni shes byas shing / /de ni rnam par 
phye ba gcig tshul gyis/ /'gro ba thams cad nam mkha'i tshul du shes/ /de ni nam mkha' lta bu'i ye shes lus/ /de ni nam mkha' lta bu'i sgra dbyangs ldan/ /de ni nam mkha'i rang bzhin lus can te/ /ye shes nam 
mkha' lta bu zhi bas gnas/ /rgyal ba'i sras kyi spyad pa spyod pa'i tshe/ /bzod pa bcu po 'di dag de dag gi /bzod pa'i stobs la de dag rab gnas pa/ /'jig rten phan pa'i don du bshad cing bstan/ /'di'i tshul la 
brtan pa bslabs pa rnams/ /ye shes 'di la shin tu mthu che ste/ /chos kyi mthu dang ye shes mthur yang ldan/ /byang chub tshul rjes bsam pa'i sems dang ldan/ /bzod pa 'di yi tshul la zhugs pa ni/ /ye 
shes stobs kyi chags pa med la 'jug /'jig rten lhar bcas de yi zil gyis non/ /'jig rten dag tu 'khor lo bla med bskor/ /de dag spyod tshul shin tu rgya che bas/ /de dag tshad ni 'jig rten kun na med/ /
skyes bu 'dul ba dpe zla med pa yi/ /ye shes rgya mtsho'i tshul la de dag zhugs/ /bdag med sems kyi 'jig rten spyod pa'i tshe/ /chos kyi rnam dag gyur pa'i yid ldan pas/ /brtan pa de dag 'di 'dra'i chos la 'jug /
chos nyid des kyang 'jig rten tshim par byed/ /'gro ba'i tshad ni thams cad shes par nus/ /sems can ma lus thams cad bgrad par nus/ /rdul gcig rtse la ma lus zhing bgrad nus/ /mkhas pa'i yon tan de </font><hr>36-1-384b<br><font size=+1>
dag mtha' yas so/ /sangs rgyas sras po skyes bu chen po la/ /bzod pa bcu po 'di dag yod pa ni/ /ye shes spyod yul sgor yang 'gro kun gyis/ /tshad du bgrang bar nus pa yod pa min/ /shin tu rgyas pa chen po'i mdo/ /
sangs rgyas phal po che zhes bya ba las/ bzod pa'i le'u zhes bya ba ste/ sum cu lnga pa'o// //sangs rgyas rmad ga cad ces bya ba shin tu rgyas pa chen po'i mdo/ /bam po nyi shu dgu pa/
de nas bcom ldan 'das la byang chub sems dpa' sems kyi rgyal pos/ 'di skad ces gsol to/ /bcom ldan 'das grangs ma mchis pa shin tu bstan pa zhes bgyi ba dang / grangs ma mchis pa'i grangs ma mchis pa 
zhes bgyi ba de/ bcom ldan 'das ji ltar na grangs ma mchis pa bstan pa lags/ tshad ma mchis pa dang / mu ma mchis pa dang / kun tu mtha' yas pa dang / bgrang du mi rung ba dang / mtshungs pa ma mchis pa dang / 
bsam gyis mi khyab pa dang / gzhal du ma mchis pa dang / brjod du ma mchis pa'i yang brjod du ma mchis pa lags na/ ji ltar bstan par 'gyur/ de skad ces gsol ba dang / bcom ldan 'das kyis byang chub sems 
dpa' sems kyi rgyal po la 'di skad ces bka' stsal to/ /kye skyes bu dam pa legs so legs so/ /skyes bu dam pa de ltar khyod kyis 'jig rten thams cad grangs kyi rjes su 'jug par bya ba'i phyir/ sangs rgyas kyi ye shes 
kyis mkhyen pa'i don 'di de bzhin gshegs pa dgra bcom pa yang dag par rdzogs pa'i sangs rgyas la zhu bar bsam pa legs so legs so/ /de bas na skyes bu dam pa legs par nyon la rab tu yid la zungs shig dang bstan </font><hr>36-1-385a<br><font size=+1>
par bya'o/ /bcom ldan 'das de ltar bgyi'o zhes gsol nas/ byang chub sems dpa' sems kyi rgyal po bcom ldan 'das la phyir nyan to/ /bcom ldan 'das kyis de la 'di skad ces bka' 
stsal to/ /skyes bu dam pa de la 'di skad ces bya ste/ brgya stong phrag brgyan bye ba'o/ /bye ba bye ba na khod khod do/ /khod khod khod khod na tha dgu'o/ /tha dgu tha dgu na khrig khrig go/ /khrig khrig khrig khrig na thams thams 
so/ /thams thams thams thams na myad myid do/ /myad myid myad myid na gang ya'o/ /gang ya gang ya na ban bun no/ /ban bun ban bun na phyar phyur ro/ /phyar phyur phyar phyur na lcag lcig go /lcag lcig 
lcag lcig na byang bying ngo / /byang bying byang bying na chem chem mo/ /chem chem chem chem na phyal phyol lo/ /phyal phyol phyal phyol na khyud khyud do/ /khyud khyud khyud khyud na zar zer ro/ /zar zer zar zer na khrib khrib bo/ /
khrib khrib khrib khrib na ya gangs so/ /ya gangs ya gangs na cho ma'o/ /cho ma cho ma na khram khrim mo/ /khram khrim khram khrim na nab nub bo/ /nab nub nab nub na sang sang ngo / /sang sang sang sang na brgyud yas so/ /
brgyud yas brgyud yas na gtang yas so/ /gtang yas gtang yas na bkra yar ro/ /bkra yar bkra yar na gsa' yas so/ /gsa' yas gsa' yas na mtshungs med do/ /mtshungs med mtshungs med na lam 
lum mo/ /lam lum lam lum na yal yol lo/ /yal yol yal yol na khral khrul lo/ /khral khrul khral khrul na thud thud do/ /thud thud thud thud na bsam phyod do/ /bsam phyod bsam phyod na brang breng </font><hr>36-1-385b<br><font size=+1>
ngo / /brang breng brang breng na bgrod yas so/ /bgrod yas bgrod yas na bsngo yas so/ /bsngo yas bsngo yas na zang yag go /zang yag zang yag na 'phro bkye'o/ /'phro bkye 'phro bkye na rtse 'phyo'o/ /rtse 'phyo 
rtse 'phyo na yong tan no/ /yong tan yong tan na 'brug g.yos so/ /'brug g.yos 'brug g.yos na sang yal lo/ /sang yal sang yal na thing yug go /thing yug thing yug na yid 'phyo'o/ /yid 'phyo yid 'phyo 
na nab neb bo/ /nab neb nab neb na khrag thams so/ /khrig thams khrig thams na yal yal lo/ /yal yal yal yal na bgrang yas so/ /bgrang yas bgrang yas na thug yal lo/ /thug yal thug yal 
na shang shang ngo / /shang shang shang shang na yag yag go /yag yag yag yag na tham thim mo/ /tham thim tham thim na rlom bsnyal lo/ /rlom bsnyal rlom bsnyal na gzhal 'phyos so/ /gzhal 'phyos gzhal 'phyos na 
gzhal yal lo/ /gzhal yal gzhal yal na gzhal med do/ /gzhal med gzhal med na gzhal 'khor to/ /gzhal 'khor gzhal 'khor na gzhal thim mo/ /gzhal thim gzhal thim na gar gzhal lo/ /
gar gzhal gar gzhal na gzhal sangs so/ /gzhal sangs gzhal sangs na gzhal thag go /gzhal thag gzhal thag na gzhal phul lo/ /gzhal phul gzhal phul na gzhal zhi'o/ /gzhal zhi gzhal zhi na 'phyo 'gyur ro/ /
'phyo 'gyur 'phyo 'gyur na nyar nyer ro/ /nyar nyer nyar nyer na phyag phyig go /phyag phyig phyag phyig na zal zul lo/ /zal zul zal zul na sal sal lo/ /sal sal sal sal na g.yo ldeg go /g.yo ldeg g.yo ldeg na </font><hr>36-1-386a<br><font size=+1>
phan phun no/ /phan phun phan phun na brnad ya'o/ /brnad ya brnad ya na rem 'drol lo/ /rem 'drol rem 'drol na rdzi dad do/ /rdzi dad rdzi dad na rdzi rdul lo/ /rdzi rdul rdzi rdul na phun yol lo/ 
phun yol phun yol na ngad ngad do/ /ngad ngad ngad ngad na bgrang brtsi'o/ /bgrang brtsi bgrang brtsi na zab bgrang ngo / /zab bgrang zab bgrang na dga' rkyang ngo / /dga' rkyang dga' rkyang na gzhung 'dal lo/ /gzhung 'dal gzhung 
'dal na khrug phyad do/ /khrug phyad khrug phyad na 'ol phyod do/ /'ol phyod 'ol phyod na gdab yas so/ /gdab yas gdab yas na gcal yas so/ /gcal yas gcal yas na bgrang yas so/ /bgrang yas bgrang yas na 
byim 'phyo'o/ /byim 'phyo byim 'phyo na yam me'o/ /yam me yam me na bsnyal yas so/ /bsnyal yas bsnyal yas na ldab ldeb bo/ /ldab ldeb ldab ldeb na 'phan chad do/ /'phan chad 'phan chad na phang phung ngo / /phang phung 
phang phung na khe'u tshang ngo / /khe'u tshang khe'u tshang na zhung zung ngo / /zhung zung zhung zung na mchog yal lo/ /mchog yal mchog yal na mtha' rtul to/ /mtha' rtul mtha' rtul na yun 'gyangs so/ /yun 'gyangs yun 'gyangs 
na bun lob bo/ /bun lob bun lob na lam lom mo/ /lam lom lam lom bsnyad yas so/ /bsnyad yas bsnyad yas na lang ling ngo / /lang ling lang ling na ljab ljib po/ /ljab ljib ljab ljib na mi brtsal 
to/ /mi brtsal mi brtsal na 'byam yas so/ /'byam yas 'byam yas na nga 'grang ngo / /nga 'grang nga 'grang na smos yal lo/ /smos yal smos yal na bkra chal lo/ /bkra chal bkra chal na lo rgyas so/ /lo rgyas lo </font><hr>36-1-386b<br><font size=+1>
rgyas na 'bum rdib bo/ /'bum rdib 'bum rdib na gam gum mo/ /gam gum gam gum na la lo'o/ /la lo la lo na bgrang 'phyos so/ /bgrang 'phyos bgrang 'phyos na bgrang 'phyos la bsgres pa'o/ /bgrang 'phyos la bsgres 
pa bgrang 'phyos la bsgres na dpag yas so/ /dpag yas dpag yas na dpag yas la bsgres pa'o/ /dpag yas la bsgres pa dpag yas la bsgres na yal phyong ngo / /yal phyong yal phyong na yal phyong la bsgres 
pa'o/ /yal phyong la bsgres pa yal phyong la bsgres na mu yal to/ /mu yal mu yal na mu yal la bsgres pa'o/ /mu yal la bsgres pa mu yal la bsgres na bgrang yol lo/ /bgrang yol bgrang yol na bgrang 
yol la bsgres pa'o/ /bgrang yol la bsgres pa bgrang yol la bsgres na mi 'jal to/ /myi 'jal myi 'jam na myi 'jal la bsgres pa'o/ /mi 'jal la bsgres pa mi 'jal la bsgres na bsam phyod do/ /bsam 
phyod bsam phyod na bsam phyod la bsgres pa'o/ /bsam phyod la bsgres pa bsam phyod la bsgres na mtha' 'byam mo/ /mtha' 'byam mtha' 'byam na dpag thag go /dpag thag dpag thag na dpag thag la bsgres pa'o/ /
dpag thag la bsgres pa dpag thag la bsgres na brjod du med pa'o/ /brjod du med pa brjod du med pa na brjod du med pa la bsgres pa'o/ /brjod du med pa la bsgres pa brjod du med pa la bsgres na brjod du med pa'i yang brjod du med pa la bsgres 
pa shin tu bstan pa'o/ /de nas bcom ldan 'das kyis byang chub sems dpa' sems kyi rgyal po la tshigs su bcad de bka' stsal pa/ brjod du med pa'i brjod du med pa ni/ /brjod du med pa thams cad 'tshang bar </font><hr>36-1-387a<br><font size=+1>
'gyur/ /brjod du med pa bskal par brjod byas kyang / /brjod du med la mthar thug gang yang med/ /brjod du med pa'i sangs rgyas zhing gi rnams/ /thams cad bshig ste rdul du kun blags shing / /
gcig rtse la'ang gcig po brjod med par/ /thams cad brjod du med par rab tu 'jug /zhing rnams brjod du med pa'i brjod med pa/ /skad cig sems kyis kun kyang rab tu 'jig /skad cig re rer 'jig pa brjod du med/ /
'jig pas bskal pa mang po zad par byed/ /dbye ba'i bye brag dbye ba brjod du med/ /rdul la 'jug pa brjod du med pa ste/ /bgrang ba'i tshul gyis brjod du med pa yi/ /bskal pa brjod du med pa zad par byed/ /rdul dang rdul 
la mtshan nyid brjod du med/ /brjod du med pa'i rdul rnams kun bzung ste/ /bskal pa kun tu bzang po bstod byas kyang / /kun tu bzang po de bsngags mthar mi 'jug /brjod du med pa'i kun tu bzang po rnams/ /skra 
rtse re re kun la yang dag 'jug /skra rtse gcig bzhin yul rnams kun la ste/ /chos dbyings ma lus ji snyed de bzhin no/ /skra rtse re rer zhing gi khams kyi rnams/ /brjod du med par yang dag 'dzud par byed/ /mkha' 
dbyings skra yi rtse mos gzhal du rung / /zhing rnams thams cad brjod du med pa'o/ /skra rtse de la sangs rgyas zhing gi rnams/ /rnam pa sna tshogs rnam par phye ba mang / /bskal pa mi mthun zhing rnams brjod du med/ /
bskal pa mthun pa'i zhing yang brjod du med/ /skra rtse gcig po de la brjod med pa'i/ /zhing rnams dag pa brjod du med pa dang / /sna tshogs rgyan rnams brjod du med pa 'god/ /rnam pa du ma tha dad brjod du med/ /ming gi </font><hr>36-1-387b<br><font size=+1>
tshogs kyang brjod du med pa ste/ /skra rtse gcig la thams cad rab tu gzhol/ /de bzhin gshegs pa'i mtshan rnams re re yang / /brjod du med pa'i brjod du med pa yin/ /sangs rgyas re re brjod du med pa yi/ /sku rnams ba 
spu'i khung bur byin gyis rlob/ /spu gcig nas kyang brjod du med pa yi/ /kha dog sna tshogs mang po rab tu 'byung / /spu gcig nas kyang brjod du med pa yin/ /'od gzer brjod du med pa rab tu 'gyed/ /'od zer re re las kyang 
brjod med pa'i/ /pad mo brjod du med pa mang po 'byung / /pad mo re re las kyang brjod med pa'i/ /lo ma brjod du med pa mang po 'byung / /brjod du med pa'i brjod du med pa yi/ /lo ma kha dog brjod du med pa ste/ /
kha dog re re de bzhin brjod du med/ /pad mo re re lo ma brjod du med/ /lo ma re re'i 'od gzer brjod du med/ /kha dog tha dad rnam pa brjod du med/ /kha dog re re brjod med de dag las/ /'od zer mang po brjod du med 
pa 'byung / /'od zer kun las brjod med zla ba 'byung / /zla ba las kyang zla ba brjod du med/ /zla ba re re las kyang brjod med pa'i/ /kha dog mtha' yas ldan pa'i 'od mang 'byung / /kha dog re re las kyang brjod 
med pa'i/ /nyi ma kun tu snang ba brjod du med/ /nyi ma re re las kyang brjod med pa'i/ /kha dog brjod du med pa sna tshogs 'byung / /kha dog re re las kyang brjod med pa'i/ /'od gzer brjod du med pa rab tu 'byung / /
'od zer re re la 'ang brjod med pa'i/ /seng ge'i khri mang brjod med sna tshogs gnas/ /seng ge'i khri mang sna tshogs re re las/ /'od gsal brjod du med pa'i brjod med 'byung / /kha dog sna tshogs brjod du med pa dang / /</font><hr>36-1-388a<br><font size=+1>
dag pa sna tshogs brjod du med pa 'byung / /'od gsal re re las kyang brjod med pa'i/ /rnam par snang ba sna tshogs rab tu 'byung / /rnam par snang ba sna tshogs re re las/ /brjod du med pa'i 
brjod du med pa yi/ /brjod du med la bsgres pa'i grangs snyed kyis/ /ri rab pad mo'i mchog dang ldan pa 'byung / /ri rab re re'i tshad kyang 'di tsam ste/ /brjod du med pa'i brjod du med pa yi/ /zhing rnams brjod du 
med pa yod pa'i rnams/ /ri rab gcig gis yongs su rgyas pa ste/ /brjod du med pa'i brjod du med pa yi/ /ri rab lhag ma rnams kyang de tsam mo/ /de dag bshig ste rdul phran char blags na/ /yon tan legs pa 
brjod med de snyed ldan/ /de bzhin bye brag khyad par bzung byas kyang / /brjod du med pa'i brjod du med pa ste/ /brjod du med la bsgres pa yongs bzung zhing / /'od zer brjod du med pa rab tu 'byung / /tshigs bcad 
brjod du med pa gsal ba'i rnams/ /rnam par dbye ba brjod du med pa 'byung / /brjod du med pa'i 'jig rten khams su rgyu/ /de bzhin sangs rgyas brjod du med pa 'byung / /brjod du med pa'i brjod du med pa yi/ /
skad cig re rer bden pa brjod du med/ /phyi ma'i mtha' yi mu mthar bstod byas kyang / /de bzhin gshegs pa de dag mu med do/ /sangs rgyas re re'i zhing yang brjod med pa/ /brjod du med la bsgres pa gsal dag 
pa'i/ /dbyangs kyi yan lag brjod med gsal dag par/ /'khor lo brjod du med pa rab tu bskor/ /'khor lo re re bskor bas brjod med pa'i/ /mdo sde brjod du med pa mang po 'byung / /mdo sde brjod du med </font><hr>36-1-388b<br><font size=+1>
pa re re las/ /chos kyi rnam grangs brjod du med pa 'byung / /chos rnams brjod du med pa re re las/ /shin tu bstan 'chos brjod du med pa 'byung / /shin tu bstan pa brjod med re re yang / /sems can brjod du med pa rnam par 'dul/ /de dag skra rtse 
gcig la 'jug pa ste/ /skra gcig ji bzhin de bzhin ma lus kun/ /brjod du med pa'i brjod du med pa ste/ /bskal pa brjod du med pa zad par byed/ /chags med sems kyang brjod du med pa ste/ /de dag sangs rgyas brjod med sprul pa byed/ /sangs rgyas re re brjod 
du med pa las/ /bsgres pa'i tshul du sprul pa kun tu 'byung / /phyogs rnams brjod du med pa kun tu 'dong / /de dag sku yang brjod du med pa ste/ /rnam par phye sku de bzhin brjod du med/ /kha dog sna tshogs rnam pa 
grangs med do/ /sangs rgyas zhing tshad brjod du med par yang / /sems can brjod med rnam par ston par byed/ /rnam par bstan pa de dag re re zhing / /sems can brjod du med pa yongs su sbyong / /de 
dag rgyan bzang rnam phye brjod du med/ /de dag rdzu 'phrul mang po 'ang brjod du med/ /rnam dag dbang yang brjod du med pa ste/ /cho 'phrul rnams kyang brjod du med pa 'byung / /rnam par 'phrul pa brjod du med pa ste/ /spyod 
yul rnams kyang de bzhin brjod du med/ /de dag byin gyi rlabs kyang brjod med de/ /'jig rten brjod du med pa'i khams su 'byung / /chos tshul rnam dag brjod du med pa ste/ /tshul gyis mdo 'ang brjod du med pa 'byung / /
mdo sde re re las kyang brjod med pa'i/ /brjod du med chos yang dag rab tu 'byung / /chos rnams re re las kyang brjod med pa'i/ /shin tu bstan pa brjod du med pa 'byung / /bstan pa re re zhing yang brjod med pa'i/ /</font><hr>36-1-389a<br><font size=+1>
rtogs par shes pa brjod du med pa 'byung / /rtogs par shes pa re re brjod med pa'i/ /sems can brjod du med pa rnam par 'dul/ /tshul mthun chos kyang brjod du med pa ste/ /tshul mthun sems kyang brjod du med pa 'byung / /mi mthun chos 
kyang brjod du med pa ste/ /mi mthun sems kyang de bzhin brjod du med/ /dbang po mi mthun brjod du med pa ste/ /tshig gi rnam pa mi mthun brjod du med/ /de dag brjod du med pa rnam par 'dul/ /skad cig re re spyod yul 
gyur pa la/ /brjod du med pa'i rnam par 'phrul pa ston/ /de bas de dag brjod du med pa yin/ /de la dus kyang brjod du med pa ste/ /bskal pa tha dad brjod du med pa 'byung / /bstan pa de dag brjod du med la 'jug /grangs kyi 
tshul gyis de dag brjod du med/ /skra rtse gcig la brjod du med pa yi/ /yangs dang dog pa rnam pa mang po gnas/ /dag dang nyon mongs brjod du med pa ste/ /rgya che phra ba de bzhin brjod du med/ /zhing gcig la yang brjod du med pa 
yi/ /bye brag rnam par 'phro bas zhing mi mthun/ /tshad dang grangs su de dag brjod du med/ /skra rtse re re la yang yang dag gzhol/ /sangs rgyas zhing rnams brjod du med gnas kyang / /skra rtse gcig tu dog par mi 'gyur te/ /de na gnod 
pa'i rnam pa gcig med par/ /brjod du med par yang dag rab tu gzhol/ /zhing rnams de dag 'dre bar mi 'gyur te/ /'dre ba'i nyes pa de dag kun la med/ /gcig kyang brjod med shin tu yangs pa ste/ /zhing gcig ji bzhin de bzhin 
thams cad zhing / /skra rtse gcig bzung brjod du med pa yi/ /mkhas pas mkha' dbyings gzhal du rung srid kyi/ /skra rtse gcig gi zhing rnams mang po dag /shin tu bstan pas brjod du med pa yin/ /skra rtse gcig tu 'ang de bzhin skra </font><hr>36-1-389b<br><font size=+1>
'jug ste/ /brjod du med pa gcig nas gcig brgyud pa'i/ /skra rtse bzung ba brjod du med pa ste/ /skra rtse de dag mthar thug gang yang med/ /bskal pa gcig nas gcig tu brgyud pa yi/ /yun ring brjod du med pa 
bzung byas shing / /tshul 'dir brjod du med pa 'dzud pa byed/ /bskal pa kun kyang de bzhin brjod du med/ /mtha' dang dbus med tshul 'di bzung byas shing / /brtan pa brjod du med pa'i spyod yul gyis/ /
de dag brjod du med par rab tu 'jug /brjod du med pa'i 'jug tshul 'di yin no/ /yid kyi dbang po brjod du med pa dang / /rnam par gnon pa brjod du med pa dang / /rnam par 'phrul pa brjod du med pa yis/ /
phyogs rnams brjod du med pa kun tu 'gro/ /de dag sems kyang brjod du med pa ste/ /rgya chen yangs pa brjod du med pas na/ /de dag dmigs pa brjod du med pa ste/ /des ni brjod med kun gyi mthar phyin byed/ /de bzhin 
lus kyi las kyang brjod med de/ /ngag gi las kyang brjod du med pa yin/ /de bzhin sems kyang brjod du med pa 'byung / /mos pa dag pa dag kyang brjod du med/ /de dag rnam shes dag pa brjod du med/ /de dag shes rab gsal 
ba brjod du med/ /brjod du med pa'i tshul rnams yongs su gnon/ /the tsom brjod du med pa rab tu gcod/ /de dag 'byung ba brjod du med pa dang / /yongs su gnon pa brjod du med pa yis/ /de dag ting 'dzin brjod du med pa ste/ /
des ni brjod med thams cad 'da' bar byed/ /sems can thams cad brjod du med pa ste/ /zhing rnams kun kyang de bzhin brjod du med/ /sems can lus rnams brjod du med pa ste/ /de dag bsam pa brjod du med pa yin/ /de dag </font><hr>36-1-390a<br><font size=+1>
las kyi rnam smin brjod med de/ /de dag mos pa de bzhin brjod du myed/ /khams kyi rnam pa tha dad brjod du med/ /de dag bye brag khyad par brjod du med/ /de dag lus mang brjod du med pa ste/ /
gang du 'byung ba de dag brjod du med/ /ji ltar 'byung ba brjod du med pa ste/ /'di las 'byung ba'ang brjod du med pa yin/ /yang dag 'jug pa brjod du med pa shes/ /de dag tshul gyi lam yang brjod du med/ /de dag rab tu ston pa 'ang 
brjod du med/ /dus rnams brjod du med par shin tu 'byung / /bdag nyid che ba 'di 'dra'i snying rje can/ /brjod du med pa'i 'jig rten dag na rgyu/ /de dag lus rnams brjod du med pa yi/ /brjod du med pa rnams la yang dag 
'jug /sems can gtso bo brjod du med pa rnams/ /mthong zhing shes rab brjod du med pa yis/ /chos rnams brjod du med pa zhi par byed/ /sangs rgyas de dag brjod du med pa ston/ /de dag lus rnams brjod du med 
pa yi/ /de nas zhing rnams brjod du med par 'dong / /rnam par 'phrul ba brjod du med pa yis/ /zhing rnams brjod du med pa kun tu 'dong / /de dag lus rnams brjod du med pa yis/ /skyes bu khyu mchog brjod du med pa 
la/ /rnam pa tha dad brjod du med pa yis/ /mchod pa brjod du med pa rab tu byed/ /rin chen dag pa brjod du med pa dang / /me tog sna tshogs de bzhin brjod med dang / /spos dang phreng mchog brjod du med pa yis/ /rgyal ba 
brjod du med pa bsnyed bkur byed/ /de dag dad pa brjod du med pa ste/ mos pa dag pa'ang brjod du med pa yin/ /bsam pa de bzhin brjod du med pa yis/ /sangs rgyas brjod du med la phyag kyang 'tshal/ /sbyin zhing </font><hr>36-1-390b<br><font size=+1>
gtong ba brjod du med pa ste/ /myi dma'i sems kyang de bzhin brjod du myed/ /yongs su gtong ba brjod du med pa ste/ /thams cad gtong ba de bzhin brjod du med/ /tshul khrims rnam par dag pa brjod du med/ /yid 
gsal dad pa de bzhin brjod du med/ /rgyal ba bsngags shing bstod pa brjod med de/ /zhi ba'i sa yang de bzhin brjod du med/ /de dag bzod pa brjod du med pa ste/ /mi skye'i chos kyang de bzhin brjod du med/ /rab tu 
zhi ba brjod du med dang ldan/ /zhi ba'i sa yang de bzhin brjod du med / /brtson 'grus phung po brjod du myed pa ste/ /zhum med sems kyang brjod du med pa yin/ /phyir mi ldog pa'ang brjod du med pa ste/ /mi sgul 
sems kyang brjod du med pa'o/ /bsam gtan mdzod ni brjod du med pa ste/ /rtogs par gzhog chos de bzhin brjod du med/ /bsam gtan zhi yid brjod du med pa ste/ /brjod du med pa'i bsam gtan rab tu shes/ /
de dag shes rab brjod du med la zhugs/ /de bas ting 'dzin brjod du med pa ste/ /rab tu dben chos brjod du med dang ldan/ /sangs rgyas brjod du med la mngon par 'jug /spyod pa'i sgo ni brjod du med pa ste/ /de dag 
smon lam brjod du med pa yin/ /de dag spyod yul brjod du med pas na/ /chos sgo dag pa brjod du med pa yin/ /de dag chos stobs brjod du med pa ste/ /chos la gnas pa 'ang brjod du med pa yin/ /de dag chos kyi dran pa 
brjod du med/ /de dag chos kyi dbyings kyang brjod du med/ /de dag ye shes brjod du med dang ldan/ /ye shes brjod du med la shin tu bslabs/ /de dag phung po khams kyang brjod du med/ /de dag brjod med ye shes mthar yang </font><hr>36-1-391a<br><font size=+1>
thug /de dag chos kyi 'khor lo brjod du med/ /de dag chos kyi char 'bebs brjod du med/ /de dag chos kyi ye shes brjod du med/ /de dag chos kyi sprin kyang brjod du med/ /de dag rdzu 'phrul rnam pa 
brjod med de/ /tshul dbyings brjod du med pa khong du chud/ /dngos med ye shes brjod du med pa ste/ /sems kyi skad cig de dag brjod du med/ /brjod med tshad du rnam pa tha dad pa/ /skad cig sems kyis brjod du 
med pa shes/ /zhing rnams rgya mtsho brjod du med pa ste/ /bstan pa de dag brjod du med pa gnon/ /zhing rnams rnam phye brjod du med pa ste/ /rgyan kyang de bzhin brjod du med pa yin/ /gzugs dang dbyibs kyang brjod 
du med pa ste/ /kha dog mdog kyang de bzhin brjod du med/ /khyad par sna tshogs brjod du med pa ste/ /rnam pa tha dad de bzhin brjod du med/ /dag dang nyon mongs brjod du med pa ste/ /rnam pa mi mthun ye shes brjod du med/ /
sems can brjod du med pa rab tu shes/ /sems can khams kyang brjod du med pa ste/ /de dag las kyang de bzhin brjod du med/ /sems can de dag spyod pa'ang brjod du med/ /dbang po dag kyang brjod du med pa ste/ /de dag 
sems kyang brjod du med pa yin/ /khams kyi rnam pa de dag brjod du med/ /de dag mos pa de 'ang de bzhin brjod du med/ /de dag rnam par spyod pa brjod med de/ /kun nas nyon mongs de bzhin brjod du med/ /rnam par byang ba 'ang 
brjod du med pa ste/ /'dul ba de bzhin brjod du med pa 'byung / /lus kyi rnam pa brjod du med pa dag /brjod du med pa mngon par sprul byas shing / /brtan pa brjod du med pa'i nan tan byed/ /sems can brjod du med pa yongs su </font><hr>36-1-391b<br><font size=+1>
'grel/ /de dag rnam par 'phrul pa brjod du med/ /'od rnams brjod du med pa rab tu 'gyed/ /kha dog sna tshogs de bzhin brjod du med/ /sems can brjod du med pa rnam par sbyong / /'od zer dra ba de bzhin brjod du med/ /
ba spu re re nas kyang brjod med pa'i/ /brjod du med pa mang po rab tu 'byung / /zhing rnams brjod du med pa snang bar byed/ /yongs su gnon pa brjod du med pa dang / /de bzhin 'byung ba brjod du med pa dang / /rnam par gnon pa 
brjod du med pa yis/ /'jig rten brjod du med pa rnam par 'dul/ /de dag lus kyi las kyang brjod du med/ /rnam dag tshig kyang de bzhin brjod du med/ /mtha' yas yid kyang brjod du med pa ste/ /spyod pa'i khyad par 
de bzhin brjod du med/ /ye shes rgyud kyang brjod du med pa ste/ /khams rnams brjod du med pa khong du chud/ /brtan pa gzungs rnams brjod du med pa la/ /shin tu bslabs pa brjod med byas pa yin/ /sgra dbyangs 
brjod du med pa shes pa ste/ /rnam dag dbyangs kyang brjod du med pa yin/ /de dag bden pa dran pa brjod du med/ /'gro ba brjod du med pa shes par byed/ /de dag spyod lam brjod du med pa ste/ /nan tan rnam dag de 
bzhin brjod du med/ /bag tsha med pa brjod du med pa ste/ /'jig rten brjod du med pa rab tu 'dul/ /de bzhin gshegs sras brjod du med pa yi/ /rnam dag spyod pa brjod med 'di 'dra ste/ /de dag yon tan 
legs pa brjod du med/ /de dag zad pa med pa'ang brjod du med/ /'jig rten mgon po brjod du med pa rnams/ /yon tan legs pa brjod du med pa gsung / /rdzogs pa'i byang chub sems dpa' brjod du med/ /yon tan </font><hr>36-1-392a<br><font size=+1>
rnam dag de bzhin brjod du med/ /brtan pa gang la gnas pa brjod du med/ /gang gnas ye shes de yang brjod du med/ /bskal pa ji snyed zad 'gyur brjod du med/ /de dag mthar thug 
med pa brjod du med/ /sangs rgyas shes byed yid 'ong brjod du med/ /yang dag 'jug pa'i ye shes brjod du med/ /de dag brjod du med pa'i chos la 'jug /de dag chags pa med pa'ang brjod du med/ /dus 
gsum bsam pa brjod du med pa ste/ /de la tshad bzung brjod du med pa min/ /'byung ba'i ye shes brjod du med pa ste/ /mi gnas gnas pa'ang de bzhin brjod du med/ /spyod pa'i khyad par brjod du med pa ste/ /smon lam 
khyad par de bzhin brjod du med/ /smon lam rnam dag brjod du med pa ste/ /byang chub sgrub pa 'ang de bzhin brjod du med/ /sangs rgyas byang chub brjod du med pa la/ /de dag ye shes brjod du med pas byung / /don rnams brjod du med pa shes par byed/ /
thams cad mkhyen chos de bzhin brjod du med/ /rnam dag zhing yang brjod du med pa ste/ /de dag spyod pa'i stobs kyang brjod du med/ /de dag brjod du med par bsgoms byas nas/ /skad cig gcig tu brjod med mngon 'tshang 
rgya/ /de dag brjod du med pa'i rnam 'phrul ba/ /sangs rgyas brjod du med pa rab tu ston/ /de dag cho 'phrul brjod du med pa yis/ /'jig rten brjod du med pa rab tu ston/ /brtan pa chos kyi 'khor lo brjod med pa/ /
de dag brjod du med pa rab tu bskor/ /de dag ston pa'ang brjod du med pa ste/ /'jig rten phan 'dogs brjod du med pa byed/ /bskal pa brjod du med pa thams cad kyang / /zad par 'gyur gyi yon tan brjod du med/ /yon tan dang ni legs pa </font><hr>36-1-392b<br><font size=+1>
brjod med pas/ /zad par mi nus de bzhin brjod du med/ /de dag mgon po brjod du med pa la/ /tshig dang dbang po brjod du med pa yis/ /bskal pa brjod du med par bstod byas kyang / /de bzhin gshegs pa'i yon tan mthar thug 
med/ /phyogs bcu'i sems can ji snyed yod pa rnams/ /ma lus thams cad bde bar gshegs gyur te/ /sangs rgyas gcig la'ang brjod du med pa yi/ /sku mnga' thams cad brjod du med gyur la/ /sku rnams re re brjod du med pa yi/ /
brjod du med pa'i dbu rnams mngar gyur la/ /dbu rnams re re brjod du med pa yi/ /brjod du med pa'i ljags yangs mngar gyur la/ /ljags yangs re re brjod du med pa yi/ /gsung zab brjod du med pa brjod mdzad de/ /dbyangs 
gcig gis kyang yon tan brjod med par/ /bskal pa brjod du med par bstod byas la/ /sangs rgyas gcig bzhin sangs rgyas thams cad de/ /sku gcig ji bzhin de bzhin thams cad sku/ /dbu gcig ji bzhin de bzhin thams 
cad dbu/ /ljags gcig ji bzhin de bzhin thams cad ljags/ /dbyangs kyi yan lag ldan pas legs brjod kyang / /bskal pa sna tshogs mtha' yas pa'i/ /bskal pa mtha' yas mur thug zad par 'gyur/ /legs pa chags med de dag mthar thug mi 'gyur ro/ /
rdul rtse gcig la brjod du med pa yi/ /pad mo'i dpal zhes bya ba brjod du med/ /de bzhin gshegs pa bzang po zhes bya ba'i/ /zhing rnams brjod du med la rab tu 'jug /rdul rtse gcig la ji snyed yod pa yi/ /chos dbyings ji tsam 
thams cad ma lus par/ /rdul gyi zhing rnams brjod du med pa dag /'byung bar 'gyur zhing gzhan yang 'jig par 'gyur/ /rdul gcig rtse la mtha' dang dbus med pa'i/ /zhing rnams du ma bstan pa yang dag 'jug /phyogs rnams </font><hr>36-1-393a<br><font size=+1>
rnam par dbye ba brjod du med/ /zhing rnams rgya mtsho de bzhin brjod du med/ /zhing rnams re re de bzhin gshegs pa rnams/ /brjod du med pa rnam par brtag byas te/ /zhing gcig ji bzhin de bzhin zhing kun tu/ /
de dag brjod du med pa'i lus su 'byung / /de dag spyod pa'i mthu ni brjod du med pa ste/ /khyad par 'phags chos de bzhin brjod du med/ /de dag rdzu 'phrul brjod du med pa ste/ /chags med nyid kyang de bzhin brjod du med/ /skra la 
'jug pa brjod du med pa ste/ /skra la brten pa de bzhin brjod du med/ /de dag stobs bcu brjod du med pa ste/ /byang chub 'tshang rgya de bzhin brjod du med/ /rtogs pa dag pa brjod du med pa ste/ /chos 
dbyings yongs su gnon pa brjod du med/ /de dag mdzod shes brjod du med pa ste/ /de dag nyid kyang brjod du med pa yin/ /tshad dang grangs kyang brjod du med pa ste/ /brtan pa de dag tshul bzhin rtogs par byed/ /
mgon po'i tshul rnams brjod du med pa dag /rnam pa tshad med brtan pa yongs su gnon/ /ting 'dzin tha dad rnam pa sna tshogs rnams/ /brjod du med pa de dag rab tu 'jug /spyod pa rnam dag brjod du med pa 
ste/ /brjod du med pa'i rgyal ba mngon du 'gyur/ /chags med sems kyang brjod du med pa ste/ /brjod du med pa'i gnas kyang rnam par gnon/ /spyod pa mtha' yas brjod du med pa ste/ /rdzu 'phrul brjod 
du med pa'ang rab tu ston/ /zhing rnams brjod du med pa shin tu shes/ /de phyir sangs rgyas brjod du med pa mthong / /spyod pa'i mthu ni brjod du med pa yis/ /ye shes brjod du med pa khong du chud/ /de la 'gro ba med cing </font><hr>36-1-393b<br><font size=+1>
phyir ldog med pa ste/ /brjod du med pa'i yul la 'ang rab tu 'jug /brjod du med pa'i zhing du rnam par rgyu/ /brjod du med pa'i bskal pa zad par byed/ /tshul gyi rnam pa brjod du med pa ste/ /brjod du med pas de bzhin nyid 
kyang 'thob/ /ye shes brjod du med pa'ang rab tu 'byung / /skad cig re rer brjod du med pa ston/ /re re'i tshig gis brjod du med pa yi/ /sangs rgyas brjod du med pa rab tu shes/ /byang chub dus gcig mngon 
par sangs rgyas pa/ /tha dad dus su khong du chud par byed/ /de dag skra rtse 'jug pa brjod du med/ /shin tu phra la 'jug pa'ang brjod du med/ /rab tu rgya che'i rgyud kyang brjod du med/ /sangs rgyas rnam par mthong ba 'ang 
brjod du med/ /sangs rgyas rigs la gang bzhugs de dag gis/ /tshul gcig nyid kyang brjod du med pa ste/ /de bas zhing rgyud brjod du med pa la/ /rdzogs par 'tshang rgya'i don du kun tu 'jug /zhing dang 
sems can de bzhin gshegs pa rnams/ /tha dad khams bsgyur brjod du med pa dag /brtan pas shes pa brjod du med pa ste/ /dus gsum 'dzin pa brjod du med pa yin/ /shin tu rgyas pa chen po'i mdo/ / 
sangs rgyas phal po che zhes bya ba las sems kyi rgyal pos dris nas grangs la 'jug pa bstan pa'i le'u zhes bya ste/ sum cu drug pa'o// //de nas byang chub sems dpa' sems kyi rgyal pos byang chub 
sems dpa' de dag la smras pa/ kye rgyal ba'i sras dag gang bcom ldan 'das de bzhin gshegs pa shAkya thub pa'i sangs rgyas kyi zhing 'jig rten gyi khams mi mjed 'di'i bskal pa ji tsam pa de ni de bzhin gshegs pa tshe dpag tu med pa'i sangs rgyas kyi zhing </font><hr>36-1-394a<br><font size=+1>
'jig rten gyi khams bde ba yod pa'i nyin zhag gcig go /kye rgyal ba'i sras dag 'jig rten gyi khams bde ba yod pa'i bskal pa ji tsam pa de ni de bzhin gshegs pa rdo rjes rab du 'joms pa'i sangs rgyas kyi zhing 'jig rten gyi khams ngur smrig 
rgyal mtshan gyi nyin zhag gcig go /kye rgyal ba'i sras dag 'jig rten gyi khams ngur smrig rgyal mtshan gyi bskal pa ji tsam pa de ni/ de bzhin gshegs pa sku pad mo shin tu rgyas pa'i sangs rgyas kyi zhing 'jig rten gyi khams 
phyir mi ldog pa'i 'khor lo rab tu sgrog pa'i nyin zhag gcig go /kye rgyal ba'i sras dag 'jig rten gyi khams 'khor lo rab tu sgrog pa'i bskal pa ji tsam pa de ni/ bcom ldan 'das de bzhin gshegs pa chos kyi rgyal 
mtshan gyi sangs rgyas kyi zhing 'jig rten gyi khams rdul med pa'i nyin zhag gcig go /kye rgyal ba'i sras dag /'jig rten gyi khams rdul med pa'i bskal pa ji tsam pa de ni/ bcom ldan 'das de bzhin gshegs pa 
seng ge'i sangs rgyas kyi zhing / 'jig rten gyi khams sgron ma bzang po'i nyin zhag gcig go /kye rgyal ba'i sras dag /'jig rten gyi khams sgron ma bzang po'i bskal pa ji tsam pa de ni/ bcom ldan 'das de 
bzhin gshegs pa rnam par snang ba'i snying po'i sangs rgyas kyi zhing 'jig rten gyi khams 'od bzang po'i nyin zhag gcig go /kye rgyal ba'i sras dag /'jig rten gyi khams 'od bzang po'i bskal pa ji tsam pa de ni/ bcom 
ldan 'das de bzhin gshegs pa chos kyi 'od zer gyi sku'i pad mo shin tu rgyas pa'i sangs rgyas kyi zhing 'jig rten gyi khams 'da' bar dka' ba'i nyin zhag gcig go /kye rgyal ba'i sras dag /'jig rten gyi khams 'da' bar dka' </font><hr>36-1-394b<br><font size=+1>
ba'i bskal pa ji tsam pa de ni/ bcom ldan 'das de bzhin gshegs pa mngon par mkhyen pa thams cad kyi 'od zer gyi sangs rgyas kyi zhing 'jig rten gyi khams rgyan dang ldan pa'i nyin zhag gcig go /kye rgyal ba'i sras dag /
'jig rten gyi khams rgyan dang ldan pa'i bskal pa ji tsam pa de ni/ bcom ldan 'das de bzhin gshegs pa thugs zla ba'i sangs rgyas kyi zhing 'jig rten gyi khams me long dkyil 'khor mdog gi nyin zhag gcig go /kye rgyal 
ba'i sras dag /de ltar bskal pa bgrang ba la 'jug pa'i tshul 'dis 'jig rten gyi khams grangs med pa brgya stong phrag bcu 'das pa ni/ de'i pha rol na bcom ldan 'das de bzhin gshegs pa dpal bzang po bzhugs 
pa'i sangs rgyas kyi zhing 'jig rten gyi khams pad mo'i dpal gyi nyin zhag gcig go /bgrang ba'i tshul 'di 'jig rten gyi khams thams cad byang chub sems dpa' kun tu bzang po'i spyod pa dang ldan pas yongs su gang ngo / /
shin tu rgyas pa chen po'i mdo/ /sangs rgyas phal po che zhes bya ba las/ tshe'i tshad kyi le'u zhes bya ba ste/ sum cu bdun pa'o// //de nas yang byang chub sems dpa' sems kyi rgyal 
pos yang byang chub sems dpa' de dag la smras pa/ kye rgyal ba'i sras dag /shar phyogs logs na sngan cad byang chub sems dpa' bzhugs bzhugs pa'i ri drang srong 'byung ba zhes bya ba yod de/ /de la byang chub sems 
dpa' rdo rje dpal zhes bya ba/ byang chub sems dpa'i 'khor sum brgya dang ldan pa chos ston to/ /kye rgyal ba'i sras dag lho phyogs logs na sngon byang chub sems dpa' bzhugs bzhugs pa'i ri dpal gyi phung po zhes bya ba </font><hr>36-1-395a<br><font size=+1>
yod de/ de la byang chub sems dpa' chos kyi blo gros zhes bya ba byang chub sems dpa'i 'khor lnga brgya dang ldan pa chos ston to/ /kye rgyal ba'i sras dag nub phyogs logs na sngon byang chub sems 
dpa' bzhugs bzhugs pa'i ri rdo rje'i 'od 'phro ba can zhes bya ba yod de/ de la byang chub sems dpa' seng ge'i 'gros su 'gro ba zhes bya ba/ byang chub sems dpa'i 'khor sum brgya dang ldan pa chos ston to/ /kye rgyal ba'i sras 
dag byang phyogs logs na/ sngon byang chub sems dpa' bzhugs bzhugs pa'i ri spos kyi phung po zhes bya ba yod de/ de la byang chub sems dpa' spos kyi glang po zhes bya ba/ byang chub sems dpa'i 'khor stong phrag 
gsum dang ldan pa chos ston to/ /kye rgyal ba'i sras dag /shar phyogs logs na sngon byang chub sems dpa' bzhugs bzhugs pa'i ri spang ri zhes bya ba yod de/ /de la byang chub sems dpa' 'jam dpal zhes bya ba/ byang chub 
sems dpa'i 'khor stong phrag bcu dang ldan pa chos ston to/ /kye rgyal ba'i sras dag /byang dang shar gyi phyogs mtshams logs na/ sngon byang chub sems dpa' bzhugs bzhugs pa'i ri rgya mtsho chen po bzhi'i gnas rdo rje'i ri 
zhes bya ba yod de/ de la byang chub sems dpa' chos kyis 'phags pa zhes bya ba/ byang chub sems dpa'i 'khor brgya phrag bcu gnyis dang ldan pa chos ston to/ /kye rgyal ba'i sras dag /shar dang lho'i phyogs mtshams 
logs na sngon byang chub sems dpa' bzhugs bzhugs pa'i ri mchod rten zhes bya ba yod de/ /de la byang chub sems dpa' lha'i phung po zhes bya ba byang chub sems dpa'i 'khor stong dang ldan pa chos ston to/ /kye rgyal ba'i </font><hr>36-1-395b<br><font size=+1>
sras ngag /lho dang nub kyi phyogs mtshams logs na/ sngon byang chub sems dpa' bzhugs bzhugs pa'i ri skar ma'i 'od ces bya ba yod de/ de la byang chub sems dpa' bzang po'i dpal zhes bya ba/ byang chub sems dpa'i 
'khor stong phrag gsum dang ldan pa chos ston to/ /kye rgyal ba'i sras dag /nub dang byang gi phyogs mtshams logs na/ sngon byang chub sems dpa' bzhugs bzhugs pa'i ri spos kyi dang can zhes bya ba yod de/ de la byang chub 
sems dpa' spos kyi 'od zer rab tu 'gyed pa zhes bya ba byang chub sems dpa'i 'khor stong phrag lnga dang ldan pa chos ston to/ /kye rgyal ba'i sras dag /rgya mtsho chen po'i nang na sngon byang chub sems dpa' bzhugs bzhugs pa'i gnas 
phug bzang po zhes bya ba yod do/ /kye rgyal ba'i sras dag /yul shin tu yangs pa'i lho phyogs logs na/ sngon byang chub sems dpa' bzhugs bzhugs pa'i gnas rtsa ba shin tu brtan pa zhes bya ba yod do/ /yul pa ta la'i bu 
zhes bya ba na/ sngon byang chub sems dpa' bzhugs bzhugs pa'i dge 'dun gyi kun dga' ra ba gser gyi gling zhes bya ba yod do/ /yul ma dur na sngon byang chub sems dpa' bzhugs bzhugs pa'i gnas tshim par byed pa'i phug ces 
bya ba yod do/ /yul ril ba gtong ba zhes bya ba na/ sngon byang chub sems dpa' bzhugs bzhugs pa'i gnas chos kyi stan zhes bya ba yod do/ /yul dge ba'i phul du phyin pa zhes bya ba na/ sngon byang chub sems 
dpa' bzhugs bzhugs pa'i gnas btang bzung gi phug ces bya ba yod do/ /yul be'ur zhes bya ba na sngon byang chub sems dpa' bzhugs bzhugs pa'i gnas thu ba zhes bya ba klus btsugs pa yod do/ /yul kam po tsa na sngon </font><hr>36-1-396a<br><font size=+1>
byang chub sems dpa' bzhugs bzhugs pa'i gnas/ byams pas 'phags pa zhes bya ba yod do/ /rgya ba'i gnas na/ sngon byang chub sems dpa' bzhugs bzhugs pa'i/ gnas mthu 
bo che'i phug pa ces bya ba yod do/ /yul kha sha na sngon byang chub sems dpa' bzhugs bzhugs pa'i gnas/ ba lang gi mgo bo zhes bya ba yod do/ /kha che'i yul na sngon byang chub sems dpa' 
bzhugs bzhugs pa'i/ gnas shin tu ston pa zhes bya ba yod do/ /yul dga' ba 'phel ba zhes bya ba na/ sngon byang chub sems dpa' bzhugs bzhugs pa'i gnas/ gnas brtan gyi phug ces bya ba 
yod do/ /yul chu 'dzin ces bya ba na sngon byang chub sems dpa' bzhugs bzhugs pa'i/ gnas khyor po ston pa zhes bya ba yod do/ /yul sa 'dzin gyi dkyil 'khor na/ sngon byang chub sems dpa' 
bzhugs bzhugs pa'i gnas/ brgyags kyi phug ces bya ba yod do/ /shin tu rgyas pa chen po'i mdo/ /sangs rgyas phal po che zhes bya ba las/ byang chub sems dpa'i gnas kyi le'u zhes bya ba ste/ 
sum cu brgyad pa'o// // // // // // // 
// // // // // //</font><hr>37-1-1b<br><font size=+1>
@#/ /shin tu rgyas pa chen po'i mdo sangs rgyas phal po che zhes bya ba/bam po dang po/ /de nas byang chub sems dpa'i tshogs chen po de'i nang nas 
byang chub sems dpa' kha cig 'di snyam du sems te/ sangs rgyas bcom ldan 'das rnams kyi sangs rgyas kyi zhing ni ci tsam zhig tu bsam gyis mi khyab/ sangs rgyas bcom 
ldan 'das rnams kyi sngon gyi smon lam dang 'byung ba rnam par dag pa ni ji tsam zhig tu bsam gyis myi khyab/ sangs rgyas bcom ldan 'das rnams kyi de bzhin gshegs pa'i gdung ni ji tsam 
zhig tu bsam gyis myi khyab/ sangs rgyas bcom ldan 'das rnams kyi sangs rgyas kyi skye ba ni ji tsam zhig tu bsam gyis mi khyab/ sangs rgyas bcom ldan 'das rnams kyi de bzhin gshegs 
pa'i sku ni ji tsam zhig tu bsam gyis myi khyab/sangs rgyas bcom ldan 'das rnams kyi de bzhin gshegs pa'i gsung ni ji tsam zhig tu bsam gyis myi khyab/ sangs rgyas bcom ldan </font><hr>37-1-2a<br><font size=+1>
'das rnams kyi de bzhin gshegs pa'i ye shes ni ci tsam zhig tu bsam gyis mi khyab/ sangs rgyas bcom ldan 'das rnams kyi de bzhin gshegs pa'i rnam par 'phrul ba ni ji tsam zhig tu bsam gyis mi khyab/ 
sangs rgyas bcom ldan 'das rnams kyi chags pa myi mnga' ba'i rnam par spyod pa ni ji tsam zhig tu bsam gyis myi khyab/ sangs rgyas bcom ldan 'das rnams kyi sangs rgyas kyi rnam par thar pa ni ji tsam zhig tu bsam gyis myi khyab snyam pa dang / 
de nas bcom ldan 'das kyis byang chub sems dpa' de dag gi sems thugs kyis thugs su chud nas/ byang chub sems dpa' ut+pa la'i snying po/ sangs rgyas kyi byin gyi rlabs kyis byin du brlabs so/ /sangs rgyas kyi ye 
shes kyis byin dang ldan par mdzad do/ /de bzhin gshegs pa'i 'od kyis snang bar mdzad do/ /sangs rgyas kyi gzi brjid kyis yongs su rgyas par mdzad do/ /sangs rgyas kyi myi 'jigs pa la rab tu gzhog go /sangs rgyas kyi 
chos kyi dbyings la 'jug pa khong du chud par mdzad do/ /sangs rgyas kyi bdag nyid che ba nyid dang / rdzu 'phrul gyi yul rab tu rtogs par mdzad do/ /chags pa myed pa'i rgyud 'byam klas pa la rab tu gzhog go /sangs rgyas thams cad 
gcig nas gcig tu brgyud pa'i rigs rab tu rtogs par mdzad do/ /sangs rgyas kyi tshul gyi gnas brjod du med pa la rab tu gzhag pa mdzad do/ /de nas byang chub sems dpa' ut+pa la'i snying pos chos kyi dbyings la 'jug pa rig </font><hr>37-1-2b<br><font size=+1>
cing khong du chud pas chags pa med pa'i dbyings su sgrub pa'i yid dang / chos thams cad la bsgribs pa med par gnas pa'i byang chub sems dpa'i spyod pa dang / kun tu bzang po'i smon lam dang ldan pa'i yang dag par 'jug pa dang / sangs rgyas thams cad kyi 
rjes su song ba'i sangs rgyas blta ba dang / snying rje chen pos lta ba'i sems can thams cad yongs su sbyong ba'i go cha chen po dang / byang chub sems dpa'i yi dam dang / spyod pa'i dkyil 'khor rgyun chad pa myed pa dang / sangs rgyas kyi ye shes mngon par bsgrub pa skad 
cig gi cha shas la rnam par spyod pa dang / thams cad mkhyen pa nyid kyi sgo mthong ba mi zad pa dang / so so yang dag par rig pa'i rnam pa gzungs thams cad kyis snang bar byas pa dang ldan pas sangs rgyas kyi mthus byang chub sems dpa' pad mo'i snying po la 
'di skad ces smras so/ /kye rgyal ba'i sras/ sangs rgyas bcom ldan 'das rnams ni/ tshad med pa la rnam par spyod pa ste/ kye rgyal ba'i sras/ sangs rgyas bcom ldan 'das rnams ni rnam par 'phrul pa chen po la rnam par spyod pa'o/ /kye rgyal ba'i 
sras/ sangs rgyas bcom ldan 'das rnams ni sangs rgyas kyi mdzad pa thams cad la/ sku'i mtshan thams cad rab tu brnyes pa'o/ /sangs rgyas bcom ldan 'das rnams kyi chos kyi 'khor lo 'khor ba ni ting nge 'dzin dang / dgongs pas sbyar 
ba'o/ /sangs rgyas bcom ldan 'das rnams kyi so so yang dag par rig pa bzhi ni brjod du med pa yang brjod du med pa shin tu bstan pa'o/ /sangs rgyas bcom ldan 'das rnams ni sangs rgyas kyi chos thams cad la bsam gyis mi khyab par rnam par spyod pa'o/ /sangs 
rgyas bcom ldan 'das rnams kyi sangs rgyas kyi gsung dang dbyangs ni tshad med pa'o/ /sangs rgyas bcom ldan 'das rnams kyi chos kyi dbyings thugs su chud pa ni brjod du myed pa'o/ /sangs rgyas bcom ldan 'das rnams kyi sangs rgyas kyi khyu mchog gi mthu phyung ba ni thams cad </font><hr>37-1-3a<br><font size=+1>
mngon par mkhyen pa'o/ /kye rgyal ba'i sras dag /sangs rgyas bcom ldan 'das rnams kyis chos kyi dbyings thugs su chud cing / bstan pa ni bsgribs pa med pa'i mthar thug pa'o/ /kye rgyal ba'i sras/ bcu 
po 'di dag ni sangs rgyas bcom ldan 'das rnams kyi chos kyi dbyings mtha' dang dbus med pa'i sangs rgyas kyi chos rnams te/ bcu gang zhe na/ sangs rgyas bcom ldan 'das rnams kyi gzugs kyi sku rnam par dag pa ni rnyog pa med par 
rgyud thams cad du byung bas mtha' dang dbus med pa'o/ /sangs rgyas bcom ldan 'das rnams kyi chags pa med pa'i spyan ni chos thams cad mnyam pa nyid kyi spyan mngon par sangs rgyas pas mtha' dang dbus med pa'o/ /sangs 
rgyas bcom ldan 'das rnams kyi chags pa med pa'i snyan ni 'gro ba thams cad kyi sgra bsgribs pa med par thugs su chud pas mtha' dang dbus med pa'o/ /sangs rgyas bcom ldan 'das rnams kyi shangs kyi skye mched ni sangs rgyas kyi mnga' thams 
cad kyi pha rol tu phyin pa brnyes pas mtha' dang dbus med pa'o/ /sangs rgyas bcom ldan 'das rnams kyi ljags shin tu yangs pa ni chos kyi dbyings thams cad du gsung gi dbyangs rjes su 'gro bas mtha' dang dbus med pa'o/ /sangs rgyas 
bcom ldan 'das rnams kyi sku'i chos nyid ni sems can thams cad ma lus pa'i sems kyi rnam pa la de bzhin gshegs pa mthong ba rnam par dmyigs pas mtha' dang dbus med pa'o/ /sangs rgyas bcom ldan 'das rnams kyi thugs kyi 'phrin 
las ni chos kyi sku dang tha mi dad cing dus gsum chags pa med par thugs su chud cing rnam par dag pas mtha' dang dbus med pa'o/ /sangs rgyas bcom ldan 'das rnams kyi sangs rgyas kyi rnam par thar pa bsgribs pa mi mnga' ba </font><hr>37-1-3b<br><font size=+1>
la rnam par spyod pa ni sangs rgyas kyi go 'phang dang rnam par 'phrul pa dang / cho 'phrul mi zad pa yang dag par ston pas mtha' dang dbus med pa'o/ /sangs rgyas bcom ldan 'das rnams kyi 'jig rten gyi khams thams cad rnam par dag pa ni brjod du 
med pa'i rgyan byin gyis brlabs pas/ sangs rgyas kyi zhing nye bar nyon mongs pa med pa yang dag par bstan te/ bsam pa ji lta ba bzhin du rnam par dmyigs par mdzad pas mtha' dang dbus med pa'o/ /sangs rgyas bcom ldan 'das rnams kyi 
byang chub sems dpa'i spyod pa'i khyad par dang / smon lam thams cad yongs su rdzogs pa ni rnam par rol ba'i ye shes kyis chos yongs su rdzogs te/ chos thams cad rdzogs par byang chub par bya ba la mtha' dang dbus med pa ste/ kye rgyal ba'i sras/ 
bcu po de dag ni/ de bzhin gshegs pa dgra bcom pa yang dag par rdzogs pa'i sangs rgyas rnams kyi chos kyi dbyings mtha' dang dbus med pa'i sangs rgyas kyi chos rnams so/ /kye rgyal ba'i sras bcu po 'di dag ni/ sangs rgyas bcom ldan 'das rnams kyi 
sangs rgyas kyi skad cig la ye shes kyi mngon par sgrub pa yang dag par bstan pa'o/ /bcu gang zhe na/ skad cig gcig la 'jig rten gyi khams thams cad du dga' ldan gyi gnas nas 'pho ba yongs su bstan pa dang / skad cig gcig la 'jig rten
gyi khams thams cad du byang chub sems dpa'i tshe yongs su bstan pa dang / skad cig gcig la 'jig rten gyi khams thams cad du mngon par 'byung ba yongs su bstan pa dang / skad cig gcig la 'jig rten gyi khams thams cad du byang chub kyi shing 
drung du bzhugs shing mngon par 'tshang rgya ba yongs su bstan pa dang / skad cig gcig la 'jig rten gyi khams thams cad du chos kyi 'khor lo bskor ba yongs su bstan pa dang / skad cig gcig la 'jig rten gyi khams thams cad du 'dul ba'i sems </font><hr>37-1-4a<br><font size=+1>
can yongs su smin pa'i tshul ji lta ba bzhin du/ dus bab pa shes pas sangs rgyas bsnyen bkur ba yongs su bstan pa dang / skad cig gcig la 'jig rten gyi khams thams cad du sems can ji ltar 'dul ba'i tshul 
bzhin du de bzhin gshegs pa brjod du med pa dang / sangs rgyas kyi sku sna tshogs rnam par dmigs pa yongs su bstan pa dang / skad cig gcig la 'jig rten gyi khams thams cad du/ rgyan sna tshogs dang rgyan brjod du med pas/ de bzhin 
gshegs pa'i khyu mchog gi mthu phyung ba dang / thams cad mkhyen pa'i mdzod yongs su bstan pa dang / skad cig gcig la 'jig rten gyi khams thams cad du rnam par dag pa gcig ma yin pa thams cad yongs su bstan pa dang / skad cig 
gcig la 'jig rten gyi khams thams cad du 'das pa dang / ma byon pa dang / da ltar byung ba'i sangs rgyas skye ba thams cad du dbang po dang / brtson 'grus rnam pa tha dad pa byung ba dang / mos pa dang / spyod pa rnam pa tha dad pa byung ba la dus 
gsum gyi sangs rgyas kyi rgyud du mngon par 'tshang rgya ba yongs su bstan pa ste/ kye rgyal ba'i sras bcu po de dag ni sangs rgyas bcom ldan 'das rnams kyi sangs rgyas kyi skad cig la ye shes mngon par bsgrub pa yang dag bstan pa'o/ /kye rgyal 
ba'i sras bcu po 'di dag ni/ sangs rgyas bcom ldan 'das rnams kyi sangs rgyas kyi dus las mi 'da' ba ste/ bcu gang zhe na/ sangs rgyas bcom ldan 'das rnams kyi mngon par 'tshang rgya ba ni/ de'i dus las mi 'da' bas dus la bab pa yin/ 
sangs rgyas bcom ldan 'das rnams kyi dge ba rnam par smin pa dang / rnam par ma smin pa mnyam pa nyid ni de'i dus las mi 'da' bas dus la bab pa yin/ sangs rgyas bcom ldan 'das rnams kyis yongs su smin pa'i byang chub sems </font><hr>37-1-4b<br><font size=+1>
dpa' rnams lung bstan pa ni de'i dus las mi 'da' bas dus la bab pa yin/ sangs rgyas bcom ldan 'das rnams kyis sems can gyi bsam pa'i rgyud du cho 'phrul yongs su bstan pa ni de'i dus las mi 'da' bas dus la bab pa yin/ sangs rgyas bcom ldan 'das rnams kyis 
sems can mos pa ji lta bu dang ldan pa'i tshul bzhin du sku yongs su bstan pa ni de'i dus las mi 'da' bas dus la bab pa yin/ sangs rgyas bcom ldan 'das rnams btang snyoms su bzhugs pa ni de'i dus las mi 'da' bas dus la bab pa yin/ sangs 
rgyas bcom ldan 'das rnams yul dang / grong dang / grong rdal du gshegs pa de ni de'i dus las mi 'da' bas dus la bab pa yin/ sangs rgyas bcom ldan 'das rnams dad pa ji lta bu dang ldan pa'i tshul bzhin du sems can yongs su 'dzin pa ni/ de'i 
dus las mi 'da' bas dus la bab pa yin/ sangs rgyas bcom ldan 'das rnams sems can kun nas nyon mongs pa dang ldan zhing gdul dka' ba la gzhan la ltos pa mi mnga' bar 'dul ba ni de'i dus las mi 'da' bas dus la bab pa yin/ sangs rgyas 
bcom ldan 'das rnams kyi sangs rgyas kyi rnam par 'phrul pa bsam gyis mi khyab pas/ rnam par 'phrul pa bstan pa ni de'i dus las mi 'da' bas dus la bab pa yin/ kye rgyal ba'i sras bcu po de dag ni/ sangs rgyas bcom ldan 'das rnams kyi 
sangs rgyas kyi dus las mi 'da' ba'o/ /kye rgyal ba'i sras bcu po 'di dag ni sangs rgyas bcom ldan 'das rnams kyi sangs rgyas kyi yul dpe med cing bsam gyis mi khyab pa ste/ bcu gang zhe na/ 'jig rten gyi khams thams cad ma lus par 
skyil mo krung gcig gis rgyas par dgang ba dang / dus gcig tu sangs rgyas thams cad yongs su bstan pa dang / 'od gzer gcig gis 'jig rten gyi khams ma lus pa thams cad snang bar bya ba dang / sku gzugs gcig gis lus dang /</font><hr>37-1-5a<br><font size=+1>
gzugs thams cad yongs su bstan pa dang / gnas gcig na bzhugs kyang 'jig rten gyi khams thams cad ma lus par byon pa'i skur 'gyur ba dang / ye shes gcig rtogs pas chos thams cad la bsgribs pa 
med par 'gyur ba dang / thugs gcig bskyed pas chos kyi dbyings thams cad ma lus par rgyas par 'gengs pa dang / sangs rgyas kyi che ba nyid tshad med pa dang ldan pa'i gshegs stabs gcig gis de kho na nyid yang dag par bstan pa dang / 
dus gsum thams cad sangs rgyas kyi go 'phang gis rgyas par 'gengs pa dang / 'gro ba thams cad dang ma 'dres par bzhugs shing 'das pa dang / ma byon pa dang / da ltar byung ba'i sangs rgyas bcom ldan 'das rnams dang / myi dmyigs 
pa'i tshul gyis rgyud kyi tshul gcig pa ste/ kye rgyal ba'i sras bcu po de dag ni sangs rgyas bcom ldan 'das rnams kyi sangs rgyas kyi yul dpe med cing bsam gyis myi khyab pa'o/ /kye rgyal ba'i sras bcu po 'di dag ni de bzhin gshegs pa rnams kyi 
sangs rgyas kyi byin gyi rlabs mngon par bsgrub pa'i ye shes te/ bcu gang zhe na/ 'jug pa myed pa'i chos thams cad la 'jug pas/ smon lam mngon par bsgrub pa'i ye shes dang / lus med pa la lus mngon par bsgrub pa'i ye shes dang / 
chos thams cad mi gnyis pa la mngon par 'tshang rgya ba mngon par bsgrub pa'i ye shes dang / sems can gyi mthar thug par bdag med pa la sems can 'dul bar mngon par bsgrub pa'i ye shes dang / chos thams cad mtshan ma med pa la mtshan ma sna tshogs mngon par 
bsgrub pa'i ye shes dang / 'jig rten gyi khams kyi yul ma skyes pa la 'jig rten gyi khams 'du ba dang / 'jig pa mngon par bsgrub pa'i ye shes dang / yul thams cad mngon par 'du bya ba med pa la/ las kyi rnam par smin pa mngon par bsgrub </font><hr>37-1-5b<br><font size=+1>
pa'i ye shes dang / chos thams cad brjod du med pa la/ chos kyi dbyings su gsung mngon par bsgrub pa'i ye shes dang / chos thams cad kun nas nyon mongs pa dang / rnam par byang bas 'jug pa med pa la kun nas nyon mongs pa dang / rnam par 
byang ba mngon par bsgrub pa'i ye shes dang / chos thams cad ma skyes pa la skye ba dang / 'jig pa'i mtshan nyid rten cing 'brel bar 'byung ba mngon par bsgrub pa'i ye shes te/ kye rgyal ba'i sras bcu po de dag ni de bzhin gshegs pa rnams kyi sangs rgyas kyi 
mngon par bsgrub pa'i ye shes so/ /kye rgyal ba'i sras bcu po 'di dag ni sangs rgyas bcom ldan 'das rnams kyi tshad med pa'i khongs su chud pa dag ste/ bcu gang zhe na/ sangs rgyas bcom ldan 'das rnams kyi sku ni dus gsum thams cad kyi rjes su 'brang 
ba'i khongs su chud pa yin/ /sangs rgyas bcom ldan 'das rnams sems can thams cad 'dul ba mdzad pa ni/ cho 'phrul chen po gsum gyi khongs su chud pa yin/ sangs rgyas bcom ldan 'das rnams tshig rab tu dbye ba thams cad la mkhas pa ni 
sangs rgyas kyi chos kyi gzungs thams cad kyi khongs su chud pa yin/ sangs rgyas bcom ldan 'das rnams kyi chos kyi 'khor lo thams cad ni de bzhin gshegs pa'i so so yang dag par rig pa bzhi'i khongs su chud pa yin/ sangs rgyas bcom ldan 
'das rnams sems can thams cad yongs su mi gtong ba ni thugs rje chen po'i khongs su chud pa yin/ sangs rgyas bcom ldan 'das rnams rtag tu mnyam par gzhag pa ni dus thams cad du sems can thams cad la rnam par gzigs pa'i khongs su 
chud pa yin/ sangs rgyas bcom ldan 'das rnams kyi dge ba'i rtsa ba ni sems can rnam par 'dul ba thams cad khongs su chud pa yin/ sangs rgyas bcom ldan 'das kyi chags pa mi mnga' bar spyod pa ni chos kyi dbyings thams cad khongs su chud pa </font><hr>37-1-6a<br><font size=+1>
yin/ /sangs rgyas bcom ldan 'das rnams kyi skad cig gcig tu ni 'das pa dang ma byon pa dang / da ltar byung ba'i sangs rgyas skye ba thams cad khongs su chud pa yin/ sangs rgyas bcom ldan 'das rnams kyi nyi ma gcig tu ni 
dus gsum gyi bskal pa'i grangs khong du chud par bstan pa thams cad khongs su chud pa yin/ kye rgyal ba'i sras bcu po de dag ni sangs rgyas bcom ldan 'das rnams kyi tshad med pa'i khongs su chud pa'o/ /kye rgyal ba'i sras bcu po 'di dag ni sangs 
rgyas bcom ldan 'das rnams kyi shin tu rgya che ba'i chos bzod par dka' ba rnams te/ bcu gang zhe na/ bdud kyi dkrugs ma rab tu 'jom zhing rnam par 'thoRa ba ni sangs rgyas bcom ldan 'das rnams kyi shin tu rgya che ba'i chos bzod par dka' ba'o/ /
mu stegs can gzhan dang phas kyi rgol ba tshar gcad pa ni sangs rgyas bcom ldan 'das rnams kyi shin tu rgya che ba'i chos bzod par dka' ba'o/ /'dul ba'i sems can thams cad rab tu tshim par mdzad pa ni/ sangs rgyas bcom ldan 'das rnams kyi shin tu 
rgya che ba'i chos bzod par dka' ba'o/ /sems can 'dul ba'i dbang gis 'jig rten gyi khams thams cad tu gshegs pa ni sangs rgyas bcom ldan 'das rnams kyi shin tu rgya che ba'i chos bzod par dka' ba'o/ /chos kyi dbyings thugs su chud pa'i 
ye shes ni sangs rgyas bcom ldan 'das rnams kyi shin tu rgya che ba'i chos bzod par dka' ba'o/ /'jig rten gyi khams thams cad ma lus par skus khyab cing sangs rgyas kyi sku rnam par phye ba sna tshogs thams cad du mi gnyis pa ni/ sangs rgyas bcom ldan 
'das rnams kyi shin tu rgya che ba'i chos bzod par dka' ba'o/ /gsung gi yan lag thams cad la sems can mos par bya ba dang / thos par bya ba dang / gdul bar bya ba don yod par so so yang dag par rig pa thogs pa med pas bstan pa'i tshul du so so </font><hr>37-1-6b<br><font size=+1>
yang dag par rig pa bzhi 'byung ba ni/ sangs rgyas bcom ldan 'das rnams kyi shin tu rgya che ba'i chos bzod par dka' ba'o/ /sangs rgyas bcom ldan 'das kyi ba spu'i bu ga gcig nas de bzhin gshegs pa 'jig rten gyi khams thams cad kyi rdul shin 
tu phra ba snyed bsam gyis mi khyab cing / thogs pa med pa'i tshul du 'jig rten gyi khams thams cad kyi rdul shin tu phra ba snyed kyi thabs kyis/ 'byung zhing de bzhin du sangs rgyas kyi sku'i ba spu'i bu ga thams cad nas 'byung ba ni sangs rgyas bcom ldan 'das rnams kyi shin 
tu rgya che ba'i chos bzod par dka' ba'o/ /de bzhin gshegs pa dgra bcom pa yang dag par rdzogs pa'i sangs rgyas rdul shin tu phra ba gcig la sangs rgyas kyi zhing 'jig rten gyi khams thams cad kyi rdul shin tu phra ba snyed yongs su ston cing / sangs 
rgyas kyi rgyan dang rang bzhin gyi lhab lhub dang / chos kyi 'khor lo bskor ba rgyun mi 'chad cing sems can rnam par 'dul ba thogs pa med pa la 'jig rten gyi khams de dag tu gtogs pa rnams la'ang mi bde ba dang / gnod pa med kyang rdul shin tu phra ba de'ang yangs 
par ma byas/ 'jig rten gyi khams de dag kyang chung bar ma byas par ji ltar gnas pa'i chos kyi dbyings kyang thugs su chud pa'i ye shes mnga' ba ni/ sangs rgyas bcom ldan 'das rnams kyi shin tu rgya che ba'i chos bzod par dka' ba'o/ /mun pa med pa'i khams de bzhin gshegs pas mngon par sangs rgyas te/ sangs rgyas kyi chos thams cad la mun pa med cing bsgribs pa mi mnga' la sems can pha rol gyi bsgribs pa sna tshogs kyi gnas rnam par sel na/ de la de bcom ldan 'das de bzhin gshegs pa'i stobs 
bcu dang ldan pa ni/ sangs rgyas bcom ldan 'das rnams shin tu rgya che ba'i chos bzod par dka' ba ste/ kye rgyal ba'i sras bcu po de dag ni sangs rgyas bcom ldan 'das rnams kyi shin tu rgya che ba'i chos bzod par dka' ba'o/ /kye rgyal ba'i sras dag bcu bo </font><hr>37-1-7a<br><font size=+1>
'di dag ni/ sangs rgyas bcom ldan 'das rnams kyi bdag nyid che ba rnam pa thams cad du kha na ma tho ba med cing shin tu dag pa ste/ bcu gang zhe na/ sangs rgyas bcom ldan 'das rnams kyi yang dag par bsgrubs pa bdag nyid che ba 
ni sngon gyi mtha' nas rnam pa thams cad du kha na ma tho ba med cing rnam par dag pa'o/ /sangs rgyas bcom ldan 'das rnams kyi 'das pa dang / ma byon pa dang / da ltar byung ba'i sangs rgyas kyi rgyud du rigs dang ldan par 'byung ba'i bdag nyid che ba ni/ de bzhin gshegs pa'i rigs 
rnam par dag pas/ rnam pa thams cad du kha na ma tho ba med cing shin tu rnam par dag pa'o/ /sangs rgyas bcom ldan 'das rnams ni rnam par shes pa la mi gnas pa ste/ sangs rgyas bcom ldan 'das rnams kyi bdag nyid che ba ni phyi ma'i mtha'i mur thug 
par gnas pas/ rnam pa thams cad du kha na ma tho ba med cing / shin tu rnam par dag pa'o/ /sangs rgyas bcom ldan 'das rnams ni dus gsum la mi gnas par rnam par spyod cing chos thams cad la rten pa yang dag par bcom pas sangs 
rgyas bcom ldan 'das rnams kyi bdag nyid che ba ni/ rnam pa thams cad du kha na ma tho ba med cing shin tu rnam par dag pa'o/ /sangs rgyas bcom ldan 'das rnams ni dngos po rnam pa tha dad pa la rnam par gzhag pa gcig gis len pa med pas sangs 
rgyas bcom ldan 'das rnams kyi bdag nyid che ba ni rnam pa thams cad du kha na ma tho ba med cing shin tu rnam par dag pa'o/ /sangs rgyas bcom ldan 'das rnams ni sngon gyi mtha' dang / phyi ma'i mthar chos kyi dbyings la gnas pas/ mnyam pa'i bsod 
nams mi zad pa dang ldan pas mi zad pa'i bsod nams mnga' ba ste/ sangs rgyas bcom ldan 'das kyi bdag nyid che ba ni rnam pa thams cad du kha na ma tho ba med cing shin tu rnam par dag pa'o/ /sangs rgyas bcom ldan 'das rnams ni sku gzugs </font><hr>37-1-7b<br><font size=+1>
dang kha dog mtha' yas pa/ 'jig rten gyi khams thams cad na sems can 'dul ba'i dus dang dbang gis chags pa med par bzhugs pas/ sangs rgyas bcom ldan 'das rnams kyi bdag nyid che ba ni rnam pa thams cad du kha na ma tho ba med cing 
shin tu rnam par dag pa'o/ /sangs rgyas bcom ldan 'das rnams ni mi 'jigs pa bzhi brnyes pas bag tsha ba mi mnga' bar bzhugs shing / khyu mchog dang seng ge'i nga ro 'byin te rgol ba'i nang na stag lta bu'i mthu dang ldan la chos thams cad bstan pa 
la thugs sgron ma lta bu mnga' bas/ sangs rgyas bcom ldan 'das rnams kyi bdag nyid che ba ni rnam pa thams cad du kha na ma tho ba med cing shin tu rnam par dag pa'o/ /sangs rgyas bcom ldan 'das rnams ni yongs su mya ngan las 'das nas bskal pa 
brjod du med pa'i yang brjod du med pa zhig lon yang mtshan gyi tshig thos pa tsam gyis bzhugs pa dang 'dra bar sems can rnams kyi yon shin tu sbyong zhing mya ngan las 'das nas/de srid kyi yun ring po 'das kyang sangs rgyas la bskyed pa'i yon tan zad par 
mi 'gyur bas/ sangs rgyas kyi bdag nyid che ba ni rnam pa thams cad du kha na ma tho ba med cing shin tu rnam par dag pa'o/ /sangs rgyas bcom ldan 'das rnams ni 'jig rten gyi khams brjod du med pa'i yang brjod du med pa dag na 
bzhugs shing 'jig rten gyi khams rgyang ring po na bzhugs kyang 'jig rten gyi khams 'di sems can rnams kyis rjes su dran par byas nas sku mngon par ston pa mdzad pas/ sangs rgyas bcom ldan 'das rnams kyi bdag nyid che ba ni rnam pa thams cad du kha 
na ma tho ba med cing shin tu rnam par dag pa ste/ kye rgyal ba'i sras bcu po de dag ni sangs rgyas bcom ldan 'das rnams kyi bdag nyid che ba ni rnam pa thams cad du kha na ma tho ba med cing shin tu rnam par dag pa'o/ /kye rgyal ba'i sras dag bcu po 'di dag ni </font><hr>37-1-8a<br><font size=+1>
sangs rgyas bcom ldan 'das rnams kyi shin tu rnam par dag pa ste/ bcu gang zhe na/ sangs rgyas bcom ldan 'das rnams ni/ sangs rgyas kyi tshangs pa'i spyod pa rnam par dag pa la sngon gyi smon lam gyis shin tu rnam par dag 
pa yin/ /sangs rgyas bcom ldan 'das rnams ni chags pa med pa'i tshul khrims kyis shin tu rnam par dag pa yin/ sangs rgyas bcom ldan 'das rnams ni sems can thams cad kyi nyon mongs pa sel bas shin tu rnam par dag pa yin/ sangs rgyas 
bcom ldan 'das rnams ni sangs rgyas kyi zhing gis shin tu rnam par dag pa yin/ sangs rgyas bcom ldan 'das rnams ni 'khor gyis shin tu rnam par dag pa yin/ sangs rgyas bcom ldan 'das rnams ni rigs rnam par dag pas shin tu rnam par 
dag pa yin/ sangs rgyas bcom ldan 'das rnams ni gzugs kyi sku'i mtshan dang / dpe byad bzang po rnam par dag pas shin tu rnam par dag pa yin/ sangs rgyas bcom ldan 'das rnams ni chos kyi sku rnyog pa med pas shin tu rnam par dag pa yin/ 
sangs rgyas bcom ldan 'das rnams ni thams cad mkhyen pa'i ye shes kyi phung po bsgribs pa med pas shin tu rnam par dag pa yin/ sangs rgyas bcom ldan 'das rnams ni sangs rgyas kyi rnam par thar pa thams cad la mthu chen po brnyes shing / pha rol tu 
phyin pa dam pa brnyes pas shin tu rnam par dag pa yin te/ kye rgyal ba'i sras bcu po de dag ni sangs rgyas bcom ldan 'das rnams kyi shin tu rnam par dag pa'o/ /kye rgyal ba'i sras bcu po 'di dag ni sangs rgyas bcom ldan 'das rnams kyi mdzad pa 'jig 
rten gyi khams thams cad du 'byung zhing dus thams cad du gnas pa ste/ bcu gang zhe na/ sangs rgyas rjes su dran pa thob pa'i sems can rnams la dus thams cad du sangs rgyas bstan pa dang / sems can sems cang shes dang ldan pa rnams la/</font><hr>37-1-8b<br><font size=+1>
dus thams cad du chos bstan pa dang / sems can sangs rgyas la dad pa'i sems dang ldan pa'i dge ba'i rtsa ba dus thams cad du bskyed pa dang / chos skyon med par 'das pa'i sems can rnams dus thams cad du ye shes khong du chud par bya ba dang / 
'gro ba thams cad du sangs rgyas kyi mdzad pa dus thams cad du rgyun mi 'chad pa dang / de bzhin gshegs pa rnams 'jig rten gyi khams thams cad du dus thams cad du/ chags pa mi mnga' bar gshegs pa dang / sems can thams cad la 
thugs rje chen po dus thams cad du mi gtong ba dang / sangs rgyas bcom ldan 'das rnams kyi sangs rgyas kyi sprul pa dus thams cad du thogs pa med pa dang / sangs rgyas bcom ldan 'das rnams kyi sangs rgyas kyi rnam par 'phrul pa sna tshogs dus 
thams cad du thogs pa med pa dang / sangs rgyas bcom ldan 'das rnams chos kyi dbyings gnas pa'i sangs rgyas dus thams cad du 'byung ba ste/ kye rgyal ba'i sras bcu po de dag ni sangs rgyas bcom ldan 'das rnams kyi sangs rgyas kyi mdzad pa 'jig rten gyi 
khams thams cad du 'byung zhing dus thams cad du gnas pa'o/ /kye rgyal ba'i sras bcu po 'di dag ni de bzhin gshegs pa dgra bcom pa yang dag par rdzogs pa'i sangs rgyas rnams kyi ye shes rgya mtsho mi zad pa'i tshul rnams te/ bcu gang zhe na/ sangs rgyas bcom ldan 'das 
rnams ni de bzhin gshegs pa'i skus ye shes rgya mtsho mi zad pa'o/ /sangs rgyas bcom ldan 'das rnams ni sangs rgyas kyi phrin las tshad med pa brnyes pas ye shes rgya mtsho mi zad pa'o/ /sangs rgyas bcom ldan 'das rnams ni sangs rgyas kyi spyan gyi 
yul mnga' bas ye shes rgya mtsho mi zad pa'o/ /sangs rgyas bcom ldan 'das rnams ni dge ba'i rtsa ba tshad med pa bsam gyis mi khyab pa mnga' bas ye shes rgya mtsho mi zad pa'o/ /sangs rgyas bcom ldan 'das rnams ni chos kyi char mngon par 'bebs </font><hr>37-1-9a<br><font size=+1>
pas ye shes rgya mtsho mi zad pa'o/ /sangs rgyas bcom ldan 'das rnams ni sangs rgyas kyi yon tan dang legs pa mang po mnga' bas ye shes rgya mtsho mi zad pa'o/ /sangs rgyas bcom ldan 'das rnams ni sngon gyi mtha' 
thams cad mkhyen pa'i smon lam dang khyad par mnga' bas ye shes rgya mtsho mi zad pa'o/ /sangs rgyas bcom ldan 'das rnams ni phyi ma'i mtha'i mur 'gro ba thams cad sangs rgyas kyi phrin las rgyun mi 'chad par sgrub pas ye shes rgya mtsho mi zad pa'o/ /
sangs rgyas bcom ldan 'das rnams ni sems can gyi rigs thams cad ma lus pa'i sems dang spyod pa la ye shes rgya mtsho mi zad pa'o/ /sangs rgyas bcom ldan 'das rnams ni thams cad mkhyen pa'i bsod nams zil gyis mi non pas ye shes rgya mtsho 
mi zad pa'o/ /kye rgyal ba'i sras bcu po de dag ni de bzhin gshegs pa dgra bcom pa yang dag par rdzogs pa'i sangs rgyas rnams kyi ye shes rgya mtsho mi zad pa'o/ /kye rgyal ba'i sras bcu po 'di dag ni sangs rgyas bcom ldan 'das rnams kyi sangs 
rgyas kyi tshul rnams te/ bcu gang zhe na/ 'di lta ste/ pha rol tu phyin pa thams cad kyis mngon par byung ba 'di ni sangs rgyas bcom ldan 'das rnams kyi tshul yin no/ /'di lta ste chos thams cad la mi mkhyen pa gang yang mi mnga' ba 'di ni 
sangs rgyas bcom ldan 'das rnams kyi tshul yin no/ /'di lta ste/ thams cad kyang thugs rje chen po dang ldan pa 'di ni sangs rgyas bcom ldan 'das rnams kyi tshul yin no/ /'di lta ste thams cad kyang stobs bcu tshad med pa dang ldan pa 'di ni 
sangs rgyas bcom ldan 'das rnams kyi tshul yin no/ /'di lta ste thams cad kyang bla na med pa'i chos kyi 'khor lo rab tu bskor ba 'di ni sangs rgyas bcom ldan 'das rnams kyi tshul yin no/ /'di lta ste thams cad kyang sems can 'dul ba la yang dag </font><hr>37-1-9b<br><font size=+1>
par zhugs pa 'di ni sangs rgyas bcom ldan 'das rnams kyi tshul yin no/ /'di lta ste thams cad kyang 'gro ba thams cad kyi don du mngon par sangs rgyas pa 'di ni sangs rgyas bcom ldan 'das rnams kyi tshul yin no/ /'di lta ste 'dul ba'i sems 
can rnams 'dul ba la thogs pa mi mnga' ba 'di ni sangs rgyas bcom ldan 'das rnams kyi tshul yin no/ /'di lta ste mi gnyis par yang dag par spyod pa'i mtshan nyid kyi chos la rab tu gzhol ba 'di ni sangs rgyas bcom ldan 'das rnams kyi tshul yin 
no/ 'di lta ste ji ltar yongs su smin par 'gyur ba dang / dul bar gyur pa'i sems can rnams la sangs rgyas kyi yul mu med pas sangs rgyas kyi yongs su mya ngan las 'da' ba ston pa 'di ni sangs rgyas bcom ldan 'das rnams kyi tshul yin te/ kye 
rgyal ba'i sras bcu po de dag ni sangs rgyas bcom ldan 'das rnams kyi sangs rgyas kyi tshul lo/ /kye rgyal ba'i sras bcu po 'di dag ni sangs rgyas bcom ldan 'das rnams kyi sangs rgyas kyi chos mtha' yas pa shin tu bstan pa'i sgo rnams te/ bcu gang zhe na /
sangs rgyas bcom ldan 'das rnams ni sems can gyi khams shin tu bstan pa'i sgor mtha' yas pa'o/ /sangs rgyas bcom ldan 'das rnams ni sems can gyi spyod pa sna tshogs shin tu bstan pa'i sgor mtha' yas pa'o/ /sangs rgyas bcom 
ldan 'das rnams ni sems can thams cad kyi las dang rnam par smin pa shin tu bstan pa'i sgor mtha' yas pa'o/ /sangs rgyas bcom ldan 'das rnams ni sems can thams cad la gdams ngag dang man ngag shin tu bstan pa'i sgor mtha' yas 
pa'o/ /sangs rgyas bcom ldan 'das rnams ni sems can mtha' yas pa rnam par sbyong ba'i nan tan gyi sgor mtha' yas pa'o/ /sangs rgyas bcom ldan 'das rnams ni byang chub sems dpa'i spyod pa thams cad la gdams ngag dang man ngag gis </font><hr>37-1-10a<br><font size=+1>
yongs su gzhog pa'i sgor mtha' yas pa'o/ /sangs rgyas bcom ldan 'das rnams ni byang chub sems dpa' khyad par gyi smon lam rnam pa tha dad pas 'byung ba shin tu bstan pa'i sgor mtha' yas pa'o/ /sangs rgyas 
bcom ldan 'das rnams ni 'jig rten gyi khams thams cad ma lus pa'i 'du ba dang 'jig pa shin tu bstan pa'i sgor mtha' yas pa'o/ /sangs rgyas bcom ldan 'das rnams kyi sangs rgyas kyi zhing rnam par dag pa ni byang chub sems dpa'i bsam pa dang mos 
pa ji lta ba bzhin du yongs su bstan pa'i sgor mtha' yas pa'o/ /sangs rgyas bcom ldan 'das rnams kyi 'jig rten gyi khams ma lus pa thams cad du 'das pa dang / ma byon pa dang / da ltar byung ba'i sangs rgyas gcig nas gcig tu brgyud pa 
ni bskal pa yangs pa de dang de dag tu bstan cing brjod pa dang / yongs su bshad pas/ sangs rgyas kyi ye shes thams cad khong du chud par bya ba'i sgor mtha' yas pa ste/ kye rgyal ba'i sras bcu po de dag ni sangs rgyas bcom ldan 'das rnams 
kyi sangs rgyas kyi chos mtha' yas pa shin tu bstan pa'i sgo'o/ /kye rgyal ba'i sras bcu po 'di dag ni sangs rgyas bcom ldan 'das rnams kyi sangs rgyas kyi phrin las sems can rnams la sgrub pa ste/ bcu gang zhe na/ sangs rgyas bcom ldan 
'das rnams kyi sku yongs su bstan pa ni sems can rnams la sangs rgyas kyi phrin las sgrub bo/ /sangs rgyas bcom ldan 'das rnams kyi gsung yang sems can rnams la sangs rgyas kyi phrin las sgrub bo/ /sangs rgyas bcom ldan 'das 
rnams len pa mdzad pa yang sems can rnams la sangs rgyas kyi phrin las sgrub bo/ /sangs rgyas bcom ldan 'das rnams len pa mi mdzad pa yang sems can rnams la sangs rgyas kyi phrin las sgrub bo/ /sa dang chu dang mye dang / rlung gis </font><hr>37-1-10b<br><font size=+1>
kyang sangs rgyas bcom ldan 'das rnams sems can rnams la sangs rgyas kyi phrin las sgrub bo/ /sangs rgyas bcom ldan 'das rnams ni byin gyi rlabs kyi yul dang mi dmigs pa thams cad yul du mdzad pas kyang sems can rnams la 
sangs rgyas kyi phrin las sgrub bo/ /sangs rgyas bcom ldan 'das rnams kyi mtshan kyang sems can rnams la sangs rgyas kyi phrin las sgrub bo/ /sangs rgyas bcom ldan 'das rnams ni zhing la dmyigs par mdzad pas kyang sems can 
rnams la sangs rgyas kyi phrin las sgrub bo/ /sangs rgyas bcom ldan 'das rnams ni sangs rgyas kyi zhing rnam par dag pas kyang sems can rnams la sangs rgyas kyi phrin las sgrub bo/ /sangs rgyas bcom ldan 'das rnams mi gsung bar bzhugs pa yang sems can rnams la sangs 
rgyas kyi phrin las sgrub ste/ kye rgyal ba'i sras bcu po de dag ni sangs rgyas bcom ldan 'das kyi sangs rgyas kyi phrin las sems can rnams la sgrub pa'o// //sangs rgyas rmad gcad ces bya ba shin tu rgyas pa chen po'i mdo/bam po gnyis 
pa/ /kye rgyal ba'i sras bcu po 'di dag ni sangs rgyas bcom ldan 'das rnams kyi sems can gyi gtso bo'i chos te/ /bcu gang zhe na/ smon lam chen po la rab tu brten zhing smon lam zhig pa mi mnga' bas ji skad du gsung ba 
de ltar mdzad cing gnyis su mi gsung ba 'di ni sems can gyi gtso bo'i chos dang po'o/ /phyi ma'i mtha'i mur thug pa'i bskal pa thams cad du byang chub sems dpa'i spyod pa la yon tan thams cad yongs su rdzogs par mdzad pas rab tu brtson 
zhing sgyid lug pa mi mnga' ba 'di ni sems can gyi gtso bo'i chos gnyis pa'o/ /sems can 'dul bar 'gyur ba gcig gcig gzigs kyang 'jig rten gyi khams brjod du med pa'i yang brjod du med par gshegs shing 'jig rten gyi khams </font><hr>37-1-11a<br><font size=+1>
thams cad du gshegs pa la thag thogs med pa 'di ni sems can gyi gtso bo'i chos gsum pa'o/ /zhe sdang ba'i sems can rnams la thugs rje chen pos snyoms pa dang / dad pa'i sems can rnams la 
thugs rje chen pos snyoms pa 'di ni sems can gyi gtso bo'i chos bzhi pa'o/ /gang gi tshe bla na med pa yang dag par rdzogs pa'i byang chub tu yang dag par zhugs nas/ bla na med pa yang dag par rdzogs pa'i byang chub tu mngon par sangs rgyas 
kyi bar du de bzhin gshegs pa dgra bcom pa yang dag par rdzogs pa'i sangs rgyas su mi 'gyur ro/ /snyam du byang chub kyi sems ma nyams pa 'di ni sems can gyi gtso bo'i chos lnga pa'o/ /dge ba'i rtsa ba thams cad yang dag par sgrub 
cing/ thams cad mkhyen pa nyid du yongs su bsngo bas 'jug gi /'jig rten pa'i rgyud la ma yin pa 'di ni sems can gyi gtso bo'i chos drug pa'o/ /sangs rgyas thams cad kyi rjes su sngon sangs rgyas kyis spyad pa'i sems su lus kyi 
las dang / ngag gi las dang / yid kyi las kyis slob cing nyan thos dang / rang sangs rgyas kyi spyod pas thams cad mkhyen pa nyid du yongs su bsngo ba med pas/ bla na med pa yang dag par rdzogs pa'i byang chub tu mngon par sangs 
rgyas pa 'di ni sems can gyi gtso bo'i chos bdun pa'o/ /byang chub sems dpa'i sems rnam par dag cing 'od gsal ba dang / thams cad du snang zhing kun tu 'od 'byung ba/ sangs rgyas kyi chos thams cad la snang zhing thams 
cad du snyoms pas/ thams cad mkhyen pa nyid yongs su rdzogs par byed pa 'di ni sems can gyi gtso bo'i chos brgyad pa'o/ /'jig rten pa'i bde ba thams cad yongs su spangs te/ 'jig rten pa'i dga' ba thams cad la ma </font><hr>37-1-11b<br><font size=+1>
chags pa dang / 'jig rten thams cad kyis gos pa med pa'i smon lam thams cad du mnyam pa nyid kyis/ 'jig rten thams cad bde ba thams cad dang ldan par byas te/ sdug bsngal dang spros pa thams cad rab tu 'joms pa 'di ni 
sems can gyi gtso bo'i chos dgu pa'o/ /sdug bsngal gyi myi bde ba thams cad nyams su bab ste/ 'gro ba thams cad kyi don du dka' thub kyis shin tu gdungs kyang bla bar sems bskyed pas/ sangs rgyas thams cad kyi rigs yongs su 
bsrung ba dang ldan pa dang / stobs bcu'i sa'i bar du sangs rgyas kyi yul la mos pas mthar thug pa 'di ni sems can gyi gtso bo'i chos bcu pa ste/ kye rgyal ba'i sras bcu po de dag ni sangs rgyas bcom ldan 'das rnams kyi sems can gyi 
gtso bo'i chos so/ /kye rgyal ba'i sras bcu po 'di dag ni sangs rgyas bcom ldan 'das rnams kyi sangs rgyas kyi rnam par spyod pa chags pa med pa rnams te/ bcu gang zhe na/ sangs rgyas bcom ldan 'das rnams ni 'jig rten gyi khams ma lus 
pa thams cad du gshegs pas chags pa mi mnga' bar rnam par spyod pa yin/ sangs rgyas bcom ldan 'das rnams ni 'jig rten gyi khams ma lus pa thams cad na bzhugs pas chags pa myi mnga' bar rnam par spyod pa yin/ sangs rgyas bcom ldan 
'das rnams ni 'jig rten gyi khams thams cad na bzhugs pa dang bzhengs pa dang / bzhud pa chags pa mi mnga' bar rnam par spyod pa yin/ sangs rgyas bcom ldan 'das rnams ni 'jig rten gyi khams ma lus pa thams cad du chos ston 
pa chags pa mi mnga' bar rnam par spyod pa yin/ sangs rgyas bcom ldan 'das rnams ni 'jig rten gyi khams ma lus pa thams cad kyi dga' ldan gyi gnas na bzhugs kyang chags pa mi mnga' bar rnam par spyod pa yin/ sangs rgyas bcom </font><hr>37-1-12a<br><font size=+1>
ldan 'das rnams ni chos kyi dbyings ma lus pa thams cad kyi sngon gyi mtha' dang / phyi ma'i mtha' dang / da ltar byung ba'i mtha' la chags pa mi mnga' bar rnam par spyod pa yin/ sangs rgyas bcom ldan 'das rnams 
ni chos kyi dbyings ma lus pa thams cad tsam gyi 'khor gyi dkyil 'khor na bzhugs kyang chags pa mi mnga' bar rnam par spyod pa yin/ sangs rgyas bcom ldan 'das rnams ni sems can ma lus pa thams cad kyi sems dang spyod pa la gzigs shing / 
thugs kyi skad cig gcig la cho 'phrul chen po gsum gyis sems can rnam par 'dul yang chags pa myi mnga' bar rnam par spyod pa yin/ sangs rgyas bcom ldan 'das rnams ni sku gcig gis kyang tshad myed pa bsam gyis mi khyab pa'i sangs 
rgyas kyi rnam par spyod pa chen por rnam par spyod kyang chags pa myi mnga' bar rnam par spyod pa yin/ sangs rgyas bcom ldan 'das rnams ni sems can gyi khams 'byam klas pa ma lus pa thams cad du de bzhin gshegs pa'i chos ma lus pa thams 
cad kyi mthar thug pa bsam gyis myi khyab par ston cing gsung yang chags pa mi mnga' bar rnam par spyod pa yin te/ kye rgyal ba'i sras bcu po de dag ni sangs rgyas bcom ldan 'das rnams kyi sangs rgyas kyi rnam par spyod pa chags pa med pa'o/ /
kye rgyal ba'i sras bcu po 'di dag ni sangs rgyas bcom ldan 'das rnams kyi sangs rgyas kyi rgyan mchog dam pa bla na med pa rnams te/ bcu gang zhe na/ sangs rgyas bcom ldan 'das rnams kyi sku mtshan dang dpe byad bzang po sna tshogs kyis rnam par brgyan pa 
ni/ sangs rgyas bcom ldan 'das rnams kyi sku'i rgyan mchog dam pa bla na med pa'o/ /sangs rgyas bcom ldan 'das rnams kyi gsung yan lag gi mchog dam pa drug cu dang ldan zhing / yan lag lnga brgyas yongs su bzung ba dang /</font><hr>37-1-12b<br><font size=+1>
rgyan brgya stong du mas rab tu brgyan pa dang / dbyangs kyi yan lag mtha' yas mu med pas rnam par dag pa dang / sangs rgyas kyi chos kyi don dang tshig dang yi ge brjod du med pa'i yang brjod du med pas rab tu tshim par mdzad pa dang / bag 
tsha ba mi mnga' bar seng ge'i nga ro chen po sgrog pa dang / 'jigs pa myed pa chen pos bsnyengs pa mi mnga' par gyur pa dang / chos kyi dbyings ma lus pa thams cad du sems can thams cad la grag cing gsal te/ khong du chud par 'gyur ba 
dang/ sems can bsam pa tha dad pa dang / dbang po tha dad pa rnam pa sna tshogs 'dul bar nye bar gnas pa 'di ni sangs rgyas bcom ldan 'das rnams kyi gsung gi rgyan mchog dam pa bla na med pa'o/ /sangs rgyas bcom ldan 'das rnams kyi 
thugs kyi phrin las ni stobs bcus brgyan pa sangs rgyas kyi ting nge 'dzin chen po thams cad kyi me tog shin tu rgyas pa sangs rgyas kyi chos ma 'dres pa bcwo brgyad kyi rgyan gyis shin tu brgyan cing bsgrubs pas chags pa med pa'i spyod yul dang ldan pa chos kyi 
dbyings kyi gzhi la rab tu rten pa/ sangs rgyas thams cad kyi chos gting med pa rab tu brnyes pa/ chos kyi dbyings ma lus pa thams cad kyi rgyan du gyur pa/ dus gsum gyi chos kyi dbyings ma lus pa thams cad kyi sems can kun gyi 
sems dang spyod pa thams cad skad cig gcig dang ldan pa'i shes rab kyis rab tu mkhyen pa ste/ 'di ni sangs rgyas bcom ldan 'das rnams kyi thugs kyi rgyan mchog dam pa bla na med pa'o/ /sangs rgyas bcom ldan 'das rnams ni 'od zer 
bye ba brjod du med pa rab tu 'gyed par mdzad de/ 'od zer de dag re re la yang 'od zer gyi 'khor gyi dra ba brjod du med pa dang ldan pa/ sangs rgyas kyi zhing 'byam klas pa thams cad ma lus par snang bar byed cing 'jig rten gyi khams kyi rgyud thams </font><hr>37-1-13a<br><font size=+1>
cad mun pa med par ston pa/ sangs rgyas skye ba dang mi 'bral bas/ sangs rgyas kyi phrin las las phyir mi ldog cing don yod pa/ sangs rgyas skye ba brjod du med pas gnas pa med pa rang bzhin rnam par dag cing 
kun tu snyoms par 'byung ba ste/ 'di ni sangs rgyas bcom ldan 'das rnams kyi 'od zer gyi rgyan mchog dam pa bla na med pa'o/ /sangs rgyas bcom ldan 'das rnams bzhad mo 'dzum par ston na/ zhal gyi sgo nas 'od zer kha dog sna tshogs 
kha dog du ma dang ldan pa bye ba khrag khrig brgya stong brjod du myed pa phyogs bcu'i 'jig rten gyi khams ma lus pa thams cad snang bar byed pa sems can gyi khams tshad med grangs med bsam gyis myi khyab pa rnam par ston pa/ bla na med pa yang dag par 
rdzogs pa'i byang chub tu rnam pa gzhan du mi 'gyur bar lung ston pa/ 'gro ba thams cad du shin tu gsal bar 'byung ste/'di ni sangs rgyas bcom ldan 'das rnams kyi bzhad mo 'dzum pa bstan pa'i rgyan mchog dam pa bla na med pa'o/ /sangs 
rgyas bcom ldan 'das rnams kyi chos kyi sku ni tshad med pa ste/ bsgribs pa med pas rnam par dag pa chos thams cad chags pa med pa nyid kyi mthar thug pa mtha' dang dbus med pa'i chos kyi dbyings la gnas pa/ 'jig rten thams cad 
dang ma 'dres pa'i 'jig rten thams cad dang 'dzi ba med pa/ 'jig rten thams cad kyi de kho na nyid la yang dag par zhugs pa/ 'jig rten thams cad las gyen du 'phags pa/ 'jig rten thams cad las 'das pa'i chos kyis yang dag par 
spyod pa/ tshig gi lam dang bral ba/ brjod du med pa'i mthar phyin pa/ phung po dang khams dang / skye mched dang bral ba ste/ 'di ni sangs rgyas bcom ldan 'das rnams kyi chos kyi sku'i rgyan mchog dam pa bla na med pa'o/ /sangs rgyas </font><hr>37-1-13b<br><font size=+1>
bcom ldan 'das rnams ni 'od tshad med pa mnga' ba ste/ 'jig rten gyi khams ma lus pa thams cad du 'od ma 'dres shing / rgyan du ma dang ldan pa kha dog sna tshogs brjod du med pa'i yang brjod du med pa'i rgyan dang ldan pa/ 'od kyi snang ba kun tu thogs 
pa med cing / thams cad du chags pa med pa 'od kyi dkyil 'khor bsgribs pa med pa tshad med pa'i mdzod du gyur pa/ 'od thams cad kyi 'byung gnas su gyur pa ste/ 'di ni sangs rgyas bcom ldan 'das rnams kyi 'od kyi rgyan mchog dam pa bla na med pa'o/ /
sangs rgyas bcom ldan 'das rnams ni kha dog mtha' yas pa mnga' ba ste/ kha dog yid du 'ong ba mnga' ba'o/ /kha dog 'od gsal ba mnga' ba'o/ /kha dog tshad med pa mnga' ba'o/ /sems can gyi khams ma lus pa thams cad kyi 
bsam pa dang / mos pa bzhin du rnam par dmigs pa'i kha dog mnga' ba'o/ /de ma yin pa'i kha dog gzhan khams gsum du gtogs pa thams cad zil gyis gnon pa'i kha dog mnga' ba'o/ /kha dog thams cad kyi pha rol tu phyin pa 
brnyes pas sangs rgyas bcom ldan 'das rnams ni kha dog bla na med pa mnga' ba ste/ 'di ni sangs rgyas bcom ldan 'das rnams kyi kha dog gi rgyan mchog dam pa bla na med pa'o/ /sangs rgyas bcom ldan 'das rnams ni dge bas shin tu rnam par 
dag pa ste/ 'das pa dang / ma byon pa dang da ltar byung ba'i sangs rgyas thams cad kyi rigs dge ba rin po che'i 'byung gnas su gyur pa la shin tu byung ba'o/ /chos nyid kyi rnam pa thams cad du khyad par yod pa dang khyad par med pa'i spyod pas 
rnam par dag pa'i rgyan gyi ye shes skye ba thams cad kyi nang du gtogs pa dang / de bzhin gshegs pa'i rigs bsgribs pa med pa'i rgyud rnam par dag pas/ 'jig rten gyi mi snyan pa thams cad kyis mi snyan par brjod du med pa ste/ 'di ni sangs </font><hr>37-1-14a<br><font size=+1>
rgyas bcom ldan 'das rnams kyi sangs rgyas kyi rigs dang / rgyud rnam par dag pa'i rgyan mchog dam pa bla na med pa'o/ /sangs rgyas bcom ldan 'das rnams ni byams pa chen po'i mthu dang rang bzhin gyi rgyan mnga' ba ste/ 
shin tu dang ba yongs su rtog pa'i rnyog pa myi mnga' ba sku'i phrin las yongs su gsal ba blta bas mi skyo ba/ dgongs pa shin tu rnam par gsal ba/ thugs rje chen po mnga' ba/ 'gro ba thams cad skyob pa yon gyi gnas kyi dam pa bla na med pa 
yongs su 'dzin pa'i nang na thugs brtse ba can phan par mdzad pa sems can thams cad kyi don tu ye shes chen po byin gyis brlab ste/ bsod nams chen pos yongs su 'phags pa 'gro ba thams cad kyi bsod nams kyi zhing du gyur pa sems can 
rnams kyi yon tan dang / ye shes kyi phung po thams cad rnam par 'phel bar mdzad pa ste/ 'di ni sangs rgyas bcom ldan 'das rnams kyi byams pa chen po dang / thugs rje chen po'i mthar thug pa'i bsod nams kyi rgyan mchog dam pa bla na med 
pa'o/ /kye rgyal ba'i sras bcu po de dag ni sangs rgyas bcom ldan 'das rnams kyi sangs rgyas kyi rgyan mchog dam pa bla na med pa'o/ /kye rgyal ba'i sras bcu po 'di dag ni sangs rgyas bcom ldan 'das rnams kyi sangs rgyas kyi mnga' chen pos mnga' 
bsgyur ba'i chos rnams te/ bcu gang zhe na/ sangs rgyas bcom ldan 'das rnams ni chos thams cad la mnga' ba dang / chos thams cad la snang bar mdzad pa'i mnga' bsgyur bas/ tshig dang yi ge mtha' yas pa la thogs pa mi mnga' ba'i 
spobs pa mnga' ba dang / chos thams cad ma lus par yongs su brjod pas mnga' che ba ste/ 'di ni sangs rgyas bcom ldan 'das rnams kyi sangs rgyas kyi mnga' chen pos mnga' bsgyur ba'i chos dang po'o/ /sangs rgyas bcom ldan 'das </font><hr>37-1-14b<br><font size=+1>
rnams ni sems can ji ltar yongs su smin pa dang / smon lam ji ltar btab pa'i tshul bzhin du/ 'dul ba la thogs pa mi mnga' bas mnga' che ba ste/ 'di ni sangs rgyas kyi mnga' chen pos mnga' bsgyur ba'i chos gnyis pa'o/ /sangs rgyas 
bcom ldan 'das rnams ni 'jig rten gyi khams ma lus pa thams cad sems can gcig la yang gnod pa med par rnam pa drug tu rab tu bskyod pa dang / 'jig rten gyi khams rgyan rnam par bkod pa grangs med tshad med pa dang ldan pa nam mkha'i dbyings 
kyi mthas gtugs pa thams cad gcig nas gcig tu 'phang ba dang / gcig nas gcig tu gzhug pa dang /gcig nas gcig tu bsdu ba dang / gcig nas gcig tu bsre bas 'jig rten gyi khams gzhan dang gzhan dag gzhan dang gzhan gyi phyogs 
su rab tu bzhag kyang sems can gyi khams rnams 'khor zhing rmongs par mi 'gyur la/ the tsom du mi 'gyur bar mdzad pas mnga' che ba ste/ 'di ni sangs rgyas kyi mnga' chen pos mnga' bsgyur ba'i chos gsum pa'o/ /sangs rgyas bcom ldan 
'das rnams ni 'jig rten gyi khams ma lus pa thams cad byin gyis rlob pa'i ye shes kyis 'jig rten gyi khams kyi rgyan phan tshun du byin gyis brlab pa dang / dgongs pa'i skad cig gis 'jig rten gyi khams thams cad kyi rgyan yang dag par 
bstan pa dang / bskal pa grangs med par brjod kyang yi ge shin tu bstan pa zad mi shes pa dang / 'jig rten gyi khams ma lus pa thams cad rgyan thams cad kyis rnam par brgyan pa dang / mi mthun pa med cing nye bar nyon mongs pa med pa dang / 
sangs rgyas kyi zhing gcig tu yongs su 'du bar sangs rgyas kyi zhing rnam par dag pa thams cad byin gyis brlab pa la mnga' che ba ste/ 'di ni sangs rgyas bcom ldan 'das rnams kyi sangs rgyas kyi mnga' chen pos mnga' bsgyur ba'i chos bzhi pa'o/ /sangs rgyas </font><hr>37-1-15a<br><font size=+1>
bcom ldan 'das rnams ni sangs rgyas kyis 'dul ba'i sems can gzigs na sems can gcig gi don du bskal pa brjod du med pa'i yang brjod du med par skyil mo krung gcig gis bzhugs na yang de bzhin gshegs pa'i sku la myi 
bde ba mi mnga' zhing thugs la mi bde ba mi mnga' ste/gang zag de yang mi bsnyel bas 'dul ba'i dus las mi 'da' ba dang / gang zag gcig la ji lta ba de bzhin du rim pa rim pas/ 'jig rten gyi khams ma lus pa thams cad du phyi ma'i mtha'i 
mur thug pa'i sku tshe la mnga' bar byin gyis brlabs te bzhugs kyang / sangs rgyas bcom ldan 'das rnams la skyo ba mi mnga' ste/ de ltar sems can gyi khams thams cad mthar gyis rim pas sangs rgyas kyis 'dul ba'i gang zag gi 
don du yongs su skyo bar mdzad pa la mnga' che ba ste/ 'di ni sangs rgyas bcom ldan 'das rnams kyi mnga' chen pos mnga' bsgyur ba'i chos lnga pa'o/ /sangs rgyas bcom ldan 'das rnams ni 'jig rten gyi khams ma lus pa thams cad du 
yang dag par gzhol ba'i de bzhin gshegs pa bzhud pas 'jig rten gyi khams thams cad du bzhud pa la thag thogs mi mnga' ba dang / phyogs bcu'i chos kyi dbyings ma lus pa thams cad kyi 'jig rten gyi khams kyi rgyud rgya mtsho 'byam klas pa 
dang / phyogs kyi dra ba'i rgyud thams cad du dgongs pa'i skad cig gcig dang ldan pa'i bzhud par byin gyis rlob cing / chos kyi dbyings shin tu bstan pa khong du chud par bya bas chos kyi 'khor lo thogs pa med pa rab tu bskor ba la mnga' 
che ba ste/ 'di ni sangs rgyas bcom ldan 'das rnams kyi mnga' chen pos mnga' bsgyur ba'i chos drug pa'o/ /sangs rgyas bcom ldan 'das rnams ni 'dul ba'i sems can gyi khams thams cad kyi don du dgongs pa'i skad cig re re la/</font><hr>37-1-15b<br><font size=+1>
bla na med pa yang dag par rdzogs pa'i byang chub tu mngon par 'tshang rgya bar mnga' che ba ste/ de la chos thams cad mngon par sangs ma rgyas pa gang yang med la/ gang mngon par sangs rgyas pa gang yang med la/ gang gis mngon par sangs 
rgyas pa'ang med de/ /mngon par 'tshang rgya bar 'gyur ba med kyang slob pa'i sa la gnas shing / mngon par 'tshang rgya bar yang mi brjod pa dang / sangs rgyas kyi chos thams cad kyang bsgribs pa med par rtogs par thugs su chud pas 
sems can thams cad gdul ba'i don du ye shes tshad med pa'i tshul gyis sangs rgyas kyi rnam par 'phrul pa chen po'i yul yongs su rgyun mi gcod pa 'di ni/ sangs rgyas bcom ldan 'das rnams kyi sangs rgyas kyi mnga' chen pos mnga' 
bsgyur ba'i chos bdun pa'o/ /sangs rgyas bcom ldan 'das rnams ni spyan gyi skye mched kyis sangs rgyas kyi phrin las gang bsgrub pa de snyan gyi skye mched kyis yongs su grub par mdzad do/ /snyan gyi skye mched kyis sangs rgyas kyi phrin las 
gang bsgrub pa de shangs kyi skye mched kyis yongs su grub par mdzad do/ /shangs kyi skye mched kyis sangs rgyas kyi phrin las gang bsgrub pa de ljags kyi skye mched kyis yongs su grub par mdzad do/ /ljags kyi skye mched kyis sangs rgyas 
kyi phrin las gang bsgrub pa de ni sku'i skye mched kyis yongs su grub par mdzad do/ /sku'i skye mched kyis sangs rgyas kyi phrin las gang bsgrub pa de thugs kyi skye mched kyis yongs su grub par mdzad do/ /thugs kyi skye mched kyis sangs rgyas kyi 
phrin las gang bsgrub pa de 'jig rten gyi khams ma lus pa thams cad kyi dmigs pa 'jig rten pa dang / 'jig rten las 'das pa sna tshogs rnam par phye ba thams cad du grub par mdzad do/ /de bzhin du dmigs pa thams cad re re yang snrel </font><hr>37-1-16a<br><font size=+1>
zhir bsgrub pas sangs rgyas kyi phrin las bsgrub pa la mnga' che ba ste/ 'di ni sangs rgyas bcom ldan 'das rnams kyi sangs rgyas kyi mnga' chen pos mnga' bsgyur ba'i chos brgyad pa'o/ /sangs rgyas bcom ldan 'das rnams ni rang gi sku'i 
ba spu'i bu ga gcig gi nang du sems can gyi khams ma lus pa thams cad gzud pa mdzad cing khongs su chud par mdzad pa dang / sems can re re zhing yang lus sangs rgyas kyi zhing brjod du med pa tsam du yangs par mdzad kyang sems can de dag la gnod pa dang 
mi bde bar mi 'gyur ba dang / de dag tu yang sems can re re zhing 'jig rten gyi khams gcig tu brgyud pas bskal pa grangs med pa zad par gnas par bya ba dang / 'jig rten gyi khams grangs med par gom pa gcig gis phyin pas/ 'jig rten gyi 
khams de dag tu sangs rgyas byung ba rnams kyi spyan sngar 'gro bar bya ba dang / sangs rgyas de dag byung ba'i tshe yang brjod du med pa'i 'jig rten gyi khams kyi rgyud dang / gling de dag na sems can gyi gtso bo brjod du med pa'i yang brjod du med pa'i chos kyi 
'khor lo bskor bar bya ba dang / ba spu'i bu ga de nas sangs rgyas gcig nas gcig tu brgyud pa brjod du med pa'i yang brjod du med pa 'byung bar bya ba dang / sems can gcig nas gcig tu brgyud pa brjod du med pa'i yang brjod du med pa 'byung bar 
bya ba dang / chos kyi 'khor lo gcig nas gcig tu brgyud pa brjod du med pa'i yang brjod du med pa bskor bar bya ba dang / chos kyi dbyings bstan pa gcig nas gcig tu brgyud pa brjod du med pa'i yang brjod du med pa shin tu bstan par bya ba dang / 'das pa gcig nas 
gcig tu brgyud pa brjod du med pa dang / ma 'ongs pa gcig nas gcig tu brgyud pa brjod du med pa dang / da ltar byung ba gcig nas gcig tu brgyud pa brjod du med pa yongs su rdzogs par bya ba dang / nam mkha'i dbyings mtha' dang dbus med par </font><hr>37-1-16b<br><font size=+1>
bstan pa kun tu mtshams med par sems can thams cad 'ong zhing 'gro ba dang / skye ba'i skye mched thams cad du 'dod pa'i longs spyod rgya chen po bgegs med pa thams cad 'byung bar bya ba la mnga' che ba ste/ 'di ni sangs rgyas bcom ldan 'das 
rnams kyi sangs rgyas kyi mnga' chen pos mnga' bsgyur ba'i chos dgu pa'o/ /sangs rgyas bcom ldan 'das rnams ni chos kyi dbyings ma lus pa thams cad du pad+mo'i rgyan chen pos brgyan bI seng ge'i khri pad mo'i snying po can la de bzhin 
gshegs pa gcig gi chos kyi dbyings tshad med pa thams cad du khyab pa'i skus byang chub tu mngon par rdzogs par sangs rgyas te/ sangs rgyas kyi rnam par 'phrul pa thams cad yongs su bstan par mdzad pa dang / de bzhin gshegs pa gcig 
gis ji lta bar 'jig rten gyi khams thams cad kyi rdul shin tu phra ba snyed kyi sems can gyi gtso bo thams cad kyang de bzhin du dgongs pa skad cig ma re re'i byin gyi rlabs kyis brlabs pa dang / dgongs pa skad cig la ji lta ba de bzhin du dgongs pa 
skad cig ma thams cad la yang / pad mo'i rgyud kyis yongs su dag par mngon par 'tshang rgya bar bya ba dang / de bzhin du chos kyi dbyings thams cad ma lus pa'i sangs rgyas kyi zhing brjod du med pa rnam par dag pa/ rgyan sna tshogs dang ldan 
pa'i 'jig rten gyi khams su dmigs pa rnam pa sna tshogs dang ldan pa'i zhing rnam par dag pa 'byam klas pa/ brjod du med pa mtshan nyid tha dad pa rnam pa tha dad pa'i rgyud tshad med cing 'byam klas pa/ dus kyi rgyud grangs med pa dang ldan pa bstan 
pa ma 'dres pa dang ldan pa/ blo tshad med pa dang mos pa shin tu yangs pa dang ldan pa/ mtshan nyid sna tshogs kyi gnas med pa/ mtshan nyid bsam gyis mi khyab pa dang ldan pa/ tshad med pa thams cad dgongs pa skad cig ma las dgongs pa </font><hr>37-1-17a<br><font size=+1>
skad cig ma gcig gis thams cad yongs su bstan kyang / sangs rgyas bcom ldan 'das rnams ched du bsgrub pa mi mdzad pa la mnga' che ba ste/ 'di ni sangs rgyas bcom ldan 'das rnams kyi sangs rgyas kyi mnga' chen 
pos mnga' bsgyur ba'i chos bcu pa'o/ /kye rgyal ba'i sras bcu po de dag ni sangs rgyas bcom ldan 'das rnams kyi sangs rgyas kyi mnga' chen pos mnga' bsgyur ba'i chos so/ /kye rgyal ba'i sras bcu po 'di dag ni sangs rgyas bcom ldan 'das rnams kyi sangs rgyas kyi 
chos yongs su rdzogs pa tshad med pa bsam gyis mi khyab pa rnams te/ bcu gang zhe na/ mtshan re re zhing bsod nams brgya pa'i mtshan yongs su dag par 'gyur ba 'di ni yongs su rdzogs pa dang po ste/ des sangs rgyas bcom ldan 
'das rnams byang chub tu mngon par 'tshang rgya'o/ /sangs rgyas kyi chos rnams yongs su rdzogs pas/ sangs rgyas bcom ldan 'das rnams byang chub tu mngon par 'tshang rgya'o/ /dge ba'i rtsa ba thams cad yongs su rdzogs pas sangs rgyas bcom ldan 
'das rnams byang chub tu mngon par 'tshang rgya'o/ /yon tan thams cad kyi 'byung gnas phun sum tshogs pa'i spyod pa yongs su dag pa yongs su rdzogs pas/ sangs rgyas bcom ldan 'das rnams byang chub tu mngon par 'tshang rgya'o/ /sems 
can yongs su smin par bya ba dang / gdul ba yongs su rdzogs pas sangs rgyas bcom ldan 'das rnams byang chub tu mngon par 'tshang rgya'o/ /sangs rgyas kyi mnga' 'gro ba thams cad kyis zil gyis mi non pa/ yongs su rdzogs pas sangs 
rgyas bcom ldan 'das rnams byang chub tu mngon par 'tshang rgya'o/ /zhing yongs su dag par bya ba yongs su rdzogs pas sangs rgyas bcom ldan 'das rnams byang chub tu mngon par 'tshang rgya'o/ /thams cad mkhyen pa'i ye shes yongs su rdzogs </font><hr>37-1-17b<br><font size=+1>
pas sangs rgyas bcom ldan 'das rnams byang chub tu mngon par 'tshang rgya'o/ /mtshan dang dpe byad bzang po dang gzugs kyi sku blta na don yod pa yongs su rdzogs pas sangs rgyas bcom ldan 'das rnams byang chub tu mngon par 'tshang rgya'o/ /
de bzhin gshegs pa thams cad dang mnyam pa nyid yongs su rdzogs pas sangs rgyas bcom ldan 'das rnams byang chub tu mngon par 'tshang rgya ste/ sangs rgyas kyi phrin las thams cad yongs su rdzogs par mdzad nas yongs su mya ngan las 'da' 'o/ /
kye rgyal ba'i sras bcu po de dag ni sangs rgyas bcom ldan 'das rnams kyi sangs rgyas kyi chos yongs su rdzogs pa tshad med pa bsam gyis mi khyab pa'o/ /kye rgyal ba'i sras bcu po 'di dag ni sangs rgyas bcom ldan 'das rnams kyi thabs mkhas 
pa ste/ bcu gang zhe na/ sangs rgyas bcom ldan 'das rnams ni chos thams cad byin gyis brlabs pa med cing spros pa thams cad med par yang thugs su chud la/ dge ba'i sgo nas sangs rgyas kyi byin gyi rlabs kyang shin tu ston cing brjod de/ 
'di ni sangs rgyas bcom ldan 'das rnams kyi sangs rgyas kyi thabs mkhas pa dang po'o/ /sangs rgyas bcom ldan 'das rnams ni chos thams cad la gzigs pa med cing phan tshun du mkhyen pa med do/ /ma bcings ma grol ba dang gzung ba med 
cing bstsags pa med de/ yongs su rdzogs pa med par yang thugs su chud la sangs rgyas kyi chos thams cad la mnga' dam pa'ang brnyes te/ sangs rgyas bcom ldan 'das rnams chos thams cad la mnga' bsgyur ba de yang / yang dag pa 
de kho na nyid ma nor ba rnam pa gzhan du mi 'gyur ba dang / chos thams cad bdag gi med cing yongs su 'dzin pa med la de kho na nyid kyi mtha' las rnam par mi 'da' yang / sangs rgyas bcom ldan 'das rnams ni mnga' chen pos chos kyi dbyings thams </font><hr>37-1-18a<br><font size=+1>
cad snang ba la yang / rab tu mkhyen pa 'di ni sangs rgyas bcom ldan 'das rnams kyi/ sangs rgyas kyi thabs mkhas pa gnyis pa'o/ /sangs rgyas bcom ldan 'das rnams ni mtshan ma'i mtha' thams cad mi mnga' ste/ 
mtshan ma thams cad dang mi 'grogs shing / mtshan ma'i mngon par shes pa thams cad dang ma 'dres la de'i rang bzhin du ngo bo nyid med pa dang / ji ltar ngo bo nyid med pa'i sgra'i tshul thams cad thugs su chud kyang gzugs kyi mtshan ma'i sku 
gzugs rnam par dag pa grangs med pa dang / zhing gi mtshan ma dang rnam par spyod pa'i mtshan ma zad mi shes pa rnam pa sna tshogs yang dag par bstan cing bshad pa'i ye shes kyi phung po mun pa med pa 'gro ba thams cad kyi sgron ma chen por gyur pas/ mun 
pa med pa'i snang ba ston pa 'di ni sangs rgyas bcom ldan 'das rnams kyi sangs rgyas kyi thabs mkhas pa gsum pa'o/ /chags pa med pa'i mtha' ni sngon gyi mtha' yang ma yin/ phyi ma'i mtha' yang ma yin/ da ltar byung ba yang ma yin te/ chos 
kyi dbyings su gnas pa ni 'das pa'am/ ma 'ongs pa'am/ da ltar byung ba yang ma yin pas de bzhin nyid kyi mtshan nyid kyis 'byung ba med kyang / sangs rgyas 'byung ba rnams kyi rigs tshad med pa'i phyir shin tu bstan pa brjod du med pas 
'das pa dang / ma byon pa dang / da ltar byung ba'i sangs rgyas skye ba yang rab tu brjod cing kun tu gzigs pa'i sangs rgyas kyi yul gyis de bzhin du gzigs pa 'di ni/ sangs rgyas bcom ldan 'das rnams kyi sangs rgyas kyi thabs mkhas 
pa bzhi pa'o/ /sangs rgyas bcom ldan 'das rnams ni sku'i phrin las dang gsung gi phrin las dang / thugs kyi phrin las kyis mngon par 'du mdzad pa yang mi mnga' la/ yongs su blang ba mi mnga' bas bzhugs shing / rnam par phye ba med </font><hr>37-1-18b<br><font size=+1>
pa'i mthar thug pa ste/ dor ba med pa'i chos kyi gnas kyi pha rol tu phyin pa la/ bgrang ba'i tshul las rnam par 'das kyang tshul des ba med pa'i mdzod du gyur cing / bgrang ba dang mngon par bsgrub pa mtha' yas pa dang / 'jig rten pa dang / 
'jig rten las 'das pa rnam pa sna tshogs tha dad pa'i grangs kyi tshul thugs su chud pa ye shes bsgribs pa med pas gzigs pa rnams te/ chos kyi dbyings ma lus pa thams cad kyi sems can gdul ba rnam par dmigs pa la/ rdzu 'phrul sna tshogs 
tshad med mu med par mngon par sgrub par mdzad pa 'di ni sangs rgyas bcom ldan 'das rnams kyi thabs mkhas pa lnga pa'o/ /chos thams cad lta ba med pas tha mi dad pa dang bye brag med pa dang / 'byung ba med pa dang mtshan nyid med pa dang / sna tshogs 
med pa dang / blang ba med pa dang / dor ba med pa dang / rang bzhin med par rab tu mkhyen kyang / chos kyi rgyud shin tu nges pa yang dag par sgrub cing / 'jig rten gyi tshul dang 'gal ba med pa dang / rang bzhin med pa yang yang dag par gzigs 
pas thams cad mkhyen pa/ thams cad gzigs pa mkhyen par bya ba thams cad ma lus par gzigs pas chos la mnga' bsgyur ba thams cad kyang rab tu ston la/ de bzhin nyid kyi rang bzhin las kyang mi nyams pa 'di ni sangs rgyas bcom 
ldan 'das rnams kyi sangs rgyas kyi thabs mkhas pa drug pa'o/ /sangs rgyas bcom ldan 'das rnams ni thugs su chud pa'i rnam pa gcig gis gzhan dang gzhan mkhyen par bya ba chos de'i skyon med pa las rnam par ma 'das pa gnas med pa dge 
ba'i rtsa ba rnam par dag pa mnyam pa nyid kyi chos skyon med pas/ dus thams cad du gnas pa rab tu mkhyen te/ de la yang nyi ma gcig gam/ zla ba phyed dam/ lo gcig gam/ lo brgya 'am/ bskal pa 'jig pa dang / 'du </font><hr>37-1-19a<br><font size=+1>
bas rjes su bsnyag pa dang / phyir phyogs pa mi mnga' bar dus tshad med pa dang / nyi ma gcig dang / yud tsam gcig gi dus dang snga dro nas nyi ma phyed kyi dus dang / phyi dro nas snga dro'i dus dang / nyi ma gung nas phyi dro'i dus 
dang/ nyi ma bgrangs pa'i dus dang / nyi ma bdun dang / zla ba phyed kyi dus dang / zla ba dang / lo dang / lo brgya'i dus dang bskal pa gcig gi dus dang / tshad med grangs med pa bsam gyis mi khyab pa'i dus nas/ phyi ma'i mtha'i mur thug 
pa'i dus su chos bstan pa dang / chos kyi 'khor lo thogs pa med cing phyir mi ldog /rgyun chad par mi 'gyur/ bral bar mi 'gyur/ bar chad par mi 'gyur/ med par mi 'gyur/ 'jig par mi 'gyur/ g.yo bar mi 'gyur/ ring du mi 
'gyur/ 'khor de na gnas pa nyid du yang rgyun chad par mi 'gyur te/ 'di ni sangs rgyas bcom ldan 'das rnams kyi sangs rgyas kyi thabs mkhas pa bdun pa'o/ /sangs rgyas bcom ldan 'das rnams ni chos kyi dbyings ma lus pa thams cad du rtag 
tu dus la bab par bzhugs pa ste/ sangs rgyas bcom ldan 'das rnams ni mi 'jigs pa tshad med pa mnga' ba'o/ /so so yang dag par rig pa grangs med pa mnga' ba'o/ /so so yang dag par rig pa tshad med pa mnga' ba'o/ /so so yang 
dag par rig pa zad mi shes pa mnga' ba'o/ /so so yang dag par rig pa thogs pa med pa mnga' ba'o/ /so so yang dag par rig pa mtha' yas pa mnga' ba'o/ /thun mong ma yin pa'i so so yang dag par rig pa mnga' ba'o/ /so so 
yang dag par rig pa mthar thug pa med pa mnga' ba'o/ /so so yang dag par rig pa de kho na dang ldan pa mnga' ba'o/ /so so yang dag par rig pa tshig gi tshul thams cad rab tu rtogs pa mnga' ba'o/ /chos thams cad </font><hr>37-1-19b<br><font size=+1>
so so yang dag par rig pa mnga' ba'o/ /bsam pa dang mos pa dang / dbang po ji lta ba bzhin du chos kyi tshul dang rnam grangs tshul ji ltar rnam par bkod pa bzhin du sa mtshams med par ston te/ mdo sde bye ba khrag khrig brjod du med pa'i yang 
brjod du med pa rnams mdo sde de dang de la thog ma dang tha ma dang dbus kyi tshul gyis yang dag par ston te/ 'di ni sangs rgyas bcom ldan 'das rnams kyi sangs rgyas kyi thabs mkhas pa brgyad pa'o/ /sangs rgyas bcom ldan 'das rnams ni ming med kyang mying dang rigs su 
'byung ba'i chos thams cad tshig dang yi ges shin tu dbyangs pa'i dbyings mngon par sangs rgyas pa ste/ mying 'das pa ma yin pa dang / mying ma 'ongs pa ma yin pa dang / mying da ltar byung ba ma yin pa dang / mying sems can ma yin pa dang / mying 
zhing ma yin pa dang / mying chos ma yin pa dang / ming yon tan ma yin pa dang / mying byang chub sems dpa' ma yin pa dang / mying sangs rgyas ma yin pa dang / mying grangs ma yin pa dang / mying grangs med pa ma yin pa dang / mying skye ba 
ma yin pa dang / mying 'gag pa ma yin pa dang / mying myed pa ma yin pa dang / mying yod pa ma yin pa dang / mying gcig pa ma yin pa dang / mying tha dad pa ma yin pa dang / mying thams cad ma yin pa dang / chos thams cad rang bzhin gyis 
brjod du med pa dang / phyogs med pa dang / brda med pa dang / tshig gi lam med pa/ sgra dang bral ba dang / sgra'i rnam pa thams cad mi 'byung ba/ yongs su bsgrubs pa med pa/ byas pa dang rnam par byas pa med pa rnam pa gcig ma yin 
pa/ rnam pa mang po ma yin pa yang thugs su chud la/ brjod pa dang spyod pa thams cad la yang pha rol tu phyin pa'i mchog brnyes pa dag ste/ rnam par rtog pa'i yul mi mnga' bdag go /mngon par 'du mdzad pa med pa la rab tu brtson pa dag go /</font><hr>37-1-20a<br><font size=+1>
rtog pa dang kun tu rtog pa dang yongs su rtog pa 'gags pa dag go /spyod pa thams cad la mi gnas par spyod pa dag ste/ 'di ni sangs rgyas bcom ldan 'das rnams kyi sangs rgyas kyi thabs mkhas pa dgu pa'o/ /
sangs rgyas bcom ldan 'das rnams ni chos thams cad kyi gzugs ma skyes pa rab tu mkhyen pa ste tshor ba'i spros pa med pa dang / 'du shes kyi grangs med pa dang / 'du byed kun tu rgyu ba med pa dang / rnam par shes pa nye bar len pa med pa dang / rang bzhin 
gyis zhi ba rab tu mkhyen te/ chos thams cad skye mched kyi rgyud med pa dang / khams rnams mi dmigs pa dang / chos thams cad mi 'jig pa dang / chos thams cad bskyod du med cing / rang bzhin gyis nam mkha' lta bu dang / chos 
thams cad dben pa dang / las med pa dang / rnam par smin pa med pa dang / spyod pas 'byung ba med pa dang / ma grub pa dang / ma byung ba dang / grangs kyis mi brjod pa dang / yod pa ma yin pa dang / med pa ma yin pa dang / ma skyes pa 
dang / ma 'gags pa dang / kun nas nyon mongs pa med pa dang / rnam par byang ba med pa dang / skyon med pa dang / gnas pa med pa dang / yongs su gnas pa med pa dang / yongs su smin par byas pa med pa dang / rnam par btul ba med pa dang / 
sems can med pa dang / sems can med pa ma yin pa dang / srog med pa dang / srog med pa ma yin pa dang / rkyen med pa dang / rkyen med pa ma yin pa dang / rten pa med pa dang / rten pa med pa ma yin par chos thams cad thugs su chud kyang chos kyi dbyings 
thams cad shin tu bstan pa la pha rol tu phyin pa'i dam pa brnyes pa dag ste/ nges pa dang ma nges pa dang / log par nges pa'i phung po gsum rnam par dgod pa rnams la stobs bcus thugs su chud pa'i ye shes mi 'jigs pa bzhis rnam par dag pa'i sangs </font><hr>37-1-20b<br><font size=+1>
rgyas kyi yul chen po dang ldan pas seng ge'i sgra sgrog pa 'di ni sangs rgyas bcom ldan 'das rnams kyi sangs rgyas kyi thabs mkhas pa bcu pa ste/ kye rgyal ba'i sras bcu po de dag ni sangs rgyas bcom ldan 'das rnams kyi sangs rgyas kyi thabs mkhas pa'o// //
sangs rgyas rmad gcad ces bya ba shin tu rgyas pa chen po'i mdo/ /bam po gsum pa/ /kye rgyal ba'i sras bcu po 'di dag ni sangs rgyas bcom ldan 'das rnams kyi sangs rgyas kyi phrin las rgya chen po tshad med pa bsam gyis mi 
khyab pa rnams te/ de dag ni sangs rgyas kyi byin gyi rlabs ma gtogs par lha dang bcas pa'i 'jig rten dang / 'das pa dang / ma 'ongs pa dang / da ltar byung ba'i nyan thos dang / rang sangs rgyas thams cad kyis 'jug par mi nus pa'o/ /bcu 
gang zhe na/ phyogs bcu'i nam mkha'i dbyings kyi mthas gtugs pa'i chos kyi dbyings thams cad kyi 'jig rten gyi khams ma lus pa thams cad du dga' ldan du skye ba bstan pa dang / byang chub sems dpa'i spyod pa mu med pa dag la sangs rgyas kyi phrin las 
mdzad do/ /kha dog tshad med pa gzi brjid tshad med pa snang ba tshad med pa/ dbyangs tshad med pa dbyangs kyi yan lag rnam par dag pa tshad med pa gsung brjod pas rnam par dmyigs pa tshad med pa/ ting nge 'dzin tshad med pa la spyod pa/ shes rab dang ye 
shes kyi yul tshad med pa mnga' ba rnams lha dang bcas pa'i 'jig rten la phan 'dogs pa mdzad de/ bdud dang bcas pa tshangs pa dang bcas pa/ dge sbyong dang bram ze'i skye dgu dang bcas pa/ lha dang mi dang / lha ma yin du bcas pa'i 'jig 
rten la phan 'dogs pa mdzad do/ /byams pa chen po'i spyod yul thogs pa med pa dang / thabs thugs rje chen po'i sgo'i mthar thug pas sems can la phan 'dogs pa mdzad do/ /bsod nams kyi stobs dang / mnga' phun sum tshogs pa dang /</font><hr>37-1-21a<br><font size=+1>
dbang po rnam par sbyang ba dang / cang shes kyi sems yongs su dag pas kyang sems can rnams la phan 'dogs pa mdzad do/ /theg pa sna tshogs rnam par dag pas kyang sems can rnams la phan 'dogs pa mdzad do/ /
theg pa chen po yongs su rdzogs par bya bas kyang sems can rnams la phan 'dogs pa mdzad do/ /'gro ba thams cad gdon pas kyang sems can rnams la phan 'dogs pa mdzad de/ 'di ni sangs rgyas bcom ldan 'das rnams kyi sangs rgyas kyi phrin las 
dang po'o/ /dga' ldan gyi pho brang nas 'phos pa med kyang yum gyi skur gshegs shing / byang chub sems dpa'i sku tha ma skye bar ston pa/ sgyu ma lta bu'i yongs su spyod pa/ sprul pa lta bu'i ting nge 'dzin gyi mthar thug pa/ mig yor lta bur rnam 
par dmigs pa/ nam mkha'i yul tshad med par khyab pa/ bzhed pa bzhin du skye ba yang chags pa mi mnga' ba smig rgyu lta bur bstan pa/ nyon mongs pa med pa'i chos la yang dag par gzhol ba/ gnas med pa'i ye shes la gnas pa/ rang 
bzhin gyis 'dod chags dang bral bas rnam par dag pa/ rgyan shin tu rgya che ba'i mdzod kyis sangs rgyas kyi phrin las mdzad do/ /khang ba brtsegs pa rin po che las byas pa'i pho brang chen po rin po che'i rgyan mang po dang ldan pa na bzhugs pas kyang sangs rgyas 
kyi phrin las mdzad do/ /rdzu 'phrul gyis kyang sangs rgyas kyi phrin las mdzad do/ /yid la bya ba'i byin gyi rlabs chen pos kyang sangs rgyas kyi phrin las mdzad do/ /rnam par 'phrul pa'i mdzod chen po yang dag par bstan pas kyang sangs rgyas kyi phrin 
las mdzad do/ /ye shes kyi nyi ma'i dkyil 'khor chen pos kyang sangs rgyas kyi phrin las mdzad do/ /yum sku bskyed pa'i sku na bzhugs pas kyang sangs rgyas kyi phrin las mdzad do/ /sangs rgyas kyi yul gyi spyod yul chen po brnyes pas kyang sangs </font><hr>37-1-21b<br><font size=+1>
rgyas kyi phrin las mdzad do/ /sangs rgyas kyi byin gyis 'jig rten byin du brlabs pa mtha' yas pas kyang sangs rgyas kyi phrin las mdzad do/ /ting nge 'dzin chen po grangs med pa la rnam par spyod cing / snyoms par 'jug pas kyang sangs rgyas kyi phrin 
las mdzad do/ /ting nge 'dzin las bzhengs pa de dang de dag gis kyang sangs rgyas kyi phrin las mdzad do/ /spyod pa'i thog ma la yongs su mya ngan las 'das pa chen po'i mthar thug pa'i bar du thog ma dang dbus dang tha ma'i tshul gyis kyang sangs rgyas kyi 
'phrin las mdzad do/ /sa 'di la gnyis su med pas thams cad mthar phyin par byas nas tha mar 'jig rten gyi grangs kyi skye ba yongs su ston te/ skye bas kyang 'jig rten thams cad du sangs rgyas kyi phrin las mdzad do/ /gzhon nur gyur 
bas kyang 'jig rten thams cad du sangs rgyas kyi phrin las mdzad do/ /byang chub sems dpar gyur pas kyang 'jig rten thams cad du sangs rgyas kyi phrin las mdzad do/ /mngon par 'byung bas kyang 'jig rten thams cad du sangs rgyas kyi phrin 
las mdzad do/ /mngon par 'tshang rgya bas kyang 'jig rten thams cad du sangs rgyas kyi phrin las mdzad do/ /chos kyi 'khor lo bskor bas kyang 'jig rten thams cad du sangs rgyas kyi phrin las mdzad do/ /thabs mkhas pa sna tshogs kyis kyang 'jig 
rten sna tshogs 'jig rten tshad med pa/ 'jig rten kun tu mtha' yas pa phyogs kyi dra ba'i rgyud dang / rigs thams cad kyi 'jig rten ma lus pa thams cad du sangs rgyas kyi phrin las mdzad do/ /zhing gi rgyud ma lus pa'i 'jig rten du sangs rgyas 
kyi phrin las mdzad do/ /las kyi rnam par smin pa ma lus pa'i 'jig rten du sangs rgyas kyi phrin las mdzad do/ /sems can gyi rgyud ma lus pa'i 'jig rten du sangs rgyas kyi phrin las mdzad do/ /skye ba dang shi 'pho ba'i rgyud ma lus pa'i 'jig rten </font><hr>37-1-22a<br><font size=+1>
du sangs rgyas kyi phrin las mdzad do/ /sprul pa chen po'i rgyud dang / sangs rgyas kyi rigs dang / chos dran pa'i sgo'i 'khor los kyang sangs rgyas kyi phrin las mdzad de/ 'di ni sangs rgyas bcom ldan 'das rnams kyi sangs 
rgyas kyi phrin las gnyis pa'o/ /dge bar spyod pa'i las rnam par dag cing gdung rabs thams cad du ye shes kyi tshul rnam par dag pas/ sku tshe'i rgyud kyi tshul dang ldan pa sems can thams cad gdul ba thugs su chud pa/ dge ba'i rtsa ba thams 
cad yongs su rdzogs par mdzad do/ /btsun mo'i 'khor gyi nang du bzhugs pa ston kyang sangs rgyas thams cad kyi 'dod chags dang bral ba'i tshul gyis gnas la bzhugs pa rnams sgra dang / tshig thams cad dang bral bar brtags pas/ dngos po 
thams cad dngos po med pa las byung bar khong du chud par bya ba dang / dngos po thams cad shes pa la gzud par bya ba dang / tshul khrims thams cad mkhyen pa nyid kyi mthar thug par yongs su rdzogs par bya ba dang / snying rje chen pos 'gro ba 
mu med pa la rnam par blta bar bya ba dang / byams pa chen pos sems can med pa'i yul la rab tu rtogs par bya ba dang / dga' ba chen pos 'jig rten brjod du med pa khong du chud par bya ba dang / btang snyoms chen pos sems la 
dbang bsgyur ba la gnas par bya ba dang / thams cad mkhyen pa'i yon tan gyis rang yongs su rgyas par byed par bya ba dang / chos kyi dbyings kyi lus ma lus par mngon par bsgrub par bya ba dang / thams cad du gnas med pa'i lus yongs su 
rdzogs par byed par bya ba dang / 'khor thams cad rnam par dag par nan tan tu byed par bya ba dang / chos bstan pa rnam par brjod par rab tu brjod par bya ba dang / 'jig rten gyi dngos po la smod par bya ba dang / 'gro ba thams cad kyi nyes pa la </font><hr>37-1-22b<br><font size=+1>
rtog par bya ba mdzad cing spyod pa dang / dge ba'i rtsa bas rnam par smin pa yang dag par bstan pa dang / ji ltar bkod pa'i tshul du sems can gdul ba dang / yongs su ma smin pa'i sems can yongs su smin par bya ba dang / yongs su smin pa rnams 
tshul bzhin du gdul ba dang / grangs med pa'i thabs mkhas pa mngon par bsgrub pa dang / sangs rgyas kyi phrin las phyir mi ldog pa yongs su bstan pa dang / sgo sna tshogs nas chos kyi spyod pa rab tu brjod pa dang / sems can rnams kyi bsam 
pa sna tshogs par rnam par sbyang ba dang / thugs rje chen po las byung ba'i chos kyi sprin gyis mngon par spang ba dang / thams cad la skyob pa'i byams pa chen po bskyed pa'i cho 'phrul gsum gyis yongs su brlan pa dang / sangs rgyas thams cad mngon pa dang / 
rnam par dmigs par btsun mo'i 'khor gyi nang du bstan pa yan chad du 'jig rten mtha' dang dbus med par sangs rgyas kyi phrin las yongs su bstan pa mdzad cing / ye shes kyi mthu chen po thogs pa med pa dang / sangs rgyas kyi mngon par mkhyen pa bsgribs pa med 
par bsgrub pa dang / chos rnam pa gsum gyi thabs mkhas pa dang ldan pa'i phrin las kyi mtha' dang / sku'i phrin las kyi mtha' shin tu rnam par dag pa dang / gsung gi phrin las ye shes nyams pa med pas rnam par dag pa dang / thugs kyi phrin las 
kyi mtha' zab cing chags pa med pa'i mthar thug pa'i thabs la mkhas pas sems can rnams kyi don mdzad de 'di ni sangs rgyas bcom ldan 'das rnams kyi sangs rgyas kyi phrin las gsum pa'o/ /rnam par rgyal ba chen po mnga' ba rnams ni btsun mo'i 
'khor rgyan rnam par phye ba tshad med pa dang ldan pa yid du 'ong ba spangs te/ mngon par 'byung ba'i spyod pa yongs su bstan pas sems can rnams 'jig rten gyi gnas las bskyod pa dang / 'jig rten gyi mngon par zhen pa rnam par bzlog pa dang / 'jig rten du gtogs pa </font><hr>37-1-23a<br><font size=+1>
thams cad mi rtag par shes par bya ba dang / 'jig rten gyi tshul la mngon par zhen pa rnam par bzlog pa dang / 'jig rten gyi dga' ba la sred pa yongs su gcad pa dang / 'jig rten gyi nyon mongs pa byang zhing nub pa la yang dag par spyod par bya ba dang / sems can 
gyi don rjes su dran par bya ba'i phyir/ /mngon par 'byung ba'i don la rab tu gzhol ba dang / /khyim pa'i tshul yongs su spang ba bstan pa dang / nyon mongs pa med pa'i chos kyi sbyor ba la yang dag par gnas par bya ba dang / sngon gyi smon lam 
yongs su rdzogs par bya ba dang / yon tan gyi dkyil 'khor tshad med pa yongs su snang bar bya ba dang / ye shes kyi dkyil 'khor chen po brnyes pas sems can rnams kyi mi shes pa'i sgrib pa rab tu bstsal ba dang / bdag nyid bsod nams kyi zhing 
bla na med par gyur par 'gro ba thams cad la bstan pa dang / dge ba'i rtsa ba thams cad sangs rgyas la bskyed pa'i dge ba'i rtsa ba'i nang du 'dus par 'gro ba thams cad la yang dag par brjod pa dang / bdag nyid kyis ye shes kyi don gzigs par bstan 
pa dang / sems can rnams rnam par dag pa'i sgor brjod pa dang / sems can rnams kha na ma tho ba med pa'i sgor bsgrub pa dang / 'jig rten thams cad du 'byung ba'i sgo rab tu bstan pa dang / thams cad mkhyen pa nyid kyi rgyal mtshan yang dag 
par bsgreng bar mdzad cing mngon par 'byung ba ste/ 'di ni sangs rgyas bcom ldan 'das rnams kyi sangs rgyas kyi phrin las bzhi pa'o/ /don gcig ma yin pa mkhyen pa dang ldan pa/ thams cad mkhyen pa'i ye shes kyi mthar thug pa rnams ni chos thams cad 
mngon par 'tshang rgya bar bya'o zhes byang chub kyi shing drung du byon te/ byang chub tu mngon par 'tshang rgya bas kyang bdud kyi dpung thams cad rab tu gzhom pa dang / sku'i byin gyi rlabs kyi mdzod kyis chos kyi dbyings kyi ma lus pa thams cad du rgyas par </font><hr>37-1-23b<br><font size=+1>
dgang ba'i phyir byin gyi rlabs zad mi shes pa'i mthar thug pas mtha' rnam par spangs pa spyod pa tshad med pa rab tu brnyes pa thams cad mkhyen pa'i yul gyis rnam par rol pa'i ye shes kyi don dang ldan pa/ thams cad mkhyen pa'i yon tan yang dag par 
bsgrub pa yongs su rdzogs pa 'jig rten gyi khams ma lus pa thams cad du gdan rnam par bkram pas yongs su rgyas pa/ sangs rgyas kyi zhing ma lus pa thams cad du byang chub sems dpas rnam par dmigs pa/ byang chub sems dpa'i spyod 
pa dam pa thob pa rnams kyi zhal du blta ba/ byang chub sems dpa' thams cad kyi rnam pa dang / smon lam khyad par can dang ldan pa'i byang chub sems dpa'i 'khor gyi dkyil 'khor thams cad kyis yang dag par bsam pa'i chos kyi 'khor lo zab mo 
rab tu bskor ba/ sangs rgyas kyi yul tshad med pa brtsams pas/ byang chub sems dpa' brjod du med pa'i 'byung gnas su gyur pa/ byang chub sems dpa'i spyod pa sna tshogs spyod pa la yang dag par gzhol ba/ byang chub sems dpa'i 'khor 
gyi dkyil 'khor rnam par dag pa mnga' ba/ 'jig rten gyi khams thams cad sangs rgyas kyi byin gyis byin du rlob pa'i yul mnga' ba/ dge ba'i rtsa ba bskyed pa'i sems can gyis rnam par dmigs pa/ dge ba'i rtsa ba thams cad tha mi dad pa 
dang ldan pa 'byung ba'i sa/ /byang chub sems dpa'i spyod pa mtha' yas pa'i mthu'i gnas la yon tan gyi khyad par thams cad rab tu brnyes nas bzhugs pa/ 'jig rten gyi rnam pa thams cad ma lus pa'i mthar thug pa/ sems can gyi rnam 
pa thams cad dang / zhing gi rnam pa thams cad dang / chos kyi rnam pa thams cad dang / byang chub sems dpa'i rnam pa thams cad dang / yongs su smin par bya ba'i rnam pa thams cad dang / dus kyi rnam pa thams cad dang / gdul ba'i rnam </font><hr>37-1-24a<br><font size=+1>
pa thams cad dang / sangs rgyas kyi rnam par 'phrul ba'i rnam pa thams cad ma lus pa'i mthar thug pa rnams 'gro ba ma lus pa thams cad du mos pa ji lta ba bzhin du rnam par 'tshang rgya bas sangs rgyas kyi phrin las mdzad de/ /'di 
ni sangs rgyas bcom ldan 'das rnams kyi sangs rgyas kyi phrin las lnga pa'o/ /sangs rgyas bcom ldan 'das rnams chos kyi 'khor lo bskor bar mdzad pa phyir mi ldog pa'i tshul gyis phyir mi ldog pa'i 'khor lo dang / 'jig rten thams cad kyi khong du chud 
par 'gyur ba'i tshul gyis tshad med pa'i 'khor lo dang / mi 'jigs pa'i seng ge'i nga ro chen po'i tshul gyis thams cad ma lus par mngon par sangs rgyas pa'i 'khor lo dang / chos kyi mdzod mun pa med pa'i sgos snang bar byed pa'i tshul gyis chos thams cad 
mkhyen pa'i mdzod kyi 'khor lo dang / ye shes nam mkha'i dbyings ltar tshad med pa'i tshul gyis chags pa med pa'i 'khor lo dang / chos thams cad kyi dngos po med pa'i rang bzhin rab tu rtogs par bya ba'i tshul gyis bsgribs pa med pa'i 'khor lo dang / sems 
can thams cad kyi chos kyi mig rnam par sbyong ba'i tshul gyis 'jig rten thams cad kyi sgron ma'i 'khor lo dang / 'jig rten thams cad du rgyas par 'gengs pa'i tshul gyis thams cad mkhyen pa'i chos brjod pa'i 'khor lo dang / sangs rgyas kyi chos thams 
cad dang mi 'gal ba'i tshul gyis sangs rgyas thams cad 'dab 'dres par gyur pa'i 'khor lo dang / de dag la stsogs pa rnam pa bye ba khrag khrig brgya stong du chos kyi 'khor lo bskor bas sems can thams cad kyi sems dang spyod pa'i rnam pa la/ /chos kyi 
'khor lo skor te/ de ltar chos kyi 'khor lo bskor bas kyang /sangs rgyas bcom ldan 'das rnams sangs rgyas kyi phrin las bsam gyis mi khyab pa mdzad de/ 'di ni sangs rgyas bcom ldan 'das rnams kyi sangs rgyas kyi phrin las drug pa'o/ /</font><hr>37-1-24b<br><font size=+1>
sangs rgyas bcom ldan 'das rnams ni grong dang grong khyer dang grong rdal dang / rgyal po'i gnas su gshegs pas kyang sems can rnams la sangs rgyas kyi phrin las mdzad de/ mi'i rgyal po'i gnas dang / lha'i rgyal po'i gnas dang / klu'i 
rgyal po'i gnas dang / gnod sbyin gyi rgyal po'i gnas dang / dri za'i rgyal po'i gnas dang / lha ma yin gyi rgyal po'i gnas dang / nam mkha' lding gi rgyal po'i gnas dang / mi'am ci'i rgyal po'i gnas dang / lto 'phye chen po'i rgyal po'i 
gnas dang / srin po'i rgyal po'i gnas dang / sha za'i rgyal po'i gnas dag tu gshegs pas kyang sangs rgyas bcom ldan 'das rnams ni sangs rgyas kyi phrin las mdzad de/ 'di lta ste/ grong khyer gyi sgor byon nas g.yo ba dang / 'od zer snang 
ba dang / long ba rnams mig 'thob pa dang / 'on pa rnams sgra thos par 'gyur ba dang / smyon pa rnams dran pa 'thob par 'gyur ba dang / gos med pa rnams gos 'thob par 'gyur ba dang / sdug bsngal ba rnams bde ba 'thob pa dang / 
rol mo'i cha byad ma dkrol ma brdungs par sgra yid du 'ong ba rang 'byin pa dang / rgyan snod na 'dug pa dang / gnas nas ma phog pa dang / ma bskyod ma dkrol bar bskyod cing dkrol ba'i sgra 'byung ba dang / bya sna tshogs mang po'i sgra skad yid 
du 'ong ba 'byung ba dang / blta na gtang mi bra zhing mi mthun pa med pa'i sku mthong bas kyang / sangs rgyas bcom ldan 'das rnams sems can rnams la sangs rgyas kyi phrin las mdzad do/ /mtshan dang dpe byad bzang po bstan pas kyang sangs 
rgyas bcom ldan 'das rnams sems can rnams la sangs rgyas kyi phrin las mdzad de/ yongs su gzigs pa dang / rnam par gzigs pa dang / brkyang ba dang / bskum pas kyang sems can rnams la sangs rgyas kyi phrin las mdzad do/ /</font><hr>37-1-25a<br><font size=+1>
gshegs pa dang slar bzhud pa dang / bzhengs pa dang / 'chag pa dang / bzhugs pa dang / gzims pas kyang sems can rnams la sangs rgyas kyi phrin las mdzad do/ /chos bstan pa dang / mi gsung bar 
bzhugs pas kyang sems can rnams la sangs rgyas kyi phrin las mdzad do/ /rdzu 'phrul gyi cho 'phrul dang / yongs su bstan pa'i cho 'phrul dang / rjes su bstan pa'i cho 'phrul gyis kyang sangs rgyas bcom ldan 'das rnams 'jig rten gyi 
khams kyi yul sems can bsam pa sna tshogs rgya mtsho dang ldan pa 'jig rten gyi spyod pa thams cad rgyu zhing 'byung ba dang ldan pa dge ba'i rtsa ba chen pos shin tu brtan pa/ sangs rgyas rjes su dran pa dang ldan pa/ sngon 'grogs 'grogs pa'i byang 
chub sems dpa' dang gnas pa'i sems can rnams la sangs rgyas kyi phrin las mdzad do/ /yang dag par rdzogs pa'i sangs rgyas rnams ni sku gzugs blta na mi ngoms pa'o zhes bya bar gzhol ba dang / sangs rgyas rnams skye bar dkon no 
zhes bya bar yid ches par byed pa dang / de bzhin gshegs pa mthong zhing / de bzhin gshegs pa'i gsung thos pa ni bsod nams kyi chos dkar po'i 'byung gnas su gyur pa'o/ /zhes sangs rgyas kyi spyod pa yid la byed pa dang / 'jig 
rten thams cad rnam par dag pa ni/ de bzhin gshegs pa skye ba yin no zhes bya bar khong du chud par byed pa dang / /sangs rgyas kyi yon tan bsngags pa ni mtha' yas pa'o zhes bya bar yang dag par lta ba dang / ma byon pa'i sangs rgyas 'byung 
ba'i de bzhin gshegs pa'i rigs yang dag par bsgrub pa dang / dge ba'i rtsa ba dang mos pa'i tshul thams cad kyis sangs rgyas bcom ldan 'das rnams mnyes par byed pa dang / de bzhin gshegs pa rnams ni yon tan mtha' yas pa'o/ /</font><hr>37-1-25b<br><font size=+1>
zhes khong du chud par byed pa dang / de bzhin gshegs pa ni sems can thams cad la mngon du gyur par rtogs pa dang / de bzhin gshegs pa ni sems can gyi ris bsam gyis mi khyab pa'i gnas su gyur par sems pa dang / de bzhin gshegs 
pa ni zhing thams cad na snang bar khong du chud pa dang / de lta bu'i dge ba'i rtsa ba thams cad 'byung bas 'jig rten thams cad na sangs rgyas bcom ldan 'das rnams sems can rnams la sangs rgyas kyi phrin las mdzad do/ /dad par byas pa dang / phyag 'tshal 
ba dang / thal mo sbyar bar byas pa dang / rjes su bstod pa dang / spyan drangs pa dang / mchod pa dang / mngon du mthong ba dang / 'dzum pa byas pa dang / sangs rgyas la dga' ba'i sems kyis mos par byas pa'i dge ba'i rtsa ba'i sgo nas kyang / 
sangs rgyas bcom ldan 'das rnams ni sems can rnams la sangs rgyas kyi phrin las mdzad do/ /sangs rgyas rjes su dran par gyur pas kyang / sangs rgyas bcom ldan 'das rnams ni sems can rnams la sangs rgyas kyi phrin las mdzad do/ /
sangs rgyas mthong bar 'dod par byas pas kyang sangs rgyas bcom ldan 'das rnams ni sems can rnams la sangs rgyas kyi phrin las mdzad do/ /de bzhin gshegs pa'i sku kha dog dang dbyibs kyi rnam pa tshad med pa bstan pas kyang / sangs 
rgyas bcom ldan 'das rnams ni sems can rnams la sangs rgyas kyi phrin las mdzad do/ /de bzhin gshegs pa'i gsung thos par bya bas kyang sangs rgyas bcom ldan 'das rnams ni sems can rnams la sangs rgyas kyi phrin las mdzad de/ 
de dag la stsogs pa sangs rgyas bcom ldan 'das rnams kyi sangs rgyas kyi phrin las mdzad pa rnam pa bye ba khrag khrig brgya stong brjod du med pa dag /'jig rten gyi khams ma lus pa thams cad du sems can thams cad kyi bsam pa dang / mthu dang </font><hr>37-1-26a<br><font size=+1>
'dul ba ji lta ba'i tshul las mi 'da' bar 'byung ngo / /de ltar sangs rgyas kyi phrin las 'jig rten thams cad kyi sems can kun gyi sems dang spyod pa dang bsam pa la gnas pa/ dge ba rgya che ba tshad med pa dag phyir mi 
ldog pa'i yul dang / snying rje chen pos rab tu bskul ba dang / sngon gyi smon lam gyis yongs su skyo ba med pa dang / sangs rgyas kyi phrin las mkhyen pa'i stobs dang / shugs kyis 'jig rten thams cad du 'byung ste/ 'di ni sangs rgyas 
bcom ldan 'das rnams kyi sangs rgyas kyi phrin las bdun pa'o/ /sangs rgyas bcom ldan 'das rnams ni dgon pa la bzhugs sam/ zhi bar bzhugs sam/ dben par bzhugs sam/ sangs rgyas kyi rnam par spyod pa la bzhugs 
sam/ ting nge 'dzin chen po'i gnas la bzhugs sam/ gcig pu dgyes par bzhugs sam/ sku myi snang bar bzhugs sam/ ye shes zab mo'i gnas la bzhugs sam/ sangs rgyas kyi yul gyi stobs tshad med pa la bzhugs 
sam/ sku'i yongs su spyod pa mi mthong bar bzhugs kyang rung ste/ sangs rgyas bcom ldan 'das rnams kyi sangs rgyas kyi phrin las gzhan gyis mi tshugs pa'i ye shes dang / smon lam gyi tshul gyis mos pa bzhin du 'dul ba'i sems can 
rnams la rgyun mi 'chad par 'byung ste/ sangs rgyas lha yongs su tshol bas kyang / sangs rgyas kyi phrin las rgyun mi 'chad do/ /sangs rgyas klu yongs su tshol bas kyang sangs rgyas kyi phrin las rgyun mi 'chad do/ /sangs rgyas gnod sbyin 
yongs su tshol ba dang / sangs rgyas mi'am ci yongs su tshol ba dang / sangs rgyas lto 'phye chen po yongs su tshol ba dang / sangs rgyas srin pa yongs su tshol ba dang / sangs rgyas mi dang mi ma yin pa yongs su tshol ba dang / sangs rgyas </font><hr>37-1-26b<br><font size=+1>
nyan thos dang / sangs rgyas rang sangs rgyas dang / sangs rgyas byang chub sems dpa' yongs su tshol bas kyang sangs rgyas kyi phrin las rgyun mi 'chad do/ /chos ston pas kyang sangs rgyas kyi phrin las rgyun mi 'chad do/ /sangs rgyas gcig 
brjod pas kyang sangs rgyas kyi phrin las rgyun mi 'chad do/ /sangs rgyas thams cad brjod pas kyang sangs rgyas kyi phrin las rgyun mi 'chad do/ /byang chub sems dpa'i spyod pa'i khyad par dang / smon lam thams cad gcig tu brjod pas kyang 
sangs rgyas kyi phrin las rgyun mi 'chad do/ /byang chub sems dpa'i spyod pa gcig rnam par phye ste/ spyod pa tha dad pa brjod pas kyang sangs rgyas kyi phrin las rgyun mi 'chad do/ /'jig rten gyi yul sangs rgyas kyi yul du brjod pas kyang sangs 
rgyas kyi phrin las rgyun mi 'chad do/ /sangs rgyas kyi yul 'jig rten gyi yul du brjod pas kyang sangs rgyas kyi phrin las rgyun mi 'chad do/ /yul ma yin pa sangs rgyas kyi yul du brjod pas kyang sangs rgyas kyi phrin las rgyun mi 'chad do/ /nyin 
mtshan dang zla ba yar kham mar kham dang / zla ba dang / lo 'grangs par bzhugs pa dang / yongs su bzhugs pa nas/ de bzhin du bskal pa brjod du med pa'i yang brjod du med pa'i bar du bzhugs pa dang / yongs su bzhugs pas kyang sangs 
rgyas bcom ldan 'das rnams sems can rnams la sangs rgyas kyi phrin las mdzad de/ 'di ni sangs rgyas bcom ldan 'das rnams kyi sangs rgyas kyi phrin las brgyad pa'o/ /sangs rgyas bcom ldan 'das rnams ni dge ba'i rtsa ba rnams la 'byung gnas lta bu/ 
sems can thams cad kyi bsam pa kun la rnam par spyod pa lta bu/ /sangs rgyas rnams la dad pa lta bu/ sems khong du chud par bya ba la shin tu mos pa lta bu/ dbang po rnams la bsgrub pa lta bu/ sems can skye dgu thams cad la 'dul ba </font><hr>37-1-27a<br><font size=+1>
lta bu/ 'gro ba thams cad la mos pa lta bu/ byang chub sems dpa' thams cad la 'byung ba lta bu/ byang chub tu zhugs pa rnams la bskul ba lta bu/ gzhan gyi dring mi 'jog pa rnams la ye shes kyi snang ba lta bu dag ste 
sangs rgyas bcom ldan 'das rnams ni 'jig rten mi rtag par ston pa dang / sangs rgyas kyi phrin las rgyun mi 'chad par brjod pa dang / phrin las mdzad pa'i mthar thug par bstan pa dang / chos kyi rgyud nyams pa med pa'i dngos por brjod pa dang / 
srid pa'i tshul rtsa ba nas chad par brjod pa dang / sems can thams cad skyo bar bya bar bstan pa dang / sangs rgyas kyi rjes su 'gro ba'i sems su mthun par bya ba dang / sku tshe'i mtha' lta bur sems can rnams kyis shes par bya ba dang / sems can 
rnams kyis 'jig rten thams cad du dga' bar bya ba med par bstan pa dang / sems can rnams la ma byon pa'i sangs rgyas gcig nas/ gcig tu brgyud pa mnyes par gyis shig par bstan pa dang / sangs rgyas bcom ldan 'das rnams chos kyi 'khor 
lo bskor ba bstan du mi rung bar khong du chud par bya ba dang / 'jig rten rnams kyi rtsol ba bskyed pa dang sangs rgyas la dmigs par brtson pa'i sems la dgod pa dang / yun du dran pa rnam par dag pas de bzhin gshegs pa mthong ba'i rnam par rtog pa bskyed 
pa dang / skye ba'i dbang po phyir bzlog cing yongs su dag par mdzad pa dang / sangs rgyas la mos pa bskyed pa dang / skyo bar gyur pa'i sems can rnams la byin gyis brlab par bya ba dang / sangs rgyas la dmigs pa'i rkyen 'jig rten gyi khams ma 
lus pa thams cad du phyin par dgongs pa mdzad pa dang / sku thams cad bshig ste/ de bzhin gshegs pa'i sku gdung gis sems can rnams yongs su gzung ba mdzad pa dang / 'jig rten rnam par 'khrugs pa dang / dregs shing myos pa'i </font><hr>37-1-27b<br><font size=+1>
sems can rnams sdom pa la dgod pa mdzad cing / yongs su mya ngan las 'da' ba ston pas kyang / /sangs rgyas kyi phrin las rgyun mi 'chad de/ 'di ni sangs rgyas bcom ldan 'das rnams kyi sangs rgyas kyi phrin las dgu pa'o/ /de bzhin gshegs 
pa rnams mya ngan las 'da' ba'i tshe/ 'jig rten thams cad na sems can rnams smre sngags 'don cing ngu ba dang / mya ngan byed pa dang / mchi ma 'byin pa dang / yang dag par rdzogs pa'i sangs rgyas zhe'am/ thugs rje chen po zhe'am/ ded 
dpon chen po zhe'am/ phan par bzhed pa thugs brtse ba can zhe'am/ lha dang bcas pa'i 'jig rten gyi sems can thams cad kyi skyabs su gyur pa/ mgon du gyur pa/ rten du gyur pa/ bla na med pa/ bsod nams kyi zhing nub par gyur 
to zhe'am/ sangs rgyas bcom ldan 'das rnams ni 'byung bar dka' 'o/ /zhes rnam pa de lta bur smre sngags 'don cing / mya ngan byed pa dang / sangs rgyas mthong ba rjes su dran pa'i sems can rnams kyi bsam pa dang / yid la bya ba de 
dang de dag gi sgor sangs rgyas kyi phrin las tshad med pa rgyun mi 'chad do/ /sangs rgyas bcom ldan 'das rnams yongs su mya ngan las 'da' ba'i tshe/ 'di lta ste/ sems can rnams kyi sems dang par bya ba'i dbang dang / sems can rnams 
dad pas mchod par bya ba'i dbang dang / sems can rnams lhag pa'i bsam pa rnam par spyod par bya ba'i dbang dang / sems can rnams yongs su smin par bya ba'i dbang dang / sems can rnams yongs su sbyang bar bya ba'i dbang dang / sems can rnams gdul ba'i dbang dang / 
sems can rnams kyi bsod nams kyi tshogs yongs su rdzogs par bya ba'i dbang dang / sems can rnams de bzhin gshegs pa la mchod pas dmigs par bya ba'i dbang dang / de bzhin gshegs pa'i mchod rten rnam pa sna tshogs su brgyan pas/ phyogs dang </font><hr>37-1-28a<br><font size=+1>
yul sna tshogs su sems can rnams kyi dge ba'i rtse ba bstsags par bya ba'i dbang gis sems can rnams kyi bsam pa dang mos pa ji lta ba bzhin du sku gdung dang / ring bsrel byin gyis rlob ste/ lha dang klu dang / gnod sbyin 
dang/ dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi'i gnas thams cad du 'dul ba dang / mos pa'i tshul ji lta ba bzhin du/ sku gdung dang ring bsrel byin gyis rlob po/ /rang gi sku rnam par 
phye ste/ sku gdung dang ring bsrel tshad med pa grangs med pa dpag tu med pa bsam gyis mi khyab pa brjod du med pa'i yang brjod du med pa byin gyis rlob bo/ /de bzhin gshegs pa'i mchod rten gyis sangs rgyas kyi sku gdung 'jig rten thams cad du rnam 
par phye ba de'i yul dang / phyogs kyi klu'i gnas dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po'i gnas dang / mi'i gnas dang / srin po'i gnas dag tu sku gdung dang / ring bsrel 
mchod pa byed par 'gyur bas/ sku gdung gi ring bsrel dang dbu dang / phyag sen gyi mchod rten dang / sangs rgyas bzhugs pa'i mchod rten la 'gro ba thams cad nges par sangs rgyas dran par 'gyur te/ chos la rab tu rten par 'gyur ro/ /dge 
'dun la dad pa rab tu 'thob par 'gyur ro/ /yul dang phyogs kyi gnas de dang de dag tu yang rgyun mi 'chad par sangs rgyas mchod pa la brtson pa'i bsam pas sbyin pa yongs su gtong bar 'gyur ro/ /bsod nams byed par 'gyur ro/ /mtho 
ris de dang de yongs su dag pa rab tu 'thob par 'gyur ro/ /rigs dang rgyud kyi bdag nyid che ba rab tu 'thob par 'gyur ro/ /longs spyod chen po dang / 'khor rnam par dag pa rab tu 'thob par 'gyur ro/ /lha dang mi'i phun sum tshogs pa nyams </font><hr>37-1-28b<br><font size=+1>
su myong bar 'gyur ro/ /log par ltung ba med pa'i lam yongs su rdzogs par 'gyur ro/ /sangs rgyas byung ba don yod pa rab tu bsgrub par 'gyur ro/ /chos dkar po la gnas pa yongs su rdzogs par byed par 'gyur ro/ /khams gsum 
pa las 'byung ba'i lam yongs su sbyong bar 'gyur ro/ /theg pa gang la dad pa'i smon lam gyis nges par 'byung bar 'gyur ro/ /de bzhin gshegs pa de dang de dag la drin du gzo ba rab tu 'thob par 'gyur ro/ /sangs rgyas bcom ldan 'das 
rnams la rten pa dang / skyabs btsal ba dang / mgon btsal ba dang / dpung gnyen btsal ba'i sems bskyed par 'gyur te/ de ltar sangs rgyas bcom ldan 'das rnams ni yongs su mya ngan las 'das kyang yon bsam gyis mi khyab 
par sbyong ba/ bsod nams zad mi shes pa'i yon gyi gnas dag ste/ sangs rgyas bcom ldan 'das rnams ni 'jig rten du byung na de ltar sems can rnams kyi dge ba'i rtsa ba rnam pa mang po rab tu bstsags pas bsod nams kyi tshogs 
rab tu rdzogs par 'gyur te/ 'di ni sangs rgyas bcom ldan 'das rnams kyi sangs rgyas kyi phrin las bcu pa'o/ /kye rgyal ba'i sras bcu po de dag ni sangs rgyas bcom ldan 'das rnams kyi sangs rgyas kyi phrin las rgya chen po tshad med pa bsam gyis mi khyab pa 
rnams so/ /de dag ni sangs rgyas kyi byin rlabs ma gtogs par lha dang bcas pa'i 'jig rten gyis tshad gzung bar mi nus pa'o/ /'das pa dang ma 'ongs pa dang / da ltar byung ba'i nyan thos dang / rang sangs rgyas thams cad kyis 'jug 
par mi nus pa'o/ /kye rgyal ba'i sras bcu po 'di dag ni sangs rgyas bcom ldan 'das rnams kyi gnyis su med par spyod cing / dngos po rnam pa gnyis su med pa'i chos kyi dbang phyug gi chos rnams te/ bcu gang zhe na/ 'di lta ste/ sangs </font><hr>37-1-29a<br><font size=+1>
rgyas bcom ldan 'das rnams ni lung bstan pa thams cad ston pa la gnyis su med par spyod do/ /sangs rgyas bcom ldan 'das rnams ni sems can sangs rgyas rjes su dran pa la brtson pa rnams kyi sems dang bsam pa 
brjod du med pa 'byam klas pa rnams la gnyis su med par spyod do/ /sangs rgyas kyi chos thams cad kyi don ma lus par mngon par sangs rgyas pas gnyis su med pa'i sku dmyigs par mdzad do/ /'das pa dang /ma byon pa dang / da ltar byung ba'i de 
bzhin gshegs pa thams cad la rang bzhin gnyis su med par thugs su chud pa mnga' ba'o/ /'byung ba dang byang ba'i mtha' gnyis su med pa dang / sngon gyi mtha' dang / phyi ma'i mtha' dang / da ltar byung ba gnyis su med par thugs su chud pa mnga' ba'o/ /
sangs rgyas kyi zhing thams cad gnyis su med pas dus gsum gyi sangs rgyas kyi zhing thams cad gcig par rab tu mkhyen cing ston pa thugs su chud pa mnga' ba'o/ /sangs rgyas gcig dang / sangs rgyas thams cad kyi gsung gnyis su med par thugs 
su chud pa mnga' ba'o/ /de bzhin gshegs pa thams cad kyis thugs su chud pa dang / 'dul ba mdzad pa'i rnam par dmigs pa gnyis su med par thugs su chud pa mnga' ba'o/ /'jig rten gyi chos thams cad dang / sangs rgyas kyi chos 
gnyis su med par thugs su chud pa mnga' ba'o/ /'das pa dang ma byon pa dang / da ltar byung ba'i sangs rgyas thams cad kyi dge ba'i rtsa ba thams cad dge ba'i rtsa ba gcig ste/ gnyis su med par thugs su chud pa mnga' ba'o/ /kye rgyal 
ba'i sras bcu po de dag ni sangs rgyas bcom ldan 'das rnams kyi gnyis su med par spyod cing / dngos po gnyis su med pa'i chos kyi dbang phyug gi chos so/ /kye rgyal ba'i sras bcu po 'di dag ni sangs rgyas bcom ldan 'das rnams kyi de bzhin </font><hr>37-1-29b<br><font size=+1>
gshegs pa bzhugs pa chos thams cad la rab tu zhugs pa rnams so/ /bcu gang zhe na/ sangs rgyas bcom ldan 'das rnams ni chos kyi dbyings gnas pa'i ye shes thugs su chud pa la bzhugs pa'o/ /sangs rgyas bcom ldan 'das rnams 
ni thugs rje chen po mi nyams pa la bzhugs pa'o/ /sangs rgyas bcom ldan 'das rnams ni smon lam ji lta ba bzhin du 'byung ba la bzhugs pa'o/ /sangs rgyas bcom ldan 'das rnams ni 'dul ba'i sems can yongs su mi gtong ba la bzhugs 
pa'o/ /sangs rgyas bcom ldan 'das rnams ni dngos po med pa la gnas pa'i chos nyid la bzhugs pa'o/ /sangs rgyas bcom ldan 'das rnams ni de bzhin gshegs pa'i sku skal ba mnyam pa tha mi dad cing don yod pa la bzhugs pa'o/ /
sangs rgyas bcom ldan 'das rnams ni rtag tu mnyam par gzhag pa'i thugs la bzhugs pa'o/ /sangs rgyas bcom ldan 'das rnams ni chos thams cad nyams pa med par gzhol ba la bzhugs pa'o/ /sangs rgyas bcom ldan 'das 
rnams ni chags pa med pa'i dgongs pas rnam par spyod pa la bzhugs pa'o/ /sangs rgyas bcom ldan 'das rnams ni chos thams cad kyi mnyam pa nyid la 'jug pas grub pa med pa'i yang dag pa'i mtha'i mtshan nyid la bzhugs pa ste/ kye rgyal ba'i 
sras bcu po de dag ni sangs rgyas bcom ldan 'das rnams kyi de bzhin gshegs pa bzhugs pa chos thams cad la zhugs pa rnams so/ /kye rgyal ba'i sras bcu po 'di dag ni sangs rgyas bcom ldan 'das rnams kyi chos thams cad ma lus par mngon 
par mkhyen pa rnams te/ bcu gang zhe na 'di lta ste/ chos kyi dbyings ma lus pa thams cad kyi 'das pa bgrangs pa mtha' dag thams cad mngon par mkhyen pa dang / ma 'ongs pa bgrangs pa mtha' dag thams cad mngon par mkhyen pa dang /</font><hr>37-1-30a<br><font size=+1>
da ltar byung ba bgrangs pa mtha' dag thams cad mngon par mkhyen pa dang / tshig gi lam mtha' dag thams cad mngon par mkhyen pa dang / 'jig rten gyi rgyud mtha' dag thams cad mngon par mkhyen pa dang / sems can gyi 
bsam pa dang shes pa mtha' dag thams cad mngon par mkhyen pa dang / byang chub sems dpa' dge ba'i rtsa ba chung ngu dang 'bring dang chen po dang / rnam pa sna tshogs su rnam par gnas pa'i mtshan nyid kyi dge ba'i rtsa ba rnams la bsam pa tshad med pa yongs su 
mi gtong bas sangs rgyas kyi ye shes 'bar bar bya ba dang / yongs su rdzogs par bya ba mtha' dag thams cad mngon par mkhyen pa dang /chos thams cad 'tshang rgya ba'i mkhyen pa mtha' dag thams cad mngon par mkhyen pa dang / 'jig rten gyi rgyud thams 
cad rnam par dbye ba'i ye shes gzigs pa mtha' dag thams cad mngon par mkhyen pa dang / chos kyi dbyings kyi gzhi myig 'phrul gyi rnam pa lta bur dbye ba thams cad mngon par mkhyen pa ste/ kye rgyal ba'i sras bcu po de dag ni sangs rgyas bcom 
ldan 'das kyi chos thams cad ma lus par mngon par mkhyen pa'o// //sangs rgyas rmad gcad ces bya ba shin tu rgyas pa chen po'i mdo/bam po bzhi pa/ kye rgyal ba'i sras bcu po 'di dag ni sangs rgyas bcom ldan 'das rnams kyi stobs chen po/ stobs dam pa stobs tshad 
myed pa stobs bdag nyid che ba/ stobs thug pa med pa/ stobs mi mnyam pa stobs snying po dang ldan pa/ stobs mi shigs pa/ stobs 'jig rten thams cad kyis bsam gyis mi khyab pa/ stobs sems can thams cad kyis mi 'phrogs pa/ sangs rgyas kyi rgyal 
mtshan stobs po che/ dpa' bo chen po'i stobs rnams te/ bcu gang zhe na/ 'di lta ste/ sangs rgyas kyi sku ni pha rol gyi gnod pa thams cad kyis mi shigs mi chod pa'o/ /'jig rten gyi yul thams cad kyis sku tshe'i dbang po nyams par </font><hr>37-1-30b<br><font size=+1>
mi nus pa'o/ /'jig rten gyi khams thams cad kyi bskal pa'i mye'i gdung bas 'tshig par myi nus pa'o/ /'jig rten gyi khams thams cad 'jig par gtogs pa'i chu'i phung por 'grongs par myi 'gyur ba'o/ /bdud thams cad dang / bdud 
kyi sde thams cad dang / lha thams cad kyi dpung dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / mi dang / myi ma yin pa thams cad kyi dpung dang / sha za dang / srin po thams cad 
kyi dpung dang / sems can ma lus pa thams cad kyi dpung gis brgal bar dka' ba'o/ /rdo rje ri rab kyi ri tsam gyi char pa dang / khor yug gi ri chen po tsam 'am/ stong gsum gyi stong chen po tsam gyi rdo rje'i char bab kyang / bcom ldan 
'das de bzhin gshegs pa dgra bcom pa yang dag par rdzogs pa'i sangs rgyas kyi ba spu gcig kyang 'gul bar myi 'gyur/ g.yo bar myi 'gyur te/ bag tsha ba'i shas mi mnga' 'o/ /bzhugs sam bzhengs sam bzhud dam/ gzims 
kyang rung ste/ spyod lam 'gyur ba med do/ /de bzhin gshegs pa gang na bzhugs pa'i yul de dang de'i 'khor dag tu yang de bzhin gshegs pa dgyes na kun tu 'bab par myi 'gyur ro/ /sangs rgyas kyi zham ring rnams la yang gnod par myi 'gyur 
ro/ /sangs rgyas kyi byin gyis brlabs pa'i sems can rnams la yang gnod par mi 'gyur zhing / mi g.yo na de bzhin gshegs pa'i sku lta la smos kyang ci dgos te/ 'di ni sangs rgyas bcom ldan 'das rnams kyi mthu bo che chen po'i stobs sangs rgyas kyi 
spyod pa'i rgyal mtshan gyi chos dang po'o/ /gzhan yang sangs rgyas bcom ldan 'das rnams dgyes na/ chos kyi dbyings thams cad kyis klas pa'i 'jig rten gyi khams thams cad ri rab kyi ri dang bcas pa/ khor yug dang khor yug chen po'i ri dang </font><hr>37-1-31a<br><font size=+1>
bcas pa/ rgya mtsho dang / ri dang nags tshal thibs po dang / sems can gnas pa'i gnas tha dad pa kun dang bcas pa de lta bu'i 'jig rten gyi khams thams cad de bzhin gshegs pa'i ba spu'i bu ga gcig tu btsud de/ 
phyi ma'i mtha'i bskal pa'i mur thug par bzhag kyang / de bzhin gshegs pa'i byin gyi rlabs ma gtogs par sems can rnams kyis shes par myi nus so/ /de bzhin gshegs pa de dag ni de snyed kyi 'jig rten gyi khams sku'i ba spu'i khung bu gcig 
gis bzung ste/ phyi ma'i mtha'i bskal pa'i mur thug par bsnams shing / gshegs sam/ bzhugs sam/ bzhengs sam/ gzims kyang rung ste/ de bzhin gshegs pa'i thugs skad cig tsam yang skyo ba mi mnga'o// chad cing dub par 
mi 'gyur ro/ /mthu dang stobs la yongs su nyams par 'gyur ba mi mnga' 'o/ /spyod lam rnam par 'gyur ba mi mnga' 'o/ /kye rgyal ba'i sras 'di lta ste dper na/ nam mkha' ni chos kyi dbyings ma lus pa'i 'jig rten gyi khams thams cad 'dzin kyang 
skyo ba med do/ /dub pa med do/ /gnod pa med do/ /med par mi 'gyur ro/ /mi g.yo mi 'byung mi 'jig go /de bzhin du sangs rgyas bcom ldan 'das rnams kyang ba spu'i khung bu gcig tu 'jig rten kyi khams ma lus pa thams cad bsnams kyang 
de'i rgyus thugs skad cig tsam du yang mi bde ba'i sku nyams mi 'byung ste/ 'di ni sangs rgyas bcom ldan 'das rnams kyi mthu bo che chen po'i stobs/ sangs rgyas kyi spyod pa'i rgyal mtshan gyi chos gnyis pa'o/ /gzhan yang sangs rgyas bcom ldan 'das 
rnams gshegs stabs gcig tu bzhud pas/ sangs rgyas kyi zhing brjod du med pa'i yang brjod du med pa'i rdul shin tu phra ba snyed kyi 'jig rten gyi khams yongs su 'da' zhing / dgongs pa bskyed pa gcig gis bskal pa tha dad pa'i rim pas sangs rgyas kyi zhing brjod </font><hr>37-1-31b<br><font size=+1>
du med pa'i yang brjod du med pa'i rdul shin tu phra ba snyed 'byung bar mdzad do/ /de lta bur gshegs pas bskal pa 'jig rten gyi khams thams cad kyi rdul shin tu phra ba snyed du gshegs shing / 'jig rten gyi khams thams cad kyi sems kyi rgyud ji snyed pa'i bskal par 
bzhud de/ 'jig rten gyi khams thams cad kyi rdul shin tu phra ba snyed kyi/ 'jig rten gyi khams tsam du khor kun tu rgya che zhing yangs pa'i khor yug chen po'i rdo rje'i ri dang / sangs rgyas kyi zhing gi rnam pa brjod du med pa'i yang brjod du med pa la bsgres pa 
snyed kyi rdul shin tu phra ba snyed kyang / de la bsgres pa de snyed ba spu'i khung bu gcig tu btsud de/ ba spu'i khung bu gcig tu ji lta ba bzhin du/ sku'i ba spu'i khung bu thams cad du btsud de/ ba spu'i khung bu yang sems can thams cad de snyed du gyur la/ 
de dag thams cad bsnams te/ de snyed kyi ba spu'i khung bur tshul de bzhin du bshams te/ thugs bskyed pa de lta bus/ de bzhin gshegs pa 'jig rten gyi khams thams cad du rgyu zhing gshegs sam/ phyogs kyi dra ba thams cad du rgyu zhing gshegs 
sam/ nam mkha'i dbyings thams cad du rgyu zhing gshegs sam/ 'jig rten gyi khams kyi rgyud 'grangs pa sngon gyi mthar gtogs pa nas bzung ste/ phyi ma'i mtha'i bskal pa'i mur thug par/ de bzhin gshegs pas bskal pa thams cad zad par 
gyur kyang de bzhin gshegs pa bzhud pa la brtson pa ni nyams par mi 'gyur ro/ /sku nyams chung bar mi 'gyur ro/ /dgongs pa rnam par 'khrug par mi 'gyur ro/ /ting nge 'dzin nyams par mi 'gyur ro/ /de bzhin gshegs pa'i sku yongs su nyams par 
mi 'gyur te/ 'di ni sangs rgyas bcom ldan 'das rnams kyi mthu bo che chen po'i stobs sangs rgyas kyi spyod pa'i rgyal mtshan gyi chos gsum pa'o/ /gzhan yang sangs rgyas bcom ldan 'das rnams ni bsod snyoms gcig bzhes nas bskal pa brjod du med par skyil </font><hr>37-1-32a<br><font size=+1>
mo krung gcig bcas pas/ nyin mtshan gyi rgyud du sngon gyi mtha' dang / phyi ma'i mtha'i mur gtogs pa'i bskal pa 'das par bzhugs kyang / sku mi g.yo zhing bde ba'i dam pa la spyod pa dang / sangs rgyas kyi rnam par spyod pa bsam gyis 
mi khyab par rnam par spyod kyang / sems can 'ga' tsam la yang sangs rgyas kyi phrin las rgyun 'chad par mi 'gyur ro/ /de bzhin gshegs pa'i sku de la 'jig rten gyi khams thams cad yongs su bkod de/ 'jig rten gyi khams de dag gi sems can gcig 
gi lus kyang 'jig rten gyi khams sangs rgyas kyi zhing brjod du med pa'i yang brjod du med pa'i rdul shin tu phra ba snyed tsam du che ba de lta bur gyur la/ sems can gcig gi lus kyi tshad ji tsam pa de tsam gyi lus su sems can thams cad kyang gyur la/ sems can de dag re re'i 
gzugs kyang 'jig rten gyi khams thams cad kyi lcid ji tsam yod pa de tsam du gyur te/ sems can gcig ji ltar lci ba bzhin du sems can thams cad re re'i lcid kyang de tsam du gyur te/ sems can de dag thams cad de bzhin gshegs pa'i phyag sor gyi 
rtse mo gcig la/ /phyi ma'i mtha'i bskal pa'i mur thug par bsnams te/ phyag sor gyi rtse mo gcig gis ji ltar bsnams pa de bzhin du phyag sor thams cad kyi rtse mo la'ang / de tsam re re bsnams kyang / de'i phyir de bzhin gshegs pa la sku mnyel 
ba 'am/ dgongs pa dub par mi 'gyur te/ thugs bskyed pa'i cha shas shin tu phra ba gcig tsam du yang sdug bsngal mi bde ba skye bar mi 'gyur ro/ /de bzhin du 'jig rten gyi khams la 'jug pa dang / nam mkha'i dbyings la 'jug pa dang / phyogs 
kyi dra ba'i rnam pa la 'jug pa re re dang de lta bu la 'jug pa nam mkha'i khams ma lus pa'i dbyings kyis klas pa/ chos kyi dbyings kyi mthas gtugs pa skra'i rtse mo'i cha shas kyis gzhal ba'i 'jig rten gyi khams la 'jug pa thams cad re re zhing yang / skra'i rtse mo'i </font><hr>37-1-32b<br><font size=+1>
cha shas kyis gzhal te/ nam mkha'i dbyings kyis kun tu khyab pa thams cad ma lus pa'i skra'i rtse mo'i cha shas kyi tshad kyis nam mkha'i dbyings la 'jug pa thams cad du zhugs te/ de bzhin gshegs pa'i spyod lam 'di'i tshul dang / skyil mo krung 
gcig tu bzhugs pa'i spyod pas/ sngon gyi mtha' dang / phyi ma'i mtha'i mur thug pa'i bskal pa zad par mdzad de/ bskal pa 'da' bar mdzad cing / bskal pa la rab tu 'jug ste/ 'di ni sangs rgyas bcom ldan 'das rnams kyi mthu bo che 
chen po'i stobs sangs rgyas kyi spyod pa'i rgyal mtshan gyi chos bzhi pa'o/ /gzhan yang sangs rgyas bcom ldan 'das rnams ni sku gcig la/ /dbu sangs rgyas kyi zhing brjod du med pa'i yang brjod du med pa'i rdul shin tu phra ba snyed byin gyis brlabs te/ 
dbu re re la yang ljags sangs rgyas kyi zhing brjod du med pa'i yang brjod du med pa'i rdul shin tu phra ba snyed byin gyis brlabs nas/ de dag re res kyang dbyangs kyi yan lag dang sgra skad kyi gsung / sangs rgyas kyi zhing brjod du med pa'i yang brjod du med pa'i 
rdul shin tu phra ba snyed re re brjod de/ chos kyi dbyings ma lus pa'i sems can gyi khams thams cad go bar mdzad cing dbyangs kyi yan lag dang sgra skad kyi gsung re res kyang mdo sde sangs rgyas kyi zhing brjod du med pa'i yang brjod du med pa'i rdul shin tu 
phra ba snyed bshad la mdo sde re re la'ang chos bstan pa/ sangs rgyas kyi zhing brjod du med pa'i yang brjod du med pa'i rdul shin tu phra ba snyed rab tu gzhol bar mdzad de/ chos bstan pa gcig las kyang chos kyi tshig dang yi ge sangs rgyas kyi zhing brjod du med pa'i yang brjod du 
med pa'i rdul shin tu phra ba snyed brjod par gyur la/ /chos bstan pa gcig las ji lta ba de bzhin du chos bstan pa thams cad las kyang de snyed kyi chos kyi tshig dang yi ge brjod de/ de ltar brjod pas bskal pa sangs rgyas kyi zhing brjod du med pa'i yang brjod </font><hr>37-1-33a<br><font size=+1>
du med pa'i rdul shin tu phra ba snyed du rab tu bstan la/ bskal ba sangs rgyas kyi zhing brjod du med pa'i yang brjod du med pa'i rdul shin tu phra ba snyed zad par gyur kyang / da dung gzhan yang bskal pa sangs rgyas kyi zhing brjod du med pa'i yang brjod du med pa'i rdul 
shin tu phra ba snyed du brgyud cing rab tu ston pa'i tshul gyis rnam grangs 'dis bskal pa 'jig rten gyi khams thams cad kyi rdul shin tu phra ba snyed du rab tu bstan la/ /rnam grangs 'di 'dra bas bskal pa 'jig rten gyi khams thams cad kyi rdul shin tu phra ba snyed zad la sems 
can thams cad kyi sems kyi spyod pa snyed kyi bskal pa 'das par gyur te/ phyi ma'i mtha'i mur thug pa'i bskal pa zad cing 'das par byas kyang / de bzhin gshegs pa'i sprul pa chos thams cad snang ba'i 'khor lo bskor ba dang / chos thams 
cad rab tu shes par bstan cing lung bstan pa dang / the tsom thams cad rab tu gcod pa'i chos kyi 'khor lo bskor ba dang / chos thams cad snang bar byed pa'i/ chos kyi 'khor lo bskor ba dang / byang chub sems dpa'i spyod pa thams cad brjod pa'i rgyun 
dang ldan pa'i chos kyi 'khor lo bskor ba dang / ye shes kyi nyi ma'i dkyil 'khor chen po'i rgyan dang ldan pa'i chos kyi 'khor lo bskor ba dang / 'gro ba thams cad ma lus par ye shes kyi sgron ma chen pos brgyan pa'i chos kyi 'khor lo bskor ba dang / so 
so yang dag par rig pa dang / mi 'jigs pa chen pos brgyan pa'i chos kyi 'khor lo bskor ba rgyun mi 'chad de/ sangs rgyas kyi sku gcig gi byin gyi rlabs kyis ji lta ba de bzhin du chos kyi 'khor lo'i sprin chen po dpe thams cad la/ /dpe med 
par rab tu 'byung bar 'gyur ro/ /de bzhin du chos kyi dbyings ma lus pa thams cad kyi nam mkha'i dbyings kyi mthas gtugs pa skra'i rtse mo'i cha shas kyis gzhal ba ma lus pa thams cad chags pa med par rnam par dbye bas/ sangs rgyas kyi zhing </font><hr>37-1-33b<br><font size=+1>
brjod du med pa'i yang brjod du med pa snyed kyi sangs rgyas kyi sprul pa de snyed de snyed du dgongs pa'i skad cig re re la phyi ma'i mtha'i mur thug pa'i bskal par sprul pa mdzad cing / de bzhin gshegs pa'i sprul pa'i sku thams cad las de bzhin gshegs pa'i sku re re la 'ang 
de snyed de snyed kyi dbu mnga' bar 'gyur la gzhung de bzhin du dbu re re la yang de snyed de snyed kyi ljags mnga' bar gyur te/ ljags re re las kyang de snyed de snyed kyi dbyangs kyi yan lag dang / sgra skad kyi gsung chos kyi dbyings ma lus pa'i sems can gyi khams thams 
cad go bar mdzad par byung la/ dbyangs kyi yan lag dang / sgra skad kyi gsung de dag re res kyang de snyed de snyed kyi mdo sde bshad par gyur la mdo sde de dag re re la yang de snyed de snyed kyi/ /chos bstan pa la rab tu gzhol bar mdzad de/ chos bstan pa de 
dag de re re las kyang / /de snyed de snyed kyi chos kyi tshig dang yi ge brjod par gyur la/ chos kyi tshig dang yi ge de dag re res kyang chos kyi dbyings ma lus pa thams cad dbyangs kyis rgyas par bkang ste/ sems can gyi khams ma lus pa thams cad 
go bar mdzad kyang de bzhin gshegs pa'i dbyangs la dub pa mi mnga' ste/ nyams par mi 'gyur la thogs pa mi mnga' zhing dma' bar mi 'gyur te/ de lta bu'i chos kyi 'khor lo bskor yang bskal pa phyi ma'i mtha'i mug thug pa'i bar du rgyun 'chad 
par mi 'gyur te/ 'di ni sangs rgyas bcom ldan 'das rnams kyi mthu bo che chen po'i stobs sangs rgyas kyi spyod pa'i rgyal mtshan gyi chos lnga pa'o/ /gzhan yang sangs rgyas bcom ldan 'das rnams ni thugs dpal gyi be'us brgyan pa/ rdo rje chen po ltar 
shin tu brtan par grub pa mnga' bdag ste/ de dag byang chub kyi shing drung du byon na bdud sdig to can gyis sems can thams cad snyed kyi bdud kyi sde/ gzugs sna tshogs can shin tu mi sdug pa/ 'jigs 'jigs ltar 'dug pa/ rab tu sdang ba'i </font><hr>37-1-34a<br><font size=+1>
gzugs can 'jig rten thams cad shin tu 'jigs pa'i gzugs can rab tu skyi g.ya' ba bskyed pa'i gzugs can/ bdud shin tu mi sdug pa'i gzugs 'chang ba rab btsog por 'jigs pa/ 'jigs pa chen po skyed pa/ 'gro 
ba thams cad gsod pa/ 'jig rten thams cad phung bar byed pa de lta bu sha stag gis/ byang chub kyi shing drung dang / chos kyi dbyings thams cad dang / nam mkha'i dbyings kyi mthar thug par gang bar gzigs kyang byang chub kyi shing drung na bzhugs pa'i 
de bzhin gshegs pa rnams la bsnyengs pa mi mnga' 'o/ /bag tsha ba mi mnga' 'o/ /ba spu gcig kyang g.yo ba med do/ /dgongs pa'i cha shas shin tu phra ba 'ga' tsam gyis kyang de ltar rnam pa tha dad pa'i gzugs la mtshan ma rnam pa tha dad pa 'dzin pa mi mnga' 
ste/ shin tu brtan no/ /g.yo ba med do/ /mi sgul to/ /'gyur ba myed do/ /rnam par rtog pa med do/ /shin tu zhi'o/ /bsnyengs pa dang bag tsha ba thams cad dang shin tu bral lo/ /sdug pa dang khong khro ba shin tu spangs so/ /sangs rgyas 
kyi spyod pa rgyun mi 'chad de/ byams pa chen po'i stobs dang ldan pa'o/ /thugs rje chen po'i gnas kyi dbang po'i shin tu dben pa'o/ /bag tsha ba mi mnga' ba'i dgongs pa dang ldan pa'o/ /dgongs pa shin tu brtan zhing nyams pa mi mnga' ba'o/ /
tshur zil gyis mi non la phar zil gyis gnon pa'i dgongs pa dang ldan pa ste/ bdud thams cad dang / bdud kyi ris su gtogs pa'i lha thams cad dang / bdud kyi sde thams cad shin tu zil gyis gnon to/ /shin tu spa 'gong ngo / /de ltar zil 
gyis mnan te/ spa gong ba dang / de bzhin gshegs pa la skyabs tshol lo/ /de dag la'ang bcom ldan 'das de dag cho 'phrul chen po gsum gyis/ de bzhin gshegs pa'i 'dul ba mdzad pa nye bar bsgrubs te/ bla na med pa yang dag par rdzogs </font><hr>37-1-34b<br><font size=+1>
pa'i byang chub las phyir mi ldog par 'gyur ro/ /'di ni sangs rgyas bcom ldan 'das rnams kyi mthu bo che chen po'i stobs sangs rgyas kyi spyod pa'i rgyal mtshan gyi chos drug pa'o/ /gzhan yang sangs rgyas bcom ldan 'das rnams kyi gsung thogs 
pa med pa ni 'jig rten gyi khams ma lus pa de dang / de dag thams cad du sems can rnams 'dul ba'i don gyi rnam par dmigs par kun tu khyab pa 'byung ste/ de bzhin gshegs pa'i gsung de ni ri rnams la thogs pa myed do/ /ri rab la thogs pa 
med do/ /rin po che'i ri la thogs pa myed do/ /khor yug dang khor yug chen po la thogs pa med do/ /lha'i khyim la thogs pa med do/ /klu'i khyim la thogs pa med do/ /gnod sbyin gyi khyim la thogs pa med do/ /dri za'i khyim la 
thogs pa med do/ /lha ma yin gyi khyim la thogs pa med do/ /nam mkha' lding gi khyim la thogs pa med do/ /mi'am ci'i khyim la thogs pa med do/ /lto 'phye chen po'i khyim la thogs pa med do/ /mi dang mi ma yin pa'i khyim la 
thogs pa med do/ /gal te brgya la 'jig rten gyi khams thams cad na yod pa'i sgra chen po 'jig rten rnam pa tha dad pa'i sgras/ 'jig rten gyi khams thams cad gang ste/ ca co 'dres par gyur kyang / de la de bzhin gshegs pas gsungs pa'i gsung ni 
'dul ba'i sems can rnams kyi rna ba'i rnam par dmigs pa la bsgribs pa med pa yin te/ de bzhin gshegs pa'i gsung 'ba' shig de dag gi rna ba'i rnam par dmigs pa la/ lhang nge lham me lhan ne ste go bar mdzad pa'i tshig dang / yi ge rnams kyang rlag 
par mi 'gyur te/ 'di ni sangs rgyas bcom ldan 'das rnams kyi mthu bo che chen po'i stobs sangs rgyas kyi spyod pa'i rgyal mtshan gyi chos bdun pa'o/ /gzhan yang sangs rgyas bcom ldan 'das rnams kyi thugs ni chags pa mi mnga' ba ste/ bskal </font><hr>37-1-35a<br><font size=+1>
pa bye ba khrag khrig brgya stong brjod du med pa'i yang brjod du med par yongs su sbyangs ba'o/ /'das pa dang ma byon pa dang / da ltar byung ba'i sangs rgyas thams cad dang / rgyan gcig tu gyur pa'o/ /rnyog pa med cing rnam par dang 
ste shin tu gsal ba'o/ /bdag gi zhes bya ba mi mnga' ba'o/ /chos thams cad la mi gnas pa'o/ /nang na gnas pa ma yin pa'o/ /phyi rol na gnas pa ma yin pa'o/ /ma skyes pa'o/ /dmigs pa thams cad kyis dben pa'o/ /zhi 
zhes gnas med pa'o/ /rtsom pa med pa'o/ /'du shes sna tshogs thams cad la mi gnas pa'o/ /dngos po'i rnam par rtog pa thams cad 'gags pa'o/ /rang bzhin gyi 'od dang zhing gsal ba'o/ /yongs su dag pa'o/ /dmigs pa dang 
yid la bya ba thams cad dang ma 'dres pa'o/ /chos thams cad nyon mongs pa med pa'i yul dang ldan pa'o/ /yang dag pa'i mtha' 'dod chags dang bral bas dag pa'o/ /chos kyi dbyings shin tu bstan pa'i mthar thug pa'o/ /chos kyi dbyings 
kun nas mi zad pa dang ldan pa'o/ /'du shes kyi rnam pa thams cad kyi tshad dang tshad med pa dang bral ba'o/ /'dus byas dang 'dus ma byas kyi brjod pa thams cad 'gags pa'o/ /tshig gi lam gyis brjod du med pa'i mthar thug pa'i yul lo/ /
mi zad pa dang chags pa med pa'i dbyings kyi mthar thug pa'o/ /ye shes sngon du 'gro ba'o/ /stobs bcu'i rgyan du gyur pa'o/ /chos thams cad kyis rnam par dag pa'o/ /thabs mkhas pas byung ba'o/ /chos sna tshogs dang chos du ma dang / chos 
thams cad shin tu bstan pa dang mi 'gal ba'o/ /dus gsum du tha dad pa med pa'o/ /chos kyi dbyings thams cad du chos gzhi med pa thams cad kyi mnga' ba'i pha rol tu phyin pa brnyes pa'o/ /chos thams cad la mnga' ba'i 'byung gnas dang / mdzod </font><hr>37-1-35b<br><font size=+1>
du gyur pa'o/ /chos kyi tshul thams cad dgongs pa khyad par du rmongs pa med pa'o/ /zhing gi rgyud du gtogs pa thams cad dang phyogs kyi dra ba dang / rgyud 'byam klas pa ma lus pa thams cad la mi gnas pa brtan zhing mi g.yo la nyams pa med pa'i 
ye shes kyis rab tu gzigs pa/ chos ma lus pa thams cad kyi mthar thug pa zag pa thams cad yongs su zad pa dgongs pa rnam par grol zhing zag pa mi mnga' ba dang / shes rab rnam par grol bas shin tu rnam par grol ba yang dag pa'i mtha' mi zad 
pas klas pa/ chags pa med par rnam par spyod pa rtag tu mnyam par bzhag pa dus gsum thams cad du bsgribs pa med par 'byung ba/ sems can thams cad kyi dus gsum gyi sems dang spyod pa thams cad ma lus par thugs skad cig gis rab tu 
mkhyen pa ste/ 'di ni sangs rgyas bcom ldan 'das rnams kyi mthu bo che chen po'i stobs sangs rgyas kyi spyod pa'i rgyal mtshan gyi chos brgyad pa'o/ /gzhan yang sangs rgyas bcom ldan 'das rnams kyi chos kyi sku ni sku mi mnga' ba ste/ rang bzhin 
gcig tu gyur pa sangs rgyas thams cad kyi yul tshad med pa'i sku'o/ /mtha' dang dbus med par yongs su grub pa'i sku'o/ /'jig rten thams cad kyis zad par mi nus pa'i sku'o/ /khams gsum pas gos pa med pa'i sku'o/ /brten pa'i 
skus rnam par dmigs pa'o/ /lhag pa'i bsam pa dang rjes su dran pa'i byin gyi rlabs kyis sku'i rang bzhin yang dag par ston pa'o/ /bden pa med pa dang / brdzun pa med pa'i sku mnyam pa nyid kyis yongs su dag pa'o/ /chos kyi sku bzhud pa 
dang byon pa med pa'i sku'o/ /'dus ma byas pas 'jig pa med pa'i sku'o/ /mtshan nyid med pas mtshan nyid gcig pa'i chos kyi sku'i rang bzhin no/ /yul na mi gnas pa dang phyogs na mi gnas pa'i sku'o/ /ma lus pa thams cad kyi lus </font><hr>37-1-36a<br><font size=+1>
kyi sku'o/ /sangs rgyas kyi khyu mchog gis mthu phyung ba dang / rnam par 'phrul pa mtha' yas pa'i sku'i rang bzhin no/ /lus thams cad du yongs su gzhol ba'i sku sna tshogs su rnam par dmigs pa mdzad kyang chos kyi sku'i 
tshul gyi rjes su 'brang ba'o/ /ye shes kun tu snang ba'i snying po can no/ /sku yongs kyi mdzod du gyur pa'o/ /chos kyi dbyings rnam pa tha dad pa med pa shin tu bstan pa'i sku'o/ /khams ma lus pa thams cad rgyas par 'gengs pas/ kun tu khyab 
pa'i sku'i rang bzhin no/ /mi g.yo mi dgongs pa'i sku rnam par dag pa'o/ /yod pa'ang ma yin med pa'ang ma yin pa'i tshul dang tshul ma yin par rab tu brjod pa'i sku'o/ /sems can gyi mos pa rnam pa sna tshogs 'dul bar gyur ba'i sku'o/ /
'gags pa'ang ma yin ma 'gags pa'ang ma yin pas 'dul ba ston pa'i sku'o/ /yon tan rin po che thams cad yang dag par 'byung bas shin tu 'phags pa'i sku'o/ /chos thams cad sangs rgyas kyi chos kyi 
de bzhin nyid du yang dag par bsgrubs pa'i sku'o/ /rang bzhin gyis rab tu zhi zhing bsgribs pa med pa'i mthar thug pa'i sku'o/ /thogs pa mi mnga' bas chos thams cad thugs su chud pa'i sku'o/ /thams cad kyi rjes su song ba'i chos kyi dbyings kyis 
rnam par dag cing 'jig rten thams cad du shin tu rnam par phye ba'i sku'o/ /phyir mi ldog cing bsgribs pa mi mnga' la/ sangs rgyas kyi rnam par thar pas ye shes thams cad rjes su 'brang zhing / yang dag par gzhol bas thugs su 
chud pa'i sku ste/ 'di ni sangs rgyas bcom ldan 'das rnams kyi mthu bo che chen po'i stobs sangs rgyas kyi spyod pa'i rgyal mtshan gyi chos dgu pa'o/ /gzhan yang sangs rgyas bcom ldan 'das rnams kyi ye shes mnyam pa med pa dang / mnyam pa ni </font><hr>37-1-36b<br><font size=+1>
de bzhin gshegs pa thams cad kyis thugs su chud pa ste/ byang chub sems dpa'i spyod pa thams cad kyis byung ba'o/ /mngon par 'grub pa'i spyod pa khyad par du 'phags pa'i smon lam dang / byang chub sems dpa'i spyod pas rnam par dag pa'o/ /byang 
chub sems dpa'i spyod pa thams cad kyis yongs su rdzogs par byas pa'o/ /tha dad pa med pa'o/ /sangs rgyas thams cad kyi byang chub sems dpa'i spyod pa thams cad kyis byung ba'o/ /byang chub sems dpa'i spyod pa rgya mtsho'i spyod pa'i tshul thams cad thugs 
su chud pa'o/ smon lam dang spyod pa chen pos yongs su mi dog pa'o/ /spyod pa thams cad mi mnyam pa med pas yongs su rdzogs par byas pa'o/ /spyod pa'i stobs la thub par dka' ba'i spyod pa thams cad kyis mngon par byung ba'o/ /
spyod pa thams cad kyis rnam par dag pa'o/ /byang chub sems dpa'i spyod pa legs par spyad pas rgyud dma' ba med pa'o/ /sangs rgyas thams cad kyis tshad med par spyod pa'o/ /ting nge 'dzin thams cad kyis spyod yul mtha' yas 
pa'o/ /lam thams cad kyis rab tu brjod pa ma yin pa'o/ /lam gyi yul med pa'o/ /lam thams cad la rab tu zhugs pa'o/ /ye shes dam pa'i stobs kyi tshul mkhyen pa'o/ /bag tsha ba mi mnga' bas chos kyi char 'bebs pa'i 'khor lo 
dang ldan pa'o/ /dge ba dris pa dang ma dris pa la rjes su 'thun pa'i chos kyi tshul ston pa mkhyen pa'o/ /mnyam pa med pa dang mnyam pas shin tu dag pa'o/ /sku dang thugs dang gsung gi yang dag par spyod pa rnams la phrin las gsum yongs 
su dag pa dang / sangs rgyas kyi bsgom pas brnyes pa'o/ /sangs rgyas kyi rnam par spyod pas brnyes pa'o/ /de bzhin gshegs pa'i rigs thams cad bskyed pa'i don du sangs rgyas kyi ye shes kyi mdzad pa thams cad rab tu 'byung ba'o/ /</font><hr>37-1-37a<br><font size=+1>
thams cad mkhyen pa'i gnas kyi bstan pa tshad med pa'i gnas rtsa ba med pa dang ldan pa'o/ /mngon par shes pa'i ye shes thams cad kyi mthar thug par mi 'gyur ba'o/ /'jig rten gyi sems kyi spyod pa'i shes pa thams 
cad kyis bsam gyis mi khyab pa'o/ /chos thams cad ma lus par mkhyen cing gzigs pas sems can thams cad yongs su skyob pa'o/ /dus gsum yangs pa thams cad kyi tshul shin tu phra ba mtha' dang dbus med pa ma lus par mkhyen pa'o/ /
'jig rten las 'das pa'i don mkhyen pa'i phyir phra ba'i ye shes thugs su chud pas 'jig rten gyi khams ma lus pa thams cad rnam par dag pa phyir mi ldog pa'i ye shes kyis sangs rgyas kyi phrin las brjod du med pa 'jig rten thams cad du sbyor ba'o/ /
sangs rgyas kyi sku 'grangs pa thams cad thugs su chud pa'i ye shes kyis yi ge med pa'i chos thugs su chud pa'o/ /yi ge sna tshogs rnam par phye ba dang / yi ge thams cad smos shing brjod pa mkhyen pas/ brjod du med pa thugs su chud pa'o/ /
kun tu bzang po'i ye shes kyi dge ba'i rtsa ba'i chos spyad pa thams cad rnam par dag pa'o/ /dam bcas pa'i tshul bzhin du sems can thams cad kyi lus dang skye mched ji ltar dgongs pa'i skad cig dang ldan pa'i shes rab kyis chos thams cad khong du chud 
par ston pa mkhyen pa'o/ /chos thams cad kyi don du chos yongs su btang zhing rim gror byas pas thugs su chud pa'o/ /'jig rten gyi khams thams cad ma lus par yul du gyur pa'o/ /chos kyi dbyings ma lus pa thams cad yul du gyur 
pa'o/ /dus gsum thams cad la dgongs pa skad cig gis chags pa med par mkhyen cing thugs su chud pa'i yul dang ldan pa'o/ /de bzhin gshegs pa thams cad kyi sangs rgyas 'byung ba ma lus par yul du gyur pa'o/ /'jigs pa med par </font><hr>37-1-37b<br><font size=+1>
'dul ba thams cad yul du gyur pa'o/ /thams cad kyi rjes su song zhing rnam par dag pa'i yul thams cad mngon par sangs rgyas pa'o/ /sa mtshams med cing thug pa med pa'i mngon par shes pa rnam par sangs rgyas pa'o/ /sems can thams 
cad kyi sems dang yid dang rnam par shes pa'i rnam pa dus gsum du brjod pa ma lus pa thams cad dgongs pa'i skad cig gis mkhyen cing thugs su chud pa'o/ /sems can gyi rnam pa thams cad las mtshams ma bcad pa'o/ /'jig rten gyi 
khams kyi rnam pa thams cad la mu med pa'o/ /dus gsum gyi rnam pa thams cad la mtha' yas pa'o/ /sangs rgyas kyi khyu mchog gi mthu phyung ba'i rnam pa thams cad la tshad med pa'o/ /shes bya'i rnam pa thams cad la lhag ma ma lus pa ste/ 
de dag thams cad lhag par med par mngon par sangs rgyas pas sangs rgyas kyi ye shes sangs rgyas kyi rdzu 'phrul dang rnam par 'phrul pas byung ba thams cad thugs su chud pa dang / mkhyen pa thams cad rgyun 'chad pa med de/ de la sangs rgyas bcom 
ldan 'das rnams sangs rgyas kyi khyu mchog gi mthu phyung ba'i skus/ /mtha' dang dbus med par spyod pa yin/ /chags pa med pa'i dgongs pas spyod pas mtha' dang dbus med pa spyod pa yin/ thugs rje chen po'i sbyor bas dus thams cad du 
rtag tu rgyun mi 'chad par chos bstan pa la spyod pas mtha' dang dbus med par spyod pa yin te/ 'di ni sangs rgyas bcom ldan 'das rnams kyi sangs rgyas kyi mthu bo che chen po'i stobs sangs rgyas kyi spyod pa'i rgyal mtshan gyi chos bcu pa'o/ /kye rgyal ba'i sras bcu 
po de dag ni sangs rgyas bcom ldan 'das rnams kyi mthu bo che chen po'i stobs sangs rgyas kyi spyod pa'i rgyal mtshan gyi chos rnams te/ 'das pa dang ma 'ongs pa dang / da ltar byung ba'i sems can thams cad dang / nyan thos dang / rang sangs rgyas </font><hr>37-1-38a<br><font size=+1>
thams cad kyis bsam gyis mi khyab cing dpag tu mi nus pa dag go /kye rgyal ba'i sras bcu po 'di dag ni sangs rgyas bcom ldan 'das rnams kyi thogs pa mi mnga' ba rnams te/ sangs rgyas bcom ldan 'das rnams ni dga' ldan 
gyi tshe ji srid par bzhugs nas 'pho ba la thogs pa mi mnga'a'o/ sangs rgyas bcom ldan 'das rnams ni zla ba bcus bltams pa bstan pa la thogs pa mi mnga'a'o/ /sangs rgyas bcom ldan 'das rnams ni mngon par 'byung bar dgyes pa'i dgongs 
pas mngon par 'byung ba la thogs pa mi mnga'a'o/ /sangs rgyas bcom ldan 'das rnams ni byang chub kyi shing drung du bzhugs nas sangs rgyas kyi chos thams cad mngon par 'tshang rgya ba la thogs pa mi mnga'a'o/ /sangs rgyas bcom ldan 'das rnams ni 
dgongs pa'i skad cig gis sangs rgyas kyi chos thams cad mngon par sangs rgyas nas 'jig rten gyi khams thams cad du de bzhin gshegs pa'i rnam par 'phrul pa thams cad yongs su bstan pa la thogs pa mi mnga'a'o/ /sangs rgyas bcom ldan 
'das rnams ni dus bzhin du 'dul ba rnams la chos kyi 'khor lo bskor ba la thogs pa mi mnga'a'o/ /sangs rgyas bcom ldan 'das rnams ni dge ba'i rtsa ba ji ltar bskyed pa'i tshul bzhin du dus la bab par bshad cing lung bstan pa la thogs pa mi mnga' 'o/ /
sangs rgyas bcom ldan 'das rnams ni dus la bab pa'i tshul bzhin du sangs rgyas kyi phrin las mdzad pa la thogs pa mi mnga'a'o/ /sangs rgyas bcom ldan 'das rnams ni byang chub sems dpa' yongs su grub pa rnams lung bstan pa la thogs pa mi mnga'a'o/ /
sangs rgyas bcom ldan 'das rnams ni skad cig gcig tu sems can thams cad kyis dri ba yongs su dris pa skad cig gcig gis lung bstan pa la thogs pa mi mnga' ste/ kye rgyal ba'i sras bcu po de dag ni sangs rgyas bcom ldan 'das rnams kyi thogs pa mi </font><hr>37-1-38b<br><font size=+1>
mnga'a'o/ /kye rgyal ba'i sras bcu po 'di dag ni/ sangs rgyas bcom ldan 'das rnams kyi de bzhin gshegs pa mthong ma thag tu myur du 'byung ba'i chos rnams te/ bcu gang zhe na/ sangs rgyas bcom ldan 'das rnams ni mthong ma thag tu 
sems can rnams myur du ngan song dang bral bar 'gyur ro/ /sangs rgyas bcom ldan 'das rnams ni mthong ma thag tu sems can rnams myur du bsod nams yongs su rdzogs pa 'thob par 'gyur ro/ /sangs rgyas bcom ldan 'das rnams ni mthong ma thag 
tu sems can rnams myur du dge ba'i rtsa ba yongs su smin par 'gyur ro/ /sangs rgyas bcom ldan 'das rnams ni mthong ma thag tu sems can rnams myur du mtho ris su skye ba yongs su dag pa thob par 'gyur ro/ /sangs rgyas bcom ldan 'das rnams 
ni mthong ma thag tu sems can rnams ni myur du yid gnyis dang / nem nur yang dag par bstsal ba thob par 'gyur ro/ /sangs rgyas bcom ldan 'das rnams ni mthong ma thag tu sems can rnams myur du byang chub kyi sems bskyed nas phyir mi ldog pa 'thob 
par 'gyur te/ sems can mos pa yangs pa dang ldan pa sangs rgyas kyis 'dul ba las byang chub tu sems ma bskyed pa rnams kyang bla na med pa yang dag par rdzogs pa'i byang chub tu sems bskyed do/ /sangs rgyas bcom ldan 'das rnams ni mthong ma thag tu 
skyon med par ma 'das pa dmyigs pa'i lta ba can gyi sems can rnams myur du skyon med par 'da' ba'i rgyu rab tu 'dzin to/ /sangs rgyas bcom ldan 'das rnams ni mthong ma thag tu sems can rnams myur du 'jig rten pa dang / 'jig rten las 'das pa'i dbang po rnam 
par dag par 'gyur ro/ /sangs rgyas bcom ldan 'das rnams ni mthong ma thag tu sems can rnams myur du bsgribs pa thams cad byang ba thob par 'gyur ro/ /sangs rgyas bcom ldan 'das rnams ni mthong ma thag tu sems can rnams myur du snang ba 'thob </font><hr>37-1-39a<br><font size=+1>
cing mi 'jigs pa zhum pa med pa'i spobs pa rab tu rtsom ste/ kye rgyal ba'i sras bcu po de dag ni sangs rgyas bcom ldan 'das rnams kyi de bzhin gshegs pa mthong ma thag tu myur du 'byung ba'i chos rnams so/ /kye rgyal ba'i sras 
bcu po 'di dag ni sangs rgyas bcom ldan 'das rnams kyi rjes su dran pa rnam par dag pa ste/ bcu gang zhe na/ sangs rgyas bcom ldan 'das rnams ni sngon gyi sbyor bas kyang byang chub sems dpa' rnams kyis rjes su dran par bya ba yin/ sangs rgyas bcom 
ldan 'das rnams ni spyod pa rnam par dag pas kyang byang chub sems dpa' rnams kyis rjes su dran par bya ba yin/ sangs rgyas bcom ldan 'das rnams ni pha rol tu phyin pa yongs su rdzogs pas kyang byang chub sems dpa' rnams kyis rjes su dran pa bya ba 
yin/ sangs rgyas bcom ldan 'das rnams ni smon lam chen po yongs su rdzogs pas kyang byang chub sems dpa' rnams kyis rjes su dran par bya ba yin/ sangs rgyas bcom ldan 'das rnams ni yang dag par bsgrubs pas kyang / byang chub sems 
dpa' rnams kyis rjes su dran par bya ba yin/ sangs rgyas bcom ldan 'das rnams ni sngon gyi mthar sangs rgyas kyi tshangs par spyod pa la spyad pas kyang byang chub sems dpa' rnams kyis rjes su dran par bya ba yin/ sangs rgyas bcom ldan 'das 
rnams ni mngon par 'tshang rgya ba'i sgo nas kyang byang chub sems dpa' rnams kyis rjes su dran par bya ba yin/ sangs rgyas bcom ldan 'das rnams ni gzugs kyi sku tshad med mu med pas kyang byang chub sems dpa' rnams kyis rjes su dran par bya ba yin/ 
sangs rgyas bcom ldan 'das rnams ni sangs rgyas kyi yul gyis rnam par 'phrul pa tshad med mu med pas kyang byang chub sems dpa' rnams kyis rjes su dran par bya ba yin/ sangs rgyas bcom ldan 'das rnams ni stobs bcu dang mi 'jigs pas </font><hr>37-1-39b<br><font size=+1>
kyang byang chub sems dpa' rnams kyis rjes su dran par bya ba yin te/ kye rgyal ba'i sras bcu po 'di dag ni sangs rgyas bcom ldan 'das rnams kyi rjes su dran pa rnam par dag pa'o/ /kye rgyal ba'i sras bcu po 'di dag ni de bzhin gshegs pa rnams 
kyi thams cad mkhyen pa nyid kyi rnam par spyod pa ste/ bcu gang zhe na/ 'di ltar chos kyi dbyings thams cad dang / dus gsum gyi sems can thams cad kyi sems sna tshogs dang / sems du ma dang spyod pa dang g.yo ba'i rgyud thams cad ma lus 
pa dgongs pa gcig gis thugs su chud pa dang / dus gsum gyi sems can thams cad kyi las dang las kun nas blangs pa sna tshogs cha ma cho dgu rnam pa tha dad pas mngon par 'gro zhing nye bar stsogs pa mang nyung dang / rnam par smin pa 
tha dad par ma lus par dgongs pa gcig gis thugs su chud pa dang / chos kyi dbyings thams cad kyi sems can gyi rigs sna tshogs dang / sems can gyi rigs du ma'i sems can ma lus pa thams cad 'dul ba'i dus ji bzhin du yongs su 
bstan pa'i cho 'phrul dang rjes su bstan pa'i cho 'phrul dang / rdzu 'phrul gyi cho 'phrul gyis byin gyi rlabs yang dag par bstan pa ma lus par thugs su chud pa dang / chos kyi dbyings thams cad dang / phyogs dra ba'i rgyud thams cad dang / 'jig 
rten gyi khams kyi rgyud thams cad kyi sems can thams cad kyi sems kyi mtshan ma bzung ste/ sangs rgyas bstan pa dang / skye ba dang rnam par dbye ba ma lus par thugs su chud pa dang / 'jig rten gyi khams thams cad kyi sems can rnams 
kyi bsam pa ji lta ba dang / mos pa ji lta ba dang 'dul ba ji lta ba bzhin du rnam pa tha dad pa tshad med par skad cig du sangs rgyas bstan pa dang / rnam par dmigs par bya ba dang / byin gyis brlab pa ma lus par thugs su chud pa dang / 'jig </font><hr>37-1-40a<br><font size=+1>
rten gyi khams thams cad kyi sems can pha rol gyi bsam pa la/ sangs rgyas kyi byin gyi rlabs yang dag par bstan pa ma lus pa thugs su chud pa dang / chos kyi dbyings thams cad kyi sems can rnams 'dul ba ji 
lta ba bzhin du nye bar len pa med pa'i sangs rgyas nyid du 'gyur bar/ gdams ngag dang rjes su bstan pas/ de bzhin gshegs pa 'byung ba bstan pa ma lus par thugs su chud pa dang / chos kyi dbyings thams cad kyi sems can thams cad kyi 
thams cad du 'gro ba dang / de dang der 'gro ba'i lam la lus par dgongs pa'i skad cig gcig gis thugs su chud pa dang / chos kyi dbyings thams cad kyi sems can rnams kyis/ sangs rgyas rjes su dran pa phyogs thams cad du btang ba'i 
tshul ma lus par dgongs pa'i skad cig gcig gis thugs su chud pa dang / chos kyi dbyings thams cad kyi sems can rnams kyi mos pa dang / sems kyi tshad ji lta ba bzhin du sangs rgyas kyi sku kha dog mu med pa dbyibs mtha' yas pa 
bstan pa ma lus par dgongs pa'i skad cig gcig gis thugs su chud pa ste/ kye rgyal ba'i sras bcu po de dag ni de bzhin gshegs pa dgra bcom pa yang dag par rdzogs pa'i sangs rgyas rnams kyi thams cad mkhyen pa nyid kyi rnam par spyod pa'o/ /
kye rgyal ba'i sras bcu po 'di dag ni de bzhin gshegs pa dgra bcom pa yang dag par rdzogs pa'i sangs rgyas rnams kyi sangs rgyas kyi ting nge 'dzin tshad med bsam gyis mi khyab pa rnams te/ bcu gang zhe na/ 'di ltar sangs rgyas bcom ldan 
'das rnams ni chos thams cad la rtag tu mnyam par bzhag kyang chos kyi dbyings ma lus pa thams cad kyi sems can rnams la'ang skad cig gcig tu chos ston pa mdzad do/ /sangs rgyas bcom ldan 'das rnams ni chos kyi dbyings ma lus pa </font><hr>37-1-40b<br><font size=+1>
thams cad kyi sems can thams cad la mnyam par bzhag kyang skad cig gcig gis sems can gyi khams sna tshogs rnam pa tha dad pa rnams kyang bdag med pa'i mtha' la gnas par yongs su ston to/ /sangs rgyas bcom ldan 'das rnams ni chos kyi dbyings ma 
lus pa thams cad kyi dus gsum la mnyam par bzhag kyang dgongs pa'i skad cig gcig gis cha shas la'ang mnyam par bzhag cing rnam par spyod do/ /sangs rgyas bcom ldan 'das rnams ni chos kyi dbyings ma lus pa thams cad kyi phyogs 'byam klas pa'i dra ba thams cad kyi sangs rgyas kyi zhing gi rgyud dang / rnam pa thams cad la mnyam par bzhag kyang mi zad pa'i zhing gi mtha' la'ang bzhugs shing rnam par spyod do/ /sangs rgyas bcom ldan 'das rnams ni chos kyi dbyings ma lus pa thams cad kyi 
sangs rgyas kyi sku mu med pa la mnyam par bzhag kyang 'jig rten gyi khams thams cad kyis kyang sangs rgyas kyi sku sna tshogs rnam par dmigs par yang dag par ston pa mdzad do/ /sangs rgyas bcom ldan 'das rnams ni chos kyi dbyings ma lus pa 
thams cad sku dang gsung dang thugs kyis yongs su rgyas par rtag tu mnyam par bzhag kyang sems can thams cad kyi sems 'byung ba'i mdzod sna tshogs la yang mos pa dang yid la byed pa ji lta ba bzhin du rnam par spyod do/ /sangs rgyas bcom ldan 
'das rnams ni chos kyi dbyings ma lus pa thams cad kyi chos thams cad kyi rang bzhin la rtag tu mnyam par bzhag kyang 'dod chags dang bral ba'i mtha'i mur thug pa la bzhugs pa yang yongs su mi gtong ngo / /sangs rgyas bcom ldan 'das 
rnams ni chos kyi dbyings ma lus pa thams cad kyi 'jig rten thams cad kyi rten pa la rtag tu mnyam par bzhag kyang dgongs pa skad cig gis rten 'brel bar 'byung ba brjod pa yang rab tu ston to/ /sangs rgyas bcom ldan 'das rnams ni </font><hr>37-1-41a<br><font size=+1>
chos kyi dbyings ma lus pa thams cad kyi 'jig rten pa dang 'jig rten las 'das pa 'byam klas pa la rtag tu mnyam par bzhag kyang dgongs pa skad cig gis sems can thams cad la sangs rgyas mu med pa bstan pa rnam par 
bkod pa'i tshul mu med pas sangs rgyas bstan pa rgyun mi gcod do/ /sangs rgyas bcom ldan 'das rnams ni chos kyi dbyings ma lus pa thams cad du bsgribs pa med par rtag tu mnyam par bzhag kyang dgongs pa skad cig gis sangs rgyas kyi chos thams 
cad kyang rtogs par thugs su chud cing sangs rgyas kyi rnam par thar pa mu med pa'i pha rol tu phyin pa'i mchog brnyes par bzhugs te/ kye rgyal ba'i sras bcu po de dag ni de bzhin gshegs pa dgra bcom pa yang dag par rdzogs pa'i sangs rgyas rnams kyi 
sangs rgyas kyi ting nge 'dzin tshad med pa bsam gyis mi khyab pa rnams so/ /kye rgyal ba'i sras bcu po 'di dag ni sangs rgyas bcom ldan 'das rnams kyi rnam par thar pa rnams te/ bcu gang zhe na/ rdul shin tu phra ba gcig la sangs rgyas skye ba brjod du med 
ba'i yang brjod du med pa yongs su bstan pa'i rnam par thar pa dang / rdul shin tu phra ba gcig la chos kyi 'khor lo brjod du med pa'i yang brjod du med pa bskor ba yongs su bstan pa'i rnam par thar pa rdul shin tu phra ba gcig la sems can yongs su 
smin par bya ba dang / gdul ba brjod du med pa'i yang brjod du med pa yongs su bstan pa'i rnam par thar pa dang / rdul shin tu phra ba gcig la zhing brjod du med pa'i yang brjod du med pa yongs su bstan pa'i rnam par thar pa dang / rdul shin tu phra ba 
gcig la 'das pa dang ma byon pa dang / da ltar byung ba'i sangs rgyas skye ba thams cad yongs su bstan pa'i rnam par thar pa dang rdul shin tu phra ba gcig la 'das pa dang ma byon pa dang da ltar byung ba'i zhing gi rgyud yongs su bstan pa'i rnam par thar pa dang /</font><hr>37-1-41b<br><font size=+1>
rdul shin tu phra ba gcig la 'das pa dang ma byon pa dang da ltar byung ba'i de bzhin gshegs pa thams cad kyi rdzu 'phrul dang / rnam par 'phrul yongs su bstan pa'i rnam par thar pa dang / rdul shin tu phra ba gcig la 'das pa dang / ma byon pa dang da ltar byung ba'i sems 
can gyi khams thams cad yongs su bstan pa'i rnam par thar pa dang / rdul shin tu phra ba gcig la 'das pa dang ma byon pa dang da ltar byung ba'i sangs rgyas kyi phrin las thams cad yongs su bstan pa'i rnam par thar pa ste/ kye rgyal ba'i sras bcu po de dag ni sangs rgyas bcom 
ldan 'das rnams kyi rnam par thar pa'o/ /shin tu rgyas pa chen po mdo sangs rgyas phal po che zhes bya ba las sangs rgyas kyi chos bsam gyis mi khyab pa bstan pa'i le'u ste sum cu dgu pa'o// //sangs rgyas rmad gcad ces bya ba shin tu rgyas pa chen po'i 
mdo/ /bam po lnga ba/ de nas byang chub sems dpa' kun tu bzang pos mtshan rgya mtsho brjod du med pa'i don du byang chub sems dpa' de dag la smras pa/ kye rgyal ba'i sras dag de bzhin gshegs pa'i dbu la mi chen po'i mtshan chos kyi rgyan rin po che sna tshogs 
sum cu rtsa gnyis mda' bas de bzhin gshegs pa'i dbu de ni 'khor kun nas 'od zer gyi dra ba shin tu 'phro ba'i sprin rab tu 'byung zhing rgyas par gang ba ste/ de la myi chen po'i mtshan rin po che'i dang po dbu'i dbu mtshams na rin po che sna tshogs thams cad 
kyi rgyal po las 'jig rten gyi khams thams cad du snang ba bkye bas/ dpal gyis yongs su rgyas shing yan lag dang nying lag thams cad nas de bzhin gshegs pa'i sprin rnam par bkye ba yongs su 'khyil pa'i klong gi dbyibs kyis phyogs thams 
cad 'od kyis rnam par snang ba zhes bya ba mda' ba dang / sangs rgyas kyi dbu la 'phro ba'i 'od kyi dkyil 'khor glog gi phreng ba lta bur 'byung bas/ phyogs mtshams thams cad du de bzhin gshegs pa snying po byang chub tu bzhugs pa ston cing thams cad </font><hr>37-1-42a<br><font size=+1>
mkhyen pa nyid kyi nam mkha'i sprin kun tu 'dal bas chos kyi dbyings kyi gzhi de bzhin gshegs pa'i mtshan rin po che'i rgyal po sna tshogs mdzod spu g.yas phyogs su yongs su 'khyil pa'i dbyibs las gser gyi kha dog bzang por 'od 
zer 'bar bar 'jig rten gyi khams su byung pa'i 'od kyis chos kyi dbyings thams cad du de bzhin gshegs pa'i dbu dang / de bzhin gshegs pa'i spyan gsal ba'i 'od kyi sprin ces bya ba mnga' ba dang de bzhin gshegs pa'i dbu la rin po che'i 'od kyi klong g.yas 
phyogs su yongs su 'khyil pa/ /chos kyi dbyings thams cad dang / 'jig rten gyi khams thams cad du de bzhin gshegs pa'i bsod nams dang ye shes kyi sgron ma snang bas/ 'jig rten gyi khams rgya mtsho thams cad du sangs rgyas kyi sprin rnam 
par 'dal ba/ byang chub sems dpa'i mchog rnams la snang bas chos kyi dbyings rgyas par khyab pa'i sprin ces bya ba mnga' ba dang / de bzhin gshegs pa'i mtshan gser yid du 'ong ba'i sprin sna tshogs kyis/ de bzhin gshegs pa'i khyu 
mchog gi mthu phyung ba rab tu 'bar bas de bzhin gshegs pa thams cad kyi 'od zer rnam par snang bar byas pas/ sangs rgyas kyi zhing bsam gyis mi khyab pa snang bar bstan pa'i 'od kyi sprin ces bya ba mnga' ba dang / de bzhin gshegs pa'i dbul 
de bzhin gshegs pa'i mtshan rin po che be+eDUr+ya'i 'od zer dang / me tog gi mdog gis chos kyi dbyings thams cad snang bar rnam par 'phrul pa'i sprin nor bu rin po che'i rgyal po'i mtshan nyid lta bu'i dbu skra rin po che sna tshogs snang ba'i mtshan nyid kyi 
'od chags pas/ phyogs thams cad rnam par snang bar byed pa/ sangs rgyas kyi sngon gyi dka' thub dang / dpal gyi ye shes las rnam pa de lta bur byung ba'i rin po che'i 'od zer rab tu bkye ba'i sprin ces bya ba mnga' ba dang / de bzhin gshegs </font><hr>37-1-42b<br><font size=+1>
pa'i dbul de bzhin gshegs pa'i mtshan dang / rin po che'i 'od zer g.yas phyogs su 'khyil zhing 'phro bas byang chub sems dpa'i rnam par 'phrul pa rin po che'i cod pan gyi 'od de bzhin gshegs pa'i stobs kyis rnam par rgyas pas 'jig rten gyi khams 
thams cad du rin po che'i 'od tshad med par de bzhin gshegs pa'i chos kyi rang bzhin gyis rnam par 'phrul pa yang dag par ston pa'i sprin ces bya ba mnga' ba dang / sangs rgyas kyi dbu la de bzhin gshegs pa'i mtshan rin po che rnam par 'phrul pas/ 
nor bu rin po che rgya mtshos bkye ba'i 'od dang / 'od zer dri ma med par rab tu 'phros pas byang chub sems dpa'i chos bstan pa rgya mtsho rnam par snang bar 'das pa dang / ma byon pa dang / da ltar byung ba'i de bzhin gshegs pa rnams kyi ye shes 
kyi rgya mtsho shin tu yangs pas/ chos kyi dbyings kun tu de bzhin gshegs pa'i gsung gi sprin 'byung ba zhes bya ba mnga' ba dang / de bzhin gshegs pa'i dbu la rin po che'i rgyal po sems kyi rgyal po dang / in+t+ra nI la las 'od bkye 
ba g.yas phyogs su 'khyil pas 'jig rten gyi khams dang / chos kyi dbyings thams cad du snang ba'i byang chub sems dpa'i 'od 'phro ba sgron ma'i sprin de bzhin gshegs pa thams cad kyi yon tan rgya mtsho rab tu sgrog pas 'jig rten gyi 
khams rgya mtsho thams cad du nga ro 'byin cing sangs rgyas kyi stobs yongs su dag pa/ rgya mtsho dang sangs rgyas rgya mtsho 'byin pa'i sprin shin tu yangs pa'i 'od ces bya ba mnga' ba dang / de bzhin gshegs pa'i mtshan rin po che'i me tog sna tshogs 
dang/ rin po che'i rgyal po be+e DUR+ya'i 'od zer rin po che thams cad kyi 'od zer kun tu 'byung ba'i dra ba mngon par 'phags pa las/ chos kyi lus dang ldan pa'i byang chub sems dpa'i 'jig rten gyi khams thams cad dang / phyogs rgya mtshor </font><hr>37-1-43a<br><font size=+1>
de bzhin gshegs pa'i sa yang dag par ston cing / sangs rgyas kyi stobs chos kyi dbyings la mngon tu gyur pa rab tu ston par bzhugs/ /sems can thams cad la yongs su ston pas/ de bzhin gshegs pa'i sa tshad med mu med 
par yang dag par 'phags shing yongs su dag la dri ma med pa yongs su mnan te/ rin po che thams cad kyi 'od kun tu snang ba'i rang bzhin rab tu bkye ba'i 'od zer dkyil 'khor gyi sprin ces bya ba mnga' ba dang / de bzhin gshegs pa'i mtshan 'jig 
rten gyi khams tshad med pa na bzhugs pa'i de bzhin gshegs pa rnams kyi mtshan rin po che las 'od rab tu bkye bas zhing thams cad kun nas yog cing bsgribs pa med de/ /chos kyi dbyings thams cad du sangs rgyas kyi gsung rin po che'i me tog shin tu rgyas 
pa'i 'od zer 'phro ba rab tu bkye bas/ chos kyi rgya mtsho chen po rab tu sbyar ba las/ byang chub sems dpa'i spyod pa thams cad kyi snying po dang snang ba can gyi sprin langs pa'i 'od ces bya ba mnga' ba dang / de bzhin gshegs pa'i mtshan rin po che 
be+e DUR+ya dang / in+d+ra nI la dang rdo rje mang po las nor bu rin po che rnam par bton te/ rab tu bkram pa'i kha dog mtha' yas pa'i 'od rnam par dag pa/ rin po che be+e DUR+ya'i 'od kun tu 'byung ba las sgra skad rgya mtsho thams cad kyis 
chos kyi dbyings su sangs rgyas kyi snang ba rnam par ston pa'i chos rgya mtsho'i ye shes sangs rgyas sprul pa'i 'od kun tu 'gyed pa'i sprin rab tu snang ba zhes bya ba mnga' ba dang sangs rgyas kyi dbu la de bzhin gshegs pa'i mtshan rin po che'i 'od g.yas phyogs 
su 'phro ba'i me tog rin po che'i lhab lhub kyis brgyan pa 'jig rten gyi khams thams cad kyi de bzhin gshegs pa'i snying po byang chub kyi rgyan gyi sprin mngon par 'thon pa/ chos kyi dbyings dang 'jig rten gyi khams thams cad du chos rnam par dag pa </font><hr>37-1-43b<br><font size=+1>
ste/ bskal pa thams cad du rnam par thar pas chos kyi dbyings rnam par sangs rgyas pa'i sprin ces bya ba mnga' ba dang / sangs rgyas kyi dbu la de bzhin gshegs pa'i mtshan rin po che sems kyi rgyal po'i 'od zer dam pa rgya mtshos brgyan pa'i chos 
kyis rgyan du mtshan rnam par bkod pa las 'jig rten gyi khams na 'khod pa'i byang chub sems dpa'i sprin la snang ba shin tu 'byung zhing ye shes kyi sku dang / chos kyi skus de bzhin gshegs pa thams cad kyi mtshan rgya mtsho la spyod pa'i byang chub sems dpas 
yongs su khyab pa'i sprin dang / chos kyi dbyings kyi sprin gyi 'od zer bya ba mnga' ba dang / de bzhin gshegs pa'i dbu la de bzhin gshegs pa'i mtshan rdo rje'i gzhi me tog dang ldan pa be+e DUR+ya kun tu snang bas chos kyi dbyings thams cad kyi rgyan du 
gyur te/ rnam par snang bas chos kyi dbyings rgya mtsho yongs su rgyas pas 'gengs shing 'jig rten gyi khams su rin po che thams cad kyi pad mo'i 'od kyi rgyan thams cad kyis chos kyi dbyings thams cad du khebs par byang chub sems dpa'i spyod pa 
bzhis rnam par 'phrul pa dang / nga ros chos kyi dbyings thams cad du rgyas pa'i mtshan rgya mtsho thams cad rgyan pa'i sprin snang ba zhes bya ba mnga' ba dang / de bzhin gshegs pa'i dbu la de bzhin gshegs pa'i mtshan chos kyi dbyings rgya 
mtsho'i gzhi gang chen mtsho thams cad kyi rgyan dang / de bzhin gshegs pa'i rgyan tshad med pa dgongs pa'i skad cig gis yang dag par ston cing / chos kyi dbyings dang / 'jig rten gyi khams thams cad du bsam gyis mi khyab 
par 'gengs pas sangs rgyas kyi ting nge 'dzin rgya mtsho'i spyod pa rnam par gzigs pa'i sprin snang ba zhes bya ba mnga' ba dang / de bzhin gshegs pa'i dbu la de bzhin gshegs pa'i mtshan pad mo'i gzhi dang / rgyan gyi me tog ri rab rgya mtsho'i </font><hr>37-1-44a<br><font size=+1>
'od zer rin po che'i gzhi sangs rgyas kyi dgongs pa las byung ba dang /rnam par snang mdzad kyi sprul pa rgya mtsho mi zad pa'i 'od kun tu snang ba'i sprin ces bya ba mnga' ba dang / de bzhin gshegs pa'i dbu la de bzhin 
gshegs pa'i mtshan dpal rin po che dri ma med pa/ sangs rgyas kyi 'od sna tshogs de bzhin gshegs pa thams cad kyi seng ge'i khri dang rgyan dang / sangs rgyas kyi sku'i gzugs brnyan khong na srel cing / rin po che'i 'od 'phro ba'i gzhi rgya 
mtsho dang / sangs rgyas kyi chos khyu mchog gi mthu phyung ba dang / sangs rgyas kyi tshul gyis zhing rgya mtsho thams cad du snang ba'i de bzhin gshegs pa thams cad kyi rnam par grol ba'i sprin ces bya ba mnga' ba dang / de bzhin gshegs pa'i dbu la 
de bzhin gshegs pa'i mtshan be+eDUR+ya rin po che'i me tog dang / gser gyi pad mo las chos kyi 'od zer gyi sprin dang / rin po che'i rgyal po sgron ma lta bur de bzhin gshegs pa thams cad kyi 'od rnam par dag pas snang ba'i rgyan bstan pas/ chos 
kyi dbyings thams cad du dmigs shing rnam par bkye bas tha mi dad cing / sangs rgyas kyi dbu'i rin po che'i sprin dang / rdo rje 'od 'phro ba'i 'od zer stug po'i sprin gyis chos kyi dbyings la 'jug cing chos rgya mtsho'i tshul gyis rnam par 'phrul bas snang ba'i sprin ces bya 
ba mnga' ba dang / de bzhin gshegs pa'i dbu la de bzhin gshegs pa'i mtshan 'khor lo rtsibs stong pa rin po che'i 'od zer sna tshogs tshad med pa dang ldan zhing rnam pa thams cad du rnam par dag la dge ba'i rtsa ba thams cad kyis phyogs bcu thams cad 
du shes rab kyi nyi ma shin tu gsal ba dang / ye shes kyi 'od chos rgya mtsho'i dbyangs dang ldan pa sangs rgyas kyi gdung rnam par dag pa'i sprin ces bya ba mnga' ba dang / de bzhin gshegs pa'i dbu la de bzhin gshegs pa'i mtshan rin po che'i phreng ba rnam par bkye ba dang /</font><hr>37-1-44b<br><font size=+1>
rin po che'i me tog dang / rin po che be+eDUR+ya'i 'od du 'phro ba'i sangs rgyas kyi 'od seng ge rnam par snang ba'i mthu dang ldan pas chos kyi dbyings thams cad du rnam par gnon pa'i mtshan rgya mtsho'i sprin gyi rdul gcig las sangs rgyas kyi zhing thams cad kyi rdul snyed 
du yang dag par 'phro bas sangs rgyas kyi mtshan yang dag par bstan cing de'i dkyil 'khor gyi ye shes ston pas/ de bzhin gshegs pa thams cad kyi mtshan dang rnam par 'phrul pa'i sprin snang ba zhes bya ba mnga' ba dang / sangs rgyas kyi dbu la de bzhin 
gshegs pa'i mtshan de kho na thugs su chud pa'i mtshan nyid rin po che'i rgyan rnam par dag pas/ de bzhin gshegs pa dang / byang chub sems dpa'i ye shes kyi snying po tshang med pa dang / chos kyi dbyings thams cad du snang ba'i 'ong la 'jug pa 
zhes bya ba mnga' ba dang / de bzhin gshegs pa'i dbu la de bzhin gshegs pa'i mtshan rin po che be+e DUR+ya'i me tog dang / seng ge'i zla ba 'od gzer rnam par snang ba dang / rin po che'i rgyal po 'od zer brgya pa kun tu snyoms pa dpal gyi sprin 
gyis chos kyi dbyings dang / nam mkha' khyab pa'i sangs rgyas kyi 'od zer snang bas zhing dang / 'jig rten mang por de bzhin gshegs pa bzhugs pa'i 'od rnam par snang ba'i sprin ces bya ba mnga' ba dang / de bzhin gshegs pa'i dbu la de bzhin 
gshegs pa'i mtshan sangs rgyas kyi snang ba rin po che thams cad kyi 'od 'phro ba'i sgron ma chos kyi dbyings kyi 'khor lo'i rgyud kyis kun tu rnam par dag pas/ sangs rgyas kyi 'od kyi sprin phyogs bcur bkye ba kun tu snang ba'i sprin ces bya ba mnga' ba dang / 
de bzhin gshegs pa'i dbu la de bzhin gshegs pa'i mtshan rin po che'i 'od 'phro ba'i na bun gyis byang chub sems dpa' thams cad de bzhin gshegs pa'i snying po byang chub tu bzhugs te/ chos kyi dbyings thams cad du dgongs pa'i skad cig re re la byang chub </font><hr>37-1-45a<br><font size=+1>
sems dpa'i dge 'dun yang dag par bstan cing rgyan brjod du med pa'i yang brjod du med pa thams cad yongs su ston pa'i sprin snang ba zhes bya ba mnga' ba dang / de bzhin gshegs pa'i dbu la de bzhin 
gshegs pa'i mtshan rin po che rgya mtsho dang / spos yid du 'ong ba sna tshogs kyi 'od zer rin po che'i dra ba rab tu 'phel bas sems can gyi khams kyi las rgya mtsho thams cad sgrog pa dang / chos kyi dbyings 
thams cad sgrog pa'i dbyangs kyi sprin ces bya ba mnga' ba dang / de bzhin gshegs pa'i dbu la de bzhin gshegs pa'i mtshan de bzhin gshegs pa'i spyan yongs su dag pas zhing thams cad kyi rgyan rab tu snang ba 
rnam par dgod pa'i phyir chos rgya mtsho'i sgra bsam gyis mi khyab pa/ sangs rgyas nas 'das pa dang / ma 'ongs pa dang / da ltar byung ba'i chos kyi rang bzhin gyi gzhi sna tshogs kun tu snang bas sangs rgyas 
kyi sprul pa mang po kun tu snang ba'i sprin ces bya ba mnga' ba dang / de bzhin gshegs pa'i dbu la de bzhin gshegs pa'i mtshan sangs rgyas rgya mtsho'i sprin chos kyi dbyings thams cad du bsgribs pa mi mnga' ba/ 
phyogs bcu'i 'jig rten gyi khams rgya mtsho thams cad du bzhugs pa'i 'od rab tu snang ba'i sprin ces bya ba mnga' ba dang / de bzhin gshegs pa'i dbu la de bzhin gshegs pa'i mtshan byang chub sems dpa' 
dang/ de bzhin gshegs pa thams cad dang / sems can rgya mtsho bsam gyis mi khyab pa'i chos kyi dbyings la 'jug pa'i tshul mang po chos kyi dbyings thams cad du snang ba'i sangs rgyas kyi sprin kun tu </font><hr>37-1-45b<br><font size=+1>
mched pa dang / rin po che'i sprin gyi sgron ma'i sprin ces bya ba mnga' ba dang / de bzhin gshegs pa'i dbu la de bzhin gshegs pa'i mtshan ye shes kun tu yangs pa'i sangs rgyas kyi sa dang / byang chub sems dpa'i 'khor gyi dkyil 
'khor dang / chos rgya mtsho'i lam tshad mang pa dang / zhing gi dkyil 'khor dang / byang chub sems dpa'i bsngo ba sems can gyi rgyud thams cad kyi bsam pa ji bzhin du sangs rgyas kyi spyod yul gyis zhugs pa dang / byang chub sems dpa' kun tu bzang 
po'i smon lam dang spyod pa'i nga ros sangs rgyas kyi ye shes gzhi kun gyis mthar thug cing thams cad mngon par mkhyen pas chos kyi dbyings kyi gzhi kun tu thug par 'byung ba'i sprin ces bya ba mnga' ba dang / de bzhin gshegs pa'i dbu la de bzhin gshegs pa'i 
mtshan chos kyi dbyings dang nam mkha'i dbyings thams cad du rin po che snang ba'i sprin yid du 'ong ba/ /snying po byang chub kyi gzugs brnyan yongs su ston par mngon par 'phags pas byang chub sems dpa' dang / de bzhin gshegs pa'i sku yang dag par 
ston pa'i sprin kun tu bkye bas 'jig rten gyi khams rgya mtsho thams cad du sprin gyi 'od du gnas pa zhes bya ba mnga' ba dang / de bzhin gshegs pa'i dbu la de bzhin gshegs pa'i mtshan gtsug tor 'od kun tu snang ba tshad med pa ston pas/ byang chub sems dpa' dang 
de bzhin gshegs pa'i 'od rnam par dag pa dang / de bzhin gshegs pa'i 'od rnam par gnon pa dang / gzi chen pos chos kyi dbyings kyi gzhi kun tu snang ba'i rin po che'i rgyal po ltar 'od kun nas 'byung ba yongs su grub ste/chos kyi dbyings thams cad du 'od zer gyi sprin dang / 
'od kyi rgyan phyogs thams cad snang bas rnam par snang bar byung zhing / byang chub sems dpa' rgya mtsho dang / de bzhin gshegs pa'i stobs shin tu 'phel ba'i mthu dang / sangs rgyas kyi rnam par gnon pa'i sprin gyis/ phyogs bcu'i zhing gi dra ba dang /</font><hr>37-1-46a<br><font size=+1>
nam mkha' thams cad rgyas par khyab pa'i byang chub kyi sems rin po che'i 'od zer gyi sprin zhes bya ba mnga' ba dang / de bzhin gshegs pa'i dbu la de bzhin gshegs pa'i mtshan gtsug tor dbu'i gtsug nas mtho ba rim gyis mngon 
par 'phags shing / 'dzam bu chu klung gi gser dang / rin po che'i tshon gyis kha dog bzang po rnam pa sna tshogs kyi 'od dang ldan par gyur pa/ gser gyi thig le dri ma med pa'i myig 'phrul gyis kun nas shin tu brgyan pa 'jig rten gyi khams thams cad 
na bzhugs pa'i de bzhin gshegs pa thams cad dgongs pa'i skad cig re re la yongs su ston pa'i sprin gyis kun tu rgyas par khyab cing / zhing gi dkyil 'khor snang bar gyur pas zhing gi dkyil 'khor byang chub sems dpa'i gnas su gyur pa/ rgyan 
thams cad kyis rab tu brgyan pa kun tu snang ba'i de bzhin gshegs pa'i gtsug tor mtshan sum cu rtsa gnyis kyi rgyan du gyur cing / chos kyi dbyings thams cad kyi rgyan du gyur pa'i sprin snang ba zhes bya ba mnga' ba'o/ /kye rgyal ba'i sras dag sangs rgyas 
kyi mdzod spu la de bzhin gshegs pa'i mtshan sangs rgyas rgya mtsho thams cad kyi 'od rab tu snang ba rin po che thams cad kyi mdog ltar snang ba/ nyi ma dang zla ba ltar snang zhing shin tu rnam par dag pas phyogs bcur 'od zer rgya mtsho rab tu 'gyed pa/ kun 
nas rin po che'i 'od zer 'byung ba 'od kun tu snang ba dpal kun tu rgyas pa'i sangs rgyas kyi sku rab tu 'bar ba'i sgron ma dri ma myed pa'i me tog shin tu rgyas shing rin po che'i sprin chen po shin tu 'gyed pa/ phyogs kyi 'khor thams cad du rnam par snang zhing de bzhin gshegs pa'i 
chos rgya mtsho thams cad du dbyangs kyi sgra chos kyi dbyings thams cad shin tu 'phags pa'i mar me rab tu snang bas rin po che'i rgyal po'i me tog kun tu rgyas shing chos kyi dbyings thams cad rgyas pa'i sprin ces bya ba mnga'a'o/ /de bzhin gshegs pa'i spyan la de bzhin </font><hr>37-1-46b<br><font size=+1>
gshegs pa'i mtshan rin po che sna tshogs sems can gyi khams su chags pa med pa'i ye shes kyi spyan rnam par dag pas grub pa/ 'od 'phro ba'i sprin rin po che dngul gyi mdog tu kun tu ston pas/ rnam par 'phrul pa'i sprin ces bya ba mnga'o/ /
de bzhin gshegs pa'i shangs la de bzhin gshegs pa'i mtshan rin po che sna tshogs kyis yongs su dag pas rin po che thams cad kyi 'od dang mdog dang / /kha dog dang ldan par gyur pa de bzhin nyid thugs su chud pa/ rin po che'i me tog gi sprin gyis kun tu 
rgyas shing byang chub sems dpa' thams cad kyi sangs rgyas kyi chos rgya mtsho bsam gyis mi khyab pa dang / sems can gyi 'jig rten thams cad mngon par mkhyen pa'i ye shes kyi sprin ces bya ba mnga' 'o/ /sangs rgyas kyi ljags yangs pa la 'jig rten 
gyi khams rgya mtsho thams cad ljags yangs pa'i sprin gyis kun tu khyab pa'i mtshan nyid yongs su rdzogs pa'i dge ba'i rtsa bas yongs su grub pa/ rin po che thams cad kyi rgyal po'i gzhi las 'od 'phro bas chos kyi dbyings thams cad rnam par snang 
bar mdzad pa'i ngang tshul can/ 'das pa dang / ma 'ongs pa dang / da ltar byung ba'i sems kyi gzugs brnyan dang /de bzhin gshegs pa thams cad kyi chos kyi dbyings kyi rgyan thams cad shin tu ston pa'i gsung dang ldan pa'i sangs rgyas 
kyi mtshan gyi ljags yangs pa'i sgo rin po che thams cad kyi kha dog dang mdog gis rab tu brgyan pa 'od zer rgya mtsho bsam gyis mi khyab pa rab tu snang ba bzhad mo 'dzum pas/ phyogs bcur rab tu bkye zhing 'gro ba thams cad shin tu dang ste/ rin 
po che rgyal po'i 'od 'phro bas rab tu brgyan par de bzhin gshegs pa'i gsung sna tshogs rnam par dag pa rab tu brjod cing / shin tu rgya che ba'i 'jig rten gyi khams rgya mtsho thams cad du chos kyi nga ro 'byin pa bskal pa tshad med par sangs rgyas kyi </font><hr>37-1-47a<br><font size=+1>
gsung gi sgra 'byin pa dang / chos kyi dbyings gnas pa thams cad du nga ro yangs pa 'byin pa/ 'jig rten gyi khams thams cad du dbyangs shin tu sgrog cing / snang ba yang dag par ston pa'i dbyangs kyi sprin ces bya ba mnga' bo/ /de bzhin gshegs pa'i ljags kyi 'og gi 
drung na de bzhin gshegs pa'i mtshan rin po che sna tshogs thams cad ltar snang zhig mdzod spu yongs su 'khyil pa'i dbyibs lta bu/ rin po che thams cad kyi rang bzhin lta bu/ sangs rgyas thams cad kyi gsung gi dkyil 'khor phyogs bcu nas 
btang ba'i dbyangs dang ldan par sangs rgyas kyi gsung gi sbubs can ljags kyi mtshan nyid yongs su dag pa/ sangs rgyas kyi zhing thams cad kyi rdul gyi mtshan nyid med pa'i rang bzhin du sangs rgyas thams cad kyi gsung rgya mtsho bsam gyis 
mi khyab pa'i dbyangs sgrog pa'i sprin ces bya ba mnga'a'o/ /de bzhin gshegs pa'i ljags kyi rtse mo la de bzhin gshegs pa'i mtshan rin po che gser gyi 'od 'phro bas sangs rgyas rgya mtsho'i dbyings thams cad du snang zhing yid du 'ong ba'i rin po 
che'i rgyal po'i dbyangs kyi yan lag 'jig rten gyi khams thams cad du sgrog cing / gsung snyan pa'i ro myong bas sems can la go bar mdzad cing bskal pa bsam gyis mi khyab pa mnyan du yod par dbyangs kyi yan lag gi sgra yang dag par 
ston pa'i sprin sems can thams cad la yid du 'ong ba'i chos su snang bas chos kyi dbyings rnam par snang ba'i sprin ces bya ba mnga' 'o/ /de bzhin gshegs pa'i ljags kyi rtse mo la de bzhin gshegs pa'i mtshan zhing tshad med pa yongs su dag 
pa na bzhugs pa'i gsung rin po che'i rgyal bos kun nas brgyan cing sna tshogs su gyur pas/ sangs rgyas kyi chos kyi dbyings kyi klong du bsngags pa rab tu 'jug pa rnam par phye ba gzhan dang gzhan du byang chub sems dpa' rnams la yang dag </font><hr>37-1-47b<br><font size=+1>
par ston pa'i sprin gyis chos kyi dbyings kyis gzhi dang / sangs rgyas dang byang chub sems dpa' thams cad kun nas yog par sangs rgyas kyi gsung la byang chub sems dpa' 'dzud cing zhing thams cad du rin po che'i rgyal po sgo kun nas ston pas/ chos 
kyi dbyings su snang ba'i sprin ces bya ba mnga'a'o/ /de bzhin gshegs pa'i zhal gyi rkan la de bzhin gshegs pa'i mtshan in+d+ra nI la sna tshogs dang / be+eDU r+ya'i dbyings kyis chos gyi dbyings kyi khongs su gtogs pa'i byang chub sems dpa'i sprin 
yongs su rgyas par mdzad pa/ phyogs thams cad du rin po che 'od 'phro zhing dri ma med pa byang bas rnam par snang ba'i spos kyi sgron ma'i sprin gyi khongs su byang chub sems dpa'i tshogs 'dus pas snang bas zhing rgya mtsho'i ming du bya ba thams 
cad du rnam par 'phrul pa'i tshul rab tu gnas shing / chos kyi dbyings bsam gyis mi khyab pa'i chos nyid yang dag par ston pa'i sprin ces bya ba mnga' 'o/ /de bzhin gshegs pa'i tshems mche ba g.yas kyi 'og ma la de bzhin gshegs 
pa'i mtshan 'od rin po che'i mtshan gyi rgyan gyis chos kyi dbyings yang pa 'od zer snang ba'i dkyil 'khor gyi 'khor lo sna tshogs kyi de bzhin gshegs pa'i tshems mche ba rin po che rnam pa thams cad du mdzes par byung ba/ de bzhin gshegs 
pa'i sku'i 'od gsal bas 'od kyi dra ba kun tu bkye ba/ phyogs bcu'i 'jig rten gyi khams rgya mtsho'i sems can du gtogs pa thams cad la bkra shis dang / 'khor lo rnam pa kun tu mdzes pas/ rnam par snang ba'i sangs rgyas kyi 
tshems mche ba de bzhin gshegs pa'i sprin ces bya ba mnga'a'o/ /de bzhin gshegs pa'i tshems mche ba g.yas pa gong ma la de bzhin gshegs pa'i mtshan rdo rje spos kyi 'od 'phro ba'i sprin kun tu snang ba'i zer rin po che'i rgyal po rnam par snang </font><hr>37-1-48a<br><font size=+1>
ba'i snying po can chos kyi dbyings thams cad kyi tshad kyis klo'i rin po che'i 'od zer sna tshogs rab tu bkye ba'i 'od zer re re'i khongs su phyogs bcu'i sangs rgyas thams cad kyi rnam par 'phrul pa chud par ston pa/ zhing 
thams cad kyi snying po byang chub kyi rgyan gyi sprin kun tu nar cing / mched pas 'od kyi sprin rin po che'i 'od du 'phro ba ri rab kyi snying po can zhes bya ba mnga' 'o/ /de bzhin gshegs pa'i tshems mche ba g.yon pa 'og ma la de bzhin gshegs pa'i 
mtshan tha dad pa'i mtshan nyid shin tu ston pas spos dang / rin po che yid du 'ong ba'i me tog sna tshogs thams cad dang / de bzhin gshegs pa'i tshul sna tshogs kyi 'khor lo dang / rin po che thams cad kyi 'od zer rnam par snang ba kun tu 'phro 
ba'i sgron ma dri ma med pa'i sprin yang dag par bstan pas/ 'jig rten gyi khams rgya mtsho thams cad du rab tu gsal bas rnam par snang zhing de bzhin gshegs pa gdan seng ge'i khri pad mo'i snying po can dri ma med pa la bzhugs pa'i sprin byang chub 
sems dpa' rgya mtsho'i dbyings su rin po che sna tshogs thams cad kyi ri rab kyi mar me rab tu snang ba'i sprin ces bya ba mnga' 'o/ /de bzhin gshegs pa'i tshems mche ba g.yon pa gong ma la de bzhin gshegs pa'i mtshan rin po che gser gyi 
'od sna tshogs kun nas rnam par dag pa 'dzam bu chu klung gi rin po che'i rgyud kyi dra ba'i 'khor lo dang / rin po che'i me tog shin tu snang ba'i 'khor lo sna tshogs yongs su 'khyil pa/ chos kyi dbyings su gsung sgrog cing sangs rgyas kyi rnam 
par 'phrul ba bsam gyis mi khyab pa yongs su ston pas/ byang chub sems dpa' yongs su smin par mdzad cing nam mkha'i dbyings su rgyan thams cad kyi gzugs brnyan gyi sprin zad mi shes pa'i kun tu mched par 'gyed pas chos rgya mtsho rab tu </font><hr>37-1-48b<br><font size=+1>
sgrog pa'i sangs rgyas kyi gsung dang / rin po che thams cad kyi tshon du snang ba'i sangs rgyas nam mkha'i dbyings las gsung gi sgra 'byin pa/ chos kyi sgron ma'i 'od de bzhin gshegs pa'i sprin du snang ba zhes bya ba mnga' 'o/ /de bzhin gshegs pa'i tshems 
kyi mtshams na/ de bzhin gshegs pa'i mtshan tshems kyi mtshams thams cad na mtshan gcig par me tog gi mtshan dang / rgya mtsho'i sgo'i mtshan gyi sprin rin po che thams cad kyi kha dog tu 'dal pa las/ rin po che'i 'od zer rgya mtsho rab tu 'gyed cing bzhad mo 
'dzum pas sangs rgyas kyi 'od nor bu rin po che'i 'od du 'phro ba g.yas phyogs su 'khyil cing / chos kyi dbyings rgyas par khyab pa rin po che'i 'od zer rgya mtsho'i khongs su chud pa'i snying po can gyis/ /sangs rgyas kyi tshems kyi mtshams 
thams cad rgyas par gang bas/ skad cig tu 'od kyis rgyas par kun tu rgyu ba'i 'od zer sangs rgyas kyi gsung gi dkyil 'khor rgya mtsho kun tu 'gyed pa'i sprin snang ba zhes bya ba mnga' 'o/ /de bzhin gshegs pa'i sgros la de bzhin gshegs 
pa'i mtshan 'dzam bu chu klung gi gser dang pad mo'i mdog dang 'od ltar snang ba chos kyi dbyings thams cad du mdangs rab tu snang bas dpal phun sum tshogs pa/ rin po che thams cad kyi 'od zer dang / mdangs kyis kun tu khyab par rnam par snang 
zhing gser dang pad mo'i mdog yongs su dag pas kun tu sbyangs pa/ rin po che thams cad kyi mdangs dang mdog tu snang ba mnga' 'o/ /de bzhin gshegs pa'i mgur la de bzhin gshegs pa'i mtshan dung gi mgur sangs rgyas thams cad kyi 
'od lam me/ lam med yongs su snang bas/ mdog shin tu gsal zhing gzhi thams cad rin po che'i rgyal pos rnam par snang bar byas pas phyogs thams cad rnam par gsal ba'i 'od zer rab tu 'gyed cing / 'jig rten gyi khams thams </font><hr>37-1-49a<br><font size=+1>
cad snang bar mdzad pa'i sprin ces bya ba mnga'a'o/ /de bzhin gshegs pa'i sku phrag pa g.yas pa la de bzhin gshegs pa'i mtshan rin po che thams cad kyi 'od dang gser gyi kha dog rab tu 'phel bas/ pad mo'i 
mdog rnam par snang ba dang / rin po che'i 'od kyi dra ba rab tu snang ste/ kun tu gsal bar chos kyi dbyings snang bar mdzad cing / byang chub sems dpa' thams cad khongs su chud pa'i sprin rab tu snang bas/ sangs rgyas rab tu mang ba 
thams cad snying por byas pa/ rin po che thams cad kyi gzhi dang ldan pa'i sprin ces bya ba mnga' 'o/ /de bzhin gshegs pa'i sku phrag pa'i dbus na de bzhin gshegs pa'i mtshan shin tu 'phags shing yongs su rgyas la 'dzam bu chu klung gi gser 
gyi 'od dang /mdog yongs su dag pa/ byang chub sems dpa'i 'khor lo rab tu snang bas/ chos kyi dbyings snang ba rin po che'i rgyal po mchog tu kun tu snang ba'i sprin ces bya ba mnga' 'o/ /de bzhin gshegs pa'i sku phrag pa g.yon pa la 
sangs rgyas kyi dbu'i mdzod spu'i dkyil 'khor rgya mtsho'i gzhi las rin po che'i 'od zer gyi dra ba sna tshogs shin tu bsgrubs pa/ 'dzam bu chu klung gi gser dang / pad mo'i mdog ltar gsal zhing bzang ba rab tu bkye bas chos kyi dbyings dang / 
'jig rten gyi khams thams cad du rnam par 'phrul pa'i 'od ston cing / de bzhin gshegs pa thams cad kyi mdzod spu rin po che'i sprin gyi 'od rab tu snang ba bkye bas dpal rab tu 'bar zhing chos kyi dbyings rgyas par mdzad pa'i sprin ces bya ba mnga' 
'o/ /de bzhin gshegs pa'i sku phrag pa g.yas pa'i lhun la de bzhin gshegs pa'i mtshan mtshan nyid rnam par phye ba rin po che'i go cha 'dzam bu chu klung gi gser lta bu dpal thams cad kyis rgyas pas/ chos kyi dbyings kyi sangs rgyas thams cad </font><hr>37-1-49b<br><font size=+1>
kyi 'od kyi dbyings rgya mtsho'i 'od rnam par snang ba rin po che'i me tog spos kyi 'od 'phro bas/ zhing rgya mtsho thams cad rgyan rnam par phye bas brgyan te/ kun tu snang ba'i sprin ces bya ba mnga' 'o/ /de bzhin gshegs pa'i sku phrag pa g.yon pa'i lhun 
la/ de bzhin gshegs pa'i mtshan sgron ma 'od 'phro ba'i phung po'i sprin chos kyi dbyings kun tu rab tu mched pas byang chub sems dpa'i dge 'dun yongs su khyab cing chos kyi dbyings kyi gzhi'i rgyan du gyur par kun tu mched cing snang ba'i dbyings kyi 
sprin ces bya ba mnga' 'o/ /sangs rgyas kyi thugs ka'i dpal gyi be'u la de bzhin gshegs pa'i mtshan/ mtshan nyid rgya mtsho kun tu brgyan pas rab tu 'jam pa'i gzhi rin po che thams cad kyi mdog lta bur snang ba/ rin po che sna tshogs 
kyi tshad du 'od zer gyi dkyil 'khor kun tu 'khyil pas yongs su dag cing / chos rgya mtsho'i gsung dbyangs dang ldan pa rin po che'i me tog shin tu rgyas pas rnam par brgyan te/ rin po che'i 'od zer gyi mtshan gyi dbyings rgya mtsho la gnas pa'i 
dpal rgya mtsho kun gyi gzhung gi sprin ces bya ba mnga'a'o/ /de bzhin gshegs pa'i dpal gyi be'u'i g.yas phyogs su 'dab chags na/ de bzhin gshegs pa'i mtshan chos kyi dbyings rnam par dag pa'i 'khor lo snang ba'i gzhi'i rgyan rin po che'i 
mig 'phrul gyi 'khor lo rnam par dag pa las sangs rgyas kyi sprin gyi lhun dri ma med pas rab tu snang zhing phyogs thams cad kyi chos kyi dbyings su 'od rnam par snang ba dpal gyi be'u dang / mtshams sbyor ba rab tu ston pa'i sprin ces bya ba mnga'a'o/ /
de bzhin gshegs pa'i dpal gyi be'u'i 'dab chags g.yon phyogs na/ byang chub sems dpa'i rin po che'i cod pan la snang ba shin tu 'phags pa'i sprin gyi lhun dri ma med pas/ thams cad du sangs rgyas kyi rnam par 'phrul par yang </font><hr>37-1-50a<br><font size=+1>
dag par ston cing / chos rgya mtsho'i spyod pa rab tu bstan pas/ 'das pa dang ma byon pa dang / da ltar byung ba'i de bzhin gshegs pa dang / byang chub sems dpa' thams cad rab tu ston pa'i sprin ces bya ba mnga' 'o/ /
de bzhin gshegs pa'i dpal gyi be'u g.yas phyogs kyi 'og rol 'dab chags na de bzhin gshegs pa'i mtshan rin po che'i me tog dang / rin po che'i mdzod spus rab tu brgyan pa'i rin po che'i 'khor lo rin po che'i 'od 'phro ba'i sgron ma dri ma med pa pad 
mo'i dbyibs 'jig rten gyi khams su ston pas me tog rgyas pa'i sprin ces bya ba mnga' 'o/ /de bzhin gshegs pa'i dpal gyi be'u'i g.yon phyogs kyi 'og rol gyi 'dab chags na/ rin po che thams cad kyi 'od sems kyi rgyal po'i snying po 
can rin po che'i rgyal po'i 'od zer gyi 'khor lo dang / 'od rab tu bkye bas kun tu dri ma med pa'i rgya mtsho shin tu 'phags pa'i khongs su sangs rgyas kyi tshul thams cad rab tu snang ba'i rin po che'i phung po ma lus par chud pa'i snying po can chos kyi dbyings 
thams cad du gser rab tu 'bar ba'i sprin ces bya ba mnga'o/ /de bzhin gshegs pa'i dpal gyi be'u'i rtse mo la nam mkha'i dbyings su rin po che'i sgron ma spos rin po che'i rgyal po lus thams cad la snying po byang chub kyi 'od zer rab tu 'bar zhing be+eDUR+ya'i 
dkyil 'khor gyi sgron ma la spos kyi 'phrod pas phyogs yangs pa thams cad rgyas par 'gengs shing / kun tu g.yas phyogs su 'khyil pa/ sangs rgyas kyi dpal gyi be'u rgya mtsho'i sprin ces bya ba mnga'o/ /de'i 'og na rjes su 'gro ba'i 
dpal gyi be'u gnyis pa yod pa'i dbus na de bzhin gshegs pa'i mtshan/ /mtshan nyid kyi pad mo'i gzhi la ze ba byang chub sems dpa' g.yas phyogs su 'khor bar 'khod pa rab tu snang bas shin tu 'phags shing / yongs su dag la chos kyi dbyings rgya mtshor </font><hr>37-1-50b<br><font size=+1>
gsung sgrog pa'i sangs rgyas kyi 'od zer gyi phung po'i snying po can rin po che'i rgyal pos shin tu brgyan pa rin po che'i 'od rab tu 'bar bas 'od zer rnam par snang ba'i 'od kyi lhun dang ldan pa'i sprin ces bya ba mnga' 'o/ /rjes su 'gro ba'i dpal gyi be'u gsum 
pa la de bzhin gshegs pa'i mtshan/ mtshan rgya mtshos yongs su gang ba'i rin po che rgya mtsho'i nang na zhing thams cad gzugs brnyan du 'khod par ston cing / byang chub sems dpa'i sprin gzhan dang gzhan mngon par phyung bas/ chos kyi dbyings 
rnam par snang ba'i sprin kun tu ston pa'i 'od kyi sprin ces bya ba mnga'o/ /rjes su 'gro ba'i dpal gyi be'u bzhi pa la bzhi pa la de bzhin gshegs pa'i mtshan/ mtshan nyid kyi rnam pa rgya mtshos chos kyi dbyings thams cad du de bzhin gshegs pa rnam 
par snang ba dang / 'jig rten gyi khams dang rgyan thams cad snang bas 'jig rten gyi khams rgya mtshor/ /'od rab tu bkye ba'i 'od zer snang ba phun sum tshogs pas rgyas par snang ba'i 'od zer gyi sprin rin po che'i rgyal po'i 'khor lo g.yas phyogs 
su 'khyil pa'i nyi ma rnam par snang ba dang / phreng ba kun tu byung zhing 'phags pa'i sprin ces bya ba mnga'o/ /dpal gyi be'u de'i 'og rol na chos thams cad kyi sgron ma'i dbyings dri ma med pas spos kyi me tog gi 'od zer rab tu snang ba sangs rgyas rgya 
mtsho thams cad kyi thugs su 'dus pa de bzhin gshegs pa'i mtshan rgya mtsho las chos kyi dbyings thams cad cad du/ chos kyi 'khor lo'i glong thams cad kyi gsung gi dbyangs kyi sprin 'byin pa zhes bya ba mnga'o/ /de bzhin gshegs pa'i dpal gyi be'u bcu pa 
la de bzhin gshegs pa'i mtshan sangs rgyas dang / byang chub sems dpa'i phyogs thams cad du sangs rgyas kyi chos kyi spyod pas mthu phyung zhing / sangs rgyas kyi 'od yongs su dag pa dang / dri ma med pa 'das pa dang / ma byon pa dang / da </font><hr>37-1-51a<br><font size=+1>
ltar byung ba'i sangs rgyas thams cad kyi ye shes rgya mtsho'i glong yongs su dag pa thams cad kyis zhing rgya mtsho rab tu brgyan cing klubs te/ rnam par 'god pa'i sprin ces bya ba mnga'o/ /de bzhin gshegs pa'i phyag gi mthil 
la de bzhin gshegs pa'i mtshan rin po che'i 'khor lo rtsibs stong dang ldan pa/ dbus rin po ches brgyan pa/ rin po che'i 'od zer rnam par gsal ba'i 'od rnam par snang ba/ chos kyi dbyings su 'bar zhing 'khor lo g.yas phyogs su 'khyil pa/ 
sangs rgyas rgya mtsho'i gzugs rnam par snang bas/ sangs rgyas thams cad kyi 'od dang / dpal gyis rgyas par gang ba'i 'od zer rin po che'i rgyal po rnam par snang ba sna tshogs thams cad lta bur 'jig rten gyi khams su chos kyi rgyan gyi sprin du snang ba 
zhes bya ba mnga'o/ /de bzhin gshegs pa'i phyag rin po che la de bzhin gshegs pa'i mtshan rin po che'i rgyan gyi sprin zla ba'i 'od zer kun tu 'byung bas nam mkha'i dbyings yongs su brgyan cing sangs rgyas dang byang chub sems dpa'i gsung 'jig 
rten thams cad du sgrog pa rgya mtshos byang chub sems dpa'i spyod pa rgya mtsho yang dag par brjod pa rgya mtsho'i 'od kyi sprin ces bya ba mnga'o/ /sangs rgyas kyi phyag la de bzhin gshegs pa'i mtshan rin po che'i me tog be+eDUR+ya dang / in+d+ra nI las 
brgyan pa g.yas phyogs su 'khyil pa/ pad mo'i snying po can byang chub sems dpa' dang / 'jig rten gyi khams thams cad du rin po che'i phung po mchog la gnas pa'i 'od phyogs thams cad kyi dbyings byang chub kyi shing rnam par bkod pas brgyan pa 
sangs rgyas rgya mtsho'i sprin la/ sangs rgyas kyi chos kyi sku'i 'od snang ba mi g.yo ba'i sprin ces bya ba mnga'a'o/ /de bzhin gshegs pa'i phyag la de bzhin gshegs pa'i mtshan 'od 'phro ba rnam par snang ba dang / rin po che'i rlabs kyi 'od rnam par </font><hr>37-1-51b<br><font size=+1>
snang bas phyogs thams cad du sprul pa'i dra ba'i 'od kyi sprin rab tu bkye ste/ chos thams cad kyi spyod pa rgya mtsho la 'jug pas shin tu 'phags pa'i byang chub sems dpa'i rin po che'i tshogs las rab tu mched pa'i 'od zer snang ba/ 'od 'phro ba'i 
'phreng bas kun tu brgyan pa'i sprin ces bya ba mnga' 'o/ de bzhin gshegs pa'i phyag la de bzhin gshegs pa'i mtshan rin po che'i 'od kyi gzhi las blangs pa/ rgya mtsho'i snying po can gyi sprin sangs rgyas pad mos yongs su khyab pa'i 
mdog gi me tog shin tu rgyas pas/ pad mo'i 'od zer rin po che rab tu snang ba'i sprin/ chos kyi dbyings thams cad du rab tu snang bar rin po che'i sprin rab tu bstan pa'i sprin ces bya ba mnga' 'o/ /de bzhin gshegs pa'i phyag la de 
bzhin gshegs pa'i mtshan rin po che'i 'od zer rgya mtsho chos kyi dbyings su bsod nams kyi snang ba rab tu 'gyed pa/ spos 'od 'phro ba thams cad kyis shin tu brgyan pa me tog 'od 'phro ba rin po che ltar snang ba shin tu ston pas rab tu 
'phags shing / zhing gi dra ba la 'jug pa dang / snying po byang chub kyi gzhi kun tu gsal ba rnam par snang ba'i sprin ces bya ba mnga' 'o/ /de bzhin gshegs pa'i phyag la de bzhin gshegs pa'i mtshan 'jig rten thams cad kyis 
rin po che'i mdog tu byas te/ kun tu snang bar brgyan pa'i 'od dang / rgyan gyi dmigs pa thams cad dang / dgongs pa'i skad cig la zhal mngon par bstan pa/ sangs rgyas kyi mnyam pa nyid kyis gser gyi 'od zer rab tu 
bkye ba/ rnam par dag pa be+eDUR+ya'i sgron ma'i sprin ces bya ba mnga' 'o/ /de bzhin gshegs pa'i phyag la de bzhin gshegs pa'i mtshan mig 'phrul gyi dra ba'i mdog rdo rje'i me tog kun nas yid du 'ong bas rab tu brgyan pa 'dzam bu </font><hr>37-1-52a<br><font size=+1>
chu klung gi gser gyi dbyings kyis shin tu spras pa/'jig rten gyi khams thams cad kyi rdul mkhyen pa'i sgron ma rab tu snang ba'i sprin ces bya ba mnga'o/ /de bzhin gshegs pa'i phyag la de bzhin gshegs pa'i mtshan 
rin po che'i me tog gi tshon gyi 'od zer rab tu 'bar ba'i sgron ma'i ri rab 'jig rten gyi khams thams cad du khyab pa/ rin po che'i gzhi la rab tu gnas pa'i pad mo'i 'od kyi sprin ces bya ba mnga'o/ /de bzhin gshegs pa'i phyag la de bzhin gshegs 
pa'i mtshan rin po che'i sprin stug po glog gi phreng ba kun nas 'gyu bar rab tu 'dal ba/ zhing thams cad du snang zhing pad mo'i snying po can gyi gang nal sangs rgyas thams cad bzhugs pa/ chos kyi dbyings thams cad du gser gyi gzhi la rab tu 
snang ba'i myig 'phrul gyis sangs rgyas mang po'i phyag gi mtshan gyi rgyud thams cad bstan pas/ phyogs kyi glog thams cad du 'khor lo dang mdzod dang / phreng ba dang / bum pa dang / rin po che kun tu bgram pa dang / bkra shis kyis 
kun tu brgyan pa'i sangs rgyas kyi phyag 'jig rten gyi khams rgya mtsho sangs rgyas kyi sprin gyis khyab pa'i chos kyi dbyings 'od rnam par snang ba'i 'od zer gsal ba'i sprin ces bya ba mnga'o/ /sangs rgyas kyi phyag g.yas pa'i phyag sor la de bzhin 
gshegs pa'i mtshan/ /mtshan nyid rin po che yongs su dag pas/ /chos kyi dbyings rnam par dag pa chu'i zla ba lta bur snang ba'i 'od kyi phung po'i snying po can rin po che'i rgyal po'i mtshan nyid kyis gzhi rab tu brgyan pa/ rin po che'i me tog gi 
'dab ma'i mdog dang tshon du snang bas/ rin po che thams cad kyi sgra mkhyen pa dang / zhing yongs su ston pa'i bskal pa dang / zhing gi glong rgya mtsho'i sprin ces bya ba mnga'o/ /de bzhin gshegs pa'i phyag g.yon pa'i phyag sor la /</font><hr>37-1-52b<br><font size=+1>
de bzhin gshegs pa thams cad kyis rnam par bkye ba'i rin po che'i mdzod chos kyi dbyings kyi klong thams cad du snang ba/ rin po che'i rgyal po mang po'i sprin mched de byung bas/ phyag sor gyi mtshan gyi gzhi rin po che sna tshogs kyi 'od zer rnam pa tha dad 
pas/ de bzhin gshegs pa'i phyag dra bar 'brel pa la/ in+d+ra nI la dang / rdo rje shin tu brtan pa'i rin po che'i sprin gyi tshon sna tshogs rin po che'i 'od 'phro bar rnam par snang zhing / chos kyi dbyings rnam par sangs rgyas pas rnam par snang bar 
byang chub rgya mtsho thams cad khongs su chud cing / kun tu mched pa'i 'od zer gyis rab tu brgyan pa'i byang chub sems dpa'i 'od kyis 'jig rten gyi khams thams cad dang / kun tu bzang po'i spyod pa rgya mtsho'i sgra phyag gi mthil nas sangs rgyas kyi 
zhing thams cad du go bar mdzad pas/ byang chub sems dpa' la rab tu snang zhing sems yang dag par bskul ba dang / smon lam gzhan dang gzhan gyi 'od rin po che'i rgyal po'i gzhi nyi ma la sbyin pa sna tshogs kyi 'khor lo rtsibs stong dang ldan pa'i 
dkyil 'khor kun tu 'phel bas rnam par snang bar byas shing sprul pa/ chos kyi dbyings su snang ba rin po che thams cad kyi sprin ces bya ba mnga'a'o/ /de bzhin gshegs pa'i gsang ba'i gnas sbubs su nub pa la/ de bzhin gshegs pa'i mtshan 
rim pa g.yas phyogs su 'khyil cing / 'od rab tu gsal ba dang ldan pa/ rin po che'i me tog chos kyi dbyings su snang ba'i 'od nam mkha' lta bu rin po che thams cad kyi 'od du snang ba/ de bzhin gshegs pa'i 'khor lo'i gzhi thams cad la rab tu 
gnas pa/ chos kyi dbyings rgya mtsho gzhan dang / gzhan du rin po che'i 'od sna tshogs de bzhin gshegs pa'i sprin gyis kun tu khyab cing / rab tu snang bas sangs rgyas kyi sprin gyis khyab pa'i/ chos kyi dbyings kyi mtshan nyid kun tu snang ba'i klong </font><hr>37-1-53a<br><font size=+1>
sna tshogs kyi sprin ces bya ba mnga' 'o/ /de bzhin gshegs pa'i sku sta zur g.yas pa la sems can thams cad kyi rin po ches rab tu brgyan cing / rin po che bsam gyis mi khyab pa'i gzhi rgya mtsho 'od 'phro ba'i phung po 
rnam par snang bas/ phyogs thams cad kyi chos kyi dbyings kun nas khyab pa'i tshul gyis/ nam mkha'i dbyings dang chos kyi dbyings thams cad dang / mtshan gcig pa rgya mtsho'i sprin las sangs rgyas kyi rnam par 'phrul pa thams cad dang / mtshan 
nyid gcig tu bstan pa'i gzugs brnyan khongs su chud pa'i gzhi'i mtshan nyid kyis/ rin po che thams cad kyi sgron ma dang / phreng ba kun tu khyab pa'i sprin ces bya ba mnga' 'o/ /de bzhin gshegs pa'i sku sta zur g.yon pa la rin po che'i pad+mo rnam 
par dag pa'i pad+mo'i mdog dang / kha dog gi 'od zer rin po ches rab tu brgyan pa/ phyog bcu thams cad rab tu mched pa'i 'khor lo chos kyi dbyings rgya mtsho thams cad la rab tu gnas pa'i gzhi la kun nas bzhugs pa'i mtshan gyi sprin yang dag par bstan pa/ phyogs 
su mched cing rab tu byung ba'i 'od zer gyi dra bas/ chos kyi dbyings rgya mtsho dang / nam mkha'i dbyings thams cad kun nas khyab par snang ba'i sprin ces bya ba mnga'o/ /de bzhin gshegs pa'i zhabs brla g.yas pa la de bzhin gshegs pa'i mtshan rin 
po che thams cad kyi mtshan nyid sna tshogs dang / chos kyi 'od kyi spos rin po che rab tu bkye bas rim gyis mtho bar gnas shing ran pas/ rin po che'i rgyal po thams cad rnam par gnon pa'i mtshan rgya mtsho'i sprin mdzes pa dgongs pa'i skad cig re re la mnyam 
par kun tu ston pa'i sprin ces bya ba mnga'o/ /sangs rgyas kyi zhabs brla g.yon pa la rin po che rgya mtsho thams cad yongs su tshang ba'i gzhi'i chos rim gyis gzhol par gnas pas rab tu brgyan cing zhabs kyi gshegs stabs rnam par bkod kyang / 'od </font><hr>37-1-53b<br><font size=+1>
zer rgya mtsho rab tu 'byung zhing / sems can thams cad la rab tu snang bas/ sangs rgyas kyi chos la mos pa rgya mtsho bkye ba'i 'od zer tshad med pa rgya mtsho'i sprin ces bya ba mnga'o/ /de bzhin gshegs pa'i zhabs byin pa ri dgas e ne ya'i byin pa 
lta bu la/ de bzhin gshegs pa'i mtshan rin po che'i 'od zer gyi me tog 'dzam bu chu klung gi gser ltar snang ba/ 'jig rten gyi khams thams cad du shin tu snang zhing gshegs stabs thams cad la 'od zer zhing thams cad yongs su skyod pa/ kun 
tu gsung gi dbyangs rab tu 'gyed pas/ de bzhin gshegs pa'i mtshan gyi gzhi'i sgra 'byin pa'i byang chub sems dpa'i sprul pa byung ba'i 'od zhing thams cad kyi nam mkha'i dbyings su rnam par snang zhing / rin po che'i 'od 'phro bas kun tu brgyan pa dang 
yongs su dag pa'i zhing du byang chub sems dpa'i sprul pa'i snying po chos kyi dbyings dang / nam mkha'i khams thams cad kyi sprin ces bya ba mnga'o/ /de bzhin gshegs pa'i zhabs byin pa g.yon pa ri dgas e ne ya'i byin pa lta bu la/ de bzhin 
gshegs pa'i mtshan gser kha dog bzang po ltar shin tu 'od 'bar ba'i 'od zer rin po che thams cad kyi 'od rtag tu 'byung ba gshegs stabs thams cad kyi zhabs kyi 'og na zhing thams cad rab tu gnas te/ chos kyi dbyings thams cad du sangs rgyas kyi snang 
ba'i dbyings kyis rgyas par khebs shing / sangs rgyas phal po che'i me tog kun tu rgyas pa chos kyi dbyings rgya mtsho thams cad kyi sprin ces bya ba mnga'o/ /de bzhin gshegs pa'i zhabs byin pa'i spu yan lag gyen du gnas pa la/ de bzhin gshegs 
pa'i mtshan rin po che'i 'od zer gyi mdzod phyogs thams cad rab tu bkye bas/ phyogs thams cad kyi chos kyi dbyings su 'od zer gyi dra ba gcig tu gyur pa'i spu las sangs rgyas kyi rnam par 'phrul pa thams cad bstan pa/ spu thams cad kyi nang du zhing gi </font><hr>37-1-54a<br><font size=+1>
gzugs brnyan thams cad khongs su chud par ston pas/ chos kyi dbyings kun tu 'od rab tu snang ba yongs su ston pa'i sprin ces bya ba mnga'o/ /de bzhin gshegs pa'i zhabs la de bzhin gshegs pa'i mtshan 'dzam bu chu klung gi gser 
dang/ rdo rje dang pad mo gser gyi mdog tu snang ba rin po che'i 'od zer 'bar ba rab tu 'gyed pa 'od zer gyi dra bas/ phyogs bcu'i zhing rgya mtsho thams cad rgyas par 'gengs pa'i sprin gyis me tog kun tu rgyas pa'i rin po che'i spos kyi 'od 'phro ba'i ri las 'khor 
gyi gzhi thams cad du byang chub sems dpa'i sprul pa dang / spos thams cad dang / rin po che'i kha dog thams cad rtag tu bkye bas zhabs kyi mthil gshegs stabs gcig tu bor bas kyang chos kyi dbyings kyi glong gi rgyud thams cad du byang chub sems 
dpa' rgya mtsho rab tu gnas pa'i sprin ces bya ba mnga'o/ /de bzhin gshegs pa'i zhabs gyi bol la de bzhin gshegs pa'i mtshan rin po che thams cad kyi rgyan gyis brgyan pa'i 'od zer gyi mdzod rab tu 'bar bas/ byang chub sems dpa' thams cad la 
de bzhin gshegs pa'i 'od zer gyi mdzod rab tu 'gyed pa'i sangs rgyas kyi go 'phang chen po yang dag par ston cing / sangs rgyas kyi sprin gyi 'od kun tu rnam par snang ba'i sprin ces bya ba mnga'o/ /de bzhin gshegs pa'i zhabs kyi sor mo'i mtshams 
thams cad na/ de bzhin gshegs pa'i mtshan rin po che'i mtshan nyid kyis bsgrubs pa/ rin po che'i rgyal po sna tshogs dang / rin po che thams cad kyi 'od zer gyi sprin rab tu 'bar bas/ sangs rgyas kyi tshul gzhan dang gzhan ngag dang / 
sangs rgyas kyi rnam par 'phrul pa yongs su bstan pa'i 'od sangs rgyas kyi chos rgya mtsho thams cad du snang ba las/ rin po che sna tshogs kyi sprin rab tu 'gyed cing / snying po byang chub thams cad kyi sgo ston pa kun tu snang bas phyi ma'i mtha'i mur thug pa'i </font><hr>37-1-54b<br><font size=+1>
bskal par sangs rgyas thams cad kyis kun tu khyab pa'i sprin ces bya ba mnga'o/ /de bzhin gshegs pa'i zhabs kyi mthil la rin po che myi phyed pa'i gzhi nor bu'i rgyal po ri rab mar me'i 'od zer dang ldan pa'i 'khor lo bsod nams kyi 'od zer las byung ba rtsibs 
stong dang ldan pa/ rgyan gzhan dang gzhan ston pas/ chos kyi dbyings rgya mtsho thams cad du khyab pa/ de bzhin gshegs pa'i mtshan gyi sprin gyi klong rin po che thams cad kyi 'od zer rab tu 'bar bas shin tu brgyan pa'i snying po can sangs rgyas thams cad kyi 
'od kyi dbyings kyis shin tu rgyas pa phyogs bcu kun tu 'od gyi dra bas rnam par snang bar mdzad pa/ rin po che'i 'od zer rab tu snang ba'i sprin gyi 'khor lo'i gnas mtha' yas pas/ spos thams cad kyi dri yongs su 'phro ba'i sgron ma rin po che'i rgyal pos kun tu brgyan 
cing/ /rin po che sna tshogs kyi mtshan nyid kyis gzhi rnam par dag pas/ chos kyi dbyings rgya mtsho thams cad du snang ba'i sprin ces bya ba mnga' 'o/ /de bzhin gshegs pa'i zhabs kyi mthil la nam mkha' ltar kun tu rnam par dag pa'i rin po che rgya mtsho 
yongs su snang bas/ de bzhin gshegs pa la mos pa'i skye bo thams cad la rin po che thams cad kyi kha dog gi sgron ma'i phreng ba dang / 'khor los phyogs dang phyogs mtshams thams cad rgyas shing / byang chub sems dpa'i sprin shin tu 'phags pas yongs su 
gang ba'i sprin gyi sgra dpal gyi be'u dang / mdzod spu'i dbyibs kyi rin po che'i me tog gi sprin dang spos kyi 'od zer rab tu snang ba kun tu 'phel ba'i 'od kyi dbyibs yongs su ston cing / 'jig rten gyi khams thams cad du sangs rgyas rgya mtsho'i sprin kun 
tu ston pa'i sprin ces bya ba mnga' 'o/ /de bzhin gshegs pa'i zhabs kyi bol gyi logs g.yas pa la/ sangs rgyas kyi 'od rnam par snang ba thams cad rab tu ston pa'i dbyangs dang / in+d+ra nI la'i mdog rnam pa sna tshogs yongs su dag par chos kyi </font><hr>37-1-55a<br><font size=+1>
dbyings rgya mtsho ston cing snying po byang chub kyi gang na yongs su ston pas/ sangs rgyas kyi 'od kyi dbyings rin po che'i 'od zer 'dzin pa rab tu bkye bas/ yongs su rgyas shing mtshan nyid gcig pas chos kyi dbyings ma 'dres par 
rgyan gzhan dang gzhan du rnam par 'phrul pa'i 'od kyi sprin ces bya ba mnga'o/ /de bzhin gshegs pa'i zhabs kyi mthil rting pa logs na/ de bzhin gshegs pa'i mtshan chos kyi dbyings rgya mtsho thams cad snang ba'i mtshan gyi rgyan gyis/ sangs 
rgyas kyi rnam par 'phrul pa rnam par bkod pa la/ kun nas 'jug pa'i sprul pa'i 'khor lo rgya mtsho dang rin po che dang / spos kyi 'od 'phro ba rgya mtsho dang / ri rab rin po che me tog be+eDUR+ya sna tshogs ma 'dres pa'i rang bzhin gyis gzhi byas pa/ chos kyi 
dbyings thams cad du sprul pa'i rgyud kyis yongs su khebs par mdzad cing / rang rang gi chos rgya mtsho sgrar sgrog pa'i sprin ces bya ba mnga'o/ /de bzhin gshegs pa'i zhabs la de bzhin gshegs pa'i mtshan rin po che'i gzhi sna tshogs shin tu zab 
pa'i 'od zer gyi dkyil 'khor gyis rnam par snang zhing / 'dzam bu chu klung gi gser gyi 'od lta bur snang bas phyogs thams cad kyi chos kyi dbyings rnam par snang bar mdzad cing / 'jig rten gyi khams dang / ri rab kyi sprin gyis mngon par khyab pa dang / 
snying po byang chub kyi rgyan thams cad yongs su ston pa'i 'od kyi sprin ces bya ba mnga'o/ /de bzhin gshegs pa'i zhabs la rin po che thams cad kyi 'od zer rnam par snang ba zla ba dang / rin po che'i 'od 'phro bas shin tu brgyan pa'i snying po can 
in+d+ra nI la'i dra bas gzhi kun nas brgyan par/ chos kyi dbyings su snang ba'i sprin nor bu'i rgyal po'i spos kyi sgron ma thams cad kyi 'od kun tu 'phro ba lta bu'i sprin de bzhin gshegs pa'i mthus dgongs pa'i skad cig re re la chos kyi dbyings rgya mtsho </font><hr>37-1-55b<br><font size=+1>
kha dog 'gyur ba gzhan dang gzhan du shin tu ston pa'i sprin ces bya ba mnga'o/ /de bzhin gshegs pa'i zhabs la de bzhin gshegs pa'i mtshan nam mkha'i dbyings su rin po che'i sprin snang ba g.yas phyogs su 'khyil cing mngon par 'phags pa'i 
'od zer rin po che'i dkyil 'khor rab tu snang ba la sangs rgyas thams cad bzhugs shing / mdzod spu dang / rin po che'i rgyal po las/ de bzhin gshegs pa thams cad kyi snying po byang chub kyi rgyan rab tu bstan pa'i 'od gzhi kun tu khyab pa/ rdo rje 
dang in+d+ra nI la'i tshon lta bus rab tu brgyan pa'i sprin kun tu mched pa zhes bya ba mnga'o/ /de bzhin gshegs pa'i zhabs la de bzhin gshegs pa'i mtshan 'bar zhing snang ba dang / chos kyi dbyings zab mo'i gsung shin tu 'phags pa chos kyi dbyings 
su snang ba'i sprin gyi me tog rin po che'i ze ba can yongs su rgyas pas chos kyi dbyings dang / nam mkha'i dbyings kyi mtshan nyid rgya mtsho rgyas par khyab pa'i sprin mtshan nyid gcig pa/ rgya mtsho la sangs rgyas thams cad kyi gnas rgya mtsho rab tu snang 
zhing sangs rgyas kyi rnam par 'phrul pa dang / byang chub sems dpa' chos kyi dbyings rgya mtsho la 'jug pa shin tu bstan pa mi zad pa'i rgyud chos kyi dbyings kyi gzhir thug par kun tu snang ba'i sprin ces bya ba mnga'o/ /de bzhin gshegs pa'i 
zhabs la gser rnam par dag cing yid du 'ong ba kha dog bzang po'i sprin 'dzam bu chu klung gi 'od zer las sangs rgyas kyi sprin kun tu khyab pa zhing gi rgyud dang / klong rnam par bkod par rnam par 'phrul zhing / byang chub sems dpa'i chos snang ba/ rgya 
mtsho'i gzhir thug pa mi zad pas sangs rgyas thams cad kyi yon tan dang mthu phyogs bcu kun tu rnam par snang zhing byang chub sems dpa'i snying po la/ klong med pa'i chos kyi dbyings rin po che'i sprin tu snang ba'i rgyan rab tu ston pa'i sprin ces bya ba </font><hr>37-1-56a<br><font size=+1>
mnga' 'o/ /de bzhin gshegs pa'i zhabs la de bzhin gshegs pa'i mtshan/ sangs rgyas kyi 'od zer zla ba 'od 'phro bas rab tu brgyan pa'i snying po can/ rin po che'i rgyal po kun tu dri zhim zhing 'od 'byung ba'i 'od zer gyi 
dkyil 'khor rgya mtsho'i gzhi rin po che'i 'khor lo thams cad du 'byung ba sna tshogs rin po che thams cad kyi kha dog dang mdog dang / 'od zer gyi 'khor lo khongs su chud pa'i gzhir 'jig rten gyi khams rgya mtsho dang / sangs rgyas rgya mtsho khongs su chud par 
rnam par snang zhing 'bar bas/ 'jig rten gyi khams thams cad du byang chub sems dpa' shin tu ston pa'i sgo/ sangs rgyas kyi chos rgya mtsho thams cad kyi sprin gyi sgra'i nga ro rab tu gtong bas/ de bzhin gshegs pa'i zhabs kyi mthil la mtshan thams 
cad kyis rab tu brgyan pa'i rgyan sangs rgyas kyi rnam par 'phrul pa thams cad rab tu ston pa'i sprin ces bya ba mnga' ste/ de bzhin gshegs pa rnam par snang mdzad kyi sku'i yan lag dang / nying lag thams cad ni de dag la sogs pa de bzhin gshegs pa'i mtshan mang po'i 
sprin 'jig rten gyi khams gzhi dang / snying po me tog gi rgyan gyis brgyan pa/ rgya mtsho phrag bcu'i rdul shin tu phra ba snyed kyi rin po che sna tshogs thams cad kyi mtshan rin po ches rab tu brgyan pa'o/ /shin tu rgyas pa chen po'i mdo/ /sangs rgyas phal po 
che zhes bya ba las de bzhin gshegs pa'i sku'i mtshan rgya mtsho bstan pa'i le'u ste bzhi bcu pa'o// //sangs rgyas rmad gcad ces bya ba shin tu rgyas pa chen po'i mdo/ /bam po drug pa/ /de nas bcom 
ldan 'das kyis byang chub sems dpa' lag na rin po che la bka' stsal pa/ lag na rin po che de bzhin gshegs pa dgra bcom pa yang dag par rdzogs pa'i sangs rgyas la dpe byad bzang po 'od 'dzin pa dang ldan pa'i rgyal po zhes bya ba mnga' ste/ de las 'od zer bar </font><hr>37-1-56b<br><font size=+1>
chad med par shin tu 'bar ba zhes bya ba/ 'od zer gyi 'khor brgya stong grangs med pa phrag bdun cu dang ldan pa 'byung ste/ de nam byang chub sems dpa' dga' ldan gyi gnas nas/ rang gi lus 'dor ba de'i tshe 'od zer dpal gyi rgyal po zhes bya ba gtong ste/ 
des 'jig rten gyi khams bcu'i rdul shin tu phra ba snyed kyi 'jig rten gyi khams rab tu snang bar byed do/ /'jig rten gyi khams de dag na sems can dmyal ba chen po ji snyed yod pa de dag kyang yongs su snang bar byed do/ /de dag tu sems can ji snyed skyes pa de 
dag kyang yongs su snang bar byed de/ de dag gis kyang snang ba de mthong zhing shes te/ sems can de dag gi sems can dmyal ba'i sdug bsngal de dag thams cad kyang rtse zil bar 'gyur ro/ /sems can de dag gi myig yongs su sbyang ba rnam pa bcu 'ang rnam par 
dag par 'gyur ro/ /de bzhin du rna ba dang sna dang / lce dang lus dang yid yongs su sbyang ba dag kyang rnam par dag par gyur te/ sems can dmyal ba de dag kyang dga' ba dang nyams bde ba chen po dang ldan par 'gyur ro/ /sems can dmyal ba de dag 
nas shi 'phos nas kyang dga' ldan gyi lha dag dang skal ba mnyam par skye ste/ de dag der skyes nas kyang lha'i rnga dga' ba med pa zhes bya ba sgra 'byin pa thos par 'gyur te/ kye grogs po dag bag yod pa dang / de bzhin gshegs pa la dge ba'i rtsa ba bskyed pa dang 
sngon dge ba'i bshes gnyen bsnyen bkur ba dang ldan pa'i dge ba'i rtsa ba'i stobs dang shugs kyis 'dir skyes so/ /de nyid kyi phyir sems can dmyal ba dag nas shi 'phos nas/ de bzhin gshegs pa rnam par snang mdzad kyi mthus lha'i 'jig rten 'dir skyes so/ /
de bzhin gshegs pa'i zhabs kyi mthil gyi 'khor lo rtsibs stong dang ldan pa la kun tu snang zhing mdzes pa'i 'od zer yod de/ de la 'od 'dzin pa dang ldan pa zhes bya ba'i dpe byad bzang po'i 'od yod do/ /de las 'od zer bzhi bcu 'byung ste/ de'i nang nas </font><hr>37-1-57a<br><font size=+1>
'od zer gcig yon tan yongs su dag pa'i 'od ces bya ste/ de ni 'jig rten gyi khams sangs rgyas kyi zhing bye ba khrag khrig gi rdul shin tu phra ba snyed snang bar byed do/ /yul ji lta ba dang bsam pa ji lta ba dang / yongs su smin 
pa'i khyad par ji lta ba bzhin du/ mnar med pa'i sems can dmyal ba chen po'i sems can rnams kyang snang bar byed de/ de dag de nas shi 'phos nas dga' ldan gyi lha dang skal ba mnyam par skye'o/ /de dag der skyes nas kyang lha'i rnga'i sgra las/ kye btsun pa 
lha'i sras po dag legs kyis byang chub sems dpa' rnam par snang mdzad de nyid la phyag 'tshol cig /byang chub sems dpa' rnam par snang mdzad ni 'di yin te/ dri ma dang bral ba zhes bya ba'i ting nge 'dzin la mnyam par bzhag cing bzhugs so zhes bya ba'i 
sgra thos par 'gyur ro/ /de nas lha'i bu de dag rnga des bskul ba dang / yid du 'ong ba'i sgra 'di lta bu gang nas byung zhes ngo mtshar du 'dzin par 'gyur ro/ /de nas yang rnga de nyid las sgra 'di skad du 'byung bar 'gyur te/ lha'i sras po dag bdag ni lha'i rnga zhes bya 
ba ste/ dge ba'i rtsa ba'i stobs dang shugs kyis grub pa'o/ /lha'i sras po dag 'di lta ste/ dper na/ lha'i rnga kho bo ni bdag ces bya ba'i sgra rjod kyang bdag la bdag tu bya ba rgyu ba med do/ /lha'i sras po dag de bzhin du sangs rgyas bcom ldan 'das rnams 
kyang nga ni sangs rgyas zhes gsung ste/ de dag la bdag tu bya ba mi mnga' 'o/ /bdag gir bya ba mi mnga' 'o/ /lha'i sras po dag 'di lta ste dper na/ bdag gi sgra ni shar phyogs nas kyang ma 'ongs/ lho phyogs nas kyang ma yin/ nub phyogs nas kyang ma yin/ 
byang phyogs nas kyang ma yin te/ phyogs bcu kun nas kyang 'ongs pa med do/ /lha'i sras po dag de bzhin du sangs rgyas bcom ldan 'das rnams kyi phrin las rnam par smin pa yang shar phyogs nas ma 'ongs/ lho phyogs nas ma yin/ nub phyogs nas ma yin/</font><hr>37-1-57b<br><font size=+1>
byang phyogs nas ma yin te/ phyogs bcu kun nas kyang 'ongs pa med do/ /lha'i sras po dag 'di lta ste dper na/ khyed kyi sngon gyi mtha'i sems can dmyal ba rnams ni/ shar phyogs nas ma 'ongs/ /lho phyogs nas ma yin/ nub 
phyogs nas ma yin/ byang phyogs nas ma yin te/ phyogs bcu kun nas kyang 'ongs pa med do/ /'on kyang phyin ci log gi las byed pa gti mug gi dra ba can rnams la/ lus su snang ba mi 'byung ba yang ma yin te/ de dag kyang rtsa ba myed cing 
gnas pa myed pa'o/ /byang chub sems dpa' rnam par snang mdzad kyi mthus snang ba chen po byung ba'i 'od zer de dag kyang / shar phyogs nas ma 'ongs/ lho phyogs nas ma yin/ nub phyogs nas ma yin/ byang phyogs nas ma yin te/ phyogs bcu 
kun nas kyang 'ongs pa med do/ /lha'i sras po dag de bzhin du bdag kyang lha'i rnga ting nge 'dzin dang / dge ba'i rtsa ba dang / shes rab kyi pha rol tu phyin pa dbyangs rnam par dag pa'i mthus byung ba ste/ cho 'phrul gyi rnam pa 'di 'dra bdag ston to/ /lha'i 
sras po dag 'di lta ste dper na/ ri'i rgyal po ri rab 'di ni shar phyogs nas ma 'ongs/ lho phyogs nas ma yin/ nub phyogs nas ma yin/ byang phyogs nas ma yin te/ phyogs bcu kun nas kyang 'ongs pa myed do/ /lha'i sras po dag 'on kyang 
sum cu rtsa gsum pa'i lha rnams longs spyod pa dang / yongs su spyod pa dang / bde ba'i rim gro'i phyir rnam pa 'di lta bus nye bar gnas so/ /lha'i sras po dag bdag kyang lha'i rnga ste/ de bzhin du mkhyen par mdzod cig /lha'i sras po dag 'di 
lta ste dper na/ 'jig rten gyi khams sangs rgyas kyi zhing bye ba khrag khrig gi rdul shin tu phra ba snyed cig thams cad rdul shin tu phra mor blags te/ rdul phra mo ji snyed byung ba de snyed kyi sems can zhig yongs su rtog pa nye bar bzung ste/ tshogs shing 'dus </font><hr>37-1-58a<br><font size=+1>
par gyur kyang / bdag ni de dag thams cad bsam pa ji lta ba bzhin du legs par bshad pas tshim par byed de/ bdag la skyo ba'am nyam chung bar 'gyur ba'am/ dregs pa'am/ rlom pa med do/ /lha'i sras po dag 
de bzhin du byang chub sems dpa' rnam par snang mdzad dri ma dang bral ba'i ting nge 'dzin la bzhugs pa'i phyag g.yas pa'i mthil gyi dpe byad bzang po gcig las 'od zer gcig byung ba yang de snyed du rnam par 'phrul zhing 'byung ste/ de ni nyan thos dang rang sangs 
rgyas rnams kyis kyang shes par dka' na/ sems can rnams kyis lta ci smos/ lha'i sras po dag legs so legs so/ /byang chub sems dpa' blta ba'i don du bzhud cig /nye bar bzhud cig /bsnyen bkur mdzod cig /bsten par 
mdzod cig /dge ba'i rtsa ba dag gi bar chad du gyur ta re/ lha'i sras po dag 'di lta ste dper na/ bskal pa'i me byung ba'i tshe/ ri'i rgyal po ri rab lta bu yang rmeg med par mi snang bar 'gyur ro/ /lha'i sras po dag de bzhin du 'dod chags 
kyis kun nas 'khor ba'i sems su gyur na sangs rgyas rjes su dran pa rnam par bkod pa tsam yang med par 'gyur gyis/ de'i phyir lha'i sras po dag khyed kyis drin du gzo bar mdzod la/ drin du mi gzo ba med par mdzod cig /lha'i bu byas pa mi dran 
pa dag ni lha ma yin gyi g.yul du phal cher gzhan gyis gsad cing 'chi bar 'gyur te/ 'di nas shi 'phos nas kyang drin du mi gzo ba'i sems can de dag ni phal cher sems can dmyal bar 'dong bar 'gyur ro/ /lha'i sras po dag khyed 'od zer chen po 
snang ba gang gi mthus/ sems can dmyal ba de dag nas shi 'phos te/ 'dir skyes par gyur pa'i dge ba'i rtsa ba de nyid rgya cher yongs su bsngo ba mdzod cig /lha'i sras po dag lha'i rnga bdag ni bud med ma yin/ skyes pa ma yin te/ bsod </font><hr>37-1-58b<br><font size=+1>
nams kyi spyod pa brgya phrag 'di snyed kyang yongs su brjod do/ /lha'i sras po dag 'di na lha'i bu dang lha'i bu mo dag gi longs spyod gzhal med khang gi longs spyod dam/ bza' shing gi ra ba'i longs spyod gang yod pa de dag kyang mtshan nyid de lta bur blta'o/ /
lha'i sras po dag ji ltar bdag ma skyes ma 'gags pa de bzhin du gzugs dang / tshor ba dang / 'du shes dang / 'du byed dang / rnam par shes pa dag kyang ma skyes ma 'gags par mkhyen par mdzod cig /lha'i sras po dag 'di ni ting nge 
'dzin gnas myed pa'i phyag rgya zhes bya ba la 'jug par rtogs par mdzod cig /de nas lha'i bu de dag ngo mtshar dang rmad du gyur te/ me tog gi sprin stong phrag bcu dang spos kyi sprin stong phrag bcu dang / rol mo'i sprin stong phrag bcu dang / rgyal 
mtshan gyi sprin stong phrag bcu dang / gdugs kyi sprin stong phrag bcu dang / bstod pa'i sprin stong phrag bcu dag mngon par sprul te/ byang chub sems dpa' rnam par snang mdzad kyi gzhal med khang gang na ba der dong ste/ phyin nas kyang gzhal 
med khang la phyag 'tshal zhing gnas par gyur kyang / byang chub sems dpa' de ma mthong ba dang / lha'i bu la la 'di skad ces 'dzer te/ kye grogs po dag byang chub sems dpa' de ni lha'i yul 'di nas shi 'phos te/ mi'i 'jig rten du rgyal 
bo zas gtsang ma'i khyim du/ lha mo sgyu ma'i dku na tsan dan gyi khang pa brtsegs pa yod par brdzus te skyes kyis/ lha'i bu dag lha'i mig gis legs par ltos shig ces nas/ de dag gis bltas pa dang / byang chub sems dpa' de tshangs pa'i ris kyi lha'i 
bu rnams dang / de bzhin du 'dod pa la spyod pa'i lha'i bu thams cad kyis mchod cing rim gror byas te/ de na 'dug pa mthong ngo / /de nas lha'i bu de dag 'di snyam du gyur te/ bdag cag gis byang chub sems dpa' de ma mthong ngam/ de dang ma smras </font><hr>37-1-59a<br><font size=+1>
te/ bag dbab pa ma thob na/ sems skad cig du yang dga' ldan gyi gnas na 'khod par dga' ba'i sems bskyed pa'i mi chas/ 'dzam bu'i gling du mi 'dod du mi rung ngo zhes nas/ lha'i bu de dag re re zhing yang lha'i 
bu mo bye ba phrag bcu'i 'khor dang bcas te/ 'dod par byas pa dang / lha'i bu de dag gis de ltar 'dod pa'i sems bskyed ma thag tu lha'i rnga de las sgra 'byung ba/ lha'i sras po dag byang chub sems dpa' de ni skye ba 'ang med/ shi 'pho ba'ang myed de/ 
byang chub sems dpa' sems dpa' chen po dag ni shi 'pho ba med pa'i mngon par shes pa dang ldan pa dag ste/ de dag ni sems can rnams kyi bsam pa ji lta ba bzhin du mig lam du snang bar 'gyur ro/ /lha'i sras po dag 'di lta ste dper na/ bdag 
ni khyed kyi mig gi lam gyis myi mthong ste/ myig gi lam las 'das kyang / lha'i sras po khyed la sgra brjod do/ /lha'i sras po dag de bzhin du byang chub sems dpa' ting nge 'dzin dri ma dang bral ba la mnyam par bzhag pa ni/ myig gis snang ba ma 
yin yang skye ba'i skye mched thams cad du snang ste/ 'on kyang byang chub sems dpa' la rtog pa myed do/ /rnam par rtog pa myed do/ /g.yo ba myed do/ /sems pa myed do/ /de bas na lha'i sras po dag khyed kyis bla na myed pa yang dag par rdzogs 
pa'i byang chub tu sems bskyed la/ bsam pa yongs su sbyong ste/ spyod pa la mnos la/ las kyi sgrib pa dang / nyon mongs pa'i sgrib pa dang / rnam par smin pa'i sgrib pa dang / lta ba'i sgrib pa bshags par gyis te/ lus kyi las 
dang ngag gi las dang / yid kyi las kun tu bzang po chos kyi dbyings kyis klas pas/ sems can gyi khams su mying dang lus byin gyis rlobs shig /sems can gyi khams dang mnyam pa'i lus kyis sems can gyi khams dang / mnyam </font><hr>37-1-59b<br><font size=+1>
pa'i mgo byin gyis rlobs shig /sems can gyi khams dang mnyam pa'i ma gos sems can gyi khams dang mnyam pa'i lce byin gyis rlobs shig /sems can gyi khams dang mnyam pa'i lces sgrib pa de dag nyes pa la nyes par shogs shig /
de skad ces brjod pa dang / lha'i bu de dag ngo mtshar dang rmad du gyur te/ rab tu dga' zhing sems bde bar gyur nas/ yang lha'i rnga de las byang chub sems dpa' rnams sdig pa 'chags pa'i rnam pa ji lta bu zhig yod ces phyir 'dri'o/ /de nas 
lha'i rnga de byang chub sems dpa' de'i ting nge 'dzin gyi byin gyi rlabs dang / lha'i bu de dag gi dge ba'i rtsa ba'i stobs dang / byin gyi rlabs kyis rnam pa 'di lta bu'i sgra 'byin to/ /lha'i sras po dag las ni shar phyogs nas ma 'ongs te/ sems 
la gnas pa ma yin/ 'dug pa ma yin/ tshogs su bstsags pa ma yin/ phung por gyur pa ma yin te/ lho phyogs nas ma yin/ nub phyogs nas ma yin/ byang phyogs nas ma yin/ las de ni phyogs bcu kun nas kyang 'ongs te gnas 
pa ma yin no/ /de ltar de ni byang chub sems dpas phyin ci log las byung ba ste/ gnas myed par yang dag par shes pas/ de'i phyir de la 'gyod pa med do/ /lha'i sras po dag 'di lta ste dper na/ lha'i rnga bdag ni las kyi rnam par smin 
pa ji lta ba dang / spyod pa ji lta ba dang / tshul khrims ji lta ba dang / dga' ba ji lta ba dang / shin tu byang ba ji lta ba dang / ting nge 'dzin ji lta ba bzhin du bdag ces brjod do/ /lha'i sras po dag de bzhin du sangs rgyas bcom ldan 'das 
rnams dang / byang chub sems dpa' rnams kyang bdag ces bya ba'am/ bdag gi zhes bya ba 'am/ sems can zhes bya bar gsung rjod cing 'dod chags dang zhe sdang dang gti mug dang / las dang bya ba'i gsung yang rjod de/ lha'i sras po </font><hr>37-1-60a<br><font size=+1>
dag bdag ces bya ba med do/ /bdag myed par bdag gi zhes bya ba myi dmyigs so/ /de dag gi las kyi rnam pa lam gyi rgyud drug tu rnam par smin par 'gyur ba byas pa de dag kyang shar phyogs nas mi dmigs so/ /lho 
phyogs nas ma yin/ nub phyogs nas ma yin/ byang phyogs nas ma yin te/ phyogs bcu kun nas kyang dmigs par mi rung ngo / /lha'i sras po dag 'di lta ste/ dper na/ bdag gi sgra ni lha'i bu yongs su ma dag pa rnams kyi rna lam du mi 'gro 
bas/ sems can dmyal ba rnams bskul kyang thos par mi 'gyur te/ sgra de ni ma skyes ma 'gags pa'o/ /lha'i sras po dag de bzhin du las thams cad kyang ma skyes ma 'gags pa ste/ ji ltar yongs su sbyangs pa dang / ji ltar bstsags pa'i 
tshul du 'bras bu yang rnam par smin par byed de/ lha'i sras po dag 'di lta ste/ dper na/ bdag gi sgra ni bskal pa khrag khrig du brjod kyang rnam par rtog pa med pas zad pa med do/ /thug pa med do/ /'gro ba med do/ /'ong ba med do/ /lha'i 
sras po dag gang la 'gro ba dang / 'ong ba yod pa de dag la ni rtag pa'am/ chad pa dag kyang yod par snang ste/ sangs rgyas bcom ldan 'das rnams ni ldem po dag gis sems can smin par mdzad pa'i don du ston pa ma gtogs par rtag pa 'am chad pa'i 
chos ston pa mi mdzad do/ /lha'i sras po dag 'di lta ste dper na/ sgra de ni bsam pa ji lta ba bzhin du 'jig rten gyi khams tshad med par dbyangs kyis go bar byed do/ /lha'i sras po de bzhin du sangs rgyas bcom ldan 'das rnams kyang sems can rnams 
kyi bsam pa ji lta ba bzhin du mngon du ston pa mdzad do/ /lha'i sras po dag 'di lta ste dper na/ shel gyi me long gi dkyil 'khor sgron ma zhes bya ba 'jig rten gyi khams bcu'i tshad dang mnyam pa dag cing gsal la mdog shin tu bzang ba yod de/ de </font><hr>37-1-60b<br><font size=+1>
la 'jig rten gyi khams tshad med pa dag nas kyang / ri thams cad kyi gzugs brnyan dang / sems can de dag thams cad kyi gzugs brnyan kyang rab tu snang na/ lha'i sras po dag de la ji snyam du sems/ de ltar me long gi dkyil 'khor de la sems can dmyal 
ba pa dang / byol song gi skye gnas pa dang / gshin rje'i 'jig rten pa'i sems can mang po snang bas/ yongs su ma dag par mi 'gyur ram/ lus shin tu mi sdug par gnas pa de dag kyang / me long de la 'phos pa'am gnas pa'am/ sems dang 
ldan par gyur pa yod dam myed/ smras pa de lta bu ni med do/ /smras pa lha'i sras po dag de bzhin du/ las rnams kyang 'pho ba 'ang myed 'gro ba'ang myed/ gnas pa 'ang myed de/ dge ba'i rtsa ba rnam par smin pa yang mi snang ba ma yin no/ /'di lta ste dper 
na/ sgyu mas ni mig bslab byed do/ /lha'i sras po dag de bzhin du gang gis las rnams shes te mthong ba dang / khong du chud pa de dag gi sdig pa bshags pa ni shin tu rnam par dag par 'gyur ro/ /shin tu bstan pa 'di bstan pa'i tshe/ 'jig rten 
gyi khams sangs rgyas kyi zhing bye ba khrag khrig brgya stong gi rdul shin tu phra ba snyed kyi dga' ldan gnas kyi lha'i bu de dag thams cad mi skye ba'i chos la bzod pa rab tu thob par gyur to/ /'dod pa la spyod pa'i lha'i ris drug gi lha'i bu tshad myed grangs med bsam 
gyis myi khyab pa dag gis kyang bla na med pa yang dag par rdzogs pa'i byang chub tu sems bskyed do/ /'dod pa na spyod pa'i lha'i ris drug po de dag gi lha'i bu mo rnams kyang bud med kyi lus de las gyur te/ bla na med pa yang dag par rdzogs pa'i byang chub tu nges par gyur to/ /
de nas lha'i bu de dag gis kun tu bzang po'i yongs su bsngo bas rgya cher gshegs te/ sa bcu 'thob pa dang / ting nge 'dzin stobs kyi rgyan yongs su 'thob pa'i don du/ sems can gyi khams dang / mnyam pa'i lus kyi las dang / ngag gi las </font><hr>37-1-61a<br><font size=+1>
dang/ yid kyi las kyis rgya cher bshags pa byas nas/ de dag las kyi sgrib pa rnam par dag pa dang / byang chub sems dpa' bye ba khrag khrig brgya stong rin po che sna bdun gyi pad+mo rdul shin tu phra ba snyed la 'khod cing / 'od 
chen po rab tu gtong ba mthong bar gyur te/ de dag gi dpe byad bzang po re re nas kyang sems can gyi khams dang / mnyam pa'i 'od zer mang po byung ste/ 'od zer de dag la yang sems can gyi khams dang / mnyam pa'i de bzhin gshegs pa bzhugs 
shing/ sems can rnams la bsam pa ji lta ba bzhin du chos ston pa mthong bar gyur kyang / de tsam gyis ting nge 'dzin dri ma dang bral ba'i spyod yul gyi cha shas tsam yang legs par mthong bar ma gyur to/ /de nas lha'i bu de dag gis me tog gi sprin la stsogs 
pa/ snga ma de dag dang ba spu'i bu ga re re nas kyang sems can gyi khams dang / mnyam pa'i me tog gi sprin mngon par sprul te/ byang chub sems dpa' rnam par snang mdzad dang / de bzhin gshegs pa mtha' yas pa la mchod pa byed par gyur to/ /me 
tog ji snyed cig gtong ba de dag thams cad kyang / de bzhin gshegs pa'i sku gzugs su gnas par gyur to/ /spos kyi sprin gyi char rab tu phab pa de dag gis 'jig rten gyi khams sangs rgyas kyi zhing tshad med pa'i rdul shin tu phra ba snyed du/ sems 
can gang gi lus la bab pa/ de dag kyang 'di lta ste dper na/ bsam gtan bzhi ba la mnyam par bzhag pa'i dge slong gi lus kyi bde ba de lta bu dang ldan par gyur to/ /gang la las kyi sgrib pa'i nyes pa med pa de dag ni/ spos kyi dri de tshor ba tsam gyis 
gzugs dang / sgra dang / dri dang / ro dang / reg bya las byung ba'i nyon mongs pa thams cad byang bar gyur te/nang gi dngos po'i nyon mongs pa lnga brgya dang / phyi rol gyi dngos po'i nyon mongs pa lnga brgya dang / 'dod chags la spyod pa'i nyon mongs pa stong </font><hr>37-1-61b<br><font size=+1>
phrag nyi shu rtsa gcig dang / zhe sdang la spyod pa'i nyon mongs pa stong phrag nyi shu rtsa gcig dang / gti mug la spyod pa'i nyon mongs pa stong phrag nyi shu rtsa gcig dang / cha mnyam pa la spyod pa'i nyon mongs pa stong phrag nyi shu rtsa gcig dang / de bzhin du 'phral gyi 
'dod chags la spyod pa dang / 'phral gyi zhe sdang la spyod pa dang / 'phral gyi gti mug la spyod pa dang / 'phral gyi cha mnyam pa la spyod pa'i nyon mongs pa dang / mi shes pa de dag thams cad kyang byang bar gyur to/ /gang gis 'od zer spos kyi phung po gzi 
brjid rnam par 'phrul pa'i 'od rab tu 'thob pa'i don du/ dge ba'i rtsa ba yongs su sbyangs shing / bskyed pa de dag gis gdugs kyi sprin de dag mig lam du mthong bar gyur te/ de dag gis kyang 'khor los sgyur ba/ chu klung gang gA'i bye ma snyed kyi dge ba'i 
rtsa ba bskyed par gyur to/ /de ni 'di ltar 'khor los sgyur ba'i sa gser gyi dra bas dag pa 'thob pa'i phyir/ dge ba'i rtsa ba rab tu bskyed par gyur te/ de la gnas pa'i byang chub sems dpa' ni 'jig rten gyi khams sangs rgyas kyi zhing bye ba khrag khrig 
brgya stong gi rdul shin tu phra ba snyed du 'khor los sgyur bar byed do/ /der sems can mang po yongs su smin par 'gyur ro/ /'di lta ste dper na/ bcom ldan 'das de bzhin gshegs pa 'khor lo'i blo gros kyi sangs rgyas kyi zhing 'jig rten gyi khams me long 
gi dkyil 'khor ltar snang ba zhes bya ba de na bcom ldan 'das de'i sprul pa dge slong pha dang / dge slong ma dang / dge bsnyen pha dang / dge bsnyen ma'i gzugs dang gzhung de bzhin du skyes pa'i rabs kyi sde'i khyad par thams cad kyis 'jig rten gyi khams tshad 
med pa dag tu mi 'gro ba de lta bus skad cig med do/ /thang cig med do/ /yud tsam med do/ /de bzhin gshegs pa de'i mtshan kyang grag ste/ thos nas kyang sangs rgyas kyi zhing der skye bar 'gyur ro/ /de bzhin du 'khor los sgyur ba'i sa gser gyi dra bas </font><hr>37-1-62a<br><font size=+1>
dag pa la gnas pa'i byang chub sems dpa'i rnam par 'phrul pa shin tu gsal ba'i mtshams med pa'i 'od zer gyis phog pa'i sems can de dag thams cad kyang / dge ba'i rtsa ba de dag gis sems can yongs su 'dul zhing sa bcu 
'thob par 'gyur ro/ /'di lta ste dper na/ tshad med pa'i bsam gtan thob pa ni/ ji srid du bsam gtan yongs su nyams par ma gyur pa de srid du tshangs pa'i gzhal med khang yang mthong la/ tshangs pa'i 'jig rten na bde ba gang yod pa de dag kyang myong 
ba yin/ de bzhin du byang chub sems dpa' 'khor los sgyur ba'i sa gser gyi dra bas dag pa la gnas pa'i gtsug gi rin po che'i 'od kyis su la phog par gyur pa de dag sa bcu 'thob par 'gyur te/ chos tshad med pa la snang ba chen po yang rab tu 'thob par 
'gyur ro/ /stobs rnam par dag pa'i ting nge 'dzin shin tu bsgrubs pa'i phyir mig yongs su sbyangs pa bcu yang rab tu 'thob par 'gyur ro/ /gzhung de bzhin du yid yongs su sbyangs pa bcu yang rab tu 'thob ste/ sha'i mig rnam par dag pa 'di lta 
ste/ 'jig rten gyi khams sangs rgyas kyi zhing bye ba khrag khrig brgya stong gi rdul shin tu phra ba snyed cig rdul shin tu phra bar byas te/ rdul shin tu phra mo de dag byang chub sems dpa' de dag gi lag pa g.yon pas blangs te khyer la de snyed kyi 'jig rten gyi 
khams 'das pa dang / rdul gcig por te/ de ltar gcig nas gcig tu bzhag pa'i tshul dang /thabs de lta bu bgrang ba'i tshul gyis shar phyogs su rdul de dag thams cad zad par gyur la de lta bu'i tshul du gang du bor ba dang / gang du ma bor ba'i 
'jig rten gyi khams de dag thams cad shin tu phra ba'i rdul du blags la/ de ltar mang ba'i rdul shin tu phra ba de dag kyang khyer te/ shar phyogs logs su 'jig rten gyi khams 'das nas/ rdul shin tu phra ba gcig bor la tshul de 'dra bar phyogs bcu kun tu </font><hr>37-1-62b<br><font size=+1>
rdul shin tu phra ba de dag zad par gyur nas/ /de snyed kyi 'jig rten de dag thams cad gcig tu bsdoms te/ sangs rgyas kyi zhing gcig gi chu zheng du gyur na/ lag na rin po che de la ji snyam du sems/ sangs rgyas 
kyi zhing de che zhing tshad med la bsam gyis myi khyab pa yin nam/ gsol pa bcom ldan 'das de ni de bzhin te/ btsun pa bcom ldan 'das gang gis dpe bstan pa 'di thos par gyur la/ thos nas kyang glo ba ches shing 
ngo mtshar gyi 'du shes dang / rmad kyi 'du shes bskyed pa mchis na/ sems can de dag kyang ngo mtshar dang ldan par 'gyur ro/ /bka' stsal pa/ lag na rin po che de de bzhin no/ /de de bzhin te/ lag na rin po che khyod kyis ji 
skad du smras pa bzhin no/ /lag na rin po che rigs kyi bu dang / rigs kyi bu mo de dag ni/ ngas bla na med pa yang dag par rdzogs pa'i byang chub tu lung bstan to/ /de lta bu dag ni sangs rgyas kyi ye shes thob par gyur to/ /reng ngo/ /
'gyur ro/ /lag na rin po che 'di lta ste dper na/ sangs rgyas kyi zhing bye ba phrag stong gi rdul shin tu phra ba snyed kyi sangs rgyas kyi zhing ji snyed pa de snyed kyi sangs rgyas kyi zhing gi rdul shin tu phra ba snyed kyi sangs rgyas kyi zhing dper rnam par bkod 
pa de dag thams cad kyang rdul shin tu phra bar blags la/ sangs rgyas kyi zhing re re zhing yang sangs rgyas kyi zhing de dag na/ rdul shin tu phra ba ji snyed yod pa de snyed kyi sangs rgyas kyi zhing zhig yod par gyur te/ zhing de dag 
na ji lta ba de bzhin du zhing thams cad na'ang / de snyed cig yod par gyur la rdul de dag thams cad kyang tshul de bzhin du bkod de/ rnam grangs 'di 'dra bar rdul shin tu phra bar bkod pa'i tshul gyis lan brgyad cur </font><hr>37-1-63a<br><font size=+1>
bsgres te/ rdul gyi 'bru re re la yang zhing thams cad kyi rdul shin tu phra ba snyed kyi 'bras bu mngon par grub par gyur kyang / de dag thams cad byang chub sems dpa'i sha'i mig gis bsgribs pa med par mthong ste/ lag na rin po 
che byang chub sems dpa'i sha'i mig las kyi rnam par smin pas yongs su grub pa des ni/ sangs rgyas kyi zhing bye ba khrag khrig brgya'i rdul shin tu phra ba snyed kyi de bzhin gshegs pa sems skad cig gis mthong ste/ de ni 'jig rten gyi khams bcu'i rdul 
shin tu phra ba snyed kyi 'jig rten gyi khams la dbang bsgyur zhing / 'khor los sgyur ba'i rgyal po'i sa gser gyi dra bas dag pa thob pa'i bsod nams rnam par smin pa dang / dge ba'i rtsa ba dang / ting nge 'dzin gyis yongs su grub pa'i shel gyi me long 
sgron ma zhes bya ba mdog dag ste bzang zhing gsal ba bzhin no/ /shin tu rgyas pa chen po'i mdo sangs rgyas phal po che zhes bya ba las/ dpe byad bzang po'i 'od zer bstan pa'i le'u ste bzhi bcu gcig pa'o// //sangs rgyas rmad 
gcad ces bya ba shin tu rgyas pa chen po'i mdo/ /bam po bdun pa/ de nas yang byang chub sems dpa' kun tu bzang pos/ byang chub sems dpa' de dag la smras pa/ kye rgyal ba'i sras dag de ni sems can gyi snod ji lta ba bzhin du yang 
dag par rdzogs pa'i sangs rgyas la dmigs te rdul tsam zhig brjod du zad do/ /de ci'i phyir zhe na/ kye rgyal ba'i sras dag sems can mi mkhas pa 'gyod pas kun nas non pa/ bdag dang bdag gir bya ba la mngon par zhen pa/ 'jig tshogs 
la shin tu chags pa/ phyin ci log la rab tu rten pa/ the tshom la rab tu gzhol ba/ log par lta ba yongs su rtog pas byung ba/ rmongs pas bsgrubs pa/ 'khor ba'i rgyud du gzhol ba/ de bzhin gshegs pa'i lam dang mi ldan pa rnams kyi don du/ /</font><hr>37-1-63b<br><font size=+1>
sangs rgyas bcom ldan 'das rnams 'jig rten du 'byung ngo / /kye rgyal ba'i sras dag 'di lta ste/ byang chub sems dpa' gzhan la zhe sdang ba skyed pa tsam du kha na ma tho ba che ba'i chos ni 'ga' tsam yang bdag gis ma mthong ste/ de ci'i phyir zhe na/ kye 
rgyal ba'i sras dag gzhan la khong khro ba bskyed pa'i byang chub sems dpa' ni bsgribs pa'i chos kyi sgo brgya stong phrag bcu po 'di dag yongs su 'dzin par 'gyur te/ brgya stong phrag bcu gang zhe na 'di lta ste/ byang chub sems dpa' mi mthong ba 'dzin par 
'gyur ro/ /chos mi thos pa 'dzin par 'gyur ro/ /'jig rten gyi khams kun nas nyon mongs par skye ba 'dzin par 'gyur ro/ /ngan song du gnas pa 'dzin par 'gyur ro/ /mi khom par skye ba 'dzin par 'gyur ro/ /nad mang ba 'dzin 
par 'gyur ro/ /skur ba mang bar 'dzin par 'gyur ro/ /dang tshul mi gsal ba 'dzin par 'gyur ro/ /brjed ngas pa 'dzin par 'gyur ro/ /blo chung ba 'dzin par 'gyur ro/ /mig gi bsgribs pa 'dzin par 'gyur ro/ /rna ba'i bsgribs pa 
'dzin par 'gyur ro/ /sna'i bsgribs pa 'dzin par 'gyur ro/ /lce'i bsgribs pa 'dzin par 'gyur ro/ /lus kyi bsgribs pa 'dzin par 'gyur ro/ /yid kyi bsgribs pa 'dzin par 'gyur ro/ /sdig pa'i bshes gnyen 'dzin par 'gyur ro/ /sdig pa'i 
grogs po 'dzin par 'gyur ro/ /theg pa dma' ba dang 'dre ba 'dzin par 'gyur ro/ /skye bo ma rabs dang phrad pa 'dzin par 'gyur ro/ /bdag nyid che ba'i skye bo la mos pa med pa 'dzin par 'gyur ro/ /yang dag pa'i lta ba mi mthong mi 
rnyed pa 'dzin par 'gyur ro/ /mu stegs can gzhan gyi nang du skye ba 'dzin par 'gyur ro/ /bdud kyi yul dang bstan pa 'dzin par 'gyur ro/ /sangs rgyas kyi bstan pa dang ring du 'gyur ba 'dzin par 'gyur ro/ /dge ba'i bshes gnyen myi </font><hr>37-1-64a<br><font size=+1>
mthong ba 'dzin par 'gyur ro/ /dge ba'i rtsa ba'i bar chad du 'gyur ba 'dzin par 'gyur ro/ /mi dge ba'i chos rnam par 'phel ba 'dzin par 'gyur ro/ /skye mched dma' ba 'thob pa 'dzin par 'gyur ro/ /mtha' 'khob kyi 
yul du gnas pa 'dzin par 'gyur ro/ /mi'i nang na rku lngo byed par skye ba 'dzin par 'gyur ro/ /lha'i nang na mi bsrun par skye ba 'dzin par 'gyur ro/ /klu dang gnod sbyin dang dri za dang lha ma yin dang / mi'am ci dang lto 'phye chen po dang / srin po mi 
bsrun par skye ba 'dzin par 'gyur ro/ /sangs rgyas kyi chos la dad pa med pa 'dzin par 'gyur ro/ /byis pa'i chos la sten pa 'dzin par 'gyur ro/ /theg pa dma' ba la mos pa 'dzin par 'gyur ro/ /theg pa chen po la yid mi ches pa 'dzin par 'gyur ro/ /
bskal par gnas pas 'jig pa mang ba 'dzin par 'gyur ro/ /'khor bas skyo ba 'dzin par 'gyur ro/ /de bzhin gshegs pa'i chos la spong ba 'dzin par 'gyur ro/ /sangs rgyas kyi rnam par 'phrul pa yongs su mi 'dzin pa 'dzin par 'gyur ro/ /
byang chub sems dpa'i dbang po la dga' ba med pa 'dzin par 'gyur ro/ /byang chub sems dpa' dang spyod pa la thun mong du spyad pa mi 'thob pa 'dzin par 'gyur ro/ /byang chub sems dpa'i bsam pa yongs su ma dag pa 'dzin par 'gyur ro/ /byang chub sems 
dpa'i lhag pa'i bsam pa zhum zhing dma' ba 'dzin par 'gyur ro/ /thams cad mkhyen pa nyid du sems bskyed pa yongs su mi 'dus pa 'dzin par 'gyur ro/ /yongs su sgyid lug pas rab tu zhig pa 'dzin par 'gyur ro/ /las kun nas nyon mongs pa 
'dzin par 'gyur ro/ /rnam par smin pa ma dag pa 'dzin par 'gyur ro/ /ye shes kyi stobs bdag nyid che ba ma yin pa 'dzin par 'gyur ro/ /ye shes kyi rgyud byang bar mi nus pa 'dzin par 'gyur ro/ /byang chub sems dpa'i spyod pa rgyun chad </font><hr>37-1-64b<br><font size=+1>
pa 'dzin par 'gyur ro/ /thams cad mkhyen pa'i gdams ngag yongs su mi zin pa 'dzin par 'gyur ro/ /sangs rgyas kyi byang chub tu 'grub par mi 'gyur ba 'dzin par 'gyur ro/ /de bzhin gshegs pa'i yul dang ring ba 'dzin par 'gyur ro/ /
bdud kyi yul la gnas pa 'dzin par 'gyur ro/ /de bzhin gshegs pa'i yul la mi gnas pa 'dzin par 'gyur ro/ /byang chub sems dpa'i go ca la mos pa myed pa 'dzin par 'gyur ro/ /byang chub sems dpa'i gnas kyis 'jigs pa 'dzin par 
'gyur ro/ /byang chub sems dpa'i dge ba'i las kyis skyo ba 'dzin par 'gyur ro/ /lta ba dang the tsom la mngon par zhen pa 'dzin par 'gyur ro/ /sems yongs su rmongs pas bsgribs pa 'dzin par 'gyur ro/ /byang chub sems dpa' dang 'grogs 
pa'i las drungs phyung ba 'dzin par 'gyur ro/ /de bzhin gshegs pa'i tshul khrims nyams par gyur pas/ tshul khrims ngan pa 'dzin par 'gyur ro/ /bzod pa'i sgo'i mthar ma phyin pas gnod sems dang gti mug dang khro ba 'dzin par 'gyur ro/ /byang chub sems dpa'i brtson 'grus chen po las mi ldog par bya ba la zhum pa 'dzin par 'gyur ro/ /ting nge 'dzin mi 'thob pa'i 'khrug pa 'dzin par 'gyur ro/ /shes rab kyi pha rol tu phyin pa dang mi mthun pa'i phyogs shes rab 'chal pa 'dzin par 'gyur ro/ /gnas 
dang gnas ma yin pa la mi mkhas pa 'dzin par 'gyur ro/ /sems can gyi thabs la thabs mi mkhas pa 'dzin par 'gyur ro/ /byang chub sems dpa'i ye shes la rnam par mi dpyod pa 'dzin par 'gyur ro/ /byang chub sems dpa'i chos kyis 'byung ba khong 
du mi chud par 'dzin par 'gyur ro/ /byang chub sems dpa' mig 'byam klas pa bcu mi 'grub pa'i dmus long lta bu 'dzin par 'gyur ro/ /bsgribs pa med pa'i chos kyi rgyud mngon par bsgrub pa la glen zhing lkugs pa 'dzin par 'gyur ro/ /dbang po gzhan dang </font><hr>37-1-65a<br><font size=+1>
nor ba'i dbang po 'dzin pas sna yongs su nyams pa 'dzin par 'gyur ro/ /sems can pha rol gyi tshig gi rgyud mi shes pas lce'i bsgribs pa 'dzin par 'gyur ro/ /sems can gang zag pha rol la zhe sdang bas las kyi bsgribs pa 'dzin par 'gyur ro 
smyos pa'i sems 'thob par 'gyur bas sems kyi bsgribs pa 'dzin par 'gyur ro/ /sdom pa gsum dang mi ldan pas las kyi bsgribs pa 'dzin par 'gyur ro/ /ngag gi nyes pa bzhis kun nas nyon mongs pas skye mched kyi bsgribs pa 'dzin par 'gyur ro/ /chags 
sems dang gnod sems dang log par lta ba mang bas yid kyi las kyi bsgribs pa 'dzin par 'gyur ro/ /chos yongs su btsal ba la rku sems 'dzin par 'gyur ro/ /byang chub sems dpa'i dmigs pa la thogs pa 'dzin par 'gyur ro/ /byang chub sems dpa'i 
mthu la shin tu zhum pa 'dzin par 'gyur ro/ /byang chub sems dpa'i skyon med pa la sgyid lug pa 'dzin par 'gyur ro/ /byang chub sems dpa'i ye shes kyi sgo snang ba rgyun 'chad pa 'dzin par 'gyur ro/ /dran pa'i stobs dang / shugs nyam chung ba 'dzin 
par 'gyur ro/ /de bzhin gshegs pa'i bstan pa yongs su mi 'dzin pa 'dzin par 'gyur ro/ /byang chub sems dpa'i skyon med pa'i gnas rnam par spong ba 'dzin par 'gyur ro/ /byang chub sems dpa'i chud mi za ba'i gnas la mi sten pa 'dzin par 'gyur 
ro/ /nyan thos dang rang sangs rgyas kyi skyon med pa yid kyis mchod pa 'dzin par 'gyur ro/ /'das pa dang ma 'ongs pa dang da ltar byung ba'i byang chub sems dpa'i tshul dang / de bzhin gshegs pa'i rigs dang ring ba 'dzin par 'gyur ro/ /kye rgyal ba'i sras 
dag de ltar byang chub sems dpa' gcig la gcig ngan sems bskyed pa ni de dag la sogs pa bsgribs pa'i chos kyi sgo brgya stong phrag bcu rnams 'dzin par 'gyur ro/ /de ci'i phyir zhe na/ kye rgyal ba'i sras dag byang chub sems dpa'i theg pa la zhugs pa rnams </font><hr>37-1-65b<br><font size=+1>
ni phan tshun du ngan sems kyi sems bskyed pa lta bur kha na ma tho ba che ba'i chos 'ga' tsam yang ma mthong ngo / /de bas na rgyal ba'i sras dag byang chub sems dpa'i spyod pa myur du rdzogs par bya bar 'dod pa'i byang chub sems dpa' chos bcu la brtson par bya'o// //
bcu gang zhe na/ sems can thams cad yongs su mi gtong ba dang / byang chub sems dpa' thams cad la ston pa'i sems su bya ba dang / sangs rgyas kyi chos thams cad mi spang ba dang / zhing thams cad la mi zad pa'i ye shes kyis 'jug pa dang / byang 
chub sems dpa'i spyod pa thams cad la mos pa dang dad pa che ba dang / nam mkha'i dbyings kyis klas pa'i chos kyi dbyings mnyam pa nyid rnam par bsgom pa'i byang chub kyi sems mi gtang ba dang / de bzhin gshegs pa'i stobs la 'jug pas/ sangs rgyas 
kyi byang chub la rnam par dpyad pa dang / so so yang dag par rig pa la brtson par bya ba dang / sems can thams cad yongs su smin par bya bas yongs su mi skyo ba dang / 'jig rten gyi khams thams cad du gnas pa la mngon par chags pa med pa ste/ kye 
rgyal ba'i sras dag byang chub sems dpas chos bcu po de dag la mngon par brtson par bya'o/ /de chos bcu po de dag la gnas pas rnam par dag par byed pa'i chos bcu rab tu 'thob ste/ bcu gang zhe na 'di lta ste/ chos zab mo la 'jug pa rnam par dag pa dang / dge 
ba'i bshes gnyen dang / 'grogs pa rnam par dag pa dang / sangs rgyas kyi bstan pa yongs su bzung ba rnam par dag pa dang / nam mkha'i dbyings rnam par bsgom pa rnam par dag pa dang / chos kyi dbyings la 'jug pa rnam par dag pa dang / mtha' 
dang dbus med pa'i sems rnam par dpyad pa rnam par dag pa dang / byang chub sems dpa' thams cad kyis grogs bya ba'i dge ba'i rtsa ba rnam par dag pa dang / bskal pa thams cad la mngon par chags pa med pa rnam par dag pa dang / dus gsum </font><hr>37-1-66a<br><font size=+1>
thams cad rab tu brtag pa rnam par dag pa dang / sangs rgyas thams cad kyi rigs su nan tan tu bya ba rnam par dag pa ste/ rnam par dag par byed pa'i chos bcu po de dag rab tu 'dzin to/ /de de lta bu'i chos bcu po de dag la 
gnas pas ye shes 'byam klas pa bcu la 'jug par 'gyur te/ bcu gang zhe na/ 'di ltar sems can thams cad kyi sems dang spyod pa la 'jug pa dang / 'gro ba thams cad kyi las kyi rnam par smin pa rab tu phye ba la 'jug pa dang / sangs rgyas kyi 
chos thams cad la ye shes snang bas 'jug pa dang / sangs rgyas kyi chos kyi tshul dang ldem po dag la ye shes kyis 'jug pa dang / gzungs kyi sgo thams cad la ye shes kyis 'jug pa dang / yi ge thams cad la spobs pa'i ye shes kyis 'jug 
pa dang / sems can thams cad kyi skad dang tha snyad dang /tshig la mkhas pa'i ye shes la 'jug pa dang / 'jig rten gyi khams thams cad du lus bstan pa'i ye shes la 'jug pa dang / 'khor gyi dkyil 'khor thams cad du gzugs brnyan 'byung 
ba bstan pa'i ye shes la 'jug pa dang / skye mched thams cad du thams cad mkhyen pa'i ye shes la 'jug pa ste/ ye shes 'byam klas pa bcu po de dag rab tu 'dzin to/ /de de ltar ye shes 'byam klas pa bcu la rab tu gnas pas yang dag par 
gzud pa la 'jug pa bcu 'thob ste/ bcu gang zhe na/ 'di ltar 'jig rten gyi khams thams cad skra'i sbubs su gzung pa la 'jug cing / skra'i sbubs gcig 'jig rten gyi khams bsam gyis mi khyab par mngon par bsgrub pa la 'jug pa dang / sems 
can thams cad kyi lus sems can gcig gi lus su bsdu zhing sems can gcig gi lus brjod du med pa'i lus su mngon par bsgrub pa la 'jug pa dang / bskal pa brjod du myed pa sems kyi skad cig du gzung pa la 'jug cing sems kyi skad cig brjod </font><hr>37-1-66b<br><font size=+1>
du med pa'i bskal par 'jug pa bstan pa dang / chos gcig sangs rgyas kyi chos thams cad du yang dag par gzhol ba la 'jug cing / sangs rgyas kyi chos thams cad chos gcig tu gzung pa la 'jug pa dang / skye mched gcig brjod du med pa'i skye 
mched du byas te/ brjod du med pa'i skye mched du bya ba la 'jug cing / skye mched brjod du med pa skye mched gcig tu bstan pa la 'jug pa dang / dbang po gcig brjod du med pa'i dbang por bya ba la 'jug cing / dbang po brjod du med pa dbang 
po gcig tu gzung pa la 'jug pa dang / dbang po thams cad dbang po med pa dang / tha mi dad par 'jug cing dbang po med pa dang dbang por bya ba la 'jug pa dang / 'du shes thams cad 'du shes gcig tu byin gyis brlab pa la 'jug cing / 'du shes gcig 'du shes thams 
cad du byin gyis brlab pa la 'jug pa dang /tshig gcig rnam par brjod pa tshig brjod du med pa rnam par brjod par bya ba la 'jug cing tshig rnam par brjod pa thams cad sgra gcig gi dbyangs su byin gyis brlab pa la 'jug pa dang / dus gsum 
thams cad bsam gtan gcig tu bsdus te/ bsam gtan gcig po dus thams cad du kun tu spro bar bstan pa la 'jug pa ste/ kye rgyal ba'i sras dag yang dag par gzung pa bcu po de dag sems kyi bsam pa bcu la gnas te/ rnam par dpyad 
par bya'o/ /bcu gang zhe na/ 'jig rten gyi khams thams cad kyi spyod pa la mi spyod pa'i sems kyi bsam pa la gnas pa dang / 'gro ba thams cad kyi 'du shes dang / yid la byed pa la mi gnas pa'i sems kyi bsam pa la gnas pa dang / lhag 
pa'i bsam pa nam mkha'i dbyings kyis klas pa'i sems kyi bsam pa la gnas pa dang / chos kyi dbyings mtha' dang dbus med pa'i sems kyi bsam pa la gnas pa dang / sangs rgyas thams cad kyi dgongs pa la mkhas pa'i sems kyi bsam pa la </font><hr>37-1-67a<br><font size=+1>
gnas pa dang / chos zab mo tha mi dad pa la mkhas pa'i sems kyi bsam pa la gnas pa dang / dogs pa thams cad lan med par bya ba'i sems kyi bsam pa la gnas pa dang / dus thams cad tha mi dad cing 
mnyam pa'i sems kyi bsam pa la gnas pa dang / 'das pa dang / ma byon pa dang / da ltar byung ba'i sangs rgyas thams cad mnyam pa nyid kyi sems kyi bsam pa la gnas pa dang / sangs rgyas thams cad kyi stobs tshad med pa'i sems 
kyi bsam pa la gnas pa ste/ kye rgyal ba'i sras dag /sems kyi bsam pa bcu po de dag la gnas te/ byang chub sems dpas yang dag par gzud pa bcu po de dag rnam par dpyad par bya'o/ /de sems kyi bsam pa bcu po de dag 
la gnas pas sangs rgyas kyi chos la mkhas pa'i snang ba bcu 'thob bo/ /bcu gang zhe na 'di lta ste/ sangs rgyas kyi chos zab mo snang ba la mkhas pa rab tu 'thob bo/ /sangs rgyas kyi chos yangs pa mngon par bsgrub pa la mkhas pa rab 
tu 'thob bo/ /sangs rgyas kyi chos sna tshogs shin tu bstan pa la mkhas pa rab tu 'thob bo/ /sangs rgyas kyi chos mnyam pa nyid la 'jug pa la mkhas pa rab tu 'thob bo/ /sangs rgyas kyi chos tha dad pa'i snang ba la 'jug par 
mkhas pa rab tu 'thob bo/ /sangs rgyas kyi chos tha mi dad pa la 'jug par mkhas pa rab tu 'thob bo/ /sangs rgyas kyi chos kyi rgyan la 'jug par mkhas pa rab tu 'thob bo/ /sangs rgyas kyi tshul gcig pa'i mos pa la 'jug 
par mkhas pa rab tu 'thob bo/ /sangs rgyas kyi chos mtha' yas pa'i tshul la 'jug par mkhas pa rab tu 'thob bo/ /sangs rgyas kyi chos thams cad rang gi sems la rag lus pas rang gi stobs dang mthu phyir mi ldog pa la mkhas pa rab tu 'thob </font><hr>37-1-67b<br><font size=+1>
ste/ kye rgyal ba'i sras dag sangs rgyas kyi chos la mkhas pa'i snang ba bcu po de dag rab tu 'thob bo/ /kye rgyal ba'i sras dag de bas na byang chub sems dpa' sems dpa' chen pos chos de dag thos nas rim gro dang / zhe sa chen po'i 
bsam pas gzung bar bya'o/ /de ci'i phyir zhe na/ byang chub sems dpa'i chos 'di la gnas pa la ni bla na med pa yang dag par rdzogs pa'i byang chub kyang dkon pa ma yin te/ las gron chung ngus sangs rgyas kyi chos thams cad yang dag par 'grub pa'i 
byin gyi rlabs rab tu 'thob bo/ /'das pa dang / ma 'ongs pa dang / da ltar byung ba'i sangs rgyas bcom ldan 'das mnyam pa nyid du yang 'jug par 'gyur ro/ /de nas de'i tshe sangs rgyas kyi mthus 'jig rten gyi khams sangs rgyas kyi zhing brjod du myed pa 
bye ba khrag khrig brgya stong phrag bcu'i rdul shin tu phra ba snyed rnams drug tu rab tu g.yos so/ /sangs rgyas kyi mthu dang chos nyid rab tu thob pas lha rdzas las 'das pa'i me tog gi sprin gyi char mngon par bab bo/ /lha rdzas las 'das pa'i spos kyi sprin gyi char 
mngon par bab bo/ /gzhung de bzhin du phye ma dang / na bza' dang / rgyal mtshan dang / ba dan dang / gdugs dang / nor bu rin po che dang / sbrul gyi snying po'i tsan dan dang / rgyan dang / lhab lhub thams cad kyi sprin gyi char mngon par bab bo/ /lha rdzas las 'das pa'i 
rol mo dkrol ba'i sprin dang / lha rdzas las 'das pa'i rol mo brdung ba'i sprin gyi char mngon par bab bo/ /lha rdzas las 'das pa'i byang chub sems dpa'i mchod pa'i sprin gyis char mngon par bab bo/ /lha rdzas las 'das pa'i de bzhin gshegs pa'i yon 
tan gyi rnam pa brjod du med pa'i sprin gyi char mngon par bab po/ /lha rdzas las 'das pa'i de bzhin gshegs pas legs so zhes gsungs pa'i rnam pa brjod du med pa'i sprin gyi char mngon par bab bo/ /lha rdzas las 'das shing chos kyi dbyings su rgyas par khyab </font><hr>37-1-68a<br><font size=+1>
ba'i de bzhin gshegs pa'i gsung gi dbyangs mngon par brjod pa'i sprin gyi char mngon par bab bo/ /'jig rten gyi khams yongs su dag pa rnam pa brjod du med pa'i sprin gyi char mngon par bab bo/ /byang chub nye bar brten pa'i 
rnam pa brjod du med pa'i sprin gyi char mngon par bab po/ /'od zer snang ba'i rnam pa brjod du med pa'i sprin gyi char mngon par bab bo/ /shin tu bstan pa'i byin gyi rlabs kyi char rnam par brjod du med pa'ang mngon par bab ste/ ji ltar 'jig rten gyi khams 
'di'i gling bzhi par de bzhin gshegs pa byang chub kyi shing drung du de bzhin gshegs pa mngon par 'tshang rgya ba'i snying po byang chub la/ byang chub sems dpa' pho brang na bzhugs par snang ba de bzhin du phyogs bcu'i 'jig rten gyi khams ma lus pa rgyas par gang 
bar bzhugs te/ chos bstan pa 'di yang thams cad du byung ngo / /sangs rgyas kyi mthu dang phyogs bcur de bzhin gshegs pa mngon par sangs rgyas pa'i chos nyid rab tu thob pas sangs rgyas kyi zhing brjod du med pa phrag bcu'i rdul shin tu phra ba snyed kyi sangs 
rgyas kyi zhing 'das pa'i pha rol nas/ byang chub sems dpa' sangs rgyas kyi zhing bcu'i rdul shin tu phra ba snyed kyang 'ongs par gyur te/ phyogs bcu bkang nas de dag 'di skad zer ro/ /kye rgyal ba'i sras/ de ltar de bzhin gshegs pa'i smon lam lung bstan 
pa'i chos nyid brjod pa legs so legs so/ /kye rgyal ba'i sras/ bdag cag kyang thams cad kun tu bzang po zhes bya bar ming mthun pa sha stag ste/ 'jig rten gyi khams kun tu dpal zhes bya ba dag nas de bzhin gshegs pa'i mtshan kun tu dpal gyi dbang phyug 
ces bya ba sha stag gi drung nas 'dir phyin te/ thams cad na'ang chos bstan pa 'di nyid sangs rgyas kyi byin gyis 'khor gyi rnam pa 'di lta bu dam tshig 'di dag dang yi ge 'di dag dang / go bar bya ba 'di dag dang / brjod pa 'di dag gis lhag chad med par byang </font><hr>37-1-68b<br><font size=+1>
bar gyur te/ kye rgyal ba'i sras bdag cag kyang dbang du gyur pa sha stag sangs rgyas kyi byin gyi rlabs kyis 'khor 'dir phyin to/ /ji ltar bdag cag 'khor 'dir phyin pa de bzhin du 'jig rten gyi khams ma lus pa thams cad kyi gling bzhi pa kun gyi de bzhin 
gshegs pa mngon par 'tshang rgya ba'i gzhir byang chub sems dpa' sangs rgyas kyi zhing bcu'i rdul shin tu phra ba snyed kyis phyogs bcu bkang ste phyin par gyur to/ /de nas byang chub sems dpa' kun tu bzang pos phyogs bcur bltas te/ chos kyi dbyings la rnam par 
bltas nas/ byang chub sems dpa'i spyod pa rab tu brjod pa dang / de bzhin gshegs pa mngon par 'tshang rgya ba'i dbyings yongs su brjod pa dang / smon lam chen po'i dbyings kun tu grags par bya ba dang / 'jig rten gyi khams dang / bskal pa thams 
cad kyi grangs yongs su brjod pa dang /dus ji lta ba bzhin du sangs rgyas 'byung ba bstan pa dang / sems can gyi khams dang dbang po ji ltar yongs su smin pa'i tshul bzhin du sangs rgyas byung ba mnyes par bya ba brjod pa dang / byin gyis brlabs pa'i tshul bzhin 
du sangs rgyas 'byung ba dang / de bzhin gshegs pa'i spyod pa don yod pa yongs su brjod par bya ba dang / dge ba'i rtsa ba ji ltar bskyed pa bzhin du gsal bar bya ba yang dag par bstan pa dang / byang chub sems dpa' mang po'i mthu chen po bstan pa dang / sems 
can thams cad la rdzogs pa'i byang chub kyi sgras bskul ba byed cing dge ba'i rtsa ba'i stobs dang shugs dang / sangs rgyas kyi byin gyi rlabs kyis de'i tshe tshigs su bcad pa 'di dag smras so/ /thams cad shin tu dang sems kyis/ /bsgribs pa 
ma lus thams cad rnam par bstsal gyis la/ /yon tan 'byung gnas 'jig rten gtso bo yi/ /smon lam dam pa bshad kyis mnyan par gyis/ /mkhas mchog skyes bu seng ge dag /spyad pa ci 'dra sngon spyad spyod par 'gyur ba'i rnams/ /byang chub </font><hr>37-1-69a<br><font size=+1>
sems dpa' gtso rnams kyi/ /spyod pa thams cad rim gyis brjod par bya/ 'di la dpe med mchog rnams kyi/ /bskal pa'i grangs dang 'jig rten grangs dang chos bstan dang / /rgyal ba rnams kyi 'byung ba dag /yongs su brjod kyis dang ba'i 
yid kyis nyon/ /de dag sngon chad smon lam gyis/ /sems can ji ltar sdug bsngal rnams las dgrol bya zhes/ /sems can kun la phan pa'i phyir/ /'jig rten sgron ma skye ba rnams kyang mthong / /spyod pa ji ltar shes gyur te/ /gsung pa'i mchog 
rnams kun la mchod pa byas pas na/ /sangs rgyas mnyam pa nyid rnyed de/ /thams cad mkhyen nyid rab la mngon sangs rgyas/ /sngon gyi mi yi seng ge rnams/ /sangs rgyas phyogs bcur 'od snang rab tu 'bar mdzad cing / /'od zer dra ba rab 'gyed 
pas/ /phyogs bcu'i 'jig rten snang mdzad mthong gyur nas/ /bdag cag rgyal ba'i yon tan gyis/ /brgyan pa'i 'jig rten sgron ma'i dam par 'gyur bas te/ /stobs bcu mnga' ba kun mkhyen par/ /mi yi seng ge bya zhes smon lam 'debs/ /
nged kyis sems can thams cad kyi/ /'dod chags zhe sdang gti mug rab tu 'bar gyur pa'i/ /sdug bsngal rnams las rab bkrol te/ /ngan song thams cad yongs su gcad bya zhes/ /'di 'dra'i smon lam rdzogs byas te/ /de nas dpa' ba 
chen po spyod pa rab la spyod/ /blo brtan phyir ldog mi 'gyur ba/ /stobs bcu rnams kyi chags med rab tu 'thob/ /skyes bu seng ge gang rnams kyi/ /'di 'dra'i smon lam sngar btab phyir ldog mi 'gyur ba/ /'jig rten rnams na spyod mdzad pa/ /
de dag don yod spyod pa brjod par bya/ /bskal pa bzang po gcig la yang / /sangs rgyas stong grangs tshang bar kun kyang 'byung gyur te/ /kun tu gzigs pa gang brjod pa/ /de dag rim gyis bshad pa 'di 'dra'o/ /bskal pa bzang po gcig bzhin </font><hr>37-1-69b<br><font size=+1>
du/ /brjod du med pa'i bskal pa khrag khrig de bzhin te/ /sangs rgyas ma byon de dag gi /bzang po'i spyod pa bdag gis bstan par bya/ /zhing rgyud gcig pa ji bzhin du/ /brjod du med pa'i zhing rnams thams cad kun bzung ste/ /ma byon 
stobs bcu'i skyon med pa'i/ /spyod pa thams cad de bzhin bshad par bya/ /rgyal ba gong 'og gang 'byung dang / /ci mtshan de yi smon lam rnam pa ci 'dra dang / /rgyal ba gang gis gang gi lung / /bstan mdzad mkhas pa'i sku tshe ji tsam dang / /
chos kyi rnam pa dge ba ni/ /gang gis bsgrubs te dam pa brnyes par gyur pa dang / /'jig rten ji ltar btul ba dang / /rgyal ba rnams kyi dam chos cir gnas dang / /rnam dag zhing yang ci 'dra dang / /sems can rnam par dag dang chos kyi 'khor 
lo dang / /bstan pa'i dus dang dus min dang / /de las gang zag rnam par dag 'gyur dang / /sems can rnams kyi las gang dang / /spyod pa gang dang rnam grol ji 'drar 'gyur ba dang / /dbang po rno rtul bar ma dang / /spyod mchog sems can 
'dul ba'ang bstan par bya/ /'di 'dra'i shes par 'jug pa la/ /spyod pa'i dam pa rnams kyis rab tu zhugs gyur cing / /bzang po'i 'byung gnas spyod pa dang / /'gro kun ye shes 'khor lo spyod zhugs pa/ /lus kyi las la chags med 
cing / /ngag la chags med sgra dbyangs thams cad rnam dag la/ /sems spyod chags pa med pa yis/ /dus gsum ma lus rgyas par khyab par byed/ /'di 'dra kun tu bzang po yi/ /spyod pa'i mchog la pha rol phyin pa thob gyur pa/ /
brjod du med pa'i dkyil 'khor rnams/ /chos dbyings kun tu rab tu brjod par byed/ /ma 'ongs dus kyi bskal pa dang / /'byam klas zhing rnams brjod du med pa thams cad kyang / /skad cig sems kyis rab tu shes/ /chos nyid de </font><hr>37-1-70a<br><font size=+1>
la rnam par rtog pa med/ /gang rnams spyod pa'i sa 'di la/ /spyod pa'i dam pas rjes su zhugs par gyur pa rnams/ /byang chub sems dpa' mchog rnams kyi/ /yon tan spyod pa phyogs tsam bshad par bya/ /mtha' 
dang dbus med ye shes can/ /stobs bcu rnams kyi spyod yul mchog la zhugs gyur pa/ /thams cad shes byed mkhas pa'i rnams/ /mi ldog spyod pas rab tu zhugs gyur cing / /'od byed blo gros dam pa dang / /kun tu bzang po'i smon 
lam mchog la zhugs gyur pa/ /dpe zla med pa de dag gi/ /ye shes tshul dang spyod pa brjod par bya/ /rdul phran gcig gi cha shas la/ /'jig rten khams rnams ji snyed de dag shes pa dang / /spyod pa rgya che thos gyur na/ /'jig rten 
de dag thams cad mos par 'gyur/ /rdul phran gcig la ji lta ba/ /de bzhin rdul phran thams cad ma lus bzung byas te/ /ye shes bzang po de dag ni/ /'jig rten khams la 'jug pa bsam mi khyab/ /de dag dus kyi rnam pa la'ang / /
rdul phran gcig gi khyon gyi cha la yang dag 'jug /rdul phran gcig la de bzhin du/ /zhing yangs rnam pa tha dad kun la 'jug /rdul phran thams cad re re la/ /zhing rnams brjod du med pa mang po 'dzud pa byed/ /rnam pa tha dad du ma dang / 
gcig dang tshad med de bzhin rab tu shes/ /ji snyed ci yang ma lus pa'i/ /chos dbyings gzung ba thams cad yang dag gzung byed cing / /mtshan nyid tha dad sna tshogs te/ /sems can grangs kyi bskal pa rgyud mi mnyam/ /'jig rten phra bar 
'jug pa la/ /phra la shin tu gzhol bas phra bar 'jug byas te/ /brjod du med par bstan pa yi/ /bskal pa thams cad ma lus 'dzud pa byed/ /de dag ring dang thung ba dang / /dus kyi skad cig sems la skal ba mi mthun shes/ /</font><hr>37-1-70b<br><font size=+1>
shes spyod mi mnyam ma yin pa'i/ /shes pas de dag thams cad khong du chud/ /yangs dang yangs min mkhas pas na/ /'jig rten zab mo rnams la rab tu 'jug par byed/ /lus la zhing rnams de shes te/ /zhing la'ang de bzhin gcig min lus 
'dzud do/ /phyogs rnams bcu po thams cad du/ /phyogs rnams kun la 'jug cing skad cig du ma dang / /'jig rten khams rnams 'byam klas la/ /tshad med gzi brjid ldan pa rab tu 'jug /gang yang zhing rnams mtha' yas shing / /dbus 
med gzung ba byas shing dus kyi dbyings su 'dzud/ /zhing gi rgyud la mkhas pa'i rnams/ /shes dang ldan pas ye shes rab tu 'byung / /bzang po'i yon tan ldan pa'i rnams/ /phyogs dang 'jig rten khams kyi rgyud du gyur pa dag /ji snyed yod pa 
de 'jug ste/ /brjod du med pa de dag rab tu shes/ /zhing dang zhing gi sa rnams kyi/ /brjod du med pa'i zhing rnams kun kyang rab tu mthong / /de dag tshul yang rab tu shes/ /las rnams gang gis sbyangs pa 'ang khong du chud/ /gang yang zhing 
rnams du ma dag /las rnams khrag khrig kun gyis kun nas nyon mongs par/ /'gro bas kun tu bsgrubs byas pa/ /de dag thams cad rgyud kyang ci 'dra shes/ /brjod du med pa yangs pa'i rnams/ /zhing gcig bstan pas de dag yongs su 
shes par 'gyur/ /de 'dra'i zhing la 'jug pa dang / /gang la grangs med de dag kun la 'jug /'jig rten khams ni gcig la yang / /'jig rten khams rnams thams cad yang dag 'dzud pa byed/ /'jig rten gcig tu dgongs mi 'gyur/ /'jig 
rten khams rnams de bzhin 'dres mi 'gyur/ /spyi'u tshugs rnams dang gong ma'i rnams/ /bla dang 'og gi sa rnams yongs su gzung byas te/ /'gro ba'i rnam par ming thogs pa/ /'jig rten kun la 'jug cing rab tu shes/ /snrel zhir rgyu ba'i </font><hr>37-1-71a<br><font size=+1>
rgyud rnams dang / /zhing rnams mtha' yas mtha' dang dbus yod ma yin pa/ /sna tshogs yangs pa rab tu shes/ /rnam pa gcig shes rnam pa tha dad shes/ /zhing gi grangs rnams rab tu shes/ /ye shes chags myed 
mtha' ldan kun gyi grangs rnams kyang / /bzang po'i theg pa spyod pa yis/ /rgyal sras kun tu bzang rnams rab tu shes/ /'jig rten thams cad sprul pa dang / /sems can rnam par sprul dang de bzhin zhing sprul dang / /chos rnams sprul pa'i 
tshul shes pa/ /sangs rgyas sprul pa'i pha rol phyin pa rnams/ /'jig rten phra zhing zab pa dang / /yangs shing sna tshogs yangs pas cho ma cho dgu rnams/ /sna tshogs tha dad rnam bstsags pa/ /las kyi rnam smin gnas pa'i 'jig rten rnams/ /
rdzu 'phrul rnam par 'phrul pa yis/ /chos dbyings 'jug par bya la shin tu bslabs pa yi/ /rgyal sras mtha' dang dbus med pa/ /phyogs bcu thams cad ma lus 'gengs par byed/ /'jig rten khams rnams de dag gi /ming ni bskal pa 
sems can snyed kyi mthar thug cing / /zad par brjod par mi nus te/ /ming bshad gal te sangs rgyas gsung na gsung / /'jig rten mgon po rnams kyi yang / /mtshan rnams mtshan nyid mi 'thun rnam pa sna tshogs mtshan/ /bskal pa 
brjod med zab byas kyang / /mtshan rnams gcig nas gcig brgyud mthar thug med/ /'on kyang dma' ba'i sems med par/ /mkhas pa rnams ni dus gsum bde gshegs sangs rgyas phyir/ /chos kyi dbyings las byung ba ste/ /sangs rgyas 
ye shes sa la 'ang rab tu zhugs/ /dran pas chags med dag pa ste/ /chags med yid dang ldan zhing blo gros mtha' yas pas/ /ye shes blo gros mchog ldan pa/ /chos dbyings bshad la pha rol phyin pa thob/ /gang gis 'jig rten khams </font><hr>37-1-71b<br><font size=+1>
kyi rnams/ /yangs dang phra ba rnam pa sna tshogs shes gyur cing / /der ni 'das pa'i dus rnams la/ /sems gcig bskyed pas rab tu 'jug pa byed/ /mi yi seng ge de dag tu/ /sangs rgyas spyod pa sna tshogs rnam par chags med par/ /byang 
chub mchog tu sangs rgyas shing / /rnam par 'phrul pa thams cad ston pa mdzad/ /de bzhin ma 'ongs dus rnams kyi/ /rjes su gang byon de yi bskal pa ci 'dra dang / /de la myi yi seng ge gang / /skye bar 'gyur ba de dag kun kyang shes/ /smon 
lam spyod pa ci 'dra dang / /spyod yul gang rnams bsgom pa gang gis grub gyur cing / /bsgrub pa'i rnam pa ci 'dra bas/ /bskal pa gang la byang chub 'tshang rgya dang / /de dag 'khor kyang khong du chud/ /sku tshe'i tshad dang sems can 'du ba ci 'dra dang / 
chos kyi sgo mo gang zhig gis/ /'gro bar chos kyi 'khor lo bskor ba shes/ /de ltar kun tu bzang po yi/ /ye shes mchog gis bsgrubs pa'i spyod pa'i sa gnas shing / /de dag thams cad rab tu shes/ /de ni 'gro gtso kun gyi 'byung gnas yin/ /
da ltar byung ba gzung byas shing / /'jig rten khams rnams thams cad 'dab chags ma lus par/ /'jig rten khams la rab tu 'jug /de bzhin chos kyi dbyings rnams rab tu shes/ /de na mi yi gtso bo rnams/ /dgra las rgyal zhing 
thams cad gzigs pa ji snyed pa/ /mi thub rgol ba dpa' bo rnams/ /chos kyi mnga' la pha rol phyin brnyes pa/ /de dag 'khor kyang rab tu shes/ /sems can 'dul dang zhing rnams rnam par dag pa dang / /rgyal ba'i rnam par 'phrul pa rnams/ /
sems pas bskal pa yangs pa zad par byed/ /skyes bu'i mchog rnams 'dul mdzad cing / /'jig rten mchog tu phyin pa'i byin rlabs dam pa la/ /mi zad mdzod kyi shes yangs pas/ /ye shes tshul la mkhas pa rab tu 'jug /chags </font><hr>37-1-72a<br><font size=+1>
med mig gis blta ba dang / /chags med rna ba mngon par bsgrub pa sgrub byed cing / /chags pa med pa'i lus yangs dang / /yangs pa'i lces kyang 'jig rten tshim par byed/ /dam pa'i sems la chags myed de/ /bsam 
pa kun tu rnam yangs rnam par dag dang ldan/ /ye shes 'byung gnas bdag nyid che/ /dus gsum sems rnams ma lus des khyab bo/ /sprul pa'i pha rol phyin thob cing / /zhing rnams sprul pa'i bslab par bya la bslabs pa'i rnams/ /sems can 
sprul la mkhas pa dag /sprul pa sprul pas 'jig rten 'dul ba byed/ /'du shes rnam pa du ma ste/ /des ni 'jig rten sna tshogs ma lus rnam par bris/ /de dag thams cad rab tu shes/ /sangs rgyas ye shes tshul la rab tu 'jug /'khor rnams 
brjod du med pa dag /sangs rgyas sku rnams re re dag la yod pa'i rnams/ /kun la 'jug cing mthong bar byed/ /sems can rnam par 'dul ba'i mtha' 'ang myed/ /ye shes zab mo mthong bas na/ /ye shes nyi ma shin tu gsal bar shar gyur 
ba'i/ /phyir mi ldog pa'i spyod pa la/ /'jig rten 'byam klas kun tu 'jug pa byed/ /ji lta'i tshul du zhugs gyur cing / /'jig rten 'di dag thams cad rnam par bkod 'dra bar/ /sems can tshul bzhin rab tu 'phags/ /khams gsum thams 
cad myig yor tshul 'drar shes/ /'on kyang rtog dang rnam rtog med/ /'jig rten mtha' dang dbus med kun la rtog mi byed/ /rtog dang rtog med mkhas pa ste/ /rtog pa'i shes pas rnam par rtog pa med/ /bskal pa brjod du med pa rnams/ /
sems bskyed gcig la yang dag 'du bar 'dzud byed cing / /'jig rten mi khom 'di mthong nas/ /skad cig sems kyis thams cad shes par byed/ /brjod du med pa'i zhing rnams kyang / /sems bskyed gcig gis thams cad yongs su 'da' </font><hr>37-1-72b<br><font size=+1>
bar byed/ /bskal pa brjod med zad byed kyang / /skra rtse'i cha shas gcig las g.yo ba med/ /bskal pa brjod du med pa dag /nyi ma gcig dang yud tsam gcig tu 'dzud byed kyang / /ring dang thung la gzhol ba med/ /skad cig gcig la 
'jug pa'i pha rol phyin/ /sems kyi rnam pa 'jig rten kun/ /'jig rten rnam pa sems can kun gyi sems yin te/ /rnam pa gnyis kyi grangs su zhugs/ /'on kyang de dag mi gnyis rtog pa med/ /sgyu ma'i rnam pa 'jig rten te/ /sems 
can zhing dang sangs rgyas chos kyang de bzhin no/ /'on kyang 'jig rten mgon po rnams/ /chos kyi dbyings rnams kun la gcig tu snyoms/ /lus rnams brjod du med pa yis/ /phyogs bcu thams cad rgyas par bkang zhing yongs su ston/ /
'on kyang lus la gzhol ba med/ /chos nyid rten pa gnas med rab tu shes/ /'on kyang myi yi seng ge rnams/ gnyis la gnas pa'i shes pas byung ba ma yin te/ /mi gnyis pa la 'ang gnas pa med/ /gnyis dang gnyis myed chos rnams rab 
tu shes/ /ji ltar smyig rgyu rab rib dang / /myig yor sgra brnyan de bzhin rmyi lam 'dra ba dang / /rmi lam rnam pa sprul pa ltar/ /'gro ba thams cad ma lus rab tu shes/ /de ltar spyod yul nyams med pas/ /sangs rgyas kun gyi rigs kyi 
rjes su 'byung ba yin/ /kun tu bzang po'i ye shes dang / /chos kyi dbyings la shin tu bdal ba yin/ /snying rje chen po mtha' yas kyang / /sems can med dang mnyam par zhing rnams thams cad sgom/ /sngon nas nyon mongs nyams myed pa'i 
bsam pa dag pas 'jig rten kun tu 'gro/ /mi zad mkha' ltar rnam dag pa'i/ /rgya che shin tu yangs pa'i sa la rab tu zhugs/ /gsung ba'i seng ge thams cad kyi/ /tshul gyi dkyil 'khor thams cad rjes su dran/ /'jig rten rab tu </font><hr>37-1-73a<br><font size=+1>
spros pa la/ /smon lam tshad med yongs su gdab pa byas pas na/ /de dag spyod pa yongs su dag /'jig rten khams rnams thams cad rgyas par khyab/ /sangs rgyas rnams dang rgyal sras dang / /de 
bzhin sangs rgyas rnams kyi chos rnams thams cad dang / /'jig rten rnams dang 'jig rten chos/ /chags med tha dad med pa'i tshul du shes/ /chos kyi sku yi snying po can/ /de yi lus la 'jig rten thams cad gzud byas shing / /'jig 
rten de yi lus yin yang / /'jig rten kun gyi de la gos pa med/ /ji ltar dang ba'i chu gsal la/ /gzugs brnyan yongs su snang yang der song 'phos pa med/ /de bzhin 'jig rten thams cad kyi/ /rjes su lus 'gro der song 'phos pa med/ /
de ltar 'jig rten thams cad kyis/ /gos pa med cing 'jig rten yongs su dag pas na/ /lus ni mkha' dang 'dra ba ste/ /de yi lus rnams gang yang skyes pa med/ /mi zad pa yi lus shes pas/ /de ni nam yang skyes shing 'gags pa med pa 
ste/ /rtag dang mi rtag ma yin par/ /'jig rten kun la 'ang rnam par dmyigs pa byed/ /lta ba'i rnam pa rab tu 'gags/ /brtan pa de dag yang dag lta ba ston pa byed/ /bdag gi myed cing gnas pa med/ /len pa med cing chos kyi dbyings 
dang mnyam/ /ji ltar sgyu mkhan mkhas pa zhig /sna tshogs mtshan nyid rnam pa tha dad gshegs 'phrul byed/ /'on kyang de la 'gro ba med/ /gang du'ang 'gro ba de bzhin myi dmyigs so/ /sgyu ma tshad myed ma yin te/ /sgyu ma tshad kyis dmyigs 
par bya ba'ang ma yin no/ /tshad med tshad dang ldan par yang / /tshogs kyi dbus su ston pa rab tu byed/ /de bzhin rtogs pa'i blo ldan pa/ /sangs rgyas kun gyi dge ba'i rtsa ba rnams las byung / /sems ni tshad yod ma yin te/ /tshad ma </font><hr>37-1-73b<br><font size=+1>
med pa la gnas pa'ang de dag min/ /'du shes rnam pa gcig min te/ /de dag tshad med pa dang tshad dang ldan pa ston/ /lam gyi rgyud dang 'brel ba med/ /tshad med rnams la gnas pa'ang de bzhin myed/ /sangs rgyas chos rnams zab pa ste/ /
shin tu yangs pas zab cing zhi bas de bzhin zab/ /zab mo sna tshogs rgyud rnams dang / /mtha' yas zab pa rnams kyang rab tu shes/ /ye shes bzang po rmongs pa med/ /rgyud la dri ma med pas bsam pa rnam par dag /byin gyis rlob la 
mkhas pas na/ /srog chags bye ba shin tu dag par byed/ /dge bar byed pa'i dkyil 'khor rnams/ /rab tu rjod cing dge dang mi dge rnam par ston/ /gnas la mngon par ma chags pas/ /chos kyi dbyings rnams kun tu rab tu rgyu/ /
sems can med mthar phyin gyur kyang / /'jig rten thams cad ma lus de dag khong du chud/ /'jig rten thams cad ma lus par/ /rnam par sangs rgyas mya ngan gar mi 'da'/ /chos rnams bgrang ba'i tshul la mkhas/ /sems can bgrang tshul shes kyang grangs la skyes pa med/ /chos kyi 
sprin chen char 'bebs shing / /'jig rten khams rnams thams cad snang bar byed/ /sangs rgyas byang chub ma lus la/ /sems bskyed gcig gis de dag rab tu 'jug /de dag phyir ldog myed pa ste/ /sems can kun gyi khams las 
phyir mi ldog /sangs rgyas sku ni thob gyur kyang / /chos rnams 'di dag lus yod ma yin rab tu shes/ /lus rnams kun gyi tshul la mkhas/ /lus kyis rnam phye 'jig rten rab tu shes/ /sems can kun tu rgyu ba dang / /bskal pa 
rnams dang zhing la pha rol phyin pa thob/ /phyogs rnams rgya mtsho gang chen mtshor/ /ye shes rgya mtsho'i tshul la mkhas pas zhugs/ /lus rnams thams cad re re las/ /sems can kun gyi lus rnams sna tshogs ji snyed dang / /sangs rgyas sku ni mtha' yas </font><hr>37-1-74a<br><font size=+1>
pa/ /ye shes shin tu yangs pa de ston to/ /skad cig gcig gi dus tshul la/ /mi yi gtso bo mang po 'byung ba rab tu shes/ /bskal pa mang po brjod med du/ /mi yi seng ge bgrang bas zad mi 'gyur/ /de dag 
mya ngan 'da' ba yang / /skad cig gcig la tshad med shin tu yangs pa 'byung / /ring bsrel rnam dbye mang po yang / /ye shes dri med phra bas ston pa byed/ /de bzhin ma 'ongs dus kyi yang / /mi yi seng ge mtha' yas smon lam 'debs pa'i rnams/ /
byang chub dri med sems bskyed pa/ /ye shes yangs shing shin tu phra bas shes/ /bzang po'i spyod la gnas bcas shing / /de bzhin dus gsum gshegs pa'i sems can gtso bo rnams/ /ci snyed skyes par gyur pa dag /de dag thams cad ma lus 
rab tu shes/ /de ltar rab tu shes pas na/ /mtha' dang dbus med spyod pa'i sa dang de bzhin du/ /ye shes 'byung gnas blo gros la/ /ye shes 'khor lo'i spyod pas phyir mi ldog /ye shes phra mo rab yangs pa/ /stobs bcu rnams kyi spyod yul 
mchog la de dag zhugs/ /bzang po rtogs pa'i blo can rnams/ /phyir mi ldog la 'jug pa brjod byas na/ /sangs rgyas rgyal ba thams cad kyi/ /yang dag gzhol bar bya la de dag zhugs pas na/ /spyod las phyir ldog med pa ste/ /byang chub 
dam pa zhi bar 'tshang rgya yang / /de 'dra'i sems rgyud gcig la yang / /mtha' dang dbus med sems rnams yang dag 'dzud pa byed/ /shin tu yangs pa'i tshad med las/ /'du shes de dang de la yang dag bsgrubs/ /nyon mongs med dang nyon mongs dang / /
slob dang mi slob sems kyang de bzhin rab tu shes/ /sems rgyud de dag re re la'ang / /sems rnams brjod du med pa mngon 'tshang rgya/ /gcig dang gnyis su shes pa myed/ /de dag yongs su 'dres par 'gyur ba'ang med pa ste/ /so so'i 'du </font><hr>37-1-74b<br><font size=+1>
shes rnam pa la/ /sems can de dag skyes par gyur pa yin/ /'di na 'dug par mthong gyur kyang / /sems can brjod med gzhan dang gzhan sems ldan pa'i rnams/ /gzhan gyi zhing phyir 'du shes kyang / /'jig rten sna tshogs rnams la rab tu 
skye/ 'di 'dra'i tshul la 'jug pa la/ /spyod pa'i mchog gi rjes su zhugs par gyur pa rnams/ /kun tu bzang po'i ming thob ste/ /'jig rten mgon po kun gyi rjes su skyes/ /sems can bye ba la la ni/ /ngan song 'grangs pa'i ming thogs mtho 
ris 'du shes 'gyur/ /la la mtho ris sa rnams kyi/ /rnam pa kun la ngan song 'du shes 'gyur/ /'jig rten mi mtshungs skal ba ltos/ /rnam pa tha dad las kyis las rab tu skyes/ /'du shes rnam pa mtha' yas te/ /gcig min yangs la 
'jig rten rab tu 'jug /'jig rten khams rnams thams cad kyi/ /'du shes dra ba skal ba mi mnyam rab tu shes/ /mig 'phrul sgyu ma'i tshul gyis na/ /skad cig gcig gi sems kyis rab tu gzhol/ /de bzhin dbang po rnams la ste/ /mig 
gi skye mched rna ba sna yi skye mched dang / /lce dang lus dang yid la yang / /'jig rten rnam pa tha dad 'du shes 'jug /mig rnams re re'i yul la yang / /mtha' dang dbus med mig rnams rab tu 'dzud pa byed/ /rnam pa tha dad du ma ste/ /tshad med 
kun la'ang zhen par 'gyur ba med/ /'on kyang phan tshun gcig gis gcig /bde zhing gnod par 'gyur ba de dag kun na med/ /bdag bdag so so'i las kyi rnams/ /ji ltar bstsags pa'i tshul bzhin nyams su myong / /bzang zhes bya ba de dag 
kun/ /tshad med stobs dang ye shes sa yi shes rab kyis/ /'byam klas mig rnams thams cad la/ /rab tu zhugs pas shin tu rtogs pa yin/ /de bzhin 'jig rten thams cad kyang / /thams cad ma lus rnam pa thams cad 'jig tshul du/ thams </font><hr>37-1-75a<br><font size=+1>
cad shin tu shes gyur kyang / /rgya chen spyod pas mya ngan mi 'da' 'o/ /sangs rgyas shin tu bstan pa dang / /sems can bstan dang de bzhin zhing rnams bstan pa dang / /dus rnams shin tu bstan pa dang / /bstan pa sna tshogs rnam pa kun kyang 
shes/ /la la 'di la 'das gyur kyang / /gzhan dang gzhan rnams ma 'ongs dus la gnas pa yin/ /'on kyang ma 'ongs dus kyi rnams/ /la las da ltar byung bar rab tu shes/ /de 'dra'i tshul can gcig min pa'i/ /'jig rten mtshan nyid tha 
dad thams cad rab tu shes/ /thams cad mkhyen pa nyid tshul gyis/ /sangs rgyas ye shes kun tu mtha' yang yas/ /shin tu rgyas pa chen po'i mdo/ /sangs rgyas phal po che zhes bya ba las/ /kun tu bzang po'i spyod pa bstan pa'i le'u ste/ bzhi 
bcu gnyis pa'o// //sangs rgyas rmad gcad ces bya ba shin tu rgyas pa chen po'i mdo/ /bam po brgyad pa/ bcom ldan 'das ye shes chen pos rnam par sangs rgyas pa'i dgongs pa mnga' ba 'das pa dang / ma byon pa dang / da ltar 
byung ba'i sangs rgyas thams cad dang / sku gcig pas mnyam pa nyid brnyes pa/ sangs rgyas thams cad kyi spyod pa mnyam pa nyid dang ldan pa/ chags pa med pa'i spyod yul mngon par mkhyen pa/ ye shes kyi rang bzhin gyi chos kyi sku mnga' ba/ mtshan 
nyid yod nas med pa'i chos la rten pa/ chos kyi dbyings mi gnyis pa'i spyod yul gyi yang dag par spyod pa/ mtha' dang dbus med cing mtshungs pa'i mngon par 'tshang rgya ba brnyes pa/ rnam par thar pa bsgribs pa med pa'i spyod yul la shin tu dgyes pa/ 
chos kyi sku nam mkha'i dbyings kyi mthas klas pa mnga' ba/ de bzhin gshegs pa'i byin gyi rlabs kyi pho brang khang pa brtsegs pa'i gzhal med khang de bzhin gshegs pa bzhugs pa/ chos kyi dbyings kyi snying po can/ 'od kun nas 'byung ba rgyan chen </font><hr>37-1-75b<br><font size=+1>
po dang ldan pa/ 'od dang zhing gsal ba/ rnam par snang ba'i snying po can sangs rgyas skye ba chos kyi dbyings mtha' dang dbus med pa'i gnas/ byang chub sems dpa'i lus las byung ba/ gzhi 'od zer gyis rnam par brgyan pa/ byang chub sems dpa'i 
lus rang bzhin du gnas pas rab tu bsgrubs pa/ chos chen po'i gzhir gyur pa/ chos kyi dbyings kun tu rgyas pa/ de bzhin gshegs pa'i 'od dang ldan pa/ nam mkha'i dbyings kyi mthas gtugs pa/ ye shes kyi yul yang dag pa'i mtha' spyod 
yul chags pa med pas rnam par gsal ba na/ byang chub sems dpa' sems dpa' chen po rin po che bzang po'i pad mo chen po rang rang gi smon lam gyis byung ba'i dbus kyi snying po la 'khod pa kun kyang tshe gcig gis thogs pa/ 'jig rten gyi khams gzhan 
dang gzhan nas phyin pa/ ye shes chen po rnam par phye ba'i spyod yul la gzhol ba/ /chos kyi dbyings tha mi dad pa'i gzhi mnyam pa nyid la zhugs pa/ nam mkha'i dbyings gzhi med cing / /mtha' dang dbus med pa la rnam par spyod pa/ /chos thams cad 
'byung ba med cing / /mngon par grub pa med pa mngon du byas pa/ /byang chub sems dpa'i lus las ma g.yos par thams cad mkhyen pa'i ye shes rab tu thob pa/ 'jig rten gyi khams thams cad du kun gyis brjod pa/ de bzhin gshegs pa'i ye 
shes las mngon du byung ba/ sangs rgyas thams cad kyi byang chub mngon sum du gyur pa'i ye shes snang ba thob pa/ de bzhin gshegs pa'i spyod yul rgyun ma chad pa/ ye shes kyi rang bzhin chos kyi lus gcig cing tha mi dad pas/ gzugs kyi lus 
mtha' yas pa'i sgo kun tu ston pa/ chos kyi dbyings mtha' dang dbus med pa la 'jug pa shin tu shes pa/ sems can gyi khams su rnam par spyad pa las phyir mi ldog pa/ de bzhin gshegs pa'i chos kyi dbyings dang / /yang dag pa'i mtha' mnyam pa </font><hr>37-1-76a<br><font size=+1>
nyid thob pas sprul pa mngon par sgrub pa/ /de bzhin gshegs pa rnam par snang mdzad dang / sngon lhan cig tu skyes shing dge ba'i rtsa ba bstsags pa sha stag la 'di lta ste/ byang chub sems dpa' sems dpa' chen po kun tu bzang po dang / 
kun tu grags pa'i dbang phyug rgyal po dang / de bzhin gshegs pa'i rigs su byung ba'i dpal dang / rdo rje dpal gyi rgyal mtshan dang / rnam par grol ba bsgribs pa med pa'i zla ba dang / nyi ma'i 'od zer dri ma med pa'i snying po dang / mngon par shes pa chen 
pos rnam par 'phrul ba'i blo dang / 'od dri ma med pa'i dpal gyi gzi brjid 'od zer gyi rgyal po dang / blo gros rgya mtsho'i mchog 'dzin cing blo la rnam par rtse ba gsal bas mngon par shes pa'i dpal dang / byang chub sems dpa' sems dpa' chen po stobs 
bcu mi 'jigs pa'i seng ge'i nga ro chen pos rnam par rtse bas mngon par shes pa dang / de dag las stsogs pa byang chub sems dpa' sems dpa' chen po sangs rgyas kyi zhing bye ba khrag khrig brgya stong brjod du med pa phrag bcu'i rdul shin tu phra ba snyed dang thabs 
gcig tu bzhugs so/ /de nas de'i tshe bcom ldan 'das kyi mdzod spu nas de bzhin gshegs pa 'byung ba zhes bya ba'i 'od zer 'od zer gyi 'khor bye ba khrag khrig brgya stong grangs med pa mang po'i 'od zer dang ldan pa byung ste/des 'jig rten gyi khams 'byam klas 
pa thams cad du ma lus par snang bar byas/ 'jig rten g.yas phyogs su lan bcur bskor te/ de bzhin gshegs pa'i rnam par 'phrul pa bstan nas/ /byang chub sems dpa' bye ba khrag khrig brgya stong mang po bskul ba byas te/ 'jig rten gyi 
khams 'byam klas pa thams cad rab tu bskyod nas/ ngan song gi rgyud thams cad kyi skye ba dang / shi 'pho ba rab tu zhi bar byas te/ bdud kyi khyim thams cad zil gyis mnan nas/ de bzhin gshegs pa thams cad mngon par 'tshang rgya bas/</font><hr>37-1-76b<br><font size=+1>
rnam par sangs rgyas pa'i gdan bstan pa byas te/ /sangs rgyas kyi 'khor gyi dkyil 'khor rnam par bkod pa/ 'byam klas pa rab tu bstan nas/ 'jig rten gyi khams chos kyi dbyings kyis klas pa/ nam mkha'i mthas gtugs par 'byam klas pa 
thams cad ma lus par rgyas par khyab par byas nas phyir 'ongs te/ /byang chub sems dpa'i 'khor gyi dkyil 'khor thams cad la g.yas phyogs nas bskor nas/ byang chub sems dpa' de bzhin gshegs pa'i rigs su byung ba'i dpal gyi spyi bor nub bo/ /
de nas byang chub sems dpa'i 'khor de dag thams cad ngo mtshar cher 'dzin cing / dga' ba thob par gyur te/ 'od zer gyi dra ba snang ba 'di lta bu byung bas na chos chen po brjod par ni 'gyur du nges so snyam nas/ rtog pa'i blo yang thob par gyur to/ /'od 
zer de dag gis byang chub sems dpa' de bzhin gshegs pa'i rigs su byung ba'i dpal gyi lus la phog par gyur ma thag tu/ de nas de'i tshe byang chub sems dpa' sems dpa' chen po de bzhin gshegs pa'i rigs su byung ba'i dpal pad mo'i stan las 
langs te/ bla gos phrag pa gcig tu gzar nas/ pad mo'i snying po de la pus mo g.yas pa'i lha nga btsugs nas/ bcom ldan 'das gang na ba der thal mos btud te/ de bzhin gshegs pa'i 'du shes dang ldan pa'i yid la byed pas/ 
de bzhin gshegs pa la tshigs su bcad de gsol pa/ rnam dag blo mnga' yon tan mkhyen pas 'phags pa/ /spyod yul chags pa med pa'i pha rol phyin brnyes/ /dus gsum mnyam pa'i chos nyid mnyam pa ston pa/ /khyod la bdag ni bsti 
stang rim gro bgyid do/ /mtshan nyid med pa'i spyod yul pha rol phyin brnyes/ /mtshan gyis shin tu brgyan pa'i sku'ang ston mdzad/ /dri med 'od chen 'od zer stong dang ldan 'gyed/ /bdud kyi sde rnams ma lus rab tu 'jom mdzad/ /phyogs </font><hr>37-1-77a<br><font size=+1>
bcu kun na gang rnams ji snyed mchis pa'i/ /zhing rnams thams cad ma lus rab tu bskyod kyang / /thugs rje ldan pas su la'ang 'jigs par mi mdzad/ /khyod kyi rdzu 'phrul mthu ni de 'dra de tshul/ /nam mkha'i dbyings 
la mnyam pa nyid du rab zhugs/ /de bzhin chos dbyings mnyam pa nyid kyang brnyes gyur/ /sems can stong phrag bye ba grol bar mdzad cing / /sems can kun gyi sdig chen rab tu zhi mdzad/ /bskal pa stong du brtul zhugs dam po spyad de/ /
byang chub mchog gi lam ni yang dag bsgrubs nas/ /chags pa med pa'i ye shes spyod yul 'di brnyes/ /sangs rgyas kun dang rang bzhin gcig tu rab gyur/ /rnam par 'dren pa khyod kyis 'di nas 'od bkye/ /'jig rten thams cad ma lus 
kun tu bskyod nas/ /cho 'phrul mtha' yas yang dag bstan par bgyis te/ /bdag gi lus 'dir de dag ma lus zhugs gyur/ /de la bdag gi blo gros 'di ltar skyes te/ /chos rje khyod la bdag gis zhu ba'i dus bab/ /shin tu nges 
pa'i chos la rab tu bslabs pa'i/ /byang chub sems dpa' rnams kyang 'dus par gyur snyam/ /tshogs 'di dag pa 'dus pas rnam par dag pa/ /'jig rten slob dpon mgon pos rab tu bsngags pa/ /ye shes mtha' yas ldan pa yul la 
chags med/ /de 'dra'i mthu chen dpa' bo 'di dag 'dir phyin/ /de'i don 'jig rten slob dpon drang srong chen po/ /ye shes stobs dang brtson 'grus mtha' yas byung gyur/ /byang chub sems dpa' 'di dag snang bar mdzad gsol/ /chos rab 
bdag gis gang zhus de yang bshad gsol/ /drang srong chen po'i spyod yul 'di dag bstan cing / /yang dag ma nor brjod par nus pa gang lags/ /skyes bu khyu mchog rnams kyi sras ni gang lags/ /'jig rten mgon gyi gtso bo khyod kyis </font><hr>37-1-77b<br><font size=+1>
bshad gsol/ /tshigs su bcad pa de dag gsol ma thag tu/ de'i tshe bcom ldan 'das kyi zhal gyi sgo nas mi bsnyengs pa'i mthar phyin pa zhes bya ba'i 'od zer 'khor gyi 'od zer khrag khrig brgya stong grangs med pa dang ldan pa byung ste/ /des 'jig 
rten gyi khams 'byam klas pa thams cad ma lus par snang bar byas nas/ 'jig rten g.yas phyogs su lan bcur bskor te/ de bzhin gshegs pa'i rnam par 'phrul pa bstan nas/ byang chub sems dpa' bye ba khrag khrig 
brgya stong mang po bskul ba byas te/ 'jig rten gyi khams 'byam klas pa thams cad rab tu bskyod nas/ ngan song gi rgyud thams cad kyi skye ba dang / shi 'pho ba rab tu zhi bar byas te/ bdud kyi khyim thams cad zil gyis mnan nas/ 
de bzhin gshegs pa thams cad mngon par 'tshang rgya bas/ rnam par sangs rgyas pa'i gdan bstan pa byas te/ sangs rgyas kyi 'khor gyi dkyil 'khor rnams bkod pa 'byam klas pa rab tu bstan nas/ 'jig rten gyi khams chos kyi 
dbyings kyis klas pa/ nam mkha'i mthas gtugs par 'byam klas pa/ thams cad ma lus par rgyas par khyab par byas nas phyir 'ongs te/ byang chub sems dpa'i 'khor gyi dkyil 'khor thams cad la g.yas phyogs nas bskor nas/ byang chub 
sems dpa' kun tu bzang po'i kha'i sgor nub bo/ /de bzhin gshegs pa'i 'od zer des byang chub sems dpa' sems dpa' chen po kun tu bzang po la reg par gyur ma thag tu de nas de'i tshe byang chub sems dpa' sems dpa' chen po kun tu bzang 
po'i lus kyi seng ge'i khri/ sngon ci 'dra ba de las byang chub sems dpa'i lus kyi seng ge'i khri brgya phrag stong gyur du bzang zhing / khyad par du 'phags par 'dug ste/ de bzhin gshegs pa'i seng ge'i gdan ma gtogs par byang chub sems </font><hr>37-1-78a<br><font size=+1>
dpa' gzhan gyi lus kyi seng ge'i khri las byang chub sems dpa' kun tu bzang po'i lus kyi seng ge'i khri brgya phrag stong gyur du bzang zhing khyad par du 'phags par snang ngo / /de nas byang chub sems dpa' sems dpa' chen 
po de bzhin gshegs pa'i rigs su byung ba'i dpal gyis/ byang chub sems dpa' sems dpa' chen po kun tu bzang po la 'di skad ces smras so/ /kye rgyal ba'i sras de bzhin gshegs pas cho 'phrul chen po 'jig rten thams cad kyis khong du 
chud par dka' ba/ byang chub sems dpa' rnams rab tu dga' bar 'gyur ba bsam gyis mi khyab pa 'di lta bu bstan na/ kye rgyal ba'i sras de gang gi sngon gyi mtshan mar 'gyur/ de skad ces smras pa dang / byang chub sems dpa' sems dpa' 
chen po kun tu bzang pos/ /byang chub sems dpa' sems dpa' chen po de bzhin gshegs pa'i rigs su byung ba'i dpal la 'di skad ces smras so/ /kye rgyal ba'i sras de ni bdag 'di snyam du sems te/ sngon gyi yang dag par rdzogs pa'i sangs rgyas 
rnams kyi cho 'phrul chen po 'di 'dra ba dag kyang mthong ste/ de bzhin gshegs pa rnams ni de bzhin gshegs pa skye ba 'byung ba bstan pa zhes bya ba'i chos kyi rnam grangs bstan par dgongs pa dang / cho 'phrul chen po'i rnam pa 'di lta bu dag ston pa mdzad do/ /
de nas byang chub sems dpa' sems dpa' chen po de bzhin gshegs pa'i rigs su byung ba'i dpal gyis/ de bzhin gshegs pa skye ba 'byung ba bstan pa'i chos kyi rnam grangs kyi ming thos par gyur ma thag tu/ de'i tshes chen po g.yos par gyur to/ /
de nas byang chub sems dpa' sems dpa' chen po de bzhin gshegs pa'i rigs su byung ba'i dpal gyis/ byang chub sems dpa' sems dpa' chen po kun tu bzang po la 'di skad ces smras so/ /kye rgyal ba'i sras legs par spobs par mdzod cig /</font><hr>37-1-78b<br><font size=+1>
ji ltar byang chub sems dpa' sems dpa' chen pos de bzhin gshegs pa dgra bcom pa yang dag par rdzogs pa'i sangs rgyas rnams kyi skye ba 'byung ba bstan pa khong du chud par bya/ /kye rgyal ba'i sras 'khor 'dus pa 'di ni shin tu dag pa ste/ byang chub 
sems dpa' bye ba khrag khrig brgya stong kun nas 'dus pa'o/ /kye rgyal ba'i sras 'di ni byang chub sems dpa' sems dpa' chen po sngon spyad pa shin tu spyad pa/ las kyi mtha' shin tu sbyangs pa/ dran pa dang blo gros dang / rig pas shin tu 'phags 
pa/ rgya chen po'i pha rol tu phyin pa/ mchog thob pa/ de bzhin gshegs pa thams cad kyi spyod yul dang / spyod pa dang tshul la rab tu gnas pa/ sangs rgyas kyi rjes su song ba'i 'du shes yid la byed pa ma nyams pa/ snying rje chen pos 'gro ba 
thams cad la rnam par lta ba/ byang chub sems dpa'i mngon par shes pa chen pos rnam par rol pa'i spyod yul can/ de bzhin gshegs pa thams cad kyi byin rang gi rgyud du len pa/ sangs rgyas thams cad kyi chos kyi dpal gyi byin gyis brlabs 
pa ste/ de dag las stsogs pa yon tan dang legs pa tshad med pa mang po dang ldan pa sha stag 'ongs shing 'dus pa'o/ /kye rgyal ba'i sras khyod kyang sangs rgyas bye ba khrag khrig brgya stong mang po bsnyen bkur ba/ /byang chub sems dpa' thams cad 
kyi spyod pa'i mchog tu phyin pa/ /ting nge 'dzin dang snyoms par 'jug pa'i sgo thams cad kyis rnam par rol par mngon par mkhas pa/ de bzhin gshegs pa thams cad kyi gsang ba'i gnas su chud pa/ /sangs rgyas kyi chos thams cad la the 
tsom yongs su chad pa/ de bzhin gshegs pa thams cad kyi byin gyis byin du brlabs pa/ sems can thams cad kyi dbang po la mkhas pa dang ldan pa/ sems can thams cad kyi mos pa dang rnam par grol ba'i lam yang dag par ston pa/ de bzhin </font><hr>37-1-79a<br><font size=+1>
gshegs pa thams cad kyi rigs dang / rgyud yang dag par 'byung ba'i ye shes dang ldan pa/ sangs rgyas kyi chos thams cad bstan pa la pha rol tu phyin pa'i mchog thob pa de dag la stsogs pa yon tan mang po tshad med pa'i khyad par 
kyi mthar thug pa yin gyis/ kye rgyal ba'i sras de bzhin gshegs pa dgra bcom pa yang dag par rdzogs pa'i sangs rgyas rnams kyi skye ba 'byung ba bstan pa dang / sku yang dag par bstan pa dang / dbyangs rab tu brjod pa dang thugs kyi mthu dang / 
yul gyi gnas dang / spyod yul bstan pa dang /mngon par byang chub pa'i gnas dang / chos kyi 'khor lo bskor ba mngon par bsgrub pa dang / yongs su mya ngan las 'das pa chen po bstan pa dang / de bzhin gshegs pa rnams mthong zhing thos 
pa dang / de bzhin gshegs pa dang 'grogs pas/ dge ba'i rtsa ba 'byung ba bstan pa la legs par spobs par mdzod cig /de nas byang chub sems dpa' sems dpa' chen po de bzhin gshegs pa'i rigs su byung ba'i dpal gyis/ don 
'di nyid yang bzlas brjod pa'i phyir/ de'i tshe byang chub sems dpa' sems dpa' chen po kun tu bzang po la tshigs su bcad de smras pa/ /chags med blo gros shin tu rnam par sangs rgyas blo ldan/ /ye shes mtha' yas yul la mnyam pa nyid du 
gyur pa/ /rgyal ba'i spyod yul tshad med legs par yang dag shod cig /de thos sangs rgyas sras rnams thams cad rab tu dga' 'gyur/ /rgyal ba mchog rnams 'byung ba ji ltar byang chub sems dpas/ /khong du chud bya ji ltar de dag yang dag 
blta bya/ /de bzhin gshegs thugs ji 'dra sku dang dbyangs kyang ci 'dra/ /skyes bu khyu mchog rnams kyi yul dang spyod yul ci 'dra/ /de bzhin gshegs pa byang chub ji ltar rnam par 'tshang rgya/ /chos kyi 'khor lo dam pa rgyal ba ji ltar skor </font><hr>37-1-79b<br><font size=+1>
mdzad/ /bde gshegs mya ngan 'das pa'i yang dag nyid kyang gsung ste/ /sangs rgyas sras po mtha' yas 'di dag dga' bar mdzod cig /gang gis bde gshegs chos rgyal chen po mthong bar gyur cing / /gang rnams 'grogs shing dge ba yang 
dag bskyed par byed pa/ /de dag bsod nams 'phel ba yang ma nor brjod par mdzod cig /bde gshegs mthong na jir 'gyur de dang 'grogs na jir 'gyur/ /bde gshegs mya ngan 'das dang 'on tam bzhugs kyang rung ste/ /de bzhin gshegs 
pa'i mtshan rnams gang gis thos par gyur cing / /yon tan 'byung gnas rnams la gang rnams dad pa bskyed pa/ /de dag don kyang cir 'gyur 'khor 'dir bstan par mdzod cig /byang chub sems dpa' 'di dag thams cad thal mo sbyar cing / /
bde bar gshegs dang khyod dang bdag la kun kyang lta sdod/ /dris pa 'di dag sems can dag pa khyod kyis lung ston/ /yon tan rgya mtsho che mnga' rnams kyi spyod yul bstan mdzod/ /de dag don tu chos rab ldan pa'i gsung mchog rjod cing / /
mkha' 'dra khyod kyis skye bo rnams kyi the tsom gcad mdzod/ /dpe dang rgyur ldan tshig gis de bzhin gshegs pa'i rigs ston/ /thos nas sems can khrag khrig byang chub mchog tu sems bskyed/ /ji ltar zhing rnams thams cad ma lus rgyas par bkang 
zhing/ /rgyal ba'i sku yi yan lag sna tshogs yang dag ston mdzad/ /ji ltar khrag khrig chos dang ldan pa'i gsung rab brjod pa/ /sangs rgyas byang chub dpe dang rgyu yis bstan par mdzod cig /gang zhig phyogs bcu'i zhing rnams khrag khrig thams cad 
kun tu/ /bstan pa mang po bye ba mtha' yas bgrang bar song yang / /de ring rgyal sras 'dir tshogs 'di 'dra'i 'khor dang 'dra ba/ /byang chub sems dpa' rnams kyis mthong bar shin tu dka' ba'o/ /de bas rgyal sras rang bzhin dag pa khyod </font><hr>37-1-80a<br><font size=+1>
kyis bshad mdzod/ /de bzhin gshegs pa rnams kyi rigs yang yongs su ston cig /byang chub sems dpa' 'di dag thams cad thal mo sbyar te/ /yangs pa'i chos kyis skom zhing chos la don gnyer gnas so/ /de 
skad ces smras pa dang / byang chub sems dpa' sems dpa' chen po kun tu bzang pos/ byang chub sems dpa' sems dpa' chen po de bzhin gshegs pa'i rigs su byung ba'i dpal la dmyigs nas/ byang chub sems dpa'i tshogs thams cad la 
smras pa/ kye rgyal ba'i sras dag 'di lta ste/ de bzhin gshegs pa dgra bcom pa yang dag par rdzogs pa'i sangs rgyas skye ba 'byung ba bstan pa/ tshad med pa'i chos kyis 'byung ba 'di ni bsam gyis mi khyab pa'i gnas te/ kye rgyal ba'i sras 
dag de bzhin gshegs pa dgra bcom pa yang dag par rdzogs pa'i sangs rgyas rnams kyi skye ba 'byung ba ni/ rgyu gcig ma yin pa dang / rkyen gcig ma yin pas yang dag par 'grub bo/ /de ci'i phyir zhe na/ kye rgyal ba'i sras dag /chos bcu po 'di dag la 
sogs pa/ /chos rnam pa tha dad pa brgya stong tshad med grangs med pa yongs su rdzogs par bya ba'i tshul yang dag par bsgrubs pa'i rgyus de bzhin gshegs pa rnams 'byung bar 'gyur ro/ /bcu gang zhe na/ 'di lta ste/ sngon 'gro ba thams cad 
yongs su bskyab pa'i sems dang / byang chub kyi sems tshad med pa bskyed pa yang dag par bsgrubs pa dang / bsam pa dang lhag pa'i bsam pa sngon shin tu sbyangs shing yang dag par bsgrubs pa dang / byams pa chen po dang / thugs rje chen po tshad med 
pas sems can yongs su skyabs pa yang dag par bsgrubs pa dang / spyod pa dang smon lam tshad med pa rgyun chad pa med par yang dag par bsgrubs pa dang / bsod nams dang ye shes kyi tshogs chen pos mi ngoms par yang dag par bsgrubs pa </font><hr>37-1-80b<br><font size=+1>
dang/ sangs rgyas mchod cing rim gro bya ba dang / sems can yongs su smin par bya ba'i rgyun tshad med pa yang dag par bsgrubs pa dang / thabs dang shes rab kyi lam rnam par dag cing /tshad med pa yang dag par bsgrubs pa dang / yon tan rnam 
par dag pa'i rnam pa tshad med pa yang dag par bsgrubs pa dang / lam gyi yan lag rnam par dgod pa tshad med pa'i ye shes yang dag par bsgrubs pa dang / don dang ldan pa'i chos tshad med pa khong du chud pas/ mthar phyin par bya ba yang dag par bsgrubs 
pa ste/ kye rgyal ba'i sras dag /chos bcu po 'di dag la stsogs pa/ chos rnam pa tha dad pa brgya stong tshad med grangs med pa yongs su rdzogs par bya ba'i tshul yang dag par bsgrubs pa'i rgyus de bzhin gshegs pa rnams 'byung bar 'gyur ro/ /kye rgyal 
ba'i sras dag 'di lta ste dper na/ stong gsum gyi stong chen po'i 'jig rten gyi khams 'byung ba ni rgyu gcig gis 'byung ba ma yin/ rkyen gcig gis 'byung ba ma yin te/ kye rgyal ba'i sras dag stong gsum gyi stong chen po'i 'jig rten gyi khams 
ni rgyu tshad med pa dang / rkyen tshad med pa dang / bsgrubs pa tshad med pas yongs su 'grub par 'gyur te/ /'di ltar sprin chen po'i char dus las myi 'da' bar rab tu 'bab pas kyang rgyu byas la/ rlung gi dkyil 'khor bzhi rgyun mi chad par ldang bas 
kyang rgyu byas na yongs su 'grub par 'gyur ro/ /bzhi po de dag kyang gang zhe na/ 'di lta ste/ rlung gi dkyil 'khor yongs su 'dzin pa zhes bya ba ni yongs su gzung ba'i phyir ldang ngo / /rlung gi dkyil 'khor yongs su skem pa zhes bya ba ni/ chu'i phung 
po yongs su bskam pa'i phyir ldang ngo / /rlung gi dkyil 'khor yongs su gzhog pa zhes bya ba ni gzhal med khang thams cad yongs su dgod pa'i phyir ldang ngo / /rlung gi dkyil 'khor rnam par dgod pa zhes bya ba ni/ sems can stong gsum gyi stong </font><hr>37-1-81a<br><font size=+1>
chen po'i 'jig rten gyi khams su gtogs pa thams cad kyi rkyen du skyes pa'i las dang / byang chub sems dpa'i dge ba'i rtsa ba'i stobs dang shugs kyis/ /gnas kyi rnam pa'i rgyan rnam par phye ba shin tu rnam par dbye bas stong 
gsum gyi stong chen po'i 'jig rten gyi khams rnam par dbye ba'i phyir ldang ste/ kye rgyal ba'i sras dag de dag la stsogs pa'i rnam pa tshad med pas stong gsum gyi stong chen po'i 'jig rten gyi khams chos nyid rab tu thob pa'i phyir/ yongs su 'byung bar 
'gyur ba yang 'byung ba de la 'byung bar byed pa gang yang med de/ 'byung bar 'gyur ba'ang med pa ma yin no/ /kye rgyal ba'i sras dag de bzhin du de bzhin gshegs pa dgra bcom pa yang dag par rdzogs pa'i sangs rgyas rnams kyang rgyu gcig ma yin pa dang / 
rkyen gcig ma yin pas 'byung bar 'gyur te/ kye rgyal ba'i sras dag de bzhin gshegs pa dgra bcom pa yang dag par rdzogs pa'i sangs rgyas rnams ni rgyu tshad med pa dang / rnam pa tshad med pa dang / yang dag par bsgrub pa tshad med pas 
'byung ste/ 'di ltar yang dag par rdzogs pa'i sangs rgyas rnams kyi drung du sngon chos kyi sprin gyi char chen po babs kyang rgyur byas la/ de bzhin gshegs pa'i ye shes kyi rlung gi dkyil 'khor bzhi rgyun mi chad par ldang bas kyang rgyu byas nas yang dag par 
'grub par 'gyur ro/ /bzhi gang zhe na 'di lta ste/ de bzhin gshegs pa'i ye shes kyi rlung gi dkyil 'khor chen po dran pas yang dag par bzung zhing gzungs kyis chud mi za ba zhes bya ba yod de/ de ni de bzhin gshegs pa de dag gi chos kyi sprin 
chen po'i char yang dag par gzung ba'i phyir ldang ngo / /de bzhin gshegs pa'i ye shes kyi rlung gi dkyil 'khor chen po lhag mthong dang /zhi gnas kyis bsgrubs pa zhes bya ba yod de/ de ni nyon mongs pa thams cad yongs su bskam pa'i phyir ldang ngo / /</font><hr>37-1-81b<br><font size=+1>
de bzhin gshegs pa'i ye shes kyi rlung gi dkyil 'khor chen po yongs su bsngo ba la mkhas pa zhes bya ba yod de/ /de ni dge ba'i rtsa ba thams cad yongs su bsngo ba'i phyir ldang ngo / /de bzhin gshegs pa'i ye shes kyi rlung gi dkyil 'khor chen po sprul 
ba'i rgyan rnam par bkod pa rnam par 'byed cing rnam par 'god pa zhes bya ba yod de/ /de ni sems can sngon yongs su smin par byas pa rnams kyi rkyen du byung ba'i dge ba'i rtsa ba yongs su dag pa dang / de bzhin gshegs pa'i dge ba'i rtsa ba zag pa med 
pa'i stobs dang shugs kyi phyir ldang ngo / /kye rgyal ba'i sras dag de dag la stsogs pa'i rnam pa tshad med pa dang / yang dag par bsgrubs pa tshad med pas/ de bzhin gshegs pa dgra bcom pa yang dag par rdzogs pa'i sangs rgyas rnams chos nyid 
rab tu thob pa'i phyir 'byung bar 'gyur te/ de la 'byung bar byed pa'am skye bar byed pa gang yang med de/ 'byung yang med pa'ang ma yin no/ /de ltar rgyal ba'i sras dag dpe'i sgo dang pos khong du chud par bya ba 'dis/ byang chub sems dpa' sems dpa' 
chen pos de bzhin gshegs pa dgra bcom pa yang dag par rdzogs pa'i sangs rgyas skye ba 'byung ba khong du chud par bya'o/ /kye rgyal ba'i sras dag gzhan yang 'di lta ste dper na/ stong gsum gyi stong chen po'i 'jig rten gyi khams yongs su 'byung bar 
'gyur ba'i tshe/ /gcig tu stug cing tha mi dad pa zhes bya ba'i sprin chen po'i char 'bab ste/ de ni stong gsum gyi stong chen po yongs su grub pa'i rlung gi dkyil 'khor ma gtogs par sa'i phyogs gzhan gyis gzung ba'am bzod par mi nus so/ /
kye rgyal ba'i sras dag de bzhin du de bzhin gshegs pa dgra bcom pa yang dag par rdzogs pa'i sangs rgyas rnams 'byung ba'i tshe/ de bzhin gshegs pa'i rigs tha mi dad pa zhes pa'i chos kyi sprin chen po'i char 'bab ste/ de ni byang chub sems dpa' </font><hr>37-1-82a<br><font size=+1>
chen po de dag nyid kyi stobs dang shugs kyis bsgrubs pa'i sems kyi rgyud ma gtogs par byang chub sems dpa' bsam pa dma' ba can dang / nyan thos dang / rang sangs rgyas thams cad kyis gzung ba'am/ bzod par mi nus so/ /kye rgyal 
ba'i sras dag khong du chud par bya ba'i sgo gnyis pa 'dis kyang / byang chub sems dpa' sems dpa' chen pos de bzhin gshegs pa dgra bcom pa yang dag par rdzogs pa'i sangs rgyas rnams kyi skye ba 'byung ba khong du chud par bya'o/ /kye rgyal ba'i 
sras dag gzhan yang 'di lta ste dper na/ sprin chen po'i char de dag 'bab pa'i tshe/ gang nas kyang 'ongs pa myed la gang du yang 'gro ba med do/ /sems can rnams kyi las kyi tshogs chen pos char rab tu 'bab pa yang yod do/ /kye rgyal ba'i sras dag de 
bzhin du de bzhin gshegs pa dgra bcom pa yang dag par rdzogs pa'i sangs rgyas kyi chos kyi sprin chen po'i char 'bab pa yang gang nas kyang 'ongs pa med la/ gang du yang 'gro ba med de byang chub sems dpa' rnams kyi dge ba'i rtsa ba'i stobs dang shugs 
chen pos/ char mngon par 'bab pa yang yod do/ /kye rgyal ba'i sras dag khong du chud par bya ba'i sgo gsum pa 'dis kyang / byang chub sems dpa' sems dpa' chen pos/ de bzhin gshegs pa dgra bcom pa yang dag par rdzogs pa'i 
sangs rgyas rnams kyi skye ba 'byung ba khong du chud par bya'o/ /kye rgyal ba'i sras dag gzhan yang 'di lta ste dper na/ sprin chen po'i char mngon par 'bab pa de dag ni stong gsum gyi stong chen por gtogs pa'i sems can thams cad kyis 
shes pa'am/ bgrang bar sla ba ma yin te/ kye rgyal ba'i sras dag stong gsum gyi stong chen po'i 'jig rten gyi khams su gtogs pa'i sems can rnams ni sprin chen po'i char de la sems pas mgo rmongs par 'gyur ro/ /sprin chen po'i </font><hr>37-1-82b<br><font size=+1>
char de la bltas pas mig 'khrugs par 'gyur ro/ /stong gsum gyi stong chen po'i dbang phyug chen po ni ma gtogs te/ de'i sngon gyi dge ba'i rtsa ba yongs su sbyangs pa'i khyad par gyis/ /de la chung ngu na char pa'i thigs pa gcig kyang ma rig par mi 'bab 
po/ kye rgyal ba'i sras dag de bzhin du de bzhin gshegs pa de dag yang dag par 'byung ba'i tshe/ de bzhin gshegs pa'i chos kyi sprin gyi char mngon par 'bab pa yang / sems can thams cad dang nyan thos dang / rang sangs rgyas thams cad 
kyi shes pa'am bsam par mi nus te/ de dag ni de bzhin gshegs pa'i chos kyi sprin gyi char la sems pas mgo rmongs par 'gyur ro/ /'gro ba thams cad kyi dbang phyug /byang chub sems dpa' sems dpa' chen po de dag ni ma gtogs 
te/ blo shin tu sbyangs pa'i mthu dang shugs kyis de dag la ni chung ngu na tshig dang / yi ge 'ga' tsam yang ma rig par sems can gzhan gyi sems kyi rgyud la mi 'bab bo/ /kye rgyal ba'i sras khong du chud par bya ba sgo bzhi pa 'dis kyang / byang chub 
sems dpa' sems dpa' chen pos de bzhin gshegs pa dgra bcom pa yang dag par rdzogs pa'i sangs rgyas rnams kyi skye ba 'byung ba khong du chud par bya'o/ /kye rgyal ba'i sras dag gzhan yang 'di lta ste dper na/ sprin chen po'i char de dag 
'bab pa'i nang na/ rab tu zhi bar byed pa zhes bya ba'i sprin chen po'i char 'bab pa yod de/ de ni me'i phung po de rab tu zhi bar byed do/ /'byung bar byed pa zhes bya ba'i sprin chen po'i char 'bab pa yod de/ de las chu'i phung po de dag 'byung ngo / /yongs su 
gcod pa zhes bya ba'i sprin chen po'i char 'bab pa yod de/ de ni chu'i phung po de dag yongs su gcod do/ /yongs su sgrub pa zhes bya ba'i sprin chen po'i char 'bab pa yod de/ de ni nor bu rin po che mang po yongs su 'grub par byed do/ /rnam </font><hr>37-1-83a<br><font size=+1>
par 'byed pa zhes bya ba'i sprin chen po'i char 'bab pa yod de/ de ni stong gsum gyi stong chen po'i 'jig rten gyi khams de rnam par 'byed do/ /kye rgyal ba'i sras dag de bzhin gshegs pa yang dag par 'byung ba la yang rab tu zhi 
bar byed pa zhes bya ba de bzhin gshegs pa'i rgyu mthun pa'i chos kyi sprin chen po'i char 'bab pa yod de/ de ni sems can thams cad kyi nyon mongs pa 'bar ba thams cad rab tu zhi bar byed do/ /'byung bar byed pa zhes bya ba'i chos kyi sprin chen po'i char 'bab 
pa yod de/ de ni sems can thams cad kyi dge ba'i rtsa ba'i tshogs thams cad yang dag par 'byung bar byed do/ /yongs su gcod pa zhes bya ba chos kyi sprin chen po'i char 'bab pa yod de/ de ni sems can thams cad kyi nyon mongs pa dang lta ba'i 
rnam pa thams cad yongs su gcod do/ /yongs su sgrub pa zhes bya ba chos kyi sprin chen po'i char 'bab pa yod de/de ni thams cad mkhyen pa'i chos rin po che yongs su grub par byed do/ /rnam par 'byed pa zhes bya ba chos kyi sprin chen po'i char 
'bab pa yod de/ de ni sems can thams cad kyi sems dang bsam pa rnam par 'byed do/ /kye rgyal ba'i sras dag khong du chud par bya ba'i sgo lnga pa 'dis kyang / byang chub sems dpa' sems dpa' chen pos de bzhin gshegs pa dgra bcom pa 
yang dag par rdzogs pa'i sangs rgyas rnams kyi skye ba 'byung ba khong du chud par bya'o/ /kye rgyal ba'i sras dag 'di lta ste dper na/ char sprin chen po yang ro gcig la chu'i phung po yang rnam par mi rtog mod kyi de ltar rnam pa tshad med par tha dad pa'i char rnam 
par phye ba 'bab bo/ /kye rgyal ba'i sras dag de bzhin du de bzhin gshegs pa'i thugs rje chen po'i char sprin ro gcig pa las/ de ltar tshad med cing rnam pa tha dad pa'i chos kyi char sna tshogs 'bab ste/ de bzhin gshegs pa yang yongs su 'byung ngo / /chos </font><hr>37-1-83b<br><font size=+1>
rnam par phye ba tshad med pa yang snang zhing yod do/ /kye rgyal ba'i sras dag khong du chud par bya ba'i sgo drug pa 'dis kyang byang chub sems dpa' sems dpa' chen pos de bzhin gshegs pa dgra bcom pa yang dag par rdzogs pa'i sangs rgyas rnams kyi skye ba 'byung ba 
khong du chud par bya'o/ /kye rgyal ba'i sras dag gzhan yang 'di lta ste/ dper na/ stong gsum gyi stong chen po yongs su 'grub par 'gyur ba'i tshe/ thog ma nyid du gzugs la spyod pa'i lha'i bu rnams kyi gzhal med khang yongs su 'grub par 'gyur ro 
de'i 'og tu 'dod pa la spyod pa'i lha'i bu rnams kyi gzhal med khang yongs su 'grub par 'gyur ro/ /de'i 'og tu mi rnams kyi gnas yongs su 'grub par 'gyur ro/ /de'i 'og tu de ma yin pa'i sems can lhag ma gzhan rnams kyi gnas rnam par 
phye ba sna tshogs 'grub par 'gyur ro/ /kye rgyal ba'i sras dag de bzhin du de bzhin gshegs pa yang dag par 'byung ba'i tshe/ yang thog ma nyid du byang chub sems dpa'i ye shes kyi rgyud rnams 'byung bar 'gyur ro/ /de'i 'og tu rang sangs rgyas kyi ye shes kyi 
rgyud rnams 'byung ngo / /de'i 'og tu nyan thos kyi dge ba'i rtsa ba'i ye shes kyi rgyud rnams 'byung bar 'gyur ro/ /de'i 'og tu de ma yin pa'i sems can gzhan gyi 'dus byas kyi dge ba'i rtsa ba dang shes pa'i rgyud rnams 'byung bar 'gyur ro/ /kye rgyal ba'i 
sras dag de ltar dper na/ char sprin chen po yang ro gcig la chu'i phung po yang rnam par mi rtog pa las/ sems can gyi dge ba'i rtsa ba rnam pa tha dad pas gzhal med khang rnam pa tha dad pa yod cing snang ngo / /kye rgyal ba'i sras dag de bzhin du de 
bzhin gshegs pa'i thugs rje chen po'i char sprin ro gcig pa las/ sems can gyi snod rnam pa tha dad pa'i phyir/ dge ba'i rtsa ba rnam pa tha dad pa yod cing snang bar 'gyur ro/ /kye rgyal ba'i sras dag khong du chud par bya ba'i sgo bdun pa 'dis kyang / byang </font><hr>37-1-84a<br><font size=+1>
chub sems dpa' sems dpa' chen pos de bzhin gshegs pa dgra bcom pa yang dag par rdzogs pa'i sangs rgyas skye ba 'byung ba khong du chud par bya'o/ /kye rgyal ba'i sras dag gzhan yang 'di lta ste dper na/ chus 'jig 
pa'i bskal pa chen po byung ste/ stong gsum gyi stong chen po'i 'jig rten gyi khams gang chen mtsho gcig tu gyur pa'i tshe/ chos nyid thob pas de bzhin gshegs pa 'byung ba'i yon tan rin po ches rnam par brgyan pa zhes bya ba'i pad mo mang po 'byung ste/ 
de dag gis ni chu'i bskal pa thams cad kun nas khebs so/ /de dag ni 'jig rten thams cad 'od kyis rgyas par 'gengs te/ pad mo de dag byung ba dang lha'i bu dbang phyug chen po dang / gnas gtsang ma'i ris kyi lha'i bu gzhan rnams kyis kyang / 
bskal pa 'di la ni yang dag par rdzogs pa'i sangs rgyas 'di snyed cig 'byung bar 'gyur ro/ /zhes bya ba khong du chud do/ /kye rgyal ba'i sras dag stong gsum gyi stong chen po'i 'jig rten gyi khams yongs su 'grub pa'i tshe/ rlung gi dkyil 'khor dag 
cing 'od gsal ba zhes bya ba ldang ste/ de ni gzugs la spyod pa'i lha rnams kyi gzhal med khang yongs su gnas par byed do/ /rlung gi dkyil 'khor dag cing dang la 'od gsal bas rgyan bzang po zhes bya ba ldang ste/ de ni 'dod pa la spyod pa'i 
lha'i bu rnams kyi lha'i gzhal med khang yongs su 'god do/ /rlung gi dkyil 'khor gcig tu stug cing tha mi dad pa zhes bya ba ldang ste/ de ni khoRa yug dang khor yug chen po'i ri rnams yongs su gzhog pa byed do/ /rlung gi dkyil 'khor khyad par du 'phags 
pa zhes bya ba ldang ste/ de ni ri rab ri'i rgyal po yongs su gzhog pa byed do/ /rlung gi dkyil 'khor brtan pa zhes bya ba ldang ste/ de ni rin po che bcu yongs su gzhog pa byed do/ /bcu gang zhe na 'di lta ste/ seng ldeng can dang / drang srong ri dang /</font><hr>37-1-84b<br><font size=+1>
bdud las rgyal dang / bdud las shin tu rgyal dang / gnya' shing 'dzin dang / sa 'dzin dang / btang bzung dang / btang bzung chen po dang / spos kyi ngad can dang / kha ba can no/ /rlung gi dkyil 'khor rab tu gnas pa zhes bya ba ldang ste/ de ni sa chen 
po kun nas gnas par byed do/ /rlung gi dkyil 'khor rnam par bkod pa zhes bya ba ldang ste/ de ni sa bla'i lha dang / klu dang dri za'i khyim kun nas gnas par byed do/ /rlung gi dkyil 'khor mdzod mi zad pa zhes bya ba ldang ste/ de ni stong gsum gyi 
stong chen po'i 'jig rten gyi khams su gtogs pa'i rgya mtsho chen po kun nas gnas par byed do/ /rlung gi dkyil 'khor rnam par snang ba'i dkyil 'khor zhes bya ba ldang ste/ de ni stong gsum gyi stong chen po'i 'jig rten gyi khams gyi rin po che'i rigs 
thams cad kun nas gnas par byed do/ /rlung gi dkyil 'khor rtsa ba brtan pa zhes bya ba ldang ste/ de ni yid bzhin gyi shing thams cad kun nas gnas par byed do/ /kye rgyal ba'i sras de ltar char sprin chen po'i char ro gcig tu 'bab pa dang / chu'i 
phung po rnam par mi rtog pa las/ chos nyid thob pa dang / sems can rnams kyi dge ba'i rtsa ba tha dad pa'i khyad par gyis/ rlung gi dkyil 'khor rnam pa tha dad pa yod cing snang ngo / /rlung gi dkyil 'khor rnam pa tha dad par gyur pas/ stong 
gsum gyi stong chen po'i 'jig rten gyi khams kyang yod cing snang ngo / /kye rgyal ba'i sras dag de bzhin du de bzhin gshegs pa dgra bcom pa yang dag par rdzogs pa'i sangs rgyas dge ba'i rtsa ba'i tshogs thams cad shin tu bstsags pa/ bla na med pa'i ye shes chen 
po snang ba la mngon du gyur pa rnams 'byung ba'i tshe/ ye shes kyi 'od zer chen po bsam gyis mi khyab pa/ de bzhin gshegs pa'i rigs rgyun mi gcod pa zhes bya ba 'jig rten gyi khams ma lus pa thams cad rgyas par 'gengs pa 'byung ste/ 'od zer </font><hr>37-1-85a<br><font size=+1>
des ni de bzhin gshegs pa dang /dbang bskur ba thob pa'i byang chub sems dpa' thams cad kyis kyang / byang chub sems dpa' 'di snyed cig de bzhin gshegs pa'i mthu 'dis yang dag par 'grub par 'gyur ro/ /zhes bya 
bar thugs su chud do/ /kye rgyal ba'i sras dag de ltar de bzhin gshegs pa 'byung bar 'gyur ba'i tshe/ de bzhin gshegs pa thams cad kyi rigs 'byung ba'i mthus/ de bzhin gshegs pa'i ye shes kyi 'od zer chen po 'od bzang po dri ma med pa zhes 
bya ba 'byung ste/ 'od zer des de bzhin gshegs pa rnams kyi ye shes zag pa med cing mi zad pa yang dag par 'grub par 'gyur ro/ /de bzhin gshegs pa'i ye shes kyi 'od zer chen po kun tu snang ba zhes bya ba 'byung ste/ 'od zer des de bzhin gshegs 
pa rnams kyi ye shes bsam gyis mi khyab pa chos kyi dbyings su gzhol ba yang dag par 'grub par 'gyur ro/ /de bzhin gshegs pa'i ye shes kyi 'od zer chen po de bzhin gshegs pa'i rigs yang dag par 'byung ba zhes bya ba 'byung ste/ 'od zer des 
de bzhin gshegs pa rnams kyi stobs mi sgul ba yang dag par 'grub par 'gyur ro/ /de bzhin gshegs pa'i ye shes kyi 'od zer chen po zil gyis mi non cing / yang dag par 'phags pa zhes bya ba 'byung ste/ 'od zer des de bzhin gshegs pa rnams 
kyi stobs dang mi bsnyengs pa zil gyis mi non pa'i ye shes yang dag par 'grub par 'gyur ro/ /de bzhin gshegs pa'i ye shes kyi 'od zer chen po thams cad mngon par mkhyen pa zhes bya ba 'byung ste/ 'od zer des de bzhin gshegs pa rnams kyi ye 
shes thams cad du brjod pa las 'das shing thams cad du thogs pa med pa yang dag par 'grub par 'gyur ro/ /de bzhin gshegs pa'i ye shes kyi 'od zer chen po sprul pas mngon par bsgrubs pa zhes bya ba 'byung ste/ 'od zer des de bzhin gshegs </font><hr>37-1-85b<br><font size=+1>
pa mthong zhing thos pa dang de dang 'grogs pa don yod pas/ dge ba'i rtsa ba chud mi za ba'i ye shes yang dag par 'grub par 'gyur ro/ /de bzhin gshegs pa'i ye shes kyi 'od zer chen po mnyam pa nyid kyi rjes su song ba zhes bya ba 'byung ste/ 'od 
zer des de bzhin gshegs pa rnams kyi bsod nams dang / ye shes mi zad pa'i tshogs 'gro ba thams cad nye bar 'tsho ba yang dag par 'grub par 'gyur ro/ /de bzhin gshegs pa'i ye shes kyi 'od zer chen po 'jug par dka' ba zhes bya ba 'byung 
ste/ 'od zer des de bzhin gshegs pa rnams kyi ye shes dkon mchog gsum gyi rigs rgyun mi gcod cing / ye shes zab mo thugs su chud pa yang dag par 'grub par 'gyur ro/ /de bzhin gshegs pa'i ye shes kyi 'od zer chen po rgyan sna 
tshogs can zhes bya ba 'byung ste/ 'od zer des de bzhin gshegs pa rnams kyi ye shes mtshan dang dpe byad bzang po'i rgyan sna tshogs kyis 'gro ba thams cad rnam pa thams cad du dga' bar 'gyur ba yang dag par 'grub bo/ /de bzhin gshegs pa'i 
ye shes kyi 'od zer chen po mi 'phrogs pa zhes bya ba 'byung ste/ 'od zer des de bzhin gshegs pa rnams kyi ye shes sangs rgyas kyi yul chos kyi dbyings kyis klas pa/ nam mkha'i mthas gtugs par sku tshe'i tshad rgyun mi 'chad pa yang dag par 
'grub par 'gyur te/ kye rgyal ba'i sras dag de ltar de bzhin gshegs pa'i thugs rje chen po'i char sprin chen po ro gcig pa dang / de bzhin gshegs pa'i ye shes kyi 'od zer gyi dkyil 'khor chen po ro gcig pa dang / byang chub sems dpa' 
yang dag par bsgrubs pa'i chos nyid thob pa dang / sems can gyi bsam pa dang / dbang po dang / brtson 'grus rnam pa tha dad pa'i chos nyid thob pas/ de bzhin gshegs pa thams cad kyi ye shes kyi 'od zer rang bzhin gcig pa las rnam pa </font><hr>37-1-86a<br><font size=+1>
tha dad du gyur pa yod cing snang ngo / /ye shes kyi 'od zer rnam pa tha dad pa las de bzhin gshegs pa 'byung ba yang dag par 'grub pa rnam pa tha dad pa yang yod cing snang ngo / /kye rgyal ba'i sras dag de bzhin gshegs pa yang dag par 'grub pa rnam par 
phye ba'i ro gcig pa las yon tan rnam pa tha dad pa'i rgyan tshad med bsam gyis mi khyab pa 'byung zhing de bzhin gshegs pa'i byin gyi rlabs kyis sems can rnams kyis kyang / de bzhin du shes par 'gyur ba la ltos/ kye rgyal ba'i sras dag de ni 'di ltar 
de bzhin gshegs pa dgra bcom pa yang dag par rdzogs pa'i sangs rgyas rnams kyi byin gyis ma brlabs na sems can sngon cad de bzhin gshegs pa la dge ba'i rtsa ba ma bskyed pas/ de bzhin gshegs pa'i ye shes la chung ngu na cha shas gcig tsam bstan 
pa yang shes par 'gyur ba'am/ khong du chud par 'gyur ba'i gnas med skabs med de/ de ni gnas ma yin no/ /kye rgyal ba'i sras dag de ltar de bzhin gshegs pa'i mthu'i khyad par gyis/ sems can rnams de bzhin gshegs pa'i 
ye shes chen po'i mthu la 'jug cing rtog pa dang / khong du chud par byed kyang / de bzhin gshegs pa la rtog pa mi mnga'/ rnam par rtog pa mi mnga' ste/ 'byung ba med cing kun nas 'byung ba med la yang dag par 'grub pa med de/ bya ba med cing 
de la byed pa su'ang med mod kyi/ yang dag par 'byung ba'i grangs su bgrang ba yang yod do/ /kye rgyal ba'i sras dag khong du chud par bya ba'i/ sgo brgyad pa 'dis kyang byang chub sems dpa' sems dpa' chen pos de bzhin gshegs pa dgra bcom pa 
yang dag par rdzogs pa'i sangs rgyas skye ba 'byung ba khong du chud par bya'o/ /kye rgyal ba'i sras dag gzhan yang 'di lta ste/ dper na/ rlung gi dkyil 'khor chu'i phung po 'dzin pa bzhi ni/ nam mkha' la gnas shing lding ngo / /bzhi gang zhe na 'di </font><hr>37-1-86b<br><font size=+1>
lta ste/ rlung gi dkyil 'khor brtan pa dang / rlung gi dkyil 'khor gnas pa dang / rlung gi dkyil 'khor mi nyams pa dang / rlung gi dkyil 'khor snying po dang ldan pa zhes bya ba dag ste/ rlung gi dkyil 'khor chen po de bzhi ni rab tu lding zhing chu'i phung po 
'dzin te/ chu'i phung po la gnas pa'i sa chen po ni mi 'jig /rnam par mi 'jig pas de'i phyir sa ni chu la gnas so/ /chu ni rlung la gnas so/ /rlung ni nam mkha' la gnas so/ /nam mkha' ni mi gnas pa zhes bya ste/ stong gsum gyi stong 
chen po'i 'jig rten gyi khams ni tshul de lta bur gnas so/ /kye rgyal ba'i sras dag /de bzhin du de bzhin gshegs pa 'byung ba'i tshe de bzhin gshegs pa'i ye shes kyi rlung gi dkyil 'khor chen po shes rab kyi snang ba chags pa med pa la gnas pa 
bzhi ldang ste/ de dag ni 'gro ba thams cad kyi dge ba'i rtsa ba yongs su 'dzin to/ /bzhi gang zhe na 'di lta ste/ de bzhin gshegs pa'i ye shes kyi rlung gi dkyil 'khor chen po bsdu bas sems can yongs su dga' bar 'gyur ba zhes bya ba dang / ye 
shes kyi rlung gi dkyil 'khor chen po chos rnam par dgod pa la 'gro ba mos par byed pa zhes bya ba dang / ye shes kyi rlung gi dkyil 'khor chen po dge ba'i rtsa ba thams cad yongs su srung ba zhes bya ba dang / ye shes kyi rlung gi dkyil 'khor chen po 'khor ba thams 
cad zag pa med pa'i dbyings su khong du chud pa zhes bya ba dag ste/ kye rgyal ba'i sras dag bzhi po de dag ni shes rab kyi snang ba chags pa med pa la gnas pa'i ye shes kyi rlung gi dkyil 'khor chen po rnams te/ de dag ni 'gro ba thams cad byams pa chen 
pos yongs su bskyab pa dang / thugs rje chen pos 'gro ba thams cad yongs su dgrol zhing gzung ba'i phyir ldang ste/ byams pa chen po dang / snying rje chen po la gnas pa'i byang chub sems dpa' ni/ 'gro ba mang po rnam par phye ba 'byam klas </font><hr>37-1-87a<br><font size=+1>
pa'i nang na thabs mkhas pa la gnas pa'i byams pa chen pos/ sems can thams cad nye bar 'tsho ba yin te/ kye rgyal ba'i sras dag de bzhin gshegs pa 'byung ba ni tshul de lta bur 'grub cing / de ltar gnas pa yin te/ 
shes rab kyi snang ba chags pa med pa ni mi gnas pa'o/ /kye rgyal ba'i sras dag khong du chud par bya ba'i sgo dgu pa 'dis kyang byang chub sems dpa' sems dpa' chen pos de bzhin gshegs pa dgra bcom pa yang dag par rdzogs pa'i sangs rgyas rnams 
kyi skye ba 'byung ba khong du chud par bya'o/ /kye rgyal ba'i sras dag gzhan yang 'di lta ste dper na/ stong gsum gyi stong chen po'i 'jig rten gyi khams grub pa ni tshad med pa'i sems can rnams yongs su spyod pa rnam pa tha dad pas nye bar 'tsho ba yin te/ 
'di ltar chu la gnas pa'i sems can rnams kyang gnas kyis nye bar 'tsho ba yin/ sems can sa'i steng na 'khod pa rnams kyang sa'i steng na yod pa'i rnam pa tshad med pas nye bar 'tsho ba yin/ gzhal med khang na gnas pa rnams kyang gzhal med khang 
gis/ nye bar 'tsho ba yin/ nam mkha' la gnas pa rnams kyang bar snang gi gnas kyis nye bar 'tsho ba yin/ kye rgyal ba'i sras dag de bzhin du de bzhin gshegs pa yang dag par 'grub pa yang rnam pa tshad med pas 'gro ba thams cad nye bar 'tsho 
ba yin te/ 'di ltar mthong bar dga' ba dang / dad cing mos par gyur ba'i sems can rnams kyang sangs rgyas mthong bas nye bar 'tsho ba yin/ tshul khrims kyi stobs kyi mthu la gnas pa rnams kyang sangs rgyas kyi tshul khrims kyis nye bar 'tsho ba yin /
bsam gtan dang tshad med pa la gnas pa rnams kyang 'phags pa'i 'jig rten las 'das pa'i mngon par shes pas nye bar 'tsho ba yin/ chos kyi sgo snang ba la gnas pa rnams kyang rgyu chud mi za bas nye bar 'tsho ba yin/ snang ba med pa la gnas pa rnams kyang </font><hr>37-1-87b<br><font size=+1>
chos 'byam klas pa chud mi za bas nye bar 'tsho ba yin pas/ de'i phyir de bzhin gshegs pa yang dag par 'grub pa ni 'gro ba thams cad nye bar 'tsho ba yin zhes bya'o/ /kye rgyal ba'i sras dag khong du chud par bya ba'i sgo rnam pa bcu pa 'dis kyang byang chub sems 
dpa' sems dpa' chen pos de bzhin gshegs pa dgra bcom pa yang dag par rdzogs pa'i sangs rgyas kyi skye ba 'byung ba khong du chud par bya'o/ /kye rgyal ba'i sras dag byang chub sems dpa' sems dpa' chen pos de bzhin gshegs pa skye ba 'byung ba 
bstan pa ni de lta bur shes par bya ste/ spyod pa yongs su bsgrub pa tshad med pas na/ tshad med par shes par bya'o/ /phyogs bcu thams cad rgyas par 'gengs pas na shin tu yangs par shes par bya'o/ /skye ba dang 'jig pa'i gnas dang bral 
bas na len pa med cing 'dor ba myed par shes par bya'o/ /sems dang yid dang rnam par shes pa dang bral bas na rgyu ba med cing rgyu ba dang bral bar shes par bya'o/ /nam mkha'i rang bzhin lta bu yin pas na/ lus med par shes par bya'o/ /sems 
can thams cad la bdag med pas na mnyam par shes par bya'o/ /sems can thams cad la zad mi shes pa'i zhing du gyur pas na mi zad par shes par bya'o/ /phyi ma'i mtha'i mur thug par rgyun mi 'chad pas na/ phyir mi ldog par shes par bya'o/ /de bzhin 
gshegs pa'i ye shes la gnyen po med pas na mi 'phrogs par shes par bya'o/ /'dus byas dang 'dus ma byas mnyam pa nyid du thugs su chud pas na/ mi gnyis par shes par bya'o/ /sngon yongs su smin par byas pa'i sems can gyi bsam pa'i khyad 
par yongs su rdzogs par mdzad pas na/ 'gro ba thams cad nye bar 'tsho bar shes par bya'o/ /kye rgyal ba'i sras dag de dag la stsogs pa rnam par byang ba rnam pa tha dad pa tshad med pa shin tu bstan pa'i sgos byang chub sems dpa' sems dpa' chen pos </font><hr>37-1-88a<br><font size=+1>
de bzhin gshegs pa 'byung zhing yang dag par 'grub pa bstan pa shes par bya'o/ /de nas byang chub sems dpa' sems dpa' chen po kun tu bzang pos don 'di nyid yang brtag par bya ba'i phyir/ de'i tshe tshigs su bcad pa 'di 
dag smras so/ /'jig rten kun las 'das shing stobs bcu mnga' gyur te/ /mi mnyam mnyam dang mnyam zhing bar snang mkha' mnyam pa'i/ /mgon po rnams kyi spyod yul mtshungs med mtha' yas nyon/ /de dag 'jig rten kun na yon tan 
mtshungs pa med/ /stobs bcu yon tan tshad med mnga' ba thams cad kyi/ /mthu la sems dang yid kyi tshul gyis mi bsam ste/ /skyes bu seng ge rnams ni 'jig rten thams cad kyis/ /sgo rnams re rer bskal pa bye bar mi dpogs so/ /
phyogs bcu kun nas zhing rnams ji snyed yod pa rnams/ /skyes bu la las bshig ste rdul phran bgrang nus kyang / /des ni stobs bcu mnga' ba'i spu gcig yon tan yang / /bskal pa khrag khrig brgyas kyang tshad gzung mi nus so/ /skyes bu la 
la nam mkha'i dbyings la 'jal byed cing / /de ltar la las rtsis 'go bzung ste bgrang byas kyang / /gzhal bar mi nus mtha' yang rnyed par mi rung ba/ /de bzhin bde gshegs rnams kyi spyod yul tshad kyang med/ /dus gsum sems can 
rnams kyi rigs rgyud ji snyed dang / /de dag dus gsum spyod pa sems can 'ga' zhig gis/ /sems kyi skad cig yud kyis shes kyang 'gro snyed kyi/ /bskal bas thams cad zil gnon rang bzhin shes mi nus/ /ji ltar chos kyi dbyings ni 
kun tu mtha' yas shing / /kun yin thams cad ma yin mi snang gzung du med/ /de bzhin stobs bcu mnga' ba'i spyod yul tshad med de/ /thams cad yin yang kun min chos dbyings rang bzhin yin/ /de bzhin nyid ni de bzhin nyid du mi rtog </font><hr>37-1-88b<br><font size=+1>
zhing / kun nas 'byung ba med cing nam yang nub pa med/ /de bzhin 'jig rten kun 'das de dag spyod yul te/ /de bzhin nyid dang tshul mtshungs 'phel dang 'grib pa spangs/ /yang dag mtha' ni mtha' med mtha' la gnas pa ste/ /dus 
gsum kun dang rnam pa kun tu rnam par bral/ /de bzhin mgon po phan mdzad kun gyi spyod yul te/ /dus gsum rgyas mdzad rnam pa kun tu chags mi mnga'/ /rang bzhin byas pa med pas rnam par 'gyur ba med/ /rang bzhin mkha' 'dra dri 
med nyon mongs med pa ste/ /de bzhin rgyal ba rnams kyi rang bzhin kun tu dag /rang bzhin 'gyur dang bral zhing yod dang med pa min/ /sgra dang tshig las rnam grol dbyangs rnams thams cad med/ /'gro dang 'od bral rnam rtog med pas 
mya ngan 'das/ /de bzhin stobs bcu mnga' ba'i spyod yul rang bzhin med/ /tshig gi rang bzhin kun gyis brjod par mi nus so/ /de ltar chos kun rang bzhin zhi ba mkhyen gyur pas/ /ji ltar nam mkha'i rlung dang bya rjes 'dra ba ste/ /sngon 
chad smon lam mdzad pa gzugs kyi skur yang snang / /stobs bcu mnga' ba rnams kyi cho 'phrul ci 'dra ltos/ /rgyal ba'i spyod yul 'di la 'jug par su 'dod pa/ /des ni nam mkha' 'dra ba bsam pa yongs su sbyongs/ /rtog dang rnam 
par rtog dang 'du shes 'dzin spangs te/ /nam mkha' lta bu'i yid kyis de la 'jug par gyis/ /de bas bde gshegs sras rnams mgon po'i spyod yul rnams/ /bdag gis dpe tsam chung shas bshad kyis mnyan par gyis/ /stobs 
bcu mnga' ba'i yon tan mthar phyin mi nus kyang / /shas tsam shes par bya ba'i don du chung zad brjod/ /de dag sku yi phrin las ji ltar 'byung ba dang / /mgon po rnams kyi gsung dang thugs kyi spyod yul dang / /stobs bcu rnams kyi yul dang </font><hr>37-1-89a<br><font size=+1>
'khor lo bskor ba dang / /mya ngan 'da' dang dge rtsa thams cad bshad kyis nyon/ /'jig rten 'di dag ma lus skye zhing 'byung ba'i tshe/ /de la rgyu yi rnam grangs gcig ces bgrang med kyi/ /rgyu dang tshul gyi rnam pa khrag 
khrig brgya mang gis/ /'jig rten stong gsum kun nas gnas pa'i grangs su 'gro/ /de bzhin skyes bu'i mchog rnams skye bar 'gyur ba'i tshe/ de dag yon tan 'di snyed yin zhes bgrang ba med/ rdul dang rdul phran bgrang nus sems can kun bsam 
nus/ /stobs bcu mnga' ba rnams kyi 'byung ba rnams la min/ /ji ltar sprin dang dus kyi char la brten byas shing / /char chen 'bebs byed rlung rnams bzhi po de bzhin te/ dge rtsa kun dang byang chub sems dpa'i mthus/ /'jig rten stong gsum 
kun nas gnas pa'i grangs su 'gro/ /de bzhin stobs bcu rnams kyi chos sprin rgyur byas shing / /bsam pa rnam dag byed pa'i ye shes rlung ldang ste/ /sngon gyi dge ba rkyen skyes rigs par yongs bsngos pas/ /stobs bcu mgon po rnams ni 
'byung zhing skye bar 'gyur/ /steng gi mkha'i dbyings las sprin chen char brugs pa/ /stong gsum stong chen 'jig rten kun nas 'jig 'gyur tshe/ /mkha' dbyings rgya chen dag pa'i rlung langs ma gtogs par/ /sa phyogs gzhan gyis bzod 
cing gzung bar mi nus so/ /de bzhin stobs bcu mnga' ba 'byung bar 'gyur ba'i tshe/ /phyogs bcu kun gyi chos dbyings yongs su rgyas bkang zhing / /chos tshul char chen 'bab par gyur la lhag pa'i sems/ /rnam par dag pa ma gtogs 
gzhan gyis 'dzin mi nus/ /nam mkha'i dbyings las sprin chen char pa 'bab gyur pa/ /de la 'gro dang 'ong ba nam yang yod pa min/ /de la byed pa med de tshor ba po yang med/ /de dag chos nyid thob 'byung rnam pa gzhan gyis min/ /de bzhin </font><hr>37-1-89b<br><font size=+1>
stobs bcu mnga' ba'i chos sprin char 'bab pa/ /de dag 'pho dang 'ong ba yod pa ma yin yang / /byang chub sems dpa'i mthu dang legs par spyad pa'i rgyus/ /byang chub sems dpa'i chos kyi rang bzhin sprin kyang 'byung / /sprin gyi char bkye char thigs 
yongs su bgrang nus pa'i/ /sems can de 'dra khams gsum 'di na yod pa min/ /stong gsum dbang po'i dbang phyug de ni ma gtogs te/ /dbang bsgyur de ni sngon gyi smon lam 'bras bus bgrang / /de bzhin bde gshegs char chen 'bab pa ma 
lus par/ /sems can kun gyis bgrang bas gzhal bar sla ba min/ /'jig rten kun na 'gro ba'i mchog gyur dbang phyug rnams/ /de dag sprin chen char chen rin chen lag bkod lta/ /rab tu zhi byed zhi byed 'byung ba 'byung bar byed/ /gzhan 
yang yongs su gcod pa de ni yongs su gcod/ /sgrub pa de bzhin gzhan te de ni rin chen sgrub/ /rnam par 'byed pa stong gsum thams cad rnam par 'byed/ /stobs bcu mnga' ba'i zhing sprin nyon mongs kun zhir byed/ /'byung ba dge 
stong brgya 'grangs kun nas 'byung bar byed/ /yongs su gcod pa lta ba'i rnam pa yongs gcod de/ /rgyal ba'i rin chen sgrub cing bsam pa rnam par 'byed/ /bar snang mkha' las char 'bab ji ltar ro gcig kyang / /gnas kyi khyad kyis yongs 
su 'gyur ba sna tshogs mang / /'on kyang chu la rtog med rnam par rtog pa med/ /tha dad rnam pa 'grangs pa de dag chos nyid tshul/ /de bzhin chos kyang gcig min tha dad ma yin te/ /ro gcig zhi zhing rtog med rnam par rtog med de/ /'on kyang 
sangs rgyas chos 'grangs mu med 'byung bar 'gyur/ /de ni rdul bral rnams kyi chos nyid tshul yin no/ /ji ltar thog mar gzugs khams gzhal med khang pa 'byung / /de nas 'dod khams gzhal med khang rnams rnam par 'god/ /de nas sa steng </font><hr>37-1-90a<br><font size=+1>
mi yi gnas rnams rnam bkod de/ /de nas klu dang dri za 'gro ba kun gyi gnas/ /de bzhin stobs bcu mnga' ba de dag 'byung ba'i tshe/ /thog mar byang chub sems dpa'i spyod pa mu med 'byung / /de nas zhi dga' rang rgyal 
theg la gnas pa rnams/ /de nas dbang du gyur pa'i de nas 'gro kun gyi/ /ji ltar pad mo sangs rgyas skye ba'i ltas gyur pas/ /sngon chad sangs rgyas mthong ba'i lha rnams dgar 'gyur zhing / /chu las brten cing 'od gsal gzhal med khang yang 
'byung / /rlung las 'jig rten ris ris cha char 'god pa byed/ /sangs rgyas sngon gyi dge ba'i 'od gsal ltas yin te/ /des ni sangs rgyas rgyal sras kun gyi thugs chud 'gyur/ /ye shes yongs dag dkyil 'khor mkha' ltar rnam dag pa'i/ /
stobs bcu tha dad ji snyed sangs rgyas chos 'byung mkhyen/ /rlung ni chu phung ma lus kun gyi gnas yin te/ /de phyir sa steng gnas rnams 'jig par mi 'gyur ro/ /sa yang shing dang gel pa sman gyi gnas yin te/ /mkha' la gnas su bya ba 
gang yang med pa yin/ /mgon po rnams kyang shes rab ye shes gzhi la bzhugs/ /ye shes thugs rje byams pa thabs kyis yongs su bzung / /rgyal ba'i chos rnams ji snyed de dag thabs su 'dus/ /rdul med shes rab de ni gnas med 
lus kyang med/ /'jig rten byung nas tshad med mang po kun kyang 'tsho/ /sa la gnas dang chu la gnas pa thams cad dang / /nam mkha'i lha rdzas gzhal med khang la gnas pa dang / /rkang gnyis rkang bzhi sems can thams cad nye bar 
'tsho/ /de bzhin skyes mchog dbang po chos kyi rgyal skyes pa/ /'gro ba ma lus thams cad nye bar 'tsho ba yin/ /mthong zhing thos par gyur dang mchod pas de bzhin te/ nyon mongs bstsal bas sems can thams cad nye bar 'tsho/ /'byung ba </font><hr>37-1-90b<br><font size=+1>
mthar thug med pas 'jig rten mgo rmongs 'gyur/ /'on kyang 'gro la phan don sems can shes bya'i phyir/ /mi mkhas 'gro ba bstan phyir ye shes bstan don du/ /rgyal ba rnams kyi don rab dpe med dpes brjod do// //sangs 
rgyas rmad gcad ces bya ba shin tu rgyas pa chen po'i mdo/ /bam po dgu pa/ /de skad ces smras pa dang / byang chub sems dpa' sems dpa' chen po de bzhin gshegs pa'i rigs su byung ba'i dpal gyis/ /byang chub sems dpa' sems 
dpa' chen po kun tu bzang po la 'di skad ces smras so/ /kye rgyal ba'i sras byang chub sems dpa' sems dpa' chen pos de bzhin gshegs pa dgra bcom pa yang dag par rdzogs pa'i sangs rgyas rnams kyi sku bltar yod pa ji lta bur khong du chud par bya/ 
de skad ces smras pa dang / byang chub sems dpa' sems dpa' chen po kun tu bzang pos/ /byang chub sems dpa' sems dpa' chen po de bzhin gshegs pa'i rigs su byung ba'i dpal la 'di skad ces smras so/ /kye rgyal ba'i sras de bzhin 
gshegs pa'i sku bltar yod pa ni byang chub sems dpa' sems dpa' chen pos tshad med pa'i rjes su 'gro bas khong du chud par bya'o/ /kye rgyal ba'i sras de ci'i phyir zhe na/ da ni de bzhin gshegs pa'i sku bltar yod pa ni byang chub sems dpa' chos 
gcig gam/ rnam pa gcig gam/ sku gcig gam/ zhing gcig gam/ sems can gcig gis khong du chud par bya ba ma yin te/ kye rgyal ba'i sras/ de bzhin gshegs pa'i sku bltar yod pa ni thams cad du rjes su 
song bar byang chub sems dpas khong du chud par bya'o/ /kye rgyal ba'i sras 'di lta ste dper na/ nam mkha'i dbyings ni thams cad kyi rjes su song ba ste/ 'dod pa dang gzugs yod pa dang / gzugs med pa'i gnas thams cad du khyab pa yin </font><hr>37-1-91a<br><font size=+1>
yang / gang du 'ang song ba med cing rjes su song ba med par shes par bya'o/ /de ci'i phyir zhe na/ de ni nam mkha' la gzugs med pa'i phyir ro/ /kye rgyal ba'i sras de bzhin du de bzhin gshegs pa'i sku yang thams cad kyi rjes su song 
ba ste/ sems can thams cad dang / chos thams cad dang / zhing thams cad kun tu khyab par shes par bya'o/ /'on kyang gar yang gshegs pa med cing rjes su bzhud pa med de/ de ci'i phyir zhe na/ de ni de bzhin gshegs pa'i sku la lus 
med pa'i phyir te/ sems can gyi rnam par dmigs pa yod pa'i phyir skur bstan pa yang yod do/ /kye rgyal ba'i sras byang chub sems dpa' sems dpa' chen pos khong du chud par bya ba'i sgo dang po 'dis de bzhin gshegs pa'i sku bltar yod par 
shes par bya'o/ /kye rgyal ba'i sras gzhan yang 'di lta ste dper na/ nam mkha' la gzugs med de/ yangs shing rgya che ba'i phyir sems can thams cad kyi bya ba snang zhing yod par 'gyur te/ nam mkha' la rtog pa med do/ /spros pa med do/ /kye rgyal ba'i 
sras de bzhin du de bzhin gshegs pa'i sku ye shes kyi 'od snang ba la brten cing / sems can thams cad kyi dge ba'i rtsa ba las 'jig rten pa dang / 'jig rten las 'das pa rnams yod cing snang bar gyur kyang / de bzhin gshegs pa'i sku la 
rnam par rtog pa mi mnga' ste/ spros pa mi mnga' 'o/ de ci'i phyir zhe na/ /de bzhin gshegs pa'i sku ni thog ma nas spros pa thams cad yang dag par chad pa'i phyir ro/ /kye rgyal ba'i sras byang chub sems dpa' sems dpa' chen pos khong 
du chud par bya ba'i sgo gnyis pa 'dis kyang / de bzhin gshegs pa'i sku bltar yod par shes par bya'o/ /kye rgyal ba'i sras gzhan yang 'di lta ste dper na/ 'dzam bu'i gling du nyi ma shar ba ni 'od kyis tshad med par khyab pas/ sems can rnams tshad </font><hr>37-1-91b<br><font size=+1>
med pa rnam pas nye bar 'tsho ste/ 'di ltar ri la bab cing rtswa dang nags tshal skye bar byed pas kyang nye bar 'tsho ba yin/ mun pa'i mun nag yongs su sel cing snang bar byed pas kyang nye bar 'tsho ba yin/ sa la bab cing 'dam rdzab yongs su skom pas 
kyang nye bar 'tsho ba yin/ lo thog la bab cing yongs su smin par byed pas kyang nye bar 'tsho ba yin/ nags tshal dang gel pa dang sman la bab cing skye ba dang rnam par 'phel bar byed pas kyang nye bar 'tsho ba yin/ /nam mkha' la bab pas kyang bar 
snang la spyod pa'i sems can rnams nye bar 'tsho ba yin/ pad mo'i nags tshal la bab kyang kha 'bye zhing rgyas par byed pas nye bar 'tsho ba yin/ grong dang grong khyer dang / ljongs dang pho brang 'khor dang / rgyal bo'i gnas la bab kyang gzugs 
sna tshogs gsal bar ston pas nye bar 'tsho ba yin/ chu la bab kyang chu la gnas pa'i sems can yongs su longs spyod pas nye bar 'tsho ba yin/ las kyi rnam pa sna tshogs la bab kyang dgos pa brtsams pa yongs su grub par byed pas nye bar 'tsho 
ba yin/ de ci'i phyir zhe na/ de ni nyi ma'i dkyil 'khor gyis 'od zer tshad med pa bkye ba'i phyir ro/ /kye rgyal ba'i sras de bzhin du de bzhin gshegs pa'i sku bltar yod pa'i nyi ma yang rnam pa tshad med pas/ sems can thams cad nye bar 'tsho 
ba yin te/ 'di ltar dge ba'i las yongs su bskyed cing sdig pa'i las rnam par zlog pas kyang nye bar 'tsho ba yin/ shes rab kyi 'od snang bar mdzad cing gti mug gi mun pa rnam par sel bas kyang nye bar 'tsho ba yin/'gro ba thams cad 
yongs su skyob cing byams pa chen po dang ldan pas kyang nye bar 'tsho ba yin/ 'gro ba thams cad yongs su 'grel cing thugs rje chen po dang ldan pas kyang nye bar 'tsho ba yin/ dbang po dang stobs dang / byang chub kyi yan lag 'phel bar mdzad cing /</font><hr>37-1-92a<br><font size=+1>
chos kyi lo thog la bab pas kyang nye bar 'tsho ba yin/ sems can gyi rnyog pa yongs su sel bas dad pa bskyed pas kyang nye bar 'tsho ba yin/ rgyu dang 'bras bu rnam par chud mi za bas mthong ba don yod pas kyang / 
nye bar 'tsho ba yin/ skye ba dang 'pho ba yang dag par ston cing / gzugs snang bar mdzad pas kyang nye bar 'tsho ba yin/ dge ba'i rtsa ba rnam par chud mi gzon cing khong khro ba mi mnga' bas kyang nye bar 'tsho ba yin/ slob ma'i yon tan pad mo'i 
kha phye zhing rgyas par mdzad de/ sems can rnams la ye shes kyi 'od zer tshad med pa rab tu gtong bas kyang nye bar 'tsho ba yin/ spyad pa brtsams pa yongs su grub par mdzad cing / byang chub sems dpa'i spro ba bskyed pas kyang nye bar 'tsho 
ba yin/ de ci'i phyir zhe na/ de bzhin gshegs pa'i sku'i nyi ma ni ye shes kyi 'od zer dkyil 'khor tshad med pa dang ldan pa'i phyir ro/ /kye rgyal ba'i sras byang chub sems dpa' sems dpa' chen pos khong du chud par bya ba'i sgo gsum 
pa 'dis kyang / de bzhin gshegs pa'i sku bltar yod par shes par bya'o/ /kye rgyal ba'i sras gzhan yang 'di lta ste dper na/ nyi ma'i dkyil 'khor de nyid 'dzam bu'i gling du 'char ba'i tshe/ thog ma nyid du ri'i rgyal po chen po 'di lta ste/ ri rab 
ri'i rgyal po la snang bar 'gyur ro/ /de'i 'og tu de ma yin pa'i ri chen po gzhan la snang bar 'gyur ro/ /de'i 'og tu ri nag po dag la'ang snang bar 'gyur ro/ /de'i 'og tu sa phyogs mthon po rnams su snang bar 'gyur ro/ /de'i 'og tu 'dzam 
bu'i gling 'di'i phyogs dma' ba dag kyang snang bar byed de/ 'on kyang nyi ma'i dkyil 'khor la 'dir ni thog ma nyid du 'od zer dgye'o zhe 'am/ 'dir ni thog mar snang bar bya'o/ /zhes bya ba'i rnam par rtog pa med de/ spros pa med kyang </font><hr>37-1-92b<br><font size=+1>
nyi ma'i dkyil 'khor 'od mnyam du gtong zhing 'char ba ni med pa ma yin te/ sa mthon dman gyi khyad par gyis mtho mtho la sngar 'char ro/ /kye rgyal ba'i sras de bzhin du de bzhin gshegs pa dgra bcom pa yang dag par rdzogs pa'i sangs rgyas rnams 
kyi ye shes kyi sku nyi ma'i dkyil 'khor yang chos kyi dbyings mtha' dang dbus myed pa'i rigs su 'char bar gyur pa'i tshe/ rtag tu rgyun mi 'chad par thogs pa med pa'i ye shes kyi 'od zer snang ba 'gyed de/ de yongs su bkye ba'i tshe yang thog ma 
nyid du lhag pa'i bsam pa ri'i rgyal po chen po lta bu dang ldan pa'i skyes bu dam pa rnams la/ chos kyi snang ba chen po yang dag par ston pa'i tshul du 'char bar 'gyur ro/ de'i 'og tu nyan thos dang / rang sangs rgyas kyi theg par zhugs pa rnams la 'char 
bar 'gyur ro/ /de'i 'og tu dge ba'i rtsa ba nges pa dang ldan pa'i sems can rnams la bsam pa'i snod ji lta ba bzhin du ye shes kyi snang ba chen po yang dag par bstan pa'i tshul gyis 'char bar 'gyur ro/ /de'i 'og tu chung ngu na log par nges pa'i sems 
can yan chad/ sems can thams cad la'ang de bzhin gshegs pa'i ye shes kyi 'od zer chen po 'char bar 'gyur ro/ /de ltar shar nas kyang sems can rnams la shin tu phan par 'gyur te/ ma 'ongs pa'i rgyu yang yongs su smin par 
mdzad cing / dge ba'i chos kyis rnam par 'phel bar mdzad kyang / de bzhin gshegs pa'i ye shes kyi sku nyi ma'i 'od zer de dag ni sems can 'di rnams la/ bdag cag gis thog ma nyid du theg pa chen pos snang bar byas te/ de'i 'og tu bsam pa 
'bring dang ldan pa rnams la/ nyan thos dang / rang sangs rgyas kyi theg pas rnam par dag par bya ba'i phyir snang bar bya'o/ /de'i 'og tu sems can dge ba'i bsam pa can mos pa'i theg pa dang ldan pa rnams la bsam pa ji lta ba bzhin du yongs su smin par </font><hr>37-1-93a<br><font size=+1>
bya ba'i tshul gyis snang bar bya'o/ /de'i 'og tu chung ngu na sems can log par nges pa yan chad/ sems can thams cad kyi bsam pa yongs su sbyang bar bya'o/ /lta ba bsrang bar bya'o zhes rnam par rtog pa mi mnga'/ 
spros pa mi mnga' ste/ 'on kyang 'od zer mnyam par 'gyed pas/ 'od zer gyi mnyam pa nyid kun tu bsgribs pa med par sems can thams cad la rab tu snang bar 'gyur te/ de ni de bzhin gshegs pa'i ye shes kyi sku nyi ma'i dkyil 'khor la rnam par rtog pa mi 
mnga' ba'i phyir ro/ /de yang 'di lta ste dper na/ nyi ma'i dkyil 'khor rnam par rtog pa med cing / 'od zer mnyam pa nyid du 'char yang ri chen po rnams la rnam pa tha dad du snang bar 'gyur ro/ /de bzhin du de bzhin gshegs pa'i ye shes kyi sku nyi ma'i 
dkyil 'khor rnam par rtog pa mi mnga' zhing / 'od zer mnyam pa nyid du 'char yang sems can rnams kyi dge ba'i rtsa ba rnam pa tha dad pa dang / bsam pa'i rnam pa tha dad pas/ de bzhin gshegs pa'i 'od zer rnam pa tha dad pa yang snang zhing yod do/ /
kye rgyal ba'i sras byang chub sems dpa' sems dpa' chen pos khong du chud par bya ba'i sgo bzhi pa 'dis kyang / de bzhin gshegs pa'i sku bltar yod par shes par bya'o/ /kye rgyal ba'i sras gzhan yang 'di lta ste dper na/ nyi ma'i dkyil 'khor de nyid 
shar kyang sems can dmus long rnams kyi mig lam du snang bar mi 'gyur te/ de ni mig dang mi ldan pa'i phyir ro/ /kye rgyal ba'i sras de ltar nyi ma'i dkyil 'khor de sems can dmus long rnams mig dang mi ldan pa'i phyir mig lam du mi snang du zin gyis 
kyang / sems can dmus long rnams la yang nyi mar gdags pa dang / kha zas 'ju ba dang / bde bar spyod pa dang / lus kyi grang ba bstsal pa dang / lus yang ba dang / myig nad dang / lus la gnas pa'i nad rlung ngam/ mkhris pa'am/ bad kan las </font><hr>37-1-93b<br><font size=+1>
byung ba de dag thams cad sel bar byed pa'i sgor mi phan pa ma yin te phan 'dogs so/ /kye rgyal ba'i sras de bzhin du de bzhin gshegs pa'i ye shes kyi sku nyi ma'i dkyil 'khor yang sems can lhag pa'i bsam pa'i mig mdongs par gyur pa mos pa log pa/ lta 
ba log pa/ sbyor ba log pa/ 'tsho ba log pa/ dmus long lta bur gyur pa'i mig lam du snang bar mi 'gyur te/ de ni dad pa'i mig dang mi ldan pa'i phyir ro/ /kye rgyal ba'i sras de ltar de bzhin gshegs pa'i ye shes kyi sku nyi ma'i dkyil 'khor sems 
can dmus long lta bur gyur pa/ /dad pa'i mig dang mi ldan pa de dag gi mig lam du snang bar ma gyur tu zin kyang / sems can rnam pa de lta bu dag la de bzhin gshegs pa'i mthus/ /sems can de dag gi lus la/ /mi bde ba rtse zil bar 'gyur ba dang / 
ma 'ongs pa'i nyon mongs pa'i rgyu'i lhag pa sel pa'i sgor de bzhin gshegs pa'i ye shes kyi sku nyi ma'i dkyil 'khor phan par mi 'gyur ba ma yin te/ phan 'dogs so/ /kye rgyal ba'i sras de bzhin gshegs pa la yon tan rin po che thams cad yang dag par 
bsags pa zhes bya ba'i 'od zer dang thams cad mkhyen pa'i ye shes kyi snang ba dang ldan pa zhes bya ba'i 'od zer dang / rnam par dag pas rnam par rol pa'i ye shes kyi snang ba dang ldan pa zhes bya ba'i 'od zer dang dbyangs chen pos ye shes rnam par dgod 
pa'i don snang ba dang ldan pa zhes bya ba'i 'od zer dang / spyod pa thams cad kyis shin tu tshim par byed pa'i ye shes snang ba dang ldan pa zhes bya ba'i 'od zer dang / sems can thams cad kyi the tsom thams cad yongs su gcod pa'i yul la 
rnam par rol pa zhes bya ba'i 'od zer dang / mi gnas pa'i ye shes rnam par 'phrul pa'i snang ba dang ldan pa zhes bya ba'i 'od zer dang / spros pa thams cad yang dag par gcod pa'i yul la ye shes kyi rnam par rol pa zhes bya ba'i 'od zer dang / theg pa tha dad </font><hr>37-1-94a<br><font size=+1>
pa'i snod la dbyangs rab tu bsgrags pa zhes bya ba'i 'od zer dang / zhing gi rgyun du sems can yongs su smin par mdzad cing / skye ba rnam par sbyong bas rnam par rol ba'i dkyil 'khor gyi dbyangs shes bya ba'i 'od zer mnga' ste/ /
kye rgyal ba'i sras 'od zer de dag la stsogs pa/ de bzhin gshegs pa'i mdzod spu'i gseb kyi sgo gcig nas kyang 'od zer stong tshang bar 'byung ste/ lnga brgya ni 'og gi phyogs su gtogs so/ /lnga brgya ni steng gi phyogs su gtogs so/ /'od zer de dag 
mthong bar gyur na/ byang chub sems dpa'i sangs rgyas kyi zhing gzhan dang gzhan na 'khod pa rnams kyi de bzhin gshegs pa mtshan tha dad pa rnams rab tu shes par 'gyur te/ byang chub sems dpa' de dag thams cad kyang de bzhin gshegs pa'i yul 
la mgo yongs su dag pa bcu rab tu 'thob par 'gyur ro/ /de bzhin gshegs pa'i yul la mig yongs su dag pa bcu dang / rna ba yongs su dag pa bcu dang / sna yongs su dag pa bcu dang / lce yongs su dag pa bcu dang / lus yongs su dag pa 
bcu dang / lag pa yongs su dag pa bcu dang / rkang pa yongs su dag pa bcu dang / sa yongs su dag pa bcu dang / ye shes 'byam klas pa yongs su dag pa bcu rab tu 'thob par 'gyur te/ de dag gi skye mched byang chub sems dpa'i sar grub pa de dag 
gis 'od zer de dag mthong zhing shes par gyur nas kyang de dag gi skye mched de dag de bas kyang rnam par dag par 'gyur te/ /de dag gi dge ba'i rtsa ba thams cad kyang thams cad mkhyen pa nyid du yongs su smin par 'gyur ro/ /nyan thos kyi theg pa pa dang / rang sangs rgyas 
kyi theg pa pa rnams la yang / phyogs gcig gi sar dri ma thams cad yongs su byang ba'i rgyur 'gyur ro/ /sems can dmus long lta bu rnams kyis kyang lus kyi bde ba rab tu 'thob cing yongs su rdzogs pa dang / skyon med pa dang / rnam par dag pa </font><hr>37-1-94b<br><font size=+1>
dang / shin tu dul ba rab tu 'grub par 'gyur te/ /de nas gong du yang rnam par bsgom pa'i ye shes rab tu 'grub pa'i rgyur 'gyur ro/ /sems can dmyal ba pa dang / byol song gi skye gnas pa dang / gshin rje'i 'jig rten pa'i sems can rnams dang / 
log par ltung ba'i sems can rnams la'ang lus kyi bde ba nye bar 'grub pa'i rgyur 'gyur te/ lus kyi bde ba de dang ldan par gyur nas kyang / log par ltung ba de dag nas shi 'pho zhing 'gro la bar 'gyur ro/ /log par ltung ba'i ngan song de dag nas shi 'phos nas 
kyang lha dang mir skye ste/ kye rgyal ba'i sras sems can de dag gis ni khong ta bdag cag rgyu gang dang rkyen gang dang su'i mthus der skyes par gyur pa yang mi shes khong du mi chud do/ /'di lta ste dper na sems can dmus long du gyur pa de dag 'di snyam du sems te/ 
bdag cag ni tshangs pas byas pa ste/ tshangs pas sprul pa'o zhes bya ba'i lta ba'i rnam pa dang ldan yang / de bzhin gshegs pa'i ting nge 'dzin gyi dkyil 'khor kun tu rnam par 'phrul pa la bzhugs shing sangs rgyas kyi gsung stong phrag drug cu dang ldan pas 
sems can de dag la bka' stsal te/ grogs po dag 'di ni tshangs pa'i zhing ma yin/ 'jig rten gyi mgon po'i zhing ma yin te/ 'di ni sangs rgyas kyi zhing ngo / /khyod ni de bzhin gshegs pas yongs su smin par byas pa'o/ /zhes bka' 
stsal na/ sems can de dag kyang de bzhin gshegs pa'i byin gyi rlabs kyis dran par gyur nas/ de dag de ma thag tu dga' rangs shing yid bde bas rab tu dga' ba dang / bde ba'i nyams kyi yid spro ba dang / ldan par gyur nas me tog gi 
sprin dang / spos kyi sprin dang / rol mo'i sprin dang / nab bza'i sprin dang / gdugs kyi sprin dang / rgyal mtshan gyi sprin dang / ba dan gyi sprin dang / rin po che'i sprin dang / seng ge'i rgyal mtshan dang / zla ba kham pa'i khang pa brtsegs pa'i sprin </font><hr>37-1-95a<br><font size=+1>
dang / bstod pa'i sprin dang / rgyan sna tshogs shin tu bsgrubs pa'i sprin rgya chen pos de bzhin gshegs pa la rim gro byed do/ /bkur sti byed do/ /bsti stang byed do/ /mchod pa byed do/ /de ci'i phyir zhe na/ de ni de dag gis lha'i 
mig rnam par dag par byas pa'i phyir te/ sems can de dag la'ang bla na med pa yang dag par rdzogs pa'i byang chub tu de bzhin gshegs pa lung ston to/ /kye rgyal ba'i sras de ltar de bzhin gshegs pa'i ye shes kyi sku nyi ma'i dkyil 'khor ni/ sems 
can dmus long du gyur pa rnams la yang dge ba'i rtsa ba yongs su smin par mdzad pas phan 'dogs pa yin no/ /kye rgyal ba'i sras byang chub sems dpa' sems dpa' chen pos khong du chud par bya ba'i sgo lnga pa 'dis kyang / de bzhin gshegs 
pa'i sku bltar yod par shes par bya'o/ /kye rgyal ba'i sras gzhan yang 'di lta ste dper na/ zla ba'i dkyil 'khor 'char bar 'gyur ba'i tshe/ rmad du byung ba'i chos bzhi snga phyi med par byed de/ bzhi gang zhe na 'di lta ste/ 
skar ma thams cad zil gyis gnon to/ /'phel ba dang 'grib pa yang yongs su ston to/ /'dzam bu'i gling thams cad kyi chu dang ba'i snod kun tu yang gzugs brnyan rab tu snang ngo / /sems can kun gyis bltas na yang mngon sum du gnas par snang 
ste/ de la rnam par rtog pa med do/ /spros pa med do/ /kye rgyal ba'i sras de bzhin du de bzhin gshegs pa'i sku zla ba'i dkyil 'khor kyang rmad du byung ba'i chos bzhi snga phyi med par ston to/ /bzhi gang zhe na 'di lta ste/ slob pa dang mi slob pa thams cad dang / 
rang sangs rgyas thams cad kyi yon tan rnam pa thams cad du zil gyis gnon to/ /ji lta bur mos pa'i sems can rnams kyi lta ba rnam pa tha dad pa'i tshul du sku tshe'i tshad rnam pa tha dad pa yang yang dag par ston te/ de bzhin gshegs pa'i sku zla ba'i </font><hr>37-1-95b<br><font size=+1>
dkyil 'khor la 'phel ba dang / 'grib pa mi mnga' 'o/ /'jig rten gyi khams thams cad du lhag pa'i bsam pa dang / sems yongs su dag cing mos pa yongs su bsgoms pa'i stobs dang shugs su ldan pa'i sems can byang chub kyi snod rnams la 
yang gzugs brnyan rab tu 'byung ngo / /sems can kun gyis bltas kyang bdag bdag la mngon du gzigs par 'dzin te/ bsam pa ji lta ba bzhin du chos nyan/ theg pa gang gis 'dul ba'i sa ji bzhin du rnam par grol bar 'gyur te/ sems can ji 
lta bur 'dul ba bzhin du snang ba'i tshul gyis/ /de bzhin gshegs pa'i sku yang rab tu ston te/ /de bzhin gshegs pa'i sku zla ba'i dkyil 'khor de la rnam par rtog pa mi mnga' spros pa mi mnga' 'o/ /rnam par rtog pa mi mnga' zhing spros pa mi mnga'as 
kyang / phrin las de dag la rab tu spyod do/ /kye rgyal ba'i sras byang chub sems dpa' sems dpa' chen pos khong du chud par bya ba'i sgo drug pa 'dis kyang / de bzhin gshegs pa'i sku bltar yod par shes par bya'o/ /kye rgyal ba'i sras gzhan yang 
'di lta ste dper na/ stong gsum gyi stong chen po'i bdag po tshangs pa chen po ni las gron chung ngus stong gsum gyi stong chen po'i 'jig rten gyi khams thams cad du lus yongs su ston to/ /'on kyang lus yongs su 'byed pa med do/ /lus tha dad 
par byed pa med do/ /stong gsum gyi stong chen por gtogs pa'i sems can rnams kyis kyang bsam pa mnyam pa nyid ji lta bu dang ldan pa'i tshul bzhin du lus mnyam pa nyid du mthong ngo / /kye rgyal ba'i sras de bzhin du de bzhin gshegs pa yang sku yongs su 'byed pa 
mi mdzad/ sku tha dad par mdzad pa yang mi mnga' bar 'jig rten gyi khams thams cad du gtogs pa'i sems can rnams la yang bsam pa dang mos pa ji lta ba bzhin du sku yongs su ston te/ de bzhin gshegs pa'i sku la rnam par rtog pa mi mnga'/</font><hr>37-1-96a<br><font size=+1>
spros pa mi mnga' 'o/ /kye rgyal ba'i sras byang chub sems dpa' sems dpa' chen pos khong du chud par bya ba'i sgo bdun pa 'dis kyang de bzhin gshegs pa'i sku bltar yod par shes par bya'o/ /kye rgyal ba'i sras gzhan yang 
'di lta ste dper na/ sman pa'i rgyal po chen po sman gyi yo byad dang / cho ga la shin tu mkhas pa gtsug lag dang / sngags thams cad kyi tshul shes pa zhig yod la/ 'dzam bu'i gling gi sman thams cad de'i dbang du gyur te/ sman pa'i rgyal po 
chen po de'i sngon gyi dge ba'i rtsa ba'i stobs kyi shugs dang / sngags dang rig sngags kyi mthu dang / thabs kyis mthong ma thag tu sems can rnams kyi nad yongs su 'tsho bar 'gyur zhing nad med par 'gyur ba zhig yod de/ de nas sman pa'i rgyal po de 
'chi ba'i dus la bab par gyur nas/ de 'di snyam du sems par gyur te/ kye hud sems can 'di dag bdag shi ba dang / mgon med par 'gyur gyis/ bdag gi thabs mkhas pa'i stobs kyis/ sman thams cad yongs su bsdus te/ 
bdag gi lus la bsku'o/ /sngags dang rig sngags kyi stobs dang byin gyi rlabs kyis kyang bdag gi lus byin gyis brlabs te/ ci nas kyang bdag shi nas lus mi 'jig pa dang / mi skam pa dang / mi nyams shing 'gro ba dang 'ong ba dang / 
'dug pas kyang spyod pa dang / nad thams cad sos par bya ba'i phyir sman pa'i las su bya ba thams cad kyang spyod cing / blta ba dang mnyan pa'i don spyod pas kyang sngon ji lta ba bzhin du/ phyi nas kyang gnas par bya'o/ /snyam du sems pa zhig yod na/ 
kye rgyal ba'i sras de bzhin du de bzhin gshegs pa dgra bcom pa yang dag par rdzogs pa'i sangs rgyas sman pa'i rgyal po chen po bla na med pa nyon mongs pa'i nad thams cad rab tu zhi bar mdzad pa la mkhas pa/ bskal pa bye ba khrag khrig brgya stong mang por kun </font><hr>37-1-96b<br><font size=+1>
mkhyen pa'i rtsi la brtson 'grus shin tu mdzad pa/ shes rab kyi pha rol tu phyin pa'i thabs mkhas pa dang / sngags dang rig sngags la shin tu bslabs pa/ stobs dang mi bsnyengs pa dang / sangs rgyas kyi chos ma 'dres pa la rab tu mkhas pa/ 
sems can thams cad yongs su smin par bya ba dang / gdul ba'i tshul mkhyen pa/ de bzhin gshegs pa thams cad kyi mnga' chen po brnyes pa des kyang / sngon byang chub sems dpa'i spyod pa la zhugs shing / bsod nams dang ye shes kyi tshogs 
dang/ shes rab kyi pha rol tu phyin pa'i thabs mkhas pa'i sngags dang / rig sngags dang sman gyi mthus phyi ma'i mtha'i mur thug pa'i bskal par 'gro ba thams cad kyi nyon mongs pa'i nad gso ba'i phyir sku tshe'i tshad byin gyis brlabs pas/ de'i 
sku yongs su dag pa'i phyir mthong ma thag tu ched du mi mdzad cing / lhun gyis grub par sems can rnams kyi nyon mongs pa'i nad thams cad rab tu zhi bar 'gyur te/ sangs rgyas kyi phrin las thams cad kyang rgyun mi 'chad par 'byung ngo / /kye rgyal 
ba'i sras byang chub sems dpa' sems dpa' chen pos khong du chud par bya ba'i sgo brgyad pa 'dis kyang / de bzhin gshegs pa'i sku bltar yod par shes par bya'o/ /kye rgyal ba'i sras gzhan yang 'di lta ste dper na/ rgya mtsho chen po'i nang na nor bu 
rin po che chen po 'od thams cad 'dus pas rnam par snang ba'i snying po zhes bya ba yod de/ kye rgyal ba'i sras nor bu rin po che chen po de'i 'od kyis sems can gang la bab pa de dag thams cad kyang 'di lta ste/ nor bu rin po che'i 'od thams cad 'dus pas 
rnam par snang ba'i snying po'i kha dog tu kha dog gcig par 'gyur ro/ /gang gis nor bu rin po che de mthong bar gyur pa de dag gi mig kyang yongs su dag par 'gyur ro/ /nor bu rin po che de'i 'od kyi dkyil 'khor gyis ji tsam du khyab par gyur pa de tsam du 'od kyi dkyil </font><hr>37-1-97a<br><font size=+1>
'khor de las sems can bde bar byed pa zhes pa'i nor bu rin po che'i char 'bab par 'gyur te/ des sems can de dag kyang rab tu bde bar 'gyur la sdug bsngal yang rgyun chad par 'gyur ro/ /kye rgyal ba'i sras ltos dang / nor bu 
rin po che de chos ci la yang mi rtog na 'on kyang don chen po rab tu sgrub bo/ /kye rgyal ba'i sras de bzhin du de bzhin gshegs pa la yang sku rin po che chen po bsod nams thams cad yongs su bsdus pas/ ye shes chen po'i snying po dang ldan pa mnga' ste/ de bzhin 
gshegs pa'i sku rin po che'i ye shes kyi 'od zer de dag gis sems can ji snyed la reg par gyur pa de dag thams cad kyang 'di lta ste/ de bzhin gshegs pa'i sku'i kha dog tu kha dog gcig par 'gyur ro/ /sems can gang gis de bzhin gshegs pa'i sku mthong bar 
gyur pa de dag gi chos kyi mig kyang rnam par dag par 'gyur ro/ /de bzhin gshegs pa'i sku rin po che'i 'od zer gyi dra ba'i dkyil 'khor gyis/ sems can ji snyed la reg pa de dag thams cad kyang dbul ba dang yongs su bral bar 'gyurate/ byang 
chub kyi sgo'i bar gyi de bzhin gshegs pa'i bde ba'ang rab tu 'thob par 'gyur ro/ /kye rgyal ba'i sras ltos dang / de bzhin gshegs pa'i sku chos gang la yang rtog pa mi mnga' ste/ spros pa mi mnga' yang 'gro ba thams cad kyi don yongs su 'thob 
par mdzad do/ /kye rgyal ba'i sras byang chub sems dpa' sems dpa' chen pos khong du chud par bya ba'i sgo dgu pa 'dis kyang / de bzhin gshegs pa'i sku bltar yod par shes par bya'o/ /kye rgyal ba'i sras gzhan yang 'di lta ste dper na/ rgya mtsho 
chen po'i nang na rin po che'i rgyal po chen po yid bzhin gyi nor bu 'gro ba thams cad kyi rgyan gyi snying po zhes bya ba yod de/ rin po che'i rgyal po de ni yon tan brgya stong phrag bcu dang ldan pa ste/ nor bu rin po che'i rgyal po de gang na 'dug pa de 'khor gyi sems can kun </font><hr>37-1-97b<br><font size=+1>
gyi nad dang sdug bsngal gyi gtse ba thams cad med par 'gyur ro/ /sems can ji snyed cig nor bu rin po che'i rgyal po de la 'dod pas sems pa de dag thams cad kyi bsam pa yongs su rdzogs par byed de/ rin po che'i rgyal po chen po de ni bsod nams ma byas 
pa'i sems can rnams kyi mig lam du snang bar 'gyur ba ma yin no/ /kye rgyal ba'i sras de la nor bu rin po che'i rgyal po chen po zhes bya ba de ni de bzhin gshegs pa'i sku sems can thams cad shin tu tshim par mdzad pa'i tshig bla dgas te/ gang na de bzhin 
gshegs pa'i sku bltar yod cing mtshan mnyan du yod la yon tan dang legs pa yongs su brjod du yod pa/ de phyogs kyi sems can kun gyi 'khor ba la gnas pa'i sdug bsngal dang / mi bde ba thams cad med par 'gyur ro/ /kye rgyal ba'i sras de bzhin 
gshegs pa'i sku rin po che de ni ji ste/ sems can 'jig rten gyi khams thams cad du gtogs pa kun gyis snga phyi med par sems rtse gcig tu yid la bya ba ma 'khrugs pas/ de bzhin gshegs pa'i sku blta ba'i phyir dmigs pa byas na de dag thams 
cad kyis so so nas de bzhin gshegs pa'i sku'ang mthong bar 'gyur la/ thams cad kyi chos kyi bsam pa yang yongs su rdzogs par 'gyur ro/ /de bzhin gshegs pa'i sku de yang sems can 'dul ba'i dbang du de bzhin gshegs pa'i byin gyi rlabs 
kyis bstan pa ma gtogs par sems can bsod nams ma byas pa rnams kyi mig lam du snang bar mi 'gyur te/ sems can su la yang rung ste/ dge ba'i rtsa ba de bzhin gshegs pa'i sku bstan pas yongs su smin par bya ba zhig yod na/ de dag yongs 
su smin par bya ba'i don du de bzhin gshegs pa'i sku rin po che ston to/ /kye rgyal ba'i sras byang chub sems dpa' sems dpa' chen po sems tshad med pa'i rjes su song zhing phyogs kyi dra ba thams cad rgyas par 'gengs pa/ nam mkha' lta bur chags </font><hr>37-1-98a<br><font size=+1>
pa med pa'i spyod yul dang ldan pa/ chos kyi dbyings mnyam pa nyid khong du chud pa yang dag pa'i mtha' mnyam pa nyid la gnas pa/ de bzhin nyid la gnas pa/ de bzhin nyid ma skyes ma 'gags pa dang dus gsum mnyam pa nyid kyi rjes su 
song ba rtog pa dang / rnam par rtog pa dang / yongs su rtog pa thams cad dang bral ba/ phyi ma'i mtha'i mur thug pa'i lhag pa'i bsam pa la zhugs pa/ 'jig rten gyi khams dang / chos kyi dbyings ma lus pa thams cad du khyab pa/ de bzhin 
gshegs pa thams cad dang / sku'i rgyan gcig tu gyur pas khong du chud par bya ba'i sgo 'dis kyang / de bzhin gshegs pa dgra bcom pa yang dag par rdzogs pa'i sangs rgyas kyi sku bltar yod par shes par bya'o/ /de nas byang chub sems dpa' sems 
dpa' chen po kun tu bzang pos/ /don 'di nyid yang brtag par bya ba'i phyir de'i tshe tshigs su bcad pa 'di dag smras so/ /ji ltar mkha' dbyings kun tu mu med dbyings yin te/ /gzugs dang gzugs med de bzhin dngos dang dngos med kun/ /
phyogs dang phyogs mtshams kun dang sems can lus dang zhing / /dus gsum ma lus mkha' dbyings nges khyab po/ /de bzhin gshegs sku kun nas bltar yod de bzhin te/ /'jig rten khams dang chos dbyings ma khyab gang yang med/ /rnam 
pa kun tu bltar med gzung med rgyal ba'i sku/ /'dul ba'i don yod mgon po'i sku ni bltar med min/ /ji ltar mkha' dbyings 'di ni gzung med dbyings yin pas/ /'gro ba kun gyi las kyi rnam pa ma lus gnas/ /'on kyang bdag gis 
gang du ji ltar su yi don/ /ci dang ci zhig bya zhes mkha' dbyings rtog pa med/ /de bzhin skyes mchog sku yi phrin las brten byas te/ /phyogs bcu kun na dkar po'i chos rnams ci yod pa/ /sna tshogs mi rnams byed kyang sangs rgyas sku la ni/ /</font><hr>37-1-98b<br><font size=+1>
'di yi don zhig bya zhes yongs su rtog mi mnga'/ /ji ltar 'dzam bu'i gling du nyi ma 'char 'gyur tshe/ /mun pa ma lus sel cing rab tu snang ba byed/ /shing dang pad mo'i nags tshal sa rnams gar bab pa'i/ /sna tshogs gnas kyis sems can thams cad 
nye bar 'tsho/ /de bzhin rgyal ba'i nyi ma sems can kun 'tsho ste/ /lha mi 'jig rten rnams kyi 'dus byas dge rtsa la/ /mun pa'i thibs po bstsal cing shes rab snang 'gyur bas/ /mi yi dbang po mchog mthong bde ba thams cad 'thob/ /nyi ma'i 'od 
zer thog ma ri rab khor yug la/ /shar nas de yi 'og tu ri bo mang la 'char/ /de nas sa stengs 'di yi phyogs rnams mtho mtho la/ /de nas sa stengs dma' ba'i phyogs rnams snang bar byed/ /bde gshegs 'od zer thog mar rgyal sras lus la 
'char/ /de yi 'og tu rang rgyal theg la gnas par 'char/ /de nas dbang bsgyur de nas slob pa rnams la 'char/ /de nas ma lus 'gror 'char sangs rgyas rtog mi mnga'/ /mig dang mi ldan nyi ma kun tu snang mi mthong / /'on kyang nyi ma'i grangs 
kyis de dag nye bar 'tsho/ /bkres pa spong zhing lus la shin tu lham par byed/ /de ltar sems can thams cad nyi mas nye bar 'tsho/ /dad dang mi ldan sangs rgyas nyi ma mi mthong ste/ /'on kyang rgyal ba'i byin gyis de'ang nye bar 'tsho/ /rgyal ba'i mtshan 
thos bde gshegs 'od la reg gyur kyang / /de la byang chub go 'phang bar gyi rgyur 'gyur ro/ /zla ba shar ba skar ma thams cad zil gyis gnon/ /'gro ba rnams la 'phel dang 'grib pa yang du ston/ /chu mtsho kun la gzugs brnyan rab tu snang bar 
byed/ /gang rnams chu la lta ba de la mngon par snang / /rgyal ba'i zla ba shar ba nyan thos zil gyis gnon/ /'dul ba ji bzhin rang sku 'phel dang 'grib pa ston/ /lha dang mi yi sems la gzugs brnyan rab tu snang / /'gro ba kun gyis bdag </font><hr>37-1-99a<br><font size=+1>
bdag mdun na bzhugs par shes/ /tshangs pa ji ltar tshangs pa'i gnas nas ma g.yos kyang / stong gsum tshangs gnas kun tu rang gi lus kyang ston/ /lha dang mi rnams rang gi lus kyi dbang du byed/ /tshangs pa rang gis 
lus kyang tha dad byed pa min/ /de bzhin chos rnams kun la mnga' 'gyur sten pa yang / /phyogs bcu kun tu sku gzugs ston mdzad de/ /dpe zla med pa rnams kyi sku la dbye ba med/ /mi rnams kun kyang so so ston pa mngon gyur shes/ ji ltar 
gtsug lag kun la mkhas pa'i sman pa zhig /gang gis mthong par gyur pa de dag nad 'jib/ /gang tshe tshe zad 'chi 'gyur de tshe sman bsdus shing / /rang gi lus la bskus te spyod pa thams cad ston/ /de ltar mi mchog dbang po mtshungs med 
sman pa'i rgyal/ /thabs dang shes rab ye shes kun la rab mkhas pa/ /sngon gyi spyod pa'i khyad kyis ston pa'i sku ston te/ mthong zhing 'gro ba'i nyon mongs ma lus nad kyang 'ji/ /ji ltar gang chen mtsho la rin chen 'byung yod pa/ /'od kyi rnam 
pa thams cad kun tu 'gyed byed de/ /sems can gang la reg pa de dag de tshul 'gyur/ /gang gis mthong gyur de dag mig kyang rnam par 'dag /rgyal ba rin chen de bzhin shes rab 'od 'gyed de/ /sems can sus reg de dag sangs rgyas kha 
dog 'gyur/ /gang gis rgyal ba mthong ba de dag mig lnga 'thob par 'gyur/ /mun pa rdul bstsal rgyal ba'i sa la gnas par 'gyur/ /ji ltar nor bu rin chen bsam pa kun ster ba/ /gang rnams ci 'dod de la de dag thams cad 'byin/ /de 
ni bsod nams gang gis byas pa des mthong ste/ /rin chen dam pa de la rnam rtog gang yang med/ /de bzhin bde gshegs sku mchog bsam pa kun skong pa/ /mthong nas smon lam su 'debs de dag bsam pa 'grub/ /snying ring dma' ba'i </font><hr>37-1-99b<br><font size=+1>
sems ldan 'gro bas thub mi mthong / /bde gshegs rnam rtog mi mnga' ser sna mi mnga' 'o// //sangs rgyas rmad gcad ces bya ba shin tu rgyas pa chen po'i mdo/ /bam po bcu ba/ /de skad ces smras pa dang /
byang chub sems dpa' sems dpa' chen po de bzhin gshegs pa'i rigs su byung ba'i dpal gyis/ byang chub sems dpa' sems dpa' chen po kun tu bzang po la 'di skad ces smras so/ /kye rgyal ba'i sras ji ltar byang chub sems dpa' 
sems dpa' chen pos/ de bzhin gshegs pa dgra bcom pa yang dag par rdzogs pa'i sangs rgyas rnams kyi gsung brjod pa khong du chud par bya/ de skad ces smras pa dang / byang chub sems dpa' sems dpa' chen po kun tu bzang pos/ 
byang chub sems dpa' sems dpa' chen po de bzhin gshegs pa'i rigs su byung ba'i dpal la 'di skad ces smras so/ /kye rgyal ba'i sras byang chub sems dpa' sems dpa' chen pos de bzhin gshegs pa dgra bcom pa yang dag par rdzogs 
pa'i sangs rgyas rnams kyi gsung brjod pa ni/ dbyangs kyi dkyil 'khor tshad med pas rgyas shing khyab par mdzad pa'i phyir kun tu khyab par shes par bya'o/ /chos ston pa mngon par bsgrub pa'i phyir sems can thams cad kyi bsam pa ji lta ba 
bzhin du tshim par mdzad par shes par bya'o/ /sems rab tu tshim par mdzad pa'i phyir 'khor gyi dkyil 'khor thams cad mos pa ji lta ba bzhin du dga' bar mdzad par shes par bya'o/ /dus las mi 'da' ba'i phyir dus la ji ltar bab pa 
bzhin du 'bral ba med par shes par bya'o/ /sgra brnyan dang 'dra ba'i phyir shin tu mi skye mi 'gag par shes par bya'o/ /las bstsags pa thams cad yongs su rdzogs pa'i phyir bdag po med par shes par bya'o/ /gting dpag dka' </font><hr>37-1-100a<br><font size=+1>
ba'i phyir shin tu zab par shes par bya'o/ /chos kyi dbyings la zhen pas cis kyang mi tshugs par shes par bya'o/ /chos nyid la yang dag par gzhol bas rgyun mi 'chad par shes par bya'o/ /shin tu gtan la phebs 
pa'i mthar thug pas skyor med par shes par bya ste/ de bzhin gshegs pa'i gsung brjod pa ni/ /bdag po yod pa yang ma yin/ bdag po med pa yang ma yin pa dang / rnam par dmigs pa yang ma yin/ rnam par mi dmigs pa yang ma yin par 
shes par bya'o/ /de ci'i phyir zhe na/ kye rgyal ba'i sras 'di lta ste dper na/ 'jig rten gyi khams 'jig par 'gyur ba'i tshe/ chos nyid thob pas sgra chen po'i dbyangs chen po bzhi 'byung bar 'gyur te/ de dag la bdag po med cing yongs su 
'dzin pa med do/ /bzhi gang zhe na/ kye rgyal ba'i sras 'jig rten gyi khams 'jig par 'gyur ba'i tshe/ sgra chen po'i dbyangs chen po thog ma rnam pa 'di lta bu 'byung ste/ kye ma grogs po dag bsam gtan dang po ni 'dod pa dang / gnod 
sems med pas shin tu bde ba ste/ 'dod pa'i khams las yang dag par 'da' ba'i rgyur 'gyur ro/ /sgra de thos nas sems can rnams bsam gtan dang po bsgrubs te/ 'dod pa'i khams las 'das nas tshangs pa'i 'jig rten du skye'o/ /de nas 
chos nyid thob pas sgra chen po'i dbyangs chen po gnyis pa 'byung ste/ kye ma grogs po dag bsam gtan gnyis pa 'di ni rnam par rtog pa med cing / rnam par dpyod pa med pas shin tu bde ba ste tshangs ris kyi lha las yang dag par 'da' ba'i rgyur 'gyur ro/ /
sgra de thos nas kyang sems can rnams bsam gtan gnyis pa bsgrubs te/ tshangs pa'i 'jig rten las 'das nas/ gya nom snang ba'i lha dang skal ba mnyam par skye'o/ /de nas chos nyid rab tu thob pas/ sgra chen po'i dbyangs chen po gsum pa </font><hr>37-1-100b<br><font size=+1>
'byung ste/ kye ma grogs po dag bsam gtan gsum pa 'di ni dga' ba med pas shin tu bde ba ste/ gya nom snang ba'i lha las yang dag par 'da' ba'i rgyur 'gyur ro/ /sgra de thos nas kyang sems can rnams bsam gtan gsum pa bsgrubs te/ 
gya nom snang ba'i lha las 'das nas dge rgyas kyi lha dang skal ba mnyam par skye'o/ /de nas chos nyid rab tu thob pas sgra chen po'i dbyangs chen po bzhi pa 'byung ste/ kye ma grogs po dag bsam gtan bzhi pa 'di ni shin tu zhi ba ste/ dge rgyas kyi lha 
las yang dag par 'da' ba'i rgyur 'gyur ro/ /sgra de thos nas kyang sems can rnams bsam gtan bzhi pa bsgrubs te/ dge rgyas kyi lha las 'das nas 'bras bu che ba'i lha dang skal ba mnyam par skye'o/ /kye rgyal ba'i sras de ltar 'jig rten 
gyi khams 'jig par 'gyur ba'i tshe/ chos nyid rab tu thob pas/ sgra chen po'i dbyangs chen po de bzhi 'byung bar 'gyur te/ de la bdag po'am/ rjod par byed pa gang yang med mod kyi/ de ltar tshad med pa'i yon tan dang ldan pa'i sgra rnams 
'byung bar 'gyur ro/ /kye rgyal ba'i sras de bzhin du de bzhin gshegs pa'i gsung la 'ang bdag po gang yang med de/ rjod par byed pa med do/ /'phro bar byed pa med do/ /len pa med do/ /gtong ba med do/ /'on kyang de bzhin gshegs pa'i 
chos nyid thob pas sgra chen po'i dbyangs chen po bzhi 'byung bar 'gyur te/ bzhi gang zhe na 'di lta ste/ de bzhin gshegs pa'i chos nyid thob pas sgra chen po gcig 'byung ba ni/ kye ma 'dus byas 'di dag sdug bsngal ba te/ sems can dmyal 
ba ni sdug bsngal lo/ /byol song gi skye gnas ni sdug bsngal lo/ /gshin rje'i 'jig rten ni sdug bsngal lo/ /bsod nams ma byas pa ni sdug bsngal lo/ /bdag gir 'dzin pa ni sdug bsngal ste/ sdig pa'i las spyod pa ni sdug bsngal </font><hr>37-1-101a<br><font size=+1>
gyis lha dang mir skye ba'i phyir dge ba'i rtsa ba skyed cig /'phags pa'i skye mched yongs su zungs shig /mi khom par skye ba yongs su spongs shig /sgra de thos nas kyang sems can rnams ma nor bar nan tan rab tu byed de/ 
de dag ma nor bar nan tan byed cing / dge ba yongs su spyod do/ /de dag dge ba spyod pa'i nan tan la zhugs pas mi khom par skye ba yongs su spong ste/ lha dang mir skye ba'i skye mched kyang rab tu 'dzin to/ /de nas de bzhin gshegs pa'i chos nyid rab tu 
thob pas/ sgra chen po'i dbyangs chen po gnyis pa 'byung ste/ kye ma 'dus byas 'di dag ni shin tu sdug bsngal ba ste/ 'bar ba kun nas 'bar ba rab tu 'bar ba/ lcags kyi gong bu dang 'dra ba mi rtag cing 'gyur ba'i chos can dag go /'dus 
ma byas ni zhi ba gdung ba med pa/ bsil pa yongs su gdung ba dang bral ba'o/ /sgra de thos nas kyang sems can rnams/ dge ba'i chos la mngon par brtson par byed de/ de ltar mngon par brtson pas nyan thos kyi theg pa la/ sgra'i rjes su 'gro ba'i 
bzod pa 'thob par 'gyur ro/ /de nas de bzhin gshegs pa'i chos nyid thob pas sgra chen po'i dbyangs chen po gsum pa 'byung ste/ kye ma nyan thos kyi theg pa 'di ni gzhan gyi sgra'i rjes su 'brang bas shin tu chung ba ste/ 'di bas mtho ba'i theg pa 'di lta ste/ 
rang gis mngon par 'tshang rgya bar bya ba/ slob dpon med pa/ rang sangs rgyas kyi theg pa yod do/ /sgra de thos nas kyang sems can mos pa che ba rnams rang sangs rgyas kyi theg pa la nan tan byed cing nyan thos kyi theg pa spangs nas/ rang sangs rgyas 
kyi byang chub tu 'jug go /de nas de bzhin gshegs pa'i chos nyid rab tu thob pas sgra chen po'i dbyangs chen po bzhi pa 'byung ste/ kye ma nyan thos dang rang sangs rgyas kyi theg pa las 'das pa'i+i theg pa chen po byang chub sems dpa'i spyod pa dang / mthun pa pha rol </font><hr>37-1-101b<br><font size=+1>
tu phyin pa drug dang / byang chub kyi spyod pa rgyun mi 'chad pa/ byang chub kyi sems yongs su mi gtong ba/ bsod nams dang ye shes kyi tshogs tshad med pas yongs su bzang ba yod de/ nyan thos kyi theg pa ni gzhan gyi sgra'i rjes su 'brang ba'o/ /rang 
sangs rgyas kyi theg pa ni shin tu chung ba'o/ /theg pa chen po ni theg pa'i dam pa/ theg pa'i gtso bo/ /theg pa'i mchog ste/ bla na med pa'i theg pa sems can thams cad nye bar 'tsho ba'i theg pa'o/ /sgra de thos nas kyang sems can de bas kyang yangs 
ba la mos pa/ dbang po rno ba/ sngon dge ba'i rtsa ba bskyed pa/ de bzhin gshegs pa'i byin gyi rlabs kyis byin du brlabs pa/ de dag snying thag pa nas de bzhin gshegs pa rang byung gi byang chub tu sems bskyed de/ de bzhin gshegs pa'i 
gsung de yang sku las 'byung ba ma yin/ /thugs las 'byung ba ma yin te/ sems can rnams kyi dge ba'i las shin tu bstsags pas khong du chud par 'gyur ba med pa'ang ma yin no/ /kye rgyal ba'i sras khong du chud par bya ba'i sgo dang po 'dis kyang / 
byang chub sems dpa' sems dpa' chen pos/ de bzhin gshegs pa'i gsung khong du chud par bya'o/ /kye rgyal ba'i sras gzhan yang 'di lta ste dper na/ ri dang gcong rong dang / brag gi sul dang mtshams nas/ sgra brnyan grags pa ni 'jig rten kun 
la'ang mtshungs par grag ste/ lus med cing bltar mi snang la/ gzhan gyi sgra'i rkyen la rten te/ sgra thams cad kyi tshul dang sgra brnyan de dag 'byung yang de la rnam par rtog pa med do/ /kye rgyal ba'i sras de bzhin du de bzhin gshegs pa'i gsung yul na mi gnas 
phyogs na mi gnas pa ste/ 'on kyang sems can gyi bsam pa dang mos pa la rten cing 'byung ba med pa yang ma yin te/ de ni sgra rnam par dmyigs pa myed cing brjod du med pa'o/ /kye rgyal ba'i sras khong du chud par bya ba'i sgo gnyis pa 'dis kyang / byang chub </font><hr>37-1-102a<br><font size=+1>
sems dpa' sems dpa' chen pos de bzhin gshegs pa'i gsung khong du chud par bya'o/ /kye rgyal ba'i sras gzhan yang 'di lta ste dper na/ lha rnams kyi chos kyi rnga chen po chos la yang dag par skul ba zhes bya ba steng gi /
bar snang las yang dag par sgrog ste/ nam lha rnams bag med par spyod par gyur pa de'i tshe/ chos kyi rnga chen po de 'di skad du kye grogs po dag 'dod pa'i bde ba 'di dag ni shin tu mi rtag cing / bslu la myur du 'jig cing byis pa 'drid pa ste/ byis pas bsnyen 
pa'o/ /byis pas bsngags pa'o/ /de bas na bag yod par gyis la bag med par ma byed cig /ngan song dag tu ltung bar gyur ta re zhes bya ba'i sgra sgrog go /kye rgyal ba'i sras de ltar sgra de thos nas/ bag med par spyod pa'i lha'i bu rnams kyang so so nas 
skyo bar gyur te/ rang rang gi gnas kyi 'dod pa'i dga' ba spangs nas/ lha'i rgyal bo'i gnas su 'dong ngo / /de dag der phyin nas kyang chos la dga' bas nyi ma stung zhing chos la spyod par 'gyur ro/ /kye rgyal ba'i sras ltos dang lha'i rnga de la 'byung ba'am /
'jig pa gang yang med la lha rnams la'ang don chen pa de lta bus shin tu phan 'dogs so/ /kye rgyal ba'i sras de bzhin du de bzhin gshegs pa'i gsung yang / sems can gyi khams ma lus par rgyas par mdzad de/ /sems can bag med par spyod pa rnams 
la yang dag par bskul ba'i phyir chos chen po'i sgra sgrog cing 'byung ngo / /'di lta ste yongs su gzung ba med pa'i sgra 'byung ngo / /bag yod pa'i sgra 'byung ngo / /mi rtag pa dang sdug bsngal ba dang / bdag med pa'i sgra 'byung ngo / /zhi ba mya ngan las 'das 
pa'i sgra 'byung ngo / /'jig rten gyi khams ma lus bar rgyas par bkang ste/ sems can bag med par spyod pa rnams mos par ji lta ba bzhin du rab tu dga' bar bya ba dang / theg pa ji lta ba bzhin du 'byung bar bya ba'i phyir yang dag par bskul ba mdzad </font><hr>37-1-102b<br><font size=+1>
cing/ rang byung gi ye shes tshad med pa dang / byang chub sems dpa'i spyod pa mi 'phrogs pa dang / de bzhin gshegs pa rnams kyi ye shes kyis thams cad du khyab cing lhun gyis grub pa yang rab tu rjod do/ /sgra de thos nas kyang sems can tshad med 
grangs med pa dge ba'i chos la shin tu brtson par 'gyur te/ la la ni nyan thos kyi theg pa la/ la la ni rang sangs rgyas kyi theg pa la/ la la ni bla na med pa'i theg pa chen po la/ mngon par 'jug kyang / de bzhin gshegs pa'i gsung de ni gang la'ang zhugs 
pa med de/ gang gis kyang tshig tu mi brjod do/ /kye rgyal ba'i sras khong du chud par bya ba'i sgo gsum pa 'dis kyang byang chub sems dpa' sems dpa' chen pos de bzhin gshegs pa'i gsung khong du chud par bya'o/ /kye rgyal ba'i sras gzhan yang 'di lta ste/ 
dper na/ lha'i rgyal po dbang bsgyur gyi lha'i bu mo bzang mo zhes bya ba'i kha'i dbugs gcig gis lha rdzas kyi rol mo'i sgra yan lag brgya phrag stong dang ldan pa'i nga ro 'byung ste/ sgra de 'byung ba na sgra rnam pa tha dad pa brgya phrag stong gi dbyangs su grag go /kye 
rgyal ba'i sras ltos dang / de ltar kha'i dbugs gcig pu las kyang / sgra'i dbyangs tshad med pa 'byung bar rung ngo / /kye rgyal ba'i sras de bzhin du de bzhin gshegs pa'i gsung gcig 'byung yang tshad med par khyab ste/ sems can gyi 
bsam pa ji lta ba bzhin du sems kyi rgyud la mos pa'i tshul dang 'dra bar tshad med pa'i sgra'i rnam par de bzhin gshegs pa'i gsung grag go /kye rgyal ba'i sras khong du chud par bya ba'i sgo bzhi pa 'dis kyang / de bzhin gshegs pa'i gsung khong du chud 
par bya'o/ /kye rgyal ba'i sras gzhan yang 'di lta ste dper na/ tshangs pa chen po ni tshangs pa'i 'jig rten na 'dug kyang 'dod na/ tshangs pa'i 'khor thams cad du changs pa'i dbyangs kyis go bar byed do/ /dbyangs de yang tshangs pa'i 'khor las </font><hr>37-1-103a<br><font size=+1>
gzhan du mi 'gro ste/ tshangs pa'i ris kyi lha'i bu thams cad kyang so so nas tshangs pa chen po ni/ bdag kho na'i don du tshangs pa'i sgra sgrog go snyam mo/ /kye rgyal ba'i sras de bzhin du de bzhin gshegs pa dgra bcom pa yang 
dag par rdzogs pa'i sangs rgyas kyang /sangs rgyas kyi gsung bla na med pa sgrog pa'i tshe/ 'khor gyi dkyil 'khor thams cad dbyangs kyis mngon par go bar mdzad de/ dbyangs de yang 'khor gyi dkyil 'khor las gud du mi 'gro'o/ /de ci'i 
phyir zhe na/ de la de bzhin gshegs pa ni dbyangs kyi ser sna mi mnga' ste/ sems can dbang po yongs su ma smin pa rnams la/ de bzhin gshegs pa'i dbyangs grag par mi 'gyur ro/ /'khor gyi dkyil 'khor du tshogs pa'i sems can thams 
cad kyang 'di snyam du sems te/ bdag kho na'i don du de bzhin gshegs pa chos ston to snyam mo/ /de bzhin gshegs pa ni gsung sgrog pa yang med/ phyir sdud pa yang med de/ phrin las de dag kyang yod cing snang ngo / /kye rgyal ba'i sras khong du 
chud par bya ba'i sgo lnga pa 'dis kyang / /de bzhin gshegs pa'i gsung khong du chud par bya'o/ /kye rgyal ba'i sras gzhan yang 'di lta ste dper na/ nam mkha'i dbyings las char gyi ro gcig pa 'bab kyang snod kyi rnam pa tha dad pas chu rnam pa tha dad 
par snang gi chu la rnam par rtog pa med do/ /kye rgyal ba'i sras de bzhin du de bzhin gshegs pa'i gsung yang 'di lta ste/ de bzhin gshegs pa'i rnam par grol bar/ ro gcig kyang sems can gyi bsam pa'i snod rnam pa tha dad pas/ de bzhin 
gshegs pa'i gsung rnam pa tha dad du snang ste/ de bzhin gshegs pa'i gsung la rnam par rtog pa med do/ /kye rgyal ba'i sras khong du chud par bya ba'i sgo drug pa 'dis kyang byang chub sems dpa' sems dpa' chen pos de bzhin gshegs pa'i </font><hr>37-1-103b<br><font size=+1>
gsung khong du chud par bya'o/ /kye rgyal ba'i sras gzhan yang 'di lta ste dper na/ klu'i rgyal po ma dros pa ni 'dzam bu'i gling thams cad sprin chen pos rgyas shing khyab par byas te/ 'di ltar lo thog skyed pa dang / rtswa dang gel pa dang / rtsi dang nags 
tshal sna tshogs rnam par spel ba dang / rnang dang lu ma dang mtsho dang mtshe'u dang rdzing bu yongs su dgang ba'i phyir char chen po 'bebs kyang / char de ni klu'i rgyal po ma dros pa'i lus las byung ba ma yin/ /sems las byung ba ma yin te/ sems can rnams 
la yang rnam pa tshad med pas nye bar 'tsho ba'i rgyur 'gyur ro/ /kye rgyal ba'i sras de bzhin du de bzhin gshegs pa dgra bcom pa yang dag par rdzogs pa'i sangs rgyas kyang / 'jig rten gyi khams ma lus pa thams cad thugs rje chen po'i sprin gyis 
rgyas par bkang ste/ sems can thams cad kyi bsam pa yongs su tshim par bya ba dang / dge ba'i rtsa ba thams cad shin tu bskyed pa dang / theg pa thams cad yongs su rdzogs par bya ba'i phyir chos kyi sprin chen po'i char bdud rtsi'i ro dang ldan pa 
'bebs te/ de bzhin gshegs pa'i gsung de yang nang nas byung ba ma yin/ phyi rol nas byung ba yang ma yin mod kyi/ de ltar tshad med pa'i sems can rnams kyang nye bar 'tsho ba'i rgyur 'gyur ro/ /kye rgyal ba'i 
sras khong du chud par bya ba'i sgo bdun pa 'dis kyang / de bzhin gshegs pa'i gsung khong du chud par bya'o/ /kye rgyal ba'i sras gzhan yang 'di lta ste dper na/ klu'i rgyal po yid du 'ong ba ni nam char chen po dbab par 
'dod pa de'i tshe nam mkha' thams cad sprin gyi dra bas yog par byed de/ zhag bdun du sprin chen po kun nas sdud do/ /sems can gyi las kyi mtha' rnams yongs su ma zin gyi bar du char gyi rgyun kyang kun tu gtong bar mi byed/ /de ci'i phyir </font><hr>37-1-104a<br><font size=+1>
zhe na/ kye rgyal ba'i sras klu'i rgyal po chen po yid du 'ong ba ni mi 'tshe ba'i ngang tshul dang ldan pa ste/ zhag bdun 'das nas char gyi rgyun shin tu phra bas sa thams cad yongs su ngoms par byed do/ /kye rgyal ba'i sras de bzhin du de 
bzhin gshegs pa dgra bcom pa yang dag par rdzogs pa'i sangs rgyas chos kyi rgyal po chen po yang / thugs rje chen po'i sprin bsdus te/ nam chos kyi char chen po dbab par dgyes pa de'i tshe/ shes rab dang thabs mkhas pas sems can yongs 
su smin par mdzad do/ /sems can rnams kyi dbang po yongs su mi smin gyi bar du ni/ bdud rtsi'i char sngar 'bebs par mi mdzad de nam sems can rnams yongs su smin par gyur pa de'i tshe/ gzod chos kyi char chen po bdud rtsi'i ro dang ldan pa 'bebs 
so/ phra zhing zab la mkhas pas shes par bya ba'i chos rjod cing sems can rnams 'jig par ma gyur bar rim gyis thams cad mkhyen pa nyid kyi chos kyi ro bla na med pas yongs su ngoms par mdzad do/ /kye rgyal ba'i sras khong du chud par bya 
ba'i sgo brgyad pa 'dis kyang / de bzhin gshegs pa'i gsung khong du chud par bya'o/ /kye rgyal ba'i sras 'di lta ste dper na/ rgya mtsho chen po'i nang na lag gis 'gro ba'i bdag po rgyan chen po zhes bya ba yod de/ de 'dod na rgya mtsho chen po'i 
nang du rgyan gcig dang ldan pa'i char rab tu 'bebs so/ /de 'dod na rgyan bcu dang ldan pa'i char rab tu 'bebs so/ /de 'dod na rgyan brgya dang ldan pa'i char rab tu 'bebs so/ /de 'dod na rgyan stong dang ldan pa'i char rab tu 'bebs so/ /de 'dod 
na rgyan brgya phrag stong dang ldan pa'i char rab tu 'bebs kyang / kye rgyal ba'i sras char pa de dag la rnam par rtog pa gang yang med de/ 'on kyang klu'i rgyal po de'i khyu mchog gi mthu phyung ba/ bsam gyis mi khyab pa rnam par phye ba'i byin gyis rnam par dgod </font><hr>37-1-104b<br><font size=+1>
pa'i rgyan brgya phrag stong dang ldan pa'i char 'bab pa yod cing snang ngo / /kye rgyal ba'i sras de bzhin du de bzhin gshegs pa dgra bcom pa yang dag par rdzogs pa'i sangs rgyas kyang / nam chos kyi char chen po dbab par dgyes pa de'i tshe bzhed na/ chos gcig 
rnam par dgod pa'i rgyan gyis kyang chos ston to/ /bzhed na chos bcu rnam par dgod pa'i rgyan dang / bzhed na chos nyi shu rnam par dgod pa'i rgyan dang / bzhed na chos brgya rnam par dgod pa'i rgyan dang / bzhed na chos stong rnam par dgod pa'i rgyan dang / 
bzhed na chos brgya phrag stong rnam par dgod pa'i rgyan dang / bzhed na sems can gyi spyod pa stong phrag brgyad cu rtsa bzhi la/ gsung rnam pa tha dad pa stong phrag brgyad cu rtsa bzhi rnam par dgod pa'i rgyan gyis chos ston pa nas/ gsung gi rnam pa bye ba khrag khrig brgya stong 
tshad med pa'i bar du rnam par dgod pa'i rgyan gyis chos ston te/ sems can tshad med pa yang yongs su tshim par mdzad kyang / de bzhin gshegs pa'i chos kyi sprin chen po'i gsung la rnam par rtog pa gang yang mi mnga' 'o/ /'on kyang so sor ci rigs su 
sems can rnams kyi dbang po yongs su tshim par bya ba'i phyir/ 'di lta ste de bzhin gshegs pa'i chos kyi dbyings kyi dkyil 'khor shin tu dag pa'i phyir/ de ltar gsung gi rnam pa tshad med pa 'byung bar 'gyur ro/ /kye rgyal ba'i sras khong du chud par bya ba'i 
sgo dgu pa 'dis kyang de bzhin gshegs pa'i gsung khong du chud par bya'o/ /kye rgyal ba'i sras gzhan yang 'di lta ste dper na/ klu'i rgyal po gang chen mtsho ni/ nam klu'i rgyal po chen po'i rnam par rtse bas/ rnam par rtse bar 'dod cing sems can rnams 
kyang bde ba dang / yongs su tshim par bya bar 'dod par gyur pa de'i tshe/ gling chen po bzhi pa'i 'jig rten gyi khams kyi sa'i steng nye bar bzung ba yan cad/ lha'i rgyal po dbang bsgyur gyi gnas kyi bar du sprin gyi dra ba kha dog sna tshogs can kha dog du ma dang ldan pas </font><hr>37-1-105a<br><font size=+1>
yongs su khebs par byed do/ /sprin gyi dra ba'i rgyan de dag la yang kha dog rnam pa tha dad pa'i gzugs rnam par bye ba 'di lta bu dag snang zhing yod de/ /'di ltar la la ni 'dzam bu chu klung gi gser gyi kha dog tu snang ngo / /la la ni be+eDUR+ya 
bzang po'i kha dog tu snang ngo / /la la ni dngul gyi kha dog tu snang ngo / /la la ni shel gyi kha dog tu snang ngo / /la la ni mu sa ra gal pa'i kha dog tu snang ngo / /la la ni a sma gar b+ha'i kha dog tu snang ngo / /la la ni dpal gyi snying po'i kha dog tu snang ngo / /la la ni mu 
tig dmar po'i kha dog tu snang ngo / /la la ni spos sna tshogs kyi kha dog tu snang ngo / /la la ni gos dkar po dri ma med pa'i kha dog tu snang ngo / /la la ni kha dog gcig tu snang ngo / /la la ni kha dog rnam pa tha dad pa sna tshogs su snang ngo / /rnam pa de lta bu'i 
sprin gyi dra bas gling bzhi pa kun nas khebs par byas nas/ rnam pa sna tshogs kyi glog 'gyed de/ 'di ltar sprin gser gyi kha dog tu 'dug pa las/ glog gi phreng ba baiDUR+ya'i kha dog lta bu 'gyed do/ /sprin baiDUR+ya bzang po'i kha dog tu 'dug pa las glog gi 
phreng ba gser gyi kha dog lta bu 'gyed do/ /sprin dngul gyi kha dog tu 'dug pa las/ glog gi phreng ba mu sa ra gal pa'i kha dog lta bu 'gyed do/ /sprin mu sa ra gal pa'i kha dog tu 'dug pa las/ glog gi phreng ba dngul gyi kha dog lta bu 'gyed do/ /sprin a sma 
gar b+ha'i kha dog tu 'dug pa las/ glog gi phreng ba mu tig dmar po'i kha dog lta bu 'gyed do/ /sprin mu tig dmar po'i kha dog tu 'dug pa las/ glog gi phreng ba asma gar b+ha'i kha dog lta bu 'gyed do/ /sprin a sma gar b+ha'i kha dog tu 'dug pa las/ glog 
gi phreng ba dpal gyi snying po'i kha dog lta bu 'gyed do/ /sprin dpal gyi snying po'i kha dog tu 'dug pa las/ glog gi phreng ba spos rnam pa tha dad pa'i kha dog lta bu 'gyed do/ /sprin spos rnam pa tha dad pa'i kha dog lta bur 'dug pa las/ glog gi phreng ba shel gyi kha dog </font><hr>37-1-105b<br><font size=+1>
lta bu 'gyed do/ /sprin shel gyi kha dog lta bur 'dug pa las/ glog gi phreng ba rin po che sna tshogs cho ma cho dgu'i kha dog lta bu 'gyed do/ /sprin rnam pa sna tshogs rnam pa tha dad pa'i kha dog tu 'dug pa las/ glog gi phreng ba kha dog gcig tu snang ba 'gyed do/ /sprin kha 
dog gcig tu 'dug pa las/ glog gi phreng ba sna tshogs rnam pa tha dad pa'i kha dog dang ldan pa 'gyed do/ /rnam pa ji lta bur mos pa'i tshul bzhin du sems can dga' bar bya ba'i phyir 'brug gi sgra dbyangs rnam pa du ma'i nga ro 'byin to/ /la lar ni lha'i rnga'i 
sgra dbyangs kyi nga ro 'byin to/ /la lar ni lha'i bu mo'i glu dang rol mo'i sgra dbyangs kyi nga ro 'byin to/ /la lar ni rol mo brdung ba dang dkrol ba'i sgra dbyangs kyi nga ro 'byin to/ /la lar ni klu'i bu mo'i glu'i sgra dbyangs sna tshogs kyi nga ro 'byin to/ /
la lar ni dri za'i bu mo'i glu'i sgra dbyangs dang nga ro 'byin to/ /la lar ni mi 'am ci'i bu mo'i sgra dbyangs kyi nga ro 'byin to/ /la lar ni sa grum pa'i sgra dbyangs kyi nga ro 'byin to/ /la lar ni rgya mtsho 'brug gi sgra zab mo'i sgra dbyangs kyi nga ro 'byin to/ /
la lar ni seng ge'i rgyal po'i sgra'i gdangs kyi sgra dbyangs dang nga ro 'byin to/ /la lar ni bya btsun pa'i skad kyi sgra dbyangs kyi nga ro 'byin to/ /la lar ni rnam pa sna tshogs tha dad pa'i glu'i sgra dbyangs kyi nga ro 'byin to/ /de lta bu'i sprin gyi dra ba chen po 
bsdus te/ glog gi phreng ba bkye nas 'brug gi sgra dbyangs dang nga ro rnam pa de la bu dag kyang phyung ste/ dga' ba dang spro ba chen po bskyed pa zhes bya ba'i klu'i rlung chen po 'gyed do/ /rlung chen po de dag langs pas kyang sems can rnams kyi lus sim 
par 'gyur te/ dga' ba dang spro ba yang rab tu skye'o/ /de nas sems can rnams kyi bsod nams dang / mos pa'i khyad par gyi tshul ji lta ba bzhin du las kyi rnam pa sna tshogs su tha dad du gyur ba'i char chen po 'bebs te/ lha'i rgyal po dbang </font><hr>37-1-106a<br><font size=+1>
bsgyur gyi gnas nye bar bzung ba man cad sa'i steng na yod pa'i gnas kyi bar du char pa rnam pa tha dad pa 'bebs te/'di ltar rgya mtsho chen por ni tha mi dad pa zhes bya ba'i char sprin chen po'i char 'bebs so/ /dbang bsgyur gyi lha 
rnams la ni shin tu snyan cing mnyan par 'os pa zhes bya ba'i sgra snyan pa'i glu dang rol mo'i char chen po 'bebs so/ /'phrul dga'i lha rnams la ni snang ba rab tu gtong ba zhes bya ba'i nor bu rin po che'i char chen po 'bebs so/ /dga' ldan gyi lha rnams la ni/ 
gtsug phud 'phyang ba zhes bya ba'i rgyan gyi char chen po 'bebs so/ /mtshe ma'i lha rnams la ni rgyan sna tshogs shes bya ba me tog gi char chen po 'bebs so/ /sum cu rtsa gsum gyi lha rnams la ni spos yid du 'ong ba zhes bya ba'i lha rdzas kyi spos kyi char chen po 'bebs 
so/ /rgyal po chen po bzhi'i ris kyi lha rnams la ni dga' bar byed pa zhes bya ba lha rdzas kyi gos kyi char chen po 'bebs so/ /klu'i rgyal po chen po'i gnas su ni 'od shin tu 'phags pa zhes bya ba mu tig dmar po'i char chen po 'bebs so/ /lha ma yin gyi 
gnas su ni dgra pha rol shin tu 'jom pa zhes bya ba gzhu dang mtshon cha'i char chen po 'bebs so/ /byang gi sgra mi snyan du ni me tog shin tu rgyas pa zhes bya ba'i me tog sna tshogs kyi char chen po 'bebs so/ /gzhung de bzhin du gling chen po bzhi pa'i 'jig rten 
gyi khams thams cad kyi gnas sna tshogs su rnam pa tha dad pa'i char sna tshogs rab tu 'bebs so/ /kye rgyal ba'i sras klu'i rgyal po gang chen mtsho la ser sna cung zad kyang med de/ 'on kyang sems can rnams kyi dge ba'i rtsa ba dang / bsod nams kyi 
tshogs rnam pa sna tshogs tha dad pa'i khyad par gyis char rnam pa tha dad pa'ang snang zhing yod par gyur to/ /kye rgyal ba'i sras de bzhin du de bzhin gshegs pa dgra bcom pa yang dag par rdzogs pa'i sangs rgyas bla na med pa'i chos kyi rgyal po chen po yang rtag tu </font><hr>37-1-106b<br><font size=+1>
rgyun mi 'chad par chos kyi rnam par rol pas rnam par rol pa'i tshe/ chos kyi dbyings ma lus pa thams cad chos kyi sku'i sprin gyis rgyas par bkang zhing / sems can ji ltar mos pa'i tshul bzhin du sku'i sprin yang dag par ston te/ 'di ltar sems can la la la 
ni skye ba 'byung ba'i sku'i sprin yongs su ston to/ /sems can la la la ni sprul pa'i sku'i sprin yongs su ston to/ /sems can la la la ni byin gyi rlabs kyi sku'i sprin yongs su ston te/ sems can la la la ni gzugs kyi sku'i sprin yongs su ston to/ /
sems can la la la ni sku sna tshogs mngon par bsgrubs pa'i sprin yongs su ston to/ /sems can la la la ni bsod nams kyi sku'i sprin yongs su ston to/ /sems can la la la ni ye shes kyi sku'i sprin yongs su ston to/ /sems can la la la ni stobs 
la thub pa med pa'i sku'i sprin yongs su ston to/ /sems can la la la ni mi bsnyengs pa zil gyis mi non pa'i sku'i sprin yongs su ston to/ /sems can la la la ni chos kyi dbyings lus pa med pa'i sku'i sprin yongs su ston te/ kye rgyal ba'i sras de ltar de 
bzhin gshegs pa dgra bcom pa yang dag par rdzogs pa'i sangs rgyas ni 'jig rten gyi khams ma lus pa thams cad chos kyi sku'i sprin gyis bkang zhing / sems can rnams kyi sems dang / bsam pa dang mos pa ji lta ba'i tshul bzhin du de dag la 
'od zer gyi glog gi 'phreng ba 'gyed de/ 'di ltar sems can la la la ni 'od zer gyi glog gi phreng ba kun tu khyab pa zhes bya ba 'gyed do/ /sems can la la la ni 'od zer gyi glog gi phreng ba sangs rgyas kyi gsang ba la 'jug pa zhes bya ba 'gyed do/ /
sems can la la la ni 'od zer gyi glog gi phreng ba spogs pa snang ba zhes bya ba 'gyed do/ /sems can la la la ni 'od zer gyi glog gi phreng ba snang bar byed pa zhes bya ba 'gyed do/ /sems can la la la ni 'od zer gyi glog gi phreng ba gzungs kyi sgo mi zad pa la 'jug </font><hr>37-1-107a<br><font size=+1>
pa zhes bya ba 'gyed do/ /sems can la la la ni 'od zer gyi glog gi phreng ba dran pa mi 'khrugs pa zhes bya ba 'gyed do/ /sems can la la la ni 'od zer gyi glog gi phreng ba blo gros mi 'phrogs pa zhes bya ba 'gyed do/ /sems 
can la la la ni 'od zer gyi glog gi phreng ba rig pa'i rjes su 'jug pa zhes bya ba 'gyed do/ /sems can la la la ni 'od zer gyi glog gi phreng ba bsam pa thams cad shin tu tshim par byed pa zhes bya ba 'gyed de/ kye rgyal ba'i sras de ltar de bzhin gshegs pa 
dgra bcom pa yang dag par rdzogs pa'i sangs rgyas kyis rnam pa de lta bu'i 'od zer gyi dra ba'i glog tshad med pa de dag rab tu bkye nas/ ting nge 'dzin chen po'i 'brug gi sgra dbyangs rnam pa 'di lta bu dag rab tu sgrog ste/ 'di ltar sems can la la la ni 
blo shin tu rnam par sangs rgyas pa zhes bya ba'i ting nge 'dzin gyi 'brug gi sgra dbyangs sgrog go /sems can la la la ni shin tu sbyangs pas dri ma med pa'i phyag rgya zhes bya ba'i ting nge 'dzin gyi 'brug gi sgra dbyangs sgrog go /sems can la la la ni chos 
thams cad la dbang bsgyur ba zhes bya ba'i ting nge 'dzin gyi 'brug gi sgra dbyangs sgrog go /sems can la la la ni rdo rje'i dkyil 'khor zhes bya ba'i ting nge 'dzin gyi 'brug gi sgra dbyangs sgrog go /sems can la la la ni ri rab rgyal mtshan zhes bya ba'i ting nge 'dzin 
gyi 'brug gi sgra dbyangs sgrog go /sems can la la la ni gang chen rgya mtsho zhes bya ba'i ting nge 'dzin gyi 'brug gi sgra dbyangs sgrog go /sems can la la la ni nyi ma sgron ma zhes bya ba'i ting nge 'dzin gyi 'brug gi sgra dbyangs sgrog go /sems can 
la la la ni 'gro ba thams cad yongs su tshim par byed pa zhes bya ba'i ting nge 'dzin gyi 'brug gi sgra dbyangs sgrog go /sems can la la la ni mdzod mi zad pa zhes bya ba'i ting nge 'dzin gyi 'brug gi sgra dbyangs sgrog go /sems can la la la ni mi 'khrugs </font><hr>37-1-107b<br><font size=+1>
pa'i mos pa yongs su 'dzin pa zhes bya ba'i ting nge 'dzin gyi 'brug gi sgra dbyangs sgrog ste/ kye rgyal ba'i sras de ltar de dag la stsogs pa de bzhin gshegs pa'i chos kyi sku'i sprin las de dag la stsogs pa ting nge 'dzin rnam pa tha dad pa'i sgo'i 'brug chen po'i sgra 
dbyangs chos mnyan pa'i sngon gyi ltas 'gro ba thams cad shin tu tshim par byed pa rab tu sgrog go /kye rgyal ba'i sras de bzhin gshegs pa'i chos kyi sku'i sprin rnam pa de lta bu byung ba dang / 'od zer gyi glog gi phreng ba bkye ste/ ting nge 'dzin gyi 'brug sgra 'gro 
ba thams cad tshim par byed pa shin tu bsgrags pa'i tshe/ de bzhin gshegs pa'i chos kyi sku'i sprin sngon byams pa chen po dang / thugs rje chen po bsgribs pa med pas/ mngon par bsgrubs pa las ye shes chen po'i dkyil 'khor gyi rlung 'byung ba 
yod de/ de ni thog mar sems can thams cad dang / byang chub sems dpa' thams cad kyi sems dang lus sim par byed do/ /de'i 'og tu chos kyi sprin gyi char chen po 'bebs so/ /kye rgyal ba'i sras chos kyi sku'i sprin chen po bsam gyis mi 
khyab pa thugs rje chen po las byung ba bsdus shing / sems can lus dang sems sim par gyur pa rnams la de bzhin gshegs pa chos kyi char chen po bsam gyis mi khyab pa 'bebs te/ 'di ltar byang chub sems dpa' snying po byang chub kyi mchog 
tu phyin pa rnams la chos kyi dbyings tha mi dad pa zhes bya ba'i chos kyi sprin chen po'i char rab tu 'bebs so/ /byang chub sems dpa' srid pa tha ma pa rnams la de bzhin gshegs pa'i gsang ba/ byang chub sems dpa'i thabs kyi rnam par rol 
pa zhes bya ba'i chos kyi sprin chen po'i char rab tu 'bebs so/ /byang chub sems dpa' dbang bskur ba thob pa rnams la de bzhin gshegs pa'i rgyan gyis rnam par klubs pa zhes bya ba'i chos kyi sprin chen po'i char rab tu 'bebs so/ /byang chub sems </font><hr>37-1-108a<br><font size=+1>
dpa' tshe gcig gis thogs pa rnams la kun nas snang ba yongs su sbyong ba zhes bya ba'i chos kyi sprin chen po'i char rab tu 'bebs so/ /byang chub sems dpa' bzod pa thob pa rnams la yon tan rin po che ye shes kyi me 
tog shin tu rgyas pas byang chub sems dpa'i spyod pa rgyun mi 'chad pa zhes bya ba'i chos kyi sprin chen po'i char rab tu 'bebs so/ /byang chub sems dpa'i spyod pa la zhugs pa rnams la sprul pas mngon par 'jug pa'i spyod pa rgyun mi 'chad cing yongs 
su skyo ba med pa zhes bya ba'i chos kyi sprin chen po'i char rab tu 'bebs so/ /byang chub sems dpa' sems dang po bskyed pa rnams la de bzhin gshegs pa'i spyod pa'i rjes su snyeg cing / byams pa chen po dang / snying rje chen pos 'gro ba thams cad 
yongs su skyob pa zhes bya ba'i sprin chen po'i char rab tu 'bebs so/ /sems can rang sangs rgyas kyi theg pa la mos pa rnams la rten cing 'brel par 'byung ba'i tshul khong du chud pas mtha' gnyis kyi lta ba dang bral zhing rnam par grol ba'i 'bras bu 
chud mi za ba zhes bya ba'i chos kyi sprin chen po'i char rab tu 'bebs so/ /sems can nyan thos kyi theg pa la mos pa rnams la nyon mongs pa'i dgra thams cad 'joms pa zhes bya ba'i shes rab kyi ral gri'i chos kyi sprin chen po'i char rab tu 'bebs 
so/ /sems can dge ba'i rtsa ba shin tu bstsags shing theg pa la nges par gyur pa rnams la dga' ba dang / spro ba rab tu bskyed pa zhes bya ba chos kyi sgo sna tshogs mngon par bsgrub pa'i char rab tu 'bebs te/ kye rgyal ba'i sras de ltar de bzhin 
gshegs pa ni chos kyi sgo bcu po 'di dag la stsogs pa tshad med pa'i chos kyi sprin chen po'i char sems can ma lus pa thams cad kyi mos pa ji lta bzhin du/ chos kyi dbyings thams cad rgyas par bkang ste/ rab tu 'bebs pa mdzad do/ /</font><hr>37-1-108b<br><font size=+1>
kye rgyal ba'i sras de bzhin gshegs pa dgra bcom pa yang dag par rdzogs pa'i sangs rgyas rnams la/ chos kyi ser sna gang yang mi mnga' yang sems can rnam pa ji lta bur smin pa'i tshul dang / bsam pa dang dbang po dang mos pa dang / brtson 'grus 
rnam pa tha dad pas de bzhin gshegs pa'i chos kyi char chen po rnam pa tha dad par snang bar gyur to/ /kye rgyal ba'i sras khong du chud par bya ba'i sgo bcu pa 'dis kyang / byang chub sems dpa' sems dpa' chen pos de bzhin gshegs pa dgra bcom pa 
yang dag par rdzogs pa'i sangs rgyas rnams kyi gsung brjod pa khong du chud par bya'o/ /kye rgyal ba'i sras de bzhin gshegs pa'i gsung de ni tshad med pa shin tu bstan pa bcus khong du chud par bya ste/ bcu gang zhe na/ 'di ltar thams cad rjes 
su song ba'i phyir nam mkha'i dbyings ltar tshad med par khong du chud par bya'o/ /ma lus pa'i mthar thug pas chos kyi dbyings ltar tshad med par khong du chud par bya'o/ /sems can thams cad kyi sems rab tu tshim par byed pas/ sems can 
gyi khams ltar tshad med par khong du chud par bya'o/ /rnam par ston pas las ltar tshad med par khong du chud par bya'o/ /shin tu zhi bar byed pas nyon mongs pa ltar tshad med par khong du chud par bya'o/ /sems can rnams kyi mos pa ji lta ba bzhin du 
khong du chud par byed pas/ sgra dbyangs rnam pa tha dad pa ltar tshad med par khong du chud par bya'o/ /rnam par grol ba shin tu rtogs pas mos pa tshad med pa ltar khong du chud par bya'o/ /mtha' dang dbus med cing sa mtshams med pas dus gsum 
ltar tshad med par khong du chud par bya'o/ /chos thams cad rnam par 'byed pas ye shes ltar tshad med par khong du chud par bya'o/ /de bzhin gshegs pa'i chos kyi dbyings kyi rjes su song bas sangs rgyas kyi yul phyir mi ldog pa ltar tshad med par </font><hr>37-1-109a<br><font size=+1>
khong du chud par bya ste/ kye rgyal ba'i sras de ltar de dag la stsogs pa mngon par bsgrubs pa tha dad pa shin tu bstan pa brgya stong mang pos/ byang chub sems dpa' sems dpa' chen pos de bzhin gshegs pa dgra bcom pa 
yang dag par rdzogs pa'i sangs rgyas rnams kyi gsung brjod pa khong du chud par bya'o/ /de nas byang chub sems dpa' sems dpa' chen po kun tu bzang pos don 'di nyid yang brtag pa'i phyir tshigs su bcad pa 'di dag smras so/ /'jig rten 
'jig par 'gyur tshe gzhal med sgra dbyangs bzhi/ /sems can dge ba'i 'bras bus bar snang mkha' las 'byung / /bsam gtan bzhi ni zhi ba sdug bsngal med pa yod/ /de skad sgra thos 'dod pa'i khams rnams rnam par spong / /de bzhin stobs 
bcu mnga' gsung dam pa tshad med pa/ /sems can don du chos dbyings rnam par bkang zhing 'byung / /des ni srid pa'i mtsho las 'da' zhing rgal bar 'gyur/ /bde gshegs gsung de sku la med de thugs la min/ /ri dang brag dang lung sul 
gnas pa'i sgra brnyan ni/ /mi yi sgra bzhin sgra brnyan thams cad rab tu brjod/ /gzhan gyi sgra phyung rnam par dmigs pas sgra de 'byung / /de la sgra rtog rnam pa kun tu yod ma yin/ /stobs bcu mnga' ba'i gsung dbyangs chos nyid rnam mi rtog /gzhan 
gyi spyod dang dbang po yongs su smin pas 'byung / /sems can mang po 'dul zhing bsam pa dga' bar mdzad/ /stobs bcu mnga' ba rnams la rlom sems bskyod mi mnga'/ /ji ltar rnga chen chos la bskul ba'i sgra ldan pa/ /gang tshe lha rnams 'dod 
la zhen cing bag med pa/ /de tshe mkha' yi dbyings las chos kyi sgra ston te/ /sgra de thos shing lha rnams bag yod spyod par 'gyur/ /de bzhin stobs bcu mnga' ba'i chos sgra ldan pa'i rnga/ /phyogs bcu kun tu sems can yang dag rab tu bskul/ /</font><hr>37-1-109b<br><font size=+1>
rgyal ba'i gsung ni skye mched 'gag pa mi dmigs so/ /de yi sgra thos sems can byang chub 'thob par 'gyur/ /lha yi dbang po dbang bsgyur lha rdzas rtse ba'i tshe/ /lha mo'i kha dbugs gcig kyang yan lag mang ldan pas/ /kha dbugs sgra dbyangs 
gcig las sna tshogs sgra mang 'byung / /sgra dbyangs brgya stong mang po 'byung yang de la rnam rtog med/ /de bzhin stobs bcu mnga' ba'i gsung gcig bsgrag pa las/ /sems can snyed kyi gsung gi yan lag dus gcig 'byung / /sems can ji 
bzhin ji ltar mos par gsung nyan cing / /thos nas nyon mongs spong byed sgra la rtog pa med/ /ji ltar tshangs pa tshangs pa'i stan las ma g.yos par/ /sgra dbyangs gcig brjod tshangs pa bsam yas dga' bar byed/ /'on kyang tshangs pa'i dbyangs 
de 'khor gyi phyir mi 'byung / /'khor rnams ji snyed thams cad khong du chud par byed/ /stobs bcu'i legs mnga' tshangs pa sangs rgyas gdan bzhugs shing / /gsung gcig chos dbyings ma lus bkang te rab tu sgrog /'khor las mi 'da' sangs rgyas 
ser sna mnga' ba min/ /sems can dad dang bral bas rgyal ba'i gsung mi thos/ /ji ltar chu rgyun thams cad rang bzhin gcig pa ste/ /ro 'thun mi rtog dag cing yan lag brgyad dang ldan/ /sa stengs snod kyi khyad par gzhan dang gzhan gyur pas/ /
rkyen dang phrad gyur chu yi rnam pa tha dad 'gyur/ /de bzhin rgyal sras thams cad mkhyen gsung thams cad kyang / /ro mthun mi rtog sangs rgyas byang chub rang bzhin yin/ /sems can spyod pa'i khyad kyis rnam pa tha dad 'gyur/ /sems can bde 
gshegs gsung la gzhan dang gzhan du nyan/ /ma dros klu ni 'dzam bu'i gling chen kun bkang zhing / /sa gzhi ngoms par bya phyir char ba'i rgyun kyang gtong / /lo thog nags tshal chu klung rim gyis skye bar byed/ /'on kyang chu rgyun lus las ma byung </font><hr>37-1-110a<br><font size=+1>
sems las min/ /bcom ldan 'das kyang de bzhin chos kyi dbyings bkang zhing / /sems can ngoms par bya phyir chos kyi char chen 'bebs/ /dge ba brgya 'phel sems can nyon mongs zhi bar mdzad/ /rgyal ba'i gsung ni phyi nang gang 
na'ang yod pa min/ /lag gis 'gro ba'i bdag po yid du 'ong ba ni/ /nyin zhag bdun du mkha' dbyings 'di la sprin sdud de/ /dgos pa ma grub bar du char gyi rgyun mi 'bebs/ /phan pa'i don du char rgyun phra mo phyis 'bebs so/ /stobs bcu 'gro 
ba'i don du chos dbyings rgyas mdzad cing / /sems can yongs su smin phyir don dam mi gsung ste/ /nam zhig snod du gyur tshe zab mo'i chos kyang gsung / /thos nas mi sdang sangs rgyas ye shes 'jug par 'gyur/ /ji ltar rgya mtsho'i klu yi rgyal 
po rgyan can ni/ /sprin gyi rgyan bcu bsdus shing char ba rab tu 'bebs/ /'on tam sprin rgyan brgya bsdus brgya stong rgyan bsdus shing / /ro gcig char las rnam pa sna tshogs mang po 'bebs/ /sangs rgyas tha dad yang dag mkhyen gyi mthar phyin pa'i/ /
rang byung sgo bcu 'on tam nyi shu brgya gsung ste/ /gal te yang na brgya stong tshad med mang po gsung / /'on kyang chos dbyings rnam par 'byed par mdzad pa med/ /lag 'gro kun gyi gtso bo klu dbang gang chen mtsho/ /gling bzhi 'di dag sprin gyi dra 
bas kun tu 'gengs/ /gnas rnams kun tu char pa rnam pa sna tshogs 'bebs/ /gang chen mtsho bdag de la gnyis su bya ba med/ /sangs rgyas 'gro ba kun gtso chos rgyal dam pa yang / /thugs rje chen po'i stobs kyis sku sprin rgyas bdal 
cing / /byang chub lam du zhugs la chos rab char 'bebs te/ /mi rtog 'jig rten kun la gzhan dang gzhan yang gsung // //sangs rgyas rmad gcad ces bya ba shin tu rgyas pa chen po'i mdo/ /bam po bcu gcig pa/</font><hr>37-1-110b<br><font size=+1>
de skad ces smras pa dang / byang chub sems dpa' sems dpa' chen po de bzhin gshegs pa'i rigs su byung ba'i dpal gyis/ byang chub sems dpa' sems dpa' chen po kun tu bzang po la 'di skad ces smras so/ /kye rgyal ba'i sras byang chub 
sems dpa' sems dpa' chen pos/ ji lta bur de bzhin gshegs pa dgra bcom pa yang dag par rdzogs pa'i sangs rgyas rnams kyi thugs skye ba khong du chud par bya/ de skad ces smras pa dang / byang chub sems dpa' sems dpa' chen po kun tu 
bzang pos/ byang chub sems dpa' sems dpa' chen po de bzhin gshegs pa'i rigs su byung ba'i dpal la 'di skad ces smras so/ /kye rgyal ba'i sras de bzhin gshegs pa rnams ni sems kyis rnam par dgod pa ma yin/ yid kyis rnam par 
dgod pa ma yin/ rnam par shes pas rnam par dgod pa ma yin te/ kye rgyal ba'i sras de bzhin gshegs pa'i thugs skye ba ni/ de bzhin gshegs pa'i ye shes tshad med pas khong du chud par bya'o/ /kye rgyal ba'i sras 'di lta ste dper na/ nam 
mkha' la brten cing bya ba thams cad rnam par dgod par 'gyur te/ nam mkha' ni mi gnas pa'o/ /kye rgyal ba'i sras de bzhin du de bzhin gshegs pa'i ye shes la brten cing / 'jig rten pa dang 'jig rten las 'das pa'i shes pa thams cad rnam par dgod pa 
yin te/ de bzhin gshegs pa'i ye shes ni mi gnas pa'o/ /kye rgyal ba'i sras khong du chud par bya ba'i sgo dang po 'dis/ byang chub sems dpa' sems dpa' chen pos de bzhin gshegs pa rnams kyi thugs skye ba khong du chud par bya'o/ /
kye rgyal ba'i sras gzhan yang 'di lta ste dper na/ chos kyi dbyings su ni nyan thos thams cad kyang rnam par grol bar 'gyur ro/ /rang sangs rgyas thams cad kyang rnam par 'grol te/ byang chub sems dpa' thams cad kyang yang dag par 'byung mod </font><hr>37-1-111a<br><font size=+1>
kyi/ chos kyi dbyings la 'phel zhing 'grib pa med do/ /kye rgyal ba'i sras de bzhin du de bzhin gshegs pa'i ye shes la brten cing / 'jig rten dang 'jig rten las 'das pa'i shes pa bgrangs pa thams cad kyang / 
rnam par dgod cing las dang bzo'i gnas thams cad rnam par dgod kyang de bzhin gshegs pa'i ye shes la 'phel zhing 'grib pa med do/ /kye rgyal ba'i sras khong du chud par bya ba'i sgo gnyis pa 'dis kyang / byang chub sems dpa' sems dpa' 
chen pos de bzhin gshegs pa dgra bcom pa yang dag par rdzogs pa'i sangs rgyas rnams kyi thugs skye ba khong du chud par bya'o/ /kye rgyal ba'i sras gzhan yang 'di lta ste dper na/ gling chen po bzhi dang / gling phran bye ba brgya phrag brgyad cu dag ni 
rgya mtsho chen pos mngon par spangs pa'i phyir gang dang gang du sa'i khams bshong ba de dang de nas chu 'byung ste/ rgya mtsho chen po la rnam par rtog pa med do/ /kye rgyal ba'i sras de bzhin du sems can thams cad kyi sems dang bsam pa yang de bzhin 
gshegs pa'i ye shes kyis mngon par brlan pas/ de dag dmigs pa gang dang / gang la rnam par dpyod cing chos kyi sgo gang dang gang la brtson par byed pa/ de dang de nas ye shes kyi snang ba 'byung ste/ de bzhin gshegs pa'i ye shes rgya mtsho 
chen po de ni snyoms shing rnam par mi rtog la rim par 'byed pa mi mdzad kyang / bsam pa dang sbyor ba'i khyad par gyis de bzhin gshegs pa'i ye shes snang ba'i khyad par du 'gyur ba yang yod do/ /kye rgyal ba'i sras khong du chud par bya ba'i sgo gsum 
pa 'dis kyang / byang chub sems dpa' sems dpa' chen pos de bzhin gshegs pa dgra bcom pa yang dag par rdzogs pa'i sangs rgyas rnams kyi thugs skye ba khong du chud par bya'o/ /kye rgyal ba'i sras gzhan yang 'di lta ste dper na/ rgya </font><hr>37-1-111b<br><font size=+1>
mtsho chen po'i nang na nor bu rin po che chen po yon tan tshad med pa phun sum tshogs pa bzhi yod de/ nor bu rin po che de dag gi gzi brjid dang mthus/ /rgya mtsho chen por rin po che thams cad 'byung ste/ kye rgyal ba'i sras gal te rgya mtsho chen 
po'i nang na nor bu rin po che de bzhi med du zin na ni/ rgya mtsho chen po'i nang na nor bu rin po che gcig kyang yod par mi 'gyur ro/ /bzhi po de dag kyang gang zhe na/ 'di lta ste/ rin po che thams cad yang dag par sdud pa zhes bya ba'i nor bu rin po che chen po dang / 
mi zad pa'i mdzod ces bya ba'i nor bu rin po che chen po dang / snying blas med pa zhes bya ba'i nor bu rin po che chen po dang / rgyan thams cad yang dag par sdud pa zhes bya ba'i nor bu rin po che chen po ste/ nor bu rin po che tshad med pa'i yon tan phun sum 
tshogs pa dang ldan pa de bzhi yod do/ /kye rgyal ba'i sras nor bu rin po che chen po bzhi po de dag ni bsod nams ngan don dang ldan pa'i lha ma yin nam/ nam mkha' lding ngam/ klu 'am de ma yin pa'i sems can chu la gnas pa'i mig gis mthong bar mi 'gyur 
ro/ /de ci'i phyir zhe na/ nor bu rin po che chen po de bzhi ni klu'i rgyal po gang chen mtsho'i mdzod na 'khod pa'i phyir ro/ /kye rgyal ba'i sras nor bu rin po che chen po bzhi po de dag ni gru bzhir 'dug pa ste/ klu'i rgyal po gang chen mtsho'i gnas kyi phyogs bzhir 
bkod pa dag go /kye rgyal ba'i sras de bzhin du de bzhin gshegs pa dgra bcom pa yang dag par rdzogs pa'i sangs rgyas rnams kyi ye shes rgya mtsho chen po'i nang na ye shes kyi rin po che chen po bsod nams dang / ye shes dang yon tan phun sum tshogs pa bzhi 
yod de/ ye shes rin po che chen po de dag gi gzi brjid dang / mthus de bzhin gshegs pa'i ye shes rgya mtsho chen po'i nang nas slob pa dang / mi slob pa thams cad dang / rang sangs rgyas thams cad dang / byang chub sems dpa' thams cad kyi ye shes </font><hr>37-1-112a<br><font size=+1>
rin po che 'byung ste/ kye rgyal ba'i sras gal te de bzhin gshegs pa'i ye shes rgya mtsho chen po'i nang na/ ye shes rin po che chen po de bzhi med du zin na ni/ de bzhin gshegs pa'i ye shes rgya mtsho chen po'i nang nas chung 
ngu na/ byang chub sems dpa' gcig gi ye shes rin po che yang 'byung bar mi 'gyur ro/ /bzhi po de dag kyang gang zhe na/ 'di lta ste/ thabs mkhas pa chags pa med pa'i ye shes rin po che chen po dang / 'dus byas dang 'dus ma byas su mnyam pa'i chos 
rab tu rtogs pa'i ye shes rin po che chen po dang / chos kyi dbyings tha mi dad kyang rnam pa tha dad du shin tu ston pa'i ye shes rin po che chen po dang / dus dang dus ma yin pa las mi 'da' zhing dus la phebs par byed pa'i ye shes rin po che chen po ste/ de bzhin 
gshegs pa'i ye shes rin po che chen po de bzhi yod do/ /kye rgyal ba'i sras ye shes rin po che chen po bzhi po de dag ni/ sems can bsod nams ngan ngon dang ldan pa rnams kyi mig gis mthong bar myi 'gyur te/ de ci'i phyir zhe na/ ye shes rin po che chen po de bzhi ni de 
bzhin gshegs pa'i chos kyi mdzod na 'khod pa'i phyir te/ kye rgyal ba'i sras ye shes rin po che chen po bzhi po de dag ni rnam pa kun tu bzang ba ste/ phyogs bzhir rnam par bkod cing byang chub sems dpa' nye bar 'tsho ba dang / byang chub sems dpa'i ye 
shes snang bas 'thob pa dag ste/ phyogs bzhir byang chub sems dpa' yang dag par bsgrubs pa'i phyir rnam par bkod pa dag go /kye rgyal ba'i sras khong du chud par bya ba'i sgo bzhi pa 'dis kyang / byang chub sems dpa' sems dpa' chen pos de bzhin 
gshegs pa dgra bcom pa yang dag par rdzogs pa'i sangs rgyas rnams kyi thugs skye ba khong du chud par bya'o/ /kye rgyal ba'i sras gzhan yang 'di lta ste dper na/ rgya mtsho chen po de nyid kyi 'og na nor bu rin po che chen po drag shul gyi gzi brjid dang </font><hr>37-1-112b<br><font size=+1>
ldan pa mthu shin tu che ba bzhi yod de/ nor bu rin po che chen po de dag gi gzi brjid dang mthus/ rgya mtsho chen por rlugs pa'i chu'i phung po thams cad yongs su 'grib par 'gyur te/ de yod pas rgya mtsho chen po yang 'phel ba dang 'grib par mi 'gyur ro/ /nor 
bu rin po che chen po de bzhi ni rgya mtsho chen po'i 'og gi mtshams na gnas te/ bzhi gang zhe na 'di lta ste/ nyi ma'i snying po zhes bya ba'i nor bu rin po che dang / rlan med pa zhes bya ba'i nor bu rin po che dang / me'i 'od ces bya ba'i nor bu rin po che dang / ma lus 
pa'i mthar thug pa zhes bya ba'i nor bu rin po che dag ste/ nor bu rin po che chen po de bzhi yod do/ /kye rgyal ba'i sras gal te rgya mtsho chen po la nor bu rin po che chen po de bzhi med du zin na ni/ gling chen po bzhi pa'i 'jig rten gyi khams thams cad kyang 
gcig tu chus yongs su rgyas par 'gyur te/ khor yug dang khor yug chen po'i ri las kyang 'das shing / chu'i phung pos srid pa'i rtse mo man chad du'ang gang bar 'gyur ro/ /kye rgyal ba'i sras rgya mtsho chen por 'dus pa'i chu'i phung po de dag kyang nor 
bu rin po che nyi ma'i snying po'i 'od kyis phog na chu'i rang bzhin spangs nas/ 'o ma dang zhor gyur te 'dug go /nor bu rin po che chen po rlan med pa'i 'od kyis phog na 'o ma dang zho'i rang bzhin spangs nas mar gyi nying khu lta bur 'gyur ro/ /me'i 'od kyi nor 
bu rin po che chen po'i 'od kyis phog na mar gyi snying khu lta bu'i rang bzhin spangs te me lta bur 'bar bar 'gyur ro/ /nor bu rin po che chen po ma lus pa'i mthar thug pa'i 'od kyis phog na/ thams cad lhag ma med cing ma lus par mi snang bar 'gyur ro/ /
kye rgyal ba'i sras de bzhin du de bzhin gshegs pa dgra bcom pa yang dag par rdzogs pa'i sangs rgyas rnams kyi ye shes kyi rgya mtsho chen po la ye shes rin po che chen po mthu dang 'od shin tu che ba bzhi yod de/ ye shes rin po che chen po de bzhi'i mthu dang 'od </font><hr>37-1-113a<br><font size=+1>
kyis phog na/ byang chub sems dpa'i smon lam gyi bsam pas byung ba'i bsod nams kyi chu'i phung po yongs su 'grib par 'gyur te/ de dag yod pas de bzhin gshegs pa'i ye shes kyi rgya mtsho chen po gang ba dang 'grib par 
mi mngon no/ /bzhi po de dag kyang gang zhe na 'di lta ste/ dpa' rlabs thams cad zhi bar byed pa'i ye shes rin po che chen po dang / chos kyi rjes su 'brang zhing sred pa yongs su zad par byed pa'i ye shes rin po che chen po dang / shes rab kyi 'od chen pos 
shin tu snang ba'i ye shes rin po che chen po dang / mun pa med cing snang ba myed pa de bzhin gshegs pa'i mnyam pa nyid kyi ye shes rin po che chen po ste/ de bzhin gshegs pa'i ye shes rin po che mthu dang / gzi brjid shin tu che ba 'di bzhi yod do/ /
kye rgyal ba'i sras de bzhin gshegs pa'i ye shes rin po che chen po 'di bzhi'i gzi brjid dang mthus byang chub sems dpa' thams cad kyang de bzhin gshegs pa'i ye shes mnyam pa nyid 'thob par 'gyur ro/ /kye rgyal ba'i sras de ltar de bzhin gshegs pa'i 
ye shes kyi rgya mtsho chen po de la byang chub sems dpa' bsod nams dang / byang chub kyi tshogs chen po bstsags pa rnams kyi dge ba'i rtsa ba'i dpa' rlabs kyi shugs drag po/ /lha dang mi dang lha ma yin gyi 'jig rten du bcas pas/ mi zlogs shing 
bsam gyis mi khyab pa ldang ste/ byang chub sems dpa' dge ba'i rtsa ba'i dpa' rlabs kyi shugs bsam gyis mi khyab pa de dag la de bzhin gshegs pa'i ye shes rin po che chen po'i dpa' rlabs thams cad zhi bar byed pa'i 'od kyis phog na/ dge ba'i rtsa 
ba'i dpa' rlabs kyi shugs drag po spangs nas/ ting nge 'dzin la rtse gcig tu gnas par 'gyur ro/ /chos kyi rjes su 'brang zhing sred pa zad par byed pa'i ye shes rin po che chen po'i 'od kyis phog na/ ting nge 'dzin gyi ro dang gnas rnam par spangs te/</font><hr>37-1-113b<br><font size=+1>
mngon par shes pa rgya chen po mngon par bsgrub pa'i tshul la gnas par 'gyur ro/ /shes rab kyi 'od chen pos shin tu snang ba'i ye shes rin po che chen po'i 'od kyis phog na mngon par shes pa rgya chen po mngon par bsgrub pa'i tshul rnam par spangs te/ rigs pa'i snang 
ba chen po mngon par bsgrub pa'i tshul la gnas par 'gyur ro/ /mun pa med cing snang ba med pa de bzhin gshegs pa'i mnyam pa nyid kyi ye shes rin po che chen po'i 'od kyis phog na/ rigs pa'i snang ba chen po mngon par bsgrub pa'i tshul rnam par spangs te/ 
de bzhin gshegs pa'i sa mnyam pa nyid ched du bya ba yongs su zhi ba phrin las lhun gyis grub par 'byung ba rab tu 'thob bo/ /kye rgyal ba'i sras ye shes rin po che chen po 'di bzhi'i 'od snang bas phog pa'i byang chub sems dpa' rnams ni de bzhin gshegs 
pa'i mnyam pa nyid bzhi po de dag 'thob par 'gyur ro/ /kye rgyal ba'i sras gal te de bzhin gshegs pa'i ye shes kyi rgya mtsho chen po'i nang na ye shes rin po che chen po 'di bzhi med du zin na ni/chung ngu na byang chub sems dpa' gcig gis kyang de bzhin 
gshegs pa'i sa mnyam pa nyid 'thob par 'gyur ba'i gnas med skabs med de/ de ni gnas ma yin no/ /kye rgyal ba'i sras khong du chud par bya ba'i sgo lnga pa 'dis kyang / de bzhin gshegs pa dgra bcom pa yang dag par rdzogs pa'i 
sangs rgyas rnams kyi thugs skye ba khong du chud par bya'o/ /kye rgyal ba'i sras gzhan yang 'di lta ste dper na/ 'og gi chu'i phung po nye bar bzung pa yan cad/ 'du shes med/ 'du shes med min gyi skye mched kyi srid pa'i rtse mo'i bar gyi stong 
gsum gyi stong chen po'i 'jig rten gyi khams thams cad nam mkha' la gnas pa ste/ gzugs med pa la spyod pa'i sems can gyi gnas dang / gzugs la spyod pa'i sems can gyi gnas dang / 'dod pa la spyod pa'i sems can gyi gnas ji snyed pa de </font><hr>37-1-114a<br><font size=+1>
dag thams cad nam mkha' la gnas shing nam mkha'i dbyings las byung ba'o/ /de ci'i phyir zhe na/ nam mkha'i dbyings kyis thams cad du khyab pa'i phyir te/ nam mkha' la gnod pa'am/ mi bde bar 'gyur ba med kyang 
khams gsum du 'grub pa'i grangs su yang 'gro'o/ /kye rgyal ba'i sras de bzhin du phyogs bcu'i 'jig rten gyi khams grangs med pa ma lus pa dag na/ nyan thos kyi ye shes sam/ rang sangs rgyas kyi ye shes sam/ byang chub sems dpa'i ye 
shes sam/ 'dus byas la spyod pa'i ye shes sam/ 'dus ma byas la spyod pa'i ye shes gang ji snyed yod pa/ de dag thams cad de bzhin gshegs pa'i ye shes kyi nam mkha' la gnas shing / de bzhin gshegs pa'i ye shes kyi nam 
mkha' las byung ba'o/ /de ci'i phyir zhe na/ de bzhin gshegs pa'i ye shes kyi nam mkha'i dbyings kyis kun tu khyab pa'i phyir te/ de bzhin gshegs pa'i ye shes la gnod pa'am mi bde bar 'gyur ba med kyang ye shes yang dag par 'grub pa 
rnam pa tha dad par 'gyur ba yang yod do/ /kye rgyal ba'i sras khong du chud par bya ba'i sgo jug pa 'dis kyang / byang chub sems dpa' sems dpa' chen pos de bzhin gshegs pa dgra bcom pa yang dag par rdzogs pa'i sangs rgyas rnams kyi thugs skye ba khong du chud 
par bya'o/ /kye rgyal ba'i sras gzhan yang 'di lta ste dper na/ ri'i rgyal po kha ba dang ldan pa'i rtse mo la/ sman gyi rgyal po rtsa ba ma grub pa zhes bya ba yod de/ de ni sa chen po'i 'og rdo rje'i dbyings kyi chu'i phung po'i gzhi'i gting nas dpag tshad brgya 
stong phrag drug cu rtsa brgyad mngon par brtol te/ gyen du byung bas rtsa ba shin tu brtan pa'o/ /sman gyi rgyal po de'i rtsa ba'i 'od las/ 'dzam bu'i gling na yod pa'i shing thams cad kyi rtsa ba chags par 'gyur te/ sdong po'i 'od kyis sdong po chags </font><hr>37-1-114b<br><font size=+1>
par 'gyur ro/ /yal ga'i 'od kyis yal ga chags par 'gyur ro/ /lo ma'i 'od kyis lo ma chags par 'gyur ro/ /me tog gi 'od kyis me tog chags par 'gyur ro/ /'bras bu'i 'od kyis 'bras bu chags par 'gyur ro/ /sman kyi rgyal po chen po 
de'i rtsa ba las snying po 'grub bo/ /snying po las rtsa ba 'grub bo/ /de ci'i phyir zhe na/ rtsa ba ma grub pa zhes bya ste/ sman gyi rgyal po chen po de ni gnas rnam pa gnyis su myi skye ste/ gnyis gang zhe na/ 'di lta ste/ sems can dmyal ba'i nang dang chu'i phung po las mi skye'o/ /
gnyis las mi skye zhes yongs su mi skye ba'i chos can yang ma yin te/ 'di ltar sa'i dkyil 'khor ji tsam du mnyam zhing skabs yod pa de tsam du sman gyi rgyal po chen po skye ba'i chos yod do/ /kye rgyal ba'i sras de bzhin du de bzhin gshegs pa'i ye shes sman gyi rgyal po 
chen po rtsa ba ma grub pa yang sngon gyi lhag pa'i dgongs pa dang / thugs rje chen pos rtsa ba brtan par byung zhing / rtsa ba gnas pa med pa/ de bzhin gshegs pa thams cad kyi rigs su byung ba/ dus gsum gyi dge ba'i rtsa ba thams cad kyis ye shes kyi 
shing yang dag par grub pa/ 'jig rten gyi khams ma lus pa thams cad du dge ba'i rtsa bas kun tu khyab pa/ ngan song thams cad rnam par zlog pa dge ba'i rnam pas byung ba/ thabs mkhas pa brtan zhing sra la mi g.yo ba'i sdong po can/ 
pha rol tu phyin pas chos kyi dbyings rgyas par 'gengs pa'i yal ga can bsam gtan dang / rnam par thar pa dang / ting nge 'dzin dang / snyoms par 'jug pa'i lo ma kun tu 'gebs pa can/ gzungs dang / spobs pa dang / byang chub kyi yan 
lag gi me tog shin tu rgyas pa can/ thams cad mkhyen pa'i rnam par grol ba rtog pa dang bral ba'i 'bras bu can te/ kye rgyal ba'i sras de bzhin gshegs pa'i ye shes sman gyi rgyal po chen po rtsa ba ma grub pa zhes bya ba de la/ ci'i phyir rtsa ba ma grub </font><hr>37-1-115a<br><font size=+1>
pa zhes bya zhe na/ shin tu rgyun chad pa med pa dang / byang chub sems dpa'i spyod pa'i dkyil 'khor rgyun mi 'chad cing / /byang chub sems dpa'i spyod pa las kyang / de bzhin gshegs pa nyid du 'gyur la/ de 
bzhin gshegs pa nyid las kyang / byang chub sems dpa'i spyod pa 'byung bas de'i phyir rtsa ba ma grub pa zhes bya'o/ /kye rgyal ba'i sras de bzhin gshegs pa'i ye shes sman gyi rgyal po chen po rtsa ba ma grub pa de'i rtsa ba'i 'od las/ byang chub sems dpa' 
thams cad 'gro ba thams cad yongs su mi gtong ba'i snying rje chen po'i rtsa ba 'dzin to/ /sdong po'i 'od las brtson 'grus dang / lhag pa'i bsam pa dang thabs mkhas pa'i sdong po 'dzin to/ /yal ga'i 'od las pha rol tu phyin pa'i yal ga 'dzin to 
lo ma'i 'od las tshul khrims dang / bslab pa dang sbyangs pa'i yon tan dang / sdom pa thams cad kyi lo ma 'dzin to/ /me tog gi 'od las mtshan dang dpe byad bzang po/ dge ba'i rtsa ba sna tshogs kyis grub pa'i me tog 'dzin to/ /'bras bu'i 
'od las ma skyes ma byung ba'i bzod pa nas/ sangs rgyas su dbang bskur ba'i sa'i bar gyi 'bras bu 'dzin to/ /kye rgyal ba'i sras de bzhin gshegs pa'i ye shes sman gyi rgyal po chen po rtsa ba ma grub pa de ni gnas gnyis nas mi skye ste/ gnyis gang zhe na/ 
'di lta ste/ 'dus ma byas kyi g.yang du ltung ba nyan thos dang / rang sangs rgyas rnams dang / dbang po dang bsam pa nyams pa'i snod lta ba dang sred pa'i chus gang ba las mi skye ste/ kye rgyal ba'i sras de bzhin gshegs pa'i ye shes sman gyi rgyal po 
chen po de mi skye ba'i chos can la mi skye zhes yongs su mi skye ba'i chos can yang ma yin te/ byang chub sems dpa' lhag pa'i bsam pa chen po can/ mnyam pa'i sems dang ldan pa rnams la skye ste/ji tsam du sems can rnams kyi mos pa dang / lhag </font><hr>37-1-115b<br><font size=+1>
pa'i bsam pa yod pa de tsam du de bzhin gshegs pa'i ye shes sman gyi rgyal po chen po de rnam par skye ba'i chos can du 'gyur ro/ /kye rgyal ba'i sras ltos dang / de bzhin gshegs pa'i ye shes la 'phel zhing 'grib pa med la rtsa ba grub pa med kyang gtan 
tu rgyun mi chad par snang ba yin te/ kye rgyal ba'i sras khong du chud par bya ba'i sgo bdun pa 'dis kyang byang chub sems dpa' sems dpa' chen pos de bzhin gshegs pa dgra bcom pa yang dag par rdzogs pa'i sangs rgyas rnams kyi thugs skye ba khong du chud 
par bya'o/ /kye rgyal ba'i sras 'di lta ste dper na/ mes 'jig pa'i bskal pa byung ba'i tshe/ stong gsum gyi stong chen po'i 'jig rten gyi khams nyi ma bdun shar cing 'tshig pa dang 'bar ba dang / rab tu 'bar ba dang me'i phung po chen por gyur te/ 
gcig tu 'bar bar gyur nas/ rtswa dang gel pa dang / sman dang nags tshal yan cad khor yug dang khor yug chen po'i bar du tshig cing thal ba'ang mi mngon par 'gyur ba de'i tshe/ mi la la zhig gis rtswa skam po dud pa rlan gyis bag med pa/ khur chen po 
gcig cig bkur bkur te bcug na/ kye rgyal ba'i sras de la ji snyam du sems/ rtswa khur gcig po de las chung ngu na rtswa'i zegs ma gcig kyang ma tshig pa yod dam/ smras pa/ kye rgyal ba'i sras ma yin te/ ma tshig pa yod par 'gyur ba ni gnas med 
skabs med do/ smras pa/ kye rgyal ba'i sras me'i phung po chen po de'i nang gi rtswa'i zegs ma 'ga' zhig ma tshig pa ni yod kyang srid kyi/ de bzhin gshegs pa'i ye shes kyis ni dus gsum na yod pa'i sems can 'grangs pa dang / zhing 'grangs pa dang / bskal pa 'grangs pa 
dang / chos 'grangs pa gang yang thugs su ma chud pa rnyed par mi rung ste/ de ni gnas ma yin no/ /kye rgyal ba'i sras de ci'i phyir zhe na/ de bzhin gshegs pa dgra bcom pa yang dag par rdzogs pa'i sangs rgyas rnams kyi tha mi dad pa'i ye shes thugs su chud pa'i phyir ro/ /kye rgyal ba'i sras </font><hr>37-1-116a<br><font size=+1>
khong du chud par bya ba'i sgo brgyad pa 'dis kyang / byang chub sems dpa' sems dpa' chen pos de bzhin gshegs pa'i thugs skye ba khong du chud par bya'o/ /kye rgyal ba'i sras gzhan yang 'di lta ste dper na/ rlung gis 
'jig pa'i bskal pa byung ba'i tshe/ rnam par 'thor ba zhes bya ba'i rlung mar chen po 'byung ste/ de dag ni khor yug dang khor yug chen po'i rdo rje'i ri yan cad stong gsum gyi stong chen po'i 'jig rten gyi khams thams cad bshig bcom rnam par 
gtor te cha shas kyang med par byed de/ de la phyir zlog pa zhes bya ba'i rlung mar chen po gzhan ldang ba'ang yod de/ de dag ni stong gsum gyi stong chen po'i 'jig rten gyi khams kyi 'khor kun nas ldang ste/ rnam par 'thor ba'i rlung mar chen po 'jig rten 
gyi khams gzhan du mi 'gro bar phyir zlog go /kye rgyal ba'i sras ci ste phyir zlog pa'i rlung mar chen po de dag gis rnam par 'thor ba'i rlung mar chen po de phyir ma bcil du zin na/ phyogs bcu'i 'jig rten gyi khams tshad med grangs med pa dag kyang bshig 
par 'gyur ro/ /bcom par 'gyur ro/ /gtor bar 'gyur ro/ /cha shas kyang mi bzhag par 'gyur ro/ /kye rgyal ba'i sras de bzhin du de bzhin gshegs pa dgra bcom pa yang dag par rdzogs pa'i sangs rgyas rnams kyi ye shes kyi rlung mar chen po nyon mongs pa 
thams cad rnam par 'thor ba yod de/ ye shes kyi rlung mar chen po des de bzhin gshegs pa byang chub sems dpa' thams cad kyi nyon mongs pa'i bag chags rnam par 'thor zhing rnam par 'joms par mdzad de/ de la'ang de bzhin gshegs pa rnams kyi ye shes kyi rlung 
mar chen po thabs mkhas pas yang dag par 'dzin pa zhes bya ba rab tu ldang ba yod de/ nyon mongs pa'i bag chags rnam par 'thor ba'i ye shes kyi rlung mar chen po de dag gis byang chub sems dpa' dbang po yongs su ma smin pa rnams las phyir zlog go /</font><hr>37-1-116b<br><font size=+1>
kye rgyal ba'i sras de la ci ste de bzhin gshegs pa'i ye shes kyi rlung mar chen po'i dkyil 'khor de med du zin na/ de'i byang chub sems dpa' tshad med grangs med pa zhig /nyan thos dang rang sangs rgyas kyi sar ltung bar 'gyur ro/ /ye shes kyi rlung mar chen po 
thabs mkhas pas yang dag par 'dzin pa de'i mthus/ byang chub sems dpa' rnams nyan thos dang / rang sangs rgyas kyis las 'das te/ rang 'byung de bzhin gshegs pa nyid la rab tu 'khod do/ /kye rgyal ba'i sras khong du chud par bya ba'i sgo dgu 
pa 'dis kyang byang chub sems dpa' sems dpa' chen pos de bzhin gshegs pa dgra bcom pa yang dag par rdzogs pa'i sangs rgyas rnams kyi thugs skye ba khong du chud par bya'o/ /kye rgyal ba'i sras gzhan yang de bzhin gshegs pa'i ye shes ni thams cad 
du khyab pa ste/ de ci'i phyir zhe na/ kye rgyal ba'i sras sems can gyi ris na/ de bzhin gshegs pa'i ye shes kyis thams cad du ma khyab pa de lta bu gang yang med de/ de yang ci'i phyir zhe na/ de bzhin gshegs pa'i ye shes ni 'du shes su 'dzin pas 
rnam par dgod pa ma yin te/ thams cad mkhyen pa'i ye shes rang 'byung gi ye shes chags pa med pa'i ye shes ni 'du shes dang / rnam par bral bas rab tu 'byung ngo / /kye rgyal ba'i sras 'di lta ste dper na ri mo'i gzhi chen po stong gsum gyi stong chen 
po'i 'jig rten gyi khams tsam zhig yod par gyur la/ ri mo'i gzhi chen po de la stong gsum gyi stong chen po'i 'jig rten gyi khams ril gyis rdzogs par bris te/ 'di ltar khor yug chen po'i tshad du ni khor yug chen po bris/ sa chen po'i tshad du ni sa 
chen po bris/ stong gnyis pa'i 'jig rten gyi khams kyi tshad du ni stong gnyis pa'i 'jig rten gyi khams bris/ stong gi 'jig rten gyi khams kyi tshad du ni stong gi 'jig rten gyi khams bris/ gling bzhi pa'i 'jig rten gyi khams kyi tshad du ni gling bzhi pa'i </font><hr>37-1-117a<br><font size=+1>
'jig rten gyi khams bris/ rgya mtsho chen po'i tshad du ni rgya mtsho chen po bris/ 'dzam bu'i gling gi tshad du ni 'dzam bu'i gling bris/ shar gyi lus 'phags kyi gling gi tshad du ni shar gyi lus 'phags kyi gling bris/ nub kyi ban lang 
spyod kyi gling gi tshad du ni nub kyi ban lang spyod kyi gling bris/ byang gi sgra mi snyan gyi gling gi tshad du ni byang gi sgra mi snyan gyi gling bris/ ri rab kyi tshad du ni ri rab bris/ sa bla na spyod pa'i lha'i gzhal med khang gi tshad du ni sa bla na spyod pa'i lha'i gzhal med khang rnams 
bris/ 'dod pa la spyod pa'i lha'i gzhal med khang gi tshad du ni 'dod pa la spyod pa'i lha'i gzhal med khang rnams bris/ gzugs la spyod pa'i lha'i gzhal med khang gi tshad du ni gzugs la spyod pa'i lha'i gzhal med khang rnams bris/ gzugs med pa 
la spyod pa'i lha'i gzhal med khang gi tshad du ni gzugs med pa la spyod pa'i lha'i gzhal med khang rnams bris par gyur la ri mo'i gzhi chu zheng du stong gsum gyi stong chen po'i 'jig rten gyi khams tsam yod pa de/ rdul shin tu phra ba gcig gi nang du bcug par 
gyur la rdul gcig la ji lta ba de bzhin du rdul shin tu phra ba ma lus pa thams cad re re la yang de tsam gyi ri mo'i gzhi chen po re re yod par gyur te/ de nas skyes bu mkhas pa yid gzhungs pa/ khong bzo ba gsal ba de bzhin nyid khong du chud pa'i rtogs pa dang / 
ldan pa zhig skyes par gyur te/ de la 'phrul gyi mig kun tu dag pa shin tu 'od gsal ba yang bdog par gyur la/ des 'phrul gyi mig gis bltas na mthong bar gyur nas ri mo'i gzhi chen po de lta bu de ltar shin tu phra mo'i rdul de dag la 'khod kyang sems can 
su la yang phan par ma gyur pas de 'di snyam du sems te/ kye ma bdag gis brtson 'grus kyi mthu dang / stobs zhig gis rdul phra mo 'di kha phye ste/ ri mo'i gzhi chen po 'di dag 'gro ba thams cad nye bar 'tsho bar bya'o/ /snyam nas des brtson </font><hr>37-1-117b<br><font size=+1>
'grus kyi stobs dang mthu chen po bskyed de/ ri mo'i gzhi chen po de dag 'gro ba thams cad kyi bsam pa ji lta ba bzhin du nye bar 'tsho bar byed pa zhig yod na/ kye rgyal ba'i sras de bzhin du de bzhin gshegs pa'i ye shes tshad med pa'i ye shes chags pa med 
pa'i ye shes sems can thams cad nye bar 'tsho ba'i ye shes kyang sems can thams cad kyi sems la ril gyis chud par gnas te/ sems can gyi sems de dag thams cad de bzhin gshegs pa'i ye shes kyi tshad dang mnyam yang de bzhin gshegs pa'i 
ye shes de ni byis pa 'du shes su 'dzin pas/ rnam par glags pa rnams mi shes shing khong du mi chud la mngon tu mi byed nyams su myong bar mi byed de/ de nas de bzhin gshegs pa'i ye shes chags pa med pas sems can gyi khams thams cad la rnam par 
gzigs nas/ ngo mtshar gyi dgongs pa skye bar 'gyur te/ kye ma sems can 'di dag de ltar de bzhin gshegs pa'i ye shes yang dag pa ji lta ba bzhin du yang mi shes la/ de bzhin gshegs pa'i ye shes kyang khong na yod pa ngo mtshar ches/ bdag 
gi sems can 'di dag ci nas kyang rang rang gi 'du shes kyi mdud pa chen po 'phags pa'i lam gyi stobs dang shugs kyis bkrol te/ de bzhin gshegs pa'i ye shes khong du chud cing / de bzhin gshegs pa'i mnyam pa nyid kyang thob par 'gyur 
bar 'phags pa'i lam bstan te/ 'du shes kyi rnam pas rnam par glags pa thams cad bsal bar bya'o/ /zhes nas de bzhin gshegs pa'i lam bstan pas de dag gi 'du shes kyi rnam pa thams cad yongs su bsal bar mdzad do/ /de ltar 'du 
shes kyi rnam pa thams cad yongs su sel ba'i phyir/ de bzhin gshegs pa'i ye shes tshad med pas 'gro ba thams cad yongs su 'tsho'o/ /kye rgyal ba'i sras khong du chud par bya ba'i sgo bcu pa 'dis kyang / byang chub sems dpa' sems dpa' </font><hr>37-1-118a<br><font size=+1>
chen pos de bzhin gshegs pa dgra bcom pa yang dag par rdzogs pa'i sangs rgyas rnams kyi thugs skye ba khong du chud par bya ste/ kye rgyal ba'i sras de dag la sogs pa mngon par bsgrub pa brgya stong tshad med pa'i sgos/ byang chub 
sems dpa' sems dpa' chen pos de bzhin gshegs pa thugs skye ba khong du chud par bya'o/ /de nas byang chub sems dpa' sems dpa' chen po kun tu bzang pos don 'di nyid yang brtag par bya ba'i phyir/ de'i tshe tshigs su bcad pa 'di dag smras 
so/ /stobs bcu mnga' ba'i thugs ni ye shes mchog las byung / /rgyal ba'i ye shes de yang ji ltar brtag ce na/ /phyogs bcu kun gyi sems can khams rnams ji snyed pa/ /thams cad lus med rang bzhin med pa'i mkha' las 'byung / /
chos dbyings kun gyi sems can khams rnams ji snyed pa/ /bzo dang mkhas pa'i shes pa sna tshogs bde myong ba/ /de dag thams cad bde gshegs mkhyen las thabs kyis 'byung / /bde gshegs ye shes de ni sngon nas rang bzhin med/ /chos kyi 
dbyings la gnas te dbang chen tshogs rnams grol/ /phyogs bcu'i rang rgyal theg la gnas pa kun kyang ste/ /sangs rgyas ma lus pa yang chos kyi dbyings su 'byung / /chos dbyings de la rnam par 'phel zhing 'grib pa med/ /de bzhin sangs 
rgyas mkhyen la shes pa kun 'byung ste/ /slob dang mi slob 'dus byas 'dus ma byas pa 'byung / /bde gshegs dam pa'i ye shes 'phel zhing 'grib myed de/ /sangs rgyas ye shes de la skye zhing 'jig pa'ang med/ /ji ltar gling rnams chu yi rgyal 
pos mngon brlan pas/ /sa steng gang 'dod brkos par nges par chu 'byung 'thob/ /sa la rnam rtog med de chu la mu med pas/ /brtson 'grus stobs dang ldan na phyogs kun chu yang 'byung / /phyogs bcu ma lus sems can khams rnams ji snyed </font><hr>37-1-118b<br><font size=+1>
pa/ /de dag sems ni bde gshegs mkhyen pas mngon brlan pas/ /gang dang gang du las byas brtson 'grus mthu bskyed pa/ /de dang de nas ye shes chu 'byung 'thob par 'gyur/ /rin chen mchog bzhi gang chen mtsho yi mdzod gnas pa/ /
de dag mthus ni chu 'dzin chen por rin chen 'byung / /nor bu rin chen de dag phal gyis mi mthong ste/ /de dag phyogs bzhir rnam phye gang chen mtsho na gnas/ /bde gshegs ye shes bzhi po tshad med de bzhin te/ /'gro ba'i ye shes des 'byung 
'jig par mi 'gyur ro/ /ye shes chen po de dag gzhan rnams sus mi mthong / /stobs bcu rnams dang dbang bskur thob pa ma gtogs so/ /chu 'dzin chen po'i mtha' na rin chen bzhi yod de/ /stobs che gzi brjid che bas de dag chu 'grib 
byed/ /de dag med du zin na gling bzhi rgyas par 'gyur/ /de dag yod pas rgya mtsho 'phel zhing 'grib pa med/ /de bzhin bde gshegs ye shes rgyal sras don brtson pa/ /chos kyi shugs gcod dpa' rlabs shin tu rnam par sel/ /shes 
rab yangs pa'i ye shes mtha' dang dbus med snang / /de med gyur na rgyal sras gang yang 'tshang mi rgya/ /'og gi gzhi nas bzung ste srid pa'i rtse mo'i bar/ /'dod dang gzugs dang gzugs med khams gsum thams cad kyang / /bdag 
med dbyings la legs par gnas pas gnas pa ste/ /nam mkha' mtho zhing dma' bar 'gyur ba gang yang med/ /de bzhin bde gshegs ye shes shes pa kun gyi rgyu/ /slob dang mi slob rnams dang de bzhin rang rgyal dang / /byang chub sems dpa' 
bde bar byed pa'i ye shes kyang / /sangs rgyas ye shes mchog la bde bar rab tu gnas/ /gangs ri spo la gzi brjid che ba'i sman gyi mchog /rtsa ba grub med yod de de yi gzi brjid mthus/ /'dzam bu'i gling gi shing mchog thams cad rnam par skye/ /</font><hr>37-1-119a<br><font size=+1>
snying pos rtsa ba skyed byed rtsa bas snying po skyed/ /de bzhin bde gshegs rigs las sangs rgyas ye shes 'byung / /de yi yon tan mthus ni rnal 'byor ye shes 'byung / /spyod pas byang chub 'byung ste byang chub spyod pa 'byin/ /
sems yid mnyam dang ldan la sangs rgyas ye shes skye/ /bskal pa 'jig dus mi bzad bskal pa'i me 'byung bar/ /la las sbur rtsi'i khur bor mi tshig gnas med de/ /rgyal ba'i sras rnams de ni mi tshig skabs med do/ /rdo rje 'tshig par byed na rtswa skam ci 
zhig smos/ rtswa la mi 'tshig ci ste gnas yod srid 'gyur gyi/ /bde gshegs ye shes kyis ni ma mkhyen gang yang med/ /sems can dus dang bskal pa zhing rnams rab tu mkhyen/ /de ltar sangs rgyas ye shes tshad med mtha' yang yas/ /bskal pa 'jig pa'i 
tshe na rnam 'thor rlung ldang ste/ /de ni khor yug ri rab kun kyang rnam par 'thor bar byed/ /rnam 'thor phyir ldog byed pa'i rlung mar gzhan med na/ /tshad med zhing rnams kun kyang rnam par 'jig par 'gyur/ /de bzhin stobs bcu mnga' ba'i ye shes rlung 
ldang ba/ /de dag byang chub sems dpa'i nyon mongs rnam par 'thor/ /de la thabs dang ldan pa'i rlung mar gzhan yod de/ /des ni yongs su bzung bas nyan thos mi 'gyur ro/ /stong gsum tshad kyi ri mo'i gzhi zhig yod gyur la/ /rdul phran ma lus kun gyi 
sbubs na'ang de 'dra ste/ /skyes bu mkhas pa mig ldan la las rnam phye nas/ /ri mo'i gzhi de 'gro kun nye bar 'tsho byas na/ /bcom ldan de yang de bzhin sems can kun gyi sems/ /ril gyis bde gshegs mkhyen yin 'du shes bsgribs gyur ces/ /
rgyal ba'i thugs rje bskyed cing 'du shes spong bar ston/ /'du shes yongs su shes nas rgyal sras nye bar 'tsho/ /de skad ces smras pa dang / byang chub sems dpa' sems dpa' chen po de bzhin gshegs pa'i rigs su byung ba'i dpal gyis byang chub sems </font><hr>37-1-119b<br><font size=+1>
dpa' sems dpa' chen po kun tu bzang po la 'di skad ces smras so/ /kye rgyal ba'i sras byang chub sems dpa' sems dpa' chen pos de bzhin gshegs pa dgra bcom pa yang dag par rdzogs pa'i sangs rgyas rnams kyi sangs rgyas kyi yul ji lta bur khong du chud par 
bya/ de skad ces smras pa dang / byang chub sems dpa' sems dpa' chen po kun tu bzang pos/ byang chub sems dpa' sems dpa' chen po de bzhin gshegs pa'i rigs su byung ba'i dpal la 'di skad ces smras so/ /kye rgyal ba'i sras de la byang chub 
sems dpa' sems dpa' chen pos de bzhin gshegs pa'i yul ni shes rab dang / ye shes chags pa med cing bsgribs pa med pas 'jug cing / 'gro ba thams cad yul du gyur pa'i sgos khong du chud par bya ste/ de bzhin gshegs pa'i yul ni 'jig rten thams cad 
yul du gyur pa dang / zhing thams cad yul du gyur pa dang / chos thams cad yul du gyur pa dang / sems can thams cad yul du gyur pa dang / de bzhin nyid tha mi dad pa yul du gyur pa dang / chos kyi dbyings bsgribs pa med pa yul du gyur pa 
dang / yang dag pa'i mtha' la mtha' med par yul du gyur pa dang / nam mkha'i dbyings tshad med pa yul du gyur pa dang / mya ngan las 'das pa'i dbyings la yul med pa yul du gyur pa'i sgos khong du chud par bya ste/ 'gro ba thams cad kyi yul ji ltar 
tshad med pa de bzhin du de bzhin gshegs pa'i yul yang tshad med de/ mya ngan las 'das pa'i yul gyi bar du ji ltar tshad med cing yul med la yul ma yin te/ thams cad gang na yang med pa de bzhin du de bzhin gshegs pa'i yul yang tshad med cing / yul med 
la yul ma yin te/ thams cad gang na yang med do/ /kye rgyal ba'i sras 'di ltar yang byang chub sems dpa' sems dpa' chen pos sems kyi yul gyis sangs rgyas kyi yul khong du chud par bya ste/ ji ltar sems kyi yul tshad med cing mu med de ma </font><hr>37-1-120a<br><font size=+1>
bcings ma grol ba de bzhin du de bzhin gshegs pa'i yul yang tshad med cing / mu med de ma bcings ma grol ba'o/ /de ci'i phyir zhe na/ 'di ltar sems de ni ji lta ji ltar bsams shing rnam par brtags pa de lta de ltar tshad 
med par rnam par dgod pa yin te/ kye rgyal ba'i sras 'di lta ste dper na/ klu rnams ni sems kyi khyad par gyis char pa'i rgyun chen po 'bebs te/ char pa'i rgyun de yang klu rnams kyi nang nas byung ba 'ang ma yin/ phyi rol nas byung ba 'ang ma yin no/ /
kye rgyal ba'i sras de bzhin du de bzhin gshegs pa'i yul yang rnam pa ji lta ji lta bur bsams te/ rnam par brtags pa de lta de lta bur bsam gyis mi khyab par rnam par dgod par 'gyur te/ de ni phyogs na gnas pa'ang ma yin/ yul na gnas pa'ang ma yin no/ /
kye rgyal ba'i sras gzhan yang 'di lta ste dper na/ rgya mtsho chen po la chu'i phung po tshad med pa gang ji snyed yod pa de dag thams cad klu rnams kyi sems kyi khyad par las byung ba'o/ /kye rgyal ba'i sras de bzhin du thams cad mkhyen pa nyid kyi rgya mtsho la chos kyi rgyud tshad med pa gang ji 
snyed yod pa de dag thams cad sngon gyi dgongs pa'i smon lam mngon par bsgrubs pa'i khyad par gyis byung ba'o/ /byang chub sems dpa' de bzhin gshegs pa'i rigs su byung ba'i dpal gyis smras pa/ kye rgyal ba'i sras rgya mtsho chen po ni ji tsam zhig tu tshad med 
thams cad mkhyen pa'i ye shes kyi rgya mtsho ni ji tsam zhig tu tshad med/ byang chub sems dpa' kun tu bzang pos smras pa/ kye rgyal ba'i sras gnas 'di bstan pa ni bsam gyis mi khyab pa ste/ 'on kyang dpe tsam zhig bstan gyis de nyon cig /kye rgyal 
ba'i sras rgya mtsho chen por ni 'dzam bu'i gling 'di nas/ chu klung stong phrag phyed dang gsum 'bab bo/ /nub kyi ban lang spyod kyi gling nas chu klung stong phrag lnga 'bab bo/ /shar gyi lus 'phags po'i gling nas chu klung stong phrag phyed dang brgyad 'bab bo/ /byang gi </font><hr>37-1-120b<br><font size=+1>
sgra mi snyan gyi gling nas chu klung stong phrag bcu tshang bar 'bab ste/ kye rgyal ba'i sras de ltar na rgya mtsho chen po der gling bzhi pa'i 'jig rten gyi khams 'di nas chu klung stong phrag nyi shu rtsa lnga tshang bar rgyun mi 'chad par 'bab bo/ /kye rgyal ba'i sras de la ji snyam du sems/ 
gling chen po bzhi nas rgya mtsho chen por 'bab pa'i chu'i phung po de tshad med pa yin mod/ byang chub sems dpa' de bzhin gshegs pa'i rigs su byung ba'i dpal gyis smras pa/ kye rgyal ba'i sras de ni tshad med grangs med do/ byang chub sems dpa' kun tu 
bzang pos smras pa/ kye rgyal ba'i sras gling bzhi ba'i 'jig rten gyi khams 'di nas chu'i phung po ji snyed cig rgya mtsho chen por bab pa de dag kyang klu'i rgyal po 'od zer bcu pa'i sprin las/ /chu'i phung po ches mang bar rgya mtsho chen por 'bab bo/ /kye rgyal ba'i 
sras gling chen po bzhi pa'i 'jig rten gyi khams nas chu'i phung po ji snyed cig rgya mtsho chen por bab pa dang / klu'i rgyal po 'od zer bcu pa'i sprin las/ chu'i phung po ji snyed cig rgya mtsho chen por bab pa de dag bas kyang / klu'i rgyal po 'od zer brgya pa'i sprin 
las chu'i phung po ches mang bar rgya mtsho chen por 'bab bo/ /kye rgyal ba'i sras gling chen po bzhi pa'i 'jig rten gyi khams nas chu'i phung po ji snyed cig rgya mtsho chen por bab pa dang / klu'i rgyal po 'od zer bcu pa'i sprin las chu'i phung po ji snyed cig rgya mtsho 
chen por bab pa dang / klu'i rgyal po 'od zer brgya pa'i sprin las chu'i phung po ji snyed cig rgya mtsho chen por bab pa de dag pas kyang / klu'i rgyal po rgyan chen po'i sprin las chu'i phung po ches mang ba rgya mtsho chen por 'bab bo/ /kye rgyal ba'i sras gling chen 
po bzhi pa'i 'jig rten gyi khams nas chu'i phung po ji snyed cig rgya mtsho chen por bab pa dang / klu'i rgyal po 'od zer bcu pa'i sprin las chu'i phung po ji snyed cig rgya mtsho chen por bab pa dang / klu'i rgyal po 'od zer brgya pa'i sprin las chu'i phung po ji snyed cig </font><hr>37-1-121a<br><font size=+1>
rgya mtsho chen por bab pa dang / klu'i rgyal po rgyal chen po'i sprin las chu'i phung po ji snyed cig rgya mtsho chen por bab pa de dag bas kyang / klu'i rgyal po yid du 'ong ba'i sprin las chu'i phung po ches mang bar rgya mtsho chen por 'bab 
bo/ /gzhung de bzhin du de bas kyang klu'i rgyal po 'gro bar char 'bebs pa'i sprin las ches mang bar 'bab bo/ /de bas kyang klu'i rgyal po dga' bo dang / nye dga' bo'i sprin las ches mang bar 'bab bo/ /de bas kyang klu'i rgyal po 'od mtha' yas pa'i 
sprin las ches mang bar 'bab bo/ /de bas kyang klu'i rgyal po shugs chen por 'dzin pa'i sprin las ches mang bar 'bab bo/ /de bas kyang klu'i rgyal po shin tu rnam par rgyal ba'i sprin las ches mang bar 'bab ste/ kye rgyal ba'i sras gling chen po bzhi pa'i 'jig 
rten gyi khams nas chu'i phung po ji snyed cig rgya mtsho chen por bab pa dang / klu'i rgyal po 'od zer bcu pa'i sprin las ji snyed cig bab pa dang / klu'i rgyal po 'od zer brgya pa'i sprin las ji snyed cig bab pa dang / klu'i rgyal po rgyan chen po'i sprin las 
ji snyed cig bab pa dang / klu'i rgyal po yid du 'ong ba'i sprin las ji snyed cig bab pa dang / klu'i rgyal po 'gro bar char 'bebs pa'i sprin las ji snyed cig bab pa dang / klu'i rgyal po dga' bo dang / nye dga' bo'i sprin las ji snyed cig bab 
pa dang / klu'i rgyal po 'od mtha' yas pa'i sprin las ji snyed cig bab pa dang / klu'i rgyal po shugs chen po 'dzin pa'i sprin las ji snyed cig bab pa dang / klu'i rgyal po rnam par rgyal ba'i sprin las ji snyed cig bab pa de dag bas kyang klu'i rgyal po rnam 
par bsgyings pa'i sprin las chu'i phung po ches mang bar rgya mtsho chen por 'bab ste/ kye rgyal ba'i sras klu'i rgyal po chen po bcu po 'di dag la stsogs pa/ klu'i rgyal po'i rigs khrag khrig brgyad cu so so'i sprin las chu'i phung po chen po mang po rgya mtsho chen por 'bab bo /</font><hr>37-1-121b<br><font size=+1>
kye rgyal ba'i sras gling chen po bzhi pa'i 'jig rten gyi khams nas chu'i phung po ji snyed cig rgya mtsho chen por bab pa dang / klu'i rgyal po chen po bcu'i sprin las chu'i phung po ji snyed cig rgya mtsho chen por bab pa dang / klu'i rgyal po chen po'i rigs khrag khrig 
brgyad cu so so'i sprin las chu'i phung po ji snyed cig rgya mtsho chen por bab pa de dag pas kyang / klu'i rgyal po chen po gang chen mtsho'i bu thu bo 'dzam bu'i rgyal mtshan gyi sprin las/ chu'i phung po ches mang bar rgya mtsho chen por 'bab bo/ /kye rgyal 
ba'i sras de bzhin du chu klung chen po de dag nas chu'i phung po ji snyed cig rgya mtsho chen por bab pa dang / sprin chen po de dag las chu'i phung po ji snyed cig rgya mtsho chen por bab pa de dag bas kyang / klu'i rgyal po 'od zer bcu pa'i gnas nas 
chu'i phung po ches mang bar rgya mtsho chen por 'bab bo/ /kye rgyal ba'i sras gling chen po bzhi pa'i 'jig rten gyi khams kyi chu klung chen po dag nas/ chu'i phung po ji snyed cig rgya mtsho chen por bab pa dang / klu'i rgyal po chen po snga ma de dag gi sprin 
las chu'i phung po ji snyed cig rgya mtsho chen por bab pa dang / klu'i rgyal po chen po gang chen mtsho'i bu thu bo 'dzam bu'i rgyal mtshan gyi sprin las/ chu'i phung po ji snyed cig rgya mtsho chen por bab pa dang / klu'i rgyal po chen po 'od zer bcu pa'i 
gnas nas/ chu'i phung po ji snyed cig rgya mtsho chen por bab pa de bas kyang / klu'i rgyal po chen po 'od zer brgya pa'i gnas nas/ chu'i phung po ches mang bar rgya mtsho chen por 'bab bo/ kye rgyal ba'i sras gling chen po bzhi pa'i 'jig rten gyi 
khams kyi chu klung chen po dag nas/ chu'i phung po ji snyed cig rgya mtsho chen por bab pa dang / klu'i rgyal po chen po de dag dang / klu'i rgyal po chen po'i rigs khrag khrig brgyad cu so so'i sprin las/ chu'i phung po ji snyed cig rgya mtsho chen por </font><hr>37-1-122a<br><font size=+1>
bab pa dang / klu'i rgyal po gang chen mtsho'i bu thu bo 'dzam bu'i rgyal mtshan gyi sprin las chu'i phung po ji snyed cig rgya mtsho chen por bab pa dang / klu'i rgyal po chen po 'od zer bcu pa'i gnas nas/ chu'i phung po ji snyed 
cig rgya mtsho chen por bab pa dang / klu'i rgyal po chen po 'od zer brgya pa'i gnas nas/ chu'i phung po ji snyed cig rgya mtsho chen por bab pa de dag bas kyang / klu'i rgyal po chen po rgyan chen po'i gnas nas/ chu'i phung po ches mang bar rgya mtsho 
chen por 'bab bo/ /kye rgyal ba'i sras gzhung de bzhin du/ de dag bas kyang yid du 'ong ba'i gnas nas ches mang bar 'bab bo/ /de dag bas kyang 'gro bar char 'bebs pa'i gnas nas ches mang bar 'bab bo/ /de dag bas kyang dga' bo dang 
nye dga' bo'i gnas nas ches mang bar 'bab bo/ /de dag bas kyang 'od mtha' yas pa'i gnas nas ches mang bar 'bab bo/ /de dag bas kyang shugs chen po 'dzin pa'i gnas nas ches mang bar 'bab bo/ /de dag bas kyang shin tu rnam par 
rgyal ba'i gnas nas ches mang bar 'bab bo/ /de dag bas kyang klu'i rgyal po chen po rnam par bsgyings pa'i gnas nas/ chu'i phung po ches mang bar rgya mtsho chen por 'bab bo/ /kye rgyal ba'i sras gling chen po bzhi pa'i 'jig rten gyi khams kyi 
chu klung nas/ chu'i phung po ji snyed cig rgya mtsho chen por bab pa dang / klu'i rgyal po chen po bcu po de dag gi sprin dang gnas nas/ chu'i phung po ji snyed cig rgya mtsho chen por bab pa dang / klu'i rgyal po chen po'i rigs khrag khrig brgyad 
cu'i sprin dang gnas nas/ chu'i phung po ji snyed cig rgya mtsho chen por bab pa dang / 'dzam bu'i rgyal mtshan gyi sprin las/ chu'i phung po ji snyed cig rgya mtsho chen por bab pa de dag bas kyang / klu'i rgyal po chen po gang chen mtsho'i sprin tha mi dad pa zhes </font><hr>37-1-122b<br><font size=+1>
bya ba las chu'i phung po ches mang bar rgya mtsho chen por 'bab bo/ /kye rgyal ba'i sras de bzhin du gling chen po bzhi pa'i 'jig rten gyi khams kyi chu klung gi chu'i phung po ji snyed cig rgya mtsho chen por bab pa dang / klu'i rgyal po chen po snga ma de dag gi sprin dang / gnas nas chu'i phung po ji snyed cig rgya mtsho chen por 
bab pa dang / klu'i rgyal po gang chen mtsho'i bu thu bo 'dzam bu'i rgyal mtshan gyi sprin las chu'i phung po ji snyed cig rgya mtsho chen por bab pa dang / klu'i rgyal po chen po gang chen mtsho'i sprin tha mi dad pa zhes bya ba las/ chu'i phung po ji snyed cig rgya mtsho chen por bab pa de bas kyang / /
klu'i rgyal po gang chen mtsho'i gnas nas/ chu'i dba' rgal chen po be+e DUR+ya sngon po'i kha dog lta bur 'dug pa ches mang bar 'byung ste/ de ni rgya mtsho chen po thams cad kyang chu'i shugs chen pos rgyas par byed mod kyi/ 'on kyang rgya mtsho chen po ni 
dbres las 'da' ba med de/ kye rgyal ba'i sras rgya mtsho chen po de ni chu'i phung pos de ltar tshad med pa ste/ ji ltar chu'i phung pos tshad med pa de ltar rin po che'i phung pos kyang tshad med de/ sems can gyi gnas kyis kyang tshad med la/ sems 
can chen po'i lus kyi rnam pas kyang tshad med na/ kye rgyal ba'i sras de la ji snyam du sems/ /rgya mtsho chen po de tshad med mod/ byang chub sems dpa' de bzhin gshegs pa'i rigs su byung ba'i dpal gyis smras pa/ kye rgyal ba'i sras rgya 
mtsho chen po de ni dpes brjod par yang dka' ba tsam du rgya che'o/ /byang chub sems dpa' kun tu bzang pos smras pa/ kye rgyal ba'i sras de ltar rgya mtsho chen po tshad med pa des/ de bzhin gshegs pa'i ye shes rgya mtsho yul tshad med pa'i 
brgya'i char yang nye bar mi 'gro/ /stong gi char yang nye bar mi 'gro ba nas rgyur bya ba'i bar du yang nye bar mi 'gro'o/ /kye rgyal ba'i sras 'on kyang bsam pa ji lta ba bzhin du sems can gyis/ rnam par rig par bya ba nye bar bzung ste/ rgya mtsho chen </font><hr>37-1-123a<br><font size=+1>
po las de bzhin gshegs pa'i yul dper blang gi /de bzhin gshegs pa'i ye shes rgya mtsho'i yul la dpe yod pa ma yin te/ kye rgyal ba'i sras de bzhin gshegs pa'i ye shes rgya mtsho'i yul ni dpe las 'das pa'o/ /
kye rgyal ba'i sras de bzhin gshegs pa'i ye shes rgya mtsho'i yul de lta bu ni 'di lta ste/ thugs dang po bskyed pa nas/ byang chub sems dpa'i spyod pa thams cad rgyun ma chad pa'i phyir yang dag par bsgrubs pas kyang tshad med par khong du chud par bya'o/ /
byang chub kyi phyogs kyi chos dang rin po che gsum gyi rgyun mi gcod pas rin po che'i phung pos kyang tshad med par khong du chud par bya'o/ /slob pa dang mi slob pa dang / rang sangs rgyas thams cad nye bar 'tsho bas/ 'byung po gnas pas kyang / tshad 
med par khong du chud par bya'o/ /sa dang po la gnas pa'i byang chub sems dpa' yan cad chags pa med pa'i mthar thug pa'i sa la gnas pa'i bar gyi byang chub sems dpa' thams cad gnas pas/ 'byung po chen po'i lus rnam pa tha dad pas 
kyang tshad med par khong du chud par bya ste/ kye rgyal ba'i sras byang chub sems dpa' sems dpa' chen pos de ltar de bzhin gshegs pa'i ye shes rgya mtsho'i yul 'gro ba thams cad nye bar 'tsho ba ni tshad med pa'i ye shes dang ldan pa'i tshul gyis 
khong du chud par bya'o/ /de nas byang chub sems dpa' sems dpa' chen po kun tu bzang pos/ don de nyid yang brtag par bya ba'i phyir tshigs su bcad pa 'di dag smras so/ /rdul med rnams kyi yul ni tshad med gzhal du med/ /sems 
kyi yul bzhin rnam pa kun tu tshad med de/ /sems kyis mngon bsgrubs yid kyi yul ni ji lta ba/ /de bzhin stobs bcu rnams kyi yul yang shes par bya/ /klu'i dbang po'i gnas nas nam yang mi g.yo bar/ /sems kyi mthus ni char chen rgyun </font><hr>37-1-123b<br><font size=+1>
kyang rab tu 'bebs/ /de la'ang 'ong dang 'gro bar dmigs pa med pa ste/ /klu yi dbang po'i bsam pa tsam gyis char yang 'bab/ /de bzhin stobs bcu gang dag nas kyang byon pa med/ /de bzhin thub pa gang du yang bzhud pa mi dmigs te/ /
thugs kyis dgongs pas skra rtse gcig la 'jug par yang / /chos kyi dbyings kyi tshad du de dag shin tu 'byung / /rgya mtsho chu dang rin chen tshogs kyis tshad med de/ /sems can dag dang 'byung po gnas pas tshad kyang med/ /ro gcig rnyog par 
mi nus sems can der skyes pa/ /de dag kun kyang chu bo gzhan la spyod mi byed/ /de bzhin rgyal ba'i yul yang mkhyen pas tshad med de/ /rin chen gsum gnas rin chen tshogs kyis tshad kyang med/ /slob dang mi slob sems can rnams kyis tshad 
med de/ /ye shes mchog don spyod pa'i 'byung pos tshad kyang med// //sangs rgyas rmad gcad ces bya ba shin tu rgyas pa chen po'i mdo/ /bam po bcu gnyis pa/ de skad ces smras pa dang / byang chub sems dpa' sems dpa' 
chen po de bzhin gshegs pa'i rigs su byung ba'i dpal gyis/ byang chub sems dpa' sems dpa' chen po kun tu bzang po la 'di skad ces smras so/ /kye rgyal ba'i sras byang chub sems dpa' sems dpa' chen pos de bzhin gshegs pa dgra 
bcom pa yang dag par rdzogs pa'i sangs rgyas rnams kyi spyod yul ji ltar bur shes par bya/ de skad ces smras pa dang / byang chub sems dpa' sems dpa' chen po kun tu bzang pos/ byang chub sems dpa' sems dpa' chen po de bzhin gshegs 
pa'i rigs su byung ba'i dpal la 'di skad ces smras so/ /kye rgyal ba'i sras byang chub sems dpa' sems dpa' chen pos de bzhin gshegs pa'i spyod yul ni chags pa med pa'i spyod yul du shes par bya ste/ ji ltar de bzhin nyid ni sngon gyi </font><hr>37-1-124a<br><font size=+1>
mtha' nas byung ba ma yin/ phyi ma'i mtha' nas 'phos pa ma yin/ da ltar byung bas mngon par bsgrubs pa ma yin pa de bzhin du de bzhin gshegs pa'i spyod yul yang ma skyes ma 'phos mngon par grub pa med par khong du 
chud par bya'o/ /kye rgyal ba'i sras chos kyi dbyings la lus med pas chos kyi dbyings de ni tshad yod pa'ang ma yin/ /tshad med pa'ang ma yin no/ /kye rgyal ba'i sras de bzhin du de bzhin gshegs pa'i spyod yul la lus med pas de bzhin gshegs 
pa'i spyod yul de yang tshad yod pa yang ma yin/ tshad med pa yang ma yin no/ /kye rgyal ba'i sras 'di lta ste dper na/ 'dab chags bya ni nam mkha' las lding ste/ 'gro na lo brgyar song yang ji srid du phyin pa/ de srid ni ma phyin pa'ang 
yod de/ /nam mkha' la mtha' med pas snga phyi khyad par med do/ /kye rgyal ba'i sras de bzhin du de bzhin gshegs pa'i spyod yul yang bskal pa bye ba khrag khrig brgya phrag stong du bstan kyang de snyed ni ma bstan pa'ang yod de/ de ni de bzhin 
gshegs pa'i spyod yul la mu med pa'i phyir ro/ /kye rgyal ba'i sras de lta bu'i de bzhin gshegs pa dgra bcom pa yang dag par rdzogs pa'i sangs rgyas rnams kyang chags pa med pa'i spyod yul la mi gnas pa'i tshul gyis bzhugs shing sems can thams 
cad la spyod yul de'ang ston pa mdzad do/ /sems can chags pa sna tshogs la mngon par zhen pa rnams kyang chags pa'i lam de dang de nas yongs su zlo ba mdzad do/ /kye rgyal ba'i sras 'di lta ste dper na/ nam mkha' lding gi rgyal po chen 
po'i spyod yul ni nam mkha' ste/ nam mkha' la gnas shing rang gi mig yongs su dag pas klu'i gnas su bltas te/ rgya mtsho chen po'i chu'i phung po chen po nam mkha' lding gi shugs drag po dang / gshog pa'i rlung chen po'i mthus </font><hr>37-1-124b<br><font size=+1>
g.yas g.yon du phye ste/ bsal nas klu'am klu'i bud med dus yongs su smin te tshe'i mtha' phyin pa 'dzin cing 'byin to/ /kye rgyal ba'i sras de bzhin du de bzhin gshegs pa nam mkha' lding gi rgyal po chen po chags pa med pa'i spyod yul mnga' ba 
yang bsgribs pa med pa'i spyod yul la zhugs shing / de bzhin gshegs pa'i spyan bla na med pa rnam par dag pas chos kyi dbyings thams cad du sems can thams cad kyi gnas la gzigs nas/ de bzhin gshegs pa'i stobs kyi shugs 
dang ldan pa'i shes rab dang / ye shes kyi gshog pas 'khor ba'i rgya mtsho chen po sred pa'i chus gang ba phye ste bstsal nas/ sems can dbang po yongs su dag cing sngon dge ba'i rtsa ba'i tshogs bstsags par gyur pa/ sangs rgyas kyi chos kyi snod 
du gyur pa rnams 'khor ba'i rgya mtsho nas bton te/ de bzhin gshegs pa'i chos kyi spyod yul la rab tu dgod pa mdzad kyang / de bzhin gshegs pa ni chags pa med pa'i spyod yul la bzhugs pas spros pa thams cad yongs su chad de/ rtog 
pa mi mnga' rnam par rtog pa mi mnga' 'o/ /kye rgyal ba'i sras 'di lta ste dper na/ nyi ma dang zla ba'i dkyil 'khor dag ni 'gro ba thams cad nye bar 'tsho ba ste/ gcig pu spyod cing grogs med kyang gzhan gyis mi thub cing gnas pa med la nam mkha'i 
dbyings las rgyu zhing 'gro ba dang / 'ong bar mngon yang de dag ni bdag cag gang du 'dong / /gang nas 'gro snyam du sems pa med do/ /kye rgyal ba'i sras de bzhin du de bzhin gshegs pa'i nyi zla rnams kyang spyod yul mya ngan las 'das pa mnga' bdag ste/ 
rang bzhin nyid kyis chos dang ldan yang de dag chos kyi dbyings thams cad du rjes su spyod cing gshegs pa yang dag par ston pa mdzad do/ /sangs rgyas kyi phrin las thams cad rgyun mi 'chad pas/ 'gro ba thams cad nye bar 'tsho yang gshegs pa dang / bzhud par rnam par </font><hr>37-1-125a<br><font size=+1>
rtog pa'am spros pa mi mnga' ste/ gcig tu spyod cing 'dra ba med pas thub pa med la mi gnas shing chags pa med par spyod kyang de dag 'pho ba skye ba dang / yum gyi sku na bzhugs pa dang / bltams pa dang mngon par 
'byung ba dang / dka' ba spyod pa mdzad pa dang / snying po byang chub tu gshegs pa dang /bdud 'dul ba dang / byang chub tu rnam par 'tshang rgya ba dang / chos kyi 'khor lo bskor ba dang / yongs su mya ngan las 'das pa chen po ston pa yang snang zhing 
yod do/ /'on kyang de dag la bdag cag gis gang du skye bar bya/ gang du mya ngan las 'da' bar bya snyam du dgongs par mi mnga'o/ /kye rgyal ba'i sras de ltar tshul tshad med pa dang / rnam pa tshad med par byang chub sems dpa' sems dpa' 
chen pos/ de bzhin gshegs pa dgra bcom pa yang dag par rdzogs pa'i sangs rgyas rnams kyi spyod yul khong du chud par bya'o/ /de nas byang chub sems dpa' sems dpa' chen po kun tu bzang pos/ don 'di nyid yang brtag par bya ba'i 
phyir tshigs su bcad pa 'di dag smras so/ /de bzhin nyid ni nam yang ma skyes 'jig pa med/ /nam yang phyogs na mi gnas mi snang de bzhin nyid/ /de bzhin phan mdzad rnams kyi spyod yul tshad med de/ /dngos nyid de bzhin nyid mtshungs 
dus las rnam par 'das/ /ji ltar chos dbyings de dbyings nyid ma yin la/ /tshad yod ma yin de ltar tshad med ma yin pa/ /de bzhin yon tan mnga' ba'i spyod yul tshad med de/ /sngon nas lus med pas na tshad yod ma yin 
no/ /bar snang mkha' la khrag khrig lo grangs bya lding ba/ /mkha' yi dbyings la dang po de dang tha mar 'dra/ /rgyal ba'i spyod yul bskal pa brgya 'grangs bshad byas kyang / /ji snyed brjod pa de snyed yon tan ma brjod yod/ /nam mkha' </font><hr>37-1-125b<br><font size=+1>
lding ni mkha' gnas klu la rnam par lta/ /chu chen yongs phye klu dang klu yi bu mo 'dren/ /stobs bcu rang gi mthu yis nyon mongs rnam phye zhing / /dge rtsa legs par byas pa 'dus byas khams nas 'byin/ /nyi ma zla ba mkha' yi dbyings 
las shugs kyis rgyu/ /sems can bde ba skyed kyang rtog pa yod pa min/ /bcom ldan 'das kyang de bzhin chos kyi dbyings gshegs shing / /sems can mang po 'dul yang rnam par rtog mi mnga'/ /de skad ces smras pa dang / 
byang chub sems dpa' sems dpa' chen po de bzhin gshegs pa'i rigs su byung ba'i dpal gyis/ byang chub sems dpa' sems dpa' chen po kun tu bzang po la 'di skad ces smras so/ /kye rgyal ba'i sras byang chub sems dpa' sems dpa' 
chen pos ji lta bur de bzhin gshegs pa dgra bcom pa yang dag par rdzogs pa'i sangs rgyas rnams kyi mngon par rdzogs par byang chub pa khong du chud par bya/ de skad ces smras pa dang / byang chub sems dpa' sems dpa' chen po kun tu bzang pos 
byang chub sems dpa' sems dpa' chen po de bzhin gshegs pa'i rigs su byung ba'i dpal la 'di skad ces smras so/ /kye rgyal ba'i sras 'di la byang chub sems dpa' sems dpa' chen pos/ don thams cad rnam par dpyad pa mnyam pa 
nyid dang / chos thams cad la nem nur med cing / /gnyis su med pa rjes su rtogs pas/ de bzhin gshegs pa rnams kyi mngon par rdzogs par byang chub pa khong du chud par bya'o/ /mtshan ma med pa rjes su rtogs pa dang / rgyu ba med pa 
rjes su rtogs pa dang / thogs pa med pa rjes su rtogs pa dang / mtha' dang dbus med pa rjes su rtogs pa dang / mu med par khyab pa rjes su rtogs pa dang / mtha' dang mtha' med pa yongs su spangs pa'i dbus kyi gnas khong du chud pa dang / yi ge dang sgra dang brjod </font><hr>37-1-126a<br><font size=+1>
pa 'byung ba thams cad rjes su rtogs pa dang / sems can thams cad kyi sems dang spyod pa'i rnam par rtog pa thams cad dang / bsam pa dang / dbang po dang / nyon mongs pa dang / bag chags dang / bag 
la nyal ba dang / rang bzhin mngon sum du rjes su rtogs pa dang / dus gsum thams cad sems kyi skad cig gcig gi ye shes kyis rjes su rtogs pas/ de bzhin gshegs pa rnams kyi mngon par rdzogs par byang chub pa khong 
du chud par bya'o/ /kye rgyal ba'i sras 'di lta ste dper na/ rgya mtsho chen po la gling bzhi pa'i sems can thams cad kyi lus kyi gzugs brnyan rgya lta bur snang ste/ de'i phyir rgya mtsho chen po bzhi zhes bya'o/ /kye rgyal ba'i sras de bzhin du de bzhin 
gshegs pa mngon par rdzogs par byang chub pa la/ sems can thams cad kyi sems dang / dbang po dang / bsam pa rnam pa tha dad pa rnams snang ba med pa'i rang bzhin gyis yongs su snang bar 'gyur te/ de'i phyir de bzhin gshegs pa 
mngon par rdzogs par byang chub pa zhes bya'o/ /kye rgyal ba'i sras de bzhin gshegs pa'i mngon par rdzogs par byang chub pa de ni yi ge thams cad kyis bstan pa ma yin no/ /dbyangs thams cad kyis brjod pa ma yin no/ /tha snyad 
thams cad kyis smos pa ma yin mod kyi/ 'on kyang gzhan gyi rnam par rig pa nye bar bzung ste/ de bzhin gshegs pa'i mngon par rdzogs par byang chub pa bstan par bya'o/ /kye rgyal ba'i sras de bzhin gshegs pa dgra bcom pa yang 
dag par rdzogs pa'i sangs rgyas rnams mngon par byang chub pa'i tshe/ sems can thams cad kyi tshad ji snyed pa de snyed kyi tshad kyi sku kun nas gnas par 'gyur ro/ /chos thams cad kyi tshad ji snyed pa dang / zhing thams cad kyi tshad ji snyed pa dang /</font><hr>37-1-126b<br><font size=+1>
dus thams cad kyi tshad ji snyed pa dang / de bzhin gshegs pa thams cad kyi tshad ji snyed pa dang / sangs rgyas thams cad kyi tshad ji snyed pa dang / tha snyad thams cad kyi tshad ji snyed pa dang /de bzhin nyid dang chos kyi dbyings kyi tshad ji snyed pa dang / 
nam mkha'i dbyings dang chags pa med pa'i dbyings kyi tshad ji snyed pa dang / mngon par bsgrub pa'i dbyings dang / rnam par spyod pa'i dbyings kyi tshad ji snyed pa dang / mya ngan las 'das pa'i dbyings kyi tshad ji snyed pa de snyed kyi sku kun nas gnas 
par 'gyur ro/ /kye rgyal ba'i sras de bzhin du sku'i tshad ji snyed pa de snyed kyi tshad kyi gsung yang kun nas gnas par 'gyur ro/ /sku dang gsung gi tshad ji snyed pa de snyed du chags pa med pa'i dgongs pa kun nas gnas par 'gyur te/ de de lta bur tshad 
med pa'i sku dang / gsung dang dgongs pa'i phrin las 'khor gsum yongs su dag pa brnyes pas rang gi sku de nyid las sems can thams cad mngon par 'tshang rgya ba'i dmigs pa ston to/ /de bzhin du sems can thams cad kyang mya ngan las 'das 
pa zhi ba'i dbyings su yang dag par gzhol ba'i bar du rab tu ston te/ des ni 'di ltar thams cad dngos po med pa'i rang bzhin dang / mtshan nyid med pa'i rang bzhin dang / mi skye mi 'gag pa'i rang bzhin dang / bdag la bdag med pa'i 
rang bzhin dang / sems can la sems can med pa'i rang bzhin dang / sangs rgyas rnam par mi rtog pa'i rang bzhin dang / chos kyi dbyings kyi rang bzhin dang / nam mkha'i dbyings kyi rang bzhin thugs su chud de/ de lta bu'i rang bzhin 
mngon par rdzogs par sangs rgyas nas ma lus par thugs su chud pa dang / chos kyi dbyings rab tu brnyes pa dang / de bzhin gshegs pa'i thugs rje chen po rgyun mi 'chad pas sems can gyi don yongs su bsgrub pa mdzad do/ /kye rgyal </font><hr>37-1-127a<br><font size=+1>
ba'i sras 'di lta ste/ nam mkha' ni skye ba med pas 'jig rten gyi khams 'du'ang rung 'jig kyang rung ste/ de bzhin du mi zad mi 'phel bar gnas so/ /kye rgyal ba'i sras de bzhin du de bzhin gshegs pa rnams 
kyi byang chub kyang 'di lta ste/ gcig pa'ang ma yin/ tha dad pa'ang ma yin pas/ mtshan nyid med par mtshan nyid gcig pa'i phyir mngon par rdzogs par sangs rgyas kyang rung / mngon par rdzogs par sangs ma rgyas kyang rung ste/ mtshan nyid 
de kho na bzhin du gnas so/ /kye rgyal ba'i sras 'di lta ste dper na/ mi la la zhig skyes te/ des chu klung gang gA'i bye ma snyed kyi sems bskyed pa mngon par sprul la sems bskyed pa de dag re res kyang de bzhin gshegs pa kha dog med pa mtshan 
ma med pa/ dbyibs dang bral ba/ sku dang bral ba/ chu klung gang gA'i bye ma snyed cig sprul te/ de mngon par sprul pa byed pa la yang bskal pa chu klung gang gA'i bye ma snyed cig 'das par gyur na/ kye rgyal ba'i sras de la ji snyam du sems/ mi 
des sprul ba'i sems bskyed pa de dag gis de bzhin gshegs pa ji snyed cig sprul par 'gyur/ byang chub sems dpa' de bzhin gshegs pa'i rigs su byung ba'i dpal gyis/ smras pa/ kye rgyal ba'i sras khyod kyis ji skad du smras pa'i 
don bdag gis shes te/ ji snyed du sprul pa byas pa de snyed cig ni ma sprul pa'ang yod do/ /byang chub sems dpa' kun tu bzang pos smras pa/ kye rgyal ba'i sras ji skad du smras pa de de bzhin gyis legs so legs so/ /kye rgyal ba'i sras de bzhin du skad cig thang cig yud tsam 
gyis sems can thams cad bla na med pa yang dag par rdzogs pa'i byang chub tu mngon par rdzogs par sangs rgyas kyang / de snyed cig ni mngon par sangs rgyas so/ /de snyed cig ni mngon par sangs ma rgyas pa'ang yod par 'gyur ro/ /</font><hr>37-1-127b<br><font size=+1>
de ci'i phyir zhe na/ de ni 'di ltar byang chub la mtshan nyid med pas/ gang la mtshan nyid med pa de ni mngon par rdzogs pa'i byang chub la 'grib pa med do/ /de'i mngon par rdzogs pa'i byang chub la 'phel ba med do/ /kye rgyal ba'i sras de ltar 
byang chub sems dpa' sems dpa' chen pos de bzhin gshegs pa dgra bcom pa yang dag par rdzogs pa'i sangs rgyas rnams kyi mngon par rdzogs pa'i byang chub khong du chud par bya'o/ /kye rgyal ba'i sras de bzhin gshegs pa rnams mngon par 
sangs rgyas nas kyang / skad cig yud tsam thang cig gis blo shin tu rnam par sangs rgyas pa'i ting nge 'dzin la snyoms par 'jug ste/ de dag ting nge 'dzin de la snyoms par zhugs ma thag tu mngon par rdzogs par byang chub pa'i sku 'byam 
klas pa gcig las/ sku sems can ma lus pa thams cad dang mnyam pa kun nas gnas par 'gyur te/ mngon par rdzogs par byang chub pa'i sku 'byam klas pa gcig las ji lta ba de bzhin du mngon par rdzogs par byang chub pa'i sku ma lus 
pa thams cad kyi sgo nas kyang / sku sems can ma lus pa thams cad dang / mnyam pa re re kun nas gnas par 'gyur ro/ /kye rgyal ba'i sras de ltar na mngon par rdzogs pa'i byang chub kyi sgo yang tshad med pas/ de bzhin gshegs 
pa'i sku'i dbyibs kyang tshad med pa nyid du shes par bya ste/ de'i phyir na de bzhin gshegs pa'i dbyings tshad med ces bya/ sems can gyi khams tshad du ma byas pa zhes bya'o/ /kye rgyal ba'i sras de ltar na byang chub sems dpa' sems 
dpa' chen pos de bzhin gshegs pa dgra bcom pa yang dag par rdzogs pa'i sangs rgyas rnams kyi/ mngon par rdzogs par byang chub khong du chud par bya ste/ skra'i rtse mo gcig la yang byang chub sems dpa' sems dpa' chen po </font><hr>37-1-128a<br><font size=+1>
de bzhin gshegs pa'i sku sems can thams cad snyed du 'jug par bya'o/ /de ci'i phyir zhe na/ de ni 'di ltar de bzhin gshegs pa rnams kyi mngon par rdzogs par byang chub pa'i sku de dag ni 
mi 'jig pa'i tshul gyis/ yod nas ma skyes pa'i phyir ro/ /skra'i rtse mo gcig la ji ltar khong du chud par bya ba de bzhin du/ chos kyi dbyings ma lus pa thams cad du'ang khong du chud par bya ste/ gnas gang na de bzhin gshegs 
pa mi bzhugs pa de lta bu ni gang yang med par mos par bya'o/ /de ci'i phyir zhe na/ de ni de bzhin gshegs pa rnams kyi mngon par rdzogs pa'i byang chub kyis thams cad du khyab pa'i phyir te/ de bas na stobs dang mthu dang nyams kyi 
tshul ji lta ba/ de bzhin du de bzhin gshegs pa rnams kyi snying po byang chub dang / byang chub kyi shing dang / gdan seng ge'i khri dang / mngon par rdzogs pa'i byang chub rnam pa tha dad pa'ang de bzhin gshegs pa'i stobs la 
'jug pa'i tshul gyis khong du chud par bya'o/ /kye rgyal ba'i sras gzhan yang / byang chub sems dpa' sems dpa' chen pos rang gi sems kyi tshul gyis/ de bzhin gshegs pa thams cad kyi mngon par rdzogs pa'i byang chub khong 
du chud par bya'o/ /de ci'i phyir zhe na/ de bzhin gshegs pa'i mngon par rdzogs pa'i byang chub dang / bral ba'i sems de lta bu gang yang med de/ rang gi sems kyis ji lta ba bzhin du sems can ma lus pa thams cad kyi sems 
mang po 'byam klas pa rnams las kyang / de bzhin gshegs pa rnams kyi mngon par rdzogs pa'i byang chub khong du chud par bya ste/ kye rgyal ba'i sras de ltar byang chub sems dpa' sems dpa' chen pos de bzhin gshegs pa dgra bcom </font><hr>37-1-128b<br><font size=+1>
pa yang dag par rdzogs pa'i sangs rgyas rnams kyi mngon par rdzogs pa'i byang chub rgya che zhing yangs la kun tu khyab ste/ mi 'bral ba dang rnam par 'chad pa med pa dang / rgyun mi 'chad par tshul gyi sgo bsam gyis mi khyab pa la 'jug pas khong du 
chud par bya'o/ /de nas byang chub sems dpa' sems dpa' chen po kun tu bzang pos/ don 'di nyid yang brtag par bya ba'i phyir tshigs su bcad pa 'di dag smras so/ /chos rnams thams cad rtogs pa gnyis dang gnyis med bral/ 
chos rnams thams cad rtogs pa yang dag yul med yin/ /chos rnams thams cad rtogs pa nam mkha'i rang bzhin mnyam/ /chos rnams thams cad rtogs pa bdag dang bdag med snyoms/ /gling bzhi kun gyi gzugs 
mang ji snyed ji bzhin du/ /gzugs brnyan rgya mtshor rgya 'dra de phyir rgya mtsho ste/ /de bzhin phyogs bcu sems can thams cad rgya bzhin du/ /bsam pa thugs su chud pas de phyir byang chub yin/ /ji ltar nam mkha' 'jig rten 
yongs su 'grub gyur kyang / /rnam par 'phel bar mi 'gyur 'jig kyang 'grib pa med/ /rgyal ba 'jig rten 'das pa'i byang chub de bzhin te/ /byang chub byang ma chub tu mtshan nyid med par gcig /mkhas pa'i sems kyis sprul 
pa mngon par sprul byas pa/ /mngon sprul mngon ma sprul kyang sngon dang rang bzhin mnyam/ /de bzhin 'gro ba thams cad byang chub sangs rgyas kyang / /sngon dang rang bzhin gcig ste 'phel zhing 'grib pa med/ /rnam sangs rgyas shes bya ba'i 
brgyal ba'i ting 'dzin yod/ /byang chub snying por bzhugs nas ting 'dzin de bsgrubs te/ /sems can snyed kyi 'od zer mnyam par rab bkye zhing / /pad ma ji bzhin rnam par sangs rgyas sems can 'dul/ /bskal pa dus gsum </font><hr>37-1-129a<br><font size=+1>
sems can zhing gi rang bzhin dang / /chos dang de bzhin sems can dbang po bsam pa dag /thams cad rang bzhin sku la mnyam pa nyid du gzigs/ /de bas byang chub gnas ni tshad med shes par gyis/ /de skad 
ces smras pa dang / byang chub sems dpa' sems dpa' chen po de bzhin gshegs pa'i rigs su byung ba'i dpal gyis/ byang chub sems dpa' sems dpa' chen po kun tu bzang po la 'di skad ces smras so/ /kye rgyal ba'i sras byang chub 
sems dpa' sems dpa' chen pos de bzhin gshegs pa dgra bcom pa yang dag par rdzogs pa'i sangs rgyas rnams kyis chos kyi 'khor lo bskor ba ji lta bur khong du chud par bya/ de skad ces smras pa dang / byang chub sems dpa' sems dpa' chen po kun tu bzang pos 
byang chub sems dpa' sems dpa' chen po de bzhin gshegs pa'i rigs su byung ba'i dpal la 'di skad ces smras so/ /kye rgyal ba'i sras 'di la byang chub sems dpa' sems dpa' chen po de bzhin gshegs pa'i dgongs pas shin tu byin gyis brlabs pas/ chos kyi 
'khor lo rab tu bskor ba ni/ yong gis ldang ba med pa'i tshul gyis 'khor ba med cing mngon par grub pa med par shes par bya'o/ /chos kyi 'khor lo bskor ba ni mthar lta ba thams cad dang bral ba'i tshul gyis 'khor gsum yongs su gcod 
pa shin tu chad par shes par bya'o/ /nam mkha'i mtha' khong du chud pa'i tshul gyis 'dod chags dang bral ba'i mtha'i mtha' med par shes par bya'o/ /chos kyi 'khor lo bskor ba ni brjod du med pa'i tshul gyis smos su med par shes par bya'o/ /
chos kyi 'khor lo bskor ba ni mya ngan las 'das pa'i rang bzhin gyis shin tu zhi bar shes par bya'o/ /chos kyi 'khor lo bskor ba ni de bzhin gshegs pa'i gsung gis thams cad du khyab pa'i phyir yi ge dang sgra dang dbyangs dang skad sna tshogs su 'khor </font><hr>37-1-129b<br><font size=+1>
bar shes par bya'o/ /chos kyi 'khor lo bskor ba ni chos kyi tshul gyi rang bzhin gyis sgra brnyan gyi sgra dang / dbyangs kyi rang bzhin du shes par bya'o/ /chos kyi 'khor lo bskor ba ni bdag po yod nas med pa'i phyir sgra thams cad sgra gcig tu khong du chud 
par bya'o/ /chos kyi 'khor lo bskor ba ni phyi dang nang 'brel ba med pas yi ge zad mi shes par shes par bya'o/ /chos kyi 'khor lo bskor ba ni chos nyid khong du chud pa'i tshul gyis yong gis ma skyes ma 'gags par shes par bya'o/ /kye rgyal ba'i sras 'di lta ste/ 
dper na/ yi ge 'grangs pa thams cad ni bstan pa thams cad kyis shin tu bstan kyang mi 'phel mi 'grib ste/ sngon gyi mtha'i bskal pa'i mur thug pa nas/ yi ge thams cad brjod kyang ma 'phel ma 'grib pa yin no/ /kye rgyal ba'i sras de bzhin du 
de bzhin gshegs pa rnams chos kyi 'khor lo bskor ba yang yi ge rnam par dmigs par bstan pa thams cad kyis shin tu bstan kyang mi 'phel mi 'grib ste/ sngon gyi mtha'i mur byung ba'i sangs rgyas rnams kyi chos kyi 'khor lo bskor kyang chos 
kyi 'khor lo ma zad pa yin te/ de bzhin gshegs pa rnams chos kyi 'khor lo bskor ba de ni dgos pa thams cad dang / spyod pa 'grangs pa thams cad dang / 'jig rten pa dang / 'jig rten las 'das pa'i dgos pa thams cad kyi nang du 'dus kyang gang la yang mi 
gnas par shes par bya'o/ /kye rgyal ba'i sras 'di lta ste/ dper na yi ge'i 'bru 'grangs pa dgos pa thams cad dang / spyod pa 'grangs pa thams cad dang / bgrang ba 'grangs pa thams cad dang / 'jig rten pa dang 'jig rten las 'das pa'i 
gnas thams cad du khyab par 'dug kyang ci la'ang mi gnas par shes par bya'o/ /kye rgyal ba'i sras de bzhin du de bzhin gshegs pa rnams chos kyi 'khor lo bskor ba yang sems can dang / chos dang las dang rnam par smin pa thams cad du khyab kyang </font><hr>37-1-130a<br><font size=+1>
ci la'ang mi gnas te/ sems can gang yang rung sgra sna tshogs ji snyed du brjod pa de dag thams cad kyang de bzhin gshegs pa chos kyi 'khor lo bskor ba'i sgra nyid du brjod do/ /de ci'i phyir zhe na/ sgra thams cad 
ni chos kyi 'khor lo bskor ba'i tshul las rnam par mi 'da'o/ /kye rgyal ba'i sras de ltar byang chub sems dpa' sems dpa' chen pos/ de bzhin gshegs pa dgra bcom pa yang dag par rdzogs pa'i sangs rgyas rnams/ chos kyi 'khor 
lo bskor ba khong du chud par bya'o/ /kye rgyal ba'i sras gzhan yang byang chub sems dpa' sems dpa' chen pos de bzhin gshegs pa rnams chos kyi 'khor lo bskor ba khong du chud par 'dod pas/ de bzhin gshegs pa'i mngon par bsgrub pa la 
'jug pa khong du chud par bya'o/ /kye rgyal ba'i sras de bzhin gshegs pas mngon par bsgrub pa de yang gang zhe na/ kye rgyal ba'i sras de bzhin gshegs pa rnams chos kyi 'khor lo bskor ba'i tshe/ sems can thams cad kyi sems dang / 
spyod pa dang / bsam pa dang / dbang po dang / brtson 'grus rnam pa tha dad pa ji snyed pa de snyed du/ de bzhin gshegs pa'i gsung las dbyangs kyi yan lag 'byung bar 'gyur ro/ /kye rgyal ba'i sras/ de ci'i phyir zhe na/ de bzhin gshegs 
pa dgra bcom pa yang dag par rdzogs pa'i sangs rgyas rnams la ting nge 'dzin mi bsnyengs pa/ chags pa med pa'i mthar thug pa zhes bya ba mnga' ste/ de la snyoms par zhugs zhing de bzhin gshegs pa rnams chos kyi 'khor lo bskor ba mdzad de/ 
kye rgyal ba'i sras de bzhin gshegs pa rnams ting nge 'dzin de la snyoms par zhugs ma thag tu sems can thams cad ji snyed yod pa de snyed kyi chos kyi 'khor lo bskor ba'i sgra mngon par rdzogs pa'i byang chub kyi sku re re'i zhal nas 'byung ngo / /</font><hr>37-1-130b<br><font size=+1>
sgra'i dbyangs de dag re re zhing yang dbyangs kyi yan lag dang sgra rnam pa tha dad pa sems can snyed dang ldan par 'byung ngo / /kye rgyal ba'i sras de ni de bzhin gshegs pa rnams chos kyi 'khor lo bskor ba mdzad pa ste/ 'di ltar ting nge 'dzin de nyid la 
snyoms par zhugs pa'o/ /sems can thams cad mnyam par dga' bar 'gyur ba ste/ gang gis de lta bur de bzhin gshegs pa chos kyi 'khor lo bskor ba khong du chud pa de dag ni de bzhin gshegs pa'i rigs dang mthun par spyod pa yin/ /
gang gis de ltar khong du ma chud pa de dag ni de bzhin gshegs pa'i rigs las logs shig pa'i chos la spyod pa dag go /kye rgyal ba'i sras de ltar byang chub sems dpa' sems dpa' chen pos tshad med pa khong du chud par bya ba'i tshul gyis de bzhin 
gshegs pa dgra bcom pa yang dag par rdzogs pa'i sangs rgyas rnams/ chos kyi 'khor lo bskor ba mngon par bsgrub pa mdzad pa khong du chud par bya'o/ /de nas byang chub sems dpa' sems dpa' chen po kun tu bzang pos don 'di nyid yang 
brtag par bya ba'i phyir de'i tshe tshigs su bcad pa 'di dag smras so/ /mtshungs med chos kyi 'khor lo 'khor ba mi dmyigs te/ /phyir yang log med dus rnams kun las rnam par grol/ /yi ge thams cad smra bar bya bas zad mi 'gyur/ /
de bzhin stobs bcu'i chos kyi 'khor lo mtha' yang yas/ /yi ge'i 'bru rnams thams cad dgos pa kun tu khyab/ /gang na'ang mi gnas de bzhin sangs rgyas 'khor lo ste/ /sgra rnams kun la zhugs kyang rang bzhin zhugs 
pa med/ /ma lus sems can spyod pas sems can dga' bar mdzad/ /grangs las yongs su 'das pa'i chos rnams brjod pa'i phyir/ /ma lus mthar thug ting 'dzin ston pa snyoms par 'jug /de mthus skad cig de la </font><hr>37-1-131a<br><font size=+1>
sems can ji snyed pa/ /de snyed rgyal ba'i gsung dbyangs yid du 'ong ba 'gyur/ /sgra gcig dbyangs las sems can ma lus ji snyed pa'i/ /sgra dbyangs rnam pa tha dad dus gcig 'byung bar 'gyur/ /'jig rten 
dbang phyug kun la rnam par rtog mi mnga'/ /gang rnams ji ltar mos pa de bzhin gsung yang nyan/ /yi ge rnams ni nang na yod min phyi nas 'byung ba min/ /de dag zad par mi 'gyur bsags pa 'ang gang yang med/ /'on kyang 'khor lo bskor na 
'gro ba'i don du 'gyur/ /stobs bcu mnga' ba rnams kyi cho 'phrul ci 'dra ltos/ /de skad ces smras pa dang / byang chub sems dpa' sems dpa' chen po de bzhin gshegs pa'i rigs su byung ba'i dpal gyis/ byang chub sems dpa' sems dpa' 
chen po kun tu bzang po la 'di skad ces smras so/ /kye rgyal ba'i sras byang chub sems dpa' sems dpa' chen pos/ ji ltar de bzhin gshegs pa dgra bcom pa yang dag par rdzogs pa'i sangs rgyas rnams kyi mya ngan las 'das pa chen po khong du chud 
par bya/ de skad ces smras pa dang / byang chub sems dpa' sems dpa' chen po kun tu bzang pos/ byang chub sems dpa' sems dpa' chen po de bzhin gshegs pa'i rigs su byung ba'i dpal la 'di skad ces smras so/ /kye rgyal ba'i sras 
'di la byang chub sems dpa' sems dpa' chen po de bzhin gshegs pa dgra bcom pa yang dag par rdzogs pa'i sangs rgyas rnams kyi yongs su mya ngan las 'das pa chen po khong du chud par 'dod pas rang bzhin gyi ngo bo nyid la blo yongs su btang ste/ 
des de bzhin nyid kyi yongs su mya ngan las 'das pa ji lta ba de bzhin du/ de bzhin gshegs pa'i yongs su mya ngan las 'das pa khong du chud par bya'o/ /yang dag pa'i mtha' yongs su mya ngan las 'das pa ji lta ba dang / chos kyi dbyings </font><hr>37-1-131b<br><font size=+1>
kyi yongs su mya ngan las 'das pa ji lta ba dang / nam mkha'i dbyings kyi yongs su mya ngan las 'das pa ji lta ba dang / rang bzhin gyis yongs su mya ngan las 'das pa ji lta ba dang / 'dod chags dang bral ba'i mtha'i yongs su mya ngan las 'das 
pa ji lta ba dang / rmi lam gyi mtha'i yongs su mya ngan las 'das pa ji lta ba dang / mtshan nyid med pa'i mtha'i yongs su mya ngan las 'das pa ji lta ba dang / chags pa med pa'i mtha'i yongs su mya ngan las 'das pa ji lta ba dang / bdag 
gi rang bzhin gyi mtha'i yongs su mya ngan las 'das pa ji lta ba dang / chos thams cad kyi rang bzhin gyi mtha'i yongs su mya ngan las 'das pa ji lta ba de bzhin du de bzhin gshegs pa'i yongs su mya ngan las 'das pa khong du chud par bya'o/ /
de ci'i phyir zhe na/ de ni de dag thog ma nas ma skyes ma byung ba'i phyir te/ chos gang ma skyes ma byung ba de la 'bral bar 'gyur ba gang yang med do/ /kye rgyal ba'i sras gzhan yang de bzhin gshegs pa rnams ni/ byang chub sems dpa' 
rnams la yongs su mya ngan las 'da' ba shin tu mthar thug pa/ mi rjod mi ston te/ de ci'i phyir zhe na/ de dag gis ni de bzhin gshegs pa thams cad da ltar byung ba ji lta ba de bzhin du 'das pa dang / ma byon pa rnams kyang / skad cig 
gcig la mngon du bya zhing skad cig kyang ye shes kyi skad cig gis rjes su 'brang bar bya/ skad cig de la yang de bzhin gshegs pa thams cad mngon tu blta bar bya/ de bzhin gshegs pa'i mngon par bsgrub pa thams cad kyang des 
mngon par bsgrub par bya ste/ des ni gnyis kyi 'du shes kyang bskyed par mi bya/ mi gnyis pa'i 'du shes kyang ma yin/ sems can gyi 'du shes kyang ma yin/ bdag gi 'du shes kyang ma yin pa'i phyir ro/ /kye rgyal ba'i </font><hr>37-1-132a<br><font size=+1>
sras de ci'i phyir zhe na/ byang chub sems dpas ni mngon par zhen pa'i lam thams cad dang bral zhing 'du shes thams cad yongs su spang bar bya dgos pa'i phyir ro/ /kye rgyal ba'i sras gzhan yang de bzhin gshegs pa 
'byung ba zhes bya ba 'di ni sems can pha rol yongs su tshim par 'gyur ba'i tshig go /de bzhin gshegs pa yongs su mya ngan las 'da' zhes bya ba 'di ni sems can pha rol gyi skyo ba bskyed pa'i tshig ste/ kye rgyal ba'i sras de bzhin gshegs pa 
rnams ni skye ba med de/ yongs su mya ngan las mi 'da' 'o/ /de ci'i phyir zhe na/ de bzhin gshegs pa rnams ni chos kyi dbyings la bzhugs pa'i phyir te/ sems can pha rol gyi sems dang / bsam pa yongs su skom par bya ba'i phyir/ 
de bzhin gshegs pa yongs su mya ngan las 'da' bar snang ngo / /kye rgyal ba'i sras 'di lta ste dper na/ nyi ma'i dkyil 'khor chos kyi dbyings kyi tshad dang / mnyam pa zhig shar la de shar nas kyang 'jig rten gyi khams thams cad kyi chu yongs su 
dang ba'i snod thams cad du gzugs brnyan phyin par snang zhing mngon la/ nyi ma'i dkyil 'khor la 'phos pa med cing nyi ma'i dkyil 'khor kun tu phyin par snang bar gyur kyang de'i nang nas chu'i snod gcig cig chag gam/ de nas logs shig tu 
phyung ngam stong par bzhag par gyur na nyi ma'i gzugs brnyan yang snang bar mi 'gyur na/ kye rgyal ba'i sras de la ji snyam du sems/ nyi ma'i dkyil 'khor ram gcig gis nyes te snod der nyi ma'i gzugs brnyan mi snang bar ma gyur grang ngo / /byang chub 
sems dpa' de bzhin gshegs pa'i rigs su byung ba'i dpal gyis smras pa/ kye rgyal ba'i sras de lta ma yin te snod dang mi ldan pa'i phyir nyi ma'i gzugs brnyan mi snang gi nyi ma'i dkyil 'khor gyi nyes pa ni ma yin no/ /byang chub sems dpa' kun tu </font><hr>37-1-132b<br><font size=+1>
bzang pos smras pa/ kye rgyal ba'i sras de bzhin du de bzhin gshegs pa'i nyi ma'i dkyil 'khor 'char bar 'gyur ba'i tshe'ang / 'jig rten gyi khams 'byam klas pa thams cad kyi chos kyi dbyings kun tu snga phyi med par 'char te/ de ni 'jig rten gyi khams 
'byam klas pa kun gyi sems can sems rnyog pa med pa dang ldan pa'i chu'i snod thams cad la gzugs brnyan snang bar 'gyur ro/ /sems kyi rgyud rnyog pa med pa'i phyir rtag tu rgyun mi 'chad par/ de bzhin gshegs pa'i sku nyi ma'i dkyil 'khor 
snang yang sems can sems rnyog pa dang ldan zhing snod chag par gyur pa rnams kyis ni de bzhin gshegs pa'i sku nyi ma'i dkyil 'khor mthong bar mi 'gyur te/ de bzhin gshegs pa la 'pho ba mi mnga' yang thams cad du skye bar snang ste/ 'jig rten 
gyi khams 'byam klas pa la la zhig gi sems can snod chag pa lta bur gyur pa'am/ sems rnyog pa dang ldan zhing / las dang nyon mongs pas bsgribs pa zhig yod par gyur na yang / der ni de bzhin gshegs pa rnams mya ngan las 
'da' bar snang na/kye rgyal ba'i sras de la ji snyam du sems/ de bzhin gshegs pas nyes te de bzhin gshegs pa rnams/ mya ngan las 'da' ba 'am/ tshig tu ma gyur grang ngo / /smras pa kye rgyal ba'i sras de lta ma yin te/ 
de bzhin gshegs pa rnams ni sems can gyi rgyud dge ba'i rtsa ba dang / mi ldan pas yongs su mya ngan las 'da'i/ de bzhin gshegs pa rnams kyis nyes pa'i phyir zhes ni mi brjod do/ /smras pa kye rgyal ba'i sras 'o na byang chub sems 
dpa' sems dpa' chen pos/ de bzhin gshegs pa rnams mya ngan las 'da' ba yang / de lta bur shes par bya'o/ /kye rgyal ba'i sras gzhan yang yongs su mya ngan las 'da' bas/ 'dul ba'i sems can rnams la de bzhin gshegs </font><hr>37-1-133a<br><font size=+1>
pa rnams yongs su mya ngan las 'da' ba ston te/ de bzhin gshegs pa rnams ni 'byung ba 'ang med/ yongs su mya ngan las 'da' ba 'ang med do/ /kye rgyal ba'i sras de yang 'di lta ste/ dper na/ me ni 'jig 
rten thams cad na yang me'i dgos pa sgrub bo/ /de las grong ngam/ grong khyer ram/ grong rdal lam/ yul lam/ pho brang 'khor tam/ rgyal po'i gnas shig tu me shi bar gyur na/ /kye rgyal ba'i sras de 
la ji snyam du sems/ des 'jig rten thams cad du me thams cad lhag ma med pa'am/ gcig tu shi ste zhi bar ma gyur grang ngo / /byang chub sems dpa' de bzhin gshegs pa'i rigs su byung ba'i dpal gyis smras pa/ 
kye rgyal ba'i sras de lta ma yin no/ /smras pa/ kye rgyal ba'i sras de bzhin du de bzhin gshegs pa dgra bcom pa yang dag par rdzogs pa'i sangs rgyas kyang / 'jig rten gyi khams 'byam klas pa/ ma lus pa thams cad na de bzhin 
gshegs pa'i phrin las mdzad pa las dus gzhan zhig na/ de bzhin gshegs pa'i phrin las yongs su rdzogs par grub nas/ zhing gi grangs su bya ba la la zhig nas yongs su mya ngan las 'da' ba bstan par gyur na/ kye rgyal ba'i sras 
de la ji snyam du sems/ 'jig rten thams cad nas kyang de bzhin gshegs pa'am gcig yongs su mya ngan las 'das par ma gyur grang ngo / /smras pa/ kye rgyal ba'i sras de lha ma yin no/ /smras pa/ kye rgyal ba'i sras 'o na byang chub sems dpa' sems dpa' chen pos de 
bzhin gshegs pa dgra bcom pa yang dag par rdzogs pa'i sangs rgyas rnams kyi yongs su mya ngan las 'das pa chen po yang de lta bur khong du chud par bya'o/ /kye rgyal ba'i sras gzhan yang 'di lta ste dper na/ sgyu ma'i mkhan po mkhas pa lobs pa shin tu byang ba zhig gis </font><hr>37-1-133b<br><font size=+1>
sngags dang rig sngags kyi stobs dang shugs la brten te/ stong gsum gyi stong chen po'i 'jig rten gyi khams thams cad du sgyu ma'i rnam pa mang po bstan te/ grong dang grong khyer dang ljongs dang / pho brang 'khor dang rgyal po'i gnas thams 
cad du rang gi lus bsten te/ sgyu ma de dag kyang bskal par gnas par byin gyis brlabs pa las/ grong ngam grong khyer ram/ ljongs sam/ yul lam/ pho brang 'khor tam/ rgyal po'i gnas gcig cig tu dgos pa rdzogs par zin 
nas/ sgyu ma'i mkhan po des rang gi lus mi snang bar byas na/ kye rgyal ba'i sras de ji snyam du sems/ 'jig rten thams cad nas kyang sgyu ma'i rnam pa mang po yongs su nub pa'am/ gcig tu ma gyur grang ngo / /byang chub sems dpa' 
de bzhin gshegs pa'i rigs su byung ba'i dpal gyis smras pa/ kye rgyal ba'i sras de lta ma yin no/ /smras pa/ kye rgyal ba'i sras de bzhin du de bzhin gshegs pa dgra bcom pa yang dag par rdzogs pa'i sangs rgyas ye shes kyi sgyu ma tshad med pa la shin tu byang 
ba/ thabs dang shes rab dang ye shes kyi rig sngags kyis shin tu byung ba yang chos kyi dbyings thams cad du de bzhin gshegs pa'i sku sgyu ma'i rnam pa lta bu chos kyi dbyings kyi klas par gnas pa/ nam mkha'i dbyings kyi mthar thug par mi 'jig pa bstan la sems can 
gyi mos pa bzhin du phrin las rdzogs par zin nas/ zhing 'byam klas pa la la zhig nas yongs su mya ngan las 'das pa ston kyang zhing gcig nas yongs su mya ngan las 'das pas 'jig rten gyi khams thams cad nas yongs su mya ngan las 'da' ba ma yin te/ kye 
rgyal ba'i sras byang chub sems dpa' sems dpa' chen pos de bzhin gshegs pa rnams yongs su mya ngan las 'da' ba ni de lta bur khong du chud par bya'o/ /kye rgyal ba'i sras gzhan yang de bzhin gshegs pa dgra bcom pa yang dag par rdzogs pa'i sangs </font><hr>37-1-134a<br><font size=+1>
rgyas rnams kyi ting nge 'dzin mi g.yo ba zhes bya ba yod de/ ting nge 'dzin de la ni de bzhin gshegs pa rnams yongs su mya ngan las 'da' ba ston pa'i tshe snyoms par 'jug go /ting nge 'dzin de la snyoms par zhugs ma thag tu de bzhin gshegs 
pa'i sku 'byam klas pa re re las kyang 'od zer bye ba khrag khrig brgya stong tshad med pa 'byung bar 'gyur te/ 'od zer de dag re re'i sgo nas kyang pad mo grangs med pa 'byung bar 'gyur ro/ /pad mo de dag re re las kyang ze ba brjod du med pa 'byung bar 'gyur ro/ /
ze ba de dag thams cad la yang seng ge'i khri mang po 'byung bar 'gyur te/ seng ge'i khri mang po de dag la yang de bzhin gshegs pa'i sku mang po bzhugs pa yongs su snang ngo / /kye rgyal ba'i sras de la sems can thams cad kyi grangs ji snyed yod 
pa de snyed kyi de bzhin gshegs pa'i sku rnam pa'i mchog thams cad dang ldan pa/ sangs rgyas kyi yon tan gyi rgyan thams cad kyis shin tu brgyan pa kun nas bzhugs te/ de dag ni sngon gyi dam bcas pa chen po mthar dbyung ba'i phyir ro/ /de la sems 
can dbang po yongs su smin pa rnams kyis de bzhin gshegs pa'i sku de dag mthong nas rnam par 'dul bar 'gyur te/ de bzhin gshegs pa'i sku de dag kyang 'di lta ste/ sems can thams cad dus gang du yongs su smin par gyur ba'i tshul bzhin du gdul ba'i dus 
las mi 'da' bar bya ba'i phyir/ phyi ma'i mtha'i mur thug par byin gyis brlabs pa dag ste/ de bzhin gshegs pa'i sku de dag ni yul na gnas pa'ang ma yin/ phyogs na gnas pa'ang ma yin no/ /yod pa yang ma yin med pa'ang ma yin no/ /'on kyang de bzhin 
gshegs pa'i sngon gyi smon lam chen po'i byin gyi rlabs dang / sems can rnams kyi dbang po yongs su smin pa rgyur byas na/ de bzhin gshegs pa'i sku de dag kyang brjod par 'gyur ro/ /kye rgyal ba'i sras de ltar byang chub sems dpa' sems </font><hr>37-1-134b<br><font size=+1>
dpa' chen pos de bzhin gshegs pa dgra bcom pa yang dag par rdzogs pa'i sangs rgyas rnams kyi/ yongs su mya ngan las 'da' ba tshad med pa'i rjes su song ba chags pa med pa'i mthar thug pa/ chos kyi dbyings ltar mtha' dang dbus 
med pa nam mkha'i dbyings kyi rang bzhin can/ de bzhin nyid kyis mi skye mi 'gag pa yang dag pa'i mtha' la gnas pa/ dus bzhin du rab tu ston pa/ 'gro ba thams cad du rgyun mi 'chad pa/ sngon gyi byin gyi rlabs kyis shin 
tu byin gyis brlabs pa/ 'gro ba'i zhing thams cad dang / chos kyi dbyings 'byam klas pa thams cad las mi 'da' ba khong du chud par bya'o/ /de nas byang chub sems dpa' sems dpa' chen po kun tu bzang pos don 'di nyid yang brtag par 
bya ba'i phyir/ /de'i tshe tshigs su bcad pa 'di dag smras so/ /nyi ma'i dkyil 'khor chos dbyings tshad dang mnyam pa ni/ /snod du gzugs brnyan snang ste chag la snang ba min/ /de ltar mi mchog dbang po 'jig rten kun tu snang / /sems can dad 
med rnams kyis mya ngan 'das par shes/ /me ni 'jig rten kun na dgos pa'i don bsgrub ste/ /shing dang mi ldan de dang de nas zhi bar 'gyur/ /de bzhin rgyal ba'i me 'bar gzi brjid che mnga' ba/ /'dul ba med pas yongs su mya ngan 'da' 
ba ston/ /sgyu ma'i mkhan po stong gsum khams su lus ston pa/ /dgos pa'i mthar phyin bdag gi lus kyang mi snang byed/ /zhing rnams gang du sangs rgyas phrin las rdzogs gyur ba/ /de ni rgyal ba mi snang 'on kyang gud na snang / /rgyal ba'i ting 'dzin 
mi g.yo thob ces bya ba yod/ /rgyal ba'i phrin las rdzogs nas de la snyoms par 'jug /'byam klas sku rnams gcig las tshad med mtha' yas pa'i/ /'od zer pad mo sangs rgyas skad cig gcig gis 'byung / /rgyal ba de dag chos dbyings kun tu rgyas </font><hr>37-1-135a<br><font size=+1>
'gengs pa/ /sems can bsod nams byas pas sangs rgyas de mthong ste/ /rgyal ba'i sku mchog de dag chos kyi dbyings mnyam par/ /sku tshe byin gyis brlabs pas yan lag kun dang ldan/ /ji ltar sangs rgyas ma skyes skyes par 
brjod gyur pa/ /de bzhin zhig pa med kyang mya ngan 'das shes brjod/ /dpe dang dbyangs dang tshig gi lam rnams kun gyis dben/ /don grub sangs rgyas lha yi dam pa mtshungs pa myed/ /de skad ces smras pa dang byang chub sems dpa' sems dpa' chen po de bzhin gshegs 
pa'i rigs su byung ba'i dpal gyis byang chub sems dpa' sems dpa' chen po kun tu bzang po la 'di skad ces smras so/ /kye rgyal ba'i sras de bzhin gshegs pa dgra bcom pa yang dag par rdzogs pa'i sangs rgyas rnams mthong ba dang thos pa dang de dag dang 'grogs pas dge 
ba'i rtsa ba skye bar 'gyur ba/ byang chub sems dpa' sems dpa' chen pos ji lta bur khong du chud par bya/ de skad ces smras pa dang byang chub sems dpa' sems dpa' chen po kun tu bzang pos/ byang chub sems dpa' sems dpa' chen po de bzhin gshegs 
pa'i rigs su byung ba'i dpal la 'di skad ces smras so/ /kye rgyal ba'i sras de la de bzhin gshegs pa dgra bcom pa yang dag par rdzogs pa'i sangs rgyas rnams mthong ba dang thos pa dang de dag dang 'grogs pa'i dge ba'i rtsa ba skye bar 'gyur ba ni/ byang chub 
sems dpa' sems dpa' chen pos mi zad pa mngon par bsgrub pa'i blos don yod pa dang / bgegs med pa dang / shin tu mthar thug par 'grub pa dang mi bslu ba dang / bsam pa thams cad yongs su rdzogs par byed pa dang / 'dus byas thams cad la spyod pa'i 
rgyun mi zad pa dang / 'dus ma byas kyi ye shes 'thob par 'gyur ba dang / de bzhin gshegs pa'i ye shes skye bar 'gyur ba dang /phyi ma'i mtha'i mu mtha' yas pa'i mthar thug par 'gyur ba dang / rang byung gi rnam pa'i mchog thams cad dang ldan pa 'thob par 'gyur </font><hr>37-1-135b<br><font size=+1>
bar khong du chud par bya'o/ /kye rgyal ba'i sras 'di lta ste dper na/ mi la la zhig gis rdo rje'i khams shig zos par gyur na/ de ni ji tsam du chung du zin kyang rdo rje'i khams de zhu bar mi nus te/ de ni gdon mi za bar gnas thams cad las 'das nas/ 'og 
gi phyogs su 'byung bar 'gyur ro/ /kye rgyal ba'i sras de ci'i phyir zhe na/ de ni rdo rje'i chos ma 'dres pa yin pa'i phyir ro/ /kye rgyal ba'i sras de bzhin du de bzhin gshegs pa la bskyed pa'i dge ba'i rtsa ba ni ji tsam du chung ngu zin kyang / 'dus byas la spyod pa'i nyon mongs pa'i 
gnas thams cad las mngon par 'das te/ de bzhin gshegs pa'i ye shes 'dus ma byas pa'i mthar thug par 'gyur ro/ /kye rgyal ba'i sras de ci'i phyir zhe na/ de bzhin gshegs pa la bskyed pa'i dge ba'i rtsa ba'i chos ma 'dres pa yin pa'i phyir ro/ /
kye rgyal ba'i sras gzhan yang 'di lta ste dper na/ rtswa dang lo ma'i phung po ni ri rab tsam zhing yod du zin kyang der me mngag yungs kar kyi 'bru tsam zhig bcug na/ rtswa dang lo ma'i phung po de ni gdon mi za bar 'tshig par 'gyur ro/ /de ci'i phyir zhe na/ de ni me'i mtshan 
nyid bsreg pa la sta gon du gnas pa'i phyir ro/ /kye rgyal ba'i sras de bzhin du de bzhin gshegs pa la bskyed pa'i dge ba'i rtsa ba'i me mdag kyang ji tsam du chung du zin kyang / nyon mongs pa thams cad kyi rtswa dang lo ma'i phung po ma lus par bsregs nas/ sangs rgyas kyi 
mthar phyin kyi bar du 'grub par byed do/ /kye rgyal ba'i sras de ci'i phyir zhe na/ de bzhin gshegs pa la bskyed pa'i dge ba'i rtsa ba ni shin tu thug pa'i mthar phyin pa'i phyir ro/ /kye rgyal ba'i sras gzhan yang 'di lta ste dper na/ ri'i rgyal po kha ba can la/ sman 
gyi rgyal po chen po blta na legs pa zhes bya ba yod de/ sman gyi rgyal po de sems can gang gis mthong bar gyur pa de dag gi mig rnam par dag par 'gyur ro/ /sman gyi rgyal po de la rlung gis btab pa'i sgra gang gis thos pa de dag gi rna ba rnam par dag par 'gyur ro/ /</font><hr>37-1-136a<br><font size=+1>
gang gis dri tshor ba de dag gi sna rnam par dag par 'gyur ro/ /gang gis myongs pa de dag gi lce rnam par dag par 'gyur ro/ /gang gis reg pa de dag gi lus rnam par dag par 'gyur ro/ /gang gis de 'khor gyi sa phyogs su phyin pa de dag gi nad kyang 
yongs su zhi bar 'gyur ro/ /kye rgyal ba'i sras de bzhin du de bzhin gshegs pa dgra bcom pa yang dag par rdzogs pa'i sangs rgyas sman gyi rgyal po chen po bla na med pa yang sems can thams cad rnam pa thams cad du nye bar 'tsho ba yin te/ sems can gang gis de bzhin 
gshegs pa'i gzugs kyi sku mthong bar gyur pa de dag la mthong ba'i dge ba'i rtsa ba de ni lha'i mig yongs su dag par 'gyur ba'i rgyur 'gyur ro/ /sems can gang gis de bzhin gshegs pa'i mtshan thos pa de dag la rna ba yongs su dag pa'i rgyur 'gyur ro/ /sems can gang gis 
de bzhin gshegs pa'i tshul khrims kyi dri tshor ba de dag la lha'i sna yongs su dag pa'i rgyur 'gyur ro/ /sems can gang gis de bzhin gshegs pa'i chos kyi ro myong ba de dag la tshig gi tshul thams cad shes pa'i lce'i dbang po yangs pa rnam par dag pa'i rgyur 'gyur ro/ /
sems can gang la de bzhin gshegs pa'i 'od kyis phog par gyur pa de dag la chos kyi sku shin tu che ba yongs su dag pa'i rgyur 'gyur ro/ /sems can gang gis de bzhin gshegs pa rjes su dran pa de dag la de bzhin gshegs pa dran pa rtse gcig yongs su dag pas 
yang dag par rdzogs pa'i sangs rgyas mthong ba'i rgyur 'gyur ro/ /sems can gang gis de bzhin gshegs pa bzhugs bzhugs pa'i sa phyogs sam/ de bzhin gshegs pa'i mchod rten la mchod pa byas na de dag gi dge ba'i rtsa ba de yang nyon mongs pa'i nad thams cad 
zhi zhing 'phags pa'i bde ba thob pa'i rgyur 'gyur ro/ /kye rgyal ba'i sras khyod kyis yid ches pa dang khong du chud par bya na/ sems can la la zhig gis de bzhin gshegs pa mthong ngam thos kyang las kyi sgrib pas kun nas 'khor ba'i phyir/ de bzhin gshegs </font><hr>37-1-136b<br><font size=+1>
pa la ma dad pa zhig byas na yang de dag gi mthong ba'i dge ba'i rtsa ba de ni yongs su mya ngan las 'da' ba'i bar du don yod do zhes bdag smra'o/ /kye rgyal ba'i sras de bzhin gshegs pa mthong ba dang thos pa dang de dag dang 'grogs pa'i dge ba'i rtsa ba skye ba ni/ byang chub sems 
dpa' sems dpa' chen pos mi dge ba'i chos thams cad spang ba dang / dge ba'i chos thams cad mngon tu bya zhing yongs su rdzogs par 'gyur ba'i rgyur khong du chud par bya'o/ /kye rgyal ba'i sras gzhan yang dpe rnam par dgod pa thams cad kyis de bzhin 
gshegs pa rnam pa thams cad du shes par mi rung ste/ cis kyang dper bya ba ma yin no/ /de ci'i phyir zhe na/ kye rgyal ba'i sras de bzhin gshegs pa rnams ni sems kyi las thams cad las shin tu 'das pas bsam gyis mi khyab pa ste/ 'on kyang 
sems can rnams kyi bsam pa yongs su tshim par bya ba'i phyir de bzhin gshegs pa rnams ni byang chub sems dpa' rnams la dpes ston pa mngon par gnang ba mdzad kyi de lhur blang ba'i phyir ni ma yin no/ /kye rgyal ba'i sras chos kyi rnam grangs rnam pa 'di lta bu dag ni 
de bzhin gshegs pa'i gsang ba'i gnas shes bya'o/ /'jig rten thams cad kyis shes par dka' ba zhes bya'o/ /de bzhin gshegs pa'i phyag rgya dang ldan pa zhes bya'o/ /ye shes kyi mthu chen po brjod pa zhes bya'o/ /de bzhin gshegs pa'i rigs 
ston pa zhes bya'o/ /byang chub sems dpa' thams cad yang dag par sgrub pa zhes bya'o/ /'gro ba thams cad kyis mi 'phrogs pa zhes bya'o/ /shin tu nges par de bzhin gshegs pa'i spyod yul gyis rjes su song ba zhes bya'o/ /sems can gyi khams 
ma lus pa thams cad rnam par sbyong ba zhes bya'o/ /de bzhin gshegs pa thams cad kyis bstan pa'i rtsa ba zhes bya'o/ /shin tu mthar thug pa'i mur phyin pa zhes bya ba'i bar du ste/ kye rgyal ba'i sras chos kyi rnam grangs rnam pa 'di lta bu dag </font><hr>37-1-137a<br><font size=+1>
ni theg pa chen po la yang dag par zhugs pa bsam gyis mi khyab pa'i theg pa la gnas pa'i byang chub sems dpa' sems dpa' chen po rnams ma gtogs par gzhan gyi don du de bzhin gshegs pa ston pa mi mdzad do/ /
chos kyi rnam grangs rnam pa 'di lta bu dag ni byang chub sems dpa' sems dpa' chen po ma gtogs par sems can gzhan gyi lag tu phyin par mi 'gyur ro/ /kye rgyal ba'i sras 'di lta ste dper na/ 'khor los sgyur ba'i rgyal po rin po che gang gis 
'khor los sgyur ba'i rgyal por brjod pa'i rin po che gang yang rung ste/ rin po che de dag ni 'khor los sgyur ba'i rgyal po de'i bu thu bo gzhon nu btsun mo dam pa las byung ba 'khor los sgyur ba'i mtshan dang ldan pa ma gtogs par sems can gzhan gyi lag 
tu phyin par mi 'gyur ro/ /kye rgyal ba'i sras 'khor los sgyur ba'i rgyal po'i bu 'khor los sgyur ba'i mtshan dang ldan pa de lta bu med na ni 'khor los sgyur ba'i rgyal po dus byas nas zhag bdun lon pa dang nor bu rin po che de dag ma lus par nub par 'gyur te 
mi 'khod do/ /kye rgyal ba'i sras de bzhin du mdo sde rin po che rnam pa 'di lta bu 'di dag kyang de bzhin gshegs pa rnams kyi sras kyi thu bo de bzhin gshegs pa'i rigs su byung ba de bzhin gshegs pa rnams la dge ba'i rtsa ba bskyed pa rnams ma gtogs par sems 
can gzhan gyi lag tu phyin par mi 'gyur ro/ /kye rgyal ba'i sras skyes bu dam pa de lta bu dag med du zin na ni ring por mi thogs par mdo sde rnam pa 'di lta bu de bzhin gshegs pa'i gsang ba chen po chos kyi rnam grangs de bzhin gshegs pa'i tshul rgyun mi 'chad par byed 
pa rnams kyang / thams cad kyi thams cad du nub par 'gyur te mi 'khod do/ /de ci'i phyir zhe na/ nyan thos dang rang sangs rgyas thams cad la ni chos kyi rnam grangs rnam pa 'di lta bu dag mnyan pa'i mthu 'ang med na/ gzung ba 'am bcang ba </font><hr>37-1-137b<br><font size=+1>
'am klag pa 'am bstan pa 'am/ bri ba lta ci smos te de ni gnas ma yin no/ /gzhan du na chos kyi rnam grangs rnam pa 'di lta bu dag ni skyes bu dam pa de dag nyid kyi lag tu phyin pa'am/ glegs bam du byas pa'am/ yid las yod par 'gyur ro/ /
kye rgyal ba'i sras de lta bas na/ byang chub sems dpa' sems dpa' chen pos chos kyi rnam grangs 'di lta bu dag thos na bsam pa thag pas rim gro dang / bkur sti dang / rje sar byas te/ spyi bo la blang bar bya'o/ /rab tu dga' bar bya'o/ /de ci'i 
phyir zhe na/ kye rgyal ba'i sras gnas 'di la mos pa'i byang chub sems dpa' sems dpa' chen po rnams la ni bla na med pa yang dag par rdzogs pa'i byang chub dkon pa ma yin no/ /kye rgyal ba'i sras byang chub sems dpa' sems dpa' chen po bskal ba 
bye ba khrag khrig brgya stong mang por pha rol tu phyin pa drug yang dag par bsgrub pa dang / byang chub kyi phyogs kyi chos yang dag par bsgrub pa la mngon par brtson par byas kyang de bzhin gshegs pa'i che ba nyid bsam gyis mi khyab pa 'di ma thos sam/ thos 
nas kyang yid mi ches shing dad pa med de mi 'jug khong du chud par mi byed na/ byang chub sems dpa' de ni/ byang chub sems dpa'i chos nyid la yang dag par byung ba ma yin no/ /de la de bzhin gshegs pa rnams kyis kyang de bzhin gshegs pa'i 
rigs su byung bar bshad par mi 'gyur ro/ /kye rgyal ba'i sras nam byang chub sems dpa' sems dpa' chen pos de bzhin gshegs pa'i ye shes che ba nyid bsam gyis mi khyab pa tshad med pa chags pa med pa bsgribs pa med pa 'di thos nas yid ches shing 
dad de 'jug pa dang khong du chud par byed pa de'i tshe byang chub sems dpa' de/ de bzhin gshegs pa'i rigs su byung ba yin/ de bzhin gshegs pa'i yul gyi rjes su song ba yin/ sangs rgyas dang byang chub sems dpa' thams cad kyi mnyam pa nyid du </font><hr>37-1-138a<br><font size=+1>
shin tu grub pa yin/ thams cad mkhyen pa'i ye shes kyi yul la rab tu gnas pa yin/ 'jig rten gyi chos thams cad dang shin tu bral ba yin/ de bzhin gshegs pa'i spyod yul la shin tu byung ba yin/ byang 
chub sems dpa' thams cad kyi chos nyid rtogs par khong du chud pa yin/ de bzhin gshegs pa thams cad kyi khyu mchog gi mthu phyung ba dang / rnam par rol pa la the tsom med pa yin te/ byang chub sems dpa'i dbang rang 'byung gi chos nyid la gnas 
pas kyang / de bzhin gshegs pa'i yul chags pa med pa la 'jug pa yin no/ /kye rgyal ba'i sras byang chub sems dpas chos 'di dag thos nas blo thams cad kyi rjes su song ba dang / sems kyi bsam pa'i stobs dang shugs tshad med pa'i rjes 
su song ba dang / lhag pa'i bsam pas 'jug par rtog pa dang / rnam par rtog pa yongs su spangs pa dang / yid la byed pa de bzhin gshegs pa thams cad mngon du gyur pa dang / dran pa'i dbang nam mkha'i dbyings mnyam pa nyid kyis rnam par 
bsgoms pa dang / byang chub sems dpa'i blo gros gyi las chos kyi dbyings mtha' dang dbus med pas rnam par dpyad pa dang / rang byung gi ye shes 'byam klas pa yon tan thams cad yongs su rdzogs pas mngon par shes par bya ba dang / sems 
bskyed pa 'jig rten thams cad kyi dri ma dang bral ba dang / byang chub sems dpa'i dpyod pa dang / bsam pa la 'jug pa 'byam klas pa phyogs kyi dra ba thams cad du rgyas par 'gengs pa dang / dge ba'i rtsa ba yongs su bsngo ba'i ye shes 'das pa dang ma byon 
pa dang / da ltar byung ba'i sangs rgyas thams cad dang / rgyud kyi tshul gcig tu gyur pas chos 'di rnams la 'jug pa myed par khong du chud pa'i tshul gyis 'jug par bya ste/ des ni chos gang la yang gcig tu dmyigs pas yid la bya bar mi bya'i/ kye </font><hr>37-1-138b<br><font size=+1>
rgyal ba'i sras chos gcig la chos thams cad tshad med pa'i tshul du yid la bya'o/ /kye rgyal ba'i sras yon tan de lta bu dang ldan pa'i byang chub sems dpas ni las gron chung ngur rang 'byung gi ye shes dang mnga' bsgyur ba 'thob par 'gyur ro/ /de nas 
byang chub sems dpa' sems dpa' chen po kun tu bzang pos don de nyid yang brtag par bya ba'i phyir/ de'i tshe tshigs su bcad pa 'di dag smras so/ /rgyal ba de dag thos mthong mchod pa byas pas kyang / /tshad med pa yi bsod nams phung po 'phel 
bar 'gyur/ /nyon mongs 'khor ba'i sdug bsngal thams cad spangs gyur du/ /'dus byas 'di nang bar ma dor ni zad myi 'gyur/ /skyes bu la las rdo rje zos gyur de la ni/ /zhu bar mi 'gyur gdon mi za bar phyir 'byung 'gyur/ /de 
bzhin stobs bcu rnams la mchod byas bsod nams kyi/ /ye shes rdo rjes nyon mongs ma lus bcom par 'gyur/ /rtswa skam spungs pa ri bo'i mchog tsam yong gyur kyang / /mye mdag yungs 'bru tsam gyis de ni 'tshig 'gyur te/ /de 
bzhin bde gshegs mchod pa chud zad cig byas kyang / /nyon mongs thams cad tshig byed mya ngan 'das rgyur 'gyur/ /ri bo kha ba can la mthong legs sman yod de/ /mthong zhing reg pas nad rnams thams cad zhi bar byed/ /de bzhin stobs 
bcu rnams ni mthong ngam thos kyang rung / /yon tan kun ldan sangs rgyas ye shes 'thob par 'gyur/ /de nas de'i tshe sangs rgyas kyi mthus/ phyogs bcur 'jig rten gyi khams bye ba khrag khrig brgya stong brjod du med pa'i rdul shin tu phra ba 
snyed kyi 'jig rten gyi khams rnams rnam pa drug dang ltas chen po bco brgyad du g.yos so/ /rab tu g.yos so/ /kun tu g.yos so/ /'gul to/ /rab tu 'gul to/ /kun tu 'gul to/ /ldeg go rab tu ldeg go /kun tu ldeg go /chem </font><hr>37-1-139a<br><font size=+1>
chem rab tu chem chem/ kun tu chem chem mo/ /'ur 'ur rab tu 'ur 'ur/ kun tu 'ur 'ur ro/ /shig shig rab tu shig shig kun tu shig shig go /'di lta ste shar phyogs dma' bar gyur na/ nub phyogs mtho bar gyur to/ /nub 
phyogs dma' bar gyur na shar phyogs mtho bar gyur to/ /lho phyogs dma' bar gyur na byang phyogs mtho bar gyur to/ /byang phyogs dma' bar gyur na lho phyogs mtho bar gyur to/ /dbus dma' bar gyur na mtha' mtho bar gyur to/ /mtha' dma' bar 
gyur na dbus mtho bar gyur to/ /de bzhin gshegs pa'i mthus lha rdzas las 'das pa'i me tog gi sprin dang na bza'i sprin dang / gdugs kyi sprin dang rgyal mtshan gyi sprin dang / ba dan gyi sprin gyi char mngon par bab bo/ /lha rdzas las 'das pa'i spos kyi sprin 
gyi char mngon par bab bo/ /lha rdzas las 'das pa'i phreng ba dang / byug pa'i sprin gyi char mngon par bab bo/ /lha rdzas las 'das pa'i rgyan dang lhab lhub kyi sprin gyi char mngon par bab bo/ /lha rdzas las 'das pa'i nor bu rin po che 'od chen po 
dang ldan pa'i sprin gyi char mngon par bab bo/ /lha rdzas las 'das pa'i byang chub sems dpa'i legs so/ /zhes brjod pa'i sprin gyi char mngon par bab bo/ /lha rdzas las 'das pa'i byang chub sems dpa'i lus brjod du med pa'i sprin gyi char mngon par bab bo/ /
'jig rten gyi khams bsam gyis mi khyab par yongs su dag pas mngon par 'tshang rgya ba'i sprin gyi char mngon par bab bo/ /de bzhin gshegs pa'i gsung chos kyi dbyings mtha' dang dbus myed pa rgyas par 'gengs pa'i sprin gyi char mngon par bab bo/ /gling bzhi 
pa'i 'jig rten gyi khams 'dir de bzhin gshegs pa'i byang chub thugs su chud pa'i chos kyi byin gyi rlabs kyis/ byang chub sems dpa' dga' bar gyur pa de bzhin du 'jig rten gyi khams ma lus pa thams cad du'ang phyogs bcu rgyas pa thams cad rab tu </font><hr>37-1-139b<br><font size=+1>
dga' bar gyur to/ /phyogs bcu'i 'jig rten gyi khams sangs rgyas kyi zhing bye ba khrag khrig brgya stong brjod du med pa brgyad cu'i rdul shin tu phra ba snyed kyi pha rol dag nas kyang / de bzhin gshegs pa sangs rgyas kyi zhing bye ba khrag khrig brgya stong 
brjod du med pa brgyad cu'i rdul shin tu phra ba snyed mtshan kun tu bzang por mthun pa sha stag gis/ byang chub sems dpa' kun tu bzang po la zhal mngon par bstan te/ 'di skad ces gsungs so/ /rigs kyi bu khyod kyis de bzhin gshegs pa'i mthu 
bsam gyis mi khyab pa'i tshul mang po sangs rgyas kyi byin gyi rlabs dang / chos nyid rjes su bsnyegs pas bstan pa legs so legs so/ /kye rgyal ba'i sras de bzhin gshegs pa sangs rgyas kyi zhing bye ba khrag khrig brgya stong brjod du med pa brgyad 
cu'i rdul shin tu phra ba snyed thams cad kyang mtshan mthun pa sha stag chos bstan pa 'di la legs pa brjod pa mdzad do/ /ded kyis kyang de skad du brjod pa yin no/ /nged kyis ji skad du brjod pa de bzhin du sangs rgyas thams cad kyis kyang brjod do/ /
chos bstan pa 'di shin tu bstan pa'i tshe/ byang chub sems dpa' sangs rgyas kyi zhing brgya phrag stong gi rdul shin tu phra ba snyed kyis byang chub sems dpa'i ting nge 'dzin thams cad mngon par shes pa rab tu thob par gyur te/ de dag kyang nged kyis thams 
cad bla na med pa yang dag par rdzogs pa'i byang chub tu tshe gcig gis thogs par lung bstan to/ /sems can sangs rgyas kyi zhing brgya phrag stong gi rdul shin tu phra ba snyed kyis kyang bla na med pa yang dag par rdzogs pa'i byang chub tu sems bskyed de/ 
de dag kyang ma 'ongs pa'i dus bskal pa sangs rgyas kyi zhing brjod du med pa'i rdul shin tu phra ba snyed kyis sangs rgyas kyi yul/ phun sum tshogs pa zhes bya ba'i de bzhin gshegs pa dgra bcom pa yang dag par rdzogs pa'i sangs rgyas dag tu </font><hr>37-1-140a<br><font size=+1>
'gyur bar nged kyis lung bstan to/ /chos bstan pa 'di yang ma 'ongs pa'i byang chub sems dpa' rnams kyis ma thos pa'i chos thos par bya ba'i phyir nged kyis byin gyis brlabs so/ /gling bzhi pa'i 'jig rten gyi khams 
'dir sems can rnams kyis ji ltar shes par gyur cing dul bar gyur pa de bzhin du phyogs bcu'i 'jig rten gyi khams bye ba khrag khrig brgya stong tshad med pa grangs med pa bsam gyis mi khyab pa mtshungs pa med pa mtha' yas pa mu med pas mtshams med pa dpag tu med 
pa brjod du myed pa chos kyi dbyings kyis klas pa nam mkha'i dbyings kyi mthas gtugs pa thams cad ma lus pa dag tu yang sems can rnams rnam par dul bar gyur to/ /sangs rgyas kyi mthu dang bcom ldan 'das de bzhin gshegs pa rnam par 
snang mdzad kyi sngon gyi smon lam gyi byin gyi rlabs dang / chos nyid rab tu thob pa dang / dge ba'i rtsa ba'i mthu dang / de bzhin gshegs pa'i ye shes nyams pa myed pa las myi 'gyur ba dang / sangs rgyas kyi sku 'thob pa las gzhan 
du mi 'gyur ba dang / dus la ji ltar bab pa bzhin du byang chub sems dpa' yang dag par bskul ba dang / sngon mngon par bsgrub pa chud ma zos pa dang / byang chub sems dpa' kun tu bzang po'i spyod pa dang mthu/ shin tu yangs 
pa dang / thams cad mkhyen pa'i ye shes gyi mnga' bsgyur ba yang dag par bstan pa'i mthus phyogs bcu'i 'jig rten gyi khams sangs rgyas kyi zhing bye ba khrag khrig brgya stong brjod du myed pa phrag bcu'i rdul shin tu phra ba snyed kyi pha rol nas/ byang 
chub sems dpa' sangs rgyas kyi zhing bye ba khrag khrig brgya stong brjod du med pa phrag bcu'i rdul shin tu phra ba snyed phyogs bcu'i chos kyi dbyings rgyas par 'gengs shing byang chub sems dpa'i rgyan chen po rab tu bstan pa dang / 'od gzer gyi dra ba chen po rab </font><hr>37-1-140b<br><font size=+1>
tu bkye ba dang / 'jig rten gyi khams thams cad bskyod pa dang / bdud kyi khyim thams cad rab tu gzhig pa dang / ngan song gi yul thams cad rab tu zhi bar bya ba dang / de bzhin gshegs pa'i che ba nyid rab tu brjod pa dang / chos yang 
dag par bgro ba rnam pa tha dad pa tshad med pas de bzhin gshegs pa'i legs pa brjod pa dang / rnam pa thams cad du chos kyi char tshad myed pa dbab pa'i sprin gyi char mngon par dbab pa dang / lus rnam pa tha dad pa tshad med pa rab tu bstan pa dang / de 
bzhin gshegs pa thams cad kyi chos kyi sprin chen po rang rang gi rgyud kyi snod tshad med pas yang dag par gzung ba byed cing 'ongs par gyur to/ /de dag kyang sangs rgyas kyi byin gyis 'di skad du brjod de/ kye rgyal ba'i sras de ltar khyod kyis 
de bzhin gshegs pa'i chos nyid myi 'phrogs shing bsam gyis mi khyab pa 'di brjod pa legs so/ /legs so/ /kye rgyal ba'i sras bdag cag kyang thams cad kun tu bzang po zhes bya bar ming mthun pa sha stag ste/ de bzhin gshegs pa'i mtshan 
kun tu grags pa'i dbang phyug rgyal po zhes bya ba dag gi drung nas 'jig rten gyi khams kyi mying kun tu snang ba'i 'od ces bya ba dag nas 'dir phyin te/ thams cad du'ang sangs rgyas kyi mthu dang de bzhin gshegs pa'i chos nyid rab tu thob pas chos 
bstan pa 'di nyid byung bar gyur to/ /kye rgyal ba'i sras de ltar bdag cag kyang dbang du gyur pa sha stag /sangs rgyas kyi byin gyi rlabs kyis 'khor 'dir phyin te/ ji ltar bdag cag 'khor 'dir phyin pa de bzhin du phyogs bcu'i 'jig 
rten gyi khams chos kyi dbyings kyis klas pa nam mkha'i mthas gtugs pa thams cad kyi gling bzhi pa thams cad du yang de bzhin gshegs pa'i byin gyi rlabs dang mthus byang chub sems dpa' sangs rgyas kyi zhing bye ba khrag khrig brgya stong brjod du med pa phrag bcu'i rdul </font><hr>37-1-141a<br><font size=+1>
shin tu phra ba snyed phyin par gyur te/ thams cad na'ang de bzhin gshegs pa'i mnga' mi 'phrogs pa'i chos 'di nyid tshig 'di dag nyid dang / yi ge 'di dag nyid dang / nges pa'i tshig mngon par bsgrub pa 'di dag nyid kyis don 'di nyid brjod de 
lhag chad myed par brjod do/ /de nas byang chub sems dpa' sems dpa' chen po kun tu bzang pos byang chub sems dpa'i tshogs thams cad la rnam par bltas nas de bzhin gshegs pa'i rigs brjod cing sangs rgyas kyi che ba nyid smos pa dang / 
de bzhin gshegs pa'i chos nyid mi 'phrogs pa yongs su brjod pa dang sngon gyi dge ba'i rtsa ba tshad med cing yangs pa don yod par brjod pa dang / rnam pa'i mchog thams cad dang ldan pa'i sangs rgyas skye ba smos pa dang / sems can ma lus pa thams cad kyi 
sems kyi bsam pa rab tu brtag pa dang / 'gro ba thams cad la dus la ji ltar 'bab pa bzhin du chos bstan pa rnam par dgod pa yongs su mi gtong ba dang / byang chub sems dpa' thams cad kyi chos snang ba mtha' dang dbus med pa 
yang dag par bskyed pa dang / de bzhin gshegs pa'i sprul pa dang / byin gyi rlabs rnam par dgod pa chen po rab tu bstan pa dang / de bzhin gshegs pa thams cad dang rang bzhin gcig pa'i lus mi 'khrugs par bya ba byed cing sngon gyi spyod 
pa'i stobs dang shugs kyis mngon par bsgrubs te rang gi rgyud kyi mthus yang dag par blangs pa'i sangs rgyas kyi byin gyi rlabs kyis de'i tshe tshigs su bcad pa 'di dag smras so/ /dpe rnams ji snyed 'jig rten kun na gang yod pa/ /de dag 
thams cad sangs rgyas spyod lam 'di dang bral/ /'on kyang 'gro la phan phyir sems can bstan pa'i phyir/ /dpe med rnams la don gyi tshul gyis dpe yang blangs/ /bde gshegs gsang ba 'di dag tha mal dmas mi thos/ /bskal pa </font><hr>37-1-141b<br><font size=+1>
brgya phrag stong du de yi sgra dkon no/ /gang rnams brtson 'grus blo ldan shin tu dul gyur pa/ /de 'dra'i skye bus sangs rgyas gsang ba 'di 'dra thos/ /gang gis 'di thos gyur nas rab tu dga' 'gyur ba/ /de ni sngon cad sangs rgyas brgya 
stong bkur cing mchod/ /bde gshegs rnams kyis byin brlabs rgyal bas yongs su bzung / /lha dang mis bstod mkhas pas rim gro bya ba yin/ /'di ni bde gshegs 'jig rten 'das pa kun gyis dkor/ /rgyal ba sems can 
sgrol ba kun kyang 'di las 'byung / /'di ni dkar po'i lam mnga' kun gyi mtha' yas rigs/ /de phyir bag yod gyis te 'di ni gzung bar gyis/ /de bzhin gshegs pa dgra bcom pa yang dag par rdzogs pa'i sangs rgyas kyis mngon par gnang 
ste/ byang chub sems dpa' sems dpa' chen po kun tu bzang pos de skad ces smras pa dang /byang chub sems dpa' de bzhin gshegs pa'i rigs su byung ba'i dpal yid dga' ste/ byang chub sems dpa'i 'khor de dag thams cad dang lha dang 
mi dang / lha ma yin dang / klu dang / gnod sbyin dang / dri za dang / brgya byin dang / tshangs pa dang / 'jig rten gyi mgon po dang / dbang phyug chen po dang gtsang ma'i gnas kyi 'khor du bcas pa thams cad byang chub sems dpa' sems dpa' chen 
po kun tu bzang pos bshad pa la mngon par dga'a'o/ /shin tu rgyas pa chen po'i mdo sangs rgyas phal po che zhes bya ba las de bzhin gshegs pa skye ba 'byung ba bstan pa'i le'u ste bzhi bcu rtsa gsum pa'o// //sangs rgyas rmad ga 
cad ces bya ba shin tu rgyas pa chen po'i mdo// //bam po bcu gsum pa/ bcom ldan 'das 'das shin tu rnam par sangs rgyas pa'i dgongs pa mnga' ba mi gnyis pa la yang dag par spyod pa/ mtshan nyid med pa'i chos la rab tu brten pa/</font><hr>37-1-142a<br><font size=+1>
sangs rgyas thams cad dang mnyam pa nyid brnyes pa/ bsgribs pa med pa thugs su chud pa rtogs pa/ phyir mi ldog pa'i chos dang ldan pa/ spyod yul la 'phrogs pa med pa/ dus gsum rnam par dgod pa bsam 
gyis mi khyab pa la mnyam pa nyid du byung ba/ 'jig rten gyi khams thams cad du shin tu khyab pa'i sku mnga' ba/ chos thams cad la the tsom mi mnga' ba'i ye shes can spyod pa thams cad dang ldan pa'i dgongs pa mnga' ba/ chos kyi ye shes la nem nur 
mi mnga' ba/ /rnam par ma brtags pa'i sku dang ldan pa byang chub sems dpa' thams cad kyis yang dag par mnod pa'i ye shes can sangs rgyas kyi spyod pa mi gnyis pa'i pha rol tu phyin pa'i mchog brnyes pa/ de bzhin gshegs pa'i rnam par thar pa tha 
mi dad pa'i ye shes kyi mthar phyin pa/ sangs rgyas kyis mtha' dang dbus med pa'i mnyam pa nyid thugs su chud pa/ chos kyi dbyings kyis klas pa/ nam mkha'i dbyings kyi mthas gtugs pa sangs rgyas kyi spyod pas rnam par spyod cing yul 
ma ga d+ha'i chos kyi dgon pa'i snying po'i byang chub la pho brang 'od kun nas byung ba na gdan seng ge'i khri pad mo'i snying po can la bzhugs shing / byang chub sems dpa' sems dpa' chen po sangs rgyas kyi zhing bye ba khrag khrig brgya stong brjod du med pa phrag bcu'i 
rdul shin tu phra ba snyed thams cad kyang bla na med pa yang dag par rdzogs pa'i byang chub tu tshe gcig gis thogs pa 'jig rten gyi khams gzhan dang gzhan nas 'dus pa kun kyang / byang chub sems dpa'i ye shes kyi tshul thams cad rab tu thob pa sha stag ste/ 'di ltar 
sems can gyi khams thams cad yongs su smin par bya ba dang / rnam par gdul ba dang byang chub sems dpa'i chos la rab tu dgod par mkhas pa 'jig rten gyi khams 'byam klas pa thams cad dpyad pa'i tshul gyi ye shes 'byam klas pa la zhugs pa dag ste/</font><hr>37-1-142b<br><font size=+1>
'di ltar mya ngan las 'das pa'i sa dang spyod yul dang / ye shes la spyod cing rtog pa spros pa thams cad yongs su chad pa/ spyod pa nye bar gzung ba rgyun mi 'chad pas sems can thams cad yang dag par gzung ba la mkhas pa/ chos kyi tshul 
la 'jug par bya ba mtha' dang dbus med pa la rab tu zhugs pa/ sems can thams cad kyi las rnam par smin pa chud mi za shing mi dmigs par brtags shing dpyad pa la shin tu mkhas pa/ sems can thams cad kyi bsam pa dang bag la nyal 
ba dang / dbang po dang / rtsom pa dang sbyor ba mthon dman brtags cing dpyad pa la rab tu mkhas pa/ 'das pa dang ma byon pa dang / da ltar byung ba'i de bzhin gshegs pa thams cad kyis gsungs pa'i don dang tshig dang yi ge gzung zhing bcang ba dang shes 
par bya ba dang / mnyam par gzung ba dang brtag par bya ba la shin tu mkhas pa/ 'jig rten dang 'jig rten las 'das pa'i chos kyi tshul la 'jug par bya ba mtha' dang dbus med pa la shin tu zhugs pa/ 'dus byas dang / 'dus ma byas 
dang / dus rnam pa tha dad pa'i tshul brtag pa la rab tu mkhas pa/ 'das pa dang / ma byon pa dang / da ltar byung ba'i de bzhin gshegs pa thams cad kyi ye shes kyi dkyil 'khor skad cig gcig gis de ma thag tu rab tu thob pa la rnam par spyod 
pa sems kyi skad cig re re la mngon par rdzogs par byang chub pa yang dag par ston pa/ sems can thams cad kyi sems bskyed pa dang mi 'bral bar byang chub tu rnam par 'tshang rgya ba sems can gcig gi sems kyi dmigs pa la zhugs pas sems can 
ma lus pa thams cad kyi sems kyi dmigs pa la mkhas par khong du chud pa rang 'byung gi ye shes dang sa mngon du gyur pa las mi nyams pa'i byang chub sems dpa'i lus dang ldan pa/ thams cad mkhyen pa'i sa thob kyang rgyun mi 'chad pa'i </font><hr>37-1-143a<br><font size=+1>
spyod pa las phyir mi ldog pa/ byang chub sems dpas mngon par 'du bya ba'i mthu rgyun mi chad pa mngon par 'du bya ba myed pa'i ye shes kyi tshul la zhugs pa/ sems can gcig gi don du bskal pa mu med par 
spyod pa yongs su 'dzin pa'i byin gyi rlabs la mkhas pa/ bskal pa grangs med par 'byung zhing mthong bar dka' ba'i byang chub sems dpa' rin po che shin tu bzang po chos kyi 'khor lo thogs pa med pa'i byin gyi rlabs kyis 'gro ba thams cad 
rnam par gdul ba'i dbyings la 'jug par mkhas pa/ 'das pa dang ma byon pa dang / da ltar byung ba'i de bzhin gshegs pa thams cad kyi rnam par dag pa'i gnas yang dag par gzung ba'i phyir sngon gyi spyod pa'i mthu'i khyad par dang smon lam 
phun sum tshogs pa dag ste/ de dag dang de ma yin pa de bzhin gshegs pa thams cad kyis yon tan bsngags shing yongs su brjod kyang bskal pa mu med par mi zad mi thug pa/ legs pa shin tu brjod pa rab tu thob pa sha stag ste/ 'di ltar 
byang chub sems dpa' sems dpa' chen po kun tu bzang po dang / byang chub sems dpa' sems dpa' chen po kun tu mig dang / byang chub sems dpa' sems dpa' chen po kun tu 'phrul pa dang / byang chub sems dpa' 
sems dpa' chen po kun tu shes rab dang / byang chub sems dpa' sems dpa' chen po kun tu lta ba dang / byang chub sems dpa' sems dpa' chen po kun tu 'od dang / byang chub sems dpa' sems dpa' chen po kun tu snang 
ba dang/ byang chub sems dpa' sems dpa' chen po kun nas gsal ba dang / byang chub sems dpa' sems dpa' chen po kun tu dpal dang / byang chub sems dpa' sems dpa' chen po kun tu blo dang / byang chub sems </font><hr>37-1-143b<br><font size=+1>
dpa' sems dpa' chen po shugs chen po dang / byang chub sems dpa' sems dpa' chen po shugs chen po 'dzin pa dang / byang chub sems dpa' sems dpa' chen po rnam par 'phrul pa chen po dang / byang chub sems dpa' 
sems dpa' chen po rnam par 'phrul pa chen pos rab tu mdzes pa dang / byang chub sems dpa' sems dpa' chen po brtson 'grus kyis rnam par gnon pa dang / byang chub sems dpa' sems dpa' chen po rnam par bsgyings pa 
chen po dang / byang chub sems dpa' sems dpa' chen po rnam par bsgyings pa chen po'i stobs dang / byang chub sems dpa' sems dpa' chen po glang po chen po'i dam pa dang / byang chub sems dpa' sems dpa' chen 
po glang po chen po spos kyi glang po dang / byang chub sems dpa' sems dpa' chen po zla ba chen po dang / byang chub sems dpa' sems dpa' chen po zla ba bzang po dang / byang chub sems dpa' sems dpa' chen po yon tan zla ba dang / 
byang chub sems dpa' sems dpa' chen po rin chen zla ba dang / byang chub sems dpa' sems dpa' chen po zla ba kun tu snang ba dang / byang chub sems dpa' sems dpa' chen po chos dri ma med pa'i zla ba dang / byang chub sems dpa' sems 
dpa' chen po rnam par snang ba'i zla ba dang / byang chub sems dpa' sems dpa' chen po rnam par grags pa'i zla ba dang / byang chub sems dpa' sems dpa' chen po 'od zer rab tu 'gyed pa dang / byang chub sems dpa' sems dpa' chen po 
zla ba yongs su rgyas pa dang / byang chub sems dpa' sems dpa' chen po tshangs pa'i dbyangs dang / byang chub sems dpa' sems dpa' chen po tshangs pa'i dbang po 'brug gi dbyangs dang / byang chub sems dpa' sems dpa' chen po </font><hr>37-1-144a<br><font size=+1>
sa grum pa'i sgra'i dbyangs dang / byang chub sems dpa' sems dpa' chen po chos kyi dbyings rab tu sgrog pa'i dbyangs dang / byang chub sems dpa' sems dpa' chen po bdud kyi dkyil 'khor thams cad rnam par 
'joms pa'i dbyangs dang / byang chub sems dpa' sems dpa' chen po chos kyi rnga sgra'i dbyangs dang / byang chub sems dpa' sems dpa' chen po kun tu go bar byed pa'i dbyangs dang / byang chub sems dpa' sems dpa' chen po mi rtog rnam par mi 
rtog pa'i dbyangs dang / byang chub sems dpa' sems dpa' chen po sa gzhi rab tu sgrog pa'i dbyangs dang / byang chub sems dpa' sems dpa' chen po yan lag thams cad kyi dbyangs kyi zil gyis gnon pa dang / byang chub sems 
dpa' sems dpa' chen po kun nas snying po dang / byang chub sems dpa' sems dpa' chen po kun nas dri ma med pa'i snying po dang / byang chub sems dpa' sems dpa' chen po yon tan gyi snying po dang / byang chub sems dpa' 
sems dpa' chen po rnam par snang ba'i snying po dang / byang chub sems dpa' sems dpa' chen po rin po che'i snying po dang / byang chub sems dpa' sems dpa' chen po rdo rje'i snying po dang / byang chub sems dpa' sems dpa' chen po zla ba'i snying 
po dang/ byang chub sems dpa' sems dpa' chen po nyi ma'i snying po dang / byang chub sems dpa' sems dpa' chen po gtsang ma'i snying po dang / byang chub sems dpa' sems dpa' chen po pad mo'i snying po dang / byang chub sems dpa' 
sems dpa' chen po pad mo'i dpal gyi snying po dang / de dag la stsogs pa'i byang chub sems dpa' sems dpa' chen po sangs rgyas kyi zhing bye ba khrag khrig brgya stong brjod du med pa phrag bcu'i rdul shin tu phra ba snyed kun kyang kun tu bzang po'i spyod </font><hr>37-1-144b<br><font size=+1>
pa dang smon lam du ldan pa/ smon lam dang lhag pa'i bsam pa phun sum tshogs pa dang / sangs rgyas byung ba thams cad kyi drung du 'gro zhing gsol ba gdab pa la mkhas pa/ de bzhin gshegs pa thams cad kyi chos kyi tshul yang dag par 'dzin 
pa/ sangs rgyas thams cad kyi rigs rgyun myi gcod pa/ sangs rgyas 'byung ba gcig nas gcig tu lung bstan pa dang / mngon par 'tshang rgya ba dang mying dang zhing dang 'khor lo'i tshul yongs su sbyong ba/ sangs rgyas myi bzhugs pa'i 'jig 
rten gyi khams su sangs rgyas skye ba yongs su ston pa/ kun nas nyon mongs pa'i sems can gyi khams thams cad yongs su dag par byed pa/ byang chub sems dpa'i las kyi sgrib pa thams cad rab tu sel ba/ chos kyi dbyings bsgribs pa myed 
pa la shin tu zhugs pa sha stag dang thabs gcig tu bzhugs te/ de nas byang chub sems dpa' sems dpa' chen po kun tu bzang po de'i tshe/ sangs rgyas phal po che zhes bya ba'i ting nge 'dzin la snyoms par zhugs so/ /de ltar 
byang chub sems dpa' sems dpa' chen po kun tu bzang pos ting nge 'dzin chen po sangs rgyas phal po che zhes bya ba de la mnyam par bzhag ma thag tu de'i tshe/ phyogs bcu'i 'jig rten gyi khams 'byam klas pa chos kyi dbyings kyis klas pa/ nam 
mkha'i mthas gtugs pa ma lus pa thams cad rnam pa drug tu g.yos te g.yos so/ /rab tu g.yos so/ /kun tu g.yos so/ /'gul to rab tu 'gul to/ /kun tu 'gul to/ /ldeg go rab tu ldeg go /kun tu ldeg go /chem chem rab tu chem chem/ kun tu chem 
chem mo/ /'ur 'ur rab tu 'ur 'ur/ kun tu 'ur 'ur ro/ /shig shig rab tu shig shig /kun tu shig shig go /de ltar 'jig rten gyi khams 'byam klas pa ma lus pa thams cad rab tu bskyod de/ dbyangs kyis mngon par go bar </font><hr>37-1-145a<br><font size=+1>
byas nas ting nge 'dzin de las langs par gyur to/ /de nas byang chub sems dpa' sems dpa' chen po kun tu shes rab kyis byang chub sems dpa'i tshogs chen po 'dus par shes nas/ byang chub sems dpa' 
sems dpa' chen po kun tu bzang po la 'di skad ces smras so/ /kye rgyal ba'i sras legs par bstan pa mdzod cig /byang chub sems dpa' sems dpa' chen po rnams kyi rgyu mthun pa ni gang / ngo mtshar gyi 'du shes ni gang / spyod pa ni gang / dge ba'i bshes gnyen ni gang 
brtson 'grus rtsom pa ni gang / dbugs phyin pa thob pa ni gang / sems can yongs su smin par bya ba ni gang / tshul khrims ni gang / lung bstan pa ni gang / kye rgyal ba'i sras byang chub sems dpa' rnams kyi byang chub sems dpa' la 'jug pa ni gang / de bzhin 
gshegs pa la 'jug pa ni gang / sems can gyi bsam pa dang spyod pa la 'jug pa ni gang / 'jig rten gyi khams la 'jug pa ni gang / bskal pa la 'jug pa ni gang dus gsum bstan pa ni gang / dus gsum la 'jug pa ni gang / 
myi skyo zhing yongs su sgyid lug pa med pa'i sems bskyed pa ni gang / kun tu dbye ba'i ye shes ni gang / gzungs ni gang / kye rgyal ba'i sras byang chub sems dpas sangs rgyas bstan pa'i rjes su rtogs par bya ba ni gang / kun 
tu bzang po'i sems bskyed pa ni gang / kun tu bzang po'i spyod pa'i chos ni gang / snying rje chen po rab tu thob pa ni gang / rkyen gang gis byang chub tu sems bskyed pa'i byang chub kyi sems kyi rkyen ni gang / dge ba'i bshes gnyen 
la gus pa'i sems ni gang / yongs su dag pa ni gang / pha rol tu phyin pa ni gang / shes pa khong du chud par bya ba ni gang rab tu rtogs pa ni gang / kye rgyal ba'i sras byang chub sems dpa' rnams kyi stobs kyi shugs ni gang /</font><hr>37-1-145b<br><font size=+1>
mnyam pa nyid ni gang / sangs rgyas kyi chos kyi tshul gyi lam ni gang / chos bstan pa ni gang / yongs su gzung ba ni gang / spobs pa ni gang / dbang ni gang / myi gnas pa ni gang / sems mnyam pa nyid ni gang / ye shes mngon par bsgrub pa ni gang / kye rgyal ba'i sras byang chub sems dpa' rnams kyi sprul pa ni gang / byin gyi rlabs ni gang / dbugs phyin pa chen po rab tu thob pa ni gang / sangs rgyas kyi chos zab mo la 'jug pa ni gang / gnas su bya ba ni gang / sems bskyed 
pa brtan pa ni gang / nem nur thams cad gcod pa'i sems bskyed pa ni gang / bsam gyis mi khyab pa ni gang / dgongs te bshad pa la mkhas pa ni gang / ye shes rnam par dbye ba la mkhas pa ni gang / kye rgyal ba'i sras byang chub 
sems dpa' rnams kyi snyoms par 'jug pa ni gang / ril po ni gang / rnam par thar pa ni gang / mngon par shes pa ni gang / rig pa ni gang / rnam par grol ba ni gang / skyed mos tshal ni gang / gzhal med khang ni gang / dga' ba ni gang / 
rgyan ni gang / kye rgyal ba'i sras byang chub sems dpa' rnams kyi sems bskyed pa myi sgul ba ni gang / lhag pa'i bsam pa yongs su mi gtong ba la gnas pa ni gang / ye shes kyi rnam par blta ba ni gang / chos shin tu bstan pa ni gang / yongs 
su dag pa ni gang / phyag rgya ni gang / ye shes snang ba ni gang / byang chub sems dpa'i gnas mtshungs pa med pa ni gang / sangs rgyas kyi byang chub tu zhum pa med pa'i sems bskyed pa ni gang / lhag pa'i bsam pa ri bo lta bu ni gang / kye rgyal ba'i sras 
byang chub sems dpa' rnams kyi bla na med pa yang dag par rdzogs pa'i byang chub tu ye shes kyis 'jug pa rgya mtsho lta bu ni gang / byang chub sems dpa'i rnam par spyod pa rin po che lta bu ni gang / theg pa chen po'i go ca rdo rje lta bu'i sems bskyed pa ni gang /</font><hr>37-1-146a<br><font size=+1>
rtsom pa chen po ni gang / brtsams pa chen po mthar phyin par bya ba ni gang / dad pa myi phyed pa ni gang / lung bstan pa ni gang / dge ba'i rtsa ba yongs su bsngo ba ni gang / ye shes khong du chud pa ni gang / sems 
bskyed pa rgya chen po mtha' dang dbus med pa ni gang / kye rgyal ba'i sras byang chub sems dpa' rnams kyi gter ni gang / sdom pa ni gang / dbang ni gang / rnam par 'phrul pa ni gang / sems can la rnam par 'phrul pa ni gang / zhing la 
rnam par 'phrul pa ni gang / chos la rnam par 'phrul pa ni gang / lus la rnam par 'phrul pa ni gang / smon lam la rnam par 'phrul pa ni gang / spyod yul la rnam par 'phrul pa ni gang / kye rgyal ba'i sras byang chub sems dpa' rnams kyi 
ye shes la rnam par 'phrul pa ni gang / mngon par shes pa la rnam par 'phrul ba ni gang / rdzu 'phrul la rnam par 'phrul pa ni gang / stobs la rnam par 'phrul pa ni gang / rnam par rtse ba ni gang / khyu mchog gi mthu phyung ba ni gang / stobs ni 
gang / mi 'jigs pa ni gang / byang chub sems dpa'i ma 'dres pa'i chos ni gang / las ni gang lus ni gang / byang chub sems dpa' rnams kyi lus kyi las ni gang / rang bzhin ni gang / ngag ni gang / ngag yongs su dag pa ni gang / yongs su 'dzin 
pa ni gang / gang gis shin tu bzung zhing byang chub sems dpa'i ngag 'byung bar 'gyur/ byang chub sems dpa'i ngag gis ni ngag gi las gang zhig 'grub par 'gyur/ sems ni gang sems bskyed pa ni gang sems kyis rgyas par dgang pa ni gang / kye 
rgyal ba'i sras byang chub sems dpa' rnams kyi dbang po ni gang / bsam pa ni gang / lhag pa'i bsam pa ni gang / sbyor ba ni gang / mos pa ni gang / 'jig rten gyi khams su mos pa la 'jug pa ni gang / sems can gyi khams su mos pa la 'jug </font><hr>37-1-146b<br><font size=+1>
pa ni gang /bag chags ni gang / nye bar len pa ni gang / nan tan ni gang / kye rgyal ba'i sras byang chub sems dpa' rnams kyi 'grub pa ni gang / sangs rgyas kyi chos las 'gol ba'i lam ni gang / skyon med pa ni gang / byang chub sems dpa'i chos 
nges pa 'thob pa ni gang / sangs rgyas kyi chos la 'byung ba'i lam ni gang / skyes bu dam pa'i mying thob pa ni gang / lam ni gang / lam tshad med pa ni gang / lam gyi tshogs ni gang / lam bsgom pa ni gang / kye rgyal ba'i sras byang chub sems dpa' 
rnams kyi lam gyi rgyan ni gang / rkang pa ni gang / lag pa ni gang / lto ni gang / snying po ni gang / snying ni gang / go cha ni gang / mtshon cha ni gang / mgo ni gang / myig ni gang / kye rgyal ba'i sras byang chub sems dpa' rnams kyi rna 
ba ni gang / sna ni gang / lce ni gang / lus ni gang / yid rnam par rgyu ba ni gang / 'gro ba ni gang / gnas pa ni gang / stan la 'dug pa ni gang / mal ni gang / rnam par spyod pa ni gang / kye rgyal ba'i sras byang chub sems dpa' rnams kyi spyod 
yul ni gang / lta ba ni gang / rnam par lta ba ni gang / rnam par bsgyings pa ni gang / seng ge'i nga ro ni gang / sbyin pa yongs su dag pa ni gang / tshul khrims yongs su dag pa ni gang / bzod pa yongs su dag pa ni gang / brtson 'grus 
yongs su dag pa ni gang / bsam gtan yongs su dag pa ni gang / kye rgyal ba'i sras byang chub sems dpa' rnams kyi shes rab yongs su dag pa ni gang / byams pa yongs su dag pa ni gang / snying rje yongs su dag pa ni gang / dga' 
ba yongs su dag pa ni gang / btang snyoms yongs su dag pa ni gang / don ni gang / chos ni gang / bsod nams kyi tshogs ni gang / ye shes kyi tshogs ni gang / rig pa skye ba ni gang / kye rgyal ba'i sras byang chub sems dpa' rnams kyi chos </font><hr>37-1-147a<br><font size=+1>
yongs su tshol ba ni gang / chos rab tu brjod pa ni gang chos kyi nan tan ni gang / bdud ni gang / bdud kyi las ni gang / bdud kyi las bzlog pa ni gang / sangs rgyas mthong bar bya ba ni gang / sangs rgyas 
kyi phrin las ni gang / nga rgyal gyi las ni gang / ye shes kyi las ni gang / kye rgyal ba'i sras byang chub sems dpa' rnams kyi bdud kyi byin gyi rlabs ni gang / sangs rgyas kyi byin gyi rlabs ni gang / chos kyi byin gyi rlabs ni gang / dga' ldan na gnas pa'i las ni gang / dga' 
ldan gyi gnas nas 'chi 'pho ston pa ni gang / mngal na gnas par ston pa ni gang / shin tu phra ba'i rgyud ston pa ni gang / tsher skye ba ni gang / gad mo cher dgod pa ni gang / gom pas rnam par gnon pa ni gang / kye rgyal ba'i sras byang chub sems dpa' 
rnams kyi gzhon nu'i sa kun tu ston pa ni gang / btsun mo'i 'khor nye bar ston pa ni gang / mngon par 'byung ba ni gang / dka' ba spyod pa'i sbyor ba ni gang / snying po byang chub tu 'gro ba ni gang / snying po byang chub la 'dug pa ni gang / snying po byang chub 
la 'dug pa rnams kyi ngo mtshar rmad du byung ba'i chos ni gang / bdud 'dul ba ston pa ni gang / de bzhin gshegs pa'i stobs mngon par rdzogs par byang chub pa ni gang / chos kyi 'khor lo rab tu bskor ba ni gang / chos kyi 'khor lo rab tu bskor ba'i 
chos dkar po'i rnam pa ni gang / kye rgyal ba'i sras de bzhin gshegs pa dgra bcom pa yang dag par rdzogs pa'i sangs rgyas rnams kyi yongs su mya ngan las 'da' ba chen po bstan pa ni gang / de skad ces smras pa dang / byang chub sems dpa' sems 
dpa' chen po kun tu bzang pos/ byang chub sems dpa' sems dpa' chen po kun tu shes rab la dmyigs nas/byang chub sems dpa'i tshogs de dag thams cad la smras pa/ kye rgyal ba'i sras bcu po 'di dag ni byang chub sems dpa' sems dpa' </font><hr>37-1-147b<br><font size=+1>
chen po rnams kyi rgyu 'thun pa ste/ bcu gang zhe na 'di ltar chud mi za ba'i phyir/ byang chub kyi sems kyi rgyu 'thun pa dang / rgyud kyi tshul gcig tu bya ba'i phyir dge ba'i bshes gnyen gyi rgyu 'thun pa dang / shin tu bstsags pa'i phyir dge ba'i rtsa ba'i 
rgyu 'thun pa dang / nan tan du bya ba'i phyir pha rol tu phyin pa'i rgyu 'thun pa dang / 'byung ba'i phyir chos thams cad kyi rgyu 'thun pa dang / byang chub brtan pa'i phyir smon lam gyi rgyu 'thun pa dang / rgya chen po yang dag par bstsags pa'i phyir spyod pa'i 
rgyu 'thun pa dang / tshul gcig tu bya ba'i phyir byang chub sems dpa' thams cad dang rgyu 'thun pa dang / sems rab tu dang ba'i phyir sangs rgyas mchod pa rgyu 'thun pa dang / pha lta bur brjod pa'i phyir de bzhin gshegs pa thams cad dang rgyu 'thun pa'o/ /
kye rgyal ba'i sras bcu po de dag ni byang chub sems dpa' rnams kyi rgyu 'thun pa ste/ de dag la gnas shing byang chub sems dpa' rnams de bzhin gshegs pa'i ye shes chen po bla na med pa 'thob par 'gyur ba dag go /kye rgyal ba'i sras bcu po 'di dag ni 
byang chub sems dpa' rnams kyi ngo mtshar kyi 'du shes te/ bcu gang zhe na/ 'di ltar dge ba'i rtsa ba thams cad la mi dge bar 'du shes pa dang / dge ba thams cad la byang chub kyi sa bon du 'du shes pa dang / sems can thams cad la byang 
chub kyi snod du 'du shes pa dang / smon lam thams cad la smon lam med par 'du shes pa dang / chos thams cad la 'byung bar 'du shes pa dang / spyod pa thams cad la spyod pa med par 'du shes pa dang / chos thams cad la sangs rgyas kyi chos 
su 'du shes pa dang / tshig tu spyod pa thams cad la dag gi lam myed par 'du shes pa dang / sangs rgyas thams cad la phar 'du shes pa dang / de bzhin gshegs pa thams cad la gnyis su med par 'du shes pa'o/ /kye rgyal ba'i sras </font><hr>37-1-148a<br><font size=+1>
bcu po de dag ni byang chub sems dpa' rnams kyi ngo mtshar gyi 'du shes te/ de dag la gnas shing byang chub sems dpa' rnams 'du shes rnam par bzlog pa la mkhas pa bla na med pa thob par 'gyur ba dag go /kye rgyal ba'i sras 
bcu po 'di dag ni byang chub sems dpa' rnams kyi spyod pa ste/ bcu gang zhe na/ 'di ltar sems can thams cad yongs su smin par bya ba'i don du spyod pa dang / chos thams cad yongs su btsal ba'i don du spyod pa dang / bslab pa thams cad nan tan tu bya ba'i 
don du spyod pa dang / dge ba'i rtsa ba thams cad bstsags pa'i don du spyod pa dang / ting nge 'dzin rtse gcig tu bya ba'i don du spyod pa dang / ye shes rab tu shes par bya ba'i don du spyod pa dang / bsgom pa yongs su bsgom pa'i don du spyod pa dang / zhing 
brgyan pa'i don du spyod pa dang / dge ba'i gshes gnyen bkur ba'i don du spyod pa dang / de bzhin gshegs pa mchod cing rim gror bya ba'i don du spyod pa'o/ /kye rgyal ba'i sras bcu po de dag ni byang chub sems dpa' rnams kyi spyod pa ste/ de 
dag la gnas shing byang chub sems dpa' rnams de bzhin gshegs pa'i ye shes chen po'i spyod pa bla na med pa yongs su rdzogs pa 'thob par 'gyur ba dag go /kye rgyal ba'i sras bcu po 'di dag ni byang chub sems dpa' rnams kyi dge ba'i bshes gnyen 
te/ bcu gang zhe na/ 'di ltar byang chub kyi sems la rab tu gzhog pa'i bshes gnyen dang / dge ba'i rtsa ba la sbyor ba'i bshes gnyen dang / pha rol tu phyin pa la 'jug par byed pa'i bshes gnyen dang / chos thams cad ston pa'i bshes 
gnyen dang / sems can thams cad yongs su smyin par bya ba la gzhog pa'i bshes gnyen dang / spobs pa la rnam par gdon myi za bar byed pa'i bshes gnyen dang / 'gro ba thams cad gnas gyen du bskyod pa'i bshes gnyen dang / bskal </font><hr>37-1-148b<br><font size=+1>
pa thams cad du gnas shing mi skyo bar byed pa'i bshes gnyen dang / kun tu bzang po'i spyod pa la rab tu gzhog pa'i bshes gnyen dang / sangs rgyas thams cad kyi ye shes la 'jug cing 'bab par byed pa'i bshes gnyen te/ kye rgyal ba'i 
sras bcu po de dag ni byang chub sems dpa' rnams kyi dge ba'i bshes gnyen no/ /kye rgyal ba'i sras bcu po 'di dag ni byang chub sems dpa' rnams kyi brtson 'grus brtsams pa ste/ bcu gang zhe na/ 'di ltar sems can gyi khams thams cad 
yongs su smin par bya'o snyam ste/ brtson 'grus rtsom pa dang / chos thams cad gzung bar bya'o snyam ste brtson 'grus rtsom pa dang / 'jig rten gyi khams thams cad yongs su sbyang bar bya'o snyam ste/ brtson 'grus rtsom pa dang / 
byang chub sems dpa'i bslab pa thams cad shes par bya'o snyam ste/ brtson 'grus rtsom pa dang / sems can thams cad kyi nyes byas zad par bya'o snyam ste brtson 'grus rtsom pa dang / sems can dmyal ba dang / byol song gi skye 
gnas dang / gshin rje'i 'jig rten gyi sdug bsngal thams cad rgyun gcad do snyam ste/ brtson 'grus rtsom pa dang / bdud thams cad las rgyal bar bya'o snyam ste/ brtson 'grus rtsom pa dang / sems can thams cad la 'khrug pa med par bya'o 
snyam ste/ brtson 'grus rtsom pa dang / sangs rgyas thams cad la mchod pa bya'o snyam ste/ brtson 'grus rtsom pa dang / de bzhin gshegs pa thams cad mnyes par bya'o snyam ste/ brtson 'grus rtsom pa'o/ /kye rgyal ba'i sras 
bcu po de dag ni byang chub sems dpa' rnams kyi brtson 'grus rtsom pa ste/ de dag la gnas shing byang chub sems dpa' rnams de bzhin gshegs pa'i brtson 'grus kyi pha rol tu phyin pa bla na med pa yang dag par rdzogs pa 'thob par 'gyur ba dag go /kye </font><hr>37-1-149a<br><font size=+1>
rgyal ba'i sras bcu po 'di dag ni byang chub sems dpa' rnams kyi dbugs phyin pa thob pa ste/ bcu gang zhe na 'di ltar bdag ni byang chub kyi sems la gnas pa yin gyis da dung gzhan yang byang chub kyi sems la dgod 
do zhes te dbugs phyin pa rab tu 'thob bo/ /bdag ni 'jig rten gyi rtsod pa thams cad kyis rtsod pa myed pa la gzhol ba yin gyis da dung gzhan yang rtsod pa med par dga' ba la dgod par bya'o/ /zhes dbugs phyin pa 'thob bo/ /bdag ni byis 
pa'i chos las 'phags kyi da dung pha rol kyang byis pa'i chos las gyen du bskyod de sangs rgyas kyi chos la dgod par bya'o zhes dbugs phyin pa 'thob bo/ /bdag ni dge ba'i rtsa ba btsal ba la brtson pa yin gyis/ da dung gzhan yang dge ba'i rtsa ba tshol bar 
brtson pa la rab tu dgod par bya'o zhes dbugs phyin pa 'thob bo/ /bdag ni pha rol tu phyin pa'i lam du zhugs pa yin gyis/ /da dung gzhan yang pha rol tu phyin pa'i lam du 'jug pa la dgod par bya'o/ /zhes dbugs phyin pa 'thob bo/ /bdag ni sangs rgyas 
kyi rigs su skyes pa yin gyis/ da dung gzhan yang sangs rgyas kyi rigs su skye ba la rab tu dgod par bya'o zhes dbugs phyin pa 'thob bo/ /bdag ni dngos po med pa'i chos kyi tshul la zhugs pa yin gyis/ da dung gzhan yang dngos po med pa'i chos 
kyi tshul la dgod par bya'o zhes dbugs phyin pa 'thob bo/ /bdag ni sangs rgyas kyi chos thams cad mi spong ba la brtson pa yin gyis/ da dung gzhan yang sangs rgyas kyi chos thams cad myi spong bar brtson pa la dgod par bya'o zhes dbugs phyin pa 'thob 
bo bdag gis ni thams cad mkhyen pa'i byang chub tu smon lam yongs su rdzogs par 'gyur gyis/ /da dung gzhan yang thams cad mkhyen pa'i byang chub tu smon lam yongs su rdzogs par byed pa la dgod par bya'o zhes dbugs phyin pa 'thob bo/ /bdag ni de </font><hr>37-1-149b<br><font size=+1>
bzhin gshegs pa thams cad kyi ye shes kyi mdzod mi zad par zhugs pa yin gyis/ /da dung gzhan yang de bzhin gshegs pa thams cad kyi ye shes kyi mdzod myi zad par 'jug pa la dgod par bya'o zhes dbugs phyin pa 'thob bo/ /kye rgyal ba'i sras 
bcu po de dag ni byang chub sems dpa' rnams kyi dbugs phyin pa thob pa ste/ de dag la gnas shing byang chub sems dpa' rnams de bzhin gshegs pa'i ye shes chen po'i dbugs phyin pa bla na med pa 'thob par 'gyur ba dag go /kye rgyal ba'i sras 
bcu po 'di dag ni byang chub sems dpa' rnams kyi sems can yongs su smin par bya ba dag ste/ bcu gang zhe na 'di ltar byang chub sems dpa' rnams ni sbyin pas kyang sems can gyi khams yongs su smyin par byed do/ /gzugs kyis kyang sems can gyi khams 
yongs su smyin par byed do/ /chos ston pas kyang sems can gyi khams yongs su smyin par byed do/ /skal ba mnyam pas kyang sems can gyi khams yongs su smyin par byed do/ /gnas med pas kyang sems can gyi khams yongs su smyin par 
byed do/ /byang chub sems dpa'i spyod pa brjod pas kyang sems can gyi khams yongs su smyin par byed do/ /'jig rten gyi khams kun tu 'bar ba yang dag par bstan pas kyang sems can gyi khams yongs su smyin par byed do/ /sangs rgyas 
kyi chos kyi che ba nyid brjod pas kyang sems can gyi khams yongs su smyin par byed do/ /rdzu 'phrul sna tshogs kyi rnam par 'phrul pas kyang sems can gyi khams yongs su smyin par byed do/ /thabs mkhas pa'i sbyor ba dang / tshul gyis 
'jig rten du spyad pa sna tshogs kyis kyang sems can gyi khams yongs su smyin par byed do/ /kye rgyal ba'i sras bcu po de dag ni byang chub sems dpa' rnams kyi sems can/ yongs su smyin par bya ba ste/ de dag gis byang chub sems dpa' </font><hr>37-1-150a<br><font size=+1>
rnams kyi sems can gyi khams yongs su smin par byed pa dag go /kye rgyal ba'i sras bcu po 'di dag ni byang chub sems dpa' rnams kyi tshul khrims te/ bcu gang zhe na 'di ltar byang chub kyi sems myi nyams pa'i tshul 
khrims dang / nyan thos dang rang sangs rgyas kyis yongs su spong ba'i tshul khrims dang / sems can thams cad la phan par dka' bas rnam par lta ba'i tshul khrims dang / sangs rgyas kyi chos thams cad la rab tu dgod pa'i tshul khrims dang / byang 
chub sems dpa'i bslab pa thams cad la nan tan bya ba'i tshul khrims dang / chos thams cad myi dmyigs pa'i tshul khrims dang / dge ba'i rtsa ba thams cad byang chub tu yongs su bsngo ba'i tshul khrims dang / sangs rgyas kyi sku thams cad las phyir 
phyogs su mi lta ba'i tshul khrims dang / chos thams cad nges par rtogs pa la mngon par zhen pa med pa'i tshul khrims dang / dbang po sdom pa'i tshul khrims so/ /kye rgyal ba'i sras bcu bo de dag ni byang chub sems dpa' rnams kyi tshul khrims te/ 
de dag la gnas shing byang chub sems dpa' rnams de bzhin gshegs pa'i tshul khrims rgya chen po'i pha rol tu phyin pa bla na med pa 'thob par 'gyur ba dag go /kye rgyal ba'i sras bcu po 'di dag ni byang chub sems dpa' rnams kyi lung bstan pa ste/ lung bstan 
pa de dag gis lung bstan pa'i byang chub sems dpa' rnams ni bdag cag lung bstan to/ /zhes bya bar shes so/ /bcu gang zhe na/ 'di ltar snying thag pa nas byang chub kyi sems phun sum tshogs pa ni byang chub sems dpa' rnams kyi rang gi rgyud las lung 
bstan pa'o/ /byang chub sems dpa'i spyod pa la mi skyo ba ni byang chub sems dpa'i lung bstan pa'o/ /bskal pa thams cad du zhe non pa ni byang chub sems dpa' rnams kyi lung bstan pa'o/ /sangs rgyas kyi chos thams cad la nan tan du byed pa ni byang chub sems </font><hr>37-1-150b<br><font size=+1>
dpa' rnams kyi lung bstan pa'o/ /de bzhin gshegs pa thams cad kyi bka' la gcig tu chad par mos shing yid ches la mngon par dad pa ni byang chub sems dpa' rnams kyi lung bstan pa'o/ /dge ba'i rtsa ba thams cad yang dag par sogs shing sgrub 
pa ni byang chub sems dpa' rnams kyi lung bstan pa'o/ /sems can thams cad sangs rgyas kyi byang chub la rab tu dgod par brtson pa ni byang chub sems dpa' rnams kyi lung bstan pa'o/ /dge ba'i bshes gnyen thams cad dang rgyud kyi tshul gcig tu byed pa 
ni byang chub sems dpa' rnams kyi lung bstan pa'o/ /dge ba'i bshes gnyen thams cad la ston par 'du shes pa ni byang chub sems dpa' rnams kyi lung bstan pa'o/ /sngon gyi byang chub gyi smon lam rjes su bsrung ba ni byang chub sems dpa' rnams 
kyi lung bstan pa'o/ /kye rgyal ba'i sras bcu po de dag ni byang chub sems dpa' rnams kyi lung bstan pa ste/ lung bstan pa/ de dag gis lung bstan pa'i byang chub sems dpa' rnams ni bdag cag lung bstan to zhes bya bar shes so/ /kye rgyal ba'i 
sras bcu po 'di dag ni byang chub sems dpa' rnams kyi byang chub sems dpa' la 'jug pa ste/ bcu gang zhe na 'di ltar sngon gyi smon lam la 'jug pa dang / spyod pa la 'jug pa dang / yang dag par bsgrub pa la 'jug pa dang / pha rol tu phyin pa la 'jug pa 
dang / bsgrub pa la 'jug pa dang / smon lam rnam pa tha dad pa la 'jug pa dang / mos pa tha dad pa la 'jug pa dang / zhing gi rgyan la 'jug pa dang / rdzu 'phrul gyis rnam par 'phrul pa la 'jug pa dang / skye ba bstan pa la 'jug pa'o/ /kye rgyal ba'i 
sras bcu po de dag ni byang chub sems dpa' rnams kyi byang chub sems dpa' la 'jug pa ste/ 'jug pa de dag gis ni 'das pa dang ma 'ongs pa dang / da ltar byung ba'i byang chub sems dpa' thams cad la 'jug pa dag go /kye rgyal ba'i sras bcu po 'di dag ni byang chub sems </font><hr>37-1-151a<br><font size=+1>
dpa' rnams kyis de bzhin gshegs pa la 'jug pa ste/ bcu gang zhe na 'di ltar mu med pa'i mngon par rdzogs par byang chub pa la 'jug pa dang / mu med pa'i chos kyi 'khor lo bskor ba la 'jug pa dang / mu med pa'i chos kyi 
tshul la 'jug pa dang / mu med pa'i dbyangs kyi dkyil 'khor la 'jug pa dang / mu med pa'i sems can 'dul ba la 'jug pa dang / mu med pa'i rdzu 'phrul gyis rnam par 'phrul pa la 'jug pa dang / mu med pa'i sku sna tshogs la 'jug pa dang / mu med 
pa'i ting nge 'dzin la 'jug pa dang / mu med pa'i stobs dang mi 'jigs pa la 'jug pa dang / mu med pa'i mya ngan las 'das pa yongs su bstan pa'o/ kye rgyal ba'i sras bcu po de dag ni byang chub sems dpa' rnams kyi de bzhin gshegs pa la 'jug 
pa ste/ 'jug pa de dag gis ni 'das pa dang / ma byon pa dang da ltar byung ba'i de bzhin gshegs pa thams cad la 'jug par 'gyur ba dag go /kye rgyal ba'i sras bcu po 'di dag ni byang chub sems dpa' rnams kyi sems can gyi bsam pa dang / spyod pa la 'jug pa ste/ sems can gyi bsam pa dang spyod pa la 'jug pa 
de dag gis ni/ byang chub sems dpa' rnams sems can thams cad kyi bsam pa dang / spyod pa la rab tu 'jug go /bcu gang zhe na 'di ltar sems can thams cad kyi sngon gyi mtha'i spyod pa la 'jug pa dang / sems can thams cad kyi phyi ma'i mtha'i spyod 
pa la 'jug pa dang / sems can thams cad kyi da ltar byung ba'i spyod pa la 'jug pa dang / sems can thams cad kyi dge ba'i spyod pa la 'jug pa dang / sems can thams cad kyi mi dge ba'i spyod pa la 'jug pa dang / sems can thams cad kyi 
sems kyi spyod pa la 'jug pa dang / sems can thams cad kyi dbang po'i spyod pa la 'jug pa dang / sems can thams cad kyi mos pa sna tshogs kyi spyod pa la 'jug pa dang / sems can thams cad kyi nyon mongs pa'i bag chags dang bag la nyal ba'i spyod </font><hr>37-1-151b<br><font size=+1>
pa la 'jug pa dang / sems can thams cad kyi dus dang dus ma yin par yongs su smyin par bya ba dang / rnam par 'dul ba'i spyod pa la 'jug pa'o/ /kye rgyal ba'i sras bcu po de dag ni byang chub sems dpa' rnams kyi sems can gyi bsam pa dang spyod pa 
la 'jug pa ste/ de dag gis byang chub sems dpa' rnams sems can gyi bsam pa dang spyod pa la 'jug par 'gyur ba dag go /kye rgyal ba'i sras bcu po 'di dag ni byang chub sems dpa' rnams kyi 'jig rten gyi khams la 'jug pa ste/ bcu gang 
zhe na 'di ltar 'jig rten gyi khams rnams la kun nas nyon mongs par 'jug pa dang / 'jig rten gyi khams rnams la rnam par dag par 'jug pa dang / 'jig rten gyi khams rnams la chung ngur 'jug pa dang / 'jig rten gyi khams rnams la chen 
por 'jug pa dang 'jig rten gyi khams rnams la rdul shin tu phra mor chud par 'jug pa dang / 'jig rten gyi khams rnams la rab tu phra bar 'jug pa dang / 'jig rten gyi khams rnams la yangs par 'jug pa dang / 'jig rten gyi khams rnams la 
'byung bar 'jug pa dang / 'jig rten gyi khams rnams la sangs rgyas dang bcas par 'jug pa dang / 'jig rten gyi khams rnams la sangs rgyas med par 'jug pa'o/ /kye rgyal ba'i sras bcu po de dag ni byang chub sems dpa' rnams kyi 
'jig rten gyi khams la 'jug pa ste/ de dag gis ni byang chub sems dpa' rnams 'jig rten gyi khams thams cad la 'jug par 'gyur ba dag go /kye rgyal ba'i sras bcu po 'di dag ni byang chub sems dpa' rnams kyi bskal pa la 'jug pa 
ste/ de dag gis byang chub sems dpa' rnams bskal pa thams cad la rab tu 'jug go /bcu gang zhe na 'di ltar 'das pa'i bskal pa la 'jug pa dang / ma 'ongs pa'i bskal pa la 'jug pa dang / da ltar byung ba'i bskal pa la 'jug </font><hr>37-1-152a<br><font size=+1>
pa dang / grangs yod pa'i bskal pa la 'jug pa dang / grangs med pa'i bskal pa la 'jug pa dang / grangs yod pa dang grangs med pa'i bskal pa la 'jug pa dang / grangs med pa grangs yod pa'i bskal pa la 'jug pa dang / 
bskal pa thams cad la bskal pa gcig tu 'jug pa dang / bskal pa ma yin pa la bskal par 'jug pa dang / bskal pa thams cad la skad cig gcig gis 'jug pa'o/ /kye rgyal ba'i sras bcu po de dag ni byang chub sems dpa' rnams kyi bskal pa la 'jug 
pa rnams te/ de dag gis byang chub sems dpa' rnams bskal pa la 'jug par 'gyur ba dag go /kye rgyal ba'i sras bcu po 'di dag ni byang chub sems dpa' rnams kyi dus gsum bstan pa ste/ de dag gis byang chub sems dpa' rnams dus gsum 
shin tu ston to/ /bcu gang zhe na 'di ltar 'das pa'i dus la 'das par bstan pa dang / 'das pa'i dus la ma 'ongs par bstan pa dang / 'das pa'i dus la da ltar byung bar bstan pa dang / ma 'ongs pa'i dus la 'das par bstan pa dang / ma 'ongs 
pa'i dus las da ltar byung bar bstan pa dang / ma 'ongs pa'i dus la mi zad par bstan pa dang / da ltar byung ba'i dus la 'das par bstan pa dang / da ltar byung ba'i dus la ma 'ongs par bstan pa dang / da ltar byung ba'i dus la mnyam pa nyid du bstan pa dang / 
da ltar byung ba'i dus la dus gsum skad cig tu bstan pa'o/ /kye rgyal ba'i sras bcu po de dag ni byang chub sems dpa' rnams kyi dus gsum bstan pa ste/ de dag gis byang chub sems dpa' rnams dus gsum ston par 'gyur ba dag go /kye rgyal ba'i 
sras bcu po 'di dag ni byang chub sems dpa' rnams kyi dus gsum la 'jug pa ste/ bcu gang zhe na 'di ltar brda la 'jug pa dang / tshig gi lam la 'jug pa dang / mngon par brjod pa la 'jug pa dang / gdags pa la 'jug pa dang / 'du shes </font><hr>37-1-152b<br><font size=+1>
la 'jug pa dang / legs par bsngags pa la 'jug pa dang / spyod pa la 'jug pa dang / mi zad pa la 'jug pa dang / zhi ba la 'jug pa dang / dben pa la 'jug pa'o/ /kye rgyal ba'i sras bcu po de dag ni byang chub sems dpa' rnams kyi dus gsum la 
'jug pa ste/ de dag gis byang chub sems dpa' rnams dus gsum la 'jug par 'gyur ba dag go /kye rgyal ba'i sras bcu po 'di dag ni byang chub sems dpa' rnams kyi mi skyo zhing sgyid lug pa med pa'i sems bskyed pa ste/ bcu gang zhe na/ 'di 
ltar sangs rgyas thams cad mchod cing rim gror bya bas mi skyo zhing yongs su sgyid lug pa med pa'i sems bskyed pa dang / dge ba'i bshes gnyen thams cad bsnyen bkur bas mi skyo zhing yongs su sgyid lug pa med pa'i sems bskyed pa dang / chos thams cad 
btsal ba la mi skyo zhing yongs su sgyid lug pa med pa'i sems bskyed pa dang / chos thams cad mnyan pa la mi skyo zhing yongs su sgyid lug pa med pa'i sems bskyed pa dang / chos thams cad bstan pa la mi skyo zhing yongs su sgyid lug pa med pa'i sems 
bskyed pa dang / sems can thams cad yongs su smin par bya ba dang / gdul bas mi skyo zhing yongs su sgyid lug pa med pa'i sems bskyed pa dang / sems can thams cad sangs rgyas kyi byang chub la rab tu dgod par bya bas mi skyo zhing yongs su sgyid lug pa 
med pa'i sems bskyed pa dang / bskal pa brjod du myed pa'i yang brjod du med par 'jig rten gyi khams re rer byang chub sems dpa'i spyad pa spyod pas mi skyo zhing yongs su sgyid lug pa med pa'i sems bskyed pa dang / 'jig rten gyi khams ma lus pa thams 
cad du rjes su spyod pas mi skyo zhing yongs su sgyid lug pa med pa'i sems bskyed pa dang / sangs rgyas kyi chos thams cad rtogs par bya ba dang / yang dag par blta ba la mi skyo zhing yongs su sgyid lug pa med pa'i sems bskyed pa'o/ /kye rgyal ba'i </font><hr>37-1-153a<br><font size=+1>
sras bcu po de dag ni byang chub sems dpa' rnams kyi mi skyo zhing sgyid lug pa med pa'i sems bskyed pa ste/ de dag la gnas shing byang chub sems dpa' rnams de bzhin gshegs pa'i ye shes chen po yongs su skyo ba med pa bla na 
med pa thob par 'gyur ba dag go /kye rgyal ba'i sras bcu po 'di dag ni byang chub sems dpa' rnams kyi kun tu dbye ba'i ye shes te/ bcu gang zhe na 'di ltar sems can kun tu dbye ba'i ye shes dang / dbang po kun tu dbye ba'i ye shes dang / las dang rnam 
par smin pa kun tu dbye ba'i ye shes dang / skye ba kun tu dbye ba'i ye shes dang / 'jig rten gyi khams kun tu dbye ba'i ye shes dang / chos kyi dbyings kun tu dbye ba'i ye shes dang / sangs rgyas kun tu dbye ba'i ye shes dang / chos kun tu dbye ba'i ye shes 
dang/ dus gsum kun tu dbye ba'i ye shes dang / tshig gi rgyud thams cad la ngag gi lam kun tu dbye ba'i ye shes so/ /kye rgyal ba'i sras bcu po de dag ni byang chub sems dpa' rnams kyi kun tu dbye ba'i ye shes te/ de dag la gnas shing byang chub 
sems dpa' rnams de bzhin gshegs pa'i ye shes chen po kun tu dbye ba bla na med pa 'thob par 'gyur ba dag go /kye rgyal ba'i sras bcu po 'di dag ni byang chub sems dpa' rnams kyi gzungs te/ bcu gang zhe na 'di ltar chos thams cad mi brjed par 'dzin 
pa'i phyir thos pa'i gzungs dang / chos thams cad ji lta ba bzhin tu rab tu 'byed pa'i chos khong du chud pa'i gzungs dang / chos gyi rang bzhin rjes su rtogs pa'i phyir chos thams cad nges par rtogs pa'i gzungs dang / sangs rgyas kyi chos bsam 
gyis mi khyab pa thob pa'i phyir chos snang ba rab tu thob pa'i gzungs dang / da ltar byung ba'i sangs rgyas bcom ldan 'das rnams las chos mngon du thos pa yongs su mi zad pa'i phyir ting nge 'dzin gyi gzungs dang / sgra skad dang tha snyad bsam gyis </font><hr>37-1-153b<br><font size=+1>
mi khyab pa la 'jug pa'i phyir dbyangs kyi dkyil 'khor la 'jug pa'i gzungs dang / 'das pa dang ma byon pa dang / da ltar byung ba'i sangs rgyas kyi chos bsam gyis mi khyab pa shin tu ston pa'i phyir dus gsum gyi gzungs dang / sangs rgyas kyi chos 
mtha' dang dbus med pa rnam pa tha dad pa thams cad shin tu ston pa'i phyir rnam pa sna tshogs su spobs pa'i gzungs dang / sangs rgyas byung ba brjod du med pa thams cad du rna ba'i dbang pos khyab par byed pa'i phyir thogs pa med pa'i rna ba mngon par bsgrub pa'i gzungs dang / 
de bzhin gshegs pa'i stobs bcu dang / mi bsnyengs pa la rab tu dgod pa'i phyir sangs rgyas kyi chos thams cad kyi gzungs so/ /kye rgyal ba'i sras bcu po de dag ni byang chub sems dpa' rnams kyi gzungs te/ de dag thob par bya ba'i phyir byang chub sems dpa' 
rnams kyi brtson par bya ba dag go /kye rgyal ba'i sras bcu po 'di dag ni byang chub sems dpa' rnams kyi sangs rgyas bstan pa rjes su rtogs par bya ba ste/ bcu gang zhe na 'di ltar mngon par byang chub pa'i sangs rgyas dang / smon lam gyi sangs rgyas dang / 
las rnam par smyin pa'i sangs rgyas dang / byin gyis brlabs pa'i sangs rgyas dang / sprul pa'i sangs rgyas dang / chos kyi dbyings kyi sangs rgyas dang / sems kyi sangs rgyas dang / ting nge 'dzin gyi sangs rgyas dang / rang bzhin gyi sangs rgyas dang / bsam pa ji lta ba'i 
sangs rgyas so/ /kye rgyal ba'i sras bcu po de dag ni byang chub sems dpa' rnams kyi sangs rgyas bstan pa rjes su rtogs par bya ba rnams so/ /kye rgyal ba'i sras bcu po 'di dag ni byang chub sems dpa' rnams kyi kun tu bzang po'i sems bskyed 
pa ste/ bcu gang zhe na 'di ltar sems bskyed pa de ni 'gro ba thams cad yongs su skyob pa'i phyir byams pa chen po dang ldan pa'o/ /sems bskyed pa de ni 'gro ba thams cad kyi sdug bsngal gyi phung po rang gi lus kyis len pa'i phyir snying rje chen po dang ldan </font><hr>37-1-154a<br><font size=+1>
pa'o/ /sems bskyed pa de ni ci bdog pa yongs su gtong ba'i phyir btang ba thams cad yongs su gtang ba sngon du 'gro ba'o/ /sems bskyed pa de ni sangs rgyas kyi chos thams cad la mngon par mos pas thams cad mkhyen pa'i 
ye shes yid la byed pa sngon du 'gro ba'o/ /sems bskyed pa de ni byang chub sems dpa'i bslab pa thams cad la nan tan du byed pas yon tan gyis brgyan pa'o/ /sems bskyed pa de ni skye ba'i skye mched thams cad du nyams par mi 'gyur bas rdo rje lta bu'o/ 
sems bskyed pa de ni chos dkar po thams cad la yang dag par gzhol bas rgya mtsho lta bu'o/ /sems bskyed pa de ni gzhan gyis ngan du brjod pa dang ngan du smra ba dag bzod pa'i phyir ri bo chen po'i dbang po dam pa lta bu'o/ /sems bskyed pa de ni 
sems can thams cad la dbugs phyin pa chen pos sdud pa'i phyir bde bar byed pa'o/ /sems bskyed pa de ni chos thams cad rab tu dbye ba la mkhas pas mi dmyigs pa'i phyir shes rab kyi pha rol tu phyin pas rtogs par khong du chud par bya ba'o/ /kye 
rgyal ba'i sras bcu po de dag ni byang chub sems dpa' rnams kyi kun tu bzang po'i sems bskyed pa ste/ de dag la gnas shing byang chub sems dpa' rnams myur du kun tu bzang po'i ye shes khong du chud pa la mkhas pas 'thob par 'gyur ba dag go /
kye rgyal ba'i sras bcu po 'di dag ni byang chub sems dpa' rnams kyi kun tu bzang po'i spyod pa'i chos te/ bcu gang zhe na 'di ltar ma 'ongs pa'i bskal pa thams cad du gnas pa'i smon lam ni kun tu bzang po'i spyod pa'i chos so/ /ma byon pa'i de 
bzhin gshegs pa thams cad mchod cing rim gror bya ba'i smon lam ni kun tu bzang po'i spyod pa'i chos so/ /sems can thams cad byang chub sems dpa' kun tu bzang po'i spyod pa la dgod pa ni kun tu bzang po'i spyod pa'i chos so/ /dge ba'i </font><hr>37-1-154b<br><font size=+1>
rtsa ba thams cad yang dag par bstsags pa'i smon lam ni kun tu bzang po'i spyod pa'i chos so/ /pha rol tu phyin pa thams cad la 'jug pa'i smon lam ni kun tu bzang po'i spyod pa'i chos so/ /byang chub sems dpa' thams cad kyi spyod pa yongs su rdzogs 
par bya ba'i smon lam ni kun tu bzang po'i spyod pa'i chos so/ /'jig rten gyi khams thams cad brgyan pa'i smon lam ni kun tu bzang po'i spyod pa'i chos so/ /sangs rgyas kyi zhing thams cad du skye ba gzung ba'i smon lam ni kun tu bzang po'i spyod pa'i chos so/ 
chos thams cad yongs su btsal zhing rab tu dbye ba la mkhas par bya ba'i smon lam ni kun tu bzang po'i spyod pa'i chos so/ /sangs rgyas kyi zhing thams cad du bla na med pa yang dag par rdzogs pa'i byang chub tu mngon par 'tshang rgya ba'i smon lam ni kun tu 
bzang po'i spyod pa'i chos so/ /kye rgyal ba'i sras bcu po de dag ni byang chub sems dpa' rnams kyi kun tu bzang po'i spyod pa'i chos te/ de dag gis smon cing mngon par brtson par byas na/ byang chub sems dpa' rnams myur tu kun tu bzang po'i smon 
lam dang / spyod pa yongs su rdzogs pa 'thob par 'gyur ba dag go/ //sangs rgyas rmad gcad ces bya ba shin tu rgyas pa chen po'i mdo/bam po bcu bzhi pa/ kye rgyal ba'i sras bcu po 'di dag ni byang chub sems dpa' rnams kyi snying 
rje chen po rab tu 'thob pa ste/ de dag gis byang chub sems dpa' rnams rtag tu rgyun mi 'chad par sems can gyi khams la rnam par lta'o/ /bcu gang zhe na 'di ltar sems can gyi khams mgon med pa rnams la rnam par lta ba'i snying rje 
chen po rab tu thob pa dang / sems can gyi khams theg pa med pa la rnam par lta ba'i snying rje chen po rab tu thob pa dang / dge ba'i rtsa bas dbul ba'i sems can gyi khams la rnam par lta ba'i snying rje chen po rab tu thob pa dang / yun ring </font><hr>37-1-155a<br><font size=+1>
po nas gnyid kyis brgyal ba'i sems can gyi khams la rnam par lta ba'i snying rje chen po rab tu thob pa dang / dge ba med pa'i sems can gyi khams la rnam par lta ba'i snying rje chen po rab tu thob pa dang / 'dod chags kyi 
bcing bas glags pa'i sems can gyi khams la rnam par lta ba'i snying rje chen po rab tu thob pa dang / srid pa'i gang chen mtshor rab tu gzhol bar gyur ba'i sems can gyi khams la rnam par lta ba'i snying rje chen po rab tu thob pa dang / yun ring po nas na ba'i sems can 
gyi khams la rnam par lta ba'i snying rje chen po rab tu thob pa dang /dge ba'i chos la mos pa med pa'i sems can gyi khams la rnam par lta ba'i snying rje chen po rab tu thob pa dang / sangs rgyas kyi chos las shin tu 'khyams par gyur pa'i sems can gyi khams la 
rnam par lta ba'i snying rje chen po rab tu thob pa'o/ /kye rgyal ba'i sras bcu po de dag ni byang chub sems dpa' rnams kyi snying rje chen po rab tu thob pa ste de dag gis byang chub sems dpa' rnams rtag tu rgyun mi 'chad par sems can gyi khams la rnam par blta ba dag 
go /kye rgyal ba'i sras bcu po 'di dag ni byang chub sems dpa' rnams rkyen gang gis byang chub tu sems bskyed par 'gyur ba'i byang chub kyi sems kyi rkyen rnams te/ bcu gang zhe na 'di ltar sems can gyi khams yongs su smyin par bya ba dang / rnam par 
gdul bar bya ba'i rkyen ni byang chub kyi sems kyi rkyen to/ /sems can thams cad kyi sdug bsngal gyi phung po rnam par bzlog pa'i rkyen ni byang chub kyi sems kyi rkyen to/ /sems can thams cad la bde ba'i yo byad kyis sdud pa'i rkyen ni byang chub kyi sems 
kyi rkyen to/ /sems can thams cad kyi mi shes pa bstsal ba'i rkyen ni byang chub kyi sems kyi rkyen to/ /sems can thams cad la sangs rgyas kyi ye shes nye bar bsgrub pa'i rkyen ni byang chub kyi sems kyi rkyen to/ /sangs rgyas thams cad mchod cing rim </font><hr>37-1-155b<br><font size=+1>
gror bya ba'i rkyen ni byang chub kyi sems kyi rkyen to/ /de bzhin gshegs pa thams cad mnyes par bya ba'i rkyen ni byang chub kyi sems kyi rkyen to/ /sangs rgyas thams cad ni sku gzugs dang mtshan dang dpe byad bzang po yongs su bstan pa'i rkyen ni byang chub 
kyi sems kyi rkyen to/ /sangs rgyas thams cad kyi ye shes la 'jug cing khong du chud par byed pa'i rkyen ni byang chub kyi sems kyi rkyen to/ /sangs rgyas kyi stobs dang mi bsnyengs pa thams cad yongs su bstan pa'i rkyen ni byang chub kyi sems kyi rkyen to/ /
kye rgyal ba'i sras bcu po de dag ni byang chub sems dpa' rnams kyi byang chub kyi sems kyi rkyen te/ rkyen de dag gis byang chub kyi sems yang dag par skye bar 'gyur ba dag go /kye rgyal ba'i sras byang chub sems dpa' gang gis bla na med pa 
yang dag par rdzogs pa'i byang chub tu sems bskyed pa des kyang thams cad mkhyen pa'i ye shes mngon par 'tshang rgya bar bya ba'i phyir dge ba'i bshes gnyen rnams la rim gro dang bkur sti dang bsnyen bkur bya'o/ /de dge ba'i bshes gnyen rnams la rim 
gro dang / bkur sti dang / bsnyen bkur byed pa'i tshe/ dge ba'i bshes gnyen rnams la sems bskyed pa bcu po 'di dag bskyed par bya ste/ bcu gang zhe na 'di ltar rim gro bya ba'i sems dang / dga' bar bya ba'i sems dang ji skad bsgo ba bzhin du nan tan 
tu bya ba'i sems dang yid mi 'byung ba'i sems dang / ji snyam yang mi byed pa'i sems dang / gcig tu nges pa'i sems dang / dge ba'i rtsa ba thams cad la rgyud kyi tshul gcig tu gyur pa'i sems dang / smon lam gcig pa'i sems dang / ston 
pa'i sems dang / spyod pa mtshungs par yongs su rdzogs par bya ba'i sems te/ kye rgyal ba'i sras bcu po de dag ni dge ba'i bshes gnyen rnams la sems bskyed pa rnams so/ /de sems bskyed pa bcu po 'di dag bskyed pa'i tshe yongs su dag </font><hr>37-1-156a<br><font size=+1>
pa bcu rab tu 'thob par 'gyur te/ bcu gang zhe na 'di ltar chud mi za ba'i phyir lhag pa'i bsam pa yongs su dag pa dang / sems can ji lta bur 'dul ba bzhin du bstan pa'i phyir gzugs yongs su dag pa dang / sgra 
skad dang tha snyad bsam gyis mi khyab pa la 'jug par bya ba'i phyir dbyangs kyi dkyil 'khor yongs su dag pa dang / sangs rgyas kyi chos bsam gyis mi khyab pa bstan pa la mkhas par bya ba'i phyir spobs pa yongs su dag pa dang / mi shes pa thams 
cad dang bral bar bya ba'i phyir ye shes yongs su dag pa dang / byang chub sems dpa' thams cad kyi dbang rab tu thob par bya ba'i phyir skye ba yongs su dag pa dang / sngon skal ba mnyam par spyad pa'i sems can rnams kyi dge ba'i rtsa ba yongs 
su smin par bya ba'i phyir 'khor yongs su dag pa dang / sgrib pa'i las thams cad spangs pas rnam par bzlog pa'i phyir rnam par smin pa yongs su dag pa dang / byang chub sems dpa' thams cad dang tshul gcig tu bya ba'i phyir smon lam yongs 
su dag pa dang / kun tu bzang po'i theg pas 'byung ba'i phyir spyod pa yongs su dag pa ste/ yongs su dag pa bcu po 'di dag 'thob par 'gyur ro/ /kye rgyal ba'i sras bcu po 'di dag ni byang chub sems dpa' rnams kyi pha rol tu phyin pa ste/ 
bcu gang zhe na 'di ltar bdog pa thams cad yongs su btang ba'i phyir sbyin pa'i pha rol tu phyin pa dang / sangs rgyas kyi tshul khrims yongs su sbyang ba'i phyir tshul khrims kyi pha rol tu phyin pa dang / bzod pa'i stobs kyis bsam pa mi 'khrugs 
pas sangs rgyas kyi stobs la sbyar ba'i phyir bzod pa'i pha rol tu phyin pa dang / mos pa thams cad las phyir mi ldog par bya ba'i phyir brtson 'grus kyi pha rol tu phyin pa dang / dran pa rtse gcig tu bya ba'i phyir bsam gtan gyi pha rol tu phyin pa dang /</font><hr>37-1-156b<br><font size=+1>
chos thams cad yang dag pa ji lta ba bzhin du rab tu rtogs par bya ba'i phyir shes rab kyi pha rol tu phyin pa dang / sangs rgyas kyi stobs la 'jug pa'i phyir ye shes kyi pha rol tu phyin pa dang / kun tu bzang po'i smon lam yongs su rdzogs 
par bya ba'i phyir smon lam gyi pha rol tu phyin pa dang /rdzu 'phrul dang rnam par 'phrul ba yongs su bstan pa'i phyir rdzu 'phrul gyi rol tu phyin pa dang / chos thams cad la yang dag par gzhol bar bya ba'i phyir chos kyi pha rol tu phyin 
pa'o/ /kye rgyal ba'i sras bcu po de dag ni byang chub sems dpa' rnams kyi pha rol tu phyin pa ste/ de dag la gnas shing byang chub sems dpa' rnams de bzhin gshegs pa'i ye shes chen po'i pha rol tu phyin pa bla na med pa 'thob par 'gyur 
ba dag go /kye rgyal ba'i sras bcu po 'di dag ni byang chub sems dpa' rnams kyi shes pa khong du chud par bya ba ste/ bcu gang zhe na 'di ltar 'jig rten gyi khams thams cad la rnam pa tha dad pa shes pa khong du chud par bya ba dang / sems 
can gyi khams thams cad kyi rigs bsam gyis mi khyab pa la 'jug pa'i shes pa khong du chud par bya ba dang / chos thams cad la gcig pa dang tha dad par yang dag par gzhol bar bya ba'i shes pa khong du chud par bya ba dang / chos kyi dbyings 
'byam klas pa thams cad shin tu bstan pa'i shes pa khong du chud par bya ba dang / nam mkha'i dbyings ma lus pa thams cad kyis klas pa'i shes pa khong du chud par bya ba dang / 'jig rten gyi khams thams cad la ma 'ongs pa'i dus kyi 'jug/
pa'i shes pa khong du chud par bya ba dang / 'jig rten gyi khams thams cad la 'das pa'i dus kyi 'jug pa'i shes pa khong du chud par bya ba dang / 'jig rten gyi khams thams cad la da ltar byung ba'i dus kyi 'jug pa'i shes pa khong du </font><hr>37-1-157a<br><font size=+1>
chud par bya ba dang / de bzhin gshegs pa thams cad kyi spyod pa dang / smon lam rnam pa tha dad pa thams cad yongs su rdzogs par bya bas gcig tu rtogs par 'gyur ba'i shes pa khong du chud par bya ba dang / 'das pa 
dag ma byon pa dang / da ltar byung ba'i sangs rgyas thams cad spyod pa gcig gis byung ba'i shes pa khong du chud par bya'o/ /kye rgyal ba'i sras bcu po de dag ni byang chub sems dpa' rnams kyi shes pa khong du chud par bya ba ste/ de dag la gnas shing byang chub 
sems dpa' rnams chos snang ba thams cad la dbang bsgyur ba thob pa dang / bsam pa ji lta ba bzhin du smon lam yongs su rdzogs pa thob pa dang / sangs rgyas kyi chos thams cad mtshan nyid gcig tu mos pas sangs rgyas kyi chos thams cad mngon 
par rdzogs par 'tshang rgya bar 'gyur ba dag go /kye rgyal ba'i sras bcu po 'di dag ni byang chub sems dpa' rnams kyi rab tu rtogs pa ste/ bcu gang zhen 'di ltar chos thams cad la tshul gcig tu rtogs pa dang / chos thams cad la tshul tha dad par 
rtogs pa dang / chos thams cad la mtshan nyid gcig tu rtogs pa dang / sems can gyi sems dang / bsam pa thams cad la chags pa med pa'i ye shes su rtogs pa dang / sems can thams cad kyi dbang po mnyam pa nyid du rtogs pa dang / sems 
can thams cad kyi nyon mongs pa dang / bag chags kyi spyod pa rtogs pa dang / sems can thams cad kyi bsam pa dang / bag la nyal ba'i spyod pa rtogs pa dang / sems can thams cad kyi dge ba dang / mi dge ba'i spyod pa thams cad rtogs pa dang / 
byang chub sems dpa'i spyod pa dang / smon lam dang rnam par rtse ba dang / 'phrul pa dang / byin gyi rlabs thams cad rtogs pa dang / de bzhin gshegs pa'i stobs bcu ma lus par mngon par sangs rgyas pa'i byin gyi rlabs rtogs pa'o/ /</font><hr>37-1-157b<br><font size=+1>
kye rgyal ba'i sras bcu po de dag ni byang chub sems dpa' rnams kyi rtogs pa ste/ de dag la gnas shing byang chub sems dpa' rnams chos thams cad kyi tshul la mkhas pa bla na med pa 'thob par 'gyur ba dag go /kye rgyal ba'i sras bcu po 
'di dag ni byang chub sems dpa' rnams kyi stobs kyi shugs te/ bcu gang zhe na 'di ltar chos thams cad kyi rang bzhin la 'jug pa'i stobs kyi shugs dang / chos thams cad sprul pa lta bu'i stobs kyi shugs dang / chos thams cad sgyu ma lta bu'i 
stobs kyi shugs dang / chos thams cad la sangs rgyas kyi chos su 'jug pa'i stobs kyi shugs dang / chos thams cad la mngon par chags pa med pa'i stobs kyi shugs dang / sangs rgyas kyi chos thams cad la shin tu mos pa'i stobs 
kyi shugs dang / dge ba'i bshes gnyen thams cad la shin tu gus pa'i bsam pa mi gtong ba'i stobs kyi shugs dang / dge ba'i rtsa ba thams cad kyis ye shes kyi rgyal po chen po mnyes par byed pa'i stobs kyi shugs dang / sangs rgyas kyi 
chos thams cad la zab par yid ches pas mi spangs pa'i stobs kyi shugs dang / thams cad mkhyen pa nyid kyi sems las myi ldog par mkhas pa'i stobs kyi shugs so/ /kye rgyal ba'i sras bcu po de dag ni byang chub sems dpa' rnams 
kyi stobs kyi shugs te/ de dag la gnas shing byang chub sems dpa' rnams de bzhin gshegs pa'i stobs bcu bla na med pa 'thob par 'gyur ba dag go /kye rgyal ba'i sras bcu po 'di dag ni byang chub sems dpa' rnams kyi mnyam pa nyid de/ 
bcu gang zhe na 'di ltar sems can thams cad la mnyam pa nyid dang / chos thams cad la mnyam pa nyid dang / sangs rgyas kyi zhing thams cad la mnyam pa nyid dang / lhag pa'i bsam pa thams cad la mnyam pa nyid dang / dge ba'i rtsa ba </font><hr>37-1-158a<br><font size=+1>
thams cad la mnyam pa nyid dang / byang chub sems dpa' thams cad la mnyam pa nyid dang / smon lam thams cad la mnyam pa nyid dang / pha rol tu phyin pa thams cad la mnyam pa nyid dang / spyod pa thams cad la mnyam 
pa nyid dang / sangs rgyas thams cad la mnyam pa nyid do/ /kye rgyal ba'i sras bcu po de dag ni byang chub sems dpa' rnams kyi mnyam pa nyid de/ de dag la gnas shing byang chub sems dpa' rnams sangs rgyas kyi chos thams cad mnyam pa nyid bla na med 
pa 'thob par 'gyur ba dag go /kye rgyal ba'i sras bcu po 'di dag ni byang chub sems dpa' rnams kyi sangs rgyas kyi chos kyi tshul gyi lam rnams te/ bcu gang zhe na 'di ltar chos thams cad ni ming tsam mo/ /chos thams cad ni sgyu ma lta bu'o/ /
chos thams cad ni mig yor lta bu'o/ /chos thams cad ni rten pa tsam mo/ /chos thams cad ni las dang bral ba'o/ /chos thams cad ni mi zad pa'i sbyor ba'o/ /chos thams cad ni yang dag pa'i mtha' 'o/ /chos thams cad ni mtshan ma med 
pa'o/ /chos thams cad ni don dam pa'o/ /chos thams cad ni chos kyi dbyings so/ /kye rgyal ba'i sras bcu po de dag ni byang chub sems dpa' rnams kyi sangs rgyas kyi chos kyi tshul gyi lam ste/ de dag la gnas shing byang chub sems dpa' 
rnams thams cad mkhyen pa'i ye shes gyi tshul la mkhas pa bla na med pa 'thob par 'gyur ba dag go /kye rgyal ba'i sras bcu po 'di dag ni byang chub sems dpa' rnams kyi chos bstan pa ste/ bcu gang zhe na 'di ltar zab mo'i chos bstan pa dang / 
yangs pa'i chos bstan pa dang / sna tshogs kyi chos bstan pa dang / thams cad mkhyen pa nyid brjod pa mang po'i chos bstan pa dang / pha rol tu phyin pa dang ldan pa'i chos bstan pa dang / de bzhin gshegs pa'i stobs mngon par </font><hr>37-1-158b<br><font size=+1>
bsgrub pa'i chos bstan pa dang / dus gsum dang ldan pa'i chos bstan pa dang / phyir mi ldog pa'i byang chub sems dpas bya ba'i chos bstan pa dang / sangs rgyas kyi yon tan dang / legs pa rab tu brjod pa'i chos bstan pa dang / 
byang chub sems dpa'i bslab pa thams cad dang / sangs rgyas thams cad kyi mnyam pa nyid dang / de bzhin gshegs pa thams cad la dmigs pa dang ldan pa'i chos bstan pa'o/ /kye rgyal ba'i sras bcu po de dag ni byang chub sems dpa' 
rnams kyi chos bstan pa ste de dag la gnas shing byang chub sems dpa' rnams de bzhin gshegs pa rnams kyi chos bstan pa chen po bla na med pa ston par 'gyur ba dag go /kye rgyal ba'i sras bcu po 'di dag ni byang chub sems dpa' 
rnams kyi yongs su gzung ba ste/ bcu gang zhe na 'di ltar dge ba'i rtsa ba dang /bsod nams kyi tshogs rnams yongs su gzung ba dang / de bzhin gshegs pa thams cad kyis gsungs pa'i chos bstan pa rnams yongs su gzung ba 
dang/ dpe dang mthun par bstan pa thams cad yongs su gzung ba dang / chos kyi tshul dang / sgo thams cad yongs su gzung ba dang / gzungs thams cad mngon par bsgrub pa'i sgo rnams yongs su gzung ba dang / the tsom thams cad 
yongs su gcod pa rnams yongs su gzung ba dang / byang chub sems dpa'i bsgrub pa thams cad yongs su gzung ba dang / de bzhin gshegs pa thams cad kyi mnyam pa nyid kyi ting nge 'dzin shin tu bstan pa'i sgo rnams yongs su gzung ba 
dang/ chos snang ba'i sgo thams cad yongs su gzung ba dang / sangs rgyas thams cad kyi rnam par sprul pa dang / rnam par rol pa dang / byin gyi rlabs rnams yongs su gzung ba'o/ /kye rgyal ba'i sras bcu po de dag ni byang chub </font><hr>37-1-159a<br><font size=+1>
sems dpa' rnams kyi yongs su gzung ba ste/ de dag la gnas shing byang chub sems dpa' rnams de bzhin gshegs pa'i ye shes chen po yongs su gzung ba'o/ /bla na med pa 'thob par 'gyur ba dag 
go /kye rgyal ba'i sras bcu po 'di dag ni byang chub sems dpa' rnams kyi spobs pa ste/ bcu gang zhe na 'di ltar chos thams cad la rnam par ma brtags pa'i spobs pa dang / chos thams cad la mngon par 'du byed pa med pa'i spobs pa dang / chos 
thams cad la mi gnas pa'i spobs pa dang / chos thams cad la stong pa nyid du snang ba'i spobs pa dang / chos thams cad la mun pa med pa'i spobs pa dang / chos thams cad la sangs rgyas kyi byin gyi rlabs kyi spobs pa dang / chos thams 
cad la gzhan gyi dring mi 'jog pa'i spobs pa dang / chos thams cad la tshig gi bye brag mkhas pa'i spobs pa dang / chos thams cad la de kho na nyid bstan pa'i spobs pa dang / sems can gyi sems dang / spyod pa thams cad la bsam pa ji lta ba 
bzhin du tshim par byed pa'i spobs pa'o/ /kye rgyal ba'i sras bcu po de dag ni byang chub sems dpa' rnams kyi spobs pa ste/ de dag la gnas shing byang chub sems dpa' rnams sangs rgyas thams cad kyi spobs pa la mkhas pa bla na med pa 'thob 
par 'gyur ba dag go /kye rgyal ba'i sras bcu po 'di dag ni byang chub sems dpa' rnams kyi dbang ste/ bcu gang zhe na 'di ltar sems can thams cad yongs su smin par byed cing 'dul ba'i ye shes kyi dbang dang / chos thams cad snang ba rab 
tu 'thob pa'i dbang dang dge ba'i rtsa ba thams cad la spyod pa'i dbang dang ye shes chen po'i dbang dang mi gnas pa'i tshul khrims kyi dbang dang / dge ba'i rtsa ba thams cad byang chub tu yongs su bsngo ba'i dbang dang / brtson 'grus brtsams pa thams </font><hr>37-1-159b<br><font size=+1>
cad las phyir mi ldog pa'i ye shes kyi dbang dang / bdud thams cad shin tu pham par bya ba'i ye shes kyi dbang dang / gang du dga' bar 'gro bar byang chub kyi sems bskyed pa'i ye shes kyi dbang dang / sangs rgyas thams cad kyi byang chub nam 'dod pa 
na mngon par rdzogs par 'tshang rgya ba'i ye shes kyi dbang ngo / /kye rgyal ba'i sras bcu po de dag ni byang chub sems dpa' rnams kyi dbang ste/ de dag la gnas shing byang chub sems dpa' rnams de bzhin gshegs pa'i ye shes chen po'i dbang bla na med pa 'thob 
bar 'gyur ba dag go/ /kye rgyal ba'i sras bcu po 'di dag ni byang chub sems dpa' rnams kyi mi gnas pa ste/ bcu gang zhe na 'di ltar 'jig rten gyi khams thams cad la mi gnas pa dang / sems can thams cad la mi gnas pa dang / 
chos thams cad la mi gnas pa dang / bya ba thams cad la mi gnas pa dang / dge ba'i rtsa ba thams cad la mi gnas pa dang / skye ba'i skye mched thams cad la mi gnas pa dang / smon lam thams cad la mi gnas pa dang / spyod pa thams 
cad la mi gnas pa dang / byang chub sems dpa' thams cad la mi gnas pa dang / sangs rgyas thams cad la mi gnas pa'o/ /kye rgyal ba'i sras bcu po de dag ni byang chub sems dpa' rnams kyi mi gnas pa ste/ de dag la gnas shing byang 
chub sems dpa' rnams sems yangs par bsgyur ba yongs su shes pa'i ye shes yongs su dag cing bla na med pa 'thob par 'gyur ba dag go /kye rgyal ba'i sras bcu po 'di dag ni byang chub sems dpa' rnams kyi sems mnyam pa nyid de/ 
bcu gang zhe na 'di ltar bsod nams thams cad bstsags pa la sems mnyam pa nyid dang / smon lam rnam pa tha dad pas 'byung ba thams cad la sems mnyam pa nyid dang / sems can gyi rigs thams cad la sems mnyam pa nyid dang / sems </font><hr>37-1-160a<br><font size=+1>
can gyi las rnam par smin pa la 'jug pa thams cad la sems mnyam pa nyid dang / chos la 'jug pa thams cad la sems mnyam pa nyid dang / zhing kun nas nyon mongs pa dang / rnam par dag pa thams cad la sems 
mnyam pa nyid dang / sems can gyi mos pa la 'jug pa thams cad la sems mnyam pa nyid dang / spyod pa'i rnam par rtog pa thams cad la sems mnyam pa nyid dang / sangs rgyas kyi stobs dang mi bsnyengs pa la 'jug pa thams cad la sems mnyam 
pa nyid dang / de bzhin gshegs pa thams cad kyi ye shes la 'jug pa khong du chud par bya ba la sems mnyam pa nyid do/ /kye rgyal ba'i sras bcu po de dag ni byang chub sems dpa' rnams kyi sems mnyam pa nyid de/ de dag la gnas shing byang chub 
sems dpa' rnams de bzhin gshegs pa'i dgongs pa mnyam pa nyid rgya che zhing bla na med pa 'thob par 'gyur ba dag go /kye rgyal ba'i sras bcu po 'di dag ni byang chub sems dpa' rnams kyi ye shes mngon par bsgrub pa ste/ bcu gang zhe na 'di ltar 
sems can gyi khams thams cad kyi mos pa khong du chud par bya ba la zhugs pa'i ye shes mngon par bsgrub pa dang / sangs rgyas kyi zhing sna tshogs khong du chud par bya ba la zhugs pa'i ye shes mngon par bsgrub pa dang / phyogs kyi dra ba rnam par dbye 
ba thams cad khong du chud par bya ba la zhugs pa'i ye shes mngon par bsgrub pa dang / 'jig rten gyi khams spyi'u tshugs su rgyu ba dang snrel zhir rgyu ba thams cad khong du chud par bya ba la zhugs pa'i ye shes mngon par bsgrub pa dang / chos thams cad 
gcig pa dang / tha dad pa'i 'byam klas par rnam par dgong pa la mkhas pa khong du chud par bya ba la zhugs pa'i ye shes mngon par bsgrub pa dang / lus kyi rgyud thams cad khong du chud par bya ba la 'jug par zhugs pa'i ye shes mngon par bsgrub pa dang /</font><hr>37-1-160b<br><font size=+1>
'du shes kyis phyin ci log tu gyur pa'i 'jig rten gyi rnam pa'i 'du shes dang / rlom sems khong du chud par bya ba la zhugs pa'i ye shes mngon par bsgrub pa dang / chos kyi rgyud thams cad la 'byung ba gcig gi mthar thug par 'jug pa khong du chud par 
bya ba la zhugs pa'i ye shes mngon par bsgrub pa dang /chos kyi dbyings thams cad kyi de bzhin gshegs pa'i rnam par 'phrul pa dang / byin gyi rlabs khong du chud par bya ba la zhugs pa'i ye shes mngon par bsgrub pa dang / 'gro ba thams cad 
kyi dus gsum du 'dus pa'i sangs rgyas kyi rigs thams cad rgyun mi gcod pa khong du chud par bya ba la zhugs pa'i ye shes mngon par bsgrub pa'o/ /kye rgyal ba'i sras bcu po de dag ni byang chub sems dpa' rnams kyi ye shes mngon par bsgrub pa 
ste/ de dag la gnas shing byang chub sems dpa' rnams chos gang la yang mgo rmongs par mi 'gyur ba dag go /kye rgyal ba'i sras bcu po 'di dag ni byang chub sems dpa' rnams kyi sprul pa ste/ bcu gang zhe na 'di ltar sems can sprul 
pa dang / lus sprul pa dang / zhing sprul pa dang / mchod pa sprul pa dang / dbyangs sprul pa dang / spyod pa dang smon lam sprul pa dang / sems can yongs su smin par bya ba dang gdul ba sprul pa dang / mngon par rdzogs par byang chub pa 
sprul pa dang / chos bstan pa sprul pa dang / byin gyi rlabs sprul pa'o/ /kye rgyal ba'i sras bcu po de dag ni byang chub sems dpa' rnams kyi sprul pa ste/ de dag la gnas shing byang chub sems dpa' rnams chos thams cad sprul pa 
yongs su rdzogs pa bla na med pa 'thob par 'gyur ba dag go/ /kye rgyal ba'i sras bcu po 'di dag ni byang chub sems dpa' rnams kyi byin gyi rlabs te/ bcu gang zhe na 'di ltar sangs rgyas kyi byin gyi rlabs dang / chos kyi byin gyi </font><hr>37-1-161a<br><font size=+1>
rlabs dang / sems can gyi byin gyi rlabs dang / las kyi byin gyi rlabs dang / spyod pa'i byin gyi rlabs dang / smon lam gyi byin gyi rlabs dang / spyod yul gyi byin gyi rlabs dang / dus kyi 
byin gyi rlabs dang / dge ba'i byin gyi rlabs dang / ye shes kyi byin gyi rlabs so/ /kye rgyal ba'i sras bcu po de dag ni byang chub sems dpa' rnams kyi byin gyi rlabs te/ de dag la gnas shing byang chub sems dpa' rnams 
chos thams cad la dbang bsgyur ba'i byin gyi rlabs bla na med pa 'thob par 'gyur ba dag go/ /kye rgyal ba'i sras bcu po 'di dag ni byang chub sems dpa' rnams kyi shin tu dbugs phyin pa rab tu rnyed pa bcu ste/ bcu gang zhe na/ kye rgyal ba'i sras 'di la 
byang chub sems dpa' 'di ltar sems bskyed de/ ma 'ongs pa'i dus na de bzhin gshegs pa gang ji snyed cig 'byung bar 'gyur ba de dag thams cad mnyes par bya'o/ /zhes dbugs phyin pa chen po rab tu 'thob bo/ /de bzhin gshegs pa dgra 
bcom pa yang dag par rdzogs pa'i sangs rgyas de dag la yang sangs rgyas kyi tshul dang 'dra ba'i rim gro bla na med pa bya'o/ /mchod pa dang bsnyen bkur bla na med pa bya'o/ /zhes dbugs phyin pa chen po rab tu 'thob bo/ /bdag gis de bzhin gshegs 
pa dgra bcom pa yang dag par rdzogs pa'i sangs rgyas de dag mchod nas kyang gdams ngag gang gis byang chub sems dpa' rnams byang chub sems dpa'i sar byung bar gyur pa dang / 'byung ba dang 'byung bar 'gyur ba de lta bu'i gdams ngag dang man 
dag bstan pa mdzad kyis gdams ngag dang man ngag de'ang bdag gis bsam pa thag pas rim gro byas te/ mnyan la yang dag par nan tan tu bya'o/ /zhes dbugs phyin pa chen po rab tu 'thob bo/ /kye rgyal ba'i sras gzhan yang byang chub </font><hr>37-1-161b<br><font size=+1>
sems dpa' 'di snyam du sems te/ bdag bskal pa brjod du med par byang chub sems dpa'i spyad pa spyod pa'i tshe/ sangs rgyas bcom ldan 'das dang / byang chub sems dpa' rnams dang mi 'bral bar 'gyur ro/ /zhes dbugs phyin pa chen 
po rab tu 'thob bo/ /kye rgyal ba'i sras gzhan yang byang chub sems dpa' 'di snyam du sems te/ sngon bdag bla na med pa yang dag par rdzogs pa'i byang chub tu ma zhugs pa'i tshe/ 'di lta ste/ 'tsho ba med pa'i 'jigs pa'am/ grags 
pa med pa'i 'jigs pa'am/ 'chi ba'i 'jigs pa'am/ ngan song gi 'jigs pa'am/ 'khor du bag tsha ba'i 'jigs pa'ang rung ste/ ji snyed kyi 'jigs par gyur pa de dag thams cad ni rnam par bzlog par gyur/ ring du byas par gyur rnam par 
bcil bar gyur te/ byang chub kyi sems bskyed ma thag tu cis kyang mi 'jigs par gyur to/ /mi sdangs par gyur to/ /skyi g.ya' ba med par gyur to/ /cis kyang 'jigs par mi 'gyur ro/ /sdangs bar mi 'gyur ro/ /skyi g.ya' bar mi 'gyur 
ro/ /de bas na brtan zhing rnam par gnon la zil gyis mi non pas bdud dang mu stegs can dang / phas kyi rgol ba thams cad kyis mi thub par gyur to/ /zhes dbugs phyin pa chen po rab tu thob bo/ /kye rgyal ba'i sras gzhan yang byang chub 
sems dpa' 'di snyam du sems bskyed de/ bdag byang chub sems dpa'i spyad pa spyod pa'i tshe/ sems can gyi khams thams cad bla na med pa yang dag par rdzogs pa'i byang chub tu yongs su smin par bya'o/ /rab tu dgod par bya'o/ /de 
dag byang chub thob par gyur nas kyang de bzhin gshegs pa dgra bcom pa yang dag par rdzogs pa'i sangs rgyas de dag la dad pa chen po dang ldan pa'i sems bskyed pas tshe'i tshad kyi mthar thug gi bar du sangs rgyas la 'os pa'i rim gros mchod pa dang /</font><hr>37-1-162a<br><font size=+1>
bkur sti bya'o/ /de bzhin gshegs pa de dag yongs su mya ngan las 'das nas kyang sku gzugs la mchod pa'i las kyi phyir mchod rten tshad med pa mang po bya'o/ /de dag gi bstan pa yang yongs su bsrung bar bya'o/ /de 
dag gi dam pa'i chos kyang yongs su bzung ba bla na med pas yongs su gzung bar bya'o/ /zhes dbugs phyin pa chen po rab tu 'thob bo/ /kye rgyal ba'i sras gzhan yang byang chub sems dpa' 'di ltar sems bskyed de/ 'jig rten gyi khams 
thams cad bla na med pa'i mdzes pas brgyan par bya/ spud par bya/ klub par bya/ yongs su sbyang bar bya/ /mnyam par bya/ /bsgyur bar bya/ byin gyis brlab par bya/ bskyod par bya/ snang bar bya/rdzu 'phrul dang rnam par 'phrul pas dgang 
bar bya'o zhes dbugs phyin pa chen po rab tu 'thob bo/ /kye rgyal ba'i sras gzhan yang byang chub sems dpa' 'di ltar sems bskyed de/ sems can thams cad kyi the tsom gcad par bya'o/ /nem nur gcad par bya'o/ /bsam pa 
yongs su sbyang bar bya'o/ /sems khong du chud par bya'o/ /nyon mongs pa rnam par bzlog par bya'o/ /ngan song gi sgo gcad par bya'o/ /bde ba'i lam gyi sgo dbye bar bya'o/ /mun pa rnam par bstsal bar bya'o/ /'od kyis snang bar bya'o/ 
bdud thams cad dang bdud kyi las rnams rab tu gdul bar bya'o/ /bla na med pa'i bde ba chen po 'thob pa 'gro ba thams cad du yang dag par bstan par bya'o/ /rab tu bskyed par bya'o/ /zhes dbugs phyin pa chen po rab tu 'thob po/ 
kye rgyal ba'i sras gzhan yang byang chub sems dpa' 'di ltar sems bskyed de/ bdag gis sangs rgyas mthong ba ni don yod pa ste/ ji tsam na de bzhin gshegs pa dgra bcom pa yang dag par rdzogs pa'i sangs rgyas blta bar 'dod pa </font><hr>37-1-162b<br><font size=+1>
de tsam na mthong bar 'gyur gyis/ bdag gis sangs rgyas mthong ba ni rgyun chad par mi 'gyur ro/ /de bzhin gshegs pa mngon du 'gyur ba ni rgyun chad par mi 'gyur ro/ /de bzhin gshegs pa dgra bcom pa yang dag par rdzogs pa'i 
sangs rgyas u dum wa ra'i me tog lta bur bskal pa thams cad du skye zhing mthong bar dka' ba rnams las chos mnyan pa'ang rgyun mi 'chad par 'gyur te/ de ltar bdag gis bsam pa yongs su dag pas sems bskyed pa/ g.yo thams 
cad yongs su spangs pa drang ba'i ngang tshul dang ldan pa sgyu'i rnam pa med pas sems kyi skad cig re re la sangs rgyas mthong ba'i byin gyi rlabs dang ldan par 'gyur ro/ /zhes dbugs phyin pa chen po rab tu 'thob bo/ /kye rgyal ba'i sras gzhan 
yang byang chub sems dpa' 'di ltar sems bskyed de/gang gi tshe bdag bla na med pa yang dag par rdzogs pa'i byang chub tu 'tshang rgya ba de'i tshe/ 'jig rten gyi khams thams cad sangs rgyas kyi zhing rnam par 'phrul pas rgyas par dgang ngo / /bla 
na med pa yang dag par rdzogs pa'i byang chub tu mngon par sangs rgyas nas kyang 'gro ba thams cad re rer sangs rgyas skye ba yongs su bstan par bya'o/ /bla na med pa yang dag par rdzogs pa'i byang chub tu mngon par sangs rgyas nas chos kyi rnga 
chen po brdung bar bya'o/ /chos kyi sprin gyi char chen po mngon par dbab pa dang / chos kyi sbyin pa chen po sbyin pa dang / mi 'jigs pa chen po rnam par dag par bya ba'i phyir/ seng ge'i nga ro chen pos rnam par spel ba'i smon lam chen pos chos 
kyi dbyings su gnas pa'i bskal par chos bstan par bya'o/ /'on kyang snying rje chen po'i byin gyi rlabs kyis bdag gi lus la dub pa med par 'gyur/ ngag dang sems la dub pa med par 'gyur ro/ /zhes dbugs phyin pa chen po rab tu </font><hr>37-1-163a<br><font size=+1>
'thob bo/ /kye rgyal ba'i sras bcu po de dag ni byang chub sems dpa' rnams kyi dbugs phyin pa chen po rab tu 'thob pa ste/ de dag la gnas shing byang chub sems dpa' rnams de bzhin gshegs pa'i ye shes chen 
po la mngon par 'tshang rgya ba bla na med pa 'thob par 'gyur ba dag go /kye rgyal ba'i sras bcu po 'di dag ni byang chub sems dpa'i sangs rgyas kyi chos zab mo la 'jug pa rnams te/ bcu gang zhe na 'di ltar 'jig rten gyi khams thams cad du 
'das pa'i dus la 'jug pa 'di ni sangs rgyas kyi chos zab mo la 'jug pa dang po'o/ /'jig rten gyi khams 'grangs pa de dang de dag gi 'jig rten gyi khams thams cad du ma 'ongs pa'i dus la 'jug pa 'di ni sangs rgyas kyi chos zab mo la 
'jug pa gnyis pa'o/ /'jig rten gyi khams 'grangs pa dang 'jig rten gyi khams yod pa dang / 'jig rten gyi khams su bstan pa dang / 'jig rten gyi khams yongs su dag pa dang / 'jig rten gyi khams su shes pa gang ji snyed pa'i 
'jig rten gyi khams thams cad du da ltar byung ba'i dus la 'jug pa 'di ni sangs rgyas kyi chos zab mo la 'jug pa gsum pa'o/ /'jig rten gyi khams thams cad du sna tshogs su 'jug pa 'di ni sangs rgyas kyi chos zab mo la 'jug pa bzhi pa'o/ /
sems can gyi las dang rnam par smin pa sna tshogs thams cad la 'jug pa 'di ni sangs rgyas kyi chos zab mo la 'jug pa lnga pa'o/ /byang chub sems dpa'i spyod pa sna tshogs la 'jug pa 'di ni sangs rgyas kyi chos zab mo la 'jug pa drug pa'o/ /
kye rgyal ba'i sras gzhan yang byang chub sems dpa' de bzhin gshegs pa 'das pa rnams kyi mtshams sbyor ba shes pa 'di ni sangs rgyas kyi chos zab mo la 'jug pa bdun pa'o/ /kye rgyal ba'i sras gzhan yang byang chub sems dpa' sangs rgyas </font><hr>37-1-163b<br><font size=+1>
bcom ldan 'das ma byon pa rnams kyi sangs rgyas gcig nas gcig tu brgyud pa shes pa 'di ni sangs rgyas kyi chos zab mo la 'jug pa brgyad pa'o/ /kye rgyal ba'i sras gzhan yang byang chub sems dpa' da ltar byung ba'i sangs rgyas bcom ldan 'das rnams kyi 
chos kyi dbyings kyis klas shing nam mkha'i mthas gtugs pa'i sangs rgyas kyi zhing rab tu shes so/ /'khor gyi dkyil 'khor rab tu shes so/ /chos bstan pa rab tu shes so/ /sems can 'dul ba rab tu shes so/ /de bzhin du phyogs bcu kun 
gyi yang rab tu shes te/ 'di ni sangs rgyas kyi chos zab mo la 'jug pa dgu pa'o/ /kye rgyal ba'i sras gzhan yang byang chub sems dpa' 'jig rten gyi chos rab tu shes so/ /nyan thos kyi chos rab tu shes so/ /rang sangs rgyas kyi chos rab tu 
shes so/ /byang chub sems dpa'i chos rab tu shes so/ /de bzhin gshegs pa'i chos rab tu shes so/ /chos de dag la'ang rnam par mi rtog pas rab tu zhugs nas rnam pa tha dad par ston te/ chos de dag kyang gzung ba med pa'i tshul gyis chos 
kyi dbyings su 'dzud do/ /chos rnams rnam par brtag tu med par yang shes la/ chos de dag ji lta ba de bzhin tu'ang rab tu ston te/ 'di ni sangs rgyas kyi chos zab mo la 'jug pa bcu pa'o/ /kye rgyal ba'i sras bcu po de dag ni byang chub 
sems dpa' rnams kyi sangs rgyas kyi chos zab mo la 'jug pa bcu pa ste/ de dag la gnas shing byang chub sems dpa' rnams yang dag par rdzogs pa'i byang chub kyi ye shes chen po bla na med pa 'thob par 'gyur ba dag go /kye rgyal ba'i sras bcu 
po 'di dag ni byang chub sems dpa' rnams kyi gnas pa ste/ de dag la gnas shing byang chub sems dpa' rnams byang chub kyi spyad pa spyod do/ /bcu gang zhe na 'di ltar sangs rgyas thams cad mchod pa dang / rim gror bya ba la gnas shing </font><hr>37-1-164a<br><font size=+1>
byang chub sems dpa' byang chub sems dpa'i spyad pa spyod do/ /sems can thams cad yongs su smin par bya ba dang / gdul ba la gnas shing byang chub sems dpa' byang chub sems dpa'i spyad pa spyod do/ /dge 
ba'i bshes gnyen thams cad dga' bar bya ba la gnas shing byang chub sems dpa' byang chub sems dpa'i spyad pa spyod do/ /dge ba'i rtsa ba rab tu bstsags pa la gnas shing byang chub sems dpa' byang chub sems dpa'i spyad pa spyod do/ /sangs 
rgyas kyi zhing yongs su dag par bya ba la gnas shing byang chub sems dpa' byang chub sems dpa'i spyad pa spyod do/ /'gro ba thams cad yongs su mi gtang ba la gnas shing byang chub sems dpa' byang chub sems dpa'i spyad pa spyod do/ /pha rol 
tu phyin pa thams cad la 'jug pa la gnas shing byang chub sems dpa' byang chub sems dpa'i spyad pa spyod do/ /byang chub sems dpa'i smon lam thams cad yongs su rdzogs par bya ba la gnas shing byang chub sems dpa' byang chub sems dpa'i 
spyad pa spyod do/ /byang chub kyi sems tshad med pa la gnas shing byang chub sems dpa' byang chub sems dpa'i spyad pa spyod do/ /sangs rgyas thams cad kyi mngon par rdzogs par 'tshang rgya ba la gnas shing byang chub sems dpa' byang chub sems 
dpa'i spyad pa spyod do/ /kye rgyal ba'i sras bcu po de dag ni byang chub sems dpa' rnams kyis gnas su bya ba rnams te/ gnas de dag la gnas shing byang chub sems dpa' rnams byang chub sems dpa'i spyad pa spyod do/ /kye rgyal ba'i sras bcu 
po 'di dag ni byang chub sems dpa' rnams kyi sems bskyed pa bstan pa ste/ bcu gang zhe na 'di ltar sgrib pa'i las thams cad rnam par bzlog pa'i phyir sems brtan pa bskyed pa dang sangs rgyas bcom ldan 'das yongs su mya ngan las 'das </font><hr>37-1-164b<br><font size=+1>
pa rnams kyi bstan pa yongs su gzung ba'i phyir sems brtan pa bskyed pa dang / bdud thams cad rab tu pham par bya ba'i phyir/ /sems brtan pa bskyed pa dang / lus dang srog thams cad la mi lta ba'i phyir sems brtan pa bskyed pa dang 
mu stegs can dang phas kyi rgol ba thams cad chos bzhin du tshar gcad pa'i phyir sems brtan pa bskyed pa dang / 'gro ba thams cad yongs su tshim par bya ba'i phyir sems brtan pa bskyed pa dang / 'khor gyi dkyil 'khor thams cad mngon par 
dga' bar bya ba'i phyir/sems brtan pa bskyed pa dang / lha dang klu dang gnod sbyin dang / dri za dang lha ma yin dang / nam mkha' lding dang mi'am ci dang / lto 'phye chen po thams cad yongs su gdul ba'i phyir sems brtan pa bskyed pa dang / chos 
zab mo rnam par bsgom pa dang / nyan thos dang rang sangs rgyas kyis rnam par bzlog pa'i phyir sems brtan pa bskyed pa dang / bskal pa brjod du med pa'i yang brjod du med par byang chub sems dpa'i spyod pa spyad pas mi skyo ba'i rgyud du bya ba'i phyir sems 
brtan pa bskyed pa'o/ /kye rgyal ba'i sras bcu po de dag ni byang chub sems dpa' rnams kyi sems bskyed pa brtan pa rnams te/ de dag la gnas shing byang chub sems dpa' rnams de bzhin gshegs pa'i ye shes chen po brtan zhing bla na med pa 
'thob par 'gyur ba dag go/ /kye rgyal ba'i sras bcu po 'di dag ni byang chub sems dpa' rnams kyi sangs rgyas kyi chos thams cad la nem nur thams cad gcod pa'i sems bskyed pa the tsom med cing yid gnyis med la som nyi med pa rnams te/ 
bcu gang zhe na kye rgyal ba'i sras de la byang chub sems dpa' 'di ltar sems bskyed de/ sems can thams cad sbyin pas yongs su bsdu bar bya'o/ /tshul khrims dang / bzod pa dang / brtson 'grus dang / bsam gtan dang /</font><hr>37-1-165a<br><font size=+1>
shes rab dang / byams pa dang / snying rje dang / dga' ba dang / btang snyoms kyis yongs su bsdu bar bya'o/ /snyam yang de la de ni de ltar mi 'gyur snyam pa'i nem nur med yid gnyis med the tsom med de/ de ni gnas 
ma yin no/ /'di ni nem nur thams cad gcod pa'i sems bskyed pa dang po'o/ /kye rgyal ba'i sras gzhan yang byang chub sems dpa' 'di ltar sems bskyed de/ ma 'ongs pa'i dus na gang ji snyed du 'byung bar 'gyur ba'i sangs rgyas thams cad bla na med pa'i 
mnyes par bya ba dang / sangs rgyas thams cad mchod cing bsnyen bkur ba'i sems bskyed pas mnyes par bya'o/ /snyam yang de la de ni de ltar mi 'gyur snyam pa'i nem nur med yid gnyis med the tsom med de/ de ni gnas ma yin no/ /'di ni nem nur 
thams cad gcod pa'i sems bskyed pa gnyis pa'o/ /kye rgyal ba'i sras gzhan yang byang chub sems dpa' 'di ltar sems bskyed de/ 'jig rten gyi khams thams cad 'od zer sna tshogs kyi dra ba'i rgyan gyis yongs su rgyas par dgang ngo snyam yang de la de ni de ltar mi 
'gyur snyam pa'i nem nur med yid gnyis med the tsom med de de ni gnas ma yin no/ /'di ni nem nur thams cad gcod pa'i sems bskyed pa gsum pa'o/ /kye rgyal ba'i sras gzhan yang byang chub sems dpa' 'di ltar sems bskyed de/ ma 'ongs 
pa'i bskal pa'i mur thug par mi skyo ba'i rgyud kyi sems can tshad med pa yongs su smin par bya ba'i phyir/ sems can gyi khams grangs med pa bsam gyis mi khyab pa mtshungs pa med pa tshad med pa gzhal du med pa kun tu mtha' yas pa mu med pas mtshams 
med pa/ brjod du med pa'i yang brjod du med pa grangs dang bgrang ba las 'das pa/ chos kyi dbyings kyis klas pa nam mkha'i dbyings kyi mthas gtugs pa thams cad bla na med par yongs su smin par bya ba dang / bla na med pa'i rnam par gdul </font><hr>37-1-165b<br><font size=+1>
bas yongs su smin pa dang / rnam par gdul bar bya'o/ /snyam yang de la de ni de ltar mi 'gyur snyam pa'i nem nur med yid gnyis med/ the tsom med de de ni gnas ma yin no/ /'di ni the tsom thams cad gcod pa'i sems bskyed pa bzhi pa'o/ /kye 
rgyal ba'i sras gzhan yang byang chub sems dpa' 'di ltar sems bskyed de/ byang chub sems dpa'i spyad pa spyod pa'i tshe/ smon lam thams cad yongs su rdzogs par bya'o/ /zhes nas de la nem nur med cing yid gnyis med pa dang / the tsom med 
par gnas pa yin te/ 'di ni nem nur thams cad gcod pa'i sems bskyed pa lnga pa'o/ /kye rgyal ba'i sras gzhan yang byang chub sems dpa' 'di snyam ste/ bdag byang chub sems dpa'i spyad pa spyod pa'i tshe/ sangs rgyas kyi chos thams cad snang bar gyur pas chos 
thams cad mngon du gyur par 'gyur ro/ /snyam yang de la de de ltar mi 'gyur snyam pa'i nem nur med yid gnyis med the tsom med de/ de ni gnas ma yin no/ /'di ni nem nur thams cad gcod pa'i sems bskyed pa drug pa'o/ /kye rgyal ba'i sras gzhan yang byang chub sems dpa' 
'di snyam ste/ 'di ltar sems can thams cad kyi sems khong du chud par bya ba'i phyir/ chos thams cad sangs rgyas kyi chos su mos par bya'o/ /snyam yang de la de de ltar mi 'gyur snyam pa'i nem nur med yid gnyis med the tsom med de/ de 
ni gnas ma yin no/ /'di ni nem nur thams cad gcod pa'i sems bskyed pa bdun pa'o/ /kye rgyal ba'i sras gzhan yang byang chub sems dpa' chags pa med pa'i chos kyi sgo thams cad chags pa thams cad mi dmigs pas rab tu shes shing / de la 
nem nur med yid gnyis med the tsom med pas bla na med pa yang dag par rdzogs pa'i byang chub tu mngon par sangs rgyas kyi bar du yang dag pa nyid la gnas pa/ 'di ni nem nur thams cad gcod pa'i sems bskyed pa brgyad pa'o/ /kye rgyal ba'i sras </font><hr>37-1-166a<br><font size=+1>
gzhan yang byang chub sems dpas chos thams cad ye shes kyi phyin ci log rab tu spangs pa dang / blang ba med cing dor ba med pa'i tshul gyis 'jig rten las 'das pa'i chos su shes te/ de la gzhan gyi dring mi 'jog cing 
nem nur med de yid gnyis med la the tsom med pa yin te/ 'di ni nem nur thams cad gcod pa'i sems bskyed pa dgu pa'o/ /kye rgyal ba'i sras gzhan yang byang chub sems dpa' 'di snyam tu sems te/ 'du shes phyin ci log thams cad rab tu spangs 
pa'i sems skad cig gcig gi ye shes gcig dang gnyis su mi dmigs pa bgrang ba thams cad dang bral ba/ 'dus ma byas la shin tu gzhol ba/ brjod pa thams cad rab tu spangs pa spyod yul brjod tu med pa'i mthar phyin pas sangs rgyas kyi chos 
thams cad mngon par rdzogs par 'tshang rgya bar bya'o/ /snyam yang de la de de ltar mi 'gyur snyam pa'i nem nur med yid gnyis med the tsom med de de ni gnas ma yin no/ /'di ni nem nur thams cad gcod pa'i sems bskyed pa bcu pa ste/ kye rgyal 
ba'i sras bcu po de dag ni byang chub sems dpa' rnams kyi sangs rgyas kyi chos thams cad la nem nur thams cad gcod pa'i sems bskyed pa the tsom med cing yid gnyis med la som nyi med pa rnams te/ de dag la gnas shing byang chub sems 
dpa' rnams sangs rgyas kyi chos thams cad la nem nur med pa bla na med pa 'thob par 'gyur ba dag go /kye rgyal ba'i sras bcu po 'di dag ni byang chub sems dpa' rnams kyi bsam gyis mi khyab pa nyid de/ bcu gang zhe na/ 'di ltar dge ba'i rtsa ba thams 
cad la bsam gyis mi khyab pa yin/ smon lam thams cad la bsam gyis mi khyab pa yin/ chos thams cad sgyu ma lta bur 'jug pa la bsam gyis mi khyab pa yin/ byang chub sems dpa'i spyad pa spyod pa'i tshe/ byang chub tu sems bskyed pa </font><hr>37-1-166b<br><font size=+1>
la gnas pa'i dge ba'i rtsa ba chud mi za zhing rtog pa med pa dang / rnam par rtog pa med pa la bsam gyis mi khyab pa yin/ kye rgyal ba'i sras gzhan yang byang chub sems dpa' zab mo'i chos thams cad la'ang rab tu 'jug la/ smon lam thams cad 
yongs su rdzogs kyi bar du yongs su mya ngan las kyang mi 'da' ba 'di ni bsam gyis mi khyab pa lnga pa'o/ /kye rgyal ba'i sras gzhan yang byang chub sems dpa' byang chub sems dpa'i spyad pa spyod pa'i tshe/ mngal du 'gro ba dang skye ba dang gom pa bdun du 
'gro ba dang / btsun mo'i 'khor gyi nang na gnas pa dang / mngon par 'byung ba dang / dka' ba spyad pa'i sbyor ba dang / snying po byang chub tu 'gro ba dang / bdud 'dul ba dang / rnam par 'tshang rgya ba dang / chos kyi 'khor lo bskor ba dang / 
yongs su mya ngan las 'da' ba dang / sangs rgyas kyi rnam par 'phrul pa'i byin gyi rlabs thams cad yongs su ston cing snying rje chen po dang 'gro ba thams cad yongs su skyob pa'i smon lam gyi bar gyis yongs su rgyun mi gcod pa 'di ni bsam gyis mi 
khyab pa drug pa'o/ /kye rgyal ba'i sras gzhan yang byang chub sems dpa' chos kyi dbyings kyis klas par sems bskyed pas de bzhin gshegs pa'i stobs bcu dang / byin gyi rlabs rnams kyang yang dag par ston la sems can 
yongs su smin par bya ba yang rgyun mi gcod pa 'di ni bsam gyis mi khyab pa bdun pa'o/ /kye rgyal ba'i sras gzhan yang byang chub sems dpa' chos thams cad mtshan ma med pa la mtshan ma yod par 'jug /mtshan ma yod pa la mtshan ma med par 'jug 
rtog pa med pa la rtog pa yod par ston/rtog pa yod pa la rtog pa med par ston/ dngos po med pa la dngos po yod par 'jug /dngos po yod pa la dngos po med par 'jug /mngon par 'du byed pa la mngon par 'du bya ba med par ston/ mngon par 'du bya ba med </font><hr>37-1-167a<br><font size=+1>
pa la mngon par 'du bya ba yod par ston/ chos thams cad brjod du med pa la brjod du yod par shes/ chos thams cad brjod du yod pa la brjod du med par shes te/ 'di ni bsam gyis mi khyab pa brgyad pa'o/ /kye 
rgyal ba'i sras gzhan yang byang chub sems dpa' byang chub kyang sems dang mnyam par shes la sems kyang byang chub dang mnyam par shes te/ 'gro ba thams cad kyang sems dang byang chub tu shes mod kyi de'i sems phyin ci log tu 'gyur ba med/ 'du 
shes phyin ci log tu 'gyur ba med/ lta ba phyin ci log tu 'gyur ba med de/ 'di ni bsam gyis mi khyab pa dgu pa'o/ /kye rgyal ba'i sras gzhan yang byang chub sems dpa' sems kyi skad cig re re zhing 'gog pa la snyoms par 'jug kyang yang dag pa'i 
mtha' mngon du mi byed zag pa zad pa yin yang dge ba'i rtsa ba zag pa zad par mi byed/ chos thams cad zag pa med par yang shes/ zag pa zad par yang shes/ zag pa 'gag par yang shes shing sangs rgyas kyi chos la 'jig rten gyi chos su 'jug 
ste/ 'jig rten gyi chos la sangs rgyas kyi chos su 'jug kyang / sangs rgyas kyi chos kyis 'jig rten gyi chos la rnam par mi rtog /'jig rten gyi chos kyis sangs rgyas kyi chos la rnam par mi rtog /chos thams cad gzung ba med pa'i tshul du chos 
kyi dbyings su yang 'dzud la/ chos thams cad 'gyur ba med pa'i tshul gyis/gnyis su med par yang shes pa 'di ni bsam gyis mi khyab pa bcu pa'o/ /kye rgyal ba'i sras bcu po de dag ni byang chub sems dpa' rnams kyi bsam gyis mi khyab pa rnams 
te/ de dag la gnas shing byang chub sems dpa' rnams sangs rgyas kyi chos thams cad bsam gyis mi khyab pa bla na med pa 'thob par 'gyur ba dag go/ //sangs rgyas rmad gcad ces bya ba shin tu rgyas pa chen po'i mdo/ /bam po bco lnga pa/</font><hr>37-1-167b<br><font size=+1>
kye rgyal ba'i sras bcu po 'di dag ni byang chub sems dpa' rnams kyis dgongs te bshad pa la mkhas pa ste/ bcu gang zhe na 'di ltar sangs rgyas kyi chos kyi rnam grangs thams cad la dgongs te bshad pa la mkhas pa dang / skye ba'i skye mched thams cad la dgongs 
te bshad pa la mkhas pa dang / byang chub sems dpa'i rdzu 'phrul dang / rnam par 'phrul pa dang / mngon par rdzogs par 'tshang rgya ba thams cad la dgongs te bshad pa la mkhas pa dang / sems can thams cad kyi las kyi rnam par smin par 'jug pa thams cad 
la dgongs te bshad pa la mkhas pa dang / sems can thams cad kyi kun nas nyon mongs pa dang / rnam par byang ba dang / rnam par ldang ba la dgongs te bshad pa la mkhas pa dang / chos thams cad chags pa med pa'i sgo'i mthar phyin pa la bsgribs pa 
med pa'i tshul gyis dgongs te bshad pa la mkhas pa ste/ 'di ni dgongs te bshad pa la mkhas pa drug pa'o/ /kye rgyal ba'i sras gzhan yang byang chub sems dpa' nam mkha'i dbyings kyi phyogs re re dang / 'jig rten gyi khams kyi rgyud re re 
na yang / 'jig rten gyi khams 'grub pa dang / 'jig rten gyi khams 'jig pa rgyun mi 'chad cing mtshams med pa shes pa 'di ni dgongs te/bshad pa la mkhas pa bdun pa'o/ /kye rgyal ba'i sras gzhan yang byang chub sems dpa' chos 
kyi dbyings thams cad du phra ba dang yangs pa'i 'jug pas yongs su 'jug pa thams cad gzung ba dang / de bzhin gshegs pa dgra bcom pa yang dag par rdzogs pa'i sangs rgyas rnams skye ba nas bzung ste/ yongs su mya ngan las 'da' ba 
chen po'i bar du bzung ba rgyun 'chad pa med pas chos kyi dbyings thams cad sangs rgyas kyis yongs su gang bar 'jug cing sangs rgyas skye ba thams cad kyang shin tu rnam par phye bar mthong ba 'di ni dgongs te bshad pa la mkhas pa brgyad pa'o/ /</font><hr>37-1-168a<br><font size=+1>
kye rgyal ba'i sras gzhan yang byang chub sems dpa' 'gro ba thams cad mi 'gyur ba'i tshul gyis mya ngan las 'das par shes kyang thams cad mkhyen pa'i smon lam yongs su rdzogs par bya ba yongs su ma rdzogs kyi bar du 
smon lam phyir zlog par mi byed pa 'di ni dgongs te bshad pa la mkhas pa dgu pa'o/ /kye rgyal ba'i sras gzhan yang byang chub sems dpa' chos thams cad gzhan gyi dring mi 'jog par yang shes la dge ba'i bshes gnyen la rten pa yang ring du mi spong / 
de bzhin gshegs pa la rim gro bya ba yang rgyun mi gcod dge ba'i bshes gnyen dang rgyud kyi tshul gcig tu gyur pa'i dge ba'i rtsa ba yang yang dag par sdud cing skyed pa dang / spyod pa dang brtan par byed pa dang rnam pa gcig tu byed pa dang / rgyud kyi tshul gcig 
tu byed pa dang gcig tu 'byung bar byed pa dang / yongs su grub pa gcig tu byed pa 'di ni dgongs te bshad pa la mkhas pa bcu pa'o/ /kye rgyal ba'i sras bcu po de dag ni byang chub sems dpa' rnams kyi dgongs te bshad pa la mkhas pa rnams te/ de dag 
la gnas shing byang chub sems dpa' rnams de bzhin gshegs pa thams cad kyi dgongs te bshad pa la mkhas pa bla na med pa 'thob par 'gyur ba dag go/ /kye rgyal ba'i sras bcu po 'di dag ni/ byang chub sems dpa' rnams kyi ye shes 
rnam par dbye ba la mkhas pa ste/ bcu gang zhe na/ 'di ltar zhing thams cad du ye shes rnam par dbye ba la mkhas pa dang / sems can gyi skye mched la 'jug par ye shes rnam par dbye ba la mkhas pa dang / sems can thams cad kyi sems dang / 
spyod pa la 'jug par ye shes rnam par dbye ba la mkhas pa dang / sems can thams cad kyi dbang po yongs su shes par ye shes rnam par dbye ba la mkhas pa dang / sems can thams cad kyi las dang rnam par smin pa mngon par 'du byed pa la 'jug </font><hr>37-1-168b<br><font size=+1>
par ye shes rnam par dbye ba la mkhas pa dang / nyan thos kyi spyod pa thams cad la 'jug par ye shes rnam par dbye ba la mkhas pa dang / rang sangs rgyas kyi spyod pa thams cad la 'jug par ye shes rnam par dbye ba la mkhas pa dang / byang chub 
sems dpa'i spyod pa thams cad la 'jug par ye shes rnam par dbye ba la mkhas pa dang / 'jig rten gyi chos thams cad la 'jug par ye shes rnam par dbye ba la mkhas pa dang / sangs rgyas kyi chos thams cad la 'jug par ye shes rnam par dbye ba la 
mkhas pa'o/ /kye rgyal ba'i sras bcu po de dag ni byang chub sems dpa' rnams kyi ye shes rnam par dbye ba la mkhas pa ste/ de dag la gnas shing byang chub sems dpa' rnams sangs rgyas kyi chos thams cad du ye shes rnam par dbye ba la mkhas pa bla na 
med pa 'thob par 'gyur ba dag go /kye rgyal ba'i sras bcu po 'di dag ni byang chub sems dpa' rnams kyi snyoms par 'jug pa ste/ bcu gang zhe na/ 'di ltar 'jig rten gyi khams thams cad kyi shes pa la snyoms par 'jug pa dang / sems can 
thams cad kyi lus la snyoms par 'jug pa dang / chos thams cad la snyoms par 'jug pa dang / sangs rgyas mthong ba thams cad la snyoms par 'jug pa dang / bskal par gnas par mkhas pa thams cad la snyoms par 'jug pa dang / 
bsam gyis mi khyab pa'i lus kyi rgyud kyi ting nge 'dzin dang / rnam par ldang ba mkhas pa la snyoms par 'jug pa dang / de bzhin gshegs pa thams cad kyi sku la snyoms par 'jug pa dang / 'gro ba thams cad khong du chung bar bya bas snyoms pa'i ye shes gyis 
mkhas pa la snyoms par 'jug pa dang / byang chub sems dpa' thams cad kyi ting nge 'dzin la sems kyi skad cig gcig gis ye shes kyi 'jug pa la snyoms par 'jug pa dang / chags pa med pa'i sems skad cig gcig gi ye shes kyis byang chub sems dpa'i </font><hr>37-1-169a<br><font size=+1>
spyod pa thams cad yang dag par blang ba la rab tu gnas shing rgyun mi gcod pa'i smon lam chen po'i ye shes mkhas pa la snyoms par 'jug pa'o/ /kye rgyal ba'i sras bcu po de dag ni byang chub sems dpa' rnams 
kyi snyoms par 'jug pa ste/ de dag la gnas shing byang chub sems dpa' rnams/ sangs rgyas kyi chos thams cad du snyoms par 'jug pa la mkhas pa bla na med pa 'thob par 'gyur ba dag go /kye rgyal ba'i sras bcu po 'di dag ni byang chub 
sems dpa' rnams kyi ril po rnams te/ bcu gang zhe na/ 'di ltar ril gyis sems can dang / ril gyis zhing dang / ril gyis mtshan nyid mi mthun pa'i 'gro ba dang / ril gyis bskal pa'i me dang / ril gyis chus 'jig pa dang / ril gyis 
sangs rgyas dang / ril gyis sna tshogs mngon par bsgrub pa dang / ril gyis de bzhin gshegs pa'i sku kha dog mtha' yas pa dang / ril gyis chos thams cad rnam pa sna tshogs su bstan pa dang / ril gyis de bzhin gshegs pa thams cad 
mchod pa rnam pa tha dad pa'o/ /kye rgyal ba'i sras bcu po de dag ni byang chub sems dpa' rnams kyi ril po ste/ de dag la gnas shing byang chub sems dpa' rnams de bzhin gshegs pa'i ye shes chen po'i ril po bla na med pa 'thob par 'gyur ba dag go /
kye rgyal ba'i sras bcu po 'di dag ni byang chub sems dpa' rnams kyi rnam par thar pa rnams te/ bcu gang zhe na/ 'di ltar 'jig rten gyi khams thams cad du lus kyis rgyas par dgang ba'i rnam par thar pa dang / 'jig rten gyi khams thams 
cad du kha dog du ma dang / kha dog sna tshogs yongs su bstan pa'i rnam par thar pa dang / chos kyi dbyings thams cad la sangs rgyas kyi zhing gcig tu 'jug pa'i rnam par thar pa dang / sems can gyi khams thams cad byin gyis brlabs </font><hr>37-1-169b<br><font size=+1>
pa'i rnam par thar pa dang / sangs rgyas kyis brgyan pa'i 'jig rten gyi khams thams cad du lus kyis rgyas par dgang ba'i rnam par thar pa dang / bdag 'jig rten gyi khams thams cad du phyin par shes par bya ba'i rnam par thar ba dang / 'jig rten 
gyi khams thams cad du sems kyi skad cig gcig gis 'gro ba'i rnam par thar pa dang / 'jig rten gyi khams gcig tu sangs rgyas thams cad skye ba yongs su bstan pa'i rnam par thar pa dang / 'jig rten gyi khams thams cad du lus gcig 
du shes par bya ba'i rnam par thar pa dang / sems kyi skad cig gcig la sangs rgyas thams cad kyi rnam par sprul pa dang / rnam par rol ba dang mi 'bral ba yongs su bstan pa'i rnam par thar ba'o/ /kye rgyal ba'i sras bcu po de dag ni byang 
chub sems dpa' rnams kyi rnam par thar pa ste/ de dag la gnas shing byang chub sems dpa' rnams de bzhin gshegs pa thams cad kyi rnam par thar pas rnam par rol ba bla na med pa 'thob par 'gyur ba dag go /kye rgyal ba'i sras bcu po 
'di dag ni byang chub sems dpa' rnams kyi mngon par shes pa rnams te/ bcu gang zhe na/ 'di ltar sngon gyi gnas rjes su dran pas mngon par bsgrub pa la mkhas shing shes pa'i mngon par shes pa dang / lha'i rna ba bsgribs pa med pa mngon par 
bsgrub pa la mkhas shing shes pa'i mngon par shes pa dang / sems can pha rol dang gang zag pha rol gyi sems dang / spyod pa bsam gyis mi khyab pa yongs su shes pa mngon par bsgrub pa la mkhas shing shes pa'i mngon par shes pa dang / 
lha'i mig thogs pa med pas rnam par blta ba mngon par bsgrub pa la mkhas shing shes pa'i mngon par shes pa dang / rdzu 'phrul dang rnam par 'phrul pa chen po'i byin gyi rlabs kyis sems can rnams kyi bsam pa bsam gyis mi khyab pa ji </font><hr>37-1-170a<br><font size=+1>
lta ba bzhin du mngon par bsgrub pa la mkhas shing shes pa'i mngon par shes pa dang / 'jig rten gyi khams bsam gyis mi khyab par lus yongs su bstan pa mngon par bsgrub pa la mkhas shing shes pa'i mngon par shes pa 
dang / 'jig rten gyi khams brjod du med par sems skad cig gis 'gro ba mngon par bsgrub pa la mkhas shing shes pa'i mngon par shes pa dang / 'jig rten gyi khams bsam gyis mi khyab pa brgyan par byin gyis brlab pa la mkhas shing shes 
pa'i mngon par shes pa dang / lus kyi rgyud brjod du med par sprul pa yongs su bstan pa mngon par bsgrub pa la mkhas shing shes pa'i mngon par shes pa dang / 'jig rten gyi khams brjod du med par bdag bla na med pa yang dag par rdzogs pa'i byang chub tu 
mngon par sangs rgyas so/ /zhes bya bar sems can gyi bsam pa bsam gyis mi khyab pa ji lta ba bzhin du yongs su bstan pa la mkhas shing shes pa'i mngon par shes pa'o/ /kye rgyal ba'i sras bcu po de dag ni byang chub sems dpa' rnams kyi mngon 
par shes pa ste/ de dag la gnas shing byang chub sems dpa' rnams de bzhin gshegs pa'i mngon par shes pa chen po bsgrub pa la mkhas pa bla na med pa 'thob par 'gyur ba dag go/ /sangs rgyas thams cad kyi rnam par 'phrul pa 'thob par 'gyur ba dag go /
sems can thams cad la yongs su ston pa'i nan tan byed par 'gyur ba dag go/ /kye rgyal ba'i sras bcu po 'di dag ni byang chub sems dpa' rnams kyi rig pa ste/ bcu gang zhe na/ 'di ltar sems can gyi las dang rnam par smin pa mngon par bsgrub pa 
la mkhas shing shes pa'i rig pa dang / 'gro ba thams cad kyi dmigs pas dben zhing byed pa med pa la spros pa med pa'i sems rab tu zhi ba mngon par bsgrub pa la mkhas shing shes pa'i rig pa dang dmigs pa thams cad la zhugs pas sems gcig la </font><hr>37-1-170b<br><font size=+1>
'ang tha dad du dmigs shing chos thams cad rab tu rtogs pas rdo rje lta bu'i ye shes kyi rig pa dang / dbyangs bsam gyis mi khyab pa byin gyis brlabs pas 'jig rten gyi khams mu med par go bar bya ba mngon par bsgrub pa la mkhas shing shes pa'i rig 
pa dang/ gnas thams cad yang dag par gzhom pa mngon par bsgrub pa la mkhas shing shes pa'i rig pa dang / skye ba la mkhas pa dang / mi skye ba la mkhas pa mngon par bsgrub pa shes pa'i rig pa dang / 'du shes dang / tshor ba'i yul thams cad 
rnam par bzlog pa mngon par bsgrub pa la mkhas shing shes pa'i rig pa dang / kye rgyal ba'i sras gzhan yang byang chub sems dpa' chos thams cad mtshan nyid med pa dang / mtshan nyid dang bral ba med cing rnam par dgod pa gcig tu gyur pa dang / 
rnam par dgod pa med pa'i tshul gyis rig par bya ba sna tshogs tha dad pa rab tu shes te/ tshad med pa'i bskal par chos ston cing chos kyi dbyings su gnas pa'i tshul gyis bla na med pa yang dag par rdzogs pa'i byang chub tu yang dag par 'byung ba 'di ni ye shes kyi rig 
pa brgyad pa'o/ /kye rgyal ba'i sras gzhan yang byang chub sems dpa' 'gro ba thams cad mngon par grub par 'gyur ba med pa'i tshul dang / skye ba myi dmigs pa'i tshul gyis rab tu shes/ rgyu rab tu shes/ rkyen rab tu shes/ dngos po rab tu shes/ dmigs pa rab tu shes/ 
'du byed rab tu shes/ skye ba rab tu shes/ 'gog pa rab tu shes de kho na bstan pa rab tu shes/ gti mug dang ldan par 'gyur ba rab tu shes gti mug dang bral ba rab tu shes phyin ci log rab tu shes phyin ci log med pa rab tu shes kun nas nyon mongs pa rab tu shes rnam par 
byang ba rab tu shes/ 'khor ba rab tu shes/ mya ngan las 'das pa rab tu shes/ dmigs pa rab tu shes dmigs pa med pa rab tu shes/ mngon par chags pa rab tu shes mngon par chags pa med pa rab tu shes/ gnas rab tu shes gyen </font><hr>37-1-171a<br><font size=+1>
du bskyod pa rab tu shes/ zhugs pa rab tu shes log pa rab tu shes/ 'jug pa rab tu shes ldog pa rab tu shes/ 'jig pa rab tu shes 'byung ba rab tu shes/ yongs su smin pa rab tu shes dbang po rab tu shes/ snod tha dad 
pa'i tshul gyis sems can de dag gi 'dul ba yang rab tu shes/ sems can 'dul zhing byang chub sems dpa'i spyod pa la mgo rmongs pa 'ang med de/ kye rgyal ba'i sras de ci'i phyir zhe na/ byang chub sems dpas ni sems can yongs su smin par bya ba'i 
don ma gtogs par bla na med pa yang dag par rdzogs pa'i byang chub tu sems ma bskyed de/ de gang gi phyir sems bskyed pa'i sems can de dag yongs su smin par byed cing rnam par gdul bas lus la nyon mongs par mi rtsi'o/ /kye rgyal ba'i sras 'di 
ni byang chub sems dpa' rnams kyi 'gro ba thams cad kyi bya ba dang / mi 'gal ba zhes bya ba rten cing 'brel bar 'byung ba rig pa ste dgu pa'o/ /kye rgyal ba'i sras gzhan yang byang chub sems dpa' sangs rgyas gang la yang mngon par chags 
pa med de/ sangs rgyas la mngon par chags pa mi skyed/ chos gang la yang mngon par chags pa med de/ chos la mngon par chags pa mi skyed/ zhing gang la yang mngon par chags pa med de/ zhing la mngon par chags pa mi skyed/ sems 
can gang la yang mngon par chags pa med de/ sems can la mngon par chags pa mi skyed/ sems can gang la yang mthong ba med de/ sems can yang yongs su smin par byed cing / sems can yang yongs su 'dul bar byed/ chos 
gang yang ston pa med de/ spyod pa yang yongs su sbyong zhing smon lam yang yongs su rdzogs par byed/ snying rje chen po yang rnam par 'phel bar byed/ sangs rgyas kyang mthong bar byed/de bzhin gshegs pas chos bstan pa la'ang rjes su </font><hr>37-1-171b<br><font size=+1>
'brang bar byed/ de bzhin gshegs pa dang rgyu mthun pa yang 'thob par byed/ dge ba'i rtsa ba bskyed pa yang skyed par byed/ de bzhin gshegs pa'i spyod yul yang rgyun mi 'chad par byed/ de bzhin gshegs pa mchod pa yang 
rnam par 'phel bar byed/ 'jig rten gyi khams bsam gyis mi khyab pa yang chos kyi dbyings kyis klas pa'i sems kyis yongs su skyod par byed/ chos bstan pa rnam pa sna tshogs kyang rab tu shes par byed/ sems can gyi grangs kyang 
rab tu shes par byed sems can rnam pa tha dad pa yang rab tu shes par byed/ sdug bsngal skye ba yang rab tu shes par byed/ sdug bsngal 'gog pa yang rab tu shes par byed/ 'du byed kyi rnam pa thams cad sdug bsngal bar shes nas/ 
mig yor lta bu'i tshul gyis byang chub sems dpa'i spyad pa spyod cing skye ba'i skye mched thams cad rtsa ba nas rgyun mi gcad pa'i sems bskyed pas 'gro ba thams cad yongs su bskyab pa'i phyir mi spyod pa'i tshul gyis byang chub sems dpa'i spyad pa 
la spyod cing / sangs rgyas thams cad kyi rigs kyi rjes su bslab pa dang / rtog pa'i phyin ci log thams cad khong du chud pa'i ri bo'i rgyal po chen po dam pa lta bu thams cad mkhyen pa nyid kyi sgo la gzhol bas sems can thams cad srid pa'i 
gang chen mtsho las phyir bzlog pa'i phyir ye shes 'byam klas pa che zhing mi g.yo ba'i bla na med pa yang dag par rdzogs pa'i byang chub tu mngon par 'tshang rgya bar bya'o/ /zhes bya ba 'di ni shes pa'i rig pa bcu pa'o/ /kye rgyal ba'i sras bcu po 
de dag ni byang chub sems dpa' rnams kyi rig pa ste/ de dag la gnas shing byang chub sems dpa' rnams de bzhin gshegs pas mkhyen pa'i rig pa chen po mngon par bsgrub pa la mkhas pa bla na med pa 'thob par 'gyur ba dag go /kye </font><hr>37-1-172a<br><font size=+1>
rgyal ba'i sras bcu po 'di dag ni byang chub sems dpa' rnams kyi rnam par grol ba ste/ bcu gang zhe na/ 'di ltar nyon mongs pa las rnam par grol ba dang / lta ba las rnam par grol ba dang / nye bar len pa 
las rnam par grol ba dang / phung po dang khams dang / skye mched las rnam par grol ba dang / nyan thos dang / rang sangs rgyas kyi theg pa las 'da' ba'i rnam par grol ba dang / mi skye ba'i chos la bzod pa thob pa'i rnam par grol ba dang / 'gro ba'i zhing thams 
cad nas sems can gyi chos las gyen du bskyod pa'i rnam par grol ba dang / byang chub sems dpa'i rnam par bsgrub pa mtha' dang dbus med pa'i rnam par grol ba dang / byang chub sems dpa'i spyod pa thams cad las gyen du bskyod de/ de bzhin gshegs 
pa'i sa 'thob pa'i rnam par grol ba dang / dus gsum thams cad skad cig gcig gis shes pa'i rnam par grol ba'o/ /kye rgyal ba'i sras bcu po de dag ni byang chub sems dpa' rnams kyi rnam par grol ba ste/ de dag la gnas shing byang chub sems dpa' 
rnams sangs rgyas kyi phrin las bla na med pa sems can rnams kyis 'thob par byed pa dag go/ /kye rgyal ba'i sras bcu po 'di dag ni byang chub sems dpa' rnams kyi skyed mos tshal te/ bcu gang zhe na/ 'di ltar yongs su skyo ba med pas 'khor ba'i skyed 
mos tshal dang / mi dga' ba med pas sems can yongs su smin par bya ba'i skyed mos tshal dang / spyod pa chen po bskyed cing rab tu 'dzin pas bskal pa thams cad du zhe non pa'i skyed mos tshal dang / rang gi khyim ltar dga' bas 'jig rten gyi khams 
yongs su dag pa'i skyed mos tshal dang / bdud kyi yul mngon par 'dul bas bdud kyi khyim thams cad kyi skyed mos tshal dang / tshul bzhin du rab tu rtogs pas ji skad du thos pa'i chos rtogs par gzhog pa'i skyed mos tshal dang / bdag gi pha'i </font><hr>37-1-172b<br><font size=+1>
yul la spyod pas pha rol tu phyin pa drug dang / bsdu ba'i dngos po bzhi dang / byang chub kyi phyogs kyi chos sum cu rtsa bdun gyi skyed mos tshal dang / chos gzhan yid la mi byed pas de bzhin gshegs pa'i stobs bcu dang / mi 'jigs pa bzhi dang / 
sangs rgyas kyi chos ma 'dres pa bco brgyad dang / mdor na sangs rgyas kyi chos thams cad kyi skyed mos tshal dang / mya ngan las 'das pa chen po'i rgyan gyis rnam par gdul ba dang / chos kyi 'khor lo bskor ba mi gtang bas byang chub sems dpa' thams 
cad kyis rnam par 'phrul pa dang rnam par rtse ba dang / byin gyi rlabs yongs su bstan pa'i skyed mos tshal dang / 'jig rten gyi khams thams cad du chos kyi lus kyis rgyas par 'gengs shing nam mkha'i dbyings dang / mnyam pa nyid du rtogs pas 
sems kyi skad cig thams cad la mngon par rdzogs par 'tshang rgya ba dang / mi 'bral bar 'gro ba thams cad du bstan pa'i skyed mos tshal lo/ /kye rgyal ba'i sras bcu po de dag ni byang chub sems dpa' rnams kyi skyed mos tshal te/ de dag la gnas shing 
byang chub sems dpa' rnams yongs su skyo ba med pa'i spyod pa chen po bla na med pas dga' ba rab tu 'thob pa dag go/ /kye rgyal ba'i sras bcu po 'di dag ni byang chub sems dpa' rnams kyi gzhal med khang ste/ bcu gang zhe na/ 'di ltar nyams pa med 
pas byang chub kyi sems kyi gzhal med khang dang / 'dod pa'i khams kyi sems can gyi khams yongs su smin par byed pas dge ba bcu'i las kyi lam dang / bsod nams dang / ye shes kyi tshogs kyi gzhal med khang dang / gzugs kyi khams 
kyi sems can gyi khams yongs su smin par byed pas tshangs pa'i gnas bzhi la bsam gtan 'cha' ba'i gzhal med khang dang nyon mongs pa'i dngos po thams cad kyis mi gos pas gnas gtsang ma'i lha'i gnas su skye ba'i gzhal med khang dang / sems </font><hr>37-1-173a<br><font size=+1>
can mi khom pa thob pa las rnam par bzlog pas gzugs med pa'i lha'i rgyud kyi gzhal med khang dang / nyon mongs pa thams cad las sems can gyen du bskyod pas/ kun nas nyon mongs pa'i 'jig rten gyi khams su ched du 
bsams te/ skye ba 'dzin pa'i gzhal med khang dang / sngon lhan cig spyod spyod pa'i sems can yongs su smin par bya bas/ slas dang bu dang / bu mo dang chung ma kun tu ston pa'i gzhal med khang dang sems can dbang phyug la chags pa rnam par bzlog pas gling bzhi 
dang/ 'dzam bu gling dang brgya byin dang tshangs pa dang / 'jig rten gyi mgon po'i dbang phyug la dbang bar byed pa'i gzhal med khang dang / bsam gtan dang rnam par thar ba dang / ting nge 'dzin dang snyoms par 'jug pas shin tu rnam par rtse ba shes pa'i 
phyir byang chub sems dpa'i spyod pa thams cad la gnas pa'i dbang phyug la dbang bsgyur bas rnam par rtse ba'i mngon par shes pa'i gzhal med khang dang / de bzhin gshegs pa'i stobs bcu'i rgyan la gnas pas thams cad mkhyen pa nyid kyi rgyal srid dang dbang 
phyug bla na med pa la sangs rgyas thams cad kyi rdzu 'phrul gyi dbang bsgyur ba yang dag par blang zhing chos thams cad la dbang sgyur ba'i rgyal srid gzung ba'i gzhal med khang ngo / /kye rgyal ba'i sras bcu po de dag ni byang chub sems dpa' rnams kyi gzhal 
med khang ste/ de dag la gnas shing byang chub sems dpa' rnams 'gro ba thams cad du chos kyi dbang bskur bas/ rnam par 'phrul pa'i byin gyi rlabs bla na med pa thob par 'gyur ba dag go/ /kye rgyal ba'i sras bcu po 'di dag ni byang chub sems 
dpa' rnams kyi dga' ba ste/ bcu gang zhe na/ 'di ltar 'khrug pa med pas dran pa'i dga' ba dang / rab tu rnam par 'byed pa la mkhas pas blo gros kyi dga' ba dang / sangs rgyas thams cad kyi zhabs kyi drung nas mngon sum du chos thos pa </font><hr>37-1-173b<br><font size=+1>
yongs su zad par mi 'gyur bas rtogs pa'i dga' ba dang / phyogs bcu'i tshad med par khyab pas blo'i dga' ba dang / sems can gyi lus sgo mtha' yas pa yongs su ston pas byang chub sems dpa'i rnam par 'phrul pa'i dga' ba dang / ting nge 
'dzin gyi sgo gcig gis ting nge 'dzin gyi sgo thams cad la 'jug pas ting nge 'dzin gyi dga' ba dang / thos pa thams cad 'dzin pa nyams pa med par kun tu 'dzin cing sems can gzhan gyi rgyud kyis 'thob par byed pas gzungs kyi dga' ba dang / tshig gcig 
dang yi ge gcig gis bskal pa brjod du med par gzhan dang gzhan du smra zhing nges pa'i tshig rgyud mi 'chad par rab tu ston pas spobs pa'i dga' ba dang / sems can thams cad kyi lus la mtha' yas pa'i sgo'i rgyud du mngon par byang chub pa ston pas mngon par 
rdzogs par byang chub pa'i dga' ba dang / bdud dang phyir rgol ba thams cad chos dang 'thun par tshar gcod pas chos kyi 'khor lo bskor ba'i dga' ba'o/ /kye rgyal ba'i sras bcu po de dag ni byang chub sems dpa' rnams kyi dga' ba ste/ de 
dag la gnas shing byang chub sems dpa' rnams sangs rgyas thams cad kyi chos kyi dgyes pa bla na med pa 'thob par 'gyur ba dag go/ /kye rgyal ba'i sras bcu po 'di dag ni byang chub sems dpa' rnams kyi rgyan te/ bcu gang zhe na/ 'di ltar thub pa med 
pas stobs kyi rgyan dang / zil gyis mi non pas mi 'jigs pa'i rgyan dang / don brjod du med cing yangs pa brjod pa'i sgo rgyun mi 'chad pas don gyi rgyan dang / chos kyi phung po stong phrag brgyad cu rtsa bzhi shin tu brtags pa'i chos rab tu ston pa la mgo 
rmongs pa med pas chos kyi rgyan dang / byang chub sems dpa' thams cad kyis bya ba'i smon lam las phyir mi ldog pas smon lam gyi rgyan dang / kun tu bzang po'i theg pas 'byung bas spyod pa'i rgyan dang / zhing thams cad </font><hr>37-1-174a<br><font size=+1>
zhing gcig du byin gyis rlob pas zhing gi rgyan dang / zhing thams cad du chos kyi sprin chen po'i char rgyas par rab tu 'bebs pas/ dbyangs kyi dkyil 'khor gyi rgyan dang bskal ba grangs med pa thams cad du spyod pa'i 
rgyun mi gcod pas byin gyi rlabs kyi brgyan dang sems can gcig gi lus sems can snyed kyi lus su ston cing sems can kyi khong du chud par byed pa'i thams cad mkhyen pa'i stobs bcu dang / mi 'jigs pa'i mthu las phyir mi ldog pas 'phrul 
pa'i rgyan to/ /kye rgyal ba'i sras bcu po de dag ni byang chub sems dpa' rnams kyi rgyan te/ de dag la gnas shing byang chub sems dpa' rnams sangs rgyas kyi chos thams cad kyi rgyan bla na med pa 'thob par 'gyur ba dag go /kye 
rgyal ba'i sras bcu po 'di dag ni byang chub sems dpa' rnams kyi sems bskyed pa mi sgul ba ste/ bcu gang zhe na/ 'di ltar gtong ba thams cad yongs su gtong zhing / sbyin pa thams cad sbyin par byed pas sems bskyed pa mi sgul ba 
dang/ sangs rgyas kyi chos thams cad nges par rtogs par gzhag pa la sems bskyed pa mi sgul ba dang / sangs rgyas thams cad la mchod cing rim gro bya ba'i yid la bya ba mang bas sems bskyed pa mi sgul ba dang / sems can thams cad kyis mi 
'khrug pas sems bskyed pa mi sgul ba dang / 'gro ba thams cad yongs su mi gtong bas sems bskyed pa mi sgul ba dang / sangs rgyas kyi chos thams cad yongs su btsal ba rgyun mi gcod pas sems bskyed pa mi sgul ba dang / bskal ba 'gro ba 
thams cad dang mnyam pa brjod du med pa'i yang brjod du med par byang chub sems dpa'i spyad pa spyod pas zhum par mi 'gyur/ sgyid lug par mi 'gyur zhing / byang chub sems dpa'i spyod pa las phyir mi ldog pas sems bskyed pa mi sgul ba dang /</font><hr>37-1-174b<br><font size=+1>
kye rgyal ba'i sras gzhan yang byang chub sems dpa' dad pa gting tshugs pa dang / rnyog pa med cing dag pa dang / rnam par dag pa dri ma med pa 'od dang ba sangs rgyas thams cad bsnyen bkur ba ba la brtson pa/ phyir mi ldog pa mi zad pa mi 'phrogs pa/ dga' 
ba dang spro ba dang / mos pa chen pos byung ba dang ldan pas sems bskyed pa mi sgul ba dang / thams cad mkhyen par sbyor zhing 'byung ba'i lam la shin tu grub pas sems bskyed pa mi sgul ba dang / byang chub sems dpa'i spyod pa dang gdams ngag dang man ngag 
dang bslab pa thams cad gzung zhing mnyan pa yongs su mi spong zhing mos par bya ba la sems bskyed pa mi sgul ba'o/ /kye rgyal ba'i sras bcu po de dag ni byang chub sems dpa' rnams kyi sems bskyed pa mi sgul pa ste/ de dag la gnas shing byang 
chub sems dpa' rnams thams cad mkhyen pa'i ye shes mi sgul cing / bla na med pa 'thob par 'gyur ba dag go/ /kye rgyal ba'i sras bcu po 'di dag ni byang chub sems dpa' rnams kyi lhag pa'i bsam pa yongs su mi gtong ba la gnas pa ste/ bcu gang 
zhe na 'di ltar sangs rgyas thams cad kyi byang chub mngon par rdzogs par 'tshang rgya bar yongs su mi gtong ba dang / sems can thams cad yongs su smin par bya ba dang / rnam par gdul ba yongs su mi gtong ba dang / sangs rgyas thams cad kyi 
gdung ba sab pa yongs su mi gtong ba dang / dge ba'i bshes gnyen thams cad la bsnyen pa yongs su mi gtong ba dang / sangs rgyas kyi zhing thams cad du de bzhin gshegs pa bsnyen bkur bya ba yongs su mi gtong ba dang / yon tan thams 
cad yongs su btsal ba'i phyir theg pa chen po yongs su mi gtong ba dang / sangs rgyas byung ba thams cad du tshangs par spyad pa spyod cing / tshul khrims srung ba yongs su mi gtong ba dang / byang chub sems dpa' thams cad yongs su mi gtong </font><hr>37-1-175a<br><font size=+1>
ba dang/ de bzhin gshegs pa thams cad kyi gsung yongs su btsal zhing yang dag par gzung ba la mkhas pa yongs su mi gtong ba dang / byang chub sems dpa'i spyod pa dang / smon lam thams cad yang 
dag par bsgrub pas sangs rgyas kyi chos thams cad yang dag par bsgrub pa yongs su mi gtong ba'o/ /kye rgyal ba'i sras bcu po de dag ni byang chub sems dpa' rnams kyi lhag pa'i bsam pa yongs su mi gtong ba la gnas pa ste/ de dag la gnas shing 
byang chub sems dpa' rnams sangs rgyas kyi chos thams cad yongs su mi gtong ba bla na med pa 'thob par 'gyur ba dag go/ /kye rgyal ba'i sras bcu po 'di dag ni byang chub sems dpa' rnams kyi ye shes kyis rnam par lta ba ste/ bcu gang zhe na/ 'di ltar chos 
thams cad kyi tshig rab tu dbye ba bstan par mkhas pa la ye shes kyis rnam par lta ba dang / dus gsum gyi dge ba'i rtsa ba thams cad la ye shes kyis rnam par lta ba dang / byang chub sems dpa'i spyod pa dang rnam par 'phrul pa thams cad la ye shes kyis rnam 
par lta ba dang / chos thams cad kyi tshul gyi sgo la ye shes kyis rnam par lta ba dang / sangs rgyas thams cad kyi byin gyi rlabs la ye shes kyis rnam par lta ba dang / gzungs kyi sgo thams cad la ye shes kyis rnam par lta ba dang / 'jig rten 
gyi khams thams cad du chos bstan pa la ye shes kyis rnam par lta ba dang / chos kyi dbyings thams cad du 'jug pa la ye shes kyis rnam par lta ba dang / phyogs bcu thams cad du bsam gyis mi khyab pa la ye shes kyis rnam par lta ba dang / sangs 
rgyas kyi chos thams cad kyi ye shes snang ba chags pa med pa la ye shes kyis rnam par lta ba'o/ /kye rgyal ba'i sras bcu po de dag ni byang chub sems dpa' rnams kyi ye shes kyis rnam par lta ba ste/ de dag la gnas shing byang chub sems dpa' rnams </font><hr>37-1-175b<br><font size=+1>
de bzhin gshegs pa'i ye shes chen pos rnam par gzigs pa bla na med pa 'thob par 'gyur ba dag go/ /kye rgyal ba'i sras bcu po 'di dag ni byang chub sems dpa' rnams kyi chos shin tu bstan pa ste/ bcu gang zhe na/ 'di ltar chos thams cad rten cing 
'brel bar 'byung bar bstan pa dang / chos thams cad sgyu ma lta bur bstan pa dang / chos thams cad nyon mongs pa med par bstan pa dang / chos thams cad mtha' dang dbus med par bstan pa dang / chos thams cad gnas med par bstan pa dang / chos 
thams cad rdo rje lta bur bstan pa dang / chos thams cad de bzhin gshegs par bstan pa dang / chos thams cad rab tu zhi bar bstan pa dang / chos thams cad 'byung ba'i lam du bstan pa dang / chos thams cad don gcig pa'i rang bzhin yongs su ma grub 
par bstan pa'o/ /kye rgyal ba'i sras bcu po de dag ni byang chub sems dpa' rnams kyi chos shin tu bstan pa ste/ de dag la gnas shing byang chub sems dpa' rnams chos thams cad shin tu bstan pa la mkhas pa 'thob par 'gyur ba dag go /kye 
rgyal ba'i sras bcu po 'di dag ni byang chub sems dpa' rnams kyi yongs su dag pa ste/ bcu gang zhe na/ 'di ltar lhag pa'i bsam pa yongs su dag pa dang / the tsom dang yid gnyis rnam par 'thor ba yongs su dag pa dang / lta ba yongs su dag 
pa dang / spyod yul yongs su dag pa dang / thams cad mkhyen pa nyid la mos pa yongs su dag pa dang / so so yang dag par rig pa yongs su dag pa dang / mi 'jigs pa yongs su dag pa dang / byang chub sems dpa' thams cad kyi ye 
shes kyis rnam par spyod pa yongs su dag pa dang / byang chub sems dpa'i yang dag par dam bcas pa thams cad yang dag par bsgrub pa yongs su dag pa dang / bsod nams brgya ba'i mtshan gyi mi chen po'i mtshan sum cu rtsa gnyis dang ldan zhing </font><hr>37-1-176a<br><font size=+1>
bla na med pa yang dag par rdzogs pa'i byang chub kyi mthar thug pa'i dge ba'i chos dang ldan pa'i dge ba'i rtsa ba thams cad yongs su dag pa'o/ /kye rgyal ba'i sras bcu po de dag ni byang chub sems dpa' 
rnams kyi yongs su dag pa ste/ de dag la gnas shing byang chub sems dpa' rnams sangs rgyas kyi chos thams cad yongs su dag pa bla na med pa 'thob par 'gyur ba dag go /kye rgyal ba'i sras bcu po 'di dag ni byang chub sems dpa' rnams kyi 
phyag rgya ste/ bcu gang zhe na/ kye rgyal ba'i sras 'di la byang chub sems dpa' 'du byed kyi sdug bsngal dang / 'gyur ba'i sdug bsngal shes kyang sangs rgyas kyi chos yongs su btsal bas sgyid lug par byed par 'gyur ba med cing / byang 
chub sems dpa' spyod pa la zhum par 'gyur ba med la mi 'jigs mi skrag skrag par mi byed de/ smon lam las phyir mi ldog cing thams cad mkhyen pa nyid du sems bskyed pa rgyun mi gcod cing / sangs rgyas kyi chos yongs su btsal ba la 
mthar thug pa med pa 'di ni bla na med pa yang dag par rdzogs pa'i byang chub tu 'gyur ba'i phyag rgya dang po'o/ /kye rgyal ba'i sras gzhan yang byis pa so so'i skye bo rang gi kun nas nyon mongs pas shin tu 'khrugs par gyur pa de dag byang chub 
sems dpa' la mi snyan par rjod cing ngan du zer la mi tshul ba dang / rtsub pa'i ngag 'byin cing sdigs ru byed pa dang / rdo dang dbyig pa dang / mtshon chas rdeg cing 'debs kyang de'i rgyus byang chub sems dpa'i spyod pa dang / sangs 
rgyas kyi chos yongs su btsal ba las skyo bar mi 'gyur te/ bzod pa dang mos pa mang bar spyod cing chos skyon med pa yang dag pa ji lta ba bzhin du rtogs pa'i bzod pa dang / ldan pa 'di ni bla na med pa yang dag par rdzogs pa'i byang chub </font><hr>37-1-176b<br><font size=+1>
tu 'gyur ba'i phyag rgya gnyis pa'o/ /kye rgyal ba'i sras gzhan yang byang chub sems dpa' sangs rgyas kyi chos zab mo thams cad mkhyen pa nyid dang ldan pa bstan pa'i tshe/ khong nas shes pas 'jug cing mos pa dang / yid ches pa dang / dga' ba dang 
mngon par dad par 'gyur ba 'di ni bla na med pa yang dag par rdzogs pa'i byang chub tu 'gyur ba'i phyag rgya gsum pa'o/ /kye rgyal ba'i sras gzhan yang byang chub sems dpa' rang gi shes pas bdag shes par byed cing thams cad mkhyen pa nyid du sems bskyed pa 
lhag pa'i bsam pas/ sangs rgyas su 'gyur bar bya'o/ /bla na med pa yang dag par rdzogs pa'i byang chub tu/ mngon par 'tshang rgya bar bya'o/ /dga' ba dang mos pa dang spro ba chen pos byung ba'i sems bskyed pa dang / 
mos pa chen po'i rgyus/ rnam par 'phel ba'i brtson 'grus chen pos 'gro ba lnga'i rgyud du 'khor zhing nyon mongs pa'i sems can rnams rab tu dgrol bar bya'o/ /snyam pa 'di ni bla na med pa yang dag par rdzogs pa'i byang chub tu 'gyur ba'i phyag rgya bzhi pa'o/ /kye 
rgyal ba'i sras gzhan yang byang chub sems dpa' de bzhin gshegs pa'i ye shes mu med pa la 'jug kyang de bzhin gshegs pa'i ye shes las mtshams kyis dpog pa mi byed cing sangs rgyas bcom ldan 'das tshad med pa rnams las de bzhin gshegs pa'i 
ye shes kun tu mtha' yas pa thos shing tshad 'dzin par mi byed cing / yi ge rnam par dgod pa thams cad kyis de bzhin gshegs pa'i ye shes la sa mtshams su dpog par mi byed pa 'di ni bla na med pa yang dag par rdzogs pa'i byang chub tu 'gyur ba'i phyag rgya lnga 
pa'o/ /kye rgyal ba'i sras gzhan yang byang chub sems dpa' bla na med pa yang dag par rdzogs pa'i byang chub tu shin tu mos pa yin te/ mos pa gzhan gyis mi thub pa dang mos pa zab pa dang / mos pa yangs pa dang / mos pa che ba dang / mos pa </font><hr>37-1-177a<br><font size=+1>
sna tshogs dang / mos pa zil gyis mi non pa dang / mos pa bla na med pa dang / mos pa brtan pa dang mos pa las mi mtshungs pa'i mos pa dang ldan zhing de la bdud thams cad dang / bdud kyi ris kyi lha thams cad dang / 
mu stegs can gzhan dang phas kyi rgol ba thams cad kyis mos pa de las bzlog par mi nus shing thams cad mkhyen pa nyid du sems bskyed pa las phyir bzlog par mi nus te/ de lta bu'i mos pa chen po la gnas pa'i byang chub sems dpa' ni bla na med pa 
yang dag par rdzogs pa'i byang chub las phyir mi ldog pa'i mos pa dang ldan pa yin te 'di ni phyag rgya drug pa'o/ /kye rgyal ba'i sras gzhan yang byang chub sems dpa' mi zlogs shing lus dang srog la mi lta bar thams cad mkhyen pa nyid la mngon par 
phyogs shing thams cad mkhyen pa nyid du sems bskyed pa sangs rgyas thams cad kyi byang chub snang bar byung bas byang chub sems dpa'i spyad pa la spyod cing sangs rgyas kyi byang chub yongs su mi gtong la dge ba'i bshes gnyen bsnyen pa las phyir mi ldog pa 'di ni bla 
na med pa yang dag par rdzogs pa'i byang chub tu 'gyur ba'i phyag rgya bdun pa'o/ /kye rgyal ba'i sras gzhan yang byang chub sems dpa'i theg pa chen po la gnas pa'i rigs kyi bu 'am rigs kyi bu mo rnams la sangs rgyas kyi chos yongs su btsal bas 
nye bar rton par byed de dge ba'i rtsa ba la'ang rab tu gzhog go /ji ltar na byang chub las phyir mi ldog par 'gyur zhes te/ thams cad mkhyen pa nyid kyi sems kyis kyang rab tu 'dzin te/ 'di ni bla na med pa yang dag par rdzogs pa'i byang chub tu 'gyur 
ba'i phyag rgya brgyad pa'o/ /kye rgyal ba'i sras gzhan yang byang chub sems dpa' sems can thams cad la snyoms pa'i sems la gnas shing thams cad mkhyen pa'i ye shes yang dag par bsgrub pa la brtson pa yin te/ sems can thams cad la </font><hr>37-1-177b<br><font size=+1>
yang snying rje chen po bskyed cing / bla na med pa yang dag par rdzogs pa'i byang chub las phyir mi ldog par chos ston te/ 'di ni bla na med pa yang dag par rdzogs pa'i byang chub tu 'gyur ba'i phyag rgya dgu pa'o/ /kye rgyal ba'i sras gzhan yang byang chub 
sems dpa' 'das pa dang / ma byon pa dang / da ltar byung ba'i sangs rgyas bcom ldan 'das rnams dang / dge ba'i rtsa ba thams cad kyis rgyud kyi tshul gcig tu gyur cing / sangs rgyas thams cad kyi rigs rgyun mi gcod pa la shin tu brtson pa 
dang / thams cad mkhyen pa'i ye shes kyi lam gyis 'byung ba la gnas pa yin te/ 'di ni bla na med pa yang dag par rdzogs pa'i byang chub tu 'gyur pa'i phyag rgya bcu pa'o/ /kye rgyal ba'i sras bcu po de dag ni byang chub sems dpa' rnams kyi phyag 
rgya ste/ phyag rgya de dag dang ldan na byang chub sems dpa' rnams myur du bla na med pa yang dag par rdzogs pa'i byang chub tu mngon par 'tshang rgya zhing chos kyi ye shes kyi phyag rgya bla na med pa 'thob par 'gyur ba dag go /kye rgyal ba'i sras bcu po 'di 
dag ni byang chub sems dpa' rnams kyi ye shes snang ba ste/ bcu gang zhe na/ 'di ltar byang chub sems dpa' bla na med pa yang dag par rdzogs pa'i byang chub tu nges te/ sangs rgyas kyi byang chub kyis snang bar gyur pa'i ye shes snang ba dang / sangs 
rgyas thams cad lta ba la ye shes snang ba dang / sems can thams cad kyi 'chi 'pho ba dang skye ba'i skye mched la ye shes snang ba dang / mdo sde'i chos kyi rnam grangs thams cad la ye shes snang ba dang / dge ba'i bshes gnyen thams cad kyi rgyu 
mthun pas byang chub tu sems bskyed cing dge ba'i rtsa ba thams cad bstsags pa la ye shes snang ba dang / sems can rnam par gdul ba la ye shes snang ba dang / sems can thams cad yongs su smin par bya ba dang / gdul bas de bzhin gshegs </font><hr>37-1-178a<br><font size=+1>
pa'i sa la dgod pa la ye shes snang ba dang / chos kyi tshul 'byam klas shing bsam gyis mi khyab pa bstan pa la ye shes snang ba dang / sangs rgyas thams cad kyi byin gyi rlabs la mkhas pa la ye shes snang ba dang / pha rol 
tu phyin pa thams cad yongs su rdzogs par bya ba la ye shes snang ba'o/ /kye rgyal ba'i sras bcu po de dag ni ye shes snang ba ste/ de dag la gnas shing byang chub sems dpa' rnams sangs rgyas kyi chos thams cad la bla na med pa'i ye shes snang ba 'thob par 'gyur 
ba dag go /kye rgyal ba'i sras bcu po 'di dag ni byang chub sems dpa' rnams kyi byang chub sems dpa'i gnas sems can thams cad dang / nyan thos thams cad dang / rang sangs rgyas thams cad dang / mtshungs pa med pa ste/ bcu gang zhe na/ kye 
rgyal ba'i sras 'di la byang chub sems dpa' yang dag pa'i mtha'i gnas kyis gnas kyang smon lam thams cad yongs su ma rdzogs kyi bar du mngon tu mi byed pa 'di ni byang chub sems dpa'i gnas mtshungs pa med pa dang po'o/ /kye rgyal ba'i sras gzhan yang 
byang chub sems dpa' dge ba'i rtsa ba thams cad bskyed par bya ba yang chos kyi dbyings thams cad kyis klas par sems bskyed pas skyed par byed la chos gang la yang mngon par chags pa med pa 'di ni byang chub sems dpa'i gnas mtshungs pa med pa gnyis pa'o/ /
kye rgyal ba'i sras gzhan yang / byang chub sems dpa' sprul pa lta bu'i/ /byang chub sems dpa'i spyod pa la chos thams cad rab tu zhi bas spyod kyang sangs rgyas kyi chos thams cad la mgo rmongs pa'ang med pa 'di ni byang chub 
sems dpa'i gnas mtshungs pa med pa gsum pa'o/ /kye rgyal ba'i sras gzhan yang byang chub sems dpa' 'gro ba thams cad las gyen du 'phags pa'i yid la bya bas bskal pa brjod du med par smon lam chen po yongs su rdzogs par bya ba'i phyir </font><hr>37-1-178b<br><font size=+1>
byang chub sems dpa'i spyad pa spyod kyang yongs su skyo ba mi bskyed de/ 'di ni byang chub sems dpa'i gnas mtshungs pa med pa bzhi pa'o/ /kye rgyal ba'i sras gzhan yang byang chub sems dpa' chos thams cad rang bzhin gyis dben pas chos thams 
cad la mi gnas par spyod kyang thams cad mkhyen par 'byung ba'i chos yongs su ma rdzogs kyi bar du yongs su mya ngan las 'da' bar mi byed pa 'di ni byang chub sems dpa'i gnas mtshungs pa med pa lnga pa'o/ /kye rgyal ba'i sras gzhan yang byang chub sems 
dpa' bskal ba thams cad bskal pa ma yin par yang shes la bskal ba'i grangs kyang rab tu ston te/ de yang yang dag pa de kho na bzhin du 'gyur ba 'di ni byang chub sems dpa'i gnas mtshungs pa med pa drug pa'o/ /kye rgyal ba'i sras gzhan yang byang 
chub sems dpa' chos thams cad mngon par 'du bya ba med par yang shes la sangs rgyas kyi chos thams cad yongs su btsal ba'i phyir mngon par 'du bya ba'i spros pa yang rgyun mi gcod pa 'di ni byang chub sems dpa'i gnas mtshungs pa med pa bdun pa'o/ /kye 
rgyal ba'i sras gzhan yang byang chub sems dpa' khams gsum thams cad sems tsam du 'jug ste/ dus gsum yang sems tsam du shes la sems de yang mtha' dang dbus med par khong du chud pa 'di ni byang chub sems dpa'i gnas mtshungs pa med pa 
brgyad pa'o/ /kye rgyal ba'i sras gzhan yang byang chub sems dpa' sems can gcig gi don tu yang thams cad mkhyen pa'i sa la rab tu gzhag pa'i phyir bskal ba brjod du myed par byang chub sems dpa'i spyad pa spyod la sems can gcig gi don du ji lta ba 
de bzhin du sems can thams cad kyi don du yang thams cad mkhyen pa'i sa la dgod pa'i phyir byang chub sems dpa'i spyad pa spyod kyang / dus su spyod pas yongs su mi skyo ba yin te/ 'di ni byang chub sems dpa'i gnas mtshungs pa med pa dgu pa'o/ /kye rgyal ba'i </font><hr>37-1-179a<br><font size=+1>
sras gzhan yang byang chub sems dpa' byang chub sems dpa'i spyod pa yang yongs su rdzogs la sems can thams cad kyi don du 'gyur bas bla na med pa yang dag par rdzogs pa'i byang chub tu mngon par 'tshang mi rgya zhing ji srid ji srid du 'khor ba de srid de srid 
du sems can gyi don gyi phyi phyir zhing tshad med pa bya bar 'gyur ro/ /sangs rgyas kyi byang chub tu dgod par 'gyur ro/ /snyam pa 'di ni byang chub sems dpa'i gnas mtshungs pa med pa bcu pa'o/ /kye rgyal ba'i sras bcu po de dag ni byang chub 
sems dpa'i gnas mtshungs pa med pa ste/ de dag la gnas shing byang chub sems dpa' rnams sangs rgyas kyi chos thams cad la ye shes chen po mtshungs pa med pas gnas pa bla na med pa 'thob par 'gyur ba dag go/ //sangs rgyas 
rmad gcad ces bya ba shin tu rgyas pa chen po'i mdo/ /bam po bcu drug pa/ kye rgyal ba'i sras bcu po 'di dag ni byang chub sems dpa' rnams kyi sangs rgyas kyi byang chub tu zhum pa med pa'i sems bskyed pa ste/ bcu gang zhe na/ kye rgyal ba'i 
sras 'di la byang chub sems dpas 'di ltar bdud dang bdud kyi ris kyi lha thams cad rab tu 'pham par bya'o/ /snyam ste zhum pa med pa'i sems bskyed pa dang / mu stegs can gzhan dang / phas kyi rgol ba thams cad chos dang mthun par tshar gcad do snyam ste/ zhum 
pa med pa'i sems bskyed pa dang / legs par bshad pas sems can kyi khams thams cad tshim par bya'o snyam ste/ zhum pa med pa'i sems bskyed pa dang / chos kyi dbyings yongs su rdzogs par bya bas pha rol tu phyin pa yongs su rdzogs par bya ba 
thams cad yongs su rdzogs par bya'o snyam ste/ zhum pa med pa'i sems bskyed pa dang / 'gro ba thams cad kyi bsod nams kyi phung po yongs su rdzogs par bya ba yongs su rdzogs par bya'o/ /yang dag par bsdu bar bya'o/ /snyam ste zhum pa med pa'i </font><hr>37-1-179b<br><font size=+1>
sems bskyed pa dang / gter chen po bla na med pa yang dag par rdzogs pa'i byang chub tu brtsam pa chen po dang / byang chub sems dpa'i spyod pa rdzogs par dka' ba yongs su rdzogs par bya'o/ /snyam ste zhum pa med pa'i sems bskyed pa dang / 
sems can gyi khams thams cad bla na med pa'i yongs su smin par bya ba dang / bla na med pa'i gdul bas yongs su smin par bya'o/ /gdul bar bya'o snyam ste/ zhum pa med pa'i sems bskyed pa dang / 'jig rten gyi khams thams cad kha dog 
du ma dang kha dog sna tshogs dang / brgya stong du ma las 'das pa'i kha dog du mos par bsgyur la byang chub tu mngon par rdzogs par 'tshang rgya bar bya'o snyam ste/ zhum pa med pa'i sems bskyed pa dang / kye rgyal ba'i sras gzhan yang byang chub sems 
dpa' 'di ltar sems bskyed de/ bdag byang chub sems dpa'i spyad pa spyod pa'i tshe/ gang la la zhig gis bdag gi lus la dmigs te/ lag pa dang rkang pa dang rna ba dang sna dang / sha dang khrag dang rus pa dang rkang dang / bu dang bu mo dang chung ma 
dang glang po dang / rta dang rgyal srid dang g.yog 'khor thams cad slong ba zhig byung na de la bdag gis thams cad yongs su gtang bar byas te/ sems can thams cad la yongs su skyo ba dang ldan pa'i sems gcig kyang mi bskyed do/ /sems 
can thams cad la phan pa dang / bde ba'i phyir rnam par smin pa la re ba med cing snying rje chen po sngon du 'gro ba dang / byams pa chen po'i mthar gtugs pa'i sems bskyed pas/ lus thams cad kyang yongs su gtang ngo snyam ste/ zhum 
pa med pa'i sems bskyed pa dang / kye rgyal ba'i sras gzhan yang byang chub sems dpa' 'di snyam du sems te/ dus gsum gyi sangs rgyas thams cad dang / sangs rgyas kyi chos thams cad dang / sems can thams cad dang /</font><hr>37-1-180a<br><font size=+1>
zhing thams cad dang / 'gro ba thams cad dang / dus thams cad dang / nam mkha'i khams thams cad dang spyod par gtogs pa'i khams thams cad dang / mya ngan las 'das pa'i khams zhi ba gang ji snyed pa thams cad 
dang / chos tha dad pa de dag thams cad sems skad cig gcig dang ldan pa'i shes rab kyis shes par bya/ rtogs par bya/ mngon par rdzogs par 'tshang rgya bar bya/ blta bar bya/ khong du chud par bya/ bsgom par bya/ rnam par bsgom par bya/ 
mngon par shes par bya/ yongs su shes par bya/ rab tu spang bar bya/ /mngon tu bya ste/ de dag thams cad la ma brtags rnam par ma brtags sna tshogs su ma byas/ rnam pa tha dad du ma byas/ ched du bskyod par ma byas/ dmigs par ma byas bsgom par ma byas 
rnam par bsgom par ma byas/ gcig tu ma byas gnyis su ma byas pa'i ye shes mi gnyis pa gnyis po thams cad rab tu shes pa dang / mtshan nyid med pa'i ye shes dang / mtshan nyid thams cad rab tu shes pa dang / rtogs pa med pa'i ye shes/ rtog 
pa thams cad rab tu shes pa dang / sna tshogs su gyur pa med pa'i ye shes/ sna tshogs thams cad rab tu shes pa dang / rnam par tha dad par gyur pa med pa'i ye shes rnam pa tha dad pa thams cad rab tu shes pa dang / 'jig rten du gyur ba med pa'i 
ye shes 'jig rten thams cad rab tu shes pa dang / 'jig rten gyi khams su phyin pa med pa'i ye shes 'jig rten gyi khams thams cad du rab tu shes pa dang / dus su gyur pa med pa'i ye shes dus thams cad rab tu shes pa dang / sems can gyi 
sar gyur pa med pa'i ye shes sems can gyi khams thams cad rab tu shes pa dang / mngon par shes pa thams cad las gyen du 'phags pa'i ye shes mngon par chags pa'i spyod yul gyi mthar thug pa dang / gnas med pa la gzhol pa'i ye shes </font><hr>37-1-180b<br><font size=+1>
gnas thams cad rab tu shes pa dang / kun nas nyon mongs pa med pa'i ye shes kun nas nyon mongs pa thams cad rab tu shes pa dang / mi zad pa'i mthar phyin pa'i ye shes zad pa thams cad rab tu shes pa dang / chos kyi dbyings la gzhol ba'i ye shes 
'jig rten gyi khams thams cad du lus yongs su ston pa dang / brjod pa dang tshig dang / sgra dang dbyangs dang bral ba'i ye shes sgra dbyangs brjod du med pa rab tu brjod pa dang / rang bzhin gcig pa'i ye shes rang bzhin med pa rab tu rtogs pa dang / 
spyod yul gcig la zhugs pa'i ye shes spyod yul tha dad pa yongs su ston pas/ brjod pa chen po'i byin gyi rlabs yang dag par bsten pa'i phyir brjod du med pa'i chos thams cad mngon par rdzogs par 'tshang rgya bar bya'o/ /sems can thams cad yongs su 
smin par bya ba dang / gdul ba'i phyir thams cad mkhyen pa nyid kyi sa chen po mngon par rdzogs par 'tshang rgya bar bya'o/ /cho 'phrul chen po dang rnam par 'phrul pa'i cho 'phrul yang 'gro ba thams cad du bstan par bya'o/ /snyam pa 'di ni zhum pa 
med pa'i sems bskyed par bcu pa'o/ /kye rgyal ba'i sras bcu po de dag ni byang chub sems dpa' rnams kyi zhum pa med pa'i sems bskyed pa ste/ de dag la gnas shing byang chub sems dpa' rnams sangs rgyas kyi chos thams cad la zhum pa myed 
pa bla na med pa 'thob par 'gyur ba dag go /kye rgyal ba'i sras bcu po 'di dag ni byang chub sems dpa' rnams kyi lhag pa'i bsam pa ri bo lta bu ste/ bcu gang zhe na/ kye rgyal ba'i sras 'di la byang chub sems dpa' thams cad mkhyen pa'i chos yid la bya 
bas rtag tu rgyun mi 'chad par brtson pa yin te/ 'di ni bla na med pa yang dag par rdzogs pa'i byang chub tu lhag pa'i bsam pa ri bo lta bu dang po'o/ /kye rgyal ba'i sras gzhan yang byang chub sems dpa' chos thams cad mi dmigs pas chos </font><hr>37-1-181a<br><font size=+1>
thams cad la rang bzhin gyis stong par rnam par blta ba 'di ni bla na med pa yang dag par rdzogs pa'i byang chub tu lhag pa'i bsam pa ri bo lta bu gnyis pa'o/ /kye rgyal ba'i sras gzhan yang byang chub sems dpa' bskal pa 
mtha' dang dbus med par chos dkar po thams cad kyi spyod pa dang ldan pa'i sems bskyed pas byang chub sems dpa'i spyad pa spyod cing chos dkar po yang dag par blangs pa thams cad la nan tan du byed pas de bzhin gshegs pa'i ye shes tshad med pa yang 
khong du chud par byed pa 'di ni bla na med pa yang dag par rdzogs pa'i byang chub tu lhag pa'i bsam pa ri bo lta bu gsum pa'o/ /kye rgyal ba'i sras gzhan yang byang chub sems dpa' sangs rgyas kyi chos thams cad kyis dge ba'i bshes gnyen la tshul dang 
'dra ba'i rim gro byed cing re ba med pa'i sems bskyed pa chos rku ba dang bral bas nan tan du byed de/ gzhan du na 'di la bdag gis de bas kyang rim gro dang bkur sti rgya chen po bskyed par bya'o/ /'di la yongs su gtong ba thams cad kyang dbul bar bya'o /
snyam pa 'di ni bla na med pa yang dag par rdzogs pa'i byang chub tu lhag pa'i bsam pa ri bo lta bu bzhi pa'o/ /kye rgyal ba'i sras gzhan yang byang chub sems dpa' sems can thams cad las sdug bsngal gyi rnam pa bzod par byed de/ lus la gnod pa dang / 
srog la 'bab pa yang nyams su len cing gshe ba dang /mi snyan du zer ba dang sdig pa dang / smod pa dang khyad du gsod pa thams cad kyang bzod par byed de/ de'i rgyus nyams par mi 'gyur 'khrug par mi 'gyur/ 'khrug pa dang rnam par 'khrug par mi 
byed de/ de'i rgyus sems can rnams la snying rje chen po'i go bgos pa yang yongs su mi 'dor rgyun mi gcod cing de bas kyang shas cher snying rje chen po rnam par 'phel bar byed do/ /rgyun mi gcod do/ /kye rgyal ba'i sras de ci'i phyir zhe na/ de ni </font><hr>37-1-181b<br><font size=+1>
byang chub sems dpa' de chos thams cad yang dag pa ji lta ba bzhin du 'byung ba'i btang snyoms dang / de bzhin gshegs pa'i chos thams cad rab tu rtogs pa'i bzod pa dang des pa'i dbang dang ldan pa'i phyir te/ 'di ni bla na med pa yang dag 
par rdzogs pa'i byang chub tu lhag pa'i bsam pa ri bo lta bu lnga pa'o/ /kye rgyal ba'i sras gzhan yang byang chub sems dpa' bsod nams kyis dbang bsgyur ba chen po dang ldan pa yin te/ lha la dbang bsgyur ba dang / mi la dbang bsgyur ba dang / 
gzugs la dbang bsgyur ba dang / stobs la dbang bsgyur ba dang / 'khor la dbang bsgyur ba dang 'dod pa la dbang bsgyur ba dang / rgyal srid la dbang bsgyur ba dang / dbang phyug la dbang bsgyur ba dang / yon tan la dbang bsgyur ba dang / shes rab la dbang 
bsgyur ba chen po dang ldan pa yin te/ de rgyal srid kyi bde ba'i dbang du mi 'gyur/ /'dod pa'i bde ba'i dbang du mi 'gyur/ longs spyod kyi bde ba'i dbang du mi 'gyur/ /'khor gyi bde ba'i dbang du mi 'gyur te/ gzhan du na chos 'dod pa chos la gzhol ba chos la 'bab 
pa/ chos kyi mthar thug pa/ chos la brten pa chos la skyabs tshol ba/ chos la dpung gnyen tshol ba chos la gnas pa/ chos la don du gnyer ba chos la mngon par dga' ba/chos la tshol ba yin te/ chos nyid la bsam gtan 'cha' zhing 
gnas pa yin te/ rnam pa de lta bu'i bde ba'i bye brag dang 'grogs pas bdud kyi yul la gnas pa ma yin/ kye rgyal ba'i sras de yang ci'i phyir zhe na/ de ni byang chub sems dpas sngon sems can thams cad bdag gis bdud kyi yul las 
rnam par bzlog par bya'o/ /sangs rgyas kyi yul la dgod par bya'o/ /zhes sems bskyed pa'i phyir te/ 'di ni bla na med pa yang dag par rdzogs pa'i byang chub tu lhag pa'i bsam pa ri bo lta bu drug pa'o/ /kye rgyal ba'i sras gzhan yang </font><hr>37-1-182a<br><font size=+1>
byang chub sems dpa' bla na med pa yang dag par rdzogs pa'i byang chub tu brtson 'grus 'di lta bu brtsams te bskal pa grangs med par byang chub sems dpa'i spyad pa spyod kyang de ring kho na bla na med pa yang dag par rdzogs pa'i 
byang chub tu gzod zhugs pa tsam du 'dzin te/ byang chub sems dpa'i spyod pas mi 'jigs mi skrag skrag par mi 'gyur zhing mi 'jigs pa 'di lta bu dang ldan pa yin te/ de ring kho na bla na med pa yang dag par rdzogs pa'i byang chub tu 'gyur ba snyam du 
'dzin pas de phyin cad kyang 'di ltar sems can thams cad yongs su smin par bya ba'i phyir bskal pa tshad med par byang chub sems dpa'i spyad pa spyod pa 'di ni bla na med pa yang dag par rdzogs pa'i byang chub tu lhag pa'i bsam pa ri bo lta bu bdun pa'o/ /kye 
rgyal ba'i sras gzhan yang byang chub sems dpa' sems can pha rol dang gang zag pha rol cang shes pa ma yin pa/ gdul dka' ba/ gso dka' ba/ byas pa mi gzo ba/ byas pa mi dran pa shes nas de dag rnam par bzlog pa'i phyir go cha chen po bgos 
te/ sems can thams cad kyi sems la dbang bsgyur ba la'ang bsam pa'i spyod yul ji lta ba bzhin du gnas pa yin te/ sems can 'khu bas skyo bar mi 'gyur zhing / sems can pha rol kyi nyon mongs pas phyir ldog par mi 'gyur pa 'di ni bla na med pa 
yang dag par rdzogs pa'i byang chub tu lhag pa'i bsam pa ri bo lta bu brgyad pa'o/ /kye rgyal ba'i sras gzhan yang byang chub sems dpa' ni 'di lta bu zhig bdag gi byang chub sems dpa'i spyod pa yang dag par bsgrub par 'gyur ro/ /zhes bya bar su la skabs 
'byed pa med par bla na med pa yang dag par rdzogs pa'i byang chub tu sems bskyed de gzhan du na bdag gcig pus phyi ma'i mtha'i mur thug pa'i bskal bar byang chub sems dpa'i spyod pa spyad par bya'o/ /rang gi rgyud 'di nyid las sangs rgyas kyi chos thams </font><hr>37-1-182b<br><font size=+1>
cad yang dag par bsgrub par bya'o/ /sems bskyed pa la rag las par bla na med pa yang dag par rdzogs pa'i byang chub rtogs par bya ste/ byang chub tu sems bskyed par bya'o/ /rang gi rgyud rnam par sbyang bar bya'o/ /gzhan gyi rgyud rnam par sbyang bar bya'o /
rang gi yul khong du chud par bya'o/ /gzhan gyi yul khong du chud par bya'o/ /'das pa dang ma byon pa dang / da ltar byung ba'i sangs rgyas bcom ldan 'das rnams dang yul gcig tu 'gyur bar bya'o/ /snyam pa 'di ni bla na med pa yang dag par rdzogs 
pa'i byang chub tu lhag pa'i bsam pa ri bo lta bu dag pa'o/ /kye rgyal ba'i sras gzhan yang byang chub sems dpa' ni chos gang byang chub sems dpa'i spyad pa spyod pa de lta bu'i chos kyang rjes su mi mthong ngo / /chos gang byang chub sems dpa'i spyod pa yongs 
su rdzogs par byed pa de lta bu'i chos kyang rjes su mi mthong ngo / /chos gang bla na med pa yang dag par rdzogs pa'i byang chub tu mngon par sangs rgyas pa'am/ 'tshang rgya ba'am/ 'tshang rgya bar 'gyur ba de lta bu'i chos kyang rjes su mi mthong ngo / /gang gis chos bstan 
pa dang ston pa dang ston par 'gyur ba de lta bu'i chos kyang rjes su mi mthong ngo / /de la ston par byed pa de yang mi dmigs la chos ston pa nyid kyang mi dmigs te/ 'on kyang byang chub sems dpa' bla na med pa yang dag par rdzogs pa'i byang chub las 
smon lam phyir bzlog par mi byed do/ /kye rgyal ba'i sras de ci'i phyir zhe na/ 'di lta ste chos thams cad mi dmigs pa'i spyod pas chos thams cad yongs su btsal ba de lta bus ni bla na med pa yang dag par rdzogs pa'i byang chub tu 'byung bar 
'gyur te/ de ni gnyen po yongs su sbyang ba dang / shes rab yongs su rdzogs par bya ba'i phyir las dang dge ba'i rtsa ba de bas kyang shas cher yang dag par sdud do/ /dge ba'i las thams cad yang dag par bsdus pas sems kyi skad </font><hr>37-1-183a<br><font size=+1>
cig re re zhing shin tu shas che bar rnam par 'phel te/ de la gal te chos 'di dag thams cad de lta bur dben na/ bdag kyang su zhig gi phyir bla na med pa yang dag par rdzogs pa'i byang chub tu zhugs snyam pa'i 'jigs 
pa med sdang ba med de/ 'di ni bla na med pa yang dag par rdzogs pa'i byang chub tu lhag pa'i bsam pa ri bo lta bu bcu pa'o/ /kye rgyal ba'i sras bcu po de dag ni byang chub sems dpa' rnams kyi lhag pa'i bsam pa ri bo lta bu ste/ de dag la gnas 
shing byang chub sems dpa' rnams de bzhin gshegs pa'i ye shes chen po'i thugs ri bo'i rgyal po lta bu bla na med pa 'thob par 'gyur ba dag go /kye rgyal ba'i sras bcu po 'di dag ni byang chub sems dpa' rnams kyi bla na med pa yang dag par 
rdzogs pa'i byang chub tu ye shes kyi 'jug pa rgya mtsho lta bu ste/ bcu gang zhe na/ 'di ltar sems can gyi khams thams cad tshad med par 'jug pa 'di ni bla na med pa yang dag par rdzogs pa'i byang chub tu ye shes kyis 'jug pa rgya mtsho lta bu dang 
po'o/ /kye rgyal ba'i sras gzhan yang byang chub sems dpa' ni 'jig rten gyi khams 'byam klas pa la rtog pa med pa dang / rnam par rtog pa med pa la gnas pas 'jug pa med par zhugs pa yin te/ 'di ni bla na med pa yang dag par rdzogs pa'i byang 
chub tu ye shes kyis 'jug pa rgya mtsho lta bu gnyis pa'o/ /kye rgyal ba'i sras gzhan yang byang chub sems dpas nam mkha'i dbyings tshad med pa thams cad yongs su sbyangs shing nam mkha' la sgrib pa med pa'i tshul gyis phyogs kyi dra ba rnam 
par phye ba thams cad mnyam pa nyid du rtogs pa 'di ni bla na med pa yang dag par rdzogs pa'i byang chub tu ye shes kyis 'jug pa rgya mtsho lta bu gsum pa'o/ /kye rgyal ba'i sras gzhan yang byang chub sems dpa' ni chos kyi dbyings khong du chud par </font><hr>37-1-183b<br><font size=+1>
bya ba la chags pa med par 'jug pa'i tshul dang / chad pa med par 'jug pa'i tshul dang / rtag pa med par 'jug pa'i tshul dang / tshad med par 'jug pa'i tshul dang / 'jug pa med par 'jug pa'i tshul dang / ldog pa med par 'jug pa'i tshul 
dang / 'jug pa thams cad yongs su shes pa'i tshul gyis shin tu zhugs pa yin te/ 'di ni bla na med pa yang dag par rdzogs pa'i byang chub tu ye shes kyis 'jug pa rgya mtsho lta bu bzhi pa'o/ /kye rgyal ba'i sras gzhan yang byang chub sems dpa' 
ni dge ba'i rtsa ba thams cad yang dag par sdud cing yongs su stsogs te/ 'das pa dang ma byon pa dang da ltar byung ba'i sangs rgyas bcom ldan 'das thams cad dang / byang chub sems dpa' dang chos smra ba dang / nyan thos dang / rang sangs rgyas 
rnams dang / so so'i skye bo thams cad la dge ba'i rtsa ba ji snyed cig byas pa dang / byed pa dang byed par 'gyur ba dang / dge ba'i rtsa ba gang gis 'das pa dang ma byon pa dang / da ltar byung ba'i sangs rgyas bcom ldan 'das rnams bla na med pa yang 
dag par rdzogs pa'i byang chub tu mngon par sangs rgyas pa dang / 'tshang rgya ba dang / 'tshang rgya bar 'gyur ba dang / chos gang 'das pa dang ma byon pa dang / da ltar byung ba'i sangs rgyas bcom ldan 'das rnams kyis bstan pa dang / ston pa 
dang / ston par 'gyur ba dang / sems can ji snyed cig chos bstan pa de dag la grub pa dang / 'grub pa dang 'grub par 'gyur ba dang / sems can ji snyed cig dul ba dang / 'dul ba dang 'dul bar 'gyur ba de lta bu'i dge ba'i rtsa ba 
thams cad rab tu shes so/ /mos par byed do/ /rjes su yi rang bar byed do/ /dge ba'i rtsa ba yongs su btsal bas kyang skyo bar mi byed skyo bar mi skyed de/ 'di ni bla na med pa yang dag par rdzogs pa'i byang chub tu ye shes kyis 'jug pa </font><hr>37-1-184a<br><font size=+1>
rgya mtsho lta bu lnga pa'o/ /kye rgyal ba'i sras gzhan yang byang chub sems dpa' ni 'das pa'i bskal pa la 'jug ste/ sems bskyed pa re res kyang bskal pa brjod du med pa la 'jug go /bskal pa re re la yang sangs rgyas skye ba 
khrag khrig phrag brgya 'am/ khrag khrig phrag stong ngam/ khrag khrig brgya phrag stong ngam/ sangs rgyas skye ba tshad med pa dang / grangs med pa dang / bsam gyis mi khyab pa dang / mtshungs pa med pa dang / gzhal du med pa dang / dpag tu med pa dang / mtha' 
yas pa dang / mu med pa dang / sa mtshams med pa dang / brjod du med pa la 'jug go /sangs rgyas skye ba grangs dang bgrang ba las 'das pa la 'jug cing shes par byed do/ /sangs rgyas bcom ldan 'das de dag gi 'khor gyi dkyil 'khor yang khong 
du chud par byed de/ byang chub sems dpa'i tshogs dang / nyan thos kyi dge 'dun dang / chos bstan pa dang / sems can gdul ba dang / sku tshe'i tshad dang / byin gyi rlabs dang / bstan pa gnas pa'i rim pa la'ang 'jug go /bskal pa 
gcig la ji ltar zhugs pa de bzhin du bskal pa thams cad la 'jug na sangs rgyas mi bzhugs pa dang / sangs rgyas ma byung ba'i bskal ba lta ci smos te/ bskal pa gang la sems can gang gis bla na med pa yang dag par rdzogs pa'i byang 
chub tu dge ba'i rtsa ba bskyed pa dang / sems can gang gis dge ba'i rtsa ba yongs su smin par byas pa dang / sems can gang gis ma byon pa'i sangs rgyas mthong bar dge ba'i rtsa ba yongs su smin par byas pa de dag kyang byang chub sems dpas rab 
tu shes te/ de ltar 'jug pas brjod du med pa'i yang brjod du med pa'i bskal pa la 'jug cing rtog kyang sngon gyi bskal pa'i dus la 'jug pas ngoms par mi 'gyur ba 'di ni bla na med pa yang dag par rdzogs pa'i byang chub tu ye shes kyis 'jug pa rgya mtsho </font><hr>37-1-184b<br><font size=+1>
lta bu drug pa'o/ /kye rgyal ba'i sras gzhan yang byang chub sems dpa' ma 'ongs pa'i bskal pa la 'jug cing / rnam par dpyod la sems shing rtog ste/ ma 'ongs pa'i dus kyi bskal ba gang dang gang ni sangs rgyas dang bcas par 'gyur/ /bskal pa gang dang 
gang ni sangs rgyas mi bzhugs par 'gyur/ /bskal pa de dag la 'ang sangs rgyas bcom ldan 'das ni ji snyed cig 'byung / /de bzhin gshegs pa de dag gi mtshan ni ci zhes bya bar 'gyur/ /'jig rten gyi khams ni gang du ming ni ci zhes bya ba zhig tu sems can ni ji 
snyed cig yongs su smin par mdzad par 'gyur/ /de bzhin gshegs pa de dag ni sku tshe'i tshad ji tsam dang ldan pa zhig tu 'gyur zhes bskal pa gcig nas gcig tu brgyud pa dang / gcig nas gcig tu 'brel ba thams cad la rtog ste/ de ltar 'jug cing rtog 
pas bskal pa brjod du med pa zad par byed kyang phyi ma'i mtha'imur thug pa'i dus la 'jug pas ngoms par mi 'gyur ba 'di ni bla na med pa yang dag par rdzogs pa'i byang chub tu ye shes gyis 'jug pa rgya mtsho lta bu bdun pa'o/ /kye rgyal ba'i sras gzhan yang byang 
chub sems dpa' da ltar byung ba'i dus la 'jug cing rtog ste/ phyogs sna tshogs la 'jug par bya ba dang / phyogs bcu rnam par gnas pa dang / phyogs kyi rgyud bstan pa mtha' yas pa dang / phyogs kyi dra ba dang / phyogs kyi dra ba'i rgyud rnam par 
tha dad pa thams cad bstan pa dag tu sangs rgyas bcom ldan 'das dag bla na med pa yang dag par rdzogs pa'i byang chub tu mngon par sangs rgyas pa dang / mngon par 'tshang rgya ba dang / mngon par rgya bar 'gyur ba dang / snying po byang chub kyi shing drung du 
gshegs pa dang / byang chub kyi gzhi la nyug pa dang / bzhugs pa dang / bdud kyi dkrugs ma rab tu pham par mdzad pa dang / rnam par 'tshang rgya ba dang / bzhengs pa dang / grong rdal tu gshegs pa dang / lha'i gnas su chos ston pa dang / chos kyi </font><hr>37-1-185a<br><font size=+1>
'khor lo bskor ba dang / sems can gyi khams rnam par 'dul ba dang / de bzhin gshegs pa'i rnam par 'phrul ba yongs su ston pa dang / bla na med pa yang dag par rdzogs pa'i byang chub yongs su gtong ba dang / sku tshe'i 
'du byed spong pa dang / phung po ma lus pa'i mya ngan las 'das par yongs su mya ngan las 'da' ba dang / chos kyi tshul yang dag par bgro ba dang / bstan pa yang dag par 'dzin pa dang / dam pa'i chos gsal bar byed pa dang / de bzhin gshegs 
pa'i mchod rten rgyan gyis brgyan par byed pa dang / de bzhin gshegs pa'i mchod rten la mchod pa byed pa dang / 'jig rten gyi khams thams cad du mchod rten gyi rgyan yid la byed pa dag la sems shing rnam par sems la yid la byed de/ de lta bur 
'jug pas sems bskyed pa re re la yang 'jig rten gyi khams brjod du med pa la 'jug cing sems can thams cad kyang rtogs par byed/ sangs rgyas bcom ldan 'das kyang mthong bar byed/ dam pa'i chos kyang thos par byed/ thos nas kyang kun 
chub par byed/ dran pas yongs su 'dzin/ blo gros kyis rnam par 'byed/ rtogs pas rnam par 'phel bar byed/ blos phyogs bcur tshad med par rgyas par byed kyang sangs rgyas kyi chos la mgo rmongs par mi 'gyur ro/ /de ci'i phyir zhe na/ 
rmi lam lta bur rnam par bsgoms pa'i phyir te/ de bzhin gshegs pa de dag la'ang mchod cing rim gror bya ba thams cad byed pas de bzhin gshegs pa de dang de dag gi zhabs kyi drung du bdag nyid de bzhin gshegs pa la mchod cing rim gro byed pas brtson 
par ston kyang bdag gi lus la yang mngon par chags pa med/ de bzhin gshegs pa'i sku la yang ma yin/ 'jig rten gyi khams la yang ma yin/ chos nyan pa la yang ma yin/ bskal ba'i grangs la 'jug pa la yang ma yin/ da ltar </font><hr>37-1-185b<br><font size=+1>
byung ba'i sangs rgyas mthong bas ngoms par yang mi 'gyur la/ chos mnyan pas kyang ma yin/ 'jig rten gyi khams rnam par brtags pas kyang ma yin/ bskal pa'i grangs la 'dug pas kyang ma yin te/ 'di ni bla na med pa yang dag par 
rdzogs pa'i byang chub tu ye shes kyis 'jug pa rgya mtsho lta bu brgyad pa'o/ /kye rgyal ba'i sras gzhan yang byang chub sems dpa' bskal pa brjod du med pa'i yang brjod du med par sangs rgyas bcom ldan 'das rnams la rim gro byed/ bkur 
sti byed/ mchod pa byed de/ bskal pa re re la yang brjod du med pa'i yang brjod du med pa'i sangs rgyas bcom ldan 'das la rim gro byed/ bkur sti byed/ mchod pa byed cing / bdag gi lus kyi skye ba dang / shi 'pho yongs su bstan pas khams gsum 
thams cad las 'das pa'i mchod pas/ de bzhin gshegs pa nyan thos kyi dge 'dun dang bcas pa dang / byang chub sems dpa'i tshogs kyis bskor ba la mchod pa byed pa dang / de bzhin gshegs pa mya ngan las 'das pa rnams kyi sku 
gdung la yang bla na med pa'i mchod pas mchod pa byed cing yongs su gtong ba'i sems bsam gyis mi khyab pas sems can gyi khams thams cad shin tu tshim par bya ba'i phyir rnam par smin pa la re ba med cing phan gdags pa lhur bya ba dang / phan 
par 'dod pas yongs su bzung bar sbyin pa byed kyang sangs rgyas mchod cing / rim gror bya ba dang / sems can thams cad la yongs su gtang ba shin tu btang bas ngoms par mi 'gyur te/ bskal pa brjod du med pa'i yang brjod du med pa'i 
sangs rgyas bcom ldan 'das rnams la rim gro bya ba dang / sems can nye bar bstsal ba dang / bstan pa yongs su gzung ba dang / dam pa'i chos brjod pa dang / bla na med pa yang dag par rdzogs pa'i byang chub tu sems can gdul bas </font><hr>37-1-186a<br><font size=+1>
kyang ngoms par mi 'gyur ba 'di ni bla na med pa yang dag par rdzogs pa'i byang chub tu ye shes kyis 'jug pa rgya mtsho lta bu dgu pa'o/ /kye rgyal ba'i sras gzhan yang byang chub sems dpa' ni byang chub sems dpa'i 
gdams ngag dang / byang chub sems dpa'i bslab pa dang / byang chub sems dpa'i man ngag dang / byang chub sems dpa'i nan tan dang / byang chub sems dpa'i yongs su dag pa dang / byang chub sems dpa'i yongs su smin par bya ba dang / byang 
chub sems dpa'i gdul ba dang / byang chub sems dpa'i mnyam pa nyid dang / byang chub sems dpa'i 'byung ba dang / byang chub sems dpa'i gzungs kyi sgo'i lam sangs rgyas bcom ldan 'das thams cad dang / byang chub sems dpa' 
thams cad dang / chos smra ba thams cad las tshol ba dang / yongs su tshol ba dang / 'dzin pa dang / kun chub par byed cing sems can thams cad yongs su bsdu ba dang bslab pa dang / grub par bya ba dang / sems can de dag la chos bstan pas 
ngoms par mi 'gyur te/ thams cad mkhyen pa nyid dang ldan pa'i sems bskyed pa sangs rgyas thams cad kyi chos kyi tshul gyi rjes su song bas/ bskal pa brjod du med pa'i yang brjod du med par sems can brjod du med pa'i yang brjod du med pa 
yang dag par rdzogs pa'i byang chub las phyir mi ldog par rab tu gzhog pa dang / sangs rgyas kyi chos thams cad la sbyor yang ngoms par mi 'gyur ba 'di ni bla na med pa yang dag par rdzogs pa'i byang chub tu ye shes kyis 'jug pa rgya mtsho lta bu bcu 
pa'o/ /kye rgyal ba'i sras bcu po de dag ni byang chub sems dpa' rnams kyi bla na med pa yang dag par rdzogs pa'i byang chub tu ye shes kyis 'jug pa rgya mtsho lta bu ste/ de dag la gnas shing byang chub sems dpa' rnams sangs rgyas </font><hr>37-1-186b<br><font size=+1>
thams cad kyi chos kyi ye shes chen po rgya mtsho lta bu bla na med pa thob par 'gyur ba dag go /kye rgyal ba'i sras bcu po 'di dag ni byang chub sems dpa' rnams kyi rnam par spyod pa rin po che lta bu ste/ bcu gang zhe na/ 'di ltar sangs rgyas bzhugs 
pa'i 'jig rten gyi khams grangs med par 'gro zhing de bzhin gshegs pa rnams blta ba dang / de dag la phyag bya ba dang / bsnyen bkur byed pa 'di ni byang chub sems dpa' rnams kyi bla na med pa yang dag par rdzogs pa'i byang chub tu rnam par spyod pa rin 
po che lta bu dang po'o/ /kye rgyal ba'i sras gzhan yang byang chub sems dpa' bsam gyis mi khyab pa'i sangs rgyas bcom ldan 'das rnams las chos nyan cing thos nas kyang 'dzin cing khong du chud par byed de/ dran pas yang dag par 'dzin pa dang / 
blo gros kyis rnam par 'byed pa dang / rtogs pas rnam par 'phel bar byed pa dang / blos phyogs bcur tshad med par 'gengs pa 'di ni byang chub sems dpa' rnams kyi bla na med pa yang dag par rdzogs pa'i byang chub tu rnam par spyod pa rin po che lta bu 
gnyis pa'o/ /kye rgyal ba'i sras gzhan yang byang chub sems dpa' sangs rgyas kyi zhing 'di nas kyang 'phos par ma gyur la gzhan du yang lus ston la/ sangs rgyas kyi chos la 'ang mgo rmongs pa med pa 'di ni byang chub sems dpa' rnams kyi bla na 
med pa yang dag par rdzogs pa'i byang chub tu rnam par spyod pa rin po che lta bu gsum pa'o/ /kye rgyal ba'i sras gzhan yang byang chub sems dpa' chos gcig la rnam par spyad pas chos thams cad shes shing chos thams cad don gcig pa dang / 
don tha dad pa ma yin pa'i mthar thug pa'i tshul gyis chos tha dad pa yang dag par bstan pa yang rab tu shes pa 'di ni byang chub sems dpa' rnams kyi bla na med pa yang dag par rdzogs pa'i byang chub tu rnam par spyod pa rin po che lta bu bzhi pa'o/ /kye rgyal ba'i </font><hr>37-1-187a<br><font size=+1>
sras gzhan yang byang chub sems dpa' nyon mongs pa rnam par bzlog pa yang rab tu shes/ nyon mongs pa'i rgyun gcad pa yang rab tu shes/ nyon mongs pa rnam par gzhil ba yang rab tu shes te/ nyon mongs pa spong ba la shin tu gnas kyang byang chub sems dpa'i spyod pa las yang dag pa'i mtha' mngon tu mi byed cing yang dag pa'i mtha' la'ang pha rol tu phyin pa'i mchog kyang thob la thabs mkhas pa'i bslab pa la shin tu byang bas/ sngon gyi smon lam yongs su bskang ba'i spyod pa de 
yongs su rdzogs par byed kyang lus dub par mi 'gyur ba 'di ni byang chub sems dpa' rnams kyi bla na med pa yang dag par rdzogs pa'i byang chub tu rnam par spyod pa rin po che lta bu lnga pa'o/ /kye rgyal ba'i sras gzhan yang byang chub sems dpa' ni 'gro 
ba thams cad sems kyis brtags pa yul na mi gnas pa phyogs na mi gnas par shes shing 'jug la yul dang gnas kyang ston te/ rtog pa dang mngon par 'du byed pa'ang med la sems can thams cad yongs su smin par bya ba dang / gdul ba'i 
phyir mngon par 'du bya ba'i sa la yang spyod pa 'di ni byang chub sems dpa' rnams kyi bla na med pa yang dag par rdzogs pa'i byang chub tu rnam par spyod pa rin po che lta bu drug pa'o/ /kye rgyal ba'i sras gzhan yang byang chub sems dpa' 
chos thams cad rang bzhin med pa dang / sna tshogs ma yin pa dang / rnam pa tha dad pa med pa dang / bgrang ba med pa dang / mtshungs pa med pa dang / kha dog med pa dang / mtshan nyid med pas rang bzhin gcig pa rab tu shes te/ gcig 
tu yang mi dmigs la mang po'i rang bzhin du yang yod pa ma yin par rab tu shes te/ byang chub sems dpas chos 'di dag ni sangs rgyas kyi chos so/ /'di dag ni byang chub sems dpa'i chos so/ /'di dag ni rang sangs rgyas kyi chos so/ /</font><hr>37-1-187b<br><font size=+1>
'di dag ni nyan thos kyi chos so/ /'di dag ni so so'i skye bo'i chos so/ /'di dag ni dge ba dang mi dge ba'i chos so/ /'di dag ni 'jig rten gyi chos so/ /'di dag ni 'jig rten las 'das pa'i chos so/ /'di dag ni kha na ma tho ba dang bcas pa'i 
chos so/ /'di dag ni kha na ma tho ba med pa'i chos so/ /'di dag ni zag pa dang bcas pa'i chos so/ /'di dag ni zag pa med pa'i chos so/ /'di dag ni 'dus byas kyi chos so/ /'di dag ni 'dus ma byas kyi chos so/ /zhes bya bar rab 
tu shes pa 'di ni byang chub sems dpa' rnams kyi bla na med pa yang dag par rdzogs pa'i byang chub tu rnam par spyod pa rin po che lta bu bdun pa'o/ /kye rgyal ba'i sras gzhan yang byang chub sems dpa' ni sangs rgyas bcom ldan 'das kyang mi 
dmigs/ byang chub sems dpa' yang mi dmigs chos kyang mi dmigs sems can yang mi dmigs te/ 'di ltar sems can thams cad gdul ba dang / chos thams cad rtogs par bya ba'i phyir smon lam gyi rgyun kyang mi gcod do/ /
de ci'i phyir zhe na/ kye rgyal ba'i sras de ni byang chub sems dpa' sems la mkhas pas sems can gzhan gyi rab tu rtog pa la mkhas pa dang / sems can thams cad kyi dmigs pa la mkhas pas/ sems can thams cad la gdams 
ngag rjes su ston pa la mkhas pa dang / sems can thams cad yongs su mya ngan las 'da' bar bya ba la mkhas pa'i phyir te/ byang chub sems dpa'i spyod pa de yang smon lam yongs su rdzogs par bya ba'i phyir spyod pa 'di ni byang chub sems 
dpa'i bla na med pa yang dag par rdzogs pa'i byang chub tu rnam par spyod pa rin po che lta bu brgyad pa'o/ /kye rgyal ba'i sras gzhan yang byang chub sems dpa' ni 'du shes kyi byin gyi rlabs thams cad la mkhas pas/ chos rab tu ston cing </font><hr>37-1-188a<br><font size=+1>
rnam par 'byed de shes par yang byed la thabs mkhas pas mya ngan las 'das pa yang yongs su ston te/ de yang phyin ci log med pa dang nor ba med par rab tu shes te/ byang chub sems dpa' des de bzhin nyid mi g.yo 
ba'i phyir chos thams cad dus gsum mnyam pa nyid la gnas shing yang dag pa'i mtha' la rab tu rten par yang yang dag par shes te/ sems can gang dul ba 'am gdul ba 'am 'dul bar 'gyur ba de lta bu'i sems can gang yang rjes su mi mthong la/ 
byung rgyal du bdag gis bskyed do snyam du 'ang mi sems te/ chos gang skye ba 'am 'gag par 'gyur ba de lta bu 'ang mi dmigs te/ chos thams cad la mi gnas pas don yod par 'gyur ba 'di ni byang chub sems dpa' rnams kyi bla na med pa yang 
dag par rdzogs pa'i byang chub tu rnam par spyod pa rin po che lta bu dag pa'o/ /kye rgyal ba'i sras gzhan yang byang chub sems dpa' ni sangs rgyas bcom ldan 'das bsam gyis mi khyab pa'i de bzhin gshegs pa re re las kyang rnam pa tha dad 
du bgrang ba'i tshul gyis bskal pa bgrang ba sna tshogs ming tha dad pa gzhan dang gzhan bskal pa de dang de dag tu gdags pa'i bskal pa gcig bzung ba nas brjod du med pa shin tu bstan pa'i bar du lung bstan pa nyan cing / lung bstan pa de dag thos nas 
kyang byang chub sems dpa'i spyod pa dang de bzhin gshegs pa'i ye shes bsam gyis mi khyab pa la 'khor ba med cing mgo rmongs pa med la lung bstan pa de dag rnam pa de lta bur thos nas kyang de bzhin gshegs pa gnyis su mi gsung ba dang bdag nyid kyi 
spyod pa'i mthu dang smon lam gyi khyad par gyis sems can ji ltar smin par byas pa rnams kyi smon lam de dag thams cad chos kyi dbyings khong du chud pas bla na med pa yang dag par rdzogs pa'i byang chub tu yongs su rdzogs par byed pa 'di ni byang chub sems </font><hr>37-1-188b<br><font size=+1>
dpa' rnams kyi bla na med pa yang dag par rdzogs pa'i byang chub tu rnam par spyod pa rin po che lta bu bcu pa'o/ /kye rgyal ba'i sras bcu po de dag ni byang chub sems dpa' rnams kyi byang chub sems dpa'i rnam par spyod pa rin po che lta bu ste/ de dag la gnas shing 
byang chub sems dpa' rnams yang dag par rdzogs pa'i sangs rgyas kyi ye shes rin po che chen po bla na med par 'tshang rgya bar 'gyur ba dag go /kye rgyal ba'i sras bcu po 'di dag ni byang chub sems dpa' rnams kyi theg pa chen po'i go ca rdo rje lta bu'i 
sems bskyed pa ste/ bcu gang zhe na/ kye rgyal ba'i sras 'di la chos thams cad mtha' yas pa yin yang byang chub sems dpa' ni 'di ltar chos thams cad dus gsum ma lus par shes pas mngon par rdzogs par 'tshang rgya bar bya'o/ /snyam 
du sems bskyed pa 'di ni theg pa chen po'i go ca rdo rje lta bu'i sems bskyed pa dang po'o/ kye rgyal ba'i sras gzhan yang skra'i rtse mo'i go dang / sgo re re la yang sems can mtha' yas te mu med pas/ chos kyi dbyings thams cad kyi sems can lta 
smos kyang ci dgos na byang chub sems dpa' ni go ca chen po bgos shing 'di skad du sems can thams cad mya ngan las 'das pa chen po bla na med pas/ yongs su mya ngan las bzla bar bya'o/ /zhes bya ba'i tshig brjod pa 'di ni theg pa chen po'i go ca rdo rje 
lta bu'i sems bskyed pa gnyis pa'o/ /kye rgyal ba'i sras gzhan yang 'jig rten gyi khams rnams ni mtha' yas mu med pa ste/ ris med las mtshams med pa na byang chub sems dpa' ni 'di ltar sangs rgyas kyi zhing yongs su dag par bya ba bla 
na med pas 'jig rten gyi khams thams cad yongs su sbyang bar bya'o/ /zhes smon lam mngon par sgrub cing de yang yang dag pa dang / dben par yongs su sbyor ba 'di ni theg pa chen po'i go ca rdo rje lta bu'i sems bskyed pa gsum pa'o/ /kye </font><hr>37-1-189a<br><font size=+1>
rgyal ba'i sras gzhan yang 'gro ba thams cad ni mtha' yas mu med pa ste/ ris med la sa mtshams med pa la byang chub sems dpa' ni 'di ltar 'gro ba thams cad bla na med pa'i ye shes kyi snang ba chen pos snang bar bya'o 
zhes te/ dge ba'i rtsa ba yongs su bsngo ba 'di ni theg pa chen po'i go ca rdo rje lta bu'i sems bskyed pa bzhi pa'o/ kye rgyal ba'i sras gzhan yang sangs rgyas bcom ldan 'das rnams ni mtha' yas mu med pa ste/ ris med la sa mtshams med 
pa na/ byang chub sems dpa' ni dge ba'i rtsa ba bskyed cing / 'di ltar sangs rgyas bcom ldan 'das rnams mnyes par byas pa'i 'og tu bdag kyang bla na med pa yang dag par rdzogs pa'i byang chub tu mngon par 'tshang rgya bar bya'o/ /zhes yongs su 
bsngo ba 'di ni theg pa chen po'i go ca rdo rje lta bu'i sems bskyed pa lnga pa'o/ /kye rgyal ba'i sras gzhan yang byang chub sems dpas sangs rgyas bcom ldan 'das rnams kyang mthong ste/ chos kyang nyan la dga' ba dang spro ba bskyed kyang rang gi lus 
la yang mngon par chags par mi byed de de bzhin gshegs pa'i sku la yang mngon par chags par mi byed cing / de bzhin gshegs pa'i sku de dag kyang yod par yang mi byed/ med par yang mi byed med pa ma yin par yang mi byed/ yod pa ma yin 
par yang mi byed/ dngos por yang mi byed/ dngos po med par yang mi byed/ gzugs su yang mi byed/ mtshan du yang mi byed/ 'byung bar 'ang mi byed/ 'jig par 'ang mi byed/ de bzhin gshegs pa'i sku de dag skye bar yang mi byed/ 
'jig par yang mi byed/ de bzhin gshegs pa'i sku la dngos por yang mi 'jug ste/ dngos po chud za bar yang mi byed do/ /de ci'i phyir zhe na/ de ni dngos po thams cad ma bzung ba'i phyir te/ 'di ni theg pa chen po'i go ca rdo rje lta bu'i </font><hr>37-1-189b<br><font size=+1>
sems bskyed pa drug pa'o/ /kye rgyal ba'i sras gzhan yang byang chub sems dpa' sems can gzhan dang gang zag gzhan dag gi mgo bcad par gyur tam/ lag pa bcad dam/ rkang pa bcad dam/ rna ba dang sna bcad dam/ mig phyung bar 
gyur tam/ gshe 'am mi snyan par zer ram/ rdeg gam sdigs sam/ smod dam 'ching ngam/ co 'dri'am tho 'tsham yang bzod cing / de'i rgyus sems khro bar mi 'gyur/ 'khrug pa dang rnam par 'khrug par mi 'gyur/ gnod 
par sems pa dang khong khro bar mi 'gyur te/ brjod du med pa'i yang brjod du med pa'i bskal bar byang chub sems dpa'i spyad pa spyod kyang sems can thams cad yongs su gtong ba'i sems mi bskyed do/ /kye rgyal ba'i sras de ltar byang chub sems 
dpa' chos thams cad mi gnyis par rnam par spyad pa'i bslab pa la slob cing mi 'khrug pa'i bsam pas sems can thams cad kyis sdug bsngal du byas pa'i sdug bsngal thams cad rang gi lus kyis nyams su blang bar bzod par byed cing btang snyoms su gnas pa 
'di ni theg pa chen po'i go ca rdo rje lta bu'i sems bskyed pa bdun pa'o/ /kye rgyal ba'i sras gzhan yang ma 'ongs pa'i dus la ni mtha' med de/ thug pa med cing rgyun chad pa med pa yin na/ byang chub sems dpa' ni 'di ltar ma 'ongs pa'i bskal pa 
'grangs par chos kyi dbyings kyis gtugs pa nam mkha'i dbyings ltar gnas pa/ gang ji snyed pa yod pa de dag thams cad kyis 'jig rten gyi khams thams cad du sems can yongs su smyin par bya bas byang chub sems dpa'i spyod pa spyad par bya'o/ /
'jig rten gyi khams gcig tu ji ltar spyad pa de bzhin du 'jig rten gyi khams chos kyi dbyings kyis klas pa nam mkha'i dbyings kyi mthas gtugs pa thams cad du 'ang spyod par bya'o/ /zhes sems bskyed kyang de lta bu'i dus su spyod pas sdang ba med </font><hr>37-1-190a<br><font size=+1>
cing mi 'jigs mi skrag go /kye rgyal ba'i sras de ci'i phyir zhe na/ de ltar sems can thams cad kyi don du byang chub sems dpa'i spyod pa nyams su len pa ni/ byang chub sems dpa'i yi dam brtan pa ste/ 'di ni theg pa 
chen po'i go ca rdo rje lta bu'i sems bskyed pa brgyad pa'o/ /kye rgyal ba'i sras gzhan yang byang chub sems dpa' ni bla na med pa yang dag par rdzogs pa'i byang chub kyi sems la rag lus par yid ches par byas te/ bsam pa yongs su dag pas/ dge 
ba'i rtsa ba thams cad yang dag par sdud cing yongs su rdzogs par byed de/ nam 'dod par gyur pa de'i tshe/ bla na med pa yang dag par rdzogs pa'i byang chub tu mngon par rdzogs par 'tshang rgya bar bya'o/ /zhes byang chub la dbang bsgyur bar gnas 
shing / bgegs med pa'i lam du zhugs pa dang / nye bar len pa'i rkyen thams cad yongs su byang bas/ sangs rgyas kyi byang chub tu brten pa thogs pa med kyang / bla na med pa yang dag par rdzogs pa'i byang chub tu yang mngon par 'tshang mi rgya ste/ 
de yang ci'i phyir zhe na/ 'di ltar sems can thams cad yongs su smin par bya ba dang / smon lam yongs su rdzogs par bya ba'i phyir te/ byang chub sems dpa'i spyod pa 'jig rten gyi khams thams cad kyis klas te/ spyod pa 'di ni theg pa 
chen po'i go ca rdo rje lta bu'i sems bskyed pa dgu pa'o/ /kye rgyal ba'i sras gzhan yang byang chub sems dpa' sangs rgyas bcom ldan 'das rnams kyang mi dmigs/ byang chub kyang mi dmigs/ byang chub sems dpa' yang mi dmigs 
chos thams cad kyang mi dmigs/ sems can thams cad kyang mi dmigs/ sems kyang mi dmigs/ spyod pa yang mi dmigs sngon gyi mtha' yang mi dmigs/ phyi ma'i mtha' yang mi dmigs/ da ltar byung ba yang mi dmigs/ 'gro </font><hr>37-1-190b<br><font size=+1>
ba thams cad kyang mi dmigs/ 'dus byas dang 'dus ma byas kyang mi dmigs te/ de de ltar dben par gnas pa yin/ de ltar zab mo la gnas pa dang de ltar zhi ba la gnas pa dang / de ltar nyon mongs pa med pa la gnas pa dang / de ltar 
brjod du med pa la gnas pa dang / de ltar gnyis su med pa la gnas pa dang / de ltar rtog pa med pa la gnas pa dang / de ltar chos thams cad kyi rang bzhin la gnas pa dang / de ltar rig pa la gnas pa dang / de ltar grol ba la gnas pa dang / 
de ltar mya ngan las 'das pa la gnas pa dang / de ltar yang dag pa'i mtha' la gnas pa yin yang smon lam gyi rgyun kyang mi gcod/ thams cad mkhyen pa nyid du sems bskyed pa dang / byang chub sems dpa'i spyod pa dang / sems can yongs 
su smyin par bya ba dang / pha rol tu phyin pa rnams dang / sems can gdul ba dang / sangs rgyas mchod cing rim gror bya ba dang / chos bstan pa dang / 'jig rten gyi khams brgyan pa'i rgyun kyang mi gcod do/ /kye rgyal ba'i sras de ci'i 
phyir zhe na/ 'di ltar byang chub sems dpa' rnams ni smon lam chen pos shin tu byung ba'i phyir te/ gang gis chos thams cad kyi mtshan nyid 'di lta bur rab tu shes pa ni snying rje chen po de bas kyang rnam par 'phel bar byed/ yon tan brjod du 
med pas kyang sems can thams cad yongs su mi gtong ba'i sems cher bskyed de/ de ltar dngos po med pa'i chos thams cad la yang byis pa so so'i skye bo kun tu gti mug pa 'di dag gis chos thams cad kyi rang bzhin khong du mi chud mi 
shes kyis de khong du chud par bya'o/ /de ci'i phyir zhe na/ 'gro ba thams cad sangs rgyas bcom ldan 'das rnams las lhag par zhi ba'i gnas kyang med na/ de dag gis kyang chos de lta bur bsten te/ sems can yongs su smin par mdzad </font><hr>37-1-191a<br><font size=+1>
cing thugs rje chen po yang ma glod na/ bdag cag gis lta sems bskyed pa bden pa'i tshig la gnas pa mi bslu ba sangs rgyas dang / chos kyi rigs thams cad mi gcod pa/ smon lam chen pos mngon du byas pa dang / sems 
can thams cad kyi don la gdon mi za bar sems bskyed pa dang / dge ba'i rtsa ba thams cad shin tu bstsags pas/ yongs su bsngo ba la mkhas pa'i gnas la rab tu gnas pa/ye shes zab mos mngon par bsgrubs pa 'gro ba'i tshogs thams cad 
khong du chud pa dang sems can thams cad la mnyam pa nyid du gyur pa'i sems kyis sems can thams cad bla na med pa'i chos kyi sbyin pa chen po la bod bod la sems can thams cad grol bar ma byas/ sems can thams cad sangs rgyas su phyin par ma byas/ sangs 
rgyas kyi chos thams cad yongs su rdzogs par ma byas te/ smon lam chen po yongs su ma rdzogs par snying rje chen po yang ji ltar glod par bya/ smon lam chen po yongs su rdzogs par bya'o/ /snyam pa 'di ni theg pa chen po'i go ca rdo rje lta bu'i 
sems bskyed pa bcu pa'o/ /kye rgyal ba'i sras bcu po de dag ni byang chub sems dpa' rnams kyi theg pa chen po'i go ca rdo rje lta bu'i sems bskyed pa ste/ de dag la gnas shing byang chub sems dpa' rnams de bzhin gshegs pa'i mngon par mkhyen pa 
chen po'i ye shes rdo rje lta bu 'thob par 'gyur ba dag go/ //sangs rgyas rmad gcad ces bya ba shin tu rgyas pa chen po'i mdo/bam po bcu bdun pa/ kye rgyal ba'i sras bcu po 'di dag ni byang chub sems dpa' rnams kyi brtsam pa chen 
po ste/ bcu gang zhe na/ 'di ltar sangs rgyas thams cad mchod do/ /bsnyen bskur ro zhes brtsam pa chen po rtsom pa dang / byang chub sems dpa' thams cad kyi dge ba'i rtsa ba brtan par bya'o/ /zhes brtsam pa chen po rtsom pa dang / de bzhin </font><hr>37-1-191b<br><font size=+1>
gshegs pa mya ngan las 'das pa thams cad kyi mchod rten me tog dang / phreng ba dang / spos dang / byug pa dang phye ma dang / na bza' dang / gdugs dang rgyal mtshan dang / ba dan gyis brgyan par bya'o/ /mchod par bya'o/ /dam pa'i 
chos kyang yang dag par gzung bar bya'o/ /bstan pa yang yongs su bsrung bar bya'o/ /zhes brtsam pa chen po rtsom pa dang / sems can gyi khams thams cad bla na med pa yang dag par rdzogs pa'i byang chub tu yongs su smin par bya'o/ /zhes 
brtsam pa chen po rtsom pa dang / 'jig rten gyi khams thams cad sangs rgyas kyi zhing yongs su dag pa bla na med pas yongs su dag par bya'o/ /zhes brtsam pa chen po rtsom pa dang / kye rgyal ba'i sras gzhan yang byang chub sems dpa' 
'di snyam du sems te/ ma 'ongs pa'i bskal pa 'grangs pa ji snyed pa de dag thams cad kyis 'jig rten gyi khams re rer yang sems can re re'i don du yang byang chub sems dpa'i spyod pa spyad par bya'o/ /sems can gcig gi don du ji lta ba 
de bzhin du/ sems can thams cad ma lus pa'i don du yang snying rje chen po bskyed de/ sems can thams cad sangs rgyas kyi byang chub la dgod pa'i phyir byang chub sems dpa'i spyod pa spyad par bya'o/ /zhes sangs rgyas kyi chos kyi don du yongs su skyob dang ldan pa'i 
sems bskyed pa gcig kyang mi bskyed pa'i brtsam pa chen po rtsom mo/ /sangs rgyas bcom ldan 'das de dag las kyang de bzhin gshegs pa gcig la yang bsam gyis mi khyab pa'i bskal par mchod pa dang / rim gro byas te de bzhin gshegs 
pa gcig la ji lta ba de bzhin du de bzhin gshegs pa thams cad la'ang mchod pa dang / rim gro bya'o zhes brtsam pa chen po rtsom pa dang / de bzhin gshegs pa de dag yongs su mya ngan las 'das nas kyang thams cad kyi sku gdung la bskal </font><hr>37-1-192a<br><font size=+1>
pa bsam gyis mi khyab par rin po che thams cad kyi gdungs dang dril bu dang / rgyal mtshan dang ba dan dang / bdug spos dang na bza' thams cad kyis mchod pa byas te/ de bzhin gshegs pa re re zhing yang 
mchod rten 'jig rten gyi khams yangs pa brjod du med par khyab pa/ de bzhin gshegs pa'i sku gzugs kyis brgyan pa mang po byas te/ de bzhin gshegs pa'i sku gzugs de dag kyang 'di lta ste/ 'jig rten gyi khams 
yangs pa bsam gyis mi khyab par khyab pa de lta bu'i rnam pa dang ldan par bya'o/ /sangs rgyas kyi chos kyi don du sangs rgyas bcom ldan 'das bsnyen bkur ba dang / sems can yongs su smin par bya ba dang / bstan pa yongs su gzung ba dang / dam pa'i 
chos brjod pa la rgyun gcod cing btang ba'i sems bskyed pa gcig kyang bskyed par mi bya'o/ /zhes brtsam pa chen po rtsom pa dang dge ba'i rtsa ba des kyang de bzhin gshegs pa thams cad dang gcig cing mtshungs pa'i sangs rgyas kyis thob par bya ba'i 
phyir bla na med pa yang dag par rdzogs pa'i byang chub tu mngon par 'tshang rgya bar bya'o/ /zhes brtsam pa chen po rtsom pa dang / mngon par sangs rgyas nas kyang 'jig rten gyi khams 'byam klas pa thams cad du sangs rgyas kyi rnam par 'phrul 
pa dang / cho 'phrul bsam gyis mi khyab pa yang dag par bstan cing / bskal pa brjod du med par chos bstan kyang bdag gi lus la dub par mi 'gyur zhing / ngag dang sems la dub par mi 'gyur bar bya'o/ /'gro ba thams cad yongs su 
bskyang ba'i phyir sems bskyed pa chos dang ldan pa de bzhin gshegs pa'i chos kyi bstan pa sems can thams cad kyi don du smon lam chen po btab pa dang ldan pa/ byams pa chen po sngon du 'gro ba snying rje chen po'i mthar thug pa mtshan </font><hr>37-1-192b<br><font size=+1>
nyid med pa'i chos kyi gzhis gtugs pa bden pa'i tshig la gnas pa/ chos thams cad kyis dben pa mngon du byas pa/ sems can thams cad mi dmigs pa/ las dang bya bar mi 'gal ba dang / 'das pa dang / ma byon pa dang / da ltar byung ba'i sangs 
rgyas thams cad dang / rgyud kyi tshul gcig tu gyur pa/ chos kyi dbyings kyis klas pa/ nam mkha'i mthas gtugs pa mtshan nyid med pa'i chos la gzhol ba/ 'jug pa dang ldog pa med par yongs su rdzogs pas/ sangs rgyas kyi chos thams cad rgyun mi gcod pa dang / 
smon lam chen po dang ldan pas sangs rgyas kyi phrin las chen po bsgrub po zhes brtsam pa chen po rtsom pa'o/ /kye rgyal ba'i sras bcu po de dag ni byang chub sems dpa' rnams kyi brtsams pa chen po ste/ de dag la gnas shing byang chub sems dpa' rnams de bzhin 
gshegs pa'i ye shes chen po phun sum tshogs pa bla na med pa 'thob par 'gyur ba dag go /kye rgyal ba'i sras bcu po 'di dag ni byang chub sems dpa' rnams kyi brtsams pa chen po mthar phyin par bya ba ste/ bcu gang zhe na/ 'di ltar de bzhin gshegs pa 
thams cad mchod pa dang rim gro bya ba la brtsams pa chen po mthar phyin par byed pa dang / sems can thams cad mos pa ji lta ba bzhin du rjes su bsrung ba la brtsams pa chen po mthar phyin par byed pa dang / sangs rgyas kyi chos thams cad btsal ba la 
brtsams pa chen po mthar phyin par byed pa dang / dge ba'i rtsa ba thams cad bsags pa la brtsams pa chen po mthar phyin par byed pa dang / sangs rgyas kyi chos thams cad nges par rtogs par bya ba la brtsams pa chen po mthar phyin par byed pa dang / smon 
lam thams cad yongs su rdzogs par bya ba la brtsams pa chen po mthar phyin par byed pa dang / byang chub kyi spyod pa thams cad khong du chud par bya ba la brtsams pa chen po mthar phyin par byed pa dang / dge ba'i bshes gnyen thams cad mnyes par bya </font><hr>37-1-193a<br><font size=+1>
ba la brtsams pa chen po mthar phyin par byed pa dang / 'jig rten gyi khams thams cad du 'gro ba dang / de bzhin gshegs pa'i drung du nye bar 'gro ba la brtsams pa chen po mthar phyin par byed pa dang / chos thams cad 
mnyan par bya ba'i phyir sangs rgyas kyi 'khor gyi dkyil 'khor du 'gro ba la brtsams pa chen po mthar phyin par byed pa'o/ /kye rgyal ba'i sras bcu po de dag ni byang chub sems dpa' rnams kyi brtsams pa chen po mthar phyin par bya ba ste/ de dag la gnas shing 
byang chub sems dpa' rnams yang dag par rdzogs pa'i byang chub kyi ye shes chen po brtsams pa'i mthar dbyung ba bla na med pa 'thob par 'gyur ba dag go /kye rgyal ba'i sras bcu po 'di dag ni byang chub sems dpa' rnams kyi dad pa mi phyed pa ste/ bcu 
gang zhe na/ 'di ltar sangs rgyas thams cad la dad pa mi phyed pa dang / sangs rgyas kyi chos thams cad la dad pa mi phyed pa dang / 'phags pa'i dge 'dun thams cad la dad pa mi phyed pa dang / byang chub sems dpa' thams cad la dad pa mi phyed pa 
dang / dge ba'i bshes gnyen thams cad la dad pa mi phyed pa dang / sems can thams cad la dad pa mi phyed pa dang / byang chub sems dpa'i smon lam thams cad la dad pa mi phyed pa dang / byang chub sems dpa'i spyod pa thams cad khong du 
chung par bya ba la dad pa mi phyed pa dang / sangs rgyas thams cad la mchod cing bsnyen bkur bya ba la dad pa mi phyed pa dang / sems can thams cad yongs su smin par bya ba dang / gdul bar byang chub sems dpa'i thabs mkhas 
pa mtshams sbyor ba'i tshul la dad pa mi phyed pa'o/ /kye rgyal ba'i sras bcu po de dag ni byang chub sems dpa' rnams kyi dad pa mi phyed pa ste/ de dag la gnas shing byang chub sems dpa' rnams ye shes chen po'i dad pa mi phyed pa bla na med pa </font><hr>37-1-193b<br><font size=+1>
'thob par 'gyur ba dag go /kye rgyal ba'i sras bcu po 'di dag ni byang chub sems dpa' rnams kyi lung bstan pa ste/ bcu gang zhe na/ 'di ltar mos pa drag pos rang gi rgyud las lung bstan pa dang / byang chub sems dpa'i dge ba'i rtsa ba la gzhol ba'i skabs 
kyis lung bstan pa dang / spyod pa rgya chen pos lung bstan pa dang / mngon tu lung bstan pa dang / gsang ste lung bstan pa dang / rang gi sems la rag las par khong du chud par lung bstan pa dang / bzod pa thob pas lung bstan pa dang / sems can 
yongs su smin par bya ba'i don kyis lung bstan pa dang / bskal pa 'grangs pa thams cad mi zad pas lung bstan pa dang / byang chub sems dpa'i spyod pa thams cad kyis rnam par 'phrul bas lung bstan pa'o/ /kye rgyal ba'i sras bcu po de dag ni 
byang chub sems dpa' rnams kyi lung bstan pa ste/ de dag la gnas shing byang chub sems dpa' rnams sangs rgyas thams cad kyi lung bstan pa 'thob par 'gyur ba dag go /kye rgyal ba'i sras bcu po 'di dag ni byang chub sems dpa' rnams kyi 
dge ba'i rtsa ba yongs su bsngo ba ste/ bcu gang zhe na/ 'di ltar bdag gi dge ba'i rtsa ba 'dis dge ba'i bshes gnyen rnams dang / smon lam gcig pa phun sum tshogs par gyur cig /phun sum tshogs par 'gyur ram 'gyur zhe na/ rnam pa 
gzhan du ma 'gyur bar de ltar phun sum tshogs par gyur cig /bdag gi dge ba'i rtsa ba 'dis dge ba'i bshes gnyen rnams dang bsam pa gcig pa phun sum tshogs par gyur cig /phun sum tshogs par 'gyur ram/ 'gyur zhe na rnam pa 
gzhan du ma 'gyur bar de ltar phun sum tshogs par gyur cig /bdag gi dge ba'i rtsa ba 'dis dge ba'i bshes gnyen rnams dang / spyod pa gcig tu yongs su rdzogs pa phun sum tshogs par gyur cig /phun sum tshogs par 'gyur ram 'gyur zhe na </font><hr>37-1-194a<br><font size=+1>
rnam pa gzhan du ma 'gyur bar de ltar phun sum tshogs par gyur cig /bdag gi dge ba'i rtsa ba 'dis dge ba'i bshes gnyen rnams dang / rgyud kyi tshul gcig pa phun sum tshogs par gyur cig /phun sum 
tshogs par 'gyur ram 'gyur zhe na/ rnam pa gzhan du ma 'gyur bar de ltar phun sum tshogs par gyur cig /bdag gi dge ba'i rtsa ba 'dis dge ba'i bshes gnyen rnams dang / gcig cing mnyam pa phun sum tshogs par gyur cig /phun sum 
tshogs par 'gyur ram 'gyur zhe na/ rnam pa gzhan du ma 'gyur bar de ltar phun sum tshogs par gyur cig bdag gi dge ba'i rtsa ba 'dis dge ba'i bshes gnyen rnams dang / yid la bya ba gcig pa phun sum tshogs par gyur cig /phun 
sum tshogs par 'gyur ram 'gyur zhe na/ rnam pa gzhan du ma 'gyur bar de ltar phun sum tshogs par gyur cig /bdag gi dge ba'i rtsa ba 'dis dge ba'i bshes gnyen rnams dang / yongs su dag pa gcig pa phun sum tshogs par gyur cig /
phun sum tshogs par 'gyur ram 'gyur zhe na/ rnam pa gzhan du ma 'gyur bar de ltar phun sum tshogs par gyur cig /bdag gi dge ba'i rtsa ba 'dis dge ba'i bshes gnyen rnams dang / gcig tu rnam par spyod pa phun sum tshogs par gyur 
cig /phun sum tshogs par 'gyur ram 'gyur zhe na/ rnam pa gzhan du ma 'gyur bar de ltar phun sum tshogs par gyur cig /bdag gi dge ba'i rtsa ba 'dis dge ba'i bshes gnyen rnams dang / gcig cing mnyam par 'jug pa yongs su 
rdzogs pa phun sum tshogs par gyur cig /phun sum tshogs par 'gyur ram 'gyur zhe na/ rnam pa gzhan du ma 'gyur bar de ltar phun sum tshogs par gyur cig /bdag gi dge ba'i rtsa ba 'dis/ dge ba'i bshes gnyen rnams </font><hr>37-1-194b<br><font size=+1>
dang / tha mi dad pa phun sum tshogs par gyur cig /phun sum tshogs par/ 'gyur ram 'gyur zhe na/ rnam pa gzhan du ma 'gyur bar de ltar phun sum tshogs par gyur cig ces bya'o/ /kye rgyal ba'i sras bcu po de dag 
ni byang chub sems dpa' rnams kyi dge ba'i rtsa ba yongs su bsngo ba ste/ de dag la gnas shing byang chub sems dpa' rnams dge ba'i rtsa ba yongs su bsngo ba bla na med pa 'thob par 'gyur ba dag go /kye rgyal ba'i sras bcu po 'di dag ni/ 
byang chub sems dpa' rnams kyi ye shes khong du chud pa ste/ bcu gang zhe na/ 'di ltar gtong ba'i sems kyis rnam par 'phrul pa'i ye shes khong du chud pa dang / sangs rgyas kyi chos thams cad la mos pa'i ye shes khong du chud pa 
dang / de bzhin gshegs pa thams cad kyi ye shes mtha' dang dbus med pa la 'jug pa'i ye shes khong du chud pa dang / dris pa thams cad kyi the tsom gcod pa'i ye shes khong du chud pa dang / don shes pa la 'jug pa'i ye shes khong du 
chud pa dang / de bzhin gshegs pa thams cad kyi gsung la mkhas pas/ sangs rgyas kyi chos thams cad la yid ches par 'jug pa'i ye shes khong du chud pa dang / sangs rgyas la bskyed pa'i dge ba'i rtsa ba chung yang rung ste/ thams 
cad de bzhin gshegs pa'i ye shes tshad med par 'gyur bar yid ches par byas shing / chos dkar po thams cad yongs su rdzogs par byed pa'i ye shes khong du chud pa dang / byang chub sems dpa'i rnam par spyod pa bsam gyis mi khyab 
pa yongs su rdzogs par bya ba'i ye shes khong du chud pa dang / sems kyi skad cig gcig gis sangs rgyas kyi zhing brjod du med par 'gro zhing gnas par bya ba'i phyir/ sems kyi skad cig gi ye shes khong du chud pa dang / sangs rgyas </font><hr>37-1-195a<br><font size=+1>
thams cad kyi byang chub mngon par 'tshang rgya ba dang / chos kyi dbyings thams cad la 'jug pa dang / sangs rgyas kyi chos thams cad bstan pa dang / gzung ba dang / de bzhin gshegs pa thams cad kyi 
gsung sna tshogs la 'jug pa'i rgyan gyi ye shes khong du chud pa'o/ /kye rgyal ba'i sras bcu po de dag ni byang chub sems dpa' rnams kyi ye shes khong du chud pa rnams te/ de dag la gnas shing byang chub sems dpa' rnams sangs 
rgyas thams cad kyi ye shes khong du chud pa bla na med pa 'thob par 'gyur ba dag go /kye rgyal ba'i sras bcu po 'di dag ni byang chub sems dpa' rnams kyi sems bskyed pa mtha' dang dbus med pa rnams te/ bcu gang zhe na/ 'di 
ltar sangs rgyas thams cad la sems bskyed pa rgya chen po mtha' dang dbus med pa dang / chos kyi dbyings thams cad du 'jug pa la sems bskyed pa rgya chen po mtha' dang dbus med pa dang / 'gro ba thams cad kyi zhing dang dus dang / 
chos kyi dbyings su 'jug pa la sems bskyed pa rgya chen po mtha' dang dbus med pa dang / chos thams cad nam mkha' dang mnyam par blta ba la sems bskyed pa rgya chen po mtha' dang dbus med pa dang / byang chub sems 
dpa'i spyod pa thams cad la rgya cher brtags pa la sems bskyed pa rgya cher brtags pa la bskyed pa rgya chen po mtha' dang dbus med pa dang / dus gsum gyi sangs rgyas thams cad yid la bya ba la sems bskyed pa rgya chen po mtha' dang dbus med pa dang / las dang rnam par smin 
pa bsam gyis mi khyab par 'jug pa la sems bskyed pa rgya chen po mtha' dang dbus med pa dang / sangs rgyas kyi zhing thams cad yongs su dag par bya ba la sems bskyed pa rgya chen po mtha' dang dbus med pa dang / 'khor kyi dkyil </font><hr>37-1-195b<br><font size=+1>
'khor thams cad du 'jug pa la sems bskyed pa rgya chen po mtha' dang dbus med pa dang / de bzhin gshegs pa thams cad kyi dbyings rnam par blta ba la sems bskyed pa rgya chen po mtha' dang dbus med pa'o/ /kye rgyal ba'i 
sras bcu po de dag ni byang chub sems dpa' rnams kyi sems bskyed pa rgya chen po mtha' dang dbus med pa ste/ de dag la gnas shing byang chub sems dpa' rnams sangs rgyas kyi chos mtha' dang dbus med pa thams cad kyi ye 
shes chen po rgya mtsho lta bur bla na med pa 'thob par 'gyur ba dag go /kye rgyal ba'i sras bcu po 'di dag ni byang chub sems dpa' rnams kyi gter te/ bcu gang zhe na/ 'di ltar chos thams cad la bgrang pas sbyar ba'i gter 
dang / chos thams cad la nges par rtogs pa'i gter dang / chos thams cad la gzungs snang ba'i gter dang / chos thams cad la so so yang dag par rig pas rab tu snang ba'i gter dang / chos thams cad la brjod du med 
pa'i tshul mkhas par khong du chud pa'i gter dang / sangs rgyas kyi rnam par 'phrul pa dang / cho 'phrul thams cad la so sor rtog cing blta ba'i gter dang / chos thams cad la mnyam pa nyid du mngon par bsgrub par mkhas 
pa'i gter dang / sangs rgyas thams cad mthong ba dang / mi 'bral ba'i gter dang / sgyu ma lta bu'i bskal pa bsam gyis mi khyab pa yongs su grub par 'jug pa la mkhas pa'i gter dang / sangs rgyas dang byang chub 
sems dpa' thams cad la dga' ba dang rab tu dga' ba dang / mos pa chen po rab tu rnyed pa'i gter ro/ /kye rgyal ba'i sras bcu po de dag ni byang chub sems dpa' rnams kyi gter te/ de dag la gnas shing byang chub sems </font><hr>37-1-196a<br><font size=+1>
dpa' rnams sangs rgyas thams cad kyi chos kyi ye shes kyi gter bla na med pa thob pas sems can thams cad 'dul ba la brtson par byed pa dag go /kye rgyal ba'i sras bcu po 'di dag ni byang chub 
sems dpa' rnams kyi sdom pa ste/ bcu gang zhe na/ 'di ltar sangs rgyas kyi chos thams cad la mi 'khrug mi 'khrul ba'i sdom pa dang / sangs rgyas thams cad la bsam pa mi phyed pa'i sdom pa dang / byang chub sems dpa' thams 
cad la bsam pa rlabs po che'i sdom pa dang / dge ba'i bshes gnyen thams cad la bsam pa mi 'dor ba'i sdom pa dang / nyan thos dang rang sangs rgyas yid la bya ba thams cad la yongs su mi rgyu ba'i sdom pa dang / byang chub sems dpa' 
chud za ba'i las thams cad rnam par bzlog pa'i sdom pa dang / sems can thams cad la khong khro ba med pa'i sdom pa dang / dge ba'i rtsa ba brtsams pa thams cad mthar phyin par bya ba'i sdom pa dang / bdud thams cad rab tu pham par 
bya ba'i sdom pa dang / pha rol tu phyin pa thams cad yongs su rdzogs par bya ba'i sdom pa'o/ /kye rgyal ba'i sras bcu po de dag ni byang chub sems dpa' rnams kyi sdom pa ste/ de dag la gnas shing byang chub sems dpa' 
rnams ye shes chen po'i sdom pa bla na med pa 'thob par 'gyur ba dag go /kye rgyal ba'i sras bcu po 'di dag ni byang chub sems dpa' rnams kyi dbang ste/ bcu gang zhe na/ 'di ltar bskal ba brjod du med pa tshe'i tshad byin kyis 
rlob pas tshe la dbang ba dang / ting nge 'dzin grangs med par nges par rtogs par gzhog cing / ye shes kyis 'jug pa'i tshul gyis sems la dbang ba dang / 'jig rten gyi khams thams cad rgyan rnam par dbye ba du mas rab </font><hr>37-1-196b<br><font size=+1>
tu brgyan par byin kyis brlab pa ston pa'i tshul gyis yo byad la dbang ba dang / dus ji lta ba bzhin du las kyi rnam par smin pa byin gyis rlob pas las la dbang ba dang / 'jig rten gyi khams thams cad du skye ba ston pas skye ba la dbang ba dang / 
'jig rten gyi khams thams cad sangs rgyas kyis yongs su gang bar blta bas mos pa la dbang ba dang / dus dang zhing gang du 'dod par mngon par 'tshang rgya bas smon lam la dbang ba dang / rdzu 'phrul gyi rnam par 'phrul pa thams cad 
yongs su ston pas/ rdzu 'phrul la dbang ba dang / chos kyi sgo dang snang ba mtha' dang dbus med pa yang dag par ston pas chos la dbang ba dang / de bzhin gshegs pa'i stobs bcu dang / mi bsnyengs pa skad cig skad cig tu go 
bar yongs su ston pas ye shes la dbang ba'o/ /kye rgyal ba'i sras bcu po de dag ni byang chub sems dpa' rnams kyi dbang ste/ de dag la gnas shing byang chub sems dpa' rnams/ sangs rgyas thams cad kyi byang chub kyi 
mang pha rol tu phyin pa/ ye shes kyis rnam par 'phrul ba bla na med pa 'thob par 'gyur ba dag go /kye rgyal ba'i sras bcu po 'di dag ni byang chub sems dpa' rnams kyi rnam par 'phrul pa rnams te/ bcu gang zhe na/ 'di ltar 
sems can la rnam par 'phrul pa dang / zhing la rnam par 'phrul ba dang / chos la rnam par 'phrul ba dang / lus la rnam par 'phrul ba dang / smon lam la rnam par 'phrul ba dang / spyod yul la rnam par 'phrul ba dang / ye 
shes la rnam par 'phrul pa dang / mngon par shes pa la rnam par 'phrul pa dang / rdzu 'phrul la rnam par 'phrul pa dang / stobs la rnam par 'phrul pa dag ste/ kye rgyal ba'i sras bcu po de dag ni byang chub sems dpa' rnams </font><hr>37-1-197a<br><font size=+1>
kyi rnam par 'phrul ba'o/ /kye rgyal ba'i sras de la byang chub sems dpa' rnams kyi sems can la rnam par 'phrul pa gang zhe na/ kye rgyal ba'i sras bcu po 'di dag ni byang chub sems dpa' rnams kyi 
sems can la rnam par 'phrul pa ste/ bcu gang zhe na/ 'di ltar sems can thams cad sems can med pas sgrol ba'i rnam par 'phrul pa dang / sems can thams cad kyi 'du shes kyi rnam par byin gyis brlab pa'i rnam par 'phrul 
pa dang / sems can thams cad la dus la bab na chos bstan pa rgyun mi gcod pa'i rnam par 'phrul pa dang / sems can gyi khams thams cad du sprul pa'i rnam par 'phrul pa dang / sems can gyi khams thams cad skra'i 
sbubs gcig tu btsud kyang gnod par mi 'gyur ba'i rnam par 'phrul pa dang / sems can gyi khams thams cad 'jig rten gyi khams su byin gyis brlabs te/ pha rol shes par byed pa dang / yongs su ston pa'i rnam par 'phrul 
pa dang / sems can gyi khams thams cad du brgya byin dang tshangs pa dang / 'jig rten gyi mgon po'i dbang yongs su ston pa'i rnam par 'phrul pa dang / sems can gyi khams thams cad du nyan thos dang / rang sangs rgyas kyi 
gzugs dang kha dog dang mtshan dang / cho ga dang spyod lam yongs su ston pa'i rnam par 'phrul pa dang / sems can gyi khams thams cad du byang chub sems dpa'i spyod pa thob pa yongs su ston pa'i rnam par 'phrul pa dang / 
sems can gyi khams ma lus pa thams cad du thams cad mkhyen pa'i stobs mngon par rdzogs par sangs rgyas pa'i gzugs kyi sku dang / mtshan dang dpe byad bzang po sna tshogs kyi rgyan yongs su ston pa'i rnam par 'phrul pa ste/</font><hr>37-1-197b<br><font size=+1>
kye rgyal ba'i sras bcu po de dag ni byang chub sems dpa' rnams kyi sems can la rnam par 'phrul pa'o/ /kye rgyal ba'i sras bcu po 'di dag ni byang chub sems dpa' rnams kyi zhing la rnam par 'phrul ba ste/ bcu gang zhe na/ 'di ltar zhing thams 
cad zhing gcig tu byin gyis rlob pa'i rnam par 'phrul pa dang / zhing thams cad skra'i sbubs gcig tu 'dzud pa'i rnam par 'phrul pa dang / zhing thams cad mi zad pa la 'jug pa'i rnam par 'phrul pa dang / zhing thams 
cad skyil mo krung gcig gis rgyas par 'gengs pa'i lus gcig yongs su ston pa'i rnam par 'phrul pa dang / zhing thams cad rang gi lus su chud par yongs su ston pa'i rnam par 'phrul pa dang / zhing thams cad rab tu 
bskyod kyang sems can 'jig par mi 'gyur ba'i rnam par 'phrul pa dang / zhing thams cad kyi rgyan rnam par phye ba zhing gcig tu yongs su ston pa'i rnam par 'phrul pa dang / zhing gcig gi rnam par phye ba zhing thams cad 
kyi rgyan rnam par phye bar yongs su ston pa'i rnam par 'phrul pa dang / zhing thams cad kyi de bzhin gshegs pa'i 'khor gyi dkyil 'khor du de bzhin gshegs pa'i sku gcig gis yongs su khyab par sems can thams cad la ston pa'i rnam par 
'phrul dang / zhing phra ba dang che ba dang yangs pa dang rgya che ba dang / zab pa dang snrel zhi dang spyi'u tshugs su rgyu ba dang / gzhi mnyam pa la 'jug par yongs su gzhol bas phyogs kyi dra ba rnam par phye ba la 'jug par sems can 
ma lus pa thams cad la yongs su ston pa'i rnam par baphrul pa ste/ kye rgyal ba'i sras bcu po de dag ni byar chub sebs dpa' rnams kyi zhir la rnam par 'phrul ba'o/ /kyi rgyal ba'i sras bcu po 'di dag ni byang chub sems </font><hr>37-1-198a<br><font size=+1>
@#/ /dba' rnams kyi chos la rnam bar 'phrul pa ste/ kye rgyal ba'i sras bcu po de dag ni byang chub sems dpa' rnams kyis zhing la rnam par 'phrul pa'o/ /kye rgyal ba'i sras bcu po 'di dag ni byang chub sems dpa' rnams kyi chos la rnam par 'phrul pa ste/ bcu gang zhe na/ 'di ltar chos thams cad chos gcig tu yang dag par gzhol bar bya ba dang / chos gcig po chos thams cad du yang dag par gzhol bar byed 
kyang sems can gyi bsam pa dang / mi 'gal bar rnam par dmigs pa'i rnam par 'phrul ba dang / chos thams cad shes rab kyi pha rol tu phyin pas bsgrub par khong du chud par bya ba pha rol gyis go bar bya ba'i rnam par 'phrul ba dang / chos 
thams cad 'du shes dang bral bar sems can mang pos khong du chud par bya ba'i rnam par 'phrul ba dang / chos thams cad la tshul gcig tu 'jug cing tshul mtha' yas par ston pa'i rnam par 'phrul ba dang / chos thams cad la brjod du med 
par 'jug cing / sgo brgya stong gis pha rol kyi rgyud du bstan pa'i rnam par 'phrul ba dang / chos thams cad sgo kun nas rgyu ba'i yi ge'i tshul la mkhas par rnam par 'phrul pa dang / chos thams cad chos kyi sgo gcig dang mi 'gal ba la 
'jug pa'i tshul khong du chud par ston pas bskal pa brjod du med cing mi zad par rnam par 'phrul pa dang / chos thams cad sangs rgyas kyi chos su 'jug pa la sems can mang po gzud pa'i rnam par 'phrul ba dang / chos thams cad mtha' 
dang dbus med par yongs su ston pa'i rnam par 'phrul ba dang / chos thams cad la chags pa med pa'i mthar phyin cing mtha' dang dbus med pa'i sgyu ma'i dra ba rnam pa tha dad pa la 'jug pas bskal pa mu med par mi zad par sems can la ston 
pa'i rnam par 'phrul pa ste/ kye rgyal ba'i sras bcu po de dag ni byang chub sems dpa' rnams kyi chos la rnam par 'phrul pa'o/ /kye rgyal ba'i sras bcu po 'di dag ni byang chub sems dpa' rnams kyi lus la rnam par 'phrul ba ste/ bcu </font><hr>37-1-198b<br><font size=+1>
gang zhe na/ 'di ltar sems can thams cad kyi lus rang gi lus su byin gyis rlob cing / mos par byed pa la 'jug pa'i rnam par 'phrul pa dang / rang gi lus sems can thams cad kyi lus kyi 'du shes su byin gyis rlob 
pa'i rnam par 'phrul pa dang / sangs rgyas thams cad kyi sku sangs rgyas gcig gi skur mos shing 'jug pa'i rnam par 'phrul pa dang / sangs rgyas gcig gi sku sangs rgyas ma lus pa thams cad kyi skur 'jug cing gzhan la yongs 
su ston pa'i rnam par 'phrul pa dang / zhing thams cad du nam mkha' byin gyis rlob pa'i rnam pa 'phrul pa dang / dus gsum thams cad chos kyi sku gcig gis yongs su rgyas par sems can la ston pa'i rnam par 'phrul 
dang / lus gcig tu ting nge 'dzin la mnyam par bzhag cing lus mtha' yas pa las rnam par ldang ba'i rnam par 'phrul pa dang / lus gcig gis mngon par sangs rgyas shing sems can snyed kyi lus su yongs su ston pa'i rnam 
par 'phrul pa dang / sems can thams cad kyi lus sems can gcig gi lus su ston pa'i rnam par 'phrul pa dang / sems can thams cad kyi lus chos kyi skur ston cing / chos kyi sku sems can gyi lus su ston pa'i rnam par 'phrul pa ste/ 
kye rgyal ba'i sras bcu po de dag ni byang chub sems dpa' rnams kyi lus la rnam par 'phrul pa'o/ /kye rgyal ba'i sras bcu po 'di dag ni byang chub sems dpa' rnams kyi smon lam la rnam par 'phrul pa ste/ bcu gang zhe na/ 'di 
ltar byang chub sems dpa' thams cad kyi smon lam rang gi smon lam du byin gyis rlob pa'i rnam par 'phrul pa dang / sangs rgyas thams cad kyi rdzogs pa'i byang chub kyi smon lam gyi stobs dang / mthu mngon par rdzogs par byang chub par yongs su </font><hr>37-1-199a<br><font size=+1>
ston pa'i rnam par 'phrul ba dang sems can ji ltar smin pa rang rang gi bsam pa bzhin du bla na med pa yang dag par rdzogs pa'i byang chub tu mngon par rdzogs par 'tshang rgya bar bya ba'i rnam par 'phrul pa dang / bskal pa 'grangs pa mu med pa thams cad du smon 
lam rgyun mi gcod pa'i rnam par 'phrul pa dang / rnam par shes pa'i lus las gyen du bskyod de/ ye shes kyi lus la yang mi gnas pa'i smon lam la dbang bsgyur bas lus thams cad yongs su ston pa'i rnam par 'phrul pa dang / rang gi lus tshad du gyur bas pha rol gyi tsho 
kyi smon lam thams cad yongs su rdzogs par bya ba'i rnam par 'phrul pa dang / sems can thams cad yongs su smin par bya ba'i smon lam las phyir mi ldog pa'i rnam par 'phrul pa dang / bskal pa 'grangs pa thams cad byang chub kyi spyod pas rgyas par dgang ba'i 
smon lam rgyun mi 'chad pa'i rnam par 'phrul pa dang / skra'i sbubs gcig tu mngon par 'tshang rgya ba'i smon lam gyi stobs kyis sangs rgyas kyi zhing thams cad du rgyas par dgang zhing 'jig rten gyi khams brjod du med pa'i yang brjod du med pa sems can gcig tu ston pa'i smon lam la rnam par 'phrul pa dang / chos kyi tshig gcig brjod pas chos kyi dbyings ma lus pa thams cad rgyas par bkang ste/ chos kyi sprin chen po 'byung ba las/ chos bdud rtsi'i char rab tu 'bab cing rig pa dang / rnam par grol pa'i glog 
snang ba dang yang dag pa de kho na nyid kyi chos kyi 'brug sgra mngon par 'byung bas sems can gyi khams thams cad yongs su ngoms par bya ba'i smon lam chen po yongs su rdzogs par bya bas/ rnam par rtse ba'i rnam par 'phrul pa ste/ kye rgyal ba'i sras bcu po de dag ni 
byang chub sems dpa' rnams kyi smon lam la rnam par 'phrul pa'o/ /kye rgyal ba'i sras bcu po 'di dag ni byang chub sems dpa' rnams kyi spyod yul la rnam par 'phrul pa ste/ bcu gang zhe na/ 'di ltar kye rgyal ba'i sras byang chub sems dpa' rnams ni chos kyi </font><hr>37-1-199b<br><font size=+1>
dbyings kyi spyod yul dang yang ldan la sems can gyi khams kyi spyod yul du yang snang ngo / /kye rgyal ba'i sras byang chub sems dpa' rnams ni sangs rgyas kyi spyod yul la mngon par dga' ba'ang yin la bdud kyi spyod yul la gnas par yang snang ngo / /
kye rgyal ba'i sras byang chub sems dpa' rnams ni mya ngan las 'das pa'i spyod yul dang yang ldan la 'khor ba'i spyod yul las kyang mi g.yo'o/ /kye rgyal ba'i sras byang chub sems dpa' rnams ni thams cad mkhyen pa nyid kyi spyod yul dang yang 
ldan la byang chub sems dpa'i spyod yul gyi rgyud kyang rgyun mi gcod do/ /kye rgyal ba'i sras byang chub sems dpa' rnams ni zhi ba dang rab tu zhi ba dang nye bar zhi ba'i spyod yul dang yang ldan la sems can ma zhi ba rab tu ma zhi ba nye bar ma zhi ba'i 
spyod yul can rnams kyang rnam par mi spong ngo / /kye rgyal ba'i sras byang chub sems dpa' rnams ni blang ba med pa dang / dor ba med pa dang / spros pa med pa dang mi 'phro ba dang / mtshan ma med pa dang dngos po med pa dang rnam par mi dmigs 
pa dang bar snang dang mnyam pa'i spyod yul dang yang ldan la sems can spros pa dang / mtshan ma thams cad du dmigs pa'i spyod yul can rnams kyi gnas na'ang snang ngo / /kye rgyal ba'i sras byang chub sems dpa' rnams ni stobs dang / rnam 
par thar ba'i spyod yul dang yang ldan la phyogs gcig pa'i spyod yul thams cad du'ang snang ngo / /kye rgyal ba'i sras byang chub sems dpa' rnams ni sems can med pa'i mtha'i spyod yul dang yang ldan la sems can thams cad yongs su smin par bya ba yang rnam par mi spong ngo / /
kye rgyal ba'i sras byang chub sems dpa' rnams ni bsam gtan dang / rnam par thar pa dang / rtogs pa dang ye shes dben pa'i spyod yul dang yang ldan la/ 'jig rten gyi khams thams cad du skye bar yang snang ngo / /kye rgyal ba'i sras byang chub sems dpa' </font><hr>37-1-200a<br><font size=+1>
rnams ni de bzhin gshegs pa'i spyod pa dang / mngon par 'tshang rgya ba dang sangs rgyas kyi rgyan dang spyod yul thams cad kyang thob la nyan thos dang rang sangs rgyas thams cad kyi spyod lam dang cho ga yang yongs su ston te/ kye rgyal 
ba'i sras bcu po de dag ni byang chub sems dpa' rnams kyi spyod yul la rnam par 'phrul pa'o/ /kye rgyal ba'i sras bcu po 'di dag ni byang chub sems dpa' rnams kyi ye shes la rnam par 'phrul pa ste/ bcu gang zhe na 'di ltar so so yang dag par 
rig pa'i ye shes mi zad pa la rnam par 'phrul pa dang / rmongs pa med pa'i gzungs thams cad thob pa'i ye shes la rnam par 'phrul ba dang / smon lam shin tu rnam par gdon mi za ba bstan pa dang / sems can gyi khams thams cad kyi dbang po 
yongs su 'dzin pa dang / khong du chud pa'i ye shes la rnam par 'phrul pa dang / rang gi sems kyi ye shes pha rol gyi sems kyi ye shes dang / sems gcig las sems can thams cad kyi spyod pa dang / rnam par g.yo bar byed pa'i ye shes la rnam par 'phrul 
pa dang / sems can gyi khams thams cad kyi bsam pa dang / bag la nyal ba dang bag chags dang nyon mongs pa'i nad la gang dang 'byor ba'i sman yang dag par gtong ba'i ye shes la rnam par 'phrul pa dang / de bzhin gshegs pa'i stobs bcu la 
skad cig gcig gis 'jug pa'i ye shes la rnam par 'phrul pa dang / dus gsum gyi bskal ba'i grangs thams cad la chags pa med pa'i ye shes yangs pa sems can gzhan gyis thob par byed pa'i ye shes la rnam par 'phrul pa dang / thogs 
pa med pa'i sems kyi skad cig tu/ mngon par 'tshang rgya bar 'gro ba thams cad du yongs su ston pa'i ye shes la rnam par 'phrul pa dang / sems can gcig gi 'du shes kyis sems can ma lus pa thams cad kyi las dang bya ba la mngon sum du </font><hr>37-1-200b<br><font size=+1>
'jug pa'i ye shes la rnam par 'phrul pa dang / sems can gcig gi sgra dbyangs kyis sgra thams cad la 'jug pa yongs su ston pa'i ye shes la rnam par 'phrul pa ste/ kye rgyal ba'i sras bcu po de dag ni byang chub sems dpa' rnams kyi ye 
shes la rnam par 'phrul pa'o/ /kye rgyal ba'i sras bcu po 'di dag ni byang chub sems dpa' rnams kyi mngon par shes pa la rnam par 'phrul pa ste/ bcu gang zhe na/ 'di ltar 'jig rten gyi khams thams cad du lus yongs su ston 
kyang lus gcig tu dmigs pa'i mngon par shes pa la rnam par 'phrul pa dang / de bzhin gshegs pa gcig gi 'khor gyi dkyil 'khor du de bzhin gshegs pa thams cad kyi 'khor gyi dkyil 'khor dang / chos bstan pa dang 
yongs su 'dzin pa'i mngon par shes pa la rnam par 'phrul pa dang / sems can gcig gi sems la dmigs pas byang chub kyi rgyud brjod du med pa rnam par 'tshang rgya zhing sems can thams cad kyi sems kyis go bar byed pa'i mngon par 
shes pa la rnam par 'phrul pa dang / dbyangs gcig gis 'jig rten gyi khams thams cad du go bar byed cing sgra rnam pa tha dad pa thams cad du shes par byed pas/ sems can gzhan gyi sems kyi rgyud du phyin par byed pa'i mngon par shes 
pa la rnam par 'phrul pa dang / 'gro ba thams cad kyi sngon gyi mtha'i mur thug pa'i bskal pa sems kyi skad cig gcig gis rjes su dran zhing shes pas las kyi 'bras bu rnam par smin pa ci lta ba bzhin du mngon sum du ston cing sems can gyis 
go bar byed pa'i mngon par shes pa la rnam par 'phrul pa dang / 'jig rten gyi khams thams cad brgyan par bya ba 'di mngon par shes pa la rnam par 'phrul pa dang / dus thams cad mnyam pa nyid du 'jug pa'i mngon par shes pa la </font><hr>37-1-201a<br><font size=+1>
rnam par 'phrul pa dang / sangs rgyas thams cad kyi byang chub tu spyod pa'i smon lam yang dag par bskyed pa dang / chos kyi snang ba rab tu dgye ba'i mngon par shes pa la rnam par 'phrul pa dang / lha dang klu dang gnod sbyin 
dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / brgya byin dang / tshangs pa dang / 'jig rten gyi mgon po thams cad kyis mngon par shes pa la rnam par 'phrul pa dang / nyan thos dang / rang sangs rgyas dang / 
byang chub sems dpa' dang / de bzhin gshegs pa'i stobs bcu dang / byang chub sems dpa'i dge ba'i rtsa ba thams cad kyis yongs su bsrungs pa'i mngon par shes pa la rnam par 'phrul pa dang / kye rgyal ba'i sras mdor na byang chub sems 
dpa' ni mngon par shes pas chos thams cad la yang dag par gzhol ba yin te/ bcu po de dag ni byang chub sems dpa' rnams kyi mngon par shes pa la rnam par 'phrul pa'o/ /kye rgyal ba'i sras bcu po 'di dag ni byang chub sems dpa' rnams kyi rdzu 
'phrul la rnam par 'phrul ba ste/bcu gang zhe na/ 'di ltar 'jig rten gyi khams brjod du med pa'i yang brjod du med pa rdul shin tu phra ba gcig tu 'dzud pa'i rdzu 'phrul la rnam par 'phrul ba dang / rdul shin tu phra ba gcig la chos kyi dbyings thams cad dang 
mnyam pa'i sangs rgyas kyi zhing gcig yongs su ston pa'i rdzu 'phrul la rnam par 'phrul pa dang / rgya mtsho thams cad kyi chu'i phung po chen po ba spu'i khung bu gcig tu blugs te/ chos kyi dbyings dang mnyam pa'i 'jig rten gyi khams su 'gro yang sems can la 
gnod par mi 'gyur ba'i rdzu 'phrul la rnam par 'phrul pa dang / 'jig rten gyi khams brjod du med pa'i yang brjod du med pa rang gi lus su btsud de/ bya ba thams cad yongs su ston pa la mkhas pa'i rdzu 'phrul la rnam par 'phrul pa dang / khor yug dang rdo rje'i ri </font><hr>37-1-201b<br><font size=+1>
bsam gyis mi khyab pa thams cad ba spu'i khung bu gcig tu bres te/ 'jig rten gyi khams thams cad du 'gro yang sems can rnams sdang bar mi 'gyur ba'i rdzu 'phrul la rnam par 'phrul pa dang / bskal pa brjod du med pa'i yang brjod du med pa 
bskal pa gcig tu byin gyis brlabs te/ bskal pa gcig la brjod du med pa'i yang brjod du med pa'i bskal pa 'du ba dang / 'jig pa ston kyang sems can la gnod par mi 'gyur ba'i rdzu 'phrul la rnam par 'phrul pa dang / 'jig 
rten gyi khams thams cad du chus 'jig pa yongs su bstan pa dang / me dang rlung gis 'jig pa yongs su bstan kyang sems can la gnod par mi 'gyur ba'i rdzu 'phrul la rnam par 'phrul dang / 'jig rten gyi khams thams cad 
'tshig cing chu dang / me dang rlung gis 'jig kyang longs spyod dang / nye bar spyod pa thams cad kyis yongs su gang bar byas shing sems can la kun tu ston pa'i rdzu 'phrul la rnam par 'phrul pa dang / 'jig rten gyi khams bsam gyis mi khyab 
pa lag pa'i mthil kyis blangs te/ 'jig rten gyi khams brjod du med pa'i yang brjod du med par bkod kyang sems can la gnod par mi 'gyur ba'i rdzu 'phrul la rnam par 'phrul pa dang / zhing thams cad nam mkha'i rang bzhin du yongs su 
bstan pas sems can gyis go bar byed pa'i rdzu 'phrul la rnam par 'phrul pa ste/ kye rgyal ba'i sras bcu po de dag ni byang chub sems dpa' rnams kyi rdzu 'phrul la rnam par 'phrul pa'o/ /kye rgyal ba'i sras bcu po 'di dag ni byang chub 
sems dpa' rnams kyi stobs la rnam par 'phrul pa ste/ bcu gang zhe na/ 'di ltar yongs su smyin par bya ba dang / 'dul ba myi gtong bas sems can gyi stobs la rnam par 'phrul pa dang / nam mkha' brjod du med pa'i </font><hr>37-1-202a<br><font size=+1>
yang brjod du med pa thams cad rgyan rnam par phye bas brgyan par yongs su ston pas zhing gi stobs la rnam par 'phrul pa dang / lus thams cad lus med par 'jug pas chos kyi stobs la rnam 
par 'phrul pa dang / spyod pa rgyun mi gcod pas/ bskal pa'i stobs la rnam par 'phrul pa dang / gnyid kyis log pa sangs par byed pas/ sangs rgyas kyi stobs la rnam par 'phrul ba dang / byang chub sems dpa'i spyod 
pa thams cad skyed cing rab tu 'dzin pa'i phyir spyod pa'i stobs la rnam par 'phrul pa dang / sems can gyi khams thams cad yang dag par sgrol bas/ sangs rgyas kyi stobs la rnam par 'phrul ba dang / chos thams cad 
bdag po med par mngon par 'tshang rgya ba'i phyir rang byung gi stobs la rnam par 'phrul ba dang / thams cad mkhyen pa'i ye shes ma lus par mngon par 'tshang rgya ba'i phyir thams cad mkhyen pa'i stobs la rnam par 'phrul pa dang / sems 
can thams cad yongs su mi gtong bas snying rje chen po'i stobs la rnam par 'phrul pa'o/ /kye rgyal ba'i sras bcu po de dag ni byang chub sems dpa' rnams kyi stobs la rnam par 'phrul pa ste/ kye rgyal ba'i sras sems can la rnam par 'phrul 
pa bzung ba man cad stobs la rnam par 'phrul pa yan cad kyi bar tu bcu po de dag ni byang chub sems dpa' rnams kyi rnam par 'phrul pa ste/ kye rgyal ba'i sras byang chub sems dpa' gang gis rnam par 'phrul pa bcu po de dag 'thob par 'gyur 
pa de ni 'dod na bla na med pa yang dag par rdzogs pa'i byang chub tu mngon par 'tshang rgya'o/ /'dod na mngon par 'tshang mi rgya'o/ /'dod na mngon par yang 'tshang rgya la spyod pa yang rgyun mi gcod do/ /kye rgyal ba'i sras de ci'i phyir zhe na/</font><hr>37-1-202b<br><font size=+1>
byang chub sems dpa' rnams ni smon lam chen pos byung ba ste/ sgo mtha' yas pa'i rnam par 'phrul pa yongs su bstan pa la mkhas pa'i phyir ro/ /kye rgyal ba'i sras bcu po 'di dag ni byang chub sems dpa' rnams kyi rnam par rtse ba ste/ 
bcu gang zhe na/ 'di ltar byang chub sems dpa' sems can gyi lus la/ zhing gi lus byin kyis rlob pa byed kyang / sems can gyi lus 'byed par mi byed pa de ni rnam par rtse ba dang po'o/ /kye rgyal ba'i sras gzhan yang byang 
chub sems dpa' zhing gi lus la sems can gyi lus byin gyis rlob kyang / zhing gi lus 'dres par yang mi byed pa de ni rnam par rtse ba gnyis pa'o/ /kye rgyal ba'i sras gzhan yang / byang chub sems dpa' sangs rgyas kyi sku la 
sems can gyi lus byin gyis rlob kyang / sangs rgyas kyi sku dma' bar mi byed pa de ni rnam par rtse ba gsum pa'o/ /kye rgyal ba'i sras gzhan yang byang chub sems dpa' nyan thos dang / rang sangs rgyas kyi lus la de bzhin gshegs 
pa'i sku yongs su ston kyang nyan thos dang / rang sangs rgyas kyi lus rgya chen por yang myi byed pa 'di ni rnam par rtse ba bzhi ba'o/ /kye rgyal ba'i sras gzhan yang byang chub sems dpa' spyod pa'i lus la mngon par 'tshang rgya ba'i lus yongs su 
ston kyang spyod pa'i rgyun mi gcod pa de ni rnam par rtse ba lnga pa'o/ /kye rgyal ba'i sras gzhan yang byang chub sems dpa' mngon par rdzogs par byang chub pa'i lus la spyod pa yongs su ston kyang mngon par rdzogs par byang chub pa nye bar len pa yang mi byed pa de ni rnam 
par rtse ba drug pa'o/ kye rgyal ba'i sras gzhan yang byang chub sems dpa' mya ngan las 'das pa'i dbyings su 'khor ba'i rgyun yongs su ston kyang mya ngan las 'das pa la mngon par chags pa mi skyed pa de ni rnam par rtse ba bdun pa'o/ /kye rgyal ba'i sras gzhan yang byang chub </font><hr>37-1-203a<br><font size=+1>
sems dpa' 'khor ba mya ngan las 'das pa yongs su mya ngan las 'da' bas shin tu mya ngan las 'da' bar mi byed pa 'di ni rnam par rtse ba brgyad pa'o/ /kye rgyal ba'i sras gzhan yang byang chub sems dpa' mnyam par 
bzhag bzhin du 'di lta ste/ 'ong ba dang 'gro ba dang / 'greng ba dang 'dug pa'i bya ba thams cad yongs su ston kyang / ting nge 'dzin gyi mnyam pa nyid 'khrug par mi byed pa de ni rnam par rtse ba dgu ba'o/ /kye rgyal ba'i sras gzhan yang byang chub sems dpa' de bzhin gshegs 
pa gcig gi zhabs kyi drung nas chos thos nas lus kyang mi snang bar mi byed la/ ting nge 'dzin kyi stobs kyis de bzhin gshegs pa'i 'khor kyi dkyil 'khor brjod du med pa'i yang brjod du med pa gzhan dang gzhan du lus rnam par dgod pas/ ldang yang lus tha dad par yang mi byed/ 
ting nge 'dzin tha dad par yang mi byed la de bzhin gshegs pa de dag las kyang chos nyan cing thos nas kyang 'dzin cing klun chub par byed la ting nge 'dzin la'ang snyoms par 'jug cing chos dri ba gzung ba'i rgyun kyang mi gcod de/ de de ltar mnyam par bzhag bzhin du lus mi snang bar 
yang mi byed la ting nge 'dzin gyi lus dang / sgo mngon par bsgrub pa re res las kyang brjod du med pa'i yang brjod du med pa'i ting nge 'dzin gyi lus dang / sgo mngon par bsgrub cing de lta bu'i tshul gyis bskal pa thams cad zad par gyur kyang / byang chub sems dpa'i ting nge 
'dzin kyi sgo mngon par bsgrub pa'i mtha' gang yang med pa de ni rnam par rtse ba bcu pa'o/ /kye rgyal ba'i sras bcu bo de dag ni byang chub sems dpa' rnams kyi rnam par rtse ba ste/ de dag la gnas shing byang chub sems dpa' rnams de bzhin gshegs pa'i ye shes chen pos rnam par rol 
pa bla na med pa 'thob par 'gyur bdag go /kye rgyal ba'i sras bcu po 'di dag ni byang chub sems dpa' rnams kyi yul te/ bcu gang zhe na 'di ltar chos kyi dbyings mtha' yas pa'i sgo la 'jug par sems can la yongs su ston pa'i yul dang / 'jig rten gyi khams thams cad </font><hr>37-1-203b<br><font size=+1>
du rgyan pa sna tshogs du ma mngon par bsgrub pa 'gro ba thams cad kyis rnam par dmigs par bya ba'i yul dang / sems can gyi khams thams cad du sprul pa mngon par bsgrub pa rnam par dmigs par bya ba'i yul dang / de bzhin gshegs pa'i sku byang chub sems dpa'i lus su 
mngon par bsgrub pa dang / byang chub sems dpa'i lus de bzhin gshegs pa'i skur mngon par bsgrub pa'i yul dang / nam mkha'i khams 'jig rten gyi khams su mngon par bsgrub pa dang / 'jig rten gyi khams nam mkha'i khams su mngon par bsgrub pa'i yul dang / mya ngan 
las 'das pa 'khor bar mngon par bsgrub pa dang / 'khor ba mya ngan las 'das par mngon par bsgrub pa'i yul dang / sems can gcig gi skad du brjod pas sangs rgyas kyi chos thams cad bstan par mngon par bsgrub pa'i yul dang / mtha' yas pa'i sgo nas lus kun tu ston cing 
lus gcig tu byin gyis brlab pa dang / lus rnam pa tha dad pa thams cad mngon par bsgrub pa'i yul dang / lus gcig gis chos kyi dbyings thams cad du rgyas par dgang ba'i yul dang / sems can thams cad kyi sems bskyed pa'i skad cig re re la mtha' yas pa'i sgo mngon 
par bsgrub cing rnam par 'tshang rgya ba'i yul lo/ /kye rgyal ba'i sras bcu po de dag ni byang chub sems dpa' rnams kyi yul te/ de dag la gnas shing byang chub sems dpa' rnams de bzhin gshegs pa'i ye shes chen po'i yul bla na med pa 'thob par 'gyur ba dag go
// //sangs rgyas rmad gcad ces bya ba shin tu rgyas pa chen po'i mdo/bam po bcwo brgyad pa/ /kye rgyal ba'i sras bcu po 'di dag ni byang chub sems dpa' rnams kyi stobs te/ bcu gang zhe na 'di ltar 'jig rten thams cad dang 'du 'dzi med pa'i 
phyir bsam pa'i stobs dang / sangs rgyas kyi chos thams cad la sgyid lug pa med par bya ba'i phyir lhag pa'i bsam pa'i stobs dang / byang chub sems dpa'i brtsams pa thams cad mthar phyin par bya ba yongs su bstan pa'i phyir sbyor ba'i stobs dang / 'gro ba thams cad kyi </font><hr>37-1-204a<br><font size=+1>
sems dang / spyod pa rab tu shes par bya ba'i phyir ye shes kyi stobs dang / bsam pa thams cad yongs su rdzogs par bya ba'i smon lam gyi stobs dang / phyi ma'i mtha'i mur thug par rgyun chad pa med par bya ba'i phyir spyod pa'i stobs dang / theg pa 
thams cad kyis 'byung bar kun tu bstan pa dang / theg pa chen po las phyir mi ldog par bya ba'i phyir theg pa'i stobs dang / skra'i sbubs gcig tu sangs rgyas 'byung ba thams cad dang / 'jig rten gyi khams yongs su dag pa thams cad kun tu bstan pa'i phyir rnam par 'phrul 
pa'i stobs dang / sems bskyed pa thams cad la byang chub tu rnam par 'tshang rgya ba dang / mi 'bral ba'i phyir byang chub kyi stobs dang / chos kyi tshig gcig brjod pas sems can thams cad kyi bsam pa dang / dbang po ma lus pa lhag ma med pa mtha' dag rtogs par 
bya ba'i phyir chos kyi 'khor lo bskor ba'i stobs te/ kye rgyal ba'i sras bcu po de dag ni byang chub sems dpa' rnams kyi stobs te/ de dag la gnas shing byang chub sems dpa' rnams thams cad mkhyen pa'i ye shes dang / stobs bcu dang ldan pa'i mchog tu 'gyur ba 
'thob par 'gyur ba dag go /kye rgyal ba'i sras bcu po 'di dag ni byang chub sems dpa' rnams kyi mi 'jigs pa ste/ bcu gang zhe na/ 'di ltar kye rgyal ba'i sras byang chub sems dpa' rnams ni sgra thams cad 'dzin pa'i gzungs rab tu thob pa yin te/ de 'di snyam du shar 
phyogs dang / lho phyogs dang / nub phyogs dang / byang phyogs nas ston pa la la zhig bdag gi gan du byon te/ 'gro ba chen po brgya stong rab tu bshad par gyur na/ bdag gis de gzung bar mi nus snyam du mi sems te/ byang chub sems dpas rgyu 'di rjes su mi mthong ngo / 
rgyu'ang rjes su mi mthong bas mi 'jigs pa chen po'i dam pa thob cing brtan la zhum pa med pa'i yid kyis 'gro ba thams cad la ci 'dod pa de dris shig ces skabs 'byed pa 'di ni mi 'jigs pa dang po'o/ /kye rgyal ba'i sras byang chub sems dpa' rnams ni yi ge dang /</font><hr>37-1-204b<br><font size=+1>
don brjod pa dang / sgra dang skad thams cad kyi mtshams sbyar ba rab tu rtogs par bya ba dang / de bzhin gshegs pas dbang bskur ba'i spobs pa thogs pa med pa dam pa'i pha rol tu phyin pa thob pa yin te/ de dag 'di snyam du shar phyogs dang / lho phyogs dang nub phyogs dang 
byang phyogs nas la la zhig 'ongs te/ bdag la chos kyi the tsom chen po zhig dris par gyur na/ bdag gis lan mi lon snyam du mi sems te/ byang chub sems dpas rgyu yang rjes su mi mthong ngo / /rgyu 'ang rjes su mi mthong bas mi 'jigs pa chen po'i dam pa thob 
cing 'gro ba thams cad kyi dri ba yongs su dri ba ci yod pa brtan pa dang / 'jigs shing spu ldang ba med par byos la/ gang 'dod pa de dag dris shig ces skabs 'byed pa 'di ni mi 'jigs pa gnyis pa'o/ /kye rgyal ba'i sras byang chub sems dpa' rnams ni stong ba'i chos 
khong du chud par rtogs pa yin te/ bdag dang bdag gi dang / byed pa po dang byed du 'jug pa dang / tshor ba po dang srog dang gso ba dang / gang zag dang phung po dang khams dang / skye mched du lta ba dang bral te/ sems nam mkha' dang mtshungs pa'i rjes su song ba/ de 
dag 'di snyam du bdag la la zhig gis lus dang / ngag dang yid kyis gnod par bya ba'am/ gcig tu mi 'gyur ram snyam du sems pa med de/ byang chub sems dpas mtshan ma 'ang rjes su mi mthong ngo / /de ci'i phyir zhe na/ 'di ltar skyes bu dam pa ni bdag tu 'dzin 
pa dang / bdag gi 'dzin pa dang / bral ba'i phyir te/ mtshan ma'ang rjes su mi mthong bas/ mi 'jigs pa chen po'i dam pa thob cing / byang chub sems dpa' thams cad kyi sngon du 'dor ba la rab tu brtan pa 'di ni mi 'jigs pa gsum pa'o/ /kye rgyal ba'i sras byang 
chub sems dpa' rnams ni sangs rgyas kyi byin gyi rlabs kyis byin du brlabs te/ sangs rgyas kyi snang bas nye bar brtan cing de bzhin gshegs pa'i spyod lam dang / spyod pa dang tshul la rab tu gnas la spyod lam rnam par mi brtags shing ci lta ba bzhin du gnas pas de dag 'di </font><hr>37-1-205a<br><font size=+1>
snyam du bdag gi spyod lam la la la zhig gis brgal ba'i mi 'gyur ram snyam du mi sems te/byang chub sems dpas mtshan ma'ang rjes su mi mthong ngo / /mtshan ma rjes su mi mthong bas mi 'jigs pa chen po'i dam pa thob cing 'khor gyi nang du phyin nas/ chos 
ston pa 'di ni mi 'jigs pa bzhi pa'o/ /kye rgyal ba'i sras byang chub sems dpa' rnams ni lus dang ngag dang / yid shin tu dag cing yongs su dag pa dang / gtsang ba dang gtsang sbra dang / des pa dang ldan zhing ngan par spyod pa dang ngan tu byed pa dang / ngan du smra ba dang bral ba yin te/ 
de dag ni 'di snyam du bdag gi lus dang / ngag dang yid kyi las la la la zhig gis brgal bar mi 'gyur ram snyam du mi sems te/byang chub sems dpas mtshan ma 'ang rjes su mi mthong ngo / /mtshan ma'ang rjes su mi mthong bas 'jigs pa dang bral zhing mi 'jigs pa chen po'i dam pa 
thob pas sems can gzhan chos la sbyor ba byed pa 'di ni mi 'jigs pa lnga ba'o/ /kye rgyal ba'i sras byang chub sems dpa' rnams ni lag na rdo rje rtag tu phyi bzhin 'brang bas/ yongs su bsrung ba chen po thob cing / lha dang klu dang gnod sbyin dang dri za dang lha ma yin gyis rtag tu rim gror 
bya ba yin/ brgya byin dang tshangs pa dang 'jig rten gyi mgon po rnams kyis rtag tu phyag bya ba yin/ de bzhin gshegs pa thams cad kyis rtag tu dgongs pa yin te/ de dag 'di snyam du bdag cag la bdud dam bdud kyi ris su gtogs pa'i lha'am mu stegs can dang / mu stegs 
spyod pa ba dang / kun tu rgyu ba dag gam/ sems can dmigs pa la mngon par zhen pa la la zhig 'ongs shing bar chad byed par mi 'gyur ram zhes bya bar sems pa med de/ byang chub sems dpas mtshan ma'ang rjes su mi mthong ngo / /mtshan ma'ang rjes su mi mthong bas 'jigs pa dang bral zhing 
mi 'jig pa'i dam pa chen po thob pas dga' zhing yid bde ba dang ldan par byang chub sems dpa'i las thams cad la nan tan du byed pa 'di ni mi 'jigs pa drug pa'o/ /kye rgyal ba'i sras byang chub sems dpa' rnams ni sangs rgyas kyis bsngags pa'i dran pa rab tu thob cing dran pa'i dbang po </font><hr>37-1-205b<br><font size=+1>
mchog dang ldan pas yongs su rmongs pa med pa yin te/ de dag 'di snyam du bdag cag gis chos kyi tshig dang yi ge byang chub sems dpa'i lam dang ldan pa/ de bzhin gshegs pa'i zhal nas byung ba la la zhig yongs su ma zin pa'am/ chud za bar 'gyur zhing nub par 'gyur ba med 
dam zhes bya bar sems pa med de/ byang chub sems dpas mtshan ma'ang rjes su mi mthong ngo / /mtshan ma'ang rjes su mi mthong pas 'jigs pa dang bral zhing 'jigs pa med pa chen po'i dam pa thob pas/ de bzhin gshegs pa thams cad kyi bstan pa yang dag par gzung ba'i 
phyir nan tan du byed pa 'di ni mi 'jigs pa bdun pa'o/ /kye rgyal ba'i sras byang chub sems dpa' rnams ni thabs dang shes rab dang / ye shes khong du chud par rtogs shing byang chub sems dpa'i stobs kyi pha rol tu phyin pa'i mchog thob pas/ rgyun mi chad par sems can gyi 
khams yongs su smin par byed cing de dag sangs rgyas kyi byang chub tu smon lam dang bsam pa chen po rab tu btang ste/ sems can rnams la snying rje chen po bskyed nas ched du bsams te/ 'jig rten gyi gnas 'dod pa dang 'khrug pa dang / nyon mongs pa'i rnyog pa can du 
skye ba bzung zhing 'dod pa'i dga' ba la rtse ba dang / 'khor kyi longs spyod chen po sems can yongs su smin par bya ba'i don du bdag gis yongs su gzung ba byed kyang / de dag 'di snyam du bdag cag sems can gyi 'du 'dzis gos pas yongs su gos par gyur te/ byang chub 
sems dpa'i lam dang ldan pa'i bsam gtan dang / rnam par thar pa dang / ting nge 'dzin dang snyoms par 'jug pa dang / gzungs kyi sgo dang / spobs pa'i bar chad dam gcig tu mi 'gyur ram zhes sems pa med de/ byang chub sems dpa' de dag gis rgyu 
yang rjes su mi mthong ngo / /kye rgyal ba'i sras de ci'i phyir zhe na/ byang chub sems dpa' rnams ni byang chub sems dpa'i lam la rgyun mi 'chad par spyod pa'i phyir/ chos thams cad la dbang gi pha rol tu phyin pa dam pa thob pa dag ste/ de dag gi 'jig rten gyi rnam par </font><hr>37-1-206a<br><font size=+1>
'khrug pa thams cad kyis byang chub sems dpa'i lam la rnam par 'khrug par 'gyur ba rjes su mi mthong ngo / /rjes su mi mthong bas 'jigs pa dang bral zhing mi 'jigs pa chen po'i pha rol tu phyin pa dam pa thob pas 'jig rten gyi khams gyi gnas thams cad kyi skye ba'i skye 
mched thams cad du skye ba gzung bar smon lam rab tu 'debs te/ 'di ni mi 'jigs pa brgyad pa'o/ /kye rgyal ba'i sras byang chub sems dpa' rnams ni thams cad mkhyen pa'i sems mnyams shing byang chub sems dpa'i lam la gnas pas theg pa chen po la yang dag par gnas 
pa ste/ de dag ni thams cad mkhyen pa nyid kyi sems kyi stobs dang shugs la gnas shing / nyan thos dang rang sangs rgyas thams cad kyi cho ga dang spyod lam yongs su ston kyang / de dag 'di snyam du bdag cag nyan thos dang / rang sangs rgyas kyi theg pa'am/ gcig 
gis 'byung bar mi 'gyur ram snyam du sems pa med de/byang chub sems dpas rgyu yang rjes su mi mthong ngo / /rgyu 'ang rjes su mi mthong bas 'jigs pa dang bral zhing mi 'jigs pa chen po'i pha rol tu phyin pa dam pa thob pas theg pa thams cad mnyam pa nyid du ston cing / theg 
pa chen po'i mnyam pa nyid yongs su rdzogs par byed pa 'di ni mi 'jigs pa dgu pa'o/ /kye rgyal ba'i sras byang chub sems dpa' rnams ni dge ba'i rtsa ba yang dag par bsdus pas dkar po'i chos yongs su 'dus pa yin/ mngon par shes pa dang bsam pa thams cad yongs su 
rdzogs pa yin/ rgyun chad pa med par sangs rgyas kyi byang chub la rab tu rten pa yin/ byang chub sems dpa'i spyod pa thams cad yongs su rdzogs pa yin/ sangs rgyas thams cad mkhyen pa'i ye shes dang rdzu 'phrul la mngon par dbang bskur yang sems can yongs su 
smin par bya ba'i phyir/ spyod pa nye bar blang ba de yang rgyun mi gcod de/ de dag 'di snyam du bdag cag gis sems can yongs su smin par ma gyur la/ bdag cag kyang sangs rgyas kyi khyu mchog gi mthu phyung ba ston par mi nus pa'am/ gcig tu mi 'gyur ram zhes </font><hr>37-1-206b<br><font size=+1>
sems pa med de/ byang chub sems dpas rgyu 'ang rjes su mi mthong ngo / /rgyu'ang rjes su mi mthong bas 'jigs pa dang bral zhing mi 'jigs pa chen po'i pha rol tu phyin pa dam pa thob pas/ sems can yongs su smin pa'i tshul ji lta ba bzhin du sangs rgyas kyi yul yongs su 
ston te/ byang chub sems dpa'i spyod pa yang rgyun mi gcod la byang chub sems dpa'i smon lam chen pos skye ba yang rgyun mi gcod cing byang chub sems dpas yongs su smin par bya ba'ang rgyun mi gcod de/ 'di ni mi 'jigs pa bcu pa'o/ /kye rgyal ba'i sras bcu bo de dag 
ni byang chub sems dpa' rnams kyi mi 'jig pa ste/ de dag la gnas shing byang chub sems dpa' rnams mi 'jigs pa chen po bla na med pa 'thob par 'gyur ba dang / byang chub sems dpa'i mi 'jigs pa las kyang phyir ldog par mi 'gyur ba dag go /kye rgyal ba'i sras bcu 
po 'di dag ni byang chub sems dpa' rnams kyi byang chub sems dpa'i chos ma 'dres pa rnams te/ bcu gang zhe na kye rgyal ba'i sras 'di la byang chub sems dpa' rnams ma bstan par pha rol tu phyin pa rnams la brtson zhing gtong ba yongs su gtong la 'jungs pa dang bral 
ba yin/ tshul khrims yongs su dag la/ tshul khrims ngan pa thams cad rab tu bstsal ba yin/ bzod pa phun sum tshogs la bsam pa mi sgul ba yin/ brtson 'grus chen po dang ldan la dus thams cad du phyir mi ldog pa yin/ shin tu mnyam 
par gzhag pa'i ye shes dang ldan la 'khrug pa thams cad yongs su spangs pa yin/ shes rab kyis shin tu byung zhing sdig pa'i lta ba dang bral ba yin te/ kye rgyal ba'i sras de ltar ma bstan par pha rol tu phyin pa la brtson pa 'di ni byang chub sems dpa' rnams kyi ma 'dres 
pa'i chos te/ de ltar pha rol tu phyin pa'i lam dang mthun pa de ni byang chub sems dpa'i ma 'dres pa'i chos dang po'o/ /kye rgyal ba'i sras byang chub sems dpa' rnams ni sems can gyi khams yongs su sdud cing / 'jig rten gyi zang zing dang / chos </font><hr>37-1-207a<br><font size=+1>
kyi sbyin pa yongs su gtong ba'i ngang tshul can/ bzhin 'dzum pa snyan par smra ba tshig 'jam pa/ sems can thams cad kyi sems mngon par dga' ba/ don yang dag pa ji lta ba bzhin la rab tu sbyor ba/ sangs rgyas kyi byang chub kyi don khong du chud par byed pa/ mi mnyam pa'i sems med pa/ sems can thams cad la snyoms par don du sems pa dag ste/ kye rgyal ba'i sras de ltar ma bstan par sems can gyi khams yongs su bsdu ba'i phyir nan tan du byed pa 'di ni byang chub 
sems dpa' rnams kyi ma 'dres pa ste/ de ltar bsdu ba'i dngos po'i lam dang mthun pa de ni byang chub sems dpa' rnams kyi ma 'dres pa gnyis pa'o/ /kye rgyal ba'i sras byang chub sems dpa' rnams ni yongs su bsngo ba'i tshul la mkhas shing rnam par/ 
smin pa la re ba med par/ sangs rgyas kyi byang chub kyi rjes su song bar yongs su bsngo zhing 'jig rten gyi snyoms par 'jug pa thams cad la ye brngam pa med pas/ de bzhin gshegs pa'i ye shes la rab tu gnas shing sems can gyi don du yongs su bsngo ste/ kye 
rgyal ba'i sras de ltar ma bstan par dge ba'i rtsa ba thams cad brtsam pa dang / sangs rgyas kyi ye shes de ltar tshol zhing sems can gyi don yongs su tshol ba 'di ni byang chub sems dpa' rnams kyi ma 'dres pa ste/ 'di ni byang chub sems dpa' rnams kyi 
chos ma 'dres pa gsum pa'o/ /kye rgyal ba'i sras byang chub sems dpa' rnams ni thabs mkhas pa'i pha rol tu phyin pa dam pa thob pas sems can thams cad kyi rjes su 'brang zhing 'jig rten pa thams cad kyi lam la yongs su skyo ba med pa'i yid dang ldan te/ 
'phags pa'i spyod yul la mngon du bltas la/ nyan thos dang rang sangs rgyas thams cad kyi 'byung ba las phyir phyogs te/ sems can thams cad yongs su smin pa la mngon par brtson zhing / bdag gi bde ba la chags pa med de/ bsam gtan </font><hr>37-1-207b<br><font size=+1>
dang rnam par thar pa dang / ting nge 'dzin dang / snyoms par 'jug pa la snyoms par 'jug pa dang / rnam par ldang ba la mkhas pas rang gi dbang du gyur pa'i ting nge 'dzin thob cing 'khor bas yongs su skyo ba med pa'i sems dang ldan te/ 'khor ba la bza' shing gi rab lta bu'i'adu shes chen po 
thob pa dang / bdud kyi khyim thams cad na gnas pa dang / brgya byin dang tshangs pa dang / 'jig rten gyi mgon po thams cad kyi dbang chen po yongs su ston cing skye ba'i skye mched thams cad du gzugs brnyan byung bar gyur la/ zhags pa 'thub pa'i rab tu byung ba thams 
cad kyi lta ba dang bral te/ 'jig rten pa'i rang bzo dang / sngags dang gtsug lag dang / yi ge dang shod thabs dang grangs dang rtsis dang / rang gi rtsed mo dang / 'jig rten pa'i dga' ba thams cad yongs su ston cing / bud med kyi cho ga dang / mtshan ma dang 
cha lugs dang / sgyu rtsal thams cad kyi tshul la mkhas pa/ 'jig rten las 'das pa'i chos mnyan pa dang / dpyad pa dang dri ba dang / brtag pa shin tu bstan pa'i pha rol tu phyin pa'i mchog thob pa/ 'jig rten pa dang / 'jig rten las 'das pa'i 
dgos pa'i pha rol tu phyin pa'i mchog thob pa/ sems can thams cad kyis ngor blta ba dbang dang ldan pa dang / rang rgyal ba thams cad kyi cho ga dang / spyod lam yongs su ston pa/ theg pa chen po la yang dag par zhugs pa/ de bzhin gshegs pa'i rnam par 
'tshang rgya ba skad cig skad cig tu ston pa/ spyod pa'i rgyun yongs su mi gcod pa ste/ kye rgyal ba'i sras de ltar thabs mkhas pa'i pha rol tu phyin pa'i mchog thob kyang bstan pa med pa 'di ni byang chub sems dpa' rnams kyi ma 'dres pa'i chos te/ 'di ni byang 
chub sems dpa' rnams kyi chos ma 'dres pa bzhi pa'o/ /kye rgyal ba'i sras gzhan yang byang chub sems dpa' zung dang snel zhi la mkhas shing ye shes kyis rnam par rtse ba dang / ye shes kyi pha rol tu phyin pa'i mchog thob pas/ 'di ltar mya ngan las </font><hr>37-1-208a<br><font size=+1>
'das pa la gnas kyang / 'khor ba'i sgo yongs su ston pa/ sems can med pa'i mtha'i spyod yul dang ldan yang sems can thams cad yongs su smin par bya ba ma btang ba shin tu dul ba dang / zhi ba'i pha rol du phyin pa'i mchog thob 
kyang/ nyon mongs pa'i 'bar ba sems can la yongs su ston pa/ chos kyi ye shes gcig tu stug pa'i lus dang ldan yang sems kyi sgo mtha' yas pa yongs su ston pa/ bsam gtan chen po la bsam gtan 'cha' yang 'dod pa'i dga' ba thams cad 
kyis rtse zhing longs spyod par sems can la rnam par ston pas gcig tu dga' bar dga' zhing mos pa/ khams gsum pa thams cad las phyir ltas kyang sems can thams cad yongs su smin par bya ba'i bsam pa ma btang ba/ rtag tu chos kyi dga' bas dga' 
zhing mos kyang lha'i bu mo brgya phrag stong gi sgra rab tu phyung ba dang rtse ba/ mtshan dang dpe byad bzang po dang / dge ba'i mchog brgya phrag stong gis brgyan pa'i lus dang ldan yang dbul ba thams cad kyi tshul yongs su ston pa/ rtag tu kha na ma tho ba med pa'i las dge ba spyad 
kyang sems can dmyal ba dang / byol song gi skye gnas dang / gshin rje'i 'jig rten du skye ba yang yongs su ston pa/ sangs rgyas kyi ye shes kyi pha rol tu phyin pa'i mchog thob kyang / byang chub sems dpa'i ye shes kyi lus las gyen du ma g.yos pa dag ste/ 
kye rgyal ba'i sras de ltar byang chub sems dpa' rnams ni ye shes mu med pa dang ldan pas/ de'i phyir de dag nyan thos dang rang sangs rgyas thams cad kyis kyang khong du chud par dka' na sems can byis pa gzhan gyis lta smos kyang ci dgos te/ 'di ni byang chub 
sems dpa'i chos ma 'dres pa lnga pa'o/ /kye rgyal ba'i sras byang chub sems dpa' rnams ni lus dang ngag dang yid ye shes sngon du 'gro ba dang ldan pa ste/ las shin tu dag par spyod cing / srog gcod pa dang bral ba nas sdig pa'i lta ba'i bar dang bral bas byams </font><hr>37-1-208b<br><font size=+1>
pa phun sum tshogs shing yang dag pa'i lta ba la zhugs pa yin te/ kye rgyal ba'i sras de ltar lus dang ngag dang yid kyi las ye shes sngon du 'gro ba dang ldan pa 'di ni byang chub sems dpa' rnams kyi chos ma 'dres pa ste/ 'di ni byang chub sems dpa'i chos 
ma 'dres pa drug pa'o/ /kye rgyal ba'i sras byang chub sems dpa' rnams ni snying rje chen po dang ldan pas sems can thams cad yongs su mi gtong zhing sems can thams cad kyi sdug bsngal gyi phung po rang gi lus kyis len par mkhas pas/ sems can dmyal ba 
dang / byol song gi skye gnas dang / gshin rje'i 'jig rten gyi sdug bsngal gyis sems can gyi don du yongs su skyo ba med pa'i sems dang ldan zhing sems can gyi khams thams cad dgrol ba la zhugs pa/ 'dod pa'i dga' ba thams cad kyis rtse zhing yongs su 
longs spyod pa la chags pa med pa'i yid dang ldan pas rtag tu sems can rnams sdug bsngal gyi phung po las dgrol ba la mngon par brtson pa ste/ kye rgyal ba'i sras de ltar snying rje chen po'i stobs yongs su mi gtong ba 'di ni byang chub sems dpa' rnams kyi chos ma 
'dres pa ste/ 'di ni byang chub sems dpa'i chos ma 'dres pa bdun pa'o/ /kye rgyal ba'i sras byang chub sems dpa' rnams ni 'gro ba thams cad kyi yid du 'ong zhing mthong na dga' ba ste/ brgya byin dang tshangs pa dang / 'jig rten gyi mgon po thams cad kyis phyag 
bya ba/ 'gro ba thams cad mthong bar smon pa/ sems can thams cad mngon par dga' ba'i sems dang ldan pa ste/ kye rgyal ba'i sras de ci'i phyir zhe na/ de ni byang chub sems dpa' rnams sngon nas las kyi mtha' kha na ma tho ba med pa dang ldan zhing yongs su 
dag pa'i las kyi tshul gyis spyos pas/ de'i phyir de dag mthong bas/ 'gro ba thams cad mi ngoms pa yin/ kye rgyal ba'i sras de ltar 'gro ba thams cad mthong bar mngon par dga' ba de ni byang chub sems dpa' rnams kyi chos ma 'dres pa ste/ 'di ni byang chub </font><hr>37-1-209a<br><font size=+1>
sems dpa' rnams kyi chos ma 'dres pa brgyad pa'o/ /kye rgyal ba'i sras byang chub sems dpa' rnams ni thams cad mkhyen pa nyid kyi sems brtan pa dang ldan pa'i lhag pa'i bsam pa'i go ca shin tu bgos pas/ de dag ji ltar nyon mongs shing byis 
pa'i skye bo'i 'du 'dzi dang / ji ltar bsten tam/ nyan thos dang rang sangs rgyas kyi tshogs kyi nang du ji ltar phyin kyang rung ste/ thams cad mkhyen pa'i sems rin po che bzang po 'od dang ldan pa de 'jig par mi byed do/ /kye rgyal ba'i sras de ni 'di lta ste 
dper na nor bu rin po che chen po rgyan bzang po zhes bya ba de chu dang bar byed pa ni pad mo'i rdzing bu ji ltar rnyog kyang rung ste/ nang du bcug na nor bu rin po che'i 'od gsal zhing bzang po de nyid rnam par mi spong ste/ chu de thams cad kyang rnyog pa med par rab tu dang bar byed do/ /kye 
rgyal ba'i sras de bzhin du byang chub sems dpa' yang byis pa'i skye bo'i 'du 'dzis ji ltar bsten kyang thams cad mkhyen pa'i sems rin po che'i 'od gsal zhing snang ba bzang po de chud zos par mi byed de sems can de dag kyang nyon mongs pa'i rnyog pa de las zlog cing thams cad 
mkhyen pa'i sems rin po che'i 'od gsal zhing snang ba de nyid la rab tu 'god do/ /kye rgyal ba'i sras de ltar ci ltar nyon mongs par gyur kyang rung / byis pa'i skye bo'i 'du 'dzi dang / ji ltar bsten tam/ nyan thos dang rang sangs rgyas kyi tshogs kyi nang du ji ltar 
phyin kyang rung ste/ thams cad mkhyen pa'i sems rin po che de nyid 'jig par mi byed pa de ni byang chub sems dpa'i chos ma 'dres pa ste/ 'di ni byang chub sems dpa'i chos ma 'dres pa dgu pa'o/ /kye rgyal ba'i sras byang chub sems dpa' rnams ni rang gi yul gyi 
ye shes kyi chos la dbang bsgyur ba'i pha rol tu phyin pa dam pa thob pa ste/ rang byung gi ye shes kyi dbang bskur bas dbang bskur zhing go 'phang skyon med pa la gnas kyang dge ba'i bshes gnyen la gnas pa ring du mi spong zhing de bzhin gshegs pa la rim gro bya ba'i </font><hr>37-1-209b<br><font size=+1>
rgyun mi gcod de/ de ltar tshul phun sum tshogs pa dang / 'gro ba thams cad du dge ba'i bshes gnyen bsten pa las phyir mi ldog cing de bzhin gshegs pa la rim gro bya ba rgyun mi gcod pa de ni byang chub sems dpa'i chos ma 'dres pa ste/ 'di ni byang chub 
sems dpa'i chos ma 'dres pa bcu pa'o/ /kye rgyal ba'i sras bcu po de dag ni byang chub sems dpa' rnams kyi chos ma 'dres pa ste/ de dag la gnas shing byang chub sems dpa' rnams de bzhin gshegs pa'i chos ma 'dres pa bla na med pa 'thob par 'gyur ba dag go /
kye rgyal ba'i sras bcu po 'di dag ni byang chub sems dpa' rnams kyi las te/ bcu gang zhe na/ 'di ltar 'jig rten gyi khams thams cad yongs su sbyang ba'i las dang /sangs rgyas thams cad bsnyen bkur ba'i las dang / byang chub sems dpa'i grogs thams 
cad dang dge ba'i rtsa ba gcig tu bya ba'i las dang / sems can gyi khams thams cad yongs su smin par bya ba'i las dang / ma 'ongs pa'i dus thams cad kyi phyi ma'i mtha'i mur thug bar yongs su gzung ba'i las dang / 'jig rten gyi khams thams cad du 'gro yang 'jig 
rten gyi khams gcig nas mi g.yo ba'i rdzu 'phrul gyi las dang / kha dog mtha' yas pa'i 'od gzer dgye ba'i 'od kyi las dang / pad mo'i snying po la byang chub sems dpa'i gzugs 'khod pa yongs su bstan pa'i 'od gzer gyi las dang / mya ngan las 'das 
pa'i sangs rgyas bcom ldan 'das rnams kyi bstan pa gzung bas dkon mchog gsum gyi rigs rgyun mi gcad pa'i las dang / 'jig rten thams cad du rgyu zhing chos bstan pa dang / sems can gdul ba yang dag par bsgrub pa'i sprul pa'i las dang / nam 
'dod pa dang nam sems bskyed pa na smon lam yongs su rdzogs par sems can la yang dag par ston pa'i byin gyi rlabs kyi las so/ /kye rgyal ba'i sras bcu po de dag ni byang chub sems dpa' rnams kyi las te/ de dag la </font><hr>37-1-210a<br><font size=+1>
gnas shing byang chub sems dpa' rnams de bzhin gshegs pa'i 'phrin las rgya chen po bla na med pa 'thob par 'gyur ba dag go /kye rgyal ba'i sras bcu po 'di dag ni byang chub sems dpa' rnams kyi lus te/ bcu gang zhe na 'di 
ltar 'gro ba thams cad du byung ba med pas/ byang chub sems dpa'i lus ni 'ongs pa med pa'o /'gro ba thams cad du mi dmigs pa med pas byang chub sems dpa'i lus ni 'ongs pa'o/ /'jig rten thams cad kyis dmigs pa ji lta ba bzhin du byang chub 
sems dpa'i lus ni bden pa ma yin pa'o/ /'jig rten gyi bden pa rnam par dmigs pa ji lta ba bzhin du byang chub sems dpa'i lus ni brdzun pa ma yin no/ /phyi ma'i mtha'i mur rgyun mi 'chad pas byang chub sems dpa'i lus ni rgyun mi zad pa'o/ /bdud 
thams cad kyis mi shigs pas byang chub sems dpa' rnams kyi lus ni brten pa'o/ /bdud kyi rgol ba thams cad kyis mi sgul bas byang chub sems dpa'i lus ni sra ba'o/ /bsod nams brgya pa'i mtshan gyis shin tu rnam par dag par snang bas byang 
chub sems dpa'i lus ni mtshan bzang po dang ldan pa'o/ /chos kyi mtshan nyid med pa'i mthar thug pas byang chub sems dpa'i lus ni mtshan nyid med pa'o/ /'das pa dang / ma byon pa dang / da ltar byung ba'i de bzhin gshegs pa thams cad kyi 
sku dang mnyam pa nyid thob pas byang chub sems dpa'i lus ni kun tu song ba'o/ /kye rgyal ba'i sras bcu po de dag ni byang chub sems dpa' rnams kyi lus te/ de dag la gnas shing byang chub sems dpa' rnams de bzhin gshegs pa'i sku mi zad pa bla na 
med pa 'thob par 'gyur ba dag go /kye rgyal ba'i sras bcu po 'di dag ni byang chub sems dpa' rnams kyi lus kyi las te/ bcu gang zhe na/ 'di ltar 'jig rten gyi khams thams cad lus gcig gis rgyas par 'gengs pa'i lus kyi las dang / sems </font><hr>37-1-210b<br><font size=+1>
can gyi khams thams cad du sgo yongs su ston pa'i lus kyi las dang / skye ba thams cad du gnas pa'i lus kyi las dang / 'jig rten gyi khams thams cad du 'gro ba'i lus kyi las dang / sangs rgyas thams cad kyi 'khor gyi dkyil 'khor du 'gro ba'i lus kyi 
las dang / 'jig rten gyi khams thams cad lag pa gcig gis kun tu khebs par byed pa'i lus kyi las dang / khor yug dang /rdo rje'i ri thams cad lag pa gcig gis nyug pa'i lus kyi las dang / sangs rgyas kyi zhing thams cad du rang gi lus 'jig pa 
dang/ 'byung ba yongs su ston pa'i lus kyi las dang sems can gyi khams thams cad lus gcig gis yongs su 'dzin pa'i lus kyi las dang / sems can gyi khams thams cad lus med par khong du chud pas zhing yongs su dag pa dang / yongs su rdzogs pa kun 
tu ston pa'i lus kyi las so/ /kye rgyal ba'i sras bcu po de dag ni byang chub sems dpa' rnams kyi lus kyi las te/ de dag la gnas shing byang chub sems dpa' rnams sangs rgyas kyi chos 'gro ba kun gyis rnam par rig par bya ba bla na med pa 'thob par 'gyur ba 
dag go/ kye rgyal ba'i sras bcu po 'di dag ni byang chub sems dpa' rnams kyi rang bzhin te/ bcu gang zhe na 'di ltar nan tan dang ldan pas pha rol tu phyin pa'i rang bzhin dang / 'gro ba thams cad yongs su mi gtong bas/ bsdu ba'i dngos po'i rang bzhin dang / 
sems can thams cad kyi sdug bsngal gyi phung po rang gi lus kyis len kyang / yongs su mi skyo bas snying rje chen po'i rang bzhin dang / 'gro ba thams cad yongs su skyob pas byams pa chen po'i rang bzhin dang / 'gro ba thams cad nye bar 'tsho bas bsod nams 
kyi rang bzhin dang / sangs rgyas thams cad kyi sku dang / gcig tu 'dres pas ye shes kyi rang bzhin dang / skye ba'i skye mched thams cad las 'das pas chos kyi rang bzhin dang / thams cad du sgo yongs su ston pas thams cad kyi rang bzhin dang / rdzu 'phrul </font><hr>37-1-211a<br><font size=+1>
dang rnam par 'phrul ba thams cad yongs su ston pas/ rdzu 'phrul gyi rang bzhin dang / nam 'dod pa'i dus su mngon par rdzogs par 'tshang rgya bas/ byang chub kyi rang bzhin no/ /kye rgyal ba'i sras bcu po de dag ni byang chub 
sems dpa' rnams kyi rang bzhin te/ de dag la gnas shing byang chub sems dpa' rnams de bzhin gshegs pa'i ye shes chen po'i rang bzhin bla na med pa 'thob par 'gyur ba dag go/ /kye rgyal ba'i sras bcu po 'di dag ni/ byang chub sems 
dpa' rnams kyi ngag ste/ bcu gang zhe na/ 'di ltar sems can thams cad bde bar byed pas byang chub sems dpa' rnams kyi ngag ni 'jam pa'o/ /sems can thams cad kyi sems sim par byed pas/ byang chub sems dpa' rnams kyi ngag ni 
snyan pa'o/ /yang dag pa ji lta ba bzhin du go bar byed pas byang chub sems dpa' rnams kyi ngag ni mi brdzun pa'o/ /rmi lam na yang log par mi smra bas byang chub sems dpa'i ngag ni bden pa'i rjes su 'brang ba'o/ /brgya byin dang / tshangs pa dang / 
'jig rten gyi mgon po thams cad zil gyis gnon pas byang chub sems dpa' rnams kyi ngag ni rgya che ba'o/ /chos kyi rang bzhin ston pas/ byang chub sems dpa' rnams kyi ngag ni zab mo'i dbyangs su sgrog pa'o/ /chos bstan pa thams cad 
mi zad pas byang chub sems dpa' rnams kyi ngag ni snying po dang ldan pa'o/ /sgra ji lta ba bzhin du khong du chud par byed pas/ byang chub sems dpa' rnams kyi ngag ni shin tu gsal ba'o/ /dus dang las dang rnam par smin pa ji lta ba bzhin du 
yongs su ston pas/ byang chub sems dpa' rnams kyi ngag ni rnam pa tha dad pa'o/ /bsam pa ji lta ba bzhin du rnam par spyod pa la 'jug par byed pas byang chub sems dpa' rnams kyi ngag ni 'gro ba thams cad la 'gro ba'o/ /kye rgyal ba'i sras </font><hr>37-1-211b<br><font size=+1>
bcu po de dag ni byang chub sems dpa' rnams kyi ngag ste/ de dag la gnas shing byang chub sems dpa' rnams de de bzhin gshegs pa'i gsung bla na med pa 'thob par 'gyur ba dag go/ /kye rgyal ba'i sras byang chub sems dpa'i ngag de yang las rnam 
par dag pa bcus yongs su sbyangs pa yin te/ bcu gang zhe na/ 'di ltar de bzhin gshegs pa'i gsung la mos pa yongs su dag pa dang / byang chub sems dpa'i tshig sngon ma thos pa la mngon par mos pa yongs su dag pa dang / 'gro ba thams 
cad kyi yid du mi 'ong ba'i tshig yongs su spangs pas yongs su dag pa dang / sngon gyi mthar ngag gi nyes pa bzhi dang bral bas yongs su dag pa dang / dga' ba dang / mos pa chen pos de bzhin gshegs pa mngon par bstod pas yongs su dag pa 
dang / sgra chen pos de bzhin gshegs pa mchod par 'os pa yang dag pa ji lta ba bzhin du sangs rgyas kyi yon tan dang / legs pa brjod pas yongs su dag pa dang / bsam pa thag pas sems can gzhan la chos kyi sbyin pas/ sdud 
pa yongs su dag pa dang / glu'i dbyangs dang / rol mo brdung ba dang / dkrol ba'i dbyangs kyis de bzhin gshegs pa la mngon par bstod pas yongs su dag pa dang / sangs rgyas bcom ldan 'das rnams las mngon sum du chos thos nas/ 
rang gi lus 'bul bas yongs su dag pa dang / byang chub sems dpa'i chos smra ba thams cad las chos thos nas/ rim gro bya ba'i phyir bdag 'bul zhing snying thag pa nas yongs su btang bas yongs su dag pa ste/ kye rgyal ba'i sras byang chub 
sems dpa'i ngag ni las rnam par dag pa bcu po de dag gis shin tu sbyangs par 'byung ngo / /kye rgyal ba'i sras byang chub sems dpa' rnams kyi ngag de ltar yongs su sangs pa de yang yongs su 'dzin pa bcus/ yongs su gzung bar 'byung ste/</font><hr>37-1-212a<br><font size=+1>
bcu gang zhe na/ 'di ltar lha'i dbang po la stsogs pa lha thams cad kyis yongs su gzung bar 'byung ba yin/ klu'i dbang po dang / gnod sbyin gyi dbang po dang / dri za'i dbang po dang / lha ma yin gyi dbang po dang / nam mkha' lding 
gi dbang po dang / mi'am ci'i dbang po dang / lto 'phye chen po'i dbang po dang / tshangs pa'i dbang po la stsogs pa tshangs pa'i ris su gtogs pa'i lha thams cad kyis yongs su gzung bar 'byung ba yin/ de bzhin gshegs pa chos kyi dbang po la stsogs 
pa chos smra ba thams cad kyis yongs su gzung bar 'byung ba yin te/ kye rgyal ba'i sras byang chub sems dpa'i dag ni yongs su 'dzin pa/ bcu po de dag gis shin tu gzung bar 'byung ngo / /kye rgyal ba'i sras byang chub sems dpa'i ngag de ltar shin tu 
gzung bar 'byung ba de yang dgos pa bcu yongs su grub par byed de/ bcu gang zhe na/ 'di ltar sems can gyi khams mngon par dga' bar byed do/ /'jig rten gyi khams su go bar byed do/ /dbang po'i khams la 'jug par byed do/ /
mos pa'i khams rnam par dag par byed do/ /nyon mongs pa'i khams sel bar byed do/ /bag chags kyi khams spong bar byed do/ /bsam pa'i khams sbyong bar byed do/ /lhag pa'i bsam pa'i khams rnam par 'phel bar byed do/ /chos 
kyi khams rgyas par byed do/ /mya ngan las 'das pa'i khams yang dag par rtogs par byed do/ /dgos pa bcu po de dag yongs su sgrub bo/ /kye rgyal ba'i sras bcu po 'di dag ni byang chub sems dpa' rnams kyi sems te/ bcu gang zhe na/ 'gro 
ba thams cad kyi dge ba'i rtsa ba yang dag par 'dzin cing rton pas byang chub sems dpa' rnams kyi sems ni sa lta bu'o/ /sangs rgyas thams cad kyi ye shes rgya chen po'i rgya mtsho mtha' dang dbus med pa la zhugs pas/ byang chub sems dpa' </font><hr>37-1-212b<br><font size=+1>
rnams kyi sems ni rgya mtsho lta bu'o/ /'jig rten las 'das pa'i dge ba'i rtsa ba shin tu mtho ba la 'gro ba thams cad rab tu dgod pa'i phyir/ byang chub sems dpa'i sems ni ri bo chen po lta bu'o/ /kun nas nyon mongs pa med cing bsam pa dag pa dang ldan 
pas byang chub sems dpa' rnams kyi sems ni nor bu rin po che lta bu'o/ /chos thams cad la rab tu rno bas/ byang chub sems dpa' rnams kyi sems ni rdo rje lta bu'o/ /bdud dang mu stegs can gzhan dang phas kyi rgol ba thams cad kyis mi skul 
bas/ byang chub sems dpa' rnams kyi sems ni ri'i rgyal po rdo rje'i khor yug shin tu brtan zhing mi shigs pa lta bu'o/ /'jig rten gyi chos thams cad kyis mi gos pas/ byang chub sems dpa' rnams kyi sems ni pad mo lta bu'o/ /bskal pa thams 
cad du 'byung ba dang / mthong bar dka' bas byang chub sems dpa' rnams kyi sems ni me tog u dum bA ra lta bu'o/ /'gro ba thams cad kyi ma rig pa'i mun pa mun nag dang / rab rib kyi rmugs pa sel ba'i phyir byang chub sems dpa' rnams 
kyi sems ni nyi ma lta bu'o/ /'gro ba thams cad kyis brjod du med pa'i phyir byang chub sems dpa' rnams kyi sems ni bar snang lta bu'o/ /kye rgyal ba'i sras bcu po de dag ni byang chub sems dpa' rnams kyi sems te/ de dag la gnas shing byang chub sems dpa' 
rnams de bzhin gshegs pa'i dgongs pa rgya chen po yongs su dag pa bla na med pa 'thob par 'gyur ba dag go /kye rgyal ba'i sras bcu po 'di dag ni byang chub sems dpa' rnams kyi sems bskyed pa ste/ bcu gang zhe na 'di ltar 'gro ba thams cad rab 
tu dgrol bar bya'o zhes byang chub sems dpa' sems bskyed do/ /sems can thams cad kyi nyon mongs pa bstsal bar bya'o/ /zhes byang chub sems dpa' sems bskyed do/ /bag chags kyi mtshams 'brel ba thams cad spang bar bya'o/ /</font><hr>37-1-213a<br><font size=+1>
zhes byang chub sems dpa' sems bskyed do/ /chos thams cad la the tsom med par thob par bya'o/ /zhes byang chub sems dpa' sems bskyed do/ /sems can thams cad kyi sdug bsngal gyi phung po rab tu zhi bar bya'o/ /zhes byang chub 
sems dpa' sems bskyed do/ /ngan song dang mi khom pa thams cad gcad par bya'o/ /zhes byang chub sems dpa' sems bskyed do/ /de bzhin gshegs pa thams cad mnyes par bya'o/ /zhes byang chub sems dpa' sems bskyed do/ /byang 
chub sems dpa'i bslab pa thams cad la nan tan tu bya'o/ /zhes byang chub sems dpa' sems bskyed do/ /skra'i sbubs su 'jug pa thams cad kyang ma lus par 'gro ba thams cad du sangs rgyas thams cad byang chub tu 'tshang rgya ba bstan par bya'o/ /
zhes byang chub sems dpa' sems bskyed do/ /'gro ba ma lus pa thams cad kyi bsam pa dang / dbang po rab tu rtogs pas/ 'jig rten gyi khams thams cad du grags par bya bar chos kyi rnga bla na med pa brdung bar bya'o/ /zhes byang chub sems 
dpa' sems bskyed do/ /kye rgyal ba'i sras bcu po de dag ni byang chub sems dpa' rnams kyi sems bskyed pa ste/ de dag la gnas shing byang chub sems dpa' rnams de bzhin gshegs pa'i dgongs pa rgya chen po'i phrin las bla na med pa rtsom par 'gyur 
ba dag go /kye rgyal ba'i sras bcu po 'di dag ni byang chub sems dpa' rnams kyi sems kyis rgyas par dgang ba ste/ bcu gang zhe na 'di ltar sems shin tu yangs pa dang ldan pas nam mkha'i dbyings thams cad rgyas par dgang ba dang / mtha' 
dang dbus med par khong du chud pas chos kyi dbyings/ thams cad rgyas par dgang ba dang / skad cig gcig tu 'dzud pas dus gsum thams cad rgyas par dgang ba dang / gshegs pa dang skye ba dang 'byung ba dang rnam par 'tshang rgya ba dang /</font><hr>37-1-213b<br><font size=+1>
chos kyi 'khor lo bskor ba dang / mya ngan las 'das pa chen po mngon sum du shes pas sangs rgyas skye ba thams cad du rgyas par dgang ba dang / bag chags dang dbang po nam mkha' lta bur khong du chud pas/ sems can gyi khams thams cad du rgyas par dgang ba dang / 
chos kyi dbyings thams cad khong du chud pa'i ye shes dang ldan pas mig yor lta bu'i ye shes kyis rgyas par dgang ba dang / sgyu ma'i dra ba rnam pa tha dad pa lta bur khong du chud pas mtha' dang dbus med par rgyas par dgang ba dang rang bzhin mi dmigs pas mi skye bar 
rgyas par dgang ba dang / rang gi sems dang gzhan gyi sems la thogs pa med pas chags pa med par rgyas par dgang ba dang / sems bskyed pa thams cad la mngon par rdzogs par byang chub pa yongs su ston pas dbang gis rgyas par dgang ba'o/ /kye rgyal ba'i sras 
bcu po de dag ni byang chub sems dpa' rnams kyi sems kyis rgyas par dgang ba ste/ de dag la gnas shing byang chub sems dpa' rnams sangs rgyas kyi chos thams cad kyis rgyas par dgang ba mtha' dang dbus med pa'i rgyan bla na med pa 'thob par 'gyur ba dag go/ /kye rgyal 
ba'i sras bcu po 'di dag ni byang chub sems dpa' rnams kyi dbang po ste/ bcu gang zhe na 'di ltar sangs rgyas thams cad mthong bar dad pa phyir ldog pa med pas/ byang chub sems dpa' rnams kyi dbang po ni dga' bar byed pa'o/ /sangs rgyas kyi chos 
thams cad mngon par 'tshang rgya bar byed pas byang chub sems dpa' rnams kyi dbang po ni mngon par mos pa'o/ /bya ba thams cad thogs pa med pas byang chub sems dpa' rnams kyi dbang po ni phyir mi ldog pa'o/ /byang chub sems dpa'i spyod pa thams 
cad rgyun mi gcod pa'i phyir byang chub sems dpa' rnams kyi dbang po ni gnas pa'o/ /shes rab kyi pha rol tu phyin pa'i tshul khong du chud pa'i phyir/ byang chub sems dpa' rnams kyi dbang po ni shin tu phra ba'o/ /sems can thams cad kyi dgos pa yongs su </font><hr>37-1-214a<br><font size=+1>
grub par byed pa'i phyir/ byang chub sems dpa' rnams kyi dbang po ni rgyun mi 'chad pa'o/ /chos thams cad la rab tu rno ba'i phyir/ byang chub sems dpa' rnams kyi dbang po ni rdo rje lta bu'o/ /de bzhin gshegs pa thams cad kyi yul la 
snang ba thob pa'i phyir byang chub sems dpa' rnams kyi dbang po ni rdo rje'i 'od 'phro ba ltar snang bar byed pa'o/ /de bzhin gshegs pa thams cad kyi sku dang lus gcig tu gyur pas byang chub sems dpa' rnams kyi dbang po ni tha mi dad pa'o/ /de bzhin gshegs pa'i 
stobs kyi rjes su zhugs pa'i phyir/ byang chub sems dpa' rnams kyi dbang po ni chags pa med pa'i mthar phyin pa'o/ /kye rgyal ba'i sras bcu po de dag ni byang chub sems dpa' rnams kyi dbang po ste/ de dag la gnas shing byang chub sems 
dpa' rnams de bzhin gshegs pa'i dbang po rgya chen po yongs su rdzogs pa bla na med pa 'thob par 'gyur ba dag go/ /kye rgyal ba'i sras bcu po 'di dag ni byang chub sems dpa' rnams kyi bsam pa ste/ bcu gang zhe na 'di ltar byang chub sems dpa' 
rnams kyi bsam pa 'jig rten gyi chos thams cad kyis ma gos pa dang / byang chub sems dpa' rnams kyi bsam pa nyan thos dang / rang sangs rgyas thams cad kyi yid la bya ba dang ma 'dres pa dang / byang chub sems dpa' rnams kyi bsam pa sangs 
rgyas kyi byang chub kyi rjes su song ba dang / byang chub sems dpa' rnams kyi bsam pa thams cad mkhyen pa'i ye shes su 'byung ba'i lam dang mthun pa dang / byang chub sems dpa' rnams kyi bsam pa bdud dang mu stegs can gzhan dang / mu 
stegs spyod pa'i rgol ba thams cad kyis mi 'phrogs pa dang / byang chub sems dpa' rnams kyi bsam pa de bzhin gshegs pa thams cad kyi ye shes kyi dkyil 'khor gyis rnam par dag pas kun nas nyon mongs pa med pa dang / byang chub sems </font><hr>37-1-214b<br><font size=+1>
dpa' rnams kyi bsam pa chos ji skad du thos pa yongs su mi gtong bas/ shin tu zin par yang dag par 'dzin pa dang / byang chub sems dpa' rnams kyi bsam pa skye ba'i skye mched thams cad kyis ma gos pas yongs su nyams pa med pa dang / byang 
chub sems dpa' rnams kyi bsam pa ye shes phra ba la zhugs pa'i phyir zab pa dang / byang chub sems dpa' rnams kyi bsam pa sangs rgyas kyi chos thams cad la shin tu brtson pa'o/ /kye rgyal ba'i sras bcu po de dag ni byang chub sems dpa' rnams 
kyi bsam pa ste/ de dag la gnas shing byang chub sems dpa' rnams thams cad mkhyen pa'i dgongs pa bla na med pa yongs su rdzogs pa 'thob par 'gyur ba dag go /kye rgyal ba'i sras bcu po 'di dag ni byang chub sems dpa' rnams kyi lhag pa'i bsam 
pa ste/ bcu gang zhe na 'di ltar byang chub sems dpa' rnams kyi lhag pa'i bsam pa dge ba'i rtsa ba thams cad bstsags pa la phyir mi ldog par dbang bsgyur ba dang / byang chub sems dpa' rnams kyi lhag pa'i bsam pa de bzhin gshegs pa thams 
cad kyi dgongs pa'i tshul bstan pa la nem nur med pa dang / byang chub sems dpa' rnams kyi lhag pa'i bsam pa smon lam dang spyod pa chen po'i rgyun yongs su 'dzin pa dang / byang chub sems dpa' rnams kyi lhag pa'i bsam pa sangs rgyas kyi chos 
thams cad la 'jug par bya ba la phul du phyin pa dang / byang chub sems dpa' rnams kyi lhag pa'i bsam pa sangs rgyas kyi chos thams cad la dbang bsgyur bas mngon sum du gyur ba dang / byang chub sems dpa' rnams kyi lhag pa'i bsam pa chos sna 
tshogs kyi tshul la rab tu zhugs pas/ rgya che ba dang byang chub sems dpa' rnams kyi lhag pa'i bsam pa brtsams pa thams cad mthar phyin par byed pas gtso bor gyur pa dang / byang chub sems dpa' rnams kyi lhag pa'i bsam pa ting nge 'dzin dang /</font><hr>37-1-215a<br><font size=+1>
snyoms par 'jug pa dang / rnam par 'phrul ba'i rgyan thams cad la dbang bsgyur ba dang / byang chub sems dpa' rnams kyi lhag pa'i bsam pa sngon gyi smon lam gyis yongs su bzung bas shin tu brtan pa dang / byang chub sems dpa' 
rnams kyi lhag pa'i bsam pa sems can thams cad yongs su smin par bya ba dang / gdul ba la rgyun mi gcod pa'o/ /kye rgyal ba'i sras bcu po de dag ni byang chub sems dpa' rnams kyi lhag pa'i bsam pa ste/ de dag la gnas shing byang chub sems dpa' rnams 
sangs rgyas thams cad kyi lhag pa'i dgongs pa bla na med pa yongs su dag pa 'thob par 'gyur ba dag go/ //sangs rgyas rmad ga cad ces bya ba shin tu rgyas pa chen po'i mdo/ /bam po bcu dgu pa/ kye rgyal ba'i sras 
bcu po 'di dag ni byang chub sems dpa' rnams kyi sbyor ba ste/ bcu gang zhe na 'di ltar rnam par smin pa la re ba med par bdog pa thams cad yongs su gtong bas byang chub sems dpa' rnams kyi sbyin pa'i sbyor ba dang / gzhan la brnyas pa med pas byang 
chub sems dpa' rnams kyi tshul khrims dang / bslab pa dang / sbyangs pa'i yon tan dang / sdom pa dang / brtul zhugs dang dka' thub thams cad du yi dam bcas pa la nan tan byed pa'i sbyor ba dang / bdag dang pha rol gyi 'du shes med 
pas byang chub sems dpa' rnams kyi gnod sems kyi tha ba dang / gshe ba thams cad rna la gzon cing sems can gyi ngan du byas pa thams cad bzod pa'i sbyor ba dang / lus dang ngag dang sems yang dag par bskul bas brtsams pa thams cad mthar 
phyin par byed pa'i phyir/ /byang chub sems dpa' rnams kyi brtson 'grus brtsams pa thams cad las phyir mi ldog pa'i sbyor ba dang / 'dod pa'i 'khrug pa dang nyon mongs pa'i g.yog 'khor yongs su mi spong bas/ byang chub sems dpa' rnams kyi bsam </font><hr>37-1-215b<br><font size=+1>
gtan dang / rnam par thar pa dang ting nge 'dzin dang / snyoms par 'jug pa dang / mngon par shes pa thams cad mngon par bsgrub pa'i sbyor ba dang bsod nams bstsags pa thams cad la skyo ba med pas/ byang chub sems dpa' rnams kyi shes rab 
kyi nan tan gyi sbyor ba dang / sems can med pa la zhugs pas byang chub sems dpa' rnams kyi byams pa chen po'i sbyor ba dang / chos thams cad rang bzhin gyis dben pa'i phyir/ byang chub sems dpa' rnams kyi 'gro ba thams cad kyi sdug 
bsngal rang gi lus kyis len pa'i snying rje chen po las phyir mi ldog pa'i sbyor ba dang / chags pa med par khong du chud pas 'gro ba thams cad yang dag par ston pa'i phyir/ byang chub sems dpa' rnams kyi de bzhin gshegs pa'i stobs bcu rnam par 
'tshang rgya ba'i sbyor ba dang / sems can gzhan gyi rgyud du phyin par byed pas/ byang chub sems dpa' rnams kyi chos kyi 'khor lo bskor ba las phyir mi ldog pa'i sbyor ba'o/ /kye rgyal ba'i sras bcu po de dag ni byang chub sems dpa' rnams kyi sbyor ba 
ste/ de dag la gnas shing byang chub sems dpa' rnams de bzhin gshegs pa'i ye shes chen po'i sbyor ba bla na med pa 'thob par 'gyur ba dag go/ /kye rgyal ba'i sras bcu po 'di dag ni byang chub sems dpa' rnams kyi mos pa ste/ bcu gang zhe na 
'di ltar bsgrub par dka' ba'i rtsa ba sbyor bas rlabs po che'i mos pa dang / rgyan sna tshogs mngon par bsgrub pas sna tshogs kyi mos pa dang / yid zhum pa med pas rgya chen po'i mos pa dang / chos zab mo'i tshul la zhugs pas zhi bar byed pa'i mos pa dang / 
sems rgya chen po bskyed pas yangs pa'i mos pa dang / sangs rgyas kyi byin gyi rlabs kyi mthu dang / shugs su ldan pas rang gi skabs phye ba'i mos pa dang / bdud kyi las thams cad rab tu 'joms pas mi 'phrogs pa'i mos pa dang /</font><hr>37-1-216a<br><font size=+1>
las kyi rnam par smin pa la gcig tu nges pas shin tu gdon mi za ba'i mos pa dang / ci 'dod pa'i cho 'phrul yongs su ston pas mngon du gyur pa'i mos pa dang stobs dang mi ldan pa med pa'i phyir dus gang du 'dod 
par byang chub tu mngon par rdzogs par 'tshang rgya bas sangs rgyas thams cad kyis lung bstan pa yang dag par nod pa'i mos pa'o/ /kye rgyal ba'i sras bcu po de dag ni byang chub sems dpa' rnams kyi mos pa ste de dag la gnas shing byang chub 
sems dpa' rnams de bzhin gshegs pa'i mos pa bla na med pa 'thob par 'gyur ba dag go /kye rgyal ba'i sras bcu po 'di dag ni byang chub sems dpa' rnams kyi 'jig rten gyi khams su mos pa la 'jug pa ste/ bcu gang zhe na 
'di ltar 'jig rten gyi khams thams cad 'jig rten gyi khams gcig tu mos pa la 'jug pa dang / 'jig rten gyi khams gcig 'jig rten gyi khams thams cad du mos pa la 'jug pa dang / 'jig rten gyi khams thams cad pad mo'i gdan gcig la 
bzhugs pa'i de bzhin gshegs pa'i skus yongs su khyab par mos pa la 'jug pa dang / 'jig rten gyi khams thams cad nam mkha'i rang bzhin du yang dag par bstan par mos pa la 'jug pa dang / 'jig rten gyi khams thams cad sangs rgyas 
kyi rgyan gyis brgyan par mos pa la 'jug pa dang / 'jig rten gyi khams thams cad byang chub sems dpa'i lus kyis rgyas par dgang bar mos pa la 'jug pa dang / 'jig rten gyi khams thams cad skra'i sbubs gcig tu dgod par mos pa la 'jug 
pa dang / 'jig rten gyi khams thams cad sems can gcig gi lus kyi rgyud kyi rjes su 'brang bar mos pa la 'jug pa dang / 'jig rten gyi khams thams cad de bzhin gshegs pa gcig gi byang chub kyi shing dang / de bzhin gshegs pa gcig gi </font><hr>37-1-216b<br><font size=+1>
snying po byang chub kyis yongs su rgyas par gang bar mos pa la 'jug pa dang / 'jig rten gyi khams thams cad du sgra'i dbyangs gcig gis go bar bya ba dang / sems can gyi khams thams cad kyi sgra skad rnam pa tha dad pa la 'jug pas tshim par bya bar mos pa la 
'jug pa'o/ /kye rgyal ba'i sras bcu po de dag ni byang chub sems dpa' rnams kyi 'jig rten gyi khams su mos pa la 'jug pa ste/ de dag la gnas shing byang chub sems dpa' rnams de bzhin gshegs pa'i sangs rgyas kyi zhing la mos pa bla na med 
pa 'thob par 'gyur ba dag go/ /kye rgyal ba'i sras bcu po 'di dag ni byang chub sems dpa' rnams kyi sems can gyi khams su mos pa la 'jug pa ste/ bcu gang zhe na 'di ltar sems can gyi khams thams cad rang bzhin gyis lus med par mos pa la 
'jug pa dang / sems can gyi khams thams cad sems can gcig gi lus kyi rgyud du 'dus par mos pa la 'jug pa dang / sems can gyi khams thams cad byang chub sems dpa'i khong du 'dus par mos pa la 'jug pa dang / sems can 
gyi khams thams cad de bzhin gshegs pa'i skur 'dus par mos pa la 'jug pa dang / sems can gyi khams thams cad du sems can gcig gi lus yongs su zhugs par 'gyur bar mos pa la 'jug pa dang / sems can gyi khams 
thams cad sangs rgyas kyi chos kyi snod du mos pa la 'jug pa dang / sems can gyi khams thams cad brgya byin dang / tshangs pa dang / 'jig rten gyi mgon po dang / ci 'dod pa dang / gar mos pa'i gzugs dang / kha dog dang cha 
byad du mngon par blta bar mos pa la 'jug pa dang / sems can gyi khams thams cad nyan thos dang / rang sangs rgyas kyi gzugs dang kha dog dang cha byad du yongs su bstan par mos pa la 'jug pa dang / sems can gyi khams thams cad byang </font><hr>37-1-217a<br><font size=+1>
chub sems dpa'i yon tan gyis yongs su brgyan par byin gyis brlab cing yongs su bstan par mos pa la 'jug pa dang / sems can gyi khams thams cad de bzhin gshegs pa'i sku gzugs dang / mtshan dang dpe byad bzang po dang / gzugs 
kyi sku sna tshogs kyi spyod lam dang / tshul dang spyod pa yongs su bstan cing gzhan gyis rig par bya bar mos pa la 'jug pa'o/ /kye rgyal ba'i sras bcu po de dag ni byang chub sems dpa' rnams kyi sems can gyi khams su mos pa la 'jug pa ste/ 
de dag la gnas shing byang chub sems dpa' rnams de bzhin gshegs pa'i dgyes pa dang / khyu mchog gi mthu phyung ba bla na med pa 'thob par 'gyur ba dag go/ /kye rgyal ba'i sras bcu po 'di dag ni byang chub sems dpa' rnams kyi bag chags te/ bcu 
gang zhe na 'di ltar byang chub kyi sems kyi bag chags dang / dge ba'i rtsa ba'i bag chags dang / sems can yongs su smin par bya ba'i bag chags dang / sangs rgyas blta ba'i bag chags dang / 'jig rten gyi khams yongs su dag par skye ba'i bag chags 
dang/ spyod pa'i bag chags dang / smon lam gyi bag chags dang / pha rol tu phyin pa'i bag chags dang / chos mnyam pa nyid nges par rtogs pa'i bag chags dang / spyod pa rnam pa tha dad pa'i bag chags so/ /kye rgyal ba'i sras bcu po 
de dag ni byang chub sems dpa' rnams kyi bag chags te/ de dag la gnas shing byang chub sems dpa' rnams nyon mongs pa'i bag chags ma lus pa spangs nas/ de bzhin gshegs pa'i ye shes chen po'i bag chags thugs su chud pa bla na med pa 
'thob par 'gyur ba dag go/ /kye rgyal ba'i sras bcu po 'di dag ni byang chub sems dpa' rnams kyi nye bar len pa ste/ nye bar len pa de dag gis byang chub sems dpa'i spyod pa rgyun mi gcod pa'o/ /bcu gang zhe na 'di ltar yongs su smin pa'i mthar phyin </font><hr>37-1-217b<br><font size=+1>
par bya ba'i phyir sems can gyi khams nye bar len pa dang / lhag ma med par yongs su dag par bya ba'i phyir 'jig rten gyi khams nye bar len pa dang / byang chub sems dpa'i spyod pas mnyes par bya ba'i phyir de bzhin gshegs pa nye bar len pa dang / mtshan 
dang dpe byad bzang po dang / sangs rgyas kyi yon tan yang dag par bsdu ba'i phyir dge ba'i rtsa ba nye bar len pa dang / sems can thams cad kyi sdug bsngal gyi phung po nye bar blangs te/ rab tu zhi bar bya ba'i phyir snying rje chen po nye bar len pa dang / 
sems can thams cad thams cad mkhyen pa'i bde ba la rab tu dgod pa'i phyir byams pa chen po nye bar len pa dang / byang chub sems dpa'i rgyan yang dag par bsdu ba'i phyir pha rol tu phyin pa nye bar len pa dang / sgo thams cad yongs su bstan pa'i phyir 
thabs mkhas pa nye bar len pa dang / chags pa med pa'i ye shes kyi phyir byang chub nye bar len pa dang / mdor na thams cad mngon sum du shes pas mngon par shes par bya ba'i phyir/ byang chub sems dpa'i chos thams cad nye bar len pa'o/ /
kye rgyal ba'i sras bcu po de dag ni byang chub sems dpa' rnams kyi nye bar len pa ste/ nye bar len pa de dag gis byang chub sems dpa'i spyod pa rgyun mi gcod cing / de bzhin gshegs pa thams cad kyi nye bar len pa med pa bla na med pa 'thob par 'gyur/ 
bdag go/ /kye rgyal ba'i sras bcu po 'di dag ni byang chub sems dpa' rnams kyi nan tan te/ bcu gang zhe na 'di ltar pha rol tu phyin pa'i nan tan dang / bslab pa'i nan tan dang / ye shes kyi nan tan dang / don gyi nan tan dang / chos kyi nan tan 
dang/ mngon par bsgrub pa'i nan tan dang / yang dag par bstan pa'i nan tan dang / spyod pas mi skyo ba'i nan tan dang / mngon par rdzogs par byang chub par bya ba'i nan tan dang / chos kyi 'khor lo bskor ba'i nan tan no/ /kye rgyal ba'i </font><hr>37-1-218a<br><font size=+1>
sras bcu po de dag ni byang chub sems dpa' rnams kyi nan tan te/ de dag la gnas shing byang chub sems dpa' rnams chos thams cad kyi nan tan bla na med pa 'thob par 'gyur ba dag go /kye rgyal ba'i sras bcu po 'di dag ni byang chub 
sems dpa' rnams kyi 'grub pa ste/ bcu gang zhe na 'di ltar dge ba'i bshes gnyen la sems pa ni sangs rgyas kyi chos rnams 'grub pa'o/ /de bzhin gshegs pa'i bka' la mngon par yid ches pa ni sangs rgyas kyi chos rnams 'grub pa'o/ /
dam pa'i chos la mi spong ba ni sangs rgyas kyi chos rnams 'grub pa'o/ /tshad med pa'i sems kyis sangs rgyas su dge ba'i rtsa ba yongs su bsngo ba mi zad pa ni sangs rgyas kyi chos rnams 'grub pa'o/ /de bzhin gshegs pa'i yul sa mtshams med par yid 
ches pa ni sangs rgyas kyi chos rnams 'grub pa'o/ /'jig rten gyi khams kyi yul la 'jug pa ni sangs rgyas kyi chos rnams 'grub pa'o/ /chos kyi dbyings kyi yul las mi g.yo ba ni sangs rgyas kyi chos rnams 'grub pa'o/ /bdud kyi yul las gyen 
du spags pa ni sangs rgyas kyi chos rnams 'grub pa'o/ /sangs rgyas thams cad kyi rjes su dran pa ni sangs rgyas kyi chos rnams 'grub pa'o/ /de bzhin gshegs pa'i stobs bcu'i yul la mngon par mos pa ni sangs rgyas kyi chos rnams 'grub pa'o/ /kye 
rgyal ba'i sras bcu po de dag ni byang chub sems dpa' rnams kyi 'grub pa ste/ de dag la gnas shing byang chub sems dpa' rnams de bzhin gshegs pa'i ye shes chen po 'grub pa bla na med pa 'thob par 'gyur ba dag go/ /kye rgyal ba'i sras bcu po 'di dag ni byang 
chub sems dpa' rnams kyi sangs rgyas kyi chos las gol ba'i lam ste/ de dag ni byang chub sems dpas yongs su spang bar bya bdag go/ /bcu gang zhe na 'di ltar dge ba'i bshes gnyen la brnyas pa ni sangs rgyas kyi chos las gol ba'i lam mo/ /'khor </font><hr>37-1-218b<br><font size=+1>
ba'i sdug bsngal gyis 'jigs pa ni sangs rgyas kyi chos la gol ba'i lam mo/ /byang chub sems dpa'i spyod pas skyo ba ni sangs rgyas kyi chos las gol ba'i lam mo/ /'jig rten gyi khams na gnas pas yongs su skyo ba ni sangs rgyas kyi chos las gol 
ba'i lam mo/ /mnyam par gzhag pa la gnas su byed pa ni sangs rgyas kyi chos las gol ba'i lam mo/ /dge ba'i rtsa ba la chags shing zhen pa ni sangs rgyas kyi chos las gol ba'i lam mo/ /dam pa'i chos spong ba ni sangs rgyas kyi chos las gol 
ba'i lam mo/ /byang chub sems dpa'i spyod pa las dpar bas 'byed pa ni sangs rgyas kyi chos las gol ba'i lam mo/ /nyan thos dang rang sangs rgyas su 'dod pa ni sangs rgyas kyi chos las gol ba'i lam mo/ /byang chub sems dpa' la zhe sdang zhing khong 
khro ba ni sangs rgyas kyi chos las gol ba'i lam mo/ /kye rgyal ba'i sras bcu po de dag ni byang chub sems dpa' rnams kyi sangs rgyas kyi chos las gol ba'i lam rnams te/ de dag ni byang chub sems dpas yongs su spang bar bya'o/ /de dag yongs su 
spangs nas de'i 'og tu byang chub sems dpa' rnams byang chub sems dpa'i skyon med pa nyid du 'da' bar 'gyur ba dag go/ /kye rgyal ba'i sras bcu po 'di dag ni byang chub sems dpa' rnams kyi skyon med pa ste/ bcu gang zhe na 'di ltar shes rab kyi pha rol 
tu phyin pa'ang mngon par bsgrub la sems can thams cad la'ang rnam par lta ba dang / /lta ba'i rnam pa thams cad dang yang bral la/ lta ba'i bcing bas glags pa thams cad kyang rab tu 'bral ba dang / mtshan ma thams cad kyi yid la mi byed la 
mtshan ma la mngon par dga' ba'i sems can thams cad kyang mi 'dor ba dang / khams gsum pa thams cad las yang dag par 'das te 'jig rten gyi khams kyi gnas thams cad na gnas pa dang / nyon mongs pa rnams kyang rnam par bzlog la/</font><hr>37-1-219a<br><font size=+1>
sems can rnams dang yang phrad cing 'grogs pa dang / chos rnams la yang 'dod chags dang bral la/ sems can thams cad la yang snying rje chen pos byams pa dang / dngos po thams cad kyis kyang dben la 'khor thams cad kyang 
yongs su ston pa dang / 'jig rten gyi khams las kyang gyen du 'phags la skye zhing shi 'pho pa'i spyod pa yang mngon par bsgrub pa dang / 'jig rten gyi chos thams cad kyis kyang ma gos la/ 'jig rten gyi bya ba thams cad la'ang thogs pa med pa dang / 
sangs rgyas kyi byang chub kyang mngon du gyur la spyod pa dang smon lam chen po'i nyi ma yang rgyun mi gcod pa'o/ /kye rgyal ba'i sras bcu po de dag ni byang chub sems dpa' rnams kyi skyon med pa/ 'phags pa 'jig rten las 'das pa/ 'gro ba thams cad dang / 
thun mong ma yin pa nyan thos dang / rang sangs rgyas thams cad dang ma 'dres pa ste/ skyon med pa de dag la gnas shing byang chub sems dpa' rnams byang chub sems dpa'i chos nges pa rnam par 'thob par 'gyur ba dag go /kye rgyal ba'i sras bcu po 'di 
dag ni byang chub sems dpa' rnams kyi byang chub sems dpa'i chos nges pa 'thob pa ste/ bcu gang zhe na 'di ltar de bzhin gshegs pa'i rigs su skyes pa yin/ sangs rgyas kyi yul la gnas pa yin/ byang chub sems dpa'i las la zhugs pa 
yin/ pha rol tu phyin pa la nan tan du byed pa yin/ sangs rgyas kyi rgyud na sa byung ba yin/ de bzhin gshegs pa'i gdung las skyes pa yin/ sangs rgyas kyi stobs la gnas pa yin/ de bzhin gshegs pa'i byang chub tu rjes su song ba yin/ 
sangs rgyas thams cad dang sku dang rang bzhin gcig pa yin/ de bzhin gshegs pa thams cad kyi rnam par spyod pa dang mi gnyis pa yin/ kye rgyal ba'i sras bcu po de dag ni byang chub sems dpa' rnams kyi byang chub sems dpa'i chos nges par 'thob pa </font><hr>37-1-219b<br><font size=+1>
ste/ de dag ni skyon med pa la gnas pa'i byang chub sems dpa' rnams kyi 'thob pa dag go/ /kye rgyal ba'i sras bcu po 'di dag ni byang chub sems dpa' rnams kyi sangs rgyas kyi chos la 'byung ba'i lam ste/ bcu gang zhe na 'di ltar dge ba'i bshes gnyen 
rnams dang rgyud kyi tshul gcig tu 'gyur ba dang / dge ba'i rtsa ba thun mong du mos pa ni sangs rgyas kyi chos la 'byung ba'i lam mo/ /de bzhin gshegs pa thams cad kyi rnam par 'phrul pa dang / tshul mthun zhing smon lam chen po la dbugs phyin pa thob pa 
ni sangs rgyas kyi chos la 'byung ba'i lam mo/ /sems rgya chen pos rang gi dge ba'i rtsa ba'i go 'byed pa ni sangs rgyas kyi chos la 'byung ba'i lam mo/ /las ji ltar byas pa chud mi za bas bskal pa 'grangs pa thams cad du mi skyo ba ni/ sangs rgyas kyi chos 
las 'byung ba'i lam mo/ /phyi ma'i mtha'i mur thug pa thams cad du yongs su 'dzin pas/ 'jig rten gyi khams grangs med par gnas par bya ba ni sangs rgyas kyi chos la 'byung ba'i lam mo/ /sems can gyi khams thams cad yongs su 
smin par bya ba la mkhas pas byang chub sems dpa'i spyod pa rgyun mi gcod pa ni sangs rgyas kyi chos la 'byung ba'i lam mo/ /snying rje chen po bskyed de sems tshad med par byed pa ni sangs rgyas kyi chos la 'byung ba'i lam mo/ /nam mkha'i dbyings thams 
cad sems bskyed pa gcig gis rgyas par dgang bas spyod pa dang smon lam chen po'i khyad par la 'jug pa ni sangs rgyas kyi chos la 'byung ba'i lam mo/ /sngon mngon par bsgrubs pa chud mi za bar de bzhin gshegs pa'i rigs yang dag par 'dzin pa ni 
sangs rgyas kyi chos la 'byung ba'i lam mo/ /'gro ba thams cad la byang chub kyi sems yongs su ston cing / byang chub tu sems bskyed pa rnams kyi dge ba'i rtsa ba thams cad nye bar ston pa ni sangs rgyas kyi chos la 'byung ba'i lam mo/ /kye rgyal ba'i </font><hr>37-1-220a<br><font size=+1>
sras bcu po de dag ni byang chub sems dpa' rnams kyi sangs rgyas kyi chos la 'byung ba'i lam ste/ de dag gis byung ba'i byang chub sems dpa' rnams kyi skyes bu dam pa'i ming bcu 'thob par 'gyur ba dag go/ /kye rgyal ba'i sras bcu po 'di 
dag ni byang chub sems dpa' rnams kyi skyes bu dam pa'i ming 'thob pa ste/ bcu gang zhe na/ 'di ltar byang chub kyi ye shes kyi lus dang ldan pas byang chub sems dpa' zhes bya ba yin/ theg pa chen po la rab tu gnas pa'i phyir sems dpa' chen po zhes bya ba yin/ 
chos kyi dam pa mngon par rtogs pas dam pa'i sems dpa' zhes bya ba yin/ mchog gi chos mngon par 'tshang rgya bas mchog gi sems dpa' zhes bya ba yin/ ye shes kyi khyad par rab dang ldan pas rab kyi sems dpa' zhes bya ba yin/phul du brtson 
'grus rtsom pas phul gyi sems dpa' zhes bya ba yin/ gong na med pa'i chos yang dag par ston pas bla na med pa'i sems dpa' zhes bya ba yin/ stobs bcu'i ye shes yangs pa dang ldan pas stobs kyi sems dpa' zhes bya ba yin/ 'gro ba 
thams cad na dpe med pas mi mnyam mi 'dra ba'i sems dpa' zhes bya ba yin/ nam 'dod pa'i sems kyi skad cig la byang chub tu mngon par rdzogs par 'tshang rgya bas bsam gyis mi khyab pa'i sems dpa' zhes bya ba yin/ kye rgyal ba'i sras 
bcu po de dag ni byang chub sems dpa' rnams kyi skyes bu dam pa'i ming 'thob pa rnams so/ /kye rgyal ba'i sras bcu po 'di dag ni byang chub sems dpa' rnams kyi lam ste/ bcu gang zhe na 'di ltar gcig pu grogs med par byang chub kyi sems mi gtong 
bas byang chub sems dpa' rnams kyi lam gcig la rten pa dang / thabs dang shes rab kyis mngon par bsgrub pas/ byang chub sems dpa' rnams kyi lam yan lag gnyis pa dang / stong ba nyid kyi sbyor ba dang / mtshan ma med pa'i mtha'i rtse </font><hr>37-1-220b<br><font size=+1>
mor phyin pa dang / smon pa med pa'i phyir khams gsum dang mi 'dre bas byang chub sems dpa'i lam rnam pa gsum pa dang / nyes pa bshags pa'i tshul dang / bsod nams thams cad la rjes su yi rang ba dang / de bzhin gshegs pa la gsol ba 
gdab pa'i rim gro rgyun mi gcod pa dang / yongs su bsngo ba la mkhas pas shin tu bsngo ba'i phyir byang chub sems dpa'i lam spyod pa bzhis smos pa dang dad pa'i rtsa ba tshugs te/ shin tu brtan pa dang / brtson 'grus chen po las phyir mi ldog pa dang / 
dran pa rtse gcig pa dang ting nge 'dzin gyi tshul ma 'khrugs pa dang / rab tu rtogs pa'i shes rab kyi spyod yul la mkhas pas/ byang chub sems dpa' rnams kyi lam dbang po lngas rnam par spel ba dang / 'di lta ste lha'i mig gis 'jig rten gyi khams 
thams cad kyi gzugs kyi rnam pa thams cad dang / sems can gyi shi 'pho dang / skye ba thams cad yongs su mthong ba'i rang bzhin dang ldan pa dang / lha'i rna bas de bzhin gshegs pa thams cad kyi chos bstan pa mnyan cing dran par bya ba dang / 
yongs su gzung bar bya bas sems can pha rol gyi dbang po la yang dag par phyin par byed pa dang bdag gi sems chags pa med pas/ pha rol gyi sems shes pas mthong ba la dbang bsgyur ba mngon par bsgrub pa dang / sngon gyi gnas rjes su dran pas 
bskal pa 'grangs pa thams cad rjes su dran zhing dge ba'i rtsa ba rnam par 'phel bar byed pa dang / rdzu 'phrul dang rnam par 'phrul pa chen po bsgrubs pas sems can ji ltar 'dul ba bzhin du cho 'phrul sna tshogs yongs su ston cing / sems can thams cad la chos 
brjod pa dang / zag pa zad pa'i ye shes dang ldan pas yang dag pa'i mtha' mngon sum du mthong zhing byang chub sems dpa'i spyod pa bsgrub pa rgyun mi gcod pas/ byang chub sems dpa' rnams kyi lam mngon par shes pa drug gis rnam par 'phrul ba dang /</font><hr>37-1-221a<br><font size=+1>
'di lta ste/ sems can gyi gtso bo mtha' yas pa thams cad skra'i rtse mo gcig la bzhugs par mthong ste/ yang dag par yongs su gzung zhing sems can gyi bsam pas rnam par rig par bya ba la 'jug pas sangs rgyas rjes su dran pa dang / 
de bzhin gshegs pa gcig gi 'khor gyi dkyil 'khor nas ma g.yos par de bzhin gshegs pa thams cad kyi 'khor gyi dkyil 'khor du mngon du zhal nas chos bstan pa bsgrags pa mi zad pas 'gro ba thams cad kyi bsam pa dang / dbang po ji lta ba bzhin du 
rnam par rig par bya ba la 'jug pas chos rjes su dran pa dang / phyir mi ldog pa'i byang chub sems dpa'i tshogs mthong ba dang mi 'bral zhing 'gro ba thams cad la byang chub sems dpa'i lus yongs su ston pas dge 'dun rjes su dran pa dang / byang chub sems 
dpa' thams cad kyi sbyin pa yongs su gtong ba la yang dag par gzhol zhing gtong ba chen pos rnam par spel ba yid la byed pas gtong ba rjes su dran pa dang / byang chub kyi sems dang mi 'bral bas dge ba'i rtsa ba thams cad 'gro ba thams cad la stobs pas/ tshul 
khrims rjes su dran pa dang / dga' ldan gyi pho brang gi mchog na byang chub sems dpa' tshe gcig gis thogs pa bzhugs pa rjes su dran pas lha rjes su dran pa dang / thabs kyi ye shes chen pos 'gro ba thams cad yongs su smin par bya ba dang / gdul ba rgyun 
mi 'chad pa la zhugs te/ sems can rjes su dran pa'i phyir dge 'dun rjes su dran pas byang chub sems dpa'i lam rjes su dran pa bdun gyis mngon par bsgrubs pa dang / 'di lta ste log par lta ba thams cad yongs su spangs pas yang dag pa'i lta ba'i lam du 
'byung ba dang / rtog pa dang / rnam par rtog pa dang / yongs su rtogs pa dang bral bas thams cad mkhyen pa nyid dang mthun zhing don yod la yid la bya ba med pas byung ba dang / ngag gi nyes pa bzhi dang bral bas 'phags pa dang mthun </font><hr>37-1-221b<br><font size=+1>
zhing yang dag pa'i ngag rab tu brjod pa dang / lus kyi las thams cad sems can nye bar 'tsho bas 'gro ba thams cad thogs pa med par yongs su smin par byed cing 'dul bas mngon par bsgrubs pa dang / 'phags pa'i rigs la rab tu gnas shing sbyangs 
pa'i yon tan gyis sdom pa byang chub kyi lam dang ldan pa'i spyod lam dang / spyod pa dang tshul la rab tu gnas shing thams cad du kha na ma tho ba med pas yang dag pa'i 'tsho ba dang / byang chub sems dpa' thams cad kyi brtul zhugs dang / dka' thub kyis 
kun nas gdungs pa dang / yongs su gdungs pa yang dag par ston cing / de bzhin gshegs pa'i stobs bcu'i rang bzhin thogs pa med pa dang ldan pa'i phyir yang dag pa'i rtsol ba dang / sgra thams cad 'dzin cing dran pa 'jig rten gyi rnam par 'khrug 
pa thams cad kyis bar du mi chod pa'i phyir yang dag pa'i dran pa dang / byang chub sems dpa'i rnam par thar pa bsam gyis mi khyab pa'i ting nge 'dzin gcig gis ting nge 'dzin thams cad mngon par bsgrub pa la mkhas pa'i phyir yang dag pa'i ting nge 'dzin 
dang ldan pas byang chub sems dpa' rnams kyi lam ni 'phags pa'i lam gyi yan lag brgyad dang ldan zhing byang chub dang mthun par gyur pa dang / 'di lta ste 'dod pa dang gnod sems dang / 'tsho ba med pa dang ngag gi las thams cad kyis ma bsgribs 
par chos ston pa'i tshul dang ldan pas rnam par rtog pa dang / rnam par dpyod pa gsal ba dang / thams cad mkhyen pa'i ye shes la sems can yongs su smin par bya ba'i bsam pa yongs su mi gtong zhing dga' ba zing zing po dang bral ba dang / 
de bzhin gshegs pa thams cad mthong bas dga' ba'i yid bde ba yang rgyun mi 'chad cing 'jig rten pa'i bde ba dang / sdug bsngal dang bral bas 'phags pa 'jig rten las 'das pa'i byang chub sems dpa'i lam dang mthun pa dang / mi g.yo ba'i gzugs </font><hr>37-1-222a<br><font size=+1>
med pa'i snyoms par zhugs pas mngon par bsgrubs pa dang / 'dod pa'i khams dang gzugs kyi khams su skyes pa las ma g.yos par 'du shes pa dang / tshor ba thams cad 'gog pa'i snyoms par 'jug pas mngon par bsgrubs 
shing/ byang chub sems dpa'i spyod pa bsgrub pa rgyun mi gcod pas/ byang chub sems dpa' rnams kyi lam mthar gyis spyod cing snyoms par 'jug pa dgus mngon par bsgrubs pa dang / 'di lta ste gnas dang gnas ma yin pa la mkhas pa'i ye shes dang 
ldan pa dang / 'gro ba thams cad kyi 'das pa dang / ma 'ongs pa dang / da ltar byung ba'i las dang / rgyu dang rnam par smin pa yongs su len pa shin tu rtogs pa dang / dbang po ji lta ba bzhin du chos ston cing go bar byed pas sems can gyi khams 
thams cad kyi dbang po rab dang tha ma shes pa'i ye shes kyis shin tu brtags pa dang khams tha dad pa dang khams du ma la mkhas pa dang ldan pa dang / rab dang tha ma dang / 'bring la mos pa rab tu rtogs pa'i chos kyi tshul la zhugs pa dang / 'gro ba thams cad 
dang zhing dang dus dang / bskal pa thams cad byang chub sems dpa'i lus dang / gzugs kyis rgyas par dgang zhing de bzhin gshegs pa'i tshul yongs su bstan pas/ byang chub sems dpa'i spyod pa bsgrub pa yongs su mi gtong ba dang / bsam 
gtan dang rnam par thar pa dang / ting nge 'dzin dang / snyoms par 'jug pa dang / kun nas nyon mongs pa dang / rnam par byang ba thams cad las rnam par ldang ba dus la bab pa dang / dus la ma bab pa rtogs pa'i ye shes kyi 
tshul gyis mngon par bsgrubs pa'i byang chub sems dpa'i rnam par thar pa la rab tu gnas pa dang / sems can thams cad kyi skye ba dang / shi 'pho ba dang lam gyi rgyud dang / 'pho ba tha dad pa'i gnas la mkhas pa dang ldan pa dang / dus gsum gyi bskal pa 'grangs </font><hr>37-1-222b<br><font size=+1>
pa thams cad skad cig gcig du gzung ba rtogs pa'i ye shes snang bas mngon par bsgrubs pa dang / 'gro ba thams cad kyi nyon mongs pa dang bag chags dang bsam pa dang / bag la nyal ba byang bar thob pa'i ye shes kyi tshul gyis mngon par bsgrubs pa'i byang chub 
sems dpa'i spyod pa bsgrub pa mi gtong bas byang chub sems dpa' rnams kyi lam ni de bzhin gshegs pa'i stobs bcu rab tu rtogs pa la yang dag par btang ba'o/ /kye rgyal ba'i sras bcu po de dag ni byang chub sems dpa' rnams kyi lam ste/ de dag la 
gnas shing byang chub sems dpa' rnams de bzhin gshegs pa thams cad kyi lam la mkhas pa bla na med pa 'thob par 'gyur ba dag go/ /kye rgyal ba'i sras gzhan yang byang chub sems dpa' rnams kyi lam ni tshad med pa'o/ /lam gyi tshogs ni tshad 
med pa'o/ /lam bsgom pa ni tshad med pa'o/ /lam gyi rgyan ni tshad med pa'o/ /de ci'i phyir zhe na/ kye rgyal ba'i sras de la bcu po 'di dag ni byang chub sems dpa' rnams kyi lam tshad med pa ste/ bcu gang zhe na 'di ltar nam mkha'i 
dbyings tshad med pa dang / mtha' dang dbus med pa'i chos kyi dbyings tshad med pa dang / mi zad pa'i sems can gyi khams tshad med pa dang / mu med pa'i 'jig rten gyi khams tshad med pa dang / mi zad pa'i bskal pa 'grangs pa tshad med pa 
dang/ 'gro ba thams cad kyi tha snyad mtha' yas shing tshad med pa dang / de bzhin gshegs pa'i sku tshad med pa dang / de bzhin gshegs pa'i gsung gi dbyangs tshad med pa dang / de bzhin gshegs pa'i stobs tshad med pa dang / thams cad 
mkhyen pa'i ye shes tshad med pa ste/ kye rgyal ba'i sras bcu po de dag ni byang chub sems dpa' rnams kyi lam tshad med pa rnams so/ /kye rgyal ba'i sras de ci'i phyir zhe na/ nam mkha'i dbyings ci tsam du tshad med pa de tsam du tshad med pa'i byang chub </font><hr>37-1-223a<br><font size=+1>
sems dpas lam gyi tshogs yongs su bsdu bar bya'o/ /ji ltar chos kyi dbyings mtha' dang dbus med pa de ltar mtha' dang dbus med par byang chub sems dpas lam gyi tshogs yongs su bsdu bar bya'o/ /ji ltar sems can gyi khams mi zad pa de ltar mi zad 
par byang chub sems dpas lam gyi tshogs yongs su bsdu bar bya'o/ /ji ltar 'jig rten gyi khams mu med pa de ltar mu med par byang chub sems dpas lam gyi tshogs yongs su bsdu bar bya'o/ /ji ltar bskal pa grangs su bgrang zhing bstan pa mi zad 
pa de ltar 'gro ba thams cad mi zad par byang chub sems dpas lam gyi tshogs yongs su bsdu bar bya'o/ /ji ltar 'gro ba thams cad kyi tha snyad mtha' yas pa de ltar 'gro ba thams cad kyi sgra dang tha snyad la 'jug pa'i ye shes kyis mngon par bsgrubs pa mtha' yas 
par byang chub sems dpas lam gyi tshogs yongs su bsdu bar bya'o/ /ji ltar de bzhin gshegs pa'i sku tshad med pa de ltar 'gro ba dang zhing dang dus dang / sems can dang bskal pa thams cad du rgyas par 'gengs zhing tshad med par byang chub sems dpas lam 
gyi tshogs yongs su bsdu bar bya'o/ /ji ltar sangs rgyas kyi gsung gi dbyangs tshad med pa de ltar byang chub sems dpas tshig gi las gcig brjod pas chos kyi dbyings ma lus pa thams cad du rgyas par khyab cing sems can gyi khams thams cad go bar byed pa'i 
lam gyi tshogs yongs su bsdu bar bya'o/ /ji ltar de bzhin gshegs pa'i stobs tshad med pa de ltar de bzhin gshegs pa'i stobs kyis bstan pa'i byang chub sems dpas lam gyi tshogs yongs su bsdu bar bya'o/ /ji ltar thams cad mkhyen pa'i ye shes tshad 
med pa de ltar tshad med par byas te/ byang chub sems dpas lam gyi tshogs yongs su bsdu bar bya'o/ /kye rgyal ba'i sras bcu po de dag ni byang chub sems dpa' rnams kyi lam gyi tshogs te/ de dag la gnas shing byang chub sems dpa' rnams de bzhin </font><hr>37-1-223b<br><font size=+1>
gshegs pa'i ye shes mtha' dang dbus med pa 'thob par 'gyur ba dag go/ /kye rgyal ba'i sras bcu po 'di dag ni byang chub sems dpa' rnams kyi lam bsgom pa ste/ bcu gang zhe na 'di ltar lus dang ngag dang sems kyis mi longs pa med pas blang ba med pa dang / dor 
ba med pa bsgom pa dang / yang dag pa ji lta ba bzhin du 'jug pa'i ye shes dang ldan pas bsnan pa med pa dang / dbri ba med par bsgom pa dang / rang bzhin gyis 'jug pa med pas bsgom pa med pa dang / rnam par bsgom pa med pa bsgom pa dang / mngon par zhen pa 
thams cad dang bral bas sgyu ma dang rmi lam dang mig yor dang / sgra brnyan dang gzugs brnyan dang smig rgyu dang chu'i zla ba lta bur bsgom pa dang / khams gsum pa'i bsod nams blta bas bstsags pa bstsal ba'i phyir stong pa nyid dang / mtshan ma med pa dang 
smon pa med pa dang / mngon par 'du bya ba med pa bsgom pa dang / chos su gdags pa rnam par dgod pa dang bral bas brjod du med pa dang / bstan du med pa dang smos su med pa dang / bshad du med pa bsgom pa dang / chos thams cad la zhugs pa'i ye shes 
mngon sum dang ldan pas/ chos kyi dbyings tha mi dad pa bsgom pa dang / de kho na nyid dang / de bzhin nyid nam mkha'i mtha' dang mnyam pa khong du chud pas de bzhin nyid dang / yang dag pa'i mtha' ma nyams par bsgom pa dang / mngon par 'du byed pa'i 
stobs rgyun mi 'chad pa'i phyir byang chub sems dpa'i ye shes yangs pa bsgom pa dang / chos thams cad mngon sum du gyur te/ the tsom med pas de bzhin gshegs pa'i stobs bcu dang / mi bsnyengs pa bzhi dang so so yang dag par rig pa dang / 
thams cad mkhyen pa'i ye shes dang mtshungs pa med pa bsgom pa'o/ /kye rgyal ba'i sras bcu po de dag ni byang chub sems dpa' rnams kyi lam bsgom pa ste/ de dag la gnas shing byang chub sems dpa' rnams thams cad mkhyen pa'i ye shes bsgom </font><hr>37-1-224a<br><font size=+1>
pa la mkhas pa bla na med pa 'thob par 'gyur ba dag go/ / kye rgyal ba'i sras bcu po 'di dag ni byang chub sems dpa' rnams kyi lam gyi rgyan te bcu gang zhe na/ kye rgyal ba'i sras/ 'di la byang chub sems dpa' 'dod pa'i khams 
nas kyang mi g.yo la/ gzugs dang gzugs med pa la spyod pa'i bsam gtan dang / rnam par thar pa dang ting nge 'dzin dang snyoms par 'jug pa la snyoms par 'jug kyang / de dag gi dbang gis mi skye ba 'di ni lam gyi rgyan dang po'o/ /kye rgyal ba'i sras 
gzhan yang byang chub sems dpa' nyan thos kyi lam mngon sum du gyur pa'i ye shes la zhugs kyang lam des 'byung ba 'ang ma yin pa 'di ni lam gyi rgyan gnyis pa'o/ /kye rgyal ba'i sras gzhan yang byang chub sems dpa' rang sangs rgyas kyi lam la mngon sum du 
gyur pa'i ye shes snang ba la mkhas kyang snying rje chen po'i stobs rgyun mi gcod pa 'di ni lam gyi rgyan gsum pa'o/ /kye rgyal ba'i sras gzhan yang byang chub sems dpa' g.yog 'khor mang po dang ldan zhing g.yog 'khor lha dang mi'i rnam par dag pa dang ldan zhing / 
lha'i bu mo brgya stong gis rol mo brdung ba dang dkrol ba'i sgra phyung ste brjod pa la spyod kyang byang chub sems dpa'i lam dang ldan pa'i bsam gtan dang / rnam par thar pa dang / ting nge 'dzin dang snyoms par 'jug pa mi 'dor ba 'di ni lam gyi rgyan bzhi pa'o/ /
kye rgyal ba'i sras gzhan yang byang chub sems dpa' 'gro ba thams cad kyi rtse rgal dka' dgod pa dang / sems can dang 'dres shing 'bur ldog pa byed kyang sems kyi skad cig gcig la yang byang chub sems dpa'i ting nge 'dzin mnyam pa nyid mi 'dor ba 'di ni lam gyi 
rgyan lnga pa'o/ /kye rgyal ba'i sras gzhan yang byang chub sems dpa' 'jig rten gyi chos thams cad dang ma 'dres shing 'jig rten gyi pha rol tu phyin pa yin yang / sems can bsgral ba'i phyir pha rol tu mi 'gro ba'i lam yang mi gtong ba 'di ni lam gyi rgyan drug </font><hr>37-1-224b<br><font size=+1>
pa'o/kye rgyal ba'i sras gzhan yang byang chub sems dpa' yang dag pa ji lta ba bzhin gyi ye shes snang ba la zhugs pa'i lam la gnas kyang lam ngan par zhugs pa'i sems can phyir bzlog pa'i phyir lam ma yin pa dang / lam ngan pa yang gnon la/ lam 
des 'khor ba 'dzin pa'ang ma yin te/ des dag par yang mi sems pa 'di ni lam gyi rgyan bdun pa'o/ /kye rgyal ba'i sras gzhan yang byang chub sems dpa' rtag tu tshul khrims legs par bsrungs pa dang ldan zhing de bzhin gshegs pa'i tshul khrims rnam 
par dag pa la rten pas/ lus dang ngag dang yid kyi las kyi mtha' kha na mtho ba med pa dang ldan yang tshul khrims ngan pa dang ldan pa'i sems can yongs su smin par bya ba'i phyir so so'i skye bo tha mal pa'i spyod pa thams cad ston cing / byang chub sems dpa'i 
lam la rten pas/ bsod nams kyi tshogs rnam par dag pa thams cad yongs su rdzogs pa yin yang sems can dmyal ba dang / byol song gi skye gnas dang / gshin rje'i 'jig rten dang / mi khom pa dang dbul bar skyes pa'i lam du zhugs pa'i sems 
can thams cad rnam par bzlog pa'i phyir/ de dag gi lam du skyes pa yang ston la/ lam de dag la yang dag par gzhol ba yang ma yin pa 'di ni lam gyi rgyan brgyad pa'o/ /kye rgyal ba'i sras gzhan yang byang chub sems dpa' sangs rgyas kyi chos thams cad 
la gzhan gyi dring mi 'jog cing thogs pa med pa'i spongs pa thob pa sangs rgyas kyi chos thams cad la ye shes snang bas rnam par lta ba/ de bzhin gshegs pa thams cad kyi byin gyis brlabs pa/ sangs rgyas thams cad kyi chos kyi sku dang / lus gcig tu gyur 
pa sems can thams cad kyi chos kyi snying po'i tshul can dgongs pa'i snang ba khong du chud pa/ theg pa thams cad kyi mnyam pa nyid la rab tu gnas pa sangs rgyas thams cad kyi spyod yul la mngon par mos pa 'gro ba thams cad kyi yid du 'ong ba/ sems </font><hr>37-1-225a<br><font size=+1>
can gyi khams thams cad kyis ngor lta ba/ 'gro ba thams cad kyi slob dpon du bya ba yin yang / chos yongs su btsal bar bya ba rgyun mi gcod cing ngo mtshar gyis yongs su zin par snang bas sri zhu'i las thams cad la gnas te/ 
mkhan po dang slob dpon du ston kyang de nyid 'gro ba thams cad kyi slob dpon du 'gyur ba yin te/ de ci'i phyir zhe na/ byang chub sems dpa' rnams ni thabs mkhas pa dang ldan par byang chub sems dpa'i lam la shin tu gnas pa yin pas/ de dag ni thabs 
gang dang gang gis sems can rnams 'dul bar 'gyur ba de dang de thabs sems can rnams la yongs su ston te/ 'di ni lam gyi rgyan dgu pa'o/ /kye rgyal ba'i sras gzhan yang byang chub sems dpa' dge ba'i rtsa ba thams cad yongs su 'dus shing byang 
chub sems dpa'i spyod pa dang rdzu 'phrul thams cad thob pa/ de bzhin gshegs pa thams cad kyis dbang bskur bas mngon par dbang bskur ba/ chos thams cad la dbang ba'i dbang phyug gi pha rol tu phyin pa'i mchog thob pa/ chags pa med cing dri ma med pa'i thabs dang ldan pa/ 'jig 
rten gyi khams thams cad du thogs pa med par de bzhin gshegs pa'i sku yang dag par ston pa/ chos kyi 'khor lo thogs pa med par bskor ba'i byin gyi rlabs dang ldan pa/ 'jig rten gyi khams thams cad du khyab pa'i lus dang gzugs bdog pa/ chos 
thams cad kyi dbang phyug gi pha rol tu phyin pa dam pa dang ldan pa/ byang chub sems dpa'i dbang thams cad rab tu thob pa/ 'gro ba thams cad kyi zhing du skye ba yongs su ston pa la mkhas pa 'das pa dang ma 'ongs pa dang / da ltar byung ba'i de bzhin gshegs 
pa thams cad dang yul gcig tu gyur pa 'di yin la/ byang chub sems dpa'i spyod pa'ang rgyun mi gcod cing / byang chub sems dpa'i chos nyid kyang rnam par mi spong / byang chub sems dpa'i las las kyang rnam par mi ldog /byang chub sems dpa'i </font><hr>37-1-225b<br><font size=+1>
lam las kyang phyir mi ldog /byang chub sems dpa'i spyod pa'ang rgyun mi gcod/ byang chub sems dpa'i nye bar len pa'ang 'chad par mi byed/ byang chub sems dpa'i thabs mkhas pa las kyang phyir mi ldog /byang chub sems dpa'i bya ba yang thogs par mi 
byed/ byang chub sems dpa'i mngon par 'du byed pa'i stobs kyis kyang yongs su skyo ba med cing byang chub sems dpa'i spyod pa'i byin gyi rlabs las kyang ring du 'phang ba ma yin te/ kye rgyal ba'i sras de ci'i phyir zhe na/ de ltar byang chub sems dpa'i spyod pa rgyun mi gcod 
pa dang/ thams cad mkhyen pa nyid kyi sgo la rnam par lta ba de lta bus ni byang chub sems dpa' bla na med pa yang dag par rdzogs pa'i byang chub tu myur du 'byung ba'i phyir te/ 'di ni lam gyi rgyan bcu pa'o/ /kye rgyal ba'i sras bcu po de dag ni byang chub sems dpa' 
rnams kyi lam gyi rgyan te/ de dag la gnas shing byang chub sems dpa' rnams de bzhin gshegs pa'i lam rin po che'i rgyan bla na med pa thob par gyur kyang / byang chub sems dpa'i lam gyi rgyun mi gcod pa'o/ /kye rgyal ba'i sras bcu po 'di dag ni byang 
chub sems dpa' rnams kyi rkang pa ste/ bcu gang zhe na/ 'di ltar smon lam chen po'i khyad par yongs su bsdu ba shin tu rdzogs par bya ba'i phyir tshul khrims kyi rkang pa dang / byang chub kyi yan lag thams cad yang dag par bsdu ba las phyir mi ldog pa'i phyir brtson 
'grus kyi rkang pa dang / sems can rnams bsam pa ji lta ba bzhin du yongs su tshim par bya ba'i phyir mngon par shes pa'i rkang pa dang / sangs rgyas kyi zhing thams cad du 'gro yang zhing gcig nas mi g.yo ba'i phyir rdzu 'phrul gyi rkang pa dang / khyad par du 'gro ba'i 
phyir lhag pa'i bsam pa'i rkang pa dang / brtsams pa thams cad mthar phyin par bya ba'i phyir dam bcas pa brtan pa'i rkang pa dang / bla ma thams cad kyi bsgo ba las 'gal bar mi byed pa'i phyir mthun par 'dzin pa'i rkang pa dang / de bzhin gshegs pa thams </font><hr>37-1-226a<br><font size=+1>
cad kyis gsungs pa yang dag par gzung bas mi skyo ba'i phyir chos mnyan pa mi ngoms par tshol ba'i rkang pa dang / tshangs pa'i gnas nas 'khor gyi dkyil 'khor thams cad du 'gro bar sgyid lug pa med pa'i phyir chos kyi char 'bebs 
pa'i rkang pa dang / thams cad du kha na ma tho ba med pa'i phyir byang chub sems dpa'i spyod pa chen po la nan tan du byed pa'i rkang pa'o/ /kye rgyal ba'i sras bcu po de dag ni byang chub sems dpa' rnams kyi rkang pa ste/ de dag la gnas shing byang chub sems 
dpa' rnams de bzhin gshegs pa'i zhabs kyi mchog gis/ 'jig rten gyi khams thams cad du 'gro ba bla na med pa 'thob par 'gyur ba dag go /kye rgyal ba'i sras bcu po 'di dag ni byang chub sems dpa' rnams kyi lag pa ste/ bcu gang zhe na 'di ltar de 
bzhin gshegs pa thams cad kyis gsungs pa la gcig tu mos shing yid ches pas mthar phyin par bya ba'i phyir dad pa'i lag pa dang / slong ba thams cad yid bzhin du tshim par bya ba'i phyir gtong ba rab tu gtong ba'i lag pa dang / lag pa g.yas 
pa brkyang ba'i phyir tshur shog bde bar 'ongs sam zhes 'dor te/ gsong por smra ba'i lag pa dang / bsod nams bsags pa rnam par spel ba las mi g.yo ba'i phyir de bzhin gshegs pa thams cad mchod cing rim gro byed pa'i lag pa dang / sems 
can thams cad kyi the tsom gcad pa'i phyir thos pa thams cad la mkhas pa'i lag pa dang / 'dod pa'i 'dam du thogs pa'i sems can gyi khams la lag pa ring du brkyang ste/ 'ju bar rnyeb pa'i phyir khams gsum dang bral zhing shin tu 'byung bar 
byed pa'i lag pa dang / chu bo chen po bzhis khyer ba las lag pa ring du brkyang zhing gdon ba'i phyir bde ba'i thang la gzhog pa'i lag pa dang / 'gro ba thams cad la gnod pa med par bstan pa'i chos rab tu bstan pa'i phyir yang dag par sbyor ba'i chos la slob </font><hr>37-1-226b<br><font size=+1>
dpon gyis mi 'chab pa'i lag pa dang / lus dang sems kyi nad rab tu bsal ba'i phyir 'jig rten pa dang / 'jig rten las 'das pa'i gtsug lag thams cad shes pa'i lag pa dang / nyon mongs pa'i mun pa thams cad dang bral ba'i chos 
kyi snang ba mtshungs pa med pa yongs su bstan pa'i phyir shes rab dang ye shes rin po che'i lag pa'o/ /kye rgyal ba'i sras bcu po de dag ni byang chub sems dpa' rnams kyi lag pa ste/ de dag la gnas shing byang chub sems dpa' rnams de bzhin 
gshegs pa'i phyag 'jig rten gyi khams thams cad kun nas yog par skyob pa bla na med pa 'thob par 'gyur ba dag go// //sangs rgyas rmad gcad ces bya ba shin tu rgyas pa chen po'i mdo/ /bam po nyi shu pa/ /
kye rgyal ba'i sras bcu po 'di dag ni byang chub sems dpa' rnams kyi lto ste/ bcu gang zhe na 'di ltar bsam pa dag pas g.yo ba med pa'i lto dang drang bas sgyu med pa'i lto dang / thibs po med pas 'chos pa med pa'i lto dang / dngos po thams cad la mngon 
bar chags pa med pas yul la mi 'dzin pa'i lto dang / shes pa'i phyir nyon mongs pa thams cad sel ba'i lto dang / skyon med pa'i phyir sems dag pa'i lto dang / chos ji lta ba bzhin du yid la bya ba'i phyir kha zas thams cad yongs su shes par bya ba 
so sor rtog pa'i lto dang / rten cing 'brel bar 'byung ba rjes su rtogs par bya ba'i phyir mngon par 'du mi byed pa so sor rtog pa'i lto dang / bsam pa shin tu smin pas 'byung ba thams cad shes pa'i lto dang / sems can thams cad sangs rgyas 
kyi sku'i nang du chud pa khong du chud pa'i phyir dri ma mtha' yas pa'i lta ba thams cad dang bral ba'i lto'o/ /kye rgyal ba'i sras bcu po de dag ni byang chub sems dpa' rnams kyi lto ste/ de dag la gnas shing byang chub sems dpa' rnams de bzhin </font><hr>37-1-227a<br><font size=+1>
gshegs pa'i sku/ 'gro ba thams cad yongs su 'dzin pa bla na med pa 'thob par 'gyur ba dag go/ /kye rgyal ba'i sras bcu po 'di dag ni byang chub sems dpa' rnams kyi snying po ste/ bcu gang zhe na 'di ltar de bzhin gshegs pa thams cad kyi 
tshul gyi mthu tshad med pa yongs su bskyed pa'i phyir byang chub sems dpa' rnams kyi snying po/ sangs rgyas kyi rigs rgyun mi gcod par kun nas gnas pa dang / ye shes snang ba chen po yongs su bstan pa'i phyir byang chub sems dpa'i snying po chos kyi rigs rab tu gsal bar 
byed par kun nas gnas pa dang / phyir mi ldog pa'i 'khor lo yang dag par gzhol bar bya ba'i phyir byang chub sems dpa' rnams kyi snying po dge 'dun gyi rigs yongs su sdud par kun nas gnas pa dang / dus ji lta ba bzhin las mi 'da' bar bya ba'i phyir byang 
chub sems dpa' rnams kyi snying po chos thams cad nges par gleng bar byed pa dang / rgyu gcig nas gcig tu brgyud pa'i rgyun mi 'chad par bya ba'i phyir byang chub sems dpa' rnams kyi snying po nges pa med par yongs su smin par byed par gnas pa dang / ma 'ongs pa'i 
rgyu skyon med par bya ba'i phyir/ byang chub sems dpa' rnams kyi snying po sems can log par nges pa rnams la snying rje chen po skye bar kun nas gnas pa dang bdud kyi sde thams cad btul te/ dge ba'i rtsa ba mi 'phrogs par bya ba'i phyir byang chub sems dpa' rnams 
kyi snying po de bzhin gshegs pa'i stobs bcu thub pa med pa'i rgyu yongs su rdzogs par byed par kun nas gnas pa dang / 'gro ba ma lus pa thams cad yongs su tshim par bya ba'i phyir byang chub sems dpa' rnams kyi snying po mi 'jigs pa chen po'i seng ge dang / khyu mchog 
gi nga ro 'byin par kun nas gnas pa dang / thams cad du ye shes yang dag par gzhol bar bya ba'i phyir byang chub sems dpa' rnams kyi snying po sangs rgyas kyi chos ma 'dres pa bcwo brgyad 'thob pa'i phyir kun nas gnas pa dang / skad cig gcig tu mi mnyam par </font><hr>37-1-227b<br><font size=+1>
med par zhugs pas/ byang chub sems dpa' rnams kyi snying po zhing thams cad dang / chos thams cad dang sangs rgyas thams cad mnyam pa nyid du khong du chud par gnas pa'o/ /kye rgyal ba'i sras bcu po de dag ni byang chub sems dpa' rnams kyi snying po ste/ de dag 
la gnas shing byang chub sems dpa' rnams dge ba'i rtsa ba thams cad ma log pas de bzhin gshegs pa'i ye shes chen po'i snying po bla na med pa 'thob par 'gyur ba dag go /kye rgyal ba'i sras bcu po 'di dag ni byang chub sems dpa' rnams kyi snying ste/ bcu gang 
zhe na brtsams pa thams cad mthar phyin par bya ba'i phyir zhe non pa'i snying dang / mtshan dang dpe byad bzang po'i bsod nams kyi tshogs yongs su bsdu ba'i phyir sems zhum pa med pa'i snying dang / bdud kyi sde thams cad rab tu gzhom pa'i phyir rnam par gnon pa chen 
po'i snying dang / nyon mongs pa thams cad kyis mi tshugs pa'i phyir tshul bzhin du sbyor ba'i snying dang / snying po byang chub kyi bar du phyin par bya ba'i phyir phyir mi 'gyur zhing / phyir mi ldog pa'i snying dang / sems 'pho ba med par khong du chud pas mngon 
par chags pa med pa'i phyir rang bzhin gyi 'od gsal ba'i snying dang / ji ltar mos pa'i tshul bzhin du rnam par thar pa 'thob pa bya ba'i phyir/ sems can gyi tshul shes pa'i snying dang / theg pa gzhan la mos pa med par sems can gyi khams yongs su bskyab 
pa'i phyir/ tshangs pa'i rnam par spyod pa rgya chen pos sangs rgyas kyi chos la 'jug pa'i snying dang / lta ba'i mtshan mas khams gsum la mngon par chags pa med par bya ba'i phyir stong pa nyid dang / mtshan ma med pa dang / smon pa med pa dang / mngon 
par 'du bya ba med pa'i snying dang / sems can thams cad bdud du gyur pa'i sgos bdud thams cad 'ongs par gyur kyang / spu gcig kyang mi g.yo bas dpal gyi be'us brgyan cing rdo rje'i khams ltar sra zhing brtan pa'i snying po dam pa dang ldan pa'i snying ngo / /kye </font><hr>37-1-228a<br><font size=+1>
rgyal ba'i sras bcu po de dag ni byang chub sems dpa' rnams kyi snying ste/ de dag la gnas shing byang chub sems dpa' rnams de bzhin gshegs pa'i ye shes snang ba chen po'i snying po dang ldan pa'i snying bla na med pa 'thob par 'gyur ba 
dag go/ /kye rgyal ba'i sras bcu po 'di dag ni byang chub sems dpa' rnams kyi go ca ste/ bcu gang zhe na 'di ltar 'gro ba thams cad yongs su bskyab pa'i phyir byams pa chen po'i go ca dang / mi dga' ba thams cad bzod par bya ba'i phyir snying rje chen po'i 
go ca dang / brtsams pa thams cad mthar phyin par bya ba'i phyir smon lam gyi go ca dang / sangs rgyas thams cad kyi rgyan 'byung bar bya ba'i phyir yongs su bsngo ba'i go ca dang / 'gro ba thams cad nye bar 'tsho bar bya ba'i phyir bsod nams kyi go ca dang / 'gro ba thams 
cad bsgral ba'i phyir pha rol tu phyin pa'i go ca dang / 'gro ba thams cad kyi nyon mongs pa'i mun pa rab tu zhi bar bya ba'i phyir ye shes kyi go ca dang / sgo kun dang ldan pa'i dge ba'i rtsa ba mngon par bsgrub pa'i phyir thabs mkhas pa'i go ca dang / theg pa gzhan 
la mos pa med pa'i phyir thams cad mkhyen pa nyid kyi sems brtan zhing 'khrug pa med pa'i go ca dang / chos kyi rlom sems med pas gcig tu nges pa'i go ca'o/ /kye rgyal ba'i sras bcu po de dag ni byang chub sems dpa' rnams kyi go ca ste/ de dag 
la gnas shing byang chub sems dpa' rnams bdud kyi sde thams cad spa 'gong ba bla na med pa 'thob par 'gyur ba dag go /kye rgyal ba'i sras bcu po 'di dag ni byang chub sems dpa' rnams kyi mtshon ca ste/ bcu gang zhe na/ 'di ltar ser sna'i skyon rab tu gzhom 
pa'i phyir gtong ba'i mtshon ca dang / tshul khrims ngan pa thams cad bsal ba'i phyir tshul khrims gyi mtshon ca dang / rnam par rtog pa thams cad bstsal ba'i phyir chos mnyam pa nyid kyi mtshon ca dang / 'gro ba thams cad kyi nyon mongs pa yongs su gcad pa'i phyir </font><hr>37-1-228b<br><font size=+1>
shes rab dang ye shes kyi mtshon ca dang / 'tsho ba thams cad la kha na ma tho ba med par bya ba'i phyir/ yang dag par 'tsho ba'i mtshon ca dang / sgo thams cad yongs su bstan pa'i phyir thabs mkhas pa'i mtshon ca dang / nyon mongs pa'i sgo nas sems can 
bzlog pa'i phyir/ 'dod chags dang / zhe sdang dang / gti mug dang / mdor bsdu na nyon mongs pa thams cad kyi mtshon ca dang / spyod pa rgyun mi 'chad pas sems can gyi khams yongs su smin par bya ba'i phyir 'khor ba'i mtshon ca dang / mngon par 
zhen pa thams cad rab tu bstsal ba'i phyir/ chos tshul gcig pa bstan pa'i mtshon ca dang / spyod pa'i sgo las phyir phyogs su mi blta ba'i phyir thams cad mkhyen pa nyid kyi mtshon ca'o/ /kye rgyal ba'i sras bcu po de dag ni byang chub sems dpa' rnams kyi mtshon 
ca ste/ mtshon ca de dag gis byang chub sems dpa' rnams sems can thams cad kyi sems dang bsam pa la yun ring po'i nye bar nyon mongs pa dang / bag la nyal ba yod pa thams cad rab tu 'joms pa dag go /kye rgyal ba'i sras bcu po 'di dag 
ni byang chub sems dpa' rnams kyi mgo ste/ bcu gang zhe na/ 'di ltar spyi gtsug ltar mi snang ba'i phyir mya ngan las 'das pa'i mgo dang / lha dang bcas pa'i 'jig rten thams cad 'dud par bya ba'i phyir bla ma la 'dud pa'i mgo dang / stong gsum thams 
cad kyi bdag por 'gyur bar bya ba'i phyir mos pa yangs pa'i mgo dang / khams gsum gyis mchod par bya ba'i phyir dge ba'i rtsa ba thams cad sngon du 'gro ba'i mgo dang / gtsug tor dang ldan pa'i spyi bo 'thob par bya ba'i phyir/ sems can thams cad kyi 
khur khyer ba'i mgo dang / thams cad du khyad par du 'gro bar bya ba'i phyir gzhan gyi ltung ba la brnyas pa med pa'i mgo dang / spyi bo la gnas pa'i chos thob par bya ba'i phyir shes rab kyi pha rol tu phyin pa'i mgo dang / sems can thams cad kyi mgo mnyam </font><hr>37-1-229a<br><font size=+1>
pa yongs su bstan pa'i phyir ye shes dang thabs su ldan pa'i mgo dang / 'gro ba thams cad slob par bya ba'i phyir sems can thams cad yongs su smin par byed pa'i mgo dang / dkon mchog gsum gyi gdung rgyun mi gcad pa'i phyir 
de bzhin gshegs pa thams cad kyi chos kyi tshul yongs su sdud pa'i mgo'o/ /kye rgyal ba'i sras bcu po de dag ni byang chub sems dpa' rnams kyi mgo ste/ de dag la gnas shing byang chub sems dpa' rnams de bzhin gshegs pa'i ye shes chen 
po spyi bor gyur pa bla na med pa 'thob par 'gyur ba dag go /kye rgyal ba'i sras bcu po 'di dag ni byang chub sems dpa' rnams kyi mig ste/ bcu gang zhe na/ 'di ltar gzugs thams cad blta ba'i phyir sha'i mig dang / sems can thams 
cad blta ba'i phyir lha'i mig dang / sems can thams cad kyi dbang po dang yul blta ba'i phyir shes rab kyi mig dang / chos thams cad yang dag pa ji lta ba bzhin du blta ba'i phyir chos kyi mig dang / de bzhin gshegs pa'i stobs bcu blta ba'i phyir sangs rgyas kyi mig 
dang/ chos yongs su shes pa blta ba'i phyir ye shes kyi mig dang / sangs rgyas kyi mthu'i 'od snang ba blta ba'i phyir/ snang ba'i mig dang / mya ngan las 'da' bar bya ba'i phyir mngon par bsgrub pa'i mig dang / bsgribs pa med par bya ba'i phyir 
chags pa med pa'i mig dang / chos kyi dbyings sgo thams cad nas blta ba'i phyir thams cad mkhyen pa'i mig go /kye rgyal ba'i sras bcu po de dag ni byang chub sems dpa' rnams kyi mig ste/ mig de dag dang ldan pas byang chub sems dpa' 
rnams de bzhin gshegs pa'i ye shes chen po'i spyan bla na med pa 'thob par 'gyur ba dag go /kye rgyal ba'i sras bcu po 'di dag ni byang chub sems dpa' rnams kyi rna ba ste/ bcu gang zhe na/ 'di ltar bsngags pa thos nas dga' ba spong ba dang /</font><hr>37-1-229b<br><font size=+1>
mi snyan pa thos na khong khro ba spong ba dang / nyan thos dang rang sangs rgyas kyi gtam thos na 'dod pa med cing mi smod pa dang / byang chub sems dpa' 'byung ba'i gtam thos na dga' ba dang mos pa dang spro ba chen po skye ba dang / sems can 
dmyal ba dang / /byol song gi skye gnas dang / gshin rje'i 'jig rten dang / yi dgas dang / lha ma yin dang / mi khom pa dang / dbul por skyes pa thos na snying rje chen po'i go ston pa dang / lha dang mi'i rgyud kyi bye brag thos na/ 
rtag tu chos la gzung ba'i blor 'gyur ba dang / sangs rgyas kyi yon tan dang / bsngags pa thos na de'i yon tan dang / bsngags pa yongs su rdzogs par bya ba'i brtson 'grus dang / pha rol tu phyin pa dang / bsdu ba'i dngos po dang / byang 
chub sems dpa'i sde snod kyi gtam thos na thams cad kyi pha rol tu 'gro ba dang / kye rgyal ba'i sras byang chub sems dpa'i rna ba'i dbang po la ni phyogs bcu'i 'jig rten gyi khams nas bsgrags pa'i sgra thams cad kyang grag cing thos par 'gyur te/ 
sgra thams cad sgra brnyan lta bur brjod du med pa'i don du khong du chud cing shes pa dang / kye rgyal ba'i sras byang chub sems dpa' chos kyi rna ba mnyam par gzhag pa dang ldan te thog ma sems bskyed pa nas/ snying po byang chub kyi bar du byang chub sems dpa'i 
lam dang mi gnas kyang sems can yongs su smin par bya ba mi 'dor ba'o/ /kye rgyal ba'i sras bcu po de dag ni byang chub sems dpa' rnams kyi rna ba ste/ de dag la gnas shing byang chub sems dpa' rnams de bzhin gshegs pa'i ye shes chen 
po'i snyan bla na med pa 'thob par 'gyur ba dag go /kye rgyal ba'i sras bcu po 'di dag ni byang chub sems dpa' rnams kyi sna ste/ bcu gang zhe na/ 'di ltar 'thun pa'i dri la mi mthun par gnas pa dang / mi mthun pa'i dri la 'thun par </font><hr>37-1-230a<br><font size=+1>
gnas pa dang / dri 'thun pa dang / mi 'thun pa la mnyam pa nyid du gnas pa dang / dri 'thun pa dang / mi 'thun pa ma yin pa la btang snyoms su gnas pa dang / gos dang / mal ca dang / 
yan lag dang / nying lag gi dri la 'dod chags dang / zhe sdang dang / gti mug dang / cha mnyam pa spyod pa'i sems can gyi shes par gnas pa dang / gter chen po de dag dang / rtswa dang / gel ba dang / sman dang / 
nags tshal ji snyed pa de dag gi dris gter thams cad mngon sum du shes par gnas pa dang / 'og gi sems can dmyal ba chen po mnar med pa yan cad srid pa'i rtse mo man cad na gnas pa'i sems can rnams kyis dri tshor ba tsam 
gyis sngon gyi spyod pa ston par gnas pa dang / nyan thos kyi tshul khrims dang / thos pa dang / gtong ba dang / shes rab kyi dri tshor bas thams cad mkhyen pa nyid kyi sems mi 'khrugs par gnas pa dang / byang chub sems dpa' 
thams cad kyi spyod pa'i dri tshor zhing de bzhin gshegs pa'i sa la yang dag par gzhol ba'i ye shes la gnas pa dang / de bzhin gshegs pa thams cad kyi yul dang ye shes kyi dri tshor zhing byang chub sems dpa'i spyod pa rgyun mi 
gcod par gnas pa'o/ /kye rgyal ba'i sras bcu po de dag ni byang chub sems dpa' rnams kyi sna yongs su dag pa ste/ de dag la gnas shing byang chub sems dpa' rnams de bzhin gshegs pa'i shangs mtha' dang dbus med pa bla na med pa 'thob par 
'gyur ba dag go /kye rgyal ba'i sras bcu po 'di dag ni byang chub sems dpa' rnams kyi lce ste/ bcu gang zhe na 'di ltar sems kyi spyod pa mi zad pa rab tu ston pa'i lce dang / chos kyi tshul mi zad pa rab tu ston pa'i lce dang / sangs rgyas kyi yon tan dang bsngag </font><hr>37-1-230b<br><font size=+1>
pa mi zad pa rab tu ston pa'i lce dang / nges pa'i tshig dang spobs pa mi zad pa ston pa'i lce dang / theg pa chen po'i tshogs mi zad pa ston pa'i lce dang / de'i lce de phyogs bcu'i nam mkha' rgyas par 'gengs pa dang / de'i lce de sems can thams cad la yang dag par gzhol ba dang / 
de'i lce de sangs rgyas kyi zhing thams cad du 'od kyis snang bar byed pa dang / de'i lce de sangs rgyas thams cad mnyes par byed cing phyag 'tshal ba dang / de'i lce de bdud dang / rgol ba dang / nyon mongs pa dang / 'khor ba thams cad 'jig cing mya ngan las 'da' 
ba'i lam ston pa'o/ /kye rgyal ba'i sras bcu po de dag ni byang chub sems dpa' rnams kyi lce ste/ de dag la gnas shing byang chub sems dpa' rnams de bzhin gshegs pa'i ljags sangs rgyas kyi zhing thams cad rgyas par khyab pa bla na med pa 'thob par 
'gyur ba dag go /kye rgyal ba'i sras bcu po 'di dag ni byang chub sems dpa' rnams kyi lus te/ bcu gang zhe na/ 'di ltar mi yongs su smin par bya ba'i phyir/ mi'i lus dang / sems can dmyal ba dang / byol song gi skye gnas dang / 
gshin rje'i 'jig rten gyi sems can gdul ba'i phyir mi ma yin pa'i lus dang / 'dod pa'i khams dang / gzugs kyi khams dang / gzugs med pa na spyod pa'i sems can gdul ba'i phyir lha'i lus dang / slob pa'i sa bstan pa'i phyir slob 
pa'i lus dang / mi slob pa'i sa bstan pa'i phyir mi slob pa'i lus dang / rang sangs rgyas kyi sar gdul ba'i phyir rang sangs rgyas kyi lus dang / theg pa chen po la yang dag par 'byung bar bya ba'i phyir byang chub sems dpa'i lus dang / dbang bskur ba'i ye shes 'thob 
par bya ba'i phyir de bzhin gshegs pa'i sku dang / mngon par bsgrub pa la mkhas par bya ba'i phyir yid kyi rang bzhin gyi lus dang / zag pa med cing lhun gyis grub pa'i bya bas lus thams cad yongs su bstan pa'i phyir chos kyi lus so/ /kye rgyal ba'i sras bcu </font><hr>37-1-231a<br><font size=+1>
po de dag ni byang chub sems dpa' rnams kyi lus te/ de dag la gnas shing byang chub sems dpa' rnams de bzhin gshegs pa'i sku bla na med pa 'thob par 'gyur ba dag go /kye rgyal ba'i sras bcu po 'di dag ni byang chub sems dpa' rnams kyi yid 
rnam par rgyu ba ste/ bcu gang zhe na 'di ltar dge ba'i rtsa ba thams cad brtsams pa la yid ni sngon du 'gro ba'o/ /nan tan lhur blang ba la yid ni gnas so/ /sangs rgyas kyi chos rnams la yid ni rjes su zhugs pa'o/ /sems can rnams kyi bsam par 
yid ni khong du chud pa'o/ /nyon mongs pa thams cad dang ma 'dres pas yid ni rgyu ba med pa'o/ /glo bur gyi dri mas kun nas nyon mongs pa med pa'i phyir yid ni 'od gsal ba'o/ /dus ji lta ba'i skad cig las kyang mi 'da' ba'i phyir yid ni dpyad pa shin tu brtags 
pa'o/ /thams cad du kha na ma tho ba med pa'i phyir yid ni las kyi mtha' shin tu spyad pa'o/ /dbang po shin tu dul bas yul la mi rgyug pa'i phyir yid ni dbang po rub pa'o/ /sangs rgyas kyi ting nge 'dzin la bdag gir mi byed pa'i phyir yid ni shin tu mnyam par gzhag 
pa'o/ /kye rgyal ba'i sras bcu po de dag ni byang chub sems dpa' rnams kyi yid rnam par rgyu ba ste/ de dag la gnas shing byang chub sems dpa' rnams de bzhin gshegs pa'i thugs rnam par rgyu ba bla na med pa 'thob par 'gyur ba dag go/ /kye rgyal ba'i sras 
bcu po 'di dag ni byang chub sems dpa' rnams kyi 'gro ba ste/ bcu gang zhe na 'di ltar chos 'dod pas chos nyan du 'gro ba dang / sems can gyi don du chos ston du 'gro ba dang / rang gi sems nges par rtogs pas 'dod pa med pa dang / sdang ba med pa dang / 
gti mug med pa dang / 'jigs pa med par 'gro ba dang / sems can yongs su smin par bya ba'i phyir 'dod pa'i khams su 'gro ba dang / myur du phyir ldog par bya bas gzugs dang gzugs med pa'i snyoms par 'jug par 'gro ba dang / shes rab myur ba </font><hr>37-1-231b<br><font size=+1>
'thob par bya ba'i phyir don dang / chos kyi rgyud du 'gro ba dang / 'dul ba'i dbang gis skye ba thams cad du 'gro ba dang / de bzhin gshegs pa blta ba dang / phyag bya ba dang / bsnyen bkur ba'i phyir sangs rgyas kyi zhing thams cad du mngon par shes pas 'gro ba dang / 
'khor ba'i rgyud kyi rgyun mi gcad pa'i phyir mya ngan las 'das pa'i rgyud du 'gro ba dang / byang chub sems dpa'i spyod pa rgyun mi gcad pa'i phyir sangs rgyas kyi chos thams cad yongs su rdzogs par bya bar 'gro ba'o/ /kye rgyal ba'i sras bcu po de dag ni byang chub 
sems dpa' rnams kyi 'gro ba ste/ de dag la gnas shing byang chub sems dpa' rnams de bzhin gshegs pa bzhud pa dang gshegs pa dang / byon pa med pa bla na med pa 'thob par 'gyur ba dag go /kye rgyal ba'i sras bcu po 'di dag ni byang chub sems dpa' 
rnams kyi gnas te/ bcu gang zhe na 'di ltar nyams pa med pa'i phyir byang chub kyi sems la gnas pa dang / tshogs kyis mi ngoms pa'i phyir pha rol tu phyin pa la gnas pa dang / shes rab shin tu sbyangs pa'i phyir chos kyi gtam la gnas pa dang / 
bsam gtan chen po khong du chud par bya ba'i phyir bas mtha'i dgon pa la gnas pa dang / bya ba nyung ba'i phyir thams cad mkhyen pa nyid dang / mthun pa'i sbyangs pa'i yon tan dang chog shes pa dang 'phags pa'i rgyud la gnas pa dang / chos kyi brtson 
'grus rjes su 'brang bar bya ba'i phyir nan tan la gnas pa dang / sangs rgyas kyi spyod lam yongs su rdzogs par bya ba'i phyir/ de bzhin gshegs pa bsnyen bkur ba la gnas pa dang / ye shes chen po yongs su rdzogs par bya ba'i phyir mngon par shes pas 'byung 
ba la gnas pa dang / lung bstan pa yongs su rdzogs par bya ba'i phyir bzod pa thob pa la gnas pa dang / sangs rgyas kyi chos thams cad yongs su rdzogs par bya ba'i phyir snying po byang chub la gnas pa'o/ /kye rgyal ba'i sras bcu po de dag ni byang chub sems dpa' </font><hr>37-1-232a<br><font size=+1>
rnams kyi gnas pa ste/ de dag la gnas shing byang chub sems dpa' rnams thams cad mkhyen pa'i gnas bla na med pa 'thob par 'gyur ba dag go/ /kye rgyal ba'i sras bcu po 'di dag ni byang chub sems dpa' rnams kyi stan la 'dug pa 
ste/ bcu gang zhe na 'di ltar dge ba bcu'i las kyi lam bsgrub pa'i phyir 'khor los sgyur ba'i stan la 'dug pa dang / 'jig rten thams cad sangs rgyas kyi chos kyi dbang phyug la dgod pa'i phyir 'jig rten gyi mgon po'i stan la 'dug pa dang / 'gro 
ba thams cad kyi dbang por 'gyur ba'i phyir brgya byin gyi stan la 'dug pa dang / rang gi sems dang / gzhan gyi sems la dbang bsgyur ba'i phyir tshangs pa'i stan la 'dug pa dang / chos kyi gtam ma nor bar bya ba'i phyir seng ge'i stan la 'dug pa dang / 
gzungs dang spobs pa'i stobs kyis brjod pa'i phyir chos kyi stan la 'dug pa dang / dam bcas pa mthar phyin pa'i phyir yi dam la brtan pa'i stan la 'dug pa dang / gshe ba dang / sdang ba byams par bya ba'i phyir byams pa chen po'i stan la 'dug pa dang / mi 
dga' ba thams cad bzod par bya bas mi skyo bar bya ba'i phyir snying rje chen po'i stan la 'dug pa dang / phas kyi rgol ba dang bdud kyi sde thams cad bzlog pa'i phyir rdo rje'i stan la 'dug pa'o/ /kye rgyal ba'i sras bcu po de dag ni byang chub sems dpa' rnams kyi 
stan la 'dug pa ste/ de dag la gnas shing byang chub sems dpa' rnams de bzhin gshegs pa'i sangs rgyas kyi gdan chen po bla na med pa 'thob par 'gyur ba dag go/ /kye rgyal ba'i sras bcu po 'di dag ni byang chub sems dpa' rnams kyi mal te/ bcu gang 
zhe na 'di ltar lus dang sems dben par bya ba'i phyir dben pa'i mal dang / tshul bzhin gyi sbyor ba bsgrub pa'i phyir nang du yang dag par gzhog pa'i mal dang / lus dang sems las su rung bar bya ba'i phyir snyoms par 'jug pa'i mal dang / gzhan dang bdag </font><hr>37-1-232b<br><font size=+1>
la gdung ba med par bya ba'i phyir tshangs pa'i mal dang / phyis 'gyod pa med par bya ba'i phyir legs pa'i las kyi mal dang / phyis khro ba med par bya ba'i phyir yang dag pa'i nan tan gyi mal dang / dge ba'i bshes gnyen gyis bskul bar bya ba'i phyir lam gyi 
mal dang / yongs su bsngo ba la mkhas pa'i phyir shin tu mnyam par gzhag pa'i mal dang / brtsams pa mthar phyin par bya ba'i phyir dgos pa thams cad yongs su grub pa'i mal dang / sngon las legs par spyad pa'i phyir lhun gyis grub par spyod pa'i mal lo/ /
kye rgyal ba'i sras bcu po de dag ni byang chub sems dpa' rnams kyi mal te/ de dag la gnas shing byang chub sems dpa' rnams de bzhin gshegs pa'i chos kyi gzims mal chen por rnam par 'tshang rgya ba bla na med pa 'thob par 'gyur ba dag go /kye rgyal ba'i 
sras bcu po 'di dag ni byang chub sems dpa' rnams kyi rnam par spyod pa ste/ bcu gang zhe na 'di ltar sems can thams cad la sems mnyam pas byams pa chen po la rnam par spyod pa dang / ma bslabs pa la brnyas pa med pa'i phyir snying rje chen po la rnam par 
spyod pa dang / mi dga' ba thams cad bstsal ba'i phyir dga' ba chen po la rnam par spyod pa dang / 'dus byas dang 'dus ma byas su mnyam zhing mtshungs pa'i phyir btang snyoms chen po la rnam par spyod pa dang / byang chub kyi sems sngon du 'gro bas pha rol tu phyin pa 
thams cad la rnam par spyod pa dang / rab tu rnam par dbye ba la mkhas pas rnam pa'i mchog thams cad dang ldan pa'i stong pa nyid la rnam par spyod pa dang / skyon med pa la thogs pa med pas mtshan ma med pa la rnam par spyod pa dang / ched du bsams te skye ba 'dzin 
pa'i phyir smon pa med pa la rnam par spyod pa dang / bzod pa yongs su rdzogs par bya ba'i phyir dran pa dang / shes bzhin la rnam par spyod pa dang / lung bstan pa thob par bya ba'i phyir chos thams cad mnyam pa nyid la rnam par spyod pa'o/ /kye rgyal ba'i sras bcu po de </font><hr>37-1-233a<br><font size=+1>
dag ni byang chub sems dpa'i rnam par spyod pa ste/ de dag la gnas shing byang chub sems dpa' rnams de bzhin gshegs pa'i rnam par spyod pa bla na med pa 'thob par 'gyur ba dag go /kye rgyal ba'i sras bcu po 'di dag ni byang chub sems dpa' 
rnams kyi spyod yul te/ bcu gang zhe na 'di ltar dran pa nye bar gzhag pa yongs su rdzogs par bya ba'i phyir dran pa'i spyod yul dang / chos kyi tshul rtogs par bya ba'i phyir rtogs pa'i spyod yul dang / sangs rgyas thams cad mnyes par bya ba'i phyir blo gros kyi spyod yul 
dang/ thams cad mkhyen pa nyid kyi ye shes yongs su rdzogs par bya ba'i phyir pha rol tu phyin pa'i spyod yul dang / sems can yongs su smyin par bya ba'i phyir bsdu ba'i dngos po'i spyod yul dang / dge ba'i rtsa ba thams cad dran pa'i phyir 'khor ba'i spyod yul dang / 
'du 'dzi bsal zhing sems can mos pa ji lta ba bzhin du gdul ba'i phyir/ sems can thams cad dang 'grogs pa'i spyod yul dang / sems can thams cad kyi dbang po dang / yul khong du chud par bya ba'i phyir mngon par shes pa bskyed pa'i spyod yul dang / 
shes rab kyi pha rol tu phyin pa'i mtshon cha gdags pa'i phyir thabs mkhas pa'i spyod yul dang / thams cad mkhyen pa'i ye shes mngon par sangs rgyas kyang byang chub sems dpa'i spyod pa rgyun mi gcod pa'i phyir snying po byang chub kyi spyod yul lo/ /kye rgyal ba'i sras 
bcu po de dag ni byang chub sems dpa' rnams kyi spyod yul te/ de dag la gnas shing byang chub sems dpa' rnams de bzhin gshegs pa'i ye shes chen po'i spyod yul bla na med pa 'thob par 'gyur ba dag go/ /kye rgyal ba'i sras bcu po 'di dag ni byang chub sems 
dpa' rnams kyi lta ba ste/ bcu gang zhe na 'di ltar gzugs shin tu phra ba blta ba'i phyir las legs par byas pas lta ba dang / sems can gyi grangs la mngon par chags pa med par bya ba'i phyir shi 'pho'i rgyud shes pas lta ba dang / sems can gyi </font><hr>37-1-233b<br><font size=+1>
dbang po khong du chud par bya ba'i phyir sems can gyi dbang po shes pas lta ba dang / chos kyi dbyings tha dad du mi dbye ba'i phyir chos rab tu rnam par 'byed pa'i lta ba dang / sangs rgyas kyi spyan gsal ba thob par bya ba'i phyir sangs rgyas kyi chos thams cad la mngon du lta ba 
dang/ ji ltar gnas pa'i chos bstan pa'i phyir shes rab dang / ye shes thob pas lta ba dang / sangs rgyas kyi chos nges par rab tu thob par bya ba'i phyir mi skye ba'i bzod pa thob pas lta ba dang / 'du shes dang nyon mongs pa thams cad kyi khams gsum pa dang / nyan thos dang rang sangs rgyas kyis rnam par bzlog pa'i phyir mi ldog pa'i sa la lta ba dang / sangs rgyas kyi chos thams cad la dbang bsgyur bas ye shes mi nyams pa yongs su bstan pa'i phyir dbang bskur ba'i sa la lta ba dang / phyogs 
bcur bya ba thams cad ston pa'i phyir blo shin tu rnam par sangs rgyas pa'i ting nge 'dzin la snyoms par zhugs pas lta ba'o/ /kye rgyal ba'i sras bcu po de dag ni byang chub sems dpa' rnams kyi lta ba ste/ de dag la gnas shing byang chub sems dpa' rnams 
de bzhin gshegs pa'i ye shes chen pos lta ba bla na med pa 'thob par 'gyur ba dag go/ /kye rgyal ba'i sras bcu po 'di dag ni byang chub sems dpa' rnams kyi rnam par lta ba ste/ bcu gang zhe na 'di ltar mi dga' ba'i sems med pas bsam pa ji lta ba bzhin 
du tshim par bya ba'i phyir slong ba la rnam par lta ba dang / thams cad mkhyen pa nyid kyi tshul khrims la rab tu dgod pa'i phyir sems can tshul khrims ngan pa can la rnam par lta ba dang / bzod pa'i stobs kyis sangs rgyas kyi bzod pa la rab tu dgod pa'i 
phyir sems can gnod sems can la rnam par lta ba dang / mi gtong ba la brtson pas theg pa chen po la sems can yang dag par dgod pa'i phyir sems can le lo can la rnam par lta ba dang / thams cad mkhyen pa'i sa rnam par 'khrug pa med pa la rab </font><hr>37-1-234a<br><font size=+1>
tu dgod pa'i phyir sems can sems rnam par 'khrug pa can la rnam par lta ba dang / the tsom med pas blta ba dang / dmigs pa thams cad rab tu bstsal ba'i phyir sems can shes rab 'chal ba can la rnam par lta ba dang / ji ltar bstan pa'i 
sangs rgyas kyi chos la rab tu dgod pa'i phyir dge ba'i bshes gnyen la dge bar rnam par lta ba dang / don gyi mchog nyams su myong bar bya ba'i phyir ji skad du thos pa'i chos la lhag mthong gis rnam par lta ba dang / snying rje chen po'i stobs mi gtong ba'i phyir sems can thams 
cad yongs la rnam par lta ba dang / thams cad mkhyen pa'i ye shes rdzogs par 'tshang rgya bar bya ba'i phyir sangs rgyas kyi chos thams cad la rnam par lta ba'o/ /kye rgyal ba'i sras bcu po de dag ni byang chub sems dpa' rnams kyi rnam par lta ba ste/ de dag la gnas 
shing byang chub sems dpa' rnams de bzhin gshegs pa'i ye shes chen pos rnam par lta ba bla na med pa 'thob par 'gyur ba dag go /kye rgyal ba'i sras bcu po 'di dag ni byang chub sems dpa' rnams kyi rnam par bsgyings pa ste/ bcu gang zhe na 'di ltar lha dang klu dang / 
gnod sbyin dang / dri za dang lha ma yin dang / nam mkha' lding dang mi'am ci dang lto 'phye chen po'i 'khor thams cad zil gyis gnon pa'i phyir khyu mchog gi rnam par bsgyings pa dang / shin tu dul zhing cang shes pa'i sems kyis sems can thams cad kyi 
khur bkur ba'i phyir glang po'i bsgyings pa dang / chos kyi sprin chen po shin tu 'dus pa las rig pa dang / rnam par grol ba'i glog 'gyu zhing yang dag pa ma nor bar 'brug sgra chen po bsgrags te/ dbang po dang stobs dang byang chub kyi yan lag dang bsam gtan dang / 
rnam par thar ba dang / ting nge 'dzin dang / snyoms par 'jug pa'i bdud rtsi'i chu'i chos kyi char mngon par dbab pa'i phyir klu'i rnam par bsgyings pa dang / ma rig pa'i sgo nga'i sbubs dang / lcag lcig gi spri brtol te/ sred pa'i chu lhag mthong gi gshog </font><hr>37-1-234b<br><font size=+1>
pas phye ste/ sems kyi sprul 'dod pa dang / 'khrug pa dang / nyon mongs pa'i rnyog pa can mngon par blang zhing 'byung ba'i phyir/ nam mkha' lding gi dbang po chen po'i rnam par bsgyings pa dang / 'jigs pa dang bag tsha ba thams cad med cing ye shes chen po mnyam pa 
nyid kyi sder mos ngan par tshogs pa'i phas kyi rgol ba thams cad rab tu gzhom pa'i phyir seng ge chen po'i rnam par bsgyings pa dang / 'dod pa dang / 'khrug pa dang nyon mongs pa'i rnyog pa'i dgra gnod par sems pa gdul dka' ba thams cad dbus nas gzhom pa'i phyir dpa' bo'i 
rnam par bsgyings pa dang / phung po dang khams dang skye mched dang rten cing 'brel bar 'byung ba thams cad rab tu rtogs par byed pa'i ye shes kyis chos thams cad kyi dbang phyug yang dag par bstan pa'i phyir ye shes kyi rnam par bsgyings pa dang / dran pa dang 
blo gros dang rtogs pas thos pa thams cad yongs su bzung ste/ mi brjed par bzhag pas sems can gzhan gyi dbang po'i rgyud du phyin par bya ba'i phyir gzungs kyi rnam par bsgyings pa dang / myur zhing mgyogs la drag cing thogs pa med pa dang / 
chags pa med par tshig thams cad rab tu phye ste bstan pas sems can thams cad tshim par byed cing / don yod la rmongs pa med pa'i spobs pa dang ldan pas spobs pa'i rnam par bsgyings pa dang / seng ge'i khri dam pa'i steng du phyin te/ bdud kyi rgol ba 
thams cad bcom nas thams cad mkhyen pa'i ye shes kyi tshogs yongs su rgyas pa'i phyir sems kyi skad cig gcig dang ldan pa'i shes rab kyis gang 'thob par bya ba de thams cad du 'di ltar bla na med pa yang dag par rdzogs pa'i byang chub mngon par rdzogs par 
'tshang rgya bas sangs rgyas kyi rnam par bsgyings pa'o/ /kye rgyal ba'i sras bcu po de dag ni byang chub sems dpa' rnams kyi rnam par bsgyings pa ste/ de dag la gnas shing byang chub sems dpa' rnams chos thams cad la dbang bsgyur ba'i rnam par </font><hr>37-1-235a<br><font size=+1>
bsgyings pa bla na med pa 'thob par 'gyur ba dag go/ /kye rgyal ba'i sras bcu po 'di dag ni byang chub sems dpa' rnams kyi seng ge'i nga ro ste/ bcu gang zhe na 'di ltar sangs rgyas su 'gyur bar bya'o/ /zhes byang chub kyi sems kyi seng 
ge'i nga ro chen po dang ma rgal ba brgal bar bya'o/ /ma grol ba dgrol bar bya'o/ /dbugs ma phyin pa dbugs dbyung bar bya'o/ /yongs su mya ngan las ma 'das pa yongs su mya ngan las bzla bar bya'o/ /zhes sems can la snying rje ba'i seng ge'i nga ro 
chen po dang / sangs rgyas kyi gdung dang / chos kyi gdung dang / dge 'dun gyi gdung mi gcad do zhes de bzhin gshegs pas mdzad pa bzo ba'i seng ge'i nga ro chen po dang / zhing thams cad yongs su dag par bya'o/ /zhes dam bcas pa la brtan zhing 
kha 'og tu lus 'khrus pa'i seng ge'i nga ro chen po dang / ngan song dang mi khom pa thams cad bskam par bya'o/ /zhes rang gi lus yongs su dag pa'i seng ge'i nga ro chen po dang / sangs rgyas kyi sku dang gsung dang thugs kyi rgyan dang mtshan dang / 
dpe byad bzang po yongs su rdzogs par bya'o/ /zhes bsod nams kyi tshogs yongs su btsal bas mi ngoms pa'i seng ge'i nga ro chen po dang / sangs rgyas thams cad kyi ye shes yongs su rdzogs par bya'o zhes ye shes kyi tshogs yongs su 
btsal bas mi ngoms pa'i seng ge'i nga ro chen po dang / bdud dang bdud kyi las thams cad rab tu gzhom par bya'o zhes yang dag pa'i nan tan dang nyon mongs pa med pa'i seng ge'i nga ro chen po dang / bdag med pa dang sems can med pa dang / 
srog med pa dang gang zag med pa dang / stong pa nyid dang / mtshan ma med pa dang / smon pa med pas nam mkha'i dbyings dri ma med pa lta bur chos thams cad shes par bya'o/ /zhes mi skye ba'i chos kyi bzod pa thos bar bya ba'i seng ge'i nga ro chen po dang /</font><hr>37-1-235b<br><font size=+1>
kye rgyal ba'i sras gzhan yang byang chub sems dpa' srid pa'i tha mar gyur pa'i tshe/ sangs rgyas kyi zhing gtsang zhing dri ma med la 'od gsal ba'i rgyan dang ldan pa thams cad bskyod de/ brgya byin dang tshangs pa dang 'jig rten kyi mgon po thams cad kyis rab 
tu bsngags pa'i rigs su byung ste/ ye shes chen po chags pa med pas rnam par lta ba'i blo'i mig dang ldan pa/ sems can thams cad kyi nang nas bdag bla na med par mthong ste/ sa chen pos yongs su ma bzung bar gom pa bdun du 'gro zhing seng 
ge'i nga ro chen po sgrog ste/ bdag ni 'jig rten na mchog tu gyur pa/ bdag ni 'jig rten na gtso bor gyur pa yin gyi skye zhing 'chi ba mthar dbyung bar bya'o zhes ji skad du smras pa de ltar byed pa'i seng ge'i nga ro chen po'o/ /kye rgyal ba'i sras bcu po de dag ni 
byang chub sems dpa' rnams kyi seng ge'i nga ro ste/ de dag la gnas shing byang chub sems dpa' rnams de bzhin gshegs pa'i seng ge'i nga ro chen po bla na med pa 'thob par 'gyur ba dag go /kye rgyal ba'i sras bcu po 'di dag ni byang chub sems dpa' 
rnams kyi sbyin pa yongs su dag pa ste/ bcu gang zhe na 'di ltar sems can la mi mnyam pa med pa'i phyir sems snyoms pa'i sbyin pa dang / bsam pa thams cad yongs su rdzogs par bya ba'i phyir bsam pa ji lta ba bzhin du tshim par byed pa'i sbyin pa 
dang/ phan pa'i dngos po yongs su ma nyams pa'i phyir 'khrug pa med pa'i sbyin pa dang / gang zag rab dang / tha ma shes pa'i phyir ci rigs su sbyin pa dang / rnam par smin pa la re ba med pa'i phyir ye brngam pa med pa'i sbyin pa dang / 
sems kyi 'dzin pa thams cad spong ba'i phyir yongs su btang ba shin tu gtod pa'i sbyin pa dang / ma btang ba gtong bas dag par bya ba'i phyir phyi nang gi dngos po la phangs pa med par yongs su gtong ba'i sbyin pa dang / 'dus byas dang 'dus ma byas yongs su spang </font><hr>37-1-236a<br><font size=+1>
ba'i phyir byang chub tu yongs su bsngos pa'i sbyin pa dang / snying po byang chub kyi bar du rjes su gzhol bar bya ba'i phyir/ sems can de dag yongs su smin par bya ba'i sbyin pa dang / sbyin pa dag dang len pa dang / sbyin pa nam mkha' dang 
mtshungs par yid la byed pa'i phyir 'khor gsum yongs su dag pa'i sbyin pa'o/ /kye rgyal ba'i sras bcu po de dag ni byang chub sems dpa' rnams kyi sbyin pa yongs su dag pa ste/ de dag la gnas shing byang chub sems dpa' rnams de bzhin gshegs 
pa'i gtong ba chen po yongs su dag pa bla na med pa 'thob par 'gyur ba dag go/ /kye rgyal ba'i sras bcu po 'di dag ni byang chub sems dpa' rnams kyi tshul khrims yongs su dag pa ste/ bcu gang zhe na 'di ltar sdom pa gsum yongs su bsrung ba'i phyir lus yongs 
su dag pa'i tshul khrims dang / ngag gi nyes pa bzhi yongs su spang ba'i phyir ngag yongs su dag pa'i tshul khrims dang chags sems dang gnod sems dang log par lta ba yongs su spang ba'i phyir sems yongs su dag pa'i tshul khrims dang / lha dang mi 
thams cad kyi bdag po byed du gzhug pa'i phyir bslab pa thams cad god pa med pa'i tshul khrims dang / nyi tse ba'i theg pa la 'dod pa med pa'i phyir byang chub kyi sems yongs su bsrung bas dag pa'i tshul khrims dang / kha na ma tho ba rdul tsam la yang 'jigs 
par blta ba'i phyir de bzhin gshegs pa thams cad kyi bstan pa'i cho ga dang / bslab pa'i gnas ma god cing dag pa'i tshul khrims dang / sems can thams cad ltung ba las bslang ba'i phyir 'dul bas dben pa'i tshul khrims dang / dge ba'i chos thams cad 
kyi yi dam brnan pa'i phyir sdig pa thams cad mi byed pas dag pa'i tshul khrims dang / rlom sems med par bya ba'i phyir dmigs pa'i lta ba thams cad yongs su spong ba'i tshul khrims dang / snying rje chen po'i stobs mngon par bsgrub pa'i phyir 'gro ba thams cad rjes </font><hr>37-1-236b<br><font size=+1>
su bsrung bas dag pa'i tshul khrims so/ /kye rgyal ba'i sras bcu po de dag ni byang chub sems dpa' rnams kyi tshul khrims yongs su dag pa ste/ de dag la gnas shing byang chub sems dpa' rnams de bzhin gshegs pa'i tshul khrims kha na ma tho ba med cing yongs 
su dag pa bla na med pa thob par 'gyur ba dag go/ /kye rgyal ba'i sras bcu po 'di dag ni byang chub sems dpa' rnams kyi bzod pa yongs su dag pa ste/ bcu gang zhe na 'di ltar sems can gzhan gyi yid dang mi 'gal bar bya ba'i phyir gzhan gyis mi snyan par brjod pa dang / 
ngan par 'ongs pa'i tshig gi lam rna la gzon pa'i bzod pa yongs su dag pa dang / bdag dang gzhan bsrung ba'i phyir rdo dang dbyug pa dang / mtshon cha dang lag cha thams cad bag la zha bar bya ba'i bzod pa yongs su dag pa dang / rang bzhin gyis mi 'khrug pa'i 
phyir tha ba dang / khro ba dang / gnod sems thams cad kyis mi gos pa'i bzod pa yongs su dag pa dang / dpon du gyur pas bag la zha bar bya ba'i phyir sems can dma' ba la mi 'khrug pa'i bzod pa yongs su dag pa dang / bdag gi lus dang srog yongs 
su gtong ba'i phyir skyabs tshol ba bskyab pa'i bzod pa yongs su dag pa dang / ma bslabs pa thams cad la mi brnyas pa'i phyir bdag gi nga rgyal yongs su spang ba'i bzod pa dang / sgyu ma'i rnam pa lta bur rab tu rtogs pa'i phyir lus yan lag so sor phral te/ 
gtubs kyang mi 'khrug pa'i bzod pa yongs su dag pa dang / bdag dang gzhan gyi 'du shes dang bral ba'i phyir gnod par byas pa thams cad la zhe mi sdang ba'i sems kyi bzod pa yongs su dag pa dang / yul thams cad rnam par bzlog pa'i phyir nyon mongs pa dang / 
mi mthun pa'i bzod pa yongs su dag pa dang /chos thams cad zad cing mi skye ba thams cad mkhyen pa'i ye shes kyi yul la gzhan gyi dring mi 'jog par 'jug pa'i phyir/ byang chub sems dpa' thams cad kyi ye shes kyi tshul dang / mthun pa'i bzod </font><hr>37-1-237a<br><font size=+1>
pa yongs su dag pa'o/ /kye rgyal ba'i sras bcu po de dag ni byang chub sems dpa' rnams kyi bzod pa yongs su dag pa ste/ de dag la gnas shing byang chub sems dpa' rnams sangs rgyas kyi chos thams cad bzod pa la gzhan gyi dring mi 
'jog par 'jug pa bla na med pa 'thob par 'gyur ba dag go/ /kye rgyal ba'i sras bcu po 'di dag ni byang chub sems dpa' rnams kyi brtson 'grus yongs su dag pa ste/ bcu gang zhe na 'di ltar sangs rgyas dang byang chub sems dpa' dang slob dpon dang / bla ma dang 
sbyin pa'i gnas thams cad la ldang zhing bsnyen bkur ba dang / rim gro bya ba las mi ldog pa'i phyir lus kyis brtsams pa yongs su dag pa'i brtson 'grus dang / de bzhin gshegs pa thams cad kyis gsungs pa mnyan pa dang / dran par bya ba dang / gzung ba dang / de 
bzhin gshegs pa thams cad kyi yon tan dang bsngags pa rab tu brjod pa dang / ji skad du thos pa'i chos rnams sems can thams cad la ston pas mi skyo ba'i phyir ngag gis brtsams pa yongs su dag pa'i brtson 'grus dang / byams pa dang snying rje dang dga' ba dang / 
btang snyoms dang bsam gtan dang rnam par thar pa dang / ting nge 'dzin dang snyoms par 'jug pa la snyoms par 'jug cing ldang ba la mkhas pa las mi ldog pa'i phyir sems kyis brtsams pa yongs su dag pa'i brtson 'grus dang / g.yo dang / sgyu med pa rang bzhin 
gyis drang zhing 'chos pa med de/ sbyor ba'i brtsam pa thams cad las mi ldog pa'i phyir bsam pa zhum pa med pas yongs su dag pa'i brtson 'grus dang rtag tu rgyun mi 'chad par gong nas gong du khyad par du 'gro zhing mngon sum gyi ye shes kyi snang bas dge ba'i chos thams cad la lhag 
par dmigs pa'i phyir lhag pa'i bsam pas yongs su dag pa'i brtson 'grus dang / sbyin pa dang dul ba dang sdom pa dang des pa dang / tshul khrims dang thos pa dang gtong ba dang / bag yod pas shin tu bzung zhing thogs pa med par snying po byang chub tu 'gro ba'i phyir </font><hr>37-1-237b<br><font size=+1>
thogs pa med cing don yod pas yongs su dag pa'i brtson 'grus dang / 'dod chags dang zhe sdang dang gti mug dang 'dod pa'i 'khrug pa dang / nyon mongs pa dang lta ba dang / kun nas bskor ba dang / sgrib pa dang bar du gcod pa yongs su chad pa'i phyir/ bdud kyi 
sgra thams cad dang bral ba yongs su dag pa'i brtson 'grus dang / shes pa dang rab tu shes pa dang / shin tu khong du chud pa dang / legs par byas pas 'gyod pa med par brtsams pa thams cad mthar phyin par bya ba dang / sangs rgyas kyi chos 
ma 'dres pa rab tu 'thob par bya ba'i phyir/ ye shes snang ba yongs su bsgrubs pas yongs su dag pa'i brtson 'grus dang sems kyi 'dzin pa dang / yongs su 'dzin pa thams cad spangs pas lus dang ngag dang sems kyis brtsams pa mtshan dang mtshan ma med 
pa mnyam pas/ sgo kun dang ldan pa'i chos kyi dbyings shin tu rtogs shing ji lta ba bzhin du shes pas khong du chud pa'i phyir blang ba med pa dang / dor ba med pas yongs su dag pa'i brtson 'grus dang / /sa dang sa ma yin pa las yang dag par 'das te/ 
sangs rgyas thams cad kyis dbang bskur ba yang dag par mnod pa dang / sangs rgyas thams cad kyi sku zag pa med pa dang / 'chi 'pho dang skye ba dang 'byung ba dang / rnam par 'tshang rgya ba dang / chos kyi 'khor lo bskor ba dang / yongs su mya ngan las 
'da' ba chen po yongs su bstan pa dang / kun tu bzang po'i rnam pa yongs su rdzogs pa'i phyir chos kyi snang ba yongs su rdzogs pas yongs su dag pa'i brtson 'grus so/ /kye rgyal ba'i sras bcu po de dag ni byang chub sems dpa' rnams kyi brtson 'grus yongs su dag pa ste/ 
de dag la gnas shing byang chub sems dpa' rnams de bzhin gshegs pa'i brtson 'grus chen po bla na med pa yongs su dag pa 'thob par 'gyur ba dag go/sangs rgyas rmad gcad ces bya ba shin tu rgyas pa chen po'i mdo/ /bam po nyi shu gcig pa/</font><hr>37-1-238a<br><font size=+1>
kye rgyal ba'i sras bcu po 'di dag ni byang chub sems dpa' rnams kyi bsam gtan yongs su dag pa ste/ bcu gang zhe na 'di ltar yongs su bzung ba thams cad las 'byung ba'i phyir rtag tu rgyun myi 'chad par rab tu 'byung bas mngon par 'byung ba'i 
sems kyi bsam gtan yongs su dag pa dang / lam bstan pa'i phyir dge ba'i bshes gnyen tshul dang 'dra ba rnyed pa'i bsam gtan yongs su dag pa dang / bdag gi myed cing yongs su 'dzin pa myed pa'i phyir bas mtha' dgon pa'i gnas dang / nags 
tshal na gnas pa'i bsam gtan yongs su dag pa dang / dben pa la mos pas dga' ba'i phyir 'du 'dzi spong zhing sems can mi gtong ba'i bsam gtan yongs su dag pa dang / dbang po'i sgo bsdam pa'i phyir/sems dul zhing las su rung ba'i bsam 
gtan yongs su dag pa dang / sgra'i tsher ma thams cad kyis bsam gtan la bsgribs pa med pa'i phyir rang gi ye shes nye bar zhi ba'i bsam gtan yongs su dag pa dang / rab tu dbye ba thams cad mngon sum du shes pas lam dang / byang chub kyi yan lag 
la sbyor ba'i bsam gtan yongs su dag pa dang / da dung 'dod pa'i khams su dmyigs pa'i phyir bsam gtan gyi ro mi myong ba'i thabs las rnam par mi ldog pa'i bsam gtan yongs su dag pa dang / sems can thams cad kyi dbang po rjes su rtogs par bya ba'i 
phyir mngon par shes pa dang / rig pa bskyed pa'i bsam gtan yongs su dag pa dang / sangs rgyas kyi ting nge 'dzin bdag gir bya ba med pa dang ldan pa'i phyir mngon par 'du mi byed pa la mngon par phyogs shing rnam par rtse ba'i bsam gtan yongs su dag pa'o/ /
kye rgyal ba'i sras bcu po de dag ni byang chub sems dpa' rnams kyi bsam gtan yongs su dag pa ste/ de dag la gnas shing byang chub sems dpa' rnams de bzhin gshegs pa'i bsam gtan yongs su dag pa bla na med pa 'thob par 'gyur ba dag go /</font><hr>37-1-238b<br><font size=+1>
kye rgyal ba'i sras bcu po 'di dag ni byang chub sems dpa' rnams kyi shes rab yongs su dag pa ste/ bcu gang zhe na 'di ltar 'bras bu chud mi za ba'i tshul gyis rgyu rab tu shes pa'i shes rab yongs su dag pa dang / tshogs pa dang mi 'gal ba'i phyir rkyen 
thams cad la 'jug pa'i shes rab yongs su dag pa dang / rten cing 'brel pa la 'jug pa ji lta ba bzhin du shes pa'i phyir rtag pa dang / chad pa med pa'i shes rab yongs su dag pa dang / sems can du 'dzin pa spang ba'i phyir lta ba thams cad sel ba'i shes 
rab yongs su dag pa dang / sgyu ma'i rang bzhin du yongs su brtag pa'i phyir sems can thams cad kyi sems dang spyod pa la rnam par lta ba'i shes rab yongs su dag pa dang /tshig gi bye brag thams cad bstan pa thogs pa med par lung bstan 
pa'i phyir so so yang dag par rig pa chen po la 'jug pa'i shes rab yongs su dag pa dang / de bzhin gshegs pa thams cad kyi mkhyen pa dang / mkhas pa'i rjes su zhugs pa'i phyir bdud dang phas kyi rgol ba dang / nyan thos dang / rang 
sangs rgyas thams cad kyi gting dpag dka' ba'i shes rab yongs su dag pa dang / thams cad du chags pa med pa'i mtshan nyid kyi rjes su song ba'i phyir/ sangs rgyas thams cad kyi sku mthong ba dang / sems can thams cad thog ma nas rnam 
par dag par mthong ba dang / chos thams cad dben par mthong ba dang / zhing thams cad nam mkha'i rang bzhin du mthong ba'i shes rab yongs su dag pa dang / thams cad la khyad par can gyi ye shes rjes su thob pa'i phyir gzungs dang spobs pa la 
brten pa'i pha rol tu phyin pa thams cad dang / thabs kyi lag pa rkyong ba'i shes rab yongs su dag pa dang / chos thams cad kyi spyi bor gyur pa'i ye shes rab tu thob pa'i phyir sems kyi skad cig gcig dang ldan pas chos thams cad mnyam pa nyid du rtogs </font><hr>37-1-239a<br><font size=+1>
pa'i ye shes rdo rje lta bu mi 'khrugs shing dbyer med pa'i mtshan nyid kyi shes rab yongs su dag pa'o/ /kye rgyal ba'i sras bcu po de dag ni byang chub sems dpa' rnams kyi shes rab yongs su dag pa ste/ de dag la gnas shing byang 
chub sems dpa' rnams de bzhin gshegs pa'i ye shes snang ba chen po bla na med pa 'thob par 'gyur ba dag go /kye rgyal ba'i sras bcu po 'di dag ni byang chub sems dpa' rnams kyi byams pa yongs su dag pa ste/ bcu gang zhe na 'di ltar sems can la 
bye brag dbye ba med pa'i phyir sems mnyam pa'i byams pa yongs su dag pa dang / sems can thams cad kyi bya ba ci yod pa la brtson par bya ba'i phyir phan pa'i dngos po'i byams pa yongs su dag pa dang / sems can thams cad rga shi'i nyam nga ba las 
bsgral ba'i phyir rang gis bskyab pa'i byams pa yongs su dag pa dang / 'dus byas kyi dge ba'i rtsa ba la lhag par dmyigs pa'i phyir 'gro ba thams cad yongs su mi gtong zhing phongs par sems pa dang ldan pa'i byams pa yongs su dag pa dang / 'gro ba 
thams cad kyi nyon mongs pa yang dag par gcad pa'i phyir rnam par dbral ba'i byams pa yongs su dag pa dang / 'gro ba thams cad thams cad mkhyen pa nyid kyi sems la mos par bya ba'i phyir/ byang chub kyi rnam pa mngon par bsgrub pa'i byams pa yongs su dag 
pa dang / thams cad du 'od zer mnyam par rab tu dgye ba'i phyir 'gro ba thams cad la khong khro ba med pa'i byams pa yongs su dag pa dang / sems can thams cad yongs su bskyab pa'i phyir nam mkha' rgyas par 'gengs pa'i byams pa yongs su dag pa dang / 
yang dag pa ji lta ba bzhin du mngon par 'tshang rgya ba'i phyir chos la dmigs pa'i byams pa yongs su dag pa dang / sems can skyon med par gzud pa'i phyir sgrib pa med pa'i byams pa yongs su dag pa'o/ /kye rgyal ba'i sras bcu po de dag ni byang chub sems dpa' rnams kyi </font><hr>37-1-239b<br><font size=+1>
byams pa yongs su dag pa ste/ de dag la gnas shing byang chub sems dpa' rnams de bzhin gshegs pa'i byams pa chen po bla na med pa 'thob par 'gyur ba dag go kye rgyal ba'i sras bcu po 'di dag ni byang chub sems dpa' rnams kyi snying rje chen po yongs su dag 
pa ste/ bcu gang zhe na 'di ltar khong nas snying rje ba'i phyir grogs med pa'i snying rje chen po yongs su dag pa dang / sdug bsngal gyi phung po thams cad len pa la zhum pa med pa'i phyir yongs su skyo ba med pa'i snying rje chen po yongs su dag pa dang /ched du bsams 
te/ skye ba len cing mngon par 'dren pa'i phyir ngan song dang mi khom par skyes pa thams cad la snying rje chen po yongs su dag pa dang / mi rtag pa'i don yongs su bstan pa'i phyir lha dang mir skyes pa thams cad la snying rje chen po yongs su dag pa dang / 
bskal pa dpag tu med par go ca mi 'dor ba'i phyir log par nges pa thams cad la snying rje chen po yongs su dag pa dang / sems can thams cad la bde ba bstabs pa'i phyir bdag gi bde ba la chags pa med pa'i snying rje chen po yongs su dag pa dang / rang gi 
sems yongs su sbyang ba'i phyir legs par byas pa thams cad la la na mi re ba'i snying rje chen po yongs su dag pa dang / yang dag pa ji lta ba bzhin du chos bstan pa'i phyir phyin ci log dang mi shes pa la gnas pa'i 'jig rten gyi rgyud rnam par zlog pa'i snying rje chen po 
yongs su dag pa dang / kye rgyal ba'i sras gzhan yang byang chub sems dpas chos thams cad rang bzhin gyis 'od dang zhing gsal ba dang / yongs su gdung ba med pa dang / kun nas 'khrugs pa med pa ste/ glo bur gyi dri ma dang / kun nas nyon mongs pas/ kun nas 
nyon mongs par gyur to/ /zhes bya bar shes nas/ sems can thams cad la thog ma nas dag cing rnam par dag pa dang / dri ma med cing yongs su dag pa dang / rang bzhin gyis 'od dang zhing gsal ba'i chos bstan pa'i phyir snying rje chen po skye ba dang / kye </font><hr>37-1-240a<br><font size=+1>
rgyal ba'i sras gzhan yang byang chub sems dpas chos thams cad nam mkha'i bya lam lta bu yin yang rang gi sgrib pas bsgribs pas shes par ma gyur to/ /zhes bya bar shes nas/ sems can thams cad la yang dag pa'i lam theg pa chen po'i 
'byung ba yongs su bstan pa'i phyir snying rje chen po 'byung ba'o/ /kye rgyal ba'i sras bcu po de dag ni byang chub sems dpa' rnams kyi snying rje chen po yongs su dag pa ste/ de dag la gnas shing byang chub sems dpa' rnams de bzhin gshegs pa'i thugs rje 
chen po bla na med pa yongs su dag pa 'thob par 'gyur ba dag go /kye rgyal ba'i sras bcu po 'di dag ni byang chub sems dpa' rnams kyi dga' ba yongs su dag pa ste/ bcu gang zhe na/ 'di ltar rab tu dga' bas byang chub tu sems bskyed pa ni/ dga' 
ba yongs su dag pa'o/ /gnod pa med par bdog pa thams cad yongs su gtong ba ni dga' ba yongs su dag pa'o/ /sems zhum pa med pas sems can tshul khrims ngan pa can yongs su smin par byed pa ni dga' ba yongs su dag pa'o/ /sems can thams 
cad kyi nyes byas bzod par bya ba'i phyir dam bcas pa mthar phyin par byed pa ni/ dga' ba yongs su dag pa'o/ /chos don du gnyer ba'i phyir lus dang srog gtang ba la 'gyod pa med pa ni/ dga' ba yongs su dag pa'o/ /chos la mos shing dga' ba ni dga' ba 
yongs su dag pa'o/ /'dod pa'i dga' ba thams cad spyod pa ni/ /dga' ba yongs su dag pa'o/ /sangs rgyas blta ba dang / bsnyen bkur bas mi ngoms shing chos kyi dbyings tha dad du mi 'byed pa ni dga' ba yongs su dag pa'o/ /bsam gtan dang rnam par 
thar pa dang / ting nge 'dzin dang snyoms par 'jug pas 'byung ba thams cad la sems can gzhan mos par byed pa ni dga' ba yongs su dag pa'o/ /zhi ba dang thub cing mi 'khrug pa la bsam gtan 'cha' ba shes rab kyi shas che bas lta ba gsal ba dang / brtul </font><hr>37-1-240b<br><font size=+1>
zhugs dang dka' thub yongs su rdzogs par bya ba'i bsam pas byang chub sems dpa'i spyod pa rgyun mi 'chad par byed pa ni dga' ba yongs su dag pa'o/ /kye rgyal ba'i sras bcu po de dag ni byang chub sems dpa' rnams kyi dga' ba yongs su dag pa ste/ de dag la 
gnas shing byang chub sems dpa' rnams de bzhin gshegs pa'i dgyes pa chen po yongs su dag pa bla na med pa 'thob par 'gyur ba dag go /kye rgyal ba'i sras bcu po 'di dag ni byang chub sems dpa' rnams kyi btang snyoms yongs su dag pa ste/ bcu gang zhe 
na 'di ltar sems can thams cad kyis rim gro byas kyang dga' ba med la sems can thams cad kyis rim gro ma byas kyang khong khro bar mi 'gyur ba'i btang snyoms yongs su dag pa dang / 'jig rten gyi chos brgyad las rnam par 'das par spyod pas btang 
snyoms yongs su dag pa dang / snod ma yin pa rnams kyang bkol te mi 'dor la/ snod du gyur pa rnams kyi dus dang yang sbyor ba'i btang snyoms yongs su dag pa dang / nyan thos dang / rang sangs rgyas dang slob dpon pa dang mi slob pa rnam par dag pa'i 
chos thob par gyur pa rnams la rtsol ba gtong ba'i btang snyoms yongs su dag pa dang / 'dod pa'i dga' ba dang rtsed mo dang longs spyod dang / kun nas nyon mongs pa'i bag tu 'gyur ba'i chos thams cad la sems 'brel bar mi gtong ba'i btang snyoms yongs su 
dag pa dang / nyan thos dang / rang sangs rgyas kyi theg pa pa 'khor ba las skyo ba'i rnal 'byor la spyod pa rnams dang snyen par mi byed pa'i btang snyoms yongs su dag pa dang / 'jig rten rgyang phen pa'i gtam thams cad dang / mya ngan las mi 'da' ba dang / 'dod 
chags dang mi dbral ba'i gtam dang / mi rigs shing 'du 'dzir gyur pa'i gtam dang / gzhan la tho 'tsham pa'i gtam dang / nyan thos dang / rang sangs rgyas kyi gtam dang mdor na byang chub sems dpa'i lam las gol ba'i gtam thams cad dang 'du ba </font><hr>37-1-241a<br><font size=+1>
med pa'i btang snyoms yongs su dag pa dang / dran pa dang / blo'i stobs dang / shugs ji lta ba bzhin du gang la yongs su smin par byas pa'i sems can de dag gis de la gong ma'i chos shes par mi nus na'ang de dag gi dus bsdadapas 
btang snyoms yongs su dag pa dang / byang chub sems dpa' sngon yongs su smin par byas pa gang / de bzhin gshegs pa'i sas 'dul bar gyur pa de dag la bsdad pa'i phyir btang snyoms yongs su dag pa dang / kye rgyal ba'i sras gzhan yang byang chub 
sems dpa' rnams kyi btang snyoms gnyis dang bral zhing mthon dman med la blang dor med cing rtog pa dang / rnam par rtog pa dang / yongs su rtog pa dang / bral bas rtag tu mnyam par gzhag cing chos yang dag pa ji lta ba bzhin du khong du chud 
par gnas pa'i bzod pa thob pa'i btang snyoms yongs su dag pa'o/ /kye rgyal ba'i sras bcu po de dag ni byang chub sems dpa' rnams kyi btang snyoms yongs su dag pa ste/ de dag la gnas shing byang chub sems dpa' rnams de bzhin gshegs pa'i 
btang snyoms chen po yongs su dag pa bla na med pa 'thob par 'gyur ba dag go /kye rgyal ba'i sras bcu po 'di dag ni byang chub sems dpa' rnams kyi don te/ bcu gang zhe na/ 'di ltar nan tan lhur len pa'i phyir thos pa'i don dang / rab tu dbye ba la 
mkhas pa'i phyir chos kyi don dang / don dam pa stong pa nyid kyi phyir stong pa nyid kyi don dang / sems can gyi 'du 'dzis dben pa'i phyir dben pa'i don dang / sems can gyi sgra la mngon par chags pa med pa'i phyir brjod du med pa'i don dang / dus gsum 
mnyam pa nyid kyi phyir yang dag pa ji lta ba bzhin gyi don dang / ro mnyam pa nyid kyi phyir chos kyi dbyings la 'jug pa'i don dang / de bzhin nyid kyi rjes su 'brang ba'i phyir de bzhin nyid kyi don dang / yang dag pa'i mtha' rtogs pa'i phyir yang dag pa'i mtha'i don dang /</font><hr>37-1-241b<br><font size=+1>
sdug bsngal gyi phung po yang dag par gcad cing byang chub sems dpa'i spyod pa bsgrub pa bskyed pa'i phyir mya ngan las 'das pa chen po'i don to/ /kye rgyal ba'i sras bcu po de dag ni byang chub sems dpa' rnams kyi don te/ de dag la gnas shing byang chub sems 
dpa' rnams thams cad mkhyen pa'i ye shes kyi don bla na med pa 'thob par 'gyur ba dag go /kye rgyal ba'i sras bcu po 'di dag ni byang chub sems dpa' rnams kyi chos te/ bcu gang zhe na 'di ltar ji skad du smras pa de bzhin du bya ba'i phyir bden pa'i chos dang / len 
cing 'dzin pa thams cad yongs su gcad pa'i phyir yongs su 'dzin pa med pa'i chos dang / nyon mongs pa'i 'bar ba thams cad rab tu zhi bar bya ba'i phyir rtsod pa med pa'i chos dang / yongs su gdung ba dang bral ba'i phyir zhi ba'i chos dang / 'dod chags kyi dri ma dang / nyon 
mongs pa thams cad dang bral ba'i phyir 'dod chags dang bral ba'i chos dang / dmigs pa thams cad rgyun chad pa'i phyir yongs su rtog pa med pa'i chos dang / nam mkha' dang 'dra zhing mtshungs pa'i phyir mi skye ba'i chos dang / skye ba dang 'jig pa dang 
gnas med pa'i phyir 'dus ma byas kyi chos dang / rang bzhin gyis kun nas nyon mongs pa med pa'i phyir rang bzhin gyi chos dang / byang chub sems dpa'i spyod pa sgrub cing yongs su gzung ba'i phyir phung po thams cad spangs te/ mya ngan las 'das 
par 'gro ba'i chos so/ /kye rgyal ba'i sras bcu po de dag ni byang chub sems dpa' rnams kyi chos te/ de dag la gnas shing byang chub sems dpa' rnams de bzhin gshegs pa'i chos nyid bla na med pa 'thob par 'gyur ba dag go /kye rgyal ba'i sras bcu 
po 'di dag ni byang chub sems dpa' rnams kyi bsod nams kyi tshogs te/ bcu gang zhe na 'di ltar dkon mchog gsum gyi gdung rgyun mi gcad pa'i phyir/ pha rol byang chub kyi sems la yid dam 'char gzhug pa'i bsod nams kyi tshogs dang / mi dge ba'i </font><hr>37-1-242a<br><font size=+1>
chos thams cad spang zhing dge ba'i chos thams cad yang dag par bsdu bar bya ba'i phyir yongs su bsngo ba'i rnam pa bcu'i rjes su 'brang ba'i bsod nams kyi tshogs dang / 'jig rten gsum gyi bsod nams zil gyis gnan pa'i phyir shes rab 
dang ye shes bstan pa'i bsod nams kyi tshogs dang / sems can gyi khams thams cad pha rol gyi mthar bsgral ba'i phyir yongs su skyo ba med pa'i bsod nams kyi tshogs dang / yongs su gzung ba thams cad gtang ba'i phyir nang dang phyi'i dngos po thams cad 
yongs su gtong ba'i bsod nams kyi tshogs dang / brtson 'grus chen po brtsam pas sems kyi sgo gtan 'byed cing mchod sbyin rab tu bya ba'i phyir mtshan dang dpe byad bzang po yongs su rdzogs par bya ba'i bsod nams kyi tshogs dang / thabs dang tshul 
dang 'thad pas yongs su gzung ba'i phyir dge ba'i rtsa ba rab 'bring dang tha mas rlom sems med pa'i yongs su bsngo ba'i bsod nams kyi tshogs dang / skyes bu dam pa'i rnam par gnon pa yongs su bstan pa'i phyir yang dag pa dang / log par nges pa dang 
nyams dma' zhing dge ba'i rtsa ba ma bsags pa rnams la brnyas pa med cing snying rje chen po dang ldan pa'i bsod nams kyi tshogs dang / lhag pa'i bsam pa brtan pas yongs su skyong ba'i phyir de bzhin gshegs pa thams cad la mchod cing rim gro bya ba dang / byang chub 
sems dpa' thams cad la ston pa ltar dben par sems pa dang / sems can thams cad kyi bya ba ci yod pa byed pa la brtson pa'i bsod nams kyi tshogs dang / kye rgyal ba'i sras dge ba'i rtsa ba bskal pa grangs med par bsags shing yongs su bsdus 
te/ lag pa'i mthil du phyin cing bdag la dbang yod par gyur pa'i byang chub kyang / sems can la la zhig la yongs su btang ste/ byin na mi dga' ba med la 'gyod pa med cing de bzhin du sems can ma lus pa thams cad la yang rang la dbang yod par yongs su </font><hr>37-1-242b<br><font size=+1>
bsdus te/ lag pa'i mthil du phyin pa'i byang chub yongs su btang ste/ byin yang mi dga' ba med la/ phyis 'gyod pa med pa 'di ni byang chub sems dpa' rnams kyi bsod nams kyi tshogs nam mkha'i dbyings rgya chen po'i rjes su song ba zhes bya ba ste/ 
ye shes chen po yangs pa khong du chud pa'i rgyur 'gyur ba'o/ /kye rgyal ba'i sras bcu po de dag ni byang chub sems dpa' rnams kyi bsod nams kyi tshogs te/ de dag la gnas shing byang chub sems dpa' rnams de bzhin gshegs pa'i bsod nams kyi tshogs 
chen po bla na med pa 'thob par 'gyur ba dag go/ /kye rgyal ba'i sras bcu po 'di dag ni byang chub sems dpa' rnams kyi ye shes kyi tshogs te/ bcu gang zhe na/ 'di ltar bsam pa sgyu med par bya ba'i phyir/ yang dag pa'i dge ba'i bshes gnyen 
mang du thos pa rnams la bsten pa dang / bkur ba dang / bsnyen bkur bya ba dang / rim gro bya ba dang / bsti stang du bya ba dang / bla mar bya ba dang / gus par bya ba dang / bka' blo bde zhing 'thun par len pa'i ye shes kyi tshogs dang / bdag snod du bya ba'i 
phyir nga rgyal med cing 'dud pa dang / phyag 'tshal ba dang / rab tu gus pa dang / lus dang sems las su rung ba dang / khong bde ba dang / mi slu ba dang / mi rtsub pa dang / des shing 'jam la mnyen pa dang / bzhin 'dzum zhing khro gnyer med pa dang / 
'dor te gsong por smra ba dang / rab tu dga' ba dang / mi 'chos pa dang / g.yo med pa dang / sgyu med pa'i ye shes kyi tshogs dang / ye shes rnam pa bcu la rab tu sbyar ba'i phyir dran pa shes bzhin dang / rtogs pa khong du chud pa dang / blo gros mi g.yeng 
ba dang / ngo tsha shes pa dang / mos pa la rab tu gnas pa dang / rjes su dran par bya ba drug dran pa dang / gus pa drug yongs su bsten pa dang / snying por bya ba'i chos drug gi rjes su 'brang ba'i ye shes kyi tshogs so/ /bsam pa dang yid la bya ba gzhan med par bya ba'i </font><hr>37-1-243a<br><font size=+1>
phyir chos don du gnyer ba dang / chos 'dod pa dang / chos la mos shing dga' ba dang / chos btsal ba dang / thos pas mi ngoms pa dang / 'jig rten rgyang phen pa dang / ma 'dres pa dang / 'jig rten pa'i gtam thams cad spong ba dang / 'jig 
rten las 'das pa'i gtam lhur len pa dang / theg pa dma' ba spong zhing blo gros yangs pa'i theg pa chen po la yang dag par gzhol ba'i ye shes kyi tshogs dang / nan tan lhur blang ba'i phyir pha rol tu phyin pa drug yongs su btsal ba la 'thun par brtson pa dang / tshangs pa'i 
gnas bzhi rab tu bsgrub pa dang / rig pa dang mthun pa'i chos dang sten pa dang / mkhas pa'i skye bo la yongs su 'dri ba dang / lam nyam nga ba dang bral zhing yang dag pa'i lam la ma nor bar gzhol ba dang / bskul ba dang dran par bya ba dang / mos par bya bas 
rang gi sems 'dul ba dang / pha rol gyi sems rjes su srung ba'i ye shes kyi tshogs dang / bdag dang gzhan gyi sems rnam par sbyang ba'i phyir rtag tu rgyun mi chad par 'byung ba'i sems dang / khams gsum las dben par dga' zhing / rang gi sems 
rtogs par byed pa dang / mi dge ba'i sems kyi skabs mi 'byed cing rnam par rtog pa gsum bstsal bas/ lus dang ngag dang sems las su rung ba dang / sems kyi rang bzhin gcig tu nges pa rab tu rtogs par byed pa'i ye shes kyi tshogs dang / kye rgyal ba'i sras 
gzhan yang phung po rnams la sgyu ma lta bur rtog pa dang / khams rnams la sprul pa lta bu'i 'du shes su rtog pa dang / chos thams cad sgyu ma dang / smyig rgyu dang / chu'i zla ba dang / rmi lam dang / mig yor dang / sgra brnyan dang / gzugs brnyan dang / mig yor dang 'dra 
zhing nam mkha' ri mo dang mnyam pa dang / mgal me bskor ba lta bu ste/ 'ja'i tshon dang 'dra ba nyi ma dang zla ba'i 'od lta bu ste/ chos thams cad ni gzung du med pa mtshan ma med pa/ rtag pa med pa chad pa med pa song ba med pa dang / 'ong ba med pa ste/ chos </font><hr>37-1-243b<br><font size=+1>
thams cad mi gnas par rab tu rtog cing 'jug pa dang / mos pa dang yid ches pa 'di ni skye ba dang / 'jig pa la mi gnas pa zhes bya ba ye shes kyi tshogs bdun pa ste/ chos thams cad khong du chud pa dag pa'i rgyur 'gyur ba'o/ /chos thams cad bdag med 
pa dang / sems can med pa dang / srog med pa dang / gang zag med pa dang / sems med pa dang / don med pa dang / 'dod chags med pa dang / zhe sdang med pa dang / gti mug med pa dang / nyon mongs pa med pa dang / lus med pa 
dang/ rdzas med pa dang / lta ba med pa dang / dri ma med pa dang / rje ba med pa dang / gos pa med pa dang / rgyu ba med pa dang / zang zing med pa dang / mya ngan las 'das pa'i rgyud du yang dag par gzhol ba thos na mos shing yid ches la 
yid gnyis med cing the tsom mi za ba 'di ni ye shes kyi tshogs brgyad pa ste/ mos pa yongs su rdzogs par 'gyur ba'o/ /kye rgyal ba'i sras gzhan yang byang chub sems dpa' tshul gzhan gyi sbyor bas yang dag par bral bar byas pas dbang po bsdams pa lhag 
mthong dang zhi gnas kyis zhi ba dang / nye bar zhi ba dang / rab tu zhi bar gyur pa/ yid la bya ba thams cad kyis ma byas ma bskyed/ mngon par ma byas pa'i ngang tshul can bdag med pa dang / sems can med pa dang / bdag gi 'du shes rnam par 
rgyu bas nan tan du byed pa med pa'i blo dang ldan pa/ zad pa med cing tshad med la mi dmigs pa'i bzod pa can/ lus dang ngag dang sems blang ba med pa dang dor ba med pas/ sngon du 'dor ba'i brtson 'grus dang ldan pa/ sems can thams cad dang 
chos thams cad la mi gnas par bsam gtan 'cha' ba/ tshu rol med pa pha rol med pa/ tshu rol dang pha rol dang bral ba rgyu ba med pa rgyu ba dang bral ba'i shes rab kyis de ltar nges par rtog pa 'di ni ye shes kyi tshogs dgu pa ste/ mtshan ma dang yongs su rtog pa </font><hr>37-1-244a<br><font size=+1>
thams cad kyi pha rol tu phyin par 'gyur ba'o/ /kye rgyal ba'i sras rten cing 'brel bar 'byung ba mthong bas ni chos mthong ba shin tu rnam par dag par 'gyur/ /chos mthong bas ni zhing mthong ba shin tu rnam par dag par 'gyur/ zhing mthong bas ni nam mkha' mthong ba 
shin tu rnam par dag par 'gyur/ nam mkha' mthong bas ni chos kyi dbyings mthong ba shin tu rnam par dag par 'gyur/ chos kyi dbyings mthong bas ni ye shes mthong ba shin tu rnam par dag par 'gyur ba 'di ni ye shes kyi tshogs bcu pa ste/ thams cad 
mkhyen pa'i ye shes yang dag par bsgrub pa'i rgyur 'gyur ba'o/ /kye rgyal ba'i sras bcu po de dag ni byang chub sems dpa' rnams kyi ye shes kyi tshogs te/ de dag la gnas shing byang chub sems dpa' rnams chos thams cad la ma chags ma bsgrubs 
pa'i ye shes shin tu rnam par dag pa bla na med pa 'thob par 'gyur ba dag go /kye rgyal ba'i sras bcu po 'di dag ni byang chub sems dpa' rnams kyi rig pa skye ba ste/ bcu gang zhe na 'di ltar chos shin tu rnam par phye ba'i blo ni rig pa skye ba'o/ /chos rnams 
la chags pa med pa'i rnal 'byor ni rig pa skye ba'o/ /lta ba ma log pa ni rig pa skye ba'o/dbang po rnams la shes rab snang ba ni rig pa skye ba'o/ /rig pa brtsam pa la yang dag par sbyor ba ni rig pa skye ba'o/ /ye shes mngon par 
rtogs par bya ba'i phyir bden pa la 'jug pa ni rig pa skye ba'o/ /las dang nyon mongs pa zad cing mi skye bar shes pa ni rig pa skye ba'o/ /shes rab dang ye shes kyis rnam par 'byed pa'i lha'i mig ni rig pa skye ba'o/ /sngon gyi mtha' nas rnam par sbyangs pa'i 
sngon gyi gnas rjes su dran pa ni rig pa skye ba'o/ /mngon par shes pa yongs su sbyangs pas sems can la lta ba'i zag pa zad pa'i ye shes ni rig pa skye ba'o/ /kye rgyal ba'i sras bcu po de dag ni byang chub sems dpa' rnams kyi rig pa skye ba ste/ de </font><hr>37-1-244b<br><font size=+1>
dag la gnas shing / byang chub sems dpa' rnams sangs rgyas thams cad chos kyi rig pa snang ba bla na med pa 'thob par 'gyur ba dag go /kye rgyal ba'i sras bcu po 'di dag ni byang chub sems dpa' rnams kyi chos yongs su tshol ba ste/ /bcu gang zhe 
na 'di ltar g.yo dang sgyu med pas bsam pa thag par chos yongs su tshol ba dang / brtson 'grus lhod pa med par sran 'dzugs pas brtson 'grus kyis chos yongs su tshol ba dang / lus dang srog la mi lta bar chos yongs su tshol ba dang / rnyed stobs 
dang bkur sti dang / grags pa'i phyir ma yin gyi 'gro ba thams cad kyi nyon mongs pa spang pa'i phyir chos yongs su tshol ba dang / bdag 'ba' shig la phan pa'i phyir ma yin gyi bdag dang gzhan dang 'gro ba thams cad la phan pa'i phyir chos yongs su tshol ba dang / 
chos kyi mdangs kyis ra chod bya ba'i phyir ma yin gyi shes rab la 'jug pa'i phyir chos yongs su tshol ba dang / ko ba lob la dga' ba'i phyir ma yin gyi rab tu rten par bya ba'i phyir chos yongs su tshol ba dang / byang chub sems kyi sems ma btang bas/ sems 
can la snying rje ba'i phyir chos yongs su tshol ba dang / yid gnyis dang bral ba'i phyir sems can thams cad kyi the tsom gcad pa'i phyir chos yongs su tshol ba dang / rlom sems med cing 'dod pa med pa'i phyir sangs rgyas kyi chos yongs su rdzogs par bya 
bar chos yongs su tshol ba'o/ /kye rgyal ba'i sras bcu po de dag ni byang chub sems dpa' rnams kyi chos yongs su tshol ba ste/ chos yongs su tshol ba de dag gis byang chub sems dpa' rnams sangs rgyas kyi chos thams cad la gzhan gyi dring mi 
'jog pa'i ye shes bla na med pa 'thob par 'gyur ba dag go /kye rgyal ba'i sras bcu po 'di dag ni byang chub sems dpa' rnams kyi chos rab tu brjod pa ste/ bcu gang zhe na 'di ltar byis pa so so'i skye bo rnams la kun rdzob la 'jug pa'i dge ba'i rtsa ba </font><hr>37-1-245a<br><font size=+1>
bskyed pa dang / dad pa'i rjes su 'brang ba rnams la dad pa mi phyed pa dang / chags pa'i gnas las bzla zhing chos kyi rang bzhin khong du chud par bya ba dang / chos kyi rjes su 'brang ba rnams la chos la gnas pa dang / chos 
kyi rjes su brtson pa dang / chos dang gnyer ba'i chos la nan tan du byed pa dang / brgyad pa rnams la log pa brgyad las bzla zhing yang dag pa brgyad la 'jug pa dang / rgyun tu zhugs pa rnams la kun tu sbyor ba yongs su spang ba dang / 'khor ba'i rgyun gcad pa dang / 
don dam pa'i bden pa mthong ba dang / lan cig phyir 'ong ba rnams la ro myong ba'i kha na ma tho ba yongs su brtag pa dang / gang du yang ma 'ong la mi 'gro ba'i chos rab tu brjod pa dang / phyir mi 'ong ba rnams la khams gsum du mngon par dga' ba med pas skad cig 'ga' 
tsam du yang skye bar mi smon pa'i phyir zag pa zad pa rab tu brjod pa dang / dgra bcom pa rnams la mngon par shes pa drug gis rnam par 'phrul pa dang / rnam par thar pa brgyad kyis rnam par rtse ba dang / mthar gyis spyod cing snyoms par 'jug pa dgu'i 
ting nge 'dzin la snyoms par 'jug pa dang / so so yang dag par rig pa bzhi rab tu brjod pa dang / rang sangs rgyas rnams la rten cing 'brel bar 'byung ba la 'jug pa'i ro gcig pa dang / gcig tu dga' ba dang / dben pa la dga' ba dang / smra ba nyung ba 
dang/ bya ba nyung ba dang / rang 'byung gis yongs su gnan pa dang / ma thos par rang gi ye shes kyis mngon par rtogs par bya ba rab tu brjod pa dang / byang chub sems dpa' rnams la blo gros rgya chen po dang dbang po rno ba dang / rtag tu rgyun mi chad par 
sems can rab tu thar bar byed pa'i sems dang / bsod nams kyi tshogs bsags pa dang / stobs bcu dang / mi 'jigs pa dang / sangs rgyas kyi chos thams cad yongs su rdzogs par bya ba rab tu brjod pa'o/ /kye rgyal ba'i sras bcu po de dag ni </font><hr>37-1-245b<br><font size=+1>
byang chub sems dpa' rnams kyi chos rab tu bstan pa ste/ de dag la gnas shing byang chub sems dpa' rnams de bzhin gshegs pa'i shes rab dang ye shes chen po rab tu brjod pa bla na med pa 'thob par 'gyur ba dag go /kye rgyal ba'i sras bcu po 'di dag ni byang chub sems 
dpa' rnams kyi chos kyi nan tan te/ bcu gang zhe na 'di ltar dge ba'i bshes gnyen la gus par byed pas chos la nan tan byed pa dang / lhas yang dag par bskul zhing chos la nan tan byed pa dang / sangs rgyas bcom ldan 'das rnams la ngo tsha dang khrel gyis 'dzem zhing chos la nan tan byed pa dang / sems can la snying rje ba'i phyir 'khor ba'i rgyun mi gcod pas chos la nan tan byed pa dang / shin tu mthar phyin par legs par byas pas phyir 'khrug pa med par chos la nan tan byed pa dang / byang chub sems dpa' brtson 'grus chen 
po theg pa chen po la zhugs pa gzhan gyi rjes su bslab par bya'o/ /zhes chos la nan tan byed pa dang / tshul bzhin gyi sbyor bas log pa spang ba'i phyir chos la nan tan byed pa dang / bdud kyi las dang nyon mongs pa thams cad gzhom pa'i phyir chos la nan tan byed pa dang / sangs 
rgyas su gyur nas sems can thams cad kyi dbang po mchog dang / 'bring dang tha ma shes pas chos bstan par bya'o/ /zhes chos la nan tan byed pa dang / sems chos kyi dbyings mtha' dang dbus med la yangs shing rgya che bas yongs su sbyang ba'i phyir chos la nan tan byed 
pa'o/ /kye rgyal ba'i sras bcu po de dag ni byang chub sems dpa' rnams kyi chos kyi nan tan te/ de dag la gnas shing byang chub sems dpa' rnams de bzhin gshegs pa'i nan tan bla na med pa 'thob par 'gyur ba dag go /kye rgyal ba'i sras bcu po 'di dag 
ni byang chub sems dpa' rnams kyi bdud de/ bcu gang zhe na/ 'di ltar mngon par chags pa'i phyir phung po'i bdud dang / glags su 'gyur ba'i phyir nyon mongs pa'i bdud dang / sgrib pa'i phyir las kyi bdud dang / slong ba'i phyir sems kyi bdud dang /</font><hr>37-1-246a<br><font size=+1>
skyes pa dang bral bar byed pas tsham gyi bdud dang / g.yo ba dang rlom pa dang 'gyur ba dang / bag med par spyod pas lha'i bu'i bdud dang / de la zhen pa'i phyir dge ba'i rtsa ba'i bdud dang / ro myong bar byed pa'i phyir ting nge 'dzin gyi bdud dang /gzugs brnyan gyi phyir dge ba'i bshes gnyen gyi bdud dang / smon lam mngon par mi bsgrub pas chos kyi ye shes khong du chud pa'i bdud do/ /kye rgyal ba'i sras bcu po de dag ni byang chub sems dpa' rnams kyi bdud de/ de dag yongs su spang ba'i phyir 
byang chub sems dpas brtson par bya ba dag go /kye rgyal ba'i sras bcu po 'di dag ni byang chub sems dpa' rnams kyi bdud kyi las te/ bcu gang zhe na/ 'di ltar byang chub kyi sems nyams pa'i dge ba'i rtsa ba thams cad ni bdud kyi las so/ /sems 
mi nyams pa'i sbyin pa yongs su gtong ba dang / tshul khrims la 'khrug pa dang / ngan sems dang ldan pa yongs su spong ba dang / le lo can yongs su gtong ba dang / sems 'khrugs pa la brnyas pa dang / shes rab 'chal ba can la smod pa ni bdud kyi 
las so/ /chos la slob dpon gyis bcabs pa dang / chos kyi snod la khyad du gsod pa dang / zang zing la 'brel par chos ston pa ni bdud kyi las so/ /snod ma yin pa la chos rgya chen po ston pa ni bdud kyi las so/ /pha rol tu phyin pa rnams mi thos pa 
dang/ thos na log par 'jug pa dang / log par zhugs nas le lo byed pa dang / le lo byas nas sems zhum par byed pa dang / sems zhum par gyur nas byang chub kyi lam yangs pa dang ldan pa'i sems dang sems las byung ba'i chos mi 'byung ba ni bdud 
kyi las so/ /sdig pa'i grogs po la bsten pa dang / dge ba'i bshes gnyen yongs su spong ba dang / nyan thos dang / rang sangs rgyas kyi theg pa 'dod pa dang / skye ba'i skye mched la mngon par mi dga' ba dang / mya ngan las 'da' ba dang / 'dod chags </font><hr>37-1-246b<br><font size=+1>
dang bral ba dang / sems nye bar zhi ba ni bdud kyi las so/ /byang chub sems dpa' la zhe sdang ba'i bsam pa dang / mi snyan par brjod pa dang / 'thob pa'i bgegs byed pa dang / 'khrul pa'i skyon tshol ba dang / mi bde ba'i mig gis lta ba ni bdud kyi las 
so/ /dam pa'i chos la spong ba dang / ma thos pa'i mdo sde thos na smod pa dang / chos smra ba gzhan gyis bshad pa nyan par mi dga' zhing brnyas te/ khyad du gsod pa dang / bdag stod pa dang / gzhan smod pa ni bdud kyi las so/ /'jig rten rgyang phen 
pa tshol zhing yi ge sna tshogs dang / 'bru sna tshogs su rang bzor byas pa'i rang bzo la dga' ba dang / nyan thos dang / rang sangs rgyas kyi gtam rjes su dran pa dang / zab mo'i gtam 'chad cing sbed pa dang / gtam sna tshogs rnam par brjod pa dang / 
snod ma yin pa la zab mo'i chos ston pa dang / byang chub kyi lam mi tshol ba dang / lam ngan pa'i rgyud la gnas pa ni bdud kyi las so/ /grol ba dang rgal ba dang / dbugs phyin pa la ni bsten cing bsnyen pa dang / bkur ba dang rim gro byed kyi ma grol ba dang / 
ma rgal ba dang / dbugs ma phyin pa la mi sten mi bsnyen bkur ba mi byed/ rim gro mi byed yongs su smin par mi byed pa dang / mngon pa'i nga rgyal du lhung ste/ su la 'ang mi 'dud cing nga rgyal yongs su 'phel bar byed pa dang / sems can la khong khro ba dang / chos 
kyi ye shes mi tshol ba dang / ye shes kyi gter mi bsrung ba dang / sems rtag tu brlang ba dang / mgu dka' zhing gsol ba gdab par dka' ba ni bdud kyi las so/ /kye rgyal ba'i sras bcu po de dag ni byang chub sems dpa' rnams kyi bdud kyi 
las te/ de dag yongs su spangs shing byang chub sems dpa' rnams sangs rgyas kyi chos tshol bar 'gyur ba dag go /kye rgyal ba'i sras bcu po 'di dag ni byang chub sems dpa' rnams kyi bdud kyi las bzlog pa ste/ bcu gang zhe na 'di ltar dge ba'i </font><hr>37-1-247a<br><font size=+1>
bshes gnyen bkur ba'i phyir nga rgyal thams cad yongs su spong ba ni bdud kyi las bzlog pa'o/ /bdag la mi bstod mi bsngags pa ni bdud kyi las bzlog pa'o/ /sangs rgyas kyi chos zab mo la mos shing mi spong ba ni bdud las bzlog pa'o/ /
thams cad mkhyen pa'i sems yongs su nyams par mi byed pa ni bdud kyi las bzlog pa'o/ /chos zab mo'i tshul la brtson zhing bag yod par gnas pa ni bdud kyi las bzlog pa'o/ /byang chub sems dpa'i sde snod la gnas shing chos thams cad yongs su 
tshol ba ni bdud kyi las bzlog pa'o/ /yang dang yang mnyan cing yang dag pa'i gtam gyis yongs su mi skyo ba ni bdud kyi las bzlog pa'o/ 'jig rten gyi khams thams cad na bzhugs pa'i de bzhin gshegs pa thams cad la skyabs dang dpung gnyen tshol ba'i 'du 
shes ni bdud kyi las bzlog pa'o/ /bsgrub pa la sangs rgyas thams cad kyi byin gyi rlabs rjes su dran zhing mos pas yang dag par len pa ni bdud kyi las bzlog pa'o/ /byang chub sems dpa'i grogs thams cad kyi dge ba'i rtsa ba dang / mi gnyis par 
mngon par bsgrub pa ni bdud kyi las bzlog pa'o/ /kye rgyal ba'i sras bcu po de dag ni byang chub sems dpa' rnams kyi bdud kyi las bzlog pa ste/ de dag gis byang chub sems dpa' rnams bdud kyi las thams cad las 'da' bar 'gyur ba dag go /
kye rgyal ba'i sras bcu po 'di dag ni byang chub sems dpa' rnams kyi sangs rgyas mthong bar bya ba ste/ bcu gang zhe na 'di ltar mngon par rdzogs par byang chub pa'i sangs rgyas 'jig rten na bzhugs par mngon par chags pa med par mthong bar bya ba dang / smon 
lam gyi sangs rgyas mngon par bsgrub pa dang / las rnam par smin pa'i sangs rgyas la yid ches par bya ba dang / byin gyi rlabs kyi sangs rgyas kyi rjes su 'brang bar bya ba dang / mya ngan las 'das pa'i sangs rgyas khong du chud par bya ba </font><hr>37-1-247b<br><font size=+1>
dang/ chos kyi dbyings kyi sangs rgyas la thams cad du gzhol bar bya ba dang / sems kyi sangs rgyas gnas par bya ba dang / ting nge 'dzin gyi sangs rgyas la tshad du gnas par mi bya ba dang / rang bzhin 'od gsal ba'i sangs rgyas rab tu 
rtogs par bya ba dang / bsam pa ji bzhin gyi sangs rgyas rgya chen pos blang bar bya ba'o/ /kye rgyal ba'i sras bcu po de dag ni byang chub sems dpa' rnams kyi sangs rgyas mthong bar bya ba ste/ de dag la gnas shing byang chub sems dpa' rnams de bzhin 
gshegs pa mthong ba bla na med pa 'thob par 'gyur ba dag go/ /kye rgyal ba'i sras bcu po 'di dag ni byang chub sems dpa' rnams kyi sangs rgyas kyi 'phrin las te/ bcu gang zhe na/ 'di ltar yang dag pa'i nan tan la mos par bya ba'i phyir dus su bskul ba ni 
sangs rgyas kyi 'phrin las so/ /sngon gyi dge ba'i rtsa ba yang dag par bskul ba'i phyir rmi lam du sangs rgyas ston pa ni sangs rgyas kyi 'phrin las so/ /the tsom med pa'i ye shes kyi phyir ma thos pa'i mdo sde ston pa ni sangs rgyas kyi 'phrin las so/ /the 
tsom med pa'i sems kyi phyir 'gyod pa kun nas 'khor bas yongs su gnon pa la 'byung ba'i las nye bar bsgrub pa ni sangs rgyas kyi 'phrin las so/ /'jungs pa'i sems dang shes rab 'chal pa'i bar gyi sems dang nyan thos dang / rang sangs rgyas kyi sems 
dang / the tsom dang nem nur gyi sems dang / de la zhen pa'i sems dang / nga rgyal gyi sems shig byung na sngon dge ba'i rtsa ba mngon par bsgrub pa'i phyir mtshan gyis brgyan pa'i de bzhin gshegs pa'i sku mdun du gnas te bzlog pa ni sangs rgyas kyi 'phrin las 
so/ /chos mnyan pa'i mu ge byung ba'i tshe/ chos mnyan pa gang thos pas gzungs kyi ye shes 'thob par 'gyur ba de lta bu'i chos mnyan pa thos par byed cing mngon par shes pa'i ye shes nye bar bstan te/ mos pa shin tu rnam par dag pa'i phyir sems can gyi don </font><hr>37-1-248a<br><font size=+1>
tshad med pa la brtson par sbyar ba 'di ni sangs rgyas kyi 'phrin las drug pa'o/ /bdud kyi las shig byung bar gyur na nam mkha'i dbyings las sgra bsgrags pa'i tshul lam/ 'on tam yan lag nas brgyud pa'i tshul lam/ thabs sna tshogs 
kyis bdud kyi las de dag shes par byed pa dang / khong du chud par byed pa dang / gsal bar 'dod par byed cing de thos nas lhag pa'i bsam pa che ba nyid kyis zil gyis mnan te/ spyod par 'gyur ba 'di ni sangs rgyas kyi 'phrin las bdun pa'o/ /sngon smon lam shin tu 
bsgrubs pas mtshams med pa'i sems las yongs su bsrung ba dang / nyan thos dang / rang sangs rgyas kyi skyon med par 'jug pa las bsrung ba dang / dbang po ma smin par rnam par grol bar dmigs pa las bzlog pa ni sangs rgyas kyi 'phrin las so/ 
'khor rgyud du 'brel bar byed pa'i zag pa rnams yongs su gcod pa dang / gcod pa yongs su 'brel bar byed pa'i kun tu sbyor ba rnams yang dag par bsgrub pa dang / sems can rnams la snying rje chen po mngon par bsgrub pa dang / spyod pa yongs su bsgrub par mos 
kyang sbyor ba mya ngan las 'das pa de ni sangs rgyas kyi 'phrin las dgu pa ste/ spyod pa rgyun mi 'chad pa'i rgyur 'gyur ba'o/ /kye rgyal ba'i sras khyod tshur shog bdag dang sems can kun kyang yongs su mya ngan las 'das par shes par gyis la/ sems 
can ma rgal bas ma 'jigs par bsod nams dang ye shes kyi tshogs btsal bas mi ngoms pa la sems zhog shig /mngon par 'du byed pa'i rang bzhin gyi mtshan nyid kyang ma btang shig /sangs rgyas kyi gzugs kyi sku yang mdor cig /'dod chags dang 
bral ba yang thob par gyis shig /chos thams cad la chags pa med pa'i thams cad mkhyen pa'i ye shes kyang btsal bar gyis shig /chos thams cad la gzhan gyi dring 'jog pa med par sangs rgyas kyi zhing yang yongs su spyad par gyis shig /zhing gi </font><hr>37-1-248b<br><font size=+1>
mtshan nyid nam mkha' lta bur yang shes par gyis shig /sems can yongs su smin par bya bas kyang ma skyo shig /bdag med pa'i mtshan nyid kyang ma spong shig /mngon par shes pa'i ye shes la'ang rnam par 'phrul bar gyis shig /chos kyi dbyings 
las kyang ma g.yo shig /byang chub kyi sems bskyed pa yang ma btang shig /thams cad mkhyen pa'i ye shes la'ang 'byung bar gyis shig /chos kyi 'khor lo bskor bas kyang sems can thams cad tshim par gyis shig /chos nyid brjod du med pa las 
kyang 'da' bar ma byed cig /de bzhin gshegs pa'i rnam par 'phrul pa dang / byin gyi rlabs kyang yongs su ston cig /byang chub sems dpa'i lus kyang ma dor cig /yongs su mya ngan las 'das pa chen po yang yongs su ston cig /skye ba'i skye mched 
thams cad du yang snang bar gyis shig ces/ kye rgyal ba'i sras rnam pa de lta bu'i chos zung dang snrel zhir bsgrub pa mngon par bsgrub pa rnams nye bar bsgrub pa 'di ni sangs rgyas kyi 'phrin las yang dag phul gyi chos bcu pa'o/ /kye rgyal ba'i sras bcu po de dag ni 
byang chub sems dpa' rnams kyi sangs rgyas kyi 'phrin las te/ de dag la gnas shing byang chub sems dpa' rnams rang 'byung gi 'phrin las gzhan gyi dring mi 'jog pa bla na med pa 'thob par 'gyur ba dag go/ /kye rgyal ba'i sras bcu po 'di dag ni byang 
chub sems dpa' rnams kyi nga rgyal gyi las te/ bcu gang zhe na 'di ltar bla ma dang / sbyin pa'i gnas dang / pha dang ma dang dge sbyong dang / bram ze dang / yang dag par song ba dang / yang dag par zhugs pa la rim gro med pa ni nga rgyal gyi las so/ /
chos smra ba dang khyad par gyi chos khong du chud pa dang / chos rgya chen po ston pa dang / theg pa chen po la yang dag par gnas pa dang / 'byung ba'i lam gyi tshul shes pa dang / gzungs dang mdo sde la shin tu byang ba rnams la mi 'dud de/ khengs shing 'gyings </font><hr>37-1-249a<br><font size=+1>
la chos dang chos smra ba la gus pa mi skyed pa dang / gus par mi nyan pa dang / zhe sa mi byed pa ni nga rgyal gyi las so/ /chos ma nyan pa dang yang dag pa'i gtam bya bar 'dug pa las chos kyi shugs chen po skyes kyang chos smra ba la legs so zhes bya ba mi ster 
cing la la zhig 'di la dad par gyur du 'ong ngo / /snyam pa ni nga rgyal gyi las so/ /lhag pa'i nga rgyal bskyed de bdag gi gzengs bstod cing gzhan gyi nyams smod pa dang / rang gi drod mi 'dzin cing sems nges par rtogs pa mi bskyed pa ni nga rgyal gyi las so/ /mtho ba'i 
nga rgyal bskyed de shes bzhin khong du chud bzhin du bsngags par 'os pa'i gang zag rnams kyi legs pa 'chab pa dang / mi snyan par rjod cing gzhan gyi yon tan bsngags pas dga' bar mi 'gyur ba 'di ni nga rgyal gyi las so/ /'di ni chos so/ /'di ni 'dul ba'o/ /
'di ni yang dag par sangs rgyas kyi bka' yin no zhes bya bar yang shes la/ gang zag la zhe sdang zhing chos la zhe sdang ba dang / chos spong ba dang / gzhan yang dpar bas ldog par byed pa ni nga rgyal gyi las so/ /stan mthon po 'dod cing gces par bya ba'i chos tshol ba dang / 
gzhan gyi rim gro bya bar sdod cing mngon par dga' ba dang / gnas brtan rgan pa tshangs pa'i spyod pa yun ring du spyod spyod pa rnams la mi ldang zhing mi bsdu ba dang / bsnyen bkur mi byed pa ni nga rgyal gyi las so/ /bzhin khro gnyer can du byas shing mi 'dzum pa dang / 
tshig 'jam zhing mnyen pa med la rtag tu khengs pa'i sems kyis klan ka tshol zhing glags lta ba ni nga rgyal gyi las so/ /lhag pa'i nga rgyal du lhung zhing mkhas pa'i drung du mi 'gro mi sten mi snyen rim gro mi byed cing dge ba ni gang / mi dge ba ni gang / bya ba ni 
ci mi bya ba ni ci zhig byas na yun ring por don dang bde ba dang phan par 'gyur zhes mi 'dri mi dpyod de/ de rmongs pa las kyang ches rmongs par gyur nas gti mug gis blong zhing nga rgyal gyis rgyal te/ 'byung ba mi mthong ba ni nga rgyal gyi las so/ /de mngon pa'i nga rgyal gyis </font><hr>37-1-249b<br><font size=+1>
zil gyis non pas sangs rgyas skye ba mnyes par mi byed pa dang / sngon gyi dge ba'i rtsa ba zad par byed cing gsar du mi bsgrub la mi bshad pa 'chad pa dang / 'thab mo byed cing rtsod pa mang bar gyur te/ de de lta bu'i chos la mang du spyod pas 'dod rgyal chen por lhung ba'i gnas 
su gyur kyang byang chub sems dpa'i stobs dang shugs kyis de da dung dbang phyug thob par 'gyur yang bskal pa brgya stong du mar yang sangs rgyas skye ba mthong bar yang mi 'gyur na chos mnyan pa lta smos kyang ci dgos te/ 'di ni nga rgyal gyi las bcu pa'o/ /kye rgyal ba'i sras 
bcu po de dag ni byang chub sems dpa' rnams kyi nga rgyal gyi las te/ de dag yongs su spangs shing byang chub sems dpa' rnams ye shes kyi las bcu 'thob par 'gyur ba dag go/ //sangs rgyas rmad gcad ces bya ba shin tu rgyas pa chen 
po'i mdo/ /bam po nyi shu gnyis pa/ kye rgyal ba'i sras bcu po 'di dag ni byang chub sems dpa' rnams kyi ye shes kyi las te/ bcu gang zhe na/ 'di ltar las kyi rnam par smin pa la yid ches pas rgyu dang 'bras bu chud mi za ba ni ye shes kyi las so/ /byang chub 
kyi sems mi gtong bas rtag tu rgyun mi 'chad par sangs rgyas yid la byed pa ni ye shes kyi las so/ /dge ba'i bshes gnyen la bsnyen cing bsten pa dang / rim gro byed cing de la ldang ba dang / bsnyen bkur ba dang / bla mar bya ba dang / nyan par dga' ba ni ye shes 
kyi las so/ /chos la don du gnyer cing chos 'dod pa dang / chos tshol ba dang / thos pa btsal bas mi ngoms pa dang / tshul bzhin yid la bya bas sbyor ba dang / tshul bzhin ma yin pa'i yid la byed pa yongs su spong ba ni ye shes kyi las so/ /sems 
can rnams la nga rgyal med pa dang / byang chub sems dpa' rnams la ston pa tsam du gces par sems pa dang / chos rnams la bdag tsam du gces par sems pa dang / de bzhin gshegs pa rnams la srog tsam du gces par sems pa dang / nan tan </font><hr>37-1-250a<br><font size=+1>
nyams su blang ba la sangs rgyas tsam du gces par sems pa ni ye shes kyi las so/ /lus dang ngag dang yid kyi las kha na ma tho ba med pa dang / 'tsho ba'i dbang po smad du mi rung ba dang / 'tsho ba mkhas pas bsngags pa dang / 
byang chub kyi las kyi rjes su rtsom pa'i rtsol ba ni ye shes kyi las so/ /rten cing 'brel bar 'byung ba dang /mi 'gal ba dang lta ba'i thibs po dang bral ba dang / gti mug gi mun pa dang / rab rib sel ba dang / ma rig pa'i mun nag med par byed pa dang / chos 
thams cad la shes rab kyi snang ba rab tu 'thob par byed pa ni ye shes kyi las so/ /yongs su bsngo ba bcu'i rjes su 'brang ba dang / pha rol tu phyin pa rnams la mar 'du shes pa dang / thabs mkhas pa la phar 'du shes pa dang / bsam pa byang chub 
kyi rnam pa la zhugs pa ni ye shes kyi las so/ /sbyin pa dang / tshul khrims dang / thos pa dang / lhag mthong dang zhi gnas yongs su tshol ba dang / bsod nams dang ye shes kyi tshogs yongs su tshol bas mi skyo ba ni ye shes kyi las so/ /
las gang sangs rgyas kyis bsngags pa bdud kyi dkrugs ma dang / nyon mongs pa thams cad dang bral ba bsgribs pa dang / gcod pa dang / kun nas 'khor ba thams cad yongs su chad pa sems can thams cad yongs su smin par bya ba dang / rnam 
par gdul ba'i ye shes dang mthun pa dam pa'i chos yongs su gzung ba la brtson pa/ sangs rgyas kyi zhing yongs su dag par byed pa'i mngon par shes pa dang / rig pa'i ye shes mngon sum du gyur cing de lta bu'i las byed pa 'di ni ye shes kyi las yang dag 
phul gyi chos dang ldan pa bcu pa'o/ /kye rgyal ba'i sras bcu po de dag ni byang chub sems dpa' rnams kyi ye shes kyi las te/ de dag la gnas shing byang chub sems dpa' rnams de bzhin gshegs pa'i ye shes chen po sngon du 'gro bas mngon par bsgrub </font><hr>37-1-250b<br><font size=+1>
pa la mkhas pa bla na med pa 'thob par 'gyur ba dag go /kye rgyal ba'i sras bcu po 'di dag ni byang chub sems dpa' rnams kyi bdud kyi byin gyi rlabs te/ bcu gang zhe na 'di ltar sems zhum par gyur pa ni bdud kyi byin gyi rlabs so/ /bsam pa 
'khrugs pa ni bdud kyi byin gyi rlabs so/ /rgya chung dus mgu ba ni bdud kyi byin gyi rlabs so/ /gcig las mi bzod pa ni bdud kyi byin gyi rlabs so/ /smon lam la lhag par mi dmigs pa ni bdud kyi byin gyi rlabs so/ /nyon mongs pa rnam par 
bzlog pa dang / zhi ba 'dod pa ni bdud kyi byin gyi rlabs so/ /'khor ba'i rgyun mi gcod pa ni bdud kyi byin gyi rlabs so/ /spyod pa las phyir mi ldog pa ni bdud kyi byin gyi rlabs so/ /sems can yongs su smin par mi byed pa ni bdud kyi byin gyi 
rlabs so/ /chos la the tsom za zhing dam pa'i chos spong ba ni bdud kyi byin gyi rlabs so/ /kye rgyal ba'i sras bcu po de dag ni bdud kyi byin gyi rlabs te/ de dag yongs su spangs shing byang chub sems dpa' rnams sangs rgyas kyi byin gyi rlabs 
bla na med pa 'thob par 'gyur ba dag go /kye rgyal ba'i sras bcu po 'di dag ni byang chub sems dpa' rnams kyi sangs rgyas kyi byin gyi rlabs te/ bcu gang zhe na 'di ltar thog mar byang chub tu sems skye ba ni sangs rgyas kyi byin gyi rlabs so/ /tshe tshe rabs su byang chub kyi sems 
mi stor ba ni sangs rgyas kyi byin gyi rlabs so/ /bdud kyi las khong du chud cing de rnam par bzlog pa ni sangs rgyas kyi byin gyi rlabs so/ /pha rol tu phyin pa grag cing thos par 'gyur ba dang / thos nas kyang nan tan byed pa ni sangs rgyas kyi byin gyi rlabs so/ /
'khor ba'i sdug bsngal rab tu shes shing yongs su skyo bar mi byed pa ni sangs rgyas kyi byin gyi rlabs so/ /chos zab mo rtogs par bya bas 'bras bu thob par byed pa ni sangs rgyas kyi byin gyi rlabs so/ /sems can rnams la nyan thos dang rang sangs rgyas kyi rnam </font><hr>37-1-251a<br><font size=+1>
par grol bas chos ston kyang de'i rnam par grol ba la mos pa med pa ni sangs rgyas kyi byin gyi rlabs so/ /'dus byas kyi rang bzhin la rtog cing 'dus ma byas la mi gnas la/ 'dus byas dang 'dus ma byas la mi gnyis par 'du shes pa ni sangs rgyas kyi byin 
gyi rlabs so/ /nying gi mtshams sbyor ba la gnas kyang nying gi mtshams sbyor ba sel ba ni sangs rgyas kyi byin gyi rlabs so/ /thams cad mkhyen pa'i ye shes khong du chud kyang byang chub sems dpa'i spyod pa bsgrubs pa'i rigs rgyun mi gcad pa ni sangs rgyas kyi byin gyi 
rlabs so/ /kye rgyal ba'i sras bcu po de dag ni sangs rgyas kyi byin gyi rlabs te/ de dag la gnas shing byang chub sems dpa' rnams de bzhin gshegs pa'i stobs bcu'i byin gyi rlabs bla na med pa 'thob par 'gyur ba dag go /kye rgyal ba'i sras bcu po 'di 
dag ni byang chub sems dpa' rnams kyi chos kyi byin gyi rlabs te/ bcu gang zhe na 'di ltar 'dus byas thams cad mi rtag go zhes bya ba ni chos kyi byin gyi rlabs so/ /'dus byas thams cad sdug bsngal lo zhes bya ba ni chos kyi byin gyi rlabs so/ /'du byed thams 
cad bdag med do zhes bya ba ni chos kyi byin gyi rlabs so/ /mya ngan las 'das pa bzhi ba'o zhes bya ba ni chos kyi byin gyi rlabs so/ /chos rnams ni rten cing 'brel bar 'byung ba ste/ rkyen rnams med par mi 'byung ba ni chos kyi byin gyi rlabs so/ /tshul bzhin ma yin pa kun nas 
byung bas ma rig pa kun nas 'byung ngo / /ma rig pa kun nas byung bas rga shi'i bar du kun nas 'byung ngo / /tshul bzhin ma yin pa 'gags pas ma rig pa 'gag go /ma rig pa 'gags pas rga shi'i bar du 'gag par 'gyur ba ni chos kyi byin gyi rlabs so/ /nyan 
thos kyi theg pa rnam par thar ba'i sgo gsum gyis byung ba dang / rang sangs rgyas kyi theg pa nyon mongs pa med pa'i chos khong du chud pas byung ba ni chos kyi byin gyi rlabs so/ /theg pa chen po pha rol tu phyin pa drug dang / bsdu ba'i dngos po bzhis byung ba ni chos kyi </font><hr>37-1-251b<br><font size=+1>
byin gyi rlabs so/ /sangs rgyas kyi yul zhing thams cad dang / chos thams cad dang / sems can thams cad dang dus thams cad rab tu mkhyen pa'i ye shes mnga' ba ni chos kyi byin gyi rlabs so/ /mya ngan las 'das pa yid la bya ba thams cad yongs su chad pa dang / 'dzin 
pa thams cad rnam par spangs pa dang / sngon gyi mtha' dang phyi ma'i mtha'i rang bzhin gyi rjes su song bar shes pa ni chos kyi byin gyi rlabs so/ /kye rgyal ba'i sras bcu po de dag ni byang chub sems dpa' rnams kyi chos kyi byin gyi rlabs te/ de dag la gnas shing byang chub sems 
dpa' rnams sangs rgyas thams cad kyi byin gyi rlabs bla na med pa 'thob par 'gyur ba dag go /kye rgyal ba'i sras bcu po 'di dag ni byang chub sems dpa' rnams kyi dga' ldan na gnas pa'i las te/ bcu gang zhe na 'di ltar 'dod pa'i khams kyi lha'i bu rnams la 
'dod pa'i dben pa bstan pa dang / dbang phyug mi rtag pa bstan pa dang / phun sum tshogs pa thams cad rgud par 'gyur ba bstan pa dang de dag byang chub kyi sems la yang dag par dgod pa 'di ni dga' ldan na gnas pa'i las dang po'o/ /gzugs kyi khams kyi lha'i bu 
rnams la bsam gtan dang rnam par thar pa dang / ting nge 'dzin dang snyoms par 'jug pa la snyoms par 'jug pa dang / rnam par ldang ba ston cing bsam gtan dang / bsam gtan gyi yan lag de dag la mngon par zhen pa dang / sred pas byung ba'i 'jig tshogs su lta ba dang / gti mug gi 
shas che ba'i nyon mongs pa rnams yang dag pa ji lta ba bzhin du bstan pa dang / gzugs dang gzugs med pa'i phyin ci log la zhugs pa thams cad la sdug par yid la byed pa thams cad mi sdug cing mi rtag par yongs su bstan te/ byang chub kyi sems la dgod pa 'di ni dga' 
ldan na gnas pa'i las gnyis pa'o/ /kye rgyal ba'i sras dga' ldan gyi gnas rab na gnas pa'i byang chub sems dpa' rnams ni rgyan bzang po'i ting nge 'dzin la gnas te/ lus las 'od bkye zhing stong gsum gyi stong chen po'i 'jig rten gyi khams snang ba chen pos </font><hr>37-1-252a<br><font size=+1>
rgyas par bkang nas sems can rnams la dad pa ji bzhin du chos sna tshogs kyi sgra skad rab tu brjod de chos kyi sgra skad de dag thos nas sems dang bar gyur te/ dga' ldan gyi lha dang brtul zhugs mthun par skye bar 'gyur zhing / de ltar 
skyes nas kyang byang chub kyi sems la dgod pa 'di ni dga' ldan na gnas pa'i las gsum pa'o/ /kye rgyal ba'i sras dga' ldan gyi gnas rab na gnas pa'i byang chub sems dpa' ni byang chub sems dpa'i mig bsgribs pa med pas/ phyogs bcu'i dga' ldan gyi gnas 
rab na gnas pa'i byang chub sems dpa' rnams la lta ste/ byang chub sems dpa' de dag gis kyang byang chub sems dpa' de mthong ngo / /mthong nas kyang chos yang dag par bgro ba chen po dang / yang dag pa'i chos kyi gtam chen po byed do/ /yum gyi skur gshegs 
pa dang / skye ba dang 'byung ba dang / snying po byang chub kyi rgyan rnam par dgod pa dang / yang dag par bgro ba'o/ /sngon gyi spyod pa gang gis ye shes che ba nyid de thob par gyur pa'i sngon gyi spyod pa dag kyang rab tu brjod do/ /gnas nas mi g.yo yang bya ba 'di lta bu dag ston pa 'di ni 
dga' ldan na gnas pa'i las bzhi pa'o/ /kye rgyal ba'i sras dga' ldan gyi gnas rab na gnas pa'i byang chub sems dpa'i drung du byang chub sems dpa' de la blta ba dang phyag bya ba dang / bsnyen bkur ba'i phyir phyogs bcu nas dga' ldan gyi gnas rab na 'khod 
pa'i byang chub sems dpa' rnams 'ongs te/ byang chub sems dpa' de dag gi sems dang bsam pa yongs su tshim par bya ba dang / smon pa yongs su rdzogs par bya ba'i phyir chos yang dag par bgro ba'i sgo chen po yang dag par ston te/ so so'i sa la gnas pa'i 
byang chub sems dpa' rnams kyis gang bya ba dang / gang spang ba dang gang bsgom pa dang gang mngon du bya ba de dag kyang yang dag par ston to/ /yang dag par bgro ba'i chos de dag thos nas kyang rab tu dga' zhing mgu ba dang / rangs pas legs par rjod cing /</font><hr>37-1-252b<br><font size=+1>
rang rang gi zhing dang / rang rang gi gnas su 'dod par 'gyur ba 'di ni dga' ldan na gnas pa'i las lnga pa'o/ /kye rgyal ba'i sras dga' ldan gyi gnas rab na gnas pa'i gan du nam bdud sdig can 'dod pa'i khams kyi dbang po 'khor mang pos yongs su bskor ba zhig glags btsal ba'i 
phyir 'ongs par gyur na 'ang de'i tshe byang chub sems dpa' bdud thams cad tshar gcod pa zhes bya ba'i rdo rje'i tshig la gnas shing shes rab kyi pha rol tu phyin pa dang / thabs mkhas pas yang dag par gzung ba'i ye shes kyi sgos mnyam zhing mnyan pa'i mtha' gnyis bzung 
nas ci nas kyang bdud sdig can gyis glags rnyed par mi 'gyur ba de lta de ltar byin gyis rlob bo/ /de lta de ltar chos kyang ston te bdud kyi 'khor chen po des byang chub sems dpa'i rnam par 'phrul pa de lta bu mthong nas bla na med pa yang dag par rdzogs pa'i byang chub 
tu sems bskyed par 'gyur ba 'di ni dga' ldan na gnas pa'i las drug pa'o/ /kye rgyal ba'i sras byang chub sems dpa' dga' ldan gyi gnas rab na gnas pa ni gang gi tshe'i da ltar 'dod pa'i khams kyi lha'i bu 'di rnams chos mnyan pa dang / yang dag par 
'gro bas skyo bar gyur to/ /zhes bya bar shes par gyur pa de'i tshe/ 'dod pa'i khams kyi gnas thams cad du sgra sgrog cing dbyangs 'byin te/ grogs po dag de ring byang chub sems dpa' btsun mo'i 'khor chen po ston pa mdzad kyis blta bar su 'dod pa de 
dag myur du shig shig ces nas/ der lha'i bu bye ba khrag khrig brgya stong kun nas 'du bar 'gyur te/ de dag dang byang chub sems dpa' rnams kun nas 'dus par gyur nas kyang / lha'i bu de dag gis sngon cad ma mthong ma thos pa'i btsun mo'i 'khor 
de lta bu bstan nas/ de dag nam dga' bas mos par gyur pa de'i tshe/ de dag gis rol mo brdung ba dang / dkrol ba de dag las kye grogs po rnams 'du byed thams cad ni mi rtag go /'du byed thams cad ni sdug bsngal ba'o/ /chos thams cad ni bdag </font><hr>37-1-253a<br><font size=+1>
med pa'o/ /mya ngan las 'das pa ni zhi ba'o/ /zhes sgra 'byung ba dang / byang chub sems dpa'i spyod pas ni thams cad mkhyen pa'i ye shes yongs su rdzogs par 'gyur ro zhes bya ba'i sgra 'byung ba thos par 'gyur te/ de dag gis chos kyi sgra de thos pa 
dang / skyo ba skye bar 'gyur te/ byang chub kyi sems la yang dag par gzhol bar 'gyur ba 'di ni dga' ldan na gnas pa'i las bdun pa'o/ /kye rgyal ba'i sras byang chub sems dpa' dga' ldan gyi gnas rab na 'dug pa ni dga' ldan gyi gnas nas kyang lus mi snang bar ma 
gyur la/ phyogs bcur yang de bzhin gshegs pa rnams la blta ba dang / phyag bya ba dang / bsnyen bkur bya ba dang / chos mnyan pa'i phyir 'gro ste/ de la sangs rgyas bcom ldan 'das de dag gis byang chub sems dpa'i sa mngon par dbang bskur ba thob pa'i 
mchog tu phyin pas thams cad mngon par shes pa zhes bya ba yang yang dag par bstan par 'gyur ba dang / thams cad mkhyen pa'i ye shes yan lag dang nye ba'i yan lag thams cad dang ldan zhing / rnam pa'i mchog thams cad dang ldan pa la 'jug pa sems kyi skad 
cig gcig gis sbyor ba yang dag par bstan par 'gyur ba 'di ni dga' ldan na gnas pa'i las brgyad pa'o/ /kye rgyal ba'i sras byang chub sems dpa' dga' ldan gyi gnas ra ba na gnas pa'i mthus khyad par 'dod pa zhes bya ba'i de bzhin gshegs pa'i mchod 
pa dang / rim gro rnam pa tshad med pas rnam par dag pa mtha' yas pa'i rnam pa yongs su ston pa/ chos kyi dbyings kyis klas pa/ nam mkha'i mthas gtugs pa/ 'jig rten gyi khams 'byam klas pa'i de bzhin gshegs pa'i mchod pa'i las kyi don du 
'byung ste/ mchod pa de mthong nas sems can grangs med tshad med pa'i rnams bla na med pa yang dag par rdzogs pa'i byang chub tu sems bskyed de/ 'di ni dga' ldan na gnas pa'i las dgu pa'o/ /kye rgyal ba'i sras byang chub sems dpa' dga' ldan gyi gnas rab na gnas pa mtha' </font><hr>37-1-253b<br><font size=+1>
dang dbus med pa'i chos sgyu ma la zhugs pa ni mig yor lta bus shin tu bsgrubs pa'i ye shes kyis 'jig rten gyi khams 'byam klas pa thams cad du gzugs sna tshogs dang / kha dog sna tshogs dang dbyibs sna tshogs dang / spyod lam sna tshogs dang bya ba sna tshogs dang / sbyor ba sna tshogs dang / 
bstan pa mngon par bsgrub pa sna tshogs dang / dgong ba rnam pa sna tshogs kyis sems can rnams mos pa ji lta ba bzhin du sems dang bsam pa mgu bar bya ba'i phyir chos ston cing gzugs yongs su ston te/ 'di ni dga' ldan na gnas pa'i las bcu pa'o/ /kye rgyal ba'i sras bcu po de 
dag ni byang chub sems dpa' rnams kyi dga' ldan na gnas pa'i las te/ de dag byas nas byang chub sems dpa' rnams phyis mi'i 'jig rten du 'ong bar 'gyur ba dag go /kye rgyal ba'i sras bcu po 'di dag ni byang chub sems dpa' rnams kyi dga' ldan gyi gnas nas shi 'pho ston 
pa ste/ bcu gang zhe na/ kye rgyal ba'i sras 'di la byang chub sems dpa' rnams lha'i ris dga' ldan nas shi 'pho ba'i tshe/ rkang pa'i mthil gyi 'og nas bde ba'i rgyan ces bya ba'i 'od zer 'byung ste/ de byung nas kyang stong gsum gyi stong chen po'i 'jig rten gyi khams 
snang ba chen pos rgyas par bkang zhing ngan song dang mi khom pa'i rgyud du skyes pa'i sems can rnams kyi lus la 'bab bo/ /de ltar 'od des lus la bab ma thag tu de nyid kyi tshe/ sems can de dag bde ba thams cad kyis tshim zhing sdug bsngal gyi tshor ba rtse zil bar 
'gyur ro/ bde ba'i nyams ni nyams su tshor ma thag tu de dag gis 'di ltar grogs po dag sems can gzhan zhig ni 'jig rten gyi khams 'dir skyes so zhes bya bar shes te/ 'di ni dga' ldan gyi gnas nas shi 'pho ston pa dang po'o/ /kye rgyal ba'i sras gzhan yang 
byang chub sems dpa' de'i smin mtshams kyi mdzod spu nas yang dag par bskul ba zhes bya ba'i 'od zer 'byung ste/ de byung nas kyang stong gsum gyi stong chen po'i 'jig rten gyi khams rgyas par bkang zhing sngon lhan cig tu spyod spyod pa'i byang chub sems dpa' rnams kyi </font><hr>37-1-254a<br><font size=+1>
lus la 'bab bo/ /'od zer des de ltar lus la bab ma thag tu/ de nyid kyi tshe byang chub sems dpa' de dag gis byang chub sems dpa' dga' ldan gyi gnas nas shi 'pho bar khong du chud de de dag thams cad 'dus nas byang chub sems dpa' la mchod pa'i 
las mngon par bsgrub pa 'di ni dga' ldan gyi gnas shi 'pho ston pa gnyis pa'o/ /kye rgyal ba'i sras gzhan yang byang chub sems dpa'i lag pa g.yas pa'i mthil nas yongs su dag pa'i yul zhes bya ba'i 'od zer 'byung ste/ de byung nas kyang stong gsum gyi stong 
chen po'i 'jig rten gyi khams yongs su sbyong zhing de na zag pa med pa'i rang sangs rgyas 'khod pa de dag 'jig rten gyi khams gzhan du sel to/ /ma yin na yang gang gis shes par gyur pa de dag tshe'i 'du byed 'dor ro/ /gzhan yang 'dul ba'i dbang du de 
bzhin gshegs pa'i byin gyis byin du brlabs pa'i sems can ma gtogs par bdud dang mu stegs can gzhan dang phas kyi rgol ba dang kun tu rgyu ba dang / dmigs pa la mngon par zhen pa'i sems can rnams 'jig rten gyi khams gzhan du sel te/ 'di ni dga' ldan gyi 
gnas nas shi 'pho ston pa gsum pa'o/ /kye rgyal ba'i sras gzhan yang byang chub sems dpa' de'i pus mo gnyis kyi lha nga gnyis nas dri ma med cing bzang la 'od gsal ba'i rgyan ces bya ba'i 'od zer 'byung ste/ de byung nas kyang lha'i gnas tha ma nye bar bzung ba yan cad 
'og min gyi lha'i gnas man chad du snang bar byed de/ des lha'i bu de dag gis kyang byang chub sems dpa' dga' ldan gyi gnas kyi gnas nas shi 'pho bar shes nas/ de dag kun kyang skyo ba skyo ba'i yid kyis me tog dang / phreng ba dang / spos dang / byug pa dang / phye ma dang / 
na bza' dang / gdugs dang / rgyal mtshan thogs te/ rol mo brdung ba dang / dkrol ba'i sgra rab tu byung nas byang chub sems dpa'i drung du mchod pa'i las kyi phyir 'dong ste/ shi 'pho nye bar bzung ba nas yongs su mya ngan las 'das pa chen po bstan gyi bar du bsnyen </font><hr>37-1-254b<br><font size=+1>
bkur byed do/ /phyi bzhin 'brang ngo / /'di ni dga' ldan gyi gnas nas shi 'pho ba ston pa bzhi pa'o/ /kye rgyal ba'i sras gzhan yang byang chub sems dpa' de dpal gyi be'u'i rgyan dang ldan pa/ rdo rje'i khams ltar sra zhing brtan pa'i snying po can gyi snying ka nas gzhan gyis mi thub pa'i rgyal mtshan zhes bya ba'i 
'od zer gtong ste/ de btang nas kyang lag na rdo rje'i 'jig rten thams cad yongs su snang bar byed do/ /de nas lag na rdo rje khrag khrig phrag brgya 'ongs te/ shi 'pho ston pa nye bar bzung ba nas/ yongs su mya ngan las 'das pa chen po bstan gyi bar du byang chub sems dpa'i phyi bzhin 'brang ste/ 
'di ni dga' ldan gyi gnas nas shi 'pho ston pa lnga pa'o/ /kye rgyal ba'i sras gzhan yang byang chub sems dpa' de'i ba spu'i bu ga thams cad nas 'gro ba thams cad du rnam par phye ba zhes bya ba'i 'od zer 'byung ste/ de byung nas kyang stong gsum gyi stong chen po'i 'jig rten gyi khams thams cad 
snang bar byas nas byang chub sems dpa'i lus la 'bab po/ /byang chub sems dpa'i lus la bab nas lha dang mi'i gnas su 'char ro/ /des byang chub sems dpa' de dag kyang bdag cag gis 'dir gnas te/ sems can yongs su smin par bya ba dang / de bzhin gshegs pa la mchod 
par bya bar 'gyur ro/ /snyam du khong du chud pa 'di ni dga' ldan gyi gnas nas shi 'pho ston pa drug pa'o/ /kye rgyal ba'i sras gzhan yang byang chub sems dpa' de'i khang pa nor bu rin po che chen po'i snying po can nas/ rnam par bstsags pa shin tu gnas pa zhes bya ba'i 'od zer 'byung ste/ de byung nas 
kyang khyim gang du byang chub sems dpa' skye bar 'gyur ba'i khyim der 'char ro/ /'od zer de de ltar shar ma thag tu de nyid kyi tshe/ byang chub sems dpa' de dag khyim mam grong khyer ram grong rdal lam/ 'dzam bu'i gling du sems can 'dul ba nye bar bzung zhing skye ba rab tu 'dzin te/ 'di ni dga' 
ldan gyi gnas nas shi 'pho ston pa bdun pa'o/ /kye rgyal ba'i sras gzhan yang byang chub sems dpa' de'i khang pa brtsegs pa lha thams cad kyi gnas kyi rgyan ces bya ba las gnas thams cad rnam par dag pa'i rgyan ces bya ba'i 'od zer 'byung ste/ de dag byung ma thag tu yum gang gi dgu </font><hr>37-1-255a<br><font size=+1>
g.yas par skye bar 'gyur ba de'i lus la 'bab po/ /de ltar bab ma thag tu de nyid kyi tshe byang chub sems dpa'i yum bde ba thams cad 'thob par 'gyur te/ yon tan dang sdom pa thams cad la 'ang gnas par 'gyur ro/ /yum gyi sku der yang pho brang brtsegs pa chen po 
rin po che'i dam pas brgyan pa byang chub sems dpa'i longs spyod kyi don du 'byung ste/ 'di ni dga' ldan gyi gnas nas shi 'pho ston pa brgyad pa'o/ /kye rgyal ba'i sras gzhan yang byang chub sems dpa'i rkang pa'i mthil gyi 'og nas gnas pa zhes bya ba'i 'od zer 'byung ste/ de byung ma thag tu lha'i 
bu 'am/ tshangs pa gang la la byang chub sems dpa'i mchod pa'i las kyi don du shi 'pho bar 'dod par gyur la byang chub sems dpas kyang lha'i bu de dag na 'khod pa bzhin du de bzhin gshegs pa la mchod pa'i las/ mngon par sgrub par nus par shes pa de dag gi lus la 'bab po/ /de ltar 
'od zer des bab par gyur ma thag tu de nyid kyi tshe lha'i bu de dag shi 'pho'i las de las rnam par ldang ste/ de dag de na 'khod bzhin du byang chub sems dpa' la shi 'pho nye bar bzung ba nas yongs su mya ngan las 'das pa bstan gyi bar du mchod pa'i las byed de/ 'di ni dga' ldan gyi 
gnas nas shi 'pho ston pa dgu pa'o/ /kye rgyal ba'i sras gzhan yang byang chub sems dpa'i dpe byad bzang po rnams las nyi ma sna tshogs kyi tshul zhes bya ba'i 'od zer 'byung ste/ de byung nas kyang byang chub sems dpa'i las sna tshogs ston to/ /kye rgyal ba'i sras de la lha dang mi la las ni byang chub 
sems dpa' dga' ldan gyi gnas rab nyid na 'dug pa mthong ngo / /la las ni yum gyi skur bzhud pa mthong ngo / /la las ni skye bar mthong ngo / /la las ni 'byung bar mthong ngo / /la las ni rnam par 'tshang rgya bar mthong ngo / /la las ni chos gyi 'khor lo bskor bar mthong ngo / /la las 
ni de bzhin gshegs pa mya ngan las 'da' bar mthong ste/ 'di ni dga' ldan gyi gnas nas shi 'pho ston pa bcu pa'o/ /kye rgyal ba'i sras de ltar byang chub sems dpa'i 'od zer bcu po de dag las sogs pa/ 'od zer grangs med pa brgya stong phrag bcu byang chub sems dpa'i lus las 'byung </font><hr>37-1-255b<br><font size=+1>
ste/ de bzhin du stan dang / gzhal med khang dang / khang pa brtsegs pa dag nas kyang 'byung ste/ de dag byung nas kyang byang chub sems dpa'i las sna tshogs yongs su ston to/ /kye rgyal ba'i sras de ltar las yongs su grub pa'i byang chub sems dpa' rnams chos thams cad rab tu grub pa'i phyir lha'i 
gnas dga' ldan nas shi 'pho ston to/ /kye rgyal ba'i sras bcu po 'di dag ni byang chub sems dpa' rnams kyi mngal na gnas par ston pa ste/ bcu gang zhe na 'di ltar sems rgya chung ba dang / dma' ba la mos pa rnams yongs su smin par bya ba'i phyir byang chub sems dpa'i dngos po'i bsod nams kyi rtsa ba la 
yid mi ches par gyur du 'ong zhes byang chub sems dpa' mngal na gnas par ston pa 'di ni mngal na gnas par ston pa dang po'o/ /pha dang ma dang gnyen bshes kyi tshogs dang / sngon lhan cig tu spyod spyod pa'i byang chub sems dpa' rnams dang / sems can gang gi dge ba'i rtsa ba mngal na gnas 
pas yongs su smin par bya ba de dag gi don du byang chub sems dpa' mngal na gnas par ston te 'di ni mngal na gnas par ston pa gnyis pa'o/ /kye rgyal ba'i sras byang chub sems dpa' ni rmongs pa med cing dran la shes bzhin du ma'i ltor 'gro ste/ ma'i lto na 'dug pa'i tshe 'ang dran pa 
nyams pa med do/ /'di ni mngal na gnas par ston pa gsum pa'o/ /kye rgyal ba'i sras byang chub sems dpa' ni ma'i mngal na 'dug kyang 'di lta ste phyogs dang / 'jig rten gyi khams nas 'dus pa'i byang chub sems dpa' dang brgya byin dang tshangs pa dang / 'jig rten gyi mgon po 
rnams dang lhan cig 'grogs shing chos bsgrag pa dang / yang dag pa'i gtom bya ba rgyun mi gcod cing byang chub sems dpa'i stobs tshad med pa yang yongs su ston te/ kye rgyal ba'i sras de dag mngal na gnas kyang de lta bu'i smon lam gyi khyad par bdog pas byang chub sems 
dpa' de dag ni ye shes mu med pa dang ldan pa ste/ 'di ni mngal na gnas par ston pa bzhi pa'o/ /kye rgyal ba'i sras byang chub sems dpa' ma'i mngal na gnas pa'i tshe/ de ni 'khor gyi dkyil 'khor kun nas gnas par 'gyur ba yod de/ byang chub sems dpa' de dag gi sngon gyi smon lam gyis de </font><hr>37-1-256a<br><font size=+1>
dag yongs su smin par bya ba'i phyir/ byang chub sems dpa' mngal na gnas par ston te/ 'di ni mngal na gnas par ston pa lnga ba'o/ /kye rgyal ba'i sras byang chub sems dpa' ni mi'i 'jig rten du byung nas kyang mir skyes pa rnam pa'i mchog thams 
cad dang ldan pa ston te/ 'di ni mngal na gnas par ston pa drug pa'o/ /kye rgyal ba'i sras byang chub sems dpa' ni ma'i lus na 'dug bzhin du 'di lta ste dper na me long gi dkyil 'khor yongs su dag pa bzhin gyi dkyil 'khor lta bur stong gsum gyi stong chen po'i 'jig rten 
gyi khams su snang ste/ de la mos pa chen po dang ldan pa'i lha dang klu dang gnod sbyin dang / dri za dang lha ma yin dang nam mkha' lding dang / mi'am ci dang lto 'phye chen po dang / mi dang mi ma yin pa de dag gis shes par gyur nas de dag nye bar 'ongs shing mchod pa dang / rim gro byed de 'di 
ni mngal na gnas par ston pa bdun pa'o/ /kye rgyal ba'i sras byang chub sems dpa' mngal na gnas pas 'jig rten gyi khams gzhan na 'khod pa'i byang chub sems dpa' srid pa tha ma par gyur pa rnams dang tshogs te/ chos kyi brda'i sgo chen po ye shes chen po'i snying po zhes bya 
ba yang dag par 'gro bar bya ba yod do/ /de dag dang 'du ba'i phyir byang chub sems dpa' mngal na gnas par ston te/ 'di ni mngal na gnas pa ston pa brgyad pa'o/ /kye rgyal ba'i sras byang chub sems dpa' ni dri ma med pa'i snying po can zhes bya ba'i ting nge 'dzin la snyoms 
par zhugs shing ma'i mngal du 'gro ste/ ting nge 'dzin de'i mthus mal yang gnod par mi 'gyur bar dga' ldan gyi gnas rab bas kyang lhag pa'i rgyan ma'i khong du kun nas gnas par 'gyur te/ 'di ni mngal na gnas pa ston pa dgu ba'o/ /kye rgyal ba'i sras gzhan yang byang chub sems 
dpa' ma'i mngal na 'dug pa'i mthus 'jig rten gyi khams 'byam klas pa thams cad du de bzhin gshegs pa'i mchod pa'i las kyi phyir bsod nams chen po'i me tog kun nas rgyas pa zhes bya ba'i de bzhin gshegs pa'i mchod pa'i rim gro 'byung ste/ sangs rgyas bcom ldan </font><hr>37-1-256b<br><font size=+1>
'das de dag kyang de la byang chub sems dpa'i rnam par spyod pa chos kyi dbyings kyi snying po mtha' dang dbus med pa yang dag par ston te/ shes par bya ba de shes pas byang chub sems dpa' rnams shin tu phra ba'i 'gro ba bcu ston to/ /kye rgyal ba'i sras bcu po 'di dag ni byang chub sems 
dpa' rnams kyi shin tu phra ba'i rgyud ston pa ste/ bcu gang zhe na kye rgyal ba'i sras 'di la byang chub sems dpa' ma'i mngal na yang gnas la thog ma sems bskyed pa nye bar bzung ba nas dbang bskur ba'i bar du yang yongs su ston pa dang / ma'i mngal na yang gnas la dga' 
ldan na gnas pa yang yongs su ston pa dang / ma'i mngal na'ang gnas la skye ba yang yongs su ston pa dang / ma'i mngal na'ang gnas la gzhon nu'i sa yang yongs su ston pa dang / ma'i mngal na'ang gnas la btsun mo'i 'khor gyi nang du 'dug par yang yongs su ston 
pa dang / ma'i mngal na'ang gnas la mngon par 'byung ba yang yongs su ston pa dang / ma'i mngal na'ang gnas la dka' ba spyod pa'i sbyor ba dang / snying po byang chub tu 'gro ba nas rnam par 'tshang rgya ba'i bar du yang yongs su ston pa dang / ma'i mngal na yang gnas la 
chos kyi 'khor lo bskor ba yang yongs su ston pa dang / ma'i mngal na'ang gnas la yongs su mya ngan las 'da' ba yang yongs su ston pa dang / ma'i mngal na'ang gnas la shin tu phra la rgya che bar 'jug pa'i tshul gyis mngal gyi gnas de nyid du byang chub sems dpa'i spyod pa thams 
cad dang /de bzhin gshegs pa'i rnam par 'phrul ba'i byin gyi rlabs kyi rnam pa dang / sgo yang yongs su ston pa'o/ /kye rgyal ba'i sras bcu po de dag ni byang chub sems dpa' rnams kyi shin tu phra ba'i rgyud ston pa ste/ de dag la gnas shing byang chub sems dpa' 
rnams ye shes chen po shin tu phra ba bla na med pa 'thob par 'gyur ba dag go /kye rgyal ba'i sras bcu po 'di dag ni byang chub sems dpa' rnams kyi tsher skye ba ste/ bcu gang zhe na/ kye rgyal ba'i sras de la byang chub sems dpa' dran zhing shes bzhin du skye ba dang / 'od zer gyi dra </font><hr>37-1-257a<br><font size=+1>
ba snang ba chen pos stong gsum gyi stong chen po'i 'jig rten gyi khams rgyas par bkang ste/ lus snang ba dang ldan par skye ba dang phyir mi ldog cing srid pa'i tha ma par gyur par skye ba dang ma skyes shing 'byung ba med par skye ba dang khams gsum pa sgyu ma'i rnam pa lta bur khong du chud de skye ba dang / phyogs 
bcu'i 'jig rten gyi khams gsum lus yongs su ston cing skye ba dang / lus de nyid kyis thams cad mkhyen pa'i ye shes khong du chud par bya bar skye ba dang / de bzhin gshegs pa ma lus pa thams cad kyi 'od zer bkye bas yang dag par bskul ba'i lus su skye ba dang / ye shes chen pos rnam par 'byed pa'i ting nge 
'dzin la snyoms par 'jug pa'i lus su skye ba dang / kye rgyal ba'i sras byang chub sems dpa' skyes nas kyang sangs rgyas kyi zhing thams cad kyang rab tu g.yo bar 'gyur/ sems can thams cad kyang rab tu 'grol bar 'gyur/ ngan song thams cad kyang rab tu zhi bar 'gyur/ bdud thams cad kyang rab tu spa 
'gong bar 'gyur/ byang chub sems dpa' dpag tu med pa yang 'ong bar 'gyur ba'o/ /kye rgyal ba'i sras bcu po de dag ni byang chub sems dpa' rnams kyi tsher skye ba ste/ de dag ni byang chub sems dpa' rnams sems can 'dul ba'i don du yongs su ston pa dag go /kye rgyal ba'i sras bcu po 'di 
dag ni byang chub sems dpa' rnams kyi gad mo cher dgod pa ste/ bcu gang zhe na 'di ltar kye ma'o/ /'jig rten gnas pa 'di ni 'dod pa'i 'dam du bying ba ste/ 'di la nged ma gtogs par gzhan 'byin par byed pa su'ang med do snyam nas/ byang chub sems dpa' rnams gad mo cher dgod pa dang / 
kye ma'o 'jig rten gnas pa 'di ni nyon mongs pas mdongs par byas pa'o/ /bdag ni shes rab dang ye shes kyis shin tu brgyan pa'o/ /zhes nas byang chub sems dpa' rnams gad mo cher dgod pa dang / lus kyi gzhi 'di nyid kyis de bzhin gshegs pa'i chos kyi sku bla na med pa chen po dus 
gsum rgyas par 'gengs pa 'thob par 'gyur ro zhes byang chub sems dpa' rnams gad mo cher dgod pa dang / kye rgyal ba'i sras gzhan yang byang chub sems dpa' rnams byang chub sems dpa'i mig bsgribs pa med pas phyogs bcur tshangs pa'i lha'i gnas nye bar bzung ba nas dbang phyug </font><hr>37-1-257b<br><font size=+1>
chen po'i gnas kyi bar du rnam par lta zhing 'di snyam du sems te/ sems can 'di dag ni lus su 'phel ba'o/ /bdag ni ye shes kyi stobs dang ldan pa'o zhes bya bar mthong nas/ byang chub sems dpa' rnams gad mo cher dgod pa dang / sngon dge ba'i rtsa ba bskyed pa'i sems can rnams da dung 
phyir mi ldog par mthong nas byang chub sems dpa' rnams gad mo cher dgod pa dang sa bon chung ngu las 'bras bu cher 'gyur ba mthong nas/ byang chub sems dpa' rnams gad mo cher dgod pa dang / yang dag par rdzogs pa'i sangs rgyas kyis bstan pa don yod par mthong nas/ byang chub 
sems dpa' rnams gad mo cher dgod pa dang / sngon theg pa la lhan cig tu zhugs pa'i byang chub sems dpa' rnams chags pa'i gnas gzhan dang gzhan la chags pas sangs rgyas kyi chos kyi che ba nyid ma thob pa mthong nas byang chub sems dpa' rnams gad mo cher dgod pa dang / rgyal 
ba'i sras gzhan yang sngon 'grogs par gyur pa'i lha dang mi rnams chung ngu na byis pa'i sa las kyang ma 'das shing yongs su skyo ba'i dbang po dang ldan par 'gyur ba mthong nas byang chub sems dpa' rnams gad mo cher dgod pa dang / de bzhin gshegs pa ma lus pa thams cad kyi 'od 
zer dbugs phyin pa chen po rnam par 'phel bar byed pas reg par gyur nas byang chub sems dpa' rnams gad mo cher dgod pa'o/ /kye rgyal ba'i sras bcu po de dag ni byang chub sems dpa' rnams kyi gad mo cher dgod pa ste/ de dag gis byang chub sems dpa' rnams sems can 'dul 
ba'i dbang gi phyir dgod par 'gyur ba dag go /kye rgyal ba'i sras bcu po 'di dag ni byang chub sems dpa'i gom pas rnam par gnon pa ste/ bcu gang zhe na 'di ltar byang chub sems dpa'i mthu yongs su bstan pa'i phyir byang chub sems dpa' rnams gom pas rnam par gnon pa dang / nor 
bdun yongs su gtong bar bstan pa'i phyir gom pas rnam par gnon pa dang / sa'i lha'i bsam pa yongs su rdzogs par bya ba'i phyir gom pas rnam par gnon pa dang / khams gsum las 'das pa'i rnam par gnon pa dang / 'gros yongs su bstan pa'i phyir gom pas rnam par </font><hr>37-1-258a<br><font size=+1>
gnon pa dang / glang po'i 'gros dang / khyu mchog gi 'gros dang / seng ge'i 'gros dang / 'gros thams cad las 'das shing byang chub sems dpa'i 'gros khyad par du 'phags pa yongs su bstan pa'i phyir/ byang chub sems dpa' rnams kyi 'gros kyis 
rnam par gnon pa dang / kye rgyal ba'i sras sa chen po yang rdo rje'i dbyings kyis kun nas bzung bar 'gyur te/ sa'i phyogs gzhan gyis byang chub sems dpa'i lus bzung bar mi nus pa bstan pa'i phyir byang chub sems dpa' rnams gom pas rnam par gnon pa dang / sems 
can gzhan spro bar bya ba'i phyir byang chub sems dpa' rnams gom pas rnam par gnon pa dang / byang chub kyi yan lag rin po che bdun gyi nan tan yongs su bstan pa'i phyir byang chub sems dpa' rnams gom pas rnam par gnon pa dang / chos nyid rab tu thob pas 
gzhan gyi dring mi 'jog pa yongs su bstan pa'i phyir byang chub sems dpa' rnams gom pas rnam par gnon pa dang / bdag ni 'jig rten na gtso bo yin/ bdag ni 'jig rten na phul du phyin pa yin no/ /zhes tshig brjod pa'i phyir/ byang chub sems dpa' rnams gom pas rnam 
par gnon pa'o/ /kye rgyal ba'i sras bcu po de dag ni byang chub sems dpa' rnams kyi gom pas rnam par gnon pa ste/ de dag ni byang chub sems dpa' rnams sems can 'dul ba'i don du ston pa dag go kye rgyal ba'i sras bcu po 'di dag ni byang chub sems dpa' rnams kyi gzhon nu'i 
sa kun tu ston pa'i las te/ bcu gang zhe na 'di ltar yi ge dang grangs dang brda dang rtsis kyi sbyor ba thams cad las rab tu 'das pa'i bya ba kun tu ston pa'i las dang / rta dang glang po dang / shing rta rgyug pa thams cad 'phong kun las 'phags pa kun tu ston pa'i las dang / cho lo dang 
brda thabs dang / gar dang / rgyan po dang rtsed mo dang / 'jig rten gyi dga' ba la phal las 'phags pa'i bya ba kun tu ston pa'i las dang lus dang ngag dang yid kyi las kha na ma tho ba med pa kun tu ston pa'i las dang / mya ngan las 'das pa'i sgo'i ting nge 'dzin la snyoms par 'jug pas/ 'jig </font><hr>37-1-258b<br><font size=+1>
rten gyi khams tshad med pa rgyas par dgang ba kun tu ston pa'i las dang / mi thams cad dang / lha thams cad dang / klu dang gnod sbyin dang / dri za dang / lha ma yin dang / nam mkha' lding dang / mi'am ci dang lto 'phye chen po dang / brgya byin dang / tshangs pa dang / 'jig rten gyi 
mgon po thams cad las shin tu 'das par byang chub sems dpa'i mthu kun tu ston pa'i las dang / brgya byin dang / tshangs pa dang / 'jig rten gyi mgon po'i gzugs dang kha dog dang gzi brjid las shin tu 'das par byang chub sems dpa'i gzugs dang / kha dog dang / 
gzi brjid kun tu ston pa'i las dang / 'dod pa dang / dga' ba dang / rtse bas myos pa'i sems can rnams la chos kyi dga' bas rab tu dga' ba yang dag par bskyed pa kun tu ston pa'i las dang / chos kyi rim gro bskyed pa dang / de bzhin gshegs pa la mchod pa dang 
rim gro bya bas 'dod pa'i khams thams cad rgyas par 'gengs pa kun tu ston pa'i las dang / chos la dga' ba'i snang bas de bzhin gshegs pa'i byin gyi rlabs yang dag par blang ba kun tu ston pa'i las so/ /kye rgyal ba'i sras bcu po de dag ni byang chub sems dpa' rnams kyi 
gzhon nu'i sa kun tu ston pa'i las te de dag yongs su bstan nas de'i 'og tu byang chub sems dpa' rnams btsun mo'i 'khor gyi nang du 'dong bar 'gyur ba'o/ kye rgyal ba'i sras bcu po 'di dag ni byang chub sems dpa' rnams kyi btsun mo'i 'khor nye bar ston pa ste/ bcu gang zhe na/ 
'di ltar sngon lhan cig tu spyod spyod pa'i byang chub sems dpa' rnams kyi dge ba'i rtsa ba yongs su smin par bya ba'i don tu byang chub sems dpa' rnams btsun mo'i 'khor nye bar ston pa dang / byang chub sems dpa'i dge ba'i rtsa ba brjod pa'i phyir btsun mo'i 'khor nye bar ston pa dang / longs 
spyod dang skyid pa la chags pa'i lha dang mi rnams la longs spyod dang skyid pa'i che ba nyid yongs su bstan pa'i phyir btsun mo'i 'khor nye bar ston pa dang / rnyog pa lnga'i zhing du sems can rnams kyi bsam pa'i rjes su 'brang ba'i phyir btsun mo'i 'khor nye bar ston pa dang / btsun mo'i 'khor gyi nang na ting nge </font><hr>37-1-259a<br><font size=+1>
'dzin la gnas shing byang chub sems dpa'i mthu dang che ba nyid yongs su bstan pa'i phyir btsun mo'i 'khor nye bar ston pa dang / sngon gyi smon lam dang ldan pa'i sems can rnams kyi bsam pa yongs su rdzogs par bya ba'i phyir btsun 
mo'i 'khor nye bar ston pa dang / pha dang ma dang gnyen pa'i tshogs kyi bsam pa yongs su rdzogs par bya ba'i phyir btsun mo'i 'khor nye bar ston pa dang / chos kyi dbyings chen po dang ldan pa'i rol mo brdung ba dang / dkrol ba'i sgras de bzhin gshegs pa 
thams cad mchod cing bsnyen bkur ba yongs su grub par bya ba'i phyir/ btsun mo'i 'khor nye bar ston pa dang / btsun mo'i 'khor gyi nang nas byang chub sems dpa'i ting nge 'dzin la gnas shing shin tu phra ba'i mngon par rdzogs par 'tshang rgya ba nas yongs su 
mya ngan las 'das pa chen po'i bar du bstan pa'i phyir/ btsun mo'i 'khor nye bar ston pa dang / chos kyi skyabs dang ldan pa yang dag par bstan pa'i phyir/ btsun mo'i 'khor nye bar ston pa'o/ /kye rgyal ba'i sras bcu po de dag ni byang chub sems dpa' 
rnams kyi btsun mo'i 'khor nye bar ston pa ste/ de dag ni srid pa tha ma pa'i byang chub sems dpas yongs su bstan nas de'i 'og tu mngon par 'byung bar 'gyur ba dag go /kye rgyal ba'i sras bcu po 'di dag ni byang chub sems dpa' rnams kyi mngon par 'byung ba ste/ 
bcu gang zhe na/ 'di ltar khyim gyi gnas smad pa'i phyir/ byang chub sems dpa' rnams mngon par 'byung ba dang / gnas la dga' ba'i sems can gyen du bskyod pa'i phyir byang chub sems dpa' rnams mngon par 'byung ba dang / 'phags pa dang mthun pa'i 
lam gyi legs pa yongs su bstan pa'i phyir/ byang chub sems dpa' rnams mngon par 'byung ba dang / rab tu byung ba'i yon tan dang / legs pa yang dag par bsngags pa'i phyir/ byang chub sems dpa' rnams mngon par 'byung ba dang /</font><hr>37-1-259b<br><font size=+1>
mtha' gnyis kyi lta ba dang bral ba yang dag par bstan pa'i phyir/ byang chub sems dpa' rnams mngon par 'byung ba dang / 'dod pa'i bde ba dang phrad par brtson zhing bdag gi bde ba lhur len pa'i sems can skyo bar bya ba'i phyir/ byang chub sems dpa' rnams 
mngon par 'byung ba dang / khams gsum pa thams cad las 'byung ba'i sngon gyi ltas yang dag par bstan pa'i phyir/ byang chub sems dpa' rnams mngon par 'byung ba dang / rang la rag las par spyod cing gzhan gyi dring mi 'jog pa la bsten pa'i 
phyir/ byang chub sems dpa' rnams mngon par 'byung ba dang / de bzhin gshegs pa'i stobs bcu dang mi bsnyengs pa thob pa dang / mthun par yang dag par bstan pa'i phyir/ byang chub sems dpa' rnams mngon par 'byung ba dang / kye 
rgyal ba'i sras chos nyid kyis kyang / byang chub sems dpa' srid pa'i tha ma ba ni gdon mi za bar mngon par 'byung ste/ kye rgyal ba'i sras bcu po de dag ni byang chub sems dpa' rnams sems can 'dul ba'i dbang gi phyir mngon par 'byung ba yongs su ston pa 
dag go /kye rgyal ba'i sras bcu po 'di dag ni byang chub sems dpa' rnams kyi dka' ba spyod pa'i sbyor ba ste/ bcu gang zhe na/ 'di ltar dma' ba la mos pa'i sems can gyi khams yongs su smin par bya ba'i phyir/ byang chub sems dpa' rnams 
dka' ba spyod pa ston pa dang / lta ba'i rnam pa la gnas pa'i sems can rnams gyen du bskyod pa'i phyir/ byang chub sems dpa' rnams dka' ba spyod pa ston pa dang / las dang bya bas 'khyams par gyur pa'i sems can rnams la las kyi rnam par 
smin pa mngon sum du bstan pa'i phyir/ byang chub sems dpa' rnams dka' ba spyod pa ston pa dang / kun nas nyon mongs pa'i 'jig rten gyi khams 'byam klas par chos nyid rjes su 'brang bar bya ba'i phyir/ byang chub sems dpa' rnams </font><hr>37-1-260a<br><font size=+1>
dka' ba spyod pa ston pa dang / bdag gi dub pa nye bar zhi zhing mthu dang ldan pa yongs su bstan pa'i phyir/ byang chub sems dpa' rnams dka' ba spyod pa ston pa dang / ma yin na chos la chags pa rnams 
kyi don du byang chub sems dpa' rnams dka' ba spyod pa ston pa dang / 'dod pa'i bde ba dang phrad par brtson zhing rang gi bde ba lhur len pa'i sems can rnams skyo bar bya ba'i phyir/ byang chub sems dpa' rnams dka' ba spyod pa ston pa dang / 
byang chub sems dpa'i spyod pa brtsams pa'i khyad par yongs su bstan pa'i phyir/ byang chub sems dpa' rnams dka' ba spyod pa ston pa dang / skye bo phyi ma rnams brtson 'grus rtsom pa la yang dag par sbyar ba'i phyir/ byang chub sems dpa' 
rnams dka' ba spyod pa ston pa dang / ma yin na dbang po yongs su ma smin pa'i lha dang / mi rnams yongs su smin par bya ba'i dus bsdad pa'i phyir/ byang chub sems dpa' rnams dka' ba spyod pa ston pa'o/ /kye rgyal ba'i sras bcu 
po de dag ni byang chub sems dpa' rnams sems can 'dul ba'i dbang gi phyir dka' ba spyod pa'i sbyor ba yongs su ston pa dag go /kye rgyal ba'i sras bcu po 'di dag ni byang chub sems dpa' rnams kyi snying po byang chub tu 'gro ba ste/ bcu gang zhe na/ 'di ltar 
'jig rten gyi khams thams cad snang bar bya ba'i phyir/ byang chub sems dpa' rnams snying po byang chub tu 'dod pa dang / 'jig rten gyi khams thams cad rab tu bskyod pa'i phyir/ byang chub sems dpa' rnams snying po byang chub tu 'dod pa dang / 
'jig rten gyi khams thams cad du bdag gi lus rnam par phye ba yongs su bstan pa'i phyir/ byang chub sems dpa' rnams snying po byang chub tu 'dod pa dang / sngon lhan cig tu spyod pa spyod pa'i grogs kyi byang chub sems dpa' rnams bskul ba'i phyir/</font><hr>37-1-260b<br><font size=+1>
byang chub sems dpa' rnams snying po byang chub tu 'dod pa dang / snying po byang chub kyi rgyan rnam par phye ba yongs su bstan pa'i phyir byang chub sems dpa' rnams snying po byang chub tu 'dod pa dang / sems can ji ltar mos pa rnams la lus dang spyod lam dang / byang 
chub kyi shing gi rgyan rnam par phye ba yongs su bstan pa'i phyir/ byang chub sems dpa' rnams snying po byang chub tu 'dod pa dang / 'jig rten gyi khams thams cad na bzhugs pa'i de bzhin gshegs pa thams cad mngon du blta ba'i phyir/ byang chub 
sems dpa' rnams snying po byang chub tu 'dod pa dang / gom pa dor ba dang / 'deg pa thams cad du ting nge 'dzin gyi sgo la snyoms par 'jug cing / skad cig skad cig du rnam par 'tshang rgya ba las mi 'da' ba'i phyir/ byang chub sems 
dpa' rnams snying po byang chub tu 'dod pa dang / lha dang klu dang / gnod sbyin dang dri za dang / lha ma yin dang nam mkha' lding dang / mi'am ci dang lto 'phye chen po dang / brgya byin dang / tshangs pa dang / 'jig rten gyi mgon po thams cad kyi mchod pa 
blang ba'i phyir byang chub sems dpa' rnams snying po byang chub tu 'dod pa dang / chags pa med pa'i ye shes chen pos rnam par phye ba'i byang chub sems dpa'i spyod pa spyad pas 'jig rten gyi khams thams cad rnam par blta ba'i phyir de bzhin gshegs pa thams cad 
yid la byed cing / phyogs thams cad du rnam par phye ba'i mngon par rdzogs pa'i byang chub yongs su bstan pa'i phyir/ byang chub sems dpa' rnams snying po byang chub tu 'dod pa'o/ /kye rgyal ba'i sras bcu po de dag ni byang chub 
sems dpa' rnams kyi snying po byang chub tu 'gro ba sems can 'dul ba'i dbang gi phyir yongs su bstan pa dag go/ //sangs rgyas rmad gcad ces bya ba shin tu rgyas pa chen po'i mdo/ /bam po nyi shu gsum pa/ /</font><hr>37-1-261a<br><font size=+1>
kye rgyal ba'i sras bcu po 'di dag ni byang chub sems dpa' rnams kyi snying po byang chub la 'dug pa ste/ bcu gang zhe na/ 'di ltar 'jig rten gyi khams thams cad rab tu bskyod cing / byang chub sems dpa' rnams snying po byang chub la 'khod do/ /'jig rten 
gyi khams thams cad snang bar byed cing / byang chub sems dpa' rnams snying po byang chub la 'khod do/ /ngan song thams cad rab tu zhi bar byed cing byang chub sems dpa' rnams snying po byang chub la 'khod do/ /'jig rten gyi khams thams cad rdo rje'i rang bzhin du byin gyis rlob cing / 
byang chub sems dpa' rnams snying po byang chub la 'khod do/ /de bzhin gshegs pa'i gdan seng ge'i khri la rnam par lta zhing / byang chub sems dpa' rnams snying po byang chub la 'khod do/ /yid nam mkha' dang mnyam pa la rnam par mi rtog cing byang chub sems dpa' rnams snying po 
byang chub la 'khod do/ /ji ltar mthun pa'i lus dang spyod lam yongs su ston cing byang chub sems dpa' rnams snying po byang chub la 'khod do/ /rdo rje'i snying po'i ting nge 'dzin rjes su rtogs par byed cing / byang chub sems dpa' rnams snying po byang chub la 'khod do/ /de bzhin 
gshegs pa thams cad kyi byin gyi rlabs rnam par dag pa'i gnas yang dag par len cing / byang chub sems dpa' rnams snying po byang chub la 'khod do/ /bdag gi dge ba'i rtsa ba'i mthus 'gro ba thams cad byin gyis rlob cing / byang chub sems dpa' rnams snying po byang 
chub la 'khod do/ /kye rgyal ba'i sras bcu po de dag ni byang chub sems dpa' rnams snying po byang chub la 'dug pa'o/ /kye rgyal ba'i sras byang chub sems dpa' rnams snying po byang chub kyi mchog la 'khod nas kyang ngo mtshar rmad du byung ba'i chos bcu 'byung ste/ bcu gang zhe 
na/ kye rgyal ba'i sras de la snying po byang chub mchog la 'khod pa'i byang chub sems dpa' rnams la 'jig rten gyi khams thams cad na bzhugs pa'i de bzhin gshegs pa dgra bcom pa yang dag par rdzogs pa'i sangs rgyas rnams kyis zhal mngon par bstan te/ phyag g.yas pa brkyang </font><hr>37-1-261b<br><font size=+1>
zhing / kye ded dpon chen po rgyal bar gyur cig rgyal bar gyur cig ces gsung brjod de 'di ni ngo mtshar rmad du byung ba'i chos dang po'o/ /kye rgyal ba'i sras snying po byang chub mchog la 'khod pa'i byang chub sems dpa' rnams la de bzhin gshegs pa de dag thams cad dgongs pa 
dang/ byin gyis rlob pa yang dag par mdzad de 'di ni ngo mtshar rmad du byung ba'i chos gnyis pa'o/ /kye rgyal ba'i sras snying po byang chub mchog la 'khod pa'i byang chub sems dpa' rnams la sngon lhan cig du spyod spyod pa'i byang chub sems dpa' rnams 'ongs te/ byang chub sems 
dpa' de dag la kun nas bskor cing mchod pa'i las rnam par phye ba rnam pa sna tshogs mngon par bsgrub ste/ 'di ni ngo mtshar rmad du byung ba'i chos gsum pa'o/ /kye rgyal ba'i sras snying po byang chub mchog la 'khod pa'i byang chub sems dpa' rnams la 'jig rten gyi khams thams cad kyi rtswa 
dang gel ba dang / sdong po dang / nags tshal thams cad kyang bsam pa yod go lta ste/ snying po byang chub gang na bder 'dud cing phyag 'tshal te/ 'di ni ngo mtshar rmad du byung ba'i chos bzhi pa'o/ /byang chub sems dpa'i spyod pa thams cad las yang dag par 'da' ba'i tshe yang 
chos kyi dbyings rnam par 'byed pa zhes bya ba'i ting nge 'dzin mngon du gyur te/ ting nge 'dzin de thob ma thag tu byang chub sems dpa'i spyod pa thams cad las yang dag par 'da' bar 'gyur te/ 'di ni ngo mtshar rmad du byung ba'i chos lnga ba'o/ /kye rgyal ba'i sras rgya mtsho mchog gi dam pa dri 
ma med cing kun nas snang la 'od gsal ba'i sa'i snying po la 'khod pa'i byang chub sems dpa' rnams la de bzhin gshegs pa thams cad kyi chos kyi sprin chen pos kun nas yog par 'gyur te/ 'di ni ngo mtshar rmad du byung ba'i chos drug pa'o/ /kye rgyal ba'i sras snying po byang chub 
kyi mchog la 'khod pa'i byang chub sems dpa' rnams kyi mthus de bzhin gshegs pa la mchod pa dang / rim gror bya ba shin tu rgya chen po rnams de bzhin gshegs pa'i mchod pa'i las kyi phyir 'jig rten gyi khams 'byam klas pa thams cad du 'byung ste/ 'di ni ngo mtshar </font><hr>37-1-262a<br><font size=+1>
rmad du byung ba'i chos bdun pa'o/ /kye rgyal ba'i sras snying po byang chub mchog la 'khod pa'i byang chub sems dpa' rnams la ye shes mchog gi sems can thams cad kyi bsam pa dang / dbang po dang spyod pa mngon du 'gyur te/ 'di ni ngo mtshar rmad 
du byung ba'i chos brgyad pa'o/ /kye rgyal ba'i sras snying po byang chub mchog la 'khod pa'i byang chub sems dpa' rnams la blo shin tu rnam par dag pa zhes bya ba'i ting nge 'dzin mngon du 'gyur te/ ting nge 'dzin de thob ma thag tu nam mkha'i dbyings tshad med pa dang / dus gsum rgyas par 
'gengs pa'i lus kun nas gnas par 'gyur te/ 'di ni ngo mtshar rmad du byung ba'i chos dgu pa'o/ /kye rgyal ba'i sras snying po byang chub mchog la 'khod pa'i byang chub sems dpa' rnams kyi lus kyi las dus thams cad la yang dag par gzhol zhing ye shes chen po chags 
pa med pa rdul dang bral ba'i snang ba dang ldan par 'gyur te/ 'di ni ngo mtshar rmad du byung ba'i chos bcu pa'o/ /kye rgyal ba'i sras bcu po de dag ni byang chub sems dpa' rnams kyi ngo mtshar rmad du byung ba'i chos rnams te/ byang chub sems dpa' snying po byang chub mchog la gnas 
pa rnams la 'byung bar 'gyur ba dag go /kye rgyal ba'i sras don rnam pa bcu po 'di dag gi dbang yang dag par mthong nas snying po byang chub mchog la 'dug pa'i byang chub sems dpa' bdud 'dul ba ston te/ bcu gang zhe na 'di ltar kun nas nyon mongs pa'i 'jig rten gyi khams 'byam 
klas pa na thab mo dang / g.yul la mos pa'i sems can rnams la byang chub sems dpa'i stobs kyi che ba nyid yang dag par bstan pa'i phyir byang chub sems dpa' bdud 'dul ba ston to/ /yid gnyis dang the tsom du gyur pa'i mi dang lha rnams kyi yid gnyis dang the tsom gcad pa'i 
phyir bdud 'dul ba ston to/ /bdud kyi sde yongs su smin par bya ba'i phyir bdud 'dul ba ston to/ /thab mo dang g.yul la mos pa'i lha dang mi rnams kun nas bsdu ba dang / kun nas 'dus pa'i lha dang mi rnams 'dul ba'i dbang gis phyir bdud 'dul ba ston to/ /byang chub </font><hr>37-1-262b<br><font size=+1>
sems dpa'i mthu la thub pa med pa yongs su bstan pa'i phyir bdud 'dul ba ston to/ /sems can gzhan mos shing spro bar bya ba'i phyir bdud 'dul ba ston to/ /phyi ma'i skye bo rnams la snying brtse ba'i phyir bdud 'dul ba ston to/ /snying po byang chub kyi bar gyi bdud kyi las yongs su bstan pa dang / 
byang chub sems dpa' bdud kyi lam thams cad las 'das pa yongs su bstan pa'i phyir bdud 'dul ba ston to/ /nyon mongs pa'i stobs kyis nyams smad cing stobs med par byas pa yongs su bstan pa dang / dge ba'i rtsa ba brjod pa dang / byams pa'i stobs yang dag par bstan pa'i phyir 
bdud 'dul ba ston to/ /kun nas nyon mongs pa'i 'jig rten gyi khams 'byam klas pa dag tu chos nyid rjes su 'brang bar bya ba'i phyir byang chub sems dpa' bdud 'dul ba ston te/ kye rgyal ba'i sras/ don bcu po de dag gi dbang mthong bas na/ byang chub sems dpa' bdud 'dul ba 
ston to/ /kye rgyal ba'i sras bcu po 'di dag ni byang chub sems dpa' rnams kyi de bzhin gshegs pa'i stobs mngon par rdzogs par byang chub pa ste/ bcu gang zhe na/kye rgyal ba'i sras de la byang chub sems dpa' rnams bdud dang las dang nyon mongs pa thams cad las 'das shing byang chub 
sems dpa'i spyod pa thams cad yongs su rdzogs pa yin/ byang chub sems dpa'i ting nge 'dzin gyi sgo thams cad la rnam par rtse ba yin/ byang chub sems dpa'i bsam gtan 'byam klas pa thams cad dang ldan pa yin/ chos dkar po'i tshogs thams cad yang dag par bstsags pa yin/ 
chos snang ba rnam par dpyad par bya ba thams cad shin tu rnam par phye ba yin/ 'jig rten gyi khams thams cad du khyab pa'i lus dang ldan pa yin/ sems can thams cad la snyoms pa'i sems dang dbyangs su ldan pa yin/ byin gyi rlabs thams cad kyis rab tu chog por byin gyis brlabs pa 
yin/ 'das pa dang ma byon pa dang da ltar byung ba'i de bzhin gshegs pa thams cad kyi sku dang gsung dang thugs rnam par mi rtog pa thob pa yin/ skad cig gcig gis dus gsum rnam par 'tshang rgya ba yin/ shin tu rnam par sangs rgyas pa zhes bya ba'i ting nge 'dzin kyang rab tu thob pa yin/</font><hr>37-1-263a<br><font size=+1>
de bzhin gshegs pa'i stobs dang ldan pa yin te/ 'di ltar gnas dang gnas ma yin pa'i stobs dang ldan pa yin/ zag pa zad pa shes pa'i bar gyi stobs dang ldan pa yin te/ kye rgyal ba'i sras bcu po de dag ni byang chub sems dpa' rnams kyi de bzhin gshegs 
pa'i stobs mngon par rdzogs par byang chub pa ste/ stobs bcu po de dag dang ldan pa'i de bzhin gshegs pa rnams ni de bzhin gshegs pa zhes bya ba'i grangs su 'gro'o/ /kye rgyal ba'i sras de ltar mngon par sangs rgyas pa'i de bzhin gshegs pa dgra bcom pa yang dag par rdzogs 
pa'i sangs rgyas ni chos kyi 'khor lo chen po rnam pa bcu bskor te/ rnam pa bcu gang zhe na 'di ltar myi 'jigs pas shin tu sbyangs pa'i ye shes dang ldan pa dang / so sor yang dag par rig pa bzhi'i sgra rjes su bsgrags pa dang / bden pa bzhi'i tshul gyis shin tu brtags pa dang / sangs rgyas kyi 
rnam par thar ba bsgribs pa myed pa'i rjes su song ba dang / sems can thams cad kyi sems dga' bar 'gyur ba dang / thogs pa myed cing blta bar dka' la g.yo ba myed cing sdug bsngal gyi gsal shing 'byin pa dang / sngon gyi snying rje chen po'i byin gyis brlabs pa dang / 'jig rten gyi khams thams 
cad du grag pa dang / bskal pa grangs myed par chos ston par rgyun mi 'chad pa dang / dbang po dang stobs dang byang chub kyi yan lag dang / bsam gtan dang rnam par thar pa dang / ting nge 'dzin dang snyoms par 'jug pa dang / legs par spyad pas bskor ba'o/ /kye rgyal ba'i sras 
sgo rnam pa bcu po de dag la stsogs pa rnam pa tshad myed par de bzhin gshegs pa chos kyi 'khor lo skor ro/ /kye rgyal ba'i sras de bzhin gshegs pa dgra bcom pa yang dag par rdzogs pa'i sangs rgyas rnams kyi chos kyi 'khor lo de ni sems can gzhan gyi rgyud la chos dkar po'i rnam pa bcus 
thogs pa myed pa dang / mngon par chags pa myed par 'byung bar 'gyur te/ bcu gang zhe na/ 'di ltar smon lam thams cad kyi stobs kyi shugs dang / snying rje chen po'i byin gyi rlabs dang / sems can gyi khams thams cad mi gtong ba dang / ye shes kyi rnam par 'phrul pa </font><hr>37-1-263b<br><font size=+1>
bsam pa ji lta ba bzhin du ston pa dang / dus la bab par thob par byed pa dang / rigs pa'i tshul bzhin du myi 'khrul pa dang / dus gsum shes par bya ba rab tu rtogs pa dang / lus kyi dbang zil gyis mi non pa dang / tshig gi dbang dmyigs par dka' ba dang / ye shes 
kyi dbang tshigs bzhin du khong du tshud par byed pa ste/ kye rgyal ba'i sras chos dkar po'i rnam pa bcu po de dag gis de bzhin gshegs pa dgra bcom pa yang dag par rdzogs pa'i sangs rgyas rnams kyi chos kyi 'khor lo sems can gzhan gyi sems kyi rgyud la thogs pa myed pa dang / 
mngon par myed par 'byung bar 'gyur ro/ /kye rgyal ba'i sras sangs rgyas kyi phrin las rdzogs par mdzad zin pa'i de bzhin gshegs pa dgra bcom pa yang dag par rdzogs pa'i sangs rgyas ni don bcu'i dbang gzigs nas yongs su mya ngan las 'da' ba chen po ston te/ bcu gang zhe na 
'di ltar yang dag pa ji lta ba bzhin du 'du byed myi rtag pa yongs su bstan pa dang / 'dus byas thams cad yid brtan du mi rung bar bstan pa dang / mya ngan las 'da' ba'i phyogs bde bar 'gro bas 'jigs pa dang bag tsha ba thams cad dang bral ba yang dag par bstan pa dang / gzugs 
kyi lus la zhen pa'i lha dang myi rnams la gzugs kyi lus myi rtag pa nyid du yang dag par bstan pa dang / chos kyi sku la yang dag par sbyar ba dang / rnam par 'gyur ba'i mthus phyir myi zlog par yongs su bstan pa dang / 'du byed thams cad 'dod dgur myi rung zhing dbang bsgyur du myed pa yongs su 
bstan pa dang / sa gsum gyi 'khor ba thams cad sgyu ma'i rnam pa lta bur yongs su bstan pa dang / mya ngan las 'das pa ni snying po dam pa ste/ myi 'jigs pa'i chos nyid du yang dag par bstan pa dang / kun 'byung zhing 'jig pas 'bral bar 'gyur ba yongs su bstan pa dang / kye rgyal 
ba'i sras sangs rgyas bcom ldan 'das kyi chos nyid kyis kyang de bzhin te/ sangs rgyas kyi phrin las thams cad rdzogs par mdzad de/ dgongs pa thams cad yongs su rdzogs shing chos kyi 'khor lo shin tu bskor te/ 'dul ba thams cad shin tu dul nas byang chub sems dpa' </font><hr>37-1-264a<br><font size=+1>
thams cad shin tu lung bstan par 'gyur te/ mnyam pa med pa'i go 'phang yongs su mya ngan las 'da' ba chen por yongs su mya ngan las 'da'o/ /kye rgyal ba'i sras don bcu po de dag yang dag par gzigs nas/ de bzhin gshegs pa dgra bcom pa yang dag par 
rdzogs pa'i sangs rgyas mnyam pa myed pa'i go 'phang yongs su mya ngan las 'das pa chen po yongs su ston to/ /kye rgyal ba'i sras 'di ni byang chub sems dpa' rnams kyi spyod pa yongs su sbyong ba zhes bya ba'i chos kyi sgo ste/ yang dag par rdzogs pa'i sangs rgyas mang pos gsungs pa'o/ /
don tshang myed pa khong du chud par 'gyur ba'o/ /mkhas pa'i skye bo dga' bar byed pa'o/ /byang chub sems dpa' thams cad kyi spyod pa dang / smon lam chen po rgyun myi 'chad par byed pa'o/ /sems can gang gis 'di thos par gyur te/ thos nas kyang mos par byed pa dang / mos par 
gyur nas kyang nan tan gyis yang dag par bsgrubs pa de dag thams cad myur du bla na myed pa yang dag par rdzogs pa'i sangs rgyas su mngon par 'tshang rgya bar 'gyur ro/ /kye rgyal ba'i sras de ci'i phyir zhe na/ byang chub ni byang chub sems dpa' nan tan lhur byed pa rnams kyis 'grub kyi nan tan 
dang myi ldan pa rnams kyis ma yin no/ /kye rgyal ba'i sras de lta bas na byang chub sems dpa' sems dpa' chen po nan tan la gnas pas 'jig rten las 'das pa'i chos kyi sgo'i le'u byang chub sems dpa'i spyod pa dang yon tan gyi 'byung gnas don rnam par gdon myi za ba'i me tog chos kyi sgo thams 
cad la yang dag par gzhol ba/ ye shes kyi sgo la 'jug pa 'jig rten gyi lam thams cad las yang dag par 'das pa nyan thos dang rang sangs rgyas thams cad kyi lam dang bral ba/ 'gro ba thams cad dang thun mong ma yin pa/ chos thams cad kyi sgo snang bar byed par 'gro ba thams cad kyi 'jig 
rten dang / 'jig rten las 'das pa'i dge ba'i rtsa ba rnam par 'phel bar byed pa 'di rim gror byas te/ mnyan par bya'o/ /blang bar bya'o/ /yongs su gzung bar bya'o/ /yongs su bzung nas kyang nges par rtogs pa'i sgos yongs su sbyang ba dang / smon lam mngon par bsgrub pa la </font><hr>37-1-264b<br><font size=+1>
brtson par bya'o/ /kye rgyal ba'i sras de ltar brtson pa'i byang chub sems dpa' rnams la ni bla na med pa yang dag par rdzogs pa'i byang chub dkon pa ma yin no/ /'jig rten las 'das pa'i chos kyi sgo'i le'u chos thams cad kyi sgor yang dag par gzhol ba'i chos kyi rnam grangs 'di 
bstan pa'i tshe sangs rgyas kyi mthu dang chos kyi rnam grangs 'di'i chos nyid thob pas phyogs bcu'i 'jig rten gyi khams tshad myed grangs myed pa rnams rab tu g.yos par gyur to/ /'jig rten gyi khams g.yos par gyur pa de dag thams cad kyang snang ba chen pos rgyas shing gsal 
bar gyur to/ /phyogs bcu'i sangs rgyas bcom ldan 'das kyang dgyes par gyur te/ byang chub sems dpa' kun tu bzang po la zhal bstan nas gsung brjod pa/ kye rgyal ba'i sras legs so legs so/ /ji ltar khyod kyis byang chub sems dpa' sems dpa' chen po rnams la 
'jig rten las 'das pa'i chos kyi sgo'i le'u byang chub sems dpa'i spyod pa dang / yon tan gyi 'byung gnas don rnam par gdon mi za ba'i me tog chos kyi sgo thams cad la yang dag par gzhol ba ye shes kyi sgo la 'jug pa 'jig rten gyi lam thams cad las yang dag par 'das 
pa/ nyan thos dang rang sangs rgyas thams cad kyi lam dang bral ba 'gro ba thams cad dang thun mong ma yin pa chos thams cad kyi sgo snang bar byed pa/ 'gro ba thams cad kyi 'jig rten dang 'jig rten las 'das pa'i dge ba'i rtsa ba rnam par 'phel bar byed pa 'di bstan pa ni rgyal 
ba'i bu khyod chos 'di dag la legs par bslabs pas shin tu byang ba ste/ rgyal ba'i bu khyod kyis chos kyi byin gyi rlabs dang mthus/ mos pa'i chos kyi rnam grangs 'di legs par bshad de nged kyis kyang mngon par bsngags so/ /de bzhin du de bzhin gshegs pa thams cad 
kyis kyang mngon par bsngags so/ /kye rgyal ba'i bu khyod kyi chos kyi rnam grangs 'di da lta dang ma 'ongs pa'i byang chub sems dpa' rnams kyis ma thos pa'i chos thos par bya ba'i phyir nged kyis byin gyis brlab pa mdzad do/ /de nas byang chub sems dpa' sems dpa' chen po kun tu </font><hr>37-1-265a<br><font size=+1>
bzang pos sangs rgyas kyi byin gyi rlabs kyis phyogs bcur bltas te/ 'khor gyi dkyil 'khor thams cad la bltas nas/ chos kyi dbyings thams cad la bltas te/ de'i tshe tshigs su bcud pa 'di dag smras so/ /gang rnams de dag bskal pa bye ba khrag 
khrig stong du brtul zhugs dka' spyad pa/ /gang rnams de dag sangs rgyas bye ba khrag khrig stong las byung ba'i chos kyi sras/ /gang rnams de dag sems can bye ba khrag khrig stong rnams byang chub rab 'god pa/ /dpe zla myed pa de dge rnams kyi spyod pa bshad kyis rtse gcig mnyan par 
byos/ /gang dag sangs rgyas khrag khrig mtha' yas mchod kyang bdag ni sangs rgyas myi gnas pa/ /gang dag nyon mongs bcings pa'i 'gro ba thar byed sems can 'du shes mi gnas dang / /gang rnams de dag sangs rgyas yon tan rtag tu tshol yang yon tan myi gnas pa/ /de 
dag 'jig rten rab tu dga' bar byed pa'i spyod mchog mdzes pa brjod par bya/ /gang rnams de dag srid pa gsum na las dang nyon mongs bdud kyi dbang song snang / /gang rnams de dga' 'phags pa'i yon tan ldan zhing khyu mchog spyod pa ston pa po/ /gang rnams de dag gti mug nyon mongs 
nyes bral bsam pa zhi zhing rab zhi ba/ /'gro ba rnams la spyod pa'i rim pa ston pa de dag yon tan brjod par bya/ /gang rnams de dag bdud g.yo 'gro ba kun las rgal te thams cad dbang byed pa/ /'gro ba thams cad bdag la sprul pa sna tshogs tha dad mtha' yas rab tu ston/ /sems 
bskyed gyur ma thag tu gnas dang 'jig pa'i bya ba thams cad ston byed pa/ /de dag yon tan sna tshogs mdzes pa sems can dga' bar byed pa brjod par bya/ /srid pa'i rgyud na sems can sdug bsngal nyen cing skye dang rga bas gzir ba dang / /'chi dang mya ngan dag gis gtses shing 
gnod byas nyon mongs kun tu gzir mthong nas/ /de dag thar bar bya phyir snying rje rgya cher bskyed nas ye shes mchog dgod pa/ /de dag yon tan shin tu dge ba phyogs tsam bshad kyis rtse gcig mnyan par byos/ /sbyin dang tshul khrims bzod pa brtson 'grus dga' bar bsam </font><hr>37-1-265b<br><font size=+1>
gtan la yang rnam par rtsen/ /shes rab thabs kyi pha rol phyin cing byams dang snying rje lhag pa'i bsam pa dang / /dga' ba'i chos la brtson zhing btang snyoms dga' bas bskal pa brgyar yang spyod spyad pa/ /de dag spyod ldan yon tan ldan pa rnams kyi yon tan bstan gyis de dag 
nyon/ /gang rnams de dag byang chub gnyer phyir bye ba khrag khrig stong gi lus skoms pa/ /gang rnams byang chub zhi ba tshol phyir srog la lta ba myed par gyur pa dang / /gang rnams de dag sems can phan phyir rtag brtson bdag gi bde ba myi tshol ba/ /byams dang snying rje'i sems ldan 
thub pa de dag kun gyi spyod mchog brjod par bya/ /rgya mtsho'i chu thigs bgrangs pa re res thams cad zad par bya bar rung srid kyi/ /de dag yon tan bskal ba bye ba khrag khrig du ma stong du brjod byas kyang / /dpe tsam bya bar mi nus legs par brjod cing bstan par myi nus 'on 
kyang go/ /sems can phan pa'i don du sangs rgyas yul rnams bstan par bya ba mnyan par byos/ /gang dag 'gro ba rnams kyi don phyir dge ba kun 'dzin dkar po 'phel byed kyang / /mtho bar myi sems dma' bar sems myed myi dman chos tshol ngoms par yongs 
mi 'gyur/ /'gro ba kun nas don gnyer chu klung ye shes mtsho chen shes rab shing sdong ste/ /ston pa'i mkhas pa de dag rnams ni sa ltar 'gro ba thams cad 'tsho ba yin/ /byams pa rlan yin snying rje rtsa ba dga' ba sdong po brtan pa sdom pa ste/ /ze ba ye shes dri ni 
tshul khrims bzang po lo ma me tog yon tan can/ /sangs rgyas 'od kyis rab tu rgyas byas blo gros ldan pa sems can dgar byed pa/ /de dang de dag pad+mo lta bur 'dus byas ma gos 'gro ba rnams la snang / /sa bon mos pa sa gzhi bsam pa byams dang snying rje dag ni rtsa ba 
ste/ /sdong po shes rab thabs ni yal ga lcug ma dag ni pha rol phyin rab lnga/ /bsam gtan shes rab mngon shes me tog rgyas pa kun mkhyen ye shes 'bras bu ste/ /chos kyi shing mchog rdzu 'phrul bya 'khod de dang des ni 'jig rten gsum po khebs/ /rim gyis dkar </font><hr>37-1-266a<br><font size=+1>
yangs yongs su spel ba lus yin bden pa rnams ni rkang pa ste/ /dran pa mgrin pa spyod mchog shes rab mgo yin ral pa rnam par grol ba dge/ /stong pa don dam sul dang phug yin byams dang snying rje dag ni myig gnyis te/ /de dag seng ge lta bur 
bdag myed sgra 'byin bdud sde rab tu skrag par byed/ /'gro ba ma lus rnams ni 'khor ba'i 'brog dgon nyon mongs mi zad 'khyams 'gyur te/ /bdud kyi bya ma rta dang rkun por bcas pas zin gyis gti mug mdongs gyur pa/ lam ni rab ston myi mkhas sems can mthong nas 
ded dpon mkhas pa de dag ni/ /lam gyi mthar khrid 'jigs pa myed pa'i grong khyer dam pa mchog la rab tu 'god/ /'gro ba dag ni 'dod chags zhe sdang mun pa nyon mongs sna tshogs nad btab cing / /yun ring nas ni 'dus byas sdug bsngal dag la gzhol zhing sdug bsngal 
rab 'bar ba/ /sems can mthong nas snying rje bskyed de nyon mongs pa yi nad pa kun gso zhing / /nad rnams zhi bar byed pa stong phrag brgyad cu rtsa bzhi dam pa dag kyang ston/ /rgyal po lta bu de dang de dag 'khor rnams dga' byed 'gro la chos ston pa/ /sdig pa spongs 
la dge la snyen cing sangs rgyas yon tan rnams kyang tshol cig ces/ /rkang gnyis dbang po'i chos kyi yul la kun mkhyen ye shes dbang por dbang bskur ba/ /rgya chen byang chub yan lag rin chen 'byung gnas de dag 'gro ba'i 'phags pa'i nor/ /tshul khrims lte ba 
ting 'dzin mu khyud brgyan pa'i ye shes 'od dang shes rab mtshon/ /ye shes rno ba'i gzhung can nyon mongs 'joms zhing bdud kyi sde rnams dkrug byed pa/ /chos kyi sgron ma che 'byin mchog rnams de dang de dag sangs rgyas bskor ba yi/ /'khor lo mchog rnams bskor 
zhing pha rol rgol ba dag dang mu stegs thams cad 'joms/ /ye shes chu ni zab cing myi zad shin tu rgya chen chos kyi ro dang ldan/ /byang chub yan lag de bzhin bsam gtan rin chen gang ba 'gro kun shes par dka'/ /thams cad mkhyen pa'i gnas kyi mtha' rlabs mtha' </font><hr>37-1-266b<br><font size=+1>
yas yul rnams dag cing lhag bsam dge /de dang de dag ye shes rgya mtsho mtshungs myed bstan pa zad par myi 'gyur ro/ /'jig rten rab 'phags rtag tu yul gyis myi gos 'gro ba rnams kyi gnas gyur pa/ /bsam gtan mngon shes rab 'phel ye 
shes rtse mo lhag pa'i bsam pa myi sgul ba/ /gang dag de dang nyer phrad shes rab ye shes mchog gis rab tu 'dra bar 'gyur/ /de dang de dag yon tan ri rab shes rab rab brtan 'gro ba kun gyis bltas/ /lhag pa'i bsam pa mchog gi rdo rje mtshungs 
shing 'dra ste brtul zhugs thams cad brtan/ /sangs rgyas chos dang dge 'dun thams cad mkhyen pa'i spyod yas bsam pa mi phyed de/ /bdud dang sems can nyon mongs 'jig rten rlung dag gis ni myi bskyod rab brtan pa/ /de dang de dag 'jig rten dam pa nyon mongs 
'bar ba dag las bzlog par byed/ /byams pa'i sprin rnams kun 'dus snying rje stug po rig pa'i glog chen rgyu ldog pa/ /thub pa rnams ni rdzu 'phrul gnas bzhi dbyangs kyi 'brug sgra 'byin cing rab tu sgrog /so so yang dag rig dang tshul khrims yan lag brgyad 
ldan chu'i char 'bebs pa/ /de dang de dag sprin chen nyon mongs zhi byed sems can don phyir mngon par 'phags/ /shes rab dga' dang khrel ba dag ni 'obs te chos kyi rgyal mtshan bsgreng / /ye shes shing thags yin te thar pa'i sgo phye dran pa de dag sgo ba 
yin/ /bden pa rnams ni lam chen bzhi ste shin tu dge ba'i rdzu 'phrul rab brgyan pa/ /srid pa gsum na bdud sde dag gis myi thul grong khyer chos nyid dag tu ston/ /thams cad mkhyen gyi sems mchog shing la rab 'dug rdzu 'phrul rkang pa'i rkang pa brtan/ /gshog 
pa thabs kyi stobs te pha rol gnon mthu byams dang snying rje myig gnyis yin/ /ston pa de dag 'gro ba kun na thub myed mkha' lding dbang po'i drag shul 'dra/ /srid pa'i mtsho nas 'don cing lha myi rnams kyang mya ngan 'da' ba'i mchog la 'god/ /tshul khrims dkyil 'khor </font><hr>37-1-267a<br><font size=+1>
rdzu 'phrul rkang pa'i shugs ldan ye shes 'od zer phreng ba mdzes/ /'od snang kun 'char nyon mongs 'joms zhing srid pa'i rgya mtsho rab tu skem par byed/ /stobs dang dbang po dge ba'i sman 'phel sems can pad mo yongs su rgyas byed pa/ /de dang de dag 
snang byed chos kyi nyi ma'i khyu mchog 'gro ba kun tu 'byung / /chos dbyings rnam par dag pa dkyil 'khor 'gro ba kun gyis blta na mdzes pa ste/ /nyan thos rang rgyal rnams kyi tshogs mang skar ma 'dra ba dag ni zil gyis mnan/ /sems kyi rgyud rnams mthong nas srid pa gsum 
du 'phel dang 'grib pa rnam par ston/ /de dang de dag ye shes zla ba 'gro la 'char zhing mkhas pa nam mkha'i mtha'/ /chos kyi dbang po 'gro ba kun la dbang byed gzugs dang yon tan dag gis brgyan/ /ye shes rdo rje mnga' ba thabs ni myig ste chos la dbang chen bsgyur 
gnas pa/ /lus dang mtshan dang dpe byad bzang po sna tshogs kun gyi blta ba'i dbang po ste/ /chos kyi 'gro ba kun las rgyal ba de dang de dag chos kyi dbang po yin/ /srid pa gsum na 'dod pa'i 'dam dang nyon mongs las las rab 'das kun dbang po/ /byams pa 
snang dang thugs rje bsam gtan dga' dang btang snyoms rnams la mos/ /srid pa gsum po kun tu tha dad lus ston chos kyi sgras kyang go byed pa/ /de dang de dag tshangs pa lta bur rnam dag mos shing lta ba'i rnam pa sel/ /'khor las rab tu 'das shing rnam dag 
yul dang ldan pa bdag po chos kyi dbang / /phyir ldog myi 'gyur blo gros che 'chang gang rnams theg pa dma' dang tha dad la/ /chos kyi dbang por dbang bskur 'jig rten dam pa ye shes phyir ldog myi 'gyur ba/ /thams cad mkhyen pa'i yon tan dbang phyug grags chen 
de dang de dag 'jig rten dbang / /nam mkha'i mkha' dbyings lta bur dngos dang rnam bral dmyigs pa thams cad rnam bstsal ba/ /'gro ba kun tu bya ba nyams len khyu mchog ci la 'ang gnas pa myed pa ste/ /'gro ba kun tu spyod pa dkar zhugs mkhas pa de dag rab </font><hr>37-1-267b<br><font size=+1>
tu myi gnas pa/ /de dang de dag ye shes dge zhing dag pas shes rab nam mkha'i dbyings dang 'dra/ /de dang de dag shin tu rgya chen thabs ldan sa ltar 'gro ba kun gyi gsos/ /chu 'dra de dang de dag byams dang snying rjes nyon mongs rnams ni rab tu sel/ /de 
dang de dag ye shes myes ni nyon mongs sreg cing bag chags bcas pa bstsal/ /ston pa de dag myi gnas rlung dang 'dra bar srid pa gsum na rab tu rgyu/ /de dang de dag rin chen 'dra ste shin tu dkon zhing 'gro ba dbul yang sel/ /de dang de dag rdo rje lta bur srid 
pa gsum na lta ba kun tu 'joms/ /de dang de dag yon tan kun gyi 'phring ba sna tshogs 'jig rten gsum mdzes byed/ /ston pa de dag nor bu rin chen mtshungs 'dra spyod pa kun gyi gtsug tu phyin/ /de dang de dag me tog lta bur yon tan rab rgyas byang chub 
yan lag rtse/ /phreng ba lta bur de dang de dag smon lam bcings shing 'jig rten mgon la gnas/ /de dang de dag tshul khrims ma nyams skyon med rnam dag dri ni dri rab zhim/ /de dang de dag 'jig rten gsum na chos dang ye shes kyi ni bag chags dag /gdugs 'dra de dang 
de dag stobs kyi bla res nyon mongs rdul las skyob par byed/ /ye shes rgyal mtshan bsgreng ba'i thugs mnga' de dang de dag nga rgyal rgyal mtshan snyol/ /de dang de dag spyod pa'i ba dan sna tshogs yid 'ong ye shes kun tu 'phags/ /gos 'dra de dang de dag rdzu 'phrul 
yon tan 'gro ba kun la khebs par byed/ /theg pa 'dra ba khyu mchog mtha' yas de dang de dag 'jig rten gsum las 'byin/ /de dang de dag rab dul glang po lta bur yid kyis rtag tu dul la gnas/ /de dang de dag rdzu 'phrul rtas ni khal chen khyer zhing 'jig 
rten gsum las 'da'/ /klu yi dbang po lta bu de dang de dag sems kyi yul du chos char 'bebs/ /de dang de dag 'gro ba kun la me tog u dum ba ra mtshungs 'dra shin tu dkon/ /dpa' bo lta bu de dang de dag nyon mongs 'joms zhing bdud kyi sde rnams 'khrug /</font><hr>37-1-268a<br><font size=+1>
myi ldog 'khor lo lta bu de dang de dag 'dren pa rnams kyis rab tu btsud/ /de dang de dag sgron ma lta bur mun pa sel cing sems can lam yang ston/ /de dang de dag chu klung lta bur yon tan ded cing lam rgyud rjes su 'gro/ /de dang de dag 
zam pa lta bur ngal ba myed par rtag tu 'gro ba sgrol/ /gru dang gru chen lta bur smon lam rab btab ye shes gangs chen mtsho thob byed/ /de dang de dag mnyan pa lta bur 'gro ba ye shes thang chen mchog la 'god/ /de dag skyed mos tshal gyi dga' la rtse zhing 
'gro la yang dag spyod pa ston/ /de dag chos kyi rnam thar mngon shes me tog ye shes gzhal myed khang dag pa/ /mkhas pa de dang de dag sman ltar nad zhi byed cing nyon mongs rab tu sel/ /sman gyis rgyas pa'i gangs ri lta bur de dang de dag ye shes 'byung gnas so/ /de dag 
sangs rgyas lta bur ye shes kyis ni 'gro ba gnyid log mun pa sel/ /yang dag sangs rgyas lta bur gzhan myin yid kyis 'gro ba yang dag rtogs par byed/ /de dang de dag rgyal ba ci 'dra de ltar 'ongs te mkhas pa de nyid gnas/ /de dag thams cad mkhyen pa lta bur ye shes 
'byung gnas kun nas sgor yang zhugs/ /zhi ba skyed pa de dang de dag ston pas rab bsngags 'gro ba kun la ston/ /de dang de dag rang gi ye shes yul dang thams cad mkhyen pa'i spyod yul shes/ /de dang de dag tshad myed dpung dang 'dra bar 'gro ba kun na thub pa myed/ /de 
dag ye shes myi 'jigs blo gros 'chang ba thams cad mkhyen pa'i chos kyang shes/ /gang na gang dag 'gro ba kun gyi gzugs dang myi rnams ji snyed snang yod pa/ /kun tu gzugs snyoms gzugs kyi rjes su song zhing mying dbyangs rjes su song ba yin/ /gzugs 
rnams kun las 'das shing mying dang rnam par bral yang bya ba thams cad ston/ /de dag mthu ni 'gro ba rnams kyis rnam pa kun tu brjod par mi nus so/ /gang dag 'di 'dra'i yon tan thob cing dngos bral dngos po myed pa'i chos gnas shing / /yod dang myed pa'i mdud </font><hr>37-1-268b<br><font size=+1>
pa thams cad bral ba mkhas pa ye shes mngon sum can/ /thams cad shes kyang ye shes rten pa ma yin ye shes de la gnas pa min/ /de dag spyod la 'jug pa yid 'ong 'jig rten dga' bar byed pa bshad par bya/ /chos kyi tshul ni sgyu ma'i rang bzhin dngos po dben 
pa lta bur rab rtogs nas/ /mkhas pa sangs rgyas byin gyi rlabs kyis smon lam thabs dang snying rje dag kyang byed/ /sprul pa'i ye shes sgo dang ldan pas khyu mchog bya ba sna tshogs rab ston pa'i/ /byang chub sems dpa' ma nor yid can rtse gcig mnyam 
pa myed pa legs par grag /lus gcig la ni mtha' yas lus dang rgya chen lus rnams tha dang rab tu ston/ /sems myed yid myed sems kyi yul myed 'on kyang 'gro ba kun tu de dag ston/ /khyu mchog brjod pa'i pha rol phyin pa de dag dbyangs gcig rnam par 
rjod byed kyang / /'gro ba dag gi sgra skad ji snyed yod pa de dag thams cad rab tu brjod/ /nyon mongs rgyud byung lus dang bral yang sems can rnams kyi lus la dbang bsgyur te/ /brjod du myed pa'i tshul gyis zhi ba rtogs shing sgra rnams thams cad rab tu ston/ /
de dag sems kyi rang bzhin zhi zhing 'od gsal nam mkha' mtshungs par yang dag shes/ /'gro ba kun la bya ba rnam pa sna tshogs sgo nas 'jig rten sna tshogs ston/ /de dag lus rnams gang la'ang gnas pa myed de lus kyang de dag ston pa byed/ /'gro ba 
thams cad kyi ni skye ba dag dang rgyu mthun gnas pa ji snyed pa/ /thams cad kun tu skye ba'i lus dang ldan yang skye ba dag la gnas pa myed/ /rang gi lus la mkha' 'dra dngos bral sems can sems la sna tshogs rnam pa ste/ /mkhas pa kun la dbang bsgyur de 
dag lus ni mtha' yas kun tu ston byed cing / /me tog dri dang byug pa phye ma sil snyan gdugs dang ba dan rgyal mtshan rnams/ /thams cad mkhyen la mchod pas rkang gnyis gtso bo 'jig rten mchog la mchod byed cing / /mkhas pa bsam pa thag </font><hr>37-1-269a<br><font size=+1>
pas lus kyis 'du byed mchod pa dam pa kun tu ston/ /mkhas pa de dag rgyal ba zhabs kyi drung 'khod rgyal ba thams cad kyi/ /'khor rnams kun na snang zhing mtshungs myed de dag zhu ba kun kyang zhu ba byed/ /chos kyi dam pa thos nas ting 'dzin re re mtha' 
yas sgo ldan thob gyur cing / /blo gros ldan pa de snyed rnam par ldan pa ston pa byed kyang zad pa myed/ /'gro ba sgyu ma lta bur rtogs nas shes rab ye shes thabs kyi pha rol phyin/ /sgyu ma lta bu'i chos dang gzugs spobs mtha' yas dang ba 'gro ba kun la ston/ /
sna tshogs gzugs dang sgra rnams mtha' yas shin tu rgya che sems kyang rab tu ston/ /'gro ba thams cad la ni 'du shes dra ba 'jug pa ston kyang gnas pa myed/ /'gro don rjes 'gro de dag la la dag tu thog ma'i sems su 'gro la ston/ /la lar 'gro ba kun la 
byang chub spyod pa mtha' yas rgya chen dag kyang ston/ /la lar sbyin dang tshul khrims bzod pa brtson 'grus brtan dang shes rab rnams/ /la lar tshangs pa'i lam sdud kha cig tu ni spyod pa mchog kyang rab tu ston/ /mkhas pa rtog myed de dag la lar spyod pa 
rdzogs shing bzod pa thob pa ston/ /la lar skye ba gcig gis thogs par nges shing la lar rgyal bas dbang bskur ba/ /la lar nyan thos gzugs su gyur cing la la dag du rang rgyal gzugs su 'gyur/ /bye ba khrag khrig mang po'i zhing du mya ngan 'da' yang spyod las 
ldog pa myed/ /de dag la lar lha dbang brgya byin lha dang bcas pa la lar tshangs par 'gyur/ /de dag la lar lha'i bu mo brgyas bskor la lar gcig pu spyod par ston/ /la lar dge slong rab tu zhi zhing yid zhi la lar rgyal po dbang phyug 'gyur/ /la lar chos kyi dra 
bar 'jug pa'i ye shes khyu mchog gzugs kyang rab tu ston/ /la lar bud myed sgyu rtsal pha rol rab phyin la lar dka' thub can du 'gyur/ /la lar 'dod pa'i longs spyod rgya chen ston cing la lar bsam gtan thub pa byed/ /la lar mya ngan 'da' dang tshe'i sa dang la lar </font><hr>37-1-269b<br><font size=+1>
rgan dang byis par ston/ /de dag spyod pa bsam na skye bo mos par 'gyur te yid gnyis rnyed par 'gyur/ /la lar lha dang 'grogs shing la lar shi 'pho la lar mngal 'gro gnas par ston/ /la lar mngal zhugs la lar rnam par sangs rgyas la lar 
'khor lo rab tu bskor/ /la lar skye ba la lar mya ngan las 'das pa la lar bzo yang rab tu slob/ /la lar bud myed tshogs kyi dbus gnas la lar ting 'dzin la lar mngon par 'byung / /la lar khyu mchog byang chub dam par sangs rgyas byang chub shing gi drung 
na bzhugs/ /la lar 'khor lo rab tu bskor zhing la lar sna tshogs chos rnams yongs su tshol/ /la lar sangs rgyas gyur cing zhing rnams bye ba brgyar khyab 'gro bar ston byed kyang / /byang chub don du spyod pa dag gi tshogs rnams las kyang phyir ldog ma 
yin no/ /bskal pa'i grangs la 'jug pa'i pha rol phyin pas bskal pa bye ba phrag brgya dag /khyu mchog sems gcig nang ston sems gcig bskal pa brgyar yang de bzhin ston pa byed/ /'gro ba thams cad la'ang rtog dang myi rtog pa yi yul rnams thams 
cad ston/ /stsogs pa myed cing phyogs la gnas myed spyod pa de dag kun kyang rab tu ston/ /gang phyir rgyal ba nye rgyal de dag nyi tse'i phyogs myed kun na bzhugs pas na/ /'gro ba kun gyi rgyal ba ji snyed pa dag thams cad rdul gcig steng du mthong / /
sangs rgyas zhing rnams bsgrub dang sems can yul dang chos kyi rgyu tshul rnams kyang mthong / /de ltar brtson pas bskal pa khrag khrig brtson byed 'on kyang cha shas zad mi 'gyur/ /de ltar 'gro ba kun gyi sems can tshul rnams mtha' yas rgya che rab tu shes/ /
sems can gcig la mtha' yas lus dang rgyu dang bye ba khrag khrig yod pa rnams/ /de dag 'gro ba gcig dang ma lus thams cad dag la rnam pa kun tu ston pa byed/ /bslab pa 'di yi phyogs la pha rol phyin te ma bslabs rnams ni ston pa byed/ /dbang po rnon </font><hr>37-1-270a<br><font size=+1>
po dang ni 'bring dang gang dag dbang po rtul ba'ang rab shes nas/ /'gro bar skal ba yod dang skal ba med pa'i dbang po'i 'khor lo skor ba byed/ /dbang po re re la yang dbang po thams cad rnam pa phan tshun gnas pa dang / /dbang po'i dngos po phra ba'i 
tshul dang gang dag dbang po brtan pa 'ang rab tu shes/ /de ltar khams dang mos dang bsam pa spyod dang nyon mongs bag chags rnams kyang shes/ /sngon gyi mtha' dang phyi ma'i mtha' yi sems spyod da ltar byung ba'ang de bzhin te/ /sems can kun gyi spyod pa'i pha rol phyin 
kyang 'od dang 'gro ba yod ma yin/ /ma nor spyod pa shes nas 'gro ba kun la chos kyi dam pa ston pa byed/ /de ltar sems kyi sems spyod sna tshogs kun nas nyon mongs nyon mongs myed pa dag /sems gcig la ni khong du chud nas byang chub mchog tu kun mkhyen rnams sangs rgyas/ /
sems kyi skad cig gcig gis 'gro ba rnams phye rang gi shes pas rtogs gyur nas/ /sems kyi tshul shes sems myed rab tu gzhol bas ye shes mchog la kun kyang 'god/ /rdzu 'phrul mchog thob ye shes khyu mchog mngon par shes pa kun gyis rab tu 'phags/ /
sems bskyed gcig gis khrag khrig mtha' yas zhing dang phyogs rnams thams cad du yang 'gro/ /de ltar ye shes dbang bsgyur 'gro zhing bskal pa bye ba khrag khrig zad byed kyang / /sgra rgyud shin tu phra ba gcig la zhugs par gnas las gar yang 'pho ba myed/ /'tsho ba'i 
don du sgyu mkhan gzugs rnams sna tshogs 'gro ba kun la ston byed kyang / /sgyu ma kun btsal gzugs su myi dmyigs gzugs yod ma yin par yang dmyigs pa myed/ /de ltar mkhas pa ye shes thabs dang shes rab rgya chen sgyu mar zhugs pa rnams/ /sprul pa 
phun sum tshogs pas 'jig rten phal chen khyab par byas shes rab tu ston/ /nyi ma zla ba mkha' la rgyu zhing mdzes la shin tu 'phags pa rnams/ /ma rnyogs chu rnams ji snyed dag tu snang yang de ni chu dang 'dres ma yin/ /de ltar chos nyid dag pa'i dkyil 'khor mchog la shes </font><hr>37-1-270b<br><font size=+1>
pas shin tu 'phags pa rnams/ /'gro ba dag pa'i sems kyi yul la snang yang 'gro ba dag dang mdzes ma yin/ /la la gnyid log rmyi lam dag na bya ba rnam pa sna tshogs tha dad byed/ /lo ni bye ba khrag khrig mang po zad par rmis kyang mtshan mo de ma zad/ /de ltar chos nyid rang bzhin 
mtshungs par rjes rtogs bya ba sna tshogs kun ston te/ /skad cig gcig la bskal pa bye ba zad byed de dag ye shes zad myi 'gyur/ /ri yi dbang po'i ri sul gnas pa 'jig rten dag dang mnyam du thos pa'i sgra/ /kun nas sgra'i sgra brnyan de dang 'dra bar brjod kyang rtog cing 
g.yo ba myed/ /de bzhin chos kyi rang bzhin shes pa'i khyu mchog byang chub sems dpa' mkhas pa dag /rtog pa myed par sems can sgra rnams ji snyed par ni chos dang spyod pa ston/ /dpyid zla dag gi smyig rgyu g.yos la ji ltar sems can chur ni 'du shes nas/ /
de nas chu rnyed myi 'gyur rab tung du myed cing je bas je skom rnam 'phel ba/ /de ltar mkhas pa thar la zhugs pa sems can dag gi nyon mongs g.yo ba rnams/ /shes pas rtogs nas sems can 'du shes bya myed phyir zhing bya ba rnam par 'phel/ /gzugs ni dbu ba 
lta bur khyu mchog ston te tshor ba chu'i chu bur 'dra/ /'du shes thams cad smyig rgyu lta bur rag las 'du byed chu skyes shing dang 'dra/ /sems ni sgyu 'dra bsgrub bya skyed byed de bzhin bya ba sna tshogs rab tu ston/ /de ltar phung po dgod pa ston kyang dbang bsgyur dag ni de la gnas 
pa myed/ /skye mched stong ba'i rang bzhin dbang myed 'khrul 'khor bya ba kun tu 'byin byed dang / /khams ni chos kyi dbyings mtshungs dngos po dag dang bral bar 'gro ba rnams la ston/ /dam pa'i don tshul zhi ba las ni bden pa sna tshogs rnams kyang rab tu ston/ /de ltar de 
dag chos tshul rnam par dgod pa ston pa byed kyang gnas pa myed/ /'ong ba myed cing phyogs su 'gro ba myed la rgyud du gnas myed pa'i/ /nyon mongs rgyu las byung ba'i las dang las las sdug bsngal de ltar lam gsum du/ /rkyen la rag las 'byung ba rnams dang yod dang </font><hr>37-1-271a<br><font size=+1>
myed las rab tu 'das pa yi/ /yang dag don dam dbu ma'i lam ni dngos po myed la gnas pa rab tu ston/ /skad cig gcig la dus gsum khong du chud kyang skad cig sna tshogs rnams kyang bstan/ /'dod dang gzugs myed khams kyi yul 
dang bya ba sna tshogs ston par byed/ /sdom pa gsum gyi spyod dang rab tu ldan zhing thar pa gsum yang rab tu ston/ /thams cad mkhyen pa nyid du gcig la theg pa gsum du rnam par dgod pa de bzhin ston/ /gnas dang gnas ma yin pa rab tu dbye ba'i chos dang dbang po pha rol 
phyin/ /khams dang mos pa dag dang nyon mongs rnam 'byed kun tu 'gro ba thob gyur pa/ /myig gi yul gyur sngon gyi gnas pa dran zhing nyon mongs zhi bar mkhas pa dag /sangs rgyas stobs bcu dag gis ye shes shin tu yangs kyang stobs la dmyigs pa myed/ /sangs 
rgyas thams cad rjes su dpog stong 'gro ba kun tu mngon sum chos bzhed de/ /nyon mongs zag pa lhan cig skyes pa myi mnga' byang ba'ang brnyes par 'gyur ba myed/ /'byung bas thugs su chud pa'i ye shes rgya chen des ni 'gro ba 'don pa mdzad/ /'di yi gnas la rgyal 
sras 'jigs pa myed cing 'on kyang zhi bar spyod pa myed/ /'khrul ba myi mnga' lam las g.yo ba'ang myi mnga' dgongs pa nyams pa 'ang mi mnga' ste/ /mos dang brtson 'grus ting 'dzin shes rab rnam par 'byed pa ye shes gang du 'ang nyams pa myed/ /thams cad mkhyen 
mdzad sdom pa gsum mdzad dus gsum kun la mngon sum mkhyen mnga' ba/ /'gro ba kun gyis ma thob byams pa'i chos nyid myi 'phrogs chags pa myed brnyes pa/ /chos sgo gang dag gis ni spyod pa 'di dag rab tu thob pa smra ba'i mchog /de dag yon 
tan mang po don gyis brgyan pa'i phyogs tsam bdag gis brjod par bya/ /de dag spyod pa bskal pa khrag khrig dag tu brjod kyang zad par myi nus te/ /'on kyang ji ltar sa las rdul 'dra ye shes spyod pa phyogs tsam brjod par bya/ /sangs rgyas ye shes rten ldan </font><hr>37-1-271b<br><font size=+1>
bsam pa thob pas ngo mtshar 'du shes gnas pa rnams/ /spyod pa mchog dang ldan zhing byams pa'i rjes song brtson 'grus brtan pas rnam gnon cing / /tshul khrims myi g.yo dbugs phyin de dag 'gro ba thams cad yongs su smin par byed/ /lung bstan rab tu thob 
nas rgyal sras rnams kyi spyod pa tshul bzhin thob par byed/ /sangs rgyas yon tan dag la zhugs kyang sems can sems dang zhing la sems pa byed/ /bskal pa'i dus la 'jug pa'i ye shes ldan zhing mkhas pa skyo ba'i 'du shes myed/ /gzungs kyi tshul 
dang yang dag tha dad stobs rnams thob cing yang dag don gyis rgal/ /bstan pa mtshungs myed sems kyis mkhas pa byang chub zhi ba rnam par 'tshang yang rgya/ /sems kyi spyod pa thams cad bzang po'i yon tan spyod pa'i mchog tu smon par byed/ /snying rje'i rkyen dang 
byams pa mchog sten byang chub dam pa spyod par byed dang ldan/ /brtson pas pha rol phyin rtogs rab tu mkhas shing skyo ba'i pha rol phyin gyur pas/ /khyu mchog mos dang rab tu rtogs pa'i stobs thob byang chub dam pa mngon 'tshang rgya/ /mnyam pa nyid kyis mnyam pa thob 
cing ye shes tshul gyis chos mchog ston byed pa/ /yon tan thob byed spobs dang ldan pa de dag chos kyi dbang phyug mchog tu 'gyur/ /dbang la gnas kyang gnas pa myed pas mnyam pa myed pa'i sems kyi 'brug sgra sgrog /ye shes mchog dang de bzhin sprul 
pa sgrub cing byang chub nye bar 'gro/ /mkhas pa de dag bskal pa 'byam klas byin rlabs shes pas dbugs phyin rab tu 'thob/ /zab la gnas pas brtan par 'gro na gnas shing nem nur bstsal bas mkhas pa rnams/ ye shes bsam gyis mi 
khyab chos kyi dgongs pa mkhas shing rnam phye pha rol phyin/ /snyoms par 'jug pa'i ye shes yul la zhugs nas thams cad mkhyen par 'tshang yang rgya/ /ye shes rnam thar kun gyi pha rol phyin cing mngon par shes pas rnams par rtsen/ /rig pa'i snang </font><hr>37-1-272a<br><font size=+1>
ldan rnam grol nyon mongs bral bas 'gro la skyed mos tshal dang 'dra/ /gang la dkar ba'i spyod pa'i gzhal myed khang mdzes sna tshogs spyod pa ston pa po/ /'gro ba kun la rgyan rnams du ma rab tu ston kyang sems las g.yo ba myed/ /
bsam pa shin tu shes pas brtan pa rab tu mkhas shing pha rol phyin gyur pas/ /mkhas pa dag ni dag cing sbyangs pa'i byang chub phyag rgya snang ba'i ye shes kyis/ /'gro ba dag dang myi mtshungs zhum myed khyu mchog lhag pa'i bsam pa ri bo 'dra/ /ye shes rgya mtsho 'dra dang 
yon tan myi zad don du spyod pa chen po spyod/ /de dag rin chen 'dra ba'i gnas la rdo rje lta bu'i go cha bgos pas gnas/ /shin tu rgya chen rtsom la rab tu mkhas shing 'gro ba kun na thub myed pa/ /byang chub mchog tu lung bstan skyon myed khong du chud pa'i rgya chen 
sems la gnas/ /sangs rgyas gter mchog mi zad thob nas thams cad mkhyen pa nyid du 'tshang rgya'o/ /rtag tu kun rdzob shes pas dbang 'gyur rnam par 'phrul pa rnams la mkhas pas na/ /zhing rnams kun dang chos kyi yul la rnam par 'phrul 
ba'i ye shes rgyud la gnas/ /lus dang smon lam spyod yul ye shes rnam par 'phrul pa la yang de bzhin te/ /'gro ba dag la rnam par rtse ba bye ba khrag khrig du ma mang po ston/ /mngon par shes pa'i rdzu 'phrul stobs kyis rnam par 'phrul zhing nges par rnam par 
rtse/ /khyu mchog de dag sangs rgyas yul la stobs thob 'gro ba kun gyis thub pa myed/ /mkhas pa 'jigs pa myed dang bag tsha myed dang ma 'dres rnams kyis shin tu brgyan/ /sangs rgyas sras dag las rnams thams cad byed cing shin tu mdzes pa'i lus dang 
ldan/ /de dag lus kyi las kyi dngos po shin tu rgya che dag kyang dag cing dge /de yang 'byin pa'i tshe na rgyal bas byin gyis brlabs shing las ni mchog kyang byed/ /dam pa de dag sems bskyed gcig la sems rgyas byed pa'i sems kyang rab tu ston/ /rgyal </font><hr>37-1-272b<br><font size=+1>
ba'i dbang po thob pas rtag tu dbang po'i ting 'dzin dbang la rab tu gnas/ /bsam pa dag cing g.yo sgyu rnams dang bral te lhag pa'i bsam pa mngon sum gyur/ /mos pa'i 'jug pa rnam pa sna tshogs tha dad 'gro ba dag la rab tu ston/ /bag chags thams 
cad spangs nas spyod pa dam pa rab tu 'dzin/ /nan tan bya ba grub pa'i ye shes mkhas pas thams cad mkhyen pa 'tshang yang rgya/ /bsam pa rnam par spangs nas de dag skyon med gnas pa zhi ba'i mchog kyang thob/ /mkhas pa 'di lam shin tu bslabs pa de dag ming ni 
yon tan sgo nas grags/ /mtha' yas sems kyi yul ldan gnas pa myed par lam rnams yang du sgom pa byed/ /ye shes tshul la gnas shing 'gro ba rnams la lam gyi rgyan rnams shin tu ston/ /spyod pa lag pa lta bu dga' dang ldan pa lto yin snying po ye shes mchog /
snying ni rdo rje lta bu snying rje'i go bgos ye shes gdab pa'i mtshon cha yin/ /shes rab mgo ste chos rtogs myig yin byang chub spyod pa yang ni rna ba yin/ /tshul khrims dag cing nyon mongs myed la gtsang ste mun pa zhi byed sna yin te/ /spobs pa lce yin lus ni rig pa yin 
te sems ni ye shes dam pa yin/ /spyod pa rgyu ba yin te byang chub shing gnas seng ge'i khri ni 'dug pa yin/ /tshangs pa'i lam rnams dag ni lam yin stong pa chags myed dam pa spyod yul lo/ /gang gi de dag snang bar 'gyur ba'i snang ba bde bar gshegs kyi ye 
shes yul/ /sems can spyod la rnam par lta ba ye shes mchog ste rnam pa sna tshogs bsgyings/ /sems can dben zhing chags dang bral ba'i sbyin pa bsnyems pa myed pa'i tshul khrims dang / /bzod pa mi 'khrug brtson 'grus myi ldog dbang bsgyur ba ni bsam gtan 
dam pa yin/ /rgyu ba myed cing nam mkha' 'dra ba shes rab byams pa sems can rnam par 'dren/ /skyo med snying rje rnam dag chos ni dga' ba nyon mongs gnas las btang yang snyoms/ /don ni zhi ba chos kyi yul la nye bar 'gro ba bsod nams 'gro la bsngos/ /ye shes </font><hr>37-1-273a<br><font size=+1>
tshogs ni ral gyi rnon po lta bu snang ba chen po rig pa ste/ /'gro ba rnams la thos pa ston pas mi ngoms bskal par 'dren kyang 'jigs pa myed/ /nan tan byed la gnas te bdud rnams btul nas bdud kyi lam yang rab tu bcad/ /rgyal ba 
rnams kyi 'phrin las gang yin ye shes spyod dang lhag pa'i bsam pas 'dzin/ /nga rgyal las rnams rnam par spangs te rtag tu ye shes kyi 'ang bya ba byed/ /bdud rnams byin gyi rlabs bcom mkhas pa de dag sangs rgyas byin gyi rlabs kyis 'phags/ /chos kyi byin 
gyi rlabs thob blo gros chen po 'chang ba lha yi gnas su 'dod/ /lha rnams byas te 'chi 'phos song nas mchog gi mngal ni shin tu phra bar 'gro/ /skye ba mchog ni nye bar bstan nas mchog gi gom pa bdun ni 'dor bar byed/ /mkhas pa de dag sems can kun la 
bzo dang spyod dang btsun mo'i 'khor kyang ston/ /chags pa myed par mngon par byung nas byang chub shing drung chos kyi rgyan kyang byed/ /stong pa'i bstan las 'od zer dra ba yangs pa bkye zhing yang dag bskul ba byed/ /bdud rnams btul te byang chub go 'phang sangs rgyas 
chos kyi 'khor lo rab tu skor/ /sangs rgyas sa yang rab tu bstan nas 'dren pa de dag mtshungs pa myed par bzhud/ /gang gis mkhas pa bskal pa bye bar rnam par rtse zhing yang dag byung gyur nas/ /sems can bye ba khrag khrig stong phrag du ma sangs rgyas yon 
tan rab 'god kyang / /rnam pa kun tu sems can myi gnas chos lam yin spyod lam yin pa'i/ /de dag gi ni spyod pa 'di 'dra mtha' yas shin tu rgya chen mdor bstan to/ /de 'dra'i spyod dang ldan pa'i ye shes khyu mchog rdzu 'phrul dag gis rnam par rtse/ /zhing 
rnams bye ba stong yang skra rtse gcig la bskal pa khrag khrig brgyar 'dzin te/ /lag tu khyer te zhing rnams bye bar 'gro yang lus la ngal dub gang yang myed/ /mkhas pas khyer nas ji lta'i gnas su bkod kyang 'gro ba dag la gnod pa myed/ /'jig rten mkhyen pa'i zhing </font><hr>37-1-273b<br><font size=+1>
gi rgyan rnams ji snyed rnam pa tha dad bstan pa dag /kun kyang ba spu gcig gi bu gar khyu mchog de dag yang dag rab tu ston/ /mkhas pa ba spu'i bu gar rgya mtsho'i chu rnams ma lus khong chud rab ston kyang / /'phel zhing 'grib myed 'gro ba dag la gnod par 'gyur myed bya 
ba de yang ston/ /khor yug khrag khrig shin tu phra ba'i rdul byas lag gis bsdus khyer zhing / /zhing rnams khrag khrig bye ma snyed du 'dor byed gcig tu gnyis kyang gzhog mi byed/ /zhing rnams de dag rdul du byas te de bzhin gzhan yang rnam par 'jig byed 
de/ /de 'dra'i rjes su dpag pa zad par gyur kyang 'jug pa de dag mi zad do/ /'jig rten kun gyi nyi ma zla ba skar ma gang dag stong rnams ji snyed dang / /gang yang nor bu'i 'od dang mye yi 'od dang gang na gang rnams lha dbang 'od/ /mang po de dag rab tu 'das 
pa'i 'od zer khrag khrig spu gcig khung nas 'gyed/ /'jig rten kun gyi ngan song sdug bsngal zhi bar byed cing chos kyi dam pa ston/ /'gro ba ma lus sgra yi rnam pa sna tshogs skad rnams thams cad ji snyed pa/ /khyu mchog de dag tshig gcig rab tu 
brjod pas sgra rnams thams cad tshang bar brjod/ /srog chags bye ba rnams kyis yid du 'ong ba'i sgra thos dga' zhing mgu bar 'gyur/ /rgyal bas bstan pa'i chos kyi rnam pa ji snyed thams cad de las thos par 'gyur/ /gang yang ji snyed 'das pa'i 
bskal pa yod pa de dag ma 'ongs bskal par ston/ /gang yang ma 'ongs pa dang da ltar byung ba ji snyed de dag 'das par ston/ /khyu mchog dag ni zhing rnams 'tshig dang gnas pa rnam pa tha dad ston par byed/ /'gro ba ji snyed thams cad mkhas pa de dag skra rtse gcig 
la rab tu 'god/ /'das dang ma byon pa dang phyogs bcu kun na bzhugs pa'i rgyal ba ji snyed pa/ /de dag thams cad rang gi lus las ma nor dbang bsgyur rnam par 'phrul ba ston/ /sprul pa'i byin gyi rlabs la shes pa'i mkhas pa de dag 'gro ba ji snyed sems/ /</font><hr>37-1-274a<br><font size=+1>
de snyed lus rnams rdul dang bral ba ston kyang lus la gnas pa gang yang myed/ /lam rgyud drug po gang rnams ji snyed yod pa'i 'gro ba kun gyi lus bsdus shing / /brgya byin tshangs pa 'jig rten mgon po rnams dang de bzhin lha dang 
myi yi rnams/ /gang yang nyan thos rang rgyal rnams la dad cing sangs rgyas sku la mos pa la/ /sangs rgyas byang chub 'grub pa'i spyod pa dag dang thams cad mkhyen pa'i spyod pa ston/ /'gro ba kun gyi 'du shes dra ba rab dang 'bring dang tha mar 'jug pa rnams/ /
thams cad shes shing byin rlob byang chub 'tshang rgya zhing rnams kun kyang rab tu ston/ /'du shes dra ba rnams sgoms blo ldan 'jig rten 'du shes rnams la dbang bsgyur ba/ /bya ba dang ni sbyor ba ji snyed pa dang dkon mchog byang chub spyod pa ston/ /de dag de dang 
rnam par 'phrul pa shin tu rgya chen dam pa gzhan yang ston/ /de dag gang la 'jig rten sa myin pa dang yul myin de dag bya ba ston/ /ston kyang lta ba lhur len ma yin gzhan yang phyir zhing gong du ston pa byed/ /de dag sems can rnams kyi bsam pa ji bzhin spyod pa ji bzhin yang dag 
'jug /lus ni nam mkha' lta bu dag dang yid la chags myed 'jig rten gsum gyi gtso/ tshul khrims spos kyi byug pa rab tu zhi ba gos yin yon tan sna tshogs rgyan/ /chos kyi go 'phang skyon myed thob cing thams cad mkhyen pa yid bzhin nor bu ste/ /bde gshegs kun gyi 
ye shes dbang bskur thams cad mkhyen pa'i rgyal po'i thabs la gnas/ /pha rol phyin pa rtag 'byung 'khor lo yin te glang po mngon par shes pa mchog /ye shes rdzu 'phrul rta ste chags pa myed 'gro shes rab nor bu dam pa yin/ /spyod pa btsun mo bzang mo bsdu ba rnam pa bzhi po khyim bdag dam pa'o/ /
thabs la shin tu mkhas pa blon po yin te mkhas pa de dag 'khor los sgyur/ /stong pa khyim ste ting 'dzin grong khyer mchog yin byams dang snying rje'i go ca'o/ /shes rab ral gyi yin te dran pa gzhu mdzes dbang po rno ba mda' yang yin/ /'jig rten mkhyen pa rnams kyi byin gyi rlabs ni </font><hr>37-1-274b<br><font size=+1>
gdugs te ye shes rgyal mtshan bsgreng / /de dang de dag bzod pa'i stobs kyis bdud kyi dpung dang sde rnams 'dus pa 'joms/ /gzungs ni sa ste byang chub spyod pa chu klung ye shes lu ma shes rab shing / /me tog byang chub yan lag ting nge 'dzin ni rta ste rdzu 'phrul 
rnam par brgyan/ /stong pa rnam thar brgyad pa rdzing bu yin te rnam par dpyod pa bzang mo btsun mo yin/ /thar ba bdud rtsi bza' ba yin te chos ni btung ba theg pa gsum gyis rtse/ /de dag spyod pa de 'dra yid 'ong khyad par 'phags te de bas gong du mang / /gang gis 
bskal pa bye ba khrag khrig stong du skyo ba yongs su myi skyo bar/ /ston pa mchod cing rnam dag zhing la brtson pas 'gro ba ye shes mchog la 'god/ /kha na ma tho kun myed ye shes rab gnas thams cad mkhyen pa nyid rgyas byed/ /zhing rnams rdul gyi 'brur blags re re nas kyang 
bgrang zhing brtsi bar nus gyur la/ /bar snang mkha' chen 'di yang skra yis gzhal te zad par bya bar nus srid de/ /skad cig gcig la 'gro ba rnams kyi sems ni bgrang tshul shes par nus srid kyi/ /sangs rgyas sras rnams spyod pa dag ni bskal pa brgyar 
brjod zad par myi nus so/ /gang zhig yon tan rnam dag 'di dag 'thob par 'dod cing gong du gzhan 'dod dang / /gang zhig sdug bsngal rnams las 'gro bar thar byas bde la 'god pa dang / /gang zhig bde bar gshegs pa'i sku gsung thugs dang mnyam du 
'gyur bar 'dod pa dag /des ni rdo rje lta bur brtan pa'i sems su gyis te yon tan bslab par byos/ /shin tu rgyas pa chen po'i mdo sangs rgyas phal po che zhes bya ba las/ 'jig rten las 'das pa'i le'u ste/ bzhi bcu rtsa bzhi pa'o// //
sangs rgyas rmad gcad ces bya ba shin tu rgyas pa chen po'i mdo/bam po nyi shu bzhi pa/ bcom ldan 'das mnyan du yod pa'i dze ta'i tshal skyabs myed pa la zas sbyin gyi kun dga' ra ba'i nang pho brang brtsegs pa rgyan chen po can na/ byang chub sems dpa' </font><hr>37-1-275a<br><font size=+1>
kun tu bzang po dang 'jam dpal la stsogs pa 'di lta ste/ byang chub sems dpa' sems dpa' chen po shes pa dam pa'i ye shes dang / brtan pa dam pa'i ye shes dang / chags myed dam pa'i ye shes dang / me tog dam pa'i ye shes dang / 
nyi ma dam pa'i ye shes dang / zla ba dam pa'i ye shes dang / dri myed dam pa'i ye shes dang / rdo rje dam pa'i ye shes dang / rdul myed dam pa'i ye shes dang / byang chub sems dpa' rnam par snang ba dam pa'i chos ye shes dang / byang chub sems dpa' skar ma'i rgyal 
mtshan dang / ri rab rgyal mtshan dang / rin chen rgyal mtshan dang / chags myed rgyal mtshan dang / me tog rgyal mtshan dang / dri myed rgyal mtshan dang / nyi ma'i rgyal mtshan dang / mdzes pa'i rgyal mtshan dang / rdul myed rgyal mtshan dang / byang 
chub sems dpa' rnam par snang ba'i rgyal mtshan dang / byang chub sems dpa' rin chen gzi brjid dang / blo gros chen po'i gzi brjid dang / ye shes rdo rje'i gzi brjid dang / dri ma myed pa'i gzi brjid dang / chos kyi nyi ma'i gzi brjid dang / bsod 
nams ri bo'i gzi brjid dang / ye shes snang ba'i gzi brjid dang / kun nas dpal gyi gzi brjid dang / kun nas 'od dpal gzi brjid dang / byang chub sems dpa' phyogs bcu snang bas rgyas par 'gengs pa'i gzi brjid dang / byang chub sems dpa' 
sa'i snying po dang / nam mkha'i snying po dang / pad+ma'i snying po dang / rin po che'i snying po dang / nyi ma'i snying po dang / yon tan rnam dag snying po dang / chos rgya mtsho'i snying po dang / rnam par snang ba'i snying po dang / gtsug gi snying po dang / byang chub 
sems dpa' pad+mo dpal gyi snying po dang / byang chub sems dpa' bzang po'i myig dang / rnam par dag pa'i myig dang / dri ma myed pa'i myig dang / chags pa myed pa'i myig dang / kun nas lta ba'i myig dang / shin tu rnam par lta ba'i myig dang / ut+pa la'i </font><hr>37-1-275b<br><font size=+1>
myig dang / rdo rje'i myig dang / rin po che'i myig dang / byang chub sems dpa' nam mkha'i myig dang / byang chub sems dpa' lha'i cod pan dang / chos kyi dbyings snang ba'i blo gros cod pan dang / byang chub dam pa'i cod pan dang / phyogs rnam par snang ba'i cod pan dang / 
sangs rgyas thams cad yang dag par 'byung ba'i snying po'i cod pan dang / 'jig rten thams cad las mngon par 'phags pa'i cod pan dang / kun nas rnam par snang ba'i cod pan dang / zil gyis non pa myed pa'i cod pan dang / de bzhin gshegs pa thams cad kyi seng 
ge'i khri 'dzin pa'i cod pan dang / byang chub sems dpa' chos kyi dbyings nam mkha' kun nas snang ba'i cod pan dang / byang chub sems dpa' tshangs pa'i dbang po'i gtsug phud dang / klu'i dbang po'i gtsug phud dang / sangs rgyas thams cad kyi sprul pa snang ba'i gtsug phud 
dang / byang chub dam pa'i gtsug phud dang / smon lam rgya mtsho thams cad rab tu sgrog pa'i rin chen rgyal po'i gtsug phud dang / de bzhin gshegs pa thams cad kyi 'od kyi dkyil 'khor rab tu 'gyed pa'i nor bu rin chen 'brug sgra'i gtsug phud dang / nam mkha'i 
dbyings thams cad tha myi dad par rnam par dmyigs pa'i rin chen rgyal pos brgyan pa'i gtsug phud dang / de bzhin gshegs pa thams cad rnam par 'phrul pa snang ba'i rgyal mtshan dang / rin po che'i rgyal po dra bas kun nas yog pa'i gtsug phud dang / de bzhin 
gshegs pa thams cad kyi chos kyi 'khor lo sgrog pa'i gtsug phud dang / byang chub sems dpa' dus gsum gyi mying thams cad rab tu sgrog pa'i gtsug phud dang / byang chub sems dpa' rgya chen po'i 'od dang / gzi brjid dri ma myed pa'i 'od dang / rin po che'i 
'od dang / rdul dang bral ba'i 'od dang / skar ma'i 'od dang / chos kyi 'od dang zhi ba'i 'od dang / nyi ma'i 'od dang rnam par 'phrul pa'i 'od dang / byang chub sems dpa' lha'i 'od dang / byang chub sems dpa' bsod nams dpal dang / ye shes dpal dang /</font><hr>37-1-276a<br><font size=+1>
chos kyi dpal dang / mngon par shes pa'i dpal dang / 'od kyi dpal dang / me tog dpal dang / rin po che'i dpal dang / byang chub kyi dpal dang / tshangs pa'i dpal dang / byang chub sems dpa' kun nas snang ba'i dpal dang / byang chub 
sems dpa' tshangs pa'i dbyangs dang / rgya mtsho'i dbyangs dngas sgra'i dbyangs dang / 'jig rten dbang po'i dbyangs dang / ri dbang rgyal po 'thab pa'i dbyangs dang / chos kyi dbyings kun tu rgyas pa'i dbyangs dang / chos rgya mtsho thams cad rab tu sgrog pa'i dbyangs dang / 
bdud kyi dkyil 'khor thams cad rab tu 'dul ba'i dbyangs dang / snying rje chen po'i tshul gyi sprin rab tu sgrog pa'i dbyangs dang / byang chub sems dpa' 'gro ba thams cad sdug bsngal rab tu zhi bar bya ba'i dbugs 'byin pa'i dbyangs dang / byang chub sems dpa' 
chos kyis 'phags pa dang / khyad par gyis 'phags pa dang / ye shes kyis 'phags pa dang / bsod nams ri bos 'phags pa dang / yon tan gyi tshogs kyis 'phags pa dang / grags pas 'phags pa dang / kun tu snang bas 'phags pa dang / byams 
pa chen pos 'phags pa dang / ye shes rgya mtshos 'phags pa dang / byang chub sems dpa' de bzhin gshegs pa'i rgyud kyi gdung gis 'phags pa dang / byang chub sems dpa' 'od kyi dpal dang / mchog gi dpal dang / kun tu 'phags pa'i dpal 
dang / rnam par snang ba'i dpal dang / chos kyi dpal dang / zla ba'i dpal dang / nam mkha'i dpal dang / rin po che'i dpal dang / dpal gyi dpal dang / byang chub sems dpa' ye shes kyi dpal dang / byang chub sems dpa' ri'i dbang po'i rgyal po dang / 
chos kyi dbang po'i rgyal po dang / 'gro ba'i dbang po'i rgyal po dang / tshangs pa'i dbang po'i rgyal po dang / tshogs kyi dbang po'i rgyal po dang / lha'i dbang po'i rgyal po dang / zhi ba'i dbang po'i rgyal po dang / mi g.yo ba'i dbang po'i rgyal po dang / khyu mchog gi dbang </font><hr>37-1-276b<br><font size=+1>
po'i rgyal po dang / byang chub sems dpa' mchog gi dbang po'i rgyal po dang / byang chub sems dpa' rab tu zhi ba'i sgra dang / chags pa myed pa'i sgra dang / sa'i dbyangs kyi sgra dang / rgya mtsho'i 'brug gi sgra dang / sprin gyi dbyangs kyi sgra dang / chos snang ba'i 
sgra dang / nam mkha'i dbyangs kyi sgra dang / sems can kun gyi dge ba'i rtsa ba rab tu sgrog pa'i sgra dang / sngon gyi smon lam yongs su bskul ba'i sgra dang / byang chub sems dpa' bdud kyi dkyil 'khor bcom zhing myed par byed pa'i sgra dang / byang chub sems dpa' 
rin po che'i blo dang / ye shes ri bo'i blo dang / nam mkha'i blo dang / dri ma myed pa'i blo dang / chags pa myed pa'i blo dang / rnam par sangs rgyas pa'i blo dang / dus gsum snang ba'i blo dang / yangs pa'i blo dang / kun tu snang ba'i blo dang / byang chub sems dpa' 
chos kyi dbyings su snang ba'i blo dang / de dag la stsogs pa byang chub sems dpa' lnga stong tsam ste/ kun kyang byang chub sems dpa' kun tu bzang po'i spyod pa dang / smon lam gyis byung ba sangs rgyas kyi zhing thams cad rgyas par 'gengs pas/ chags pa 
myed pa'i spyod yul can/ de bzhin gshegs pa thams cad kyi drung du 'dong bas lus mtha' yas pa'i byin gyi rlabs dang ldan pa/ sangs rgyas thams cad kyi rnam par 'phrul pa yongs su bstan pa rnam par dmyigs par bya 
ba la bsgrib pa myed pa'i myig gi dkyil 'khor rnam par dag pa/ de bzhin gshegs pa thams cad mngon par 'tshang rgya ba'i tshe/ nye bar 'dong ba rgyun myi gcod pas/ tshad myed par phyin pa/ chos rgya mtsho'i tshul thams cad la ye shes snang ba/ rab tu thob 
pas snang ba mtha' yas pa dang ldan pa/ so so yang dag par rig pa rnam par dag pas bskal pa mtha' yas par shin tu ston pa myi zad pa 'gro ba'i bsam pa ci lta ba bzhin du gzugs kyi lus yongs su ston pas nam mkha'i dbyings kyis klas pa'i ye shes kyi spyod </font><hr>37-1-277a<br><font size=+1>
yul rnam par dag cing myi gnas pa/ sems can gyi khams sems can myed pa dang / srog myed pa yongs su shes pas rab rib myed pa/ chos kyi dbyings thams cad du 'od zer gyi dra bas rgyas par 'gengs pas nam mkha' 
dang mnyam pa sha stag dang thabs gcig tu bzhugs so/ /nyan thos rdzu 'phrul chen po dang ldan pa lnga brgya ste/thams cad kyang bden pa'i tshul gyi rang bzhin mngon par khong du chud pa/ yang dag pa'i mtha' mngon sum du gyur pa/ chos kyi rang bzhin la zhugs pa/ srid 
pa'i rgya mtsho las gyen du 'phags pa/ de bzhin gshegs pa'i tshogs su 'gyur ba'i spyod yul can kun nas sbyor ba dang / bag la nyal ba dang bcings pa rnam par bzlog pa/ chags pa myed pa'i gnas la brten pa/ nam mkha' ltar zhi ba la rnam par spyod pa/ 
sangs rgyas la the tsom dang nem nur dang / yid gnyis yongs su chad pa/ sangs rgyas kyi ye shes rgya mtsho la mos pa'i lam du zhugs pa sha stag dang / 'jig rten gyi dbang po sngon gyi rgyal ba la bya ba byas pa/ 'gro ba thams cad la phan pa dang / bde ba'i don du 
zhugs pa/ gsol ba ma btab par dge ba'i bshes gnyen du gyur pa/ sems can gzhan bsrung ba la zhugs pa/ 'jig rten thams cad las 'phags pa'i khyad par dang ldan pa'i ye shes kyi sgo la zhugs pa/ sems can thams cad yongs su myi gtong 
pa'i sems dang ldan pa/ sangs rgyas thams cad kyi bstan pa'i spyod yul la byung ba de bzhin gshegs pa'i bstan pa yongs su bsrung ba la zhugs pa/ sangs rgyas kyi rigs yang dag par gzung ba'i smon lam gyis yang dag par skyes pa/ de bzhin 
gshegs pa'i gdung gi rgyud du 'byung ba mngon du gyur pa/ thams cad mkhyen pa nyid la mngon par mos pa sha stag dang yang thabs gcig go /de nas byang chub sems dpa' 'khor dang bcas pa de dag dang / nyan thos rdzu 'phrul chen po dang ldan pa/</font><hr>37-1-277b<br><font size=+1>
de dag dang 'jig rten gyi dbang po 'khor dang bcas pa de dag 'di snyam du gyur te/ de bzhin gshegs pa'i yul dang de bzhin gshegs pa'i ye shes kyi spyod yul dang / de bzhin gshegs pa'i byin gyi rlabs dang / de bzhin 
gshegs pa'i stobs dang / de bzhin gshegs pa'i myi bsnyengs pa dang / de bzhin gshegs pa'i ting nge 'dzin dang / de bzhin gshegs pa'i rnam par spyod pa dang / de bzhin gshegs pa'i mnga' dang / de bzhin gshegs pa'i ye shes dang / de bzhin 
gshegs pa'i byin gyi rlabs dang / de bzhin gshegs pa'i rnam par 'phrul pa dang / de bzhin gshegs pa'i mthu dang / de bzhin gshegs pa'i sngon gyi smon lam dang / sngon legs par spyad pa'i dge ba'i rtsa ba dang / dge ba'i bshes gnyen gyi skyabs dang / dad pa'i myig yongs su dag pa dang / rgya 
chen po la mos pa'i snang ba rab tu thob pa dang / byang chub sems dpa'i lhag pa'i bsam pa rnam par dag pa dang / bsam pa thag pa'i thams cad mkhyen pa nyid du smon cing yang dag par zhugs pa ma gtogs par lha dang bcas pa'i 'jig rten gyis 'jug pa'am/ 
khong du chud pa'am yid ches pa'am/ yongs su shes pa'am/ rnam par rtog pa'am/ gzung ba'am rnam par dpyad pa'am/ rnam par bsgom pa'am/ rnam par dbye ba'am/ rnam par dgrol ba'am/ rab tu brjod pa'am/ sems can pha rol gyi rgyud du phyin par bya bar ni myi 
nus na/ bcom ldan 'das nyid kyis bdag cag byang chub sems dpa' rnams kyi bsam pa'i tshul ji lta ba dang / sems can bsam pa rnam pa tha dad pa dang / mos pa sna tshogs dang / shes pa sna tshogs kyi tshigs dang / brda sna tshogs su gyur pa/ dbang bsgyur ba'i sa 
gzhan dang / gzhan la gnas pa dbang po sna tshogs su rnam par dag pa/ bsam pa dang sbyor ba rnam pa gzhan dang gzhan can/ sems dang bsam pa'i yul gzhan dang gzhan can/ de bzhin gshegs pa'i yon tan gzhan dang gzhan la gnas pa/ chos </font><hr>37-1-278a<br><font size=+1>
bstan pa gzhan dang gzhan la mos pa dag la sngon thams cad mkhyen pa nyid du zhugs pa lta 'ang yang dag par bstan grang / sngon byang chub sems dpa'i smon lam mngon par bsgrub pa lta 'ang yang dag par bstan grang / sngon gyi byang chub sems 
dpa'i pha rol tu phyin pa'i dkyil 'khor yongs su dag pa lta'ang yang dag par bstan grang / sngon gyi byang chub sems dpa'i sa yongs su mnan pa'i rnam par 'phrul pa lta'ang yang dag par bstan grang / sngon byang chub sems dpa'i spyod pa'i dkyil 'khor mngon par 
bsgrub pa yongs su rdzogs par mdzad pa lta'ang yang dag par bstan grang / sngon gyi byang chub sems dpa'i tshul mngon par bsgrub pa rnam par phye ba'i snang ba lta'ang yang dag par bstan grang / sngon byang chub sems dpa'i lam gyi rgyan yongs su dag par mdzad pa 
lta'ang yang dag par bstan grang / sngon byang chub sems dpa'i 'byung ba'i tshul rgya mtsho mngon par bsgrub pa lta'ang yang dag par bstan grang / sngon gyi byang chub sems dpa'i yang dag par bsgrub pa dang / rnam par 'phrul pa'i rgyan phun sum tshogs pa lta'ang 
yang dag par bstan grang / byang chub sems dpa'i sngon gyi sbyor ba rgya mtsho lta'ang yang dag par bstan grang / mngon par rdzogs pa'i byang chub kyi sgos rnam par 'phrul pa lta'ang yang dag par bstan grang / de bzhin gshegs pa'i chos kyi 'khor lo rab tu bskor /
ba'i rnam par 'phrul pa dang / khyu mchog gi mthu lta'ang yang dag par bstan grang / de bzhin gshegs pa'i sangs rgyas kyi zhing yongs su dag pa dang rnam par 'phrul pa lta'ang yang dag par bstan grang / de bzhin gshegs pa'i sems can gyi khams 'dul ba'i 
thabs kyi sgo lta'ang yang dag par bstan grang / de bzhin gshegs pa thams cad mkhyen pa nyid kyi chos kyi grong khyer la mnga' mdzad pa lta 'ang yang dag par bstan grang / de bzhin gshegs pa sems can thams cad kyi lam snang bar mdzad pa lta'ang yang dag par </font><hr>37-1-278b<br><font size=+1>
bstan grang /de bzhin gshegs pa sems can thams cad kyi gnas su gshegs shing rnam par 'phrul pa mdzad pa lta'ang yang dag par bstan grang / de bzhin gshegs pa sems can thams cad kyi yon pa zhes pa mdzad pa lta'ang yang dag par bstan grang / de bzhin gshegs 
pa sems can thams cad kyi bsod nams dang yon tan ston pa'i cho 'phrul mdzad pa lta'ang yang dag par bstan grang / de bzhin gshegs pa sems can thams cad kyi sems kyi tshul la sangs rgyas kyi gzugs brnyan dmyigs pa mdzad pa lta'ang yang dag par bstan 
grang/ de bzhin gshegs pa sems can thams cad la/ rnam par 'phrul pa'i cho 'phrul mdzad pa lta'ang yang dag par bstan grang / de bzhin gshegs pa sems can thams cad la yongs su bstan pa dang / rjes su bstan pa'i cho 'phrul mdzad pa lta'ang yang 
dag par bstan grang / de bzhin gshegs pa sems can thams cad la sangs rgyas kyi ting nge 'dzin gyi spyod yul bsam gyis myi khyab pas rnam par 'phrul pa mdzad pa lta 'ang yang dag par bstan grang snyam pa dang / de nas bcom ldan 'das kyis byang chub sems 
dpa' de dag gi sems kyi yongs su rtog pa thugs kyis mkhyen nas/ seng ge rnam par bsgyings pa zhes bya ba'i ting nge 'dzin nam mkha' dang mnyam pas dpe myed pa 'gro ba thams cad du rnam par snang ba'i rgyan dang ldan pa/ thugs rje chen po'i sgo'i rang 
bzhin can/ thugs rje chen po'i sgo dang ldan pa/ thugs rje chen po sngon du 'gro ba/ thugs rje chen po'i chos can la mnyam par gzhag go /bcom ldan 'das kyi de ltar mnyam par bzhag ma thag tu pho brang brtsegs pa rgyan chen po can yang mtha' dang dbus 
myed par yangs shing rdo rje thub pa myed pa'i rgyal mtshan gyis sa'i gzhi rab tu bkod pa dang / nor bu rin po che'i rgyal po thams cad kyi dra ba kun tu bkram pa/ rin po che du ma'i me tog sil mas chal bar gang ba/ nor bu rin po che dam pa mdzes par bkram pa </font><hr>37-1-279a<br><font size=+1>
dang / baiDUr+ya'i ka bas mdzes par byas pa/ rin po che'i rgyal po 'gro ba rnam par snang bas rgyan shin tu rnam par phye ba/ rin po che bzang po mang po dang ldan pa'i nor bu rin po che 'dzam bu'i chu klung gi phung pos shin tu brgyan pa dang / rin po 
che thams cad las sgo gang dang / rta babs dang / pu shu dang / skar khung byas shing khri 'phang grangs myed pa rnam par dag pas brgyan pa dang / 'jig rten gyi dbang po thams cad dang 'dra ba'i nor bu rin po che'i rgyan dang ldan pa dang / 'gro ba rgya mtsho'i nor bu rin po che rnam 
par phye ba dang / nor bu rin po che thams cad kyi dra bas kun nas yog pa'i gdugs dang / rgyal mtshan rab tu bsgreng ba dang / sgo dang rta babs thams cad las 'od zer chos kyi dbyings su rgyas par 'gengs pa rab tu 'byung bas rnam par mdzes par byas pa dang / 
phyi rol gyi 'khor gyi dkyil 'khor gyi sa'i gzhi stegs bu brjod du myed pas brgyan pa dang / phyogs kun nas them skas kyi phreng ba nor bu rin po ches brtsegs shing shin tu rnam par phye bas rab tu mdzes par kun nas gnas par gyur to/ /dze ta'i tshal thams cad 
kyang chu zheng gab par shin tu yangs shing rgya che bar kun nas gnas par gyur te/ sangs rgyas kyi mthus sangs rgyas kyi zhing brjod du myed pa'i rdul shin tu phra ba snyed kyi sangs rgyas kyi zhing rnams kyang chu zheng kun tu rgya che zhing yangs pa dang / rin po che thams cad kyi rgyan 
sna tshogs dang ldan zhing / sa'i gzhi nor bu rin po che sna tshogs brjod du myed pas kun nas grub pa dang / nor bu rin po che grangs myed pa'i ra bas kun nas bskor ba dang / rin po che sna tshogs kyi shing ta la'i phreng bas mdzes par brgyan par kun nas gnas par gyur to/ /
sangs rgyas kyi zhing de dag na spos chu'i chu klung tshad myed pa klong mtha' yas par 'khyil pa'i spos kyi chus yongs su gang ba/ rin po che sna tshogs kyi me tog mang po dang 'dres par gyur la g.yas phyogs su 'khyil cing 'bab pa/ sangs rgyas kyi chos thams cad dbyings </font><hr>37-1-279b<br><font size=+1>
su sgrog pas rab tu brgyan par dag kyang kun nas gnas par gyur to/ /rin po che'i me tog pun da ri ka'i phreng ba dang / rin po che'i shing gam yo rin po che thams cad kyi pad+mo rab tu rgyas shing / shin tu 'phags pas mdzes par brgyan pa dang / rin po 
che sna tshogs kyi khang pa brtsegs pa'i phreng ba bsam gyis myi khyab pa nor bu rin po che thams cad kyi dra bas kun nas yog pa nor bu rin po che grangs myed pa'i dra ba kun tu snang bas brgyan cing mdzes pa dang / nor bu rin po che'i gzhal myed khang nor bu rin po che 
thams cad kyis brgyan pa grangs myed pa spos thams cad kyi dad kun nas 'byung ba bdug spos kyi sprin gyi rgyan dang ldan pa dag kyang kun nas gnas par gyur to/ /rin po che'i rgyal mtshan grangs myed pa dang / gos kyi rgyal mtshan dang / ba dan gyi rgyal mtshan 
dang / rin po che'i snam bu'i rgyal mtshan dang / me tog gi rgyal mtshan dang / rgyan gyi rgyal mtshan dang / phreng ba'i rgyal mtshan dang / rin po che sna tshogs kyi dril bu'i rgyal mtshan dang / rin po che'i rgyal ba'i gdugs kyi rgyal mtshan dang / nor bu 
rin po che snang bas kun tu rgyas par 'gengs pa'i rgyal mtshan dang / nor bu rin po che'i rgyal po de bzhin gshegs pa thams cad kyi mtshan gyi 'khor lo'i dbyangs rab tu sgrog pa'i rgyal mtshan dang / nor bu rin po che'i rgyal po seng ge yid du 'ong ba'i rgyal 
mtshan dang / nor bu rin po che'i rgyal po de bzhin gshegs pa thams cad kyi sngon gyi sbyor ba rab tu sgrog pa'i rgyal mtshan dang / nor bu rin po che'i rgyal po chos kyi dbyings thams cad rab tu snang ba'i rgyal mtshan dang / rgyal mtshan gyi rgyan rnam par phye ba thams cad 
phyogs kun nas rgyan tu gyur pa dag kyang kun nas gnas par gyur to/ /dze ta'i tshal gyi nam mkha'i dbyings thams cad kyang lha'i gzhal myed khang gi sprin bsam gyis myi khyab pas brgyan par kun nas gnas par gyur te/ dze ta'i tshal nyid kyang spos sna tshogs kyi </font><hr>37-1-280a<br><font size=+1>
shing grangs myed pa'i sprin gyis kun nas yog cing brgyan pa dang / brjod du myed pa'i rgyan sna tshogs dang ldan pa'i ri rab kyis kun nas 'khor cing rgyan pa dang / rol mo brdung ba dang / dkrol ba brjod du myed pa'i sprin las de bzhin gshegs pa 
thams cad la bstod pa'i dbyangs dang nga ro snyan pa 'byung bas kun nas brgyan pa dang / rin po che'i pad+mo brjod du myed pa'i sprin gyis kun nas yog cing brgyan pa dang / rin po che'i seng ge'i khri brjod du myed pa'i steng lha rdzas kyi rin po che'i stan bting ba la/ /byang chub sems dpa' 
'khod cing de bzhin gshegs pa la bstod pa'i sgra dbyangs snyan pa 'byin pa'i sprin gyi kun nas brgyan pa dang / lha'i dbang po brjod du myed pa'i gzugs brnyan mngon par 'byung ba'i nor bu rin po che'i 'bru'i sprin gyis kun nas brgyan pa dang / mu tig dkar po'i dra ba'i 
sprin brjod du myed pas kun nas brgyan pa dang / mu tig dkar po'i khang pa brtsegs pa'i sprin brjod du myed pas kun nas yog cing brgyan pa dang / rdo rje lta bur sra ba'i mu tig gi sprin brjod du myed pa'i char mngon par 'bab pas rab tu brgyan par kun nas gnas par gyur to/ /
de ci'i phyir zhe na/ de ni de bzhin gshegs pa'i dge ba'i rtsa ba bsam gyis mi khyab pa'i phyir ro/ /de bzhin gshegs pa'i chos dkar po'i tshogs bsam gyis mi khyab pa'i phyir ro/ /de bzhin gshegs pa'i khyu mchog gi mthu dang / byin gyi rlabs/ 
bsam gyis myi khyab pa'i phyir ro/ /de bzhin gshegs pa'i sku gcig gis 'jig rten gyi khams thams cad du rgyas par 'gengs pa rnam par 'phrul pa bsam gyis myi khyab pa'i phyir ro/ de bzhin gshegs pa thams cad kyi sku gcig tu zhugs pas/ sangs 
rgyas kyi zhing rnam par phye ba thams cad la yang dag par gzhol ba'i byin gyi rlabs yongs su ston pa bsam gyis myi khyab pa'i phyir ro/ /de bzhin gshegs pa rnams rdul shin tu phra ba gcig la chos kyi dbyings thams cad kyi gzugs brnyan rnam par dmyigs </font><hr>37-1-280b<br><font size=+1>
par yongs su ston par mdzad pa bsam gyis myi khyab pa'i phyir ro/ /de bzhin gshegs pa rnams pa spu'i bu ga gcig tu sngon gyi mtha'i de bzhin gshegs pa gcig nas gcig tu brgyud pa yongs su ston par mdzad pa bsam gyis myi khyab pa'i phyir ro/ /de bzhin 
gshegs pa rnams kyi 'od zer gcig gi sgo nas 'jig rten gyi khams 'byam klas pa snang bar 'gyur ba bsam gyis myi khyab pa'i phyir ro/ /de bzhin gshegs pa rnams pa spu'i rtse mo gcig las sprul pa'i sprin 'jig rten gyi khams thams cad kyi rdul shin tu phra ba snyed kyis sangs 
rgyas kyi zhing thams cad rgyas par 'gengs pa bsam gyis mi khyab pa'i phyir ro/ /de bzhin gshegs pa rnams pa spu'i sgo gcig nas 'jig rten gyi khams 'du ba dang / 'jig pa'i bskal pa yongs su ston pa bsam gyis myi khyab pa'i phyir ro/ /ji ltar dze 
ta'i tshal de lta bu'i sangs rgyas kyi zhing yongs su dag pas yongs su dag par kun nas gnas par gyur pa de bzhin du phyogs bcu'i 'jig rten gyi khams chos kyi dbyings kyis klas pa/ nam mkha'i mthas gtugs pa thams cad kyang yongs su dag par 
kun nas gnas shing rab tu brgyan pa dang / shin tu spud pa dang / de bzhin gshegs pa'i skus yongs su rgyas pa dang / dze ta'i tshul du yang dag par gzhol ba dang / byang chub sems dpas yongs su rgyas pa dang / de bzhin gshegs pa'i 'khor gyi dkyil 
'khor rgya mtsho shin tu rnam par gnas pa dang rgyan thams cad kyi sprin gyi char mngon par 'bab pa dang / rin po che thams cad kyi 'od kyis rab tu snang ba dang / rin po che sna tshogs thams cad kyi sprin gyi char mngon par 'bab pas brgyan pa dang / zhing thams cad 
kyi rgyan gyi sprin gyis kun nas yog par brgyan pa dang / lha rdzas kyi lus thams cad sprin gyi char rab tu 'bab pas brgyan pa dang / me tog sna tshogs thams cad kyi sprin shin tu rgyas pa'i lhun gyis kun tu rgyas shing brgyan pa dang / gos thams cad </font><hr>37-1-281a<br><font size=+1>
kyi shing gi sprin gyi mdzod nas gos kha dog sna tshogs su mdzes pa'i char rab tu 'bab pas brgyan pa dang / phreng ba dang lda ldi dang se mo do'i rgyan thams cad kyi sprin gyi char rgyun mi chad par mngon par 'bab pas brgyan pa dang / spos sna 
tshogs kyi bdug spos phyogs kun nas 'thul ba'i sprin dang na bun gyi char thams cad kyi lus kyi dbyibs ltar mngon par 'bab pas brgyan pa dang / rin po che thams cad kyi me tog gi dra ba'i sprin las rin po che'i rgyal po'i phye ma zhib bu'i char rgyun myi 'chad par rab tu 
'bab pa dang / rin po che thams cad kyi rgyal mtshan dang ba dan gyi sprin lha'i bu mo'i lag na khyer ba nam mkha'i dbyings kun tu rgyu zhing 'khor bas brgyan pa dang / rin po che thams cad kyi pad+mo rin po che sna tshogs kyi 'dab ma'i dkyil 'khor can chu ba mthon po 
dang ldan pa'i ze ba la rol mo bkod pa kun nas sgra 'byin cing dbyangs snyan par sgrog pas brgyan pa dang / rin po che'i 'bru sna tshogs kyi dra ba dang / rin po che seng ge'i dra ba sna tshogs rnam pa tha dad pa'i phreng ba dang / se mo dos brgyan par kun nas gnas shing 
snang bar gyur to/ /de ltar bcom ldan 'das de bzhin gshegs pa'i ting nge 'dzin chen po seng ge rnam par bsgyings pa de la nyams par bzhag ma thag tu/ /de'i tshe shar phyogs kyi 'jig rten gyi khams rgya mtsho sangs rgyas kyi zhing brjod du myed pa'i rdul shin tu phra ba 
snyed kyi pha rol gyi 'jig rten gyi khams gser gyi sprin sgron ma'i rgyal mtshan zhes bya ba de bzhin gshegs pa rnam par snang mdzad dpal gyi gzi brjid rgyal po'i sangs rgyas kyi zhing nas byang chub sems dpa' rnam par snang ba'i smon lam gyi gtsug gi 'od zer snang ba 
zhes bya ba byang chub sems dpa' sangs rgyas kyi zhing brjod du myed pa'i rdul shin tu phra bsnyed dang lhan cig tu bcom ldan 'das des gnang nas 'khor gyi dkyil 'khor rgya mtsho de nas 'phags te/ nam mkha'i dbyings rgyan sna tshogs kyi sprin gyis brgyan pa dang / lha rdzas </font><hr>37-1-281b<br><font size=+1>
kyi me tog gi sprin gyi char mngon par dbab pa dang / lha rdzas kyi spos kyi sprin gyi char rab tu dgye ba dang / lha rdzas kyi rin po che'i pad+mo'i sprin gyi char mngon par gtor ba dang / lha rdzas kyi phreng ba'i sprin gyi char rab tu btang ba dang / lha rdzas kyi rin po che'i sprin gyi char 
mngon par dbab pa dang / lha rdzas kyi rgyan gyi sprin gyi char mngon par dgye ba dang / lha rdzas kyi rin po che'i gdugs kyi sprin gyi char mngon par bsgrub pa dang / kha dog sna tshogs rnam pa tha dad cing shin tu phra ba'i lha rdzas kyi gos kyi sprin gyi char mngon par dbab pa 
dang / lha rdzas kyi rin po che'i rgyal mtshan dang / ba dan gyi sprin nam mkha'i dbyings las byin gyis brlab pa dang / rin po che sna tshogs kyi sprin gyi rgyan yid du 'ong bas nam mkha'i dbyings rgyas par 'gengs par byed cing / myi mjed kyi 'jig rten gyi khams gang na 
ba der lhags nas bcom ldan 'das ga la ba der dong ste/ 'khor dang bcas pas bcom ldan 'das la phyag 'tshal nas shar phyogs su brten te/khang pa brtsegs pa rgyan kun dang ldan zhing nor bu rin po che'i dra bas kun nas khyab pa dang / seng ge'i khri nor bu rin po 
che phyogs rab tu snang ba'i pad+mo'i snying po can dag mngon par sprul nas nor bu rin po che yid bzhin gyi rgyal po'i dra ba'i rgyan gyis kun nas brgyan pa'i byang chub sems dpa'i lus su byin gyis brlabs nas skyil mo krung bcas te 'khod do/ /lho phyogs kyi 'jig rten gyi khams 
rgya mtsho sangs rgyas kyi zhing brjod du myed pa'i rdul shin tu phra ba snyed kyi pha rol gyi 'jig rten gyi khams rdo rje rgyal mtshan gyi snying po zhes bya ba de bzhin gshegs pa dpal gyi snying po kun nas snang ba'i rgyal po'i sangs rgyas kyi zhing nas byang chub sems dpa' sems dpa' chen 
po brtson 'grus kyi shugs thub par dka' ba'i rgyal po zhes bya ba byang chub sems dpa' sangs rgyas kyi zhing brjod du myed pa'i rdul shin tu phra ba snyed dang lhan cig tu bcom ldan 'das des gnang nas 'khor gyi dkyil 'khor rgya mtsho de nas 'phags te/ 'jig </font><hr>37-1-282a<br><font size=+1>
rten gyi khams rgya mtsho thams cad spos kyi lda ldi dang dra bas kun tu 'brel bar byin gyis brlab pa dang / sangs rgyas kyi zhing 'byam klas pa thams cad rin po che sna tshogs kyi lda ldi dang dra ba chen pos kun tu 'brel bar byin gyis brlab pa dang / sangs 
rgyas kyi zhing gi rgyud thams cad me tog thams cad kyi lda ldi dang / phreng ba'i dra bas kun tu 'brel bar byin gyis brlab pa dang / sangs rgyas kyi zhing gi 'khor thams cad phreng ba dang lda ldi dang / se mo do'i dra bas kun nas 'brel bar byin gyis brlab pa dang / sangs 
rgyas kyi zhing gi dkyil 'khor thams cad 'og gi gzhi rten rdo rje thams cad kyi phreng bas yongs su gzung bar byin gyis brlab pa dang / sangs rgyas kyi zhing gi tshul thams cad nor bu rin po che sna tshogs kyi dra bas kun nas 'brel bar byin gyis brlab pa dang / 'jig rten 
gyi khams thams cad gos sna tshogs kyi lda ldis kun nas yongs su blangs shing gzung bar byin gyis brlab pa dang / sangs rgyas kyi zhing thams cad rin po che sna tshogs kyi lus kyi phreng ba dang lda ldi mang po'i dra bas kun nas 'brel bar mngon par bsgrub pa dang / zhing 
thams cad nor bu rin po che dpal gyi 'od zer gyi lda ldi dang / phreng ba'i dra bas kun nas 'brel bar byin gyis brlab pa dang / sangs rgyas kyi zhing thams cad rin po che rnam par snang ba'i lda ldi dang / dra bas kun tu 'brel bar byin gyis brlab pa dang / 'jig 
rten gyi khams thams cad kyi gzhi nor bu rin po che seng ge yid du 'ong ba'i phreng ba dang / lda ldi'i dra bas yongs su gzung bar byin gyis brlab pa byed cing / myi mjed kyi 'jig rten gyi khams gang na ba der lhags nas bcom ldan 'das gang na ba der dong ste/ 'khor dang 
bcas pas bcom ldan 'das la phyag 'tshal nas/ lho phyogs su brten te/ nor bu rin po che 'gro ba la rnam par snang ba'i khang pa brtsegs pa dang / seng ge'i khri nor bu rin po che phyogs kun tu rnam par snang ba'i pad+mo'i snying po can dag mngon par sprul te/</font><hr>37-1-282b<br><font size=+1>
rin po che thams cad kyi me tog gi dra ba'i rgyan gyis kun nas brgyan pa'i byang chub sems dpa'i lus su byin gyis brlabs nas skyil mo krung bcas te 'khod do/ /nub phyogs kyi 'jig rten gyi khams rgya mtsho sangs rgyas kyi zhing brjod du myed pa'i rdul shin tu phra ba 
snyed kyi pha rol gyi 'jig rten gyi khams rin po che'i ri rab rnam par snang ba'i rgyal mtshan mar mye zhes bya ba de bzhin gshegs pa chos kyi dbyings kyi ye shes sgron ma'i sangs rgyas kyi zhing nas byang chub sems dpa' dpal kun nas 'phags pa'i gzi brjid ces bya ba byang 
chub sems dpa' 'jig rten gyi khams rgya mtsho brjod du myed pa'i rdul shin tu phra ba snyed dang lhan cig tu bcom ldan 'das des gnang nas 'khor gyi dkyil 'khor rgya mtsho de nas 'phags te/ chos kyi dbyings thams cad bdug spos kha dog sna tshogs dang / dri sna tshogs 
su ldan pa'i ri rab kyi sprin sangs rgyas kyi zhing brjod du myed pa'i rdul shin tu phra ba snyed kyis rgyas par dgang ba dang / chos kyi dbyings thams cad spos kha dog sna tshogs dang ldan pa'i ri rab kyi sprin sangs rgyas kyi zhing brjod du myed pa'i rdul shin tu phra ba snyed kyis rgyas par dgang 
ba dang / chos kyi dbyings thams cad bdug spos kha dog dang dri du mar ldan pa'i ri rab kyi sprin sangs rgyas kyi zhing brjod du myed pa'i rdul shin tu phra ba snyed kyis rgyas par dgang ba dang / chos kyi dbyings thams cad spos kha dog sna tshogs dang ldan pa'i ri rab kyi sprin 
sangs rgyas kyi zhing brjod du myed pa'i rdul shin tu phra ba snyed kyis rgyas par dgang ba dang / chos kyi dbyings thams cad nor bu rin po che'i rgyal po mdangs 'byung bas thams cad kyi rdul gyi kha dog dang 'dra ba'i ri rab kyi sprin sangs rgyas kyi zhing brjod du myed pa'i 
rdul shin tu phra ba snyed kyis rgyas par dgang ba dang / chos kyi dbyings thams cad nor bu rin po che skar ma'i rgyal mtshan 'od kyi dkyil 'khor sna tshogs kyi rgyan dang ldan pa'i ri rab kyi sprin sangs rgyas kyi zhing brjod du myed pa'i rdul shin tu phra ba snyed kyis rgyas par dgang ba </font><hr>37-1-283a<br><font size=+1>
dang / chos kyi dbyings thams cad rin po che'i rgyal po rdo rje'i snying po kha dog sna tshogs can/ rgyan rnam pa tha dad pa'i yul dang ldan pa'i ri rab kyi sprin sangs rgyas kyi zhing brjod du med pa'i rdul shin tu phra ba snyed kyis rgyas par dgang ba dang 
chos kyi dbyings thams cad nor bu rin po che 'dzam bu'i chu klung 'jig rten gyi khams thams cad du snang ba'i yul dang ldan pa'i ri rab kyi sprin sangs rgyas kyi zhing brjod du med pa'i rdul shin tu phra ba snyed kyis rgyas par dgang ba dang / nam mkha'i dbyings thams cad nor bu rin 
po che'i rgyal po chos kyi dbyings thams cad rab tu snang ba'i ri rab kyi sprin sangs rgyas kyi zhing brjod du med pa'i rdul shin tu phra ba snyed kyis kun nas khyab par byin gyis brlab pa dang / sems can gyi khams kyi yul thams cad nor bu rin po che'i rgyal po de bzhin gshegs 
pa thams cad kyi mtshan rab tu snang ba'i ri rab kyi sprin sangs rgyas kyi zhing brjod du med pa'i rdul shin tu phra ba snyed kyis rgyas par dgang ba dang / chos kyi dbyings thams cad kyi nam mkha' rin po che'i rgyal po de bzhin gshegs pa thams cad kyi sngon gyi sbyor ba rab tu 
snang bar yongs su ston cing / byang chub sems dpa'i spyod pa'i sgra 'byin pa'i ri rab kyi sprin gyi zhing brjod du med pa'i rdul shin tu phra ba snyed kyis rgyas par dgang ba dang / phyogs bcu thams cad rin po che'i rgyal po de bzhin gshegs pa thams cad kyi snying po byang chub rab 
tu snang ba'i 'od dang ldan pa'i ri rab kyi sprin sangs rgyas kyi zhing brjod du med pa'i rdul shin tu phra ba snyed kyis rgyas par 'gengs pa byed cing / myi mjed kyi 'jig rten gyi khams gang na ba der lhags nas bcom ldan 'das gang na ba der dong ste/ 'khor dang bcas pas 
bcom ldan 'das la phyag 'tshal nas/ nub phyogs su brten te/ khang pa brtsegs pa spos kyi rgyal po thams cad kyi lhun dang ldan pa mu tig gi dra bas kun nas khyab pa dang / seng ge'i khri nor bu rin po che lha'i dbang po rab tu snang ba'i rgyal mtshan gyi pad+mo'i </font><hr>37-1-283b<br><font size=+1>
snying po can dag mngon par sprul nas/ rin po che gser gyi dra bas kun nas brgyan pa dang / yid bzhin gyi rgyal po'i cod pan bcings pa'i byang chub sems dpa'i lus su byin gyis brlabs nas skyil mo krung bcas te 'khod do/ /byang phyogs kyi 'jig rten gyi 
khams rgya mtsho sangs rgyas kyi zhing brjod du med pa'i rdul shin tu phra ba snyed kyi pha rol gyi 'jig rten gyi khams rin po che'i gos yongs su snang ba zhes bya ba de bzhin gshegs pa chos kyi dbyings nam mkha'i dpal rnam par snang ba'i sangs rgyas kyi zhing nas byang chub sems 
dpa' chags pa myed pa'i dpal gyi rgyal po zhes bya ba byang chub sems dpa' 'jig rten gyi khams rgya mtsho brjod du med pa'i rdul shin tu phra ba snyed dang lhan cig tu bcom ldan 'das des gnang nas 'khor gyi dkyil 'khor rgya mtsho de nas 'phags te/ nam mkha'i dbyings 
rin po che'i snam bu'i sprin gyi rgyan gyis brgyan par byin gyis brlab pa dang / nam mkha'i dbyings rin po che'i gos kha dog ser po dang / mdog ser po'i sprin gyi rgyan gyis brgyan par byin gyis brlab pa dang / nam mkha'i dbyings rin po che'i gos spos sna tshogs kyis dri 
zhim por byas pa'i sprin gyi char rab tu 'bab pa'i rgyan gyis brgyan par byin gyis brlab pa dang / nam mkha'i dbyings rin po che'i rgyal po nyi ma'i rgyal mtshan gyi sprin gyi rgyan gyis brgyan par byin gyis brlab pa dang / nam mkha'i dbyings nor bu rin po che gser gyi mdog shin tu 
'bar ba'i sprin gyi rgyan gyis brgyan par byin gyis brlab pa dang / nam mkha'i dbyings nor bu'i rgyal po rin po che 'bar ba'i gos kyi sprin gyi rgyan gyis brgyan par byin gyis brlab pa dang / nam mkha'i dbyings rin po che skar ma thams cad kyi gzugs 
brnyan gyis sna tshogs su gyur pa'i gos kyi sprin gyi rgyan gyis brgyan par byin gyis brlab pa dang / nam mkha'i dbyings phyogs bcu kun nas nor bu rin po che snam bu khra bo'i rdo ltar snang ba'i sprin gyis yongs su rgyas par byin gyis brlab pa dang / nam mkha'i dbyings phyogs </font><hr>37-1-284a<br><font size=+1>
bcu kun nas rin po che'i rgyal po rnam par snang ba'i dpal rab tu 'bar ba'i 'od dang ldan pa'i gos kyi sprin gyis yongs su rgyas par byin gyis brlab pa dang / nam mkha'i dbyings phyogs bcu kun nas nor bu'i rgyal po snang ba shin tu 
gsal bas phyogs kyi dbyings rnam par snang ba'i gos kyi sprin gyis yongs su rgyas par byin gyis brlab pa dang / nam mkha'i dbyings rin po che'i rgyal po rgya mtsho'i rgyan gyi gos kyi sprin gyis kun nas yog par byin gyis brlab pa byed cing / myi mjed 
kyi 'jig rten gyi khams gang na ba der lhags nas/ bcom ldan 'das gang na ba der dong ste/ 'khor dang bcas pas bcom ldan 'das la phyag 'tshal nas/ byang phyogs su brten te/ rin po che'i rgyal po rgya mtsho yongs su 'byung ba'i khang pa brtsegs pa dang / 
seng ge'i khri be+e DUR+ya'i pad+mo'i snying po can dag mngon par sprul nas/ nor bu rin po che'i rgyal po seng ge mdzes pa'i dra bas yongs su brgyan pa dang / rin po che skar ma'i rgyal mtshan mgo la thogs pa'i byang chub sems dpa'i lus su byin gyis brlabs nas skyil mo 
krung bcas te 'khod do/ /byang dang shar gyi phyogs mtshams kyi 'jig rten gyi khams rgya mtsho sangs rgyas kyi zhing brjod du med pa'i rdul shin tu phra ba snyed kyi pha rol gyi 'jig rten gyi khams sa chen po thams cad du mdzes pa'i rin po che 'od zer gyi dra ba rab tu 'gyed pa zhes bya 
ba de bzhin gshegs pa myi dmyigs pa'i spyan gyi sangs rgyas kyi zhing nas byang chub sems dpa' chos kyi dbyings su shin tu 'phrul ba'i smon lam zla ba zhes bya ba byang chub sems dpa' 'jig rten gyi khams rgya mtsho brjod du med pa'i rdul shin tu phra ba snyed dang lhan cig 
tu bcom ldan 'das des gnang nas 'khor gyi dkyil 'khor rgya mtsho de nas 'phags te/ 'jig rten gyi khams 'byam klas pa thams cad rin po che'i khang pa brtsegs pa'i sprin gyis kun nas khebs par byin gyis brlab pa dang / 'jig rten gyi khams </font><hr>37-1-284b<br><font size=+1>
'byam klas pa thams cad spos kyi khang pa brtsegs pa'i sprin gyis kun nas khebs par byin gyis brlab pa dang / 'jig rten gyi khams 'byam klas pa thams cad bdug spos kyi khang pa brtsegs pa'i sprin gyis kun nas khebs par byin gyis brlab pa dang / 'jig rten 
gyi khams 'byam klas pa thams cad tsan dan gyi khang pa brtsegs pa'i sprin gyis kun nas khebs par byin gyis brlab pa dang / 'jig rten gyi khams 'byam klas pa thams cad me tog gi khang pa brtsegs pa'i sprin gyis kun nas khebs par byin gyis brlab 
pa dang / 'jig rten gyi khams 'byam klas pa thams cad rin po che'i khang pa brtsegs pa'i sprin gyis kun nas khebs par byin gyis brlab pa dang / 'jig rten gyi khams 'byam klas pa thams cad rdo rje'i khang pa brtsegs pa'i sprin gyis kun nas khebs par byin gyis brlab pa dang / 
'jig rten gyi khams 'byam klas pa thams cad gser gyi khang pa brtsegs pa'i sprin gyis kun nas khebs par byin gyis brlab pa dang / 'jig rten gyi khams 'byam klas pa thams cad gos kyi khang pa brtsegs pa'i sprin gyis kun nas khebs par byin gyis brlab pa 
dang / 'jig rten gyi khams 'byam klas pa thams cad pad+mo'i khang pa brtsegs pa'i sprin gyis kun nas khebs par byin gyis brlab pa byed cing / mi mjed kyi 'jig rten gyi khams gang na ba der lhags nas/ bcom ldan 'das gang na ba der dong ste/ 'khor dang 
bcas pas bcom ldan 'das la phyag 'tshal nas byang dang shar gyi phyogs mtshams su brten te/ nor bu rin po che'i khang pa brtsegs pa sgo chos kyi dbyings thams cad la mngon par lta ba dang / seng ge'i khri rin po che'i rgyal po spos mtshungs pa myed pa'i 
pad mo'i snying po can dag mngon par sprul nas rin po che'i rgyal po'i me tog gi dra bas yongs su brgyan pa dang / rin po che'i rgyal po mdzod sna tshogs kyi dra ba'i cod pan bcings pa'i byang chub sems dpa'i lus su byin gyis brlabs nas skyil mo krung bcas te </font><hr>37-1-285a<br><font size=+1>
'khod do/ /shar dang lho'i phyogs mtshams kyi 'jig rten gyi khams rgya mtsho sangs rgyas kyi zhing brjod du med pa'i rdul shin tu phra ba snyed kyi pha rol gyi 'jig rten gyi khams spos kyi sprin gyis brgyan pa'i rgyal mtshan zhes bya ba de bzhin gshegs 
pa klu dbang gi rgyal po'i sangs rgyas kyi zhing nas byang chub sems dpa' chos kyi 'od 'phro ba dang ldan pa'i rgyal po zhes bya ba byang chub sems dpa' 'jig rten gyi khams rgya mtsho brjod du myed pa'i rdul shin tu phra ba snyed dang lhan cig tu bcom ldan 'das des gnang nas 'khor gyi 
dkyil 'khor rgya mtsho de nas 'phags te/ nam mkha'i dbyings thams cad 'od kyi dkyil 'khor gser gyi kha dog lta bu'i sprin gyis kun tu khyab par bya ba dang / nam mkha'i dbyings thams cad rin po che kha dog mtha' yas pa'i 'od kyi dkyil 'khor gyi sprin gyis kun tu khyab par 
bya ba dang / nam mkha'i dbyings thams cad de bzhin gshegs pa'i mdzod spu'i kha dog gi 'od kyi dkyil 'khor gyi sprin gyis kun tu khyab par bya ba dang / nam mkha'i dbyings thams cad rin po che sna tshogs kyi kha dog lta bu'i 'od kyi dkyil 'khor gyi sprin gyis kun 
tu khyab par bya ba dang / nam mkha'i dbyings thams cad pad+mo'i snying po 'od kyi dkyil 'khor gyi sprin gyis kun tu khyab par bya ba dang / nam mkha'i dbyings thams cad nor bu'i rgyal po rin po che'i shing gi yal ga'i dkyil 'khor lta bu'i 'od kyi dkyil 'khor gyi sprin gyis kun 
tu khyab par bya ba dang / nam mkha'i dbyings thams cad de bzhin gshegs pa'i gtsug tor lta bu'i 'od kyi dkyil 'khor gyi sprin gyis kun tu khyab par bya ba dang / nam mkha'i dbyings thams cad 'dzam bu'i chu klung gi gser gyi kha dog lta bu'i 'od kyi dkyil 'khor gyi sprin 
gyis kun tu khyab par bya ba dang / nam mkha'i dbyings thams cad nyi ma'i kha dog lta bu'i 'od kyi dkyil 'khor gyi sprin gyis kun tu khyab par bya ba dang / nam mkha'i dbyings thams cad zla ba dang / skar ma'i tshogs kyi kha dog lta bu'i 'od kyi dkyil 'khor gyi sprin </font><hr>37-1-285b<br><font size=+1>
gyis kun tu khyab par byed cing / mi mjed kyi 'jig rten gyi khams gang na ba der lhags nas bcom ldan 'das gang na ba der dong ste/ 'khor dang bcas pas bcom ldan 'das la phyag 'tshal nas/ shar dang lho'i phyogs mtshams su brten te/ rin po che 
rdul dang bral zhing rnam par snang ba phun sum tshogs pa'i me tog gi khang pa brtsegs pa dang / seng ge'i khri rin po che seng ge rdo rje'i pad+mo'i snying po can dag mngon par sprul nas nor bu'i rgyal po rin po che'i 'od zer rab tu 'bar ba'i dra bas yongs su brgyan pa'i byang chub 
sems dpa'i lus su byin gyis brlabs nas skyil mo krung bcas te 'khod do/ /lho dang nub kyi phyogs mtshams kyi 'jig rten gyi khams rgya mtsho sangs rgyas kyi zhing brjod du med pa'i rdul shin tu phra ba snyed kyi pha rol gyi 'jig rten gyi khams rin po che nyi ma rab tu snang 
ba'i snying po zhes bya ba de bzhin gshegs pa chos kyi 'khor lo'i ye shes kun tu snang ba'i rgyal po'i sangs rgyas kyi zhing nas byang chub sems dpa' bdud kyi dkyil 'khor thams cad rnam par 'thor ba'i ye shes rgyal mtshan zhes bya ba byang chub sems dpa' 'jig rten gyi 
khams rgya mtsho brjod du med pa'i rdul shin tu phra ba snyed dang lhan cig tu bcom ldan 'das des gnang nas/ 'khor gyi dkyil 'khor rgya mtsho de nas 'phags te/ ba spu'i bu ga thams cad nas me tog 'od 'phro ba'i sprin nam mkha'i dbyings ltar yangs pa rab tu 
dgye ba dang / ba spu'i bu ga thams cad nas rol mo 'od 'phro ba'i sprin nam mkha'i dbyings ltar yangs pa rab tu dgye ba dang / ba spu'i bu ga thams cad nas nor bu rin po che 'od 'phro ba'i sprin nam mkha'i dbyings ltar yangs pa rab tu dgye ba dang / ba spu'i bu ga 
thams cad nas rin po che'i gos 'od 'phro ba'i spos dang / bdug spos sna tshogs kyis rnam par bdugs pa'i sprin nam mkha'i dbyings ltar yangs pa rab tu dgye ba dang / ba spu'i bu ga thams cad nas klus rnam par sprul pa'i glog gi 'od 'phro ba'i sprin nam mkha'i dbyings </font><hr>37-1-286a<br><font size=+1>
ltar yangs pa rab tu dgye ba dang / ba spu'i bu ga thams cad nas nor bu rin po che rnam par snang ba 'od 'phro ba'i sprin nam mkha'i dbyings ltar yangs pa rab tu dgye ba dang / ba spu'i bu ga thams cad nas nor bu rin po che gser rab 
tu 'bar ba 'od rab tu 'phro ba'i sprin nam mkha'i dbyings ltar yangs pa rab tu dgye ba dang / ba spu'i bu ga thams cad nas rin po che'i rgyal po dpal gyi snying po 'bar ba 'od 'phro ba'i sprin nam mkha'i dbyings ltar yangs pa rab tu dgye ba dang / ba spu'i bu ga thams cad nas nor bu rin po che/ 
de bzhin gshegs pa'i dgongs pa rgya mtsho ltar dus gsum gyi rgyud rab tu snang ba'i tshul dang ldan pa'i 'od 'phro ba'i sprin nam mkha'i dbyings ltar yangs pa rab tu dgye ba byed cing / myi mjed kyi 'jig rten gyi khams gang na ba der lhags nas/ bcom ldan 'das gang na ba der dong ste/ 
'khor dang bcas pas bcom ldan 'das la phyag 'tshal nas/ lho dang nub kyi phyogs mtshams su brten te/ nor bu rin po che chen po 'od zer gyi dra ba phyogs kun tu mngon par gzhol ba'i thig les chos kyi dbyings thams cad du rab tu snang ba'i khang pa brtsegs pa dang / 
seng ge'i khri nor bu rin po che spos kyi sgron ma 'od 'phro ba'i pad+mo'i snying po can dag mngon par sprul nas/ rin po che'i rgyal po dri ma med pa'i snying po'i dra bas yongs su brgyan pa dang / rin po che'i rgyal po sems can thams cad rab tu 'dzud pa'i dbyangs dang ldan pa'i cod 
pan bcings pa'i byang chub sems dpa'i lus su byin gyis brlabs nas skyil mo krung bcas te 'khod do/ /nub dang byang gi phyogs mtshams kyi 'jig rten gyi khams rgya mtsho sangs rgyas kyi zhing brjod du med pa'i rdul shin tu phra ba snyed kyi pha rol gyi 'jig rten gyi khams rnam par 
snang mdzad kyi snying po zhes bya ba de bzhin gshegs pa dpal gyi ri bo kun nas rnam par snang ba'i rgyal po'i sangs rgyas kyi zhing nas byang chub sems dpa' rnam par snang ba'i smon lam ye shes dpal zhes bya ba byang chub sems dpa' 'jig rten gyi khams rgya mtsho brjod du med pa'i rdul </font><hr>37-1-286b<br><font size=+1>
shin tu phra ba snyed dang lhan cig tu/ bcom ldan 'das des gnang nas 'khor gyi dkyil 'khor rgya mtsho de nas 'phags te/ mtshan dang dpe byad bzang po thams cad dang / ba spu'i sgo thams cad dang / lus thams cad nas dus gsum 
du gshegs pa'i de bzhin gshegs pa thams cad kyi sku gzugs brnyan gyi sprin kun tu dgye ba dang /mtshan dang dpe byad bzang po thams cad dang / ba spu'i sgo thams cad dang / lus thams cad nas dus gsum du byung ba'i byang 
chub sems dpa' thams cad kyi lus kyi gzugs brnyan gyi sprin kun tu dgye ba dang / mtshan dang dpe byad bzang po thams cad dang / ba spu'i sgo thams cad dang / lus thams cad nas dus gsum du gshegs pa'i de bzhin 
gshegs pa thams cad kyi 'khor gyi dkyil 'khor thams cad kyi lus kyi gzugs brnyan gyi sprin kun tu dgye ba dang / mtshan dang dpe byad bzang po thams cad dang / ba spu'i sgo thams cad dang / lus thams cad 
nas dus gsum du gshegs pa'i sangs rgyas thams cad kyi sprul pa'i tshogs kyi gzugs brnyan mang po'i sprin kun tu dgye ba dang / mtshan dang dpe byad bzang po thams cad dang / ba spu'i sgo thams cad dang / lus thams cad nas dus 
gsum du gshegs pa'i de bzhin gshegs pa thams cad kyi sngon gyi sbyor ba'i gzugs brnyan mang po'i sprin kun tu dgye ba dang / mtshan dang dpe byad bzang po thams cad dang / ba spu'i sgo thams cad dang / lus thams cad nas dus gsum du 
byung ba'i nyan thos dang / rang sangs rgyas thams cad kyi lus kyi gzugs brnyan rab tu dgye ba dang / mtshan dang dpe byad bzang po thams cad dang / ba spu'i sgo thams cad dang / lus thams cad nas dus gsum du gshegs pa'i de </font><hr>37-1-287a<br><font size=+1>
bzhin gshegs pa thams cad kyi snying po byang chub dang / byang chub kyi shing gi gzugs kyi gzugs brnyan gyi sprin kun tu dgye ba dang / mtshan dang dpe byad bzang po thams cad dang / ba spu'i sgo thams cad dang / lus thams cad nas dus gsum du gshegs 
pa'i sangs rgyas thams cad kyi rnam par 'phrul pa'i gzugs brnyan mang po'i sprin kun tu dgye ba dang / mtshan dang dpe byad bzang po thams cad dang / ba spu'i sgo thams cad dang / lus thams cad nas dus gsum du byung ba'i 'jig rten gyi dbang po thams cad kyi lus kyi 
gzugs brnyan gyi sprin kun tu dgye ba dang / mtshan dang dpe byad bzang po thams cad dang / ba spu'i sgo thams cad dang / lus thams cad nas dus gsum du byung ba'i sangs rgyas kyi zhing yongs su dag pa thams cad kyi gzugs brnyan gyi sprin kun tu dgye bas/ skad cig 
skad cig tu nam mkha'i dbyings thams cad rgyas par 'gengs shing mi mjed kyi 'jig rten gyi khams gang na ba der lhags nas/ bcom ldan 'das gang na ba der dong ste/ 'khor dang bcas pas bcom ldan 'das la phyag 'tshal nas/ nub dang byang gi phyogs mtshams su 
brten te/ rin po che'i rgyal po phyogs kun nas rnam par snang ba'i snying po'i seng ge'i khri rin po che 'gro ba rnam par snang ba'i pad+mo'i snying po can dag mngon par sprul nas mu tig 'od thub pa med pa'i dra bas yongs su brgyan pa dang / rin po che 'od kun tu snang ba'i cod pan bcings 
pa'i byang chub sems dpa'i lus su byin gyis brlabs nas skyil mo krung bcas te 'khod do/ /'og gi phyogs kyi 'jig rten gyi khams rgya mtsho sangs rgyas kyi zhing brjod du med pa'i rdul shin tu phra ba snyed kyi ma rol gyi 'jig rten gyi khams de bzhin gshegs pa thams cad kyi 
'od kyi dkyil 'khor rnam par snang ba zhes bya ba de bzhin gshegs pa ye shes nam mkha' lta bur chags pa med pa'i dpal gyi rgyal mtshan rgyal po'i sangs rgyas kyi zhing nas byang chub sems dpa' bsgribs pa thams cad rnam par 'thor ba'i ye shes kyis rnam par non pa zhes bya ba byang </font><hr>37-1-287b<br><font size=+1>
chub sems dpa' 'jig rten gyi khams rgya mtsho brjod du med pa'i rdul shin tu phra ba snyed dang lhan cig tu bcom ldan 'das des gnang nas 'khor gyi dkyil 'khor rgya mtsho de nas 'phags te/ ba spu'i bu ga thams cad nas 'gro ba thams cad kyi skad dang sgra dang dbyangs dang nges 
pa'i tshig mngon par bsgrub pa rgya mtsho rab tu brjod pa dang / dus gsum gyi byang chub sems dpa' thams cad 'byung ba'i tshul rgya mtsho'i sprin gyi 'brug sgra rab tu bsgrag pa dang / byang chub sems dpa' thams cad kyi smon lam mngon par bsgrub pa'i tshul rgya mtsho'i dbyangs rab tu 
bsgrag pa dang / byang chub sems dpa' thams cad kyi pha rol tu phyin pa yongs su dag pa yongs su rdzogs par bya ba'i tshul rgya mtsho'i sprin gyi sgra rab tu bsgrag pa dang / byang chub sems dpa' thams cad kyi spyod pa'i dkyil 'khor zhing thams cad du rgyas par 'gengs pa'i tshul rgya mtsho'i dbyangs rab tu 
bsgrag pa dang / byang chub sems dpa' thams cad kyi yang dag par bsgrub pa dang / rnam par 'phrul pa'i tshul rgya mtsho'i dbyangs rab tu bsgrag pa dang / de bzhin gshegs pa thams cad snying po byang chub tu gshegs pa dang bdud kyi dkrugs ma rnam par 'thor ba dang / snying 
po byang chub tu rnam par 'tshang rgya ba dang / rnam par 'phrul pa mdzad pa'i dbyangs rgya mtsho rab tu bsgrag pa dang / de bzhin gshegs pa thams cad kyi chos kyi 'khor lo 'khor ba dang / mdo sde'i tshul dang ming rgya mtsho'i dbyangs kyi sprin gyi 'brug sgra bsgrags pa dang / 'gro 
ba 'dul ba thams cad dus la bab pa'i 'khor los 'dul ba'i chos kyi tshul dang thabs kyi sgra rab tu bsgrag pa dang / ye shes thams cad khong du chud par bya ba'i phyir smon lam ji ltar btab pa dang / dge ba'i rtsa ba'i khyad par dang dus dang thabs dang / chos kyi 
tshul rgya mtsho'i dbyangs rab tu bsgrag pa byed cing / mi mjed kyi 'jig rten gyi khams gang na ba der lhags nas/ bcom ldan 'das gang na ba der dong ste/ 'khor dang bcas pas bcom ldan 'das la phyag 'tshal nas/ 'og gi phyogs su brten te/ de </font><hr>37-1-288a<br><font size=+1>
bzhin gshegs pa thams cad kyi gzhal med khang gzugs brnyan rab tu snang ba rin po che sna tshogs thams cad kyi mdzod kyi khang ba brtsegs pa dang / seng ge'i khri rin po che thams cad kyi gzugs kyi pad mo'i snying po yongs su bzung ba dag mngon 
par sprul nas/ rin po che'i snying po byang chub thams cad kyi gzugs brnyan rab tu snang ba'i rgyal mtshan gyi cod pan mgo la bcings pa'i byang chub sems dpa'i lus su byin gyis brlabs nas/ skyil mo krung bcas te 'khod do/ /steng gi phyogs kyi 'jig rten gyi khams 
rgya mtsho sangs rgyas kyi zhing brjod du med pa'i rdul shin tu phra ba snyed kyi pha rol gyi 'jig rten gyi khams sangs rgyas kyi rigs mi zad pa shin tu ston pa zhes bya ba de bzhin gshegs pa ye shes kyi dkyil 'khor kun tu snang ba'i dbyangs kyi sangs rgyas kyi zhing nas byang chub sems 
dpa' chos kyi dbyings kyi smon lam gyi gzhi rab tu rtogs pa zhes bya ba byang chub sems dpa' 'jig rten gyi khams rgya mtsho brjod du med pa'i rdul shin tu phra ba snyed dang / lhan cig tu bcom ldan 'das des gnang nas/ 'khor gyi dkyil 'khor rgya mtsho de nas 'phags te/ 
mtshan dang dpe byad bzang po thams cad dang / ba spu'i sgo thams cad dang / lus thams cad dang / yan lag dang nying lag thams cad dang / tshig gi lam thams cad dang / gos dang smad g.yogs thams cad nas byang chub sems dpa'i 'khor thams cad dang / 
bdag dang bcom ldan 'das rnam par snang mdzad dang / sngon gyi mtha'i mur thug pa'i de bzhin gshegs pa 'das pa thams cad dang / phyi ma'i mtha'i mur thug pa'i de bzhin gshegs pa lung bstan pa dang / lung ma bstan pa ma byon pa thams cad dang / da ltar byung ba 
phyogs bcu'i sangs rgyas kyi zhing 'byam klas pa thams cad na bzhugs pa rnams kyi sngon sbyin pa'i pha rol tu phyin pa mdzad pa dang ldan pa'i sngon gyi sbyor ba rgya mtsho dang / len pa dang sbyin pa'i dngos po thams cad kyi gzugs brnyan mtshan dang dpe byad bzang po dang / ba spu'i </font><hr>37-1-288b<br><font size=+1>
sgo dang lus thams cad dang / yan lag dang nying lag dang tshig gi lam dang gos dang smad g.yogs thams cad la rab tu snang bar gyur par rnam par bstan pa dang tshul khrims kyi pha rol tu phyin pa thams cad dang ldan pa'i sngon gyi sbyor ba rgya mtsho dag kyang rab tu snang bar yongs su bstan 
pa dang / bzod pa'i pha rol tu phyin pa dang ldan par yan lag dang nying lag thams cad 'thub pa rab tu bstan pa dang ldan pa'i sngon gyi sbyor ba rgya mtsho rab tu snang bar gyur ba yongs su bstan pa dang / byang chub sems dpa' thams cad kyi brtson 'grus dang drag shul dang / rnam 
par gnon pa dang ldan pa'i sngon gyi sbyor ba rgya mtsho rab tu snang bar gyur pa yongs su bstan pa dang / de bzhin gshegs pa thams cad kyi bsam gtan rgya mtsho yongs su tshol zhing rab tu bsgrub pa dang ldan pa'i sngon gyi sbyor ba rgya mtsho rab tu snang bar gyur pa yongs su bstan pa dang / 
de bzhin gshegs pa thams cad chos kyi 'khor lo bskor ba'i tshul yongs su bsgrub cing / chos yongs su tshol ba dang ldan pa dang / bdog pa thams cad yongs su gtong zhing shin tu zhe non pa'i lus dang ngo'i gzugs brnyan rnam par dmyigs par bya bas sngon gyi 
sbyor ba rgya mtsho rab tu snang bar gyur pa yongs su bstan pa dang / de bzhin gshegs pa thams cad mthong zhing dga' ba dang / byang chub sems dpa' thams cad kyi lam la 'gro ba thams cad mngon par mos par byed pa dang ldan pa'i sngon gyi sbyor ba rgya mtsho rab tu snang bar gyur 
pa yongs su bstan pa dang / byang chub sems dpa' thams cad kyi smon lam rgya mtsho mngon par bsgrub pa'i sgo yongs su dag pa'i rgyan dang ldan pa'i sngon gyi sbyor ba rgya mtsho rab tu snang bar gyur pa yongs su bstan pa dang / byang chub sems dpa' thams cad kyi stobs 
kyi pha rol tu phyin pa rab tu grub pa dang / rnam par mnan pa dang / rnam par dag par byas pa dang ldan pa'i sngon gyi sbyor ba rgya mtsho rab tu snang bar gyur pa yongs su bstan pa dang / chos kyi dbyings rgya chen po rnam par 'phrul pa thams cad kyi sprin gyis rgyas par bkang ste/ byang </font><hr>37-1-289a<br><font size=+1>
chub sems dpa' thams cad kyi ye shes kyi dkyil 'khor dang ldan pa'i sngon gyi sbyor ba rgya mtsho rab tu snang bar gyur pa yongs su bstan pa byed cing / myi mjed kyi 'jig rten gyi khams gang na ba der lhags nas/ bcom ldan 'das gang na ba der dong ste/ 
'khor dang bcas pas bcom ldan 'das la phyag 'tshal nas/ steng gi phyogs su brten te/ rdo rje'i dbang po sna tshogs thams cad kyi rgyan gyi snying po can gyi khang pa brtsegs pa dang / seng ge'i khri rdo rje dang /in dra nI la'i pad+mo'i snying po can dag mngon par sprul 
nas nor bu'i rgyal po rin po che thams cad rab tu 'bar ba'i dra bas kun nas brgyan pa dang / rin po che'i rgyal po dus gsum gyi de bzhin gshegs pa'i mtshan dbyangs su sgrog pa'i phreng ba rab tu 'phyang ba dang / mgo la rin po che'i cod pan thogs pa'i byang chub 
sems dpa'i lus su byin gyis brlabs nas skyil mo krung bcas te 'khod do// //sangs rgyas rmad gcad ces bya ba shin tu rgyas pa chen po'i mdo/ /bam po nyi shu lnga pa/ byang chub sems dpa' de dag thams cad kyang 'khor dang bcas par 
byang chub sems dpa' kun tu bzang po'i spyod pa dang smon lam gyis byung ba de bzhin gshegs pa thams cad kyi zhabs kyi drung nas zhal du lta ba/ ye shes yongs su dag pa'i myig dang ldan pa de bzhin gshegs pa thams cad kyi chos kyi 'khor lo dang / mdo sde'i tshul 
gyi gsung rgya mtsho la rna ba yongs su gzhol ba/ byang chub sems dpa' thams cad kyi dbang rab tu thob par bya ba la/ dam pa'i pha rol tu bgrod par phyin pa'i mchog thob pa/ de bzhin gshegs pa thams cad kyi drung du 'dong ba/ 
skad cig skad cig tu/ yongs su bstan par rnam par 'phrul bas byung ba/ 'jig rten gyi khams thams cad lus gcig gis rgyas par dgang ba'i yul dang ldan pa/ de bzhin gshegs pa thams cad kyi 'khor gyi dkyil 'khor du lus </font><hr>37-1-289b<br><font size=+1>
mngon par 'byung zhing rnam par snang ba/ rdul shin tu phra ba gcig la 'jig rten gyi khams thams cad khams gcig tu snang zhing khongs su chud par yang dag par ston pa'i yul dang ldan pa 'gro ba thams cad yongs su smin par bya ba dang / 'dul ba'i dus la sdong bar 
gzhol ba/ de bzhin gshegs pa thams cad kyi chos kyi 'khor lo'i sprin gyi 'brug sgra ba spu'i bu ga thams cad nas rab tu sgrog pa'i yul dang ldan pa/ sems can gyi khams thams cad sgyu ma lta bur yongs su shes pa rab tu thob pa/ de bzhin gshegs pa thams 
cad mig yor lta bur khong du chud pa/ srid pa'i rgyud du skye ba thams cad rmi lam lta bu shes par byung ba las dang rnam par smin pa thams cad gzugs brnyan lta bur shes pas rnam par dag pa/ ye shes mngon par grub pa thams cad smig rgyu lta bur mngon 
par shes pa/ 'jig rten gyi khams 'byam klas pa thams cad sprul pa lta bur khong du chud pa dang / de bzhin gshegs pa'i stobs bcu dang ye shes kyi snang ba rab tu thob pa/ myi 'jigs pa'i khyu mchog dang / seng ge'i nga ros rnam par gnon pa/ so so yang 
dag par rig pa myi zad pa'i rgya mtshor zhugs pa/ 'gro ba thams cad kyi skad rgya mtsho dang / chos kyi nges pa'i tshig gi ye shes rab tu thob pa/ chos kyi dbyings dang nam mkha' ltar chags pa myed pa'i ye shes kyi spyod yul dang ldan pa/ chos thams cad 
la sgrib pa med pa'i ye shes rab tu thob pa/ byang chub sems dpa' thams cad kyi mngon par shes pa la ye shes kyi dkyil 'khor rnam par dag pa bdud kyi dkyil 'khor thams cad rnam par dkrug pa'i brtson 'grus dang ldan pa/ dus gsum thams cad shes pa'i stobs la rab tu gnas pa/ 
chos thams cad la ye shes sgrib pa med pa rab tu thob pa/ gnas myed pas nam mkha'i spyod yul dang ldan pa/ thams cad mkhyen pa'i sa len pa myed pa/ nam mkha' lta bu'i brtson 'grus dang ldan pa/ srid pa thams cad myi dmyigs pa'i ye shes kyi </font><hr>37-1-290a<br><font size=+1>
spyod yul can/ chos kyi dbyings thams cad kyi tshul rgya mtsho la rab tu zhugs pa/ 'jig rten gyi khams thams cad tha myi dad pa'i ye shes kyi sgor zhugs pa/ 'jig rten gyi khams thams cad gcig nas gcig tu gzung ba'i rnam par 
'phrul pas byung ba/ 'jig rten gyi khams kyi rgyud thams cad du skyes pa'i lus yongs su ston pa/ 'jig rten gyi khams thams cad kyi dbyibs phra ba dang / rgya che ba dang yangs pa dang / dog pa sna tshogs rab tu rtogs pa shin tu phra zhing rgya chen po yang dag 
par gzud pa'i ye shes khong du chud pa/ dmyigs pa rgya chen po shin tu phra bar shes pa dang ldan pa/ sangs rgyas thams cad dang sems kyi skad cig la 'grogs pa rab tu thob pa/ de bzhin gshegs pa thams cad kyi byin gyi rlabs kyi ye shes kyi lus dang ldan pa/ 
phyogs rgya mtsho thams cad du mgo rmongs pa myed pa'i ye shes rab tu thob pa sems kyi skad cig gis phyogs rgya mtsho thams cad du rnam par 'phrul pas rgyas par 'gengs pa sha stag ste/ de bzhin gshegs pa'i byin gyi rlabs kyis de lta bu'i yon tan tshad myed pa dang ldan pa'i 
byang chub sems dpa' sha stag gis dze ta'i tshal thams cad yongs su rgyas par gyur kyang / nyan thos chen po sha ri'i bu dang / mo'u dgal gyi bu dang 'od srungs chen po dang / nam 'gru dang / rab 'byor dang / 'gag myed dang / mos pa dang / ka t+ya'i bu dang / byams gang gi bu la stsogs 
pas dze ta'i tshal na 'khod bzhin du de bzhin gshegs pa'i rnam par 'phrul pa de dag ma mthong ngo / /sangs rgyas kyi bkod pa de dag dang / sangs rgyas kyi khyu mchog gi mthu dang / sangs rgyas kyi rnam par rol ba dang / sangs rgyas kyi cho 'phrul dang / sangs rgyas kyi 
mnga' chen po dang / sangs rgyas sbyong ba'i rnam par 'phrul pa dang / sangs rgyas kyi mthu dang / sangs rgyas kyi byin gyi rlabs dang / sangs rgyas kyi zhing yongs su dag pa yang ma mthong ngo / /byang chub sems dpa'i yul bsam gyis myi khyab pa de dag dang / byang chub </font><hr>37-1-290b<br><font size=+1>
sems dpa' kun nas 'ongs pa dang / byang chub sems dpa' kun nas 'dus pa dang / byang chub sems dpa' kun nas tshogs pa dang / byang chub sems dpa' nye bar 'ongs pa dang / byang chub sems dpa'i rnam par 'phrul pa dang / byang chub sems dpa'i cho 'phrul 
dang/ byang chub sems dpa'i 'khor gyi dkyil 'khor dang / byang chub sems dpa'i phyogs su 'khod pa dang / byang chub sems dpa'i seng ge'i khri bkod pa dang / byang chub sems dpa'i khang pa dang / byang chub sems dpa'i rnam par spyod pa dang / byang 
chub sems dpa'i ting nge 'dzin gyis rnam par rtse ba dang / byang chub sems dpa'i rnam par lta ba dang / byang chub sems dpa'i rnam par bsgyings pa dang byang chub sems dpa'i rnam par gnon pa dang / byang chub sems dpa'i de bzhin gshegs pa mchod pa dang / 
byang chub sems dpa'i lung bstan pa dang / byang chub sems dpa'i yongs su smin par gyur pa dang / byang chub sems dpa'i sngon du 'dor ba dang / byang chub sems dpa'i chos kyi lus rnam par dag pa dang / byang chub sems dpa'i ye shes kyi lus yongs su rdzogs 
pa dang / byang chub sems dpa'i smon lam gyi lus rnam par dmyigs pa dang / byang chub sems dpa'i gzugs kyi lus yongs su grub pa dang / byang chub sems dpa'i mtshan phun sum tshogs pa yongs su dag pa dang / byang chub sems dpa'i 'od kyi dkyil 
'khor kha dog mtha' yas pa'i bkod pa dang / byang chub sems dpa'i 'od zer gyi dra ba rab tu 'gyed pa dang / byang chub sems dpa'i sprul pa'i sprin kun tu 'gyed pa dang / byang chub sems dpa'i phyogs kyi dra ba rgyas par 'gengs pa dang / byang chub sems dpa' spyod 
pa'i dkyil 'khor rnam par sprul pa yang ma mthong ngo / /de ci'i phyir zhe na/ dge ba'i rtsa ba myi mtshungs pa'i phyir te/ de dag gis ni sngon sangs rgyas kyi rnam par 'phrul pa mthong ba'i rgyur 'gyur ba'i dge ba'i rtsa ba ma bstsags so/ /de dag la ni sngon sangs rgyas </font><hr>37-1-291a<br><font size=+1>
bcom ldan 'das rnams kyis phyogs bcu'i 'jig rten gyi khams su gtogs pa'i sangs rgyas kyi zhing thams cad kyi yon tan dang / bkod pa yongs su dag pa yang dag par bstan pa mdzad do/ /de dag la ni sangs rgyas bcom 
ldan 'das rnams kyis sangs rgyas kyi rnam par 'phrul pa yang dag par brjod pa ma mdzad do/ /de dag gis ni sngon 'khor ba na 'khor ba'i tshe sems can rnams/ bla na med pa yang dag par rdzogs pa'i byang chub tu yang dag par bskul ba ma byas so/ /de dag gis 
ni gzhan gyi sems kyi rgyud la byang chub tu sems bskyed pa rab tu bzhag pa ma byas so/ /de dag gis ni de bzhin gshegs pa'i gdung rgyun myi gcod pa'i phyir zhugs pa ma yin no/ /de dag gis ni sems can thams cad yongs su bsdu ba'i phyir brtson pa ma yin no/ /de dag gis 
ni byang chub sems dpa' rnams pha rol tu phyin pa la yang dag par bskul ba ma byas so/ /de dag gis ni sngon 'khor ba na 'khor ba'i tshe/ 'gro ba thams cad las khyad par du 'phags pa'i ye shes kyis la dmigs pa ma byas so/ /de dag gis ni thams cad 
mkhyen pa nyid du 'gyur ba'i dge ba'i rtsa ba nye bar bstsags pa ma byas so/ /de dag gis ni de bzhin gshegs pa'i 'jig rten las 'das pa'i dge ba'i rtsa ba yongs su ma bsgrubs so/ /de dag gis ni sangs rgyas kyi zhing yongs su dag pa thams cad du rnam par 'phrul 
pa'i mngon par shes pa khong du ma chud do/ /de dag gis ni byang chub sems dpa'i mig gi lam gyis rnam par dmigs par bya ba 'jig rten las 'das pa thun mong ma yin pa'i byang chub tu dmigs pa'i dge ba'i rtsa ba byang chub sems dpa'i smon lam chen po las byung 
ba khong du ma chud do/ /nyan thos dang rang sangs rgyas kun gyis ni byang chub sems dpa' kun tu bzang po'i ye shes kyi mig gi lam gyis rnam par dmigs pa thun mong ma yin pa de bzhin gshegs pa'i byin gyi rlabs las byung ba'i sgyu ma'i rnam pa'i chos nyid kyis grub pa/</font><hr>37-1-291b<br><font size=+1>
byang chub sems dpa' 'du shes sna tshogs yongs su 'dzin pa byin gyis rlob pa/ byang chub sems dpa'i dga' ba'i shugs chen po rnam par 'phel bar byed pa khong du ma chud do/ /de bas na nyan thos chen po mchog gi zung dang / bzang po'i zung la sogs pa de dag 
gis de bzhin gshegs pa'i rnam par 'phrul pa de mi mthong ngo / /mi shes so/ /khong du mi chud do/ /mi rtogs so/ /mi rig go /yid mi ches so/ /mi sems so/ /rnam par mi lta'o/ /rtogs par mi lta'o/ /nges par mi sems so/ /nye bar mi sems so/ /de 
ci'i phyir zhe na/ de ni sangs rgyas kyi spyod yul te nyan thos kyi spyod yul ma yin no/ /de bas na nyan thos chen po de dag dze ta'i tshal de nyid na 'khod kyang / sangs rgyas kyi rnam par 'phrul pa de dag mi mthong ste/ de dag la de dang mthun pa'i dge ba'i rtsa ba med do/ /
de dag gis sangs rgyas kyi rnam par 'phrul pa de dag mthong du de lta bu'i ye shes kyi myig rnam par ma dag go /dmyigs pa chung ngu la rgya chen po'i byin gyi rlabs kyis 'jug tu ting nge 'dzin de lta bu de med do/ /de dag shes pa dang / blta ba 'am/ khong du chud par bya ba'am/ rtogs par bya 
ba 'am/ rgyas par dgang par bya ba'am/ 'jug par bya ba'am/ rnam par blta ba'am/ nyams su myong bar bya ba'am/ gnan pa'am/ rnam par gnan pa'am/ gzhan gyis thos par bya ba'am/bstan par bya ba'am/ smos par bya ba'am/ yang dag par 
bstan par bya ba'am/ bstabs par bya ba'am/ sbyin par bya ba'am/ de la sems can rnams yongs su bskul bar bya ba'am/ sbyar bar bya ba'am/ rab tu dgod par bya ba'am/ sangs rgyas kyi rnam par 'phrul pa'i chos nyid la sems can dgod par byar 
yang de dag la de lta bu'i rnam par thar pa med do/ /de lta bu'i rdzu 'phrul med do/ /de lta bu'i khyu mchog gi mthu med do/ /de lta bu'i stobs med do/ /de lta bu'i dbang med do/ /de lta bu'i gnas med do/ /de lta bu'i 'du shes med do/ /de lta bu'i myig gi mthu med do/ /de lta bu'i ye shes </font><hr>37-1-292a<br><font size=+1>
med do/ /de ci'i phyir zhe na/ de dag ni de ltar nyan thos kyi theg pas byung ba nyan thos kyi lam gyis yongs su grub pa/ nyan thos kyi spyod pa'i dkyil 'khor yongs su rdzogs pa/ nyan thos kyi 'bras bu la gnas pa/ 
bden pa snang ba shes pas nges par rtogs pa/ yang dag pa'i mtha' la gnas pa/ shin tu zhi ba'i mthar thug pa/ snying rje chen po'i bsam pa med pa/ 'jig rten gyi khams thams cad la myi lta mi sdod pa/ rang gi don grub pa dag ste/ de dag ni dze ta'i tshal de 
nyid du kun nas 'dus te 'khod la/ bcom ldan 'das kyi spyan sngar dang g.yas g.yon dang / snam logs na bcom ldan 'das la mngon du lta bar gnas kyang / dze ta'i tshal der sangs rgyas kyi rnam par 'phrul ba de dag mthong bar ma gyur to/ /de ci'i phyir zhe na/ thams 
cad mkhyen pa'i ye shes yang dag par ma bsgrubs pa dang / thams cad mkhyen pa'i ye shes yang dag par ma bsdus pa dang / thams cad mkhyen pa'i ye shes la yang dag par ma zhugs pa dang / thams cad mkhyen pa'i ye shes la smon lam yang dag par ma btab pa 
dang / thams cad mkhyen pa'i ye shes mngon par ma bsgrubs pa dang / thams cad mkhyen pa'i ye shes yongs su ma bsgoms pa dang /thams cad mkhyen pa'i ye shes ma sbyangs pa de dag gis ni/ de bzhin gshegs pa'i ting nge 'dzin gyi rnam par 'phrul pa de la 
'jug cing rtogs par bya ba'am/ blta zhing khong du chud par bya bar myi nus so/ de ci'i phyir zhe na/ de ni byang chub sems dpa' rigs dang ldan pa rnams kyi myig gi lam gyis blta ba yin gyis/ nyan thos kyi myig gis blta ba ma yin no/ /de bas na nyan thos 
chen po de dag dze ta'i tshal de nyid na 'khod kyang de bzhin gshegs pa'i rnam par 'phrul pa dang / sangs rgyas kyi byin gyi rlabs dang / sangs rgyas kyi zhing yongs su dag pa dang / byang chub sems dpa' kun nas 'dus pa yang mthong bar ma gyur to/ /</font><hr>37-1-292b<br><font size=+1>
de'ang 'di lta ste dper na/ gang gA'i chu klung chen po'i ngogs pha rol tshur rol du yi dgas bkres pa dang / skom pas rab tu mnar ba gcer ba gos myed pa/ lus kyi mdog dang kha dog tshig cing 'jum pa rlung dang nyi mas bskams pa/ bya rog mang 
pos gtse ba/ spyang ki dang / was tho btsams pa/ brgya stong mang po kun nas 'dus kyang / gang gA'i chu klung chen po myi mthong ste/ sgrib pa'i las kyis bsgribs pa'i phyir la las ni bskams te chu med pa mthong ngo / /la las ni thal bas yongs su gang bar mthong ngo / /
de bzhin du nyan thos chen po gnas brtan de dag dze ta'i tshal de nyid na 'khod kyang thams cad mkhyen pa nyid dang myi mthun pa'i phyogs ma rig pa'i ling tog gis myig kun nas khebs pa dang / thams cad mkhyen pa nyid kyi sa'i dge ba'i rtsa ba'i mthus yongs su ma bzung 
ba'i phyir/ de bzhin gshegs pa'i rnam par 'phrul pa de dag ma mthong ma shes so/ /'di lta ste dper na 'dun ma chen po 'dus pa'i skye bo mang po'i dbus su myi la la zhig gnyid kyis myos te/ log par gyur nas de gnyid kyis log pa'i rmyi lam du gnas de nyid na 
lha'i grong rdal brgya byin gyi gnas blta na mdzes pa dang / ri rab kyi steng shing dang bcas pa/ bza' shing gi ra ba'i 'khor dang bcas pa/ lha'i bu mo bye ba khrag khrig brgya stong gis gang ba/ lha'i bu khrag khrig brgya phrag stong snyed gnas pa lha'i me tog sna tshogs 
kyis yongs su gang ba dang / yid bzhin gyi shing lha rdzas kyi gos dang mu tig gi phreng ba dang / rin po che'i rgyan dang / se mo do sna tshogs mang po 'byin pa dang / lha rdzas kyi sil snyan rnam pa sna tshogs rlung gis yongs su bskyod cing sgra dbyangs yid du 'ong la snyan pa 
'byin pa'i sil snyan gyi shing mang po dang / dga' ba'i rtsed mo'i bkod pa rnam pa sna tshogs mthong bar gyur la/ lha'i bu mo mang pos glu blangs pa dang / lha rdzas kyi rol mo byas pa'i sgra yid du 'ong zhing snyan pa thos par gyur te/ bdag nyid kyang de na </font><hr>37-1-293a<br><font size=+1>
'dug pa snyam byed la/ lha rdzas kyi bkod pas klubs pa'i gnas de dag thams cad mthong bar gyur kyang / skye bo'i tshogs mang po de dag gis gnas de nyid na 'khod bzhin du myi mthong / mi shes/ khong du mi chud do/ /de ci'i phyir zhe na/ 
de ni skyes bu gnyid kyi log pa de nyid kyi rmyi lam gyis blta ba yin gyi/ gnas de nyid na 'khod kyang skye bo mang po de dag gis blta ba ma yin no/ /de bzhin du byang chub sems dpa' de dag dang / 'jig rten gyi dbang po byang chub la mngon par mos pa de dag sangs rgyas kyi 
byin gyi rlabs rgya chen po dang / rang gi dge ba'i rtsa ba'i stobs ma nor bar shin tu bstsags pa dang / thams cad mkhyen pa nyid du smon lam shin tu mngon par bsgrubs pa dang / de bzhin gshegs pa'i yon tan thams cad la shin tu zhugs pa dang / byang chub 
sems dpa'i lam bkod pa chen po dang ldan pa la shin tu gnas pa dang / thams cad mkhyen pa'i ye shes kyi chos nyid dang / yan lag rnam pa thams cad du shin tu rdzogs pa dang / byang chub sems dpa' kun tu bzang po'i spyod pa'i khyad par dang / smon lam 
yongs su rdzogs par bya ba rnam par dag pa dang / byang chub sems dpa'i sa thams cad kyi ye shes kyi dkyil 'khor yongs su gnon pa dang / byang chub sems dpa'i ting nge 'dzin gyis rnam par spyod pa thams cad la rnam par rtse ba dang / byang chub sems 
dpa'i ye shes kyi spyod yul thams cad la chags pa myed par rnam par spyod pas bsam gyis myi khyab pa'i sangs rgyas kyi khyu mchog gi mthu phyung ba de dag dang / sangs rgyas kyi rnam par rol pa de dag mthong zhing khong du chud la nyams su myong bar gyur kyang / nyan thos chen 
po mchog gi zung dang / bzang po'i zung la stsogs pa de dag la byang chub sems dpa'i myig myed pas mthong bar ma gyur shes par ma gyur to/ /'di lta ste dper na/ ri'i rgyal po kha ba can sman gyi 'byung gnas kyis gang ba la sngags dang / rig sngags dang / sman gyi tshul </font><hr>37-1-293b<br><font size=+1>
dang / blang ba'i rgyus shes shing rig sngags grub pa'i skyes bu gnas pa/ sman gyi cho ga thams cad shes pa sman blang ba'i las byed kyang / ri bo'i dbang po de nyid la gnas pa'i phyugs dang / ba lang dang ra lug 'tsho ba dang / rngon pa dang de ma yin pa'i myi sman gyi tshul 
myi shes pa gzhan dag gis/ sman de dag gi cho ga dang / sman gyi ro dang mthu dang yon tan dang byin dang / thabs dang 'phrod pa mi shes so/ /de bzhin du byang chub sems dpa' de bzhin gshegs pa'i ye shes kyi yul la zhugs pa byang chub sems dpa'i 
rnam par 'phrul pa'i yul gyis byung ba/ de dag gis de bzhin gshegs pa'i ting nge 'dzin gyi rnam par 'phrul pa'i yul de dag mthong yang nyan thos chen po mchog gi zung dang / bzang po'i zung la stsogs pa rang gi dgos pas tshim par gyur pa/ gzhan gyi dgos 
pa yal bar gzhog pa/ btang snyoms can de dag dze ta'i tshal de nyid na gnas kyang / tshe 'di la bde bar spyod pas bde zhing dga' bar gnas pa las phar de bzhin gshegs pa'i ting nge 'dzin gyi rnam par 'phrul pa'i yul de dag khong du mi chud do/ /'di lta 
ste dper na/ sa chen po rin po che thams cad kyi 'byung gnas phun sum tshogs pa/ gter brgya stong du mas gang ba rin po che sna tshogs rnam pa tha dad pas yongs su gang ba 'di la'ang rin po che'i 'byung gnas dang / gter gyi rgyus la mkhas shing byang 
ba'i myi rin po che brtag pa'i gtsug lag gis blo shin tu byang ba gter gyi gtsug lag dang rgyus dang / dan rtags gya nom par lobs pa/ bsod nams rgya chen po'i stobs kyis brtan pa dag de las rin po che ci 'dod par blangs shing / bdag kyang yongs su 
tshim par byed/ pha dang ma la'ang legs par rim gro byed/ bu pho smos kyang legs par gso bar byed cing / de ma yin pa'i sems can rgan pa dang / na ba dang / dbul ba dang / nyam nyes pa dang / kha zas dang / gos kyis myi 'byor pa rnams </font><hr>37-1-294a<br><font size=+1>
la sdud cing khyab par bgo bsha' byed la/ nor gyi dga' ba sna tshogs nyams su myong bar byed kyang / sems can rin po che'i 'byung gnas dang / gter gyi rgyus myi shes pa bsod nams ma byas pa/ rin po che la shes pa'i myig 
yongs su ma dag pa/ de dag nyid na 'khod kyang / rin po che'i 'byung gnas de dag dang rin po che'i gter de dag khong du myi chud myi shes pas rin po che'ang blang du myed do/ /rin po che'i don kyang byar med do/ /de bzhin du byang chub sems dpa' de bzhin gshegs pa'i 
yul bsam gyis myi khyab pa la ye shes kyi myig shin tu rnam par dag pa de bzhin gshegs pa'i ye shes kyi yul bsam gyis myi khyab pa la zhugs pa/ de dag dze ta'i tshal na 'khod cing sangs rgyas kyi rnam par 'phrul pa de dag mthong la chos kyi tshul 
rgya mtsho la 'jug cing ting nge 'dzin gyi phyag rgya yongs su sgrub ste/ de bzhin gshegs pa'i mchod pa dang / rim gro la brtson zhing dam pa'i chos yongs su gzung ba la mngon par brtson te/ bsdu ba'i dngos po bzhis sems can de dag yongs su sdud kyang / nyan 
thos chen po de dag gis de bzhin gshegs pa'i rnam par 'phrul pa de dag dang / byang chub sems dpa'i tshogs chen po kun nas 'dus pa de lta bu'ang ma mthong ma shes so/ /'di lta ste dper na/ skyes bu la la zhig myig gnyis gos kyis bkab ste/ rin 
po che'i gling du phyin par gyur na/ des rin po che'i gling der phan tshun 'gro ba dang / 'greng ba dang 'dug pa dang nyal ba byas kyang rin po che'i 'byung gnas de myi mthong ngo / /rin po che'i shing dang gos kyi rin po che dang / spos kyi rin po che dang / rin po che thams cad 
kyang myi mthong la/ rin po che de dag gi spyod yul lam/ rin thang ngam/ yongs su spyod pa'i rgyus kyang mi shes pas/ de ni rin po che de dag len kyang myi len la/ rin po che'i don kyang nyams su myong par myi byed do/ /gang gi myig la bsgribs pa med pa de dag gis ni de </font><hr>37-1-294b<br><font size=+1>
dag thams cad mthong zhing shes so/ /de bzhin du byang chub sems dpa' chos rin po che'i gling chen por phyin pa de dag gis bla na med pa'i de bzhin gshegs pa rin po che 'jig rten thams cad kyi rgyan du gyur pa mngon du gyur te/ dze ta'i tshal na bzhugs 
shing sangs rgyas kyi rnam par 'phrul pa bsam gyis myi khyab pa yongs su ston pa mthong yang nyan thos chen po de dag /de bzhin gshegs pa'i zhabs kyi drung de nyid na gnas shing spyod kyang / de bzhin gshegs pa'i ting nge 'dzin gyi yul rnam par 'phrul pa'i cho 'phrul 
de dag ma mthong ngo / /byang chub sems dpa'i tshogs mang po de lta bu'i rin po che'i 'byung gnas chen po yang mthong bar ma gyur to/ /de ci'i phyir zhe na/ de bzhin gshegs pa'i ting nge 'dzin gyi khyu mchog gi mthu phyung ba dang / cho 'phrul bsam gyis myi khyab 
pa de dag ltar thams cad mkhyen pa nyid dang mi mthun pa'i phyogs kyi ma rig pa'i gos kyis ye shes kyi mig bkab pa/ de dag la byang chub sems dpa'i ye shes kyi mig yongs su dag pa de lta bu med do/ /de dag gis chos kyi dbyings gcig nas gcig tu brgyud pa la 
'jug pa de lta bu khong du ma chud do/ /'di lta ste dper na/ myig yongs su dag pa rdul dang bral bas rab tu snang ba dang ldan pa zhes bya ba rab rib dang / mun pa thams cad dang mi 'grogs pa yod de/ de myi la la zhig gis thob par gyur na/ de rdul dang 
bral bas rab tu snang ba dang ldan pa'i mig yongs su dag pa dang ldan pas mtshan mo mun pa'i mun nag shin tu gnag par gyur pa'i nang na sems can bye ba khrag khrig brgya stong kun nas 'dus pa dang / cho ga dang spyod lam rnam pa sna tshogs dang ldan zhing mun pa'i rab 
rib kyis myig yongs su 'khrugs par gyur pa myi'i khrod na 'dug cing rnam par rgyu la phan tshun 'gro ba dang / 'greng ba dang spyod lam rnam pa sna tshogs kyis spyod kyang mi de dag gis skyes bu spyod lam sna tshogs kyi spyod pa de mi mthong myi shes so/ /skyes bu </font><hr>37-1-295a<br><font size=+1>
des ni 'gro ba'i tshogs chen po spyod lam dang cho ga sna tshogs kyis rnam par spyod pa/ phyogs tha dad du mngon par bltas pa/ dbyibs kyi rnam pa tha dad pa kha dog gi rnam pa tha dad pa dmigs pa'i tshul tha dad pa thams 
cad kyang mi mthong ba med do/ /de bzhin du de bzhin gshegs pa byang chub sems dpa'i tshogs kyi 'khor mnga' ba/ rnam par dag cing chags pa mi mnga' ba'i spyan dang ldan pas 'jig rten thams cad mkhyen cing gzigs te/ sangs rgyas kyi ting nge 'dzin gyi 
rnam par 'phrul pa dang cho 'phrul chen po bstan pa mdzad kyang / nyan thos chen po de dag gis de bzhin gshegs pa'i ye shes dang ting nge 'dzin gyis rnam par sprul pa'i cho 'phrul chen po de dag mthong bar ma gyur to/ /byang chub sems dpa' 
chen po'i tshogs chen po de lta bu yang mthong bar ma gyur to/ /'di lta ste dper na/ dge slong la la zhig skye bo mang po'i tshogs kyi dbus su sas khyab pa'i ting nge 'dzin la snyoms par zhugs pa 'am/ chus khyab pa'am/ mes khyab pa 'am/ rlung gis 
khyab pa 'am/ sngon pos khyab pa'am/ sar pos khyab pa 'am/ dmar pos khyab pa 'am/ dkar pos khyab pa 'am/ lhas khyab pa 'am/ sems can sna tshogs kyi lus kyis khyab pa 'am/ sgra dang dbyangs kun gyis khyab pa 'am/ dmigs 
pa thams cad kyis khyab pa'i ting nge 'dzin la snyoms par zhugs na 'gro ba mang po'i tshogs de dag gis chu'i phung po de mi mthong ngo / /me'i snang ba de yang mi mthong ngo / /sems can sna tshogs kyi lus kyis khyab pa dang / dmigs pa thams cad kyis khyab pa'i bar 
du yang mi mthong ste/ ting nge 'dzin de la snyoms par zhugs shing rnam par spyod pa rnams ni ma gtogs so/ /de bzhin du de bzhin gshegs pas sangs rgyas kyi ting nge 'dzin gyi yul gyi rnam par sprul pa bsam gyis mi khyab pa de dag yongs su bstan </font><hr>37-1-295b<br><font size=+1>
pa mdzad na nyan thos chen po de dag gis mthong zhing shes par ma gyur te/ byang chub sems dpa' de bzhin gshegs pa'i lam la zhugs pa de dag gis ni de bzhin gshegs pa'i yul de dag mthong ngo / /khong du chud do/ /'di lta ste dper na/bsku ba grub pa'i myi ni mig gnyis 
bskus ma thag tu/ skye bo mang po thams cad kyis lus mi mthong ngo / /des ni 'gro 'am 'dug gam/ 'greng yang rung ste/ 'gro ba mang po thams cad mthong ngo / /de bzhin du de bzhin gshegs pa 'jig rten las 'das pa 'gro ba thams cad kyi yul las 
yongs su 'das pa thams cad mkhyen pa'i ye shes kyi yul du bzhugs pa/ byang chub sems dpa'i ye shes kyi mig gis shes par bya ba des 'gro ba thams cad gzigs kyang nyan thos chen po de dag gis de bzhin gshegs pa'i rnam par 'phrul pa de dag ma mthong ngo / /
'di lta ste dper na/ myi'i tsher 'grogs pa'i lha rtag tu rjes su 'brang ba ni/ des myi de mthong yang myis lha de mi mthong ngo / /de bzhin du de bzhin gshegs pa thams cad mkhyen pa'i ye shes kyi yul la zhugs pa/ byang chub sems dpa'i tshogs kun nas 'dus pa 
chen po'i dbus su sangs rgyas kyi rnam par 'phrul pa chen po yongs su bstan pa mdzad kyang / nyan thos chen po de dag gis de bzhin gshegs pa'i rnam par 'phrul pa dang / cho 'phrul chen po dang byang chub sems dpa'i 'khor gyi dkyil 'khor gyi rnam par 'phrul 
pa de dag kyang ma mthong ngo / /ma shes so/ /'di lta ste dper na/ dge slong sems can thams cad la dbang gi dam pa'i pha rol tu bgrod par phyin pa'i mchog thob pa 'du shes dang tshor ba 'gog pa la snyoms par zhugs pa ni shes pa med la tshor ba med pas dbang po drug gis kyang bya 
ba gang yang nyams su mi myong ste/ mya ngan las 'das pa'ang ma yin la 'jig rten gyi tha snyad thams cad gnas de yod kyang snyoms par zhugs pa de nyid kyi byin gyi rlabs dang mthus des mi shes myi mthong ngo / /de bzhin du nyan thos chen po de dag dze ta'i tshal </font><hr>37-1-296a<br><font size=+1>
de na'ang rnam par spyod la de dag la dbang po drug kyang yod de/ de bzhin gshegs pa'i ting nge 'dzin dang / rnam par 'phrul pa dang khyu mchog gi mthu phyung ba dang / cho 'phrul de dag mthong bar ma gyur/ khong du chud par ma gyur shes par ma gyur to/ /
byang chub sems dpa'i cho 'phrul chen po de dag dang / byang chub sems dpa'i rnam par 'phrul pa de dag kyang khong du ma chud ma mthong ma shes so/ /de ci'i phyir zhe na/ sangs rgyas kyi yul ni zab cing yangs la tshad med de/ blta bar dka' zhing rtogs par 
dka' ste/ khong du chud par dka' la 'jig rten thams cad las yongs su 'das pa'o/ /sangs rgyas kyi yul ni bsam gyis mi khyab ste/ nyan thos dang / rang sangs rgyas thams cad kyis mi 'dus pa'o/ /de bas na nyan thos chen po de dag dze ta'i tshal de 
nyid na 'khod cing / bcom ldan 'das kyi zhabs kyi drung na spyod kyang sangs rgyas kyi rnam par 'phrul pa de dag dang byang chub sems dpa'i tshogs chen po de dag kyang ma mthong ngo / /dze ta'i tshal 'jig rten gyi khams grangs med pa bsam gyis mi khyab pa rnam par 
dag pa'i yon tan dang / rgyan yongs su 'dus pa de dag kyang ma mthong ma shes te/ de ni snod du ma gyur pa'i phyir ro/ /de nas byang chub sems dpa' rnam par snang mdzad kyi smon lam gyi gtsug gi 'od zer rab tu snang bas sangs rgyas kyi byin gyi rlabs 
kyis de'i tshe tshigs su bcad pa 'di dag smras so/ /ltos shig sems can dam pa yi/ /sangs rgyas byang chub bsam myi khyab/ /rgyal bas sangs rgyas rnam 'phrul ba/ dze ta'i rgyal mtshan 'dir bstan to/ /rang byung rnams kyi byin gyi 
rlabs/ /bgrang du med par 'byung ba la/ /sangs rgyas chos tshul mi shes pa'i/ /'jig rten kun kyang mgo rmongs so/ /chos kyi rgyal po'i cho 'phrul dag /tshad med bsam gyis mi khyab cing / /shin tu zab pa 'byung ba ni/ /de la 'jig </font><hr>37-1-296b<br><font size=+1>
rten 'bab mi nus/ rdzogs pa'i sangs rgyas kha dog mdog /mtshan gyis shin tu rnam par klubs/ /yang dag sangs rgyas bskyed pa yis/ chos rab de dag mtshan nyid med/ /rnam 'phrul mtha' dang dbus myed la/ /tshig gi lam gyis brjod 
dka' ba'i/ /rnam 'phrul shin tu zab pa dag /rgyal bas dze ta'i tshal du bstan/ /rgyal sras bdag nyid che ba'i rnams/ /zhing rnams bsam yas bye ba nas/ /rgyal ba'i zhal ltar mos dga' ste/ /kun nas 'dus pa'i tshogs la ltos/ /smon lam 
yongs su phun sum tshogs/ /spyod lam spyod pa chags med pa/ /de dag bsam pa shes par ni/ /'jig rten kun gyis mi nus so/ /de dag sems dang spyod yul dang / /spyod pa dag kyang nyan thos dang / /rang rgyal thams cad yongs kyis kyang / /
rnam pa kun tu shes mi nus/ /rgyal sras shes rab chen po rnams/ /gzhan gyis thub dka' pham byed la/ /dpa' ba'i rgyal mtshan ma 'dres shing / /ye shes sa la gzhol gyur pa/ /ting 'dzin dpag tu tshad med la/ /grags chen mnyam par gzhag 
pa rnams/ /chos dbyings thams cad rgyas bkang zhing / rnam par 'phrul pa kun kyang ston/ /de nas byang chub sems dpa' thub par dka' ba'i brtson 'grus kyi shugs kyi rgyal pos sangs rgyas kyi byin gyi rlabs kyis/ phyogs bcur rnam par bltas 
nas/ de'i tshe tshigs su bcad pa 'di dag smras so/ /bsod nams snying po shes rab che/ /byang chub spyod pa'i tshul rtogs shing / /'jig rten kun la bde byed pa'i/ /bde gshegs sku las skyes pa ltos/ /yid gzhungs blo gros mtha' yas shing / /
shin tu mnyam gzhag sems ldan pa/ /mtha' dang dbus med zab pa yi/ /ye shes rgya chen spyod yul can/ /rgyan rab mang pos mdzes byas pa'i/ /dze ta'i nags tshal rgya che ba/ /byang chub sems dpas kun rgyas shing / /bde gshegs bzhugs pa'i </font><hr>37-1-297a<br><font size=+1>
gnas gyur pa/ /gnas med mi gnas gyur ba rnams/ /phyogs rnams bcu nas kun 'dus te/ /pad+mo'i stan la 'khod pa dag /rgya mtsho mang la blta bgyis/ /gnas myed len pa med pa rnams/ /spros pa med cing myi rten 
la/ /rdul bral chags pa'i sems med pa/ /chos kyi dbyings la gzhol ba dang / /ye shes rgyal mtshan rab dpa' ba/ /rdo rje'i sems ni mi g.yo zhing / /grub pa med pa'i chos rnams la/ /mya ngan 'da' bar gang ston pa/ /phyogs bcu'i zhing mang bye ba 
rnams/ /grangs kyis myi chod kun nas 'dus/ /yang dag sangs rgyas drung du lhags/ gnyis kyi 'du shes rnam par spangs/ /rang 'byung shAkya seng ge yi/ /rnam par 'phrul pa 'di dag mthong / /de yi byin rlabs dam pa yi/ /byang chub sems 
dpa' 'di dag lhags/ /sangs rgyas chos la 'byed pa med/ /chos dbyings gzhi la'ang de bzhin te/ /tha snyad tsam du yongs 'byed pa'i/ /pha rol phyin pa rgyal ba'i sras/ /chos kyi dbyings la dbyer med pa'i/ /mtha' la thugs pa de dag gnas/ /
tshig rnams yongs su zad med pas/ chos la dbye ba'ang rab tu byed/ de nas byang chub sems dpa' kun nas 'phags pa'i gzi brjid rgyal pos/ /sangs rgyas kyi byin gyi rlabs kyis phyogs bcur rnam par bltas te/ /de'i tshe tshigs 
su bcad pa 'di dag smras so/ /ltos shig sems can dam pa yi/ /ye shes dkyil 'khor shin tu yangs/ /dus dang dus myin mkhyen mdzad cing / /sems can rnams la chos kyang ston/ /mu stegs ldan pa tshogs 'dus pa'i/ /rgol ba 
thams cad rab tu 'joms/ /sems can bsam pa ji bzhin du/ /rnam par 'phrul ba yongs su ston/ /phyogs na mi bzhugs bde gshegs rnams/ /sangs rgyas yul gyi rjes mi bzhud/ /tshad med pa dang tshad yod las/ /thub pa chen </font><hr>37-1-297b<br><font size=+1>
po 'das pa myin/ /nyi ma mkha' las 'gro ba ni/ /nyin par 'grangs pa smos pa byed/ /de bzhin mkhyen pas mkhas ston pa/ /dus gsum chags pa med pas brjod/ /zla ba nya ba'i mtshan mo la/ /zla ba'i dkyil 'khor 'phags par snang / /de 
bzhin chos dkar yongs rdzogs pa'i/ /mgon po rnams kyang mthong ba yin/ /bar snang nam mkha'i dbyings 'di las/ /nyi ma'i dkyil 'khor rgyu ba ni/ /gar yang thogs pa med par 'gro/ /sangs rgyas rnam 'phrul de bzhin no/ /ji ltar nam 
mkha'i phyogs rnams kyi/ /zhing rnams kun la mi gnas pa/ /de bzhin 'jig rten sgron ma yi/ /sangs rgyas rnam 'phrul shes par bya/ /ji ltar sa ni 'jig rten na/ /lus can kun gyi gnas yin pa/ 'jig rten sgron ma'i 'jig rten na/ /
chos kyi 'khor lo de ltar gnas/ /ji ltar rlung ni chags med par/ /mkha' las mgyogs par rab rgyu ba/ /de bzhin sangs rgyas chos nyid kyang / /'jig rten khams su rab tu rgyu/ /ji ltar chu yi phung po la/ /zhing rnams bgrangs pa kun 
gnas pa/ /de bzhin dus gsum sangs rgyas kyang / /ye shes tshogs la rab tu gnas/ /de nas byang chub sems dpa' dpal gyi snying po chags pa med pa'i rgyal pos/ sangs rgyas kyi byin gyi rlabs kyis phyogs bcur rnam par bltas te/ 
de'i tshe tshigs su bcad pa 'di dag smras so/ /ji ltar rdo rje'i ri dang brag /zang yag shin tu mtho yod pa/ /da ltar 'jig rten kun skyob pa'i/ /sangs rgyas mngon par 'phags pas mtho/ /ji ltar rgya mtsho'i chu chen dag /tshad med rnyog 
pa med pa ltar/ /sangs rgyas mthong ba'ang de bzhin te/ /'jig rten kun gyi skom pa gcod/ /rgya mtsho'i chu las 'phags pa yi/ /ri bo ri rab ci 'dra ba/ /de bzhin 'jig rten sgron na yang / chos kyi mtsho las mngon par 'phags/ /rin chen </font><hr>37-1-298a<br><font size=+1>
kun gyi 'byung gnas kyis/ /rgya mtsho rgyas pa ji bzhin du/ /rang byung ye shes de bzhin te/ mi zad skad cig rab mkhyen pa/ /mgon po'i ye shes shin tu zab/ /tshad med de bzhin bgrang du myed/ de bas sangs rgyas rnam 'phrul pa/ /
bsam gyis myi khyab tshad med ston/ /sgyu ma'i mtshan nyid ston pa yi/ /sgyu mkhan mkhas pa ji lta ba/ /de ltar sangs rgyas mkhyen dbang yang / /rnam par 'phrul pa rab tu ston/ /yid bzhin nor bu rnam dag pa/ /bsam don rdzogs byed ji lta ba/ /de bzhin 
bsam pa dag pa la/ /rgyal ba smon lam rdzogs pa mdzad/ /'od snang gsal ba byed pa yi/ /rin chen rnam snang ji lta ba/ /de ltar thams cad mkhyen pa dag /'gro ba'i bsam pa gsal bar mdzad/ /ji ltar phyogs la mngon lta ba'i/ /rin chen 
zur brgyad rab gnas pa/ de bzhin chags med sgron ma yang / /chos dbyings rab tu snang ba mdzad du/ /chu 'dang rin chen 'od gsal ba/ /ji ltar dri med chu 'dang byed/ /de bzhin sangs rgyas mthong bas kyang / /'gro ba'i dbang po dag par 'gyur/ /de nas 
byang chub sems dpa' chos kyi dbyings su smon lam rab tu 'phrul ba'i zla ba'i rgyal pos/ /sangs rgyas kyi byin gyi rlabs kyis phyogs bcur rnam par bltas te/ /de'i tshe tshigs su bcad pa 'di dag smras so/ /phyogs 'di in dra nI la yi/ /kha dog 
mdog gcig byas pa ltar/ sangs rgyas mthong bas skye dgu rnams/ /de bzhin byang chub mdog tu 'gyur/ /sangs rgyas rdul phran re re la/ /rnam par 'phrul pa sna tshogs rnams/ /tshad kyis gzhal du med pa ston/ /byang chub sems dpa' rnam dag 
mdzad/ /de ni rmad byung shin tu zab/ /mtha' yas bsgrub par dka' ba ste/ /blo ldan ye shes yul de la/ /'jig rten rnams ni 'bab mi nus/ /byang chub sems dpa' bsgrub don du/ /bkod pa phun sum tshogs pa dang / /sangs rgyas tshul </font><hr>37-1-298b<br><font size=+1>
gyis rnam sbyangs pa'i/ /chos kyi dbyings la 'jug pa ston/ /sangs rgyas zhing rnams bsam yas pa/ /blo ldan bskor ba'i sangs rgyas kyis/ /kun nas gang bar gyur pa yang / /rgyal ba de la ston pa mdzad/ /chos kun mnga' sgyur ston pa ste/ /shAkya'i 
khyu mchog skyes par gyur/ /de yi cho 'phrul tshad med pa/ 'di dag rab tu byung ba yin/ /brtan pa'i spyod pa sna tshogs rnams/ /tshad med rnam par gzigs gyur nas/ /rnam par 'phrul pa mtha' yas pa/ /tshad med gzi can ston pa mdzad/ /'jig 
rten mgon po rgyal sras rnams/ /chos kyi dbyings la slob pa mdzad/ /chos rnams thams cad yongs la yang / /chags med ye shes spyod yul 'gyur/ /skyes bu dbang po'i byin rlabs kyis/ /cho 'phrul brgya dang rab ldan zhing / /'jig rten thams cad 
rnam spyod pa'i/ /chos kyi 'khor lo rab tu bskor/ /sems can gtso bo'i yul la yang / /ye shes dkyil 'khor yongs sbyongs shing / /shes rab chen po'i klu chen rnams/ /'jig rten thams cad 'grel bar 'gyur/ /de nas byang chub sems dpa' 
chos kyi don gyi blo gros gzi brjid rgyal pos/ /bcom ldan 'das kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so/ /drang srong dam pa'i mchog rnams kyi/ /dus gsum nyan thos gang byung 
ba/ /de dag kun gyis bde gshegs kyi/ /gshegs thabs 'jog 'deg mi shes so/ /dus gsum ma lus thams cad kyi/ /ma nor rang rgyal gang byung ba/ /de dag gis kyang mgon po yi/ /gshegs thabs 'jog 'deg mi rig go /
ma rig mun pas bsgribs pa rnams/ /khyi ltar ltong la rgyus pa yi/ /sems can de 'dra kun gyis ni/ /mgon po myi shes smos mi dgos/ /rgyal ba tshad mas gzhal ba myin/ /de ni shes par mi nus te/ /sangs rgyas chags med ye shes can/ /</font><hr>37-1-299a<br><font size=+1>
tshig gi lam las shin tu 'das/ /zla ba nya rgyas 'od mnga' ba/ brtan pa mtshan gyis rnam par bris/ /de ni bskal pa dpag yas par/ /rnam 'phrul thogs med spyod pa mdzad/ /tshul sgo re res sangs rgyas la/ / shin tu mnyam 
bzhag bsam byas kyang / /bskal pa bye ba bsam yas pa/ /brjod du med pa zad 'gyur gyi/ /rang byung rnams kyi yon tan las/ /phyogs gcig cha yi mthar myi phyin/ /sangs rgyas de yi zhal bltas kyang / /sangs rgyas chos ni bsam mi khyab/ /gang zhig de la smon 
byed cing / /gang zhig yid kyis dga' mos pa/ /de dag kun gyi de 'dra ba'i/ /spyod yul blta dka' 'thob par 'gyur/ /bsod nams ye shes mtha' yas shing / /tshogs can yangs pas rnam gnon la/ /dri med blo ldan sems gnas pa/ /de dag 'di yi tshul la 
'jug /de dag smon lam rgya che bas/ /sems dang sdom pa rgya che ste/ /rgyal ba'i spyod yul thob gyur cing / /byang chub rgya chen gnon par 'gyur/ /de nas byang chub sems dpa' bdud kyi dkyil 'khor rnam par 'thor ba'i ye shes rgyal mtshan gyi rgyal pos/ 
sangs rgyas kyi byin gyi rlabs kyis phyogs bcur rnam par bltas te/ /de'i tshe tshigs su bcad pa 'di dag smras so/ /chags med ye shes sku mnga' bas/ /rang byung rnams ni sku med de/ /bsam yas ye shes yul mnga' bas/ /de dag bsam par mi 
nus so/ /phrin las dkar po bsam yas pas/ /sangs rgyas sku rab bsgrub pa'i phyir/ /de la 'jig rten gsum mi 'go /mtshan dang dpe byad bzang pos mdzes/ /chos kyi dbyings kyis rnam sbyangs pas/ /'jig rten kun tu snang ba mdzad/ /sangs 
rgyas byang chub sgo yin te/ /ye shes kun gyi gnas chen no/ /chags pa thams cad rnam spangs pas/ /rdul med spros pa mi mnga'o/ /ye shes 'od zer rab 'gyed pas/ 'jig rten kun tu nyi ma 'dra/ /khams gsum thams cad rnam sbyong </font><hr>37-1-299b<br><font size=+1>
pas/ /srid pa'i 'jigs pa rnam par gcod/ /byang chub sems dpa' bsgrub pa mdzad/ /byang chub 'byung gnas de bzhin no/ /kha dog mtha' yas ston mdzad kyang / /kha dog kun la gnas pa med/ /sems can kun gyis bsam yas pa'i/ /kha dog 
tshad med yongs su ston/ /skad cig gcig la sangs rgyas kyi/ /byang chub bsam yas sbyangs pas na/ /de yi ye shes mthar phyin par/ /rtag par sus kyang mi nus so/ /ye shes bstan pa zad myi shes/ /rang bzhin rnam par 'gyur ba med/ /de la 
dus gsum rgyal ba kun/ /skad cig gcig gis rab tu brjod/ /rtag par las gzhan yongs btang ste/ /shes ldan byang chub don gnyer bas/ /sems la sems shes bya ba yang / de la sems skye med par bsam/ /gang gi sangs rgyas 
bskyed pa yi/ /sangs rgyas chos rnams bsam mi khyab/ /de dag brjod pa'i yul ma yin/ /shin tu zab pas tshig lam spangs/ /de nas byang chub sems dpa' rnam par snang mdzad kyi smon lam dpal gyi rgyal mtshan gyis/ sangs rgyas kyi byin gyi 
rlabs kyis phyogs bcur rnam par blta/ de'i tshe tshigs su bcad pa 'di dag smras so/ /dran pa rmongs med dag pa rnams/ /chos 'dzin shin tu nges rtogs shing / /blo gros bsam gyis mi khyab la/ /byang chub rgya mtsho myi zad pa/ /de dag yid ni 'di 
la des/ /de dag spyod pa'i spyod yul yin/ /de dag shes pa 'dir myi g.yo/ /de dag 'di la the tsom 'chad/ /de dag skyo bar myi 'gyur te/ /de dag yid kyang zhum mi 'gyur/ /sangs rgyas chos la rab gzhol bar/ /de dag sems kyang rab tu 'byung / 
de dag dad pa rting tshugs shing / /yang dag 'phags pa rab tu bskyed/ /dmigs med gnas pa med pa yi/ /ye shes 'di la de dag dga'/ /bskal pa bye bar bstsags pa yi/ /yongs su rdzogs pa'i dge ba'i chos/ /ye shes 'di 'dod mtshungs </font><hr>37-1-300a<br><font size=+1>
pa med/ /de dag thams cad yongs su sngo/ /'khor ba'i nang na rnam rgyu yang / /'khor ba dag la gnas pa myin/ /sangs rgyas chos rnams rab rtogs pas/ /sangs rgyas yul la rab tu rtse/ /sems can khams ni ji snyed 
du/ /'jig rten phun sum tshogs rgyu ba/ /de dag thams cad brtan pas spangs/ /sangs rgyas phun sum tshogs la gnas/ /sangs rgyas rtag tu 'byung 'gyur kyang / 'jig rten don med rab tu gnas/ /chags med spyod pa de dag ni/ /rtag tu sems 
can don la gnas/ /de dag spyod pa mtshungs med de/ /lus can kun gyis bsam mi khyab/ /'jig rten bde ba kun sems pas/ /de dag sdug bsngal rnam par bzlog /'jig rten kun la snying brtse zhing / /byang chub ye shes rnam dag pas/ /de dag 
'jig rten snang bar gyur/ /'jig rten thams cad rab tu 'grel/ /de nas byang chub sems dpa' sgrib pa thams cad rnam par 'thor ba'i rgyal pos/ /sangs rgyas kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di 
dag smras so/ /bskal pa bye ba phrag brgyar yang / /sangs rgyas sgra ni rab dkon na/ /the tsom thams cad gcod pa yi/ /dam pa mthong ba ci zhig smos/ /chos kun thugs su chud rtogs pa/ /'jig rten gsum po'i bsod nams stegs/ /sems 
can thams cad rnam sbyong ba'i/ /'jig rten sgron ma mthong gis dga'/ /sems can gtso bo ma smad pa'i/ /gzugs kyi sku ni mthong gyur na/ /bskal pa bye ba khrag khrig tu/ /ngoms shing tshim pa skyer mi btub/ /myi'i dbang po'i sku gzugs la/ /rgyal 
ba'i sras rnams lta lta zhing / /rang gi dge ba'i chags med pa/ /gzhan don brtson pa byang chub bsngo/ /thub pa chen po'i gzugs kyi sku/ /de las so so yang dag rig /chags med ye shes 'byung 'gyur bas/ /de ni sangs rgyas byang chub sgo/ /sems </font><hr>37-1-300b<br><font size=+1>
can bsam yas tshad myed pa/ /snang bar mdzad de theg chen la/ /btsud nas thub pa chen po'i mchog /byang chub dam par lung yang ston/ /bsod nams chen po'i rang bzhin zhing / /ye shes dkyil 'khor shar cing 'byung / /'jig rten tshad med kun tu snang / /
bsod nams phung po rnam 'phel mdzad/ /sdug bsngal dra ba rab tu gcod/ /ye shes phung po rnam par spyod/ /gang gis rgyal ba bsnyen bkur ba/ /de dag ngan song 'jigs pa med/ /rkang gnyis dam pa mthong gyur na/ /shin tu yangs pa'i sems skye 
ste/ /'di snang gsal ba'i shes rab mthu/ /grangs med pa yang skye bar 'gyur/ /sangs rgyas skyes bu'i mchog mthong zhing / /byang chub dam par nges par 'gyur/ /de bzhin gshegs par 'gyur bya zhes/ /de dag kun kyang nges par sems/ /de 
nas byang chub sems dpa' chos kyi dbyings kyi smon lam gyi gzhi rab tu rtogs pas/ sangs rgyas kyi byin gyi rlabs kyis de'i tshe tshigs su bcad pa 'di dag smras so/ /yon tan mtha' yas phun ldan pa/ /shAkya'i khyu mchog thub mthong nas/ /yongs su bsngo ba byed 
pa'i sems/ /theg pa che la rnam par 'dag /sems can kun gyi don gyi phyir/ /thugs rje chen mnga' brtan pa rnams/ /chos kyi 'khor lo bskor mdzad pa/ /de bzhin gshegs pa 'byung bar 'gyur/ /bskal pa khrag khrig phrag brgyar yang / /sems 
can don la brtson mdzad pa'i/ /sangs rgyas rnams la lus can rnams/ /kun gyis lan glan cis kyang nus/ /ngan song gsum po mi bzad par/ /bskal pa bye bar btsos bla yi/ /chags pa thams cad zlog mdzad pa'i/ /ston pa mi mthong ma 
yin no/ /sems can kun gyi rgyud rnams na/ /sdug bsngal phung po ji yod pa/ /ma lus nyams su bzod nus kyi/ /sangs rgyas mi mthong ma yin no/ /'jig rten 'di dag thams cad na/ /tha dad ngan song rgyud yod pa/ /de dag yun ring gnas </font><hr>37-1-301a<br><font size=+1>
bla yi/ /sangs rgyas mi mthong ma yin no/ /sems can dmyal ba re rer yang / /bskal pa tshad med gnas bla yi/ /mtha' yas rgyal bas brnyes pa yi/ /byang chub mchog las ring gnas myin/ /ci zhig phyir ni ngan song 
du/ /yun ring gnas par 'dod ce na/ /rgyal ba'i dbang po mthong ba ni/ /ye shes 'phel ba'i rgyur 'gyur phyir/ /rgyal ba 'jig rten mchog mthong na/ /sdug bsngal thams cad 'chad par 'gyur/ /rdzogs pa'i sangs rgyas spyod yul gyi/ /ye shes 
khong du chud pa 'byung / /sangs rgyas myi yi mchog mthong zhing / /sgrib pa thams cad zad par 'gyur/ /byang chub gang gis 'thob pa yi/ /bsod nams tshad med 'phel bar 'gyur/ /sangs rgyas mthong ba sems can rnams/ /the tsom yid gnyis chad par 
'gyur/ /'jig rten 'das dang 'jig rten gyi/ /bsam pa'ang yongs su rdzogs par 'gyur/ /de nas byang chub sems dpa' sems dpa' chen po kun tu bzang pos byang chub sems dpa'i tshogs thams cad la rnam par bltas te/ de bzhin gshegs pa'i ting 
nge 'dzin seng ge rnam par bsgyings pa 'di nyid de bas kyang rnam par dbye ba dang rgya cher brjod pa dang / gsal bar bya ba dang rab tu brjod pa dang / yang dag par bstan pa dang / shin tu snang bar bya ba dang / rab tu gsal bar bya ba dang man ngag bstan pa'i phyir/ chos kyi dbyings 
kyi tshul nam mkha'i dbyings dang mnyam pas/ dus gsum mnyam pa nyid dang / chos kyi dbyings mnyam pa nyid dang sems can gyi khams mnyam pa nyid dang / 'jig rten thams cad mnyam pa nyid dang las kyi rgyud thams cad mnyam pa nyid dang sems can gyi bsam 
pa mnyam pa nyid dang / sems can gyi mos pa mnyam pa nyid dang / chos kyi snang ba mnyam pa nyid dang / sems can yongs su smin par bya ba'i dus mnyam pa nyid dang / 'gro ba thams cad kyi dbang po mnyam pa nyid kyis/ de bzhin gshegs pa'i ting nge 'dzin seng </font><hr>37-1-301b<br><font size=+1>
ge rnam par bsgyings pa/ 'di nyid byang chub sems dpa' de dag la bstan pa'i tshul bcus yang dag par rab tu ston te/ bcu gang zhe na/ 'di lta ste/ chos kyi dbyings thams cad du gtogs pa'i sangs rgyas kyi zhing gi rdul shin tu phra ba rnams la/ /sangs rgyas gcig 
nas gcig tu brgyud pa bstan pa dang / 'di lta ste/ nam mkha'i dbyings kyis klas pa'i sangs rgyas kyi zhing thams cad du/ /phyi ma'i mtha'i mur thug pa'i bskal par de bzhin gshegs pa'i yon tan rjes su brjod pa bstan pa dang / 'di lta ste/ sangs rgyas kyi zhing 
thams cad du de bzhin gshegs pa yongs su skye ba dang / mtha' dang dbus med pa'i mngon par rdzogs pa'i byang chub kyi sgo rgya mtsho yongs su brjod cing bstan pa dang / 'di lta ste/ nam mkha'i dbyings kyis klas pa'i sangs rgyas kyi zhing gi de bzhin gshegs pa'i 'khor gyi dkyil 
'khor gyi byang chub sems dpa'i dge 'dun snying po byang chub la mngon du gyur pa'i gnas bstan pa dang / 'di lta ste dus gsum gyi sangs rgyas kyi sku dang 'dra bar sprul pa ba spu'i sgo thams cad nas/ sems skad cig la rab tu dgye zhing chos kyi dbyings rgyas par dgang ba bstan pa dang / 'di lta ste/ 
phyogs rgya mtsho thams cad du sangs rgyas kyi zhing rgya mtsho gzhi mnyam par byin gyis brlab cing lus gcig gis rgyas par dgang bstan pa dang / 'di lta ste/ dmigs pa'i gzhi thams cad la sangs rgyas kyi rnam par sprul ba dus gsum thams cad yang dag par gzhol bar 'gyur ba'i 
byin gyi rlabs yang dag par bstan pa dang / 'di lta ste zhing thams cad kyi rdul shin tu phra ba rnams la/ dus gsum gyi zhing gcig nas gcig tu brgyud pa'i sangs rgyas kyi rnam par 'phrul pa dang / bskal pa rgya mtsho yongs su bshad cing bstan pa dang / 'di lta ste/ dus 
gsum gyi sangs rgyas kyi smon lam rgya mtsho thams cad ba spu'i sgo thams cad nas rab tu brjod pa phyi ma'i mthar byin gyis brlabs pas/ byang chub sems dpa' yang dag par 'byung bar bstan pa dang / 'di lta ste/ chos kyi dbyings dang mnyam pa'i seng ge'i khri dang /</font><hr>37-1-302a<br><font size=+1>
byang chub sems dpa'i 'khor gyi dkyil 'khor dang / snying po byang chub kyi rgyan tha myi dad pa dang / chos kyi 'khor lo rnam pa tha dad pa rab tu bskor ba/ phyi ma'i mthar byin gyis brlab pa bstan pa'o/ /kye rgyal ba'i sras de ltar seng ge rnam 
par bsgyings pa'i ting nge 'dzin 'di la bstan pa bcu po de dag la stsogs pa shin tu bstan pa sangs rgyas kyi zhing brjod du med pa'i rdul shin tu phra ba snyed yod de/ kye rgyal ba'i sras dag de ni de bzhin gshegs pa'i ye shes kyi spyod yul lo/ /de nas byang chub sems 
dpa' kun tu bzang pos de bzhin gshegs pa'i ting nge 'dzin chen po seng ge rnam par bsgyings pa 'di nyid kyi don gyi phyogs bstan pa'i phyir sangs rgyas kyi byin gyi rlabs kyis de bzhin gshegs pa'i zhal du lta zhing 'khor gyi dkyil 'khor rgya mtsho thams cad la 
rnam par bltas nas/ sangs rgyas kyi yul bsam gyis mi khyab pa dang / de bzhin gshegs pa'i ting nge 'dzin gyi rnam par 'phrul pa mtha' dang dbus med pa la rnam par bltas te/ 'jig rten gyi khams bsam gyis mi khyab par gzhol ba la rnam par 
bltas nas ye shes bsam gyis myi khyab pa'i sgyu ma'i chos nyid la rnam par bltas te/ dus gsum gyi sangs rgyas mnyam pa nyid bsam gyis mi khyab pa la rnam par bltas nas/ mtha' dang dbus med pa'i ngag gi lam dang nges pa'i tshig dang / chos kyi 
tshul thams cad la rnam par bltas te/ de'i tshe tshigs su bcad pa 'di dag smras so/ /ba spu gcig la rgya mtsho rgal ba'i zhing / /zhing kun shin tu phra ba'i rdul dang mnyam/ /de nas sangs rgyas byang chub sems dpa'i 'khor/ kun gyis yongs 
bskor sangs rgyas gdan la bzhugs/ /spu gcig rtse la zhing mang rgya mtsho rnams/ /snying po byang chub pad+mo'i gdan gnas pas/ /chos dbyings rgya chen yongs su rgyas bkang zhing / /shing drung dam pa kun na mgon po snang / /zhing rnams kun gyi rdul </font><hr>37-1-302b<br><font size=+1>
phran rab mang rnyed/ /rgyal ba spu rtse gcig la yongs bzhugs pa/ /byang chub sems dpa'i 'khor gyi yongs su bskor/ /kun kyang bzang po'i spyod pa ston pa mdzad/ /zhing mchog gcig na rgyal ba bzhugs gyur kyang / /byang chub sems dpa'i sprin mang mi zad pa/ de 
dag phyogs bcu ma lus thams cad nas/ /'byam klas zhing kun bkang zhing kun kyang 'ong / /zhing rnams bye ba'i rdul phran mnyam pa yi/ /byang chub sems dpa' yon tan rgya mtsho 'od/ /phyogs bcu'i chos dbyings rgyas pa kun bkang zhing / /ston pa de la 
kun kyang 'khor nas ldang / /zhing rnams kun tu gzugs brnyan rab tu ston/ /chos kyi rgyal po rgyal ba'i ye shes mtsho/ /de dag kun kyang bzang po'i spyod la gnas/ /sangs rgyas kun gyi 'khor du nye bar 'dong / /'byam klas zhing rnams kun na 'khod spyod cing / /
byang chub sems dpa'i dga' ba rab gnas te/ /chos kyi sprin mnyan dpa' bo de dag ni/ /zhing gcig du yang bskal pa bye bar spyod/ /byang chub sems dpa'i spyad pa spyod par byed/ /chos kyi gang chen mtsho spyod rnam par snang / /smon lam rgya mtsho kun la rab tu 
'jug /de dag sangs rgyas sa yi spyod yul gnas/ /rgyal ba'i chos rnams gzhan dang gzhan byung ba'i/ /de dag kun tu bzang po'i spyod pa shes/ /sangs rgyas yon tan legs pa rgya mtsho dang / /rnam par 'phrul pa rgya chen yangs la 'jug /bde 
gshegs chos dbyings kun tu rgyas bkang zhing / /zhing rnams kun gyi rdul phran ji snyed pa'i/ /sku yi sprin rnams rtag tu 'gyed mdzad cing / /chos kyi char gyis byang chub rab la dgod// //sangs rgyas rmad gcad ces bya ba shin tu rgyas pa chen 
po'i mdo/ /bam po nyi shu drug pa/ de nas bcom ldan 'das kyis byang chub sems dpa' de dag sangs rgyas kyi ting nge 'dzin seng ge rnam par bsgyings pa 'di nyid la de bas kyang brnan te/ 'god pa mdzad pa'i don du smin mtshams kyi mdzod spu'i nang nas chos </font><hr>37-1-303a<br><font size=+1>
kyi dbyings sgo kun nas rnam par dmigs pas dus gsum snang ba zhes bya ba'i 'od zer chen po 'od zer gyi 'khor sangs rgyas kyi zhing brjod du med pa'i rdul shin tu phra ba snyed dang ldan pa bkye ste/ phyogs bcu'i 'jig rten gyi khams 
rgya mtsho thams cad kyi sangs rgyas kyi zhing 'byam klas pa thams cad snang bar mdzad do/ /de nas byang chub sems dpa' dze ta'i tshal du tshogs pa de dag gi chos kyi dbyings thams cad du gtogs pa'i sangs rgyas kyi zhing nam mkha'i dbyings kyi mtha' klas pa 
thams cad dang / /sangs rgyas kyi zhing thams cad kyi rdul shin tu phra ba'i khongs su chud pa'i sangs rgyas kyi zhing thams cad kyi rdul shin tu phra ba dag la/ sangs rgyas kyi zhing gi mying du bya ba kha dog sna tshogs dang / rnam pa sna tshogs su rnam par dag pa dang / zhing 
sna tshogs dang / dbyibs sna tshogs dang ldan pa'i sangs rgyas kyi zhing dag na/ byang chub sems dpa' snying po byang chub tu phyin te/ seng ge'i khri la 'dug pa 'jig rten gyi dbang po thams cad kyis shin tu mchod pa/ byang chub sems dpa'i tshogs kyis kun 
nas bskor ba/ bla na med pa yang dag par rdzogs pa'i byang chub tu mngon par 'tshang rgya bar mthong ste/ la la na ni sangs rgyas kyi zhing brjod du myed pa tsam du shin tu yangs pa'i 'khor gyi dkyil 'khor na/ chos kyi dbyings rgyas par khyab pa'i dbyangs kyi dkyil 
'khor gyis chos kyi 'khor lo bskor ba mthong ngo / /la la na ni lha'i gnas na 'dug /la la na ni klu'i gnas na 'dug /la la na ni gnod sbyin gyi gnas na 'dug /la la na ni lha ma yin gyi gnas na 'dug /la la na ni nam mkha' lding gi gnas na 'dug /
la la na ni mi'am ci'i gnas na 'dug /la la na ni lto 'phye chen po'i gnas na 'dug /la la na ni mi'i dbang po'i gnas na 'dug /la la na ni mi'i 'jig rten gyi grong dang / grong khyer dang / grong rdal dang / ljongs dang / khams dang / rgyal po'i pho brang </font><hr>37-1-303b<br><font size=+1>
'khor dag na rnam par 'phrul pa sna tshogs dang / spyod lam sna tshogs dang / lus sna tshogs dang / ting nge 'dzin gyi sgo rnam par dmyigs pa sna tshogs dang / ting nge 'dzin gyi mngon par shes pa sna tshogs dang / rigs dang rgyud sna tshogs su byung ba dang / kha dog 
rnam par dmigs pa sna tshogs dang 'od kyi dkyil 'khor sna tshogs dang / 'od zer gyi dra ba dgye ba sna tshogs dang / dbyangs kyi dkyil 'khor sna tshogs dang / gtam gyi skyes bu'i gzhi sna tshogs dang / bstan pa'i gzhi sna tshogs dang / /tshig dang yi ge dang nges pa'i 
tshig sna tshogs kyis 'khor gyi dkyil 'khor sna tshogs na chos ston pa mthong bar gyur to/ /byang chub sems dpa' ji snyed kyi 'jig rten gyi khams chos kyi dbyings kyis klas pa/nam mkha'i mthas gtugs pa phyogs bcu na rnam par gnas pa/ phyogs 
kyi rgyud mtha' yas par 'dus pa/ phyogs rgya mtsho thams cad du gtogs pa/ chos sna tshogs kyi sgo dang ldan pa/ phyogs kyi mying du bya ba sna tshogs su gtogs pa/ phyogs sna tshogs kun tu gzhol ba/ phyogs cha rnam pa tha dad par gtogs pa/ 
phyogs sna tshogs kyi rjes su song ba/ phyogs rgya mtsho sna tshogs su gtogs pa 'di lta ste/ shar phyogs dang / lho phyogs dang / nub phyogs dang / byang phyogs dang / byang dang shar gyi phyogs mtshams dang / shar dang lho'i phyogs mtshams dang / 
lho dang nub kyi phyogs mtshams dang / nub dang byang gi phyogs mtshams dang / 'og dang steng gi phyogs kyi zhing gi lhun gyi phyogs dang / sems can gyi lus kyi phyogs dang / sems can gyi mying du bya ba'i phyogs dang / sngon gyi mtha'i mur thug pa'i phyogs 
dang / phyogs bcu'i da ltar byung ba'i phyogs dang / nam mkha'i khongs thams cad du skra'i rtse mo shin tu phra ba dgod pas dmigs pa'i phyogs dang / zhing thams cad kyi rdul shin tu phra ba gcig nas gcig tu brgyud pa'i phyogs la 'jug pa khong du chud par </font><hr>37-1-304a<br><font size=+1>
bya ba'i phyogs dang / las kyi 'du byed sna tshogs kyis yongs su grub pa'i phyogs dang / skra'i rtse mo gcig la mtha' dang dbus med pa'i nam mkha'i dbyings kyi mying du byar gtogs pa'i phyogs kyi khongs su chud pa'i dus gsum gyi dbyings 
mnyam pa nyid du gzhol bas/ kun tu gtogs pa'i 'gro ba thams cad tha myi dad pas/ sems can thams cad kyi 'du shes kyi 'dus ches kyi rnam pa la mnyam pa'i sgra dbyangs su gyur pa'i 'gro ba thams cad kyi sems la gzugs brnyan rab tu snang bar gyur pa'i de bzhin gshegs pa'i 
sangs rgyas kyi ting nge 'dzin rnam par 'phrul pa/ sems can thams cad kyi lus la mngon par lta ba/ dmigs par bya bas 'khor gyi dkyil 'khor thams cad du 'gro ba'i tshul dang ldan pa/ bskal pa thams cad la ye shes tha myi dad pa/ zhing thams cad la kun tu snyoms 
pas sems can gyi bsam pa ji lta ba de bzhin du gzugs mngon sum du bstan pa rnam par dmigs pa dang / de bzhin gshegs pa'i rnam par 'phrul ba sangs rgyas kyi chos thams cad yang dag par bstan pas/ sems can thams cad 'dul ba rgyun mi 'chad pa mthong bar 
gyur pa de dag thams cad ni sngon/ bcom ldan 'das rnam par snang mdzad kyis dge ba'i spyod pa skal ba mnyam pa dang / bsdu ba'i dngos po bzhis yongs su bsdus pa mthong ba dang mnyam pa dang / rjes su dran pa dang bsnyen bkur bas yongs su smin par byas pa dag go /sngon 
bla na med pa yang dag par rdzogs pa'i byang chub tu sems bskyed du btsud pa dag go /de bzhin gshegs pa de dang de dag gi drung du gshegs pa'i tshe dge ba'i rtsa bas yongs su bsdus pa dag ste/ de ltar dge ba'i rtsa ba skal pa mnyam pas/ thams cad mkhyen pa nyid 
du yongs su smin par 'gyur ba'i thabs kyis shin tu bzung ba'i phyir/ bcom ldan 'das rnam par snang mdzad kyi ting nge 'dzin gyi rnam par 'phrul pa chos kyi dbyings ltar yangs shing nam mkha'i dbyings kyi mthas gtugs par gyur ba dag kyang mthong zhing khong du chud par gyur </font><hr>37-1-304b<br><font size=+1>
pa yin te/ /la la ni chos kyi sku la 'jug go /la la ni gzugs kyi sku la 'jug go /la la ni sngon gyi byang chub sems dpa'i yongs su bsgrub pa la 'jug go /la la ni pha rol tu phyin pa yongs su rdzogs pa la 'jug go /la la ni spyod pa'i dkyil 'khor yongs su dag pa'i 
rgyan la 'jug go /la la ni byang chub sems dpa'i sa yi rnam par 'phrul pa la 'jug go /la la ni mngon par byang chub pa'i rnam par 'phrul pa la 'jug go /la la ni sangs rgyas rnam par spyod pa'i ting nge 'dzin tha myi dad pa'i rnam par 'phrul pa la 'jug go /la la 
ni de bzhin gshegs pa'i stobs dang myi bsnyengs pa la 'jug go /la la ni sangs rgyas kyi so so yang dag par rig pa rgya mtsho la 'jug go /de dag la stsogs pa sangs rgyas kyi rnam par 'phrul pa rgya mtsho sangs rgyas kyi zhing brjod du med pa phrag bcu'i rdul shin tu phra 
ba snyed la 'jug ste mos pa sna tshogs dang lam sna tshogs dang / sgo sna tshogs dang / 'jug pa sna tshogs dang / 'bab pa sna tshogs dang / rnam pa sna tshogs dang / rjes su 'brang ba sna tshogs dang / phyogs sna tshogs dang snod sna tshogs dang yul sna tshogs dang / 'jig rten 
sna tshogs dang khong du chud pa sna tshogs dang / tshogs sna tshogs dang rnam par 'phrul pa sna tshogs dang / thabs sna tshogs dang ting nge 'dzin sna tshogs kyis sangs rgyas kyi rnam par 'phrul pa rgya mtsho de dag la 'jug go /ting nge 'dzin sna tshogs kyis 'jug pa 'di lta ste/ 
byang chub sems dpa'i ting nge 'dzin chos kyi dbyings kun nas brgyan pa dang / byang chub sems dpa'i ting nge 'dzin dus gsum thams cad la thogs pa med par yul snang bar byed pa dang / byang chub sems dpa'i ting nge 'dzin chos kyi dbyings kyi gzhi tha myi dad pa'i 
ye shes snang ba dang / byang chub sems dpa'i ting nge 'dzin de bzhin gshegs pa'i yul gyi dbyings la 'jug pa dang / byang chub sems dpa'i ting nge 'dzin nam mkha'i dbyings su snang ba dang / byang chub sems dpa'i ting nge 'dzin de bzhin gshegs pa'i stobs </font><hr>37-1-305a<br><font size=+1>
bcu 'thob pas rnam par 'byed pa dang / byang chub sems dpa'i ting nge 'dzin sangs rgyas kyi bsnyengs pa mi mnga' ba'i rgyan gyis rnam par gnon cing rnam par bsgyings pa dang / byang chub sems dpa'i ting nge 'dzin chos kyi dbyings kyi tshul thams cad 
kyi klong gi snying po dang / byang chub sems dpa'i ting nge 'dzin chos kyi dbyings thams cad du thogs pa med par sgra sgrogs pas rgyas par 'gengs pa'i zla ba dang / byang chub sems dpa'i ting nge 'dzin chos kyi dbyings mnyam pa nyid kyis brgyan pa'i 'od kyi byang chub sems dpa' de dag 
bcom ldan 'das rnam par snang mdzad kyi sangs rgyas kyi rnam par 'phrul pa rgya mtsho de dag la rab tu 'jug go /byang chub sems dpa'i ting nge 'dzin chos kyi rgyal po'i thabs chags pa myed pa'i rgyal mtshan dang / byang chub sems dpa'i ting nge 'dzin dmyigs pa thams 
cad la sangs rgyas rgya mtsho rnam par lta ba dang / byang chub sems dpa'i ting nge 'dzin 'jig rten gyi rgyud thams cad du tha myi dad pa'i lus snang ba'i rgyal mtshan dang / byang chub sems dpa'i ting nge 'dzin de bzhin gshegs pa'i sku tha dad pa'i yul la 'jug pa dang / byang chub 
sems dpa'i ting nge 'dzin 'jig rten thams cad kyi rgyud kyi rjes su 'jug pa snying rje'i snying po can dang / byang chub sems dpa'i ting nge 'dzin chos thams cad kyi gnas la rten pa'i byin gyi rlabs dang / byang chub sems dpa'i ting nge 'dzin shin tu zhil 
rab tu zhi bas kun tu snang ba'i dkyil 'khor dang / byang chub sems dpa'i ting nge 'dzin sprul pa bzang po dmyigs su med pas/ kun tu 'phrul pa'i gzugs brnyan dang / byang chub sems dpa'i ting nge 'dzin zhing thams cad yongs su 'du ba'i byin gyi rlabs 
dang / byang chub sems dpa'i ting nge 'dzin zhing thams cad du mngon par 'tshang rgya ba'i rnam par mngon par bsgrub pa dang byang chub sems dpa'i ting nge 'dzin 'gro ba thams cad du dbang po'i kha dog gis rnam par spyod pa dang / byang chub sems dpa'i ting nge 'dzin 'gro ba </font><hr>37-1-305b<br><font size=+1>
thams cad du khyad par du 'phags pa'i dkyil 'khor chags pa med pa'i rnam par spyod pa dang / byang chub sems dpa'i ting nge 'dzin de bzhin gshegs pa thams cad skyed pa las byung ba'i byin gyi rlabs dang / byang chub sems dpa'i ting nge 'dzin yon tan rgya mtsho 
thams cad la nan tan gyis 'jug pa dang / byang chub sems dpa'i ting nge 'dzin dmyigs pa ma lus pa thams cad du rnam par 'phrul pa mngon par bsgrub pas/ phyi ma'i mthar byin gyis rlob pa dang / byang chub sems dpa'i ting nge 'dzin de bzhin gshegs pa thams 
cad kyi sngon gyi sbyor ba rgya mtsho la 'jug pa dang / byang chub sems dpa'i ting nge 'dzin phyi ma'i mthar de bzhin gshegs pa thams cad kyi rigs yang dag par 'dzin pa'i byin gyi rlabs dang / byang chub sems dpa'i ting nge 'dzin phyogs bcu'i zhing rgya mtsho da ltar byung ba thams 
cad yongs su dag par mos pa'i byin gyi rlabs dang / byang chub sems dpa'i ting nge 'dzin sems kyi skad cig gcig la sangs rgyas thams cad dang rnam par spyod cing 'grogs pa dang / byang chub sems dpa'i ting nge 'dzin dmigs pa thams cad la chags pa med 
pa'i mthar 'jug pa dang / byang chub sems dpa'i ting nge 'dzin 'jig rten gyi khams thams cad sangs rgyas kyi zhing gcig tu byin gyis rlob pa dang / byang chub sems dpa'i ting nge 'dzin sangs rgyas thams cad kyi skur 'phrul pa mngon par sgrub pa dang / 
byang chub sems dpa'i ting nge 'dzin dbang po rgya mtsho rdo rje'i dbang po lta bu thams cad khong du chud pa dang / byang chub sems dpa'i ting nge 'dzin de bzhin gshegs pa thams cad sku gcig pa'i snying po'i byin gyi rlabs dang / byang chub sems dpa'i ting nge 
'dzin sems kyi skad cig gcig gi cha la chos kyi dbyings kyi tshul thams cad khong du chud pas khom par gnas pa dang / byang chub sems dpa'i ting nge 'dzin chos kyi dbyings thams cad du zhing 'byam klas pa bsgrub pa yongs su ston pa'i byin gyi rlabs dang /</font><hr>37-1-306a<br><font size=+1>
byang chub sems dpa'i ting nge 'dzin spyi'u tshugs su gzhi la rnam par spyod pa'i byin gyi rlabs pa dang / byang chub sems dpa'i ting nge 'dzin sangs rgyas kyi zhing thams cad kyi sems can gyi lus tha myi dad par byin gyis rlob pa dang / 
byang chub sems dpa'i ting nge 'dzin ye shes kyi klong thams cad la mngon sum du yang dag par gzhol ba dang / byang chub sems dpa'i ting nge 'dzin chos thams cad kyi rang bzhin mtshan nyid yongs su shes pas rab tu 'byed pa dang / byang chub sems dpa'i 
ting nge 'dzin dus gsum sems kyi skad cig la tha myi dad pa'i dkyil 'khor dang byang chub sems dpa'i ting nge 'dzin sems kyi skad cig thams cad chos kyi dbyings kyi tshul gyi rang bzhin dam pa dang / byang chub sems dpa'i ting nge 'dzin de bzhin gshegs pa thams cad 
kyi rigs kyi rjes su 'brang ba'i ye shes kyi rnam par gnon pa'i seng ge dang / byang chub sems dpa'i ting nge 'dzin dmyigs pa thams cad chos kyi dbyings su shes pa'i mig gi dkyil 'khor dang / byang chub sems dpa'i ting nge 'dzin stobs bcu'i rtsal gyis 
rnam par gnon pas yang dag par rtsom pa dang / byang chub sems dpa'i ting nge 'dzin dmigs pa thams cad kun nas mthong ba'i mig gi dkyil 'khor dang byang chub sems dpa'i ting nge 'dzin kha dog thams cad dkyil 'khor gyis 'gro bar shin tu mdzes pa 
mngon par sgrub pa dang / byang chub sems dpa'i ting nge 'dzin glong mi g.yo ba'i snying po dang / byang chub sems dpa'i ting nge 'dzin chos gcig la chos thams cad yongs su 'du bar ston pa dang / byang chub sems dpa'i ting nge 'dzin chos gcig 
gi tshig gi lam la nges pa'i dag gi rab tu 'byed pas/ byang chub sems dpa' de dag bcom ldan 'das rnam par snang mdzad kyi sangs rgyas kyi rdzu 'phrul gyis rnam par 'phrul pa rgya mtsho de dag la rab tu 'jug go byang chub sems </font><hr>37-1-306b<br><font size=+1>
dpa'i ting nge 'dzin sangs rgyas thams cad kyi rgyal mtshan byin gyi rlabs kyis chos ston pa dang / byang chub sems dpa'i ting nge 'dzin dus gsum gyi mu la mthar thug pa med pa dang / byang chub sems dpa'i ting nge 'dzin bskal pa thams cad khong du chud pas tha myi dad pa'i ye shes dang / 
byang chub sems dpa'i ting nge 'dzin tshul shin tu phra bas stobs bcu khongs su chud pa dang / byang chub sems dpa'i ting nge 'dzin myi 'phrogs pa'i byang chub sems dpa'i spyod pa bskal pa thams cad du mngon par sgrub pa dang / byang chub sems dpa'i ting nge 'dzin 
phyogs thams cad kun tu shugs kyis mngon du thar pa'i sprin dang / byang chub sems dpa'i ting nge 'dzin mngon par 'tshang rgya ba'i rnam par 'phrul pa rnam par sgrub pa dang / byang chub sems dpa'i ting nge 'dzin tshor ba thams cad kyis reg pa med pas bde ba'i 
rgyal mtshan dang / byang chub sems dpa'i ting nge 'dzin rgyan thams cad du nam mkha'i rgyan mngon par sgrub pa dang / byang chub sems dpa'i ting nge 'dzin skad cig tu 'gro ba snyed kyi sprul pa'i gzugs brnyan gyi sprin mngon par sgrub pa dang / byang chub sems 
dpa'i ting nge 'dzin de bzhin gshegs pa'i zla ba'i 'od nam mkha' ltar rdul dang bral ba dang / byang chub sems dpa'i ting nge 'dzin de bzhin gshegs pa thams cad nam mkha' ltar byin gyis rlob pa dang / byang chub sems dpa'i ting nge 'dzin chos thams cad la dbang po'i rgyan 
rab tu snang ba dang / byang chub sems dpa'i ting nge 'dzin chos thams cad kyi don rnam par 'byed pa'i sgron ma dang / byang chub sems dpa'i ting nge 'dzin stobs bcu'i dkyil 'khor snang ba dang / byang chub sems dpa'i ting nge 'dzin dus gsum gyi sangs rgyas dpal 
gyi rgyal mtshan dang / byang chub sems dpa'i ting nge 'dzin sangs rgyas thams cad gcig tu 'dres pa'i snying po dang / byang chub sems dpa'i ting nge 'dzin skad cig la brtsams pa thams cad mthar phyin par byed pa dang / byang chub sems dpa'i ting nge </font><hr>37-1-307a<br><font size=+1>
'dzin bsod nams mi zad pa'i snying po dang / byang chub sems dpa'i ting nge 'dzin sangs rgyas mtha' yas pa mthong ba'i yul rab tu snang ba dang / byang chub sems dpa'i ting nge 'dzin chos thams cad la rdo rje'i seng ge ltar rab tu 
gnas pa dang / byang chub sems dpa'i ting nge 'dzin de bzhin gshegs pa thams cad kyi sprul pa yongs su bstan pas kun tu rnam par dmigs pa mngon par sgrub pa dang / byang chub sems dpa'i ting nge 'dzin de bzhin gshegs pa thams cad kyi mnyan pa'i 
nyi ma gnon pa dang / byang chub sems dpa'i ting nge 'dzin dus gsum gcig tu spyod pa dang / byang chub sems dpa'i ting nge 'dzin chos thams cad rang bzhin gyis rab tu zhi bar sgra dbyangs kun tu sgrogs pa dang / byang chub sems dpa'i ting nge 'dzin sangs rgyas 
thams cad mthong ba'i sa mtshams 'dzin pa dang / byang chub sems dpa'i ting nge 'dzin chos kyi dbyings ma lus pa thams cad kyi gnas kyi pad mo'i tshal rab tu rgyas pa dang / byang chub sems dpa'i ting nge 'dzin gnas med pa'i chos kyi nam mkha' 
la rnam par lta ba dang / byang chub sems dpa'i ting nge 'dzin phyogs gcig tu phyogs bcu rgya mtsho yongs su sdud pa'i klong dang / byang chub sems dpa'i ting nge 'dzin chos kyi dbyings kyi gzhi thams cad kyi sgor 'jug pa dang / byang chub sems dpa'i ting nge 
'dzin chos rgya mtsho thams cad dang ldan pa dang / byang chub sems dpa'i ting nge 'dzin sems can thams cad la 'od rab tu 'gyed pas/ rab tu zhi ba'i lus su 'gyur ba dang / byang chub sems dpa'i ting nge 'dzin sems kyi skad cig gcig la mngon 
par shes pa dang / smon lam thams cad mngon par sgrub pa dang/ byang chub sems dpa'i ting nge 'dzin rtag par thams cad du kun nas mngon par rdzogs par 'tshang rgya ba'i byin gyi rlabs dang / byang chub sems dpa'i ting nge 'dzin chos kyi dbyings </font><hr>37-1-307b<br><font size=+1>
thams cad rgyan gcig tu khong du chud par 'jug pa dang / byang chub sems dpa'i ting nge 'dzin sangs rgyas thams cad dran pa'i rang bzhin gyis rab tu snang ba dang / byang chub sems dpa'i ting nge 'dzin 'gro ba thams cad du khyad par chen po dang ldan pa'i ye shes mngon par 
shes pa dang / byang chub sems dpa'i ting nge 'dzin sems kyi skad cig gcig gis chos kyi dbyings kyi tshul mtha' yas pa rang gi lus kyis rgyas par 'gengs pa dang / byang chub sems dpa'i ting nge 'dzin chos kyi dbyings tshul gcig gis chos thams cad tshul gcig 
par rnam par dgod pa'i 'od dang / byang chub sems dpa'i ting nge 'dzin sangs rgyas kyi chos kyi dkyil 'khor gyi 'khor lo gzi brjid kyi byin gyi rlabs dang / byang chub sems dpa'i ting nge 'dzin sems can gyi khams mig 'phrul lta bu yongs su bsdu ba'i smon lam dang / 
spyod pa byin gyis rlob pa dang / byang chub sems dpa'i ting nge 'dzin chos kyi dbyings kyi gzhi thams cad tha myi dad pa dang / byang chub sems dpa'i ting nge 'dzin pad+mo'i byin rnam par 'phrul pas kun tu rnam par gnon pa dang / byang chub sems dpa'i ting nge 'dzin 
sems can thams cad kyi lus kyi rgyud khong du chud pas mngon par shes pa dang / byang chub sems dpa'i ting nge 'dzin lus sems can thams cad la mngon du byin gyis rlob pa dang / byang chub sems dpa'i ting nge 'dzin sems can thams cad kyi dbyangs kyi yan lag 
rgya mtshor 'gro ba thams cad kyi skad yongs su 'byed pa'i tshul mngon par shes pa dang / byang chub sems dpa'i ting nge 'dzin 'gro ba'i gzhi tha dad pa thams cad khong du chud pas mngon par shes pa dang / byang chub sems dpa'i ting nge 'dzin snying rje chen po'i mdzod 
tha mi dad pa'i snying po dang / byang chub sems dpa'i ting nge 'dzin sangs rgyas thams cad de bzhin nyid du rtogs pa'i mtha' la 'jug pa dang / byang chub sems dpa'i ting nge 'dzin de bzhin gshegs pa thams cad kyi rnam par thar pa'i pho brang la rnam par lta bas seng </font><hr>37-1-308a<br><font size=+1>
ge rnam par bsgyings pa dang / de dag la stsogs pa byang chub sems dpa'i ting nge 'dzin gyi lam la 'jug pa dang / sangs rgyas kyi zhing brjod du med pa'i rdul shin tu phra ba snyed kyis/ byang chub sems dpa' de dag de bzhin gshegs pa rnam par snang 
mdzad kyi sangs rgyas kyi rnam par 'phrul pa rgya mtsho de dag la rab tu 'jug go /sems kyi skad cig re re la chos kyi dbyings thams cad du rgyas par 'gengs par 'jug pa'i tshul gyis sngon bskal pa mnyam par spyad pa yang rjes su dran no/ /de ltar byang chub sems dpa' de dag 
dze ta'i tshal du phyin cing / bcom ldan 'das kyi spyan snga na 'khod pa/ seng ge'i khri rin po che sna tshogs kyi pad mo'i snying po can 'jig rten gyi khams sangs rgyas kyi zhing bcu'i rdul shin tu phra ba dang mnyam par yangs pa la 'khod pa/ ye shes dang mngon par shes pa chen 
po'i rnam par 'phrul pas byung ba/ ye shes dang mngon par shes pa rno ba dang ldan pa'i sa rjes su thob pa/ ye shes kyis kun tu rnam par dpyod pa/ shes rab kyi 'byung gnas kyi rigs su byung ba/ thams cad mkhyen pa'i ye shes la mngon du gyur pa/ ye shes 
kyi mig rab rib med pa dang ldan pa/ sems can gyi kha lo bsgyur ba'i rang bzhin thob pa/ sangs rgyas thams cad dang mnyam pa nyid kyi rjes su song ba/ rtag tu rnam par rtog pa med par chos la spyod pa/ chos kyi dmyigs pa thams cad rab tu rtogs pa/ 
chos thams cad rang bzhin gyis zhi bar dmigs pa 'jig rten thams cad shin tu zhi bas/ gnas tha dad pa med pa la rab tu gzhol ba/ 'jig rten tha dad pa thams cad du rab tu zhugs pa/ gnas med par zhing thams cad du 'dong ba/ chos kyi gnas 
thams cad la brten pa med par chos thams cad bla gab med pa'i gzhal med khang du phyin pa/ 'gro ba thams cad yongs su smin par bya ba dang / gdul ba la zhugs pa sems can thams cad la bde ba'i lam ston pa/ ye shes dang rnam par thar pa shin tu </font><hr>37-1-308b<br><font size=+1>
'phags pa'i gnas kyi spyod yul can/ 'dod chags dang bral ba'i mthar phyin pa'i ye shes kyi lus dang ldan pa/ srid pa'i rgya mtsho thams cad las gyen du 'phags pa/ 'gro ba thams cad la yang dag pa'i mtha' rnam par ston pa/ chos rgya mtsho shes 
rab snang ba'i dkyil 'khor can/ ting nge 'dzin gang chen mtsho dang ldan pa'i dbyings la shin tu mnyam par bzhag cing / snying rje chen po rab tu sems pa/ chos kyi tshul sgyu ma'i rnam pa 'di lta bu rab tu rtogs pa/ 'jig rten gyi khams thams cad la rmi lam lta 
bur zhugs pa/ de bzhin gshegs pa mthong ba thams cad mig yor lta bur khong du chud pa/ sgra skad dang dbyangs thams cad sgra brnyan lta bur rnam par rig pa/ chos thams cad mngon par sgrub pa'i ye shes sprul pa lta bu rab tu rtogs pa/ khyad par du 
'phags pa'i smon lam shin tu bstsags pa/ ye shes kyi dkyil 'khor kun nas dag pa'i mkhas pa dang ldan pa/ sems shin tu zhi zhing rab tu zhi ba dang ldan pa gzungs kyi rgyud thams cad kyi yul dang ldan pa/ ting nge 'dzin gyi stobs 
kyis dogs pa med par kun nas rab tu gnon pa chos kyi dbyings kyi gnas kyi mthar phyin pa'i mig dang ldan pa/ chos thams cad la dmigs pa med par rnam par spyod pa rab tu thob pa shes rab rgya mtsho mtha' yas pa la rnam par spyod pa/ ye shes kyi pha rol tu 
phyin pa'i pha rol tu song ba/ shes rab kyi pha rol tu phyin pa'i stobs dang / shugs thob pa/ rdzu 'phrul gyi pha rol tu phyin pas 'gro ba thams cad kyi pha rol tu phyin pa ting nge 'dzin gyi pha rol tu phyin pa dbang du gyur pa/ de bzhin gshegs pa thams cad kyi don 
mkhas pa la phyin ci log med pa'i ye shes dang ldan pa/ chos kyi mdzod dbye ba'i cho ga la mkhas pa/ nges pa'i tshig shes pa la mngon par mkhas pa/ spobs pa'i stobs dang / chos kyi sprin zad myi shes pa dang ldan pa/ myi 'jigs pas khyu mchog dang </font><hr>37-1-309a<br><font size=+1>
seng ge'i nga ro 'byin pa/ gnas med pa'i chos kyi dga' ba la dga' bas mos pa/ chos thams cad la rab rib myed pa'i myig gis lta ba/ 'jig rten thams cad kyi 'byung ba dang / 'jig pa shes pa'i zla bar gyur pa/ 
shes rab kyi dkyil 'khor gyis bden pa'i tshul thams cad la rnam par spyod pa'i 'od zer can/ ye shes kyi rdo rje bsod nams kyi khor yug tu gyur pa/ dper bya ba thams cad las shin tu 'das pa/ chos thams cad la dbang po dang ye shes kyi myu gu rab tu 
skyes pa/ dpa' ba'i rgyal mtshan dang ldan pa/ bdud thams cad kyi rgyal mtshan rab tu snyol ba la dpa' ba ye shes mtha' yas pa'i dkyil 'khor gyi gzi brjid can/ 'gro ba thams cad las mngon par 'phags pa'i lus dang ldan pa/ chos 
thams cad la shes rab sgrib pa med par zad pa dang / myi zad pa'i mtha'i ye shes kyis rnam par sangs rgyas pa/ yang dag pa'i mtha'i kun gyi mthar phyin pa la gnas pa/ mtshan ma med pa la rnam par lta ba'i ye shes kyi myig mngon sum can/ 
byang chub sems dpa'i spyod pa thams cad mngon par bsgrub pa'i rgyu la mkhas pa/ myi gnyis pa'i ye shes kyi spyod yul dang ldan pa 'jig rten gyi rgyud thams cad la rnam par lta ba/ sangs rgyas kyi zhing gi rgyud gnas myed pa la thams cad du gzugs 
brnyan snang bar gyur pa/ chos thams cad la mun pa dang rnam par bral ba ye shes kyi dkyil 'khor mun pa myed pa la rab tu zhugs pa/ phyogs kun tu chos kyi snang ba rab tu bkye ba/ 'gro ba thams cad kyi bsod nams kyi zhing mchog tu gyur pa/ 
thos pa dang mthong ba dang / smon lam don yod pa'i zla ba/ bsod nams kyi ri rab 'jig rten thams cad las mngon par 'phags pa/ phas kyi rgol ba'i tshogs thams cad tshar gcod pa la shin tu dpa' ba/ sangs rgyas kyi zhing thams cad du sgra </font><hr>37-1-309b<br><font size=+1>
skad dang dbyangs kyi nga ro 'byin pa/ sangs rgyas thams cad kyi sku mthong bas myi ngoms pa/ sangs rgyas kyi sku'i gzugs brnyan gyi dbang bsgyur ba dang ldan pa/ 'gro ba gdul ba dang mthun pa'i lus su byin gyis rlob pa/ zhing 'byam klas pa thams cad du lus 
gcig gis rgyas par 'gengs pa/ mngon par 'du bya ba myed pa'i rdzu 'phrul gyi dkyil 'khor yongs su dag pa/ thogs pa myed par 'gro ba'i ye shes chen po'i theg pa'i gru dang ldan pa/ ye shes kyi dkyil 'khor gyis chos kyi dbyings thams cad du lus rab tu snang 
ba/ ye shes kyi nyi ma 'gro ba thams cad du shar ba/ 'gro ba thams cad bsam pa ji lta ba bzhin du dga' ba'i kha dog dang ldan pa/ 'gro ba thams cad kyi bsam pa dang / dbang po rab tu rtogs pa'i ye shes can/ chos thams cad bsgribs pa med pa'i yul 
khong du chud pa/ chos thams cad kyi rang bzhin skye ba med pa rnam par rig pa phra ba dang yangs pa phan tshun du yongs su bsdu ba la dbang bsgyur ba sangs rgyas kyis zab mo'i tshul nges par rtogs pa/ don zab mo'i tshig dang / yi ge'i tha snyad la mkhas pa/ tshig 
dang yi ge dang / don myi zad pa rab tu brjod pa/ mdo sde rgya mtsho thams cad tshig gcig tu chud par rab tu ston pa/ gzungs dang ye shes kyi lus rgya chen po byin gyis rlob pa/ bskal pa mtha' yas par yongs su 'dzin pa'i gzungs dang ldan pa'i byin gyi 
rlabs can/ sems kyi skad cig gcig gis bskal pa brjod du myed par gnas pa/ rab tu rtogs pa'i ye shes can/ sems kyi skad cig gcig gis dus gsum shes pas/ 'jig rten thams cad mngon par shes pa/ chos kyi gzungs 
kyis sangs rgyas kyi chos rgya mtsho mtha' yas pa dran zhing spobs pa 'gro ba thams cad kyis ye shes par 'gyur ba'i thabs kyis chos kyi 'khor lo bskor ba las phyir myi ldog pa/ sangs rgyas kyi yul la ye shes snang ba rab tu thob pa/ gya nom par snang ba'i ting nge 'dzin </font><hr>37-1-310a<br><font size=+1>
la rtag tu mnyam par bzhag pa/ chags pa myed pa'i mtha'i chos thams cad rab tu dbye ba'i ye shes la mngon par mkhas pa/ chos thams cad las khyad par du 'phags pa'i rnam par 'phrul pa'i yul la ye shes kyis rnam par rtse 
ba/ dmigs pa thams cad rgyan bzang por byin gyis rlob pa/ chos kyi dbyings phyogs myed pa la phyogs kyi rjes su 'brang bas rab tu zhugs pa phyogs thams cad rnam par dbye ba chos kyi dbyings la yang dag par gzhol ba shin tu phra ba ste/ yangs pa'i rdul shin tu 
phra ba la byang chub tu rnam par 'tshang rgya ba/ rang bzhin kha dog myed pa las kha dog thams cad yongs su ston pa/ phyogs gcig la yang dag par gzhol ba de lta bu'i yon tan dang ye shes mtha' yas pas yang dag par bskyed de/ bsod nams dang ye shes kyi 
snying po dang ldan par gyur pa/ sangs rgyas thams cad kyis bstod pa bsngags pa bkur ba tshig dang yi ge myi zad pas yon tan dang legs pa brjod du yod pa'i byang chub sems dpa' dze ta'i tshal du 'dus te/ 'khod pa de bzhin gshegs pa'i yon tan rgya mtsho 
la 'jug pa/de bzhin gshegs pa'i 'od zer gyis rab tu snang bar gyur pa/ de dag gi lus thams cad dang / khang pa brtsegs pa de dag dang / byang chub sems dpa'i longs spyod de dag dang / byang chub sems dpa'i stan de dag dang / dze ta'i tshal 
thams cad nas kyang / dga' ba chen po'i shugs rab tu thob pa'i chos nyid dang / byang chub sems dpa'i chos snang ba bsam gyis myi khyab pa rab tu thob pas dga' ba'i shugs las byung ba'i rnam par 'phrul pa chen po'i rgyan mngon par 'thon nas/ chos kyi 
dbyings thams cad rgyas pa khyab par gyur to/ /'di lta ste sems kyi skad cig re re la 'od zer gyi dra ba'i sprin shin tu yangs pa/ 'gro ba thams cad yongs su tshim par byed pa mngon par 'thon te/ phyogs bcu rgyas pa khyab par gyur to/ /rin po che </font><hr>37-1-310b<br><font size=+1>
sna tshogs kyi dril bu'i sprin mngon par 'thon te/ dus gsum gyi de bzhin gshegs pa thams cad kyi yon tan dang legs pa rab tu brjod pa'i sprin gyi nga ro rjes su bsgrags pas phyogs bcu rgyas par khyab par gyur to/ /dmyigs pa thams cad las 'gro ba thams cad rol 
mo'i sprin mngon par 'thon te/ sems can thams cad kyi las dang rnam par smin pa rol mo'i sgra snyan par blang bas rjes su sgrog cing phyogs bcu rgyas par khyab par gyur to/ /byang chub sems dpa' thams cad kyi smon lam dang / byang chub sems dpa'i spyod pa 
sna tshogs yang dag par ston pa'i tshul gyi sprin mang po mngon par 'thon nas/ byang chub sems dpa' thams cad kyi smon lam gyi sgra dbyangs rab tu sgrog pas phyogs bcu rgyas par khyab par gyur to/ /de bzhin gshegs pa thams cad kyi sprul pa dang / rnam par 
'phrul ba'i sprin mang po mngon par 'thon nas/ de bzhin gshegs pa thams cad kyi gsung gi dbyangs rjes su rjod cing / phyogs bcu rgyas par khyab par gyur to/ /byang chub sems dpa'i lus mtshan dang dpe byad bzang pos rnam par brgyan 
pa'i sprin mang po mngon par 'thon nas/ zhing thams cad du 'byung ba'i sangs rgyas skye ba gcig nas/ gcig tu brgyud pa rab tu brjod cing phyogs bcu rgyas par khyab par gyur to/ /dus gsum gyi de bzhin gshegs pa thams cad dang mnyam pa'i snying po byang chub 
kyi sprin mang po mngon par 'thon nas/ de bzhin gshegs pa thams cad mngon par byang chub pa'i rgyan byung ba yongs su ston cing / phyogs bcu rgyas par khyab par gyur to/ /dmyigs pa thams cad las klu'i dbang po'i lus kyi sprin mang po mngon par 'thon 
nas/ spos sna tshogs kyi char rab tu 'bebs shing phyogs bcu rgyas par khyab par gyur to/ /'gro ba thams cad kyi dbang po'i lus dang 'dra ba'i sprin mang po mngon par 'thon nas/ byang chub sems dpa' kun tu bzang po'i spyod pa yongs su brjod pa byed cing /</font><hr>37-1-311a<br><font size=+1>
phyogs bcu rgyas par khyab par gyur to/ /zhing yongs su dag pa rin po che thams cad kyi rang bzhin yongs kyi gzugs brnyan gyi sprin mang po mngon par 'thon nas/ de bzhin gshegs pa thams cad kyi chos kyi 'khor lo bskor ba mngon par ston cing / 
phyogs bcu rgyas par khyab par gyur to/ /de dag la stsogs pa byang chub sems dpa' de dag gi byin gyi rlabs dang / chos snang ba rgya mtsho bsam gyis myi khyab pa rab tu thob pa'i chos nyid kyis rgyan chen po rnam par sprul pa'i sprin sangs rgyas kyi zhing brjod du myed 
pa'i rdul shin tu phra ba snyed byung bar gyur to/ /de nas byang chub sems dpa' 'jam dpal gyis sangs rgyas kyi byin gyi rlabs kyis rnam par 'phrul pa de dag yongs su ston pa byed cing phyogs bcur rnam par bltas nas/ de'i tshe tshigs su bcad pa 'di dag smras 
so/ /dze ta'i tshal du sangs rgyas byin gyi rlabs/ /mtha' yas rgya chen yongs su byung la ltos/ /dmigs pa kun las lus kyi sprin chen rnams/ /mngon par mthon cing phyogs rnams kun tu khyab/ /bde gshegs sras po rnams kyi sna tshogs rgyan/ /
kha dog mtha' yas rgya chen rnam dag pa/ /stan dang dmyigs pa yongs su bcas pa la/ /de dag thams cad gzugs brnyan 'byung ba snang / /rgyan rnams sna tshogs rin chen 'od 'phro'i sprin/ /bde gshegs sras po rnams kyi spu rtse las/ /sangs 
rgyas gsung rnams rab tu sgrog byed cing / /zhing rnams kun gyi dbyings su khyab par 'phro/ /tshangs pa'i dbang po'i gzugs 'dra lus rnams dang / /spyod lam rab tu zhi ba dag pa'i gzugs/ /zhing gi me tog kun las mngon 'thon te/ /bsam gtan yan 
lag brjod cing kun tu 'dong / /kun tu bzang po 'dra ba'i rgyal ba'i sras/ /mtshan rab dpe byad bzang pos brgyan pa'i lus/ /grangs myed bsam yas bde gshegs ba spu las/ /sprul pa de 'dra thogs pa myed par 'byung / /bde gshegs sras po dus </font><hr>37-1-311b<br><font size=+1>
gsum byung ba rnams/ /yon tan rgya mtsho'i legs pa brjod pa dag /rgya mtsho che mnyam rgyan sprin de dag kun/ /dze ta'i tshal na gnas shing rab tu brjod/ /phyogs rnams kun gyi sems can yongs kyi las/ /rgya mtsho chen po sna tshogs ma lus par/ /dze 
ta'i tshal gyi shing gi gzugs rnams kyi/ gseb nas byung bar gyur pa kun tu grag /dus gsum byung ba'i rgyal ba thams cad kyi/ /zhing rnams kun gyi ma lus rnam 'phrul ba/ /zhing rnams rgya mtsho'i rdul snyed de dag kyang / /so so'i dmyigs 
kyis dmigs par gyur pa snang / /sangs rgyas phyogs kyi zhing rnams rgya mtsho'i sprin/ /spu rtse re rer sna tshogs rnam phye ba'i/ /sangs rgyas gnas rnams skad cig re rer snang / /de dag la yang sangs rgyas sprin mang bzhugs/ /'gro dang mnyam par 
phyogs rnams kun bkang zhing / /sems can thabs kyis yongs su smin par byed/ /de dag 'od las spos kyi 'od 'phro dang / me tog phal chen rgya mtsho'i sprin kyang 'byung / /mkha' ltar tshad myed rin chen gzhal med khang / /ma lus rgyan rab kun 
gyis rnam mdzes pa/ /de dag thams cad phyogs rnams kun khyab byed/ /zhing dang snying po byang chub de bzhin no/ /dus gsum byung ba'i rgyal ba'i sras rnams kyis/ /kun tu bzang po'i spyod pa'i rnam tshul du/ /zhing rnams rgya mtsho rnam par dag byas pa'i/ /
rgyan rab sna tshogs 'gro ltar tshad myed pa/ /phyogs rnams dus gsum kun tu gang byung rnams/ /bskal pa rgya mtsho chen por rnam sbyangs pa/ /de dag kun kyang dze ta'i nags tshal gyi/ /bar snang mkha' la gzugs brnyan tshul du snang / /de nas 
byang chub sems dpa' sangs rgyas kyi ting nge 'dzin gyis/ rgyud shin tu snang bar byas pa de dag las/ byang chub sems dpa' re res kyang / snying rje chen po'i sgo sangs rgyas kyi zhing brjod du myed pa'i rdul shin tu phra ba snyed du zhugs par gyur nas/ de dag de bas </font><hr>37-1-312a<br><font size=+1>
kyang 'gro ba thams cad la phan pa dang / yongs su bsdu ba'i don du zhugs par gyur te/ de ltar mnyam par bzhag pa de dag gi ba spu'i sgo re re nas kyang / 'od zer sangs rgyas kyi zhing brjod du myed pa'i rdul shin tu phra ba snyed mngon par 'thon pa 
gyur te/ 'od zer de dag gi sgo re re nas kyang / byang chub sems dpa' 'phrul ba'i sprin 'jig rten gyi dbang po thams cad dang 'dra ba'i lus dang / 'gro ba thams cad la mngon par lta ba'i lus dang / sems can thams cad yongs su smin par bya ba dang / 'phrod pa'i 
lus dang ldan pa mngon par 'thon te/ mngon par 'thon nas kyang / phyogs thams cad kyi chos kyi dbyings rgyas par bkang nas/ sems can thams cad yang dag par bskul zhing yongs su smin par bya ba dang / gdul bar byed do/ /lha'i gnas na shi 'pho ba yongs su 
bstan pa'i sgo dang / 'jig rten gyi khams thams cad du skye ba yongs su bstan pa'i sgo dang / byang chub sems dpa'i spyod pa'i dkyil 'khor yongs su bstan pa'i sgo dang / rmi lam yongs su bstan pa'i sgo sangs rgyas kyi zhing brjod du med pa'i rdul shin tu phra ba snyed kyis 
sems can yongs su bskul ba byed do/ /byang chub sems dpa' thams cad kyi smon lam gyis byung ba'i sgo dang / 'jig rten gyi khams yongs su bskyod pa'i sgo dang / sbyin pa'i pha rol tu phyin pa'i spyod pa yongs su bstan pa'i sgo dang / de bzhin gshegs pa 
thams cad kyi yon tan la nan tan du bya ba dang / rab tu bsgrub pa'i sgo dang / yan lag dang nying lag gcod pa'i bzod pa'i pha rol tu phyin pa yongs su bstan pa'i sgo dang / byang chub sems dpa'i rnam par 'phrul pa chen pos brtson 'grus kyi pha rol tu phyin pa yongs su bstan pa'i sgo dang / 
byang chub sems dpa'i bsam gtan dang rnam par thar pa dang / ting nge 'dzin dang snyoms par 'jug pa thams cad dang / sangs rgyas kyi ye shes kyi lam gyi dkyil 'khor snang ba rab tu brjod pa'i sgo dang / sangs rgyas kyi chos thams cad yongs su btsal ba'i phyir/</font><hr>37-1-312b<br><font size=+1>
chos kyi tshig dang yi ge re re'i phyir/ lus grangs med pa yongs su gtang ba yongs su bstan pa'i sgo dang / de bzhin gshegs pa thams cad kyi drung du 'gro zhing chos thams cad yongs su dri ba'i sgo dang / dus la ji ltar 'bab pa dang / bsam pa ji lta ba bzhin du 'gro 
ba'i drung du 'gro zhing thams cad mkhyen pa nyid du yongs su smin par 'gyur ba thob par bya ba'i tshul rgya mtsho snang ba'i rnam par dmyigs par bya ba'i sgo dang / byang chub sems dpa'i bsod nams dang ye shes kyi tshogs thams cad bdud dang / phas kyi rgol bas myi tshugs pa'i stobs 
kyi rgyal mtshan yongs su bstan pa'i sgo dang / bzo thams cad shes shing mkhas pa dang ldan pa'i ye shes kyis yongs su bstan pa'i sgo dang / 'gro ba thams cad las khyad par du 'phags par shes shing mkhas pa dang ldan pa'i ye shes kyis yongs su bstan pa'i sgo 
dang/ sems can thams cad kyi bsam pa'i khyad par shes shing mkhas pa dang ldan pa'i ye shes kyis yongs su bstan pa'i sgo dang / sems can thams cad kyi dbang po la 'jug pa'i thabs kyis nyon mong pa dang / bag chags sna tshogs yang dag par gzhom pa 
la shes shing mkhas pa dang ldan pa'i ye shes kyis yongs su bstan pa'i sgo dang / de dag la stsogs pa sems can yongs su smin par bya ba dang / gdul ba'i thabs dang bsdu ba'i sgo/ sangs rgyas kyi zhing brjod du myed pa'i rdul shin tu phra ba snyed kyis byang chub 
sems dpa' de dag sems can thams cad kyi gnas su phyin par snang ste/ la la ni lha'i gnas su phyin par snang ngo / /la la ni klu'i gnas su phyin par snang ngo / /la la ni gnod sbyin gyi gnas su phyin par snang ngo / /la la ni dri za'i gnas su phyin par snang ngo / /la 
la ni lha ma yin gyi gnas su phyin par snang ngo / /la la ni nam mkha' lding gi gnas su phyin par snang ngo / /la la ni mi 'am ci'i gnas su phyin par snang ngo / /la la ni lto 'phye chen po'i gnas su phyin par snang ngo / /la la ni tshangs pa'i dbang po'i gnas su phyin par snang ngo / /</font><hr>37-1-313a<br><font size=+1>
la la ni mi'i gnas su phyin par snang ngo / /la la ni gshin rje'i gnas su phyin par snang ngo / /la la ni yi dgas kyi gnas thams cad du phyin par snang ngo / /la la ni sems can dmyal ba'i 'jig rten thams cad du phyin par snang ngo / /la 
la ni yi dgas kyi skye gnas kyi rgyud thams cad du phyin par snang ste/ mthong bas 'dul ba'i sems can dang / thos pas 'dul ba dang rjes su dran pas 'dul ba dang / dbyangs kyi dkyil 'khor gyis 'dul ba dang / mying gi chu klung gi sgras 'dul ba dang / 
'od kyi dkyil 'khor gyis 'dul ba dang / 'od zer gyi dra ba rab tu dgye bas 'dul ba dang / sems can rnams kyi bsam pa'i tshul ji lta ba bzhin du yongs su smin par bya ba dang / gdul ba'i phyir snying rje chen po tha myi dad pa dang smon lam tha mi dad pa dang ye shes tha myi dad pa 
dang / sems can yongs su bsdu ba tha myi dad pa'i tshul du byang chub sems dpa' de dag dze ta'i tshal nas rnam par 'phrul pa'i rgyan rnam pa sna tshogs kyis 'jig rten gyi khams 'byam klas pa thams cad dang / sems can gyi khams 'byam klas pa thams cad du 
rgyas par 'gengs par byed par snang yang de bzhin gshegs pa'i zhabs kyi drung nas myi g.yo ste/ la la ni rang gi gnas dang khang pa brtsegs pa dang / stan dang 'khor dang bcas pas/ phyogs bcu rgyas par byed par snang yang / de bzhin gshegs pa'i 
zhabs kyi drung nas myi g.yo'o/ /la la ni sprul pa'i sprin rab tu 'gyed par snang ngo / /la la ni sems can yongs su smin par bya ba'i don du gcig pu gnyis su myed par 'gro bar snang yang / de bzhin gshegs pa'i 'khor gyi dkyil 'khor nas myi g.yo'o/ /
la la ni dge sbyong gi gzugs/ la la ni tshangs pa'i gzugs/ /la la ni brtul zhugs can thams cad kyi cha byad dang / cho ga dang chu zheng gi gzugs/ la la ni sman pa'i gzugs/ la la ni tshong pa'i gzugs/ la la ni snyan pas 'tsho ba'i gzugs/ la la </font><hr>37-1-313b<br><font size=+1>
ni gar mkhan gyi gzugs/ la la ni lha khyer ba'i gzugs/ la la ni bzo thams cad dang ldan pa'i gzugs su grong dang grong khyer dang / grong rdal dang / ljongs dang / khams dang / rgyal po'i pho brang 'khor du phyin par snang ste/ dus kyi dbang gis dus kyi rjes su 
'brang zhing mying dang gzugs dang lus mngon par bsgrub pa tha dad pa dang / lus kyi kha dog dang dbyibs tshul dang 'dra ba dang dbyangs rnam pa tha dad pa dang / skad rnam pa tha dad pa dang / spyod lam rnam pa tha dad pa dang / gnas rnam pa tha dad pas byang chub sems dpa'i 
spyod pa dang / 'gro ba thams cad myig 'phrul lta bur shes pa dang / bzo'i 'khor thams cad rab tu brjod pa dang / 'gro ba thams cad kyi shes pa brjod pas snang ba'i sgron ma dang / bde ba thams cad kyi byin gyi rlabs kyis brgyan pa dang / las thams 
cad snang bar byed pa'i 'od dang ldan pa dang / phyogs thams cad theg pa la gnas pas rab tu sbyong ba dang / byang chub sems dpa'i spyod pa chos thams cad kyi dkyil 'khor rab tu snang ba la spyod cing / sems can yongs su smyin par bya ba dang / gdul ba'i 
don du grong dang grong khyer dang / grong rdal dang ljongs dang / khams dang / rgyal po'i gnas dag du phyin par snang ngo / /de nas 'jam dpal gzhon nur gyur pa gnas pa myed pa'i khang pa brtsegs pa na 'dug 'dug pa las skal ba mthun pa'i byang chub sems 
dpa' de dag dang / rtag tu phyi bzhin 'brang ba'i lag na rdo rje dag dang / 'jig rten thams cad kyi nyams blta ba la brtson zhing sangs rgyas thams cad bsnyen bkur bar smon pa'i sems dang ldan pa'i lus kyi ris su gtogs pa'i lha dag dang / sngon gyi smon 
lam gyi rjes su 'brang ba'i rkang gis 'gro ba'i ris su gtogs pa'i lha dag dang / chos mnyan pa la mngon par mos pa'i sa'i lha dag dang / snying rje chen po la brtson pa'i lu ma dang / mtsho dang mtshe'u dang / rdzing bu dang khron pa dang / chu klung </font><hr>37-1-314a<br><font size=+1>
gi lha dag dang / shes rab kyi 'od snang bas rab tu gsal ba'i me'i lha dag dang / rin po che'i cod pan thogs pa'i rlung gi lha dag dang / chos kyi phyogs snang ba khong du chud pa'i phyogs kyi lha dag dang / ma rig pa'i mun pa 
bsal ba la brtson pa'i mtshan mo'i lha dag dang / de bzhin gshegs pa'i nyi ma mngon par bsgrub pa la brtson pa'i nyi ma'i lha dag dang / chos kyi dbyings thams cad kyi nam mkha' brgyan pa la brtson pa'i nam mkha'i lha dag dang / 'gro ba thams cad srid 
pa'i rgya mtsho las bsgral bar brtson pa'i gang chen mtsho'i lha dag dang / thams cad mkhyen pa nyid du tshogs yang dag par bstsags pa la brtson zhing / dge ba'i rtsa ba'i spo mngon par 'phags pa'i sems dang ldan pa'i ri'i lha dag dang / 'gro ba thams cad kyi 
lus brgyan par brtson zhing sangs rgyas thams cad kyi kha dog dang byin gyi rlabs la smon cing brtson pa'i chu klung gi lha dag dang / 'gro ba thams cad kyi sems kyi grong rdal yongs su bskyang bar brtson pa'i grong gi lha dag dang / thams cad mkhyen pa'i 
chos kyi grong khyer du smon cing mos pa'i klu'i dbang po dag dang / sems can thams cad yongs su bsrung ba la zhugs pa'i gnod sbyin gyi dbang po dag dang / sems can thams cad kyi dga' ba'i shugs rnam par 'phel bar bya ba la brtson pa'i dri za'i dbang 
po dag dang / yi dgas kyi rgyud thams cad rnam par bzlog pa la brtson pa'i grul bum gyi dbang po dag dang / sems can thams cad srid pa'i rgya mtsho nas gdon pa'i smon lam gyis zhugs pa'i nam mkha' lding gi dbang po dag dang / 'jig rten thams cad 
las 'phags pa'i de bzhin gshegs pa'i sku dang / stobs yongs su bsgrub par smon lam yongs su bskyed pa'i lha ma yin gyi dbang po dag dang / de bzhin gshegs pa mthong bas dga' bar gyur cing / lus rab tu 'dud pa'i lto 'phye chen po'i dbang po dag </font><hr>37-1-314b<br><font size=+1>
dang/ 'khor ba las skyo ba'i yid dang ldan zhing ngor blta ba'i lha'i dbang po dag dang / rim gro chen po rab tu byed cing lus rab tu 'dud pa'i tshangs pa'i dbang po dag dang / lhan cig tu de dag gis rim gro chen pos mngon par bstod de mchod cing / de lta bu'i byang chub 
sems dpa'i rnam par gnon pa'i rgyan phun sum tshogs pa dang ldan par rang gi gnas nas byung ste/ bcom ldan 'das la g.yas phyogs su bskor ba lan brgya phrag du ma zhig tu byas nas/ mchod pa rnam pa du mas mchod de/ bcom ldan 'das kyi spyan snga nas phyir byung 
nas/ lho phyogs logs su yul rgyu zhing song ngo// //sangs rgyas rmad gcad ces bya ba shin tu rgyas pa chen po'i mdo/ /bam po nyi shu bdun pa/ de nas sangs rgyas kyi byin gyi rlabs kyis/ tshe dang ldan pa shar dwa ti'i bus 'jam dpal gzhon nur gyur pa/
byang chub sems dpa'i rnam par 'phrul pa'i rgyan phun sum tshogs pa de 'dra bas/ dze ta'i tshal nas byung ste/ lho phyogs logs su 'gro ba mthong nas/ de 'di snyam du gyur te/ bdag kyang 'jam dpal gzhon nur gyur pa dang lhan cig tu yul rgyu zhing 'gro'o snyam nas/ 
de dge slong drug cu tsam gyis bskor cing mdun du byas te/ rang gi gnas nas byung nas/ bcom ldan 'das gang na ba der song ste/ bcom ldan 'das kyi zhabs gnyis la spyi bos phyag 'tshal nas/ bcom ldan 'das la zhus te/ bcom ldan 'das kyis gnang 
ba dang / bcom ldan 'das la lan gsum du bskor ba byas nas/ bcom ldan 'das kyi spyan snga nas phyir byung ste/ 'jam dpal gzhon nur gyur pa gang na ba der dge slong lhan cig tu spyod pa rab tu byung nas ring po ma lon par gsar du zhugs pa sha stag ste/ 'di 
ltar dge slong rgya mtsho'i blo dang / legs par byin pa chen po dang / bsod nams kyi 'od dang / bu chen po dang kun khyab sbyin pa dang / rnam dag spyod pa dang / lha'i dpal dang / dbang po'i blo gros dang / tshangs pa'i dam pa dang / dge slong zhi ba'i blo gros dang / de dag la </font><hr>37-1-315a<br><font size=+1>
stsogs pa'i dge slong drug cu tsam kun kyang / sngon gyi rgyal ba la bya ba byas pa/ dge ba'i rtsa ba bskyed pa/ mos pa zab mor gyur pa/ dad pa'i myig yongs su dag pa/ sems rgya chen pos yongs su spyod pa/ sangs rgyas kyi phyogs 
rnam par blta ba la mthu yod pa/ chos kyi ngo bo nyid dang / rang bzhin nges par rtogs pa'i sems dang ldan pa/ gzhan la phan par gyur pa'i blo can/ de bzhin gshegs pa'i yon tan la mngon par mos pa/ 'jam dpal gzhon nur gyur pas chos bstan pas 
'dul ba sha stag dang 'grogs shing mdun du byas te sngon du bdar nas/ 'jam dpal gzhon nur gyur pa gang na ba der dong ngo / /de nas tshe dang ldan pa sha ra dwa ti'i bus de ltar lam du zhugs te/ 'dong ba'i tshe dge slong de dag kun la bltas nas/ dge slong rgya 
mtsho'i blo la smras pa/ rgya mtsho'i blo byang chub sems dpa' 'jam dpal gyi lus mtshan dang dpe byad bzang pos rnam par brgyan cing / yongs su dag pa/ lha dang mir bcas pa bsam gyis myi khyab pa dang / 'od kyi dkyil 'khor yongs su dag cing sems can tshad 
myed pa'i dga' ba yongs su skyed pa dang / 'od zer gyi dra ba'i rgyan sems can dpag tu myed pa'i sdug bsngal rab tu zhi bar byed pa dang / 'khor phun sum tshogs pa sngon gyi dge ba'i rtsa bas yongs su bzung ba dang / lam gyi rgyan 'gro na lam myig mangs ris su 
gnas pa dang lam rnam par gnon pa'i rgyan phyogs kyi dkyil 'khor thams cad la mngon par lta bar gnas pa dang / bsod nams phun sum tshogs pa'i rgyan g.yas g.yon nas gter chen po mngon par 'thon pa dang sngon gyi sangs rgyas la rim gro byas pa'i dge ba'i 
rtsa ba dang rgyu mthun pas/ shing gi gseb thams cad nas rgyan mang po 'byung ba dang / 'jig rten gyi dbang po thams cad la mchod pa'i sprin gyi char mngon par 'bebs shing btud de phyag 'tshal ba dang / phyogs bcu nas de bzhin gshegs pa thams cad kyis 'od </font><hr>37-1-315b<br><font size=+1>
zer gyi dra ba'i dkyil 'khor mang po bkye ba/ sangs rgyas kyi chos thams cad rab tu sgrog cing spyi bor 'char ba la ltos shig ces de dag la sogs pa tshe dang ldan pa shA ri'i bus/ 'jam dpal gzhon nur gyur pa lam du zhugs pa'i yon tan gyi rgyan tshad med pa dag /
dge slong de dag la yongs su bstan to/ /brjod do bshad do/ /smos so/ /bkrol lo/ /rab tu brjod do/ /rnam par phye'o/ /gsal bar byas so/ /de ltar gnas brtan shA ri'i bus 'jam dpal gzhon nur gyur pa'i yon tan ci tsam ci tsam du brjod pa de tsam de tsam du dge slong de 
dag gi sems rnam par dag par gyur to/ /dga' ba'i shugs rnam par 'phel bar gyur to/ /mos pa skyes par gyur to/ /de dag gi sems kyi rgyud las su rung bar gyur to/ /dbang po rab tu dang bar gyur to/ /yid bde ba rnam par 'phel bar gyur to/ /
yid myi bde ba rab tu byang bar gyur to/ /sems kyi skyon dang bral bar gyur to/ /sgrib pa thams cad phyir ldog par gyur to/ /sangs rgyas blta ba la mngon par mos par gyur to/ /sangs rgyas kyi chos la sems rab tu gzhol bar gyur to/ /byang chub sems 
dpa'i dbang po yongs su dag par gyur to/ /byang chub sems dpa'i dad pa'i shugs skyes par gyur to/ /snying rje chen po byung bar gyur to/ /pha rol tu phyin pa'i dkyil 'khor gnon par gyur to/ /snying rje chen po yongs su skyes par gyur to/ /phyogs bcu'i sangs 
rgyas rgya mtsho yongs su snang bar gyur to/ /de ltar de dag thams cad mkhyen pa nyid du mos pa'i shugs thob par gyur nas 'di skad 'dzer to/ /mkhan po bdag cag kyang skyes bu dam pa de'i drung du phyin par mdzad du gsol zhes nas/ de nas tshe dang ldan pa shA ri'i bu 
dge slong de dag dang 'grogs te/ 'jam dpal gzhon nur gyur pa gang na ba der song nas 'di skad ces smras so/ /'jam dpal dge slong 'di dag ni khyod la blta bar 'dod pa dag go /de nas 'jam dpal gzhon nur gyur pas dge slong de dag dang / 'khor </font><hr>37-1-316a<br><font size=+1>
gyi dkyil 'khor gyi sa'i phyogs de tsam dang bcas par glang po'i lta stangs kyi gzi dang ldan par khyab par bltas pa dang / de'i rjes la dge slong de dag gis 'jam dpal gzhon nur gyur pa'i rkang pa gnyis la spyi bos phyag 'tshal nas/ thal mo sbyar 
te 'di skad ces smras so/ /skyes bu dam pa khyod mthong ba dang / khyod la phyag 'tshal ba'i dge ba'i rtsa ba 'di dang bdag cag gi dge ba'i rtsa ba gzhan khyod kyis mkhyen pa dang / mkhan pos thugs su chud pa dang / gang yang bcom ldan 'das de bzhin gshegs pa 
shAkya thub pas mngon du gzigs pa'i dge ba'i rtsa ba des/ khyod ci 'dra ba de 'dra bar gyur te/ rnam pa 'di 'dra ba'i lus thob par shog shig /rnam pa 'di 'dra ba'i dbyangs dang / rnam pa 'di 'dra ba'i mtshan dang / 'di lta bu'i rnam par 'phrul pa dag kyang khyod ji lta ba bzhin 
du thob par shog shig ces dge slong de dag gis de skad du smras pa dang / 'jam dpal gzhon nur gyur pas dge slong de dag la 'di skad ces smras so/ /dge slong dag yongs su myi skyo ba'i sems bskyed pa bcu dang ldan pa'i rigs kyi bu 'am rigs kyi bu mo theg pa chen 
po la zhugs pa ni byang chub sems dpa'i sa lta smos kyang ci smos kyi/ de bzhin gshegs pa'i sa yang gnon par 'gyur ro/ /bcu gang zhe na/ 'di lta ste/ de bzhin gshegs pa thams cad blta ba dang / bsnyen bkur ba dang / mchod pa dang rim gro bya ba la 
yongs su mi skyo ba'i sems bskyed pa dang / dge ba'i rtsa ba thams cad bstsags pa las phyir mi ldog cing yongs su myi skyo ba'i sems bskyed pa dang / chos thams cad btsal ba la yongs su myi skyo ba'i sems bskyed pa dang / byang chub sems dpa'i pha rol tu phyin 
pa thams cad sbyor ba la yongs su myi skyo ba'i sems bskyed pa dang / byang chub sems dpa'i ting nge 'dzin thams cad yongs su bsgrub pa la yongs su myi skyo ba'i sems bskyed pa dang / dus gcig nas gcig tu brgyud pa thams cad du 'jug pa la </font><hr>37-1-316b<br><font size=+1>
yongs su mi skyo ba'i sems bskyed pa dang / phyogs bcu'i sangs rgyas kyi zhing rgya mtsho rgyas par dgang zhing yongs su dag par bya ba la/ yongs su myi skyo ba'i sems bskyed pa dang / sems can gyi khams thams cad yongs su smin par bya ba dang / gdul ba la 
yongs su mi skyo ba'i sems bskyed pa dang / zhing dang bskal pa thams cad du byang chub sems dpa'i spyod pa mngon par bsgrub pa la yongs su mi skyo ba'i sems bskyed pa dang / sangs rgyas kyi zhing thams cad kyi rdul shin tu phra ba snyed kyi pha rol tu phyin pa sbyar bas sems 
can gcig yongs su smin par bya ba'i tshul du sems can thams cad yongs su smin par bya bas/ de bzhin gshegs pa'i stobs gcig yongs su bsgrub pa la yongs su mi skyo ba'i sems bskyed pa'o/ /dge slong dag yongs su mi skyo ba'i sems bskyed pa bcu 
po 'di dag dang ldan pa'i rigs kyi bu'am rigs kyi bu mo dad pa dang ldan pa ni dge ba'i rtsa ba thams cad la yongs su 'grub par 'gyur ro/ /'khor ba'i rgyud thams cad las phyir ldog par 'gyur ro/ /'jig rten gyi rgyud thams cad las gyen du 
'phags par 'gyur ro/ /nyan thos dang rang sangs rgyas kyis thams cad las yongs su 'da' bar 'gyur ro/ /de bzhin gshegs pa thams cad kyi rigs dang rgyud du 'byung bar 'gyur ro/ /byang chub sems dpa' thams cad kyi smon lam la yang dag par 
'grub par 'gyur ro/ /de bzhin gshegs pa thams cad kyi yon tan gyi nan tan la rnam par dag par 'gyur ro/ /byang chub sems dpa'i spyod pa thams cad la yongs su dag par 'gyur ro/ /de bzhin gshegs pa thams cad kyi stobs la yang 
dag par 'byung bar 'gyur ro/ /bdud dang phas kyi rgol ba thams cad rab tu 'dul bar 'gyur ro/ /byang chub sems dpa'i sa yongs su gnon par 'gyur ro/ /de bzhin gshegs pa'i sa dang shin tu nye bar 'gyur ro/ /de nas dge slong de </font><hr>37-1-317a<br><font size=+1>
dag gis chos kyi tshul 'di thos nas/ sangs rgyas thams cad rnam par mthong ba la chags pa med pa'i mig gi yul zhes bya ba'i ting nge 'dzin thob par gyur to/ /de'i mthus phyogs bcu mtha' yas mu med pa'i 'jig rten gyi 
khams na bzhugs pa'i/ de bzhin gshegs pa'i 'khor gyi dkyil 'khor mthong bar gyur to/ /'jig rten gyi khams de dag gi 'gro ba'i rgyud du skyes pa'i sems can de dag kyang ma lus pa mthong bar gyur to/ /'jig rten gyi khams de dag gi sems can 
rnams kyang ma lus par mthong bar gyur to/ /'jig rten gyi khams de dag kyang rnam par phye ba sna tshogs su mthong bar gyur to/ /'jig rten gyi khams de dag na rdul shin tu phra ba ji snyed yod pa de dag kyang bgrang ba'i tshul gyis rab tu shes par gyur to/ /
sems can de dag gi rin po che'i gnas dang / longs spyod de dag kyang mthong bar gyur to/ /de bzhin gshegs pa de dag gi dbyangs kyi yan lag rgya mtsho yang thos par gyur to/ /chos bstan pa de dag kyang tshig dang yi ge dang nges pa'i tshig dang skad dang ming 
dang brdas yongs su shes par gyur to/ /sems can de dag gi sems dang dbang po dang bsam pa la yang rnam par lta bar gyur to/ /sngon gyi mtha' dang phyi ma'i mtha'i tshe rabs bcu yang rjes su dran par gyur to/ /de bzhin gshegs pa de dag gi 
chos kyi 'khor lo bcu'i nges pa'i tshig mngon par bsgrub pa la yang rab tu zhugs par gyur to/ /rdzu 'phrul gyi rnam par 'phrul pa mngon par bsgrub pa bcu la yang rab tu zhugs par gyur to/ /bstan pa'i tshul mngon par bsgrub pa bcu la yang rab tu 
zhugs par gyur to/ /rjes su bstan pa'i tshig mngon par bsgrub pa bcu la yang rab tu zhugs par gyur to/ /de bzhin gshegs pa de dag gi so so yang dag par rig pa'i tshul mngon par bsgrub pa bcu la yang rab tu zhugs par gyur te/ ting nge </font><hr>37-1-317b<br><font size=+1>
'dzin de thob ma thag tu/ byang chub kyi sems kyi yan lag stong phrag bcu yang yongs su rdzogs par gyur to/ /ting nge 'dzin stong phrag bcu yang yongs su non par gyur to/ /pha rol tu phyin pa'i yan lag stong phrag bcu yang rnam par dag par gyur te/ snang ba 
chen po rab tu thob cing shes rab chen po'i dkyil 'khor gyi snang bar gyur pa de dag gis byang chub sems dpa'i mngon par shes pa bcu rab tu thob par gyur to/ /de ltar mngon par shes pa'i myu gu gzhon zhing shin tu phra ba thob ste/ byang chub tu sems bskyed pa brtan 
pa la gnas pa de dag 'jam dpal gzhon nur gyur pas/ byang chub sems dpa' kun tu bzang po'i spyod pa la yang dag par bskul nas rab tu bkod do/ /de ltar byang chub sems dpa' kun tu bzang po'i spyod pa la rab tu gnas pa de dag smon lam chen po rgya 
mtsho la zhugs shing mngon par sgrub par gyur to/ /de ltar smon lam chen po rgya mtshos mngon par bsgrub pa'i sems rnam par dag pas lus yongs su dag pa rab tu thob par gyur to/ /lus rnam par dag pas lus yang pa rab tu thob par gyur to/ /
de ltar lus rnam par dag pa dang lus yang bas mngon par shes pa'i sgo de dag shin tu yangs par byed pas/ mi nyams shing rjes su 'brang ba'i mngon par shes pa rab tu thob par gyur to/ /mngon par shes pa de thob pas 'jam dpal gzhon nur gyur pa'i 
rkang pa'i drung nas kyang mi g.yo la/ sangs rgyas kyi chos thams cad yongs su bsgrub pa'i phyir phyogs bcur yang de bzhin gshegs pa thams cad kyi sku'i 'phrin las kyi sprin mngon par bsgrub par gyur to/ /de nas 'jam dpal gzhon nur gyur pas/ 
dge slong de dag bla na med pa yang dag par rdzogs pa'i byang chub tu bkod nas mthar gyis yul rgyu zhing lho phyogs logs su skyid pa'i 'byung gnas zhes bya ba'i grong rdal chen po gang na ba der logs su song ste/ phyin nas grong rdal chen po skyid pa'i 'byung gnas kyi shar/</font><hr>37-1-318a<br><font size=+1>
phyogs logs na nags tshal chen po sA la sna tshogs kyi rgyal mtshan gyi rgyan ces bya ba sngon gyi sangs rgyas bzhugs bzhugs pa'i mchod rten sems can smin par mdzad pa'i don du/ de bzhin gshegs pas byin gyis brlabs pa/ zhing 
mtha' yas par ming gi sgra rjes su grags pa/ sngon cad bcom ldan 'das byang chub sems dpa'i spyod pa mdzad pa'i tshe/ yongs su gtang bar dka' ba du ma yongs su btang ba ste/ sa'i phyogs de na lha dang klu dang gnod sbyin dang dri za dang lha ma yin dang / nam mkha' 
lding dang / mi'am ci dang lto 'phye chen po dang / mi dang mi ma yin pa rnams rtag tu rgyun mi 'chad par mchod pa la brtson pa'i gnas yod pa der 'khor dang bcas te phyin nas der 'jam dpal gzhon nur gyur pas/ mdo sde chos kyi dbyings kyi tshul rab tu snang ba 
zhes bya ba mdo sde bye ba khrag khrig brgya stong phrag bcu 'byung ba bstan to/ /de bstan pa'i tshe rgya mtsho chen po nas klu bye ba khrag khrig brgya stong du ma nye bar lhags te/ de dag gis chos kyi tshul de thos nas/ klu'i rgyud la rnam par smod cing / de bzhin 
gshegs pa'i yon tan la mos par gyur nas klu'i rgyud rnam par bzlog ste/ lha dang mir skye ba yongs su 'dzin par gyur nas/ der klu stong phrag bcu bla na med pa yang dag par rdzogs pa'i byang chub las phyir mi ldog par gyur to/ /chos de bstan pa'i tshe 
sems can gyi khams mtha' dang dbus med pa/ theg pa gsum gyis dus gzhan dang gzhan du rnam par dul bar gyur to/ /de nas skyid pa'i 'byung gnas kyi mi rnams kyis/ 'jam dpal gzhon nur gyur pa skyid pa'i 'byung gnas kyi grong rdal 
du phyin te/ sA la sna tshogs kyi rgyan gyi mchod rten gyi gzhi 'di nyid na rnam par spyod do zhes thos nas/ dge bsnyen tshong dpon shes rab chen po la sogs pa/ dge bsnyen pa dang / dge bsnyen ma dang / khye'u dang bu mo mang po dag so so nas </font><hr>37-1-318b<br><font size=+1>
'khor lnga brgya lnga brgya dang bcas te/ skyid pa'i 'byung gnas kyi grong rdal nas byung nas/ 'jam dpal gzhon nur gyur pa gang na ba der dong ngo / /de la dge bsnyen shes rab chen po ni dge bsnyen bzang pos byin dang / lhas byin dang / bsod nams 'od dang / grags pa'i lha dang 
grags pas byin dang / zla ba'i dpal dang / zla ba dga' bo dang / blo gros bzang po dang / blo gros chen po dang / sgra gcan bzang po dang / dge bsnyen bzang po'i dpal dang / de dag la sogs pa dge bsnyen lnga brgyas bskor cing mdun du byas te/ 'jam 
dpal gzhon nur gyur pa gang na ba der dong nas/ 'jam dpal gzhon nur gyur pa'i rkang pa gnyis la spyi bos phyag 'tshal te/ 'jam dpal gzhon nur gyur pa la lan gsum du bskor ba byas nas/ phyogs gcig tu 'khod do/ /de la dge bsnyen 
ma shes rab chen mo ni/ dge bsnyen ma 'od bzang mo dang / lus bzang mo dang / dge ba yod pa dang / dge ba'i dpal dang / zla ba'i 'od dang / dpal gyi 'od dang / dpal bzang mo dang / dge bsnyen ma mig bzang mo dang / de dag la 
sogs pa dge bsnyen ma lnga brgyas bskor cing mdun du byas te/ 'jam dpal gzhon nur gyur pa gang na ba der dong nas/ 'jam dpal gzhon nur gyur pa'i rkang pa gnyis la spyi bos phyag 'tshal te/ 'jam dpal gzhon nur gyur pa la lan gsum du bskor ba 
byas nas/ phyogs gcig tu 'khod do/ /de la tshong dpon gyi bu nor bzangs ni/ tshong dpon gyi bu brtul zhugs bzang po dang / tshul khrims bzang po dang / ngang tshul bzang po dang / rnam par gnon pa bzang po dang / bsam pa bzang po dang / blo gros bzang po 
dang / blo bzang po dang / mig bzang po dang / lag pa bzang po dang / tshong dpon gyi bu 'od bzang po dang / de dag la sogs pa tshong dpon gyi bu lnga brgyas bskor cing mdun du byas te/ 'jam dpal gzhon nur gyur pa gang na ba der dong nas/ 'jam dpal gzhon nur </font><hr>37-1-319a<br><font size=+1>
gyur pa'i rkang pa gnyis la spyi bos phyag 'tshal te/ 'jam dpal gzhon nur gyur pa la lan gsum bskor ba byas te/ phyogs gcig tu 'khod do/ /de la khyim bdag shes rab chen po'i bu mo dge ba bzang mo ni bu mo bzang mo dang / yid 
du 'ong ba'i bzhin dang / brtan pa'i blo gros dang / dpal bzang mo dang / tshangs pas byin dang / dpal gyi 'od dang / bu mo 'od bzang mo la sogs pa bu mo lnga brgyas bskor cing mdun du byas te/ 'jam dpal gzhon nur gyur pa gang na ba der dong nas/ 'jam dpal gzhon 
nur gyur pa'i rkang pa gnyis la spyi bos phyag 'tshal te/ 'jam dpal gzhon nur gyur pa la lan gsum du bskor ba byas nas/ phyogs gcig tu 'khod do/ /de nas 'jam dpal gzhon nur gyur pas skyid pa'i 'byung gnas kyi grong rdal nas skyes pa dang / bud 
med dang khye'u dang bu mo de dag 'dus te/ 'khod par shes nas bsam pa ji lta bzhin du bstan pa'i byin gyi zil gyis mnan te byams pa chen po'i byin gyis tshim par byas nas/ snying rje chen po'i byin gyis chos bstan pa mngon par bsgrubs te/ ye shes kyi 
byin gyis sems dang bsam pa rnam par phye nas/ so so yang dag par rig pa chen pos chos bstan par dga' ste/ tshong dpon gyi bu nor bzangs la bltas so/ /tshong dpon gyi bu nor bzangs shes bya ba ci'i phyir nor bzangs shes bya zhen/ tshong dpon 
gyi bu nor bzangs zhes bya ba de thog ma ma'i mngal du zhugs ma thag tu khyim de'i 'khor kun nas rnam par phye ba'i rin po che sna bdun gyi sdong po 'thon par gyur to/ /rin po che'i sdong po de dag gi 'og na rin po che'i gter bdun yod de/ gser dang dngul dang be+e DUR+ya dang / 
shel dang mu tig dmar po dang / a sma gar b+ha dang / mu sa ra galpa dang / rin po che de bdun gyi rin po che'i sdong po de dag kyang gter de dag nas skyes te/ sa'i gzhi brtol nas mngon par 'thon par gyur to/ /de yan lag dang nying lag thams cad yongs su </font><hr>37-1-319b<br><font size=+1>
rdzogs te/ zla ba bcu lon nas btsas pa dang / de'i tshe gter chen po bdun po de dag kyang chu zheng dang rngams su khru bdun tsam du sa'i steng nas mngon par 'phags te/ snang bar byung nas rnam par snang zhing mdzes par gyur to/ /khyim der rin po che sna tshogs kyi snod 
lnga brgya yang byung bar gyur te/ 'di ltar mar gyi snod dang / til mar gyi snod dang sbrang rtsi'i snod dang mar sar gyi snod dang / gzhan dag kyang so so nas yo byad sna tshogs thams cad kyis yongs su gang ba dag ste/ 'di ltar rdo rje'i snod spos sna tshogs kyis yongs su 
gang ba dang / spos kyi snod gos sna tshogs kyis yongs su gang ba dang / man shel gyi snod kha zas dang / spyan gzigs sna tshogs ro mchog tu zhim pas yongs su gang ba dang / nor bu'i snod rin po che sna tshogs kyis yongs su gang ba dang / gser gyi snod 
dngul sil mas yongs su gang ba dang / dngul gyi snod gser phyes yongs su gang ba dang phra men gyi snod nor bu rin po che be+e DUR+Yas yongs su gang ba dang / shel gyi snod mu sa ra gal pas yongs su gang ba dang / mu sa ra gal pa'i snod rin po che shel gyi yongs su 
gang ba dang / a sma gar b+ha'i snod mu tig dmar pos yongs su gang ba dang / mu tig dmar po'i snod a sma gar b+has yongs su gang ba dang / nor bu rin po che skar ma'i rgyal mtshan gyi snod nor bu rin po che chu 'dang gis yongs su gang ba dang / nor bu rin po che chu 'dang 
gi snod nor bu rin po che skar ma'i rgyal mtshan gyis yongs su gang ba dang / de dag la sogs pa rin po che'i snod lnga brgya 'thon par gyur to/ /tshong dpon gyi bu nor bzangs de btsas ma thag tu khyim dang bang ba dang mdzod thams cad du nor dang 'bru dang / 
dbyig dang / gser dang rin po che sna tshogs kyi char mngon par bab par gyur to/ /de la bram ze'i ltas pa dang / pha dang ma dang gnyen gyi tshogs kyis 'di btsas ma thag tu nor mang po phun sum tshogs pa 'byung bar gyur pas na/ nor bzangs nor bzangs </font><hr>37-1-320a<br><font size=+1>
zhes de ltar ming du btags te/ tshong dpon gyi bu nor bzangs de ni sngon gyi rgyal ba la bya ba byas so/ /dge ba'i rtsa ba bskyed pa'o/ /mos pa rgya chen po dang ldan pa'o/ /dge ba'i bshes gnyen gyi rjes su 'brang ba'i bsam 
pa can no/ /lus dang ngag dang yid kyi spyod pa kha na ma tho ba med pa'o/ /byang chub sems dpa'i lam yongs su sbyangs pa la rab tu brtson pa'o/ /thams cad mkhyen pa la mngon par mos pa'o/ /sangs rgyas kyi chos kyi snod du gyur pa'o/ /bsam pa'i nam mkha' 
yongs su dag pa'o/ /byang chub kyi sems chags pa med pa yongs su rdzogs pa'o/ /de nas 'jam dpal gzhon nur gyur pas tshong dpon gyi bu nor bzangs la bltas te/ dga' ba'i gtam byas nas de la 'di lta ste/ sangs rgyas kyi chos thams cad las 
kyang brtsams/ sangs rgyas kyi chos thams cad yang dag par bsdu zhing /thob par bya ba las kyang brtsams/ sangs rgyas thams cad gcig nas gcig tu brgyud pa las kyang brtsams/ sangs rgyas gcig nas gcig tu brgyud pa 
thams cad shes par bya ba las kyang brtsams/ sangs rgyas thams cad kyi 'khor gyi dkyil 'khor rnam par dag pa las kyang brtsams/ sangs rgyas thams cad kyi chos kyi 'khor lo dang sprul pa'i rgyud las kyang brtsams/ sangs rgyas thams cad 
rgyas thams cad kyi gzugs kyi sku'i mtshan dang dpe byad bzang po rnam par dag pa las kyang brtsams/ sangs rgyas thams cad kyi chos kyi sku yongs su grub pa las kyang brtsams/ sangs rgyas thams cad kyi gsung rnam par phye ba las kyang brtsams/ sangs 
rgyas thams cad kyi 'od kyi dkyil 'khor gyi brgyan rnam par dag pa las kyang brtsams/ sangs rgyas thams cad kyi mnyam pa nyid las kyang brtsams te/ chos kyang bstan par gyur to/ /de nas 'jam dpal gzhon nur gyur pas/ tshong dpon </font><hr>37-1-320b<br><font size=+1>
gyi bu nor bzangs dang / skye bo'i tshogs chen po de dag chos dang mthun pa'i gtam gyis bstan te/ yang dag par bskul nas spro ba bskyed de/ dga' bar byas nas/ bla na med pa yang dag par rdzogs pa'i byang chub tu sems bskyed du btsud de/ sngon gyi dge ba'i rtsa 
ba yongs su dran par byas nas/ skyid pa'i 'byung gnas kyi grong rdal de'i sems can rnams kyi bsam pa ji lta ba bzhin du chos bstan pas/ byin gyis brlabs te bde bar byas nas de nas song ngo / /de nas tshong dpon gyi bu nor bzangs kyis 'jam dpal gzhon nur 
gyur pa las rnam pa de lta bu'i sangs rgyas kyi yon tan dang / che ba nyid thos nas bla na med pa yang dag par rdzogs pa'i byang chub tu mos shing brtson pas phyi bzhin du 'brang ste/ 'jam dpal gzhon nur gyur pa la tshigs su bcad de mngon par bstod do/ /blo gros chen po 
mtha' yas spyod yul can/ /khyod kyi mthus ni sems can sman slad du/ /bdag kyang byang chub mchog tu zhugs par gyur/ /de la nges pa gang mchis bdag las gson/ /dga' ba'i chus bkang 'obs kyis kun nas bskor/ /nga rgyal dregs pa'i ra ba 
mtho bar brtsegs/ /sems can lam rgyud sgo rnams btsud cing gdangs/ /de 'dra'i khyim ni srid gsum ming ldan che/ /de ni gti mug ma rig gzings pas khebs/ /'dod chags zhe sdang me lces rab tu gdungs/ /rtag par bdud kyi dbang po'i 
dbang du gyur/ /de la byis pa ma rig rten kyang 'cha'/ /sred pa'i sgrog dang zhags pas shin tu glags/ /g.yo dang sgyu yi skyon gyis tho ba tsams shing / /the tsom yid gnyis dag gis mig mdongs pa/ /log pa phyin phyogs lam la rab tu zhugs/ /
phrag dog ser sna'i thag pas btags shing bcings/ /yi dgas byol song sems dmyal mi khom rgyu/ /rga shi na dang skye bas rab tu mnar/ /mgo rmongs lam rgyud 'khor lo kun tu 'khor/ /de la khyod ni thugs rje rnam dag pa'i/ /dkyil 'khor </font><hr>37-1-321a<br><font size=+1>
ye shes 'od zer snang ba mdzad/ /nyon mongs rgya mtsho bskam par shar te 'phags/ /nyi ma 'dra bas bdag la snang ba mdzod/ /byams pa bsgoms pas dkyil 'khor rdzogs shing nya/ /bsod nams zla 'od bde ba'i gzer 'gyed pa/ /
sems can kun gyi gnas su shar gyur gyi/ /zla ba nya ba lta bus bdag snang mdzod/ /dkar mthus thams cad yongs bstsags dkor mnga' zhing / /chos dbyings mkha' la chags pa med mnga' ba/ /chos kyi 'khor lo rin chen sngon 'dren pas/ /rgyal 
por gyur pas bdag la bstan du gsol/ /byang chub theg pa'i smon lam mthu mnga' ste/ /bsod nams ye shes shin tu yangs bstsags shing / /sems can kun la phan pa'i don zhugs pa'i/ /ded dpon chen pos bdag kyang bskyang du gsol/ /bzod 
pa brtan zhing sra ba'i go mnabs te/ /ye shes bshan mnga' thugs rje'i phyag ring bas/ /bdud kyi dmag dpung tshogs rnams mngon gyur par/ /dpa' ba chen pos bdag gi bsel yang mdzod/ /chos kyi ri rab spo la brtan bzhugs shing / /ting 'dzin 
mchog gi lha mos kun nas bskor/ /nyon mongs sgra gcan lha min 'dul mdzad pa/ /brgya byin gyur pas bdag kyang gzigs su gsol/ /byis pa'i gnas gyur khams gsum khang pa na/ /nyon mongs las rnams rnam par bsal ba mkhyen/ /rgyu yi 
sa dang lam rgyud 'khor rmongs par/ /me mar 'dra bas bdag kyang shul bstan gsol/ /ngan 'gro'i lam rnams rnam par zlog mdzad cing / bde bar 'gro ba'i lam rnams rnam sbyong ba/ /'jig rten kun gyi lam gyi rgyud las 'das/ /bdag 
la'ang thar pa'i sgo ni bstan du gsol/ /rtag dang bdag dang bde bar 'du shes ldan/ /log 'dzin sgo re'i skyabs kyis gcad gyur kyis/ /bden pa'i ye shes spyan rno mchog mnga' bas/ /thar sgo bdag la'ang myur du dbye bar gsol/ /yang dag </font><hr>37-1-321b<br><font size=+1>
lag pa'i lam la mkhas gyur cing / /lam gyi rgyus dang tshul la bsnyengs mi mnga'/ /lam rnams kun gyis 'dul ba thugs chud pa/ /bdag la byang chub shul ni bstan du gsol/ /yang dag lta ba'i sa yi thad la bzhugs/ /sangs rgyas kun gyi yon tan chab 
kyis bskrun/ /sangs rgyas chos legs me tog char 'bebs pa/ /byang chub shul ni bdag la bstan du gsol/ /rgyal ba gang 'das ma byon gang rnams dang / /da ltar byung ba'i rgyal ba snang mdzad pa/ /sems can gtso bo legs par gshegs pa'i 
phyogs/ /de yang lam sgron mdzad pas bdag bstan gsol/ /las kyi 'khrul 'khor tshul la mi bsnyengs pa/ /chos theg shing rta'i 'khrul 'khor mkhyen gyur cing / /ye shes theg pa'i tshul la rnam nges pa/ /byang chub theg pa bdag la bshad du 
gsol/ /mos shing smon pa'i 'khor lo mu khyud can/ /bzod pa rdo rje snying rje srog shing brtan/ /dad pa'i gnya' shing rin chen legs spras pa'i/ /byang chub theg la bdag kyang bskyon du gsol/ /gzungs rnams kun gyi rnam dag dkyil 'khor 
can/ /byams pa brtsegs pa'i dga' bas rab brgyan pa/ /so so yang dag rig pa'i dril 'phring can/ /theg mchog bzang po bdag la bstan du gsol/ /tshangs pa'i spyod pa'i lam gyis mngon par brgyan/ /ting 'dzin bud med khrag khrig kun 
nas rgyu/ /chos kyi rnga yi dbyangs chen rab bsgrags pa/ /theg pa'i dam pa bdag la bstabs su gsol/ /bsdu ba bzhi yi mi zad mdzod ldan pa/ /ye shes rin chen yon tan phreng gis brgyan/ /khrel yod dul ba'i 'phreng bas mchog bsdams 
pa'i/ /theg pa'i dam pa bdag la bstan du gsol/ /sbyin pa'i 'od zer dkyil 'khor bzang po can/ /tshul khrims tsan dan snying rje'i byug ldan zhing / /bzod pa'i gzer gyis mtshams rnams dam sbyar ba'i/ /theg pa'i mchog la myur du bdag </font><hr>37-1-322a<br><font size=+1>
bzhag gsol/ /sems can thams cad 'dul las mi ldog pa/ /bsam gtan ting 'dzin kha khyer mthor sgron cing / /shes rab thabs gnyis 'byor mthun 'gro rgyu ba'i/ /chos kyi theg pa'i mchog la bdag bzhag gsol/ /
smon lam 'khor los lam gyi 'khor sbyong ba/ /chos kyi gzungs dam mthu brtan che ldan zhing / /ye shes 'khrul 'khor legs sbyangs legs byas pa'i/ /chos kyi theg pa de la bdag skyon gsol/ /kun tu bzang po'i spyod pas rab sbyangs shing / /sems 
can lta bas rgyu la thogs med pa/ /kun tu bzang po'i spyod pas gnon gyur pa'i/ /ye shes theg pas bdag la bsdud du gsol/ /de ni brtan pas rdo rje bzhin gnas pa/ /ye shes sgyu mas legs sbyangs legs byas shing / /sgrib dang chags 
pa thams cad gcod pa yi/ /bzang po'i theg la bdag kyang bskyon du gsol/ /'gro mnyam dri med shin tu yangs gyur pa/ /sems can thams cad skyob pas bde sgrub cing / /chos dbyings shin tu rgya chen rnam snang ba'i/ /byang chub theg 
la bdag kyang bskyon du gsol/ /sdug bsngal phung po rab 'byung gcod byed pa/ /nyon mongs las kyi rdul mang sbyong sel cing / /bdud dang phas kyi rgol ba kun 'joms pa'i/ /chos kyi theg la bdag kyang bskyon du gsol/ /phyogs rnams kun tu ye shes 
rab snang ba/ /chos dbyings nam mkha' rnam par klubs byed cing / /sems can kun gyi bsam pa rdzogs byed pa'i/ /chos kyi theg la bdag kyang bskyon du gsol/ /rnam dag mkha' ltar tshad med mi zad pa/ /sred dang ma rig lta ba'i skyon med cing / /
sems can kun la phan par rab gnas pa'i/ /chos kyi theg la bdag kyang bskyon du gsol/ /rlung chen langs pa'i shugs kyi shugs ldan pas/ /smon lam mthu yis 'jig rten kun 'dzin cing / /zhi ba'i gnas rab kun sar skyel byed pa'i/ /</font><hr>37-1-322b<br><font size=+1>
chos kyi theg la bdag kyang bskyon du gsol/ /sa chen bzhi yi stobs kyi stobs ldan pa/ /snying rje'i mthu dang shugs kyis khur khyer zhing / /ye shes lo tog 'gro ba nyer 'tsho ba'i/ /theg pa'i mchog la bdag kyang bskyon du gsol/ /nyi ma lta bur 
'gro ba nyer 'tsho zhing / /bsdu ba rab yangs 'khor gyi dkyil 'khor can/ /gzungs kyi stobs mchog dag pa'i 'od bzang ba'i/ /ye shes nyi ma bdag la bstan tu gsol/ /bskal pa mang po du mar rab bslabs pas/ rgyu yi tshul dang su kun 
mkhas gyur pa/ /gang gis 'dus byas grong khyer gzhom 'gyur ba'i/ /shes brtan rdo rje 'phags pas bdag la stsal du gsol/ /sangs rgyas legs kun bslab pa phun sum gyis/ /ye shes rgya mtsho yangs pa gang zhig la/ /tshad med rgya 
mtsho'i blo mang bslab gyur pas/ /de legs ci 'dra 'phags pas bka' stsal gsol/ /gang na yang dag spyan mnga' khyod bzhugs shing / /ye shes rgyal po'i cod pan legs brgyan te/ /chos kyi dbu thod dam pas dbu bcings pa'i/ /chos kyi 
rgyal po'i pho brang bdag kyang ston/ de nas 'jam dpal gzhon nur gyur pas glang po'i lta stangs kyis bltas te/ tshong dpon gyi bu nor bzangs la 'di skad ces smras so/ /rigs kyi bu de ltar khyod kyis bla na med pa yang dag par rdzogs pa'i byang chub tu 
sems bskyed de/ dge ba'i bshes gnyen gyi rjes su 'brang zhing byang chub sems dpa'i lam yongs su rdzogs par bya bar 'dod de/ byang chub sems dpa'i spyod pa yongs su dri bar bsam pa legs so legs so/ /rigs kyi bu 'di lta ste/ 
dge ba'i bshes gnyen rnams la bsnyen cing bsten pa dang / rim gror bya ba 'di ni thams cad mkhyen pa nyid yongs su grub par 'gyur ba'i gzhi yin te 'di ni mthun pa'i rgyu yin gyis/ rigs kyi bu de bas na khyod kyis dge ba'i bshes bsnyen </font><hr>37-1-323a<br><font size=+1>
bkur bas yongs su ma skyo bar gyis shig /nor bzangs kyis smras pa/ 'phags pa ji ltar byang chub sems dpa'i spyod pa la bslab par bgyi/ ji ltar nan tan du bgyi/ ji ltar byang chub sems dpas byang 
chub sems dpa'i spyod pa brtsam par bgyi/ ji ltar byang chub sems dpas byang chub sems dpa'i spyod pa la spyad par bgyi/ ji ltar byang chub sems dpas byang chub sems dpa'i spyod pa yongs su rdzogs par bgyi/ ji ltar byang chub sems dpas byang chub sems 
dpa'i spyod pa yongs su sbyang bar bgyi/ ji ltar byang chub sems dpas byang chub sems dpa'i spyod pa la 'jug pa bgyi/ ji ltar byang chub sems dpas byang chub sems dpa'i spyod pa mngon par bsgrub par bgyi/ ji ltar byang chub sems dpas byang chub sems dpa'i 
spyod pa'i rjes su 'brang bar bgyi/ ji ltar byang chub sems dpas byang chub sems dpa'i spyod pa la lhag par dmigs par bgyi/ /ji ltar byang chub sems dpas byang chub sems dpa'i spyod pa rgyas par bgyi/ /ji ltar byang chub sems dpas kun tu 
bzang po'i spyod pa'i dkyil 'khor yongs su rdzogs par 'gyur ba rgya cher bstan du gsol/ de nas 'jam dpal gzhon nur gyur pas tshong dpon gyi bu nor bzangs la tshigs su bcad de smras pa/ /dge ba'i bsod nams gang chen mtsho/ /de ltar khyod ni nga 
yi drung du nyer phyin te/ /snying rje snying brtse rgya chen gyi/ /yid ldan byang chub dam pa tshol ba legs/ /'gro ba thams cad dgrol don du/ /spyod pa mtshungs med don du smon lam rab 'debs shing / /'gro ba kun gyi skyabs 'gyur ba/ /byang chub sems 
dpa'i spyod pa tshul 'di yin/ /byang chub sems dpa'i brtan pa rnams/ /'khor ba'i nang na skyo med yid kyis spyod byed pa/ /de dag kun tu bzang po yi/ /spyod pa thub med chags med 'thob par 'gyur/ /bsod nams 'od can bsod nams </font><hr>37-1-323b<br><font size=+1>
dpal/ /de ltar khyod ni kun tu bzang po'i spyod pa la/ /'gro la phan phyir smon byed pa/ /bsod nams rgya mtsho dge zhing dag pa'i mtshan/ /mtha' dang dbus myed tshad myed pa'i/ /phyogs bcu'i 'jig rten sangs rgyas kun kyang mthong bar 'gyur/ /dran 
pa'i mthu dang stobs kyis kyang / /de dag chos kyi sprin kyang yongs su 'dzin par 'gyur/ /de ltar khyod kyis phyogs bcu yi/ /sangs rgyas zhing rnams kun tu rgyal ba mthong nas kyang / /byang chub spyod pa'i don gyi phyir/ /de dag kun la smon lam rgya mtsho 
dag byed 'gyur/ /'jig rten gtso la slob byed cing / /gang rnams sangs rgyas sa la gnas ni bcas byas shing / /'di tshul rgya mtshor zhugs gyur pa/ /de dag kun kyang thams cad gzigs par 'gyur/ /khyod ni 'byam klas zhing kun tu/ /bskal 
mang zhing rdul snyed du kun tu bzang po yi/ /spyod pa'i dam pa spyod byas shing / /byang chub dam pa zhi ba 'thob par 'gyur/ /zhing rnams mtha' dang dbus med pa/ /ma lus kun tu bskal pa rgya mtshor spyad par gyis/ /kun tu bzang po'i spyod mchog phyir/ /
smon lam rgya chen yongs su rdzogs par byos/ /khyod ni smon lam thos gyur nas/ /sems can khrag khrig dga' ba yongs su skyes gyur cing / /kun tu bzang po'i ye shes kyis/ /byang chub mchog tu smon pa byed la ltos/ /de nas 'jam dpal 
gzhon nur gyur pas tshigs su bcad pa de dag smras nas/ tshong dpon gyi bu nor bzangs la 'di skad ces bsgo'o/ /rigs kyi bu de ltar khyod bla na med pa yang dag par rdzogs pa'i byang chub tu sems bskyed cing / /byang chub sems dpa'i spyod pa yongs 
su btsal bar sems pa legs so legs so/ /rigs kyi bu 'di ltar bla na med pa yang dag par rdzogs pa'i byang chub tu sems bskyed pa de lta bu'i sems can yang rab tu dkon te/ de bas kyang gang gis bla na med pa yang dag par rdzogs pa'i byang </font><hr>37-1-324a<br><font size=+1>
chub tu sems bskyed nas/ byang chub sems dpa'i spyod pa yongs su tshol ba de lta bu'i sems can ni ches dkon no/ rigs kyi bu de bas na byang chub sems dpas thams cad mkhyen pa'i ye shes thob par bya ba'i phyir/ yang dag 
pa'i dge ba'i bshes gnyen las gdon mi za bar rtogs pa thob par gyis shig /dge ba'i bshes gnyen yongs su btsal ba la yongs su skyo ba'i yid med par gyis shig /dge ba'i bshes gnyen blta ba la ngoms pa med par gyis shig /dge ba'i 
bshes gnyen gyis bstan pa la mthun par 'dzin par gyis shig /dge ba'i bshes gnyen gyi thabs mkhas pa'i spyod pa la khong khro ba med par gyis shig /rigs kyi bu lho phyogs kyi rgyud 'di nyid na/ yul mi mo gya nom mchog ces bya ba yod de/ de na 
mgul legs pa zhes bya ba'i ri zhig yod pa de la/ dge slong sprin gyi dpal zhes bya ba 'dug gis de'i gan du song la/ /ji ltar byang chub sems dpas byang chub sems dpa'i spyod pa la bslab par bya ba dang / ji ltar nan tan du bya ba dang / ji 
ltar byang chub sems dpas byang chub sems dpa'i spyod pa brtsam par bya ba dang / ji ltar byang chub sems dpas byang chub sems dpa'i spyod pa la spyad par bya ba dang / ji ltar byang chub sems dpa'i spyod pa yongs su rdzogs par bya ba dang / ji ltar yongs 
su dag par bya ba dang / ji ltar 'jug par bya ba dang / ji ltar mngon par bsgrub par bya ba dang / ji ltar rjes su 'brang bar bya ba dang / ji ltar lhag par dmigs par bya ba dang / ji ltar rgyas par bya ba dang / ji ltar byang chub sems dpas kun tu bzang po'i 
spyod pa'i dkyil 'khor yongs su rdzogs par 'gyur ba dris shig dang dge ba'i bshes gnyen des khyod la kun tu bzang po'i spyod pa'i dkyil 'khor ston to/ /de nas tshang dpon gyi bu nor bzangs dga' rangs te/ mgu zhing nyams bde la tshim zhing yid bde ba </font><hr>37-1-324b<br><font size=+1>
skyes nas/ 'jam dpal gzhon nur gyur pa'i rkang pa gnyis la spyi bos phyag 'tshal te/ 'jam dpal gzhon nur gyur pa la lan brgya stong du mar g.yas phyogs su bskor ba byas nas/ lan brgya stong du mar phyir bltas te/ dge ba'i bshes gnyen yid du 
'ong ba'i sems dang ldan pas/ dge ba'i bshes gnyen mi mthong ba mi bzod de/ gdong mchi mas gang bar du zhing 'jam dpal gzhon nur gyur pa'i drung nas song ngo / /de nas tshong dpon gyi bu nor bzangs mthar gyis yul mi mo gya nom mchog ces bya ba der 
song ste phyin nas/ yul mi mo gya nom mchog nas rnam par brgyus te/ sngon gyi dge ba'i rtsa bas byung zhing las rgya chen pos byin gyis brlabs pa'i longs spyod yid du 'ong ba la yongs su spyod cing ri mgul legs pa gang na ba der phyin nas/ mgul legs pa'i 
ri la 'dzegs te/ dge slong sprin gyi dpal la chos tshol zhing / shar phyogs logs su byung ngo / /de bzhin du lho dang nub dang byang dang byang shar gyi phyogs mtshams dang / shar lho'i phyogs mtshams dang / lho nub kyi phyogs mtshams dang / nub byang gi 
phyogs mtshams su yang byung ste/ bla 'og tu 'ang lta zhing dge slong sprin gyi dpal tshol tshol ba las des zhag bdun lon pa dang / dge slong sprin gyi dpal ri rtse cig gi sman ljongs na 'chag cing 'dug pa mthong nas/ de dge slong sprin gyi dpal gang na ba der song 
ste/ dge slong sprin gyi dpal gyi rkang pa gnyis la spyi bos phyag 'tshal nas/ dge slong sprin gyi dpal la g.yas phyogs su bskor ba byas te/ mdun du 'dug nas thal mo sbyar te 'di skad ces smras so/ /'phags pa thugs su chud par mdzad du 
gsol/ bdag gis bla na med pa yang dag par rdzogs pa'i byang chub tu sems bskyed na/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba dang / ji ltar byang chub sems dpa'i spyod pa </font><hr>37-1-325a<br><font size=+1>
brtsam pa dang / ji ltar byang chub sems dpa'i spyod pa la spyad par bgyi ba dang / ji ltar byang chub sems dpa'i spyod pa yongs su rdzogs par bgyi ba dang / ji ltar yongs su dag par bgyi ba dang / ji ltar 'jug par bgyi ba dang / ji ltar rjes su 'brang bar bgyi ba dang / 
ji ltar mngon par bsgrub par bgyi ba dang / ji ltar lhag par dmigs par bgyi ba dang / ji ltar rgyas par bgyi ba dang / ji ltar byang chub sems dpa' kun tu bzang po'i spyod pa'i dkyil 'khor yongs su rdzogs par 
'gyur ba ma 'tshal te/ 'phags pa khyod ni byang chub sems dpa' rnams la gdams ngag dang / rjes su ston pa mdzad ces thos na/ 'phags pa ji ltar byang chub sems dpa' bla na med pa yang dag par rdzogs pa'i byang chub tu 'byung bar 'gyur ba 
bdag la bstan du gsol/ de skad ces smras pa dang / dge slong sprin gyi dpal gyis tshong dpon gyi bu nor bzangs la 'di skad ces smras so/ /rigs kyi bu de ltar khyod kyis bla na med pa yang dag par rdzogs pa'i byang chub tu sems bskyed cing / byang chub sems 
dpa'i spyod pa yongs su 'dri ba legs so legs so/ /rigs kyi bu 'di lta ste/ byang chub sems dpa'i spyod pa yongs su btsal ba dang / byang chub sems dpa'i spyod yul yongs su btsal ba dang / byang chub sems dpa'i 'byung ba rnam par dag pa 
yongs su btsal ba dang / byang chub sems dpa'i lam rnam par dag pas yongs su btsal ba dang / byang chub sems dpa'i spyod pa rgya chen po rnam par dag pa yongs su btsal ba dang / byang chub sems dpa'i mngon par shes pa bsgrub pa rnam par dag 
pa yongs su btsal ba dang / byang chub sems dpa'i rnam par thar pa yongs su bstan pa dang / byang chub sems dpa'i snang ba'i snying rje'i rgyud yongs su bstan pa dang / byang chub sems dpa'i 'gro ba'i bsam pa ji lta ba bzhin du rjes su 'brang ba </font><hr>37-1-325b<br><font size=+1>
dang / byang chub sems dpas 'khor ba dang / mya ngan las 'das pa'i sgo yongs su bstan pa dang / byang chub sems dpa' rnams kyi 'dus byas dang / 'dus ma byas kyi skyon dang / 'jigs pas mi gos pa'i rgyud yongs su btsal ba 'di ni dka'o/ /
shin tu dka'o/ /rigs kyi bu kho bo ni mos pa'i stobs kyi dbang gis mig gi blo gros dang /dad pa'i mig rnam par dag pas kun tu mngon par lta ba'i ye shes kyi 'od snang ba/ phyin phyogs med pa dang / yul kun la thogs pa med cing sgrib pa thams cad dang 
bral ba'i lhag mthong la mkhas pa dang / mig gi yul kun nas yongs su dag pa'i lus rnam par dag pa dang / phyogs kyi rgyud 'byam klas pa thams cad du mngon par 'dud pa'i lus kyis 'dud pa la mkhas pa dang / sangs rgyas thams cad kyi chos kyi sprin 
yongs su 'dzin pa'i gzungs kyi stobs kyis phyogs kyi rgyud thams cad nas mngon du gzigs pa'i de bzhin gshegs pa rnams mthong ste/ 'di ltar shar phyogs kyi de bzhin gshegs pa gcig kyang mthong ngo / /sangs rgyas gnyis dang bcu dang / sangs rgyas brgya 
dang / sangs rgyas stong dang / sangs rgyas brgya phrag stong dang / sangs rgyas bye ba dang / sangs rgyas bye ba brgya dang / sangs rgyas bye ba stong dang / sangs rgyas bye ba brgya phrag stong dang / sangs rgyas bye ba khrag khrig brgya phrag stong nas de bzhin gshegs pa tshad med pa/ 
dpag tu med pa/ grangs med pa/ bsam gyis mi khyab pa mtshungs pa med pa/ kun tu mtha' yas pas mtshams med pa/ gzhal du med pa/ brjod du med pa'i yang brjod du med pa dag kyang mthong ngo / /de bzhin gshegs pa 'dzam bu'i gling gi rdul 
shin tu phra ba snyed kyang mthong ngo / /de bzhin gshegs pa gling bzhi pa'i 'jig rten gyi khams kyi rdul shin tu phra ba bsnyed dang / stong dang / stong gnyis pa dang / stong gsum gyi stong chen po'i sangs rgyas kyi zhing gi rdul shin tu phra ba snyed kyang mthong ngo / de bzhin gshegs </font><hr>37-1-326a<br><font size=+1>
pa sangs rgyas kyi zhing bcu'i rdul shin tu phra ba snyed kyang mthong ngo / /de bzhin gshegs pa sangs rgyas kyi zhing brgya'i rdul shin tu phra ba snyed dang / sangs rgyas kyi zhing stong gi rdul shin tu phra ba snyed dang / sangs rgyas kyi zhing brgya phrag stong 
gi rdul shin tu phra ba snyed dang / sangs rgyas kyi zhing bye ba'i rdul shin tu phra ba snyed dang / sangs rgyas kyi zhing bye ba phrag brgya'i rdul shin tu phra ba snyed dang / sangs rgyas kyi zhing bye ba phrag stong gi rdul shin tu phra ba snyed dang / sangs rgyas kyi zhing bye ba brgya phrag stong gi rdul shin 
tu phra ba snyed dang / sangs rgyas kyi zhing bye ba khrag khrig brgya phrag stong gi rdul shin tu phra ba snyed nas/ sangs rgyas kyi zhing brjod du med pa'i yang brjod du med pa'i rdul shin tu phra ba snyed dag kyang mthong ste/ shar phyogs logs su ji lta ba bzhin du/ lho phyogs dang nub phyogs 
dang / byang phyogs dang / byang shar gyi phyogs mtshams dang / shar lho'i phyogs mtshams dang / lho nub kyi phyogs mtshams dang / nub byang gi phyogs mtshams dang / 'og dang bla'i phyogs kyi de bzhin gshegs pa gcig kyang mthong ba nas/ de bzhin gshegs 
pa sangs rgyas kyi zhing brjod du med pa'i yang brjod du med pa'i rdul shin tu phra ba snyed dag kyang mthong ba'i bar du ste/ phyogs re rer rnam par bltas kyang / de bzhin gshegs pa kha dog sna tshogs mnga' ba dang / dbyibs sna tshogs mnga' ba dang / rnam par 
'phrul pa sna tshogs mnga' ba dang / khyu mchog gi mthu dang / rnam par rol pa sna tshogs mnga' ba dang / 'khor gyi dkyil 'khor gyi rgyan rnam pa sna tshogs mnga' ba dang / 'od zer gyi dra ba snang ba kha dog du ma can dang / kha dog mtha' yas pa rab tu 
'gyed pa dang / sangs rgyas kyi zhing rnam par dag pa dang / pho brang dang rgyan sna tshogs mnga' ba dang / sku tshe'i tshad rnam par dag pa rnam pa sna tshogs mnga' ba dang / 'gro ba'i bsam pa ji lta ba bzhin du rnam par dmigs par mdzad pa dang /</font><hr>37-1-326b<br><font size=+1>
mngon par 'tshang rgya ba rnam par dag pa'i sgos rnam par 'phrul pa rnam pa sna tshogs mnga' ba dang / sangs rgyas kyi khyu mchog dang seng ge'i nga ro rnam par sgrog pa mang po mthong ngo / /de ltar rigs kyi bu kho bos ni sgo kun nas dmigs pa thams cad rnam par rig pa 
la yang dag par gzhol ba'i sangs rgyas rjes su dran pa 'di thob par zad na/ byang chub sems dpa' ye shes kyi dkyil 'khor rnam par dag pa gang gis/ de bzhin gshegs pa thams cad kyi dkyil 'khor dang / sangs rgyas kyi zhing dang pho brang rnam par dag 
pa'i rgyan mngon par mthong bas/ sangs rgyas rjes su dran pa'i sgo kun nas snang ba'i dkyil 'khor rab tu thob pa dang / bsam pa ji lta ba bzhin du rnam par dmigs par de bzhin gshegs pa mthong ba rnam par dag pas/ sangs rgyas rjes su dran pa'i sgo 
'gro ba thams cad du sgro btags pa rab tu thob pa dang / gang gis de bzhin gshegs pa'i stobs bcu tshad med pa'i rjes su 'brang bas sangs rgyas rjes su dran pa'i sgo/ stobs kyis sgro btags pa rab tu thob pa dang / gang gis chos mnyan pa'i rnam pas/ 
de bzhin gshegs pa thams cad kyi sku'i sprin la lta bas/ sangs rgyas rjes su dran pa'i sgo chos kyis sgro btags pa rab tu thob pa dang gang gis phyogs rgya mtsho thams cad kyi sangs rgyas rgya mtsho tha mi dad pa la 'jug pas/ sangs rgyas rjes su dran pa'i 
sgo phyogs rnam par snang ba'i snying po rab tu thob pa dang / gang gis de bzhin gshegs pa'i rnam par 'phrul pa dang / khyu mchog gi mthu phyung ba la rab tu phra bar dmigs shing 'jug pas/ sangs rgyas rjes su dran pa'i sgo phyogs thams cad du 'jug 
pa rab tu thob pa dang / bskal pa thams cad du de bzhin gshegs pa mthong zhing rnam par dmigs pa dang mi bral bas/ sangs rgyas rjes su dran pa'i sgo bskal par sgro btags pa rab tu thob pa dang / gang gis dus thams cad du de bzhin gshegs pa mthong </font><hr>37-1-327a<br><font size=+1>
zhing 'grogs pa dang mi 'bral bas/ sangs rgyas rjes su dran pa'i sgo dus su sgro btags pa rab tu thob pa dang / gang gis sangs rgyas kyi zhing thams cad nas mngon par 'phags shing zil gyis mi non pa'i sangs rgyas kyi sku yongs su 
mthong zhing rnam par rig pa'i sangs rgyas rjes su dran pa'i sgo zhing du sgro btags pa rab tu thob pa dang / gang gis dus gsum gyis de bzhin gshegs pa'i dkyil 'khor rang gi sems dang bsam par yang dag par gzhol bas/ /sangs rgyas rjes su dran pa'i sgo dus 
gsum du sgro btags pa rab tu thob pa dang / gang gis dmigs pa thams cad la de bzhin gshegs pa gcig nas gcig tu brgyud pa yang dag par tshogs pa mthong zhing dmigs pas sangs rgyas rjes su dran pa'i sgo dmigs par sgro btags pa rab tu thob pa dang / gang gis skad 
cig gcig la 'jig rten gyi khams thams cad du de bzhin gshegs pa thams cad yongs su mya ngan las 'da' ba rnam par dmigs pas/ sangs rgyas rjes su dran pa'i sgo zhi bas sgro btags pa rab tu thob pa dang / gang gis nyin gcig tu gnas 
thams cad du de bzhin gshegs pa thams cad gshegs par rnam par dmigs pas/ sangs rgyas rjes su dran pa'i sgo 'bral bas sgro btags pa rab tu thob pa dang / gang gis de bzhin gshegs pa re re skyil mo krung du bzhugs pas kyang / 
chos kyi dbyings thams cad du rgyas par khyab pa'i sangs rgyas kyi sku rnam par dmigs pas/ sangs rgyas rjes su dran pa'i sgo shin tu yangs pas sgro btags pa rab tu thob pa dang / gang gis skra'i rtse mo gcig la sangs rgyas brjod du med 
pa byung ba mnyes par bya ba la 'jug pas/ sangs rgyas rjes su dran pa'i sgo shin tu phra bas sgro btags pa rab tu thob pa dang / skad cig gcig la 'jig rten gyi khams thams cad du mngon par 'tshang rgya zhing / rnam par 'phrul pa ston pa rnam par dmigs pas/</font><hr>37-1-327b<br><font size=+1>
gang gis sangs rgyas rjes su dran pa'i sgo rgyan du sgro btags pa rab tu thob pa dang / sangs rgyas byung ba thams cad kyi chos kyi 'khor lo dang / rnam par 'phrul pa dang / ye shes snang ba rab tu thob pas gang gis sangs rgyas rjes su dran pa'i sgo bgos par 
sgro btags pa rab tu thob pa dang / rang gis sems dang bsam pa la bltas nas/ de bzhin gshegs pa thams cad snang ba rab tu thob pas/ sangs rgyas rjes su dran pa'i sgo sems kyis sgro btags pa rab tu thob pa dang / 'gro ba thams cad 
kyis las rnam pa ji lta bur bstsags pa'i gzugs brnyan yongs su ston pas/ gang gis sangs rgyas rjes su dran pa'i sgo las kyis sgro btags pa rab tu thob pa dang / chos kyi dbyings ma lus pa thams cad pad mo'i tshal gyis rgyas par 
sangs rgyas rnam par 'phrul pa rgya chen po ston pa/ phyogs kun tu mngon sum du dmigs pas/ gang gis sangs rgyas rjes su dran pa'i sgo rnam par 'phrul pas sgro btags pa rab tu thob pa dang / de bzhin gshegs pa'i sku gzugs brnyan gyi sprin 
dbyangs sgrogs pas chos kyi dbyings dang nam mkha' kun nas snang ba/ gang gis sangs rgyas rjes su dran pa'i sgo nam mkhas sgro btags pa rab tu thob pa de dag gi spyod pa shes pa'am/ yon tan brjod par nus re skan/ song rigs kyi bu lho phyogs kyi rgyud 
'di nyid na phyogs kyi ljongs rgya mtsho'i sgo zhes bya ba yod pa de na/ dge slong rgya mtsho'i sprin ces bya ba 'dug gi /de'i gan du song la ji ltar byang chub sems dpas byang chub sems dpa'i spyod pa la bslab par bya ba dang / ji ltar nan tan du bya ba dris shig 
dang / rigs kyi bu dge ba'i bshes gnyen de khyod la dge ba'i rtsa ba'i tshogs dang / rgyu yongs su ston par 'gyur ro/ /tshogs kyis rgya chen po yang khong du chud par byed do/ /dge ba'i rtsa ba'i stobs dang / shugs rgya chen po yang yongs su skyed </font><hr>37-1-328a<br><font size=+1>
par byed do/ /byang chub kyi sems kyi tshogs dang rgyu rgya chen po yang yongs su brjod par 'gyur ro/ /theg pa chen po rab tu thob pa dang / snang bar 'gyur ba rgya chen po yang bskyed par byed do/ /pha rol tu phyin pa'i tshogs kyi stobs rgya chen 
po yang rab tu ston par byed do/ /spyod pa rgya mtsho la 'jug pa'i tshul rgya chen po yang rab tu rjod par 'gyur ro/ /smon lam gyi dkyil 'khor rgya chen po yang yongs su sbyong bar 'gyur ro/ /sgo kun nas 'byung ba'i rgyan rgya chen po yang rnam par sbyong bar 'gyur 
ro/ /snying rje chen po'i stobs rgya chen po yang yongs su 'phel bar byed do/ /de nas tshong dpon gyi bu nor bzangs kyis dge slong sprin gyi dpal gyi rkang pa gnyis la spyi bos phyag 'tshal nas/ dge slong sprin gyi dpal la lan brgya stong du mar g.yas phyogs 
su bskor ba byas te/ lan brgya stong du mar phyir bltas nas/ dge slong sprin gyi dpal gyi drung nas song ngo // //sangs rgyas rmad gcad ces bya ba shin tu rgyas pa chen po'i mdo/ /bam po nyi shu brgyad pa/ /de nas tshong dpon gyi bu nor 
bzangs dge ba'i bshes gnyen gyi gdams ngag de bzhin rjes su bsam pa dang / ye shes snang ba de rjes su dran par bya ba dang / byang chub sems dpa'i rnam par thar pa de rnam par dpyad pa dang / byang chub sems dpa'i ting nge 'dzin gyi tshul de rjes su 
sbyang ba dang byang chub sems dpa' rgya mtsho'i tshul de blta ba dang / sangs rgyas kyi dkyil 'khor de la mngon par mos par bya ba dang / sangs rgyas blta ba'i phyogs de la mngon par spro bar bya ba dang / sangs rgyas rgya mtsho de la rjes su bsam pa dang / sangs rgyas 
gcig nas gcig tu brgyud pa de rjes su dran par bya ba dang / sangs rgyas kyi tshul rtogs par bya ba de khong du chud par bya ba dang / sangs rgyas kyi nam mkha' de la rjes su blta bar byed cing / mthar gyis phyogs kyis ljongs rgya mtsho'i sgo gang na ba dang /</font><hr>37-1-328b<br><font size=+1>
dge slong rgya mtsho'i sprin gang na ba der phyin nas/ dge slong rgya mtsho'i sprin gyi rkang pa gnyis la spyi bos phyag 'tshal te/ dge slong rgya mtsho'i sprin la lan brgya stong du mar g.yas phyogs su bskor ba byas nas/ dge slong rgya mtsho'i sprin gyi mdun du 'dug ste thal mo sbyar 
nas 'di skad ces smras so/ /'phags pa bdag ni bla na med pa yang dag par rdzogs pa'i byang chub tu mngon par zhugs te/ bla na med pa'i ye shes rgya mtsho la 'jug par 'tshal na/ ji ltar byang chub sems dpa' rnams 'jig rten gyi rgyud 
las phyir ldog cing de bzhin gshegs pa'i rigs su 'grub par 'gyur ba dang / 'khor ba'i rgya mtsho las rgal zhing thams cad mkhyen pa'i rgya mtshor 'jug par 'gyur ba dang / byis pa so so'i skye bo'i sa las gyen du 'phags par 'gyur zhing / 
de bzhin gshegs pa'i rigs su 'grub par 'gyur ba dang / 'khor ba'i rgyud las ldog par 'gyur zhing / byang chub sems dpa'i spyod pa'i rgyud du 'jug par 'gyur ba dang /'khor ba'i rgya mtsho rgyud kyi 'khor lo las phyir ldog cing byang chub sems dpa'i 
spyod pa dang / smon lam gyi 'khor lor 'jug par 'gyur ba dang / bdud kyi dkyil 'khor thams cad rab tu 'joms shing sangs rgyas kyi dkyil 'khor 'byung ba thams cad rab tu ston pa dang / srid pa'i rgya mtsho yongs su skems shing snying rje chen po'i mtsho 
rnam par 'phel bar byed pa dang / mi khom pa dang ngan song dang / ngan 'gro dang log par ltung ba thams cad kyi sgo gcod cing / mtho ris dang mya ngan las 'das pa'i sgo 'byed pa dang / khams gsum gyi grong khyer gyi sgo rnam par gcod cing thams cad mkhyen pa 
nyid kyi pho brang gi sgo rnam par 'byed pa dang / yo byad thams cad kyi sred pa rnam par spong zhing 'gro ba thams cad bsdu ba'i smon lam yongs su bskyed par 'gyur ba ma 'tshal lo/ /de skad ces smras pa dang / dge slong rgya mtsho'i sprin gyis tshong dpon gyi bu nor </font><hr>37-1-329a<br><font size=+1>
bzangs la 'di skad ces smras so/ /rigs kyi bu khyod kyis de ltar bla na med pa yang dag par rdzogs pa'i byang chub tu sems bskyed pa legs so legs so/ /rigs kyi bu dge ba'i rtsa ba ma bskyed pa'i sems can rnams ni byang chub tu 
sems kyang mi skye ba'i dge ba'i rtsa ba sgo kun tu snang ba rab tu thob pa dang / thabs kyi snying po dang ldan pa'i lam gyi ting nge 'dzin gyi ye shes snang bas rab tu snang bar 'gyur ba dang / bsod nams kyi rgya mtsho'i tshogs rgya chen po bstsags pa dang / dkar 
po'i tshogs thams cad kyi rgyun mi 'chad pa dang / dge ba'i bshes gnyen thams cad bkur bas yongs su skyo ba med pa dang / lus dang srog la 'phangs pa mi rtsi ba dang / dngos por 'dzin pa thams cad dang bral ba dang / mthon dman med pa'i sa 
ltar sems mnyam pa dang / rang bzhin gyi snying rje che zhing byams par sems pa dang ldan pa dang / srid pa'i lam gyi rgyud thams cad du gnas par 'dug pa dang / de bzhin gshegs pa'i yul la mngon par mos pa'i sems can rnams byang chub tu 
sems skye ste/ 'di ltar sems can thams cad yongs su bskyab pa'i phyir snying rje chen po'i sems dang 'gro ba thams cad la snyoms par nan tan du bya ba'i phyir byams pa chen po'i sems dang / 'gro ba thams cad kyi sdug bsngal gyi phung po zhi bar bya ba'i phyir bde 
ba'i sems dang / mi dge ba'i chos thams cad las rnam par bzlog pa'i phyir phan pa'i sems dang / 'jigs pa thams cad las yongs su bsrung ba'i phyir snying brtse ba'i sems dang / bsgribs pa thams cad rnam par bzlog pa'i phyir chags pa med pa'i 
sems dang / chos kyi dbyings thams cad rgyas par dgang ba'i phyir/ rgya chen po'i sems dang nam mkha'i dbyings kun tu gzhol zhing kun tu 'gro bar bya ba'i phyir mtha' yas pa'i sems dang / de bzhin gshegs pa thams cad mthong zhing rnam par </font><hr>37-1-329b<br><font size=+1>
dmigs par bya ba'i phyir dri ma med pa'i sems dang / dus gsum gyi dmigs pa ma lus par ye shes kyis rgyas par dgang ba'i phyir rnam par dag pa'i sems dang / thams cad mkhyen pa'i ye shes rgya mtsho la 'jug par bya ba'i phyir ye shes kyi sems kyang skye 
bar 'gyur ro/ /rigs kyi bu kho bos ni phyogs kyi ljongs rgya mtsho'i sgo 'dir lo bcu gnyis su rgya mtsho chen po 'di la dmigs te/ mngon du byas nas 'di ltar rgya mtsho rgya che zhing tshad med pa la rjes su bsam pa dang / dri ma med cing dang ba dang / zab cing gting 
dpag dka' ba dang / bags kyis gzhol zhing legs par gnas pa dang / rin po che'i 'byung gnas du mas rnam par brgyan pa dang / chu'i phung po tshad med pa dang / kha dog rnam pa tha dad pa mang zhing bsam gyis mi khyab pa dang / 'byung po mtha' yas 
pa'i gnas su gyur pa dang srog chags mang po sna tshogs kyi rten du gyur pa dang / sprin chen po'i char yongs su 'dzin pa dang / gang zhing 'bri bar 'gyur ba med pa la rjes su sems par byed cing gnas te/ rigs kyi bu de la kho bos 'di snyam du bsam mo/ /
'jig rten gyi khams 'di na rgya mtsho chen po 'di bas kyang 'phags par rgya che la 'di bas kyang yangs shing 'di bas kyang tshad med la/ 'di bas kyang ngo mtshar dang ldan pa la la zhig yod dam snyam ste/ de ltar kho bo tshul bzhin du bsam pa yid la byed pa 
la brtson par gnas pa'i tshe/ rgya mtsho chen po'i 'og gi gzhi las pad mo chen po nor bu rin po che in+d+ra nI la thub pa med cing rdo rje lta bur sra ba'i chu ba can/ nor bu rin po che be+eDUR+Ya dam pa'i rgyan dang ldan pa/ 'dzam bu chu klung gi gser ltar dri ma med pa'i 
lo ma rgya chen po can/ dus dang mthun pa'i tsan dan gyi snying po'i rgyan gyis brgyan pa/ rin po che a sma gar b+ha'i ze ba can/ rgya mtsho tsam du yangs shing rgya che ba lha ma yin gyi dbang po brgya stong phrag bcus sdong po'i lhun nas bzung ba/ rin po che sna tshogs brgya </font><hr>37-1-330a<br><font size=+1>
phrag stong gi dra bas kun nas yog pa/ klu yi dbang po brgya stong phrag bcus spos chu'i char mngon par phab pa/ nam mkha' lding gi dbang po brgya stong phrag bcus dar dang rin po che'i lda ldi dang se mo do mang po mchus bzung zhing rab tu spyangs 
pa mi'am ci'i dbang po brgya stong phrag bcus phan pa'i sems kyis kun nas blta ba/ lto 'phye chen po'i dbang po brgya stong phrag bcus 'khor nas mngon par 'dud pa/ srin po'i dbang po brgya stong phrag bcus lus 'dud cing mngon par mchod pa/ dri za'i dbang po brgya stong phrag 
bcus rol mo dang glu sna tshogs snyan pas bstod cing mchod pa/ lha'i dbang po brgya stong phrag bcus lha rdzas kyi me tog dang / spos dang phreng ba dang / bdug spos dang / byug pa dang / phye ma dang / gos dang / gdugs dang / rgyal mtshan dang / lha'i ba dan gyi sprin 
gyi char mngon par phab pa/ tshangs pa'i dbang po brgya stong phrag bcus spyi bos gtugs te/ phyag 'tshal zhing mchod pa/ gnas gtsang ma'i ris kyi lha brgya stong phrag bcus thal mo sbyar cing phyag bya ba/ mi'i dbang po 'khor los sgyur ba brgya stong 
phrag bcus rin po che bdun gyis bsu zhing mngon par mchod pa/ rgya mtsho'i lha brgya stong phrag bcus mngon par mthon cing phyag bya ba/ nor bu rin po che skar ma'i dad brgya stong phrag bcus 'od zer gyi rgyan gyis rab tu snang bar byas pa/ nor bu rin po che bsod 
nams kyis dag pa brgya stong phrag bcus mkhos su phebs par 'phel bas rab tu brgyan pa/ nor bu rin po che rnam par snang ba brgya stong phrag bcus snying po rab tu gsal bar byas pa/ nor bu rin po che dpal gyi snying po brgya stong phrag bcus dpal chen 
po shin tu 'bar bar gyur pa/ nor bu rin po che'i mdzod snang ba brgya stong phrag bcus mtha' yas par snang bar byas pa/ nor bu rin po che 'dzam bu'i chu klung brgya stong phrag bcus yongs su ston par gnas pas rab tu brgyan pa/ nor bu rin po che </font><hr>37-1-330b<br><font size=+1>
rdo rje'i seng ge brgya stong phrag bcus thub pa med par brgyan pa/ nor bu rin po che nyi ma'i snying po brgya stong phrag bcus rgya cher gsal bar bsgrubs pa/ nor bu rin po che 'bar ba brgya stong phrag bcus kha dog sna tshogs su brgyan pa/ nor bu rin po che yid bzhin 
gyi rgyal po brgya stong phrag bcus mi zad pa'i rgyan dang 'od 'bar bar byas pa byung ste/ pad+ma chen po de ni de bzhin gshegs pa'i 'jig rten las 'das pa'i dge ba'i rtsa ba las byung ba'o/ /byang chub sems dpa'i bsam pas yongs su brtan pa'o/ /
phyogs thams cad du mngon par dmigs su yod pa'o/ /sgyu ma'i rnam pa'i chos kyis byung ba'o/ /rjen pa'i dri ma med pa'i las kyis byung ba'o/ /nyon mongs pa med pa'i chos kyi tshul gyis brgyan pa'o/ /rmi lam lta bu'i chos nyid kyis yongs su 
byung ba'o/ /mngon par 'du bya ba med pa'i chos kyi tshul gyis rgyas btab pa'o/ /chags pa med pa'i chos kyi tshul dang ldan pa'o/ /phyogs kyi khams kun tu chos kyi dbyings rgyas par 'gengs pa'o/ /sangs rgyas kyi yul brjod pa dang mthun pa ste/ 
de'i rnam pa dang yon tan dang dbyibs dang / kha dog dang rgyan gyis mthar phyin pa ni bskal pa brgya stong grangs med par yang khong du chud par mi nus te/ pad mo chen po de yang de bzhin gshegs pa'i sku skyil mo krung du bzhugs pas khyab cing yongs su rgyas par 
mthong ngo / /de bzhin gshegs pa'i sku de yang 'di nas bzung ba nas/ srid pa'i rtse mo'i bar gyi mthas klas par mthong ngo / /de bzhin gshegs pa de'i gdan gyi rgyan bsam gyis mi khyab pa yang mthong ngo / /'khor gyi dkyil 'khor gyi rgyan bsam gyis mi 
khyab pa dang / 'od kyi dkyil 'khor gyi rgyan bsam gyis mi khyab pa dang / mtshan phun sum tshogs pa bsam gyis mi khyab pa dang / dpe byad bzang po sna tshogs bsam gyis mi khyab pa dang / sangs rgyas kyi khyu mchog gi mthu dang / sangs rgyas kyi </font><hr>37-1-331a<br><font size=+1>
rnam par 'phrul pa bsam gyis mi khyab pa dang / de bzhin gshegs pa'i sku mdog rnam par dag pa bsam gyis mi khyab pa dang / spyi gtsug ltar mi mthong ba bsam gyis mi khyab pa dang / ljags yangs pa bsam gyis mi 
khyab pa yang mthong ngo / /sangs rgyas kyi gsung gi rgyan bsam gyis mi khyab pa dang / dbyangs kyi dkyil 'khor bsam gyis mi khyab pa'ang thos so/ /stobs tshad med pa bsam gyis mi khyab pa dang mi bsnyengs pa'i rgyan rnam par dag pa bsam gyis mi khyab pa dang / 
so so yang dag par rig pa'i stobs mngon par bsgrub pa bsam gyis mi khyab pa yang rjes su shes so/ /sngon byang chub sems dpa'i spyod pa yang dag par bsgrub pa bsam gyis mi khyab pa yang rjes su dran no/ /mngon par rdzogs par byang chub pa'i rnam par 
'phrul pa bsam gyis mi khyab pa yang mthong ngo / /chos kyi sprin gyi 'brug sgra mngon par bsgrags pa bsam gyis mi khyab pa dang yongs su bstan pa rnam par dmigs pa'i gnas dang / rgyan bsam gyis mi khyab pa'ang thos so/ /g.yas g.yos 
kyi sku'i rnam pa tshad med pa bsam gyis mi khyab pa dang / sems can gyi don dang dgos pa bsam gyis mi khyab pa yongs su grub par 'gyur ba'ang mthong ngo / /de bzhin gshegs pa des kyang phyag g.yas pa brkyang zhing kho bo'i mgo la byugs nas/ chos kyi rnam 
grangs kun nas myig ces bya ba de bzhin gshegs pa thams cad kyi yul byang chub sems dpa'i spyod pa rab tu brjod pa chos kyi dbyings kyi gzhi dang / rnam pa tha dad pa thams cad rab tu snang ba chos thams cad kyi dkyil 'khor la yang dag par gzhol zhing snang 
par byed pa/ zhing gi dkyil 'khor dang rnam pa thams cad rnam par dag pas yongs su snang ba/ phas kyi rgol ba'i dkyil 'khor thams cad rnam par 'thor ba bdud gyi dkrugs ma'i dkyil 'khor thams cad du 'joms pa/ sems can gyi khams thams cad </font><hr>37-1-331b<br><font size=+1>
shin tu tshim par byed pa/ sems can thams cad kyi sems kyi thibs po rab tu snang bar byed pa/ sems can thams cad kyi bsam pa ji lta ba bzhin du rnam par dmigs pa/ sems can thams cad kyi dbang po'i 'khor lo'i rgyud dang / mthu snang bar byed pa yang dag par 
bstan te/ kho bos yang kun nas mig gi chos kyi rnam grangs de blangs so/ /bzung ngo spel to bsams so/ /de ltar bzung ba de la'ang bri na ni snag tsha rgya mtsho chen po'i phung po tsam dang / smyi gu'i phung po ri rab ri'i rgyal po tsam zad par gyur kyang chos kyi rnam grangs 
de las le'u re re dang sgo re re dang chos kyi tshul re re dang chos kyi tshig rnam par phye ba re re las kyang zad pa 'am/ 'grib pa 'am/ 'byang ba 'am/ mthar thug pa'am/ mtha' zad par 'gyur ba dmigs par mi rung ngo / /rigs kyi bu de ltar bdag 
gis lo bcu gnyis tshang bar chos kyi rnam grangs kun nas mig ces bya ba 'di la nyi ma gcig cing yang thos pa 'dzin pa'i gzungs kyi 'od snang bas le'u grangs med pa zhig khong du chud do/ /zhi ba'i sgo'i gzungs kyi 'od snang bas le'u grangs med pa zhig la 
zhugs so/ /glong mtha' yas pa'i gzungs kyi 'od snang bas le'u grangs med pa zhig la yang dag par 'jug go /sa la rnam par dpyod cing rjes su rtog par byed pa'i gzungs kyi 'od snang bas le'u grangs med pa zhig rnam par bsgoms te rnam par dbye ba byas so/ /
gzi brjid dang ldan pa'i gzungs kyi 'od snang bas le'u grangs med pa zhig yongs su blangs so/ /pad mo'i rgyan gyi gzungs kyi 'od snang bas le'u grangs med pa zhig mngon par bsgrubs so/ /dbyangs kyi tshul gyi gzungs kyi 'od snang bas le'u grangs med pa 
zhig yang dag par bshad do/ /nam mkha'i snying po'i gzungs kyi 'od snang bas le'u grangs med pa zhig rab tu phye ba'o/ /skar ma brtsegs pa'i gzungs kyi 'od snang bas le'u grangs med pa zhig shin tu rgyas par byas so/ /rgya mtsho snying po'i gzungs </font><hr>37-1-332a<br><font size=+1>
kyi 'od snang bas le'u grangs med pa zhig yongs su bkod do/ /kho bo'i drung du shar phyogs logs nas lha dang lha'i dbang po'am/ klu dang klu'i dbang po 'am/ gnod sbyin dang gnod sbyin gyi dbang po 'am/ dri za dang dri za'i dbang po 
'am/ lha ma yin dang lha ma yin gyi dbang po'am/ nam mkha' lding dang nam mkha' lding gi dbang po'am/ mi'am ci dang mi 'am ci'i dbang po'am/ lto 'phye chen po dang / lto 'phye chen po'i dbang po 'am/ mi dang mi'i dbang po'am/ tshangs pa dang / 
tshangs pa'i dbang po'am/ sems can gang su 'ongs kyang rung ste/ de dag thams cad de bzhin gshegs pa dang / byang chub sems dpa'i spyod pa snang ba'i chos kyi rnam grangs kun nas mig ces bya ba 'di nyid du la rab tu bkod cing btsud de/ de dag 
kun kyang kun nas mig gi chos kyi rnam grangs 'di nyid la mos par byas so/ /rtog tu btsud do/ /yongs su bstan to/ /yang dag par brjod do/ /yongs su gsal bar byas so/ /rnam par phye'o/ /rgyas par byas so/ /mngon par bstan to/ /rnam par 
bkrol lo rab tu phye'o/ /shin tu snang bar byas so/ /de ltar shar phyogs la ji lta ba de bzhin du lho phyogs dang / nub phyogs dang / byang phyogs dang / byang shar gyi phyogs mtshams dang / shar lho'i phyogs mtshams 
dang / lho nub kyi phyogs mtshams dang / nub byang gi phyogs mtshams dang / 'og dang bla'i phyogs nas sems can gang su 'ongs kyang rung ste/ kun la yang snga ma bzhin no/ /rigs kyi bu de ltar kho bos ni chos kyi rnam grangs gcig cig shes par zad na/ byang chub sems dpa'i smon 
lam yongs su dag pa dang ldan pas/ byang chub sems dpa'i spyod pa rgya mtsho thams cad la zhugs pa/ bskal pa thams cad du gnas pa rgyu mi 'chad pa'i phyir smon lam rgya mtsho thams cad la zhugs pa dang / bsam pa ji lta ba </font><hr>37-1-332b<br><font size=+1>
bzhin du rjes su 'brang bar bya ba'i phyir sems can rgya mtsho thams cad la zhugs pa dang / stobs bcu'i ye shes chags pa med pa'i snang ba yongs su bskyed pa'i phyir 'gro ba thams cad kyi sems rgya mtsho la zhugs pa dang / yongs su smin par bya ba dang / gdul 
ba'i dus la mi 'da' bar bya ba'i phyir sems can thams cad kyi dbang po rgya mtsho la zhugs pa dang / zhing thams cad rnam par dag par bya ba'i smon lam mngon par bsgrubs pas/ zhing rgya mtsho thams cad la zhugs pa dang / de bzhin gshegs pa la 
mchod cing rim gro byed pa'i stobs kyis sangs rgyas rgya mtsho thams cad la zhugs pa dang / ye shes rnam par rig pas chos rgya mtsho thams cad la zhugs pa dang / nan tan dang ldan pas yon tan rgya mtsho thams cad la zhugs pa dang / brjod pa thams cad 
du chos kyi 'khor lo bskor ba mngon par bsgrub pa'i phyir/ 'gro ba'i skad rgya mtsho thams cad la zhugs pa rnams kyi spyod pa shes pa'am/ yon tan brjod par nus re skan/ /song rigs kyi bu 'di nas dpag tshad drug cu 'das pa'i lho phyogs kyi gnas 
'di nyid na/ lang ka'i gnas rgya mtsho'i dogs shes bya ba yod de/ de na dge slong shin tu brtan pa zhes bya ba 'dug gis/ de'i gan du song la/ ji ltar byang chub sems dpas byang chub sems dpa'i spyod pa yongs su sbyang bar bya ba dris shig /de nas tshong dpon gyi bu nor bzangs kyis 
dge slong rgya mtsho'i sprin gyi rkang pa gnyis la spyi bos phyag 'tshal te/ dge slong rgya mtsho'i sprin la lan brgya stong du mar g.yas phyogs su bskor ba byas nas yang dang yang bltas te/ dge slong rgya mtsho'i sprin gyi drung nas song ngo / /de nas tshong dpon gyi bu 
nor bzangs dge ba'i bshes gnyen gyi gdams ngag de dang / kun nas mig gi chos kyi rnam grangs de yang rjes su dran par byed cing de bzhin gshegs pa'i rnam par 'phrul pa de yang rjes su bsam pa dang / chos kyi tshig dang yi ge'i sprin de dag kyang yongs </font><hr>37-1-333a<br><font size=+1>
su gzung ba dang / chos kyi sgo rgya mtsho'i tshul de dag la'ang 'jug par bya ba dang chos kyi tshul de'ang rnam par blta ba dang / chos kyi le'u dang glong gi tshul de dag la 'jug par bya ba dang / chos kyi nam mkha' de la yang 
dag par gzhol bar bya ba dang / chos kyi dkyil 'khor de yang rjes su sbyang bar bya ba dang / chos rin po che'i gling de yang rjes su sems shing mthar gyis lang ka'i gnas rgya mtsho'i ngogs shes bya ba gdan pa der phyin nas/ dge slong shin tu brtan pa mthong 
bar dga' zhing shar phyogs su bltas so/ /de bzhin du lho phyogs dang / nub phyogs dang / byang phyogs dang / byang shar gyi phyogs mtshams dang / shar lho'i phyogs mtshams dang / lho nub kyi phyogs mtshams dang / nub byang gi phyogs mtshams dang / 
bla dang 'og tu dge slong shin tu brtan pa mthong bar dga' ste/ kun tu bltas pa dang / des dge slong shin tu brtan pa nam mkha'i dbyings la lha brgya stong grangs med pas yongs su bskor cing phan tshun du 'chag pa mthong ngo / /nam mkha'i dbyings de yang lha'i 
dbang po rnams kyis dge slong shin tu brtan pa la mchod pa'i las su bya ba'i phyir/ lha rdzas kyi me tog sil ma'i sprin gyis yog pa dang / lha rdzas kyi rol mo'i sprin gyi sgra dang / dar gyi ba dan grangs med pa'i rgyan gyis brgyan par mthong ngo / /klu'i dbang 
po rnams kyis nam mkha' de la a ga ru nag po'i spos mngon par 'thul ba'i sprin shin tu mtho ba las 'brug sgra bsam gyis mi khyab pa 'byung bar byas pa mthong ngo / /mi 'am ci'i dbang po rnams kyis nam mkha' de la lha rdzas kyi ngag snyan pa'i rgyud kyi bstod pa'i 
rol mo brdung ba dang / dkrol ba dang glur blang ba'i dbyangs thams cad sbyar cing blangs pa thos par gyur to/ /lto 'phye chen po'i dbang po rnams kyis nam mkha' de la gos shin tu phra zhing mdog bzang ba'i sprin bsam gyis mi khyab pa dag yid dga' bas bkye </font><hr>37-1-333b<br><font size=+1>
ste/ dge slong shin tu brtan pa la dad cing mos pa'i gzugs su phyung ba mthong ngo / /lha ma yin gyi dbang po rnams kyis kyang nam mkha' de la nor bu rin po che'i sprin bsam gyis mi khyab pa byin gyis brlabs te/ yon tan bsam gyis mi khyab pa'i rgyan snang ba 
dang ldan par byas pa mthong ngo / /nam mkha' lding gi dbang po mang po yang myi'i gzugs dang kha dog dang dbyibs su 'khod cing nam mkha' lding gi dbang po'i bu mos kun nas bskor te/ gsod pa med pa la dga' zhing thal mo sbyar te gnas pa bsam 
gyis mi khyab pa mthong ngo / /gnod sbyin gyi dbang po brgya stong 'khor dang bcas pa bsam gyis mi khyab pa dag kyang nam mkha' de la shin tu mi sdug pa'i gzugs su dge slong shin tu brtan pa la byams pa'i mthu dang ldan par 'khod pa mthong ngo / /srin po'i 
dbang po brgya stong 'khor dang bcas pa bsam gyis mi khyab pa dag kyang nam mkha' de la dge slong shin tu brtan pa yongs su bsrung ba byed cing kun tu rgyu ba mthong ngo / /tshangs pa'i dbang po brgya stong bsam gyis mi khyab pa dag kyang nam mkha' de la thal mo sbyar 
cing dga' ba dang yid du 'ong ba'i tshig gi rgyud kyi bstod pa rab tu brjod pa mthong ngo / /gnas gtsang ma'i lha brgya stong bsam gyis mi khyab pa dag kyang nam mkha' de la dge slong shin tu brtan pa la mchod pa'i las su bya ba'i phyir thal mo sbyar cing gzhal med khang na gnas 
pa mthong ngo / /de nas tshong dpon gyi bu nor bzangs kyis dge slong shin tu brtan pa de ltar nam mkha'i dbyings la 'chag cing 'dug pa mthong nas dga' rangs te mgu zhing nyams bde la tshim zhing yid bde ba skyes nas/ dge slong shin tu brtan pa la thal 
mo sbyar te phyag 'tshal nas 'di skad ces smras so/ /'phags pa bdag gis bla na med pa yang dag par rdzogs pa'i byang chub tu sems bskyed nas/ ji ltar byang chub sems dpa'i sangs rgyas kyi chos btsal bar bgyi ba dang / ji ltar byang chub </font><hr>37-1-334a<br><font size=+1>
sems dpas sangs rgyas kyi chos yongs su bsgrub par bgyi ba dang / ji ltar byang chub sems dpas sangs rgyas kyi chos yongs su bsdu bar bgyi ba dang / ji ltar byang chub sems dpas sangs rgyas kyi chos bstan par 
bgyi ba dang / ji ltar byang chub sems dpas sangs rgyas kyi chos bsgom par bgyi ba dang / ji ltar byang chub sems dpas sangs rgyas kyi chos kyi rjes su 'brang bar bgyi ba dang / ji ltar byang chub sems dpas sangs rgyas kyi chos yongs su brtul bar 
bgyi ba dang / ji ltar byang chub sems dpas sangs rgyas kyi chos yongs su bsgom par bgyi ba dang / ji ltar byang chub sems dpas sangs rgyas kyi chos rnam par dag par bgyi ba dang / ji ltar byang chub sems dpas sangs rgyas kyi chos yongs su sbyang 
bar bgyi ba dang / ji ltar byang chub sems dpas sangs rgyas kyi chos khong du chud par bgyi ba ma 'tshal te/ 'phags pa ni byang chub sems dpa' rnams la gdams ngag dang rjes su bstan pa mdzad do/ /zhes bdag gis thos na/ 'phags pa ji 
ltar byang chub sems dpas sangs rgyas kyi chos la nan tan du bgyi/ ji ltar nan tan bgyis na yang dag pa ji lta ba bzhin dang / skol bar mi 'gyur ba'i slad du sangs rgyas mthong ba dang mi 'bral ba dang / byang chub sems dpa' thams cad kyi dge ba'i rtsa ba 
dang/ tshul gcig tu 'gyur ba'i slad du byang chub sems dpa' mthong ba dang mi 'bral ba dang / ye shes rtogs par 'gyur ba'i slad du sangs rgyas kyi chos dang mi 'bral ba dang / byang chub sems dpa' thams cad kyi don yongs su thob par bgyi ba'i slad du byang 
chub sems dpa'i smon lam thams cad dang mi 'bral ba dang / bskal pa thams cad du gnas pas yongs su mi skyo bar bgyi ba'i slad du byang chub sems dpa'i spyod pa dang mi 'bral ba dang / 'jig rten gyi khams thams cad yongs su dag par bgyi ba'i slad du </font><hr>37-1-334b<br><font size=+1>
sangs rgyas kyi zhing thams cad rgyas par dgang ba dang mi 'bral ba dang / de bzhin gshegs pa thams cad kyi rnam par 'phrul pa thams cad rnam par dmigs par bgyi ba'i slad du sangs rgyas kyi rnam par 'phrul pa mthong ba dang mi 'bral ba dang / byang chub 
sems dpa'i spyod pa sprul pa lta bus srid pa'i rgyud thams cad du skye zhing 'chi 'pho ba'i skye mched rang gi lus kyis nyams su myong bar bgyi ba'i slad du 'dus byas kyi gnas dang mi 'bral ba dang / de bzhin gshegs pa thams cad kyi chos kyi sprin yongs su gzung 
ba'i slad du chos mnyan pa dang mi 'bral ba dang / dus gsum gyi ye shes khong du chud cing rjes su 'brang bar bgyi ba'i slad du/ ye shes snang ba dang mi 'bral bar 'gyur ba de bdag la bstan du gsol/ de skad ces smras pa dang / dge slong shin tu brtan 
pas tshong dpon gyi bu nor bzangs la 'di skad ces smras so/ /de ltar khyod kyis bla na med pa yang dag par rdzogs pa'i byang chub tu sems bskyed de/ sangs rgyas kyi chos dang thams cad mkhyen pa'i chos dang rang byung gi chos 'dri ba legs so/ /legs so/ /
rigs kyi bu kho bo ni byang chub sems dpa'i rnam par thar pa thogs pa med pa'i sgo thob pa ste/ rigs kyi bu byang chub sems dpa'i rnam par thar ba thogs pa med pa'i sgo de kho bos blangs te/yongs su bzung nas rjes su 'brang zhing rnam par dbye ba dang / rnam par 
dpyad pa dang rnam par brtag pa dang snang bar bya ba dang / rab tu snang bar byas pas thogs pa med pa'i mtha' zhes bya ba'i ye shes snang ba thob bo/ /de thob pas kho bo ni sems can thams cad kyi sems dang spyod pa khong du chud par bya ba la thogs pa 
med do/ /sems can thams cad kyi skye ba dang 'chi 'pho yongs su shes par bya ba la thogs pa med do/ /sngon gyi gnas rjes su dran par bya ba'i sgor 'jug pa la thogs pa med do/ /phyi ma'i mtha'i bskal par 'gro ba thams cad dang 'grogs par bya ba la thogs </font><hr>37-1-335a<br><font size=+1>
pa med do/ /da ltar byung ba'i dus kyi 'gro ba thams cad rnam par rig par bya ba la thogs pa med do/ /sems can thams cad kyi sgra skad dang / kun rdzob yongs su shes par bya ba la thogs pa med do/ /sems can thams cad kyi the 
tsom gcad par bya ba la thogs pa med do/ /sems can thams cad kyi dbang po tha dad par khong du chud par bya ba la thogs pa med do/ /sems can thams cad yongs su smin par bya ba dang / gdul ba'i dus su 'gro bar bya ba la thogs pa med do/ /
nyin mtshan dang skad cig dang yud tsam dang thang cig dang / dus kyi ming du bya ba khong du chud par bya ba la thogs pa med do/ /dus gsum rgya mtsho'i rgyud du 'jug par bya ba la thogs pa med do/ /phyogs bcu'i sangs rgyas kyi zhing rang gi lus kyis rgyas par dgang 
bar bya ba la thogs pa med do/ /de ni de ltar dngos po med pa la gnas shing mngon par 'du bya ba med pa'i rdzu 'phrul thob pa'i phyir te/ rigs kyi bu dngos po med pa la gnas shing mngon par 'du bya ba med pa'i rdzu 'phrul de'i byin gyis kho bo nam mkha' 
dbyings 'di las phan tshun du 'gro zhing 'dug pa dang / snyes pa dang spyod lam sna tshogs su spyod do/ /mi snang bar byed do/ /snang bar 'byung ngo / /du ba 'thul bar byed do/ /me lce 'bar bar byed do/ /gcig tu byas shing mang por bsgyur ro/ /mang por 
byas shing gcig tu bsgyur ro/ /snang ba dang mi snang ba'ang nyams su myong bar byed do/ /rtsig pa la'ang thag thogs med pa dang rab la'ang thag thogs med par 'gro ste/ dper na nam mkha' la bya bzhin no/ /nam mkha' la'ang skyil mo krung gis 'gro ste/ 
dper na 'dab chags bya bzhin no/ /sa la yang byi'u zul dang steng du 'byung ba byed de/ dper na chu la bya ba bzhin no/ /chu la yang bying ba med par 'gro ste/ dper na sa la bya ba bzhin no/ /du ba 'thul ba dang / me lce 'bar bar byed de/ dper </font><hr>37-1-335b<br><font size=+1>
na me'i phung po chen po bzhin no/ /sa yang yongs su g.yo bar byed do/ /nyi ma dang zla ba 'di gnyis de ltar rdzu 'phrul che zhing de ltar mthu che la/ de ltar gzi brjid che yang lag pas kun nas yongs su nyug go /tshangs pa'i 'jig rten gyi bar dag tu yang 
lus kyis dbang bsgyur ro/ /'jig rten spos kyi dud pa na bun du chags pa'i sprin gyis kun nas khebs par byas shing rab tu 'bar bar byed do/ /rin po che thams cad kyi 'od zer gyi sprin gyi dra bas 'jig rten kun nas khebs par byas 
shing / 'gro ba thams cad dang 'dra ba'i sprul pa'i sprin rab tu 'gyed do/ /kha dog mtha' yas pa'i 'od kyi dra ba'i sprin rab tu bkye zhing phyogs kun tu 'ang 'gro ste/ 'di ltar shar phyogs su 'gro'o/ /lho phyogs dang nub phyogs dang byang phyogs dang / 
byang shar gyi phyogs mtshams dang / shar lho'i phyogs mtshams dang / lho nub kyi phyogs mtshams dang / nub byang gi phyogs mtshams dang / 'og dang bla'i phyogs su yang 'gro'o/ /sems kyi skad cig re re zhing yang shar phyogs logs su 
'jig rten gyi khams gcig kyang 'da'o/ /'jig rten gyi khams gnyis dang bcu yang 'da'o/ /'jig rten gyi khams brgya dang /'jig rten gyi khams stong dang / 'jig rten gyi khams brgya phrag stong dang / 'jig rten gyi khams bye ba dang / 
'jig rten gyi khams bye ba phrag brgya dang 'jig rten gyi khams bye ba phrag stong dang / 'jig rten gyi khams bye ba brgya phrag stong dang / 'jig rten gyi khams bye ba khrag khrig brgya phrag stong dang / 'jig rten gyi khams tshad med pa dang / 'jig rten 
gyi khams dpag tu med pa dang / 'jig rten gyi khams grangs med pa dang 'jig rten gyi khams bsam gyis mi khyab pa dang / 'jig rten gyi khams mtshungs pa med pa dang / 'jig rten gyi khams gzhal du med pa dang / 'jig rten gyi khams </font><hr>37-1-336a<br><font size=+1>
kun tu mtha' yas pa dang / 'jig rten gyi khams mu med pa dang 'jig rten gyi khams mtshams med pa dang / 'jig rten gyi khams brjod du med pa'i yang brjod du med pa dag kyang 'da' bar byed de/ 'jig rten gyi khams 
de dag na sangs rgyas bcom ldan 'das ji snyed cig bzhugs shing 'tsho skyong la 'jig rten gyi khams rgya mtsho de dang de dag dang / 'jig rten gyi khams 'byam klas pa de dang de dag dang / 'jig rten gyi khams kyi phyogs de dang de dag dang / 'jig rten 
gyi khams kyi rgyud de dang de dag dang / 'jig rten gyi khams yongs su 'du ba de dang de dag dang / 'jig rten gyi khams 'byung ba de dang de dag dang / 'jig rten gyi khams su bya ba de dang de dag dang / 'jig rten gyi khams kyi sgo de dang de dag dang / 
'jig rten gyi khams kyi bskal par bya ba de dang de dag dang / 'jig rten gyi khams su 'jug pa de dang de dag dang / 'jig rten gyi khams kyi snying po byang chub rnam par bkod pa de dang de dag dang / 'jig rten gyi khams kyi 'khor gyi dkyil 'khor 
de dang de dag na/ sangs rgyas bcom ldan 'das ji snyed cig chos ston pa'i de bzhin gshegs pa de dag las de bzhin gshegs pa re re zhing yang sangs rgyas kyi zhing mtha' yas pa'i rdul shin tu phra ba snyed kyi lus sna tshogs dang / lus re re zhing yang 
sangs rgyas kyi zhing mtha' yas pa'i rdul shin tu phra ba snyed kyi mchod pa'i sprin gyi char 'bebs shing spyan sngar 'gro'o/ /de dag tu phyin nas kyang me tog thams cad dang spos thams cad dang / phreng ba thams cad dang phye ma thams cad dang / byug pa thams cad 
dang na bza' thams cad dang / rgyal mtshan thams cad dang lha'i ba dan thams cad dang bla re thams cad dang / dra ba thams cad dang gzugs thams cad kyi mchod pa rgyun ma chad par byed do/ /sangs rgyas bcom ldan 'das de dag gis gang ji snyed du </font><hr>37-1-336b<br><font size=+1>
gsungs pa dang / bstan pa dang / brjod pa dang / yang dag par bshad pa dang / yang dag par smos pa dang / yongs su brjod pa dang / man ngag du gsungs pa dang / shin tu bstan pa dang rab tu brjod pa de dag thams cad kyang shes shing 'dzin to/ /sangs rgyas bcom 
ldan 'das de dag gi sangs rgyas kyi zhing yongs su dag pa ji snyed pa de dag thams cad kyang rjes su dran no/ /shar phyogs su ji lta ba de bzhin du lho phyogs dang / nub phyogs dang byang phyogs dang / byang shar gyi phyogs mtshams dang / shar lho'i phyogs 
mtshams dang / lho nub kyi phyogs mtshams dang / nub byang gi phyogs mtshams dang / 'og dang steng gi phyogs su yang 'jig rten gyi khams gcig kyang 'da'o/ /'jig rten gyi khams gnyis dang bcu yang 'da'o/ /'jig rten gyi khams brgya nas 
'jig rten gyi khams sangs rgyas kyi zhing brjod du med pa'i yang brjod du med pa'i rdul shin tu phra ba snyed kyang 'da'o/ /'jig rten gyi khams de dag na sangs rgyas bcom ldan 'das ji snyed cig bzhugs shing 'tsho skyong la/ 'jig rten gyi khams rgya mtsho 
de dang de dag dang / 'jig rten gyi khams rnam par dag pa de dang de dag nas/ 'jig rten gyi khams kyi 'khor gyi dkyil 'khor de dang de dag na chos ston pa de dag kun kyang mthong ngo / /de bzhin gshegs pa de dag la'ang me tog thams cad nas gzugs 
thams cad kyi bar gyi mchod pa byed do/ /sangs rgyas bcom ldan 'das de dag gis gang ji snyed du gsungs pa nas/ rab tu brjod pa'i bar de dag thams cad kyang yongs su shes shing 'dzin to/ /sangs rgyas bcom ldan 'das de dag gi sangs rgyas kyi zhing 
yongs su dag pa gang ji snyed pa de dag thams cad kyang rjes su dran no/ /sems can gang gis kho bo mthong bar gyur ba dang / gang dang 'grogs par gyur pa de dag kun kyang bla na med pa yang dag par rdzogs pa'i byang chub tu nges par 'gyur ro/ /sems can </font><hr>37-1-337a<br><font size=+1>
phra mo 'am rags pa 'am ngan pa'am bzang ba'am bde ba'am mi bde ba gang ji snyed cig kho bos mthong bar gyur pa de dag kun la yang yongs su smin par bya ba dang / 'dul ba'i dus las mi 'da' bar bya ba'i phyir/ khong ta de 
dag gi lus kyi tshad dang mnyam par lus byin gyis rlob bo/ /sems can ji snyed cig kho bo'i drung du 'ong ba de dag thams cad kyang / byang chub sems dpa'i rnam par thar pa kun tu 'gro ba 'di dang / byang chub sems dpa'i rnam par thar pa 
rnam par gnon pa don yod pa la rab tu gzhog go /rigs kyi bu kho bos ni byang chub sems dpa'i rnam par thar pa thogs pa med pa'i sgo kun tu 'gro ba de bzhin gshegs pa'i mchod pa dang / rim gro rab tu sbyor ba sems can thams cad 
yongs su smin par bya ba dang / mthun pa 'di shes par zad na/ kho bos byang chub sems dpa' snying rje chen po'i ngang tshul can/ theg pa chen po'i ngang tshul can/ byang chub sems dpa'i lam dang mi 'bral ba'i ngang tshul can/ thogs pa med pa'i 
ngang tshul can/ byang chub sems dpa'i bsam pa'i snying po chud mi gson pa'i ngang tshul can/ byang chub kyi sems yongs su mi gtong ba'i ngang tshul can/sangs rgyas kyi chos la lhag par dmigs pa'i ngang tshul can/ thams cad mkhyen pa nyid 
yid la bya ba dang mi 'bral ba'i ngang tshul can/ nam mkha' dang mnyam pa'i ngang tshul can/ 'jig rten thams cad la mi gnas pa'i ngang tshul can/ chud mi gson pa'i ngang tshul can/ mnyams pa'i ngang tshul can/ ma god pa'i ngang tshul can/ 
glags med pa'i ngang tshul can/ ma 'dres pa'i ngang tshul can/ rnyog pa med pa'i ngang tshul can/ 'gyod pa med pa'i ngang tshul can/ rnam par dag pa'i ngang tshul can/ byang chub sems dpa' rdul dang bral ba de dag gi spyod pa shes pa'am/</font><hr>37-1-337b<br><font size=+1>
yon tan brjod pa nus re skan/ /song rigs kyi bu lho phyogs kyi rgyud 'di nyid na/ dra byi la'i grong rdal rdo rje'i grong khyer can bya ba yod de/ de na dra byi la'i sprin ces bya ba 'dug gis de'i gan du song la ji ltar byang chub sems dpas byang chub sems dpa'i spyod 
pa la bslab par bya ba dang / ji ltar nan tan du bya ba dris shig /de nas tshong dpon gyi bu nor bzangs kyis dge slong rab tu brtan pa'i rkang pa gnyis la spyi bos phyag 'tshal nas/ lan brgya stong du mar g.yas phyogs su bskor ba byas te/ yang dang 
yang bltas nas dge slong shin tu brtan pa'i drung nas song ngo / /de nas tshong dpon gyi bu nor bzangs chos kyi dad pa'i shugs dang / byin gyis non pa/ sangs rgyas yid la bya ba'i 'du shes dang ldan pa/ dkon mchog gsum gyi gdung mi gcad pa 
la rab tu brtson pa/ dus gsum snang bas sems snang bar gyur pa smon lam chen po yid la byed pa dang ldan pa sems can gyi khams thams cad yongs su bskyab pa'i thabs la zhugs pa/ 'dus byas kyi dge ba thams cad la mi gnas pa'i 
sems dang ldan pa/ chos thams cad kyi rang bzhin nges par rtogs par bya ba la brtson pa/ 'jig rten gyi khams thams cad yongs su sbyang ba'i smon lam las mi g.yo ba/ sangs rgyas thams cad kyi 'khor gyi dkyil 'khor na gnas 
pa med par gnas pa chos kyi snang ba de rjes su dran par bya ba dang / dge ba'i bshes gnyen rjes su dran par bya ba dang / 'dod chags dang bral ba'i rigs yongs su brjod pa byed cing / mthar gyis dra byi la'i grong rdal rdo rje'i grong khyer du phyin nas/ 
dra byi la'i sprin yongs su tshol tshol ba las/ grong khyer gyi khyams shig na chos bstan pa'i don du seng ge'i khril 'dug cing / srog chags stong phrag bcu tsam zhig la chos kyi rnam grangs yi ge'i 'khor lo'i rgyud kyi rgyan ces bya ba yongs su </font><hr>37-1-338a<br><font size=+1>
ston cing 'dug pa mthong ngo / /de nas tshong dpon gyi bu nor bzangs kyis dra byi la'i sprin gyi rkang pa gnyis la spyi bos phyag 'tshal te/ dra byi la'i sprin la lan brgya stong du mar g.yas phyogs su bskor ba byas nas 
mdun du 'dug ste/ thal mo sbyar nas 'di skad ces smras so/ /'phags pa bdag gis bla na med pa yang dag par rdzogs pa'i byang chub tu sems bskyed na/ ji ltar byang chub sems dpas byang chub sems dpa'i spyod pa la bslab par bgyi 
ba dang / ji ltar nan tan du bgyi ba dang / ji ltar byang chub sems dpas byang chub kyi sems srid pa'i lam rgyud thams cad du chab mi 'tshal ba dang / ji ltar yongs su skyo ba ma mchis shing / bsam pa brtan par 'gyur ba dang / ji ltar thub pa ma mchis shing lhag pa'i 
bsam pa yongs su dag par 'gyur ba dang / ji ltar yongs su skyob ma mchis shing snying rje chen po'i stobs yang dag par skye bar 'gyur ba dang ji ltar sgo kun nas rnam par dag cing gzungs kyi stobs gnon par 'gyur ba dang / ji ltar ma rig pa'i rab rib dang sgrib pa rnam par 'thor 
zhing / shes rab kyi 'od chos thams cad la rab rib ma mchis pa'i snang ba skye bar 'gyur ba dang / ji ltar don dang chos dang nges pa'i tshig dang spobs pa la mkhas pa'i dbyangs kyi dkyil 'khor yongs su rdzogs shing / so so yang dag par rig pa'i stobs 
gnon par 'gyur ba dang / ji ltar sangs rgyas thams cad kyi 'khor lo tha mi dad pa yang dag par 'dzin cing dran pa'i stobs yongs su gnon par 'gyur ba dang / ji ltar chos thams cad kyi phyogs rigs pa'i snang ba rjes su rtog cing / rig pa'i stobs 
rnam par dag par 'gyur ba dang / ji ltar byang chub sems dpa'i ting nge 'dzin gyi stobs chos thams cad kyi don rnam par gdon mi za bar rab tu dbye ba la brtson pas 'grub par 'gyur ba ma 'tshal to/ /de nas dra byi la'i sprin gyis byang chub sems dpa' </font><hr>37-1-338b<br><font size=+1>
la rim gro bya ba'i phyir seng ge'i khri de las langs te babs nas tshong dpon gyi bu nor bzangs la lus thams cad kyis phyag byas nas/ tshong dpon gyi bu nor bzangs la gser gyi me tog gi phung pos mngon par gtor to/ /nor bu rin po che rin thang med pa mang po 
dang / tsan dan gyi phye ma dam pas kyang mngon par gtor to/ /gos tshon sna tshogs rnam pa tha dad pas kha dog bsgyur ba brgya stong phrag du mas kyang mngon par bkab bo/ /spos kyi me tog kha dog rnam pa tha dad cing yid du 'ong la blta na sdug pa mang pos kyang mngon 
par gtor nas mchod pa'i rnam pa sna tshogs gzhan dag gis kyang / mchod pa dang rim gro dang / bkur sti dang bsti stang cher byas te/ tshong dpon gyi bu nor bzangs la 'di skad ces smras so/ /rigs kyi bu khyod kyis de ltar bla na med pa yang dag par 
rdzogs pa'i byang chub tu sems bskyed pa legs so legs so/ /rigs kyi bu gang gis bla na med pa yang dag par rdzogs pa'i byang chub tu sems bskyed pa de ni/ sangs rgyas thams cad kyi gdung mi gcad pa'i phyir zhugs pa yin no/ /'dod 
chags dang bral ba'i rigs yang dag pa ci lta ba bzhin du rnam par rig par bya ba la brtson pa yin/ zhing gi rgyud thams cad yongs su dag par bya ba la zhugs pa yin/ sems can gyi rigs thams cad yongs su smin par bya ba dang / 'dul ba la sta 
gon du gnas pa yin/ chos kyi rigs thams cad yang dag pa ji lta ba bzhin du brtag pa la brtson pa yin/ las kyi rigs thams cad dang mi 'gal bar gnas pa yin/ byang chub sems dpa'i spyod pa'i rigs thams cad yongs su 
rdzogs par bya ba la rab tu brtson pa yin/ smon lam gyi rigs thams cad rgyun mi 'chad pa'i phyir yang dag par zhugs pa yin/ dus gsum gyi rgyud thams cad ye shes kyi khong du chud par bya ba la zhugs pa yin/ mos pa'i rigs shin tu brtan par bya ba'i phyir brtson pa </font><hr>37-1-339a<br><font size=+1>
yin te/ de ni de bzhin gshegs pa mang po thams cad kyi byin gyis brlabs pa yin/ sangs rgyas thams cad kyis yang dag par dgongs pa yin/ byang chub sems dpa' thams cad dang mnyam pa nyid du gyur pa yin/ 'phags pa 
thams cad kyi rjes su dgyes par bya ba yin/ tshangs pa'i dbang po thams cad kyis mngon par dga' bar byas pa yin/ lha'i dbang po thams cad kyis yang dag par mchod pa yin/ gnod sbyin gyi dbang po thams cad kyis yongs su bsrung ba yin/ 
srin po'i dbang po thams cad kyis rim gror byas pa yin/ klu'i dbang po thams cad kyis bsu ba yin/ mi'am ci'i dbang po thams cad kyis mngon par bstod pa yin/ 'jig rten gyi dbang po thams cad kyis yang dag par bsngags pa yin/ des 
ni sems can gyi khams thams cad kyang ngan song gi lam rgyud gsum po yongs su gcad pa dang mi khom pa dang / ngan 'gro lam thams cad bzlog pa dang / dbul ba'i lam thams cad las yang dag par bzla ba dang / lha dang mi'i phun sum 
tshogs pa thob par bya ba dang / dge ba'i bshes gnyen mthong ba dang mi 'bral ba dang / sangs rgyas kyi chos rgya chen po mnyam pa dang / 'bral bar mi 'gyur ba dang / byang chub kyi sems kyi yan lag yongs su dag par bya ba dang / byang chub kyi 
sems 'byung ba'i rgyud yongs su bsgrub pa dang / byang chub sems dpa'i lam snang ba thob par bya ba dang / byang chub sems dpa'i ye shes khong bu chud par bya ba dang / byang chub sems dpa'i sa la gnas par bya bas dbugs phyin par byas pa 
yin/ rigs kyi bu de la bdag 'di snyam du sems te/ byang chub sems dpa' rnams ni dka' ba byed pa ste/ 'byung bar dka' zhing mthong bar dka' ba'o/ /byang chub sems dpa' rnams ni sems can rnams la bag dro bar byed pas </font><hr>37-1-339b<br><font size=+1>
pha dang ma lta bu'o/ /byang chub sems dpa' rnams ni lha dang bcas pa'i 'jig rten gyi rgyan tu gyur pa'o/ /byang chub sems dpa' rnams ni sdug bsngal gyis mnar ba rnams la skyabs su gyur pa'o/ /byang chub sems dpa' rnams ni 'gro ba 
thams cad yongs su bsrung ba'i phyir gnas su gyur pa'o/ /byang chub sems dpa' rnams ni 'jigs pa sna tshogs kyis gtses pa rnams la dpung gnyen du gyur pa'o/ /byang chub sems dpa' rnams ni 'gro ba thams cad ngan song gsum du ltung ba las 
yongs su rton pa'i phyir rlung gi dkyil 'khor lta bu'o/ /byang chub sems dpa' rnams ni sems can thams cad kyi dge ba'i rtsa ba rnam par 'phel bar byed pas sa lta bu'o/ /byang chub sems dpa' rnams ni bsod nams rin po che'i mdzod mi zad pa'i gtos 
dang ldan pas rgya mtsho lta bu'o/ /byang chub sems dpa' rnams ni ye shes kyi 'od kyis snang bar byed pa'i phyir nyi ma lta bu'o/ /byang chub sems dpa' rnams ni dge ba'i rtsa bas shin tu mtho bas ri rab lta bu'o/ /byang chub sems dpa' rnams ni snying po byang 
chub tu ye shes kyi zla ba 'char bar 'gyur ba'i phyir zla ba lta bu'o/ /byang chub sems dpa' rnams ni bdud kyi sde thams cad rab tu 'joms pas dpa' bor gyur pa'o/ /byang chub sems dpa' rnams ni rang byung gi chos kyi grong khyer du phyin par byed pas rtul 
phod pa lta bu'o/ /byang chub sems dpa' rnams ni sems can thams cad kyi bag la byams pa'i rlan yongs su skem pas me lta bu'o/ /byang chub sems dpa' rnams ni chos kyi sprin rgya chen po'i char mngon par 'bebs pas sprin lta bu'o/ /byang chub sems 
dpa' rnams ni sems can gyi dbang po dad pa la stsogs pa'i myu gu rnam par 'phel bar byed pas char pa lta bu'o/ /byang chub sems dpa' rnams ni chos rgya mtsho'i 'gram yongs su ston pas mnyan pa lta bu'o/ /byang chub sems dpa' rnams ni </font><hr>37-1-340a<br><font size=+1>
sems can thams cad 'khor ba'i rgya mtsho las yang dag par sgrol ba'i phyir zam pa lta bu'o/ /byang chub sems dpa' rnams ni sems can thams cad kyis mngon par bgrod par bya ba'i phyir mu stegs lta bu'o/ /de ltar dra byi la'i sprin 
gyis tshong dpon gyi bu nor bzangs kyi mdun du 'dug ste/ tshig gi rgyud de dag gis byang chub sems dpa' rnams la yongs su bsngags pa byas nas/ tshong dpon gyi bu nor bzangs la legs so zhes bsngags so/ /de ltar de byang chub sems dpa' 
yang dag par dga' bar bya ba'i phyir tshig brjod pa'i tshe/ kha'i sgo nas 'od 'phro ba'i phung po rnam pa 'di lta bu byung ste/ 'od 'phro ba'i phung po des stong gsum gyi 'jig rten gyi khams rgyas par gang bar gyur nas/ lha dang lha rdzu 'phrul chen po'am/ 
klu dang klu rdzu 'phrul chen po 'am/ gnod sbyin dang gnod sbyin rdzu 'phrul chen po'am/ dri za dang dri za rdzu 'phrul chen po'am/ lha ma yin dang lha ma yin rdzu 'phrul chen po'am/ nam mkha' lding dang nam mkha' lding rdzu 'phrul chen po'am/ mi'am ci dang 
mi'am ci rdzu 'phrul chen po'am/ lto 'phye chen po dang lto 'phye chen po rdzu 'phrul chen po'am/ mi dang mi rdzu 'phrul chen po'am/ mi ma yin pa dang mi ma yin pa rdzu 'phrul chen po'am/ tshangs pa dang tshangs pa rdzu 'phrul chen po'am/ sems can 
gang sus mthong yang rung ste/ snang ba des yongs su snang bar byas pa de dag dra byi la sprin gyi drung du 'ongs so/ /de nas de ltar dra byi la sprin gyis bsam pa byin gyis brlabs shing thal mo sbyar te/ gnas pa lus dang sems sim par gyur pa/ dga' ba rgya 
chen po skyes pa/ sri zhu chen po la gnas pa/ nga rgyal gyi rgyal mtshan bcom pa/ g.yo rgyu dang bral ba/ dbang po rnam par dang bar gyur pa de dag la dra byi la'i sprin gyis chos kyi rnam grangs yi ge'i 'khor lo'i rgyud kyi rgyan ces bya ba de nyid rgya cher yang dag par </font><hr>37-1-340b<br><font size=+1>
bstan te/ khong du chud pa dang rtogs pa dang shes pa dang rig par byas so/ /de thos nas kyang de dag thams cad bla na med pa yang dag par rdzogs pa'i byang chub las phyir mi ldog par gyur to/ /de nas de'i phyir chos kyi stan la 'dug nas/ tshong dpon 
gyi bu nor bzangs la 'di skad ces smras so/ /rigs kyi bu kho bo ni dbyangs dang ldan pa'i gzungs thob pa ste/ de'i mthus kho bo stong gsum gyi stong chen po'i 'jig rten gyi khams 'di lha rnams kyi lha'i skad kyang shes so/ /de bzhin du klu dang gnod sbyin dang / 
dri za dang / lha ma yin dang nam mkha' lding dang mi'am ci dang / lto 'phye chen po dang / mi dang mi ma yin pa dang / tshangs pa rnams kyi tshangs pa'i skad kyang shes so/ /lha rnams kyi lha'i skad sna tshogs kyang shes so/ /de bzhin du klu dang gnod 
sbyin dang dri za dang / lha ma yin dang nam mkha' lding dang mi'am ci dang / lto 'phye chen po dang / mi dang mi ma yin pa dang / tshangs pa rnams kyi tshangs pa'i skad sna tshogs kyang shes so/ /lha rnams kyi lha'i skad gcig pa yang shes so/ /
de bzhin du klu dang gnod sbyin dang dri za dang / lha ma yin dang nam mkha' lding dang mi'am ci dang / lto 'phye chen po dang / mi dang mi ma yin pa dang / tshangs pa rnams kyi tshangs pa'i skad gcig pa yang shes so/ /lha rnams kyi lha'i skad tha 
dad pa yang shes so/ /de bzhin du klu dang gnod sbyin dang dri za dang lha ma yin dang / nam mkha' lding dang mi'am ci dang / lto 'phye chen po dang mi dang mi ma yin pa dang / tshangs pa rnams kyi tshangs pa'i skad tha dad pa yang shes so/ /byol song gi 
skye gnas su skyes pa'i sems can rnams kyi brda dang skad dang ming tha dad pa'ang shes so/ /sems can dmyal ba pa'i sems can rnams kyi skad dang / ming rnams kyang shes so/ /gshin rje'i 'jig rten pa'i sems can rnams kyi skad dang ming </font><hr>37-1-341a<br><font size=+1>
rnams kyang shes so/ /'phags pa'i skad dang ming rnams kyang shes so/ /'phags pa ma yin pa'i skad dang ming rnams shes so/ /byang chub sems dpa' rnams kyi tshig dang brda dang / nges pa'i ngag sems can 
gyi bsam pa bzhin du 'byung ba yang shes so/ /sems kyi skad cig re re la yang dus gsum du gshegs pa'i de bzhin gshegs pa rnams kyi dbyangs kyi yan lag dang gsung rgya mtsho sems can thams cad kyi ming dang gtam gyi sgra dang / tshig tu 
ldan pa yang rtogs shing khong du chud do/ /ji ltar stong gsum gyi stong chen po'i 'jig rten gyi khams 'di'i sems can rnams kyi brda dang nges pa'i tshig dang skad dang ming rgya mtsho la 'jug cing shes pa de bzhin du shar phyogs kyi 'jig rten gyi khams bye ba 
khrag khrig brgya stong tshad med pa/ grangs med pa/ bsam gyis mi khyab pa/ mtshungs pa med pa/ kun tu mtha' yas pa mu med pa/ sa mtshams med pa gzhal du med pa/ brjod du med pa'i yang brjod du med pa dang / de bzhin du lho phyogs dang / nub phyogs 
dang byang phyogs dang / byang shar gyi phyogs mtshams dang / shar lho'i phyogs mtshams dang / lho nub kyi phyogs mtshams dang / nub byang gi phyogs mtshams dang / 'og dang steng gi phyogs kyi 'jig rten gyi khams bye ba khrag khrig brgya stong 
tshad med pa nas brjod du med pa'i yang brjod du med pa'i bar gyi sems can rnams kyi brda dang / nges pa'i tshig dang skad dang ming rgya mtsho thams cad la 'jug cing shes te/ 'di ltar lha rnams kyi lha'i skad kyang shes so/ /tshangs pa rnams 
kyi tshangs pa'i skad kyi bar du'ang shes so/ /rigs kyi bu kho bos ni byang chub sems dpa' rnams kyi gzungs snang ba dbyangs dang ldan pa 'di shes par zad na/ kho bos byang chub sems dpa' 'gro ba sna tshogs kyi brda'i rnam pa rgya mtsho </font><hr>37-1-341b<br><font size=+1>
la zhugs pa de dag dang / 'gro ba sna tshogs kyi skad dang / ming rgya mtsho la zhugs pa de dag dang / 'gro ba sna tshogs kyi ming shin tu bstan pa ming rgya mtsho la zhugs pa de dag dang 'gro ba sna tshogs kyi brjod pa rab tu bkod pa dang / rnam par spyod pa rgya 
mtsho la zhugs pa de dag dang / tshig thams cad kyi mtshams sbyar ba rgya mtsho la zhugs pa de dag dang / tshig lhur blangs te bstan pa rgya mtsho la zhugs pa de dag dang / dus gsum gyi dmigs pa thams cad dmigs pa gcig tu rnam 
par spyod pa rgya mtsho gang chen mtsho la zhugs pa de dag dang / tshig gis brtsegs te bstan pa rgya mtsho la zhugs pa de dag dang / tshig gnyis nas brtsegs te bstan pa rgya mtsho la zhugs pa de dag dang / tshig rab tu phye ste bstan pa rgya mtsho la zhugs 
pa de dag dang / chos thams cad rab tu dbye bas 'dul ba'i tshul bstan pa rgya mtsho la zhugs pa de dag dang / 'gro ba thams cad kyi skad rgya mtsho la zhugs pa de dag dang / dbyangs kyi dkyil 'khor rnam par dag pa'i rgyan thams cad la zhugs pa de dag 
dang/ yi ge'i 'khor lo'i mthar phyin par bya bas rab tu dbye ba las byung ba de dag gi spyod pa shes pa'am/ yon tan brjod par nus re skan/ /song rigs kyi bu lho phyogs kyi rgyud 'di nyid na yul nags tshal na gnas pa zhes bya ba yod de/ de na tshong 
dpon btang brjod ces bya ba 'dug gi de'i gan du song la ji ltar byang chub sems dpas byang chub sems dpa'i spyod pa la brtson par bya ba dang / ji ltar 'byung bar bya ba dang / ji ltar sems nges par bzhag par bya ba dris shig /de nas tshong dpon 
gyi bu nor bzangs kyis/ dra byi la sprin gyi rkang pa gnyis la spyi bos phyag 'tshal te/ chos kyi rim gro byas nas/ dad pa'i mtshan nyid rtsa ba tshugs pa la rab tu brtag pa dang / dge ba'i bshes gnyen las 'ongs pa'i thams cad mkhyen pa </font><hr>37-1-342a<br><font size=+1>
nyid la yang dag par lta zhing gdong mchi mas gang bar ngus te/ dra byi la sprin la lan brgya stong du mar g.yas phyogs su bskor ba byas nas/ yang dang yang bltas te phyag 'tshal zhing dra byi la sprin gyi drung nas song ngo // //
sangs rgyas rmad gcad ces bya ba shin tu rgyas pa chen po'i mdo/bam po nyi shu dgu pa/ de nas tshong dpon gyi bu nor bzangs byang chub sems dpa'i gzungs snang ba dbyangs dang ldan pa'i rgyan de nyid la rjes su bsam pa dang / byang chub sems 
dpa'i skad kyi tshul rgya mtsho de nyid la 'jug par bya ba dang / byang chub sems dpa'i tshul phra mo la 'jug pa de nyid rjes su dran par bya ba dang / byang chub sems dpa'i sems rnam par byang bas/ rnam par dag pa de nyid kyi rjes su 'brang bar bya ba dang / 
byang chub sems dpa'i dge ba'i rtsa ba'i bag chags bsdu zhing bsgrub pa mngon par bsgrub pa dang / byang chub sems dpa'i yongs su smin par bya ba'i sgo de nyid rnam par sbyang ba dang / byang chub sems dpa' rnams kyi sems can bsdu ba'i ye shes de 
nyid shin tu byang bar bya ba dang / byang chub sems dpa'i bsam pa'i stobs rnam par dag pa bya ba de nyid brtan par bya ba dang / byang chub sems dpa'i lhag pa'i bsam pa'i stobs de nyid nye bar brtan par bya ba dang / byang chub sems dpa'i mos pa'i rgyud de nyid 
yongs su sbyang ba dang / byang chub sems dpa'i sems de nyid gdon mi za bar dge bar bsam pa dang byang chub sems dpa'i yi dam chen po de nyid mthar phyin par byed cing / tshong dpon gyi bu nor bzangs yi dam la brtan zhing smon lam gyi sems kyis 
yongs su skyo ba med pa'i rgyud kyi rgyan dang ldan pa/ phyir mi ldog pas rnam par gnon pa'i brtson 'grus can/ yid kyis brtul ba las mi zlogs pa/ dad pa mi 'phrogs pa'i stobs dang ldan pa/ rdo rje mthu bo che mi phyed pa'i sems dang ldan pa dge </font><hr>37-1-342b<br><font size=+1>
ba'i bshes gnyen thams cad kyi gdams ngag 'thun par len pa/ shes rab kha ma bab pa'i yul dang ldan pa/ sgo kun nas rnam par dag pa la mngon du gyur pa/ ye shes rnam par dag pa'i spyod yul thogs pa med pa kun tu lta ba'i ye shes kyi tshul snang ba dang ldan pa/ 
sa'i gzungs kun nas snang ba rab tu thob pa/ chos kyi dbyings kyi gzhi'i bye brag la mngon sum du gyur pa'i sems dang ldan pa/ gzhi kun la rten pa'i rgyan rnam par dag pa'i rang bzhin rnam par dmigs pa gnas pa med pa dang / bdag gi med pa dang gnyis 
su med pa'i spyod yul la rab tu brtson pa/ 'du shes thams cad las 'da' bar byed pa'i ye shes kyi sgo rnam par dag pa/ chos kyi phyogs dang gzhi tha dad pa'i phyogs la so sor rtog pa med pa 'jig rten gyi gzhi dang phyogs kyi bye brag las phyir mi ldog pa/ chos 
kyi gzhi dang phyogs kyi bye brag las phyir mi ldog pa sangs rgyas kyi phyogs dang gzhi tha dad pa mthong ba dang / rnam par rig par bya ba la gzhol ba/ dus kyi phyogs dang gzhi'i bye brag khong du chud pa'i ye shes can/ chos kyi 'khor lo yid du 'ong bas yang dag par bsgrubs 
pa'i blo dang / ye shes kun nas snang ba'i ting nge 'dzin gyi rnam par snang bas sems gsal bar byas pa/ yid kyi yul lus kun dang ldan pa'i sa la zhugs pa de bzhin gshegs pa'i ye shes snang bas rgyud shin tu snang bar byas pa/ thams cad mkhyen pa 
nyid du dad pa'i dpa' rlabs kyi shugs kyis rab tu rlob pa/ sangs rgyas kyi chos la mos pa'i shugs dang 'bral ba med pa de bzhin gshegs pa'i byin gyi rlabs kyis byin du brlabs pa/ sangs rgyas thams cad rang gi sems kyi rgyud khong du chud pa'i 'od kyis 
snang bar gyur pa/ 'jig rten gyi khams kyi dra ba thams cad rang gi lus kyis rgyas par dgang ba'i smon lam dang chos kyi dbyings thams cad rang gi lus su yang dag par bsdu ba dang / mngon par bsgrub pa la brtson pa/ de mthar gyis song song ste/ lo </font><hr>37-1-343a<br><font size=+1>
bcu gnyis kyis yul nags tshal na gnas par phyin nas/ des tshong dpon btang brjod de btsal btsal te mthong ngo / /mthong nas kyang lus thams cad kyis phab ste/ phyag 'tshal nas mdun du 'dug ste/ thal mo sbyar nas 'di skad ces 
smras so/ /'phags pa bdag de ring dge ba'i bshes gnyen dang mjal bar gyur pa ni bdag gis 'thob par bgyi ba legs par thob bo/ /de ci'i slad du zhe na/ dge ba'i bshes gnyen rnams ni mthong bar dka' ba'o/ /'byung bar dka' ba'o/ /mjal bar dka' 
ba'o/ /bgrod par dka' ba'o/ /bsnyen bkur bgyi bar dka' ba'o/ /mnyes par bgyi bar dka' ba'o/ /'grogs par dka' ba'o/ /rim gro bgyi bar dka' ba'o/ /dge ba'i bshes gnyen rnams ni rjes su 'brang bar dka' ba lags na/ de lta bu'i dge 
ba'i bshes gnyen dang 'grogs pa de ring bdag gis thob par gyur to/ /'phags pa bdag gis 'di lta ste/ sangs rgyas thams cad bsnyen bkur ba dang / sangs rgyas thams cad la rim gro bgyi ba dang / sangs rgyas thams cad kyi zhal blta ba dang / 
sangs rgyas thams cad rnam par dmigs par bgyi ba dang / sangs rgyas thams cad dang mnyam pa nyid thob par bgyi ba dang / sangs rgyas thams cad kyi smon lam khong du chud par bgyi ba dang / sangs rgyas thams cad kyi smon lam yongs su rdzogs par bgyi ba dang / 
sangs rgyas thams cad kyi yang dag par bsgrub pa'i ye shes snang bar bgyi ba dang / sangs rgyas thams cad rang gi lus su mngon par bsgrub pa dang / sangs rgyas thams cad kyis yang dag par bsgrubs pa rang gi spyod pa mngon par bsgrub par bgyi ba dang / sangs 
rgyas thams cad kyi rnam par 'phrul pa mngon sum du rtogs par bgyi ba dang / sangs rgyas thams cad kyi stobs dang mi bsnyengs pa yongs su dag par bgyi ba dang / sangs rgyas thams cad kyi chos bstan pa mnyan pas mi ngoms par bgyi ba dang / sangs </font><hr>37-1-343b<br><font size=+1>
rgyas thams cad kyi chos bstan pa mnyan cing blang bar bgyi ba dang / sangs rgyas thams cad kyi chos bstan pa yang dag par gzung bar bgyi ba dang / sangs rgyas thams cad kyi chos bstan pa rnam par dbye bar bgyi ba dang / sangs rgyas thams cad kyi chos 
bstan pa yongs su gzung ba dang / byang chub sems dpa' thams cad dang / tshul gcig tu 'gyur bar bgyi ba dang / byang chub sems dpa' thams cad dang skal ba mnyam par bgyi ba dang / byang chub sems dpa' thams cad kyi spyod pa yongs 
su dag par bgyi ba dang / byang chub sems dpa' thams cad kyi pha rol tu phyin pa yongs su rdzogs par bgyi ba dang / byang chub sems dpa' thams cad kyi smon lam mngon par bsgrub pa rnam par dag par bgyi ba dang byang chub sems dpa' thams 
cad kyi sangs rgyas kyi byin gyi rlabs kyi mdzod rab tu thob par bgyi ba dang / byang chub sems dpa' thams cad kyi chos kyi gter dang mdzod mi zad pa'i ye shes snang ba thob par bgyi ba dang / byang chub sems dpa' thams cad kyi ting 
nge 'dzin gyi gter dang mdzod khong du chud par bgyi ba dang / byang chub sems dpa' thams cad kyi mdzod tshad med pa mngon par bsgrub pa dang / byang chub sems dpa' thams cad kyi snying rje chen po'i gter dang mdzod sems can 'dul ba'i mthar 
phyin par bgyi ba dang / byang chub sems dpa' thams cad kyi rnam par 'phrul ba'i gter dang mdzod rnam par dmigs par bgyi ba dang / byang chub sems dpa' thams cad kyi dbang gi gter dang / mdzod rang gi sems kyis dbang du bgyi ba dang / byang 
chub sems dpa' thams cad kyi rnam par dag pa'i gter dang / mdzod rnam pa thams cad du brgyan par bgyi ba'i slad du bla na med pa yang dag par rdzogs pa'i byang chub tu sems bskyed nas/ 'phags pa de lta bu'i sems kyis bdag 'dir mchis so/ /</font><hr>37-1-344a<br><font size=+1>
bsam pa de lta bu dang yid la smon pa de lta bu dang / mngon par dga' ba de lta bu dang / sems pa de lta bu dang / gdon mi 'tshal bar bsgrub par bsam pa de lta bu dang / /spyod yul mngon du bgyi ba de lta bu dang / tshul 
khong du chud par bgyi ba la mos pa de lta bu dang / rnam par dag pa la gzhol ba de lta bu dang / rnam par dpyod pa'i bsam pa de lta bu dang / rab tu gzhol ba'i sems de lta bu dang / dge ba'i sbyor ba de lta bu dang / mngon du 'gyur ba'i dbang po de lta bus bdag 
'dir mchis te/ 'phags pa ni byang chub sems dpa' rnams la gdams ngag dang / rjes su ston pa mdzad cing tshul ni nye bar ston pa mdzad/ rtogs par bgyi ba ni snang bar mdzad/ lam ni bstan par mdzad/ mu stegs la ni 'jog par mdzad/ 
chos kyi sgo ni rnam par 'byed pa mdzad/ the tsom ni yongs su gcod par mdzad/ nem nur ni sel bar mdzad/ yid gnyis kyi zug rngu ni 'byin par mdzad/ dogs pa'i dri ma ni sbyong bar mdzad/ sems kyi thibs po ni snang bar mdzad/ sems kyi dri ma ni 
yongs su sel bar mdzad/ sems kyi rgyud ni rab tu dang bar mdzad/ sems kyi g.yo sgyu ni yongs su sel bar mdzad/ sems kyi gdung ba ni yongs su sim par mdzad/ 'khor ba las ni sems rnam par bzlog par mdzad/ mi dge ba'i las ni phyir bzlog 
par mdzad/ sems can dmyal ba las ni ldog par mdzad/ gnas dang ni dbral bar mdzad/ mngon par zhen pa las ni gyen du bskyod pa mdzad/ chags pa thams cad las ni yongs su 'grel ba mdzad/ thams cad mkhyen pa nyid du ni bsgrub pa mdzad/ chos kyi grong khyer du 'jug par bgyi ba'i 
glad du ni mngon du gyur par mdzad/ snying rje chen po la ni rab tu bsgrub pa mdzad/ byams pa chen po la ni rab tu gzhog pa mdzad/ byang chub sems dpa'i spyod pa la ni rab tu sbyor ba mdzad/ ting nge 'dzin gyi sgo bsgom pa la ni 'dzud pa mdzad/ rtogs par 'gyur ba'i sgo la ni </font><hr>37-1-344b<br><font size=+1>
gnas par mdzad/ rang bzhin nges par rtogs pa la ni gzhag par mdzad/ stobs dang ldan pas ni khyab par mdzad/ 'gro ba thams cad mnyam pa nyid du ni sems rnam par dbye ba mdzad do/ /zhes thos na/ 'phags pa'i ji ltar byang chub sems dpas byang chub sems dpa'i spyod pa la brtson par bgyi/ ji ltar sbyar bar bgyi/ ji ltar brtson par bgyis na/ byang chub sems dpa'i spyod pa'i dkyil 'khor rnam par dag par 'gyur ba bdag la bstan du gsol/ de nas tshong dpon btang brjod kyis de'i tshe byang chub sems dpa'i 
ting nge 'dzin gyi sgo sangs rgyas kyi zhing thams cad yang dag par 'du ba zhes bya ba gzungs kyi sgo klong mtha' yas pa sngon du 'gro ba la/ sngon gyi dge ba'i rtsa ba'i shugs dang / de bzhin gshegs pa'i byin gyi rlabs dang / 'jam dpal gzhon nur 
gyur pas yang dag par bsams shing ye shes snang ba nye bar bsgrubs pas snyoms par zhugs so/ /tshong dpon btang brjod de ltar snyoms par zhugs ma thag tu gzugs kyi lus yongs su dag pa rnam pa 'di lta bur gnas par gyur te/ lus yongs su dag 
pa de'i mthus phyogs bcu'i sangs rgyas bcom ldan 'das sangs rgyas kyi zhing bcu'i rdul shin tu phra ba snyed sangs rgyas kyi zhing yongs su dag pa dang bcas/ 'khor gyi dkyil 'khor dang bcas/ 'od rnam par dag pa dang bcas/ sngon spyod pa la 
zhugs pa dang bcas/ sangs rgyas kyi rnam par 'phrul pa dang bcas/ smon lam gyi tshogs dang bcas/ spyod pa dang 'byung ba'i rgyan rnam par dag pa dang bcas/ mngon par rdzogs par 'tshang rgya ba yongs su ston pa dang bcas/ chos kyi 'khor 
lo shin tu ston pa dang bcas/ sems can yongs su smin par mdzad pa dang bcas/ chos kyi mu'i mthar thug pa dang bcas par kun kyang lus kyi khongs su chud cing 'dus par snang ste/ de dag kyang phan tshun ma 'dres pa dang / phan tshun mchod </font><hr>37-1-345a<br><font size=+1>
pa dang / phan tshun shin tu rnam par phye ba dang / phan tshun shin tu rnam par gnas pa dang / tshul sna tshogs su zhugs pa dang yang dag pa ji lta ba bzhin du rnam par dmigs pa dang / sangs rgyas kyi zhing rgyan sna tshogs can mnga' 
ba dang / byang chub sems dpa'i 'khor gyi dkyil 'khor sna tshogs kyi rgyan dang ldan pa dang / sangs rgyas kyi rnam par 'phrul pa sna tshogs yongs su ston par snang ngo / /theg pa sna tshogs rnam par dgod pa mdzad pa dang / smon lam gyi sgo sna tshogs yongs su 
brjod pa dang / 'jig rten gyi khams la la na ni dga' ldan gyi pho brang du skyes shing sangs rgyas kyi 'phrin las thams cad mdzad par snang ngo / /la la na ni dga' ldan gyi pho brang nas 'pho ba dang / la la na ni yum gyi sku na bzhugs shing rnam par 'phrul pa sna tshogs 
yongs su ston pa dang / la la na ni skye ba dang / la la na ni byis pa'i rtsed mo ston pa mdzad pa dang / la la na ni btsun mo'i 'khor gyi nang na bzhugs pa dang / la la na ni mngon par 'byung ba dang / la la na ni snying po byang chub tu gshegs te/ rnam par 'phrul pa'i rgyan 
chen pos bdud kyi sde pham par mdzad pa dang / la la na ni lha dang klu dang / gnod sbyin dang / dri zas yongs su bskor cing tshangs pa'i dbang pos chos kyi 'khor lo bskor bar gsol ba gdab pa dang / la la na ni chos kyi 'khor lo bskor ba mdzad pa dang / la la na 
ni sems can thams cad kyi gnas na bzhugs pa dang / la la na ni yongs su mya ngan las 'da' bar snang ngo / /'jig rten gyi khams la la na ni de bzhin gshegs pa mya ngan las 'das pa rnams kyis ring bsrel rnam par dgod par snang ngo / /sangs rgyas 
kyi zhing la la na ni lha dang mi rnams de bzhin gshegs pa'i mchod rten la rgyan gyis klubs pa byed par snang ste/ sangs rgyas bcom ldan 'das de dag gis sems can gyi ris rnam pa tha dad pa dang / sems can gyi 'jig rten gyi rnam pa tha dad pa dang / sems </font><hr>37-1-345b<br><font size=+1>
can gyi lam rnam pa tha dad pa dang / sems can gyi skyes gnas rnam pa tha dad pa dang / sems can gyi tshogs rnam pa tha dad pa dang / sems can gyi dge ba'i rtsa ba'i rgyud rnam pa tha dad pa dang / sems can gyi lam gyi rgyud rnam pa tha dad pa dang / sems can gyi bsam pa'i rgyud rnam pa tha dad pa dang / 
sems can gyi mos pa'i rgyud rnam pa tha dad pa dang / sems can gyi dbang po'i rgyud rnam pa tha dad pa dang / dus kyi rgyud rnam pa tha dad pa dang / sems can gyi las kyi bye brag rnam pa tha dad pa dang / sems can gyi las mi mthun pa rnam par tha dad pa dang / 
sems can gyi 'jig rten rnam par dbye ba rnam pa tha dad pa dang / sems can gyi tshul lam dang spyod pa rnam pa tha dad pa la rnam par spyod pa dang / sems can rgya mtsho bsam pa dang sbyor ba'i rnam pa tha dad pa dang dbang po mi mthun pa sna tshogs rnam par dag pa dang / 
nyon mongs pa dang / bag chags sna tshogs bag la nyal bar gyur pa'i sems can 'byam klas pa rnams la sangs rgyas kyi rnam par 'phrul pa rnam pa sna tshogs yongs su bstan pa dang / yul sna tshogs kyi nges pa'i tshig dang / dbyangs kyi yan lag dang gsung 
rnam pa sna tshogs su bsgrubs pa dang / mdo sde sna tshogs kyi tshul rab tu brjod pa dang / gzungs kyi sgo rnam pa tha dad pa'i rgyud dang so so yang dag par rig pa'i tshul gyi gzhung sna tshogs dang / 'phags pa'i bden pa'i ming rgya mtsho'i rgyud rnam pa sna tshogs 
dang / sangs rgyas kyi khyu mchog dang seng ge'i nga ro rab tu bsgrags pa dang / sems can gyi dge ba'i rtsa ba sna tshogs bstan pa'i cho 'phrul yongs su bstan pa dang / dran pa'i sgo sna tshogs can shin tu bstan pa'i rnam par 'phrul pa dang / byang chub sems 
dpa' lung bstan pa'i seng ge'i nga ro sna tshogs dang / de bzhin gshegs pa'i chos kyi 'khor lo'i mthu phyung ba rnam pa sna tshogs kyi 'khor gyi dkyil 'khor mtha' dang dbus med pa mtha' yas par rnam par tha dad pa phan tshun mchod pa dang / rnam par dag pa'i 'khor </font><hr>37-1-346a<br><font size=+1>
gyi dkyil 'khor sna tshogs yangs pa dang / 'khor gyi dkyil 'khor shin tu phra bar 'dus pa dang / dpag tshad gcig gi tshad tsam dang / dpag tshad bcu'i tshad tsam dang / dpag tshad brgya'i tshad tsam nas/ 'khor gyi dkyil 'khor 
'jig rten gyi khams sangs rgyas kyi zhing brjod du med pa'i yang brjod du med pa'i rdul shin tu phra ba snyed kyi tshad tsam du sangs rgyas bcom ldan 'das de dag gis/ de bzhin gshegs pa'i gsung dbyangs kyi yan lag dang / sgra skad thams cad 
kyi rjes su 'gro bas chos ji snyed du bstan pa de dag thams cad kyang / tshong dpon gyi bu nor bzangs kyis thos so blangs so/ /yang dag par bzung ngo bsams so/ /sangs rgyas kyi rnam par 'phrul pa de dag kyang mthong ngo / /byang chub 
sems dpa'i ting nge 'dzin gyi khyu mchog gi mthu phyung ba de dag kyang mthong ngo / /de nas tshong dpon btang brjod dran zhing shes bzhin du ting nge 'dzin de las langs nas tshong dpon gyi bu nor bzangs la 'di skad ces smras so/ /rigs kyi bu kho bo ni de 
bzhin gshegs pa'i rnam par thar pa thogs pa med pa'i rgyan ces bya ba yongs su blangs shing 'dzin pa ste/ rigs kyi bu de ltar kho bo de bzhin gshegs pa'i rnam par thar pa thogs pa med pa'i rgyan de la rtog cing dpyod pa'i tshe/ shar phyogs kyi 'jig 
rten gyi khams 'dzam bu chu klung gi mdog dang ldan pa na/ de bzhin gshegs pa dgra bcom pa yang dag par rdzogs pa'i sangs rgyas skar ma'i dbang phyug rgyal po zhes bya ba byang chub sems dpa' rnam par snang ba'i snying po la sogs pa/ byang chub sems 
dpa'i 'khor gyi dkyil 'khor thams cad dang thabs gcig tu bzhugs pa'ang mig lam du snang ngo / /lho phyogs kyi 'jig rten gyi khams stobs thams cad kyi shugs dang ldan pa na/ de bzhin gshegs pa dgra bcom pa yang dag par rdzogs pa'i sangs rgyas spos kun </font><hr>37-1-346b<br><font size=+1>
tu rnam par yangs pa zhes bya ba byang chub sems dpa' bsam pa'i rgyal po la stsogs pa/ byang chub sems dpa'i 'khor gyi dkyil 'khor thams cad dang thabs gcig tu bzhugs pa'ang mig lam du snang ngo / /nub phyogs kyi 'jig rten gyi khams spos 
thams cad kyi 'od dang ldan pa na/ de bzhin gshegs pa dgra bcom pa yang dag par rdzogs pa'i sangs rgyas ri rab mar me'i rgyal po zhes bya ba/ byang chub sems dpa' chags pa med pa'i sems la stsogs pa byang chub sems dpa'i 'khor gyi dkyil 
'khor thams cad dang / thabs gcig tu bzhugs pa yang mig lam du snang ngo / /byang phyogs kyi 'jig rten gyi khams ngur smrig gi rgyal mtshan na de bzhin gshegs pa dgra bcom pa yang dag par rdzogs pa'i sangs rgyas rdo rje rab tu 'dul ba zhes bya ba 
byang chub sems dpa' rdo rje'i gom pas rnam par gnon pa la sogs pa/ byang chub sems dpa'i 'khor gyi dkyil 'khor thams cad dang thabs gcig tu bzhugs pa yang mig lam du snang ngo / /byang shar gyi phyogs mtshams kyi 'jig rten gyi 
khams rin po che thams cad rab tu 'bar ba na/ de bzhin gshegs pa dgra bcom pa yang dag par rdzogs pa'i sangs rgyas mi dmigs pa'i spyan rnam par dmigs pa zhes bya ba byang chub sems dpa' dmigs pa med par shin tu sprul ba la stsogs 
pa/ byang chub sems dpa'i 'khor gyi dkyil 'khor thams cad dang thabs gcig tu bzhugs pa yang mig lam du snang ngo / /shar lho'i phyogs mtshams kyi 'jig rten gyi khams spos kyi 'od zer rab tu snang ba na/ de bzhin gshegs 
pa dgra bcom pa yang dag par rdzogs pa'i sangs rgyas spos kyi mar me zhes bya ba byang chub sems dpa' chos kyi dbyings kyi gzhi tha dad pa'i dpal gyi rgyal po la stsogs pa byang chub sems dpa'i 'khor gyi dkyil 'khor thams cad dang thabs </font><hr>37-1-347a<br><font size=+1>
gcig tu bzhugs pa'ang mig lam du snang ngo / /lho nub kyi phyogs mtshams kyi 'jig rten gyi khams nyi ma'i 'od gzer ltar snang ba na de bzhin gshegs pa dgra bcom pa yang dag par rdzogs pa'i sangs rgyas sgo kun nas ye shes 
rnam par snang ba'i dbyangs zhes bya ba byang chub sems dpa'i me tog gi 'od kun nas 'phro bar gtsug phud rab tu 'phyang ba la sogs pa/ byang chub sems dpa'i 'khor gyi dkyil 'khor thams cad dang thabs gcig tu bzhugs pa'ang mig lam du snang ngo / 
nub byang gi phyogs mtshams kyi 'jig rten gyi khams spos kyi rgyan yid du 'ong ba'i dge ba'i snying po na/ de bzhin gshegs pa dgra bcom pa yang dag par rdzogs pa'i sangs rgyas yon tan rgya mtsho tshad med pa'i 'od ces bya ba/ byang chub sems 
dpa' lus kyi 'od zer thogs pa med pa'i gzi brjid rgyal po blo gros la stsogs pa/ byang chub sems dpa'i 'khor gyi dkyil 'khor thams cad dang thabs gcig tu bzhugs pa'ang mig lam du snang ngo / /'og gi phyogs kyi 'jig rten gyi khams rin po che'i 
seng ge snang zhing 'bar ba na/ de bzhin gshegs pa dgra bcom pa yang dag par rdzogs pa'i sangs rgyas 'od zer chos kyi dbyings su snang ba zhes bya ba byang chub sems dpa' chos kyi dbyings 'od 'phro zhing rnam par snang bar byung ba'i blo gros la sogs pa byang chub 
sems dpa'i 'khor gyi dkyil 'khor thams cad dang thabs gcig tu bzhugs pa'ang mig lam du snang ngo / /steng gi phyogs kyi 'jig rten gyi khams mtshan gyi 'od rnam par snang ba na/ de bzhin gshegs pa dgra bcom pa yang dag par rdzogs 
pa'i sangs rgyas yon tan grags pa thogs pa med pa'i rnam par thar pa'i 'od kyi rgyal po zhes bya ba byang chub sems dpa' stobs dang / brtson 'grus thogs pa med pa'i blo gros la sogs pa/ /byang chub sems dpa'i 'khor gyi dkyil 'khor </font><hr>37-1-347b<br><font size=+1>
thams cad dang thabs gcig tu bzhugs pa'ang mig lam du snang ngo / /rigs kyi bu de ltar de bzhin gshegs pa 'di dag la sogs pa/ phyogs bcu'i de bzhin gshegs pa dgra bcom pa yang dag par rdzogs pa'i sangs rgyas/ sangs rgyas kyi zhing bcu'i 
rdul shin tu phra ba snyed mthong yang de bzhin gshegs pa de dag kyang 'dir mi byon/ kho bo yang der 'gro ba med de nam 'dod pa de na bde ba yod pa'i 'jig rten gyi khams na/ de bzhin gshegs pa 'od snang mtha' yas pa bzhugs pa 'ang mthong ngo / /tsan dan 
yod pa'i 'jig rten gyi khams na de bzhin gshegs pa 'od snang rdo rje bzhugs pa'ang mthong ngo / /spos dri yod pa'i 'jig rten gyi khams na de bzhin gshegs pa 'od snang rin chen bzhugs pa yang mthong ngo / /pad mo yod pa'i 'jig rten gyi khams na/ 
de bzhin gshegs pa 'od snang rin chen pad mo bzhugs pa'ang mthong ngo / /gser yod pa'i 'jig rten gyi khams na de bzhin gshegs pa 'od snang zhi ba bzhugs pa'ang mthong ngo / /mngon par dga' ba'i 'jig rten gyi khams na de bzhin gshegs pa mi sgul 
ba bzhugs pa'ang mthong ngo / /shin tu brtan pa'i 'jig rten gyi khams na de bzhin gshegs pa seng ge bzhugs pa'ang mthong ngo / /me long gi dkyil 'khor ltar snang ba'i 'jig rten gyi khams na de bzhin gshegs pa blo gros zla ba bzhugs pa yang mthong 
ngo/ /rin chen dpal gyi dad pas brgyan pa'i 'jig rten gyi khams na de bzhin gshegs pa rnam par snang mdzad bzhugs pa yang mthong ngo / /rigs kyi bu de ltar kho bos ni phyogs gang dang gang na 'jig rten gyi khams gang dang gang gis de bzhin gshegs pa gang 
dang gang mthong bar 'dod pa'i de bzhin gshegs pa de dang de dag kyang mthong ngo / /dus gang dang gang du dmigs pa gang dang gang la sngon gyi spyod pa gang dang gang gis de bzhin gshegs pa mthong bar 'dod pa dang /rnam par 'phrul pa gang dang gang gi don dang /</font><hr>37-1-348a<br><font size=+1>
sems can 'dul ba gang dang gang gi don du de bzhin gshegs pa gang dang gang mthong bar 'dod pa'i de bzhin gshegs pa de dang de dag kyang mthong ste/ de bzhin gshegs pa de dag kyang 'dir gshegs pa ma yin/ bdag kyang der phyin 
pa ma yin no/ /rigs kyi bu de ltar kho bos de bzhin gshegs pa rnams ga las kyang byon pa med par shes la/ rang gi lus kyang gar yang 'gro ba med par shes pa dang / de bzhin gshegs pa rnams rnam par dmyigs pa yang rmi lam lta 
bur shes la/ rang gi sems rnam par dmigs pa yang rmi lam dang 'dra bar rgyu bar shes pa dang / de bzhin gshegs pa rnams rnam par dmyigs pa yang gzugs brnyan lta bur shes la rang gi sems rnam par dmyigs pa yang chu'i snod gsal 
ba lta bur shes pa dang / de bzhin gshegs pa rnams rnam par dmigs pa yang sgyu mas byas pa'i gzugs brnyan lta bur shes la rang gi sems rnam par dmyigs pa yang sgyu ma lta bur shes pa dang / de bzhin gshegs pa'i gsung yang sgra brnyan 
ri'i brag cha lta bur brjod par shes la rang gi sems rnam par dmyigs pa yang sgra brnyan lta bur shes pas byang chub sems dpa' rnams kyi sangs rgyas kyi chos thams cad ni rang gi sems kyi byin gyi rlabs las 'byung ngo / /zhes bya bar rjes su rtogs 
shing khong du chud do/ /sangs rgyas kyi zhing yongs su dag pa thams cad kyang rang gi sems kyi byin gyi rlabs so/ /byang chub sems dpa'i spyod pa yang rang gi sems kyi byin gyi rlabs so/ /sems can thams cad yongs su smin par bya 
ba dang / gdul ba yang rang gi sems kyi byin gyi rlabs so/ /byang chub sems dpa'i smon lam mngon par bsgrub pa yang rang gi sems kyi byin gyi rlabs so/ /thams cad mkhyen pa nyid kyi grong khyer du phyin par bya ba yang rang gi sems kyi </font><hr>37-1-348b<br><font size=+1>
byin gyi rlabs so/ /rnam par thar pa bsam gyis mi khyab pas rnam par rtse ba yang rang gi sems kyi byin gyi rlabs so/ /sangs rgyas kyi byang chub tu mngon par rdzogs par 'tshang rgya ba yang rang gi sems kyi byin gyi rlabs so/ /chos kyi 
dbyings kun nas 'dus par khyu mchog gi mthu dbyung zhing rnam par 'phrul pa yang rang gi sems kyi byin gyi rlabs so/ /bskal pa thams cad shin tu phra bar bsdu ba'i ye shes kyang rang gi sems kyi byin gyi rlabs so/ /zhes bya bar khong du chud 
cing rjes su rtogs so/ /rigs kyi bu de la kho bo 'di snyam du sems te/ dge ba'i rtsa ba thams cad kyis ni rang gi sems nyid nye bar brtan par bya'o/ /chos kyi sprin gyis ni rang gi sems nyid yongs su brlan par bya'o/ /sgrib pa'i chos rnams 
las ni rang gi sems nyid yongs su sbyang bar bya'o/ /brtson 'grus kyis ni rang gi sems nyid brtan par bya'o/ /bzod pas ni rang gi sems nyid mnyam par bya'o/ /ye shes khong du chud par bya ba la ni rang gi sems nyid gzhol 
bar bya'o/ /shes rab kyis ni rang gi sems nyid yongs su sbyang bar bya'o/ /dbang rnams la ni rang gi sems nyid mngon par bsgrub par bya'o/ /sangs rgyas dang mnyam pa nyid la ni rang gi sems nyid rgyas par bya'o/ /de bzhin 
gshegs pa'i stobs bcus ni rang gi sems nyid snang bar bya'o snyam mo/ /rigs kyi bu kho bo ni de bzhin gshegs pa'i rnam par thar pa thogs pa med pa'i rgyan 'di shes te/ blangs shing yongs su 'dzin par zad na/ kho bos byang chub sems 
dpa' chags pa med pa'i sems dang ldan pa chags pa med pa rnam par spyod pa'i spyod yul dang ldan pa/ da ltar byung ba'i sangs rgyas thams cad mngon sum du bzhugs pa'i ting nge 'dzin rab tu thob pa/ mya ngan las 'da' ba myed pa'i mtha' la gnas pa'i rdzogs pa'i </font><hr>37-1-349a<br><font size=+1>
byang chub kyi sgo'i ting nge 'dzin rab tu thob pa/ dus gsum mnyam pa nyid du gyur pa/ gzhi kun nas phyed pa'i ting nge 'dzin gyi spyod yul gyi tshul shes pa/ sangs rgyas kyi zhing thams cad du lus rnam par bkram pa/ sangs rgyas 
kyi yul tha myi dad pa la rnam par spyod pa/ phyogs thams cad du mngon par phyogs pa'i spyod yul dang ldan pa/ phyin phyogs med pa'i ye shes kyi dkyil 'khor gyis rnam par lta ba de dag gi lus la 'jig rten gyi khams thams cad 'jig cing 'du 
bar snang yang de dag la bdag dang 'jig rten gyi khams su gnyis kyi 'du shes med pa de dag gi spyod pa shes pa'am/ yon tan brjod par nus re skan/ song rigs kyi bu lho phyogs kyi rgyud 'di nyid kyi 'dzam bu'i gling gi mgo 'gebs pas rgyas 
par 'gengs pa zhes bya ba yod de/ de na dge slong rgya mtsho'i rgyal mtshan ces bya ba 'dug gis/ de'i gan du song la ji ltar byang chub sems dpas byang chub sems dpa'i spyod pa la bslab par bya ba dang / ji ltar nan tan du bya ba dris shig /
de nas tshong dpon gyi bu nor bzangs kyis tshong dpon btang brjod kyi rkang pa gnyis la spyi bos phyag 'tshal te/ tshong dpon btang brjod la lan brgya stong du mar g.yas phyogs su bskor ba byas nas/ yang dang yang bltas te/ tshong dpon btang brjod 
kyi yon tan grangs med pa la snyan par brjod de/ brtag pa dang / mos par bya ba dang / mi btang bar bya ba sems shing du ste smre sngags bton nas/ dge ba'i bshes gnyen sdug par sems shing dge ba'i bshes gnyen gyi rjes su 'brang ba dang / dge 
ba'i bshes gnyen la bsnyen bkur bar mos pa dang / dge ba'i bshes gnyen gyis bsgo ba dang / myi 'gal bar byed pa dang thams cad mkhyen pa nyid dge ba'i bshes gnyen la rag lus par rjes su blta ba dang / dge ba'i bshes gnyen la rjes su </font><hr>37-1-349b<br><font size=+1>
bsam pa dang / dge ba'i bshes gnyen la g.yo sgyu med par spyod pa dang / dge ba'i bshes gnyen gyi sems kyi dbang du 'gro bar bya ba dang ldan pas dge ba'i bshes gnyen rnams gnod pa thams cad yongs su spong bar byed pas ma tsam du sems/ 
dge ba'i rtsa ba yongs su bskyed pas pha tsam du sems shing tshong dpon btang brjod kyi drung nas song ngo / /de nas tshong dpon gyi bu nor bzangs tshong dpon btang brjod kyis bstan pa de la rjes su sems shing / tshong dpon btang brjod kyi gdams ngag 
la nan tan bya ba dang / byang chub sems dpa'i rnam par thar pa bsam gyis mi khyab pa'i rjes su 'brang bar bya ba dang / byang chub sems dpa'i ye shes snang ba bsam gyis mi khyab pa rjes su dran par bya ba dang / chos kyi dbyings la 'jug 
cing 'bab pa bsam gyis mi khyab pa khong du chud par bya ba dang / byang chub sems dpa' rnams kyi yongs su 'du bar bya ba'i tshul bsam gyis mi khyab pa la 'jug par bya ba dang / de bzhin gshegs pa'i rnam par 'phrul pa bsam gyis mi khyab 
pa'i rjes su blta bar bya ba dang / sangs rgyas kyi zhing yongs su bsdu ba bsam gyis mi khyab pa la mos par bya ba dang / sangs rgyas kyi byin gyi rlabs kyi rgyan rjes su sbyang ba dang / byang chub sems dpa'i ting nge 'dzin dang / rnam par thar 
pa'i rnam par dgod pa dang / khyu mchog gi mthu phyung ba bsam gyis myi khyab pa la yongs su brtag pa dang / 'jig rten gyi khams tha dad pa la sgrib pa med pa bsam gyis mi khyab pa la 'jug pa dang / byang chub sems dpa'i las la bsam pa 
shin tu brtan pa de la nan du bya ba dang / byang chub sems dpa'i las dang / smon lam gyi rgyud bsam gyis mi khyab pa de'i rjes su spyod cing mthar gyis 'dzam bu gling gi mgo 'gebs pas rgyas par 'gengs pa zhes bya ba gang na ba der phyin nas/</font><hr>37-1-350a<br><font size=+1>
dge slong rgya mtsho'i rgyal mtshan tshol tshol ba las/ 'chag pa'i gnas shig gi 'chag pa'i mthar 'dug ste/ ting nge 'dzin la mnyam par bzhag nas dbugs phyi nang du rgyu ba med cing myi g.yo la byed pa med cing lus drang por bsrang 
ste/ dran pa mngon du byas nas ting nge 'dzin gyi rnam par 'phrul pa bsam gyis myi khyab par rnam par 'phrul zhing g.yas g.yon dang / steng logs su lus mtha' yas la tshad med cing bsam gyis mi khyab pa spyi gtsug bltar mi mthong ba/ kha dog 
du ma'i lus dang ldan pa sems kyi skad cig re re la kha dog rnam pa tha dad pa tshad med pa yongs su ston pa de/ de de ltar mnyam par bzhag cing zab la zhi ste/ g.yo ba med cing dmigs pa med la dga' bas lus mtho bar gyur pa de'i ba spu'i sgo thams cad nas 
byang chub sems dpa'i rnam par thar pas rnam par 'phrul pa bsam gyis mi khyab pa rab tu 'gyed par byed cing 'dug pa mthong ngo / /rnam par thar pas rnam par 'phrul pa de'i mthus sems kyi skad cig re re la sems can thams cad yongs su smin 
par bya ba dang / de bzhin gshegs pa thams cad kyi mchod pa sbyar ba dang / sangs rgyas kyi zhing thams cad yongs su dag par bya ba dang / sems can thams cad kyi sdug bsngal gyi phung po rnam par bzlog pa dang / ngan song gi lam thams 
cad yongs su gcad pa dang / sems can thams cad kyi bde ba'i lam gyi sgo dbye ba dang / sems can thams cad kyi nyon mongs pa'i gdung ba rab tu zhi bar bya ba dang / sems can thams cad kyi mi shes pa'i sgrib pa rnam par gtor ba dang / 
sems can thams cad thams cad mkhyen pa nyid la dgod pa'i phyir rnam par 'phrul pa'i bye brag rnam pa sna tshogs mtha' yas pas chos kyi dbyings thams cad rgyas par 'gengs shing de'i rkang pa'i mthil gnyis nas/ tshong dpon gyi tshogs bkur </font><hr>37-1-350b<br><font size=+1>
sti dang / rim gro sna tshogs byed pa 'jig rten gyi khams thams cad du gtogs pa'i tshong dpon dang 'dra ba'i gzugs dang ldan pa lhag pa'i yul la spyod pa/ rgyan sna tshogs kyis lus shin tu klubs pa/ thor tshugs dang gtsug gi rin po che dang / 
cod pan sna tshogs thogs pa sangs rgyas kyi zhing grangs med pa'i rdul shin tu phra ba snyed byis pa bye ba 'phyes pa'i 'khor dang ldan pa byung ba mthong ngo / /bram ze dang khyim bdag mang po'i bza' btung rnam pa mang po dang / ro'i yan lag sna tshogs su sbyar ba 
thams cad dang / rgyan thams cad dang / gos thams cad dang / me tog thams cad dang / phreng ba thams cad dang / spos thams cad dang / byug pa thams cad dang / 'dod pa'i yod byad thams cad dang / rin po che thams cad dang / gnas thams 
cad dang / snod rnam pa sna tshogs thams cad dang / yo byad rnam pa sna tshogs thams cad kyis sems can dbul po rnams yongs su sdud cing / 'gro ba sdug bsngal ba rnams dbugs dbyung ba dang / sems can gyi sems tshim par bya ba dang / 
sems can gyi bsam pa rnam par dag par bya ba dang / sems can rnams byang chub tu yongs su smin par byed cing phyogs bcu bkang ste/ 'dong ba mthong ngo / /pus mo'i lha nga gnyis na rgyal rigs mkhas pa'i gzugs dang / bram ze mkhas 
pa'i gzugs dang / 'jig rten na mkhas pa'i gzugs dang / bzo sna tshogs la mkhas pa'i gzugs dang / mi'i 'gro ba'i rgyud na mkhas pa'i gzugs dang / 'jig rten pa dang / 'jig rten las 'das pa'i las kyi tshul dang / rgyus la gsal 
zhing mkhas pa'i gzugs dang / 'jig rten gyi slob dpon du bya bar mkhas pa'i gzugs cha byad rnam pa du ma dang ldan pa/ dbyibs dang rgyan rnam pa du ma dang ldan pa/ yid du 'ong ba'i tshig mang po brjod pas/ yid mi bde ba'i sems can rab tu </font><hr>37-1-351a<br><font size=+1>
dga' bar byed cing chos kyi nor gyis dbul ba'i sems can rnams la phan gdags pa dang / sdug bsngal ba'i sems can rnams bde bar bya ba dang / log par ltung ba'i sems can rnams mngon par gdon pa dang / 
theg pa'i gru la nyam nyes su gyur pa'i sems can rnams dbugs dbyung ba dang / 'jigs pa'i sems can rnams yongs su bskyab pa dang / dge ba'i rtsa ba'i sgra kun tu grags par bya ba dang / sdig pa las bzlog pa'i sgra yongs su bsgrag pa dang / 
dge ba'i chos yang dag par blang ba la sems can gzung ba dang / don spyod pa la sems can dgod pa dang / dga' ba'i shugs yongs su bskyed pa dang / snyan par smra ba'i bsdu ba'i dngos po yongs su brjod pa dang / 'jig rten la don 
mthun par bsgrub pa ston par byed cing phyogs bcu rgyas par bkang ste 'dong ba mthong ngo / /lte ba'i dkyil 'khor nas drang srong mang po 'gro ba thams cad kyi lus kyi dbyibs su 'khod pa/ pags pa dang shun pa'i gos gyon pa ril ba thogs pa/ 
gzugs dang cha byad dang dbyibs sna tshogs can spyod lam rab tu zhi ba dag byung bas/ steng gi bar snang las sangs rgyas kyi yon tan brjod pa byed cing / chos kyi sgra yongs su bsgrag pa dang / sangs rgyas kyi sgra brjod pa dang / byang chub 
sems dpa'i dge 'dun yongs su bstan pa dang / tshangs pa'i spyod pa yongs su brjod pa dang / dbang po dben pa la sems can dgong pa dang / rang bzhin med pa'i don rab tu brtag pa dang / ye shes kyi don la 'jig rten rab tu dgod pa dang / 
'jig rten gyi gtsug lag gi rnam pa yongs su brjod pa dang / thams cad mkhyen pa'i ye shes kyis 'byung ba'i lam gyi tshul rab tu bstan pa dang / mthar gyis bya ba'i las la sems can rab tu dgod pa byed cing / phyogs bcu bkang ste 'dong ba </font><hr>37-1-351b<br><font size=+1>
mthong ngo / /rtsib logs gnyis nas/ klu'i bu mo 'jig rten rgyu ba thams cad kyi grangs dang mnyam pa/ lus kyi dbyibs bsam gyis mi khyab pa du ma dang ldan pa byung ste klu'i rnam par 'phrul pa bsam gyis mi khyab pa yongs su bstan pa dang / spos 
kyi sprin gyi rgyan bsam gyis mi khyab pa nam mkha'i dbyings la byin gyis brlab pa dang / me tog gi sprin gyi rgyan bsam gyis mi khyab pas nam mkha'i dbyings thams cad brgyan pa dang / phreng ba'i sprin bsam gyis mi khyab pa'i rgyan gyis nam 
mkha'i dbyings thams cad rnam par klubs pa dang / rin po che'i gdugs kyi sprin bsam gyis mi khyab pa'i rgyan gyis/ /chos kyi dbyings thams cad yongs su khebs par bya ba dang / rin po che'i rgyal mtshan gyi sprin bsam gyis mi khyab pa'i 
rgyan dang / rin po che'i lha'i ba dan gyi sprin bsam gyis mi khyab pa'i rgyan dang / rin po che'i phyang 'phrul sna tshogs kyi sprin dang / char bsam gyis mi khyab pa'i rgyan dang / nor bu rin po che dam pa'i sprin gyi char 'bab pa bsam gyis mi khyab 
pa'i rgyan dang / rin po che'i se mo do sna tshogs dang / me tog gi sprin gyi char bsam gyis mi khyab pa'i brgyan dang / rin po che'i khri la skyil mo krung du 'khod pa'i byang chub sems dpa' sangs rgyas kyi chos kyi sprin gyi char bsam gyis mi khyab pa 
'bebs pa'i rgyan dang / lha rdzas kyi rin po che'i rgyan sna tshogs dang ldan pa'i lha'i bu mo mang po chos kyi glu snyan pa'i sgra dbyangs kyi sprin gyi char 'bebs pa bsam gyis mi khyab pa dang / rin po che'i pad mo ze ba mtho ba mu tig gi dra bas brgyan pa/ rin po che'i 
rgyal po thams cad kyi 'bru'i sprin gyi char rnam par 'thor ba bsam gyis mi khyab pa'i rgyan dang / rin po che'i cod pan gyi sprin nor bu rin po che thams cad kyis rab tu brgyan pa dang / 'od zer gyi sprin mtha' yas pa'i char 'bebs pa bsam gyis mi khyab pa'i rgyan dang /</font><hr>37-1-352a<br><font size=+1>
lha'i lus kyi sprin gyi me tog dang / phreng ba dang / gdugs dang / rgyal mtshan dang / lha'i ba dan bsam gyis mi khyab pa'i rgyan dang / lha'i bu mo mang po'i lus kyi sprin thal mo sbyar te/ gser gyi me tog snyim pas 'dor ba/ de bzhin gshegs pa 
la yon tan dang / legs pa thams cad du bstod pa'i sprin gyi 'brug sgra 'byin cing char 'bebs pa/ bsam gyis mi khyab pa'i rgyan nam mkha'i dbyings la byin gyis rlob cing / spos kyi phung po'i sprin rin po che thams cad kyi kha dog tu 'dug pa dang / bdug 
spos kyi na bun dang sprin shin tu rgya che bas de bzhin gshegs pa thams cad kyi 'khor gyi dkyil 'khor mngon par khebs par bya ba dang / 'jig rten gyi khams 'byam klas pa thams cad rab tu brgyan pa dang / sems can thams cad rab tu dga' bar bya ba dang / 
sangs rgyas thams cad mchod pas skad cig skad cig tu chos kyi dbyings thams cad rgyas par 'gengs pa tshong dpon gyi bu nor bzangs kyis mthong ngo / /mthong ka'i dpal gyi be'u nas lha ma yin gyi dbang po sangs rgyas kyi zhing grangs med pa'i rdul shin 
tu phra ba snyed byung ste/ lha ma yin gyi sgyus rnam par 'phrul pa bsam gyis mi khyab pa rab tu ston cing chu 'dzin chen po yongs su bskyam pa dang / 'jig rten gyi khams brgya stong rab tu bskyod pa dang / ri'i rgyal po chen po thams cad 'thab par bya ba dang / 
lha'i gnas thams cad yongs su bskyod pa dang / bdud kyi dkyil 'khor thams cad zil gyis gnan pa dang / bdud kyi sde thams cad rab tu gdul ba dang / nga rgyal dang rlom pa dang dregs pa thams cad rab tu gzhom pa dang / gnod par sems 
pa'i sems bzlog cing dga' bar bya ba dang / 'tho 'tsham pa'i sems phyir bzlog par bya ba dang / sems can rnams kyis mi dge ba'i chos rab tu zhi bar bya ba dang / nyon mongs pa'i ri rnam par gtor ba dang / nyon mongs pa'i thab mo shin tu zhi bar bya ba </font><hr>37-1-352b<br><font size=+1>
dang / lha ma yin gyi sgyus rnam par 'phrul pa dang / rnam par rtse ba sna tshogs kyis sems can rnams skyo bar bya ba dang / sdig pa las gyen du bskyod pa dang / 'khor bas 'jigs par bya ba dang / srid pa'i lam gyi rgyud thams cad nas gyen du 
bskyod de gnas med pa la rab tu gnas par bya ba dang / byang chub kyi sems la sems can rnams rab tu dgod pa dang / byang chub sems dpa' rnams kyi byang chub sems dpa'i spyod pa rnam par dag par bya ba dang / byang chub sems dpa' rnams pha 
rol tu phyin pa la rab tu dgod par bya ba dang / byang chub sems dpa'i sa la rab tu gzung ba dang / byang chub sems dpa' rnams kyis sangs rgyas kyi chos kyi tshul snang ba yongs su bskyed pa dang / chos kyi tshul rnam par dgod pa sna tshogs kyis 
sems kyi skad cig re re zhing chos kyi dbyings rgyas par 'gengs par byed pa/ tshong dpon gyi bu nor bzangs kyis mthong ngo / /rgyab kyi gzhung nas nyan thos dang / rang sangs rgyas mang po sangs rgyas kyi zhing grangs med pa'i rdul shin tu phra ba snyed byung nas 
nyan thos dang / rang sangs rgyas kyis 'dul ba'i sems can bdag tu mngon par zhen pa rnams la bdag med pa dang / sems can med pa yongs su brjod pa byed cing /rtag par mngon par zhen pa rnams la 'du byed thams cad myi rtag par yongs su bstan 
pa dang / 'dod chags kyi spyod pa can rnams la myi sdug pa dang / zhe sdang gi spyod pa can rnams la byams pa dang / gti mug gi spyod pa can rnams la rkyen las byung ba'i rten cing 'brel bar 'byung ba brjod pa dang / cha mnyam pa'i spyod pa can rnams la ye 
shes kyi yul dang ldan pa'i chos kyi tshul mngon par bstan pa dang / yul la mngon par dga' ba rnams la gnas med pa rab tu brjod pa dang / zhi ba la gnas su sems pa rnams la smon lam gyi khyad par gyis spro ba bskyed pa dang / phyogs kyi rgyud dang sgo thams </font><hr>37-1-353a<br><font size=+1>
cad du chos kyi tshul rgya mtsho'i rgyud dang / sgo thams cad sems can thams cad kyi don du brjod par byed cing chos kyi dbyings rgyas par 'gengs pa tshong dpon gyi bu nor bzangs kyis mthong ngo / /phrag pa'i lhun gnyis las gnod sbyin dang / 
srin po'i dbang po dbyibs sna tshogs dang ldan zhing lus mi sdug pa kha dog dang chu zheng sna tshogs can spyod lam gyi rnam pa sna tshogs dang ldan pa/ bzhon pa sna tshogs la zhon pa/ 'khor sna tshogs kyis yongs su bskor ba/ sems can gyi khams yongs su bskyang 
ba la brtson pa/ 'od sna tshogs kyis snang bar bya ba la brtson pa/ dbyangs sna tshogs rab tu sgrog pa/ sangs rgyas kyi zhing grangs med pa'i rdul shin tu phra ba snyed byung nas thabs mngon par bsgrub pa sna tshogs ma 'dres pas phyogs dang phyogs mtshams 
kun gyi nam mkha' rgyas par 'gengs shing dge ba'i spyod pa thams cad yongs su bsrung ba dang / 'phags pa'i dkyil 'khor thams cad yongs su bsrung ba dang / byang chub sems dpa' thams cad yongs su gzung ba dang / lag na rdo rje'i las kyis 
yang dag par song ba dang / yang dag par zhugs pa thams cad yongs su bsrung ba dang / sangs rgyas thams cad la mchod pa dang rim gro bya ba dang / sems can log par ltung ba rnams kyi ngan song gi lam gyi rgyud thams cad rnam par bzlog pa dang / 'jig rten 
thams cad kyi nad dang / gnod pa dang 'jigs pa thams cad zhi bar byed pa'i don du brtson pa/ sems can gyi don bya bas 'jig rten yongs su bskyang ba la brtson pa rnams bsod nams dang / ye shes kyi 'khor lo yongs su rdzogs par bya ba 
dang / chos kyi 'khor lo'i rjes su 'brang bar bya ba dang / phas kyi rgol ba'i 'khor tshar gcod par byed cing / chos kyi dbyings thams cad rgyas par 'gengs par byed pa/ tshong dpon gyi bu nor bzangs kyis mthong ngo / /mdun gyi lto nas myi 'am </font><hr>37-1-353b<br><font size=+1>
ci'i dbang po sangs rgyas kyi zhing grangs med pa'i rdul shin tu phra ba snyed mi'am ci'i dbang po'i bu mo'i 'khor brgya stong grangs med pa can dang / dri za'i dbang po sangs rgyas kyi zhing grangs med pa'i rdul shin tu phra ba snyed/ dri za'i dbang po'i bu mo'i 'khor 
brgya stong grangs med pa can dag byung nas/ lha'i rol mo brgya stong grangs med pa'i sgra snyan pa dang / glu'i dbyangs kyis chos kyi rang bzhin dang ldan pa'i sangs rgyas kyi bstod pa brjod pa byed cing / byang chub kyi sems yongs su bsngags pa dang / byang chub 
sems dpa'i spyod pa yongs su brjod pa dang / mngon par rdzogs par 'tshang rgya ba'i sgo thams cad la mngon par bstod pa dang / chos kyi 'khor lo'i sgo thams cad du 'jug pa dang / rnam par 'phrul pa'i sgo thams cad la mngon par spro bar bya ba dang 
yongs su mya ngan las 'da' ba'i sgo thams cad yongs su brjod pa dang / sangs rgyas kyis bstan pa'i sgo thams cad yongs su gzung ba dang / sems can gyi sgo thams cad rab tu dga' bar bya ba dang / sangs rgyas kyi zhing gi sgo thams cad yongs 
su dag par bya ba dang / chos kyi sgo thams cad mngon par bstan par bya ba dang / sgrib pa'i sgo thams cad rnam par bzlog par bya ba dang / dge ba'i rtsa ba'i sgo thams cad yongs su bskyed pa byed cing / chos kyi dbyings rgyas par 'gengs pa tshong 
dpon gyi bu nor bzangs kyis mthong ngo / /kha'i sgo nas 'khor los sgyur ba'i rgyal po rin po che bdun dang ldan zhing stobs kyi yan lag bzhi'i tshogs kyi 'khor dang ldan pa byung nas/ sbyin pa chen po'i 'od zer gyi rgyan rab tu 'gyed cing rin po che'i 
'byung gnas thams cad yongs su gtang ba dang / nor bu rin po che'i tshogs thams cad sbyin pa dang / dbul po rnams nor dang ldan par bya ba dang / srog gcod pa las 'jig rten rnam par bzlog pa dang / byams pa'i sems la sems can </font><hr>37-1-354a<br><font size=+1>
rab tu dgod pa dang / ma byin par len pa dang / rab tu dbral ba dang / rgyan gyis shin tu brgyan pa'i bu mo bye ba khrag khrig brgya stong yongs su gtang ba dang / 'dod pas log par g.yem pa las rnam par bzlog pa dang / 
tshangs pa'i spyod pa la rab tu dgod pa dang / brdzun du smra ba las rnam par bzlog pa dang / bslu ba myed pa la gzhol bar rab tu dgod pa dang / phra ma'i tshig las rnam par bzlog pa dang / gzhan 'dum par brtson pa'i tshig rab tu brjod pa dang / 
zhe gcod pa'i tshig las 'jig rten rnam par bzlog pa dang / 'jam zhing yid du 'ong ba'i tshig rab tu brjod pa dang / gnod pa'i chos dang ldan pa'i byung rgyal du smra ba las sems can rnam par bzlog pa dang / don zab mo'i tshig 
rab tu dbye ba gdon mi za ba la yang dag par dgod pa dang / ngag gi nyes pa thams cad las 'jig rten rnam par bzlog pa dang / snying rje dang ldan pa'i tshig rab tu brjod par bya ba dang / 'jig rten gyi snying gi dri ma yongs su sel cing 'dod pa chung ba 
dang / chog shes pa la brtson par sems can rab tu dgod pa dang / chags sems las 'jig rten rnam par bzlog pa dang / gzhan gyi sems kyi rgyud dga' bar byed pa la rab tu dgod pa dang / lta ba'i dra ba thams cad las 'jig rten rab 
tu gdon pa dang / yid gnyis kyi ra ba thams cad rnam par gtor ba dang / the tsom gyi spo thams cad yang rab tu gzhom pa dang / nem nur dang som nyi'i rab rib yongs su bstsal ba dang / chos rnam par dbye ba'i 'jig rten du rab tu dbye 
ba dang / rkyen las byung ba rab tu brjod pa dang / rang bzhin gyis bden pa'i tshul la sems can rab tu dgod pa dang / sgrib pa thams cad rnam par bzlog pa dang / sgrib pa med pa'i tshul la gzung ba dang / sangs rgyas kyi don gyi tshul sna tshogs brjod </font><hr>37-1-354b<br><font size=+1>
pa byed cing / phyogs bcu'i chos kyi dbyings rgyas par 'gengs pa tshong dpon gyi bu nor bzangs kyis mthong ngo / /mig gnyis nas nyi ma'i dkyil 'khor brgya stong sangs rgyas kyi zhing grangs med pa'i rdul shin tu phra ba snyed byung ste/ sems can dmyal ba 
chen po thams cad yongs su snang bar byed cing 'jig rten gyi mun pa chen po sel ba dang / sems can rnams kyi gti mug gi rab rib sel ba dang / grang ba'i sems can dmyal ba na 'khod pa'i sems can rnams kyi grang ba'i sdug bsngal rab tu zhi bar byed pa dang / 
sa'i rang bzhin gyi zhing rnams su 'od kha dog dkar po can rab tu 'gyed pa dang / gser gyi rang bzhin gyi zhing rnams su 'od be+eDUR+ya'i kha dog can rab tu 'gyed pa dang / be+e DUR+ya'i rang bzhin gyi zhing rnams su 'od dngul gyi kha dog can rab tu 'gyed pa dang / dngul gyi rang bzhin gyi 
zhing rnams su 'od gser gyi kha dog can rab tu 'gyed pa dang / gser gyi rang bzhin gyi zhing rnams su 'od shel gyi kha dog can rab tu 'gyed pa dang / gser gyi rang bzhin gyi zhing rnams su 'od mu tig dmar po'i kha dog can rab tu 'gyed pa dang / a smra gar+b+ha'i rang bzhin gyi zhing rnams 
su 'od gser gyi kha dog can rab tu 'gyed pa dang / gser gyi rang bzhin gyi zhing rnams su 'od a sma gar+b+ha'i kha dog can rab tu 'gyed pa dang / in dra nI la'i rang bzhin gyi zhing rnams su 'od rin po che'i rgyal po nyi ma'i snying po'i kha dog can rab tu 'gyed pa dang / rin po che'i rgyal po 
nyi ma'i snying po'i rang bzhin gyi zhing rnams su 'od rin po che'i rgyal po in dra nI la'i kha dog can rab tu 'gyed pa dang / mu tig dmar po'i rang bzhin gyi zhing rnams su 'od rin po che'i rgyal po zla ba'i 'od zer gyi dra ba dang dkyil 'khor gyi snying po'i kha dog can rab tu 'gyed pa dang / 
rin po che'i rgyal po zla ba'i 'od zer gyi dra ba dang dkyil 'khor gyi snying po'i rang bzhin gyi zhing rnams su 'od mu tig dmar po'i kha dog can rab tu 'gyed pa dang / rin po che gcig gi rang bzhin gyi zhing rnams su 'od rin po che sna tshogs kyi kha dog can rab tu 'gyed </font><hr>37-1-355a<br><font size=+1>
pa dang / rin po che sna tshogs kyi rang bzhin gyi zhing rnams su 'od rin po che gcig gi kha dog can rab tu 'gyed pa dang / de bzhin du byang chub sems dpa'i 'khor gyi dkyil 'khor thams cad du sems 
can gyi don tshad med pa la brtson zhing chos kyi dbyings rgyas par 'gengs pa tshong dpon gyi bu nor bzangs kyis mthong ngo / /smin mtshams kyi mdzod spu nas zla ba mang po sangs rgyas kyi zhing grangs med pa'i rdul shin tu phra ba snyed byung nas/ lha'i dbang po 
thams cad zil gyis gnon cing / 'jig rten thams cad kyi 'dod pa'i dga' ba rnam par bzlog pa dang / sangs rgyas blta bar dga' ba la rjes su bsngags pa byed cing / sems can tshad myed pa gdul ba la brtson par phyogs bcu'i chos kyi dbyings 
rgyas par 'gengs par mthong ngo / /'phral ba nas tshangs pa chen po spyod lam rab tu zhi ba sangs rgyas kyi zhing grangs med pa'i rdul shin tu phra ba snyed byung ba nas/ tshangs pa'i dbyangs su brjod de/ sangs rgyas thams cad la gsol ba gdab pa dang 
byang chub sems dpa' thams cad rab tu dga' bar bya ba byed cing sems can gyi don tshad med pa la brtson par phyogs bcu'i chos kyi dbyings rgyas par 'gengs pa tshong dpon gyi bu nor bzangs kyis mthong ngo / /mgo nas byang chub sems dpa' sangs rgyas 
kyi zhing grangs med pa'i rdul shin tu phra ba snyed byung nas/ kha dog dang dbyibs sna tshogs kyis brgyan pa'i lus yongs su ston cing / dpe byad bzang pos rnam par bris pa'i lus rab tu ston pa dang / 'od kyi dkyil 'khor gyi sprin mtha' dang 
dbus med pa rab tu dgye ba dang / ba spu'i bu ga thams cad nas sangs rgyas thams cad kyi sngon gyi byang chub sems dpa'i spyod pa nas bzung ste/ gtong ba dang len pa dang / dngos po yongs su gtong ba'i sprin mang po rab tu dgye ba dang / pha </font><hr>37-1-355b<br><font size=+1>
rol tu phyin pa sna tshogs dang ldan pa'i sngon gyi sbyor ba rgya mtsho yongs su bstan pa dang / sbyin pa'i spyod pa 'jig rten du yongs su brjod pa dang / ser sna'i dri ma rnam par bzlog pa dang / chags pa thams cad spang ba la sems can rab tu dgod pa dang / 
'jig rten rin po che sna tshogs thams cad kyi rgyan gyis brgyan par byin gyis brlab pa dang / sbyin pa'i pha rol tu phyin pa la sems can rab tu dgod pa dang / mtshan thams cad kyi yon tan yang dag par brjod pa dang / sangs rgyas kyi mtshan 'byung ba'i rgyu ston pa 
byed pa mthong ngo / /yang byang chub sems dpa' sangs rgyas kyi zhing grangs myed pa'i rdul shin tu phra ba snyed byung nas/ tshul khrims kyi pha rol tu phyin pa yongs su brjod cing / ba spu'i bu ga thams cad nas sangs rgyas thams cad kyi tshul khrims kyi pha 
rol tu phyin pa dang ldan pa'i sngon gyi sbyor ba rgya mtsho yongs su bstan pa dang / sems can thams cad lam gyi rgyud dang yul las phyir phyogs par byas te/ de bzhin gshegs pa'i yul la mngon du phyogs par bya ba dang / 'jig rten gyi 'dod pa la rnam 
par smad pa dang /'jig rten gyi phyin ci log gi ling tog rnam par bsal ba dang / log pa'i rnam par rtog pa rab tu zhi bar byas nas byang chub sems dpa'i tshul khrims la yang dag par dgod pa dang / snying rje chen po'i tshul khrims yongs 
su brjod cing de bzhin gshegs pa'i tshul khrims rab tu thob par bya ba'i phyir/ sangs rgyas kyi lam nan tan du bya ba'i tshul khrims la sems can rab tu dgod pa dang / srid pa'i lam gyi rgyud rmi lam lta bur sems can rnams la rab tu 
brjod cing / rmi lam gyi tshul dang mnyam par yongs su gzhol bar bya ba'i phyir yul yongs su 'dzin pa dang nyon mongs pa la dbang bsgyur bar sems can rnams rab tu dgod pa byed pa mthong ngo / /yang byang chub sems dpa' sangs rgyas </font><hr>37-1-356a<br><font size=+1>
kyi zhing grangs med pa'i rdul shin tu phra ba snyed byung nas/ 'jig rten rnams la mdog gser gyi kha dog lta bu mngon par ston cing / khro ba med pa dang / 'khrug pa med pa dang / shar gnyer ba med pa dang / zhe sdang ba med 
pa dang / chud gson pa med pa dang / khong khro ba med pa'i sems la sems can rab tu dgod pa dang / byol song gi skye gnas kyi lam gyi rgyud thams cad yongs su gcod pa'i phyir/ ba spu'i sgo thams cad nas bzod pa'i pha rol tu phyin pa dang 
ldan pa'i de bzhin gshegs pa'i sngon gyi sbyor ba'i sprin rab tu 'gyed cing bzod pa'i stobs la sems can rab tu dgod pa dang / chos la dbang bsgyur ba la sems can rab tu snang bar byed pa mthong ngo / /yang byang chub sems dpa' sangs rgyas 
kyi zhing grangs med pa'i rdul shin tu phra ba snyed byung ste/ byang chub sems dpa'i brtson 'grus kyi stobs mtha' yas pa shin tu ston cing / thams cad mkhyen pa nyid du brtsams pa las phyir myi ldog pa'i stobs kyis thos pa rgya mtsho yongs su btsal 
bas mi skyo bar bya ba yongs su brjod pa dang / de bzhin gshegs pa thams cad mchod cing rim gro bya ba la sems can rab tu gzud pa dang / sdug bsngal gyi phung po thams cad rnam par bzlog pa'i brtson 'grus chen po la sems can rab tu 
dgod pa dang / brtson 'grus kyi pha rol tu phyin pa dang ldan pa'i sngon gyi sbyor ba mang po'i sprin lus thams cad las rab tu 'gyed cing byang chub sems dpa'i brtson 'grus kyi pha rol tu phyin pa'i spyod pa yongs su bstan pa dang / sems 
can rnams kyi le lo'i ri rnam par gtor ba dang / brtson 'grus kyi pha rol tu phyin pa la sems can rab tu dgod pa dang las la dbang bsgyur ba la 'jig rten rab tu gzud pa dang / rgyun mi chad par brtson par byed pa mthong ngo / /yang byang chub </font><hr>37-1-356b<br><font size=+1>
sems dpa' sangs rgyas kyi zhing grangs med pa'i rdul shin tu phra ba snyed byung nas/ byang chub sems dpa' rnams kyi rjes su dran pa'i lam la sems can thams cad rab tu dgod cing sgrib pa dang / bar du gcod pa dang / rab rib thams cad rnam 
par sel ba dang / rlom pa dang bag med pa thams cad las sems can rnam par bzlog pa dang / bag yod pa'i chos la rab tu dgod pa dang / khengs pa 'gying ba dang / nga rgyal gyi rgyal mtshan rab tu snyol ba dang / sangs rgyas kyi bsam 
gtan gyi yan lag rgya mtsho brjod pa dang / 'jig rten rnams la bsam gtan gyi pha rol tu phyin pa yongs su bsngags pa dang / ba spu'i bu ga thams cad nas bsam gtan gyi pha rol tu phyin pa dang ldan pa'i sngon gyi tshul mang po'i sprin rab tu dgye 
ba dang / sems la dbang bsgyur ba la sems can rab tu dgod pa byed cing skad cig re re la chos kyi dbyings rgyas par 'gengs pa mthong ngo / /yang byang chub sems dpa' sangs rgyas kyi zhing grangs med pa'i rdul shin tu phra ba snyed 
byung ste/ ba spu'i bu ga thams cad nas sangs rgyas kyi chos yongs su tshol ba dang ldan pa'i sngon gyi sbyor ba mang po'i sprin rab tu dgye ba dang / dbyangs kyi yan lag rgya mtsho'i skad thams cad kyis shes rab kyi pha rol tu phyin pa'i sprin gyi 'brug sgra sgrog pa dang / 
yang dag par lta ba'i glog rab tu 'gyed pa dang / chos kyi rang bzhin gyi sgra dbyangs rab tu bsgrag pa dang / sems can rnams kyi bdag tu lta ba'i ri'i lhun rab tu gzhig pa dang / lta ba thams cad kyi zug rngu dbyung ba dang / the tsom dang yid 
gnyis dang nem nur gyi rab rib rnam par bstsal ba dang / ye shes kyi dbang yang dag par bsngags pa byed cing / sems kyi skad cig re re la chos kyi dbyings rgyas par 'gengs pa mthong ngo / /yang byang chub sems dpa' sangs rgyas kyi zhing </font><hr>37-1-357a<br><font size=+1>
grangs med pa'i rdul shin tu phra ba snyed byung nas/ sangs rgyas thams cad kyi thabs mkhas pa'i tshul gyi dkyil 'khor rab tu brjod pa byed cing ba spu'i bu ga thams cad nas thabs mkhas pa dang ldan pa'i sngon gyi sbyor ba mang 
po'i sprin rab tu dgye ba dang / 'jig rten rnams la thabs mkhas pa'i spyod pa rab tu brjod pa dang / theg pa chen po'i 'byung ba mngon par bstan pa dang / sangs rgyas thams cad kyi dkyil 'khor yang dag par bsngags pa dang / 'khor ba 
dang mya ngan las 'das pa tha myi dad pa'i byang chub sems dpa'i spyod pa yongs su bstan pa dang / byang chub sems dpa' rnams kyi thabs mkhas pa'i pha rol tu phyin pa la sems can rab tu dgod pa dang / 'jig rten rnams la byang chub sems 
dpa'i dbang gi dkyil 'khor rab tu bstan pa byed cing / sems bskyed pa re re la chos kyi dbyings rgyas par 'gengs pa mthong ngo / /yang byang chub sems dpa' sangs rgyas kyi zhing grangs med pa'i rdul shin tu phra ba snyed byung ste/ ba spu'i bu ga thams cad 
nas de bzhin gshegs pa thams cad kyi mtshan rgya mtsho'i sprin gyi 'brug sgra sgrog cing / ba spu'i bu ga thams cad nas byang chub sems dpa' sems can thams cad kyi smon lam gyi pha rol tu phyin pa yongs su dag pa dang ldan pa'i sngon gyi sbyor ba mang po'i sprin 
rab tu dgye ba dang / smon lam gyi pha rol tu phyin pa yang dag par bsngags pa dang / byang chub sems dpa'i dbang thams cad la sems can rab tu dgod pa dang / smon lam chen po'i shing rta'i 'khor lo phyi ma'i mtha'i mur thug par 'dril 
ba/ chos thams cad kyi rjes su 'brang ba nyon mongs pa thams cad rnam par bzlog pa/ mi shes pa'i ri rnam par 'thor ba/ 'jig rten du rab tu brjod pa byed cing / smon lam sna tshogs kyi rnam par 'phrul pas/ sems kyi skad cig re re </font><hr>37-1-357b<br><font size=+1>
la chos kyi dbyings rgyas par 'gengs pa mthong ngo // //sangs rgyas rmad gcad ces bya ba shin tu rgyas pa chen po'i mdo/ /bam po sum cu pa/ yang byang chub sems dpa' sangs rgyas kyi zhing grangs med pa'i rdul shin tu phra ba snyed 
byung ste/ byang chub sems dpa'i stobs rab tu snang bar bya ba dang / byang chub sems dpa'i stobs yongs su bsgrub pa'i sgra rab tu dbyung ba dang / ba spu'i bu ga thams cad nas stobs kyi pha rol tu phyin pa'i sgrub cing 'byin pa'i sngon gyi sbyor ba mang po'i 
sprin rab tu dgye ba dang / bdud dang phas kyi rgol ba thams cad kyis mi thub pa'i stobs yongs su bstan pa dang / khor yug dang rdo rje'i ri thams cad lus kyi steng du rdib kyang mi nyams pa'i stobs rab tu brjod pa dang / bskal pas 
tshig pa thams cad kyi me rgya mtsho'i nang na gnas kyang lus la gnod pa med pa'i stobs yongs su bstan pa dang / 'jig rten gyi khams 'byam klas pa thams cad lag pa'i mthil gyi nam mkha'i dbyings su ston pa'i stobs yongs su ston pa byed 
cing / sems kyi skad cig re re la chos kyi dbyings su 'gengs pas rgyun mi gcod pa mthong ngo / /yang byang chub sems dpa' sangs rgyas kyi zhing brjod du med pa'i rdul shin tu phra ba snyed byung nas/ sems can rnams la ye shes kyi dkyil 'khor ston cing 
ba spu'i bu ga thams cad nas ye shes kyi pha rol tu phyin pa yongs su dag pa dang ldan pa'i sngon gyi sbyor ba mang po'i sprin rab tu dgye ba dang / 'jig rten rnams la sangs rgyas thams cad kyi yon tan dang / ye shes mngon par shes pa dang ldan pa'i ye shes 
kyis rab tu brjod pa dang / sangs rgyas thams cad kyi mtshan mngon par shes pa dang ldan pa'i ye shes kyis mngon par bstan pa dang / smon lam thams cad mngon par bsgrub pa'i ye shes mngon par shes pa dang ldan pa'i ye shes kyis yongs su brjod pa dang /</font><hr>37-1-358a<br><font size=+1>
sems can thams cad yongs su bsdu ba'i smon lam mngon par bsgrub pa'i ye shes mngon par shes pa dang ldan pa'i ye shes kyis shin tu yangs par bya ba dang / sems can thams cad bdag myed pa'i rang bzhin la gzud pa 
mngon par shes pa dang ldan pa'i ye shes kyis rnam par bstan pa dang / sems can thams cad kyi sems rgya mtsho rnam par blta ba mngon par shes pa dang ldan pa'i ye shes kyis rab tu brjod pa dang / sems can thams cad kyi dbang po rnam par 
dbye ba'i ye shes mngon par shes pa dang ldan pa'i ye shes kyis rab tu dbye ba dang / sems can thams cad kyi bsam pa dang mos pa rnam par blta ba'i ye shes mngon par shes pa dang ldan pa'i ye shes kyis yang dag par brjod pa dang / sems can 
thams cad kyi las rgya mtsho la 'jug pa'i ye shes mngon par shes pa dang ldan pa'i ye shes kyis rnam par grol ba dang / sems can thams cad kyi smon lam rgya mtsho la 'jug pa'i ye shes mngon par shes pa dang ldan pa'i ye shes kyis yongs su bstan 
pa byed cing / sems kyi skad cig re re la chos kyi dbyings rgyas par 'gengs pa tshong dpon gyi bu nor bzangs kyis mthong ngo / /spyi bo'i gtsug tor gyi gseb nas de bzhin gshegs pa'i sku sangs rgyas kyi zhing grangs med pa'i rdul shin tu phra ba snyed 
mtshan dam pa dang / dpe byad bzang po rnam par dag pas brgyan pa/ 'dzam bu chu klung gi gser gyi ri bo shin tu 'bar ba ltar snang ba 'od kyi dkyil 'khor phyogs bcur spa zhing tshad med par 'bar ba dang / chos kyi dbyings tshul gyis rgyas par 'gengs pa'i 
dbyangs mnga' ba/ sangs rgyas kyi rnam par 'phrul pa mtha' dang dbus med pa yongs su ston pa 'gro ba thams cad la tha mi dad par chos kyi sprin gyi char mngon par 'bebs pa ste/ 'di ltar snying po byang chub mchog tu phyin pa'i byang chub sems dpa' </font><hr>37-1-358b<br><font size=+1>
rnams la chos kyi dbyings kyi gzhi'i bye brag mngon sum du shes pa'i sprin ces bya ba'i chos kyi sprin gyi char mngon par dbab pa dang / byang chub sems dpa' dbang bskur ba thob pa rnams la gzhi kun tu rten pa'i sprin ces bya ba'i chos kyi sprin gyi char mngon par dbab pa 
dang / byang chub sems dpa' chos chen po'i rgyal tshab tu dbang bskur ba rnams la sgo kun nas 'jug pa zhes bya ba'i chos kyi sprin gyi char mngon par dbab pa dang / byang chub sems dpa' gzhon nur gyur pa rnams la kun nas brgyan pa zhes bya ba'i chos kyi 
sprin gyi char mngon par dbab pa dang / byang chub sems dpa' phyir mi ldog pa rnams la snying rje chen po'i tshogs shin tu brtan pa zhes bya ba'i chos kyi sprin gyi char mngon par dbab pa dang / byang chub sems dpa' lhag pa'i bsam pa dag pa rnams 
la chos thams cad kyi rang bzhin gyi bye brag shes pa'i rdo rje zhes bya ba'i chos kyi sprin gyi char mngon par dbab pa dang / byang chub sems dpa' sngon gyi sbyor ba dang ldan pa rnams la 'gro ba yongs su sdud pas kun nas brgyan pa zhes bya ba'i chos kyi sprin gyi char mngon par dbab 
pa dang / byang chub sems dpa' cher skyes pa rnams la dus gsum gyi de bzhin gshegs pa'i dkyil 'khor mngon sum du dmigs pa'i sprin ces bya ba'i chos kyi sprin gyi char mngon par dbab pa dang / byang chub sems dpa' rnal 'byor la spyod 
pa rnams la chos thams cad kyi rang bzhin dang gzhi rab tu sgrog pa zhes bya ba'i chos kyi sprin gyi char mngon par dbab pa dang / byang chub sems dpa' las dang po pa rnams la snying rje chen po'i tshul dang thabs kyi snying po'i sprin kun tu 'byung ba zhes bya ba'i 
chos kyi sprin gyi char mngon par dbab pa dang / byang chub sems dpa' sems dang po bskyed pa rnams la dga' bar bgyi ba'i mdzod shin tu bstsags pa'i snying po zhes bya ba'i chos kyi sprin gyi char mngon par dbab pa dang / byang chub sems dpa' </font><hr>37-1-359a<br><font size=+1>
yangs pa la mos pa rnams la rnam par thar pa mi zad pa dang / de bzhin gshegs pa'i smon lam gyis dga' bar byed pa'i mdzod ces bya ba'i chos kyi sprin gyi char mngon par dbab pa dang / gzugs la spyod pa'i sems can 
rnams la gzhi kun tu mi zad pa'i mdzod ces bya ba'i chos kyi sprin gyi char mngon par dbab pa dang / tshangs pa'i ris kyi lha rnams la tshul rgya mtsho tshad med pa'i 'brug sgra'i dbyangs shes bya ba'i chos kyi sprin gyi char mngon par dbab pa dang / dbang bsgyur gyi 
lha rnams la stobs 'byung ba'i chos kyi yo byad mi zad pa'i mdzod ces bya ba'i chos kyi sprin gyi char mngon par dbab pa dang / bdud kyi ris kyi lha rnams la thams cad mkhyen pa nyid kyi tshogs rgyal mtshan sna tshogs can yang dag par bsgrub pa'i dbyangs shes 
bya ba'i chos kyi sprin gyi char mngon par dbab pa dang / 'phrul dga'i lha rnams la ye shes rin po che sna tshogs la brtson pa zhes bya ba'i chos kyi sprin gyi char mngon par dbab pa dang / dga' ldan gyi lha rnams la byang chub sems dpa'i smon 
lam rin po che sna tshogs kyi rgyal mtshan zhes bya ba'i chos kyi sprin gyi char mngon par dbab pa dang / mtshe ma'i lha rnams la de bzhin gshegs pa thams cad rjes su dran pa'i mdzod ces bya ba'i chos kyi sprin gyi char mngon par dbab pa dang / 
lha'i dbang po brgya byin gyi gnas su de bzhin gshegs pa mthong bas dge ba'i shugs 'byung ba zhes bya ba'i chos kyi sprin gyi char mngon par dbab pa dang / gnod sbyin gyi dbang po'i gnas su chos kyi dbyings kyi nam mkha' la de bzhin gshegs 
pa'i gnas rnam par 'phrul pas rgyas par 'gengs pa zhes bya ba'i chos kyi sprin gyi char mngon par dbab pa dang / dri za'i dbang po'i gnas su de bzhin gshegs pa thams cad kyi chos yang dag par bgro ba zhes bya ba'i chos kyi sprin gyi char mngon par </font><hr>37-1-359b<br><font size=+1>
dbab pa dang / lha ma yin gyi gnas su ye shes kyi tshul rdo rje'i dkyil 'khor ces bya ba'i chos kyi sprin gyi char mngon par dbab pa dang / nam mkha' lding gi dbang po'i gnas su de bzhin gshegs pa thams cad 'byung ba'i thabs kyi sprin ces bya 
ba'i chos kyi sprin gyi char mngon par dbab pa dang / mi'am ci'i dbang po'i gnas su chos kyi sprin yang dag par 'gro ba thams cad kyi dbyangs shes bya ba'i chos kyi sprin gyi char mngon par dbab pa dang / klu'i dbang po'i gnas su byang chub sems dpa'i 
rnam par 'phrul pa sgrog cing srid pa'i lam gyi rgyud las skyo ba bskyed pa zhes bya ba'i chos kyi sprin gyi char mngon par dbab pa dang / lto 'phye chen po'i dbang po'i gnas su dga' ba rgya mtsho rnam par 'phel bar byed pa'i shugs shes bya ba'i chos kyi sprin gyi char 
mngon par dbab pa dang / myi'i gnas su 'gro ba thams cad las khyad par du 'phags pa'i ye shes rnam par 'byed pa zhes bya ba'i chos kyi sprin gyi char mngon par dbab pa dang / sems can dmyal ba'i 'jig rten du 'khor ba'i sdug bsngal thams cad 
rab tu zhi ba'i dbyangs dang / 'phags pa'i lam gyi tshig gi rgyud kyis brgyan pa zhes bya ba'i chos kyi sprin gyi char mngon par dbab pa dang / byol song gi skye gnas su las kyi lam kha na ma tho ba med pa la nan tan du bya ba'i dbyangs dang / de bzhin 
gshegs pa rjes su dran pa'i sprin gyi dkyil 'khor gyi lhun ces bya ba'i chos kyi sprin gyi char mngon par dbab pa dang / gshin rje'i 'jig rten du de bzhin gshegs pa thams cad kyi pha rol tu phyin pa bsgrag pa/ sems can thams cad 
kyi gtong ba'i sems 'byung ba zhes bya ba'i chos kyi sprin gyi char mngon par dbab pa dang / sems can log par ltung ba rnams la sdug bsngal thams cad zhi ba rab tu 'thob pas dbugs 'byung ba'i dbyangs kyi nga ro zhes bya ba'i chos kyi sprin gyi char </font><hr>37-1-360a<br><font size=+1>
mngon par dbab pa mdzad cing chos kyi dbyings rgyas par 'gengs pa tshong dpon gyi bu nor bzangs kyis mthong ngo / /ba spu'i bu ga thams cad las ba spu'i sgo re re nas kyang 'od zer gyi dra ba dang / dkyil 'khor gyi kha dog dang 
gzugs kyi glong dang rgyan grangs med pa can dgos pa sna tshogs grangs med pa la sta gon du gnas pa/ sangs rgyas kyi zhing grangs med pa'i rdul shin tu phra ba snyed byung nas/ phyogs bcu'i chos kyi dbyings rgyas par 'gengs pa mthong ste/ 'di 
ltar ba spu'i sgo'i 'od zer gyi dra ba dang / dkyil 'khor la la las ni sbyin pa'i spyod pa skyon med pas/ bdog pa thams cad yongs su gtong ba rnam par 'phrul pa mthong ngo / /ba spu'i sgo'i dra ba dang / dkyil 'khor la la las ni dus gsum 
gyi byang chub sems dpa' thams cad kyi tshul khrims dang brtul zhugs dang / yi dam dang tshul khrims kyi dkyil 'khor du rnam par 'phrul pa mthong ngo / /ba spu'i sgo'i 'od zer gyi dra ba dang / dkyil 'khor la la las ni byang chub sems 
dpa' thams cad bzod pa'i spyod pa'i rnam pa dus gsum du byung ba'i byang chub sems dpa' rnams rka lag dang / yan lag gi dam pa bcad kyang nyams su bzod pa byed pa'i rnam par 'phrul pa dang / khu tshur dang dbyig pas bsnun te/ mtshon 
gyis lus la btab kyang nyams su bzod par byed pa'i rnam par 'phrul pa dang / lus thams cad gshegs sam/ snying dang myig phyung yang nyams su bzod pa byed pa'i rnam par 'phrul pa mthong ngo / /byang chub sems dpa' dus gsum du byung 
ba rnam par brtags pa'i lus dang ldan pa gzhan dag gis thams cad mkhyen pa nyid yongs su btsal ba'i ched du lus dang / sems la gnod pa thams cad dang yan lag dang nying lag bcad pa thams cad kyang snying rje chen pos dbang du byas pa'i phyir nyams </font><hr>37-1-360b<br><font size=+1>
su bzod par byas pa dang / bag la zha bar byas pa dang btang snyoms su bzhag pa'i byang chub sems dpa'i bzod pa'i spyod pa rnam par 'phrul pa'i gzugs brnyan gyi gzugs de lta bu dag kyang mthong ngo / /ba spu'i sgo'i 'od zer gyi dra ba dang / 
dkyil 'khor la la las ni byang chub sems dpa' thams cad kyi brtson 'grus kyi spyod pa rnam pa tha dad pa rnam par phye ba'i gzugs dang / byang chub sems dpa' 'das pa dang / ma 'ongs pa dang da ltar byung ba'i brtson 'grus kyi rnam 
par 'phrul pa 'jig rten yongs su bskyod pa dang rgya mtsho yongs su bskyod pa dang / sems can yongs su skyo bar bya ba dang / mu stegs can thams cad yongs su tshar gcad pa dang / bdud thams cad spa dgong ba dang / chos kyi phyogs snang bar 
bya ba'i byang chub sems dpa'i mthu chen por rnam par 'phrul pa mthong ngo / /ba spu'i sgo'i 'od zer gyi dra ba dang / dkyil 'khor la la las ni byang chub sems dpa' thams cad kyi spyod pa rnam par rgyu ba'i rnam grangs ji snyed pa dang lus nye bar len pa ji 
snyed pa dang / rigs su skye ba yongs su bzung ba ci snyed pa dang / gzugs kyi lus yongs su grub pa ji snyed pa dang / dge ba'i bshes gnyen gyis rjes su bstan pa yongs su bzung ba ji snyed pa dang / dge ba'i bshes gnyen gyis man ngag la nan tan du bya ba'i gnas ji snyed pa dang / de bzhin gshegs pa'i bsam 
gtan gyi yan lag yongs su bsgrub pa dang / 'thun pa'i gtsug lag khang dang / gnas dang / gzhal med khang dang / yul dang / ri'i su la ji snyed pa dang / bsam gtan gyi yan lag de dag sus yongs su bsgrub pa'i drang srong gi lus ji snyed pa dang / rgyal po'i thabs ji snyed 
pa dang / 'byung ba la mngon par mos pa ji snyed pa dang / brtul zhugs dang yi dam dang / tshul dang spyod lam ji snyed pa de dag thams cad kyang tshong dpon gyi bu nor bzangs kyis mthong ngo / /ba spu'i sgo'i 'od zer gyi dra ba dang / dkyil 'khor la la </font><hr>37-1-361a<br><font size=+1>
las ni shes rab kyi pha rol tu phyin pa'i spyod pa la rnam par spyod cing / chos thams cad yongs su tshol ba dang ldan pa'i lus yongs su bzung ba mthong ste/lus gang gis chos kyi tshig gcig gi don du yang ba dog pa thams cad yongs 
su btang ste/ sems can thams cad las yongs su btsal ba dang rim gro dang / bkur sti thams cad kyis dge ba'i bshes gnyen thams cad las yongs su btsal ba dang / dad pa dang sri zhus lus rab tu btud de/ de bzhin gshegs pa rnams 
las yongs su btsal ba dang / chos kyi tshig gcig la ji lta ba de bzhin du shes rab kyi pha rol tu phyin pa dang ldan pa'i chos kyi tshig thams cad la'ang de bzhin te/ 'gro ba thams cad du gzugs brnyan byung ba'i lus thams cad kyi yongs su btsal ba de dag 
thams cad kyang tshong dpon gyi bu nor bzangs kyis ba spu'i sgo gcig gi 'od zer gyi dra ba dang dkyil 'khor las mthong ngo / /ba spu'i sgo'i 'od zer gyi dra ba dang / dkyil 'khor la la las ni byang chub sems dpa' thams cad kyi sems can yongs su smin 
par bya ba'i thabs 'gro ba'i rgyud rgya mtsho thams cad du 'byam klas pa/ sems can thams cad yongs su bsdu ba'i sbyor bar mthong ngo / /sems can re re la yang lus dang spyod pa'i tshul gyi sgo/ sngon gyi lus nye bar blangs pa thabs mkhas 
pa'i spyod pa la brtson pa/ sems can thams cad kyi lus dang 'dra bas yongs su sdud pa yang ba spu'i sgo'i 'od zer gyi dra ba'i dkyil 'khor gcig las mthong ngo / /ba spu'i sgo'i 'od zer gyi dra ba'i dkyil 'khor la la las ni sngon bcom ldan 'das kyi 
bskal pa thams cad kyi smon lam mngon par bsgrubs pa'i spyod pa dang / sems can thams cad yongs su smin par bya ba'i smon lam mngon par bsgrubs pa'i spyod pa dang / zhing thams cad yongs su dag par bya ba'i smon lam mngon par bsgrubs pa mdzad </font><hr>37-1-361b<br><font size=+1>
pa ji snyed pa dang / smon lam thams cad mngon par bsgrubs pa'i dkyil 'khor ji snyed cig de bzhin gshegs pa de dang de dag gi zhabs kyi drung du 'khor ba'i skyon thams cad las so so'i re re'i gnyen por mngon par bsgrubs par mdzad pa/ de dag thams 
cad kyang tshong dpon gyi bu nor bzangs kyis ba spu'i sgo'i 'od zer gyi dra ba'i dkyil 'khor gcig las mthong ngo / /ba spu'i sgo'i 'od zer gyi dra ba'i dkyil 'khor la la las ni stobs kyi pha rol tu phyin pa'i spyod pa thams cad dang ldan pa'i sngon gyi sbyor 
ba rgya mtsho mthong ngo / /ba spu'i sgo'i 'od zer gyi dra ba'i dkyil 'khor la la las ni ye shes kyi spyod pa rnam par rgyu ba thams cad dang ldan pa mi shes pa'i gnyid kyis log pa'i sems can sad par byed pa'i rang bzhin dang ldan pa'i sngon gyi sbyor ba rgya mtsho 
mthong bar gyur to/ /de nas tshong dpon gyi bu nor bzangs dge slong rgya mtsho'i rgyal mtshan de ltar mnyam par bzhag pa la sems shing rtog pa dang / ting nge 'dzin gyi rnam par thar pa'i dkyil 'khor de rjes su dran par bya ba dang / byang chub 
sems dpa'i ting nge 'dzin gyi khyu mchog gi mthu phyung ba de la rjes su rnam par bsam pa dang / sems can gyi don gyi tshul rgya mtsho de la 'jug par bya ba dang / mngon par 'du bya ba'i sgo rgyud kun la mngon du gnas pa'i rgyan de'i rjes su 'brang zhing khong 
du chud par bya ba dang / chos kyi dbyings kyi rgyan rnam par dag pa'i ye shes kyi sgo de la 'jug par bya ba dang / sangs rgyas kyi byin gyi rlabs yang dag par mnod pa'i ye shes de la rab tu brtag pa dang / byang chub sems dpa'i dbang gi 
stobs de yongs su bskyed pa dang / byang chub sems dpa'i smon lam gyi stobs de brtan par bya ba dang / byang chub sems dpa'i spyod pa'i stobs de shin tu rgyas par bya ba byed cing / dge slong rgya mtsho'i rgyal mtshan gyi mdun du nyin zhag gcig </font><hr>37-1-362a<br><font size=+1>
kyang lon no/ /nyin zhag gnyis dang bdun yang lon no/ /zla ba phyed dang zla ba gcig dang / zla ba gnyis dang zla ba drug gi bar dang / nyin zhag kyang drug tu dge slong rgya mtsho'i rgyal mtshan gyi mdun du lon te/ de ltar zla ba drug dang / 
nyin zhag drug 'das nas dge slong rgya mtsho'i rgyal mtshan ting nge 'dzin de las langs so/ /de nas nor bzangs kyis smras pa/ 'phags pa ting nge 'dzin 'di de ltar zab la/ de ltar rgya che zhing de ltar tshad ma mchis pa'i yul dang ldan pa dang / de ltar bsam gyis 
mi khyab pa'i rgyan dang ldan pa dang / de ltar snang ba mtshungs pa ma mchis pa dang / de ltar grangs ma mchis pa'i rgyan dang ldan pa dang / de ltar mi 'phrogs pa'i spyod yul dang ldan pa dang / de ltar ma 'dres pa'i yul dang ldan pa dang / de ltar phyogs kun tu rnam par snang ba dang / ting nge 
'dzin 'di de ltar sems can gyi don tshad ma mchis pa rab tu sgrub par gyur pa ni ngo mtshar te/ de ni sems can thams cad kyi sdug bsngal gyi phung po tshad ma mchis pa rnam par zhi bar bgyi ba la sta gon du gnas pa ste/ 'di ltar dbul ba'i sdug bsngal 
zhi bar bgyi ba la sta gon du gnas so/ /sems can dmyal ba'i lam gyi rgyud rgyun bcad pa dang / byol song gi skye gnas kyi lam gyi rgyud las yongs su bskyab pa dang / mi khom pa'i lam gyi rgyud kyi sgo thams cad gcad pa dang / mtho ris kyi lam gyi rgyud 
du phyin par bgyi ba dang / lha dang mi'i dga' ba dang / bde ba 'byung bar bgyi ba dang / bsam gtan gyi yul gyis dga' ba nyams su myong bar bgyi ba dang / 'dus byas la spyod pa'i bde ba yongs su 'phel bar bgyi ba dang / khams gsum pa 
las 'byung ba'i sgo yongs su bstan pa la sta gon du gnas so/ byang chub kyi sems yang dag par skye ba'i rgyu yongs su brjod pa la sta gon du gnas so/ /bsod nams dang ye shes kyi tshogs yang dag par skye ba'i rgyu rnam par 'phel bar bgyi ba dang /</font><hr>37-1-362b<br><font size=+1>
snying rje chen po'i shugs rgya chen po rnam par 'phel bar bgyi ba dang / smon lam chen po'i stobs yongs su bskyed par bgyi ba dang / byang chub sems dpa'i lam snang ba rab tu thob par bgyi ba dang / pha rol tu phyin pa chen po'i theg pa rnam par dgod 
pa dang / theg pa chen po'i khyad par la 'jug pa mngon par bsgrub pa dang / kun tu bzang po'i spyod pa shes shing snang bar bgyi ba dang / byang chub sems dpa'i sa shes shing snang ba thob par bgyi ba dang / byang chub sems dpa' thams cad kyi smon 
lam dang spyod pa dang / 'byung ba'i rgyan rnam par dag pa yongs su bsgrub pa dang / thams cad mkhyen pa'i sa gnan pa la thogs pa ma mchis par bgyi ba la sta gon du gnas pa'o/ /'phags pa ting nge 'dzin de'i ming ci zhes bgyi smras pa/ 
rigs kyi bu shes rab kyi pha rol tu phyin pa kun nas lta ba'i btang snyoms yongs su thob pa zhes bya ba yod de/ ting nge 'dzin 'di ni de'i snang ba ste/ sgo kun nas rnam par dag pa'i rgyan ces bya'o/ /rigs kyi bu shes rab kyi pha rol tu phyin pa kun 
nas lta ba'i btang snyoms rab tu thob pa'i snang ba las skyes pa'i ting nge 'dzin sgo kun nas rnam par dag pa'i rgyan ces bya ba 'di shin tu bsgoms na sgo kun nas rnam par dag pa'i rgyan la stsogs pa ting nge 'dzin brgya stong grangs med pa phrag bcu tshang ba 
yongs su 'grub par 'gyur ro/ /smras pa/ 'phags pa ting nge 'dzin 'di+i'i yul der bas sam ma bas/ smras pa/ rigs kyi bu ting nge 'dzin 'di la snyoms par zhugs pa la ni 'jig rten gyi khams rnam par dmigs pa la thogs pa med do/ /
'jig rten gyi khams su 'jug par bya ba la thogs pa med do/ /'jig rten gyi khams rnam par gnon pa la thogs pa med do/ /'jig rten gyi khams yongs su brgyan pa la thogs pa med do/ /'jig rten gyi khams yongs su sbyang ba la </font><hr>37-1-363a<br><font size=+1>
thogs pa med do/ /'jig rten gyi khams yongs su dag par bya ba la thogs pa med do/ /sangs rgyas blta zhing rnam par dmigs par bya ba la thogs pa med do/ /sangs rgyas kyi bdag nyid che ba brtag pa la thogs 
pa med do/ /sangs rgyas kyi rnam par 'phrul pa yongs su shes par bya ba la thogs pa med do/ /sangs rgyas kyi stobs la 'jug cing khong du chud par bya ba la thogs pa med do/ /sangs rgyas kyi yon tan rgya mtshor 'jug pa la thogs pa med do/ /sangs 
rgyas kyi chos kyi sprin gyi char yongs su gzung ba la thogs pa med do/ /sangs rgyas kyi chos kyi 'khor lo 'khor ma 'dres pa shes shing khong du chud par bya ba la thogs pa med do/ /sangs rgyas kyi 'khor gyi dkyil 'khor rgya mtsho la 'jug cing 
khong du chud par bya ba la thogs pa med do/ /phyogs bcur 'jug cing rjes su bgrang bar bya ba la thogs pa med do/ /sangs rgyas kyi chos bstan pa rjes su brtag par bya ba la thogs pa med do/ /sangs rgyas kyi phyogs rjes su brtag par bya ba la 
thogs pa med do/ /snying rje chen po'i phyogs rnam par mi spang ba la thogs pa med do/ /byams pas phyogs rgyas par dgang ba la thogs pa med do/ /sangs rgyas blta ba'i phyogs la 'jug pas mi ngoms par bya ba la thogs pa med do/ /
sems can rgya mtsho thams cad du 'jug cing khong du chud par bya ba la thogs pa med do/ /sems can gyi dbang po rgya mtsho thams cad shes shing khong du chud par bya ba la thogs pa med do/ /sems can gyi dbang po tha dad pa thams cad shes par bya ba la thogs 
pa med do/ /rigs kyi bu kho bos ni shes rab kyi pha rol tu phyin pa la rnam par spyod pa 'di shes su zad na/ byang chub sems dpa' shes rab kyi pha rol tu phyin pa la rnam par spyod pa rgya mtsho la zhugs pa chos kyi dbyings kyi yul la blo gros rnam par </font><hr>37-1-363b<br><font size=+1>
dag pa/ chos thams cad la rig pa rjes su 'brang ba'i ye shes can/ blo shin tu yangs pas tshad med pa'i yul rgyas par 'gengs pa gzungs chen po'i snang ba la dbang bsgyur ba/ ting nge 'dzin gyi dkyil 'khor snang ba thams cad shin tu dag pa 
mngon par shes pa rnam par 'grul ba dang / khyu mchog gi mthu 'byin pa la shin tu byung ba so so yang dag par rig pa mi zad pa'i rgya mtsho la zhugs pa/ ngag snyan pa sa'i snying po dang ldan pa brjod pa 'gro ba thams cad kyi rten du gyur pa rnams kyi spyod 
pa shes pa'am/ yon tan brjod pa'am/ spyod yul bstan pa'am/ yul rab tu brjod pa'am/ smon lam chen po'i stobs yang dag par bsngags pa'am/ 'byung ba'i sgo yongs su snang bar bya ba 'am/ yang dag par bsgrub pa mngon par 
brjod pa'am/ lam yongs su bstan pa'am/ ting nge 'dzin gyi rgyun gyi rjes su 'brang bar bya ba'am/ sems kyi yul shes par bya ba'am/ ye shes mnyam pa nyid khong du chud par bya bar nus re skan/ /song rigs kyi bu lho phyogs kyi rgyud 'di nyid na 
phyogs kyi gnas rgya mtsho rnam par rlob pa zhes bya ba yod de/ de na bza' shing gi ra ba kun nas rnam par brgyan pa zhes bya ba zhig grong khyer 'od chen po zhes bya ba'i shar phyogs logs na yod de/ de na shed las skyes pa'i rgyal po 'od bzangs kyi chung 
ma dge bsnyen ma yid bzhin zhes bya ba yod kyis/ de'i gan du song la ji ltar byang chub sems dpas byang chub sems dpa'i spyod pa la bslab par bya ba dang / ji ltar nan tu bya ba dris shig /de nas tshong dpon gyi bu nor bzangs dga' rangs te/ 
mgu zhing nyams bde la tshim zhing yid bde ba skyes nas/ dge slong rgya mtsho'i rgyal mtshan las snying po yongs su blangs te/ chos kyi nye bar 'tsho ba byas pa/ ting nge 'dzin gyi yul la zhugs pa/ snang ba thob pa ye shes kyis snang bar gyur pa/ ting nge </font><hr>37-1-364a<br><font size=+1>
'dzin gyi snang ba rab tu thob pa/ mos pa rnam par dag pa khong du chud pa/ sems can chos kyi tshul gyis snang ba'i rjes su song ba/ rnam par dag pa'i sgos snang ba dang ldan par gyur pa/ phyogs su ye shes kyi snang ba rab 
tu 'dal ba des/ dge slong rgya mtsho'i rgyal mtshan gyi rkang pa gnyis la spyi bos phyag 'tshal te/ lan brgya stong du mar g.yas phyogs su bskor ba byas nas/ dge slong rgya mtsho'i rgyal mtshan la btud de phyag 'tshal nas/ yang dang yang lta zhing 
yang dang yang mngon par blta ba dang / phyag bya ba dang / rab tu gdud pa dang / gus par bya ba dang / rim gror bya ba dang / yid la bya ba dang / bsam pa dang / bsgom pa dang / yongs su bsgom pa dang / legs par brjod pa dang / ngo mtshar du bya ba 
dang / yon tan mngon du bya ba dang / rjes su bsngags pa dang / rjes su 'brang bar bya ba dang / rjes su dran par bya ba dang / brtan par bya ba dang / mi gtang ba dang / yid la bsam pa dang / rjes su 'brang bar bya ba dang / smon lam gyi rjes su 'jug par bya ba 
dang / mthong bar dga' ba dang /dbyangs kyi mtshan ma gzung ba dang / gzungs kyi rjes su bsam pa dang / ming yongs su gzung ba'i rjes su song ba'i sems dang ldan par bya ba dang / kha dog dang / dbyibs rjes su dran par bya ba dang / ye shes kyi yul rjes su 
bsam pa dang / ting nge 'dzin gyi yul la rjes su 'jug par bya ba dang / smon lam gyi yul la rjes su 'brang bar bya ba dang / spyod yul gyi yul rnam par sbyang bar bya ba dang / ye shes kyi snang ba yongs su gzung ba byed cing / dge slong rgya mtsho'i 
rgyal mtshan gyi drung nas song ngo // //sangs rgyas rmad gcad ces bya ba shin tu rgyas pa chen po'i mdo/bam po so gcig pa/ /de nas tshong dpon gyi bu nor bzangs dge ba'i bshes gnyen gyi yon tan gyis ni mgu/ dge </font><hr>37-1-364b<br><font size=+1>
ba'i bshes gnyen gyis ni yang dag par bsngags te btang / dge ba'i bshes gnyen mthong ba'i byin gyis ni byin du brlabs/ dge ba'i bshes gnyen gyi gdams ngag la ni nan tan du byed/ dge ba'i bshes gnyen yid du 'ong ba ni rjes su 
sems/ dge ba'i bshes gnyen la ni sangs rgyas kyi chos kyi 'byung gnas tsam du lta/ dge ba'i bshes gnyen ni sangs rgyas kyi chos ston pa yin par yang dag par lta/ dge ba'i bshes gnyen ni thams cad mkhyen pa nyid kyi chos la rjes 
su lta/ dge ba'i bshes gnyen ni sangs rgyas nam mkha' blta ba la mig tsam tu lta zhing mthar gyis phyogs kyi gnas rgya mtsho rnam par rlob pa'i bza' shing gi ra ba kun nas rnam par brgyan pa/ gang na ba der phyin nas des mthong ba/ bza' shing gi rab kun nas rnam par brgyan 
pa/ rin po che thams cad kyi ra bas kun nas bskor ba/ rin po che'i shing gi phreng ba spel ba legs pas yongs su brgyan pa/ rin po che thams cad kyi shing gi phreng ba'i me tog srab bu yid du 'ong ba'i sprin rab tu 'brul bas gzhi rgyas pa/ rin po che thams cad kyi shing gis yang dag par brgyan 
pa/ shing thams cad kyi me tog shin tu rgyas pa sna tshogs kyis yongs su gang ba/ spos sna tshogs kyi shing gi phreng ba las phyogs kun tu spos kyi ngad zhim pa rin po che'i phreng ba'i shing sna tshogs kyi lhun las rin po che sna tshogs kyi phreng ba 'phyang ba/ rab tu 'byung 
zhing char ltar mngon par bab pa/ rin po che'i rgyal po thams cad kyi shing dang nor bu rin po che sna tshogs kyis mdzes shing spa la/ rgya cher brgyan pa'i gzhi can yid bzhin gyi gos kyi shing thams cad las kha dog sna tshogs kyi gos 'byung bas gam yo khebs shing 
mdzes par brgyan pa/ sil snyan gyi shing thams cad las lha rdzas las kyang 'phags pa'i sil snyan rlung gis bskyod cing sgra 'byin pa'i dbyangs snyan par 'byung ba/ sa'i gzhi mthon dman med par gnas pa rgyan gyi shing sna tshogs kyi gseb nas/ rgyan sna </font><hr>37-1-365a<br><font size=+1>
tshogs rnam pa tha dad pa rgyun tu 'byung zhing 'phyang bas/ rab tu brgyan pa'i rgyan dang ldan pa mthong ste/ bza' shing gi ra ba chen po kun nas rnam par brgyan pa de'i nang na khang pa bye ba brgya stong phrag bcu kun kyang nor bu rin po che 
dam pa sna tshogs kyi ba gam gyis rnam par brgyan pa dang / khang pa brtsegs pa brgya stong phrag bcu 'dzam bu chu klung gi gser las brtsegs pa'i bad dang ldan pa dang / gzhal med khang brgya stong phrag bcu ka gdung rin po che rnam par snang ba/ 
las bres pa/ rdzing bu brgya stong phrag bcu rin po che thams cad las gzhi blangs te/ rin po che sna tshogs kyi pha gus mu khyud byas pa/ rin po che thams cad kyi them skas btags pa/ rin po che sna tshogs kyi stegs bus bskor ba/ lha 
rdzas kyi tsan dan gyi dri dang ldan pa'i chus gang ba/ gser gyi bye mas kun tu gram pa/ gzhi nor bu rin po che chu 'dang kun tu bkram pa/ phyogs bzhi nas them skas rnam par bres pa/ yan lag brgyad dang ldan pa'i chus gang ba/ nga dur dang / 
rma bya dang / khu byug dang / khrung khrung dang / ka la ping ka dang / ku na la'i sgra skad snyan pa'i dbyangs dang ldan pa/ rin po che'i ta la'i phreng bas kun nas brgyan pa/ gser gyi dril bu'i dra bas kun nas yog pa/ rlung gis bskyod pa'i 
sgra yid du 'ong ba 'byung ba/ steng nas rin po che'i bla re chen po bres pa/ rin po che sna tshogs kyi shing gi ra bas yongs su bskor ba/ rin po che'i dra bas brgyan pa'i gdugs dang rgyal mtshan legs par bsgreng ba/ lu ma brgya stong phrag bcu dus dang mthun pa'i tsan dan gyi 'dam gyis 
mtha' 'khor ba rin po che sna tshogs kyi kha dog tu 'dug pa'i pad mos yongs su khyab pa/ rin po che'i pad mo'i 'od chen pos snang bar gyur pa'i chu dri ma med pa dang ldan pa yod pa ste/ bza' shing gi ra ba de'i dbus na gzhal med khang chen po </font><hr>37-1-365b<br><font size=+1>
rgyal mtshan sna tshogs zhes bya ba/ sa'i gzhi rin po che rgya mtsho'i snying po las blangs pa/ nor bu rin po che'i ka ba bkye ba 'dzam bu chu klung gi gser gyi lhun mngon par 'phags pa nor bu rin po che 'gro bar rnam par snang ba'i spang leb bkye bas 
brgyan pa/ gzhi nor bu rin po che 'bar ba grangs med pa'i dra bas bres pa/ rin po che'i rgyal po mi pham pa'i spos kyi dris gam yo kun nas bdugs pa/ rin po che'i rgyal po sgra snyan pa 'byin pa'i dri ngad kun tu ldang ba/ rin po che'i rgyal po dri rnam 
par gsal bar byed pas dbang po rno ba'i bag chags rnam par bsgrub pa dang ldan zhing gzhal med khang chen po rgyal mtshan sna tshogs der stan grangs med cing tshad med pa bting bar gyur pa 'di lta ste pad mo'i snying po can dang / nor bu rin po che phyogs snang 
bar byed pa'i pad mo'i snying po can dang / nor bu rin po che rnam par snang ba'i pad mo'i snying po can dang / nor bu rin po che 'gro ba yid du 'ong ba'i pad mo'i snying po can dang / nor bu rin po che mdzod sna tshogs kyi pad mo'i snying po can dang / rin 
po che seng ge'i shing thags kyi pad mo'i snying po can dang / nor bu rin po che dri ma myed pa'i pad mo'i snying po can dang / nor bu rin po ches brgyan pa'i pad mo'i snying po can dang / nor bu rin po che sgo kun nas brgyan pa'i pad mo'i snying po can dang / nor bu rin 
po che 'od kyi rgyan gyi pad ma'i snying po can dang / nor bu rin po che rgya mtsho'i gnas rnam par dag pa'i rin po ches rnam par brgyan pa'i 'od zer kun tu 'byung ba'i pad mo'i snying po can dang / nor bu rin po che rdo rje'i seng ges gnon pa'i 
pad mo'i snying po can dag bshams shing bting ba ste/ gzhal med khang chen po rgyal mtshan sna tshogs de'i ba gam mang po yang / rin po che bsam gyis mi khyab pa las byas pa rin po che sna tshogs kyis rnam par brgyan pa/ kha dog bsam </font><hr>37-1-366a<br><font size=+1>
gyis mi khyab par mdzes shing gzugs yid du 'ong ba dag go /bza' shing gi ra ba kun nas brgyan pa de/ steng nas bla re chen po brgya stong phrag bcus kun nas khebs pa ste/ 'di ltar gos kyi bla re dang khri shing gi bla re dang 
me tog gi bla re dang / phreng ba'i bla re dang / spos kyi bla re dang / nor bu rin po che'i bla re dang / gser gyi bla re dang / rgyan gyi bla re dang / rin po che rdo rje snang ba'i bla re dang / glang po'i shugs dang ldan pas sprul pa'i lha mo'i bla re dang / nor bu rin po che brgya byin 
mngon par dga' ba'i bla re dang / de dag la sogs pa bla re brgya stong phrag bcus kun nas khebs par byas pa'o/ /rin po che'i dra ba brgya stong phrag bcus kun nas yog pa ste/ 'di ltar rin po che dam pa'i dril bu'i dra ba dang / rin po che'i 
gdugs kyi dra ba dang / rin po che'i 'bru'i dra ba dang / mu tig rgya mtsho'i snying po'i dra ba dang / nor bu rin po che be+eDUR+ya sngon po'i dra ba dang /seng ge'i khri shing gi dra ba dang / nor bu rin po che chu shel gyi dra ba dang / spos kyi gzugs kyi dra ba dang / 
rin po che'i cod pan dang / rin po che'i phreng ba'i dra ba dang / de dag la sogs pa rin po che'i dra ba brgya stong phrag bcus kun nas yog pa/ snang ba chen po brgya stong phrag bcus kyang kun nas yog pa ste/ 'di ltar nor bu rin po che skar ma'i 'od zer gyi 
snang ba dang / nor bu rin po nyi ma'i snying po'i snang ba dang / nor bu rin po che zla ba'i rgyal mtshan gyi snang ba dang / nor bu rin po che spos kyi dud pa 'od 'phro ba'i snang ba dang / nor bu rin po che dpal gyi snying po'i snang ba dang / nor bu rin po che 
pad mo'i snying po'i snang ba dang / nor bu rin po che skar ma'i rgyal mtshan gyi snang ba dang / nor bu rin po che sgron ma chen po'i snang ba dang / nor bu rin po che phyogs kun tu rnam par snang ba'i snang ba dang / nor bu rin po che spos kyi sprin chen po dang /</font><hr>37-1-366b<br><font size=+1>
klog gi phreng ba 'byung ba'i snang ba dang / de dag la sogs pa nor bu rin po che'i snang ba chen po brgya stong phrag bcus rtag tu snang bar byas pa'o/ /bza' shing gi ra ba de ni rgyan chen po'i sprin brgya stong phrag bcu'i char 'bab pa'i rgyan dang ldan pa ste/ dus 
dang mthun pa'i tsan dan gyi sprin brgya stong phrag bcu'i 'brug sgra rab tu 'byung ba/ lha rdzas las 'das pa'i phreng ba dang / lda ldi'i sprin chen po kun tu mched pas rab tu brgyan pa/ lha rdzas las 'das pa'i gos tshon sna tshogs dang ldan pa'i sprin 
brgya stong phrag bcu'i sprin mngon par 'bab pa/ lha rdzas las 'das pa'i rgyan gyi sprin brgya stong phrag bcus rnam par klubs pa/ lha'i bu brgya stong phrag bcu mthong bar dga' ste/ 'og tu lta zhing rab tu 'dud pa'i phyag char bzhin du 'bab pa/ lha 
mo'i sprin brgya stong phrag bcu sngon gyi spyod pa'i skal ba mnyam pas rang rang gi lus 'bul ba'i char mngon par 'bab pa/ byang chub sems dpa'i sprin brgya stong phrag bcu chos mnyan pas/ skom zhing 'ong ba'i char mngon par 'bab ste/ de na dge 
bsnyen ma yid bzhin gser gyi snying po'i khri chen po la 'dug cing / mu tig rgya mtsho'i snying po'i dra bas brgyan pa'i cod pan thogs pa/ lag pa la lha rdzas las 'das pa'i gser gyi dpung rgyan dang / gdub bu thogs pa/ lag pa nor bu rin po che 
dpal gyi rang bzhin gyi 'od zer gyis rnam par mdzes par gyur pa/ rna cha rin po che mthon ting dri ma med pa rab tu 'phyang ba/ mgo nor bu rin po che'i dra bas mdzes par brgyan pa/ nor bu rin po che seng ge'i gdong gi rna ba'i gong rgyan thogs pa/ 
nor bu rin po che yid bzhin gyi rgyal po'i mgul kor thogs pa/ lus rin po che thams cad kyi dra bas yog cing 'od rab tu 'bar ba/ srog chags bye ba khrag khrig gi lus rab tu btud de/ phyag bya ba zhig 'dug ste/ dge bsnyen ma yid </font><hr>37-1-367a<br><font size=+1>
bzhin de'i drung du shar phyogs nas tshangs pa chen po'am/ tshangs lha nye phan dang / tshangs pa'i ris su gtogs pa'am/ dbang byed dam/ gzhan 'phrul dbang byed kyi ris su gtogs pa'am/ rab 'phrul dga' 
'am/ 'phrul dga'i ris su gtogs pa'am/ rab dga' ldan nam/ dga' ldan gyi ris su gtogs pa 'am/ rab mtshe ma 'am/ mtshe ma'i ris su gtogs pa'am/ lha'i dbang po 'am/ sum cu rtsa gsum gyi ris su gtogs pa'am/ 
gnod sbyin gyi dbang po'am/ gnod sbyin nam/ dri za'i dbang po'am/ dri za 'am/ grul bum gyi dbang po'am/ grul bum 'am/ klu'i dbang po 'am/ klu'am/ lha ma yin gyi dbang po'am/ lha ma yin nam/ nam mkha' lding gi dbang po'am/ nam mkha' 
lding ngam/ mi'am ci'i dbang po'am/ mi 'am ci 'am/ lto 'phye chen po'i dbang po'am/ lto 'phye chen po 'am/ gshin rje 'am/ gshin rje'i bu mo 'am/ yi dgas rdzu 'phrul chen po'am/ yi dgas sam/ mi'i dbang po'am/ mi'ang rung ste/ sems 
can tshad med grangs med pa dag 'ong ba dang / de bzhin du lho phyogs dang / nub phyogs dang / byang phyogs dang / byang shar gyi phyogs mtshams dang / shar lho'i phyogs mtshams dang / lho nub kyi phyogs mtshams dang / nub byang 
gi phyogs mtshams dang / 'og dang steng gi phyogs nas kyang / tshangs pa chen po'am/ tshangs lha nye phan nam/ tshangs pa'i ris su gtogs pa'am/ dbang byed dam/ dbang byed kyi ris su gtogs pa nas/ mi'i dbang po'am/ mi'i bar gyi sems can mang po 
'ong ba/ de dag nad sna tshogs zhig gis btab pa'am/ nyon mongs pa sna tshogs kyis kun nas 'khor tam/ lta ba'i rnam pa sna tshogs la mngon par zhen tam/ las kyi sgrib pas bsgribs pa zhig yod na'ang / de dag gis dge bsnyen ma yid </font><hr>37-1-367b<br><font size=+1>
bzhin de mthong ma thag tu nad thams cad kyang rab tu zhi bar gyur/ sems can gyi nyon mongs pa'i dri ma dang yang bral bar gyur/ lta ba'i gsal shing yang phyin par gyur/ sgrib pa'i ri thams cad kyang rnam par bshig par gyur/ rnam par dag pa'i 
dkyil 'khor bsgribs pa med pa yang khong du chud par gyur te/ rnam par dag pa'i dkyil 'khor de yod pas ni dge ba'i rtsa ba thams cad kyang rab tu byang bar gyur/ dbang po'i myu gu thams cad kyang rnam par 'phel bar gyur/ thams cad 
mkhyen pa'i ye shes kyi tshul rgya mtsho la yang dag par gzhol bar gyur/ gzungs kyi sgo rgya mtsho thams cad la'ang 'jug par gyur/ ting nge 'dzin gyi sgo dang tshul rgya mtsho thams cad kyang mngon sum du gyur/ smon lam gyi sgo thams 
cad kyang yang dag par skye bar gyur/ spyod pa'i sgo thams cad kyang rab tu byung bar gyur/ yon tan mngon par bsgrub pa'i sgo thams cad kyang rnam par dag par gyur/ sems rgya chen po yang mngon par shes pa thams cad dang 
ldan pa'i tshul du byung bar gyur/ lus thogs pa med pas kyang thams cad du rjes su 'gro bar gyur to/ /de nas tshong dpon gyi bu nor bzangs bza' shing gi ra ba kun nas rnam par brgyan pa'i nang du phyin te bltas nas/ dge bsnyen ma 
yid bzhin khri bzang po la 'dug pa mthong nas/ de dge bsnyen ma yid bzhin gang na ba der song ste/ phyin nas dge bsnyen ma yid bzhin gyi rkang pa gnyis la spyi bos phyag 'tshal te/ dge bsnyen ma yid bzhin la lan brgya stong du mar g.yas phyogs su bskor ba byas nas/ 'di skad ces smras so/ /
'phags ma bdag gis bla na med pa yang dag par rdzogs pa'i byang chub tu sems bskyed na/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba ma 'tshal te/ 'phags </font><hr>37-1-368a<br><font size=+1>
ma ni byang chub sems dpa' rnams la gdams ngag dang rjes su bstan pa mdzad do/ /zhes thos na/ 'phags ma ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba 
bdag la bshad du gsol/ /des smras pa rigs kyi bu kho mo ni byang chub sems dpa'i rnam par thar pa mya ngan med pa bde ba'i rgyal mtshan thob pa ste/ rigs kyi bu kho mo ni de'i mthus mthong na don yod pa'o/ /mnyan na don yod pa'o/ /rim gror 
byas na don yod pa'o/ /gnas gcig na 'grogs pa don yod pa'o/ /rjes su dran par byas pa don yod pa'o/ /rigs kyi bu kho mo ni sems can dge ba'i rtsa ba ma bskyed pa/ dge ba'i bshes gnyen gyis yongs su ma zin pa/ yang dag par rdzogs 
pa'i sangs rgyas kyis ma dgongs pa rnams kyis mthong zhing rnam par dmigs par mig lam du 'ong bar mi 'gyur te/ rigs kyi bu kho mo mthong ba tsam gyis ni sems can rnams kyang bla na med pa yang dag par rdzogs pa'i byang chub las phyir mi ldog par 
'gyur ro/ /gzhan yang rigs kyi bu kho mo'i drung du shar phyogs nas de bzhin gshegs pa dag byon cing / gdan rin po che'i khri 'di la bzhugs nas chos ston to/ /shar phyogs nas ji lta ba bzhin du phyogs bcu nas kyang de bzhin te/ 
rigs kyi bu de lta bas na/ kho mo ni de bzhin gshegs pa mthong ba dang mi 'bral ba'o/ /chos mnyan pa dang mi 'bral ba'o/ /byang chub sems dpa' dang 'grogs pa dang mi 'bral ba'o/ /rigs kyi bu kho mo dang spyod pa'i skal ba mnyam 
ba'i srog chags bye ba khrag khrig brgya stong phrag brgyad cu rtsa bzhi po bza' shing gi ra ba kun nas rnam par brgyan pa 'di na gnas pa de dag thams cad kyang bla na med pa yang dag par rdzogs pa'i byang chub las phyir mi ldog pa sha stag go /rigs </font><hr>37-1-368b<br><font size=+1>
kyi bu sems can gzhan gang 'di na gnas pa de dag kyang bla na med pa yang dag par rdzogs pa'i byang chub las phyir mi ldog pa/ phyir mi ldog pa'i dge 'dun du gtogs pa sha stag ste/ kho mo dang spyod pa'i skal ba mnyam pa dag go /smras pa las 
'phags ma khyod kyis bla na med pa yang dag par rdzogs pa'i byang chub tu yun ji srid ci gnas thugs bskyed/ smras pa rigs kyi bu kho mo ni sngon gyi gnas rjes su dran no/ /de bzhin gshegs pa dgra bcom pa yang dag par rdzogs pa'i 
sangs rgyas mar me mdzad ces bya ba byung ba de bzhin gshegs pa de'i drung du kho mos tshangs pa'i spyod pa spyad do/ /de bzhin gshegs pa de kho mos mchod do/ /de bzhin gshegs pa de las chos bstan pa kho mos yongs su bzung ngo / /de'i 
snga rol du de bzhin gshegs pa dri ma med pa zhes bya ba byung ste/ de'i bstan pa la'ang kho mo rab tu byung ngo / /chos kyi 'khor lo yang kho mos bzung ngo / /de'i snga rol du de bzhin gshegs pa dpal zhes bya ba byung ste/ de yang kho mos bsnyen 
bkur to/ /de'i snga rol tu de bzhin gshegs pa ri rab dpal zhes bya ba byung ngo / /de'i snga rol tu de bzhin gshegs pa pad mo'i snying po zhes bya ba byung ngo / /de'i snga rol tu de bzhin gshegs pa rnam par snang mdzad ces bya ba byung ngo / /
de'i snga rol tu de bzhin gshegs pa kun tu gzigs pa zhes bya ba byung ngo / /de'i snga rol tu de bzhin gshegs pa tshangs pa dag pa zhes bya ba byung ngo / /de'i snga rol tu de bzhin gshegs pa rdo rje'i gtsug ces bya ba byung ngo / /de'i kun snga 
rol tu de bzhin gshegs pa chu bo'i lha zhes bya ba byung ste/ rigs kyi bu gzhung de ltar tshe gcig nas gcig tu brgyud pa dang / bskal pa gcig nas gcig tu brgyud pa'i sangs rgyas gcig nas gcig tu brgyud pa/ de bzhin gshegs </font><hr>37-1-369a<br><font size=+1>
pa'i mtshams 'dabs chags su bsams te/ dran par byas na/ gang kho mos rim gror byas te/ bsnyen bkur ba dang / mchod pa dang / bsti stang du byas pa dang / gang gi spyan sngar kho mos chos thos par gyur pa dang / gang gi bstan 
pa la kho mos tshangs pa'i spyod pa spyad pa'i de bzhin gshegs pa chu klung gang gA sum cu rtsa drug gi bye ma snyed rjes su dran te/ rigs kyi bu de phan cad du kho mos de bzhin gshegs pa ji snyed cig bsnyen bkur ba ni/ de bzhin gshegs pa rnams kyis 
mkhyen to/ /rigs kyi bu sems dang po bskyed ma thag tu chos kyi dbyings rgyas par 'gengs pas byang chub sems dpa' rnams ni tshad med pa'o/ /rigs kyi bu snying rje chen po'i khongs su 'gro ba thams cad chud pas/ byang chub sems 
dpa' rnams ni tshad med pa'o/ /rigs kyi bu smon lam chen pos phyogs bcu'i chos kyi dbyings kyi gzhi zad zad du 'gro bas byang chub sems dpa' rnams ni tshad med pa'o/ /rigs kyi bu byams pa chen pos 'gro ba thams cad rgyas par 
'gengs pa'i phyir/ byang chub sems dpa' rnams ni tshad med pa'o/ /rigs kyi bu byang chub sems dpa'i spyod pas zhing thams cad du bskal pa thams cad yongs su sdud pas/ byang chub sems dpa' rnams ni tshad med pa'o/ /
rigs kyi bu ting nge 'dzin gyi stobs kyis byang chub sems dpa'i lam las phyir mi ldog pas byang chub sems dpa' rnams ni tshad med pa'o/ /rigs kyi bu gzungs kyi stobs kyis 'gro ba thams cad yongs su 'dzin pa'i gzungs kyi tshul 
khong du chud par byed pas byang chub sems dpa' rnams ni tshad med pa'o/ /rigs kyi bu ye shes snang ba'i stobs kyis dus gsum gyi ye shes kyi tshul/ khong du chud par byed cing / yang dag par 'dzin pas byang chub sems dpa' rnams ni tshad med </font><hr>37-1-369b<br><font size=+1>
pa'o/ /rigs kyi bu mngon par shes pa'i stobs kyis zhing thams cad du sems can rnams kyi bsam pa dang / mos pa ci lta ba bzhin du 'od kyi dra ba'i 'khor lo mngon par bsgrub pas byang chub sems dpa' rnams ni tshad med pa'o/ /rigs kyi 
bu so so yang dag par rig pa'i stobs kyis tshig gcig brjod kyang 'gro ba thams cad shin tu tshim par byed pas/ byang chub sems dpa' rnams ni tshad med pa'o/ /rigs kyi bu lus rnam par dag pas/ sangs rgyas kyi zhing 
thams cad rang gi lus kyis rgyas par 'gengs pas/ byang chub sems dpa' rnams ni tshad med pa'o/ /nor bzangs kyis smras pa/ 'phags ma khyod ji srid cig na bla na med pa yang dag par rdzogs pa'i byang chub tu mngon 
par 'tshang rgya bar 'gyur/ /smras pa rigs kyi bu 'di lta ste/ sems can gcig cig la dmigs shing gdul bar bya ba dang / smin par bya ba'i phyir/ byang chub sems dpa' rnams kyi sems byang chub tu skye ba ma yin te/ sems 
can brgya'i phyir ma yin/ sems can stong gi phyir ma yin/ sems can brgya phrag stong gi phyir ma yin/ sems can bye ba'i phyir ma yin/ sems can bye ba brgya'i phyir ma yin/ sems can bye ba stong gi phyir ma yin/ sems can bye ba brgya phrag stong gi phyir ma yin te/ 
sems can bye ba khrag khrig brgya phrag stong gi don du/ byang chub sems dpa' rnams kyi sems byang chub tu skye ba ma yin no/ /sems can thams thams cad kyi phyir ma yin/ sems can khrag khrig gi phyir ma yin/ /sems can gang 
ya'i phyir ma yin/ sems can ban bun gyi phyir ma yin/ sems can phyar phyur gyi phyir ma yin/ sems can byang bying gi phyir ma yin/ sems can nyer 'jal gyi phyir ma yin/ sems can phyal phyol gyi phyir ma yin/</font><hr>37-1-370a<br><font size=+1>
sems can yal yol gyi phyir ma yin/ sems can ljad ljod kyi phyir ma yin/ sems can phyod zim gyi phyir ma yin/ sems can phyad phyod kyi phyir ma yin/ sems can ldam ldem gyi phyir ma yin/ sems can ya gangs kyi 
phyir ma yin/ sems can cho ma'i phyir ma yin/ sems can khram khrim gyi phyir ma yin/ sems can nab nub kyi phyir ma yin/ sems can brgyud yas kyi phyir ma yin/ sems can btang yas kyi phyir ma yin/ sems can bkra yaRa gyi phyir ma 
yin/ sems can gsal yas kyi phyir ma yin/ sems can gzhal brtag gi phyir ma yin/ sems can mtshungs med kyi phyir ma yin/ sems can lam lum gyi phyir ma yin/ sems can rab rib kyi phyir ma yin/ sems can 
thab thib kyi phyir ma yin/ sems can 'grigs yol gyi phyir ma yin/ sems can then phyo'i phyir ma yin/ sems can bsam phyod kyi phyir ma yin/ sems can 'dra mnyam gyi phyir ma yin/ sems can brang breng gi phyir ma yin/ sems 
can bgrong yas kyi phyir ma yin/ sems can rgyas 'dal gyi phyir ma yin/ sems can bsngo yas kyi phyir ma yin/ sems can zang yag gi phyir ma yin/ sems can 'phro bkye'i phyir ma yin/ sems can rtse 'phyo'i phyir ma 
yin/ sems can yong tan gyi phyir ma yin/ sems can 'brug g.yos kyi phyir ma yin/ sems can sang yal gyi phyir ma yin/ sems can thing yug gi phyir ma yin/ sems can snang yal gyi phyir ma yin/ sems can 
nan pa'i phyir ma yin/ sems can yid 'phyo'i phyir ma yin/ sems can nab neb kyi phyir ma yin/ sems can khrig thams kyi phyir ma yin/ sems can yal yol gyi phyir ma yin/ sems can bgrang yas kyi phyir ma yin/</font><hr>37-1-370b<br><font size=+1>
sems can thug yal gyi phyir ma yin/ sems can yad yud kyi phyir ma yin/ sems can phyo ldog gi phyir ma yin/ sems can brda yas kyi phyir ma yin/ sems can lhub be'i phyir ma yin/ sems can thag thug gi phyir ma yin/ 
sems can khrig ge'i phyir ma yin/ sems can rig yas kyi phyir ma yin/ sems can snyad med kyi phyir ma yin/ sems can mchog phreng gi phyir ma yin/ sems can nyag 'bru'i phyir ma yin/ sems can spu 'phyes 
kyi phyir ma yin/ sems can 'bru 'brel gyi phyir ma yin/ sems can brjod 'os kyi phyir ma yin/ sems can lhod yas kyi phyir ma yin/ sems can brjod phul gyi phyir ma yin/ sems can zhi snyad kyi phyir ma yin/ sems can 
ngag thim gyi phyir ma yin/ sems can 'phyo 'gyur gyi phyir ma yin/ sems can nyar nyer gyi phyir ma yin/ sems can phyag phyig gi phyir ma yin/ sems can zal zul gyi phyir ma yin/ sems can sal sal gyi phyir ma 
yin/ sems can g.yo ldeg gi phyir ma yin/ sems can phan phun gyi phyir ma yin/ sems can brnang ya'i phyir ma yin/ sems can rem grol gyi phyir ma yin/ sems can rdzi ngad kyi phyir ma yin/ sems can rdzi rdul gyi 
phyir ma yin/ sems can phun yol gyi phyir ma yin/ sems can 'ol 'ol gyi phyir ma yin/ sems can ngad ngad kyi phyir ma yin/ sems can bgrang brtsi'i phyir ma yin/ sems can zab bgrang gi phyir ma yin/ sems can dga' 
rkyang gi phyir ma yin/ sems can grangs mtha'i phyir ma yin/ sems can phyod yal gyi phyir ma yin/ sems can 'ol phyod kyi phyir ma yin/ sems can gdab yas kyi phyir ma yin/ sems can gcal yas kyi phyir ma yin/</font><hr>37-1-371a<br><font size=+1>
sems can bgrang yas kyi phyir ma yin/ sems can byim 'phyo'i phyir ma yin/ sems can yam me'i phyir ma yin/ sems can bsnyal yas kyi phyir ma yin/ sems can ldab ldob kyi phyir ma yin/ sems can 'phan chad kyi 
phyir ma yin/ sems can phang phung gi phyir ma yin/ sems can mtha' rdul gyi phyir ma yin/ sems can rgyu lding gi phyir ma yin/ sems can yun 'gyangs kyi phyir ma yin/ sems can mkha' yal gyi phyir ma yin/ sems 
can bun lob kyi phyir ma yin/ sems can lam lom gyi phyir ma yin/ sems can bsnyad yas kyi phyir ma yin/ sems can lang ling gi phyir ma yin/ sems can ljab ljib kyi phyir ma yin/ sems can mi brtsal gyi 
phyir ma yin/ sems can 'byam yas kyi phyir ma yin/ sems can nga 'grang gi phyir ma yin/ sems can smos yal gyi phyir ma yin/ sems can bkra chal gyi phyir ma yin/ sems can lo rgyas kyi phyir ma yin/ 
sems can 'bum rdib kyi phyir ma yin/ sems can la lo'i phyir ma yin/ sems can phyam phyam gyi phyir ma yin/ sems can bgrang phyos kyi phyir ma yin/ sems can bgrang phyos la bsgres pa'i phyir ma 
yin/ sems can dpag yas kyi phyir ma yin/ sems can dpag yas la bsgres pa'i phyir ma yin/ sems can yal phyong gi phyir ma yin/ sems can yal phyong la bsgres pa'i phyir ma yin/ sems can mu yal 
gyi phyir ma yin/ sems can mu yal la bsgres pa'i phyir ma yin/ sems can bgrang yol gyi phyir ma yin/ sems can bgrang yol la bsgres pa'i phyir ma yin/ sems can mi 'jal gyi phyir ma yin/ sems can </font><hr>37-1-371b<br><font size=+1>
mi 'jal la bsgres pa'i phyir ma yin/ sems can bsam phyod kyi phyir ma yin/ sems can bsam phyod la bsgres pa'i phyir ma yin/ sems can mtha' 'byam gyi phyir ma yin/ sems can mtha' 'byam la bsgres pa'i phyir ma 
yin/ sems can dpag thag gi phyir ma yin/ sems can dpag thag la bsgres pa'i phyir ma yin/ sems can brjod du med pa'i phyir ma yin/ sems can brjod du med pa la bsgres pa'i phyir ma yin/ sems can brjod 
du med pa'i yang brjod du med pa'i phyir ma yin/ sems can brjod du med pa'i yang brjod du med pa la bsgres pa'i phyir ma yin/ sems can 'jig rten gyi khams gcig tu gtogs pa rnams kyi phyir ma yin pa nas/ brjod du 
med pa'i yang brjod du med pa'i 'jig rten gyi khams su gtogs pa'i sems can rnams kyi phyir ma yin/ gling bzhi pa'i 'jig rten gyi khams kyi rdul shin tu phra ba snyed kyi 'jig rten gyi khams su gtogs pa'i sems can rnams kyi phyir ma yin/ 
stong gi 'jig rten gyi khams kyi rdul shin tu phra ba snyed kyi 'jig rten gyi khams su gtogs pa'i sems can rnams kyi phyir ma yin/ stong gnyis kyi 'jig rten gyi khams kyi rdul shin tu phra ba snyed kyi 'jig rten gyi khams su gtogs pa'i 
sems can rnams kyi phyir ma yin/ stong gsum gyi stong chen po'i 'jig rten gyi khams kyi rdul shin tu phra ba snyed kyi 'jig rten gyi khams su gtogs pa'i sems can rnams kyi phyir ma yin pa nas/ stong gsum gyi stong chen po'i 'jig 
rten gyi khams brjod du med pa'i yang brjod du med pa'i rdul shin tu phra ba snyed kyi 'jig rten gyi khams su gtogs pa'i sems can rnams kyi don du 'di lta ste yongs su smin par bya ba dang / gdul ba'i phyir byang chub sems dpa' rnams kyi sems byang chub </font><hr>37-1-372a<br><font size=+1>
tu skye ba ma yin gyi/ 'di lta ste/ 'jig rten gyi khams ma lus pa lhag ma med pa mtha' dag thams cad du gtogs pa'i sems can rnams kyi don du yongs su smin par bya ba dang / gdul ba'i phyir byang chub sems dpa' 
rnams kyi sems byang chub tu skye'o/ /'di lta ste sangs rgyas gcig bsnyen bkur ba dang / mnyes par bya ba dang / mchod cing rim gror bya ba'i phyir byang chub sems dpa' rnams kyi sems byang chub tu skye ba ma yin pa dang / sangs rgyas 
bcu bsnyen bkur zhing mnyes par bya ba dang / mchod cing rim gror bya ba'i phyir ma yin pa nas/ brjod du med pa'i yang brjod du med pa'i 'jig rten gyi khams kyi rdul shin tu phra ba snyed kyi sangs rgyas bsnyen bkur zhing mnyes par bya ba dang / mchod 
cing rim gror bya ba'i phyir byang chub sems dpa' rnams kyi sems byang chub tu skye ba ma yin/ 'jig rten gyi khams gcig tu gtogs pa'i sangs rgyas kyi rgyud bsnyen bkur zhing mnyes par bya ba dang / mchod cing rim gror bya ba'i phyir ma yin pa nas/ 
sangs rgyas kyi zhing brjod du med pa'i yang brjod du med pa'i rdul shin tu phra ba snyed kyi 'jig rten gyi khams su gtogs pa'i de bzhin gshegs pa'i rgyud bsnyen bkur zhing mnyes par bya ba dang / mchod cing rim gror bya ba'i phyir byang chub sems dpa' 
rnams kyi sems byang chub tu skye ba ma yin no/ /sangs rgyas kyi zhing gcig yongs su dag par bya ba'i phyir byang chub sems dpa' rnams kyi sems byang chub tu skye ba ma yin pa nas/ 'jig rten gyi khams brjod du med pa'i yang brjod du med pa'i rdul shin 
tu phra ba snyed kyi sangs rgyas kyi zhing yongs su dag par bya ba'i phyir byang chub sems dpa' rnams kyi sems byang chub tu skye ba ma yin/ de bzhin gshegs pa gcig gi bstan pa yongs su gzung ba'i phyir byang chub sems dpa' rnams kyi sems byang chub tu </font><hr>37-1-372b<br><font size=+1>
skye ba ma yin pa nas/ sangs rgyas kyi zhing brjod du med pa'i yang brjod du med pa'i rdul shin tu phra ba snyed kyi de bzhin gshegs pa'i bstan pa yongs su gzung ba'i phyir byang chub sems dpa' rnams kyi sems byang chub tu skye ba ma yin/ sangs rgyas gcig 
rab tu zhugs pa'i smon lam rnam pa tha dad pa la 'jug pa'i phyir byang chub sems dpa' rnams kyi sems byang chub tu skye ba ma yin pa nas/ sangs rgyas kyi zhing brjod du med pa'i yang brjod du med pa'i rdul shin tu phra ba snyed kyi sangs rgyas rab tu 
zhugs pa'i smon lam rnam pa tha dad pa la 'jug pa'i phyir byang chub sems dpa' rnams kyi sems byang chub tu skye ba ma yin no/ /de bzhin gshegs pa gcig gi sangs rgyas kyi zhing gi rgyan la 'jug par bya ba'i phyir/ byang chub sems 
dpa' rnams kyi sems byang chub tu skye ba ma yin pa nas/ sangs rgyas kyi zhing brjod du med pa'i yang brjod du med pa'i rdul shin tu phra ba snyed kyi de bzhin gshegs pa'i sangs rgyas kyi zhing gi rgyan la 'jug par bya ba'i phyir/ byang chub sems 
dpa' rnams kyi sems byang chub tu skye ba ma yin/ sangs rgyas gcig gi 'khor gyi dkyil 'khor rnam par phye ba la 'jug par bya ba'i phyir byang chub sems dpa' rnams kyi sems byang chub tu skye ba ma yin pa nas/ sangs rgyas kyi zhing brjod du med pa'i yang 
brjod du med pa'i rdul shin tu phra ba snyed kyi 'khor gyi dkyil 'khor rnam par phye ba la 'jug par bya ba'i phyir byang chub sems dpa' rnams kyi sems byang chub tu skye ba ma yin/ de bzhin gshegs pa gcig gi chos kyi 'khor lo yongs su gzung ba'i phyir byang chub 
sems dpa' rnams kyi sems byang chub tu skye ba ma yin pa nas/ sangs rgyas kyi zhing brjod du med pa'i yang brjod du med pa'i rdul shin tu phra ba snyed kyi de bzhin gshegs pa'i chos kyi 'khor lo yongs su gzung ba'i phyir byang chub sems </font><hr>37-1-373a<br><font size=+1>
dpa' rnams kyi sems byang chub tu skye ba ma yin/ sems can gyi sems rgya mtsho gcig khong du chud par bya ba'i phyir/ byang chub sems dpa' rnams kyi sems byang chub tu skye ba ma yin pa nas/ sangs rgyas kyi zhing brjod du med pa'i yang 
brjod du med pa'i rdul shin tu phra ba snyed kyi sems can gyi sems rgya mtsho khong du chud par bya ba'i phyir/ byang chub sems dpa' rnams kyi sems byang chub tu skye ba ma yin/ sems can gcig gi dbang po'i 'khor lo yongs su shes par bya ba'i phyir/ 
byang chub sems dpa' rnams kyi sems byang chub tu skye ba ma yin pa nas/ sangs rgyas kyi zhing brjod du med pa'i yang brjod du med pa'i rdul shin tu phra ba snyed kyi sems can gyi dbang po'i 'khor lo yongs su shes par bya ba'i phyir/ byang chub sems 
dpa' rnams kyi sems byang chub tu skye ba ma yin/ sems can gcig gi dbang po rgya mtsho khong du chud par bya ba'i phyir byang chub sems dpa' rnams kyi sems byang chub tu skye ba ma yin pa nas sangs rgyas kyi zhing brjod du med pa'i yang brjod du med pa'i rdul shin tu 
phra ba snyed kyi sems can gyi dbang po rgya mtsho khong du chud par bya ba'i phyir byang chub sems dpa' rnams kyi sems byang chub tu skye ba ma yin/ 'jig rten gyi khams gcig gi bskal pa gcig nas gcig tu brgyud par bya ba la 'jug par bya ba'i phyir/ byang chub 
sems dpa' rnams kyi sems byang chub tu skye ba ma yin pa nas/ sangs rgyas kyi zhing brjod du med pa'i yang brjod du med pa'i rdul shin tu phra ba snyed kyi 'jig rten gyi khams kyi bskal pa gcig nas gcig tu brgyud par bya ba la 'jug par bya ba'i phyir/ 
byang chub sems dpa' rnams kyi sems byang chub tu skye ba ma yin/ 'jig rten gyi khams gcig tu gtogs pa'i sems can thams cad kyi spyod pa'i bag chags kyi mtshams sbyor ba la 'jug par bya ba'i phyir/ byang chub sems dpa' rnams kyi </font><hr>37-1-373b<br><font size=+1>
sems byang chub tu skye ba ma yin pa nas/ sangs rgyas kyi zhing brjod du med pa'i yang brjod du med pa'i rdul shin tu phra ba snyed kyi 'jig rten gyi khams su gtogs pa'i sems can thams cad kyi spyod pa'i bag chags kyi mtshams sbyor ba la 'jug par bya 
ba'i phyir/ byang chub sems dpa' rnams kyi sems byang chub tu skye ba ma yin/ 'jig rten gyi khams gcig tu gtogs pa'i sems can thams cad kyi nyon mongs pa rgya mtsho thams cad la 'jug par bya ba'i phyir/ byang chub sems dpa' 
rnams kyi sems byang chub tu skye ba ma yin pa nas/ sangs rgyas kyi zhing brjod du med pa'i yang brjod du med pa'i rdul shin tu phra ba snyed kyi 'jig rten gyi khams su gtogs pa'i sems can thams cad kyi nyon mongs pa rgya mtsho thams cad la 'jug 
par bya ba'i phyir/ byang chub sems dpa' rnams kyi sems byang chub tu skye ba ma yin/ 'jig rten gyi khams gcig tu gtogs pa'i sems can thams cad kyi las rgya mtsho thams cad la 'jug par bya ba'i phyir/ byang chub sems dpa' rnams 
kyi sems byang chub tu skye ba ma yin pa nas/ sangs rgyas kyi zhing brjod du med pa'i yang brjod du med pa'i rdul shin tu phra ba snyed kyi 'jig rten gyi khams su gtogs pa'i sems can thams cad kyi las rgya mtsho thams cad la 'jug par bya ba'i phyir/ 
byang chub sems dpa' rnams kyi sems byang chub tu skye ba ma yin/ 'jig rten gyi khams gcig tu gtogs pa'i sems can thams cad kyi spyod pa rgya mtsho thams cad khong du chud par bya ba'i phyir/ byang chub sems dpa' rnams kyi sems byang chub 
tu skye ba ma yin pa nas/ sangs rgyas kyi zhing brjod du med pa'i yang brjod du med pa'i rdul shin tu phra ba snyed kyi 'jig rten gyi khams su gtogs pa'i sems can thams cad kyi spyod pa rgya mtsho thams cad khong du chud par bya ba'i phyir/ byang chub sems dpa' </font><hr>37-1-374a<br><font size=+1>
rnams kyi sems byang chub tu skye ba ma yin gyi/ sems can gyi khams ma lus pa lhag ma med pa mtha' dag thams cad yongs su smin par bya ba dang / gdul ba'i phyir byang chub sems dpa' rnams kyi sems byang chub tu skye'o/ /
sangs rgyas ma lus pa thams cad bsnyen bkur zhing mnyes par bya ba dang / mchod cing rim gror bya ba'i phyir byang chub sems dpa' rnams kyi sems byang chub tu skye'o/ /'jig rten gyi khams ma lus pa thams cad du gtogs pa'i sangs rgyas kyi 
rgyud bsnyen bkur zhing mnyes par bya ba dang / mchod cing rim gror bya ba'i phyir byang chub sems dpa' rnams smon lam la mngon par mos pa yin/ sangs rgyas kyi zhing ma lus pa thams cad yongs su dag par bya ba'i phyir/ byang chub sems 
dpa' rnams kyi bsam pa brtan par 'gyur ba yin/ sangs rgyas kyi bstan pa ma lus pa thams cad yongs su gzung ba'i phyir byang chub sems dpa' rnams kyi sbyor ba 'byung ba yin/ de bzhin gshegs pa rab tu zhugs pa'i smon lam rnam pa 
tha dad pa ma lus pa thams cad kyi rjes su 'brang bar bya ba'i phyir byang chub sems dpa' rnams kyi sems kyi shugs drag po skye ba yin/ de bzhin gshegs pa'i sangs rgyas kyi zhing gi yon tan gyi rgyan ma lus pa thams cad la 'jug par bya ba'i phyir/ byang 
chub sems dpa' rnams kyi yi dam brtan pa skye ba yin/ de bzhin gshegs pa thams cad kyi 'khor gyi dkyil 'khor rgya mtsho ma lus pa thams cad la 'jug par bya ba'i phyir byang chub sems dpa' rnams kyi mngon par mos pa 'byung ba yin/ 'gro ba'i sems rgya mtsho 
ma lus pa thams cad la 'jug par bya ba'i phyir byang chub sems dpa' rnams kyi smon lam yongs su skye ba yin/ sems can gyi dbang po'i 'khor lo ma lus pa thams cad yongs su shes par bya ba'i phyir/ byang chub sems dpa' rnams kyi mngon par 'dod pa skye ba yin/ sems </font><hr>37-1-374b<br><font size=+1>
can gyi dbang po rgya mtsho ma lus pa thams cad khong du chud par bya ba'i phyir/ byang chub sems dpa' rnams kyi spro ba skye ba yin/ 'jig rten gyi khams ma lus pa thams cad kyi bskal pa gcig nas gcig tu brgyud pa la 'jug par bya ba'i phyir/ byang chub sems dpa' 
rnams kyi mos pa skye ba yin/ sems can ma lus pa thams cad kyi nyon mongs pa'i bag chags kyi mtshams sbyor ba yongs su gcad pa'i phyir/ byang chub sems dpa' rnams kyi brtson 'grus yongs su skye ba yin/ sems can ma lus pa thams cad kyi las 
dang nyon mongs pa'i rgya mtsho bskam pa'i phyir/ byang chub sems dpa' rnams kyi ye shes chen po'i nyi ma 'char ba yin/ sems can ma lus pa thams cad kyi spyod pa yongs su shes par bya ba'i phyir byang chub sems dpa' rnams kyi shes rab kyi snang ba 'byung ba yin/ 
sems can ma lus pa thams cad kyi sdug bsngal gyi me'i phung po rab tu zhi bar bya ba'i phyir/ byang chub sems dpa' rnams kyi snying rje'i sprin chen po kun nas 'du ba yin/ rigs kyi bu mdor na de dag la stsogs pa byang chub sems dpa'i spyod pa'i tshul dang / 
sgo grangs med pa brgya stong phrag bcu dag byang chub sems dpa' rnams kyis yongs su bsgrub par bya'o/ /rigs kyi bu gzhan yang 'di lta ste/ byang chub sems dpa' rnams kyi spyod pa ni ye shes khong du chud par bya ba'i phyir/ chos thams cad la yang dag 
par gzhol ba'o/ /byang chub sems dpa' rnams kyi spyod pa ni yongs su dag par bya ba'i phyir zhing thams cad la yang dag par gzhol ba'o/ /rigs kyi bu de lta bas na/ kho mos ni bdag gi smon lam nam mkha'i dbyings rnam par dag pa'i mtha' gang 
du thug pa de'i mthas klas par shog shig /bdag gi smon lam 'jig rten gyi khams rnam par dag pa'i mtha' gang du thug pa de'i mthas klas par shog shig /bdag gi smon lam sems can thams cad kyi nyon mongs pa dang / bag chags kyi </font><hr>37-1-375a<br><font size=+1>
mtshams sbyor ba dang / bag la nyal ba'i mtha' gang du thug pa de'i mthas klas par shog shig /ces de ltar smon lam btab bo/ /smras pa/ 'phags ma rnam par thar pa 'di'i ming ci zhes bgyi/ smras pa/ rigs kyi bu rnam par 
thar pa 'di ni nyon mongs pa med pa bde ba'i rgyal mtshan zhes bya ba ste/ rigs kyi bu kho mos kyang byang chub sems dpa'i rnam par thar pa de gcig pu shes par zad na byang chub sems dpa' sangs rgyas kyi chos thams cad yang dag par 'dzin pa'i phyir/ 
sems rgya mtsho dang ldan pa lhag pa'i bsam pa brtan pa'i phyir ri rab dang 'dra ba/ sems can thams cad kyi nyon mongs pa'i nad rab tu sos par byed pa'i phyir sman gyi rgyal po mthong na legs pa lta bu/ sems can thams cad kyi ma rig pa'i 
mun pa sel ba'i phyir nyi mar gyur pa/ sems can thams cad kyi bsam pa'i gnas su gyur pas sa lta bu'i sems dang ldan pa/ 'gro ba thams cad kyi don byed pa'i phyir rlung du gyur pa/ sems can thams cad la ye shes kyi snang ba 'byin pa'i phyir mar mer gyur 
pa/ zhi ba'i sgras sangs rgyas kyi chos kyi char yang dag pa ji lta ba bzhin du 'bebs pa'i phyir sprin du gyur pa bsod nams kyi 'od gzer gyi dra ba rab tu 'gyed pa'i phyir zla ba lta bu/ 'gro ba thams cad yongs su bsrung ba la zhugs pa'i phyir/ brgya byin lta bu 
de dag gi spyod pa shes pa'am/ yon tan brjod pa'am/ byang chub sems dpa'i bslab pa bsam gyis mi khyab pa smos pa'am/ byang chub sems dpa'i smon lam gyi rnam pa mtha' dang dbus med pa yongs su bstan par nus re skan/ /song rigs 
kyi bu lho phyogs kyi rgyud 'di nyid kyi rgya mtsho rnam par rlob pa 'di na yul chu ba gtsang ma zhes bya ba yod de/ de na drang srong 'jigs mchog dbyangs shes bya ba 'dug gi de'i gan du song la dris shig dang / des rigs kyi bu khyod la byang chub sems dpa'i </font><hr>37-1-375b<br><font size=+1>
spyod pa ston par 'gyur ro/ /de nas tshong dpon gyi bu nor bzangs kyis dge bsnyen ma yid bzhin gyi rkang pa gnyis la spyi bos phyag 'tshal te/ dge bsnyen ma yid bzhin la lan brgya stong du mar g.yas phyogs su bskor ba byas nas/ yang dang 
yang bltas te phyag 'tshal nas/ ngo mchi mas gang bar ngus te/ byang chub mchog tu dkon pa rjes su sems shing dge ba'i bshes gnyen rim gror bya ba dkon pa rjes su bsam pa dang / skyes bu dam pa dang 'phrad pa dkon pa rjes su bsam pa dang / 
byang chub sems dpa'i dbang po 'thob par bya ba rjes su bsam pa dang / byang chub sems dpa'i bsam pa yongs su dag pa dkon pa rjes su bsam pa dang / skal ba mnyam pa'i dge ba'i bshes gnyen dang phrad pa dkon pa rjes su bsam pa dang / 
byang chub tu yang dag pa ji lta ba bzhin du mngon par mos shing sems nges par gzhog pa dkon pa rjes su bsam pa dang / mi mnyam pa med pa'i chos kyi tshul rjes su bstan pa'i sbyor ba dkon pa rjes su bsam pa dang / sems dri ma med 
cing mi 'phrogs pa'i sbyor ba yang dag par bsgrub par dka' ba rjes su bsam pa dang / thams cad mkhyen pa nyid du shugs drag po rnam par bskyed pa'i chos kyi snang ba dkon pa rjes su bsam pa byed cing / dge bsnyen ma yid bzhin gyi 
drung nas song ngo / de nas tshong dpon gyi bu nor bzangs byang chub sems dpa'i gdams ngag gi rjes su song ba'i sems dang ldan pa/ byang chub sems dpa'i spyod pa yongs su dag par byed pa'i rjes su song ba'i sems dang ldan pa 
byang chub sems dpa'i bsod nams kyi stobs rnam par 'phel bar bya ba'i sems dang ldan pa/ sangs rgyas blta ba'i shugs drag pos rab tu snang bar bya ba'i sems dang ldan pa/ chos kyi gter 'thob par bya ba la shugs drag po skyes pa'i </font><hr>37-1-376a<br><font size=+1>
sems dang ldan pa/ smon lam chen po mngon par bsgrub pa'i shugs drag po rab tu 'phel ba'i sems dang ldan pa chos thams cad kyi phyogs la mngon du lta ba'i sems dang ldan pa/ chos kyi rang bzhin gyi 'od kyis snang bar byas pa'i 
sems dang ldan pa/ sgrib pa thams cad rnam par 'thor ba'i sems dang ldan pa/ chos kyi dbyings la mun pa med par rnam par lta ba'i sems dang ldan pa/ rdo rje rin po che mthu bo ches myi choms pa ltar dri ma med pa'i sems dang ldan pa/ 
bdud thams cad kyi dpung gis brgal bar dka' zhing thub par dka' ba'i sems dang ldan pa de mthar gyis yul chu ba gtsang ma ga la ba der phyin nas/ drang srong 'jigs mchog dbyangs tshol tshol ba las/ de'i tshe drang srong 'jigs 
mchog dbyangs dge ba sbyang ba'i gnas shing dang / shing phran sna tshogs grangs med pa'i nags tshal mdangs dga' ba/ lo mas rgyas pa'i shing gis kun nas 'grigs pa/ rtag tu me tog rgyas pa dang ldan pa'i shing sna tshogs can/ rtag tu 
shing tog mang po dang ldan pa'i shing tog gi shing dang ldan pa/ nor bu rin po che sna tshogs kyi shing drung nor bu rin po che'i spang leb kyis rtag tu gshibs pa dang ldan pa/ tsan dan dam pa'i shing kun nas rnam par bres pa/ a gu ru yid du 'ong ba'i shing 
las spos kyi dri rtag tu 'byung bas rab tu brgyan pa/ phyogs bzhi nas shing ba ta la rnam par mdzes par skyes pas yongs su brgyan pa/ n+ya gro da'i shing dbyibs yid du 'ong ba dang ldan pa/ 'dzam bu'i shing las rtag tu shing tog smin pa 'brul ba/ 
me tog gi tshal pad+mo dang uta pa la gsar du skyes pas rab tu brgyan pa zhig na 'dug 'dug ste/ tshong dpon gyi bu nor bzangs kyis drang srong 'jigs mchog dbyangs drang srong stong phrag bcus bskor cing / tsan dan gyi yal ga shin tu 'brel ba'i </font><hr>37-1-376b<br><font size=+1>
bya skyibs shig na/ thor tshugs kyi cod pan can/ pags pa dang / rtsa'i gos gyon pa/ shing shun gyi smad yogs can rtsa'i stan la 'dug pa mthong ngo / /mthong nas kyang drang srong 'jigs mchog dbyangs ga la ba der song ste/ phyin nas yang dag pa'i dge ba'i 
bshes gnyen dang phrad pa'i bsam pas dge ba'i bshes gnyen ni yang dag pa'i lam ston pas/ thams cad mkhyen pa nyid 'byung ba'i sgo yin par yang dag par lta/ thams cad mkhyen pa'i sa la gzhog pas/ thams cad mkhyen pa nyid ni dge ba'i bshes 
gnyen gyi gdams ngag la rag lus par yang dag par lta/ stobs bcu'i ye shes rin po che'i gling du skyel bas/ thams cad mkhyen pa nyid ni dge ba'i bshes gnyen gyi mnyan pa la rag lus par yang dag par lta/ stobs bcu'i ye shes snang ba yang 
dag par bskyed pas thams cad mkhyen pa nyid ni dge ba'i bshes gnyen gyi sgron mas snang bar bya ba yin par yang dag par lta/ nyam nyes med par thams cad mkhyen pa nyid kyi grong du phyin par byed pas/ thams cad mkhyen pa nyid kyi lam ni dge ba'i bshes 
gnyen yin par yang dag par lta/ mnyam pa dang mi mnyam pa yongs su ston pas/ thams cad mkhyen pa nyid kyi mar me ni dge ba'i bshes gnyen yin par yang dag par lta/ g.yang sa'i 'jigs pa thams cad med par byed pas thams cad mkhyen pa nyid kyi 
stegs ni dge ba'i bshes gnyen yin par yang dag par lta/ byams pa chen po'i stobs kyis sim pa yongs su bskyed pa'i phyir thams cad mkhyen pa nyid kyi gdugs ni dge ba'i bshes gnyen yin par yang dag par lta/ snying rje chen po yongs su bskyed 
pas thams cad mkhyen pa nyid kyi shugs drag po ni dge ba'i bshes gnyen yin par yang dag par lta zhing chos kyi rang bzhin gyi tshul rab tu snang bar byed pas thams cad mkhyen pa nyid gsal bar mthong ba ni/ dge ba'i bshes gnyen la rag las par mthong nas/ lus thams </font><hr>37-1-377a<br><font size=+1>
cad kyis phab ste/ phyag byas nas langs te/ drang srong 'jigs mchog dbyangs la lan brgya stong du mar bskor ba byas nas mdun du 'dug ste/ thal mo sbyar nas yid du 'ong ba'i tshul gyis yid du 'ong ba'i tshig brjod de/ 'di skad ces 
smras so/ /'phags pa bdag gis bla na med pa yang dag par rdzogs pa'i byang chub tu sems bskyed na/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba ma 'tshal te/ 'phags pa ni 
byang chub sems dpa' rnams la gdams ngag dang / rjes su bstan pa mdzad do zhes thos na/ 'phags pa ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba bdag la bshad du gsol/ de 
nas drang srong 'jigs mchog dbyangs kyis bram ze'i byis pa stong phrag bcu po de dag la bltas te/ 'di skad ces smras so/ /byis pa dag rigs kyi bu 'dis bla na med pa yang dag par rdzogs pa'i byang chub tu sems bskyed de/ sems can thams cad 'jigs pa med pa 
la mgron du gnyer to/ /rigs kyi bu 'di ni sems can thams cad la phan pa dang bde ba'i don du sta gon du gnas pa ste/ ye shes rgya mtsho la mngon du gyur pa'o/ /de bzhin gshegs pa thams cad kyi chos kyi sprin gyi char btung bar 'dod pa'o/ /chos kyi tshul rgya mtsho 
thams cad la 'jug par 'dod pa'o/ /ye shes kyi snang ba chen po la gnas par 'dod pa'o/ /snying rje chen po'i sprin bsdu bar 'dod pa'o/ /chos kyi char chen po mngon par dbab par 'dod pa'o/ /ye shes chen po'i zla ba 'jig rten du shar bar byas te/ nyon mongs pa'i 
gdung ba thams cad rab tu gzhil bar 'dod pa'o/ /sems can thams cad kyi dge ba'i rtsa ba rnam par spel bar 'dod pa'o/ /de nas bram ze'i byis pa stong phrag bcu po de dag gis me tog dri zhim la yid du 'ong zhing kha dog sna tshogs dang ldan pa mang pos </font><hr>37-1-377b<br><font size=+1>
tshong dpon gyi bu nor bzangs la gtor to/ /mngon par gtor to/ /rab tu gtor to/ /mngon par phyag 'tshal to/ /de ltar btud de phyag 'tshal nas/ g.yas phyogs su bskor ba byas te/ tshig 'di skad du brjod do/ /'di ni sems can thams 
cad yongs su skyob par 'gyur ro/ /sems can dmyal ba'i sdug bsngal thams cad rab tu zhi bar bgyid par 'gyur ro/ /byol song gi skye gnas kyi lam gyi rgyud thams cad rnam par gcod par 'gyur ro/ /gshin rje'i 'jig rten gyi lam gyi rgyud 
thams cad rnam par bzlog par 'gyur ro/ /mi khom pa'i sgo thams cad gcod par 'gyur ro/ /sred pa'i rgya mtsho yongs su skems par 'gyur ro/ /srid pa'i 'ching ba gcod par 'gyur ro/ /sdug bsngal gyi phung po rnam par bzlog 
par 'gyur ro/ /ma rig pa'i mun pa sel bar 'gyur ro/ /bsod nams kyi khor yug gis 'jig rten yongs su bskor bar 'gyur ro/ /ye shes rin po che'i 'byung gnas su yongs su ston par 'gyur ro/ /ye shes kyi nyi ma 'char bar bgyid 
par 'gyur ro/ /chos kyi mig rnam par sbyong bar 'gyur ro/ /'jig rten rnams la mnyam pa dang mi mnyam pa yang dag par ston par 'gyur ro/ /de nas drang srong 'jigs mchog dbyangs kyis byis pa de dag la 'di skad ces smras so/ /byis 
pa dag gang gis bla na med pa yang dag par rdzogs pa'i byang chub tu sems bskyed pa de ni byang chub sems dpa'i spyad pa spyod pa'i tshe/ sems can thams cad kyi bde ba rab tu bskyed de/ rim gyis thams cad mkhyen pa nyid kyang 'thob par 'gyur ro/ /
byis pa dag rigs kyi bu 'dis ni bla na med pa yang dag par rdzogs pa'i byang chub tu sems bskyed pa ste/ de bas na 'di ni sangs rgyas kyi yon tan thams cad kyis yongs su sbyong bar 'gyur ro/ /de nas drang srong 'jigs mchog dbyangs kyis/ tshong </font><hr>37-1-378a<br><font size=+1>
dpon gyi bu nor bzangs la 'di skad ces smras so/ /rigs kyi bu kho bo ni byang chub sems dpa'i rnam par thar pa gzhan gyi mi thub pa'i rgyal mtshan thob pa'o/ /nor bzangs kyis smras pa/ byang chub sems dpa'i rnam par thar pa 
gzhan gyis mi thub pa 'di'i yul ji lta bu zhig mchis/ /de nas drang srong 'jigs mchog dbyangs kyis lag pa g.yas pa brkyang ste/ tshong dpon gyi bu nor bzangs kyi mgo la byugs nas lag pa g.yas pas bzung ngo / /tshong dpon gyi bu nor bzangs la drang srong 
'jigs mchog dbyangs kyis lag pa g.yas pas bzung ma thag tu de'i mod la tshong dpon gyi bu nor bzangs kyis/ phyogs bcur sangs rgyas kyi zhing brgya stong phrag bcu'i rdul shin tu phra ba snyed kyi sangs rgyas kyi zhing mthong bar gyur te/ de dag gi de bzhin 
gshegs pa sangs rgyas kyi zhing brgya stong phrag bcu'i rdul shin tu phra ba snyed kyi zhabs kyi drung na bdag nyid 'dug par shes par gyur to/ /sangs rgyas kyi zhing de dag kyang rnam pa grangs med par rnam par dag pa'i rgyan dang ldan par mthong ngo / /de dag na'ang de 
bzhin gshegs pa'i 'khor gyi dkyil 'khor rgya mtsho kha dog sna tshogs can rgyan rnam pa tha dad pa dang ldan pa dag 'khod pa mthong ngo / /'khor gyi dkyil 'khor rgya mtsho de dag na 'ang de bzhin gshegs pa'i sku mtshan dang dpe byad bzang po 'bar 
bas brgyan pa dag bzhugs pa mthong ngo / /de dag las kyang tshig dang yi ge gcig las kyang phyir phyogs pa med par chos bstan pa nyan to/ /de bzhin gshegs pa'i chos kyi 'khor lo de dag kyang phan tshun ma 'dres par yang dag par 'dzin to/ /chos kyi 
sprin gyi char sems can gyi bsam pa sna tshogs la 'bab pa de dag kyang yang dag par 'dzin to/ /de bzhin gshegs pa de dag gi sngon gyi smon lam mos pa sna tshogs kyi stobs kyis rnam par sbyangs pa rgya mtsho la yang zhugs so/ /sangs rgyas kyi yang dag par </font><hr>37-1-378b<br><font size=+1>
bsdu ba smon lam sna tshogs rgya mtshos rnam par dag pa rgya mtsho de dag la yang zhugs so/ /sangs rgyas kyi sku mdog sems can gyi bsams pa ji lta ba bzhin du tshim par 'gyur bar rnam par dmyigs pa de dag kyang mthong ngo / /sangs rgyas kyi 'od gzer gyi dra ba 'dod 
chags dang bral ba sna tshogs kyis rnam par dag pa'i rgyan gyi dkyil 'khor de dag kyang mthong ngo / /sangs rgyas kyi stobs de dag la'ang ye shes rnam par snang ba bsgribs pa med pa dang ldan pas zhugs so/ /de ltar byang chub sems dpa'i rnam par thar pa gzhan gyis mi 
thub pa'i rgyal mtshan gyi ye shes kyi 'od kyis snang bar gyur pa/ting nge 'dzin rnam par snang mdzad kyi snying po snang ba rab tu thob pa/ ting nge 'dzin ye shes myi zad pa'i rnam par thar pa dang ldan pa/ gzungs kyi sgo snang ba phyogs kun gyi dra ba rab tu thob pa/ 
gzungs kyi sgo rdo rje'i snying pos sems rab tu gsal bar byas pa/ ting nge 'dzin ye shes brtsegs pa rnam par phye ba'i yul la rnam par phye ba rab tu thob pa/ shes rab kyi pha rol tu phyin pa la rnam par spyod pa gzhi kun nas rnam par brgyan pa'i snying po yul du 
gyur pa/ ting nge 'dzin gyi snang ba sangs rgyas nam mkha'i snying po'i dkyil 'khor la rab tu zhugs pa/ ting nge 'dzin sangs rgyas thams cad kyi chos kyi 'khor lo'i mu khyud kyis sems rab tu snang bar byas pa/ ting nge 'dzin gyi snang ba dus gsum gyi ye shes rin po 
che mi zad pa'i dkyil 'khor la rab tu brtson pa des de bzhin gshegs pa la la'i zhabs kyi drung du ni nyin zhag gcig lon par shes so/ /la lar ni nyin zhag bdun lon pa snyam/ la lar ni zla ba phyed lon pa snyam/ la lar ni zla ba gcig lon pa snyam/ la lar ni lo gcig 
lon pa snyam/ la lar ni lo brgyar lon pa snyam/ la lar ni lo stong lon pa snyam/ la lar ni lo brgya phrag stong lon pa snyam/ la lar ni lo bye ba lon pa snyam/ la lar ni lo bye ba brgya lon pa snyam/ la lar ni lo bye ba stong lon pa snyam/ la lar ni lo </font><hr>37-1-379a<br><font size=+1>
bye ba brgya phrag stong lon pa snyam/ la lar ni lo bye ba khrag khrig lon pa snyam/ la lar ni bskal pa phyed lon pa snyam/ la lar ni bskal pa gcig lon pa snyam/ la lar ni bskal pa brgya lon pa snyam/ la lar ni bskal pa stong lon pa 
snyam/ la lar ni bskal pa brgya phrag stong lon pa snyam/ la lar ni bskal pa bye ba lon pa snyam/ la lar ni bskal pa bye ba phrag brgya lon pa snyam/ la lar ni bskal pa bye ba phrag stong lon pa snyam/ la lar ni bskal pa bye ba brgya phrag stong lon pa snyam/ la lar ni bskal 
pa bye ba khrag khrig brgya phrag stong lon pa snyam byed pa nas/ de bzhin gshegs pa la la'i zhabs kyi drung du ni bskal pa brjod du med pa'i yang brjod du med pa snyed lon par gyur pa snyam byed de/ de bzhin gshegs pa la la'i zhabs kyi drung du ni bskal pa 'dzam bu'i gling 
gi rdul shin tu phra ba snyed lon pa snyam byed pa nas/ bskal pa sangs rgyas kyi zhing brjod du med pa'i yang brjod du med pa'i rdul shin tu phra ba snyed lon pa snyam byed par gyur to/ /de nas drang srong 'jigs mchog dbyangs kyis/ tshong dpon gyi bu nor bzangs btang 
ba dang / des yang bdag drang srong 'jigs mchog dbyangs kyi mdun du 'dug par shes par gyur to/ /de la drang srong 'jigs mchog dbyangs kyis smras pa rigs kyi bu dran mod/ smras pa 'phags pa dge ba'i bshes gnyen gyi byin gyi rlabs kyis dran 
no/ /smras pa rigs kyi bu kho bos ni byang chub sems dpa'i rnam par thar pa gzhan gyis mi thub pa'i rgyal mtshan 'di shes par zad na/ byang chub sems dpa' 'gro ba thams cad las khyad par du 'phags pa'i ye shes mngon par shes pa 
dang ldan pa'i ting nge 'dzin thob pa/ dus thams cad du 'khor lo bskor ba/ sangs rgyas kyi mtshan dang / ye shes mngon par bsgrub pa la mkhas pa/ de bzhin gshegs pa byung ba'i nyi ma la rnam par dmigs pa'i rgyan rab tu dgod pa </font><hr>37-1-379b<br><font size=+1>
dus gsum gyi yul skad gcig gi ye shes su yang dag par sdud pa/ 'jig rten gyi khams thams cad du lus shin tu rnam par bkram pa chos kyi dbyings thams cad la ye shes snang ba'i rang bzhin dang ldan pa/ sems can thams 
cad kyi bsam pa ji lta ba bzhin du mngon sum du mngon par langs pa/ sems can gyi bsam pa ji lta ba bzhin du spyod pas/ rnam par spyod pa dang mthun pa'i tshul dang ldan pa 'dod pa bzhin du kun tu snang zhing dri ma med la 'od dang ldan pa'i ye shes kyi dkyil 
'khor rnam par dag pa/ de dag gi spyod pa shes pa'am/ yon tan brjod pa'am/ smon lam gyi khyad par smos pa'am/ zhing gi mngon par 'du bya ba shes pa'am/ ye shes kyi yul la 'jug par bya ba'am/ ting nge 'dzin 
gyi spyod yul gyi rjes su 'brang bar bya ba'am/ rdzu 'phrul dang rnam par 'phrul pa la 'jug par bya ba'am/ rnam par thar pa'i khyu mchog gi mthu phyung ba dang / rnam par rtse ba'i rjes su 'brang bar bya ba'am/ lus rnam par phye ba'i mtshan 
ma gzung bar bya ba 'am/ dbyangs kyi dkyil 'khor rnam par dag pa brjod pa 'am/ ye shes kyi snang ba rab tu bstan par nus re skan/ /song rigs kyi bu lho phyogs kyi rgyud 'di nyid na yul yongs su tshol ba zhes bya ba yod de/ de na bram ze rgyal 
ba'i drod kyi skye mched ces bya ba 'dug gis/ de'i gan du song la ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba dris shig /de nas tshong dpon gyi bu nor bzangs dga' rangs te mgu zhing nyams 
bde la tshim zhing yid bde ba skyes nas/ drang srong 'jigs mchog dbyangs kyi rkang pa gnyis la spyi bos phyag 'tshal te/ drang srong 'jigs mchog dbyangs la lan brgya stong du mar g.yas phyogs su bskor ba byas nas/ yang dang yang bltas te drang srong 'jig mchog dbyangs kyi drung nas song ngo /</font><hr>37-1-380a<br><font size=+1>
sangs rgyas rmad gcad ces bya ba shin tu rgyas pa chen po'i mdo/bam po sum cu gnyis pa/ de nas tshong dpon gyi bu nor bzangs/ byang chub sems dpa'i rnam par thar pa gzhan gyis mi thub pa'i rgyal mtshan gyi ye 
shes kyis snang bar byas pa/ sangs rgyas kyi yul gyi rnam par 'phrul pa bsam gyis mi khyab pa la mngon sum du rnam par spyod pa/ byang chub sems dpa'i rnam par thar pa bsam gyis mi khyab pa'i mngon sum gyi ye shes kyis mngon 
par shes pa/ byang chub sems dpa'i ting nge 'dzin bsam gyis mi khyab pa'i ye shes kyis/ sems snang bar gyur pa dus thams cad du yang dag par 'jug pa'i ting nge 'dzin gyi ye shes snang ba rab tu thob pa/ 'du shes 
kyi rnam pa thams cad la yang dag par 'jug pa'i ting nge 'dzin gyi yul gyis snang bar gyur pa/ 'gro ba thams cad las khyad par du 'phags pa dang ldan pa'i ye shes snang ba thob pa/ thams cad kyi rjes su song ba'i spyod 
yul la rnam par spyod pa mngon tu gyur pa/ gnyis su rnam par rtog pa med pas mnyam pa nyid du bstan pa'i ye shes lhur len pa/ dmyigs pa thams cad la rab tu 'dal ba'i ye shes snang ba dang ldan pa/ mnyam pa 
thams cad la mngon du gyur pa'i bzod pa rnam par dag pa la mos pa'i mdzod la mkhas pa rang bzhin gyi chos la bzod pa khong du chud pa'i ye shes mngon par shes pa dang ldan pa/ byang chub sems dpa'i spyod pa'i rang bzhin bsgom 
pa dang mi 'bral ba'i sems dang ldan pa/ thams cad mkhyen pa nyid kyi shugs drag po las phyir mi ldog pa'i sems dang ldan pa/ stobs bcu'i ye shes snang ba'i 'od rab tu thob pa/ chos kyi dbyings brjod pa la mngon par </font><hr>37-1-380b<br><font size=+1>
mos pas/ ngoms pa med pa'i sems dang ldan pa/ thams cad mkhyen pa nyid la rnam par spyod pa'i spyod yul la 'jug pa khong du chud pa'i sems dang ldan pa/ byang chub sems dpa'i spyod pa'i rgyan mtha' yas 
pa mngon par bsgrub pa'i sems dang ldan pa/ byang chub sems dpa'i smon lam gyi dkyil 'khor mtha' yas pa/ rnam par spyad pa'i sems dang ldan pa/ 'jig rten gyi khams kyi dra ba mi zad pa/ khong du chud pa'i 
ye shes mtha' dang dbus med pa mngon du gyur pa'i sems dang ldan pa/ sems can rgya mtsho mtha' yas pa yongs su smin par bya ba dang / gdul bar bya ba la zhum pa med pa'i sems dang ldan pa des/ byang chub sems dpa'i spyod pa'i yul 
mtha' yas pa la yang dag par blta ba dang / 'jig rten gyi khams kyi rgyud rnam pa tha dad pa mtha' yas pa la yang dag par blta ba dang / 'jig rten gyi khams rnam par phye ba sna tshogs mtha' yas pa la yang dag par blta ba dang / 
'jig rten gyi khams mtha' yas pa dmyigs pa phra ba dang / yangs pa'i khongs su chud par bya ba la yang dag par blta ba dang / 'jig rten gyi khams kyi gzhi mtha' yas pa'i ming gi dra ba sna tshogs yang dag par blta ba dang / 'jig 
rten gyi khams su rnam par spyad pa/ rnam par gdags pa mtha' yas pa'i kun rdzob rnam pa tha dad pa la yang dag par blta ba dang / sems can gyi mos pa sna tshogs mtha' yas pa la yang dag par blta ba dang / sems can rnam par 
phye ba'i rnam pa tha dad pa/ mtha' yas pa la yang dag par blta ba dang / sems can mtha' yas pa yongs su smin par bya ba dang / gdul ba khong du chud par bya ba la yang dag par blta ba dang / sems can dang phyogs dang dus </font><hr>37-1-381a<br><font size=+1>
mtha' yas pa'i mying gi rnam pa sna tshogs la yang dag par blta ba dang / dge ba'i bshes gnyen mngon du bya ba byed cing mthar gyis yul tshol ba dang ldan pa gang na ba dang / bram ze rgyal ba'i drod kyi skye mched ga la ba der 
phyin to/ /de'i tshe bram ze rgyal ba'i drod kyi skye mched thams cad mkhyen pa nyid bsgrub pa'i gzhir byas shing dka' thub drag po la spyod de/ de'i phyogs bzhi nas me'i phung po ri rab tsam du che ba bus pa dang / ri shin tu mtho ba'i g.yang sa'i lam gyi rgyud spu gri'i 
sos gshibs pas 'khod par snang ngo / de nas tshong dpon gyi bu nor bzangs kyis bram ze rgyal ba'i drod kyi skye mched kyi rkang pa gnyis la spyi bos phyag 'tshal te/ mdun du 'dug nas thal mo sbyar te/ 'di skad ces smras so/ /'phags 
pa bdag gis bla na med pa yang dag par rdzogs pa'i byang chub tu sems bskyed na/ ji ltar byang chub sems dpas byang chub sems dpa'i spyod pa la spyad pa dang / ji ltar nan tan du bgyi ba ma 'tshal te/ 'phags pa ni byang chub sems dpa' 
rnams la gdams ngag dang / rjes su bstan pa mdzad do zhes bdag gis thos na/ 'phags pa ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba bdag la bshad du gsol 
des smras pa rigs kyi bu song la spu gri'i so dngar ba'i ri 'di la 'dzegs te/ me'i 'obs 'dir mchongs shig dang / des khyod kyi byang chub sems dpa'i spyod pa yongs su dag par 'gyur ro zhes nas/ tshong dpon gyi bu nor bzangs 'di 
snyam du sems par gyur te/ mi khom pa brgyad las rnam par ldog pa yang shin tu dkon/ myir gyur te khom pa phun sum tshogs shing /rnam par dag pa yang shin tu dkon/ sangs rgyas 'byung ba yang shin tu dkon/ dbang po </font><hr>37-1-381b<br><font size=+1>
nyams pa myed pa yang shin tu dkon/ sangs rgyas kyi chos thos pa yang shin du dkon/ skyes bu dam pa dang phrad pa yang shin tu dkon/ yang dag pa'i dge ba'i bshes gnyen yang shin tu dkon/ yang dag pa'i tshul rjes su bstan 
pas legs par sdud pa yang shin tu dkon/ yang dag par 'tsho bar bya ba yang shin tu dkon/ mi'i 'jig rten na chos dang gnyer ba'i chos la nan tan byed pa yang shin tu dkon na/ de skad zer zhing bdag gi dge ba'i bar chad la 
zhugs la de ltar bdag gi srog gcad par brtson pa 'di bdud dam cig ma yin nam/ bdud kyi byin gyis brlabs pa 'am/ bdud kyi ris su gtogs pa'am/ dge ba'i bshes gnyen ltar brdzus pa'am/ byang chub sems 
dpa' la myi gcags pa byed pa zhig ma yin grang / bdag gi thams cad mkhyen pa nyid la bgegs byed par 'dod pa zhig ma yin grang / bdag lam gol ba ngan par gzhug par 'dod pa zhig ma yin grang / bdag gis sangs 
rgyas kyi chos khong du chud par bya ba'i chos kyi sgo la bgegs byed pa zhig ma yin grang / snyam nas/ de de ltar sems shing yid la byed pa'i tshe/ tshangs pa stong phrag bcu steng gi bar snang la gnas te/ 'di skad ces 'dzer to/ /rigs kyi 
bu de lta bu'i sems mi brtan par ma byed cig /rigs kyi bu 'phags pa 'di ni ting nge 'dzin rdo rje 'od 'phro ba'i snang ba rab tu thob pa ste/ brtson 'grus ldog pa med pa'o/ /brtsams pa chen po mthar dbyung ba la zhugs pa'o/ /
'gro ba thams cad kyi sred pa'i rlan bskam pa la mngon par brtson pa'o/ /lta ba'i rnam pa dang dra ba thams cad gtub pa la brtson pa'o/ /nyon mongs pa'i lcag lcig thams cad zad par bsreg pa la sta gon du gnas pa'o/ /mi </font><hr>37-1-382a<br><font size=+1>
khom mi shes pa'i bas mtha'i dgon pa thams cad snang bar bya ba la brtson pa'o/ /sems can thams cad kyi rga shi'i g.yang sa dang / 'jigs pa rnam par bzlog pa la yi dam brtan pa'o/ /
dus gsum gyi mun pa bsal ba la mngon par brtson pa'o/ /chos thams cad kyi 'od gzer dgye ba la zhugs pa'o/ /rigs kyi bu 'phags pa 'di dka' thub lngas yongs su gdung ba mdzad pa'i tshe/ tshangs pa ji snyed 
cig mkhan po dang dbang bsgyur ba dang / 'jig rten thams cad kyi gtso bor rang rang rlom zhing sems pa/ lta ba'i rnam pa sna tshogs la mngon par zhen pa/ de dag thams cad 'phags pa 'di'i dka' thub dang / brtul zhugs 
kyi thugs dam gyi mthus rang rang gi gnas na bag dga' ba med cing / de dag bsam gtan gyi ro dga' ba myong ba med pas/ 'phags pa 'di'i drung du 'dong ngo / /de dag phyin pa dang / 'phags pa 'di'i rdzu 'phrul gyi sbyin 
pa dang / drag shul gyi dka' thub dang / brtul zhugs kyi zil gyis mnan te/ lta ba'i rnam pa thams cad rnam par bzlog pa dang / nga rgyal dang rlom sems thams cad rab tu spang ba'i phyir chos ston to/ /'gro ba thams 
cad la byams pa chen po dang / snying rje chen pos khyab par bya ba dang / byang chub kyi bsam pa brtan par bya ba dang / byang chub tu sems bskyed pa shin tu yangs par bya ba dang / sangs rgyas thams cad yang dag par blta ba la 
mngon par brtson par bya ba dang / sangs rgyas kyi gsung gi dkyil 'khor thob par bya ba yongs su rdzogs par bya ba dang / thams cad du grags pa'i sangs rgyas kyi dbyangs la thogs pa med cing bsgrib pa med par bya ba'i phyir chos ston to/ /</font><hr>37-1-382b<br><font size=+1>
bdud stong phrag bcu yang steng gi bar snang la 'khod nas/ lha rdzas kyi nor bu rin po ches mngon par gtor te/ 'di skad ces 'dzer to/ /rigs kyi bu 'phags pa 'di dka' thub lngas yongs su gdung ba mdzad pa'i tshe/ 
'od 'phro ba'i phung po 'di las snang ba chen po byung zhing kho bo cag gi khyim dang / lus dang rgyan gyi longs spyod thams cad zil gyis gnon to/ /de'i phyir kho bo cag kyang so so'i gnas gnas na bag dga' ba med pas 'khor dang bcas te 
'phags pa 'di'i drung du 'dong ngo / /kho bo cag 'di'i drung du phyin nas kyang / 'phags pa 'di ni kho bo cag la ci nas kyang rang rang gi sems sor chud nas byang chub tu sems bskyed de/ bla na med pa yang dag par rdzogs pa'i byang 
chub las phyir mi ldog par 'gyur ba de lta de ltar chos ston to/ dbang bsgyur gyi lha'i rgyal po/ stong phrag bcus kyang lha rdzas kyi me tog gis mngon par gtor te/ 'di skad ces 'dzer to/ /rigs kyi bu 'phags pa 'di dka' 
thub lngas yongs su gdung ba byed pa'i tshe/ kho bo cag kyang rang rang gi gnas na dga' ba med de/ de ltar bdag cag kyang rang rang gi skye bo'i 'khor dang bcas te 'di'i drung du 'dong ngo / /bdag cag 'di'i drung du phyin pa dang 'di ni bdag 
cag la rang rang gi sems la dbang bsgyur ba thob par bya ba'i phyir chos ston to/ /nyon mongs pa thams cad la dbang bsgyur ba thob par bya ba dang / bsam pa ji lta bzhin du skye ba la dbang bsgyur ba thob par bya ba dang / las kyi sgrib 
pa thams cad rnam par dag pa'i dbang rab tu thob par bya ba dang / snyoms par 'jug pa thams cad la dbang rab tu thob par bya ba dang / yo byad la dbang ba'i rgyan yongs su dag par bya ba dang / bsam pa ji lta ba bzhin du </font><hr>37-1-383a<br><font size=+1>
tshe la dbang bsgyur ba thob par bya ba'i phyir chos ston to/ /rab 'phrul dga'i lha'i rgyal po stong phrag bcu yang steng gi bar snang la 'khod de/ lha rdzas kyi glu yang dag par sbyar ba'i nga ro snyan pa'i dbyangs bsgrags 
te/ mchod pa byas nas 'di skad ces 'dzer to/ /rigs kyi bu 'phags pa 'di dka' thub lngas yongs su gdung ba mdzad pa'i tshe/ me'i phung po 'di las de dang 'dra ba'i 'od byung zhing des kho bo cag gi gzhal med khang 'di dag 
rnam par dag ste/ gsal ba dang 'od shin tu dang bar gyur to/ /rgyan 'di dang lha'i bu mo 'di dag kyang rnam par dag cing gsal la 'od shin du dang bar gyur to/ /de bas na bdag cag kyang lha'i bu dang lha mo'i tshogs kyi 'khor dang 
bcas par 'dod pa la dga' bar tshor ba med do/ /'dod pa'i bde ba la mngon par dga' ba med pas lus dang sems tshim par gyur nas/ 'phags pa 'di'i drung du dong ba yin te/ 'phags pa 'di ni bdag cag de ltar phyin pa rnams la 
sems rnam par dag par bya ba'i phyir chos ston to/ /sems kyi 'od 'dang bar bya ba dang / sems shin du dag par bya ba dang / sems las su rung bar bya ba dang / sems kyi dga' ba yongs su bskyed pa dang / stobs bcu'i ye shes 
'thob pa rnam par dag par bya ba dang / chos kyi shugs chen po rnam par 'phel bar bya ba dang / sangs rgyas kyi sku tshad med pa mngon par bsgrub pa'i phyir lus rnam par dag par bya ba dang / de bzhin gshegs pa'i gsung thob par bya ba'i phyir 
ngag rnam par dag par bya ba dang / thams cad mkhyen pa nyid rab tu thob par bya bar sems rnam par dag par bya ba'i phyir chos ston to/ /rab dga' ldan gyi lha'i rgyal po stong phrag bcu'i lha'i bu dang / lha'i bu mo'i tshogs kyi 'khor dang bcas </font><hr>37-1-383b<br><font size=+1>
pa dag kyang steng gi bar snang la 'khod nas/ spos sna tshogs kyi phye ma'i sprin gyi char mngon par phab pas mchod pa byas te/ phyag 'tshal nas 'di skad ces 'dzer to/ /rigs kyi bu 'phags pa 'di dka' thub lngas yongs su gdung ba mdzad pa'i 
tshe/ bdag cag kyang rang rang gi gnas na dga' ba med de/ de ltar dga' ba med pas 'di'i drung du 'dong ste/ bdag cag phyin pa rnams la 'phags pa 'di ni yul thams cad la ltos pa med par bya ba'i phyir chos ston to/ /chog shes 
pa'i sems su bya ba dang / dge ba'i rtsa ba yang dag par bskyed pa dang / byang chub tu sems bskyed pa rab tu thob par bya ba nas/ sangs rgyas kyi chos thams cad yongs su rdzogs par bya ba'i phyir chos ston to/ /rab mtshe ma'i lha'i 
rgyal po stong phrag bcu lha'i bu dang / lha'i bu mo'i tshogs kyi 'khor dang bcas pa dag gis kyang lha rdzas kyi me tog man da ra ba'i char mngon par phab ste/ 'di skad ces 'dzer to/ /rigs kyi bu 'phags pa 'di dka' thub lngas 
yongs su gdung ba mdzad pa'i tshe/ bdag cag kyang lha rdzas kyi glu snyan pa la dga' ba med de/ de ltar dga' ba med pas 'phags pa 'di'i drung du 'dong ste/ bdag cag phyin nas kyang / 'phags pa 'di ni 'dod pa'i dga' 
ba thams cad rnam par bzlog par bya ba nas/ sangs rgyas kyi chos thams cad rab tu thob par bya ba'i phyir chos ston to/ /lha'i dbang po brgya byin stong phrag bcu so so nas/ nye ba'i dbang po sum cu rtsa gnyis dang / 
lha'i bu dang / lha'i bu mo'i tshogs kyi 'khor dang bcas pas/ lha rdzas kyi gos dang / rin po che'i rgyan dang / me tog gi sprin gyi char mngon par phab ste/ 'di skad ces 'dzer to/ /rigs kyi bu </font><hr>37-1-384a<br><font size=+1>
'phags pa 'di/ dka' thub lngas yongs su gdung ba mdzad pa'i tshe/ bdag cag kyang brgya byin gyi khang pa dang / bza' shing gi ra ba dang / rtse ba'i nags tshal dang / lha rdzas kyi rol mo 
brdung zhing dkrol ba dang / gam yo na glu len pa'i longs spyod la dga' ba med de/ de ltar bdag cag dga' ba med pas 'di'i drung du 'dong ngo / /bdag cag der phyin nas kyang 'phags pa 'di ni kho bo cag la 'dod pa'i dga' ba thams 
cad yongs su spang ba'i phyir chos ston to/ /'di dag thams cad ni rtag pa ma yin te/ mi brtan zhing 'jig par 'gyur ba'i chos can no zhes bya ba'i tshig brjod do/ /dregs pa dang bag med pa thams cad yongs su gcad pa dang / bla na 
med pa'i byang chub tu spro ba bskyed pa'i phyir chos ston to/ /rigs kyi bu gzhan yang 'dis bltas pa tsam gyis ri rab kyi rtse mo thams cad kyang g.yo bar 'gyur te/ des bdag cag gshigs pas sems skyo bar gyur nas/ thams 
cad mkhyen pa'i sems brtan pas/ thams cad mkhyen pa'i ye shes su smon lam mngon par sgrub bo/ /klu'i rgyal po shugs ldan dang / dga' bo dang / bsnyen dga' bo la stsogs pa/ klu brgya stong phrag bcu dag kyang steng gi bar snang la 
gnas shing dus dang mthun pa'i lha rdzas kyi tsan dan gyi sprin dang / klu'i bu mos glu blangs pa'i nga ro snyan pa'i dbyangs dang / lha rdzas kyi spos chu'i rgyun rab tu 'bab pa'i char mngon par phab ste/ 'di skad ces 'dzer to/ /rigs kyi bu 'phags 
pa 'di dka' thub lngas yongs su gdung ba mdzad pa'i tshe/ me'i phung po chen po 'di las 'od chen po byung ste/ des klu'i gnas thams cad snang bar byas nas/ bye ma'i char dang /nam mkha' lding gi 'jigs pa yongs su sel to/ /khro ba </font><hr>37-1-384b<br><font size=+1>
'byung ba yang zhi bar byas te/ lus sim par byas nas yid shin tu mos par byed do/ /de ltar sems shin tu mos par gyur nas/ 'phags pa 'di ni bdag cag la chos ston te/ 'di ltar klu'i lam gyi rgyud ngan pa rnam par smad pa dang / sgrib pa'i 
las thams cad rab tu spang ba'i phyir nyes pa 'chags su btsud cing bla na med pa yang dag par rdzogs pa'i byang chub tu sems bskyed du btsud de thams cad mkhyen pa nyid la rab tu dgod do/ /gnod sbyin gyi dbang po stong phrag bcu yang nam mkha'i dbyings 
la 'khod de/ mchod pa rnam pa sna tshogs kyis bram ze rgyal ba'i drod kyi skye mched dang / tshong dpon gyi bu nor bzangs la mchod pa byas nas 'di skad ces 'dzer to/ /rigs kyi bu 'phags pa 'di dka' thub lngas yongs su gdung ba mdzad pa'i tshe/ 
kho bo cag gi 'khor kun kyang mi rnams la byams pa'i sems skye bar 'gyur te/ gnod sbyin dang / srin po dang / grul bum thams cad kyang byams pa'i sems dang ldan par gyur to/ /de dag byams pa'i sems dang ldan zhing 'tshe ba med 
pa la zhugs pa rnams kho bo cag gi drung du 'ong ngo / /kho bo cag kyang de ltar byams pa'i dbang gi zil gyis non pas/ rang rang gi gnas de dang / de dag na dga' ba med de/ de ltar bdag cag kyang rang rang gi skye bo'i 'khor dang bcas te/ 
'phags pa 'di'i drung du 'dong ngo / /'phags pa bdag cag de ltar 'ongs pa rnams la 'phags pa 'di'i sku las byung ba'i 'od kyis lus thams cad snang bar byas shing / bde bas khyab par mdzad de/ de ltar bdag cag lus 
dang sems bde bar gyur nas/ 'phags pa 'di ni ci nas kyang bdag cag la gnod sbyin dang / srin po dang grul bum dang / lus srul po mang po byang chub tu sems skye bar 'gyur ba de ltar chos ston to/ /dri za'i dbang po stong phrag </font><hr>37-1-385a<br><font size=+1>
bcu dag kyang steng gi bar snang la 'khod nas 'di skad ces 'dzer to/ /rigs kyi bu kho bo cag kyang rang rang gi gnas na 'khod pa'i tshe/ 'phags pa 'di dka' thub lngas yongs su gdung ba mdzad pa'i tshe/ me'i phung 
po 'di las 'od byung ste/ bdag cag gi gnas snang bar gyur to/ /de ltar bdag cag 'od des phog ste/ bde ba bsam gyis mi khyab pa dang ldan par gyur pas/ 'phags pa 'di'i drung du 'dong ste/ bdag cag drung du phyin nas 
kyang 'phags pa 'di ni bdag cag ci nas kyang / bla na med pa yang dag par rdzogs pa'i byang chub las phyir mi ldog par 'gyur ba de ltar chos ston to/ lha ma yin gyi dbang po stong phrag bcu dag kyang rgya mtsho'i nang nas mngon par 'thon 
te/ nam mkha' la pus mo g.yas pa'i lha nga btsugs te/ thal mo sbyar nas phyag 'tshal zhing 'di skad ces 'dzer to/ /rigs kyi bu 'phags pa 'di dka' thub lngas yongs su gdung ba mdzad pa'i tshe/ kho bo cag gi lha ma yin gyi 
'jig rten rgya mtsho dang rir bcas pa'i sa chen po'i dkyil 'khor rab tu g.yo bar gyur te/ bdag cag kun gyi nga rgyal dang rlom sems dang / dregs pa thams cad brtul shugs dang / dka' thub kyi zil gyis non te/ 
'phags pa 'di'i drung du 'dong ngo / /der phyin nas kyang 'phags pa 'di ni bdag cag la g.yo sgyu thams cad rab tu spang ba dang / chos zab mo'i bzod pa la gzud pa dang / mi g.yo ba'i chos nyid la rab tu dgod pa 
dang / stobs bcu'i ye shes yongs su grub par bya ba'i phyir chos ston to/ /nam mkha' lding gi dbang po shugs chen po 'dzin pa la stsogs pa nam mkha' lding gi dbang po stong phrag bcus kyang bram ze'i bu shin tu sdug gu'i </font><hr>37-1-385b<br><font size=+1>
gzugs su mngon par sprul te/ 'di skad ces 'dzer to/ /rigs kyi bu 'phags pa 'di dka' thub lngas yongs su gdung ba mdzad pa'i tshe/ me'i phung po 'di dag las 'od chen po byung ste/ bdag cag gi gnas snang bar byas nas/ yongs 
su g.yo bar byed do/ /des bdag cag kyang 'jigs shing skrag ste/ skyo ba'i yid dang ldan par gyur nas 'phags pa 'di'i drung du 'dong ngo / /'phags pa 'di yang bdag cag la chos ston cing / byams pa chen po la yang dag par 
sbyor ba mdzad do/ /snying rje chen po la yang dag par dgod pa mdzad do/ /'khor ba'i rgya mtshor 'jug pa la yang yang dag par sbyor ba mdzad do/ /'dod pa'i 'dam du bying ba'i sems can mngon par gdon par bya ba la'ang yongs su sbyor ba mdzad 
do/ /lhag pa'i bsam pa'i sgo rnam par dag par bya ba la'ang rab tu sbyor ba mdzad do/ /shes rab dang thabs shin tu gsal ba la'ang yang dag par sbyor ba mdzad do/ /rnam pa ji lta bur yongs su smyin par bya ba'i sems can rnams gdul bar bya ba la'ang 
rab tu sbyor ba mdzad do/ /mi'am ci'i dbang po stong phrag bcu yang steng gi bar snang la 'khod de 'di skad ces 'dzer to/ /rigs kyi bu 'phags pa 'di dka' thub lngas yongs su gdung ba mdzad pa'i tshe/ kho bo cag gi gnas na 'khod pa'i 
shing ta la'i phreng ba las dril bu'i dra ba rin po che'i srad bus lda ldir brgyus pa'i sil snyan dang / rol mo'i yo byad dang / rin po che'i rgyan dang / khyim gyi longs spyod thams cad las sangs rgyas kyi sgra byung ngo / /chos kyi sgra dang 
phyir mi ldog pa'i byang chub sems dpa'i dge 'dun gyi sgra dang / byang chub tu yang dag par zhugs pa'i smon lam gyi sgra byung ngo / /'jig rten gyi khams kyi grangs su bya ba che ge mo zhig na ni byang chub sems dpa' mying 'di dang 'di zhes </font><hr>37-1-386a<br><font size=+1>
bya ba zhig byang chub tu smon lam 'debs so/ /'jig rten gyi khams kyi grangs su bya ba che ge mo zhig na ni byang chub sems dpa'i mying 'di dang 'di zhes bya ba zhig dka' ba yongs su gtong ba byed do/ /'jig rten gyi khams kyi grangs 
su bya ba che ge mo zhig na ni byang chub sems dpa' mying 'di dang 'di zhes bya ba zhig thams cad mkhyen pa nyid kyi ye shes kyi dkyil 'khor yongs su sbyong ba byed do/ /'jig rten gyi khams kyi grangs su bya ba che ge mo zhig na ni byang chub sems dpa' 
mying 'di dang 'di zhes bya ba zhig snying po byang chub tu 'gro'o/ /'jig rten gyi khams kyi grangs su bya ba che ge mo zhig na ni byang chub sems dpa' mying 'di dang 'di zhes bya ba zhig dpung dang bzhon par bcas pa'i bdud rab tu pham par byas te/ bla 
na myed pa yang dag par rdzogs pa'i byang chub tu mngon par 'tshang rgya'o/ /'jig rten gyi khams kyi grangs su bya ba che ge mo zhig na ni de bzhin gshegs pa mtshan 'di dang 'di zhes bya ba zhig chos kyi 'khor lo bskor ba mdzad do/ /'jig rten gyi 
khams kyi grangs su bya ba che ge mo zhig na ni de bzhin gshegs pa mtshan 'di dang ni che ge mo zhig sangs rgyas kyi 'phrin las ma lus par mdzad nas/ phung po ma lus pa'i mya ngan las 'das pa'i dbyings su yongs su mya ngan las 'da' ba 
mdzad do/ /zhes bya ba'i sgra 'byin te/ rigs kyi bu 'dzam bu'i gling gi rtswa dang shing dang / yal ga dang / lo ma dang / 'dab ma thams cad rdul shin tu phra ba'i char blags pa'i mur thug par ni rung yang srid kyi de bzhin gshegs pa de dag gi 
mtshan dang / byang chub sems dpa' rnams kyi smon lam dang / byang chub sems dpa'i spyod pa la 'jug pa'i khyad par gang kho bo cag gi gnas na yod pa'i shing ta la'i phreng ba las rol mo'i yo byad dang / rin po che'i rgyan dang / khyim </font><hr>37-1-386b<br><font size=+1>
gyi longs spyod rlung gis bskyod pa'i sgra 'byung zhing / nga ro 'byin pa dang / rna lam du grags pa'i mtha' ni thug par mi rung ngo / /de ltar bdag cag kyang sangs rgyas dang / chos dang / dge 'dun dang / byang chub sems dpa' rab tu 'jug 
pa'i smon lam dang / spyod pa dang mtshan gyi chu klung gi sgras dga' ba chen po'i shugs drag pos nyams bde ba skyes te/ 'phags pa 'di'i drung du 'dong ngo / /de ltar bdag cag phyin par gyur nas kyang / 'phags pa 'di ni bdag cag la ci 
nas kyang / kho bo cag gi 'khor gyi sems can du ma zhig bla na med pa yang dag par rdzogs pa'i byang chub las phyir myi ldog par 'gyur ba de lta bur chos ston pa mdzad do/ /'dod pa la spyod pa'i lha'i bu stong phrag dpag tu med pa kha dog shin 
tu mdzes pa dag kyang nam mkha' la 'khod cing yid kyis sprul pa'i mchod pas mchod pa byas nas 'di skad ces 'dzer to/ /'phags pa 'di dka' thub lngas yongs su gdung ba mdzad pa'i tshe/ me'i phung po 'di dag las rnam pa 'di 
lta bu'i 'od byung te/ 'od des mar na mnar med pa yan chad du sems can dmyal ba rnams snang bar byas nas/ sems can dmyal ba pa'i sems can thams cad kyi sdug bsngal rtse zil bar byas te/ 'od de nyid kyis 'phags pa 'di bdag cag gi myig 
lam du snang bar bstan pas de'i phyir kho bo cag kyang 'phags pa 'di la sems mos par gyur nas/ 'dod pa la spyod pa'i lha'i ris nyams su bde bar skyes so/ /de ltar bdag cag kyang 'phags pa 'dis mdzad pa la drin du 
gzo zhing mthong bas mi ngoms pas 'dod pa'i dga' ba thams cad yongs su spangs te/ 'phags pa 'di'i drung du 'dong ngo / /der bdag cag phyin nas kyang 'phags pa 'di ni ci nas kyang / sems can tshad myed pa rnams byang </font><hr>37-1-387a<br><font size=+1>
chub tu smon lam 'debs par 'gyur ba de ltar chos ston pa mdzad do/ /de nas tshong dpon gyi bu nor bzangs kyis chos kyi tshul rnam pa 'di lta bu thos nas dga' rangs te/ mgu zhing nyams bde la tshim zhing yid 
bde ba skyes te/ bram ze rgyal ba'i drod kyi skye mched la yang dag pa'i dge ba'i bshes gnyen du 'du shes bskyed de/ bram ze rgyal ba'i drod kyi skye mched kyi rkang pa gnyis la spyi bos phyag 'tshal te/ 'di skad ces smras so/ /'phags 
pa de ltar bdag gis dge ba'i bshes gnyen gyi bka' dang / 'gal bar bgyis pa'i nongs pa la nongs par bshags so/ /de nas bram ze rgyal ba'i drod kyi skye mched kyis/ tshong dpon gyi bu nor bzangs la tshigs su bcad 
pa 'di dag smras so/ /byang chub sems dpa' gang zhig rjes su bstan dang 'thun byed cing / dran pa nye bar gzhag ste bla ma'i ngag gcog mi byed na/ de phyir de yi don rnams thams cad 'thun par 'grub par 'gyur/ /mthun pa'i sangs 
rgyas ye shes byang chub drung du 'tshang yang rgya/ /de nas tshong dpon gyi bu nor bzangs kyis ri'i g.yang sa'i lam spu gri so gshibs pa la 'dzegs te/ me'i phung po chen po der mchongs so/ /de de ltar mchongs pa'i tshe/ byang 
chub sems dpa'i ting nge 'dzin shin tu brtan pa zhes bya ba thob par gyur to/ /mye des reg nas kyang byang chub sems dpa'i ting nge 'dzin rab tu zhi ba'i bde ba mngon par shes pa zhes bya ba thob par gyur nas des 'di skad ces smras so/ /
'phags pa mye'i phung po la de ltar reg na bde ba dang / ri'i lam spu gris gtams pa 'di yang de ltar reg na bde ba de ni ngo mtshar che'o/ /des smras pa/ rigs kyi bu kho bo ni byang chub sems dpa'i rnam par thar pa dkyil 'khor </font><hr>37-1-387b<br><font size=+1>
yongs su mi zad pa thob pa ste/ rigs kyi bu kho bos ni byang chub sems dpa'i rnam par thar pa dkyil 'khor yongs su mi zad pa 'di shes par zad na/ kho bos byang chub sems dpa' me'i phung po lta bu 'gro ba thams cad kyi nyon mongs pa 
dang / lta ba'i rnam pa thams cad yongs su zad par bya ba'i smon lam can ru mtshon phyir mi ldog pa dang ldan pa/ sems la thub pa med cing sems dma' ba med pa dang ldan pa/ yid zhum pa med pa can rdo rje'i snying po dang ldan pa'i 
mthu bo che lta bu brtsams pa chen po mthar phyin par bya ba la sgyid lug pa med pa sbyor ba lhod pa myed pa/ rlung gi dkyil 'khor lta bur 'gro ba thams cad kyi don du brtson pa/ brtson 'grus phyir mi ldog pa dang ldan pa/ phyir mi zlog pa'i go 
ca bgos pa/ de dag gi spyod pa shes pa'am/ yon tan brjod par nus re skan/ /song rigs kyi bu lho phyogs kyi rgyud 'di nyid na grong khyer seng ge rnam par bsgyings pa zhes bya ba yod de/ de na rgyal po seng ge dpal gyi bu mo byams ma zhes 
bya ba bu mo lnga brgya'i 'khor dang bcas pa 'dug gis de'i gan du song la ji ltar byang chub sems dpas byang chub sems dpa'i spyod pa la bslab par bya ba dang / ji ltar nan tan du bya ba dris shig /de nas tshong dpon gyi bu nor bzangs kyis/ 
bram ze rgyal ba'i drod kyi skye mched kyi rkang pa gnyis la spyi bos phyag 'tshal te/ bram ze rgyal ba'i drod kyi skye mched la lan brgya stong du mar g.yas phyogs su bskor ba byas nas yang dang yang bltas te/ bram ze rgyal ba'i drod kyi skye mched kyi 
drung nas song ngo / /de nas tshong dpon gyi bu nor bzangs dge ba'i bshes gnyen la rim gro bsam gyis myi khyab pa la zhugs pa mos pa rgya chen pos rnam par dag pa theg pa chen po la mngon du phyogs pa/ sangs rgyas kyi ye shes la mngon </font><hr>37-1-388a<br><font size=+1>
par mos pa/ sangs rgyas kyi chos la yang dag par zhugs pa/ dge ba'i bshes gnyen gyi rjes su 'brang bar spro ba/ chos kyi rim gro la rnam par spyod pa/ chags pa med pa'i ye shes la mngon du gyur pa/ yang 
dag pa'i mtha' shin tu rtogs pa/ ye shes kyi mtha' la gnas pa'i yul dang ldan pa/ dus gsum skad cig gi cha shas la khong du chud par byed pa/ nam mkha'i mtha' gnyis su med pa mngon du gyur pa/ mi gnyis pa'i mtha' rnam par 
gdon mi za ba thob pa/ chos kyi dbyings kyi mtha' la rnam par mi rtog par gnas pa/ bsgribs pa med pa'i mthas gdul ba khong du chud par bya ba la zhugs pa/ chos kyi mtha' dang myi 'gal bar bya ba la gzhol ba/ de bzhin gshegs pa'i 
mtha' la mtha' med par khong du chud pa/ sangs rgyas thams cad kyi mtha' la rnam par mi rtog par gnas pa/ sems can thams cad kyi 'du shes kyi dra ba rnam par gtor ba'i ye shes la gzhol ba/zhing la mngon par chags pa thams 
cad dang bral ba/ sangs rgyas kyi 'khor gyi dkyil 'khor thams cad la chags pa med pa'i sems dang ldan pa/ sangs rgyas kyi zhing thams cad yongs su dag par bya ba la gnas pa med par spyod pa/ sems can thams cad la 
bdag med pa dang / sems can med pa'i 'du shes dang ldan pa/ sgra thams cad tshig gi lam lta bur khong du chud pa/ gzugs thams cad gzugs kyi gzugs brnyan dang mnyam par rnam par rig par bya ba la gzhol ba de mthar gyis 
seng ge rnam par bsgyings pa'i grong khyer gang na ba der phyin te/ bu mo byams ma tshol zhing yongs su rmed rmed pa las/ rgyal po seng ge dpal gyi bu mo byams ma 'khor bu mo lnga brgya dang ldan pa de khang pa rnam par snang ba'i snying po zhes bya </font><hr>37-1-388b<br><font size=+1>
ba'i nang na khri tsan dan sbrul gyi snying po'i rkang pa can/ gser gyi lcag phod kyi dra bas legs par blas pa/ lha rdzas kyi stan bting ba la 'dug cing chos ston to/ /zhes thos nas/ seng ge rnam par bsgyings pa'i grong khyer du song ste/ rgyal 
po seng ge dpal gyi gnas gang na ba der phyin nas/ rgyal po'i phyi sgo'i sgo gang na bu mo byams ma mthong bar dga' ba'i phyir sdod cing 'dug 'dug pa dang / des der srog chags brgya phrag du ma dang / srog chags stong phrag du ma dang / 
srog chags brgya stong phrag du ma 'dong ba mthong nas/ khyed gang nas 'ongs/ da gang du 'dod zhes dris pa dang / de dag na re nged ni bu mo byams ma'i drung du chos mnyan pa'i phyir 'dong ngo zhes nas/ des bsams pa 'dir ni su 'gro 
yang bgag pa med pa lta zhig snyam ste/ de yang nang du phyin to/ /de ltar phyin te bltas na khang pa rnam par snang ba'i snying po can de yang / gzhi shel du 'dug pa'i sa las blangs te/ be+eDUR+ya'i ka ba bkye ba/ rtsig pa rdo rje las byas pa/ 
'dzam bu chu klung gi gser gyi lhun dang ldan pa'i ba gam brgya phrag stong gis brgyan pa/ nor bu rin po che grangs med pas rnam par bris pa/ rin po che stong gi snying po'i me long gi dkyil 'khor gyis shin tu spa bar byas pa/ nor bu rin po 
che 'gro ba'i yid du 'ong bas rnam par brgyan pa/ rin po che'i shing thags grangs med pas yongs su bskor ba/ gser gyi dril bu brgya stong shin tu 'khrol ba'i sgra snyan pa bsam gyis mi khyab pa'i rgyan dang ldan pa 'dug par mthong ngo / /bu 
mo byams ma de yang mig dkar nag 'byes pa/ skra mthon ting du 'dug pa/ mdog gser gyi kha dog ltar 'dug pa mthong nas/ des de'i rkang pa gnyis la spyi bos phyag 'tshal te/ lan brgya stong du mar g.yas phyogs su bskor ba byas nas/</font><hr>37-1-389a<br><font size=+1>
thal mo sbyar te mdun du 'dug nas/ 'di skad ces smras so/ 'phags ma bdag gis bla na med pa yang dag par rdzogs pa'i byang chub tu sems bskyed na/ ji ltar byang chub sems dpas byang chub sems 
dpa'i spyod pa la bslab par bgyi ba dang / ji ltar nan tan du bgyi ba ma 'tshal te/ 'phags ma ni byang chub sems dpa' rnams la gdams ngag dang / rjes su bstan pa mdzad do zhes bdag gis thos na/ 'phags ma ji ltar 
byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba bdag la bshad du gsol/ smras pa/ rigs kyi bu/ kho mo'i gnas kyi rgyan la ltos shig /ces nas des kun tu byul te 
bltas pa dang / rtsig pa re re dang /ka ba re re dang / me long gi dkyil 'khor re re dang / rnam pa'i bye brag re re dang / dbyibs re re dang / nor bu rin po che re re dang / gser gyi dril bu re re dang / rin po che'i shing re re dang / 
ba spu'i bu ga re re dang / rin po che'i se mo do re re las kyang / chos kyi dbyings thams cad na bzhugs pa'i de bzhin gshegs pa thog ma thugs bskyed pa dang bcas pa/ spyod pa dang smon lam gyi yul dang bcas pa/ 'byung 
ba'i rgyan dang bcas pa/ mngon par 'tshang rgya ba'i rnam par 'phrul pa dang bcas pa/ chos kyi 'khor lo bskor ba dang bcas pa/ yongs su mya ngan las 'da' ba ston pa dang bcas par gzugs brnyan gyi tshul du 
mthong bar gyur to/ /dmyigs pa de dag re re las ji lta ba bzhin du dmyigs pa thams cad las kyang mthong bar gyur to/ /'di lta ste dper na/ chus yongs su gang ba'i mtsho dang zhing rnyog pa med la rnam par gsal </font><hr>37-1-389b<br><font size=+1>
ba la ni nam mkha' gnyi zla dang / skar ma'i tshogs kyis brgyan pa/ gzugs brnyan gyi tshul du yongs su snang ngo / /de bzhin du khang pa rnam par snang ba'i snying po'i dmyigs pa re re las kyang chos kyi dbyings kun na bzhugs pa'i de 
bzhin gshegs pa thams cad gzugs brnyan gyi tshul du yongs su snang bar gyur te/ de ni bu mo byams ma'i sngon gyi dge ba'i rtsa ba'i rgyu'i phyir te/ des de ltar rnam par bltas nas/ sangs rgyas mthong ba'i rgyan gyi mtshan ma 
de yongs su bzung ste/ thal mo sbyar nas/ bu mo byams ma'i gdong du bltas pa dang / des smras pa/ rigs kyi bu kho mo ni shes rab kyi pha rol tu phyin pa'i sgo'i rgyud kun nas rnam par brgyan pa zhes bya ba thob pa ste/ shes rab kyi 
pha rol tu phyin pa'i sgo'i rgyud 'di ni kho mos de bzhin gshegs pa chu klung gang+gA'i klung sum cu rtsa drug gi bye ma snyed las yongs su btsal ba ste/ de bzhin gshegs pa de dag gis kyang shes Rab kyi pha rol tu phyin pa'i sgo'i rgyud kun 
nas rnam par brgyan pa 'di sgo sna tshogs kyi khong du chud par bya bas rtogs par mdzad de/ gcig gis gang gsungs pa de 'ang gnyis kyis ma gsungs so/ /smras pa/ 'phags ma shes rab kyi pha rol tu phyin pa'i sgo'i rgyud kun 
nas rnam par brgyan pa 'di'i yul ji lta bu zhig mchis/ smras pa/ rigs kyi bu shes rab kyi pha rol tu phyin pa'i sgo'i rgyud kun nas rnam par brgyan pa 'di la kho mo mngon du byed cing / sems pa dang rjes su 'brang bar bya ba 
dang / rnam par dpyod pa dang / rjes su sems pa dang / dran par bya ba dang / yongs su gzung pa dang / rnam par brtag pa dang / mngon par bsgrub pa dang / yang dag par brgyan par bya ba dang / rab tu rnam par dbye ba </font><hr>37-1-390a<br><font size=+1>
byed pa'i tshe/ gzungs kun nas sgo zhes bya ba yongs su skye ste/ gzungs kyi dkyil 'khor der ni chos kyi sgo brgya stong grangs med pa phrag bcu yongs su 'du'o/ /khong du chud do/ /mngon du gyur to/ /mngon par 
'du'o/ /khongs na 'khod do/ /'di lta ste/ sangs rgyas kyi zhing gi sgo dang / sangs rgyas kyi sgo dang / chos kyi sgo dang / sems can gyi sgo dang / 'das pa'i sgo dang / ma 'ongs pa'i sgo dang / da ltar byung ba'i sgo dang / gnas 
pa'i mtha'i sgo dang / bsod nams kyi sgo dang / bsod nams kyi tshogs kyi sgo dang / ye shes kyi sgo dang / ye shes kyi tshogs kyi sgo dang / smon lam gyi sgo dang / smon lam gyi rnam pa'i sgo dang / spyod pa'i sgo dang / spyod pa rnam par dag pa'i 
sgo dang /spyod pa yongs su 'byung ba'i sgo dang / spyod pa yongs su rdzogs par bya ba'i sgo dang / las kyi sgo dang / las dang mi 'gal ba'i sgo dang / las kyi rgyun gyi sgo dang / las mngon par 'du bya ba'i sgo dang / mi mnyam 
pa'i las yongs su spang ba'i sgo dang / yang dag pa'i las la nan tan du bya ba'i sgo dang / las la dbang bsgyur ba'i sgo dang / legs par spyad pa'i sgo dang / legs par spyad pa yang dag par blang ba'i sgo dang / ting nge 'dzin 
gyi sgo dang / ting nge 'dzin khong du chud par bya ba'i sgo dang / ting nge 'dzin la rnam par spyad pa'i sgo dang / ting nge 'dzin gyi spyod yul gyi sgo dang / ting nge 'dzin las ldang ba'i sgo dang / mngon par shes pa'i sgo dang / sems rgya mtsho'i 
sgo dang / sems kyi rnam grangs kyi sgo dang / sems kyi rgyud yongs su dag par bya ba'i sgo dang / sems kyi thibs po snang bar bya ba'i sgo dang / sems kyi mtsho dang bar bya ba'i sgo dang / sems 'byung ba'i sgo dang / sems </font><hr>37-1-390b<br><font size=+1>
rnam par rgyu ba'i sgo dang / sems can kun nas nyon mongs pa rgyu ba'i sgo dang / nyon mongs pa'i bag chags kyi sgo dang / nyon mongs pa'i sbyor ba'i sgo dang / mos pa'i sgo dang / sems can gyi spyod pa'i sgo dang / sems can gyi spyod pa rnam 
pa tha dad pa'i sgo dang / 'jig rten 'byung ba'i sgo dang / sems can gyi bsam pa'i sgo dang / sems can gyi 'du shes kyi rnam pa'i sgo dang / phyogs kyi sgo dang / chos kyi phyogs kyi sgo dang / snying rje chen po'i sgo dang / byams pa chen 
po'i sgo dang / zhi ba'i sgo dang / ngag gi lam gyi sgo dang / tshul gyi sgo dang / khong du chud par bya ba'i sgo dang / rnam par phye ba'i sgo dang / yang dag par 'du ba'i sgo dang / chags pa med pa'i mtha'i sgo dang / kun gyi sgo dang / sangs 
rgyas kyi chos kyi sgo dang / byang chub sems dpa'i chos kyi sgo dang / nyan thos kyi chos kyi sgo dang / rang sangs rgyas kyi chos kyi sgo dang / 'jig rten gyi chos kyi sgo dang / 'jig rten 'byung ba'i chos kyi sgo dang / 'jig rten 
'jig pa'i chos kyi sgo dang / 'jig rten kun nas gnas pa'i sgo dang / 'jig rten gyi khams rnam par dag pa'i sgo dang / 'jig rten gyi khams kun nas nyon mongs pa'i sgo dang / 'jig rten gyi khams kun nas nyon 
mongs pa la rnam par dag pa'i sgo dang / 'jig rten gyi khams rnam par dag pa la kun nas nyon mongs pa'i sgo dang / 'jig rten gyi khams gcig tu kun nas nyon mongs pa'i sgo dang / 'jig rten gyi khams gcig tu rnam par dag 
pa'i sgo dang / 'jig rten gyi khams gzhi mnyam pa nyid du khong du chud par bya ba'i sgo dang / 'jig rten gyi khams snrel zhi'i sgo dang / 'jig rten gyi khams spyi'u tshugs su rgyu ba'i sgo dang / myig 'phrul du 'jug pa'i sgo dang / 'jig </font><hr>37-1-391a<br><font size=+1>
rten gyi khams kyi rgyud kyi sgo dang / gnas kyi 'du shes kyi rnam par gyur pa'i sgo dang / phra ba rgya chen por khong du chud par bya ba'i sgo dang / rgya chen po phra bar khong du chud par bya ba'i sgo dang / sangs rgyas mthong bar 
bya ba'i sgo dang / sangs rgyas kyi sku rnam pa tha dad pa'i sgo dang / sangs rgyas kyi 'od gzer gyi dra ba rnam pa tha dad pa'i sgo dang / sangs rgyas kyi gsung gi dkyil 'khor rnam par phye ba'i sgo dang / sangs rgyas kyi chos kyi 'khor lo mngon par 
bsgrub pa'i sgo dang / sangs rgyas kyi chos kyi 'khor lo tha dad pa'i sgo dang / sangs rgyas kyi chos kyi 'khor lo nges pa'i tshig gi sgo dang / sangs rgyas kyi chos kyi 'khor lo 'khor ba kun tu 'khor ba'i sgo dang / sangs rgyas kyi phrin las kyi sgo dang / 
sangs rgyas kyi 'khor gyi dkyil 'khor gyi sgo dang / sangs rgyas kyi 'khor gyi dkyil 'khor rnam par phye ba'i sgo dang / sangs rgyas kyi 'khor gyi dkyil 'khor rgya mtshor 'jug pa'i sgo dang / sangs rgyas kyi stobs snang ba'i sgo dang / sangs 
rgyas kyi ting nge 'dzin gyi sgo dang / sangs rgyas kyi ting nge 'dzin gyis rnam par 'phrul pa'i sgo dang / sangs rgyas kyi rnam par spyod pa'i sgo dang / sangs rgyas kyi byin gyi rlabs kyi sgo dang / sangs rgyas kyi sprul pa'i sgo dang / sangs rgyas 
kyi sems can pha rol gyi sems thugs su chud pa'i sgo dang / sangs rgyas kyi rdzu 'phrul gyis rnam par 'phrul pa'i sgo dang / dga' ldan gyi pho brang na bzhugs pa'i sgo nas yongs su mya ngan las 'da' ba bstan pa'i bar gyi sgo dang / sems 
can gyi don tshad myed pa mdzad pa'i sgo dang / chos zab mo'i tshul gyi sgo dang / chos sna tshogs kyi tshul gyi sgo dang / byang chub kyi sems kyi chos kyi rnam pa'i sgo dang / byang chub kyi sems 'byung ba'i rnam pa'i chos kyi sgo dang / byang chub kyi sems </font><hr>37-1-391b<br><font size=+1>
kyi tshogs kyi rnam pa'i sgo dang / smon lam gyi rnam pa'i sgo dang / spyod pa'i rnam pa'i sgo dang / mngon par shes pa'i rnam pa'i sgo dang / 'byung ba'i rnam pa'i sgo dang / gzungs rnam par dag pa'i rnam pa'i sgo dang / ye shes kyi dkyil 'khor rnam 
par dag pa'i rnam pa'i sgo dang / shes rab yongs su dag pa'i rnam pa'i sgo dang / byang chub tshad myed pa'i rnam pa'i sgo dang / dran pa rnam par dag pa'i rnam pa'i sgo dag ste/ rigs kyi bu de ltar kho mos shes rab kyi pha rol tu phyin pa'i sgo'i 
rgyud dran pas kun nas rnam par brgyan pa 'di shes par zad na/ kho mos byang chub sems dpa' sems nam mkha'i dbyings dang mnyam pa/ blo gros chos kyi dbyings ltar yangs pa/ rgyud bsod nams kyi tshogs kyis brtan pa/ 'jig 
rten las 'das pa'i lam du zhugs pa/ 'jig rten gyi chos yongs su myi rgyu ba/ ye shes snang ba'i myig rab rib myed pa rab tu thob pa/ chos kyi dbyings thams cad mun pa myed par khong du chud pa/ blo nam mkha' ltar tshad med pa dang 
ldan pa/ dmyigs pa thams cad kyi rjes su song ba'i myig can/ chags pa med pa'i snang ba'i snying po dang ldan pa/ chos thams cad kyi don rab tu dbye ba la mkhas pa/ zil gyis gnon la/ 'jig rten kun gyi zil gyis mi non pa/ 
'jig rten gyi spyod pa'i tshul la rnam par spyod pa/ 'jig rten gyi lam gyi rgyud thams cad na kha na ma tho ba med pa/ 'jig rten gyi don byed pa la brtson pa/ 'gro ba thams cad kyi rten du gyur pa/ 'gro ba thams cad kyi ngag gi tshul dang / rnam 
pa la mkhas pa/ 'gro ba thams cad du gnas pa'i bsam pa dang ldan pa/ bsam pa ji lta ba bzhin du rnam par dmyigs pa ston pa/ dus kyi 'khor lo thams cad la dbang bsgyur ba de dag gi spyod pa shes pa'am/ yon tan brjod </font><hr>37-1-392a<br><font size=+1>
par nus re skan/ /song rigs kyi bu/ lho phyogs kyi rgyud 'di nyid na yul myig gsum pa zhes bya ba yod de/ de na dge slong blta na sdug pa zhes bya ba 'dug gis/ de'i gan du song la ji ltar byang chub sems dpas 
byang chub sems dpa'i spyod pa la bslab par bya ba dang / ji ltar nan tan du bya ba dris shig /de nas tshong dpon gyi bu nor bzangs kyis bu mo byams ma'i rkang pa gnyis la spyi bos phyag 'tshal te/ bu mo byams ma la lan brgya stong du mar g.yas 
phyogs su bskor ba byas nas yang dang yang bltas te/ bu mo byams ma'i drung nas song ngo / /de nas tshong dpon gyi bu nor bzangs byang chub sems dpa'i ye shes kyi rnam par spyod pa zab mo rjes su bsam pa dang / chos kyi dbyings kyi gzhi zab mo 
khong du chud par bya ba rjes su bsam pa dang / sems can gyi ye shes shin tu phra zhing zab pa rjes su bsam pa dang / 'jig rten gyi 'du shes kyi rnam pa zab mo rjes su bsam pa dang / mngon par 'du bya ba med pa'i dbyings zab mo rjes su bsam 
pa dang / sems kyi rgyud kyi dbyings zab mo rjes su bsam pa dang / rten cing 'brel bar 'byung ba'i dbyings zab mo rjes su bsam pa dang / rang bzhin gyis dben pa'i dbyings zab mo rjes su bsam pa dang / 'gro ba thams cad kyi rnam par 
dpyod pa bden pa'i dbyings zab mo rjes su bsam pa dang / chos kyi dbyings brgyan pa'i dbyings zab mo rjes su bsam pa dang / lus kyi 'khrul 'khor shugs kyis 'khor ba'i dbyings zab mo rjes su bsam pa dang / las kyis sna tshogs 
su gyur pa'i dbyings zab mo rjes su bsam pa byed cing mthar gyis yul myig gsum pa gang na ba der phyin te/ yul gyi 'khor dang / grong khyer gyi 'khor dang / tshong dus kyi 'khor dang / grong rdal gyi 'khor dang / yul gru'i 'khor dang / lhas kyi </font><hr>37-1-392b<br><font size=+1>
'khor dang / drang srong dge ba sbyong ba'i gnas kyi 'khor dang / yul dang phyogs kyi 'khor dang / chu'i rgyud kyi 'khor dang / ri'i sal sul gyi 'khor dang / nags tshal chen po'i 'khor dag tu dge slong blta na sdug pa yongs su tshol tshol ba las des dge slong 
blta na sdug pa nags tshal stug po zhig na/ gzhon zhing dar la bab pa/ gzugs mdzes shing sdug la blta ba yid du 'ong ba/ skra mthon ting g.yas phyogs su 'khyil ba dang ldan pa/ mgo gdugs ltar 'dug pa/ gtsug tor gyi spyi bo can/ 
'phral ba yangs pa/ myig dkar nag 'byes shing rid la/ rdzi ma ba'i rdzi ma ltar 'dug pa/ sna'i dbyibs legs shing bzang la/ ran par mdzes pa dang ldan pa/ mchu mtshal ltar mdog bzang shing shin tu legs pa dang ldan pa/ so mnyam zhing 
thags bzang la/ shin tu dkar ba bzhi bcu tshang ba dang ldan pa/ 'gram pa'i lha nga seng ge ltar 'dug pa/ mkhur ba shas gang zhing rgyas pa/ smyin tshugs gzhu ltar 'dug cing ring la/ shin tu mdzes pa/ mdzod spu zla ba'i kha dog ltar 'dug pa'i thig le can/ 
rna shal ring zhing lhod par 'phyang ba/ zla ba nya ba ltar bzhin mdangs dang ldan zhing shin tu bzang ba/ mgul zlum zhing dung ltar mdzes pa/ snying ka dpal gyi be'us brgyan pa/ ro stod seng ge'i ro stod ltar 'dug pa/ thal gong shin tu rgyas pa/ dpung ma go'i 
lhun legs shing zlum pa/ lag pa ring la/ dra bas 'brel pa'i sor mo can/ rka lag 'khor los brgyan pa/ rka lag 'jam zhing gzhon la shas rgyas pa/ bdun shin tu mtho ba/ rked pa rdo rje ltar 'dug pa/ lus che zhing drang ba/ brla zlum pa/ pho mtshan 
gsang ba'i sbubs na 'dug pa/ byin pa ri dgas e ne ya'i byin pa ltar 'dug pa/ sor mo ring ba/ rkang pa'i rting ba yangs pa/ 'od 'dom gang ba dang ldan pa/ mdog gser gyi kha dog ltar 'dug pa/ ba spu re re nas g.yas phyogs su gyen du </font><hr>37-1-393a<br><font size=+1>
'khyil ba/ shing n+ya gro da'i rgyal po ltar chu zheng gab pa/ lus mtshan dang dpe byad bzang pos shin tu brgyan pa/ myig myi 'gebs shing mi rgod pa/ dran pa nye bar gnas pa/ ri'i rgyal po kha ba can ltar rtswa dang / nags tshal dang / sman dang 
shing phran sna tshogs kyis brgyan pa/ blo shin tu yangs pa/ ye shes kyi spyod yul dang / yul la thub pa myed pa/ dbyangs kyi dkyil 'khor gyi rgyan sprin gyi sgra lta bu dang ldan pa/ g.yo ba dang / rlom sems dang / g.yeng ba dang spros pa thams cad dang bral 
ba'i sems dang ldan pa/ ye shes kyi spyod yul ma 'dres pa/ sangs rgyas kyi yul rgya chen po'i snang ba thob pa/ sems can thams cad yongs su smyin par bya ba dang / gdul ba'i bsam pa rgyun myi 'chad pa/ snying rje chen po'i dkyil 'khor shin tu 
yangs pa skyes pa/ de bzhin gshegs pa thams cad kyi chos kyi tshul yongs su gzung ba dang / sems can thams cad kyi ye shes snang ba yang dag par bskyed pa'i phyir/ de bzhin gshegs pa'i tshul rjes su dran zhing 'gro ba thams cad kyi don du 'chag pa la 
zhugs te/ drag dal myed cing pad ral med la shin tu mdzes par 'chag pa/ gnas gtsang ma'i lha'i gos dang ldan pa/ lha dang / klu dang / gnod sbyin dang / dri za dang / lha ma yin dang / nam mkha' lding dang / myi 'am ci dang / lto 'phye chen po dang / brgya byin 
dang / tshangs pa dang / 'jig rten gyi mgon po dang / myi dang myi ma yin pas bskor cing 'dug pa mthong ngo / /dge slong blta na mdzes pa de 'chag pa'i tshe/ phyogs mngon du gyur pa'i phyogs kyi lha rnams phyogs kyi dkyil 'khor yongs su bsgrub pa byed do/ /
rkang gis 'gro ba'i lha rnams rin po che'i pad+mos gom pa 'dor ba'i tshe/ yongs su blang bar byed do/ /mye'i lha snang ba'i dkyil 'khor zad myi shes pa rnams kyang / mun pa dang rab rib rnam par sel to/ /'dzam bu rgyal mtshan gyi nags tshal gyi lha rnams </font><hr>37-1-393b<br><font size=+1>
kyang me tog mang po'i char mngon par 'bebs so/ /sa'i lha mi g.yo ba'i snying po can rnams kyang rin po che'i 'byung gnas mang po ston to/ /nam mkha'i lha kun nas snang ba'i dpal dang ldan pa rnams kyang nam mkha'i dbyings yongs su brgyan pa byed do/ /rgya mtsho'i lha 
dpal kun nas 'byung ba rnams kyang rin po che dam pa mang pos mngon par 'thor to/ /ri rab kyi lha dri ma med pa'i snying po can rnams kyang thal mo sbyar cing phyag 'tshal to/ /rlung gi lha thogs pa med pa'i stobs can rnams kyang / spos dang / bdug spos dang / 
me tog 'thor ba'i rlung rab tu 'gyed do/ /mtshan mo'i lha gnas par byed pa lus shin tu brgyan pa rnams kyang lus shin tu btud cing phyag 'tshal to/ /nyin mo'i lha rtag tu sad par byed pa'i dkyil 'khor can rnams kyang nor bu rin po che phyogs snang 
bar byed pa'i rgyal mtshan thogs shing / snang ba bskyed pa'i phyir nam mkha'i dbyings la 'khod do/ /de nas tshong dpon gyi bu nor bzangs dge slong blta na sdug pa gang na ba der phyin nas/ dge slong blta na sdug pa'i rkang pa'i bol gnyis la spyi bos 
gtugs te phyag 'tshal nas/ dge slong blta na sdug pa'i rkang pa'i bol gnyis la bzhin sbyar te/ legs par phyin nas mdun du 'dug ste/ thal mo sbyar nas 'di skad ces smras so/ /'phags pa bdag ni bla na med pa yang dag par rdzogs pa'i byang chub 
tu yang dag par zhugs nas/ byang chub sems dpa'i spyod pa yongs su tshol ba zhig lags te/ 'phags pa ni byang chub sems dpa' rnams la gdams ngag dang / rjes su bstan pa mdzad do zhes bdag gis thos na/ 'phags pa ji ltar byang chub sems dpas 
byang chub sems dpa'i spyod pa la bslab par bgyi ba dang / ji ltar nan tan du bgyi ba bdag la bshad du gsol/ des smras pa/ rigs kyi bu/ kho bo ni tshes btab na dar la bab pa/ rab tu byung bas btab na gsar du zhugs pa ste/ rigs </font><hr>37-1-394a<br><font size=+1>
kyi bu/ kho bos ni tshe de 'dra ba gcig gis de bzhin gshegs pa chu klung gang+gA sum cu rtsa brgyad kyi drung du tshangs par spyod pa spyad de/ bdag gis de bzhin gshegs pa la la'i zham ring du ni nyin zhag gcig du tshangs pa'i spyod pa spyad 
do/ /la lar ni nyin zhag bdun du/ la lar ni zla ba phyed du/ la lar ni zla ba gcig tu/ la lar ni lo gcig tu/ la lar ni lo brgyar/ la lar ni lo stong du/ la lar ni lo brgya phrag stong du/ la lar ni lo bye bar/ la lar ni lo bye 
ba khrag khrig du/ la lar ni lo brjod du med pa'i yang brjod du med par/ la lar ni bskal pa bar mar/ la lar ni bskal pa phyed du/ la lar ni bskal par/ bdag gis de bzhin gshegs pa la la'i zham ring du ni/ bskal pa 
brjod du med pa'i yang brjod du med par tshangs pa'i spyod pa spyad de/ bskal pa bgrang ba'i tshul 'di nyid kyis/ de bzhin gshegs pa thams cad las chos bstan pa thos te/ gdams ngag dang / rjes su bstan pa yang dag 
par blangs so/ /smon lam gyi rgyun yongs su sbyangs so/ /yang dag par bsgrub pa'i yul la zhugs so/ /spyod pa'i dkyil 'khor yongs su sbyangs so/ /pha rol tu phyin pa rgya mtsho yongs su rdzogs par byas so/ /
mngon par rdzogs par 'tshang rgya ba'i rnam par 'phrul pa/ yongs su shes par byas so/ /de dag gi chos kyi 'khor lo 'khor ba phan tshun ma 'dres pa dag kyang yongs su bzung ngo / /de dag gi stobs mnyam pa nyid kyang / 
khong du chud par byas so/ /de dag gis bstan pa yang dam pa'i chos zad pa'i mthar thug gi bar du yongs su bzung ngo / /kho bos de bzhin gshegs pa de dag thams cad kyi sngon gyi smon lam rnams kyang smon lam gyi dkyil 'khor gyi ting nge </font><hr>37-1-394b<br><font size=+1>
'dzin mngon par bsgrub pa'i stobs kyis rang gi sangs rgyas kyi zhing yongs su dag par bya ba'i phyir mngon par bsgrubs so/ /kho bos de bzhin gshegs pa de dag thams cad kyi sngon gyi byang chub sems dpa'i spyod pa rnams kyang spyod pa thams cad la 
'jug pa'i ting nge 'dzin thob pa'i stobs kyis rang gi spyod pa yongs su dag par bya ba'i phyir mngon par bsgrubs so/ /kho bos de bzhin gshegs pa de dag thams cad kyi pha rol tu phyin pa rnam par dag pa yang kun tu bzang po'i spyod pas 'byung ba'i 
stobs kyis mngon par bsgrubs so/ /gzhan yang rigs kyi bu/ kho bo 'chag sa 'di na 'chag pa'i tshe/ phyogs kyi rgyud kyi sgo thams cad kyang shin tu rnam par lta ba'i ye shes kyi sgos mngon du 'gyur ro/ /'jig rten gyi khams 
kyi rgyud kyi sgo thams cad kyang / smon lam chen po mngon par bsgrubs pa'i stobs kyis sems bskyed pa gcig la 'jig rten gyi khams brjod du med pa'i'ang brjod du med pa 'da' zhing yongs su dag par bya ba'i phyir rnam par 'grub par 'gyur ro/ /sems kyi 
skad cig gcig la sems can gyi spyod pa'i tshul gyi sgo brjod du med pa'i yang / brjod du med pa dag kyang byang chub sems dpa' kun tu bzang po'i spyod pa dang / smon lam mngon par bsgrubs pa'i stobs kyis stobs bcu'i 
ye shes yongs su rdzogs par bya ba'i phyir mngon sum du 'gyur ro/ /sems bskyed pa gcig la sangs rgyas brjod du myed pa'i yang / brjod du med pa mthong ba rnam par dag pa dag kyang snga phyi'i de bzhin gshegs pa rnams la mchod pa'i smon lam mngon 
par bsgrubs pa'i stobs kyis/ de bzhin gshegs pa sangs rgyas kyi zhing brjod du med pa'i yang / brjod du med pa'i rdul shin tu phra ba snyed la mchod pa dang / bsnyen bkur ba dang / rim gro bya ba'i phyir mngon du 'gyur ro/ /</font><hr>37-1-395a<br><font size=+1>
sems bskyed pa gcig la de bzhin gshegs pa brjod du med pa'i yang brjod du med pa'i chos kyi sprin gyi char rnams kyang chos kyi 'khor lo yongs su 'dzin pa'i gzungs dang / smon lam mngon par bsgrubs pa'i stobs kyis/ chos kyi tshul grangs 
med pa rnam par 'tshang rgya zhing khong du chud par bya ba'i phyir bsam pa la mngon par 'bab bo/ /sems bskyed pa gcig la byang chub sems dpa'i spyod pa rgya mtsho brjod du med pa'i yang brjod du med pa dag kyang byang chub sems dpa'i spyod pa myig 'phrul lta bur yongs 
su rdzogs par bya ba'i smon lam mngon par bsgrubs pa'i stobs kyis spyod pa'i dkyil 'khor thams cad yongs su dag par bya ba'i phyir mngon du 'gyur ro/ /sems bskyed pa gcig la ting nge 'dzin rgya mtsho brjod du med pa'i yang brjod du med pa dag kyang ting 
nge 'dzin gyi sgo gcig tu ting nge 'dzin gyi sgo thams cad yang dag par 'du bar bya ba'i smon lam mngon par bsgrubs pa'i stobs kyis ting nge 'dzin gyi dkyil 'khor thams cad yongs su dag par bya ba'i phyir mngon du 'gyur ro/ /sems bskyed pa gcig la dbang po rgya mtsho brjod du med 
pa'i yang brjod du med pa dag kyang dran pa'i mthar phyin pa'i dbang po thob par bya ba'i smon lam mngon par bsgrubs pa'i stobs kyis dbang po'i 'khor lo dang / dus kyi 'khor lo thams cad kyi rjes su 'brang bar bya ba'i phyir mngon du 'gyur ro/ /sems bskyed pa gcig la dus kyi 
'khor lo brjod du med pa'i yang brjod du med pa dag kyang sems can zad mi shes pa zad par bya ba'i smon lam mngon par bsgrubs pa'i stobs kyis dus thams cad du chos kyi 'khor lo rab tu bskor ba'i phyir mngon du 'gyur ro/ /sems bskyed pa gcig la dus rgya mtsho 
brjod du med pa'i yang brjod du med pa thams cad kyang dus gcig tu rnam par dgod pa'i tshul khong du chud pa'i ye shes snang ba'i smon lam mngon par bsgrubs pa'i stobs kyis/ 'jig rten gyi khams thams cad kyi dus gsum rnam par dgod pa'i phyir mngon </font><hr>37-1-395b<br><font size=+1>
sum du 'gyur te/ rigs kyi bu kho bos ni byang chub sems dpa'i rnam par thar pa shin tu zhi bar mi 'gyur ba'i sgron ma zhes bya ba 'di shes par zad na/ kho bos byang chub sems dpa' bsam pa rdo rje lta bu dang ldan pa de bzhin gshegs pa thams 
cad kyi rigs su rigs dang ldan par byung ba dang / srog gi dbang po la rgyun chad pa med pa/ ye shes kyi sgron ma zhi bar 'gyur ba med pa/ mi shigs mi phyed pa'i lus dang ldan pa/ sgyu ma'i rnam pa lta bu'i gzugs shin tu grub pa/ rgyu'i chos 
dang mnyam pa'i yan lag dang / nying lag tu ldan pa'i lus can 'gro ba rnams kyi bsam pa ji lta ba bzhin du rnam par dmyigs par byed pa'i lus dang ldan pa/ 'gro ba thams cad dang 'dra ba'i gzugs dang lus dang kha dog dang / dbyibs dang 
chu zheng yongs su ston pa/ me ma dag dang me lce dang / dug dang mtshon gyis mi tshugs pa'i lus dang ldan pa rdo rjes ltar sra zhing khor yug ltar thug pa med pa'i lus can/ bdud dang phas kyi rgol ba thams cad kyi stobs kyi stobs med par byed pa/ 
'dzam bu chu klung gi gser gyi ri bo dang 'dra bar 'gro ba kun las mngon par 'phags pa'i lus dang ldan pa/ 'gro ba thams cad du rnam par dmyigs pa'i gzhi dang ldan pa/ sgo thams cad du rnam par dmyigs shing thos par 'gyur ba/ 'gro ba thams 
cad kyi ngor blta ba/ chos thams cad kyi sprin gyi 'byung gnas su gyur pa/ phyogs kun tu rnam par snang ba sgrib pa'i ri thams cad rnam par gtor bas blta na mdzes pa mi dge ba'i rtsa ba thams cad shin tu 'joms pas shin tu dpa' bar snang ba dge ba'i rtsa ba 
rgya chen po'i rgyu 'thun pa las byung bas blta na dga' ba 'byung bar shin tu dka' zhing dkon pas me tog u dum bA ra lta bu de dag gi spyod pa shes pa'am/ yon tan brjod par nus re skan/ /song rigs kyi bu lho phyogs kyi rgyud 'di nyid na yul dge sbyong gi </font><hr>37-1-396a<br><font size=+1>
dkyil 'khor zhes bya ba na grong khyer sgo bzang po zhes bya ba yod de/ de na khye'u dbang po'i dbang phyug ces bya ba 'dug gis/ de'i gan du song la ji ltar byang chub sems dpas byang chub sems dpa'i spyod pa la bslab par bya ba dang / ji ltar nan 
tan du bya ba dris shig /de nas tshong dpon gyi bu nor bzangs byang chub sems dpa'i rnam par gnon pa dang / nan tan rnam par dag par bya ba la brtson pa/ byang chub sems dpa'i stobs snang bas sems shin tu snang bar gyur pa/ byang chub sems 
dpa'i brtan pa gzhan gyis mi thub cing brgal thag chad pa'i snying dang ldan pa/ byang chub sems dpa'i smon lam gyi go cha bzangs pos sems zhum pa med pa/ byang chub sems dpa'i bsam pa brtan pas kun tu gnas shing yongs su 'phel bar 'gyur ba 
la brtson pa/ byang chub sems dpa'i spyod pa'i sprin gyi char yongs su 'dzin pa'i bsam pa dang ldan pa/ byang chub sems dpa'i chos kyi sprin gyi char gyis yongs su mi ngoms pa'i rgyud dang ldan pa/ byang chub sems dpa'i yon tan thams cad la 'jug pa'i smon 
lam la mngon du gyur pa/ 'gro ba thams cad kyi kha lo bsgyur bas yongs su sdud par bdag nyid yongs su gtong bar 'dod pa 'gro ba thams cad 'khor ba'i dgon pa chen po las bzla bar 'dod pa/ dge ba'i bshes gnyen blta ba dang / 
mnyan pa dang / bsnyen bkur bas yongs su mi ngoms pa/ chos kyi rim gro tshad med pa bskyed pa dang ldan pa des/ dge slong blta na sdug pa'i rkang pa gnyis la spyi bos phyag 'tshal te/ dge slong blta na sdug pa la lan brgya stong du mar g.yas 
phyogs su bskor ba byas nas/ yang dang yang bltas te/ dge slong blta na sdug pa'i drung nas song ngo // //</font><hr>38-1-1b<br><font size=+1>
@##/ /sangs rgyas phal po che zhes bya ba shin tu rgyas pa chen po'i mdo/ /bam po dang po/ /de nas tshong dpon gyi bu nor bzangs dge slong blta na sdug pa de'i gdams 
ngag rjes su slos shing spel ba dang / bsdud pa dang rab tu dbye ba dang / bshad pa dang / so sor rnam par bsgom pa dang brjod pa dang /yang dag par bstan pa dang / rjes su bsam pa 
dang / mngon par 'jug par bya ba dang / bkur ba dang khong du chud par bya ba dang / yang dag par gzhol bar bya ba dang / yang dang yang bslas pa dang / shin tu rtogs par bya ba dang / rab 
tu bstan pa dang / snang bar bya ba dang / rjes su rnam par lta ba dang / lha dang klu dang gnod sbyin dang / dri za'i 'khor dang bcas pa de mthar gyis yul dge sbyong gi dkyil 'khor gyi grong khyer sgo bzang 
po gang na ba der phyin te/ khye'u dbang po'i dbang phyug yongs su tshol tshol ba las de'i steng gi bar snang las lha dang / klu dang / gnod sbyin dang / dri za rnams kyis bos pa/ rigs kyi bu </font><hr>38-1-2a<br><font size=+1>
khye'u dbang po'i dbang phyug ni/ chu klung gi chu 'dus pa nye ba zhig na/ byis pa stong phrag bcu tsam gyis bskor te/ bye ma la rtse bas rtse zhing 'dug go zhes nas tshong dpon gyi bu nor bzangs grong khyer sgo bzang po dang / nye ba'i chu klung 
gi chu 'dus gang na ba der dong ste phyin pa dang / des khye'u dbang po'i dbang phyug byis pa stong phrag bcu tsam gyis bskor cing bye ma la rtse bas rtse ba mthong ngo / /mthong nas kyang khye'u dbang po'i dbang phyug gang na ba der song ste/ khye'u dbang po'i dbang 
phyug gi rkang pa gnyis la spyi bos phyag 'tshal nas/ khye'u dbang po'i dbang phyug la lan brgya stong du mar g.yas phyogs su bskor ba byas nas/ khye'u dbang po'i dbang phyug gi mdun du 'dug ste/ thal mo sbyar nas 'di skad ces smras so/ /'phags 
pa bdag gis bla na med pa yang dag par rdzogs pa'i byang chub tu sems bskyed na/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan tu bgyi ba ma 'tshal ta/ 'phags pa ni byang chub sems dpa' 
rnams la gdams ngag dang rjes su bstan pa mdzad do zhes bdag gis thos na/ 'phags pa ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba bdag la bshad du gsol/ smras 
pa rigs kyi bu kho bo ni 'jam dpal gzhon nur gyur pas yi ge dang / grangs dang / brda dang / /rtsis kyi tshul bslabs te/ bzo thams cad mngon par shes pa dang ldan pa zhes bya ba'i ye shes kyi sgor bcug go /de ltar rigs kyi bu kho bos ni 'jig </font><hr>38-1-2b<br><font size=+1>
rten na yi ge dang / mying gi rnam pa dang / grangs dang / rtsis dang / brda dang / shod thabs shes par bya ba dang / bzo sna tshogs shes par bya ba dang / khams kyi cho ga dang / dug gso ba'i thabs dang / skem pa dang / brjed byed dang / 'byung po'i gdon gyis btab pa gso ba dang / 
grong dang / grong khyer dang / tshong dus dang / bza' shing gi ra ba dang / dka' thub kyi nags tshal dang / gnas rnam par dgod pa shes par bya ba dang / ra ba dang / khang pa dang / skar khung dang / khang pa brtsegs pa'i tshad shes par bya ba dang / 'khrul 'khor dang / shing rta sbyar ba'i 
tshul sna tshogs shes par bya ba dang / dge mi dge dang / 'jigs mi 'jigs kyi ltas dang / mtshan ma shes par bya ba dang / rmos dang / tshong dang / rnam par spyad pa sbyar ba'i cho ga shes par bya ba dang / sems can gyi yan lag dang / nying lag gi mtshan gyi rgyud dang / rgyus dang / rnam 
par dpyad pa shes par bya ba dang / bde 'gro dang ngan song gi las kyi lam rnam par dag par bya ba'i tshul shes par bya ba dang / dge ba dang mi dge ba'i chos dang / tshogs mchod pa shes par bya ba dang / bde 'gro dang ngan song gi tshogs shes par bya ba dang / nyan thos dang / rang 
sangs rgyas kyi theg pa'i tshogs shes par bya ba dang / de bzhin gshegs pa'i sa'i tshogs shes par bya ba dang / rgyu dang byed pa dang / sbyor ba'i rgyud shes par bya ba ji snyed pa de dag thams cad shes te/ de dag la sems can yongs su gzud pa byed do/ /rab tu dgod pa byed do/ /
yongs su gzhog pa byed do/ /slob tu 'dzud do/ /sbyong du 'dzud do/ /brtan par byed do/ /lhur len par byed do/ /rdzogs par byed do/ /yongs su sgrub par byed do/ /yongs su spyod par byed do/ /gsal bar bstan par byed do/ /rnam par 'phel bar byed do/ /mtshan 
mar byed do/ /mthar phyin par byed do/ /rnam par sbyong bar byed do/ /dri ma med par byed do/ /shin tu dag par byed do/ /'od gsal zhing dang bar byed do/ /shin tu yangs par byed do/ /de ltar rigs kyi bu kho bos byang chub sems dpa' rnams kyi rtsis kyi tshul shes pa de </font><hr>38-1-3a<br><font size=+1>
gang zhe na/ /brgya stong phrag brgya na bye ba'o/ /bye ba bye ba na khod khod do/ /khod khod khod khod na tha dgu'o/ /tha dgu tha dgu na khrig khrig go /khrig khrig khrig khrig na thams thams so/ /thams thams thams thams na myang myid do/ /myad myid myad myid na 
gang ya'o/ /gang ya gang ya na ban bun no/ /ban bun ban bun na phyar phyur ro/ /phyar phyur phyar phyur na lcag lcig go /lcag lcig lcag lcig na byang bying ngo / /byang bying byang bying na chem chem mo/ /chem chem chem chem na phyal phyol lo/ /phyal phyol phyal phyol na khyud khyud do/ /khyud khyud 
khyud khyud na zar zer ro/ /zar zer zar zer na khrib khrib bo/ /khrib khrib khrib khrib na ya gangs so/ /ya gangs ya gangs na cho ma'o/ /cho ma cho ma na khram khrim mo/ /khram khrim khram khrim na nab nub bo/ /nab nub nab nub na sang sang ngo / /sang sang sang sang na brgyud yas so/ /brgyud 
yas brgyud yas na btang yas so/ /btang yas btang yas na bkra yar ro/ /bkra yar bkra yar na gsa' yas so/ /gsa' yas gsa' yas na mtshungs med do/ /mtshungs med mtshungs med na lam lum mo/ /lam lum lam lum na yal yol lo/ /yal yol yal yol 
na khral khrul lo/ /khral khrul khral khrul na thud thud do/ /thung thung thung thung na bsam phyod do/ /bsam phyod bsam phyod na brang breng ngo / /brang breng brang bredang na bgrod yas so/ /bgrod yas bgrod yas na bsngo yas so/ /bsngo yas bsngo yas na zang yag go /zang yag zang 
yag na 'phro ba kye'o/ /'phro bkye 'phro bkye na rtse 'phyo'o/ /rtse 'phyo rtse 'phyo na yong tan no/ /yong tan yong tan na brug g.yos so/ /brug g.yos brug g.yos na sang yal lo/ /sang yal sang yal na 'thing yug go /'thing yug 'thing yug na yid 'phyo'o/ /yid 'phyo yid 
'phyo na nab neb bo/ /nab neb nab neb na khrig thams so/ /khrig thams khrig thams na yal yal lo/ /yal yal yal yal na bgrad yas so/ /bgrang yas bgrang yas na thug yal lo/ /thug yal thug yal na shang shang ngo / /shang shang shang shang na yag yag go /</font><hr>38-1-3b<br><font size=+1>
yag yag yag yag na tham thim mo/ /tham thim tham thim na rlom bsnyal lo/ /rlom bsnyal rlom bsnyal na gzhal 'phyos so/ /gzhal 'phyos gzhal 'phyos na gzhal yal lo/ /gzhal yal gzhal yal na gzhal med do/ /gzhal med gzhal med na gzhal 'khor to/ /
gzhal 'khor gzhal 'khor na gzhal thim mo/ /gzhal thim gzhal thim na gar gzhal lo/ /gar gzhal gar gzhal na gzhal sangs so/ /gzhal sangs gzhal sangs na gzhal thag go /gzhal thag gzhal thag na gzhal phul lo/ /gzhal phul gzhal phul na gzhal 
zhi'o/ /gzhal zhi gzhal zhi na 'phyo 'gyur ro/ /'phyo 'gyur 'phyo 'gyur na nyar nyer ro/ /nyar nyer nyar nyer na phyag phyig go /phyag phyig phyag phyig na zal zul lo/ /zal zul zal zul na sal sal lo/ /sal sal sal sal na g.yo ldeg go /g.yo ldeg g.yo ldeg na phan phun no/ /phan phun 
phan phun na brnang ya'o/ /brnang ya brnang ya na rem 'drol lo/ /rem 'drol rem 'drol na rdzi ngad do/ /rdzi ngad rdzi ngad na rdzi rdul lo/ /rdzi rdul rdzi rdul na phun yol lo/ /phun yol phun yol na ngad ngad do/ /ngad ngad ngad ngad na bgrang brtsi'o/ /bgrang brtsi bgrang brtsi na zab bgrang ngo / /
zab bgrang zab bgrang na dga' rkyang ngo / /dga' rkyang dga' rkyang na gzhung 'dal to/ /gzhung 'dal gzhung 'dal na khrug phyad do/ /khrug phyad khrug phyad na 'ol phyod do/ /'ol phyod 'ol phyod na gdab yas so/ /gdab yas gdab yas na gcal yas so/ /gcal yas 
gcal yas na bgrang yas so/ /bgrang yas bgrang yas na byim 'phyo'o/ /byim 'phyo byim 'phyo na yam me'o/ /yam me yam men bsnyal yas so/ /bsnyal yas bsnyal yas na ldab ldeb bo/ /ldab ldeb ldab ldeb na 'phan chad do/ /'phan chad 'phan chad na phang phung ngo / /phang phung phang 
phung na khe'u tshang ngo / /khe'u tshang khe'u tshangan zhung zung ngo / /zhung zung zhung zung na mchog yal lo/ /mchog yal mchog yal na mtha' rtul to/ /mtha' rtul mtha' rtul na yun 'gyangs so/ /yun 'gyangs yun 'gyangs na bun lob bo/ /bun lob bun lob na lam </font><hr>38-1-4a<br><font size=+1>
lom mo/ /lam lom lam lom na bsnyad yas so/ /bsnyad yas bsnyad yas na lang ling ngo / /lang ling lang ling na ljab ljib bo/ /ljab ljeb ljab ljib na myi brtsal to/ /myi brtsal myi brtsal na 'byam yas so/ /'byam yas 'byam yas na nga 'grang ngo / 
nga 'grang nga 'grang na smos yal lo/ /smos yal smos yal na bkra chal lo/ /bkra chal bkra chal na lo rgyas so/ /lo rgyas lo rgyas na 'bum rdib bo/ /'bum rdib 'bum rdib na gang gum mo/ /gang gum gang gum na la lo'o/ /la lo la lo na bgrang 'phyos so/ /bgrang 'phyos bgrang 
'phyos na bgrong 'phyos la bsgres ba'o/ /bgrang 'phyos la bsgres pa bgrang 'phyos la bsgres na dpag yas so/ /dpag yas dpag yas na dpag yas la bsgres pa'o/ /dpag yas la bsgres pa dpag yas la bsgres na yal phyod do/ /yal phyod yal phyod na 
yal phyod la bsgres pa'o/ /yal phyod la bsgres pa yal phyod la bsgres na mu yal to/ /mu yal mu yal na mu yal la bsgres pa'o/ /mu yal la bsgres ba mu yal la bsgres pa na bgrang yol lo/ /bgrang yol bgrang yol na bgrang yol la bsgres pa'o/ /bgrang yol la 
bsgres pa bgrang yol la bsgres na myi mjal to/ /myi mjal myi mjal na mi mjal la bsgres pa'o/ /mi mjal la bsgres ba myi mjal la bsgres na bsam phyod do/ /bsam phyod bsam phyod na bsam phyod la bsgres pa'o/ /bsam phyod la 
bsgres pa bsam phyod la bsgres na mtha' 'byam mo/ /mtha' 'byam mtha' 'byam na dpag thag go/ /dpag thag dpag thag na dpag thag la bsgres pa'o/ /dpag thag la bsgres pa dpag thag la bsgres na brjod du myed pa'o/ /brjod du med pa 
brjod du myed pa na brjod du med pa la bsgres pa'o/ /brjod du med pa la bsgres pa brjod du med pa la bsgres na brjod du med pa'i yang brjod du med pa la bsgres pa shin tu bstan pa'o/ /de'i mdun na bye ma'i phung po chen po dpag tshad du ma'i </font><hr>38-1-4b<br><font size=+1>
tshad dang ldan pa zhig 'dug 'dug pa las/ /'di la bye ma'i 'bru 'di snyed cig yod do zhes bya ba nas/ bye ma'i 'bru brjod du med pa'i yang brjod du med pa la bsgres pa la 'di snyed cig yod do zhes rab tu phye nas bgrang brtsis te grangs su bcad do/ /des bye ma'i phung po de brtsis kyi 
brdar bstan pas/ shin tu bstan nas 'di skad ces smras so/ /rigs kyi bu byang chub sems dpa' rnams kyi bgrang ba'i tshul 'di ni 'jig rten gyi khams gcig nas gcig tu brgyud pa kun na'ang yod de/ /byang chub sems dpa' rnams ni bgrang ba'i tshul 'dis shar phyogs kyi 
'jig rten gyi khams 'byam klas pa dag kyang bgrang zhing rtsi'o/ /de bzhin du lho phyogs dang / nub phyogs dang / byang phyogs dang / byang shar gyi phyogs 'tshams dang / shar lho'i phyogs 'tshams dang / lho nub kyi phyogs 'tshams dang / nub byang gi phyogs 'tshams dang / /'og 
dang steng gi phyogs su yang byang chub sems dpa' rnams bgrang ba'i tshul 'dis 'jig rten gyi khams 'byam klas ba dag kyang bgrang zhing rtsi'o/ /rigs kyi bu byang chub sems dpa' rnams kyi bgrang ba'i tshul 'di ni/ /phyogs bcu'i 'jig rten gyi khams kyi mying du bya ba gcig nas 
gcig tu brgyud pa bstan du yod pa thams cad na'ang yod do/ /byang chub sems dpa' rnams ni bgrang ba'i tshul 'dis phyogs bcu'i 'jig rten gyi khams kyi mying gcig nas gcig tu brgyud pa bgrang zhing rtsi'o/ /ji ltar 'jig rten gyi khams kyi mying gcig nas gcig tu brgyud pa 
bstan du yod pa de bzhin du phyogs bcu'i bskal pa'i mying gcig nas gcig tu brgyud pa bstan du yod pa dang / sangs rgyas kyi mtshan gcig nas gcig tu brgyud pa bstan du yod pa dang / chos kyi mying gcig nas gcig tu brgyud pa bstan du yod pa dang / sems can gyi mying gcig 
nas gcig tu brgyud pa bstan du yod pa dang / las kyi mying gcig nas gcig tu brgyud pa bstan du yod pa kun la'ang 'jug ste/ byang chub sems dpa' rnams kyi bgrang ba'i tshul 'di nyid ni/ phyogs bcu na mying du bya ba gcig nas gcig tu brgyud pa bstan du rung ba ji snyed pa </font><hr>38-1-5a<br><font size=+1>
thams cad la'ang 'jug ste/ byang chub sems dpa' rnams ni bgrad ba'i tshul 'dis phyogs bcu na mying gcig nas gcig tu brgyud pa ji snyed yod pa thams cad kyang bgrang zhing rtsi'o/ /de ltar rigs kyi bu kho bos ni byang chub sems dpa'i ye shes snang 
ba chos thams cad shes par bya ba'i bzo mngon par shes pa dang ldan pa 'di shes bar zad na/ kho bos byang chub sems dpa' 'gro ba thams cad kyi grangs la zhugs pa/ chos kyi tshul thams cad kyi grangs la zhugs pa/ dus gsum gyi grangs la zhugs pa/ sems can thams cad 
kyi grangs la zhugs pa/ chos kyi phung po thams cad kyi grangs la zhugs pa/ sangs rgyas dang byang chub sems dpa' thams cad kyi grangs la zhugs pa/ /chos thams cad kyi ming gi 'khor lo la dbang bsgyur ba de dag gi spyod pa shes ba'am/ yon tan brjod pa'am/ spyod 
yul smos pa'am/ /yul brjod pa'am/ stobs bsngags pa'am/ bsam pa brtan pa'am/ tshogs yongs su brjod pa'am/ smon lam bshad par bya ba 'am/ spyod pa yongs su bstan pa'am/ pha rol tu phyin pa yongs su dag pa mngon par brjod pa'am/ yang 
dag par bsgrub pa yongs su dag pa'am/ yang dag par bstan pa'am/ ting nge 'dzin gyi khyad par smos pa'am/ ye shes snang ba khong du chud par nus re skan/ song rigs kyi bu lho phyogs kyi rgyud 'di nyid na grong khyer rgya mtsho brtan pa zhes bya ba yod de/ de na dge bsnyen ma 
phul du byung ba zhes bya ba 'dug gis/ de'i gan du song la ji ltar byang chub sems dpas byang chub sems dpa'i spyod pa la bslab par bya ba dang / ji ltar nan tan du bya ba dris shig /de nas tshong dpon gyi bu nor bzangs dge ba'i bshes gnyen gyi tshig thos nas spu g.yos te/ dga' 
ba chen po'i shugs skyes nas/ rab tu dga' ba'i yid dang ldan par gyur ba ngo mtshar gyi bsam pa/ rin po che rab tu dkon pa thob pa/ 'gro ba mang po la phan pa'i sems dang bsam pas byung ba sangs rgyas skyes pa gcig nas gcig tu brgyud par 'gro ba la dbang bsgyur ba/</font><hr>38-1-5b<br><font size=+1>
chos kyi dkyil 'khor rnam par dag pa'i blo gros la rten pa/ thams cad du rjes su song pa'i rig pa rnam par phye bas 'byung ba bstan pa la brtson pa/ dus gsum gyi dbyings su ma 'dres pa'i sangs rgyas kyi yul dang ldan pa/ bsod nams mi zad pa'i rgya mtsho las byung ba'i sems dang ldan pa/ 
ye shes kyi snang ba chen po la dbang bsgyur ba/ khams gsum gyi khyim du sdud pa'i sgo shin tu gcod pa des/ khye'u dbang po'i dbang phyug gi rkang pa gnyis la spyi bos phyag 'tshal nas/ khye'u dbang po'i dbang phyug la lan brgya stong du mar g.yas phyogs su bskor ba byas nas/ yang dang 
yang bltas te/ khye'u dbang po'i dbang phyug gi drung nas song ngo / /de nas tshong dpon gyi bu nor bzangs dge ba'i bshes gnyen gyi gdams ngag gi sprin gyi char yongs su 'dzin pa byed cing / gang chen mtsho ltar sprin chen po'i char gyis ngoms myi shes pa dge ba'i bshes gnyen gyi nyi 
ma'i ye shes kyi 'od gzer gyis dge ba yongs su smin par byas pa'i sa gzhi las dbang po'i myu gu 'thon cing skyes ba/ dge ba'i bshes gnyen gyi zla ba nya zhing rgyas pa'i gdams ngag gi 'od gzer gyi dra bas lus dang / sems shin tu tshim par byas ba/ /dpyid kyi nyi ma'i 
'od kyis gdungs pa'i ri dgas kyi tshogs gsal zhing bsil ba'i gangs chu la 'thung bar 'dod pa ltar/ dge ba'i bshes gnyen gyi gdams ngag gi chu la 'thung bar 'dod pa/ bung ba mang po 'khor zhing lding bas rgyas par gyur pa'i pad mo dang ldan pa'i pad+mo'i mtsho ltar dge ba'i bshes 
gnyen gyi gdams ngag gis sems kyi me tog bun da ri ka kha phye ba/ rin po che sna tshogs kyis yongs su rgyas pa'i rin po che'i gling ltar dge ba'i bshes gnyen gyi gdams ngag rin po che 'phel ba'i snang bas sems shin tu snang bar byas ba/ 'dzam bu'i shing chen po'i me tog dang / 
'bras bu'i tshogs chen po dang ldan pa ltar dge ba'i bshes gnyen gyi gdams ngag bsod nams dang ye shes kyi tshogs su gyur pa/ /phun sum tshogs pa dang ldan pa/ klu'i dbang po chen po rtsed mo dam pas rtse ba las byung ba'i nam mkha'i sprin chen po ltar dge ba'i bshes gnyen gyi </font><hr>38-1-6a<br><font size=+1>
gdams ngag thos pa'i tshogs su gyur pa'i rnang shin tu che ba/ /sum cu rtsa gsum pa'i 'jig rten gyi brgyan pa'i sna tshogs kyi spo ltar dge ba'i bshes gnyen gyi gdams ngag las byung ba'i chos dri ma myed pa sna tshogs brtsegs pa'i spor gyur pa/ sum cu rtsa gsum pa'i tshogs 
kyi 'khor gyis bskor ba'i brgya byin lha ma yin gyi dbang po'i tshogs rab tu 'joms pa ltar dge ba'i bshes gnyen gyi gdams ngag las byung ba'i yon tan dri ma myed pa'i tshogs kyis yongs su bskor cing zil gyis myi gnon la gzhan la zil gyis gnon pa de/ mthar gyis grong khyer rgya mtsho 
brtan pa gang na ba der phyin te/ dge bsnyen ma phul du byung ba yongs su tshol tshol ba las de la skye bo mang pos bstan te/ rigs kyi bu dge bsnyen ma phul du byung ba de grong khyer gyi dbus kyi rang gi khyim na 'dug go zhes nas/ tshong dpon gyi bu nor bzangs dge bsnyen ma phul du byung ba'i 
gnas gang na ba der song ste/ thal mo sbyar nas sgo gang na sdong sdod pa dang / des dge bsnyen ma phul du byung ba'i khyim de shin tu rgya che la yangs shing rin po che'i ra bas yongs su bskor ba phyogs bzhi nas sgo shin tu mdzes pa rnam par phye ba/ rin po che tshad myed grangs myed pa'i rgyan gyis 
brgyan pa/ bsod nams kyi rnam par smin pas mngon par grub pa mthong nas/ de khyim der song ste/ kun tu bltas na dge bsnyen ma phul du byung ba na chung shin tu gzhon pa thog ma dar la bab pa/ gzugs mngon zhing mdzes la blta na sdug pa kha dog dam pa/ pri yab 
shin tu rgyas pa dang ldan pa/skra phye mar bzhag pa/ lus la rgyan myed pa/ gos dang smad g.yogs dkar po bgos pa/ rin po che'i khri la 'dug pa mthong ste/ sangs rgyas dang byang chub sems dpa' ma gtogs par de'i lus sam/ sems kyi dbang ngam/ 
gzi brjid dang / kha dog gis zil gyis ma non pa'i sems can ni khyim de na gang yang myed de/ lha'am mi'ang rung ste/ sems can gang gis dge bsnyen ma phul du byung ba mthong bar gyur pa de dag thams cad kyis kyang / dge bsnyen ma phul du byung ba la ston pa'i 'du </font><hr>38-1-6b<br><font size=+1>
shes su bsam pa zhig /rin po che'i khri la 'dug pa mthong ngo / /gzhan yang khyim de na stan lha rdzas dang / myi'i rdzas las shin tu 'phags pa/ byang chub sems dpa'i las kyi rnam par smin pas yongs su grub pa bye ba stong phrag bcu bting ba dang / mdun du phru ba gcig cig 
bzhag pa las kha zas dang skom gyi bag gam/ gos dang rgyan gyi longs spyod kyi bag gzhan ci yang myi snang ngo / /bud myed stong phrag bcu tsam zhig mdun du 'dug par mthong na'ang de dag thams cad kyang lha'i bu mo'i kha dog dang ldan pa/ lha'i bu mo'i gzugs dang ldan pa/ 
lha'i bu mo'i tshul dang ldan pa/ lha'i bu mo'i spyod pa dang ldan pa/ lha'i bu mo'i longs spyod dang ldan pa/ lha'i bu mo'i tshul du shis pa dang ldan pa/ lha rdzas kyi gos yid bzhin du gyon pa/ lha rdzas kyi lhab lhub kyis shin tu klubs pa/ lha'i bu mo'i skad lta bu'i 
dbyangs snyan pa dang ldan pa lha'i bu mo'i chu zheng mdzes pa dang ldan pa sha stag ste/ de'i 'khor gyi bud myed kyang des ci bsgo ba bzhin du byed cing mdun na 'khod do/ /rim gro byed do/ /bkur sti byed do/ /gdong du lta'o/ /ci bsgo ba nyan cing gnas so/ /rje sar 'khod do/ 
yongs su lta'o/rnam par lta'o/ /'dud do/ /rab tu 'dud do/ /phyag 'tshal lo/ /de dag gi lus las spos kyi ngad ldang bas ni/ grong khyer de'i 'khor thams cad du dri zhim pos khyab par 'dug ste/ sems can gang gis dri de tshor bar gyur pa de dag thams cad 
kyang gnod sems myed pa'i sems dang / shar gnyer ba myed pa'i sems dang / 'tshe ba myed pa'i sems dang / phrag dog dang / 'jungs pa dang bral ba'i sems dang / sgyu dang g.yo myed pa'i sems dang / chags pa dang / khong khro ba myed pa'i sems dang / 
zhum pa dang / gzengs mthong ba myed pa'i sems dang / byams pa'i sems dang / phan pa'i sems dang / sdom pa la gnas pa'i sems dang / gzhan gyis yongs su bzung ba la re ba myed pa'i sems su gyur te/ gang gis de dag gi skad thos pa de dag </font><hr>38-1-7a<br><font size=+1>
thams cad kyang dga' ba dang / mos pa dang / dul ba'i sems dang ldan par 'gyur ro/ /gang gis de dag mthong bar gyur pa de dag kyang/ 'dod chags dang bral ba tsam du rang rang gis shes par 'gyur ro/ de ltar mthong nas tshong dpon gyi bu nor bzangs kyis dge 
bsnyen ma phul du byung ba'i rkang pa gnyis la spyi bos phyag 'tshal te/ dge bsnyen ma phul du byung ba la lan brgya stong du mar g.yas phyogs su bskor ba byas nas mdun du 'dug ste/ thal mo sbyar nas 'di skad ces smras so/ /'phags ma bdag gis bla na myed pa yang dag par rdzogs pa'i byang chub tu sems bskyed na/ 
ji ltar byang chub sems dpa' byang chub sems dpa'i spyod pa la bslab par bgyi ba dang / ji ltar nan tan du bgyi ba ma 'tshal te/ 'phags ma ni byang chub sems dpa' rnams la gdams ngag dang rjes su bstan pa mdzad do zhes bdag gis thos na/ 'phags ma ji ltar byang 
chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba bdag la bshad du gsol/ smras pa rigs kyi bu kho mo ni byang chub sems dpa'i rnam par thar pa/ bsod nams kyi mdzod myi zad pa'i rgyan ces bya ba 
thob pa ste/ rigs kyi bu kho mo ni phru ba gcig po 'di las mos pa sna tshogs can rnams kha zas ci la dga' ba bzhin du tshod ma sna tshogs dang / ro sna tshogs dang / kha dog sna tshogs dang / dri sna tshogs kyis tshim par byed de/ rigs kyi bu de ltar kho mo ni phru ba 
gcig po 'di las ci la dga' ba'i kha zas kyis sems can brgya 'ang yongs su tshim par byed do/ /sems can stong dang sems can brgya phrag stong dang / sems can bye ba dang / sems can bye ba phrag brgya dang / sems can bye ba phrag stong dang / sems can bye ba brgya phrag 
stong dang / sems can bye ba khrag khrig brgya phrag stong nas/ sems can brjod du myed pa'i yang brjod du myed pa mos pa sna tshogs can rnams kyang ci la dga' ba'i kha zas kyis yongs su tshim par byed do/ /yongs su stobs par byed do/ /yongs su dga' bar byed do/</font><hr>38-1-7b<br><font size=+1>
yongs su mgu bar byed do/ /yongs su spro bar byed do/ /shin tu tshim par byed do/ /yid bde bar byed do/ /'on kyang phru ba 'di las 'gong bar 'gyur ba med do/ /'gri ba myed de dma' bar myi 'gyur ro/ /zad par myi 'gyur ro/ 'bri bar myi 'gyur ro/ /sa mtshams yod par myi 'gyur 
ro/ /mthar thug par myi 'gyur ro/ /mur thug par myi 'gyur ro/ /rigs kyi bu gzhung de dang 'dra bar sems can 'dzam bu'i gling gi rdul shin tu phra ba snyed dang / de bzhin du gling ba zhi pa'i 'jig rten gyi khams kyi rdul shin tu phra ba snyed dang / stong gi 'jig rten gyi khams kyi rdul 
shin tu phra ba snyed dang / stong gnyis kyi 'jig rten gyi khams kyi rdul shin tu phra ba snyed dang / stong gsum gyi stong chen po'i 'jig rten gyi khams kyi rdul shin tu phra ba snyed nas sems can mos pa sna tshogs can sangs rgyas kyi zhing brjod du myed pa'i yang brjod du myed pa'i rdul shin 
tu phra ba snyed cig 'ongs kyang / ci la dga' ba'i kha zas tshod ma sna tshogs dang / ro sna tshogs dang / kha dog sna tshogs dang / dri sna tshogs kyis yongs su tshim par byed do/ /yongs su dga' bar byed do/ /nyams bde bar byed do/ /shin tu tshim par byed do/ yid shin tu 
bde bar byed do/ /'on kyang phru ba 'di las 'gong bar 'gyur ba myed do/ /'grib pa myed do/ /dma' bar myi 'gyur ro/ /zad par myi 'gyur ro/ /sa mtshams yod par myi 'gyur ro/ /mthar thug par myi 'gyur ro/ /mur thug par myi 'gyur ro/ /rigs kyi bu gal te 
phyogs bcu'i 'jig rten gyi khams thams cad du gtogs pa'i sems can mos pa sna tshogs can dang / bsam pa sna tshogs can thams cad 'ongs par gyur na yang / de dag thams cad ci la dga' ba'i kha zas kyis yongs su tshim par byed pa nas/ yid bde 
bar bya ba'i bar du byed do/ /kha zas sna tshogs kyis ji lta ba de bzhin du btung ba rnam pa sna tshogs dang / ro rnam pa sna tshogs dang / stan sna tshogs dang / mal cha sna tshogs dang / bzhon pa sna tshogs dang / gos sna tshogs dang / me tog sna tshogs dang / phreng ba sna </font><hr>38-1-8a<br><font size=+1>
tshogs dang / spos sna tshogs dang / bdug spos sna tshogs dang / byug pa sna tshogs dang / phye ma sna tshogs dang / rin po che sna tshogs dang / rgyan sna tshogs dang / rin po che'i shing rta sna tshogs dang / gdugs sna tshogs dang / rgyal mtshan sna tshogs dang / lha'i ba dan sna 
tshogs dang /yo byad kyi yul rnam pa sna tshogs kyis yongs su tshim par byed pa nas/ yid dga' bar 'gyur ba'i bar du byed do/ /rigs kyi bu gzhan yang shar phyogs kyi 'jig rten gyi khams gcig na nyan thos dang / rang sangs rgyas sku'i tha ma 'dzin pa gang ji snyed cig 
bzhugs pa de dag thams cad kyang kho mo'i kha zas las gsol cing nyan thos dang / rang sangs rgyas kyi byang chub kyi 'bras bu brnyes par mdzad do/ /shar phyogs kyi 'jig rten gyi khams gcig na ji lta ba de bzhin du 'jig rten gyi khams brgya dang / 'jig rten gyi khams 
stong dang / 'jig rten gyi khams brgya phrag stong dang / 'jig rten gyi khams bye ba dang / 'jig rten gyi khams bye ba phrag brgya dang / 'jig rten gyi khams bye ba phrag stong dang / 'jig rten gyi khams bye ba brgya phrag stong dang / 'jig rten gyi khams bye ba khrag khrig brgya 
phrag stong dang / 'jig rten gyi khams 'dzam bu'i gling gi rdul shin tu phra ba snyed dang / gling bzhi pa'i 'jig rten gyi khams kyi rdul shin tu phra ba snyed dang / stong gi 'jig rten gyi khams kyi rdul shin tu phra ba snyed dang / stong gnyis kyi 'jig rten gyi khams kyi rdul 
shin tu phra ba snyed dang / stong gsum gyi stong chen po'i 'jig rten gyi khams kyi rdul shin tu phra ba snyed nas/ de bzhin du shar phyogs kyi sangs rgyas kyi zhing brjod du myed pa'i yang brjod du myed pa'i rdul shin tu phra ba snyed kyi 'jig rten gyi khams na nyan thos dang / rang sangs rgyas 
sku'i tha ma 'dzin pa ji snyed cig bzhugs pa de dag thams cad kyang kho mo'i kha zas las gsol cing nyan thos dang / rang sangs rgyas kyi 'bras bu brnyes par mdzad do/ /shar phyogs na bzhugs pa ji lta ba de bzhin du lho phyogs dang / nub phyogs dang /byang phyogs dang /</font><hr>38-1-8b<br><font size=+1>
byang shar gyi phyogs mtshams dang / shar lho'i phyogs mtshams dang / lho nub kyi phyogs mtshams dang / nub byang gi phyogs mtshams dang / 'og dang steng gi phyogs na ji snyed cig bzhugs pa de dag thams cad kyang de bzhin no/ /rigs kyi bu shar phyogs kyi 'jig rten gyi khams 
gcig na sku tshe gcig gis thogs pa'i byang chub sems dpa' ji snyed cig bzhugs pa de dag thams cad kyang kho mo'i kha zas las gsol cing / snying po byang chub tu bzhugs nas bdud sde dang bcas pa pham par mdzad de/ bla na myed pa yang dag par rdzogs pa'i byang chub tu mngon 
par 'tshang rgya'o/ /shar phyogs kyi 'jig rten gyi khams gcig na bzhugs pa ji lta ba de bzhin du 'jig rten gyi khams brgya dang / 'jig rten gyi khams stong dang / 'jig rten gyi khams brgya phrag stong dang / 'jig rten gyi khams 
bye ba brgya dang / 'jig rten gyi khams bye ba stong dang / 'jig rten gyi khams bye ba brgya phrag stong dang / 'jig rten gyi khams bye ba khrag khrig brgya phrag stong dang / 'jig rten gyi khams 'dzam bu'i gling gi rdul shin tu phra ba snyed dang / gling bzhi pa'i 'jig rten gyi khams kyi 
rdul shin tu phra ba snyed dang / stong gi 'jig rten gyi khams kyi rdul shin tu phra ba snyed dang / /stong gnyis kyi 'jig rten gyi khams kyi rdul shin tu phra ba snyed dang / stong gsum gyi stong chen po'i 'jig rten gyi khams kyi rdul shin tu phra ba snyed nas/ shar phyogs kyi sangs 
rgyas kyi zhing brjod du myed pa'i yang brjod du myed pa'i rdul shin tu phra ba snyed kyi 'jig rten gyi khams na/ byang chub sems dpa' sku tshe gcig gis thogs pa ji snyed cig bzhugs pa de dag thams cad kyang kho mo'i kha zas las gsol zhing snying po byang chub la bzhugs nas/ 
bdud sde dang bcas pa pham par mdzad do/ /bla na myed pa yang dag par rdzogs pa'i byang chub tu mngon par 'tshang rgya'o// shar phyogs na bzhugs pa ji lta ba de bzhin du lho phyogs dang / nub phyogs dang / byang phyogs dang / byang shar gyi phyogs mtshams dang / shar </font><hr>38-1-9a<br><font size=+1>
lho'i phyogs mtshams dang / lho nub kyi phyogs mtshams dang / nub byang gi phyogs mtshams dang / 'og gi phyogs dang / steng gi phyogs kyi 'jig rten gyi khams gcig na/ byang chub sems dpa' sku tshe gcig gis thogs pa ji snyed cig 
bzhugs pa de dag thams cad kyang kho mo'i kha zas las gsol cing snying po byang chub tu bzhugs te/ bdud sde dang bcas pa rab tu pham par mdzad nas/ bla na myed pa yang dag par rdzogs pa'i byang chub tu mngon par 'tshang rgya'o/ /shar phyogs kyi 'jig rten gyi khams gcig na 
bzhugs pa ji lta ba de bzhin du 'jig rten gyi khams brgya dang / 'jig rten gyi khams stong dang / 'jig rten gyi khams brgya phrag stong dang / 'jig rten gyi khams bye ba dang / 'jig rten gyi khams bye ba brgya dang / 'jig rten gyi khams bye ba stong dang / 'jig rten 
gyi khams bye ba brgya phrag stong dang / 'jig rten gyi khams bye ba khrag khrig brgya phrag stong dang / 'jig rten gyi khams 'dzam bu'i gling gi rdul shin tu phra ba snyed dang / gling bzhi ba'i 'jig rten gyi khams kyi rdul shin tu phra ba snyed dang / stong gi 'jig rten gyi 
khams kyi rdul shin tu phra ba snyed dang / stong gnyis kyi 'jig rten gyi khams kyi rdul shin tu phra ba snyed dang / stong gsum gyi stong chen po'i 'jig rten gyi khams kyi rdul shin tu phra ba snyed nas/ rigs kyi bu steng gi phyogs kyi 'jig rten gyi khams sangs rgyas kyi zhing brjod 
du myed pa'i yang brjod du myed pa'i rdul shin tu phra ba snyed na/ byang chub sems dpa' sku tshe gcig gis thogs pa ji snyed cig bzhugs pa de dag thams cad kyang kho mo'i kha zas las gsol cing / snying po byang chub tu bzhugs nas bdud sde dang bcas pa pham par mdzad de/ bla na 
myed pa yang dag par rdzogs pa'i byang chub tu mngon par 'tshang rgya'o/ rigs kyi bu khyod kyis kho mo'i 'khor bud myed stong phrag bcu po 'di dag mthong ngam/ smras pa 'phags ma bdag gis mthong ngo / /smras pa rigs kyi bu bud myed 'di dag la stsogs ba brgya stong grangs </font><hr>38-1-9b<br><font size=+1>
myed pa phrag bcu kho mo dang skal ba mnyam par spyod pa/ smon lam gcig pa/ dge ba'i rtsa ba gcig pa/ 'byung ba'i rgyan gcig pa/ mos pa'i lam rnam par dag pa gcig pa/ kho mo dang skal ba mnyam par dran pa rnam par dag pa/ skal ba mnyam par blo rnam par dag pa/ skal 
ba mnyam par blo tshad myed par gyur pa/ skal ba mnyam par dbang po rab tu thob pa/ skal ba mnyam par sems kyis rgyas par 'gengs pa/ skal ba mnyam par spyod yul gyi yul dang ldan pa/ skal ba mnyam par chos kyi tshul la zhugs pa/ skal ba mnyam par don nges 
par rtogs pa/ skal ba mnyam par chos kyi don ston pa/ skal ba mnyam par gzugs rnam par dag pa/ skal ba mnyam par stobs tshad med pa/ skal ba mnyam par brtan pa gzhan gyis myi thub pa/ skal ba mnyam par chos kyi sgra sgrog pa/ skal ba 
mnyam par dbyangs rnam par dag pa/ tshad myed pa'i yon tan brjod du yod pas rnam par spyod pa thams cad la skal pa mnyam par yon tan rnam par dag pa/ las kyi rnam par smin pa la kha na ma tho ba myed cing rnam par dag pas/ skal ba mnyam par las kyi rnam par smin 
pa rnam par dag pa/ 'gro ba thams cad yongs su skyob pas/ skal ba mnyam par byams pa chen pos rgyas par 'gengs pa/ 'gro ba thams cad yongs su smin par byed pas/ myi skyo ba'i phyir skal ba mnyam par snying rje chen pos rgyas par 'gengs pa/ bsam 
pa ji lta ba bzhin du sems can thams cad tshim par byed pa'i lus yongs su ston pas/ skal ba mnyam par lus kyi las rnam par dag pa/ chos kyi dbyings kyi nges pa'i tshig gi tha snyad la skal ba mnyam par dag gi las rnam par dag pa/ sangs rgyas thams cad 
kyi 'khor gyi dkyil 'khor du skal pa mnyam par 'dod pa/ sangs rgyas la mchod cing rim gro bya ba'i phyir sangs rgyas kyi zhing thams cad du skal ba mnyam par rgyu ba/ chos thams cad kyi tshul khong du chud par bya ba la skal ba mnyam par mngon sum </font><hr>38-1-10a<br><font size=+1>
du gyur pa'i ye shes dang ldan pa/ byang chub sems dpa'i sa thams cad thob par bya ba la skal ba mnyam par spyod pa/ rnam par dag pa sha stag cig kyang yod de/ rigs kyi bu bud med stong phrag bcu po 'di dag kyang skad cig 
gcig tu 'di lta ste/ byang chub sems dpa' sku tshe gcig gis thogs pa rnams la zhal zas yongs su 'bul ba'i phyir phyogs bcur rgyas par 'dong ngo/ /phru ba 'di nyid nas kha zas blangs shing / srid pa'i tha ma pa dang / nyan thos dang / rang sangs rgyas kyi theg pa pa 
rnams la bsod snyoms 'bul ba'i phyir phyogs bcur rgyas par 'dong ngo / /phru ba 'di nyid nas kha zas blangs shing phyogs bcu rgyas par bkang ste yi dgas kyi tshogs thams cad kha zas kyis yongs su tshim par byed do/ /rigs kyi bu de ltar kho mo ni phru ba 'di nyid 
nas lha rnams ni lha'i kha zas kyis yongs su tshim par byed do/ /klu rnams ni klu'i kha zas kyis/ gnod sbyin rnams ni gnod sbyin gyi kha zas kyis/ dri za rnams ni dri za'i kha zas kyis/ lha ma yin rnams ni lha ma yin gyi kha zas kyis/ nam mkha' lding 
rnams ni na ma mkha' lding gi kha zas kyis/ myi 'am ci rnams ni myi 'am ci'i kha zas kyis/ lto 'phye chen po rnams ni lto 'phye chen po'i kha zas kyis/ myi rnams ni myi'i kha zas kyis/ myi ma yin pa rnams ni myi ma yin pa'i kha zas kyis yongs su tshim par 
byed do/ /rigs kyi bu yud tsam zhig sdod dang de'u re mngon du 'gyur ro/ /dge bsnyen ma phul du byung ba des tshig de brjod ma thag tu de'i mod la 'di lta ste/ dge bsnyen ma phul du byung bas/ sngon gyi smon lam gyis bos pas sems can grangs myed pa zhig shar phyogs kyi 
sgo nas nang du 'ongs par gyur to/ /de bzhin du 'di lta ste/ dge bsnyen ma phul du byung ba'i sngon gyi smon lam gyis bos pas/ sems can grangs myed pa zhig /lho phyogs dang nub phyogs dang / byang phyogs kyi sgo nas nang du 'ongs par gyur te/ de ltar 'ongs pa de </font><hr>38-1-10b<br><font size=+1>
dag dge bsnyen ma phul du byung bas/ /stan de dag la bkod de/ so so nas ci dga' ba'i kha zas tshod ma sna tshogs dang / ro sna tshogs dang / kha dog sna tshogs dang / dri sna tshogs dang ldan pas yongs su tshim par byas so/ /yongs su bstabs par byas so/ /yongs su 
dga' ba byas so/ /yongs su mgu bar byas so/ /yongs su spro bar byas so/ /shin tu tshim par byas so/ /yid bde bar byas so/ /kha zas sna tshogs kyis ji lta ba de bzhin du btung ba rnam pa sna tshogs dang / ro rnam pa sna tshogs dang / stan sna tshogs dang / mal 
cha sna tshogs dang / bzhon ba sna tshogs dang / gos sna tshogs dang / me tog sna tshogs dang / phreng ba sna tshogs dang / spos sna tshogs dang / bdug spos sna tshogs dang / byug pa sna tshogs dang / phye ma sna tshogs dang / rin po che sna tshogs dang / rgyan sna tshogs dang / 
rin po che'i shing rta sna tshogs dang / gdugs sna tshogs dang / rgyal mtshan sna tshogs dang / lha'i ba dan sna tshogs dang / yo byad kyi yul rnam pa sna tshogs kyis yongs su tshim par byas pa nas/ yid dga' bar 'gyur ba'i bar du byas so/ /lha rnams ni lha'i kha zas 
kyis yongs su tshim par byas so/ /klu dang gnod sbyin dang / dri za dang lha ma yin dang / nam mkha'i lding dang / myi'am ci dang / lto 'phye chen po dang / myi dang myi ma yin pa rnams kyang myi ma yin pa'i kha zas kyis yongs su tshim par byas pa nas/ yid bde bar 'gyur ba'i 
bar du byas so/ /'on kyang phru ba de las 'gong bar gyur ba myed/ 'grib pa myed/ dmas pa myed/ zad par gyur pa myed/ sa mtshams su gyur pa myed/ mthar thug pa myed/ mur thug pa myed do/ /de nas dge bsnyen ma phul du byung ba des/ tshong dpon gyi bu nor 
bzangs la 'di skad ces smras so/ /rigs kyi bu kho mos ni byang chub sems dpa'i rnam par thar pa bsod nams kyi mdzod mi zad pa'i rgyan ces bya ba 'di shes par zad na/ byang chub sems dpa'i bsod nams chen po'i rgya mtsho mi zad pas/ myi zad pa'i bsod </font><hr>38-1-11a<br><font size=+1>
nams dang ldan pa bsod nams kyi tshogs rgya chen po shin tu bstsags pas/ nam mkha' lta bur gyur pa/ 'gro ba thams cad kyi smon lam yongs su rdzogs par byed pas/ nor bu rin po che yid bzhin gyi rgyal po lta bu/ 'gro ba 
thams cad kyi dge ba'i rtsa ba yongs su bsrung bas/ bsod nams chen po'i 'khor yug dang ldan pa/ 'gro ba thams cad du rin po che snyim pa nas char ltar 'thor bas bsod nams chen po'i sprin du gyur ba/ chos kyi grong khyer gyi sgo 'byed pas/ bsod 
nams chen po'i mdzod la mngon sum du lta ba/ 'gro ba thams cad kyi phongs pa'i mun pa sel bas bsod nams chen po'i sgron mar gyur pa/ de dag gi spyod pa shes pa'am/ /yon tan brjod par nus re skan/ song rigs kyi bu lho phyogs kyi rgyud 'di 
nyid na grong khyer 'byung ba chen po zhes bya ba yod de/ de na khyim bdag mkhas pa zhes bya ba 'dug gis/ de'i gan du song la ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba dris shig /
de nas tshong dpon gyi bu nor bzangs dge bsnyen ma phul du byung ba'i rkang pa gnyis la spyi bos phyag 'tshal te/ dge bsnyen ma phul du byung ba la lan brgya stong du mar g.yas phyogs su bskor ba byas nas/ yang dang yang bltas te/ dge bsnyen ma phul 
du byung ba'i drung nas blta bas mi ngoms bzhin du song ngo / /de nas tshong dpon gyi bu nor bzangs bsod nams kyi mdzod myi zad pa'i rgyan gyi rnam par thar pa'i snang ba rab tu thob pa de/ bsod nams rgya mtsho de la ni rjes su sems/ bsod nams 
nam mkha' de la ni kun tu blta/ bsod nams kyi phung po de ni yongs su 'dzin/ bsod nams kyi ri bo de la ni mngon par 'dzeg /bsod nams kyi tshogs de ni yang dag par sdud/ bsod nams kyi chu bo de la ni yongs su 'bog /bsod nams kyi </font><hr>38-1-11b<br><font size=+1>
mu stegs de las ni rab tu 'bab/ bsod nams kyi dkyil 'khor de ni yongs su sbyong / bsod nams kyi gter de la ni yang dag par blta/ bsod nams kyi tshul de ni rjes su dran par byed/ bsod nams kyi chos de ni yongs su 'dzin/ bsod nams kyi rgyud de ni 
yongs su sbyong ba byed cing / mthar gyis grong khyer 'byung ba chen po gang na ba der phyin nas/ dge ba'i bshes gnyen 'dod cing dge ba'i bshes gnyen lta bas bsgos pa'i sems kyi rgyud dang / dge ba'i bshes gnyen gyi byin gyis brlabs pa'i bsam pa dang / dge 
ba'i bshes gnyen la thogs pa med pa'i sbyor ba dang / dge ba'i bshes gnyen la rim gro bya bas skyo ba med pa'i brtson 'grus dang / dge ba'i bshes gnyen la rag lus pa'i dge ba'i rtsa ba thams cad dang / dge ba'i bshes gnyen gyis nges par gyur pa'i bsod 
nams kyi tshogs thams cad dang / dge ba'i bshes gnyen gyis rnam par spel ba'i thabs mkhas pa'i spyod pa dang / gzhan gyi dring mi 'jog par dge ba'i bshes gnyen la rim gro bya ba la mkhas pa dang / rnam par 'phel ba'i dge ba'i rtsa ba thams cad dang / 
rnam par dag par 'gyur ba'i byang chub sems dpa'i lhag pa'i bsam pa dang / yang dag par 'phel ba'i byang chub sems dpa'i dbang po dang / yongs su smin par 'gyur ba'i dge ba'i rtsa ba thams cad dang / yang dag par 'phel ba'i smon lam chen po mngon par 
bsgrub pa dang / shin tu yangs par 'gyur ba'i snying rje chen pos bdag nyid thams cad mkhyen pa nyid du nye bar gyur par yang dag par mthong nas/ sangs rgyas thams cad las byang chub sems dpa' kun tu bzang po'i spyod pas chos kyi snang ba yang dag par blang ba 
dang / de bzhin gshegs pa'i stobs bcu snang ba rnam par 'phel bar byed cing khyim bdag mkhas pa yongs su tshol tshol ba las/ grong khyer gyi dbus lam gyi bzhi mdo zhig na rin po che sna bdun gyi stegs bu zhig la/ rin po che grangs med pa las byas pa'i </font><hr>38-1-12a<br><font size=+1>
khri nor bu rin po che'i rkang pa rdo rje dang / in dranI la sna tshogs kyis spras pa bkye ba/ gser gyi lcag phod kyi dra bas legs par blas pa/ nor bu rin po che dri ma med pa'i snying po can rin po che lnga brgya tsam gyis gzugs legs par brgyan pa/ lha 
rdzas kyi stan sna tshogs bting ba/ gam yo nas lha rdzas kyi gos kyi rgyal mtshan dang / ba dan mang po bsgreng ba/ rin po che du ma'i dra bas kun nas yog pa rin po che'i bla re chen po bres pa/ bla nas gser dang rin po che'i me tog gi lda ldi mang po bkye ba zhig la 'dug cing / 
'dzam bu chu klung gi gser gyi gdugs yu ba dri ma med pa baiDUr+ya las byas pa ni drung na bsgreng zhing bzung / rin po che'i g.yag rnga dri ma med pa'i rdul yab ngang pa'i rgyal po lta bus ni legs par g.yab spos kyi rim gro'i yo byad sna tshogs kyis ni bdugs shing bsangs/ rol mo brdung ba dang / dkrol 
ba lha rdzas kyi dbyangs las 'das par sgra 'byin pa lnga brgya tsam ni g.yas g.yon nas brdungs shing dkrol/ grong khyer 'byung ba chen po na 'khod pa'i sems can rnams shin tu dga' bar bya ba'i don du lha rdzas kyi mye tog gi sprin gyi char ni kun nas 'bab par 
gyur/ g.yog srog chags stong phrag bcu tsam sngon dge ba'i rtsa ba skal ba mnyam par spyod spyod pa dag nyan cing ci dga' bar byed pa/ lha rdzas las 'das pa'i rgyan gyis shin tu brgyan pa/ byang chub sems dpa'i bsam pa yongs su grub pa/ lha dang mi'i 
gzugs las shin tu 'das pa sha stag gis kun nas bskor cing 'dug pa mthong nas/ tshong dpon gyi bu nor bzangs khyim bdag mkhas pa gang na ba der song ste/ phyin nas khyim bdag mkhas pa'i rkang pa gnyis la spyi bos phyag 'tshal te/ khyim bdag 
mkhas pa la lan brgya stong du mar g.yas phyogs su bskor ba byas nas mdun du 'dug ste/ thal mo sbyar nas 'di skad ces smras so/ 'phags pa bdag ni 'di lta ste/ sems can thams cad kyi sdug bsngal zhi bar bgyi ba dang / sems can thams cad </font><hr>38-1-12b<br><font size=+1>
shin tu bde ba la dgod pa dang / sems can thams cad 'khor ba'i rgya mtsho nas mngon par gdon pa dang / sems can thams cad chos rin po che'i gling du yang dag par bskyal ba dang / sems can thams cad kyi sred pa'i brlan shin tu bskam pa dang / sems can 
thams cad kyi snying rje'i brlan yang dag par bskyed pa dang / sems can thams cad kyi 'dod pa'i dga' ba dang / sred pa rnam par bzlog pa dang / sems can thams cad sangs rgyas kyi ye shes la mos shing bsgrub par bgyi ba dang / sems can thams cad 
'khor ba'i dgon pa las yang dag par bzla ba dang / sems can thams cad sangs rgyas kyi yon tan dang chos la dga' zhing mos pa yang dag par bskyed pa dang / sems can thams cad khams gsum gyi grong rdal nas gdon pa dang / sems can thams 
cad thams cad mkhyen pa'i pho brang du gzud par sems can thams cad kyi don du bla na myed pa yang dag par rdzogs pa'i byang chub tu zhugs kyis kyang / ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du 
bgyi ba ma 'tshal te/ 'phags pa ni byang chub sems dpa' rnams la gdams ngag dang / rjes su bstan pa mdzad do zhes bdag gis thos na/ 'phags pa ji ltar byang chub sems dpas byang chub sems dpa'i spyod pa la bslab par bgyi ba dang / ji ltar bslab na 
byang chub sems dpa' rnams sems can thams cad kyi rten du 'gyur ba bdag la bshad du gsol/ de skad ces smras pa dang / khyim bdag mkhas pas tshong dpon gyi bu nor bzangs la 'di skad ces smras so/ /rigs kyi bu de ltar khyod kyis bla na myed pa yang 
dag par rdzogs pa'i byang chub tu sems bskyed pa legs so legs so/ /rigs kyi bu sems can gang bla na med pa yang dag par rdzogs pa'i byang chub tu sems bskyed cing / byang chub sems dpa'i spyod pa yongs su tshol ba dang / dge ba'i bshes gnyen </font><hr>38-1-13a<br><font size=+1>
blta bas myi ngoms pa dang / dge ba'i bshes gnyen gyi drung du 'gro bas myi skyo ba dang / dge ba'i bshes gnyen la rim gro bya bas sgyid lug pa med pa dang / dge ba'i bshes gnyen btsal bas yid myi bde ba myi skyed pa dang / dge ba'i 
bshes gnyen btsal ba las phyir myi ldog pa dang / dge ba'i bshes gnyen la mos shing dang ba'i yid las rnam par myi ldog pa dang / dge ba'i bshes gnyen gyi ngor blta ba las phyir myi ldog pa dang / dge ba'i bshes gnyen gyi gdams ngag gi tshul la zhum pa myed 
pa dang / dge ba'i bshes gnyen la rim gro dang bsnyen bkur bya bas myi skyo ba de lta bu ni shin tu dkon no/ /rigs kyi bu khyod kyis kho bo'i 'khor 'di dag mthong ngam/ smras pa 'phags pa mthong ngo / smras pa rigs kyi bu 'di dag kun kyang kho bos bla na myed pa yang 
dag par rdzogs pa'i byang chub tu sems bskyed pa dag ste/ 'di dag ni kho bos de bzhin gshegs pa'i rigs su bskyed pa'o/ /'di dag ni kho bos pha rol tu phyin pas bsdus te gsol pa'o/ /'di dag ni kho bos chos dkar po thams cad kyis bskyed pa'o/ /'di dag 
ni kho bos de bzhin gshegs pa'i stobs bcu la rnam par bskyed pa'o/ /'di dag ni kho bos 'jig rten gyi rigs las gyen du bskyod pa'o/ /'di dag ni kho bos de bzhin gshegs pa'i rigs la bkod pa'o/ /'di dag ni kho bos 'jig rten gyi lam gyi 'khor lo las 
bzlog pa'o/ 'di dag ni kho bos chos kyi 'khor lo bskor ba la btsud pa'o/ /'di dag ni kho bos ngan song gsum gyi rgyud du ltung ba las yongs su bzung ba'o/ /'di dag ni kho bos chos nyid khong da chud par bya ba la bkod pa ste/ rigs kyi bu de ltar na byang chub sems 
dpa' rnams sems can thams cad kyi skyabs su gyur pa yin no/ /rigs kyi bu kho bo ni yid kyi mdzod nas byung ba'i bsod nams mang po thob pa ste/ de'i mthus kho bo ni zas 'dod pa rnams la kha zas kyi sbyin pa byed do/ /btang ba 'dod pa rnams la btung ba dang /</font><hr>38-1-13b<br><font size=+1>
ro'i dam pa 'dod pa rnams la ro'i dam pa dang / bza' ba 'dod pa rnams la bza' ba dang / bca' ba 'dod pa rnams la bca' ba dang / bldag pa 'dod pa rnams la bldag pa dang / mur pa 'dod pa rnams la mur pa dang / gos 'dod pa rnams la gos dang / me tog 
'dod pa rnams la me tog dang / phreng ba 'dod pa rnams la phreng ba dang / spos 'dod pa rnams la spos dang / bdug pa 'dod pa rnams la bdug pa dang / byug pa 'dod pa rnams la byug pa dang / phye ma 'dod pa rnams la phye ma dang / rgyan dang lhab lhub 'dod pa rnams la 
rgyan dang lhab lhub dang / rin po che 'dod pa rnams la rin po che dang / gser 'dod pa rnams la gser dang / dngul 'dod pa rnams la dngul dang / mu tig 'dod pa rnams la mu tig dang / rten 'dod pa rnams la rten dang / stan 'dod pa rnams la bstan dang / mal cha 'dod pa rnams la mal cha dang / 
na ba'i gsos sman dang / yo byad 'dod pa rnams la na ba'i gsos sman dang yo byad dang / bzhon pa 'dod pa rnams la bzhon pa dang / dga' ba 'dod pa rnams la dga' ba dang / glang po dang rta dang / shing rta dang / ba lang dang / bong bu dang ma he dang / 
ra lug 'dod pa rnams la glang po dang / rta dang shing rta dang ba lang dang / bong bu dang ma he dang / ra lug dang / rgyal mtshan dang / gdugs dang / ba dan 'dod pa rnams la rgyal mtshan dang / gdugs dang ba dan dang / bran pho dang bran mo 'dod pa rnams la 
bran pho dang bran mo dang 'khor gyi byis pa 'dod pa rnams la 'khor gyi byis pa dang / bud med 'dod pa rnams la bud myed dang / bu mo gzhon nu 'dod pa rnams la bu mo gzhon nu dang / cod pan dang gtsug gi rin po che 'dod pa rnams la cod pan dang gtsug gi rin 
po che dang / thor pag dang bcas pa'i gtsug gi rin po che 'dod pa rnams la thor pag dang bcas pa'i gtsug gi rin po che dang / skra mthon ting dri ma myed pa'i dkyil 'khor 'dod pa rnams la skra mthon ting dri ma myed pa'i dkyil 'khor gyi sbyin pa byed </font><hr>38-1-14a<br><font size=+1>
pa nas/ yo byad sna tshogs thams cad 'dod pa rnams la yang yo byad sna tshogs thams cad kyi sbyin pa byed do/ /rigs kyi bu yud tsam zhig sdod dang / de'u re mngon sum du mthong bar 'gyur ro/ de skad du khyim bdag mkhas pas/
tshig de brjod ma thag tu de'i mod la sems can grangs med pa zhig khyim bdag mkhas pa'i sngon gyi smon lam gyis bos pas/ phyogs tha dad pa dang / yul tha dad pa dang / gnas tha dad pa dang / grong khyer tha dad pa dang / grong rdal tha dad pa dang / tshong 
'dus tha dad pa dang / ljongs tha dad pa dang / 'khor gyi grong tha dad pa dang / khyim tha dad pa dang / sems can gyi rgyud tha dad pa dang / sems can gyi ris tha dad pa dang / sems can rnam pa myi mthun pa tha dad pa dang / lam gyi rgyud tha dad pa dang / gnas kyi rnam pa dang / mying du bya 
ba tha dad pa nas/ sems can skye mched rnam pa tha dad pa sna tshogs dang ldan pa/ kha zas sna tshogs don du gnyer ba kha zas sna tshogs 'dod pa/ bsam pa tha dad pa bza' ba dang btung ba/ gtsang ma 'dod pa dang / sha 'dod pa dang / kha zas rnam pa tha dad pa 
sna tshogs don du gnyer ba/ lam gyi rgyud rnam pa sna tshogs kyi khyad par du skyes pa'i skye mched la gnas pa 'di lta ste/ mi'i nang nas 'bras chan dang / sran chan dang / khur ba dang / skyo ma dang / nya dang / sha la sogs pa kham gyis bza' ba'i kha zas sna tshogs don du gnyer ba 
dang / mi'i nang nas ji lta ba bzhin du 'gro ba'i rgyud thams cad na rnam par spyod pa dag las kyang / kha zas dang btung ba sna tshogs don du gnyer ba dag de ltar byang chub sems dpa'i mthu dang / byang chub sems dpa'i sbyin pa thogs pa myed par gtong ba'i rnga'i sgra dang / 
byang chub sems dpa'i sngon gyi smon lam gyis bos pas kun kyang 'ongs bar gyur te/ 'ongs nas kyang khyim bdag mkhas pa la slongs mo 'debs so/ /gdong du lta'o/ /sdod de/ gsol ba 'debs so/ de nas khyim bdag mkhas pas slong ba de dag kun nas 'dus </font><hr>38-1-14b<br><font size=+1>
par shes nas/ yud tsam du bsams te nam mkha' la bltas pa dang / nam mkha'i dbyings nas/ kha zas dang btung ba rnam pa sna tshogs ro sna tshogs dang ldan pa/ kha dog sna tshogs dang ldan pa/ dri sna tshogs dang ldan pa mang po 'thon te/ lag mthil du 'ongs par gyur to/ 
des de dag yongs su blangs shing de ltar kun nas 'dus pa'i slongs mo ba mos pa sna tshogs dang ldan pa/ de dag ci 'dod pa'i zas dang / btung ba'i rnam pa dang / yo byad kyi khyad par thams cad kyis yongs su tshim par byas so/ /ci 'dod pa yongs su byin no/ /rab tu 
dga' bar byas so/ shin tu tshim par byas so/ dga' ba shin tu skye bar byas so/ /nyams shin tu bde bar byas so/ /yid rab tu dga' bar byas so/ /de ltar de dag shin tu tshim par byas nas/ des kyang ma chog ste/ de'i 'og tu chos bstan pa 'di lta ste/ ye shes 
kyi tshogs rgya chen po bstsags pa'i rgyu yongs su brjod de chos bstan to/ /phongs pa thams cad 'byung ba mi srid pa'i rgyu yongs su brjod pa dang / skyid pa chen po yongs su 'grub par 'byung ba'i rgyu yongs su brjod pa dang / chos kyi ye shes kyi tshul 'thob ba 'byung ba'i rgyu yongs 
su brjod pa dang / bsod nams kyi tshogs rgya chen po bstsags pa'i rgyu yongs su brjod pa dang / dga' ba bza' ba'i zas rab tu 'thob pa 'byung ba'i rgyu yongs su brjod pa dang / mtshan dang dpe byad bzang pos shin tu brgyan pa'i lus 'thob pa 'byung ba'i rgyu yongs su brjod pa dang / 
thub pa myed pa'i stobs rnam par dag par 'thob pa 'byung ba'i rgyu yongs su brjod pa dang / bla na myed pa'i kha zas yongs su shes pa 'thob pa 'byung ba'i rgyu yongs su brjod pa dang / bdud kyi dpung thams cad rab tu 'joms pa'i bsod nams kyi stobs myi zad pa rab tu 'thob pa 'byung 
ba'i rgyu yongs su brjod pa byas te chos ston to/ /des kha zas don du gnyer cing 'ongs pa rnams la nam mkha'i dbyings nas kha zas rnam pa sna tshogs blangs shing tshim par byas te/de dag la tshe dang / mdog dang / stobs dang / bde ba dang / spobs pa phun sum tshogs pa/</font><hr>38-1-15a<br><font size=+1>
'thob par bya ba'i phyir chos bstan to/ /des btung ba don du gnyer cing 'ongs pa rnams la btung ba mang po zhim pa kha na ma tho ba med pa/ yid shin tu dga' bar byed pa dag gis tshim par byas nas/ de dag la 'khor bas skom zhing 'khor ba la dga' 
ba las rnam par bzlog pa dang / sangs rgyas kyi chos la dga' zhing sangs rgyas kyi chos la mos pa yongs su bskyed pa'i phyir chos bstan to/ des ro'i mchog don du gnyer cing 'ongs pa rnams la ro'i mchog sna tshogs dang rab dang / skyur ba dang / lan tsha dang / tsha ba dang / kha ba 
dang / /bska ba rnam pa tha dad pas yongs su tshim par byas te/ de'i 'og tu skyes bu chen po'i mtshan ro bro ba'i mchog thob par bya ba'i phyir chos bstan to/ /des bzhon pa don du gnyer cing phyogs kyi rgyud sna tshogs nas 'ongs pa rnams la bzhon pa sna tshogs kyi sbyin 
pas yongs su bsdud de/ de dag theg pa chen po la gnas par bya ba'i phyir chos bstan to/ /des gos don du gnyer cing phyogs sna tshogs nas 'ongs pa kun nas 'dus par shes nas/ yud tsam du bsams te/ nam mkha'i dbyings la bltas pa dang / nam 
mkha'i dbyings las gos sna tshogs dang / sngon po dang / ser po dang / dmar po dang / dkar po dang / le brgan dang / shel gyi kha dog tu 'dug pa kha dog sna tshogs can kha dog du mar rnam par dag pa dag 'thon cing lag pa'i mthil du 'ongs pas/ des de dag gis 
slongs mo ba de dag la yongs su bsdud nas/ de bzhin gshegs pa'i ngo tsha shes pa dang / khrel yod pa bla na myed pa dang / mdog gser gyi kha dog lta bu thob par 'gyur ba rnam par dag par bya ba'i phyir chos bstan to/ /de bzhin du yo byad sna tshogs thams cad kyis 
ji ltar 'ongs pa'i slongs mo ba rnams la sdud pa byas nas/ ci rigs su chos bstan to/ /de ltar khyim bdag mkhas pas byang chub sems dpa'i rnam par thar ba bsam gyis mi khyab pa'i yul bstan pa byas nas tshong dpon gyi bu nor bzangs la 'di skad </font><hr>38-1-15b<br><font size=+1>
ces smras so/ /rigs kyi bu kho bos ni yid kyi mdzod nas byung ba'i bsod nams kyi rnam par thar pa 'di shes par zad na/ kho bos byang chub sems dpa' yo byad la dbang thob pa rin po che'i lag pa thob par gyur pa/ 'jig rten gyi khams ma lus pa thams cad lag pas yongs su 
khebs par byas shing / sangs rgyas kyi mchod pa sna tshogs bsgrub pa'i phyir/ de bzhin gshegs pa thams cad kyi 'khor gyi dkyil 'khor du rin po che kha dog sna tshogs kyi sprin gyi char rab tu 'bebs pa de bzhin du rgyan kha dog sna tshogs kyi sprin dang / cod pan kha dog sna tshogs 
kyi sprin dang / khang pa brtsegs pa kha dog sna tshogs kyi sprin dang / na bza' kha dog sna tshogs kyi sprin dang / lha rdzas kyi rol mo brdung ba dang dkrol ba dang / glu yid du 'ong ba'i dbyangs snyan pa sna tshogs kyi sprin dang / me tog kha dog sna tshogs kyi sprin dang / spos kha dog 
sna tshogs kyi sprin dang / bdug spos dang phreng ba dang byug pa dang / phye ma dang chos gos dang / gdugs dang rgyal mtshan dang / ba dan kha dog sna tshogs dang / rnam pa thams cad du sangs rgyas thams cad mchod pa'i sprin gyi char dang / de bzhin gshegs pa'i 'khor gyi dkyil 
'khor thams cad dang / sems can thams cad kyi gnas su sangs rgyas thams cad mchod cing bsnyen bkur ba dang / sems can thams cad yongs su smyin par bya ba dang / gdul bar bya ba'i phyir yo byad thams cad kyi sprin gyi char 'bebs pa de dag gi spyod pa shes pa
'am/ yon tan brjod pa'am/ rnam par 'phrul ba bstan pa nus re skan/ /song rigs kyi bu lho phyogs kyi rgyud 'di nyid na grong khyer seng ge'i gzugs shes bya ba yod de/ de na chos kyi tshong dpon rin chen gtsug phud ces bya ba 'dug gis/ de'i gan du song la ji 
ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bya ba dris shig /de nas tshong dpon gyi bu nor bzangs dga' rangs te/ mgu zhing nyams bde la tshim zhing yid bde ba skyes nas khyim bdag mkhas pa la </font><hr>38-1-16a<br><font size=+1>
chos kyi rim gros slob ma'i tshul bstan te/ de'i byin gyi rlabs kyis sangs rgyas kyi chos thams cad thob par 'gyur bar yongs su bltazhing / thams cad mkhyen pa nyid kyang de la rang lus par blta ba dang / dge ba'i bshes gnyen dben par 
sems pa rgyun myi 'chad par bstan pa dang / dge ba'i bshes gnyen gyi bka' shin tu nyan pa'i sems dang ldan par bstan pa dang / dge ba'i bshes gnyen gyi dbang du 'gyur ba'i rjes su 'brang bar bya ba dang / dge ba'i bshes gnyen gyi gdams ngag dang / tshig 
mnyan par bya ba dang / dge ba'i bshes gnyen las byung ba'i dad pa'i dbang po la bsam pa byed cing / dge ba'i bshes gnyen gyis btam ste btang bas/ dge ba'i bshes gnyen bsnyen cig bkur ba dang / /rjes su 'brang bar bya ba'i sems kyis/ khyim bdag 
mkhas pa'i rkang pa gnyis la spyi bos phyag 'tshal te/ khyim bdag mkhas pa la lan brgya stong du mar g.yas phyogs su bskor ba byas nas/ yang dang yang bltas te/ khyim bdag mkhas pa'i drung nas song ngo / /de nas tshong dpon gyi bu nor bzangs bsod 
nams kyi chu bo de la ni yid ches par sems/ bsod nams kyi zhing de la ni yang dag par blta/ bsod nams kyi ri bo de ni yongs su sbyong / bsod nams kyi mu stegs de la ni yang dag par 'dzeg /bsod nams kyi mdzod de ni rnam bar 'byed/ bsod nams 
gyi gter de la ni shin tu lta/ bsod nams kyi dkyil 'khor de ni yongs su sbyong / bsod nams kyi phung po de ni yang dag par len/ bsod nams kyi stobs de ni yongs su bskyed/ bsod nams kyi shugs de ni rnam par 'phel bar byed cing / mthar gyis grong 
khyer seng ge'i gzugs gang na ba der phyin te/ chos kyi tshong dpon rin chen gtsug phud yongs su tshol tshol ba las/ tshong 'dus kyi srang zhig na 'dug pa mthong nas/ des de'i rkang pa gnyis la spyi bos phyag 'tshal te/ g.yas phyogs su bskor ba </font><hr>38-1-16b<br><font size=+1>
byas nas/ mdun du 'dug ste thal mo sbyar nas 'di skad ces smras so/ /'phags pa bdag gis bla na myed pa yang dag par rdzogs pa'i byang chub tu sems bskyed na/ ji ltar byang chub sems dpas byang chub sems dpa'i spyod pa la bslab par bgyi ba dang / ji 
ltar nan tan du bgyi ba ma 'tshal na/ 'phags pa lam gang gis bdag thams cad mkhyen pa nyid du 'byung bar 'gyur ba de lta bu'i byang chub sems dpa'i lam gyi ma na ngag legs par myi stsal tam/ de nas chos kyi tshong dpon rin chen gtsug phud kyis tshong 
dpon gyi bu nor bzangs kyi lag pa nas bzung ste/ rang gi khyim gang na ba der khrid de khyim de bstan nas 'di skad ces smras so/ /rigs kyi bu kho bo'i khyim la ltos shig ces nas/ des bltas na khyim de dag cing 'od gsal ba 'dzam bu chu klung gi gser 
las byas pa ste/ yangs shing mtho la dngul gyi ra bas bskor ba/ shel gyi rtsig pas shin tu legs par brtsigs te/ mdzes par byas ba/ baiDUr+ya'i phung po brgya phrag stong gis rab tu brgyan pa/ mus rag la pa'i ka ba bkye ba/ mu tig dmar po 
las byas pa'i seng ge'i khri shin tu bshams pa/ nor bu rin po che rang bzhin snang ba'i seng ge'i rgyal mtshan bsgreng ba/ nor bu rin po che rnam par snang ba'i bla re bres pa/ gser gyi dra ba yid bzhin gyi nor bus brgyan pas kun nas yog pa/ nor bu rin po 
che sna tshogs grangs myed pas rab tu brgyan pa/ a sma gar b+ha las brtsigs pa'i rdzing bu chu bsil bas gang ba dang ldan pa/ rin po che thams cad kyi shing gis bskor ba/ rgya che zhing yangs pa rim pa bcur brtsegs pa/ shin tu mtho ba/ 
sgo brgyad dang ldan par 'dug pa mthong nas/ des khyim de'i nang du phyin te/ kun tu bltas na rim khang tha ma'i nang na bza' ba dang btung ba'i rnam pa yongs su gtong ba mthong ngo / rim khang gnyis pa'i nang na gos kyi rnam pa thams cad yongs su </font><hr>38-1-17a<br><font size=+1>
gtong ba mthong ngo / /rim khang gsum pa'i nang na rin po che thams cad kyi rgyan dang / lhab lhub yongs su gtong ba mthong ngo / rim khang bzhi pa'i nang na btsun mo'i 'khor dga' ba'i yo byad du bya ba bud med rin po ches chen po'i steng na gzung du bya 
ba yongs su gtong ba mthong ngo / /rim khang lnga pa'i nang nas lnga pa la gnas pa'i byang chub sems dpa' chos yang dag par bgro ba'i dga' ba la mos pa/ 'jig rten la phan pa dang /bde ba'i sems kyi spyod pa dang ldan pa/ gtsug lag thams cad mngon 
par bsgrub pa gzungs kyi tshul dang / ting nge 'dzin gyi phyag rgya dang / ting nge 'dzin las rnam par ldang ba dang / ting nge 'dzin la rnam par dpyad pa dang / ye shes kyi snang ba mngon par sgrub pa 'dus shing 'khod par mthong ngo / /rim khang drug pa'i nang na byang chub sems dpa' 
shes rab kyi pha rol tu phyin pa la rnam par spyod pa rab tu thob pa shes rab shin tu zab pa/ rab tu zhi ba'i chos thams cad mngon par shes pa/ ting nge 'dzin dang / gzungs kyi sgo dang / snying po mang pos sgo kun nas byung pa/ bsgribs pa myed pa'i spyod yul can myi 
gnyis pa la yang dag par spyod pa/ chos yang dag par bgro ba la rnam par 'phrul ba/ shes rab kyi pha rol tu phyin pa'i rgyud kyi rjes su 'brang zhing rnam par dbye ba dang / rab tu gsal bar byed pa/ shes rab kyi pha rol tu phyin pa'i sgo mang po yang dag par bgro ba 
byed pa rnams kun nas 'dus shing 'khod pa mthong ste/ 'di ltar shes rab kyi pha rol tu phyin pa'i sgo zhi ba'i snying po zhes bya ba dang / shes rab kyi pha rol tu phyin pa'i sgo 'gro ba thams cad du ye shes rnam par phye ba zhes bya ba dang / shes rab kyi pha rol tu phyin pa'i 
sgo myi g.yo ba'i klongazhes bya ba dang / shes rab kyi pha rol tu phyin pa'i sgo rdul dang bral ba'i 'od ces bya ba dang / shes rab kyi pha rol tu phyin pa'i sgo thub par dka' ba zhes bya ba dang / shes rab kyi pha rol tu phyin pa'i sgo 'gro ba thams cad mos par byed cing </font><hr>38-1-17b<br><font size=+1>
rjes su 'brang ba'i dkyil 'khor zhes bya ba dang / shes rab kyi pha rol tu phyin pa'i sgo phyi bzhin 'brang ba'i tshul gyi dkyil 'khor zhes bya ba dang / shes rab kyi pha rol tu phyin pa'i sgo rgya mtsho'i snying po zhes bya ba dang / shes rab kyi pha rol tu phyin pa'i sgo kun tu lta ba'i 
btang snyoms thob pa zhes bya ba dang / shes rab kyi pha rol tu phyin pa'i sgo mi zad pa'i mdzod dang ldan pa zhes bya ba dang / shes rab kyi pha rol tu phyin pa'i sgo chos thams cad kyi tshul rgya mtsho zhes bya ba dang / shes rab kyi pha rol tu phyin pa'i sgo 'gro ba rgya mtsho'i rjes su 
song ba zhes bya ba dang / shes rab kyi pha rol tu phyin pa'i sgo thogs pa myed pa'i spobs pa zhes bya ba dang / shes rab kyi pha rol tu phyin pa'i sgo chos kyi sprin la dmyigs pas rim pas myi dmyigs pa'i gnas shes bya ba dang / de ltar shes rab kyi pha rol tu phyin pa'i sgo de dag la stsogs pa shes rab kyi pha 
rol tu phyin pa grangs myed pa brgya stong phrag bcu tshang bar yang dag par bgro ba byed cing / rgyan brjod du myed pa shin tu rnam par phye ba'i 'khor gyi dkyil 'khor na 'khod pa mthong bar gyur to/ /rim khang bdun pa'i nang na byang chub sems dpa' sgra brnyan lta bu'i bzod pa 
rab tu thob pa thabs dang ye shes rnam par gdon mi za ba la shin tu byung ba/ de bzhin gshegs pa thams cad kyi chos kyi sprin yang dag par 'dzin pa sha stag 'dus shing 'khod pa mthong ngo / /rim khang brgyad pa'i nang na byang chub sems dpa' ma nyams par 'gro ba'i 
mngon par shes pa rab tu thob pa/ 'jig rten gyi khams thams cad du rnam par rgyu ba/ 'khor gyi dkyil 'khor thams cad du gzugs brnyan rab tu 'byung ba/ chos kyi dbyings thams cad du lus shin tu rnam par phye ba/ de bzhin gshegs pa thams cad kyi 
zhabs kyi drung nas gud du mi 'phags pa'i yul dang ldan pa/ sangs rgyas thams cad kyi sku la yang dag par gzhol ba/ de bzhin gshegs pa thams cad kyi 'khor gyi dkyil 'khor du sngon du brjod pa'i gtam gyi skyes bur gyur pa sha stag kun nas 'dus shing 'khod pa </font><hr>38-1-18a<br><font size=+1>
mthong ngo / /rim khang dgu ba'i nang na byang chub sems dpa' tshe gcig gis thogs pa sha stag 'dus shing 'khod pa mthong ngo / rim khang bcu pa'i nang na de bzhin gshegs pa thams cad thog ma byang chub tu thugs bskyed pa dang / spyod pa 
dang / 'byung ba dang / smon lam rgya mtsho dang / sangs rgyas kyi rnam par 'phrul ba'i yul dang / sangs rgyas kyi zhing dang / 'khor gyi dkyil 'khor thams cad dang bcas pa dang / chos kyi 'khor lo rab tu sgrog pa dang bcas pa dang / sems can 'dul ba mdzad pa'i 
byin gyis rlabs dang bcas par mthong ngo / /mthong nas kyang chos kyi tshong dpon rin chen gtsug phud la 'di skad ces smras so/ /'phags pa khyod la 'di lta bu'i phun sum tshogs pa mnga' na/ phun sum tshogs pa'i rnam pa de ci lta bu zhig tu sbyang ba mdzad mdzad/ 
dge ba'i rtsa ba ni su zhig la yongs su bskrun bskrun/ des smras pa/ rigs kyi bu kho bos dran te/ 'das pa'i dus kyi bskal pa sangs rgyas kyi zhing gi rdul shin tu phra ba snyed 'das pa'i yang pha rol cig na/ 'jig rten gyi khams 'khor lo sna tshogs zhes 
bya bar/ de bzhin gshegs pa chos kyi dbyings 'od gzer mtha' yas pas yongs su brgyan pa'i chos kyi rgyal po zhes bya ba mkhyen pa dang zhabs su ldan pa/ bde bar gshegs pa/ 'jig rten mkhyen pa/ bla na myed pa/skyes bu 'dul ba'i kha lo 
sgyur ba/ lha dang mi rnams kyi ston pa/ sangs rgyas bcom ldan 'das 'jig rten du byung ste/ de bzhin gshegs pa de ye shes rnam par snang ba la stsogs pa nyan thos bye ba phrag brgyad dang / ye shes nyi ma'i gzi brjid la stsogs pa/ byang chub 
sems dpa' bye ba brgya phrag stong dang / thabs gcig tu rgyal po chos kyi dbang phyug rgyal pos spyan drangs nas/ bza' shang gi ra ba chen po rin po che rgyal mtshan rgyan gyis mdzes pa zhes bya bar gshegs te/ de bzhin gshegs pa de </font><hr>38-1-18b<br><font size=+1>
grong khyer du gshegs nas/ tshong 'dus kyi srang nas tshur bzhud pa'i tshe/ kho bos de bzhin gshegs pa de dang / byang chub sems dpa' dang / nyan thos kyi dge 'dun dang bcas pa la mchod pa bya ba'i phyir/ sil snyan dang rol mo'i sgra zhig kyang phyung / spos kyi ri lu 
gcig cig kyang bsregs te/ bdug spos kyis bsangs so/ /spos kyi ri lu gcig po de/ de ltar bsregs pas zhag bdun du 'dzam bu'i gling thams cad kyang spos kyi na bun gyi sprin kha dog sna tshogs dang ldan pa/ sems can thams cad kyi lus dang 'dra bas yongs su khebs 
par gyur to/ /spos kyi na bun gyi sprin de dag las kyang sgra 'di skad du brjod de/ de bzhin gshegs pa ni bsam gyis mi khyab pa ste/ dus gsum du drim myed pa'i ye shes kyi phung po dang ldan pa'i thams cad mkhyen pa ste/ sgrib pa thams cad myi mnga' ba'o/ nyon 
mongs pa'i bag chags thams cad yongs su sbyangs pa ste/ de bzhin gshegs pa la yon phul ba thams cad kyang / thams cad mkhyen pa'i don chen po tshad myed pa bsgrub par 'gyur ro/ /thams cad mkhyen pa nyid du yang dag par gzhol bar 'gyur ro zhes/ 
de skad du kho bo'i dge ba'i rtsa ba yongs su smin par bya ba dang / sems can thams cad dge ba'i rtsa ba la shugs yang dag par bskyed pa'i phyir/ spos kyi na bun gyi sprin de las/ sangs rgyas kyi byin gyi brlabs kyis sgra'i rnam pa de lta bu byung ngo / rigs kyi bu 
de ltar de bzhin gshegs pa'i byin gyi brlabs kyis/ bstan pa'i cho 'phrul gyi dge ba'i rtsa ba de yang kho bos gnas gsum du yongs su bsngos te/ gsum gang zhe na/ 'di ltar phongs pa thams cad shin tu rgyun gcad pa dang / dam pa'i chos mnyan pa 
dang myi 'bral ba dang / dge ba'i bshes gnyen sangs rgyas dang byang chub sems dpa' thams cad mthong ba/ yongs su rdzogs par 'gyur bar bya ba'i phyir yongs su bsngos so/ /rigs kyi bu kho bos ni byang chub sems dpa'i rnam par thar ba smon lam gyi dkyil </font><hr>38-1-19a<br><font size=+1>
'khor thogs pa myed pa'i rgyan ces bya ba 'di shes par zad na/ kho bos byang chub sems dpa' yon tan rin po che tshad myed pa'i 'byung gnas su gyur pa/ sangs rgyas kyi sku rgya mtsho dang / tha myi dad pa la zhugs pa/ tha myi dad pa'i 
chos kyi sprin gyi char yang dag par 'dzin pa/ tha myi dad pa'i yon tan rgya mtsho la zhugs pa/ kun tu bzang po'i spyod pa'i dra ba rnam par rgyas par gyur pa/ ting nge 'dzin tha myi dad pa'i yul la zhugs pa byang chub sems dpa' thams cad tha myi dad pas dge ba'i rtsa ba 
rgyun gcig tu gyur pa/ de bzhin gshegs pa thams cad dang tha myi dad cing rnam par myi rtog par spyod pa/ dus gsum tha myi dad pas mnyam pa nyid la zhugs pa/ bskal pa thams cad tha myi dad par yongs su gnas pas myi skyo ba/ kun tu lta ba tha myi dad pa'i yul 
gyi sa la gnas pa de dag gi spyod pa shes pa'am/ yon tan brjod par nus re skan/ /song rigs kyi bu lho phyogs kyi rgyud 'di nyid na yul sba'i rtsa ba zhes ba ba yod de/ de'i grong khyer kun nas sgo zhes bya ba na/ tshong dpon spos 'tshong kun tu lta ba zhes bya ba 'dug 
gis| de'i gan du song la ji ltar byang chub sems dpas byang chub sems dpa'i spyod pa la bslab par bya ba dang / ji ltar nan tan du bya ba dris shig /de nas tshong dpon gyi bu nor bzangs kyis chos kyi tshong dpon rin chen gtsugs phud kyi rkang pa gnyis la spyi bos phyag 
'tshal te/ chos kyi tshong dpon rin chen gtsug phud la lan brgya stong du mar g.yas phyogs su bskor ba byas nas yang dang yang bltas te/ chos kyi tshong dpon rin chen gtsug phud kyi drung nas song ngo // //sangs rgyas rmad gcad 
ces bya ba shin tu rgyas chen po'i mdo/ /bam po gnyis pa/ de nas tshong dpon gyi bu nor bzangs sangs rgyas mtha' yas pa mthong ba la zhugs pa/ byang chub sems dpa' mtha' yas pa dang 'grogs pa rab tu thob pa/ byang chub sems dpa'i </font><hr>38-1-19b<br><font size=+1>
lam mtha' yas pa'i tshul gyis snang bar gyur ba/ chos kyi tshul mtha' yas pas mngon par brlan pas shin tu rtogs pa'i sems dang ldan pa/ byang chub sems dpa'i mos pa mtha' yas pa'i lam gyis rnam par dag pa/ byang chub sems dpa'i dbang po 
mtha' yas pa'i snang ba rab tu thob pa/ byang chub sems dpa'i bsam pa mtha' yas pa'i stobs la gnas pa/ byang chub sems dpa'i spyod pa mtha' yas ba'i rjes su song ba'i sems dang ldan pa/ byang chub sems dpa'i smon lam mtha' yas pa'i stobs 
yongs su skyes pa/ byang chub sems dpa' gzhan gyis thub pa myed pa/ mtha' yas ba'i rgyal mtshan can/ byang chub sems dpa'i ye shes snang ba mtha' yas pa'i rgyud dang ldan pa/ byang chub sems dpa'i chos mtha' yas pa'i snang ba rab tu thob pa de 
mthar gyis yul sba'i rtsa ba gang na ba der phyin nas/ grong khyer kun nas sgo yongs su tshol zhing phyogs dang / phyogs mtshams dang / yul phyogs nyen kor kun dang / sgang dang gshong dang / mnyam pa dang myi mnyam pa thams cad du yongs su skyo ba myed pa'i 
bsam pa dang / 'jigs pa myed pa'i sems dang / ldog pa myed pa'i brtson 'grus dang / thub pa myed pa'i sems kyis/ dge ba'i bshes gnyen gyi gdams ngag ma brjed pa dang / rtag tu dge ba'i bshes gnyen gyi spyod pa ma nor bas sems rab tu 
bsgos pa dang / sgo kun nas rnam par dmyigs pa'i dbang po dang ldan pa dang / bag myed pa thams cad dang bral ba dang / myig dang rna ba g.yeng ba myed par kun tu tshol tshol nas yul spa'i rtsa ba'i dbus shig na/ grong khyer kun nas sgo tshong 'dus kyi rdal 
stong phrag bcu'i gnas su gyur pa/ de shin tu bzang por grub pa/ rab brtan pas bskor ba/ shin tu mtho ba bzhi mdo brgyad kyis brgyan pa 'dug par mthong ste/ de'i nang na spos 'tshong kun tu lta ba yang spos 'tshong gi khyams shig na 'dug pa mthong </font><hr>38-1-20a<br><font size=+1>
nas/ spos 'tshong kun tu lta ba gang na ba der phyin te/ spos 'tshong kun du lta ba'i rkang pa gnyis la spyi bos phyag 'tshal nas/ mdun du 'dug ste/ thal mo sbyar nas 'di skad ces smras so/ /'phags pa bdag gis bla na myed pa yang dag 
par rdzogs pa'i byang chub tu sems bskyed na/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba ma mtshal to/ smras pa rigs kyi bu de ltar khyod kyis bla na myed pa yang dag par rdzogs pa'i byang chub tu 
sems bskyed pa legs so legs so/ rigs kyi bu kho bos ni sems can thams cad kyi nad shes te/ rlung las gyur pa dang / mkhris pa las gyur pa dang / bad kan las gyur pa dang / cha mnyam par 'khrugs pa dang / gzhan gyis gnod par byas pa dang / 
mi ma yin pa las gyur pa dang / dug 'thungs pa dang / sngags dang / mtshon dang / ro langs pa'i sbyor ba sna tshogs dang / me las gyur pa dang / chus bskyod pa las gyur pa dang / sngangs pa dang 'jigs pa sna tshogs las gyur pa thams cad kyang shes so/ nad 
de dag thams cad zhi bar bya ba yang shes te/ 'di ltar snum par bya ba yang rab tu shes so/ /skyug par bya ba dang / bkru ba dang / brta ba dang / gtar ba dang / sna'i cho ga dang / nya ra dang / dugs dang / lums dang / byug pa dang / dug gso ba dang / 'byung po'i gdon myed par 
bya ba dang / bcud dang / khrus dang / bzhag pa dang / bskyed pa dang / kha dog sbyang ba dang / nyam bstod pa'ang rab tu shes te/ rigs kyi bu phyogs bcu nas sems can gang ji snyed cig kho bo'i drung du 'ong ba de dag thams cad kyi nad thams cad kyang rab tu zhi 
bar byed de/ nad sos nas kyang legs par bkru ba dang lus la byug pas byug pa byas nas/ ci tshul gyi rgyan gyis yan lag shin tu brgyan te/ ci rigs pa'i gos lus la bskon nas/kha zas bro ba'i mchog dang ldan pa sna tshogs kyis yongs su tshim par </font><hr>38-1-20b<br><font size=+1>
byas te/ nor dpag tu med pas kyang phun sum tshogs par byed do/ /de'i 'og tu yang de dag la mi gtsang ba bstan cing / /'dod chags spang ba'i phyir chos ston to/ byams pa chen po yongs su bsngags shing zhe sdang spang ba'i phyir chos ston to/ /chos rnam par dbye ba'i 
bye brag bstan cing gti mug spang ba'i phyir chos ston to/ khyad par khong du chud pa'i tshul gyi sgo yang dag par bstan cing cha mnyam pa'i spyod pa dang / nyon mongs pa spang ba'i phyir chos ston to/ /sangs rgyas kyi yon tan gyi chos dang ldan pa'i gtam thams cad yongs su brjod 
cing byang chub kyi sems 'byung ba'i rgyu yongs su ston to/ /'khor ba'i sdug bsngal tshad gzung du myed pa yongs su bstan cing / snying rje chen po 'byung ba'i rgyu yongs su ston to/ /bsod nams dang ye shes kyi tshogs rgya chen po bstsags pa yang dag par bsngags shing 
yon tan tshad med pa 'thob pa dang / 'byung ba'i rgyu yongs su ston to/ /sems can thams cad yongs su smin par bya ba dang / gdul bar bya ba yongs su bstan cing theg pa chen po'i smon lam 'byung ba'i rgyu yongs su ston to/ /sangs rgyas kyi zhing thams cad 
dang / bskal pa thams cad du gnas par bya ba'i spyod pa'i dra ba shin tu rgyas par bshad cing byang chub sems dpa' kun tu bzang po'i spyod pa 'thob pa dang / 'byung ba'i rgyu yongs su ston to/ /sbyin pa'i pha rol tu phyin pa yongs su bsngags shing mtshan dang dpe 
byad bzang pos brgyan pa'i sangs rgyas kyi sku 'thob pa dang 'byung ba'i rgyu yongs su ston to/ /tshul khrims kyi pha rol tu phyin pa yongs su brjod cing de bzhin gshegs pa'i sku yongs su dag pa thams cad du 'gro ba 'thob pa dang 'byung ba'i rgyu yongs su ston to/ /
bzod pa'i pha rol tu phyin pa yongs su brjod cing de bzhin gshegs pa'i sku gzugs dang / sku mdog rnam par dag pa bsam gyis mi khyab pa'i rgyu yongs su ston to/ brtson 'grus kyi pha rol tu phyin pa yongs su brjod cing de bzhin gshegs pa'i sku </font><hr>38-1-21a<br><font size=+1>
thub par dka' ba yongs su ston to/ /bsam gtan gyi pha rol tu phyin pa yongs su brjod cing de bzhin gshegs pa'i sku zil gyis mnon la/ zil gyis gnon pa rnam par dag pa yongs su ston to/ /shes rab kyi pha rol tu phyin pa yongs 
su brjod cing chos kyi sku yongs su dag pa yongs su ston to/ /thabs mkhas pa'i pha rol tu phyin pa yongs su brjod cing 'gro ba thams cad la mngon du gyur pa'i sku gtsang zhing rnam par dag pa yongs su ston to/ /smon lam gyi pha rol tu phyin pa yongs su brjod cing bskal 
pa thams cad kyi dus su 'gro ba thams cad kyi sems dang 'grogs pa'i sku rnam par dag pa yongs su ston to/ /stobs kyi pha rol tu phyin pa yongs su brjod cing sangs rgyas kyi zhing thams cad du mngon par 'byung ba'i sku rnam par dag pa yongs su ston to/ /ye shes kyi pha 
rol tu phyin pa yongs su brjod cing 'gro ba thams cad bsam pa ji lta ba bzhin du tshim par mdzad pa'i sku rnam par dag pa yongs su ston to/ /myi dge ba'i chos thams cad las rnam par ldog pa yongs su brjod cing blta na phul du bzang ba'i sku rnam par dag pa yongs su 
ston to/ /de ltar de dag chos kyi sbyin pas yongs su bsdus te/ nor dang rin po che mtha' yas pa'i tshogs kyis nye bar brtan pa byas shing so sor 'gyed do/ /yang rigs kyi bu kho bo ni spos dang / bdugaspos dang / bsgo ba dang / bsku ba sbyor shes te/ 'di 
ltar spos kyi rgyal po gzhal du med pa la stsogs pa dang / spos kyi rgyal po sin+du ba ra la stsogs pa dang / spos kyi rgyal po mi pham pa la stsogs pa dang / spos kyi rgyal po rnam par gsal byed la stsogs pa dang / spos kyi rgyal po nyi ma yod pa la stsogs 
pa dang / spos kyi rgyal po dus dang 'thun pa la stsogs pa dang / spos kyi rgyal po sbrul gyi snying po'i tsan dan la stsogs pa dang / spos kyi rgyal po sprin gyi a ga ru la stsogs pa dang / spos kyi rgyal po dbang po mi 'khrug pa la stsogs pa/ spos sbyar ba thams cad </font><hr>38-1-21b<br><font size=+1>
kyang rab tu shes so/ /yang rigs kyi bu kho bo ni sems can thams cad yongs su tshim par byed pa dang / sgo thams cad nas sangs rgyas blta zhing mchod pa dang / bsnyen bkur ba'i spos kyi gzugs shes te/ rigs kyi bu/ sems can thams cad yongs su tshim par 
byed pa dang / sgo thams cad nas sangs rgyas blta zhing mchod pa dang / bsnyen bkur ba'i spos kyi gzugs 'dis kho bo'i bsam pa thams cad kyang yongs su rdzogs par 'gyur te/ de'i mthus kho bo sems can thams cad yongs su skyob pa'i rgyan gyi sprin byin gyis rlob pa 
byed de 'di ltar spos kyi khang pa brtsegs pa'i sprin gyi rgyan nas rnam pa thams cad du de bzhin gshegs pa mchod cing rim gror bya ba'i rgyan gyi sprin gyi bar du byin gyis rlob pa byed do/ /rigs kyi bu kho bo na ni ma de bzhin gshegs pa la mchod pa bya bar 'dod par gyur pa de'i tshe/ 
kho bos sems can thams cad yongs su tshim par byed pa dang / sgo thams cad nas sangs rgyas blta zhing mchod pa dang / bsnyen bkur ba'i spos kyi gzugs 'di las spos kyi mdzod kyi khang pa brtsegs pa'i sprin tshad gzung du myed pa bton cing / phyogs 
bcu'i chos kyi dbyings thams cad na bzhugs pa'i de bzhin gshegs pa'i chos kyi dkyil 'khor gyi chos kyi dbyings thams cad du spos thams cad kyi mdzod kyi khang pa brtsegs pa'i sprin gyi rgyan byin gyis rlob pa byed do/ /chos kyi dbyings thams cad du sangs rgyas kyi zhing thams 
cad yongs su sbyong ba'i sprin gyi rgyan dang / spos kyi khang pa'i sprin gyi rgyan dang / spos kyi ra ba'i sprin gyi rgyan dang / spos kyi ba gam gyi sprin gyi rgyan dang / spos kyi rta babs kyi sprin gyi rgyan dang / spos kyi skar khung gi sprin gyi rgyan dang / spos kyi pu shu'i sprin gyi rgyan 
dang / spos kyi zla gam gyi sprin gyi rgyan dang / spos kyi gdugs kyi sprin gyi rgyan dang / spos kyi rgyal mtshan bsgreng ba'i sprin gyi rgyan dang / spos kyi lha'i ba dan gyi sprin gyi rgyan dang / spos kyi bla bre'i sprin gyi rgyan dang / spos kyi gzugs kyi dra ba'i sprin gyi rgyan dang / spos kyi </font><hr>38-1-22a<br><font size=+1>
'od kyi sprin gyi rgyan dang / spos kyi snang ba dri ma myadad pa'i sprin gyi rgyan dang / spos thams cad kyi sprin gyi char rab tu 'bab pa'i rgyan byin gyis rlob ste/ rigs kyi bu kho bos ni sems can thams cad yongs su tshim par byed pa dang / sgo thams 
cad nas sangs rgyas blta zhing mchod pa dang / bsnyen bkur ba'i spos kyi gzugs kyi chos kyi sgo 'di shes par zad na/ kho bos byang chub sems dpa' sman gyi rgyal po lta bur gyur pa/ blta na don yod pa/ 'grogs na don yod pa/ rjes su dran na don yod pa/ brtul 
zhugs rjes su byas na don yod pa/ mying thos na don yod pa/ mthong pa tsam gyis sems can thams cad kyi nyon mongs pa zhi bar 'gyur ba/ mthong ba tsam gyis sems can rnams ngan song gi rgyud las ldog par 'gyur ba/ mthong pa tsam gyis sems can thams 
cad sangs rgyas kyi chos la skabs phye ba thob par gyur pa/ mthong ba tsam gyis sems can rnams kyi sdug bsngal gyi phung po thams cad zhi bar 'gyur ba mthong tsam gyis sems can thams cad 'jigs pa dang / 'khor ba'i lam gyi rgyud thams cad kyi 'jigs pa dang 
bral bar 'gyur ba mthong ba tsam gyis sems can rnams thams cad mkhyen pa'i phyogs la rten par 'gyur ba'i phyir myi 'jigs pa thob par 'gyur ba/ mthong ba tsam gyis sems can rnams rga shi'i grog po dang g.yang sar mi ltung ba/ mthong ba tsam gyis sems 
can rnams chos kyi dbyings mnyam pa nyid la gnas pas mya ngan las 'das pa'i bde ba 'thob par 'gyur ba de dag gi spyod pa shes pa'am yon tan brjod par nus re skan/ /song rigs kyi bu lho phyogs kyi rgyud 'di nyid na grong khyer ta la'i rgyal mtshan zhes bya ba yod 
de/ de na rgyal po me zhes bya ba 'dug gis/ de'i gan du song la ji ltar byang chub sems dpas byang chub sems dpa'i spyod pa la bslab par bya ba dang / ji ltar nan tan du bya ba dris shig de nas tshong dpon gyi bu nor bzangs/ tshong dpon spos 'tshong kun </font><hr>38-1-22b<br><font size=+1>
tu blta ba'i rkang pa gnyis la spyi bos phyag 'tshal te/ tshong dpon spos 'tshong kun tu blta ba la lan brgya stong du mar g.yas phyogs su bskor ba byas nas yang dang yang bltas te/ tshong dpon spos 'tshong kun tu blta ba'i drung nas song ngo / /de nas tshong dpon gyi bu nor bzangs dge 
ba'i bshes gnyen gcig nas gcig tu brgyud pa de dag rjes su dran par byed cing / dge ba'i bshes gnyen gyi gdams ngag gi sgo de dag rjes su dran par bya ba dang / bdag ni dge ba'i bshes gnyen gyis yongs su bzung ngo / /zhes rang gi sems yongs su tshim par bya ba dang / 
bdag ni dge ba'i bshes gnyen gyis yongs su bsrungs pas/ nga ni bla na myed pa yang dag par rdzogs pa'i byang chub las phyir ldog par yang myi 'gyur ro/ /snyam du rnam par sems shing / sems dga' ba ni rab tu thob/ sems dang ba dang sems rab tu dga' ba dang / 
sems rangs pa dang / sems mgu ba dang / sems mos pa dang / sems kyi shugs dang / sems rnam par zhi ba dang / sems rgya chen po dang / sems kyi rgyan dang / sems la thogs pa myed pa dang sems la sgrib pa myed pa dang / sems rnam par phye ba dang / sems 
yang dag par gzhol ba dang / sems kyi dbang dang / sems dbang sgyur ba dang / sems kyi chos khong du chud pa dang / sems kyis zhing rgyas bar dgang ba dang / sems sangs rgyas mthong bas brgyan pa dang / sems stobs bcu'i yid la bya ba dang mi 'bral ba'ang 
thob nas/ de mthar kyis ljongs nas ljongs dang / grong nas grong dang / yul nas yul du tshol zhing grong khyer ta la'i rgyal mtshan gang na ba der phyin te/ rgyal po me gang na bzhugs zhes dris na/ de la 'gro ba gzhan dag gis 'di skad du bstan te/ rigs kyi bu 'de re rgyal 
po me ni rgyal po'i don bsgrub pa'i phyir seng ge'i gdan la bzhugs shing / rgyal po'i phrin las mdzad do/ /khams rab tu skyong ngo / /chad pas gcad par 'os pa ni chad pas gcod do/ bya dgas sdud par 'os pa ni bya dgas sdud do/ g.yon yod pa rnams </font><hr>38-1-23a<br><font size=+1>
la ni gyod rmed do/ /rtsod pa rnams kyi zhal ce ni yongs su gcod do/ /dma' ba rnams ni dbugs 'byin to/ /dregs pa rnams ni 'dul ba mdzad do/ /srog gcod pa las ni rnam par zlog go /ma byin par len pa dang ni rnam par 'byed pa mdzad do/ /gzhan 
gyis yongs su bzung ba la mngon par zhen pa ni rnam par zhi bar mdzad do/ /brdzun du smra ba las ni phyir zlog pa mdzad do/ /phra ma'i tshig dang ni rnam par 'bral bar mdzad do/ /zhe gcod pa'i ngag ni rgyun gcod pa mdzad do/ /tshig kyal pa las ni yongs su glon no/ /chags sems 
dang ni myi 'dre ba mdzad do/ /gnod sems dang ni rgyangasring ngo / /log par lta ba dang ni 'dre ba myed par mdzad do/ /de nas tshong dpon gyi bu nor bzangs rgyal po me gang na ba der phyin na/ des mthong ba/ rgyal po me de ni rin po che'i seng ge'i khri chen po rdo rje mthu bo che'i nor bu sna tshogs 
kyis smras pa/ rin po che 'od gsal ba rnam pa sna tshogs grangs myed pa las byas pa'i rkang pa bkye ba/ rin po che gcig ma yin pas legs par spras shing brgyan pas yid du 'ong ba'i lhun dang ldan pa/ gser gyi lcag pod kyi dra bas legs par blas shing chub par 
btags pa/ nor bu rin po che du ma'i sgron mes shin tu snang bar byas pa/ nor bu rin po cha dbang gi rgyal po las byas pa'i pad mo'i snying po can/ lha rdzas kyi rin po che'i stan rim pa du mar bting ba/ gam yo nas lha rdzas kyi spos sna tshogs kyi bdug spos kyis shin tu bdugs 
pa/ rin po che'i rgyal mtshan bsgreng ba/ brgya phrag stong gis mdzes par byas pa/ rin po che'i ba dan brgya phrag stong rnam par bres pas brgyan pa/ rin po che'i me tog gi chun po sna tshogs kyi lda ldi rab tu bkye bas shin tu mdzes par byas pa/ steng nas lha rdzas kyi rin po che'i bla re sna 
tshogs bres pa zhig la 'dug cing / de ni gzhon zhing dar la bab pa/ gzugs mdzes shing blta na yid du 'ong ba/ skra mthon ting g.yas phyogs su 'khyil ba dang ldan pa/ mgo gdugs ltar 'dug pa gtsug tor gyi spyi bo can/ 'phral ba yangs pa/ myig dkar </font><hr>38-1-23b<br><font size=+1>
nag 'byes shing ring la/ rdzi ma ba'i rdzi ma ltar 'dug pa/ sna'i dbyibs legs shing bzang la ran par mdzes pa dang ldan pa/ mchu mtshal ltar mdog bzang zhing shin tu legs pa dang ldan pa/ so mnyam zhing thags bzang la shin tu dkar ba bzhi bcu tshang ba dang ldan pa/ 
'gram pa'i lha nga seng ge'i 'gram pa ltar 'dug pa khur ba shasargyas pa/ smin tshugs gzhu ltar 'dug cing ring la shin tu mdzes pa/ mdzod spu zla ba'i kha dog ltar 'dug pa'i thig le can/ rna ba'i shal ring zhing lhod par 'phyang ba/ zla ba nya ba ltar bzhin mdangs 
dang ldan zhing shin tu bzang ba/ mgul zlum zhing dung ltar mdzes pa/ snying ka dpal gyi be 'us brgyan pa/ ro stod seng ge'i ro stod ltar 'dug pa/ thal gong shin tu rgyas la/ dpung mgo'i lhun legs shing zlum pa/ lag pa ring ba dra bar 'brel ba'i sor mo 
can/ rkang lag 'khor los brgyan pa/ rkang lag 'jam zhing gzhon la shas rgyas pa/ bdun shin tu mtho ba/ rked pa rdo rje ltar 'dug pa/ lus che zhing drang ba/ brla zlum pa/ pho mtshan gsang ba'i sbubs na 'dug pa/ byin pa ri dgas e ne ya'i byin pa ltar 'dug 
pa/ sor mo ring ba/ rkang pa'i rting ba yangs pa/ 'od 'dom gang ba dang ldan pa mdog gser gyi kha dog ltar 'dug pa/ ba spu re re nas g.yas phyogs su gyen du 'khyil ba/ shing n+ya gro da'i rgyal po ltar chu zheng gab pa/ lus mtshan dang dpe byad bzang pos shin tu 
brgyan pa/ mgo la nor bu rin po che yid bzhin gyi cod pan thogs pa/ 'dzam bu chu klung gi gser las byas pa'i 'bral ba'i rgyan zla gam gyis mdzes par brgyan pa/ rna ba las rin po che in dra nI la'i rna cha dri ma med pa 'phyang ba/ nor bu rin po che rin thang myed 
pa'i se mo de'i 'od kyis snang bar byas pas/ dri ma myed pa'i ro stod rgyas pa dang ldan pa/ lha rdzas kyi nor bu dam pa'i dpung rgyan dang / gdu bus lag pa mdzes par brgyan pa zhig ste/ rin po che'i gdugs chen po rin po che baiDUr+ya dri ma myed pa'i yu ba can/</font><hr>38-1-24a<br><font size=+1>
rin po che'i shar bu brgya phrag bcus rnam par phye ba/ 'dzam bu chu klung gi gser gyi bla gab can nor bu rin po che sgra snang ba rnam par dag pa'i snying po can/ rin po che'i dril bu'i phreng ba las sgra snyan cing / yid du 'ong ba 'byung ba/ nor bu rin po che'i 'od 
phyogs kun tu 'phro ba can drung nas bzung zhing bsgreng ba/ rgyal po'i gzi brjid dang dbang chen po la gnas pa/ srid la gzhan gyi 'khor gyis gtse ba med pa/ dgra'i 'jigs pa dang bral ba'i dbang phyug dang ldan par 'dug pa mthong ngo / /de'i 'khor kun nas kyang blon po stong 
phrag bcu tshogs shing rgyal po'i dgos pa bsgrub pa la brtson pa mthong ngo / /de'i mdun na chad pas gcod pa'i myi sems can dmyal ba'i srungasam lta bu/ gshin rje'i g.yog 'khor lta bu 'jigs 'jigs lta'i gos gyon pa/ gtum zhing myi bzad la 'jigs pa chen po bskyed pa 
myig dmar ba so gtsigs pa/ gdong gi gnyer ma gsum khro gnyer du bsdus pa/ ral gyi dang / sta re dang / lcags kyi chang mdud dang / mda' dang / be rga dang / mdung la stsogs pa'i mtshon cha dang / lag cha thogs pa'i lus dang / bzhin gyi dbyibs myi sdug cing 'jigs 
su rung ba/ sprin nag po ltar 'dug pa/ myi snyan cing brlang la bsdangs pa'i sgra drag po 'byin pa/ gzi lta bar dka' ba/ 'jigs pa chen po bskyed pa/ srog chags brgya phrag stong gi snying 'gems par byed pa/ de lta bu dag chad pas gcad par 'os pa'i sems can chad pas 
gcod pa la brtson pa mthong ngo / /de na srog chags rku ba gzhan gyi nor la 'phrog pa/ sems can gyi longs spyod chudagason pa/ lam sgugs shing 'phrog pa/ grong dang grong khyer dang / grong rdal dang / lhas la myes gtong ba/ grong du chom po byed pa/ khyim phugs 'debs pa/ 
sdig sdig ltar byed pa/ dug ldud pa/ dkrugs ma byed pa/ thong mi byed pa/ byi bo byed pa/ log par zhugs pa/ gnod par sems pa/ 'dod chen che ba/ sdig pa sna tshogs kyi las myi bzad pa byed pa/ brgya stong mang po bcing ba dam po lngas bcings shing rgyal po mye'i </font><hr>38-1-24b<br><font size=+1>
drung du khrid pa dag kyang mthong ngo / /de dag la'ang rgyal po myes ci rigs bar chad pas gcad par gyur pa mthong ngo / /des de na rgyal po mes bsgo zhing la la ni rka lag gcad/ la la ni rna ba dang sna bcad/ la la ni myig phyung / la la ni yan lag dang nying lag dang / mgo bcad/ la la ni lus thams 
cad mes btang / la la ni ba tshwa'i chu khol mas lus la gtor cing pags pa brnyil ba la stsogs pa/ de lta bu'i chad pa sna tshogs du ma mi bzad pa drag pa brlang ba yid du mi 'ong ba srog 'phrog pa dag kyang byed par mthong ngo / /gsad pa'i sa de na 'ang bsad pa'i rka lag dang / rna ba dang / myig dang / 
sna dang / mgo dang / yan lag dang / nying lag gi phung po ri rab tsam du spungs pa mthong ngo / /khrag gi mtsho dpag tshad gsum tsam du zabs su zab la chu zhing du dpag tshad du ma yod pa yang mthong ngo / /de na shi ba'i rkeng rus yan lag dang nying lag dang / mgo dang bral ba brgya stong du ma la/ 
spyang ki dang wa dang / khyi dang bya rog dang / bya rgod dang / khra dang bya ku rar mang pos gang ste/ 'drad cing 'thog pa mthong ngo / /de la'ang la la ni kha dog gyur te/ sngon por gyur pa tsam/ la la ni rnags pa tsam/ la la ni bam pa tsam/ la la ni 'bu zhugs pa tsam du gyur te/ 
shin tu skyi g.ya' zhing 'jigs 'jigs ltar 'dug pa mthong ngo / /gsang ba de dag gsod pa'i tshe/ myi sdug pa cho dgur byas pas na 'jigs 'jigs skad dang / snying rdo rje skad du sgra 'byin cing cho nges 'debs pa'i sgra chen po thos na/ skyi g.ya' zhing mi dga' ba 
chen po bskyed pa/ sems can dmyal ba chen po ris gzhom pa'i sgra lta bu'ang thos so/ /des de ltar kha btags te brdungs pa dang / shin tu 'jigs pa'i drag shul mthong nas/ 'di snyam du gyur te bdag ni sems can thams cad la phan pa dang / bde ba'i phyir bla na myed 
pa yang dag par rdzogs pa'i byang chub tu mngon par zhugs te/ byang chub sems dpa'i spyod pa yongs su tshol zhing 'bad de/ dge ba'i bshes gnyen rnams la dge ba ni ci zhig bgyi/ mi dge ba ni gang zhig spang zhes 'dri 'dri na/ rgyal po me 'di la ni dge ba'i chos kyang myed de/</font><hr>38-1-25a<br><font size=+1>
kha na ma tho ba chen po'i las la spyod pa yid kyi yongs su rtog pa shin tu gtum pa dang ldan pa/ sems can pha rol gyi srog gcad pa la zhugs pa/ sems can pha rol shin tu mnar ba la brtson pa/ tshe phyi ma la lta ba myed pa/ ngan song gi g.yang 
sa'i gad ka na 'dug pa zhig na/ 'di las cig byang chub sems dpa'i spyod pa'ang thos par 'gyur ram snyam ste/ de de ltar sems shing yid la byed de/ sems can thams cad yongs su bskyab pa la mngon par brtson pa/ snying rje chen po skyes pa'i sems dang ldan pa 
de la steng gi nam mkha'i dbyings las lha mang pos bos pa/ rigs kyi bu drang srong rgyal ba'i drod kyi skye mched kyi dge ba'i bshes gnyen gyi gdams ngag tu bya ba mi dran nam/ des gyen du nam mkha'i dbyings la bltas nas/ dran no zhes brjod do/ /lha rnams kyis smras pa/ 
rigs kyi bu khyod dge ba'i bshes gnyen gyi gdams ngag la de ltar the tshom ma bskyed cig /rigs kyi bu dge ba'i bshes gnyen rnams ni yang dag pa ma nor bar ston gyi log pa ma yin no/ /rigs kyi bu byang chub sems dpa' rnams kyi thabs mkhas pas spyod pa'i 
ye shes ni bsam gyis mi khyab bo/ /sems can yongs su sdud pa'i ye shes ni bsam gyis mi khyab bo/ /sems can la phan 'dogs pa'is ye shes bsam gyis mi khyab bo/ /sems can tshar gcod pa'i ye shes bsam gyis mi khyab bo/ /sems can gzengs bstod 
pa'i ye shes bsam gyis mi khyab bo/ /sems can yongs su sbyong ba'i ye shes bsam gyis mi khyab bo/ /sems can yongs su skyong ba'i ye shes bsam gyis mi khyab bo/ /sems can 'dzudapa'i ye shes bsam gyis mi khyab bo/ /sems can yongs su 
smin par byed pa'i ye shes bsam gyis mi khyab bo/ sems can 'dul ba'i ye shes bsam gyis mi khyab bo/ /song rigs kyi bu de la byang chub sems dpa'i spyod pa dris shig ces nas/ tshong dpon gyi bu nor bzangs kyis lha'i ngag mnyan te/ rgyal </font><hr>38-1-25b<br><font size=+1>
po me gang na ba der song ste phyin nas/ rgyal po me'i rkang pa gnyis la spyi bos phyag 'tshal te/ rgyal po me la lan brgya stong du mar g.yas phyogs su bskor ba byas nas mdun du 'dug ste/ thal mo sbyar nas 'di skad ces smras so/ /'phags pa bdag gis bla na med pa yang dag 
par rdzogs pa'i byang chub tu sems bskyed na/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba ma 'tshal te/ 'phags pa ni byang chub sems dpa' rnams la gdams ngag dang rjes su bstan pa mdzad do zhes bdag 
gis thos na/ 'phags pa ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba bdag la bka' stsal du gsol/ de nas rgyal po myes rgyal po'i bya ba byas te/ seng ge'i khri las langs nas tshong dpon gyi bu nor bzangs 
kyi lag pa g.yas pa nas bzung ste/ rgyal po'i pho brang ta la'i rgyal mtshan du khrid do/ /de mthar gyis rang gi gnas su phyin nas/ tshong dpon gyi bu nor bzangs btsun mo'i 'khor gyi nang du khrid de khri la bzhag nas 'di skad ces smras so/ /rigs kyi bu nga'i khyim dang 
longs spyod la ltos shes nas/ des bltas na khyim de rgya che zhing yangs la rin po che bdun gyi ra bas yongs su bskor ba/ nor bu rin po che sna tshogs kyi khang pas shin tu mdzes par byas pa/ rin po che'i khang pa brtsegs pa brgya stong du mas rab tu brgyan pa/ nor bu rin po 
che bsam gyis mi khyab pa'i 'od shin tu 'bar bas gzi brjid rab tu 'bar bar byas pa/ nor bu rin po che sna tshogs kyis rnam pa tha dad pa rnam par phye zhing bris pas rnam par mdzes par byas pa/ mu tig dmar po'i ka ba bkye ba/ nang du seng ge'i khri mu sar gal ba las byas pa/ 
rin po che brgya stong du mas rnam pa sna tshogs su brgyan pa/shin tu bshams pa/ nor bu rin po che'i sgra snang ba'i seng ge'i rgyal mtshan shin tu bsgreng ba/ steng nas nor bu rin po che rnam par snang ba'i bla re bres pa/ yid bzhin gyi nor bu rin po che sna tshogs kyi dra </font><hr>38-1-26a<br><font size=+1>
bas kun nas yog pa/ nor bu rin po che sna tshogs grangs myed pas rab tu brgyan pa'i ba gam gyi rgyan dang ldan pa/ a sma gar b+ha las byas pa'i rdzing chu bsil bas gang ba dang ldan pa/ rin po che sna tshogs kyi shing gis 'khor bar 'dug pa 
mthong ngo / /de'i 'khor bud myed bzang zhing mdzes la blta na sdug pa/ kha dog rgyas pa/ bzang ba'i phul du bya ba dang ldan pa/ sgyu rtsal thams cad kyi tshul la mkhas pa sngon du ldang ba/ phyi nas nyal ba byams pa'i sems dang ldan pa/ ci bsgo ba bzhin du byed cing / ngag nyan pa 
bye ba phrag bcu yang 'khod par mthong ngo / /de nas rgyal po myes tshong dpon gyi bu nor bzangs la 'di skad ces smras so/ /rigs kyi bu ji snyam du sems/ cig sdig pa byed pa rnams la las kyi rnam par smin pa mngon par grub pa 'di lta bu yod dam/ lus phun sum tshogs pa 'di lta bu 
yod dam/ 'khor phun sum tshogs pa 'di lta bu yod dam/ skyid pa chen po phun sum tshogs pa 'di lta bu yod dam/ dbang phyug dang dbang chen po thob pa phun sum tshogs pa 'di lta bu yod dam/ smras pa 'phags pa de lta bu ni ma mchis so/ /des smras pa/ rigs kyi 
bu nga ni byang chub sems dpa'i rnam par thar pa/ sgyu ma'i rnam pa thob pa ste/ rigs kyi bu nga'i yul na gnas pa'i sems can 'di dag kyang phal cher srog gcod pa byed pa/ ma byin par len pa/ 'dod pas log par g.yem pa/ brdzun du smra ba/ phra ma can tshig brlang bor smra ba/ 
byung rgyal du brjod pa/ chags sems dang ldan pa/ gnod sems can/ log par lta ba/ sdig pa'i las byed pa/ khro zhing gtum pa/ bab rgyal can/ mi dge ba'i las kyi bya ba sna tshogs dang ldan pa dag ste/ de dag ni rnam pa gzhan gyis sdig pa'i spyod pa las bzlog 
pa dang / dgag pa dang / bstan par mi nus te/ de ltar rigs kyi bu nga ni sems can 'di dag gdul ba dang / yongs su smin par bya ba dang / shin tu dul bar bya ba dang / phan pa la dgod par bya ba'i phyir/ snying rje chen po mdun du byas te/ gsod pa'i gshed ma sprul pa rnams </font><hr>38-1-26b<br><font size=+1>
gsad pa'i myir sprul pa rnams la/ gsod du gzung pa dang / chad pas gcod pa'i mi sprul pa rnams mi dge ba'i las kyi lam la spyod par sprul pa'i myi rnams la chad pa sna tshogs kyis gcod du gzud pa dang / rka lag dang sna dang rna ba dang / yan lag dang nying lag dang / mgo bcad pa 
las byung ba'i sdug bsngal mi bzad pa nyams su tshor bar gyur ba lta bu dag kyang yongs su ston pa byed de/ de mthong nas nga'i khams na gnas pa'i sems can de dag nyes pa gtong zhing skyo ba'i shugs thob par 'gyur ro/ /'jigs pa skye zhing bag tsha ba skye bar 'gyur ro/ /de dag sdig 
pa'i las byed pa rnams gtong zhing bag byed par 'gyur ro/ /rigs kyi bu de ltar nga ni sems can 'di dag thabs des nyes pa stong zhing 'jigs pa'i sems dang ldan pa dang / skyo ba'i yid dang ldan par shes nas/ mi dge ba bcu'i las kyi lam las bzlog ste/ dge ba bcu'i 
las kyi lam dang ldan par byas nas dga' zhing bde ba'i mthar phyin pa/ sdug bsngal thams cad rgyun chad pa'i thams cad mkhyen pa nyid kyi bde ba la dgod pa byed kyi/ rigs kyi bu nga ni lus dang ngag gam/ yid kyis kyang sems can su la'ang co mi 'dri/ tho mi 'tsham mo/ rigs 
kyi bu nga ni phyi ma'i mtha'i mnar myed pa'i sdug bsngal gyis bgrings shes pa ste/ byol song gi skye gnas glen pa'i khams su gtogs pa las kyang chung ngu na/ rtswa'i rtse mos blta ba'i srog chags phre'u 'ga' la yang sems bskyed pa gcig tsam du yang sdug bsngal bar bya bar myi 
dga' na/ zhing du gyur cing dge ba'i las kyi lam bskyed par nus pa'i mi lta zhig ci smos/ rigs kyi bu nga ni rmi lam na yang mi dge ba'i chos yongs su rgyu ba myi bskyed na/ ched du bsams te lta smos re skan/ rigs kyi bu de ltar ngas ni byang chub sems dpa'i rnam par thar 
pa sgyu ma'i rnam pa 'di shes par zad na/ ngas ni byang chub sems dpa' mi skye ba'i chos kyi bzod pa thob pa/ srid pa dang lam gyi rgyud thams cad sgyu ma'i rnam pa khong du chud pa sprul pa lta bu'i byang chub sems dpa'i spyod pas byung ba/ gzugs brnyan lta bu'i 'jig rten thams </font><hr>38-1-27a<br><font size=+1>
cad rnam par rig pa/ rmi lam lta bu'i chos nyid khong du chud pa/ thogs pa med pa'i sgo'i chos kyi dbyings kyi tshul la rjes su zhugs pa/ myig 'phrul lta bu'i spyod pa'i dra ba rtogs par gyur pa/ ye shes bsgribs pa med pa'i spyod yul gyi yul dang 
ldan pa/ kun tu yang dag par gzhol ba'i ting nge 'dzin gyi lam gyis byung ba/ klong kun tu 'khyil pa'i rgyud kyi gzugs la dbang bsgyur ba/ sangs rgyas kyi spyod yul gyi yul khong du chud pa rnams kyi spyod yul shes pa'am/ yon tan brjod par nus re skan/ /song rigs kyi bu lho 
phyogs kyi rgyud 'di nyid na/ grong khyer 'od bzang po zhes bya ba yod de/ de na rgyal po 'od chen po zhes bya ba 'dug gis/ de'i gan du song la ji ltar byang chub sems dpas byang chub sems dpa'i spyod po la bslab par bya ba dang / ji ltar nan tan du bya ba dris shig /de nas tshong dpon gyi 
bu nor bzangs kyis rgyal po mye'i rkang pa gnyis la spyi bos phyag 'tshal nas/ rgyal po me la lan brgya stong du mar g.yas phyogs su bskor ba byas te/ yang dang yang bltas nas rgyal po me'i drung nas song ngo / /de nas tshong dpon gyi bu nor bzangs ye shes sgyu ma de rjes su dran par byed cing / 
byang chub sems dpa'i rnam par thar pa/ sgyu ma'i rnam pa de la bsam pa dang / chos nyid sgyu ma'i rnam pa de la rab tu brtag pa dang / las kyi sgyu ma mnyam pa de khong du chud par bya ba dang / chos kyi sgyu ma mnyam pa de la rjes su bsam pa dang / chos kyis yongs su smin par bya 
ba'i sprul pa mnyam pa de khong du chud par bya ba dang / ye shes las byung ba'i snang ba bsam gyis mi khyab pa de'i rjes su 'brang bar bya ba dang / smon lam gyi sgyu ma'i rnam pa mtha' yas pa mngon par bsgrub pa de/ mngon par bsgrub par bya ba dang / spyod pa sprul pa'i chos nyid chags 
pa myed pa de rnam par sbyong bar bya ba dang / dus gsum gyi sgyu ma'i rnam pa'i mtshan nyid de yang rnam par dbye bar byed cing / mthar gyis yul nas yul du dri ba dang / kun tu btsal ba dang / rjes su rnam par lta bu byed cing / phyogs dang phyogs mtshams dang lam dang / sman </font><hr>38-1-27b<br><font size=+1>
ljongs dang / thang dang / thag thug dang / khal khol dang / ri dang risul dang / grong dang grong khyer dang / grong rdal dang / ljongs dang khams dang / rgyal po'i gnas thams cad du yongs su skyo ba myed pa'i sems dang lus la du ba med par tshol tshol te/ grong khyer chen po 'od bzang po'i 
nyen kor zhig tu phyin pa na/ rgyal po 'od chen po gang na bzhugs shes dris na/ de la 'gro ba mang pos bstan pa/ rigs kyi bu 'di re 'di ni grong khyer 'od bzang po zhes bya ba yin te/ 'di na rgyal po 'od chen po bzhugs so zhes nas/ de nas tshong dpon gyi bu nor bzangs grong khyer chen 
po 'od bzang po gang na ba der phyin nas/ grong khyer chen po 'od bzang po mthong ngo / /mthong nas kyang dga' rangs te/ mgu zhing nyams bde la tshim zhing yid bde ba skyes nas/ 'di snyam du bsams so/ /'di na bdag gi dge ba'i bshes gnyen bzhugs pa lta ste/ de ring ni dge 
ba'i bshes gnyen de yang mthong bar 'gyur ro/ /de las byang chub sems dpa'i spyod pa yang thos par 'gyur ro/ /byang chub sems dpa'i 'byung ba'i sgo dang / byang chub sems dpa'i chos nyid bsam gyis mi khyab pa dang / byang chub sems dpa'i yon tan bsam gyis mi 
khyab pa dang / byang chub sems dpa'i spyod yul bsam gyis mi khyab pa dang / byang chub sems dpa'i khyu mchog gi mthu phyung ba bsam gyis mi khyab pa dang / byang chub sems dpa'i ting nge 'dzin la rnam par spyod pa bsam gyis mi khyab pa dang / byang chub sems dpa'i 
rnam par thar pas rnam par rol pa bsam gyis mi khyab pa dang / byang chub sems dpa'i brtsams pa chen po mthar dbyung ba rnam par dag pa bsam gyis mi khyab pa 'ang thos par 'gyur ro zhes de ltar bsam pa yid la byed cing grong khyer chen po 'od bzang po gang na ba der song ste phyin 
nas grong khyer chen po 'od bzang po de la bltas na/ gser dang dngul dang baiDUr+ya dang / shel dang mu tig dmar po dang / a sma gar b+ha dang / mu sa ra gal pa dang / rin po che 'di bdun gyis shin tu bzang zhing blta na mdzes pa/ rin po che'i 'obs zabs su zab pa/ chus gang ba gzhi </font><hr>38-1-28a<br><font size=+1>
gser gyi gram pas gang ba/ lha rdzas kyi ut+pa la dang / pad+mo dang / ku mud dang / bun+da ri kas kun nas yog pa/ dus dang 'thun pa'i tsan dan gyi 'dam dang / lu mas 'khor ba bdun gyis kun nas yongs su bskor ba/ rin po che 
sna bdun gyi ta la'i phreng ba rim pa bdun gyis kun nas yongs su bskor ba/ rdo rje rin po che'i ra ba bdun gyis kun nas yongs su bskor ba/ 'di lta ste/ seng ge yid du 'ong ba'i rdo rje'i ra ba dang / rdo rje gzhan gyis thub pa med pa'i ra ba dang / 'bug pa'i ngang tshul 
gyi rdo rje'i ra ba dang / thub par dka' ba'i ngang tshul gyi rdo rje'i ra ba dang / rdo rje brtan pa chags pa med pa'i ra ba dang / rdo rje'i 'od gzer dra ba'i snying po'i ra ba dang / rdul dang bral ba'i kha dog gi rgyan gyi rdo rje'i ra bas yongs su bskor ba ste/ rdo rje rin po che'i ra ba de dag thams cad 
kyang / nor bu rin po che grangs med pas yongs su spras pa/ 'dzam bu chu klung gi gser gyi lan kan dang /ba so mdzes par bkye ba dngul rin po che'i ba so phreng ba mdzes pas brgyan pa/ rin po baiDUR+Ya'i ba so'i phreng ba mdzes pas brgyan pa/ rin po che shel gyi ba 
so'i phreng ba mdzes pas brgyan pa/ rin po che byi ru'i ba so'i phreng ba mdzes pas brgyan pa/ mu tig dmar po'i ba so'i phreng ba mdzes pas brgyan pa/ mu tig rin po che rgya mtsho'i snying po'i ba so'i phreng ba mdzes pas brgyan pa ste/ grong khyer chen po de'i sgo chen po brgyad kyi 
bar bar na yang dpag tshad bcu bcu yod do/ /sgo de dag kyang rin po che sna bdun las sna tshogs mdzes par byas pa ste/ blta na yid du 'ong ba'o/ /grong khyer chen po de ni de ltar rgya che zhing yangs la yan lag rnam par brgyad du rnam par phye ba/ baiDUr+ya sngon po'i sa la gnas pa ste/ 
grong khyer chen po de'i nang na yang srang chen po bye ba phrag bcu yod de/ srang re re'i glo gnyis nas kyang khyim chen po brgya phrag stong stong mkhos legs par 'grigs pa ste/ kun kyang rin po che sna tshogs las byas pa dag go /rin po che'i rgyan sna tshogs kyis </font><hr>38-1-28b<br><font size=+1>
rab tu brgyan pa dag go rin po che'i gdugs dang rgyal mtshan bsgreng ba dang / ba dan che phra dang ldan pa dag go /yo byad thams cad phun sum tshogs pa dag go / sems can khrag khrig du ma gnas pa dag go /grong khyer chen po de yang nor bu rin po che'i kha dog grangs myed pa'i khang pas mdzes 
par byas pa ste/ 'dzam bu chu klung gi gser gyi khang pa brtsegs pa la rin po che baiDUr+ya'i dra bas kun nas khebs pa bsam gyis mi khyab pa'i rin po che'i rgyan gyis brgyan pa/ grangs myed pa dang ldan pa'o/ /dngul gyi khang pa brtsegs pa la mu tig dmar po'i dra bas kun nas khebs pa bsam gyis myi 
khyab pa'i rin po che'i rgyan gyis brgyan pa/ grangs myed pa dang ldan pa'o/ /baiDUr+ya'i khang pa brtsegs pa la rin po che'i mdzod sna tshogs kyi dra bas kun nas khebs pa bsam gyis mi khyab pa'i rin po che'i rgyan gyis brgyan pa grangs med pa dang ldan pa'o/ /shel gyi khang pa brtsegs pa la rin po 
che'i rgyal po snying po yangs pa'i dra bas kun nas khebs pa bsam gyis mi khyab pa'i rin po che'i rgyan gyis brgya na pa grangs med pa dang ldan pa'o/ /nor bu rin po che 'gro ba'i yid du 'ong ba'i khang pa brtsegs pa la rin po che nyi ma'i snying po'i dra bas kun nas khebs pa bsam gyis mi 
khyab pa'i rin po che'i rgyan gyis brgyan pa grangs myed pa dang ldan pa'o/ /rin po che in dra nI la'i khang pa brtsegs pa la rin po che dpal gyi 'od zer gyi dra bas kun nas khebs pa bsam gyis mi khyab pa'i rin po che'i rgyan gyis brgyan pa grangs med pa dang ldan pa'o/ rin po che'i rgyal 
po 'gro ba rgya mtsho'i khang pa brtsegs pa la rin po che'i rgyal po skar ma'i 'od gzer gyi dra bas kun nas khebs pa bsam gyis mi khyab pa'i rin po che'i rgyan gyis brgyan pa bgrangs myed pa dang ldan pa'o/ /rin po che rdo rje'i khang pa brtsegs pa la rin po che'i rgyal po gzhan gyis mi thub pa'i 
dra bas kun nas khebs pa bsam gyis mi khyab pa'i rin po che'i rgyan gyis brgyan pa grangs myed pa dang ldan pa'o/ dus dang 'thun pa'i tsan dan gyi khang pa brtsegs pa la lha rdzas kyi me tog man+dAr bas kun nas khebs ba bsam gyis mi khyab pa rin po che'i rgyan gyis brgyan pa grangs med </font><hr>38-1-29a<br><font size=+1>
ba dang ldan pa'o/spos kyi rgyal po mtshungs pa med pa'i khang pa brtsegs pa la lha rdzas kyi me tog sna tshogs kyi dra bas kun nas khebs pa bsam gyis mi khyab pa'i rin po che'i rgyan gyis brgyan pa grangs med pa dang ldan pa'o/ /rin po che'i khang 
pa brtsegs pa de dag re re zhing yang rin po che'i lan kan du mas brgyan pa/ rin po che'i stegs bu rim pa bdun gyis bskor ba/ rin po che'i ta la'i phreng ba rim pa bdun gyis 'khor bar 'grigs pa'o/ /rin po che'i lan kan de dag dang / rin po che'i [(]te [)]la de dag thams cad du 'ang 
phan tshun rin po che'i srad bu'i 'brel ba'o/ /rin po che'i srad bu de dag thams cad kyang gser gyi dril gyi phreng bas brgyan pa'o/ /gser gyi dril gyi phreng ba de dag thams cad kyang rin po che'i chun po'i lda ldi sna tshogs kyis rnam par bres shing sbrel ba'o/ /rin po che'i chun po'i 
lda ldi de dag thams cad las kyang / rin po che'i dril bu g.yer ka'i dra ba mngon par sbyangs pa dag ste/ de ltar grong khyer chen po de dag thams cad ni nor bu rin po che'i dra ba grangs med pas kun nas khebs pa'o/ rin po che'i dril bu g.yer ka'i dra ba grangs med pas kun nas 
khebs pa'o/ lha rdzas kyi spos kyi dra ba grangs med pas kun nas khebs ba'o/ /lha rdzas kyi me tog sna tshogs kyi dra ba grangs med pas kun nas khebs ba'o/ /rin po che'i 'bru'i dra ba grangs med pas kun nas khebs pa'o/ /rdo rje'i bla re grangs med pas kun nas khebs pa'o/ 
rin po che'i bla re grangs med pas kun nas khebs pa'o/ /rin po che'i bla re grangs med pas kun nas khebs pa'o/ rin po che'i khang pa brtsegs pa'i bla re grangs med pas kun nas khebs pa'o/ /gos rin po che'i bla re grangs med pas kun nas khebs pa'o/ /me tog gi 
phreng ba'i bla re grangs med pas kun nas khebs pa'o/ rin po che'i gdugs dang / rgyal mtshan sna tshogs btsugs shing bsgreng ba ste/ grong khyer chen po 'od bzang po de'i dbus su/ rgyal po 'od chen po bzhugs pa'i pho brang brtsigs pa 'khor kun tu dpag </font><hr>38-1-29b<br><font size=+1>
tshad bzhi yod pa ste/ rin po che sna bdun las byas pa'o/ rin po che sna tshogs kyi stegs bu rim bdun gyis yongs su bskor ba'o/ /rin po che'i dril bu yid du 'ong ba'i sgra snyan par 'khrol ba'i dra ba rim bdun gyi sgra kun nas 'byung ba'o/ /rin pa che sna bdun gyi ta la'i 'phreng ba rim pa 
bdun gyis kun nas bskor ba'o/ /rin po che sna tshogs kyi khang pa brtsegs pa'i rgyan brgya stong bsam gyis mi khyab pa dang ldan pa'o/ rdzing rin po che sna tshogs du ma las byas pa/ gser gyi gram pa kun tu bkram pa yan lag brgyad dang ldan pa'i chus sa yongs su gang ba/ lha rdzas kyi 
uta pa la dang / pad mo dang ku mud dang me tog pun da ri kas chu'i steng kun tu yog pa/ rin po che'i me tog dang 'bras bu shing sna tshogs kyis rab tu brgyan pa/ phyogs bzhi nas rin po che'i pha gus brtsigs pa'i them skas rnam par bkye ba can gyis shin tu mdzes par byas pa dang ldan 
pa/ /lha rdzas kyi sgra snyan cing yid du 'ong ba 'byin pa'i bya bran sna tshogs kyi sgra shin tu 'byung ba yod pa/ lha'i dbang po'i pho brang dang 'gran pa ste/ de'i dbus na rin po che 'gro ba la snang ba'i khang pa brtsegs pa/ shin tu bzang la mdzes shing yid du 'ong ba/ rin po che grangs med pa'i 
rgyan bsam gyis ma khyab pas gya nom par brgyan pa yod de/ de'i nang na rgyal po 'od chen po'i dam pa'i chos gces pa'i dbyig tu bya ba bzhugs so/ /de nas tshong dpon gyi bu nor bzangs rin po che'i 'obs de dag la ni chags pa'i sems myed/ rin po che'i ra ba de dag la ni ngo mtshar du 'dzin 
pa'i sems myed/ rin po che'i ta la'i 'phreng ba de dag la ni 'dod cing chags pa med/ rin pa che'i dril gyi dra ba'i sgra la ni ro myong bar byed pa myed/ lha rdzas kyi rol mo'i sgra dang / glu nga ro snyan pa'i dbyangs la ni chags pa'i sems myed/ rin po che rnam pa tha dadapa'i gzhal myed khang dang / 
khang pa brtsegs pa sna tshogs kyi longs spyod ni yid la bya ba med par shin tu dga' bar gyur pa'i/ skyes pa dang bud myed kyi tshogs kyi chos kyi dga' ba'i mos pas shin tu dga' zhing / gzugs dang sgra dang dri dang ro dang reg la dga' bas dben pa'i sems dang ldan pa/ chos </font><hr>38-1-30a<br><font size=+1>
nges par brtags pa la shin tu mos pas sems can gang dang phrad kyang / dge ba'i bshes gnyen rtag tu 'dri zhing mthar gyis grong khyer gyi lam gyi sum mdo'i drung zhig du phyin nas kun tu bltas na/ grong khyer gyi lam gyi sum mdo'i dbus kyi mchod rten gyi khang pa nas 
ha cang yang mi ring ba zhig na/ rgyan chen po dang ldan pa'i khri chen po bai DUr+Ya sngon po'i rkang pa bkye ba/ bai DUR+Ya dkar po'i seng ges blangs pa/ 'dzam bu chu klung gi gser gyi lcags pod kyi dra ba legs par btags pa/ lha rdzas las kyang 'das pa'i rin po che'i stan sna tshogs bting ba/ 
rin po che'i 'bru grangs med pas rnam par brgyan pa/ nor bu rin po che'i rgyan bsam gyis mi khyab pa'i dra bas kun nas khebs pa/ 'dzam bu chu klung gi gser gyi snam bu la/ lha rdzas rin po che sna tshogs kyi gur shin tu spa bar bkye ba'i gnam yol bres pa/ nor bu rin po che yid bzhin 
gyi rgyal po'i pad mo'i snying po dang ldan pa/ de ltu bu'i chos kyi khri chen po la rgyal po 'od chen po myi chen po'i mtshan sum cu rtsa gnyis kyis lus shin tu brgyan pa dpe byad bzang po sna tshogs brgyad cu tham pas lus shin tu mdzes pa gser gyi ri bo ltar rin po che sna tshogs rnam par bkod pas rnam par 
mdzes pa nyi ma'i dkyil 'khor ltar gzi brjid rab tu 'bar ba/ zla ba nya zhing rgyas pa'i dkyil 'khor ltar lta na bzang ba/ tshangs pa ltar tshangs pa'i 'khor gyi nang na rnam par mdzes pa/ rgya mtsho ltar zab mo'i chos dang yon tan mtha' yas pa'i rin po che'i tshogs dang ldan pa/ 
sprin chen po ltar chos kyi rang bzhin gyi 'brug sgra sgrog pa/ nam mkha' ltar chos kyi tshul gyi skar ma'i tshogs kyis brgyan pa/ ri rab ltar kha dog bzhi po'i sems can rgya mtsho'i sems la gzugs brnyan rab tu snang ba rin po che'i gling ltar gzhi ye shes sna tshogs rin po ches 
yongs su gang ba de skyil mo krung du 'dug pa mthong ngo / /de'i mdun na yang gser dang nor bu dang mu tig dang / baiDUr+ya dang dung dang man shel dang byi ru dang / sa le sbram dang dngul rin po che'i phung po dang / lha rdzas kyi gos kha dog sna tshogs kyi phung po dang / lha rdzas kyi rin po che'i rgyan </font><hr>38-1-30b<br><font size=+1>
sna tshogs kyi phung po dang / kha zas dang spyan gzigs sna tshogs kyi phung po dang / zhim pa'i mchog khyad par du 'phags pa rnam pa sna tshogs kyi phung po dgod pa dang / dngar ba'i thabs sna tshogs kyi yul du bkod pa mthong ngo / /lha rdzas kyi shing rta rin po che bye ba brgya stong du ma dang / lha rdzas kyi 
sil snyan bye ba brgya stong du ma dang / lha rdzas kyi spos kyi rnam pa brgya stong du ma dang / nad kyi rkyen sman dang / yo byad kyi phung po du ma dang / yo byad kyi khyad par thams cad kyi phung po spyad du rung zhing kha na ma tho ba med pa mang po sems can rnams ci dga' bar spyod du gzud pa'i phyir 
bshams te/ bkod pa dang / ba bzhon gser gyi ru myig can stong phrag du ma/ 'o ma bres 'jal ba mang po yang sems can phongs pa rnams yongs su bsdu ba'i phyir bkod pa mthong ngo / bu mo rin po che bye ba khrag khrig brgya stong bzhin bzang ba/ shin tu mdzes pa lta na sdug pa/ 
rgyan thams cad kyis rnam par klubs pa/ lha rdzas kyi gos rin po che gyon pa/ lha rdzas kyi tsan dan sbrul gyi snying pos lus byugs pa/ sgyu rtsal drug cu rtsa bzhi'i tshul shes pa/ 'dod pa'i spyod pa dang / cho ga thams cad la mkhas pa dag kyang bstsogs shing bkod par mthong ngo / /de'i mdun na ji 
lta ba de bzhin du sems can rnams yongs su bsdu ba dang / sems can rnams yongs su gzung ba dang / sems can rnams dga' ba bskyed pa dang / sems can rnams spro ba bskyed pa dang / sems can rnams kyi yid dang bar bya ba dang / sems can rnams kyi sems shin tu bde bar 
bya ba dang / sems can rnams kyi nyon mongs pa rnam par zhi bar bya ba dang / sems can rnams chos kyi rang bzhin gyi don la yongs su dgod pa dang / sems can rnams thams cad mkhyen pa nyid du don mnyam par bya ba dang / sems can rnams gzhan la 'khu ba rnam par bzlog par bya ba dang / 
lus dang ngag gis ngan du spyod pa thams cad rnam par bzlog pa dang / sems can rnams kyi lta ba'i zug rngu yang dag par dbyung ba dang / sems can rnams kyi lam yongs su sbyang ba'i phyir/ srang dang lam gyi bzhi mdo dang / lam gyi sum mdo dang / sgo dang khyams dag na'ang de bzhin te/</font><hr>38-1-31a<br><font size=+1>
srang re re'i ngos g.yas g.yon nas kyang stegs bu bye ba nyi shu nyi shu tsam la yo byad thams cad yongs su spungs te bkod pa mthong ngo / /de nas tshong dpon gyi bu nor bzangs kyis rgyal po 'od chen po la lus thams cad kyis phab nas phyag byas te/ rgyal po 'od chen po la 
lan brgya stong du mar g.yas phyogs su bskor ba byas nas mdun du 'dug ste/ thal mo sbyar nas 'di skad ces smras so/ 'phags pa bdag gis bla na med pa yang dag par rdzogs pa'i byang chub tu sems bskyed na/ ji ltar byang chub sems dpas byang chub sems dpa'i spyod pa la bslab 
par bgyi ba dang / ji ltar nan tan du bgyi ba ma 'tshal te/ 'phags pa ni byang chub sems dpa' rnams la gdams ngag dang rjes su bstan pa mdzad do zhes bdag gis thos na/ 'phags pa ji ltar byang chub sems dpas byang chub sems dpa'i spyod pa la bslab par bgyi ba 
dang / ji ltar nan tan du bgyi ba bdag la bka' stsal du gsol/ smras pa/ rigs kyi bu nga ni byang chub sems dpa'i spyod pa byams pa chen po'i rgyal mtshan yongs su dag pa dang / yongs su rdzogs par byed pa ste/ rigs kyi bu ngas byang chub 
sems dpa'i spyod pa byams pa chen po'i rgyal mtshan 'di yang sangs rgyas brgya phrag du ma dang / sangs rgyas stong phrag du ma dang / sangs rgyas brgya stong phrag du ma dang / sangs rgyas bye ba khrag khrig brgya stong du ma nas brjod du med pa'i yang brjod du med pa'i bar gyi sangs rgyas bcom ldan 
'das rnams la yongs su dris so/ yongs su zhus so/ rnam par sbyangs so/ yongs su sbyangs so/ rnam par bkod do/ rnam par bltas so/ rnam par dpyad do/ rjes su btsal to/ yongs su brtags so/ rnam par bris so/ rgya cher byas so/ rigs kyi bu de ltar da ni byang chub 
sems dpa'i spyod pa byams pa chen po'i rgyal mtshan 'di la gnas shing chos dang 'thun par khams skyong zhing ston to/ /chos dang 'thun par 'jig rten la phan par byed do/ /chos dang 'thun par 'jig rten na rjes su spyod do/ /chos dang 'thun par sems can bcos ba byed do/</font><hr>38-1-31b<br><font size=+1>
chos dang 'thun par sems can rnams la nan tan byed do/ chos kyi dkyil 'khor la sems can rnams yongs su 'dzud do/ chos kyi tshul sems can rnams la nye bar bsgrub bo/ chos dang 'thun par sems can rnams la yongs su bsgo ba byed do/ chos kyi nan tan la sems can rnams yongs 
su sbyor ro/ chos kyi rang bzhin nges par rtogs pa la sems can rnams rab tu dgod do/ /byams pa'i sems dang / byams pa chen po'i dbang dang / byams pa'i stobs dang / phan pa'i sems dang / bde ba'i sems dang / snying rje'i sems dang / phan 'dog pa'i sems dang / yongs su bsrung ba'i sems 
dang / sems can yongs su 'dzin pa mi gtong ba'i sems dang / sdug bsngal thams cad rnam par bzlog pa'i smon lam rgyun mi gcod pa'i sems dang / bde ba'i mthar phyin pa la rab tu dgod par yang dag par spyod pa rgyun mi gcod pa la sems can rnams rab tu dgod do/ bag 
yangs kyi bde ba yang dag par bskyed pas sems can de dag gi lus kyang shin tu bde bar byed do/ /de dag gi 'khor ba'i bde ba la zhen pa'i sems kyi rgyud kyang rnam par bzlog pa byed do/ de dag gi sems kyi rgyun kyang chos kyi dga' ba dang mos pa la yongs su gzhol bar byed 
do/ /nyon mongs pa'i dri ma thams cad las rnam par sbyong ba byed do/ mi dge ba'i chos thams cad las yongs su sbyong ba byed do/ 'khor ba'i rgyun las rnam par bzlog pa byed do/ chos kyi dbyings kyi tshul rgya mtsho la yongs su gzud pa byed do/ /de dag gis srid pa'i lam gyi rgyud du 
skye ba thams cad rgyun gcad pa'i phyir/ sems kyi ma rig pa yongs su bsrag pa byed do/ thams cad mkhyen pa nyid kyi 'bras bu thob par bya ba'i phyir de dag gi sems kyi myu gu bskyed do/ mi 'phrogs pa'i dad pa'i stobs yang dag par bskyed pa'i phyir de dag gi sems kyi rgya mtsho 
yang rab tu dang bar byed do/ rigs kyi bu de ltar nga ni byang chub sems dpa'i spyod pa byams pa chen po'i rgyal mtshan la gnas te/ chos dang 'thun par 'jig rten skyong zhing ston to/ rigs kyi bu nga'i khams na gnas pa'i sems can rnams ni ngas 'jigs shing sdang pa'am/</font><hr>38-1-32a<br><font size=+1>
bag tsha zhing skyi g.ya' ba med de/ rigs kyi bu sems can gang phongs shing yo byad sna tshogs kyis brel ba/ bza' ba 'dod pa'am/ btung ba 'dod pa'am/ gos 'dod pa nas yo byad sna tshogs thams cad gang 'dod kyang rung ste/ de dag thams cad nga'i 
drung du 'ong ngo / /de dag la'ang ngas snga nas bsham bsham pa'i mdzod sgo phye zhing ci 'dod pa khyer cig ces bstabs te/ gang gi don du khyed sdig pa'i las la spyod par gyur cing / srog gcod pa'am/ ma byin par len pa'am/ 'dod pas log par g.yem pa'am/ brdzun 
du smra ba 'am/ phra ma 'am/ ngag rtsub po'am/ tshig kyal pa'am/ chags sems dang / gnod sems sam/ log par lta ba'am/ de ma yin pa'i lta ba'i rnam pa sna tshogs la mngon par zhen par gyur pa de dag thams cad kyang / grong khyer chen po 'od bzang po 'di'i sgo dang / srang dang / 
khyams dang / lam gyi sum mdo dang / bzhi mdo kun tu spungs te/ snga nas byin pa yin gyi/ su ci 'dod pa kun kyang khyer cig ces bstabs shing byin no/ /rigs kyi bu grong khyer 'od bzang po 'di na sems can ji snyed cig gnas pa de dag thams cad ni byang chub sems dpa' ste theg pa 
chen po la zhugs pa'o/ /de bas na grong khyer chen po 'od bzang po 'di yang de dag la bsam pa rnam pa ji lta bur dag pa'i tshul bzhin du snang ste/ la la la ni dog par snang ngo / /la la la ni yangs par snang ngo / /la la la ni gzhis la gnas par snang ngo / /la la la ni gzhi rin po che bai
DUr+ya las blangs par snang ngo / /la la la ni sa'i ra bas bskor bar snang ngo / /la la la ni rin po che rdo rje gzhan gyis mi thub pa'i rgyal mtshan gyi ra bas bskor bar snang ngo / /la la la ni gseg ma dang gyo mos gang zhing thag thug dang grog po dang / g.yang sa mang po can du snang ngo / /la la 
la ni nor bu rin po che dam pa grangs med pas/ gzhi brgyan cing yongs su bkram pa dang / lag mthil bzhin du gzhi mnyam par snang ngo / /la la la ni sa las byas par snang ngo / /la la la ni rin po che grangs med pa'i khang pa dang / gzhal med khang dang / khang bzang dang / khang pa </font><hr>38-1-32b<br><font size=+1>
brtsegs pa dang / khang steng dang / ba gam dang / skar khung gi shar bu dang / zla gam rin po che seng ge'i dra bas brgyan par snang ngo / /grong khyer gyi phyi rol na gnas pa'i sems can sngon ngas byang chub sems dpa'i spyad pa spyod pa'i tshe/ bsdu ba'i dngos po bzhis yongs su bsdus pa/ bsam 
pa dag pa dge ba'i rtsa ba bskyed pa/ sangs rgyas mang po bsnyen bkur ba thams cad mkhyen pa nyid la mngon par mos pa thams cad mkhyen pa nyid du rab tu gzhol ba de dag la yang rin po che las byas par snang ngo / /de ma yin pa gzhan dag la ni sa las byas par snang ste/ rigs kyi 
bu nga'i khams na gnas pa'i sems can yul dang phyogs dang / grong khyer dang grong rdal dang / ljongs dang khams dang / rgyal po'i pho brang dag na rnyog pa lnga dang ldan pa'i 'jig rten gyi dus kyi rang bzhin gyis dkrugs te/ mi dge ba bcu'i las kyi lam zhig byed par 'dod par gyur na yang / de'i 
tshe nga de dag la phan par bya ba'i sems kyis/ byang chub sems dpa'i ting nge 'dzin 'jig rten gyi dbang po'i glong zhes bya ba byams pa chen po'i sngon du 'gro ba la snyoms par 'jug ste/ rigs kyi bu de ltar nga ting nge 'dzin de la snyoms par zhugs pa dang / de nyid kyi mod la sems 
can de dag gi 'jigs pa de dag dang mi bde ba de dag dang / shar gnyer ba de dag dang thab mo dang rtsod pa de dag dang / sems kyi 'khrug pa de dag dang / 'tshe ba'i sems de dag kyang byang chub sems dpa'i ting nge 'dzin 'jig rten gyi dbang po'i glong byams pa chen po'i sngon 
du 'gro ba de'i chos nyid thob pas rab tu zhi bar gyur to/ /nye bar zhi bar gyur to/ /rnam par ldog par gyur to/ /'gag par gyur to/ /rigs kyi bu yud tsam zhig sdod dang de'u re mngon sum du 'gyur ro/ /de nas rgyal po 'od chen pos de'i tshe/ byang chub sems dpa'i ting nge 'dzin byams 
pa chen po'i sngon du 'gro ba 'jig rten gyi dbang po'i glong la mnyam par gzhog go /de ltar rgyal po 'od chen pos/ byang chub sems dpa'i ting nge 'dzin byams pa chen po'i/ sngon du 'gro ba 'jig rten gyi dbang po'i glong la mnyam par bzhag ma </font><hr>38-1-33a<br><font size=+1>
thag tu de'i mod la grong khyer chen po 'od bzang po yul dang / phyogs su bcas pa/ grong khyer dang grong rdal dang / ljongs dang khams dang / rgyal po'i pho brang gi 'khor dang bcas pa rnam pa drug tu g.yos so/ /de g.yos pa'i tshe rin po che'i ra ba de dag dang rin po 
che'i khang pa dang / rin po che'i snying po dang / rin po che'i khyim dang / rin po che'i gnas dang / rin po che'i gzhal med khang dang / rin po che'i khang pa brtsegs pa dang / rin po che'i ba gam dang / rin po che'i pu shu dang / rin po che'i skar khung dang / rin po che'i stegs bu dang / rin po che'i rta babs dang /
rin po che'i zla gam dang / rin po che'i seng ge'i dra ba dang / rin po che'i lan kan dang / rin po che'i 'bru dang / rin po che'i bla re dang / rin po che'i srad bus brgyus pa'i dril bu g.yer ka'i dra ba dang / rin po che'i dril bu dang / rin po che'i rgyal mtshan dang / rin po che'i ba dan dang / 
rin po che'i ta la de dag kyang rab tu g.yos te/ sgra 'byin to/ rab tu 'khrol lo/ de dag de ltar sgra 'byin cing yid du 'ong la snyan pa dang / mnyan na dga' ba'i dbyangs rjod cing / rgyal po 'od chen po gang na ba der 'dud te phyag 'tshal lo/ /grong khyer chen po 'od bzang po'i 
nang na/ sems can ji snyed cig gnas pa de dag thams cad kyang / dga' ba dang rangs pa'i sems kyis yongs su rgyas nas/ rgyal po 'od chen po gang na ba der logs su mngon tu lta ste/ lus thams cad kyis phab cing phyag 'tshal lo/ /de'i khams kyi grong dang grong 
khyer dang / ljongs dang yul dang khams dang / rgyal po'i pho brang 'khor na gnas pa de dag thams cad kyang lus dang sems bde bar gyur te/ dga' zhing rangs pa skyes nas/ rgyal po 'od chen po gang na ba de logs su phyag 'tshal lo/ /byol song gi skye gnas su gtogs 
pa'i sems can de dag thams cad kyang gcig la gcig byams pa'i sems dang / phan pa'i sems su ldan par gyur nas/ rgyal po 'od chen po gang na ba der logs su lta zhing mngon par 'dud do/ /ri dang sgangamathon po'i sa'i phyogs thams cad kyang rgyal po 'od chen po gang na </font><hr>38-1-33b<br><font size=+1>
bder mngon par 'dud do/ me tog gi shing dang / 'bras bu'i shing dang / lo ma'i shing dang / sa bon gyi tshogs dang / 'byung ba'i tshogs dang / lo tog dang / ldum bu dang / rtsa dang gel pa dang / sman dang nags tshal thams cad kyang rgyal po 'od chen po gang na ba de logs su lta zhing mngon par 'dud par 
gyur to/ /de'i khams na mtsho dang / mtshe'u dang / lu ma dang / ldeng ka dang / 'bab chu dang / chu klung dang / rdzing dang / khron pa ji snyed pa de dag thams cad kyang rgyal po 'od chen po gang na ba de logs su mngon par gzhol zhing rlabs kyi sgra 'byin par gyur to/ /klu'i rgyal po stong phrag bcu yang / a ga ru nag po'i 
bdug spos kyi dud pa na bun du 'grigs pa'i spos kyi sprin las glog sna tshogs 'gyu ba'i 'od kyi snang bar byed cing / 'brug sgra sgrog pa dang / spos chu'i char gyi rgyun shin tu phra ba mngon par 'bebs par gyur to/ /brgya byin dang rab mtshe ma dang dga' ldan dang / rab 'phrul dga' dang / 
dbang bsgyur gyi lha'i rgyal po la stsogs pa lha'i bu stong phrag bcus kyang steng gi bar snang la 'khod de nam mkha'i dbyings thams cad lha rdzas kyi rol mo sil snyan gyi sprin bye ba khrag khrig brgya stong gi sgra phyung bas dbyangs snyan pa rgya cher bsgrags pa'i rgyan gyis brgyan pa dang / lha'i bu 
mo grangs med pa lha'i glu snyan pa len pa'i sprin gyi sgra bsgrags pa'i dbyangs snyan cing yid du 'ong ba'i rgyan gyis brgyan pa dang / lha rdzas kyi rin po che'i me tog sna tshogs kyi sprin grangs med pa'i char rab tu 'bab pa'i rgyan gyis brgyan pa dang / lha rdzas kyi spos kyi sprin kha dog 
sna tshogs kyi sprin grangs med pa'i char rab tu 'bab pa'i rgyan gyis brgyan pa dang / lha rdzas kyi rin po che'i phreng ba sna tshogs kyi sprin grangs med pa'i char rab tu 'bab pa'i rgyan gyis brgyan pa dang / lha rdzas kyi phye ma kha dog sna tshogs kyi sprin grangs med pa'i char rab tu 'bab pa'i rgyan gyis brgyan 
pa dang / lha rdzas kyi rin po che'i lhab lhub sna tshogs kyi sprin grangs med pa'i char rab tu 'bab pa'i rgyan gyis brgyan pa dang / lha rdzas kyi gos sna tshogs dri ma med cing 'jam pa kha dog rnam pa tha dad pa'i sprin grangs med pa'i char rab tu 'bab pa'i rgyan gyis brgyan pa dang / lha rdzas kyi rin </font><hr>38-1-34a<br><font size=+1>
po che'i gdugs rnam par bye ba sna tshogs kyi sprin grangs med pa'i char rab tu 'bab pa'i rgyan gyis brgyan pa dang / lha rdzas kyi rin po che'i seng ge yid du 'ong ba'i rgyal mtshan gyi sprin grangs med pa'i char rab tu 'bab pa'i rgyan gyis brgyan pa dang / lha rdzas kyi 
rin po che 'bar ba'i lce shin tu 'phro ba'i rin po che'i ba dan gyi sprin grangs med pa'i char rab tu 'bab pa'i rgyan gyis brgyan par rgyal po 'od chen pa la mchod pa bya ba'i phyir byin gyis brlabs so/ glang po'i rgyal po chen po shugs 'dzin gyis kyang glang po'i dbang po'i khyu mchog gi mthu phyung 
ba dang / rnam par 'phrul pa'i mthus nam mkha'i dbyings thams cad lha rdzas kyi rin po che sna tshogs kyi pad mo'i sprin grangs med pas kun nas yog par byin gyis brlabs so/ /lha rdzas kyi nor bu rin po che'i se mo do grangs med par rab tu 'phyad ba dang / lha rdzas kyi rin po 
che'i snam bu'i lda ldi dang / chun po grangs med par rab tu 'phyang ba dang / lha rdzas kyi rin po che sna tshogs kyi phreng ba'i rgyud grangs med pa mngon par 'phyang ba'i rgyan gyis brgyan pa dang / lha rdzas kyi rin pa che sna tshogs kyi lhab lhub dang / phreng ba grangs med pa mngon par 'phyang 
ba'i rgyan gyis brgyan pa dang / lha rdzas kyi rin po che sna tshogs kyi me tog gi lda ldi grangs med pa mngon par bris pa'i rgyan gyis brgyan pa dang / lha rdzas spos kyi rgyal po'i kha dog sna tshogs phyogs thams cad du dri zhim pos rgyas par 'gengs pa'i sprin grangs med pas kun 
nas khebs pa'i rgyan gyis brgyan pa dang / lha rdzas kyi rin po che'i gos kha dog sna tshogs kyi sprin grangs med pa'i char rab tu 'bab pa'i rgyan gyis brgyan pa dang / lha rdzas kyi bdug spos kyi dud pa na bun du 'grigs pa'i sprin grangs med pa'i char rab tu 'bab pa'i rgyan 
gyis brgyan pa dang / lha rdzas kyi phye ma kha dog sna tshogs kyi sprin grangs med pa'i char phra mo rab tu 'bab pa'i rgyan gyis brgyan pa dang / lha'i bu mo'i tshogs lha rdzas kyi rol mo byed pa dang / glu snyan pa'i dbyangs yid du 'ong bar len cing bstod pa'i sprin gyis yog </font><hr>38-1-34b<br><font size=+1>
pa'i char mngon par 'bab pa'i rgyan gyis brgyan par nam mkha'i dbyings byin gyis brlabs so/ srin po'i dbang po brgya stong grangs med pa rgya mtsho la gnas pa dang / gling bzhi pa'i 'jig rten gyi khams kyi rten gyis gzhi la gnas pa/ kha zas su sha dang khrag 'thung zhing za ba/ 
chu la spyod pa dang / ri dgas dang / phyugs dang bya dang ba lang dang rta dang / glang po dang bong bu dang / skyes pa dang / bud med kyi tshogs kyi mdangs 'phrogs pa/ zhe sdang ba'i yid kyi rnam par rtog pa dang ldan pa/ rtag tu 'gro ba la 'tshe zhing 'tho 'tsham pa la zhugs pa rnams kyang byams pa 
dang / phan pa'i sems dam pa dang ldan zhing bzhin gyi mdog shin tu dang ba dang / 'gro ba thams cad la mi 'tshe zhing mtho 'tsham pa med pa la zhugs te/ 'jig rten pha rol la lta bar gyur nas/ thal mo sbyar cing shin tu dga' ba'i sems kyis rgyal po 'od chen po gang na ba de 
logs su btud nas phyag 'tshal bar gyur to/ /lus dang sems kyi bde ba rgya chen po mtshungs pa med pa yang myong bar gyur to/ /gnod sbyin dang grul bum dang / sha za dang 'byung bo'i dbang po brgya stong du ma yang byams pa dang / phan pa'i sems dam pa dang ldan zhing bzhin 
gyi mdog shin tu dang ba dang / 'gro ba thams cad la mi 'tshe zhing 'tho 'tsham med pa la zhugs te/ 'jig rten pha rol la lta bur gyur nas/ thal mo sbyar cing shin tu dga' ba'i sems kyis rgyal po 'od chen po gang na ba der 'dud cing phyag 'tshal bar gyur te/ lus 
dang sems kyi bde ba rgya chen po mtshungs pa med pa yang myong bar gyur to/ /de ltar gling bzhi ba'i 'jig rten gyi khams thams cad kyi sems can kun gyi 'jigs pa dang / gnod pa dang / mi bde ba dang / shar gnyer ba dang / thab mo dang / rtsod pa dang / sems kyi 'khrug pa dang / 
'tshe ba'i sems thams cad kyang rab tu zhi bar gyur to/ /rnam par zhi bar gyur to/ /rnam par log par gyur to/ /'gags par gyur to/ /phyir log par gyur to/ /gling bzhi pa'i 'jig rten gyi khams 'dir ji lta ba de bzhin du stong gsum gyi stong chen po'i 'jig rten gyi/</font><hr>38-1-35a<br><font size=+1>
khams thams cad nas/ phyogs bcur 'jig rten gyi khams bye ba khrag khrig brgya stong phrag bcu'i bar gyi sems can kun gyi 'jigs pa dang / gnod pa dang / mi bde ba dang / shar gnyer ba dang / thab mo dang / rtsod pa dang / sems kyi 'khrug pa dang / 
'tshe ba'i sems thams cad kyang byang chub sems dpa'i ting nge 'dzin byams pa chen po'i sngon du 'gro ba/ 'jig rten gyi dbang po'i klong gi chos nyid thob pa'i phyir/ rab tu zhi bar gyur to/ rnam par zhi bar gyur to/ rnam par log par gyur to/ /'gags par gyur to/ phyir log par gyur to/ 
de nas rgyal po 'od chen po ting nge 'dzin de las langs te/ tshong dpon gyi bu nor bzangs la 'di skad ces smras so/ /rigs kyi bu ngas byang chub sems dpa'i spyod pa'i ye shes snang ba'i sgo byams pa chen po'i rgyal mtshan 'di shes par zad na/ ngas byang chub sems dpa' 'jig rten gyi 
khams thams cad bde ba'i bsam pas rgyas par 'gengs pas byams pa chen po'i gdugs tshad med pa dang ldan pa/ 'khor mi phyed pa dang ldan pas/ 'gro ba thams cad 'khor du gyur pa/ rab 'bring dang tha ma'i sbyor bas 'gro ba thams cad yongs su bskyab pa la zhugs pa/ 
'gro ba thams cad yongs su bzung bu la zhugs pas/ byams pa'i sems lta bu dang ldan pa/ bsod nams dang ye shes kyi 'od zer 'gro ba thams cad du 'byung bas/ zla ba nya zhing rgyas pa lta bur gyur pa/ shes bya thams cad ye shes kyi 'od kyis snang bar byed 
pa'i phyir nyi ma'i dkyil 'khor lta bur gyur ba/ sems can thams cad kyi sems kyi mun pa thibs po rab tu sel bas/ sgron ma chen po lta bur gyur pa/ sems can thams cad kyi sems kyi mtsho'i g.yo sgyu'i rnyog pa dang bar byed pas/ nor bu rin po che chu 'dod dang 'dra ba/ 
'gro ba thams cad kyi bsam pa dang / smon lam yongs su rdzogs par byed pas/ nor bu rin po che yid bzhin gyi rgyal po dang 'dra ba/ 'gro ba thams cad ting nge 'dzin dang / snyoms par 'jug pa'i khang pa dang / thams cad mkhyen pa nyid kyi pho brang chen por gzhog </font><hr>38-1-35b<br><font size=+1>
pas rlung mar chen po dang 'dra ba de dag gi spyod pa shes pa'am/ yon tan brjod pa'am/ bsod nams kyi ri bo gzhal ba'am/ yon tan gyi skar ma'i tshogs kyis brgyan pa'i nam mkha' la blta ba'am/ smon lam chen po'i rlung gi dkyil 'khor las mtshams bcad pa'am/ chos mnyam 
pa nyid kyi stobs la tshad gzung ba'am/ theg pa chen po'i rgyan gyi bsngags pa yongs su brjod pa'am/ kun tu bzang po'i spyod pa'i tshul gyi khyad par brjod pa'am/ byang chub sems dpa'i ting nge 'dzin chen po bsgom pa'i sgo dbye ba'am/ snying rje chen po'i sprin yongs su smos par nus 
re skan/ /song rigs kyi bu lho phyogs kyi rgyud 'di nyid na rgyal po'i gnas brtan pa zhes bya ba yod de/ de na dge bsnyen ma mi g.yo ba zhes bya ba 'dug gis/ de'i gan du song la ji ltar byang chub sems dpas byang chub sems dpa'i spyod pa la bslab par bya ba dang / ji ltar 
nan tan du bya ba dris shig /de nas tshong dpon gyi bu nor bzangs kyis rgyal po 'od chen po'i rkang pa gnyis la spyi bos phyag 'tshal nas/ rgyal po 'od chen po la lan brgya stong du mar g.yas phyogs su bskor ba byas te/ yang dang yang bltas nas/ rgyal po 'od chen po'i drung 
nas song ngo // //sangs rgyas rmad gcad ces bya ba shin tu rgyas pa chen po'i mdo/ /bam po gsum pa/ de nas tshong dpon gyi bu nor bzangs grong khyer chen po 'od bzang po nas byung ste yud tsam du lam gyi 'go btsal nas/ rgyal po 'od chen po'i 
gdams ngag de la rjes su bsam pa byed cing / byang chub sems dpa'i spyod pa'i tshul byams pa chen po'i rgyal mtshan de rjes su dran par bya ba dang / ting nge 'dzin gyi sgo 'jig rten gyi dbang po'i glong gis snang ba chen po de yongs su bsgom pa dang / byang chub sems dpa' 
lus rnam par dag pa/ bsam gyis mi khyab pas brgyan pa'i seng ge'i khri'i rgyan rnam par phye ba/ rnam pa sna tshogs de dag mngon par bsgrub pa dang / byang chub sems dpa'i smon lam dang / bsod nams kyi dbang dang / stobs bsam gyis mi khyab pa/ de dag rjes su </font><hr>38-1-36a<br><font size=+1>
spel ba dang / byang chub sems dpa' sems can yongs su smin par bya ba'i ye shes kyi tshul bsam gyis mi khyab pa de shin tu bstan par bya ba dang / byang chub sems dpa'i longs spyod kyi bdag nyid che ba thun mong du gyur pa/ bsam gyis 
mi khyab pa de la rjes su bsam pa dang / byang chub sems dpa'i gnas rnam pa tha dad pa bsam gyis mi khyab pa de dag kyang mtshan mar bya ba dang / byang chub sems dpa' rnams kyis sems can yongs su smin par bya ba rnam par dag pa bsam gyis mi khyab pa de/ rjes su dran par bya ba dang 
byang chub sems dpa'i 'khor phun sum tshogs shing yongs su dag pa de la brtag pa dang / byang chub sems dpa'i sems can gyi don bsam pa snang ba'i tshul bsam gyis mi khyab pa de la yid ches par byed byed pas/ sems dga' zhing mos pa'i shugs dang / sems kyi 
nyams bde ba dang / sems shin tu tshim pa dang / sems khong nas dga' ba dang / sems rnyog pa med pa dang / sems 'od dang ba dang / sems brtan pa dang / sems rgya che ba dang / sems mi zad pa thob ste/ de de ltar dge ba'i bshes gnyen rjes su dran zhing yid 
la byed pa la brtson pas/ gdong mchi mas gang nas rjes su sems pa/ kyi hud kye dge ba'i bshes gnyen mthong ba 'di ni yon tan rin pa che thams cad kyi 'byung gnas su gyur pa'o/ /byang chub sems dpa'i spyod pa thams cad yongs sa dag pa dang / yongs su rdzogs 
par 'gyur ba'i rgyur gyur pa'o/ /byang chub sems dpa'i dran pa thams cad rnam par dag par byed pa'o/ /byang chub sems dpa'i gzungs kyi dkyil 'khor thams cad yongs su sbyong ba'o/ /byang chub sems dpa'i ting nge 'dzin gyi snang ba thams cad yongs su bskyed pa'o 
sangs rgyas thams cad mthong bar 'gyur ba yongs su sgrub pa'o/ /sangs rgyas kyi chos thams cad kyi sprin gyi char rab tu 'bebs pa'o/ /byang chub sems dpa'i smon lam gyi tshul thams cad rab tu brjod pa'o/ /shes rab dang ye shes kyi snang ba bsam gyis </font><hr>38-1-36b<br><font size=+1>
mi khyab par yang dag par skyed pa'o/ /byang chub sems dpa'i dbang po brtan pa'i myi gu skyed par byed pa'o/ /dge ba'i bshes gnyen rnams ni bdag ngan song gi g.yang sa thams cad nas skyob pa'o/ dge ba'i bshes gnyen rnams ni bdag chos mnyam pa nyid kyi 
tshul khong du chud par bya ba la gzhog pa'o/ /dge ba'i bshes gnyen rnams ni bdag la lam bde ba dang / mi bde ba ston pa'o/ dge ba'i bshes gnyen rnams ni bdag la theg pa chen po yongs su ston pa'o/ /dge ba'i bshes gnyen rnams ni bdag la byang chub sems 
dpa' kun tu bzang po'i spyod pa'i gdams ngag gis 'dems pa'o/ /dge ba'i bshes gnyen rnams ni bdag la thams cad mkhyen pa nyid kyi grong khyer gyi lam ston pa'o/ /dge ba'i bshes gnyen rnams ni bdag thams cad mkhyen pa'i gnas su phyin par skyel ba'o/ /
dge ba'i bshes gnyen rnams ni bdag chos kyi dbyings kyi tshul rgya mtsho la 'jug par byed pa'o/ dge ba'i bshes gnyen rnams ni bdag la dus gsum gyi shes bya rgya mtsho'i tshul rab tu ston pa'o/ /dge ba'i bshes gnyen rnams ni bdag la 'phags pa'i tshogs 
kyi dkyil 'khor thams cad rab tu ston pa'o/ /dge ba'i bshes gnyen rnams ni bdag gi dkar po'i chos thams cad rnam par 'phel bar byed pa'o zhes de de ltar du zhing smre sngags 'don pa'i tshe/ nam mkha'i dbyings la 'khod pa'i lha'i tshogs dang / rtag tu phyi bzhin 
'brang zhing yang dag par bskul ba dang / sangs rgyas kyi pho nya ltar gyur pa'i byang chub sems dpa' rnams 'di skad 'dzer to/ /rigs kyi bu dge ba'i bshes gnyen gyi gdams ngag la zhugs pa'i byang chub sems dpa' ni sangs rgyas bcom ldan 'das rnams 
kyang thugs shin tu dgyes par 'gyur ba yin/ dge ba'i bshes gnyen gyi tshig dang / mi 'gal bar gnas pa'i byang chub sems dpas ni thams cad mkhyen pa nyid du'ang shin tu bsnyen pa yin/ dge ba'i bshes gnyen gyi tshig la the tsom mi za ba'i byang chub </font><hr>38-1-37a<br><font size=+1>
sems dpa' la ni dge ba'i bshes gnyen rnams kyang nye bar bsnyen pa yin/ dge ba'i bshes gnyen yid la bya ba dang mi 'bral ba'i byang chub sems dpa' la ni don thams cad kyang mngon du 'gyur ba yin gyis/ rigs kyi bu rgyal po'i pho brang brtan par dge 
bsnyen ma mi g.yo ba gang na ba der song shig dang / de las byang chub sems dpa'i spyod pa thos par 'gyur ro/ /de nas tshong dpon gyi bu nor bzangs ting nge 'dzin gyi ye shes snang ba las langs nas mthar gyis rgyal po'i pho brang brtan par dge bsnyen ma mi g.yo ba gang na ba der song nas/ 
dge bsnyen ma mi g.yo ba yongs su tshol zhing rmed rmed pa las/ de la 'gro ba mang pos bstan pa/ rigs kyi bu dge bsnyen ma mi g.yo ba de ni rang gi khyim na pha ma dang / 'grogs shing gzhon nur gyur pa ste/ rang gi gnyen bshes kyi tshogs kyis yongs su bskor cing / skye bo'i 
tshogs chen po la chos ston to/ /de nas tshong dpon gyi bu nor bzangs dga' ba chen po dang / mos shing spro bas/ yongs su rgyas pa'i sems dang ldan pa de dge bsnyen ma mi g.yo ba'i khyim gang na ba der song ste phyin nas/ dge bsnyen ma mi g.yo ba'i khyim gyi sgo na sdod pa'i tshe/ des 
khyim de thams cad 'od lus dang sems shin tu bde bar byed pa/ gser gyi kha dog tu 'dug pa zhig gis khyab cing gsal bar gyur nas/ 'od des tshong dpon gyi bu nor bzangs la phog par gyur ma thag tu tshor ba thams cad la dbang bsgyur ba'i ting nge 'dzin gyi sgo mang po 
dang | zhi ba'i gnas kyi ting nge 'dzin gyi sgo mang po dang / 'gro ba thams cad dang bral ba'i ting nge 'dzin gyi sgo mang po dang / kun tu lta ba'i btang snyoms dang ldan pa'i ting nge 'dzin gyi sgo mang po dang / de bzhin gshegs pa'i mdzod kyi ting nge 'dzin gyi sgo mang po la stsogs pa/ 
ting nge 'dzin gyi sgo lnga brgya tsam la zhugs par gyur te/ yongs su skyes so/ /de dag kyang shin tu phra zhing gzhon pa ste/ 'di ltar dper na thog ma mngal du zhugs pa'i rnam par shes pa lta bu ste/ ting nge 'dzin de dag kyang shin tu+i phra zhing gzhon par skyes par gyur to/ /des dri </font><hr>38-1-37b<br><font size=+1>
zhim po zhig tshor na'ang de ni lha la'ang med lha'i bu mo la yang med/ klu la yang med klu'i bu mo la yang med/ gnod sbyin la yang med gnod sbyin gyi bu mo la yang med/ dri za la yang med/ dri za'i bu mo la yang med/ lha ma yin la yang med/ lha ma yin gyi bu mo yang med/ nam mkha'i lding 
la yang med/ nam mkha' lding gi bu mo la yang med/ mi'am ci la yang med/ mi'am ci'i bu mo la yang med/ lto 'phye chen po la yang med/ lto 'phye chen po'i bu mo la yang med/ mi la yang med/ mi'i bu mo la yang med cing mi srid pa de lta bu'i dri zhim po tshor bar gyur to/ bud med 
de'i gzugs dang mnyam pa yang phyogs bcu'i 'jig rten na med na lhag pa lta ga las 'ong / kha dog dang mdog de lta bu yang de bzhin gshegs pa'i sku mdog dang kha dog dang / byang chub sems dpa' dbang bskur ba'i kha dog dang mdog ma gtogs par de'i kha dog dang / 
mdog tu mnyam pa phyogs bcu'i 'jig rten na med na lhag pa lta ga las 'ong / lus kyi chu zheng dang dbyibs de la bu yang de bzhin gshegs pa'i sku'i khrun chu zheng dang / dbyibs dang / byang chub sems dpa' dbang bskur ba thob pa'i lus kyi chu zheng dang / dbyibs ma gtogs 
par de'i lus kyi chu zheng dang dbyibs su mnyam pa/ phyogs bcu'i 'jig rten na med na lhag pa lta ga las 'ong / 'od kyi rgyan de lta bu'ang de bzhin gshegs pa'i 'od kyi rgyan dang / byang chub sems dpa' dbang bskur ba thob pa'i 'od kyi rgyan ma gtogs par de'i 'od kyi rgyan 
dang / mnyam pa phyogs bcu'i 'jig rten na med na lhag pa lta ga las 'ong / de'i kha'i ngad kyi dri zhim po dang mnyam pa'i dri de lta bu yang phyogs bcu'i 'jig rten gyi lha'i gnas sam/ klu dang gnod sbyin dang / dri za dang lha ma yin dang / nam mkha' lding dang / mi'am ci dang / 
lto 'phye chen po dang / mi dang mi ma yin pa'i gnas na med na lhag pa lta ga las 'ong / khyim gyi rgyan dang / longs spyod de lta bu'ang de bzhin gshegs pa'i longs spyod dang / byang chub sems dpa' dbang bskur ba thob pa'i longs spyod ma gtogs par de'i khyim gyi rgyan </font><hr>38-1-38a<br><font size=+1>
dang / longs spyod du mnyam pa yang phyogs bcu'i 'jig rten na med na lhag pa lta ga las 'ong / g.yog 'khor phun sum tshogs pa/ de lta bu'ang de bzhin gshegs pa'i 'khor phun sum tshogs pa dang / byang chub sems dpa'i 'khor 
phun sum tshogs pa ma gtogs par de'i g.yog 'khor phun sum tshogs pa dang / mnyam pa yang phyogs bcu'i 'jig rten na med na lhag pa lta ga las 'ong ste/ dge bsnyen ma mi g.yo ba de la 'dod chags dang ldan pa'i sems kyis blta bar nus pa'i sems 
can de lta bu'ang phyogs bcu'i 'jig rten gyi sems can gyi ris na med do/ /dge bsnyen ma mi g.yo ba de mthong ma thag du nyon mongs pa zhi bar mi 'gyur ba de lta bu'i sems can yang phyogs bcu'i 'jig rten gyi sems can gyi ris na med de/ 'di lta ste dper na/ tshangs pa chen 
po stong phrag bcu la dbang sgyur ba la ni 'dod pa la spyod pa'i nyon mongs pa rnams mi rgyu'o/ /de bzhin du dge bsnyen ma mi g.yo ba'ang mthong ma thag tu sems can rnams kyi nyon mongs pa mi rgyu'o/ /dge bsnyen ma mi g.yo ba de la blta bas ngoms par 'gyur ba'i sems 
can de lta bu'ang shes rab kyis ngoms pa ma gtogs par phyogs bcu'i 'jig rten gyi khams kyi sems can gyi ris na med do/ /de nas tshong dpon gyi bu nor bzangs kyis dge bsnyen ma mi g.yo ba'i lus kyi byin bsam gyis mi khyab pa dang / gzugs dang kha dog dang dbyibs 
dang / chu zheng bsam gyis mi khyab pa dang / sa'i gzhi dang / grong khyer dang rin po che thams cad la thogs pa med pa'i 'od zer gyi dra ba'i rgyan bsam gyis mi khyab pa dang / sems can gyi don bsam gyis mi khyab pa bsgrub pa mthong ste/ ba spu'i bu ga thams cad nas byung ba'i dri 
zhim po tshor nas/ 'khor rgya mtsho phun sum tshogs pa mtha' yas pa mthong ste/ khyim dang gzhal med khang gi rgyan phun sum tshogs pa mi 'phrogs pa mthong nas yon tan rgya mtsho tshad med pa khong du chud de/ dge bsnyen ma mi g.yo ba la tshigs su bcad pa 'dis bstod do/ /khyod </font><hr>38-1-38b<br><font size=+1>
kyis rtag tu tshul khrims dri med yongs bsrungs te/ /bzod pa shin tu yangs pa'ang yongs su bsgoms mdzad cing / /brtson 'grus brtan pa rdo rje lta bu bsgrubs pas na/ /ri bo'i rgyal po lta bur 'gro bar 'phags shing 'bar/ /de nas tshong dpon gyi bu nor bzangs kyis/ dge 
bsnyen ma mi g.yo ba la tshigs su bcad pa des mngon par bstod de 'di skad ces smras so/ /'phags ma bdag gis bla na med pa yang dag par rdzogs pa'i byang chub tu sems bskyed na/ /ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan 
du bgyi ba ma 'tshal te/ 'phags ma ni byang chub sems dpa' rnams la gdams ngag dang rjes su bstan pa mdzad do/ /zhes bdag gis thos na/ 'phags ma ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba bdag la 
bshad du gsol/ de nas dge bsnyen ma mi g.yo bas/ byang chub sems dpa'i ngag 'jam zhing yid du 'ong la nyams su bde bas/ tshong dpon gyi bu nor bzangs la dga' bar 'gyur ba'i tshig tu brjod nas 'di skad ces smras so/ /rigs kyi bu de ltar khyod kyis bla na med pa yang dag 
par rdzogs pa'i byang chub tu sems bskyed pa legs so legs so/ /rigs kyi bu kho mo ni byang chub sems dpa'i rnam par thar ba thub par dka' ba'i ye shes snying po thob ba ste/ byang chub sems dpa'i spyod pa'i sgo yi dam brtan pa la slob pa/ chos thams cad mnyam 
pa nyid kyi sa'i gzungs kyi sgo thob pa'o/ /kho mo ni sbos pa'i ye shes snang ba/ chos kyi gzhi thams cad snang bar brjod pa thob pa'o/ /kho mo ni chos thams cad yong su btsal bas mi skyo ba'i rgyan gyi ting nge 'dzin gyi sgo thob ba'o/ /smras pa 'phags ma byang chub sems 
dpa'i rnam par thar ba thub par dka' ba'i ye shes kyi snying po de'i yul ni ji lta bu zhig mchis/ yi dam la brtan pa'i byang chub sems dpa'i spyod pa'i sgo dang / chos thams cad mnyam pa nyid kyi sa'i gzungs kyi sgo dang / chos kyi gzhi thams cad snang bar brjod </font><hr>38-1-39a<br><font size=+1>
pa'i spobs pa snang ba'i sgo dang / chos yongs su btsal bas mi skyo ba'i rgyan gyi ting nge 'dzin gyi sgo'i yul ni ji lta bu zhig mchis/ smras pa/ rigs kyi bu gnas 'di ni yid ches par dka'o/ /smras pa 'phags ma bstan du gsol/ sangs rgyas kyi byin dang / 
dge ba'i bshes gnyen gyis yongs su bzung na yid ches par mchi grang / rtogs pa dang 'tshal ba dang / rnam par rtogs pa dang / rjes su rtogs pa dang / rig pa dang / dmigs su phebs pa dang / goms pa dang / mi 'gal ba dang / rnam par mi rtog pa dang / sgro 'dogs pa ma 
mchis pa dang / mnyam par bgyid par yang mchi grang / de nas dge bsnyen ma mi g.yo bas/ tshong dpon gyi bu nor bzangs la 'di skad ces smras so/ /rigs kyi bu sngon 'das pa'i dus shig na dri ma med pa'i 'od kyi bskal pa la/ de bzhin gshegs pa phyag rab tu brkyang ba zhes 
bya ba 'jig rten du byung ste/ kho mo yang de'i tshe rgyal po glog gis byin pa'i bu cig ma zhig tu gyur nas/ de'i tshe nub mo mi nyal tsam zhig na rgyal po'i sgo yang bcad/ pha dang ma yang nyal/ skyes ba dang bud med dag kyang gnyid kyis log /rol mo brdung ba dang dkrol ba'i 
sgra yang zhi/ lhan cig spyod pa'i bud med lnga brgya tsam dag kyang nyal bar gyur ba zhig na/ kho mo mal gyi steng na 'dug cing / nam mkha'i dbyings la rgyu ba'i skar ma'i tshogs kyi phreng ba rnam par 'khod pa la lta lta ba las/ steng gi bar snang la bcom ldan 'das de bzhin gshegs 
pa dgra bcom pa yang dag par rdzogs pa'i sangs rgyas phyag rab tu brkyang ba/ ri'i dbang po ri rab ltar lha dang klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po'i 'khor mang pos bskor ba/ byang chub sems dpa'i 
tshogs grangs med pas yongs su bskor ba/ phyogs thams cad du 'od zer gyi dra ba thogs pa med pas rgyas par khyab pa'i sku bzhugs pa mthong ngo / /de bzhin gshegs pa de'i sku'i ba spu'i bu ga thams cad nas kyang dri zhim po rnam pa 'di lta bu byung ste/ des kho mo'i lus </font><hr>38-1-39b<br><font size=+1>
dang sems shin tu bde bar gyur/ yid shin tu dga' bar gyur te/ mal gyi steng nas langs nas sor mo bcu'i thal mo sbyar te sa la babs nas/ bcom ldan 'das de bzhin gshegs pa phyag rab tu brkyang ba de la phyag 'tshal te/ de'i spyi gtsug la bltas na'ang / mtharathug 
par ma rung / g.yas g.yon gyi tshad kyang zin par ma rung / mtshan dang dpe byad phun sum tshogs pa la bsams na'ang ngoms par ma rung ste/ de'i tshe kho mo 'di snyam du bsams so/ /las ji lta bu zhig byas na lus phun sum tshogs pa 'di lta bu ni 'thob par 'gyur/ mtshan 
dang dpe byad bzang po phun sum tshogs pa ni skye bar 'gyur/ 'od kyi rgyan phun sum tshogs pa ni 'byung bar 'gyur/ 'khor phun sum tshogs pa ni 'grub par 'gyur/ yid kyi rang bzhin gyi gnas dang / longs spyod phun sum tshogs pa ni 'byung bar 'gyur/ bsod nams 
phun sum tshogs pa ni skye bar 'gyur/ye shes phun sum tshogs pa ni rnam par dag par 'gyur/ ting nge 'dzin gyi rnam par 'phrul pa bsam gyis mi khyab pa phun sum tshogs pa ni yang dag par 'grub par 'gyur/ gzungs phun sum tshogs pa ni yongs su rdzogs 
par 'gyur/ spobs pa phun sum tshogs pa ni dbang du 'gyur snyam pa dang / rigs kyi bu de nas bcom ldan 'das de bzhin gshegs pa phyag rab tu brkyang ba des kho mo'i bsam pa thugs su chud nas des 'di skad ces bka' stsal to/ /bu mo khyod kyis nyon mongs pa thams 
cad gzhom pa'i phyir thub pa med pa'i sems skyed cig /mngon par zhen pa thams cad bsal ba'i phyir pham pa med pa'i sems skyed cig /chos zab mo'i tshul khong du chud par bya ba'i phyir zhum pa med pa'i sems skyed cig /sems can bsam pa mi zad pa dang ldan 
pa'i rgya mtsho'i klong du ltung bas mi sgul ba'i sems skyed cig /srid pa'i lam gyi rgyud thams cad du skye ba'i skye mched du mgo rmongs pa med pa'i sems skyed cig /sangs rgyas thams cad blta bar mos pa rgyun mi gcad pa'i phyir ngoms mi shes pa'i sems skyed cig /</font><hr>38-1-40a<br><font size=+1>
sangs rgyas thams cad kyi chos kyi sprin yongs su gzung ba'i phyir chog mi shes pa'i sems skyed cig /sangs rgyas thams cad kyi chos kyi tshul snang ba rtogs par bya ba'i phyir nges par rtogs pa'i sems skyed cig /de bzhin gshegs pa thams cad kyi 
chos kyi 'khor lo gzung ba'i phyir yang dag par gzung ba'i sems skyed cig /de bzhin gshegs pa'i zhal nas byung ba shes par bya ba lta la ci smos kyi chung ngu na brdar byed pa tsam la yang 'khrul pa med pa'i sems skyed cig /bu mo khyod kyis sems can rnams kyi bsam pa ji lta 
ba bzhin du chos rin po chen rnam par dbye ba'i phyir/ rnam par dbye ba'i sems skyed cig ces byung ste/ de ltar rigs kyi bu kho mos bcom ldan 'das de bzhin gshegs pa dgra bcom pa yang dag par rdzogs pa'i sangs rgyas phyag rab tu brkyang ba las/ chos kyi tshul gyi gdams 
ngag gi sgo rnam pa de lta ba dag thos nas thams cad mkhyen pa'i ye shes la ni mngon par mos par gyur/ stobs bcu'i rang bzhin la ni mngon par smon par gyur/ sangs rgyas gsung la ni mngon par dad par gyur/ sangs rgyas kyi 'od kyi rgyan ni yongs su sbyang bar dga'/ sangs 
rgyas kyi sku phun sum tshogs pa ni yongs su bsgrub par dga'/ sangs rgyas kyi mtshan dang dpe byad bzang po rnam par dag pa la ni mngon par mos par gyur/ sangs rgyas kyi 'khor gyi dkyil 'khor phun sum tshogs pa la ni mngon par smon par gyur/ sangs rgyas kyi zhing rnam par 
dag pa la ni mngon par dad par gyur/ sangs rgyas kyi spyod lam phun sum tshogs pa la ni mngon par mos par gyur/ sangs rgyas kyi sku tshe'i tshad phun sum tshogs pa la ni mngon par dga' nas/ rdo rje ltar ri dang mtshon ca thams cad kyi mthus thub par dka' ba'i sems nyon 
mongs pa thams cad dang nyan thos dang / rang sangs rgyas thams cad kyis mi phyed mi tshugs pa bskyed de/ rigs kyi bu de nas nye bar bzung ba tshun chad du sems bskyed pa de'i mthus bskal pa 'dzam bu'i gling gi rdul shin tu phra ba snyed cig tu yid kyi dgu las kyang 'dod </font><hr>38-1-40b<br><font size=+1>
pa la spyad par yang mi dran na/ gnyis kyis gnyis 'du ba lta ci smos/ rigs kyi bu de nas nye bar bzung ba tshun chad du rang gi gnyen bshes la'ang khong khro ba'i sems cig ma bskyed na/de ma yin pa'i sems can ma nyes pa'i gzhan lta ci smos/ de nas nye bar bzung ba tshun chad du 
bdag tu lta ba dang / ldan pa'i sems bskyed pa gcig tsam yang bskyed par mi dran na/ de ma yin pa'i yo byad gzhan la bdag gir byas te/ mngon par chags pa lta ci smos/ shi 'pho ba dang mngal na gnas pa'i tshe'ang sems rmongs pa'am/ 'du shes sna tshogs sam/ lung 
du ma bstan pa'i sems kyang byung du mi dran na/ legs par bsams shing gnas pa lta ci smos/ bskal pa de snyed cig tu sangs rgyas gcig kyang chung ngu na rmi lam du mthong ba'i rnam par dmigs par yang brjod du mi dran na/ byang chub sems dpa'i mig bcus mthong bar gyur pa lta ci smos/ 
de nas nye bar bzung ba tshun chad du de bzhin gshegs pa thams cad kyi chos kyi sprin yang dag par 'dzin kyang chung ngu na mying du bya ba'i rnam pa tsam kyi chos kyi tshig dang / yi ge gcig kyang brjod par mi dran na/ de bzhin gshegs pa'i zhal gyi mdzod nas byung ba lta ci smos/ de 
nas nye bar bzung ba tshun chad du chos kyi rgya mtsho de snyed cig 'thung 'thung yang / chung ngu na 'jig rten pa'i chos rnams la/ tshig 'ga' 'ang ma bsams ma brtags par mi dran no/ /de nas nye bar bzung ba tshun chad du de snyed cig gi chos kyi tshul rgya mtsho las kyang / chung ngu na 'jig 
rten pa'i bzo'i rgyus dang / tshul yang rung ste/ chos kyi tshul gyi sgo gang la yang kho mos ting nge 'dzin mngon par ma bsgrubs pa de lta bu med do/ /de nas nye bar bzung ba tshun chad du de bzhin gshegs pa de snyed kyi chos kyi 'khor lo bzung yang ji ltar yongs su bzung ba las 
sems can 'dul ba'i dbang du bya ba ma gtogs par chung ngu na rjes su brgyud pa'i rgyus tsam gyi tshig dang / yi ge 'ga' yang bor bar mi dran no/ /de nas nye bar bzung ba tshun chad du sangs rgyas rgya mtsho de snyed cig mthong yang chug chung ngu na sprul pa'i sangs rgyas kyi smon lam </font><hr>38-1-41a<br><font size=+1>
gyi rgyud kyang rung ste/ smon lam 'ga' yang kho mos sems can rgya mtsho thams cad rnam par dag par bya ba'i phyir/ mngon par ma bsgrubs pa med do/ /de nas nye bar bzung ba tshun chad du sangs rgyas rgya mtsho de snyed cig gi sngon gyi byang chub sems dpa'i spyod 
pa rgya mtsho las/ byang chub sems dpa' spyod pa 'ga' tsam yang kho mos bdag gi spyod pa yongs su dag par bya ba'i phyir mngon par ma bsgrubs pa de lta bu mi dran no/ /de nas nye bar bzung ba tshun chad du sems can gang kho mos bla na med pa yang dag par rdzogs pa'i byang chub tu ma 
bskul ba de lta bu gcig kyang mig lam du 'ong par mi dran no/ /de nas nye bar bzung ba tshun chad du nyan thos dang rang sangs rgyas yid la bya ba dang ldan pa'i sems bskyed pa gcig kyang mngon par bsgrubs su mi dran no/ /rigs kyi bu de nas nye bar bzung ba tshun chad du bskal 
pa 'dzam bu'i gling gi rdul shin tu phra ba snyed cig lon yang tshig dang / yi ge 'ga' la yang the tshom bskyed pa'am/ gnyis kyis 'du shes sam/ rnam par rtog pa'i 'du shes sam/ sna tshogs kyi 'du shes sam/ rab kyi 'du shes sam/ bzang ngan gyi 'du shes 
sam/ sdug mi sdug gi 'du shes bskyed du ma dran no/ /rigs kyi bu kho mo ni de phyin cad du sangs rgyas byung ba dang ma bral lo/ /sangs rgyas bcom ldan 'das rnams dang ma bral lo/ /byang chub sems dpa' rnams dang ma bral lo/ /yang dag pa'i dge ba'i bshes gnyen rnams 
dang ma bral lo/ /sangs rgyas kyi smon lam thos pa dang ma bral lo/ /byang chub sems dpa'i spyod pa thos pa dang ma bral lo/ /byang chub sems dpa'i pha rol tu phyin pa'i tshul thos pa dang ma bral lo/ /byang chub sems dpa'i sa'i ye shes snang ba'i tshul thos pa dang ma bral 
lo/ /byang chub sems dpa'i gzungs dang ting nge 'dzin mi zad pa'i mdzod dang / gter thos pa thob pa dang ma bral lo mtha' dang dbus med pa'i 'jig rten gyi khams kyi dra ba la 'jug cing khong du chud par bya ba'i tshul thos pa dang ma bral lo/ /mtha' dang dbus med </font><hr>38-1-41b<br><font size=+1>
pa'i sems can gyi khams 'byung ba'i rgyu thos pa thob pa dang ma bral lo/ /'gro ba thams cad kyi nyon mongs pa'i dra ba'i dkyil 'khor yongs su zad par bya ba'i ye shes snang ba dang ma bral lo/ /sems can thams cad kyi dge ba'i rtsa ba 'byung ba'i rgyu'i ye shes thob pa dang ma bral lo/ /
sems can thams cad kyi bsam pa ji lta ba bzhin du lus yongs su ston pa dang ma bral lo/ /sems can thams cad kyi shes par byed pa'i dbyangs kyi dkyil 'khor rnam par dag pa dang ma bral lo/ /rigs kyi bu kho mo byang chub sems dpa'i rnam par thar ba'i sgo thub par dka' 
ba'i ye shes kyi snying po 'di dang / chos thams cad yongs su btsal bas mi skyo ba'i rgyan gyi ting nge 'dzin gyi sgo 'di la snyoms par zhugs te/ byang chub sems dpa'i spyod pa'i sgo yi dam la brtan pa 'di rnam par phye ba dang / gzungs kyi sgo chos thams cad mnyam pa nyid 
kyis 'di dang / spobs pa'i ye shes snang ba'i sgo chos kyi gzhi thams cad snang bar brjod pa 'di rnam par phye ba dang / cho 'phrul bsam gyis mi khyab pa yod na rigs kyi bu khyod mngon sum du blta bar 'dod dam/smras pa/ 'phags ma 'tshal lo/ de nas dge bsnyen ma mi 
g.yo ba de na de ltar 'dug bzhin du byang chub sems dpa'i rnam par thar pa'i sgo thub par dka' ba'i ye shes kyi snying po la stsogs pa dang / ting nge 'dzin gyi sgo thams cad yongs su btsal bas mi skyo ba'i rgyan la stsogs pa dang / ting nge 'dzin gyi sgo don yod pa'i dkyil 
'khor gyi rgyan la stsogs pa dang / ting nge 'dzin gyi sgo stobs bcu'i ye shes kyi dkyil 'khor mngon du 'gyur ba la stsogs pa dang / ting nge 'dzin gyi sgo sangs rgyas kyi rigs mi zad pa'i mdzod la stsogs pa ting nge 'dzin gyi sgo brgya stong phrag bcu la rnam par blta ba dang / rnam 
par dpyad pa dang / rjes su 'jug pa dang / nges par rtogs par byas so/ /de ltar dge bsnyen ma mi g.yo ba snyoms par zhugs ma thag tu tshong dpon gyi bu nor bzangs kyis phyogs bcur 'jig rten gyi khams sangs rgyas kyi zhing brjod du med pa phrag bcu'i rdul shin tu phra ba </font><hr>38-1-42a<br><font size=+1>
snyed rnam pa drug du g.yos pa dang / bai DUr+yayongs su dag pa'i rgyu las gyur par gnas par mthong ngo / /'jig rten gyi khams re re'i gling bzhi pa bye ba phrag brgya brgyan/ de bzhin gshegs pa bye ba phrag brgya brgya bzhugs par mthong ste/ la la ni dga' ldan 
gyi gnas na bzhugs pa nas/ la la ni yongs su mya ngan las 'da' ba mdzad pa'i bar du 'ang mthong ngo / /de yang 'jig rten gyi khams baiDUr+ya'i rang bzhin de dag yongs su dag cing sgrib pa med pa'i phyir te/ de bzhin gshegs pa de dag so so nas 'od zer dang / 'od kyi dkyil 
'khor chos kyi dbyings thams cad du rgyas par khyab pa mnga' ba dang / de bzhin gshegs pa de dag so so'i 'khor gyi dkyil 'khor shin tu rnam par phye ba rgya mtsho yang mthong bar gyur to/ /de bzhin gshegs pa de dag re re'i gsung gi dkyil 'khor chos kyi 'khor lo thams 
cad brjod pa sems can thams cad kyi rna lam du rnam par grags pa'ang thos par gyur to/ /de nas dge bsnyen ma mi g.yo ba ting nge 'dzin de las langs nas tshong dpon gyi bu nor bzangs la 'di skad ces smras so/ /rigs kyi bu khyod kyis mthong ngam/ thos sam shes sam/ 
smras pa 'phags ma mthong ngo / /thos so rig go /rigs kyi bu kho mo ni de ltar byang chub sems dpa'i spyod pa yi dam brtan pa la slob cing / chos thams cad yongs su btsal bas mi skyo ba'i rgyan gyi ting nge 'dzin la mnyam par bzhag ste/ byang chub sems dpa'i rnam 
par thar pa'i sgo thub par dka' ba'i ye shes kyi snying pa la gnas nas/ chos thams cad mnyam pa nyid kyi sa'i gzungs khong du chud pa dang / spobs pa'i ye shes snang ba chos kyi gzhi thams cad snang ba brjod pa la mkhas pa'i legs par bshad pas sems can thams 
cad yongs su tshim par byed par zad na kho mos byang chub sems dpa' yon tan tshad med bsam gyis myi khyab pa dang ldan pa nam mkha'i dbyings la 'dab chags khyu mchog 'khod pa ltar gnas med par spyod pa/ nam mkha' lding gi dbang po chen po ltar yongs su smin pa'i </font><hr>38-1-42b<br><font size=+1>
byang chub sems dpa' gdon pa'i phyir/ sems can thams cad kyi rgya mtsho la 'jug pa tshong pa ltar stobs bcu'i ye shes rin po che mngon par 'dod cing / thams cad mkhyen pa nyid kyi rin po che'i gling du rgyu ba/ mthu dang ldan pa'i nya ba ltar/ yid du 'ong ba'i chos kyi dkyil 
'khor gyi rgya dang ldan pa'i lag pas sred pa'i chu las byung ba'i sems can yongs su smin par mngon par gdon pa'i phyir/ chos kyi rgya mtsho la rnam par rgyu ba/ lha'i dbang po ltar nyon mongs pa'i lha ma yin gyi g.yul chen po rtul ba bzlog pa'i phyir/ khams gsum gyi 
gnas yongs su bkang zhing rnam par rgyu ba nyi ma'i dkyil 'khor ltar sems can gyi sred pa'i chu dang / nyon mongs pa'i 'dam shin tu bskam pa'i phyir/ chos kyi dbyings kyi nam mkha'i dbyings la yang dag par 'phags pa zla ba nya zhing rgyas pa ltar 'dul ba'i yid kyi me tog ku mu ta 
rnam par kha dbye ba'i phyir/ ye shes kyi nam mkha' la mngon par shar ba/ sa'i gzhi ltar 'gro ba thams cad kyi dge ba'i dbang po'i myu gu bskyed cing / rnam par spel ba'i phyir byams mi byams dang / mthon dman med par 'jig rten na mnyam par gnas pa rlung 
mar ltar sems can thams cad kyi nyon mongs pa dang / lta ba'i shing dang shing phran gyi nags tshal dang / kun dga' rtsa ba nas gdon pa'i phyir chags pa med par phyogs thams cad tu rnam par rgyu ba/ 'khor los sgyur ba ltar bsdu ba'i dngos po'i yo byad dang / rkyen gyis 
'gro ba thams cad yongs su bsdu ba'i phyir/ 'jig rten na rnam par spyod pa de dag gi spyod pa shes pa'am/ yon tan brjod par nus re skan/ song rigs kyi bu lho phyogs kyi rgyud 'di nyid kyi yul dga' 'dzin tshad med pa na/ grong khyer dga' ba 'dzin pa zhes bya ba 
yod de/ de na kun tu rgyu thams cad du 'gro ba zhes bya ba 'dug gis/ de'i gan du song la ji ltar byang chub sems dpas byang chub sems dpa'i spyod pa la bslab par bya ba dang / ji ltar nan tan du bya ba dris shig /de nas tshong dpon gyi bu nor bzangs kyis dge bsnyen </font><hr>38-1-43a<br><font size=+1>
ma mi g.yo ba'i rkang pa gnyis la spyi bos phyag 'tshal to/ /dge bsnyen ma mi g.yo ba la lan brgya stong du mar g.yas phyogs su bskor ba byas nas yang dang yang bltas te/ dge bsnyen ma mi g.yo ba'i drung nas song ngo / de nas tshong dpon gyi bu nor bzangs dge 
bsnyen ma mi g.yo ba mngon du byas te/ dge bsnyen ma mi g.yo ba'i gdams ngag rjes su dran par byed cing / dge bsnyen ma mi g.yo bas bstan pa dang / yang dag par bstan pa dang / bsgrags pa dang / bshad pa dang / brjod pa dang / yang dag par brjod pa dang / gzhag pa dang / 
rnam par phye ba dang / smos pa dang / rgya cher bstan pa de dag thams cad la gdon mi za bar yid ches shing rjes su 'brang bar bya ba dang / rjes su bsam pa dang / khong du chud par bya ba dang / sgom pa dang / yongs su bsgom pa dang / gzhan du mi 'gyur ba dang / rtogs par bya ba dang / 
snang bar bya ba dang / mnyam par bya ba myed cing / mthar gyis gnas nas gnas dang yul nas yul du rgyu ste/ rgyu zhing song song nas yul dga' 'dzin tshad med pa gang na ba der phyin nas/ grong khyer dga' ba 'dzin pa rmed cing tshol tshol te/ nyi ma nub tu chab zhig na grong khyer dga' ba 
'dzin par phyin nas/ grong khyer dga' ba 'dzin pa'i nang du song ste/ grong khyer gyi lam gyi bzhi mdo'i dbus shig tu phyin nas srang gi sgo nas/ srang gi sgo dang lam gyi bzhi mdo nas lam gyi bzhi mdo dang / grong phrag nas grong phrag tu kun tu rgyu thams cad du 'gro 
ba tshol zhing rmed rmed pa dang / mtshan mo mi nyal tsam zhig na grong khyer dga' ba 'dzin pa'i byang phyogs logs na/ ri shin tu mod pa zhes bya ba zhig yod pa de'i rtse mo rtswa dang gel pa dang / sman sna tshogs dga' dga' ltar skyes pas brgyan pa 'od chen po dang ldan pa la nyi 
ma shar ba lta bur gnas pa mthong ngo / /des snang ba de mthong nas dga' ba'i shugs chen po skyes te 'di snyam du bsams so/ /bdag gi dge ba'i bshes gnyen ri'i rtse mo 'di la gdon mi za bar mthong bar 'gyur ba lta zhig snyam nas/ grong khyer de nas byung ste/ ri shin du </font><hr>38-1-43b<br><font size=+1>
mod pa gang na ba der phyin pa dang / ri shin tu mod pa de la 'dzegs nas/ ri'i rtse mo snang ba chen po can gang na ba der phyin pa dang / rgyang ring po zhig nas kun tu rgyu thams cad du 'gro ba tshangs pa chen po bas kyang lhag pa'i kha dog dang ldan pa dpal gyis shin tu 'bar ba zhig tshangs pa stong phrag bcus 
kun nas bskor te/ 'chags nas 'chag cing 'dug pa mthong nas/ de'i drung du phyin te/ rkang pa gnyis la spyi bos phyag 'tshal nas/ de la lan brgya stong du mar g.yas phyogs su bskor ba byas te/ mdun du 'dug nas thal mo sbyar te/ 'di skad ces smras so/ /'phags pa bdag 
gis bla na med pa yang dag par rdzogs pa'i byang chub tu sems bskyed na/ ji ltar byang chub sems dpa' byang chub sems dpa'i spyod pa la bslab par bgyi ba dang / ji ltar nan tan du bgyi ba ma 'tshal te/ 'phags pa ni byang chub sems dpa' rnams la gdams ngag dang rjes 
su bstan pa mdzad do zhes bdag gis thos na/ 'phags pa ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba bdag la bshad du gsol/ smras pa rigs kyi bu de ltar khyod/ bla na med pa yang dag par 
rdzogs pa'i byang chub tu zhugs pa legs so/ /legs so rigs kyi bu kho bo ni thams cad du 'gro ba ste/ thams cad kyi rjes su song ba'i byang chub sems dpa'i spyod pa la gnas pa'o/ /sgo thams cad du rnam par spyod pas snang ba'i ting nge 'dzin gyi sgo dang / dngos po 
med pa la gnas pas/ mngon par 'du bya ba med pa'i rdzu 'phrul dang / chos kyi dbyings kun gyi gzhir thug par thal ba'i shes rab kyi pha rol tu phyin pa'i ye shes snang ba'i sgo dang ldan pa'o/ /rigs kyi bu de ltar kho bo ni sems can gyi snod kyi 'jig rten gyi rgyud thams cad dang / 
sems can gyi lam gyi rgyud thams cad dang / sems can gyi shi 'pho ba'i sgo thams cad dang / sems can gyi skye ba'i sgo thams cad dang / srid pa'i lam gyi rgyud tha dad pa thams cad dang / skye ba'i skye mched sna tshogs kyi 'jig rten gyi gnas rnam pa tha dad pa dag </font><hr>38-1-44a<br><font size=+1>
gi sems can kha dog dang / dbyibs dang / chu zheng rnam pa sna tshogs dang ldan pa/ skye ba kun tu 'brel pa/ rnam pa sna tshogs dang ldan pa/ sbyor ba sna tshogs dang ldan pa/ mos pa sna tshogs can 'di lta ste lha'i lam gyi rgyud du gtogs pa dang / klu'i lam gyi 
rgyud du gtogs pa dang / gnod sbyin gyi lam gyi rgyud du gtogs pa dang / dri za'i lam gyi rgyud du gtogs pa dang / lha ma yin gyi lam gyi rgyud du gtogs pa dang / nam mkha' lding gi lam gyi rgyud du gtogs pa dang /mi'am ci'i lam gyi rgyud du gtogs pa dang / lto 'phye 
chen po'i lam gyi rgyud du gtogs pa dang / sems can dmyal ba'i lam gyi rgyud du gtogs pa dang / byol song gi skye gnas kyi lam gyi rgyud du gtogs pa dang / gshin rje'i 'jig rten gyi lam gyi rgyud du gtogs pa dang / mi'i lam gyi rgyud du gtogs pa dang / mi ma 
yin pa'i lam gyi rgyud du gtogs pa dang / lta ba'i rnam pa sna tshogs la gnas pa nyan thos kyi theg pa la mos pa dang / rang sangs rgyas kyi theg pa la mos pa dang / theg pa chen po la mos pa'i sems can rnams kyi don thabs sna tshogs dang / ye shes kyi tshul dang sbyor ba sna 
tshogs kyis byed de/ 'di ltar sems can la la la ni bzo'i rgyud tha dad pa thams cad dang ldan pa'i gzugs snang bas 'jig rten gyi bzo sna tshogs bslabs shing don byed do/ /sems can la la ni 'di lta ste/ thams cad mkhyen pa'i ye shes bstabs pa'i phyir 
bsdu ba'i dngos po bzhis yongs su bsdu ba'i thabs kyis don byed do/ /sems can la la la ni 'di lta ste/ thams cad mkhyen pa nyid du 'gyur ba'i ye shes kyi sgo snang ba yongs su bskyed pas pha rol tu phyin pa yang dag par brjod cing don byed do/ /sems can la la la ni 'di lta ste/ 
byang chub kyi sa bon chud mi za bar brtan cing yongs su bskyed pas byang chub sems dpa'i sems yongs su brjod cing don byed do/ /sems can la la la ni 'di lta ste/ sangs rgyas kyi zhing thams cad yongs su dag par bya ba dang / sems can thams cad yongs su smyin par bya </font><hr>38-1-44b<br><font size=+1>
ba'i smon lam yongs su bskyed pa'i phyir/ byang chub sems dpa'i spyod pa rnam pa thams cad du yang dag par brjod pas don byed do/ /sems can la la la ni 'di lta ste/ ngan du spyod pa'i rnam par smin pa dang / mthun pa'i rgyus sems can dmyal ba'i lam gyi rgyud kyi sdug bsngal gyi tshor ba myong 
bar 'gyur ba yongs su bstan pas/ skyo ba yongs su bskyed cing don byed do/ /sems can la la la ni 'di lta ste/ de bzhin gshegs pa la bskyed pa'i yon tan thams cad ni gdon mi za bar thams cad mkhyen pa nyid kyi 'bras bu'i mthar thug par 'gyur bar brjod pas/ dga' ba 
chen po bskyed cing don byed do/ /sems can la la la ni 'di lta ste/ sangs rgyas kyi yon tan dang sku la mngon par mos pas thams cad mkhyen pa nyid du smon lam 'debs par bya ba'i phyir/ de bzhin gshegs pa thams cad kyi yon tan dang / bsngags pa yang dag par brjod 
pas don byed do/ /sems can la la la ni 'di lta ste/ mi zlogs shing lhun gyis grub pa dang / rgyun chad pa med par sangs rgyas kyi phrin las nan tan du mdzad pa'i mthu dang ldan pa'i sangs rgyas kyi sku 'thob par mos pa bskyed pa'i phyir/ sangs rgyas kyi bdag nyid che ba 
brjod pas don byed do/ /sems can la la ni 'di lta ste/ tshur zil gyis gnon la phar zil gyis mi gnon pa'i sangs rgyas kyi sku phun sum tshogs pa 'thob par mos pa bskyed pa'i phyir/ sangs rgyas kyi mnga' chen po yongs su brjod cing don byed do/ /rigs kyi bu gzhan 
yang kho bo ni grong khyer dga' ba 'dzin pa 'di'i bzhi mdo'i phongs thams cad dang / srang thams cad dang / lam gyi sum mdo thams cad dang / grong mtshams thams cad dang / khyim thams cad dang / mthun par 'dus pa'i rdal thams cad dang grong thams cad dang / grong gi rgyud 
thams cad du rnam pa ji ltar tshogs shing 'dus pa'i bud med dang / skyes pa dang khye'u dang bu mo rnams kyi bsam pa ji lta ba dang / sbyor ba ji lta ba dang / mthu ji lta ba dang / rnam par spyod pa ji lta ba bzhin du de dag dang / mthun pa'i lus kyi chu zheng dang dbyibs mngon </font><hr>38-1-45a<br><font size=+1>
par bsgrubs shing / chos ston kyang / sems can de dag gis de sus bstan pa dang / de ga las 'ongs pa mi shes te/ gzhan du na thos nas ma nor bar nan tan du byed pa ni med pa'ang ma yin no/ /gzhan yang rigs kyi bu 'dzam bu'i gling 'di na/ zhags pa 
'thub pa lta ba rnam pa sna tshogs la mngon par zhen pa/ dgu bcu rtsa drug 'khod pa de dag thams cad kyi nang du yang sems can lta ba'i rnam pa sna tshogs la chags pa rnams yongs su smin par bya ba'i phyir thams cad dang mthun par gnas te/ rigs kyi bu ci ltar kho bo grong khyer dga' ba 
'dzin pa 'di na sems can gyi don byed cing 'dug pa de bzhin du 'dzam bu'i gling gi grong dang / grong khyer dang / ljongs dang / yul dang / khams dang / rgyal po'i phong brang 'khor thams cad na yang sems can gyi don byed do/ /'dzam bu'i gling na ji lta ba de bzhin du gling bzhi pa'i 'jig rten gyi khams 
thams cad dang / de bzhin du stong dang stong gnyis pa dang / stong gsum gyi stong chen po'i 'jig rten gyi khams dang / de bzhin du phyogs bcu'i 'jig rten gyi khams sems can gyi rten du bya ba thams cad dang / sems can gyi gnas su bya ba thams cad dang / sems 
can gyi gzhir bya ba thams cad dang /sems can gyi khams su bya ba'i ming du gtogs pa thams cad dang / sems can yongs su rgyu ba thams cad dang / sems can yongs su 'du ba thams cad dang / sems can rgya mtsho na gnas pa thams cad dang / sems can gyi rgyud 
gnas pa thams cad dang / sems can gyi phyogs su bya ba thams cad dang / sems can gyi phyogs mtshams su bya ba thams cad dang / sems can spyod pa'i gnas thams cad du 'ang / thabs sna tshogs dang / tshul sna tshogs dang / sgo sna tshogs dang / rigs pa 
sna tshogs dang / 'phrad pa sna tshogs dang / thabs kyi tshul sna tshogs dang / bya ba sna tshogs kyis sems can rnams kyi don byed do/ /gzugs dang kha dog sna tshogs yongs su bstan cing mos par bya ba dang / tshig gi lam sna tshogs brjod pas kyang sems can rnams kyi </font><hr>38-1-45b<br><font size=+1>
don byed do/ /rigs kyi bu kho bos ni byang chub sems dpa'i spyod pa thams cad du 'gro ba thams cad kyi rjes su song ba 'di shes par zad na/ kho bos byang chub sems dpa' 'gro ba thams cad dang / mnyam pa'i lus dang ldan pa bdag dang / sems can gyi lus su tha mi dad pa'i ting nge 'dzin 
thob pa/ 'phrul ba'i 'khor lo rgya chen pos srid pa'i lam gyi rgyud thams cad du khyab pa/ 'jig rten gyi skye ba thams cad rang gi lus la rjes su spyod pa/ 'gro ba thams cad kyis lta na dga' zhing yid du 'ong ba'i sprul pa'i 'khor lo la brtson pa/ 'gro ba thams cad kyi rigs dang 
rgyud dang tsher skye ba rab tu ston pa/ bskal pa thams cad du gnas pa la thogs pa med pa'i smon lam gyi 'khor lo dang ldan pa/ mig 'phrul lta bu'i spyod pa rnam par phye ba'i snang ba rab tu thob pa/ 'gro ba thams cad kyi don byed kyang / gos pa med par gnas pa la brtson pa/ dus 
gsum gyi 'gro ba'i dbyings mnyam pa nyid khong du chud pa/ ye shes kyi dbyings bdag med pa dang ldan pas/ snang bar byas pa'i snying rje chen po mtha' yas pa'i snying po dang ldan pa/ 'gro ba thams cad kyi dge ba'i rtsa ba yongs su bskyed pa la mngon par brtson pa/ de dag gi spyod 
pa shes pa'am/ yon tan brjod par nus re skan/ /song rigs kyi bu lho phyogs kyi rgyud 'di nyid na yul khams chen po zhes bya ba yod de/ de na spos 'tshong gi tshong dpon longs spyod uta pa la zhes bya ba 'dug gis/ de'i gan du song la ji ltar byang chub sems dpas byang chub 
sems dpa'i spyod pa la bslab par bya ba dang / ji ltar nan tan du bya ba dris shig /de nas tshong dpon gyi bu nor bzangs kyis kun tu rgyu thams cad du 'gro ba'i rkang pa gnyis la spyi bos phyag 'tshal te/ kun tu rgyu thams cad du 'gro ba la lan brgya stong du mar g.yas phyogs su bskor ba byas 
nas/ yang dang yang bltas te/ kun tu rgyu thams cad du 'gro ba'i drung nas song ngo / /de nas tshong dpon gyi bu nor bzangs lus dang srog la ni mi lta/ srid pa'i longs spyod dang yongs sa zin pa dang / nye bar blangs pa la mngon par chags pa'i gnas thams cad la ni mi lta </font><hr>38-1-46a<br><font size=+1>
sems can gyi yul gyi dga' ba thams cad la ni mi lta/ gzugs dang sgra dang dri dang / brodang / reg bya thams cad la ni mi lta/ g.yog 'khor dang longs spyod dang / nye bar spyod pa thams cad la ni mi lta ste/ rgyal srid dang dbang phyug gi dbang gi bde ba thams cad la ni mi lta la 
sangs rgyas kyi zhing bla na med par yongs su dag pa mngon par bsgrubs pas sems can thams cad yongs su smin par bya ba dang / gdul ba dang yongs su dag par bya ba la lta ba/ mchod pa dang bsnyen bkur ba dang / rim gro bya bas mi ngoms pas de bzhin gshegs pa thams 
cad la lta ba dang / rang bzhin med pa yongs su shes pa'i ye shes khong du chud par bya ba'i phyir chos thams cad la blta ba yon tan rgya mtsho thams cad kyi don du nan tan bya ba las nyam pa med par bya ba'i phyir byang chub sems dpa'i yon tan thams cad la blta ba dang / bskal 
pa thams cad du byang chub sems dpa'i spyod pa la yang dag par gnas par bya ba'i phyir/ byang chub sems dpa' thams cad kyi smon lam chen po la lta ba/ de bzhin gshegs pa'i 'khor gyi dkyil 'khor rgya mtsho thams cad du'ajug par bya ba la lta ba/ ting nge 
'dzin gyi sgo re rer byang chub sems dpa'i ting nge 'dzin grangs med pa thams cad gzung ba la rnam par 'phrul par bya ba'i phyir/ byang chub sems dpa'i ting nge 'dzin gyi sgo thams cad la lta ba/ de bzhin gshegs pa thams cad kyi chos kyi 'khor lo yang dag par 
bzung bas mi ngoms par bya ba'i phyir/ chos kyi ye shes snang ba'i 'khor lo thams cad la lta ba/ de sangs rgyas dang byang chub sems dpa'i yon tan 'di dag dang / gzhan dag kyang dge ba'i bshes gnyen las 'byung ba ste/ dge ba'i bshes gnyen ni de dag 
thams cad kyi 'byung gnas su gyur pa ma yin par yang dag par lta zhing mthar gyis yul khams chen po gang na ba der phyin nas/ spos 'tshong gi tshong dpon longs spyod ud pa la yongs su rmed cing tshol tshol ba las mthong nas/ spos 'tshong gi tshong dpon longs spyod </font><hr>38-1-46b<br><font size=+1>
ud pa la gang na ba der phyin te/ drung du song nas/ spos 'tshong gi tshong dpon longs spyod ud pa la'i rkang paganyis la spyi bos phyag 'tshal te/ spos 'tshong gi tshong dpon longs spyod ud pa la la lan brgya stong du mar g.yas phyogs su bskor ba byas nas/ spos 'tshong gi tshong dpon 
longs spyod ud pa la'i mdun du 'dug te/ thal mo sbyar nas 'di skad ces smras so/ /'phags pa bdag sangs rgyas thams cad dang mnyam pa'i ye shes 'tshal te/ sangs rgyas thams cad kyi sngon gyi smon lam gyi dkyil 'khor yongs su rdzogs par bgyi bar yang dga'/ 
sangs rgyas thams cad kyi chos kyi sku yongs su grub par bgyi bar yang dga'/ sangs rgyas thams cad kyi ye shes kyi sku yongs su 'tshal bar bgyi bar yang dga'/ byang chub sems dpa'i spyod pa'i dkyil 'khor thams cad yongs su dag par bgyi bar yang dga'/ byang chub 
sems dpa'i ting nge 'dzin gyi dkyil 'khor thams cad snang bar bgyid par yang dga'/ byang chub sems dpa'i gzungs kyi dkyil 'khor thams cad yongs su brten par yang dga'/ sgrib pa'i dkyil 'khor thams cad rnam par gtor bar yang dga'/ zhing gi 
dkyil 'khor thams cad du rnam par rgyu bar yang 'tshal nas/ bla na med pa yang dag par rdzogs pa'i byang chub tu yang dag par zhugs na/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba dang / ji ltar nan tan du bgyis na byang chub 
sems dpa' thams cad mkhyen pa nyid du 'byung bar 'gyur bar ma 'tshal to/ /smras pa rigs kyi bu de ltar khyod kyis bla na med pa yang dag par rdzogs pa'i byang chub tu sems bskyed pa legs so legs so/ /rigs kyi bu kho bo ni spos thams cad shes te/ spos sbyar 
ba thams cad dang / bdug spos thams cad dang / bdug spos sbyar ba thams cad dang / byug pa thams cad dang / byug pa sbyar ba thams cad dang / phye ma thams cad dang / phye ma sbyar ba thams cad dang / spos dang / byug pa dang / phye ma'i rnam pa thams cad kyang shes </font><hr>38-1-47a<br><font size=+1>
te/ lha'i spos kyang shes so/ /klu dang gnod sbyin dang dri za dang / lha ma yin dang / nam mkha' lding dang / mi'am ci dang / lto 'phye chen po dang / mi dang mi ma yin pa'i spos kyang shes so/ /nad gso ba'i spos dang / yid mi bde ba bstsal ba'i spos dang / 'jig 
rten gyi dga' ba yongs su bskyed pa'i spos dang / nyon mongs pa 'bar bar bya ba'i spos dang / nyon mongs pa zhi bar ba ba'i spos dang / 'dus byas kyi dga' ba dang / bde ba sna tshogs yongs su bskyed pa'i spos dang / 'dus byas thams cad las skyo ba yongs su bskyed pa'i spos 
dang / bag bya ba'i gnas thams cad sel ba'i spos dang / sangs rgyas yid la bya ba'i rgyud yang dag par 'byung ba'i spos dang / chos kyi tshul khong du chud par bya ba'i spos dang / 'phags pas spyad pa'i spos dang / byang chub sems dpa'i spos rnam pa tha dad pa 
dang / byang chub sems dpa'i sa thams cad rnam par dgod pa'i spos kyang shes te/ /kho bos sposade dag thams cad rnam pa ji lta bu'ang rab tu shes so/ /'byung ba dang / skye ba dang / 'grub pa dang /yongs su rdzogs pa dang / yongs su dag pa dang / yongs su spang ba 
dang / rab tu sbyar ba dang / yongs su spyad pa dang / yul dang mthu dang las dang rgyu yang rab tu shes so/ /rigs kyi bu mi'i 'jig rten na spos glang po'i snying po zhes bya ba/ klu yongs su 'khrug par byed pa yod de/ de'i ri lu til gyi 'bru tsam gyis kyang yul khams chen 
po thams cad spos kyi sprin gyi dra ba shin tu stug pas kun nas khebs par gyur te/ zhag bdun du spos chu'i rgyun shin tu phra ba'i char mngon par 'bab bo/ /de'i tshe sems can su'i lus sam gos la spos chu'i rgyun de dag gis bab par gyur pa de dag thams cad kyang me 
tog gser gyi kha dog du 'dug pas rnam par brgyan pa'i gos dang lus su 'gyur ro/ /khang pa dang gzhal med khang dang / khang pa brtsegs pa gang du bab par gyur pa de dag thams cad kyang me tog gser gyi kha dog lta bur rnam par brgyan par gnas so/ /sems </font><hr>38-1-47b<br><font size=+1>
can khyim gyi nang na gnas pa gang gis spos kyi sprin gyi dra ba de la rlung gis ma dad pa'i dri tshor bar gyur pa de dag thams cad kyang zhag bdun du dga' ba dang / mos pa chen pos yongs su rgyas par 'gyur te/ lus dang sems la bde ba dang dga' ba sna tshogs kyang rab tu myong bar 'gyur ro/ /
de dag gi las la yang khams 'khrug pa la sa gyur pa'am/ gzhan gyis gnod par bya ba las gyurapa'i nad kyang 'byung bar 'gyur ba med do/ /sems kyi sdug bsngal ba dang yid mi bde ba yang mi 'byung ngo / /'jigs pa'am/ sdang ba'am bag tsha ba'am/ yid 'khrug pa
'am/ gnod sems kyang mi rgyu ste/ de dag thams cad zhag bdun du dga' ba dang bde ba skyes te/gcig la gcig byams pa'i sems su 'gyur ro/ rigs kyi bu kho bo ni de dag de ltar dga' ba dang / nyams bde bskyes ba rnams la bsam pa dag par bya ba'i phyir ci 
nas kyang bla na med pa yang dag par rdzogs pa'i byang chub tu nges par 'gyur ba de ltar chos ston to/ /gzhan yang rigs kyi bu ri ma la ya las 'byung ba'i tsan dan sa steng sa dam pa zhes bya ba yod de/ de lus la bskus na me'i 'obs su mchongs kyang tshig pa med do/ 
rigs kyi bu rgya mtsho'i mtha' nas 'byung ba'i spos gzhan gyis thub pa med pa zhes ba yod de/ de rnga'am dung la bskus na de'i sgras gzhan gyi 'khor thams cad pham par 'gyur ro/ /rigs kyi bu mtsho ma dros pa'i ngogs nas 'byung ba'i a ga ru nag po pad mo'i 
snying po zhes bya ba yod de/ de'i ri lu til gyi 'bru tsam gcig gi dris kyang 'dzam bu'i gling thams cad rgyas par gang bar 'gyur te/ sems can gang gis spos kyi dri de tshor ba de dag thams cad kyang sdig pa la smod cing sdom pa'i sems rab tu thob bar 'gyur ro/ /
rigs kyi bu ri'i rgyal po kha ba can las 'byung ba'i spos kyi rnam pa 'od dang ldan pa zhes bya ba yod de/ de'i dri tshor na sems can de dag 'dod chags dang bral ba'i sems su 'gyur te/ kho bo ni de dag la ci nas kyang rdul dang bral ba'i dkyil 'khor ces bya ba'i ting nge </font><hr>38-1-48a<br><font size=+1>
'dzin thob par 'gyur ba de ltar chos ston to/ /rigs kyi bu srin po'i 'jig rten nas 'byung ba'i spos kyi rnam pa rgya mtsho'i snying po zhes bya ba yod do/ /de ni 'khor los sgyur ba'i longs spyod kyi don du 'byung ste/ des bdugs ma thag tu 'khor los sgyur 
ba'i rgyal po'i dpung gi tshogs yan lag bzhi pa yang nam mkha'i dbyings la gnas so/ /rigs kyi bu lha'i 'khor chos bzang po nas 'byung ba'i spos kyi rnam par rnam par 'byed pa zhes bya ba yod de/ des bdugs ma thag tu lha rnams sangs rgyas kyi dri zhim po dran par 'gyur ro/ /
rigs kyi bu lha'i rgyal po rab mtshe ma'i gnas na spos kyi rnam pa dag pa'i mdzod ces bya ba yod de/ des bdug ma thag tu mtshe ma'i lha'i bu thams cad lha'i rgyal po rab mtshe ma'i drung du 'dong ngo / /de dag der phyin nas kyang lha'i rgyal po rab mtshe mas chos kyi gtam bya'o/ /
rigs kyi bu dga' ldan gyi gnas na/ spos kyi rnam pa sin du bar zhes bya ba yod de/ de'i spos kyi dud pa byang chub sems dpa' tshe gcig gis thogs pa chos kyi stan la 'dug pa'i mdun du phyung na/ spos kyi sprin chen pos chos kyi dbyings thams cad rgyas par gang zhing / 
de bzhin gshegs pa'i 'khor gyi dkyil 'khor thams cad du rgyan rnam pa sna tshogs dang ldan pa'i chos kyi sprin chen po'i char rab tu 'bab bo/ /rigs kyi bu lha'i rgyal po rab 'phrul dga'i gnas na/ spos kyi rnam pa yid 'phrog pa zhes bya ba yod de/ des lha'i 
rgyal po rab 'phrul dga'i gnas su bdugs na/ zhag bdun du chos kyi sprin gyi char bsam gyis mi khyab pa 'bab par 'gyur ro/ /rigs kyi bu kho bos ni spos sbyar ba de shes su zad na/ kho bos byang chub sems dpa' skyon gyi dri ma med pa 'dod pa'i 'jig 
rten thams cad nas gyen du 'phags pa/ nyon mongs pa'i bdud kyi zhags pa dang bral ba/ srid pa'i lam gyi rgyud thams cad las shin tu 'das pa/ ye shes sgyu ma'i rnam pa dang / gzugs kyis rnam par spyod pa/'jig rten thams cad kyis gos pa med </font><hr>38-1-48b<br><font size=+1>
pa/ chags pa med pa'i ngang tshul can/ sgrib pa med par ye shes kyi dkyil 'khor rnam par dag pa/ thogs pa med pa'i ye shes kyi spyod yul dang / yul du ldan pa/ kun gyi gzhi'i gnas thams cad la mi gnas par/ srid pa'i kun gzhi dang gnas thams cad du rgyu ba rnams 
kyi spyod pa che shes pa'am/ yon tan brjod pa'am/ tshul khrims kyi spyod pa rnam par dag pa'i sgo yongs su smos pa'am/ kha na ma tho ba med pa'i spyod pa brjod pa'am/ gnod par spyod pa med pa'i lus dang ngag dang yid kyi rgyud bstan par nus re skan/ /song rigs kyi bu lho phyogs 
kyi rgyud 'di nyid na/ grong khyer khang pa brtsegs pa zhes bya ba yod de/ de na mnyan pa dpa' bo zhes bya ba 'dug gis de'i drung du song la ji ltar byang chub sems dpas byang chub sems dpa'i spyod pa la bslab par bya ba dang / ji ltar nan tan du bya ba dris shig /de nas tshong 
dpon gyi bu nor bzangs kyis/ spos 'tshong gi tshong dpon longs spyod ud pa la'i rkang pa gnyis la spyi bos phyag 'tshal nas/ spos 'tshong gi tshong dpon longs spyod uta pa la la lan brgya stong du mar g.yas phyogs su bskor ba byas nas/ yang dang yang bltas te/ 
spos 'tshong gi tshong dpon longs spyod uta pa la'i drung nas song ngo / /de nas tshong dpon gyi bu nor bzangs grong khyer khang pa brtsegs par 'gro ba'i lam du 'jug pa'i tshe/ lam gyi gyen thur dang / lam mnyam pa dang / lam gyi thag thug dang / lam rdul yod pa 
dang / lam rdul med pa dang / lam bde ba dang / lam mi bde ba dang / lam dog pa dang / lam bgegs med pa dang / lam 'khyug pa dang / lam 'khyug pa med pa la rnam par dpyad de bltas nas 'di snyam du bsams so/ /'di ltar bdag dge ba'i bshes gnyen de'i 
drung du 'gro ba 'di ni/ byang chub sems dpa'i lam gyi nan tan gyi rgyur 'gyur ro/ /pha rol tu phyin pa'i lam gyi nan tan gyi rgyur 'gyur ro/ /sems can la phan gdags pa'i lam gyi rgyur 'gyur ro/ /sems can thams cad byams sdang dang / mthon dman du gyur </font><hr>38-1-49a<br><font size=+1>
ba'i g.yang sa las rnam par bzlog pa dang / sems can thams cad mi mnyam pa'i nan tan las bsgyur ba dang / sems can thams cad kyi nyon mongs pa'i rdul rab tu zhi bar bya ba dang / sems can thams cad kyi mi dge ba'i lta ba sna tshogs kyi sdong dum 
dang / tsher ma dang / gyo mo dang gseg ma bstsal ba dang / chos kyi dbyings bsgribs pa med pa la gzhol par bya ba dang / thams cad mkhyen pa'i pho brang du thogs pa med par bskyal ba'i rgyur 'gyur ro/ /de ci'i phyir zhe na/ dge ba'i bshes gnyen ni dge ba'i chos 
thams cad kyi 'byung gnas so/ /dge ba'i bshes gnyen la ni thams cad mkhyen pa nyid kyi rag lus so zhes de de ltar sems shing yid la byed pas spyod pa thub par dka' ba de mthar gyis grong khyer khang pa brtsegs pa der phyin nas mnyan pa dpa' bo yongs su rmed cing tshol tshol 
ba las grong khyer chen po zhig gi sgo rgya mtsho chen po'i ngogs na/ mnyan pa dpa' bo de tshong pa brgya phrag stong tsam dang / srog chags brgya stong du ma gtam sna tshogs mnyan par 'dod pa sha stag gis kun nas bskor cing / rgya mtsho'i gtam yongs su brjod pas/
sangs rgyas kyi yon tan rgya mtsho sems can rnams la ston cing 'dug pa mthong ngo / /mthong nas kyang mnyan pa dpa' bo gang na ba der song ste/ phyin nas mnyan pa dpa' bo'i rkang pa gnyis la spyi bos phyag 'tshal te/ mnyan pa dpa' bo la lan brgya stong du mar g.yas 
phyogs su bskor ba byas nas/ mnyan pa dpa' bo'i mdun du 'dug ste/ thal mo sbyar nas 'di skad ces smras so/ 'phags pa bdag gis bla na med pa yang dag par rdzogs pa'i byang chub tu sems bskyed na/ ji ltar byang chub sems dpas byang chub sems 
dpa'i spyod pa la bslab par bgyi ba dang / ji ltar nan tan du bgyi ba ma 'tshal te/ 'phags pa ni byang chub sems dpa' rnams la gdams ngag dang / rjes su bstan pa mdzad do zhes bdag gis thos na/ 'phags pa ji ltar byang chub sems dpas byang chub </font><hr>38-1-49b<br><font size=+1>
sems dpa'i spyod pa la bslab par bgyi ba dang / ji ltar nan tan du bgyi ba bdag la bka' stsal du gsol/ smras pa rigs kyi bu khyod kyis de ltar bla na med pa yang dag par rdzogs pa'i byang chub tu sems bskyed de/ ye shes chen po 'thob pa 'byung ba'i rgyu 'dri ba dang / 'khor ba'i 
sdug bsngal sna tshogs kyi rgyud 'gyur ba'i rgyu dang / thams cad mkhyen pa nyid kyi gling gi gnas su 'gro ba 'byung ba'i rgyu dang / dbyer med pa'i theg pa chen po 'byung ba'i rgyu dang / nyan thos dang rang sangs rgyas kyi sar ltung bas 'jigs pa dang 'bral bar 'gyur ba'i lam gyi 
nan tan 'byung ba'i rgyu dang / zhi ba'i ting nge 'dzin gyi sgo dang / rgyud sna tshogs khong du chud par bya ba'i ye shes kyi lam 'byung ba'i rgyu dang / byang chub sems dpa'i spyod pa thams cad du 'gro bas rnam par spyod pa'i smon lam gyi shing rta'i 'khor lo thogs pa med pa'i 
lam 'byung ba dang / rnam par dag par 'gyur ba'i rgyu dang / byang chub sems dpa'i spyod pa gzi brjid kyi dba' rlabs kyis rnam par brgyan pa thams cad kyi rang bzhin dang / tshul gyi lam 'byung ba dang / rnam par dag par 'gyur ba'i rgyu dang / chos kyi phyogs dang / 
sgo thams cad kyi phyi ma'i mtha'i lam 'byung ba dang / rnam par dag par 'gyur ba'i rgyu dang / thams cad mkhyen pa'i rgya mtshor 'jug pa'i lam 'byung ba dang / rnam par dag par 'gyur ba'i rgyu 'di 'dri ba legs so legs so/ /rigs kyi bu kho bo ni rgya 
mtsho'i ngogs kyi grong khyer khang pa brtsegs pa 'di na/ byang chub sems dpa'i spyod pa snying rje chen po'i rgyal mtshan yongs su sbyong zhing gnas te/ rigs kyi bu kho bo ni 'dzam bu'i gling gi sems can phongs pa rnams mthong nas/ de dag gi don du dka' ba spyod de/ 
de dag gi bsam pa yongs su rdzogs par bya'o/ /'jig rten gyi zang zing gis yongs su bsdu bar bya'o/ /chos kyi longs spyod kyis de dag yongs su tshim par bya'o/ /de dag la bsod nams kyi tshogs kyi lam man ngag du bstan par bya'o/ /ye shes kyi tshogs </font><hr>38-1-50a<br><font size=+1>
rnam par spel bar bya'o/ /dge ba'i rtsa ba'i stobs yongs su spel bar bya'o/ /byang chub kyi sems bskyed par bya'o/ /byang chub kyi bsam pa rnam par dag par bya'o/ /snying rje chen po'i stobs nye bar brtan par bya'o/ /'khor ba'i sdug bsngal rnam 
par zhi bar bya'o/ /'khor ba'i spyod pas yongs su mi skyo ba'i stobs shin tu brtan par bya'o/ /sems can rgya mtsho bsdu ba la 'di dag sbyar bar bya'o/ /yon tan rgya mtsho'i nan tan gyi sgo la dgod par bya'o/ /'di dag la chos rgya mtsho'i ye shes snang ba nye bar bsgrub par bya'o/ /
sangs rgyas rgya mtsho thams cad kyang 'di dag gis mngon par mthong bar bya'o/ /thams cad mkhyen pa nyid kyi rgya mtsho la yang 'di dag gzud par bya'o zhes de lta bu'i bsam pa dang / yid la bya ba la brtson par kho bos rgya mtsho'i ngogs kyi grong khyer khang pa brtsegs pa 'di na 
gnas so/ /rigs kyi bu kho bo ni de ltar 'gro ba la phan pa dang / bde bar brtson pas rgya mtsho chen po'i rin po che'i gling thams cad kyang shes so/ /rin po che'i 'byung gnas thams cad dang / /rin po che'i rigs thams cad dang / rin po che'i gtos thams cad kyang rab tu 
shes so/ /klu'i gnas thams cad dang / klu'i 'khrug pa thams cad dang / gnod sbyin gyi gnas thams cad dang / gnod sbyin 'khrug pa thams cad dang / srin po'i gnas thams cad dang / srin po'i 'jigs pa thams cad rab tu zhi bar bya ba dang / 'byung po'i gnas 
thams cad dang / 'byung po'i bar chad thams cad rnam par zhi bar bya ba yang rab tu shes te/ glong yod pa thams cad glong thams cad bkol ba dang dba' rlabs chen po yongs su spang ba dang / chu'i kha dog rnam pa tha dad pa'ang rab tu shes so/ /gnyi zla dang gza' 
skar gyi tshogs yongs su 'khor ba dang / nyin zhag dang skad cig dang / yud tsam dang thag cig kyang rab tu shes so/ /phan tshun du 'gro ba'i shol 'dums dang / bde mi bde dang / gru'i 'khrul 'khor brtan par bya ba dang / gru bzur ba dang / gru phul ba dang /</font><hr>38-1-50b<br><font size=+1>
rlung brngo ba dang rlung bskyed pa dang / gru bsgyur zhing bzlog pa dang / gru brtod pa dang / gru btang ba yang rab tu shes so/ /rigs kyi bu de ltar kho bo ni shes pa de lta bu dang ldan pas rtag tu sems can gyi don dang dgos pa byed de/ tshong pa'i tshogs gru brtan pos lam bde zhing nye zhor mi 'gyur la mi 
'jigs pa nas/ chos kyi gtam gyis dga' ba dang / spro ba bskyed cing bsam pa ji lta ba bzhin du rin po che'i gling du phyin par byas nas/ de dag rin po che thams cad kyis tshogs te/ phun sum tshogs par gyur pa dang / phyir yang 'dzam bu'i gling du 'gyed 'gyed kyang 
rigs kyi bu kho bo'i gru ni nam yang bub pa'am/ nye zhor gyur ma myong ste/ sems can gang gis kho bo mthong bar gyur pa dang / sems can gang gis kho bo'i chos bstan pa thos pa de dag kyang 'khor ba'i rgya mtsho thams cad du nye zhor 'gyur ba'i 'jigs pa dang bral bar 
'gyur ro/ /thams cad mkhyen pa nyid kyi rgya mtshor 'jug pa'i ye shes kyang mngon sum du 'gyur ro/ /sred pa'i rgya mtsho bskam pa'i don du'ang rab tu 'jug par 'gyur te/ dus gsum rgya mtsho'i ye shes snang ba'ang rab tu thob bo/ /sems can thams cad kyi sdug bsngal 
rgya mtsho zad par bya ba'i phyir yang mngon par mos par 'gyur ro/ /sems can thams cad kyi sems rgya mtsho'i rnyog pa dang bar bya ba'i phyir yang rab tu brtson par 'gyur ro/ /zhing rgya mtsho thams cad rnam par dag par bya ba'i phyir yang brtson 'grus rtsom par 'gyur ro/ /phyogs 
rgya mtsho thams cad rgyas par gang ba las kyang phyir mi ldog par 'gyur ro/ /'gro ba thams cad kyi dbang po rgya mtsho tha dad pa'ang khong du chud par 'gyur ro/ /sems can thams cad kyi spyod pa rgya mtsho'i rjes su'ang 'brang bar 'gyur ro/ /'gro ba'i bsam pa rgya mtsho 
ji lta ba bzhin du yang gzugs brnyan 'byung bar 'gyur ro/ /rigs kyi bu kho bo ni byang chub sems dpa'i rnam par thar ba mthong ba dang / thos pa dang 'grogs pa dang / rjes su dran pa'i chu klung gi dbyangs shes bya ba thob par zad na kho bos byang chub sems </font><hr>38-1-51a<br><font size=+1>
dpa' 'khor ba'i rgya mtsho thams cad du rnam par spyod pa nyon mongs pa'i rgya mtsho thams cad kyis gos pa med pa/ lta ba'i rnam pa'i rgya mtsho thams cad kyi chags pa'i chu srin gyi 'jigs pa dang bral ba/ chos rgya mtsho thams cad kyi rang bzhin dang / 
gzhi las rnam par rgyu ba/ 'gro ba rgya mtsho thams cad bsdu ba'i dngos pos yongs su sdud pa'i rgya mtsho dang ldan pa/ thams cad mkhyen pa nyid kyi rgya mtsho dang 'grogs pa/ sems can gyi mngon par chags pa'i rgya mtsho thams cad rab tu bsrub pa/ dus rgya mtsho thams 
cad dang / tha mi dad par rnam par spyod pa/ 'gro ba rgya mtsho thams cad yongs su smin par bya ba'i dmigs pa shes pa/ 'gro ba rgya mtsho thams cad kyi 'dul ba'i dbres las mi 'da' bar de dag gi spyod pa shes pa'am/ yon tan brjod par nus re skan/ /song rigs kyi bu 
lho phyogs kyi rgyud 'di nyid na grong khyer dga' ba'i phreng ba zhes bya ba yod de/ de na tshong dpon rgyal ba dam pa zhes bya ba 'dug gis/ de'i gan du song la ji ltar byang chub sems dpas byang chub sems dpa'i spyod pa la bslab par bya ba dang / ji ltar nan tan du bya ba dris shig /de nas 
tshong dpon gyi bu nor bzangs kyis mnyan pa dpa' bo'i rkang pa gnyis la spyi bos phyag 'tshal nas/ mnyan pa dpa' bo la lan brgya stong du mar g.yas phyogs su bskor ba byas te/ yang dang yang bltas nas gdong mchi mas bkang ste/ ngu zhing / dge ba'i bshes gnyen 
blta bas ma ngoms bzhin du mnyan pa dpa' bo'i drung nas song ngo // //sangs rgyas rmad gcad ces bya ba shin tu rgyas pa chen po'i mdo/ /bam po bzhi ba/ de nas tshong dpon gyi bu nor bzangs byams pa chen pos sems can gyi khams tshad 
med par rgyas ba'i sems dang ldan pa/ snying rje chen po'i rlan gyis mngon par brlan pa'i rgyud can/ bsod nams dang ye shes kyi tshogs rgya chen po'i rgyan shin tu bstsags pa nyon mongs pa'i rdul dang mun pa dang dri ma dang 'dam thams cad dang bral ba/ chos mnyam pa nyid khong du chud </font><hr>38-1-51b<br><font size=+1>
pas/ thams cad mkhyen pa nyid kyi lam gyen thur med pa la zhugs pa/ dge ba'i chos tshad med pa la 'jug pa'i sgor zhugs pa/ mi dge ba thams cad kyis mi shigs pa'i brtson 'grus brtan pa'i mthu sngon du 'dor ba dang ldan pa/ byang chub sems dpa'i ting nge 'dzin bsam gyis 
mi khyab pa rab tu byang ba/ rgya chen po'i bde ba rab tu thob pa/ shes rab kyi nyi ma'i 'od zer snang bas/ ma rig pa'i mun pa ma lus pa bsal ba/ thabs kyi ser bu bde zhing bsil bas blags pa'i ye shes kyi me tog gis rgyas pa/ smon lam chen po'i rgya mtshor 'byung ba'i ye 
shes kyi tshul dang mthun pa/ chos kyi dbyings thams cad du thogs pa med par rgyas par 'gengs pa'i ye shes dang ldan pa/ thams cad mkhyen pa nyid kyi pho brang du thogs pa med par 'gro ba la mngon du gyur pa/ byang chub sems dpa'i lam la mngon par mos pa de/ grong 
khyer dga' ba'i phreng ba gang na ba der phyin te/ tshong dpon rgyal ba dam pa yongs su rmed cing tshol tshol ba las/ grong khyer dga' ba'i phreng ba'i shar phyogs logs kyi 'dab cig na/ shing a sho ka'i nags tshal rgyal mtshan sna tshogs zhes bya ba 'dug pa de'i 
nang na khyim bdag stong phrag du ma zhig gis bskor te/ grong khyer gyi bya ba sna tshogs yongs su 'gro zhing de las brten te/ bdag tu bya ba thams cad yang dag par gzhom pa dang / yongs su 'dzin pa thams cad yongs su gtang ba dang / dngos por 'dzin pa thams cad rab 
tu spang ba dang / mngon par zhen pa thams cad shin tu gzhig pa dang / sred pa'i 'ching ba thams cad gcad par bya ba dang / lta ba'i rnam pa thams cad kyi sgo glegs gcag pa dang / the tsom dang yid gnyis dang / nem nur gyi rab rib thams cad rnam par bsal ba dang / 
g.yo sgyu'i rnyog pa shin tu gdang ba dang / phrag dog dang ser sna'i dri ma yongs su sbyang ba dang / sems kyi mtsho shin tu gsal bar bya ba dang / sems rnyog pa med pa la sems can rab tu dgod pa dang / dad pa rnyog pa med pa'i stobs bskyed de/ sangs rgyas blta </font><hr>38-1-52a<br><font size=+1>
bar mos pa bskyed pa dang / byang chub sems dpa'i stobs bsngags shing / sangs rgyas kyi chos yang dag par blang ba dang / byang chub sems dpa'i spyod pa smos te/ byang chub sems dpa'i ting nge 'dzin gyi stobs yongs su bskyed pa dang / byang chub 
sems dpa'i shes rab kyi stobs yang dag par ston cing / byang chub sems dpa'i dran pa'i stobs rnam par dag pa'i mthar phyin par bya ba'i phyir/ chos kyi gtam byed cing 'di lta ste/ byang chub tu sems bskyed pa la mngon par mos par bya ba'i phyir chos ston cing 'dug 
pa mthong ngo / /de nas tshong dpon gyi bu nor bzangs kyis gtam de'i rjes chad chad du bsdad nas tshong dpon rgyal ba dam pa'i rkang pa gnyis la spyi bos phyag 'tshal te/ ring mo zhig tu btud nas chos la shin tu gus pa'i bsam pas tshig 'di skad du brjod do/ /'phags pa bdag ni 
nor bzangs nor bzangs shes bgyi ba ste/ byang chub sems dpa'i spyod pa yongs su tshol na ci nas kyang bdag byang chub sems dpa'i spyod pa la slob par 'gyur ba dang / bslabs nas kyang ci nas sems can thams cad yongs su smin par bgyi ba dang / gdul ba'i don la mngon du mos par 'gyur ba dang / sangs rgyas thams cad 
kyi zhal blta ba las mi 'phang ba dang / sangs rgyas thams cad kyi chos thos par 'gyur ba dang / sangs rgyas thams cad kyi chos kyi sprin gyi char yongs su gzung ba dang / sangs rgyas thams cad kyi chos kyi tshul la nan tan du bgyi ba dang / 'jig rten gyi khams thams 
cad du byang chub sems dpa'i spyod pa spyad pa dang / bskal pa thams cad du gnas kyang byang chub sems dpa'i spyod pas yongs su mi skyo ba dang / de bzhin gshegs pa thams cad kyi rnam par 'phrul pa yongs su btsal bar 'gyur ba dang / sangs rgyas thams 
cad kyi byin gyi rlabs yang dag par mnod pa dang / de bzhin gshegs pa thams cad kyi stobs rnams la snang ba thob par 'gyur ba de ltar 'phags pas bdag la bshad du gsol/ /de nas tshong dpon rgyal ba dam pas/ tshong dpon gyi bu nor bzangs la </font><hr>38-1-52b<br><font size=+1>
'di skad ces smras so/ /rigs kyi bu de ltar khyod kyis bla na med pa yang dag par rdzogs pa'i byang chub tu sems bskyed pa legs so legs so/ /rigs kyi bu kho bo ni 'di lta ste/ dngos po med pa la gnas pas mngon par 'du bya ba med pa'i rdzu 'phrul thob pa'i mthus/
byang chub sems dpa'i spyod pa'i sgo thams cad du 'gro ba yongs su sbyong ste/ de ltar kho bo byang chub sems dpa'i spyod pa yongs su dag pa'i sgo thams cad du 'gro ba 'di la gnas shing / stong gsum gyi stong chen po'i 'jig rten gyi khams thams cad kyi sum cu rtsa gsum gyi 
lha'i 'jig rten thams cad dang / mtshe ma'i lha'i gnas thams cad dang / dga' ldan gyi lha'i 'jig rten thams cad dang / 'phrul dga'i lha'i 'jig rten thams cad dang / gzhan 'phrul dbang byed kyi lha'i 'jig rten thams cad dang / bdud kyi gnas thams cad 
dang / 'dod pa'i khams kyi lha'i ris su gtogs pa thams cad dang / lha'i gnas thams cad dang / klu'i 'jig rten thams cad dang / klu'i gnas thams cad dang / gnod sbyin gyi 'jig rten thams cad dang / gnod sbyin gyi gnas thams cad dang / srin 
po'i 'jig rten thams cad dang / srin po'i gnas thams cad dang / grul bum gyi 'jig rten thams cad dang / grul bum gyi gnas thams cad dang / yi dgas kyi 'jig rten thams cad dang / yi dgas kyi gnas thams cad dang / dri za'i 'jig rten 
thams cad dang / dri za'i gnas thams cad dang / lha ma yin gyi 'jig rten thams cad dang / lha ma yin gyi gnas thams cad dang / nam mkha' lding gi 'jig rten thams cad dang / nam mkha' lding gi gnas thams cad dang / mi'am ci'i 'jig rten thams 
cad dang / mi'am ci'i gnas thams cad dang / lto 'phye chen po'i 'jig rten thams cad dang / lto 'phye chen po'i gnas thams cad dang / mi'i 'jig rten thams cad dang / mi'i gnas thams cad dang / grong dang grong khyer dang / grong rdal dang / ljongs dang /</font><hr>38-1-53a<br><font size=+1>
khams dang / rgyal po'i pho brang 'khor dang 'dod pa'i khams su gtogs pa'i sems can gyi rgyud thams cad du chos ni ston to/ /chos ma yin pa ni bzlog go /rtsod pa ni zhi bar byed do/ /'thab pa ni rnam par bzlog go /'khrug pa ni nye bar zhi bar byed do/ /
g.yul du lhags pa ni rnam par bzlog go /shags 'gyed pa ni zhi bar byed do/ /mdud par 'dzin pa ni rab tu sel to/ bcings pa thams cad ni yongs su gcod do/ /btson ra thams cad ni mngon par 'dral lo/ /'jigs pa ni rnam par bzlog go /mi dge ba'i las kyi 'du 
byed ni rgyun gcod do/ /srog gcod pa las ni sems can rnams rnam par zlog go /ma byin par len pa dang 'dod pas log par g.yem pa dang / brdzun du smra ba dang phra ma dang zhe gcod pa dang / tshig kyal pa dang chags sems dang / gnod sems dang log par lta ba las ni sems 
can rnam par zlog go /mi bya ba thams cad ni byed du mi 'dzud do/ /dge ba'i chos bya ba thams cad ni byed du 'dzud do/ /sems can thams cad ni bzo thams cad la slob tu 'dzud de/ 'jig rten rnams rab tu dga' bar bya ba dang / sems can yongs su smin par 
bya ba dang / zhags pa 'thub pa thams cad la gong ma'i ye shes khyad par du 'phags pa brjod pa'i phyir rjes su 'brang bar bya ba dang / lta ba'i rnam pa thams cad rnam par bzlog pa dang / sangs rgyas kyi chos thams cad brjod cing bstan pa'i phyir 'jig rten la phan par 
'gyur ba'i gtsug lag thams cad kyang ston to/ /rnam par 'god do/ /rab tu gsal bar byed do/ /brjod do/ /de bzhin du tshangs pa'i 'jig rten gyi bar du gzugs kyi khams kyi lha thams cad zil gyis mnan te chos ston to/ stong gsum gyi stong chen po'i 'jig 
rten gyi khams 'dir ji lta ba de bzhin du phyogs bcur yang 'jig rten gyi khams sangs rgyas kyi zhing bye ba khrag khrig brgya stong brjod du med pa'i yang brjod du med pa'i rdul shin tu phra ba snyed dag tu chos ston te/ sangs rgyas kyi chos kyang ston to/ /byang chub sems dpa'i </font><hr>38-1-53b<br><font size=+1>
chos dang nyan thos kyi chos dang rang sangs rgyas kyi chos kyang ston to/ sems can dmyal ba yang ston to/ sems can dmyal bar 'gro ba'i lam dang / sems can dmyal ba pa'i sems can gyi mi bde ba'ang ston to/ /byol song gi skye gnas kyang ston to/ /byol song gi skye gnas kyi 
lam gyi rgyud tha dad pa dang / byol song gi skye gnas kyi lam du 'gro ba'i lam dang / byol song gi skye gnas su skyes pa'i sdug bsngal yang ston to/ /gshin rje'i 'jig rten yang ston to/ /gshin rje'i 'jig rten du 'gro ba'i lam dang / gshin rje'i 'jig rten gyi 
sdug bsngal yang ston to/ /mtho ris kyi 'jig rten yang ston to/ /mtho ris kyi 'jig rten du 'gro ba'i lam dang / mtho ris kyi 'jig rten gyi dga' ba spyod pa dang / longs spyod kyang ston to/ /mi'i 'jig rten yang ston to/ /myi'i 'jig rten gyi lam gyi rgyud du 'gro ba'i lam dang 
mi'i 'jig rten gyi bde ba dang / sdug bsngal nyams su myong ba sna tshogs kyang ston te/ de ltar rigs kyi bu kho bo ni 'jig rten gyi chos kyang ston to/ /'jig rten kun 'byung ba dang / 'jig rten nub par 'gyur ba dang / 'jig rten gyi kha na ma tho ba dang / 'jig rten nas 
'byung pa yang ston to/ /de yang 'di ltar byang chub sems dpa'i lam yang dag par bstan pa dang / 'khor ba'i skyon rnam par bzlog pa dang / thams cad mkhyen pa nyid kyi yon tan yang dag par brjod pa dang / srid pa'i lam gyi rgyud du mgo 'khor ba dang sdug bsngal 
du gyur pa yang dag par ston pa dang / sgrib pa med pa'i chos nyid brjod pa dang / 'jig rten rgyu'i bya ba yongs su bstan pa dang / 'jig rten 'byung ba dang / ldog pa'i bde ba dang / sdug bsngal thams cad smos pa dang / 'gro ba thams cad kyi gnas kyi ming du 
bya ba rnam par bsgom pa dang / de bzhin gshegs pa'i chos gnas pa med pa mngon par bstan pa dang / las dang nyon mongs pa'i 'khor lo thams cad rnam par bzlog pa dang / de bzhin gshegs pa'i chos kyi 'khor lo 'khor ba shin tu brjod pa'i phyir chos </font><hr>38-1-54a<br><font size=+1>
ston to/ /rigs kyi bu kho bo ni byang chub sems dpa'i spyod pa rnam par dag pa'i sgo thams cad du 'gro ba dngos po med pa la gnas pas mngon par 'du bya ba med pa'i rdzu 'phrul gyi mthus brgyan pa 'di shes par zad na kho bos byang chub sems dpa' thams 
cad mngon par shes pa zhing gi dbyings thams cad du sgyu ma lta bu'i ye shes kyi lus kyis rgyas par 'gengs pa kun tu lta ba'i ye shes kyis rab tu thob pa tshig gi lam dang / sgra thams cad rnam par dmyigs pa la shin tu gzhol ba'i rna ba dang ldan pa/ dus gsum rgyas par 'gengs 
pa'i chos kyi sgo snang ba la dbang rab tu thob pa/ chos thams cad la yang dag par gzhol ba'i ye shes la dbang gis dbang sgyur ba'i skyes bu dpa' bo sems can tshad med bsam gyis mi khyab pa'i bsam pa ji lta ba bzhin du rnam par dmyigs par bya ba lam 'dres pa'i 
dbyangs kyi dkyil 'khor dang ldan pa'i lce yangs shing srab la yid du 'ong ba dang ldan pa/ bsam pa tha dad pa'i sems can rgya mtsho'i yid du 'ong ba'i kha dog dang / dbyibs su ldan pa'i byang chub sems dpa' thams cad dang mnyam pa'i lus sgyu ma lta bu dang ldan pa/ de 
bzhin gshegs pa thams cad dang mi gnyis pa'i spyod lam gyis/ bsam gyis mi khyab pa'i lus la gzhol ba/ dus gsum thams cad du rjes su 'brang ba'i ye shes kyi lus dang ldan pa nam mkha'i dbyings ltar tshad med pa'i spyod yul dpag tu med pa'i yul dang ldan pa 
de dag gi spyod pa shes pa'am/ yon tan brjod par nus re skan/ /song rigs kyi bu lho phyogs kyi rgyud 'di nyid kyi yul shu ma phyi ma'i mtha' na/ grong khyer ka ling ga'i nags tshal zhes bya ba yod te/ de na dge slong ma seng ge rnam par bsgyings ba zhes bya ba 'dug 
gis/ de'i gan du song la ji ltar byang chub sems dpas byang chub sems dpa'i spyod pa la bslab par bya ba dang / ji ltar nan tan du bya ba dris shig /de nas tshong dpon gyi bu nor bzangs kyis tshong dpon rgyal ba dam pa'i rkang pa gnyis la spyi bos phyag </font><hr>38-1-54b<br><font size=+1>
'tshal te/ tshong dpon rgyal ba dam pa la lan brgya stong du mar g.yas phyogs su bskor ba byas nas/ yang dang yang bltas te/ tshong dpon rgyal ba dam pa'i drung nas song ngo / /de nas tshong dpon gyi bu nor bzangs mthar gyi yul shu ma phyi ma'i mtha'i grong khyer ka ling ga'i nags tshal gang 
na ba der song ste phyin nas/ dge slong ma seng ge rnam par bsgyings pa yongs su tshol zhing sems can kun la rmed pa'i tshe/ gang nas gang du song ba de dang der rogs pa brgya phrag du ma dang / bu mo brgya phrag du ma zhig srang dang lam gyi bzhi mdo dang / lam gyi sum mdo dag na tshogs te/ 
rjes su 'brang ngo / /skyes pa brgya phrag du ma dang / bud med brgya phrag du ma zhig gis kyang rigs kyi bu 'di re dge slong ma seng ge rnam par bsgyings pa ni/ grong khyer ka ling ga'i nags tshal 'di nyid kyi bza' shing gi ra ba chen po rgyal ba'i 'od kyis byin pa nyi ma'i mdog na sems 
can tshad med pa'i don du chos ston cing 'dug go zhes bstan to/ /de nas tshong dpon gyi bu nor bzangs bza' shing gi ra ba nyi ma'i mdog der phyin nas kun tu btsal te/ bltas na bza' shing gi ra ba de na/ shing zla ba shar ba zhes bya ba khang pa brtsegs pa'i dbyibs ltar 'dug 
pa/ 'od sna tshogs kyi kha dog can 'od kyi mdog dang ldan pa/ 'khor kun tu dpag tshad kyi khyon tsam du 'od kyis rgyas par 'gengs pa mang po dang / lo ma'i shing yongs su 'gengs pa zhes bya ba gdugs kyi rnam pa dang dbyibs su 'dug pa'i 'dab mas kun nas 
khebs pa/ baiDUr+ya sngon po'i kha dog ltar 'dug pa'i sprin gyi mdog dang ldan pa mang po dang me tog gi shing me tog gi mdzod ces bya ba/ ri'i rgyal po kha ba can ltar mdangs dga' ba'i dbyibs sna tshogs dang ldan pa kha dog sna tshogs kyi me tog mi zad pa'i char rab tu 'bebs pa/ sum 
cu rtsa gsum gyi lha'i pho brang gi rgyan gyi kun nas 'du ba dang / sus kyang mi shigs pa lta bu mang po dang / shing tog gi shing rtag tu smin pa'i ro dpe med pa'i 'bras bu'i tshogs shes bya ba gser gyi ri bo'i lhun ltar 'dug pa/ rtag tu shing tog phun sum tshogs </font><hr>38-1-55a<br><font size=+1>
par gnas pa mang po dang / rin po che'i rgyal po'i shing rnam par snang ba'i mdzod ces bya ba rin po che'i rgyal po dpe med pa'i dbyibs ltar 'dug pa/ lha rdzas kyi rin po che'i phreng ba dang / se mo do dang / rgyan rin po che yid bzhin gyi rgyal po'i mdzod nas byung ba 
ltar phun sum tshogs pa dang ldan pa/ rin po che'i kha dog grangs med pa'i 'byung gnas su gyur pa mang po dang / gos kyi shing dga' bar byed pa zhes bya ba lha rdzas kyi gos rin po che'i kha dog sna tshogs kyi tshogs rab tu 'gyed cing 'phyang bas shin tu brgyan pa mang po dang / rol 
mo'i shing dga' bskyed pa zhes bya ba lha rdzas las kyang lhag pa'i rol mo yid du 'ong ba'i sgra snyan pa 'byin pa mang po dang / spos kyi shing kun tu zhim pas brgyan pa zhes bya ba phyogs thams cad du thogs pa med par rnam pa thams cad du yid du 'ong ba'i spos kyi ngad 'byung ba mang 
po dag kyang yod par mthong / mtshe'u dang lu ma dang / lteng ka dang / rdzing bu rin po che bdun gyi pha gus mtha' brtsigs pa/ phyogs bzhi nas rin po che'i them skas btsugs pa/ rin po che sna tshogs kyi khri 'phang dus dang 'thun pa'i tsan dan gyi dri zhim pos bskus pas 
kun nas bskor ba/ gzhi rin po che'i rgyal po baiDUr+ya sngon po las legs par blangs pa/ 'dzam bu chu klung gi gser gyi bye ma bdal ba yan lag brgyad dang ldan pa'i chu lha rdzas kyi dri yid du 'ong ba can gyis yongs su gang ba/ rin po che'i pad mo dang / ut+pa la dang / 
ku mu ta dang / me tog pun da ri ka kha dog sna tshogs lha rdzas kyi bsung dang ldan pas/ chu kun nas yog pa/ bya bran sna tshogs kyi khyu lha rdzas las kyang 'das pa'i gzugs yid du 'ong ba dang ldan pa/ sgra snyan pa 'byin cing brjod pas gang ba/ lha rdzas kyi 
rin po che sna tshogs kyi shing gi phreng ba legs par bkye bas yongs su bskor cing brgyan pa dang ldan pa shing sna tshogs de dag gi drung thams cad du'ang rin po che'i seng ge'i khri sna tshogs yid du 'ong ba'i gzugs dang ldan pa/ rin po che sna tshogs kyi rgyan bsam gyis mi khyab </font><hr>38-1-55b<br><font size=+1>
pa du mas brgyan pa/ lha rdzas kyi stan rin po che sna tshogs 'bel bar bting ba/ lha rdzas kyi spos dang / bdug spos kyi rnam pa thams cad kyis bdugs pa/ lha rdzas las kyang 'das pa'i dar rin pa che mngon par spyangs ba/ rin po che sna tshogs kyi bla re bkye ba/ rin po che sna tshogs 
dang 'dzam bu chu klung gi gser gyi dra ba sna tshogs kun nas bres pa/ rin po che'i dril gyi dra ba yid du 'ong zhing snyan pa'i sgra 'byin pa/ mang pos brgyan pa/ 'khor du lha rdzas kyi rin po che'i stan brgya phrag du ma bting zhing bshams pa mthong ngo / /rin po che'i shing drung la lar ni seng 
ge'i khri rin po che'i pad+mo'i snying po can bshams pa mthong ngo / /la lar ni seng ge'i khri nor bu rin po che'i spos kyi rgyal po'i pad mo'i snying po byas pa bshams pa mthong ngo / /la lar ni seng ge'i khri rin po che'i rgyal po klu'i rgyan gyi pad mos snying po byas pa bshams pa mthong 
ngo / /la lar ni seng ge'i khri nor bu rin po che'i rgyal po seng ge'i bya la'i pad mos snying po byas pa bshams pa mthong ngo / /la lar ni seng ge'i khri rin po che'i rgyal po rnam par snang ba'i pad mos snying po byas pa bshams pa mthong ngo / /la lar ni seng ge'i khri rin po che'i 
rgyal po phyogs rnam par snang ba'i pad mos snying po byas pa bshams pa mthong ngo / /la lar ni seng ge'i khri rin po che'i rgyal po dbang po'i rdo rje'i pad mos snying po byas pa bshams pa mthong ngo / /la lar ni seng ge'i khri rin po che'i rgyal po 'gro ba'i yid du 'ong ba'i pad+mos 
snying po byas pa bshams pa mthong ngo / /rin po che'i shing drung la lar ni seng ge'i khri rin po che'i rgyal po mdog dkar po'i pad mos snying po byas pa bshams pa mthong ngo / /bza' shing gi ra ba de'i gzhi thams cad kyang rin po che sna tshogs kyis yongs su gang zhing rgya mtsho chen po ltar 
rin po che'i gling gis yongs su gang ba mthong ngo / /baiDUr+ya sngon po'i dam pas spras te/ rin po che thams cad kyis brgyan pa'i sa phyogs ka tsa lin da ltar reg na bde zhing 'jam pa/ gom pa bor zhing bteg pa'i tshe mtho dman med pa/ rdo rje rin po che mchog gi </font><hr>38-1-56a<br><font size=+1>
pad+mo'i dri yid du 'ong bar zhim zhing reg na bde ba'i sil ma kun tu bkram pa/ nga ngur dang / rma bya dang / khrung khrung dang / ku na la dang / ka la ping ka dang / ko ki la dang / dzi ban dzi ba ka sgra snyan cing yid du 'ong ba'i nga ro 'byin pa mang pos gang ba/ lha rdzas kyi rin po 
che'i tsan dan gyi shing mang po'i nags tshal shin tu legs par 'grigs pas brgyan pa/ rin po che sna tshogs kyi pad+mo'i sprin gyi char dang / rin po che'i me tog sna tshogs mi zad pa'i char rgyun tu 'bab pa/ 'dres pa'i nags tshal las kyang khyad par du 'phags pa/ rin po che sna 
tshogs kyi khang bu brtsegs ma brgyan par bkod pa'i nang nas/ spos kyi rgyal po'i bdug spos rin thang med pa rtag tu 'thul zhing zhim pa lha'i mdun sa chos bzang po'i rgyan las kyang lhag par brgyan pa/ lha rdzas las kyang 'das pa'i rin po che'i dra ba sna tshogs kyis 
kun nas bres pa/ mu tig rin po che'i me tog gi phreng ba dang / lda ldi kun nas bres pas rab tu brgyan pa/ rin po che'i dril bu rnam pa sna tshogs su rnam par bkye ba'i gser gyi dra ba 'bar bas/ kun nas dkrigs pa/ rol mo'i shing dang / rin po che'i ta la 
las dril bu'i dra ba rlung gis legs par bskyod pas yid du 'ong ba'i sgra snyan pa'i dbyangs 'byung ba dang ldan pa/ dbang bsgyur gyi lha'i rgyal po'i lha mo dpe tshul shin tu bzang ba rnams kyis glu snyan pa'i sgra rab tu yid du 'ong ba len ma/ lha rdzas kyi yid bzhin gyi 
gos kha dog sna tshogs kyi sprin gyi char rab tu 'bab pas rnam par mdzes pa/ rgya mtsho chen po ltar kha dog dang / mdog sna tshogs su ldan pas blta na gtang myi bra ba/ khang pa brtsegs pa rin po che'i rgyan dang ldan pa brgya stong grangs myed pas rab tu brgyan pa/
sum cu rtsa gsum gyi lha'i pho brang ltar blta na bzang ba/ rin po che sna tshogs rnam par phye bas rnam pa thams cad du brgyan pa'i gdugs shin tu legs pa/ rnam par bsgreng zhing bkram pas kun nas blta na mdzes pa/ dbang po chen po'i 'jig rten ltar </font><hr>38-1-56b<br><font size=+1>
shin tu mdzes pa'i de'u sna tshogs kyis brgyan pa/ yid du 'ong ba'i 'od snang ba chen po rtag par 'byung ba/ tshangs pa chen po'i gzhal myed khang ltar nor bu rin po che'i rgyal po 'gro ba yid du 'ong ba'i 'od kyis 'bar ba ste/ bza' shing gi ra ba chen po nyi ma'i mdog ces bya ba 
de/ dge slong ma seng ge rnam par bsgyings pa'i rdzu 'phrul gyi mthu stobs dang / byin gyi rlabs che zhing bsam gyis mi khyab pas/ 'jig rten gyi khams grangs med pa'i gnas su gyur pa'i nam mkha'i dbyings ltar yangs shing tshad med de/ rgya chen po dang ldan pa mthong 
ngo / /de nas tshong dpon gyi bu nor bzangs kyis de ltar yon tan tshad myed/ bsam gyis mi khyab pa tshogs pa'i bza' shing gi ra ba'i rgyan byang chub sems dpa'i las kyi rnam par smin pas yongs su grub pa/ 'jig rten las 'das pa'i dge ba'i rtsa ba rgya chen po 
las skyes pa/ sangs rgyas la mchod cing rim gror byas pa'i rgyu 'thun pa bsam gyis myi khyab pa las byung ba/ 'jig rten gyi khams thams cad na yod pa'i dge ba'i rtsa ba ma lus pas myi 'phrogs pa/ chos kyi rang bzhin sgyu ma'i rnam pa lta bus grub pa/ dge ba'i 
bsod nams dri ma myed pa rgya chen pos grub cing byung ba/ dge slong ma seng ge rnam par bsgyings pa'i sngon gyi spyod pa bzang po legs par byas pa dang / rgyu 'thun pa'i stobs dang / shugs kyis byung ba nyan thos dang / rang sangs rgyas thams cad dang / thun mong ma yin 
pa/ mu stegs can dang / phas kyi rgol ba thams cad kyis mi 'phrogs pa/ bdud kyi lam yongs su rgyu ba thams cad kyis myi tshugs pa/ byis pa so so'i skye bo thams cad kyis bltar med pa mthong ste/ shing sna tshogs de dag gi drung gi seng ge'i khri chen po de dag la
'ang dge slong ma seng ge rnam par bsgyings pa/ lus shin tu mdzes pa/ spyod lam zhi ba/ yid zhi ba/ shin tu dben pa/ dbang po thul ba/ glang po ltar shin tu dul ba/ mtsho ltar dang zhing gsal la rnyog pa med pa'i sems dang ldan pa/ rin po che'i rgyal po </font><hr>38-1-57a<br><font size=+1>
yid bzhin gyi nor bu ltar 'dod pa thams cad sgrub pa/ pad mo la chus mi chags pa ltar 'jig rten gyi chos kyis ma gos pa/ seng ge ltar 'jigs pa dang / skyi g.ya' ba myed pa/ mi 'jigs pa rnam par dag pas/ ri'i dbang po chen po ltar myi sgul 
ba/ tshul khrims rnam par dag pas yid du 'ong ba'i spos kyi rgyal po ltar 'gro ba'i sems tshim par byed pa/ kha ba'i tsan dan ltar nyon mongs pa'i gdung ba rab tu zhi bar byed pa/ sman gyi rgyal po blta na bzang ba ltar 'gro ba thams cad kyi sdug bsngal rnam par zhi bar byed pa/
chu'i lha'i zhags pa ltar blta na don yod pa/ de bzhin gshegs pa'i 'od ltar lus dang sems kyi bag yangs bde ba bskyed pa/ tshangs pa chen po ltar 'dod chags dang / zhe sdang dang / gti mug gi kun nas ldang ba dang bral ba/ rin po che'i rgyal po nor bu chu 
'dang ltar nyon mongs pas rnyog pa can du gyur pa'i sems can gyi sems rab tu dang bar byed pa/ zhing gshin pa ltar dge ba'i rtsa ba rnam par 'phel bar byed pa 'dug par mthong ngo / /'khor gyi stan de dag la'ang 'khor sna tshogs 'khod par mthong ste/ 'khor 
gyi stan la la la ni lha'i bu dbang po chen po la stsogs pa/ gtsang ma'i gnas kyi rigs su gtogs pa'i lha'i bu rnams 'khod cing dge slong ma seng ge rnam par bsgyings pas/ chos kyi sgo rnam par thar pa myi zad pa yang dag par 'byed pa zhes bya ba yang dag par 
bstan pa mthong ngo / /'khor gyi stan la la ni tshangs pa yid du 'ong ba la stsogs pa/ tshangs pa'i ris su gtogs pa'i lha'i bu rnams 'khod cing dge slong ma seng ge rnam par bsgyings pas/ dbyangs kyi dkyil 'khor rnam par dag pa/ gzhi kun 
nas 'byed pa zhes bya ba yang dag par bstan pa mthong ngo / /'khor gyi stan la la ni lha'i rgyal po dbang sgyur la stsogs pa gzhan 'phrul dbang byed kyi lha'i bu dang lha'i bu mo'i 'khor dang bcas pa dag 'khod cing / dge slong ma seng ge rnam par bsgyings pas/ chos </font><hr>38-1-57b<br><font size=+1>
kyi sgo byang chub sems dpa'i bsam pa rnam par dag pa'i dbang gis rnam par brgyan pa zhes bya ba yang dag par bstan pa mthong ngo / /'khor gyi stan la la la ni lha'i rgyal po rab 'phrul dga' la stsogs pa 'phrul dga'i lha'i bu lha'i bu mo'i 'khor dang bcas pa rnams 'khod cing / 
dge slong ma seng ge rnam par bsgyings pas/ chos kyi sgo thams cad dge bas rnam par brgyan pa zhes bya ba yang dag par bstan pa mthong ngo / /'khor gyi stan la la la ni lha'i rgyal po rab dga' ldan la stsogs pa/ dga' ldan gyi ris su gtogs pa'i lha'i bu lha'i bu mo'i 'khor 
dang bcas pa rnams 'khod cing / dge slong ma seng ge rnam par bsgyings pas chos kyi sgo rang gi sems kyi mdzod kyi glong zhes bya ba yang dag par bstan pa mthong ngo / /'khor gyi stan la la la ni lha'i rgyal po rab mtshe ma la stsogs pa lha'i bu lha'i bu mo'i 'khor dang bcas pa rnams 
'khod cing / dge slong ma seng ge rnam par bsgyings pas/ chos kyi sgo rgyan mtha' yas pa zhes bya ba yang dag par bstan pa mthong ngo / /'khor gyi stan la la la ni lha'i rgyal po brgya byin la stsogs pa sum cu rtsa gsum gyi ris su gtogs pa'i lha'i bu lha'i 
bu mo'i 'khor dang bcas pa rnam 'khod cing / dge slong ma seng ge rnam par bsgyings pas/ chos kyi sgo skyo ba'i sgo zhes bya ba yang dag par bstan pa mthong ngo / /'khor gyi stan la la la ni klu'i rgyal po gang chen mtsho la stsogs pa klu'i rgyal po 'od brgya pa dang / dga' bo 
dang bsnyen dga' bo dang / yid du 'ong ba dang / shugs ldan dang / ma dros pa la stsogs pa klu'i bu mo'i 'khor dang bcas pa klu'i byis pa'i 'khor dang bcas pa rnams 'khod cing / dge slong ma seng ge rnam par bsgyings pas/ chos kyi sgo sangs rgyas kyi rdzu 
'phrul dang / yul gyi 'od kyi brgyan ces bya ba yang dag par bstan pa mthong ngo / /'khor gyi stan la la la ni rgyal po chen po ngal bso po la stsogs pa gnod sbyin gyi dbang po gnod sbyin gyi bu mo dang / gnod sbyin gyi byis pa'i 'khor dang bcas pa rnams 'khod cing /</font><hr>38-1-58a<br><font size=+1>
dge slong ma seng ge rnam par bsgyings pas/ chos kyi sgo 'gro ba thams cad yongs su skyob pa'i mdzod ces bya ba yang dag par bstan pa mthong ngo / /'khor gyi stan la la la ni dri za'i rgyal po gnas srung po la stsogs pa dri za mang po dri za'i bu mo dang / dri za'i byis pa'i 
'khor dang bcas pa rnams 'khod cing / dge slong ma seng ge rnam par bsgyings pas/ chos kyi sgo dga' ba mi zad pa char rab tu 'beb pa zhes bya ba yang dag par bstan pa mthong ngo / /'khor gyi stan la la la ni lha ma yin gyi dbang po sgra gcan la stsogs pa lha ma yin rnams 
lha ma yin gyi bu mo dang / lha ma yin gyi byis pa'i 'khor dang bcas pa rnams 'khod cing / dge slong ma seng ge rnam par bsgyings pas/ chos kyi sgo chos kyi dbyings shes pa'i tshul gyi shugs kyis brgyan pa zhes bya ba yang dag par bstan pa mthong ngo / /'khor gyi stan la 
la la ni nam mkha' lding gi dbang po shugs 'dzin chen po la stsogs pa nam mkha' lding gi dbang po nam mkha' lding gi bu mo dang / nam mkha' lding gi byis pa'i 'khor dang bcas pa rnams 'khod cing / dge slong ma seng ge rnam par bsgyings pas/ chos kyi sgo 
srid pa'i rgya mtshos 'jigs pa'i yul zhes bya ba yang dag par bstan pa mthong ngo / /'khor gyi stan la la la ni mi'am ci'i rgyal po sdong po la stsogs pa/ mi 'am ci'i dbang po mi'am ci'i bu mo dang / mi'am ci'i byis pa'i 'khor dang bcas pa rnams 'khod 
cing / dge slong ma seng ge rnam par bsgyings pas/ chos kyi sgo sangs rgyas kyi spyod pa snang ba zhes bya ba yang dag par bstan pa mthong ngo / /'khor gyi stan la la la ni lto 'phye chen po'i dbang po khro gnyer gdong la stsogs pa/ lto 'phye chen po'i bu mo dang / lto 'phye 
chen po'i byis pa'i 'khor dang bcas pa rnams 'khod cing / dge slong ma seng ge rnam par bsgyings pas/ chos kyi sgo sangs rgyas la dga' ba skye ba zhes bya ba yang dag par bstan pa mthong ngo / /'khor gyi stan la la la ni skyes pa dang / bud myed dang / khye'u dang bu mo </font><hr>38-1-58b<br><font size=+1>
brgya stong mang po 'khod cing / dge slong ma seng ge rnam par bsgyings pas/ chos kyi sgo khyad par du 'gro ba zhes bya ba yang dag par bstan pa mthong ngo / /'khor gyi stan la la la ni srin po'i dbang po rtag tu mdangs 'phrog pa sdong po'i rgyal po la stsogs pa srin po'i dbang po srin po'i
bu mo dang srin po'i byis pa'i 'khor dang bcas pa rnams 'khod cing / dge slong ma seng ge rnam par bsgyings pas/ chos kyi sgo snying rje 'byung ba zhes bya ba yang dag par bstan pa mthong ngo / /'khor gyi stan la la la ni sems can nyan thos kyi theg pa la mos pa rnams 'khod cing / dge 
slong ma seng ge rnam par bsgyings pas/ chos kyi sgo ye shes khyad par du 'phags pa'i mthu zhes bya ba yang dag par bstan pa mthong ngo / /'khor gyi stan la la la ni sems can rang sangs rgyas kyi theg pa la mos pa rnams 'khod cing / dge slong ma seng ge rnam 
par bsgyings pas/ chos kyi sgo sangs rgyas kyi yon tan rgya chen po'i 'od ces bya ba yang dag par bstan pa mthong ngo / /'khor gyi stan la la la ni sems can theg pa chen po la mos pa rnams 'khod cing / dge slong ma seng ge rnam par bsgyings pas/ ting nge 
'dzin gyi ye shes snang ba'i sgo kun tu sgo zhes bya ba yang dag par bstan pa mthong ngo / /'khor gyi stan la la la ni byang chub sems dpa' thog mar sems bskyed pa rnams 'khod cing / dge slong ma seng ge rnam par bsgyings pas/ ting nge 'dzin gyi sgo sangs 
rgyas thams cad kyi smon lam gyi phung po zhes bya ba yang dag par bstan pa mthong ngo / /'khor gyi stan la la la ni byang chub sems dpa' sa gnyis pa la gnas pa rnams 'khod cing / dge slong ma seng ge rnam par bsgyings pas/ting nge 'dzin gyi sgo rdul dang bral ba'i 
dkyil 'khor ces bya ba yang dag par bstan pa mthong ngo / /'khor gyi stan la la la ni byang chub sems dpa' sa gsum pa la gnas pa rnams 'khod cing / dge slong ma seng ge rnam par bsgyings pas/ ting nge 'dzin gyi sgo rab tu zhi ba'i rgyan ces bya ba yang </font><hr>38-1-59a<br><font size=+1>
dag par bstan pa mthong ngo / /'khor gyi stan la la la ni byang chub sems dpa' sa bzhi pa la gnas pa rnams 'khod cing / dge slong ma seng ge rnam par bsgyings pas/ ting nge 'dzin gyi sgo thams cad mkhyen pa'i shugs kyi 
yul 'byung ba zhes bya ba yang dag par bstan pa mthong ngo / /'khor gyi stan la la la ni byang chub sems dpa' sa lnga pa la gnas pa rnams 'khod cing / dge slong ma seng ge rnam par bsgyings pas/ ting nge 'dzin gyi sgo sems kyi rgyud me tog gi snying po zhes bya ba yang 
dag par bstan pa mthong ngo / /'khor gyi stan la la la ni byang chub sems dpa' sa drug pa la gnas pa rnams 'khod cing / dge slong ma seng ge rnam par bsgyings pas/ ting nge 'dzin gyi sgo rnam par snang ba'i snying po zhes bya ba yang dag par bstan pa mthong ngo / /'khor gyi stan la la la 
ni byang chub sems dpa' sa bdun pa la gnas pa rnams 'khod cing / dge slong ma seng ge rnam par bsgyings pas/ ting nge 'dzin gyi sgo sa kun nas brgyan pa zhes bya ba yang dag par bstan pa mthong ngo / /'khor gyi stan la la la ni byang chub sems dpa' sa brgyad pa la gnas pa rnams 
'khod cing / dge slong ma seng ge rnam par bsgyings pas/ ting nge 'dzin gyi sgo chos kyi dbyings su lus shin tu rnam par phye ba'i yul zhes bya ba yang dag par bstan pa mthong ngo / /'khor gyi stan la la la ni byang chub sems dpa' sa dgu pa la gnas pa rnams 'khod cing / dge 
slong ma seng ge rnam par bsgyings bas/ chos kyi sgo mi dmigs pa'i stobs kyi gnas kyis brgyan pa zhes bya ba yang dag par bstan pa mthong ngo / /'khor gyi stan la la la ni byang chub sems dpa' sa bcu pa la gnas pa rnams 'khod cing / dge slong ma seng ge rnam par 
bsgyings pas/ ting nge 'dzin gyi sgo sgrib pa med pa'i dkyil 'khor ces bya ba yang dag par bstan pa mthong ngo / /'khor gyi stan la la la ni lag na rdo rje'i 'khor gyi dkyil 'khor 'khod cing / dge slong ma seng ge rnam par bsgyings pas/ chos </font><hr>38-1-59b<br><font size=+1>
kyi sgo ye shes rdo rje mthu bo che'i rgyan ces bya ba yang dag par bstan pa mthong ngo / /de ltar skye ba'i skye mched rnam pa tha dad pa thams cad kyi sems can du gdags pa dang / sems can gyi lam gyi rgyud ji snyed pa de dag gi sems can yongs su smin pa rnam par 'dul ba/ snod du gyur 
ba ji snyed cig bza' shing gi ra ba der 'ongs shing / 'khor gyi stan la so sor 'khod pa/ bsam pa tha dad pa mos pa mi mtshungs pa/ bsam pa shin tu gzhol bar gyur ba/ dad pa'i ro rngams chen po dang ldan pa rnams la/ dge slong ma seng ge rnam par bsgyings pas ci nas kyang 
thams cad bla na med pa yang dag par rdzogs pa'i byang chub tu nges par 'gyur ba/ de lta de ltar chos bstan pa mthong ngo / /de ci'i phyir zhe na/ de ni dge slong ma seng ge rnam par bsgyings pa des kun tu lta ba'i btang snyoms dang ldan pa la stsogs pa dang / sangs rgyas kyi chos thams 
cad shin tu bstan pa la stsogs pa dang / chos kyi dbyings kyi gzhi tha dad pa la stsogs pa dang / sgrib pa'i dkyil 'khor thams cad rnam par 'thor ba la stsogs pa dang / 'gro ba thams cad kyi dge ba'i sems yang dag par 'byung ba la stsogs pa dang / khyad par 
yod pa'i rgyan la stsogs pa dang / chags pa med pa'i tshul gyi snying po la stsogs pa dang / chos kyi dbyings kyi dkyil 'khor la stsogs pa dang / sems kyi mdzod la stsogs pa dang / kun tu mos pa mngon par sgrub pa'i snying po la stsogs pa shes rab kyi pha 
rol tu phyin pa'i sgo brgya stong grangs med pa non pa'i phyir te/ bza' shing gi ra ba nyi ma'i mdog der byang chub sems dpa' 'am/ sems can gzhan ji snyed cig dge slong ma seng ge rnam par bsgyings pa la lta ba dang / chos mnyan pa'i phyir 'ong ba de dag thams 
cad kyang sngon/ dge slong ma seng ge rnam par bsgyings pas/ dge ba'i chos yang dag par blang ba la shin tu bkod pa nas/ bla na med pa yang dag par rdzogs pa'i byang chub las phyir mi ldog pa'i bar du byas pa sha stag go /de nas tshong dpon gyi bu nor bzangs </font><hr>38-1-60a<br><font size=+1>
kyis/ dge slong ma seng ge rnam par bsgyings pa'i bza' shing gi ra ba phun sum tshogs pa dang / nags tshal phun sum tshogs pa dang / gtsug lag khang phun sum tshogs pa dang / 'chag sa phun sum tshogs pa dang / longs su spyod phun sum tshogs pa 
dang / mal cha phun sum tshogs pa dang / 'khor gyi dkyil 'khor phun sum tshogs pa dang / dbang chen po phun sum tshogs pa dang / rdzu 'phrul dang rnam par 'phrul pa phun sum tshogs pa dang / dbyangs kyi rgyan phun sum tshogs pa rnam pa de lta bu mthong ste/ chos kyi tshul 
bsam gyis mi khyab pa'ang thos nas/ chos kyi sprin gyi char chen pos sems mngon par brlan pa de'i yid la dge slong ma seng ge rnam par bsgyings pas/ bsam pa rnam par dag pa phun sum tshogs par byas kyis da ni g.yas phyogs su bskor ba lan brgya stong 
du ma zhig tu bya'o snyam pa dang / de'i mod la dge slong ma seng ge rnam par bsgyings pas/ bza' shing gi ra ba dang / 'khor gyi dkyil 'khor du bcas pa de dag thams cad kyang snang ba chen pos khyab par byas so/ /de ltar g.yas phyogs su bskor ba bya'o/ /snyam du 
bsams nas bskor ba byed pa'i tshe/ 'khor thams cad na'ang dge slong ma seng ge rnam par bsgyings pa 'dug pa mthong nas mdun du 'dug ste/ thal mo sbyar nas 'di skad ces smras so/ /'phags ma bdag gis bla na med pa yang dag par rdzogs pa'i byang chub tu 
sems bskyed na/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba ma 'tshal te/ 'phags ma ni byang chub sems dpa' rnams la gdams ngag dang rjes su bstan pa mdzad do/ /zhes bdag 
gis thos na/ 'phags ma ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba bdag la bshad du gsol/ des smras pa/ rigs kyi bu kho mo ni byang chub sems dpa'i rnam par thar pa rlom sems </font><hr>38-1-60b<br><font size=+1>
thams cad yongs su bcom pa zhes ba ba thob pa'o/ /smras pa/ 'phags ma byang chub sems dpa'i rnam par thar pa rlom sems thams cad yongs su bcom pa de'i yul ji lta bu zhig mchis/ smras pa rigs kyi bu de ni ye shes snang ba ste/ dus gsum du byung ba'i 
rgyan sems skad cig gi cha shas la rnam par dmigs pa'i rang bzhin no/ /smras pa/ 'phags ma ye shes snang ba de'i yul yang ji lta bu zhig mchis/ smras pa/ rigs kyi bu kho mo ye shes snang ba 'di la sgrub pa dang yongs su sgrub pa'i tshe chos thams cad 
rab tu 'thad pa zhes bya ba'i ting nge 'dzin skyes te/ ting nge 'dzin de thob ma thag tu yid kyi rang bzhin gyi lus kyis phyogs bcu thams cad kyi 'jig rten gyi khams thams cad du/ byang chub sems dpa' sku tshe gcig gis thogs pa dga' ldan gyi pho brang na bzhugs 
pa/ thams cad re re la yang lus sangs rgyas kyi zhing brjod du med pa'i rdul shin tu phra ba snyed kyis mchod pa rnam pa tha dad pa/ sangs rgyas kyi zhing brjod du med pa'i rdul shin tu phra ba snyed kyi mchod pa sbyar ba'i phyir 'gro ste/ 'di ltar lha'i lus dang klu dang 
gnod sbyin dang / dri za dang lha ma yin dang nam mkha' lding dang / mi 'am ci dang / lto 'phye chen po dang / mi dang mi ma yin pa'i dbang po'i lus me tog gi sprin yongs su 'dzin pa dang / spos kyi sprin yongs su 'dzin pa dang / bdug spos kyi sprin yongs su 
'dzin pa dang / phreng ba'i sprin yongs sa 'dzin pa dang / byug pa'i sprin yongs su 'dzin pa dang / phye ma'i sprin yongs su 'dzin pa dang / na bza'i sprin yongs su 'dzin pa dang / gdugs kyi sprin yongs su 'dzin pa dang / rgyal mtshan gyi sprin yongs 
su 'dzin pa dang / ba dan gyi sprin yongs su 'dzin pa dang / rin po che'i lhab lhub kyi sprin yongs su 'dzin pa dang / rin po che'i dra ba'i rgyan gyi sprin yongs su 'dzin pa dang / rin po che'i gnam yol gyi rgyan gyi sprin yongs su 'dzin pa dang / rin po che'i rgyan </font><hr>38-1-61a<br><font size=+1>
rnam par phye ba'i sprin yongs su 'dzin pa dang / rin po che'i sgron ma'i rgyan gyi sprin yongs su 'dzin pa dang / rin po che'i gdan gyi rgyan gyi sprin yongs su 'dzin pa mang pos mchod pa sbyar ba'i phyir 'gro'o/ /dga' ldan gyi gnas na bzhugs pa'i byang chub 
sems dpa' sku tshe gcig gis thogs pa rnams la mchod pa bya ba'i phyir/ ji ltar 'gro ba de bzhin du yum gyi skur gshegs pa dang / bltam pa dang / btsun mo'i 'khor gyi nang na bzhugs pa dang / mngon par 'byung ba dang / snying po byang chub tu gshegs pa dang /
bla na med pa yang dag par rdzogs pa'i byang chub tu mngon par sangs rgyas shing snying po byang chub la bzhugs pa dang / chos kyi 'khor lo rab tu bskor ba'i de bzhin gshegs pa thams cad dang / de bzhin du lha'i gnas na bzhugs pa dang /klu dang / gnod sbyin dang / 
dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang mi ma yin pa'i gnas na bzhugs pa dang / 'gro ba thams cad kyi sems dang bsam pa yongs su tshim par mdzad nas/ yongs su mya ngan las 'da' ba'i bar de 
dag thams cad la'ang yid kyi rang bzhin gyi lus rnam pa de lta bu dag gis rnam pa de lta bu'i mchod pa byed cing / de bzhin gshegs pa thams cad kyi drung du 'gro'o/ sems can gang gis kho mos sangs rgyas mchod pa dang / rim gro byed pa'i las 'di shes 
par gyur pa de dag thams cad kyang bla na med pa yang dag par rdzogs pa'i byang chub tu nges par 'gyur ro/ /sems can gang kho mo'i drung du 'ong ba de dag thams cad la'ang kho mo ni shes rab kyi pha rol tu phyin pa'i gdams ngag dang / rjes su bstan pa 'di nyid 
ston te/ rigs kyi bu kho mo ye shes kyi mig gis sems can thams cad la lta yang / sems can gyi 'du shes kyang mi bskyed la/ rlom sems kyang mi byed de/ 'gro ba thams cad kyi skad rgya mtsho yang nyan te/ tshig gi lam thams cad la mngon par </font><hr>38-1-61b<br><font size=+1>
zhen pa med pas/ rlom sems su byed pa med do/ /de bzhin gshegs pa thams cad kyang mthong ste/ chos kyi lus yongs su shes pas rlom sems su byed pa med do/ /de bzhin gshegs pa thams cad kyi chos kyi 'khor lo yongs su 'dzin kyang / chos kyi rang bzhin 
khong du chud pas rlom sems su byed pa med do/ /sems kyi skad cig re re la chos kyi dbyings thams cad rgyas par 'gengs kyang / chos nyid sgyu ma'i rang bzhin khong du chud pas rlom sems su byed pa myed do/ /rigs kyi bu kho mos ni byang chub sems dpa'i rnam par 
thar ba rlom sems thams cad yongs su bcom pa 'di shes par zad na/ kho mos byang chub sems dpa' chos kyi dbyings mtha' dang dbus med pa la zhugs pa/ chos thams cad la rlom sems med par gnas kyang skyil mo krung gcig gis chos kyi dbyings 
thams cad rgyas par 'gengs pa/ sangs rgyas kyi zhing thams cad rang gi lus su 'dus par ston kyang / skad cig gcig gis de bzhin gshegs pa thams cad kyi drung du 'dong ba/ lus la sangs rgyas kyi rdzu 'phrul thams cad la 'byung zhing rgyu ba/ sangs rgyas 
kyi zhing brjod du med pa'i yang brjod du med pa ba spu'i nyag ma gcig gis sbams shing mngon par 'phen pa/ rang gi ba spu'i bu gar 'jig rten gyi khams brjod du med pa'i yang brjod du med pa 'du ba dang / 'jig pa'i bskal pa yongs su ston pa/ skad cig 
gcig la bskal pa brjod du med pa'i yang brjod du med par gnas pa/ mnyam pa nyid kyis yang dag par 'dzud pa/ skad cig gcig gis brjod du med pa'i yang brjod du med pa'i bskal par 'khor ba de dag gi spyod pa shes pa'am/ yon tan brjod 
par nus re skan/ /song rigs kyi bu lho phyogs kyi rgyud 'di nyid kyi yul bgrod dka' ba na/ grong khyer rin po che'i rgyan ces bya ba yod de/ de na bcom pa ma lha'i bshes gnyen ma zhes bya ba 'dug gis de'i gan du song la ji ltar byang chub sems dpas byang </font><hr>38-1-62a<br><font size=+1>
chub sems dpa'i spyod pa la bslab par bya ba dang / ji ltar nan tan du bya ba dris shig /de nas tshong dpon gyi bu nor bzangs kyis dge slong ma seng ge rnam par bsgyings pa'i rkang pa gnyis la spyi bos phyag 'tshal te/ dge slong ma seng ge rnam par 
bsgyings pa la lan brgya stong du mar g.yas phyogs su bskor ba byas nas yang dang yang bltas te/ dge slong ma seng ge rnam par bsgyings pa'i drung nas song ngo / /de nas tshong dpon gyi bu nor bzangs shes rab kyi snang ba chen po des sems snang bar gyur pa de thams cad 
mkhyen pa'i ye shes snang ba de la ni sems/ chos nyid kyi rang bzhin gyi stobs snang ba de la ni yang dag par rjes su lta/ sems can thams cad kyi skad rnam par dmyigs pa'i mdzod kyi gzungs kyi tshul de ni brtan par byed/ de bzhin gshegs pa thams cad 
kyi chos kyi 'khor lo yang dag par 'dzin pa'i gzungs kyi tshul de ni shin tu rgya che bar byed/ snying rje chen po 'gro ba thams cad kyi skyabs su gyur pa'i stobs de ni nye bar ston/ chos thams cad kyi tshul snang ba'i sgo nas yang dag par 'byung ba'i thams cad mkhyen pa nyid kyi 
shugs de la ni rab tu rtog /chos kyi dbyings rgya chen po'i dkyil 'khor rgyas par 'gengs pa'i smon lam yongs su dag pa de'i rjes su ni 'brang / chos thams cad kyi phyogs snang bar byed pa'i ye shes kyi 'od de ni shin tu gsal bar byed/ chos thams cad 
kyis phyogs bcu'i 'jig rten gyi khams rnam par phye ba rgyas par 'gengs pa'i mngon par shes pa'i stobs de ni mngon par sgrub/ byang chub sems dpa'i lam dang / dran pa thams cad nye bar blangs pas brtsams pa mthar dbyung ba'i smon lam de ni yongs su 
rdzogs par byed cing / mthar gyis yul bgrod dka' ba'i grong khyer rin po che'i rgyan gang na ba der phyin te/ bcom pa ma lha'i bshes gnyen ma yongs su tshol tshol ba dang / de la bcom pa ma lha'i bshes gnyen gyi yon tan mngon par mi shes la ye shes kyi </font><hr>38-1-62b<br><font size=+1>
spyod yul gyi tshul la mi mkhas pa'i mi ji snyed pa de dag 'di snyam du sems te/ mi 'di de ltar zhi zhing dul ba'i dbang po dang ldan la de ltar shes bzhin dang ldan te/ de ltar 'khrul pa med cing de ltar yid 'khrug pa med la de ltar gnya' shing gang tsam du lta ste/de ltar gnod 
pas mi tshugs shing de ltar mtshan mar mi 'dzin la/ gzugs kyi rnam pa thams cad la g.yeng ba med pa'i mig dang ldan te/ yid la brel ba med cing / bsam pa zab la mngon par mdzes te/ rgya mtsho ltar 'dug cing sems mi nyams mi 'khrug pa de la bcom 
pa ma lha'i bshes gnyen mas ko ci zhig bya/ 'di lta bu dag ni 'dod chags la dga' ba med de/ sems phyin ci log dang ldan yang mi srid do/ /'di lta bu dag ni sdug cing gtsang ba'i 'du shes yongs su rgyu ba med de/ 'di lta bu dag ni 'dod pas 'khol kyang mi 
srid do/ /'di lta bu dag ni bud med kyi dbang du 'gyur ba med de/ 'di lta bu dag ni bdud kyi spyod yul la spyod kyang mi srid do/ /'di lta bu dag ni bdud kyi spyod yul la chags pa med de/ 'di lta bu dag ni 'dod pa'i 'dam du bying ba yang mi srid do/ /'di lta bu 
dag ni bdud kyi zhags pas bcings par 'gyur ba med de/ mi dgos pa byed kyang mi srid do snyam mo/ /gang yang bcom pa ma lha'i bshes gnyen ma'i yon tan gyi khyad par mngon par shes shing / ye shes kyi spyod yul mngon du gyur pa de dag ni 'di skad ces 
'dzer te/ rigs kyi bu de ltar khyod bcom pa ma lha'i bshes gnyen ma la yongs su dri bar sems pa ni khyod kyang thob par bya ba legs par thob pa ste/ legs so legs so/ /khyod ni nges par sangs rgyas su smon pa'o/ /khyod ni bdag nges par sems 
can thams cad kyi gnas su bsgyur bar 'dod pa'o/ /khyod ni nges par sems can thams cad kyi 'dod chags kyi zug rngu dbyung bar 'dod pa'o/ /khyod ni nges par sdug cing gtsang ba'i 'du shes rnam par gtor bar 'dod pa'o/ /rigs kyi bu 'de re bcom pa </font><hr>38-1-63a<br><font size=+1>
ma lha'i bshes gnyen ma ni grong khyer gyi lam gyi sum mdo'i byang phyogs logs shig na rang gi khyim na 'dug go /de nas tshong dpon gyi bu nor bzangs kyis tshig de thos nas dga' rangs te/ mgu zhing nyams bde la tshim zhing yid bde ba 
skyes nas/ bcom pa ma lha'i bshes gnyen ma'i khyim gang na ba der phyin nas/ de'i khyim che zhing yangs la rin po che'i ra ba rim pa bcus bskor ba/ rin po che ta la'i phreng ba rim pa bcus kun nas bskor ba/ 'obs spos chus gang ba/ lha rdzas kyi rin po che'i 
pad mo dang / uta pa la dang / ku mu ta dang / me tog pun da ri kas chu yongs su khebs pa yan lag brgyad dang ldan pa'i chus yongs su gang ba/ gzhi gser gyi bye ma bdal ba/ spos yid du 'ong ba dang / 'dres pa'i chudri zhim pas gang ba/ rin po che 
sil ma mang pos shin tu brgyan pa/ rim pa bcus kun nas bskor ba/ rin po che thams cad las byas pa'i khang pa dang / gzhal med khang dang / khang pa brtsegs pas rnam par dgrigs shing ba gam dang rta babs dang / skar khung gi shar bu dang / zla gam 
seng ge'i shing tags dang / snang ba'i rgyal mtshan la stsogs pa/ rin po che sna tshogs kyi 'od kyis 'bar ba rin po che rnam pa sna tshogs grangs med pa'i 'byung gnas kyis brgyan pa/ rin po che'i dag baiDUR+Yas sbas pa'i gzhi dang ldan pa/ lha rdzas kyi spos 
zhim po thams cad kyis 'khor thams cad nas bdugs shing bsangs pa/ a ka ru nag po mchog gi bdug spos kyis dri zhim par bdug pa/ spos kyi byug pas 'khor kun nas byugs pa/ rin po che sna tshogs kyi lan kan gyis rtsig ngos kun tu bres pa/ 
steng 'dzam bu chu klung gi gser gyi dra ba rin po che sna tshogs kyis rab tu spras pas kun nas bkab pa/ gser gyi dril gyi dra ba brgya stong rlung gis bskyod cing 'khrol ba'i sgra yid du 'ong zhing snyan pa 'byung ba/ rin po che thams cad kyi me tog gi sprin sil ma </font><hr>38-1-63b<br><font size=+1>
kun tu bkram pas/ rin po che'i me tog gi rgyan dang ldan pa/ rin po che sna tshogs thams cad kyi rgyal mtshan bsgreng bas sgo shin tu brgyan pa/ nor bu rin po che sna tshogs kyi 'od kyi dra ba snang ba/ mu med par brjod du yod pa/ rin po che byu ru'i sdong po dang / rdo rje dang / man shel 
la stsogs pa'i gter brgya stong kun gyis shes pa/ phun sum tshogs pas mdzod mi zad pa dang ldan pa/ bza' shing gi ra ba chen po bcus brgyan pa mthong ste/ de nas bcom pa ma lha'i bshes gnyen ma gzugs mdzes shing bzang la blta na sdug pa/ gya nom pa'i kha 
dog dam pa rgyas pa dang ldan pa/ gser gyi kha dog ltar 'dug pa'i mdog can skra mthon ting du 'dug pa/ lus kyi yan lag dang nyid lag tshul dang 'dra bar rnam par grub pa/ 'dod pa'i khams kyi lha dang mi thams cad las 'phags pa'i kha dog dang 
gzugs dang dbyibs mdzes pa dang ldan pa/ tshangs pa las kyang 'das pa'i dbyangs kyi yan lag dang ldan pa/ sems can thams cad kyi sgra skad kyi tshul la mkhas pa/ rgyan thams cad dang ldan zhing yid du 'ong ba'i dbyangs can rnam par thar pa yi ge'i 'khor lo'i 
rgyan la mkhas pa dang ldan pa/ bzo dang gtsug lag thams cad la mkhas par byung ba/ chos kyi ye shes sgyu ma la mkhas par bslabs pa/ byang chub sems dpa'i thabs dang tshul rnam pa thams cad du thob pa/ rin po che'i lhab lhub sna tshogs 
kyis rnam par brgyan pa'i lus yid du 'ong ba dang ldan pa/ rin po che thams cad las byas pa'i dra ba 'od shin tu gsal bas lus rab tu brgyan pa/ lha rdzas kyi nor bu rin po che'i rgyan dang / lhab lhub grangs med pas rab tu brgyan pas/ lus shin tu 
'bar ba/ nor bu rin po che dam pa yid bzhin gyi rgyal po'i cod pan thogs pa/ rin po che baiDUr+ya'i phreng ba mdo zungs rdo rje rin po che sna tshogs dang / nor bu rin po che seng ge mdzes pa sna tshogs bkye ba mgul na thogs pa/ dge ba'i rtsa ba spyad pa </font><hr>38-1-64a<br><font size=+1>
la skal ba 'thun pa dang / smon lam gcig pa'i 'khor mang po gzhan gyis mi phyed cing yid du 'ong ba dang ldan pa/ bsod nams dang ye shes kyi tshogs chen po'i gter mi zad pa'i mdzod dang ldan pa 'dug pa mthong ste/ des khyim de dag 
thams cad dang / rin po che'i gnas dang / gzhal med khang gi rgyan de dag thams cad kyang rang gi lus las byung ba'i 'od dga' bar byed pa/ lus bde ba dang sim pa skyed pa/ sems khong nas dga' bar byed pas gsal zhing snang bar byas pa mthong ngo / /
de nas tshong dpon gyi bu nor bzangs kyis bcom pa ma lha'i bshes gnyen ma'i rkang pa gnyis la spyi bos phyag 'tshal te/ mdun du 'dug nas thal mo sbyar te 'di skad ces smras so/ /'phags ma bdag gis bla na med pa yang dag par rdzogs pa'i byang chub 
tu sems bskyed na/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba ma 'tshal te/ 'phags ma ni byang chub sems dpa' rnams la gdams ngag dang rjes su bstan pa mdzad do zhes bdag 
gis thos na/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba 'phags mas bdag la bstan du gsol/ /des smras pa rigs kyi bu kho mos ni byang chub sems dpa'i rnam par thar 
pa 'dod chags dang bral ba'i mthar phyin pa zhes bya ba thob ste/ rigs kyi bu de ltar kho mo ni lha rnams la lha mo'i gzugs dang kha dog dang / dbyibs dang chu zheng las kyang lhag par kha dog gsal ba dang / rnam par dag pas ci la mos pa bzhin du snang 
bar byed do/ /de bzhin du klu dang gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / mi dang mi ma yin pa rnams la yang bud med kyi gzugs dang / kha dog dang dbyibs dang / chu zheng lhag par </font><hr>38-1-64b<br><font size=+1>
'od gsal zhing rnam par dag pas ci la mos pa bzhin du snang bar byed do/ /sems can gang 'dod chags kyis kun nas 'khor ba'i sems dang ldan pa dag kho mo'i drung du 'ong na'ang de dag thams cad la kho mo ni 'dod chags dang 'bral bar 'gyur ba'i phyir chos 
ston te/ de dag gis chos de thos nas kyang 'dod chags dang bral ba thob par 'gyur ro/ /byang chub sems dpa'i ting nge 'dzin chags pa med pa zhes bya ba yang rab tu 'thob bo/ /la la ni kho mo mthong ma thag tu 'dod chags dang bral bar 'gyur te/ 
byang chub sems dpa'i ting nge 'dzin dga' ba dang ldan pa zhes bya ba yang rab tu 'thob bo/ /la la ni gtam byas pa tsam gyis 'dod chags dang bral ba thob par 'gyur te/ byang chub sems dpa'i ting nge 'dzin chags pa med pa'i dbyangs shes bya ba 
yang rab tu 'thob bo/ /la la ni lag nas bzung ba tsam gyis 'dod chags dang bral ba thob par 'gyur te/ byang chub sems dpa'i ting nge 'dzin sangs rgyas kyi zhing thams cad du rjes su 'gro zhing gnas pa zhes bya ba'ang rab tu 'thob bo/ /la la ni+i 
gcig tu 'grogs pa tsam gyis 'dod chags dang bral ba thob par 'gyur te/ byang chub sems dpa'i ting nge 'dzin bral bas snang ba zhes bya ba yang rab tu 'thob bo/ /la la ni bltas pa tsam gyis 'dod chags dang bral ba thob par 'gyur te/ 
byang chub sems dpa'i ting nge 'dzin rab tu zhi ba'i rnam par brgyan ces bya ba yang rab tu thob bo/ /la la ni glel ba tsam gyis 'dod chags dang bral ba thob par 'gyur te/ byang chub sems dpa'i ting nge 'dzin phas kyi rgol ba rnam par 'thor 
pa zhes bya ba yang rab tu 'thob bo/ /la la ni myig btsums pa tsam gyis 'dod chags dang bral ba thob par 'gyur te/ byang chub sems dpa'i ting nge 'dzin sangs rgyas kyi yul snang ba zhes bya ba yang rab tu 'thob bo/ /la la ni pang du 'khyud </font><hr>38-1-65a<br><font size=+1>
pa tsam gyis 'dod chags dang bral ba 'thob par 'gyur te/ byang chub sems dpa'i ting nge 'dzin 'gro ba thams cad yongs su sdur cing myi gtong ba'i snying po zhes bya ba yang rab tu 'thob bo/ /la la ni 'o byas pa tsam gyis 'dod 
chags dang bral ba 'thob par 'gyur te/ byang chub sems dpa'i ting nge 'dzin 'gro ba thams cad bsod nams kyi mdzod la reg par byed pa zhes bya ba yang rab tu 'thob bo/ /de ltar kho mo ni sems can gang ji snyed cig kho mo'i drung du 'ong ba de dag thams 
cad kyang byang chub sems dpa'i rnam par thar pa 'dod chags dang bral ba'i mthar phyin pa thams cad mkhyen pa'i sa chags pa med pa la mngon du gyur pa 'di nyid la rab tu 'god do/ /smras pa/ 'phags ma khyod de lta bu'i phun sum tshogs pa dang ldan pa de khyod 
kyis dge ba'i rtsa ba ni gang du bskyed/ phrin las ni ji lta bu zhig bstsags/ smras pa/ rigs kyi bu kho mos dran na 'das pa'i dus shig na/ de bzhin gshegs pa dgra bcom pa yang dag par rdzogs pa'i sangs rgyas mkhyen pa dang zhabs su ldan pa/
bde bar gshegs pa/ 'jig rten mkhyen pa/ bla na med pa/ skyes bu 'dul ba'i kha lo sgyur ba/ lha dang mi'i ston pa sangs rgyas bcom ldan 'das shin tu mtho bar gshegs pa zhes ba ba 'jig rten du byung ste/ de bzhin gshegs pa shin tu 
mtho bar gshegs pa de sems can rnams la thugs brtse ba'i sku don tu rgyal po'i gnas sgo bzang po zhes bya bar gshegs nas sgo'i them pa la zhabs kyis gnon pa'i tshe/ grong khyer de thams cad kyang / rab tu g.yos nas yangs shing rgya che la rin 
po che du ma las byas par yongs su grub par gyur te/ steng gi bar snang yang rin po che mang po'i 'od kyis rnam par brgyan pa dang / rin po che'i me tog sna tshogs kyis yongs su gang ba dang / lha rdzas kyi rol mo sna tshogs kyi sgra rab tu 'byung ba dang / lha'i lus kyi </font><hr>38-1-65b<br><font size=+1>
sprin tshad med pa rgya che bas khebs par gyur to/ /rigs kyi bu kho mo yang de'i tshe tshong dpon gyi chung ma zhig tu gyur te/ blo gros bzang mo zhes bya'o/ /de nas kho mo cho 'phrul gyis yang dag par bskul nas khyim thab dang lhan cig tu dong dong ste/ de bzhin 
gshegs pa grong bar gyi srang du gshegs pa la dad pa rgya chen po skyes te/ kho mos ni rin po che'i dril bu gcig cig phul lo/ /de'i tshe 'jam dpal gzhon nur gyur pa yang bcom ldan 'das de bzhin gshegs pa shin tu mtho bar gshegs pa'i zham 'bring 
na 'dug te/ des kho mo bla na med pa yang dag par rdzogs pa'i byang chub tu sems bskyed do/ /rigs kyi bu kho mos byang chub sems dpa'i rnam par thar pa 'dod chags dang bral ba'i mthar phyin pa 'di shes par zad na/ kho mos byang chub sems dpa'i 
thabs dang ye shes mtha' yas pa la gnas pa/ bsod nams rgya che zhing yangs pa'i mdzod dang ldan pa/ ye shes kyi yul la thub pa med pa de dag gi spyod pa shes pa'am/ yon tan brjod par nus re skan/ /song rigs kyi bu lho phyogs kyi rgyud 
'di nyid na grong khyer dge ba'i pha rol tu phyin pa zhes ba ba yod de/ de na khyim bdag nan khugs shes bya ba de bzhin gshegs pa'i mchod rten tsan dan gyi khri 'phang can la mchod pa byed pa zhig 'dug gis/ de'i gan du song la ji ltar byang chub 
sems dpas byang chub sems dpa'i spyod pa la bslab par bya ba dang / ji ltar nan tan du bya ba dris shig /de nas tshong dpon gyi bu nor bzangs kyis bcom pa ma lha'i bshes gnyen ma'i rkang pa gnyis la spyi bos phyag 'tshal te/ bcom pa ma lha'i 
bshes gnyen ma la lan brgya stong du mar g.yas phyogs su bskor ba byas nas/ yang dang yang bltas te/ bcom pa ma lha'i bshes gnyen ma'i drung nas song ngo / /de nas tshong dpon gyi bu nor bzangs kyis grong khyer dge ba'i pha rol tu phyin par </font><hr>38-1-66a<br><font size=+1>
khyim bdag nan khugs kyi khyim ga la ba der phyin nas/ khyim bdag nan khugs kyi rkang pa gnyis la spyi bos phyag 'tshal te/ mdun du 'dug nas thal mo sbyar te/ 'di skad ces smras so/ /'phags pa bdag gis bla na med pa yang dag par 
rdzogs pa'i byang chub tu sems bskyed na/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba ma 'tshal te/ 'phags pa ni byang chub sems dpa' rnams la gdams ngag dang rjes su bstan 
pa mdzad do/ /zhes bdag gis thos nas/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba 'phags pas bdag la bshad du gsol/ des smras pa rigs kyi bu kho bo ni byang chub 
sems dpa'i rnam par thar ba yongs su mi zad pa thob pa ste/ rigs kyi bu kho bo'i sems kyi rgyud las ni/ 'jig rten gyi khams thams cad nas kyang / sems can 'dul ba'i dbang du mdzad pa ma gtogs par 'jig rten gyi khams thams cad nas 
kyang shin tu mya ngan las 'das pa'i tshul du de bzhin gshegs pa yongs su mya ngan las 'das pa med do/ /yongs su mya ngan las 'da' ba med do/ /yongs su mya ngan las 'da' bar 'gyur ba med do/ /rigs kyi bu de ltar kho bo ni de bzhin gshegs pa'i 
mchod rten tsan dan gyi khri 'phang kyi sgo 'byed pa ste/ kho bo mchod rten gyi sgo 'byed 'byed pas byang chub sems dpa'i ting nge 'dzin sangs rgyas kyi rigs mi zad pa'i rgyan ces bya ba thob bo/ /rigs kyi bu kho bo ni ting nge 'dzin 'di nyid la sems kyi skad cig skad cig tu mnyam 
par gzhog ste/ sems kyi skad cig thams cad la'ang khyad par gyi rnam pa du ma rab tu 'thob bo/ /smras pa/ 'phags pa ting nge 'dzin de'i yul ji lta bu zhig mchis/ smras pa rigs kyi bu kho bo ting nge 'dzin 'di la snyoms par zhugs pa'i tshe/ 'jig </font><hr>38-1-66b<br><font size=+1>
rten gyi khams kyi rgyud 'di sangs rgyas gcig nas gcig tu brgyud po bsod skyabs la stsogs pa de bzhin gshegs pa thams cad dang / gser thub dang / log par dad sel dang / thams cad mnga' ba dang / gtsug tor can dang / rnam par gzigs dang / rgyal dang / 
rdzogs mdzad dang / grags mchog dang / pad mo'i bla la stsogs pa de bzhin gshegs pa thams cad kyang sangs rgyas mthong ba'i mtshams 'brel pas/ sangs rgyas gcig nas gcig tu brgyud pa rgyun mi 'chad pa'i tshul gyis mngon sum du mthong ste/ 
sems kyi skad cig gcig la sangs rgyas brgya yang mthong ngo / /de'i 'og ma'i sems kyis sangs rgyas stong yang mthong ngo / /de'i 'og ma'i sems kyis sangs rgyas brgya phrag stong yang mthong ngo / /de bzhin du sangs rgyas bye ba dang / sangs rgyas bye ba 
phrag brgya dang / sangs rgyas bye ba phrag stong dang / sangs rgyas bye ba brgya phrag stong dang / sangs rgyas bye ba khrag khrig dang / sangs rgyas bye ba dung phyur dang / sangs rgyas bye ba thams cad dang / sangs rgyas bye ba khrag khrig dang / de'i 'og ma'i sems 
kyis sangs rgyas 'byung ba gcig nas gcig tu brgyud pa brjod du med pa'i yang brjod du med pa dag kyang mthong ngo / /de'i 'og ma'i sems kyis de bzhin gshegs pa 'dzam bu'i gling gi rdul shin tu phra ba snyed kyang mthong ngo / /de'i 'og ma'i sems 
kyis de bzhin gshegs pa sangs rgyas kyi zhing brjod du med pa'i yang brjod du med pa'i b.rakyi rdul shin tu phra ba snyed kyang mthong ste/ de bzhin gshegs pa de dag gis thugs dang po bskyed pa'i tshogs gcig nas gcig tu brgyud pa la'ang 'jug go 
thugs dang po bskyed pas 'thob pa'i rnam par 'phrul pa la'ang 'jug go /smon lam rnam pa tha dad pa mngon par bsgrubs pa rnam par dag pa la 'ang 'jug go /spyod pa rnam par dag pa la'ang 'jug go /pha rol tu phyin pa yongs su rdzogs par </font><hr>38-1-67a<br><font size=+1>
mdzad pa la'ang 'jug go /byang chub sems dpa'i sa thams cad yongs su bsgrubs pa la 'ang 'jug go /bzod pa brnyes pa rnam par dag pa la'ang 'jug go /bdud kyi dkrugs ma rnam par 'thor ba'i khyu mchog gi mthu phyung 
ba la'ang 'jug go /mngon par rdzogs par 'tshang rgya ba'i rnam par 'phrul pa'i rgyan la'anga'ajug go /sangs rgyas kyi zhing rnam par dag par mdzad pa rnam pa tha dad pa la'ang 'jug go /sems can yongs su smin par mdzad pa rnam pa tha dad pa la'ang 'jug 
go /'khor kun nas 'dus pa rnam pa tha dad pa la'ang 'jug go /'od kyi dkyil 'khor rnam pa tha dad pa la'ang 'jug go /chos kyi 'khor lo bskor ba'i khyu mchog gi mthu phyung ba la'ang 'jug go /sangs rgyas kyi rdzu 'phrul dang / rnam par 'phrul pa 
dang / cho 'phrul la'ang 'jug go /de bzhin gshegs pa de dag gis chos bstan pa yang shin tu rnam par gsal ba dang / ma 'dres par dran te/ yang dag par 'dzin to/ /dran pas yongs su bcangs so/ /rig pas rab tu shes par byed 
do/ /blo gros kyis shin tu rnam par 'byed do/ /blos rtogs par byed do/ /shes rab kyis snang bar byed do/ /ma byon pa'i sangs rgyas gcig nas gcig tu brgyud pa'i byams pa la stsogs pa dag kyang mthong zhing shes te/ sems kyi skad cig gcig 
la sangs rgyas brgya yang mthong ngo / /de'i 'og ma'i sems kyis sangs rgyas stong yang mthong ba nas/ de'i 'og ma'i sems kyis de bzhin gshegs pa sangs rgyas kyi zhing brjod du med pa'i yang brjod du med pa'i rdul shin tu phra ba snyed dag kyang 
mthong ste/ de bzhin gshegs pa de dag gis thugs dang po bskyed pa'i tshogs gcig nas gcig tu brgyud pa la'ang 'jug go /de bzhin gshegs pa de dag gis chos bstan pa yang shin tu gsal ba dang / ma 'dres par rjes su dran </font><hr>38-1-67b<br><font size=+1>
te yang dag par 'dzin to/ /dran pas yongs su bcangs so/ /rig pas rab tu shes par byed do/ /blo gros kyis rnam par 'byed do/ /blos rtogs par byed do/ /shes rab kyis snang bar byed do/ /ji ltar 'jig rten gyi khams kyi rgyud 'di sngon gyi 
mtha' dang phyi ma'i mthar gtogs pa'i sangs rgyas gcig nas gcig tu brgyud pa mthong zhing shes pa de bzhin du phyogs bcu'i 'jig rten gyi khams kyi rgyud 'das pa dang / ma 'ongs pa sangs rgyas kyi zhing brjod du med pa'i yang brjod du med pa snyed kyi 
de bzhin gshegs pa gcig nas gcig tu brgyud pa thams cad kyang shes shing mthong ngo / /de bzhin gshegs pa de dag gis thugs dang po bskyed pa'i tshogs gcig nas gcig tu brgyud pa la'ang 'jug go /sangs rgyas gcig nas gcig tu brgyud 
pa de la'ang rgyun mi 'chad pa dang / mi zad pa dang / dad pas shes par bya ba dang / byang chub sems dpa'i brtson 'grus dang / zho non pas khong du chud par bya ba dang / byang chub sems dpa'i brtson 'grus kyi shugs rnam par 'phel bar byed pa 
dang / 'jig rten thams cad dang / nyan thos dang / rang sangs rgyas thams cad dang / de'i yul la zhugs pa'i byang chub sems dpa' thams cad kyis mi 'phrogs pa shes shing khong du chud par byed do/ /rnam par snang mdzad la stsogs 
pa da ltar byung ba'i de bzhin gshegs pa phyogs bcu'i 'jig rten gyi khams na bzhugs pa gcig nas gcig tu brgyud pa thams cad kyang mthong zhing shes te/ sems kyi skad cig gcig la sangs rgyas brgya yang mthong zhing shes so/ /de'i 
'og ma'i sems kyis sangs rgyas stong yang mthong ba nas/ de'i 'og ma'i sems kyis de bzhin gshegs pa sangs rgyas kyi zhing brjod du med pa'i yang brjod du med pa'i rdul shin tu phra ba snyed kyi bar du yang mthong ste/ nam de bzhin gshegs pa </font><hr>38-1-68a<br><font size=+1>
gang gi zhal blta bar dga' ba de'i tshe 'ang de bzhin du mthong ste/ sangs rgyas bcom ldan 'das de dag gis bstan pa dang / bstan pa mdzad pa dang / bstan par 'gyur ba de dag kyang thos so/ /thos nas kyang 'dzin to/ /dran 
pas yongs su bcangs so/ /rig pas rab tu shes par byed do/ /blo gros kyis rnam par 'byed do/ /blos rtogs par byed do/ /shes rab kyis snang bar byed do/ /rigs kyi bu kho bos ni byang chub sems dpa' rnam par thar pa yongs su mya ngan las mi 'da' ba'i mthar phyin pa 'di 
shes bar zad na/ kho bos byang chub sems dpa' dus gsum skad cig gcig tu shes pa rab tu thob pa/ skad cig gcig gi cha shas la ting nge 'dzin rnam par phye ba la spyad pa/ de bzhin gshegs pa'i nyi ma las byung ba rtog pa dang / rnam par 
rtog pa thams cad mnyam pa nyid du khong du chud pa/ sangs rgyas thams cad dang mnyam pa'i ting nge 'dzin rjes su rtogs pa/ bdag dang sems can dang / sangs rgyas mi gnyis par spyod pa/ rang bzhin gyis 'od gsal ba'i chos kyi rgyan gyi dkyil 
'khor dang ldan pa/ ye shes kyi 'khrul 'khor kyis 'jig rten gyi dra ba 'gengs pa/ de bzhin gshegs pa rgya mtsho thams cad dang / mi 'gal bar rnam par spyod pa/ chos kyi dbyings thams cad du rnam par rtogs par byed pa'i ye shes kyi yul 
dang ldan pa/ de bzhin gshegs pa thams cad kyi chos bstan pa rnam par rig par byed pa'i ye shes kyi yul can de dag gi spyod pa shes pa'am/ yon tan brjod par nus re skan/ /song rigs kyi bu lho phyogs kyi rgyud 'di nyid na ri gru 'dzin ces bya 
ba yod de/ de na byang chub sems dpa' spyan ras gzigs kyi dbang po zhes bya ba 'dug gis/ de'i gan du song la ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba dris shig ces </font><hr>38-1-68b<br><font size=+1>
nas de'i tshe/ tshigs su bcad pa 'di gnyis smras so/ /song shig nor bzangs dpal gyi chu rgyal dpung zhig na/ /mkhas pa rnams kyis ri rgyal gru 'dzin mdzes pa yod/ /rin chen rgyus byas shing dang nags tshal me tog mang / /bza' shing ra ba rdzing dang chu bran 
'bab par ldan/ /ri mchog de la brtan par spyan ras gzigs kyi dbang/ /'gro ba rnams la phan pa'i don du rnam par spyod/ /de'i gan song dang nor bzangs khyod la mgon po yis/ /yon tan rgya chen tshul la 'jug pa ston par byed/ /de nas 
tshong dpon gyi bu nor bzangs kyis khyim bdag nan khugs kyi rkang pa gnyis la spyi bos phyag 'tshal nas/ khyim bdag nan khugs la lan brgya stong du mar g.yas phyogs su bskor ba byas te/ yang dang yang bltas nas khyim bdag nan khugs kyi 
drung nas song ngo // //sangs rgyas rmad gcad ces bya ba shin tu rgyas pa chen po'i mdo//bam po lnga pa/ /de nas tshong dpon gyi bu nor bzangs khyim bdag nan khugs kyi gdams ngag rjes su sems shing / byang chub 
sems dpa'i mos pa'i mdzod de ni shes par byed/ byang chub sems dpa'i rjes su dran pa'i stobs de ni rjes su dran par byed/ sangs rgyas kyi tshul gcig nas gcig tu brgyud pa'i stobs ni yang dag par 'dzin/ sangs rgyas gcig nas 
gcig tu brgyud pa'i mtshams ni khong du chud par byed/ rnas thos pa'i sangs rgyas kyi mtshan de dag gi rjes su ni 'brang / sangs rgyas kyi chos bstan pa'i tshul de dang ni 'thun par byed/ sangs rgyas kyis yang dag par bsgrub pa'i rgyan de ni khong du chud 
par byed/ sangs rgyas mngon par rdzogs par 'tshang rgya ba'i khyu mchog gi mthu phyung ba de la ni yid ches par byed/ de bzhin gshegs pa'i phrin las bsam gyis mi khyab pa de ni mngon du byed cing / mthar gyis ri gru 'dzin gang na ba der </font><hr>38-1-69a<br><font size=+1>
song nas/ ri gru 'dzin gyi steng du phyin te/ byang chub sems dpa'i spyan ras gzigs kyi dbang po yongs su rmed cing tshol tshol ba las/ nub phyogs logs kyi ri'i sman ljongs mtsho dang / mtshe'u dang 'bab chus mdzes par gyur pa/ baiDUr+ya 
sngon po'i dkyil 'khor ltar sngo zhing 'jam la gzhon pa'i spang / nags tshal chen po'i mthongs na 'dug pa zhig na/ rin po che'i rdo rje'i rdo stegasashig la skyil mo krung bcas te 'dug cing / rin po che sna tshogs kyi rdo stegs la 'khod pa'i byang chub sems 
dpa'i tshogs dpag tu med pas/ kun nas bskor cing chos ston te/ chos kyi rnam grangs 'gro ba thams cad yongs su sdud pa'i yul byams pa chen po dang / snying rje chen po'i sgo gsal bar ston pa zhes ba ba yang dag par ston cing 'dug pa mthong 
ngo / /mthong nas kyang dga' rangs te mgu zhing nyams bde la tshim zhing yid bde ba skyes nas dga' bas rgyas zhing mi 'dzum pa'i mig gis thal mo sbyar nas/ dge ba'i bshes gnyen la dad pa'i shugs dang ldan pas sems mi 'khrug pa/ dge 
ba'i bshes gnyen mthong na/ sangs rgyas thams cad mthong bar 'dzin pa/dge ba'i bshes gnyen las byung ba'i chos kyi sprin thams cad yang dag par gzung ba'i 'du shes dang ldan pa/ yon tan dang nan tan thams cad dge ba'i bshes 
gnyen la rag lus pa'i 'du shes can/ dge ba'i bshes gnyen dang phrad pa shin tu dka' bar sems pa/ dge ba'i bshes gnyen las stobs bcu'i ye shes rin pa che 'byung zhing thob par 'gyur ba'i 'du shes dang ldan pa/ dge ba'i bshes 
gnyen las snang ba mi zad pa 'byung ba'i 'du shes can/ dge ba'i bshes gnyen gyi rten gyi bsod nams kyi rgyud rnam par 'phel bar 'gyur ba'i 'du shes dang ldan pa/ dge ba'i bshes gnyen ni thams cad mkhyen pa nyid kyi sgo yang dag par ston pa'i </font><hr>38-1-69b<br><font size=+1>
'du shes dang ldan pa/ dge ba'i bshes gnyen ni ye shes kyi rgya mtsho chen po la 'jug pa'i yongs su ston par 'du shes pa/ dge ba'i bshes gnyen ni thams cad mkhyen pa nyid kyi tshogs yang dag par 'dus pa/ yongs su bskyed pa'i 'du shes dang ldan pa de/ 
byang chub sems dpa' spyan ras gzigs kyi dbang po gang na ba der phyin to/ /de nas byang chub sems dpa' spyan ras gzigs kyi dbang pos tshong dpon gyi bu nor bzangs ring zhig nas tshur 'ong ba mthong nas/ smras pa/ tshur shog dpe med pa'i theg pa chen po 
yangs shing bsam gyis mi khyab pa la zhugs pa/ skye ba las byung ba'i sdug bsngal sna tshogs kyis gtses shing skyabs med par gyur pa'i 'gro ba thams cad yongs su bskyab pa'i bsam pa dang ldan pa/ sangs rgyas kyi chos thams cad mngon sum du gyur pa/ 
'jig rten thams cad las 'das te dpe med tshad med pa la mngon par mos pa/ snying rje chen pos byin gyis brlabs pas/ 'gro ba thams cad yongs sa bskyab pa'i blo gros can/blta na kun tu bzang po'i spyod pa la mngon du bltas pa/ smon lam chen po'i 
dkyil 'khor yongs su sbyang ba'i sems dang ldan pa/ sangs rgyas thams cad kyi chos kyi sprin yongs su gzung bar mos pa/ dge ba'i rtsa ba bstsags pas ngoms mi shes pa'i bsam pa dang ldan pa/ dge ba'i bshes gnyen gyi gdams ngag la yang dag par 
zhugs pa/ 'jam dpal gyi ye shes rgya mtsho las byung ba'i yon tan gyi 'byung gnas sangs rgyas kyi byin gyi rlabs thob par bya ba la mngon du bltas pa/ ting nge 'dzin gyi snang ba dang shugs rab tu thob pa/ sangs rgyas thams cad kyi chos kyi sprin gyi char yang 
dag par gzung ba la mngon par mos pa'i sems dang ldan pa/ sangs rgyas mthong bas dga' ba dang / mos pa'i shugs kyis yid rab tu bde bar gyur pa/ legs par spyod pa tshad med cing bsam gyis mi khyab pa'i shugs kyis mngon par brlan </font><hr>38-1-70a<br><font size=+1>
pa'i sems dang ldan pa/ yon tan la nan tan du bya ba'i shugs kyis rnam par dag pa'i bsod nams dang ye shes kyi mdzod bdag la mngon du gyur pa/ thams cad mkhyen pa'i ye shes mthong ba'i lam gyi shugs gzhan la yongs 
su bstan pa'i bsam pa can/ snying rje chen po'i shugs ma nyams pa'i rtsa ba dang ldan pa/ de bzhin gshegs pa'i ye shes snang ba'i shugs yang dag par gzung ba'i blo gros can khyod 'ongs pa legs so legs so/ /de nas tshong dpon gyi bu nor bzangs byang chub 
sems dpa' spyan ras gzigs kyi dbang po gdan pa der song nas/ byang chub sems dpa' spyan ras gzigs kyi dbang po'i rkang pa gnyis la spyi bos phyag 'tshal te/ byang chub sems dpa' spyan ras gzigs kyi dbang po la lan brgya stong du mar 
g.yas phyogs su bskor ba byas nas mdun du 'dug ste/ thal mo sbyar nas 'di skad ces smras so/ /'phags pa bdag gis bla na med pa yang dag par rdzogs pa'i byang chub tu sems bskyed na/ ji ltar byang chub sems dpas byang chub 
sems dpa'i spyod pa la bslab par bgyi ba dang / ji ltar nan tan du bgyi ba ma 'tshal te/ 'phags pa ni byang chub sems dpa' rnams la gdams ngag dang rjes su bstan pa mdzad do zhes bdag gis thos na/ ji ltar byang chub sems dpas byang 
chub sems dpa'i spyod pa la bslab par bgyi ba dang / ji ltar nan tan du bgyi ba 'phags pas bdag la bshad du gsol/ de nas byang chub sems dpa' spyan ras gzigs kyi dbang pos mdog 'dzam bu chu klung gi gser gyi kha dog tu 'dug pa 
'od kyi dra ba rnam pa sna tshogs tshad med pa 'phro ba'i rgyan gyi sprin rab tu 'gyed pa'i lag pa g.yas pa brkyang te/ mtshan dang dpe byad bzang po las byung ba'i 'od gzer sna tshogs dri ma med pa/ lus dang sems kyi bde ba tshad med pa rab tu skyed </font><hr>38-1-70b<br><font size=+1>
pa'i tshogs kyis shin tu rgyas pa'i lag pa/ tshong dpon gyi bu nor bzangs kyi spyi bo la bzhag ste/ 'di skad ces smras so/ /rigs kyi bu de ltar khyod kyis bla na med pa yang dag par rdzogs pa'i byang chub tu sems bskyed pa legs so legs so/ /rigs kyi bu nga 
ni byang chub sems dpa'i spyod pa'i sgo snying rje chen po'i sgo thogs pa med pa zhes bya ba shes te/ rigs kyi bu nga ni byang chub sems dpa'i spyod pa'i sgo snying rje chen po'i sgo thogs pa med pa de ni 'gro ba thams cad la dbye ba med par sems can yongs su smyin par bya ba dang / gdul ba la 
zhugs pa sgo kun nas thos shing rnam par rig par 'gyur bas/ sems can yongs su bsdu ba dang / gdul ba la nye bar gnas pa ste/ rigs kyi bu de ltar nga byang chub sems dpa'i spyod pa'i sgo snying rje chen po'i sgo thogs pa med pa la gnas pas/ de bzhin 
gshegs pa thams cad kyi zhabs kyi drung nas kyang mi g.yo la/ sems can thams cad kyi dgos pa la'ang sta gon du gnas te/ sbyin pas kyang sems can yongs su sdud do/ /ngag snyan pa dang don bya ba dang / don 'thun pas kyang sems can yongs 
su bsdud do/ /gzugs kyi lus rnam par bstan pas kyang / sems can yongs su smyin par byed do/ /kha dog dang dbyibs dang gzugs bsam gyis mi khyab pa bstan te/ rnam par dmigs par bya ba dang / 'od gzer kyi dra ba dgye bas kyang 
sems can rab tu tshim par byed cing yongs su smyin par byed do/ /bsam pa ji lta ba bzhin du dbyangs brjod pa dang / ci la dga' ba'i spyod lam yongs su bstan pa dang / mos pa sna tshogs dang / tshul 'thun par chos bstan pa dang / rdzu 'phrul 
dang rnam par 'phrul pa sna tshogs dang / dge ba'i chos bstsags par bag myi byed pa'i sems can gyi sems yongs su bskul ba dang / bsam pa dang 'thun par sprul pa sna tshogs tshad med pa yongs su bstan pa dang / rigs sna tshogs su skyes pa'i </font><hr>38-1-71a<br><font size=+1>
sems can rnams dang skal ba 'thun pa'i gzug yongs su bstan pa dang / gnas gcig tu 'grogs pas kyang sems can yongs su bsdus shing yongs su smyin par byed do/ /rigs kyi bu de ltar ngas byang chub sems dpa'i spyod pa'i sgo snying rje 
chen po'i sgo thogs pa med pa 'di yongs su sbyangs pas/ 'gro ba thams cad rab tu rten pa'i smon lam bskyed de/ 'di ltar sems can thams cad kyi g.yang sa'i 'jigs pa dang / sems can thams cad kyi rgyud kyi 'jigs pa zhi bar bya ba dang / sems can 
thams cad kyi mgo rmongs pa'i 'jigs pa rnam par bzlog pa dang / sems can thams cad kyi bcings pa'i 'jigs pa yongs su gcad pa dang / sems can thams cad kyi srog la bab par mi bde ba'i 'jigs pa rnam par bzlog pa dang / sems can thams 
cad kyi yo byad kyis phongs pa'i 'jig pa bsal ba dang / sems can thams cad kyi 'tsho ba med pa'i 'jigs pa zhi bar bya ba dang / sems can thams cad kyi grags pa med pa'i 'jig rten pa las yongs su bzla ba dang / sems can thams cad kyi 'khor ba'i 
'jigs pa rab tu zhi bar bya ba dang / sems can thams cad kyi 'khor du bag tsha ba'i 'jigs pa med par bya ba dang / sems can thams cad 'chi ba'i 'jigs pa las rnam par bzla ba dang / sems can thams cad kyi ngan song gi 'jigs pa rnam par 
bzlog pa dang / sems can thams cad kyi lam mun pas nyam nga ba phyir mi ldog pa'i snang bas gsal bar bya ba dang / sems can thams cad skal ba mi mnyam pa dang 'grogs pa'i 'jigs pa shin tu bsal ba dang / sems can thams cad kyi sdug pa 
dang bral ba'i 'jigs pa dgag par bya ba dang / sems can thams cad kyi mi sdug pa dang / 'grogs pa'i 'jigs pa med par bya ba dang / sems can thams cad lus la mi bde ba'i 'jigs pa dang bral bar bya ba dang / sems can thams cad sems la mi bde </font><hr>38-1-71b<br><font size=+1>
ba'i 'jigs pa las dgrol ba dang / sems can thams cad sdug bsngal ba dang / yid mi bde ba dang 'khrugs pa las yongs su bzla ba'i phyir 'gro ba thams cad rab tu rten pa'i smon lam mngon par bsgrub pa 'di byas so/ /sems can thams cad kyi 'jigs pa rnam 
par zhi bar bya ba'i phyir yang 'jig rten du rjes su dran pa'i sgo byin gyis brlabs so/ /sems can thams cad 'jigs pa dang bral bar bya ba'i phyir/ rang gi mying 'khor lo yang 'jig rten du rnam par dmigs par byas so/ /dus ji lta ba bzhin du 'gro bas rnam par 
dmyigs par bya ba'i phyir 'gro ba thams cad kyi rnam pa'i bye brag mtha' yas pa dang mnyam par nga'i lus kyang byin gyis brlabs so/ /rigs kyi bu de ltar nga ni thabs 'dis sems can thams cad 'jigs pa las yongs su bkrol cing sangs rgyas kyi chos thams 
cad thob par bya ba'i phyir/ bla na med pa yang dag par rdzogs pa'i byang chub tu sems bskyed cing phyir mi ldog par byed do/ /rigs kyi bu ngas byang chub sems dpa'i spyod pa'i sgo snying rje chen po'i sgo thogs pa med pa 'di thob par zad na/ des byang chub sems 
dpa' kun tu bzang po rnams sangs rgyas thams cad kyi smon lam gyi dkyil 'khor la rnam par dag pa/ byang chub sems dpa' kun tu bzang po'i spyod pa khong du chud par rtogs pa/ dge ba'i chos mngon par 'du bya ba rgyun mi gcod pa'i rgyud dang ldan 
pa/ byang chub sems dpa'i ting nge 'dzin thams cad kyi rgyud la rtag tu mnyam par gzhag pa/ bskal pa thams cad du gnas shing spyod pa las phyir mi ldog pa'i rgyud dang ldan pa/ dus gsum thams cad kyi tshul rjes su rtogs pa'i rgyud dang ldan pa/ 
'jig rten gyi khams thams cad kyi klong yongs su 'khyil ba'i rgyud la mkhas pa/ sems can thams cad kyi mi dge ba'i sems rnam par zhi bar byed pa'i rgyud dang ldan pa/ sems can thams cad kyi dge ba'i sems yongs su 'phel ba'i rgyud dang ldan pa/</font><hr>38-1-72a<br><font size=+1>
sems can thams cad kyi 'khor ba'i rgyud las phyir mi ldog par byed pa'i rgyud dang ldan pa/ de dag gi spyod pa shes pa'am/ yon tan brjod par nus re skan/ de la 'di skad ces bya'o/ /g.yas phyogs bskor ba byas te gus par bkur bstodanas/ /
nor bzangs shin tu dul ba lho phyogs rgyud du song / /spyan ras gzigs dbang drang srong snying rje rnam spyod pa/ /rin chen ri'i sul na gnas par des kyang mthong / /rin chen sna tshogs rdo rje'i ri yi sman ljongs na/ /pad+ma'i snying po'i seng ge'i khri la brtan par 'dug 
lha dang lha min klu dang srin po mi'am ci/ /rgyal ba'i sras kyis bskor cing de la chos kyang ston/ /mthong nas nor bzangs dga' ba tshad med skyes par gyur/ /bsnyen te yon tan rgya mtsho'i rkang la phyag 'tshal nas/ /ci nas bzang po'i spyod pa bdag gis thob 
'gyur bar/ /'phags pas thugs rje bskyed de gdams shing bslab par gsol/ /bsod nams brgya pas brgyan pa'i dri med lag brkyang ste/ /'od sprin dra ba rgya chen bzang po rab bton nas/ /nor bzangs spyi bor bzhag ste sems can rnam 
dag pa/ /spyan ras gzigs kyi dbang po mkhas pas tshig 'di smras/ /sangs rgyas sras bo nga ni rnam thar gcig sgo shes/ /ye shes snying po rgyal ba kun gyi thugs rje sdug /'gro ba thams cad bskyab cing yongs su bsdu phyir byung / /kun 
tu bdag nyid rang la byams pa bzhin du rgyu/ /'gro ba mang po thams cad sdug bsngal kun las skyob/ /gang rnams dam du bcings shing dgra lag phyin pa dang / /lus la gzer cing de bzhin btson rar btsud pa yang / /nga yi ming thos bcings 
shing bzung ba thar bar 'gyur/ /rgyal po dag la nyes pa'i g.yon byas gsad spangs pa/ /de tshe de dag nga yi ming yang dran gyur na/ /mda' 'phangs de yi lus la phog par mi 'gyur te/ /mtshon rnon btab kyang de dag mi 'dzug sgal bar 'gyur/ /</font><hr>38-1-72b<br><font size=+1>
dbang po'i 'khor du phyin kyang gang rnams rtsod gyur pa/ /dgra rnams kun las rgyal 'gyur grags pa 'thob par 'gyur/ /grags dang grogs dang rigs dang nor rnams 'phel bar 'gyur/ /nga yi ming dran de dag thub pa med par 'gyur/ /gang gis nga yi ming ni rjes su dran 
byas pa/ /de dag rkun pos 'jigs dogs dgras 'jigs nags phyin te/ /seng ge dom gzig gcan zan g.yag rgod sbrul gang yang / /dgra rnams kun las rgyal zhing 'jigs pa med par 'gyur/ /gang rnams la las nga yi ming zhig dran byas na/ /sdang ba'i 
sems kyis rin chen ltongasasu bor gyur tam/ /sol mdag lci me rab tu 'bar bar bor gyur kyang / /me rnams pad mos gang ba'i chu yi gter du 'gyur/ /nga yi ming ni skad 'ga' yud tsam rjes dran na/ /rgya mtsho'i chur bor de yi nang du 'chi mi 'gyur/ /chu bos mi 
'khyer me yi dbus su tshig mi 'gyur/ /don med kun tu mi 'gyur don rnams 'grub par 'gyur/ /shing sgrog dbyig chings lcags sgrog de bzhin ltung rnams dang / /brnyas shing khyad bsad de bzhin brid cing bslus pa dang / /spyos shing bsdigs te gshe dang sma phab rnam pa 
las/ /nga yi ming tsam dran par byas na thar pa thob/ /gang rnams shar gnyer sna tshogs glags lta ji snyed dang / /gang rnams rtag tu zhe sdang mi snyan brjod pa'i rnams/ /nga yi ming thos dran byas snyan par brjod par 'gyur/ /mthong ba tsam gis mod la byams pa'i sems kyang 
skye/ /nga yi ming tsam la la gang gis dran byas nas/ /gnod pa'i don du ro langs sngags dang byad byed pa'i/ /dgra rnams rtag tu de yi zil gyis non par 'gyur/ /ma lus dug gis de yi lus la mi tshugs so/ /la la gang gis nga yi ming tsam dran byas na/ /
klu dbang srin tshogs mkha' lding sha za thams cad dang / /grul bum srul po 'tshe byed gtum po'i sems dang ldan/ /mdangs 'phrog 'jigs byed rmi lam 'ong ba'ang zhi bar 'gyur/ /nga yi ming ni skad cig yud tsam dran byas kyang / /pha dang ma dang gnyen bshes </font><hr>38-1-73a<br><font size=+1>
mdza' ba kun dang yang / /'bral bar mi 'gyur sdang dang 'grogs par de bzhin min/ /nor zad mi 'gyur phongs pa'i dngos su mi 'gyur ro/ /nga yi ming gi rjes su la la dran byed na/ /'di nas shi 'phos mnar med sems dmyal mi 'gro ste/ /byol song skye 
gnas yi dgas mi khom gnas su min/ /sems can dag la lha dang mi yi gnas su skye/ /nga yi ming ni la la gang gis dran byas na/ /dmus long zhar ba 'on pa zha bor mi 'gyur te/ /'thengapo long bar mi 'gyur gsal smra blta sdug 'gyur/ /bskal pa bye ba mang por dbang por 
kun ldan 'gyur/ /la la gang gis nga yi mying ni rjes dran na/ /sems can dag pa 'di nas shi 'phos phyogs bcu yi/ /'jig rten khams su sangs rgyas mngon sum skye bar 'gyur/ /sangs rgyas mthong 'gyur de dag chos kyang thos par 'gyur/ /'di dang de bzhin 
gzhan dag thabs mang ji snyed kyis/ /'gro bar sems can nga 'dul gzhal dang zad mi nus/ /sangs rgyas sras po ngas ni rnam thar gcig bsgoms te/ /yon tan can gyi yon tan thams cad ngas mi shes/ /de'i tshe byang chub sems dpa' gzhan du mi 'gro ba 
zhes bya ba shar phyogs nas nam mkha'i dbyings las 'ongs te/ mi mjed kyi 'jig rten gyi khams kyi 'khor yug gi rtse mor 'dug go /byang chub sems dpa' gzhan du mi 'gro bas/ mi mjed kyi 'jig rten gyi khams kyi 'khor yug gi rtse mo la rkang pa gnyis 
bor ma thag du/ mi mjed kyi 'jig rten gyi khams 'di rnam pa drug tu g.yos te/ rin po che du ma'i rang bzhin du kun nas gnas par gyur to/ /byang chub sems dpa' gzhan du myi 'gro ba des/ nyi ma dang zla ba'i 'od thams cad zil gyis non pa dang / lha dang 
klu dang gnod sbyin dang / dri za dang lha ma yin dang / nam mkha' lding dang mi'am ci dang lto 'phye chen po dang / brgya byin dang tshangs pa dang / 'jig rten gyi mgon po dang / me dang rin po che dang / glog dang / skar ma'i 'od kyang zil gyis non pa de lta bu'i 'od lus las </font><hr>38-1-73b<br><font size=+1>
bkye ste/ sems can dmyal ba chen po dag kyang snang bar byas/ byol song gi skye gnas dang / gshin rje'i 'jig rten gyi lam gyi rgyud thibs po thams cad kyang snang bar byas te/ ngan song gi sdug bsngal thams cad kyang de ma thag tu zhi'o/ /sems can thams cad kyi nyon 
mongs pa yang nyams su mi gnod par gyur to/ /mya ngan gyi zug rngu dang sdug bsngal sna tshogs kyang rtse zil bar gyur to/ /sangs rgyas kyi zhing 'di thams cad du 'ang rin po che'i sprin gyi char phab ste/ me tog dang spos dang / bdug pa dang / phreng ba dang / byug pa dang / phye ma dang / na bza' 
dang / gdugs dang / rgyal mtshan dang / ba dan gyi rgyan thams cad dang ldan pa'i mchod pa sna tshogs kyi sprin gyi char yang mngon par phab ste/bcom ldan 'das gang na ba der song ngo / /de'i lus de'i gzugs brnyan ni sems can thams cad gnas su snang ba ste bsam 
pa ji lta ba bzhin du tshim par byed pa la mngon par gzhol bas/ ri gru 'dzin de la byang chub sems dpa' spyan ras gzigs kyi dbang po'i drung du yang phyin par snang ngo / /de nas byang chub sems dpa' spyan ras gzigs kyi dbang pos tshong dpon gyi bu nor bzangs 
la 'di skad ces smras so/ /rigs kyi bu khyod kyis byang chub sems dpa' gzhan du mi 'gro ba 'khor gyi dkyil 'khor 'dir phyin pa mthong ngam/ smras pa 'phags pa mthong ngo / /smras pa rigs kyi bu byang chub sems dpa' gzhan du mi 'gro ba'i gan du 
song la ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bya ba dris shig /de nas tshong dpon gyi bu nor bzangs kyis byang chub sems dpa' spyan ras gzigs kyi dbang po'i rkang pa gnyis la spyi bos phyag 
'tshal te/ byang chub sems dpa' spyan ras gzigs kyi dbang po la/ lan brgya stong du mar g.yas phyogs su bskor ba byas nas/ byang chub sems dpa' spyan ras gzigs kyi dbang po'i drung nas song ngo / /de nas tshong dpon gyi </font><hr>38-1-74a<br><font size=+1>
bu nor bzangs byang chub sems dpa' spyan ras gzigs kyi dbang po'i ye shes kyi gting ma rnyed pa'i sems kyis spyan ras gzigs kyi dbang po blta bas kyang ma ngoms bzhin du bsgo ba dang / mi 'gal bar byang chub sems dpa' gzhan du mi 'gro ba gang na 
ba der song ste/ byang chub sems dpa' gzhan du mi 'gro ba'i rkang pa gnyis la spyi bos phyag 'tshal nas mdun du 'dug ste/ thal mo sbyar nas 'di skad ces smras so/ /'phags pa bdag gis bla na med pa yang dag par rdzogs pa'i byang chub tu sems bskyed na/ ji ltar byang chub 
sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba ma 'tshal te/ 'phags pa ni byang chub sems dpa' rnams la gdams ngag dang rjes su bstan pa mdzad do zhes bdag gis thos na/ ji ltar byang chub sems dpas byang chub 
sems dpa'i spyod pa la bslab par bgyi ba dang / ji ltar nan tan du bgyi ba 'phags pas bdag la bshad du gsol/ /des smras pa rigs kyi bu nga ni byang chub sems dpa'i rnam par thar ba sgo kun tu 'gro ba thob pa'o/ /smras pa/ 'phags pa khyod kyis de bzhin 
gshegs pa gang gi zhabs kyi drung nas byang chub sems dpa'i rnam par thar pa'i sgo kun tu 'gro ba zhes bya ba 'di brnyes/ 'jig rten gyi khams de ni 'di nas ji srid cig na mchis/ 'jig rten gyi khams de nas bzhud nas ni ji srid cig lags/ smras pa rigs kyi bu gnas 
'di ni lha dang mi dang lha ma yin du bcas pa'i 'jig rten dang / dge sbyong dang bram zer bcas pa'i skye dgus kyang shes par dka' ste/ de ni byang chub sems dpa'i mthu dang / byang chub sems dpa'i brtson 'grus mi ldog pa dang / byang chub sems dpa'i spyod pa mi 
'phrogs pa'i yul te/ de ni rigs kyi bu dge ba'i bshes gnyen gyis yongs su ma zin pa/ sangs rgyas kyis ma dgongs pa/ dge ba'i rtsa ba ma bstsags pa/ bsam pa yongs su ma dag pa/ byang chub sems dpa'i dbang po ma thob pa/ shes rab kyi mig dang mi </font><hr>38-1-74b<br><font size=+1>
ldan pa rnams kyis thos ba 'am/ yongs su gzung ba'am/ yid ches pa'am/ khong du chud par bya bar mi nus so/ /smras pa/ sangs rgyas kyi mthu dang / dge ba'i bshes gnyen gyi gzungs kyis dad pa dang / mos par bgyi na 'phags pas bdag la bka' mi stsal tam/ 
des smras pa rigs kyi bu nga ni shar phyogs kyi 'jig rten gyi khams dpal gyi snying po dang ldan pa de bzhin gshegs pa dpal kun nas yang dag par 'byung ba'i sangs rgyas kyi zhing nas 'ongs te/ de bzhin gshegs pa dpal kun nas yang dag par 'byung ba'i zhabs kyi drung 
nas ngas byang chub sems dpa'i rnam par thar pa sgo kun tu 'gro ba 'di thob bo/ /rigs kyi bu 'jig rten gyi khams dpal gyi snying po dang ldan pa de nas nga song nas ni bskal pa sangs rgyas kyi zhing brjod du med pa'i rdul shin tu phra ba snyed cig 
'das te/ sems bskyed pa re re zhing yang gom pa sangs rgyas kyi zhing brjod du med pa'i rdul shin tu phra ba snyed cig bor ro/ /gom pa re res kyang sangs rgyas kyi zhing brjod du med pa'i rdul shin tu phra ba snyed kyi sangs rgyas kyi zhing 'das te/ sangs rgyas kyi zhing de dag thams cad kyang de bzhin 
gshegs pa dang ldan par shes te/ sangs rgyas bcom ldan 'das de dag thams cad la 'ang de bzhi gshegs pa'i mchod pa bla na med pa yid kyis rang bzhin chos nyid mngon par 'du ba ba med pa'i rgyas btab pa de bzhin gshegs pas gnang ba/ byang chub sems dpa'i 
dga' ba yongs su bskyed pas mchod pa byas so/ /'jig rten gyi khams de dag na sems can gyi khams rgya mtsho ji snyed pa de dag thams cad kyang mthong ste/ de dag thams cad kyi sems rgya mtsho yang khong du chud do/ /de dag thams cad kyi dbang po'i 'khor lo yang 
yongs su shes shing bsam pa dang / mos pa ji lta ba bzhin du gzugs kyi lus yongs su bstan to/ /chos kyi dbyangs rab tu bsgrags so/ /'od kyi dkyil 'khor yongs su bkye'o/ /yo byad sna tshogs phun sum tshogs pas kyang nye bar bsdud do/ rang gi lus kyang de dag </font><hr>38-1-75a<br><font size=+1>
la byin gyis brlabs te/ de ni yongs su smin par bya ba dang / gdul ba'i sbyor ba rgyun mi 'chad pa'i phyir ro/ /shar phyogs nas ji ltar 'ongs pa de bzhin du lho phyogs dang nub phyogs dang / byang phyogs dang / byang shar gyi phyogs mtshams dang / shar 
lho'i phyogs mtshams dang / lho nub kyi phyogs mtshams dang / nub byang gi phyogs mtshams dang / 'og dang steng gi phyogs nas kyang de bzhin te/ rigs kyi bu ngas ni byang chub sems dpa'i rnam par thar ba'i sgo kun tu 'gro ba zhes bya ba 'di shes par zad na/ ngas byang chub 
sems dpa' phyogs kun tu mngon par gzhol ba/ tha mi dadapa'i ye shes kyi yul dang ldan pa/ chos kyi dbyings thams cad du lus rnam par bkod pa/ sems can thams cad kyi bsam pa dang / mos pa ji lta ba bzhin du mthun par spyod pa/ zhing thams cad 
lus kyis rgyas par 'gengs pa/ chos thams cad kyi rgyud kyi rjes su song ba/ dus gsum gyi rgyud mnyam pa nyid du gyur pa/ chos phyogs kyi rgyud dang mnyam pa nyid du gyur pa'i lus dang ldan pa/ 'gro ba'i rgyud thams cad du rnam par snang ba/ de bzhin gshegs 
pa'i rgyud thams cad la rnam par rtog pa med pa/ chags pa med pa'i rgyud thams cad khong du chud pa/ gnas med pa'i rgyud la rab tu gnas pa de dag gi spyod pa shes pa'am/ yon tan brjod par nus re skan/ /song rigs kyi bu lho phyogs kyi rgyud 'di nyid na grong khyer 
sgo dang ldan pa zhes bya ba yod de/ de na lha lha chen po zhes bya ba 'dug gis de'i gan du song la/ ji ltar byang chub sems dpas byang chub sems dpa'i spyod pa la bslab par bya ba dang / ji ltar nan tan du bya ba dris shig /de nas tshong dpon gyi bu nor bzangs kyis byang chub 
sems dpa' gzhan du mi 'gro ba'i rkang pa gnyis la spyi bos phyag 'tshal te/ byang chub sems dpa' gzhan du mi 'gro ba la lan brgya stong du mar g.yas phyogs su bskor ba byas nas yang dang yang bltas te/ byang chub sems dpa' gzhan du mi 'gro ba'i drung </font><hr>38-1-75b<br><font size=+1>
nas song ngo / /de nas tshong dpon gyi bu nor bzangs byang chub sems dpa'i spyod pa rgya chen po'i rjes su song ba'i sems dang ldan pa/ byang chub sems dpa' gzhan du mi 'gro ba'i ye shes kyi spyod yul 'dod pa'i ngang tshul can mngon par shes pa chen po mngon par bsgrub pa'i yul la 
yon tan gyi khyad par du lta ba/ brtson 'grus brtan pa'i go cha rab tu dga' ba'i khyad par thob pa/ bsam gyis mi khyab pa'i rnam par thar pas rnam par rtse ba'i rjes su song ba'i bsam pa dang ldan pa de byang chub sems dpa'i yon tan gyi sa la ni nan tan du byed/ ting nge 'dzin 
gyi sa la ni rnam par dpyod/ gzungs kyis la ni rab tu gnas par byed/ smon lam gyi sa la ni 'jug par byed/ so so yang dag par rig pa'i sa la ni rjes su slob/ stobs kyis la ni yongs su bsgrub cing mthar gyis grong khyer sgo dang ldan pa gang na ba der song ste/ lha lha 
chen po kun du dris pa dang / de la 'gro ba mang pos bstan pa/ rigs kyi bu 'de re/ lha lha chen po grong khyer gyi lam gyi bzhi mdo na bdag nyid shin tu che bas sems can rnams la chos ston cing 'dug go /de nas tshong dpon gyi bu nor bzangs lha lha chen po gang na ba der song ste/ 
lha lha chen po'i rkang pa gnyis la spyi bos phyag 'tshal nas/ mdun du 'dug ste thal mo sbyar nas 'di skad ces smras so/ 'phags pa bdag gis bla na med pa yang dag par rdzogs pa'i byang chub tu sems bskyed na/ ji ltar byang chub sems dpas byang chub sems dpa'i 
spyod pa la bslab par bgyi ba dang / ji ltar nan tan du bgyi ba ma 'tshal te/ 'phags pa ni byang chub sems dpa' rnams la gdams ngag dang rjes su bstan pa mdzad do zhes bdag gis thos na/ ji ltar byang chub sems dpas byang chub sems dpa'i spyod pa la bslab par bgyi 
ba dang / ji ltar nan tan du bgyi ba 'phags pas bdag la bshad du gsol/ /de nas lha lha chen pos lag pa bzhi phyogs bzhir brkyang ste/ rgya mtsho chen po bzhi las shin tu myur ba'i shugs kyis chu blangs te/ bdag gis gdong bkrus nas tshong dpon gyi bu nor </font><hr>38-1-76a<br><font size=+1>
bzangs la gser gyi me tog gis gtor te 'di skad ces smras so/ /rigs kyi bu byang chub sems dpa' rnams ni mthong bar shin tu dka' ste/ thos par yang rab tu dka'o/ /skyes bu mchog gi me tog pun da ri ka ni 'jig rten gyi phul du bya ba 
yin pas/ ngo mtshar rmad du byung ba yin te/ 'jig rten gyi gnas su gyur pa'o/ /'gro ba'i rten du gyur pa'o/ /sems can rnams la snang ba chen po 'byin pa'o/ /lam rmongs pa rnams la lam bde ba ston pa'o/ /chos kyi tshul du gzung ba la mgon du gyur pa'o/ /
thams cad mkhyen pa'i grong khyer du phyin par bya ba la ded dpon chen por gyur pa ste/ de la kho bo 'di snyam du sems so/ /byang chub sems dpa' sems dpa' chen po rnams kyi ming ni sems dri ma med pa rnams la rang gi lus kyi gzugs brnyan ston cing lus rnam par dag pa 
rnams la mngon par snang ba dang / ngag gi nyes pa spangs pa rnams dbyangs kyi snang ba yongs su gdon par byed pa dang / bsam pa dag pa rnams la dus thams cad du mngon sum du gyur par gnas pas/ lta ba ngan pa 'joms pa yin par bsams so/ /
rigs kyi bu kho bo ni byang chub sems dpa'i rnam par thar pa sprin gyi dra ba thob pa'o/ /smras pa 'phags pa byang chub sems dpa'i rnam par thar ba'i sprin gyi dra ba de'i yul ji lta bu zhig mchis/ de nas lha lha chen pos tshong dpon gyi bu nor bzangs 
kyi mdun du ri chen po tsam gyi gser gyi phung po dang / dngul gyi phung po dang / baiDUr+ya'i phung po dang / shel gyi phung po dang / mu sa ra gal pa'i phung po dang / a sma gar b+ha'i phung po dang / nor bu rin po che ngang gis snang ba'i phung po dang / nor bu 
rin po che dri ma med pa'i snying po'i phung po dang / nor bu rin po che rnam par snang ba'i phung po dang / nor bu rin po che phyogs kun tu mngon pa'i phung po dang / gtsug gi nor bu rin po che dang / cod pan gyi phung po dang / nor bu rin po che sna tshogs kyise mo do'i phung po </font><hr>38-1-76b<br><font size=+1>
dang / dpung rgyan gyi phung po dang / rna cha'i rgyan gyi phung po dang / gdub bu'i phung po dang /ska rags kyi phung po dang / rkang gdub kyi phung po dang / mu tig dmar po'i dra ba'i phung po dang / nor bu rin po che sna tshogs kyi phung po dang / yan lag dang nying lag thams cad kyi rgyan gyi phung po dang / nor bu rin po che yid 
bzhin gyi rgyal po'i phung po dang / me tog thams cad dang / spos thams cad dang / bdug pa thams cad dang / phreng ba thams cad dang / byug pa thams cad dang / phye ma thams cad dang / gos thams cad dang / gdugs thams cad dang / rgyal mtshan thams cad dang / 
lha'i ba dan thams cad dang / rol mo brdung ba thams cad dang / rol mo dkrol ba thams cad dang / 'dod pa'i yul thams cad dang / bu mo bye ba brgya stong grangs med pa dag kyang nye bar bstan nas/ tshong dpon gyi bu nor 
bzangs la 'di skad ces smras so/ /rigs kyi bu 'di dag las khyer la/sbyin pa mang po ni byin cig /bsod nams mang po ni gyis shig /de bzhin gshegs pa rnams la mchod cig /sems can mang po ni sbyin pas bsdu ba'i dngos pos yongs 
su bsdus te/ gtong ba'i pha rol tu phyin pa la khod cig /'jig rten ni sbyin pa la slobs shig /gtang bar dga' ba yongs su gtang ba ni ston cig /rigs kyi bu khyod la kho bos ji ltar yo byad kyi rnam pas bsdud pa 'di bzhin du sbyin pa'i bsam pa dang / ma 
bral ba'i sems can tshad med pa dag gi bsam pa'i rgyud kyang gtong bas yongs su bsgo ba byed do/ /sangs rgyas dang chos dang dge 'dun dang / byang chub sems dpa' dang dge ba'i bshes gnyen rnams la'ang dge ba'i rtsa ba bskyed cing / bla na med pa yang 
dag par rdzogs pa'i byang chub tu yang dag par bskul ba byed do/ /rigs kyi bu gzhan yang kho bo ni sems can 'dod pa'i dga' bas myos pa/ yul gyi longs spyod la yongs su chags pa rnams la yul de dag mi sdug par byin gyis rlob bo//</font><hr>38-1-77a<br><font size=+1>
khro bas non pa dang nga rgyal can dang / rgyags shing dregs pa dang / rlom pa tshar gcod pas/ gdul ba rnams la ni gtum zhing srin po ltar mi sdug la 'jigs pa'i lus sha za zhing khrag 'thung ba'i tshul dang ldan par bstan te/ 
rlom pa dang / snyems pas 'khrug pa de dag thams cad zhi bar byed do/ /le lo can brtson 'grus bor ba'i sems can rnams la ni me dang / chu dang / rgyal po dang rkun po dang / gnod pa'i 'jigs pa yongs su bstan cing skyo bar byas te/ brtson 
'grus rtsom pa la 'god par byed do/ /de ltar thabs de dang de dag gis pha rol tu phyin pa thams cad kyi phyogs dang mi mthun par rab tu gzhom pa dang / pha rol tu phyin pa thams cad kyi tshogs bstsags pa dang / sgrib pa'i ri'i g.yang sa'i lam thams cad las yang 
dag par bzla ba dang / sgrib pa med pa'i chos la gzud pa'i phyir mi dge ba thams cad las rnam par bzlog ste/ dge ba thams cad phun sum tshogs pa la yang dag par 'god pa byed do/ /rigs kyi bu kho bos ni byang chub sems dpa'i rnam par thar pa 
sprin gyi dra ba 'di shes par zad na/ kho bos byang chub sems dpa'i dbang po ltar nyon mongs pa'i lha ma yin rab tu 'joms pa/ chu ltar 'gro ba thams cad kyi sdug bsngal gyi me'i phung po zhi bar byed pa/ me'i phung po ltar 'gro ba thams cad kyi sred pa'i 
chu skems pa/ rlung ltar 'dzin pa'i mngon par chags pa thams cad kyi ri rnam par 'thor ba/ rdo rje ltar bdag gi 'du shes sra ba'i brag rab tu rnyil ba/ de dag gi spyod pa shes pa'am/ yon tan brjod par nus re skan/ /song rigs kyi bu 'dzam 
bu'i gling 'di nyid kyi yul ma ga d+ha'i snying po byang chub na sa'i lha mo brtan ma zhes bya ba 'dug gis de'i gan du song la/ ji ltar byang chub sems dpas byang chub sems dpa'i spyod pa la bslab par bya ba dang / ji ltar nan tan du bya ba dris shig /</font><hr>38-1-77b<br><font size=+1>
de nas tshong dpon gyi bu nor bzangs kyis lha lha chen po'i rkang pa gnyis la spyi bos phyag 'tshal te/ lha lha chen po la lan brgya stong du mar g.yas phyogs su bskor ba byas nas/ yang dang yang bltas te/ lha lha chen po'i drung nas song ngo / /de nas tshong dpon 
gyi bu nor bzangs mthar gyis yul ma gad+ha'i snying po byang chub tu sa'i lha mo brtan ma gang na ba der song ba dang de 'gro ba'i tshe sa'i lha mo brgya stong phrag bcu gcig la gcig 'di skad ces 'dzer to/ /sems can thams cad kyi rten du 'gyur ba zhig ni 'di nas 
tshur 'ong ngo / /de bzhin gshegs pa'i snying po can sems can thams cad kyi ma rig pa'i sgo nga'i sbubs 'dra la bar 'gyur ba zhig ni 'di nas tshur 'ong ngo / /chos kyi rgyal po'i rigs su byung ba chags pa med cing dri ma med pa'i chos kyi rgyal po'i go 'phang dam 
pa 'thob par 'gyur ba zhig ni 'di nas tshur 'ong ngo / /ye shes kyi mthu bo che rdo rje'i mtshon cha can dpa' bo phas kyi rgol ba'i 'khor thams cad rab tu 'dul ba zhig ni 'di nas tshur 'ong ngo zhes nas/ de'i mod la lha mo brtan ma la stsogs pa/ sa'i lha 
mo brgya stong phrag bcus sa chen po rab tu bskyod de/ 'brug sgra zab mo lta bu'i sgra chen po grag par byas nas/ stong gsum gyi stong chen po'i 'jig rten gyi khams 'od chen pos snang bar byas te/ lus rin po che'i rgyan dang / lhab lhub thams cad 
kyis shin tu brgyan nas/ glog gi phreng ba'i tshogs nam mkha'i dbyings las 'gyu zhing snang ba lta bu sha stag du byas te/ shing thams cad kyi myu gu ni skye bar byed/ me tog gi shing thams cad ni kha 'bu bar byed/ chu klung gi rgyun thams cad ni 
'bab par byed/ mtsho dang mtshe'u dang lu ma thams cad ni rgyas par byed/ spos chu'i char pa ni rab tu 'bab par byed/ me tog gi sprin rab tu 'thor ba'i rlung chen po ni ldang bar byed/sil snyan bye ba khrag khrig brgya stong ni rab tu </font><hr>38-1-78a<br><font size=+1>
sgra sgrog par byed/ lha rdzas kyi gzhal med khang dang rgyan gyi tshogs mang po ni rab tu 'khrol bar byed/ ba lang dang / khyu mchog dang / glang po dang / stag dang / ri dgas kyi dbang po ni rab tu sgra 'byin par byed/ lha dang 
lha ma yin dang / klu dang 'byung po'i dbang po rnams ni 'brug sgra 'byin par byed/ ri'i dbang po chen po rnams ni phan tshun thug par byed/ gter gyi tshogs bye ba brgya stong ni mngon du byung bar byed cing sa'i 'og nas 'thon to/ /de nas sa'i lha mo 
brtan mas tshong dpon gyi bu nor bzangs la 'di skad ces smras so/ /rigs kyi bu khyod 'dir 'ongs pa legs so/ /sa'i phyogs 'di ni sngon khyod kyi gnas su gyur te/ kho mo'i mngon sum du dge ba'i rtsa ba bskyed pa yin na/ de'i rnam 
par smyin pa'i phyogs 'ga' tsam blta bar 'dod dam/ de nas tshong dpon gyi bu nor bzangs kyis sa'i lha mo brtan ma'i rkang pa gnyis la spyi bos phyag 'tshal te/ sa'i lha mo brtan ma la lan brgya stong du mar g.yas phyogs su bskor ba byas nas/ 
sa'i lha mo brtan ma'i mdun du 'dug ste thal mo sbyar nas 'di skad ces smras so/ /'phags ma 'tshal lo/ /de nas sa'i lha mo brtan mas rkang pa'i mthil gyis sa chen po la brdabs te/ rin po che'i gter bye ba brgya stong grangs med pa rab tu brgyan 
pa bstan nas 'di skad ces smras so/ /rigs kyi bu rin po che'i gter bye ba khrag khrig brgya stong 'di dag kyang khyod kyi rjes su 'brang ba'o/ /khyod kyi sngon du 'gro ba'o/ /khyod kyis ci dgar spyad pa'o/ /khyod kyi bsod nams kyi rnam par 
smin pa las byung ba'o/ /khyod kyi bsod nams kyi stobs kyis bsrungs pa'o/ /'di las long ste/ khyod kyis ci dgos pa de dag gyis shig /rigs kyi bu gzhan yang kho mo ni byang chub sems dpa'i rnam par thar pa ye shes thub par dka' </font><hr>38-1-78b<br><font size=+1>
ba'i snying po can thob pa ste/ de ltar kho mo ni byang chub sems dpa'i rnam par thar pa 'di dang ldan pas/ de bzhin gshegs pa mar me mdzad tshun chad du byang chub sems dpa'i rjes su 'brang zhing / rtag tu bsrung ba la zhugs pa ste/ de tshun chad 
du rigs kyi bu kho mo ni byang chub sems dpa'i sems kyi spyod pa la rnam par spyod do/ /ye shes kyi yul la 'jug go /smon lam gyi dkyil 'khor khong du chud par byed do/ /byang chub sems dpa'i spyod pa rnam par dag pa rjes su rtogs par byed 
do/ /ting nge 'dzin thams cad kyi tshul gyi rjes su 'brang ngo / /byang chub sems dpa'i mngon par shes pa thams cad dang / sems rgya chen pos rgyas par 'gengs so/ /byang chub sems dpa' thams cad kyi stobs kyis dbang 
bsgyur ba dang / zhing gi dra ba thams cad rgyas par dgang ba dang / de bzhin gshegs pa thams cad kyis lung bstan pa yang dag par mnod pa dang / dus thams cad du mngon par 'tshang rgya ba yang dag par bstan pa dang / chos kyi 
'khor lo bskor ba'i tshul thams cad dang / mdo sde yang dag par brjod pa'i chos kyi sprin gyi tshul thams cad dang / chos snang ba chen pos snang bar bya ba'i tshul dang / sems can thams cad yongs su smyin par bya ba'i tshul dang / sangs rgyas kyi rnam 
par 'phrul pa thams cad yang dag par bstan pa'i tshul yang rjes su rtogs par byed do/ /yang dag par 'dzin to/ /yang dag par nod do/ /rigs kyi bu byang chub sems dpa'i rnam par thar pa ye shes thub par dka' ba'i snying po can 'di yang bskal pa 
ri rab kyi rdul shin tu phra ba snyed kyi pha rol de'i yang pha rol cig tu 'jig rten gyi khams zla ba'i rgyal mtshan zhes bya bar bskal pa snang bas rnam par brgyan pa la de bzhin gshegs pa spyan bzang po las thob ste/ rigs kyi bu de ltar kho mo byang chub </font><hr>38-1-79a<br><font size=+1>
sems dpa'i rnam par thar pa ye shes thub par dka' ba'i snying po can 'di la yongs su dpyod dpyod/ rnam par dpyod dpyod/ shin du dpyod dpyod/ yang dag par 'phel bar byed byed de/ shin tu 
rgyas par byed byed pas/ bskal pa bzang po la thug gi bar du de bzhin gshegs pa mthong ba dang ma bral lo/ /de srid kyi bar gyis kho mos de bzhin gshegs pa dgra bcom pa yang dag par rdzogs pa'i sangs rgyas sangs rgyas kyi zhing brjod du med pa'i yang brjod du 
med pa'i rdul shin tu phra ba snyed cig bsnyen bkur to/ /de bzhin gshegs pa de dag thams cad snying po byang chub tu gshegs pa'i rnam par 'phrul pa yang mthong ste/ kho mo ni de bzhin gshegs pa de dag thams cad kyi dge ba'i rtsa ba mngon sum 
du mthong ba'o/ /rigs kyi bu kho mos byang chub sems dpa'i rnam par thar pa ye shes thub par dka' ba'i snying po can 'di shes par zad na/ kho mos byang chub sems dpa' de bzhin gshegs pa thams cad kyi zham ring du 'brang ba/ 
sangs rgyas thams cad kyi gsung gi rjes su 'brang ba/ de bzhin gshegs pa'i ye shes 'jug par dka' ba la rab tu zhugs pa/ sems kyi skad cig gis chos kyi dbyings thams cad rgyas par 'gengs pa'i shugs dang ldan 
pa/ de bzhin gshegs pa dang mnyam pa nyid du gyur pa'i lus dang ldan pa/ sangs rgyas thams cad kyi dgongs pa dri ma med pa'i snying por gyur pa/ sangs rgyas 'byung ba thams cad rtag tu mngon par bsgrubs pa/ sangs rgyas kyi 'phrin las 
tha mi dad pa'i pho nyar gyur pa/ de dag gi spyod pa shes pa'am/ yon tan brjod par nus re skan/ /song rigs kyi bu 'dzam bu'i gling 'di nyid kyi yul ma ga d+ha zhes bya ba na grong khyer ser skya'i gnas zhes bya ba yod de/ de na mtshan mo'i lha mo dpyid dang ldan </font><hr>38-1-79b<br><font size=+1>
pa zhes bya ba 'dug gis de'i gan du song la/ ji ltar byang chub sems dpas byang chub sems dpa'i spyod pa la bslab par bya ba dang / ji ltar nan tan du bya ba dris shig /de nas tshong dpon gyi bu nor bzangs kyis sa'i lha mo brtan ma'i rkang pa gnyis la spyi bos phyag 'tshal te/ sa'i lha mo brtan ma 
la lan brgya stong du mar g.yas phyogs su bskor ba byas nas yang dang yang bltas te/ sa'i lha mo brtan ma'i drung nas song ngo / /de nas tshong dpon gyi bu nor bzangs sa'i lha mo brtan ma'i gdams ngag rjes su dran par byed cing / byang chub sems dpa'i rnam par thar pa ye shes thub par dka' ba'i snying 
po can de rjes su dran par bya ba dang / byang chub sems dpa'i ting nge 'dzin bsgom pa de rab tu goms par bya ba dang / byang chub sems dpa'i chos kyi tshul de'i rjes su bsam pa dang / byang chub sems dpa'i rnam par thar pas rnam par rtse ba de la rnam par dpyad pa dang /byang chub 
sems dpa'i rnam par thar pa'i ye shes shin tu phra ba de la rnam par blta ba dang / byang chub sems dpa'i rnam par thar pa'i ye shes rgya mtsho de la 'jug par bya ba dang / byang chub sems dpa'i rnam par thar pa'i ye shes tha dad pa de la yid ches par bya ba dang / byang chub sems 
dpa'i rnam par thar pa'i ye shes shin tu sbyang ba de rjes su rtogs par bya ba dang / byang chub sems dpa'i rnam par thar pa'i ye shes rgya mtsho de la 'bab par bya ba byed cing / grong khyer chen po ser skya'i gnas gang na ba der phyin te/ grong khyer chen po ser skya'i gnas la g.yas phyogs su 
bskor nas/ shar phyogs logs kyi grong khyer gyi sgo nas song ste/ nyi ma nub nas ring po ma lon pa zhig tu grong khyer gyi lam gyi sum mdo'i dbus shig na/ byang chub sems dpa'i gdams ngag mthun par len pa de mtshan mo'i lha mo dpyid dang 
ldan pa mthong bar 'dod cing / dge ba'i bshes gnyen yod na sangs rgyas kyi ye shes thob par 'gyur bar nges pa'i blo gros dang ldan pa/ ye shes kyi mig kun tu lta ba'i yul gyi rang bzhin gyi byin gyi rlabs dang ldan pa/ phyogs thams cad du mngon par </font><hr>38-1-80a<br><font size=+1>
gzhol zhing / dge ba'i bshes gnyen la blta ba'i sems kyis mos pa dang /ye shes chen po'i snying por gyur pa'i 'du shes kyi sems dang ldan pa/ dmigs pa thams cad la rab tu zhugs pa'i ye shes kyi mig dang 
ldan pa/ chos kyi dbyings kyi tshul thams cad du ye shes rgya mtsho 'byam klas pas rgyas par 'gengs pa dang ldan pa'i ting nge 'dzin gyi mig gis phyogs thams cad du shes bya'i rgya mtsho la rnam par lta ba/ ye shes chen po'i mig 'thob par bya ba la rab tu gzhol zhing bsam 
pa rtse gcig tu bzhag nas 'dug pa dang / mtshan mo'i lha mo dpyid dang ldan pa de grong khyer chen po ser skya'i gnas kyi steng gi nam mkha'i dbyings las nor bu rin po che sna tshogs dpe med pa'i khang pa brtsegs pa zhig na/ rin po che'i seng ge'i khri chen po spos 
zhim po thams cad kyi pad+mo'i snying po can zhig la lus kyi mdog gser gyi kha dog tu 'dug pa/ skra 'jam zhing mang la mthon ting du 'dug pa/ mig dkar nag 'byes pa/ gzugs bzang zhing mdzes pa/ blta na sdug pa/ lus rgyan dang lhab lhub 
thams cad kyis klubs shing brgyan pa/ kha dog bsgyur ba'i gos bgos pa tshangs pa'i gtsug tor gyi cod pan zla ba'i dkyil 'khor gyis brgyan pa thogs pa lus la rgyu skar dang / gza' dang skar chen dang / skar ma'i tshogs thams cad kyi gzugs brnyan snang 
bar gyur ba 'dug pa mthong ngo / /des sems can gyi khams yangs par mi khom pa dang / ngan song dang / ngan 'gro dang / log par ltung ba nas sems can ji snyed cig yongs su bgrol ba de dag thams cad kyang de'i ba spu'i sbubs su chud par mthong ngo / /
ji snyed cig mtho ris kyi 'jig rten du bkod pa dang / ji snyed cig nyan thos dang / rang sangs rgyas kyi byang chub dang / thams cad mkhyen pa nyid du yongs su smyin par byas pa/ de dag thams cad kyang de'i ba spu'i sbubs su chud par mthong ngo / /lus mngon par bsgrub pa dang /</font><hr>38-1-80b<br><font size=+1>
gzugs mngon par bsgrub pa dang /kha dog mngon par bsgrub pa'i thabs sna tshogs kyis ji snyed cig yongs su smyin par byas pa de dag kyang de'i ba spu'i sbubs su chud par mthong ngo / /nga ro mngon par bsgrub pa dang / dbyangs kyi yan lag mngon par 
bsgrub pa dang / skad kyi tshul sna tshogs yongs su sbyar ba ji snyed cig gis yongs su smyin par byas pa de dag kyang / de'i ba spu'i sgo nas rjes su brjod pa thos so/ /dus mngon par bsgrub pa dang / bsam pa dang mos pa ji lta ba bzhin du sems can kyi rjes su 'brang 
bar bya ba dang / byang chub sems dpa'i spyod pa dang / byang chub sems dpa'i rnam par gnon pa dang / byang chub sems dpa'i ting nge 'dzin gyi rnam par 'phrul pa'i sgo dang / byang chub sems dpa'i khyu mchog gi mthu phyung ba dang / byang chub sems 
dpa'i rnam par spyod pa dang / byang chub sems dpa'i yongs su lta ba dang / byang chub sems dpa'i rnam par lta ba dang / byang chub sems dpa'i rnam par 'phrul pa dang / byang chub sems dpa'i skyes bu seng ge chen po'i rnam par bsgyings pa dang / 
byang chub sems dpa'i rnam par thar pas/ rnam par rtse ba ji snyed cig gis des sems can yongs su smyin par byas pa de dag kyang / de'i ba spu'i sbubs su chud par mthong ngo / /des thabs sna tshogs dang ldan pa'i chos kyi tshul rgya mtsho de dag 
mthong zhing thos nas dga' rangs te mgu zhing nyams bde la tshim zhing yid bde ba skyes nas/ mtshan mo'i lha mo dpyid dang ldan pa de la lus thams cad kyis phab nas phyag 'tshal te/ langs nas mtshan mo'i lha mo dpyid dang ldan pa la lan brgya stong du mar g.yas 
phyogs su bskor ba byas nas mtshan mo'i lha mo dpyid dang ldan pa'i mdun du 'dug ste thal mo sbyar nas 'di skad ces smras so/ /lha mo bdag gis bla na med pa yang dag par rdzogs pa'i byang chub tu sems bskyed de de ltar bdag gis dge ba'i bshes gnyen gyi byin gyi rlabs kyis </font><hr>38-1-81a<br><font size=+1>
sangs rgyas kyi yon tan thams cad 'byung bar yang dag par mthong pas/ dge ba'i bshes gnyen gyi phyag tu bdag nyid bor ba lags na/ lha mo shul gang la brten na/ byang chub sems dpa'i stobs bcu'i sar 
'byung bar 'gyur ba'i thams cad mkhyen pa'i shul bdag la bshad du gsol/ de skad ces smras pa dang / mtshan mo'i lha mo dpyid dang ldan pas/ tshong dpon gyi bu nor bzangs la 'di skad ces smras so/ /rigs kyi bu de ltar khyod dge ba'i 
bshes gnyen kyi sbyin gyis non te/ dge ba'i bshes gnyen kyi tshig mnyan par 'dod pa dang / dge ba'i bshes gnyen gyi gdams dag la nan tan du byed pa'i legs so legs so/ /rigs kyi bu khyod de ltar dge ba'i bshes gnyen 
gyi gdams ngag la nan tan du byed pas/ gdon mi za bar bla na med pa yang dag par rdzogs pa'i byang chub tu nye bar 'gyur ro/ /rigs kyi bu kho mo ni byang chub sems dpa'i rnam par thar pa sems can thams cad kyi mun pa rnam par sel 
ba'i chos kyi snang bas 'gro ba rnam par 'dul ba'i sgo thob pa ste/ bsam pa mi mnyam pa dang ldan pa'i sems can rnams la byams pa'i sems dang ldan pa'o/ /mi dge ba'i las kyi lam la zhugs pa rnams la snying rje'i sems dang ldan pa'o/ /dge 
ba'i las kyi lam la zhugs pa rnams la dga' ba'i sems dang ldan pa'o/ /sems mnyam par dang mi mnyam par ldan pa'i sems can rnams la mi gnyis pa'i sems dang ldan pa'o/ /kun nas nyon mongs ba rnams la rnam par byang 
ba'i sems dang ldan pa'o/ /nyam nga bar gyur pa rnams la yang dag par zhugs pa'i sems dang ldan pa'o/ /dma' ba la mos pa rnams la yangs pa la mos pa yongs su bskyed pa'i sems dang ldan pa'o/ /dbang po zhum pa rnams la brtson </font><hr>38-1-81b<br><font size=+1>
'grus chen po'i shugs rnam par spel ba'i sems dang ldan pa'o/ /'khor ba la mngon par mos pa rnams la 'khor ba'i rgyud kyi 'khor lo las rnam par bzlog pa'i sems dang ldan pa'o/ nyan thos dang / rang sangs rgyas kyi theg pa la 
mngon par mos pa'i sems can rnams la/ thams cad mkhyen pa nyid kyi lam la dgod pa'i sems dang ldan pa'o/ /rigs kyi bu de ltar kho mo de lta bu'i sems dang yid la bya bar ldan la/ byang chub sems dpa'i rnam par thar pa sems 
can thams cad kyi mun pa rnam par sel ba'i chos kyi snang bas 'gro ba rnam par 'dul ba'i sgo 'di dang yang ldan pas sems can gang ji snyed cig mun nag smag tu gyur pa'i nam la mi ni nyal bar gyur/ 'byung po'i tshogs ni rgyu bar 
gyur/ rkun chom mang pos ni rgyas par gyur/ sems can mi bsrun pa'i tshul can ni phyogs su rgyu bar gyur/ sprin stug po nag pos ni kun nas khebs par gyur/ dud pa dang rdul gyi tshogs kyis ni kun nas 'grigs par gyur/ rdzi char mi bzad 
pas ni rab tu gtags par gyur/ zla skar gyi tshogs ni mi snang bar gyur/ mig gis bya ba'i mthu ni med par gyur pa'i mun pa la sems can gang ji snyed cig rgya mtsho la spyod dam/ thang la spyod dam/ ri la spyod dam/ nags tshal gzhan na spyod 
dam/ yul gzhan na spyod dam/ grong gzhan na spyod dam/ phyogs gzhan na spyod dam/ phyogs mtshams gzhan na spyod dam/ lam gzhan na spyod kyang rung ste/ rgya mtsho la spyod spyod pa las gru bub par gyur pa'am/ thang la spyod spyod pa las nyam nyes pa 
'am/ ri la spyod spyod pa las g.yang sa chen por lhung bar gyur pa'am/ 'brog dgon pa la spyod spyod pa las kha zas kyis 'phongs par gyur pa 'am/ nags tshal thibs por sba'i zad zing la thogs sam/ tshul ma yin pa'i nyam nyes </font><hr>38-1-82a<br><font size=+1>
shig tu gyur tam/ yul gzhan na spyod spyod pa las chom pos bcom pa'am/ grong gzhan na spyod spyod pa las mi bsrun pa'i tshul can gyis gtses pa'am/ phyogs gzhan na spyod spyod pa las 'brog rmis pa'am/phyogs 
mtshams gzhan na spyod spyod pa las mgo rmongs pa'am/ lam gzhan na spyod spyod pa las nye zhor gyur kyang rung ste/ rigs kyi bu kho mo ni sems can de dag la thabs sna tshogs kyi sgo nas skyabs su gyur par byed pa ste/ 'di ltar rgya mtsho chen po la spyod 
pa rnams kyi rlung sprin nag po gtor ba dang / chu'i rnyog pa gdang ba dang / rlung mi zad pa'i dkyil 'khor bzlog pa dang / rlabs kyi shugs chen po zhi bar bya ba dang / glog gi 'jigs pa las thar bar bya ba dang / phyogs bstan pa dang / chu'i 
lam legs par dmigs pa dang / 'gram bstan pa dang / rin po che'i gling du phyin par bya ba'i phyir lam yongs su bstan te/ yongs su sdud pa'i gzugs dang / ded dpon gyi gzugs dang / rta'i rgyal po rngog chen gyi gzugs 
dang / glang po'i rgyal po'i gzugs dang / ru sbal gyi rgyal po'i gzugs dang / lha ma yin gyi rgyal po'i gzugs dang / nam mkha' lding gi rgyal po'i gzugs dang / mi'am ci'i rgyal po'i gzugs dang / lto 'phye chen po'i rgyal po'i 
gzugs dang / rgya mtsho'i lha'i gzugs dang / mnyan pa'i gzugs kyis skyabs su gyur par byed do/ dge ba'i rtsa ba de yang 'di ltar sems can thams cad sdug bsngal gyi phung po thams cad las yongs su bzlog pa'i phyir skyabs su gyur par 
shog shig ces yongs su bsngo'o/ /thang la spyod pa'i sems can mun pa chen po shin tu gnas pa'i nam la/ sa gzhi 'od mdang / tsher ma dang / gseg ma dang / gyo mos gang ba/ sbrul gdug pa gtum po shin tu mang ba/ thag thug dang / mi bde ba'i lam </font><hr>38-1-82b<br><font size=+1>
can rdul dang phyar dar shin tu 'thul pa/ rdzi char drag pos gtags pa/ tsha ba dang / grang ba'i sdug bsngal yod pa/ sbrul dang gcan zan gyis bag tsha ba yod pa/ thong mi dang / chom po rgyu bar gyur pa zhig na/ mgo 'khor bar gyur 
pa'i sems can rnams la/ nyi ma'i gzugs dang /zla ba'i gzugs dang / skya reng 'char ba'i gzugs dang / skar mda' chen po'i gzugs dang / glog gi phreng ba 'byung ba'i gzugs dang / rin po che'i 'od kyi gzugs dang / 
gza'i 'khor gyi gzugs dang / rgyu skar dang skar ma'i tshogs kyi gzhal med khang gi 'od kyi gzugs dang / lha'i gzugs dang / byang chub sems dpa'i gzugs kyis skyabs su gyur par byed do/ /sems kyang dge ba'i rtsa ba 'dis 
nyon mongs pa'i mun pa thams cad rnam par bsal ba'i phyir/ sems can thams cad kyi skyabs su shog shig par bskyed do/ /ri'i g.yang sa la spyod cing 'chi bas 'jigs skrag pa rnams srog dbyung ba dang / grags pa 'dod pa'i 
dbang du gyur pa dang / snyan pa dang / sgra'i rgyal mtshan 'dod pa dang / longs spyod tshol ba dang / 'dod pa'i zil gyis non pa dang / yo byad yongs su tshol ba la brtson pa dang / 'jig rten gyi phun sum tshogs pa 'dod cing brtson pa dang / bu dang 
chung ma gtong mi phod pas thogs par gyur ba dang / lta ba'i thibs por 'khyams pa dang / sdug bsngal ba dang / 'jigs pa sna tshogs kyis gtses pa rnams la yang thabs sna tshogs kyi sgo nas skyabs su gyur bar byed de/ 'di ltar ri'i 
phug dang / bya skyibs mngon par bsgrub pa dang / shing thog dang / rtsa ba bzar rung ba mngon par bsgrub pa dang / chu'i lam dang / chu mig mngon par bsgrub pa dang / tsha ba dang / grang ba'i gnyen po mngon par bsgrub pa dang /</font><hr>38-1-83a<br><font size=+1>
yang dag pa'i lam bstan pa dang / ka la ping ka'i sgra skad bsgrag pa dang / rma bya'i rgyal po'i skad 'byin pa'i dbyangs dang / sman 'bar bas snang ba'i gzugs dang / ri'i lha'i 'od kyi gzugs dang / ri'i phug dang sul dang / 
ltongs su rlag ste/ sdug bsngal sna tshogs kyis gtses pa'i sems can rnams kyi mun pa'i rab rib rnam par bsal ba dang / sa'i gzhi mnyam par mngon par bsgrub pas skyabs su gyur par byed de/ sems kyang ji ltar bdag gis sems can 
ri la spyod pa 'di dag yongs su bskyabs pa de bzhin du 'khor ba'i ri'i lam rgyud g.yang sa la gnas shing rga shi'i gdon gyis zin pa de dag gi skyabs su'ang bdag 'gyur bar shog shig par bskyed do/ /nags tshal thibs po'i dra bas thogs pa'i 
sems can mtshan mo mun pa'i mun nag gis chod de/ shing dang / shing 'phran 'dzings pa'i gseb shin tu nyam nga ba dang / chu dang / rtswadang / spong po dang / 'khri shing gis lam chod pa dang / shing dang shing phran sna tshogs kyi nags tshal thibs pa'i nang du phyin 
te/ stag gi sgra thos pas skrag pa'i snying can don ma grub pas/ sems 'khrugs par gyur pa dang / 'jigs pa dang 'tshe ba dang / mi dga' ba sna tshogs kyis nyams mi bde ba nags tshal stug pa nas 'byung ba'i phyogs mi shes pa rnams la/ 
kho mo ni bde bar 'gro ba'i lam yongs su ston pa byed de/ sems kyang 'di ltar dge ba'i rtsa ba 'dis sems can lta ba'i thibs po sna tshogs la gnas pa/ sred pa'i dra bas 'khris par gyur pa/ 'khor ba'i sdug bsngal sna tshogs kyis gtses 
pa rnams sdug bsngal thams cad las yongs su 'grel bar shog shig par bskyed do/ /'brog dgon pa la spyod pa'i sems can mun pa'i nang na 'thoms pa rnams kyang thabs kyi sgo sna tshogs kyis bde ba yongs su bskyed cing lam bstan te/ de dag </font><hr>38-1-83b<br><font size=+1>
'jigs pa med pa dang / bde ba la rab tu bkod nas/ sems kyang dge ba'i rtsa ba 'dis sems can 'khor ba'i 'brog dgon pa na 'thoms pa ngan song thams cad kyi lam du zhugs pa rnams sdug bsngal thams cad las yongs su bkrol te shin tu 
phun sum tshogs pas/ bde ba thams cad mkhyen pa'i lam la rab tu dgod par bya bar shog shig par bskyed de/rigs kyi bu yul dang ljongs la chags pa'i sems can mngon par chags pa'i rgyu las byung ba'i sdug bsngal nyams su myong bar gyur pa 
rnams la'ang kho mo ni skyo bar bya ba'i thabs sna tshogs kyis yul la mngon par chags pa de las gyen du bskyod par byed de sems kyang 'di ltar dge ba'i rtsa ba 'dis sems can thams cad phung po la mngon par chags pa las gyen du bskyod de/ 
gnas med pa'i thams cad mkhyen pa'i ye shes la dgod par bya bar shog shig par bskyed do/ /rigs kyi bu kho mo ni grong na spyod pa'i sems can khyim dang gnas kyi 'ching bas glags pa rnams mtshan mo mun pa shin tu gnag pas chod pa'i nang na khyim 
gyi don sna tshogs nyams su gnod pas/ sdug bsngal bar gyur pa rnams kyang skyo bar 'gyur ba'i sgo sna tshogs kyis skyo bar byas te/ chags pa med pa'i sems yongs su bskyed nas/ chos kyi sbyin pas yongs su bzung ste/ tshim par 
byas nas rten pa med pa'i chos la bkod de/ sems kyang 'di ltar dge ba'i rtsa ba 'dis sems can skye mched drug gi grong la gnas pa rnams 'khor ba'i lam gyi rgyud kyi spyod yul las gyen du bskyod de/ thams cad mkhyen pa'i ye 
shes kyi spyod yul la dgod par bya bar shog shig par bskyed do/ /rigs kyi bu gang yang mtshan mo mun pa shin tu gnag pa'i nang na/ shar phyogs la sogs pa'i phyogs dang / phyogs mtshams re rer phyogs bslad par gyur pa/</font><hr>38-1-84a<br><font size=+1>
sa'i phyogs mnyam pa la mi mnyam pa'i g.yang sar 'du shes pa dang / sgang bu la gshong du 'du shes par gyur te/ phyogs kyi lam dang sa tshod la mgo 'khor bar gyur pa de dag la'ang kho mo ni thabs sna tshogs 
kyis snang bar byas te/ phyir 'byung ba rnams la ni sgo yongs su stonato/ /grol bar 'dod par rnams la ni mu stegs yongs su ston to/ /rgyal par 'dod pa rnams la ni gru yongs su ston to/ /khyim du 'gro bar 'dod pa rnams la ni khyim yongs su ston to/ /
rnam par blta bar 'dod pa rnams la ni phyogs yongs su ston to/ /sa gzhi mtho ba dang / dma' ba yang yongs su ston to/ /sa'i phyogs mnyam pa dang / mi mnyam pa dang / gzugs kyi rnam pa sna tshogs kyang yongs su ston to/ /lam 
gyis dub pa rnams la grong dang grong khyer dang ljongs dang khams dang / rgyal po'i pho brang 'khor kyang yongs su ston to/ /tsha ba dang skom pas mnar ba rnams la yang mtsho dang mtshe'u dang / lu ma dang rdzing dang rdzing bu dang chu klung dang / nags tshal 
dang bza' shing gi ra ba dang / kun dga' yid du 'ong ba yongs su ston to/ /sdug pa dang bral zhing phrad par 'dod pa rnams la pha dang ma dang bu dang chung ma dang / mdza' bo dang / blon po dang / gnyen bshes dang yid du 'ong ba'i gzugs kyi rnam pa sna tshogs 
yongs su ston to/ /sems kyang ji ltar bdag gis sems can mtshan mo mun pa mun nag gis chod pa/ mig rab rib kyis nyams pa/ phyogs bslad pa/ lam 'khor ba rnams la gzugs kyi rnam pa sna tshogs rnam par dmigs par bya ba'i phyir/ 
snang ba bskyed de/ 'od byas pa de bzhin du bdag gis yun ring po nas 'khor ba'i mun pa na gnas pa'i sems can yang dag pa nyid kyi phyogs la bslad pa ma rig pa'i mun par 'thoms pa ye shes kyi mig mi shes pa'i ling tog gis chod pa/ 'du shes </font><hr>38-1-84b<br><font size=+1>
dang / sems dang lta bas byin ci log tu gyur pa/ mi rtag pa la rtag par 'du shes pa/ sdug bsngal ba la bde bar 'du shes pa/ bdag med pa la bdag tu 'du shes pa/ mi sdug pa la sdug par 'du shes pa/ bdag dang sems can dang / 
srog dang / gso ba dang / gang zag tu 'dzin pa dam po la gnas pa/ phung po dang khams dang skye mched la gnas pa/ rgyu dang 'bras bu la mgo 'khor ba/ mi dge ba'i las kyi lam gyi phyogs su zhugs pa/ srog gcod pa/ ma byin par len pa/
'dod pas log par g.yem pa/ brdzun du smra ba/ phra ma zer ba/ ngag rtsub po 'byin pa/ tshig kyal ba smra ba/ chags sems dang ldan pa/ gnod sems kyi sems dang ldan pa/ log par lta ba can/ phar mi shes pa/ mar mi shes pa/ dge sbyong dang / 
bram zer mi shes pa/ dbang po mi shes pa/ skyes bu dam par mi shes pa/ chos ma yin pa la chags shing zhen pa/ mi tshul ba'i 'dod pas zil gyis non pa/ log pa'i chos kyis yongs su 'khris pa/ de bzhin gshegs pa la skur ba 'debs pa/ chos 
kyi 'khor lo nub par bya ba la zhugs pa/ bdud kyi rgyal mtshan 'dzin pa/ byang chub sems dpa' la gnod par byed pa/ theg pa chen po la zhe sdang ba/ byang chub kyi sems la mos pa spong bar byed pa/ byang chub sems dpa' la mi snyan du rjod pa/ 
snod ma skams par snying ring ba/ gnod pa ma byas par dgrar len pa/ 'phags pa la skur ba 'debs pa/ skyes bu dam pa ma yin pas/ spyod pa'i chos kyi spyod yul can/ mchod rten dang / dge 'dun gyi dngos po la 'khu ba/ pha ma la log par sems pa/ mtshams 
med pa'i las byed pa/ g.yang sa chen po la mngon par ltas pa'i sems can rnams kyi ma rig pa'i mun pa shes rab kyi snang ba chen pos bsal te/ bla na med pa yang dag par rdzogs pa'i byang chub tu yang dag par bskul nas/ theg pa chen po kun tu bzang pos stobs </font><hr>38-1-85a<br><font size=+1>
bcu'i ye shes kyi sa'i lam yongs su ston par gyur cig /de bzhin gshegs pa'i sa dang / de bzhin gshegs pa'i yul dang / thams cad mkhyen pa'i ye shes kyi tshul rgya mtsho dang /sangs rgyas kyi ye shes kyi spyod yul dang / 
sangs rgyas kyi yul dang / stobs bcu yongs su grub pa dang / sangs rgyas kyi gzungs kyi stobs dang / sangs rgyas thams cad kyi sku mchog tu gyur pa yongs su ston par shog shig /yongs su bstan nas kyang / sangs rgyas thams cad 
kyi mnyam pa nyid kyi gnas la rab tu dgod par shog shig par bskyed do/ /rigs kyi bu kho mo ni sems can yun ring po nas na zhing nad kyis yongs su skyo ba/ lus nyam chung ba dang / rgas pa/ rga ba'i zil gyis non pa dang / mgon med 
pa dang / phongs shing dbul ba dang / log par ltung ba dang / yul gzhan du phyin pa dang / phyogs log par zhugs pa dang / btson ra na 'dug pa dang / chad pas bcad pa dang / nyes pa byung ste/ rgyal pos gsad par bkri ba rnams kyang srog dang 
bral gyi 'jigs pa las yongs su bskyab pa'i phyir gnas so/ /rigs kyi bu de ltar kho mo ni sems can nad pa rnams kyi nad thams cad ni thabs thams cad kyis gso ba nan tan du byed do/ /rgas pa dang rga ba'i zil gyis non pa rnams la ni bsnyen 
bkur ba dang / rim gro dang / yo byad kyis mi phongs par yongs su bsdud pa byed do/ /mgon med pa'i sems can rnams la mgon byed do/ /phongs shing dbul ba rnams la ni nor dang / gser gyi phung pos yongs su sdud do/ /log par 
ltung ba rnams ni don 'thun pas yongs su sdud do/ /yul gzhan du phyin pa rnams ni/ rang gi yul du phyin par byed do/ /phyogs log par zhugs pa rnams ni/ phyogs ma nor bar 'dzud do/ /</font><hr>38-1-85b<br><font size=+1>
brtson ra na 'dug pa rnams ni brtson ra nas thar bar byed do/ /chad pas gcad pa ni chad pa'i sdug bsngal las grol bar byed do/ /nyes pa byung ste/ rgyal pos gsad par bkri ba rnams ni srog gi dbugs phyin pa thob par byed do/ /sems kyang bdag ji ltar sems can 'di dag 'jigs pa dang / gnod pa sna tshogs las yongs su skyob cing / mgon byed pa de bzhin du bdag gis 'di rnams bla na med pa'i chos kyi yongs su bsdu bas yongs su bsdus te/ nyon mongs pa thams cad las yongs 
su dgrol bar bya'o/ /skye ba dang rga ba dang na ba dang / 'chi ba dang mya ngan dang smre sngags 'don pa dang / sdug bsngal ba dang / yid mi bde ba dang / 'khrug pa las yang dag par bzla bar bya'o/ /ngan song dang log par ltung ba'i 'jigs pa 
thams cad las yongs su dgrol bar bya'o/ /dge ba'i bshes gnyen gyi gzungs la rab tu dgod par bya'o/ /chos rin po che sbyin pa'i yongs su bsdu bas yongs su bsdu bar bya'o/ /kha na ma tho ba med pa'i las la rab tu dgod par bya'o/ /de bzhin 
gshegs pa'i sku rnam par dag la yang dag par bskul bar bya'o/ /rga shi yongs su med pa'i dbyings shin tu rtogs pa la rab tu dgod par bya bar bskyed do/ /rigs kyi bu kho mo ni sems can log pa'i lam la zhugs pa/ lta ba'i rnam pa thibs po sna tshogs la mngon 
par zhen pa/ log par lta ba'i spyod yul can lus dang ngag dang yid kyi las nyam nga bar 'gyur ba la yongs su spyod pa/ brtul zhugs dang dka' thub sna tshogs la gnas pa yang dag par rdzogs pa'i sangs rgyas ma yin yang / yang dag par rdzogs 
pa'i sangs rgyas su 'du shes pa/ lus gdung ba dang / yongs su gdung ba la rab tu brtson pa/ mtsho dang / mtshe'u dang / lu ma dang / rdzing bu dang / chu klung dang / ri'i gzar dang / phyogs dang phyogs mtshams la 'dud cing phyag 'tshal ba mos pa/ sdig pa'i </font><hr>38-1-86a<br><font size=+1>
grogs po'i dbang du gyur brnams la yang thabs sna tshogs kyis mgon du gyur par byed de/ de dag sdig pa'i lta ba'i rnam pa dang / ngan song thams cad kyi g.yang sar ltung ba'i lam las rnam par bzlog go /'jig rten 
pa'i yang dag pa'i lta ba la rab tu bkod cing / lha dang mi'i phun sum tshogs pa la'ang yongs su 'god do/ /sems kyang ji ltar bdag gis sems can 'di dag nyam nga ba'i nan tan dang / sdug bsngal las yongs su bkrol ba de bzhin du bdag gis 
sems can thams cad kyang / 'phags pa 'jig rten las 'das pa'i pha rol tu phyin pa'i lam la bkod de/ thams cad mkhyen pa nyid las phyir mi ldog par byas la kun tu bzang po'i smon lam chen pos thams cad mkhyen pa nyid la dgod par bya'o/ /
sems can gyi khams thams cad ma dul gyi bar du byang chub sems dpa'i sa las kyang mi g.yo bar bya bar bskyed do/ /de nas mtshan mo'i lha mo dpyid dang ldan pas de'i tshe/ byang chub sems dpa'i rnam par thar pa'i phyogs sems can thams cad 
kyi mun pa rnam par sel ba'i chos kyi snang bas 'gro ba rnam par 'dul ba'i sgo 'di brnan te/ bstan par bya ba'i phyir sangs rgyas kyi byin gyi rlabs kyis phyogs bcur rnam par bltas te/ tshong dpon gyi bu nor bzangs la tshigs su bcad pa 'di 
dag smras so/ /gti mug ma rig mun nag bstsal don du/ /sems can phan phyir kho mo chos bstan te/ /dus la bsdad cing 'gro ba bde bar byas/ /'di ni rnam thar tshul mchog zhi ba yin/ /kho mos byams yangs shin tu spyad pa byas/ /
bskal pa mtha' yas sngon cad shin tu bsgoms/ /des ni 'jig rten rgyas bkang snang bar byas/ /nor bzangs brtan pas tshul 'di shes par gyis/ /kho mo'i snying rje rgya mtsho tshad med de/ /'di las dus gsum rgyal ba 'jig rten 'byung / /</font><hr>38-1-86b<br><font size=+1>
des ni 'gro ba'i sdug bsngal zhi bar byed/ /nor bzangs brtan pas tshul 'di shes par gyis/ 'jig rten bde ba mngon par bsgrub pa dang / /ma byas 'phags pa'i bde ba mngon bsgrub cing / /des ni kho mo dga' mgu rangs par byed/ /rgyal sras khyod 
kyis tshul 'di shes bar gyis/ /sangs rgyas stobs rnams yongs su sbyong byed cing / /nyan thos ye shes rnam thar 'bras bu dang / /'dus byas skyon las rtag tu phyir phyogs kyis/ /rgyal sras khyod kyis tshul 'di shes par gyis/ /kho mo'i mig ni rgya che yongs su dag 
des ni phyogs bcu'i zhing rnams mang po mthong / /zhing dbyings de dag kun gyi rang byung rnams/ /byang chub shing dbang drung na bzhugs pa mthong / /sangs rgyas sku ni mtshan gyis yongs brgyan cing / /'od bzang rnam pa sna tshogs kun 'gyed de/ /ba spu kun 
nas 'od gzer mang 'gyed pa'i/ /sangs rgyas 'khor dang bcas pa kho mos mthong / /zhing dbyings de dag kun gyi sems can rnams/ /shi 'pho skye ba'i sgor yang kun mthong ste/ /byis pa de dag 'gro rgyud rgya mtsho na/ /'khor zhing rang rang las kyang 
myong par byed/ /kho mo'i rna ba rgya mtsho rnam dag ste/ /der ni sgra rnams ma lus yongs su 'du/ /'gro ba kun kyi sgra skad rgya mtsho dag /kun kyang thos nas dran pas yongs su 'dzin/ /dbyangs kyi yan lag sgra skad thams cad kyis/ /dpe zla med pa'i 
gsung ni rab brgyan te/ /des ni rgyal ba 'khor lo rab tu bskor/ /de dag kho mos thos shing dran pas 'dzin/ /kho mo'i sna yi mthu yang rnam dag ste/ /chos tshul rgya mtsho dag la thogs pa med/ /rnam thar gnas rnams kun tu rab 'jug pa'i/ /tshul 
'di rgyal sras khyod kyis shes par gyis/ /kho mo'i lce ni rgya che rab tu yangs/ /srab cing mdog dmar rin chen 'od du dag /sems can bsam pa ji bzhin de shes byed/ /rgyal sras khyod kyis tshul 'di shes par gyis/ /kho mo'i chos lus shin tu </font><hr>38-1-87a<br><font size=+1>
rnam dag ste/ /dus gsum kun tu 'od gsal rab tu gnas/ /gzugs lus sems can bsam pa ji bzhin te/ /de dag kun gyi dad pa'i dbang du mthong / /kho mo'i sems ni chags med zag pa med/ /sgra 
dbyangs sprin gyi nga ro ji bzhin te/ /de yi khongs su mi mchog kun chud kyang / /de la kho mo rnam par rtog pa med/ /zhing gi dbyings kyi sems can bsam mi khyab/ /de dag sems kyi rgya mtsho kho mos shes/ /de dag dbang po bsam pa rab shes kyang / /
de la kho mo rnam par rtog pa med/ /kho mo'i rdzu 'phrul rab yangs shin tu grub/ /des ni bsam yas zhing yang rab tu bskyod/ /lus kyi 'od dang mthu yang de bzhin te/ /des ni sems can gdul dka' shin tu 'dul/ /kho mo'i bsod nams rnam yangs yongs su dag /
kun tu rgyan byed zad pa med pa'i mdzod/ /des ni rgyal ba rnams la mchod pa byed/ /'gro ba thams cad nye bar 'tsho ba'ang yin/ /kho mo'i shes rab rnam yangs shin tu dag /des ni chos mang rgya mtsho rab tu shes/ /'gro ba kun gyi the tshom yongs su gcod/ /rgyal 
sras khyod kyis tshul 'di shes par gyis/ /dus gsum kun la kho mo zhugs gyur pas/ /sangs rgyas rgya mtsho kun kyang mthong zhing shes/ /de dag smon lam la yang rab tu zhugs/ /tshul 'di dpag yas rab tu rdzogs pa yin/ /rdul mang kun la zhing rnams 
rgya mtsho mthong / /de dag dus gsum 'jug pa de bzhin te/ /de dag kun gyi sangs rgyas rgya mtsho mthong / /'di ni kun tu gnas pa'i tshul gyis/ /rnam par snang mdzad byang chub sangs rgyas te/ /phyogs rnams kun gyi zhing rnams yongs bkang zhing / /rdul 
sbubs kun gyi byang chub shing drung na/ /zhi ba'i chos rnams gsung du sgrog pa ltos/ /de nas tshong dpon gyi bu nor bzangs kyis mtshan mo'i lha mo dpyid dang ldan pa la 'di skad ces smras so/ /lha mo khyod bla na med pa yang dag par rdzogs pa'i byang chub tu zhugs nas/</font><hr>38-1-87b<br><font size=+1>
ji srid cig lags/ de ltar khyod tshul 'di lta bus sems can gyi don bgyi ba la sta gon du zhugs pa'i rnam par thar pa de ni khyod kyis brnyes nas ji srid cig lags/ de skad ces smras pa dang / mtshan mo'i lha mo dpyid dang ldan pas tshong dpon gyi bu nor bzangs la 
'di skad ces smras so/ /rigs kyi bu sngon 'das pa'i dus ri rab kyi rdul shin tu phra ba snyed kyi bskal pa'i yang / pha rol cig tu bskal ba rab tu zhi ba'i 'od ces bya ba/ sangs rgyas bye ba phrag lnga brgya skyes pa byung ste/ de'i 'jig rten gyi khams ni rin chen 
dpal 'byung zhes bya bar gyur to/ /'jig rten gyi khams de'i gling bzhi pa 'bring po rin chen zla ba sgron ma'i 'od ces bya ba de na/ rgyal po'i gnas pad mo'i 'od ces bya ba yod de/ rgyal po'i gnas der rgyal po chos rab mu stegs zhes bya ba chos dang mthun pa'i 
rgyal po 'khor los sgyur ba gling bzhi la dbang ba rin po che bdun dang ldan pa byung ste/ des sa chen po de yang ri dang rgya mtshor bcas pa'i mthas gtugs par chos kyis rgyas par byas nas/ bde bar gnas par byas so/ /rgyal po chos rab mu stegs de'i btsun mo 
chos kyi blo gros zla ba zhes bya ba byung ste/ de srod la 'dod pas myos shing dga' bar rtse rtse bas dub nas nam gyi gung la btsun mo'i 'khor gyi gnas su phyin te nyal lo/ /de nas rgyal po'i gnas pad mo'i 'od de'i shar phyogs kyi nags tshal chen po zhi ba'i dpal 'byung ba zhes bya bar rin 
po che'i rgyal po rgyan thams cad kyi 'od dang ldan pa'i lhun can/ sangs rgyas thams cad kyi rnam par 'phrul pas byung ba'i byang chub kyi shing chen po'i drung du/ de bzhin gshegs pa chos thams cad rab tu sgrog pa'i rgyal po zhes bya ba bla na med pa yang dag par rdzogs pa'i byang 
chub tu mngon par sangs rgyas nas/ de'i mthus 'jig rten gyi khams rin chen dpal 'byung ba thams cad 'od chen po kha dog tu ma can gyis rgyas shing sang bar gyur to/ /rgyal po'i gnas pad mo'i 'od ces bya ba de na mtshan mo'i lha mo zla ba shin tu rnam par dag pa'i 'od ces bya </font><hr>38-1-88a<br><font size=+1>
ba 'dug 'dug ste/ des rgyal po'i btsun mo chos kyi blo gros zla ba'i gan du song nas/ rgyan bkrol ba'i sgras sad par byas te/'di skad ces smras so/ /'di ltar rgyal po'i btsun mo shes par gyis shig /nags tshal chen po zhi ba'i dpal 
'byung bar de bzhin gshegs pa chos thams cad rab tu sgrog pa'i rgyal po zhes bya ba bla na med pa yang dag par rdzogs pa'i byang chub tu mngon par sangs rgyas so/ /de nas des rgyal po'i btsun mo de'i mdun du sangs rgyas kyi yon tan bsngags pa dang / 
sangs rgyas kyi rnam par 'phrul pa dang / byang chub sems dpa' kun tu bzang po'i spyod pa dang / smon lam rgya cher bshad do/ /rigs kyi bu rgyal po'i btsun mo de 'ang de bzhin gshegs pa'i 'od kyis snang bar gyur te/ bsam pa thag pas bla na med pa 
yang dag par rdzogs pa'i byang chub tu yang dag par zhugs nas/ des de bzhin gshegs pa de dang / byang chub sems dpa' dang / nyan thos kyi dge 'dun du bcas pa la mchod pa dang / rim gro cher byas so/ /rigs kyi bu de la ji snyam du sems/ 
de'i tshe de'i dus kyi rgyal po'i btsun mo chos kyi blo gros zla ba zhes bya ba de gzhan zhig yin pa tsam du sems na ni/ de ltar mi blta ste/ kho mo ni de'i tshe de'i dus na/ rgyal po'i btsun mo chos kyi blo gros zla ba zhes bya bar gyur to/ rigs kyi bu kho mo ni mos 
ba'i sems bskyed pa de dang / de bzhin gshegs pa la bskyed ba'i dge ba'i rtsa ba des/ bskal pa ri rab kyi rdul shin tu phra ba snyed tshun chad du nam yang ngan song log par ltung bar ma skyes te/ sems can dmyal bar ma yin no/ /byol song gi skye 
gnas su ma yin/ yi dgas su ma yin no/ /nam yang rigs dma' bar ma skyes so/ /nam yang dbang po dang mi ldan par ma gyur to/ /nam yang sdug bsngal bar ma gyur te/ de ltar kho mos rtag par lha'i nang du lha'i bdag nyid che ba nyid thob/</font><hr>38-1-88b<br><font size=+1>
mi'i nang du ni/ mi'i bdag nyid che ba nyid thob ste/ 'di ltar sangs rgyas dang byang chub sems dpa'i dge ba'i bshes gnyen dang yang ma bral lo/ /dus ngan par yang ma skyes so/ /rigs kyi bu de ltar kho mos sangs rgyas gcig nas gcig tu dge 
ba'i rtsa ba bskyed de bskal pa ri rab kyi rdul shin tu phra ba snyed cig tu lam bde zhing mnyam pa nas nye zho med par phyin kyang de tsam gyis kho mo'i byang chub sems dpa'i dbang po yongs su grub par ma gyur te/ ri rab kyi rdul shin tu phra ba snyed kyi bskal pa de dag ni 
'das/ bskal pa bzang po 'di'i snga rol gyi ni bskal pa chen po stong phrag bcu'i thog ma la bab pa de'i tshe/ 'jig rten gyi khams gzi brjid rdul gyi dri ma myed pa zhes bya bar/ bskal pa mya ngan med cing / rdul dang bral ba zhes bya ba byung ste/ rigs kyi bu 
'jig rten gyi khams gzi brjid rdul gyi dri ma med pa'i dpal de ni/ kun nas nyon mongs la rnam par dag par gyur te/ der sangs rgyas lnga brgya byung ngo / /sangs rgyas lnga brgya po de dag gi thog ma la de bzhin gshegs pa mkhyen pa dang zhabs su ldan pa/ bde bar gshegs pa/ 
'jig rten mkhyen pa/ bla na med pa/ skyes bu 'dul ba'i kha lo sgyur ba/ lha dang mi'i ston pa/ sangs rgyas bcom ldan 'das ri rab rgyal mtshan spyan yangs shing zhi ba'i dpal zhes bya ba 'jig rten du byung ste/ de'i tshe kho mo yang tshong dpon 
snyan pa rnam par grags pa'i bu mo shes rab snang ba'i dpal zhes bya ba/ gzugs mdzes shing bzang la blta na sdug pa kha dog shin tu mdzes shing rgyas pa dang ldan pa zhig tu gyur te/ mtshan mo'i lha mo zla ba shin tu rnam par dag pa'i 'od 
ces bya ba de yang / smon lam gyi dbang gis gling bzhi pa'i 'jig rten gyi khams rdul dang bral ba'i rgyal po'i gnas rgyal mtshan sna tshogs su mtshan mo'i lha mo mig rnam par dag pa zhes bya bar gyur te/ des kho mo mtshan mo mi nyal tsam zhig na/ pha ma nyal </font><hr>38-1-89a<br><font size=+1>
bar gyur pa dang / khyim de yang yongs su bskyod de 'od chen pos snang bar byas nas rang gi gzugs bstan te/ sangs rgyas kyi yon tan bsngags pa brjod nas/ de bzhin gshegs pa thog ma mngon par sangs rgyas nas/ 
zhag bdun lon te/ snying po byang chub la bzhugs pa de bstanato/ /de nas kho mo pha ma dang gnyen bshes kyi tshogs chen po dang 'grogs te/ mtshan mo'i lha mo shin tu rnam par dag pa'i zla ba'i 'od sngon du bdar nas/ de bzhin gshegs pa de'i spyan sngar 
phyin to/ /de nas kho mos de bzhin gshegs pa de la mchod pa rgya chen po byas te/ de bzhin gshegs pa de'i zhal mthong ma thag tu ting nge 'dzin 'gro ba 'dul zhing sangs rgyas mthong bar byed pa zhes bya ba dang / ting nge 'dzin dus gsum gyi dbyings ye 
shes kyis snang ba'i dkyil 'khor ces bya ba yang thob par gyur to/ /de thob pas kyang kho mos bskal pa ri rab kyi rdul shin tu phra ba snyed po de dag kyang rjes su dran par gyur to/ /kho mo'i byang chub kyi sems de yang mngon du gyur te/ de ltar kho mos 
de bzhin gshegs pa de las chos bstan pa thos te/ byang chub sems dpa'i rnam par thar pa sems can thams cad kyi mun pa rnam par sel ba'i chos kyi snang bas 'gro ba rnam par 'dul ba'i sgo 'di yang thob par gyur to/ /de thob pas kyang 'jig rten 
gyi khams sangs rgyas kyi zhing bcu'i rdul shin tu phra ba snyed lus kyis rgyas par 'gengs te/ 'jig rten gyi khams de dag de bzhin gshegs pa ji snyed cig bzhugs pa de dag thams cad kyang kho mo'i mig lam du snang zhing / bdag nyid kyang de dag thams cad kyi 
zhabs kyi drung na 'dug par shes so/ /'jig rten gyi khams de dag tu sems can ji snyed cig skyes pa de dag thams cad kyang kho mo'i mig lam du snang ste/ de dag gi sgra skad rnam pa tha dad pa'i brda yang rab tu shes so/ /sems dang bsam pa dang / dbang po dang mos pa yang rab </font><hr>38-1-89b<br><font size=+1>
tu shes so/ /sngon gyi mtha'i dge ba'i bshes gnyen rnams kyi drung du yongs su smin par gyur pa'ang rab tu shes so/ /de dag la bsam pa ji lta ba bzhin du tshim par 'gyur ba'i lus kyang yongs su ston to/ /kho mo'i rnam par thar pa de yang sems kyi 
skad cig re re la rnam par 'phel te/ rnam par thar pa'i sems de'i 'og ma'i sems kyis sangs rgyas kyi zhing 'jig rten gyi khams brgya'i rdul shin tu phra ba snyed lus kyis rgyas par 'gengs so/ /de'i 'og ma'i sems kyis sangs rgyas kyi 
zhing 'jig rten gyi khams stong gi rdul shin tu phra ba snyed lus kyis rgyas par 'gengs so/ /de'i 'og ma'i sems kyis sangs rgyas kyi zhing 'jig rten gyi khams brgya phrag stong gi rdul shin tu phra ba snyed lus kyis rgyas par 'gengs so/ /de 
bzhin du sems kyi skad cig re re zhing sangs rgyas kyi zhing 'jig rten gyi khams brjod du med pa'i yang brjod du med pa'i rdul shin tu phra ba snyed kyi bar dag kyang lus kyis rgyas par 'gengs so/ /sangs rgyas kyi zhing de dag na de bzhin gshegs pa ji snyed cig 
bzhugs pa de dag thams cad kyang kho mo'i mig lam du snang ste/ bdag nyid kyang de dag gi zhabs kyi drung na 'dug par shes so/ /sangs rgyas bcom ldan 'das de dag gis chos bstan pa de dag thams cad kyang len to/ /'dzin to/ /yongs 
su 'dzin to/ /nye bar 'dzin to/ /de bzhin gshegs pa de dag gi sngon gyi tshul rgya mtsho dang / smon lam rgya mtsho la yang 'jug go /de bzhin gshegs pa de dag gi sangs rgyas kyi zhing yongs su dag pa de dag thams cad kyang rang gi sangs rgyas kyi zhing 
yongs su dag par bya ba'i phyir/ mngon par sgrub bo/ /sems can ji snyed cig 'jig rten gyi khams rgya mtsho de dag du skyes par gyur pa de dag thams cad kyang / kho mo'i mig lam du snang ste/ sems can de dag gi bsam pa dang dbang po dang mos </font><hr>38-1-90a<br><font size=+1>
pa'i bye brag ji snyed pa de snyed kyi bye brag du de dag yongs su smin par bya ba dang / gdul ba'i phyir lus byin gyis rlob ste/ de ltar kho mo'i rnam par thar pa de ni sems kyi skad cig re re la yang chos kyi dbyings 'byam klas pa 
rgyas par 'gengs pa'i tshul gyis rnam par 'phel lo/ /rigs kyi bu kho mos byang chub sems dpa'i rnam par thar pa sems can thams cad kyi mun pa rnam par sel ba'i chos kyi snang bas 'gro ba rnam par 'dul ba'i sgo 'di shes par zad na/ kho mos byang chub 
sems dpa' mtha' dang dbus med pa'i byang chub sems dpa'i kun tu bzang po'i spyod pa dang / smon lam gyis byung ba/ chos kyi dbyings rgya mtsho'i tshul 'byam klas par 'dal ba la 'jug par dbang sgyur ba/ byang chub sems dpas yang dag par 
bsgrub pa'i ting nge 'dzin ye shes rdo rje'i dpal gyis rnam par rtse ba/ 'jig rten gyi khams thams cad du/ de bzhin gshegs pa'i rigs thams cad yang dag par gzung ba la smon lam chen pos byung ba/ 'jig rten gyi khams 'byam klas pa thams 
cad sems kyi skad cig gcig gis yongs su dag par bya ba'i bsod nams kyi rgya mtsho chen po yongs su grub pa/ sems kyi skad cig re re la sems can gyi khams thams cad yongs su smin par bya ba dang / gdul ba'i ye shes la dbang bsgyur ba'i 'jig 
rten gyi khams thams cad du sems can thams cad kyi sgrib pa'i mun pa thams cad rnam par sel ba'i ye shes kyi nyi ma'i mig dang ldan pa/ sems can gyi khams thams cad la theg pa chen po rnam par dmigs par bya ba'i mthu dang ldan pa/ 'gro ba thams 
cad kyi the tsom dang / nem nur dang / yid gnyis kyi rab rib rnam par sel ba'i blo gros kyi zla ba dang ldan pa/ srid pa'i rgya mtsho thams cad la mngon par chags pa las gyen du bskyod pa'i sgra dbyangs kyi dkyil 'khor rnam par dag pa/ chos kyi dbyings thams cad </font><hr>38-1-90b<br><font size=+1>
kyis rdul gyi cha shas la rnam par 'phrul ba/ yongs su ston pa la dbang bsgyur ba/ dus gsum gyi dbyings kyi dkyil 'khor la ye shes dbyer med pa/ de dag gi spyod pa shes pa'am/ yon tan brjod pa'am/ spyod yul la 'jug pa'am/ rnam par 
thar pas rnam par rtse ba yongs su bstan par nus re skan/ /song rigs kyi bu yul ma ga d+ha 'di nyid kyi snying po byang chub la kho mo bla na med pa yang dag par rdzogs pa'i byang chub tu sems bskyed bskyed pa/ yang dang yang bskul bskul ba'i mtshan mo'i 
lha mo kun tu zab pa'i dpal dri ma med pa'i 'od ces bya ba 'dug gis de'i gan du song la/ ji ltar byang chub sems dpas byang chub sems dpa'i spyod pa la bslab par bya ba dang / ji ltar nan tan du bya ba dris shig /de nas tshong dpon gyi bu nor 
bzangs gyis/ mtshan mo'i lha mo dpyid dang ldan pa la tshigs su bcad pa 'di dag gis mngon par bstod do/ /khyod sku shin tu rnam par dag pa mthong / /mtshan gyis rnam brgyan ri bo ji bzhin du/ /'jig rten kun las mngon 
'phags 'jig rten du/ /phun sum tshogs sku 'jam dpal bzhin du mdzes/ /khyod kyi chos sku shin tu rnam dag ste/ /dus gsum kun tu mnyam zhing rnam mi rtog /der ni 'jig rten ma lus kun 'dus te/ /'byung zhing rnam par 'jig kyang 
chags mi mnga'/ /lam rgyud 'byam klas thams cad kun tu yang / /khyod kyi sku ni gzugs brnyan rnam par phye/ /skar chen zla skar rgyu skar tshogs la ji bzhin du/ /spu rtse kun la'ang khyod ni bdag gis mthong / /khyod kyi thugs yangs shin tu rnam 
dag ste/ /phyogs rnams kun tu nam mkha'i dbyings su rgyas/ /der ni mi mchog kun kyang yongs su 'du/ /khyod la ye shes mi rtog dam pa mnga'/ /zhing gi rdul snyed rnam pa sna tshogs sprin/ /khyod kyi spu rtse kun nas mngon 'thon cing /</font><hr>38-1-91a<br><font size=+1>
rgyan mangs sna tshogs char pa mngon 'bebs shing / /phyogs bcu'i sangs rgyas zhabs drung rgyas par 'gengs/ /'gro ba kun snyed lus rnams mtha' yas ba/ /khyod kyi spu rtse kun nas mngon 'thon cing / /phyogs 
bcu'i 'jig rten rgyas par yongs bkang nas/ /sna tshogs thabs kyis sems can rnam par spyod/ /spu rtse kun la bsam yas zhing gi rnams/ /sna tshogs rgyan ldan rnam pa tha dad mthong / /lam rgyud sems can khyod kyis rnam sbyangs pa/ /
ji snyed de dag bsams bzhin kun kyang byung / /gang zhig khyod kyi mtshan thos dga' gyur pa/ /de dag thob bya legs thob legs par 'tsho/ /sems can gang gis khyod kyi sku mthong ba/ /byang chub lam la mngon du bltas par 'gyur/ /de ltar 
thos nas rab tu sems dga' la/ /mthong ba tsam gyis nyon mongs zhi mdzad pas/ /bskal pa bsam yas ngan song gnas kyang chung / /khyod kyi zhal lta'i don du mos par bgyi/ /zhing rnams stong gi rdul snyed lus byas te/ /de snyed bskal 
pa brgyud de khyod 'dra ba'i/ /spu rtse gcig gi yon tan legs brjod kyang / /legs pa'i mthar phyin nam du'ang mi 'gyur ro/ /de nas tshong dpon gyi bu nor bzangs kyis/ mtshan mo'i lha mo dpyid dang ldan pa la tshigs su bcad pa de dag gis mngon 
par bstod nas/ /mtshan mo'i lha mo dpyid dang ldan pa'i rkang pa gnyis la spyi bos phyag 'tshal te/ mtshan mo'i lha mo dpyid dang ldan pa la lan brgya stong du mar g.yas phyogs su bskor ba byas nas/ yang dang yang bltas te/ dge ba'i bshes gnyen 
la bsnyen bkur bya bas/ ma ngoms bzhin du mtshan mo'i lha mo dpyid dang ldan pa'i drung nas song ngo // //sangs rgyas rmad gcad ces bya ba shin tu rgyas pa chen po'i mdo/bam po drug pa/ de nas tshong dpon gyi bu nor </font><hr>38-1-91b<br><font size=+1>
bzangs mtshan mo'i lha mo dpyid dang ldan pa thog ma byang chub tu zhugs pa'i byang chub kyi sems kyi dkyil 'khor yongs su dag pa ni khong du chud par byed/ byang chub sems dpa'i snying po yang dag par 'byung ba la ni rjes su dpyod/ byang chub sems 
dpa'i smon lam rgya mtsho la ni yongs su 'jug /byang chub sems dpa'i pha rol tu phyin pa'i lam ni yongs su sbyong / byang chub sems dpa'i sa'i dkyil 'khor ni yongs su gnon/ byang chub sems dpa'i spyod pa'i dkyil 'khor ni rgya cher byed/ 
byang chub sems dpa'i 'byung ba rgya mtsho ni rjes su 'brang / thams cad mkhyen pa'i snang ba chen po rgya mtsho la ni rnam par lta/ 'gro ba thams cad yongs su bskyab pa la gzhol pa'i byang chub sems dpa'i snying rje chen po'i sprin ni rgya cher byed/ 
mtshan mo'i lha mo dpyid dang ldan pa'i byang chub sems dpa' kun tu bzang po'i spyod pa dang / smon lam gyi dkyil 'khor ni zhing thams cad du phyi ma'i mthar byin gyis brlab pas mngon par sgrub cing / mtshan mo'i lha mo kun tu zab pa'i dpal dri ma med pa'i 
'od gang na ba der song ste/ mtshan mo'i lha mo kun tu zab pa'i dpal dri ma med pa'i 'od kyi rkang pa gnyis la spyi bos phyag 'tshal te/ mtshan mo'i lha mo kun tu zab pa'i dpal dri ma med pa'i 'od la/ lan brgya stong du mar g.yas phyogs su bskor ba byas 
nas/ mtshan mo'i lha mo kun tu zab pa'i dpal dri ma med pa'i 'od kyi mdun du 'dug ste/ thal mo sbyar nas 'di skad ces smras so/ /'phags ma bdag gis bla na med ba yang dag par rdzogs pa'i byang pa'i byang chub tu sems bskyed na/ ji ltar byang chub 
sems dpas byang chub sems dpa'i sa la spyod pa dang / ji ltar 'byung ba dang / ji ltar nan tan du bgyi ba ma 'tshal to/ /smras pa rigs kyi bu khyod bla na med pa yang dag par rdzogs pa'i byang chub tu sems bskyed cing / byang chub sems dpa'i sa la spyod </font><hr>38-1-92a<br><font size=+1>
pa dang / 'byung ba dang yongs su 'grub pa 'dri ba legs so/ /legs so/ /rigs kyi bu chos bcu dang ldan pa'i byang chub sems dpa' rnams byang chub sems dpa'i spyod pa la yongs su grub pa yin te/ bcu gang zhe 
na/ 'di lta ste/ de bzhin gshegs pa thams cad mngon du gyur par mthong ba'i ting nge 'dzin thob pa rnam par dag pa dang / sangs rgyas thams cad kyi sku mtshan sna tshogs dang ldan pa rnam par blta ba'i mig rnam par dag pa dang / de bzhin gshegs 
pa'i kha dog rgya mtsho mtha' dang dbus med pa rnam par dmyigs par bya ba la 'jug pa dang / sangs rgyas kyi chos snang ba'i dkyil 'khor rgya mtsho tshad med pa la chos kyi dbyings thams cad kyi tshad kyis 'jug pa dang / de bzhin gshegs pa thams cad 
kyi ba spu'i sgo nas 'od zer rgya mtsho sems can thams cad dang mnyam pa dang / sems can sna tshogs kyi don du bkye ba la 'jug pa dang / ba spu'i bu ga re re nas 'od 'phro ba rin po che thams cad kyi kha dog du 'dug pa rgya mtsho ston pa dang / sems kyi skad 
cig re re la sangs rgyas kyis sprul pa rgya mtshos chos kyi dbyings thams cad rgyas par bkang zhing sems can 'dul ba'i byin gyi rlabs la 'jug pa dang / de bzhin gshegs pa'i gsung sems can thams cad kyi dbyangs kyi yan lag dang 
ldan pas/ dus gsum du byung ba'i chos kyi 'khor lo'i sgra sgrog pas/ mdo sde thams cad kyi sprin gyi 'brug sgra 'byin pa'i dkyil 'khor la 'jug pa dang / sangs rgyas kyi mtshan rgya mtsho mtha' dang dbus med pa la 'jug pa dang / 
sangs rgyas kyi rnam par 'phrul pa bsam gyis mi khyab pa yongs su bstan pas sems can 'dul ba la 'jug pa ste/ rigs kyi bu chos bcu po 'di dag dang ldan pa'i byang chub sems dpa' rnams byang chub sems dpa'i spyod pa la yongs su </font><hr>38-1-92b<br><font size=+1>
grub pa yin no/ /rigs kyi bu kho mo ni byang chub sems dpa'i rnam par thar pa/ bsam gtan zhi ba'i bde bas kun tu rnam par gnon pa thob pa ste/ rigs kyi bu kho mo ni de'i mthus/ dus gsum du gshegs pa'i de bzhin gshegs 
pa thams cad kyang mthong ste/ de bzhin gshegs pa de dag gi sangs rgyas kyi zhing yongs su dag pa la'ang 'jug go /'khor gyi dkyil 'khor rgya mtsho dang / ting nge 'dzin mtha' dang dbus med pa'i rnam par 'phrul ba rgya mtsho dang / 
sngon gyi tshul rgya mtsho dang / mtshan rgya mtsho la 'ang 'jug go /de bzhin gshegs pa de dag gi chos kyi 'khor lo rab tu 'khor ba rnam pa tha dad pa la'ang 'jug go /de bzhin gshegs pa'i sku tshe'i tshad sna tshogs dang / dbyangs 
kyi yan lag rnam pa tha dad pa dang / de bzhin gshegs pa de dag gi chos kyi dbyings mtha' dang dbus med pa'i sku'ang 'jug ste/ de bzhin gshegs pa de dag la dngos por mngon par zhen pa'ang med do/ /de ci'i phyir zhe na/ 'jig 
rten gyi khams thams cad du bzhud pa 'gags pa'i phyir/ de bzhin gshegs pa de dag ni bzhud pa med pa'o/ /rang bzhin gyis byung ba med pas na/ de bzhin gshegs pa de dag ni byon pa med pa'o/ /mi skye ba'i chos nyid dang / 
mnyam pa'i sku mnga' ba'i phyir/ de bzhin gshegs pa de dag ni ma skyes pa'o/ /mi skye ba'i mtshan nyid dang ldan pa'i phyir/ de bzhin gshegs pa de dag ni ma 'gags pa'o/ /sgyu ma'i rnam pa lta bur mthong zhing rnam par dmigs 
pa'i phyir/ de bzhin gshegs pa de dag ni mi bden pa ma yin pa'o/ /'gro ba thams cad kyi don du byung ba'i phyir/ de bzhin gshegs pa de dag ni brdzun pa ma yin pa'o/ /shi 'pho dang skye ba las rnam par 'das pa'i phyir/ de bzhin </font><hr>38-1-93a<br><font size=+1>
gshegs pa de dag ni 'pho ba med pa'o/ /chos kyi rang bzhin gyis 'jig pa med pa'i chos nyid yin pa'i phyir de bzhin gshegs pa de dag ni 'jig pa med pa'o/ /ngag gi lam thams cad las yongs su 'das 
pa'i phyir/ de bzhin gshegs pa de dag thams cad ni mtshan nyid gcig pa'o/ /chos kyi mtshan nyid kyi rang bzhin gyi mthar thug pas/ de bzhin gshegs pa de dag ni mtshan nyid mi mnga' ba'o/ /rigs kyi bu kho mo ni de ltar de bzhin 
gshegs pa thams cad khong du chud par byed cing / byang chub sems dpa'i rnam par thar pa bsam gtan zhi ba'i bde bas kun tu rnam par gnon pa 'di de bzhin gshegs pa'i bsam gtan gyi dkyil 'khor snang bas shin tu rgya cher byed do/ /
shin tu yangs par byed do/ /khong du chud par byed do/ /rtogs par byed do/ /mnyam par byed do/ /mngon par sgrub bo/ /gzhi snyoms par byed do/ /rab tu 'jug go/ rnam par 'phel bar byed do/ /nges par sems so/ /nye bar rtog go /
dran par byed do/ /spyod yul du byed do/ /brtan par byed do/ /snang bar byed do/ /rab tu brjod do/ /rnam par dpyod do/ /rnam par 'byed do/ /tshogs su byed do/ /yid ches par byed do/ /yongs su rtog pa thams cad rgyu ba med pa'i snying rje chen po de la 
gnas te/ sems can thams cad yongs su bskyab pa la yang dag par spyad par sems rtse gcig tu bya ba'i phyir bsam gtan dang po sgom mo/ yid kyi las thams cad nye bar zhi bar bya ba dang / ye shes kyi stobs dang / mthus sems 
can thams cad yongs su bsdu ba la dga' ba'i bde ba la sems rtse gcig tu bya ba'i phyir/ bsam gtan gnyis pa sgom mo/ /'khor bar log par zhugs pa la btang snyoms su byas te/ sems can thams cad kyi rang bzhin nges par rtogs par </font><hr>38-1-93b<br><font size=+1>
bya ba'i phyir/ bsam gtan gsum pa sgom mo/ /sems can thams cad kyi nyon mongs pa dang /sdug bsngal rab tu zhi bar bya ba'i phyir bsam gtan bzhi pa sgom mo/ /thams cad mkhyen pa nyid kyi smon lam gyi dkyil 'khor shin tu yongs par 
bya ba dang / ting nge 'dzin rgya mtsho thams cad mngon par sgrub pa la mkhas par bya ba dang / byang chub sems dpa'i rnam par thar pa rgya mtsho thams cad kyi tshul la 'jug par bya ba dang / byang chub sems dpa'i rnam par rtse ba'i ye shes thams cad 
mngon par shes par bya ba dang / byang chub sems dpa'i spyod pas rnam par 'phrul pa thams cad mngon par bsgrub par bya ba'i phyir/ sgo kun nas chos kyi dbyings la 'jug pa'i ye shes kyi tshul yongs su sbyong zhing / byang chub sems dpa'i rnam par thar 
ba bsam gtan zhi ba'i bde bas kun tu rnam par gnon pa 'di sgom mo/ /rigs kyi bu de ltar kho mo rnam par thar pa 'di sgom zhing thabs sna tshogs kyis sems can yongs su smin par byed de/ 'di ltar nub mo zhi bar gyur pa'i tshe dga' ba la mos 
pa'i sems can rnams kyis mi sdug pa'i 'du shes skyed do/ /mi dga' ba'i 'du shes dang / yongs su skyo ba'i 'du shes dang / bgegs su 'gyur ba'i 'du shes dang / 'ching ba'i 'du shes dang / srin mo'i 'du shes dang / mi rtag pa'i 
'du shes dang / sdug bsngal ba'i 'du shes dang / bdag med pa'i 'du shes dang / rje med pa'i 'du shes dang / gzhan la rag las pa'i 'du shes dang / rga shi'i 'du shes dang / 'dod pa'i yul dang longs spyod thams 
cad la dga' ba med pa'i 'du shes skyed de/ sems can de dag kyang sems de la yongs su sgom pas/ 'dod pa'i dga' ba thams cad la/ mngon par dga' ba med pas chos la mos pa'i dga' ba la 'jug cing khyim nas khyim med par rab tu 'byung ngo / /de dag </font><hr>38-1-94a<br><font size=+1>
dgon pa la gnas pa'i tshe 'ang chos dang mthun pa'i dad pa yongs su skyed de/ sgra chen po 'jigs pa mi snyan pa'i sgra skad thams cad kyang zhi bar byed do/ /mtshan mo zhi bar gyur pa lhas sangs rgyas kyi chos zab mo yang yang dag par 
ston to/ /spang ba dang 'thun pa'i rkyen yang nye bar ston to/ /khyim gyi sgo yang rnam par 'byed do/ /lam yang yongs su ston to/ /snang bas kyang mngon par byed do/ /mun pas chod pa yang rnam par sel to/ /'jigs pa'ang med par byed do/ /rab tu byung 
ba la yang yang dag par bsngags pa byed do/ /sangs rgyas kyi legs pa'ang rjod do/ /chos kyilegs pa dang / dge 'dun gyi legs pa dang / dge ba'i bshes gnyen gyi legs pa yang rjod do/ /dge ba'i bshes gnyen gyi drung du 'gro ba la'ang bsngags 
ba byed do/ /rigs kyi bu kho mo rnam par thar pa 'di la sgom zhing sems can rnams kyi chos ma yin pa'i 'dod chags kyis zhen pa rnams kyi chos ma yin pa'i 'dod chags kyi yongs su rtog pa rnams kyang med par byed do/ /tshul ma yin pa'i 'dod pas non pa 
rnams dang / log par yongs su rtog pa'i spyod yul can rnams kyi yongs su rtog pa de dag dang yid la bya ba de dag kyang med par byed do/ /sdig to mi dge ba'i chos ma skyes pa rnams mi skye ba dang / sdig to'i yongs su rtog pa skyes par gyur pa rnams kyang med par 
'gyur ba'i rkyen nye bar sgrub bo/ /dge ba'i yongs su rtog pa'i pha rol tu phyin pa dang ldan pa dang / spyod pa dang ldan pa dang / thams cad mkhyen pa'i ye shes su 'byung ba'i smon lam mngon par bsgrub pa dang ldan pa dang / byams pa'i tshul dang ldan pa dang / sems 
can rnams la snying rje chen pos rgyas par 'gengs pa dang ldan pa dang / lha dang mi'i bde ba rnam pa sna tshogs yongs su bskyed pa dang / ldan pa'i yongs su rtogs pa bskyed pa dang / skyes nas kyang tshul sna tshogs kyi rkyen nye bar bsgrub par byed pa nas </font><hr>38-1-94b<br><font size=+1>
thams cad mkhyen pa nyid dang mthun pa'i rkyen kyang nye bar sgrub pa byed de/ rigs kyi bu kho mos ni byang chub sems dpa'i rnam par thar pa bsam gtan zhi ba'i bde bas kun tu rnam par gnon pa 'di shes par zad na/ kho mos byang chub sems 
dpa' kun tu bzang po'i spyod pa dang / smon lam gyis byung ba'i byang chub sems dpa' rnam pa mtha' yas pa'i chos kyi dbyings kyi ye shes rab tu thob pa/ dge ba'i rtsa ba thams cad kyis rnam par spel ba'i sems dang ldan pa/ de bzhin gshegs 
pa thams cad kyi ye shes kyi mthus sems kyi snang ba rab tu thob pa/ de bzhin gshegs pa thams cad kyi yul la gnas pa'i sems dang ldan pa/ gnas thams cad du sgrib pa med pa'i sems dang ldan pa/ thams cad mkhyen pa nyid kyi 
smon lam yongs su rdzogs pa'i sems dang ldan pa/ zhing rgya mtsho thams cad du zhugs pa'i sems dang ldan pa/ sangs rgyas rgya mtsho thams cad mthong bar bya ba la zhugs pa'i sems dang ldan pa/ de bzhin gshegs pa thams cad kyi 
chos kyi sprin gyi char yang dag par gzung ba'i sems dang ldan pa sems can thams cad kyi ma rig pa'i mun pa rnam par sel ba/ 'khor ba'i bde ba la dga' zhing sred pa zad cing mthar phyin par 'gyur ba'i lam gyis/ thams cad mkhyen pa nyid du 
snang ba skyed pa'i sems dang ldan pa/ de dag gi spyod pa shes pa'am/ yon tan brjod par nus re skan/ /song rigs kyi bu 'di nyid na nga dang yang rgyang mi ring ste/ rnam par snang mdzad kyi snying po byang chub kyi g.yas rol cig na/ mtshan 
mo'i lha mo rab tu dga' ba'i mig 'gro bar rnam par snang ba zhes bya ba 'dug gis de'i gan du song la/ ji ltar byang chub sems dpas byang chub sems dpa'i las la brtson par bya ba dris shig /de nas mtshan mo'i lha mo kun tu zab pa'i dpal </font><hr>38-1-95a<br><font size=+1>
dri ma med pa'i 'od kyis de'i tshe/byang chub sems dpa'i rnam par thar pa bsam gtan zhi ba'i bde bas kun tu rnam par gnon pa 'di nyid brnan te/ bstan par bya ba'i phyir/ tshong dpon gyi bu nor bzangs la tshigs su 
bcad de smras pa/ dus rnams kun tu byung ba'i bde gshegs rnams/ /mngon du bya bar mos pa'i sems dang ldan/ /de dag mig yangs rnam par dag par 'gyur/ /des ni sangs rgyas rgya mtsho mthong bar 'ong / /rgyal ba'i sku gsal 
dri ma med la ltos/ /mtshan gyis yongs su rgyan pas shin tu mdzes/ /rgyal ba'i rnam par 'phrul pa chos dbyings rnams/ skad cig re res rgyas 'gengs de la 'ang ltos/ /byang chub shing drung sangs rgyas gdan rab la/ /bde gshegs rnam 
par snang mdzad mngon sangs rgyas/ /chos dbyings yangs pa rgyas mdzad cing / /'gro ba'i bsam pa ji bzhin 'khor lo bskor/ /rgyal bas chos nyid lus med rab zhi ba/ /gnyis med rang bzhin med pa thugs chud nas/ /gzugs sku 
bzang po mtshan gyis brgyan pa yis/ /'gro ba ma lus bkang zhing ston pa mdzad/ /sangs rgyas sku ni rgya che bsam mi khyab/ /chos kyi dbyings kun yongs su rgyas bkang zhing / /de ni kun tu mnyam par snang ba ste/ /rgyal ba thams cad kun tu ston pa 
mdzad/ /zhing rnams kun gyi rdul rab phra ba snyed/ /'od kyi dkyil 'khor mnga' ba'i sangs rgyas sku/ /kha dog bzang po gzhan dang gzhan snang bas/ /chos dbyings rgyas par skad cig re res 'gengs/ /rgyal ba'i ba spu'i sgo nas 'od zer 
sprin/ /rgya che bsam yas mi zad mngon 'byung ba/ /de dag 'gro ba ma lus 'gengs byed cing / /srog chags rnams kyi nyon mongs gdung ba sel/ /sangs rgyas sprul pa rgya mtsho mi zad pa/ /rgyal ba'i spu yi 'khor nas yongs ston cing / /chos dbyings </font><hr>38-1-95b<br><font size=+1>
yangs pa rgyas par kun bkang ste/ /srog chags rnams kyi sdug bsngal ngan song sel/ /sangs rgyas gsung snyan rab tu sgrog mdzad pa/ /dbyangs kyi yan lag rgya mtsho'i sgra 'od can/ /chos char chen po rab tu 'bebs pa mdzad/ /srog 
chags byang chub bsam pa yongs su skyed/ /bskal pa rgya mtsho spyad pa spyod pa'i tshe/ /'dis ni sngan cad yongs su gzung mdzad pa/ /de dag kun gyi rgyal ba rnam par snang mdzad pa/ /zhing rnams kun tu gzugs brnyan mtshan nyid mthong / /de bzhin 
gshegs pa 'jig rten kun tu 'byung / /sems can re re kun la'ang mngon par bzhugs/ /mos pa'i tshul bzhin spyod yul gzhan dang gzhan/ /de dag kho mos kun tu shes mi nus/ /rgyal sras dam pa thams cad ma lus par/ /bde 
gshegs ba spu gcig gi rtse las 'byung / /rnam thar de la gang rnams bsam yas pa/ /de dag thams cad kho mos shes mi nus/ /kho mo'i 'dab na gnas pa'i lha mo 'di/ /'jig rten mgon la mngon gyur rab tu dga'/ /ming du snang ba 'od 'phro mig 
ces bya/ /de la byang chub spyod pa ci 'dra dris/ /de nas tshong dpon gyi bu nor bzangs kyis mtshan mo'i lha mo kun tu zab pa'i dpal dri ma med pa'i 'od kyi rkang pa gnyis la spyi bos phyag 'tshal te/ mtshan mo'i lha mo kun tu zab pa'i dpal dri ma med pa'i 'od 
la lan brgya stong du mar g.yas phyogs su bskor ba byas nas yang dang yang bltas te/ mtshan mo'i lha mo kun tu zab pa'i dpal dri ma med pa'i 'od kyi drung nas song ngo / /de nas tshong dpon gyi bu nor bzangs dge ba'i bshes gnyen gyi gdams ngag gi 
byin gyis brlabs pa/ dge ba'i bshes gnyen gyi/ tshig la nan tan du bya ba'i sems yang dag par skyes pa/ dge ba'i gshes gnyen gyi sman pa la nad pa lta bu'i 'du shes kyis yongs su spyad pa'i sems dang ldan pa/dge ba'i </font><hr>38-1-96a<br><font size=+1>
bshes gnyen mthong ba yid la byed pa ma 'khrugs pa'i sems dang ldan pa/ dge ba'i bshes gnyen blta ba la bsgribs pa'i ri thams cad rnam par gtor ba'i glags rnyed pa'i sems dang ldan pa/ dge ba'i bshes gnyen 
mthong ba la sems can gyi khams thams cad yongs su bskyab pa'i snying rje chen po'i tshul rgya mtsho la 'jug pa thob pa'i sems dang ldan pa/ dge ba'i bshes gnyen mthong ba la chos kyi dbyings kyi tshul rgya mtsho'i ye shes snang ba rab tu thob pa'i sems dang ldan 
pa de/ mtshan mo'i lha mo rab tu dga' ba'i myig 'gro bar rnam par snang ba gang na ba der song ngo / /de nas mtshan mo'i lha mo rab tu dga' ba'i myig 'gro bar rnam par snang bas/ tshong dpon gyi bu nor bzangs de 
bas kyang dge ba'i bshes gnyen gyi drung du 'gro ba dge ba'i rtsa ba'i tshogs las byung bas yongs su smin par bya ba'i phyir/ dge ba'i bshes gnyen gyi drung du 'gro ba tshogs chen po las byung bar byin gyis brlabs so/ /dge ba'i bshes gnyen gyi+i drung du 'gro ba 
rnam par gnon pa chen por byin gyis brlabs so/ /dge ba'i bshes gnyen gyi drung du 'gro ba brtson 'grus kyi las 'jug par dka' bar byin gyis brlabs so/ /dge ba'i bshes gnyen gyi drung du 'gro ba bsdad cing shin tu legs par byin gyis brlabs so/ /
dge ba'i bshes gnyen gyi drung du 'gro ba phyogs mtha' dang dbus med pa la 'jug par byin gyis brlabs so/ /dge ba'i bshes gnyen gyi drung du 'gro ba yun ring por gnas pas byung bar byin gyis brlabs so/ /dge ba'i bshes gnyen gyi drung du 'gro ba don mtha' 
yas pa yongs su rdzogs pa'i rnam par dmyigs pa 'byung bar byin gyis brlabs so/ dge ba'i bshes gnyen gyi drung du 'gro ba lam gyi rgyan mtha' dang dbus med pa'i tshogs kyis yongs su gnon par byin gyis brlabs so/ /dge ba'i bshes gnyen gyi drung du 'gro </font><hr>38-1-96b<br><font size=+1>
ba sgo kun nas rnam par gnon pas byung bar byin gyis brlabs so/ /dge ba'i bshes gnyen gyi drung du 'gro ba g.yo ba med par 'ong bas rnam par gnon par byin gyis brlabs so/ /de nas tshong dpon gyi bu nor bzangs thams cad mkhyen pa'i tshogs 
kyi brtson 'grus la rab tu brtson pas/ dge ba'i bshes gnyen gyi drung du 'gro ba dang smon lam chen po rgya mtsho mngon par bsgrub pa'i rnam par gnon pas dge ba'i bshes gnyen gyi drung du 'gro ba dang / sems can gcig gi don du phyi ma'i mtha'i 
bskal pa'i mur thug par sdug bsngal nyams su blang ba'i zhe non pas/ dge ba'i bshes gnyen gyi drung du 'gro ba dang / rdul shin tu phra ba gcig la chos kyi dbyings thams cad du sgra sgrog cing yun ring por gnas pa'i rnam par gnon pa dang / brtson 'grus 
chen po'i go bgos pas dge ba'i bshes gnyen gyi drung du 'gro ba dang / phyogs rgya mtsho 'byam klas pa thams cad du shugs kyis 'gro bas dge ba'i bshes gnyen gyi drung du 'gro ba dang / ba spu'i sbubs gcig tu phyi ma'i mtha'i bskal par byang chub sems 
dpa'i spyod pa la gnas pas/ dge ba'i bshes gnyen gyi drung du 'gro ba dang / byang chub sems dpa'i spyod pa la gnas nas kyang sems kyi skad cig re re la thams cad mkhyen pa'i ye shes 'gengs pa la gnas par bya bas/ dge ba'i bshes gnyen gyi drung 
du 'gro ba dang / dus gsum du gshegs pa'i de bzhin gshegs pa'i rnam par 'phrul pa'i rgyan dang / lam yongs su gnon par zhe non pas/ dge ba'i bshes gnyen gyi drung du 'gro ba dang / chos kyi dbyings kyi tshul gyis rgyun tu zhugs pa'i lam yongs 
su gnas pas/ dge ba'i bshes gnyen gyi drung du 'gro ba dang / chos kyi dbyings kyi tshul thams cad la dmigs pa las ma g.yos par/ chos kyi dbyings kun tu rgyas par 'gengs pas dge ba'i bshes gnyen gyi drung du 'gro bas mtshan mo'i lha mo </font><hr>38-1-97a<br><font size=+1>
rab tu dga' ba'i mig 'gro bar rnam par snang ba gang na ba der phyin pa dang / des mtshan mo'i lha mo rab tu dga' ba'i mig 'gro bar rnam par snang ba/ bcom ldan 'das kyi 'khor gyi dkyil 'khor na seng ge'i khri me tog gi snying 
po can la 'dug cing / byang chub sems dpa'i ting nge 'dzin kun tu bzang po'i dga' ba yangs shing dri ma med pa'i shugs kyi rgyal mtshan la/ mnyam par bzhag pa mthong ngo / /de'i ba spu'i bu ga thams cad nas sbyin pa la stsogs 
pa'i pha rol tu phyin pa'i spyod pa mngon par ston pa'i sprin sems can thams cad/ mngon par dga' ba/ sems can thams cad kyi yid du 'ong ba/ sems can thams cad kyis blta na nyams su bde ba/ sems can thams cad 
kyis blta na sdug pa rnam pa sna tshogs 'byung ba yang mthong ste/ 'di ltar sems can thams cad la phan gdags shing rtsod pa med par bya ba dang / dngos po thams cad la phangs par rtsi ba med par bya ba dang / sems can thams 
cad la sbyor ba mtshungs pas yongs su gtang bar bya ba dang / sems can thams cad la mnyam pa'i sems su bya ba dang / sems can thams cad la brnyas pa med par yongs su gtang ba dang / nang dang phyi'i dngos po thams cad yongs su gtang ba dang 
dga' ba chen po yongs su gtang bar bstan pa dang / 'jig rten thams cad du sems can gyi bsam pa ji bzhin gyi sbyin pa'i spyod pa yongs su bstan par bya ba'i phyir/ sems can thams cad kyi bsam pa ji lta ba bzhin du rnam par dmigs 
pa dang mthun pa'i sgras sbyin pa'i spyod pa yongs su ston pa'i sprin dang / dus gsum du byung ba'i byang chub sems dpa' rnams gtang bar dka' ba yongs su gtong ba'i sprul pa bsam gyis mi khyab pa'i sprin 'thon nas/ phyogs bcu'i 'jig </font><hr>38-1-97b<br><font size=+1>
rten gyi khams 'byam klas par gtogs pa'i sems can thams cad kyis rnam par dmyigs par gyur pa mthong ngo / /'di lta ste/ byang chub sems dpa'i khyu mchog gi /mthu phyung ba dang / rnam par 'phrul pa bsam gyis mi khyab pa thob pas/ 
ba spu'i bu ga thams cad nas/ sems can thams cad dang mnyam pa'i skye ba sna tshogs su sprul pa'i lus kyi sprin mngon par 'thon te/ 'jig rten gyi khams thams cad du/ gtogs pa'i sems can thams cad la rgyas par khyab par byas 
nas/ mngon sum du brtul zhugs thams cad kyi yid dam las mi g.yo bar yongs su bstan pa dang / sems can gyi khams dang mnyam pa'i dka' thub dang / brtul zhugs kyi dkyil 'khor sna tshogs rab tu ston pa dang / 'jig rten 
thams cad du gnas pa med pa dang / yul thams cad la ltos pa med pa dang / 'khor ba thams cad du gnas pa las phyir phyogs pa dang / lha dang mi'i phun sum tshogs pa rgud pa'i sgor gzhol ba yongs su ston pa dang / mi sdug pa'i dkyil 'khor rab 
tu ston pa dang / 'jig rten gyi sdug pa'i 'du shes kyis phyin ci log rnam par bzlog pa dang / mi rtag pa dang / g.yo ba dang / 'jig pa dang / 'gyur ba'i chos nyid yongs su ston pa dang / 'du byed thams cad kyi chos nyid sdug bsngal 
zhing bdag med pa yongs su ston pa dang / de bzhin gshegs pa'i yul la gnas pa dang / mi 'bral bar mos par byed pa dang / de bzhin gshegs pa'i tshul khrims shin tu dag par bya ba'i phyir/ sems can rnams la yang 
dag par bskul ba dang / sems can thams cad kyi bsam pa ji lta ba bzhin gyi sgras tshul khrims kyi spyod pa yongs su ston pa dang / sems can thams cad yongs su tshim par byed pa'i tshul khrims kyi dri zhim po yongs su ston pa byed cing /</font><hr>38-1-98a<br><font size=+1>
sems can thams cad yongs su smin par byed pa mthong ngo / /ba spu'i sgo thams cad nas sems can thams cad dang mnyam pa'i lus kha dog sna tshogs su sprul pa'i sprin 'thon te/ yan lag dang nying lag thams 
cad kyang nyams su bzod pa sems can thams cad la yongs su ston pa/ sems can thams cad kyis lus la gnod par tho brtsams kyang nyams su bzod par byed pa dang sems can thams cad kyi tshul dang mi 'dra ba'i tshig gis 
spyo ba dang / brgyad pa dang / smad pa dang / bskyung ba dang / brdeg pa dang / bsdigs pa nyams su bzod par byed pa yongs su ston pa dang / sems can thams cad kyis mi sgul ba yongs su ston pa dang / rim gror byas pa dang / rim gror ma byas pa thams 
cad kyis mtho ba dang dma' bar mi 'gyur ba yongs su ston pa dang / sems can thams cad la nga rgyal med pa yongs su ston pa dang / chos thams cad kyi rang bzhin la bzod pa mi zad pas ye shes mi zad pa yongs su ston pa dang / sems can 
thams cad kyi nyon mongs pa thams cad yongs su spang ba'i phyir bzod pa'i spyod pa yongs su ston pa dang / sems can thams cad kyi lus dbyibs mi sdug cing / kha dog mi mdzes pa'i gzugs rnam par zlog pa byed pa dang / sems can 
thams cad la de bzhin gshegs pa'i sku mdog rnam par dag pa bla na med pa yongs su ston cing sems can yongs su smin par byed pa mthong ngo / /ba spu'i sgo thams cad nas sems can thams cad dang mnyam pa'i skye ba sna tshogs kyi lus kha dog 
dang dbyibs dang / chu zhengasna tshogs su sprul pa'i sprin 'thon te/ sems can rnams kyi bsam pa ji lta ba bzhin du rgyas par khyab par byas nas/ thams cad mkhyen pa nyid kyi tshogs chen po la brtson 'grus kyis sngon du 'dor ba/ yang dag </font><hr>38-1-98b<br><font size=+1>
par ston pa dang / bdud kyi dkrugs ma thams cad rnam par 'thor ba'i brtson 'grus dang / byang chub tu brtsams pa mi 'khrugs mi zlogs pa'i brtson 'grus dang / sems can thams cad 'khor ba'i rgya mtsho las rab tu bsgral ba'i brtson 'grus 
dang mi khom pa dang ngan song dang / ngan 'gro dang log par ltung ba'i lam thams cad rnam par bzlog pa'i brtson 'grus dang / mi shes pa'i ri rnam par gtor ba'i brtson 'grus dang / de bzhin gshegs pa thams cad mchod cing bsnyen bkur 
bas yongs su mi skyo ba'i brtson 'grus dang / sangs rgyas thams cad kyi chos kyi 'khor lo yang dag par blang ba dang / yongs su bzung ba'i brtson 'grus dang / sgrib pa thams cad kyi ri rab tu gzhom zhing rnam par gtor ba'i brtson 'grus dang / 
sems can thams cad yongs su smin par bya ba dang / gdul bas mi skyo ba'i brtson 'grus dang / sangs rgyas kyi zhing thams cad yongs su dag par bya ba'i brtson 'grus dang / de bzhin gshegs pa'i brtson 'grus rnam par dag pa bla na 
med pa yongs su ston cing / sems can yongs su smin par byed pa mthong ngo / /ba spu'i sgo thams cad nas lus sna tshogs kha dog dang dbyibs rnam pa tha dad par sprul pa'i sprin 'thon te/ thabs sna tshogs kyis sems can rnams kyi dga' 
ba yongs su bskyed pa dang / yid bde ba rnam par zlog pa dang / 'dod pa'i dga' ba thams cad rnam par smod pa dang / ngo tsha shes pa'i chos nyid 'jig rten du sgrog pa dang / dbang po bsdams pa la sems can rnams rab tu dgod pa dang / 
tshangs pa'i spyod pa bla na med pa yang dag par bsngags pa byed pa dang / 'dod pa'i 'jig rten bdud kyi yul 'jig pa dang bcas par yongs su ston pa dang / 'dod pa'i dga' ba dang bral ba rnams la 'jig rten gyi 'dod pa dang / dga' ba'i yul </font><hr>38-1-99a<br><font size=+1>
thams cad yongs su ston pa dang / chos la mos shing dga' ba la sems can rab tu dgod pa dang / mthar gyis bsam gtan dang / ting nge 'dzin dang snyoms par 'jug pa'i sgo mngon par bsgrub pa dang / sems 
can thams cad kyi nyon mongs pa thams cad rnam par gsal ba la nges par rtogs pa'i sems yongs su rjod pa dang / byang chub sems dpa'i ting nge 'dzin rgya mtsho'i rnam par 'phrul pa thams cad yongs su ston pa dang / byang chub sems dpa'i 
mngon par shes pa dang / rnam par 'phrul pa dang / khyu mchog gi mthu phyung ba yongs su ston pa byed cing / sems can rnams kyi dga' ba yongs su bskyed pa dang / spro ba 'phel bar bya ba dang / nyams bde ba yongs su bskyed pa dang / yid 
mi bde ba bzlog pa dang / sems skyon med pa yongs su bsgrub pa dang / sems can las su rung bar bya ba dang / bsam pa rnam par sbyang ba dang / dbang po gsal bar bya ba dang / lus kyi bde ba yongs su bskyed pa dang / chos la dga' ba'i 
shugs rnam par 'phel bar bya ba byed cing / sems can rnams yongs su smin par byed pa mthong ngo / /ba spu'i sga thams cad nas/ skye ba thams cad dang 'dra ba'i lus kyi sprin sna tshogs 'thon te/ zhing thams cad kyi khongs su chud pa'i sems 
can thams cad kyi yid bzhin du bstan pa'i phyir dge ba'i bshes gnyen gyi gan du 'gro bas skyo ba med pa yongs su ston pa dang / slob dpon dang / bla ma dang / dge ba'i bshes gnyen la rim gror bya ba dang / bsnyen bkur bas skyo ba med pa 
yongs su ston pa dang / de bzhin gshegs pa thams cad chos kyi 'khor lo 'khor ba yang dag par blang zhing yongs su bzung bas skyo ba med pa'i brtson 'grus yongs su ston pa dang / sangs rgyas rgya mtsho thams cad khong du chud par bya ba'i tshul yang </font><hr>38-1-99b<br><font size=+1>
dag par brjod pa dang /chos kyi sgo rgya mtsho thams cad rnam par 'byed pa dang / chos thams cad kyi mtshan nyid dang rang bzhin dang tshul mngon par brjod pa dang / chos thams cad ting nge 'dzin gyi sgor yongs su ston pa dang / sems can thams cad kyi 
dri ba dang the tsom rgya mtsho rnam par sel bas shes rab kyi yul yongs su ston pa dang / sems can thams cad kyi lta ba'i ri shin tu 'joms pa'i shes rab rdo rje yongs su ston pa dang / sems kyi skad cig gcig dang ldan pas/ sems can thams cad 
kyi ma rig pa'i mun pa rnam par sel ba'i shes rab kyi nyi ma'i dkyil 'khor 'char ba yongs su ston pa byed cing / sems can thams cad kyi dga' ba yongs su skye bar bya bas sems can yongs su smin par byed pa mthong ngo / /ba spu'i sgo thams cad 
nas kha dog dang dbyibs bsam gyis mi khyab pa'i lus mang po 'gro ba thams cad dang mnyam pa'i sprul pa'i sprin 'thon te bsam pa dang mos pa ji lta ba bzhin du sems can thams cad la mngon du gnas shing / sgra skad sna tshogs kyis yongs su sbyang ba'i bstan pas 'jig 
rten pa'i bsod nams dang bsod nams ma yin pa mngon par ston pa dang / 'jig rten pa'i bya ba thams cad rab tu rgyu ba dang khams gsum pa 'byung ba thams cad yongs su bstan pa dang / khams gsum pa thams cad las 'byung ba'i phyogs yang dag par brjod pa dang / lta 
ba'i mya ngan mi bzad pa thams cad las 'byung ba'i phyogs yang dag par bstan pas/ thams cad mkhyen pa nyid kyi lam gyi khyad par yongs su brjod pa dang / nyan thos dang rang sangs rgyas kyi sa'i lam las yongs su bzla ba yang dag par ston pa 
dang / rim gror byas pa dang / rim gror ma byas pa la byams sdang gis gos pa med par yongs su ston pa dang / 'khor ba dang mya ngan las 'das pa'i sgo la mi gnas pa yang dag par ston pa dang / dga' ldan gyi gnas la stsogs pa gcig nas </font><hr>38-1-100a<br><font size=+1>
gcig tu rgyu ba rgyun mi 'chad pa yongs su ston pa dang / snying po byang chub tu song zhing mngon par rdzogs par 'tshang rgya ba rgyun mi 'chad pa yongs su ston pa byed cing thams cad mkhyen pa nyid du sems can yongs su smin par byed 
pa mthong ngo / /ba spu'i sgo thams cad kyi ba spu'i sgo re re nas kyang sangs rgyas kyi zhing thams cad kyi rdul shin tu phra ba snyed kyi lus sprul pa'i sprin 'thon te/ sems can gyi 'jig rten thams cad la mngon sum du gnas shing byang chub sems dpa' kun tu 
bzang po'i spyod pa dang smon lam yongs su brjod pa dang / chos kyi dbyings thams cad rnam par dag pa'i mthar thug pa'i smon lam gyi khyad par yongs su brjod pa dang / sems kyi skad cig re re la 'jig rten gyi khams rgya mtsho thams cad yongs su 
dag par bya ba yongs su brjod pa dang / de bzhin gshegs pa thams cad la mchod cing rim gror bya ba rgyun mi 'chad pa yongs su brjod pa dang / sems kyi skad cig re re la chos kyi tshul rgya mtsho thams cad la 'jug pa rgyun mi 'chad pa yongs 
su ston pa dang / 'jig rten gyi khams rgya mtsho thams cad kyi rdul shin tu phra ba snyed kyi chos kyi dbyings kyi tshul rgya mtsho la 'jug pa rgyun mi 'chad pa yongs su ston pa dang / zhing thams cad du phyi ma'i mtha'i bskal pa'i mur thug par gnas shing / thams 
cad mkhyen pa nyid kyi lam rnam par dag par bya ba yongs su brjod pa rgyun mi 'chad pa yang dag par ston pa dang / sems kyi skad cig re re la de bzhin gshegs pa'i stobs la 'jug pa rgyun mi 'chad pa yang dag par brjod pa dang / dus gsum 
gyi tshul rgya mtsho thams cad la 'jug pa rgyun mi 'chad pa yongs su ston pa dang / zhing thams cad du rdzu 'phrul gyi rnam par 'phrul pa yongs su bstan pa rgyun mi 'chad pa yang dag par ston pa byed cing / byang chub sems dpa'i smon lam dang / spyod </font><hr>38-1-100b<br><font size=+1>
pa yongs su bstan pas sems can thams cad thams cad mkhyen pa nyid la rab tu 'god pa mthong ngo / /ba spu'i sgo thams cad kyi ba spu'i sgo re re nas kyang 'gro ba thams cad kyi sems dang mnyam pa'i lus kyisprul pa'i sprin mang po 'thon te/ sems can 
thams cad la mngon par gnas shing / thams cad mkhyen pa nyid kyi tshogs kyi stobs mu med pa yongs su ston pa dang / thams cad mkhyen pa'i sems kyi stobs mi zad pa dang / mi 'jigs pa dang / chud mi za ba'i chos can yongs su ston pa dang / 
byang chub sems dpa'i spyod pa thams cad yongs su sgrub pa'i stobs phyir mi ldog cing phyir mi zlog thub pa med pa dang / rgyun med pa dang / bla na med pa yongs su ston pa dang / byang chub sems dpa' rnams kyi stobs 'khor ba'i nyes pa thams cad kyis mi gos pa yongs su ston pa dang / 
byang chub sems dpa' rnams kyi stobs bdud kyi dkyil 'khor thams cad rnam par 'thor ba dang / byang chub sems dpa' rnams kyi stobs nyon mongs pa thams cad kyi dri mas nye bar nyon mongs pa med pa yongs su ston pa dang / /byang chub sems dpa' 
rnams kyi stobs las kyi sgrib pa thams cad kyi ri rnam pa 'thor ba yongs su ston pa dang / byang chub sems dpa' rnams kyi snying rje chen po'i stobs bskal pa thams cad du gnas kyang / byang chub sems dpa'i spyod pas skyob med pa yongs su ston 
pa dang / byang chub sems dpa' rnams kyi stobs sangs rgyas kyi zhing thams cad yongs su bskyod cing bskul bas/ sems can thams cad rab tu dga' bar byed pa yongs su ston pa dang / byang chub sems dpa' rnams kyi stobs bdud dang /phas kyi rgol ba'i tshogs thams cad rab tu 'josam pa yongs su ston pa dang / chos kyi 'khor lo bskor ba'i ye shes kyi stobs chen po 'jig rten du rab tu brjod pa byed cing sems can thams cad thams cad mkhyen pa nyid du yongs su smin par byed pa mthong ngo / /</font><hr>38-1-101a<br><font size=+1>
ba spu'i sgo thams cad kyi ba spu'i sgo re re nas kyang lus kyi sprul pa rgya mtsho kha dog mtha' yas pa 'gro ba thams cad kyi sems dang mnyam pa'i sprin phyogs bcu mtha' yas pa'i sems can gyi khams su rgyas par 'gengs pa 'thon te/ sems can rnams kyi bsam 
pa dang / mos pa ji lta ba bzhin du byang chub sems dpa'i spyod pa dang / ye shes kyi rnam par gnon pa yongs su ston pa dang / sems can gyi khams rgya mtsho thams cad la 'jug pa'i ye shes yongs su ston pa dang / sems can thams cad kyi sems rgya mtsho la 'jug pa'i ye shes yongs su ston pa 
dang / sems can thams cad kyi dbang po rgya mtsho yongs su shes pa'i ye shes yongs su ston pa dang / sems can thams cad kyi spyod pa rgya mtsho la 'jug pa'i ye shes yongs su ston pa dang / sems can thams cad yongs su smin par bya ba dang / gdul ba'i dus las mi 'da' ba'i ye shes yongs su 
ston pa dang / chos kyi dbyings thams cad du grags par sgrog pa'i ye shes yongs su ston pa dang / sems kyi skad cig re re la chos kyi dbyings thams cad du ye shes kyi tshul rgya mtshos rgyas par 'gengs ba'i ye shes yongs su ston pa dang / 
'jig rten gyi khams rgya mtsho thams cad 'du ba dang / 'jig pa'i ye shes yongs su ston pa dang / 'jig rten gyi khams thams cad kyi gzhi dang dbyibs dang / rgyan rnam par dgod pa'i ye shes yongs su ston pa dang / de bzhin 
gshegs pa thams cad kyi mchod pa rnam par sprul te/ spyan sngar phyin nas/ mchod cing rim gror byed pa dang / chos kyi 'khor lo'i sprin yang dag par 'dzin pa'i ye shes yongs su ston pa byed cing / de ltar ye shes 
kyi pha rol tu phyin pa'i spyod pa yongs su ston pas sems can rnams kyi dga' bskyed pa dang / sems rab tu dang bar byed pa dang / rab tu dga' ba skyed pa dang / mos pa 'phel bar byed pa dang / yid mi bde ba rnam par zlog pa dang / sems </font><hr>38-1-101b<br><font size=+1>
rnam par spyod pa dang / sems skyon med par skye bar byed pa dang / dbang po gsal bar byed pa dang / mos pa'i stobs yongs su skyed pa dang / thams cad mkhyen pa nyid las phyir mi ldog par byed pa mthong ngo / /pha rol tu 
phyin pa'i spyod pa yongs su bstan pas 'jig rten du ci ltar sems can yongs su smin par gyur pa mthong ba de bzhin du byang chub sems dpa'i chos thams cad rab tu sgrog pa'i tshul gyis mtshan mo'i lha mor rab tu dga' ba'i mig 'phro bar rnam par snang 
ba'i thog ma sems bskyed pa'i tshogs dang / dge ba'i bshes gnyen bsnyen bkur ba'i thabs dang / de bzhin gshegs pa'i zhabs kyi drung du phyin cing mchod pa dang / rim gro byas pa'i tshul dang / dge ba'i chos spyad pa'i thabs ji snyed 
pa dang / sbyin pa'i pha rol tu phyin pa'i spyod pas gtang bar dka' ba yongs su gtong ba dang / tshul khrims kyi pha rol tu phyin pa yongs su sbyang ba'i thabs dang / rgyal srid kyi dbang phyug chen po dang / 'khor mang po dang / longs spyod kyi dbang chen 
po yongs su btang ste/ mngon par 'byung ba'i thabs ji snyed pa dang / 'jig rten gyi dka' ba'i spyod pa brtul zhugs dang dka' thub chen po'i dkyil 'khor la bzod pa mngon par bsgrubs pa ji snyed cig yod pa dang / byang chub sems dpa'i brtul 
zhugs yang dag par blang ba'i sbyor ba la mi g.yo bar bya ba ji snyed cig yod pa dang / byang chub sems dpa'i yi dam brtan pa'i chos rgya mtsho sems can gyi khams thams cad kyi nyes byas dang / ngan du smra ba dang / nyes par spyod pa thams cad 
bag la zha bar byed pa'i sbyor ba dang / lus dang sems kyi gnod pa nyams su bzod par byed pa'i sbyor ba ji snyed cig yod pa dang / chos thams cad 'jig pa med pa'i chos nyid la bzod pa dang / chos thams cad la yid ches pa'i bzod pa dang chos thams cad </font><hr>38-1-102a<br><font size=+1>
kyi rang bzhin nges par rtogs pa'i bzod pa ji snyed cig yod pa dang / thams cad mkhyen pa nyid du rtsom zhing sbyor ba'i brtson 'grus ji snyed cig yod pa dang / sangs rgyas kyi chos thams cad yongs su sgrub pa'i brtson 'grus ji 
snyed cig yod pa dang / brtson 'grus kyi pha rol tu phyin pa'i spyod pa ji snyed pa thams cad dang / bsam gtan gyi pha rol tu phyin pa'i tshogs dang / bsam gtan gyi pha rol tu phyin pa la brtson par bya ba dang / bsam gtan gyi pha rol tu phyin 
pa'i bsgrub pa rnam par dag pa'i spyod pa ji snyed cig yod pa dang / byang chub sems dpa'i ting nge 'dzin rab tu thob pas/ rnam par 'phrul ba ji snyed cig yod pa dang / ting nge 'dzin gyi sgo rgya mtsho la 'jug pa ji snyed cig yod pa dang / bsam gtan 
gyi pha rol tu phyin pa'i spyod pa ji snyed pa thams cad dang / shes rab kyi pha rol tu phyin pa'i tshogs ji snyed pa dang / byang chub sems dpa'i shes rab chen po'i nyi ma'i dkyil 'khor rnam par sbyang ba'i tshul ji snyed cig yod pa dang / shes rab chen 
po'i sprin yongs su 'du ba'i tshul ji snyed cig yod pa dang / shes rab kyi gter chen po'i tshogs ji snyed cig yod pa dang / shes rab kyi rgya mtsho chen po la rnam par dpyad pa'i tshul dang / sbyor ba ji snyed pa thams cad dang / thabs chen po la 
mkhas pa'i tshul gyi sbyor ba ji snyed cig yod pa dang / thabs chen po la mkhas pa yongs su dag bar bya ba dang ldan pa'i sngon gyi sbyor ba ji snyed pa thams cad dang / byang chub sems dpa'i smon lam gyi pha rol tu phyin pa'i lus ji snyed cig yod pa dang 
smon lam chen po'i pha rol tu phyin pa yongs su grub pa ji snyed cig yod pa dang / smon lam chen po'i pha rol tu phyin pa'i spyod pa ji snyed cig yod pa dang / smon lam chen po'i pha rol tu phyin pa dang ldan pa'i sngon gyi/ sbyor ba ji snyed pa </font><hr>38-1-102b<br><font size=+1>
thams cad dang / stobs kyi pha rol tu phyin pa thob par bya ba'i tshogs chen po ji snyed cig yod pa dang / stobs kyi pha rol tu phyin pa'i rkyen du gyur pa ji snyed cig yod pa dang / stobs kyi pha rol tu phyin pa'i tshul rgya mtsho chen po ji snyed cig yod pa dang / 
stobs kyi pha rol tu phyin pa shin tu bstan pa ji snyed cig yod pa dang / stobs kyi pha rol tu phyin pa dang ldan pa'i sngon gyi sbyor ba ji snyed pa thams cad dang / ye shes kyi pha rol tu phyin pa'i sbyor ba ji snyed cig yod pa dang / ye shes kyi pha rol tu phyin pa 
rnam par dag pa'i tshul ji snyed cig yod pa dang / ye shes kyi pha rol tu phyin pa'i phyogs ji snyed cig yod pa dang / ye shes kyi pha rol tu phyin pa'i rjes su 'brang bar bya ba ji snyed cig yod pa dang / ye shes kyi pha rol tu phyin pa 'byam klas pa ji snyed cig 
yod pa dang / ye shes kyi pha rol tu phyin pa'i tshul la yang dag par gzhol bar bya ba ji snyed cig yod pa dang / ye shes kyi pha rol tu phyin pa'i tshul rnam par dmigs par bya ba ji snyed cig yod pa dang / ye shes kyi pha rol tu phyin pa 'byam klas pa'i rjes 
su 'brang bar bya ba ji snyed cig yod pa dang / ye shes kyi pha rol tu phyin pas rgyas par 'gengs pa ji snyed cig yod pa dang / ye shes kyi pha rol tu phyin pa rgya chen po ji snyed cig yod pa dang / ye shes kyi pha rol tu phyin pa'i lhun ji snyed cig yod pa dang / 
ye shes kyi pha rol tu phyin pa yongs su 'grub par bya ba dang ldan pa'i sngon gyi sbyor ba ji snyed pa thams cad dang / ye shes kyi pha rol tu phyin pa'i spyod pa'i rnam par rab tu phye ba la 'jug pa 'byung ba yongs su bsgrub pa ji snyed cig yod pa dang / ye shes kyi 
pha rol tu phyin pa la yang dag par gzhol bar bya ba'i tshul dang ldan pa'i chos rnams dang / chos yongs su bsdu ba dang / chos kyi ye shes kyi rjes su 'brang ba dang / las kyi ye shes kyi rjes su 'brang ba dang / zhing gi ye shes kyi rjes su 'brang ba </font><hr>38-1-103a<br><font size=+1>
dang / bskal pa'i ye shes kyi rjes su 'brang ba dang / dus kyi ye shes kyi rjes su 'brang ba dang / sangs rgyas 'byung ba'i ye shes kyi rjes su 'brang ba dang / sangs rgyas kyi ye shes kyi rjes su 'brang ba dang / byang chub 
sems dpa'i ye shes kyi rjes su 'brang ba dang / byang chub sems dpa'i sems yongs su 'byung ba'i ye shes kyi rjes su 'brang ba dang / byang chub sems dpa'i rnam par dgod pa'i ye shes kyi rjes su 'brang ba dang / byang chub sems dpa'i 'byung ba'i 
ye shes kyi rjes su 'brang ba dang / byang chub sems dpa'i rab tu 'jug pa'i ye shes kyi rjes su 'brang ba dang / byang chub sems dpa'i smon lam gyi ye shes kyi rjes su 'brang ba dang / byang chub sems dpa'i chos kyi 'khor lo'i ye shes kyi rjes su 'brang ba dang / 
byang chub sems dpa'i chos rnam par 'byed pa'i ye shes kyi rjes su 'brang ba dang / byang chub sems dpa'i chos rgya mtsho'i tshul gyi ye shes kyi rjes su 'brang ba dang / byang chub sems dpa'i chos gang chen mtsho'i ye shes kyi rjes su 'brang ba dang / 
byang chub sems dpa'i chos kyi rgyud kyi ye shes kyi rjes su 'brang ba dang / byang chub sems dpa'i chos kyi gter gyi ye shes kyi rjes su 'brang ba dang / byang chub sems dpa'i chos kyi lugs kyi ye shes kyi rjes su 'brang ba ji snyed cig yod pa dang / 
mtshan mo'i lha mo rab tu dga' ba'i mig 'gro bar rnam par snang ba'i ye shes kyi pha rol tu phyin pa dang ldan pa'i byang chub sems dpa'i spyod pa mtha' dang dbus med pa'i dmigs pa can de dag thams cad de'i ba spu'i sgo thams cad kyi ba spu'i sgo re re nas mngon par 'thon te/ sems 
can gyi lus kyi sprin kha dog sna tshogs can du mngon par mchod cing sems can yongs su smin par byed pa mthong ngo / /'di lta ste/ 'og min dang / shin tu mthong ba dang / gya nom snang ba dang / ma dros pa dang / mi che ba'i gtsang ma'i gnas kyi lha lta bu'i lus </font><hr>38-1-103b<br><font size=+1>
kyi sprin du mngon par 'thon cing / sems can yongs su smin par byed pa mthong ngo / /de bzhin du 'bras bu che ba dang / bsod nams 'phel ba dang / sprin dang bral ba'i lha lta bu'i lus kyi sprin du mngon par 'thon cing sems can yongs su smin par byed 
pa mthong ngo / /dge rgyas dang tshad med dge ba dang / dge ba chung ba'i lha lta bu'i lus kyi sprin du mngon par 'thon cing / sems can yongs su smin par byed pa mthong ngo / /kun snang dang ba dang / tshad med snang ba dang / snang ba chung ngu'i lha lta bu'i 
lus kyi sprin du mngon par 'thon cing / sems can yongs su smin par byed pa mthong ngo / /tshangs chen dang / tshangs lha nye phan dang / tshangs pa kun ris kyi lha lta bu'i lus kyi sprin du mngon par 'thon cing / sems can yongs su smin par byed 
pa mthong ngo / /dbang sgyur gyi lha'i rgyal po lha mo'i tshogs dang lha'i bu dang bcas pa lta bu'i lus kyi sprin du mngon par 'thon cing sems can yongs su smin par byed pa mthong ngo / /lha'i rgyal po rab 'phrul dga' lha mo'i tshogs dang / lha'i 
bu dang bcas pa lta bu'i lus kyi sprin du mngon par 'thon cing sems can yongs su smin par byed pa mthong ngo / /rab dga' ldan gyi lha'i rgyal po lha mo'i tshogs dang lha'i bu dang bcas pa lta bu'i lus kyi sprin du mngon par 'thon cing / sems 
can yongs su smin par byed pa mthong ngo / /rab mtshe ma'i lha'i rgyal po lha mo'i tshogs dang lha'i bu dang bcas pa lta bu'i lus kyi sprin du mngon par 'thon cing sems can yongs su smin par byed pa mthong ngo / /lha'i rgyal po brgya byin lha mo'i 
tshogs dang / lha'i bu dang bcas pa lta bu'i lus kyi sprin du mngon par 'thon cing sems can yongs su smin par byed pa mthong ngo / /dri za'i rgyal po gnas srung po dang / dri za'i bu dang / dri za'i bu mo lta bu'i lus kyi sprin du mngon par 'thon cing </font><hr>38-1-104a<br><font size=+1>
sems can yongs su smin par byed pa mthong ngo / /grul bum gyi rgyal po 'phags skyes po dang / grul bum gyi bu dang grul bum gyi bu mo lta bu'i lus kyi sprin du mngon par 'thon cing sems can yongs su smin par byed pa mthong 
ngo / /klu'i rgyal po mig mi bzang dang / klu'i bu dang / klu'i bu mo lta bu'i lus kyi sprin du mngon par 'thon cing sems can yongs su smin par byed pa mthong ngo / /gnod sbyin gyi rgyal po chen po ngal bso po dang / gnod sbyin gyi bu mo lta bu'i lus kyi sprin du 
mngon par 'thon cing sems can yongs su smin par byed pa mthong ngo / /mi'am ci'i rgyal posdong po dang / mi 'am ci'i bu dang / mi'am ci'i bu mo lta bu'i lus kyi sprin du mngon par 'thon cing / sems can yongs su smin par byed pa mthong ngo / /lto 'phye chen po'i dbang 
po blo gros bzang po dang / lto 'phye chen po'i bu dang / lto 'phyi chen po'i bu mo lta bu'i lus kyi sprin du mngon par 'thon cing / sems can yongs su smin par byed pa mthong ngo / /nam mkha' lding gi dbang po shugs drag stobs chen dang / nam mkha' 
lding gi bu dang nam mkha' lding gi bu mo lta bu'i lus kyi sprin du mngon par 'thon cing / sems can yongs su smin par byed pa mthong ngo / /lha ma yin gyi dbang po sgra gcan dang / lha ma yin gyi bu dang / lha ma yin gyi bu mo lta bu'i lus kyi sprin du mngon par 
'thon cing sems can yongs su smin par byed pa mthong ngo / /chos kyi rgyal po gshin rje dang / gshin rje'i bu dang / gshin rje'i bu mo lta bu'i lus kyi sprin du mngon par 'thon cing sems can yongs su smin par byed pa mthong ngo / /mi'i dbang po dang 
skyes pa dang bud med dang khye'u dang / bu mo thams cad lta bu'i lus kyi sprin du mngon par 'thon cing / sems can yongs su smin par byed pa mthong ngo / /de bzhin du 'gro ba'i rgyud thams cad du thogs pa'i sems can thams cad lta bu'i lus kyi </font><hr>38-1-104b<br><font size=+1>
sprin du mngon par 'thon cing sems can yongs su smin par byed pa mthong ngo / /nyan thos dang rang sangs rgyas dang drang srong thams cad lta bu'i lus kyi sprin du mngon par 'thon cing sems can yongs su smin par byed pa mthong ngo / /rlung dang chu dang me'i phung po lha lta 
bu'i lus kyi sprin du mngon par 'thon cing sems can yongs su smin par byed pa mthong ngo / /rgya mtsho dang / chu klung dang / ri dang / nags tshal dang / lo tog dang / sman dang / shing dang / sa'i lha lta bu'i lus kyi sprin du mngon par 'thon cing sems can yongs 
su smin par byed pa mthong ngo / /bza' shing gi ra ba dang / grong khyer dang / snying po byang chub dang / nyin par dang / mtshan mo dang / nam mkha' dang / phyogs dang / rkang gis 'gro ba dang / lus kyi ris su gtogs pa dang / lha lta bu'i lus kyi sprin du mngon par 
'thon cing / sems can yongs su smin par byed pa mthong ba nas/ de bzhin du lag na rdo rje lta bu'i lus kyi sprin du mngon par 'thon cing / phyogs bcur rgyas par bkang ste/ chos kyi dbyings kyi tshul 'byam klas pa thams cad du sems can thams 
cad la mngon par gnas shing / sems can yongs su smin par byed pa'i bar du mthong ste/ mtshan mo'i lha mo rab tu dga' ba'i mig 'gro bar rnam par snang ba'i sems thog ma bskyed pa'i tshogs la stsogs pa'i sngon gyi/ tshe rabs la yongs su bsgrubs 
pa'i dge ba'i sems gcig nas gcig tu brgyud de/ rgyun ma chad pa'i tshul ji snyed pa dang / byang chub tu sems bskyed pa'i bsngags pa gcig nas gcig tu brgyud cing 'dab chags pa dang / shi 'pho dang skye ba yongs su bzung ba gcig nas 
gcig tu brgyud cing 'dab chags pa dang / lus yongs su bzung ba gcig nas gcig tu brgyud cing 'dab chags pa dang / ming gi 'khor lo gcig nas gcig tu brgyud cing 'dab chags pa dang / dge ba'i bshes gnyen gyi gan du 'gro ba gcig </font><hr>38-1-105a<br><font size=+1>
nas gcig tu brgyud cing 'dab chags pa dang / sangs rgyas byung ste bsnyen bkur ba gcig nas gcig tu brgyud cing 'dab chags pa dang / chos kyi tshig dang / yi ge blangs pa gcig nas gcig tu brgyud cing 'dab 
chags pa dang / byang chub sems dpa'i lam gyi nan tan gyi sems gcig nas gcig tu brgyud cing 'dab chags pa dang / ting nge 'dzin rab tu thob pa gcig nas gcig tu brgyud cing 'dab chags pa dang / ting nge 'dzin thob pas sangs rgyas mthong ba 
gcig nas gcig tu brgyud cing 'dab chags pa dang / zhing mthong ba'i mig gi rgyas par bkang pa gcig nas gcig tu brgyud cing 'dab chags pa dang / bskal ba gcig nas gcig tu brgyud pa'i ye shes kyi 'khor lo 'dab chags ba dang / chos 
kyi dbyings khong du chud pa'i ye shes gcig nas gcig tu brgyud cing 'dab chags pa dang / sems can gyi khams la rnam par lta ba gcig nas gcig tu brgyud cing 'dab chags pa dang / chos kyi dbyings kyi tshul rgya mtshor gtogs pa'i sems 
can pha rol gyi shi 'pho dang / skye ba shes pa gcig nas gcig tu brgyud cing 'dab chags pa dang / lha'i rna ba yongs su dag pa rtogs par byed pa'i shes pa gcig nas gcig tu brgyud cing 'dab chags pa dang / sems can gyi khams 
thams cad kyi sems la rnam par blta zhing dbyings la 'jug pa'i sgo gcig nas gcig tu brgyud cing 'dab chags pa dang / thog ma lha'i mig la zhugs pa'i sgo gcig nas gcig tu brgyud cing 'dab chags pa dang / thog ma lha'i rna ba rnam par 
dmigs pa gcig nas gcig tu brgyud cing 'dab chags pa dang / thog ma sems can pha rol gyi sems shes pa gcig nas gcig tu brgyud cing 'dab chags pa dang / thog ma bdag dang sems can pha rol gyi sngon gyi gnas rjes su dran pa </font><hr>38-1-105b<br><font size=+1>
shes pa gcig nas gcig tu brgyud cing 'dab chags pa dang / thog ma dngos po med pa la rab tu gnas te/ mngon par 'du bya ba myed pa'i rdzu 'phrul thob pa'i rkyen gcig nasagacig tu brgyud cing 'dab chag pa dang / rdzu 'phrul chen po'i rnam par gnon pas/ 
phyogs rgyas pa 'gengs pa gcig nas gcig tu brgyud cing 'dab chags pa dang / byang chub sems dpa'i rnam par thar pa thob pa gcig nas gcig tu brgyud cing 'dab chags pa dang / byang chub sems dpa'i rnam par thar pa rgya mtsho'i tshul 
bsam gyis myi khyab pa la 'jug pa gcig nas gcig tu brgyud cing 'dab chags pa dang / byang chub sems dpa'i ting 'dzin gyi rnam par 'phrul pa gcig nas gcig tu brgyud cing 'dab chags pa dang / byang chub sems dpa'i rnam par gnon pa 
gcig nas gcig tu brgyud cing 'dab chags pa dang / byang chub sems dpa'i yongs su gnon pa gcig nas gcig tu brgyud cing 'dab chags pa dang / byang chub sems dpa'i ming du bya ba gcig nas gcig tu brgyud cing 'dab chags pa 
dang / byang chub sems dpa'i lam la 'jug pa gcig nas gcig tu brgyud cing 'dab chags pa nas/ mtshan mo'i lha mo rab tu dga' ba'i mig 'gro bar rnam par snang ba'i byang chub sems dpa'i ye shes shin tu phra ba gcig nas gcig tu 
brgyud cing 'dab chags pa ji snyed pa de dag thams cad de'i ba spu'i sgo thams cad nas sprul pa'i lus kyi sprin du mngon par 'thon to/ /sems can rnams la chos 'chad pa dang / yang dag par ston pa dang / gsal bar byed pa dang / yongs 
su ston pa dang / rjes su rjod pa dang / rab tu 'byed pa dang / shin tu rgya cher byed pa dang / 'grang ba dang / nges par ston pa dang / rnam par rig par byed pa dang / nye bar bsgrub pa mthong ste/ la la la ni rlung gi dkyil 'khor shin tu 'khrugs </font><hr>38-1-106a<br><font size=+1>
pa'i sgra skad kyis chos ston par mthong ngo / /la la la ni chu'i phung po rab tu rlob pa'i sgra skad kyis/ la la la ni me'i me lce shin tu rlob pa'i sgra skad kyis/ la la la ni rgya mtsho'i 'brug gi sgra skad kyis/ la la la ni 
sa yongs su g.yos pa'i sgra skad kyis/ la la la ni ri chen po phan tshun thug cing 'thab pa'i sgra skad kyis la la la ni lha'i grong khyer g.yos pa'i nga ro snyan pa'i sgra skad kyis/ la la la ni lha'i gzhal med khang 'thub cing 'khrol ba'i sgra skad kyis chos ston pa mthong 
ngo / /la la la ni lha'i dbang po'i skad kyis/ la la la ni klu'i dbang po'i skad kyis/ la la la ni gnod sbyin gyi dbang po'i skad kyis/ la la la ni dri za'i dbang po'i skad kyis/ la la la ni lha ma yin gyi dbang po'i skad kyis/ la la la ni nam mkha' lding gi dbang po'i skad kyis/ la la la 
ni mi'am ci'i dbang po'i skad kyis/ la la la ni lto 'phye chen po'i dbang po'i skad kyis/ la la la ni mi'i dbang po'i skad kyis/ la la la ni tshangs pa'i dbang po'i skad kyis/ la la la ni lha mo'i glu'i dbyangs kyis/ la la la ni lha rdzas kyi rol mo legs par blangs pa'i dbyangs kyis/ 
la la la ni nor bu rin po che'i sgra dbyangs kyi/ la la la ni sems can gyi ris thams cad kyi skad sna tshogs kyis mtshan mo'i lha mo rab tu dga' ba'i mig 'gro bar rnam par snang ba'i rnam par thar pa'i yul sems can rnams la rab tu rjod pa mthong ngo / /de 
bzhin du byang chub sems dpa'i lus kyi sprin gyis byang chub sems dpa'i sgra skad sna tshogs dang / de bzhin gshegs pa'i sprul pa'i sku'i sprin gyis de bzhin gshegs pa'i gsung rnam pa tha dad pa'i dbyangs kyi yan lag gi tshul 
gyis mtshan mo'i la mo rab tu dga' ba'i mig 'gro bar rnam par snang ba'i rnam par thar pa'i yul thog ma sems bskyed pa dang bcas pa yongs su byung ste/ grub cing yang dag par 'dus pa dang bcas rnam par thar pa'i rnam par rtse ba dang bcas pa/</font><hr>38-1-106b<br><font size=+1>
sems can thams cad la rnam par dmigs par byed pa mthong ngo / /de'i sprul pa'i gzugs kyi sprin re res kyang sems kyi skad cig re re la phyogs bcu'i 'jig rten gyi khams kyi sangs rgyas kyi zhing brjod du med pa'i yang brjod du med pa rnam par sbyong ba mthong ngo / /
sems can rgya mtsho mtha' yas pa dag kyang ngan song gi sdug bsngal thams cad las rnam par 'grel pa mthong ngo / /sems can gyi khams mtha' dang / dbus med pa dag kyang mi'i phun sum tshogs pa la rab tu 'god pa mthong ngo / /sems can rgya mtsho 
mtha' dang dbus med pa dag kyang 'khor ba'i rgya mtsho las gyen du bskyod pa mthong ngo / /sems can rgya mtsho mtha' dang dbus med pa dag kyang nyan thos dang / rang sangs rgyas kyi sa la rab tu 'god pa mthong ngo / /sems kyi skad cig re re la sems can 
rgya mtsho mtha' dang dbus med pa dag kyang stobs bcu'i ye shes kyi sar 'dzud pa/ tshong dpon gyi bu nor bzangs kyis mthong ngo / /thos so rnam par dpyad do/ /zhugs so khong du chud do/ /nges par rtogs so/ /rjes su shes so/ /rjes su 
'brangs so/ /rjes su zhugs so/ /mnyam pa nyid du byin gyis brlabs te/ de ni mtshan mo'i lha mo rab tu dga' ba'i mig 'gro bar rnam par snang ba'i byang chub sems dpa'i rnam par thar pa kun tu bzang pos dga' ba shin tu yangs pa'i rgya mtsho 
bsam gyis mi khyab pa'i rnam par 'phrul pa dang / khyu mchog gi mthu phyung ba'i byin dang / sngon skal pa mnyam par spyad pa dang / de bzhin gshegs pa'i byin gyi rlabs kyis byin du brlabs pa dang / dge ba'i rtsa ba rnam par smin pa bsam gyis mi khyab pa 
dang / byang chub sems dpa'i spyod pa kun tu bzang po'i snod du gyur pa'i phyir ro/ /de nas tshong dpon gyi bu nor bzangs byang chub sems dpa'i dga' ba'i shugs drag po gang chen mtsho snang ba chen po rab tu thob pa/ phyogs bcu'i de bzhin gshegs </font><hr>38-1-107a<br><font size=+1>
pa thams cad kyis byin gyis brlabs pa des/ mtshan mo'i lha mo rab tu dga' ba'i mig 'gro bar rnam par snang ba'i mdun du 'dug ste/ thal mo sbyar nas mtshan mo'i lha mo rab tu dga' ba'i mig 'gro bar rnam par snang 
ba la tshul dang 'dra ba'i tshigs su bcad pa 'di dag gis mngon par bstod do/ /rgyal pa'i chos rnams shin tu zab/ /de la khyod kyis bskal pa tshad med bslabs/ /bsam pa ji bzhin gzugs rnams kyis/ /'gro ba kun bkang 'jig rten 
rim pas bstan/ /bdag med mgon med log pa yi/ /'du shes rtag tu 'khrul pa mkhyen gyur nas/ /rdzu 'phrul rnam pa du ma yis/ /lus dang dbang phyug ston mdzad 'gro ba 'dul/ /shin tu rims bral rab tu zhi/ /chos sku gnyis med 
rnam par dag par mnga'/ /'gro ba ma lus gnyis gnas pa/ /sprul pa'i sprin sgra 'brug gis rnam par 'dul/ /phung po khams dang skye mched la/ /khyod ni nam yang mi gnas mi rten te/ /yan lag kun rgyas gzugs mchog dang / /dbang 
phyug yongs su bsgrags pas 'gro ba 'dul/ /phyi dang nang las rnam par grol/ /gnyis las byung ba'i mtsho las 'phags gyur kyang / /'khor ba'i rgya mtsho mtha' yas pa'i/ /gzugs brnyan 'gro ba'i rgyud du rab tu ston/ /khyod la g.yo 
ba mi mnga' ste/ /nam yang rlom sems g.yo ba'i spros mi mnga'/ /'jig rten spros mos byis pa rnams/ /chos kyi rang bzhin ston cing 'dul ba mdzad/ /ting 'dzin rgya mtsho kun spyod pas/ /bskal pa mang por rtse gcig thub bzhugs 
kyang / /phyogs bcu'i bde gshegs mchod don du/ /spu rnams rtse las sprul pa'i sprin kyang 'gyed/ /sangs rgyas stobs la 'jug pa'i tshul/ /skad cig re rer mtha' yas thugs su chud/ /sems can bsdu ba'i sbyor ba rnams/ /</font><hr>38-1-107b<br><font size=+1>
so so'i rkyen bzhin go bar bgyi bas bstan/ /khyod kyis srid pa'i rgya mtsho dag /las kyis rnam bris sna tshogs gzugs gzigs shing / /chos kyi sgrib pa med pa'i lam bstan te/ /sems can kun kyang rnam par sbyong ba mdzad/ /khyod sku 
mtshan bris rnam dag kyang / /kun tu bzang po'i spyod pa dam pa yis/ /sems can bsam pa'i dbang tshul du/ /khyod ni lha mo'i sku gzugs sa ston/ /de nas tshong dpon gyi bu nor bzangs kyis/ mtshan mo'i lha mo rab tu dga' ba'i mig 'gro 
bar rnam par snang ba la tshul dang 'dra ba'i tshigs su bcad pa de dag gis mngon par bstod de/ 'di skad ces smras so/ /lha mo khyod bla na med pa yang dag par rdzogs pa'i byang chub tu zhugs nas ji srid cig lags/ lha mo khyod kyis byang chub 
sems dpa'i rnam par thar pa kun tu bzang po'i dga' ba shin tu yangs shing dri ma med pa'i shugs kyi rgyal mtshan 'di thob nas ji srid cig lags/ de nas mtshan mo'i lha mo rab tu dga' ba'i mig 'gro bar rnam par snang bas/ tshong dpon gyi bu nor 
bzangs la tshigs su bcad de smras pa/ dran pa bskal pa mang 'das pa/ /zhing gi rdul snyed de yi snga rol na/ /zhing ni rin chen mdog bde 'byung / /de yi bskal pa zhi ba'i dbyangs shes bya/ /gling bzhi bye ba khrag khrig ste/ /brgya stong phrag 
bcu rnams kyis yongs su gang / /tshad med rin chen ri bo 'dra/ /gling bzhi bar ma bzang po rnam par bkram/ sa/rgyal po'i pho brang bye ba brgya/ /stong phrag bcu rnams yongs su tshang ba ste/ /rgyal po'i pho brang mdangs dga' ba/ /dbus na gnas 
pa spos kyi rgyal mtshan 'od/ /der ni phyogs kyi dbang po sa yi bdag /'khor los sgyur ba mngon par gzugs bzang byung / /mtshan rab sum cu gnyis dang ldan/ /de yi lus kyang dpe byad bzang pos brgyan/ /pad mo'i sbubs nas rdzus te byung / /</font><hr>38-1-108a<br><font size=+1>
gser gyi mdog bzang 'od byung lus dang ldan/ /'dzam bu'i rgyal mtshan thams cad du/ /mkha' las 'gro zhing 'od kyis de 'gengs so/ /de yi bu ni stong tshang ste/ /kun kyang yan lag dam pa'i gzugs dang ldan/ /
blon po mkhas shing gsal ba dang / /mdzangs shing yid gzhungs bye ba shin tu mang / /btsun mo bya ba phrag bcu tshang / /lha mo ji bzhin dga' ba'i tshul la mkhas/ /de dag phan sems bde sems kyis/ /rgyal po de la nye ba'i yid du gnas/ /
rgyal po de ni sa chen de/ /ri dang khor yug kun gyi mthas klas pa'i/ /gling bzhi'i phun sum tshogs pa dag /kun kyang chos kyi stobs kyis gnas par byed/ /kho mo 'khor los sgyur ba yi/ /btsun mo tshangs pa'i sgra skad rin chen lus/ /
gser gyi mdog 'chang dri med 'od/ /dpag tshad stong du 'od kyis rgyas par 'gengs/ /nyi ma nub par gyur nas kyang / rgyal po sras dang 'khor bcas gzims gyur nas/ /rol mo'i dbyangs kyang zhi gyur te/ /kho mo mal na bde bar nyal 
nyal na/ /nam gyi phyed tsam gung zhig la/ /sangs rgyas dpal gyi rgya mtsho byung bar gyur/ /de tshe rgyal bas rnam 'phrul ba/ /phyogs bcu rgyas par bkang ste bstan pa mdzad/ /rgyal ba'i 'od zer rgya mtsho des/ /zhing gi rdul snyed 'jig 
rten khyab par gyur/ /rnam 'phrul sku rnams sna tshogs kyis/ /phyogs bcu thams cad ma lus rgyas par bkang / /sa rnams ri dang bcas par g.yos/ /rgyal ba byung zhes sgra yang yongs su brjod/ /lha dang lha min mi dang klu/ /kun kyang 
rgyal ba byung bas rab tu dga'/ /sangs rgyas ba spu'i sgo kun nas/ /sprul pa'i rgya mtsho mang po mngon par byung / /des ni phyogs bcu rgyas bkang nas/ /'jig rten bsam pa bzhin du chos kyang bstan/ /rnam 'phrul mtha' yas de dag kyang / /</font><hr>38-1-108b<br><font size=+1>
rgyal bas thams cad bdag gi rmi lam bstan/ /zab mo'i 'brug sgra thos gyur nas/ /khong du chud pas kho mo dga' yid gyur/ /mtshan mo'i lha mo stong steng kyang / /kho mo'i steng gi bar snang mkhar gnas shing / /rgyal ba'i legs pa brjod 
byas nas/ /kho mo sad par smra zhing brjod/ /lha yi blo gros btsun mo longs/ /khyod kyi rgyal po'i khams su rgyal ba skyes/ /bskal pa rgya mtsho brgya dag tu/ /de 'dra'i phun sum tshogs pa rnam dag kun/ /kho mo dgar gyur sad par gyur/ /'od 
gsal dri med rnam dag mthong / /'od bzang de ni ga las blta blta na/ /byang chub shing rgyal drung gi rgyal ba mthong / /mtshan nyid sum cu gnyis kyis brgyan/ /ba spu kun nas 'od zer rgya mtsho bkye/ /ri rab ji bzhin mngon par 'phags/ /
rgyal ba g.yas g.yos kun tu'ang de bzhin no/ /mthong nas kho mo rab dga' ste/ /de 'drar 'gyur bar sems kyang yongs su bskyed/ /sangs rgyas rnam 'phrul yangs mthong nas/ /kho mos smon lam shin tu rgya chen btab/ /kho mos rgyal po 
bzhengs su gsol/ /de yi 'khor dang bud med tshogs kyang bslang / /sangs rgyas 'od yangs mthong gyur nas/ /kun kyang bde ba'i lus su gyur/ /rgyal po de dang lhan cig tu/ /bzhon pa bye ba srog chags khrag khrig gis/ /yongs su 
bskor te dpung bcas pa/ /rgyal ba'i spyan sngar kun kyang dong / /lo grangs stong phrag nyi shur yang / /kho mos rgyal ba de la mchod bkur byas/ /rin chen bdun yang yon du phul/ /rgya mtsho yongs dang bcas pa'i sa yang gsol/ /mdo 
sde rgya mtsho yon tan sprin/ /smon lam mtsho las yongs su byung ba'i rgyan/ /kun kyang de bzhin gshegs las byung / /bsam pa ji bzhin 'gro bar de bzhin bstan/ /mtshan mo'i lha mo ji snyed cig /de tshe snying brtser kho mo phan bstan pa/ /</font><hr>38-1-109a<br><font size=+1>
de 'drar gyur te myos bsal zhes/ /kho mo mos pa yongs su skyes par gyur/ /kho mo'i smon lam de 'dra'i sems/ /thog ma byang chub mchog tu skyes par gyur/ /'khor ba'i rgya mtsho gnas pa'i tshe/ /srid pa'i rgya mtshos de ni zhig 
ma gyur/ /sangs rgyas bye ba khrag khrig rnams/ /kho mos dad pa bskyed de mchod pa byas/ /'khor ba'i lha dang mi dbus su/ /yul gyi dga' dang bde lam mngon par smon/ /rgyal ba'i dang po dpal gyi mtsho/ /de yi 'og ma yon tan sgron ma ste/ /
rgyal ba gsum pa rin chen dpal/ /sangs rgyas bzhi pa nam mkha'i shes rab bo/ /rgyal ba lnga pa me tog mchog /rgyal ba drug pa chags med zla ba'i blo/ /rgyal ba bdun pa 'od rgyal chos kyi zla/ /brgyad pa ye shes dkyil 'khor snang ba'o/ /
rin chen 'od 'phro ri sgron te/ /rgyal ba dgu pa de tshe byung bar gyur/ /bcu pa dus gsum 'od dbyangs te/ /de dag kho mos dad pas mchod/ /bcu po de la sa sogs pa dag /mi yi dbang po dam pa kun mchod de/ /tshul gyi rgya mtsho 'dir zhugs 
pa'i/ /mig ni de srid yun gyis thob ma gyur/ /de 'og zhing gi 'tshams sbyor ba/ /rin chen thams cad 'od ces bya ba byung / /bskal pa lha yi dpal zhes bya/ /sangs rgyas lnga brgya de la byung bar gyur/ /thog ma zla ba'i dkyil 'khor byung / /
gnyis pa nyi ma'i sgron ma mngon par skyes/ /snang ba'i rgyal mtshan sangs rgyas gsum/ /de yi 'og tu rin chen ri bo'o/ /me tog 'od 'phro rgya mtsho sgron/ /me yi dpal dang lha yi dpal gyi mchog /snang ba'i rgyal po 'od kyi dpal/ /bcu 
pa ye shes kun snang rgyal po 'o/ /bcu po de la stsogs pa dag /mi yi dbang po de dag kho mo yis/ /phung po'i gnas la dad dga' zhing / /gnas med chos la gnas kyi blo mchod do/ /de 'og de yi mtshams sbyor ba/ /'jig </font><hr>38-1-109b<br><font size=+1>
rten khams bzang byung bar gyur pa ni/ /pad ma'i sgron ma sprin gyi dpal/ /de tshe bskal pa tshangs pa'i 'od ces bya/ /de la rgyal ba tshad med de/ /de dag 'khor dang bcas pa kho mos mchod/ /rgyal ba de dag thams cad las/ /rim gro chen pos 
kho mos chos kyang thos/ /rgyal ba'i dang po rin chen ri/ /de yi 'og ma yon tan rgya mtsho ste/ /rgyal ba chos dbyings dbyangs kyi dpal/ /chos rab rgya mtsho sgrog pa bzhi pa'o/ /chos kyi rgyal mtshan gzungs kyi 'od/ /chos stobs 'od dang nam 
mkha'i blo gros te/ /chos 'od ri bos spo mthon dang / /de dag tha ma'i mtshan ni sprin dpal lo/ /bcu po de la sogs pa dag /mi yi dam pa de dag kun mchod de/ /rgyal ba'i rgya mtsho 'dir zhugs pa'i/ /chos nyid de ni dag ma gyur/ /
de yi 'og tu de bzhin gshegs/ /nyi ma'i sgron ma dpal gyi dpal zhes bya/ /zhing ni sangs rgyas yod pa ste/ /de la bskal pa zla ba'i dpal byung ngo / /de la stobs bcu byung ba ni/ /bye ba brgyad cu yongs su tshang ba ste/ /de dag kun la'ang mchod 
pa'i sgo/ /rgya che mtha' yas yid 'ong du ma byas/ /thog mar byung ba dri za'i rgyal/ /de yi 'og tu sangs rgyas shing rgyal te/ /rgyal ba gsum pa yon tan ri/ /de yi 'og tu rin chen spyan gshegs so/ /rnam par snang mdzad 'od kyi rgyan/ /
chos kyi rgya mtsho sangs rgyas gzi brjid dpal/ /'jig rten dbang po 'od bzang dpal/ /kun gyi tha ma chos 'od rgyal po'o/ /bcu po de la stsogs pa dag /bde gshegs de dag thams cad mchod byas kyang / /chos kyi rgya mtshor 'jug pa yi/ /
ye shes kho mos thob par ma gyur to/ /de yi 'og tu zhing dag pa/ /rdo rje'i rang bzhin mi phyed gzi brjid brtan/ /kun tu 'od sprin ming ldan byung / /rgyan gcig kun nas mdzes par gnas pa'o/ /de la sems can dag pa mang / /nyon mongs dri mas </font><hr>38-1-110a<br><font size=+1>
nyon mongs shin tu nyung / /bskal pa rab zhi blo gros 'od/ /sangs rgyas stong rnams byung bas rnam par brgyan/ /rgyal ba'i dang po rdo rje gtsug /gnyis pa chags med stobs mnga'i mtshan ldan pa/ /rgyal ba chos nyid 
gzugs brnyan dang / /phyogs rnams kun tu sgron ma gsal ba'i bdag /rgyal ba lnga pa thugs rje'i 'od/ /rgyal ba drug pa brtul zhugs rgya mtsho'o/ /bde gshegs bzod 'khor sgron ma dang / /brgyad pa chos kyi dkyil 'khor snang ba ste/ /
snang ba rgya mtshos brgyan pa dang / /de dag tha ma zhi ba'i rgyal po'o/ /bcu po de la sogs pa dag /mi yi dam pa de kun kho mos mchod/ /chos nyid nam mkha' mnyam pa 'di/ /rang bzhin yongs su kun nas dag pa ste/ /de la gnas shing 
zhing gi rnams/ /'byam klas kun tu spyod spyad ma dag go /de yi 'og tu mdangs dga' ba'i/ /zhing gi spos sgron sprin gyi dpal zhes bya/ /kun nas nyon mongs yongs su dag /de yi bskal pa legs par byung zhes bya/ /rgyal ba bye ba 
de tshe byung / /de dag kun gyi de tshe'i bskal pa brgyan/ /mgon po de dag chos gsung ba/ /kho mos dran pa'i stobs kyis yongs su bzung / /rgyal ba'i dang po grags yangs te/ /chos kyi rgya mtsho shugs drag dpal gyi rgyal/ /chos dbang 
rgyal po yon tan sprin/ /chos kyi dpal dang lha yi cod pan no/ /ye shes 'od 'phro gzi brjid dpal/ /rkang gnyis dam pa bdun pa de yin no/ /rgyal ba brgyad pa nam mkha'i dbyings/ /dgu pa kun tu 'byung ba'i sgron ma ste/ /de dag 
tha ma'i sangs rgyas ni/ /mdzod spu'i dpal gyi 'od kyi blo gros te/ /rgyal ba mi mchog de dag la/ /mchod pa byas nas chags med de ma sbyangs/ /de yi 'og ma rgyan rab can/ /rin chen sna tshogs kun tu gnas pa ste/ /'jig rten </font><hr>38-1-110b<br><font size=+1>
rnam par phye ba'i mtha'/ /rin chen rgyal mtshan blo gros mchog /de tshe'i bskal pa snying po'i tshogs/ /de la sangs rgyas brgya phrag lnga byung ste/ /rnam thar chags med 'di 'dod cing / /rang byung de dag thams cad kho mos mchod/ 
thog ma'i mtshan ni yon tan 'khor/ /zhi ba'i dbyangs dang rgya mtsho phun sum tshogs/ /nyi ma'i gzi brjid dpal gyi bdag /mtshan gyi sprin sgra dbyangs shes bya ba dang / /chos dbyangs rgyal po yon tan bdag /bsod nams ri rab zhi ba'i 
'od kyi rgyal/ /bcu po de la stsogs pa dag /rgyal ba de dag kun kyang kho mos mchod/ /rgyal ba'i lam ni der sbyangs te/ /de la rgyal ba kun kyang yang dag gzhol/ /'on kyang da dung rgyal ba yi/ /tshul 'dir 'jug pa'i bzod pa 
ma thob bo/ /de 'og yid 'ong 'od ldan pa/ /yongs su dag pa'i 'jig rten khams byung ste/ /zhing dbyangs phreng ba'i blo gros can/ /sems can nyon mongs nyung ba'i gnas yin no/ /bskal pa bde zhing mngon dga' ste/ /de la 
sangs rgyas bye ba brgyad cu byung / /mi mchog de kun kho mos mchod/ /rgyal ba mchog gi lam yang rnam par sbyangs/ /rgyal ba'i dang po me tog brtsegs/ /rgya mtsho' snying po yang dag 'byung ba'i mchog /lha dbang gtsug phud 
rin chen gtso/ /gser gyi ri bo rin chen brtsegs pa dang / /chos kyi rgyal mtshan nor gyi dpal/ /de dag kun gyi tha ma ye shes blo/ /bcu po de la sogs pa dag /lha dang mi gtso de dag kho mos mchod/ /de 'og mtshams sbyor 
zhing byung ba/ /sprul pa bzang po'i rgyal mtshan sgron ma ste/ /bskal pa stong gi dpal zhes bya/ /de la sangs rgyas bye ba khrag khrig drug /zhi ba'i rgyal mtshan zhi gnas dpal/ /zhi ba'i sgron ma sprin gyi rgyal po'i dpal/ /snang ba'i </font><hr>38-1-111a<br><font size=+1>
'od kyi rgyal po dang / /rnam par sprin mched nyi ma'i gza brjid dang / /chos kyi sgron ma dpal gyi ri/ /'od 'phro'i dpal dang lha yi snying po'i dpal/ /de dag tha mar byung ba ni/ /seng ge'i sgra sgrogs mkhas pa sgron 
ma'o/ bcu po de la stsogs pa dag /bde gshegs zla ba de dag kho mos mchod/ /'on kyang tshul mtsho 'dir 'jug pa'i/ /bzod pa kho mos thob par ma gyur to/ /de 'og 'tshams sbyor zhing byung ba/ /kun tu snang ba'i dpal 
zhes bya ba ste/ /bskal pa gnas med rnam par brgyan/ /de la sangs rgyas bye ba sum cu drug /dang po yon tan kun tu sprin/ /de yi 'og ma sangs rgyas nam mkha'i thugs/ /sangs rgyas legs byung rnam brgyan dang / /rgya mtsho chos 
kyi sprin sgra sgrogs pa'i dbyangs/ /rgyal ba chos dbyings gsung dbyangs dang / /sprul pa'i sprin sgra snyan pa'i dpal mnga' dang / /sangs rgyas phyogs kun gzi brjid dang / /chos kyi rgya mtsho yongs byung sgra dbyangs dang / /yon tan rgya mtsho dpal 
gyi sgron/ /rgyal ba'i nyi ma dgu pa byung bar gyur/ /de dag kun gyi tha ma ste/ /rin chen dpal sgron yon tan dpal mchod do/ /rin chen dpal sgron yon tan dpal/ /rkang gnyis dam pa byung bar gyur pa'i tshe/ /kho mo lha mo zla bzhin te/ /mi yi dam pa byung tshe mchod pa byas/ /rgyal 
ba des ni kho mo la/ /mdo sde smon lam rgya mtsho 'byung ba'i rgyan/ /gnas med rgyan kyang rab tu bshad/ /thos nas kho mos dran pa'i stobs kyis bzung / /kho mos mig yangs der thob ste/ /tinga'adzin zhi dang gzungs kyi stobs kyang thob/ /
skad cig re re zhing brgyud pa'i/ /rgyal ba rgya mtsho mang po'ang kho mos mthong / /byams tshul kun tu snang ba'i sprin/ /byang chub sems rab mkha' dang mnyam pa ste/ /snying rje'i snying pos brgyan pa yang / /sangs rgyas stobs kyi tshul du </font><hr>38-1-111b<br><font size=+1>
yangs par skyes/ /'gro ba phyin ci log gyur te/ /rtag dang bde dang gtsang dang bdag zhen pa/ /gti mug mdongs gyur ma rig bsgribs/ /nyon mongs 'khrugs shing log par 'du shes pa/ /lta ba'i rnam par stug la spyod/ /lam gyi 
'gro rgyud nyam ngar sred dbang gyur/ /rnam pa sna tshogs bye brag tu/ /las kyis rnam par bris pas kun byung ba/ /'gro rgyud kun gyi shi 'pho'i sgor/ /skye bar 'gyur bas kun tu skyer 'gyur cing / /skye dang rga shi gnod pa rnams/ /lus dang sems kyi 
nyams su myong gyur pa/ /mthong nas de dag phan bde'i phyir/ /zhing rnams 'byam klas thams cad kyi/ /stobs bcu gang las byung ba yi/ /bla na med pa'i sems kyang kho mos bskyed/ /de las smon lam sprin byung ba/ /'gro ba kun la bde bar gzhol 
ba'i mchog /tshogs rnams 'byung ba mtha' yas dang / /lam tshul rgya mtsho rtogs pa'ang de nas byung / /'jug pa'i sprin yangs thob gyur pa/ /lam chud kun tu sgo gsal shugs ldan te/ /pha rol phyin gyi sprin yangs pa'ang / /chos dbyings 
'byam klas kun tu rnam par 'byed/ /sa gnon shugs drag yangs ldan dang / /dus gsum rgya mtsho'i tshul gyi sa rnams la/ /chags pa med par spyod par gyur/ /skad cig gcig gis rgyal ba kun drung 'gro/ /gzhan yang rgyal sras kho mos ni/ /
spyod pa kun tu bzang po yongs su non/ /chos dbyings bye brag bcu rnams kyi/ rgya mtsho'i tshul la'ang kho mo rtogs par 'jug /rigs kyi bu de la ji snyam du sems/ de'i tshe de'i dus na/ rgyal po 'khor los sgyur ba/ sangs rgyas kyi rigs kyi rgyun 
mi gcod pa la zhugs pa/ mi'i bdag po zhes bya ba byung ba/ de gzhan zhig yin pa snyam du sems na ni/ rigs kyi bu de ltar mi blta ste/ 'jam dpal gzhon nur gyur pa ni/ de'i tshe de'i dus na rgyal po mi'i bdag po zhes bya ba 'khor los sgyur ba </font><hr>38-1-112a<br><font size=+1>
sangs rgyas kyi rigs rgyun mi gcod pa la zhugs pa'o/ /kho mo sad par byed pa'i mtshan mo'i lha mo de ni byang chub sems dpa' kun tu bzang pos sprul pa'o/ /rigs kyi bu de la ji snyam du sems/ de'i tshe de'i dus na 'khor los 
sgyur ba'i btsun mo bud med rin po che bzang po'i blo gros ma zhes bya ba byung ba de gzhan zhig yin pa snyam du sems na ni de ltar myi blta ste/ kho mo ni de'i tshe de'i dus na/ 'khor los sgyur ba'i btsun mo bud med rin po che bzang po'i blo gros ma zhes bya bar 
gyur te/ kho mo mtshan mo'i lha mo des sad par byas nas/ sangs rgyas blta ba la yang dag par bskul to/ /rigs kyi bu kho mos ni bla na med pa yang dag par rdzogs pa'i byang chub tu sems de srid cig nas bskyed de/ de ltar kho mo sems 
bskyed pa de'i mthus/ bskal pa sangs rgyas kyi zhing gi rdul shin tu phra ba snyed du nam yang ngan song log par ltung bar ma skyes te/ rtag tu rgyun ma 'chad par lha dang mi'i 'gro ba'i rgyud la rten cing / thams cad du'ang de bzhin gshegs pa blta 
ba dang ldan par gyur to/ /tha mar kho mos bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin chen dpal gyi sgrol ma yon tan rgyal mtshan mthong ba tsam gyis byang chub sems dpa'i rnam par thar pa kun tu 
bzang po'i dga' ba shin tu yangs shing dri ma med pa'i shugs kyi rgyal mtshan zhes bya ba 'di thob ste/ de thob pas kho mo sems can yongs su smin par bya ba dang / gdul ba'i don du rnam pa 'di lta bus sta gon du gnas pa yin no/ /rigs kyi bu kho 
mos byang chub sems dpa'i rnam par thar pa kun tu bzang po'i dga' ba rgya chen po'i shugs kyi rgyal mtshan 'di shes par zad na/ kho mos byang chub sems dpa' de bzhin gshegs pa thams cad kyi zhabs kyi drung na 'khod cing / sems kyi skad </font><hr>38-1-112b<br><font size=+1>
cig re re la thams cad mkhyen pa nyid du 'jug pa'i shugs drag po rgya mtsho chen po rab tu thob pa/ 'jug pa'i sgo thams cad la sems kyi skad cig re re zhing smon lam chen po rgya mtshos 'jug pa/ rab tu thob pa/ sems kyi skad cig re re zhing smon 
lam rgya mtsho thams cad kyi tshul la phyi ma'i mtha'i bskal par spyad pa'i dkyil 'khor mngon par bsgrub pa la mkhas pa/ spyod pa re re la'ang lus sangs rgyas kyi zhing thams cad kyi rdul shin tu phra ba snyed mngon par bsgrub pa la mkhas pa/ lus re res 
kyang chos kyi dbyings kyi tshul rgya mtsho thams cad rgyas par 'gengs pa la mkhas pa/ chos kyi dbyings kyi tshul rgya mtsho re re la'ang sangs rgyas kyi zhing thams cad du/ sems can rnams kyi bsam pa ji lta ba bzhin du lus rnam par dmigs pa'i spyod pa 
yongs su ston pa la mkhas pa/ zhing thams cad du'ang zhing gi rdul shin tu phra ba thams cad la de bzhin gshegs pa rgya mtsho mtha' dang dbus med pa la 'jug par mkhas pa/de bzhin gshegs pa re re zhing yang chos kyi dbyings kyis klas par 
rgyas par 'gengs pa'i de bzhin gshegs pa'i rnam par 'phrul pa la 'jug par mkhas pa/ de bzhin gshegs pa re re'i sngon gyi mtha'i bskal pa la/ byang chub sems dpa'i spyod pa'i tshogs yongs su bsgrub pa yang dag par bsdus pa la 
'jug par mkhas pa/ de bzhin gshegs pa re re'i chos kyi 'khor lo shin tu yangs pa/ yang dag par blang ba dang / yongs su gzung ba la mkhas pa/ dus gsum thams cad kyi de bzhin gshegs pa'i rnam par 'phrul pa'i tshul rgya mtsho la 'jug par 
mkhas pa/ de dag gi spyod pa shes pa'am/ yon tan brjod par nus re skan/ /song rigs kyi bu de bzhin gshegs pa'i 'khor gyi dkyil 'khor 'di nyid na kho mo dang / rgyang mi ring ba zhig na mtshan mo'i lha mo sems can kun tu skyong ba'i gzi brjid </font><hr>38-1-113a<br><font size=+1>
dpal zhes bya ba 'dug gis/ de'i gan du song la ji ltar byang chub sems dpas/ byang chub sems dpa'i spyod pa'i dkyil 'khor la 'jug par bya ba dang / ji ltar yongs su sbyang bar bya ba dris shig /de nas tshong dpon gyi bu nor bzangs kyis/ mtshan 
mo'i lha mo rab tu dga' ba'i mig 'gro bar rnam par snang ba'i rkang pa gnyis la spyi bos phyag 'tshal te/ mtshan mo'i lha mo rab tu dga' ba'i mig 'gro bar rnam par snang ba la/ lan brgya stong du mar g.yas phyogs su bskor ba byas nas 
yang dang yang bltas te/ mtshan mo'i lha mo rab tu dga' ba'i mig 'gro bar rnam par snang ba'i drung nas song ngo // //sangs rgyas rmad gcad ces bya ba shin tu rgyas pa chen po'i mdo/ /bam po 
bdun pa/ /de nas tshong dpon gyi bu nor bzangs mtshan mo'i lha mo rab tu dga' ba'i mig 'gro bar rnam par snang ba'i byang chub sems dpa' rnam par thar pa kun tu bzang po'i dga' ba shin tu yangs shing dri ma med pa'i shugs kyi rgyal mtshan de la mos par bya ba dang /
khong du chud par bya ba dang / rtogs par bya ba dang / shes par bya ba dang / yid ches par bya ba dang / rab tu gzhol bar bya ba dang / rgyas par dgang bar bya ba dang / rjes su shes par bya ba dang / rjes su dran par bya ba dang / rjes su gzhol bar bya ba dang / bsgom pa byed cing dge ba'i bshes gnyen gyi 
gdams ngag la nan tan du bya ba dang / gdams ngag rjes su bstan pa la bar chad med par bya ba'i phyir mtshan mo'i lha mo rab tu dga' ba'i mig 'gro bar rnam par snang bas/ 'gro khar gdams pa rjes su dran par byed cing / dge ba'i bshes gnyen blta ba'i rjes 
su sems pa'i dbang po'i dkyil 'khor dang / dge ba'i bshes gnyen mthong ba thob par bya ba la yang dag par spyod pa/ phyogs kun tu mngon par ltas pa dang / dge ba'i bshes gnyen btsal bar yid la bya ba dang / nga rgyal thams cad dang bral ba dang / dge ba'i bshes </font><hr>38-1-113b<br><font size=+1>
gnyen bsnyen bkur ba'i mthu tshogs chen pos yongs su bsgrub par zhe non pa dang / dge ba'i bshes gnyen dang / rgyud kyi tshul gcig tu gyur pa'i dge ba'i rtsa bas dge ba'i bshes gnyen gyi thabs mkhas pa'i spyod pa thams cad la bsam pa mi phyed pas zhugs pa/ /
dge ba'i bshes gnyen la brtan pa yongs su 'phel bar bya ba la brtson 'grus kyi shugs chen po rgya mtsho yongs su skyes pa/ bskal pa thams cad du dge ba'i bshes gnyen mnyam pa nyid khong du chud pas gnas par bya ba'i smon lam dang ldan pa de/ mtshan 
mo'i lha mo sems can kun tu skyong ba'i gzi brjid dpal gyi drung du song ngo / /de de ltar 'gro ba'i tshe/ mtshan mo'i lha mo sems can kun tu skyong ba'i gzi brjid dpal gyis byang chub sems dpa'i rnam par thar pa 'jig rten thams cad mngon du gyur pas 'gro ba rnam par 
'dul ba ston pa'i khyu mchog gi mthu phyung ba yongs su bstan pa'i phyir/ mtshan dang dpe byad bzang pos yongs su grub pa'i lus bstan te/ mdzod spu nas 'od zer ye shes kyi 'od kun tu snang ba dri ma med pa'i mdangs kyi rgyal mtshan zhes bya ba 'od zer gyi 'khor mtha' 
dang dbus med pa dang ldan pa bkye'o/ /des 'jig rten thams cad snang bar byas nas/ tshong dpon gyi bu nor bzangs kyi spyi bor 'dus te lus thams cad du khyab par gyur to/ /tshong dpon gyi bu nor bzangs la 'od zer des reg par gyur ma thag tu de nyid kyi mod la 
ting nge 'dzin shin tu rdul dang bral ba zhes bya ba'i dkyil 'khor thob par gyur to/ /de thob pas mtshan mo'i lha mo rab tu dga' ba'i mig 'gro bar rnam par snang ba dang / mtshan mo'i lha mo sems can kun nas skyong ba'i gzi brjid kyi dpal gnyis kyi bar gyi lam na 
sa'i dkyil 'khor yod pa de la me'i rdul shin tu phra ba'am/ chu'i rdul shin tu phra ba'am/ sa'i rdul shin tu phra ba'am/ rdo rje'i rdul shin tu phra ba'am/ nor bu rin po che'i rgyal po dam pa sna tshogs kyi rdul shin tu phra ba'am/ me tog dang / spos dang / phye ma'i rdul shin tu phra ba'am </font><hr>38-1-114a<br><font size=+1>
rgyan thams cad kyi rdul shin tu phra ba'am/ dmigs pa thams cad kyi rdul shin tu phra ba ji snyed cig yod pa'i rdul shin tu phra ba de dag thams cad la rdul phra mo re re zhing yang / 'jig rten gyi khams sangs rgyas kyi zhing gi rdul shin tu phra ba snyed/ 
chu'i phung po dang bcas/ me'i phung po dang bcas/ rlung gi phung po dang bcas/ sa'i phung po dang bcas/ 'jig rten gyi khams kyi mtshams dang bcas/ gzhi dang bcas rten dang bcas pa dbyibs sna tshogs can sa'i gzhi rnam pa tha dad pa sna tshogs dang ldan pa'i ri'i 'khor sna tshogs can/ 
chu rlung dang mtsho sna tshogs kyis brgyan pa rgya mtsho sna tshogs kyis kun nas 'khor ba/ lha rdzas kyi khyim sna tshogs kyi rgyan dang ldan pa/ shing sna tshogs kyis yongs su gang ba/nam mkha'i dbyings kyi rgyan sna tshogs can/ lha'i grong khyer gyi khyim gyi rgyan dang bcas pa/ 
klu'i grong khyer gyi khyim gyi rgyan dang bcas pa/ gnod sbyin gyi grong khyer gyi khyim gyi rgyan dang bcas pa/ dri za'i grong khyer gyi khyim gyi rgyan dang bcas pa/ lha ma yin gyi grong khyer gyi khyim gyi rgyan dang bcas pa/ nam mkha' lding gi grong khyer gyi khyim gyi rgyan dang bcas pa/ 
mi'am ci'i grong khyer gyi khyim gyi rgyan dang bcas pa/ lto 'phye chen po'i grong khyer gyi khyim gyi rgyan dang bcas pa/ mi'i grong khyer gyi khyim gyi rgyan dang bcas pa/ phyogs dang phyogs mtshams thams cad na rnam par gnas pa'i sems can thams cad kyi grong khyer gyi 
khyim gyi gnas dang / sems can dmyal ba'i 'jig rten gyi yul dang / byol song gi skye gnas kyi 'jig rten gyi yul dang / gshin rje'i 'jig rten gyi yul dang / mi dang mi ma yin pa'i lam gyi rgyud kyi shi 'pho dang / skye ba'i yul dang bcas pa/ skye ba sna tshogs 
kyis ma 'dres pa'i rgyud mtha' yas pa'i bye brag la yongs su gzhol ba rnams 'du zhing 'jig par gyur pa mthong ngo / /'jig rten gyi khams de dag kyang rnam pa sna tshogs su mthong ste/ 'jig rten gyi khams la la ni kun nas nyon mongs par mthong ngo / /la la </font><hr>38-1-114b<br><font size=+1>
ni yongs su dag par mthong ngo / /la la ni shin tu kun nas nyon mongs par mthong ngo / /la la ni lam gyi rgyud yongs su dag par mthong ngo/ /la la ni kun nas nyon mongs pa la yongs su dag par mthong ngo / /la la ni rnam par dag pa la kun nas nyon mongs par mthong ngo / /
la la ni shin tu yongs su dag par mthong ngo / /la la ni gzhi mnyam par mthong ngo / /la la ni spyi'u tshugs su gnas par mthong ngo / /la la ni snrel zhir 'dug par mthong ngo / /'jig rten gyi khams de dag gi sems can gyi lam gyi rgyud dang / sems can 
gyi skye gnas thams cad na mtshan mo'i lha mo sems can kun tu skyong ba'i gzi brjid dpal sems can so so nas 'dul ba'i rkyen bzhin du 'jig rten thams cad la ma 'dres par yongs su bstan pa'i phyir/ sems can thams cad la mngon du gyur par gnas par 
mthong ngo / /sems can tshe'i tshad rnam pa ji lta bu dang ldan pa dang / mos pa'i spyod yul rnam pa sna tshogs can dang / lus rnam pa ji lta bu dang ldan pa dang / ngag rnam par phye ba dang / nges pa'i tshig gi 'du byed kyi tha 
snyad rnam pa ji lta bu dang ldan pa dang / sbyor ba'i rnam pa ji lta bu dang ldan pa dang / dbang gi rnam pa ji lta bu dang ldan pa rnams yongs su smin par bya ba dang gdul ba'i don du sems can thams cad la ma 'dres par mngon sum du gnas par mthong ngo / /de 
yang 'di lta ste/ sems can dmyal ba'i lam gyi rgyud du gtogs pa'i sems can rnams kyi sems can dmyal ba'i sdug bsngal dang / 'jig pa rnam par bzlog pa dang / byol song gi skye gnas sna tshogs su skyes pa'i sems can rnams kyi gcig la gcig 
za ba'i 'jigs pa rnam par bzlog pa dang / gshin rje'i 'jig rten gyi lam gyi rgyud du gtogs pa'i sems can rnams kyi bkres pa dang / skom pa la stsogs pa'i sdug bsngal gyi 'jigs pa rnam par bzlog pa dang / klu'i 'jig rten gyi lam gyi rgyud du gtogs </font><hr>38-1-115a<br><font size=+1>
pa'i sems can rnams kyi klu'i sdug bsngal dang / 'jigs pa thams cad rnam par bzlog pa dang / 'dod pa'i khams su gtogs pa'i sems can thams cad kyi 'dod pa'i khams kyi sdug bsngal dang / 'jigs pa rnam par bzlog pa dang / 
mi'i 'jig rten gyi lam gyi rgyud du gtogs pa'i sems can rnams kyi mtshan mo'i mun pa mun nag gis/ chod pa'i mun pa'i 'jigs pa thams cad rnam par bzlog pa dang / mi snyan pa dang / bsngags pa'i ma yin pa dang /grags pa ma yin pa'i sgra dang / 
tshigs su bcad pa la mngon par zhen pa'i sems can rnams kyi grags pa ma yin pa dang / bsngags pa ma yin pa'i 'jigs pa rnam par bzlog pa dang / 'khor gyi 'jigs par lhung ba'i sems can rnams kyi 'khor tu bag tsha ba'i 'jigs pa rnam par 
bzlog pa dang / 'chi bas 'jigs shing sdang ba'i sems can rnams kyi 'chi ba'i 'jigs pa rnam par bzlog pa dang / ngan song gi g.yang sas 'jigs shing sngang ba'i sems can rnams kyi ngan song gi g.yang sa'i 'jigs pa rnam par bzlog pa 
dang / 'tsho ba med pas 'jigs shing skrag pa'i sems can rnams kyi 'tsho ba med pa'i 'jigs pa rnam par bzlog pa dang / dge ba'i rtsa ba chud zos kyis 'jigs shing bag tsha ba'i sems can rnams kyi dge ba'i rtsa ba chud 
zos kyi 'jigs pa rnam par bzlog pa dang / byang chub kyi sems nyams kyis 'jigs shing bag tsha ba'i sems can rnams kyi byang chub kyi sems nyams kyi 'jigs pa rnam par bzlog pa dang / sdig to'i grogs po dang phrad kyis 'jigs shing 
bag tsha ba'i sems can rnams sdig to'i grogs po dang phrad pa'i 'jigs pa rnam par bzlog pa dang / dge ba'i bshes gnyen dang bral gyis dogs shing bag tsha ba'i sems can rnams kyi dge ba'i bshes gnyen dang bral ba'i 'jigs pa rnam par bzlog pa </font><hr>38-1-115b<br><font size=+1>
dang / nyan thos dang / rang sangs rgyas kyi sar ltung gis 'jigs shing bag tsha ba'i sems can rnams kyi nyan thos dang / rang sangs rgyas kyi sar ltung ba'i 'jigs pa rnam par bzlog pa dang / 'khor ba'i gnas sna tshogs kyi sdug bsngal gyis 
'jigs shing skrag pa rnams kyi 'khor ba'i gnas sna tshogs kyi sdug bsngal kyi 'jigs pa rnam par bzlog pa dang / sems can skal ba mi mnyam pa dang phrad kyis 'jigs shing bag tsha ba rnams kyi sems can skal ba mi mnyam pa dang phrad pa'i 
'jigs pa rnam par bzlog pa dang / dus mi bzang bar skyes kyis 'jigs shing bag tsha ba rnams kyi dus mi bzad par skye ba'i 'jigs pa rnam par bzlog pa dang / rigs ngan par skyes kyis 'jigs shing bag tsha ba rnams kyi rigs ngan par skye ba'i 'jigs 
pa rnam par bzlog pa dang / sdig to'i las byas kyis 'jigs shing bag tsha ba rnams kyi/ sdig to'i las byed pa'i 'jigs pa rnam par bzlog pa dang / las dang nyon mongs pa'i sgrib pas 'jigs shing sngang ba rnams kyi las dang nyon mongs pa'i sgrib pa'i 
'jigs pa rnam par bzlog pa dang / 'du shes kyi rnam pa sna tshogs kyis gnas dang 'ching bas 'jigs shing sngang ba rnams kyi 'du shes rnam pa sna tshogs kyi gnas dang / 'ching ba'i 'jigs pa rnam par bzlog pa'i phyir sems can thams cad 
la so sor mngon tu gyur par gnas pa mthong ngo / /'di lta ste sgo nga las skyes pa'i sems can dang / mngal nas skyes pa dang / drod gsher las skyes pa dang / rdzus te skyes pa dang / gzugs yod pa dang / gzugs med pa dang / 'du shes yod 
pa dang / 'du shes med pa dang / 'du shes yod pa'ang ma yin/ 'du shes med pa yang ma yin pa'i sems can thams cad yongs su bskyab pa'i smon lam gyi stobs mngon par bsgrub pa dang / byang chub sems dpa'i ting nge 'dzin gyi shugs </font><hr>38-1-116a<br><font size=+1>
drag po dang / rnam par gnon pa shin tu yangs pa'i stobs dang / byang chub sems dpa'i mngon par shes pa chen po'i stobs dang / mthu dang / byang chub sems dpa' kun tu bzang po'i spyod pa dang / smon lam 
mngon par bsgrubs pa'i stobs kyis snying rje chen po'i tshul rgya mtsho'i shugs drag po shin tu skyes pa'i phyir 'gro ba thams cad du thogs pa med pa'i byams pa chen pos rgyas par dgang ba dang / sems can thams cad kyi bde ba yongs su bsgrub pa dang / 
dga' ba'i shugs rnam par 'phel bar bya ba dang / sems can thams cad yongs su bsdu ba'i ye shes rab tu bsgrub pa'i phyir/ byang chub sems dpa'i rnam par thar pa rgya chen po'i rnam par 'phrul pa dang / khyu mchog gi mthu phyung ba dang ldan pas 
zhing thams cad yongs su dag par bya ba la mngon du gyur par gnas par mthong ngo / /chos thams cad kyi rgyus shes par bya ba la mngon du gyur pa dang / sangs rgyas thams cad mchod cing rim gror bya ba la mngon du gyur pa dang / de bzhin gshegs pa thams 
cad kyi bstan pa yongs su gzung ba la mngon du gyur pa dang / dge ba'i rtsa ba thams cad bstsags pa la mngon du gyur pa dang / byang chub sems dpa'i spyod pa thams cad rnam par 'phel bar bya ba la mngon du gyur pa dang / sems can thams cad 
kyi sems la sgrib pa med par mngon du gyur par gnas pa dang / sems can thams cad kyi dbang po yongs su smin par bya ba la mngon du gyur par gnas pa dang / sems can thams cad kyi mos pa rgya mtsho rnam par sbyang ba la mngon du gyur pa 
dang / sems can thams cad kyi sgrib pa'i chos rnam par bzlog pa la mngon du gyur pa dang / sems can thams cad kyi mi shes pa'i mun pa rnam par bstsal ba la mngon du gyur cing thams cad mkhyen pa'i ye shes snang ba yongs su bskyed pa'i don du </font><hr>38-1-116b<br><font size=+1>
gnas pa mthong ngo / /de nas tshong dpon gyi bu nor bzangs kyis mtshan mo'i lha mo sems can kun tu skyong ba'i gzi brjid dpal gyi byang chub sems dpa'i rnam par thar pa'i khyu mchog gi mthu phyung ba dang / rnam par 'phrul pa 'jig rten thams cad la mngon 
par gnas shing / 'gro ba rnam par 'dul ba ston pa bsam gyis mi khyab pa de lta bur mthong nas rab tu dga' ba skyes te/ spro ba chen po'i shugs drag po rgya mtsho rab tu thob nas/mtshan mo'i lha mo sems can kun tu skyong ba'i gzi brjid dpal la lus thams 
cad kyis phab ste phyag byas nas ngor gyen du bltas so/ /de nas mtshan mo'i lha mo sems can kun tu skyong ba'i gzi brjid dpal gyis byang chub sems dpa'i gzugs dang / mtshan rnam par dag pa re mi snang bar byas te/ mtshan mo'i lha mo'i gzugs su byas 
te/ rnam par 'phrul pa thams cad 'byin cing 'dug par gnas so/ /de nas tshong dpon gyi bu nor bzangs kyis mtshan mo'i lha mo sems can kun tu skyong ba'i gzi brjid dpal gyi mdun du 'dug ste/ thal mo sbyar nas de'i tshe tshigs su bcad pa 'di dag 
smras so/ /khyod kyi sku yang mtshan rab rgyan gyis brgyan/ /shin tu bzang zhing mdzes pa bdag gis mthong / /nam mkha' skar ma'i tshogs kyis brgyan pa bzhin/ /dpe byad bzang pos rnam par bris pa mthong / /'od kyi 'khor can sku 
bzang dam pa'i mchog /mtha' yas zhing gi rdul khams mang po snyed/ /kha dog sna tshogs rnam pa'i dpe tshul du/ /phyogs rnams kun gyi dbyings su khyab par gang / /'od zer dra ba mang po 'gro sems mnyam/ /khyod kyi ba spu'i sgo nas 'gyed 
pa mdzad/ /'od zer sgo la pad+mo'i yid 'ong gnas/ /khyod kyi sprul pa 'gro ba'i sdug bsngal sel/ /spos kyi na bun sprin du chags pa 'gyed/ /'gro ba'i gzugs su gnas te kun nas mdzes/ /me tog sgo rnams kun nas dgye mdzad pas/ /</font><hr>38-1-117a<br><font size=+1>
chos dbyings bzhugs pa'i rgyal ba kun tu khyab/ /khyod kyi phrag pa'i lhun yangs 'phags pa ni/ /rin chen 'od 'phro ri bo ri rab 'dra/ /dri med de ni 'gro ba kun tu gsal/ /gti mug mun nag rnam par bzlog pa mdzad/ /khyod 
kyi dri med zhal mdog bzang ba las/ /na bun sprin dang nyi ma yangs pa 'byung / /khyod kyi nyi ma'i 'khor 'dra 'od bzang ba/ /rnam par snang mdzad spyod yul yangs pa 'byin/ /khyod kyi spyan nas zla skar 'od 'byung ba/ /rtag tu dri med sprin ltar mang 
ba ste/ de dag phyogs bcur bkang zhing 'gro ba rnams/ /rab tu snang byed 'jig rten rab rib sel/ /khyod kyi mtshan las 'gro ba'i lus mnyam pa'i/ /sprul pa rgya mtsho phyogs su khyab par 'phro/ /de dag chos dbyings yangs par rgyas 'gengs shing / /
sems can tshad med tshogs rnams yongs su 'dul/ /khyod kyi sku ni 'byam klas phyogs su snang / /'gro ba kun la mngon gyur dga' ba bskyed/ /rgyal po me dang rkun po chus bskyed pa'i/ /'jigs pa thams cad rnam sel zhi bar mdzad/ /gang tshe 
khyod kyi spyan sngar bdag btang nas/ /yon tan rnam par sems shing nyer phyin pa/ /de'i tshe 'od zer dri med 'khor bzang ba/ /khyod kyi zhal gyi smin mtshams gseb nas 'thon/ /phyogs rnams rgya mtsho brgya mang snang mdzad nas/ /'jig rten snang ba 
rgya che yongs bskyed de/ /rnam 'phrul rnam pa mang po rnam bstan nas/ /de tshe bdag gi lus kyi gseb tu zha/ /gang tshe 'od kyi 'khor gyis bdag reg pa/ /de tshe bde ba rmad byung yangs pa myong / /gzungs dang ting 'dzin brgya mang yongs su gnon/ /
phyogs bcu'i rgyal ba dpag yas mthong bar 'gyur/ /gom pa rnam bor gyen du bteg pa la'ang / /rdul phran grangs snyed tshul ni bdag gis rig /rdul phran shin tu phra ba gcig la yang / /zhing gi rdul snyed zhing rnams mthong bar gyur/ /rdul la gnas </font><hr>38-1-117b<br><font size=+1>
kyang rnam pa tha dgu ste/ /zhing mang brgya ni shin tu nyon yang mongs/ /de yi 'gro ba sdug bsngal nyams su myong / /chong nger ngu zhing smre sngags yongs su 'don/ /zhing mang la la kun nas nyon mongs dag /de na sdug bsngal mang zhing bde ba chung / /rgyal ba 
thugs rje can yang der skyes te/ /rgyal ba'i nyan thos rang rgyal de bzhin no/ /zhing tshul la la yongs dag nyon mongs te/ /byang chub sems dpa'i gnas bzangs mang pos brgyan/ /skyes pa bud med yongs brgyan blta na sdug /skyon med rgyal ba'i gdung 
yang rgyun mi 'chad/ /zhing rnams rgya mtsho yangs shing dri med pa/ /rdul la gnas shing mnyam pa'i gzhi dang ldan/ /de dag bskal pa brgya mang sngon gyi tshe/ /rnam par snang mdzad spyod mdzad yongs su sbyangs/ /zhing rnams 'byam klas kun nas rgyal ba dag /
shing dbang dam pa'i drung du gshegs pa ston/ /rnam par 'phrul zhing byang chub 'tshang yang rgya/ /chos kyi 'khor lo bskor cing 'dul ba ston/ /rnam par snang mdzad spyod yul yangs pa la/ /khyod kyang kun tu rjes su bzhud par mthong / /mchod pa stong phrag tshad 
med khrag khrig gis/ /rgyal ba kun la mngon par mchod mdzad mthong / /de nas tshong dpon gyi bu nor bzangs kyis tshigs su bcad pa de dag smras nas/ mtshan mo'i lha mo sems can kun tu skyong ba'i gzi brjid dpal la 'di skad ces smras so/ /lha mo byang chub sems dpa'i 
rnam par thar pa de/ de lta bu zab pa ni ngo mtshar che na/ rnam par thar ba de'i ming ni ci zhes bgyi/ de khyod kyis brnyes nas yun ni ji srid cig lags/ byang chub sems dpas ji ltar nan tan du bgyis na rnam par thar pa de yongs su dag par 'gyur/ smras pa rigs kyi 
bu gnas 'di ni lha dang bcas pa'i 'jig rten dang / nyan thos dang rang sangs rgyas su bcas pas yid ches par dka' ba ste/ de ci'i phyir zhe na/ 'di ni byang chub sems dpa' kun tu bzang po'i spyod pa dang / smon lam khong du chud pa rnams kyi spyod yul te/ 'di ni byang chub </font><hr>38-1-118a<br><font size=+1>
sems dpa' snying rje chen po lhur len pa/ 'gro ba thams cad yongs su bskyab pa la zhugs pa/ mi khom pa dang ngan song dang / ngan 'gro'i lam thams cad rnam par bzlog pa la zhugs pa/ sangs rgyas kyi zhing thams 
cad sangs rgyas kyi zhing yongs su dag pa/ bla na med par bya ba la zhugs pa/ sangs rgyas kyi zhing thams cad na bzhugs pa'i de bzhin gshegs pa'i rigs rgyun mi gcad pa la zhugs pa/ sangs rgyas thams cad kyi bstan pa yongs su gzung ba la zhugs pa/ bskal 
pa thams cad du byang chub sems dpa'i spyod pa la gnas pas/ gnas par bya ba'i smon lam chen po rgya mtsho la zhugs pa/ chos rgya mtsho thams cad la bsgribs pa med pa'i ye shes snang ba rnam par sbyang ba la zhugs pa/ skad cig re re zhing dus gsum gyi tshul rgya mtsho 
thams cad du ye shes snang bas/ rnam par gnas pa rab tu thob pa rnams kyi yul te/ 'on kyang de bzhin gshegs pa'i byin gyi rlabs kyis bstan par bya'o/ /rigs kyi bu sngon 'das pa'i dus bskal pa sangs rgyas kyi zhing gi rdul shin tu phra ba snyed cig 
gi pha rol tu 'jig rten gyi khams rnam par snang mdzad gzi brjid dpal zhes bya bar bskal pa rdul dang bral ba'i dkyil 'khor ces bya ba byung ste/ bskal pa de las sangs rgyas ri rab gyi rdul shin tu phra ba snyed byung bar gyur to/ /'jig rten gyi khams rnam 
par snang mdzad gzi brjid dpal zhes bya ba de ni rin po che thams cad kyi sprin gyi rgyan gyis brgyan pa ste/ rdo rje las byas pa'i gzhal med khang dang / gnas kyis yongs su mdzes par byas pa'o/ /'jig rten gyi khams de'i gzhi ni rin po che'i rgyal po 
dri ma med pa'i 'od kyi rgya mtsho las blangs pa ste/ lhun dang lus ni nor bu rin po che'i spos thams cad kyi rgyal po las gyur pa'o/ /de ni dbyibs kun tu zlum pa ste/ rnam par dag cing kun nas nyon mongs pa/ lhab lhub thams cad kyi sprin gyi bla res </font><hr>38-1-118b<br><font size=+1>
kun nas khyab pa/ rin po che'i khor yug rgyan thams cad dang ldan pa/ rim pa stong gis yongs su bskor ba/ gling bzhi pa bye ba khrag khrig brgya phrag stong gis shin tu rgyas par brgyan pa ste/ de la gling bzhi pa la la ni kun nas nyon mongs 
pa ste/ sems can kun nas nyon mongs pa'i las dang ldan pa rnams kyi gnas so/ /la la ni kun nas nyon mongs shing rnam par dag pa ste/ sems can las 'dren ma dang ldan pa rnams kyi gnas so/ /la la ni rnam par dag cing 
kun nas nyon mongs pa ste/ sems can yongs su dag cing kun nas nyon mongs pa dge ba'i rtsa ba sbyangs pa/ kha na ma tho ba nyung ba rnams kyi gnas so/ /la la ni shin tu yongs su dag pa ste/ byang chub sems dpa' dag pa rnams kyi 
gnas so/ /'jig rten gyi khams rnam par snang mdzad gzi brjid dpal zhes bya ba de'i shar phyogs logs kyi khor yug gi mtshams na/ gling bzhi ba'i rin chen me tog sgron ma'i rgyal mtshan zhes bya ba rnam par dag cing kun nas nyon mongs pa/ 
ma rmos ma bskyed pa'i 'bras la yongs su spyod pa/ sngon gyi las kyi rnam par smin pas mngon par grub pa'i khang pa brtsegs pa'i gnas dang / gzhal med khang la yongs su spyod pa/ 'khor kun nas yid bzhin gyi shing gis 'khor ba/ spos 
kyi shing sna tshogs kyi lhun las spos kyi sprin rgyun mi 'chad par 'byung ba/ phreng ba sna tshogs kyi shing las phreng ba'i sprin rgyun mi 'chad par 'byung ba/ me tog sna tshogs kyi shing las me tog kha dog dang / dri bsam gyis mi khyab pa'i sprin kyi char 
rgyun mi 'chad par 'bab pa/ phye ma dang / kha dog sna tshogs kyi shing gi lhun las spos rin po che'i rgyal po thams cad kyi phye ma'i char rgyun mi 'chad par 'bab pa/ rin po che'i shing sna tshogs las rin po che'i 'bru mang po 'brul ba'i/ kha dog snang </font><hr>38-1-119a<br><font size=+1>
bas shin tu snang bar byas pa/ lha rdzas kyi rol mo sna tshogs kyi shing las/ sil snyan sna tshogs kyi sprin rlung gis bskyod cing / nam mkha'i dbyings las sgra dbyangs snyan pa 'byung ba/ nyin mtshan gyi bde ba nyi ma dang zla bas 'byung ba/ nor 
bu rin po che kun tu snang bas gzhi byas pa'i sa rab tu mnyam par gyur pa ste/ gling bzhi pa der rgyal po'i/ pho brang bye ba khrag khrig brgya stong byung bar gyur te/ rgyal po'i pho brang de dag re re zhing yang chu klung stong gis yongs su bskor ba'o/ /chu 
klung de dag thams cad kyang lha rdzas kyi me tog sil mas gang ba'o/ /lha rdzas kyi rol mo dang / glu'i sgra skad snyan cing yid du 'ong ba 'byin pa'o/ /chu 'gram rin po che'i shing yid du 'ong bas rnam par brgyan pa'o/ /rin po che sna tshogs kyis shin 
tu brgyan pa'i gru phan tshun du rgyu ba'o/ /bde ba sna tshogs ci dga' bar yongs su spyad du yod pa'o/ /chu klung gi mtshan mas kyi gzhi re re dag na 'ang / grong khyer bye ba khrag khrig brgya stong phrag bcu kun nas gnas pa ste/ grong khyer de dag 
re re zhing yang grong rdal bye ba khrag khrig brgya phrag stong gis yongs su bskor ba'o/ /grong dang grong khyer dang grong rdal de dag thams cad kyang lha rdzas kyi bza' shing gi ra ba dang / gzhal med khang dang / khang pa bye ba khrag khrig brgya phrag stong gi 
'khor gyis yongs su bskor ba'o/ /gling bzhi pa de'i 'dzam bu'i gling gi dbus na rgyal po'i pho brang dbu ma rin po che'i me tog sgron ma zhes bya ba yod par gyur to/ /de ni skyid cing longs spyod phun sum tshogs pa dang ldan la/ rtag 
du lo legs shing bde ba'i rnam pa thams cad dang ldan pa'o/ /lha dang mi mang pos yongs su gang ba'o/ /sems can dge ba bcu'i las kyi lam dang ldan pa rnams kyi gnas su gyur pa ste/ rgyal po'i pho brang rin po che me tog sgron ma </font><hr>38-1-119b<br><font size=+1>
zhes bya ba de na rgyal po rnam par snang ba rin chen pad mo dpal gyi gtsug phud snying po zhes bya ba 'khor los sgyur ba/ gling bzhi la dbang ba pad mo'i snying po las rdzus te byung ba/ mi chen po'i mtshan sum cu rtsa gnyis kyis lus shin tu brgyan pa chos dang ldan pa 
chos kyi rgyal po rin po che bdun dang ldan pa gnas par gyur to/ /de'i bu dpa' zhing rdul phod la yan lag dam pa'i gzugs dang ldan pa/ gzhan gyi 'khor rab tu 'joms pa/ rnam pa thams cad yongs su tshang ba'i yan lag dam pa dang ldan pa stong 
tshang bar byung nga ngo / /de'i btsun mo'i 'khor gyi bud med kyang bye ba khrag khrig brgya stong phrag bcu yod par gyur to/ /de dag kun kyang 'khor los sgyur ba'i skal ba dang mnyam pa'i dge ba'i rtsa ba las byung ba mthun par spyod pa rin po che'i rgyan rang 'khrungs 
su byung ba/ dge ba'i sems dang ldan pa/ lha'i bu mo dang khyad par med par 'dra ba'i gzugs can/ 'dzam bu chu klung gi gser gyi kha dog lta bu'i mdog dang ldan pa'i lus can/ lus kyi ba spu las lha rdzas kyi spos sna tshogs 'byung ba/ lus 
las lha rdzas kyi 'od dri zhim po dri ma med par rab tu 'gyed pa sha stag go/ /de'i blon po bye ba phrag bcu byung ste blon po rin po che la stsogs pa dag go / 'khor los sgyur ba'i rgyal po rnam par snang ba rin chen pad mo dpal gyi gtsug phud snying po de'i btsun mo dam pa 
bud med rin po che dpal gyi bzhin yongs su rgyas pa zhes bya ba gzugs mdzes shing sdug la/ blta na yid du 'ong ba kha dog bzang po shin tu rgyas pa'i dam pa dang ldan pa/ skra mthon ting du 'dug pa/ mig dkar nag 'byes pa/ mdog gser gyi kha 
dog du 'dug pa/ tshangs pa'i dbyangs dang ldan pa/ lus las 'od rtag tu 'byung ba/ 'khor kun tu dpag tshad stong gi tshad du 'od kha dog du ma dang ldan pa/ lha rdzas kyi dri zhim po can 'gyed pa byung ngo / /rgyal po'i btsun mo dpal gyi bzhin yongs su rgyas pa zhes bya ba de </font><hr>38-1-120a<br><font size=+1>
las bu mo pad+mo bzang mo mig yid du 'ong ba'i dpal gyi zla ba zhes bya ba yan lag thams cad tshang ba/ gzugs mdzes shing sdug pa/ blta na yid du 'ong ba/ 'jig rten thams cad gyis blta na mi ngoms pa byung bar gyur te/ rigs kyi bu 'di lta ste dper na/ 
'khor los sgyur ba'i rgyal po la blta na su yang ngoms par mi 'gyur ba de bzhin du 'khor los sgyur ba'i bu mo pad+mo bzang mo mig yid du 'ong ba'i dpal de la blta bas kyang su yang ngoms par mi 'gyur te/ shes rab kyis yongs su ngoms par 'gyur ba ni ma gtogs so/ /de'i tshe 
de'i dus na/ sems can rnams kyang tshe dpag tu med par gyur te/ tshe la gcig tu nges pa med pas bar ma dor 'chi ba ni yod do/ /de'i dus na sems can rnams kyi dbyibs sna tshogs dang / kha dog sna tshogs dang / dbyangs sna tshogs dang/ ming sna tshogs dang / rigs sna tshogs dang / 
tshe'i tshad sna tshogs dang / chu zheng rnam pa tha dad pa dang / mos pa dang stobs dang / brtson 'grus dang / mthu rnam pa tha dad pa dang / yid du 'ong ba dang / yid du mi 'ong ba rnam pa tha dad pa dang / yangs pa dang dma' ba la mos pa sna tshogs kyang yod par gyur te/ de la sems can ji snyed 
cig kha dog bzang ba dang / yangs pa la mos pa dang / yan lag tshang ba dang / blta na sdug cing yid du 'ong bar gyur pa de dag ni 'di skad ces 'dzer te/ kye mi dag nga ni khyed bas kha dog ches bzang ngo zhes zer ro/ /de bzhin du sems can ji snyed cig lus kyi dbyibs legs pa dang ldan 
par gyur pa de dag kyang / sems can lus kyi dbyibs mi sdug par 'gyur ba rnams la rlom zhing khyad du gsod do/ /de dag de ltar gcig la gcig khyad du gsod pa las byung ba'i mi dge ba'i rtsa bas tshe'i tshad las kyang yongs su bri bar gyur to/ / /kha dog dang stobs dang bde ba las kyang yongs su bri 
bar gyur to/ /rgyal po'i pho brang rin po che'i me tog sgron ma de'i byang phyogs logs na/ snying po byang chub kyi shing kun tu grags pa'i chos kyi sprin sgra'i rgyal mtshan zhes bya ba de bzhin gshegs pa thams cad kyi snying po byang chub kyi rgyan skad cig re re la yongs su ston pa/ rtsa ba rin po che'i rgyal po </font><hr>38-1-120b<br><font size=+1>
rdo rje ltar sra zhing mi 'jig pa/ nor bu rin po che thams cad las grub pas lhun shin tu yangs shing rgyas pa/ sdong po dang yal ga dang lo ma dang / mdab ma dang me tog dang / 'bras bu rin po che thams cad kyi rgyu las grub pa/ kun tu cha mnyam par bkod cing / kun tu khyab pa'i yan lag dang 
ldan pa/ rgyan kun tu rgyas par 'gengs shing mi zad pa dang ldan pa/ rin po che sna tshogs kyi 'od 'phro dang / 'od gzer kun tu snang ba 'gyed pa/ de bzhin gshegs pa thams cad kyi yul gyi rnam par 'phrul pa'i dbyangs rjes su sgrog pa yod de/ snying po byang chub de'i mdun rol na/ 
spos chu'i mtsho rin po che'i me tog dang / glog dang chos kyi 'brug sgra'i sprin gyi dbyangs shes bya ba yod de/ de ni rin po che'i shing bye ba khrag khrig brgya stong phrag bcus kun nas bskor ba ste/ rin po che'i shing de dag thams cad kyang byang chub kyi shing gi dbyibs su 'khod pa sha stag go /spos chu'i mtsho chen 
po rin po che'i me tog dang / glog dang chos kyi 'brug sgra'i sprin gyi dbyangs zhes bya ba de'i 'gram thams cad kyang nor bu rin po che thams cad bkram zhing rnam par bkod pa ste/ rin po che thams cad kyi phreng ba sna tshogs su dgrigs pa'o/ /rin po che rnam par dag pa las byas pa'i khang pa sna tshogs kyi rgyan 
gyis yongs su brgyan pa'o/ /rgyan rnam par dag pa sna tshogs kyi rgyan gyis shin tu brgyan pa'o/ /snying po byang chub de'i 'khor thams cad kyang nor bu rin po che'i khang pa brtsegs pa chen po rgyan bsam kyis mi khyab pa dang ldan pa/ pad+ma'i snying po can sha stag gis yongs su 'khor ba ste/ spos 
chu'i mtsho chen po rin po che'i me tog dang glog dang chos kyi 'brug sgra'i sprin gyi dbyangs zhes bya ba de'i dbus nas/ pad+mo'i rgyal po chen po lo ma'i mtshams nas dus gsum gyi de bzhin gshegs pa thams cad kyi yul rnam par ston pa'i 'od gzer gyi sprin gyi rgyan ces bya ba byung bar gyur te/ pad+mo chen po de 
la de bzhin gshegs pa ri rab kyi rdul shin tu phra ba snyed de dag gi nang nas bskal pa'i thog ma pa de bzhin gshegs pa ye shes rin po che'i 'od kun tu 'phro ba'i dpal yon tan dpal gyi rgyal po zhes bya ba byung bar gyur te/ de ni bskal pa de la thams cad kyi thog mar bla na med pa yang dag par rdzogs pa'i </font><hr>38-1-121a<br><font size=+1>
byang chub tu mngon par rdzogs par sangs rgyas te/ des lo stong phrag du ma zhig du chos bstan pas/ sems can yongs su smin par mdzad nas/ lo stong phrag bcur 'od gzer snang ba'i rnam par 'phrul pas yongs su smin par mdzad do/ /de bzhin gshegs pa de 
lo stong phrag bcu na 'byung bar 'gyur ro/ /zhes bya ba'i tshe pad+ma'i rgyal po chen po lo ma'i mtshams nas/ dus gsum gyi de bzhin gshegs pa thams cad kyi yul rnam par ston pa'i 'od gzer gyi sprin gyi rgyan ces bya ba de las sems can thams cad rdul dang 'byed pa'i sgron ma zhes bya ba'i 
'od zer byung bar gyur te/ 'od des phog pa'i sems can rnams kyis kyang lo stong phrag bcu na de bzhin gshegs pa 'byung bar 'gyur ro zhes bya bar shes so/ /lo stong phrag dgu na de bzhin gshegs pa de 'byung bar 'gyur ro zhes bya ba'i tshe/ byang chub kyi shing de las rdul dang bral ba'i 
dpal gyi snying po zhes bya ba'i 'od gzer byung ste/ 'od gzer des phog pa'i sems can de dag gis kyang gzugs thams cad shin tu phra bar mthong bar gyur to/ /lo stong phrag brgyad na de bzhin gshegs pa 'byung ngo zhes bya ba'i tshe/ byang chub kyi shing chen po de nyid las 'od zer sems can 
thams cad kyi las rnam par smin pa'i dbyangs zhes bya ba byung ste/ des phog pa'i sems can de dag thams cad kyis kyang rang rang gi las rgya mtsho khong du chud par gyur te/ las dran pa'i ye shes kyang thob par gyur to/ /lo stong phrag bdun na de bzhin gshegs pa de 'byung bar 'gyur ro 
zhes bya ba'i tshe/ byang chub kyi shing de nyid las 'od gzer dge ba'i rtsa ba thams cad yang dag par 'byung ba'i dbyangs zhes bya ba byung ste/ 'od gzer des sems can de dag la phog nas dbang po nyams pa med cing yongs su tshang bar gyur to/ /lo stong phrag drug na de bzhin gshegs pa de 'byung 
bar 'gyur ro zhes bya ba'i tshe/ byang chub kyi shing chen po de nyid las 'od gzer sangs rgyas kyi yul bsam gyis mi khyab pa'i dbyangs zhes bya ba byung ste/ des sems can de dag la phog nas bsam pa rgya chen pos rnam par 'phrul bar gyur to/ /lo stong phrag ldan de bzhin gshegs pa de 'byung </font><hr>38-1-121b<br><font size=+1>
bar 'gyur ro zhes bya ba'i tshe/ byang chub kyi shing chen po de nyid las 'od gzer sangs rgyas kyi zhing thams cad yongs su dag par sgra 'byin ba'i gzugs brnyan rnam par dmigs pa zhes bya ba byung ste/ des sems can de dag la phog nas sangs rgyas kyi zhing rnam pa thams cad du yongs su 
dag par mthong bar gyur to/ /lo stong phrag bzhin de bzhin gshegs pa de 'byung bar 'gyur ro zhes bya ba'i tshe/ byang chub kyi shing chen po de nyid las 'od gzer de bzhin gshegs pa thams cad kyi yul tha mi dad pa'i sgron ma zhes bya ba byung ste/ des sems can de dag la phog nas de 
bzhin gshegs pa de'i rnam par 'phrul pa thams cad du song ba la zhugs par gyur to/ /lo stong phrag gsum na de bzhin gshegs pa de 'byung bar 'gyur ro zhes bya ba'i tshe/ byang chub kyi shing chen po de las 'od zer 'gro ba thams cad la mngon du gyur pa'i sgron ma zhes bya ba byung ste/ des sems can de 
dag la phog nas de bzhin gshegs pa de yang mngon du mos pas mthong bar gyur to/ /lo stong phrag gnyis na de bzhin gshegs pa de 'byung bar 'gyur ro zhes bya ba'i tshe/ byang chub kyi shing chen po de las 'od gzer dus gsum gyi ye shes kyi glog gi sgron ma zhes bya ba de bzhin gshegs pa thams cad 
kyi sngon gyi tshul rab tu sgrog pa byung ste/ des sems can de dag la reg nas de bzhin gshegs pa de'i sngon gyi tshul rgya mtsho la rtog cing 'jug par gyur to/ /lo stong na de bzhin gshegs pa de 'byung bar 'gyur ro zhes bya ba'i tshe/ byang chub kyi shing chen po de las 'od gzer ye shes rab rib 
med pa/ de bzhin gshegs pa'i sgron ma zhes bya ba byung ste/ des sems can de dag la phog nas de bzhin gshegs pa thams cad kyi rnam par 'phrul pa dang / zhing thams cad dang / sems can thams cad mthong bar 'gyur ba'i mig kun tu lta ba thob par gyur to/ /de bzhin 
gshegs pa de lo brgya na 'byung bar 'gyur ro zhes bya ba'i tshe/ byang chub kyi shing chen po de nyid las 'od zer 'gro ba thams cad kyis sangs rgyas mthong ba rnam par smin pa'i dge ba'i rtsa ba las byung ba zhes bya ba byung ste/ des sems can de dag la phog nas/ de bzhin gshegs pa </font><hr>38-1-122a<br><font size=+1>
skye ba'i 'du shes thob par gyur to/ /de bzhin gshegs pa de zhag bdun na skye bar 'gyur ro zhes bya ba'i tshe/ byang chub kyi shing chen po de nyid las 'od zer sems can thams cad rab tu dga' ba dang / spro ba dang mos pa yongs su 'byung ba'i 
dbyangs shes bya ba byung ste/ des sems can de dag la phog nas sangs rgyas mthong bar 'gyur ba'i dga' ba'i shugs chen po skyes par gyur to/ /rigs kyi bu de ltar 'od zer gyis yongs su smin par bya ba'i tshul tshad med pa rnam pa de lta bus lo stong du sems can rnams 
yongs su smyin par mdzad nas zhag bdun pa la thug pa dang / 'jig rten gyi khams de thams cad yongs su bskyod pa'i tshul tshad med pas yongs su bskyod nas shin tu dag par byin gyis brlabs so/ /phyogs bcu'i de bzhin gshegs pa thams cad kyi sangs rgyas kyi zhing 
yongs su dge pa ji snyed pa rgyan bsam gyis mi khyab pa rnam pa sna tshogs dang ldan pa de dag thams cad kyang sangs rgyas kyi zhing der sems kyi skad cig re re la yongs su bstan par gyur to/ /de nas zhag bdun pa tha ma la bab pa dang / 'jig rten gyi khams de na sems can sangs 
rgyas mthong bar 'gyur ba yongs su smin pa de dag thams cad snying po byang chub tu mngon par gzhol bar gyur to/ /de nas 'jig rten gyi khams de'i khor yug thams cad dang / ri rab thams cad dang / ri thams cad dang / chu klung thams cad dang / rgya mtsho thams cad dang shing 
thams cad dang / sa'i gzhi thams cad dang / grong khyer thams cad dang / ra ba thams cad dang / gnas thams cad dang / gzhal med khang thams cad dang / gos dang rgyan dang longs spyod thams cad dang / rol mo'i shing thams cad dang / rol mo brdung ba'i dbyangs 
thams cad dang / sprul pa'i rgyan thams cad kyi dmigs pa re re las kyang de bzhin gshegs pa thams cad kyi yul dang / mthu'i sgra rab tu sgrog pa'i spos dang / bdug spos thams cad kyi sprin mngon par 'thon te/ rin po che'i 'od 'phro ba'i sprin dang / spos dang bdug spos </font><hr>38-1-122b<br><font size=+1>
thams cad kyi 'od 'phro ba dam pa dang / spos rin po che thams cad kyi gzugs kyi sprin dang / gos rin po che dang / rgyan rin po che thams cad kyi sprin dang / rin po che'i me tog sna tshogs kyi ri rab kyi sprin dang phye ma sna tshogs kyi sprin mang po de bzhin gshegs pa thams cad kyi 'od gzer 
gyi sprin rnam par ston pa de bzhin gshegs pa thams cad kyi 'od kyi dkyil 'khor gyi sprin rab tu 'gyed pa/ rol mo brdung ba dang / dkrol ba thams cad kyi sprin yongs su 'khrol zhing rdung ba/ de bzhin gshegs pa thams cad kyi smon lam gyi sgra skad kyi sprin rab tu 'byin pa/ de 
bzhin gshegs pa thams cad kyi dbyangs kyi yan lag dang / gsung rgya mtsho'i sprin rab tu sgrog pa/ de bzhin gshegs pa thams cad kyi mtshan dang dpe byad bzang po'i gzugs brnyan sna tshogs kyi sprin rab tu ston par byed cing / de bzhin gshegs pa 'byung ba'i ltas sngon du byung ba bsam gyis mi khyab pa 
yongs su ston te/ rin po che'i rgyal po'i pad+mo chen po'i lo ma'i mtshams nas/ dus gsum gyi de bzhin gshegs pa thams cad kyi yul rnam par ston pa'i 'od gzer gyi sprin gyi rgyan de'i pad+mo'i 'khor rin po che'i rgyal po las byas pa chen po sha stag tu byas te 'khod do/ /rin po che'i 
rgyal po'ipad+mo chen po'i 'khor kyi rin po che'i pad mo chen po de dag gi ze ba dang / snying po la seng ge'i khri rin po che'i pad+mo chen po'i snying po can/ sangs rgyas kyi zhing bcu'i rdul shin tu phra ba snyed dag byung bar gyur te/ rin po che'i snying po can gyi khri de dag la'ang byang chub sems 
dpa' sangs rgyas kyi zhing bcu'i rdul shin tu phra ba snyed skyil mo krung bcas te 'khod par gyur to/ /bcom ldan 'das ye shes rin po che'i 'od kun tu 'phro ba'i dpal yon tan dpal gyi rgyal po de bzhin gshegs pa de bla na med pa yang dag par rdzogs pa'i byang chub tu mngon par 
sangs rgyas ma thag tu de'i mod la/ phyogs bcu'i 'jig rten gyi khams su de bzhin gshegs pa mang po dag kyang bla na med pa yang dag par rdzogs pa'i byang chub tu mngon par sangs rgyas te/ sems can rnams kyi bsam pa ji lta ba bzhin du mngon sum du chos kyi 'khor lo bskor bar gyur to/ /</font><hr>38-1-123a<br><font size=+1>
de nas kyang 'jig rten gyi khams de dag gi sems can tshad med pa rnams ngan song dang log par ltung ba thams cad las rnam par bzlog go /sems can tshad med pa ni mtho ris su skye ba la rab tu bkod do/ /sems can tshad med pa ni nyan thos kyi sa la 
rab tu bkod do/ /sems can tshad med pa ni rang sangs rgyas kyi byang chub tu yongs su smin par byas so/ /sems can tshad med pa ni shugs drag po'i 'od kyis 'byung ba'i byang chub tu yongs su smin par byas so/ /sems can tshad med pa ni brtson 'grus dri ma 
med pa'i rgyal mtshan gyi byang chub tu yongs su smin par byas so/ /sems can tshad med pa ni chos rab tu bsgom pa'i gnas su byung ba'i byang chub la rab tu bkod do/ /sems can tshad med pa ni dbang po yongs su dag pa rab tu bsgoms pas 'byung ba'i byang 
chub tu yongs su smin par byas so/ /sems can tshad med pa ni stobs mnyam pa nyid la yang dag par spyod pa khong du chud pas 'byung ba'i byang chub tu yongs su smin par byas so/ /sems can tshad med pa ni chos kyi grong khyer mngon du 'gyur b.ra'i yul gyi theg ba skye 
pas 'byung ba'i byang chub la rab tu bkod do/ /sems can tshad med pa ni thams cad du rjes su song ba'i rdzu 'phrul tha mi dad pa'i tshul gyi theg pas 'byung ba'i byang chub la rab tu bkod do/ /sems can tshad med pa ni spyod pa'i sbyor ba la yang dag par gzhol ba'i tshul gyis 
'byung ba'i byang chub la rab tu bkod do/ /sems can tshad med pa ni ting nge 'dzin gyis 'jug pa'i tshul gyis 'byung ba'i byang chub la rab tu bkod do/ /sems can tshad med pa ni dmigs pa'i yul thams cad yongs su dag pa'i dkyil 'khor gyi tshul gyis 'byung ba'i byang chub 
la rab tu bkod do/ /sems can tshad med pa ni byang chub sems dpa'i byang chub tu sems bskyed do/ /sems can tshad med pa ni byang chub sems dpa'i lam la rab tu bkod do/ /sems can tshad med pa ni pha rol tu phyin pa'i lam rnam par dag pa la rab tu bkod do/ /sems </font><hr>38-1-123b<br><font size=+1>
can tshad med pa ni byang chub sems dpa'i sa dang po la rab tu bkod do/ /sems can tshad med pa ni byang chub sems dpa'i sa gnyis pa dang / gsum pa dang bzhi pa dang lnga pa dang / drug pa dang bdun pa dang / brgyad pa dang dgu pa la rab tu bkod do/ /sems can tshad med pa 
ni byang chub sems dpa'i sa bcu pa la rab tu bkod do/ /sems can tshad med pa ni byang chub sems dpa'i spyod pa smon lam gyi khyad par can la btsud do/ /sems can tshad med pa ni byang chub sems dpa' kun tu bzang po'i spyod pa dang / smon lam rnam par dag pa la rab 
tu bkod do/ /de ltar de bzhin gshegs pa des sangs rgyas kyi khyu mchog gi mthu phyung ba dang / rnam par 'phrul pa bsam gyis mi khyab pas chos kyi 'khor lo bskor bas sems kyi skad cig re re la sems can gyi khams mtha' dang dbus med pa rnam par dul bar gyur to/ /
'jig rten gyi khams de'i sems can thams cad kyis kyang de bzhin gshegs pa de'i sku sna tshogs dang / thabs mkhas pa sna tshogs kyis bsgrubs pa'i chos bstan pa yongs su shes par gyur te/ rgyal po'i pho brang rin po che'i me tog sgron ma'i sems can 
gzugs dang / kha dog dang yul dang longs spyod kyis rgyags shing dregs te gcig la gcig khyad du gsod pa de rnams gdul ba'i don du byang chub sems dpa' kun du bzang pos kha dog dang gzugs mchog tu phyin par mngon par sprul te/ rgyal po'i pho brang 
der phyin to/ /de'i 'od shin tu yangs pas rgyal po'i gnas de dag thams cad du yongs su snang bar gyur te/ rgyal po'i gnas de'i 'od dang / 'khor los sgyur ba'i rgyal po rnam par snang ba rin chen pad+mo'i dpal gyi gtsug phud snying po'i lus las byung ba'i 'od dang / 
bud med rin po che'i 'od dang / rin po che'i shing gi 'od dang / nor bu rin po che chen po'i 'od dang / gnyi zla dang gza' skar dang rgyu skar gyi 'od dang / 'dzam bu'i gling na 'od ji snyed cig yod pa de dag thams cad kyang mi snang bar gyur te/ dper na nyi ma shar te mun </font><hr>38-1-124a<br><font size=+1>
pa dang / zla ba dang gza' skar dang / rgyu skar gyi 'od kyang mi snang la me dang nor bu'i 'od kyang mi snang ngo / /de bzhin du byang chub sems dpa' kun du bzang pos zil gyis non nas 'dzam bu'i gling de na 'od yod pa thams cad kyang mi snang bar gyur to/ /
'di lta ste dper na/ 'dzam bu chu klung gi gser gyi sa le sbram gyi drung du snag tsha'i gzugs bzhag na mdzes par mi rung / lha ger mi rung / lha mer mi rung / lha der mi rung ngo / /de bzhin du byang chub sems dpa' kun du bzang po'i mdun du sems can de dag gi 
gzugs kyi lus kyang mdzes par ma rung / lha ger ma rung / lha mer ma rung / lha der ma rung ngo / /de nas de dag 'di snyam du gyur te/ de lta bu zhig de ltar de'i drung du bdag cag gi lus sam/ 'od dam kha dog gam/ gzi brjid kyis kyang mdzes par ma 
rung / lha ger ma rung / lha mer ma rung / lha der ma rung ba de lta lha'am/ tshangs pa'am/ ci zhig de'i mtshan ma ni gzung bar mi nus so snyam mo/ /de nas byang chub sems dpa' kun tu bzang pos rgyal po'i gnas rin po che'i me tog sgron ma'i dbus 'khor 
los sgyur ba'i rgyal po rnam par snang ba rin chen pad+mo dpal gyi gtsug phud snying po'i gzhal med khang gi steng gi bar snang la 'dug ste/ 'khor los sgyur ba'i rgyal po rnam par snang ba rin chen pad+mo dpal gyi gtsug phud snying po la 'di skad ces smras so/ /rgyal po chen po 
shes par gyis shig /de bzhin gshegs pa dgra bcom pa yang dag par rdzogs pa'i sangs rgyas 'jig rten du byung ste/ khyod kyi khams 'di nyid kyi snying po byang chub chos kun tu snang ba'i chos kyi sprin gyi sgra dbyangs rgyal mtshan 'di nyid na rnam par spyod do zhes pa dang / 
rgyal po'i bu mo ye shes kyi 'od kun tu 'phro ba pad+mo bzang po mig yid du 'ong ba'i dpal gyi zla bas byang chub sems dpa' kun du bzang po'i gzugs kyi lus dang / 'od dang rnam par 'phrul pa dang rgyan mthong ste/ dbyangs thos nas dga' ba dang / mos pa'i shugs chen po </font><hr>38-1-124b<br><font size=+1>
skyes te/ de'i tshe sems 'di snyam du bskyed do/ /bdag gis dge ba'i rtsa ba gang ci bstsags pa des bdag kyang lus 'di 'dra bar thob par shog shig /rgyan 'di 'dra ba dang / mtshan 'di 'dra ba dang / spyod lam 'di 'dra ba dang / rdzu 'phrul 'di 'dra bar shog shig /ji ltar 
'dis mtshan mo mun nag gi nang na sems can rnams la snang ba chen po bskyed de/ sangs rgyas skye ba yongs su brjod pa de bzhin du/ bdag gis kyang sems can rnams kyi mi shes pa'i mun pa bstsal te ye shes chen po 'di snang bskyed par bya'o/ /gang dang gang du skyes pa thams 
cad du'ang dge ba'i bshes gnyen 'di dang mi 'bral bar shog shig /de nas rigs kyi bu 'khor los sgyur ba'i rgyal po rnam par snang ba rin chen pad+mo dpal gyi gtsug phud snying po yan lag bzhi'i dpung gi tshogs dang lhan cig /rin po che bdun dang lhan cig /bud med kyi tshogs 
kyi 'khor dang lhan cig bu dang blon po dang / ljongs kyi mi dang lhan cig tu rgyal po'i rdzu 'phrul chen po dang / rgyal po'i mthu chen pos rgyal po'i gnas rin po che'i me tog sgron ma de nas 'phags te gyen tu nam mkha' la dpag tshad gcig tsam du mngon par 'phags nas/ 
'dzam bu'i gling thams cad dang / gling bzhi pa'i 'jig rten gyi khams thams cad snang ba chen pos rgyas par bkang ste/ sems can thams cad sangs rgyas blta ba la yongs su bskul ba'i don du rin po che'i ri thams cad la gzugs brnyan mngon par bstan cing gling bzhi pa'i 
'jig rten gyi khams su gtogs pa'i sems can rnams la mngon sum du gnas te sangs rgyas la blta ba de tshigs su bcad de glu'i dbyangs kyis bsngags pa/ /lus can thams cad skyabs mdzad pa'i/ /sangs rgyas 'jig rten byung bar gyur/ /'jig rten gtso bo de blta 
bar/ /kun kyang langs te 'dong bar gyis/ /lus can kun la phan don du/ /chos rab ston par gang mdzad pa'i/ /de bzhin gshegs pa 'byung ba ni/ /bskal pa bye ba'i brgya lam na'o/ /'jig rten phyin cir log gyur cing / /mi shes sgrib pas bsgribs gyur te/ /'khor </font><hr>38-1-125a<br><font size=+1>
ba'i sdug bsngal myong pa rnams/ /gzigs shing thugs rje che bskyed nas/ /sdug bsngal thams cad gzhil don du/ /sems can yongs su smin bya'i phyir/ /bskal pa bye ba grangs med du/ /byang chub spyod pa spyad pa mdzad/ bskal pa mtha' 
yas mu med par/ /sangs rgyas byang chub mchog don du/ /zhabs dang phyag kyang yongs su btang / /spyan dang snyan dang dbu yang btang / /mthong zhing bsnyen bkur byas pa dang / /thos pa don yod 'gyur ba yin/ /'jig rten mgon po 'jig rten du/ /'byung ba bskal pa bye bar dkon/ 
de ni byang chub gdan la bzhugs/ /gsung ba'i dam pa bltar yang yod/ /bdud rnams sde dang bcas btul te/ /byang chub mchog tu rnam sangs rgyas/ /'od gzer dkyil 'khor mtha' yas pa/ /sangs rgyas sku las mngon bkye zhing / /'gro ba tshim par mdzad pa yi/ /
kha dog sna tshogs 'di la ltos/ /'od zer sprin mang grangs med pa/ /sangs rgyas sku las 'thon pa rnams/ /des ni sems can snang gyur na/ /bde ba dpe med 'thob par 'gyur/ /brtson 'grus chen po rab rtsom ste/ /rang dang rang gi bsam pa yis/ /mgon po de la 
mchod pa gyis/ /tshur sheg de yi gan du 'dong / /de nas rgyal po rnam par snang ba rin chen pad+mo dpal gyi gtsug phud snying pos tshigs su bcad pa de dag gis bdag gi khams na gnas pa'i sems can thams cad yongs su bskul te/ mchod pa'i sprin sna tshogs brgya 
stong phrag bcu 'khor los sgyur ba'i dge ba'i rtsa bas yongs su grub pa'i char pa/ snying po byang chub kun nas ldang ba'i chos kyi sprin gyi dbyangs kyi rgyal mtshan gyi 'khor kun tu mngon par 'bebs shing / rin po che'i gdugs kyi sprin gyi nam mkha' kun nas yog 
par bya ba dang / me tog thams cad kyi bla re'i sprin gyis nam mkha' bla nas kheb par bya ba dang / na bza' sna tshogs kyi sprin gyis nam mkha' kun nas yog cing brgyan par bya ba dang / rin po che sna tshogs kyi dril bu'i dra ba'i sprin gyis nam mkha'i dbyings brgyan </font><hr>38-1-125b<br><font size=+1>
par bya ba dang / spos sna tshogs rgya mtshos dri zhim par byas pa'i spos gyi 'od zer gyi sprin gyi rgyan nam mkha'i dbyings la byin gyis brlab par bya ba dang / rin po che thams cad kyi khri la rin po che'i gdan 'bel bar bting ba'i sprin gyi rgyan nam mkha'i dbyings la byin kyis brlab pa 
dang / rin po che thams cad kyi rgyal mtshan gyi sprin mngon par bsgreng ba'i rgyan nam mkha'i dbyings la byin gyis brlab pa dang / khang pa dang gzhal med khang thams cad kyi sprin gyis kun nas yog pa'i rgyan nam mkha'i dbyings la byin gyis brlab pa dang / me tog sna tshogs kyi sprin 
gyis kun nas yog pa'i rgyan nam mkha'i dbyings la byin gyis brlab pa dang / mchod pa'i rgyan thams cad kyi sprin gyi char rab tu 'bab pa'i rgyan nam mkha'i dbyings la byin gyis brlab pa byed cing / bcom ldan 'das de bzhin gshegs pa ye shes rin po che'i 'od kun tu 'phro ba'i dpal 
yon tan dpal gyi rgyal po gang na ba der song ste/ phyin nas bcom ldan 'das de bzhin gshegs pa ye shes rin po che'i 'od kun tu 'phro ba'i dpal yon tan dpal gyi rgyal po'i zhabs gnyis la spyi bos phyag 'tshal te/ bcom ldan 'das la lan brgya stong du mar g.yas phyogs su 
bskor ba byas nas/ bcom ldan 'das kyi spyan sngar stan nor bu rin po che chen po'i phyogs kun tu rnam par snang ba'i pad+mo'i snying po can la 'dug go /de nas 'khor los sgyur ba'i bu mo ye shes rin po che'i 'od kun tu 'phro ba'i pad+mo bzang mo mig yid du 'ong ba'i dpal gyi zla bas 
rang gi rgyan rnams lus las bkrol te/ bcom ldan 'das de bzhin gshegs pa ye shes kyi 'od kun du 'phro ba'i dpal yon tan dpal gyi rgyal po la gtor to mngon par gtor to/ /de nas rgyan de dag bcom ldan 'das de'i dbu'i gtsug gi steng gi bar snang la nor bu rin po 
che'i rgyan gyi gdugs chen po nor bu rin po che sna tshogs kyi dra bas yongs su bskor ba klu'i dbang po'i lus kyis gzung ba rgyan thams cad kyi lus kyis dbyibs shin tu legs par kun nas bskor ba/ rgyan gyi gdugs kyi dkyil 'khor bcus yongs su bskor ba/ shin tu dag pa </font><hr>38-1-126a<br><font size=+1>
khang pa brtsegs pa'i dbyibs sna tshogs kyis brgyan pa/ rin po che thams cad kyi lhab lhub kyi sprin gyis kun nas yog pa/ nor bu rin po che'i rgyal po thams cad kyi shing gi rgyan gyis kun nas khebs pa/ nor bu rin po che'i rgyal po spos thams cad kyi rgya 
mtshos yongs su brgyan par 'dug par gyur te/ de'i dbus na byang chub kyi shing chen po chos kyi dbyings las byung ba'i rin po che thams cad kyi yal ga dang / lhun du ldan pa zhes bya ba rgyan brjod na mtha' dang dbus med pa skad cig re re zhing rgyan sna tshogs yongs su 
ston pa yod pa mthong bar gyur to/ /de'i drung na de bzhin gshegs pa rnam par snang mdzad ces bya ba byang chub sems dpa' sangs rgyas kyi zhing brjod du med pa'i rdul shin tu phreng ba snyed kun kyang byang chub sems dpa' kun du bzang po'i spyod pa dang / smon lam gyis 
byung ba byang chub sems dpa'i rgyan sna tshogs tha mi dad cing bsam gyis mi khyab pa la rnam par spyod pa sha stag gis bskor cing mdun du byas pa dang / 'jig rten gyi dbang po thams cad kyang de la mngon tu gyur pa mthong ngo / /bcom ldan 'das rnam par snang mdzad de'i 
sangs rgyas kyis rnam par 'phrul pa mtha' dang dbus med pa yang mthong bar gyur to/ /sngon gyi byang chub sems dpa'i spyod pa bskal pa gcig nas gcig tu brgyud pa la'ang zhugs par gyur to/ /'jig rten gyi khams de'i 'du ba dang 'jig pa'i bskal pa la'ang zhugs 
par gyur to/ /'jig rten gyi khams der 'das pa'i sangs rgyas kyi rgyud gcig nas gcig tu brgyud pa la'ang zhugs par gyur to/ /'jig rten gyi khams de na byang chub sems dpa' kun tu bzang po de bzhin gshegs pa thams cad kyi zhabs kyi drung na sangs rgyas mchod pa 
la brtson par gnas pa yang mthong ngo / /sems can thams cad yongs su smin par bya ba dang / gdul bar bya ba la mngon du gyur par yang mthong ngo / /byang chub sems dpa' thams cad kyang byang chub sems dpa' kun tu bzang po'i lus la gzugs brnyan du gyur </font><hr>38-1-126b<br><font size=+1>
par 'khod cing bdag nyid kyang rjes su 'brang bar mthong ngo / /de bzhin gshegs pa thams cad kyi zhabs gyi drung dang byang chub sems dpa' thams cad kyi drung dang / sems can thams cad kyi gnas dang / 'jig rten gyi khams de dang de dag thams cad na'ang byang chub sems dpa' 
kun tu bzang po'i gzugs brnyan kun tu byung ste/ 'jig rten gyi khams de dag re re na'ang sangs rgyas kyi zhing rdul shin tu phra ba snyed kyi 'jig rten gyi khams mtshams gyi rgyan dang bcas pa dang gzhi dang bcas pa dang / dbyibs dang bcas pa dang / lhun dang bcas pa dang / 
rgyan sna tshogs yongs su dag pa dang bcas pa/ rgyan sna tshogs kyi sprin gyis kun nas khebs pa rnam par bkod pa dang / myid dang grags rnam pa sna tshogs dang ldan pa dang / de bzhin gshegs pa'i rgyud sna tshogs las brjod pa dus gsum gyi tshul sna tshogs su 
gtogs pa dang / phyogs 'byam klas pa sna tshogs su 'du ba chos kyi dbyings 'byam klas pa sna tshogs kyi khongs su gtogs pa/ chos kyi dbyings kyi gzhi sna tshogs su 'dus pa/ nam mkha'i dbyings sna tshogs la rnam par gnas pa/ snying po byang chub sna tshogs 
kyis brgyan pa/ de bzhin gshegs pa'i rnam par 'phrul pa sna tshogs kyis byung ba sangs rgyas kyi seng ge'i gdan sna tshogs kyis brgyan pa/ de bzhin gshegs pa'i 'khor gyi dkyil 'khor rgya mtsho sna tshogs dang ldan pa/ de bzhin gshegs pa'i 'khor gyi dkyil 
'khor gyi rgyud sna tshogs can/ de bzhin gshegs pa'i thabs mkhas pa sna tshogs yongs su brjod pa dang ldan pa/ de bzhin gshegs pa'i chos kyi 'khor lo 'khor ba'i tshul sna tshogs can de bzhin gshegs pa'i dbyangs kyi yan lag dang / gsung gi nga ro 
sna tshogs rab tu 'byung ba/ skad sna tshogs rgya mtsho shin tu bstan pa dang ldan pa dang / mdo sde'i sprin sna tshogs rjes su sgrog pa can dag kyang mthong bar gyur to/ /mthong nas de bas kyang dga' ba dang / mos pa'i shugs chen po thob par gyur te/ de de ltar </font><hr>38-1-127a<br><font size=+1>
dga' ba'i shugs chen po skyes par gyur ba la/ bcom ldan 'das ye shes rin po che'i 'od kun tu 'phro ba'i dpal yon tan dpal gyi rgyal po de bzhin gshegs pa des de bzhin gshegs pa thams cad kyi chos kyi 'khor lo rab tu bsgrags pa zhes bya ba'i mdo 
sde 'khor gyi mdo sde/ sangs rgyas kyi zhing bcu'i rdul shin tu phra ba snyed dang bcas pa yang dag par bstan te/ des mdo sde de thos par gyur nas/ ting nge 'dzin gyi sgo stong phrag bcu shin tu phra zhing reg na bde bar thob par gyur te/ de ni dper na ma'i mngal du rnam par shes pa 
zhugs par gyur ma thag pa lta bu dang 'di lta ste dper na/ sems can rnams kyi las mngon par bsgrubs pa lta bu dang / 'di lta ste dper na/ zhing bzang po dam pa'i sa bon btab nas ring por ma lon yang myu gu skye ba'i rgyur gyur pa lta bu ste/ de bzhin du ting nge 'dzin de 
dag kyang 'jam zhing yid du 'ong ba ste/ 'di ltar de bzhin gshegs pa thams cad mngon du rnam par dmigs pa zhes bya ba'i ting nge 'dzin dang / zhing 'byam klas pa thams cad du snang ba rjes su song ba zhes bya ba'i ting nge 'dzin dang / dus gsum gyi tshul thams cad la 
'jug pa khong du chud pa zhes bya ba'i ting nge 'dzin dang / de bzhin gshegs pa thams cad kyi chos kyi 'khor lo sgrog pa zhes bya ba'i ting nge 'dzin dang / sangs rgyas thams cad kyi smon lam rgyu mtsho rnam par dmigs pa zhes bya ba'i ting nge 'dzin dang / 'khor ba thams 
cad kyi sdug bsngal gyis gzir ba'i sems can 'byung ba'i nga ro rab tu bsgrags pas rnam par dmyigs par byed pa zhes bya ba'i ting nge 'dzin dang / sems can thams cad kyi mun nag rnam par sel ba'i smon lam gyi rgyan ces bya ba'i ting nge 'dzin dang / sems can thams 
cad sdug bsngal dang dbral ba'i smon lam gyis rnam par dmigs pa zhes bya ba'i ting nge 'dzin dang / sems can thams cad kyi bde ba 'grub pa yongs su 'byin pa zhes bya ba'i ting nge 'dzin dang / sems can thams cad yongs su smin par bya ba dang / 'dul bas mi skyo </font><hr>38-1-127b<br><font size=+1>
ba'i snying po zhes bya ba'i ting nge 'dzin dang / byang chub sems dpa' thams cad kyi lam la 'jug pa'i rgyal mtshan zhes bya ba'i ting nge 'dzin dang / byang chub sems dpa'i sa thams cad yongs su gnon par sgrub pa'i rgyan ces bya ba'i ting nge 'dzin dang / de dag la 
stsogs pa'i ting nge 'dzin gyi sgo stong phrag bca rnams des thob par gyur te/ de phra ba la mnyam par bzhag pa'i sems dang / mi g.yo ba'i sems dang / rab tu dga' ba'i sems dang / dbugs phyin pa'i sems dang / dpag tu med pa'i sems dang / dge 
ba'i bshes gnyen gyi rjes su 'brang ba'i sems dang / thams cad mkhyen pa nyid shin tu zab pa la dmigs pa'i sems dang / byams pa'i rjes su 'gro ba'i tshul rgya mtsho la zhugs pa'i sems dang / mngon par zhen pa thams cad las gyen du 'phags pa'i 
sems dang / 'jig rten gyi yul thams cad la mi gnas pa'i sems dang / de bzhin gshegs pa'i yul la 'jug pa'i sems dang / sangs rgyas thams cad kyi gzugs dang / kha dog rgya mtshos snang bar gyur pa'i sems dang / 'khrug pa med pa'i 
sems dang / g.yo ba med pa'i sems dang / khong khro ba med pa'i sems dang / mthon dman med pa'i sems dang / mi skyo ba'i sems dang / mi zlogs pa'i sems dang / zhum pa med pa'i sems dang / chos thams cad kyi rang bzhin nges par 
rtogs pa'i sems dang / chos thams cad kyi tshul rgya mtsho'i rjes su song ba'i sems dang / chos thams cad rab tu 'byed pa'i tshul kyi rjes su song ba'i sems dang / sems can rgya mtsho thams cad la 'jug pa'i sems dang / 'gro ba thams 
cad yongs su bskyab pa'i sems dang / sangs rgyas rgya mtsho mang po'i snang ba yongs su skyes pa'i sems dang / de bzhin gshegs pa thams cad kyi smon lam rgya mtsho la 'jug pa'i sems dang / sgrib pa thams cad kyi ri rnam par 'thor ba'i sems dang /</font><hr>38-1-128a<br><font size=+1>
bsod nams kyi tshogs rgya chen po yang dag par sgrub pa'i sems dang / de bzhin gshegs pa'i stobs bcu la spobs pa mngon sum du gyur ba'i sems dang / byang chub sems dpa'i yul thams cad la snang ba thob pa'i sems dang / byang 
chub sems dpa'i tshogs thams cad 'phel bar byed pa'i sems dang / phyogs rgya mtsho thams cad rgyas par 'gengs pa'i sems dang ldan pas kun tu bzang po'i smon lam chen po la lhag par dmyigs par bya bas smon lam rgya mtsho sangs rgyas kyi zhing bcu'i 
rdul shin tu phra ba snyed kyis/ de bzhin gshegs pa thams cad kyi sngon gyi smon lam rang gi sangs rgyas kyi zhing yongs su dag par bya ba'i don du mngon par sgrub ste/ 'di ltar sems can gyi khams thams cad yongs su smin par bya ba dang / gdul bar bya 
ba dang / chos kyi dbyings 'byam klas pa yongs su shes par bya ba dang / chos kyi dbyings kyi tshul rgya mtsho la 'jug par bya ba dang / sangs rgyas kyi zhing thams cad du phyi ma'i bskal par byang chub sems dpa'i spyod pa spyad par bya ba dang / byang chub sems dpa'i 
spyod pa'i dkyil 'khor thams cad la phyi ma'i mtha'i bskal par gnas par bya ba dang / de bzhin gshegs pa thams cad kyi drung du 'gro bar bya ba dang / dge ba'i bshes gnyen thams cad bsnyen bkur ba dang / de bzhin gshegs pa thams cad la mchod cing 
rim gror bya ba yongs su rdzogs par bya ba dang / sems kyi skad cig re re la thams cad mkhyen pa'i ye shes rnam par bsgrub pa dang / rnam par 'tshang rgya bar bya bas byang chub sems dpa'i spyod pa rgyun mi gcod par bya ba'i phyir/ de dag la stsogs pa smon lam 
mngon par bsgrub pa'i sgo rgya mtsho sangs rgyas kyi zhing bcu'i rdul shin tu phra ba snyed kyis byang chub sems dpa' kun tu bzang po'i spyod pa la smon lam mngon par sgrub par gyur to/ /de'i byang chub sems dpa' kun tu bzang po'i spyod pa dang / smon lam mngon </font><hr>38-1-128b<br><font size=+1>
par bsgrub pa'i phyir/ bcom ldan 'das de bzhin gshegs pa ye shes rin po che'i 'od kun tu 'phro ba'i dpal yon tan dpal gyi rgyal pos sngon gyi dge ba'i rtsa ba yongs su bskul ba mdzad do/ /rab tu bstan pa mdzad do/ /yongs su bstan pa mdzad do/ /rnam 
par dbye ba mdzad do/ /rnam par dgrol ba mdzad do/ /yang dag par bstan par mdzad do/ /chud za bar mi 'gyur bar bya ba'i phyir rab tu brtan par mdzad do/ /rgya chen por khyab par bya ba'i phyir shin tu yangs par mdzad do/ /thams cad mkhyen pa nyid 
lhur len par bya ba'i phyir rab tu gnas par mdzad de/ de ni 'di lta ste/ thog ma sems bskyed pa nas nye bar bzung ba phyin cad de bzhin gshegs pa'i sngon gyi smon lam rgya mtsho grangs med pa rab tu thob par bya ba'i phyir ro/ /rigs kyi bu sngon 'das pa'i 
dus de'i yang pha rol gyi bskal pa bcu pa la 'jig rten gyi khams rin chen nyi ma'i 'khor lo rnam par snang ba'i 'od ces bya bar de bzhin gshegs pa zla ba'i rgyal mtshan dpal gyi dpal gyi gsung rab la bu mo ye shes kyi 'od kun tu 'phro ba pad+mo bzang mo mig yid du 'ong ba'i 
dpal gyi zla ba de/ byang chub sems dpa' kun tu bzang pos yongs su bskul te/ de bzhin gshegs pa'i sku gzugs pad+mo la bzhugs pa zhig bcos so/ /bcos nas kyang ri mo bris so/ /ri mo bris nas kyang rin po ches shin tu brgyan to/ /dge 
ba'i bshes gnyen byang chub sems dpa' kun tu bzang po la brten te/ bla na med pa yang dag par rdzogs pa'i byang chub tu'ang sems bskyed do/ /de dge ba'i rtsa ba des log par mi ltung ba'i chos can du gyur te/ rtag tu lha'i dbang po'i rigs 
dang mi'i dbang po'i rigs su skyes par gyur to/ /thams cad du yang gzugs mdzes shing sdug la blta na yid du 'ong ba dang / kha dog bzang po shin tu rgyas pa dam pa dang ldan par gyur te/ rtag tu de bzhin gshegs pa mthong ba dang / byang chub </font><hr>38-1-129a<br><font size=+1>
sems dpa' kun tu bzang po dang yang bral bar ma gyur to/ /dge ba'i bshes gnyen de nyid kyis tshe rabs de dang de dag du yongs su smin par byas so/ /dran par byas so/ /da yang des byang chub sems dpa' kun tu bzang po yongs su bsnyen bkur te/ 
yid 'byung bar ma byas so/ /rigs kyi bu de la ji snyam du sems/ de'i tshe de'i dus na 'khor los sgyur ba'i rgyal po rnam par snang ba rin chen pad+mo dpal gyi gtsug phud snying po zhes bya bar byung ba de gzhan zhig yin snyam du sems na ni/ rigs kyi bu khyod kyis de ltar mi 
blta ste/ byang chub sems dpa' byams pa ni/ de'i tshe de'i dus na 'khor los sgyur ba'i rgyal po rnam par snang ba rin chen pad+mo dpal gyi gtsug phud snying po zhes bya ba gyur to/ /rigs kyi bu de'i tshe de'i dus na rgyal po'i btsun mo dpal gyi bzhin 
yongs su rgyas pa zhes bya ba byung ba de/ gzhan zhig yin snyam du sems na yang de ltar mi blta ste/ mtshan mo'i lha mo kho ma'i drung na 'dug pa sgra rgya mtsho rab tu zhi ba dang ldan pa 'di yin no/ /rigs kyi bu de la ji snyam du sems/ de'i tshe'i de'i dus na rgyal 
bo'i bu mo ye shes kyi 'od kun tu 'phro ba/ pad+mo bzang mo mig yid du 'ong pa'i dpal gyi zla ba zhes bya ba byung ba de gzhan zhig yin snyam du sems na ni de ltar mi blta ste/ kho mo ni de'i tshe dus na rgyal po'i bu mo ye shes kyi 'od kun tu 'phro ba/ pad+mo bzang mo mig 
yid du 'ong ba'i dpal gyi zla ba zhes bya bar gyur to/ /kho mo bu mo gzhon nur gyur te/ de bzhin gshegs pa dbang po'i rgyal mtshan dpal gyi dpal gyi gsung rab la de bzhin gshegs pa'i sku pad+mo la bzhugs pa bcos pa de ni kho mo'i bla na med pa yang dag par 
rdzogs pa'i byang chub kyi rgyur gyur to/ /de'i tshe byang chub sems dpa' kun tu bzang pos/ kho mo bla na med pa yang dag par rdzogs pa'i byang chub tu yongs su bskul ba de ni/ kho mos byang chub tu sems dang po bskyed pa yin no/ /kho mos bcom ldan 'das de </font><hr>38-1-129b<br><font size=+1>
bzhin gshegs pa ye shes rin po che'i 'od kun tu 'phro ba'i dpal yon tan dpal gyi rgyal po'i drung du phyin te/ rgyan gyis gtor nas de bzhin gshegs pa'i rnam par 'phrul pa dang / cho 'phrul mthong bar gyur te/ kho mos bcom ldan 'das de'i drung nas chos 
thos par gyur pa de'i tshe/ kho mos byang chub sems dpa'i rnam par thar pa/ 'jig rten thams cad mngon du gyur pas 'gro ba rnam par 'dul ba ston pa 'di thob bo/ /de bzhin gshegs pa ri rab kyi rdul shin tu phra ba snyed de dag thams cad kyang bsnyen bkur te/ yo 
byad dang mchod cing rim gror bya ba thams cad kyis kyang bkur stir byas so/ /de bzhin gshegs pa de dag gis chos bstan pa de dag thams cad kyang kho mos thos te/ de bzhin gshegs pa de dag gi gdams ngag dang rjes su bstan pa la'ang zhugs par gyur to/ /
de bzhin gshegs pa de dag la kho mos rim gro cher byas te/ rim gro de'i rnam pas sems kyi skad cig gcig la de bzhin gshegs pa de dag thams cad dang / byang chub sems dpa'i dkyil 'khor de dag dang / sangs rgyas kyi zhing de dag thams 
cad kyang mthong ste/ 'jig rten gyi khams rnam par snang ba'i khams de ni 'das par gyur/ bskal pa rdul dang bral ba'i dkyil 'khor de ni mthar phyin par gyur nas/ de'i rjes la 'jig rten gyi khams ni rin chen 'khor lo sna tshogs kyis klubs shing brgyan pa 
zhes bya/ bskal pa ni 'od chen po zhes bya ba zhig byung ste/ de la sangs rgyas lnga brgya byung bar gyur to/ /de dag thams cad kyang kho mos bsnyen bkur te/ bskal pa 'od chen po de la de bzhin gshegs pa thugs rje chen po'i sprin gyi rgyal mtshan zhes bya ba 
bskal pa'i dang po la byung ste/ de mngon par byung ba'i tshe/ kho mo mtshan mo'i lha mor gyur pas mchod pa byas so/ /de'i 'og tu de bzhin gshegs pa rdo rje mthu bo che'i dpal zhes bya ba byung ste/ de la kho mo'akhor los sgyur bar gyur pas mchod pa byas </font><hr>38-1-130a<br><font size=+1>
so/ /de bzhin gshegs pa des kho mo la mdo sde sangs rgyas thams cad skye zhing 'byung ba zhes bya ba/ mdo snge sangs rgyas kyi zhing bcu'i rdul shin tu phra ba snyed kyi 'khor dang bcas pa yang dag par bstan te/ de yang kho mos thos 
nas yongs su bzung ngo / /de'i 'og tu de bzhin gshegs pa me'i 'od 'phro ri'i dpal gyis rnam par brgyan pa zhes bya ba byung ste de la kho mo tshong dpon gyi bu mor gyur pas mchod pa byas so/ /de bzhin gshegs pa des kho mo la mdo sde dus gsum snang 
ba'i snying po zhes bya ba/ mdo sde 'dzam bu'i gling gi rdul shin tu phra ba snyed kyi 'khor dang bcas pa yang dag par bstan te/ de yang kho mos thos nas yongs su bzung ngo / /de'i 'og tu de bzhin gshegs pa chos rgya mtsho thams cad kyis mngon par 'phags pa'i 
shugs kyi rgyal po zhes bya ba byung ste/ de la kho mo lha'i rgyal por gyur pas mchod pa byas so/ /de bzhin gshegs pa des kho mo la mdo sde chos kyi dbyings kyi gzhi thams cad shes pa'i bye brag ces bya ba mdo sde lnga brgya'i 'khor dang bcas pa yang dag par 
bstan te/ de yang kho mos thos nas yongs su bzung ngo / /de'i 'og tu de bzhin gshegs pa chos zab mo'i dpal rgya mtshos yang dag par 'byung ba'i 'od ces bya ba byung ste/ de la kho mo klu'i dbang po'i bu mor gyur pas/ nor bu rin po che yid bzhin gyi rgyal po'i 
sprin gyi char mngon par phab ste mchod pa byas so/ /de bzhin gshegs pa des kho mo la mad sde dga' ba rgya mtsho rnam par 'phel ba'ishugs shes bya ba mdo sde bye ba brgya stong phrag bcu'i 'khor dang bcas pa yang dag par bstan te/ de yang kho mos 
thos nas yongs su bzung ngo / /de'i 'og tu de bzhin gshegs pa rin chen ri bo'i spo'i 'od zer sgron ma zhes bya ba byung ste/ de la kho mo rgya mtsho'i lha mor gyur pas/ rin po che'i pad+mo'i sprin gyi char gyis nye bar bsnyen te mchod pa byas so/ /de bzhin </font><hr>38-1-130b<br><font size=+1>
gshegs pa des kho mo la mdo sde chos kyi dbyings rgya mtsho'i tshul zhes bya ba mdo sde sangs rgyas kyi zhing gi rdul shin tu phra ba snyed kyi 'khor dang bcas pa yang dag par bstan te/ de'ang kho mos thos nas yongs su blangs so/ /dran pas yang dag par bzung ngo / /de'i 
'og tu de bzhin gshegs pa yon tan rgya mtsho snang ba'i dkyil 'khor gyi dpal zhes bya ba byung ste/ de la kho mo drang srong mngon par shes pa lnga dang ldan par gyur pa/ drang srong stong phrag drug cus kun nas bskor bas rdzu 'phrul chen po'i rnam par 'phrul pa nye 
bar bstan te/ spos kyi me tog ri bo tsam gyi sprin gyi char mngon par phab ste/ mchod pa byas so/ /de bzhin gshegs pa des kho mo la mdo sde chos gnas med pa'i sgron ma zhes bya ba mdo sde stong phrag bcu'i 'khor dang bcas pa yang dag par bstan ste/ de yang kho mos 
thos nas yongs su bzung ngo / /de'i 'og tu de bzhin gshegs pa rnam par snang mdzad dpal gyi snying po zhes bya ba byung ste/ kho mo yang mnyam pa nyid kyi don 'byung ba zhes bya ba'i sa'i lha mo zhig tu gyur nas/ kho mo sa'i lha mo'i 'khor grangs med pa dang bcas 
pas rin po che'i shing thams cad kyi lhun las rin po che'i me tog gi sprin gyi char mngon par phab ste rin po che'i phreng ba'i sprin gyi char yang rab tu phab nas/ de bzhin gshegs pa de la mchod pa bya ba'i phyir spyan sngar phyin to/ /de bzhin gshegs pa des kho mo 
la mdo sde de bzhin gshegs pa thams cad yang dag par 'byung ba'i gnas kyi snying po zhes bya ba'i mdo sde grangs med pa'i 'khor dang bcas pa yang dag par bstan te/ de yang kho mos thos nas bzung ste chud zos par ma byas so/ /rigs kyi bu de bzhin 
gshegs pa lnga brgya po de dag thams cad kyi tha mar de bzhin gshegs pa chos kyi dbyings nam mkha' mdzod spus yongs su rgyas pa'i rtse mo dpal gyi sgron ma zhes bya ba 'jig rten du byung ste/ de'i tshe kho mo yang gar mkhan gyi bu mo bzhin mngon par </font><hr>38-1-131a<br><font size=+1>
mdzes pa'i dpal zhes bya ba zhig tu gyur te/ de bzhin gshegs pa de grong khyer du gshegs nas/ gar mkhan gyi tshogs kyis rol mo byas pa'i tshe/ kho mos sangs rgyas kyi byin gyis steng gi nam mkha'i dbyings las/ tshigs su bcad 
pa stong gis de bzhin gshegs pa de la mngon par bstod de spyan sngar phyin to/ /de bzhin gshegs pa des mdzod spu nas 'od zer chos kyi dbyings rnam par snang ba'i rgyan ces bya ba bkye ste/ kho mo'i lus thams cad kyang snang bar mdzad do/ /'od zer des kho mo la 
phog ma thag tu rnam par thar pa/ chos kyi dbyings kyi tshul yongs su 'khyil ba'i snying po zhes bya ba thob par gyur to/ /rigs kyi bu de ltar de bzhin gshegs pa de dag la stsogs pa bskal pa 'od chen po la 'jig rten gyi khams rin chen 'khor lo sna tshogs 
kyis klubs shing brgyan par sangs rgyas lnga brgya byung bar gyur pa de dag thams cad kyang mnyes par byas te/ de bzhin gshegs pa de dag la kho mos mchod pa yang byas so/ /de bzhin gshegs pa de dag gis kho mo la chos bstan pa de dag thams cad kyang dran 
te/ chos kyi tshul de dag las yi ge 'ga' 'am/ tshig 'ga' yang brjed par ma gyur to/ /de bzhin gshegs pa de dag re re'i drung du 'gro ba'i tshe yang sangs rgyas kyi chos yongs su brjod par bya bas sems can tshad med pa'i don byas so/ /de bzhin 
gshegs pa de dag re re la yang kho mos chos kyi dbyings kyi rang bzhin rgya mtsho dus gsum gyi ye shes kyi snying po chos kyi dbyings shin tu yangs pa zhes bya ba'i thams cad mkhyen pa'i glog mngon par snang ba kun tu bzang po'i spyod pa thams cad la gnas par yang 
dag par gzhol ba thob par gyur te/ rigs kyi bu kho mo la ni de ltar yangs ma kyi skad cig re re la de bzhin gshegs pa mtha' dang dbus med pa yongs su snang ste/ de bzhin gshegs pa de dag kho mos mthong bar gyur pas thams cad mkhyen pa'i klog mngon </font><hr>38-1-131b<br><font size=+1>
par snang ba/ /sngon chad ma thob pa sngan chad ma mthong ba dag kyang kho mo'i sems kyi rgyud la gnas par gyur te/ 'on kyang byang chub sems dpa' kun tu bzang po'i spyod pa las g.yo ba med do/ /de ci'i phyir zhe na/ thams cad mkhyen pa'i klog mngon par snang ba thob 
pa 'di ni mtha' dang dbus med par bstan pa'o/ /de nas mtshan mo'i lha mo sems can kun tu skyong ba'i gzi brjid kyi dpal gyis de'i tshe byang chub sems dpa'i rnam par thar pa 'jig rten thams cad mngon du gyur pas/ 'gro ba rnam par 'dul ba zhes bya 
ba 'di brnan te bstan pa dang / rnam par dbye bar bya ba'i phyir sangs rgyas kyi byin gyi rlabs kyis tshong dpon gyi bu nor bzangs la tshigs su bcad de smras pa/ /zab mo blta dka' khong du chud dka' ste/ /dus gsum dbyings kun tha dad tshul ldan la/ /chos 
'od dkyil 'khor kun tu 'od 'byung ba'i/ /kho mo'i tshig 'di nor bzangs mnyam par gyis/ /sangs rgyas yon tan 'dod pas byang chub tu/ /kho mos thog ma ji ltar sems bskyed dang / /ji ltar kho mos rnam thar 'di thob pa/ /de dag rnam par phye ba'i tshul 'di nyon/ /
'di nas sangs rgyas zhing gi rdul snyed kyi/ bskal pa gcig nas gcig brgyud pha rol tu/ /'jig rten khams yangs dri ma'i skyon med pa/ /rnam snang rgyal mtshan sgron ma'i dpal byung ste/ /bskal pa rdul dang bral ba'i dkyil 'khor byung / /de la sangs 
rgyas rigs ni rgyun ma chad/ /de tshe ri rab rdul phran rab snyed kyi/ /stobs bcu skyon med mang po byung bar gyur/ /de la bde gshegs thog mar rin chen 'od/ /kun tu 'phro dpal yon tan dpal rgyal byung / rgyal ba chos kyi rgyal mtshan ri rab dpal/ / 
yon tan seng ge'i dbang po rgyal ba zhi/ /rgyal ba zhi ba'i rgyal po skye bcil dang / /grags pa'i ri bo yon tan ri rab dpal/ /rgyal ba nyi ma zla zhal bcom ldan 'das/ /bcu po de dag tshul 'di thog ma'o/ /rgyal ba nam mkha'i gzhi dang kun nas 'od/ /</font><hr>38-1-132a<br><font size=+1>
phyogs su yongs byung dran pa rgya mtsho'i sgo/ /rgyal ba mngon 'phags 'od mnga' ri rab dpal/ /bde gshegs chos kyi 'od 'phro ri bo dpal/ /thugs rje che mnga' dgu pa pad+mos 'phags/ /sangs rgyas bcu pa chos dbyings me tog ste/ /sangs 
rgyas rgya mtsho yongs su brjod pa las/ /tshul 'di bcu pa gnyis pa 'di yin no/ /'od dpal rgyal po ye shes blo gros dang / /sna tshogs don dbang dpal gyi blo gros lha/ /rgyal ba shugs kyi rgyal blo ye shes dpal/ /snang ba'i rgyal po 'od kyi rgyal mtshan 
dpal/ /rgyal ba rnam par gnon pa'i lha stabs dang / /de bzhin chos dbyings pad+mo bcu pa ste/ /rgya chen pa yongs su bstan las tshul 'di ni/ /tshul 'dir bcu pa gsum pa bstan pa'o/ /rin chen 'od 'phro ri dpal bcom ldan 'das/ /de yi 'og ma yon tan 
rgya mtsho dpal/ /chos kyi 'od dang pad+mo snying po dpal/ /'gro ba'i zla ba spyan tshul bde bar gshegs/ /spos kyi 'od dang rin chen ri rab dpal/ /rgyal ba dri za lus 'od rgyal po dang / /rin chen snying po rgyal dpal gzi brjid ldan/ /rgyal ba bcu pa zhi ba'i gzugs 
kyistabs/ /de yi 'og ma rgyal ba rgya chen blo/ /rin chen 'od dang nam mkha'i sprin gyi dpal/ /rgyal ba dam pa'i mtshan gyi dpal gyur dang / /brtul zhugs dkyil 'khor rang gi lus kyi 'od/ /mthu chen brtul zhugs ri rab dpal mnga' dang / /rgyal ba yon tan 
'khor yug dpal gyi rgyal/ /bcom ldan mi pham brtul zhugs rgyal mtshan dang / /shing gi ri bo rgyal ba de dag bcu/ /rgyal ba sA la'i rgyal po dpal gyi mchog /'jig rten dbang po'i lus ni snang ba'i 'od/ /mngon par 'phags 'od dpal gyi bcom ldan 
'das/ /rdo rje 'od dang sa yi gzi brjid dpal/ /rgyal ba zab chos 'od kyi rgyal po dpal/ /chos kyi rgya mtsho dbyangs kyi blo gros dang / /ri rab rgyal mtshan dpal dang blo gros snang / /rgyal ba bcu pa rin chen rgyal po dpo dpal/ /tshangs pa'i 'od dang rgyal ba </font><hr>38-1-132b<br><font size=+1>
nam mkha' dbyings/ /de bzhin chos kyi dbyings ni gzugs brnyan dpal/ /snang ba'i dkyil 'khor 'od kyi bcom ldan 'das/ /tha dad phyogs mkhyen ye shes blo gros dang / /nam mkha'i sgron ma mngon par dga' ba'i dpal/ /rnam par snang mdzad 'od dpal bde 
bar gshegs/ /bsod nams rab tu snang dpal zhi ba'i dpal/ /bcu par snying rje chen po'i sprin gyi dpal/ /de bzhin nyid 'od stobs snang blo gros dang / /rgyal ba 'gro ba thams cad mngon gzugs dang / /de tshe rgyal ba mngon 'phags 'od mang 'byung / / 
de yi 'og ma zhi ba'i sku yi 'od/ /chos 'phags bde gshegs de bzhin byung bar 'gyur/ /de yi 'og ma rlung gi drag shul dpal/ /dpa' ba'i rgyal mtshan rin chen lus kyi dpal/ /dus gsum snang ba'i 'od ni bcu pa'o/ /smon lam rgya mtsho rab tu snang 
dpal dang / /gnyis pa dgongs pa rdo rje ri bo dpal/ /rgyal ba gsum pa seng ge ri rab dpal/ /dran pa'i rgyal mtshan rgyal po chos dpal blo/ /shes rab sgron ma 'od kyi rgyal mtshan dpal/ /de yi 'og ma rgyal ba rgya chen blo/ /rgyal ba chos dbyings tshul 
gyi ye shes stabs/ /chos kyi rgya mtsho blo gros ye shes dpal/ /chos 'dzin pa dang rin chen sbyin dpal dang / /rgyal ba yon tan khor yug dpal gyi sprin/ /bzod pa'i sgron ma dpal dang gzi brjid ldan/ /shugs 'od zhi gnas dbyangs kyi rgyal ba dang / /zhi 
ba'i rgyal mtshan 'gro ba'i sgron ma dpal/ /sangs rgyas smon lam chen po shugs kyi dpal/ /bcom ldan gzhan gyis mi thub rgyal mtshan stobs/ /rgyal ba ye shes 'od 'phro rgya mtsho dpal/ /rgyal ba chos dbang blo gros chags pa med/ /'gro skad rgya mtsho 
dbyangs kyi blo gros dang / /thams cad dbyangs kyi yan lag sgra skad dpal/ /dbang sgyur mchod sbyin grags pa'i mchod sdong blo/ /phyogs yul 'gro ba mngon sum bcom ldan 'das/ /sems can bsam par mnyam pa sku yi dpal/ /gzhan yang sangs </font><hr>38-1-133a<br><font size=+1>
rgyas gnas dang bcas pa'i dpal/ /rgyal ba rang bzhin lus dpal bzang po dang / /der ni rgyal ba de la stsogs pa byung / /de dag byung nas 'gro ba sgron ma mdzad/ /bskal pa ri rab shin tu phra rdul snyed/ /bdag gis rgyal ba rgya mtsho de dag mchod/ /
bskal pa sangs rgyas zhing gi rdul snyed po/ /de dag du ni rgyal ba gang byung ba/ /bde gshegs de dag thams cad bdag gis mchod/ /rnam par thar pa'i tshul ni 'di la zhugs/ /rnam par thar pa'i tshul 'di sgom byed cing / /bskal pa mtha' yas bdag gi sngon spyad 
kyis/ /khyod kyis thos nas nan tan myur gyis shig /tshul 'di ring po mi thogs thob par 'gyur/ /rigs kyi bu kho mos byang chub sems dpa'i rnam par thar pa 'jig rten thams cad mngon du gyur pas/ 'gro ba rnam par 'dul ba ston pa 'di shes par zad na/ 
kho mos byang chub sems dpa' mtha' dang dbus med pa'i byang chub sems dpa'i spyod pa rgya mtsho la mos pa sna tshogs kyis yang dag par gnas pa/ bsam pa sna tshogs kyis lus dang ldan pa/ /dbang po rgya mtsho sna tshogs yongs su grub pa/ byang chub sems 
dpa'i spyod pa dang / smon lam sna tshogs shin tu rtogs pa de dag gi spyod pa shes pa'am/ yon tan brjod par nus re skan/ /song rigs kyi bu snying po byang chub 'di nyid na kho mo dang rgyang mi ring ba zhig na mtshan mo'i lha mo sgra rgya mtsho rab tu zhi ba dang ldan pa zhes bya ba 
pad+mo'i khri rin po che'i rgyal po snang ba'i rgyal mtshan gyis rab tu brgyan pa zhig la 'dug cing / mtshan mo'i lha mo grangs med pa brgya stong phrag bcu'i 'khor gyis bskor ba 'dug gis de'i gan du song la ji ltar byang chub sems dpas byang chub sems dpa'i spyod pa la 
bslab par bya ba dang / ji ltar nan tan du bya ba dris shig /de nas tshong dpon gyi bu nor bzangs kyis mtshan mo'i lha mo sems can kun tu skyong ba'i gzi brjid dpal gyi rkang pa gnyis la spyi bos phyag 'tshal te/ mtshan mo'i lha mo sems can kun ta skyong ba'i gzi </font><hr>38-1-133b<br><font size=+1>
brjid dpal la lan brgya stong du mar g.yas phyogs su bskor ba byas nas yang dang yang bltas te/ mtshan mo'i lha mo sems can kun tu skyong ba'i gzi brjid dpal gyi drung nas song ngo // //sangs rgyas rmad gcad ces bya ba shin tu rgyas pa chen 
po'i mdo/ /bam po brgyad pa/de nas tshong dpon gyi bu nor bzangs mtshan mo'i lha mo sems can kun tu skyong ba'i gzi brjid dpal gyi byang chub sems dpa'i rnam par thar pa 'jig rten thams cad mngon du gyur pas 'gro ba rnam par 'dul ba de la yongs su 
sgom zhing khong du chud par bya ba dang / yid ches par bya ba dang / 'jug par bya ba dang / shin tu rgyas par bya ba dang / yongs su khyab par bya ba dang / rab tu mchod par bya ba dang / dbang du bya ba dang / snang bar bya ba dang / yang dag par gzhol bar bya ba 
byed cing / mtshan mo'i lha mo sgra rgya mtsho rab tu zhi ba dang / ldan pa gang na ba der phyin te/ mtshan mo'i lha mo sgra rgya mtsho rab tu zhi ba dang ldan pa'i rkang pa gnyis la spyi bos phyag 'tshal te/ mtshan mo'i lha mo sgra rgya mtsho rab tu zhi ba dang ldan pa la lan brgya stong 
du mar g.yas phyogs su bskor ba byas nas/ mtshan mo'i lha mo sgra rgya mtsho rab tu zhi ba dang ldan pa'i mdun du 'dug ste/ thal mo sbyar nas 'di skad ces smras so/ /'phags ma lha mo bdag ni bla na med pa yang dag par rdzogs pa'i byang chub tu yang 
dag par zhugs pa ste/ bdag ni dge ba'i bshes gnyen gyi rten gyis byang chub sems dpa'i spyod pa la slob cing / byang chub sems dpa'i spyod pa la zhugs te/ byang chub sems dpa'i spyod pa la nan tan du bgyi ba dang / byang chub sems dpa'i spyod 
pa la rab tu gnas pas thams cad mkhyen pa nyid du 'byung bar 'tshal na/ 'phags ma lha mo ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba bdag la bshad du gsol/ de nas mtshan </font><hr>38-1-134a<br><font size=+1>
mo'i lha mo sgra rgya mtsho rab tu zhi ba dang ldan pas/ tshong dpon gyi bu nor bzangs la 'di skad ces smras so/ /rigs kyi bu de ltar khyod dge ba'i bshes gnyen gyi rten gyis byang chub sems dpa'i spyod pa yongs su tshol ba legs so legs so/ /
rigs kyi bu kho mo ni byang chub sems dpa'i rnam par thar ba dga' ba yangs pa'i shugs 'byung bas sems kyi skad cig rnam par brgyan pa thob pa'o/ /nor bzangs kyis smras pa/ 'phags ma khyod ni 'phrin las ci mdzad yul gang dang ldan sbyor ba gang dang ldan/ 
ci la rnam par dpyod/ byang chub sems dpa'i rnam par thar pa dga' ba yangs pa'i shugs 'byung bas sems kyi skad cig rnam par brgyan ba de'i yul ni ji lta bu zhig mchis des smras pa/ rigs kyi bu kho mo ni sems dang bsam pa rgya mtsho yongs su dag pa'i mnyam 
pa nyid la zhugs pa ste/ 'jig rten gyi rdul dang dri ma thams cad rnam par bsal bas mi phyed pas brgyan pa'i bsam pa la zhugs pa'o/ /brtsams pa las mi ldog mi bzlog pa'i sems dang ldan pa'o/ /rin po che'i ri bo ltar yon tan gyis brgyan pa'i sems mi 
sgul ba dang ldan pa'o/ /mi gnas mi rten pa'i sems dang ldan pa'o/ /'gro ba thams cad yongs su bskyab pa la mngon par phyogs pa'i sems dang ldan pa'o/ /sangs rgyas rgya mtsho thams cad mthong bas mi ngoms pa'i sems dang ldan pa'o/ /byang chub sems 
dpa' thams cad kyi stobs kyis bsam pa rnam par dag pa'i sems dang ldan pa'o/ /dran pa'i rgya mtsho ye shes kyi snang ba chen pos brgyan pa la yang dag par gnas pa'i sems dang ldan pa'o/ /sems can thams cad mya ngan gyi dgon pa las yang dag par bzla ba la 
zhugs pa'o/ /sems can thams cad sdug bsngal ba dang yid mi bde ba las rnam par bzlog pa la mngon par brtson pa'o/ /sems can thams cad kyi yid du mi 'ong ba'i gzugs dang / /sgra dang dri dang reg yongs su rgyu ba rnam par bzlog pa la zhugs pa'o/ /</font><hr>38-1-134b<br><font size=+1>
sems can thams cad kyi sdug pa dang /mi sdug pa dang bral zhing phrad pa'i sdug bsngal rab tu zhi bar ba ba la zhugs pa'o/ /sems can thams cad kyi yul gyi rkyen las byung bas mgo rmongs ba'i sdug bsngal rnam par bzlog pa la rab tu brtson pa'o/ /log par lhung ba'i 
sems can thams cad kyi rten du gyur ba'o/ /sems can thams cad 'khor ba'i gnas kyi sdug bsngal las 'byung ba yang dag par ston pa la mngon par brtson pa'o/ /sems can thams cad kyi rga shi dang mya ngan dang smre sngags 'don pa dang / sdug bsngal ba dang 
yid mi bde ba dang / 'khrug pa rnam par bzlog pa la zhugs pa'o/ /sems can thams cad la de bzhin gshegs pa'i bde ba bla na med pa yongs su bsgrub par zhugs pa ste/ grong dang / grong khyer dang / ljongs dang / yul dang / khams dang / rgyal po'i gnas na 
'khod pa'i sems can thams cad bde bar rim gror bya bas nyams dga' bar 'gyur zhing de dag la chos dang mthun par bsrung ba dang / bskyab pa dang / rim gror bya ba yang legs par byed de/ de dag rim pas thams cad mkhyen pa nyid du yongs su smyin par byed 
do/ /'di lta ste khang khyim dang / gzhal med khang na gnas pa'i sems can rnams kyi mngon par chags pa med pa yongs su bskyed do/ /yid mi bde ba de dang de dag kyang rnam par sel to/ /mngon par zhen pa thams cad rgyun gcod pa dang / chos thams cad kyi rang 
bzhin yongs su shes par bya ba'i phyir chos ston to/ /pha ma dang phu nu dang sring mo dang gnyen bshes dang 'grogs pa'i sems can yun ring po nas bshes shing mdza' bar gyur pa dang la sangs rgyas dang byang chub sems dpa' dang phrad par bya ba'i phyir chos ston 
to/ /bu smad dang 'grogs pa'i sems can rnams la 'khor ba'i sred pa thams cad rab tu spang ba dang / sems can thams cad la mnyam pa nyid kyi sems su bya ba dang / snying rje chen po rab tu thob par bya ba'i phyir chos ston to/ /tshong dus kyi dbus na 'khod </font><hr>38-1-135a<br><font size=+1>
pa'i sems can rnams la 'phags pa'i dge 'dun dang / de bzhin gshegs pa mthong bar bya ba la yang dag par gzhol bar bya ba'i phyir chos ston to/ /longs spyod kyi dregs pas myos pa'i sems can rnams la bzod pa'i pha rol tu phyin pa yongs su 
rdzogs par bya ba'i phyir chos ston to/ /glu dang gar dang rol mo la mngon par dga' ba'i sems can rnams la chos kyi dga' ba la mos par bya ba'i phyir chos ston to/ /yul gyi dga' ba la chags pa'i sems can rnams la de bzhin gshegs pa'i yul la yang dag par 
gzhol bar bya ba'i phyir chos ston to/ /khro bas yongs su non pa'i sems can rnams la bzod pa'i pha rol tu phyin pa la rab tu dgod par bya ba'i phyir chos ston to/ /sems can le lo can rnams la brtson 'grus kyi pha rol tu phyin pa yongs su dag par bya ba'i phyir 
chos ston to/ /sems rnam par myos pa'i sems can rnams la de bzhin gshegs pa'i bsam gtan gyi pha rol tu phyin pa rab tu thob par bya ba'i phyir chos ston to/ /lta bu'i rnam pa thibs por subs pa'i sems can ma rig pa'i mun nag na 'thoms pa rnams la 
lta ba'i rnam pa thibs po dang ma rig pa'i mun pa rnam par bstsal ba'i phyir chos ston to/ /shes rab 'chal ba can gyi sems can rnams la shes rab kyi pha rol tu phyin pa rab tu thob par bya ba'i phyir chos ston to/ /khams gsum pa la mngon par zhen pa'i sems 
can rnams la 'khor ba las 'byung bar bya ba'i phyir chos ston to/ /dma' ba la mos pa'i sems can rnams la de bzhin gshegs pa'i byang chub tu smon lam yongs su rdzogs par bya ba'i phyir chos ston to/ /bdag la phan par brtson pa'i sems can rnams la 
sems can thams cad la phan par bya ba'i smon lam yongs su rdzogs par 'gyur bar bya ba'i phyir chos ston to/ /bsam pa nyam chung ba'i sems can rnams la byang chub sems dpa'i stobs kyi pha rol tu phyin pa rnam par dag par ba ba'i phyir chos ston to/ /</font><hr>38-1-135b<br><font size=+1>
ma rig pa'i mun pas sems blong ba'i sems can rnams la byang chub sems dpa'i ye shes kyi pha rol tu phyin pa rnam par dag par bya ba'i phyir chos ston to/ /gzugs mi sdug pa dang ldan pa'i sems can rnams la de bzhin gshegs pa'i gzugs kyi sku rnam par dag par bya 
ba'i phyir chos ston to/ /lus kyi dbyibs mi mdzes pa dang ldan pa'i sems can rnams la chos kyi sku bla na med pa rnam par dag pa'i phyir chos ston to/ /kha dog mi sdug pa dang ldan pa'i sems can rnams la de bzhin gshegs pa'i sku mdog gser gyi kha 
dog lta bu dang shin tu 'jam zhing ka tsa lin+da ka ltar reg na bde ba'i lus rnam par dag pa'i phyir chos ston to/ /sdug bsngal ba'i sems can rnams la de bzhin gshegs pa'i bde ba dam pa thob par bya ba'i phyir chos ston to/ /bde ba'i sems can rnams la 
thams cad mkhyen pa nyid kyi bde ba rab tu thob par bya ba'i phyir chos ston to/ /nad pa na ba'i sems can rnams la byang chub sems dpa'i lus gzugs brnyan lta bu yongs su grub par bya ba'i phyir chos ston to/ /dga' ba sna tshogs la brtson pa'i sems can 
rnams la byang chub sems dpa'i spyod pa'i dga' ba rab tu thob par bya ba'i phyir chos ston to/ /phongs pa'i sems can rnams la byang chub sems dpa'i chos kyi gter dang mdzod rab tu thob par bya ba'i phyir chos ston to/ /bza' shing gi ra ba na gnas pa'i sems 
can rnams la sangs rgyas kyi chos yongs sa btsal ba la mngon par brtson pa'i rgyu thob par bya ba'i phyir chos ston to/ /lam du zhugs pa'i sems can rnams la thams cad mkhyen pa'i lam du 'jug par bya ba'i phyir chos ston to/ /grong na gnas pa'i 
sems can rnams la khams gsum pa thams cad las 'byung bar bya ba'i phyir chos ston to/ /yul gyi 'dab na gnas pa'i sems can rnams la nyan thos dang rang sangs rgyas kyi lam las yang dag par 'da' bar bya ba dang / de bzhin gshegs pa'i sa la rab tu </font><hr>38-1-136a<br><font size=+1>
dgod par bya ba'i phyir chos ston to/ /grong rdal na 'khodapa'i sems can rnams la chos kyi rgyal po'i pho brang du gnas par 'gyur bar bya ba'i phyir chos ston to/ /phyogs mtshams na 'khod pa'i sems can rnams la dus gsum mnyam pa nyid kyi ye 
shes rab du thob par bya ba'i phyir chos ston to/ /phyogs na gnas pa'i sems can rnams la chos thams cad kyi ye shes mngon par shes par bya ba'i phyir chos ston to/ /'dod chags la gcig tu dga' ba'i sems can rnams la mi sdug pa'i sgos 'khor ba'i sred pa rnam 
par bzlog pa'i phyir chos ston to/ /zhe sdang la spyod pa'i sems can rnams la byams pa chen po'i tshul rgya mtsho la 'jug par bya ba'i phyir chos ston to/ /gti mug la spyod pa'i sems can rnams la chos thams cad kyi sgo rgya mtsho rab tu 'byed pa'i ye shes mngon par 
shes par bya ba'i phyir chos ston to/ /cha mnyam pa la spyod pa'i sems can rnams la theg pa thams cad kyi smon lam gyi tshul rgya mtshos khyad par du 'gro bar bya ba'i phyir chos ston to/ /'khor ba'i yul gyi dga' ba'i bsam pa can gyi sems can rnams la 
'khor ba'i yul la dga' ba rnam par bzlog pa'i phyir chos ston to/ /'khor ba'i sdug bsngal thams cad kyis gtses pa'i sems can rnams la 'khor ba'i sdug bsngal thams cad kyis nye bar nyon mongs ba med par bya ba'i phyir chos ston to/ /de bzhin 
gshegs pas 'dul ba'i sems can rnams la mi skye ba'i gnas yang dag par bstan pa'i phyir chos ston to/ /phung po la gnas pa'i bsam pa can gyi sems can rnams la gzhi med pa'i chos kyi spyod yul la rnam par spyod par bya ba'i phyir chos ston to/ /
bsam pa zhum pa'i sems can rnams la lam gyi rgyun gyi khyad par yang dag par bstan par bya ba'i phyir chos ston to/ /mtho ba'i nga rgyal can gyi sems can rnams la chos thams cad mnyam pa nyid kyi bzod pa yang dag par bstan par bya ba'i phyir chos ston to/ /</font><hr>38-1-136b<br><font size=+1>
g.yo sgyu'i yul gyi bsam pa dang ldan pa'i sems can rnams la byang chub sems dpa'i bsam pa yongs su dag par bya ba'i phyir chos ston te/ de ltar rigs kyi bu kho mo ni sems can thams cad chos kyi sbyin pas yongs su bsdus shing ngan song gi lam gyi rgyud sdug 
bsngal ba thams cad nas rnam par bzlog pa dang / lha dang mi'i phun sum tshogs pa dang / bde ba yongs su bstan pa dang / khams gsum pa las gyen du bskyod pa dang / thams cad mkhyen pa nyid la rab tu dgod pa dang / thabs rnam pa sna tshogs kyis yongs su 
smyin par byed byed pas/ dga' ba chen po'i shugs rgya mtsho'i snang ba rab tu thob pas dga' zhing spro la yid bde bar gyur pa'o/ /gzhan yang rigs kyi bu kho mo ni phyogs dang / phyogs mtshams kyi byang chub sems dpa'i 'khor gyi dkyil 'khor rgya mtsho la rnam 
par lta zhing smon lam rgya mtsho la spyod pa'i byang chub sems dpa' lus sna tshogs rnam par dag pa/ 'od kyi dkyil 'khor sna tshogs kyi rgyan dang ldan pa/ 'od zer dang 'od kyi dkyil 'khor kha dog mtha' yas pa rab tu 'gyed pa thams cad mkhyen pa nyid kyi 
tshul rgya mtsho sna tshogs la zhugs pa'i ye shes snang ba can/ ting nge 'dzin rgya mtsho sna tshogs la zhugs par rnam par 'phrul ba sna tshogs kyi yul dang ldan pa/ dbyangs kyi yan lag dang skad rgya mtsho sna tshogs kyi dbyangs dang ldan pa/ rgyan sna tshogs kyis rnam par klubs pa'i lus 
can/ de bzhin gshegs pa'i tshul sna tshogs la zhugs pa/ zhing rgya mtsho 'byam klas pa sna tshogs su zhugs pa'i lus dang ldan pa/ sangs rgyas rgya mtsho sna tshogs la zhugs pa/ so so yang dag par rig pa rgya mtsho sna tshogs la zhugs pa/ de bzhin gshegs 
pa'i rnam par thar pa dang / ye shes kyi yul sna tshogs kyis snang bar gyur pa/ ye shes rgya mtsho sna tshogs kyi snang ba rab tu thob pa/ ting nge 'dzin rgya mtsho sna tshogs kyi tshul la rnam par spyod pa chos sna tshogs kyi rnam par thar pa'i gzhal med khang na rnam par rtse ba'i yul </font><hr>38-1-137a<br><font size=+1>
dang ldan pa/ thams cad mkhyen pa nyid kyi sgo sna tshogs la mngon du gnas pa/ chos kyi dbyings sna tshogs kyi nam mkha'i rgyan dang ldan pa/ rgyan sna tshogs kyi sprin gyis nam mkha' rgyas par 'gengs pa/ 'khor gyi dkyil 'khor rgya mtsho sna 
tshogs la rnam par lta ba/ 'jig rten gyi khams sna tshogs nas 'dus pa/ sangs rgyas kyi zhing sna tshogs 'byam klas par rjes su 'dong ba/ phyogs rgya mtsho sna tshogs nas yongs su 'dus pa/ de bzhin gshegs pa tha dad pas bkye ba/ de bzhin 
gshegs pa tha dad pa'i zhabs kyi drung nas lhags pa/ byang chub sems dpa'i tshogs sna tshogs kyi 'khor dang ldan pa/ rgyan sna tshogs kyi sprin gyi char rab tu 'bebs pa/ de bzhin gshegs pa'i tshul sna tshogs la zhugs pa de bzhin gshegs pa'i chos rgya 
mtsho sna tshogs la rnam par spyod pa/ ye shes sna tshogs rgya mtsho la zhugs pa/ rgyan gyi snying po sna tshogs can gyi stan la 'khod pa rnams kyi dga' ba sna tshogs kyi shugs rgya mtsho yongs su bskyed de/ de dag dga' ba sna tshogs kyi shugs rgya mtsho yongs su 
skyes nas/de bzhin gshegs pa'i 'khor gyi dkyil 'khor rgya mtshor 'dong ste/ de dag de bzhin gshegs pa'i stobs tshad med pa rjes su sems pas kyang dga' ba'i shugs chen po rgya mtsho yongs su 'byung bar 'gyur ro/ /rigs kyi bu gzhan yang kho mo ni bcom 
ldan 'das rnam par snang mdzad kyi gzugs kyi sku yongs su dag pa mtshan gyis rab tu brgyan pa/ bsam gyis mi khyab pa mthong nas dga' ba chen po dang mos shing nyams bde ba rab tu thob ste/ sems kyi skad cig re re la'ang 'od kyi dkyil 'khor chos kyi dbyings ltar 
yangs pa/ kha dog rgya mtsho mtha' dang dbus med par snang ba la lta zhing sems kyi skad cig re re la dga' ba chen po'i shugs rgya mtsho rab tu thob bo/ /rigs kyi bu gzhan yang bcom ldan 'das rnam par snang mdzad kyi sku'i ba spu'i sgo re re nas kyang 'od </font><hr>38-1-137b<br><font size=+1>
gzer chen po sangs rgyas kyi zhing mtha' dang dbus med pa'i rdul shin tu phra ba snyed byung ste/ 'od zer re re zhing yang 'od zer rgya mtsho sangs rgyas kyi zhing mtha' yas pa'i rdul shin tu phra ba snyed kyi 'khor dang ldan pas chos kyi dbyings thams cad rgyas par 'gengs pa dang / 
sems can thams cad kyi sdug bsngal rab tu zhi bar mdzad pa mthong zhing sems kyi skad cig re re la dga' ba chen po'i shugs rgya mtsho rab tu thob bo/ /rigs kyi bu gzhan yang bcom ldan 'das rnam par snang mdzad kyi dbu dang / sku phrag pa gnyis kyi lhun las 
sems kyi skad cig re re la rin po che thams cad kyi 'od 'phro ba'i ri'i sprin sangs rgyas kyi zhing thams cad kyi rdul shin tu phra ba snyed 'byung zhing / chos kyi dbyings rgya mtsho thams cad rgyas par 'gengs pa mthong nas/ dga' ba chen po'i shugs rgya mtsho shin tu yangs pa 
rab tu thob bo/ /rigs kyi bu gzhan yang bcom ldan 'das rnam par snang mdzad kyi sku'i ba spu'i sgo re re nas sems kyi skad cig re re la kha dog dri zhim po dang / 'od gzer sna tshogs can gyi sprin sangs rgyas kyi zhing thams cad kyi rdul shin tu phra ba snyed 
'byung zhing sangs rgyas kyi zhing thams cad rgyas par 'gengs pa mthong nas/ dga' ba chen po'i shugs rgya mtsho shin tu yangs pa rab tu thob bo/ /rigs kyi bu gzhan yang bcom ldan 'das rnam par snang mdzad kyi sku la rnam par bltas na/ sems kyi skad cig re re la mtshan 
re re nas/ de bzhin gshegs pa'i sku gzugs mtshan gyis rab tu brgyan pa'i sprin sangs rgyas kyi zhing thams cad kyi rdul shin tu phra ba snyed byung ste 'jig rten gyi khams rgya mtsho thams cad rgyas par 'gengs pa mthong nas dga' ba chen po'i shugs rgya mtsho 
shin tu yangs pa rab tu thob bo/ /rigs kyi bu gzhan yang bcom ldan 'das rnam par snang mdzad kyi sku'i dpe byad bzang po re re las sems kyi skad cig re re la de bzhin gshegs pa'i sprul pa'i sku dpe byad bzang po brgyad cu'i shin tu 'bar ba'i sprin sangs </font><hr>38-1-138a<br><font size=+1>
rgyas kyi zhing thams cad kyi rdul shin tu phra ba snyed 'byung ste/ sangs rgyas kyi zhing thams cad rgyas par 'gengs shing de bzhin gshegs pa thams cad kyi chos kyi 'khor lo'i dbyangs su sgrog pa'i 'brug sgra 'byin pa mthong nas dga' ba chen po'i shugs 
rgya mtsho shin tu yangs pa rab tu thob bo/ /rigs kyi bu gzhan yang bcom ldan 'das rnam par snang mdzad kyi sku la rnam par bltas na/ sems kyi skad cig re re la ba spu'i sgo thams cad nas sangs rgyas rnam par 'phrul pa'i sku dang po byang chub tu thugs bskyed pa dang 
bcas/ pha rol tu phyin pa'i lam rnam par dag pa'i rgyan dang bcas/ byang chub sems dpa'i sa yongs su gnon pa'i rnam par 'phrul pa dang bcas pa sangs rgyas kyi zhing brjod du med pa'i rdul shin tu phra ba snyed 'byung ba mthong nas dga' ba chen po'i shugs rgya mtsho 
shin tu yangs pa rab tu thob bo/ /rigs kyi bu gzhan yang bcom ldan 'das rnam par snang mdzad kyi sku las sems kyi skad cig re re la lha'i dbang po'i lus kyi sprin lha'i dbang po'i rnam par 'phrul pa dang bcas pa/ sangs rgyas kyi zhing brjod du med pa'i rdul phra ba snyed 
byung zhing 'jig rten gyi khams thams cad rgyas par bkang ste/ lha'i dbang po'i lus yongs su bstan pas 'dul ba'i sems can rnams la mngon du gnas shing chos ston pa mthong nas/ dga' ba chen po'i shugs rgya mtsho shin tu yangs pa rab tu 
thob bo/ /rigs kyi bu gzhan yang bcom ldan 'das rnam par snang mdzad kyi sku las sems kyi skad cig re re la klu'i dbang po'i lus kyi sprin klu'i dbang po'i rnam par 'phrul pa dang bcas pa/ sangs rgyas kyi zhing brjod du med 
pa'i rdul shin tu phra ba snyed byung zhing 'jig rten gyi khams thams cad rgyas par bkang ste/ klu'i dbang po'i lus yongs su bstan pas 'dul ba'i sems can rnams la mngon du gnas shing chos ston pa mthong nas dga' ba chen po'i shugs rgya mtsho shin tu yangs </font><hr>38-1-138b<br><font size=+1>
pa rab tu thob bo/ /rigs kyi bu gzhan yang bcom ldan 'das rnam par snang mdzad kyi sku la rnam par bltas na/ sems kyi skad cig re re la ba spu'i sgo thams cad nas gnod sbyin gyi dbang po'i lus kyi sprin gyi gnod sbyin gyi dbang po'i rnam par 'phrul pa dang bcas pa/ 
sangs rgyas kyi zhing brjod du med pa'i rdul shin tu phra ba snyed byung zhing chos kyi dbyings thams cad rgyas par bkang ste/ gnod sbyin gyi dbang po'i lus yongs su bstan pas 'dul ba'i sems can rnams la mngon du gnas shing chos ston pa mthong nas/ 
dga' ba chen po'i shugs rgya mtsho shin tu yangs pa rab tu thob bo/ /rigs kyi bu gzhan yang bcom ldan 'das rnam par snang mdzad kyi sku la rnam par bltas na sems kyi skad cig re re la ba spu'i sgo thams cad nas/ dri za'i dbang po'i lus kyi sprin dri za'i dbang po'i 
rnam par 'phrul pa dang bcas pa/ sangs rgyas kyi zhing brjod du med pa'i rdul shin tu phra ba snyed byung zhing chos kyi dbyings thams cad rgyas par bkang ste/ dri za'i dbang po'i lus yongs su bstan pas 'dul ba'i sems can rnams la mngon du gnas shing chos ston 
pa mthong nas dga' ba chen po'i shugs rgya mtsho shin tu yangs pa rab tu thob bo/ /rigs kyi bu gzhan yang bcom ldan 'das rnam par snang mdzad kyi sku la rnam par bltas na sems kyi skad cig re re la ba spu'i sgo re re nas lha ma yin gyi dbang po'i lus kyi sprin lha ma 
yin gyi dbang po'i rnam par 'phrul pa dang bcas pa/ sangs rgyas kyi zhing brjod du med pa'i rdul shin tu phra ba snyed byung zhing 'jig rten gyi khams thams cad rgyas par bkang ste/ lha ma yin gyi dbang po'i lus yongs su bstan pas 'dul ba'i sems can 
rnams la mngon par gnas shing / chos ston pa mthong nas dga' ba chen po'i shugs rgya mtsho shin tu yangs pa rab tu thob bo/ /rigs kyi bu gzhan yang bcom ldan 'das rnam par snang mdzad kyi sku la rnam par bltas na/ sems kyi skad cig re re la ba </font><hr>38-1-139a<br><font size=+1>
spu'i sgo re re nas nam mkha'i lding gi dbang po'i lus kyi sprin nam mkha' lding gi dbang po'i rnam par 'phrul pa dang bcas pa/ sangs rgyas kyi zhing brjod du med pa'i rdul shin tu phra ba snyed byung zhing 'jig rten gyi khams thams cad rgyas par 
bkang ste/ nam mkha' lding gi dbang po'i lus yongs su bstan pas 'dul ba'i sems can rnams la mngon du gnas shing chos ston pa mthong nas/ dga' ba chen po'i shugs rgya mtsho shin tu yangs par rab tu thob bo/ /gzhan yang rigs kyi bu bcom 
ldan 'das rnam par snang mdzad kyi sku la rnam par bltas na sems kyi skad cig re re la ba spu'i sgo re re nas mi'am ci'i dbang po'i lus kyi sprin mi'am ci'i dbang po'i rnam par 'phrul pa dang bcas pa/ sangs rgyas kyi zhing brjod du med pa'i rdul shin tu 
phra ba snyed byung zhing chos kyi dbyings thams cad rgyas par bkang ste/ mi'am ci'i dbang po'i lus yongs su bstan pas 'dul ba'i sems can rnams la mngon du gnas shing chos ston pa mthong nas/ dga' ba chen po'i shugs rgya mtsho shin tu yangs pa 
rab tu thob bo/ /rigs kyi bu gzhan yang bcom ldan 'das rnam par snang mdzad kyi sku la rnam par bltas na sems kyi skad cig re re la ba spu'i sgo re re nas lto 'phye chen po'i lus kyi sprin lto 'phye chen po'i rnam par 'phrul pa dang bcas pa/ 
sangs rgyas kyi zhing brjod du med pa'i rdul shin tu phra ba snyed byung zhing chos kyi dbyings rgyas par bkang ste/ lto 'phye chen po'i dbang po'i lus yongs sa bstan pas 'dul ba'i sems can rnams la mngon du gnas shing chos ston pa mthong nas 
dga' ba chen po'i shugs rgya mtsho shin tu yangs pa rab tu thob bo/ /rigs kyi bu gzhan yang bcom ldan 'das rnam par snang mdzad kyi sku la rnam par bltas na/ sems kyi skad cig re re la ba spu'i sgo re re nas mi'i dbang po'i lus kyi sprin </font><hr>38-1-139b<br><font size=+1>
mi'i dbang po'i rnam par 'phrul pa dang bcas pa/ sangs rgyas kyi zhing brjod du med pa'i rdul shin tu phra ba snyed byung zhing chos kyi dbyings thams cad rgyas par bkang ste/ mi'i dbang po'i lus yongs su bstan pas 'dul ba'i sems can rnams la mngon du gnas 
shing chos ston pa mthong nas/ dga' ba chen po'i shugs rgya mtsho shin tu yangs pa rab tu thob bo/ /rigs kyi bu gzhan yang bcom ldan 'das rnam par snang mdzad kyi sku la rnam par bltas na sems kyi skad cig re re la ba spu'i sgo re re nas tshangs pa'i dbang po'i lus kyi 
sprin tshangs pa'i dbang po'i rnam par 'phrul pa'i yul dang bcas pa/ sangs rgyas kyi zhing brjod du med pa'i rdul shin tu phra ba snyed byung zhing chos kyi dbyings thams cad rgyas par bkang ste/ tshangs pa'i dbang po'i lus yongs su bstan pas 'dul ba'i sems can 
rnams la mngon du gnas shing tshangs pa'i sgra skad dang dbyangs kyis chos ston pa mthong nas sems kyi skad cig re re la thams cad mkhyen pa nyid dang ldan pa'i dga' ba chen po'i shugs rgya mtsho chos kyi dbyings ltar rgya che zhing shin tu yangs pa rab tu 'thob ste/ sngon thob 
par gyur pa 'thob par 'gyur ba ma yin no/ /sngon khong du chud pakhong du chud par 'gyur ba ma yin no/ /sngon zhugs pa la 'jug par 'gyur ba ma yin no/ /sngon khyab par gyur pa khyab par 'gyur ba ma yin no/ /sngon mthong ba mthong bar 'gyur ba ma yin no/ /
sngon thos pa thos par 'gyur ba ma yin no/ /de ci'i phyir zhe na/ chos kyi rang bzhin gyi mtshan nyid yongs su shes pa ltar na chos thams cad mtshan nyid gcig pa'ang ci rob ma yin te/ dus gsum gyi tshul la 'jug pa'i sgo nas chos thams cad kyang 
mtha' dang dbus med par bstan du yod pa ste/ 'di ni rigs kyi bu byang chub sems dpa'i rnam par thar pa'i tshul dga' ba yangs pa'i shugs 'byung bas sems kyi skad cig rnam par thar pa'i tshul rgya mtsho'i snang ba ste/ rigs kyi bu rnam par thar pa 'di ni </font><hr>38-1-140a<br><font size=+1>
chos kyi dbyings kyi tshul rgya mtsho la 'jug pa'i phyir mtha' dang dbus med pa'o/ /rnam par thar pa 'di ni thams cad mkhyen pa nyid du sems bskyed pa dang / tha mi dad pas zad mi shes pa'o/ /rnam par thar pa 'di ni byang chub sems dpa'i ye 
shes kyi mig gis rnam par shes par bya ba yin pas mu med pa'o/ /rnam par thar pa 'di ni chos kyi dbyings tha mi dadapa'i tshul gyi gtan du rgyas par 'gengs pas gting med pa'o/ /rnam par thar pa 'di ni dmigs pa gcig tu rnam par 'phrul pa 
thams cad yongs su 'du bar byed pas sgo thams cad dang ldan pa'o/ /rnam par thar pa 'di ni chos thams cad kyi lus dang mi gnyis par spyod pas don yod pa'o/ /rnam par thar pa 'di ni sgyu ma lta bur yongs su spyod pas ma skyes pa'o/ /rnam 
par thar pa 'di ni thams cad mkhyen pa nyid kyi smon lam gyi gzugs brnyan du byung bas gzugs brnyan lta bu'o/ /rnam par thar pa 'di ni byang chub sems dpa'i spyod pas shin tu sprul pa'i phyir sprul pa lta bu'o/ /rnam par thar pa 'di ni 'gro ba thams 
cad kyi rten du gyur pas sa chen po lta bu'o/ /rnam par thar pa 'di ni 'gro ba thams cad snying rje chen pos mngon par rlan par byed pas chu'i phung po lta bu'o/ /rnam par thar pa 'di ni sems can thams cad kyi sred pa'i rlan yongs su skems pas 
mye'i phung po lta bu'o/ /rnam par thar pa 'di ni sems can thams cad thams cad mkhyen po nyid du rab tu ston pa'i phyir rlung gi phung po lta bu'o/ /rnam par thar pa 'di ni 'gro ba thams cad kyi yon tan gyi rgyan gyi gzhi yin pas rgya mtsho lta bu'o/ /rnam 
par thar pa 'di ni chos thams cad kyi ye shes rin po che rgya mtsho las mngon par 'phags pas ri rab ri'i rgyal po lta bu'o/ /rnam par thar pa 'di ni chos thams cad kyi rnam par thar pa'i gzhal med khang rnam par spyod pa'i phyir rnam par spyod pa'i </font><hr>38-1-140b<br><font size=+1>
rlung gi dkyil 'khor lta bu'o/ /rnam par thar pa 'di ni dus gsum du 'byung ba'i de bzhin gshegs pa'i rnam par 'phrul pa thams cad kyi go 'byed pas nam mkha' lta bu'o/ /rnam par thar pa 'di ni sems can thams cad la chos kyi sprin gyi char mngon du 'bebs pas 
sprin chen po lta bu'o/ /rnam par thar pa 'di ni sems can thams cad kyi mi shes pa'i mun nag rnam par sel bas nyi ma lta bu'o/ /rnam par thar pa 'di ni bsod nams dang ye shes kyi rgya mtsho chen pos shin tu bsgrub pa'i phyir zla ba lta bu'o/ /rnam par thar pa 'di ni thams 
cad du song ba'i phyir de bzhin nyid lta bu'o/ /rnam par thar pa 'di ni las kyi chos kyis shin tu sprul pa'i phyir rang gi grib ma lta bu'o/ /rnam par thar pa 'di ni sems can gyi mos pa ji lta ba bzhin du chos kyi sgra rab tu sgrogs pas brag cha lta bu'o/ /rnam par thar pa 'di 
ni bsam pa ji lta ba bzhin du sems can thams cad kyis rnam par dmigs par byed pa'i phyir gzugs brnyan lta bu'o/ /rnam par thar pa 'di ni sangs rgyas thams cad kyi rnam par 'phrul pa'i me tog shin tu rgyas pa'i phyir shing gi rgyal po lta bu'o/ /
rnam par thar pa 'di ni mi shig pa'i chos can yin pas rdo rje lta bu'o/ /rnam par thar pa 'di ni rnam par 'phrul pa mtha' dang dbus med pa rgya mtsho mngon par bsgrub pas/ nor bu yid bzhin rin po che'i rgyal po lta bu'o/ /rnam par thar pa 'di ni dus 
gsum gyi de bzhin gshegs pa thams cad kyi rnam par 'phrul pa rnam par dmigs par bya ba la sgrib pa med pas rin po che'i rgyal po dri ma med pa'i snying po lta bu'o/ /rnam par thar pa 'di ni sangs rgyas thams cad kyi chos kyi 'khor lo mnyam po nyid du sgrog pas nor bu rin 
po che dga' ba'i rgyal mtshan lta bu ste/ rigs kyi bu byang chub sems dpa'i rnam par thar pa dga' ba yangs pa'i shugs shin tu yangs pa 'byung bas sems kyi skad cig rnam par brgyan pa 'di ni dpe tshad med pa rnam par 'god pa'i rjes su 'brang bas bstan par bya'o/ /</font><hr>38-1-141a<br><font size=+1>
de nas tshong dpon gyi bu nor bzangs kyis mtshan mo'i lha mo sgra rgya mtsho rab tu zhi ba dang ldan pa la 'di skad ces smras so/ /'phags ma lha mo ji ltar nan tan du bgyis na/ byang chub sems dpas de lta bu'i rnam par thar pa de yongs su 'grub par 
'gyur/ smras pa rigs kyi bu bcu po 'di dag ni byang chub sems dpa' rnams kyi tshogs chen po chos yangs pa dang ldan pa/ rnam par rgya chen po gsal ba chen po snang ba chen po/ 'od chen po byin chen po rnam par dbye ba chen po 'byung ba chen po phun sum tshogs 
pa chen po ste/ de dag la nan tan du byed pa'i byang chub sems dpa' rnams kyi rnam par thar pa 'di lta bu phun sum tshogs par 'gyur ba dag go /bcu gang zhe na 'di lta ste/ byang chub sems dpa'i sbyin pa sems can rgya mtsho thams cad kyi bsam pa ji lta ba bzhin 
du yongs su tshim par byed pa la zhugs pa ni rgya chen po'i chos so/ /byang chub sems dpa'i tshul khrims de bzhin gshegs pa'i yon tan rgya mtsho la 'jug pa'i nan tan la zhugs pa ni rgya chen po'i chos so/ /byang chub sems dpa'i bzod pa chos thams cad kyi rang 
bzhin nges par rtogs par bya ba la zhugs pa ni rgya chen po'i chos so/ /byang chub sems dpa'i brtson 'grus thams cad mkhyen pa nyid du yang dag par brtsams pa las phyir mi ldog pa la zhugs pa ni rgya chen po'i chos so/ /byang chub sems dpa'i bsam gtan sems 
can thams cad kyi nyon mongs pa'i gdung ba rab tu zhi bar bya ba la zhugs pa ni rgya chen po'i chos so/ /byang chub sems dpa'i shes rab kyi chos rgya mtsho thams cad yongs su shes par bya ba la zhugs pa ni rgya chen po'i chos so/ /byang chub sems dpa'i thabs sems can rgya 
mtsho thams cad yongs su smin par bya ba dang gdul ba la zhugs pa ni rgya chen po'i chos so/ /byang chub sems dpa'i smon lam phyi ma'i mtha'i mur thug pa'i bskal par sangs rgyas kyi zhing thams cad du byang chub sems dpa'i spyod pa spyad pa'i phyir zhing rgya mtsho </font><hr>38-1-141b<br><font size=+1>
thams cad la zhugs pa ni rgya chen po'i chos so/ /byang chub sems dpa'i stobs sangs rgyas kyi zhing thams cad du skad cig re re la mngon par rdzogs par 'tshang rgya ba yongs su bstan pa rgyun mi gcad pa'i phyir chos kyi dbyings kyi tshul rgya mtsho thams cad la zhugs 
pa ni rgya chen po'i chos so/ /byang chub sems dpa'i ye shes dus gsum gyi chos thams cad la sgrib pa med pa'i ye shes thob par bya ba'i phyir de bzhin gshegs pa'i stobs la zhugs pa ni rgya chen po'i chos so/ /rigs kyi bu bcu po de dag ni byang chub 
sems dpa' rnams kyi rgya chen po'i chos tshogs chen po dang ldan pa rnams te/ de dag la gnas pa'i byang chub sems dpa' rnams kyis rnam par thar pa de lta bu phun sum tshogs par 'gyur ro/ /rnam par dag par 'gyur ro/ /yongs su 'byung bar 'gyur 
ro/ /yang dag par 'phel bar 'gyur ro/ /kun nas 'byung bar 'gyur ro/ /rab tu skye bar 'gyur ro/ /yongs su 'grub par 'gyur ro/ /shin tu brtan par 'gyur ro/ /rnam par yangs par 'gyur ro/ /yongs su rdzogs par 'gyur ro/ /yongs su 
gnas par 'gyur ro/ /nor bzangs kyis smras pa/ 'phags ma lha mo khyod yun ji srid cig nas bla na med pa yang dag par rdzogs pa'i byang chub tu zhugs/ des smras pa/ rigs kyi bu 'jig rten gyi khams rgya mtsho gzhi me tog gi snying po'i rgyan gyis 
brgyan pa/ 'di'i shar phyogs logs su 'jig rten gyi khams rgya mtsho stong phrag bcu 'das pa'i pha rol na 'jig rten gyi khams rgya mtsho rin po che thams cad kyi dri ma med pa'i 'od rnam par brgyan pa zhes bya ba yod de/ de'i dbus na 'jig rten gyi khams kyi rgyud 
de bzhin gshegs pa thams cad kyi 'od dang smon lam gyi dbyangs shes bya ba yod do/ /de'i dbus na 'jig rten gyi khams rin po che thams cad kyi sprin sna tshogs dang ldan pa 'jig rten gyi 'og gi 'tshams nas/ rin po che thams cad kyi phreng ba'i dra ba </font><hr>38-1-142a<br><font size=+1>
rgya mtshos brtan pa/ rin po che'i rgyal po spos kyi rdo rje thams cad kyi rgyan gyi lhun dang ldan pa/ khang pa brtsegs pa'i rgya'i dbyibs su 'dug pa rnam par dag cing kun nas nyon mongs pa lha rdzas kyi gzhal med khang dang gnas kyi sprin gyis 
kun tu gang ba/ gser ltar dri ma med pa'i 'od kyi rgyan ces bya ba yod pa der bskal pa kun tu snang ba'i rgyal mtshan ces bya ba byung ste/ 'jig rten gyi khams de nas snying po byang chub rin po che thams cad kyi snying po 'od sna tshogs can zhes bya ba yod de/ der bcom 
ldan 'das de bzhin gshegs pa phyir mi ldog pa'i chos kyi dbyings kyi dbyangs shes bya ba/ bla na med pa yang dag par rdzogs pa'i byang chub tu mngon par sangs rgyas te/ de'i tshe de'i dus na kho mo yang snying po byang chub kyi lha mo bsod nams sgron ma phun sum 
tshogs pa kun nas dpal gyi 'od ces ba ba zhig tu gyur te/ byang chub kyi shing de la 'dug 'dug nas/ der kho mos de bzhin gshegs pa de mngon par 'tshang rgya ba'i rnam par 'phrul pa mthong nas bla na med pa yang dag par rdzogs pa'i byang chub tu sems bskyed do/ /
de bzhin gshegs pa de mthong nas kyang kho mos de bzhin gshegs pa'i yon tan rgya mtsho'i 'od ces bya ba'i ting nge 'dzin thob bo/ /de'i 'og tu 'jig rten gyi khams de nyid kyi rgyal po'i gnas kun nas yongs su rgyas pa'i dpal gyi snying po zhes bya bar snying po byang chub de 
nyid du de bzhin gshegs pa chos kyi sdong po ri bo gzi brjid ces bya ba mngon par sangs rgyas so/ /kho mo ni de nas shi 'phos te snying po byang chub de nyid du ye shes phun sum tshogs pa'i bsod nams 'od ces bya ba'i mtshan mo'i lha mo zhig tu gyur cing 'dug 'dug ste/ 
kho mos der bcom ldan 'das de bzhin gshegs pa chos kyi sdong po ri bo gzi brjid des chos kyi 'khor lo bskor ba'i rnam par 'phrul pa mthong nas 'gro ba thams cad du yongs su ston pa'i mnyam pa nyid kyi 'od kyi yul zhes bya ba'i ting nge 'dzin thob bo/ /de'i </font><hr>38-1-142b<br><font size=+1>
'og tu kho mos snying po byang chub de nyid du de bzhin gshegs pa chos rgya mtsho thams cad kyi gsung gi rgyal po zhes bya ba bsnyen bkur te/ de bzhin gshegs pa de mthong ma thag tu chos thams cad kyis yang dag pa 'phel bar byed pa'i gnas zhes bya ba'i ting nge 'dzin thob 
bo/ /de'i 'og tu kho mos snying po byang chub de nyid du de bzhin gshegs pa rin po che'i 'od gzer sgron ma'i rgyal mtshan rgyal po zhes ba ba bsnyen bkur te/ de bzhin gshegs pa de mthong ma thag tu kho mos sangs rgyas rgya mtsho rab tu snang ba zhes bya ba'i ting nge 'dzin thob bo/ /
de'i 'og tu kho mos snying po byang chub de nyid du de bzhin gshegs pa chos kyi sprin sgra'i rgyal po zhes bya ba bsnyen bkur te/ de bzhin gshegs pa de mthong ma thag tu kho mos chos rgya mtsho thams cad kyi sgron ma zhes bya ba'i ting nge 'dzin thob bo/ /de'i 'og tu kho mo 
lha'i bu mo zhig tu gyur te/ snying po byang chub de nyid du de bzhin gshegs pa ye shes skar mda' snang ba'i rgyal po zhes bya ba bsnyen bkur te/de bzhin gshegs pa de mthong ma thag tu kho mos sems can thams cad kyi sdug bsngal rab tu zhi bar byed pa'i sgron ma 
snang ba zhes bya ba'i ting nge 'dzin thob bo/ /de'i 'og tu kho mos snying po byang chub de nyid du de bzhin gshegs pa chos rnam par 'phrul pa'i shugs kyi rgyal mtshan dpal zhes bya ba bsnyen bkur te/ de bzhin gshegs pa de mthong ma thag tu kho mos dus gsum gyi de bzhin 
gshegs pa thams cad yang dag par 'jug pa'i snying po snang ba zhes bya ba'i ting nge 'dzin thob bo/ /de'i 'og tu kho mos snying po byang chub de nyid du de bzhin gshegs pa chos kyi sgron ma ye shes kyi rnam par gnon pa zhes bya ba bsnyen bkur te/ de bzhin 
gshegs pa de mthong ma thag tu 'jig rten gyi khams thams cad du ye shes thogs pa med pa'i 'khor lo snang ba'i gzi brjid ces bya ba'i ting nge 'dzin thob bo/ /de'i 'og tu kho mos snying po byang chub de nyid du de bzhin gshegs pa ye shes kyi stobs kyi ri bo'i gzi </font><hr>38-1-143a<br><font size=+1>
brjid ces bya ba bsnyen bkur te/ de bzhin gshegs pa de mthong ma thag tu kho mos dus gsum gyi sems can gyi spyod pa dang / dbang po rab tu snang ba zhes bya ba'i ting nge 'dzin thob bo/ /rigs kyi bu de ltar kho mos 'jig rten gyi khams gser ltar dri ma 
med pa'i 'od der bskal pa kun tu snang ba'i rgyal mtshan la de bzhin gshegs pa sangs rgyas kyi zhing bcu'i rdul shin tu phra ba snyed cig bsnyen bkur to/ la la ni lha'i dbang por gyur te bsnyen bkur te/ /la la ni klu'i dbang por gyur pas bsnyen bkur to/ /la la ni gnod 
sbyin gyi dbang por gyur pas/ la la ni dri za'i dbang por gyur pas/ la la ni lha ma yin gyi dbang por gyur pas/ la la ni nam mkha' lding gi dbang por gyur pas/ la la ni mi'am ci'i dbang por gyur pas/ la la ni lto 'phye chen po'i dbang por gyur pas/ la 
la ni mi'i dbang por gyur pas/ la la ni tshangs pa'i dbang por gyur pas/ la la ni lhar gyur pas/ la la ni mir gyur pas/ la la ni bud med du gyur pas/ la la ni skyes par gyur pas/ la la ni khye'u gyur pas/ la la ni bu mor gyur pas bsnyen bkur 
te/ de bzhin gshegs pa de dag thams cad kyang kho mos mchod pa'i yo byad ci bdog pas mchod do/ /de bzhin gshegs pa de dag thams cad kyang rim gror byas so/ /de bzhin gshegs pa de dag thams cad kyi chos bstan pa yang thos so/ /de nas kho mo shi 'phos 
nas 'jig rten gyi khams de nyid du bskal ba sangs rgyas kyi zhing gi rdul shin tu phra ba snyed cig tu byang chub sems dpa'i spyod pa spyad do/ /de nas shi 'phos nas 'jig rten gyi khams rgya mtsho gzhi dang snying po me tog gi rgyan gyis brgyan pa 'di'i 'jig rten gyi khams mi 
mjed du skyes te/ kho mos bcom ldan 'das de bzhin gshegs pa log par dad sel bsnyen bkur to/ /de bzhin gshegs pa de mthong ma thag tu kho mos mun pa'i rdul thams cad dang bral bas rab tu snang ba zhes bya ba'i ting nge 'dzin thob bo/ /de'i 'og tu kho mos de bzhin </font><hr>38-1-143b<br><font size=+1>
gshegs pa gser thub bsnyen bkur te/ de bzhin gshegs pa de mthong ma thag tu kho mos zhing rgya mtsho thams cad snang ba rjes su 'phro bar bya bas rgyas par 'gengs pa zhes bya ba'i ting nge 'dzin thob bo/ /de'i 'og tu kho mos de bzhin gshegs pa bsod skyabs bsnyen bkur te/ de 
bzhin gshegs pa/ /de mthong ma thag tu/ kho mos sems can thams cad kyi/ skad rgya mtsho 'brug sgra sgrog pa'i/ sgra dbyangs zhes bya ba'i ting nge 'dzin thob bo/ /de'i 'og tu/ kho mos bcom ldan 'das/ de bzhin 
gshegs pa rnam par snang mdzad 'di bsnyen bkur te/ de'i snying po byang chub la de bzhin gshegs pa mngon par rdzogs par sangs rgyas pa'i rnam par 'phrul pa'i sgo rgya mtsho sems kyi skad cig re re la yongs su ston pa mdzad pa mthong nas kho mos byang chub sems dpa'i rnam 
par thar pa dga' ba yangs pa'i shugs 'byung bas sems kyi skad cig rnam par rgyan pa 'di thob bo de thob ma thag tu chos kyi dbyings kyi tshul rgya mtsho sangs rgyas kyi zhing brjod du med pa'i yang brjod du med pa phrag bcu'i rdul shin tu phra ba snyed la zhugs par gyur to/ /
chos kyi dbyings kyi tshul rgya mtsho de dag thams cad du gtogs pa'i sangs rgyas kyi zhing ji snyed pa de dag la rdul shin tu phra ba ji snyed cig yod pa de dag thams cad kyi rdul shin tu phra ba re re la yang sangs rgyas kyi zhing brjod du med pa'i yang brjod du med pa'i rdul shin 
tu phra ba snyed kyi sangs rgyas kyi zhing la zhugs te mthong bar gyur to/ /sangs rgyas kyi zhing de dag thams cad las sangs rgyas kyi zhing re re na yang bcom ldan 'das rnam par snang mdzad snying po byang chub tu gshegs te sems kyi skad cig re re la mngon par rdzogs 
par 'tshang rgya ba'i rnam par 'phrul pa yongs su ston pa mdzad cing mngon par rdzogs par 'tshang rgya ba'i rnam par 'phrul pa re res kyang chos kyi dbyings kyi tshul rgya mtsho rgyas par 'gengs pa mdzad pa mthong ngo / /de bzhin gshegs pa de dag thams cad las de bzhin gshegs pa re </font><hr>38-1-144a<br><font size=+1>
re'i zhabs kyi drung na yang bdag mngon du 'dug par shes par gyur to/ /'jig rten gyi khams de dag tu de bzhin gshegs pa snying po byang chub la bzhugs pa de dag gis chos bstan pa de dag thams cad kyang thos par gyur to/ /de 
bzhin gshegs pa de dag thams cad kyi ba spu'i sgo thams cad nas sprul pa rgya mtsho byung ste/ chos kyi sprin rgya mtsho rab tu sgrog pa dang / rnam par 'phrul pa sna tshogs yongs su ston pa mdzad cing chos kyi dbyings kyi phyogs rgya mtsho thams cad du gtogs pa'i zhing 
rgya mtsho thams cad dang 'jig rten gyi khams kyi rgyud thams cad dang 'jig rten gyi khams 'byam klas pa thams cad kyi sems can 'byam klas pa thams cad 'gro ba'i rgyud sna tshogs su skyes pa dag gi nang na sems can gyi bsam pa'i dbang du 'du 
shes kyi rnam pa sna tshogs kyi chos kyi 'khor lo bskor ba de dag thams cad kyang yongs su 'dzin to/ /khong du chud par byed do/ /nges par rtogs par byed do/ /don dang tshig dang yi ge 'dzin pa'i shugs kyis rnam par gnon pa'i gzungs kyi mthus 
yongs su 'dzin to/ /chos kyi dkyil 'khor thams cad rnam par dag pa'i snying po khong du chud pa'i shes rab kyis yongs su sbyong ngo / /chos rgya mtsho thams cad rnam par 'byed pa la mkhas pa'i rigs pas khong du chud par byed do/ /dus gsum ltar 
rnam par yangs pa'i blos rgyas par 'gengs so/ /de bzhin gshegs pa dang mnyam pa nyid kyi rjes su 'gra ba'i shes rab kyis mnyam par byed cing chos kyi tshul thams cad mngon par sgrub bo/ /tshul thams cad la mdo sde'i sprin mngon par sgrub bo/ /
mdo sde'i sprin thams cad la chos rgya mtsho yongs su gzhog par byed do/ /chos rgya mtsho thams cad la chos kyi rgyud thams cad yang dag par gzhol bar byed do/ /chos kyi rgyud thams cad la chos kyi sprin yongs su shes par byed do/ /chos kyi sprin </font><hr>38-1-144b<br><font size=+1>
thams cad la chos kyi rlabs yongs su skyed do/ /chos kyi rlabs thams cad la chos kyi dga' ba'i shugs rgya mtsho rab tu thob par byed do/ /chos kyi dga' ba'i shugs rgya mtsho thams cad las rab tu thob par bya ba'i shugs mngon par sgrub bo/ /sa'i shugs 
thams cad la ting nge 'dzin rgya mtsho'i shugs mngon par sgrub bo/ /ting nge 'dzin rgya mtsho'i sprin thams cad la sangs rgyas mthong ba rgya mtsho rab tu thob par byed do/ /sangs rgyas mthong ba rgya mtsho thams cad la snang ba rgya mtsho rab tu thob par byed do/ /snang ba rgya 
mtsho thams cad la dus gsum gyi ye shes kyi dkyil 'khor gyis yongs su gzhog par byed do/ /phyogs rgya mtsho mtha' dang dbus med pa rgyas par dga' ba'i tshul dang / de bzhin gshegs pa'i sngon gyi mtha'i spyod pa rgya mtsho tshad med pa la 'jug pa'i tshul dang / 
de bzhin gshegs pa'i sngon gyi sbyor ba rgya mtsho tshad med pa'i ye shes snang ba'i tshul dang / de bzhin gshegs pa'i dka' ba tshad med pa yongs su gtong ba'i ye shes snang ba rab tu thob par bya ba'i tshul dang / de bzhin gshegs pa'i tshul khrims kyi dkyil 
'khor tshad med pa yongs su dag pa snang bar bya ba'i tshul dang / de bzhin gshegs pa'i bzod pa'i tshad med pa yongs su sbyong ba'i tshul dang / de bzhin gshegs pa'i brtson 'grus chen po'i shugs tshad med pa rnam par 'phel bar bya ba'i mthu'i ye shes 
snang ba rab tu thob par bya ba'i tshul dang / de bzhin gshegs pa'i bsam gtan gyi dkyil 'khor dang / bsam gtan gyi yan lag rgya mtsho tshad med pa yongs su dag par bya ba'i sbyor bas snang ba rab tu thob par bya ba'i tshul dang / de bzhin gshegs 
pa'i shes rab kyi pha rol tu phyin pa'i tshul rgya mtsho tshad med pa yongs su dag par bya ba dang / rnam par dmigs pa snang bar bya ba'i tshul dang / de bzhin gshegs pa'i thabs mkhas pa'i pha rol tu phyin pa'i tshul rgya mtsho tshad med pa la 'jug par bya </font><hr>38-1-145a<br><font size=+1>
ba'i tshul dang / de bzhin gshegs pa'i smon lam gyi pha rol tu phyin pa'i tshul rgya mtsho tshad med pa la 'jug par bya ba'i tshul dang / de bzhin gshegs pa'i bsod nams dang / ye shes kyi stobs kyi pha rol tu phyin pa tshad med pa la gnas 
par bya ba dang / yongs su 'phel bar bya ba'i ye shes rab tu thob par bya ba'i tshul dang / de bzhin gshegs pa'i ye shes kyi pha rol tu phyin pa'i tshul rgya mtsho tshad med pa la rnam par spyad pa rab tu thob par bya ba'i ye shes yongs su bsgrub pa'i tshul dang /
de bzhin gshegs pa'i sngon gyi byang chub sems dpa'i sa yongs su gnon par mdzad pa'i ye shes snang ba rab tu thob par bya ba'i tshul dang / de bzhin gshegs pa'i sa yongs su gnon pa'i mtshams kyi rnam par 'phrul pa tshad med pas bskal pa rgya mtsho 
gnas par bya ba'i tshul dang / de bzhin gshegs pa'i sngon gyi byang chub sems dpa'i sa'i dkyil 'khor tshad med pa yongs su gnon pa'i tshul dang / de bzhin gshegs pa'i sngon gyi byang chub sems dpa'i sa tshad med pa la gnas par bya ba'i tshul dang / 
de bzhin gshegs pa'i sngon gyi byang chub sems dpa'i sa tshad med pa yongs su dag par bya ba'i tshul dang / de bzhin gshegs pa'i sa tshad med pa ye shes rgya mtshos rnam par dpyad pa'i tshul dang / de bzhin gshegs pa'i sa'i ye shes snang ba tshad med pa 
rab tu thob par bya ba'i tshul dang / de bzhin gshegs pa byang chub sems dpar gyur pas sngon gyi sangs rgyas ma lus par gzigs pa dang / rjes su 'brang bar mdzad pa tshad med pa rnam par dmigs par bya ba'i tshul dang / de bzhin gshegs 
pa byang chub sems dpar gyur pas sngon gyi sangs rgyas rgya mtsho ma lus par gzigs shing bskal pa rgya mtshor bzhugs bzhugs pa tshad med pa'i tshul dang / de bzhin gshegs pa sngon byang chub sems dpar gyur pas zhing rgya mtsho ma lus par rgyas </font><hr>38-1-145b<br><font size=+1>
par dgang ba'i sku mngon par bsgrub pa tshad med pa'i ye shes snang ba rab tu thob par bya ba'i tshul dang / de bzhin gshegs pa'i byang chub sems dpa'i spyod pa tshad med pas chos kyi dbyings ma lus pa rgyas par dgang ba'i tshul dang / de bzhin gshegs pa'i sngon gyi byang chub 
sems dpa'i spyod pa thabs sna tshogs kyi sgo dang ldan pas sems can thams cad yongs su smin par mdzad pa dang / rnam par gdul ba mdzad pa tshad med pa yongs su bstan pa'i tshul dang / de bzhin gshegs pa'i 'od phyogs rgya mtsho ma lus pa thams cad tu rab tu 
'phro ba tshad med pas rgyas par dgang bar bya ba'i tshul dang / de bzhin gshegs pa sems can thams cad la mngon du gyur pa rnam par 'phrul pa tshad med pa yongs sa bstan pa'i tshul dang / de bzhin gshegs pa'i ye shes kyis tshad med pa yongs su 
gnon pa'i ye shes snang ba rab tu thob par bya ba'i tshul dang / de bzhin gshegs pa'i mngon par rdzogs par byang chub pa'i rnam par 'phrul pa tshad med pa'i ye shes snang ba rab tu thob par bya ba' tshul dang / de bzhin gshegs pa'i chos kyi 'khor lo rab tu 
'khor ba dang / chos kyi sprin tshad med pa thams cad ma lus par yang dag par blang zhing yongs su gzung ba'i tshul dang / de bzhin gshegs pa'i mtshan rgya mtsho tshad med par rnam par dmigs pa'i ye shes snang ba rab tu thob par bya ba'i tshul dang / de bzhin 
gshegs pa'i sku rgya mtsho'i rgyud tshad med pa rnam par dmigs pa ye shes snang ba rab tu thob par bya ba'i tshul dang / de bzhin gshegs pa'i yul shin tu yangs pa'i ye shes snang ba rab tu thob par bya ba'i tshul gyis de bzhin gshegs pa de dag gis thog ma thugs bskyed pa nas/ 
dam pa'i chos nub par ma gyur pa'i bar de dag thams cad la yang 'jug cing khong du chud par byed do/ /de skad du khyod kyis byang chub sems dpa'i rnam par thar pa dga' ba yangs pa'i shugs 'byung bas sems kyi skad cig rnam par brgyan pa 'di thob nas ji srid cig lon </font><hr>38-1-146a<br><font size=+1>
zhes zer ba ni/ de ltar kho mos bskal pa sangs rgyas kyi zhing gnyis kyi rdul shin tu phra ba snyed kyi pha rol gyi 'jig rten gyi khams gser ltar dri ma med pa'i 'od du byang chub kyi shing gi lha mo bsod nams sgron ma phun sum tshogs pa kun nas dpal gyi 
'od ces bya bar gyur te/ de bzhin gshegs pa phyir mi ldog pa'i chos kyi dbyings kyi dbyangs kyis chos bstan pa thos nas bla na med pa yang dag par rdzogs pa'i byang chub tu sems bskyed de/ bskal pa sangs rgyas kyi+i zhing gnyis kyi rdul shin tu phra ba snyed po de 
dag tu byang chub sems dpa'i spyod pa spyad na/ mi mjed kyi 'jig rten gyi khams 'dir skyes te/ log par dad sel la stsogs pa tha ma shAkya thub pa'i bar gyi de bzhin gshegs pa bskal pa bzang po pa dag kyang bsnyen bkur to/ /ma byon pa'i sangs 
rgyas rnams kyang bsnyen bkur ro/ /'jig rten gyi khams 'dir ji lta ba de bzhin du 'jig rten gyi khams thams cad du'ang sangs rgyas kyi rgyud ma byon pa rnams yongs su bsnyen cing bkur ro/ /mchod do/ /rigs kyi bu da dung du'ang 'jig rten gyi khams gser ltar dri ma 
med pa'i 'od de yang yod la sangs rgyas kyi rigs kyang rgyun ma chad kyis/ de bas na rigs kyi bu tshul 'di la byang chub sems dpa'i rnam par gnon pa chen pos brtson par gyis shig /de nas mtshan mo'i lha mo sgra rgya mtsho rab tu zhi ba dang ldan pas/ de'i tshe byang 
chub sems dpa'i rnam par thar pa dga' ba yangs pa'i shugs 'byung bas sems kyi skad cig rnam par brgyan pa 'di nyid brnan te bstan par bya ba'i phyir/ tshong dpon gyi bu nor bzangs la tshigs su bcad de smras pa/ rnam thar dge 'di ji ltar thob 'gyur 
ba/ /kho mo'i tshig 'di nor bzangs khyod nyon cig /thos nas dga' ba'i stobs kyang yongs skyed de/ /rnam thar tshul 'di la ni 'jug par gyis/ /bdag gi sems dang bsam pa yongs sbyong zhing / /mos pa'i shugs yangs yongs su skyed byas </font><hr>38-1-146b<br><font size=+1>
te /thams cad mkhyen pa'i ye shes grong 'dun pas/ /bskal pa rgya mtsho mang por sngon spyad do/ /bde gshegs dus gsum byung ba thos nas kyang / /de dag kun la mos ba yangs bskyed do/ /bskal pa brgya phrag mang por sgo kun tu/ /de dag 'khor dang bcas par 
kho mos bkur/ /sngon gyi bde gshegs kho mos mthong gyur nas/ /'gro la phan phyir yun ring mchod byas te/ /spro ba'i stobs ni rnam yangs yongs bskyed nas/ /bdag gis gdung ba med pa'i chos kyang thos/ /rnam par thar pa 'di la 'jug pa na/ pha dang 
ma dang bla ma'i skye bo la/ /de tshe bdag gis phan bdes bsti stang byas/ /bsnyen bkur sri zhur gnas pa kun kyang byas/ /rgas pa nad pa nor med mi rnams dang / /dbang po ma tshang sdug bsngal mgon med pa/ /mang po bdag gis byams sems bde bkod nas/ /
tshe rabs brgyar yang nor phyug mgon yang byas/ /rgyal po mye dang rkun chom rkyen gyur dang / /seng ge glang po pha rol dgras 'jigs dang / /srid pa'i rgya mtsho'i 'jigs dngos sna tshogs las/ /sngon tshe spyod pa'i dus na bdag gis bskyabs/ /rtag tu 
srid gsum nyon mongs gdungs gyur te/ /las kyis rab gdungs de bzhin mi dge bas/ /'khor ba'i ri gzar g.yang du lhung ba yi/ /skye bo 'gro ba'i rgyud du bdag gis bskyabs/ /sdug bsngal ngan song g.yang sas 'jigs pa dag /rtag tu mi 
bde shin tu mi zad dang / /skye rga na zhing 'chi ba'i 'jigs mang kun/ /bdag gis 'jig rten spyod tshe zhi bar byas/ /'khor ba'i sdug bsngal zhi bar bya ba dang / /sems can kun gyi bde ba yongs bskyed cing / /sangs rgyas bde ba dam pa bskyed pa 
ni/ /bskal pa phyi mthar kho mo'i smon lam mo/ /rigs kyi bu kho mos byang chub sems dpa'i rnam par thar pa dga' ba yangs pa'i shugs 'byung bas sems kyi skad cig rnam par brgyan pa 'di shes par zad na/ kho mos byang chub sems dpa' chos kyi dbyings </font><hr>38-1-147a<br><font size=+1>
kyi tshul rgya mtsho thams cad la zhugs pa phyi nang gi sdug bsngal ma lus pa las rnam par grol ba/ bskal pa'i ming du bya ba thams cad shes par gyur pa 'jig rten gyi khams rgya mtsho thams cad 'byung ba dang / 'jig pa'i rgyus la mkhas pa de 
dag gi spyod pa shes pa'am yon tan brjod pa nus re skan/ /song rigs kyi bu snying po byang chub 'di nyid na bcom ldan 'das rnam par snang mdzad kyi 'khor gyi dkyil 'khor na/ mtshan mo'i lha mo grong khyer thams cad bsrung ba 'byung ba'i gzi brjid dpal zhes bya ba 
'dug gis/ de'i gan du song la ji ltar byang chub sems dpas byang chub sems dpa'i spyod pa la bslab par bya ba dang / ji ltar nan tan du bya ba dris shig /de nas tshong dpon gyi bu nor bzangs kyis mtshan mo'i lha mo sgra rgya mtsho rab tu zhi ba dang ldan pa la tshul 
dang 'dra ba'i tshigs su bcad pa 'di dag smras so/ /dge ba'i bshes kyis ma nor mthun bstan pas/ /lha mo khyod kyi drung du nye bar mchis/ /mtha' dang dbus mi mnga' ba'i sku tshul du/ /khyod ni gdan la bzhugs par bdag gis mthong / /kha dog dbyibs dang 
mtshan ma'i spyod yul ba/ /srid la gnas dang dngos por 'du shes dang / /'du shes dma' dang log par lta ba yis/ /khyod kyi spyod yul 'tshal bar mi nus so/ /khyod kyi sku gzugs blta na mtha' yas pas/ /khyod kyi sku gzugs mdog gi mtshan ma ni/ /
bskal pa mtha' yas dag tu yongs brtags kyang / /lha dang 'jig rten bcas pas shes mi nus/ /lha mo khyod ni phung po'i gnas las 'phags/ /skye mched rnams la'angade bzhin mi gnas te/ /'jig rten rnam par 'das pas the tsom bral/ /'jig rten dag tu rnam 
par 'phrul pa mdzad/ /g.yo ba mi mnga' skyon bral chags pa med/ /khyod kyis ye shes spyan ni rnam sbyangs pas/ /rdul gyi go la thams cad rdul tshad du/ /sangs rgyas rnam par 'phrul pa mang po gzigs/ /khyod kyi sku ni chos sku'i snying po can/ /khyod kyi thugs </font><hr>38-1-147b<br><font size=+1>
kyang ye shes chags pa med/ /khyod ni kun tu 'od kyis snang mdzad pas/ /'jig rten skye bo rnams la mtha' yas snang / /sems las mtha' yas las rnams yongs su 'byung / /'jig rten thams cad las kyis rnam par bris/ /'gro ba sems kyi dngos su mkhyen gyur 
pas/ /rang gi sku yang 'gro ba snyed du bstan/ /'jig rten du ni rmi lam 'drar mkhyen nas/ /sangs rgyas kun kyang gzugs brnyan lta bu dang / /ma lus chos rnams sgra brnyan 'drar mkhyen pas/ /chags pa mi mnga' 'gro ba kun du spyod/ /dus gsum gnas pa'i 'gro 
ba thams cad la/ /skad cig re re rang gi sku ston kyang / /khyod kyi thugs la gnyis su mi rgyu ste/ /phyogs rnams kun tu chos kyang rab tu bstan/ /rdul la 'gro ba rgya mtsho mtha' yas dang / /de bzhin sems can mtsho chen dpag yas dang / /mtha' dbus med 
pa'i bde gshegs gang chen mtsho/ /kun kyang khyod kyi rnam thar dam pa'i yul/ /de nas tshong dpon gyi bu nor bzangs kyis mtshan mo'i lha mo sgra rgya mtsho rab tu zhi ba dang ldan pa la/ tshul dang 'dra ba'i tshigs su bcad pa de dag gis mngon par bstod de/ lan 
brgya stong du mar g.yas phyogs su bskor ba byas nas yang dang yang bltas te/ mtshan mo'i lha mo sgra rgya mtsho rab tu zhi ba dang ldan pa'i drung nas song ngo // //sangs rgyas rmad gcad ces bya ba shin tu rgyas pa chen po'i mdo/bam po dgu pa/ 
de nas tshong dpon gyi bu nor bzangs byang chub sems dpa'i rnam par thar ba dga' ba yangs pa'i shugs 'byung bas/ sems kyi skad cig rnam par brgyan pa de ni sgom pa dang / rjes su sgom pa dang / yang dag par sgom pa dang / mtshan mo'i lha mo'i sgra rgya mtsho rab tu zhi 
ba dang ldan pa'i gdams ngag dang / rjes su bstan pa la ni rjes su 'brang bar bya ba dang / rjes su dran par bya ba dang / khong du chud par byed/ tshig dang yi ge re re la ni tshul du ma dang bsam pa tshad med pas chos nyid kyi tshul shes pa rjes su dran par byed cing dran </font><hr>38-1-148a<br><font size=+1>
pas rjes su 'brang bar bya ba dang / blo gros kyis rnam par dbye ba dang / rig pas khong du chud par bya ba dang / blos shin tu yangs par bya ba dang / lus kyis reg par byas te/ rnam par spyad pa dang / rjes su 'jug par byed cing / mthar gyis mtshan 
mo'i lha mo grong khyer thams cad bsrung ba 'byung ba'i gzi brjid dpal gang na ba der phyin pa dang / mtshan mo'i lha mo grong khyer thams cad bsrung ba 'byung ba'i gzi brjid dpal pad+mo'i khri chen po/ nor bu rin po che'i rgyal po grong khyer dang / gnas thams cad rab tu snang bar 
byed pa'i snying po can la phyogs thams cad dang / 'gro ba thams cad la mngon du gyur pa'i lus dang / 'gro ba thams cad kyi gzugs dang / mnyam pa'i lus dang sems can thams cad la mngon du gyur pa'i lus dang / 'gro ba thams cad kyis ma gos pa'i lus 
dang / 'gro ba thams cad dang rang bzhin mnyam pa'i lus dang / 'gro ba thams cad las mngon par 'phags pa'i lus dang / 'gro ba thams cad yongs su smin par bya ba dang / gdul ba la mthun pa'i lus dang / 'gro ba thams cad du sgra rab tu sgrogs pa'i lus dang / 
'gro ba thams cad du 'pho ba med pa'i lus dang / sgrib pa thams cad shin tu bcom pa'i lus dang / de bzhin nyid kyi rang bzhin gyi lus dang / 'gro ba thams cad gdul bar mthar phyin par byed pa'i lus su 'dug cing / mtshan mo'i lha mo brjod du med pa'i 'khor gyis 
bskor te/ 'dug pa mthong nas/ dga' rangs te mgu zhing nyams bde la tshim zhing yid bde ba skyes nas/ mtshan mo'i lha mo grong khyer thams cad bsrung ba 'byung ba'i gzi brjid dpal gyi rkang pa gnyis la spyi bos phyag 'tshal te/ mtshan mo'i lha mo grong khyer thams cad bsrung 
ba 'byung ba'i gzi brjid dpal la lan brgya stong du mar g.yas phyogs su bskor ba byas nas/ mtshan mo'i lha mo grong khyer thams cad bsrung ba 'byung ba'i gzi brjid dpal gyi mdun du 'dug ste/ thal mo sbyar nas 'di skad ces smras so/ /lha mo bdag bla na med pa </font><hr>38-1-148b<br><font size=+1>
yang dag par rdzogs pa'i byang chub tu yang dag par zhugs na/ lha mo ji ltar byang chub sems dpas byang chub sems dpa'i spyod pa la rjes su bslabs na sems can la sman par 'gyur ba lags/ ji ltar na sems can bla na med pa'i yongs su bsdu bas yongs su sdud par 
'gyur/ji ltar na byang chub sems dpa' de bzhin gshegs pas gnang ba'i byang chub sems dpa'i las la brtson pa lags/ji ltar brtson par bgyis na byang chub sems dpa' chos kyi rgyal po nye bar 'gyur ba bdag la bshad du gsol/ de skad ces smras pa 
dang / mtshan mo'i lha mo grong khyer thams cad bsrung ba 'byung ba'i gzi brjid dpal gyis/ tshong dpon gyi bu nor bzangs la 'di skad ces smras so/ /rigs kyi bu khyod de ltar 'gro ba thams cad yongs su smin par bya ba dang / rnam par gdul ba'i mthar phyin 
par bya ba dang / de bzhin gshegs pa thams cad kyi rigs yang dag par gzung ba'i sbyor ba mthar phyin par bya ba dang / phyogs 'byam klas pa thams cad rgyas par dgang ba'i ye shes rab tu sbyar ba dang / chos kyi dbyings kyi tshul rgya mtsho thams cad la 'jug 
pa mngon du 'gyur ba dang / shes bya nam mkha'i dbyings dang mnyam par mtha' yas pa rgyas par dgang ba dang / de bzhin gshegs pa thams cad kyi chos kyi 'khor lo rab tu blang zhing yongs su gzung ba'i phyir 'gro ba rgya mtsho thams cad kyi bsam pa ji lta ba 
bzhin du chos kyi sprin gyi char mngon par dbab pa'i spyod pa'i tshul yongs su 'dri ba legs so legs so/ /rigs kyi bu kho mo ni byang chub sems dpa'i rnam par thar pa sgra yid du 'ong ba dang / rnam par 'phrul pa zab mo la 'jug pa thob pa ste/ de ltar kho mo 
rnam par thar pa de dang ldan pas chos smra ba chen po'i go 'phang thogs pa med pa la dmigs pa'i sbyor ba dang ldan pa/ de bzhin gshegs pa thams cad kyi chos kyi mdzod yongs su gtang ba'i smon lam dang ldan pa/ snying rje chen po dang byams pa chen po'i </font><hr>38-1-149a<br><font size=+1>
stobs rab tu thob pa/ sems can thams cad byang chub kyi sems la 'god pa'i phyir sems can thams cad kyi don bya ba la zhugs pa/ byang chub kyi sems kyi dge ba'i rtsa ba dang / tshogs rab tu bstsags pa rgyun mi gcad pa'i phyir/ 'gro ba thams 
cad kha lo bsgyur ba'i sa la yang dag par gnas pa sems can thams cad thams cad mkhyen pa nyid kyi lam la rab tu dgod pa'i phyir/ 'jig rten gyi chos kyi sprin thams cad las chos kyi nyi ma yongs su 'byung ba'i sbyor ba dang ldan pa/ dge ba'i rtse ba tshad med pa bskyed pas/ 
'jig rten thams cad snang bar bya ba'i phyir/ 'gro ba thams cad la mnyam pa'i sems su 'jug pa rgyun mi 'chad pa/ 'gro ba thams cad kyi dge ba'i rtsa ba mngon par 'du bya ba yongs su bsgrub pa'i sbyor ba shes par bya ba'i phyir/ sems rnam par dag pa'i 
sbyor ba dang ldan pa dge ba'i las kyi lam thams cad mthun par bsgrub pas sems can thams cad kyi ded dpon du zhugs pa/ mi dge ba'i las kyi lam thams cad rab tu spangs pa/ sems can thams cad dge ba'i chos la rab tu dgod pa'i sbyor ba dang 
ldan pa/ sems can thams cad la lam bde ba yongs su ston pa'i sbyor ba dang ldan pa/ sems can thams cad kyi theg pa'i rgyan gyi thog mar 'dren pa la zhugs pa/ dge ba'i chos kyi spyod pa thams cad la sems can thams cad rab tu dgod pa'i sbyor ba dang 
ldan pa/ dge ba'i bshes gnyen thams cad la mi phyed par bsnyen bkur dang rim gro byed pa la zhugs pa/ sems can thams cad de bzhin gshegs pa'i bstan pa la rab tu dgod pa'i sbyor ba dang ldan pa/ chos kyi sbyin pa'i sngon 'dren cing 
chos dkar po thams cad yang dag par brtsam pa'i sbyor ba dang ldan pa/ thams cad mkhyen pa nyid kyi sems bskyed pas mngon par byung bas bsam pa brtan zhing mi shigs pa/ rdo rje mthu bo che ltar brtan zhing sra bas sangs </font><hr>38-1-149b<br><font size=+1>
rgyas kyi stobs la dmigs pa'i sems rgya chen po'i dkyil 'khor dang ldan par dge ba'i bshes gnyen la rten cing rnam par spyod de/ kho mo ni nyon mongs pa dang las kyi sgrib pa thams cad kyi ri rnam par gtor ba'i sems dang ldan pa'o/ /thams cad mkhyen pa 
nyid kyi tshogs yang dag par rtsom pa'o/ /dkar po'i chos thams cad yang dag par bsgrub pa'i sbyor ba dang ldan pa'o/ /thams cad mkhyen pa nyid mtha' dang dbus med pa la mngon par 'dun cing dmigs pa'i sems kyi sbyor ba la brtson pa'o/ /rigs kyi 
bu de ltar kho mo chos snang ba'i sgo sems can thams cad yongs su ston pa rnam pa de la bu yongs su sbyong zhing dge ba'i rtsa ba bstsags pa'i tshogs la sta gon tu gnas pas rnam pa bcus chos kyi dbyings la rnam par blta zhing khong du chud pa dang / rjes su gzhol 
bar byed do/ /bcu gang zhe na 'di lta ste/ ye shes snang ba shin tu yangs pa thob pas chos kyi dbyings ni tshad med par khong du chud par byed do/ /de bzhin gshegs pa thams cad kyi rnam par 'phrul pa rnam par dmigs par bya ba'i phyir chos kyi dbyings ni 
mtha' dang dbus med par khong du chud par byed do/ /sangs rgyas kyi zhing thams cad yongs su gnan pa dang / de bzhin gshegs pa mchod cing rim gror bya ba'i phyir chos kyi dbyings ni mu med par khong du chud par byed do/ /'jig rten gyi khams 
rgya mtsho thams cad du byang chub sems dpa'i spyod pa yongs su bstan pa'i phyir chos kyi dbyings ni sa mtshams med pa khong du chud par byed do/ /de bzhin gshegs pa'i ye shes kyi dkyil 'khor tha mi dad pa la 'jug par bya ba'i phyir/ chos 
kyi dbyings ni ris tshad med par khong du chud par byed do/ /bsam pa ji lta ba bzhin du sems can thams cad kyis rnam par dmigs pa'i de bzhin gshegs pa'i gsung gi dkyil 'khor la 'jug par bya ba'i phyir chos kyi dbyings ni rgyud kyi tshul </font><hr>38-1-150a<br><font size=+1>
gcig tu gyur par khong du chud par byed do/ /'gro ba thams cad rnam par gdul ba'i mthar phyin pas/ de bzhin gshegs pas sngon gyi smon lam gyi mthar thug pa la 'jug par bya ba'i phyir/ chos kyi dbyings ni rang bzhin gyi rgya che bar khong du 
chud par byed do/ /byang chub sems dpa' kun tu bzang po'i spyod pa 'byam klas pa la 'jug par bya ba'i phyir/ chos kyi dbyings ni 'gro ba thams cad la mnyam pa nyid du gyur par khong du chud par byed do/ /kun tu bzang po'i spyod pas rnam par 'phrul pa'i rgyan la 
'jug par bya ba'i phyir chos kyi dbyings ni rgyan gcig tu gyur par khong du chud par byed do/ /dge ba thams cad kyis chos kyi dbyings rgyas par dgang zhing rnam par dag par bya bar chud mi za ba'i chos can du bya ba'i phyir chos kyi dbyings ni thug pa med par khong du 
chud par byed do/ /rigs kyi bu de ltar kho mo rnam pa bcu po de dag gis dge ba'i rtsa ba dang / tshogs thams cad yongs su bstsags pa dang / sangs rgyas kyi bdag nyid che ba nyid la 'jug par bya ba dang / sangs rgyas kyi yul bsam gyis mi khyab pa 
rjes su rtogs par bya ba'i phyir/ chos kya dbyings thams cad la rnam par blta'o/ /khong du chud pa dang rjes su gzhol bar byed do/ /rigs kyi bu gzhan yang kho mo de ltar de bzhin gshegs pa'i bdag nyid che ba nyid kyi rjes su 'brang ba'i yid la bya ba dang 
ldan pas/ gzungasakyi dkyil 'khor gyi rgyud stong phrag bcus sems can rnams la chos ston te/ bcu gang zhe na 'di ltar chos rgya mtsho thams cad yang dag par 'du ba zhes bya ba'i gzungs kyi dkyil 'khor dang / chos thams cad byin gyis rlob 
ba'i gzungs kyi dkyil 'khor dang / chos kyi sprin thams cad yongs su 'dzin pa'i gzungs kyi dkyil 'khor dang / de bzhin gshegs pa thams cad kyi dgongs pa sgron ma'i gzungs kyi dkyil 'khor dang / sems can thams cad kyi las rgya mtsho </font><hr>38-1-150b<br><font size=+1>
rab tu snang bar byed pa'i snying po'i gzungs kyi dkyil 'khor dang / theg pa'i tshul rgya mtsho dri ma med pa thams cad la yang dag par gzhol ba'i gzungs kyi dkyil 'khor dang / sangs rgyas rgya mtsho thams cad kyi sgron ma'i snying po'i gzungs kyi dkyil 'khor dang / 
de bzhin gshegs pa thams cad kyi mtshan gyi 'khor lo'i klong rab tu sgrog pa'i gzungs kyi dkyil 'khor dang / dus gsum gyi sangs rgyas kyi sngon gyi smon lam rgya mtsho bstan pa la yang dag par gzhol ba'i gzungs kyi dkyil 'khor dang / chos thams cad la 
mngon par 'khyil pa'i shugs drag po'i gzungs kyi dkyil 'khor dang / thams cad mkhyen pa nyid kyi shugs rab tu 'byung ba zhes bya ba'i gzungs kyi dkyil 'khor dang / rigs kyi bu gzungs kyi dkyil 'khor bcu po de dag la stsogs pa gzungs kyi dkyil 
'khor gyi rgyud stong phrag bcus sems can rnams la chos ston to/ /rigs kyi bu gzhan yang kho mo ni thos pa'i shes rab kyis sems can rnams la chos ston to/ /bsam pa'i shes rab dang / bsgom pa'i shes rab kyis sems can rnams la chos ston to/ /
srid pa'i rgyud gcig las kyang brtsams shing sems can rnams la chos ston to/ /srid pa'i rgyud rgya mtsho thams cad las kyang brtsams shing sems can rnams la chos ston to/ /de bzhin gshegs pa gcig gi mtshan gyi 'khor lo rgya mtsho las kyang 
brtsams shing chos ston to/ /de bzhin gshegs pa thams cad kyi mtshan gyi 'khor lo rgya mtsho las kyang brtsam shig chos ston to/ /'jig rten gyi khams rgya mtsho gcig las kyang brtsams shing chos ston to/ /'jig rten gyi khams rgya mtsho thams cad las 
kyang brtsams shing chos ston to/ /sangs rgyas gcig gis lung bstan pa las kyang brtsams shing chos ston to/ /de bzhin gshegs pa thams cad kyi lung bstan pa rgya mtsho las kyang brtsams shing chos ston to/ /de bzhin gshegs pa gcig gi 'khor gyi dkyil </font><hr>38-1-151a<br><font size=+1>
'khor rgya mtsho las kyang brtsams shing chos ston to/ /de bzhin gshegs pa thams cad kyi 'khor gyi dkyil 'khor rgya mtsho las kyang brtsams shing chos ston to/ /de bzhin gshegs pa gcig gi chos kyi 'khor lo las kyang brtsams shing chos 
ston to/ /de bzhin gshegs pa thams cad kyi chos kyi 'khor lo rgya mtsho las kyang brtsams shing chos ston to/ /mdo sde gcig las kyang brtsams shing chos ston to/ /de bzhin gshegs pa thams cad kyi chos kyi 'khor lo la yang dag par gzhol ba'i mdo sde las 
kyang brtsams shing chos ston to/ /de bzhin gshegs pa gcig gi 'khor gyi dkyil 'khor kun nas 'dus pa las kyang brtsams shing chos ston to/ /de bzhin gshegs pa thams cad kyi 'khor gyi dkyil 'khor kun nas 'dus pa rgya mtsho las kyang brtsams shing 
chos ston to/ /thams cad mkhyen pa nyid kyi sems gcig las kyang brtsams shing chos ston to/ /byang chub kyi sems kyi yan lag rgya mtsho thams cad las kyang brtsams shing chos ston to/ /theg pa gcig las kyang brtsams shing chos ston to/ /theg pa 
thams cad kyi 'byung ba rgya mtsho las kyang brtsams shing chos ston to/ /rigs kyi bu de ltar kho mos bstan pa'i tshul mngon par bsgrub pa brjod du med pas sems can rnams la chos ston te/ rigs kyi bu de ltar kho mos chos kyi dbyings kyi tshul tha mi dad pas 
de bzhin gshegs pa rgya mtsho la 'jug cing sems can thams cad la chos ston pas/ bla na med pa'i yongs su bsdu ba byed cing byang chub sems dpa' kun tu bzang po'i spyod pa la phyi ma'i mtha'i mur thug pa'i bskal pa rgya mtshor gnas par bya bas byang chub 
sems dpa'i rnam par thar pa sgra yid du 'ong ba dang / rnam par 'phrul pa zab mo la 'jug pa 'di la sems kyi skad cig re re zhing rnam par 'phel ba'i rnam par thar pa'i yul bsgom pa'i tshul gyis yongs su sgom ste rnam par thar pa'i yul bsgom pa'i tshul </font><hr>38-1-151b<br><font size=+1>
re res kyang sems kyi skad cig re re la chos kyi dbyings thams cad du rgyas par 'gengs so/ /nor bzangs kyis smras pa/ lha mo byang chub sems dpa'i rnam par thar pa de/ de ltar zab pa ngo mtshar che na/ 'phags ma khyod kyis byang chub sems dpa'i rnam par thar pa 
'di brnyes nas ji srid cig lags smras pa/ rigs kyi bu sngon 'das pa'i dus bskal pa 'jig rten gyi rgyud kyi rdul shin tu phra ba snyed 'das pa'i pha rol cig tu 'jig rten gyi khams chos kyi 'od 'phro ba'i grong khyer dpal kyi sprin ces bya ba rin po che'i spos thams 
cad dang ldan pa/ gling bzhi pa'i 'jig rten gyi khams rdul shin tu phra ba snyed kyi sprin la blangs pa/ de bzhin gshegs pa thams cad kyi sngon gyi smon lam dbyangs su sgrog pa'i pad+mos mtshams rnam par brgyan pa/ lhun sems can thams cad kyi las rgya mtshos 
byung ba'i nor bu rin po che'i rgyal po rgya mtsho las grub pa/ pad+mo chen po'i dbyibs su 'dug pa/ rnam par dag cing kun nas nyon mongs pa med pa/ me tog gi khor yug ri rab kyi rdul shin tu phra ba snyed kyis kun nas bskor ba/ spos kyi rin po che 
ri rab kyi rdul shin tu phra ba snyed kyi rgyan ri rab ltar mngon par 'phags pa dang ldan pa/ gling bzhi pa chen po'i ri rab kyi rdul shin tu phra ba snyed kyi rgyan dang ldan pa/ gling bzhi pa re re zhing yang grong rdal bye ba khrag khrig brgya stong brjod du med pa'i yang 
brjod du med pa dang ldan pa byung ngo / /rigs kyi bu 'jig rten gyi khams de'i bskal pa mdog dri ma med pa'i 'od ces byu ba byung ste/ bskal pa de la de bzhin gshegs pa ri rab kyi rdul shin tu phra ba snyed byung ngo / /'jig rten gyi khams chos kyi 'od 'phro ba'i 
grong khyer dpal gyi sprin gyi gling bzhi pa dbu ma rgyal mtshan sna tshogs shes bya ba byung ste/ de'i dbus na rgyal po'i gnas rin chen me tog kun tu/ snang ba zhes ba ba yod par gyur te/ rgyal po'i gnas de dang ha cang yang mi ring ba zhig na snying po byang chub </font><hr>38-1-152a<br><font size=+1>
chos kyi rgyal po'i pho brang rab tu snang ba zhes bya ba yod de/ snying po byang chub de la de bzhin gshegs pa ri rab kyi rdul shin tu phra ba snyed po de dag gi bskal ba'i dang po la de bzhin gshegs pa chos rgya mtsho thams cad kyi dbyangs 'od 
kyi rgyal po zhes bya ba byung ste/ de'i tshe 'khor los sgyur ba'i rgyal po nyi ma ltar bzhin mdog dri ma med pa zhes bya ba byung nas/ des bcom ldan 'das de bzhin gshegs pa chos rgya mtsho thams cad kyi dbyangs 'od kyi rgyal po las mdo sde chos thams cad kyi kyi klong 
rgya mtsho zhes bya ba yongs su bzung ste/ bzung nas kyang chos kyi 'khor lo rjes su bskor to/ /yongs su mya ngan las 'das nas kyang rab tu byung ste/ bstan pa yongs su bzung ngo / /bstan pa nub du cha ste/ bstan pa yang stong du gyes/ chos bstan pa 
shin du bstan pa'i tshul ni brgya phrag bcur gyur/ rnyog pa'i bskal pa bar ma ni nye bar gnas par gyur pa'i tshe/ sems can las dang nyon mongs pa'i sgrib pas bsgribs pa/ thab mo dang rtsod pa dang dkrugs ma la zhugs par 
gyur pa dang / dge slong sangs rgyas kyi bstan pa'i yon tan don du mi gnyer cing yul gyi dga' ba lhur len par gyur pa/ rgyal po dang rkun po'i gtam la zhugs pa/ bud med dang yul dang rgya mtsho'i gtam la mos 
pa/ 'jig rten rgyang phen pa'i tshig la zhugs pa rnams yongs su skyo ba bskyed pa'i phyir/ kye ma'o bskal pa du mar yongs su bsgrubs pa'i chos kyi sgron ma chen po ni nub par gyur ma khad do/ /zhes chos dang ldan pa'i 'o dod bos te/ yongs 
su skyo bar 'gyur ba'i gtam byas nas/ de steng gi nam mkha'i dbyings su ta la bdun tsam du mngon par 'phags nas/ 'od 'phro ba kha dog mtha' yas pa'i sprin rab tu bkye ste/ 'od gzer gyi dra ba'i rgyan chen po kho dog sna tshogs dang ldan pa bkye </font><hr>38-1-152b<br><font size=+1>
nas/ 'od kha dog du ma dang ldan pas 'jig rten gyi nyon mongs pa'i gdung ba zhi bar byas te/ sems can mtha' dang dbus med pa dag kyang byang chub la rab tu bkod do/ /de bzhin gshegs pa'i bstan pa de yang phyir gsal bar byas te/ lo stong phrag drug 
cur gnas par gyur to/ /de'i tshe 'khor los sgyur ba'i rgyal po nyi ma ltar bzhin mdog dri ma med pa/ de nyid kyi bu mo dge slong ma chos kyi 'khor los sprul pa'i 'od ces bya ba dge slong ma brgya phrag stong gi 'khor dang ldan pa byung ste/ des yongs su skyo bar 'gyur 
ba'i sgra de thos nas cho 'phrul chen po de mthong ste/ 'khor dang bcas pas byang chub tu sems bskyed nas/ dge slong ma brgya phrag stong po de dag kyang bla na med pa yang dag par rdzogs pa'i byang chub las phyir mi ldog par byas te/ de bzhin gshegs pa mngon du 
'gyur ba la yang dag par gzhol ba zhes bya ba'i ting nge 'dzin kyang rab tu thob par gyur to/ /de bzhin gshegs pa thams cad kyi chos kyi 'khor los sprul pa'i 'od ces bya ba'i gzungs kyang rab tu thob bo/ /chos rgya mtsho'i tshul thams cad la 'jug pa zhes 
bya ba'i shes rab kyi pha rol tu phyin pa yang rab tu thob par gyur to/ /dge slong ma chos kyi 'khor los sprul pa'i 'od kyis kyang de bzhin gshegs pa thams cad kyi bstan pa las byung ba'i 'od kyi sgron ma zhes bya ba'i ting nge 'dzin dang / /byang chub sems dpa'i 
rnam par thar pa sgra yid du 'ong ba dang / rnam par 'phrul pa zab mo la 'jug pa 'di yang shin tu phra zhing 'jam pa'i tshul du rab tu thob par gyur te/ de thob pas de la de bzhin gshegs po chos rgya mtsho thams cad kyi dbyangs 'od kyi rgyal po'i rnam par 
'phrul pa de dag thams cad kyang mngon du gyur to/ /rigs kyi bu de la ji snyam du sems/ de'i tshe de'i dus na 'khor los sgyur ba'i rgyal po nyi ma ltar bzhin mdog dri ma med pa zhes bya ba de bzhin gshegs pa chos rgya mtsho thams cad kyi dbyangs </font><hr>38-1-153a<br><font size=+1>
'od kyi rgyal po'i bstan pa la rab tu byung ste/ chos kyi 'khor lo rjes su bskor ba dang / yongs su mya ngan las 'das nas kyang bstan pa nub tu cha ba'i tshe dang dus na bstan pa yongs su 'dzin cing chos kyi sgron ma chen po 'bar bar byed byed pa de gzhan 
zhig yin pa snyam du sems na ni/ rigs kyi bu khyod kyis de ltar mi blta ste/ byang chub sems dpa' kun du bzang po ni de'i tshe de'i dus na 'khor los sgyur ba'i rgyal po nyi ma ltar bzhin mdog dri ma med pa zhes bya bar gyur to/ /rigs kyi bu de la ji snyam du sems/ 
de'i tshe de'i dus na 'khor los sgyur ba'i rgyal po nyi ma ltar bzhin mdog dri ma med pa'i bu mo dge slong ma chos kyi 'khor los sprul pa'i 'od ces bya ba dge slong ma brgya phrag stong gi 'khor dang ldan pa byung ba de gzhan zhig yin pa snyam du sems na ni de ltar mi blta 
ste/ kho mo ni de'i tshe de'i dus na dge slong ma chos kyi 'khor los sprul pa'i 'od ces bya bar gyur te/ de ltar kho mos de bzhin gshegs pa chos rgya mtsho thams cad kyi dbyangs 'od kyi rgyal po'i bstan pa yang yongs su bzung ngo / /dge slong ma brgya phrag stong po 
de dag kyang bla na med pa yang dag par rdzogs pa'i byang chub las phyir mi ldog par byas te/ de bzhin gshegs pa mngon du 'gyur ba la yang dag par gzhol ba'i ting nge 'dzin la'ang rab tu bkod do/ /de bzhin gshegs pa thams cad chos kyi 'khor los sprul 
pa'i 'od kyi gzungs dang / chos rgya mtsho'i tshul thams cad la 'jug pa'i shes rab kyi pha rol tu phyin pa la'ang rab tu bkod do/ /de bzhin gshegs pa de'i 'og tu kho mos de bzhin gshegs pa chos dri ma med pa'i ri bo ye shes kyi rtse mo'i 'od ces bya ba bsnyen 
bkur to/ /de'i 'og tu de bzhin gshegs pa chos kyi dkyil 'khor gyi 'od rab tu snang ba'i gtsug phud ces bya ba bsnyen bkur to/ /de'i 'og tu de bzhin gshegs pa chos kyi nyi ma dpal gyi sprin ces bya ba bsnyen bkur to/ /de'i 'og tu de bzhin gshegs pa </font><hr>38-1-153b<br><font size=+1>
chos rgya mtsho shin tu bstan pa'i dbyangs shes bya ba bsnyen bkur to/ /de'i 'og tu de bzhin gshegs pa chos kyi nyi ma'i dkyil 'khor ye shes kyi sgron ma zhes bya ba bsnyen bkur to/ /de'i 'og tu de bzhin gshegs pa chos kyi me tog dpal gyi rgyal mtshan gyi sprin 
ces bya ba bsnyen bkur to/ /de'i 'og tu de bzhin gshegs pa chos kyi 'od 'phro ri bo dpal gyi rgyal po zhes bya ba bsnyen bkur to/ /de'i 'og tu de bzhin gshegs pa chos kyi tshul zab mo dpal gyi zla ba zhes bya ba bsnyen bkur to/ /de'i 'og tu de bzhin 
gshegs pa chos kyi ye shes yang dag par 'byung ba kun tu snang ba'i snying po zhes bya ba bsnyen bkur to/ /de'i 'og tu de bzhin gshegs pa ye shes 'byung gnas gtsug phud ces bya ba bsnyen bkur to/ /de'i 'og tu de bzhin gshegs pa ri'i dbang po dpal gyi 
snying po'i rgyal po zhes bya ba bsnyen bkur to/ /de'i 'og tu de bzhin gshegs pa sgo kun nas mkhyen pa'i ri bzang po zhes bya ba bsnyen bkur to/ /de'i 'og tu de bzhin gshegs pa chos thams cad kyi brtson 'grus drag po'i rgyal mtshan ces bya ba bsnyen bkur 
to/ /de'i 'og tu de bzhin gshegs pa chos rin po che'i me tog dpal gyi sprin ces bya ba bsnyen bkur to/ /de'i 'og tu de bzhin gshegs pa 'od zab mo zhi ba brtsegs pa zhes bya ba bsnyen bkur to/ /de'i 'og tu de bzhin gshegs pa 'od gzer gyi tshul rab 
tu snang ba'i 'od kyi zla ba zhes bya ba bsnyen bkur to/ /de'i 'og tu de bzhin gshegs pa ye shes 'od 'phro ba dpal gyi rgyal mtshan zhes bya ba bsnyen bkur to/ /de'i 'og tu de bzhin gshegs pa ye shes kun tu bzang po'i dkyil 'khor ces bya ba bsnyen bkur to/ /
de'i 'og tu de bzhin gshegs pa sbyi'u tshugs kyi phyogs ye shes kyis snang bar mdzad pa'i rgyal po zhes bya ba bsnyen bkur to/ /de'i 'og tu de bzhin gshegs pa 'od gzer gyi me tog kun tu rgyas pa'i sgron ma zhes bya ba bsnyen bkur to/ /de'i 'og tu de </font><hr>38-1-154a<br><font size=+1>
bzhin gshegs pa ye shes seng ge'i dpal gyi rgyal mtshan rgyal po zhes bya ba bsnyen bkur to/ /de'i 'og tu de bzhin gshegs pa 'od nyi ma kun tu snang ba'i rgyal po zhes bya ba bsnyen bkur to/ /de'i 'og tu de bzhin gshegs pa mtshan rin po ches 
rnam par brgyan pa'i ri bo zhes bya ba bsnyen bkur to/ /de'i 'og tu de bzhin gshegs pa nyi ma'i rnam par gnon pas kun tu snang ba zhes bya ba bsnyen bkur to/ /de'i 'og tu de bzhin gshegs pa chos kyi dra ba rnam par sangs rgyas pa'i dpal gyi zla ba zhes bya ba bsnyen 
bkur to/ /de'i 'og tu de bzhin gshegs pa chos kyi pad+mo rab tu rgyas pa'i dpal gyi sprin ces bya ba bsnyen bkur to/ /de'i 'og tu de bzhin gshegs pa mtshan gyi nyi ma'i 'khor lo kun tu snang ba zhes bya ba bsnyen bkur to/ /de'i 'og tu de bzhin gshegs 
pa mi bsnyengs pa'i rdo rje seng ge mthu bo che zhes bya ba bsnyen bkur to/ /de'i 'og tu de bzhin gshegs pa ye shes rgyal mtshan kun tu dpal zhes bya ba snyen bkur to/ /de'i 'og tu de bzhin gshegs pa sku chos kyi pad+mo'i me tog shin tu rgyas pa zhes bya ba 
bsnyen bkur to/ /de'i 'og tu de bzhin gshegs pa yon tan me tog dpal gyi rgyal mtshan zhes bya ba bsnyen bkur to/ /de'i 'og tu de bzhin gshegs pa chos kyi dbyig ri bo snang ba'i phung po zhes bya ba bsnyen bkur to/ /de'i 'og tu de bzhin gshegs 
pa ye shes spo'i 'od 'phro sprin ces bya ba bsnyen bkur to/ /de'i 'og tu de bzhin gshegs pa sgo kun nas chos ston pa'i ri bo'i 'od ces bya ba bsnyen bkur to/ /de'i 'og tu de bzhin gshegs pa snying po byang chub rnam par sangs rgyas pa'i dpal 
gyi zla ba zhes bya ba bsnyen bkur to/ /de'i 'og tu de bzhin gshegs pa chos kyi sgron ma rab tu 'bar ba'i dpal gyi zla ba zhes bya ba bsnyen bkur to/ /de'i 'og tu de bzhin gshegs pa gzugs brnyan kun tu snang ba'i gtsug phud ces bya ba bsnyen bkur to/ /</font><hr>38-1-154b<br><font size=+1>
de'i 'og tu de bzhin gshegs pa chos kyi sprin gyi rgyal mtshan sgron ma zhes bya ba bsnyen bkur to/ /de'i 'og tu de bzhin gshegs pa rdo rje ltar brtan pa'i rgyal mtshan rgya mtsho'i sprin ces bya ba bsnyen bkur to/ /de'i 'og tu de bzhin gshegs pa grags pa'i ri bo dpal gyi sprin 
ces bya ba bsnyen bkur to/ /de'i 'og tu de bzhin gshegs pa tsan dan dpal gyi zla ba zhes bya ba bsnyen bkur to/ /de'i 'og tu de bzhin gshegs pa dpal gyi me tog kun nas rgyas pa'i gzi brjid snang ba zhes bya ba bsnyen bkur to/ /de'i 'og tu de bzhin gshegs pa 
sems can thams cad tu snang ba'i rgyal po zhes bya ba bsnyen bkur to/ /de'i 'og tu de bzhin gshegs pa yon tan pad+mo dpal gyi snying po zhes bya ba bsnyen bkur to/ /de'i 'og tu de bzhin gshegs pa spos kyi 'od 'phro ba rab tu snang ba'i rgyal po zhes bya ba bsnyen bkur 
to/ /de'i 'og tu de bzhin gshegs pa rgyu pad+mo zhes bya ba bsnyen bkur to/ /de'i 'og tu de bzhin gshegs pa mtshan gyi ri bo rnam par snang ba zhes bya ba bsnyen bkur to/ /de'i 'og tu de bzhin gshegs pa snyan pa kun tu rnam par grags pa'i rgyal mtshan zhes bya 
ba bsnyen bkur to/ /de'i 'og tu de bzhin gshegs pa ye shes kun du snang ba'i ri bo zhes bya ba bsnyen bkur to/ /de'i 'og tu de bzhin gshegs pa chos kyi grong khyer rab tu snang ba'i dpal zhes bya ba bsnyen bkur to/ /de'i 'og tu de bzhin gshegs pa shing 
gi ri bo gzi brjid ces bya ba bsnyen bkur to/ /de'i 'og tu de bzhin gshegs pa dpal kun tu rnam par snang ba'i dpal zhes bya ba bsnyen bkur to/ /de'i 'og tu de bzhin gshegs pa chos rgya mtsho'i nga ro rab tu sgrog pa'i 'od ces bya ba bsnyen bkur to/ /
de'i 'og tu de bzhin gshegs pa chos thams cad kyi gnas bsgrub pa yongs su 'grub pa'i gzi brjid ces bya ba bsnyen bkur to/ /de'i 'og tu de bzhin gshegs pa ye shes kun tu snang ba'i dam pa'i dpal zhes bya ba bsnyen bkur to/ /de'i 'og tu de bzhin </font><hr>38-1-155a<br><font size=+1>
gshegs pa mtshan dam pa'i dpal zhes bya ba bsnyen bkur to/ /de'i 'og tu de bzhin gshegs pa chos kyi stobs kyi dpa' ba'i rgyal mtshan ces bya ba bsnyen bkur to/ /de'i 'og tu de bzhin gshegs pa chos kyi 'khor lo'i 'od kyi dbyangs 
zhes bya ba bsnyen bkur to/ /de'i 'og tu de bzhin gshegs pa 'od gzer yon tan gyi cod pan ye shes dang shes rab kyi 'od ces bya ba bsnyen bkur to/ /de'i 'og tu de bzhin gshegs pa chos kyi 'khor lo zla bas 'phags pa'i dpal zhes bya ba bsnyen 
bkur to/ /de'i 'og tu de bzhin gshegs pa chos kyi pad+mo rnam par snang bas rnam par sangs rgyas pa'i dpal zhes bya ba bsnyen bkur to/ /de'i 'og tu de bzhin gshegs pa rin chen pad+mo snang ba'i snying po zhes bya ba bsnyen bkur to/ /de'i 'og tu de bzhin gshegs 
pa rin chen dpal gyi rtse mo'i sprin rab tu snang ba zhes bya ba bsnyen bkur to/ /de'i 'og tu de bzhin gshegs pa ye shes kyi me tog kun nas rnam par dag pa zhes bya ba bsnyen bkur to/ /de'i 'og tu de bzhin gshegs pa 'od gzer dpal gyi ri bo'i snying po zhes bya ba bsnyen 
bkur to/ /de'i 'og tu de bzhin gshegs pa 'od gzer gyi dkyil 'khor spo'i rgyal po zhes bya ba bsnyen bkur to/ /de'i 'og tu de bzhin gshegs pa bsod nams sna tshogs kyi sprin ces bya ba bsnyen bkur to/ /de'i 'og tu de bzhin gshegs pa chos kyi ri bo rgyal 
mtshan sprin ces bya ba bsnyen bkur to/ /de'i 'og tu de bzhin gshegs pa yon tan ri bo'i gzi brjid ces bya ba bsnyen bkur to/ /de'i 'og tu de bzhin gshegs pa chos kyi nyi ma'i sprin rab tu snang ba zhes bya ba bsnyen bkur to/ /de'i 'og tu de bzhin gshegs pa 
chos kyi sprin snyan pa rnam par grags pa zhes bya ba bsnyen bkur to/ /de'i 'og tu de bzhin gshegs pa chos kyi dkyil 'khor na bun sprin ces bya ba bsnyen bkur to/ /de'i 'og tu de bzhin gshegs pa byang chub rnam par sangs rgyas pa'i ye shes gzi brjid ces bya </font><hr>38-1-155b<br><font size=+1>
ba bsnyen bkur to/ /de'i 'og tu de bzhin gshegs pa chos kyi dkyil 'khor rnam par sangs rgyas pa'i dpal gyi zla ba zhes bya ba bsnyen bkur to/ /de'i 'og tu de bzhin gshegs pa gser rin po che'i ri bo gzi brjid bzang po zhes bya ba bsnyen bkur to/ /de'i 'og tu de 
bzhin gshegs pa dpal gyi ri bo gzi brjid bzang po zhes bsnyen bkur to/ de'i 'og tu de bzhin gshegs pa shes rab kyi sgra kun tu 'byung ba'i sprin ces bya ba bsnyen bkur to/ /de'i 'og tu de bzhin gshegs pa chos kyi stobs kyi dpal brtsegs pa zhes bya ba bsnyen bkur 
to/ /de'i 'og tu de bzhin gshegs pa spos 'od 'phro ba'i sprin phun sum tshogs pa'i rgyal po zhes bya ba bsnyen bkur to/ /de'i 'og tu de bzhin gshegs pa gser rin po che'i ri'i dbyangs zhes bya ba bsnyen bkur to/ /de'i 'og tu de bzhin gshegs pa gtsug tor gyi mdzod 
chos thams cad 'od kyi dkyil 'khor gyi sprin ces bya ba bsnyen bkur to/ /de'i 'og tu de bzhin gshegs pa chos kyi 'khor lo rab tu 'bar ba'i gzi brjid rgyal po zhes bya ba bsnyen bkur to/ /de'i 'og tu de bzhin gshegs pa ri'i rtse mo mngon par 
'phags pa'i gzi brjid ces bya ba bsnyen bkur to/ /de'i 'og tu de bzhin gshegs pa brtson 'grus kyi sgron ma kun tu snang ba'i sprin ces bya ba bsnyen bkur to/ /de'i 'og tu de bzhin gshegs pa ting nge 'dzin gyi phyag rgya shin tu yangs pa'i cod pan shes rab kyi 
'od ces bya ba bsnyen bkur to/ /de'i 'og tu de bzhin gshegs pa rin po che yid du 'ong ba'i dpal gyi rgyal po zhes bya ba bsnyen bkur to/ /de'i 'og tu de bzhin gshegs pa chos kyi sgron ma rin chen bla re'i dbyangs shes bya ba bsnyen bkur to/ /de'i 'og 
tu de bzhin gshegs pa chos kyi nam mkha' la seng ge'i 'od shin tu mdzes pa zhes bya ba bsnyen bkur to/ /de'i 'og tu de bzhin gshegs pa mtshan gyis rnam par brgyan pa'i rgyal mtshan zla ba zhes bya ba bsnyen bkur to/ /de'i 'og tu de bzhin </font><hr>38-1-156a<br><font size=+1>
gshegs pa 'od gzer gyi ri bo rnam par snang ba'i sprin ces bya ba bsnyen bkur to/ /de'i 'og tu de bzhin gshegs pa chos kyi nam mkha' sgrib pa med pa'i 'od ces bya ba bsnyen bkur to/ /de'i 'og tu de bzhin gshegs pa mtshan yid du 'ong ba'i 
me tog gi yan lag shin tu rgyas pa zhes bya ba bsnyen bkur to/ /de'i 'og tu de bzhin gshegs pa 'jig rten gyi dbang po dam pa'i 'od kyi dbyangs zhes bya ba bsnyen bkur to/ /de'i 'og tu de bzhin gshegs pa chos thams cad ting nge 'dzin gyi 'od kyi dbyangs 
zhes bya ba bsnyen bkur to/ /de'i 'og tu de bzhin gshegs pa chos kyi sgo'i dbyangs mang po'i mdzod ces bya ba bsnyen bkur to/ /de'i 'og tu de bzhin gshegs pa chos 'bar ba'i 'od 'phro rgya mtsho'i dbyangs shes bya ba bsnyen bkur to/ /de'i 'og tu de bzhin gshegs 
pa dus gsum gyi mtshan rab tu snang ba'i gzi brjid ces bya ba bsnyen bkur to/ /de'i 'og tu de bzhin gshegs pa chos kyi dkyil 'khor dpal gyi ri bo snang ba'i 'od ces bya ba bsnyen bkur to/ /de'i 'og tu de bzhin gshegs pa chos dbyings kyi seng ge'i 'od 
ces bya ba bsnyen bkur to/ /de'i 'og tu de bzhin gshegs pa rnam par snang mdzad dpal gyi ri rab ces bya ba bsnyen bkur to/ /de'i 'og tu de bzhin gshegs pa ting nge 'dzin rgya mtsho thams cad snang bar mdzad pa'i seng ge zhes bya ba bsnyen bkur te/ /
de'i 'og tu de bzhin gshegs pa ye shes kyi 'od kun tu snang ba zhes bya ba bsnyen bkur to/ /de'i 'og tu de bzhin gshegs pa shes rab kyi 'od kun tu bsal ba chos kyi grong khyer rab tu snang ba zhes bya ba bsnyen bkur to/ /de ltar rigs kyi bu sangs rgyas brgya po 
'di dag la stsogs pa/ bskal pa mdog dri ma med pa'i 'od ces bya ba la de bzhin gshegs pa ri rab kyi rdul shin tu phra ba snyed cig byung ste/ rigs kyi bu de bzhin gshegs pa ri rab kyi rdul shin tu phra ba snyed po de dag thams cad kyi tha mar de bzhin gshegs pa chos </font><hr>38-1-156b<br><font size=+1>
kyi dbyings kyi grong khyer ye shes kyi 'od kyis rab tu snang ba'i rgyal po zhes bya ba byung bar gyur te/ de ltar rigs kyi bu kho mos de bzhin gshegs pa ri rab kyi rdul shin tu phra ba snyed po de dag las chos rgya mtsho thams cad kyi dbyangs kyi 'od kyi rgyal po zhes bya ba la stsogs pa 
tha ma chos kyi dbyings kyi grong khyer ye shes kyi 'od kyi rab tu snang ba'i bar de dag thams cad kho mos mchod do/ /de bzhin gshegs pa de dag thams cad la kho mos rim gror byas so/ /thams cad kyis chos bstan pa yang thos so/ /de bzhin gshegs pa de 
dag thams cad kyi bstan pa la'ang kho mo rab tu byung ngo / /de bzhin gshegs pa de dag thams cad kyi bstan pa yang kho mos yongs su bzung ngo / /byang chub sems dpa'i rnam par thar pa sgra yid du 'ong ba dang / rnam par 'phrul pa zab mo la 'jug pa 'di yang 
de bzhin gshegs pa de dag thams cad las thob pa'i tshul rnam pa sna tshogs kyis rab tu thob bo/ /de bzhin gshegs pa de dag thams cad kyi zhabs kyi drung du'ang kho mos sems can rgya mtsho mtha' dang dbus med pa yongs su smin par byas so/ /de tshun 
chad du bskal pa sangs rgyas kyi zhing gi rdul shin tu phra ba snyed la de bzhin gshegs pa ji snyed cig byung bar gyur pa de dag thams cad ni kho mos chos kyi nan tan gyis mchod pa byas te/ rigs kyi bu de phyin chad du kho mos sems can 'khor ba'i mun pa na 'khod 
cing mi shes pa'i gnyid kyis log pa rnams kyi mel tshe byas so/ /de dag gi sems kyi grong khyer yang yongs su bsrungs so/ /de dag khams gsum gyi grong khyer nas gyen du bskyod cing thams cad mkhyen pa nyid kyi grong rdal du yang rab tu bkod do/ /
rigs kyi bu kho mos byang chub sems dpa'i rnam par thar pa sgra yid du 'ong ba dang / rnam par 'phrul pa zab mo la 'jug pa 'jig rten gyi tshig kyal par rnam par bzlog pa/ gnyis su smra ba med pa la rab tu 'god pa/ bden pa la rab tu gzhog pa'i mthar phyin </font><hr>38-1-157a<br><font size=+1>
pa 'di shes par zad na/ kho mos byang chub sems dpa' dag gi lam gyi rang bzhin thams cad thogs pa med par shes pa/ sems kyi skad cig re re la chos thams cad mngon par 'tshang rgya bar dbang bsgyur ba/ sems can thams cad kyi sgra 
skad dang / tshig rgya mtsho la zhugs pa/ skad rgya mtsho thams cad mngon par 'du bya ba la mkhas pa/ chos thams cad kyi grangs dang ming rgya mtsho'i tshul dang / cho ga la mkhas pa/ chos thams cad la yang dag par gzhol ba'i gzungs rgya mtsho la dbang bsgyur ba/ 
sems can thams cad kyi bsam pa ji lta ba bzhin tu chos kyi sprin mngon par bsgrub pa la mkhas pa/ sems can thams cad yongs su smin par bya ba dang / gdul bar spyod pa'i mthar phyin par byed pa de dag gi spyod pa shes ba'am/ yon tan brjod pa 
'am/ sems can thams cad yongs su sdud pa'i nan tan shes par bya ba 'am/ byang chub sems dpa'i lam bla na med par brtsams pa'i sbyor ba'am/ byang chub sems dpa'i ye shes shin tu phra ba khong du chud pa'am/ byang chub sems dpa'i 
chos kyi gter dang / mdzod rnam par 'byed pa'i khyu mchog gi mthu'am/ byang chub sems dpa'i chos kyi gtam la seng ge'i khri yongs su mnan par bya ba shes par nus re skan/ de ci'i phyir zhe na/ skyes bu dam pa de dag ni chos thams cad kyi 
sa'i dkyil 'khor gyi gzungs yongs su gnon pa sha stag go /song rigs kyi bu bcom ldan 'das rnam par snang mdzad kyi zhabs kyi drung 'di nyid du mtshan mo'i lha mo shing thams cad kyi me tog rgyas par bde bar gnas pa zhes bya ba 'dug ste/ kho mo 
dang rgyang mi ring ba zhig na 'dug gis/ de'i gan du song las ji ltar byang chub sems dpa' rnams thams cad mkhyen pa nyid du slob pa dang / ji ltar nan tan du byed cing sems can thams cad thams cad mkhyen pa nyid du 'god par byed pa dris shig /de </font><hr>38-1-157b<br><font size=+1>
nas mtshan mo'i lha mo grong khyer thams cad bsrung ba 'byung ba'i gzi brjid dpal gyis de'i tshe byang chub sems dpa'i rnam par thar pa sa yid du 'ong ba dang / rnam par 'phrul pa zab mo la 'jug pa 'di nyid brnan te/ bstan pa'i phyir tshong dpon gyi bu nor bzangs la tshigs su 
bcad de smras pa/ rnam thar gang gis dus gsum rgyal ba ma lus dang / /chos dbyings kun du 'byam klas mtha' dang dbus med pa/ /shes byed mtshan nyid kun gyi gzhir thug rtogs pa yi/ /rgyal sras rnams kyi rnam thar zab cing blta bar dka'/ /tshogs 
las byung ba'i rnam thar tshul ni mtha' yas te/ /chos nyid thos pas tshad med bsam du med pa yin/ /yongs su 'phel zhing kun tu chags med shugs drag par/ /dus gsum byams pa'i tshul gyi lam la 'jug par gyis/ /'di ltar sangs rgyas zhing rgyud rdul 
phran rab snyed kyi/ bskal pa 'das pa'i snga rol sngon gyi zhing byung ba/ /'jig rten khams ni chos 'od sprin gyi grong khyer dpal/ /bskul pa 'byung ba dri med mdog tu 'od chen no/ /bskal pa de gcig rgyal ba'i gdung ni rgyun ma chad/ /sangs rgyas ri rab rdul phran rab snyed 
byung bar gyur/ /bde gshegs chos kyi rgya mtsho 'od dbyangs rgyal po ni/ /thog mar byung ste de dag bskal pa dang po ba/ /rgyal ba chos sprin grong khyer 'od snang rgyal po ni/ /bde gshegs de dag kun gyi tha mar 'jig rten byung / /de dag kun gyi spyan sngar phyin te 
kho mos mchod/ /de dag kun las chos kyang dga' ba chen pos thos/ /kho mos thog mar mthong ba gser mdog 'od mnga' ba/ /rgya mtsho'i chos 'od sgrog pa'i gsung gi rgyal po ste/ /mtshan rab sum cu gnyis kyis yongs brgyan ri bo 'dra/ /mthong nas 
bdag ni bde gshegs 'gyur snyam blo gros gyur/ /de bzhin gshegs pa de ni kho mos mthong mod la/ /thams cad mkhyen nyid 'byam klas 'byung ba'i rgyu rkyen kyis/ /mkha' dbyings rnam yangs de bzhin nyid kyi rang bzhin can/ /rgyal ba'i sems kyi dang po </font><hr>38-1-158a<br><font size=+1>
stobs ldan rab tu skyes/ /snying rje bdud rtsi'i rgya mtsho che las byung ba des/ /dus gsum gshegs pa'i bde bar gshegs pa thams cad kun/ /rgyal sras rgya mtshos bskor ba ma lus thams cad dang / /sems can rgya mtshor bcas 
pa'i rgya mtsho'i zhing yang rgyas/ /lus kyis zhing rnams thams cad ma lus khyab bya dang / /'gro ba kun gyi bsam pa bzhin du lus bstan phyir/ /zhing rnams ma lus bskyod cing snang bar bya ba dang / /'gro ba smin bya'i don du bdag gis sems kyang bskyed/ /rgyal 
ba gnyis pa'i spyan sngar kho mo phyin nas kyang / /zhing rnams rgya mtsho bcu bzhugs rgyal ba'i dbang po mthong / /rgyal ba tha ma mthong nas zhing gi rgya mtsho rnams/ /rgya mtsho'i zhing gi rdul phran rab snyed bzhugs pa mthong / /de yi tshu rol bskal pa zhing rgyud rdul 
snyed du/ /rgyal ba 'gro ba'i sgron ma ji snyed skyes gyur pa/ /de dag thams cad spyan sngar kho mo phyin gyur te/ /rnam thar rgya mtsho'i tshul 'di spyod tshe mchod pa byas/ /de nas tshong dpon gyi bu nor bzangs byang chub sems dpa'i rnam par thar pa sgra yid du 
'ong ba dang / rnam par 'phrul pa zab mo la 'jug pa thob pa ting nge 'dzin gyi sgo rgya mtsho mtha' dang dbus med pa la zhugs pa/ gzungs kyi sgo rgya mtsho rgya chen po las byung ba'i sems dang ldan pa/ byang chub sems dpa'i mngon par shes pa'i snang ba 
chen po rab tu thob pa/ so so yang dag par rig pa chen po rgya mtsho la zhugs pa/ dga' ba'i shugs rgya mtsho shin du yangs pa rnam par 'phel ba'i sems dang ldan pa des/ mtshan mo'i lha mo grong khyer thams cad bsrung ba 'byung ba'i gzi brjid dpal la 
tshul dang mthun pa'i tshigs su bcad pa 'di dag gis mngon par bstod do/ /khyod kyi shes rab chos yangs rgya mtsho kun la spyod/ /srid pa'i rgya mtsho mtha' dbus med par khyod kyis spyad/ /ye shes lus mchog snying po tshe ring snyun bral ba/ /lha mo </font><hr>38-1-158b<br><font size=+1>
khyod ni 'khor 'dir byon cing rnam par mdzes/ /chos kyi rang bzhin nam mkha' lta bu thugs chud de/ /dus gsum kun gyi tshul yang chags med thugs chud mdzad/ /thugs kyi skad cig gcig la tshad med bsam yas pa'i/ /dmigs pa thams cad rtog pa mi 
mngar 'jal ba mdzad/ /ye shes spyan mnga' chos nyid sems can med gzigs kyang / /sems can rgya mtsho mtha' yas thugs rjes gzigs pa mdzad/ /thugs kyi rnam thar shin tu yangs la 'jug mdzad cing / /sems can tshad med 'dul zhing yongs su 
smin par mdzad/ /khyod ni chos kyi dkyil 'khor rnam dpyad tshul mkhyen te/ /chos kyi rang bzhin shes bya'i tshul la rnam sangs rgyas/ /'phags lam dri ma med pa thams cad yongs bsgom ste/ /'gro ba ma lus rnam par sbyong zhing yongs su 'byung / /thams 
cad mkhyen pa'i ye shes dri med rtogs mdzad pas/ /khyod ni sems can rgya mtsho'i mchog las mngon par skyes/ /da ni chos dbyings khongs chud sems can kun khyab par/ /chos rab bstan cing 'jig rten 'jigs pa zhi bar mdzad/ /khyod ni rnam par snang 
mdzad smon lam lam tshul gyis/ /yang dag bzhud cing chags med blo yang dri med ldan/ /thams cad bgrod pa'i rgyal ba'i stabs ni thugs chud cing / /zhing rnams kun gyi rgyal ba rnam par 'phrul ba gzigs/ /khyod kyi thugs ni mkha' 'dra thub par dka' ba ste/ /
nyon mongs kun gyi dri mas ma gos snga nas dag /der ni dus gsum byung ba'i zhing rnams thams cad dang / /sangs rgyas sras dang bcas pa sems can kun bcas 'dus/ /skad cig gcig gis nyin mtshan yud du zla ba dang / /skad cig yud tsam lo dang 
'du 'jig bskal pa dang / bskal pa rgya mtsho ming grangs rgya mtshor bcas pa dang / /'gro ba rnams kyi 'du shes rgya mtsho'ang thugs su chud/ /phyogs rnams kun gyi sems can skye 'chi ji snyed dang / /gzugs yod pa dang gzugs med 'du shes yod med kyi/ /</font><hr>38-1-159a<br><font size=+1>
rnam spyod bden pa'i tshul ni thugs su chud mdzad cing / /de dag lam bstan byang chub mchog tu 'god pa mdzad/ /rnam par snang mdzad smon lam 'dri ba'i rigs las 'byung / /bde gshegs kun gyi sku gcig tshul las yang dag 'khrungs/ /
khyod ni chos sku yongs dag thugs la chags mi mnga'/ /'jig rten kun tu sku gzugs yid bzhin ston pa mdzad/ /de nas tshong dpon gyi bu nor bzangs kyis mtshan mo'i lha mo grong khyer thams cad bsrung ba 'byung ba'i gzi brjid dpal la tshul dang 'dra 
ba'i tshigs su bcad pa de dag gis mngon par bstod de/ mtshan mo'i lha mo grong khyer thams cad bsrung ba 'byung ba'i gzi brjid dpal gyi rkang pa gnyis la spyi bos phyag 'tshal nas/ mtshan mo'i lha mo grong khyer thams cad bsrung ba 'byung ba'i gzi brjid dpal 
la lan brgya stong du mar g.yas phyogs su bskor ba byas te/ yang dang yang bltas nas mtshan mo'i lha mo grong khyer thams cad bsrung ba 'byung ba'i gzi brjid dpal gyi drung nas song ngo // //sangs rgyas rmad gcad ces bya ba shin tu 
rgyas pa chen po'i mdo/bam po bcu pa/ de nas tshong dpon gyi bu nor bzangs byang chub sems dpa'i rnam par thar pa sgra yid du 'ong ba dang / rnam par 'phrul pa zab mo la 'jug pa de/ de bas kyang rgya cher bsgom pa dang / yid ches par 
bya ba dang / shin tu rgyas par byed cing / mtshan mo'i lha mo shing thams cad kyi me tog rgyas pas bde bar gnas pa gang na ba der phyin nas/ mtshan mo'i lha mo shing thams cad kyi me tog rgyas pas bde bar gnas pa spos rin po che thams cad kyi 
shing gi yal ga'i khang pa brtsegs pa zhig na/ seng ge'i khri rin po che'i shing gi myu gu'i snying po can zhig la 'dug ste/ mtshan mo'i lha mo stong phrag bcus kun nas bskor cing 'dug pa mthong ngo / /de nas tshong dpon gyi bu nor bzangs kyis mtshan mo'i lha </font><hr>38-1-159b<br><font size=+1>
mo shing thams cad kyi me tog rgyas pas bde bar gnas pa'i/ rkang pa gnyis la spyi bos phyag 'tshal te/ mdun du 'dug nas thal mo sbyar te 'di skad ces smras so/ /lha mo bdag gis bla na med pa yang dag par rdzogs pa'i byang chub tu sems bskyed na ji ltar byang chub sems 
dpa' rnams byang chub sems dpa'i spyad pa spyod pa dang / ji ltar slob pa dang / ji ltar spyod ji ltar slob cing thams cad mkhyen pa nyid du 'byung ba bdag la bshad du gsol/ de skad ces smras pa dang / mtshan mo'i lha mo shing thams cad kyi me tog rgyas pas bde bar gnas 
bas/ tshong dpon gyi bu nor bzangs la 'di skad ces smras so/ /rigs kyi bu kho mo'i mthus ni mi mjed kyi 'jig rten gyi khams na nyi ma nub tu cha ba'i tshe/ pad+mo shin ta rgyas pa rnams kyang rnam par par 'gyur ro/ /skyes pa dang bud med bza' shing gi ra 
ba na gnas shing / dga' bar rtse ba la brtson pa dag kyang khyim du 'dong ba'i blo bskyed do/ /lam dang srang na rgyu ba'i sems can rnams kyang zhag gi gnas sems shing tshol te 'gro ba'i gnas thams cad du mngon par gzhol bar 'gyur ro/ /nags tshal dang gseb 
dang / phug la rten pa'i sems can rnams kyang nags tshal dang gseb dang phug tu 'dong ngo / /shing la gnas pa'i sems can rnams kyang shing gi gnas la brten par mngon par gzhol lo/ /khung na gnas pa'i sems can rnams kyang khung du 'dong ngo / /grong dang grong 
khyer dang / ljongs dang yul la gnas pa'i sems can rnams kyang grong dang grong khyer dang ljongs dang yul du 'dong ngo / /chu na gnas pa'i sems can rnams kyang chur 'dong ngo / /phyogs gzhan gyi yul du phyin pa'i sems can rnams kyang nub mo bde zhing dga' bar 
gnas pa'i don du rang rang gi yul gyi phyogs kyi bsam pa skyed do/ /rigs kyi bu gzhan yang / kho mo ni skyes pa dang bud med gzhon nu dar la bab pa/ dar ba'i nyam drod kyis myos pa dang / /glu dang gar dang rol mo'i dga' bas myos pa dang /</font><hr>38-1-160a<br><font size=+1>
'dod pa'i yon tan la dga' zhing / brtson pa rnams la skye ba dang / rga shi dang / gti mug gi mun pa chen pos 'jigs pa'i gnyen por dge ba'i rtsa ba yongs su bskyed pa'i phyir/brtson 'grus kyi legs pas bsngags pa byed do/ /sems 
can ser sna dang ldan pa rnams ni sbyin pa la rab tu sbyor ro/ /sems can tshul khrims ngan pa can rnams ni/ tshul khrims la rab tu 'god do/ /ngan sems dang ldan pa'i sems can rnams la ni/ byams pa'i legs pa brjod par byed do/ /sems 'khrugs pa'i 
sems can rnams ni bzod pa la rab tu 'god do/ /le lo can gyi sems can rnams ni/ byang chub sems dpa'i brtson 'grus brtsam pa la rab tu 'god do/ /sems can rnam par myos pa'i sems can rnams ni bsam gtan la rab tu 'god do/ /shes rab 'chal 
ba can gyi sems can rnams ni shes rab kyi pha rol tu phyin pa la yongs su sbyor ro/ /theg pa dma' ba la mos pa'i sems can rnams ni theg pa chen po la rab tu 'god do/ /khams gsum la mngon par zhen pa'i sems can rnams ni/ byang chub sems dpa'i smon lam gyi pha rol tu phyin 
pa/ srid pa'i lam gyi rgyud mthar phyin pa'i dkyil 'khor la spyod pa la rab tu 'god do/ /dmigs pa'i dbang du gyur pa'i sems can las dang / nyon mongs pas rab tu mnar ba bsod nams dang / ye shes kyi stobs med pa rnams ni/ byang chub sems 
dpa'i stobs kyi pha rol tu phyin pa la rab tu 'god do/ /mi shes pa'i mun nag gis khebs pa'i/ sems can bdag tu bya ba dang /bdag gir bya bas ma rig pa'i mun nag tu 'thoms pa rnams ni byang chub sems dpa'i ye shes kyi pha rol tu phyin pa la rab 
tu 'god de/ rigs kyi bu gzhan yang kho mo ni/ byang chub sems dpa'i rnam par thar pa dga' ba'i 'od spro ba yangs pa yang dag par 'byung ba thob pa'o/ /nor bzangs kyis smras pa/ lha mo byang chub sems dpa'i rnam par thar ba dga' </font><hr>38-1-160b<br><font size=+1>
ba'i 'od spro ba yangs pa yang dag par 'byung ba de'i yul ji lta bu zhig mchis smras pa/ rigs kyi bu rnam par thar pa de ni/ de bzhin gshegs pa'i bsod nams kyis sems can yongs su sdud pa'i ye shes dang / thabs snang ba dang ldan pa ste/ de ci'i phyir zhe na/ 
rigs kyi bu sems can rnams kyi bde ba nyams su myong ba ji snyed cig yod pa de dag thams cad ni de bzhin gshegs pa'i bsod nams kyi mthus byung ba'o/ /de bzhin gshegs pa'i gdams ngag gi tshul gyis byung ba'o/ /de bzhin gshegs pa'i gsung la nan 
tan tu byas pas byung ba'o/ /de bzhin gshegs pa'i rjes su bslabs pas byung ba'o/ /de bzhin gshegs pa'i byin gyi rlabs kyis byung ba'o/ /de bzhin gshegs pas bstan pa'i lam la nan tan du byas pas byung ba'o/ /de bzhin gshegs pa dang tshul 
'dra ba'i dge ba'i rtsa ba bskyed pas byung ba'o/ /de bzhin gshegs pas chos bstan pa'i mthun pa'i rgyus byung ba'o/ /de bzhin gshegs pa'i ye shes kyi nyi ma snang bas byung ba'o/ /rigs kyi bu de bzhin gshegs pa'i rigs kyi chos dkar po'i dkyil 
'khor gyi snang bas ni/ sems can rnams kyi bde ba yongs su 'byung ste/ de ci'i phyir zhe na/ 'di ltar rigs kyi bu kho mos byang chub sems dpa'i rnam par thar pa dga' ba'i 'od spro ba yangs pa yang dag par 'byung ba 'di la 'jug pa'i tshe/ bcom ldan 
'das de bzhin gshegs pa dgra bcom pa yang dag par rdzogs pa'i sangs rgyas rnam par snang mdzad kyi sngon gyi/ byang chub sems dpa'i spyod pa rgya mtsho rjes su dran par byed cing 'jug pa dang / khong du chud par byed pa'i tshe/ 'di ltar bcom ldan 'das 
sngon byang chub sems dpa'i sa la bzhugs pas/ sems can bdag tu bya ba dang / bdag gir bya ba la mngon par zhen pa/ ma rig pa'i mun pas 'thoms pa/ lta ba'i thibs po'i lta bas dgon par 'khyams pa/ srid pa'i dbang du gyur pa/ 'dod chags kyi </font><hr>38-1-161a<br><font size=+1>
bcings pas glags pa/ zhe sdang gis khong khro ba'i sems dang ldan pa/ gti mug gis sems kyi rgyud 'khrugs par gyur pa/ phrag dog dang ser snas kun nas 'khor ba/ nyon mongs pas rab tu dkrugs pa'i sems dang ldan pa/ 
'khor ba'i sdug bsngal chen po nyams su myong bar gyur pa/ 'khor ba na 'phongs pa'i sdug bsngal gyis rab tu gzir ba/ sangs rgyas blta ba las phyir phyogs par gyur pa/ thams cad gzigs nas thugs rje chen po'i dgongs pa skyes par gyur to/ /
sems can thams cad kyi don du 'gro ba thams cad la yo byad dang / rin po che yongs su bsdu zhing / yongs su sdud pa'i dgongs pa dang / sems can thams cad kyi mkho ba'i yo byad yongs su bsgrub pa'i dgongs pa dang / dngos po thams 
cad la chags pa mi mnga' ba'i dgongs pa dang / yul thams cad la ye brngam pa mi mnga' ba'i dgongs pa dang / dga' ba thams cad la chags pa mi mnga' ba'i dgongs pa dang / longs spyod thams cad la yongs su ma zhen pa'i dgongs pa dang / sbyin 
pa thams cad la rnam par smin pa la re ba med pa'i dgongs pa dang / 'jig rten gyi phun sum tshogs pa thams cad la bzhed pa mi mnga' ba'i dgongs pa dang / rgyu dang rkyen la ma rmongs pa'i dgongs pa dang / legs par 'tshal ba'i chos la 
yang dag par ji ltar ba bzhin du mkhyen pa'i dgongs pa dang / sems can thams cad kyi don la gzhol bar bya ba mngon par bsgrub pa'i dgongs pa yang dag par skyes par gyur te/ de de ltar chos thams cad kyi rang bzhin la yang dag par zhugs 
pa'i dgongs pa dang ldan pa sems can gyi khams thams cad du byams pa chen pos snyoms par zhugs pa 'gro ba thams cad thugs rje chen po'i sprin gyis rgyas par dgang ba'i sbyor ba mnga' ba sems can gyi 'jig rten thams cad kun nas </font><hr>38-1-161b<br><font size=+1>
khebs pa'i chos kyi gdugs chen po'i dkyil 'khor mnga' ba/ sems can thams cad kyi nyon mongs pa'i ri rnam par 'joms pa'i ye shes rdo rje'i mtshon cha mnga' ba/ 'gro ba thams cad kyi bde ba yongs su bsgrub pas dgyes pa'i shugs rnam par 'phel ba'i dgongs 
pa mnga' ba/ sems can thams cad la bde ba phul du phyin pa mngon par bsgrub pa'i smon lam gyi dgongs pa mnga' ba/ bsam pa dang smon pa ji lta ba bzhin du sems can thams cad la nor gyi char rab tu dbab pa'i dgongs pa mnga' ba/ sems can thams cad yongs 
su mi gtong zhing snyoms par sbyor ba'i dgongs pa mnga' ba/ 'phags pa'i nor gyis sems can thams cad tshim par mdzad pa'i dgongs pa mnga' ba/ stobs bcu'i ye shes rin po che phul du dri ma med pa thob par mdzad pa'i dgongs pa mnga' ba/ byang chub sems 
dpa'i mngon par shes pa chen po'i stobs dang shugs rab tu brnyes pa de byang chub sems dpa'i rnam par 'phrul pa sna tshogs kyi sprin chen pos sems can kyi khams chos kyi dbyings kyis klas pa nam mkha'i mthas gtugs pa thams cad rgyas par bkang ste/ sems 
can thams cad la mngon par gyur par bzhugs shing sbyin pa'i dmigs pa thams cad kyi sprin gyi char chen po rnam pa thams cad du dbab pa dang / rin po che'i rgyan thams cad kyi sprin chen po'i char mngon par 'bebs pa mdzad de/ 'di ltar sems can thams 
cad so so'i tshul dang ji ltar mthun pas longs spyod par bya ba'i phyir dngos po rnam pa tha dad pa mtha' yas pa yongs su gtang ba dang yo byad rnam pa tha dad pa tshad med pa la spyad par bya ba dang sbyin pa rnam pa sna tshogs thams cad kyis yongs su bsdu ba'i tshul dang / 
dngos po yongs su gtang ba rnam pa du ma la yongs su spyad pa dang / yo byad kyi rnam pa dang / rgyan gyi 'du byed brjod du med pa dang / sbyin pa'i tshogs rnam pa sna tshogs mtshan nyid sna tshogs dang ldan pa/ sems can rnams bsam pa ji lta ba bzhin du yongs su </font><hr>38-1-162a<br><font size=+1>
tshim par bya ba'i sbyin pa'i tshul mtha' yas pa thugs su chud pas sems can gyi bsam pa ji lta ba bzhin du yongs su tshim par bya bar mngon par bsgrub pa'i dngos po thams cad gtang ba dang / yongs su gtang ba dang / sbyin par bya ba dang / 'gro ba thams 
cad kyi 'du byed kyi sdug bsngal rgyun mi chad pa las yongs su bskyab pa'i tshul du bya ba rnams/ sems can thams cad la lan la re ba mi mnga' ba dang / 'gro ba thams cad la mnyam pa nyid du byung ba'i dgongs pa mnga' bas/ 'gro ba thams cad kyi sems rin po che 
yongs su sbyong ba mdzad cing sangs rgyas thams cad kyi dge ba'i rtsa ba rgya mtsho gcig tu gyur pa las byung ba'i yongs su bsdu ba'i tshul/ 'gro ba thams cad kyi bsam pa ji lta ba bzhin du yo byad kyi char dbab pa/ 'gro ba thams cad la thams cad mkhyen pa'i bsod nams 
rgya mtsho'i shugs rnam par 'phel bar mdzad pas dgongs pa'i skad cig re re la sems can ma lus pa thams cad yongs su smyin par bya ba dang / gdul ba gcig nas gcig tu brgyud pa rnam par dag par bya ba'i phyir mngon par bsgrub par mdzad pa dang / 
dgongs pa'i skad cig re re la zhing gcig nas gcig tu brgyud pa ma lus pa thams cad sangs rgyas kyi zhing nye bar nyon mongs pa med cing bla na med pa'i rgyan rnam par dag pas rnam par klub cing rab tu brgyan pa yongs su rdzogs par bya ba dang / dgongs pa'i skad cig 
re re la chos kyi tshul rgya mtsho lus pa thams cad rgyas par dgang ba rnam par dag par bya ba dang dgongs pa'i skad cig re re la nam mkha'i dbyings kyi gtos ma lus pa thams cad rgyas par dgang ba'i ye shes kyi tshul yongs su rdzogs par bya ba dang / dgongs pa'i skad cig 
re re la sems can dang dus ma lus pa thams cad la 'jug cing ye shes kyi tshul rnam par dag par bya ba dang / dgongs pa'i skad cig re re la 'gro ba ma lus pa thams cad rnam par 'dul ba'i ye shes kyi tshul snang ba rab tu thob par bya ba dang / dgongs pa'i skad </font><hr>38-1-162b<br><font size=+1>
cig re re la dus ma lus pa thams cad du chos kyi 'khor lo bskor ba las phyir mi ldog par bya ba dang / dgongs pa'i skad cig re re la thams cad mkhyen pa'i ye shes kyi byin gyi rlabs la mkhas pa ma lus par yongs su bstan pas 'gro ba thams cad la phan thogs par bya ba dang / 
dgongs pa'i skad cig re re la 'jig rten gyi khams ma lus pa'i grangs su bya ba'i rgyud dang ldan pa/ 'jig rten gyi khams rgya mtsho thams cad mngon par bstan pa/ 'jig rten gyi khams rgya mtsho thams cad yongs su 'du ba/ 'jig rten gyi khams 'byam klas pa sna 
tshogs brjod du yod pa/ 'jig rten gyi khams kyi rgyud rnam par gnas pa sna tshogs kyi mtshams rnam par brgyan pa/ gzhi sna tshogs dang lhun du mar brjod du yod pa rnam par phye ba sna tshogs kyi bskal pa rnam pa tha dad pa bstan du yod pa/ kun nas nyon mongs shing 
rnam par dag pa dang rnam par dag cing kun nas nyon mongs pa dang / gcig tu yongs su dag pa dang gcig tu kun nas nyon mongs pa dang che ba dang yangs pa dang / tshad med pa dang dog pa dang phra ba dang rgya che ba dang / gzhi mnyam pa dang snrel zhi dang spyi'u tshugs dang / 
phyogs dang phyogs mtshams su mngon par bltas pa dang / phyogs rgya mtsho sna tshogs su gzhol ba sgo sna tshogs nas bstan cing sgo mtha' yas pa'i dbyibs rnam pa sna tshogs su 'dug pa'i rnam par phye ba sna tshogs dang ldan pa'i 'jig rten gyi khams rgya mtsho thams cad du 
byang chub sems dpa' spyod pa spyad de/ byang chub sems dpa'i skyon med pa yongs su mnan nas/ byang chub sems dpa'i spyod pa dang / rnam par 'phrul pas rgyas par dgang bar bya ba dang / dgongs pa'i skad cig re re la dus gsum gyi sangs rgyas kyi 
'phrin las ma lus pa thams cad sems can pha rol gyi sems dang bsam pas rnam par dmigs par bya ba'i phyir 'gro ba thams cad la thams cad mkhyen pa'i bsod nams rgya mtsho'i shugs rnam par 'phel bar mdzad de/ mngon par bsgrub pa mdzad par </font><hr>38-1-163a<br><font size=+1>
gyur pa mngon par shes so rjes su dran no/ /rigs kyi bu de ltar bcom ldan 'das de bzhin gshegs pa rnam par snang mdzad sngon byang chub sems dpa'i spyod pa mdzad pa'i tshe/ 'jig rten gnas pa bsod nams dang ye shes kyi tshogs dang bral 
ba/ sems can byas pa drin du mi gzo bas yongs su gang ba/ mi shes pa'i mun pas chod pa/ bdag tu bya ba dang / bdag gir bya ba la mngon par zhen pa ma rig pa'i mun pa dang rab rib kyis bsgribs pa tshul bzhin ma yin par rnam par rtog pa la zhugs pa/ lta 
ba'i thibs po'i bas dgon par mgo rlag pa/ rgyu dang 'bras bu la mgo rmongs pa nyon mongs pa dang las kyi dbang du gyur pa 'khor ba'i mya ngam chen po'i sdug bsngal gyi sa'i 'og tu ltung ba/ phongs pa'i sdug bsngal nyams su myong bar gyur pa rnams la thugs rje chen po 
bskyed de/ pha rol tu phyin pa spyad pa'i sprin rgya chen po mngon par bsgrubs te dge ba'i rtsa ba la brten par gnas pa yongs su bsngags pa dang / sems can thams cad kyi 'khor ba'i sdug bsngal rnam par bzlog pa dang / bsod nams dang ye 
shes kyi tshogs chen po la mngon par mos par bya ba dang / rgyu'i dkyil 'khor gyi phyogs mngon par bstan pa dang / las dang chos su mi 'gal ba'i phyogs rab tu brjod pa dang / sangs rgyas kyi chos kyi dkyil 'khor yongs su bsdu ba'i phyogs snang bar 
bya ba dang / sems can thams cad kyi mos pa'i phyogs rab tu brjod par bya ba dang / sems can thams cad kyi zhing yongs su bsgrub pa'i phyogs legs par bstan pa dang / de bzhin gshegs pa thams cad kyi rigs mi gcad pa'i phyogs kyi rjes su 
'brang bar bya ba dang / sangs rgyas thams cad kyi bstan pa'i phyogs yongs su gzung ba dang / myi dge ba'i chos thams cad kyi phyogs rnam par bzlog pa dang / thams cad mkhyen pa nyid kyi tshogs kyi phyogs yongs su brjod pa mdzad de/ pha rol tu phyin </font><hr>38-1-163b<br><font size=+1>
pa'i sprin chen pos sems can gyi khams thams cad rgyas par bkang ste/ mngon par bsgrubs nas bsam pa ji lta ba bzhin du sems can tshim par 'gyur bar chos kyis shin tu bsdu ba la sems can rab tu dgod par mdzad do/ /thams cad mkhyen pa nyid kyi tshogs la 
yang dag par bskul to/ /byang chub sems dpa'i pha rol tu phyin pa chen po la rab tu btsud do/ /'phags pa'i nor thams cad rab tu thob par bya bas nye bar brten to/ /thams cad mkhyen pa nyid du 'dun pa'i shugs kyis sems can rnams kyi dge ba'i rtsa ba rgya 
mtsho rnam par 'phel bar mdzad do/ /de bzhin gshegs pa'i rnam par 'phrul pa'i sgor yang de dag rab tu btsud de/ phung po shin tu zhi ba'i bde bas yongs su bsdu bas yongs su bsdus te/ de bzhin gshegs pa'i bdag nyid che ba nyid la mngon du mos par 
byas te/ byang chub sems dpa' yongs su gzung ba'i ye shes la rab tu bkod do/ /nor bzangs kyis smras pa/ 'phags ma khyod bla na med pa yang dag par rdzogs pa'i byang chub tu yang dag par zhugs nas ji srid cig lags/ smras pa/ rigs kyi 
bu gnas 'di ni yid ches par dka' ba ste/ shes par dka' ba'o/ /mos par dka' ba'o/ /'jug par dka' ba'o/ /brjod par dka' ba'o/ /khong du chud par dka' ba ste/ lha dang bcas pa'i 'jig rten dang nyan thos dang rang sangs rgyas thams 
cad kyis kyang khong du chud par mi nus so/ /gzhan du na de bzhin gshegs pa'i byin gyi rlabs dang / dge ba'i bshes gnyen gyis yongs su bzung ba ma gtogs te/ gnas 'di ni sems can 'khor ba'i bde ba thams cad la mngon par 'dod pa 
med pa de bzhin gshegs pa'i bde ba la lhag par dmigs pa/ sems can thams cad kyi sdug bsngal dang yid mi bde ba rab tu zhi bar bya ba la zhugs pa/ de bzhin gshegs pa'i yon tan rgya mtsho la 'jug pa'i nan tan la mngon par mos pa/ chos </font><hr>38-1-164a<br><font size=+1>
thams cad kyi rang bzhin nges par rtogs pa nam mkha'i spyod yul dang ldan pa/ mos pa yangs pa'i lam gyis rnam par dag pa/ 'khor ba'i rgyun las phyir phyogs pa de bzhin gshegs pa thams cad kyi ye shes rgya mtsho la mngon par mos 
pa chos kyi grong khyer du 'gro bar gcig tu chad pa/ de bzhin gshegs pa'i yul yongs su gnon pa'i brtson 'grus can/ sangs rgyas kyi sa'i rgyud rnam par gnon pa thams cad mkhyen pa'i stobs yongs su rdzogs par bya ba la mngon par mos pa/ stobs bcu rab 
tu thob par bya ba'i mthar thug pa rnams kyis bsod nams dang ye shes kyi tshogs yangs pas nye bar brten pa'i sems dang / bsam pa rnam par dag pa dang ma zhum pa dang / nyon mongs pa med pa dang / ma yo ba dang / ma nyams pa dang / ma 'chums pa dang / 
mun pa med pa'i sems dang / ye shes kyi snang ba kun tu snang bas snang bar 'gyur ba'i sems dang / sems can thams cad la phan pa dang / bde bar bya bar shin tu 'dun pa'i sems dang / bdud kyi 'khor dang / nyon mongs pa thams cad kyis mi thub pa'i 
sems dang / thams cad mkhyen pa nyid kyi ye shes thob par bya bar skabs phye ba'i sems kyis khong du chud pa dang / 'jug pa dang / yid ches par bya ba dang / gzung ba dang rjes su 'brang bar bya ba 'am/ shes par bya bar nus so/ /de ci'i phyir zhe na/ rigs kyi bu gnas 
'di ni de bzhin gshegs pa'i ye shes kyi yul te/ byang chub sems dpa' thams cad kyis kyang yongs su ma non na/ sems can gzhan thams cad kyis lta ci zhig smos/ 'on kyang sems can cang shes rnams kyi bsam pa phun sum tshogs pa rnam par dag 
par bya ba dang / dge ba'i rtsa ba la spyod pa'i sems can rnams kyi lhag pa'i bsam pa dbang du 'gyur bar bya ba dang / khyod kyis bsam pa thag pa nas yongs su dris pa'i lung bstan pa'i chos nyid rab tu 'byung ba thob par bya ba'i phyir de bzhin gshegs pa'i byin gyi </font><hr>38-1-164b<br><font size=+1>
rlabs kyis bstan to/ /de nas mtshan mo'i lha mo shing thams cad kyi me tog rgyas pas bde bar gnas pas de'i tshe/ don de nyid la brnan te bstan pa'i phyir dus gsum du byung ba'i de bzhin gshegs pa'i yul la rnam par bltas te/ tshigs su bcad pa 'di dag 
smras so/ /sangs rgyas sras po khyod kyis gang dris pa/ /de ni bsam yas zab mo sangs rgyas yul/ /bsam yas zhing gi rdul phran rab snyed kyi/ /bskal pa mang pos de kun brjod myi nus/ /sems can 'dod pa'i sems ldan sdang ba dang / /de bzhin 
gti mug mun pas bsgribs pa dang / /'chab dang dregs pas bsam pa nyams gyur pas/ /rgyal ba'i chos nyid zhi ba shes mi nus/ /phrag dog 'jungs pa'i dbang gis rjes 'brang dang / /g.yo sgyus bsam pa rnyogs par gyur pa dang / /nyon 
mongs las kyi sgrib pas bsgribs pa yis/ /sangs rgyas yul 'di shes par mi nus so/ /phung po khams dang skye mched gnas pa dang / /'jig tshogs mang la gnas par gyur pa dang / /lta sems 'du shes phyin ci log gyur pas/ /
zhi ba'i sa 'di shes par mi nus so/ /rgyal ba'i yul ni shes dka' zhi ba ste/ /rang bzhin dri med rnam par rtog pa med/ /srid par rten cing 'khor la chags pa yis/ /chos 'di yang dag shes par mi nus so/ /sangs rgyas rigs su rigs 
ldan gang skyes pa/ /de bzhin gshegs pa kun gyis byin brlabs shing / /chos kyi rgyal po'i gdung rabs yongs 'dzin pa/ /drang srong de dag yul ni 'di yin no/ /dkar chos rgya mtshos mi ngoms sems ldan zhing / /gang rnams 
dge ba'i bshes kyis yongs bzung ste/ /thub pa'i stobs la dmigs pa'i sems sprin can/ /de dag 'di thos bzod pa thob par 'gyur/ /gang rnams bsam pa dri med rnam rtog med/ /bar snang mkha' bzhin phyogs dang phyogs mtshams su/ /</font><hr>38-1-165a<br><font size=+1>
mun pa rnam bsal blo gros sgron ma'i sprin/ /dri med de dag spyod yul 'di yin no/ /snying rje'i bsam pas 'gro ba rgya mtsho rnams/ /dus gsum byung ba gang rnams rgyas byed cing / /sems can ma lus rjes 'brang byams pa can/ /de dag rgyal 
ba'i tshul 'dir 'jug par 'gyur/ /gang rnams 'dzin med dga' ba'i sems ldan zhing / /rtag par bdog pa thams cad sbyin brtson la/ /sems can kun la mnyam par zhugs gyur pa/ /chags med de dag spyod yul sa 'di yin/ /nyon mongs med sems 
skyon med spyod ldan zhing / /gang rnams 'gyod pa rnam bstsal sems ldan te/ /sangs rgyas gdams ngag nan tan byed ldan pa/ /dri med de dag spyod yul 'di yin no/ /gang rnams mi sgul sems ldan mi bskyod sems/ /chos kyi rang bzhin rtogs pa'i sems 
ldan zhing / /las kyi rgya mtshor mi 'gal sems ldan pa/ /mi zad de dag rnam thar 'di yin no/ /gang rnams mi skye'i sems dang mi ldog sems/ /brtson 'grus mthu dang rtsal du ldan pa rnams/ /thams cad mkhyen tshogs brtson 'grus mtha' yas pa/ /
brtul zhugs bzang ldan de dag yul 'di yin/ /zhi ba'i sems ldan mnyam par bzhag pa gang / /shin tu zhir gyur rims dang bral ba rnams/ /kun mkhyen bsam gtan yan lag mtshor spyod pa/ /rab tu zhi ba de dag tshul 'di yin/ /gang rnams 
chags pa kun las sems grol zhing / /chos kyi rang bzhin khong du chud sems can/ /rgyal ba'i chos dbyings rtogs pa khong chud pa/ /shes rab sgron ma de dag tshul 'di yin/ /sems can rang bzhin rtogs sems ldan gyur cing / /gang rnams 
srid pa'i mtsho la chags med sems/ /sems can sems la gzugs brnyan zla 'char ba/ /lam mkhan de dag rnam thar 'di yin no/ /dus gsum byung ba'i rgyal ba rgya mtsho rnams/ /smon lam gang chen mtsho rgyud skyes pa yi/ /zhing rnams kun tu </font><hr>38-1-165b<br><font size=+1>
phyi ma'i mthar spyod pa/ /kun tu bzang po de dag tshul 'di yin/ /gang rnams chos dbyings tshul rnams rgya mtsho yis/ /'gro ba rgya mtsho 'du dang 'jig pa yi/ /bskal par bcas pa khong du chud pa'i rnams/ /rtog med de dag rnam thar 'di yin no/ /zhing 
rnams kun gyi rdul phran thams cad la/ /sangs rgyas grangs med shing rgyal drung bzhugs shing / /byang chub 'tshang rgya 'gro 'dul mthong ba yi/ /chags med mig can de dag tshul 'di yin/ /khyod ni bskal pa rgya mtsho rgya chen du/ /dge ba'i bshes gnyen 
mang po bsnyen bkur te/ /chos 'dod chos tshol mi skyo 'dir phyin pas/ /thos nas de ni yongs su gzung bar nus/ /khyod kyi bsam pa yongs su sbyang ba'i phyir/ /bde gshegs byin rlabs bsam gyis mi khyab pas/ /rnam par snang mdzad tshad med 
yul 'di yang / /kho mo'i tshig las chags pa med par 'byung / /rigs kyi bu sngon 'das pa'i dus bskal pa 'jig rten gyi khams kyi rdul shin tu phra ba snyed kyi pha rol de'i yang pha snga zhig tu 'jig rten gyi khams rgya mtsho gser rin po che'i ri spo rnam par snang 
ba zhes bya ba byung ste/ rigs kyi bu 'jig rten gyi khams rgya mtsho gser rin po che'i ri spo rnam par snang ba der de bzhin gshegs pa ye shes ri bo'i 'od chos kyi dbyings su snang ba'i gzi brjid rgyal po zhes bya ba byung ste/ de bzhin gshegs pa ye shes ri bo'i 
'od chos kyi dbyings su snang ba'i gzi brjid rgyal po de/ sngon byang chub sems dpa'i spyod pa mdzad pa'i tshe 'jig rten gyi khams rgya mtsho gser rin po che'i ri spo rnam par snang ba zhes bya ba 'jig rten gyi khams rgya mtsho'i sa dang / ri rdul shin tu phra ba snyed kyi 
'jig rten gyi khams 'byam klas pa bstan du yod pa dang ldan pa/ 'jig rten gyi khams kyi rgyud re re zhing yang bskal pa'i grangs shin tu bstan pa 'jig rten gyi khams kyi rdul shin tu phra ba snyed dang ldan pa bskal pa re re zhing yang bskal pa bar ma shin tu bstan pa du </font><hr>38-1-166a<br><font size=+1>
ma dang ldan pa bskal ba bar ma re re zhing yang 'jig rten gyi khams rnam pa tha dad du bya ba bstan pa du ma dang ldan pa/ de bzhin gshegs pa 'byung ba dang / rdzu 'phrul sna tshogs bstan du yod pa de bzhin gshegs pa 'byung ba re re zhing yang mdo sde yang dag par bstan 
pa/ 'jig rten gyi khams kyi rdul shin tu phra ba snyed brjod du yod pa mdo sde re re la yang byang chub sems dpa'i lung bstan pa/ 'jig rten gyi khams brjod du med pa'i rdul shin tu phra ba snyed bstan du yod pa sems can 'dul ba mtha' dang dbus med pa shin tu bstan pa/ theg pa 
tha dad pa'i tshul gyis bsgrubs pa/ sangs rgyas kyi rnam par 'phrul pa dang cho 'phrul sna tshogs kyis rnam par 'dul ba dang ldan pa yongs su sbyangs te/ rigs kyi bu 'jig rten gyi khams rgya mtsho gser rin po che'i ri spo rnam par snang ba der/ 'jig rten gyi khams bar ma'i rgyud 
phyogs kun tu mngon par bltas pa'i sgo rgyal mtshan gyis rnam par brgyan pa zhes bya ba byung ste/ rigs kyi bu 'jig rten gyi khams bar ma'i rgyud phyogs kun tu sgo mngon par bltas pa rgyal mtshan gyis rnam par brgyan pa der/ 'jig rten gyi khams rin po che thams cad kyi mdog 
kun tu snang ba'i dpal zhes bya ba 'jig rten gyi khams kyi gzhi dang / mtshams kyi rgyan rin po che'i rgyal po/ de bzhin gshegs pa thams cad kyi snying po byang chub rab tu snang ba las byas pa/ rin po che sna tshogs kyi me tog rgya mtsho la gnas pa/ lhun rin po che'i rgyal 
po de bzhin gshegs pa thams cad kyi sprul pa'i gzugs brnyan rab tu ston pa las bsgrubs pa/ lha'i grong khyer gyi dbyibs su 'dug pa rnam par dag cing kun nas nyon mongs pa byung bar gyur te/ 'jig rten gyi khams der gling bzhi ba'i 'jig rten gyi khams ri rab kyi rdul 
shin tu phra ba snyed byung bar gyur to/ /gling bzhi pa ri rab kyi rdul shin tu phra ba snyed po de dag gi gling bzhi pa dbu ma rin po che sna tshogs kyi rtse mo'i rgyal mtshan zhes bya ba byung ste/ gling bzhi pa'i 'jig rten gyi khams rin po che sna tshogs kyi rtse mo'i rgyal mtshan der gling chu zheng du </font><hr>38-1-166b<br><font size=+1>
dpag tshad brgya phrag stong yod pa bzhi byung nas gling re rer yang grong khyer chen po stong phrag re re byung ngo / /gling bzhi pa de'i 'dzam bu gling gi dbus su rgyal po'i gnas rin po che'i sa las rnam par brgyan pa/ sprin gyi sgron ma zhes bya ba grong khyer stong phrag bcu'i 'khor dang ldan pa byung 
ngo / /de'i tshe 'dzam bu'i gling de'i myi rnams kyang tshe'i tshad lo stong phrag bcu thub par gyur to/ /rgyal po'i gnas rin po che'i sa las rnam par brgyan pa sprin gyi sgron ma der 'khor los sgyur ba'i rgyal po chos thams cad kyi nga ro'i gdugs kyi dkyil 'khor rab tu sgrog pa zhes 
bya ba byung ste/ 'khor los sgyur ba'i rgyal po chos thams cad kyi nga ro'i gdugs kyi dkyil 'khor rab tu sgrog pa de'i blon po ni lnga brgya byung ngo / /btsun mo ni stong phrag drug cu byung ngo / /sras ni kun kyang dpa' ba brtul phod pa/ yan lag dam pa'i gzugs dang ldan pa/ 
blta na sdug pa gzi brjid che ba/ stobs che ba brgya phrag bdun byung ngo / /rgyal po chos thams cad kyi nga ro'i gdugs kyi dkyil 'khor rab tu sgrog pa de'i tshe la 'dzam bu'i gling thams cad kyang gdugs gcig gis bskyangs par gyur te/ pha rol gyi 'khor dang dgra 
thams cad kyang shin tu choms par gyur to/ /de'i tshe 'jig rten gyi khams der bskal pa bar ma ni zad du cha/ rnyog pa lnga ni 'jig rten du byung / dge ba bcu'i las kyi lam ni nub par gyur nas/ sems can mi dge ba bcu'i lam la spyod pa phal cher 
ngan song du yang 'dong bar gyur to/ /de dag myi dge ba bcu'i las kyi lam yongs su 'dzin pa'i rgyus tshe thung ba dang longs spyod chung ba dang gzugs ma legs pa dang / kha dog mi sdug pa dang / lus ma legs pa dang / bde ba'i rnam pa nyung ba dang / sdug bsngal 
nyams su myong ba'i rnam pa mang ba dang / phan tshun bslu zhing 'drid pa'i rang bzhin can dang / phan tshun dbye ba la zhugs pa dang / zhe gcod pa'i tshig la spyod pa dang / 'chal ba'i tshig tu smra ba dang / 'dod pa mi bzad pas zil gyis gnon pa dang / zhe sdang </font><hr>38-1-167a<br><font size=+1>
ba'i yid kyi rtog pa dang ldan pa dang / lta ba'i thibs po sna tshogs kyi mya ngam du 'khyams par gyur nas/ de dag chos ma yin pa'i 'dod chags la zhen cing 'dod pa mi bzad pas zil gyis non la/ log pa'i chos kyis kun nas 'khor bas sa la shing rtsi dang / 
lo zas skye bar 'gyur ba'i char yang dus su mi 'bab par gyur te/ sems can de dag kyang rtswa dang gel pa dang sman dang nags tshal dang / bza' shing gi ra ba dang sdong po dag kyang skams par gyur nas/ nad sna tshogs kyis thebs shing phyogs dang phyogs mtshams su 
skyabs med pas/ phan tshun khod mi myong zhing g.yen sbyor bar gyur te/ de dag kun kyang gcig tu 'dus nas rgyal po'i gnas rin po che'i sa las rnam par brgyan pa sprin gyi sgron ma gang na ba der dong ste/ kun nas bskor nas/ la la ni lag pa gyen du sgreng / la la 
ni thal mo sbyor/ la la ni lus shin tu 'dar/ la la ni gyed/ la la ni bub/ la la ni lus thams cad kyis phab cing phyag 'tshal/ la la ni pus mo sa la 'dzugs/ la la ni lag pa nam mkha'i dbyings su g.yo ba/ la la ni gos med cing sgren 
mor 'khod/ la la ni kha mig myi sdug par gyur cing / rgyal po chos thams cad kyi nga ro'i gdugs kyi dkyil 'khor rab tu sgrog pa la mngon tu bltas shing / snying rje skad du 'o dod chen po 'bod de/ lha chen po bdag cag ni nyams thag go /bkres pa 
dang skom pa'i sdug bsngal gyis rab tu gzir to/ /'jigs pa sna tshogs kyis g.yen spyo'o/ /bdag cag la skyabs ma mchis so/ /bdag cag la mgon dang dpung gnyen ma mchis so/ /sdug bsngal gyi shing thags kyis 'khor to/ /srog chad la 
thug go /'chi bar gyur ma khad do/ /zhes te smre sngags sna tshogs su bla zhing dbyangs kyi rnam pa sna tshogs dang / tshig sna tshogs kyis kha gdong mi sdug par gyur par 'du shes dang tshig sna tshogs kyi tha snyad dang / cho mgreng dang skad kyi gdangs don sna </font><hr>38-1-167b<br><font size=+1>
tshogs brjod pa'i tshig dang / ngag gis 'o dod bos so/ /rgyal po'i gnas de'i skyes pa dang bud med dang khye'u dang / bu mo bkres pa dang skom pas mnar ba lus la rgyan med pa sgren mo gos med pa/ kha dog dang mdog mi sdug pa lus gas shing rtsub pa/ sdug bsngal 
zhing yid mi bde la/ mi dga' ba de dag thams cad kyang bde ba ni mngon par 'dod/ sdug bsngal gyi 'jigs pas ni brla khyer nas rgyal po shes pa'i skyes bu chen po chos thams cad kyi nga ro'i gdugs kyi dkyil 'khor rab tu sgrog pa/ de la bde ba thams cad thob 
par bya ba'i 'du shes dang / sdug bsngal thams cad dang mi 'grogs par bya ba'i 'du shes dang / 'tsho ba'i bsam pa dang ldan zhing gter thob par bya ba'i 'du shes dang / mu stegs mthong bar bya ba'i 'du shes dang / lam chen po la nan tan du bya ba'i 'du shes 
dang / gru chen po'i 'du shes dang / ye shes kyi gling chen po'i 'du shes dang / don chen po rab tu thob par bya ba'i 'du shes dang / mtho ris kyi dga' ba dang bde ba thams cad rab tu thob par bya ba'i 'du shes kyis mgon dang skyabs tshol bar gyur to/ /rgyal po 
chos thams cad kyi nga ro'i gdugs kyi dkyil 'khor rab tu sgrog pas 'khor kun nas slong ba mang po snying rje rje skad du 'bod pa'i 'o dod chen po de thos nas/ de snying rje chen po'i sgo brgya stong grangs med pa phrag bcu la zhugs par gyur to/ /de snying rje chen po'i tshul yid la bab pa'i sems su gyur nas/ yud tsam zhig rtse gcig tu bsams te snying rje chen po dang ldan pa'i tshig bcu brjod do/ /bcu gang zhe na/ kye hud kye sems can 'di dag ni 'khor ba'i g.yang sa chen por lhung yang skyabs med pa lta na/ bdag 
nam zhig 'khor ba'i g.yang sa chen por lhung ba'i sems can rnams de bzhin gshegs pa'i sa la dgod pas gnas su 'gyur/ kyi hud kye sems can 'di dag nyon mongs pa'i gnod pas gtses shing skyabs med pa lta na/ nam zhig bdag sems can nyon mongs </font><hr>38-1-168a<br><font size=+1>
pa sna tshogs kyis 'jigs pa dang / gnod pas gtses te skyabs med pa rnams kha na ma tho ba med pa'i las kyi mtha' la 'god pas skyabs su 'gyur/ kyi hud kye sems can 'di dag 'jig rten na rga shi'i 'jigs pas tshar chod cing mgon med pa 
lta na nam zhig bdag sems can mgon med pa rnams kyi 'khor ba'i 'jigs pa thams cad rnam par sel bas mgon du 'gyur/ kyi hud kye sems can 'di dag 'jig rten gyi 'jigs pa sna tshogs kyis gtses te/ rten med pa lta na nam zhig bdag sems can 'jig rten gyi 
'jigs pa sna tshogs kyis gtses pa rnams shin tu bde zhing skyon med pa'i thams cad mkhyen pa'i lam la 'god pas rten du 'gyur/ kyi hud kye sems can 'di dag 'jig rten na ma rig pa'i mun par 'thoms te the tshom dang yid gnyis kyi rab rib kyis bsgribs pa lta na/ 
nam zhig bdag sems can thams cad kyi ma rig pa'i mun pa rnam par sel bas sgron mar gyur par 'ong / kyi hud kye sems can 'di dag ni snang ba dang bral ba lta na nam zhig bdag ye shes kyi sgo rab rib med par yongs su ston pas ye shes chen po'i snang ba 'byin par 
'gyur/ kyi hud kye sems can 'di dag ni phrag dog dang 'jungs pa dang / g.yo dang sgyu'i rnyog pas bsam pa rnyog pa can du gyur te/ ye shes kyi mdog gsal ba med pa lta na/ nam zhig bdag sems can thams cad shin tu dag pa la rab tu 'god cing bla na med pa'i 
ye shes kyi mdog rab tu gsal bar byed par 'gyur/ kyi hud kye sems can gyi 'jig rten ni 'khor ba'i rgya mtsho'i yul gyi rgyud du zhugs shing 'dren pa med pa lta na/ nam zhig bdag sems can thams cad chos rgya mtsho'i tshul la 'dzud cing 'dren par 'gyur bar 
'ong / kyi hud kye sems can gyi 'jig rten ma dul zhing rnam par 'dren pa med pa lta na/ nam zhig bdag sems can thams cad rnam pa thams cad du yongs su smyin par bya ba dang / rnam par gdul ba la de bzhin gshegs pa'i byin gyi rlabs kyi dus </font><hr>38-1-168b<br><font size=+1>
las mi 'da' zhing rnam par 'dren par 'gyur bar 'ong / kyi hud kye sems can gyi 'jig rten ni dmus long du gyur te/ yongs su 'dren pa med pa lta na/ nam zhig bdag sems can thams cad sgrib pa med pa'i thams cad mkhyen pa'i ye shes kyi tshul la 'dzud cing yongs 
su 'dren par 'gyur de skad du des snying rje chen po dang ldan pa'i tshig rnam pa bcu brjod nas rgyal po'i gnas der dril chen po brdungs te/ gtong ba chen po'i rnga bo che yang yongs su brdungs nas/ su ci 'dod pa de la de sbyin gyis/ 'gro ba thams cad kyang yongs su tshim par 
bya'o zhes sgra brjod de/ des 'dzam bu'i gling thams cad kyi rgyal po'i gnas thams cad dang / grong dang grong khyer dang ljongs dang / yul dang grong rdal thams cad du yo byad thams cad kyi mdzod phye ste/ lam gyi bzhi mdo dang / lam gyi sum mdo dang srang thams 
cad du yang yo byad sna tshogs kyi rnam pa mang po bkod de 'gro ba thams cad nye bar 'tsho bar bstabs so/ /mdzod dang bang ba thams cad kyang phye ste/ rin po che'i gter chen po dang tshogs kyang yongs su bstan to/ /rin po che rnam pa sna tshogs kyi phung po du ma yang 
spungs so/ /zas dang skom dang / gos dang bzhon pa dang me tog dang / phreng ba dang bdug pa dang byug pa dang / phye ma dang gos rin po che kha dog sna tshogs kyi mdzod phye nas/ khang pa dang / gzhal med khang dang / khyim mang po mal cha dang / stan dang gos kyis 
yongs su brgyan te/ nor dang dbyig thams cad phun sum tshogs par byas nas/ nor bu rin po che'i rgyal po snang ba'i gzi brjid rnam par bkod pas mun pa rnam par sel ba bshams nas/ des sems can de dag ci 'dod pa'i bsam pa thams cad yongs su 
rdzogs par bya ba'i phyir/ khyim de dag re rer yang rang gi lus dang 'dra ba'i sprul pa'i lus mngon par sprul te kun tu bkod do/ /sems can thams cad kyi nad thams cad gso ba'i phyir sman pa dang / rim gro ba dang / 'tsho ba'i yo byad sna tshogs kyi </font><hr>38-1-169a<br><font size=+1>
rkyen phun sum tshogs pa yongs su bshams so/ /rin po che sna tshogs kyi snod rnam pa tha dad pa yo byad sna tshogs kyis ci rigs su bkang ba dag kyang nye bar bkod de/ 'di ltar rin po che rdo rje'i snod ni spos kyi nor bu rin po che sna tshogs kyis yongs su bkang /spos kyi nor bu rin po che sna 
tshogs kyi snod ni gos kha dog dam pa sna tshogs kyis yongs su bkang ngo / /shing rta mang po dbyibs dang / mdog sna tshogs su 'dug pa/ rin po che sna tshogs kyis rab tu brgyan pa/ rta dang glang po dang ba lang cang shes la bcas pa/ rin po che'i shing rta sna tshogs rgyal po'i 
rkyen du rung ba/ rin po che thams cad kyi rgyan gyis longs spyod dang ldan pa/ stan sna tshogs bting ba/ rin po che sna tshogs kyis rnam par brgyan pa/ bla re sna tshogs bres pa/ rin po che'i dril bu'i dra ba bres pa/ gdugs dang / rgyal mtshan dang ba dan bsgreng bas 
brgyan pa dag gis kyang / yul gyi phyogs gang bar bkod do/ /grong dang grong khyer dang / ljongs dang yul thams cad sbyin par yang 'o dod kyis bsgo'o/ /bza' shing gi ra ba dang / kun dga'i ra ba dang / dka' thub kyi nags tshal sna tshogs yongs su gtang ba 
dang / khyim dang chung ma dang bu dang bu mo thams cad yongs su gtang ba dang / rin po che rin thang med pa thams cad yongs su gtang ba dang / rang gi snying dang rkang dang rgyu ma dang mkhal ma dang tshil dang / sha dang khrag dang pags pa dang rka lag dang rna ba dang / mig 
dang sna dang lce dang so dang mchu dang mgo yongs su btang ba nas/ phyi nang gi dngos po thams cad rnam pa thams cad du yongs su gtang bar yang 'o dod kyis bsgo'o/ /des yo byad de lta bu yongs su gtang ba'i rnam pa mang po bshams te bstsogs nas rgyal po'i gnas 
rin po che'i sa las rnam par brgyan pa/ sprin gyi sgron ma de'i shar phyogs logs na grong khyer rin po che rtse mo'i gzi brjid ces bya ba'i mdun rol nas gzhi mnyam pa'i phyogs yangs pa chu zheng du rgya che zhing mnyam pa mthon dman med pa/ rnam par dag cing gzhi mnyam </font><hr>38-1-169b<br><font size=+1>
pa ngam grog dang g.yang sa dang sdong dum dang / tsher ma dang / gseg ma dang / gyo mo thams cad med pa rin po che thams cad kyi khams las grub pa/ gzhi rin po che thams cad las byas shing / rin po che'i rgyal po thams cad bkram pa/ nor bu rin po che'i rgyan rnam pa du 
mas brgyan pa rin po che'i me tog sna tshogs kyis gang ba phye ma sna tshogs dri shin tu zhim pa'i rdul ldang ba/ bdug spos sna tshogs kyis bdugs pa/ rin po che'i sgron ma dpal gyi gzi brjid can rab tu 'bar ba/ spos dang bdug spos thams cad kyi na bun dang / sprin gyi nam 
mkha' kun tu khebs pa'i rgyan dang ldan pa/ rin po che sna tshogs kyi shing gi phreng ba legs par bkye bas mdzes par brgyan pa/ khang pa dang gzhal med khang dang khang pa brtsegs pa sna tshogs kyis yongs su brgyan pa/ gdugs dang rgyal mtshan dang / ba dan 
bsgreng ba rin po che'i snam bu lding ba/ rnam par snang ba rin po che sna tshogs kyi me tog gi dra bas kun nas khebs pa/ rin po che'i spos thams cad kyi rgyal po'i dra ba'i gdugs kyi dkyil 'khor can/ gser gyi dra ba las rin po che'i dril bu 'khrol ba dang ldan pa/ bla 
re rin po che sna tshogs kyis rnam par mdzes par byas pas khebs par bres pa/ spos kyi rgyal po sna tshogs kyi phye ma rnam par bkram pa/ rin po che sna tshogs kyi me tog sil mas dga' dga' ltar gang ba/ rol mo brdung ba dang / dkrol ba bye ba khrag khrig 
brgya stong gi sgra skad yid du 'ong ba 'byung ba/rin po che thams cad kyi rgyan sna tshogs rnam par dag pas rnam par brgyan pa/ byang chub sems dpa'i las rnam par smyin pas mngon par grub pa zhig yod pa/ de'i dbus su seng ge'i khri chen po rin po che sna bcu las 
grub pa'i sa'i gzhi sna tshogs la gnas pa/ rin po che'i khri 'phang sna tshogs bcu'i 'khor gyis rnam par mdzes par byas pa/ rin po che'i shing yal ga can bcus stegs bu'i mtshams rnam par klubs pa'i rgyan mdzes pa dang ldan pa/ rdo rje'i </font><hr>38-1-170a<br><font size=+1>
'khor lo'i sa'i gzhi mi shigs pa la rkang pa rab tu rten pa/ rin po che thams cad kyi gzugs dang / mdog yongs su 'dzin pa'i stan gyi 'khor lo can/ rin po che du ma las byas pa'i bog re'i rgyan brgya phrag du mas brgyan pa/ rin po che 
sna tshogs kyi tshom bu rnam pa tha dad pa'i rgyan gyis shin tu brgyan pa rin po che'i rgyal mtshan kun nas rnam par phye ste/ 'brel bar bsgreng ba rin po che sna tshogs kyi ba dan spyangs pa/ rnam pa tha dad pa'i rgyan dang ldan pa/ rin po che'i dril bu'i dra bas brgyan pa'i 
lha rdzas kyi rin po che sna tshogs dang / gser gyi dra ba sna tshogs rnam par bres pa/ rin po che sna tshogs kyi me tog gi dra ba dang / rin po che'i rgyal po chen po'i dra ba dang / gos rin po che sna tshogs dang / rin po che'i dra bas ci rigs su kun nas bkab 
cing mdzes par byas pa'i rgyan dang ldan pa/ spos rin po che rnam pa tha dad pa'i tshogs las snyim pas bcus shing spos kyi sprin mngon par gtor ba/ rin po che'i rgyal po kha dog dang dri bsam gyis mi khyab pa las byung ba'i dbyibs yid du 'ong ba sna tshogs 
dang / spos thams cad kyi na bun dang sprin 'byung ba/ gam yo nas lha rdzas kyi spos dang /bdug spos sna tshogs kyis rab tu bdugs pa/ lha rdzas las kyang 'das pa'i stan reg na bde ba kha dog bzang po du ma can legs par bting ba/ lha rdzas kyi rol mo 
dang glu snyan pa yid du 'ong ba brgya stong du ma'i sgra kun nas 'byung ba/ rin po che sna tshogs kyi them skas kyi phreng ba ba dan gyis rnam par klubs pas/ rab tu brgyan pa'i rgyan dang ldan pa/ rin po che'i 'bru'i gzugs rin po che sna tshogs kyis spras pa/ 
rnam par 'phrul pa sna tshogs kyis rnam par snang bar byed pa'i 'od dang ldan pa mngon par grub ste/ de la rgyal po chos thams cad kyi nga ro'i gdugs kyi dkyil 'khor rab tu sgrog pa/ gzugs bzang ba shin tu mdzes pa/ blta na sdug pa kha dog bzang po </font><hr>38-1-170b<br><font size=+1>
dam pa rgyas pa dang ldan pa mi chen po'i mtshan rnam par dag pa rab tu thob pa/ rin po che rnam par snang ba'i cod pan can/ rdo rje mthu bo che ltar ma khregs shing mi shigs pa'i lus dang ldan pa/ rtsib ma'i mtshams thags bzang zhing brtan par 'brel ba/ yan 
lag dang nying lag thams cad yongs su bzang ba kun nas bzang ba/ kun nas mdzes ba kun nas sdug pa/ rnam pa'i mchog thams cad dang ldan pa/ chos kyi rgyal po chen po'i rigs su byung ba/ yo byad thams cad la dbang rab tu thob pa/ chos kyi dbang shin tu rnam 
par dag pa/ rang gi sems la dbang bsgyur ba/ tshig gi dkyil 'khor kha ma bab pa/ mi 'khrugs pa'i ye shes dang ldan pa/ chos kyi sbyor ba ma nor ba shin tu brtan par byas pa/ yon tan dang legs pa mtha' yas par brjod du yod pa de 'dug par gyur to/ /rgyal 
po chos thams cad kyi nga ro'i gdugs kyi dkyil 'khor rab tu sgrog pa de seng ge'i khri chen po la 'dug pa dang / steng gi spyi bo'i thad ka'i bar snang la gdugs kyi dkyil 'khor chen po rin po che sna tshogs rnam par 'bel ba'i yu ba can nor bu rin po che dam pa'i mdzod kyi snying po 
dang ldan pa/ rin po che sna tshogs kyi shar bu brgya stong legs par bres pa/ rin po che du ma'i 'od 'phro ba/ dpal gyi gzi brjid rab tu 'bar bas rnam par brgyan pa/ 'dzam bu chu klung gi gser 'od 'tsher zhing gsal la rnam par dag pas bla nas bkab pa/ 
rin po che sna tshogs spa b.raspel bas spras pa'i gser gyi dra bas nang shun gyi rgyan byas pa mu tig sna tshogs kyi se mo do mngon par sbyangs pa rin po che sna tshogs kyi dra bas kun nas bkab pa/ rin po che'i dril bu'i dra ba las gser rin po che'i dril chen rin po che'i chun po'i lda ldi 
la brgyus pa mngon par sbyangs pa/ nor bu rin po che dam pa'i phreng ba kun nas mngon par spyangs pa'i rgyan dang ldan pa/ lha rdzas kyi sgra yid du 'ong ba'i gdangs grags par 'byung ba/ sems can thams cad dge ba'i las kyi lam la bskul ba'i dril gyi sgra rnam par </font><hr>38-1-171a<br><font size=+1>
grag pa byung bar gyur te/ rgyal po chos thams cad kyi nga ro'i gdugs kyi dkyil 'khor rab tu sgrog pa de/ rin po che'i rdul yab kyis mngon par g.yob cing / lha'i dbang po brgya byin pas kyang lhag par gzi brjid rab tu 'bar bas shin tu mdzes 
so/ de seng ge'i khri de la 'dug ma thag tu 'gro ba'i mang po de dag thams cad mngon du gyur te/ thal mo sbyar nas rgyal po de la phyag 'tshal lo/ /de nas rgyal po chos thams cad kyi nga ro'i gdugs kyi dkyil 'khor rab tu sgrog pa de'i drung du slong ba'i srog chags bye ba khrag 
khrig brgya stong sna tshogs dngos po sna tshogs yongs su len pa yo byad sna tshogs la mos pa/ rigs sna tshogs dang ldan pa/'gro ba'i rgyud sna tshogs su gtogs pa/ 'dod pa sna tshogs kyi sems dang ldan pa/ smon pa dang bsam pa sna tshogs can/ phyogs sna tshogs nas 
'dus pa/ yul gyi spyod pa sna tshogs la gnas pa/ longs spyod sna tshogs la mngon par smon pa'i sems dang ldan pa/ bsam pa dang yongs su rtog pa sna tshogs can/ mi'i ris sna tshogs su gtogs pa/ rigs kyi skye gnas sna tshogs su skyes pa/ yul sna 
tshogs nas 'ongs pa/ sgra skad dang tshig gi 'du byed sna tshogs dang ldan pa/ dbyangs kyi dkyil 'khor sna tshogs 'byin pa dngos po sna tshogs kyi don du gsol ba 'debs pa/ tshig dang ngag sna tshogs brjod pa/ bsod nams kyi ri rab chen po de 'ba' shig gi gdong du 
lta ba 'di 'ba' shig shes pa'i skyes bu chen po yin zhes nges par sems pa/ bsod nams chen pos brtan pa'o/ /skyes bu chen po'i zla ba'o/ /gtong ba chen po'i bsam pa dang ldan pa'o/ /zhes bya bar 'dun pa'i sems kyis rtog pa/ byang chub sems dpa'i 
smon lam gyi sems kyis 'dus pa byang chub sems dpa'i smon lam gyi sems kyis sprul pa'i slongs mo ba'i tshogs chen po de mthong nas/ slongs mo ba de dag la sems dga' ba dang sems mos pa dang / sems spro ba dang dge ba'i bshes gnyen mthong ba'i 'du </font><hr>38-1-171b<br><font size=+1>
shes su gyur to/ /snying rje chen po'i shugs drag po shin tu yangs pa yang byung bar gyur to/ /phyi ma'i mtha'i bskal par slongs mo ba thams cad yongs su tshim par bya ba las phyir mi ldog pa'i brtson 'grus kyi shugs drag po yang skyes par gyur to/ /'gro ba thams cad du 
snyoms pa'i sbyor bas yongs su gtong ba'i sems kyis rgyas par dgang ba'i sprin kyang mngon par byung bar gyur te/ rgyal po chos thams cad kyi nga ro'i gdugs kyi dkyil 'khor rab tu sgrog pa des/ slongs mo ba de dag mthong ba'i mod la de'i rgyus ches dga' bar gyur gyis/
bskal pas mtshams med pa'i mthas klas par stong gsum gyi 'khor los sgyur ba'i rgyal po thob pas ni ma yin no/ /bskal ba bye ba khrag khrig brgya stong mang po'i mthas klas par brgya byin gyi dbang la gnas pas ni ma yin no/ /bskal ba bye ba khrag khrig brgya stong mang po'i 
mthas klas par rab mtshe ma'i lha'i rgyal po'i dbang la gnas pa thob pas ni ma yin no/ /bskal ba bye ba khrag khrig brgya stong mang po'i mthas klas par rab dga' ldan gyi lha'i rgyal po'i dbang la gnas pas ni ma yin no/ /bskal ba tshad med pa'i mthasaklas 
par rab 'phrul dga'i lha'i rgyal po'i dbang phyug gi dbang la gnas pa thob pas ni ma yin no/ /bskal ba bsam gyis mi khyab pa'i mthas klas par dbang bsgyur gyi lha'i rgyal po'i dbang rab tu thob ste/ lha'i bu mo bzhin bzang mo yid du 'ong bas bsnyen bkur 
bas ni ma yin no/ /bskal ba brdzod du med pa'i mthas klas par tshangs pa'i thabs la gnas pa thob pas ni ma yin no/ /bskal pa mtha' yas pa'i mthas klas par gya nom snang ba'i lha'i bde ba thob pas ni ma yin no/ /bskal 
ba dpag tu med cing mi zad par dge rgyas kyi lha'i bde ba thob pas ni ma yin no/ /bskal ba mu med pa'i mthas klas par gnas gtsang ma'i lha'i rnam par thar pa zhi ba'i bde ba la rnam par spyod pa thob pas ni ma yin no/ /rigs kyi bu 'di lta ste dper na/ skyes bu </font><hr>38-1-172a<br><font size=+1>
sred pa la spyod pa/ pha ma dang phu nu dang / bu sring dang mdza' bo dang / blon po dang / gnyen bshes dang / bu dang bu mo dang chung ma dang / yun ring po zhig tu bral la 'brog dgon par 'khyams te/ de dag mthong bar 'dod 'dod pa las de dag dang phrad na de dag mthong bas mi ngoms shing / 
dga' ba dang chags pa chen po skye bar 'gyur ro/ /rigs kyi bu de bzhin du rgyal po chos thams cad kyi nga ro'i gdugs kyi dkyil 'khor rab tu sgrog pas/ slongs mo pa de dag mthong bar gyur pa'i mod la dga' ba'i shugs chen po skyes so/ /sems kyi 
dga' ba'i ro bde ba dang ldan par gyur to/ /sems spro ba'i shugs rab tu byung ngo / /rab tu dga' ba chen po'i shugs yongs su skyes so/ /sangs rgyas kyi byang chub tu dad pa dang / mos pa'i shugs kyi stobs chen po 'phel to/ /thams cad mkhyen pa nyid 
du rtsa ba brtan pa'i dad pa rnam par 'phel to/ /sangs rgyas thams cad kyi chos la lhag pa'i bsam pa rnam par dag pa'i stobs mngon par 'phel to/ /byang chub sems dpa'i dbang po las su rung ba yongs su byung ngo / /sems dga' bas rgyas pas mos 
pa'i shugs chen po skyes par gyur to/ /sems spro ba'i shugs yangs pas dge ba'i bshes gnyen la dbang po dang / bsam pa shin tu gus par gyur to/ /de ci'i phyir zhe na/ rgyal po chos thams cad kyi nga ro'i gdugs kyi dkyil 'khor rab tu sgrog pa 
thams cad mkhyen pa nyid du dmigs pa la brtson pa/ thams cad mkhyen pa nyid la rab tu gzhol ba/ thams cad mkhyen pa nyid kyi lam dang sgo la mngon du bltas pa/ 'gro ba thams cad shin tu tshim par byas pa'i yid la bya ba la brtson pa/ sangs 
rgyas thams cad kyi yon tan rgya mtsho la 'jug pa'i nan tan la 'dun pa/ bdud dang las dang nyon mongs pa'i sgrib pa thams cad kyi ri rnam par 'thor ba la brtson pa/ de bzhin gshegs pa thams cad kyi gdams ngag mthun par blang ba la sta gon du </font><hr>38-1-172b<br><font size=+1>
gnas pa/ dge ba'i rtsa ba rgya mtsho kun nas/ yongs su bsdu ba la brtson pa'i snying po can/ mngon par zhen pa thams cad las gyen du 'phags pa'i rgyud dang ldan pa/ 'jig rten gyi yul thams cad la mngon par zhen pa med pa/ chos kyi rang bzhin nam mkha'i 
spyod yul can/ des slongs mo ba de dag la bu gcig pa'i 'du shes bskyed pa'i phyir ro/ /pha dang ma'i 'du shes dang / sbyin pa'i gnas kyi 'du shes dang / dge ba'i bshes gnyen gyi 'du shes dang / dkon pa'i 'du shes dang / dka' ba byed pa'i 'du shes dang / 
mang po byas pa'i 'du shes dang / phan 'dogs pa dam pa'i 'du shes dang / byang chub kyi lam nye bar ston pa'i 'du shes dang / mkhan po'i 'du shes dang / ston pa'i 'du shes bskyed pa'i phyir te/ de ltar des slongs mo ba de dag don ci la 'ongs pa dang / 
don ci la phyin pa dang / dus ji tsam na 'dus pa dang / yun gang dang gang na gnas pa dang / dngos po ci dang ci slong ba dang / rnam pa gang 'dod pa dang / bsam pa ci 'dra ba dang / ci dang ci la smon pa dang / ci dang ci 'dod pa dang / dngos po gang dang gang 
tshol ba de dag thams cad tshul bzhin du mi dga' ba med pa'i byams pa chen po'i dkyil 'khor dang / slongs mo pa'i 'gro ba las phyin phyogs su ma bltas pa'i gtong ba chen po'i 'od gzer dang /sems can thams cad la snyoms par sbyor ba'i gtong ba'i 
sgos yongs su tshim par byas so/ /des zas 'dod pa la ni zas byin no/ /skom 'dod pa la ni skom byin no/ /gos 'dod pa la ni gos byin no/ /me tog 'dod pa la ni me tog byin no/ /de bzhin du spos dang / bdug spos dang / phreng ba dang / byug pa dang / phye ma dang / gos dang / 
gdugs dang / rgyal mtshan dang / ba dan dang / rin po che dang / rgyan dang / stan dang / mal ca dang / khyim dang / gzhal med khang dang / gtsug lag khang dang / bza' shing gi ra ba dang / kun dga'i ra ba dang / dka' thub kyi nags tshal dang / rta dang glang po che dang / shing </font><hr>38-1-173a<br><font size=+1>
rta dang / rkang thang dang / dga' ba dang / khyogs dang / bzhon pa dang / gser dang / dbyig dang / nor bu dang / mu tig dang / dung dang / man shel dang / byi ru dang / sa le sbram dang / dngul dag kyang byin par gyur to/ /rang gi khyim dang / gzhal med khang dang / 
btsun mo'i 'khor dang g.yog 'khor dang / rgyal po'i mdzod thams cad kyang phye ste/ bgos nas rab tu btang bar gyur te/ su ci 'dod pa de dag de khyer cig ces nas/ yul 'dod pa dag kyang yul byin no/ /grong 'dod pa dag kyang grong byin no/ /grong khyer 'dod pa 
dag kyang grong khyer byin te/ sems can thams cad la snyoms par zhugs pa des slongs mo ba de dag thams cad la ci bdog pa yongs su btang ste/ dngos po thams cad yongs su btang bas mngon par sdud do// //sangs rgyas rmad gcad ces bya ba shin tu 
rgyas pa chen po'i mdo/bam po bcu gcig pa/ de'i tshe tshong dpon gyi bu mo rin chen 'od ces bya ba bu mo drug cu'i 'khor dang ldan pa/ gzugs bzang zhing mdzes la blta na sdug pa/ kha dog bzang po'i dam pa rgyas pa dang ldan pa/ mdog gser 
gyi kha dog lta bu dang ldan pa/ sgra mthon ting du 'dug pa/ mig dkar nag 'byes pa/ dri zhim po yid du 'ong ba dang ldan pa/ tshangs pa'i dbyangs dang ldan pa/ gos bzang ba/ rgyan gyis legs par brgyan pa/ dran pa dang blo gros dang / rig pa dang khrel yod pa/ 
dga' ba dang ngo tsha shes pa dang / spyod pa dang cha lugs phun sum tshogs pa/ bla ma la sri zhu dang ldan pa/ shes bzhin gyi dam pas spyod pa/ byed dgu zab pa/ chos blang ba dang / gzung ba dang / khong du chud par bya ba la yid gzhungs pa dang ldan pa/ sngon 
dge ba'i rtsa ba la legs par byas pa/ chos kyis mngon par brlan pa'i sems kyi rgyud rab tu dang ba/ dge ba'i bsam pa rnam par dag pa/ mos pa yangs pa/ nam mkha'i spyod yul can/ gzhan la phan par dga' ba'i sems dang ldan pa/ sangs rgyas </font><hr>38-1-173b<br><font size=+1>
lta ba'i phyogs la rnam par bltas pa thams cad mkhyen pa'i ye shes la mngon par 'dun pa zhig mchod sbyin gyi ra ba chen po der 'ongs te/ tshong dpon gyi bu mo rin chen 'od ces bya ba de rgyal po chos thams cad kyi nga ro'i gdugs kyi dkyil 'khor rab tu sgrog pa'i seng 
ge'i khri chen po'i g.yas rol ha cang yang myi ring ba zhig na 'dug 'dug ste/ rgyal po de la phyag 'tshal ba las phar ci la yang len pa med do/ /de phyogs gcig na 'dug cing sems 'di ltar bskyed par gyur te/ bdag gis dge ba'i bshes gnyen 'di lta bu mthong zhing 'grogs su 
yod pa ni bdag gis thob par bya ba legs par thob po snyam ste/ des rgyal po chos thams cad kyi nga ro'i gdugs kyi dkyil 'khor rab tu sgrog pa de la dge ba'i bshes gnyen gyi 'du shes dang / ston pa'i 'du shes dang snying brtse bar byed pa'i 'du shes dang / phan 
'dogs pa'i 'du shes dang / sangs rgyas kyi 'du shes bskyed de/ g.yo sgyu med pa'i sems kyis dga' ba dang mos pa dang / spro ba'i shugs rab tu yangs pa thob pas/ rang gi rgyan rnams lus las bkrol te/ rgyal po chos thams cad kyi nga ro'i gdugs kyi 
dkyil 'khor rab tu sgrog pa gang na ba der mngon par bltas te/ gtor ba dang de dag de'i seng ge'i khri'i 'og /khri 'phang gi sa'i steng du gram par gyur to/ /de'i rgyan de dag de ltar gtor nas smon lam btab pa/ ji ltar rgyal po chos thams cad kyi nga ro'i gdugs kyi dkyil 'khor 
rab tu sgrog pa 'di sems can mgon med cing mun pa'i nang na 'thoms pa rnams kyi mgon skyabs su gyur pa de ltar bdag kyang ma 'ongs pa'i dus na 'gyur bar shog shig /'dis chos gang shes pa de dag kyang bdag gis kyang shes par shog shig /'di theg 
pa gang gis 'byung ba des bdag kyang 'byung bar shog shig /'di lam gang nas zhugs pa de nas bdag kyang 'jug par shog shig /ji ltar 'di gzugs blta na btang mi bral zad mi shes pa'i longs spyod dang ldan te/ g.yog 'khor mtha' yas la gzhan </font><hr>38-1-174a<br><font size=+1>
gyis mi thub cing thub par dka' ste/ thub pa med pa de bzhin bdag kyang shog shig /'di gang dang gang du skye bar 'gyur ba de dang der bdag kyang skye bar 'gyur bar shog shig /snyam pa dang de de ltar sems shing yid la byed pa la brtson pa/ rgyal po chos thams cad 
kyi nga ro'i gdugs kyi dkyil 'khor rab tu sgrog pas shes nas de la bltas te/ 'di skad ces smras so/ /bu mo khyod la ci dgos pa khyer cig /bu mo nga ni bdog pa thams cad yongs su gtong ba ste/ sems can thams cad yongs su tshim par bya ba la zhugs pa'o/ /
de skad ces byas pa dang / de'i yid la yang bdag ni rgyal po chos thams cad kyi nga ro'i gdugs kyi dkyil 'khor rab tu sgrog pas thugs su chud par gyur to/ /snyam nas de bas kyang mos par gyur to/ /de de ltar mos pa'i sems su gyur te/ dge ba'i rtsa ba yangs 
shing rgya che ba'i shugs yongs su skyes nas rgyal po chos thams cad kyi nga ro'i gdugs kyi dkyil 'khor rab tu sgrog pa la de'i tshe tshigs su bcad pa 'di dag smras so/ /sngon cad sa las rnam brgyan sprin 'di ni/ /rgyal po seng ge khyod 'khrungs ma gyur tshe/ /mdangs 
dkar ma gyur gzi brjid ma mchis te/ /yi dgas 'jigs pa'i gnas dang ci mi 'dra/ /mi dag kun kyang srog gcod mos par gyur/ /ma byin len la tshul dang sbyor ma mchis/ /brdzun du smra zhing brlang ba'i tshig kyang brjod/ /phra ma khyal ba'i tshig kyang rab 
tu smra/ /gzhan gyi nor la chags pa'i sems dang ldan/ /gang zag gzhan la kun kyang ngan du sems/ /lta ba'i rnam gnas sdig to'i spyod yul can/ /log pa'i sbyor bas ngan pa'i 'gro bar lhung / /chos ngan chos la spyod pa'i myi'i rnams/ /ma 
rig gti mug mun pas bsgribs pa dag /lta ba log zhugs phyin ci log mthong bas/ /dgung lo mang por dgung char bab ma gyur/ /dgung char ma bab sa bon chab 'tshal te/ /lo thog mi 'khrungs zhugs shing 'khrungs ma gyur/ /mtsho dang lu ma chu phran </font><hr>38-1-174b<br><font size=+1>
rgyud kyang skams/ /nags tshal rtsi shing kun kyang de bzhin te/ /rnam dag spyan khyod 'khrungs par ma gyur pas/ /chab klung kun kyang ma lus skams par gyur/ /bza' shing ra ba kun kyang ri dgon 'dra/ /rus pa dkar pos dog sa gtams par gyur/ /gang tshe khyod 
la slong ba mang 'dus te/ /slong ba thams cad yongs su tshim mdzad nas/ /phyogs bzhi kun nas sprin chen 'dus par gyur/ /thang dang gshong rnams kun kyang ngoms par bgyis/ /slan cad rkun chom g.yon can chad par gyur/ /dgum pa ma mchis 
su'ang gzung ma mchis/ /mgon med gang yang 'gum par mi 'gyur te/ /khyod ni 'gro ba mgon med kun gyi skyabs/ /srog gcod pa la mngon par mos pa'i myi/ /gzhan rnams bkum zhing de yi khrag 'tshal la/ /gcig la gcig gi sha 'tshal gyur pa 
dag /khyod kyi sbyin pa chen pos byams sems gyur/ /brgya stong grangs su 'grangs par gyur pa las/ /de tshe 'ga' zhig rad pa 'tshal gyur gyis/ /gzhan ni rtswa dang lo mar da 'tshal/ /de tshe kun kyang yi dgas bkres mnar bzhin/ /'gro ba 
mgon med mgon du khyod 'khrungs nas/ /sa bon ma btab ma rmos 'bras kyang byung / /dpag bsam shing las mdzod rnams rnam par 'thon/ /skyes pa bud myed mkhas pa gda' bar gyur/ /zla ba zla phyed don du sngon cad ni/ /lam nor gnas pa 
stsogs shing sri zhur bgyid/ /deng sang rad pa rab 'tshal rgyan mang ldan/ /dga' ba'i gnas na rtse ba'i lha yang 'dra/ /slan chad log pa rnams la mi zad zhugs/ /chos ngan 'dod chags myi rnams zhen cing chags/ /na chung gzhon nu gzhan gyis 
bsrungs pa rnams/ /nan gyis phrogs rlom chab 'tshal ma rungs bgyis/ /lha mo bzang mo'i kha dog gzugs ldan pa/ /cha gos bzang rgyan ldan pa deng sang mthong gyur te/ /gzhan gyi bud med spos dri gda' mchis kyang / /dga' ldan ji bzhin mchis 'brad </font><hr>38-1-175a<br><font size=+1>
rgyan gyis 'tshal/ /sho be brlang ba phra ma kyal pa rnams/ /sngan cad g.yo sgyu'i dbang gis ngag tu brjod/ /deng sang tshig gi nongs pa bzhi spangs shing / /lta ba ngan spangs chos la kun kyang spyod/ /tshangs dbyangs ka la ping ka'i sgrar 'byung 
ba'i/ /khyod kyi gsung mchog 'di yi cha shas la'ang / /rol mo sgra dbyangs shin tu snyan pa dang / /lha rdzas glu dbyangs 'di dag nyer myi 'gyur/ /khyod kyi spyi gtsug dbu steng gdugs lding ba/ /rin chen rgyus bgyis gser gyi dra bas bkab/ /
dpal gyi snying mdzod yu ba baiDur+ya/ /kun nas rin chen mchog gi dril gyis 'khor/ /dril las byung ba'i sgras kyang ma lus pa'i/ /'jig rten sgra dbyangs ma lus zil mnan cing / /sangs rgyas gsung gi yan lag 'dra bar 'khrol/ /dam 
pa'i chos kyi sgra dbyangs zhi ba sgrog /de thos sems can nyon mongs zhi bar bgyid/ /ma lus phyogs kyi zhing rnams brgyud pa yi/ /bskal pa rgya mtsho'i bde gshegs rgya mtsho dang / /blo ldan rgya mtsho'i mtshan gyi 'khor lo rnams/ /sngon mtha'i zhing 
rnams gcig nas gcig brgyud du/ /gang mtshan gang dang gang lags rim bzhin dang / /ma lus phyogs su dam chos 'khor lo yang / /khyod kyi byin gyis dril rnams rab tu sgrog /khyod kyi dril sgra thogs pa ma mchis par/ /tshangs 
dbang lha dbang 'gro ba'i bdag po rnams/ /rang rang las kyi tshul ni kun brjod cing / /'dzam bu'i rgyal mtshan khyab par kun tu sgrog /dril gyi sgra las lha dang mi rnams kyis/ /rang rang las kyi tshul rgyud thos gyur nas/ /sdig to rnams 
spangs dge ba spyod par gyur/ /sangs rgyas byang chub mchog la kun kyang gnas/ /khyod kyi yab ni mi bdag skar ma'i 'od/ /de yi btsun mo pad+mo khyod kyi yum/ /rnyog pa lnga rnams shin tu rgyas gyur du/ /chos 'grib rgyal srid des ni bzhes </font><hr>38-1-175b<br><font size=+1>
par gyur/ /de yi bza' shing ra ba yangs byung ba/ /me tog rgyas brgyan rin chen sgron ma ste/ shing mang brgyas bskor rdzing bu lnga brgya yis/ /de ni shin tu brgyan pa byung bar gyur/ /de dag so so re re'i ngogs su yang / /ka ba stong ldan gzhal med khang 
bzangs byung / /stegs bu bzang po sna tshogs stong gis brgyan/ /zla gam dra bas kun nas mdzes par bgyis/ /chos ngan stobs ni rab tu 'phel gyur pas/ /dgung lo mang por dgung char bab ma gyur/ /rdzing bu kun gyi chab dang zhugs shing rnams/ /de tshe lo ma 
mdog dang bcas te skams/ dgung bdun na ni khyod bltam gyur pa'i tshe/ /de tshe ngo mtshar rmad byung ltas byung ste/ /de dag mthong nas sems can nges rtogs par/ /bdag cag skyob pa nges par 'byung zhes mchis/ /dgung gi gung la bab nas rnam drug 
du/ /khams kyi dogs yongs su g.yos par gyur/ /ma smad shin tu bzang ba'i rdzing de yi/ /dbus su gdugs dang mnyam pa'i 'od cig byung / /chab bzang yan lag brgyad ldan rgyas par gyur/ /rdzing bu lnga brgya kun kyang de bzhin te/ /zhugs shing kun kyang lo ma 
'khrungs par gyur/ /me tog 'bras bu kha dog mdog dang ldan/ /rdzing bu de rnams chab kyis bltam gyur pas/ /nags tshal ma lus de dag ngoms par bgyis/ /chab chen de las byung ba'i rgyud 'phros pas/ /'dzam bu'i rgyal mtshan chab kyis bltam par 
gyur/ /zhugs shing sman dang lo thog ldum bu yang / /'khrungs gyur zhugs shing me tog 'bras bu rgyas/ /dog sa'i steng na mchis dgu'i sa bon rnams/ /kun kyang chab kyis brlan pas rnam par 'khrungs/ /chab kyis bdas gyur dog sa'i phyogs rnams kyang / /
de tshe thams cad rab tu mnyam par gyur/ /sgang gshong dog sa'i phyogs rnams ji snyed pa/ /de dag kun kyang de tshe mnyam par gyur/ /g.yang sa grog po mi bde phyogs kyi rnams/ /de tshe yud kyis kun kyang mnyam par gyur/ /tsher ma gseg ma la stsogs ma mchis </font><hr>38-1-176a<br><font size=+1>
gyur/ /rin chen bzang po'i 'byung gnas yongs su 'thon/ /skyes pa bud med tshogs rnams dga' bar gyur/ /skom pas gdungs ba kun kyang chab la 'tshal/ /kye ma de ring bde na su mthu shes/ /snyan par brjod pa de skad chad tu 
brjod/ /dog sa'i mnga' bdag skar 'od sras dang bcas/ /sras mo blon po'i tshogs bcas de yi tshe/ /skye bo bye ba stong gis yongs bskor te/ /bza' shing ra bar dgyes par gshegs pa mdzad/ /mdangs dga' rdzing chen yongs su ma smad pa/ /spos 
chus bltams pa dbus na mchis gyur pa'i/ /de yi dbus su chos stegs bzang po yi/ /pho brang steng gshegs btsun mo bcas par bzhugs/ /dgung bdun lon par gyur nas de yi chab/ /dgung gi gung la gyen du lud par gyur/ /ri dang gzhal med 
khang gi phreng bcas pa'i/ /dog sa'ang de tshe yongs su g.yos par gyur/ /yongs su ma smad de yi dbus nas kyang / /pad+mo chen po lo ma stong ldan 'khrungs/ /gdugs stong mdog gsal sprin gya \u0f72dra ba can/ /ri rab rtse mo man cad 'od kyis 'gengs/ /chu 
ba rdo rje nang rim dri gda' ste/ /rin chen dbang po'i lo ma rnam dag yangs/ /'dzam bu chu klung gser bzang snying po can/ /ze ba spos rab 'bar ba phun sum tshogs/ /mgon po khyod ni de yi snying po las/ /skyil mo krung bcas sku ni byung bar gyur/ /
mtshan gyis rnam brgyan yan lag shin tu mdzes/ /lha mang brgyas kyang mngon par mchod pa bgyis/ /rgyal po pho brang steng nas shod gshegs te/ /phyag gnyis brkyang ste legs par khyod blangs nas/ /btsun mo'i mgo la bzhag ste 'di skad 
gsungs/ /khyod kyi bu 'di yin gyis dgar gyis shig /'jig rten mgon khyod de ltar bltams gyur tshe/ /bye ba'i gter rnams rab tu 'thon par gyur/ /zhugs shing kun kyang mngon par kha 'bus te/ /steng gi mkha' las rol mo'i sgra yang byung / /</font><hr>38-1-176b<br><font size=+1>
'dzam bu rgyal mtshan sems can thams cad kyang / /khyod la mngon lta btud cing phyag kyang 'tshal/ /thal mo sbyar cing kye ma mgon med pa'i/ /mgon zhig byung zhes dga' ba'i tshig kyang brjod/ /khyod kyi sku las 'od gzer mang byung bas/ /dog sa kun tu rab tu 
snang bar gyur/ /'gro ba'i mun pa kun kyang rnam bstsal nas/ /nad mang ma lus rab tu zhi bar gyur/ /gnod sbyin grul bum sha za mang po'i tshogs/ /rnam par 'tshe ba de dag bstsal bar gyur/ /shin tu gdug pas sems can 'gum pa yi/ /sbrul gdug kun kyang 
de tshe yongs mi rgyu/ /thob med smad pa mi snyan sdug bsngal dang / /nad rlung nad mang gnod par 'tshe ba dag /mdor bsdu kun kyang zhi zhing ma mchis gyur/ /'jig rten kun tu rab dga' byung bar gyur/ /phan tshun ma dang 'dra ba'i 'du shes kyis/ /khong nas byams par de 
tshe 'gro kun gyur/ /shar gnyer sems bral 'tshe ba ma mchis te/ /thams cad mkhyen lam nan tan ldan par gyur/ /ngan song rgyud rnams rnam par rab tu bzlog /mtho ris lam chen kun kyang btod par gyur/ /thams cad mkhyen pa'i lam yang shin tu bstan/ /
de ltar khyod kyis 'gro don yangs pa mdzad/ /rgya mtsho che 'dra yongs su gtong mdzad pa/ /khyod mthong bdag ni thob pa dam pa thob/ /yun ring 'khyams pa'i 'gro ba mgon bral du/ /khyod ni rmad du byung ba'i mgon zhig gshegs/ /de nas tshong dpon gyi bu mo rin 
chen 'od kyis rgyal po chos thams cad kyi nga ro'i gdugs kyi dkyil 'khor rab tu sgrog pa la tshigs su bcad pa de dag gis mngon par bstod de/ snyan par bkur nas rab tu bsngags te/ lan brgya phrag stong du g.yas phyogs su bskor ba byas te/ phyag 'tshal 
nas phyogs gcig tu gus pa'i tshul gyis 'dug go de nas rgyal po chos thams cad kyi nga ro'i gdugs kyi dkyil 'khor rab tu sgrog pas/ tshong dpon gyi bu mo rin chen 'od la bltas te 'di skad ces smras so/ /bu mo de ltar khyod sems can pha rol gyi yon </font><hr>38-1-177a<br><font size=+1>
tan gyi khyad par shes pa'i mngon par shes pa la zhugs pa legs so legs so/ /bu mo 'jig rten thams cad na'ang sems can gang sems can pha rol gyi yon tan la mos pa de lta bu ni dkon te/ bu mo sems can mun pas bsgribs pas phan 
btags pa la drin du mi gzo ba'i/ blo phyin ci log la zhugs pa sems 'khrugs par gyur pa/ rgyud 'dzings par gyur pa/ mun pa'i sems dang ldan pa/ bsam pa ngang gis log pa/ nan tan dang myi ldan pa/ sems can pha rol gyi yon tan gyi khyad par mngon 
par mi shes pa rnams kyis ni byang chub sems dpa'i yon tan la 'jug par bya ba'am/ de bzhin gshegs pa'i yon tan la brtag par bya ba'am/ yon tan thams cad shes pa'i khyad par mngon par shes pa thob par bya bar mi nus so/ /bu mo de ltar khyod 
sems can chen po mngon par shes pas byang chub sems dpa'i yon tan gyi rnam pa de lta bu la 'jug pa ni gdon mi za bar byang chub tu yang dag par zhugs pa'o/ /de ltar nga'i khams su khyod lta bu ye shes de 'dra ba dang ldan pa skyes pa ni/ 'dzam bu'i gling du ngas 
sems can yongs su bsdus pa'i mthu don yod do/ /de nas rgyal po chos thams cad kyi nga ro'i gdugs kyi dkyil 'khor rab tu sgrog pas/ nor bu rin po che chen po rin thang med pa dang / nor bu rin po che skar ma'i 'od sna tshogs dang / gos rin po che rin thang med pa 
bdag gis lag bdar te blangs nas/ tshong dpon gyi bu mo rin chen 'od la byin no/ /de'i 'khor gyi bu mo thams cad kyang gos rin po che sna tshogs kyis khyed par byin nas 'di skad ces smras so/ /bu mo gos rin po che 'di khyer la bdag gis yongs su spyad par gyis shig
de nas tshong dpon gyi bu mo rin chen 'od 'khor dang bcas pas pus mo gnyis sa la phab ste/ gos rin po che de dag lag pa gnyis kyis blangs nas spyi po la blangs te/ phyir phyung nas gos rin po che de dag bgos so/ /de'i 'khor gyi bu mo thams cad kyis kyang so so nas </font><hr>38-1-177b<br><font size=+1>
rang rang gi gos rin po che de dag bgos nas/ des gos rin po che de dag bgos pa'i 'og tu rgyal po chos thams cad kyi nga ro'i gdugs kyi dkyil 'khor rab tu sgrog pa la bdag gi 'khor bu mo de dag dang bcas pas g.yas phyogs su bskor ba byas so/ /de dag thams cad kyi gos 
rin po che de dag la rgyu skar dang skar ma thams cad kyi gzugs brnyan snang bar gyur te/ de dag mthong nas 'gro ba'i tshogs mang po 'di skad ces 'dzer te/ bu mo khyod kyi 'khor bu mo 'di dag ni mtshan mo'i lha mo skar ma'i tshogs kyis brgyan pa ltar shin tu mdzes pa ste/ khyod de 
dag gis bskor bas gya nom par mdzes so/ /de nas mtshan mo'i lha mo shing thams cad kyi me tog rgyas pas bde bar gnas pas tshong dpon gyi bu nor bzangs la 'di skad ces smras so/ /rigs kyi bu de la ji snyam du sems/ de'i tshe de'i dus na rgyal po chos thams cad 
kyi nga ro'i gdugs kyi dkyil 'khor rab tu sgrog pa zhes bya ba byung ba de gzhan zhig yin pa tsam du sems na/ de ltar myi blta ste/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rnam par snang mdzad 'di ni/ de'i tshe rgyal po 
chos thams cad kyi nga ro'i gdugs kyi dkyil 'khor rab tu sgrog pa zhes bya bar gyur to/ /rigs kyi bu de'i tshe de'i dus na rgyal po skar ma'i 'od kyi btsun mo pad+mo'i 'od ces bya ba rgyal po chos thams cad kyi nga ro'i gdugs kyi dkyil 'khor rab tu sgrog pa'i yum du gyur pa de 
gzhan zhig yin pa snyam du sems can yang de ltar myi blta ste/ lha mo sgyu ma 'di ni de'i tshe rgyal po btsun mo pad+mo'i 'od ces bya bar gyur te/ rdzus te byung ba'i gzhon nu thu bar len len pa'o/ /yang rigs kyi bu khyod de'i tshe de'i dus na rgyal po skar ma'i 'od ces bya 
ba rgyal po chos thams cad kyi nga ro'i gdugs kyi dkyil 'khor rab tu sgrog pa'i yab du gyur pa/ de gzhan zhig yin pa snyam du sems na'ang / de ltar myi blta ste/ rgyal po zas gtsang ma ni de'i tshe de'i dus na rgyal po skar ma'i 'od ces bya bar gyur to/ /</font><hr>38-1-178a<br><font size=+1>
yang rigs kyi bu khyod de'i tshe de'i dus na tshong dpon gyi bu mo rin chen 'od ces bya ba byung ba de gzhan zhig yin pa snyam du sems na'ang de ltar myi blta ste/ kho mo ni de'i tshe de'i dus na tshong dpon gyi bu mo rin chen 'od ces bya bar gyur to/ /yang rigs kyi 
bu khyod de'i tshe de'i dus na sems can 'dzam bu'i gling der skyes shing rgyal po chos thams cad kyi nga ro'i gdugs kyi dkyil 'khor rab tu sgrog pas bsdu ba'i dngos po bzhis yongs su bsdus pa de dag gzhan dag cig yin pa snyam du sems na de ltar myi blta ste/ bcom 
ldan 'das kyi 'khor gyi dkyil 'khor 'di nyid du 'dus te/ bla na med pa yang dag par rdzogs pa'i byang chub las phyir myi ldog pa'i byang chub sems dpa'i sa la bkod de/ la la ni sa dang po la bkod/ la la ni sa gnyis pa/ la la ni sa gsum pa/ la la ni sa bzhi 
pa/ la la ni sa lnga pa/ la la ni sa drug pa/ la la ni sa bdun pa/ la la ni sa brgyad pa/ la la ni sa dgu pa/ la la ni byang chub sems dpa'i sa bcu pa la bkod par gyur pa'i byang chub sems dpa'i smon lam sna tshogs rnam pa tha dad pa dang / thams cad mkhyen pa 
nyid du 'jug pa sna tshogs dang / tshogs sna tshogs dang / yang dag par bsgrub pa sna tshogs dang / spyod pa sna tshogs dang / 'byung ba sna tshogs dang / lam gyi rgyan rnam par dag pa sna tshogs dang / rnam par 'phru pa dang / khyu mchog gi mthu phyug pa sna tshogs dang / 
lam gyi rgyan rnam par sna tshogs kyis yongs su byung ste/ rnam par thar pa la rnam par spyod pa sna tshogs kyis 'khor gyi dkyil 'khor 'di na chos kyi gzhal med khang sna tshogs na rnams par spyod pas 'khod cing rnam par spyod pa 'di dag yin no/ /de nas mtshan mo'i lha mo 
shing thams cad kyi me tog rgyas pas bde bar gnas pas de'i tshe byang chub sems dpa'i rnam par thar ba dga' ba'i 'od spro ba yangs pa yang dag par 'byung ba 'di nyid brnan te bstan pa'i phyir tshong dpon gyi bu nor bzangs la tshigs su bcad de smras pa/ rgyal ba'i </font><hr>38-1-178b<br><font size=+1>
sras po kho mo'i myig yangs te/ /phyogs kun zhing mang rgya mtsho sna tshogs kyi/ /sems can rgya chen gang chen mtsho yi rnams/ /'khor bar gyur tshe kun la rnam par blta/ /'byam klas zhing rnams kun na bzhugs pa yi/ /rgyal ba byang chub shing gi drung bzhugs pa/ /rdul 
med kun kyang phyogs bcu rgyas bkang ste/ /chos sgrog rtag par 'gro 'dul mthong bar byed/ /kho mo'i rna ba rgya mtsho yongs su dag /sgra rnams ma lus thams cad des thos te/ /bde bar gshegs pas chos gsungs ma lus par/ /thams cad dga' bas yang dang 
yang du thos/ /kho mo'i ye shes gnyis med chags pa med/ /sems can gzhan gyi sems kyi yul la 'jug /'gro ba'i sems kyi rgya mtsho yangs pa rnams/ /ma lus kun la mtshan nyid dngos kyis 'jug /sngon gyi mtha' dran ting nge 'dzin stobs kyis/ /
bskal pa'i rgya mtsho tshad med kho mos shes/ /tshe rabs rgyud mang gang chen mtsho dag kyang / /pha rol dag dang bdag la'angade bzhin shes/ /rgya mtsho'i zhing gcig rdul phran rab snyed kyi/ /bskal pa skad cig cig gis ma lus shes/ /sems can 'gro rgyud 
dag na 'khor ba dang / /sangs rgyas rnam 'phrul tshogs bcas de bzhin no/ /de dag thog ma'i smon lam ci 'dra dang / /yang dag bsgrub tshul 'jug tshul rnam yangs dang / /spyod la brten pas tshogs rnams yangs bsgrub pa/ /'jig rten mkhyen pa rnams kyang 
kho mos dran/ /mnyam med tshad med tshogs gyur yon tan mtsho mnga' ba'i/ /dbang bskur sar byon ji snyed de dag dang / /byang chub 'tshang rgya'i tshul ni rnam yangs la/ /sems kyi skad cig gcig gis kho mo 'jug /thabs kyi rnam pa gang dang gang dag 
gis/ /bde gshegs 'khor lo dam pa 'gror bskor dang / /mya ngan 'das pa yon tan tshad myed dang / chos rnam gnas pa'i dus kyang kho mos shes/ /dri med theg pa rgya mtsho'i tshul rnams dang / /sems can rnam 'dul rnam yangs ji snyed dang / /</font><hr>38-1-179a<br><font size=+1>
'gro ba de dag gis ni gang bstan pa/ /so so kun la sna tshogs tshul gyis 'jug /dga' ba'i gter dang mos pa'i dbyig gi rnams/ /kun tu snang ba rnam thar tshul 'di yin/ /kho mos bskal pa brgya mang rgya cher bsgoms/ /de tshul de la 
khyod kyang myur 'jug gis/ /rigs kyi bu kho mos byang chub sems dpa'i rnam par thar pa/ dga' ba'i 'od 'phro ba yangs pa yang dag par 'byung ba 'di shes par zad na/ kho mos byang chub sems dpa' de bzhin gshegs pa thams cad kyi zhabs kyi drung du thams 
cad mkhyen pa nyid la 'jug pa'i smon lam rgya mtsho la zhugs pa/ de bzhin gshegs pa thams cad kyi sngon gyi smon lam rgya mtsho mngon par bsgrub pa'i smon lam yongs su rdzogs pa/ byang chub sems dpa'i sa gcig non pas byang chub sems dpa'i sa rgya mtsho thams 
cad yongs su gnon pa'i stabs la mkhas pa/ byang chub sems dpa'i spyod pa rgya mtsho thams cad spyod pa re rer yang dag par 'du ba'i smon lam dang / spyod pa yongs su dag pa byang chub sems dpa'i rnam par thar pa re re la/ byang chub sems dpa'i rnam par 
thar pa rgya mtsho thams cad yongs su 'du bar rnam par spyad pa la dbang bsgyur ba de dag gi spyod pa shes pa'am / yon tan brjod par nus re skan/ /song rigs kyi bu snying po byang chub 'di nyid mtshan mo'i lha mo'i 'gro ba thams cad bsrung ba'i smon lam la brtson 
pa'i 'od ces bya ba zhig bcom ldan 'das kyi spyan sngar phyin cing 'dug gis/ de'i gan du song la/ ji ltar byang chub sems dpas bla na med pa yang dag par rdzogs pa'i byang chub tu sems can yongs su spyin par bya ba dang / ji ltar sangs rgyas kyi zhing thams 
cad yongs su sbyang bar bya ba dang / ji ltar de bzhin gshegs pa thams cad shin tu mnyes par bya bas bsnyen bkur zhing rim gror bya ba dang / ji ltar byang chub sems dpas sangs rgyas kyi zhing thams cad la brtson par bya ba dris shig /de nas tshong </font><hr>38-1-179b<br><font size=+1>
dpon gyi bu nor bzangs kyis mtshan mo'i lha mo shing thams cad kyi me tog rgyas pas bde bar gnas pa'i rkang pa gnyis la spyi bos phyag 'tshal te/ mtshan mo'i lha mo shing thams cad kyi me tog rgyas pas bde bar gnas pa la lan brgya stong du mar g.yas phyogs su bskor 
bar byas nas yang dang yang bltas te/ mtshan mo'i lha mo shing thams cad kyi me tog rgyas pas bde bar gnas pa'i drung nas song ngo / /de nas tshong dpon gyi bu nor bzangs mtshan mo'i lha mo 'gro ba thams cad bsrung ba'i smon lam la brtson pa'i 'od gang na ba der song song nas/ 
mtshan mo'i lha mo 'gro ba thams cad bsrung ba'i smon lam la brtson pa'i 'od 'khor gyi dkyil 'khor gyi dkyil 'khor de nyid na/ chos kyi dbyings kyi tshul rab tu snang ba'i rin po che'i dra bas kun nas yog pa'i lus dang ldan pa/ gnyi zla dang gza' skar dang / rgyu skar thams cad kyi gzugs 
brnyan yongs su ston pa'i lus dang ldan pa/ bsam pa ji lta ba bzhin du sems can gyis rnam par dmyigs par ston pa'i lus dang ldan pa/ sems can thams cad kyi lus kyi dbyibs dang 'dra bar rang gi lus rnam par dmyigs par byed pa'i lus dang ldan pa/ 
kha dog rgya mtsho yangs pa mtha' dang dbus myed pa rnam par dmyigs par ston pa'i lus dang ldan pa spyod lam thams cad la rnam par spyod pa'i tshul yongs su ston pa'i lus dang ldan pa/ sgo kun tu mngon par bltas par rnam par dmigs par byed pa'i lus dang ldan pa/ 
chos kyi sprin gyi 'brug sgra kun tu sgrog cing rnam par 'phrul pa sna tshogs kyi phyogs thams cad rgyas par bkang ste/ 'gro ba thams cad la mngon du gnas pa'i lus dang ldan pa/ dus thams cad du 'gro ba thams cad kyi don la mngon du bltas par nam 
mkha'i dbyings kyis klo ba'i lus dang ldan pa/ de bzhin gshegs pa thams cad kyi zhabs la 'dud cing phyag 'tshal ba'i lus dang ldan pa/ sems can thams cad kyi dge ba'i rtsa ba bstsags pa la gces shing sngon du 'gro ba'i lus dang ldan pa/ de bzhin </font><hr>38-1-180a<br><font size=+1>
gshegs pa thams cad las mngon du chos kyi sprin yang dag par len cing yongs su 'dzin pa'i smon lam grub cing yongs su rdzogs par bya ba'i sems las phyir phyogs su ma gyur cing / dran pas yongs su 'dzin pa'i lus dang ldan pa
mtha' dang dbus med pa'i 'od kyis phyogs dang phyogs mtshams thams cad rgyas par 'gengs ba'i lus dang ldan pa/ 'gro ba thams cad kyi mun pa rnam par sel ba'i chos kyi sgron ma'i 'od kun tu 'gyed cing / snang ba yongs su ston pa'i lus dang ldan pa/ chos sgyu ma'i rnam 
pa lta bu'i ye shes kyi lus dri ma myed pa rab tu ston pa'i lus dang ldan pa/ chos kyi lus mun pa dang rdul du bral ba rab tu ston pa'i lus dang ldan pa/ chos nyid sgyu ma lta bu las byung ba'i lus dang ldan pa/ chos nyid rab tu rtogs pas mun pa med pa'i sems dang 
ldan par ye shes kyi snang ba sgo kun tu gsal ba rab tu thob pa/ shin tu nad med cing gdung ba med pa'i yid kyi lus dang ldan pa/ chos kyi sku mi shigs shing brtan pa dang ldan pa'i dbyings las byung ba/ de bzhin gshegs pa'i byin gyi rlabs gnas med pa'i rang 
bzhin kun nas nyon mongs pa myed pa'i ngang dri ma myed pa'i chos nyid kyi lus rnam par dag pa'i lus dang ldan pa de rin po che'i rgyal po 'gro ba thams cad kyi gnas rab tu snang ba'i snying po can gyi stan la 'dug pa mthong ngo / des de mthong nas spyi bos btud de mthong bar bya ba'i tshul 
sangs rgyas kyi zhing gi rdul shin tu phra ba snyed rjes su dran par byas nas sa'i gzhi las btud de rgyangs bcad pa zhig tu mngon par btud do/ /de nas tshong dpon gyi bu nor bzangs sa'i gzhi de las langs te thal mo sbyar nas/ mtshan mo'i lha mo 'gro ba thams cad bsrung 
ba'i smon lam la brtson pa'i 'od de'i lus la bltas pa dang / 'du shes rnam par dag pa bcu thob par gyur te/ de dag thob pas dge ba'i bshes gnyen thams cad dang skal ba mnyam par rab tu thob par gyur to/ /bcu gang zhe na 'di lta ste/ thams </font><hr>38-1-180b<br><font size=+1>
cad mkhyen pa nyid du brtsams pa'i brtson 'grus la dmyigs pa thams cad du gnas par bya ba'i phyir/ dge ba'i bshes gnyen rnams la rang gi sems kyi 'du shes rab tu thob par gyur to/ /dge ba'i bshes gnyen bsnyen bkur zhing dge ba'i rtsa ba yangs pa yongs su 
bsgrub pa grub par bya ba'i phyir/ rang gi las rnam par smyin pa rnam par dag pa'i rang bzhin gyi 'du shes rab tu thob po/ /smon lam thams cad kyis brgyan pa'i spyod pa la yang dag par gnas par bya ba'i phyir/ byang chub sems dpa'i spyod pa'i rgyan gyi 'du shes rab tu thob 
po/ /dge ba'i bshes gnyen thams cad kyi gdams ngag gi lam la nan tan du bya ba'i phyir sangs rgyas kyi chos thams cad rab tu bsgrub pa'i 'du shes rab tu thob po/ /sangs rgyas thams cad kyi yul du gyur ba'i chos bla na med pa la rnam par spyod pa'i snang ba 
yongs su mthong bar bya ba'i phyir nyams su myong ba bskyed pa'i 'du shes rab tu thob bo/ /kun tu bzang po'i spyod pas 'byung ba'i smon lam dang / spyod pa rnam par dag par bya ba'i phyir 'byung ba gcig gi 'du shes rab tu thob par gyur to/ /dge ba'i chos yongs 
su bstsags pa thams cad rnam par 'phel bar bya ba'i phyir thams cad mkhyen pa'i bsod nams rgya mtsho'i 'byung gnas kyi 'du shes rab tu thob bo/ /sangs rgyas kyi byang chub tu thams cad mkhyen pa'i ye shes la brtson 'grus kyi shugs yongs su 
'phel bar bya ba'i phyir/ dge ba'i chos yongs su ma rdzogs pa yongs su rdzogs par byed pa dang / yang dag par 'phel bar byed pa dang / yongs su skyong ba'i 'du shes rab tu thob par gyur to/ /sems can thams cad kyi bsam pa thams cad yongs rdzogs 
par bya ba'i phyir/ dge ba'i rtsa ba thams cad yongs su rdzogs pa'i 'du shes rab tu thob par gyur to/ /byang sems dpa' thams cad kyi chos la dbang bsgyur ba rab tu gnas par bya ba'i phyir dge ba'i bshes gnyen rnams la don thams cad yongs </font><hr>38-1-181a<br><font size=+1>
su sgrub pa'i 'du shes rab tu thob ste/ 'du shes rnam par dag pa bcu po de dag rab tu thob par gyur to/ /de dag thob pas mtshan mo'i lha mo 'gro ba thams cad bsrung ba'i smon lam la brtson pa'i 'od snang ba las byang chub sems dpa' dang /bskal pa mthun pa sangs rgyas kyi zhing gi rdul shin tu phra ba snyed thob par gyur te/ 'di ltar phyogs bcu'i de bzhin gshegs pa thams cad kyi dus gsum rjes su dran pa'i tshul la dran pa'i skal ba mnyam pa dang / chos rgya mtsho'i tshul thams cad tha myi dad 
par khong du chud par bya ba la blo gros kyi skal pa mnyam pa dang / de bzhin gshegs pa thams cad kyi chos kyi 'khor lo'i dkyil 'khor rig pas rjes su shes par bya ba'i bye brag dang / tshul tha dad par mkhas pa la reg pa'i skal ba mnyam pa dang / 
blo nam mkha' dang mnyam pas dus gsum thams cad kyi tshul rgya mtsho snang ba rab tu thob par bya ba'i phyir blo'i skal ba mnyam pa dang / byang chub sems de'i thams cad kyi dbang po rgya mtsho shes pa'i snang ba rab tu thob par bya ba'i phyir dbang po rnam 
par dag pa'i skal ba mnyam pa dang / rnam pa thams cad du sems can yongs su bsdu ba'i rgyan gyis rnam par brgyan pa'i byang chub sems dpa'i lam gyi yon tan la nan tan du bya ba'i rgyan gyi lam khong du chud par bya ba'i phyir sems rnam par 
dag pa'i skal ba mnyam pa dang / de bzhin gshegs pa'i ye shes kyi spyod yul snang bar rab tu thob par bya ba'i phyir spyod yul gyi skal ba mnyam pa dang / thams cad mkhyen pa'i tshul rgya mtsho la 'jug pa'i lam snang ba/ rnam pa thams cad rab tu 
thob par bya ba'i phyir tshul gyi rjes su 'brang ba'i skal pa mnyam pa dang / chos thams cad kyi rang bzhin shes shing khong du chud pa rab tu thob par bya ba'i phyir/ don khong du chud pa'i skal pa mnyam pa dang / chos kyi tshul rgya tsho thams cad la chos la </font><hr>38-1-181b<br><font size=+1>
rnam par spyod pa'i skal ba mnyam pa dang / sgrib pa thams cad kyi ri rnam par gtor pa'i phyir mi 'jigs pa'i skal ba mnyam pa dang / bsam pa ji lta ba bzhin du 'gro ba rnams la rnam pa tha dad par yongs su bstan pa'i mtshan dang dpe byad bzang pos rnam par bris pa'i 
lus rnam par dag par rab tu thob bar bya ba'i phyir gzugs kyi lus rnam par dag pa'i skal pa mnyam pa dang / byang chub sems dpa'i stobs yongs su rdzog sa pas thams cad mkhyen pa nyid du dmyigs pa/ rnam par 'phel bar bya ba'i phyir stobs kyi skal 
ba mnyam pa dang / sems dang bsam pa'i nam mkha' yongs su dag par bya ba'i phyir mi 'jigs pa'i phyir myi 'jig pa'i skal ba mnyam pa dang / bskal pa thams cad du byang chub sems dpa'i spyod pa la gnas pas myi skyo ba rab tu thob par bya ba'i phyir brtson 'grus kyi skal 
ba mnyam pa dang / chos thams cad la sgrib pa myed pa'i ye shes snang ba rab tu thob par bya ba'i phyir spobs pas skal pa mnyam pa dang / 'gro ba thams cad las mngon par 'phags pa'i lus yongs su dag par bya ba'i phyir zil gyis myi non 
pa'i skal pa mnyam pa dang / 'khor gyi dkyil 'khor thams cad mngon par dga' bar bya ba'i tshigs yongs su dag par bya ba'i phyir ma zhum myi dma' ba'i skal ba mnyam pa dang / chos kyi tshul rgya mtsho thams cad kyi sgra rab tu bsgrag pa'i phyir 
dbyangs kyi skal ba mnyam pa dang / 'gro ba thams cad kyi tshig rnam par dmyigs pa'i tha snyad dang / tshul rgya mtsho la dbyangs kyi yan lag rnam par dag pa'i skal ba mnyam pa dang / de bzhin gshegs pa'i gdams ngag gi yon tan khong du 
chud pa rnam par dag par bya ba la yon tan rnam par dag pa'i skal ba mnyam pa dang / kha na ma tho ba med pa'i las rnam par smyin pa yogs su dag par bya ba'i phyir chos dang las kyi rgyud du mi 'gal ba'i skal ba mnyam pa dang / sangs rgyas byung ba </font><hr>38-1-182a<br><font size=+1>
thams cad kyi chos kyi 'khor lo rab tu bskor ba'i phyir mchod sbyin gyis chos bzang po la rab tu gnas pa'i skal ba mnyam pa dang / de bzhin gshegs pa thams cad kyi yul dang ye shes la yang dag par gnas par bya ba'i phyir/ tshangs 
pa'i spyod pa rnam par dag pa'i bskal ba mnyam pa dang / byams pa'i tshul sna tshogs kyis skad cig re re la sems can rgya mtsho thams cad du rgyas par dgang bar bya ba'i phyir byams pa chen po'i skal ba mnyam pa dang / sems can gyi khams 
thams cad yongs su bskyabs pa'i chos kyi sprin gyi cher mngon par dbab pa'i phyir/ snying rje chen po'i tshul rgya mtsho la 'jug pa'i skal ba mnyam pa dang / sems can thams cad yongs su smyin par byed pa'i thabs kyi rgyud du skal ba mnyam par bya ba'i 
phyir lus kyi las kyi skal ba mnyam pa dang / chos thams cad brjod cing smos pa la ngag gi las rnam par dag pa'i skal ba mnyam pa dang / sems can thams cad kyi sems la thams cad mkhyen pa nyid du dmigs pa nye bar bsgrub pa'i 
phyir yid kyi las kyi skal ba mnyam pa dang / sangs rgyas gyi zhing thams cad la rgyan rnam pa sna tshogs thams cad kyis rab tu brgyan pa'i skal pa mnyam pa dang / sangs rgyas 'byung ba rgya mtsho thams cad du de bzhin gshegs pa thams cad kyi 
spyan sngar 'gro ba'i skal ba mnyam pa dang / de bzhin gshegs pa thams cad la chos kyi 'khor lo bskor bar gsol ba gdab pa'i skal ba mnyam pa dang / de bzhin gshegs pa thams cad la dus ma lus par mchod pa thams cad kyis rim gro 
bya ba'i phyir/ mchod pas rim gro bya ba'i skal ba'i mnyam pa dang / sems can gyi khams thams cad du sems can yongs su smyin par bya ba dang / gdul ba'i skal pa mnyam pa dang / chos kyi tshul thams cad la snang ba rab tu thob pa'i skal ba </font><hr>38-1-182b<br><font size=+1>
mnyam pa dang / ting nge 'dzin gyi tshul rgya mtsho thams cad la ting nge 'dzin rab tu thob pa'i skal ba mnyam pa dang / sangs rgyas kyi zhing rgya mtsho thams cad du byang chub sems dpa'i spyod pa dang / rnam par 'phrul pas rgyas par dgang pa'i phyir kun tu rgyas par 
dgang ba'i skal ba mnyam pa dang / byang chub sems dpa' thams cad kyi rnam par 'phrul pa'i tshul rgya mtsho la byang chub sems dpa'i rnam par spyod pa'i skal pa mnyam pa dang / byang chub sems dpa'i spyod pa la gnas pa la 'khor gyi skal ba mnyam 
pa dang / 'jig rten gyi khams thams cad shin tu phra bar 'jug pa la 'jug pa'i skal pa mnyam pa dang / sangs rgyas kyi zhing shin tu yangs pa thams cad du sems rnam par phye ba'i bskal ba mnyam pa dang / sangs rgyas kyi zhing rgya mtsho thams 
cad la 'jug pa rnam pa tha dad pa khong du chad par bya ba la khong du chud pa rnam pa tha dad pa'i skal pa mnyam pa dang / sangs rgyas kyi zhing thams cad rnam par phye ba ye shes mtha' yas pas rnam par dmyigs par bya ba la tshul 'byam klas 
pas kun tu rgyas par dgang ba'i skal ba mnyam pa dang / sangs rgyas kyi zhing thams cad du mngon par 'byung ba'i skal ba mnyam pa dang phyogs thams cad rgyas par dgang ba yang dag par gzhol pa thogs pa med cing phyir myi ldog par bya ba'i 
phyir phyir mi ldog pa'i skal pa mnyam pa dang / sangs rgyas thams cad kyi snying po byang chub tu rnam par 'tshang rgya ba'i ye shes kyi dkyil 'khor snang ba rab tu thob par bya ba'i phyir mun pa rnam par sel ba'i skal pa mnyam pa dang / sangs 
rgyas thams cad kyi 'khor gyi dkyil 'khor rgya mtshor rjes su phyin pa'i skal ba mnyam pa dang / sangs rgyas kyi zhing brjod du med pa'i de bzhin gshegs pa mchod cing rim gror bya ba'i sbyor ba la sangs rgyas kyi zhing thams cad lus kyi dra </font><hr>38-1-183a<br><font size=+1>
bas rgyas bar dgang ba'i skal ba mnyam pa dang / chos kyi tshul rgya mtsho rjes su rgyu ba de dang de dag la ye shes mngon sum gyi skal ba mnyam pa dang / rjes su mthun pa'i chos kyi tshul thams cad mngon du bya ba'i sbyor ba la nan tan 
gyi skal ba mnyam pa dang / chos kyi mos pa shin tu shas che ba'i brtsam pa rnam par dag par bya ba'i phyir btsal ba'i skal ba mnyam pa dang / lus dang ngag dang yid kyi las kyis sangs rgyas kyi yon tan gyi rgyan yongs su bsgrub pa la rnam par dag 
pa'i skal ba mnyam pa dang / nyam nga ba'i rtog pa med pa'i sems kyi dkyil 'khor gyis chos thams cad kyi ye shes dkyil 'khor yongs su dag par bya ba'i phyir yid kyi bskal ba mnyam pa dang / dge ba'i rtsa ba thams cad kyi tshogs yang dag par 
brtsams pa mthar phyin par bya ba'i sbyor ba la brtson 'grus brtsams pa'i skal ba mnyam pa dang / byang chub sems dpa'i spyod pa thams cad yongs su rdzogs par bya ba la spyod pa'i rgyan gyi skal ba mnyam pa dang /chos thams cad kyi mtshan ma khong 
du chud par bya ba la chags pa med pa rnam par spyad pa'i skal ba mnyam pa dang / chos la rnam par spyod pa'i ye shes kyis rnam par 'phrul pa de dang de dag tu thabs mkhas pa'i tshul gyi skal ba mnyam pa dang / bsam pa ji lta ba bzhin du sems 
can rnams la yul bstan pas yang dag par bskul ba'i phyir skye mched rnam par dag pa'i skal pa mnyam pa dang / chos thams cad bsgom pa dang / rnam par bsgom par rab tu thob par bya ba'i phyir byang chub sems dpa'i ting nge 'dzin gyi sgo rab tu thob par 
bya ba'i skal ba mnyam pa dang / de bzhin gshegs pa thams cad kyi byin gyi rlabs kyi skal pa mnyam pa dang / sangs rgyas dang byang chub sems dpa' thams cad kyis rab tu thob par bya ba las yongs su gnan pa'i skal ba mnyam pa dang /</font><hr>38-1-183b<br><font size=+1>
byang chub sems dpa'i rnam par dgod pa thams cad la rab tu gnas pa'i skal ba mnyam pa dang / sangs rgyas thams cad kyis lung bstan pa la yongs su bstan pa'i skal pa mnyam pa dang / skad cig gcig gi ting nge 'dzin rgya mtsho'i tshul thams cad 
la ting nge 'dzin gyi skal ba mnyam pa dang / sangs rgyas kyi 'phrin las mtshan nyid sna tshogs la ting nge 'dzin rnam par dgod pa'i skal ba mnyam pa dang / rjes su dran pa'i dmyigs pa'i tshul rgya mtsho thams cad la rjes su dran pa'i skal ba mnyam pa dang / 
byang chub sems dpa'i bya ba la phyi ma'i mtha'i bskal ba'i mur thug par zhe non pa la byang chub sems dpas spyad pa'i skal ba mnyam pa dang / sangs rgyas kyi ye shes tshad med pa la mos shing dga' ba'i shugs rgya mtsho rnam par 'phel bar bya ba'i phyir 
mos pa'i skal ba mnyam pa dang / sgrib pa'i ri thams cad la rnam par bzlog pa'i skal ba mnyam pa dang / sangs rgyas kyi ye shes kyi tshogs mtha' yas pa yongs su bsgrub pa'i phyir/ phyir myi ldog pa'i ye shes kyi skal ba mnyam pa dang / 
semasacan thams cad yongs su smyin par bya ba dang / gdul ba'i dus su skye ba'i skal pa mnyam pa dang / thams cad mkhyen pa nyid kyi tshul gyi sgo la rnam par spyod pa'i skal pa mnyam pa dang / chos kyi dbyings kyi tshul gyis khyu mchog gi 
mthu phyung ba'i yul la rab tu 'jug par bya ba'i phyir yul gyi skal pa mnyam pa dang / gzhi thams cad yongs su choms pa'i sems su bya ba'i phyir gzhi med pa'i skal ba mnyam pa dang / chos mnyam pa nyid kyi ye shes la 'jug par bya ba'i 
phyir chos bstan pa'i skal pa mnyam pa dang / sangs rgyas thams cad kyi byin gyi rlabs rang gi lus kyis yang dag par gnon pa'i phyir brtson pa'i skal ba mnyam padang / 'jig rten thams cad kyis khong du chud par bya ba'i nan tan gyi tshul </font><hr>38-1-184a<br><font size=+1>
la mngon par shes pa'i skal ba mnyam pa dang / phyogs thams cad kyi zhing rgya mtsho 'jug par bya ba la mngon par 'du bya ba myed pa'i rdzu 'phrul rab tu thob pa'i skal ba mnyam pa dang / gzungs rgya mtsho thams cad kyi snang ba rab tu 
thob par bya ba la gzungs kyi sa'i skal pa mnyam padang / mdo sde'i chos kyi rnam grangs thams cad la sangs rgyas thams cad kyi chos kyi 'khor lo'i dgongs pa khong du chud par bya ba'i skal ba mnyam pa dang / nam mkha'i dbyings lta bu'i chos kyi tshul 
thams cad khong du chud par bya ba'i phyir chos zab mo la 'jug pa'i skal ba mnyam pa dang / 'jig rten gyi khams 'byam klas pa thams cad du snang bar bya ba'i skal ba mnyam pa dang / bsam pa ji lta ba bzhin du 'gro bas rnam par dmigs par bstan pa 
la mngon par gsal ba'i skal ba mnyam pa dang / zhing gi byin gyi rlabs dang / rnam par 'phrul pa sems can yongs su bstan pa'i phyir rab tu skyod pa'i skal ba mnyam pa dang / mthong ba dang thos pa dang / rjes su dran pas sems can 'dul 
ba'i phyir don yod par spyad pa'i skal ba mnyam pa dang / smon lam rgya mtsho'i tshul thams cad yongs su rdzogs pas stobs bcu'i ye shes rjes su 'tshang rgya bar bya ba'i phyir 'byung ba'i skal ba mnyam pa yang rab tu thob par gyur to/ /de ltar tshong dpon gyi bu nor bzangs 
shin tu dga' ba'i sems su gyur te/ mtshan mo'i lha mo'i 'gro ba thams cad bsrung ba'i smon lam la brtson pa'i 'od la bltas pas 'du shes rnam par dag pa thob par gyur te/ 'di dag la stsogs pa mtshan mo'i lha mo 'gro ba thams cad bsrung 
ba'i smon lam la brtson pa'i 'od las skal ba mnyam pa'i tshul sangs rgyas kyi zhing gi rdul shin tu phra ba snyed kyang thob par gyur to/ /de nas tshong dpon gyi bu nor bzangs mtshan mo'i lha mo 'gro ba thams cad bsrung ba'i smon lam la brtson pa'i 'od las blta ba'i tshul </font><hr>38-1-184b<br><font size=+1>
sangs rgyas kyi zhing gi rdul shin tu phra ba snyed la zhugs pa dge ba'i bshes gnyen gyi 'du shes rnam par dag pa mtha' dang dbus med pa rab tu thob pa skal ba mnyam pa'i tshul sangs rgyas kyi zhing gi rdul shin tu phra ba snyed pa la zhugs pas bla gos phrag pa 
gcig la gzar te/ mtshan mo'i lha mo 'gro ba thams cad bsrung ba'i smon lam la brtson pa'i 'od gang na ba der thal mo sbyar te/ btud nas de'i tshe tshigs su bcad pa 'di dag smras so/ /de ni bdag gi sems la bdag dgongs te/ /byang chub mos pa myi ldog 
shin tu brtan/ /khyod kyi thugs la'ang bdag ni de bzhin du/ /bdag gi bzhin du de ring brtan par skyes/ /sdig to ma lus rnam par byang bar gyur/ /dge ba'i rnam smin mi mnyam bar tu thob/ /bdag gis lta na mdzes pa khyod mthong bas/ /chos dkar 
mi ngas bdag gis yongs su bstsags/ /bdag gi sems ni yon tan chu bos brgyan/ /sems can phan brtson rnam pa tha dad pas/ /brgyan gyur des ni phyi mtha'i bskal par yang / /zhing rnams kun tu spyod pa spyad par bgyi/ /'phags mas bdag la 
thugs brtse mdzad slad du/ /chos rnams thams cad grub pa khyod kyis bstan/ /bdag la sman slad rjes su gzung dgongs te/ /chos kyi gdams ngag dam pa stsal du gsol/ /ngan 'gror lhung ba'i lam ni rnam par bzlog/ /mtho ris shul 
gtsang dam pa yongs su bstan/ /bde gshegs ma lus bzhud cing rjes bzhud pa'i/ /thams cad mkhyen pa'i shul kyang khyod kyis bstan/ /dpe med rmad du byung mnga' khyod la bdag /'byung ba'i 'du shes dam pa nye bar skyes/ /nam mkha' lta 
bur dri med tshad myed pa'i/ /thams cad mkhyen nyid chos sgo rnam par dag /kun mkhyen tshad myed 'byung gnas bzang po yi/ /'du shes de ring tshad med khyod la skyes/ /bsod nams rgya mtsho mkha' ltar tshad med pa'i/ /sems las byung ba skad </font><hr>38-1-185a<br><font size=+1>
cig re rer 'byung / /'phags ma pha rol phyin pas bdag bkur gsol/ /bsam yas bsod nams kyis kyang rnam spel gsol/ /yon tan dge ba thams cad yongs 'phel nas/ /thams cad mkhyen pa'i go 'phang myur thob mdzod/ /
dge ba'i bshes gnyen rnams la rtag par dga'/ /thams cad mkhyen lam rab rdzogs 'du shes te/ /de yi slad du bdag gi chos dkar rnams/ /myur du rdzogs par 'gyur zhes tshim par gyur/ /de slad 'di las don kun rab tu byung / /dge ba'i yon 
tan ldan pa grub par gyur/ /brjod pa mtha' yas thams cad mkhyen pa'i lam/ /'di ni yongs su bsgrubs shing 'gro la brjod/ /yon tan tshad med khyod ni slob dpon gyur/ /thams cad mkhyen kyi chos la bdag 'dren pa/ /bskal pa bye ba khrag khrig 
grangs med pas/ /'phags ma khyod la bdag gis lan mi lon/ /de nas tshong dpon nor bzangs kyis tshigs su bcad pa de dag smras nas/ mtshan mo'i lha mo 'gro ba thams cad bsrung ba'i smon lam la brtson pa'i 'od la 'di skad ces smras so/ /
lha mo khyod kyis bdag la byang chub sems dpa'i rnam par thar ba'i yul bsam gyis mi khyab pa 'di ni bstan na lha mo rnam par thar ba 'di'i ming ni ci zhes bgyi/ lha mo khyod ni ci srid cig nas bla na med pa yang dag par rdzogs pa'i byung chub tu zhugs ji srid cig na ni 
khyod bla na med pa yang dag par rdzogs pa'i byang chub tu mngon par 'tshang rgya bar 'gyur/ de skad ces smras pa dang / mtshan mo'i lha mo 'gro ba thams cad bsrung ba'i smon lam la brtson pa'i 'od kyis tshong dpon gyi bu nor bzang la 'di skad ces smras so/ /
rigs kyi bu rnam par thar pa 'di ni sems can thams cad yongs su smyin par bya ba la yang dag par bskul ba'i dge ba'i rtsa ba yongs su 'byung ba zhes bya ba ste/ rigs kyi bu kho mo rnam par thar pa 'di dang ldan pas chos thams cad kyi rang bzhin mnyam pa nyid </font><hr>38-1-185b<br><font size=+1>
khong du chud de chos thams cad kyi ngo bo nyid la zhugs nas/ gnas med pa'i chos la brten te/ 'jig rten thams cad las 'phags par gyur to/ /chos rnams kyi gzugs shin tu rnam par phye ba la zhugs te/ mi 'dra ba med pa'i kha dog dang / sna tshogs med pa'i kha dog 
dang / rnam par tha dad pa myed pa'i kha dog dang / mi rtog pa'i kha dog dang / mi sngo ba'i kha dog dang / mi ser ba'i kha dog dang / mi dmar ba'i kha dog dang / mi dkar ba'i kha dog dang / mi 'thun pa med pa dang / sna tshogs med pa dang / rnam pa tha dad pa med pa dang / rtog pa 
med pa dang / mi sngo ba dang mi ser ba dang / mi dmar ba dang mi dkar ba'i kha dog gi chos nyid la zhugs nas kha dog rnam par phye ba du ma'i gzugs kyi lus sna tshogs kyi kha dog can/ kha dog du ma dang kha dog tshad med pa dang / kha dog rnam par dag pa dang rgyan thams 
cad 'byin pa'i kha dog dang kun tu snang ba'i kha dog dang / 'gro ba thams cad dang 'dra ba'i kha dog dang / 'jig rten thams cad la mngon du gyur cing lhag pa'i kha dog dang gzugs brnyan kun tu snang ba'i kha dog dang / mi 'thun pa med pa'i kha dog dang / mtshan dang dpe byad 
bzang pos rnam par sbyangs pa'i kha dog dang / kha na ma tho ba med par spyod pa'i 'od dang ldan pa'i kha dog dang / stobs chen pos rnam par gnon pa yongs su ston pa'i kha dog dang / zab mo thob par dka' ba'i kha dog dang / 'jig rten thams cad kyis mi thub pa'i kha dog dang / 
'gro ba thams cad kyi tshig gis mi zad pa'i kha dog dang / skad cig re re la sna tshogs su 'gyur ba'i kha dog dang / kha dog gi sprin sna tshogs yongs su ston pa'i kha dog dang / gzugs dang dbyibs sna tshogs kyi kha dog dang / rnam par 'phrul pa tshad med 
pa ston pa'i kha dog dang / shin tu yid du 'ong zhing rnam par snang ba'i kha dog dang / bzang po dang mdzes pa thams cad 'bel ba'i kha dog dang / sems can thams cad yongs su smyin par bya ba dang / mthun pa'i kha dog dang / bsam pa ji lta ba bzhin du 'dul </font><hr>38-1-186a<br><font size=+1>
ba la mngon tu 'gyur ba'i dge ba'i kha dog dang / thogs pa med par kun tu snang ba'i kha dog dang / dang zhing rnyog pa med la rnam par gsal te/ 'od dang ba'i kha dog dang / mi shes pa'i lus kyis bsgrubs pas mdzes par gyur 
pa'i kha dog dang / chos kyi tshul bsam gyis mi khyab pa rab tu ston pa'i kha dog dang / zil gyis mnon la zil gyis gnon pas thams cad zil du rlag par byed pa'i kha dog dang / mun pa dang rab rib med pa'i kha dog dang / mun pa thams cad rnam par 
sel ba'i kha dog dang / dkar po thams cad shin tu bsgrubs pa'i kha dog dang / bdag nyid che ba'i yon tan rgya mtsho'i kha dog dang / sngon bla ma la rim gror byas pas shin tu bsgrubs pa'i kha dog dang / lhag pa'i bsam pa'i nam mkha' yongs su 
dag par byed pa'i kha dog dang / mchog dam pa phul du byung bar shin tu yangs pa'i kha dog dang / mi 'phrogs mi zad pa'i yon tan rgya mtsho rab tu ston pa'i kha dog dang / 'jig rten thams cad la mi gnas shing ma 'dres pa'i kha dog dang / 
thogs pa med par phyogs thams cad rgyas par 'gengs pa'i kha dog dang / sems can kyi skad cig 'byam klas pa la zhing rgya mtsho brjod du med par kha dog sna tshogs rnam pa du ma yongs su ston pa'i kha dog dang / sems can thams cad kyi dga' ba'i 
shugs chen po rnam par 'phel bar byed pa'i kha dog dang / sems can rgya mtsho thams cad yongs su sdud pa'i kha dog dang / ba spu'i sgo thams cad nas sangs rgyas kyi yon tan rgya mtsho ma lus pa'i sprin gyi sgra sgrog pa'i kha dog dang / sems 
can thams cad kyi bsam pa dang / mos pa rgya mtsho rnam par sbyong ba'i kha dog dang / chos thams cad kyi don rnam par gdon mi za ba yongs su ston pa'i kha dog dang / 'od gzer gyi dra ba'i dkyil 'khor kha dog sna tshogs su snang ba'i kha dog dang /</font><hr>38-1-186b<br><font size=+1>
nam mkha' ltar dri ma med par snang ba'i kha dog dang / rin po che'i rgyal po rnam par dag pa ltar rdul gyi dri ma med pa'i 'od la gnas pa'i kha dog dang / chos nyid dri ma myed pa'i 'od kyi kha dog dang / kha dog dpag tu med pa'i tshul rgya mtsho rnam pa tha dad pa yongs 
su ston pa'i kha dog dang / phyogs kun tu snang bar byed pa'i kha dog dang / dus la gang du bab par 'gro ba yongs su ston par ma 'dres pa'i kha dog dang / zhi ba dang dul ba'i phyogs las byung ba'i kha dog dang / nyon mongs pa thams cad rab tu zhi bar byed 
pa'i kha dog dang / 'gro ba bsod nams kyi zhing thams cad la rab tu ston pa'i kha dog dang / 'jigs pa thams cad rab tu sel ba'i kha dog dang / don yod par 'gro ba rgyas par 'gengs pa'i kha dog dang / ye shes kyi rnam par gnon pa chen po rab tu 
rjod pa'i kha dog dang / chags pa med pa'i lus kyis kun tu rgyas par 'gengs pa'i kha dog dang / lus dam pa'i sprin gyi dbyangs kyis 'gro ba kun tu ston par byed pa'i kha dog dang / byams pa'i rgya mtsho chen po yongs su sdud pa'i kha dog dang / bsod nams kyi ri rab 
chen po yongs su sgrub pa'i kha dog dang / 'gro ba thams cad du mi gnas kyang 'jig rten gyi rgyud thams cad du gzugs brnyan 'byung ba'i kha dog dang / ye shes kyi stobs chen po rnam par sbyong ba'i kha dog dang / 'jig rten thams cad kyi rjes su dran pa dang / 
'grogs pa'i kha dog dang / rin po che thams cad lta bu'i kha dog dang / rnam par snang ba'i snying po ltar yongs su ston pa'i kha dog dang / 'gro ba thams cad kyi mos pa'i tshul dang mthun pa'i kha dog dang / thams cad mkhyen pa nyid kyi rnam pa la mngon du gyur pa'i kha dog 
dang / mig 'dzum gyis rgyas pas 'gro ba mos par byed pa'i kha dog dang / rin po che'i rgyan dam pa'i 'od kyi kha dog dang / 'gro ba thams cad du thogs pa med pa la phyir phyogs pa med pa'i kha dog dang / nges pa med cing mngon par zhen pa med pa'i kha dog </font><hr>38-1-187a<br><font size=+1>
dang / byin gyi rlabs kyis rnam par 'phrul pa'i khyu mchog gi mthu 'byin pa yongs su ston pa'i kha dog dang / rdzu 'phrul thams cad kyis rnam par 'phrul pa'i khyu mchog gi mthu phyung ba yongs su ston pa'i kha dog dang / de bzhin gshegs pa'i 
dge ba'i rtsa ba snang bar byed pa'i kha dog dang / chos kyi dbyings kha na ma tho ba med pa'i tshul rgyu mtsho la rab tu zhugs pa'i kha dog dang / sangs rgyas thams cad kyi 'khor gyi dkyil 'khor du phyin pa'i gzugs brnyan 'byung ba'i kha dog dang / kha dog sna tshogs rgya mtsho rab 
tu sgrub pa'i kha dog dang / legs par spyad pa dang / rgyu 'thun pa bzang pos byung ba'i kha dog dang / 'dul ba ji lta ba bzhin du nye bar sgrub pa'i kha dog dang / 'jig rten thams cad kyis blta na mi ngoms pa'i kha dog dang / 'od dang ba rnam pa sna tshogs 
kyi 'od du snang ba'i kha dog dang / dus gsum gyi kha dog rgya mtsho thams cad yongs su bstan pa'i kha dog dang / 'od gzer kha dog thams cad dang ldan pa rgya mtsho rab du 'gyed pa'i kha dog dang / 'od kyi dkyil 'khor rgya mtsho kha dog brjod du med pa sna tshogs rnam 
pa tha dad pa yongs su ston pa'i kha dog dang / spos thams cad kyi 'od 'phro ba kun las 'das pa'i kha dog dang / ba spu'i sgo re re nas sangs rgyas kyi zhing brjod du med pa'i rdul shin tu phra ba snyed kyi nyi ma'i dkyil 'khor gyi sprin yongs su ston pa'i kha dog dang / 
zla ba'i dkyil 'khor gyi gzugs dri ma med cing yangs pa'i sprin gyi byin gyi rlabs kyi kha dog dang / me tog yid du 'ong ba'i ri rab kyi sprin mtha' yas pa rab tu 'gyed pa'i kha dog dang / phreng ba sna tshogs mngon par sgrub pa'i shing gi sprin gyi phreng ba 
thams cad kyi char rab tu 'bebs pa'i kha dog dang / rin po che thams cad kyi pad+mo'i sprin yongs su ston pa'i kha dog dang / spos dang bdug spos thams cad kyi na bun gyi gzugs kyi sprin gyis chos kyi dbyings thams cad rgyas par 'gengs pa'i kha dog du sems kyi </font><hr>38-1-187b<br><font size=+1>
skad cig re re la phye ma'i mdzod kyi sprin thams cad byin gyis brlabs shing / phyogs bcur chos kyi dbyings kyi tshul rgya mtsho thams cad rgyas par bkang nas mthong bas 'dul ba'i sems can rnams dang / thos pas 'dul ba dang / rjes su dran pas 'dul ba dang / 
chos kyi 'khor lo sprul pa mngon par bsgrubs pas 'dul ba dang / yongs su smyin par 'gyur ba'i dus la bab pas 'dul bar gyur ba dang / gzugs kyi lus yongs su bstan pas 'dul ba dang / bsnyen bkur bya bas 'dul ba dang / khong du chud par 
bya bas 'dul ba dang / rnam par 'phrul pa dang / cho 'phrul sna tshogs yongs su bstan pas 'dul ba dang / rnam par 'phrul pa dang / cho 'phrul bsam gyis mi khyab pa rnam par dmyigs pa yongs su bstan pas btul ba'i sems can rnams kyi bsam 
ba'i dbang dang / dus kyi dbang dang / mi dge ba'i las las rnam par bzlog pa'i dbang dang / dge ba'i lam yongs su bsgrub pa la so sor 'god pa'i dbang dang / sngon smon lam chen po mngon par bsgrub pa'i dbang dang / thams cad mkhyen pa nyid kyi 
shugs kyi dbang dang / byang chub sems dpa'i rnam par thar ba rgya chen po'i rnam par 'phrul pa rab tu thob pa'i chos kyi dbang dang / 'gro ba thams cad yongs su bskyab par shin tu bsgrubs pa'i snying rje chen po'i stobs yongs su 'byung ba'i dbang dang / byams 
pa chen po'i rgya mtsho rnam par dag pa yongs su bskyed pa'i bsam pa'i dbang gis/ de bzhin gshegs pa'i byin gyi rlabs yang dag par blang ba'i phyir rab tu 'jug go /rigs kyi bu de ltar kho mos byang chub sems dpa'i rnam par thar pa sems 
can thams cad yongs su smin par byas pas bsam pa ji lta ba bzhin du dge ba'i rtsa ba la yang dag par bskul la rab tu gnas te/ rnam par dbye ba myed pa'i chos la zhugs nas mtha' dang dbus med pa'i lus kyi kha dog dang dbyibs yongs su bstan </font><hr>38-1-188a<br><font size=+1>
te/ spyod pa'i lus re re las mtha' dang dbus med pa'i kha dog rgya mtsho 'jig rten du rnam par dmyigs par byas te/ spyod pa'i kha dog re re las mtha' dang dbus med pa'i 'od gzer gyi sprin yongs su bkye zhing 'od gzer re re las 
kyang sangs rgyas kyi zhing gi gzugs brnyan mtha' dang dbus med pa yongs su bstan nas/ sangs rgyas kyi zhing re rer yang de bzhin gshegs pa 'byung ba mtha' dang dbus med pa yongs su bstan te/ de bzhin gshegs pa re re zhing yang sangs rgyas kyi rnam par 'phrul pa mtha' 
dang dbus med pa yongs su ston pa byed cing sngon gyi dge ba'i rtsa bas yang dag par bskul ba byed do/ /dge ba'i rtsa ba ma bskyed pa rnams kyang yongs su bskyed do/ /bskyed pa rnams kyang yangs par byed do/ /dge ba'i rtsa ba yangs par byas pa rnams ni rnam 
par 'phel bar byed de/ kho mo ni sems kyi skad cig re re la yang / sems can kyi khams mtha' dang dbus med pa bla na med pa yang dag par rdzogs pa'i byang chub las phyir mi ldog pa'i sa la rab tu 'god par byed do// //sangs 
rgyas rmad gcad ces bya ba shin tu rgyas pa chen po'i mdo/bam po bcu gnyis pa/ rigs kyi bu gzhan yang khyod kyis 'di skad du smras te/ khyod bla na myed pa yang dag par rdzogs pa'i byang chub tu zhugs nas ni ji srid cig lon/ bskal pa brgya phrag ji snyed 
cig nas ni byang chub kyi spyod pa la spyod spyod ces zer ba de'i don kyang / sangs rgyas kyi byin gyi rlabs kyis bstan par bya'o/ /rigs kyi bu byang chub sems dpa' rnams kyi ye shes kyi dkyil 'khor ni rtog pa dang / rnam par rtog pa'i yul dang ldan pa/ de la 'khor ba ring ba
'am/ 'khor ba thung bar rnam par dgod cing brjod par bya ba byed do/ /bskal pa kun nas nyon mongs pa'am/ bskal pa rnam par dag pa'am/ bskal pa chung ba'am/ bskal pa che ba'am/ bskal pa mang ba'am/ bskal ba tha dad pa'am/</font><hr>38-1-188b<br><font size=+1>
bskal ba rnam pa sna tshogs su bya ba'am/ bskal pa rnam pa tha dad par bya bar yang rnam par dgod pa dang / brjod par bya ba myed do/ /de ci'i phyir zhe na/ rigs kyi bu byang chub sems dpa' rnams kyi ye shes kyi dkyil 'khor ni rang bzhin gyi ngo bo nyid kyis yongs su 
dag pa ste/ 'du shes kyi dra ba thams cad dang bral ba sgrib pa'i ri thams cad las yang dag par 'das pa'i bsam pa la yongs su 'char te/ de'ang sems can thams cad yongs su smyin par bya ba'i dus su 'dul ba ji lta ba bzhin du snang bar byed do/ /
rigs kyi bu 'di lta ste/ nyi ma'i dkyil 'khor la nyin mtshan gyi grangs su bya ba myed de/ mi srid kyang nyi ma'i dkyil 'khor nub na ni nub mor snang ngo / /nyi ma'i dkyil 'khor shar na ni nyin bar du snang zhing brjod pa yod do/ /rigs kyi bu de bzhin du byang chub 
sems dpa' ye shes kyi dkyil 'khor rnam par rtog pa med pa la rtog pa dang / yongs su rtog pa thams cad myed de/ 'khor ba na gnas pa'i 'du shes kyi rnam pa thams cad dang /dus su bya ba thams cad kyang med mod kyi/ 'on kyang byang chub 
sems dpa'i bsam pa las byung ba'i ye shes kyi dkyil 'khor rnam par rtog pa med pa ni sems can thams cad yongs su smyin par bya ba'i dus kyi dbang gis bskal par gnas pa dang / 'khor ba'i 'du shes kyi rnam par bgrang ba'i grangs 
su bgrang ba yin te/ ye shes kyi dkyil 'khor rnam par rtog pa med pa la sngon gyi mtha' dang phyi ma'i mtha'i bskul par gnas pa'i 'du shes kyi rnam par bgrang ba yod do/ /rigs kyi bu 'di lta ste/ dper na/ nyi ma'i dkyil 'khor ni nam 
mkha'i dbyings la 'dug kyang / rin po che'i ri thams cad dang / rin po che'i shing thams cad dang / rin po che'i snod thams cad dang / rin po che'i 'byung gnas thams cad dang / rgya mtsho thams cad dang / mtsho dang mtshe'u thams cad dang /</font><hr>38-1-189a<br><font size=+1>
chu dang ba'i snod thams cad dang / 'gro ba thams cad kyi sems la gzugs brnyan rnam par dmyigs pa snang ste/ sems can thams cad la mngon du gyur par snang ngo / /rin po che thams cad kyi rdul shin tu phra ba rnams la nyi ma'i 
dkyil 'khor gyi gzugs brnyan byung bar snang yang / nyi ma'i dkyil 'khor de ni rin po che'i ri rnams la'ang gnas pa myed do/ /rin po che'i shing nas rin po che'i rdul shin tu phra ba rnams kyi bar du'ang zhugs pa med/ rin po che'i 'bru rnams kyi khongs su 
chud pa'ang ma yin/ rin po che'i 'byung gnas rnams kyi rjes su song ba'ang ma yin/ rgya mtsho rnams kyi nang du song ba'ang ma yin/ chu'i snod thams cad kyi nang du zhugs pa yang ma yin mod kyi/ thams cad kyi khongs na 'dug par yang snang ngo / /rigs 
kyi bu de bzhin du byang chub sems dpa' sems dpa' chen po yang 'khor ba'i rgya mtsho las ni gyen du 'phags/ de bzhin gshegs pa'i chos kyi dbyings kyi nam mkha' la ni mngon par byung / chos kyi rang bzhin nam mkha'i rgyud la ni rgyu zhing spyod/ 
zhi ba'i nam mkha'i dbyings la ni gnas par gyur mod kyi srid pa'i lam gyi rgyud dang / skye gnas thams cad du'ang sems can thams cad yongs su smyin par bya ba dang / gdul ba'i don du sems can thams cad dang 'dra ba'i lus su skye bar snang ste/ 
'khor ba'i nyes pas gos par mi 'gyur ro/ /skye ba dang 'chi 'pho ba'i sdug bsngal gyis nye bar gdung ba med do/ /rtog pa dang rnam par rtog pa dag dang / 'grogs pa med do/ /bskal pa la'ang ring ba'i 'du shes sam/ thung ba'i 'du shes su 'gyur 
ba med do/ /de ci'i phyir zhe na/ de ni byang chub sems dpa' phyin ci log las shin tu 'das pa dang / 'du shes dang sems dang lta ba'i phyin ci log las yongs su 'das pa dang / rmyi lam lta bu'i 'jig rten thams cad yang dag pa ji lta ba bzhin du ya </font><hr>38-1-189b<br><font size=+1>
shes kyis khong du chud pa dang / sgyu ma lta bu'i 'jig rten thams cad rab tu rtogs pa dang / sems can myed pa'i ye shes kyi dbyings rab tu thob pa dang / yang dag par ji lta ba bzhin du chos rab tu mthong bas snying rje'i dkyil 'khor shin tu yangs pa dang smon lam chen 
po'i stobs kyis sems can thams cad yongs su smyin par bya ba dang / gdul ba'i don du sems can thams cad la mngon du gyur par snang ngo / /rigs kyi bu 'di lta ste/ dper na/ chu klung chen po la stsogs pa la gru ni rtag tu rgyun mi 'chad par sems can yongs 
su bsgral ba la brtson pa ste/ nam ma zhigs kyi bar du rgyun gcod pa med kyang / de la pha rol gyi ngogs la mngon par chags pa med/ tshu rol gyi ngogs la'ang mngon par chags pa med/ chu'i dbus na'ang gnas pa med do/ /rigs kyi bu de bzhin du byang 
chub sems dpa' yang pha rol tu phyin pa chen po'i gru'i mthus 'khor ba'i chu klung gi rgyud las sems can thams cad yongs su bsgral ba la zhugs pa yin te/ de la tshu rol gyi mus 'jigs pa med do/ /pha rol gyi mur bde bar 'gyur ba'i 'du shes med do/ /
'on kyang rtag tu rgyun mi 'chad par byang chub sems dpa'i spyod pa la bskal pa dpag tu med pa thams cad du gnas par bya bar zhe non pas sems can thams cad yongs su bsgral bar bya ba la zhugs pa yin te/ bskal ba'i rnam par tha dad pa la mngon 
par zhen pa med do/ /bskal pa 'da' bar bya ba la ring ba'i 'du shes su gyur cing byang chub sems dpa'i spyad pa la spyod pa ma yin no/ /rigs kyi bu 'di lta ste/ dper na/ chos kyi dbyings ltar yangs pa'i nam mkha'i dbyings nam mkha'i gzhi'i dkyil 'khor ni 
'jig rten gyi khams thams cad 'du'am 'jig gam 'das par gyur kyang rnam par rtog pa med cing rang bzhin gyis rnam par dag la kun nas nyon mongs pa med de/ 'khrug pa med cing bsgribs pa med la phyi ma'i mtha'i dus su zhing thams cad 'dzin kyang yongs su skyo </font><hr>38-1-190a<br><font size=+1>
ba med do/ /rigs kyi bu de bzhin du byang chub sems dpa'i bsam pa ye shes nam mkha'i dkyil 'khor kyang smon lam chen po'i rlung gi dkyil 'khor gyis kun nas bskor cing ngan song gi g.yang sa thams cad las sems can yongs su 'dzin kyang 
yongs su skyo ba med do/ /bde ba'i lam la 'god pa byed kyang yongs su sgyid lug pa med do/ /thams cad mkhyen pa'i lam la 'god kyang zhum par byed pa med do/ /nyon mongs pa thams cad kyis kyang 'khrug pa med do/ /'khor ba'i nyes pa thams cad kyis kyang 
yongs su gdung ba med do/ /rigs kyi bu 'di lta ste/ dper na/ sgyu ma'i rnam pa las grub pa'i mi yan lag dang nying lag shin tu tshang ba la lus la gnas pa'i chos bcu med de/ bcu gang zhe na/ 'di lta ste/ dbugs nang du rgyu ba'am/ dbugs phyir rgyu ba
'am/ grang ba'am/ dro ba'am/ bkres pa'am/ skom pa'am/ dga' ba'am/ mi dga' ba'am/ skye ba'am/ rga ba'am/ na ba'am/ 'chi ba dang / gnod par 'gyur ba med do/ /rigs kyi bu de bzhin du byang chub sems dpa' ye shes sgyu ma'i rnam pa las 
byung ba'i gzugs dang ldan pa/ chos kyi dbyings tha mi dad pa'i lus dang ldan pa/ srid pa'i lam gyi rgyud thams cad du sems can yongs su smyin par byed pa'i don du skyes te/ bskal pa thams cad du gnas pa la'ang chos bcu med de/ bcu gang zhe na/ 'di lta 
ste 'khor ba la mngon par dga' ba'am/ 'khor ba srid pa'i lam gyi rgyud du skye bas skyo bar 'gyur ba'am/ yul gyi dga' ba la 'dun pa'am/ khong khro ba'i sems sam/ longs spyod par 'dod pa'am/ nyon mongs pa thams cad kyis yongs su gdung ba
'am/ sdug bsngal gyi tshor ba nyams su myong ba'am/ lam nyam nga bar skye bas 'jigs pa'am/srid par mngon par 'dun pa'am/ mngon par chags pa med do/ /'on kyang rigs kyi bu sangs rgyas kyi byin gyi rlabs kyis ma 'ongs pa'i byang chub sems dpa' </font><hr>38-1-190b<br><font size=+1>
rnams kyang byang chub sems dpa'i smon lam rgya chen po'i stobs rnam par 'phel bar bya ba'i phyir bstan par bya'o/ /rigs kyi bu sngon 'das pa'i dus bskal ba 'jig rten gyi khams rgya mtsho'i rdul shin tu phra ba snyed kyi pha rol de'i yang pha snga 'das par gyur pa de'i tshe de'i 
dus na/ 'jig rten gyi khams rin po che'i 'od ces bya ba zhig byung ste/ rigs kyi bu 'jig rten gyi khams rin po che'i 'od de la bskal pa ni 'od bzang po zhes bya ba byung ngo / /bskal pa 'od bzang po zhes bya ba de la ni sangs rgyas stong phrag bcu byung bar gyur te/ rigs kyi 
bu sangs rgyas stong phrag bcu po de dag las bskal pa'i dang po la de bzhin gshegs pa dgra bcom pa yang dag par rdzogs pa'i sangs rgyas chos kyi 'khor lo'i sgra nam mkha'i sprin gyi sgron ma rgyal po zhes bya ba mkhyen pa dang zhabs su ldan pa bde bar gshegs pa 'jig 
rten mkhyen pa bla na med pa skyes bu 'dul ba'i kha lo bsgyur ba/ lha dang mi'i ston pa sangs rgyas bcom ldan 'das 'jig rten du byung ste/ de thams cad kyi thog ma la bla na med pa yang dag par rdzogs pa'i byang chub tu mngon par sangs rgyas so/ /rigs kyi bu 
de bzhin gshegs pa de gling bzhi ba'i dbus na rgyal po'i gnas dga' bas brgyan pa zhes bya ba yod pa dang / tshod du yang rgyang mi ring ba zhig byung ste/ rgyal po'i gnas dga' bas brgyan pa de'i shar phyogs logs na/ nags tshal 'od bzang po zhes 
bya ba zhig yod de/ nags tshal 'od bzang po der snying po byang chub rin po che'i me tog gi sprin ces bya ba byung ngo / /snying po byang chub rin po che'i sprin ces bya ba der gdan seng ge'i khri rin po che rnam par snang ba'i snying po can byung ste/ de la bcom ldan 
'das de bzhin gshegs pa chos kyi 'khor lo'i sgra nam mkha'i sprin gyi sgron ma rgyal po bla na med pa yang dag par rdzogs pa'i byang chub tu mngon par sangs rgyas so/ /de'i tshe mi'i tshe'i tshad lo stong phrag bcu thub pa las 'jig rten du sems can srog </font><hr>38-1-191a<br><font size=+1>
gcod pa dang / ma byin par len pa dang / 'dod pas log par g.yem pa dang / brdzun du smra ba dang / phra ma zer ba dang / zhe gcod pa'i tshig smra ba dang / tshig khyal pa zer ba dang / chags sems dang ldan pa dang / gnod sems yod 
pa dang / log par lta ba can byung ste/ de ltar mi dge ba'i las kyi lam bcu rnam par rgyas par gyur nas rab tu brtan par gyur te/ bcom ldan 'das de bzhin gshegs pa chos kyi 'khor lo'i sgra nam mkha'i sprin gyi sgron ma rgyal po des 'jig rten gyi dbang po'i 
sngon gyi rgyal ba la bya ba byas pa rnams dang / 'dzam bu gling gi myi rnams kyi dge ba'i rtsa ba yongs su smyin par bya ba'i phyir snying po byang chub mchog tu gshegs te/ byang chub sems dpa' rnams la chos bstan to/ /de'i tshe rgyal po'i gnas dga' bas brgyan 
pa de na rgyal po rgyal ba'i 'od ces bya ba 'dug 'dug ste/ des mi ma byin par len pa/ rku ba/ sdig to byed pa/ srog gcod pa/ 'dod pas log par g.yem pa/ brdzun zer ba/ phra ma smra ba/ zhe gcod pa'i tshig dang ldan pa/ tshig khyal ba smra ba/ chags 
sems can gnod sems yod pa/ log par lta ba/ chos ma yin pa'i 'dod chags la zhen pa/'dod pa mi bzad pas mngon par non pa/ log pa'i chos kyis kun nas 'khor ba/ sdig to byed byed pa/ khro gtum byed byed pa/ bsod nams ma 
byas pa/ 'jigs pas bag tsha ba med pa/ mar mi shes pa/ phar mi shes pa/ dge sbyong du bya ba med pa/ bram zer bya ba med pa/ tshul mi shes pa g.yon dang ldan pa brgya stong du ma rab tu gdul bar bya ba'i phyir btson rar btsud par gyur to/ /
rgyal po rgyal ba'i 'od de la bu gzugs bzang ba shin tu mdzes pa blta na sdug pa/ kha dog bzang po dam pa rgyas pa dang ldan pa mi chen po'i mtshan nyi shu rtsa brgyad dang ldan pa/ rnam par rgyal ba zhes bya ba zhig yod pa de/ khang pa glu snyan pa'i dbyangs </font><hr>38-1-191b<br><font size=+1>
zhes bya ba'i steng du phyin te/ bud med kyi 'khor mang pos yongs su bskor cing 'dug 'dug pa las btson ra na 'khod pa'i sems can mtshon cha sna tshogs kyis dam du glags pa/ de dag gi sgra 'jigs 'jigs skad du 'bod pa thos par gyur to/ /thos nas mi dga' 
zhing shin tu nyams mi bde ba'i sems su gyur te/ snying rje chen po skyes nas khang steng de nas shod du babs te/ btson ra der phyin nas btson ra dam po na 'khod pa'i sems can shing sgrog dang lcags sgrog dang / khong sgril dang / ltung dang mdo rtod kyis 
bsgrogs shing brtod de gcig gi lus dang gcig tu sbrel nas mun pa mun nag tu btsud de/ dud pa'i rab rib kyis 'grigs shing / rlung nad nyams su myi bde bas nyam thag par gyur pa/ dbugs shin tu mi bde ba rgyu ba bkres pa dang / skom pas 
mnar ba/ sgren mo gos med pa lus thams cad phyag dar dang rdul gyi nang na 'gre ba/lus rang gis skras yog pa/ brla sgril gyis dam du bcings pa/ nyon mongs pa sna tshogs kyis tho btsams pa sdug bsngal gyi tshor bas zil gyis mnan cing / sdug 
bsngal nyams su myong bar gyur te/ mi bzad pa sna tshogs kyi smre sngags kyis bla zhing 'o dod 'bod pa de dag mthong nas snying rje chen po skyes te/ snying rje'i bsam pa rgya chen po byung nas gzhan la phan par bya ba'i sems skyes te/ btson ra'i thibs po na 
'khod pa'i sems can rnams btson ra nas thar bar bya'o/ /zhes dbugs bton nas des sems can de dag mi 'jigs pa byin te/ rgyal po rgyal ba'i 'od gang na ba der song ste/ 'di skad ces gsol to/ /lha'i zhal snga nas mkhyen par mdzad tu 
gsol/ btson ra mi bde ba na mchis pa'i sems can rnams la glo ba rjes nas bdag gis mi 'jigs pa stsal na de dag dgye bar ci gnang zhes nas/ de nas rgyal po rgyal ba'i 'od kyis blon po lnga brgya po bstsogs nas khyed ji snyam du sems </font><hr>38-1-192a<br><font size=+1>
zhes smras pa dang / de dag gis smras pa/ btson 'di rnams ni rgyal po'i phyag mdzod rku ba/ rgyal po'i sku la dar ba/ btsun mo'i 'khor du zhugs pa las bzung ba sha stag ste/ de dag ni mi dgum du'ang mi rung / de dag gi chad pa ni 
dgum pas 'bra bar bas te/ ma lags na'ang btson rar gum na chad pa 'bra lags grang / de dag gi mgon su bgyid pa de'ang rgyal po'i zhal sngar glo ba ring ngo / /de nas rgyal po'i bu rnam par rgyal ba snying rje chen pos mi bzod ces nas blon po de dag la 
smras pa/ khyod kyis ji skad du smras pa/ de ltar yang rung ste/ ngas khong ta 'di dag gi don du sdug bsngal nyams su blangs pa thams cad kyang bzod par bya na de dag la khyod kyis ci bya/ de nga la gyis te nyes pa can de dag khye shig ngas de rnams btson ra nas 
dgrol ba'i don du mi bde ba thams cad nyams su blangs te/ lus dang srog yongs su dor bar bya'o/ /de ci'i phyir zhe na/ gal te ngas sems can 'di rnams tsam zhig kyang btson ra nas dgrol bar ma nus na khams gsum pa'i btson ra na 'khod pa'i sems 
can sred pa'i zhags pas glags pa/ ma rig pa'i thibs po na 'khod pa/ gti mug gi mun par btsud pa/ phongs pa'i sdug bsngal gyis mnar ba ngan song gi rgyud zabs su ring zhing 'byung bar dka' bar chud pa/ dbyibs mi sdug la mdog mi sdug 
pa dang ldan pa/ dbang po'i sbyor ba thams cad dang bral ba/ nor ba'i yid dang ldan pa/ 'byung ba mi mthong ba snang ba med pa khams gsum pa la mngon par zhen pa/ bsod nams dang / ye shes kyi tshogs myed pa/ ye shes kyi skye mched dang 
skol ba nyon mongs pa sna tshogs kyis sems dri ma can du gyur pa/ sdug bsngal gyi shing thags kyis 'khor ba dang / bdud kyi dbang du gyur pa/ skye ba dang rga ba dang / na ba dang / 'chi ba dang mya ngan dang / smre sngags 'don pa dang / sdug bsngal ba dang yid myi </font><hr>38-1-192b<br><font size=+1>
bde ba dang / 'khrug pas mnar ba rnams kyang ji ltar khrol bar bya zhes nas/ rgyal po gzhon nu rnam par rgyal bas btson ra na 'khod pa'i sems can de dag bdag nyid yongs su gtang ba dang / rnam pa thams cad du yongs su gtang bas/ g.yog 'khor 
thams cad dang / nor gyi phung po thams cad kyis blus te/ brtson ra de dag nas yongs su bkye nas sems can de dag gi sdug bsngal nyams su blangs te/ phyir ldog pa myed par gyur to/ /de nas blon po lnga brgya po de dag gis lag pa gyen du bsgreng ste/ 'o dod 
bos nas rgyal po rgyal ba'i 'od kyi gan du song ste/ 'di skad ces smras so/ /rgyal po'i zhal snga nas mkhyen par mdzad du gsol/ gzhon nu rnam par rgyal ba'i mchid thabs su bgyis pas/ rgyal po'i chab srid kyang stor bar 'gyur/ bdag cag rnams kyang 
srog la 'bab par the tshom 'tshal te/ lha'i zhal snga nas rgyal po gzhon nu rnam par rgyal ba la bka' nan ma mdzad na ni/ ring po yang myi thogs par lha'i zhal sngar sku la dar bar 'gyur ro zhes pa dang / de nas rgyal po rgyal ba'i 'od shin tu khros nas/ 
rgyal po'i bu rnam par rgyal ba dang / g.yon dang ldan pa'i myi de dag du bcas te gsad par byas so/ /de nas de'i ma skyed skyed pas thos nas myi dga' ste/ bud myed kyi 'khor stong dang bcas te/ skra ni bshig /lus kyi rgyan ni bor rang gi bzhin ni 
dral/ brang ni brdung mgo ni phyag dar gyis gang bar snying rje rje skad kyi nga ror ngu zhing rgyal po'i drung du phyin nas/ 'khor dang bcas pas rkang pa gnyis la phyag 'tshal te/ 'di skad du gsol ba btab po/ /lha'i zhal snga nas thugs ci dgongs/ rgyal po 
gzhon nu rnam par rgyal ba gtang du gsol/ rgyal po gzhon nu rnam par rgyal ba'i srog stsal du gsol zhes nas/ de nas rgyal pos rgyal po gzhon nu rnam par rgyal ba mdun du bzhag ste/ 'di skad ces smras so/ /gzhon nu g.yon dang ldan pa'i myi </font><hr>38-1-193a<br><font size=+1>
'di rnams thong / de ste myi gtong zhing de rnams kyi le lan du shi bar gyur ta re zhes pa dang / des zhum pa myed pa'i sems ma 'khums pa thams cad mkhyen pa nyid du dmyigs par brtson pa/ gzhan la phan par gzhol ba/ snying rje chen po sngon 
du 'gro bas 'chi bar khas blangs pa dang / de'i mas rgyal po rgyal ba'i 'od la zla ba phyed cig tu phrad par gsol ba btab pa/ dgung zla phyed gcig tu gzhon nu 'di sbyin pa stsol du ci gnang / de slan cad ni su ci dgyes pa de'ang mdzad par gsol zhes pa dang / de de ltar 
gyis shig ces rgyal pos gnang ngo / /de nas rgyal po'i gnas dga' bas brgyan pa de'i byang phyogs logs shig na/ sngon mchod sbyin gyi gnas su bya ba'i bza' shing gi ra ba chen po nyi ma'i 'od ces bya ba der gzhon nu de song nas/ su ci 'dod pa de la de byin te/ des 
gtan pa myed pa'i mchod sbyin byas nas zla ba phyed du sbyin pa rnam pa sna tshogs byin te/ zas 'dod pa la zas byin/ skom 'dod pa la skom byin/ bzhon pa dang / gos dang / me tog dang / phye ma dang / byug pa dang / chos gos dang / gdugs dang / rgyal mtshan dang / ba dan 
dang rin po che'i rgyan dang / yo byad thams cad dang / lhab lhub thams cad dang / yo byad kyi rnam pa thams cad kyang de dag 'dod pa la yongs su btang ste/ de nas nyi ma tha ma la bab par gyur ba dang / 'gro ba mang po'i tshogs kun nas 'dus te/ rgyal 
po'i blon po dang / bud myed kyi tshogs dang / tshong dpon dang / khyim bdag dang / ljongs dang / yul gyi myi dang / zhags pa 'thub pa thams cad kyang kun nas 'dus/ bcom ldan 'das chos kyi 'khor lo'i sgra nam mkha'i sprin gyi sgron ma rgyal po de bzhin 
gshegs pa de yang / sems can yongs su smin par bya ba dang / gdul ba'i dus thugs su chud nas/ mchod sbyin gyi gnas der gshegs te/ lha'i dbang po'i tshogs kyis ni yongs su bskor/ klu'i dbang pos ni yang dag par mchod/</font><hr>38-1-193b<br><font size=+1>
gnod sbyin gyi dbang pos ni lus mngon par btud/ dri za'i dbang pos ni mngon par bstod/ lha ma yin gyi dbang pos ni lus shin tu btud nam mkha' lding gi dbang po gtsug gi rin po ches rnam par brgyan pas ni sems dang ba'i mchod pa'i rnam pas rab tu bkang / 
myi'am ci'i dbang po rnams kyis ni dga' ba'i yid kyis yongs su mchod de/ bstod pa'i glu'i dbyangs kyis yongs su bskul/ lto 'phye chen po'i dbang po rnams kyis ni kun nas bskor cing zhal du blta ba de/ 'gro ba'i tshogs chen po de dang / rgyal po 
gzhon nu rnam par rgyal bas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas chos kyi 'khor lo'i sgra nam mkha'i sprin gyi sgron ma rgyal po shin tu mdzes pa blta na sdug pa/ dbang po zhi ba thugs zhi ba/ shin tu dben 
par dbang po las rgyal ba/ glang po ltar shin tu dul ba/ mtsho ltar rab tu dang zhing gsal la rnyog pa myed pa/ sangs rgyas kyi rnam par 'phrul ba dang / cho 'phrul chen po dang / sangs rgyas kyi khyu mchog gi mthu phyung ba chen pos ni rnam par mdzes/ 
sangs rgyas kyi bdag nyid che bas ni rab tu 'bar/sangs rgyas kyi mtshan dang dpe byad bzang po'i rgyan gyis ni sku mdzes par brgyan/ 'jig rten thams cad ni sangs rgyas kyi 'od kyi dkyil 'khor snang bas rgyas par 'gengs shing / sangs rgyas kyi 'od zer 
gyis rab tu snang ba mdzad/ sku'i ba spu'i bu ga thams cad nas ni/ spos rin po che'i ngad 'phro ba'i 'khor lo rab tu 'gyed/ sangs rgyas kyi zhing rab tu bskyod pa'i tshul du ni 'jig rten gyi khams thams cad yongs su bskyod pa mdzad cing / rgyan thams cad kyi sprin gyi 
char rab tu 'bebs pa'i sangs rgyas kyi rnam par gnon pa dang / sems can thams cad kyi nyon mongs pa spong ba'i sangs rgyas kyi spyod lam dang / sems can thams cad kyi dga' ba'i shugs rnam par 'phel bar mdzad pa'i sangs rgyas kyi zhal blta ba'i </font><hr>38-1-194a<br><font size=+1>
byin gyis/ pha zad cig nas tshur gshegs pa mthong nas/ de bzhin gshegs pa la sems mngon par mos par gyur to/ /de nas rgyal po gzhon nu rnam par rgyal ba dang / 'gro ba'i tshogs chen po de dag gis bcom ldan 'das de bzhin 
gshegs pa chos kyi 'khor lo'i sgra nam mkha'i sprin gyi sgron ma'i rgyal po de/ pha zad du bsu nas mos pa'i sems kyis lus thams cad kyis phab ste phyag 'tshal nas/ zhabs gnyis la spyi bos gtugs te/ mchod pa rnam pa sna tshogs kyis yang dag 
par mchod nas tshig 'di skad du brjod do/ /bcom ldan 'das tshur gshegs su gsol/ bde bar gshegs pa tshur gshegs su gsol/ de bzhin gshegs pas bdag cag dgongs so/ /bde bar gshegs pas bdag cag yongs su bzung ngo / /de nas rgyal 
po gzhon nu rnam par rgyal bas bcom ldan 'das la gdan dam pas bstabs te/ 'di skad ces gsol to/ /bcom ldan 'das gdan bting ba 'dir bzhugs su gsol zhes nas bcom ldan 'das der gshegs pa dang gdan de yang gtsang sbra  
lhur len pa'i lus kyi ris su gtogs pa'i lha rnams kyis sangs rgyas kyi byin gyis rin po che spos kyi rgyal po'i pad+mo'i snying po can du byin gyis brlabs nas/ gdan de la bcom ldan 'das chos kyi 'khor lo'i sgra nam mkha'i sprin gyi sgron ma'i rgyal po de bzhin gshegs pa 
bzhugs so/ /'khor gyi stan de dag la byang chub sems dpa' rnams 'khod de/ de'i zhal mthong ma thag tu 'khor de'i sems can thams cad kyang / sgrib pa thams cad dang bral te/ nad thams cad kyang zhi bar gyur nas/ 'phags pa'i chos kyi snod 
du gyur to/ /de nas bcom ldan 'das de bzhin gshegs pa chos kyi 'khor lo'i sgra nam mkha'i sprin gyi sgron ma'i rgyal bos sems can de dag snod du gyur par thugs su chud nas/ bstan pa rim pas bka' stsal te/ 'di ltar rgyu'i dkyil 'khor rab tu snang </font><hr>38-1-194b<br><font size=+1>
ba zhes bya ba'i mdo sde yang dag par bstan nas zhal gyi sgo nas 'gro ba thams cad kyi skad rgya mtsho dang / nges pa'i tshig dang / ngag gis dbyangs su brjod pa'i gsung dbyangs kyi yan lag stong dang ldan pa/ chos kyi yan lag thams cad dang ldan pa rab tu 
bsgrags pa dang / de'i mod la 'khor de nas srog chags bye ba phrag brgyad cu ni rdul dang bral te/ dri ma myed par gyur nas/ chos la chos kyi myig skyes par gyur to/ /srog chags bye ba mang zhig gis ni/ myi slob pa'i sa thob par gyur to/ /srog chags 
stong phrag bcu ni theg pa chen po la rnam par dul bar gyur to/ /'di ltar byang chub sems dpa'i spyod pa kun tu bzang po dang / smon lam chen po yongs su rdzogs pa'i tshul la zhugs par gyur to/ /de ltar bcom ldan 'das des sangs rgyas kyi rnam 
par 'phrul pa chen pos chos kyi 'khor lo rab tu bskor ba'i tshe/ phyogs bcu'i sems can sangs rgyas kyi zhing brgya phrag stong gi rdul shin tu phra ba snyed theg pa chen po la rnam par dul bar gyur to/ /phyogs bcu'i 'jig rten sangs rgyas kyi zhing 'byam 
klas pa sna tshogs su gtogs pa'i sems can mtha' dang dbus myed pa dag gi yang ngan song gi sa rnam par bzlog par gyur to/ /sems can grangs las 'das pa zhig ni mtho ris su skye ba'i lam la rab tu bkod par gyur to/ /rgyal po gzhon nu 
rnam par rgyal bas kyang byang chub sems dpa'i rnam par thar pa sems can thams cad yongs su smyin par bya bas/ bsam pa ji lta ba bzhin du dge ba'i rtsa ba la yang dag par bskul ba 'di thob par gyur to/ /rigs kyi bu de la de'i tshe de'i dus 
na rgyal po gzhon nu rnam par rgyal ba zhes bya ba byung ste/ rang gi lus dang srog yongs su btang nas/ nor gyi tshogs dang / 'khor thams cad dang / myi'i 'jig rten na 'tsho ba'i bde ba yongs su spangs nas btson ra na 'khong pa'i sems can de dag thar </font><hr>38-1-195a<br><font size=+1>
bar byas pa/ mchod sbyin chen po gtan pa myed pa'i mchod sbyin byed byed pa/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas chos kyi 'khor lo'i sgra nam mkha'i sprin gyi sgron ma'i rgyal po de la bsnyen 
bkur byed byed pa de bzhin gshegs pa de'i zhal mthong ba'i mod la bla na myed pa yang dag par rdzogs pa'i byang chub tu sems bskyed de/ byang chub sems dpa'i rnam par thar pa sems can thams cad yongs su smyin par bya bas bsam pa ji lta ba bzhin du dge 
ba'i rtsa ba la yang dag par bskul ba yang thob par gyur ba de gzhan zhig yin pa tsam du sems na ni/ rigs kyi bu khyod kyis de ltar myi blta ste/ kho mo ni de'i tshe de'i dus na rgyal po gzhon nu rnam par rgyal ba zhes bya bar gyur to/ /de ltar kho mo rgyal po gzhon 
nu rnam par rgyal ba zhes bya bar gyur te/ snying rje chen pos rab tu myi dga' zhing 'gro ba thams cad la phan par zhugs te/ khams gsum la myi gnas pa dang / rnam par smyin pa'i lan la re ba myed pa dang / grags pa dang snyan pa dang / mying smos pa la mngon 
par dga' ba myed pa dang / bdag la bstod pa myed pa dang / gzhan la smod pa myed pa dang / dngos po thams cad la mngon par zhen pa myed pa dang / srid pa'i 'du shes las gyen du 'phags pa dang / khams gsum pa la mngon par dga' ba myed pa 
dang / 'jig rten gyi yul gyi bde ba las phyir phyogs pa dang / de bzhin gshegs pa'i yul la mngon tu gyur pa dang / byang chub sems dpa'i bsam pa rnam par dag pa dang / lhag pa'i bsam pa rdo rje yongs su grub pa dang / 'gro ba thams cad 
la byams pa chen pos nan tan du byed pa dang / 'gro ba thams cad la snying brtse bas sdug bsngal rnam par zhi bar bya ba la brtson pa dang / de bzhin gshegs pa'i stobs la bsam pa thag pa nas lhag par dmyigs pa dang / byang chub sems dpa'i </font><hr>38-1-195b<br><font size=+1>
lam yongs su sbyang ba dang / theg pa chen po'i rgyan gyis 'byung ba'i lam rab tu brgyan par bya ba dang / thams cad mkhyen pa nyid kyi sgom mngon par blta bar bya ba'i tshul gyis de dag de lta bur dga' ba dag kyang byas par gyur to/ /rigs kyi bu kho mos ni byang chub 
sems dpa'i rnam par thar pa sems can thams cad yongs su smyin par bya bas bsam pa ji lta ba bzhin du dge ba'i rtsa ba la yang dag par bskul ba 'di yun de srid du ring ba zhig nas thob par gyur to/ /rigs kyi bu de la ji snyam du sems/ de'i tshe de'i dus na rgyal po 
rgyal ba'i 'od la log par gsol ba 'debs shing kho mo bsad pa'i phyir gros su gsol ba'i blon po lnga brgya po rnams gzhan dag gcig yin pa tsam du sems na ni/ de ltar myi blta ste/ lhas byin gyis bcom ldan 'das dgrongs pa'i phyir skyes bu lnga brgya 
bkye ba de dag yin te/ de dag kyang bcom ldan 'das kyis ma 'ongs pa'i dus bskal pa ri rab kyi rdul shin tu phra ba snyed na bskal pa 'od bzang po zhes bya ba gcig la sangs rgyas lnga brgya sangs rgyas kyi zhing gi yon tan dang rgyan sna tshogs dang ldan pa/ 
rigs dang rgyud sna tshogs su skyes pa/ pha dang ma sna tshogs su smos pa skye ba'i rnam par 'phrul ba sna tshogs yongs su ston pa mngon par 'byung ba'i rnam par 'phrul pa sna tshogs dang ldan pa/ byang chub kyi shing gi 'od sna tshogs yongs su ston pa/ snying po 
byang chub sna tshogs su nye bar 'dod ba'i sgo sna tshogs dang ldan pa/ bdud pham pa sna tshogs yongs su ston pa mngon par 'tshang rgya ba'i rnam par 'phrul pa sna tshogs yongs su ston pa/ chos kyi 'khor lo rab tu bskor ba'i tshul dang / mying dang nges pa'i 
tshig sna tshogs dang ldan pa/ mdo sde'i tshul shin tu bstan pa sna tshogs dang ldan pa/ tshig gi lam dang skad sna tshogs rab tu ston pa/ 'khor gyi dkyil 'khor gyi rgyan sna tshogs dang ldan pa/ 'od kyi dkyil 'khor gyi mthu dang rgyan sna tshogs rab tu 'gyed </font><hr>38-1-196a<br><font size=+1>
pa/ tshe'i tshad sna tshogs dang ldan pa/ bstan pa'i byin gyi rlabs sna tshogs dang ldan pa/ bstan pa rnam par dmyigs pa sna tshogs dang ldan pa/ mying sna tshogs dang ldan pa/ snying rje chen po'i lus su gyur pa sha stag tu 'gyur 
te/ de dag gi bskal pa'i dang po la de bzhin gshegs pa thugs rje chen po mnga' ba zhes bya ba 'jig rten gyi khams rin chen 'od du bla na myed pa yang dag par rdzogs pa'i byang chub tu mngon par 'tshang rgya'o/ /de'i rjes la 'jig rten gyi khams de nyid du 
de bzhin gshegs pa gnyis pa 'gro ba thams cad la phan pa'i smon lam bzla ba zhes bya ba 'byung ngo / /de bzhin gshegs pa gsum pa thugs rje chen po'i seng ge zhes bya ba 'byung ngo / /de bzhin gshegs pa bzhi pa 'jig rten thams cad la phan par 
mdzad pa zhes bya ba 'byung ba nas/ thams cad kyi tha ma de bzhin gshegs pa sman pa'i rgyal po zhes bya ba 'byung bar 'gyur ro zhes bla na myed pa yang dag par rdzogs pa'i byang chub tu lung bstan to/ /rigs kyi bu de la ji snyam du sems/ /de'i tshe de'i dus na 
g.yon dang ldan pa'i mi'i rgyal po la snying ring bar gyur te/ kho mos gsod ma myi'i lag tu phyin pa las rang gi lus dang srog yongs su btang ste/ btson ra de dag nas bkye ba de rnams gzhan dag cig yin pa tsam du sems na ni/ de ltar 
myi blta ste/ de bzhin gshegs pa log par dad sel la stsogs pa bskal pa bzang po'i de bzhin gshegs pa rnams dang / de ma yin pa'i byang chub sems dpa' grangs myed pa brgya stong phrag bcu dag ste/ bcom ldan 'das de bzhin gshegs 
pa stobs mtha' yas grags par brjod pa'i dpal yang dag par 'byung ba'i blo gros mthong bar gyur ma thag tu bla na myed pa yang dag par rdzogs pa'i byang chub tu sems bskyed nas/ da ltar phyogs bcu na byang chub sems dpa'i spyad pa spyod cing </font><hr>38-1-196b<br><font size=+1>
byang chub sems dpa'i rnam par thar ba sems can thams cad yongs su smyin par bya bas bsam pa ji lta ba bzhin du dge ba'i rtsa ba la yang dag par bskul ba 'di yang sgom zhing shin tu rgyas par byed pa dag go /rigs kyi bu de la ji snyam du sems/ de'i tshe 
de'i dus na rgyal po rgyal ba'i 'od ces bya ba byung ba de gzhan zhig yin pa tsam du sems na ni/ de ltar myi blta ste/ smra ba chen po bden pa can ni de'i tshe de'i dus na rgyal po rgyal ba'i 'od ces bya bar gyur to/ /rigs kyi bu de la ji snyam du sems/ 
de'i tshe de'i dus na rgyal po'i 'khor du gyur pa btsun mo'i 'khor dang / btsun mo'i gnas kyi sgo ba'am/ 'khor na gnas pa'am/ rjes su 'cha' ba de dag kyang gzhan dag cig yin pa tsam du sems na ni de ltar myi blta ste/ zhags pa 'thub 
pa stong phrag drug cu po smra ba chen po bden pa can gyis smra ba'i rgyal mtshan yongs su gzung ba'i don du bcom ldan 'das la rgol du 'gro ba'i tshe/ bcom ldan 'das kyi spyan sngar blags nas kun kyang zhing sna tshogs kyi rgyan dang / bskal ba sna 
tshogs dang / myingasna tshogs kyis de bzhin gshegs pa 'jig rten du 'byung bar 'gyur ro zhes bcom ldan 'das kyis bla na myed pa yang dag par rdzogs pa'i byang chub tu lung bstan pa dag go /rigs kyi bu rgyal po gzhon nu rnam par rgyal ba de pha 
dang mas gnang nas/ sems can btson ra ba de dag yongs su bkrol ba'i 'og tu srid shin tu bde ba dang / nor dang dbyig rin po che phun sum tshogs pa dag kyang bor/ bu dang chung ma dag kyang spangs nas/ bcom ldan 'das de bzhin gshegs 
pa chos kyi 'khor lo'i sgra nam mkha'i sprin gyi sgron ma'i rgyal po'i zham ring du rab tu byung ngo / /rab tu byung nas kyang lo stong phrag lngar tshangs par spyod pa spyad de/ de'i bar skabs su ting nge 'dzin gyi sgo stong phrag bcu yongs su bsgrubs so/ /</font><hr>38-1-197a<br><font size=+1>
gzungs kyi sgo stong phrag bcu yang rab tu thob po/ /mngon par shes pa'i tshul stong phrag bcu la'ang rab tu zhugs so/ /byang chub sems dpa'i gter stong phrag bcu'ang rab tu thob bo/ /thams cad mkhyen pa'i shugs stong 
phrag bcu'ang yongs su skyes so/ /bzod pa'i sgo stong phrag bcu yang yongs su sbyangs so/ /sems nges par bzhag pa stong phrag bcu yang mngon par bsgrubs so/ /byang chub sems dpa'i stobs kyi lus stong phrag bcu yang yongs su spel to/ /byang chub 
sems dpa'i ye shes kyi sgo stong phrag bcur yang rab tu zhugs so/ /shes rab kyi pha rol tu phyin pa'i tshul stong phrag bcu yang yongs su skyes so/ /sangs rgyas blta ba'i phyogs kyi sgo stong phrag bcu yang mngon du gyur to/ /byang chub sems dpa'i smon lam 
stong phrag bcu yang mngon par bsgrubs so/ /de de lta bu'i chos dang ldan pas sems kyi skad cig re re la phyogs bcur sangs rgyas kyi zhing stong phrag bcu yongs su gnon to/ /'jig rten gyi khams re re zhing yang sems kyi skad cig re re la sangs rgyas 
stong phrag bcu sngon gyi mtha' dang phyi ma'i mtha' rjes su dran no/ /de bzhin gshegs pa de dag gi sangs rgyas kyi sprul pa rgya mtsho stong phrag bcu phyogs bcur gshegs pa de dag kyang mthong zhing shes so/ /sems kyi skad cig re re la yang sangs rgyas kyi 
zhing stong phrag bcur gtogs pa'i sems can 'gro ba'i rgyud sna tshogs su skyes pa shi 'pho zhing skye bar 'gyur ba mtho ba dang / dma' ba dang / bde 'gro'i lam du phyin pa dang / ngan song gi lam du phyin pa dang / kha dog sdug pa dang / kha dog myi sdug 
pa las ji bzhin du skyes par gyur pa thams cad kyang mthong bar gyur to/ /sems can de dag gi shi 'pho dang skye ba yang khong du chud cing mthong ste/ sems kyi rgyud dang / sems kyi spyod pa dang / sems kyi 'dab 'brel ba dang / bsam pa sna tshogs dang /</font><hr>38-1-197b<br><font size=+1>
dbang po rgya mtsho dang / sbyor ba 'byam klas pa dang / las mthar thug pa dang / yongs su smin par bya ba dang / rnam par gdul ba'i dus kyang khong du chud cing mthong ngo / /rigs kyi bu rgyal po gzhon nu de de nas shi 'phos nas kyang 'dzam bu'i gling 
de nyid du rgyal po'i gnas dga' ba dang ldan par rgyal po de nyid kyi rigs su skyes nas/ 'khor los sgyur ba'i rgyal srid thob par gyur to/ /de 'khor los sgyur ba'i rgyal por gyur pas bcom ldan 'das de bzhin gshegs pa chos kyi 'khor lo'i 
sgra nam mkha'i sprin gyi sgron ma'i rgyal po yongs su mya ngan las 'das pa'i 'og tu de bzhin gshegs pa chos kyi nam mkha' la dpal shin tu 'phags pa'i rgyal po bsnyen bkur to/ /de'i 'og tu snying po byang chub de nyid du brgya byin du gyur te/ /de bzhin 
gshegs pa lha dbang snying po zhes bya ba bsnyen bkur to/ /de'i 'og tu 'jig rten gyi khams de nyid du rab mtshe ma'i lha'i rgyal por gyur te/ de bzhin gshegs pa'i dpal ri bo'i gzi brjid ces bya ba bsnyen bkur to/ /de'i 'og tu 'jig rten gyi khams de nyid 
du rab dga' ldan gyi lha'i rgyal por gyur te/ de bzhin gshegs pa chos kyi 'khor lo'i 'od rab tu bsgrags pa'i rgyal po zhes bya ba bsnyen bkur to/ /de'i 'og tu 'jig rten gyi khams de nyid du rab 'phrul dga'i lha'i rgyal por gyur te/ de bzhin 
gshegs pa nam mkha' mdzes pa'i rgyal po zhes bya ba bsnyen bkur to/ /de'i 'og tu 'jig rten gyi khams de nyid du dbang bsgyur gyi lha'i rgyal por gyur te/ de bzhin gshegs pa stobs la thub pa myed pa'i dpal zhes bya ba bsnyen bkur to/ /
de'i 'og tu 'jig rten gyi khams de nyid du lha ma yin gyi dbang bor gyur te de bzhin gshegs pa chos thams cad kyi 'brug sgra bsgrags pa'i rgyal po zhes bya ba bsnyen bkur to/ /de'i 'og tu 'jig rten gyi khams de nyid du tshangs pa'i dbang por gyur te/</font><hr>38-1-198a<br><font size=+1>
de bzhin gshegs pa chos kyi 'khor lo sprul pa kun tu snang ba'i dbyangs shes bya ba bsnyen bkur to/ /rigs kyi bu 'jig rten gyi khams rin chen 'od de nyid du bskal pa 'od bzang po de nyid la de bzhin gshegs pa de dag la stsogs pa/ sangs 
rgyas stong phrag bcu byung ste/ de bzhin gshegs pa de dag thams cad kyang rgyal po gzhon nu rnam par rgyal bas bsnyen bkur to/ /rigs kyi bu bskal pa 'od bzang po de'i 'og tu bskal ba 'od gzer bzang po zhes bya ba byung ste/ bskal pa 'od gzer bzang po de la 
yang sangs rgyas stong phrag bcu byung ngo / /kho mo yang bskal pa de la rgyal po blo gros chen po zhes bya ba zhig tu gyur te/ de'i tshe kho mo rgyal por gyur bas de bzhin gshegs pa mtshan gyi dpal ri bo zhes bya ba bsnyen bkur to/ /de'i 'og tu bskal ba de nyid la khyim bdag 
cig tu gyur te/ de bzhin gshegs pa phung po yongs su grub pa zhes bya ba bsnyen bkur to/ /de'i 'og tu bskal pa de nyid la blon po zhig tu gyur te/ de bzhin gshegs pa dri ma myed pa'i sras zhes bya ba bsnyen bkur to/ /de'i 'og tu bskal pa de nyid la lha ma 
yin gyi dbang po zhig tu gyur te/ de bzhin gshegs pa shugs mnga' ba zhes bya ba bsnyen bkur to/ /de'i 'og tu bskal pa de nyid la shing gi lha mo zhig tu gyur te/ de bzhin gshegs pa mtshan nyid ri rab zhes bya ba bsnyen bkur to/ /de'i 'og tu bskal 
pa de nyid la ded dpon zhig tu gyur te/ de bzhin gshegs pa phyag dri ma myed pa zhes bya ba bsnyen bkur to/ /de'i 'og tu bskal pa de nyid la grong khyer gyi lha mo zhig tu gyur te/ de bzhin gshegs pa seng ge rnam par gnon pas bzhud pa zhes bya ba bsnyen bkur to/ /
de'i 'og tu bskal pa de nyid la ngal bso bo zhig tu gyur te/ de bzhin gshegs pa lha dbang gtsug phud ces bya ba bsnyen bkur to/ /de'i 'og tu bskal pa de nyid la dri za'i rgyal po zhig tu gyur te/ de bzhin gshegs pa grags pa chos kyis 'phags pa </font><hr>38-1-198b<br><font size=+1>
zhes bya ba bsnyen bkur to/ /de'i 'og tu bskal pa de nyid la grul bum gyi dbang po zhig tu gyur te/ de bzhin gshegs pa snang ba'i cod pan zhes bya ba bsnyen bkur to/ /rigs kyi bu de ltar kho mos de bzhin gshegs pa bcu po de dag la stsogs pa bskal pa 
'od gzer bzang po de la skye ba'i rigs sna tshogs su skyes nas/ de bzhin gshegs pa bye ba phrag drug cu bsnyen bkur te/ kho mos de bzhin gshegs pa de dag thams cad la mchod pa byas so/ /de bzhin gshegs pa re re'i spyan sngar 'gro ba'i tshe'ang sems can gyi 
khams mtha' dang dbus myed pa/ bla na myed pa yang dag par rdzogs pa'i byang chub tu yongs su smyin par byas so/ /de bzhin gshegs pa re re'i spyan sngar 'gro ba'i tshe 'ang ting nge 'dzin gyi sgo sna tshogs rab tu thob par gyur to/ /gzungs kyi sgo sna tshogs dang / 
mngon par bsgrub pa'i tshul sna tshogs dang / so so yang dag par rig pa mngon par bsgrub pa'i tshul sna tshogs dang / thams cad mkhyen pa nyid kyi tshul rjes su rtogs par bya ba sna tshogs dang / chos snang ba'i sgo thob par bya ba'i tshul sna tshogs dang / ye 
shes kyi tshul khong du chud par dpyad pa rnam pa sna tshogs dang / phyogs rgya mtsho la 'jug pa'i snang ba sna tshogs dang/ zhing rgya mtsho sna tshogs la 'jug cing khong du chud par bya ba'i snang ba sna tshogs dang / de bzhin gshegs pa rgya mtsho mthong bar bya ba rnam par dmyigs 
pa'i snang ba sna tshogs kyang rab tu thob bo/ yongs su gnon to/ /rnam par dag go /yongs su rdzogs so/ /yongs su gnas par gyur to/ /skyes so/ /byung ngo / /rnam par 'phel to/ /yongs su 'phel to/ /rab tu byung ngo / /rnam par byung ngo / /bskal ba 'od gzer bzang po de la de 
bzhin gshegs pa rnams ji ltar rim gror byas pa de bzhin du bskal pa 'jig rten gyi khams rgya mtsho thams cad kyi rdul shin tu phra ba snyed du/ de bzhin gshegs pa ji snyed cig byung bar gyur ba dang / de bzhin gshegs pa ji snyed cig 'jig rten gyi khams/</font><hr>38-1-199a<br><font size=+1>
gzhan nas de dag tu byon te/ chos bstan par gyur pa'i de bzhin gshegs pa de dag thams cad las kyang kho mos chos bstan pa thos te/ thos nas kyang yongs su bzung ngo / /de bzhin gshegs pa de dag thams cad kyang / kho mos bsnyen bkur to/ /
rim gror byas so/ /sangs rgyas bcom ldan 'das/ de dag gi bstan pa yang kho mos yongs su bzung ngo / /de bzhin gshegs pa de dag thams cad las kyang kho mos byang chub sems dpa'i rnam par thar pa sems can thams cad yongs su smyin par bya bas 
bsam pa ji lta ba bzhin du dge ba'i rtsa ba la yang dag par bskul ba 'di thob par bya ba'i tshul sna tshogs dang / rnam par thar pa'i tshul gyi sgo sna tshogs kyis thob par gyur to/ /de nas mtshan mo'i lha mo 'gro ba thams cad bsrung ba'i smon lam la brtson pa'i 'od 
kyis/ de'i tshe rnam par thar pa'i tshul 'di nyid yongs su brjod pa dang / yongs su bstan pa'i phyir tshong dpon gyi bu nor bzangs la tshigs su bcad de smras pa/ bsam gyis myi khyab rnam thar dam pa 'di/ /grags pa khyod kyis bdag la gang dris 
pa/ /bde bar gshegs pa'i byin gyis de bstan kyis/ /ma lus yang dag ji bzhin bdag las nyon/ /bskal pa bsam yas yangs pa mtha' yas pa/ /rgya mtsho'i zhing gi rdul dang grangs mnyam pa/ /de kun 'das pa'i snga rol mdangs dga' 
ba'i/ /'jig rten khams shig byung ba rin chen 'od/ /de tshe bskal pa bzang po'i 'od kyang byung / /de la rgyal ba dpag tu myed pa skyes/ /thub pa'i dbang po de dag kho mo yis/ /rnam thar 'di la bsgom zhing bsnyen bkur to/ /rgyal po'i gnas rab 
yangs shing bzang byung ba/ /de yi mying ni dga' bas brgyan pa ste/ /de tshe sems can rnam par ma dag sems/ /myi bzad ngan du spyod pa der byung gyur/ /de ni rgyal po rgyal ba'i 'od byung ste/ /sems can de dag chos kyis bskyang ba byas/ /de yi bu </font><hr>38-1-199b<br><font size=+1>
ni rnam par rgyal ba ste/ /mdzes shing mtshan gyis yan lag brgyan pa'o/ /g.yon ldan stong phrag mang po de dag kyang / /de tshe rgyal pos gsad par byas mthong nas/ /gzhon nu snying brtse myi dga'as kun nas 'khor/ /myur du dgye bar rgyal po de la gsol/ /rgyal 
pos thos nas de tshe blon po rnams/ /ma lus kun bsdus de la bka' stsal nas/ /kun gyis de la phyag byas phyir gsol pa/ /de ni rgyal po khyod dgrongs thabs gcig lags/ /rgyal po de ltar log par thugs bcug nas/ /sras de gsad par de tshe byas gyur 
kyang / /bdag srog phangs par ma brtsis ngom zung myed/ /rgyal po'i sras kyis gsad par byas ma btang / /gsad par byas pa de yi mas thos nas/ /rgyal po de la 'khor bcas gsol ba 'debs/ /dgung zla phyed cig sbyin pa ma lus par/ /'jig rten stsol du 
gzhon nu btang bar gnang / /rgyal po des kyang de ltar gnang gyur nas/ /des ni ci 'dod sbyin pa yongs su btang / /zla ba phyed du nyin mtshan sbyin byas gnas/ /nyi ma'i tha mar tshogs par gyur pa yi/ /zhags pa 'thub pa gang rnams ci 'dod pa/ /de la de byin 
'chi bar sta gon gnas/ /rgyal po'i gnas der 'gro ba mang po dag /cho nger ngu zhing kun kyang 'dus par gyur/ /byang chub shing drung bde gshegs de yi tshe/ /dam chos dbyangs mchog sgron ma'i rgyal bzhugs pas/ /'gro ba'i dbang po smyin par thugs chud 
nas/ /mchod sbyin ra bar thugs rje chen pos byon/ /de bzhin gshegs pa'i rnam 'phrul rnam phye bas/ /de yi 'khor du bde gshegs byon gyur nas/ /chos kyi sgron me'i sprin gyi sgra sgrog pa'i/ /mdo sde'i rgyal po bde bar gshegs pas bshad/ /
'gro ba mtha' dang dbus myed rnam btul nas/ /de tshe byang chub mchog tu lung yang bstan/ /rgyal po'i sras po rnam par rgyal ba yang / /shin tu dga' bas byang chub mchog tu zhugs/ /bde gshegs bsnyen bkur mchod pa rnams yangs </font><hr>38-1-200a<br><font size=+1>
pas/ /de la mchod byas dga' bar smras pa ni/ /'gro ba rnam 'dul skyabs su bdag 'gyur gyi/ /mgon dang gnas dang dpung du'ang de bzhin zhes/ /rgyal ba de yi zham ring thar bar zhugs/ /yang dag byang chub lam ni yongs tshol 
zhing / /chos kyi rang bzhin rab tu brtag bya bas/ /der gnas bskal pa brgya phrag mang du spyad/ /sdug bsngal rgya mtshor lhung zhing mdongs gyur pa'i/ /'gro ba mgon myed kun la snying brtse bas/ /yang dag byang chub lam la yongs bsgoms nas/ /de tshe de'i rnam 
thar 'di thob bo/ /bskal pa de la bde gshegs gang byung ba/ /de dag kun la'ang dga' bas bsnyen bkur nas/ /de dag kun la mchod pa chen po byas/ /chos kyi 'khor lo yongs su bzung bar gyur/ /de yi 'og tu bskal pa rgya mtsho rnams/ /zhing 
mang rgya mtsho rdul snyed kun la yang / /rgyal ba ji snyed skyes par gyur pa dag /rab tu mchod de de dag bsnyen bkur byas/ /rnam par rgyal zhes bya ba kho mo yin/ /nyam nga btson rar gnas pa'i btson mthong nas/ /de dag dgrol phyir lus kyang yongs su 
btang / /rnam thar 'di yang de tshe thob par gyur/ /zhing rnams rgya mtsho'i rdul phran rab 'grangs pa'i/ /bskal pa rgya mtsho mang por bsgom par byas/ /tshul mang mtha' dang dbus med mnyam myed pas/ /skad cig re re dag tu rnam par spel/ /thub 
pa'i bdag po ji snyed mthong gyur pa/ /de dag spyan sngar sngan chad 'di thob ste/ /sgo tshul rnam pa gzhan dang gzhan dag gis/ /de dag gis ni rnam thar 'di yang bstan/ /de dag rnam thar ma nor bsam yas la/ /bskal pa bye ba mang por kho mos 
bslabs/ /de la rgyal bas bkod cing grol gyur pa/ /de dag dam chos sprin las cig car 'thung / /phyogs bcu kun gyi zhing rnams thams cad du/ /thogs pa med par lus kyis rgyas par 'gengs/ /skad cig re rer zhing rgyud bsam yas pa'i/ /</font><hr>38-1-200b<br><font size=+1>
dus gsum rgyud rnams kun la'ang rab tu 'jug /dus gsum rgyal ba rgya mtsho ma lus pa/ /re re kun la'ang mngon du rab tu lta/ /de dag lus kyi gzugs brnyan rgyal ba la/ /sprin tu gyur pa rnams kyang spyan sngar 'grim/ /phyogs rnams kun tu nye bar phyin 'dong zhing / /rgyal 
ba'i spyan sngar 'dong bas shin tu mdzes/ /rgyan rnams ma lus mngon par char 'bebs shing / /rgyal ba rnams la de dag mchod pa byed/ /sangs rgyas rgya mtsho che la rnam yangs pa'i/ /zhu ba mtha' yas kun kyang zhu ba byed/ /rgyal ba'i chos sprin mngon par char 
'bab pa/ /kun kyang ma lus yongs su 'dzin pa byed/ /phyogs bcu ma lus kun tu de dag 'dong / /rgyal ba'i dkyil 'khor kun gyi spyan sngar 'bab/ /gzugs mang rnam pa sna tshogs bstan gnas shing / /rnam 'phrul sna tshogs nye bar ston pa byed/ /kha 
dog mtha' yas rang gi lus gzugs kyis/ /phyogs rnams thams cad rnam pa stong du 'gengs/ /de dag lus gcig las kyang gzugs kyi rnams/ /mtha' dang dbus myed rnam par ston par byed/ /ba spu re re'i sgo nas grangs myed pa'i/ /'od gzer mang po 
rgya mtsho de dag 'gyed/ /skye dgu nyon mongs mye yis gdungs pa dag /sna tshogs thabs kyis rab tu zhi bar byed/ /'di la gnas pa lus sprul sprin mang ba/ /ba spu re re'i sgo nas 'gyed byed cing / /ngo mtshar rmad kyis phyogs kun rgyas bkang nas/ /chos chu'i 
char gyis sems can rnam par 'dul/ /tshul 'jug 'di ni bsam gyis myi khyab gzugs/ /rgyal sras kun gyi gnas su gyur pa ste/ /de la gnas shing phyi mtha'i bskal par yang / /zhing rnams kun tu spyad pa rab tu spyod/ /bsam pa ji bzhin chos rnams ston 
byed cing / /de dag lta ba'i dra ba rnam par bzlog /mtho ris mya ngan 'das la sems can 'god/ /thams cad mkhyen pa'i sa yang rnam par ston/ /'jig rten skye gnas thams cad ma lus par/ /kha dog mtha' yas lus mang bsam yas pa/ /bsam </font><hr>38-1-201a<br><font size=+1>
pa bzhin du chos rnams rjodabyed de/ /de dag sems can kun gyi gzugs brnyan gzugs/ /'di dang gzhan dag tshad las 'das pa yi/ /yon tan rgya mtsho zhing mang rgya mtsho yi/ /rdul phran rab snyed bsam gyis myi khyab pa/ /rnam thar zhi ba 
'di ldan thob par 'gyur/ /rigs kyi bu kho mos byang chub sems dpa'i rnam par thar pa/ sems can thams cad yongs su smyin par bya bas bsam pa ji lta ba bzhin du dge ba'i rtsa ba la yang dag par bskul ba 'di shes par zad na/ kho mos byang chub 
sems dpa' 'jig rten thams cad kyi lam gyi rgyud las 'das pa/ 'jig rten gyi skye gnas thams cad du gzugs brnyan rab tu 'byung ba/ 'jig rten gyi shes pa thams cad las yang dag par 'das pa/ shes bya'i sgrib pa thams cad kyi ri rnam 
par 'thor ba la brtson pa/ chos thams cad kyi rang bzhin dang / mtshan nyid rab tu rtogs pa nyon mongs pa'i sgrib pa dang / mun pa thams cad rnam par sel ba la brtson pa/ chos thams cad rab tu dpyad pas mngon par bsgrub pa la mkhas pa/ bdag myed 
pa'i chos mngon tu gyur pa/ sems can thams cad yongs su smyin par bya ba dang / gdul ba rgyun myi gcod pa/ chos kyi dbyings kyi tshul gnyis su myed par rab tu rtogs pa dag gi lam gyi tshul rgya mtsho thams cad kyi rjes su 'brang ba'i blo dang ldan pa/ de dag 
gi spyod pa shes pa'am/ yon tan rgya mtsho la 'jug pa'am/ ye shes kyi rnam par gnon pa yongs su shes par bya ba'am/ sems kyi gnas khong du chud par bya ba'am/ ting nge 'dzin la dbang bsgyur ba rtogs par bya ba'am/ rnam par thar pas rnam par 
'phrul pa yongs su shes par bya bar nus re skan/ /song rigs kyi bu 'dzam bu'i gling 'di nyid kyi lum bi ni'i nags tshal na/ lum bi ni'i nags tshal gyi lha mo gzi brjid kyi dkyil 'khor bzang pos dga' ba'i dpal zhes bya ba 'dug gis/ de'i gan du song la </font><hr>38-1-201b<br><font size=+1>
ji ltar na byang chub sems dpa' de bzhin gshegs pa'i rigs su byung ba yin pa dang / ji ltar na 'jig rten rnams la snang bar byed par 'gyur ba dang / ji ltar na phyi ma'i mtha'i bskal pa'i mur thug par byang chub sems dpa'i spyod pa spyad pas myi skyo bar 'gyur ba dris shig /de 
nas tshong dpon gyi bu nor bzangs kyis mtshan mo'i lha mo 'gro ba thams cad bsrung ba'i smon lam la brtson pa'i 'od kyi rkang pa gnyis la spyi bos phyag 'tshal te/ mtshan mo'i lha mo 'gro ba thams cad bsrung ba'i smon lam la brtson pa'i 'od la lan brgya stong du mar g.yas 
phyogs su bskor ba byas nas/ thal mo sbyar te phyir lta zhing mtshan mo'i lha mo 'gro ba thams cad bsrung ba'i smon lam la brtson pa'i 'od kyi drung nas song ngo // //sangs rgyas rmad gcad ces bya ba shin tu rgyas pa chen po'i mdo/bam po bcu gsum pa/
de nas tshong dpon gyi bu nor bzangs mtshan mo'i lha mo 'gro ba thams cad bsrung ba'i smon lam la brtson pa'i 'od kyi gdams ngag de rjes su dran par byed cing / byang chub sems dpa'i rnam par thar pa sems can thams cad yongs su smyin par bya bas bsam pa ci lta ba bzhin 
du dge ba'i rtsa ba la yang dag par bskul ba de la yongs su bsgom pa dang / khong du chud par bya ba dang / rgya cher byed cing mthar gyis lum bi ni'i nags tshal gang na ba der phyin te/ lum pi ni'i nags tshal la g.yas phyogs su bskor ba byas nas/ lum bi 
ni'i nags tshal gyi lha mo gzi brjid kyi dkyil 'khor bzang pos dga' ba'i dpal yongs su tshol tshol ba las/ lum bi ni'i nags tshal gyi lha mo gzi brjid kyi dkyil 'khor bzang pos dga' ba'i dpal lum bi ni'i nags tshal na rin po che'i shing gi yal ga thams 
cad kyi dkyil 'khor gyi khyim brtsegs pa zhig na/ seng+ge'i khri rin po che'i pad+mo'i snying po can zhig la 'dug cing / nags tshal gyi lha mo khrag khrig brgya stong phrag nyi shu'i 'khor gyis kun nas bskor te/ mdun du byas nas chos bstan te/ byang chub sems dpa' </font><hr>38-1-202a<br><font size=+1>
thams cad kyi skye ba rgya mtsho shin tu bstan pa zhes bya ba'i mdo sde yongs su ston cing de bzhin gshegs pa'i rigs kyi rgyud du rigs dang ldan par skyes pa'i byang chub sems dpa' rnams kyi yon tan rgya mtsho'i shugs rnam par 'phel bar byed 
cing 'dug pa mthong nas/ lum pi ni'i nags tshal gyi lha mo gzi brjid kyi dkyil 'khor bzang pos dga' ba'i dpal gang na ba der song ste phyin nas/ lum pi ni'i nags tshal gyi lha mo gzi brjid kyi dkyil 'khor bzang pos dga' ba'i dpal gyi rkang pa gnyis la spyi 
bos phyag 'tshal nas/ mdun du 'dug ste thal mo sbyar nas 'di skad ces smras so/ /'phags ma bdag gis bla na med pa yang dag par rdzogs pa'i byang chub tu sems bskyed na/ ji ltar na byang chub sems dpa' rnams de bzhin gshegs pa'i rigs su byung ba lags 
pa'ang ma 'tshal/ ji ltar na byang chub sems dpa' rnams spyod pa la spyod cing sems can rnams la snang ba 'byin par 'gyur ba yang ma 'tshal to/ /de skad ces smras pa dang / lum bi ni'i nags tshal gyi lha mo gzi brjid kyi dkyil 'khor bzang pos dga' ba'i 
dpal gyis tshong dpon gyi bu nor bzangs la 'di skad ces smras so/ /rigs kyi bu bcu po 'di dag ni byang chub sems dpa' rnams kyi skye ba ste/ de dag dang ldan na byang chub sems dpa' rnams de bzhin gshegs pa'i rigs su skyes pa yin no/ /de dag las 
byung na byang chub sems dpa' rnams sems kyi skad cig re re la'ang byang chub sems dpa'i dge ba'i rtsa bas rnam par 'phel bar 'gyur te/ thogs pa myed pa dang zhum pa med pa dang / phyir ldog pa med pa dang / rgyun gcod pa myed pa dang / yongs su 
skyo ba med pa dang / sgyid lug par 'gyur ba med pa dang / nyams par 'gyur ba med pa dang / nyams dma' bar 'gyur ba med pa dang / yongs su yi 'chad par 'gyur ba med pa dang / chud za bar 'gyur ba myed pa dang / thams cad mkhyen pa nyid kyi phyogs </font><hr>38-1-202b<br><font size=+1>
kyi rjes su 'brang bar 'gyur ba dang / chos kyi dbyings kyi tshul la yongs su gzhol bar 'gyur ba dang / sangs rgyas kyi byang chub tu yongs su smyin pa 'thob par 'gyur ba dang / byang chub sems dpa'i sems bskyed pa shin tu yangs par 'gyur ba dang / pha rol 
tu phyin pa thams cad kyis rnam par 'phel bar 'gyur ba dang / 'jig rten gyi lam gyi rgyud thams cad las rnam par ldog par 'gyur ba dang / de bzhin gshegs pa'i sar yongs su grub par 'gyur ba dang / ye shes kyis mngon par shes pa shin tu byang bar 
'gyur ba dang / sangs rgyas kyi chos mngon du 'gyur ba dang / thams cad mkhyen pa'i yul gyi don dang ldan par 'gyur ba'o/ /bcu gang zhe na 'di lta ste/ sangs rgyas thams cad la bsnyen bkur ba'i smon lam gyis sbyor ba'i snying po zhes bya ba ni byang chub sems 
dpa'i skye ba dang po'o/ /byang chub kyi sems kyi yan lag yongs su 'grub par 'gyur ba 'byung ba'i snying po zhes bya ba ni byang chub sems dpa'i skye ba gnyis pa'o/ /chos kyi tshul la nges par rtogs par gzhag pa'i sbyor ba'i tshul mngon du gyur pa 'byung ba'i snying 
po zhes bya ba ni byang chub sems dpa'i skye ba gsum pa'o/ /dus gsum snang bar bya ba'i lhag pa'i bsam pa rnam par dag pa'i snying po zhes bya ba ni byang chub sems dpa'i skye ba bzhi pa'o/ /kun nas snang ba'i 'od kyi snying po zhes bya ba ni byang chub sems dpa'i 
skye ba lnga pa'o/ /de bzhin gshegs pa'i rigs kyi rgyud du 'byung ba'i snying po zhes bya ba ni byang chub sems dpa'i skye ba drug pa'o/ /de bzhin gshegs pa thams cad kyi stobs kyi 'od snang ba'i rgyan gyi snying po zhes bya ba ni byang chub sems dpa'i skye ba bdun pa'o/ /
ye shes kyi sgo kun nas rnam par dpyad pas yongs su 'grub pa 'byung ba'i snying po zhes bya ba ni byang chub sems dpa'i skye ba brgyad pa'o/ /chos kyi dbyings sprul pas brgyan par byed pa'i snying po zhes bya ba ni byang chub sems dpa'i skye ba dgu pa'o/ /</font><hr>38-1-203a<br><font size=+1>
de bzhin gshegs pa'i sa yongs su gnon pa'i shugs drag po'i snying po zhes bya ba ni byang chub sems dpa'i skye ba bcu pa'o/ /rigs kyi bu de la byang chub sems dpa'i skye ba dang po sangs rgyas thams cad la bsnyen bkur ba'i smon lam gyi sbyor 
ba'i snying po zhes bya ba gang zhe na/ rigs kyi bu 'di la byang chub sems dpa' thog mar sangs rgyas mchod cing rim gror bya ba la 'jug ste/ de sangs rgyas bcom ldan 'das rnams la rim gro dang / bkur sti dang / bsti stang dang / mchod pa byed cing bsnyen bkur 
byed do/ /dgyes par byed la thugs byung par mi byed pas/ de bzhin gshegs pa'i zhal blta bas mi ngoms pa sangs rgyas la rim gror bya bar brtson pa sangs rgyas la dga' ba'i shugs kyis rnam par spel ba'i shugs dang ldan pa/ de bzhin gshegs 
pa mthong bas mos pa'i shugs drag po yongs su skyes pa/ de phyir mi ldog pa'i dad pas bsod nams yongs su sdud pa'i tshe/ de bzhin gshegs pa thams cad la mchod pa'i tshogs yongs su bsdu ba la brtson zhing sbyor ba rgyun mi gcod pa yin te/ 
rigs kyi bu de ni byang chub sems dpa' rnams kyi skye ba dang po/ sangs rgyas thams cad la bsnyen bkur ba'i smon lam gyi sbyor ba'i snying po zhes bya ba ste/ thams cad mkhyen pa nyid kyi tshogs dge ba'i rtsa ba yongs su 'grub pa yang dag par sdud par 'gyur ba'o/ /
rigs kyi bu de la byang chub sems dpa'i skye ba gnyis pa/ byang chub kyi sems kyi yan lag yongs su grub par 'gyur ba 'byung ba'i snying po zhes bya ba gang zhe na/ rigs kyi bu 'di la byang chub sems dpa' bla na med pa yang dag par rdzogs pa'i byang chub tu sems 
bskyed de/ 'di ltar sems can thams cad yongs su bskyab pa'i phyir snying rje chen po'i sems dang / shin tu dgyes par bya ba'i phyir sangs rgyas thams cad bsnyen bkur ba'i sems dang / dngos po thams cad la phongs par myi brtsi ba'i phyir/ sangs </font><hr>38-1-203b<br><font size=+1>
rgyas kyi chos thams cad yongs su btsal ba'i sems dang / thams cad mkhyen pa nyid mngon du 'gyur bar bya ba'i phyir/ bsham pa chen po'i sems dang / 'gro ba thams cad yongs su bsdu ba'i sbyor bas rgyas par dgang ba'i phyir byams pa chen po'i sems dang / 
thams cad mkhyen pa nyid kyi go ca brtan par bya ba'i phyir 'gro ba thams cad yongs su myi+i gtong ba'i sems dang / yang dag pa ji lta ba bzhin du shes pa'i snang ba rab tu thob par bya ba'i phyir g.yo dang sgyu med pa'i sems dang / byang chub sems dpa'i lam la 
nan tan du bya ba'i phyir kha 'og tu lus khrus pa'i sems dang / de bzhin gshegs pa thams cad kyi smon lam dang / mi 'gal bar bya ba'i phyir/ sangs rgyas thams cad la sku bslu ba med pa'i sems dang /phyi ma'i mtha'i mur thug par sems can thams cad 
yongs su smyin par bya ba dang / gdul ba rgyun mi gcad pa'i phyir thams cad mkhyen pa nyid du smon lam chen po 'debs pa'i sems dang / de dag la stsogs pa byang chub kyi sems kyi yan lag gi tshogs sangs rgyas kyi zhing gi rdul shin tu phra ba snyed kyi yongs 
su rdzogs pa'i byang chub sems dpa' ni de bzhin gshegs pa'i rigs su skyes pa yin te/ rigs kyi bu de ni byang chub sems dpa'i skye ba gnyis pa/ byang chub kyi sems kyi yan lag yongs su 'grub par 'gyur ba 'byung ba'i snying po zhes bya ba'o/ /
rigs kyi bu de la byang chub sems dpa' rnams kyi byang chub sems dpa'i skye ba gsum pa chos kyi tshul la nges par gzhag pa'i sbyor ba'i tshul mngon du gyur pa 'byung ba'i snying po zhes bya ba gang zhe na/ rigs kyi bu 'di la byang chub sems dpa' chos 
thams cad kyi tshul rgya mtsho yod do cog nges par rtogs pas mngon du bya ba'i sems dang ldan pa thams cad mkhyen pa'i lam gyi rnam pa yongs su rdzogs par bya bas mngon du bya bar gcig tu sems pa'i sems dang ldan pa/ kha na ma tho ba med </font><hr>38-1-204a<br><font size=+1>
pa'i las la yang dag par spyad par sems pa'i sems dang ldan pa/ byang chub sems dpa'i ting nge 'dzin gyi tshul rgya mtsho thams cad yongs su dag par bya ba mngon du bya ba'i sems dang ldan pa byang chub sems dpa'i yon tan thams cad la nan tan du bya bas 
yongs su grub par bya ba'i sems dang ldan pa/ byang chub sems dpa'i lam gyi rgyan thams cad mngon par bsgrub pa'i sems dang ldan pa/ thams cad mkhyen pa nyid du dmyigs pa'i tshogs rgya chen po yongs su bsgrub pa bskal pa'i mye 'bar bas kyang / rgyun 
mi gcad par brtson par bya ba'i sems dang ldan pa/ 'gro ba thams cad yongs su smyin par bya ba dang / gdul ba la rab tu zhugs pas/byang chub sems dpa'i spyod pa kun tu bzang po mngon par bsgrub pa'i sems dang ldan pa/ yongs su spyod pa'i tshul thams cad la rab tu 
zhugs pa ni byang chub sems dpa'i yon tan yongs su rdzogs par bya ba la dngos po thams cad rnam par bsgom pas dngos po myed pa'i tshul la zhugs pa'i sems dang ldan pa yin te/ rigs kyi bu 'di ni byang chub sems dpa'i skye ba gsum pa chos kyi tshul la nges 
par rtogs pas gzhag pa'i sbyor ba'i tshul mngon du gyur ba 'byung ba'i snying po zhes bya ba'o/ /rigs kyi bu de la byang chub sems dpa'i skye ba bzhi pa dus gsum snang bar bya ba'i lhag pa'i bsam pa rnam par dag pa'i snying po zhes bya ba gang zhe na/ rigs kyi bu 'di la 
byang chub sems dpa'i lhag pa'i bsam pa'i dbyings la gya nom par yongs su dag pa yin/ sangs rgyas kyi byang chub la snang ba rab tu thob pa yin/ byang chub sems dpa'i tshul rgya mtsho la rab tu zhugs pa yin/ bsam pa brtan pa rdo rje'i khams lta bus 
yongs su zin pa'i sems dang ldan pas shin tu brtan pa yin/ srid pa'i lam gyi rgyud du skye ba las phyin phyogs su phyogs pa yin/ de bzhin gshegs pa thams cad kyi rnam par 'phrul pa yongs su grub par bya ba la mngon du gyur pa yin/ byang chub sems </font><hr>38-1-204b<br><font size=+1>
dpa'i dbang po rnam par spel ba la khyad par du 'bogs pa rab tu thob pa yin/ lhag pa'i bsam pa shin tu 'od gsal bar bya ba'i phyir sems shin tu dge ba yin/ smon lam brtan zhing rgya che ba rnam par 'phel bar bya ba la myi g.yo ba yin/ sgrib pa thams cad 
kyi ri rnam par gtor ba'i phyir/ de bzhin gshegs pa thams cad kyis yang dag par dgongs pa yin/ 'gro ba thams cad nye bar 'tsho bas mgon du gyur ba yin te/ rigs kyi bu 'di ni byang chub sems dpa' rnams kyi byang chub sems dpa'i skye ba bzhi pa 
dus gsum snang bar bya ba'i lhag pa'i bsam pa rnam par dag pa'i snying po zhes bya ba'o/ /rigs kyi bu de la byang chub sems dpa' rnams kyi byang chub sems dpa'i skye ba lnga pa kun nas snang ba'i 'od kyi snying po zhes bya ba gang zhe na/ rigs kyi bu 'di la byang chub 
sems dpa' 'gro ba thams cad yongs su smyin par bya ba dang / gdul ba la rab tu zhugs pas sbyor ba phun sum tshogs pa yin/ sbyin pa lhug par gtong bas dngos po'i 'du shes thams cad las gyen du 'phags pa yin/ tshul khrims mtha' yas pas 
mtha' las rgal bar rnam par dag pa yin/ sangs rgyas kyi chos thams cad la bzod pa'i snang ba rab tu thob pas/ de bzhin gshegs pa'i yul la gnas pa'i bzod pa dang ldan pa yin/ thams cad mkhyen pa nyid du yangs par 'byung ba la 
zhugs pas brtson 'grus chen po dang ldan pa yin/ sgo kun tu lta ba'i ting nge 'dzin gyi ye shes kyi dkyil 'khor rnam par dag pas bsam gtan la rab tu brtson pa yin/ chos snang ba thams cad rab tu thob pas shes rab kyi mthu'i 'od dang ldan pa yin/ 
sangs rgyas blta ba rgya mtsho rnam par dmyigs par bya ba la zhugs pas thogs pa med pa'i mig dang ldan pa yin/ 'jig rten thams cad yongs su tshim par byed pas/ chos thams cad kyi de kho na nyid la dbang bsgyur bas smos pa yin/ chos kyi tshul </font><hr>38-1-205a<br><font size=+1>
yang dag pa ji lta ba bzhin du thob par bya ba la rab tu brtson pa yin te/ rigs kyi bu 'di ni byang chub sems dpa' rnams kyi byang chub sems dpa'i skye ba lnga ba kun nas snang ba'i 'od kyi snying po zhes bya ba'o/ /rigs kyi bu de la byang chub 
sems dpa' rnams kyi byang chub sems dpa'i skye ba drug pa de bzhin gshegs pa'i rigs kyi rgyud du 'byung ba'i snying po zhes bya ba gang zhe na/ rigs kyi bu 'di la byang chub sems dpa' de bzhin gshegs pa'i rigs su byung ba yin/ de bzhin gshegs 
pa'i rgyud du skyes pa yin/ tshul gyi sgo thams cad la shin tu grub pa yin/ 'das pa dang / ma byon pa dang / da ltar byung ba'i de bzhin gshegs pa rnams kyi smon lam chen po rnam par dag pa yin/ de bzhin gshegs pa thams cad kyi dge ba'i rtsa ba 
la rang bzhin gcig pa'i dge ba'i rtsa bar gyur pa yin/ sangs rgyas thams cad dang lus gcig tu gyur pa yin/ chos dkar pos 'jig rten gzhan du 'gro ba yin/ sangs rgyas kyi byin gyi rlabs yongs su bstan pa'i ting nge 'dzin la bdag 
nyid che ba'i chos kyis rnam par spyod pa yin/ dus la ji ltar bab pa bzhin du sems can rnam par dag par bya ba'i chos la zhugs pa yin/ sangs rgyas kyi chos yongs su dris pa la spobs pa rgyun mi 'chad pa yin te/ rigs kyi bu 'di ni byang chub sems 
dpa' rnams kyi byang chub sems dpa'i skye ba drug pa de bzhin gshegs pa'i rigs kyi rgyud du 'byung ba'i snying po zhes bya ba'o/ /rigs kyi bu de la byang chub sems dpa' rnams kyi byang chub sems dpa'i skye ba bdun pa de bzhin gshegs pa thams cad kyi stobs 
kyi 'od snang ba'i rgyan gyi snying po zhes bya ba gang zhe na/ rigs kyi bu 'di la byang chub sems dpa' sangs rgyas kyi stobs la 'jug pa'i snang bas sangs rgyas kyi zhing du 'gro ba las phyir myi ldog go /byang chub sems dpa'i yon tan rgya mtsho las phyir mi </font><hr>38-1-205b<br><font size=+1>
'gyur ro/ /chos thams cad sgyu ma'i rnam pa ltar yang dag pa ji lta ba bzhin du shes par bya ba la gnas pas yongs su yi 'chad par myi 'gyur ro/ /'jig rten thams cad rmi lam lta bur rab tu rtogs par byed do/ /gzugs su rnam par dmyigs pa'i gnas thams 
cad gzugs brnyan lta bur mngon par sgrub bo/ /mngon par shes pas rnam par 'phrul pa sprul pa lta bu la dbang rab tu thob par byed do/ /srid pa thams cad du skye ba grib ma lta bur gdong rab tu ston to/ /de bzhin gshegs pa thams cad kyi chos kyi 'khor lo sgra brnyan 
lta bur rab tu shes so/ /thabs kyi tshul don sna tshogs dang ldan pa la rab tu brtson pas chos kyi dbyings kyi tshul rab tu bstan pa la pha rol tu phyin pa'i dam pa thob pa yin te/ rigs kyi bu 'di ni byang chub sems dpa' rnams kyi byang chub sems dpa'i skye ba bdun pa de 
bzhin gshegs pa thams cad kyi stobs kyi 'od snang ba'i rgyan gyi snying po zhes bya ba'o/ /rigs kyi bu de la byang chub sems dpa' rnams kyi byang chub sems dpa'i skye ba brgyad pa ye shes kyi sgo kun nas rnam par dpyad pas yongs su 'grub pa 'byung ba'i snying po zhes bya ba 
gang zhe na/ rigs kyi bu 'di la byang chub sems dpa' gzhon nur gyur cing byang chub sems dpa'i rnam par dgod pa la rnam par gnas pa yin te/ de la gnas nas thams cad mkhyen pa'i ye shes kyi tshul la rnam par dpyod de/ ye shes kyi tshul gyi sgo re re la yang 
byang chub sems dpa'i spyod yul tshad myed pa yongs su ston pas bskal pa tshad med pa zad par 'gyur ro/ /byang chub sems dpa'i ting nge 'dzin thams cad la'ang pha rol tu phyin pa'i dam pas dbang du 'gyur te/ sems kyi skad cig re re zhing sems kyi 
skad cig thams cad la yang phyogs bcu'i sangs rgyas kyi zhing brjod du myed pa dag na bzhugs pa'i de bzhin gshegs pa rnams kyi zhabs kyi drung du skyes te/ dmyigs pa tha mi dad pas tha mi dad pa'i ting nge 'dzin la snyoms par 'jug go /tha mi dad pa'i chos </font><hr>38-1-206a<br><font size=+1>
rnams la tha dad pa'i ye shes kyi dbang yongs su ston to/ /dmyigs pa brjod du myed pa dag kyang sgrib pa myed pa'i dbyings su non par byed do/ /dmigs pa chung ngus kyang mtha' yas par bstan pa'i sa la yongs su 'jug go /chos nyid tshad myed 
pa yang chung ba'am/ che bar khong du chud par byed do/ /'jig rten thams cad kyang rnam par dmyigs pa dang mnyam par rab tu rtogs par byed do/ /chos kyi dmyigs pa thams cad dang / rnam par shes pa'i rgyud thams cad kyang bsgoms pas khong du chud par byed 
do/ /rigs kyi bu 'di ni byang chub sems dpa' rnams kyi byang chub sems dpa'i skye ba brgyad pa ye shes kyi sgo kun nas rnam par dpyad pas yongs su 'grub pa 'byung ba'i snying po zhes bya ba'o/ /rigs kyi bu de la byang chub sems dpa' rnams kyi byang chub 
sems dpa'i skye ba dgu ba chos kyi dbyings sprul pas brgyan par byed pa'i snying po zhes bya ba gang zhe na/ rigs kyi bu 'di la byang chub sems dpa' sems kyi skad cig thams cad la rgyan sna tshogs dang / rgyan du mar ldan pa'i sangs rgyas kyi zhing byin gyis rlob 
ste/ sprul pa thams cad la mi 'jug pa'i pha rol tu phyin pa'i dam pa thob pa yin/ sangs rgyas kyi sprul pa thams cad la shin tu mkhas par gyur pa yin/ chos kyi sprul pa la myi 'jigs pa rnam par dag pa yin/ chos kyi dbyings dam pa chags pa med pa'i 
spyod yul dang ldan pa yin/ bsam pa ji lta ba bzhin du sems can gyi lus rnam par dmyigs par bya ba'i byin gyi rlabs la mkhas pa yin/ sems can gdul ba la mkhas pa bsam gyis myi khyab pa dang ldan pa yin/ spyod pa sna tshogs kyi mngon par 
'tshang rgya ba yongs su ston pa yin/ thams cad mkhyen pa nyid kyi lam sgrib pa myed pa mngon par bsgrub pa la mkhas pa yin/ de'i rgyud kyi chos kyi 'khor lo bskor ba la mkhas pa yongs su ston pa yin/ sems can mtha' dang dbus med pa gdul ba'i </font><hr>38-1-206b<br><font size=+1>
thabs mngon par bsgrub pa la mkhas pa yin/ rnam par snang mdzad kyi ye shes dbyig tu bya ba'i mdzod dang ldan pas sems can gdul ba'i dus la bab na rtag tu sta gon du gnas pa yin te/ rigs kyi bu 'di ni byang chub sems dpa' rnams kyi byang chub sems 
dpa'i skye ba dgu pa chos kyi dbyings sprul pas brgyan pa byed pa'i snying po zhes bya'o/ /rigs kyi bu de la byang chub sems dpa' rnams kyi byang chub sems dpa'i skye ba bcu pa de bzhin gshegs pa'i sa yongs su gnon pa'i shugs drag po'i snying po zhes bya ba gang zhe na/ 'di 
la byang chub sems dpa' dus gsum gyi de bzhin gshegs pa thams cad dang / rang bzhin gcig pa'i yul la dbang bskur ba yin te/ 'jig rten gyi khams thams cad 'dab chags pa'i yul la rab tu 'jug pa yin/ sems can thams cad kyi sngon gyi 
mtha' dang phyi ma'i mtha'i shi 'pho dang / skye ba'i sems rgyud chags par 'byung ba yang rab tu shes so/ /byang chub sems dpa' thams cad kyi ye shes 'dab chags pa'i yul yang rab tu shes so/ /'das pa dang ma byon pa dang de ltar byung ba'i sangs rgyas 
thams cad kyi mngon par rdzogs par 'tshang rgya ba 'dab chags pa yang rab tu shes so/ /chos thams cad kyi rgyud 'dab chags pa la mkhas par bya ba yang rab tu shes so/ /bskal pa 'jig pa dang 'du ba thams cad kyi sngon gyi mtha' dang phyi ma'i 
mtha' dang da ltar byung ba rnams kyang mying dang bcas/ sa tshigs dang bcas par 'dab chags par rab tu shes so/ /sems can tshul ji lta bur yongs su smyin par byas pa dang / dus la gang du bab pa rnams la mngon par rdzogs par 'tshang rgya ba'i 
rgyan dang / rnam par 'tshang rgya bas gdul bar bya ba yongs su bstan pa'i byin gyi rlabs kyi ye shes kyang mngon par sgrub bo/ /sangs rgyas byung ba thams cad mngon par 'tshang rgya ba'i drung du nye bar 'gro zhing chos kyi 'khor lo bskor ba la mkhas </font><hr>38-1-207a<br><font size=+1>
pa'i tshul 'dab chags pa yang / sems can gyi khams mtha' dang dbus med pa gdul ba'i thabs mngon par bsgrub pa la mkhas pas yongs su ston te/ rigs kyi bu 'di ni byang chub sems dpa' rnams kyi byang chub sems dpa'i skye ba bcu 
ba de bzhin gshegs pa'i sa yongs su gnon pa'i shugs drag po'i snying po zhes bya ba'o/ /rigs kyi bu de dag ni byang chub sems dpa' rnams kyi byang chub sems dpa'i skye ba bcu rnams te/ de dag gis byang chub sems dpa' rnams skye bar 'gyur ba'o/ /
'byung bar 'gyur ba'o/ /yang dag par sgrub par byed pa'o/ /yang dag par 'phel bar byed pa'o/ /rab tu rdzogs par byed pa'o/ /yongs su grub par byed pa'o/ /zhing ma lus pa thams cad khong du chud par bya ba'i phyir rgyan gcig gi lhab lhub la rgyan dang / lhab lhub kyi rgyud rnam pa sna 
tshogs kyi byin gyis rlob pa'o/ /sems can gyi khams gdul ba rgyun mi gcad pa'i phyir phyi ma'i mtha'i bskal pa'i mur thug par byin gyi rlabs kyis rgyun 'chad pa myed par byed pa'o/ /chos rgya mtsho thams cad kyi dmyigs pa sna tshogs dang / shin 
tu bstan pa gcig nas gcig tu brgyud pa sna tshogs du ma rnam pa tha dad pa dang / chos mtha' yas pa gcig nas gcig tu brgyud pa'i rgyun mngon par 'tshang rgya bar byed pa'o/ /sangs rgyas kyi khyu mchog gi mthu phyung ba bsam gyis mi khyab pa chos kyi dbyings kyis 
klas pa/ nam mkha'i dbyings kyi mthas gtugs pa yongs su ston pa'o/ /sems can tshad med pa spyod pa rgya mtsho sna tshogs dang ldan pa yongs su smyin par bya ba dang / gdul bas yongs su 'dul ba rnams la chos kyi 'khor lo bskor ba yongs 
su bstan pa'o/ /sems can gyi khams thams cad sangs rgyas 'byung ba dang mi 'bral bar byin gyis rlob pa'o/ /chos thams cad kyi sprin dbyangs kyi yan lag rgya mtsho brjod du med pas rnam par dag pa dmyigs pa thams cad las rab tu 'byung </font><hr>38-1-207b<br><font size=+1>
ba rnam par dmyigs par byed pa'o/ /tshad med par rnam par spyod pa la bsgribs pa med par rtogs pas khong du chud pa rnams chos yid du 'ong ba'i rgyan thams cad dang ldan pa'i byang chub sems dpa'i dkyil 'khor bsam pa dang / mos pa gang dang ldan pa'i 
tshul bzhin du sems can rnams la yongs su ston pa'o/ /sangs rgyas kyis tshad med pa'i rjes su song ba rnams 'jig rten thams cad yongs su bsgrub pa'i don du chos kyi mdzod mtha' dang dbus med pa rab tu ston pa'o/ /de nas lum bi ni'i nags tshal gyi lha 
mo gzi brjid kyi dkyil 'khor bzang pos dga' ba'i dpal gyis/ de'i tshe byang chub sems dpa'i chos kyi don 'di nyid gsal bar brjod pa'i phyir sangs rgyas kyi byin gyi rlabs kyis phyogs bcur rnam par bltas te/ tshong dpon gyi bu nor bzangs la 
tshigs su bcad de smras pa/ lhag pa'i bsam pa dri med rnyog pa med pa yis/ /gang rnams rgyal ba blta bas nam yang mi ngoms shing / /rgyal ba kun gyi phyi ma'i mtha' yi rgyan sprin la/ /smon pa'i mkhas pa de dag skye ba'i thog ma gnas/ /dus 
gsum byung ba'i 'jig rten ma lus kun bkang ste/ /zhing dang sems can de bzhin chos dang sangs rgyas rnams/ /sems can dgrol phyir smon lam 'debs pas brgyan pa'i sems/ /de ni bsam gyis myi khyab rnams kyi skye ba gnyis/ /gang rnams chos kyi sprin 'thung nam yang mi ngoms shing / /nges par rtogs pa'i yid kyis dus gsum chags med lus/ /mkha' dbyings dri med mnyam med sems kyi lus ldan pa/ /mtshungs pa med pa de ni de dag skye ba gsum/ /lhag pa'i bsam pa ri rab rdo rje mtshungs 
bstan pas/ /thams cad mkhyen tshul rgya mtshor rnam par 'jug byed cing / /gang rnams snying rje chen po'i gang chen mtshor 'jug pa/ /de ni skyes bu khyu mchog rnams kyi skye ba bzhi/ /gang rnams byams pas phyogs bcu rgyas par yongs bkang zhing / /</font><hr>38-1-208a<br><font size=+1>
pha rol phyin pa dri med rgya mtsho mngon bsgrubs te/ /chos kyi 'od 'gyed 'gro ba yongs su smyin byed pa/ /de ni skyes bu chen po de dag skye ba lnga/ /chos kyi rang bzhin rab tu rtogs pas chags med sems/ /dus gsum dpe zla med pa'i 
sangs rgyas rigs byung zhing / /gang rnams chos dbyings rgya mtsho'i tshul la 'jug byed pa/ /'di ni mkhas pa de dag skye ba yangs pa drug /gang rnams chos lus yongs dag chags pa med pa'i sems/ /zhing rnams ma lus rang gi lus kyis dgang 
byas shing / /sangs rgyas stobs rnams ma lus khong du chud rtogs pa/ /de ni mkhas pa rnams kyi skye ba bsam yas bdun/ /gang rnams ye shes rgya mtsho'i tshul la dbang ldan zhing / /thams cad mkhyen pa'i sgo tshul rnam par dpyod byed la/ /ting 
'dzin kun tshul gang chen mtsho la yongs 'jug pa/ /de ni de bzhin nyid rten rnams kyi skye ba brgyad/ /gang rnams zhing kun 'byam klas yongs su sbyor byed cing / /sems can thams cad yongs su smyin byed 'dul la rab brtson la/ /sangs rgyas 
rnam par 'phrul pa'i rgyan rnams rnam ston pa/ /de ni grags pa chen po rnams kyi skye ba dgu/ /gang rnams rgyal ba'i stobs rnams ji bzhin rab zhugs te/ /thams cad mkhyen pa'i shugs drag yangs pa rnam spel cing / gang rnams chos dbyings 
gzhi tshul tha dad chags med pa/ /de ni rgyal sras rnams kyi skye ba bcu yin no/ /rigs kyi bu skye ba bcu po de dag gis byang chub sems dpa' rnams de bzhin gshegs pa'i rigs su skye'o/ /de ltar na 'jig rten thams cad la snang bar byed pa yin no/ /
rigs kyi bu kho mo ni byang chub sems dpa'i rnam par thar ba bskal pa tshad med par dmyigs pa thams cad du byang chub sems dpa'i skye bas rnam par 'phrul pa yongs su ston pa thob pa'o/ /smras pa/ 'phags ma byang chub sems dpa'i rnam par thar ba bskal </font><hr>38-1-208b<br><font size=+1>
pa tshad med par dmyigs pa thams cad du byang chub sems dpa'i skye bas rnam par 'phrul pa yongs su bstan pa 'di'i yul ji lta bu zhig mchis/ smras pa/ rigs kyi bu kho mo ni byang chub sems dpa' thams cad kyi skye ba yongs su lta zhing / nye bar 'gro ba'i smon 
lam yongs su grub pa ste/ rigs kyi bu de ltar kho mo ni bcom ldan 'das rnam par snang mdzad kyi skye ba rgya mtsho shin tu yangs pa la 'jug cing khong du chud pa ste/ 'di ltar stong gsum gyi stong chen po'i 'jig rten gyi khams 'di'i byang chub sems dpa'i skye ba 
khong du chud par byed cing / gling bzhi pa skul ba dang ldan pa'i 'dzam bu'i gling de'i lum bi ni'i nags tshal du byang chub sems dpa' 'byung ba yongs su blta ba'i don du sngon gyi smon lam gyis skyes te/ da ltar kho mo 'di na byang chub sems dpa' 'byung ba'i rjes 
su dran pa sgom zhing rnam par spyod do/ /de ltar kho mo 'di na gnas gnas te/ de phan chad lo brgya na bcom ldan 'das dga' ldan gyi pho brang nas 'pho bar 'gyur ro zhes bya ba'i tshe/ lum bi ni'i nags tshal 'dir sngon gyi ltas bcu byung bar gyur te/ bcu 
gang zhe na/ 'di ltar lum bi ni'i nags tshal 'di thams cad mthon dman med la/ ngam grog dang / g.yang sa med cing mnyam par gnas par gyur ba 'di ni sngon gyi ltas dang po byung ba'o/ /yang lum bi ni'i nags tshal 'di thams cad gseg ma dang / gyo mo med la sdom dum dang tsher ma dang bral te/ sa'i gzhi rdo rje las grub par gyur nas/ rin po che mang pos yongs su gang bar gnas par gyur pa 'di ni sngon gyi ltas gnyis pa byung ba'o/ /yang lum bi ni'i nags tshal 'di thams 
cad rin po che thams cad kyi shing dang sA la dang / ta la'i phreng bas rnam par 'khrigs pas yongs su brgyan par kun nas gnas par gyur pa 'di ni sngon gyi ltas gsum pa byung ba'o/ /yang lum bi ni'i nags tshal 'di thams cad lha rdzas las kyang </font><hr>38-1-209a<br><font size=+1>
'das pa'i spos kyi myu gu kun nas 'thon pa dang / phye ma thams cad kyi mdzod kun nas 'thon pa dang / rgyal mtshan thams cad kyi sprin dang na bun yongs su byung ba dang / spos kyi rin po che'i gzugs kyi shing drung kun 'khor te/ rgyan yongs 
su sbyangs par kun nas gnas par gyur pa 'di ni sngon gyi ltas bzhi pa byung ba'o/ /yang lum bi ni'i nags tshal 'di thams cad lha rdzas kyi me tog dang / phreng ba dang / lhab lhub sna tshogs kyis mdzod rnam pa thams cad du yongs su rgyas pa dang ldan par kun nas 
gnas par gyur pa 'di ni sngon gyi ltas lnga pa byung ba'o/ /yang lum bi ni'i nags tshal 'di thams cad kyi shing thams cad la nor bu rin po che dam pa'i mdzod mngon par grub par gyur ba 'di ni sngon gyi las drug pa byung ba'o/ /yang lum pi ni'i nags tshal 'di 
thams cad kyi pad+mo'i tshal thams cad du cha las skyes pa'i me tog thams cad kyang kha 'bus te/ sa'i gzhi las 'thon nas/ chu las mngon par 'phags par gnas pa 'di ni sngon gyi ltas bdun pa byung ba'o/ /yang 'jig rten gyi khams 'di'i 
'dod pa la spyod pa dang / gzugs la spyod pa'i lha'i bu rnams dang / klu dang / gnod sbyin dang / dri za dang / lha ma yin dang / nam mkha'i lding dang / mi'am ci dang / lto 'phye chen po dang /'jig rten gyi dbang po 
dang / 'gro ba'i dbang po ji snyed cig yod pa de dag thams cad kyang lum bi ni'i nags tshal 'di na thal mo sbyar cing 'khod par gyur te/ 'di ni sngon gyi ltas brgyad pa byung ba'o/ /yang 'dzam bu'i gling gi 'jig rten gyi khams 'di'i lha'i bu mo'am/ klu'i 
bu mo'am/ gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po'i bu mo ji snyed cig yod pa de dag thams cad kyang rab tu dga' ba'i yid kyis mchod pa'i rnam pa thams cad lag na thogs shing blag </font><hr>38-1-209b<br><font size=+1>
sha'i yal ga la mngon tu bltas te/ 'dud cing phyag 'tshal bar 'khod par gyur ba 'di ni sngon gyi ltas dgu pa byung ba'o/ /yang phyogs bcu'i de bzhin gshegs pa thams cad kyi sku lte ba'i dkyil 'khor dag nas byang chub sems dpa'i skye bas rnam par 
'phrul pa'i sgron ma zhes bya ba'i 'od zer mang po 'thon te/ lum bi ni'i nags tshal 'di thams cad snang bar byas nas gnas par gyur te/ 'od zer gyi sgo'i dkyil 'khor de dag thams cad la'ang de bzhin gshegs pa de dag thams cad kyi skye bas rnam 
par 'phrul pa gzugs brnyan du gyur par snang ba dang / thog ma bltam pa'i rnam par 'phrul ba dang bcas par byang chub sems dpa'i yon tan thams cad kyang sangs rgyas kyi gsung gi dbyangs dang ldan par 'od zer gyi sgo'i dkyil 'khor de dag las 
sgrar 'thon cing grags par gyur pa 'di ni sngon gyi ltas bcu pa byung ba'o/ /byang chub sems dpa'i skye ba'i dus la bab pa'i tshe/ sngon gyi ltas bcu po de dag byung bar gyur te/ de byung bas 'jig rten gyi dbang po thams cad kyis kyang byang chub sems dpa' 
'byung bar 'gyur ro zhes bya bar shes so/ /rigs kyi bu de ltar kho mo sngon gyi ltas bcu po de dag mthong bas kyang dga' ba'i shugs bsam gyis mi khyab pa rab tu thob bo/ /rigs kyi bu gzhan yang lha mo sgyu ma grong khyer chen po ser skya'i gnas nas byung ba'i tshe/ 
lum bi ni'i nags tshal 'dir sngon gyi ltas snang ba chen po bcu byung bar gyur te/ de dag byung bas sems can tshad med pa rnams thams cad mkhyen pa'i chos kyi snang bas dga' ba'i shugs rnam par 'phel bar gyur to/ /bcu gang zhe na/ 'di lta ste/ sa'i steng na 
gnas pa'i rin po che'i khang ba brtsegs pa thams cad du snang ba rab tu byung ngo / /rin po che'i pad+mo kha ma bye ba kha 'bye bar gyur pa'i 'dab ma thams cad las snang ba rab tu byung ste/ bltam pa legs par bltam mo zhes bya ba'i sgra snyan pa yang de dag las byung bar </font><hr>38-1-210a<br><font size=+1>
gyur to/ /phyogs bcu'i byang chub sems dpa' rnams kyis thog ma sems bskyed pa'i snang ba ji snyed cig yod pa de dag kyang / lum pi ni'i nags tshal 'dir snang bar byas te mngon par shar to/ /phyogs bcu'i byang chub sems dpa' rnams 
byang chub sems dpa'i sa thams cad yongs su gnon pa'i snang ba rnam par 'phrul pa ji snyed cig yod pa de dag kyang lum bi ni'i nags tshal 'dir byung ngo / /phyogs bcu'i byang chub sems dpa' rnams pha rol tu phyin pa thams cad yongs su sgrub cing / ye shes khong 
du chud pa'i snang ba 'od ji snyed cig yod pa de dag kyang lum bi ni'i nags tshal 'dir byung bar gyur to/ /phyogs bcu'i byang chub sems dpa' rnams smon lam thams cad la dbang bsgyur ba'i ye shes snang ba'i 'od ji snyed cig yod pa de dag kyang lum bi ni'i nags 
tshal 'dir byung bar gyur to/ /phyogs bcu'i byang chub sems dpa' rnams smon lam rgya chen po mngon par sgrub pa'i ye shes snang ba'i 'od ji snyed cig yod pa de dag kyang lum bi ni'i nags tshal 'dir byung bar gyur to/ /phyogs bcu'i byang chub sems dpa' rnams 
sems can yongs su smyin par bya ba dang / gdul bar byed pa'i ye shes snang ba'i 'od ji snyed cig yod pa de dag kyang lum bi ni'i nags tshal 'dir byung bar gyur to/ /phyogs bcu'i byang chub sems dpa' thams cad kyis chos kyi dbyings kyi tshul gyi ye shes 
khong du chud pa'i snang ba ji snyed cig yod pa de dag kyang lum bi ni'i nags tshal 'dir byung bar gyur to/ /phyogs bcu'i byang chub sems dpa' thams cad sangs rgyas thams cad kyi rnam par 'phrul pa dang / skye ba dang mngon par 'byung ba dang / byang chub tu rnam 
bar 'tshang rgya ba dang / ye shes thugs su chud par mdzad pa'i snang ba'i 'od ji snyed cig yod pa de dag kyang lum bi ni'i nags tshal 'dir byung bar gyur to/ /sngon gyi ltas snang ba chen po bcu po de dag rab tu byung bar gyur te/ de dag gis sems can mtha' </font><hr>38-1-210b<br><font size=+1>
dang dbus myed pa'i sems dang / bsam pa'i mun pa thibs po thams cad kyang rab tu snang bar byas so/ /rigs kyi bu de la lha mo sgyu ma shing blag sha'i nags su phyin pa'i tshe/ 'jig rten gyi dbang po 'dus pa thams cad dang / 'dod pa'i khams kyi lha'i bu lha'i bu'i 
tshogs dang / lha'i bu mo 'khor dang bcas te 'dus pa thams cad dang / gzugs la spyod pa'i lha'i bu dri nga ba med pa thams cad dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po 'khor dang bcas te/ 
tshogs pa byang chub sems dpa' la mchod par brtson pa thams cad kyi lus dang / mchod pa'i tshogs thams cad kyang lha mo sgyu ma'i gzi brjid dang dpal dang kha dog dang gzugs kyis rab tu snang bar byas so/ /stong gsum gyi stong chen po'i 'jig rten gyi khams 
'di na 'od gang ji snyed cig yod pa de dag thams cad kyang zil gyis mnan to/ /lha mo sgyu ma'i ba spu'i sgo thams cad nas byung ba'i 'od dang snang ba dag ni 'od gzhan gyis nyams par gyur ba med/ bsgribs par gyur pa med/ chod par gyur 
pa myed/ thogs par gyur pa myed de/ des phyogs thams cad rgyas par bkang nas sems can dmyal ba'i sdug bsngal thams cad dang / byol song gi skye gnas kyi sdug bsngal thams cad dang / gshin rje'i 'jig rten gyi sdug bsngal thams cad dang / srid pa'i 
lam gyi rgyud du gtogs pa'i sems can thams cad kyi sdug bsngal thams cad dang / nyon mongs pa thams cad rab tu zhi bar byas te/ lhag ge lham me lhang nger gnas par gyur to/ /rigs kyi bu 'di ni byang chub sems dpa' skye ba'i rnam par 'phrul pa/ 
lum bi ni'i nags tshal du byung ba dang po'o/ /rigs kyi bu gzhan yang gang gi tshe lha mo sgyu ma'i lus su stong gsum gyi stong chen po'i 'jig rten gyi khams 'di chud cing gzugs brnyan 'byung ba snang bar gyur pa des stong gsum gyi stong chen po'i 'jig rten gyi </font><hr>38-1-211a<br><font size=+1>
khams kyi gling bzhi pa'i 'jig rten gyi khams bye ba phrag brgya'i 'dzam bu'i gling thams cad kyi rgyal po'i gnas ming sna tshogs dang ldan pa sha stag dang / nags tshal gyi ming sna tshogs dang ldan pa sha stag dang / shing drung rnam pa tha dad pa sha stag 
tu'ang lha mo sgyu ma phyin cing / 'jig rten gyi dbang po thams cad kyis yongs su bskor te/ byang chub sems dpa'i skye ba la sta gon du sdod cing /byang chub sems dpa' yum gyi ye shes kyi rnam par 'phrul ba bsam gyis mi khyab pas rnam pa 'di bzhin du snang 
bar gyur te/ rigs kyi bu 'di ni byang chub sems dpa' skye ba'i rnam par 'phrul pa lum bi ni'i nags tshal du byung ba gnyis pa'o/ /rigs kyi bu gzhan yang lha mo sgyu ma'i ba spu'i bu ga thams cad kyi ba spu'i sgo re re la yang sngon gyi byang chub sems dpa'i spyod 
pa mnga' ba'i tshe/ bcom ldan 'das kyis de bzhin gshegs pa ji snyed cig bsnyen bkur te/ rim gror mdzad pa dang / bsti stang dang bkur stir mdzad de mchod pa de dag thams cad kyang yongs su snang bar gyur to/ /de bzhin gshegs pa de dag gis chos 
ji snyed cig bstan pa de dag thams cad kyang ba spu'i bu ga de dag nas sangs rgyas kyi gsung gi yan lag dang ldan par ma lus par grags par gyur te/ dper na/ chu'i phor bu chung ngu 'am/ bser gyi rdul phra mo'am/ me long gi dkyil 'khor shin 
tu gsal ba'am/ chu shin tu dang ba la nam mkha'i dkyil 'khor gnyi zla dang / gza' skar gyi tshogs kyis rab tu brgyan pa dang / sprin gyi tshogs 'brug sgra zab mo 'byin pa can yang gzugs brnyan du gyur par snang ngo / /rigs kyi bu de bzhin du lha mo sgyu 
ma'i ba spu'i sgo'i dkyil 'khor thams cad la'ang / sngon gyi de bzhin gshegs pa'i rnam par 'phrul pa rnams kyang yongs su snang / chos bstan pa'i sgra thams cad kyang grags par gyur te/ rigs kyi bu 'di ni byang chub sems dpa' skye ba'i rnam par </font><hr>38-1-211b<br><font size=+1>
'phrul pa lum bi ni'i nags tshal du byung ba gsum pa'o/ /rigs kyi bu gzhan yang lha mo sgyu ma'i lus thams cad dang / ba spu'i sgo'i dkyil 'khor thams cad las ba spu'i sgo re re nas kyang zhing ji snyed cig dang / 'jig rten gyi khams rgya mtsho ji snyed cig dang / 
'jig rten gyi khams 'byam klas pa ji snyed cig dang / 'jig rten gyi khams kyi rgyud ji snyed cig dang / 'jig rten khams kyi ming du bya ba ji snyed cig tu bcom ldan 'das kyis sngon byang chub sems dpa'i spyod pa mdzad de/ zhing gi gzhi ji lta bu zhig dang ldan par 
gyur pa dang / dbyibs ni ci 'dra ba dang / rgyan ni ji lta bu zhig dang ldan par gyur pa dang / lhun ni ji lta bu zhig dang ldan par gyur pa dang / ri'i rgyan ni ji lta bu dag cig yod par gyur pa dang / grong dang / grong khyer dang / yul dang / ljongs dang / grong rdal gyi rgyan 
ni ji lta bu dag cig gnas gnas pa dang / bza' shing gi ra ba dang / mtsho dang / lu ma dang / rgya mtsho'i rgyan ni ji lta bu zhig dang ldan par gyur pa dang / nam mkha' dang sprin gyi rgyan ni ji lta bu zhig dang ldan par gyur pa dang / sems can gyi gnas ni ji lta bu zhig yod par gyur pa 
dang / theg pa bstan pa ni gang dang yang ldan par gyur pa dang / bskal pa'i mying dang grangs ji snyed cig ces bya bar gyur pa dang / sangs rgyas skye ba ni ji snyed cig byung bar gyur pa dang / rnam par dag pa ni gang du 'du bar gyur pa dang / sems can gyi tshe'i tshad ni ji tsam 
zhig dang ldan par gyur pa dang / 'jig rten gyi skye gnas ni gang du skyes par gyur pa dang / sems can ji lta bu zhig dang 'grogs pa dang / dge ba'i bshes gnyen ni ji lta bu zhig la brten brten pa dang / dge ba'i chos ni ji lta bu zhig la brtson par spyod 
spyod pa dang / chos kyi nan tan ni ji lta bu zhig la brtson par byas te/ byang chub sems dpa'i spyod pa spyod spyod pa'i sangs rgyas kyi zhing de dag thams cad kyang yongs su snang bar gyur/ bcom ldan 'das kyis phyir myi ldog pa'i gnas brnyes nas/ sdon sku ni ji snyed </font><hr>38-1-212a<br><font size=+1>
cig /rnam par spyod pa ji lta bu zhig /cha byad ni ji lta bu zhig /longs su spyod pa ni ci dang ldan/ bde ba dang sdug bsngal ni ji lta bu zhig sku nyams su bzhes/ sku tshe'i rgyud ni ji lta bu zhig dang ldan par gyur te/ sngon byang chub sems dpa'i spyod pa 
spyad par gyur pa de dag thams cad kyang ba spu'i sgo thams cad nas yongs su snang bar gyur to/ /sangs rgyas kyi zhing de dag thams cad kyi skye gnas de dang / de dag tu lha mo sgyu ma byang chub sems dpa'i yum du gyur pa dang / byang chub sems dpa'i sku de dag 
thams cad kyang / lha mo sgyu ma'i ba spu'i sgo thams cad du rnam par 'phrul pa'i gzugs brnyan byung bar gyur te/ rigs kyi bu 'di ni byang chub sems dpa' skye ba'i rnam par 'phrul pa/ lum bi ni'i nags tshal du byung ba bzhi pa'o/ /rigs kyi bu gzhan 
yang bcom ldan 'das kyi sngon sku ni ji snyed cig gis byang chub sems dpa'i spyod pa spyad pa dang / kha dog ni ji lta bu zhig dbyibs ni ci 'dra ba zhig /cha byad ni ji lta bu zhig /da rod ni ji lta bu zhig /longs spyod ni ci dang ldan/ bde ba dang sdug bsngal ni 
ji lta bu zhig sku nyams su bzhes/ sku tshe'i rgyud ni ji lta bu zhig dang ldan par gyur pa de dag thams cad kyang lha mo sgyu ma'i lus kyi ba spu'i sgo thams cad las gzugs brnyan du snang bar gyur te/ rigs kyi bu 'di ni byang chub sems dpa' skye ba'i rnam 
par 'phrul pa lum bi ni'i nags tshal du byung ba lnga pa'o/ /rigs kyi bu gzhan yang bcom ldan 'das sngon byang chub sems dpa'i spyod pa mdzad pa'i tshe/ gtang bar dka' ba yongs su btang ste/ zhabs dang phyag yongs su btang ba'am/ 
snyan dang shangs yongs su btang ba'am/ ljags dang tshems yongs su btang ba'am/ spyan dang dbu yongs su btang ba'am/ sha dang khrag yongs su btang ba'am/ rus pa dang rkang yongs su btang ba'am/ mkhal ma dang thugs yongs su </font><hr>38-1-212b<br><font size=+1>
btang ba'am/ pags pa dang phri yongs su btang ba'am/ phyi nang gi dngos po yongs su btang ba'am/ sras po dang sras mo dang btsun mo yongs su btang ba'am/ sku yongs su btang ba'am/ longs spyod rin po che yongs su btang ba'am/ grong dang grong khyer 
dang ljongs dang / yul dang khams dang / rgyal po'i gnas yongs su btang ba'am/ nor dang 'bru dang mdzod dang bang ba yongs su btang ba'am/ nor bu dang / mu tig dang / baiDUr+ya dang / dung dang / man shel dang / byi ru dang / gser dang / dngul yongs su 
btang ba'am/ rin po che'i rgyan sna tshogs yongs su btang ba'am/ mal cha yongs su btang ba'am/ khang pa dang gzhal med khang yongs su btang ba'am/ yo byad yongs su btang ba'am/ de ltar gtong ba'i byang chub sems dpa'i sku gzugs 
dang / rnam pa ji lta bur yongs su btang bar gyur pa dang / len pa de dag kyang rnam pa ji ltu bus len par gyur pa dang / sbyin pa'i dngos po rnam pa ji lta bu dag yongs su btang bar gyur pa dang / yul gyi phyogs gang dag tu yongs su btang bar gyur 
pa dang / de'i tshe byang chub sems dpa'i 'khor du gyur pa de dag thams cad kyang / lha mo sgyu ma'i ba spu'i sgo thams cad las gzugs brnyan du snang bar gyur to/ /slongs mo ba'i sgra de dag kyang grag par gyur te/ rigs kyi bu 'di ni byang chub sems 
dpa' skye ba'i rnam par 'phrul pa lum bi ni'i nags tshal du byung ba drug pa'o/ /rigs kyi bu gzhan yang sngon gyi mtha'i rgyud du byung ba'i de bzhin gshegs pa rnams yum gyi sku nas bltams par gyur pa'i tshe/ sangs rgyas kyi zhing gi rgyan dang / 
lhab lhub ji snyed cig byung bar gyur pa dang / sems can gyi rgyan rnam par phye ba dang / bza' shing gi rgyan rnam par phye ba dang / me tog dang bdug pa dang / spos dang phreng ba dang byug pa dang phye ma dang / na bza' dang gdugs dang rgyal mtshan dang /</font><hr>38-1-213a<br><font size=+1>
ba dan gyi rgyan rnam par phye ba dang / rin po che'i rgyal po thams cad rnam par 'phrul pa'i rgyan rnam par phye ba dang / rol mo dang glu dang / bstod pa dang / sil snyan gyi sgra ji snyed cig byung bar gyur pa de dag thams cad kyang / lha mo sgyu ma lum bi 
ni'i nags tshal du phyin pa'i tshe/ lum bi ni'i nags tshal 'dir yongs su byung bar gyur to/ /mngon par skyes so/ /'gro bas rnam par dmyigs su yod par byung bar gyur te/ rigs kyi bu 'di ni byang chub sems dpa' skye ba'i rnam par 
'phrul pa lum bi ni'i nags tshal du byung ba bdun pa'o/ /rigs kyi bu gzhan yang byang chub sems dpa'i longs spyod lha'i dbang po thams cad kyi gnas kyi rgyan gyi longs spyod las yongs su 'das pa dang / klu dang gnod sbyin dang / dri za dang lha ma yin dang / 
nam mkha' lding dang / mi'am ci dang lto 'phye chen po dang / mi'i dbang po thams cad kyi gnas kyi rgyan gyi longs spyod las 'das pa 'di lte ste/ rin po che'i rgyal po thams cad kyi khang pa brtsegs pa'i longs spyod dam/ rin po che'i rgyal po'i 
gzhal med khang gi longs spyod dam/ rin po che'i rgyal po'i dra ba'i longs spyod dam/ rin po che'i rgyal po'i 'bru'i longs spyod dam/ rin po che'i rgyal po'i gzugs kyi longs spyod dam/ rin po che'i rgyan thams cad kyi longs spyod dam/ spos kyi rgyal po thams cad kyi longs spyod dam/ 
dmyigs pa thams cad bzang zhing 'thun pa'i longs spyod kyang rung ste/ de dag thams cad lha mo sgyu ma'i rum nas ma 'dres par 'thon te/ lum bi ni'i nags tshal 'di yongs su brgyan cing kun nas gnas par gyur te/ rigs kyi bu 'di ni byang chub sems dpa' skye ba rnam par 'phrul pa lum bi ni'i nags tshal du byung ba brgyad pa'o/ /rigs kyi bu gzhan yang lha mo sgyu ma'i lus las byang chub sems dpa' sangs rgyas kyi zhing brjod du med pa bye ba khrag khrig brgya phrag stong gi rdul shin tu phra ba snyed </font><hr>38-1-213b<br><font size=+1>
bcom ldan 'das rnam par snang mdzad dang / sku gzugs dang sku mdog dang / dbyibs 'dra ba mtshan dang dpe byad bzang po'i rgyan gyis 'dra bar brgyan pa dang / 'od 'dra ba dang / 'od zer 'dra ba rab tu 'gyed pa/ tshul dang 'gros stabs 'dra ba/ rtsal dang mthu 
'dra ba/ rnam par snang ba'i rnam par 'phrul ba 'thun pa/ 'khor 'dra ba/ rgyan mtshungs pa mang po yang bcom ldan 'das rnam par snang mdzad kyi legs pa rgya mtsho yongs su brjod cing 'thun par gyur te/ rigs kyi bu 'di ni byang chub sems dpa' skye ba'i rnam par 
'phrul pa lum bi ni'i nags tshal du byung ba dgu ba'o/ /rigs kyi bu gzhan yang byang chub sems dpa' bltam par gyur pa'i dus la bab pa dang / lha mo sgyu ma'i mdun du 'og gi rdo rje'i gzhi las sa chen po mngon par brtol te/ rin po che'i rgyal po 
pad+mo chen po rin po che thams cad kyi rgyan gyi dam pa zhes byang chub rin po che'i rgyal po gzhan gyis mi thub pa'i rdo rje chen po las grub pa/ rin po che'i rgyal po 'gro ba rgya mtsho'i nang rim dang ldan pa/ ze ba'i rtse mo rin po che'i rgyal po thams cad kyis brgyan 
pa/ 'dab ma'i phreng ba sangs rgyas kyi zhing bcu'i rdul shin tu phra ba snyed kyis brgyan cing shin tu rnam par phye ba/ lo ma'i dkyil 'khor rin po che'i rgyal po sna tshogs kyis byas pa/ snying po mdzes pa rin po che yid bzhin gyis rnam par dag pa dang 
ldan pa/ ze ba'i phreng ba rnam par phye ba dang / rin po che thams cad kyi kha dog tshad med pa dang ldan pa/ rin po che'i rgyal po grangs med pa'i dra ba'i rgyan dang ldan pas yongs su yog pa/ rin po che'i rgyal po rdo rje mthu bo ches mi shigs pas lhun 
kun nas bkab pa/ lha'i ris thams cad kyis kun nas bskor ba/ klu'i dbang po thams cad kyis spos chu'i sprin gyi char mngon par dbab pa/ gnod sbyin gyi dbang po thams cad kyis kun nas bskor cing lha rdzas kyi me tog snyim pa nas gtor ba/</font><hr>38-1-214a<br><font size=+1>
dri za'i dbang po thams cad kyis sngon gyi sangs rgyas la rim gror byas pa'i glu'i dbyangs snyan cing yid du 'ong ba'i nga ro dang sbyar te bstod pa'i sprin gyis mngon par bstod pa/ lha ma yin gyi dbang po thams cad kyis nga rgyal dang rlom pa dang / 
dregs pa thams cad btang zhing shin tu btud de phyag bya ba/ nam mkha' lding gi dbang po thams cad kyis rin po che'i snam bu kun tu spyangs te/ nam mkha' kun nas brgyan par bya ba/ mi 'am ci'i dbang po thams cad kyis byang chub sems dpa'i yon tan 
yongs su brjod cing rol mo dang glu'i dbyangs la brtson pa dang / nyams rab tu bde bas kun nas blta ba/ lto 'phye chen po'i dbang po thams cad kyis shin tu dga' ba dang / mos pa skyes pas yongs su blta zhing sgra snyan pa phyung ste/ rgyan gyi sprin 
thams cad kyi char mngon par dbab pa byung bar gyur te/ rigs kyi bu 'di ni byang chub sems dpa' skye ba'i rnam par 'phrul pa lum bi ni'i nags tshal du byung ba bcu pa'o/ /rigs kyi bu byang chub sems dpa' skye ba'i rnam par 'phrul pa bcu po de dag 
lum bi ni'i nags tshal du byung bar gyur nas/ de'i rjes la byang chub sems dpa' 'od tshad med bsam gyis mi khyab pa mnga' ba/ blta na gtang myi bra ba zhig lha mo sgyu ma'i rum nas bltam ste/nam mkha'i dbyings rum nas nyi ma'i dkyil 'khor 
shar ba lta/ sprin gyi tshogs rum nas glog gi phreng ba 'gyu ba lta/ ri chen po'i spo rum nas nyi ma shar ka'i sprin ko lta/ mun pa stug rum nas sgron ma chen po byung ba lta ste/ mngon par bltam par gyur to/ /de ltar byang chub 
sems dpa' lha mo sgyu ma'i lus las gzugs brnyan ltar bstan pa'i chos nyid dang / rmi lam ltar bstan pa'i chos nyid dang / sgyu ma'i rnam pa'i gzugs rnam par dmyigs pa ltar bstan pa'i chos nyid dang / 'gro ba dang 'ong ba myed pa'i chos </font><hr>38-1-214b<br><font size=+1>
nyid dang / skye ba med pa dang / 'gag pa med pa'i 'od rnam par dmyigs pa yongs su bstan pa'i chos nyid kyis mngon par 'byung ba yongs su bstan to/ /rigs kyi bu de ltar kho mo ni lum bu ni'i nags tshal 'di na gnas shing / bcom ldan 
'das rnam par snang mdzad kyi sku tshe'i rnam par 'phrul pa rgya mtsho la lta zhing khong du chud par byed de/ rigs kyi bu kho mo gling bzhi pa skal ba dang ldan pa 'di la bcom ldan 'das rnam par snang mdzad kyi sku tshe'i rnam par 'phrul pa la lta zhing khong du 
chud par bya bar gnas pa de bzhin du stong gsum gyi stong chen po'i 'jig rten gyi khams thams cad kyi gling bzhi pa thams cad kyi 'dzam bu'i gling bye ba phrag brgya thams cad na'ang / bcom ldan 'das rnam par snang mdzad sku tshe'i rnam par 
'phrul pa bye ba phrag brgya la lta zhing khong du chud par byed do/ /stong gsum gyi stong chen po'i 'jig rten gyi khams thams cad du 'dus pa'i rdul shin tu phra ba'i khongs su chud pa'i sangs rgyas kyi zhing thams cad rdul shin tu phra ba la 'jug 
pa'i ye shes kyis khong du chud pa dag tu yang sems kyi skad cig re re la sems kyis khong du chud par bya ba re res bcom ldan 'das rnam par snang mdzad kyi sku tshe'i rnam par 'phrul pa sangs rgyas kyi zhing gi rdul shin tu phra ba snyed la ltazhing khong 
du chud par byed do/ /de'i 'og ma'i sems kyis sangs rgyas kyi zhing gi rdul shin tu phra ba rnams khongs su chud pa'i sangs rgyas kyi zhing de dag las sangs rgyas kyi zhing re rer yang de dang mnyam pa'i byang chub sems dpa'i skye ba'i rnam par 
'phrul pa la lta zhing khong du chud par byed de/ tshul de lta bus sangs rgyas kyi zhing thams cad kyi rdul shin tu phra ba'i khongs su chud pa'i sangs rgyas kyi zhing re re dag tu yang byang chub sems dpa' skye ba'i rnam par 'phrul pa thams cad la lta zhing /</font><hr>38-1-215a<br><font size=+1>
khong du chud par byed kyang / rdul shin tu phra ba thams cad kyi rdul re re la zhing gcig nas gcig tu brgyud pa'i mtha' rnyed par ma rung ngo / /zhing thams cad kyi zhing re rer byang chub sems dpa' skye ba gcig nas gcig tu brgyud pa 
yang mu rnyed par ma rung ngo / /ji ltar kho mo 'jig rten gyi khams 'di'i byang chub sems dpa' skye ba rnam par 'phrul pa thams cad la lta zhing khong du chud par byed pa/ de bzhin du phyogs bcu'i 'jig rten gyi khams mtha' dang dbus med pa dang / 
rdul shin tu phra ba thams cad la'ang sems kyi skad cig re re'i sems kyi khong du chud par bya ba re re la/ byin gyi rlabs rgyun mi chad pa'i tshul gyis byang chub sems dpa' skye ba'i rnam par 'phrul ba thams cad la lta zhing khong du chud par byed do/ /
de skad ces smras pa dang / tshong dpon gyi bu nor bzangs kyis lum bi ni'i nags tshal gyi lha mo gzi brjid kyi dkyil 'khor bzang pos dga' ba'i dpal la 'di skad ces smras so/ /'phags ma khyod kyis byang chub sems dpa'i rnam par thar ba 
bskal pa tshad myed par dmigs pa thams cad du byang chub sems dpa'i skye ba rnam par 'phrul pa yongs su ston pa 'di rnyed nas yun ji srid cig lags/ smras pa/ rigs kyi bu sngon 'das pa'i dus bskal pa sangs rgyas kyi zhing bye ba'i rdul 
shin tu phra ba snyed 'das pa'i pha rol de'i yang pha snga zhig tu 'jig rten gyi khams kun nas rin po che zhes bya bar bskal pa mnyam par gzhag pa zhes bya ba sangs rgyas bye ba khrag khrig phrag brgyad cu byung ba la de bzhin gshegs pa dgra bcom pa yang 
dag par rdzogs pa'i sangs rgyas dbang phyug gi yon tan gzhan gyis mi thub pa'i rgyal mtshan zhes bya ba mkhyen pa dang zhabs su ldan pa bde bar gshegs pa 'jig rten mkhyen pa bla na med pa skyes bu 'dul ba'i kha lo bsgyur ba lha dang mi rnams kyi ston pa </font><hr>38-1-215b<br><font size=+1>
sangs rgyas bcom ldan 'das 'jig rten du byung ngo / /rigs kyi bu 'jig rten gyi khams kun nas rin po che zhes bya ba der gling bzhi ba dbu ma rgyan sna tshogs kyi 'od ces bya ba byung ste/ gling bzhi pa de'i 'dzam bu'i gling gi dbus su rgyal po'i gnas ri rab rnam 
par dag pa'i rgyan gyi rgyal mtshan zhes bya ba byung ste/ rgyal po'i gnas der rgyal po rin po che 'od 'phro ba'i mig gi 'od ces bya ba byung ngo / /rgyal po rin po che'i 'od 'phro ba'i mig gi 'od de la btsun mo rab tu dga' ba'i 'od la dbang bsgyur ba zhes bya 
ba mnga'o/ /rigs kyi bu dper na/ gling bzhi pa skal ba dang ldan pa 'di'i 'dzam bu'i gling du lha mo sgyu ma bcom ldan 'das rnam par snang mdzad kyi yum du gyur pa de bzhin du de'i tshe/de'i dus na gling bzhi pa rgyan sna tshogs kyi 'od kyi 'dzam bu'i gling 
du'ang rab tu dga' ba'i 'od la dbang bsgyur ba zhes bya ba yang bcom ldan 'das de bzhin gshegs pa dbang phyug gi yon tan gzhan gyis mi thub pa'i rgyal mtshan gyi yum du gyur te/ sangs rgyas bye ba khrag khrig phrag brgyad cu bskal pa'i dang po la 
byung ste/ thog mar byung ba'i bcom ldan 'das de bzhin gshegs pa dbang phyug gi yon tan gzhan gyis mi thub pa'i rgyal mtshan gyi yum du gyur to/ /rigs kyi bu lha mo rab tu dga' ba'i 'od la dbang bsgyur ba de byang chub sems dpa' skye ba'i dus 
la bab pa dang / bud med khrag khrig brgya stong phrag nyi shu dang lhan cig tu bza' shing gi ra ba chen po 'od kyi dkyil 'khor gser gyi me tog ces bya ba der phyin te/ dbang phyug gi yon tan gzhan gyis mi thub pa'i rgyal mtshan gzhon nu de yang byang chub 
sems dpa' skye ba'i rnam par 'phrul pa bsam gyis mi khyab pas de ltar bltam mo/ de'i tshe bza' shing gi ra ba chen po'i 'od kyi dkyil 'khor gser gyi me tog ces bya ba de'i dbus su pho brang brtsegs pa rin po che sna tshogs bzang po las </font><hr>38-1-216a<br><font size=+1>
brtsegs pa zhes bya ba byung ste/ pho brang brtsegs pa de'i nang du shing 'dod pa thams cad 'byin pa'i yal ga la 'ju ste/ lha mo rab tu dga' ba'i 'od la dbang bsgyur ba las bcom ldan 'das de bzhin gshegs pa dbang phyug gi yon 
tan gzhan gyis mi thub pa'i rgyal mtshan bltam mo/ /de'i tshe bcom ldan 'das de bltam khar/ ma ma dri ma med pa skyed pa'i 'od ces bya ba sta gon du gnas gnas te/ byang chub sems dpa' de bltam par gyur ma thag tu 'jig rten gyi dbang po 
rnams kyis spos dri shin tu zhim pa'i spos chu'i bum pa/ me tog dri zhim zhing yid du 'ong ba sna tshogs mngon par 'thor bas sku bsil te/ de la tshul dang mthun pa'i mchod pa bsam gyis mi khyab la grangs med pa mchog tu bya bas mchod nas ma ma dri ma med 
pa skyed pa'i 'od kyi pang du bzhag go /ma ma des byang chub sems dpa' pang du blangs ma thag tu/ de'i mod la ma ma de dga' ba dang mos pa'i shugs chen po thob par gyur nas/ byang chub sems dpa'i ting nge 'dzin yul kun tu lta ba zhes 
bya ba thob par gyur to/ /de thob par gyur ma thag tu des phyogs bcu'i 'jig rten gyi khams na bzhugs pa'i de bzhin gshegs pa tshad med pa de dag thams cad kyang mthong bar gyur to/ /byang chub sems dpa'i rnam par thar pa bskal pa tshad med 
par dmyigs pa thams cad du byang chub sems dpa'i skye bas rnam par 'phrul pa yongs su ston pa 'di la'ang shin tu phra ba'i tshul gyis zhugs par gyur te/ de ni dper na/ ma'i mngal du zhugs ma thag pa'i rnam par shes pa lta bu'o/ /rnam 
par thar pa de thob par gyur pas kyang / des de bzhin gshegs pa thams cad skye ba'i rnam par 'phrul pa/ yang dag par blta ba'i smon lam chen po yang mngon par bsgrubs so/ /rigs kyi bu de la ji snyam du sems/ de'i tshe de'i dus na </font><hr>38-1-216b<br><font size=+1>
byang chub sems dpa'i ma ma dri ma med pas bskyed pa'i 'od ces bya ba byung bar gyur pa de gzhan zhig yin pa tsam du sems na ni khyod kyis de ltar mi blta ste/ kho mo ni de'i tshe de'i dus na byang chub sems dpa'i ma ma dri ma med pa skyed pa'i 'od ces bya bar gyur to/ /
rigs kyi bu de la ji snyam du sems/ de'i tshe de'i dus na bud myed khrag khrig brgya stong phrag nyi shu byung bar gyur pa de dag gzhan dag cig yin pa tsam du sems na yang de ltar mi blta ste/ lha mo khrag khrig brgya stong phrag nyi shu po lum bi ni'i nags tshal na gnas 
pa kho mo'i 'khor du gyur pa 'di dag yin no/ /rigs kyi bu de la ji snyam du sems/ de'i tshe de'i dus na dbang phyug gi yon tan gzhan gyis mi thub pa'i rgyal mtshan gzhon nu'i yum rab tu dga' ba'i 'od la dbang bsgyur ba zhes bya ba byung ba de gzhan zhig 
yin pa tsam du sems na'ang de ltar mi blta ste/ lha mo sgyu ma 'di ni de'i tshe de'i dus na rab tu dga' ba'i 'od la dbang bsgyur ba zhes bya ba'i lha mor gyur to/ /rigs kyi bu de la ji snyam du sems/ de'i tshe de'i dus na rgyal po rin po che'i 'od 'phro ba'i myig 
gi 'od ces bya ba byung ba de gzhan zhig yin pa tsam du sems na yang de ltar mi blta ste/ rgyal po zas gtsang ma 'di ni de'i tshe de'i dus na rgyal po rin po che 'od 'phro ba'i myig gi 'od ces bya bar gyur to/ /rigs kyi bu de ltar kho mo ni de phyin cad du bcom ldan 'das 
rnam par snang mdzad kyi byang chub sems dpa' skye ba'i rnam par 'phrul pa rgya mtsho la lta zhing khong du chud par byed pa dang / sems can rnam par 'dul ba'i khyu mchog gi mthus rnam par 'phrul pa rgya mtsho la lta zhing khong du chud par byed pa dang / skad 
cig thams cad du bral bar ma gyur to/ /rigs kyi bu kho mo ni mi mjed kyi 'jig rten gyi khams 'di na bcom ldan 'das rnam par snang mdzad kyi smon lam rgya mtsho 'byam klas pa las byung ba'i de bzhin gshegs pa rnams kyi sangs rgyas kyi zhing rgya mtsho rdul shin tu phra ba </font><hr>38-1-217a<br><font size=+1>
thams cad na yod pa la sems kyi skad cig thams cad du rdul shin tu phra ba thams cad las yongs su 'dal ba'i ye shes kyi mig gis lta zhing khong du chud par byed de/ sangs rgyas kyi zhing de dag tu de bzhin gshegs pa byung ba 
rgya mtsho dag kyang lta zhing khong du chud par byed la de bzhin gshegs pa de dag gi byang chub sems dpa' skye ba'i rnam par 'phrul pa rgya mtsho chen po dag la yang lta zhing khong du chud par byed pa de bzhin du phyogs bcu'i de bzhin gshegs pa thams cad 
kyi byang chub sems dpa'i skye ba'i rnam par 'phrul pa rgya mtsho dang sems can rnam par gdul ba'i khyu mchog gi mthu phyung bas/ rnam par 'phrul pa rgya mtsho thams cad la'ang / sems kyi skad cig thams cad du lta zhing khong du chud par byed do/ /ji 
ltar stong gsum gyi stong chen po'i 'jig rten gyi khams 'dir rdul shin tu phra ba 'byam klas pa thams cad gcig nas gcig tu brgyud pa la 'jug pas byang chub sems dpa' skye ba ma nor bar mngon du gyur te/ sangs rgyas kyi yon tan la zhugs 
par gyur pa de bzhin du phyogs bcu'i 'jig rten gyi khams sangs rgyas kyi zhing brjod du med pa bye ba khrag khrig brgya stong phrag bcu'i rdul shin tu phra ba snyed kyi rdul shin tu phra ba 'byam klas pa thams cad kyi khongs su chud pa'i zhing rgya mtsho thams cad 
la'ang 'jug ste/ de dag tu'ang sangs rgyas rgya mtsho shin tu yangs pa la 'jug go /sangs rgyas bcom ldan 'das de dag byang chub sems dpar gyur ba'i byang chub sems dpa' 'byung ba'i rnam par 'phrul pa rnams kyang mngon du gyur par 
lta'o/ /de bzhin gshegs par gyur nas kyang mchod pa byed do/ /de bzhin gshegs pa de dag las kyang chos bstan pa nyan to/ /chos la yang gnyer ba'i chos kyi nan tan du byed do/ /de nas lum bi ni'i nags tshal gyi lha mo gzi brjid </font><hr>38-1-217b<br><font size=+1>
kyi dkyil 'khor bzang pos dga' ba'i dpal gyis de'i tshe/ byang chub sems dpa'i rnam par thar pa bskal pa tshad med par dmyigs pa thams cad du byang chub sems dpa'i skye bas rnam par 'phrul pa yongs su ston pa 'di gsal bar bstan pa'i 
phyir sangs rgyas kyi byin gyi rlabs kyis phyogs bcu'i rnam par bltas te/ tshigs su bcad pa 'di dag smras so/ /rim gro bskyed cing nga la gang 'dri ba/ /de dag bdag las rgyal ba'i sras nyon cig /rgyal ba'i spyod yul blta dka' zhi ba ste/ /
rgyu dang rkyen gyi tshul gyis rnam par bstan/ /zhing rnams bye ba'i rdul phran rab snyed kyi/ /sngon gyi bskal pa bsam gyis myi khyab dran/ /bskal pa'i ming ni snga phyi mnyam zhes bya/ /de la rgyal ba bye ba brgyad cu byung / /bskal ba'i dang por de bzhin 
gshegs byung ba/ /dbang phyug yon tan mi thub rgyal mtshan no/ /nags tshal dam pa gser mdog me tog tu/ /mgon po de 'khrungs dag gis mthong bar gyur/ /mying du dri myed skyed pa'i 'od ces bya/ /de yi ma ma mkhas par bdag gyur te/ /
bltam ma thag tu gser mdog dam pa'i 'od/ /'jig rten dbang pos bdag gi pang du bzhag /gang zag dam pa pang du bzhag tshe yang / /de yi spyi gtsug blta bar mi nus te/ /bsam yas de la g.yas dang g.yon du yang / /bltas shing 
mtha' rnyed mthong bar ma gyur to/ /mtshan rab bzang pos de ni yongs su brgyan/ /dri med de sku blta na rab sdug ste/ /rin chen gzugs 'dra bdag gis mthong gyur nas/ /dga' ba'i shugs drag mtshungs myed rnam par 'phel/ /de yi 
yon tan dpag yas sems sems nas/ /kho mo'i bsod nams rgya mtsho dpag med 'phel/ /de yi rnam 'phrul rgya mtsho mthong gyur nas/ /rgya chen byang chub sems kyang skyes par gyur/ /rgyal ba'i legs pa rgya mtsho dga' smon nas/ /</font><hr>38-1-218a<br><font size=+1>
smon lam rgya mtsho bdag gis rab tu bskyed/ /'byam klas zhing rnams thams cad rnam par sbyangs/ /ngan song lam rnams kun kyang rnam par bzlog /zhing rnams 'byam klas kun gyi bde gshegs rnams/ /ma byon 
bsam gyis mi khyab mchod pa dang / /sems can sdug bsngal rnam par dgrol ba'i phyir/ /smon lam rgya mtsho kho mos btab par gyur/ /mgon po de las bdag gis chos thos nas/ /rnam thar dam pa'i dkyil 'khor 'di yang thob/ /bskal pa 
zhing rnams bye ba'i rdul snyed du/ /spyad pa spyad de de yang rnam par sbyangs/ /de la mgon po ji snyed byung gyur pa/ /de dag ma lus bdag gis kun kyang mchod/ /rnam thar rgya mtsho 'di ni sbyong byed cing / /de dag bstan pa kho mos yongs su bzung / /zhing 
rnams bye ba'i rdul phran rab snyed kyi/ /stobs bcu mnga' ba ji snyed 'das byung ba/ /de dag chos kyi 'khor lo kho mos bzung / /rnam thar dkyil 'khor 'di yang rab tu bsgoms/ /sangs rgyas zhing gi rdul phran ji snyed pa/ /rdul rtse 'byam klas kun 
la rnam par mthong / /rdul phran re re la yang rgya mtsho'i zhing / /sngon chad rgyal bas sbyangs pa rab tu mthong / /zhing rnams 'byam klas de dag kun tu yang / /mgon po thugs rgyud gcig la bsam yas pa'i/ /rnam 'phrul yangs pa yongs su ston 
mdzad cing / /nags tshal mchog tu 'khrungs gyur bdag gis mthong / /rgyal ba la la zhing rnams la la na/ /byang chub dam par 'tshang rgya thugs dgongs shing / /dga' ldan 'jig rten nyid na bzhugs pa yang / /zhing rnams bye ba bsam 
gyis mi khyab pa/ /zhing rnams rgya mtsho'i dbyings su rnam 'phrul pa/ /shin tu yangs pa skye ba'ang bdag gis mthong / /na chung dam pa'i tshogs kyi dbus bzhugs shing / /mgon po chos rnams ston pa'angade bzhin mthong / /zhing rnams bye ba'i </font><hr>38-1-218b<br><font size=+1>
rdul phran rab snyed kyi/ /dpa' bo sems kyi skad cig re re la/ /mngon par 'byung zhing shing rgyal drung gshegs dang / /sangs rgyas spyod yul yangs pa ston pa mthong / /zhing gcig rdul la bsam gyis mi khyab par/ /yul rnams gzhan dang gzhan 
dag ston mdzad pas/ /'gro rgyud sems can sdug bsngal sgrol mdzad cing / /mi gtso rnam par 'tshang rgya bdag gis mthong / /rdul phran re re'i rtse la mi zad pa'i/ /rang 'byung 'khor lo rab tu bskor mdzad cing / /dbyangs rnams rgya mtsho mi zad 
sgrog mdzad pa/ /chos sprin rgya chen char 'bebs mdzad pa mthong / /'gro ba kun la rnam pa du mar yang / /skad cig re rer mya ngan 'das ston pa/ /zhing rnams bye ba'i rdul phran rab snyed kyi/ /sangs rgyas zhing gcig rdul las bdag gis 
mthong / /rdul gcig bltas kyang zhing rnams rgya mtsho dang / /rgyal ba 'byung ba ji snyed kun kyang mthong / /tshe rabs kun tu lus mang khrag khrig gis/ /de dag mchod pa'i don du nye bar phyin/ /zhing tshul rgya mtsho bsam gyis mi khyab pa'i/ /
'gro rgyud mi zad ji snyed yod pa yi/ /'gro ba kun la mngon du kho mo ni/ /chos sprin yangs pa'i char yang rab tu 'bebs/ /rgyal sras kho mos bsam gyis mi khyab pa'i/ /rnam thar dkyil 'khor dam pa 'di shes kyi/ /bskal pa bye ba khrag 
khrig bsam yas su/ /thams cad bstan pa kho mos nus re skan/ /rigs kyi bu kho mos byang chub sems dpa'i rnam par thar pa bskal pa tshad med par dmyigs pa thams cad du byang chub sems dpa'i skye bas rnam par 'phrul ba yongs su ston 
pa 'di shes par zad na/ kho mos byang chub sems dpa' sems kyi skad cig re re la bskal pa thams cad du zhugs pa'i mngal nas yongs su byung ba'i sems dang ldan pa/ chos kyi tshul thams cad nges par rtogs pa'i skye ba rab tu ston pa/ de bzhin </font><hr>38-1-219a<br><font size=+1>
gshegs pa thams cad mchod pa'i smon lam gyis bsam pa yongs su bskyed pa sangs rgyas kyi chos thams cad mngon par rdzogs par 'tshang rgya bar bya ba la rab tu gzhol ba/ sems can thams cad kyi rigs dang rgyud kyi lam yongs 
su bstan pa la gzugs brnyan lta bur gyur pa/ de bzhin gshegs pa thams cad kyi zhabs kyi drung du pad+mo'i nang nas skye ba 'gro ba thams cad yongs su smyin par bya ba'i dus la mkhas pa/ sems can thams cad gdul ba la mngon par mos shing 
tsher skye bas rnam par 'phrul pa yongs su ston pa/ zhing 'byam klas pa thams cad du rnam par 'phrul pa'i sprin yongs su ston pa/ 'gro ba thams cad kyi lam gyi rgyud du skye ba dang / rigs su gzugs brnyan byung bar gyur pa de dag gi spyod pa shes 
pa'am/ yon tan brjod par nus re skan/ /song rigs kyi bu grong khyer chen po ser skya'i gnas 'di na shAkya'i bu mo go ba zhes bya ba 'dug gis de'i gan du song la/ ji ltar byang chub sems dpas sems can yongs su smyin par bya ba'i phyir/ 
'khor ba na 'khor bar bya ba dris shig de nas tshong dpon gyi bu nor bzangs kyis lum bi ni'i nags tshal gyi lha mo gzi brjid kyi dkyil 'khor bzang pos dga' ba'i dpal gyi rkang ba gnyis la spyi bos phyag 'tshal te/ lum bi ni'i nags tshal 
gyi lha mo gzi brjid kyi dkyil 'khor bzang pos dga' ba'i dpal la lan brgya stong du mar g.yas phyogs su bskor ba byas nas yang dang yang bltas te/ /lum bi ni'i nags tshal gyi lha mo gzi brjid kyi dkyil 'khor bzang pos dga' ba'i dpal gyi drung nas song ngo // //
sangs rgyas rmad gcad ces bya ba shin tu rgyas pa chen po'i mdo/ /bam po bcu bzhi ba/ /de nas tshong dpon gyi bu nor bzangs lum bi ni'i nags tshal gyi lha mo gzi brjid kyi dkyil 'khor bzang pos dga' ba'i dpal gyi drung nas song ste/ grong khyer chen po ser skya'i gnas </font><hr>38-1-219b<br><font size=+1>
gang na ba der phyin nas/ byang chub sems dpa'i rnam par thar pa bskal pa tshad med par dmyigs pa thams cad du byang chub sems dpa'i skye bas rnam par 'phrul pa yongs su ston pa de nyid bsgom pa dang / khong du chud par bya ba dang / rgya cher bya ba dang / 
nan tan du bya ba dang / shin tu sbyang ba dang / yongs su bsam pa dang / rnam par dbye ba byed cing / byang chub sems dpa' yang dag par 'gro ba'i khang ba chos kyi dbyings rab tu snang ba'i 'od gang na ba der song ngo / /der 'gro ba'i tshe byang chub sems 
dpa' yongs su bgro ba'i khang pa'i lha mo mya ngan myed pa'i dpal zhes bya ba de la khyim gyi lha mo stong phrag bcu dang bcas bsu nas/ tshong dpon gyi bu nor bzangs la 'di skad ces smras so/ /skyes bu chen po shes rab dang / ye shes chen pos rnam 
par gnon pa byang chub sems dpa'i rnam par thar ba bsam gyis myi khyab pa sgom pa la lhag par dmyigs pa'i smon lam gyi sems dang ldan pa/ chos yangs pa'i gzhal med khang gi spyod yul la spyod pa/ chos kyi grong khyer du mngon par gzhol ba/
byang chub sems dpa'i thabs kyi tshul mtha' yas pas sems can 'dul ba la 'jug pa rgyun mi gcod pa/ de bzhin gshegs pa'i yon tan rgya mtsho snang ba rab tu thob pa/ 'gro ba thams cad rnam par gdul pa la rab tu snang ba'i spobs pa dang /
ye shes mngon du gyur ba sems can thams cad kyi spyod pa shes pa'i lus kyis 'gro zhing rjes su 'brang bar bya ba'i spyod pa la mngon du gyur pa'i sems dang ldan pa/ 'gro ba thams cad kyi sems kyi dga' ba rgya mtsho'i shugs rnam par 'phel bar bya ba'i smon 
lam dang ldan pa/ de bzhin gshegs pa thams cad kyi chos khong du chud par bya ba'i lam du zhugs pa/ khyod byon pa legs so/ /mig phyir glan pa myed pas spyod pa dang / spyod lam zab cing rnam par dag pa'i spyod yul can khyod la bltas na/</font><hr>38-1-220a<br><font size=+1>
khyod ni ring po myi thogs par de bzhin gshegs pa'i sku dang / gsung dang / thugs kyi rgyan rnam par dag pa bla na myed pa rab tu thob ste/ mtshan dang dpe byad bzang pos rab tu brgyan pa'i lus dang stobs bcu'i ye shes snang bas 
brgyan pa'i sems kyis 'jig rten du rnam par spyod par 'gyur ro/ /khyod kyi brtson 'grus dang rnam par gnon pa la bltas na/ khyod ni ring po mi thogs par dus gsum gyi de bzhin gshegs pa mngon du gyur bar mthong ba dang ldan zhing / de bzhin 
gshegs pa thams cad kyi chos kyi sprin yongs su 'dzin pa dang / byang chub sems dpa'i bsam gtan dang / rnam par thar ba dang / ting nge 'dzin dang / snyoms par 'jug pa'i chos zhi ba dang ldan pa'i gzhal med khang gi dga' ba myong ba dang / sangs 
rgyas kyi rnam par thar pa zab mor chud par 'gyur ro/ /de yang de ltar khyod dge ba'i bshes gnyen gyi drung du 'gro ba dang / blta ba dang bsnyen bkur ba dang / gdams ngag ma nor bar blang ba dang / de'i yon tan la nan tan du bya ba'i tshul la brtson 
par byed pas yongs su mi skyo/ phyir mi ldog /sgyid lug par mi 'gyur te/ khyod la bgegs sam/ bar du gcod pa'am/ sgrib pa gang gis kyang myi tshugs te/ bdud dam bdud kyi ris su gtogs pa'i lha rnams kyang mdun na gnas pa med pas 
de'i phyir khyod ni ring por mi thogs par sems can thams cad dga' bar byed par 'gyur ro/ /de skad ces smras pa dang / tshong dpon gyi bu nor bzangs kyis byang chub sems dpa' yongs su 'gro ba'i khang pa'i lha mo mya ngan med pa'i dpal la 'di skad 
ces smras so/ /lha mo khyod kyis ji skad du smras pa de ltar 'gyur ro/ /lha mo kho bo ni sems can thams cad kyi nyon mongs pa'i gdung ba rnam par zhi bas dga' bar 'gyur te/ sems can thams cad kyi las nyam nga ba'i rnam par smyin pa'i phyir </font><hr>38-1-220b<br><font size=+1>
ldog pa dang / sems can thams cad kyi bde ba 'grub pa dang / sems can thams cad kha na ma tho ba med pa'i las la nan tan tu byed pas dga' ba dam pa nyams su tshor bar 'gyur ro/ /nam sems can de dag las dang nyon mongs pa rnam pa sna tshogs myi 
bde ba'i sbyor bas sems rnam par 'khrugs shing ngan song du ltung bar 'gyur ba'am/ bde ba'i rgyud na gnas kyang lus dang sems kyi sdug bsngal dang yid myi bde ba sna tshogs nyams su myong bar gyur cing / mi dga' bar gnas pa de'i tshe/ byang chub sems 
dpa' rnams kyang shin tu yid mi bde bar 'gyur ro/ /lha mo 'di lta ste/ dper na/ mi shin tu ngang gis byams pa zhig la bu gcig pa sdug cing yid du 'ong ba zhig bdog par gyur la/ de'i yan lag dang nying lag bcad pa zhig mthong na shin tu ngang gis 
byams pa'i phyir rab tu yid mi bde zhing myi dga' bar 'gyur ro/ /lha mo de bzhin du byang chub sems dpa' byang chub sems dpa'i spyad pa spyod pa'i tshe 'ang sems can rnams las dang nyon mongs pa'i dbang gis ngan song gsum gyi rgyud du lhung ba zhig 
mthong na rab tu mi dga' la shin tu nyams mi bde bar 'gyur ro/ /gang gi tshe sems can rnams lus dang ngag dang yid kyis legs par spyad pa yang dag par len pa'i rgyus lus zhig nas bde ba'i rgyud mtho ris kyi 'jig rten du skye bar gyur tam/ 
lha dang mi'i lam gyi rgyud du lus dang sems kyi bde ba nyams su myong ba zhig tu gyur na/ de'i tshe byang chub sems dpa' shin tu bde ba dang ldan zhing / nyams bde ba dang yid dga' ba dang / rab tu spro ba dang / dga' ba'i yid nyams su bde ba dang ldan 
par 'gyur ro/ /lha mo byang chub sems dpa' rnams ni bdag gi don gyi phyir thams cad mkhyen pa nyid du smon cing don du gnyer ba ma yin te/ 'khor ba'i dga' ba dang / bde ba sna tshogs nyams su myong bar bya ba'i phyir ma yin/ 'dod pa'i </font><hr>38-1-221a<br><font size=+1>
khams su gtogs pa'i dga' ba rnam pa tha dad par sna tshogs don du gnyer bas ma yin/ 'du shes dang sems dang lta ba phyin ci log tu gyur ba'i dbang gis ma yin/ kun tu sbyor ba dang / 'ching ba dang / bag la nyal ba 
dang / kun nas 'khor ba'i dbang du gyur pas ma yin/ sred pa dang lta ba'i dbang du gyur pas ma yin/ sems can sna tshogs dang 'du zhing 'dzi ba'i dga' ba'i 'du shes kyis sems rnam par 'phel bas ma yin/ bsam gtan gyi dga' ba dang 
bde ba myong ba yongs su chags pas ma yin/ sgrib pa sna tshogs kyis bsgribs shing 'khor ba'i rgyud na 'gro ldog pa ma yin gyi/ lha mo byang chub sems dpa' rnams ni sems can 'khor ba'i rgya mtsho na 'khod cing / sdug bsngal dpag tu 
myed pas shin tu mnar ba rnams la snying rje chen po bskyed cing / 'gro ba thams cad yongs su bsdu ba'i smon lam chen po mngon par bsgrubs te/ de dag snying rje chen pos smon lam mngon par bsgrubs pa'i shugs kyis sems can yongs su 
smyin par bya ba dang / gdul ba la brtson zhing 'khor ba na byang chub sems dpa'i spyad pa spyod par snang ngo / /de dag ni sems can thams cad kyi sgrib pa thams cad rnam par bzlog pa'i don du thams cad mkhyen pa'i ye shes sgrib pa med pa yongs 
su tshol zhing de bzhin gshegs pa thams cad mchod pa dang /bsnyen bkur ba'i smon lam mngon par sgrub bo/ /de dag de bzhin gshegs pa mchod cing rim gror bya ba'i smon lam gyi dbang gis byang chub sems dpa'i spyod pas yongs su skyo ba myed 
de/ de dag byang chub sems dpa'i spyad pa la spyod pa'i tshe/ kun nas nyon mongs pa'i zhing mthong na/ sangs rgyas kyi zhing thams cad yongs su dag par bya ba'i smon lam mngon par sgrub bo/ /kun nas nyon mongs pa'i zhing yongs su sbyong </font><hr>38-1-221b<br><font size=+1>
zhing sems can thams cad kyi skye mched sna tshogs mthong bar gyur pa'i tshe/ chos kyi sku tha dad pa med cing bla na myed pa yongs su dag par bya ba'i phyir smon lam mngon par sgrub bo/ /sems can rnams kyi lus dang ngag dang sems kun nas nyon mongs pa 
dang ldan par mthong na/ sems can thams cad kyi lus dang / ngag dang / sems kyi rgyan yongs su dag par bya ba'i phyir smon lam mngon par sgrub bo/ /sems can skye mched ma tshang ba dang / sems yongs su ma dag pa mthong na/ sems 
can thams cad kyi sems dang / spyod pa yongs su sbyong zhing byang chub sems dpa'i spyad pa la spyod pas yongs su skyo ba med do/ /lha mo de ltar byang chub sems dpa' rnams ni yongs su skyo ba med pa'i sems kyis byang chub sems dpa'i spyod 
pa mtha' dang dbus med pa la spyod de/ de ltar spyod pa ni lha dang mi'i phun sum tshogs pa yongs su bskyed pas lha dang bcas pa'i 'jig rten gyi rgyan du gyur pa yin/ byang chub tu sems bskyed pa la rab tu 'god pa'i phyir pha dang mar gyur pa yin/ 
byang chub sems dpa'i lam du 'dzud pas ma ma lta bur gyur pa yin/ ngan song gi g.yang sa'i 'jigs pa las bsrung ba'i phyir lhan cig skyes pa'i lha rtag tu phyi bzhin 'brang ba lta bur gyur pa yin/ 'khor ba'i rgya mtsho las sgrol ba'i phyir mnyan pa chen po 
lta bur gyur pa yin/ bdud dang nyon mongs pa'i 'jigs pa thams cad rnam par bzlog pa'i phyir skyabs su gyur pa yin/ shin tu bsil ba'i rang bzhin nye bar stobs pas gnas su gyur pa yin/ sangs rgyas rgya mtsho thams cad du 'jug par byed pas 
mu stegs su gyur pa yin/ chos rin po che'i gling du skyel bas mgon byed par gyur pa yin/ sangs rgyas kyi yon tan thams cad kyi me tog gis sems yongs su rgyas par byed pas me tog tu gyur pa yin/ bsod nams dang ye shes kyi 'od yangs </font><hr>38-1-222a<br><font size=+1>
pa rab tu 'gyed pas rgyan du gyur pa yin/ kun nas mdzes pas dga' ba dang bde ba dam pa byed pa yin/ kha na ma tho ba med pa'i las la nan tan tu byed pas phrad na legs pa yin/ yan lag dam pa rnam pa thams cad du yongs 
su tshang ba'i lus dang ldan pas kun tu bzang ba yin/ blta na myi mthun pa myed pas gtang mi bra ba'i gzugs dang ldan pa yin/ ye shes kyi 'od zer rab tu 'gyed pa'i phyir 'od byed pa yin/ chos kyi sgron ma 'dzin pa'i phyir snang ba byed pa yin/ byang 
chub kyi bsam pa yongs su dag par byed pa'i phyir gsal bar byed pa yin/ bdud kyi las rnam par bzlog pa'i phyir dmag dpon du gyur ba yin/ shes rab kyi 'od gzer gyi dra ba rab tu snang ba 'gyed pa'i phyir nyi mar gyur pa yin/ chos kyi nam 
mkha' la blo'i zla ba 'char bar byed pas zla bar gyur pa yin/ 'gro ba thams cad du chos kyi sprin chen po'i char 'babs pas sprin du gyur pa yin te/ lha mo de ltar nan tan du byed pa'i byang chub sems dpa' rnams ni sems can thams cad 
kyi yid du 'ong ba yin no/ /de nas byang chub sems dpa' yongs su bgro ba'i khang pa'i lha mo mya ngan med pa'i dpal khyim gyi lha mo stong phrag bcu dang bcas pas/ tshong dpon gyi bu nor bzangs la lha rdzas las kyang 'das pa'i me tog dang / 
phreng ba dang / bdug spos dang / phye ma dang / byug pa dang / rin po che'i rgyan gyi char yid kyi rang bzhin mngon par phab ste/ kun nas bskor cing rjes su 'brangs nas/ byang chub sems dpa'i khang par 'gro ba'i tshe tshigs su bcad pa 'di dag 
gis mngon par bstod do/ /byang chub rdzogs par thugs bskyed cing / /sems can kun la thugs brtse bas/ /rgyal ba ye shes nyi ma rnams/ /bar 'ga' zhig na 'jig rten 'byung / /bskal pa bye ba mang pos kyang / /khyod kyi zhal </font><hr>38-1-222b<br><font size=+1>
mthong shin tu dka'/ /'jig rten ma rig mdongs pa la/ /khyod kyi ye shes gnyi chen yin/ /myi shes rab rib bsgribs pa yi/ /'jig rten phyin ci log gzigs nas/ /thugs rje chen po rab bskyed de/ /khyod ni rang byung nyid du zhugs/ /khyod kyi dgongs 
pa rnam dag pas/ /sangs rgyas byang chub don du brtson/ /dge bshes bsnyen bkur bsten mdzad cing / /lus srog phangs par mdzad mi mnga'/ /khyod ni 'jig rten rten mi mnga'/ /'du 'dzi mi mnga' gnas mi mnga'/ /'dres pa ma 
mchis mi rten pas/ /dgongs pa thogs med nam mkha' bzhin/ /byang chub sems dpa' spyod mdzad cing / /bsod nams dkyil 'khor 'od bzang bas/ /ye shes sgron ma rab 'gyed pa/ /'jig rten tshad med kun tu 'char/ /
'jig rten nas kyang 'phags mi mdzad/ /'jig rten chos kyis yong myi 'go/ /chags pa med par 'jig rten spyod/ /mkha' la ser bu ji bzhin no/ /bskal pa'i me 'bar me bzhin du/ /rtag tu 'bar bas rab tu brtson/ /me lta bu yi 
brtson 'grus kyis/ /byang chub spyad pa spyod par mdzad/ /seng ge bzhin du shin tu dpa'/ /brtson 'grus rnam par gnon pa brtan/ /ye shes rnam par gnon dang ldan/ /gzhan gyis thub pa med par spyod/ /chos dbyings rgya mtsho 'di 
dag na/ /rgya mtsho'i tshul rnams ji snyed pa/ /der yang dge bshes bsnyen bkur bas/ /dpa' bo khyod ni 'jug par 'gyur/ /de nas byang chub sems dpa' yongs su bgro ba'i khang pa'i lha mo mya ngan med pa'i dpal gyis/ tshong 
dpon gyi bu nor bzangs la tshigs su bcad pa de dag gis mngon par bstod de/ de 'gro ba'i phyi bzhin chos 'dod pa'i don du 'brang bar gyur to/ /de nas tshong dpon gyi bu nor bzangs byang chub sems dpa' yang dag par bgro ba'i khang pa chos </font><hr>38-1-223a<br><font size=+1>
kyi dbyings rab tu snang ba'i 'od du phyin te/ nang du song nas shAkya'i bu mo go ba mthong bar 'dod de kun tu bltas na shAkya'i bu mo go pa byang chub sems dpa' yang dag par bgro ba'i khang pa chos kyi dbyings rab tu snang ba'i 'od kyi 
dbus na/ stan rin po che byang chub sems dpa' thams cad kyi gnas snang bar byed pa'i gzugs brnyan gyi pad+mo'i snying po can zhig la bud med rgyal po'i rigs su byung ba/ sngon byang chub sems dpa'i spyod pa la dge ba'i rtsa ba'i skal ba mnyam pa/ 
sngon sbyin pa'i yongs su bsdu bas shin tu bsdus pa/ tshig snyan cing 'jam par smra ba'i ngang tshul dang ldan pa/ thams cad mkhyen pa nyid du/ don mngon du bya bas shin tu bsdus pa/ sangs rgyas dang byang chub sems dpa'i yang dag par 
bsgrub pa la don mthun pas shin tu bzung ba/ snying rje chen po sngon du 'gro bas bu dang bu mo yongs su gzung ba'i tshul bcangs pa/ byams pa chen po dang ldan pa'i rang gi khyim thab kyi rjes su 'brang ba yongs su dag par byas pa/ sngon byang 
chub sems dpa'i thabs mkhas pa/ bsam gyis myi khyab pas yongs su smyin par byas pa/ stong phrag brgyad cu rtsa bzhi'i 'khor gyis kun nas bskor cing 'dug pa mthong ngo / /bud med stong phrag brgyad cu rtsa bzhi po de dag kyang bla na med pa 
yang dag par rdzogs pa'i byang chub las phyir myi ldog pa byang chub sems dpa'i pha rol tu phyin pa'i tshul la zhugs pa/ byang chub sems dpa'i bslab pa la gzhan gyi dring mi 'jog pa/ chags pa thams cad dang bral ba'i sems dang ldan pa/ 'khor 
ba'i dga' ba thams cad kyis skyo ba'i yid dang ldan pa/ chos kyi dbyings kyi tshul chags pa med pas yongs su dag pa thams cad mkhyen pa nyid mngon du bya ba'i sems kyi shugs dang ldan pa/ sgrib pa dang bar du gcod pa'i dra ba dang bral ba/ chags </font><hr>38-1-223b<br><font size=+1>
pa'i lam thams cad las shin tu 'das pa/ chos kyi sku la legs par sprul pas rnam par spyod pa/ 'jig rten thams cad yongs su smyin par bya ba dang / gdul ba la mngon par phyogs pa/ bsod nams rgya mtsho dri ma med pas yongs su byung ba'i 
sems dang ldan pa/ byang chub sems dpa' kun tu bzang po'i spyod pa dang / smon lam gyis shin tu byung ba/ byang chub sems dpa'i stobs kyi shugs yangs pas ye shes kyi nyi ma'i dkyil 'khor gyis sems rab tu snang ba yang dag par bskyed pa sha 
stag go /de nas tshong dpon gyi bu nor bzangs shAkya'i bu mo go pa gang na ba der phyin nas/ shAkya'i bu mo go pa'i rkang pa gnyis la spyi bos phyag 'tshal te/ langs nas mdun du 'dug ste thal mo sbyar nas 'di skad ces smras so/ /'phags ma 
bdag gis bla na med pa yang dag par rdzogs pa'i byang chub tu sems bskyed na ji ltar na byang chub sems dpa' rnams 'khor ba na yongs su 'khor yang 'khor ba'i skyon gyis mi gos pa dang / chos thams cad mnyam pa nyid kyi rang bzhin yang khong du chud la nyan 
thos dang / rang sangs rgyas kyi sa la yang mi gnas pa dang / sangs rgyas kyi chos snang ba yang rab tu thob la byang chub sems dpa'i spyod pa yang rgyun mi gcod pa dang / byang chub sems dpa'i sa la yang rab tu gnas la de bzhin gshegs pa'i 
yul yang yongs su ston pa dang / 'jig rten gyi lam gyi rgyud thams cad las kyang yongs su 'das la/ 'jig rten gyi lam gyi rgyud thams cad du yang nye bar spyod pa dang / chos kyi lus yongs su grub pa dang ldan yang / gzugs kyi 
lus kha dog mtha' yas pa'ang mngon par sgrub pa dang / mtshan ma med pa'i chos kyi sku la yang rab tu gzhol la 'gro ba thams cad kyi kha dog dang dbyibs kyi lus kyang yongs su ston pa dang / chos thams cad brjod du ma mchis par </font><hr>38-1-224a<br><font size=+1>
yang rab tu rtogs la/ ngag gi lam dang nges pa'i tshig thams cad brjod pas kyang / sems can rnams la chos ston pa dang / sems can thams cad sems can med par yang rab tu shes la/ 
sems can gyi khams gdul ba'i tshul las kyang myi ldog pa dang / chos thams cad ma skyes pa dang / ma 'gags par yang khong du chud la de bzhin gshegs pa thams cad la mchod cing rim gror bya ba'i sbyor ba las kyang phyir myi 
ldog pa dang / chos thams cad la las dang rnam par smyin pa ma mchis par yang rtogs la/ dge ba'i las mngon par 'du bya ba'i sbyor ba las kyang / phyir mi ldog pa ma 'tshal to/ /de skad ces smras pa dang / shAkya'i bu mo go pas 
tshong dpon gyi bu nor bzangs la 'di skad ces smras so/ /rigs kyi bu de ltar khyod byang chub sems dpa'i spyod pa'i chos nyid rnam pa de lta bus dri bar sems pa legs so legs so/ /dri ba brjod pa de dag kyang kun tu bzang po'i 
smon lam dang spyod pa la mngon du gyur pa'i tshig go /rigs kyi bu de bas na legs par nyon la shin tu yid la zung shig dang / sangs rgyas kyi byin gyi rlabs kyis bstan par bya'o/ rigs kyi bu/ chos bcu dang ldan pa'i byang chub sems dpa' 
rnams ni byang chub sems dpa'i spyod pa rnam pa 'di lta bu mig 'phrul gyi gzhi'i dpe dang 'dra ba/ ye shes kyi 'od kun tu 'byung ba yongs su rdzogs par byed do/ /bcu gang zhe na 'di lta ste/ dge ba'i bshes gnyen rlabs po che la brten pa dang / 
mos pa rgya chen po rab tu thob pa dang / dge ba'i bsam pa rlabs po che rnam par dag pa dang / bsod nams dang ye shes rgya mtsho yangs pas rab tu brtan pa'i sems dang / sangs rgyas skye ba 'byung ba'i chos bstan pa chen po thos pa rab tu </font><hr>38-1-224b<br><font size=+1>
thob pa dang / dus gsum gyi de bzhin gshegs pa la mos pa'i sems kyis gnas pa dang / byang chub sems dpa'i spyod pa'i dkyil 'khor thams cad mnyam pa nyid du khong du chud pa dang / de bzhin gshegs pa thams cad kyi byin gyi brlabs rab tu 
thob pa dang / rang bzhin gyis snying rje chen po'i lhag pa'i bsam pa rnam par dag pa dang / 'khor ba'i 'khor lo thams cad rab tu gcad rab tu gcad pa'i sems kyi stobs shugs drag po dang ldan pa rab tu thob pa ste/ rigs kyi bu chos bcu po de dag dang ldan pa'i byang chub 
sems dpa' rnams byang chub sems dpa'i spyod pa rnam pa 'di lta bu mig 'phrul gyi gzhi'i dpe dang 'dra ba 'od kun tu 'byung ba yongs su rdzogs par byed do/ /rigs kyi bu de la brtson 'grus phyir myi ldog pa dang ldan pa'i byang chub sems dpa' rnams ni chos de dag thob 
par gyur nas kyang mi zad pa'i tshul du mngon par sgrub cing / bsgom pa dang shin tu rgya che bar bya ba'i phyir dge ba'i bshes gnyen bsnyen bkur cing rnam pa bcus mngon par dga' bar byed do/ /bcu gang zhe na 'di lta ste/ lus dang srog la phongs par 
mi rtsi ba dang / 'khor ba'i yo byad don du mi gnyer ba dang / chos thams cad kyi rang bzhin mnyam pa nyid du khong du chud pa dang / thams cad mkhyen pa'i smon lam las phyir mi ldog pa dang / chos kyi dbyings kyi tshul thams cad la rnam par lta ba dang / 
srid pa'i rgya mtsho thams cad las gyen du 'phags pa'i yid dang / gnas med pa'i chos kyi nam mkha' la mi gnas mi rten pa dang / byang chub sems dpa' thams cad kyi smon lam la bsgribs pa med pa dang /zhing rgya mtsho thams cad du rab tu 'dul ba 
dang / byang chub sems dpa'i ye shes kyi dkyil 'khor bsgribs pa med pa shin tu sbyangs ba ste/ rigs kyi bu chos bcu po de dag dang ldan pa'i byang chub sems dpa' rnams dge ba'i bshes gnyen bsnyen bkur cing mngon par dga' bar byed do/ /de nas shAkya'i bu mo </font><hr>38-1-225a<br><font size=+1>
go pas don de nyid yongs su bstan par bya ba'i phyir/ sangs rgyas kyi byin gyis phyogs bcur bltas te/ de'i tshe tshigs su bcad pa 'di dag smras so/ /rlabs chen dri med blo ldan gzhan gyi don zhugs shing / dge bshes dam pa 
bsnyen brtson g.yo dang sgyu med pa/ /ston pa'i 'du shes thob cing skyo med brtson 'grus can/ /de dag spyod pa 'jig rten mig 'phrul 'dra 'di yin/ /gang rnams mos pa rlabs chen mkha' dang 'dra ldan zhing / /de'i khongs su dus gsum 'jig 
rten chud pa dang / /zhing dang sems can chos dang sangs rgyas de bzhin pa/ /ye shes 'od byed spyod pa de dag 'di yin no/ /gang rnams bsam pa mkha' 'dra mtha' dang dbus med la/ /kun nas nyon mongs dri mas ma gos rab dag cing / /de 
bzhin gshegs pa kun gyi yon tan 'byung gyur pa/ /de dag spyod pa mig 'phrul gzhi yi rnam pa 'dra/ /kun mkhyen ye shes rnam yangs tshad med bsam yas dag /yon tan rgya mtshos yid gsal ldan pa nyer brtan pa/ /de dag bsod nams 
rgya mtsho'i lus dang snying po ste/ /'jig rten spyod kyang 'jig rten dri mas gos mi 'gyur/ /rgyal ba'i gsung gi yan lag sgra skad tshul kun gyis/ /chos kyi 'brug sgra nyan kyang gang rnams mi ngoms shing / /chos tshul rjes su snyegs pa'i shes rab 
'od kyi sgron/ /de dag 'gro bar 'od gsal byed pa'i spyod 'di yin/ /gang rnams phyogs bcu'i de bzhin gshegs pa tshad med pa/ /gzhan dang gzhan dag sems kyi skad cig kun sems shing / /bde gshegs rgya mtsho thams cad lta zhing shes 
byed pa/ /sangs rgyas sems ldan de dag spyod yul 'di yin no/ /rgyal ba rnams kyi rnam par yangs pa'i 'khor mthong zhing / /de dag ting nge 'dzin tshul rgya mtsho mang po dang / /smon lam rgya mtsho mtha' dang dbus med tshul 'jug pa/ /mig </font><hr>38-1-225b<br><font size=+1>
'phrul lta bu de dag spyod pa 'di yin no/ /phyogs bcu'i rgyal ba ma lus kun gyis byin brlabs te/ /phyi mtha'i bskal bar spyod byed kun tu bzang po rnams/ /zhing rnams 'byam klas kun tu gzugs brnyan byung gyur ba/ /chos 'od byed pa de dag spyod pa 'di yin 
no/ /gang rnams ye shes nyi ma'i snying rje'i dkyil 'khor can/ /'gro ba nyam nyes mthong zhing chos kyi 'od snang bas/ /'gro ba'i mun pa bstsal cing bstan pa 'char 'byung ba/ /nyi ma lta bur de dag spyod pa 'di yin no/ /skye dgu srid pa'i rgyud na 'gro ldog mthong 
gyur nas/ /yid gsal 'khor ba'i rgyud rnams phyir zlog rab gnas shing / /chos kyi 'khor lo kun nas yongs su sgrub byed pa/ /spyod pa kun bzang dam pa'i blo can rab tu spyod/ /tshul 'dir bslabs pa de dag mtha' dang dbus myed pa'i/ /lus 
rnams bsam pa ji bzhin 'gro bar nyer bstan te/ /gzugs brnyan mig yor 'dra ba'i rang lus tshad med pas/ /srid pa'i rgya mtsho dag na 'gro mang yongs sbyin byed/ /byams tshul shin tu yangs pas 'gro mang rgyas bkang ste/ /mos pa sna 
tshogs 'gro la rnam par spyod bstan nas/ /'gro bar bsam pa ji bzhin chos kyi char 'bebs shing / /brtan pa byang chub don du sems can khrag khrig 'dul/ /de nas shAkya'i bu mo go bas tshigs su bcad pa de dag smras nas/ tshong dpon gyi bu nor 
bzangs la 'di skad ces smras so/ /rigs kyi bu kho mos ni byang chub sems dpa'i rnam par thar pa byang chub sems dpa'i ting nge 'dzin rgya mtsho'i tshul thams cad la rnam par blta ba'i yul thob pa'o/ /nor bzangs kyis smras pa/ 'phags 
ma byang chub sems dpa'i rnam par thar pa byang chub sems dpa'i ting nge 'dzin rgya mtsho'i tshul la rnam par lta ba'i yul de'i yul ji lta bu zhig mchis/ smras pa/ rigs kyi bu kho mo byang chub sems dpa'i rnam par thar ba 'di la snyoms par </font><hr>38-1-226a<br><font size=+1>
zhugs na/ 'jig rten gyi khams 'di'i bskal pa sangs rgyas kyi zhing brjod du med pa'i rdul shin tu phra ba snyed mthong zhing khong du chud do/ /bskal pa de dag gi sems can lam gyi rgyud thams cad du gtogs pa ji 
snyed cig yod pa de dag kyang rab tu shes so/ /sems can de dag gi shi 'pho dang skye ba'i sgo ji snyed cig yod pa de dag kyang rab tu shes so/ /mngon par 'grub pa'i sgo ji snyed cig yod pa dang / las mngon par 'du byed pa yongs su sgrub pa ji 
snyed cig yod pa dang / las rnam par smyin pa sna tshogs ji snyed cig yod pa de dag kyang rab tu shes so/ /de dag gi las yongs su blangs pa dge ba yang rab tu shes so/ /mi dge ba dang 'byung ba dang mi 'byung ba dang / nges pa dang ma nges pa dang / 
log par nges pa dang / bag la nyal ba dang bcas pa dang / bag la nyal ba med pa dang / dge ba'i rtsa ba phun sum tshogs pa dang / dge ba'i rtsa ba rgud par gyur ba dang / dge ba'i rtsa ba yongs su zin pa dang / mi dge ba'i rtsa ba yongs su zin pa dang / 
dge ba dang mi dge ba yongs su zin pa dang / de dag gi dge ba'i chos yongs su 'das pa dang / sdig to'i chos yongs su 'dus pa'i las yongs su blangs pa yang rab tu shes so/ /bskal pa sangs rgyas kyi zhing brjod du med pa'i rdul shin tu phra ba 
snyed po de dag la sangs rgyas bcom ldan 'das ji snyed cig byung ba de dag gi mtshan rgya mtsho yang shes shing khong du chud do/ /sangs rgyas bcom ldan 'das de dag gi thugs dang po bskyed pa rgya mtsho yang rab tu shes so/ /thams cad mkhyen pa nyid du 
zhugs pa'i tshul rgya mtsho yang rab tu shes so/ /smon lam rgya mtsho thams cad mngon par bsgrubs pa yang rab tu shes so/ /sngon gyi sangs rgyas byung ba rnams kyi drung du gshegs pa rgya mtsho yang rab tu shes so/ /sngon gyi sangs rgyas la mchod cing rim </font><hr>38-1-226b<br><font size=+1>
gror mdzad pa'i sbyor ba rgya mtsho yang rab tu shes so/ /sngon byang chub sems dpa'i spyod pa yongs su rdzogs par mdzad pa rgya mtsho yang rab tu shes so/ /'byung ba'i rgyan rgya mtsho yang rab tu shes so/ /sangs rgyas bcom ldan 'das de dag gis 
sems can yongs su smyin par mdzad pa dang / btul ba rgya mtsho yang rab tu shes so/ /mngon par 'tshang rgya bar mdzad pa rgya mtsho yang rab tu shes so/ /chos kyi 'khor lo bskor ba'i khyu mchog gi mthu dang rnam par 'phrul pa yang rab tu shes so/ /
sangs rgyas kyi rnam par 'phrul pa rgya mtsho thams cad kyang rab tu shes so/ /sangs rgyas bcom ldan 'das de dag gi 'khor gyi dkyil 'khor rnam par phye ba dag kyang rab tu shes so/ /'khor gyi dkyil 'khor de dag na nyan thos ji snyed cig 'khod pa 
de dag gi 'byung ba'i tshul yang rab tu shes so/ /sngon gyi dge ba'i rtsa ba yang rab tu shes so/ /lam bsgoms pa sna tshogs kyang rab tu shes so/ /ye shes thob par bya ba phun sum tshogs shing rnam par dag pa'i bye brag kyang rab tu shes so/ /de bzhin 
gshegs pa de dag gis sems can ji snyed cig rang sangs rgyas kyi byang chub la bkod pa de dag kyang rab tu shes so/ /rang sangs rgyas de dag gi sngon gyi dge ba'i rtsa ba ji snyed cig yod pa de dag kyang rab tu shes so/ /rang sangs rgyas de dag gis rang sangs rgyas kyi byang chub 
khong du chud pa ji snyed cig yod pa de dag kyang rab tu shes so/ /rang sangs rgyas de dag gi zhi ba'i rnam par spyod pa la rnam par rtse ba'i rnam par thar pa'i sgo ji snyed cig yod pa de dag kyang rab tu shes so/ /rang sangs rgyas de dag gi rdzu 'phrul gyi rnam 
par 'phrul pa ji snyed cig yod pa de dag kyang rab tu shes so/ /rang sangs rgyas de dag gis sems can ji snyed cig yongs su smyin par byas pa de dag kyang rab tu shes so/ /rang sangs rgyas de dag gi chos bstan pa ji snyed cig brjod pa de dag kyang </font><hr>38-1-227a<br><font size=+1>
rab tu shes so/ /rang sangs rgyas de dag gi ting nge 'dzin mtha' yas pa la rnam par spyod cing rnam par thar pa'i sgo rnam pa sna tshogs kyis rnam par brtse ba ji snyed cig yod pa de dag kyang rab tu shes so/ /sangs rgyas bcom ldan 
'das de dag gi yongs su mya ngan las 'da' ba ji snyed pa de dag kyang rab tu shes so/ /sangs rgyas bcom ldan 'das de dag gis byang chub sems dpa'i 'khor gyi dkyil 'khor rgya mtsho ji snyed pa de dag kyang rab tu shes so/ /byang chub sems dpa' de 
dag gis thog ma dge ba'i rtsa ba bskyed pa dag kyang rab tu shes so/ /thog ma sems bskyed pa'i smon lam dag kyang rab tu shes so/ /smon lam rnam pa tha dad pa dag kyang rab tu shes so/ /byang chub sems dpa'i spyod pas 'byung ba'i rgyan thams cad 
mngon par bsgrub pa rnam pa tha dad pa rab tu shes so/ /pha rol tu phyin pa'i lam gyi yan lag gi tshogs rnam par dag par bya ba rnam pa tha dad pa yang rab tu shes so/ /byang chub sems dpa'i lam la nan tan du bya ba'i rgyan rnam pa tha dad pa yang 
rab tu shes so/ /byang chub sems dpa'i sa yongs su gnon pa'i tshogs rnam pa tha dad pa yang rab tu shes so/ /byang chub sems dpa'i sa yongs su gnon pa'i shugs drag po rnam pa tha dad pa yang rab tu shes so/ /byang chub sems dpa'i sa 
la bzem pa'i mthu dang ldan pa'i ting nge 'dzin gyi dkyil 'khor rnam pa tha dad pa yang rab tu shes so/ /byang chub sems dpa'i sa yongs su gnod pas rnam par rtse ba dag kyang rab tu shes so/ /byang chub sems dpa'i sa yongs su gnon 
pa'i rnam par spyod pa dag kyang rab tu shes so/ /byang chub sems dpa'i sa la rab tu gnas pa dag kyang rab tu shes so/ /byang chub sems dpa'i sa bsgom pa'i rgyud kyang rab tu shes so/ /byang chub sems dpa'i sa yongs su </font><hr>38-1-227b<br><font size=+1>
sbyang ba'i tshul dag kyang rab tu shes so/ /byang chub sems dpa'i sa la yang dag par gnas par bya ba dag kyang rab tu shes so/ /byang chub sems dpa'i sa'i mtshan ma dag kyang rab tu shes so/ /byang chub sems dpa'i sa'i dbang dag kyang rab tu 
shes so/ /byang chub sems dpa'i sa nas sar 'phar ba'i ye shes dag kyang rab tu shes so/ /byang chub sems dpa'i sa yongs su bsdu ba'i ye shes dag kyang rab tu shes so/ /byang chub sems dpa'i sa yongs su smyin par bya ba'i ye shes kyang rab tu shes 
so/ /byang chub sems dpa'i rnam par dgod pa la yang dag par gnas par bya ba yang rab tu shes so/ /byang chub sems dpa'i spyod pa'i dkyil 'khor gyi rgya yang rab tu shes so/ /byang chub sems dpa'i spyod pa'i rnam par brtse ba dag kyang rab tu shes so/ /
byang chub sems dpa'i ting nge 'dzin rgya mtsho dag kyang rab tu shes so/ /byang chub sems dpa'i rnam par thar pa'i tshul rgya mtsho dag kyang rab tu shes so/ /byang chub sems dpa' de dag sems kyi skad cig re re la ting nge 'dzin rgya mtsho sna tshogs thob par 
byed pa dag kyang rab tu shes so/ /thams cad mkhyen pa nyid kyi snang ba'i tshul thob par byed pa dag kyang rab tu shes so/ /thams cad mkhyen pa nyid kyi glog gi snang ba'i sprin dag kyang rab tu shes so/ /byang chub sems dpa'i bzod pa thob pa'i tshul dag 
kyang rab tu shes so/ /thams cad mkhyen pa nyid du 'jug pa'i ye shes kyi rnam par gnon pa dag kyang rab tu shes so/ /byang chub sems dpa' rnams zhing rgya mtshor rjes su bgrod par byed pa dag kyang rab tu shes so/ /chos rgya mtsho'i 
tshul la 'jug pa dag kyang rab tu shes so/ /sems can rgya mtsho'i mtshan nyid tha dad pa dag kyang rab tu shes so/ /byang chub sems dpa'i dam par spyod pa'i tshul thams cad kyi rnam par 'phrul pa dag kyang rab tu shes so/ /</font><hr>38-1-228a<br><font size=+1>
smon lam gyi tshul sna tshogs rgya mtsho dag kyang rab tu shes so/ /rdzu 'phrul gyi rnam par 'phrul pa sna tshogs rgya mtsho rnam pa tha dad pa dag kyang rab tu shes so/ /rigs kyi bu kho mo ji ltar mi mjed kyi 
'jig rten gyi khams 'di'i 'das pa dang / da ltar byung ba'i bskal pa sna tshogs rgya mtsho la zhugs te/ khong du chud pa de bzhin du phyi ma'i mtha' gcig nas gcig tu brgyud de/ rgyun mi 'chad pa'i ma 'ongs pa'i bskal pa rgya mtsho dag kyang rab 
tu shes so/ /mi mjed kyi 'jig rten gyi khams kyi bskal pa rgya mtsho ji ltar shes pa de bzhin du mi mjed kyi 'jig rten gyi khams su gtogs pa'i 'jig rten gyi khams gcig nas gcig tu brgyud pa thams cad kyi bskal pa rgya mtsho dag kyang rab 
tu shes so/ /mi mjed kyi 'jig rten gyi khams su gtogs pa'i 'jig rten gyi khams gcig nas gcig tu brgyud pa thams cad kyi bskal pa rgya mtsho ji ltar shes pa de bzhin du mi mjed kyi 'jig rten gyi khams kyi rdul shin tu phra ba'i khongs su chud 
pa'i 'jig rten gyi khams gcig nas gcig tu brgyud pa thams cad kyi bskal ba rgya mtsho dag kyang rab tu shes so/ /mi mjed kyi 'jig rten gyi khams kyi rdul shin tu phra ba'i khongs su chud pa'i 'jig rten gyi khams gcig nas gcig tu brgyud pa thams 
cad kyi bskal pa rgya mtsho rnams ji ltar shes pa de bzhin du mi mjed kyi 'jig rten gyi khams phyogs bcur 'dab chags su gnas pa'i 'jig rten gyi khams thams cad kyi bskal pa rgya mtsho dag kyang rab tu shes so/ /mi mjed kyi 'jig rten gyi 
khams phyogs bcur 'dab chags su gnas pa'i 'jig rten gyi khams thams cad kyi bskal pa rgya mtsho rnams ji ltar shes pa de bzhin du mi mjed kyi 'jig rten gyi khams phyogs bcur 'dab chags su gnas pa gcig nas gcig tu brgyud pa </font><hr>38-1-228b<br><font size=+1>
dag na gnas pa'i 'jig rten gyikhams thams cad kyi bskal brgya mtsho dag kyang rab tu shes so/ /mi mjed kyi 'jig rten gyi khams phyogs bcur 'dab chags su gnas 'jig rten gyi khams thams cad kyi bskal pa rgya 
mtsho rnams ji ltar shes pa de bzhin du phyogs bcu kun tu 'od rnam par snang ba'i 'jig rten gyi khams kyi rgyud du gtogs pa'i 'jig rten gyi khams thams cad kyi bskal pa rgya mtsho dag kyang rab tu shes so/ /phyogs kun tu 'od rnam par snang ba'i 'jig rten gyi 
khams kyi rgyud du gtogs pa'i 'jig rten gyi khams thams cad kyi bskal pa rgya mtsho ji ltar shes pa de bzhin du phyogs kun tu 'od rnam par snang pa'i 'jig rten gyi khams kyi rgyud phyogs bcur 'dab chags su gcig nas gcig tu brgyud pa dag la 
gnas pa'i 'jig rten gyi khams kyi rgyud gcig nas gcig tu brgyud pa rnams kyi bskal pa rgya mtsho dag kyang rab tu shes so/ /phyogs kun tu 'od rnam par snang ba'i 'jig rten gyi khams kyi rgyud phyogs bcur 'dab chags su gcig nas gcig tu brgyud 
pa dag la gnas pa'i 'jig rten gyi khams thams cad kyi bskal ba rgya mtsho rnams rab tu shes pa de bzhin du gzhi dang snying po me tog gi rgyan gyis brgyan pa'i 'jig rten gyi khams rgya mtsho 'dir gtogs pa'i 'jig rten gyi khams 'byam klas pa 
rnams kyi bskal pa rgya mtsho dag kyang rab tu shes so/ /de bzhin du 'jig rten gyi khams tshul du bya ba rnams dang / de bzhin du 'jig rten gyi khams kyi 'khor lo rnams dang / 'jig rten gyi khams kyi dkyil 'khor rnams 
dang / 'jig rten gyi khams kyi bye brag rnams dang / 'jig rten gyi khams kyi chu klung rnams dang / 'jig rten gyi khams kyi glong rnams dang / 'jig rten gyi khams yongs su 'khyil pa dang / 'jig rten gyi khams ri rab dang / 'jig </font><hr>38-1-229a<br><font size=+1>
rten gyi khams yongs su 'byung ba dang / 'jig rten gyi khams pad+mo dang / 'jig rten gyi khams sdong po dang / 'jig rten gyi khams rta bgab dang / 'jig rten gyi mying du bya ba rnams kyi bskal pa rgya mtsho dag kyang rab tu shes 
so/ /'jig rten gyi khams rgya mtsho gzhi dang snying po me tog gi rgyan gyis brgyan pa/ 'di ji ltar shes par gyur pa de bzhin du/ phyogs bcu mtha' yas mu med pa'i 'jig rten gyi khams rgya mtsho chos kyi dbyings kyis klas pa/ nam mkha'i 
mthas gtugs pa dag gi bcom ldan 'das rnam par snang mdzad kyi sngon gyi smon lam rgya mtsho dag kyang rab tu shes so/ /rjes su dran no/ /sngon gyi sbyor ba rgya mtsho dag la'ang shes shing / khong du chud do/ /sngon yongs su bsgrubs pa'i tshul rgya 
mtsho dag la'ang shes shing khong du chud do/ /bskal pa mtha' dang dbus med par byang chub sems dpa' spyod pa la yang dag par bzhugs pa mdzad pa dag kyang shes shing khong du chud do/ /zhing yongs su dag par mdzad pa'i tshul dag kyang shes shing khong 
du chud do/ /sems can yongs su smyin par mdzad pa'i thabs kyi tshul dag kyang shes shing khong du chud do/ /sngon gyi de bzhin gshegs pa rnams la bsnyen bkur mdzad cing gshegs pa'i rnam par 'phrul ba dag kyang shes shing khong du chud do/ /sngon gyi 
de bzhin gshegs pa la mchod cing rim gror mdzad pa'i sbyor ba'i tshul dag kyang shes shing khong du chud do/ /sngon gyi de bzhin gshegs pa dag gis chos bstan pa yongs su bzung ba'i tshul dag kyang shes shing khong du chud do/ /sngon byang chub sems dpa' 
ting nge 'dzin rab tu brnyes pa'i tshul dag kyang shes shing khong du chud do/ /yo byad la dbang bsgyur ba rab tu brnyes pa'i tshul dag kyang shes shing khong du chud do/ /sngon gyi de bzhin gshegs pa'i yon tan rgya mtsho la nan tan tu mdzad pa'i tshul dag kyang </font><hr>38-1-229b<br><font size=+1>
shes shing khong du chud do/ /sbyin pa'i pha rol tu phyin pa'i tshul rgya mtsho dag kyang shes shing khong du chud do/ /byang chub sems dpa'i tshul khrims dang brtul zhugs kyi dkyil 'khor yongs su dag pa mngon par bsgrub pa mdzad pa'i tshul dag kyang shes shing khong 
du chud do/ /byang chub sems dpa'i bzod pa brnyes pa'i tshul dag kyang shes shing khong du chud do/ /byang chub sems dpa'i brtson 'grus kyi shugs drag po rgya mtsho dag kyang shes shing khong du chud do/ /bsam gtan gyi yan lag thams cad yongs 
su rdzogs par mdzad pa'i tshul rgya mtsho dag kyang shes shing khong du chud do/ /shes rab kyi dkyil 'khor yongs su dag par mdzad pa'i tshul rgya mtsho dag kyang shes shing khong du chud do/ /'jig rten gyi khams kyi skye gnas thams cad du sku'i 
gzugs brnyan yongs su bstan pa mdzad pa'i thabs kyi tshul dag kyang shes shing khong du chud do/ /kun tu bzang po'i spyod pa dang smon lam gyi dkyil 'khor yongs sa dag par mdzad pa'i tshul dag kyang shes shing khong du chud do/ /zhing rgya mtsho 
thams cad yongs su rgyas par mdzad pa dag kyang shes shing khong du chud do/ /sangs rgyas kyi zhing thams cad yongs su dag par mdzad pa'i tshul rgya mtsho dag kyang / shes shing khong du chud do/ /de bzhin gshegs pa 
thams cad las ye shes snang bar gyur pa/ rgya mtsho dag kyang shes shing khong du chud do/ /sangs rgyas thams cad kyi byang chub yongs su gnas pa mdzad pa'i rnam par 'phrul pa rgya mtsho dag kyang shes shing khong du chud do/ /de bzhin 
gshegs pa'i ye shes snang ba rab tu brnyes pa'i tshul dag kyang shes shing khong du chud do/ /thams cad mkhyen pa nyid du zhugs te thugs su chud pa'i tshul rgya mtsho dag kyang shes shing khong du chud do/ /mngon par rdzogs par 'tshang rgya ba'i rnam par 'phrul </font><hr>38-1-230a<br><font size=+1>
pa rgya mtsho dag kyang shes shing khong du chud do/ /chos kyi 'khor lo bskor ba'i khyu mchog gi mthu dang rnam par rol ba'i tshul rgya mtsho dag kyang shes shing khong du chud do/ /'khor gyi dkyil 'khor rgya mtsho dag kyang shes shing khong du chud 
do/ /'khor gyi dkyil 'khor de dag gi byang chub sems dpa' thams cad kyi sngon gyi dge ba'i rtsa ba rgya mtsho dag kyang shes shing khong du chud do/ /thog ma'i smon lam gyi tshul rgya mtsho dag kyang shes shing khong du chud do/ /sems can yongs su smyin par byed pa 
dang / gdul ba'i thabs kyi tshul rgya mtsho dag kyang shes shing khong du chud do/ /bcom ldan 'das kyis sngon byang chub sems dpa'i spyod pa mdzad pa'i tshe/ sems can rgya mtsho yongs su smyin par mdzad pa de dag kyang shes shing khong du chud do/ /sems 
can de dag gi sems kyi skad cig re re'i dge ba'i rtsa ba rnam par 'phel ba'i thabs kyi tshul rgya mtsho dag kyang shes shing khong du chud do/ /ting nge 'dzin rab tu thob pa'i tshul rgya mtsho dag kyang shes shing khong du chud do/ /gzungs kyi sgo rab tu thob pa'i 
tshul rgya mtsho dag kyang shes shing khong du chud do/ /spobs pa'i ye shes kyi dkyil 'khor rnam par dag pa'i tshul rgya mtsho dag kyang shes shing khong du chud do/ /byang chub sems dpa'i sa thams cad yongs su gnon pa'i rnam par 'phrul 
ba'i tshul rgya mtsho dag kyang shes shing khong du chud do/ /spyod pa'i dra ba mngon par bsgrub pa'i tshul rgya mtsho dag kyang shes shing khong du chud do/ /mthar gyis yongs su bsgrub pa'i phyogs pa la 'jug pa'i ye shes kyi tshul rgya mtsho dag kyang shes 
shing khong du chud do/ /de dag gi dbang po dang stobs dang / byang chub kyi yan lag dang / bsam gtan dang / rnam par thar pa dang / ting nge 'dzin dang / snyoms par 'jug pa'i rnam par 'phrul pa rgya mtsho dag kyang shes shing khong du chud do/ /</font><hr>38-1-230b<br><font size=+1>
ji ltar bcom ldan 'das rnam par snang mdzad kyi sangs rgyas dang / byang chub sems dpa'i spyod pa rgya mtsho chos kyi dbyings thams cad du byung ba shes shing khong du chud de/ mngon par bsgrubs pa de bzhin du/ de bzhin gshegs pa thams 
cad kyi sangs rgyas dang / byang chub sems dpa'i spyod pa rgya mtsho dang / ye shes kyi sgyu ma'i dra ba mtha' yas pa la 'jug pa/ chos kyi dbyings mtha' yas pa rgyas par 'gengs pa/ sgo mtha' yas pa nas shin tu bstan par bya ba/ phyi 
ma'i mtha'i bskal par gnas pa la 'jig pas bstan par bya ba/ phyogs bcu'i 'jig rten gyi khams rgya mtsho chos kyi dbyings kyi klas pa/ nam mkha'i mthas gtugs par byung ba thams cad kyang ma 'dres par shes shing /
khong du chud de mngon par sgrub bo/ /de ci'i phyir zhe na/ rigs kyi bu byang chub sems dpa'i rnam par thar pa/ byang chub sems dpa'i ting nge 'dzin gyi tshul rgya mtsho thams cad la rnam par blta ba'i yul gyi yul ni de lta bu ste/ 
de'i phyir de la snyoms par zhugs na sems can thams cad kyi sems dang / spyod pa'i tshul rab tu shes so/ /sems can thams cad kyi dge ba'i tshogs kyang rab tu shes so/ /sems can thams cad kyi kun nas nyon mongs pa 
dang / rnam par byang ba'i ye shes kyi tshul rnams kyang rab tu shes so/ /sems can thams cad kyi las sna tshogs kyang rab tu shes so/ /nyan thos thams cad kyi ting nge 'dzin gyi sgo rnams kyang rab tu shes so/ /nyan thos thams cad 
kyi ting nge 'dzin gyi sa yang rab tu shes so/ /rang sangs rgyas thams cad kyi rnam par thar pa zhi bas rnam par 'phrul pa yang shes shing khong du chud do/ /byang chub sems dpa' thams cad kyi ting nge 'dzin rgya mtsho'i tshul dag kyang rab </font><hr>38-1-231a<br><font size=+1>
tu shes so/ /byang chub sems dpa' thams cad kyi rnam par thar pa'i tshul rgya mtsho la 'jug pa yang rab tu shes so/ /de bzhin gshegs pa thams cad kyi rnam par thar pa'i tshul rgya mtsho la 'jug pa yang 
rab tu shes so/ /de nas tshong dpon gyi bu nor bzangs kyis shAkya'i bu mo go pa la 'di skad ces smras so/ /'phags ma khyod kyis byang chub sems dpa'i rnam par thar pa byang chub sems dpa'i ting nge 'dzin gyi tshul rgya mtsho thams 
cad la rnam par lta ba'i yul 'di brnyes nas ji srid cig lags/ smras pa/ rigs kyi bu/ sngon 'das pa'i dus sangs rgyas kyi zhing brgya'i rdul shin tu phra ba snyed kyi bskal pa 'das pa'i pha rol cig tu 'jig rten gyi khams 
mi 'jigs pa byed pa zhes bya ba byung ste/ 'jig rten gyi khams/ de'i bskal pa 'gro ba'i mchog ces bya bar gyur to/ /'jig rten gyi khams de'i dbus su/ gling bzhi pa bde ba yod pa zhes bya ba byung ste/
gling bzhi pa de'i 'dzam bu'i gling gi dbus su/ rgyal po'i gnas sdong po ri bo'i dpal zhes bya ba/ grong rdal stong phrag brgyad cu rtsa bzhi'i phul du bya ba byung ba ste/ rgyal po'i gnas sdong po ri bo'i dpal de dang /
grong rdal stong phrag brgyad cu rtsa bzhi po de dag kyang so so nas sa'i gzhi baiDUr+ya sngon po las grub pa la gnas pa/ rin po che bdun las byas pa'i ra bas kun nas bskor ba/ 'obs spos chus yongs su gang ba gzhi gser gyi bye ma bdal 
ba/ ut+pal dang / pad+mo dang / ku mu ta dang / me tog pun+da ri ka shing rta'i 'khor lo tsam kha dog dang 'od kyi dra ba sna tshogs shing dri shin tu zhim pas kun nas khyab pa bdun gyis yongs su bskor ba/ rin po che las byas pa'i stegs </font><hr>38-1-231b<br><font size=+1>
bu'i khri 'phang bdun las ta la'i phreng ba rim pa bdun gyis kun nas dgrigs pa/ rin po che sna bdun gyi shing gi nags tshal gyi phreng ba dgrigs pas kun nas bskor ba ste/ steng nas gser gyi dra ba bres pa rin po che sna tshogs kyis rnam 
par phye ba'i mig mangs ris mdzes par rnam par bres pas sa'i gzhi shin tu spa bar gyur ba/ dngos grub can gyi tshogs rnam par rgyu ba/ bya btsun pa'i khyus sgra skad yid du 'ong ba'i dbyangs snyan pa phyung ba/ bza' shing 
gi ra ba bye ba brgya phrag stong gis mdzes par byas pa shin tu skyid cing phun sum tshogs par gnas pa skyes pa dang / bud myed brgya stong rab tu dga' bas gang ba/ ser bu bde zhing yid du 'ong bas bskyed de/ me tog gi char mang po 
rgyun mi 'chad par rab tu 'grul ba/ sa'i bdag po dam pa brgya phrag stong gi gnas su gyur pa dag ste/ grong rdal chen po de dag gi rin po che'i shing thams cad dang / gser gyi dra ba'i rgyan la stsogs pa rlung gis bskyod 
de/ rol mo mang po'i sgra dang mnyam pa'i sgra skad byung ba dag las yid du 'ong ba'i tshig 'di skad dag 'byung ngo / /gsol cig mnobs shig chos la spyod cig /byang chub tu sems skyed cig /phyir myi ldog pa'i sa la mnga' 
thob par mdzod cig /khyed rnams bde bar gyur cig ces zer ro/ /rgyal po'i gnas sdong po ri bo'i dpal der khams kyi rgyal po nor gyi bdag po zhes bya ba byung ste/de la btsun mo'i 'khor bud med stong phrag brgyad cu rtsa bzhi yod 
do/ /blon po brgya phrag lnga yod par gyur te/ rgyal po nor gyi bdag po de la bu lnga brgya yod pa de thams cad kyang / dpa' bo rtul phod pa yan lag dam pa'i gzugs dang ldan pa/ gzhan gyi sde rab tu 'joms pa shin tu mdzes pa/</font><hr>38-1-232a<br><font size=+1>
blta na sdug pa/ kha dog bzang po'i mchog shin tu rgyas pa dang ldan pa sha stag go /rgyal po nor gyi bdag po de'i btsun mo dam pa ni pad+mo'i dpal dam pa 'byung ba zhes bya ba ste/ bud med stong phrag brgyad cu rtsa bzhi po 
de dag gi nang nas gtso mor bya ba'o/ /de'i bu gzi brjid kyi dbang po zhes bya ba gzugs bzang ba shin tu mdzes pa blta na sdug pa/ mi chen po'i mtshan sum cu rtsa gnyis kyis rab tu brgyan pa'i lus dang ldan pa zhig yod par gyur te/ de la mi 
chen po'i mtshan sum cu rtsa gnyis po 'di dag yod par gyur to/ /de'ang 'di ltar rgyal bu gzhon nu gzi brjid kyi bdag po de rkang pa'i mthil shin tu gnas pa dang ldan te/ sa chen po la rkang pa'i mthil 'dor na mnyam par 'dor la/
'deg na mnyam par 'deg ste/ gzhog na rkang pa'i mthil kun gyis sa chen po la mnyam par reg go /de'i rkang pa'i mthil gnyis la 'khor lo rtsibs stong dang ldan pa/ lte ba dang bcas pa mu khyud dang bcas pa/ rnam pa thams 
cad du shin tu tshang ba shin tu mdzes pa blta na sdug pa dag kyang byung bar gyur to/ /de'i rkang pa'i bo la gnyis kyang shin tu rgyas par gyur to/ /rkang pa'i steng gi mdog shin tu gsal la/shin tu mdzes te/ me tog dam pa 
bas kyang lhag par mdog bzang zhing gsal bar gyur te/ de'i rkang lag gi sor mo dra bar 'brel par gyur te/ shin tu mdzes pa rnam par phye ba/ bu ga med pas zag pa med pa ni dper na ngang pa'i rgyal po gnas srung lta bur gyur to/ /de'i rkang 
pa'i rting pa yangs pa shin tu dag la shin tu gsal ba rin po che thams cad kyi 'od rab tu 'gyed par grub pa dang ldan par gyur to/ /de'i sor mo rnams kyang ring zhing zlum la tshigs bar mnyam zhing yangs pa dang ldan par gyur te/ de dag mnyam par </font><hr>38-1-232b<br><font size=+1>
sa la 'jog go /mnyam par sa las 'deg go /de'i rkang pa dang lag pa'i mthil yang ka tsa lin+di bas kyang lhag par reg na bde bar gyur te/ des skyes pa 'am bud med dam/ khye'u dang bu mo gang la reg kyang rung ste/ de dag thams cad kyang 
bde ba dang / yid dga' ba'i dam pas tshim zhing yid shin tu bde bar 'gyur ro/ /de'i byin ba ri dgas a ne ya'i byin pa ltar 'dug par gyur te/ rim gyis gzhol ba dang / shin tu mdzes pa dang / legs par grub par gyur pas/ 
ri dgas kyi rgyal po e ne ya ltar de la sus kyang bsnyegs pa 'am/ slebs par mi nus te/ 'gro bas ngal zhing dub par mi 'gyur ro/ /rgyal bu gzhon nu gzi bajid kyi dbang po de bdun shin tu mtho ba dang ldan par gyur te/ de'i rkang pa 
gnyis la shin tu mtho ba zlum la shin tu legs pa dang / shin tu rgyas pa dang / tshigs mi snang ba dang / shin tu yid du 'ong ba dang / blta na sdug pa gnyis grub par gyur to/ /lag pa la gnyis/ thal gong gi lhun la gnyis/ ltag pa la gcig ste/ 
de ltar bdun no/ /de'i mtshan gsang ba'i sbubs na 'dug par grub par gyur te/ de'i gsang ba'i gnas sbubs na 'dug pa shin tu mi mngon la nang du nub cing kun nas yog par 'dug pa ste/ dper na glang po cang shes sam/ rta cang shes ltar 'dug 
pas de gos ma gyon par 'dug kyang bud med dam/ skyes pa 'am/ khye'u 'am/ bu mo 'am/ rgan pa 'am/ dar la bab pa 'am/ bla ma 'am/ bla mar bya ba rnams kyis kyang mi mthong ste/ gzhan du na bdag longs par spyod pa 'am/ ched du bstan par byas te/ 
'dod pas spyad pa ni ma gtogs so/ /rgyal bu gzhon nu gzi brjid kyi bdag po de ro stod seng ge ltar 'dug pa dang ldan par gyur te/ lus rim pas rgyas la ro stod shin tu yangs shing rdzogs pas ri dgas kyi rgyal po bas kyang mdzes par dbyibs shin tu legs </font><hr>38-1-233a<br><font size=+1>
pa'i ro stod dang ldan par gyur to/ /de'i thal gong rgyas shing lus shin tu rgyas pa lus rnam par phye ba/ lus kyi cha thams cad rkyen du 'bab par mnyam pa/ lus la dma' ba med pa/ lus la mtho ba med pa/ lus la zhum pa med pa/ lus la 
dgu ba med pa/ lus rin po che'i gtan pa shin tu phyis pa bas kyang lhag par gsal bar gyur to/ /de'i dpung mgo shin tu zlum zhing sha rgyas la shin tu mdzes par gang ba dang ldan par gyur to/ /des mi chen po'i mtshan lag pa shin tu ring ba thob par gyur pa des lus 
ma btud de/ lus drang por 'dug kyang pus mo'i lha nga gnyis la nyug cing reg go /des mi chen po'i mtshan lus che zhing drang ba'ang thob par gyur te/ rnam pa thams cad du mchog tu gyur pa dang ldan la lus tshul dang 'dra bar mnyam pa dang / lus rab tu gnyen pa dang / 
lus shin tu lji ba dang / lus rab tu gsal ba dang / lus shin tu sim par byed pa dang ldan par gyur to/ /des mi chen po'i mtshan mgul dung lta bu yang thob par gyur te/ mi dma' ba'i mgul dang / de'i mgul gyi 'khor thams cad dang / bzhin gyi 'khor thams 
cad na rtsa ji snyed cig yod pa de dag thams cad kyang shin tu mnyam par gyur te/ kun kyang rab tu tshang bar gyur to/ /mi chen po'i mtshan seng ge'i 'gram pa lta bu yang thob par gyur te/ za 'gram shin tu 'khregs pa dang / bzhin gyi dkyil 'khor shin tu rgyas pa dang / bzhin gyi 
dkyil 'khor shin tu legs shing yongs su dag pa dang / kha'i sgo shin tu yangs pa dang ldan par gyur to/ /mi chen po'i mtshan so mnyam pa bzhi bcu dang yang ldan par gyur te/ so ma tshang ba med la zas shig zas yang lan gcig bldad pas chung ngu na 'bras chan gyi 'bru 
'ga' yang ma zhib par za ba med do/ /so thags bzang zhing mnyam par rab tu thob ste/ mtshams chu sgo med pa dang / shin tu mnyam pa dang / rkyen rkyen tu shin tu mdzes pa ste/ de kha zas shig za na yang 'go ba dang / 'chags pa dang / zhen pa dang /</font><hr>38-1-233b<br><font size=+1>
ljan ljin tu 'gyur ba'am/ thogs par 'gyur ba'am/ gseb 'gang bar 'gyur ba med do/ /mi chen po'i mtshan so mnyam pa rab tu thob par gyur te/ so mnyam zhing rda rdo med pa dang / so lhag med pa dang / so zhum pa med pa dang / so gyes pa med pa dang 
so thog drung mnyam pa dang / so rdo ba med par gyur to/ /gzhon nu de'i mche ba shin tu dkar bar gyur te/ mche ba shin tu gsal ba/ mche ba shin tu dag pa/ mche ba shin tu brtan par gyur to/ /mi chen po'i mtshan lce shin tu yangs pa yang 
rab tu thob par gyur te/ de'i lce ni shin tu yangs la srab cing mnyen te/ shin tu 'jam pa dang / las su rung ba dang / yid du 'ong ba dang bsgyur na bde ba dang / gdong gi dkyil 'khor kun tu 'gebs pa dang / bden zhing phan par 'gyur ba'i don dang / 
yi ge dang ngag dang nges pa'i tshig thogs pa med par brjod par gyur to/ /gzhon nu de tshangs pa'i dbyangs dang ldan par gyur te/ dbyangs yid du 'ong ba dang / rol mo'i sgra dang / glu'i nga ro dang / sil snyan kyi dbyangs dang / sgra skad dang brjod cing 
smra ba'i tshig gi las yid du 'ong ba brjod pas ngag gi las mngon par dga' ba skyed pa/ 'jig rten thams cad mngon par 'dun par 'gyur bar tshangs pa las kyang lhag pa'i dbyangs kyi ngag rjod de/ 'khor gyi dkyil 'khor las kyang 
gud du/ mi 'da' bar thams cad kyi yid dang / mthun par byed pa dang ldan par gyur to/ /gzhon nu de ni/ mig dkar nag 'byes par gyur te/ mig shin tu dang ba dang / mig yongs su dag pa dang / 
mig la 'od chags pa dang / mig rnam par gsal ba dang / mig mngon par mdzes pa dang / mig blta na sdug pa dang / mig yid du 'ong ba dang / mig 'dzum pa dang ldan par gyur to/ /gzhon nu de ni rdzi ma ba'i rdzi ma lta bu dang ldan par </font><hr>38-1-234a<br><font size=+1>
gyur te/ mig gi skye mched rin po che pad+ma rA ga ltar shin tu dag pa/ mig gi sprin mnyam pa/ mig gi sprin mtshungs pa/ mig gi sprin legs pa/ mig gi sprin yangs pa/ mig gi sprin shin tu brtan par gyur to/ /de'i 
smin mtshams su mdzod spu skyes par gyur te/ 'jam pa las su rung ba/ shin tu mnyen pa/ shing bal ltar reg na bde ba/ dang ba/ gsal ba 'od yod pa/ chab brom lta bu kha ba'i kha dog ltar 'dug pa/ 'od zer dkar po'i dkyil 'khor gyi 'od rab 
tu snang ba dang ldan par gyur to/ /de'i spyi bo la gtsug tor mngon par grub par gyur te/ shin tu legs pa/ kun nas zlum pa/ dbus su bab pa/ skra'i rgyan du gyur pa/ rin po che'i pad mo 'dab ma bye ba brgya phrag stong dang ldan pa ltar snang ba/ kun nas cha 
mnyam par gnas pa/ rin thang gdab tu tshad med pas gces pa'i gtsug tu gyur pa dang ldan par gyur to/ /gzhon nu de ni pags pa shin tu 'jam pa dang ldan par gyur te/ de'i lus la rdul lam/ dri ma'am/ rngul lam/ ser ga'am/ gnyer ma'am/ 
lhod pa'am/ 'khums pa'am/ 'phyang ba'am/ slod bag tu gnas pa med par gyur to/ /gzhon nu de ni mdog gser gyi kha dog lta bu dang ldan par gyur te/ 'dzam bu chu klung gi gser gyi mdog lta bu dang ldan zhing 'od kun tu 'dom gang ba dang / gser 
ltar gcig tu 'bar ba'i 'od kyi dkyil 'khor gyis mdzes par brgyan pa dang / ba spu'i bu ga thams cad nas dri zhim po'i 'od zer 'byung bas lus kyi rgyan rab rib med cing 'od gsal ba dang ldan par gyur to/ /gzhon nu de ni ba spu re rer byung ba dang ldan par gyur te/ ba spu'i bu ga re re nas ba spu re re skyes par gyur pa/ baiDUr+Ya sngon po'i kha dog lta bu g.yas phyogs su 'khyil ba/ legs par skyes pa/ mthang la zha bar 'dug pa shin tu legs par gnas pa dang ldan par gyur to/ /gzhon nu de'i spu yan lag gyen du </font><hr>38-1-234b<br><font size=+1>
'khyil par gyur te/ phyir mi zlog pa'i spu dang / mi ldog pa'i spu dang / ma 'dres pa'i spu dang ldan par gyur to/ /gzhon nu de mi chen po'i mtshan skra mthon ting du 'dug pa thob par gyur te/ de'i skra nor bu rin po che rnam par snang ba'i mdog ltar mthon ting du 'dug pa/ 
'jam pa snum pa/ legs par 'khyil pa/ g.yas phyogs su 'khyil ba/ drung shin tu ran pa/ zad zed med pa/ 'jam 'jam ltar 'dug pa/ mi 'dzing ba/ dbyibs mnyam zhing mthun par gnas pa dang ldan par gyur to/ /rgyal bu gzhon nu de shing n+ya gro d+ha 
ltar chu zheng gab pa'i mi chen po'i mtshan rab tu thob par gyur te/ kun nas gyen du ran pa dang / kun tu bzang ba dang / kun tu mdzes pa dang ldan par gyur te/ de ni mdun nas bltas na'ang ngoms mi shes shing blta na yid du 'ong ba rgyab dang g.yas g.yon dang / 'gro 
ba dang 'dug pa dang / 'greng ba dang nyal ba dang / smra ba dang / mi smra bar 'dug pa la bltas na/ yang ngoms mi shes shing yid du 'ong la blta na sdug par gyur to/ /rigs kyi bu rgyal po gzhon nu gzi brjid kyi bdag po de mi chen po'i mtshan sum cu rtsa gnyis po 'di 
dag gis yongs su brgyan pa'i lus dang ldan par gyur te/ sems can thams cad kyi blta na yid du mi 'ong ba'i bag med pa blta na bsam pa thams cad yongs su rdzogs par byed pa/ blta na sems can thams cad kyi dga' ba yongs su 'byung ba/ de lta bu 
zhig skyes par gyur to/ /rigs kyi bu de nas lan gcig cig rgyal po gzhon nu gzi brjid kyi bdag po de yab kyis gnang nas rgyal po'i gnas sdong po ri bo dpal gyi bza' shing gi ra ba spos kyi myu gu'i rtse mo las 'od kyi sprin 'byung ba zhes bya ba der sa bzang po 
lta ba'i phyir bu mo stong phrag nyi shu dang lhan cig tu bsod nams kyi gzi brjid dang dpal gyi bskal pa bzang po'i rnam par 'phrul pa'i rgyan gyis byung nas skyes pa dang / bud myed kyi tshogs kyis kun nas dga' bar bya zhing / 'dzam bu chu klung gi gser gyi shing rta </font><hr>38-1-235a<br><font size=+1>
rdo rje rin po che'i 'khor lo chen po bzhi dang ldan pa/ rdo rje mthu bo che'i srog shing gi rtsa ba can tsan dan dam pa las bsgrubs pa'i yul bzang po dang ldan pa/ rin po che'i rgyal po spos sna tshogs kyi shing thags rnam par bkye ba/ rin po che thams cad kyi me tog sna tshogs 
kyis rab tu mdzes par byas pa/ rin po che thams cad kyi dra bas kun nas yog pa'i rgyan dang ldan pa/ seng ge'i khri rin po che dam pa'i dra ba'i rgyan gyi snying po can dbus su bshams pa/ bu mo lnga brgyas rin po che'i srad bu'i lda ldi nas yongs su gzung ba/ nam mkha' la chags pa 
med pa'i rlung ltar mgyogs pa'i rta cang shes stong dang bcas pa la zhon nas gdugs chen po rim gyis gzhol zhing blta na sdug pa/ steng yongs rin po che'i rgyal po'i baiDUr+Ya dkar po las byas pa/ 'od dri ma myed pa tshad med pa 'byung ba/ rin po che bsam gyis mi khyab pa rmad du byung ba sna tshogs 
thams cad kyis spa bar spras te/ rnam pa thams cad du mdzes par brgyan pa/ yu ba rin po che'i rgyal po baiDUr+Ya sngon po las bsgreng bas ni bskyabs/ srog chags brgya stong mang pos ni yongs su bskor/ rol mo brgya stong mang po lha rdzas kyi dbyangs yid du 'ong ba snyan pa dang ldan pa dag ni rab 
tu blangs/ me tog gi char chen po ni mngon par 'bab/ lha rdzas kyi spos dri zhim pa'i bdug spos kyi snod bye ba khrag khrig brgya stong gis ni rab tu bdug cing 'gro bar gyur to/ /de de ltar 'gro ba'i tshe lam yang rgyud brgyad dang ldan par gyur te/ mthon dman myed pa dang / gseg 
ma dang gyo mo myed pa dang / gser dngul dang rin po che'i rgyal po sna tshogs kyi khams kyis sa'i gzhi rab tu bsgrubs pa dang / gser gyi bye ma bkram pa dang / rin po che sna tshogs kyi me tog sil mas chal bar gang ba dang / g.yas g.yon nas rin po che'i shing gi phreng bas dgrigs 
pa dang / rin po che sna tshogs kyi kha ran bkye ba dang / steng nas rin po che'i dril bu'i dra ba bres pa dang / rin po che'i gnam yol sna tshogs kyis bkab pa dang / rin po che'i rgyal mtshan dang / ba dan dang / snam bu brgya stong rab tu brgyan pa du ma bsgreng zhing sbyangs </font><hr>38-1-235b<br><font size=+1>
pas mdzes par brgyan pa dang / g.yas g.yon nas rin po che'i stegs bu'i phreng ba rnam par bkod pas rnam par brgyan pa ste/ rin po che'i stegs bu la la la ni slongs mo ba'i tshogs la yongs su bstabs pa'i don du rin po che'i snod sna tshogs/ rin po che sna tshogs kyis yongs su bkang 
ba bkod/ stegs bu la la la ni rgyan 'dod pa'i slongs mo ba rnams brgyan pa'i don du rin po che thams cad kyi rgyan gyi rnam pa yongs su bkod/ stegs bu la la la ni sems can thams cad kyi bsam pa yongs su rdzogs par bya ba'i phyir yid bzhin gyi nor bu rin po che bkod/ 
stegs bu la la la ni su ci 'dod pa de dag la de sbyin pa'i don du kha zas dang btung ba dang / bro ba sna tshogs kyis yongs su bkang ba'i snod mang po bkod/ stegs bu la la la ni rnam pa thams cad du mchog tu zhim pa'i ro dang / kha dog dang dri dang / bro dang / reg yid du 'ong ba dang ldan pa'i 
lha rdzas kyi kha zas kyi rnam pa bkod/ stegs bu la la la ni ro bro ba sna tshogs dang ldan pa'i lha rdzas kyi shing tog sna tshogs thams cad spungs/ stegs bu la la la ni gos 'dod pa rnams yid bzhin du spyod du gzud pa'i phyir lha rdzas kyi gos rin po che kha dog sna tshogs 
dang ldan pa mdog bzang po rnam pa sna tshogs dag dang ri mo sna tshogs shin tu spa bar rnam par phye ba shin tu btsun pa la 'os pa shin tu phra ba/ rab tu 'jam pa/ thags su ma btags pa/ bye ba brgya phrag stong snyed yongs su bkod par gyur to/ /stegs bu la la 
la ni byug pa 'dod pa'i sems can rnams bsam pa ji lta ba bzhin du yongs su spyod du gzung pa'i phyir/ /lha rdzas kyi spos kyi rnam pa kha dog dang / dri rnam pa sna tshogs thams cad dang ldan pa dag kyang bkod par gyur to/ /stegs su bu la la la ni sems can 
rnams bsam pa ji lta ba bzhin du yongs su spyod du gzud pa'i phyir yo byad thams cad kyi phung po dag kyang bkod par gyur to/ /stegs bu la la la ni na chung gzugs bzang ba rab tu mdzes pa shin tu sdug pa/ cha lugs sdug gu sna tshogs dang ldan </font><hr>38-1-236a<br><font size=+1>
pa yid du 'ong ba'i gos sna tshogs gyon pa/ rgyan thams cad kyis mdzes par brgyan pa/ byug pa sna tshogs kyis tshul sdug gur brgyan cing mdzes par byas pa'i lus dang ldan pa/ bud myed kyi bzo dang sgyu dang / shes nyen gyi tshul la mkhas pa dag kyang bkod 
par gyur to/ /de'i tshe rgyal po'i gnas sdong po ri bo'i dpal de nyid na sprul 'tshong ma'i dam pa rgyal po'i longs spyod du 'os pa/ blta na mdzes pa zhes bya ba zhig yod pa/ de'i bu mo dga' ba'i 'od kyi dpal shin tu sbyangs pa zhes bya ba gzugs bzang zhing shin tu mdzes 
pa/ blta na sdug pa ha cang yang mi ring ha cang yang mi thung / ha cang yang mi sbom/ ha cang yang mi phra/ ha cang yang mi dkar/ ha cang yang mi sngo ba/ skra mthon ting du 'dug pa/ myig dkar nag 'byes pa/ bzhin yid du 'ong ba/ tshangs pa'i dbyangs dang 
ldan pa/ 'jam zhing snyan par smra ba/ shes rab dang ldan pa/ shes nyen gyi tshul thams cad la mkhas pa gtsug lag thams cad la shes pa/ brtson pa/ le lo myed pa/ rim 'gro yod pa/ mos pa dang ldan pa/ byams pa'i sems 'dogs pa/ 
khong khro ba mi mnga' ba/ blta na mi ngoms shing yid du 'ong ba/ 'dod chags dang zhe sdang dang / gti mug chung ba/ ngo tsha shes shing khrel yod pa/ drang zhing mnyen pa/ g.yo dang sgyu med pa zhig yod de/ de ma dang lhan cig tu bu mo du ma zhig gis yongs su bskor te/ rin 
po che'i shing rta la zhon nas rgyal po'i gnas sdong po ri bo'i dpal nas byung ste/ rgyal pos bka' stsal nas/ rgyal bu gzhon nu gzi brjid kyi bdag po'i mdun nas/ phar rgyal bu gzhon nu de glu len zhing 'dod 'dod ba las/ rgyal bu gzhon nu gzi brjid kyi bdag po mthong nas/ 
'dod chags kyis sems shin tu mi bzang pa zhig g.yos te/ rgyal bu gzhon nu gzi brjid kyi bdag po shin tu yid du 'ong ches nas rjes su 'brang zhing sems la rang dbang med pas/ blta na sdug pa la 'di skad ces smras so/ /ma 'di ltar mkhyen par mdzod cig /gal te bdag rgyal bu gzhon </font><hr>38-1-236b<br><font size=+1>
nu gzi brjid kyi bdag po la ma btad na ni 'gum pa 'am/ srog la 'bab pa'i sdug bsngal gcig tu 'gyur ro/ des smras pa/ bu mo de lta bu'i sems ma skyed cig /gzhon nu 'di ni 'khor los sgyur ba'i mtshan dang ldan pa ste/ de'i yab nor gyi bdag po 
mi bzhugs par gyur na/ 'khor los sgyur ba'i rgyal srid la gnas par 'gyur ba'i gnas yod do/ /de 'khor los sgyur ba'i rgyal por 'gyur bas/ de'i bud med rin po che nam mkha' la 'gro ba 'byung bar 'gyur la/ bu mo bdag cag kyang / sbrul 'tshong 
ma dag cig ste/ 'jig rten thams cad dga' bar byed pa yin gyi/ yu bus sems can 'ga' zhig la nam 'tsho'i bar du bsnyen bkur myi byar myi rung ba'ang myed de/ yu bu ni rgyal po nor gyi bdag po'i bkas rgyal bu gzhon nu gzi brjid kyi bdag po'i rim 
'gror 'dong 'dong bar zad kyis de lta bu'i sems brtan par ma byed cig /gnas de ni thob par yang shin tu dka'o/ /de'i tshe de bzhin gshegs pa dgra bcom pa yang dag par rdzogs pa'i sangs rgyas sku nyi ma dam pa zhes bya ba mkhyen pa dang zhabs su ldan pa/ 
bde bar gshegs pa 'jig rten mkhyen par bla na myed pa/ skyes bu 'dul ba'i kha lo sgyur ba lha dang / mi rnams kyi ston pa/ sangs rgyas bcom ldan 'das 'jig rten du byung ste/ de'i snying po byang chub chos kyi sprin shin tu sdug pa'i 'od ces bya ba yang bza' shing gi ra ba 
spos kyi myu gu'i rtse mo las 'od kyi sprin 'byung ba zhes bya ba de'i nang du byung ste/ der bcom ldan 'das de bzhin gshegs pa sku nyi ma dam pa thog mar mngon par rdzogs par sangs rgyas nas/ zhag bdun lon pa de bu mo de shing rta la zhon bzhin du yur zhing 'chog 'chog 
pa'i rmi lam du mthong nas sad par gyur pa dang / sngon gnyen bshes su gyur pa'i lha mo zhig gis bstan pa/ bu mo de bzhin gshegs pa'i sku nyi ma dam pa de ni snying bo byang chub chos kyi sprin shin tu sdug pa'i 'od ces bya ba na rnam par spyod cing thog ma mngon par rdzogs par sangs </font><hr>38-1-237a<br><font size=+1>
rgyas nas zhag bdun lon te/ byang chub sems dpa'i tshogs kyis yongs su bskor cing / lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / tshangs pa dang / gya nom snang ba dang / 'og 
myin gyi lha'i tshogs kyis mdun du byas shing bzhugs te/ der sa'i lha mo thams cad kyang kun nas 'dus/ chu'i lha mo dang / mye'i lha mo dang / rlung gi lha mo dang / rgya mtsho'i lha mo dang / chu klung gi lha mo dang / ri'i lha mo dang / mtshan mo'i lha mo dang / skya rengs 'char ba'i lha mo 
dang / nags tshal gyi lha mo dang / shing gi lha mo dang / sman gyi lha mo dang / lo thog gi lha mo dang / grong khyer gyi lha mo dang / rkang gis 'gro ba'i lha mo dang / snying po byang chub kyi lha mo dang / lus kyi 'od gzer gyi lha mo dang / sems can gyi ris kyi lha mo dang / nam mkha'i lha mo 
dang / phyogs thams cad kyi lha mo dag kyang bcom ldan 'das sku nyi ma dam pa'i zhal blta ba'i phyir kun nas 'dus so zhes nas/ de ltar des de bzhin gshegs pa mthong ba dang / de bzhin gshegs pa'i yon tan thos pas bag tsha myed pa thob par gyur te/ skabs su bab nas 
rgyal bu gzhon nu gzi brjid kyi bdag po'i mdun du de'i tshe tshigs su bcad pa 'di dag smras so/ /gzugs kyi mchog gis 'jig rten khyad par 'phags/ /yon tan rnams kyis thams cad phyogs su grags/ /shes rab stobs kyis bdag dang 'dra ma mchis/ /
sgyu rtsal dga' ba sgyu ma'i tshul kun 'tshal/ /srog chags mang po stong phrag du ma yis/ /'dod chags dbang gis bdag la rab bltas kyang / /gzhon nu bdag ni 'jig rten gang la yang / /glo ba chags par gyur pa gcig ma mchis/ /sems can gang la 
yang zhen par gyur pa 'am/ /gang la'ang khong khror bdag gi sems ma gyur/ /gang la'ang dgra myi bgyid de zhe myi sdang / /bdag ni sems can sman par dga' ba lags/ /sku gzhan sku mchog yon tan rab mnga' khyod/ /gang tshe bdag gis gsal </font><hr>38-1-237b<br><font size=+1>
bar mthong gyur pa/ /de tshe dbang po kun kyang nyams su bde/ /rgya che yangs par shin tu dga' bar gyur/ /khyod kyi dbu bzang lcang lor 'khril ba ni/ /rin chen rnam snang mdog tu mthon ting gsal/ /zhal gyi smin sdug 'phral ba shangs su mdzes/ /khyod kyi zhal sngar lus 
'di bdag 'bul lo/ /mtshan gyi rab 'chang gzi brjid che mnga' ba/ /sku gzugs gser gyi ri bo bzang po 'dra/ /khyod kyi spyan sngar bdag lta mi mdzes te/ /zil du rlag pas snag tsha'i gzugs kyang 'dra/ /spyan gsal ring la dkar nag 'byes pas mdzes/ /
shin tu zhal rgyas seng ge'i za 'gram can/ /khyod kyi gsung ni thogs pa ma mchis na/ /gsung mchog mnga' bas bdag ni gzung du gsol/ /khyod kyi zhal na ljags yangs mnga' ba ni/ /mdog dmar yangs pa rin chen mchog gi 'od/ /tshangs dbyangs yan lag mchog gi 
gsung mnga' bas/ /gsung zhing 'gro ba rab tu dga' ba mdzad/ /khyod kyi zhal na thags bzang tshems mnga' ba/ /dung ltar dri med shin tu rnam par gsal/ /'dzum zhing bzhad pa rnam par ston mdzad kyang / /skyes bu dpal khyod 'gro ba dga' bar mdzad/ /khyod kyi sku la 
mtshan rab mdzes pa rnams/ /sum cu rtsa gnyis dag cing 'od kyang gsal/ /sku gzugs bzang po yongs su des brgyan pas/ /mi yi dbang po 'khor los sgyur ba byon/ /de nas rgyal bu gzi brjid kyi bdag pos/ bu mo dga' ba'i 'od kyi dpal shin tu sbyangs 
pa la 'di skad ces smras so/ /bu mo khyod su'i/ khyod la yongs su srung ba ni gang zhig yod/ bu mo nga la ni gzhan gyis yongs su gzung ba'i bud med bdag gir byar mi rung ngo zhes nas/ de'i tshe tshigs su bcad pa 'di dag kyang smras so/ /blta sdug gzugs kyi yon tan legs ldan 
pa/ /mtshan bzang bsod nams rnam par dag pa'i lus/ /khyod la dri ba'i don 'di nga la smros/ /lus mchog khyod ni su yis yongs su gzung / /khyod la pha dang ma ni yod dam myed/ /khyim thab myed dam khyod ni su zhig dbang/ /gzugs mdzes khyod la sems </font><hr>38-1-238a<br><font size=+1>
can gzhan nam gcig /bdag gi yin par 'du shes byed myed dam/ /khyod kyi yid ni gsod la myi dga' 'grang / /gzhan las ma byin phrogs par mi byed dam/ /'dod pas log par g.yem la myi dga' 'grang / /brdzun du brjod smrar yid ni mi 
mos sam/ /khyod kyi blo gros mdza' 'byed mi 'jug gam/ /tshig brlang gzhan la gnod par myi smra 'grang / /gzhan gyi nor la chags par sems myed dam/ /'gro ba rnams la gnod par myi sems 'grang / /blta ba'i 'brog dgon lam du ma zhugs 'grang / /las kyi 
rgyud la ye brdam sems myed dam/ /g.yo mdog sgyu yi dbang du mi 'gro'am/ /mi 'thad 'jig rten gnod par myi byed 'grang / /pha ma gnyen dang mdza' bshes bla ma la/ /sri zhu rim gror bya ba'i tshul 'chang ngam/ /phongs par gyur pa yongs su bsdu don du/ /khyed kyi 
yid la byin par sems yod dam/ /chos dang mthun par dus su 'doms byed cing / /lus dang sems yid yongs su dag byed la/ /yang dag las su rung ba skyed byed pa'i/ /dge bshes rnams la dga' bar sems yod dam/ sangs rgyas rnams la rim gror 
byed ldan nam/ /sangs rgyas sras la dga' mchog yod dam myed/ gang las bde gshegs sras rnams skyer 'gyur ba'i/ /chos kyi dam pa de ni shes mi shes/ /chos yid mchog la gnas par khyod byed 'grang / /chos min spyad pa'i blo gros med 'grang ngo / /legs 
pa mtha' yas yon tan rgya mtsho la/ /gus pa'i sri zhu dga' sems mchog yod ma/ /skye bo mgon med phongs par gyur pa yi/ /'dren pa rnams la byams pa'i yid yod dam/ /ngan song 'gro ba'i lam la zhugs pa yi/ /shin tu nyam thag snying rje sems 
'grang ngo/ /gzhan gyi phun sum tshogs pa mthong gyur na/ /khyod ni dga' ba mchog dang ldan 'gyur ram/ /skye bo nyon mongs rnams kyis 'khol gyur la/ /shes rab mthu bskyed btang snyoms byed mi byed/ /myi shes gnyid log skye bo mang mthong na/ /byang chub dam </font><hr>38-1-238b<br><font size=+1>
par smon lam 'debs byed 'grong / /bskal pa mtha' yas spyad pa spyod byed na/ /smon lam dam pas skyo bar mi 'gyur 'grang / /de nas bu mo dga' ba'i 'od kyi dpal shin tu sbyangs pa'i ma sprul 'tshong ma'i gtso mo blta na sdug pas rgyal bu gzhon nu gzi brjid kyi bdag 
po la 'di skad ces smras so/ /gzhon nu bdag gi bu mo 'di ni rdzus te byung ba/ pad mo'i nang nas skyes pa ste/ sngan chad khyim gyi nang nas phyi rol tu ma byung ngo zhes nas/ de'i tshe tshigs su bcad pa 'di dag ces smras so/ /bu mo 'di la khyod kyis gang smras pa/ /de ni 
bdag gis rim pas khyod la brjod/ /ji ltar bu mo 'di skyes bskyed bskyed pa/ /bdag gis khyod la gsol gyis gsan du gsol/ /gang tshe dgung sangs khyod ni bltam gyur pa/ /de tshe bdag gi bu mo 'di skyes te/ /rdzus te dri med pad ma'i sbubs nas byung / /
yan lag kun tshang myig yangs 'di yang skyes/ /dus kyi nang na sos ka dus mchog la/ /sman dang lo tog myu gu 'thon pa'i tshe/ /sA la'i ra ba bza' shing rab mchog tu/ /bdag ni rtse dga' de khrod mchi mchi ste/ /sna tshogs yal ga'i lo ma rgyas gyur 
cing / /zhugs shing me tog sdug rgyas sprin gyi mdog /bya bran sna tshogs sgra snyan zhugs shing nang / /nags khrod mya ngam ma mchis dgar mchis mchis/ /rgyan dang ldan zhing shin tu yid 'ong la/ /rin chen rad pa sna tshogs 'tshal pa rnams/ /rol mo glu 
la shin tu bslabs pa yi/ /bu mo brgya phrag brgyad dang bdag kyang ldan/ /spos mchog ldan pa'i bun da ri ka dang / /rdzing 'gram me tog sil mas bltams pa yi/ /sa phyogs de na bud myed mang po dang / /bdag cag de na dga' bar mchis mchis na/ /
chab dbus de nas rin chen pad mo'i mchog /'dab ma stong dang ldan pa byung bar gyur/ /lo ma rin chen yu ba baiDUR+Ya/ /snying po 'dzam bu chu klung gser las bgyis/ /spos mchog rin chen dam pa'i ze ba can/ /'od chen 'dzam bu'i rgyal </font><hr>38-1-239a<br><font size=+1>
mtshan kun tu 'phro/ /de tshe dgung la gdugs shig shar tam zhes/ /skye bo kun kyang yid gnyis 'tshal bar gyur/ /dgung sangs gyur nas pad mo chen po de/ /gdugs kyi 'od kyis rab tu rgyas bgyis nas/ /snang ba de dang sgra snyan rab kyang bkye/ /
'di 'byung de ni sngon gyi ltas su byung / /bud myed rin chen 'di 'dra 'jig rten du/ /tshul khrims dam pa rnam par dag pas byung / /sug las bgyis pa chab 'tshal mi 'gyur bas/ /'di ni sngon cad legs par spyad pa'i 'bras/ /skra ni mthon ting 
mig yangs ud pa la/ /tshangs pa'i dbyangs ldan kha dog rnam dag ldan/ /phreng ba rgyan mchog cha lugs dbyibs su shis/ /dpal ltar dri myed pad mo'i mchog las skyes/ /lus ni rnam dag yan lag rgyan du mnyam/ /lus kyi dbyibs legs yan lag 
yongs su tshang / /gser gyi gzugs la nor bus phyis pa 'dra/ /phyogs kun 'od kyis rnam par gda' bar gsal/ /lus las tsan dan rgyal po'i spos kyi dri/ /phyogs su rgyas par 'di yi lus las 'byung / /sgra snyan lha rdzas yid du 'ong brjod tshe/ /kha nas 
ud pa la yi ngad kyang ldang / /'di ni gang tshe 'dzum zhing rgod pa'i tshe/ /rol mo'i sgra snyan de tshe 'byung bar 'gyur/ /bud med rin chen 'jig rten 'dir byung ste/ /tha mal kun gyi dbang du 'gyur ma lags/ /khyod ma gtogs par mi yi 'jig rten na/ /'di yi 
bdag po gzhan ni gcig ma mchis/ /mtshan rab brgyan pa'i sku gzugs mdzes mnga' ba/ /khyod kyi zhal sngar bu mo 'di bzhes gsol/ /'di ni ha cang mi ring mi thung ste/ /ha cang mi sbom ha cang phra ma lags/ /lto ni gzhu 'dra nu ma shas kyang rgyas/ /
yan lag skyon bral 'di ni khyod la 'os/ /grangs dang yi ge shes bgyi tshul rnams dang / /lag brda'i tshul dang gtsug lag tshul la mkhas/ /'jig rten kun na bzo rnams ji snyed pa/ /ma lus de la 'di ni pha rol phyin/ /mda' gzhu'i tshul la 'ang rnam </font><hr>38-1-239b<br><font size=+1>
pa rgyus su mkhas/ /'phong gi cho ga rnam par nges par rtogs/ /dgra yid bzhong zhing dbab pa kun la yang / /'di ni mchog tu pha rol phyin par gyur/ /lus rnams kun la rin chen rnam dag pa'i/ /'od mchog 'khor gyis shin tu mdzes pa ste/ /sngon bgyis 
legs pas shin tu sdug par brgyan/ /'di ni khyod kyi phyag rjed khyod la 'os/ /mi yi 'jig rten gnas rnams ji snyed pa/ /de dag gso ba'i tshul gyi cho ga 'tshal/ /de dag ma lus thams cad zhir bgyi na'ang / /ma nor sman gyi cho gas gso la mkhas/ /'dzam 
bu'i rgyal mtshan skad rnams thams cad dang / /skye bo'i nges tshig ma lus bye brag dang / /'jig rten tha snyad brjod pa'i mtshams sbyar ba/ /sna tshogs kun la'ang 'di ni pha rol phyin/ /dbyangs kyi yan lag mngon par bsgrub pa'i tshul/ /de dag bye brag tshul la'ang rab tu 
zhugs/ /'jig rten glu gar rnam pa ji snyed pa/ /ma lus de rnams kun gyi tshul yang 'tshal/ /rol mo sil snyan dag gi thabs rnams dang / /bzhad gad rol mo'i tshul la rnam par mkhas/ /chags dang ma chags mi rnams mngon 'tshal kyang / /khong khro chags par 
'gyur ba ma mchis so/ 'jig rten bud med sgra rnams ji snyed pa/ /khyad par nang du de la ma lus 'tshal/ /bud myed skye bo'i skyon du bgyi ba rnams/ /grangs med de dag 'di la gcig ma mchis/ /thil gyis blta dang zur gyis blta ba dang / /yan lag stabs dang 
yan lag rnams bstan dang / /shes nyen kun la mkhas pa'i mthar phyin te/ /khyod kyi dgongs pa yongs su rdzogs par bgyid/ /'di ni phrag dog ser sna ma mchis te/ /'dod pa zhe dug mi ldang sdig mi bgyid/ /bzod cing drang la mnyen zhing des pa ste/ /
mi khro mi brlang shin tu mkhas pa lags/ /ldang ba'i ngang tshul yid du 'ong ba'i ngag /rtag tu bla ma'i thugs dang sbyor ba ste/ /sku nyams gar bde lta zhing srid zhu che/ /khyod kyi spyod mthun rjes snyegs tshul dang mthun/ /rgas shing gtugs dang nad dang ldan pa dang / /</font><hr>38-1-240a<br><font size=+1>
phongs pa shin tu sdug bsngal gyur pa dang / /mig dang bral zhing mgon skyabs ma mchis la/ /'di ni snying brtse rtag tu bskyed pa lags/ /'di ni rtag tu gzhan don sems la brtson/ /bdag la sman pa sems par bgyid ma mchis/ /'jig rten 
kun la sman par dga' ba ste/ /rlabs chen sems kyi yon tan kun gyis brgyan/ /mchis sam nyal la ma mchi'am 'greng yang rung / /smra'am mi smra 'dzum zhing rgod kyang rung / /rtag tu bag mchis dran pa shes bzhin te/ /'di ni 'jig rten kun gyis rtag tu bsngags/ /
bsod nams ldan pas kun tu rnam par snang / /'gro ba kun kyang rtag tu dga' ba ste/ /'di la lta bas 'jig rten ngoms myi 'gyur/ /'di ni gang la'ang chags par ma mchis lags/ /dge bshes rnams la sri zhu 'di che ste/ /de dag mthong bar rtag par rab tu dga'/ /rjes su ci 'byung 
lta zhing skyon med tshul/ /sems bdag brtan pa ri rab ri dang 'dra/ /'di ni bsod nams mchog gis rtag tu brgyan/ /mi mdza' dgrar len 'di la yod ma mchis/ /'di'i shes 'dra bud myed gcig ma mchis/ /rgyal sras khyod la 'di ni tshul dang 'thun// //sangs rgyas rmad ga 
cad ces bya ba shin tu rgyas pa chen po'i mdo/ /bam po bco lnga ba/ de nas rgyal bu gzi brjid kyi bdag po bza' shing gi ra ba spos kyi myu gu'i rtse mo las 'od kyi sprin 'byung bar phyin te/ /bu mo dga' ba'i 'od kyi dpal shin tu sbyangs pa'i ma sprul 'tshong ma'i gtso mo blta na sdug 
pa'i mdun du/ bu mo dga' ba'i 'od kyi dpal shin tu sbyangs pa la 'di skad ces smras so/ /bu mo nga ni bla na med pa yang dag par rdzogs pa'i byang chub tu zhugs pa yin te/ de bas na ngas thams cad mkhyen pa'i tshogs ni tshad myed pa zhig bstsags par bya dgos 
bskal pa mtha' dang dbus med pa zhig tu byang chub sems dpa'i sbyad pa spyod de/ pha rol tu phyin pa thams cad ni yongs su rdzogs par bya dgos/ phyi ma'i mtha'i bskal pa'i mur thug par ni de bzhin gshegs pa rnams mchod par bya dgos te/ sangs </font><hr>38-1-240b<br><font size=+1>
rgyas thams cad kyi bstan pa ni yongs su gzung bar bya/ sangs rgyas kyi zhig thams cad ni yongs su sbyang par bya/ de bzhin gshegs pa thams cad kyi rigs ni mi gcad par bya/ sems can gyi rgyud thams cad ni yongs su smyin par bya/ sems can thams cad kyi 
'khor ba'i sdug bsngal ni rnam par bzlog par bya/ mtha' las rgal bar bde ba la ni sems can rab tu dgod par bya/ sems can thams cad kyi ye shes kyi myig ni yongs su dag par bya/ byang chub sems dpa' thams cad kyis bsgrub pa la ni brtson par bya/ 
byang chub sems dpa' thams cad kyi mnyam pa nyid la ni gnas par bya/ byang chub sems dpa' thams cad kyi sa ni yongs su bsgrub par bya/ sems can gyi khams thams cad ni yongs su sbyang bar bya/ sems can thams cad kyi phongs pa yongs su 
gtsang pa'i phyir bdag gi nor thams cad ni gtang bar bya/ phyi ma'i mtha'i mur thug pa'i bskal par sbyin pa'i pha rol tu phyin la spyod pa'i tshe/ kha zas dang / btung ba'i sbyin pas ni sems can yongs su tshim par bya/ yo byad kyi dngos po thams cad yongs su gtang bas ni 
slong ba'i tshogs thams cad yongs su tshim par bya dgos te/ de ltar nga bdog pa thams cad yongs su gtong pa la nan tan nyams su len pa'i tshe/ phyi nang gi dngos po gang ci rung ste/ yongs su mi gtang ba de lta bu med pas de ltar ngas bu dang bu mo 
dang / chung ma yang sbyin par bya dgos/ myig dang mgo dang rka lag dang / yan lag dang nyid lag thams cad kyang yongs su gtang dgos na/ /de'i tshe khyod gzhan byin na/ nga'i sbyin pa'i bgegs su 'gyur ro/ /bu yid du 'ong ba yongs su gtang na 
yid mi dga' bar 'gyur ro/ /lus dang sems kyi sdug bsgal yang mang po zhig nyams su myong bar 'gyur ro/ /nga la bdog pa thams cad yongs su gtang bar byas na ser sna'i sems su 'gyur ro/ /nga'i yan lag dang nying lag gtubs shing slongs </font><hr>38-1-241a<br><font size=+1>
mo pa rnams la gtong ba'i tshe/ yid mi dga' bar yang 'gyur ro/ /nam zhig na ngas khyod bor te de bzhin gshegs pa'i bstan pa la rab tu 'byung bar 'gyur ba de lta bu'i dus kyang yod de/ de'i tshe'ang khyod yid mi dga' bar 'gyur ro/ /zhes 
nas rgyal bu gzi brjid kyi bdag bos de'i tshe/ bu mo dga' ba'i 'od kyi dpal shin tu sbyangs pa la tshigs su bcad de smras pa/ /ngas ni 'gro kun snying rje rab bskyed de/ /yun ring mchog nas byang chub rab zhugs pas/ /yang dag byang chub tshogs chen rgya 
mtsho rnams/ /tshad med thams cad yongs su rdzogs bya dgos/ /bskal pa rgya mtsho mtha' dang dbus myed par/ /mkha' ltar tshad myed smon lam rnam sbyangs shing / /de bzhin gshegs pa bzhugs pa'i sa yi rnams/ /bskal pa mtha' 
yas yongs su sbyangs yang dgos/ /rgyal ba dus gsum 'byung ba thams cad kyi/ /pha rol phyin pa'i lam la ngas bslabs te/ /ye shes bla na med pa'i tshul chen gyis/ /byang chub lam mchog rnam par sbyangs yang dgos/ /phyogs rnams kun gyi 
zhing rnams thams cad kyang / /kun nas nyon mongs rnam par sbyang bar bya/ /'jig rten kun gyi mi khom thams cad dang / /ngan song kun kyang rnam par bzlog dgos so/ /nyon mongs bsgribs shing gti mug mun 'thoms pa'i/ /sems can kun kyang 
ma lus rnam sbyang dgos/ /sna tshogs thabs kyis yongs su sbyang byas te/ /thams cad mkhyen la tshul la dgod kyang dgos/ /chags med sa rnams kun kyang ngas sbyangs te/ /bskal pa rgya mtshor rgyal ba mchod par bya/ /'gro ba ma lus 
kun la byams bskyed de/ /'jig rten dag tu ma lus sbyin gtang dgos/ /slong ba kun nas 'dus shing 'ongs mthong nas/ /thams cad gtang bar rtag tu brtson gyur na/ /de tshe khyod ni nga sems mi 'thun te/ /zhum zhing dma' la 'jungs par </font><hr>38-1-241b<br><font size=+1>
mi 'gyur ram/ /nga'i mgo 'dod 'ongs pa ngas mthong ste/ /byang chub sems dpa'i spyad pa spyod gyur na/ /de tshe khyod ni sdug bsngal ba gdungs gyur gyis/ /'di 'dra'i don thos rab tu bstan par gyis/ /nga'i rka lag gtubs pa mthong gyur na/ /khyod ni mi 
dga' de tshe slong ba la/ /bud myed ngang gis tshig drag mi bzod smra/ /don 'di thosashing sems la yongs su soms/ /'phags pa'i dngos dag de bzhin bu rnams dang / /khyod kyang slong ba'i tshogs la sbyin dgos kyis/ /don 'di thos te mi dga' 
myed na lta/ /khyod dga' thams cad de bzhin bya la rag/ de skad ces smras pa dang / bu mo dga' ba'i 'od kyi dpal shin tu sbyangs pas/ rgyal bu gzi brjid kyi bdag po la 'di skad ces smras so/ /gzhon nu ji skad gsungs pa de ltar bgyi'o/ /bdag ni 
khyod ci dgyes pa dang / /ci bzhed par longs spyod pa dang / gang du dgyes par mchi ba dang / thams cad du yang slad nam las par rjes su 'brang ba dang / rtag tu zham ring slebs pa dang / don thams cad la brtson pa dang / thugs dang 'thun par spyad pa 
dang / med par nyams su blang ba dang / /mi 'thun pa ma mchis bar nan tan tu bgyi ba'i tshul la spyad par bgyi'o/ /zhes nas bu mo dga' ba'i 'od kyi dpal shin tu sbyangs pas/ rgyal po'i sras gzi brjid kyi bdag po la tshigs su bcad de smras pa/
bdag gi las 'di sems can dmyal ba yi/ /zhugs kyis yongs su gdungs zhu bar gyur kyang rung / /khyod spyod skal ba mnyam pa'i phyag rjed du/ /tshe rabs rgya mtshor bdag gi spro bar bgyi/ /tshe rabs mtha' yas skyes pa re re zhing / /bdag 
gi las ni shin tu gtubs gshags kyang / /brtan dam sems kyis rab tu spro bar bgyis/ /dad dge khyod kyis bdag gi khyim thab mdzod/ /khor yug ri yis bskal pa mtha' yas su/ bdag gi mgo ni yongs su btags gyur kyang / /</font><hr>38-1-242a<br><font size=+1>
sems la mi bde ma mchis dad par bgyid/ /khyod kyis rtag par bdag gi khyim thab mdzod/ /khyod kyis tshe rabs grangs med thams cad du/ /bdag la thugs brtan thugs kyis mnga' mdzad de/ /lan lag sha gtubs gzhan la 
stsal bar mdzod/ /khyod kyi chos la bdag kyang brtan gzhag gsol/ /bdag gi las ni slad na ma las par/ /skyes bu lha yi sras po khyod la dbul/ /bskal pa rgya mtshor spyod pa mdzad pa'i tshe/ /skye bo slong ba rnams la dgyes par gsol/ /
sems can kun la thugs rje mtha' yas pa/ /bskyed de sems can rgya mcho bsdu slad du/ /byang chub dam pa mchog tu khyod bzhugs pas/ /de slad bdag kyang thugs rjes gzung ba mdzod/ /logs spyod don dang nor gyi don ma lags/ /'dod spyod dga' ba 
bskyed pa'i don slad du/ /sems can mchog khyod khyor 'tshal ma lags kyi/ /khyod dang sbyong pa 'thun par spyad slad du'o/ /spyan gsal mdzes shing byams pa'i thugs mnga' ba/ /khyod ni 'jig rten gzigs pa ci tshul lags/ /thugs rje 
che yi 'dod chags thugs mi mnga'/ de la thub dbang 'gyur ba gdon mi 'tshal/ /khyod kyi zhabs kyis bcags pa'i sa rnams kyang / /dri med rin chen 'od du gnas pa las/ /khams gsum kun tu 'khor los sgyur bar yang / /
mtshan rab yongs kyis brgyan byon gdon mi 'tshal/ /bdag gis g.yar lam mthong ba dgung zhig la/ /chos bzang sprin 'od byang chub snying po yi/ /shing dbang drung na de bzhin gshegs pa bzhugs/ /sangs rgyas sras mang du mas mdun 
du bdar/ /rgyal pa'i dbang po sku mchog nyi ma de/ /'dzam bu chu klung rin chen 'tsher ba 'dra/ /g.yar lam mthong bar phyag gis bdag mgo byug /de nas sang nas glo ba rab tu dga'/ /dga' ba'i 'od ces bgyi ba rnam dag lus/ /</font><hr>38-1-242b<br><font size=+1>
sngan chad gnyen bshes gyur pa'i lha mo yis/ /bdag la bstan pa bde gshegs de nyid ni/ /snying po yang dag byang chub yongs la zhugs/ /sngon yang gzhon nu gzi brjid khyod blta zhes/ /bdag gi sems bskyed de ltar bsam par gyur/ /mdang 
sum dgung la lha mo dge ba yis/ /gzhon nu de ni mthong bar 'gyur zhes bstan/ /bdag gi bde gshegs g.yar lam rmyis pas mthong / /yongs su dag pa'i sems can khyod kyang mthong / /yid bzhin bsam grub khyod dang bdag bcas pas/ /
de ring rgyal ba de la mchod par bgyi/ /de nas rgyal po'i bu gzi brjid kyi bdag pos/ de bzhin gshegs pa sku nyi ma dam pa'i mtshan thos te/ sangs rgyas blta ba'i skabs byung nas dga' ba dang mos pa'i shugs chen po skyes te/ bu mo dga' ba'i 'od 
kyi dpal shin tu sbyangs pa la nor bu rin po che lnga brgyas mngon bar gtor nas/ gtsug gi rin po che dpal gyi 'od 'bar ba zhes bya ba yang de la byin no/ /mye'i mdog ltar 'dug pa'i nor bu rin po che dam pas brgyan pa'i gos rin po ches kyang de 
bkab po/ /de de ltar rim gror byas kyang dga' bar gyur pa'am/ /nyams bde bar gyur pa lta bu'ang med la dga' ba dang mos par yang ma gyur gyi/ gzhan du na thal mo sbyar cing myig mi 'gebs par gzhon nu gzi brjid bdag gi gdong la blta zhing gnas 
bar gyur to/ /de nas sbrul 'tshong ma'i gtso mo blta na sdug pas/ rgyal ba gzhon nu gzi brjid kyi bdag po la tshigs su bcad de smras pa/ /bu mo 'di ni khyod gsal bgyi snyam nas/ /yun ring snga nas bdag gis bsam bsam ste/ /gzugs 
mdzes de yang de ring khyod la phul/ /bsod nams legs brgyan yon tan rab dang ldan/ /tshul khrims blo dang yon tan gzhan gyis kyang / /bu mo dam pa 'di dang 'dra ba ni/ /mi yi 'jig rten gang na'ang ma mchis te/ /'jig rten kun gyi bud </font><hr>38-1-243a<br><font size=+1>
med nang na mchog /pad mo'i sbubs nas skyes pas rigs smos su/ /skyon gyi dri mas ma gos 'thad ma lags/ /ma lus skyon gyis ma gos sems dang ldan/ /rtag par khyod kyi spyod tshul mthun par 'gyur/ /reg na bde la kun nas 
'phags pas na/ /'di yi lus ni shin tu 'jam pa ste/ /bro 'tshal nad pa gang la reg gyur kyang / /de'i mod la bro dang bral bar 'gyur/ /'di'i lus las spos kyi ngad 'byung ba/ /spos mchog gzhan rnams mngon par zil gyis gnon/ /de yi dri 
zhim ma tshor na rnam dag pa'i/ /tshul khrims gnas par mi rnams kun kyang 'gyur/ /'di yi lus ni gser gyi mdog 'dra ste/ /pad mo'i mchog ltar rnam par rab tu gsal/ /khros pas bltas na byams pa'i sems ldan par/ sems can ma lus 
kun kyang rab tu 'gyur/ /'di yi tshig snyan yid du 'ong ba ste/ /nyams su bde bas 'gro ba nyan par dga'/ /thos na de rgyus skyon gyi mun pa dang / /mi dge'i sug las bgyid par mos mi 'gyur/ /'di ni bsam dag yid la dri med de/ /'di la kun tu g.yo 
dang sgyu ma mchis/ /ji smra de dag yid la'ang de bzhin te/ /tshig dbyangs des ni 'gro ba tshim par bgyid/ /sgyu yis sems can 'drid par mi 'gyid de/ /nor gyi don du 'gro ba yongs mi slu/ /yid bsdams khrel gyis 'dzem dang ldan pa ste/ /rgan nam 
gzhon la'ang rtag tu srid zhus spyod/ /rigs rgyud gzugs kyis dregs pa ma mchis te/ /'di ni 'khor gyis dregs pa'ang yod ma mchis/ /nga rgyal rlom sems yongs dang bral ba ste/ /'gro ba rnams la rtag tu gus par 'dud/ /de nas rgyal po'i bu gzi 
brjid kyi bdag po bu mo dga' ba'i 'od kyi dpal shin tu sbyangs pa 'khor dang bcas pa dang / bu mo stong phrag nyi shu dang / 'khor thams cad dang bcas par bza' shing gi ra ba spos kyi myu gu'i rtse mo nas 'od kyi sprin 'byung ba de nas byung ste/ snying po byang chub chos kyis </font><hr>38-1-243b<br><font size=+1>
'phags pa'i 'od gang na ba dang / bcom ldan 'das de bzhin gshegs pa sku nyi ma dam pa gang na ba der bcom ldan 'das de bzhin gshegs pa sku nyi ma dam pa'i zhal blta ba dang / de la phyag 'tshal ba dang / mchod pa dang bsten bkur bya ba'i phyir dong ste/ /de rta 
babs sa'i bar du bzhon pas song nas babs te rkang pas/ bcom ldan 'das de bzhin gshegs pa sku nyi ma dam pa'i drung du song ngo / /de nas rgyal po'i bu gzhon nu gzi brjid kyi bdag pos rgyang ring zhig nas/ bcom ldan 'das de bzhin gshegs pa dgra 
bcom pa yang dag par rdzogs pa'i sangs rgyas rab tu bzang ba blta na sdug pa dbang po zhi ba thugs zhi ba/ dbang po bsdams pa/ glang po ltar shin tu dul ba/ mtsho ltar dang zhing rnyog pa med la rnam par gsal ba mthong ngo / /de ltar mthong nas de'i sems mngon 
bar mos par gyur te/ de ltar sems mngon par mos par gyur nas sangs rgyas mthong ba'i dga' ba dang/ mos pa'i shugs chen po rnam par spel de dga' ba dang mos pa dang / spro pa chen pos yongs su rgyas pa'i sems kyis bcom ldan 'das de la lan brgya stong du mar g.yas phyogs su bskor ba byas nas 
bu mo dga' ba'i 'od kyi dpal shin tu sbyangs pa la stsogs pa 'khor thams cad dang bcas pas/ bcom ldan 'das de'i zhabs la spyi bos phyag 'tshal te/ rin po che dam pa'i pad mo stong phrag lnga brgyas bcom ldan 'das de la mngon par gtor te/ bcom ldan 'das de'i gtsug 
lag khang lnga brgya nor bu rin po che'i rgyal po spos sna tshogs las byas pa rin po che'i rgyal po sna tshogs kyis rab tu brgyan pa/ lnga brgya brtsigs so/ /gtsug lag khang re re zhing yang nor bu rin po che'i rgyal po stong phrag lnga brgyas rab tu brgyan to/ /de nas bcom 
ldan 'das de bzhin gshegs pa sku nyi ma dam pas gzhon nu gzi brjid kyi bdag po'i bsam pa thugs su chud nas mdo sde sgo kun tu lta ba'i sgron ma zhes bya ba yang dag par bstan to/ /des de thos nas chos thams cad kyi tshul la ting nge 'dzin gyi sgo rgya mtsho phrag bcu thob par gyur </font><hr>38-1-244a<br><font size=+1>
te/ 'di ltar de bzhin gshegs pa thams cad kyi smon lam rgya mtsho yang dag par 'byung ba zhes bya ba'i ting nge 'dzin gyi sgo rab tu thob bo/ /dus gsum snang ba'i snying po zhes bya ba'i ting nge 'dzin gyi sgo rab tu thob bo/ /sangs rgyas thams cad kyi dkyil 'khor mngon du gyur 
bar 'byung ba zhes bya ba'i ting nge 'dzin gyi sgor rab tu thob po/ /sems can 'byam klas pa thams cad rab tu snang bar bya ba la 'jug pa zhes bya ba'i ting nge 'dzin gyi sgo rab tu thob po/ /'jig rten thams cad du 'byung ba'i ye shes kyi snang ba la zhugs pa zhes bya ba'i ting nge 'dzin gyi 
sgo rab tu thob po/ /sems can thams cad kyi dbang po rgya mtsho la 'jug pa snang ba'i sgron ma zhes bya ba'i ting nge 'dzin gyi sgo rab tu thob bo/ /'gro ba thams cad yongs su bskyab pa'i ye shes kyi sprin ces bya ba'i ting nge 'dzin gyi sgo rab tu thob po/ /'gro ba thams 
cad yongs su smyin par bya ba dang / gdul ba la mngon du gyur pa'i sgron ma zhes bya ba'i ting nge 'dzin gyi sgo rab tu thob po/ /de bzhin gshegs pa thams cad kyi chos kyi 'khor lo'i sgra rnams dmyigs par byed pa zhes bya ba'i ting nge 'dzin gyi sgo rab tu thob po/ /
kun tu bzang bo'i spyod pa'i dkyil 'khor yongs su dag par byed pa'i smon lam gyi sprin ces bya ba'i ting nge 'dzin gyi sgo rab tu thob ste/ ting nge 'dzin gyi sgo bcu po 'di dag la stsogs ba chos kyi tshul thams cad la ting nge 'dzin gyi sgo rgya mtsho phrag bcu rab tu 
thob par gyur to/ /bu mo dga' ba'i 'od kyi dpal shin tu sbyangs pas kyang ye shes thub par dka' ba rgya mtsho'i snying po zhes bya ba'i sems nges par gzhag pa rab tu thob par gyur te/ bla na med pa yang dag par rdzogs pa'i byang chub las kyang phyir mi 
ldog par gyur to/ /de nas rgyal po'i bu gzi brjid kyi bdag pos/ bcom ldan 'das de bzhin gshegs pa sku nyi ma dam pa'i zhabs gnyis la spyi bos phyag 'tshal te/ bcom ldan 'das la lan brgya stong du mar g.yas phyogs su bskor ba byas </font><hr>38-1-244b<br><font size=+1>
nas/ bu mo dga' ba'i 'od kyi dpal shin tu sbyangs pa dang / 'khor thams cad dang bcas te/ bcom ldan 'das de'i spyan snga nas dong ngo / /de nas rgyal po'i gnas sdong bo ri bo'i dpal gang na ba dang / rgyal po yab nor gyi bdag po gang na ba der dong ste/ drung 
du phyin nas/ rgyal po yab nor gi bdag po'i rkang pa gnyis la spyi bos phyag 'tshal te/ don 'di brjod do/ /lha'i zhal snga nas mkhyen par mdzad du gsol/ de bzhin gshegs pa dgra bcom pa yang dag par rdzogs pa'i sangs rgyas sku nyi ma dam pa zhes 
bgyi ba mkhyen pa dang zhabs su ldan pa bde bar gshegs pa 'jig rten mkhyen pa bla na med pa skyes bu 'dul ba kha lo bsgyur ba/ lha dang mi rnams kyi ston pa/ sangs rgyas bcom ldan 'das 'jig rten du byung ste/ khyod kyi khams 'di nyid kyi snying po byang chub 
chos kyi sprin shin tu sdug pa'i 'od na rnam par spyod de/ mngon par rdzogs par sangs rgyas nas ring po ma lags so/ /de nas rgyal po nor gyi bdag pos/ gzhon nu gzi brjid kyi bdag po la 'di skad ces smras so/ /gzhon nu khyod la don 'di lha 'am mi 'am 
su zhig gi sbran/ des smras pa/ bdag la bu mo dga' ba'i 'od kyi dpal shin tu sbyangs pas sbran to/ /de nas rgyal po nor gyi bdag pos sangs rgyas byung bar thos nas/ sangs rgyas skye ba la ni gter rab tu thob tsam du sems/ sangs rgyas 
rin po che dang phrad par ni dka' bar sems/ de bzhin gshegs pa mthong bas ni ngan song gi g.yang sa'i 'jigs pa thams cad kyang rnam par ldog par sems/ nyon mongs pa'i nad chen po rab tu zhi bar bya ba la ni sman pa'i rgyal po chen po dang phrad pa tsam du 
sems/ 'khor ba'i sdug bsngal thams cad las ni yongs su 'grel ba yin par sems/ shin tu bde zhing ldan pa la ni rab tu gzhog par sems/ rab rib med pa'i ye shes kyi snang ba ni yang dag par ston par sems/ ma rig pa'i mun pa bstsal </font><hr>38-1-245a<br><font size=+1>
ba la ni sgron ma chen po byung ba tsam du sems/ 'jig rten mgon med pa las ni chos kyi tshul gyi mgon dang phrad par sems/ 'jig rten 'dren pa med pa las ni thams cad mkhyen pa nyid kyi theg pas 'dren pa skyes par sems shing sangs rgyas byung 
bar thos pas mos pa dang / spro ba chen po skyes nas rgyal rigs dang bram ze dag ljongs kyi mi dang / yul gyi mi dang / blon po dang zham ring ba dang / gzhon nu dang rgyal phran dang / khams kyi bdag po dang / 'khor thams cad kyang kun nas bsdus nas/ 
sangs rgyas byung bar sgra snyan pa sgrog pa'i gzhon nu gzi brjid kyi bdag po la rgyal po'i srid de yang chos kyi dgab bar byin no/ /de ltar gzhon nu de rgyal srid la dbang bskur nas/ srog chags stong phrag bcu dang lhan cig tu/ bcom ldan 'das de bzhin gshegs pa sku 
nyi ma dam pa gang na ba der song ste/ spyan sngar phyin nas/ bcom ldan 'das de'i zhabs gnyis la spyi bos pyag 'tshal te/ bcom ldan 'das de la lan brgya stong du mar g.yas phyogs su bskor ba byas nas/ bcom ldan 'das de'i spyan sngar rang gi 'khor dang 
bcas te 'khod do/ /de nas bcom ldan 'das de bzhin gshegs pa sku nyi ma dam pas/ rgyal po nor gyi bdag po dang / 'khor gyi dkyil 'khor thams cad la gzigs nas/ de'i tshe mdzod spu nas 'od gzer 'gro ba thams cad kyi sems kyi sgron ma zhes bya ba rab 
tu bkye'o/ /des phyogs bcu'i 'jig rten gyi khams snang bar byas te/ 'jig rten gyi dbang po thams cad mngon sum du bkod nas/ sangs rgyas kyi rnam par 'phrul ba bsam gyis mi khyab pa yongs su bstan te/ sangs rgyas kyis 'dul ba'i sems can 
rnams kyi bsam pa dang / lhag pa'i bsam pa rnam par sbyangs nas/ de'i tshe sangs rgyas kyi byin gyi rlabs bsam gyis mi khyab pa'i mthus sangs rgyas kyi sku 'jig rten thams cad las mngon par 'phags pa dang / sangs rgyas kyi gsung dbyangs kyi yan lag rgya mtsho thams </font><hr>38-1-245b<br><font size=+1>
cad dang ldan pas/ gzungs kyi sgo chos thams cad la rab rib med pa'i don gyi sgron ma zhes bya ba gzungs kyi sgo sangs rgyas kyi zhing gi rdul shin tu phra ba snyed dang bcas par yang dag par bstan to/ /de nas rgyal po nor gyi bdag pos gzungs kyi sgo de thos nas chos thams cad la chas 
kyi snang ba chen po skyes par gyur to/ /'khor de'i byang chub sems dpal 'dzam bu'i gling gi rdul shin tu phra ba snyed kyis kyang chos thams cad la rab rib med pa'i don gyi sgron ma'i gzungs rab tu thob par gyur to/ /khrag khrig drug cus ni nye bar len pa med par zag pa las 
sems can rnam par grol lo/ /srog chags stong phrag bcus ni chos rnams la chos kyi mig rdul dang bral zhing dri ma med par rnam par dag par gyur to/ /sems can grangs med pa zhig gis ni sngon bla na med pa yang dag par rdzogs pa'i byang chub tu sems bskyed pa yongs su bskyed do/ /
phyogs bcur yang sangs rgyas kyi rnam par 'phrul ba bsam gyis mi khyab pa yongs su bstan pa des sems can gyi khams mtha' dang dbus med pa theg pa gsum gyis dul bar gyur to/ /de nas rgyal po nor gyi bdag po chos kyi snang ba rab tu thob pa/ de'i yid la 'di 
snyam ste/ khyim na gnas pas ni rnam pa 'di lta bu'i chos kyang khong du chud par mi nus la ye shes rnam pa 'di lta bu yang bsgrubs par mi nus kyis bdag ni bcom ldan 'das kyi zham ring du rab tu 'byung ngo snyam nas/ rgyal po nor gyi bdag pos/ bcom ldan 'das de la 'di 
skad ces gsol to/ /bcom ldan 'das bdag bcom ldan 'das kyi zham ring du rab tu 'byung zhing bsnyen par rdzogs pa'i dge slong gi tshul la mchis par ci gnang zhes nas/ bcom ldan 'das des bka' stsal pa/ rgyal po chen po de'i dus la dbab par shes na rung ngo / /
de nas rgyal po nor gyi bdag po srog chags stong phrag bcu dang lhan cig tu de bzhin gshegs pa sku nyi ma dam pa'i zham ring du rab tu byung ngo / /de ltar rab tu byung nas ring po ma lon par gzungs kyi sgo chos thams cad la rab rib med pa'i don gyi sgron ma zhes bya ba de 'khor dang </font><hr>38-1-246a<br><font size=+1>
bcas par yongs su bsgrubs so/ /bsgoms so/ /shin tu bsgoms so/ /de snyed kyi ting nge 'dzin gyi sgo yang rab tu thob par gyur to/ /byang chub sems dpa'i mngon par shes pa bcu yang rab tu thob bo/ /so so yang dag par rig pa'i tshul rgya mtsho 
la yang dag par zhugs par gyur to/ /phyogs bcu'i de bzhin gshegs pa'i drung du 'gro ba thogs pa med pa'i spyod yul zhes bya ba'i lus yongs su dag pa yang rab tu thob ste/ des bcom ldan 'das de'i chos kyi 'khor lo yang dag par blangs so/ /yongs su bzung ngo / /
gtam gyi skyes bu yang byas so/ /chos smra ba chen po yang byas so/ /bstan pa yongs su gzung ba yang byas so/ /mngon par shes pa thob pa'i stobs kyis kyang 'jig rten gyi khams thams cad rgyas par bkangaste/ bsam pa ji lta ba bzhin du sems can rnams 
la lus yongs su bstan nas/ sangs rgyas byung ba de rab tu brjod pa dang / sngon gyi de bzhin gshegs pas yongs su bsgrub pa'i chos nyid mngon par brjod pa dang / sngon gyi sbyor ba phun sum tshogs pa de dag yongs su brjod pa dang / sangs rgyas kyi rnam par 'phrul 
pa'i mthu de dag yongs su brjod par bya bas bstan pa yongs su gzung ba byas so/ /rgyal po'i sras gzi brjid kyi bdag pos kyang de'i nyin par zla ba nya ste/ rgyas pa'i tshe rin po che bdun rab tu thob par gyur te/ de khang ba'i steng na bud med kyi tshogs kyis 
bskor cing 'dug pa'i mdun du 'khor lo rin po che chen po shugs la thogs pa med pa zhes bya ba rtsibs stong phrag brgya dang ldan pa rin po che thams cad kyis brgyan pa/ lha rdzas kyi 'dzam bu chu klung gi gser las grub pa/ 'od kun tu 'byung ba rnam pa'i mchog thams cad dang ldan 
ba byung bar gyur to/ /glang bo rin po che chen po rdo rje rin po che'i ri'i gzi brjid ces bya ba 'byung bar gyur to/ /rta rin po che ri sngo rlung gi shugs shes bya ba byung bar gyur to/ /nor bu rin po che chen po nyi ma'i snying po 'od sprin rgyal po zhes bya ba byung bar gyur to/ /bu mo dga' </font><hr>38-1-246b<br><font size=+1>
ba'i 'od kyi dpal shin tu sbyangs pa de yang bud med rin po cher byung bar gyur to/ /khyim bdag rin po che nor kyi phung po mang po zhes bya ba byung bar gyur to/ /blon po rin po che mig dri ma med pa zhes bya ba yang byung bar gyur to/ /de ltar bdun no de de ltar rin po che bdun dang ldan pa'i 
rgyal po 'khor los sgyur ba gling bzhi la dbang ba chos dang ldan pa/ chos kyi rgyal po rnam par rgyal ba dang ldan pa yul gyi mthu dang brtson 'grus su ldan par gyur te/ de la bu dpa' la brtul phod cing yan lag dam pa'i gzugs dang ldan pa pha rol gyi sde rab tu 'joms 
pa stong yod par gyur te/ des sa chen po 'di skyon med pa dang / dgra med pa dang / gnod pa med pa dang / 'tshe ba med pa dang / skyid pa dang phun sum tshogs pa dang / bde ba dang lo legs pa dang / mdangs dga' ba dang / skye bo'i mi mang pos yongs su gang ba yang ri 
dang rgya mtsho'i mthas klas par chos kyis mngon par brgyan te/ gnas par byas so/ /de sa 'dzam bu'i gling de'i rgyal po'i gnas stong phrag brgyad cu rtsa bzhi dag tu yang rgyal po'i gnas re rer gtsug lag khang lnga brgya byed du btsud de/ thams cad kyang rnam pa'i 
mchog thams cad dang ldan pa sha stag go /longs spyod dang yo byad kyi rnam pa thams cad phun sum tshogs pa sha stag go /bza' shing gi ra ba dang / khang pa dang 'chag sa dang / dus thams cad du bde bar spyad pa'i nags tshal gyi phreng bas rnam par brgyan 
pa sha stag go /gtsug lag khang re re zhing yang de bzhin gshegs pa'i mchod rten brtsigs pa ni lhun gyi rgya shin tu che bar byas pa ste/ nang rin po che rnam pa mang pos brgyan pa/ rin po che'i rgyal po sna tshogs kyis rnam par spras pa sha stag ste/ 
rgyal po'i gnas de thams cad du'ang bcom ldan 'das de bzhin gshegs pa sku nyi ma dam pa 'khor dang bcas pa/ grong khyer du gshegs par bya ba'i phyir spyan drangs so/ /rgyal po'i gnas de dag kun tu yang de bzhin gshegs pa de la de bzhin </font><hr>38-1-247a<br><font size=+1>
gshegs pa'i mchod pa rnam pa thams cad du bsam gyis mi khyab pa mchod de/ sangs rgyas grong khyer du gshegs pa'i cho 'phrul dang / rnam par 'phrul pas sems can tshad med pa'i dge ba'i rtsa ba yongs su bskyed pa'i phyir gshegs su 
gsol to/ /der yang sems can ma dad pa'i sems dang ldan pa rnams ni dad pa thob par gyur to/ /dad pa dang ldan pa'i sems cad rnams ni sangs rgyas mthong bas dga' ba'i shugs rnam par 'phel bar gyur to/ /dga' ba'i shugs rnam par 'phel ba'i 
sems can rnams ni+i byang chub kyi bsam pa rnam par dag pa thob par gyur to/ /byang chub kyi bsam pa rnam par dag pa'i sems can rnams ni snying rje chen po'i sems skyes par gyur to/ /sems can la phan par zhugs pa'i sems can rnams ni sangs rgyas kyi chos 
thams cad yongs su btsal ba la brtson par gyur to/ /sangs rgyas kyi chos kyi tshul gyi rnam pa la mkhas pa'i sems can rnams ni chos thams cad kyi rang bzhin nges par khong du chud par bya ba'i phyir sems mngon par gzhol bar gyur to/ /chos mnyam pa nyid la zhugs 
pa'i sems can rnams ni dus gsum mnyam pa nyid la 'jug pa'i phyir/ sems mngon par gzhol bar gyur to/ /dus gsum gyi ye shes snang ba thob pa'i sems can rnams ni sangs rgyas gcig nas gcig tu brgyud pa rnam par dmyigs par bya ba'i don du 
ye shes snang ba la zhugs par gyur to/ /de bzhin gshegs pa sna tshogs rnam par dmyigs par bya ba la zhugs pa'i sems can rnams ni 'gro ba thams cad yongs su bsdu ba'i don du sems can mngon par gzhol bar gyur to/ /'gro ba thams cad yongs su bsdu 
ba la brtson pa'i sems can rnams ni byang chub sems dpa'i lam rnam par dag par bya ba'i phyir smon lam skyed par gyur to/ /lam gyi mnyam pa nyid la zhugs pa'i sems can rnams ni de bzhin gshegs pa thams cad kyi chos kyi 'khor lo mngon par bsgrub pa'i phyir </font><hr>38-1-247b<br><font size=+1>
ye shes snang ba skyed par gyur to/ /chos rgya mtsho rnam par dbye ba la mngon par mos pa'i sems can rnams ni zhing gi dra ba thams cad rang gi lus kyis rgyas par gang ba'i don du sems mngon par gzhol bar gyur to/ /zhing mnyam pa nyid la zhugs pa'i sems can rnams ni 
sems can thams cad kyi dbang po rgya mtsho yongs su shes par bya ba'i phyir smon lam 'debs par gyur to/ /'gro ba thams cad kyi dbang po dang mos pa ji lta ba bzhin du rnam par dpyad pa la brtson pa'i sems can rnams ni thams cad mkhyen pa nyid khong du chud par bya ba'i phyir bsam 
pa rnam par dag par gyur to/ /sems can rnam pa de lta bu dag gi don rnam pa de lta bu de dag 'grub par 'gyur ba mthong nas/ rgyal po gzi brjid kyi bdag pos sangs rgyas kyi rnam par 'phrul pa dang / cho 'phrul bsam gyis mi khyab par bstan pas sems 
can de dag yongs su smin par bya ba dang / gdul ba'i don du rgyal po'i gnas de dag thams cad du de bzhin gshegs sku nyi ma dam pa gshegs su gsol to/ /rigs kyi bu de la ji snyam du sems/ de'i tshe de'i dus na rgyal po'i bu gzi brjid kyi bdag po zhes bya 
bar gyur pa de bzhan zhig yin pa tsam du sems na ni/ khyod kyis de ltar mi blta ste/ bcom ldan 'das de bzhin gshegs pa shAkya thub pa 'di ni de'i tshe de'i dus na/ rgyal po'i bu gzi brjid kyi bdag po zhes bya ba 'khor los sgyur ba'i rgyal srid la dbang ba de bzhin 
gshegs pa sku nyi ma dam pa la bsnyen bkur byed byed pa de yin no/ /rigs kyi bu de la ji snyam du sems/ de'i tshe de'i dus na rgyal po nor gyi bdag po gzhon nu gzi brjid kyi bdag po'i yab du gyur pa de gzhan zhig yin pa tsam du sems na ni de ltar mi blta ste/ de bzhin 
gshegs pa rin po che'i me tog gi 'od ces bya ba ni de'i tshe de'i dus na rgyal po nor gyi bdag po zhes bya bar gyur pa ste/ da ltar shar phyogs su 'jig rten gyi khams rgya mtsho'i rdul shin tu phra ba snyed kyi 'jig rten gyi khams rgya mtsho'i pha rol gyi 'jig rten gyi khams </font><hr>38-1-248a<br><font size=+1>
rgya mtsho chos kyi dbyings nam mkha'i gzugs brnyan gyi sprin ces bya ba na/ 'jig rten gyi khams kyi rgyud dbu ma dus gsum rab tu snang ba'i rin po che'i rgyal po yongs su 'byung ba'i dbyings shes bya ba'i 'jig rten gyi khams sangs rgyas kyi 'od kyi dkyil 
'khor dpal gyi sgron ma zhes bya ba na/ snying bo byang chub thams cad la dbang ba'i lus rab tu snang ba zhes bya bar bla na med pa yang dag par rdzogs pa'i byang chub tu mngon par sangs rgyas te/ sangs rgyas kyi zhing brjod du med pa'i rdul shin tu phra ba snyed kyi byang chub sems dpa'i 
'khor gyis bskor cing chos ston to/ /bcom ldan 'das de bzhin gshegs pa rin po che'i 'od ces bya ba des sngon byang chub sems dpa'i spyod pa mdzad pa'i tshe/ 'jig rten gyi khams rgya mtsho chos kyi dbyings nam mkha'i gzugs brnyan du snang ba'i sprin yongs su 
dag par mdzad de/ 'jig rten gyi khams rgya mtsho der de bzhin gshegs pa ji snyed cig byung bar gyur pa dang / 'byung ba dang 'byung bar 'gyur ba de dag thams cad kyang bcom ldan 'das de bzhin gshegs pa rin po che'i me tog gi 'od des sngon byang chub sems dpa'i spyod pa 
mdzad pa'i tshe/ bla na med pa yang dag par rdzogs pa'i byang chub tu smyin par mdzad pa sha stag go /rigs kyi bu de la ji snyam du sems/ de'i tshe de'i dus na rgyal po'i btsun mo pad mo dpal gyi snying po 'byung ba zhes bya ba byung ste/ gzhon nu gzi brjid kyi bdag 
po'i yum du gyur pa bud med stong phrag brgyad cu rtsa bzhi'i gtso mor gyur pa de gzhan zhig yin pa tsam du sems na ni/ de ltar mi blta ste/ rigs kyi bu bcom ldan 'das kyi yum lha mo sgyu ma byang chub sems dpa' bskyed bskyed pa rnam par thar pa kun tu snang zhing sgrib pa 
med pa la rab tu gnas pa/ sngon de bzhin gshegs pas yongs su bsgrubs pa mngon du gyur pa/ byang chub sems dpa'i skye ba thams cad yongs su bstan pa'i tshul la mkhas pa 'di ni de'i tshe de'i dus na rgyal po nor gyi bdag pa'i btsun mo dam pa pad mo dpal gyi snying </font><hr>38-1-248b<br><font size=+1>
po 'byung ba zhes bya bar gyur to/ /rigs kyi bu de la ji snyam du sems/ de'i tshe de'i dus na sprul 'tshong ma'i gtso mo blta na sdug pa zhes bya ba byung ba de gzhan zhig yin pa tsam du sems na ni de ltar mi blta ste/ shAkya lag na khar pa'i chung ma kho mo'i ma mig mdzes 
shes bya ba 'di ni de'i tshe de'i dus na sprul 'tshong ma'i gtso mo blta na sdug pa zhes bya bar gyur to/ /rigs kyi bu de la ji snyam du sems/ de'i tshe de'i dus na bu mo dga' ba'i 'od kyi dpal shin tu sbyangs pa/ zhes bya bar gyur pa de gzhan zhig yin ba tsam du sems na 
ni de ltar mi blta ste/ kho mo ni de'i tshe de'i dus na/ sprul 'tshong ma'i bu mo dga' ba'i 'od kyi dpal shin tu sbyangs pa zhes bya bar gyur to/ /rigs kyi bu de la ji snyam du sems/ de'i tshe de'i dus na rgyal po gzi brjid kyi bdag po'i 'khor du gyur pa de 
rnams gzhan zhig yin pa tsam du sems na ni/ rigs kyi bu de ni de ltar mi blta ste bcom ldan 'das kyis byang chub sems dpa' kun tu bzang po'i spyod pa dang / smon lam yongs su rdzogs par bya ba la dgod dgod pa'i byang chub sems dpa'i 'khor gyi dkyil 
'khor 'di nyid na 'khod cing / 'jig rten gyi khams thams cad du gzugs brnyan rab tu byung ba'i lus dang / byang chub sems dpa'i ting nge 'dzin thams cad la rnam par spyod pa las mnyams pa'i sems dang / de bzhin gshegs pa thams cad kyi zhal 
mngon du mthong bar rnam par dmyigs pa'i mig dang de bzhin mig dang de bzhin gshegs pa thams cad kyi gsung gi yan lag gi sprin nam mkha' dang mnyam pa'i 'khor lo rab tu bsgrags pa'i dbyangs rnam par dmyigs pa'i rna ba dang / chos thams cad la rnam par spyad par 
dbang bsgyur ba'i dbugs phyi nang du rgyu ba dang / sangs rgyas kyi zhing thams cad du rjes su grags pa'i ming gi sgra dang / de bzhin gshegs pa thams cad kyi 'khor gyi dkyil 'khor du nye bar 'gro ba rgyun mi gcod pa'i byang chub sems dpa'i lus dang /</font><hr>38-1-249a<br><font size=+1>
sems can thams cad la bsam pa ji lta ba bzhin du mngon par ston pa'i lus yongs su smyin bar bya ba dang / gdul ba la rjes su mthun pa mngon par bsgrubs pa dang / byang chub sems dpa' kun tu bzang po'i spyod pa dang / smon lam 
yongs su rdzogs par bya ba dang / yang dag par bsgrubs pa phyogs kyi dra ba ma lus pa thams cad du 'dal te/ ma 'ongs pa'i bskal pa thams cad du rgyun mi 'chad pa dang ldan pa sha stag /bcom ldan 'das kyi 'khor gyi dkyil 'khor na 'khod 
pa 'di dag yin no/ /rigs kyi bu de bzhin gshegs pa sku nyi ma dam pa de ni 'khor los sgyur ba gzi brjid kyi bdag po dang / kho mos nam bzhugs kyi bar du na bza' dang bshos dang / gzims cha dang / snyun gyi rkyen sman dang yo byad kyis bsnyen 
bkur to/ /rigs kyi bu de bzhin gshegs pa sku nyi ma dam pa yongs su mya ngan las 'das pa'i 'og tu 'jig rten gyi khams de nyid du de bzhin gshegs pa sku shin tu dang ba zhes bya ba 'jig rten du byung ste/ de yang kho mo cag gis bsnyen bkur to/ 
rim gror byas so/ /bsti stang du byas so/ /phu dud du byas so/ /mchod do/ /de'i 'og tu de bzhin gshegs pa sku thams cad la ye shes kyi gzugs brnyan gyi zla ba snang ba zhes bya ba 'jig rten du byung ste/ de yang kho mo cig gis lha'i dbang por gyur te/ 
bsnyen bkur to/ /de'i 'og tu de bzhin gshegs pa 'dzam bu chu klung gi gzi brjid rgyal po zhes bya ba bsnyen bkur to/ /de'i 'og tu de bzhin gshegs pa sku mtshan gyis rnam par brgyan pa zhes bya ba bsnyen bkur to/ /de'i 'og tu de bzhin gshegs pa 
'od gzer sna tshogs 'bar ba'i zla ba zhes bya ba bsnyen bkur to/ /de'i 'og tu de bzhin gshegs pa shin tu rnam par gzigs pa'i ye shes dpal zhes bya ba bsnyen bkur to/ /de'i 'og tu de bzhin gshegs pa ye shes chen po'i 'od gzer shin tu yangs pa'i </font><hr>38-1-249b<br><font size=+1>
rgyal po zhes bya ba bsten bkur to/ /de'i 'og tu de bzhin gshegs pa rdo rje mthu bo che'o brtson 'grus zhes bya ba bsnyen bkur to/ /de'i 'og tu de bzhin gshegs pa ye shes gzhan gyis mi thub pa'i mthu zhes bya ba bsnyen bkur to/ /de'i 'og tu de bzhin 
gshegs pa kun tu rnam par gzigs pa'i ye shes shes bya ba bsnyen bkur to/ /de'i 'og tu de bzhin gshegs pa ye shes dri ma med pa phun sum tshogs pa'i sprin ces bya ba bsnyen bkur to/ /de'i 'og tu de bzhin gshegs pa seng ge rnam par bsgyings pa'i 'od 
ces bya ba bsnyen bkur to/ /de'i 'og tu de bzhin gshegs pa 'od zer 'bar ba'i gtsug phud ces bya ba bsnyen bkur to/ /de'i 'og tu de bzhin gshegs pa yon tan 'od gzer rgyal mtshan zhes bya ba bsnyen bkur to/ /de'i 'og tu de bzhin gshegs pa ye 
shes nyi ma'i gzi brjid ces bya ba bsnyen bkur to/ /de'i 'og tu de bzhin gshegs pa sku rin po che'i pad mo shin tu rgyas pa zhes bya ba bsnyen bkur to/ /de'i 'og tu de bzhin gshegs pa bsod nams sgron ma'i rgyal mtshan zhes bya ba bsnyen bkur to/ /
de'i 'og tu de bzhin gshegs pa ye shes 'od gzer gyi sprin gyi 'od ces bya ba bsnyen bkur to/ /de'i 'og tu de bzhin gshegs pa kun tu rnam par snang ba'i zla ba zhes bya ba bsnyen bkur to/ /de'i 'og tu de bzhin gshegs pa rgyan dang gdugs kyi dbyangs kyi rgyal po zhes bya ba 
bsnyen bkur to/ /de'i 'og tu de bzhin gshegs pa ye shes snang bas rnam par gnon pa'i seng ge zhes bya ba bsnyen bkur to/ /de'i 'og tu de bzhin gshegs pa chos kyi dbyings kyi yul gyi blo gros zla ba zhes bya ba bsnyen bkur to/ /de'i 'og tu de bzhin 
gshegs pa sems can nam mkha'i sems snang ba'i gzugs zhes bya ba bsnyen bkur to/ /de'i 'og tu de bzhin gshegs pa rab tu zhi ba'i spos kyi gtsug bzang po zhes bya ba bsnyen bkur to/ /de'i 'og tu de bzhin gshegs pa zhi ba'i dbyangs kun tu </font><hr>38-1-250a<br><font size=+1>
bsgrags pa zhes bya ba bsnyen bkur to/ /de'i 'og tu de bzhin gshegs pa ye shes rab tu brtan pa'i 'od gzer kyi dra ba'i gzugs kyi phung po zhes bya ba bsnyen bkur to/ /de'i 'og tu de bzhin gshegs pa bdud rtsi'i ri bo'i gzi brjid ces bya ba 
bsnyen bkur to/ /de'i 'og tu de bzhin gshegs pa chos rgya tsho'i 'brug sgra sgrog pa'i dbyangs zhes bya ba bsnyen bkur to/ /de'i 'og tu de bzhin gshegs pa sangs rgyas nam mkha' snang ba'i gtsug phud ces bya ba bsnyen bkur to/ /de'i 'og tu de bzhin 
gshegs pa 'od gzer zla ba mdzod spu'i sprin ces bya ba bsnyen bkur to/ /de'i 'og tu de bzhin gshegs pa ye shes kyi zhal shin tu rgyas pa zhes bya ba bsnyen bkur to/ /de'i 'og tu de bzhin gshegs pa ye shes shin tu rnam par dag pa'i me tog snang ba zhes bya ba bsnyen 
bkur to/ /de'i 'og tu de bzhin gshegs pa rin chen 'od 'phro ba'i ri bo dpal gyi gzi brjid rgyal po zhes bya ba bsnyen bkur to/ /de'i 'og tu de bzhin gshegs pa yon tan rgya chen po gzi brjid kyi 'od ces bya ba bsnyen bkur to/ /de'i 'og tu de bzhin gshegs 
pa ting nge 'dzin gyi ri rab mngon par 'phags pa'i ye shes shes bya ba bsnyen bkur to/ /de'i 'og tu de bzhin gshegs pa rin chen zla ba'i mtshan zhes bya ba bsnyen bkur to/ /de'i 'og tu de bzhin gshegs pa sku 'od 'phro ba'i dkyil 'khor zhes bya ba 
bsnyen bkur to/ /de'i 'og tu de bzhin gshegs pa rin chen mchog 'od kyi gzi brjid ces bya ba bsnyen bkur to/ /de'i 'og tu de bzhin gshegs pa ye shes kyi spyod pa kun tu thogs pa med pa zhes bya ba bsnyen bkur to/ /de'i 'og tu de bzhin gshegs 
pa 'od 'phro rgya mtsho'i sgo'i sgron ma zhes bya ba bsnyen bkur to/ /de'i 'og tu de bzhin gshegs pa rin chen zla ba'i rgyal mtshan zhes bya ba bsnyen bkur to/ /de'i 'og tu de bzhin gshegs pa chos kyi gzhal med khang gi dbyangs kyi rgyan zhes bya ba bsnyen </font><hr>38-1-250b<br><font size=+1>
bkur to/ /de'i 'og tu de bzhin gshegs pa yon tan mi mtshungs grags pa'i rgyal mtshan zhes bya ba bsnyen bkur to/ /de'i 'og tu de bzhin gshegs pa phyag rab tu brkyang pa zhes bya ba bsnyen bkur to/ /de'i 'og tu de bzhin gshegs pa sngon gyi smon 
lam gyi 'phrul pa'i zla ba zhes bya ba bsnyen bkur to/ /de'i 'og tu de bzhin gshegs pa nam mkha'i ye shes don gyi sgron ma zhes bya ba bsnyen bkur to/ /de'i 'og tu de bzhin gshegs pa chos kyis 'phags pa'i nam mkha'i dbang phyug ces bya ba bsnyen bkur to/ /
de'i 'og tu de bzhin gshegs pa rnam par snang mdzad dpal gyi snying po'i rgyal po zhes bya ba bsnyen bkur to/ /de'i 'og tu de bzhin gshegs pa chos mthu bo che'i dpal zhes bya ba bsnyen bkur to/ /de'i 'og tu de bzhin gshegs pa ye shes dpal zhes 
bya ba bsnyen bkur to/ /de'i 'og tu de bzhin gshegs pa chos rgya mtsho'i pad mo zhes bya ba bsnyen bkur to/ /rigs kyi bu de ltar de bzhin gshegs pa de dag la stsogs pa 'jig rten gyi khams der sangs rgyas bye ba khrag khrig brgya stong phrag drug cu byung 
ste/ de dag thams cad kho mo cag gis na bza' dang / bshos dang / gzims cha dang / snyun gyi rkyen sman dang / yo byad kyis bsnyen bkur to/ /rim gror byas so/ /bsti stang du byas so/ /phu dud du byas so/ /mchod do/ /rigs kyi 
bu sangs rgyas bye ba khrag khrig brgya stong phrag drug cu po de dag thams cad kyi tha mar de bzhin gshegs pa dgra bcom pa yang dag par rdzogs pa'i sangs rgyas chos rgya chen po la mos pa yang dag par 'byung ba'i gzi brjid ces bya ba byung ste/ bcom ldan 
'das de grong khyer du gshegs pa la kho mo rgyal po'i chung mar gyur te/ khyim thab dang bcas pas de bzhin gshegs pa'i mchod pa mchod pa'i sgo rnam pa thams cad du bshams pas mchod pa byas nas bcom ldan 'das de las chos kyi rnam grangs de bzhin gshegs </font><hr>38-1-251a<br><font size=+1>
pa thams cad skye ba 'byung ba'i sgron ma zhes bya ba thos so/ /de thos nas kho mos ye shes kyi mig rab tu thob ste/ byang chub sems dpa'i rnam par thar pa byang chub sems dpa'i ting nge 'dzin gyi tshul rgya mtsho thams cad la rnam par lta ba'i yul 
'di yang rab tu thob par gyur te/ rigs kyi bu de ltar kho mo rnam par thar ba 'di la sgom zhing byang chub sems dpa' dang lhan cig tu byang chub sems dpa'i spyod pa spyod cing bskal pa sangs rgyas kyi zhing brgya phrag stong gi rdul shin tu phra ba snyed cig tu rgyu rgyu ste/ sangs rgyas 
kyi zhing de snyed kyi rdul shin tu phra ba snyed kyi bskal pa de dag la de bzhin gshegs pa mtha' dang dbus med pa zhig bsnyen bkur nas/ bskal pa la la ni de bzhin gshegs ba bskal par bzhugs pa gcig kyang bsnyen bkur to/ /bskal pa la la ni de bzhin gshegs 
pa gnyis kyang bsnyen bkur to/ /bskal pa la la la ni de bzhin gshegs pa brjod du med pa'i bar dag kyang bsnyen bkur to/ /bskal pa la la la ni de bzhin gshegs pa sangs rgyas kyi zhing gi rdul shin tu phra ba snyed kyang bsnyen bkur te/ de srid du kho mos byang 
chub sems dpa'i sku yang tshad ni ji tsam zhig dbyibs ni ji lta bu zhig/ sku mdog ni ci 'dra ba zhig yin pa khong du chud do/ /sku'i phrin las kyang khong du ma chud/ gsung gi phrin las dang thugs kyi phrin las kyang khong du ma chud do/ /ye shes kyi gzigs 
pa dang / ye shes kyi spyod yul dang / ye shes kyi ting nge 'dzin gyi yul yang khong du ma chud do/ /rigs kyi bu byang chub sems dpa' ji snyed cig gis byang chub sems dpa'i spyod pa mdzad pa mthong nas/ byang chub sems dpal la dga' ba'i sems skyes te/ 
brda sna tshogs dang bsnyen pa sna tshogs kyis mos pa bskyed par gyur pa de dag thams cad kyang byang chub sems dpa' 'jig rten dang 'jig rten las 'das pa'i thabs sna tshogs kyis yongs su bzung ste/ byang chub sems dpa'i 'khor du gyur ro/ /de dag kyang byang </font><hr>38-1-251b<br><font size=+1>
chub sems dpa' byang chub sems dpa'i spyod pa mdzad pa'i tshe 'khor du 'grogs 'grogs pas bla na myed pa yang dag par rdzogs pa'i byang chub las phyir myi ldog par gyur to/ /rigs kyi bu de ltar kho mos de bzhin gshegs pa chos rgya chen po la mos pa yang dag par 'byung 
ba'i gzi brjid kyi zhal mthong ma thag tu byang chub sems dpa'i rnam par thar ba byang chub sems dpa'i ting nge 'dzin gyi tshul rgya mtsho la rnam par lta ba'i yul 'di thob nas/ rnam par thar pa 'di sgom zhing byang chub sems dpa' dang bskal ba sangs rgyas kyi zhing brgya phrag 
stong gi rdul shin tu phra ba snyed cig tu 'grogs 'grogs te/ bskal pa sangs rgyas kyi zhing brgya'i rdul shin tu phra ba snyed po de dag la de bzhin gshegs pa ji snyed cig byung bar gyur pa de dag thams cad kyang kho mos bsnyen bkur to/ /mchod do rim gror byas so/ /
de bzhin gshegs pa de dag thams cad las kyang kho mos chos bstan pa thos te/ yongs su blangs so/ /yang dag par gzung ngo / /sangs rgyas bcom ldan 'das de dag thams cad las kyang kho mos rnam par thar pa 'di tshul sna tshogs dang / mdo sde'i 
tshul gyi gsung sna tshogs dang / rnam par thar pa'i rang bzhin sna tshogs dang / rnam par thar pa'i sgo sna tshogs dang / rnam par thar pa'i rgyud sna tshogs dang / dus la 'jug pa sna tshogs dang / zhing rgya mtsho la 'jug pa sna tshogs dang / sangs 
rgyas blta ba rgya mtsho rnam par dmyigs par bya ba sna tshogs dang / de bzhin gshegs pa'i 'khor gyi dkyil 'khor du 'jug pa sna tshogs dang / byang chub sems dpa'i smon lam rgya mtsho'i tshul gyi lam sna tshogs dang / byang chub sems dpa'i spyod pa mngon par 
bsgrub pa sna tshogs dang / byang chub sems dpa'i rnam par thar pa 'byam klas pa sna tshogs kyis thob par gyur kyang / byang chub sems dpa'i rnam par thar pa kun tu bzang po'i tshul ni khong du ma chud do/ /de ci'i phyir zhe na/ byang chub sems dpa' </font><hr>38-1-252a<br><font size=+1>
kun tu bzang po rnams kyi rnam par thar pa'i tshul ni nam mkha'i dbyings kyis klas par tshad myed do/ /sems can gyi ming du bya ba thams cad kyi dbyings ltar tshad myed do/ /dus gsum gyi rgyud rgya mtsho'i dbyings ltar tshad med do/ /phyogs rgya 
mtsho'i dbyings ltar tshad med do/ chos kyi dbyings kyi tshul rgya mtsho'i dbyings ltar tshad med do/ /rigs kyi bu byang chub sems dpa' kun tu bzang po rnams kyi rnam par thar pa'i tshul gyi lus ni de bzhin gshegs pa'i yul dang mnyam pa'o/ /de ltar rigs kyi bu kho mos 
bskal pa sangs rgyas kyi zhing gi rdul shin tu phra ba snyed cig tu byang chub sems dpa'i sku la lta lta yang blta bas ma ngoms te/ rigs kyi bu 'di lta ste dper na/ gcig tu 'dod chags la spyod pa'i skyes pa dang bud med phan tshun nas phrad bar dus byas pa 
gnyis la ni sems kyi rgyud tshul bzhin ma yin pa yid la byed pa las byung ba gtsang ba'i 'du shes dang / rnam par rtog pas myos pa las byung ba tshad myed pa zhig skye'o/ /rigs kyi bu de bzhin du kho mo byang chub sems dpa'i sku la lta na ba spu'i sgo re re nas kyang 'jig 
rten gyi khams kyi rgyud 'byam klas pa mtha' dang dbus med pa tshad med par shin tu bstan pa gzhi sna tshogs dang ldan pa/ mtshams kyi rgyan sna tshogs dang ldan pa dbyibs sna tshogs dang ldan pa ri'i rgyan sna tshogs kyis brgyan pa sa'i gzhi'i rgyan sna tshogs bstan du yod pa sprin sna 
tshogs dang ldan pa'i nam mkha' kun nas khyab pa'i rgyan dang ldan pa/ tshul dang mying dang grangs sna tshogs su brjod pa sangs rgyas 'byung ba dang de bzhin gshegs pa'i rgyud sna tshogs 'byung ba snying po byang chub kyi rgyan sna tshogs kyis brgyan pa/ de bzhin gshegs pa'i 
chos kyi 'khor lo bskor ba'i rnam par 'phrul pa sna tshogs dang ldan pa de bzhin gshegs pa'i 'khor gyi dkyil 'khor gyi rgyan sna tshogs dang ldan pa/ mdo sde'i tshul sna tshogs shin tu bstan pa'i sgra 'byung ba/ theg pa'i tshul sna tshogs mngon par bsgrub pa 'byung ba dang ldan </font><hr>38-1-252b<br><font size=+1>
pa/ yongs su dag pa'i 'od dang snang ba sna tshogs kyi rab tu snang ba mtshan ma sngan chad ma mthong ba dag sems kyi skad cig re re zhing myig lam du snang ngo / /ba spu'i sgo re re nas kyang sangs rgyas rgya mtsho mtha' dang dbus med pa snying po byang chub kyi rgyan sna tshogs mnga' ba chos kyi 
'khor lo bskor ba'i rnam par 'phrul pa sna tshogs dang ldan pa mdo sde'i tshul sna tshogs sgrog pa'i rnam par 'phrul pa dang ldan pa dag kyang rgyun mi 'chad pa'i tshul du sems kyi skad cig re re la myig lam du snang ngo / /ba spu'i sgo re re nas kyang sems can rgya mtsho mtha' 
dang dbus med pa khyim dang kun dga'i ra ba dang ri dang gzhal med khang dang chu klung dang rgya mtsho la gnas pa gzugs dang lus sna tshogs can longs spyod kyi yul sna tshogs dang ldan pa/ spyod pa dang spyod yul dang sbyor ba sna tshogs dang ldan pa/ dbang po sna tshogs su 
bsgrub pa'i tshul dang ldan pa dag kyang sems kyi skad cig re re la myig lam du snang ngo / /ba spu'i sgo re re nas kyang dus gsum rgya mtsho la 'jig pa'i tshul mtha' dang dbus med pa zhig mig lam du snang ngo / /byang chub sems dpa'i smon lam rgya mtsho mtha' dang 
dbus med pa zhig ni rnam par dag par 'gyur ro/ /byang chub sems dpa'i sa'i spyod pa rnam pa tha dad pa rgya mtsho mtha' dang dbus med pa dag kyang yongs su snang ngo / /byang chub sems dpa'i pha rol tu phyin pa'i tshul rgya mtsho yongs su dag pa mtha' dang 
dbus med pa dag kyang yongs su snang ngo / /byang chub sems dpa'i sngon gyi sbyor ba rgya mtsho mtha' dang dbus med pa dag kyang yongs su snang ngo / /sangs rgyas kyi zhing yongs su dag par bya ba'i tshul rgya mtsho mtha' dang dbus med pa dag kyang yongs su snang 
ngo/ /byang chub sems dpa'i byams pa chen po'i tshul rgya mtsho mtha' dang dbus med pa dag kyang yongs su snang ngo / /sems can thams cad yongs su smin par bya ba dang gdul ba'i mthu dang thabs rgya mtsho dag la'ang 'jug cing khong du chud </font><hr>38-1-253a<br><font size=+1>
do/ byang chub sems dpa'i snying rje chen po'i sprin gyi tshul rgya mtsho mtha' dang dbus med pa dag kyang yongs su 'grub bo/ /byang chub sems dpa'i dga' ba'i shugs chen po rgya mtsho mtha' dang dbus med pa dag kyang rnam par 'phel te/ sems kyi skad 
cig re re la yang sems can thams cad yongs su bsdu ba'i tshul rgya mtsho mtha' dang dbus med pa dag kyang rab tu 'grub bo/ /rigasakyi bu de ltar kho mo bskal ba sangs rgyas kyi zhing brgya'i rdul shin tu phra ba snyed dag tu byang chub sems dpa' ba spu'i sgo re re zhing sems kyi skad 
cig re re la chos kyi tshul rgya mtsho mtha' dang dbus med pa la zhugs te/ khong du chud par byas kyang mthar thug par ma gyur te sngon khong du chud pa la bzlas te/ khong du chud par byas pa'ang med do sngon thos pa la bzlas te/ thos bar bya ba'ang med do/ /rigs kyi bu de ltar 
don thams cad grub pa btsun mo'i 'khor gyi nang na bzhugs shing bud med kyi tshogs kyis yongs su bskor bar bzhugs pa'i tshe'ang kho mo ni ba spu'i sgo re re nas kyang dus gsum gyi tshul rgya mtsho mtha' dang dbus med pa la chos kyi dbyings la 'jug pa'i tshul rgya mtsho khong du chud 
par bya bas yongs su 'jug go /rigs kyi bu kho mos byang chub sems dpa'i rnam par thar pa byang chub sems dpa'i ting nge 'dzin gyi tshul rgya mtsho thams cad la rnam par lta bu'i yul 'di shes te/ mnyam par gzhog par zad na kho mos byang chub sems dpa' thabs kyi tshul 
rgya mtsho mtha' dang dbus med pa la zhugs pa sems can thams cad dang mnyam zhing 'dra ba'i dbyings su gnas pa'i lus rnam par dmigs pa yongs su ston pa 'gro ba thams cad kyi bsam pa dang ma mthun par spyod pa yongs su ston pa ba spu'i sgo thams cad nas kha dog mtha' yas pa'i sprul 
pa'i sprin rab tu 'gyed pa lus med pa'i chos nyid kyi ngo bo nyid kyi rang bzhin shin tu rnam par dag pa nam mkha'i mtshan nyid du 'gro ba'i rang bzhin khong du chud pas rnam pa rtog pa med pa thams cad du rjes su song ba'i blo rnam par gdon mi za bas de bzhin gshegs pa dang mnyam pa </font><hr>38-1-253b<br><font size=+1>
rnam par 'phrul pa la brtson pa rnam par thar pa'i yul mtha' dang dbus med pas rnam par 'phrul pa la zhugs pa chos kyi dbyings shin tu rgya chen por sems bskyed pas 'jug pa la rnam par spyod cing dbang bsgyur ba chos kyi gnas sgo thams cad dang ldan pa'i rnam par thar pa rgya mtsho la rnam 
par rtse ba de dag gi spyod pa shes pa'am yon tan gyi gter ma lus par bstan par nus re skan/ /song rigs kyi bu bcom ldan 'das rnam par snang mdzad kyi zhabs kyi drung 'di nyid na khri rin po che sna tshogs kyi rgyan dang ldan pa nor bu rin po che'i rgyal po sIng mo'i snying po can la byang 
chub sems dpa'i yum lha mo sgyu ma zhes bya ba 'dug gis de'i gan du song la ji ltar byang chub sems dpa'i spyad pa la spyod pa'i byang chub sems dpa' rnams 'jig rten gyi chos kyi dri ma thams cad kyis mi gos pa yin pa dang / de bzhin gshegs pa mchod pa'i nan tan la rgyun 
mi chad pa yin pa dang byang chub sems dpa'i las kyi mtha' thams cad las phyir mi ldog pa yin pa dang / byang chub sems dpa'i rnam par thar pa la 'jug pa la sgrib pa thams cad dang bral bar 'gyur ba yin pa dang byang chub sems dpa'i rnam par spyod pa thams cad la 
gzhan gyi dring mi 'jog pa yin pa dang / de bzhin gshegs pa thams cad dang mngon du gyur par gnas pa yin pa dang / sems can thams cad yongs su bsdu ba'i nan tan las phyir mi+i ldog pa yin pa dang / phyi ma'i mtha'i mur thug pa'i bskal par byang chub sems 
dpa'i spyod pa thams cad la gnas par bya ba las phyir mi ldog pa yin pa dang / theg pa chen po'i smon lam las phyir mi zlog pa yin pa dang 'gro ba thams cad kyi dge ba'i rtsa ba yongs su gzung ba dang rnam par spel ba la sgyid lug par mi 'gyur ba yin pa 'dris shig /de nas 
shAkya'i bu mo go pas rnam par thar ba'i sgo'i tshul 'di nyid yongs su bstan pa'i phyir sangs rgyas kyi byin gyi rlabs kyis de'i tshe tshigs su bcad pa 'di dag smras so/ /yang dag byang chub spyod la brtson pa yi/ /sems can dam pa sems can sus mthong ba/ /mos pa'i </font><hr>38-1-254a<br><font size=+1>
sems sam khong khro ldan yang rung / /de yi bsdu bas kun kyang yongs su 'du/ /zhing brgya'i rdul phran rab tu phra snyed kyi/ /bskal pa mang po kho mos 'di nas dran/ /de yi pha rol bskal pa rnam brgyan la/ /'jig rten khams rab ri bo'i 'od byung ngo / /de la thub pa stong phrag 
'grangs pa ni/ /bye ba khrag khrig sum cu drug byung ste/ /de kun tha mar thub dbang byung ba ni/ /'gro ba'i sgron ma chos kyi rgyal mtshan no/ /de tshe rgyal po dpal gyi gzi brjid byung / /thub dbang de ni mya ngan yongs 'das nas/ /dgra yi 'khor bcom 
'dzam bu'i rgyal mtshan 'dir / /bka' la thogs med mnga' bdag dam par gyur/ /de la bu ni brgya phrag lnga yod de/ /kun kyang dpa' zhing brtul phod gzugs dang ldan/ /yan lag kun rdzogs rnam par dag pa'i lus/ /gong na med pa'i dpal 
gyis rab tu brgyan/ /rgyal po sras bcas bde gshegs 'dun par gyur/ /rgyal pa'i mchod pa rgya chen rab kyang byas/ /de ni rtag tu dam chos yongs bzung pa'i/ /chos la mngon brtson rab tu brtan par gyur/ /rgyal po de sras 'od gzer bzang po ni/ /
sems can rnam dag gzhon nu 'khrungs gyur pa/ /shin tu blta mdzes yid 'ong gzugs ldan te/ /yan lag mtshan rab sum cu gnyis kyis brgyan/ /rgyal srid yongs su spangs nas mi yi 'khor/ /bye ba lngas bskor de tshe rab tu byung / /rab tu 
byung nas brtson 'grus brtan ldan te/ /rgyal ba'i chos kyang yongs su gzung bar gyur/ /pho brang dam pa sdong po ldan pa ni/ /grong mchog bye ba stong gis kun nas bskor/ /nags tshal yal ga sna tshogs der byung ba/ /rab tu sgra zhi bla na med pa'i 
dpal/ /de na 'ong bzang brtul zhugs rab ldan pa/ /'jigs med shes rab spobs dang ldan pa bzhugs/ /des ni sems can nyon mongs sbyangs pa'i phyir/ /rgyal pa'i chos kyang yongs su bstan pa mdzad/ /shes rab ldan pa de ni bsod </font><hr>38-1-254b<br><font size=+1>
snyoms la/ /spyod lam mdzes shing cha byad zhi ba dang / /mi g.yeng spyan gyis dgongs pa mkhyen bzhin du/ /tshul zab brtan par bzhud pas grong du byon/ /grong mchog dga' ba'i rgyal mtshan zhes bya bar/ /tshong dpon legs pa snyan grags der byung 
ste/ /kho mo de yi bu mo yid 'ong gyur/ /gzugs mdzes ldan te nyi ma'i 'od ces bya/ /khyim gyi dam pa de yi sgo nas su/ /'od gzer bzang po 'khor bcas kho mos mthong / /yan lag mtshan brgyan shin tu mdzes pa ste/ /de la kho mo mos pa 
mchog cig skyes/ /de ni kho mo'i khyim gyi sgor byon nas/ /nor bu de yi lhung bzed nang du gsol/ /rgyan rnams kun kyang bkrol te mos sems kyis/ /shin tu 'dun par de la bdag gis phul/ /bde gshegs sras po 'od gzer bzang dpal 
la/ /'dod chags sems kyis mchod pa rnams bsgrubs pas/ /bskal pa'i dam pa nyis brgya lnga bcur yang / /ngan song gang du'ang song bar ma gyur to/ /lha yi yul du lha rigs ldan par skyes/ /mi yi yul du rgyal po'i sras mor gyur/ /
kha dog mtha' yas sku yi mdog mnga' bas/ /kun tu kho mo mngon par zhal yang bstan/ /bskal pa nyis brgya lnga bcu 'das gyur nas/ /sprul 'tshong gtso mo blta na sdug pa ste/ /mi 'jigs byed pa'i bu mor skyes par gyur/ /de tshe 
shin tu sbyangs shes bya ba yin/ /rgyal bu gzi brjid 'od kyi bdag mthong nas/ /kho mos de la dga' bas mchod pa byas/ /bdag nyid de la yongs su dbul byas nas/ /kho mo de yi dbang gyur chung mar gyur/ /drang srong chen po'i sku mchog 
nyi ma la'ang / /bdag cag bsdoms te legs par mchod pa byas/ /mos pas sangs rgyas de yi zhal bltas nas/ /bdag gis byang chub mchog tu sems kyang bskyed/ /rgyal pa bye ba drug cu tshang pa yang / /bskal ba de la kho </font><hr>38-1-255a<br><font size=+1>
mos rim gro byas/ /rgyal ba de dag tha ma'i dus kyi tshe/ /sangs rgyas mos pa'i gzi brjid byung bar gyur/ /der ni kho mo'i chos myig rnam par dag /chos kyi rang bzhin bdag gis khong du chud/ /tshul myin rnam rtogs rab tu zhi 
bar gyur/ /de tshe tshun chad kho mos snang ba thob/ /rgyal sras rnams kyi ting nge 'dzin gyi yang / /de phyi tshun chad rnam par mthong bar gyur/ /sems kyi skad cig gcig gis rgya mtsho'i zhing / /bsam las rnam 'das phyogs su kho mo 'jug /
phyogs rnams kun gyi sna tshogs rnam dag pa'i/ /zhing rnams tshad med rmad mthong kho mos mthong / /mthong yang de dag la ni chags pa med/ /nyon mongs bcas la'ang khong khro sdang ba med/ /zhing rnams de dag ma lus thams cad kyi/ /snying po byang chub 
sangs rgyas ma lus mthong / de dag 'od kyi rgya mtsho tshad med pa'ang / /sems kyi skad cig gcig gis rnam par blta/ /de dag 'khor gyi dkyil 'khor rgya mtsho yang / /sems cig thogs pa med pas khong du chud/ /rnam par thar pa tshad med thams 
cad dang / /de dag ting 'dzin ma lus de bzhin shes/ /de dag spyod pa yangs pa'ang khong du chud/ /sa tshul ma lus kun kyang kho mos shes/ /smon lam grags med rgya mtsho chen po yang / /skad cig re res mtha' yas khong du chud/ /bskal pa mtha' 
yas spyad pa spyod byed cing / /skyes bu dam pa'i sku la lta lta ste/ /de yi ba spu rnam par 'phrul ba yang / /nam yang mur phyin bdag gis ma nus so/ /de yi ba spu gcig gi rtse la yang / /zhing mang rgya mtsho grangs las 'das pa mthong / /rlung gi phung po chu bo 
chen po dang / /sa yi lhun rnams me yis yongs gang mthong / /gzhi rnams sna tshogs rnam phye'i gzugs ldan zhing / /dbyibs tshul sna tshogs khong du chud bya ba/ /dbyibs dang lus kyi rnam pas sna tshogs shing / /lus dang rnam pa mtha' yas gzugs ldan pa'i/ /brjod yas khams rnams </font><hr>38-1-255b<br><font size=+1>
zhing rnams rgya mtsho dag /tshad med rnams su tha dad gsal bar mthong / /chos kyi gsung gis 'gro ba gdul don du/ /brtson ba'i rgyal ba de nyid bzhugs pa mthong / /bskal par spyod pa yangs pa spyod pa'i tshe/ /sku yi phrin las kho mos de ma shes/ /
gsung dang thugs min de gnyis phrin las min/ /rdzu 'phrul rnam 'phrul tha dad tshul ma shes/ /de nas tshong dpon gyi bu nor bzangs kyis shAkya'i bu mo go ba'i rkang pa gnyis la spyi bos phyag 'tshal te/ shAkya'i bu mo go ba la lan brgya stong du mar g.yas phyogs 
su bskor ba byas nas/ yang dang yang bltas te/ shAkya'i bu mo go ba'i drung nas song ngo // //sangs rgyas rmad gcad ces bya ba shin tu rgyas pa chen po'i mdo/bam po bcu drug pa/ /de nas tshong dpon gyi bu nor bzangs lha mo sgyu ma'i gan du 'gro bar mngon du bltas nas/ sangs rgyas kyi spyod yul gyi rgyud kyi ye 
shes la zhugs pa des 'di snyam du bsams so/ /bdag gi dge ba'i bshes gnyen 'jig rten thams cad las gyen du 'phags pa'i skye mched drug dang ldan pa/ gnas med pa la rab tu gnas pa/ chags pa thams cad las yang dag par 'das pa'i lus dang ldan pa/ 
chags pa med par 'gro ba'i lam du zhugs pa chos kyi lus shin tu rnam par dag pa/ lus kyi las sgyu mas legs par sprul pa'i lus dang ldan pa/ ye shes sgyu ma'i rnam pas 'jig rten na rnam par spyod pa/ smon lam sgyu ma'i gzugs dang lus su ldan pa/ 
sangs rgyas kyi byin gyi rlabs yid kyi rang bzhin gyi lus dang ldan pa/ ma skyes ma 'gags pa'i lus dang ldan pa/ 'ongs pa med pa'i lus dang ldan pa/ bden pa med pa dang / brdzun pa med pa'i lus dang ldan pa/ ma 'phos ma zhig pa'i lus dang ldan pa/ 
ma byung mi 'jig pa'i lus dang ldan pa/ mtshan nyid med par mtshan nyid gcig pa'i lus dang ldan pa/ gnyis la chags pa dang bral ba'i lus dang ldan pa/ kun gzhi med pa la gnas pa'i lus dang ldan pa/ mi zad cing nyams pa med pa'i lus dang </font><hr>38-1-256a<br><font size=+1>
ldan pa/ gzugs brnyan ltar rnam par rtog pa med pa'i lus dang ldan pa/ rmi lam dang mnyam par rnam par rgyu ba'i lus dang ldan pa me long gi dkyil 'khor ltar 'pho ba med pa'i lus dang ldan pa/ /phyogs med pa ltar rab tu zhi bar khong du chud pa'i lus 
dang ldan pa/ phyogs kun tu rgyas par 'gengs pa'i lus dang ldan pa/ dus gsum du tha mi dadapa'i lus dang ldan pa/ lus med pa'i sems kyi lus rnam par mi rtog pa'i lus dang ldan pa/ 'jig rten thams cad kyi myig gi lam las yongs su 'das pa'i lus dang 
ldan pa/ kun tu bzang po'i myig gi rgyud kyis rnam par shes par bya bas 'dul ba'i lus dang ldan pa/ chags pa med pas/ nam mkha'i spyod yul dang ldan pa rnams mthong bar bya ba'am/ bsnyen bkur bar bya ba'am/ mngon gsum du phrad par 
bya ba'am/ 'grogs par bya ba 'am/ mtshan ma gzung bar bya ba 'am/ dbyangs kyi dkyil 'khor rnam par rig par shes par bya ba'am/ tshig gi rgyud yongs su shes par bya ba'am/ gdams ngag yongs su gzung bar bya bar thabs ji lta bu zhig tu 
nus par 'gyur snyam nas/ de ltar sems shing yid la byed pa la brtson par gnas pa'i tshe/ grong khyer gyi lha mo rin chen mig ces bya ba nam mkha'i lha mo'i tshogs kyis yongs su bskor ba zhig gis/ bdag gi lus rgyan sna tshogs kyis yongs su 
brgyan pa/ bdag gi lus rgyan gyis rnam par klubs par nam mkha' la 'dug par nye bar bstan nas/ lha rdzas kyi me tog rnam pa dang / kha dog du ma can snyim pa nas mngon par gtor te/ tshong dpon gyi bu nor bzangs la 'di skad ces smras so/ /rigs 
kyi bu khyod kyis 'khor ba'i yul la dga' bar mi gnas pas sems kyi grong khyer yongs su bsrung ba la brtson par gyis shig /rigs kyi bu khyod kyis de bzhin gshegs pa'i stobs bcu la dmigs pas sems kyi grong khyer brgyan pa la brtson par gyis shig /</font><hr>38-1-256b<br><font size=+1>
rigs kyi bu khyod kyis phrag dog dang / ser sna dang g.yo dang bral bas sems kyi grong khyer yongs su sbyang ba la brtson par gyis shig /rigs kyi bu khyod kyis chos thams cad kyi rang bzhin nges par rtogs par bya bas sems kyi grong khyer gyi yongs su gdung ba rab tu zhi 
bar bya ba la brtson par gyis shig /rigs kyi bu khyod kyis thams cad mkhyen pa nyid kyi tshogs la brtson 'grus chen po'i shugs rnam par spel bas sems kyi grong khyer rnam par spel ba la brtson par gyis shig /rigs kyi bu khyod kyis ting nge 'dzin dang / snyoms 
par 'jug pa dang / bsam gtan dang / rnam par thar pa dang / chos kyi gzhal med khang yangs pa'i rnam par spyod pa la dbang bsgyur bas sems kyi grong khyer dang / gnas kyi mdzod brgyan pa dang / bsrung ba la brtson par gyis shig /rigs kyi bu 
khyod kyis de bzhin gshegs pa thams cad kyi 'khor gyi dkyil 'khor yang dag par bsgrubs pa'i sa thams cad kyi shes rab kyi pha rol tu phyin pa rab tu thob par 'tshal bas/ sems kyi grong khyer snang bar bya ba la brtson par gyis shig /rigs kyi bu khyod kyis de bzhin 
gshegs pa thams cad yang dag par 'byung ba'i thabs kyi lam gyis rang gi sems kyi grong khyer du gzhol bar bya bas sems kyi grong khyer nye bar brtan pa la brtson par gyis shig /rigs kyi bu khyod kyis byang chub sems dpa' kun tu bzang po'i spyod 
pa dang smon lam mngon par bsgrub pa'i sems rnam par dag pas sems kyi grong khyer gyi ra ba brtan pa mngon par bsgrub par gyis shig /rigs kyi bu khyod kyis nyon mongs pa dang / bdud kyi ris kyi sdig to'i grogs po dang / bdud kyi 'khor gyis mi 
choms par bya bas sems kyi grong khyer brgal dka' ba dang / shigs par dka' ba mngon par bsgrub pa la brtson par gyis shig /rigs kyi bu khyod kyis sems can thams cad de bzhin gshegs pa'i ye shes snang bas khong du chud par bya ba'i phyir sems kyi </font><hr>38-1-257a<br><font size=+1>
grong khyer snang bar bya ba la brtson par gyis shig /rigs kyi bu khyod kyis de bzhin gshegs pa thams cad kyi chos kyi sprin gyi char yongs su gzung bar sems kyi grong khyer mngon par brlan pa la brtson par gyis shig /rigs kyi bu khyod kyis de 
bzhin gshegs pa thams cad kyi bsod nams rgya mtsho rang gi sems kyis yang dag par blang bas sems kyi grong khyer brtan pa la brtson par gyis shig /rigs kyi bu khyod kyis byams pa chen pos 'gro ba thams cad rgyas par dgang bas sems kyi grong khyer rab tu 
rgyas par bya ba la brtson par gyis shig /rigs kyi bu khyod kyis mi dge ba'i chos kyi gnyen po chos kyi gdugs yangs pa bsgrub pas sems kyi grong khyer yongs su dag pa la brtson par gyis shig /rigs kyi bu khyod kyis snying rje chen po shin tu yangs pas 'gro ba thams cad kyi don du 
sems g.yo bar bya bas sems kyi grong khyer rab tu bskyod pa la brtson par gyis shig /rigs kyi bu khyod kyis phyi nang gi dngos po 'gro ba thams cad la yongs su bstan pa'i phyir sems kyi grong khyer gyi sgo dbye ba la brtson par gyis shig /rigs kyi bu khyod kyis 
'khor ba'i yul thams cad la dga' ba las phyin phyogs su blta bas sems kyi grong khyer rnam par dag par bya ba la brtson par gyis shig /rigs kyi bu khyod kyis mi dge ba'i chos kyi rgyud thams cad mi srid par bya bas sems kyi grong khyer gyi srog rab tu mkhrang ba 
mngon par bsgrub pa la brtson par gyis shig /rigs kyi bu khyod kyis thams cad mkhyen pa nyid kyi tshogs yang dag par bsgrub pa'i brtson 'grus las phyir mi ldog par bya bas sems kyi grong khyer brtan par bya ba la brtson par gyis shig /rigs kyi bu khyod 
kyis dus gsum gyi de bzhin gshegs pa'i dkyil 'khor thams cad dran pa nyid du snang bar bya bas sems kyi grong khyer rab tu gsal bar bya ba la brtson par gyis shig /rigs kyi bu khyod kyis de bzhin gshegs pa thams cad kyi chos kyi 'khor lo'i mdo sde </font><hr>38-1-257b<br><font size=+1>
sna tshogs kyi chos kyi sga \u0f7crab tu dbye ba'i ye shes la mngon par mkhas par bya bas sems kyi grong khyer rnam par dbye ba'i tshul la mkhas par gyis shig /rigs kyi bu khyod kyis 'gro ba thams cad dang mngon sum du gnas pa'i thams cad mkhyen pa'i sgo dang / lam gyi 
tshul yongs su bstan pa'i phyir sems kyi grong khyer dmigs par bya ba la brtson par gyis shig /rigs kyi bu khyod kyis dus gsum gyi de bzhin gshegs pa thams cad kyi smon lam rgya mtsho rang gi smon lam du mngon par bsgrub pa rnam par dag par bya ba'i phyir sems kyi grong khyer byin gyi 
brlab pa'i tshul la mkhas par gyis shig /rigs kyi bu khyod kyis chos kyi dbyings thams cad du bsod nams dang ye shes kyi tshogs rgya chen po rnam par spel bas sems kyi grong khyer gyi tshogs kyi mthu rnam par 'phel bar bya ba'i thabs la mkhas par gyis shig /rigs 
kyi bu khyod kyis sems can thams cad kyi sems dang bsam pa dang / dbang po dang mos pa dang / kun nas nyon mongs pa dang / rnam par byang bar shes par bya bas sems kyi grong khyer nas 'od kun tu dgye ba'i thabs la mkhas par gyis shig /rigs kyi bu 
khyod kyis chos kyi dbyings kyi tshul thams cad yang dag par bsdu bas sems kyi grong khyer du dbang bsgyur ba'i tshul la mkhas par gyis shig /rigs kyi bu khyod kyis de bzhin gshegs pa thams cad dran zhing snang bar bya bas sems kyi grong khyer 'od gsal bar bya ba 
la brtson par gyis shig /rigs kyi bu khyod kyis lus med pa'i chos kyi tshul thams cad khong du chud par bya bas sems kyi grong khyer gyi rang bzhin yongs su shes par bya ba la brtson par gyis shig /rigs kyi bu khyod kyis thams cad mkhyen pa'i chos kyi grong khyer 
du 'gro bar bya bas sems kyi grong khyer sgyu ma lta bur brtag pa la brtson par gyis shig dang / rigs kyi bu de ltar sems kyi grong khyer yongs su sbyang ba la brtson pa'i byang chub sems dpas dge ba'i rtsa ba thams cad yongs su bsgrub pa thob par nus so/ /de ci'i phyir </font><hr>38-1-258a<br><font size=+1>
zhe na/ de ltar sems kyi grong khyer yongs su dag pa'i byang chub sems dpa' de'i mdun ni sangs rgyas mthong bar bya ba la sgrib pa'am/ chos mnyan par bya ba la sgrib pa'am/ de bzhin gshegs pa mchod cing rim gror bya ba la sgrib pa'am/ sems 
can yongs su bsdu ba'i sbyor ba la sgrib pa dang / sangs rgyas kyi zhing yongs su dag par bya ba la sgrib pa yang rung ste/ sgrib pa thams cad mi gnas so/ /rigs kyi bu sgrib pa thams cad dang bral ba'i sems dang / lhag pa'i bsam pas dge ba'i bshes gnyen 
yongs su btsal ba la mngon par brtson pa'i byang chub sems dpas ni las gron chu dus dge ba'i bshes gnyen mthong bar 'gyur te/ rigs kyi bu dge ba'i bshes gnyen la rag las pa yang byang chub sems dpa' rnams kyi thams cad mkhyen pa nyid do/ /
de nas lus kyi ris su gtogs pa'i lha mo chos kyi pad mo dpal gyi dkyil 'khor ces bya ba dang ngo tsha shes pa'i dpal gyi dog pa'i 'od ces bya ba gnyis shig lha mo'i tshogs tshad med pas yongs su bskor nas/ lha mo sgyu ma'i legs pa brjod cing snying po byang chub nas
'thon te/ tshong dpon gyi bu nor bzangs kyi mdun gyi nam mkha' la 'khod nas/ rang rang gi rin po che'i rna cha las 'od gzer gyi dra ba rin po che'i kha dog du 'dug pa du ma dang / spos dang / 'dug pa dri ma med pa/ 'od 'phro ba'i kha dog du 'dug pa du ma dang /
sems dang bsam pa mos pa byed pa'i kha dog dang / sems kyi dga' ba'i shugs rnam par 'phel bar byed pa'i kha dog dang / lus kyi gdung ba sim par byed pa'i kha dog dang / lus rnam par dag pa yongs su ston pa'i kha dog dang / lus kyi mthu thog pa med 
par 'byung ba'i yul dang ldan pa'i 'od gzer gyi dra ba mang po bkye bas/ zhing rgya che na po snang bar byas nas/ tshong dpon gyi bu nor bzangs la de bzhin gshegs pa thams cad kyi sku thams cad du khyab pa/ thams cad la mngon du gyur pa yongs su bstan nas </font><hr>38-1-258b<br><font size=+1>
'jig rten thams cad la g.yas phyogs su bskor ba byas te/ tshong dpon gyi bu nor bzangs kyi spyi bo'i gtsug tu shar nas/ spyi bo'i gtsug man chad ba spu'i bu ga thams cad du zhugs te lus kun tu khyab par gyur to/ /de ltar lha mo de dag gi 'od gzer gyis/ tshong dpon 
gyi bu nor bzangs la phog ma thag tu de'i mod la mun pa thams cad dang / mi gnas pa'i mig rdul dang bral ba'i 'od snang ba zhes bya ba thob par gyur to/ /sems can gyi rang bzhin khong du chud par byed pa'i mig rab rib dang bral ba zhes bya ba thob par gyur to/ /
chos thams cad kyi rang bzhin gyi dkyil 'khor la rnam par lta ba'i myig rdul dang bral bas dbang bsgyur ba zhes bya ba thob par gyur to/ /zhing thams cad la rnam par lta ba'i myig rnam par dag pa la dbang bsgyur ba zhes bya ba thob par gyur to/ /de bzhin 
gshegs pa thams cad kyi chos kyi sku la rnam par lta ba'i mig rnam par snang ba zhes bya ba thob par gyur to/ /de bzhin gshegs pa'i gzugs kyi sku yongs su grub pa rnam par phye ba bsam gyis mi khyab pa la rnam par lta ba'i mig rnam par dag pa'i blo gros 
shes bya ba thob par gyur to/ /zhing rgya mtsho 'byam klas pa thams cad kyi 'jig rten gyi khams 'byung ba dang / 'jig pa rnam par phye ba la rnam par lta ba'i mig chags pa med pa'i 'od ces bya ba thob par gyur to/ /de bzhin gshegs pa 
thams cad kyi chos kyi 'khor lo'i mdo sde'i tshul mngon par bsgrub pa'i phyogs la rnam par lta ba'i mig kun tu snang ba zhes bya ba thob par gyur to/ /sangs rgyas kyi rnam par 'phrul pa dang / sems can 'dul ba'i byin gyi rlabs la rnam 
par lta ba'i myig kun nas yul du 'gyur ba zhes bya ba thob par gyur to/ /sangs rgyas kyi zhing thams cad du byung ba'i sangs rgyas skyes pa la rnam par lta ba'i mig kun tu lta ba zhes bya ba thob par gyur to/ /de nas byang chub sems dpa' </font><hr>38-1-259a<br><font size=+1>
yang dag par 'gro ba'i khang pa'i sgo srung srin po'i dbang po srin po stong phrag bcu'i gtso bo myig bzangs shes bya ba chung mar bcas bu dang bcas/ rang gi gnyen bshes dang 'khor du bcas pas/ tshong dpon gyi bu nor bzangs la me tog kha 
dog sna tshogs yid du 'ong bas mngon par gtor te/ 'di skad ces smras so/ /rigs kyi bu chos bcu dang ldan pa'i byang chub sems dpas ni dge ba'i bshes gnyen thams cad dang nye bar bsnyen pa yin te/ bcu gang zhe na 'di ltar bsam pa yongs su 
dag pa/ g.yo dang sgyu med pa dang /'gro ba thams cad yongs su sdud pa la tha mi dad pa'i snying rje chen po dang / sems can thams cad la sems can med pa'i rang bzhin nges par rtogs pa'i rab tu rtogs pa dang / lhag pa'i bsam pa'i stobs thams 
cad mkhyen par 'gro ba las phyir mi ldog pa dang / de bzhin gshegs pa'i dkyil 'khor la mngon par 'dun pa'i mos pa'i stobs dang / chos thams cad kyi rang bzhin dri ma med pas rnam par dag pa'i mig dang / sems can gyi dkyil 'khor 
thams cad la tha mi dad pa'i byams pa chen po dang / bsgribs pa thams cad rnam par 'thor ba'i ye shes kyi snang ba dang 'khor ba'i sdug bsngal thams cad kyi gnyen po gdugs su gyur pa'i chos kyi sprin chen po dang / chos kyi dbyings kyi rgyud thams cad la rab tu 
zhugs shing / dge ba'i bshes gnyen gyi rjes su 'brang ba mngon du gyur pa'i ye shes kyi mig ste/ rigs kyi bu chos bcu po de dag dang ldan pa'i byang chub sems dpa' ni dge ba'i bshes gnyen thams cad dang nye bar bsnyen pa yin no/ /ting nge 'dzin 
la nges par gzhag pa'i sgo bcus rnam par lta ba'i byang chub sems dpa' ni dge ba'i bshes gnyen thams cad dang mngon tu gyur pa thob pa yin te/ bcu gang zhe na/ ting nge 'dzin la nges par gzhag pa'i sgo chos thams cad nam mkha' ltar rdul dang </font><hr>38-1-259b<br><font size=+1>
bral bar rnam par dpyod pa'i dkyil 'khor dang / ting nge 'dzin la nges par gzhag pa'i sgo phyogs rgya mtsho thams cad mngon du gyur pa'i myig dang / ting nge 'dzin la nges par gzhag pa'i sgo dmyigs pa thams cad la rnam par mi rtog rnam par mi dpyod pa dang / 
ting nge 'dzin la nges par gzhag pa'i sgo phyogs thams cad du de bzhin gshegs pa'i sprin yongs su 'byung ba dang / ting nge 'dzin la nges par gzhag pa'i sgo thams cad mkhyen pa'i ye shes dang / bsod nams rgya mtsho stsogs pa'i snying po dang / ting nge 
'dzin la nges par gzhag pa'i sgo sems bskyed pa thams cad la dge ba'i bshes gnyen 'byung ba dang / 'bral ba med cing nye bar gyur pa dang / ting nge 'dzin la nges par gzhag pa'i sgo de bzhin gshegs pa thams cad kyi yon tan dge ba'i bshes gnyen 
gyi khar las pas yongs su grub pa dang / ting nge 'dzin la nges par gzhag pa'i sgo dge ba'i bshes gnyen thams cad dang yongs su mi 'bral ba dang / ting nge 'dzin la nges par gzhag pa'i sgo dge ba'i bshes gnyen thams cad mnyam pa nyid kyis 
rtag par kun tu nye bar 'gro ba'i sbyor ba dang / ting nge 'dzin la nges par gzhag pa'i sgo dge ba'i bshes gnyen gyi thabs kyi spyod pa thams cad kyis dub pa med pa'i sbyor ba ste/ rigs kyi bu ting nge 'dzin la nges par gzhag pa'i sgo bcu po de dag dang ldan pa'i 
byang chub sems dpa' ni dge ba'i bshes gnyen thams cad dang / mngon tu gyur pa thob pa yin te/ ting nge 'dzin gyi rnam par thar pa de bzhin gshegs pa thams cad kyi chos kyi 'khor lo dge ba'i bshes gnyen gyi kha nas grags pa zhes bya ba yang thob 
pas de la zhugs pa'i byang chub sems dpa' ni sangs rgyas thams cad tha mi dad cing mnyam pa nyid du 'gyur ba yang rab tu 'thob bo/ /dge ba'i bshes gnyen tha mi dad cing thams cad du khyab pa'ang rab tu thob par 'gyur to/ /srin po'i dbang po </font><hr>38-1-260a<br><font size=+1>
mig bzangs kyis de skad ces smras pa dang / tshong dpon gyi bu nor bzangs kyis nam mkha'i dbyings la bltas te 'di skad ces smras so/ /'phags pa bdag la thugs brtse bar mdzad de/ dge ba'i bshes gnyen bsten pas sman yon btags pa 
ma nongs so/ /da dung yang dge ba'i bshes gnyen blta ba'i slad du/ ji ltar brtson par bgyi ba dang / phyogs gang logs su mchi bar bgyi ba dang / gnas gang zhig du yongs su btsal ba dang / dmigs pa gang zhig bsam par bgyi ba'i thabs kyi 
sgo ma nor bar bstan du gsol/ smras pa rigs kyi bu de bas na phyogs kun tu rab tu 'dud pa'i lus dang / dmigs pa thams cad du dge ba'i bshes gnyen dran pa dang / 'brel pa'i bsam pa dang / kun tu 'gro ba'i ting nge 'dzin gyi rjes su 'brang ba dang /
sems kyi shugs rmi lam lta bu dang / yid kyi lus gzugs brnyan lta bus rnam par rgyu ste/ 'gro bas dge ba'i bshes gnyen gyi gan du song shig /de nas tshong dpon gyi bu nor bzangs kyis srin po'i dbang po mig bzangs kyis ji skad du gtams pa de 
ltar nan tan du byas pa dang / mdun gyi sa'i nang nas pad mo chen po rdo rje rin po che thams cad las grub pa'i chu ba can/ nang rim rin po che'i rgyal po 'gro ba rgya mtsho sna tshogs las byas pa/ rin po che'i rgyal po thams cad las 'dab ma'i phreng ba 
grub pa/ rin po che'i rgyal po rnam par snang ba'i snying po can spos kyi rin po che'i rgyal po rin po che thams cad kyi mdog gi ze ba dang ldan pa/ rin po che'i dra ba grangs med pas kun nas yog pa byung ba mthong ngo / /rin po che'i rgyal po'i pad mo 
chen po de'i snying po la'ang / khang pa brtsegs pa chos kyi phyogs su yang dag par gzhol ba'i snying po zhes bya ba shin tu spa la blta na sdug pa sa'i gzhi rnam par snang ba'i dbyibs dang ldan pa/ rin po che'i rgyal po thams cad las byas </font><hr>38-1-260b<br><font size=+1>
pa'i ka ba stong tshang bas mdzes par brgyan pa/ rgyan thams cad du rin po che thams cad bkram pa/ 'dzam bu chu klung gi gser dri ma med pa'i lha rdzas kyi gzhi bting ba/ mu tig gi phreng ba sna tshogs kyi dra ba grangs med pa kun nas bres pa/ rin po che'i 
rgyal po sna tshogs rab tu spa bar spel bas brgyan pa/'dzam bu chu klung gi nor bu rin po ches kun nas rnam par phye ba/ rin po che'i khri 'phang grangs med pas kun nas bskor ba/ phyogs thams cad nas rin po che'i rgyal po'i them skas mdzes par 
bkye ba gnas par mthong ngo / /khang pa brtsegs pa de'i dbus na yang khri nor bu rin po che yid bzhin gyi pad mo'i snying po can/ nor bu rin po che'i gzugs 'jig rten gyi dbang po'i dbyibs lta bu'i rten gyis bzung ba/ nor bu rin po che'i 'bru thams 
cad kyi kha dog du 'dug pa/ dbang po'i rgyal mtshan rab tu snang ba'i dbyibs su 'dug pa/ rdo rje rin po che'i 'khor lo'i sa la rten pa/ rin po che'i rgyal po sna tshogs kyi phreng bas brgyan pa/ rin po che'i khri 'phang du ma las blangs pa/ rin po che'i rgyal 
po snang ba'i rgyal mtshan gyis rab tu spras pa/ rin po che sna tshogs kyi rgyan gyis shin tu brgyan pa/ rin po che'i rgyal po'i stan lha rdzas las 'das pa legs par bting ba/ gos rin po che kha dog mtha' yas pa sna tshogs kyi gzhi thams cad du bkram 
pa/ rin po che'i gos thams cad kyi gnam yol bres pas/ nam mkha' rab tu brgyan pa/ rin po che thams cad kyi dra ba kun tu bres pa/ phyogs kun nas rin po che'i rgyal mtshan dgrigs pa'i sgra 'byung ba/ rin po che thams cad 
kyi snam bu'i rgyal mtshan phur lab du lding ba/ spos kyi rin po che thams cad kyi rgyal mtshan rnam par bres pas kun nas brgyan pa/ me tog thams cad kyi rgyal mtshan las me tog gi glong sna tshogs char du mngon par 'brul pa/ rin po </font><hr>38-1-261a<br><font size=+1>
che'i dril bu'i rgyal mtshan 'khrol ba'i sgra yid bde ba'i dbyangs snyan par grag pa/ khang pa'i kha thams cad nas rin po che sna tshogs kyi phreng ba rab tu sbyangs pa/ rin po che'i gzugs sna tshogs kyi kha nas spos chu kha dog du ma dang ldan 
pa'i char 'bab pa/ nor bu rin po che'i rgyal po rnam par snang ba las glang po dam pa'i gzugs su byas pa'i kha nas pad mo'i dra ba 'byung ba dang ldan pa/ rdo rje sna tshogs kyi seng ge'i kha nas spos kyi sprin kha dog mtha' yas pa rab tu 'byung ba/ rin 
po che'i rgyal po rnam par snang ba/ tshangs pa'i gzugs su 'dug pa'i kha nas byams pa chen po'i tshul tshangs pa'i dbyangs kyi nga ro sgrog pa dang ldan pa/ rin po che sna tshogs shin tu mdzes pa'i gzugs kyi kha nas dkar po'i phyogs kyi legs pa rab tu 
brjod pa'i nga ro 'byung ba dus gsum gyi sangs rgyas kyi mtshan gser gyi dril gyi phreng ba las sgra snyan pa'i dbyangs su 'byung ba dang ldan pa/ nor bu rin po che dam pa'i dril gyi phreng ba las sangs rgyas thams cad kyi chos kyi 'khor lo'i sgra yid du 'ong ba 
'byung ba/ rdo rje'i dril sna tshogs las byang chub sems dpa'i smon lam thams cad kyi sgra rab tu 'byung ba/ rin po che'i rgyal po zla ba'i rgyal mtshan gyi phreng bas sangs rgyas thams cad kyi gzugs brnyan rab tu 'byung ba'i dbyangs sna tshogs rab tu bsgrag 
pa/ nor bu rin po che'i rgyal po snying po dag pa'i phreng bas dus gsum du gshegs pa'i de bzhin gshegs pa thams cad kyi sku tshe gcig nas gcig tu brgyud pa'i gzugs brnyan rnam par dmyigs par bya ba/ rin po che'i rgyal po nyi ma'i snying 
po'i phreng bas nam mkha'i dbyings kyi mthas klas pa'i phyogs bcu'i sangs rgyas kyi zhing sna tshogs kyi dbyings su 'od zer yongs su bstan pa/ rin po che'i rgyal po snang ba'i rgyal mtshan gyi phreng bas de bzhin gshegs pa thams cad kyi 'od kyi </font><hr>38-1-261b<br><font size=+1>
dkyil 'khor snang ba rab tu bkye ba/ nor bu rin po che'i rgyal po rnam par snang ba'i phreng bas sprul pa'i sprin 'gro ba thams cad kyi dbang po lta bu de bzhin gshegs pa la mchod cing rim gror byed pa'i 'od rab tu dgye ba/ rin po che'i rgyal po yid bzhin gyi phreng bas 
byang chub sems dpa' kun tu bzang po'i rnam par 'phrul pas skad cig re re la chos kyi dbyings su rgyas par dgang ba/ rin po che'i rgyal po ri bo'i rgyal mtshan gyi phreng bas/ lha'i dbang po thams cad kyi khyim gyi lha mo'i dbyangs snyan pa rab tu bsgrag pa dang 
ldan zhing khri de/ dmigs pa thams cad du de bzhin gshegs pa la bstod pa'i sprin 'gyed pas yon tan dang / legs pa bsam gyis mi khyab pa brjod du yod pa dang / rin po che'i rgyan grangs med pa'i 'khor gyi stan gyis bskor bar mthong ngo / /
khri de la lha mo sgyu ma 'jig rten gsum las yang dag par 'das pa'i gzugs 'jig rten thams cad la mngon par gnas pa dang / srid pa'i rgyud thams cad las gyen du 'phags pa'i gzugs 'gro ba thams cad kyis rnam par dmigs su yod 
pa dang / 'jig rten thams cad kyis ma gos pa'i gzugs bsod nams yangs pas byung ba dang / 'gro ba thams cad dang mnyam zhing 'dra ba'i gzugs sems can thams cad la rang bzhin mngon par ston pa dang / 'gro ba thams cad yongs su smin par bya ba 
dang / gdul bar mthun pa'i gzugs sems can thams cad dang mngon sum du 'dal ba dang / dus gsum thams cad du 'gro ba nam mkha' la rnam par dmigs pa tha mi dad pa'i gzugs 'gro ba thams cad kyi mthas klas par dmigs su yod par byin gyis rlob 
pa dang / 'gro ba med pa'i gzugs 'jig rten gyi lam gyi rgyud thams cad 'gag pa dang / 'ong ba med pa'i gzugs 'gro ba thams cad du ma byung ba dang / ma skyes pa'i gzugs mi skye bar mnyam pa'i chos la brtson pa dang / ma 'gags pa'i gzugs 'jig rten </font><hr>38-1-262a<br><font size=+1>
gyi rnam par spyod pa thams cad la gzhol ba dang / yang dag par dmigs pa'i gzugs bden pa med pa dang / 'jig rten gyi rnam par dmigs pa'i gzugs brdzun pa med pa dang / 'pho ba med pa'i gzugs shi 'pho ba dang / skye ba las 
'das pa dang / mi 'jig pa'i gzugs chos kyi dbyings kyi rang bzhin gyis 'jig pa med pa dang / mtshan nyid med pa'i gzugs dus gsum tshig gi lam du gzhol ba dang / mtshan nyid gcig pa'i gzugs mtshan nyid med pas byung ba dang / gzugs brnyan 
lta bu'i gzugs 'gra \u0f7cba thams cad kyi sems dang bsam pa ji lta ba bzhin du dmigs pa dang / sgyu ma lta bu'i gzugs ye shes sgyu mas yongs su grub pa dang / smig rgyu ba lta bu'i gzugs 'gro ba'i 'du shes bzhin du byin gyis rlob pa la gzhol ba dang / grib ma lta 
bu'i gzugs sngon gyi smon lam gyis 'gro ba thams cad kyi rjes su 'brang ba dang / rmi lam lta bu'i gzugs bsam pa ji lta ba bzhin du 'gro bas dmigs pa la ma 'dres pa dang / chos kyi dbyings thams cad du gzhol ba'i gzugs nam mkha'i dbyings ltar rang 
bzhin yongs su dag pa dang / snying rje chen pos byung ba'i gzugs sems can gyi rgyud thams cad yongs su bskyang ba la brtson pa dang / chags pa med pa'i sgos byung ba'i gzugs skad cig re res chos kyi dbyings rgyas par 'gengs pa dang / mtha' dang 
dbus med pa'i gzugs rnyog pa med par 'gro ba thams cad la rten pa dang / tshad med pa'i gzugs tshig gi lam thams cad las yang dag par 'das pa dang / mi gnas pa'i gzugs 'gro ba thams cad gdul ba'i byin gyi rlabs kyis grub pa dang / 
byin gyis ma brlabs pa'i gzugs byin gyi rlabs kyis 'gro ba'i don la brtson pa dang / ma byung ba'i gzugs smon lam sgyu mas yongs su grub pa dang / zil gyis ma non pa'i gzugs 'jig rten thams cad las mngon par 'phags pa dang / yang dag pa ma yin </font><hr>38-1-262b<br><font size=+1>
pa'i gzugs zhi gnas kyi snang bas rnam par dmigs pa dang /mi 'byung ba'i gzugs 'gro ba'i las ji lta ba bzhin du rjes su 'brang ba dang / rin po che yid bzhin gyi rgyal po ltar bsam pa ji lta ba bzhin du sems can thams cad kyi bsam pa yongs su rdzogs par 
bya ba'i smon lam yongs su grub pa dang / rnam par mi rtog pa'i gzugs 'gro ba thams cad kyi yongs su rtog pa bzhin du nye bar gnas pa dang / mi rtog pas rtog pa med pa'i gzugs 'gro ba thams cad kyis rnam par dmigs pa dang / thogs pa med pa'i 
gzugs 'khor ba las bzlog pa la rab tu brtson pa dang / rnam par dag pa'i gzugs de bzhin nyid dang / mnyam par rnam par mi rtog pa dang / rnam pa de lta bu'i gzugs gzugs med par gzugs su snang ba dang / tshor ba med pa'i gzugs kyis 
'jig rten gyi sdug bsngal gyi tshor ba rab tu zhi bar bya ba la brtson pa dang / 'du shes kyi rnam pa thams cad las gyen du 'phags pa'i gzugs sems can thams cad kyi 'du shes kyi rnam pas rnam par dmigs pa dang / mngon par 'du bya ba med pa'i chos nyid 
kyis byung ba'i gzugs chos sgyu ma'i rnam pas grub pa dang / rnam par shes pa'i yul las yongs su 'das pa'i gzugs byang chub sems dpa'i smon lam kyi ye shes las byung ba dang / rang bzhin med pa'i gzugs 'gro ba thams cad kyi tshig gi lam la 
gzhol ba dang / gdung ba yongs su bstsal ba'i gzugs chos kyi sku bsil ba dam pa dang ldanapas/ lha mo sgyu ma bsam pa ji lta ba bzhin du 'gro ba'i gzugs kyi lus yongs su ston pa dang / sems can gyi bsam pa'i dbang du 'gro ba thams cad dang 
mnyam zhing 'dra ba'i gzugs kyi lus 'gro ba thams cad kyi gzugs kyi lus las 'phags pa ston cing 'dug pa mthong ngo / /de la sems can la las ni lha mo sgyu ma de bdud kyi bu mo'i gzugs su 'dug la bdud kyi bu mo'i gzugs bas kyang lhag par </font><hr>38-1-263a<br><font size=+1>
mthong ngo / /la las ni dbang bsgyur gyi lha'i bu mo'i gzugs pas kyang lhag par mthong ngo / /la las ni rab 'phrul dga'i lha'i bu mo'i gzugs pas kyang lhag par mthong ngo / /la las ni rab dga' ldan gyi lha'i bu mo'i gzugs bas kyang 
lhag par mthong ngo / /la las ni rab mtshe ma'i lha'i bu mo'i gzugs pas kyang lhag par mthong ngo / /la las ni sum cu rtsa gsum gyi lha'i bu mo'i gzugs pas kyang lhag par mthong ngo / /la las ni rgyal po chen po bzhi'i ris kyi lha'i bu mo'i gzugs 
pas kyang lhag par mthong ngo / /la las ni grul bum gyi bu mo'i gzugs bas kyang lhag par mthong ngo / /la las ni lto 'phye chen po'i dbang po'i bu mo'i gzugs pas kyang lhag par mthong ngo / /sems can la las ni lha mo sgyu ma de mi'i dbang po'i 
bu mo'i gzugs pas kyang lhag par mthong ngo / /de nas tshong dpon gyi bu nor bzangs 'gro ba thams cad kyi gzugs kyi 'du shes dang bral yang sems can pha rol gyi bsam pa la 'jug pa des sems can thams cad kyi bsam pa'i rnam pa la lha mo sgyu ma 
'gro ba thams cad nye bar 'tsho ba'i bsod nams dang ldan pa/ thams cad mkhyen pa nyid kyi bsod nams kyis bsgrubs pa'i lus dang ldan pa/ sbyin pa'i pha rol tu phyin pa'i sbyor ba tha mi dad pa dang ldan pa/ 'gro ba thams cad la mnyam pa nyid kyi zhugs 
pa/ snying rje chen po'i lhas su sems can thams cad yongs su sdud pa/ de bzhin gshegs pa'i yon tan thams cad la nan tan du byas pas byung ba/ bzod pa thams cad kyi tshul rgya mtsho la zhugs pa/ thams cad mkhyen pa nyid kyi brtson 'grus 
kyi shugs kyis sems can rnam par spel ba/ chos kyi dkyil 'khor thams cad yongs su dag par bya ba la phyir mi ldog pa'i brtson 'grus dang ldan pa/ chos thams cad kyi rang bzhin nges par rtogs pas byung ba/ bsam gtan gyi yan lag dang </font><hr>38-1-263b<br><font size=+1>
tshul thams cad las yongs su grub pa'i sems dang ldan pa/ bsam gtan gyi yan lag tha mi dad pa'i yul yongs su 'dzin pa'i de bzhin gshegs pa'i bsam gtan gyi dkyil 'khor snang ba rab tu thob pa/ sems can thams cad kyi nyon mongs pa rgya mtsho 
bskam pa la shin tu gdon mi za bar byas pa'i nges par rtog pa sna tshogs la gnas pa/ de bzhin gshegs pa thams cad kyi chos kyi 'khor lo rnam par dbye ba'i tshul la mkhas pa/ chos thams cad kyi tshul rgya mtsho rnam par dpyad pa'i shes rab dang ldan pa/ 
de bzhin gshegs pa thams cad mthong bas ma ngoms pa/ dus gsum gyi de bzhin gshegs pa gcig nas gcig tu brgyud pa la rnam par lta ba'i rgyun mi gcod pa/ sangs rgyas thams cad lta ba'i sgo la mngon du gyur ba/ de bzhin gshegs pa thams 
cad kyis yongs su bsgrubs pa'i lam yongs su dag par bya ba rnam pa tha dad pa'i tshul la mkhas pa/ de bzhin gshegs pa thams cad kyi spyod yul nam mkha' dang mnyam pa sems can thams cad yongs su bsdu ba'i thabs kyi tshul la mkhas pa/ 'gro 
ba mtha' dang dbus med pa/ bsam pa ji lta ba bzhin du yongs su smin par bya ba dang / gdul ba'i snang ba rab tu thob pa/ sangs rgyas thams cad kyi sku rnam par dag pa rnam pa tha dad pa la zhugs pa/ zhing rgya mtsho thams cad yongs su dag par bya 
ba'i smon lam dang ldan pa/ sems can gyi khams thams cad rnam par gdul ba'i byin gyi rlabs mthar thug par bya ba'i smon lam yongs su dag pa/ de bzhin gshegs pa'i yul thams cad mchod pas rgyas par dgang ba'i sems dang / 
ldan pa/ byang chub sems dpa'i rnam par 'phrul pa thams cad la brtson pas byung ba/ chos kyi sku bla na med pa yongs su dag pa dang ldan pa/ gzugs kyi lus mtha' yas pa yongs su ston pa/ bdud kyi dpung thams cad rab tu 'joms pa/</font><hr>38-1-264a<br><font size=+1>
dge ba'i rtsa ba shin tu rgya chen po'i stobs dang ldan pa/ chos kyi stobs rab tu skyes pa'i blo can/ sangs rgyas kyi stobs snang ba rab tu thob pa/ byang chub sems dpa'i dbang thams cad kyi stobs yongs su rdzogs pa/ thams cad mkhyen pa 
nyid kyi shugs kyi stobs yongs su skyes pa/ de bzhin gshegs pa'i ye shes glog gis shes rab snang bar byas pa/ sems can mtha' dang dbus med pa'i sems rgya mtsho rnam par dpyad pa la mkhas pa/ 'gro ba shin tu mang ba'i bsam pa la zhugs 
pa/ sems can pha rol gyi dbang po rnam pa tha dad pa shes par bya ba'i tshul la mkhas pa/ sems can mtha' yas pa'i mos pa rnam pa tha dad pa'i rgyus la mkhas par khong du chud pa/ phyogs bcu'i zhing rgya mtsho tshad med pa lus kyis rgyas par 
'gengs pa/ 'jig rten gyi khams rnam pa tha dad pa thams cad shes par bya ba'i tshul dang / rnam pa la mkhas pa/ zhing tha dad pa'i tshul thams cad shes par bya ba'i tshul la mkhas pa'i rjes su song ba/ ye shes kyi lta ba phyogs rgya mtsho thams cad du 
rab tu 'dal ba/ dus rga mtsho thams cad du khyab pa'i blo dang ldan pa/ sangs rgyas rgya mtsho thams cad la mngon sum du 'dud pa'i lus can/ chos kyi sprin rgya mtsho'i char thams cad yang dag par gzung ba la/ mngon tu gyur pa'i sems dang ldan pa/ de bzhin 
gshegs pa thams cad kyi yon tan rab tu rdzogs par bya ba'i nan tan gyis 'byung ba la rab tu brtson pa/ byang chub sems dpa'i tshogs thams cad yongs su bsgrub pa la rab tu zhugs pa'i blo dang ldan pa/ byang chub sems dpa' thams cad kyi rab tu 'jug 
pa la rnam par dpyod pa'i mthu yod pa/ byang chub kyi sems kyi yan lag thams cad yongs su grub pa/ byang chub sems dpa' thams cad yongs su bskyang ba la rab tu brtson pa/ sangs rgyas thams cad kyi legs pa'i sprin kun tu snang ba rab tu ston pa/</font><hr>38-1-264b<br><font size=+1>
byang chub sems dpa' dang rgyal ba thams cad skyed pa'i smon lam gyis byung ba dang / de dag la sogs pa mthong ba'i tshul 'dzam bu'i gling gi rdul shin tu phra ba snyed kyis lha mo sgyu ma tshong dpon gyi bu nor bzangs kyis mthong bar gyur to/ /des de mthong nas lha mo sgyu ma 
ji snyed yod pa de snyed du bdag gi lus byin gyis brlabs nas/ phyogs thams cad la mngon tu bltas pa'i lha mo sgyu ma la thams cad du khyab pa'i lus kyis phyag byas so/ /des de ltar phyag byas ma thag tu ting nge 'dzin gyi sgo mtha' dang dbus med pa thob par gyur te/ 
des ting nge 'dzin gyi sgo de dag la rnam par bltas nas/ mtshan mar bya ba dang / bsgom pa dang / lhur blang ba dang / rjes su dran par bya ba dang / rgyas par dgang ba dang / rab tu rgya cher bya ba dang / blta ba dang / rnam par spel ba dang / mngon par bsgrub 
pa dang / rgyas gdab par byas te/ ting nge 'dzin gyi sgo de dag las langs nas lha mo sgyu ma 'khor dang bcas/ gnas dang bcas/ stan dang bcas pa la g.yas phyogs su bskor ba byas te/ mdun du 'dug nas thal mo sbyar te/ 'di skad ces smras so/ /
'phags ma bdag ni 'jam dpal gzhon nur gyur pas bla na med pa yang dag par rdzogs pa'i byang chub tu sems bskyed de/ dge ba'i bshes gnyen bsnyen bkur ba la yongs su bskul ba bgyis pa ste/ de ltar bdag dge ba'i bshes gnyen nas dge ba'i 
bshes gnyen du bsnyen bkur bgyid cing mthar gyis khyod kyi zhabs kyi drung 'di'i bar du mchis pa lags na/ 'phags ma ji ltar byang chub sems dpas byang chub sems dpa'i spyod pa la bslabs na/ thams cad mkhyen pa nyid du 'grub pa lags/ 
des smras pa rigs kyi bu kho mo ni byang chub sems dpa'i rnam par thar pa smon lam chen po'i ye shes sgyu ma'i rnam pas rnam par brgyan pa thob pa ste/ rigs kyi bu kho mo rnam par thar pa de dang ldan pas 'jig rten gyi khams rgya mtsho 'di'i 'jig rten gyi khams </font><hr>38-1-265a<br><font size=+1>
thams cad kyi 'dzam bu'i gling thams cad na bcom ldan 'das rnam par snang mdzad kyi byang chub sems dpa'i srid pa'i tha ma la skye bas rnam par 'phrul pa ji snyed cig yod pa'i byang chub sems dpa'i srid pa'i tha ma pa de dag thams cad so so'i mar gyur ba ste/ 
byang chub sems dpa' de dag thams cad kyang kho mo'i lto na gnas pa kho mo'i lto g.yas pa nas 'byung ngo / /rigs kyi bu skal ba dang ldan pa'i gling bzhi pa 'di nyid kyi grong khyer chen po ser skya'i gnas su yang / rgyal po zas gtsang ma'i btsun mo'i rigs dang 
ldan pa'i tshul gyis byang chub sems dpa' don grub/ byang chub sems dpa' skye ba'i rnam par 'phrul pa rgya chen po bsam gyis mi khyab pas bskyed do/ /rigs kyi bu de ltar kho mo rgyal po zas gtsang ma'i pho brang na 'dug 'dug pa las byang chub sems 
dpa' dga' ldan gyi pho brang nas 'pho ba'i dus la bab pa dang / ba spu'i sgo thams cad kyi ba spu'i sgo re re nas kyang 'od zer de bzhin gshegs pa thams cad kyi yum gyi yon tan gyi dkyil 'khor las byung ba'i snang ba zhes bya ba mang po byang chub sems dpa' 
thams cad kyi yum gyi yon tan gyi rgyan sangs rgyas kyi zhing brjod du med pa'i rdul shin tu phra ba snyed 'thon nas/ 'jig rten gyi khams thams cad snang bar byas te/ kho mo'i lus la shar nas/ spyi bo man cad ba spu'i bu ga thams cad du 'phros par 
gyur to/ /rigs kyi bu de ltar byang chub sems dpa'i 'od zer ming gcig la/ byang chub sems dpa'i yum gyi rnam par 'phrul ba dang / rgyan dang rnam par thar ba sna tshogs rab tu 'gyed pa de dag kho mo'i lus su dong ma thag tu de'i mod la kho mo'i lus su byang chub sems dpa'i 'od zer gyi sgo'i dkyil 'khor gyis rnam par dmigs par byas te/ byang chub sems dpa'i skye ba'i rnam par 'phrul pa'i tshul dang rgyan thams cad yongs su snang bar gyur to/ /khyim dang 'khor la yang de bzhin du snang bar gyur </font><hr>38-1-265b<br><font size=+1>
to/ /rigs kyi bu de ltar byang chub sems dpa'i 'od zer de dag kho mo'i lus su dong ma thag tu de'i mod la byang chub sems dpa'i 'od zer gyi sgo'i dkyil 'khor de dag gis byang chub sems dpa' gang dag gi skye ba'i tshul dang / rnam par 'phrul ba rnam par 
dmigs par byas pa de dag thams cad kyang kho mos mthong bar gyur te/ de dag thams cad kyang snying po byang chub tu gshegs nas/ seng ge'i gdan la bzhugs shing byang chub sems dpa'i 'khor gyi dkyil 'khor gyis bskor te/ 'jig rten gyi dbang po 
rnams kyis bskor cing / chos kyi 'khor lo bskor ba mang po mthong ngo / /de bzhin gshegs pa de dag gis sngon byang chub sems dpa'i spyod pa mdzad pa'i tshe/ de bzhin gshegs pa ji snyed cig bsnyen bkur ba de dag thams cad kyang kho mos dang po 
thugs bskyed pa dang / skye ba'i rnam par 'phrul pa dang bcas mngon par rdzogs par byang chub pa dang / chos kyi 'khor lo bskor ba dang / mya ngan las 'da' ba'i rnam par 'phrul ba dang bcas/ sangs rgyas kyi zhing yongs su dag pa'i rgyan dang 
bcas par mthong ngo / /de bzhin gshegs pa de dag gi sprul pa'i dkyil 'khor sems kyi skad cig re re la chos kyi dbyings thams cad rgyas par 'gengs pa de dag thams cad kyang kho mos mthong bar gyur to/ /rigs kyi bu de ltar kho mo'i lus su byang chub sems dpa'i 
'od zer de dag dong ma thag tu kho mo'i lus kyang 'gro ba thams cad las mngon par 'phags par gyur te/ rum nam mkha'i dbyings ltar yangs par gyur kyang mi'i lus las lhag par yang mi snang ngo / /phyogs bcu na byang chub sems dpa'i mngal gyi 
gnas dang / khang khyim dang rgyan ji snyed cig yod pa de dag thams cad kyang kho mo'i lus kyi khongs su chud pa dang / kho mo'i lus su shong bar gyur par snang bar gyur to/ /rigs kyi bu de ltar kho mo'i lus su byang chub sems dpa'i mngal </font><hr>38-1-266a<br><font size=+1>
gyi gnas dang / khang khyim dang rgyan dang longs spyod byung bar gyur pa dang / de'i mod la byang chub sems dpa' sangs rgyas kyi zhing bcu'i rdul shin tu phra ba snyed kyi byang chub sems dpa' smon lam gcig pa skal ba mnyam par 
spyod spyod pa/ dge ba'i rtsa ba gcig pa rgyan gcig pa/ rnam par thar pa gcig la rnam par spyod pa/ ye shes kyis gcig la gnas pa/ rnam par 'phrul pa gcig gis byung ba/ smon lam gcig gis grub pa/ spyod pa gcig gis 
byung ba/ chos kyi lus yongs su dag pa/ gzugs kyi lus mtha' dang dbus med pa'i byin gyi rlabs dang ldan pa/ byang chub sems dpa' kun tu bzang po'i spyod pa dang / smon lam dang rnam par 'phrul pas byung ba dag dang / rin po 
che'i klu'i dbang po'i snying po'i khang pa brtsegs pa na 'khod cing / klu'i rgyal po gang chen mtsho la stsogs pa klu'i dbang po stong phrag brgyad cu dang / 'jig rten gyi dbang po thams cad kyis kyang mngon par mchod cing / byang chub sems dpa'i 
rnam par 'phrul ba dga' ldan gyi pho brang thams cad nas shi 'pho yongs su ston pas/ dga' ldan gyi gnas re re nas kyang 'jig rten gyi khams thams cad du 'dal ba'i gling bzhi par skye ba len pa yongs su ston pa/ sems can yongs 
su smin par bya ba'i thabs kyi tshul bsam gyis mi khyab pa la mkhas pa'i rjes su song ba dang sems can bag med pa thams cad yongs su bskul zhing mngon par zhen pa/ thams cad las gyen du bskyod pa dang / 'od zer gyi dra ba chen po rab tu dgye bas 
'jig rten gyi mun pa thams cad rnam par sel ba dang / ngan song thams cad kyi sdug bsngal zhi bar byed pa dang / sems can dmyal ba'i lam gyi rgyud thams cad nas rnam par bzlog pa dang / sems can thams cad kyi sngon gyi las yongs su </font><hr>38-1-266b<br><font size=+1>
bskul ba dang / sems can gyi khams thams cad yongs su skyob pa dang / sems can thams cad la lus mngon par ston pas dga' ldan gyi pho brang nas 'phos te/ 'khor dang bcas par kho mo'i lus su zhugs nas de dag thams cad kyang kho mo'i 
khong na gom pa stong gsum gyi stong chen po'i 'jig rten gyi khams tsam du yangs pa nas/ 'jig rten gyi khams sangs rgyas kyi zhing brjod du med pa'i rdul shin tu phra ba snyed du yangs pa'i 'gros kyis rgyu zhing spyod do/ /phyogs bcu'i 'jig rten gyi 
khams 'byam klas pa thams cad kyi de bzhin gshegs pa'i zhabs kyi drung gi byang chub sems dpa'i 'khor gyi dkyil 'khor brjod du med pa dag kyang sems kyi skad cig re re la byang chub sems dpa'i mngal gyi gnas dang / rnam par 'phrul pa lta ba'i 
phyir kho mo'i khong du 'dong ngo / /rgyal po chen po bzhi dang / brgya byin dang rab mtshe ma dang rab dga' ldan dang rab 'phrul dga' dang dbang bsgyur gyi lha'i dbang po rnams dang / tshangs pa rnams kyang mngal gyi gnas na bzhugs pa'i byang chub sems 
dpa' la lta ba dang / phyag bya ba dang / bsnyen bkur ba dang / chos mnyan pa'i gtam nyams su myong bar bya ba'i phyir nye bar dong yang kho mo'i rum 'dis de snyed kyi 'khor gyi dkyil 'khor cig yongs su bzung yang yangs par gyur pa yang med/ 
mi'i lus tha mal pa las kho mo'i lus khyad par can du gyur ba yang med mod kyi/ 'khor gyi dkyil 'khor de snyed kyang yongs su bzung ngo / /lha dang mi de dag thams cad kyis kyang byang chub sems dpa'i longs spyod sna tshogs dang / rgyan yongs su dag 
pa yang mthong bar gyur to/ /de ci'i phyir zhe na/ de ni byang chub sems dpa'i rnam par thar pa smon lam chen po'i ye shes sgyu ma'i rnam pa 'di nyid shin tu bsgoms pa'i phyir ro/ /rigs kyi bu ji ltar kho mo skal ba dang ldan pa'i gling bzhi pa 'di'i </font><hr>38-1-267a<br><font size=+1>
'dzam bu'i gling na byang chub sems dpa' khong na yongs su 'dzin pa de bzhin du stong gsum gyi stong chen po'i 'jig rten gyi khams kyi gling bzhi pa thams cad kyi 'dzam bu'i gling dag na yang rnam par 'phrul pa'i rgyan gyi tshul 'di nyid kyis yongs su 'dzin par 
byed de/ byang chub sems dpa'i rnam par thar ba smon lam chen po'i ye shes sgyu ma'i rnam pa 'di nyid shin tu bsgoms pa'i phyir kho mo'i lus 'di gnyis su gyur pa'ang med/ mi gnyis pa'ang med/ gcig la gnas pa yang med/ mang po la gnas pa yang med do/ /rigs 
kyi bu ji ltar kho mo bcom ldan 'das rnam par snang mdzad 'di'i yum du gyur pa de bzhin du sngon gyi de bzhin gshegs pa mtha' dang dbus med pa dag gi yang yum du gyur to/ /la la zhig tu byang chub sems dpa' pad mo'i sbubs nas rdzus te skye ba zhig tu gyur 
na yang pad mo'i tshal gyi lha mor gyur cing kho mo byang chub sems dpa' len te/ 'jig rten rnams kyis kyang kho mo ni byang chub sems dpa'i yum yin par shes so/ /la la zhig tu thu bar skye bar gyur na yang de dag tu yang kho mos thu bar blangs te/ byang chub 
sems dpa'i yum du gyur to/ /la la zhig tu sangs rgyas kyi zhing du de bzhin 'byung bar gyur na yang de dag tu 'ang kho mo snying po byang chub kyi lha mor gnas gnas so/ /rigs kyi bu thabs kyi sgo ji snyed cig gis byang chub sems dpa'i srid pa'i tha ma ba 'jig rten du 
'byung ba yongs su ston pa de snyed kyi thabs kyi sgos kho mo byang chub sems dpa'i yum du gyur te/ rigs kyi bu kho mo 'jig rten gyi khams 'di na bcom ldan 'das rnam par snang mdzad kyi byang chub sems dpa'i skye ba'i rnam par 'phrul pa yongs su bstan pa dag tu 
yum du gyur pa/ de bzhin du bcom ldan 'das de bzhin gshegs pa log pa dad sel dang / gser thub dang bsod skyabs kyi yum du yang gyur to/ /de bzhin du ma byon pa'i de bzhin gshegs pa bskal ba bzang po ba rnams kyi yang yum du 'gyur te/</font><hr>38-1-267b<br><font size=+1>
'di ltar byang chub sems dpa' byams pa dga' ldan gyi gnas na bzhugs shing shi 'pho yongs su ston pa'i dus la bab pa dang / 'od zer byang chub sems dpa' thams cad skye bar 'byung zhing mngal na bzhugs pa'i rnam par 'phrul pa yongs su ston pa'i 'od bkye nas 
chos kyi dbyings thams cad kyi tshul dang gzhi rab tu snang bar byas te/ chos kyi dbyings kyi tshul dang / gzhi ji snyed cig tu byang chub sems dpa' byams pas myi'i 'jig rten gyi mi'i dbang po'i rigs su tsher skye ba yongs su bstan pas sems can gdul bar bya ba ji snyed cig 
yod pa de dag thams cad du'ang kho mo byang chub sems dpa'i yum du 'gyur ro/ /byang chub sems dpa' byams pa'i yum du ji ltar 'gyur ba de bzhin du byams pa'i 'og tu bla na med pa yang dag par rdzogs pa'i byang chub tu mngon par rdzogs par 'tshang rgya 
bar 'gyur ba/ seng ge dang / de bzhin du rab tu snang ba dang / dpal dang spyan bzang po dang / me tog dang / me tog dpal dang / rgyas pa dang / rgyal dang / thugs bzang po dang / rdo rje dang / rdul dang bral ba dang / zla ba sgron ma 'dzin pa dang / 
grags pa dang / rdo rje dag pa dang / don gcig tu ston pa dang / mi dkar yan lag dang / pha rol tu phyin pa dang / rin po che 'od 'phro ba'i ri bo dang / sgron ma chen po 'dzin pa dang / pad mo dam pa dang / sgra rnam par grags pa dang / yon tan dpag tu 
med pa mnga' ba dang / mar me'i dpal dang / yan lag rnam par brgyan pa dang / legs par bzhud pa dang / byams pa'i dpal dang / sprul ba bzang po dang / gnas dang bral ba dang / gzi brjid 'bar ba dang / gsung mtha' yas pa dang / 
len pa med pa'i spyan dang / len pa med pa'i mu khyud dang / yid gnyis rnam par sel ba dang / yongs su dag pa dang / 'od shin tu yangs pa dang / grags pa dag pas byung ba dang / sprin gyi dpal dang / gtsug phud rnam par mdzes pa dang / shing </font><hr>38-1-268a<br><font size=+1>
gi rgyal po dang / rin po che'i dkyil 'khor rin po che thams cad kyis rnam par brgyan pa'i kha dog dang / blo gros rgya mtsho dang / rin po che bzang po dang / stobs la thub pa med pa dang / dgongs pa yongs su rdzogs pa dang / dbang phyug chen po 
dang / dbang po'i dpal dang / me'i dpal dang / mchog gi dpal dang / tsan dan gyi sprin dang / mi dkar rings po'i spyan dang / blo gros dam pa dang / blo gros rnam par bsgoms pa dang / sgrub pa'i rgyal po dang / sbyong ba'i rgyal po dang / rdo rje blo gros dang /rnam par brgyan pa dang / phun sum sna tshogs dang / ze ba dga' ba dang / dbang phyug lha dang / gtsug tor dpal dang / ye shes rdo rje'i ri bo dang / dpal gyi snying po dang / gser gyi dra bas sku rnam par brgyan pa dang / shin tu rnam par phye ba dang / 
dbang phyug lha dang / dbang chen lha dang / mi dmigs pa'i dpal dang / rnam par dag pas dgyes pa dang / 'od 'phro mnga' ba dang / chu'i dpal dang / rnam dag blo gros dang / theg pa dam pa dang / mnyams pa'i yon tan 'byung ba dang / dgra las 
dben pa dang / gsung sgrog pa dang / dbang du gyur pa'i yon tan gzi brjid dang / rnam par snang mdzad dpal dang / dri zhim po'i longs spyod dang / dri zhim po rnam par phye ba dang / yan lag rnam par phye ba dang / sa ga bzang po dang / zhal nas 
spos thams cad 'od du 'phro ba dang / rdo rje rin po ches rnam par brgyan pa dang / rab tu bzhad pa'i spyan dang / 'dod chags rdul bcom dang / sku mchog tu 'khrungs pa dang / lha'i dbyig dang / rlabs chen lta dang / 'gog par gzhol ba dang / 
thugs rnam par sangs rgyas pa dang / rdul rnam par bstsal pa dang / 'od 'phro mnga' chen dang / nye bar zhi ba mnga' ba dang / sa ga'i lha dang / rdo rje ri bo dang / ye shes 'od 'phro 'bar ba'i sku dang / bde mdzad ba dang / bskrun pa'i stag dang /</font><hr>38-1-268b<br><font size=+1>
dge ba yongs su rdzogs pa dang / grags pa yid du 'ong bas bzang ba dang / mthus rnam par gnon pa dang / don dam pa rnam par gnon pa dang / zhi ba'i 'od zer dang / gcig tu 'phags pa dang / dbyangs zab mo dang / sa'i bdag po dang / dpag tu 
med pa dang / dbyangs kyi dpal dang / rnam par grags pa dang / longs spyod 'thun pa dang / longs spyod tshogs pa dang / sman pa'i dam pa dang / yon tan zla ba dang / bzhad pa'i gzi brjid dang / yon tan bstsags pa dang / zla ba 'phags pa dang / 
nyi ma'i lha dang / 'jigs par grags pa dang / 'od zer gyi zhal dang / sA la'i dbang po'i lhun dang / grags pa dang / sman gyi rgyal po dang / rin chen mchog dang / blo gros rdo rje dang / dkar po'i dpal dang / gzhi shin tu sbyangs ba 
dang / rin cen rgyal po dang / grags pa chen po dang / shugs drag 'dzin pa dang / mi dpogs 'od dang / 'od 'phro chen pos bzhugs pa dang / don yod pa'i chos la mnga' ba dang / brtson 'grus mnyams pa dang / dag pa'i lha dang / 'od brtan pa dang /
kun gyi bshes gnyen dang / rnam par grol ba'i dbyangs dang / rnam par bsgrags pa'i rgyal po dang / tshig gcod pa dang / tsam pa ka dri ma med pa'i 'od dang / kha na ma tho ba mi mnga' ba dang / zla ba rnam par 'phags pa dang / sgron ma 'dzin pa dang / 
sku rnam par mdzes pa dang / brjod du med par 'phags pa dang / 'gro ba'i bshes gnyen dang / 'od zer mang po dang / dbyangs kyi yan lag dpa' bo dang / chu'i lha'i spyan dang / mos pa'i blo gros mnga' ba'i gzi brjid dang / me tog kun da'i 
dpal dang / mchod pa'i zla ba dang / blo mi mnga' ba dang / chags pa mi mnga' ba dang / mi dmigs pa'i blo gros dang / phung po bstsags pa dang / ngan song rab tu 'joms pa dang / me tog dam pa dang / seng ge rnam par sgrog pa dang / don mi </font><hr>38-1-269a<br><font size=+1>
dma' ba dang / bsgribs pa med par gzigs pa dang / pha rol gyi tshogs 'joms pa dang / rlung gi mu khyud dang / snying bo mi g.yo ba dang / snying po bzang po dang / gzhan gyis mi thub pa'i ri bo dang / mi gnas ye shes dang / mtha' yas bzhugs pa 
dang / g.yul du brtan pa dang / spyod pas grub pa dang / bla mas bon pa dang / mchog tu dga' ba dang / rjes su 'dzin pa'i zla ba dang / lhun mi g.yo ba dang / thugs drag po dang / thugs brtse ba'i blo gros dang / shin tu mtho 'dzin pa dang / 
'od zer mu khyud dang / mtshan dpe med pa dang / gzi brjid mnyam pa dang / thams cad kha dog dang / mtshan ma med pa'i shes rab dang / mi g.yo ba'i lha dang / bsam gyis mi khyab pa'i dpal dang / rnam par thar ba'i zla ba dang / 
bla na med pa'i rgyal po dang / zla ba'i phung po dang / mchod pa'i tshangs pa dang / spyan mi 'gyur ba dang / byams pa'i rigs dang / phrin las 'phags pa dang / gnyer ba'i chos kyi blo gros dang / bla na med pa'i dpal dang / tshangs pa'i 
lha dang / yon tan bsam gyis mi khyab pa'i 'od dang / bla na med pa'i chos kyi spyod yul dang / mtha' yas bzang po dang / tshul dang 'dra ba'i gzungs dang / byang chub sems dpa' shin tu mtho ba'i lha dag ste/ rigs kyi bu de ltar stong gsum gyi 
stong chen po'i 'jig rten gyi khams 'di'i ma byon pa'i de bzhin gshegs pa byams pa la stsogs te/ smos pa 'di dag la stsogs pa bskal pa bzang po'i de bzhin gshegs pa dgra bcom pa yang dag par rdzogs pa'i sangs rgyas thams cad kyi yum 
du'ang kho mo nyid 'gyur ro/ /'jig rten gyi khams 'dir ji lta ba de bzhin du phyogs bcu'i 'jig rten gyi khams tshad med pa'i chos kyi dbyings kyi tshul mtha' dang dbus med pa la zhugs te/ ji ltar de bzhin gshegs pa byams pa'i yum du yon tan gyi khyad </font><hr>38-1-269b<br><font size=+1>
par brjod du med pas 'gyur ba de bzhin du yon tan gyi khyad par brjod du med pa'i yang brjod du med pas de bzhin gshegs pa seng ge nas de bzhin gshegs pa snang ba'i bar gyi yum du 'gyur ro/ /ji ltar de bzhin gshegs pa bskal ba bzang po ba rnams 
kyi yum du'ang 'gyur ba de bzhin du 'jig rten gyi khams rgya mtsho gzhi dang snying po me tog gi rgyan gyis brgyan pa 'di thams cad kyi 'jig rten gyi khams kyi rgyud thams cad dang / 'jig rten gyi khams 'byam klas pa thams cad kyi 'jig rten gyi khams thams 
cad na 'dzam bu gling yod pa thams cad du phyi ma'i mtha'i mur thug pa'i bskal par byang chub sems dpa' kun tu bzang po'i spyad pa spyod cing bskal pa thams cad du sems can thams cad yongs su smin par bya ba dang / gdul bar byin gyis brlabs te/ ma byon pa'i 
de bzhin gshegs pa byang chub sems dpar 'gyur ba thams cad kyi yum du yang 'gyur ro/ /de skad ces smras pa dang / tshong dpon gyi bu nor bzangs kyis lha mo sgyu ma la 'di skad ces smras so/ /'phags ma khyod kyis byang chub sems dpa'i 
rnam par thar ba smon lam chen po'i ye shes sgyu ma'i rnam pas rnam par brgyan pa 'di brnyes nas ji srid cig lags/ smras pa/ rigs kyi bu sngon 'das pa'i dus bskal pa bsam gyis mi khyab pa/ sems kyi yul las 'das pa rigs dang ldan pa'i 
byang chub sems dpa'i mig gi lam gyis rnam par dmigs pa rnam par shes pas bgrang ba las yongs su 'das pa'i pha rol cig tu bskal pa dge ba'i 'od ces bya ba zhig byung ste/ bskal pa dge ba'i 'od de la 'jig rten gyi khams ri bo shin tu mtho 
ba'i dpal zhes bya ba rnam par dag la kun nas nyon mongs pa rin po che du ma las grub pa khor yug dang bcas pa ri rab dang rgya mtshor bcas pa/ 'gro ba lnga'i rgyud dang bcas pa/ sna tshogs blta na mdzes pa zhig byung ste/ 'jig rten gyi khams ri bo </font><hr>38-1-270a<br><font size=+1>
shin tu mtho ba'i dpal der gling bzhi pa bye ba brgya phrag bcu byung ste/ gling bzhi ba bye ba brgya phrag bcu po de dag gi dbus na gling bzhi pa dbu ma seng ge rgyal mtshan dam pa'i gzi brjid ces bya ba zhig yod par gyur te/ gling bzhi ba der rgyal po'i 
gnas bye ba brgya phrag brgyad cu byung bar gyur to/ /rgyal po'i gnas bye ba brgya phrag brgyad cu po de dag gi dbus su rgyal po'i gnas dbu ma rgyal mtshan gyi dam pa dang ldan pa zhes bya ba byung ste/ der 'khor los sgyur ba'i rgyal po gzi brjid chen po'i mthu zhes bya ba 
byung ngo / /rgyal po'i gnas rgyal mtshan gyi dam pa dang ldan pa der snying po byang chub yal ga sna tshogs kyi 'od ces bya ba zhig byung ste/ de na snying po byang chub kyi lha mo mig gi dpal zhes bya ba 'dug 'dug go /snying po byang chub yal ga sna tshogs kyi 
'od de la byang chub sems dpa' rgyal mtshan dri ma med pa zhes bya ba zhig thams cad mkhyen pa nyid kyi chos khong du chud par bya ba'i phyir 'dug pa las de'i thams cad mkhyen pa nyid kyi chos khong du chud par bya ba la bar chad bya ba'i phyir bdung kha dog bzang po'i 
'od ces bya ba bdud kyi sde chen po'i 'khor dang ldan pa zhig lus mi snang bar ma byas par drung du phyin par gyur to/ /'khor los sgyur ba gzi brjid chen po'i mthu de yang byang chub sems dpa'i dbang thob pa'i rdzu 'phrul chen po'i rnam par 'phrul pas 
byung ba zhig ste/ des bdud kyi sde de bas kyang 'phags la ches mang ba'i dpung gi tshogs chen po mngon par sprul te/ bdud kyi sde pham par bya ba'i phyir snying po byang chub de'i 'khor kun nas yongs su bskor ba dang / des bdud kyi sde chen po de yang 
rnam par gtor bar gyur te/ bcom ldan 'das de bzhin gshegs pa rgyal mtshan dri ma med pa des kyang bla na med pa yang dag par rdzogs pa'i byang chub tu mngon par rdzogs par sangs rgyas so/ /de nas snying po byang chub kyi lha mo mig gi dpal gyis 'khor los sgyur </font><hr>38-1-270b<br><font size=+1>
ba'i rgyal po gzi brjid chen po'i mthu la bu'i 'du shes bskyed nas/ de bzhin gshegs pa de'i zhabs gnyis la phyag 'tshal nas smon lam btab pa/ bcom ldan 'das bdag gang dang gang du skyes pa de dang der 'khor los sgyur ba gzi brjid chen po'i mthu 'di bdag 
gi bur gyur cig /nam 'di bla na med pa yang dag par rdzogs pa'i byang chub tu mngon par 'tshang rgya bar 'gyur ba de'i tshe'ang / bdag nyid de'i mar gyur cig /ces nas des smon lam de skad du btab ste/ snying po byang chub yal ga sna 
tshogs kyi 'od de nyid la gnas shing bskal ba 'od bzang po de nyid la de bzhin gshegs pa khrag khrig phrag bcu bsnyen bkur to/ /rigs kyi bu de la ji snyam du sems/ de'i tshe de'i dus na snying po byang chub kyi lha mo mig gi dpal zhes bya bar gyur pa de gzhan zhig yin 
pa tsam du sems na rigs kyi bu khyod kyis de ltar mi blta ste/ kho mo ni de'i tshe de'i dus na snying po byang chub kyi lha mo mig gi dpal zhes bya bar gyur to/ /rigs kyi bu de la ji snyam du sems/ de'i tshe de'i dus na 'khor los sgyur ba gzi brjid chen po'i 
mthu zhes bya ba byang chub sems dpa'i dbang thob pa/ rdzu 'phrul chen po'i rnam par 'phrul pas byung ba bdud kyi sde chen po rnam par 'thor bar byed byed pa de gzhan zhig yin pa tsam du sems na ni de ltar mi blta ste/ bcom ldan 'das de bzhin gshegs pa 
dgra bcom pa yang dag par rdzogs pa'i sangs rgyas rnam par snang mdzad 'di ni de'i tshe de'i dus na 'khor los sgyur ba'i rgyal po gzi brjid chen po'i mthu zhes bya bar gyur to/ /rigs kyi bu de ltar kho mo de nas nye bar bzung nas gang dang gang du skyes pa de dag thams cad 
du'ang 'di ni kho mo'i bur gyur te/ sangs rgyas kyi zhing thams cad du byang chub sems dpa'i spyad pa spyod cing 'gro ba'i rgyud kyi sgo thams cad dang / skye gnas kyi sgo thams cad dang / dge ba'i rtsa ba'i sgo thams cad dang / byang chub sems dpa'i spyod pa'i rgyud </font><hr>38-1-271a<br><font size=+1>
kyi tshul thams cad dang / skyes pa'i rabs kyi tshul thams cad dang / lha'i dbang po'i tshe thams cad dang / 'jig rten gyi dbang po'i 'gro ba'i rgyud thams cad dang / dbang phyug gi sa thams cad dang / 'gro ba'i rgyud du snang ba thams 
cad gang dang gang sems can yongs su smin par bya ba'i don du skyes par gyur pa de dag thams cad du yang kho mo nyid 'di'i yum du gyur te/ srid pa thams cad du yang kho mo nyid dang 'bral ba med par yum du gyur to/ /byang chub sems dpa'i skye ba'i sgo thams 
cad du skad cig skad cig byang chub sems dpa'i skye ba'i rnam par 'phrul pa bstan par gyur ba de dag thams cad du'ang kho mo nyid 'di'i yum du gyur to/ /'das pa'i de bzhin gshegs pa mtha' dang dbus med pa tshad med pa dag gi yum du'ang kho mo 
gyur to/ /phyogs bcu'i de bzhin gshegs pa da ltar byung ba mtha' dang dbus med pa tshad med pa dag gi yum du yang kho mo gyur te/ de bzhin gshegs pa ji snyed cig gi srid pa tha ma la kho mo byang chub sems dpa'i yum du gyur pa'i de bzhin 
gshegs pa de dag thams cad kyi sku lte ba'i dkyil 'khor nas 'od zer mang po byung zhing kho mo'i lus dang sems rab tu snang bar mdzad do/ /rigs kyi bu kho mos byang chub sems dpa'i rnam par thar pa smon lam chen po'i ye shes sgyu ma'i rnam pas 
rnam par brgyan pa 'di shes par zad na/ kho mos byang chub sems dpa'i snying rje chen po'i snying po dang ldan pa thams cad mkhyen pa nyid du yongs su smin par bya ba dang / gdul bas mi ngoms pa'i lto can de bzhin gshegs pa thams cad kyi rnam par 'phrul pa/ 
ba spu'i rtse mo las 'byung bar ston pa la dbang bsgyur ba de dag gi spyod pa shes pa'am/ yon tan brjod par nus re skan/ /song rigs kyi bu sum cu rtsa gsum gyi dbang po'i gnas de nyid na lha'i bu dran pa dang ldan pa'i bu mo lha dbang 'od ces bya ba 'dug </font><hr>38-1-271b<br><font size=+1>
gis/ de'i gan du song la ji ltar byang chub sems dpas byang chub sems dpa'i spyod pa la bslab par bya ba dang / ji ltar nan tan du bya ba dris shig /de nas tshong dpon gyi bu nor bzangs kyis lha mo sgyu ma'i rkang pa gnyis la spyi bos phyag 'tshal te/ lan brgya stong du mar g.yas phyogs su 
bskor ba byas nas yang dang yang bltas te lha mo sgyu ma'i drung nas song ngo // //sangs rgyas rmad gcad ces bya ba shin tu rgyas pa chen po'i mdo/ /bam po bcu bdun pa/ /de nas tshong dpon gyi bu nor bzangs sum cu rtsa gsum gyi dbang po'i gnas gang na ba dang / lha'i 
bu dran pa dang ldan pa'i bu mo lha dbang 'od gang na ba der song ste phyin nas/ lha'i bu mo lha dbang 'od kyi rkang pa gnyis la spyi bos phyag 'tshal te/ lha'i bu mo lha dbang 'od la lan brgya stong du mar g.yas phyogs su bskor ba byas nas/ lha'i bu mo lha dbang 'od 
kyi mdun du 'dug ste/ thal mo sbyar nas 'di skad ces smras so/ /'phags ma lha mo bdag gis bla na med pa yang dag par rdzogs pa'i byang chub tu sems bskyed na/ ji ltar byang chub sems dpas byang chub sems dpa'i spyod pa la bslab par bgyi ba 
dang / ji ltar nan tan du bgyi ba ma 'tshal te/ 'phags ma ni byang chub sems dpa' rnams la gdams ngag dang rjes su bstan pa mdzad do zhes bdag gis thos na/ 'phags ma lha mo ji ltar byang chub sems dpas byang chub sems dpa'i spyod pa la bslab 
par bgyi ba dang / ji ltar nan tan du bgyi ba bdag la bstan du gsol/ de skad ces smras pa dang / lha'i bu mo lha dbang 'od kyis tshong dpon gyi bu nor bzangs la 'di skad ces smras so/ /rigs kyi bu kho mo ni byang chub sems dpa'i rnam par thar ba 
dran pa thogs pa med la rnam par dag pas brgyan pa zhes bya ba thob pa ste/ rigs kyi bu kho mos mngon par dran pa bskal pa ud pa la zhes bya ba zhig byung ba la kho mos de bzhin gshegs pa chu klung gang gA'i bye ma snyed cig bsnyen bkur te/ de dag mngon </font><hr>38-1-272a<br><font size=+1>
par byung ba'i tshe'ang yongs su bsrung ba byas so/ /mchod pa byas so/ /longs spyod pa'i don du bza' shing gi ra ba gsol to/ /sangs rgyas bcom ldan 'das de dag byang chub sems dpar gyur te/ yum gyi sku na bzhugs pa dang / 
bltam pa dang gshegs stabs bdun du bzhud pa dang / seng ge'i nga ro chen po sgrogs pa dang / gzhon nu'i sa la bzhugs pa dang / btsun mo'i 'khor gyi nang na bzhugs pa'am/ mngon par 'byung ba'am/ byang chub tu mngon par rdzogs par 'tshang 
rgya ba 'am/ chos kyi 'khor lo bskor ba'am/ sangs rgyas kyi rnam par 'phrul pa thams cad yongs su ston pa mdzad pa'i tshe/ sems can yongs su smin pa dang / rnam par gdul ba mdzad pa de dag thams cad kyang thugs dang po bskyed pa nas nye bar bzung 
ba tshun cad dam pa'i chos mthar thug par zad kyi bar du kho mos shes so/ /dran no/ /rjes su dran no/ /bzung ngo / /yongs su bzung ngo / /nye bar bzung ngo / /rjes su 'brang bar byed do/ /bskal pas bzang po zhes bya ba zhig byung ba de la/ kho mos 
de bzhin gshegs pa chu klung gad+gA bcu'i bye ma snyed cig bsnyen bkur to/ /bskal pa grags pa bzang po zhes bya ba zhig byung ba de la kho mos de bzhin gshegs pa sangs rgyas kyi zhing gi rdul shin tu phra ba snyed cig bsnyen bkur to/ /bskal pa dmigs su 
med pa zhes bya ba zhig byung ba de la kho mos sangs rgyas bye ba khrag khrig brgya stong phrag brgyad cu rtsa bzhi bsnyen bkur to/ /bskal pa 'od bzang po zhes bya ba zhig byung ba de la kho mos de bzhin gshegs pa 'dzam bu'i gling gi rdul shin tu phra ba snyed cig bsnyen bkur to/ /
bskal pa 'od gzhal du med pa zhes bya ba zhig byung ba de la kho mos de bzhin gshegs pa chu klung gang+gA nyi shu'i bye ma snyed cig bsnyen bkur to/ /bskal pa dpal shin tu 'bar ba zhes bya ba zhig byung ba de la kho mos de bzhin gshegs pa chu klung gang gA'i bye ma </font><hr>38-1-272b<br><font size=+1>
snyed cig bsnyen bkur to/ /bskal pa snying rje bzang po zhes bya ba zhig byung ba de la kho mos de bzhin gshegs pa chu klung gang gA brgyad cu'i bye ma snyed cig bsnyen bkur to/ /bskal pa rgyal bar gyur pa zhes bya ba zhig byung ba de la kho mos de bzhin gshegs pa chu klung 
gang+gA drug cu'i bye ma snyed cig bsnyen bkur to/ /bskal pa zla ba bzang po zhes bya ba zhig byung ba de la kho mos de bzhin gshegs pa chu klung gang gA bdun cu'i bye ma snyed cig bsnyen bkur to/ /rigs kyi bu de ltar tshul de bzhin du kho mo rtag tu rgyun ma chad par 
de bzhin gshegs pa dgra bcom pa yang dag par rdzogs pa'i sangs rgyas rnams dang bral bar ma gyur pa ni bskal pa chu klung gang+gA'i bye ma snyed cig dran te/ kho mos de bzhin gshegs pa de dag thams cad las byang chub sems dpa'i rnam par thar pa dran 
pa thogs pa med la rnam par dag pas brgyan pa 'di thos so/ /thos nas kyang yongs su bzung ngo / /ji skad du gsungs pa bzhin du khong du chud do/ /rnam par thar pa 'di nyid la kho mo rtag tu rgyun ma chad par rjes su zhugs par gnas gnas 
te/ de bzhin gshegs pa de dag gi byang chub sems dpa'i sa nye bar bzung ba nas dam pa'i chos gnas pa zad pa'i mthar thug gi bar gyi sangs rgyas kyi rnam par 'phrul pa ji snyed pa de dag thams cad kyang byang chub sems dpa'i rnam par thar pa dran pa thogs pa med 
la rnam par dag pas brgyan pa 'di dran no/ /rjes su dran no/ /bzung ngo / /yongs su bzung ngo / /nye bar bzung ngo / /rjes su 'brang bar byed do/ /rigs kyi bu kho mos byang chub sems dpa'i rnam par thar pa 'di shes par zad na/ kho mos 
byang chub sems dpa' mun pa'i mun nag dang bral ba/ 'khor ba'i nam nangs pa/ sgrib pa dang bral ba/ gnyid med pa la mos shing / dga' ba snyoms pa dang / le lo rnam par spangs pa/ lus kyi 'du byed shin tu byang ba/ rtag par chos thams cad kyi rang </font><hr>38-1-273a<br><font size=+1>
bzhin khong du chud pas shin tu dag pa/ stobs bcu rnam par dag pa khong du chud pa/ de dag gi spyod pa shes pa'am/ yon tan brjod par nus re skan/ /song rigs kyi bu grong khyer chen po ser skya'i gnas na byis pa'i slob dpon kun gyi bshes gnyen 
zhes bya ba 'dug gis/ de'i gan du song la ji ltar byang chub sems dpas byang chub sems dpa'i spyod pa la bslab par bya ba dang / ji ltar nan tan du bya ba dris shig /de nas tshong dpon gyi bu nor bzangs dga' rangs te/ mgu zhing nyams bde la tshim zhing yid bde 
ba skyes nas/ dge ba'i rtsa ba bsam gyis mi khyab pa'i shugs drag po rnam par 'phel bas/ lha'i bu mo lha dbang 'od kyi rkang pa gnyis la spyi bos phyag 'tshal te/ lha'i bu mo lha dbang 'od la lan brgya stong du mar g.yas phyogs su bskor ba byas nas/ yang 
dang yang bltas te/ lha'i bu mo lha dbang 'od kyi drung nas song ngo / /de nas tshong dpon gyi bu nor bzangs sum cu rtsa gsum gyi dbang po'i gnas nas babs te/ mthar gyis grong khyer chen po ser skya'i gnas su byis pa'i slob dpon kun gyi bshes gnyen gang na ba 
der song ste/ phyin nas/ byis pa'i slob dpon kun gyi bshes gnyen gyi rkang pa gnyis la spyi bos phyag 'tshal te/ byis pa'i slob dpon kun gyi bshes gnyen la lan brgya stong du mar g.yas phyogs su bskor ba byas nas/ byis pa'i slob dpon kun gyi bshes 
gnyen gyi mdun du 'dug ste/ thal mo sbyar nas 'di skad ces smras so/ /'phags pa bdag gis bla na med pa yang dag par rdzogs pa'i byang chub tu sems bskyed na/ ji ltar byang chub sems dpas byang chub sems dpa'i spyod pa la bslab par bgyi 
ba dang / ji ltar nan tan tu bgyi ba ma 'tshal te/ 'phags pa ni byang chub sems dpa' rnams la gdams ngag dang rjes su bstan pa mdzad do/ /zhes bdag gis thos na/ ji ltar byang chub sems dpas byang chub sems dpa'i spyod pa la bslab </font><hr>38-1-273b<br><font size=+1>
par bgyi ba dang / ji ltar nan tan tu bgyi ba 'phags pas bdag la bka' stsal du gsol/ de skad ces smras pa dang / byis pa'i slob dpon kun gyi bshes gnyen gyis tshong dpon gyi bu nor bzangs la 'di skad ces smras so/ /rigs kyi bu tshong dpon gyi bu bzo 
mngon par shes pa zhes bya ba 'di ni byang chub sems dpa' las yi ge'i shes pa slob slob pa yin gyis 'di'i gan du song ste dris dang / 'di ni khyod la ji ltar byang chub sems dpas byang chub sems dpa'i spyod pa la bslab par bya ba dang / ji ltar nan tan tu bya 
ba ston par 'gyur ro zhes nas/ tshong dpon gyi bu nor bzangs/ tshong dpon gyi bu bzo mngon par shes pa gang na ba der song ste/ phyin nas tshong dpon gyi bu bzo mngon par shes pa'i rkang pa gnyis la spyi bos phyag 'tshal nas/ tshong dpon gyi bu bzo mngon par 
shes pa'i mdun du 'dug ste/ thal mo sbyar nas 'di skad ces smras so/ /'phags pa bdag gis bla na med pa yang dag par rdzogs pa'i byang chub tu sems bskyed na/ ji ltar byang chub sems dpas byang chub sems dpa'i spyod pa la bslab par bgyi ba 
dang / ji ltar nan tan tu bgyi ba ma 'tshal te/ 'phags pa ni byang chub sems dpa' rnams la gdams ngag dang rjes su bstan pa mdzad do/ /zhes bdag gis thos na/ ji ltar byang chub sems dpas byang chub sems dpa'i spyod pa la bslab 
par bgyi ba dang / ji ltar nan tan tu bgyi ba 'phags pas bdag la bka' stsal du gsol/ des smras pa/ rigs kyi bu kho bo ni byang chub sems dpa'i rnam par thar pa bzo mngon par shes pa dang ldan pa thob pa ste/ rigs kyi bu de ltar kho bo yi ge'i ma mo 
slob pa'i tshe yi ge a brjod pa dang / byang chub sems dpa'i mthus shes rab kyi pha rol tu phyin pa'i sgo yul tha mi dad pa zhes bya ba khong du chud do/ /ra zhes bya ba brjod pa dang / shes rab kyi pha rol tu phyin pa'i sgo gzhi'i bye brag mtha' yas pa zhes bya ba </font><hr>38-1-274a<br><font size=+1>
khong du chud do/ /pa zhes bya ba brjod pa dang / shes rab kyi pha rol tu phyin pa'i sgo chos kyi dbyings kyi gzhi yang dag par 'dren pa zhes bya ba khong du chud do/ /tsa zhes bya ba brjod pa dang / shes rab kyi pha rol tu phyin pa'i sgo 'khor lo rnam par phye ba kun 
nas gcod pa zhes bya ba khong du chud do/ /na zhes bya ba brjod pa dang / shes rab kyi pha rol tu phyin pa'i sgo gnas myed pas gzhi thug pa med pa zhes bya ba khong da chud do/ /la zhes bya ba brjod pa dang / shes rab kyi pha rol tu phyin pa'i sgo mying dang bral te/ gnas myed pas 
dri ma myed pa zhes bya ba khong du chud do/ /da zhes bya ba brjod pa dang / shes rab kyi pha rol tu phyin pa'i sgo sbyor ba phyir myi ldog pa zhes bya ba khong du chud do/ /ba zhes bya ba brjod pa dang / shes rab kyi pha rol tu phyin pa'i sgo rdo rje'i dkyil 'khor zhes bya ba khong du chud 
do/ /Da zhes bya ba brjod pa dang / shes rab kyi pha rol tu phyin pa'i sgo kun tu 'khor ba zhes bya ba khong du chud do/ /Sha zhes bya ba brjod pa dang / shes rab kyi pha rol tu phyin pa'i sgo rgya mtsho'i snying po zhes bya ba khong du chud do/ /ba zhes bya ba brjod pa dang / shes rab kyi 
pha rol tu phyin pa'i sgo kun nas rnam par 'phel bar rnam par bsgrub pa zhes bya ba khong du chud do/ /ta zhes bya ba brjod pa dang / shes rab kyi pha rol tu phyin pa'i sgo skar ma'i dkyil 'khor zhes bya ba khong du chud do/ /ya zhes bya ba brjod pa dang / shes rab kyi pha 
rol tu phyin pa'i sgo phung po tha mi dad pa zhes bya ba khong du chud do/ /Sh+Ta zhes bya ba brjod pa dang / shes rab kyi pha rol tu phyin pa'i sgo gdung ba kun nas zhi bar byed pa'i 'od ces bya ba khong du chud do/ /ka zhes bya ba brjod pa dang / shes rab kyi pha rol tu phyin pa'i sgo sprin tha 
myi dad pa zhes bya ba khong du chud do/ /sa zhes bya ba brjod pa dang / shes rab kyi pha rol tu phyin pa'i sgo char mngon par 'bab pas khyab par zhes bya ba khong du chud do/ /ma zhes bya ba brjod pa dang / shes rab kyi pha rol tu phyin pa'i sgo shugs chen pos brgyan pa'i rtse </font><hr>38-1-274b<br><font size=+1>
mo zhes bya ba khong du chud do/ /ga zhes bya ba brjod pa dang / shes rab kyi pha rol tu phyin pa'i sgo kun nas rnam par bsgrub pa zhes bya ba khong du chud do/ /tha zhes bya ba brjod pa dang / shes rab kyi pha rol tu phyin pa'i sgo de bzhin nyid tha myi dad pa'i snying po zhes bya ba khong du 
chud do/ /dza zhes bya ba brjod pa dang / shes rab kyi pha rol tu phyin pa'i sgo 'gro ba'i 'khor ba rnam par dag pa la 'jug pa zhes bya ba khong du chud do/ /swa zhes bya ba brjod pa dang / shes rab kyi pha rol tu phyin pa'i sgo sangs rgyas thams cad dran pas brgyan pa zhes bya ba 
khong du chud do/ /d+ha zhes bya ba brjod pa dang / shes rab kyi pha rol tu phyin pa'i sgo chos kyi dkyil 'khor rnam par dpyod pa rnam par 'byed pa zhes bya ba khong du chud do/ /sha zhes bya ba brjod pa dang / shes rab kyi pha rol tu phyin pa'i sgo sangs rgyas thams cad kyi 
gdams ngag gi 'khor lo snang ba zhes bya ba khong du chud do/ /kha zhes bya ba brjod pa dang / shes rab kyi pha rol tu phyin pa'i sgo mngon par 'du bya ba'i rgyu dang sa'i ye shes kyi snying po zhes bya ba khong du chud do/ /k+sha zhes bya ba brjod pa dang / shes rab kyi pha rol tu 
phyin pa'i sgo las zhi ba rgya mtsho'i mdzod rnam par 'byed pa zhes bya ba khong du chud do/ /sta zhes bya ba brjod pa dang / shes rab kyi pha rol tu phyin pa'i sgo nyon mongs pa thams cad rnam par 'thor bas rnam par dag pa'i snying po zhes bya ba khong du chud do/ /nya 
zhes bya ba brjod pa dang / shes rab kyi pha rol tu phyin pa'i sgo 'jig rten 'byung ba rnam par dmyigs pa zhes bya ba khong du chud do/ /pha zhes bya ba brjod pa dang / shes rab kyi pha rol tu phyin pa'i sgo 'khor ba dang myi mthun pa'i 'khor lo'i ye shes dkyil 'khor 
ces bya ba khong du chud do/ /b+ha zhes bya ba brjod pa dang / shes rab kyi pha rol tu phyin pa'i sgo gnas kyi dkyil 'khor thams cad rnam par dmyigs par brgyan pa zhes bya ba khong du chud do/ /tsha zhes bya ba brjod pa dang / shes rab kyi pha rol tu phyin pa'i sgo </font><hr>38-1-275a<br><font size=+1>
bstsags pa dam pa'i thabs kyi spyod pa'i gdugs kyi dkyil 'khor tha dad pa zhes bya ba khong du chud do/ /sma zhes bya ba brjod pa dang / shes rab kyi pha rol tu phyin pa'i sgo sangs rgyas thams cad blta ba'i phyogs la mngon du gyur ba zhes bya ba 
khong du chud do/ /hwa zhes bya ba brjod pa dang / shes rab kyi pha rol tu phyin pa'i sgo sems can thams cad kyis dog la rnam par lta ba'i stobs shin tu skyes pa rgya mtsho'i snying po zhes bya ba khong du chud do/ /yas zhes bya ba brjod pa dang / shes rab kyi pha rol tu phyin 
pa'i sgo yon tan rgya mtsho thams cad kyi nan tan rtogs par 'jug pa zhes bya ba khong du chud do/ /g+ha zhes bya ba brjod pa dang / shes rab kyi pha rol tu phyin pa'i sgo chos thams cad kyi sprin yongs su 'dzin pa'i rgya mtsho brtan pa zhes bya ba khong du chud do/ /Ta 
zhes bya ba brjod pa dang / shes rab kyi pha rol tu phyin pa'i sgo sangs rgyas thams cad kyi smon lam gyi phyogs su mngon par 'gro ba zhes bya ba khong du chud do/ /na zhes bya ba brjod pa dang / shes rab kyi pha rol tu phyin pa'i sgo yi ge 'khor lo myi zad pa'i mtha' rnam 
par 'byed pa zhes bya ba khong du chud do/ /spa zhes bya ba brjod pa dang / shes rab kyi pha rol tu phyin pa'i sgo sems can thams cad yongs su smin par bya ba'i mthar phyin pa'i dkyil 'khor ces bya ba khong du chud do/ /ska zhes bya ba brjod pa dang / shes rab kyi pha 
rol tu phyin pa'i sgo sa'i snying po so so yang dag par rig pa thogs pa myed par snang bas 'khor lo rgyas par 'gengs pa zhes bya ba khong du chud do/ /sma zhes bya ba brjod pa dang / shes rab kyi pha rol tu phyin pa'i sgo sangs rgyas thams cad kyi chos shin tu bstan 
pa'i yul zhes bya ba khong du chud do/ /sh+tsa zhes bya ba brjod pa dang / shes rab kyi pha rol tu phyin pa'i sgo sems can gyi nam mkha' las chos kyi sprin gyi 'brug sgra byung bas rgyas par 'gengs pa zhes bya ba khong du chud do/ /Tha zhes bya ba brjod pa dang / shes </font><hr>38-1-275b<br><font size=+1>
rab kyi pha rol tu phyin pa'i sgo sems can gyi don bdag myed pa'i dgos pa mthar phyin par zin pa'i sgron ma zhes bya ba khong du chud do/ /d+ha zhes bya ba brjod pa dang / shes rab kyi pha rol tu phyin pa'i sgo chos kyi 'khor lo tha mi dad pa'i snying po zhes bya ba khong du chud do/ /rigs kyi 
bu kho bo de ltar yi ge'i ma mo slob pa'i tshe/ shes rab kyi pha rol tu phyin pa'i sgo de dag la stsogs pa shes rab kyi pha rol tu phyin pa'i sgo tshad med grangs med pa zhig khong du chud de/ rigs kyi bu de ltar kho bo ni byang chub sems dpa'i rnam par thar pa bzo mngon par 
shes pa dang ldan pa 'di thob pa ste/ rigs kyi bu kho bos de shes par zad na/ kho bos byang chub sems dpa'i 'jig rten dang / 'jig rten las 'das pa'i bzo'i gnas thams cad kyi pha rol tu phyin pa'i mchog thob pa/ bzo'i gnas thams cad la 'jug pa 
dang / yi ge dang grangs dang rtsis dang shod thabs thams cad khong du chud par bya ba dang / sngags dang sman thams cad kyi tshul la mkhas pa rab tu thob par bya ba dang / 'byung po dang / gza' dang skar ma dang / brjed byed dang / byad stems dang / ro langs kyi gdon 
thams cad gso ba dang / sems can gyi khams gso bar bya ba'i sman dang thabs kyi rgyus dang khams kyi thabs yongs su bsdu ba'i cho ga dang / gser dang nor bu dang / mu tig dang baiDUr+ya dang / dung dang man shel dang / byi ru dang / mu tig dmar po dang / mu sa ra gal 
ba dang / ge sar dang / dpal gyi snying po dang / rin po che thams cad 'byung zhing skye ba dang / rigs dang 'byung khungs dang / rin thang gi rgyus shes par bya ba dang / bza' shing gi ra ba dang / dka' thub kyi nags tshal dang / grong dang grong khyer dang / ljongs dang khang pa 
dang / rgyal po'i gnas mngon par bsgrub pa dang / ri dgas dang / 'khor lo dang / mtshan ma blta ba dang /sems can gyi mtshan gyi ltas dang / sa g.yo ba dang / phyogs tshig pa dang / skar mda' lhung ba dang / dge myi dge dang / mu ge dang lo legs pa la </font><hr>38-1-276a<br><font size=+1>
stsogs pa 'jig rten gyi tha ma lag thams cad kyi rgyus khong du chud par bya ba dang / 'jig rten las 'das pa'i chos rnam par phye ba thams cad brjod cing bstan pa dang / khong du chud par bya ba dang / yang dag pa nyid rjes su rig par bya ba'i 
rgyus la sgrib pa 'am/ the tsom mam/ yid gnyis sam/ nem nur ram/ tsham tshom mam/ mgo rmongs pa'am/ 'khor ba'am/ myi bde ba'am/ sgyid lug pa'am/ myi shes pa'am/ khong du mi chud pa myed pa de dag gi spyod pa shes pa 'am/ yon 
tan brjod par nus re skan/ /song rigs kyi bu yul ma ga ng+ha 'di nyid kyi ljongs dag pa zhes bya ba'i grong khyer 'tsho ba zhes bya ba na dge bsnyen ma bzang mo'i mchog ces bya ba 'dug gis de'i gan du song la ji ltar byang chub sems dpas byang chub sems dpa'i spyod pa la 
bslab par bya ba dang / ji ltar nan tan tu bya ba dris shig /de nas tshong dpon gyi bu nor bzangs kyis tshong dpon gyi bu bzo mngon par shes pa'i rkang pa gnyis la spyi bos phyag 'tshal te/ tshong dpon gyi bu bzo mngon par shes pa la lan brgya stong du mar g.yas phyogs su 
bskor ba byas nas yang dang yang bltas te/ tshong dpon gyi bu bzo mngon par shes pa'i drung nas song ngo / /de nas tshong dpon gyi bu nor bzangs ljongs dag pa'i grong khyer 'tsho ba gang na ba dang / dge bsnyen ma bzang mo'i mchog gang na ba der song ste phyin nas/ dge 
bsnyen ma bzang mo'i mchog gi rkang pa gnyis la spyi bos phyag 'tshal nas/ dge bsnyen ma bzang mo'i mchog la lan brgya stong du mar g.yas phyogs su bskor ba byas te/ dge bsnyen ma bzang mo'i mchog gi mdun du 'dug nas thal mo sbyar te/ 'di skad ces smras so/ /
'phags ma bdag gis bla na med pa yang dag par rdzogs pa'i byang chub tu sems bskyed na/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan tu bgyi ba ma 'tshal te/ 'phags ma ni byang chub sems </font><hr>38-1-276b<br><font size=+1>
dpa' rnams la gdams ngag dang rjes su bstan pa mdzad do/ /zhes bdag gis thos na/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan tu bgyi ba 'phags mas bdag la bstan du gsol/ 
des smras pa rigs kyi bu kho mo ni chos kyi rnam grangs gnas med pa'i dkyil 'khor ces bya ba shes shing ston pa ste/ kho mos thogs pa myed pa zhes bya ba'i ting nge 'dzin kyang thob po/ /ting nge 'dzin de ni chos gang la yang thogs pa myed de/ de la gnas na 
thams cad mkhyen pa nyid du myig thogs pa med pa la 'jug go /thams cad mkhyen pa nyid du rna ba thogs pa myed pa dang / thams cad mkhyen pa nyid du sna thogs pa myed pa dang / thams cad mkhyen pa nyid du lce thogs pa myed pa dang / thams cad mkhyen pa 
nyid du lus thogs pa myed pa dang / thams cad mkhyen pa nyid du yid thogs pa myed pa yang rab tu 'jug go /thams cad mkhyen pa nyid kyi rlabs thogs pa myed pa dang / thams cad mkhyen pa nyid du snang ba thogs pa myed pa dang / thams cad mkhyen pa nyid du 
shugs thogs pa myed pa 'gro ba rab tu snang ba'i dkyil 'khor dag kyang rab tu 'jug go /rigs kyi bu kho mo ni chos kyi rnam grangs gnas med pa'i dkyil 'khor 'di shes shing khong du chud par zad na/ kho mos byang chub sems dpa'i spyod pa chags 
pa med pa la ril gyis shes par nus re skan/ /song rigs kyi bu lho phyogs kyi rgyud na grong khyer rgyas pa'i 'gram zhes pa yod de/ de na gser 'tshong gces pa gtong ba zhes bya ba 'dug gis de'i gan du song la/ ji ltar byang chub sems dpas byang 
chub sems dpa'i spyod pa la bslab par bya ba dang / ji ltar nan tan du bya ba dris shig /de nas tshong dpon gyi bu nor bzangs kyis dge bsnyen ma bzang mo'i mchog gi rkang pa gnyis la spyi bos phyag 'tshal te/ dge bsnyen ma bzang mo'i mchog la lan </font><hr>38-1-277a<br><font size=+1>
brgya stong du mar g.yas phyogs su bskor ba byas nas/ yang dang yang bltas te/ dge bsnyen ma bzang mo'i mchog gi drung nas song ngo / /de nas tshong dpon gyi bu nor bzangs mthar gyis lho phyogs kyi rgyud du song ste/ grong khyer 
rgyas pa'i 'gram du gser 'tshong gces pa gtong ba gang na ba der phyin te/ gser 'tshong gces pa gtong ba'i rkang pa gnyis la spyi bos phyag 'tshal te/ mdun du 'dug nas thal mo sbyar te 'di skad ces smras so/ /'phags pa bdag gis bla na med pa 
yang dag par rdzogs pa'i byang chub tu sems bskyed na/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan tu bgyi ba ma 'tshal te/ 'phags pa ni byang chub sems dpa' rnams la gdams 
ngag dang rjes su bstan pa mdzad do/ /zhes bdag gis thos na/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan tu bgyi ba 'phags pas bdag la bka' stsal du gsol/ des smras pa/ 
rigs kyi bu kho bo ni byang chub sems dpa'i rnam par thar pa dran pa thogs pa myed pa la rnam par dag pas rnam par brgyan pa zhes bya ba shes te/ kho bos ni phyogs bcu'i de bzhin gshegs pa rnams kyi zhabs kyi drung na chos yongs su tshol ba rgyun mi gcod pa'o/ /
rigs kyi bu kho bo ni byang chub sems dpa'i rnam par thar pa dran pa thogs pa med pa la rnam par dag pas rnam par brgyan pa 'di shes par zad na/ kho bos byang chub sems dpa' bag tsha ba myed par seng ge'i nga ro sgrog pa bsod nams dang ye shes chen po la 
gnas pa de dag gi spyod pa shes pa'am/ yon tan brjod par nus re skan/ /song rigs kyi bu rgyas pa'i 'gram gyi grong khyer 'di nyid na khyim bdag zla ba bzang po zhes bya ba rtag tu khyim snang bar gyur pa dang ldan pa zhig 'dug gis de'i gan du song la ji ltar byang chub/</font><hr>38-1-277b<br><font size=+1>
sems dpas byang chub sems dpa'i spyod pa la bslab par bya ba dang / ji ltar nan tan du bya ba dris shig /de nas tshong dpon gyi bu nor bzangs kyis gser 'tshong gces pa gtong ba'i rkang pa gnyis la spyi bos phyag 'tshal te/ gser 'tshong gces pa gtong ba la lan brgya stong 
du mar g.yas phyogs su bskor ba byas nas/ yang dang yang bltas te/ gser 'tshong gces pa gtong ba'i drung nas song ngo / /de nas tshong dpon gyi bu nor bzangs khyim bdag zla ba bzang po gang na ba der song ste/ khyim bdag zla ba bzang po'i rkang pa gnyis la spyi bos phyag 'tshal 
nas mdun du 'dug ste/ thal mo sbyar nas 'di skad ces smras so/ /'phags pa bdag gis bla na med pa yang dag par rdzogs pa'i byang chub tu sems bskyed na/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du 
bgyi ba ma 'tshal te/ 'phags pa ni byang chub sems dpa' rnams la gdams ngag dang rjes su bstan pa mdzad do/ /zhes bdag gis thos na/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba 
'phags pas bdag la bstan du gsol/ smras pa rigs kyi bu kho bos ni rnam par thar pa ye shes dri ma med pa'i 'od ces bya ba thob ste/ rigs kyi bu kho bos byang chub sems dpa'i rnam par thar pa ye shes dri ma myed pa'i 'od 'di shes par zad na/ kho bos byang chub sems dpa'i 
rnam par thar pa tshad med pa thob pa rnams kyi spyod pa shes pa'am/ yon tan brjod par nus re skan/ /song rigs kyi bu lho phyogs kyi rgyud 'di nyid na grong khyer ri dgas gnas shes bya ba yod de/ de na khyim bdag myi pham sde zhes bya ba 'dug gis de'i gan du song la ji 
ltar byang chub sems dpas byang chub sems dpa'i spyod pa la bslab par bya ba dang / ji ltar nan tan du bya ba dris shig /de nas tshong dpon gyi bu nor bzangs kyis khyim bdag zla ba bzang po'i rkang pa gnyis la spyi bos phyag 'tshal te/ khyim bdag zla ba bzang po la lan brgya </font><hr>38-1-278a<br><font size=+1>
stong du mar g.yas phyogs su bskor ba byas nas/ yang dang yang bltas te/ khyim bdag zla ba bzang po'i drung nas song ngo / /de nas tshong dpon gyi bu nor bzangs mthar gyis grong khyer ri dgas kyi gnas gang na ba der song ste/ khyim bdag mi pham sde gang na ba 
der phyin nas/ khyim bdag mi pham sde'i rkang pa gnyis la spyi bos phyag 'tshal te/ mdun du 'dug nas thal mo sbyar te 'di skad ces smras so/ /'phags pa bdag gis bla na med pa yang dag par rdzogs pa'i byang chub tu sems bskyed na/ ji ltar byang chub sems dpas 
byang chub sems dpa'i spyod pa la bslab par bgyi ba dang / ji ltar nan tan du bgyi ba ma 'tshal te/ 'phags pa ni byang chub sems dpa' rnams la gdams ngag dang rjes su bstan pa mdzad do/ /zhes bdag gis thos na/ ji ltar byang chub sems dpas byang 
chub sems dpa'i spyod pa la bslab par bgyi ba dang / ji ltar nan tan du bgyi ba bdag la bka' stsal du gsol/ smras pa/ rigs kyi bu kho bos ni byang chub sems dpa'i rnam par thar pa myi zad pa'i mtshan nyid ces bya ba thob ste de thob pas ni/ sangs rgyas mi zad pa mthong ba'i 
gter rab tu thob par 'gyur to/ /song rigs kyi bu lho phyogs kyi rgyud 'di nyid kyi chos kyi yul gru na bram ze zhi 'dzin mchog ces bya ba zhig 'dug gis/ de'i gan du song la ji ltar byang chub sems dpas byang chub sems dpa'i spyod pa la bslab par bya ba dang / 
ji ltar nan tan du bya ba dris shig /de nas tshong dpon gyi bu nor bzangs kyis khyim bdag myi pham sde'i rkang pa gnyis la spyi bos phyag 'tshal te/ khyim bdag mi pham sde la lan brgya stong du mar g.yas phyogs su bskor ba byas nas yang dang yang bltas te/ khyim 
bdag mi pham sde'i drung nas song ngo / /de nas tshong dpon gyi bu nor bzangs mthar gyis chos kyi yul grur song nas/ bram ze zhi 'dzin mchog gang na ba der phyin te/ bram ze zhi 'dzin mchog gi rkang pa gnyis la spyi bos phyag 'tshal nas mdun du 'dug ste/ thal </font><hr>38-1-278b<br><font size=+1>
mo sbyar nas 'di skad ces smras so/ /'phags pa bdag gis bla na med pa yang dag par rdzogs pa'i byang chub tu sems bskyed na/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan tu bgyi ba ma 'tshal te/ 'phags 
pa ni byang chub sems dpa' rnams la gdams ngag dang rjes su bstan pa mdzad do/ /zhes bdag gis thos na/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba 'phags pas bdag la 
bka' stsal du gsol/ /des smras pa/ rigs kyi bu kho bo ni bden pa'i byin gyi rlabs kyis spyod pa ste/ bden pa'i tshig gang gis dus gsum du byang chub sems dpa' gang yang bla na med pa yang dag par rdzogs pa'i byang chub las phyir mi ldog ldog par mi 'gyur 
zhe na/ bden pa'i tshig gi byin gyi rlabs des/ bdag gi dgos pa 'di dang 'di zhig grub par shog shig ces byas na yang des kho bo'i bsam pa thams cad de bzhin du 'grub bo/ /rigs kyi bu kho bo ni bden pa'i byin gyi rlabs de lta bus dgos pa thams cad sgrub ste/ 
rigs kyi bu kho bos bden pa'i byin gyis rlabs 'di shes par zad na/ kho bos byang chub sems dpa' bden pa'i rjes su 'brang ba'i tshig rab tu thob pa rnams kyi spyod pa shes pa'am/ yon tan brjod par nus re skan/ /song rigs kyi bu lho phyogs kyi rgyud 
'di nyid na grong khyer yid bzang po'i sgo zhes bya ba yod de/ de na khye'u dpal 'byung ba zhes bya ba dang / bu mo dpal gyi blo gros ma zhes bya ba gnyis shig 'khod kyis de'i gan du song la/ ji ltar byang chub sems dpas byang chub sems dpa'i spyod pa la bslab par 
bya ba dang / ji ltar nan tan du bya ba dris shig /de nas tshong dpon gyi bu nor bzangs kyi chos kyi rim gro cher bskyed de/ bram ze zhi 'dzin mchog gi rkang pa gnyis la spyi bos phyag 'tshal nas/ bram ze zhi 'dzin mchog la lan brgya stong du mar g.yas </font><hr>38-1-279a<br><font size=+1>
phyogs su bskor ba byas te/ yang dang yang bltas nas/ bram ze zhi 'dzin mchog gi drung nas song ngo / de nas tshong dpon gyi bu nor bzangs mthar gyis grong khyer yid bzang po'i sgor song ste/ khye'u dpal 'byung ba dang / bu mo dpal gyi blo 
gros ma gang na ba der phyin nas de gnyis kyi rkang pa gnyis la spyi bos phyag 'tshal te/ mdun du 'dug nas thal mo sbyar te 'di skad ces smras so/ /'phags pa bdag gis bla na med pa yang dag par rdzogs pa'i byang chub tu sems bskyed na/ ji ltar byang 
chub sems dpas byang chub sems dpa'i spyod pa la bslab par bgyi ba dang / ji ltar nan tan tu bgyi ba ma 'tshal te/ 'phags pa dag ni byang chub sems dpa' rnams la gdams ngag dang rjes su bstan pa mdzad do/ /zhes bdag gis thos na/ 
ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba 'phags pa dag gis bdag la bka' stsal du gsol/ de nas khye'u dpal 'byung ba dang / bu mo dpal gyi blo gros mas tshong dpon gyi 
bu nor bzangs la 'di skad ces smras so/ /rigs kyi bu bdag cag gnyis kyis ni byang chub sems dpa'i rnam par thar pa sgyu ma'i rnam pa zhes bya ba thob ste/ mngon du byas so rigs kyi bu de ltar kho bo cag rnam par thar pa 'di dang ldan pas/ 'jig rten thams cad sgyu 
ma'i rnam par rgyu rkyen sgyu ma las byung bar mthong ngo / /las dang nyon mongs pa sgyu mar shes pas/ sems can thams cad kyang sgyu ma'i rnam par shes so/ /ma rig pa dang /srid pa dang / sred pa'i rgyu las byung bas 'gro ba thams cad kyang sgyu ma'i rnam par 
mthong ngo / /phan tshun gyi rkyen gyi rgyu las byung bas chos thams cad kyang sgyu ma'i rnam par mthong ngo / /phyin ci log gi sgyu ma las byung bas khams gsum thams cad kyang sgyu ma'i rnam par mthong ngo / /yang dag pa ma yin pa'i rtog pa'i rgyus bskyed pas sems can </font><hr>38-1-279b<br><font size=+1>
thams cad kyi shi 'pho dang / 'byung ba dang / skye ba dang / rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams kyang sgyu ma'i rnam par mthong ngo / /'du shes dang sems dang lta ba phyin ci log gi rgyu las dngos po myed pa'i 'du shes 
kyis rmongs te/ byung bas zhing thams cad kyang sgyu ma'i rnam par mthong ngo / /ye shes kyis spong ba'i rgyu las brtag ste/ /bskyed pas nyan thos dang rang sangs rgyas thams cad kyang sgyu ma'i rnam par mthong ngo / /sgyu mar mngon par bsgrub pa las grub ste/ sprul pa'i 
spyod pa dang / 'dul ba'i sgyu ma'i rang bzhin pas byang chub sems dpa'i spyod pa dang / smon lam gyis sems can yongs su smin par bya ba dang / 'dul ba gcig nas gcig tu brgyud pa yang sgyu ma'i rnam pa lta bur shes so/ /smon lam dang ye shes sgyu mas mngon par 
bsgrubs te/ yul bsam gyis mi khyab pa sgyu ma'i rang bzhin yin pas sangs rgyas dang / byang chub sems dpa' thams cad kyi dkyil 'khor yang sgyu mar mthong ngo / /rigs kyi bu bdag cag gnyis kyis ni byang chub sems dpa'i rnam par thar ba sgyu ma'i rang bzhin 'di 
shes par zad na/ kho bo cag gis byang chub sems dpa' las sgyu ma mtha' yas pas rnam par bsgrubs pa'i dra ba khong du chud pa rnams kyi spyod pa shes pa'am/ yon tan brjod par nus re skan/ de nas khye'u dpal 'byung ba dang / bu mo dpal gyi blo gros mas tshong 
dpon gyi bu nor bzangs dge ba'i rtsa ba'i shugs drag po bsam gyis mi khyab pas mngon par brlan nas rang gi rnam par thar pa'i yul bstan te/ 'di skad ces smras so/ /song rigs kyi bu lho phyogs kyi rgyud 'di nyid kyi phyogs kyi sgo'i gnas rgya mtsho'i 'gram zhes bya ba 
de na bza' shing gi ra ba rgyan chen po zhes bya ba yod de/ de'i nang na khang pa brtsegs pa chen po rnam par snang mdzad kyi rgyan gyis brgyan pa'i snying po zhes bya ba byang chub sems dpa'i dge ba'i rtsa ba rnam par smin pa las mngon par grub pa/ byang chub sems dpa'i sems </font><hr>38-1-280a<br><font size=+1>
dang yid la bya ba las byung ba/ byang chub sems dpa'i smon lam las mngon par skyes pa/ byang chub sems dpa'i dbang las byung ba/ byang chub sems dpa'i mngon par shes pa'i ye shes kyi stobs kyis sprul ba/ byang chub sems dpa'i thabs mkhas 
pa las byung ba/ byang chub sems dpa'i bsod nams dang ye shes kyi stobs kyis rdzogs pa/ byang chub sems dpa'i snying rje chen pos sems can rnam par gdul ba'i don du bstan pa/ byang chub sems dpa'i byin gyi rlabs rnam par phye bas bsgrubs pa/ byang chub 
sems dpa'i rnam par thar pa bsam gyis mi khyab pa'i gnas la 'jug pa'i rgyan gyis brgyan pa yod de/ de na byang chub sems dpa' sems dpa' chen po byams pa zhes bya ba skye ba'i sa la gnas pa'i myi rnams rjes su gzung ba dang / pha dang ma dang gnyen du gyur pa rnams yongs su smin 
par bya ba dang / der skyes ba'i byang chub sems dpa' skal ba mnyam pa rnams kyi theg pa chen po rab tu brtan par bya ba dang / de ma yin pa'i sems can gzhan rnams kyang gar 'os pa'i sar dge ba'i rtsa bas yongs su smin par bya ba dang / rang gi rnam par 
thar pa'i tshul la 'jug par bya ba yongs su bstan pa dang / byang chub sems dpa'i skye ba la dbang bsgyur ba thams cad kyi rjes su song ba rab tu brjod pa dang / sems can thams cad kyi skye ba yongs su bstan pa la mngon par gzhol bar bya bas sems can yongs su smin 
par bya ba mi gtang ba dang / 'gro ba thams cad yongs su gzung ba mi smad pas byang chub sems dpa'i snying rje chen po'i stobs bstan par bya ba dang / byang chub sems dpa'i gnas gzhi rten thams cad las gyen du 'phags pa khong du chud par bya ba dang gnas med 
pa la gzhol bar srid par skye ba thams cad na gnas pa yongs su bstan pa'i don du 'dug gis/ de'i gan du song la ji ltar byang chub sems dpas byang chub sems dpa'i spyod pa la yongs su dri ba dang / ji ltar byang chub sems dpas byang chub sems dpa'i lam yongs su </font><hr>38-1-280b<br><font size=+1>
dag par bya ba dang / ji ltar byang chub sems dpas byang chub sems dpa'i bslab pa la nan tan du bya ba dang / ji ltar byang chub sems dpas byang chub kyi sems yongs su sbyang bar bya ba dang / ji ltar byang chub sems dpas byang chub sems dpa'i smon lam mngon par bsgrub par 
bya ba dang / ji ltar byang chub sems dpas byang chub sems dpa'i tshogs yongs su bsags par bya ba dang / ji ltar byang chub sems dpas byang chub sems dpa'i sa yongs su gnon par bya ba dang / ji ltar byang chub sems dpas byang chub sems dpa'i pha rol tu phyin pa 
yongs su rdzogs par bya ba dang / ji ltar byang chub sems dpas byang chub sems dpa'i bzod pa la 'jug par bya ba dang / ji ltar byang chub sems dpas byang chub sems dpa'i nan tan gyi yon tan la gnas par bya ba dang / ji ltar byang chub sems dpas dge 
ba'i bshes gnyen bsnyen bkur bar bya ba dris shig /de ci'i phyir zhe na/ rigs kyi bu byang chub sems dpa' byams pa zhes bya ba de ni/ byang chub sems dpa'i spyod pa thams cad la zhugs pa'o/ /de ni sems can thams cad kyi sems dang bsam pa 
rtogs par khong du chud pa'o/ /de ni sems can thams cad kyi spyod pa'i rjes su zhugs pa'o/ /de ni sems can thams cad yongs su smin par bya ba dang / gdul ba la mngon du gyur pa'o/ /de ni pha rol tu phyin pa thams cad yongs su rdzogs 
par byas pa'o/ /de ni byang chub sems dpa'i sa thams cad la rab tu gnas pa'o/ /de ni byang chub sems dpa'i sa thams cad la rab tu gnas pa'o/ /de ni byang chub sems dpa'i bzod pa thams cad rab tu thob pa'o/ /de ni byang chub sems dpa'i skyon med par zhugs pa'o/ /de ni lung bstan 
pa thams cad yang dag par blang ba'o/ de ni byang chub sems dpa'i rnam par thar ba thams cad la rnam par rtse ba'o/ /de ni sangs rgyas kyi byin gyi rlabs thams cad yongs su blang ba'o/ /de ni de bzhin gshegs pa thams cad kyi thams cad </font><hr>38-1-281a<br><font size=+1>
mkhyen pa'i ye shes kyi yul la dbang bskur bas mngon par dbang bskur ba'o/ /rigs kyi bu dge ba'i bshes gnyen de khyod la dge ba'i rtsa ba thams cad kyis ni mngon par brlan par byed do/ /byang chub tu sems bskyed pa ni rnam par 
'phel bar byed do/ /lhag pa'i bsam pa'i dbyings ni rab tu brtan par byed do/ /dge ba'i rtsa ba thams cad ni shin tu byang bar byed do/ /byang chub sems dpa'i dbang po'i shugs ni yang dag par 'phel bar byed do/ /chos kyi phyogs bsgribs pa med 
pa ni yongs su ston par byed do/ /gzhi kun tu zug pa'i sa khong du chud par bya ba ni rtogs par byed do/ /byang chub sems dpa' thams cad kyi smon lam gyi sar 'byung ba'i sgo la ni gzhog par byed do/ /byang chub sems dpa' thams cad kyi spyod 
pa dang / smon lam gyi yon tan yongs su grub pa ni yang dag par rdzogs par 'gyur ro/ /byang chub sems dpa' kun tu bzang po'i spyod pa thob par bya ba'i skye ba'i sgo ni yongs su ston par 'gyur gyis/ rigs kyi bu khyod dge ba'i rtsa ba gcig la chags 
par ma byed cig /chos kyi sgo'i 'od snang ba gcig la gzhol bar ma byed cig /spyod pa gcig yongs su rdzogs pas chog par ma sems shig /smon lam gcig pu mngon par bsgrub pa lhur ma len cig /lung bstan pa gcig gis mthar thug pas 
rgyun gcad par ma byed cig /bzod pa gsum la 'jug pas chog par bya ba'i 'du shes su ma byed cig /pha rol tu phyin pa drug yongs su rdzogs par bya ba rgyun ma gcod cig /sa bcu thob pas mthar thug par ma byed cig /sangs rgyas kyi zhing tshad yod pa yongs 
su gzung ba dang / yongs su dag par bya ba ma smon cig /dge ba'i bshes gnyen tshad yod pa dga' bar bya ba dang / bsnyen bkur bas ngoms par ma byed cig /de ci'i phyir zhe na/ rigs kyi bu byang chub sems dpas ni dge ba'i rtsa ba tshad med pa yongs su </font><hr>38-1-281b<br><font size=+1>
bsdu bar bya dgos so/ /byang chub sems dpa'i tshogs tshad med pa shin tu bsgrub dgos so/ /byang chub sems dpa'i sems kyi rgyu tshad med pa yongs su bstsags dgos so/ /yongs su bsngo ba'i tshul tshad med pa la bslab par bya dgos so/ /sems 
can gyi khams tshad med pa yongs su smin par bya dgos so/ /sems can gyi bsam pa'i khams tshad med pa la 'jug par bya dgos so/ /sems can gyi dbang po tshad med pa yongs su shes par bya dgos so/ /sems can gyi mos pa tshad med pa'i rjes su 'brang bar bya dgos so/ /sems can gyi spyod pa tshad myed pa khong du chud par bya dgos so/ /sems can tshad med pa gdul bar bya dgos so/ /nyon mongs pa dang bag la nyal ba tshad med pa yang dag par gzhom dgos so/ /las kyi 
sgrib pa tshad med pa yongs su sbyang dgos so/ /lta ba'i rnam pa tshad med pa rnam par bzlog dgos so/ /sems kyi kun nas nyon mongs pa tshad med pa bstsal bar bya dgos so/ /sems rnam par dag pa tshad med pa bskyed par bya dgos so/ /sdug bsngal gyi 
zug rngu tshad med pa yang dag par dbyung dgos so/ /srid pa'i rgya mtsho tshad med pa yongs su bskam par bya dgos so/ /ma rig pa'i mun pa tshad med pa rnam par bsal dgos so/ /nga rgyal gyi ri tshad med pa rab tu bsnyiladagos so/ /'khor ba'i bcings 
pa tshad med pa shin tu gtub dgos so/ /srid pa'i chu bo tshad med pa brgal dgos so/ /tshe'i rgya mtsho tshad med pa bskam dgos so/ /sems can 'dod pa'i 'dam du thogs pa tshad med pa yongs su dgrol dgos so/ /sems can khams gsum 
gyi khyim du thogs pa tshad med pa gdon par bya dgos so/ /sems can tshad med pa 'phags pa'i lam la dgod dgos so/ /'dod chags dang zhe sdang dang gti mug gi spyod pa tshad med pa rab tu zhi bar bya dgos so/ /bdud kyi zhags pa tshad med pa las </font><hr>38-1-282a<br><font size=+1>
yang dag par 'da' bar bya dgos so/ /bdud kyi las tshad med pa rnam par bzlog dgos so/ /byang chub sems dpa'i lhag pa'i bsam pa'i khams tshad myed pa yongs su sbyang dgos so/ /byang chub sems dpa'i sbyor ba tshad med pa rnam 
par 'phel bar bya dgos so/ /byang chub sems dpa'i dbang po tshad med pa yongs su bskyed dgos so/ /byang chub sems dpa'i mos pa tshad med pa yongs su sbyang dgos so/ /byang chub sems dpa'i mnyam pa nyid tshad med pa la 'jug par bya dgos so/ /byang 
chub sems dpa'i spyod pa'i khyad par tshad med pa'i rjes su 'brang bar bya dgos so/ /byang chub sems dpa'i yon tan tshad med pa yongs su dag par bya dgos so/ /byang chub sems dpas bya ba'i spyod pa tshad med pa yongs su rdzogs par bya dgos so/ /'jig 
rten gyi spyod pa tshad med pa'i rjes su 'brang bar bya dgos so/ /'jig rten gyi rjes su 'brang ba tshad med pa yongs su bstan dgos so/ /dad pa'i stobs tshad med pa yongs su bskyed dgos so/ /brtson 'grus kyi stobs tshad med pa nye bar brtan dgos so/ /dran pa'i 
stobs tshad med pa yongs su dag par bya dgos so/ /ting nge 'dzin gyi stobs tshad med pa yongs su rdzogs par bya dgos so/ /shes rab kyi stobs tshad med pa bskyed par bya dgos so/ /mos pa'i stobs tshad med pa brtan par bya dgos so/ /bsod nams 
kyi stobs tshad med pa yang dag par bsgrub dgos so/ /ye shes kyi stobs tshad med pa rnam par spel dgos so/ /byang chub sems dpa'i stobs tshad med pa yang dag par bsgrub dgos so/ /sangs rgyas kyi stobs tshad med pa yongs su rdzogs par bya dgos so/ /
chos kyi sgo tshad med pa rab tu dbye dgos so/ /chos kyi phyogs tshad med pa la 'jug par bya dgos so/ /chos kyi sgo tshad med pa yongs su sbyang dgos so/ /chos kyi snang ba tshad med pa yang dag par bskyed dgos so/ /chos kyi gsal ba tshad med par rab tu bya dgos so/ /</font><hr>38-1-282b<br><font size=+1>
dbang po'i rgyud tshad med pa snang bar bya dgos so/ /nyon mongs pa'i nad tshad med pa yongs su shes par bya dgos so/ /chos kyi sman tshad med pa yang dag par bsdu dgos so/ /nyon mongs pa'i nad kyis btab pa'i sems can gyi khams tshad med pa gso dgos so/ /
bdud rtsi'i tshogs tshad med pa yang dag par bsdu bar bya dgos so/ /sangs rgyas kyi zhing tshad med pa 'da' bar bya dgos so/ /de bzhin gshegs pa tshad med pa mchod dgos so/ /byang chub sems dpa'i 'khor gyi dkyil 'khor tshad med par 'jug 
par bya dgos so/ /de bzhin gshegs pa'i bstan pa tshad med pa yongs su gzung dgos so/ /sems can gyi gnod pa tshad med pa bzod par bya dgos so/ /mi khom pa dang ngan song gi lam tshad med pa yongs su gcad dgos so/ /sems can gyi 
bde ba tshad med pa nye bar bsgrub dgos so/ /sems can bsdu ba tshad med pa bya dgos so/ /gzungs kyi sgo tshad med pa yongs su sbyang dgos so/ /smon lam gyi sgo tshad med pa mngon par bsgrub dgos so/ /byams pa chen po dang / snying rje chen po'i stobs 
tshad med pa yongs su bsgom dgos so/ /chos yongs su btsal ba la brtson par bya ba tshad med pa rgyun mi gcad par bya dgos so/ /nges par rtogs pa'i stobs tshad myed pa'i rjes su 'jug dgos so/ /mngon par shes pa mngon du bsgrub pa tshad med pa bskyed 
dgos so/ /rig pa dang ye shes kyi snang ba tshad med pa rnam par dag par bya dgos so/ /sems can gyi rgyud tshad med pa'i rjes su 'gro bar bya dgos so/ /srid par skye ba tshad med pa yongs su gzung dgos so/ /lus rnam par phye ba tshad med pa yongs su bstan 
dgos so/ /skad rnam par phye ba tshad med pa yongs su shes par bya dgos so/ /sems can gyi sems rnam pa tha dad pa tshad med pa khong du chud par bya dgos so/ /byang chub sems dpa'i spyod yul rgya chen po'i rjes su 'jug par bya dgos so/ /byang chub sems </font><hr>38-1-283a<br><font size=+1>
dpa'i gnas shin tu yangs par rjes su spyad dgos so/ /byang chub sems dpa'i rnam par spyod pa zab mo la rnam par blta dgos so/ /byang chub sems dpa'i yul rtogs par dka' ba khong du chud par bya dgos so/ /byang chub sems 
dpa'i lam bgrod par dka' ba bgrod par bya dgos so/ /byang chub sems dpa'i shugs bsgrub par dka' ba yongs su gzung dgos so/ /byang chub sems dpa'i skyon med pa 'jug par dka' ba la 'jug par bya dgos so/ /byang chub sems dpa'i spyod pa 
rnam pa sna tshogs khong du chud par bya dgos so/ /byang chub sems dpa'i rnam par 'phrul pa thams cad du khyab pa kun tu bstan dgos so/ /byang chub sems dpa'i chos kyi sprin yongs su gzung dgos so/ /byang chub sems dpa'i spyod pa'i dra ba mtha' dang 
dbus med par rab tu rgyas par bya dgos so/ /byang chub sems dpas pha rol tu phyin pa thams cad yongs su rdzogs par bya dgos so/ /byang chub sems dpas lung bstan pa tshad med par yang dag par mnod dgos so/ /byang chub sems dpas bzod 
pa'i sgo dpag tu med pa la 'jug par bya dgos so/ /byang chub sems dpas grags myed pa yongs su sbyang bar bya dgos so/ /byang chub sems dpas chos kyi sgo dpag tu med pa yongs su dag par bya dgos so/ /byang chub sems dpas sangs rgyas kyi 
zhing brjod du med pa yongs su sbyang dgos so/ /byang chub sems dpas bskal pa mtha' yas par go cha bgo dgos so/ /byang chub sems dpas de bzhin gshegs pa dpag tu med pa mchod par bya dgos so/ /byang chub sems dpas smon lam 
mngon par bsgrub pa bsam gyis mi khyab par mngon par bsgrub dgos so/ /rigs kyi bu mdor na sems can thams cad yongs su smin par byed pas byang chub sems dpa' rnams kyi spyod pa ni sems can thams cad dang mnyam par bstan to/ /bskal </font><hr>38-1-283b<br><font size=+1>
pa thams cad du gnas pas bskal pa thams cad dang mnyam par bstan to/ /thams cad du skye ba yongs su ston pas skye ba thams cad dang mnyam par bstan to/ /dus gsum gyi ye shes khong du chud par bya ba'i phyir dus thams cad dang mnyam par 
bstan to/ /chos thams cad la nan tan du byed pas chos thams cad dang mnyam par bstan to/ /zhing thams cad yongs su dag par byed pas zhing thams cad dang mnyam par bstan to/ /smon lam thams cad yongs su rdzogs par byed pas/ smon 
lam thams cad dang mnyam par bstan to/ /sangs rgyas thams cad mchod pa mngon par bsgrub pas/ sangs rgyas thams cad dang mnyam par bstan to/ /byang chub sems dpa' thams cad kyi smon lam dang gcig tu 'gyur ba'i phyir/ byang chub sems 
dpa' thams cad dang mnyam par bstan to/ /dge ba'i bshes gnyen thams cad la bsnyen bkur byed pa'i phyir/ byang chub sems dpa' rnams kyi spyod pa ni dge ba'i bshes gnyen thams cad dang mnyam par bstan to/ /rigs kyi bu de bas na khyod kyis dge 
ba'i bshes gnyen yongs su btsal ba la skyo bar mi bya'o/ /dge ba'i bshes gnyen mthong bas ngoms pa bskyed par mi bya'o/ /dge ba'i bshes gnyen la yongs su dri bas chog shes par mi bya'o/ /dge ba'i bshes gnyen dang 'grogs pa las bsam 
pa phyir ldog par mi bya'o/ /dge ba'i bshes gnyen la phu dud dang / rim gro'i sbyor ba rgyun gcad par mi bya'o/ /dge ba'i bshes gnyen gyi gdams ngag dang / rjes su bstan pa la log par gzung bar mi bya'o/ /dge ba'i bshes gnyen gyi yon 
tan thob par 'gyur ba la the tshom mi bskyed do/ /dge ba'i bshes gnyen gyis 'byung ba'i sgo bstan pa la yid gnyis su mi bya'o/ /dge ba'i bshes gnyen gyi thabs kyi bsam pa dang / 'jig rten gyi rjes su 'brang bar bya ba'i rgyud la zhe sdang bskyed par mi bya'o/ /dge ba'i </font><hr>38-1-284a<br><font size=+1>
bshes gnyen la mos pa rnam par bskyed pas lus dang sems rnam par ldog par mi bya'o/ /de ci'i phyir zhe na/ rigs kyi bu byang chub sems dpa' rnams kyi byang chub sems dpa'i spyod pa thams cad thos pa ni dge ba'i bshes gnyen la rag las pa'o/ /byang chub sems dpa'i 
yon tan yongs su rdzogs par bya ba thams cad ni dge ba'i bshes gnyen las byung ba'o/ /byang chub sems dpa'i smon lam gyi rgyun thams cad ni dge ba'i bshes gnyen las byung ba'o/ /byang chub sems dpa'i dge ba'i rtsa ba thams cad ni dge ba'i bshes gnyen gyis 
bskyed pa'o/ /byang chub sems dpa'i tshogs thams cad ni dge ba'i bshes gnyen gyis bsgrubs pa'o/ /byang chub sems dpa'i chos kyi sgo snang ba thams cad ni dge ba'i bshes gnyen las byung ba'o/ /byang chub sems dpa'i 'byung ba'i sgo rnam par dag pa thams 
cad ni dge ba'i bshes gnyen las byung ba'o/ /byang chub sems dpa'i bslab pa la nan tan du bya ba thams cad ni dge ba'i bshes gnyen la rag las pa'o/ /byang chub sems dpa'i yon tan gyi chos thams cad ni dge ba'i bshes gnyen la gnas pa'o/ /byang 
chub sems dpa'i lhag pa'i bsam pa yongs su dag pa thams cad ni dge ba'i bshes gnyen rtsa bar gyur pa'o/ /byang chub sems dpa'i sems bskyed pa brtan pa thams cad ni dge ba'i bshes gnyen las skyes pa'o/ /byang chub sems dpa'i gzungs 
dang spobs pa'i sgo snang ba thams cad du khrid pa ni dge ba'i bshes gnyen no/ /byang chub sems dpa'i rnam par dag pa'i sgo'i mdzod thams cad ni dge ba'i bshes gnyen gyis yongs su bzung ba'o/ /byang chub sems dpa'i ye shes snang ba thams cad ni dge 
ba'i bshes gnyen gyis yang dag par bskyed pa'o/ /byang chub sems dpa'i smon lam khyad par can thams cad ni dge ba'i bshes gnyen gyi lag na 'dug pa'o/ /byang chub sems dpa'i smon lam gyi tshul gyi rgyud gcig tu gyur pa thams cad ni dge ba'i bshes gnyen </font><hr>38-1-284b<br><font size=+1>
la brten pa'o/ /byang chub sems dpa'i yang dag par bsgrub pa khyad par can mnyam pa thams cad ni dge ba'i bshes gnyen gyi rgyud las byung ba'o/ /byang chub sems dpa'i gsang ba'i gnas thams cad ni dge ba'i bshes gnyen gyi mdzod na 'dug pa'o/ /byang 
chub sems dpa'i chos thams cad ni dge ba'i bshes gnyen gyi 'byung gnas nas byung ba'o/ /byang chub sems dpa'i dbang po'i shugs kyi myu gu thams cad ni dge ba'i bshes gnyen gyis rnam par spel ba'o/ /byang chub sems dpa'i ye shes rgya mtsho thams 
cad ni dge ba'i bshes gnyen gyis yang dag par spel ba'o/ /byang chub sems dpa'i gter gyi mdzod thams cad ni dge ba'i bshes gnyen gyis yongs su bskyangs pa'o/ /byang chub sems dpa'i bsod nams bstsags pa thams cad ni dge ba'i 
bshes gnyen gyis bsrungs pa'o/ /byang chub sems dpa'i tshe rnam par dag pa thams cad ni dge ba'i bshes gnyen gyis bskyed pa'o/ /byang chub sems dpa'i chos mnyan pa'i sprin thams cad ni dge ba'i bshes gnyen gyi kha nas byung ba'o/ /
byang chub sems dpa' 'byung ba'i lam la 'jug pa thams cad ni dge ba'i bshes gnyen gyi khong na yod pa'o/ /sangs rgyas thams cad kyi byang chub ni dge ba'i bshes gnyen la rim gro byas pas thob pa'o/ /byang chub sems dpa'i spyod pa thams cad 
ni dge ba'i bshes gnyen gyis yongs su bzung ba'o/ /byang chub sems dpa'i yon tan brjod pa thams cad ni dge ba'i bshes gnyen gyis bstan pa'o/ /byang chub sems dpa'i chos kyi phyogs kyi rjes su 'brang ba thams cad ni dge ba'i bshes gnyen gyis 
yongs su bstan pa'o/ /byang chub sems dpa'i sems dang lhag pa'i bsam pa'i bdag nyid che ba ni dge ba'i bshes gnyen gyis yang dag par brjod pa'o/ /byang chub sems dpa' rnams kyi byams pa chen po'i stobs ni dge ba'i bshes gnyen las byung ba'o/ /</font><hr>38-1-285a<br><font size=+1>
byang chub sems dpa' rnams kyi snying rje chen po'i stobs ni dge ba'i bshes gnyen gyis bskyed pa'o/ /byang chub sems dpa'i dbang thams cad ni dge ba'i bshes gnyen gyis yongs su bzung ba'o/ /byang chub sems dpa' rnams kyi yan lag 
thams cad ni dge ba'i bshes gnyen gyis bskyed pa'o/ /byang chub sems dpa'i phan pa nye bar bsgrub pa thams cad ni dge ba'i bshes gnyen las byung ba'o/ /rigs kyi bu dge ba'i bshes gnyen gyis yang dag par zin pa'i byang chub sems dpa' rnams ni ngan song 
du mi ltung ngo / /dge ba'i bshes gnyen gyis yongs su bzung ba'i byang chub sems dpa' rnams ni theg pa chen po las myi ldog go /dge ba'i bshes gnyen gyis yongs su bsam pa'i byang chub sems dpa' rnams ni byang chub sems dpa'i bslab pa dang 
'gal bar myi byed do/ /dge ba'i bshes gnyen gyis shin tu bsrungs pa'i byang chub sems dpa' rnams ni sdig pa'i grogs po'i lag tu myi 'dong ngo / /dge ba'i bshes gnyen gyis yongs su bskyangs pa'i byang chub sems dpa' rnams ni byang chub sems dpa'i 
chos las nyams par mi 'gyur ro/ /dge ba'i bshes gnyen gyis yang dag par zin pa'i byang chub sems dpa' rnams ni so so'i skye bo'i sa las yongs su 'da'o/ /dge ba'i bshes gnyen gyis yongs su bsrungs pa'i byang chub sems dpa' rnams ni 
nyan thos dang rang sangs rgyas kyi skyon med par mi 'jug go /dge ba'i bshes gnyen gyis bskyangs pa'i byang chub sems dpa' rnams ni 'jig rten las mngon par 'phags pa yin no/ /dge ba'i bshes gnyen gyis yang dag par bskyed pa'i byang 
chub sems dpa' rnams ni 'jig rten gyi chos kyis myi gos pa yin no/ /dge ba'i bshes gnyen bsnyen bkur ba'i byang chub sems dpa' rnams ni spyod pa thams cad la mi 'khrul par spyod pa yin no/ /dge ba'i bshes gnyen gyis bsgrubs </font><hr>38-1-285b<br><font size=+1>
pa'i byang chub sems dpa'i rnams ni brtsam pa thams cad las phyir mi ldog go /dge ba'i bshes gnyen gyis yongs su bzung ba'i byang chub sems dpa' rnams ni las dang nyon mongs pas thub par dka' ba yin no/ /dge ba'i bshes gnyen gyi stobs kyis 
brtan pa'i byang chub sems dpa' rnams ni bdud thams cad kyis mi thub pa yin no/ /dge ba'i bshes gnyen gyi rten la gnas pa'i byang chub sems dpa' rnams ni byang chub kyi yan lag thams cad kyis rnam par 'phel lo/ /de ci'i phyir zhe na/ rigs kyi 
bu dge ba'i bshes gnyen ni bsgrib par 'gyur ba'i chos thams cad las rnam par sbyong ba'o/ /dge ba'i bshes gnyen ni sdig to las rnam par bzlog pa'o/ /dge ba'i bshes gnyen ni mi bya ba rnams khong du chud par byed pa'o/ /bag med pa'i gnas 
las yang dag par bzlog pa'o/ /ma rig pa'i mun pa rnam par sel ba'o/ /lta ba'i 'ching ba 'thub pa'o/ /'khor ba'i grong khyer nas 'don pa'o/ /'jig rten gyi gnas 'dor bar byed pa'o/ /bdud kyi zhags pa las thar bar byed pa'o/ /sdug 
bsngal gyi zug rngu 'byin pa'o/ /mi shes pa'i thibs pa las thar bar byed pa'o/ /lta ba'i mya ngan las yongs su zlo ba'o/ /srid pa'i chu bo las sgrol ba'o/ /'dod pa'i 'dam nas 'byin pa'o/ /lam mi bde ba nas rnam par zlog pa'o/ /byang 
chub sems dpa'i lam yang dag par ston pa'o/ /byang chub sems dpa'i yi dam la gzhog pa'o/ /nan tan la rab tu 'god pa'o/ /thams cad mkhyen pa nyid du 'gro ba'i phyogs rab tu ston pa'o/ /shes rab kyi mig rnam par sbyong ba'o/ /byang chub kyi 
sems rnam par 'phel bar byed pa'o/ /snying rje chen po yang dag par skyed pa'o/ /spyod pa yongs su ston pa'o/ /pha rol tu phyin pa'i gdams ngag rab tu ston pa'o/ /sa la rab tu 'god pa'o/ /bzod pa rnam par </font><hr>38-1-286a<br><font size=+1>
'byed pa'o/ /dge ba'i rtsa ba thams cad yongs su 'grub par byed pa'o/ /tshogs thams cad skyed par byed pa'o/ /byang chub sems dpa'i yon tan thams cad stobs pa'o/ /sangs rgyas thams cad kyi zhabs kyi drung 
du phyin par byed pa'o/ /yon tan thams cad yongs su ston pa'o/ /don thams cad yang dag par len du 'jug pa'o/ /nan tan la gzengs bstod pa'o/ /'byung ba'i sgo ston pa'o/ /lam gol ba las yongs su srung ba'o/ /chos snang ba'i sgo snang 
bar byed pa'o/ /chos kyi sgo mngon par brlan par byed pa'o/ /chos thos par bya ba'i sprin gyi char rab tu 'bebs pa'o/ /nyon mongs pa thams cad zhi bar byed pa'o/ /lta ba'i rnam pa thams cad las rnam par zlog pa'o/ /sangs rgyas kyi chos 
thams cad la gnas par byed pa'o/ /'di ltar yang rigs kyi bu dge ba'i bshes gnyen ni sangs rgyas kyi rigs su skyes pas ma lta bu'o/ /dge ba'i bshes gnyen ni phan pa rgya chen por sgrub pas pha lta bu'o/ /dge ba'i bshes gnyen ni sdig pa thams cad 
las srung bas ma ma lta bu'o/ /dge ba'i bshes gnyen ni byang chub sems dpa'i bslab pa khong du chud par byed pas slob dpon lta bu'o/ /dge ba'i bshes gnyen ni pha rol tu phyin pa'i lam du 'dzud pas lam mkhan lta bu'o/ /dge ba'i bshes gnyen ni 
nyon mongs pa'i nad las thar bar byed pas sman pa lta bu'o/ /dge ba'i bshes gnyen ni ye shes kyi sman rnam par 'phel bar byed pas gangs ra \u0f72lta bu'o/ /dge ba'i bshes gnyen ni 'jigs pa thams cad las srung bas dpa' bo lta bu'o/ /dge ba'i bshes gnyen 
ni 'khor ba'i chu bo chen po las sgrol bas mnyan pa lta bu'o/ /dge ba'i bshes gnyen ni thams cad mkhyen pa'i ye shes rin po che'i gling du phyin par byed pas skyab 'dzin pa lta bu'o/ /rigs kyi bu de lta bas na de ltar yid la bya ba rgyun ma chad pas khyod kyis dge </font><hr>38-1-286b<br><font size=+1>
ba'i bshes gnyen bsnyen par gyis shig /khur thams cad bkur bas yongs su mi skyo ba'i phyir sa lta bu'i sems dang / mi phyed pa'i phyir rdo rje lta bu'i sems dang sdug bsngal thams cad kyis mi sgul ba'i phyir 'khor yug lta bu'i sems dang / ci dga' bar bka' 
nyan pas bran lta bu'i sems dang / ngag thams cad mi gcag pas slob ma lta bu'i sems dang / las thams cad nyams su blang ba la mi smad pas 'jig rten gyi bran lta bu'i sems dang / nyon mongs pa thams cad kyis mi skyo ba'i phyir ma ma lta bu'i 
sems dang / bya'o cog la mthun par gzung bas g.yog lta bu'i sems dang / nga rgyal dang mtho ba'i nga rgyal spong bas phyag dar ba lta bu'i sems dang / dus dang dus ma yin par mthon dman du 'gyur bas zla ba nya ba lta bu'i sems dang / myi srun pa thams cad 
rnam par spong bas rta cang shes lta bu'i sems dang / khur lci ba bkur bas theg pa lta bu'i sems dang / dul ba dang cang shes kyi bsam pas glang po lta bu'i sems dang / myi sgul myi bskyod pas ri lta bu'i sems dang / mi khro bas khyi lta bu'i sems dang / 
nga rgyal dang dus med pas gdol ba lta bu'i sems dang / dregs pa thams cad med pas khyu mchog rwa bcad pa lta bu'i sems dang / rlom sems med pas mtshan bu lta bu'i sems dang / 'gro zhing 'ong bas mi skyo bas gru lta bu'i sems dang / dge ba'i 
bshes gnyen gyi ngag gi mthar phyin par byed pas zam pa lta bu'i sems dang / dge ba'i bshes gnyen gyi ngor blta bas bu mdzangs pa lta bu'i sems dang / chos kyi rgyal po'i bka' las mi 'gal bar bya bas rgyal po gzhon nu lta bu'i sems kyis dge ba'i bshes 
gnyen la bsnyen par bya'o/ /rigs kyi bu khyod kyis bdag la ni nad par 'du shes bskyed do/ /dge ba'i bshes gnyen la ni sman pa'i 'du shes dang / gdams ngag la ni sman gyi 'du shes dang / nan tan nyams su blang ba la ni nad 'tsho ba'i 'du shes </font><hr>38-1-287a<br><font size=+1>
bskyed par bya'o/ /rigs kyi bu khyod kyis bdag la ni dron po'i 'du shes bskyed par bya'o/ /dge ba'i bshes gnyen la ni lam mtshon pa'i 'du shes dang / gdams ngag la ni lam gyi 'du shes dang / nan tan la ni phyogs bde bar 'gro ba'i 
'du shes bskyed par bya'o/ /rigs kyi bu khyod kyis bdag la ni pha rol tu 'gro ba'i 'du shes bskyed par bya'o/ /dge ba'i bshes gnyen la ni mnyan pa'i 'du shes dang / rjes su bstan pa la mu stegs kyi 'du shes dang / nan tan la ni gru'i 'du shes bskyed par 
bya'o/ /rigs kyi bu khyod kyis bdag la ni zhing pa'i 'du shes bskyed par bya'o/ /dge ba'i bshes gnyen la ni klu'i dbang po'i 'du shes dang / gdams ngag la ni char pa'i 'du shes dang / nan tan la ni lo tog 'grub pa'i 'du shes bskyed par bya'o/ /rigs 
kyi bu khyod kyis bdag la ni dbul po'i 'du shes bskyed par bya'o/ /dge ba'i bshes gnyen la ni ngal bso po'i 'du shes dang / gdams ngag la ni nor dang don gyi 'du shes dang / nan tan la ni dbul ba sel ba'i 'du shes bskyed par bya'o/ /rigs kyi bu 
khyod kyis bdag la ni slob ma'i 'du shes bskyed par bya'o/ /dge ba'i bshes gnyen la ni slob dpon gyi 'du shes dang gdams ngag la ni bzo ba'i 'du shes dang / nan tan la ni bzo khong du chud pa'i 'du shes bskyed par bya'o/ /rigs kyi bu khyod kyis bdag la ni 
'jigs pa'i 'du shes bskyed par bya'o/ /dge ba'i bshes gnyen la ni dpa' bo'i 'du shes dang / gdams ngag la ni mtshon cha'i 'du shes dang / nan tan la ni dgra sel ba'i 'du shes bskyed par bya'o/ /rigs kyi bu khyod kyis bdag la ni tshong ba'i 'du shes 
bskyed par bya'o/ /dge ba'i bshes gnyen la ni skyab 'dzin pa'i 'du shes dang / gdams ngag la ni rin po che'i 'du shes dang / nan tan la ni rin po che sdud pa'i 'du shes bskyed par bya'o/ /rigs kyi bu khyod kyis bdag la ni bu dam pa'i 'du shes bskyed par</font><hr>38-1-287b<br><font size=+1>
bya'o/ /dge ba'i bshes gnyen la ni pha ma'i 'du shes dang / rjes su bstan pa la ni rigs kyi bu'i tshul gyi 'du shes dang / nan tan la ni tshul ma nyams pa'i 'du shes bskyed par bya'o/ /rigs kyi bu khyod kyis bdag la ni rgyal po gzhon nu'i 'du shes bskyed 
par bya'o/ /dge ba'i bshes gnyen la ni chos kyi rgyal po dang blon po dam pa'i 'du shes dang / gdams ngag la ni rgyal po'i khrims kyi 'du shes dang / nan tan la ni ye shes kyi rgyal po'i cod pan dang rgyan dang / chos kyi thabs mgo la 'ching ba dang / chos kyi rgyal 
po'i grong khyer la rnam par lta ba'i 'du shes bskyed par bya ste/ rigs kyi bu khyod kyis de lta bu'i 'du shes yid la bya ba yongs su sgom ste/ dge ba'i bshes gnyen rnams la nye bar bsnyen par gyis shig /de ci'i phyir zhe na/ rigs kyi bu de ltar dge ba'i 
bshes gnyen la lhag pa'i bsam pa yongs su dag pa'i byang chub sems dpa' rnams ni dge ba'i bshes gnyen gyi ngag thams cad nyams su len pa'i tshe/ gangs kyi ri la rten pa'i rtswa dang gel ba dang / sman dang nags tshal lta bur dge ba'i rtsa ba thams cad 
kyis rnam par 'phel lo/ /rgya mtsho chen po chu'i snod du gyur pa ltar chos thams cad kyi snod du 'gyur ro/ /gang chen mtsho chen po rin po che mang po'i 'byung gnas su gyur pa ltar yon tan thams cad kyi 'byung gnas su 'gyur ro/ /mye'i drod kyis gser yongs 
su 'byang ba ltar byang chub kyi sems yongs su byang bar 'gyur ro/ /rgya mtsho chen po las 'phags pa'i ri rab ltar 'jig rten las mngon par 'phags par 'gyur ro/ /pad mo la chus myi chags pa ltar 'jig rten gyi chos kyis myi gos par 'gyur 
ro/ /rgya mtsho chen po ro rul pa dang mi 'grogs pa ltar/ spyod pa ngan pa thams cad dang mi 'grogs so/ /yud du yar gyi zla ba ltar chos dkar pos rnam par 'phel bar 'gyur ro/ /'dzam bu'i gling snang bar byed pa'i nyi ma ltar chos kyi dbyings su snang </font><hr>38-1-288a<br><font size=+1>
bar 'gyur ro/ /pha ma dang 'grogs pa'i bu ltar byang chub sems dpa'i smon lam gyi lus thams cad yang dag par skye bar 'gyur ro/ /de ltar mdor na rigs kyi bu dge ba'i bshes gnyen gyi gdams ngag la zhugs pa'i byang chub 
sems dpa' rnams ni yon tan bye ba khrag khrig brgya stong brjod du med pa phrag bcu ni rab tu 'dzin par 'gyur ro/ /de'i lhag pa'i bsam pa bye ba khrag khrig brgya stong phrag bcu ni yongs su sbyong bar 'gyur ro/ /byang chub sems dpa'i dbang po bya ba khrag khrig brgya stong 
phrag bcu ni rab tu 'phel bar 'gyur ro/ /byin gyi rlabs bye ba khrag khrig brgya stong phrag bcu ni rnam par spyod par 'gyur ro/ /sgrib pa'i chos bye ba khrag khrig brgya stong phrag bcu ni rnam par sbyong bar 'gyur ro/ /sgrib pa'i chos grangs med pa brgya stong phrag 
bcu ni yongs su dag par 'gyur ro/ /bdud grangs med pa brgya stong phrag bcu las ni yang dag par 'das par 'gyur ro/ /chos kyi sgo grangs med pa brgya stong phrag bcu la ni rab tu 'jug par 'gyur ro/ /tshogs rnam par dag pa'i sgo grangs med pa bye ba 
khrag khrig brgya stong phrag bcu ni yongs su rdzogs par 'gyur ro/ /spyod pa grangs med pa brgya stong phrag bcu ni kun nas dag par 'gyur ro/ /smon lam chen po grangs med pa brgya stong phrag bcu ni mngon par grub par 'gyur ro/ /rigs kyi bu de ltar mdor na byang chub 
sems dpa'i spyad pa thams cad dang / byang chub sems dpa'i pha rol tu phyin pa thams cad dang / byang chub sems dpa'i sa thams cad dang / byang chub sems dpa'i bzod pa la 'jug pa thams cad dang / byang chub sems dpa'i ting nge 'dzin gyi sgo thams cad dang / 
byang chub sems dpa'i mngon par shes pa'i ye shes kyis rnam par 'phrul pa thams cad dang / byang chub sems dpa'i gzungs dang spobs pa'i snang ba thams cad dang / byang chub sems dpa'i bsngo ba'i ye shes dang mngon par shes pa tshad med pa thams cad dang / byang chub </font><hr>38-1-288b<br><font size=+1>
sems dpa'i smon lam mngon par bsgrub pa thams cad dang / sangs rgyas kyi chos thams cad rab tu thob cing yongs su grub pa rnams ni dge ba'i bshes gnyen la rag las pa dag go /dge ba'i bshes gnyen rtsa bar gyur pa dag go /dge ba'i bshes gnyen las byung ba dag 
go /dge ba'i bshes gnyen skye gnas su gyur pa dag go /dge ba'i bshes gnyen skye mched du gyur pa dag go /dge ba'i bshes gnyen las yongs su skyes pa dag go /dge ba'i bshes gnyen gyis yongs su spel ba dag go /dge ba'i bshes gnyen la rab tu rten pa dag go /
dge ba'i bshes gnyen rgyur gyur pa'o/ /dge ba'i bshes gnyen las rab tu skyes pa dag go /de nas tshong dpon gyi bu nor bzangs kyis rnam pa de lta bu'i dge ba'i bshes gnyen gyi yon tan dang / bsngags pa rjes su bstan pa dang / byang chub sems dpa'i spyod pa tshad 
med pa dang / sangs rgyas kyi chos rgya chen po thos nas dga' rangs te mgu zhing nyams bde la tshim zhing yid bde ba skyes nas/ khye'u dpal 'byung ba dang / bu mo dpal gyi blo gros ma gnyis kyi rkang pa la spyi bos phyag 'tshal te/ khye'u dpal 'byung ba dang / bu mo dpal gyi blo gros ma gnyis la 
lan brgya stong du mar g.yas phyogs su bskor ba byas nas/ khye'u dpal 'byung ba dang / bu mo dpal gyi blo gros ma'i drung nas song ngo // //sangs rgyas rmad gcad ces bya ba shin tu rgyas pa chen po'i mdo/bam po bcwo brgyad pa/ de nas tshong dpon gyi bu nor bzangs dge ba'i bshes gnyen gyi gdams ngag gis 
sems mngon par brlan pa de byang chub sems dpa'i spyod pa rjes su bstan pa de ni rjes su rnam par sems/ sngon gyi mtha'i lus mang po yang dag par spyod pa nyams su ma blangs par chud zos pa la bsam pas ni lus kyi stobs rab tu brtan par byed/ sngon gyi mtha'i mur 
thug pa'i lus dang sems yongs su dag kyang don med par 'khor ba'i sems kyi rgyud du gyur pa la bsam pas ni sems dang yid la bya ba rab tu sbyong / sngon gyi mtha'i mur thug pa'i las yang dag pa ma yin pas 'jig rten gyi don du g.yen spyo ste/ mig ces par sha thang ba </font><hr>38-1-289a<br><font size=+1>
la bsam pas ni da ltar byung ba'i don shin tu gces pa la legs par bsgrub pa rnam par sems/ sngon gyi mtha'i mur thug pa'i yongs su rtog pa yang dag pa ma yin par rnam par brtags pa las byung ba phyin ci log gis yid la bya ba kun nas 
glags pa la bsam pas ni/ byang chub sems dpa'i spyod pa thams cad yang dag pa'i rtog pas mngon par 'du bya ba'i stobs yang dag par bskyed/ 'das pa'i lus kyis bdag gi don gyi sbyor ba la rtsom rtsom pa'i yul la yongs su bsam pas ni/ sems can 
thams cad kyi sbyor ba las khyad par du 'phags par lhag pa'i bsam pa'i stobs rab tu brtan par byed/sngon 'dod pa yongs su tshol tshol ba'i spyod pa ro myed pa la yongs su bsam pas ni sangs rgyas kyi chos thams cad 'thob pa'i sbyor bas dbugs phyin 
pa chen po 'thob pa'i dbang po'i shugs drag po rnam par 'phel bar byed/ 'das pa'i dus kyi lhag pa'i bsam pa phyin ci log dang ldan pa'i sbyor ba la yongs su bsam pas ni/ da ltar byung ba'i dus su phyin ci log med pa dang ldan pa'i yang dag pa'i lta ba dang / byang chub 
sems dpa'i smon lam la yi dam bca' bas sems kyi rgyud yongs su rgyas par byed/ sngon gyi mtha'i brtson 'grus brtsams pa mi cha la don ma yin pa dang / yongs su ma grub pa'i brtson 'grus nyams su blangs pa la yongs su bsam pas ni/ da ltar byung ba'i 
dus su sangs rgyas kyi chos yongs su bsdu ba la sta gon du gnas pa'i brtson 'grus chen po rtsom pa'i rnam par gnon pas lus dang sems kyi gzengs mtho ba yang dag par bskyed/ sngon gyi mtha'i mur thug pa'i 'gro ba lnga'i rgyud kyi ngan song du bdag dang gzhan bor ba la 
brtag pas lus 'tsho ba med pa yongs su gzung ba la yang dag par bsam pas ni/ sangs rgyas kyi chos thams cad yongs su bsgrub pa dang / 'gro ba thams cad nye bar 'tsho ba dang / dge ba'i bshes gnyen thams cad bsnyen bkur bar nus pa'i lus </font><hr>38-1-289b<br><font size=+1>
yongs su bzung bas dga' ba dang mos pa'i shugs drag po rgya chen po rnam par 'phel bar byed/ da ltar byung ba'i tsher mngon par grub kyang rga ba dang na ba dang 'chi ba dang mya ngan gyi 'byung gnas su gyur te 'du ba dang 'bral ba'i/ gter du gyur pa'i lus kyang phyi ma'i 
mtha'i bskal pa'i mur thug par byang chub sems dpa'i spyad pa spyod pa la brtson pa dang / sems can yongs su smin par bya ba dang /sangs rgyas kyi chos yongs su bsdu ba la brtson pa dang / de bzhin gshegs pa'i zhal lta zhing zhing thams cad du rgyu ba dang / chos 
smra ba thams cad la rim gror bya ba dang / de bzhin gshegs pa thams cad kyi bstan pa yongs su bzung ba la brtson pa dang / chos thams cad yongs su btsal ba'i grogs su gyur pa dang / dge ba'i bshes gnyen thams cad mthong bar bya ba dang / sangs 
rgyas kyi chos thams cad yang dag par bsdu ba la brtson pa'i byang chub sems dpa'i smon lam dang / ye shes kyi lus kyi rgyu dang rkyen du gyur ba la bltas shing dge ba'i rtsa ba'i dbang po dang / shugs bsam gyis mi khyab pa rnam par 'phel bar byed cing de lta 
bu'i sems dang / de lta bu'i yid la bya ba dang / tshul bzhin de lta bu la rab tu brtson pa dang / byang chub sems dpa' thams cad kyi mos pas yang dag par bsgrubs pa'i dad pa dang / byang chub sems dpa' thams cad kyi bsam pa yongs su bsgrubs pa'i 
nye bar sems pa dang / byang chub sems dpa' thams cad kyi lhag pa'i bsam pas sgro btags pa'i rim gro dang / byang chub sems dpa' thams cad kyi dbang po dang bar sgro btags pa'i phu dud dang / byang chub sems dpa' thams cad kyi ston pa la 
mos pas yang dag par bsgrubs pa'i dbang po dang ba'i shugs dang / byang chub sems dpa' thams cad la rim gros byung ba'i sems kyi mos pa dang / byang chub sems dpa' thams cad kyi dad pa las yongs su byung ba'i dge ba'i rtsa ba'i tshogs dang /</font><hr>38-1-290a<br><font size=+1>
byang chub sems dpa'i mngon par 'du bya ba thams cad las yongs su grub pa'i mchod pa rnam pa tha dad pa dang / byang chub sems dpa' thams cad dang mnyam pa'i lus kyi thal mo sbyar ba dang / 'gro ba'i lus thams cad du yongs su byung ba'i 
mig rnam pa sna tshogs kyis blta ba dang / 'gro bar ming btags pa thams cad du sgro btags pa'i byang chub sems dpa' thams cad kyi chos mnyam pa nyid rnams dang / byang chub sems dpa' thams cad kyi smon lam gyis sprul pa las byung bar sgro btags pa'i lus kyis 
btud cing phyag bya ba tshad med pa dang / byang chub sems dpa' thams cad kyi dbyangs kyi yan lag rnam par dag pa las byung ba'i legs par brjod pa'i rgyan mngon par bsgrub pa dang / sngon gyi mtha' dang da ltar byung ba'i dus su byung ba'i sems can gyi gnas thams cad yongs 
su rgyas pa'i de bzhin gshegs pa'i pho brang mngon du byas pa'i 'du shes kyi rnam pa dang / de bzhin gshegs pa dang / byang chub sems dpa'i rnam par 'phrul bas mngon par rdzogs par 'tshang rgya ba thams cad du khyab pa dang / skra'i rtse mo gcig las kyang lhag pa 
med par byang chub sems dpa' thams cad kyi lus kyis rgyas par 'gengs ba'i rjes su song ba dang / byang chub sems dpa' thams cad kyi mig gi lam rnam par dag par sgro btags pa'i mngon par shes pa snang bas rnam par dmyigs pa dang / phyogs kyi dra ba tha dad 
pa thams cad kyi rjes su song ba'i yid kyi skye mched dang / chos kyi dbyings kyi gzhi tha dad pa rgyas par 'gengs pa'i smon lam mngon par bsgrubs pa'i stobs dang / chos thams cad la 'jug pa'i sgo nam mkha'i dbyings kyis klas te/ mthas gtugs pa thams cad du 
khyab la/ dus gsum du tha mi dad cing rgyun mi 'chad pa dang / dad pa dang mos pa la 'jug pa'i stobs dge ba'i bshes gnyen gyi gdams ngag snang ba'i phyogs la zhugs pas yul rgya mtsho'i 'gram gang na ba der phyin te/ de ltar tshong dpon gyi bu nor bzangs rim </font><hr>38-1-290b<br><font size=+1>
gro dang / phu dud dang / mchod pa dang / bstod pa dang / phyag bya ba dang / blta ba'i byin gyi rlabs dang / smon lam dang / 'du shes kyi rjes su song ba de lta bu'i yid dang ldan pa dang / ye shes kyi spyod yul tshad med pa'i sa de lta bu la zhugs pa'i ye shes kyi mig gis khang pa 
brtsegs pa chen po rnam par snang mdzad kyi rgyan gyis brgyan pa'i snying po'i sgo nas lus thams cad kyis phab ste/ phyag byas so/ /des rnam pa de lta bu'i mngon par bsgrub pa'i tshul yud tsam tu rnam par dpyad de mos pa dang dad pa las byung ba'i lhag pa'i bsam pa dang / smon lam gyis 
mngon par bsgrubs pa'i mthus de bzhin gshegs pa thams cad kyi zhabs kyi drung du bdag nyid rgyun mi 'chad par byin gyis brlabs so/ /de bzhin du byang chub sems dpa' thams cad dang mngon sum du gnas pa dang / dge ba'i bshes gnyen gyi gnas thams cad dang / de bzhin 
gshegs pa'i mchod rten thams cad dang / de bzhin gshegs pa'i sku gzugs thams cad dang / sangs rgyas dang byang chub sems dpa'i pho brang thams cad dang / chos rin po che'i gnas thams cad dang / nyan thos dang rang sangs rgyas thams cad kyi gnas dang / 
mchod rten thams cad dang / mngon sum du gnas pa nas/ 'phags pa'i tshogs dang sbyin pa'i gnas dang / bla ma dang pha ma thams cad kyi bar gyi 'gro ba'i tshogs thams cad dang / mngon sum du gnas pa rgyun mi 'chad par ye shes kyi lus tha mi dad pa'i tshul la 
'jug pa thams cad kyi rjes su song ba dang / 'du shes kyi byin gyi rlabs dang / ye shes yid la bya bas byin gyis brlabs so/ /khang pa brtsegs pa chen po rnam par snang mdzad kyi rgyan gyis brgyan pa'i snying po'i sgo nas ji lta ba de bzhin du gong du brjod pa'i dmigs pa 
thams cad la yang / chos kyi dbyings thams cad rgyas par 'gengs pa'i 'dud cing phyag bya bar byin gyis brlabs so/ /de bzhin du phyi ma'i mtha'i mur thug par rgyun 'chad pa med par byin gyis brlabs te/ nam mkha'i dbyings tshad med pa dang mnyam pa nyid dang /</font><hr>38-1-291a<br><font size=+1>
chos kyi dbyings sgrib pa med pa dang mnyam pa nyid dang / yang dag pa'i mtha' thams cad kyi rjes su song ba dang / mnyam pa nyid dang / de bzhin nyid rnam par mi rtog pa dang mnyam pa nyid dang / grib ma lta bu'i ye shes dang / 'du shes kyis 
rgyas par dgang ba mnyam pa nyid dang / rmi lam lta bu'i rnam par dpyod pa dang mnyam pa nyid dang / gzugs brnyan lta bu'i 'jig rten dang / 'gro ba thams cad rnam par dmigs pa'i mnyam pa nyid dang / rgyu dang rkyen las byung bas sgra brnyan lta bu'i mnyam pa nyid dang / 'byung 
ba dang 'jig pa mi skye ba dang / mnyam pa'i mnyam pa nyid dang / rkyen dang rten pa'i rgyud dngos po med pa'i rang bzhin dang mnyam pa'i mnyam pa nyid kyis las ji lta ba bzhin du yongs su byung ba'i rnam par smin pa la ni mos par byed/ rgyu ji lta ba bzhin du yongs su byung ba'i 
'bras bu la ni mos par byed/ bstsags pa ji lta ba bzhin du yongs su byung ba'i bya ba thams cad la ni mos par byed/ dang ba las yongs su byung ba'i de bzhin gshegs pa byung ba thams cad la ni mos par byed/ mos pa ji lta ba bzhin du yongs su byung ba'i sangs rgyas 
mchod pa'i sprul pa thams cad la ni mos par byed/ rim gro las byung ba'i de bzhin gshegs pa'i sprul pa thams cad la ni mos par byed/ dge ba'i rtsa ba'i tshogs las yongs su byung ba'i sangs rgyas thams cad kyi chos nyid la ni mos par byed/ shes rab dang 
thabs las yongs su byung ba'i rgyan yid kyi rang bzhin tu bsgrubs pa thams cad la ni mos par byed/ smon lam las yongs su byung ba'i sangs rgyas kyi chos thams cad la ni mos par byed/ bsngo ba las yongs su byung ba'i byang chub sems dpa'i spyod pa thams cad dang / 
chos kyi dbyings thams cad mkhyen pa'i yul du gyur pa rnam par bsgrub pas rgyas par dgang ba'i rgyan la ni mos par byed cing yongs su bsngo ba'i ye shes chad pa'i 'du shes dang bral ba dang / skye ba med pa'i ye shes rtog pa'i 'du shes med pa dang / yang dag </font><hr>38-1-291b<br><font size=+1>
pa'i spyod pa la 'jug cing rgyu nye bar stsogs pa'i ye shes rgyu dang bya ba'i lta ba med pa dang / phyin ci log med pa'i ye shes phyin ci log gi lta ba dang bral ba dang / gzhan gyi dring mi 'jog pa'i ye shes dbang phyug tu lta ba med pa dang / rten pa la 'jug pa'i ye shes bdag dang 
pha rol gyi 'du shes kyi lta ba dang / bral ba dang / chos kyi dbyings mtha' dang dbus med pa la 'jug pa'i ye shes mthar 'dzin pa'i lta ba dang bral ba dang / gzugs brnyan lta bur mngon par grub pa'i ye shes 'pho ba'i lta ba med pa dang / mi skye mi 'gag pa'i ye shes 
skye ba dang / 'jig pa'i lta ba dang bral ba dang / stong pa nyid kyis mi skye ba'i ye shes lta ba'i rnam pa thams cad dang bral ba dang / smon lam mngon par sgrub pa'i ye shes kyi stobs dbang phyug med pa'i chos nyid rab tu rtogs pa dang / mtshan ma med pa'i mtha'i sgo dang ldan pa'i ye shes 
mtshan ma thams cad dang bral bas sa bon las myu gu chud mi za ba'i chos nyid dang / rgya las rgya'i gzugs brnyan 'byung ba'i chos nyid dang / gzugs las gzugs brnyan 'byung ba'i chos nyid dang / sgra brnyan dang sgrar mnyam pa rnam par dmigs pa'i chos nyid 
dang rnam par dpyod pa dang / rmi lam du mnyam par rnam par dmigs pa'i chos nyid dang / sgyu ma'i rnam pa ltar las las yongs su byung ba'i chos nyid dang / sems gzugs med pas 'jig rten yongs su bskyed pa'i chos nyid dang / rkyen dang rgyu 
ji ltar bstsags pa bzhin du/ 'bras bu 'byung ba'i chos nyid dang las ji ltar bstsags pa dang / mnyam par rnam par smin pa 'byung ba'i chos nyid dang / thabs mkhas pas rnam par bsgrubs pa'i chos nyid dang / chos dang chos ma yin pa mnyam pa nyid kyi mngon par 
brlan pa'i chos nyid dang / ye shes kyi rjes su 'jug pa de lta bus mngon par bsgrubs pa'i 'du shes dang / yid la bya bas tshong dpon gyi bu nor bzangs kyis khang pa brtsegs pa rnam par snang mdzad kyi rgyan gyis brgyan pa'i snying po'i sgo nas rnam pa de lta bur btud </font><hr>38-1-292a<br><font size=+1>
de/ phyag 'tshal nas yun ring mo zhig lon pa dang / dge ba'i rtsa ba'i shugs bsam gyis mi khyab pas mngon par brlan pa'i sems dang ldan pa lus dang sems shin tu sim par gyur pa de/ khang pa brtsegs pa'i sgo'i gnas nas langs te/ 
yud tsam zhig tu khang pa brtsegs pa chen po rnam par snang mdzad kyi rgyan gyis brgyan pa'i snying po de la mig mi 'gebs pas bltas nas/ thal mo sbyar te lan brgya stong du mar g.yas phyogs su bskor ba byas nas/ de lta bu'i 'du shes dang / yid la bya bas bskul ba'i sems dang 
ldan pas/ tshig tu brjod pa 'di ni stong pa nyid dang / mtshan ma med pa dang / smon pa med pa'i gnas la rnam par spyod pa rnams kyi gnas so/ /'di ni chos thams cad la rnam par mi rtog pa'i gnas la rnam par spyod pa rnams kyi gnas so/ /chos kyi dbyings tha mi dad pa'i gnas la rnam par spyod pa sems can gyi 
khams mi dmigs pa'i gnas la rnam par spyod pa/ chos thams cad mi skye ba'i gnas la rnam par spyod pa/ 'jig rten thams cad gnas med pa'i gnas la rnam par spyod pa/ 'gro ba thams cad kyi gnas gnas myed pa'i gnas la rnam par spyod pa/ gnas 
thams cad rnam par bsgoms pa'i gnas la rnam par spyod pa/ brten pa thams cad la mi rten pa'i gnas la rnam par spyod pa/ lus thams cad la mi rten pa'i gnas la rnam par spyod pa/ 'du shes kyi rnam pa thams cad bstsal ba'i gnas la rnam par spyod pa 
rnams kyi gnas so/ /'di ni chos thams cad rang bzhin med pa'i gnas la rnam par spyod pa rnams kyi gnas so/ /rtog pa dang rnam par rtog pa dang / yongs su rtog pa thams cad du/ rnam par mi rtog pa'i gnas la rnam par spyod pa/ 'du shes dang sems dang 
yid thams cad kyis rnam par dben pa'i gnas la spyod pa/ lam thams cad blang ba med pa dang / dor ba med pa'i gnas la rnam par spyod pa/ shes rab kyi pha rol tu phyin pa zab mo la 'jug pa'i gnas la rnam par spyod pa/ sgo kun nas chos kyi dbyings rgyas par </font><hr>38-1-292b<br><font size=+1>
'gengs pa thabs kyi gnas la rnam par spyod pa/ nyon mongs pa thams cad zhi zhing nye bar zhi ba'i gnas la rnam par spyod pa/ lta ba dang srid pa dang / nga rgyal thams cad spongs pa'i shes rab shas che ba'i gnas la rnam par spyod pa/ bsam gtan dang / rnam par thar 
ba dang / ting nge 'dzin dang / snyoms par 'jug pa dang / mngon par shes pa dang / rig pa bskyed pa thams cad la rnam par rol ba'i gnas la rnam par spyod pa/ byang chub sems dpa' thams cad kyi ting nge 'dzin gyi spyod yul bsgoms pa'i gnas la rnam par spyod pa 
rnams kyi gnas so/ /'di ni sangs rgyas thams cad kyi zhabs kyi drung na nye bar gnas pa'i gnas la rnam par spyod pa rnams kyi gnas so/ /'di ni gang de dag bskal pa gcig la bskal pa thams cad dang / bskal pa thams cad la bskal ba gcig tu 'jug 
pa'i gnas la rnam par spyod pa/ gang de dag zhing gcig dang zhing thams cad dang / zhing thams cad dang zhing gcig tu tha mi dad pa'i gnas la rnam par spyod pa/ gang de dag chos gcig dang chos thams cad du/ chos thams cad dang chos gcig tu myi 'gal 
ba'i gnas la rnam par spyod pa/ gang de dag sems can gcig dang / sems can thams cad dang / sems can gcig tu tha mi dad pa'i gnas la rnam par spyod pa/ gang de dag sangs rgyas gcig dang / sangs rgyas thams 
cad du sangs rgyas thams cad dang / sangs rgyas gcig tu myi gnyis pa'i gnas la rnam par spyod pa/ gang de dag dus thams cad la skad cig gcig gis 'jug pa'i gnas la rnam par spyod pa/ gang de dag sems bskyed pa gcig gis zhing thams cad du 
'gro ba'i gnas la rnam par spyod pa/ gang de dag sems can thams cad kyi gnas su gzugs brnyan snang ba'i gnas la rnam par spyod pa/ gang de dag 'jig rten thams cad la phan pa dang bde ba'i sems kyi gnas la rnam par spyod pa/ gang de dag thob par bya ba thams cad </font><hr>38-1-293a<br><font size=+1>
rang la rag las pa'i gnas la rnam par spyod pa de dag gi gnas so/ /'di ni gang de dag 'jig rten gyi gnas thams cad las gyen du 'phags kyang sems can thams cad yongs su smin par bya ba'i phyir 'gro ba thams cad kyi gnas na snang 
ba dang / gang de dag zhing thams cad la mi gnas kyang / de bzhin gshegs pa thams cad la mchod pa bya ba'i phyir zhing thams cad du rjes su spyod pa dang / gang de dag sangs rgyas kyi zhing thams cad kyi rgyan yongs su gzung ba'i phyir zhing thams cad du rjes 
su spyod kyang gnas nas g.yo ba med pa dang / gang de dag de bzhin gshegs pa thams cad kyi zhabs kyi drung na 'dug kyang sangs rgyas kyi 'du shes su mngon par zhen pa dang bral ba dang / gang de dag dge ba'i bshes gnyen thams cad la rten pa'i gnas la rnam 
par spyod kyang 'gro ba thams cad na de'i ye shes la mnyam zhing 'dra ba med pa dang / gang de dag bdud kyi gnas thams cad na spyod kyang 'dod pa'i yon tan gyi dga' ba dang bral ba dang / gang de dag 'du shes kyi rnam pa'i gnas thams cad la rnam par spyod kyang 'du shes 
kyi rnam pa thams cad rnam par bstsal ba'i yid dang ldan pa dang / gang de dag 'gro ba thams cad du khyab pa'i lus dang ldan yang bdag dang sems can du gnyis su bya bar mi spyod pa dang / gang de dag 'jig rten gyi khams thams cad kyi khongs su chud pa'i lus dang ldan 
yang / chos kyi dbyings tha dad du bya ba'i gnas la rnam par mi spyod pa dang / gang de dag ma 'ongs pa'i bskal pa thams cad du gnas par bya ba'i smon lam dang ldan yang / bskal pa ring ba dang / thung ba'i 'du shes kyi rnam pas rnam par mi spyod pa dang / gang de dag skra'i rtse mo 
gcig nas mi g.yo yang / 'jig rten gyi khams thams cad du snang ba de lta bu bsgrub dka' ba'i chos kyi phyogs la 'jug pa rnam par spyod pa de dag gis gnas so/ /'di ni zab mo'i gnas la rnam par spyod pa mi gnyis pa'i gnas la rnam par spyod pa/ mtshan </font><hr>38-1-293b<br><font size=+1>
nyid med pa'i gnas la rnam par spyod pa/ gnyen po med pa'i gnas la rnam par spyod pa/ mi dmyigs pa'i gnas la rnam par spyod pa/ spros pa med pa'i gnas la rnam par spyod pa/ byams pa chen po dang / snying rje chen po'i gnas la rnam par spyod pa/ nyan thos dang / 
rang sangs rgyas thams cad kyis chud par dka' ba'i gnas la rnam par spyod pa/ bdud kyi yul thams cad las yang dag par 'das pa'i gnas la rnam par spyod pa/ 'jig rten gyi yul thams cad kyis ma gos pa'i gnas la rnam par spyod pa/ byang chub sems dpa' 
thams cad kyi gnas kyi pha rol tu phyin pa'i gnas la rnam par spyod pa/ sangs rgyas thams cad kyi gnas dang mthun pa'i gnas la rnam par spyod pa rnams kyi gnas so/ /gang de dag mtshan ma thams cad dang bral ba'i gnas la rnam par spyod kyang nyan thos kyi skyon med 
par mi 'jug pa dang / gang de dag chos thams cad skye ba med pa'i gnas la rnam par spyod kyang mi skye ba'i chos nyid du mi ltung ba dang / gang de dag mi sdug pa'i gnas la rnam par spyod kyang 'dod chags dang bral ba'i chos nyid mngon du mi byed de 'dod chags kyi chos 
dang yang lhan cig mi gnas pa dang / gang de dag byams pa'i gnas la rnam par spyod kyang zhe sdang gi dri ma'i rjes su song ba'i sems med pa dang / gang de dag rten cing 'brel ba'i gnas la rnam par spyod kyang chos thams cad la shin tu rmongs pa med pa dang / 
gang de dag bsam gtan bzhi'i gnas la rnam par spyod kyang bsam gtan gyi dbang gis mi skye ba dang / gang de dag tshad med pa bzhi'i gnas la rnam par spyod kyang sems can yongs su smyin par bya ba'i don du gzugs kyi khams kyi lam gyi rgyud du mi 'dong ba 
dang / gang de dag gzugs med pa'i snyoms par 'jug pa bzhi'i gnas la rnam par spyod kyang snying rje chen pos yongs su zin pas gzugs med pa'i khams kyi lam gyi rgyud du mi 'dong ba dang / gang de dag zhi gnas dang lhag mthong gi gnas la rnam par spyod </font><hr>38-1-294a<br><font size=+1>
kyang sems can yongs su smin par bya ba'i phyir/ bdag gis rig pa'i rnam par grol ba mngon tu mi byed pa dang / gang de dag btang snyoms chen po'i gnas la rnam par spyod kyang sems can gyi khams yongs su mi gtong ba dang / gang de dag stong pa nyid 
kyi gnas la rnam par spyod kyang lta ba'i rnam pa la mi gnas pa dang / gang de dag mtshan ma med pa'i spyod yul dang ldan yang mtshan ma la spyod pa'i sems can rnam par gdul ba la brtson pa dang / gang de dag smon lam thams cad dang bral ba yin yang byang chub sems dpa'i 
spyod pa'i smon lam gyi rgyun mi 'chad pa dang / gang de dag las dang nyon mongs pa thams cad la dbang bsgyur yang sems can yongs su smin par bya ba'i don du las dang nyon mongs pa'i rjes su 'brang bar snang ba dang / gang de dag shi 'pho dang skye ba yongs su shes kyang tshe'i shi 'pho dang skye ba 
yongs su ston pa dang / gang de dag 'gro ba thams cad las rnam par log kyang sems can gdul ba'i dbang gis 'gro ba thams cad du 'dong ba dang / gang de dag byams pa la rnam par spyod kyang gang la yang chags par rnam par spyod pa med pa dang / gang de dag snying rje la rnam 
par spyod kyang gang la yang chags par lta bas rnam par spyod pa ma yin pa dang / gang de dag dga' ba la rnam par spyod kyang sems can sdug bsngal ba la rnam par blta bas rtag tu mi dga' ba dang / gang de dag btang snyoms la rnam par spyod kyang gzhan gyi don la 
rtag tu 'bad pa dang / gang de dag mthar gyis gnas pa'i snyoms par 'jug pa dgu la rnam par spyod kyang 'dod pa'i khams su skye ba la mi smod pa dang / gang de dag skye ba thams cad la mi gnas par rnam par spyod kyang yang dag pa'i mtha' mngon du bya ba la rnam par mi 
spyod pa dang / gang de dag rnam par thar pa gsum la rnam par spyod kyang nyan thos kyi rnam par thar pa thob par bya ba la rnam par mi spyod pa dang / gang de dag 'phags pa'i bden pa bzhi rnam par lta ba la rnam par spyod kyang 'bras bu mngon du bya ba'i phyir rnam par mi spyod pa dang gang de </font><hr>38-1-294b<br><font size=+1>
dag rten cing 'brel par 'byung ba zab mo brtags pa la rnam par spyod kyang shin tu 'gog par ltung bar rnam par mi spyod pa dang / gang de dag 'phags pa'i lam gyi yan lag brgyad bsgom pa la rnam par spyod kyang shin tu 'byung ba la rnam par mi spyod pa dang / gang de dag so so'i skye 
bo'i sa las shin tu 'das par rnam par spyod kyang nyan thos dang / rang sangs rgyas kyi sar ltung ba la rnam par mi spyod pa dang / gang de dag nye bar len pa'i phung po lnga yongs su shes pa la rnam par spyod kyang phung po shin tu 'gog par ltung ba la rnam par mi spyod pa dang / gang 
de dag bdud kyi las bzhi las shin tu 'das par rnam par spyod kyang bdud du rtog pa la rnam par mi spyod pa dang / gang de dag skye mched drug las shin tu 'das par rnam par spyod kyang shin tu mngon par 'grub pa la rnam par mi spyod pa dang / gang de dag de bzhin nyid la rnam 
par spyod kyang yang dag pa'i mthar ltung ba la rnam par mi spyod pa dang / gang de dag theg pa thams cad kyis 'byung ba yongs su ston pa la rnam par spyod kyang theg pa chen po las nyams pa la rnam par mi spyod pa de dag de lta bur yon tan gyi gnas thams cad la rnam par spyod 
pa rnams kyi gnas so/ /de nas tshong dpon gyi bu nor bzangs kyis de'i tshe tshigs su bcad pa 'di dag smras so/ /'di la thugs rje chen po brnyes pas rnam dag pa/ /byams pa bshes gnyen dpal chen 'jig rten phan brtson pa/ /dbang bskur sa gnas 
rgyal ba'i sras kyi thu bo ste/ /sangs rgyas yul la rjes su dgongs shing rnam par spyod/ /rgyal ba'i sras po grags pa chen po mnga' ba rnams/ /ye shes chen po'i spyod yul rnam thar bzhugs pa dag /gang rnams chos dbyings kun tu thogs med rnam 
rgyu ba/ /dpe zla med pa de dag gnas ni 'di 'dra yin/ /dus sbyin tshul khrims bzod pa brtson 'grus stobs kyis 'phags/ /bsam gtan mngon shes stobs kyi mthar phyin shes rtogs pas/ /shes rab thabs dang smon lam stobs la gnas pa rnams/ /</font><hr>38-1-295a<br><font size=+1>
theg chen pha rol phyin pa rnams kyi gnas 'di yin/ /'di ni chags med blo gros bsam pa rgya chen te/ /nam mkha'i spyod yul ldan pa mi gnas mi rten pa/ /dus gsum thams cad rgyas 'gengs bsgribs pa med pa'i rnams/ /srid kun dngos po 
rnam par bsgoms pa rnams kyi gnas/ /gang rnams chos kun mi skye'i tshul la zhugs pa rnams/ /chos kyi rang bzhin nam mkha'i dngos nyid rtogs mdzad la/ /ci la'ang gnas pa mi mdzad nam mkha'i bya bzhin te/ /mkhyen pas bsnyengs pa mi mnga' de dag gnas 
'di yin/ /gang rnams 'dod chags zhe sdang gti mug rang bzhin dngos/ /rtog pa'i rgyus bskyed phyin ci log las byung mkhyen nas/ /'dod chags bral ba'ang rnam par rtog pa mi mdzad pa/ /zhi dang nye bar zhi ldan de dag gnas 'di yin/ /gang rnams rnam par 
thar dang bden tshul 'phags lam dang / /phung po de bzhin khams dang skye mched rten pa'i dngos/ /yongs su rtogs mdzad mkhas pa zhi bar mi ltung ba/ /shes rab thabs la mkhas pa de dag gnas 'di yin/ gang rnams sgrib pa med pa'i ye shes phyogs 
zhugs shing / /rgyal ba'i zhing la yongs rtog rnam rtog kun zhi la/ /chos rnams dngos po'i rang bzhin med par rtogs mdzad pa/ /zhi bar gzhol ba de dag gnas ni 'di 'dra'o/ /gang rnams chags med spyod pas chos dbyings 'di dag tu/ /dngos dang bral bar 
rnam spyod mkha' yi rlung 'dra ba/ /dngos po kun dang bral zhing dngos med rnam spyod pa/ /mi gnas blo mnga' de dag gnas ni 'di yang 'dra/ /gang rnams ngan song rgyud du 'gro ba song gyur te/ /sdug bsngal nad pa mi bde nyams su myong gzigs shing / /byams 
pa'i 'od kyis ngan song thams cad zhi mdzad pa/ /byams dang thugs rje'i thugs mnga' de dag gnas 'di yin/ /nyam nga'i 'khor na gnas shing 'phags lam gol gyur te/ /'dron pa dmus long dmyigs dang bral bar 'gyur 'dra ba'i/ /'jig rten </font><hr>38-1-295b<br><font size=+1>
gzigs shing thar lam rab la 'god mdzad pa/ /'dron po'i bsel rab 'dra ba de dag gnas 'di yin/ /gang rnams skye dang mya ngan rga shi dbang gyur pa'i/ /'gro ba bdud kyi zhags pas yongs su bcings gzigs shing / /rnam par bkrol nas mi 'jigs phyogs 
bder 'don mdzad pa/ /dpa' bo de dag thub par dka' ba'i gnas 'di yin/ /nyon mongs nad pa'i 'gro mang gang gis gzigs gyur cing / /ye shes bdud rtsi sman chen yongs su bsdu mdzad nas/ /thugs rje chen po bskyed cing yongs su 'grel mdzad pa/ /sman 
pa'i rgyal po chen po 'dra ba'i gnas 'di yin/ /gang gis 'gro mang sdug bsngal mgon med gyur pa rnams/ /nyon mongs gtos su lhung ste tsham gyi mtshor lhung ba/ /gzigs shing dge ba'i chos kyi gru chen yongs sbyar ste/ /sgrol mdzad mnyan pa'i bu 'dra 
de dag gnas 'di yin/ /gang gis nyon mongs rgya mtsho spyod pa'i 'gro gzigs shing / /thams cad mkhyen thugs rin chen dgongs dag sems can mchog /srid pa'i rgya mtshor gshegs shing mngon par 'dren mdzad pa/ /mnyan pa'i bu ltar spyod pa de dag 
gnas 'di yin/ /smon lam gnas na bzhugs shing thugs rje byams spyan gyis/ /gang rnams sems can gnas su rnam par gzigs mdzad cing / /srid pa'i rgya mtsho gnas pa'i 'gro mang mngon 'don pa/ /mkha' lding gzhon 'dra de dag gnas ni 
'di 'dra'o/ /gang rnams chos dbyings mkha' la nyi zla 'dra tshul du/ /sems can gnas su 'od kyis khyab par rnam spyod pa/ /smon lam dkyil 'khor ye shes dri med bzang po'i 'od/ /'jig rten snang bar mdzad pa de dag gnas 'di yin/ /gang 
rnams sems can gcig ni yongs su smin bya'i phyir/ /phyi mtha'i bskal pa bye ba zad du brtan gnas la/ /sems can gcig la ji bzhin de bzhin 'gro ba kun/ /'jig rten mgon du gyur pa de dag gnas 'di yin/ /gang rnams 'byam klas zhing gcig phyi mtha'i </font><hr>38-1-296a<br><font size=+1>
bskal bar yang / /'gro don brtson 'grus skyo med spyod pa rnam spyod pa/ /zhing gcig ji bzhin de bzhin phyogs rnams kun tu ste/ /bsam pa rdo rje bzhin brtan de dag gnas 'di yin/ /gang rnams phyogs bcu'i bde gshegs rnams kyi 
chos sprin la/ /stan gcig gnas bzhin rmongs pa med par 'thung byed kyang / /phyi mtha'i bskal pa khrag khrig 'grangs par mi ngoms sems/ /blo chen rgya mtsho lta bu'i gnas ni 'di 'dra'o/ /gang rnams zhing mang rgya mtsho brjod du med 'dong zhing / /
mgon po'i 'khor rnams rgya mtshor yongs su 'jug byed la/ /rgyal ba'i mchod pa sna tshogs rgya mtsho rab byed pa/ /chags med spyod yul mnga' ba de dag gnas 'di yin/ /brtan pa grangs rnams smon lam rgya mtshor 'jug byed cing / /spyod pa rgya mtshor 
mtha' dang dbus med zhugs gyur te/ /'gro la phan phyir bskal pa rgya mtsho mang spyod pa/ /yon tan 'byung gnas de dag gnas ni 'di 'dra 'o/ /gang rnams skra rtse gcig tu zhing rnams thams cad dang / /sangs rgyas thams cad bskal pa mtha' dang dbus 
med pa/ /'dzud cing de yi tshul la 'jug kyang rmongs myed pa/ /chags pa med pa'i mig can rnams kyi gnas 'di yin/ /gang rnams sems kyi skad cig gcig la rgya mtsho yi/ /bskal ba 'dzud byed zhing dang sangs rgyas 'gro ba rnams/ /de bzhin 
'dzud byed bsgribs med ye shes dran gnas pa/ /yon tan mthar phyin de dag gnas ni 'di 'dra'o/ /gang rnams zhing mang thams cad rdul du bgrang byas shing / /chu bo ma lus thams cad thigs pas tshad bzung ste/ /de snyed grangs su smon lam mngon 
par sgrub byed pa/ /chags med bgrang ba de dag gnas ni 'di 'dra'o/ /smon lam gzungs dang ting 'dzin sgo la 'jug bya ba/ /bsam gtan rnam thar smon lam sgo rnams de bzhin te/ /bskal pa mtha' yas mngon par sgrub cing rnam </font><hr>38-1-296b<br><font size=+1>
spyod pa/ /bde gshegs sras po dgongs ldan de dag 'dir 'dong ngo / /'di na gnas pa rgyal sras rnam pa sna tshogs te/ /tshig dang don ldan gtsug lag mang po mngon par sgrub/ /'gro la bder 'gyur bzo yi gnas su bya ba dag /rjes su sems shing dam 
pa'i gnas na rnam par spyod/ /'di na gnas pa mngon shes thabs dang ye shes kyis/ /phyogs bcu'i sems can 'gro rgyud sna tshogs ji snyed pa/ /kun tu skye zhing 'chi ba'i khyad par rnam par ston/ /rnam thar sgyu ma'i tshul gnas chags med spyod dang ldan/ /
'di na gnas pa thog mar sems bskyed nyer bzung zhing / /chos bzang mthar thug chos kyi spyod pa yongs su ston/ /sprul pa'i sprin gyis chos dbyings yongs su rgyas bkang zhing / /de bzhin rnam 'phrul brgya mang kun kyang nye bar ston/ /gang rnams 
sems kyi cha gcig byang chub rnam sangs rgyas/ /ye shes blo gros mtha' dang dbus med las 'jug pa/ /thos te rnam par bsams na 'jig rten rmongs su rung / /thub par dka' ba de dag gnas ni 'di 'dra'o/ /'di ni chags med blo gros rnams/ /chos 
dbyings bsgribs pa med pa'i rnam par spyod byed pa/ /dmyigs pa med pa'i spyod yul can/ /dri med bsam pa'i blo gros gnas yin no/ gang rnams chags pa med spyod cing / /zhing rnams kun tu gnas pa med par rnam spyod pa/ /mi gnyis shes la spyod pa 
yi/ /mnyam pa med pa de dag gnas 'di yin/ /gang rnams nam mkha'i rang bzhin dang / /mnyam pa'i chos rnams gnas med zhi ba rtogs gyur te/ /gang rnams mkha' yul rnam spyod pa/ /rdul dang bral ba de dag gnas 'di yin/ /'di na snying rje'i 
sems ldan pa/ /gnas shing 'gro ba sdug bsngal gzir ba mthong gyur nas/ /'jig rten phan par bsam brtson te/ /snying rje chen po brnyes pa rnam par spyod/ /'di nas mi snang med gsal bar/ /sems can kun gyi gnas su thogs pa med par snang / /nyi ma zla ba'i dkyil </font><hr>38-1-297a<br><font size=+1>
'khor bzhin/ /'khor ba'i zhags pa kun las rnam par grol/ /rgyal sras de dag 'di na gnas/ /rgyal ba rnams kyi zhabs drung thams cad kun na yang / /zhing rnams kun tu rab tu 
snang / /mtha' yas bskal pa rnams kyang zad par mdzad/ /'di nas 'gro ba'i lus mnyam dang / /rgyal sras kun gyi lus dang grangs mang mnyam pa yi/ /sprul pa'i sprin gyis phyogs kyi rnams/ /ma lus thams 
cad rgyas par 'gengs pa mdzad/ /'di na bzhugs pa'i dpa' bo rnams/ /rgyal ba'i spyod yul thams cad yongs su 'jal byed cing / /bskal pa bye bar rnam spyod kyang / /yongs su ngoms par 'gyur ba'i dus 
med do/ /'dir ni ting 'dzin bye ba rnams/ /brjod du med pa skad cig re re rtogs byas shing / /ting nge 'dzin gyi tshul bzhin du/ /sangs rgyas yul rnams rnam par ston pa mdzad/ /'dir ni skad cig brjod med pa'i/ /
bskal ba zhing rnams sangs rgyas mtshan la rab bzhugs te/ /shin tu yangs pa'i blo ldan pa/ /bskal pa dpag tu med pa'i mthar yang 'byin/ /'di na gnas shing tshad med pa'i/ /bskal par sems rgyud gcig gis rab tu 'jug 
pa byed/ /yongs rtog 'du shes med bral yang / /'gro ba'i 'du shes dbang du ston pa byed/ /de dag ting 'dzin 'di gnas su/ /zhugs kyang dus gsum thams cad gsal bar mngon du mthong / /skad cig yud la gnas 
brten cing / /rnam thar gnas la rnam par spyod pa mdzad/ /de dag rnam spyod gnas 'di na/ /ma g.yos lus kyis skyil mo krung du 'khod bzhin du/ /zhing rnams thams cad kun tu yang / /thams cad khyab par cig car yongs su snang / /khyu mchog </font><hr>38-1-297b<br><font size=+1>
de dag 'di na gnas/ /bde gshegs rnams las chos kyi rgya mtsho yang dag 'thung / /ye shes rgya mtshor rab tu zhugs/ /mi zad yon tan rnams kyi pha rol phyin/ /'di na zhing rnams kun grangs dang / /bskal pa'i grangs dang de bzhin chos kyi grangs rnams dang / /rgyal 
ba kun gyi mtshan gyi grangs/ /sgrib med sems dpa' rnam par dgongs pa mdzad/ /rgyal sras de dag 'di na gnas/ /dus gsum zhing mang 'grangs pa thams cad ma lus par/ /de dag skad cig gcig gis kyang / /yongs su 'byung dang 'jig pa rnam par 'byed/ /
rgyal sras de dag 'di na gnas/ /rgyal ba'i spyod pa smon lam 'gro ba'i dbang po rnams/ /gnas na rnam par spyod byed kyang / /rgyal sras blo la thogs pa med pas mthong / /rdul phran gcig la gang yod pa'i/ /'khor rnams rgya mtsho zhing mang sems can de 
bzhin du/ /bskal pa rdul phran kun mnyam pa/ /sgrib pa med par mthong ba rnams kyis mthong / /rdul phran kun rtser de bzhin du/ /'khor dang zhing dang bskal pa thams cad ma lus par/ /kun kyang gzugs brnyan thabs tshul du/ /shin tu rnam phye 
yongs su mthong ba yin/ /'di nas de dag chos rnams kyi/ /rang bzhin zhing rnams kun dang dus dang bskal pa dang / /yang dag sangs rgyas de bzhin te/ /rang bzhin dngos bral 'byung ba'i tshul gyis mkhyen/ /'di gnas sems can mnyam nyid dang / /chos 
rnams mnyam pa nyid dang sangs rgyas mnyam nyid dang / /zhing dang smon lam mnyam pa nyid/ /dus gsum mnyam pa nyid la'ang de bzhin 'jug /sems can khrag khrig rnam par 'dul/ /sangs rgyas khrag khrig rnams kyang de bzhin gzhan mchod byed/ /
gzhan rnams chos la rnam par rtog /'on kyang brtan pa gnas mchog 'di na 'khod/ /bskal pa khrag khrig mang pos kyang / /de dag smon lam ye shes yul blo'i rnam pa dag /bdag gis brjod par mi nus te/ /mtha' yas blo mnga' rnams kyi shin tu </font><hr>38-1-298a<br><font size=+1>
yangs/ /de dag smad pa mi mnga' ba/ /bsgribs med spyod yul rab la shin tu dgyes pa yi/ /pho brang 'di la thal sbyar te/ /bdag kyang lus btud gus par phyag 'tshal lo/ /rgyal ba'i sras kyi thu bo ste/ /bsgribs med spyod pa mnga' ba 'phags 
pa byams pa de/ /rnam dag blo mnga' dpe med la/ /de yi rjes su bsams te phyag 'tshal lo/ /de nas tshong dpon gyi bu nor bzangs kyis khang pa brtsegs pa chen po rnam par snang mdzad kyi rgyan kyis brgyan pa'i snying po na 'khod pa'i byang chub sems dpa' rnams 
la/ de dag dang byang chub sems dpa'i bstod pa gzhan tshad med pa dag gis kyang / mngon par bstod de shin tu btud nas phyag 'tshal te/ rab tu gus par bltas nas rim gror byas te/ mngon du byas nas mchod de khang pa brtsegs pa chen po rnam par 
snang mdzad kyi rgyan gyis brgyan pa'i snying po'i sgo na/ byang chub sems dpa'i sems dpa' chen po byams pa la blta bar ni mos/ byang chub sems dpa' sems dpa' chen po byams pa dang phrad par ni dga' zhing sdod sdod pa las des byang chub sems dpa' 
byams pa khang pa brtsegs pa/ de'i phyi rol gyi phyogs gzhan zhig nas srog chags brgya stong du ma'i 'khor dang / lha dang klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po'i dbang po du mas 
mdun du byas te/ g.yas g.yon nas brgya byin dang / tshangs pa dang / 'jig rten gyi mgon po rnams kyis phyag bya zhing yul de na gnas pa gnyen bshes su 'ong ba'i bram ze brgya stong mang pos bskor cing mdun du byas te/ khang pa brtsegs pa rnam par snang 
mdzad kyi rgyan gyis brgyan pa'i snying po logs su 'ong ba mthong nas dga' rangs te/ mgu zhing nyams bde la tshim zhing yid bde ba skyes nas/ byang chub sems dpa' byams pa gang na ba der logs su mngon du bltas te/ thag ring po nas byang chub sems </font><hr>38-1-298b<br><font size=+1>
dpa' byams pa la lus thams cad kyis phab ste phyag byas so/ /de nas byang chub sems dpa' byams pas tshong dpon gyi bu nor bzangs la bltas te/ 'khor kun la lag pa g.yas pas bstan nas yang dag pa'i yon tan gyis bsngags te tshigs su bcad pa 'di dag 
smras so/ /ltos shig bsam pa yongs su dag pa 'di/ /nor bzangs nor rnams rab tu brtan pa'i bu/ /byang chub spyod pa dam pa yongs tshol zhing / /mkhas pa nga'i drung du nye bar 'ongs/ /legs par 'ongs sam snying rje byams byung khyod/ /byams pa'i dkyil 
'khor yangs pa legs 'ongs sam/ /legs par 'ongs sam blta na rab zhi ba/ /spyad pa spyod tshe dub par ma gyur tam/ /rnam dag bsam ldan tshur shog 'ongs pa legs/ /skyo med yid ldan tshur shog 'ongs pa legs/ /dbang po ma zhum tshur shog 
'ongs pa legs/ /mkhas pa spyod tshe dub pa med grang ngo / /chos rnams thams cad rnam phye'i don byung ba/ /'gro ba thams cad rnam gdul rab brtson pa/ /bshes gnyen thams cad bsnyen bkur rab zhugs pa/ /brtul zhugs mi g.yo brtan pa 
khyod 'ongs legs/ /dge ba'i lam gyis 'ongs pa bder 'ongs sam/ /yon tan lam la gnas pa bder 'ongs sam/ /rgyal ba'i lam la zhugs pa bder 'ongs sam/ /lam rnams gang du'ang ngal bar ma gyur tam/ /yon tan rang bzhin tshur shog bder 
'ongs sam/ /dge bas mngon brlan tshur shog bder 'ongs sam/ /mtha' yas spyod yul legs par bder 'ongs sam/ /'gro ba kun na khyod mthong shin tu dkon/ /thob dang ma thob mnyam pa'i yid ldan pa/ /smad dang sdug bsngal ma grags rnam 
par spangs/ /'jig rten chos la uta pal pad mo bzhin/ /yid la 'khrul med legs par bder 'ongs sam/ /g.yo dang sgyu bral bsam pa dge ldan pa/ /nga rgyal dregs med snod kyi dam pa po/ /khro dang 'tshig med khengs shing 'gying ba med/ /</font><hr>38-1-299a<br><font size=+1>
blta na sdug pa khyod mthong legs pa yin/ /tshur shog phyogs kun spyod yul mngon gyur pa/ /tshur shog rgyal ba'i mdzod rnams sgrub byed pa/ /tshur shog rgyal ba'i mdzod rnams 'phel byed pa/ /yid la dub med legs par khyod 'ongs 
sam/ /tshur shog dus gsum yul ldan 'ongs pa legs/ /chos kyi dbyings la mos pa'i dkyil 'khor ldan/ /sangs rgyas kun gyi yon tan snying por byung / /mkhas pa legs par 'ongs sam ming la lam/ /tshur shog 'jam dpal ye shes pad mo'i mchog /tshur 
shog sprin dpal char pas rnam spel ba/ /rgyal ba kun gyi sras kyis btang ba tshur/ /khyod la bsgribs pa med pa'i phyogs kyang bstan/ /ltos shig smon lam dra ba ci 'dra ba/ /chos dbyings rgyas 'gengs bsam gyis mi khyab ste/ /byang chub sems dpa'i 
spyod la lam bsgrubs pa/ /rgya che yangs byed nor bzangs 'dir 'ongs so/ /bde bar gshegs pa'i spyod yul tshol byed cing / /rdul dang bral ba'i spyod pa 'gro ba'i phyir/ /smon lam rlabs chen yongs su 'dri byed cing / /skyo ba'i yid med 'di ni 'dir 
'ongs so/ /'das pa'i mgon pos gang la bslabs mdzad de/ /de bzhin ma byon rnams kyang slob 'gyur la/ /bde gshegs bzhugs pa'i spyod par bya ba rnams/ /yongs su dris phyir 'di ni 'dir 'ongs so/ /'di ni bdag gis dge bshes chos 
smra ba/ /chos kun nan tan yongs su ston byed pa/ /byang chub sems dpa'i spyod lam yongs ston pa/ /yin zhes sems gcig bsam nas 'dir 'ongs so/ /byang chub sems dpa' bdag gis blo bskyed pa/ /sangs rgyas sras po byang chub bskyed 
byed pa/ /'di dag bdag bshes sangs rgyas bsngags pa zhes/ /de ltar dge ba'i sems kyis 'dir 'ongs so/ /'di dag bskyed pas bdag gis ma lta bu/ /yon tan 'o ma ldud pas ma ma 'dra/ /byang chub yan lag yongs su skyong ba yin/ /dge </font><hr>38-1-299b<br><font size=+1>
bshes 'di dag gnod pa rnam par zlog /rga shi mthar byed sman pa lta bu ste/ /bdud rtsi'i char 'bebs brgya byin lha dbang 'dra/ /zla ba lta bu dkar po'i phyogs kyis rgyas/ /zhi ba'i phyogs ston nyi ma gsal ba 'dra/ /dgra dang 'grogs la ri bo 'dra ba ste/ /
rgya mtsho bzhin du mi 'khrug sems dang ldan/ /yongs su skyong dang mnyan pa 'dra ba zhes/ /de 'dra'i sems kyis nor bzangs 'dir 'ongs so/ /'jigs med skyob pas dpa' bo lta bu ste/ /ded dpon mgon dang skyabs su gyur pa yin/ /'di dag bdag la bde 
stobs dmyigs yin zhes/ /de 'dra'i sems kyis dge bshes bsnyen bkur byed/ /chos kyi phyogs rnams rtag tu ston pa ste/ /sangs rgyas yon tan ye shes ston pa yin/ /ngan song ngan 'gro thams cad sbyong bar byed/ dge bshes 'di dag 
bdag la dge ba ston/ /'di dag rgyal ba'i mdzod kun stobs pa yin/ /'di dag rgyal ba kun gyi mdzod srung ste/ /'di dag rgyal ba kun gyi gsang 'dzin ces/ /de ltar mkhas pa 'di ni dge bshes bsnyen/ /ye shes phun ldan 'di las rnam par dag /
gzugs dang longs spyod cho rigs phun sum tshogs/ /'di las phun sum tshogs kun dkon pa min/ /bsam pa de 'dras 'di ni 'dir 'ongs so/ /bsam pa rlabs chen 'di la kun kyang ltos/ /mkhas pa'i dge bshes rnams la 'di sten cing / /mkhas 
pa 'di blo ci 'dra skyed pa ltos/ /khyod kyis rtag tu de ltar bslab par bya/ /'di ni sngon gyi bsod nams dge ba'i rgyus/ /byang chub zhugs te 'jam dpal mthong gyur nas/ /de yi gdams ngag rjes su mthun spyod cing / /skyo ba med par rgyu ba 'di la ltos/ /
'di ni dga' bde thams cad kun spangs te/ /lha rdzas lta bu'i khyim yang yongs su spangs/ /pha ma ma ma skyid pa rgya chen kun/ /yongs su spangs shing bran ltar bshes gnyen sten/ /mkhas pa 'dis ni bsam pa rnam sbyangs te/ /bdag gis ma lus yongs su </font><hr>38-1-300a<br><font size=+1>
spangs byas nas/ /sangs rgyas kun gyi pho brang 'gro bar 'gyur/ /de phyir 'bras bu de 'dra'ang thob par gyur/ /'dis ni rga dang nad kyis mnar ba yi/ /srog chags sdug bsngal brgya yis gtses pa rnams/ /skye shi mya ngan 'jigs pas gdung mthong 
nas/ /de dag don du snying rje'i sems kyis spyod/ /'gro rgyud lnga yi 'khor lo'i dkyil 'khor du/ /sdug bsngal 'khrul 'khor btsir ba'i 'gro mthong nas/ /sdug bsngal 'khrul 'khor 'khor lo 'joms pa yi/ /ye shes rdo rje sra ba 'di tshol lo/ /'dod chags zhe 
sdang rtswa sdong tsher ma can/ /lta chags rtsa mang yongs su 'dzings pa yi/ /sems can zhing ni yongs su sbyang ba'i phyir/ /shes rab gzhol brtan bzang po 'di tshol lo/ /gti mug ma rig thibs po'i bsam pa can/ /'gro ba shes rab mig stor dmyigs 
med pa/ /de la phyogs bde ston pa'i mthu yod pa'i/ /'gro ba'i ded dpon bzang por 'di 'gyur ro/ /bzod pa'i go bgos rnam thar bzhon pa zhon/ /ye shes ral gris mya ngan dgra 'joms pas/ /mi 'jigs stobs pa'i dpa' bor gyur pa 'di/ /
'gro ba rnams kyi lam ston 'gyur ba yin/ /'di ni chos kyi gru rab sbyor ba ste/ /ye shes rgya mtsho'i lam la bslabs pa'o/ /zhi ba rin chen mchog gis gling skyel ba/ /'di ni khams gsum mtsho yi skye ba 'dzin/ /ye shes 'od zer smon lam dkyil 'khor 
can/ /sems can kun gyi gnas su snang byed pa'i/ /chos dbyings mkha' la 'od chen rab ldan par/ /'di ni sangs rgyas nyi mar 'char bar 'gyur/ /byams pa'i dga' ldan ting 'dzin dang bsil ba'i/ /sems can kun la snyoms sems 'od bzang la/ /
dkar po'i chos kyis dkyil 'khor yongs rgyas pa'i/ /sangs rgyas zla ba 'di ni 'char bar 'gyur/ /bsam pa'i gzhi rten brtan la rab gnas pa/ /byang chub spyod pas rim gyis 'phags pa ste/ /chos kun rin chen 'byung gnas ldan pa yi/ /ye shes </font><hr>38-1-300b<br><font size=+1>
rgya mtsho'i mchog tu 'di 'gyur ro/ /byang chub sems kyi klu yi dbang gis phyung / /chos kyi dbyings kyi mkha' la mngon par 'phags/ /dkar po'i 'bras bu'i lo tog 'phel byed pa'i/ /'di ni 'gro bar chos sprin char 'bebs 'gyur/ /dag pa'i 
snying po'i dri gsum mun sel ba/ /byams pa'i snum yod dran pa'i snod brtan la/ /dri med byang chub sems me 'od bzang po'i/ /chos kyi mar me 'di ni 'bar byed 'gyur/ /byang chub sems ni mar mer snying rje sko/ /byams pa rdol pa mi g.yo bsam pa 'khregs/ /
byang chub yan lag mthar gyis byung ba yi/ /sangs rgyas sras su 'di ni yang dag skye/ /bsod nams snying po mngon par 'phel bar byed/ /ye shes snying po yongs su spyod par 'gyur/ /'di ni shes pa'i snying po 'char bar byed/ /smon lam ci bzhin snying 
po yang dag byung / /snying rje byams pas sprul pa 'di 'dra ba/ /sems can dgrol blo phan pa'i bsam ldan pa/ /rnam dag yid can 'di ni ci 'dra ba/ /de 'dra'i 'gro ba lha dang mir bcas dkon/ /'di 'dra'i bsam pa rab tu rtsa brtan la/ /'di 'dra'i sbyor ba brtan 
pas rnam 'phel cing / /srid gsum yog par byed pa 'di 'dra ba'i/ /ye shes shing chen 'bras bu 'byung ba dkon/ /'di ni yon tan kun sgrub don du gnyer/ /chos rnams thams cad yongs su dri bar mos/ /the tshom thams cad rnam par gsal 
don du/ /le lo med par bshes gnyen thams cad sten/ /'di ni bdud kyi dkrugs ma nyon mongs 'joms/ /'di ni lta ba'i dri ma sred pa sel/ /'di ni 'gro ba thams cad dgrol la brtson/ /mkhas pa 'di ni rtag tu khyad par tshol/ /yon tan lam la 
ma nor 'di gnas pas/ /'di ni ngan song thams cad sbyong bar 'gyur/ /mtho ris lam yang nye bar ston par 'gyur/ /thar pa'i lam du 'gro ba 'dzud par 'gyur/ /'di ni 'gro rgyud kun gyi sdug bsngal sel/ /'di ni 'gro rgyud kun gyi bde ba </font><hr>38-1-301a<br><font size=+1>
stobs/ /'di ni srid pa kun gyi zhags pa 'thub/ /srid pa'i 'gro rgyud thams cad sel bar 'gyur/ /lta ba dogs pa rnam par 'byed par 'gyur/ /srid pa'i 'khri shing dra ba gcod par 'gyur/ /chags pa'i 'dod chags nye bar sbyong bar 'gyur/ /
srid gsum lam yang yongs su ston par 'gyur/ /'di ni 'jig rten mgon dang skyabs yin te/ /'di ni 'gro ba kun la 'od byed pa'o/ /rnam pa kun tu srid pa sel la mkhas/ /sa gsum kun gyi 'dren par 'di 'gyur ro/ /nyon mongs gnyid log 'gro ba sad 
par byed/ /'dod pa'i 'dam las mkhas pa 'di sgrol te/ /'du shes chags las yongs su 'di yang 'grel/ /bcings pa kun las thar bar byed par 'gyur/ /chos dbyings gzhi yi bye brag snang bar byed/ /'jig rten khams kyi bye brag sbyong bar 'gyur/ /
chos kun gzhi yi bye brag pha rol phyin/ /nor bzangs khyod ni dga' ba skyed par 'gyur/ /mkhas pa khyod kyi sbyor ba'i tshul dag dang / /dag cing khyod la smad pa med tshul dang / /khyod kyi bsam pa'i yon tan ldan tshul las/ /bsam pa thams cad yongs 
su rdzogs par 'gyur/ /khyod kyi bdag nyid dge bar byas tshul gyis/ /ring por mi thogs sangs rgyas kun mthong 'gyur/ /ring por mi thogs zhing rnams kun 'gror 'gyur/ /chos kun ring por mi thogs shes par 'gyur/ /zhing rnams rgya mtsho 
rnam par sbyong bar 'gyur/ /sems can rgya mtsho rnam par 'grel bar 'gyur/ /spyod pa rgya mtsho yongs su rdzogs par 'gyur/ /khyod kyi yon tan rgya mtsho de 'dra'o/ /khyod kyi mos pa'i dkyil 'khor tshul las na/ /khyod ni yon tan rnams kyi snod 
du 'gyur/ /khyod ni dge ba yang dag 'byung gnas 'gyur/ /khyod ni rgyal ba'i sras dang mnyam par 'gyur/ /khyod kyi smon lam dkyil 'khor tshul las na/ /khyod kyis bdud kyi dkyil 'khor pham par byas/ /khyod kyis las kyi dkyil 'khor rnam par </font><hr>38-1-301b<br><font size=+1>
sbyangs/ /nyon mongs dkyil 'khor khyod kyis dag par byas/ /ye shes rgyud ni rnam par sbyong bar 'gyur/ /chos kyi rgyud ni rab tu brjod par 'gyur/ /las dang nyon mongs sdug bsngal 'khrul 'khor rgyud/ /ring por mi thogs rnam par zlog par 'gyur/ /
'jig rten 'khor lo srid pa'i 'khor lo rten/ /shu ba'i lam rgyud lnga yi 'khor lor rmongs/ /'gro kun sdug bsngal 'khor lo gcod pa yi/ /chos kyi 'khor lo dam pa bskor bar 'gyur/ /sangs rgyas rigs ni rjes su 'dzin par 'gyur/ /chos kyi rigs 
ni yongs su sbyong bar 'gyur/ /dge 'dun rigs ni yongs su bsdud par 'gyur/ /rin chen 'byung ba'i 'byung gnas khyod 'gyur ro/ /sred pa'i dra ba rnam par zlog par 'gyur/ /lta ba'i dra ba thibs po de bzhin te/ /'gro ba'i sdug bsngal dra ba 'grel 
par 'gyur/ /smon lam dra ba de 'dra khyod kyis sbyangs/ /sems can khams ni yongs su smin byed 'gyur/ /'jig rten khams ni yongs su sbyong bar 'gyur/ /ye shes khams ni shin tu dag byed 'gyur/ /khyod kyi bsam pa'i khams ni de 'dra'o/ /nor bzangs 
dga' ba 'phel bar byed pa khyod/ /sems can kun la phan bde dga' byed 'gyur/ /byang chub sems dpa' rigs rgyud dga' byed cing / /sangs rgyas thams cad smon lam dga' byed 'gyur/ /sems can kun gyi 'gro ba'i gnas ston pa/ /zhing 
rnams thams cad gzugs brnyan snang ston pa/ /chos rnams thams cad snang ba rab ston pa'i/ /lta na bzang ba'i rgyal bar khyod 'gyur ro/ /chos dbyings snang bar byed pa'i 'od ldan pa/ /sems can khams rnams bde byed 'od ldan pa/ /ngan song thams cad 
zhi byed 'od ldan pa'i/ /srid gsum sdug bsngal zhi bar byed par 'gyur/ /mtho ris lam ni nye bar ston par 'gyur/ /sangs rgyas lam ni 'gro la 'byed par 'gyur/ /thar ba'i lam du 'gro ba khrid par 'gyur/ /de 'dra'i lam ni khyod kyis rnam par </font><hr>38-1-302a<br><font size=+1>
sbyangs/ /log pa'i lam ni rnam par zlog par 'gyur/ /skye bo 'phags pa'i lam la 'dul bar 'gyur/ /brtan pa'i blo gros le lo med pa khyod/ /myig yeng byang chub lam ni de ltar tshol/ /srid pa'i rgya mtshor gnas pa'i lus can rnams/ /
sdug bsngal mthar 'byin bya ba khyod brtson pas/ /'gro ba srid pa'i mtsho las sgrol bar 'gyur/ /khyod kyi yon tan mtsho chen de 'dra'o/ /ye shes nyi ma mchog gi 'od gzer mtshos/ /lus can nyon mongs rgya mtsho yongs skams shing / /de dag nan tan mtsho 
la dgod byas nas/ /ye shes rgya mtsho rab tu dgod par 'gyur/ /blo gros rgya mtsho rnam par 'phel bar 'gyur/ /spyod pa rgya mtsho rnam par sbyang bar 'gyur/ /sangs rgyas kun gyi smon lam rgya mtsho la/ /ring por mi thogs yongs su 'jug par 'gyur/ /
mkhas pa khyod ni blo gros rgya mtsho'i mthus/ /zhing rnams rgya mtsho mang por phyin par 'gyur/ /'khor rnams rgya mtsho mang po mthong bar 'gyur/ /tshes mang rgya mtsho yongs su 'thung bar 'gyur/ /sangs rgyas sprin mang khrag khrig mthong bar 'gyur/ /
mchod sprin shin tu rgya chen byed par 'gyur/ /chos kyi sprin mang khrag khrig thos par 'gyur/ /khyod ni smon lam de 'dra'i sprin kyang byed/ /sems can thams cad gnas mang rgyas 'gengs 'gyur/ /zhing rnams kun gyi gnas su 'gro bar 'gyur/ /
sangs rgyas kun gyi gnas su phyin par 'gyur/ /khyod ni de 'dra'i phyogs su zhugs pa yin/ /khyod ni ting 'dzin gnas su 'jug par 'gyur/ /khyod kyis rnam thar gnas rnams thob par 'gyur/ /khyod ni mngon shes gnas la spyod par 'gyur/ /chos kyi 
dbyings kyi gnas la rab tu gnas/ /nyi zla'i gzugs rnams rab tu snang ba ltar/ /sems can kun gyi gnas su 'char bar 'gyur/ /rgyal ba rnams kyi spyan sngar mngon 'byung 'gyur/ /khyod kyi 'byung ba'i lam chen de 'dra'o/ /'jig rten kun </font><hr>38-1-302b<br><font size=+1>
la mi gnas spyod yul dang / /nam mkha'i spyod yul bzang por khyod spyod 'gyur/ /khyod kyi spyod yul rab tu zhi bar 'gyur/ /khyod kyi mngon shes spyod yul de 'dra 'o/ /mig 'phrul 'dra ba'i bye brag gzhi mkhas khyod/ /zhing gi dra ba'i bye brag ji snyed gzhi/ /ser 
bu mkha' la chags pa med pa ltar/ /ring por mi thogs rgyas par 'gengs par 'gyur/ /chos dbyings 'byam klas khong du chud par 'gyur/ /'byam klas 'jig rten khams su 'gro bar 'gyur/ /dus gsum gshegs pa'i sangs rgyas 'byam klas kun/ /
mthong bar 'gyur gyis nor bzangs dga' bar gyis/ /khyod kyis de 'dra'i rnam thar de lta bu/ /mthong la mthong zhing da dung mthong bar 'gyur/ /de bas mkhas pa skyo bar ma byed cig /dga' yangs zang zing med pa nyams su long / /nor bzangs khyod ni 
yon tan snod bzang ste/ /khyod ni rgyal ba rnams kyi gdams ngag mthun/ /khyod kyis tshul 'di yongs su gzung bar nus/ /de bas rnam par 'phrul pa 'di dag mthong / /sangs rgyas sras po gnas med spyod yul can/ /gang rnams mthong bar bskal pa khrag khrig du/ /
shin tu dga' na legs brjod mi smos pa/ /de dag spyod legs spyod tshe khyod kyis mthong / /de ltar 'jam dpal mngon du mthong gyur te/ /de 'dra'i yon tan snod du gyur byas pa/ /khyod kyis thob pa rgya cha bsam mi khyab/ /mi yi srid par khyod ni legs par 
'ongs/ /ngan song lam rnams thams cad rnam par zlog /mi khom ngan 'gro thams cad rnam par sbyangs/ /sdug bsngal chos rnams khyod kyis thams cad bor/ /mi dga' thams cad yongs su spang bar gyis/ /byis pa'i sa ni khyod kyis rnam par zlog/ /
byang chub sems dpa'i yon tan sa la gnas/ /ye shes sa yi dam pa yongs bskang zhing / /sangs rgyas sar ba ring por mi thogs thob/ /byang chub sems dpa'i spyod pa rgya mtsho steng / /sangs rgyas ye shes nam mkha'i mdzod dang mtshungs/ /de yi tshad kyi </font><hr>38-1-303a<br><font size=+1>
smon lam gang chen mtsho/ /khyod kyis btsal zin shin tu dga' bar gyis/ /de ltar dbang po yongs su mi skyo la/ /bsam pa brtan zhing sbyor ba nges pa rnams/ /gang dag 'di 'dra'i bshes gnyen bsten byed pa/ /de dag ring bor mi thogs 
mgon por 'gyur/ /khyod kyi byang chub spyod pa sna tshogs kyis/ /sems can mang po dul bar gyur mthong zhing / /chos kun sgo yi byang chub spyod pa la/ /nam yang yid gnyis byed par ma gyur cig /de ltar phun sum tshogs pa 'di 'dra 'di/ /sangs rgyas sras po 
de ring 'dir mthong ba/ /don chos yon tan dang ba phun sum tshogs/ /khyod kyi bsod nams phun ldan bsam mi khyab/ /de ltar rgyal sras rnams kyi rgyun 'brel bar/ /rang rang so so'i smon lam bstan byas te/ /khyod kyi de dag ma lus mthun rtogs pa/ /khyod 
mthong thob pa chen po ci 'dra ltos/ /byang chub sems dpa'i spyod pa'i snod gyur pa/ /de 'dra'i srid pa brgyar yang dkon pas na/ /de phyir rgyal sras de dag rgyun 'brel bar/ /khyod la rnam thar tshul rnams yongs su ston/ /bskal ba khrag khrig bye bar 'gro ba gang / /
bde gshegs sras dang lhan cig 'grogs gyur pa/ /de dag de rnams spyod yul mi shes te/ /de dag yon tan snod du bdag ma byas/ /khyod kyis 'di 'dra'i tshul 'di thos par 'gyur/ /byang chub sems dpa' chen po'i rnam 'phrul ba/ /'gro ba kun na 
dkon pa khyod kyis mthong / /de ltar nor bzangs dga' ba'i yid du gyis/ /khyod la sangs rgyas thams cad dgongs pa mdzad/ /byang chub sems dpa' khyod gzung phyir yang gnas/ /khyod kyang de dag rjes su bstan la gnas/ /legs so nor bzangs khyod 
kyi 'tsho ba dge /byang chub sems dpa'i rigs kyi chos la gnas/ /khyod ni rgyal sras yon tan rnams la slob/ /bde bar gshegs rigs rnam par 'phel byed 'gyur/ /nor bzangs dga' ba rgya chen nyams su long / /sangs rgyas mnyam med thams cad </font><hr>38-1-303b<br><font size=+1>
khyod kyi pha/ /byang chub sems dpa' thams cad khyod dang spun/ /byang chub yan lag thams cad khyod kyi gnyen/ /khyod ni bde gshegs thugs las skyes pa'i sras/ /chos kyi rgyal po rig pa'i rgyud 'dzin pa/ /byang chub sems dpa'i rigs rgyud 'phel bar 
byed/ /ring por mi thogs chos rgyal thob 'gyur gyis/ /nor bzangs dbang po tshim zhing dga' bar gyis/ /sangs rgyas kun gyi dbang bskur dam pa yang / /ring por mi thogs rmad byung thob par 'gyur/ /rgyal ba'i sras dang mtshungs shing mnyam par 'gyur/ /
khyod kyi spyod pa'i tshul mthun de 'dra'o/ /mi gang ci 'dra'i sa bon 'debs byed pa/ /de ni de 'dra'i 'bras bu thob par 'gyur/ /dga' ba rgya chen bsam yas nyams su long / /ngas ni de ring khyod kyi dbugs kyang dbyung / /tshe gcig khyod kyis gang rnams thob gyur pa/ /
byang chub sems dpa' khrag khrig bsam yas pa/ /bskal ba khrag khrig byang chub spyad spyod pa/ /de dag gis kyang phun sum 'di ma rnyed/ /'di rnams thams cad mos pa'i 'bras bu ste/ /brtson 'grus bsam pa dag ni de bzhin no/ /gang zhig spyod pa 'di 
'dra dka' ba yang / /nor bzangs spyod pa gang yin de la spyod/ /spyod pa thams cad smon lam byung ba yin/ /chos rnams thams cad mos las yongs su byung / /nor bzangs de ltar khyod kyis yongs su bsgrubs/ /rtag tu khyad par spyod pa btsal bar 
gyis/ /klu yi bsam pa ji snyed byung gyur pa/ /de snyed char pa yongs su 'bab par 'gyur/ /smon lam ye shes spyod yul ji snyed pa/ /de snyed byang chub spyod pas rgyas par 'gyur/ /nor bzangs bzang po'i spyod ces bya ba 'di/ /tshul ni khyod la bstan pa 
'di yin gyis/ /de shes gyis la dge bshes rang bzhin gyis/ /bsnyen bkur byed tshe 'jug par ma byed cig /lus rnams bye ba sngan cad khyod kyis kyang / /'dod pa'i don du don med zad byas soms/ /da ni byang chub yongs su tshol gyur na/ /brtul shugs </font><hr>38-1-304a<br><font size=+1>
bzang po brtul bas zhig go 'dang / /khyod kyis bskal pa bye ba 'das byas te/ /'dus byas sdug bsngal thams cad nyams su myong / /gang gA'i bye snyed sangs rgyas mnyes ma byas/ /'di 'dra'i tshul yang thos par ma gyur to/ /de las da ni khom 
par mir yang skyes/ /sangs rgyas 'byung mthong dge bshes 'di 'dra ste/ /byang chub mchog gi spyod pa'ang thos par 'gyur/ /rnam dag sems su da go cir mi 'gyur/ /bde bar gshegs pa yang du 'byung bar 'gyur/ /dge bshes de bzhin chos mnyan thos par 'gyur/ /
gal te bsam pa yongs su ma sbyangs na/ /tshul 'di phyin chad thos par dka' ba yin/ /de bas dad dang mos dang bsam pa rnams/ /yongs su bskyed la bla ma phud dud gyis/ /the tsom lta ba yongs su skyo spangs la/ /yang dang yang du 'di 'dra tshul nyon cig /
gang gis spyod la 'jug pa 'di 'dra 'di/ /thos nas de 'dra'i smon lam mngon bsgrubs pa/ /de dag thob pa dam pa bsam mi khyab/ /de dag mi yi srid par legs par 'ongs/ /gang gis de 'dra'i mos ba sbyangs pa ni/ /de la bde gshegs thams cad mi 
dkon no/ /de ni rgyal ba rnams kyi sras dang spun/ /de la phyin chad byang chub the tsom med/ /gang zhig 'di 'dra'i tshul 'dir zhugs gyur pa/ /des ni log par ltung ba thams cad spangs/ /des ni sdug bsngal chos rnams thams cad bstsal/ /des ni yon tan 
thams cad bsdu ba byas/ /lus ni bor nas ring por mi thogs su/ /yongs su dag pa'i sangs rgyas zhing du 'gro/ /byang chub sems dpa'i gnas su 'jug par 'gyur/ /phyogs bcu'i de bzhin gshegs pa mthong bar 'gyur/ /nor bzangs khyod kyi 
sngon gyi rgyu sdug pas/ /da ltar byung la mos pa nges pa yis/ /khyad par don gnyer dge bshes bsten byas pas/ /chu las uta pal bzhin de phyir 'phel/ /dge bshes thams cad phu dud bsam pa dang / /sangs rgyas thams cad dgyes bya'i bsam pa dang / /</font><hr>38-1-304b<br><font size=+1>
chos kun yongs su dri ba'i bsam pa can/ /brtul zhugs bzang po ldan pa dal gyis longs/ /chos kyi nan tan kun la rab gnas pa/ /lam rnams rjes su kun tshol rab gnas pa/ /sangs rgyas sras kyi smon lam rab gnas pa/ /yon tan chos rnams 
kun gyi snod khyod longs/ /mos pa phun sum tshogs pa ci 'dra bas/ /khyod kyis nga la phyag 'di byas pa ni/ /sangs rgyas thams cad 'khor du mngon sum du/ /ring por mi thogs yongs su 'byung bar 'gyur/ /skyo ba'i yid med nor bzangs legs pa yin/ /
sangs rgyas kun gyi smon lam sems ldan pa/ /brtul zhugs brtan khyod ring por mi thogs par/ /sangs rgyas kun gyi yon tan mthar phyin 'gyur/ /ye shes spyod yul rnam par mthar phyin pa'i/ /'jam dpal gan du nor bzangs khyod song ste/ /bzang 
po spyod pa dam pa mchog dris shig /de tshul khyod 'jug de nas byed par 'gyur/ /de ltar byams pa chags med spyod yul gyis/ /nor bzangs yang dag legs pas 'phags mthong nas/ /'khor rnams kun la mngon par bstan byas te/ /de yi 
yon tan legs mdzod 'di brjod do/ /'di 'dra'i rjes su bstan pa dam pa dang / /gdams ngag de 'dra nor bzangs thos gyur nas/ /dga' ba'i shugs kyis dbang po mngon brlan pas/ /mchi ma'i rgyud mang rab tu des kyang blags/ /dga' ba'i 
nyams chen nyams su myong bar 'gyur/ /dbang po tshim nas shugs kyis dbugs kyang phyung / /nor bzangs langs te thal mo rab sbyar nas/ /byams pa de la bskor ba rab tu byas/ /de yi lag tu 'jam dpal sems dbang gis/ /me tog phreng ba 
rin chen mdzes pa dag /byang chub sems dpa'i smon pas mngon 'thon pa/ /yid du 'ong ba mang po byung bar gyur/ /nor bzangs de tshe rab tu dga' gyur nas/ /dga' bar de dag byams pa de la gtor/ /de tshe de yi mgo la kun nas byugs/ /</font><hr>38-1-305a<br><font size=+1>
byams pas tshigs su bcad pa 'di dag smras/ /rgyal ba'i sras po nor bzangs legs so legs/ /de ltar khyod ni yongs su mi skyo bas/ /nga dang 'jam dpal ci 'dra ci bzhin du/ /yon tan snod du khyod ni myur de 'gyur/ /thos nas nor bzangs 
dga' ba'i tshig brjod pa/ /'di 'dra'i dge bshes bdag dang phrad pa ni/ /srid pa brgya phrag 'grangs par shin tu dkon/ /bdag gis de ring 'dir phyin shin tu legs/ /yon tan kun gyi pha rol phyin gyur pa/ /'jam dpal khyod kyi byin rlabs bzang po yis/ /bdag gis 
bshes gnyen 'di dag dkon pa rnyed/ /khyod dang bdag tu myur du 'grogs par ro// //sangs rgyas rmad gcad ces bya ba shin tu rgyas pa chen po'i mdo/bam po bcu dgu pa/ de nas tshong dpon gyi bu nor bzangs kyis byang chub sems dpa' sems dpa' chen 
po byams pa'i mdun du 'dug ste/ thal mo sbyar nas 'di skad ces smras so/ /'phags pa bdag bla na med pa yang dag par rdzogs pa'i byang chub tu yang dag par zhugs na ji ltar byang chub sems dpas byang chub sems dpa'i spyod pa la bslab par bgyi ba dang / ji ltar 
nan tan du bgyi ba ma 'tshal te/ 'phags pa byams pa ni de bzhin gshegs pa thams cad kyis sku tshe gcig gis thogs par bla na med pa yang dag par rdzogs pa'i byang chub tu lung bstan pa ste/ gang bla na med pa yang dag par rdzogs pa'i byang chub tu sku tshe gcig gis thogs 
pa de ni byang chub sems dpa'i rnam par 'god pa thams cad las yang dag par 'das pa lags/ de ni byang chub sems dpa'i skyon med par rab tu zhugs pa lags/ de ni pha rol tu phyin pa thams cad yongs su rdzogs pa lags/de ni bzod pa'i sgo 
thams cad du zhugs pa lags/ des ni byang chub sems dpa'i sa thams cad rab tu brnyes pa lags/ de ni byang chub sems dpa'i rnam par thar ba'i sgo thams cad la rnam par rol pa lags/ des ni ting nge 'dzin thams cad yongs su bsgrubs pa </font><hr>38-1-305b<br><font size=+1>
lags/ /des ni byang chub sems dpa'i rgyud thams cad rtogs par thugs su chud pa lags/ des ni gzungs dang spobs pa snang ba'i tshul thams cad la rab tu brnyes pa lags/ /des ni byang chub sems dpa'i dbang thams cad la mnga' thob pa lags/ des ni byang 
chub sems dpa'i tshogs thams cad shin tu bstsags pa lags/ des ni shes rab dang thabs mkhas pa'i tshul la rnam par rol pa lags/ des ni mngon par shes pa chen po dang / rig pa dang ye shes snang ba'i tshul bskyed pa lags/ de ni bslab pa thams cad las 
byung ba lags/ des ni byang chub sems dpa'i spyod pa yongs su sbyangs pa lags/ des ni smon lam gyis 'byung ba'i sgo thams cad mngon par bsgrubs pa lags/ des ni de bzhin gshegs pa thams cad kyi lung bstan pa rab tu blangs pa lags/ de ni theg pa 
thams cad kyis 'byung ba'i sgo la mkhas pa lags/ des ni de bzhin gshegs pa thams cad kyi byin gyi rlabs yang dag par blangs pa lags/ des ni sangs rgyas thams cad kyi byang chub yongs su bzung ba lags/ des ni de bzhin gshegs pa thams cad kyi 
chos kyi mdzod bzung ba lags/ de ni de bzhin gshegs pa thams cad kyi gsang ba'i mdzod 'dzin pa lags/ de ni byang chub sems dpa' thams cad kyi gsang ba'i dkyil 'khor thams cad kyi spyi bor phyin pa lags/ de ni nyon mongs pa'i dpung thams cad 
rnam par dkrugs pa la shin tu dpa' ba lags/ de ni 'khor ba'i 'brog dgon par lus pa rnams kyi lam ston pa lags/ de ni nyon mongs pa'i nad kyis thebs pa rnams kyi sman par gyur pa lags/ de ni sems can thams cad kyi phul du phyin pa lags/ 
de ni 'jig rten gyi dbang po thams cad kyi dbang po lags/ de ni 'phags pa'i gang zag thams cad kyi thu bo lags/ de ni nyan thos dang rang sangs rgyas thams cad kyi gtso bo lags/ de ni 'khor ba'i rgya mtsho la rgyu ba rnams kyi skyabs 'dzin pa lags/ des ni sems </font><hr>38-1-306a<br><font size=+1>
can gdul ba'i thabs kyi rgya mtsho chen po bshal ba lags/ des ni 'gro ba yongs su smin pa rnams kyi dbang po rnam par gzigs pa lags/ de ni sems can thams cad yongs su bsdu ba la brtson pa lags/ de ni byang chub sems dpa' thams cad la 
yongs su bskyang ba la brtson pa lags/ de ni byang chub sems dpa'i bya ba thams cad la yang dag par 'gro bar brtson pa lags/ de ni de bzhin gshegs pa thams cad kyi zhabs kyi drung na gnas pa lags/ de ni 'khor gyi dkyil 'khor thams cad du mngon par 'phags 
pa lags/ de ni 'gro ba thams cad kyi gnas su gzugs brnyan snang ba lags/ de ni 'jig rten gyi chos thams cad kyis ma gos pa lags/ de ni bdud kyi yul thams cad las yang dag par 'das pa lags/ de ni sangs rgyas kyi yul thams cad kyi rjes su bzhud pa 
lags/ de ni byang chub sems dpa'i yul thams cad la sgrib pa med pa brnyes pa lags/ de ni de bzhin gshegs pa thams cad la mchod par brtson pa lags/ de ni sangs rgyas kyi chos thams cad la rgyud kyi tshul gcig tu gyur ba lags/ de ni dbang bskur ba'i thabs thob 
pa lags/ de ni chos kyi rgyal srid chen po la gnas par 'gyur ba lags/ de ni thams cad mkhyen pa'i ye shes kyi yul la dbang bskur ba lags/ de ni sangs rgyas kyi chos thams cad rab tu 'byung ba lags/ de ni thams cad mkhyen pa'i ye shes la dbang bsgyur 
ba'i mthar phyin pa lags na/ 'phags pa ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba dang / ji ltar byang chub sems dpas nan tan du bgyis na/ sangs rgyas kyi chos thams cad thob par 'gyur 
ba dang / sems can gyi khams ji ltar gnyer ba'i tshul bzhin du rim gror bgyid par 'gyur ba dang / yi dam ji ltar bcas pa'i tshul bzhin du mthar phyin par 'gyur ba dang / byang chub sems dpa'i spyod pa chen po brtsams pa grub par 'gyur ba dang / lha dang bcas pa'i </font><hr>38-1-306b<br><font size=+1>
'jig rten dbugs 'byin par 'gyur ba dang / bdag dang sems can dang sangs rgyas dang chos dang dge 'dun bslu bar mi 'gyur ba dang sangs rgyas kyi rigs rgyun mi gcod pa dang / byang chub sems dpa'i rigs stong bar mi 'byin pa dang / de bzhin gshegs pa'i 
tshul yongs su 'dzin par 'gyur ba bdag la bka' stsal du gsol/ de nas byang chub sems dpa' byams pas 'khor gyi dkyil 'khor de dag thams cad la bltas te/tshong dpon gyi bu nor bzangs la nye bar bstan nas 'di skad ces smras so/ /rigs kyi bu dag tshong 
dpon gyi bu 'di 'di ltar nga la byang chub sems dpa'i spyod pa dang yon tan yongs su bsgrub pa 'dri ba la ltos/ bzod pa can dag tshong dpon gyi bu 'di ni brtson 'grus brtsams pa 'di lta bu dang don du gnyer ba 'di lta bu dang mos pa'i yi dam 'di lta bu dang lhag pa'i bsam pa 
brtan pa 'di lta bu dang brtson 'grus mi zlog pa 'di lta bu dang / sangs rgyas kyi chos kyis mi ngoms par 'di lta bu dang / khyad par yongs su btsal ba 'di lta bu dang mgo'i thod la me 'bar ba lta bur spyod pa 'di lta bu dang dge ba'i bshes gnyen mthong bar 'dod pa 'di lta bu dang / 
dge ba'i bshes gnyen bsnyen bkur bas skyo ba med pa 'di lta bus dge ba'i bshes gnyen thams cad yongs su tshol zhing yongs su dri ba dang / bsnyen bkur ba byed cing 'jam dpal gzhon nur gyur pas btang nas grong khyer dpal gyi 'byung gnas nye bar bzung ba nas 
lho phyogs kyi rgyud thams cad du rgyus te/ dge ba'i bshes gnyen brgya rtsa bcu la yongs su dri ba byed cing / tha ma nga'i drung 'di'i bar du skyo ba thams cad dang bral ba'i lhag pa'i bsam pas phyin te/ rigs kyi bu dag rnam pa 'di lta bur theg pa chen po la yang dag par 
zhugs pa yi dam chen po la yang dag par gnas pa dang / bsam pa chen po la rab tu rtul ba'i yid dang ldan pa/ snying rje chen po'i go bgos pa'i ngad dang ldan pa/ byams pa chen pos sems can thams cad yongs su bskyab pa'i blo gros can brtson 'grus chen po'i pha </font><hr>38-1-307a<br><font size=+1>
rol tu phyin pa la rab tu brtson pa/ sems can gyi lam grogs mang po yongs su bskyang ba la mngon par brtson pa/ 'khor ba'i rgya mtsho chen po las sems can bsgral ba la zhugs pa thams cad mkhyen pa nyid kyi lam chen po la zhugs pa/ 
chos kyi gru chen po yang dag par bsham pa la brtson pa/ chos chen po dang bsod nams rin po che yongs su bsdu ba la rab tu rtul ba/ chos kyi mchod sbyin chen po'i tshogs bstsags pa la/ brtson pa rnams kyi ming thos pa'am/ gzugs kyi lus mthong 
ba'am spyod yul du 'grogs pa'am/ spyod pa dang skal ba mnyam pa ni shin tu dkon no/ /de ci'i phyir zhe na/ rigs kyi bu skyes bu dam pa 'di ni 'gro ba thams cad yongs su bskyab pa'i don du byung ba ste/ sems can thams cad sdug bsngal las yongs su 
thar bar bya ba dang / ngan song thams cad yang dag par bstsal pa dang / mi khom pa'i lam thams cad rnam par bzlog pa dang / lam nyam nga ba thams cad yongs su spang ba dang / mi shes pa'i mun pa nag po thams cad rnam par bstsal ba dang / 'khor 
ba'i 'brog dgon pa thams cad las yang dag par bzla ba dang / 'gro ba'i rgyud kyi 'khor lo thams cad rnam par bzlog pa dang / bdud kyi yul thams cad las yang dag par bzla ba dang / gnas kyi rten thams cad las gyen du bskyod pa dang / rten gyi gzhi 
thams cad las bskul ba dang / 'gro ba'i rgyud thams cad du mi gnas par bya ba dang / 'dod pa'i 'dam nas yang dag par 'don pa dang / dga' ba'i 'dod chags spang ba dang / lta ba'i bcings pa gtub pa dang / 'jig tshogs la mngon par 
zhen pa rnam par bzlog pa dang / 'du shes kyi zhags pa yang dag par gcad pa dang / phyin ci log gi lam nas rnam par bzlog pa dang / nga rgyal gyi rgyal mtshan bsnyal ba dang / bag la nyal ba'i zug rngu yang dag par dbyung ba dang / sgrib pa'i sgo glegs </font><hr>38-1-307b<br><font size=+1>
gzhom pa dang / sgrib pa'i ri rnam par gtor ba dang / sred pa'i dra ba nas gdon pa dang / ma rig pa'i kun tu sbyor ba las dbye ba dang / srid pa'i chu bo las bsgral ba dang / g.yo dang sgyu spang ba dang sems kyi rnyog pa gdang ba dang / the tshom dang yid gnyis dang nem nur 
bstsal ba dang / mi shes pa'i chu bo chen po las bsgral ba dang / 'khor ba'i skyon thams cad rnam par smad pa'i phyir rab tu zhugs pa'o/ /rigs kyi bu skyes bu dam pa 'di ni sems can rnams chu bo bzhi las yongs su bsgral ba'i phyir chos kyi gru chen po yang dag par 
bsham par 'dod pa'o/ /lta ba'i 'dam du bying ba rnams chos kyi rkang stegs chen po dgod par 'dod pa'o/ /gti mug gi mun par 'thoms pa rnams la ye shes kyi snang ba dbyung bar 'dod pa'o/ /'khor ba'i mya ngam du 'khyams pa rnams la 'phags 
pa'i lam bstan par 'dod pa'o/ /nyon mongs pa'i nad chen pos gzir ba rnams la chos kyi sman sbyin par 'dod pa'o/ /skye ba dang rga ba dang 'chi bas gtses pa rnams la 'chi ba med pa'i dbyings sbyin par 'dod pa'o/ /me gsum rab tu 'bar ba rnams la zhi 
gnas kyi chus rab tu zhi bar bya bar 'dod pa'o/ /mya ngan dang smre sngags 'don pa dang yid mi bde ba dang 'khrug pas gdungs pa rnams la dbugs phyin pa chen po sbyin par 'dod pa'o/ /srid pa'i btson ras 'khor ba rnams la ye shes kyi mtshon cha sbyin par 'dod pa'o/ /
lta ba'i bcings pas glags pa rnams la shes rab kyi mtshon chas bsdud par 'dod pa'o/ /khams gsum gyi grong khyer gyi 'khor ba rnams la thar ba'i sgo bstan par 'dod pa'o/ /phyogs mi bde bar mngon par gzhol ba rnams la bde ba'i phyogs bstan par 'dod 
pa'o/ /nyon mongs pa'i chom pos gtses pa rnams la dbugs phyin pa chen po sbyin par 'dod pa'o/ /ngan song gi g.yang sas 'jigs shing skrag pa rnams la 'ju sa'i lag pa brkyang bar 'dod pa'o/ /phung po'i gshed mas gtses pa rnams la mya ngan las 'das </font><hr>38-1-308a<br><font size=+1>
pa'i grong khyer bstan par 'dod pa'o/ /khams kyi sbrul gyis kun nas 'khor ba rnams la 'phags pa'i lam gyis 'byung ba bstan par 'dod pa'o/ /skye mched kyi grong stong pa na gnas pa rnams la shes rab kyi snang bas gdon 
par 'dod pa'o/ /mu stegs ngan pa la zhugs pa'i sems can rnams yang dag pa'i mu stegs su gzud par 'dod pa'o/ /bshes gnyen ma yin pa'i lag tu ltung ba rnams la yang dag pa'i dge ba'i bshes gnyen bstan par 'dod pa'o/ /byis pa'i chos kyi spyod yul la 
mngon par mos pa rnams 'phags pa'i chos la rab tu dgod par 'dod pa'o/ /'khor ba'i khyim la mngon par dga' ba rnams gyen du bskyod de thams cad mkhyen pa'i pho brang du gzud par 'dod pa'o/ /rigs kyi bu dag de ltar skyes bu dam pa 'di ni sems can 
yongs su bskyob pa'i blo gros de lta bus byang chub tu sems bskyed pa rnam par dag par bya ba yongs su btsal ba la rgyun mi 'chad pa'o/ /theg pa chen po yongs su bsgrub pa'i phyir yongs su skyo ba med pa'o/ /chos kyi sprin thams cad las 'thung bas mi ngoms pa'o/ /
tshogs thams cad yongs su rdzogs par bya ba'i phyir rtag tu brtson pa'o/ /chos kyi sgo thams cad yongs su sbyang ba'i phyir mi gtong ba la brtson pa'o/ /byang chub sems dpa'i spyod pa thams cad spyad pa'i phyir brtson 'grus mi gtong ba'o/ /smon lam thams cad 
mngon par bsgrub pa'i phyir mi ldog pa'i sbyor ba dang ldan pa'o/ /dge ba'i bshes gnyen thams cad mthong bar bya bas mi ngoms pa'o/ /dge ba'i bshes gnyen thams cad bsnyen bkur bas lus la dub par 'gyur ba med pa'o/ /dge ba'i bshes gnyen 
thams cad gdams ngag dang rjes su bstan pa la mthun par 'dzin pa ste/ rigs kyi bu dag sems can gyi 'jig rten na sems can gang bla na med pa yang dag par rdzogs pa'i byang chub tu smon lam 'debs pa de lta bu'i sems can dkon no/ /de </font><hr>38-1-308b<br><font size=+1>
bas kyang gang bla na med pa yang dag par rdzogs pa'i byang chub tu yang dag par zhugs te/ brtson 'grus brtsam pa'i tshul 'di lta bus sangs rgyas kyi chos yongs su sdud pa dang / mos pa drag po 'di lta bus byang chub sems dpa'i lam yongs su tshol ba dang / 
don du gnyer ba 'di lta bus byang chub sems dpa'i spyod pa yongs su dag par byed pa dang / nyon mongs pa 'di lta bus dge ba'i bshes gnyen bsnyen bkur byed pa dang / mgo'i thod la me 'bar ba ltar spyod pa 'di lta bus dge ba'i bshes gnyen gyi ngag dang 
'gal bar mi byed pa dang / lhag pa'i bsam pa brtan pas nan tan tu byed pa 'di lta bus dge ba'i bshes gnyen gyi gdams ngag la nan tan du byed pa dang mthun par len pa 'di lta bus byang chub kyi yan lag yongs su sgrub pa dang / khe dang bkur sti dang snyan 
pa don du mi gnyer ba 'di lta bus byang chub sems dpa'i bsam pa'i khams dang 'gal bar mi byed pa dang / khyim dang longs spyod dang 'dod pa'i dga' ba dang bde ba dang / pha ma dang gnyen gshes dang / dngos po thams cad la ltos pa med par yongs su 
btang ba 'di lta bus byang chub sems dpa'i grogs yongs su tshol ba dang / lus dang srog la 'phangs par mi rtsi ba 'di lta bus thams cad mkhyen pa nyid la mngon par mos par byed pa de lta bu'i sems can ni ches dkon no/ /rigs kyi bu dag 'dis 
ji ltar tsher skyes pa 'di gcig la ji snyed cig thob pa dang / khong du chud pa de ni byang chub sems dpa' de ma yin pa gzhan gyis bskal pa bye ba khrag khrig brgya phrag stong gis kyang byang chub sems dpa'i spyod pa dang / smon lam yongs su rdzogs par 
bya ba thob pa dang / khong du chud pa'am/ sangs rgyas kyi byang chub tu nye bar 'gyur ba'am/ sangs rgyas kyi zhing yongs su dag par bya ba'am/ sems can yongs su smin par bya ba dang / gdul ba'am/ chos kyi dbyings kyi ye shes la </font><hr>38-1-309a<br><font size=+1>
'jug pa'am/ pha rol tu phyin pa yang dag par bsgrub pa'am/ spyod pa'i dra ba rgya cher bya ba'am smon lam mngon par bsgrub pa yongs su rdzogs par bya ba'am/ bdud kyi las yang dag par 'da' bar bya ba'am/ dge ba'i bshes 
gnyen bsnyen bkur ba'am/ byang chub sems dpa'i spyod pa thams cad mngon par bsgrub par bya ba dang yongs su dag par bya ba'am/ byang chub sems dpa' kun tu bzang po'i spyod pa mngon par bsgrub pa'i stobs yongs su rdzogs par bya ba la 
yang dag par 'byung ba med do/ /de nas byang chub sems dpa' sems dpa' chen po byams pas tshong dpon gyi bu nor ba zangs kyi yon tan dang legs pa yang dag par yongs su brjod pa byas nas/ de las brten te srog chags brgya phrag stong gis byang chub 
kyi yan lag gi bsam pa brtan par byas nas/ tshong dpon gyi bu nor bzangs la 'di skad ces smras so/ /rigs kyi bu de ltar khyod kyis 'jig rten thams cad la phan pa dang bde ba'i phyir sems can gyi khams thams cad yongs su bskyab pa'i don du sangs 
rgyas kyi chos thams cad rab tu thob par bya ba'i phyir/ bla na med pa yang dag par rdzogs pa'i byang chub tu sems bskyed pa legs so legs so/ /rigs kyi bu khyod kyis bla na med pa yang dag par rdzogs pa'i byang chub tu de ltar sems bskyed pa ni khyod 
kyis thob par bya ba legs par thob bo/ /khyod kyis mi'i lus legs par thob bo/ /'tsho ba'i 'jig rten du khyod legs par 'tshos so/ /khyod kyis sangs rgyas 'byung ba dgyes par byas so/ /khyod kyis dge ba'i bshes gnyen 'jam dpal 
legs par mthong ngo / /khyod kyi bsam pa'i rgyud snod bzang por gyur to/ /khyod ni dge ba'i rtsa bas mngon par brlan to/ /khyod ni dkar po'i chos kyis legs par brten to/ /khyod kyis mos pa rlabs chen po dang dge ba'i bsam pa legs par shin tu </font><hr>38-1-309b<br><font size=+1>
sbyangs so/ /khyod sangs rgyas thams cad kyis legs par dgongs so/ /rigs kyi bu khyod ni dge ba'i bshes gnyen gyis legs par bzung ngo / /de ci'i phyir zhe na/ rigs kyi bu byang chub kyi sems ni sangs rgyas kyi chos thams cad kyi sa bon lta bu'o/ /'gro ba 
thams cad kyi chos dkar po rnam par 'phel bar byed pas zhing lta bu'o/ /'jig rten thams cad rab tu rten pas sa lta bu'o/ /nyon mongs pa'i dri ma thams cad dag par byed pas chu lta bu'o/ /'jig rten thams cad brtan pa med pas rlung lta bu'o/ /lta ba'i nye bar len 
pa'i rtsa thams cad rab tu sreg pas me lta bu'o/ /sems can thams cad kyi gnas snang bar byed pas nyi ma lta bu'o/ /chos dkar po'i dkyil 'khor yongs su rgyas par byed pas zla ba lta bu'o/ /chos kyi snang ba byed pas sgron ma lta bu'o/ /mnyam pa dang 
mi mnyam pa yongs su mthong bar byed pas myig lta bu'o/ /thams cad mkhyen pa nyid kyi grong khyer du phyin par byed pas lam lta bu'o/ /mu stegs ngan pa thams cad rnam par spong bas mu stegs lta bu'o/ /byang chub sems dpa' thams cad mngon par gnas pas 
bzhon pa lta bu'o/ /byang chub sems dpa'i spyod pa thams cad kyi sgor 'jug par byed pas sgo lta bu'o/ /ting nge 'dzin gyi khang pa na gnas par byed pas gzhal med khang lta bu'o/ /chos kyi dga' ba dang mos pa nyams su myong bar byed pas bza' shing gi ra ba lta bu'o/ /
'gro ba thams cad yongs su skyob pas gnas lta bu'o/ /'jig rten thams cad la phan pa skyed pas rten lta bu'o/ /byang chub sems dpa'i spyod pa thams cad spyod par byed pas gzhi lta bu'o/ /byang chub sems dpa' thams cad yongs su srung bas pha lta bu'o/ /
byang chub sems dpa' chen po thams cad kyi ma lta bu'o/ /thams cad las yongs su skyong bas ma ma lta bu'o/ /slob pa dang mi slob pa dang / rang sangs rgyas thams cad kyi sems zil gyis gnon pas rgyal po lta bu'o/ /smon lam thams cad kyis khyad par </font><hr>38-1-310a<br><font size=+1>
du 'phags pas dbang po lta bu'o/ /yon tan thams cad yang dag par 'du bas rgya mtsho chen po lta bu'o/ /sems can thams cad la sems mnyam pas rin po che lta bu'o/ /'jig rten thams cad rten pas khor yug lta bu'o/ /
ye shes kyi sman rnam par 'phel bar byed pas gangs kyi ri lta bu'o/ /yon tan gyi spos thams cad kyi gnas su gyur pas spos kyi ngad ldang ba lta bu'o/ /yon tan rgya che bas nam mkha' lta bu'o/ /'jig rten gyi chos thams cad kyis mi gos pas pad mo lta 
bu'o/ /sems dul zhing cang shes pas glang po lta bu'o/ /rgod pa thams cad dang bral bas rta cang shes lta bu'o/ /theg pa chen po yongs su skyong ba'i sngon du 'gro bas kha lo sgyur ba lta bu'o/ /nyon mongs pa'i nad sos par byed pas sman lta bu'o/ /
mi dge ba'i chos thams cad zad par byed pas sa'i 'og lta bu'o/ /chos thams cad nges par khong du chud par byed pas rdo rje lta bu'o/ /yon tan gyi dri zhim par byed pas spos kyi snod lta bu'o/ /'jig rten thams cad kyis blta na mngon par dga' bas 
me tog dam pa lta bu'o/ /'dod chags kyi gdung ba bsil bar byed pas kha ba'i tsan dan lta bu'o/ /chos kyi dbyings thams cad rgyas par 'gengs pas a ga ru nag po lta bu'o/ /nyon mongs pa'i nad thams cad 'joms pas sman gyi rgyal po blta 
na sdug pa lta bu'o/ /bag la nyal ba'i zug rngu thams cad yang dag par 'byin pas 'bral bar byed pa'i sman lta bu'o/ /dbang po thams cad la dbang sgyur bas dbang po lta bu'o/ /dbul ba thams cad yongs su sel bas ngal bso po lta bu'o/ /yon 
tan thams cad kyi rgyan gyis brgyan par byed pas dpal lta bu'o/ /byang chub sems dpa' thams cad mdzes par byed pas lhab lhub lta bu'o/ /nyes byas thams cad sreg pas bskal pas tshig pa'i me lta bu'o/ /sangs rgyas kyi chos thams cad rnam par </font><hr>38-1-310b<br><font size=+1>
'phel bar byed pas rtsa ba ma grub pa'i sman gyi rgyal po chen po lta bu'o/ /nyon mongs pa'i dug thams cad rnam par sel bas klu'i rin po che lta bu'o/ /rnyog pa thams cad sel bas nor bu rin po che chur dang lta bu'o/ /don thams cad yongs su sgrub pas yid bzhin 
gyi rin po che'i rgyal po lta bu'o/ /bsam pa thams cad yongs su rdzogs par byed pas bum pa bzang po lta bu'o/ /yon tan thams cad kyi rgyan gyi char mngon par 'bebs pas 'dod sbyin gyi shing lta bu'o/ /'khor ba'i skyon thams cad dang ma 'dres pas 
gos dang ris can lta bu'o/ /rang bzhin gyis 'od gsal bas shing bal gyi rgyud lta bu'o/ /sems can gyi bsam pa'i zhing rnam par spyod pas gshol lta bu'o/ /'jig tshogs kyi go ca rtol bas mde'u thung lta bu'o/ /sdug bsngal gyi 'ben nges par 'bigs 
pas mda' lta bu'o/ /nyon mongs pa'i dgra las rnam par rgyal bar byed pas mdung lta bu'o/ /tshul bzhin ma yin pa yid la byed pa 'gebs pas go ca lta bu'o/ /nyon mongs pa'i klada'agems pas ral gri lta bu'o/ /nga rgyal dang dregs pa dang rlom pa'i go 
ca 'dral bas ral gri'i so lta bu'o/ /bag la nyal gyi go cha gshog pas mda' ste'u ka lta bu'o/ /nga rgyal gyi rgyal mtshan snyol bas dpa' bo'i ru mtshon lta bu'o/ /mi shes pa'i shing sgyel bar byed pas lag cha lta bu'o/ /sdug bsngal gyi shing rab tu 
gcod pas sta re lta bu'o/ /gnod pa thams cad las yongs su skyob pas mtshon cha lta bu'o/ /pha rol tu phyin pa'i lus yongs su srung bas lag pa lta bu'o/ /yon tan thams cad la so sor 'god pas rkang pa lta bu'o/ /ma rig pa'i pri'i ling tog yongs 
su sel bas mig mkhan lta bu'o/ /'jig tshogs kyi zug rngu yang dag par 'byin pas skam pa lta bu'o/ /bag la nyal gyi tsher ma 'byin pas tsher zung lta bu'o/ /'khor ba'i bcings pa las yongs su 'grel pas mdza' bo lta bu'o/ /gnod pa thams cad </font><hr>38-1-311a<br><font size=+1>
sel bas nor bu lta bu'o/ /byang chub sems dpa'i spyod pa thams cad kyis 'byung ba'i lam mngon par shes par byed pas gtsug lag lta bu'o/ /bsod nams mi zad pas gter lta bu'o/ /ye shes mi zad pas chu mig lta bu'o/ /chos 
thams cad kyi gdong gi gzugs brnyan ston pas me long gi dkyil 'khor lta bu'o/ /'go ba med pas me tog pun da ri ka lta bu'o/ /pha rol tu phyin pa dang bsdu ba'i dngos po rgyun tu 'bab pas chu klung chen po lta bu'o/ /chos kyi sprin gyi char mngon par 'beb 
pas klu'i rgyal po chen po lta bu'o/ /byang chub sems dpa' thams cad kyi snying rje chen po yongs su 'dzin pas 'tsho ba'i dbang po lta bu'o/ /'chi ba med pa'i dbyings su phyin par byed pas bdud rtsi lta bu'o/ /'dul ba'i sems can thams cad 
yongs su sdud cing 'dren pas kun nas 'khor ba'i snying lta bu'o/ /'khor ba'i chu la rgyu ba mngon par 'don pas mchil pa lta bu'o/ /yon tan thams cad kyi dri zhim po 'dzin pas spos kyi snod lta bu'o/ /shin tu nad med par byed pas dug sman lta bu'o/ /
'dod pas dga' ba'i dug med par byed pas dug gi gnyen po lta bu'o/ /tshul bzhin ma yin pa'i dug thams cad 'byang bar byed pas sngags dang gzungs lta bu'o/ /sgrib pa dang bar chad kyi rtswa thams cad rnam par 'thor bas rlung gi dkyil 'khor lta bu'o/ /
byang chub kyi phyogs kyi chos rin po che thams cad kyi 'byung gnas su gyur pas rin po che'i gling lta bu'o/ /chos dkar po thams cad 'byung bas rigs lta bu'o/ /yon tan gyi chos thams cad skye ba'i sgor gyur pas 'byung gnas lta bu'o/ /byang chub sems 
dpa'i tshong pa thams cad kyis spyod pas tshong dus lta bu'o/ /las dang nyon mongs pa'i sgrib pa dang dri ma thams cad yongs su sbyong bas chu'i khams lta bu'o/ /thams cad mkhyen pa nyid kyi tshogs yongs su rdzogs par byed pas sbrang rtsi'i gnas lta bu'o/ /</font><hr>38-1-311b<br><font size=+1>
byang chub sems dpa' thams cad thams cad mkhyen pa'i pho brang du phyin par byed pas lam lta bu'o/ /chos dkar po thams cad yongs su 'dzin pas snod lta bu'o/ /nyon mongs pa'i rdul thams cad mi ldang bar byed pas char pa lta bu'o/ /byang chub sems dpa'i 
rnam par dgod pa thams cad ston pas gnas lta bu'o/ /nyan thos kyi rnam par grol ba dang mi 'dre bas rdo ba khab len lta bu'o/ /rang bzhin gyis dri ma med pas baiDUr+ya lta bu'o/ /nyan thos dang rang sangs rgyas thams cad dang 'jig rten shes pa thams cad zil du 
rlag pa dang / zil gyis non par byed pas in+d+ra nI la lta bu'o/ /nyon mongs pa'i gnyid kyis log pa'i sems can sad par byed pas tho ras kyi rnga lta bu'o/ /rnyog pa med pas chu dang ba lta bu'o/ /'dus byas dang 'dus ma byas la spyod pa'i dge ba'i rtsa ba'i 
tshogs zil du brlag par byed pas 'dzam bu chu klung gi gser gyi rgyan lta bu'o/ /'jig rten gsum las mngon par 'phags pas ri'i rgyal po chen po lta bu'o/ /skyabs tshol ba yongs su mi gtong bas skyabs lta bu'o/ /don ma yin pa 'joms pas don lta bu'o/ /
snying dga' bar byed pas dbyig lta bu'o/ /'gro ba thams cad yongs su tshim par byed pas mchod sbyin gyi yo byad lta bu'o/ /'gro ba thams cad kyi sems kyi gtso bo dang thu bor gyur pas na rgan pa lta bu'o/ /sangs rgyas kyi chos thams cad 'dzin pas gling gzhi 
lta bu'o/ /byang chub sems dpa'i spyod pa dang smon lam thams cad sdud pas mdo lta bu'o/ /'jig rten thams cad skyong bas rdzi lta bu'o/ /sdig to thams cad las rnam par zlog pas srungs ma lta bu'o/ /nyon mongs pa'i lha ma yin 'dren pas dbang po'i 
mig 'phrul lta bu'o/ /'dul ba 'dren pas chu'i zhags pa lta bu'o/ /bag chags dang bag la nyal ba dang nyon mongs pa thams cad gzhob du klog pas dbang po'i me lta bu'o/ /lha dang mi dang lha ma yin du bcas pa'i 'jig rten rnams la mchod rten lta bu'o/ /</font><hr>38-1-312a<br><font size=+1>
rigs kyi bu de ltar byang chub kyi sems ni yon tan de dag dang yon tan gyi khyad par gzhan dag kyang tshad med pa dang ldan pa ste/ rigs kyi bu mdor na sangs rgyas kyi chos thams cad dang / sangs rgyas kyi yon tan ji snyed pa de snyed du byang chub kyi sems la 
yon tan dang legs pa yod par blta'o/ /de ci'i phyir zhe na/ 'di las ni byang chub sems dpa' thams cad kyi spyod pa'i dkyil 'khor rab tu 'byung ste/ 'das pa dang ma byon pa dang / da ltar byung ba'i sangs rgyas thams cad kyang 'di las byung ngo / /rigs kyi bu 
de bas na gang gis bla na med pa yang dag par rdzogs pa'i byang chub tu sems bskyed pa de ni thams cad mkhyen pa nyid kyi sems dang / lhag pa'i bsam pas shin tu bzung bas yon tan tshad med pa phun sum tshogs pa yin no/ /rigs kyi bu 'di lta ste dper na 'jigs 
pa med pa zhes bya ba'i rtsi yod de/ de 'chang na 'jigs pa lnga mi 'byung ste/ 'di ltar mes mi tshig go /dug gis mi tshugs so/ /mtshon gyis mi chod do/ /chus mi khyer ro/ /du bas mi 'chi'o/ /rigs kyi bu de bzhin du thams cad mkhyen pa'i sems kyi 
rtsi 'chang ba'i byang chub sems dpa' yang 'dod chags kyi mes mi tshig go /yul gyi dug gis mi tshugs so/ /nyon mongs pa'i mtshon gyis mi chod do/ /srid pa'i chus mi khyer ro/ /yongs su rtog pa'i du bas mi 'chi'o/ /rigs kyi bu 'di lta
ste dper na/ rnam par mi gtong ba zhes bya ba'i rtsi yod de/ de 'chang na gzhan gyis gnod par bya ba'i 'jigs pa thams cad mi 'byung ngo / /de bzhin du byang chub sems dpa' byang chub kyi sems kyi ye shes kyi rtsi 'chang ba la'ang 'khor ba'i gnod pa'i 'jigs 
pa thams cad mi 'byung ngo / /rigs kyi bu 'di lta ste dper na/ mchu zhes bya ba'i rtsi yod de/ de 'chang na dri tshor ba tsam gyis sbrul thams cad 'byer ro/ /de bzhin du byang chub sems dpa' byang chub kyi sems kyi rtsi 'chang ba'i yon tan gyi dri tsam gyis kyang nyon </font><hr>38-1-312b<br><font size=+1>
mongs pa'i sbrul thams cad 'byer bar 'gyur ro/ /rigs kyi bu 'di lta ste dper na/ skyes bu gzhan gyis mi thub pa'i rtsi 'chang ba ni dgra yi dkyil 'khor thams cad kyis mi tshugs so/ /de bzhin du byang chub sems dpa' thams cad mkhyen pa nyid kyi sems 
gzhan gyis mi thub pa'i rtsi 'chang ba yang bdud dang phyir rgol ba'i dkyil 'khor thams cad kyis thub par dka'o/ /rigs kyi bu 'di lta ste dper na/ rnam par sel ba zhes bya ba'i rtsi yod de/ de bcangs na zug rngu thams cad 'byin par 'gyur ro/ /de bzhin du byang chub 
sems dpa' byang chub kyi sems rnam par sel ba 'chang ba ni 'dod chags dang zhe sdang dang gti mug gi zug rngu thams cad mi 'byung ngo / /rigs kyi bu 'di lta ste dper na/ rtsi'i rgyal po chen po blta na sdug pa zhes bya ba yod de/ de bcangs na nad thams cad sel 
bar 'gyur ro/ /de bzhin du byang chub sems dpa' byang chub kyi sems rtsi'i rgyal po chen po blta na sdug pa 'chad pa yang nyon mongs pa dang mi shes pa'i nad thams cad rab tu sel bar 'gyur ro/ /rigs kyi bu 'di lta ste dper na/ rtsi'i shing chen po sbyor ba zhes 
bya ba yod de/ de'i shun pas rma la reg ma thag tu thams cad 'tsho bar 'gyur ro/ gang nas bshus pa de'i shun phrags kyang phyir skye'o/ /de bzhin du byang chub kyi sems kyi sa bon las skyes pa'i shing thams cad mkhyen pa nyid du sbyor ba yang mthong ma thag tu 
rigs kyi bu dad pa rnams kyi las dang nyon mongs pa'i rma yongs su 'tsho bar 'gyur ro/ /thams cad mkhyen pa nyid kyi shing de la yang 'jig rten thams cad kyis rmad byung ba'am nyams par mi 'gyur ro/ /rigs kyi bu 'di lta ste dper na/rtsi chen po'i 
rnam pa rtsa ba ma grub pa zhes bya ba yod de/ de'i mthus 'dzam bu'i gling gi shing thams cad kyang yan lag thams cad du rnam par 'phel lo/ /de bzhin du byang chub kyi sems rtsa ba ma grub pa'i rtsi chen po'i mthus kyang / slob pa dang mi slob pa dang rang sangs rgyas dang byang chub sems </font><hr>38-1-313a<br><font size=+1>
dpa' thams cad kyi dge ba'i rtsa ba'i chos kyi shing rnams rnam par 'phel lo/ /'di lta ste dper na/ dga' ba 'thob pa zhes bya ba'i rtsi yod de/ de su'i lus la thogs pa de'i lus dang sems nad med par 'gyur ro/ /de bzhin du thams cad mkhyen pa nyid kyi sems 
dga' ba 'thob par byed pa'i rtsi yang byang chub sems dpa' thams cad kyi lus dang sems nad med pa yongs su skyed do/ /rigs kyi bu 'di lta ste dper na/ dran pa 'thob pa zhes bya ba'i rtsi yod de/ de bcangs na sems kyi dran pa rnam par dag par 'gyur ro/ /de bzhin du thams cad mkhyen 
pa nyid du sems bskyed pa dran pa 'thob par byed pa'i rtsi yang byang chub sems dpa' rnams kyi sangs rgyas kyi chos thams cad la sgrib pa med pa'i dran pa rnam par dag par byed do/ /rigs kyi bu 'di lta ste/ dper na/ pad ma chen po zhes bya ba'i rtsi yod de/ de zos ba tsam gyis tshe'i tshad 
bskal par 'gyur ro/ /de bzhin du byang chub kyi sems kyi pad mo chen po'i rtsi zos pa'i byang chub sems dpa' yang bskal pa grangs med pa'i tshe la dbang gi pha rol tu phyin pa thob par 'gyur ro/ /rigs kyi bu 'di lta ste dper na/ mi snang ba zhes bya ba'i rtsi yod de/ de bcangs na 
mi dang mi ma yin pa thams cad kyis mi mthong ngo / /de bzhin du byang chub kyi sems kyi rtsi mi snang bar 'gyur ba bcangs te 'dres pa rnam par spyod pa'i byang chub sems dpa' yang bdud kyi yul thams cad du mi snang ngo / /rigs kyi bu 'di lta ste dper na/ rgya mtsho chen po'i nang na 
nor bu rin po che'i rgyal po chen po rin po che thams cad yongs su sdud pa zhes bya ba yod de/ de 'jig rten gyi khams gzhan du ma 'phos na rgya mtsho chen po la bskal pas tshig pa'i me thams cad kyis kyang tal tsam yang bskam par nus pa'i gnas med skabs myed do/ /de bzhin du 
byang chub sems dpa' thams cad mkhyen pa nyid du sems bskyed pa nor bu rin po che thams cad yongs su sdud pa'i nor bu rin po che'i rgyal po chen po bsam pa dang / sems kyi rgyud la yod pa rnams kyi dge ba'i rtsa ba thams cad mkhyen pa nyid du bsngos pa 'ga' zhig rnam par chud za </font><hr>38-1-313b<br><font size=+1>
bar 'gyur ba de lta bu'i gnas med skabs med de/ de ni mi srid de thams cad mkhyen pa nyid du sems bskyed pa yongs su btang ba zhig tu gyur na ni dge ba'i rtsa ba thams cad kyang bskam par 'gyur ro/ /rigs kyi bu 'di lta ste dper na/ nor bu rin po che chen po 'od thams cad yongs su 
'dus pa zhes bya ba yod de/ de mgul du btags na nor bu rin po che'i rgyan thams cad kyang zil gyis non par 'gyur ro/ /de bzhin du byang chub kyi sems 'od thams cad yongs su 'dus pa'i rin po che chen po bsam pa'i rgyan du thogs pa'i byang chub sems dpa' yang nyan 
thos dang rang sangs rgyas su sems bskyed pa'i rin po che'i rgyan thams cad zil gyis gnon to/ /rigs kyi bu 'di lta ste dper na/ nor bu rin po che chen po chu 'dang zhes bya ba yod de/ de chur bcug na 'dam dang rnyog pa thams cad rab tu dang bar byed do/ /de 
bzhin du byang chub kyi sems chu 'dang gi nor bu rin po che yang nyon mongs pa'i 'dam dang / rnyog pa thams cad rab tu dang bar byed do/ /rigs kyi bu 'di lta ste dper na/ nor bu rin po che chen po chu dang 'grogs pa zhes bya ba thogs pa'i nya pa ni chur mi 
'chi'o/ /de bzhin du thams cad mkhyen pa nyid kyi sems chu dang 'grog pa'i nor bu rin po che chen po thogs pa'i byang chub sems dpa' yang 'khor ba'i rgya mtsho thams cad du mi 'chi'o/ /rigs kyi bu 'di lta ste dper na/ nor bu rin po che klu'i nor bu'i go cha zhes 
bya ba yod de/ de lag na 'dug na nya ba la stsogs pa/ chu las 'tsho ba rnams klu'i gnas thams cad du 'dong yang klu'i sbrul thams cad kyis mi tshugs so/ /de bzhin du thams cad mkhyen pa nyid du sems bskyed pa'i ye shes klu'i nor bu'i go ca 'chang ba'i byang 
chub sems dpa' yang 'dod pa'i gnas kyi khams thams cad du 'gro ba yang nyams par mi 'gyur ro/ /rigs kyi bu 'di lta ste dper na/ nor bu rin po che brgya byin mngon par chags pa thogs pa'i lha'i rgyal po brgya byin ni/ lha'i tshogs thams cad zil gyis gnon to/ /de bzhin du </font><hr>38-1-314a<br><font size=+1>
thams cad mkhyen pa nyid kyi sems brgya byin mngon par chags pa'i nor bu rin po che'i rgyal po chen po smon lam gyi cod pan mgo la thogs pa'i byang chub sems dpa' yang khams gsum pa thams cad zil gyis gnon to/ /rigs kyi bu 'di lta 
ste dper na/ nor bu rin po che chen po yid bzhin gyi rgyal po thogs pa'i mi ni phongs pa thams cad kyis mi 'jigs so/ /de bzhin du thams cad mkhyen pa nyid du sems bskyed pa yid bzhin gyi rgyal po'i nor bu rin po che chen po thogs pa'i byang chub sems dpa' 
yang yo byad dang 'tsho bas bag tsha ba thams cad kyis mi 'jigs so/ /rigs kyi bu 'di lta ste dper na/ nor bu rin po che nyi mas mdzes pa ni nyi ma la bstan na mi 'byung ngo / /de bzhin du thams cad mkhyen pa nyid du sems bskyed pa nyi mas mdzes pa'i nor bu 
rin po che yang shes rab kyi 'od zer gyis phog na ye shes kyi me 'byin to/ /rigs kyi bu 'di lta ste dper na/ nor bu rin po che zla bas mdzes pa zhes bya ba la zla ba'i 'od kyis phog na chu'i rgyun 'byin to/ /de bzhin du byang chub tu sems bskyed pa zla bas mdzes pa'i rin po 
che chen po yang dge ba'i rtsa ba yongs su bsngos pa'i zla ba'i 'od kyis phog na dge ba'i rtsa ba thams cad kyi smon lam gyi chu'i rgyun 'byin to/ /rigs kyi bu 'di lta ste dper na/ nor bu rin po che yid bzhin gyi rgyal po'i cod pan thogs pa'i klu'i rgyal po chen po rnams la 
gzhan gyi gnod par bya ba'i 'jigs pa med do/ /de bzhin du byang chub kyi sems snying rje chen po'i nor bu rin po che yid bzhin gyi rgyal po thogs pa'i byang chub sems dpa' rnams la'ang ngan song dang ngan 'gros gnod par bya ba'i 'jigs pa med do/ /rigs kyi 
bu 'di lta ste dper na/ nor bu rin po che chen po 'gro ba'i rgyan dam pa zhes bya ba ni sems can thams cad kyi bsam pa yongs su rdzogs par bya bas nam yang byang bar mi 'gyur ro/ /de bzhin du byang chub tu sems bskyed pa 'gro ba thams cad kyi rgyan gyi dam pa'i nor bu rin </font><hr>38-1-314b<br><font size=+1>
po che chen po yang sems can thams cad kyi bsam pa dang byang chub sems dpa'i smon lam yongs su rdzogs par bya bas nam yang byang bar mi 'gyur ro/ /rigs kyi bu 'di lta ste dper na/ rgyal po 'khor los sgyur ba'i nor bu rin po che chen po ni mun pa thams cad yongs 
su sel cing 'gro ste/ khyim gyi nang na gnas na yang rab tu snang bar byed do/ /de bzhin du thams cad mkhyen pa nyid du sems bskyed pa 'khor los sgyur ba'i nor bu rin po che yang ma rig pa'i mun pa thams cad sel cing 'gro ba'i rgyud thams cad du 'gro ste/ 'dod pa'i 
khams na gnas na yang ye shes kyi snang ba chen por rab tu 'gyed do/ /rigs kyi bu 'di lta ste dper na/ gang ci yang rung ste nor bu rin po che chen po in dra nI la'i 'od kyis phog pa de dag thams cad ni nor bu rin po che chen po in+d+ra nI+i la'i kha dog tu 'gyur ro/ /de 
bzhin du thams cad mkhyen pa nyid du sems bskyed pa'i nor bu rin po che chen po in dra nI la yang chos gang dang gang la rnam par spyad pa dang / yongs su btang ba dang / dge ba'i rtsa ba gang ci yang rung ste/ thams cad mkhyen pa nyid du sems bskyed pas yongs su bsngos 
pa de dag thams cad kyang thams cad mkhyen pa nyid kyi nor bu rin po che chen po'i kha dog tu 'gyur ro/ /rigs kyi bu 'di lta ste dper na/ nor bu rin po che baiDUr+yani lo brgya phrag stong du mi gtsang ba'i nad zhig na 'dug kyang dri mi zhim pa thams cad dang lhan cig mi gnas 
te/ de'i rang bzhin 'od gsal ba ni de bzhin du gsal zhing shin tu dri ma med do/ /de bzhin du thams cad mkhyen pa nyid du sems bskyed pa'i nor bu rin po che baiRUr+ya yang bskal pa brgya phrag stong zhig tu 'dod pa'i khams thams cad du gnas kyang 'dod pa'i 
khams kyi skyon thams cad kyis kun nas nyon mongs par mi 'gyur te/ chos kyi dbyings kyi rang bzhin 'od gsal ba ni de bzhin du shin tu dag par gnas so/ /rigs kyi bu 'di lta ste dper na/ nor bu rin po che chen po dri ma med pas rnam par dag pa'i 'od ces </font><hr>38-1-315a<br><font size=+1>
bya ba ni rin po che'i 'byung gnas thams cad zil gyis gnon to/ /de bzhin du thams cad mkhyen pa nyid du sems bskyed pa'i nor bu rin po che chen po dri ma med pas rnam par dag pa'i 'od kyang so so'i skye bo dang / slob pa dang mi slob pa dang / 
rang sangs rgyas thams cad kyi yon tan rin po che'i 'byung gnas zil gyis gnon to/ /rigs kyi bu 'di lta ste dper na/ rin po che chen po me 'byung ba zhes bya ba ni gcig pu gnas kyang mun pa thams cad rnam par sel to/ /de bzhin du thams cad 
mkhyen pa nyid du sems bskyed pa'i nor bu rin po che me 'byung ba lhag mthong dang ldan pa gcig pu yang tshul bzhin yid la bya bas mi shes pa'i mun pa thams cad rnam par sel to/ /rigs kyi bu 'di lta ste dper na/ rgya mtsho chen po nas grus blangs 
pa'i nor bu rin po che rin thang med pa tshong pa'i lag du 'ong ba ni grong khyer du phyin na nor bu 'ching bu brgya phrag stong yang kha dog dang Rin thang gis zil gyis gnon to/ /de bzhin du 'khor ba'i rgya mtsho chen po na gnas kyang thams cad mkhyen pa nyid du 
sems bskyed pa'i nor bu rin po che chen po rin thang med pa smon lam gyi grur bcug pa ni byang chub sems dpa' sems dang po bskyed pas lhag pa'i bsam pa'i rgyud la 'dug ste thams cad mkhyen pa'i grong khyer du ma phyin kyang rnam par grol ba'i grong khyer du phyin 
na nyan thos dang rang sangs rgyas nor bu 'ching bu lta bu thams cad zil gyis gnon to/ /rigs kyi bu 'di lta ste dper na/ nor bu rin po che chen po dbang gi rgyal po zhes bya ba yod de/ de ni 'dzam bu'i gling na gnas kyang dpag tshad stong phrag bzhi bcu 
na gnas pa'i gnyi zla'i dkyil 'khor gyi khyim gyi gzhal med khang gi gzugs brnyan gyi rgyan yongs su ston to/ /de bzhin du yon tan thams cad kyis yongs su sbyangs pa'i thams cad mkhyen pa nyid du sems bskyed pa'i nor bu rin po che chen po dbang gi rgyal po yang </font><hr>38-1-315b<br><font size=+1>
'khor ba'i gnas na 'dug bzhin du/ chos kyi dbyings kyi nam mkha'i spyod yul las rgyu ba'i de bzhin gshegs pa'i ye shes chen po'i gnyi zla dang sangs rgyas kyi yul gyi dkyil 'khor thams cad kyi gzugs brnyan gyi rgyan yongs su ston to/ /rigs kyi bu 
'di lta ste dper na/ ji srid du gnyi zla'i dkyil 'khor 'od kyis snang bar byed pa de srid du nor dang / 'bru dang / rin po che'i rnam pa dang / gser dang dngul dang / mye tog dang spos dang phreng ba dang / gos dang longs spyod gang ji snyed pa de dag thams cad kyis nor bu 
rin po che chen po dbang gi rgyal po'i rin du mi chog go /de bzhin du ji srid du dus gsum la thams cad mkhyen pa'i ye shes chos kyi dbyings kyi yul snang bar mdzad pa de srid du lha dang mi dang / nyan thos dang rang sangs rgyas thams cad kyi dge ba'i rtsa ba 
zag pa yod pa' ma/ zag pa med pa gang ji snyed pa de dag thams cad kyis kyang byang chub tu sems bskyed pa'i nor bu rin po che chen po dbang gi rgyal po'i rin du mi chog go /rigs kyi bu 'di lta ste dper na/ nor bu rin po che chen po rgya mtsho'i rgyan kyi 
dam pa zhes bya ba yod de/ de ni rgya mtsho'i rgyan thams cad yongs su ston to/ /de bzhin du byang chub tu sems bskyed pa'i nor bu rin po che chen po rgya mtsho'i rgyan gyi dam pa yang thams cad mkhyen pa'i ye shes kyi yul rgya mtsho'i rgyan thams cad yongs 
su ston to/ /rigs kyi bu 'di lta ste dper na/ nor bu rin po che chen po yid bzhin gyi rgyal po ma gtogs par lha rdzas kyi 'dzam bu chu klung gi gser las lhag par 'phags pa gang yang med do/ /de bzhin du thams cad mkhyen pa'i ye shes nor bu rin po che 
chen po yid bzhin gyi rgyal po ma gtogs par byang chub tu sems bskyed pa'i lha rdzas kyi 'dzam bu chu klung gi gser las lhag par khyad par du 'phags pa gang yang med do/ /rigs kyi bu 'di lta ste dper na/ klu'i tshogs grub par gyur pa'i sbrul 'dul ba ni klu dang </font><hr>38-1-316a<br><font size=+1>
sbrul thams cad la dbang bsgyur ro/ /de bzhin du thams cad mkhyen pa nyid du sems bskyed pa'i nan tan gyi klu'i dkyil 'khor grub pa'i byang chub sems dpa' sbrul 'dul ba yang nyon mongs pa'i klu dang / sbrul thams cad la dbang bsgyur ro/ /
rigs kyi bu 'di lta ste dper na/ dpa' bo lag cha dang ldan pa ni dgra'i 'khor gyis tshugs par dka'o/ /de bzhin du thams cad mkhyen pa nyid du sems bskyed pa'i lag cha dang ldan pa'i byang chub sems dpa' thams cad kyang nyon mongs pa'i dgra'i dkyil 'khor thams cad 
kyis thub par dka'o/ /rigs kyi bu 'di lta ste dper na/ lha rdzas kyi tsan dan sbrul gyi snying po'i phye ma srang gcig gis ni stong gi 'jig rten gyi khams dri zhim pos rgyas par 'gengs te de zho gcig tsam la yang stong gsum gyi stong chen po'i 'jig rten gyi khams rin 
po ches yongs su gang ba rin du mi chog go /de bzhin du thams cad mkhyen pa nyid du sems bskyed pa lha rdzas kyi tsan dan sbrul gyi snying pos lhag pa'i bsam pa gcig la gnas pa'i khams kyang chos kyi dbyings thams cad yon tan gyi dri zhim por rgyas par 
'gengs te slob pa dang mi slob pa dang / rang sangs rgyas thams cad kyi sems kyang zil gyis gnon to/ /rigs kyi bu 'di lta ste dper na/ tsan dan rin po che chen po kha ba'i tsan dan zhes bya ba ni gdung ba thams cad rab tu zhi bar byed de/ lus 
thams cad kyang rab tu bsal bar byed do/ /de bzhin du thams cad mkhyen pa nyid du sems bskyed pa'i kha ba'i tsan dan rin po che yang nyon mongs pa'i kun tu rtog pa dang / 'dod chags dang zhe sdang dang gti mug gis gdung ba thams cad kyang rab tu 
sel to/ /ye shes kyi lus kyang rab tu sim par byed do/ /rigs kyi bu 'di lta ste dper na/ ri'i rgyal po ri rab kyi drung du ji snyed cig nye bar 'dod pa de dag thams cad gser gyi kha dog gcig tu 'gyur ro/ /de bzhin du gang su yang </font><hr>38-1-316b<br><font size=+1>
rung ste/ thams cad mkhyen pa nyid du sems bskyed pa dang ldan pa'i byang chub sems dpa'i drung du nye bar 'ongs pa de dag thams cad kyang thams cad mkhyen pa nyid kyi kha dog tu kha dog gcig par 'gyur ro/ /rigs kyi bu 'di lta ste dper na/ shing sus 
kyang mi tshugs pa dang / kun nas 'du ba'i shun phrags kyi dri zhim po 'byung ba de lta bu ni 'dzam bu gling gi me tog par shi ka dang / me tog dza ti dang / me tog su ma na la stsogs pa me tog gi rnam pa thams cad la yang med do/ /de bzhin du byang chub sems 
dpa' thams cad mkhyen pa nyid du sems bskyed pa'i sa bon las byung ba'i smon lam gyi shing gi yon tan dang ye shes kyi shun phrags kyi dri zhim po'i ngad 'byung ba 'di lta bu ni dge ba'i rtsa ba dma' ba dang ldan pa thams cad dang / nyan thos dang /rang sangs rgyas 
kyi me tog par shi ka dang / me tog dza ti dang / me tog su ma na'i tshul khrims dang / ting nge 'dzin dang shes rab dang rnam par grol ba dang / rnam par grol ba'i ye shes mthong ba zag pa med pa dang ldan pa thams cad la yang med do/ /rigs kyi bu 'di lta 
ste dper na/ shing sus kyang mi thub pa dang / kun nas 'du ba kha 'bus par gyur na/ me tog stong phrag mang po'i 'byung gnas su gyur par shes par bya'o/ /de bzhin du thams cad mkhyen pa nyid du sems bskyed pa'i shing kun nas 'du ba dge ba'i rtsa bas kha 
'brus par gyur na/ /lha dang myi grangs myed pa'i byang chub kyi me tog zag pa dang bcas pa dang / zag pa med pa'i skye gnas su 'gyur bar shes par bya'o/ /rigs kyi bu 'di lta ste dper na/ shing kun nas 'du ba'i me tog gis nyi ma gcig tu bsgos 
ba'i gos sam/ til mar las dri zhim po'i ngad 'byung ba de lta bu yang me tog tsam pa ka dang / me tog su ma nas nyi ma brgya phrag stong du bsgos pa'i gos sam til mar las kyang mi 'byung ngo / /de bzhin du thams cad mkhyen pa nyid kyi sems kyi rgyud tshe </font><hr>38-1-317a<br><font size=+1>
gcig tu yongs su bsgoms pa'i byang chub sems dpa'i yon tan dang ye shes kyi dri zhim po'i ngad phyogs bcu'i sangs rgyas kyi zhabs kyi drung du ldang ba de lta bu ni bskal pa brgya phrag stong du bsgoms pa'i nyan thos dang rang sangs rgyas 
thams cad kyi sems las kyang zag pa med pa'i dge ba'i rtsa ba dang / chos kyi ye shes kyi dri zhim po mi 'byung ngo / /rigs kyi bu 'di lta ste dper na/ shing gi rigs ni li ki ri zhes bya ba rgya mtsho gnod pa dang bral ba nas skye ba yod de/ de'i 
rtsa ba yan chad me tog gi bar du yang dus thams cad du nam yang sems can rnams kyi nye bar 'tsho bar mi 'gyur ba med do/ /de bzhin du snying rje chen po dang smon lam gyi rtsa bas yang dag par skyes pa'i byang chub sems dpa' yang thog ma thams cad mkhyen pa 
nyid du sems bskyed pa nas nye bar bzung ba phyin chad dam pa'i chos gnas pa'i mthar thug gi bar du nam yang lha dang bcas pa'i 'jig rten gyi nye bar 'tsho bar mi 'gyur ba med do/ /rigs kyi bu 'di lta ste dper na/ dngul chu'i rigs gser du 
snang ba zhes bya ba yod de/ de ni srang gcig gis kyang lcags srang stong gser du 'gyur ro/ /dngul chu srang gcig po de ni lcags srang stong po des zad par bya ba 'am lcags su bsgyur bar mi nus so/ /de bzhin du thams cad mkhyen pa nyid du sems bskyed 
pa'i ro'i khams dge ba'i rtsa ba yongs su bsngo ba'i ye shes kyis bzung ba ni las dang nyon mongs pa'i sgrib pa'i lcags thams cad zad par byas te/ chos thams cad mkhyen pa nyid kyi kha dog tu byed kyang thams cad mkhyen pa nyid du sems bskyed pa'i 
ro'i khams gcig po de ni las dang nyon mongs pa'i lcags thams cad kyis kyang kun nas nyon mongs par bya ba'am/ zad par mi nus so/ /rigs kyi bu 'di lta ste dper na/ me ni ji tsam du chung du zin kyang rkyen ji tsam dang phrad pa de tsam gyi me </font><hr>38-1-317b<br><font size=+1>
lce yongs su bskyed do/ /de bzhin du thams cad mkhyen pa nyid du sems bskyed pa'i mye ci tsam du chung du zin kyang dmyigs pa rgya chen po'i tshogs kyi rkyen ji tsam dang phrad pa de tsam du ye shes kyi 'od 'phro ba rab tu dgye bas rnam par 'phel bar byed do/ /
rigs kyi bu 'di lta ste dper na/ mye mar gcig las mye mar bye ba brgya phrag stong zhig bus kyang me mar de ni mye mar de snyed byung bas mi zad de mthar thug pa med do/ /de bzhin du thams cad mkhyen pa nyid du sems bskyed pa'i me mar gcig las 'das pa 
dang ma byon pa dang / da ltar byung ba'i de bzhin gshegs pa thams cad kyi thams cad mkhyen pa nyid du thugs bskyed pa'i me mar mang po 'bar yang thams cad mkhyen pa nyid du sems bskyed pa'i me mar gcig po de ni de snyed kyi thams cad mkhyen pa 
nyid du sems bskyed pa'i me mar 'byung bas mi zad de mthar thug pa med do/ /rigs kyi bu 'di lta ste dper na/ me mar gcig cig khyim 'am/ khang bu ji lta bur bcug kyang rung ste/ bcug ma thag tu lo stong du bsags bsags pa'i mun pa yang rnam 
par sel cing snang bar byed do/ /de bzhin du thams cad mkhyen pa nyid du sems bskyed pa gcig kyang sems can gyi bsam pa'i khyim thibs po ma rig pa'i mun pa dang ldan pa ji lta bu yang rung ste/ de'i rgyud du phyin na de phyin ma thag tu bskal pa brgya stong brjod 
du med par bstsags pa'i las dang nyon mongs pa'i sgrib pa dang / mun pa thams cad rnam par sel cing ye shes kyi snang ba yongs su bskyed do/ /rigs kyi bu 'di lta ste dper na/ me mar ni snying po ji tsam pa de'i rkyen tsam du snang bar byed de/ mar gyi tshogs ji 
srid du gnas pa de srid du 'bar ro/ /de bzhin du thams cad mkhyen pa nyid du sems bskyed pa'i me mar yang byang chub sems dpa'i smon lam gyi snying po'i khyad par ci 'dra ba de lta bur chos kyi dbyings yongs su snang bar byed de/ snying rje chen pos spyod pa'i mar </font><hr>38-1-318a<br><font size=+1>
gyi tshogs ci srid du gnas pa de srid du sems can gdul ba dang / zhing yongs su dag par bya ba dang / sangs rgyas kyi sku don bsgrub pa la yongs su 'bar bar gnas so// //shin tu rgyas pa chen po'i mdo sangs rgyas 
rmad gcad ces bya ba/bam po nyi shu pa/ rigs kyi bu 'di lta ste dper na/ lha rdzas kyi 'dzam bu chu klung gi gser gyi rgyan lha'i rgyal po dbang bsgyur gyi mgo la thogs pa ni 'dod pa la spyod pa'i lha'i bu thams cad kyis mi 'phrogs so/ /de bzhin du thams cad 
mkhyen pa nyid du sems bskyed pa lha rdzas kyi 'dzam bu chu klung gi gser gyi rgyan nan tan dang yon tan la rab tu gnas pa byang chub sems dpa' phyir myi ldog pa rnams kyi sman lam chen po'i mgo la thogs pa ni byis pa tha dad pa'i skye bo dang / slob pa dang / mi slob pa dang 
rang sangs rgyas thams cad kyis mi 'phrogs so/ /rigs kyi bu 'di lta ste dper na/ ri dgas kyi rgyal po seng ge'i nga ros ni seng ge'i phru gu skyes nas/ ring por ma lon pa'ang nyams su bde zhing rta'i ri dgas thams cad ni kun tu 'byer bar 'gyur ro/ /de bzhin 
du de bzhin gshegs pas skyes bu'i seng ge chen po thams cad mkhyen pa nyid kyi nga ro byang chub kyi sems yongs su brjod pa phyung bas ni las dang po ba'i byang chub sems dpa' seng ge'i phru gu rnams sangs rgyas kyi nyams su bde zhing rta'i dmyigs pa la gnas pa'i 
sems can thams cad ni kun tu 'byar ro/ /rigs kyi bu 'di lta ste dper na/ seng ge'i rgyus pa las rgyud du byas pa'i pi bang gi sgras ni pi bang thams cad kyi rgyud yongs su chad do/ /de bzhin du de bzhin gshegs pa seng ge pha rol tu phyin pa'i sku 
mnga' ba'i byang chub tu sems bskyed pa'i rgyus pa'i yon tan brjod pa'i sgras 'dod pa'i rgyud kyi dga' ba'i pi bang thams cad kyi rgyud yongs su chad par 'gyur ro/ /nyan thos dang rang sangs rgyas kyi spyod pa dang / yon tan gyi gtam thams cad </font><hr>38-1-318b<br><font size=+1>
kyang yongs su 'gags par 'gyur ro/ /rigs kyi bu 'di lta ste dper na/ rgya mtsho chen po ba dang / ma he dang / ra'i 'o mas yongs su gang ba'i nang du seng ge'i 'o ma thigs pa gcig blugs pas 'o ma de dag thams cad 'gyes par 'gyur te 'dur mi gtub 
bo/ /de bzhin du bskal pa brgya phrag stong du bstsags pa'i nyon mongs pa kun gyi 'o ma'i rgya mtshor yang de bzhin gshegs pa skyes bu'i seng ge chen po'i thams cad mkhyen pa nyid du sems bskyed pa'i 'o ma thigs pa gcig blugs pas thams cad ma lus par 
zad par 'gyur te/ nyan thos dang rang sangs rgyas thams cad kyi rnam par thar pa rnams kyang mi gnas mi 'du'o/ /rigs kyi bu 'di lta ste dper na/ bya ka la ping ka'i phru gu sgo nga'i sbubs nas ma byung ba la nga ro'i mthu'i khyad par yod pa de lta bu ni/ gangs kyi ri 
la gnas pa'i bya'i tshogs mthu dang shugs thams cad yongs su rdzogs pa thams cad la yang med do/ /de bzhin du byang chub sems dpa' ka la ping ka'i phru gu las dang po ba 'khor ba'i sgo nga'i sbubs na 'dug pa la snying rje chen po dang byang chub kyi sems kyi nga ro 
mthu'i khyad par yod pa de lta bu ni nyan thos dang rang sangs rgyas thams cad la med do/ /rigs kyi bu 'di lta ste dper na/ nam mkha' lding chen po'i phru gu skyes nas ring po ma lon pa la gshog pa'i rlung gi stobs dang mthu bdog pa dang / myig yongs su 
dag pa'i yon tan yod pa de lta bu ni de ma yin pa'i bya lus tshad du phyin pa gzhan thams cad la yang med do/ /de bzhin du de bzhin gshegs pa nam mkha' lding chen po'i rigs dang rgyud du byung ba'i byang chub sems dpa' nam mkha' lding chen po'i 
phru gu sems dang po bskyed pa thams cad mkhyen pa nyid du sems bskyed pa'i gshog pa'i rlung gi stobs dang shugs bdog pa dang / snying rje chen po dang lhag pa'i bsam pa'i myig yongs su dag pa'i yon tan yod pa ni nyan thos dang rang sangs rgyas bskal </font><hr>38-1-319a<br><font size=+1>
ba brgya stong tshang bas byung ba thams cad la myed do/ /rigs kyi bu 'di lta ste dper na/ skyes bu chen po'i lag nas spyad pa'i mde'u thung gis ni go ca ji tsam du sra yang rtol to/ /de bzhin du byang chub sems dpa' brtson 
'grus brtan po dang ldan pa'i lag nas spyad pa'i thams cad mkhyen pa nyid du sems bskyed pa'i mde'u thung gis kyang lta ba dang bag la nyal ba'i go ca thams cad mi rtol ba med do/ /rigs kyi bu 'di lta ste dper na/ mthu bo che chen po khros te 
rngam pa'i 'phral ba la thor bu ji srid du gnas pa de srid du 'dzam bu'i gling gi mi thams cad kyis kyang mi thub bo/ /de bzhin du byang chub sems dpa' mthu bo che chen po snying rje chen pos rngam pa'i lhag pa'i bsam pa'i gdong la thams cad mkhyen pa 
nyid du sems bskyed pa'i thor bu ji srid du gnas pa de srid du 'jig rten gyi khams thams cad du gtogs pa'i bdud thams cad dang bdud kyi las thams cad kyis kyang mi thub bo/ /rigs kyi bu 'di lta ste dper na/ 'phong gi slob dpon gyi mchan bu ma byang 
ba 'phong gi thabs la ma goms pa la 'phong gi gnas dang thabs kyi mthu dang khyad par bdog pa de lta bu ni thams cad la byang yang 'phong mi shes pa rnams la med do/ /de bzhin du byang chub sems dpa' cang shes las dang po ba thams cad mkhyen pa nyid 
kyis lam goms pa la smon lam gyi ye shes dang / mos pas spyod pa'i mthu'i khyad par ci bdog pa de lta bu ni byang chub tu sems bskyed pa'i sems can thams cad dang slob pa dang / mi slob pa dang / rang sangs rgyas thams cad la 
med do/ /rigs kyi bu 'di lta ste dper na/ 'phong slob pa'i 'phong gi rgyus thams cad la ni dang por rkang pa'i stangs la gom par bya ba sngon du 'gro'o/ /de bzhin du byang chub sems dpa' thams cad mkhyen pa nyid kyi sa la slob pas sangs rgyas kyi </font><hr>38-1-319b<br><font size=+1>
chos thams cad khong du chud par bya ba la yang dang por thams cad mkhyen pa nyid du sems bskyed pa'i lhag pa'i bsam pa la yang dag par gnas pa sngon du 'gro'o/ /rigs kyi bu 'di lta ste dper na/ sgyu ma'i mkhan po sgyu ma'i rnam pa dang yul thams 
cad yongs su ston pa'i bya ba thams cad ni dang por sngags kyi dngos grub mngon par bsgrub pa yid la byas na 'grub par 'gyur ro/ /de bzhin du byang chub sems dpa'i yul dang rnam par 'phrul pa thams cad yongs su ston pa'i sangs rgyas dang byang chub 
sems dpa'i yul thams cad la yang dang po sems bskyed pa'i smon lam mngon par bsgrub pa ni yongs su grub pa yin no/ /rigs kyi bu 'di lta ste dper na/ sgyu ma'i sngags dang rig sngags thams cad ni gzugs med pa la bstan du myed pa yin yang 
sems bskyed pas sgyu ma'i sprul pa dang gzugs kyi rnam pa thams cad yongs su ston to/ /de bzhin du thams cad mkhyen pa nyid du sems bskyed pa yang gzugs med pa la bsten du med de/ chos kyi dbyings thams cad sems bskyed pa la dbang bsgyur ba tsam 
gyis chos kyi dbyings thams cad yon tan gyi rgyan rnam par phye ba thams cad kyis rnam par sgrub bo/ /rigs kyi bu 'di lta ste dper na/ byi la'i mig gis bltas pa tsam gyis byi ba thams cad kun tu 'byer ro/ /de bzhin du byang chub sems dpa'i thams cad mkhyen 
pa nyid du sems bskyed pa'i lhag pa'i bsam pa'i sbyor ba tsam gyis las dang nyon mongs pa thams cad 'byer bar 'gyur ro/ /rigs kyi bu 'di lta ste dper na/ 'dzam bu chu klung gi gser gyi rgyan btags na rgyan thams cad zil gyis gnon to/ /de bzhin du byang chub sems 
dpa' byang chub kyi sems 'dzam bu chu klung gi gser gyi rgyan thogs pa yang nyan thos dang rang sangs rgyas thams cad kyi yon tan gyi rgyan zil gyis gnon to/ /zil du rlag par byed do/ /rigs kyi bu 'di lta ste dper na/ rdo ba khab long gi rgyal po'i </font><hr>38-1-320a<br><font size=+1>
khams ji tsam du chung yang lcags sgrog sra ba thams cad zhig par byed do/ /de bzhin du sems thag pa nas bskyed pa'i thams cad mkhyen pa nyid du sems bskyed pa'i khams ji tsam du chung yang lta ba'i rnam pa dang / ma rig pa dang 
sred pa'i sgrog thams cad zhig par byed do/ /rigs kyi bu 'di lta ste dper na/ rdo ba khab long gi khams ni gang dang gang du bzhag pa de dang der lcags phal pa thams cad 'gyes shing mi gnas la mi 'du'o/ /de bzhin du thams cad mkhyen pa nyid du sems bskyed pa'i 
khams kyang las dang nyon mongs pa'am/ nyan thos dang rang sangs rgyas kyi rnam par grol ba gang dang gang du byung ba de dang de dag gi las dang nyon mongs pa thams cad dang nyan thos dang rang sangs rgyas kyi rnam par thar pa thams cad kyang 'byer zhing mi 'khod 
mi 'du'o/ /rigs kyi bu 'di lta ste dper na/ chu srin gyi tshil gyi zegs ma gcig zos pa'i nya ba ni chu'i srog chags thams cad kyi 'jigs pa dang bral ba yin te/ chu srin gyis sos btab kyang lus la mi tshugs so/ /de bzhin du lhag pa'i bsam 
pas byang chub kyi sems kyi cha gcig zos pa'i byang chub sems dpa' yang 'khor ba'i las dang nyon mongs pa'i 'jigs pa dang bral ba yin te/ nyan thos dang rang sangs rgyas thams cad kyi mngon par khong du chud par bya ba'i nang na 'dug kyang yang dag pa'i 
mtha' mngon du bya ba'i lam gol bar ltung bas gnod par mi 'gyur ro/ /rigs kyi bu 'di lta ste dper na/ bdud rtsi'i chu 'thungs pa'i skyes bu ni gzhan gyi gnod par bya ba thams cad kyis mi 'chi'o/ /de bzhin du byang chub sems dpa' thams cad 
mkhyen pa nyid du sems bskyed pa'i bdud rtsi'i chu 'thungs pa yang nyan thos dang rang sangs rgyas thams cad kyi sar mi 'chi'o/ /byang chub sems dpa'i snying rje chen po'i smon lam las kyang rgyun 'chad par mi 'gyur ro/ /rigs kyi bu 'di lta ste dper na/</font><hr>38-1-320b<br><font size=+1>
bsku ba grub pa'i skyes bu ni mi'i gnas thams cad na rnam par spyod kyang myi kun gyis mi mthong ngo / /de bzhin du byang chub sems dpa' byang chub tu sems bskyed pa'i shes rab dang smon lam gyis nye bar bstan pa bdud kyi yul thams cad rnam par spyod kyang 
bdud thams cad kyis mi mthong ngo / /rigs kyi bu 'di lta ste dper na/ rgyal po chen po la rten pa'i skyes ba ni skye bo ma rabs thams cad kyis mi 'jigs so/ /de bzhin du byang chub sems dpa' thams cad mkhyen pa nyid du sems bskyed pa chos 
kyi rgyal po chen po la rten pa yang sgrib pa dang bar chad dang ngan song thams cad kyis mi 'jigs so/ /rigs kyi bu 'di lta ste dper na/ sa phug gi khyim na gnas na sa'i gse ba thams cad rlan gyis yongs su gang bas me'i 'jigs pa med do/ /
de bzhin du byang chub sems dpa' sems kyi rgyud byang chub kyi sems kyi dge ba'i rtsa bas mngon par brlan pa la'ang nyan thos dang rang sangs rgyas kyi rnam par grol ba'i ye shes kyi myes 'jigs pa med do/ /rigs kyi bu 'di lta ste dper na/ dpa' bo la rten 
pa'i myi ni dgra thams cad kyis mi 'jigs so/ /de bzhin du byang chub sems dpa' thams cad mkhyen pa nyid du sems bskyed pa dpa' bo la rten pa yang spyod pa ngan pa'i dgra thams cad kyis mi 'jigs so/ /rigs kyi bu 'di lta ste dper na/ 
lha'i dbang po brgya byin rdo rje'i lag ca thogs pa ni lha ma yin gyi tshogs thams cad rab tu 'jom mo/ /de bzhin du byang chub sems dpa' thams cad mkhyen pa nyid du sems bskyed pa brtan pa'i lhag pa'i bsam pa rdo rje'i lag ca thogs pa 
yang bdud dang phas kyi rgol ba'i lha ma yin gyi tshogs thams cad rab tu 'jom mo/ /rigs kyi bu 'di lta ste dper na/ rtsi ro'i bcud 'thungs pa'i skyes bu ni tshe shin tu ring bar gnas so/ /nyam chung bar mi 'gyur ro/ /rga bar mi </font><hr>38-1-321a<br><font size=+1>
'gyur ro/ /de bzhin du byang chub sems dpa' thams cad mkhyen pa nyid du sems bskyed pa'i ro'i bcud kyi tshogs 'thungs pa yang bskal pa grangs med par 'khor ba na 'khor yang yongs su skyo ba med la 'khor ba'i 
skyon gyis mi gos so/ /rigs kyi bu 'di lta ste dper na/ sman gyi ro sbyar ro cog thams cad du chu ni sngon du 'gro ba ste/ gang la'ang skyon du mi 'gyur ro/ /de bzhin du byang chub sems dpa'i spyod pa dang / smon lam gyi tshogs sbyar ba thams 
cad du thams cad mkhyen pa nyid du sems bskyed pa ni sngon du 'gro ba ste/ gang la yang skyon du mi 'gyur ro/ /rigs kyi bu 'di lta ste dper na/ mi'i don du bya ba thams cad la ni srog gi dbang po sngon du 'gro'o/ /de bzhin du byang chub sems 
dpa' sangs rgyas kyi chos thams cad yang dag par blang ba la'ang byang chub kyi sems sngon du 'gro'o/ /rigs kyi bu 'di lta ste dper na/ skyes bu srog gi dbang po dang bral ba ni las thams cad la mthu med pas pha ma dang gnyen bshes kyi tshogs 
kyis kyang nye bar 'tsho bar byar med do/ /de bzhin du byang chub sems dpa' thams cad mkhyen pa nyid du sems bskyed pa dang bral ba yang / sangs rgyas kyi ye shes thob par bya ba la mthu med pas sems can thams cad kyis kyang thams cad 
mkhyen pa nyid kyi yon tan gyis nye bar 'tsho bar byar myed do/ /rigs kyi bu 'di lta ste dper na/ rgya mtsho chen po ni dug thams cad kyis gdug par mi nus so/ /de bzhin du thams cad mkhyen pa nyid du sems bskyed pa rgya mtsho chen po yang las 
dang nyon mongs pa dang / nyan thos dang rang sangs rgyas su sems bskyed pa'i dug thams cad kyis gdug par mi nus so/ /rigs kyi bu 'di lta ste dper na/ nyi ma'i dkyil 'khor ni skar ma thams cad kyi 'od kyis thub par mi nus so/ /</font><hr>38-1-321b<br><font size=+1>
de bzhin du thams cad mkhyen pa nyid du sems bskyed pa'i nyi ma'i dkyil 'khor yang nyan thos dang rang sangs rgyas kyi skar ma thams cad kyi yon tan zag pa med pa'i 'od kyis mi thub bo/ /rigs kyi bu 'di lta ste dper na/ rgyal po'i bu skyes nas yun 
ring du ma lon pa yang blo'i mchog tu bya ba nas rgan pa thams cad rigs su rigs dang ldan par skyes pa dang / dbang gis zil gyis gnon to/ /de bzhin du byang chub sems dpa' byang chub tu sems bskyed nas ring po ma lon pa 
chos kyi rgyal po de bzhin gshegs pa'i rigs su skyes pa las dang po ba yang yun ring po nas tshangs par spyod spyod pa'i nyan thos nas rgan pa thams cad byang chub kyi sems kyi snying rje chen po'i dbang gi zil gyis gnon to/ /rigs kyi bu 
'di lta ste dper na/ blon po ji tsam du nas rgan pas kyang rgyal bu gzhon nu+i ji tsam du chung ba la yang phyag bya dgos so/ /rgyal po'i bus kyang blon po rgan po la rim gror mi bya ba ma yin no/ /de bzhin du nyan thos dang rang sangs rgyas ji tsam du rgan la ji tsam 
du tshangs pa'i spyod pa ring du spyod spyod pa rnams kyis kyang byang chub sems dpa' las dang po ba la gdud par bya'o/ /byang chub sems dpas kyang nyan thos dang rang sangs rgyas rnams la rim gro med par bya ba ma yin no/ /rigs kyi bu 'di lta ste dper 
na/ rgyal po'i bu thams cad kyis mi dgos par bya ba zhig na'ang rgyal po'i mtshan dang ldan na rigs kyi btsun pas rgyal po'i blon po dam par bya ba thams cad dang yang mi mnyam mo/ /de bzhin du byang chub sems dpa' las dang po ba las dang nyon 
mongs pa'i nye bar len pa thams cad kyis non pa yang thams cad mkhyen pa nyid du sems bskyed pa'i mtshan dang ldan na/ sangs rgyas kyi rigs kyis btsun zhing che bas nyan thos dang rang sangs rgyas mchog tu phyin pa thams cad dang yang mi mnyam mo/ /</font><hr>38-1-322a<br><font size=+1>
rigs kyi bu 'di lta ste dper na/ nor bu rin po che yongs su dag pa ni mig la rab rib kyi skyon yod na yongs su ma dag par snang ngo / /de bzhin du thams cad mkhyen pa nyid du sems bskyed pa rin po che rang bzhin gyis yongs su dag pa 
yang sems can dad pa'i mig mi shes pa'i rab rib kyi skyon dang ldan pa rnams la yongs su ma dag par snang ngo / /rigs kyi bu 'di lta ste dper na/ rtsi'i gzungs sngags dang rtsi thams cad bsdus te byas pa ni/ reg gam mthong ngam/ 'grogs na yang 
sems can gyi nad rab tu zhi bar byed do/ /de bzhin du byang chub kyi sems kyi smon lam dang ye shes kyi lus dge ba'i rtsa ba'i tshogs dang shes rab dang thabs kyi sngags dang rtsi thams cad las bsgrubs pa byang chub kyi sems dang ldan pa ni thos sam mthong 
ngam/ 'grogs sam rjes su dran pa'i tshul gyis kyang sems can gyi nyon mongs pa'i nad rab tu zhi bar byed do/ /rigs kyi bu 'di lta ste dper na/ gos dang ba'i mtshan nyid can ni 'dam gyi nyes pa thams cad kyis mi gos so/ /de bzhin du byang chub kyi 
sems kyi gos dang pa'i mtshan nyid can ni 'khor ba'i nyon mongs pa'i 'dam gyi skyon thams cad kyis kun nas nyon mongs par mi 'gyur ro/ /rigs kyi bu 'di lta ste dper na/ shing gi gzugs mgo gzer gyis btab pa ni yongs su 'gyes par mi 'gyur te/ 
bya ba thams cad kyang byed do/ /de bzhin du thams cad mkhyen pa nyid du smon pa'i ye shes kyi lus kyi spyi bo byang chub tu sems bskyed pa'i smon lam gyi gzer gyis btab pa yang byang chub sems dpa'i bya ba thams cad la mthu yod de/ thams cad mkhyen pa nyid kyi 
smon lam gyi ye shes las lus su grub pa yin pas yongs su 'gyes par mi 'gyur ro/ /rigs kyi bu 'di lta ste dper na/ gzer dang mi ldan pa'i 'khrul 'khor ni shing gi yan lag de nyid yin yang dgos pa bya ba'i mthu med do/ /de bzhin du byang chub </font><hr>38-1-322b<br><font size=+1>
sems dpa' thams cad mkhyen pa nyid du sems bskyed pa'i lhag pa'i bsam pa dang mi ldan na/ byang chub kyi yan lag gi tshogs de nyid yin yang sangs rgyas kyi chos bsgrub pa la mthu med do/ /rigs kyi bu 'di lta ste dper na/ 'khor los sgyur ba'i rgyal po 
la rin po che'i a ga ru nag po glang po'i snying po zhes bya ba yod pa des bdugs ma thag tu rgyal po'i 'khor los sgyur ba'i yan lag bzhi'i dpung gi tshogs thams cad kyang nam mkha' la gnas par 'gyur ro/ /de bzhin du thams cad mkhyen pa nyid 
du sems bskyed pa a ga rus bdugs pa'i byang chub sems dpa'i dge ba'i rtsa ba thams cad kyang khams gsum pa thams cad las rnam par 'das te/ de bzhin gshegs pa'i ye shes nam mkha'i spyod yul 'dus ma byas pa thams cad kyi mthar 
thug par 'gyur ro/ /rigs kyi bu 'di lta ste dper na/ rdo rje ni rin po che ma rabs kyi 'byung khung nas mi 'byung gi rdo rje'i 'byung khung ngam/ gser gyi 'byung khungs nas 'byung ngo / /de bzhin du thams cad mkhyen pa nyid du sems bskyed pa rdo rje 
lta bu'ang sems can gyi bsam pa'i dge ba'i rtsa ba ma rabs kyi rin po che'i 'byung gnas nas mi skye ste/ gzhan du na sems can yongs su skyob pa'i snying rje chen po'i rdo rje'i 'byung khung ngam/ thams cad mkhyen pa'i ye shes la lhag par 
dmigs pa'i gser gyi 'byung khungs chen po nas 'byung ngo / /rigs kyi bu 'di lta ste dper na/ shing gi rigs rtsa ba med pa zhes bya ba yod de/ de'i rtsa ba mthar thug pa mi dmigs mod kyi shing rnams la yal ga dang lo ma dang 'dab ma dang me tog shin 
tu rgyas pa dra ba lta bur gyur pa yang snang ngo / /de bzhin du thams cad mkhyen pa nyid du sems bskyed pa'i dge ba'i rtsa ba'i mthar thug pa'ang mi dmigs mod kyi 'jig rten gyi skye gnas thams cad du yang thams cad mkhyen pa nyid kyi bsod nams dang ye shes dang </font><hr>38-1-323a<br><font size=+1>
mngon par shes pa'i me tog shin tu rgyas pa smon lam chen po'i dra bar gyur pa yang yongs su snang ngo / /rigs kyi bu 'di lta ste dper na/ rdo rje ni snod ngan pa'i gzhi la 'dug na mdzes par mi snang ngo / /snod ma rdol ba ma gtogs par snod rdol 
ba dang / bu ga can gyis gzung bar mi nus so/ /de bzhin du thams cad mkhyen pa nyid du sems bskyed pa'i rdo rje chen po yang sems can mos pa zhen pa'i snod dang / ser sna can nam tshul khrims ngan pa can nam gnod sems can nam/ le lo can nam/ dran pa 'khrug 
pa'am/ shes rab 'chal ba can rnams la mi mdzes te/ /byang chub sems dpa'i lhag pa'i bsam pa rin po che'i snod ma gtogs par sems can lhag pa'i bsam pa log pa la zhugs pa blo mi brtan pa'i snod kyis kyang gzung bar mi nus so/ /
rigs kyi bu 'di lta ste dper na/ rdo rje ni rin po che thams cad 'bugs so/ /de bzhin du thams cad mkhyen pa nyid du sems bskyed pa rdo rje yang sangs rgyas kyi chos rin po che thams cad phugs par khong du chud par byed do/ /rigs kyi bu 'di lta 
ste dper na/ rdo rje ni brag thams cad shigs par 'jom mo/ /de bzhin du thams cad mkhyen pa nyid du sems bskyed pa rdo rje yang / lta ba'i rnam pa thams cad kyi brag shigs par 'jom mo/ /rigs kyi bu 'di lta ste dper na/ rdo rje rin po che ni chag 
kyang thams cad las khyad par du 'phags pa'i gser gyi rgyan zil gyis gnon to/ /de bzhin du thams cad mkhyen pa nyid du sems bskyed pa rdo rje rin po che bsam pa log par zhugs pas chag par gyur kyang nyan thos dang rang sangs rgyas thams cad kyi yon tan 
gyi gser gyi rgyan zil gyis gnon to/ /rigs kyi bu 'di lta ste dper na/ rdo rje rin po che ni chag kyang phongs pa thams cad rnam par sel to/ /de bzhin du thams cad mkhyen pa nyid du sems bskyed pa rdo rje rin po che nan tan med pas chag par gyur kyang / 'khor ba'i </font><hr>38-1-323b<br><font size=+1>
phongs pa thams cad rnam par sel to/ /rigs kyi bu 'di lta ste dper na/rdo rje'i khams ni ji tsam zhig tu chung yang nor bu dang rdo thams cad gcog pa'i mtshan nyid do/ /de bzhin du dmigs pa ji tsam du chung ba la zhugs kyang thams cad mkhyen pa nyid du sems bskyed 
pa rdo rje'i khams ni mi shes pa thams cad 'jig par byed pa'i mtshan nyid do/ /rigs kyi bu 'di lta ste dper na/ rdo rje rin po che ni skye bo ma rabs kyi lag tu phyin par mi 'gyur ro/ /de bzhin du thams cad mkhyen pa nyid du sems bskyed pa rdo rje rin po che yang ma 
rabs kyi bsam pa dang ldan pa/ dge ba'i rtsa ba ngan ngon can gyi lha dang mi'i lag tu phyin par mi 'gyur ro/ /rigs kyi bu 'di lta ste dper na/ rin po che yongs su brtag pa la mi mkhas pa'i skyes bu ni rdo rje rin po che'i yon tan mi shes pas de'i yon tan 
nyams su myong bar mi 'gyur ro/ /de bzhin du shes rab 'chal pa'i ngang tshul dang ldan pa'i skyes bu gang zag kyang byang chub kyi sems rdo rje rin po che chen po'i yon tan la mi mkhas pas kyang de'i yon tan gyi khyad par nyams su myong bar mi 'gyur ro/ /
rigs kyi bu 'di lta ste dper na/ rdo rje ni zhu bar mi nus so/ /de bzhin du thams cad mkhyen pa nyid kyi rgyur gyur pa'i byang chub tu sems bskyed pa rdo rje yang zhu bar mi nus so/ /rigs kyi bu 'di lta ste dper na/ rdo rje'i lag ca chen po ni gzhan du na mthu bo 
che chen po'i stobs ltar khyad par du 'phags pa'i mthu stobs kyi shugs drag po ma gtogs par stobs po che chen pos kyang gzung bar mi nus so/ /de bzhin du thams cad mkhyen pa nyid du sems bskyed pa'i rdo rje'i lag ca chen po yang gzhan du na byang chub 
sems dpa' chen po thams cad mkhyen pa nyid kyi rgyu'i stobs kyis brtan pa dge ba'i rtsa ba tshad med pa'i mthu bo che chen po'i stobs ltar khyad par du 'phags pa stobs kyi shugs chen po rab tu thob pa ma gtogs par nyan thos dang rang sangs rgyas stobs po che thams </font><hr>38-1-324a<br><font size=+1>
cad kyis kyang yongs su gzung bar mi nus so/ /rigs kyi bu 'di lta ste dper na/ mtshon cha thams cad kyis mi tshugs pa gang du yang rdo rjes mi tshugs pa med de kha mi 'bab bo/ /de bzhin du sems can yongs su smin par bya ba dang / gdul ba'am/ dus gsum 
gyi bskal par spyad pa'i sdug bsngal dang 'grogs par bya ba gang du nyan thos dang rang sangs rgyas kyi smon lam dang ye shes kyi mtshon chas rdugs pa thams cad mkhyen pa nyid du sems bskyed pa'i rdo rje'i mtshon cha chen po thogs pa'i byang chub sems dpa' 
yongs su skyo ba'i yid med pas ni mi bzod pa med de/ kha mi 'bab bo/ /rigs kyi bu 'di lta ste dper na/ rdo rje ni gzhan du na rdo rje nyid las gyur pa'i gzhi ma gtogs par sa'i phyogs gang gis kyang gzung bar mi nus so/ /de bzhin du byang chub sems dpa'i 
'byung ba'i smon lam gyi tshogs rdo rje ni gzhan du na lhag pa'i bsam pas byang chub tu sems bskyed pa rdo rje brtan pa'i sa gzhi ma gtogs par/ nyan thos dang / rang sangs rgyas thams cad kyis gzung bar mi nus so/ /rigs kyi bu 'di lta ste dper na/ rgya mtsho 
chen po'i snod rdo rje'i gzhi sra zhing gseb med pas chu gsang du 'dzag par mi 'gyur ro/ /de bzhin du byang chub sems dpa'i dge ba'i rtsa ba byang chub kyi sems rdo rje gseb med pa yongs su bsngos pa'i gzhi can la gnas pa yang srid par skye ba thams 
cad kyis zad par mi 'gyur ro/ /rigs kyi bu 'di lta ste dper na/ rdo rje'i gzhi la brten pa'i sa chen po ni 'jig par mi 'gyur ro/ /dma' bar mi 'gyur ro/ /de bzhin du byang chub tu sems bskyed pa rdo rje sra ba'i gzhi la brten pa'i byang chub sems dpa'i smon lam 
rnams kyang khams gsum thams cad du 'jig par mi 'gyur dma' bar mi 'gyur ro/ /rigs kyi bu 'di lta ste dper na/ rdo rje ni chus bangs pa'am rul bar mi 'gyur ro/ /de bzhin du byang chub tu sems bskyed pa rdo rje yang las dang nyon mongs pa thams </font><hr>38-1-324b<br><font size=+1>
cad kyi chur bskal par gnas kyang rul bar mi 'gyur bangs par mi 'gyur ro/ /rigs kyi bu 'di lta ste dper na/ rdo rje ni me thams cad kyi drod kyis kyang tshig par mi 'gyur yongs su gdung bar yang mi 'gyur ro/ /de bzhin du thams cad mkhyen pa nyid du sems 
bskyed pa rdo rje yang 'khor ba thams cad kyi sdug bsngal gyi mye'i drod thams cad kyis mi tshig go /nyon mongs pa thams cad kyi mye'i gdung bas gdung bar mi 'gyur ro/ /rigs kyi bu 'di lta ste dper na de bzhin gshegs pa dgra bcom pa yang dag par rdzogs 
pa'i sangs rgyas snying po byang chub la bzhugs shing / bdud rgol tu gzhug pa mdzad pa dang / thams cad mkhyen pa nyid du mngon par rdzogs par 'tshang rgya ba rnams kyi gdan ni gzhan du na stong gsum gyi stong chen po'i 'jig rten gyi khams kyi rdo rje'i lte 
ba'i sa'i gzhi ma gtogs par sa'i phyogs gzhan gyis gzung bar mi nus so/ /de bzhin du byang chub sems dpa' bla na med pa yang dag par rdzogs pa'i byang chub tu smon lam 'debs pa dang spyad pa spyod pa dang / pha rol tu phyin pa yongs su 
rdzogs par byed pa dang / bzod pa la 'jug pa dang sa thob par byed pa dang / dge ba'i rtsa ba yongs su rdzogs par byed pa dang / lung bstan pa yongs su nod pa dang / byang chub sems dpa'i lam gyi tshogs thams cad nye bar ston pa dang / de bzhin gshegs pa 
thams cad la mchod pa byed pa dang / chos kyi sprin chen po yongs su 'dzin pa rnams kyi dge ba'i rtsa ba'i stobs dang shugs dang drag shul de dag kyang gzhan du na thams cad mkhyen pa nyid du sems bskyed pa smon lam thams cad kyi ye shes rdo rje sra 
ba'i lte ba can ma gtogs par sems can gzhan gyis yongs su gzung bar mi nus so/ /rigs kyi bu de ltar thams cad mkhyen pa nyid du sems bskyed pa ni yon tan de dag dang gzhan tshad med pa nas/ yon tan gyi khyad par brjod du med pa'i yang </font><hr>38-1-325a<br><font size=+1>
brjod du med pa dang ldan pa ste/ sems can gang gis bla na med pa yang dag par rdzogs pa'i byang chub tu sems bskyed pa de dag kyang / yon tan gyi chos de lta bu dang ldan par gyur to/ /ldan par 'gyur ro/ /de bas 
na rigs kyi bu de ltar khyod/ bla na med pa yang dag par rdzogs pa'i byang chub tu sems bskyed de/ yon tan 'di dag rab tu thob par bya ba'i phyir/ byang chub sems dpa'i spyod pa yongs su tshol ba ni khyod kyis thob par bya ba legs 
par thob bo/ /rigs kyi bu khyod na re ji ltar byang chub sems dpa'i spyod pa la spyad par bya/ ji ltar nan tan du bya zhes zer ba ni rigs kyi bu khang pa brtsegs pa chen po rnam par snang mdzad kyi rgyan gyis brgyan pa'i snying po 'di nyid kyi nang du song ste 
ltos shig dang / der khyod kyis ji ltar byang chub sems dpas byang chub sems dpa'i spyod pa la bslab par bya ba dang / bslabs nas kyang yon tan ji lta bu yongs su 'grub par 'gyur ba shes par 'gyur ro/ /de nas tshong dpon gyi bu nor bzangs kyis byang chub 
sems dpa' byams pa la g.yas phyogs su bskor ba byas te 'di skad ces smras so/ /'phags pa pho brang brtsegs pa'i chab sgo dbyer gsol nang du mchi'o/ /de nas byang chub sems dpa' byams pas khang pa brtsegs pa rnam par snang mdzad kyi 
rgyan gyis brgyan pa'i snying po'i sgo drung du phyin te/ lag pa g.yas pas se gol gtogs te/ sgra phyung ba dang / de'i sgo de yang rang bye bar gyur pa dang / des smras pa/ rigs kyi bu da khang pa brtsegs pa 'dir song shig /de nas tshong dpon gyi bu nor bzangs 
ngo mtshar chen po thob par gyur te/ khang pa brtsegs pa de'i nang du phyin pa dang / phyin ma thag tu sgo de yang rang chad par gyur to/ /des mthong ba khang pa brtsegs pa de shin tu rgya che zhing yangs la rgyar dpag tshad brgya stong mang po dang ldan pa/ nam mkha'i </font><hr>38-1-325b<br><font size=+1>
dbyings kyi tshad kyis gzhal ba/ 'khor thams cad du nam mkha'i dbyings ltar yangs pa/ gdugs dang / rgyal mtshan dang / ba dan gyi rgyan grangs med pas brgyan pa/ rin po che grangs med pa'i rgyan gyis brgyan pa/ mu tig gi phreng ba grangs med 
pa rab tu sbyangs pa'i rgyan gyis brgyan pa/ rin po che 'i phreng ba grangs med pa rab tu spyangs pa'i rgyan gyi brgyan pa/ mu tig dmar po'i phreng ba grangs med pa rab tu sbyangs pa'i rgyan gyi brgyan pa/ seng ge'i mu tig gi phreng ba grangs med pa rab tu sbyangs 
ba'i rgyan gyis brgyan pa/ seng ge'i rgyal mtshan grangs med pa'i rgyan gyis brgyan pa/ zla ba dang / zla gam grangs med pa'i rgyan gyis brgyan pa/ dar gyi lda ldi sna tshogs grangs med par rab tu sbyangs pa'i rgyan gyis brgyan pa/ dar gyi ba dan sna tshogs 
grangs med pa'i rgyan gyis brgyan pa/ rin po che mang po grangs med pa'i 'od kyi rgyan gyis brgyan pa/ gser gyi dra ba grangs med pa'i rgyan gyis brgyan pa/ rin po che'i snam bu grangs med pa'i rgyan gyis brgyan pa/ gser gyi lcags phod rin 
po ches spras pa grangs med pa'i rgyan gyis brgyan pa/ dril bu sgra snyan pa 'byung ba grangs med pa'i rgyan gyis brgyan pa/ rin po che'i dril bu g.yer kha'i dra ba bskyod na yid du 'ong ba'i sgra 'byung ba grangs med pa'i rgyan gyis brgyan pa/ lha rdzas 
kyi me tog mang po'i char mngon par 'bab pa/ grangs med pa'i rgyan gyis brgyan pa/ lha rdzas kyi phreng ba'i lda ldi mngon par sbyangs pa grangs med pa'i rgyan gyis brgyan pa/ gam yo nas spos kyi snod nas bdug spos 'thul ba'i yo byad grangs 
med pa'i rgyan gyis brgyan pa/ gser phye ma'i char rab tu 'bab pa/ grangs med pa'i rgyan gyis brgyan pa/ pu shu'i dra ba grangs med pa'i rgyan gyis brgyan pa/ skar khung grangs med pa'i rgyan gyis brgyan pa/ rta babs grangs med pa'i rgyan </font><hr>38-1-326a<br><font size=+1>
gyis brgyan pa/ ba gam grangs med pa'i rgyan gyis brgyan pa/ mye long gi dkyil 'khor grangs med pa'i rgyan gyis brgyan pa/ rin po che'i pha gu grangs med pa gtams pa'i rgyan gyis brgyan pa/ rin po che'i rtsig pa 
grangs med pa'i rgyan gyis brgyan pa/ rin po che'i ka ba grangs med pa'i rgyan gyis brgyan pa/ rin po che'i gos kyi sprin grangs med pa'i rgyan gyis brgyan pa/ rin po che'i shing grangs med pa'i rgyan gyis brgyan pa/ rin po che'i khri 'phang 
grangs med pa'i rgyan gyis brgyan pa/ rin po che'i lam grangs med pa'i rgyan gyis brgyan pa/ rin po che grangs med pa'i bad kyi rgyan gyis brgyan pa/ sa'i gzhi rgyan sna tshogs grangs med pa'i rgyan gyis brgyan pa/ rin po che grangs med pa 
las brtsegs pa'i khang pa'i rgyan gyis brgyan pa/ rin po che'i khri grangs med pa'i rgyan gyis brgyan pa/ rin po che'i bu mo grangs med pa'i rgyan brgyan pa/ rin po che'i snam bu grangs med pa bting ba'i rgyan gyis brgyan pa/ 
'dzam bu chu klung gi gser gyi chu shing gi ka ba shin tu rnam par phye ba/ grangs med pa'i rgyan gyis brgyan pa/ rin po che thams cad kyi gzugs grangs med pa'i rgyan gyis brgyan pa/ byang chub sems dpa'i lus grangs med pa'i rgyan gyis brgyan 
pa/ bya'i tshogs sna tshogs yid du 'ong ba'i sgra 'byin pa grangs med pa'i rgyan gyis brgyan pa/ rin po che'i pad mo grangs med pa'i rgyan gyis brgyan pa/ rin po che'i srog shing 'dzin pa grangs med pa'i rgyan gyis brgyan pa/ rdzing bu grangs med pa'i rgyan 
gyis brgyan pa/ me tog pun da ri ka grangs med pa'i rgyan gyis brgyan pa/ rin po che'i them skas grangs med pa'i rgyan gyis brgyan pa/ rin po che'i stegs bu rnam par bkod pa grangs med pa'i rgyan gyis brgyan pa/ sa rin po che sna tshogs grangs </font><hr>38-1-326b<br><font size=+1>
med pas spras pa'i rgyan gyis brgyan pa/ nor bu rin po che chen po'i 'od grangs med pa rab tu 'gyed pa'i rgyan gyis brgyan pa/ rin po che thams cad rnam par phye ba/ grangs med pa'i rgyan gyis brgyan pa/ yon tan dang legs pa phun sum tshogs pa/ grangs 
med pa'i rgyan gyis brgyan par 'dug pa mthong ste/ khang pa brtsegs pa de'i nang na yang / khang pa brtsegs pa gzhan brgya stong 'di lta bu'i rgyan dang / lhab lhub kyis brgyan pa/ rin po che'i gdugs dang / rgyal mtshan dang / lha'i ba dan grangs med 
pa'i rgyan gyis brgyan pa nas/ yon tan dang legs pa phun sum tshogs pa/ grangs med pa'i bar gyi rgyan gyis brgyan pas gang bar mthong ngo / /khang pa brtsegs pa de dag thams cad kyang / de ltar rgya che zhing yangs la de ltar tshad med de/ 
nam mkha'i mdzod du gyur pa/ kun nas shin tu spa bar 'khod par mthong ngo / /des khang pa brtsegs pa rnam par phye ba de dag thams cad kyang / dmigs pa gcig la phan tshun ma 'dres pa dang / phan tshun ma 'dzings pa dang / phan tshun sal sal por 
'dug par gzugs brnyan gyi tshul du de la snang bar gyur te/ dmigs pa gcig la ji lta ba de bzhin du/ dmigs pa ma lus pa de dag thams cad la yang snang bar mthong ngo / /de nas tshong dpon gyi bu nor bzangs kyis/ khang pa brtsegs pa chen po rnam par 
snang mdzad kyis rgyan gyis brgyan pa'i snying po'i yul dang / rnam par 'phrul pa bsam gyis mi khyab pa rnam pa de lta bu dag mthong nas/ dga' ba'i shugs dpag tu med pa rnam par 'phel ba'i spro ba dang / mos pa chen pos lus dang / sems mngon par 
brlan pa dang / 'du shes kyi rnam par thams cad rnam par bsal ba'i yid dang / sgrib pa thams cad rnam par bzlog pa'i sems dang / rmongs pa thams cad rnam par bral ba dang / 'khrug pa med pa'i phyogs la rab tu gzhol ba dang / sgra thams </font><hr>38-1-327a<br><font size=+1>
cad la thogs pa med pa'i dran pas/ rnam par dmigs pa'i rna ba dang ldan pa dang / yid la bya ba'i rnam par 'khrug pa thams cad dang bral ba dang / rnam par thar ba sgrib pa med pa'i tshul gyi rjes su 'brang ba'i blo dang / dmigs 
pa thams cad la sgrib pa med par mig rab tu 'gro bar gyur nas/ phyogs kyi rgyud thams cad la mngon du bltas pa'i lus kyis phyag bya bar/ mngon par sgrub pa'i stobs thams cad du khyab pa dang ldan pa'i lus thams cad kyis phab ste/ phyag byas so/ /
de nas tshong dpon gyi bu nor bzangs kyis phyag byas ma thag tu/ byang chub sems dpa' byams pa'i byin gyi rlabs kyi mthus khang pa brtsegs pa/ de dag thams cad kyi nang du bdag nyid phyin par shes par gyur to/ /khang pa brtsegs pa de dag thams cad 
du yang rnam par 'phrul pa/ bsam gyis mi khyab pa'i yul can rnam pa sna tshogs rnam pa tha dad pa mang po yang mthong bar gyur te/ khang pa brtsegs pa la lar ni/ byang chub sems dpa' byams pas thog ma rigs ni gang du skyes te/ ming ni 
ci zhes bya bar gyur pa zhig gis/ dge ba'i rtsa ba gang dang yongs su bskul ba gang dang / dge ba'i bshes gnyen gang gi yang dag par bskul ba dang / tshe'i tshad ni ci tsam zhig tu/ bskal pa'i ming ni ci zhes bya bar/ de bzhin gshegs pa ni gang la 
rgyan ni ji lta bu zhig dang ldan pa'i zhing du 'khor ni ji lta bu zhig tu smon lam gyi khyad par ni ji lta bu zhig mngon par bsgrubs te/ bla na med pa yang dag par rdzogs pa'i byang chub tu/ smon lam gyi sems bskyed pa de dag thams cad kyang 
mthong bar gyur to/ /shes par gyur to/ /khong du chud par gyur to/ /de'i tshe sems can de dag dang de bzhin gshegs pa de'i sku tshe'i tshad dang tshe'i tshad ji srid cig tu gyur pa de tsam gyi dus su/ de bzhin gshegs pa de'i zhabs kyi </font><hr>38-1-327b<br><font size=+1>
drung na bdag nyid 'dug par yang shes par gyur te/ bya ba de dag thams cad kyang mthong bar gyur to/ /khang pa brtsegs pa la lar ni/ byang chub sems dpa' byams pas thog ma gang du/ byams pa'i ting nge 'dzin thob par gyur pa dang 
dus gang nas bzung ste/ de'i mying byams pa zhes bya bar gyur pa de dag mthong bar gyur to/ /la lar ni gang du spyod pa spyad pa dang / la lar ni gang du pha rol tu phyin pa yongs su rdzogs par byas pa dang / la lar ni gang du bzod pa la zhugs pa dang / 
la lar ni gang du sa non pa dang / la lar ni gang du sangs rgyas kyi zhing gi rgyan yongs su bzung ba dang / la lar ni gang du de bzhin gshegs pa'i bstan pa yongs su bzung ba dang / la lar ni gang du mi skye ba'i chos la bzod pa thob par gyur ba dang / la lar 
ni gang du bla na med pa yang dag par rdzogs pa'i byang chub tu lung bstan pa dang / rnam pa ni ji lta bu zhig tu lung bstan pa dang / lung ni sus bstan pa dang / yun ni ji srid cig gis lung bstan pa de dag thams cad kyang mthong bar gyur to/ khang pa brtsegs 
pa la lar ni/ byang chub sems dpa' byams pa 'khor los sgyur ba'i rgyal por gyur te/ sems can rnams dge ba bcu'i las kyi lam la rab tu 'god pa mthong bar gyur to/ /la lar ni 'jig rten gyi mgon por gyur te/ 'jig rten gyi phan 
pa dang / bde ba thams cad kyis sems can rnams la nye bar sdud pa dang / la lar ni brgya byin du gyur te/ 'dod pa'i yon tan gyi dga' ba las sems can rnams rnam par zlog pa dang / la lar ni tshangs par gyur te/ bsam gtan 
dang / tshad med pa'i dga' ba sems can rnams la yongs su brjod pa dang / la lar ni lha'i dbang po rab mtshe mar gyur te/ tshad med pa'i yon tan sems can rnams la yongs su brjod pa dang / la lar ni lha'i dbang po rab dga' ldan du gyur te/</font><hr>38-1-328a<br><font size=+1>
byang chub sems dpa' tshe gcig gis thogs pa'i yon tan brjod pa dang / la lar ni lha'i rgyal po rab 'phrul dgar gyur te/ lha'i 'khor du byang chub sems dpa' thams cad kyi sprul pa'i rgyan yongs su ston pa dang / la lar ni 
lha'i rgyal po dbang bsgyur du gyur te/ lha rnams la chos thams cad la dbang bsgyur ba yang dag par ston pa dang / la lar ni bdud du gyur te/ lha rnams la phun sum tshogs pa thams cad mi rtag par ston pa dang / la lar ni lha ma yin gyi dbang po'i gnas su skyes 
te/ lha ma yin gyi 'khor nang rgyal dang / dregs pa dang / rlom pa thams cad rab tu spang ba dang / ye shes kyi rgya mtsho chen por 'jug par bya ba dang / chos kyi ye shes kyi rgyu thob par bya ba'i phyir chos ston pa mthong ngo / /khang pa brtsegs pa la 
lar ni gshin rje'i 'jig rten mthong bar gyur te/ de na byang chub sems dpa' byams pa 'od kyis/ sems can dmyal ba thams cad snang bar byed cing / sems can dmyal bar skyes pa'i sems can rnams kyi/ sems can dmyal ba'i sdug bsngal thams 
cad rab tu zhi bar byed pa mthong ngo / /khang pa brtsegs pa la lar ni yi dgas kyi gnas mthong bar gyur te/ de na byang chub sems dpa' byams pa/ sems can yi dgas kyi gnas su skyes pa rnams la/ kha zas dang / btung ba mang po nye bar bsgrub cing 
bkres pa dang / skom pa rab tu zhi bar byed pa mthong ngo / /khang pa brtsegs pa la lar ni byol song gi skye gnas na skye ba'i skye mched rnam pa tha dad pa sna tshogs kyis byol song gi skye gnas su gtogs pa'i/ sems can mang po 'dul bar mthong ngo / /khang 
pa brtsegs pa la lar ni rgyal po chen po'i khams su gtogs pa'i/ lha'i 'khor na 'jig rten gyi mgon po rnams la chos ston pa mthong ngo / /la lar ni lha'i dbang po brgya byin gyi 'khor na/ la lar ni lha'i rgyal po/ /rab mtshe ma'i 'khor na/</font><hr>38-1-328b<br><font size=+1>
la lar ni lha'i rgyal po rab dga' ldan gyi 'khor na/ la lar ni lha'i rgyal po rab 'phrul dga'i 'khor na/ la lar ni lha'i rgyal po dbang bsgyur gyi 'khor na/ la lar ni bdud kyi 'khor na/ khang pa brtsegs pa la lar ni/ tshangs pa'i 
dbang po'i 'khor na/ byang chub sems dpa' byams pa chos ston pa mthong ngo / /la lar ni klu dang lto 'phye chen po'i 'khor na/ la lar ni gnod sbyin dang srin po'i 'khor na/ la lar ni dri za dang mi'am ci'i 'khor na/ la lar ni lha ma 
yin dang gsod 'phrog gi dbang po'i 'khor na/ la lar ni nam mkha' lding gi dbang po chen po'i 'khor na/ la lar ni mi'i 'khor na/ khang pa brtsegs pa la lar ni lha dang / klu dang / gnod sbyin dang / dri za dang / lha ma yin dang / 
nam mkha' lding dang / mi'am ci dang / lto 'phye chen po dang / mi dang mi ma yin pa'i 'khor na/ byang chub sems dpa' byams pa chos ston pa mthong ngo / /la lar ni nyan thos kyi 'khor na/ la lar ni rang sangs rgyas kyi 'khor na/ la lar 
ni byang chub sems dpa'i 'khor na/ khang pa brtsegs pa la lar ni/ byang chub sems dpa' sems thog ma bskyed pa las dang po ba rnams la/ byang chub sems dpa' byams pa chos ston pa mthong ngo / /la lar ni spyod pa la zhugs pa rnams la/ la lar 
ni bzod pa thob cing phyir mi ldog pa rnams la/ la lar ni tshe gcig gis thogs shing dbang bskur ba rnams la/ khang pa brtsegs pa la lar ni/ byang chub sems dpa' sa dang po la gnas pa rnams la sa'i khyad par yongs su brjod pa mthong ngo / /
la lar ni sa bcu la gnas pa'i bar gyi/ byang chub sems dpa' rnams dang lhan cig tu/ byang chub sems dpa' byams pas thams cad kyi khyad par yang dag par bgro bar bskyod pa mthong ngo / /la lar ni pha rol tu phyin pa thams cad yongs </font><hr>38-1-329a<br><font size=+1>
su rdzogs par bya ba dang / la lar ni bslab pa thams cad la mngon du 'jug par bya ba kun tu mtha' yas pa dang / la lar ni ting nge 'dzin gyi sgo la 'jug pa rgya chen po dang / la lar ni rnam par thar pa'i tshul zab mo dang / 
la lar ni bsam gtan dang / ting nge 'dzin dang / snyoms par 'jug pa dang / mngon par shes pa zhi ba'i yul gyis rgyas par dgang ba dang / la lar ni byang chub sems dpa'i spyod pa dang / 'dul ba dang / thabs kyi sgo la 'jug pa dang / 
la lar ni smon lam mngon par bsgrub pa rgya che ba dang / khang pa brtsegs pa la lar ni/ byang chub sems dpa' byams pa skal ba mthun par spyod pa'i/ byang chub sems dpa' rnams dang 'grogs shing / 'jig rten la phan par bya ba'i don 
du/ bzo'i gnas sna tshogs dang / gtsug lag gi khyad par sems can thams cad la/ phan pa dang bde bar 'gyur ba dang / 'byor ba rnams yang dag par 'gro ba mthong ngo / /la lar ni byang chub sems dpa' tshe gcig gis/ thogs pa rnams 
dang 'grogs shing / sangs rgyas thams cad kyi ye shes la dbang bskur ba'i sgo yang dag par 'gro ba mthong ngo / /khang pa brtsegs pa la lar ni/ byang chub sems dpa' byams pa chags pa myed cing / lo brgya stong du mar mi gtong ba la 
brtson pa mthong ngo / /la lar ni lung dpog pa dang / kha ton bya ba la brtson par/ la lar ni chos kyi sgo rab tu brtags pa la brtson par/ la lar ni dam pa'i chos bgra \u0f7cba la brtson par/ la lar ni dam pa'i chos bri ba la brtson par/ 
la lar ni byams pa la mnyam par gzhag par/ la lar ni bsam gtan dang / tshad med pa thams cad la mnyam par gzhag par/ la lar ni rgyas pa'i skye mched dang / rnam par thar pa thams cad la mnyam par gzhag par/ khang </font><hr>38-1-329b<br><font size=+1>
pa brtsegs pa la lar ni byang chub sems dpa' byams pa/byang chub sems dpa'i mngon par shes pa bsgrub pa'i thabs kyi ting nge 'dzin la/ mnyam par gzhag par mthong ngo / /khang pa brtsegs pa la lar ni byang chub sems dpa'i/ ting 
nge 'dzin sprul pa yod pa la mnyam par bzhag pa'i byang chub sems dpa' mang po mthong ste/ de dag gi lus thams cad dang / ba spu'i sgo thams cad nas sprul pa thams cad kyi sprin mang po 'byung ba mthong ngo / /la la'i lus dang / ba 
spu'i sgo thams cad nas ni/ lha'i ris kyi sprin mang po 'byung ba mthong ngo / /la la'i lus dang ba spu'i sgo thams cad nas ni klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye 
chen po dang / brgya byin dang / tshangs pa dang / 'jig rten gyi mgon po dang / 'khor los sgyur ba'i sprin mang po 'byung ba dang / la la'i lus dang ba spu'i sgo thams cad nas ni/ khams kyi rgyal po'i sprin mang po 'byung ba dang / la la'i 
lus dang ba spu'i sgo thams cad nas ni/ rgyal bu gzhon nu'i sprin mang po 'byung ba dang / la la'i lus dang ba spu'i sgo thams cad nas ni/ tshong dpon dang / blon po dang / khyim bdag gi sprin mang po dang / la la'i lus dang ba spu'i sgo 
thams cad nas ni/ nyan thos dang / rang sangs rgyas dang / byang chub sems dpa'i sprin mang po dang / la la'i lus dang ba spu'i sgo thams cad nas ni/ de bzhin gshegs pa'i sku'i sprin mang po dang / la la'i lus dang ba spu'i sgo thams cad nas ni/ 
sems can thams cad du sprul pa'i/ sprin tshad med pa 'byung ba mthong ngo / /la la'i lus dang ba spu'i sgo thams cad nas ni/ chos kyi sgo rnam pa sna tshogs 'byung ba thos par gyur te/ 'di ltar byang chub sems dpa'i yon tan bsngags pa'i sgo </font><hr>38-1-330a<br><font size=+1>
dang / sbyin pa'i pha rol tu phyin pa'i sgo dang / tshul khrims dang / bzod pa dang / brtson 'grus dang / bzod pa dang / brtson 'grus dang / bsam gtan dang / shes rab dang / thabs dang / smon lam dang / stobs dang / ye shes kyi pha rol 
tu phyin pa'i sgo dang / bsdu ba'i dngos po dang / bsam gtan dang / tshad med pa dang / ting nge 'dzin dang / snyoms par 'jug pa dang / mngon par shes pa dang / rig pa dang / gzungs dang / spobs pa dang / bden pa dang / so so 
yang dag par rig pa dang / zhi gnas dang / lhag mthong dang / rnam par thar pa'i sgo dang / rten cing 'brel bar 'byung ba dang / rten pa dang / chos kyi mdo dang / dran pa nye bar gzhag pa dang / yang dag par spong ba dang / rdzu 'phrul gyi 
rkang pa dang / dbang po dang / stobs dang / byang chub kyi yan lag dang / lam dang / nyan thos kyi theg pa'i gtam dang / rang sangs rgyas kyi theg pa'i gtam dang / theg pa chen po'i gtam dang / sa dang bzod pa dang / spyod pa dang / smon 
lam gyi sgo dang / de bzhin du chos thams cad kyi sgor 'jug pa'i sgra mang po 'byung ba thos so/ /khang pa brtsegs pa la lar ni/ de bzhin gshegs pa'i 'khor gyi dkyil 'khor du kun nas 'dus par mthong ste/ de bzhin gshegs pa de dag gi 
rnam pa tha dad pa sna tshogs skye ba dang / rigs rnam pa tha dad pa dang/ sku rnam par phye ba tshad med pa rnam pa tha dad pa dang / sku tshe rnam pa tha dad pa dang / zhing rnam pa tha dad pa dang / bskal pa rnam pa tha dad pa dang / chos bstan pa rnam pa 
tha dad pa dang / 'byung ba'i sgo rnam pa tha dad pa dang / dam pa'i chos gnas pa rnam pa tha dad pa nas/ 'khor gyi dkyil 'khor thams cad du/ rnam pa tha dad pa dag kyang ma lus par mthong bar gyur to/ /khang pa brtsegs </font><hr>38-1-330b<br><font size=+1>
pa chen po rnam par snang mdzad kyi rgyan gyis brgyan pa'i snying po/ de'i dbus su khang pa brtsegs pa gcig cig gzhan pas che la yangs shing / khang pa brtsegs pa gzhan thams cad kyi rgyan ma lus pa thams cad pas kyang ches lhag 
par 'phags pa'i rgyan gyis/ yang dag par brgyan pa zhig 'dug par mthong ste/ khang pa brtsegs pa de'i nang na stong gsum gyi stong chen po'i 'jig rten gyi khams 'dug pa mthong ngo / /stong gsum gyi stong chen po'i 'jig rten gyi khams 
de nas yang / gling bzhi pa bye ba phrag brgya dang / 'dzam bu'i gling bye ba phrag brgya dang / dga' ldan gyi gnas bye ba phrag brgya 'khod par mthong ngo / /'dzam bu'i gling de dag thams cad na yang byang chub sems dpa' byams pa pad mo'i nang du skye ba 
dang / brgya byin dang / tshangs pas yongs su blangs pa dang / gom pa bdun du 'gro ba dang / phyogs bcur rnam par bltas pa dang / seng ge'i nga ro chen po sgrog pa dang / gzhon nu'i sa thams cad yongs su ston pa dang / btsun mo'i 'khor gyi 
nang na gnas pa dang / bza' shing gi ra bar 'gro ba dang / thams cad mkhyen pa nyid la mngon du phyogs te/ mngon par byung nas rab tu 'byung ba dang / dka' ba'i spyod pa yongs su ston pa dang / zas za ba dang / snying po byang chub tu 'gro ba dang / 
bdud rgol du 'jug pa dang / byang chub tu rnam par 'tshang rgya ba dang / byang chub kyi shing la myig mi 'gebs par lta ba dang / tshangs pa chen pos gsol ba gdab pa dang / mngon par rdzogs par sangs rgyas te/ chos kyi 'khor lo bskor ba'i 
yul sna tshogs yongs su bstan pa dang / rnam pa tha dad pa dang / tshul dang mying rnam pa sna tshogs bstan pa rnam pa tha dad pa dang / tshe'i tshad sna tshogs rnam pa tha dad pa dang / 'khor gyi dkyil 'khor gyi rgyan sna tshogs tha dad pa dang / sangs rgyas kyi zhing rnam </font><hr>38-1-331a<br><font size=+1>
par dag pa'i tshul bstan pas sna tshogs rnam pa tha dad pa dang / spyod pa dang smon lam brjod pa sna tshogs rnam pa tha dad pa dang / chos bstan cing rnam par dgod pa dang / sems can yongs su smin par bya ba'i thabs sna tshogs rnam pa tha 
dad pa dang / ring bsrel bgo ba dang / bstan pa gnas pa'i byin gyi rlabs yongs su bstan pa sna tshogs rnam pa tha dad pas chos kyi 'khor lo bskor zhing lha'i gnas su 'gro ba mthong ste/ de dag thams cad na'ang tshong dpon gyi bu nor bzangs nyid rkang pa'i 
drung na 'dug par rang rang gis shes par gyur to/ /de'i 'khor gyi dkyil 'khor thams cad dang / bya ba thams cad yongs su bstan pa dang / tshe'i tshad rnam pa tha dad pa thams cad la dran pa ma nyams pa'i byin gyi rlabs kyis 'du shes kyi rnam pa thams 
cad khong du chud pa'i ye shes kyi sa la gnas pas/ khang pa brtsegs pa de dag gi dril dang / dril bu g.yer ka'i dra ba dang / rol mo dang / glu la stsogs pa'i dmyigs pa ci snyed cig yod pa de dag thams cad las/ chos kyi sprin gyi 'brug sgra bsam gyis mi khyab pa 
'byung ba thos par gyur te/ la la las ni byang chub kyi sems rnam pa tha dad pa dang / la la las ni pha rol tu phyin pa'i spyod pa dang / smon lam rnam pa tha dad pa dang / la la las ni sa tshad med pa rnam pa tha dad pa dang / la la las ni mngon par shes 
pa bsam gyis mi khyab pas rnam par 'phrul ba rnam pa tha dad pa dang / la la las ni de bzhin gshegs pa'i mchod pa sna tshogs rnam pa tha dad pa dang / la la las ni sangs rgyas kyi zhing gi rgyan rnam pa tha dad pa dang / la la las ni de bzhin gshegs pa'i 
chos kyi sprin tshad med pa rnam pa tha dad pa dang / de bzhin du chos thams cad kyi sgra gong du ji skad du brjod pa thams cad thos par gyur to/ /la la las ni thams cad mkhyen pa nyid du 'jug pa'i sgra thos te/ 'jig rten gyi khams che ge mo zhig ces bya </font><hr>38-1-331b<br><font size=+1>
bar byang chub sems dpa'i mying dang / che ge mo zhig gi chos kyi sgo ni che ge mo zhig ces bya ba thos/ dge ba'i bshes gnyen ni/ che ge mo zhig gis yang dag par bskul/ de bzhin gshegs pa ni che ge mo zhig gi zhabs kyi drung du bskal pa'i ming 
ni 'di zhes bya bar/ sangs rgyas kyi zhing ni 'di lta bu zhig tu 'khor gyi dkyil 'khor ni 'di lta bu zhig na 'dug 'dug ste/ dge ba'i rtsa ba ni 'di lta bu zhig bskyed nas/ de bzhin gshegs pa'i yon tan ni/ 'di lta bu dag gcig 
thos te/ lhag pa'i bsam pa ni 'di lta bu dang / smon lam gyi rnam pa ni 'di 'dra ba zhig gis/ byang chub tu sems bskyed nas/ des bskal pa ni 'di snyed cig tu/ byang chub sems dpa'i spyod pa spyad de/ bskal pa 'di snyed cig 
gis bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro/ /mtshan ni 'di zhes bya/ sku che'i tshad ni 'di tsam zhig ste/ sangs rgyas kyi zhing gi yon tan dang / rgyan phun sum tshogs 
pa 'di 'dra ba dang / smon lam gyi khyad par 'di lta bu zhig dang / sems can rnam par gdul ba 'di 'dra ba zhig dang / nyan thos dang / rang sangs rgyas kyi 'khor kun nas 'dus pa 'di 'dra ba zhig go /de yongs su mya ngan 
las 'das nas kyang / bskal ba 'di snyed cig tu dam pa'i chos gnas par 'gyur ro/ /sems can gyi don ni 'di tsam zhig tu 'gyur ro/ /zhes bya ba'i sgra thos so/ /la la las ni 'jig rten gyi khams che ge mo zhig na/ byang chub sems dpa'i 
ming dang / che ge mo zhig sbyin pa'i pha rol tu phyin pa la spyod na/ gtang bar dka' ba 'di lta bu'i yongs su gtong ba brgya ni byed do/ /byang chub sems dpa' che ge mo zhig ni/ tshul khrims srung ngo / /bzod pa sgom mo/ /brtson 'grus rtsom mo/ /bsam </font><hr>38-1-332a<br><font size=+1>
gtan la snyoms par 'jug go /shes rab kyis rnam par dbye ba la brtson no/ /byang chub sems dpa' che ge mo zhig ni dam pa'i chos yongs su btsal ba'i don du rgyal po'i srid yongs su gtong bar byed do/ /
rin po che yongs su gtong ba dang / bu yongs su gtong ba dang / chung ma yongs su gtong ba dang / rka lag dang myig dang / mgo yongs su gtong ba byed do/ /myer mchong ba byed do/ /byang chub sems dpa'i ming dang che ge mo zhig gis ni de bzhin 
gshegs pa'i bstan pa bzung ste/ chos smra bar byed do/ /chos kyi sbyin pa gtong ngo / /chos kyi mchod sbyin byed do/ /chos kyi rgyal mtshan sgreng ngo / /chos kyi rnga rdung ngo / /chos kyi dung 'bud do/ /chos kyi char 'bebs so/ /de bzhin 
gshegs pa'i bstan pa 'dzin to/ /de bzhin gshegs pa'i mchod rten brgyan pa byed do/ /de bzhin gshegs pa'i sku gzugs brgyan pa byed do/ /sems can la bde ba'i yo byad kyis sdud do/ /dam pa'i chos kyi mdzod srung ngo zhes bya 
ba'i sgra thos so/ /la la las ni 'jig rten gyi khams che ge mo zhig ces bya ba na/ de bzhin gshegs pa mtshan che ge mo zhes dbang bskur ba mying dang che ge mo zhig gis 'khor 'di lta bu zhig na sangs rgyas kyi zhing 'di lta bu zhig dang / 
bskal pa 'di lta bu zhig la sku tshe'i tshad 'di tsam zhig dang chos bstan pa 'di lta bu dang / sems can 'dul ba 'di 'dra ba dang / 'di lta bu'i smon lam gyi mngon par 'tshang rgya bas da ltar bzhugs shing 'tsho skyong ngo zhes bya ba dang / de bzhin du 
dril dang dril bu g.yer ka'i dra ba dang / rol mo la stsogs pa'i dmigs pa thams cad las chos kyi sgo rnam pa tha dad pa tshad med pa'i sgra thos par gyur te/ sgra de dag thams cad thos pas tshong dpon gyi bu nor bzangs dga' ba'i shugs </font><hr>38-1-332b<br><font size=+1>
rgya chen pos mngon par brlan pa'i sems kyis chos kyi sgo de dag thos nas la lar ni gzungs kyi sgo mang po thob par gyur to/ /la lar ni spobs pa'i sgo mang po thob par gyur to/ /la lar ni bzod pa'i sgo mang po thob par gyur to/ /la lar ni spyod pa'i sgo mang po 
thob par gyur to/ /la lar ni smon lam gyi sgo mang po thob par gyur to/ /la lar ni pha rol tu phyin pa'i sgo mang po thob par gyur to/ /la lar ni mngon par shes pa'i sgo mang po thob par gyur to/ /la lar ni rig pa dang ye shes snang ba'i sgo mang po thob par gyur to/ /
la lar ni rnam par thar pa'i sgo mang po thob par gyur to/ /la lar ni ting nge 'dzin gyi sgor 'jug pa mang po thob par gyur to// //sangs rgyas rmad gcad ces bya ba shin tu rgyas pa chen po'i mdo/bam po nyi shu gcig pa/ me long gi dkyil 
'khor de dag las kyang gzugs brnyan gyi rgyan rnam par dmigs pa tshad med pa mthong bar gyur te/ la lar ni de bzhin gshegs pa'i 'khor gyi dkyil 'khor gyi gzugs brnyan rnam par dmigs pa mthong ngo / /la lar ni byang chub sems dpa'i 'khor 
gyi dkyil 'khor gyi gzugs brnyan rnam par dmigs pa dang / la lar ni nyan thos kyi 'khor gyi dkyil 'khor gyi gzugs brnyan rnam par dmigs pa dang / la lar ni rang sangs rgyas kyi 'khor gyi dkyil 'khor gyi gzugs brnyan rnam par dmigs 
pa dang / la lar ni de bzhin gshegs pa'i 'khor gyi dkyil 'khor gyi gzugs brnyan rnam par dmigs pa dang / la lar ni kun nas nyon mongs pa'i zhing gi gzugs brnyan rnam par dmigs pa dang / la lar ni rnam par dag pa'i zhing gi gzugs 
brnyan rnam par dmigs pa dang / la lar ni kun nas nyon mongs shing rnam par dag pa'i zhing gi gzugs brnyan rnam par dmigs pa dang / la lar ni rnam par dag cing kun nas nyon mongs pa'i zhing gi gzugs brnyan rnam par dmigs </font><hr>38-1-333a<br><font size=+1>
pa dang / la lar ni sangs rgyas dang bcas pa'i 'jig rten gyi khams kyi gzugs brnyan rnam par dmigs pa dang / la lar ni sangs rgyas mi bzhugs pa'i 'jig rten gyi khams kyi gzugs brnyan rnam par dmigs pa dang / 
la lar ni chung ba'i 'jig rten kyi khams kyi gzugs brnyan rnam par dmigs pa dang / la lar ni che ba'i 'jig rten gyi khams kyi gzugs brnyan rnam par dmigs pa dang / la lar ni phra ba'i 'jig rten gyi khams kyi gzugs brnyan rnam par dmigs pa dang / 
la lar ni rgya che ba'i 'jig rten gyi khams kyi gzugs brnyan rnam par dmigs pa dang / la lar ni myig 'phrul gyis 'ju ga pa'i 'jig rten gyi khams kyi gzugs brnyan rnam par dmigs pa dang / la lar ni snrel zhi'i 'jig rten gyi khams kyi gzugs 
brnyan rnam par dmigs pa dang / la lar ni spyi'u tshugs kyi 'jig rten gyi khams kyi gzugs brnyan rnam par dmigs pa dang / la lar ni sa'i gzhi mnyam par 'dug pa'i 'jig rten gyi khams kyi gzugs brnyan rnam par dmigs pa dang / la lar 
ni sems can dmyal ba dang / byol song dang / yi dwags kyi gnas kyi 'jig rten gyi khams kyi gzugs brnyan rnam par dmigs pa dang / la lar ni lha dang myis gang ba'i 'jig rten gyi khams kyi gzugs brnyan rnam par dmigs pa mthong bar gyur to/ /
'chag sa de dag dang / gnas de dag dang / stan de dag la byang chub sems dpa' grangs med pa dgos pa sna tshogs la brtson pa dag kyang mthong bar gyur te/ la lar ni 'chag pa dang / la lar ni bsam gtan byed pa dang / la lar ni lta ba dang / 
la lar ni sems can rnams la snying rje chen pos rgyas par 'gengs pa dang / la lar ni gtsug lag gi tshul sna tshogs 'jig rten gyi don du 'gyur ba bsgrub pa dang / la lar ni lung nod pa dang / la lar ni kha ton byed pa dang / la lar ni yi ger 'dri ba </font><hr>38-1-333b<br><font size=+1>
dang / la lar ni dri ba yongs su 'dri ba dang / la lar ni phung po gsum pa'i bshags pa dang / yongs su bsngo ba la brtson pa dang / la lar ni smon lam mngon par sgrub pa byed pa mthong ngo / /ka ba de dag las kyang rin po che'i rgyal po 
thams cad kyi 'od kyi dra ba mang po 'byung ba mthong ste/ la la las ni kha dog sngon po dang / la la las ni kha dog ser po dang / la la las ni kha dog dmar po dang / la la las ni kha dog dkar po dang / la la las ni shel gyi kha dog dang / 
la la las ni gser gyi kha dog dang / la la las ni in dra nI la'i kha dog dang / la la las ni 'ja'i kha dog dang / la la las ni 'dzam bu chu klung gi gser gyi kha dog dang / la las ni 'od thams cad du snang ba'i kha dog dang / 
lus dang sems kyi bde bskyed pa blta na mchog tu mdzes pa mthong bar gyur to/ /'dzam bu chu klung gi gser gyi chu shing gi ka ba de dag dang / rin po che thams cad kyi gzugs de dag kyang lag nas me tog gi sprin mngon par spyod par mthong ste/ lag 
nas phreng ba'i lda ldi dang / lag nas gos dang / lag nas gdugs dang / rgyal mtshan dang / ba dan dang / lag nas spos dang / bdug spos dang / byug pa dang / lag nas nor bu rin po che'i dra ba dang / lag nas rin po che sna tshogs 
dang / gser gyi lcag phod sna tshogs dang / lag nas mu tig sna tshogs kyi se mo do dang / lag nas rin po che sna tshogs kyi se mo do mngon par sbyong ba dang / lag na rgyan thams cad thogs par mthong ngo / /la la ni gtsug gi rin po che dang / cod 
pan gyis 'dud cing myig myi 'gebs par blta ba dang / thal mo sbyar zhing phyag 'tshal bar mthong ngo / /mu tig gi phreng ba de dag las kyang / spos sna tshogs kyis dri zhim por byas pa'i cha yan lag brgyad dang ldan pa'i char gyi rgyun phra mo 'bab par mthong </font><hr>38-1-334a<br><font size=+1>
ngo / /rin po che baiDUr+ya'i phreng ba'i dra ba de dag las kyang / mar mye'i phreng ba rab tu 'bar ba mang po mthong bar gyur to/ /rin po che'i gdugs de dag kyang rgyan dang / lhab lhub thams cad kyis mdzes par brgyan te/ 
rin po che'i dril dang / dril bu g.yer kha'i dra ba dang / dar gyi lda ldi dang / chun po dang / rin po che'i shar bu dang / nor bu rin po che sna tshogs kyis sgo ngas yongs su brgyan pa'i snying po dang ldan pa mthong ngo / /rdzing de dag nas kyang / 
rin po che'i me tog pad mo dang / uta pal dang / ku ma da dang / bun da ri ka grangs med pa mngon par 'thon par mthong ste/ la la ni mtho gang 'khor ba tsam/ la la ni 'dom gang 'khor ba tsam/ la la ni shing rta'i 'khor lo tsam ste/ de 
dag la yang gzugs sna tshogs kyi rgyan mang po 'khod par mthong ste/ 'di ltar bud med kyi gzugs dang / skyes pa'i gzugs dang / khye'u'i gzugs dang / bu mo'i gzugs dang / brgya byin gyi gzugs dang / tshangs pa'i 
gzugs dang / 'jig rten gyi mgon po'i gzugs dang / lha dang klu dang / gnod sbyin dang dri za dang / lha ma yin dang / nam mkha' lding dang / mi 'am ci dang / lto 'phye chen po'i gzugs dang / nyan thos dang / rang sangs rgyas 
dang / byang chub sems dpa'i gzugs dang / 'gro ba thams cad kyi gzugs kyi dbyibs su 'dug pa'i lus kha dog sna tshogs rnam pa du ma dang ldan pa mang po thal mo sbyar te/ lus 'dud cing / phyag 'tshal bar 'khod par mthong ngo / /
de bzhin gshegs pa'i sku gzugs/ myi chen po'i mtshan sum cu rtsa gnyis kyis brgyan pa skyil mo krung du bcas te bzhugs pa dag kyang mthong ngo / /sa chen po'i gzhi bai DU r+yalas grub pa/ myig mangs ris su 'dug pa'i myig mangs ris re re nas </font><hr>38-1-334b<br><font size=+1>
kyang gzugs brnyan rnam par dmyigs pa bsam gyis mi khyab pa mang po mthong bar gyur te/ /khang ba rtsegs pa/ la la las ni zhing gi gzugs brnyan rnam par dmigs pa/ la la las ni byang chub sems dpa'i gzugs brnyan rnam par dmigs pa/ la 
la las ni sangs rgyas kyi gzugs brnyan rnam par dmigs pa mthong bar gyur te/ khang pa brtsegs pa de dag gi rgyan dang / lhab lhub ji snyed pa de dag thams cad kyang / myig mangs ris re re la gzugs brnyan du snang bar mthong ngo / /rin 
po che'i shing rin po che'i me tog dang / 'bras bu'i mdzod sna tshogs dang ldan pa de dag thams cad las kyang / lus phyed tsam byung ba'i gzugs dbyibs sna tshogs dang kha dog sna tshogs su 'dug pa mang po 'thon par mthong ste/ la la 
las ni sangs rgyas sku phyed tsam byung ba dang / la la las ni byang chub sems dpa'i lus phyed tsam byung ba dang / la la las ni lha dang / klu dang / gnod sbyin dang / dri za dang / lha ma yin dang / nam mkha' lding dang /
myi'am ci dang / lto 'phye chen po'i lus phyed tsam byung ba dang / la la las ni brgya byin dang / tshangs pa dang / 'jig rten gyi mgon po'i lus phyed tsam byung ba dang / la la las ni 'khor los sgyur ba dang / myi'i dbang po'i lus 
phyed tsam byung ba dang / la la las ni rgyal bu gzhon nu dang / tshong dpon dang / khyim bdag dang / blon po dang / skyes pa dang / bud med dang / khye'u dang / dge slong dang / dge slong ma dang / dge bsnyen dang /
dge bsnyen ma'i lus phyed tsam byung ba mthong ste/ la la'i la gnas ni me tog phreng ba spyod pa dang / la la'i lag nas ni rin po che'i phreng ba mngon par sbyor pa dang / la la'i lag nas ni rgyan thams cad mngon par thogs pa dang / la la ni lus </font><hr>38-1-335a<br><font size=+1>
'dud cing thal mo sbyar te myig mi 'gebs par lta zhing phyag 'tshal ba dang / la la ni mngon par bstod pa dang / la la ni mnyam par bzhag pa dang / la la ni gser gyi kha dog tu 'dug pa dang / la la ni dngul 
gyi kha dog tu 'dug pa dang / la la ni byi ru'i kha dog tu 'dug pa dang / la la ni rin po che baiDUr+ya sngon po'i kha dog tu 'dug pa dang / la la ni rin po che in dra nI la'i kha dog tu 'dug pa dang / la la ni nor bu rin po che rnam par snang ba'i 
kha dog tu 'dug pa dang / la la ni rin po che thams cad kyi kha dog tu 'dug pa dang / la la ni me tog tsam pa ka'i kha dog tu 'dug pa dang / la la ni 'od kyi lus dang / la la ni mtshan gyis rnam par bris pa'i lus su mthong bar gyur to/ /zla gam 
de dag las kyang gnyi zla dang gza' skar gyi gzugs brnyan grangs med pa mang po 'thon te/ phyogs bcu snang bar byed pa mthong bar gyur to/ /khang pa dang gzhal med khang dang khang pa brtsegs pa'i rtsig ngos de dag thams cad kyang rin po che thams cad 
kyis myig mangs ris su bris par mthong ste/ rin po che'i myig mangs ris de dag thams cad las kyang / byang chub sems dpa' byams pas byang chub sems dpa'i spyod pa rim pas ji ltar spyad pa'i byang chub sems dpa'i spyod pa thams cad 
rim par mthong bar gyur te/ mig mangs ris la la las ni byang chub sems dpa' byams pas mgo byin pa mthong ngo / /la la las ni myig byin pa dang / la la las ni lag pa byin pa dang / la la las ni gtsug gi rin po che byin pa dang / 
la la las ni thor pag dang bcas pa'i gtsug gi rin po che byin pa dang / la la las ni so byin pa dang / la la las ni lce byin pa dang / la la las ni rna ba byin pa dang / la la las ni sna byin pa dang /la la las ni snying byin pa dang / la la las ni sha dang </font><hr>38-1-335b<br><font size=+1>
rkang byin pa dang / la la las ni khrag byin pa dang / la la las ni pags pa dang pri byin pa dang / la la las ni sen mo sha dang bcas par byin pa dang / la la las ni dra bar 'brel ba dang / bcas pa'i sor mo byin pa dang / la la 
las ni bu dang / bu mo dang chung ma byin pa dang / la la las ni rin po che'i phung po byin pa dang / la la las ni grong dang grong khyer dang / ljongs dang yul dang khams dang / rgyal po'i gnas byin pa dang / la la las ni 'dzam bu'i gling byin 
pa dang / la la las ni gling bzhi byin pa dang / la la las ni rgyal srid kyi dbang phyug byin pa dang / la la las ni rgyal po'i khri byin pa dang / la la las ni bran pho smos byin pa dang / la la las ni btsun mo'i 'khor byin pa dang / la la 
las ni bza' shing gi ra ba dang / dka' thub kyi nags tshal byin pa dang / la la las ni gdugs dang rgyal mtshan dang ba dan byin pa dang / la la las ni me tog dang / phreng ba dang / byug pa byin pa dang / la la las ni nad kyi 
rtsi byin pa dang / la la las ni kha zas dang / skom gyi rnam pa mang po byin pa dang / la la las ni yo byad thams cad byin pa dang / la la las ni gnas thams cad byin pa dang / la la las ni gzhal ba'i snod rin po ches gang ba byin 
pa dang / la la las ni rin po che'i shing rta byin pa dang / la la las ni btson ra na 'khod pa thar bar byed pa dang / la la las ni gsad par chad pa las thar bar byed pa dang / la la las ni byis pa gso ba byed pa dang / la la las ni lam stor 
ba la lam ston pa dang / la la las ni mnyan par gyur te/ chu klung gi rgyud la gru 'dor ba dang / la la las ni rta'i rgyal po stobs kyis sgrol bar gyur te/ rgya mtsho chen po'i srin po'i gling du phyin par gyur pa'i sems can yongs su </font><hr>38-1-336a<br><font size=+1>
skyob pa dang / la la las ni drang srong chen por gyur te/ bstan pa mngon par bsgrub pa dang / la la las ni 'khor los sgyur bar gyur te/ sems can dge ba bcu'i las kyi lam la dgod pa dang / la 
la las ni sman par gyur te/ na ba'i gsos sman dang / la la las ni pha ma la phu dud byed pa dang / la la las ni dge ba'i bshes gnyen la rim gro byed pa dang / la la las ni nyan thos kyi kha dog dang / gzugs kyis sems can 'dul ba la brtson pa dang / 
la la las ni rang sangs rgyas kyi kha dog dang / gzugs kyis sems can 'dul ba la brtson pa dang / la la las ni byang chub sems dpa'i kha dog dang / gzugs kyis sems can 'dul ba la brtson pa dang / la la las ni sangs rgyas kyi sku mdog dang sku 
gzugs kyis sems can 'dul ba la brtson pa dang / la la las ni skyes pa'i rabs kyi khyad par thams cad kyis skye ba yongs su bstan te/ sems can yongs su smin par byed pa dang / la la las ni chos smra ba'i gzugs kyis de bzhin gsheg 
pa'i bstan pa la zhugs te/ lung dbog pa dang / kha ton bya ba dang tshul bzhin du dpyad par bya ba la brtson pa dang / de bzhin gshegs pa'i mchod rten la rgyan gyis brgyan par byed pa dang / de bzhin gshegs pa'i sku gzugs byed du 'jug pa dang / 
sangs rgyas mchod pa la sems can yongs su bskul ba dang / spos dang byug pa gsol zhing / 'bru mar dri zhim pos byug pa dang / dril bu dang / me tog gi phreng ba gsol ba la stsogs pa/ sangs rgyas kyi mchod pa rnam pa thams 
cad la brtson pa dang / dge ba bcu'i las kyi lam la sems can rab tu 'god pa dang / bslab pa'i gnas lnga dang / gso sbyin gyi yan lag brgyad dang / sangs rgyas dang / chos dang / dge 'dun la skyabs btsal ba dang /</font><hr>38-1-336b<br><font size=+1>
rab tu 'byung ba dang / chos mnyan pa dang / lung mnod pa dang / kha ton bya ba dang / tshul bzhin yid la bya ba la sems can dgod par byed pa dang / chos kyi gtam bya ba'i phyir seng ge'i stan la 'dug cing sangs rgyas kyi byang chub rnam par 
'grel ba dang / de ltar byang chub sems dpa' byams pas bskal pa bye ba khrag khrig brgya stong grangs med par pha rol tu phyin pa drug la spyad pa de dag thams cad tshong dpon gyi bu nor bzangs kyis myig mangs ris de dag las rnam pa gzhan dang gzhan du 
mthong bar gyur to/ des khang pa brtsegs pa/ la lar ni byang chub sems dpa' byams pas dge ba'i bshes gnyen ji snyed cig bsnyen bkur ba de dag thams cad kyi rnam par 'phrul pa'i rgyan thams cad kyang mthong bar gyur te/ dge ba'i 
bshes gnyen de dag thams cad kyi drung du bdag nyid phyin cing / tshur shog nor bzangs legs par 'ongs sam/ mi ngal lam/ 'de re byang chub sems dpa'i rgyan dang yul rnam par sprul ba bsam gyis mi khyab pa 'di dag la ltos shig /ces bsgo zhing gtam shes par byed 
par gyur te/ de ltar tshong dpon gyi bu nor bzangs kyis khang pa brtsegs pa/ de dag re re dang / dmigs pa de dag re re las kyang / bsam gyis mi khyab pa'i rgyan dang / yul rnam par sprul pa 'di dag dang / gzhan dag kyang grangs med pa 
mang po mthong bar gyur te/ dran pa'i mthu nyams pa med pa dang / mig yongs su dag pa/ phyogs kun tu rnam par lta ba dang / lhag mthong la lta ba'i ye shes sgrib pa med pa dang / byang chub sems dpa'i ye shes dang / byin 
gyi rlabs kyi dbang rab tu thob pas/ byang chub sems dpa'i 'du shes kyi rnam pa la zhugs pa'i ye shes kyi sa la gnas te/ mtha' yas pa'i rgyan dang / yul rnam par sprul pa de dag thams cad mthong bar gyur to/ /'di lta ste/</font><hr>38-1-337a<br><font size=+1>
dper na/ skyes bu gnyid kyis log pa'i rmi lam du/ gzugs kyi dmigs pa'i khyad par sna tshogs mang po zhig mthong bar gyur te/ 'di ltar khyim dang gzhal med khang mdangs dga' ba'am/ grong dang / 
grong khyer dang / ljongs dang / yul mdangs dga' ba'am/ bza' shing gi ra ba dang / kun dga'i ra ba dang / dka' thub kyi nags tshal mdangs dga' ba'am/ shing dang / chu klung dang / rdzing dang / ri mdangs dga' ba 
'am/ gos dang / kha zas dang / btung ba'i longs spyod nyams su bde ba'am/ glu dang / sil snyan dang / rol mo'i sgra snyan pa sna tshogs kyis rtsa ba nyams su dga' ba zhig mthong ngam/ pha ma dang gnyen bshes dang / bdag 
nyid 'grogs par shes par gyur pa'am/ rgya mtsho chen po dang / ri'i rgyal po ri rab dang / lha'i gnas thams cad dang / 'dzam bu'i gling dag na bdag dpag tshad brgya phrag du mar gnas par shes par gyur la/ khyim 'am gnas de yang 
shin tu yangs shing / yon tan dang rgyan thams cad kyis yongs su brgyan par mthong ste/ nyin par zhig yin par shes kyang / nam de yang ring ba dang / thung bar bye brag mi 'byed la rmi lam yin pa tsam du'ang mi shes so/ /bdag nyid kyang bde ba'i 
yo byad thams cad dang ldan zhing lus kyi 'du byed zo bdog bde la snyoms pa dang / gnyid med de mi dga' ba thams cad yongs su bstsal bas/ dga' ba dang / bde ba rgya chen po nyams su myong ste/ yun kyang ring mo zhig lon pa snyam 
nas/ nyin gcig gam/ nyin bdun nam/ zla ba phyed dam/ zla ba gcig gam/ lo gcig gam/ lo brgya'am/ de bas kyang ring ba zhig lon pa tsam du shes par gyur nas/ sa ngan de thams cad kyang rjes su dran no/ /</font><hr>38-1-337b<br><font size=+1>
de bzhin du tshong dpon gyi bu nor bzangs kyis kyang / byang chub sems dpa' byin gyi rlabs dang / khams gsum thams cad rmi lam lta bur yang dag par gzhol ba'i ye shes kyis chung ba'i 'du shes 'gags pa'i sems dang ldan par gyur te/ byang chub 
sems dpa'i 'du shes kyi rnam pa yangs shing / rgya che ba dang / sgrib pa med pa la gnas shing / byang chub sems dpa'i rgyan gyi yul khong du chud la/ byang chub sems dpa'i tshul la 'jug pa bsam gyis mi khyab pa'i rjes su 'brang ba'i blo dang 
ldan pas/ rgyan rnam par sprul pa de dag thams cad kyang mthong bar gyur to/ /shes par gyur to/ /nyams su myong par gyur to/ /rnam par dpyad par gyur to/ /mtshan mar byas par gyur to/ /dmigs kyis rtogs 
par gyur to/ /bdag nyid kyang / de dag na 'dug par shes par gyur to/ /'di lta ste/ dper na/ mi nad pa sems kyi rgyud tha ma byung bar gyur te/ de ma thag tu skye ba'i sems nye bar gnas nas/ las kyi srid pa mngon du gyur na/ 
las ji lta bur byas shing bsags pa'i rnam par smin pas/ las mi dge ba'i rkyen gyis ni/ sems can dmyal ba dang / byol song gi skye gnas dang / yi dgas kyi yul lam/ gshin rje'i myi lag cha gnyems pa thogs pa/ gshe zhing 
khro ba dag kyang mthong bar 'gyur/ sems can dmyal ba'i ngud mo dang / 'o dod kyi sgra yang thos par gyur la/ ba tshwa'i chu de dag kyang mthong ste/ spu gri'i so bshibs pa'i ri de dag dang / lcags kyi shal ma li'i sdong po de dag dang / 
ral gyi'i so'i nags tshal de dag kyang / mthong bar gyur tam/ sems can dmyal ba de dag kyang / kun nas 'bar zhing yongs su 'bar ba dang / rab tu 'bar ba dang / lcags kyi bum pa gcig tu 'bar ba de </font><hr>38-1-338a<br><font size=+1>
dag kyang / mthong bar gyur la/ gnod pa de dag thams cad kyis kyang gnod par bya zhing / tshor ba de dag kyang nyams su myong ba tsam du shes par gyur te/ sems can dmyal ba pa de dag kyang / 
me'i gdung bas/ sdug bsngal ba zhig tu mthong ngam/ bdag gis myong bar gyur tam/ las dge ba'i tshogs kyis lha'i khang pa dang / gnas shig mthong bar gyur tam/ lha'i 'khor dang / lha mo'i tshogs dang / 
rgyan rnam par phye ba thams cad kyang mthong bar gyur te/ bza' shing gi ra ba dang / dka' thub kyi nags tshal dang / chu klung dang / rdzing dang / rin po che'i ri dang / yid bzhin gyi shing dang / longs spyod mang po 
mthong ngo / /nyams su myong par gyur te/ tshe'i yun kyang de dang mnyam par shes par gyur na/ de ni 'di nas kyang 'phos pa med/ der yang skyes pa med de/ mi snang bar ma gyur bzhin du/ las kyi yul bsam gyis 
myi khyab pas bya ba'i rnam pa de lta bu dag shes shing mthong la nyams su myong bar rung ngo / /de bzhin du tshong dpon gyi bu nor bzangs kyis byang chub sems dpa'i las kyi yul bsam gyis mi khyab pa'i phyir/ rgyan rnam par 
sprul pa de dag thams cad kyang mthong bar gyur to/ /'di lta ste/ dper na/ skyes bu 'byung po'i gdon gyis non pas ni gzugs kyi rnam pa sna tshogs mang po mthong ste/ ci dris pa de dag gi lung yang ston to/ /de bzhin 
du tshong dpon gyi bu nor bzangs kyis byang chub sems dpa'i ye shes dang byin gyis rlabs kyi mthus rgyan de dag thams cad mthong bar gyur to/ /'di lta ste dper na/ klu'i khang par phyin pa'i skyes bu ni/ klu'i 'du shes </font><hr>38-1-338b<br><font size=+1>
kyi rnam pa la zhugs pas/ nyi ma gcig gam/ nyi ma bdun nam/ zla ba phyed dam/ zla ba gcig gam/ lo gcig gam/ lo brgyar yang 'du shes kyi rnam par shes te/ klu'i 'du shes kyi rnam pa dang / bral nas/ 
mi'i 'du shes kyi rnam par na yid tsam las ma lon par mthong ngo / /de bzhin du tshong dpon gyi bu nor bzangs byang chub sems dpa'i 'du shes kyi rnam pa ma btang ba'i blo dang ldan pas kyang / byang chub sems dpa' byams 
pa'i byin gyi rlabs kyis/ yud tsam gcig po de yang bskal pa bye ba khrag khrig brgya stong mang por shes par gyur to/ /'di lta ste/ dper na/ tshangs pa chen po'i gzhal med khang 'gro ba thams cad na rgyan gyi dam pa phul 
zhes bya ba yod de/ de'i nang du stong gsum gyi stong chen po'i 'jig rten gyi khams thams cad kyang / gzugs brnyan gyi tshul du dmigs pa thams cad dang ma 'dres par gsal bar snang ngo / /de bzhin du tshong dpon gyi 
bu nor bzangs kyis kyang / rgyan de dag thams cad dmigs pa thams cad du/ phan tshun ma 'dres pa dang / phan tshun ma 'dzings par gzugs brnyan rab tu byung ba mthong ngo / /'di lta ste/ dper na/ 
rgyas pa'i skye mched kyi snyoms par 'jug pa la rnam par spyod pa'i dge slong ni/ gcig pu gnyis su med par khang bu'am/ 'chag sa 'am/ 'dug pa'i gnas na 'dug gam/ 'greng yang rung ste/ 'jig 
rten thams cad rgyas pa'i skye mched gang la snyoms par zhugs pa'i/ yul bzhin du bsam gtan pa'i yul/ bsam gyis mi khyab par mthong zhing / nyams su myong ngo / /de bzhin du tshong dpon gyi </font><hr>38-1-339a<br><font size=+1>
bu/ nor bzangs kyis kyang yul gang la zhugs pa'i tshul bzhin du rgyan de dag thams cad mthong zhing shes te/ nyams su myong bar gyur to/ /'di lta ste dper na/ dri za'i grong khyer rnams kyi rgyan dang lhab 
lhub thams cad nam mkha'i dbyings la byung ba ni yongs su snang yang ci la yang sgrib par mi 'gyur ro/ /'di lta ste dper na/ gnod sbyin gyi gzhal med khang mi'i khang pa na 'dug pa'am/ mi'i khang pa gnod sbyin gyi khang pa'i khongs na 
'dug pa ni phan tshun tha mi dad de las kyi yul rnam pa ji ltar dag pa'i tshul bzhin du snang ngo / /'di lta ste dper na/ rgya mtsho chen po la stong gsum gyi stong chen po'i 'jig rten gyi khams thams cad kyang rgya'i gzugs brnyan ltar snang ngo / /'di 
lta ste dper na/ sgyu ma'i mkhan po ni sngags dang rig sngags dang / rtsi'i mthu dang byin gyi rlabs kyis gzugs kyi rnam pa thams cad dang bya ba thams cad kyang yongs su ston to/ /de bzhin du tshong dpon gyi bu nor bzangs kyis kyang 
byang chub sems dpa' byams pa'i byin gyi rlabs dang / ye shes sgyu ma bsam gyis mi khyab pa la zhugs pas byang chub sems dpa'i dbang dang byin gyi rlabs kyi ye shes chos thams cad shes pa sgyu ma'i stobs kyi mngon par bsgrubs pa'i 
mthus rgyan gyi yul rnam par sprul pa de dag thams cad mthong bar gyur to/ /de nas byang chub sems dpa' byams pas khang pa brtsegs pa de'i nang du song ste/ byin gyi rlabs de dag brtul nas/ tshong dpon gyi bu nor bzangs 
la se gol gyi sgra byas te/ 'di skad ces smras so/ /rigs kyi bu 'di ni chos rnams kyi chos nyid yin gyi longs rigs kyi bu chos thams cad ni rnam par bsgrub na nye bar 'grub pa'i mtshan nyid de/ byang chub sems dpa'i ye shes kyi byin </font><hr>38-1-339b<br><font size=+1>
gyis brlabs pa'o/ /rang bzhin de lta bu ste yongs su ma grub pa'o/ /sgyu ma dang rmi lam dang gzugs brnyan lta bu'o/ /de nas tshongadapon gyi bu nor bzangs se gol gyi sgra des ting nge 'dzin de las langs par gyur pa dang / de la byang chub 
sems dpa' byams pas smras pa/ rigs kyi bu khyod kyis byang chub sems dpa'i byin gyi rlabs rnam par 'phrul pa mthong mod/ khyod kyis byang chub sems dpa'i tshogs kyi mthu dang rgyu mthun pa mthong mod/ khyod kyis byang chub sems 
dpa'i smon lam gyi ye shes kyis rnam par bsgrubs pa mthong mod/ khyod kyis byang chub sems dpa'i gnas mdangs dga' ba mthong mod/ khyod kyis byang chub sems dpa'i spyod pa yongs su bsdu ba mthong mod/ khyod kyis byang chub sems 
dpa'i 'byung ba'i sgo thos mod/ khyod kyis sangs rgyas kyi zhing gi yon tan dang rgyan tshad med pa mthong mod/ khyod kyis de bzhin gshegs pa'i smon lam rnam pa tha dad pa'i khyad par mthong mod/ khyod kyis byang chub sems dpa'i 
rnam par thar ba bsam gyis mi khyab pa'i rjes su 'brang bar byas mod/ khyod kyis byang chub sems dpa'i ting nge 'dzin gyi dga' ba dang bde ba myong mod nor bzangs kyis smras pa 'phags pa dge ba'i bshes gnyen gyi byin gyi rlabs dang dge ba'i bshes gnyen 
gyi dgongs pa dang dge ba'i bshes gnyen gyi mthus mthong ngo / /'phags pa rnam par thar pa 'di'i ming ci zhes bgyi smras pa/ rigs kyi bu rnam par thar pa 'di ni dus gsum gyi dmigs pa thams cad la shes pa rab tu zhugs pa'i dran pa 
nyams pa med pas brgyan pa'i snying po zhes bya ba ste/ rigs kyi bu rnam par thar pa 'di lta bu brjod du med pa'i yang brjod du med pa dag ni tshe gcig gis thogs pa'i byang chub sems dpa' thob bo/ /nor bzangs kyis smras pa/</font><hr>38-1-340a<br><font size=+1>
'phags pa rgyan de dag gang du mchis/ smras pa gang nas 'ong ba der ro/ /nor bzangs kyis smras pa gang nas mchis smras pa/ byang chub sems dpa'i ye shes kyi byin gyi rlabs mngon par bsgrubs pa las 'ongs so/ /
de ni byin gyi rlabs de nyid la gnas shing gang du yang song ba med la 'phos pa med do/ /phung por gyur pa med do/ /tshogs su gyur pa med do/ /brtsegs par gnas pa med do/ /dngos por gnas pa med do/ /yul na gnas pa ma yin no/ /phyogs 
na gnas pa ma yin no/ /rigs kyi bu 'di lta ste dper na/ klu rnams kyi sprin gyi dra ba ni lus la yang mi gnas/ sems la yang mi gnas nang la yang mi gnas mod kyi klu'i sems kyi dbang dang klu'i dbang bsam gyis mi khyab pas char gyi rgyun tshad med pa bkye 
ba ni med pa ma yin te snang ngo / /rigs kyi bu de bzhin du rgyan de dag kyang nang na'ang gnas ma yin/ phyi rol na gnas pa yang ma yin te/ byang chub sems dpa'i byin gyi rlabs kyi dbang dang / khyod kyi snod bzang po'i phyir mi snang bar yang 
ma yin no/ rigs kyi bu 'di lta ste dper na/ sgyu ma'i mkhan pos ni sgyu ma'i yul thams cad yongs su bstan kyang gang nas kyang 'ongs pa med bshig kyang gang du yang 'gro ba myed de/ 'pho ba myed mod kyi sngags dang rtsi'i mthus yongs 
su mi snang ba ma yin no/ /rigs kyi bu de bzhin du rgyan de dag kyang gang du yang song ba med/ gang nas kyang 'ongs pa med la gang du'ang phung por gyur ba myed mod kyi/ byang chub sems dpa'i ye shes sgyu ma bsam gyis mi khyab pa la shin tu bslabs pa 
dang / sngon gyi smon lam gyi byin gyi rlabs dang / ye shes kyi dbang gis yongs su mi snang ba ma yin no/ /nor bzangs kyis smras pa/ 'phags pa shul ji srid cig nas gshegs smras pa/ rigs kyi bu byang chub sems dpa' rnams </font><hr>38-1-340b<br><font size=+1>
'gro ba ni 'ong ba med par 'gro'o/ /g.yo ba dang gnas pa med par 'gro'o/ /gnas dang brten med par 'gro'o/ /shi 'pho dang skye ba med par 'gro'o/ /gnas pa dang 'pho ba med par 'gro'o/ /g.yo ba dang ldang ba med par 'gro'o/ /ltos 
pa dang gnas med par 'gro'o/ /las dang rnam par smin pa med par 'gro'o/ /myi skye ba dang mi 'gag par 'gro'o/ /rtag pa med pa dang chad pa med par 'gro'o/ /gzhan yang rigs kyi bu byang chub sems dpa' rnams kyi 'gro ba ni 'dul 
ba'i sems can la lta bas snying rje chen po'o/ /byang chub sems dpa' rnams kyi 'gro ba ni sdug bsngal ba'i sems can yongs su skyob pas byams pa'o/ /byang chub sems dpa' rnams kyi 'gro ba ni gang du dga' bar skye bas tshul khrims so/ 
byang chub sems dpa' rnams kyi 'gro ba ni sngon gyi byin gyi rlabs kyis smon lam mo/ /byang chub sems dpa' rnams kyi 'gro ba ni thams cad du bzhin yongs su ston pas mngon par shes pa'o/ /byang chub sems dpa' rnams kyi 'gro ba ni de bzhin 
gshegs pa thams cad kyi zhabs kyi drung nas g.yo ba med pas mngon par 'du bya ba med pa'o/ /byang chub sems dpa' rnams kyi 'gro ba ni lus dang sems yongs su mi gtong bas len pa dang 'dor ba med pa'o/ /byang chub sems dpa' rnams 
kyi 'gro ba ni sems can thams cad kyi rjes su 'brang bas shes rab dang thabs so/ /byang chub sems dpa' rnams kyi 'gro ba ni mig yor dang gzugs brnyan dang / sprul pa lta bu yin pas sprul pa yongs su ston pa'o/ /rigs kyi bu 
gzhan yang khyod lam ji srid cig nas 'ongs shes khyod kyis smras pa ni/ rigs kyi bu nga ni tshe'i sa yul phreng ba stobs kyi grong rdal khang khyim can zhes bya ba de na tshong dpon sa skyong zhes bya ba zhig yod de/ de sangs rgyas kyi chos la bzhag </font><hr>38-1-341a<br><font size=+1>
nas tshe'i sa'i mi rnams la snod kyi tshul bzhin du chos bstan pa byas te/ pha ma dang bram ze dang khyim bdag dang gnyen bshes su 'ong ba rnams theg pa chen po la yang dag par bskul nas 'dir 'ongs so/ /nor bzangs 
kyis smras pa/ 'phags pa byang chub sems dpa' rnams kyi tshe'i sa gang lags/ smras pa rigs kyi bu bcu po 'di dag ni byang chub sems dpa' rnams kyi tshe'i sa ste/ bcu gang zhe na 'di lta ste/ byang chub kyi sems ni byang chub sems dpa'i 
rigs su skyes pas byang chub sems dpa' rnams kyi tshe'i sa'o/ /lhag pa'i bsam pa ni dge ba'i bshes gnyen gyi rigs su skyes pas byang chub sems dpa' rnams kyi tshe'i sa'o/ /sa la gnas pa ni pha rol tu phyin pa'i rigs su skyes pas 
byang chub sems dpa' rnams kyi tshe'i sa'o/ /smon lam mngon par bsgrub pa ni spyod pa'i rigs su skyes pas byang chub sems dpa' rnams kyi tshe'i sa'o/ /snying rje chen po ni bsdu ba'i dngos po thams cad kyi rigs su skyes pas byang chub 
sems dpa' rnams kyi tshe'i sa'o/ /yang dag pa ji lta ba bzhin du chos rtogs par bya ba ni shes rab kyi pha rol tu phyin pa'i rigs su skyes pas byang chub sems dpa' rnams kyi tshe'i sa'o/ /theg pa chen po ni thabs mkhas pa'i rigs su skyes 
pas byang chub sems dpa' rnams kyi tshe'i sa'o/ /sems can yongs su smin par ba ba ni mngon par rdzogs par 'tshang rgya ba'i rigs su skyes pas byang chub sems dpa' rnams kyi tshe'i sa'o/ /thabs dang shes rab gnyis ni mi skye ba'i chos 
kyi bzod pa'i rigs su skyes pas byang chub sems dpa' rnams kyi tshe'i sa'o/ /rigs kyi bu chos thams cad kyi yon tan ni 'das pa dang ma byon pa dang / da ltar byung ba'i de bzhin gshegs pa thams cad kyi rigs su skyed pas byang chub </font><hr>38-1-341b<br><font size=+1>
sems dpa' rnams kyi tshe'i sa ste/ rigs kyi bu bcu po de dag ni byang chub sems dpa' rnams kyi tshe'i sa'o/ /rigs kyi bu thabs mkhas pa ni byang chub sems dpa' rnams kyi pha'o/ /shes rab kyi pha rol tu phyin pa ni ma'o/ /sbyin pa'i 
pha rol tu phyin pa ni 'o ma'o/ /tshul khrims kyi pha rol tu phyin pa ni ma ma'o/ /bzod pa'i pha rol tu phyin pa ni lhab lhub dang rgyan to/ /brtson 'grus kyi pha rol tu phyin pa ni bskyed pa'o/ /bsam gtan gyi pha rol tu phyin pa ni spyod pa rnam par dag par byed 
pa'o/ /dge ba'i bshes gnyen rnams ni bslab pa la spyod du 'jug pa'o/ /byang chub kyi yan lag thams cad ni grogs po'o/ /dge ba'i rtsa ba'i chos thams cad ni gnyen bshes so/ /byang chub sems dpa' thams cad ni phu nu'o/ 
byang chub kyi sems ni rigs so/ /nan tan ni rigs kyi chos so/ /sa'i gnas ni rigs kyi gnas so/ /bzod pa thob pa ni rigs su rigs dang ldan par skyes pa'o/ /smon lam mngon par bsgrub pa ni rigs kyi gzhung thob pa'o/ /spyod 
pa rnam par dag pa ni rigs kyi chos kyi rjes snyegs pa'o/ /theg pa chen po la yang dag par bskul ba ni rigs kyi rgyun mi gcod pa'o/ /dbang bskur nas tshe gcig gis thogs pa ni chos kyi rgyal po'i sras kyi thu bo'o/ /de bzhin gshegs 
pa nyid du yang dag par bsgrub pa ni rigs kyi rgyud yongs su dag pa ste/ rigs kyi bu de ltar na byang chub sems dpa'i byis pa tha dad pa'i skye bo'i sa las shin tu 'das pa yin/ byang chub sems dpa'i skyon med par zhugs pa yin/ de 
bzhin gshegs pa'i rigs su yang dag par byung ba yin/ de bzhin gshegs pa'i rgyud la rab tu gnas pa yin/ dkon mchog gsum gyi rigs rgyun mi gcad pa la zhugs pa yin/ byang chub sems dpa'i rigs yongs su </font><hr>38-1-342a<br><font size=+1>
bsdu ba la mngon par brtson pa yin/ rigs dang rus kyi yongs su dag pa yin/ mnad kyi rgyud kyi smad du med pa yin/ lha dang bcas pa'i 'jig rten dang / bdud dang bcas pa dang / tshangs pa dang bcas pa dang / 
dge sbyong dang bram zer bcas pa'i skye dgu'i nang na rigs la smos pa'i skyon thams cad kyi kha na ma tho ba myed pa yin te/ sangs rgyas kyi rigs dam par skyes la smon lam chen po'i lus dang ldan pas rigs kyis btsun pa yin no/ /rigs kyi bu rgyud kyi 
rigs de lta bu dang ldan pa'i byang chub sems dpa' rnams ni chos thams cad gzugs brnyan lta bur yongs su shes pas 'jig rten gyi skye gnas thams cad du smad pa med pa yin te srid pa'i skye gnas thams cad sprul pa lta bur yongs su shes pas srid pa'i lam gyi rgyud 
du skye zhing gnas pa thams cad kyis kun nas nyon mongs par mi 'gyur ro/ chos thams cad la bdag med par khong du chud pa'i sems can thams cad yongs su smin par bya ba dang / gdul bas yongs su mi skyo'o/ /byams pa chen po dang / snying rje chen po'i 
lus dang ldan pa'i phyir sems can thams cad la phan gdags par ngal bar mi 'gyur ro/ /'khor ba thams cad rmi lam lta bur yongs su rtogs pas bskul pa thams cad du gnas pas sgyid lug par mi 'gyur ro/ /phung po thams 
cad sgyu ma lta bur yongs su shes pas skye ba dang shi 'pho ba dang 'chi ba yongs su bstan pa thams cad kyis dub par mi 'gyur ro/ /khams dang skye mched chos kyi dbyings kyi rang bzhin du rab tu rtogs pas yul thams cad kyi rma mi 'byung ngo / /
'du shes kyi rnam pa thams cad smig rgyu lta bur shin tu bsgoms pas 'khor ba'idaga' ba thams cad kyis mos par mi 'gyur ro/ /sgyu ma lta bu'i chos thams cad la rnam par brtse bas bdud kyi yul thams cad kyis mi dogs so/ /chos kyi las </font><hr>38-1-342b<br><font size=+1>
su byung bas nyon mongs pa thams cad du smos su med do/ /skye ba la dbang rab tu thob pas 'gro ba'i rgyud thams cad rtogs par khong du chud pa yin no/ /rigs kyi bu de ltar nga ni 'jig rten gyi khams thams cad kyi skye gnas kyi khongs su chud pa'i lus 
dang 'gro ba thams cad kyi gzugs dang mnyam pa'i kha dog gi khyad par dang sems can thams cad dang mnyam pa'i nges pa'i tshig gi bye brag dang / 'gro ba thams cad dang mnyam pa'i mying rnam pa tha dad pa dang / sems can thams cad kyi mos pa dang 
mnyam pa'i spyod lam dang 'gro ba rnam par gdul ba thams cad dang mnyam pa'i 'jig rten gyi rjes su 'brang ba dang / sems can rnam par dag par bya ba thams cad dang mnyam pa'i tshe dang / rigs su skye ba yongs su bstan pa dang / byis pa'i 
spyod pa thams cad dang mnyam pa'i bya ba la 'jug pa'i sgo dang / sems can gyi 'du shes kyi rnam pa thams cad dang mnyam pa'i yongs su shes par bya ba la 'jug pa dang / byang chub sems dpa'i smon lam gyi sprul pa thams cad dang mnyam 
pa'i lus yongs su bstan cing brjod pas chos kyi dbyings thams cad rgyas par bkang ste/ sngon skal ba mnyam par spyod spyod pa'i sems can byang chub kyi sems stor bar gyur pa rnams yongs su smyin par bya ba dang / 'dzam bu'i gling du skyes 
pa'i tshe yongs su bstan pa dang / lho phyogs kyi rgyud 'di'i yul phreng ba stobs kyi grong rdal khang khyim dang ldan pa zhes bya ba 'di'i bram ze'i rigs su skyes pa rnams dang / pha ma dang gnyen bshes su 'ong ba rnams rnam par gdul ba dang /bram ze'i rigs dang / rgyud kyi khyad par gyis rigs kyi nga rgyal can du gyur pa 'di dag nga rgyal can du gyur pa 'di dag nga rgyal myed par byas te/ de bzhin gshegs pa'i rigs su bskyed pa'i don du 'dir skyes so/ /rigs kyi bu de ltar nga lho phyogs kyi rgyud 'di na </font><hr>38-1-343a<br><font size=+1>
thabs rnam pa 'di lta bus sems can bsam pa'i tshul ji lta bu dang ldan pa dang / rnam pa ji lta bur 'dul ba rnams yongs su smyin par bya ba dang / gdul ba byed cing khang pa brtsegs pa chen po rnam par snang mdzad kyi 
rgyan gyis brgyan pa'i snying po 'di na 'dug go /'di nas nga shi 'phos nas kyang bsam pa'i tshul ji lta ba bzhin du sems can rnams kyi rjes su 'brang bar bya ba dang / dga' ldan gyi rigs su gtogs pa'i lha'i bu skal ba mnyam par spyod spyod 
pa rnams yongs su smyin par bya ba dang / 'dod pa'i khams nas yongs su 'das pa thams cad la 'ang byang chub sems dpa'i bsod nams dang ye shes dang / sprul pa'i rgyan yongs su bstan pa dang / 'dod pa'i dga' ba'i sred pa las 
rnam par bzlog pa dang / 'du byed thams cad myi rtag pa nyid du bstan pa dang / lhar skyes pa thams cad kyang mthar gud par gyur pa yongs su bstan pa dang / ye shes chen po'i chos kyi sgo 'chi 'pho'i rnam pa zhes ba ba tshe gcig gis 
thogs pa'i byang chub sems dpa' rnams dang yang dag par bgro bar bya ba dang / lhan cig yongs su smin par gyur pa rnams der skye bar yongs su bsdu bar bya ba dang / de bzhin gshegs pa shAkya thub pas bkye ba'i 'dul ba'i pad mo rnams kyang 
kha dbye ba'i phyir dga' ldan gyi gnas su skye ba yongs su ston te/ dus la bab pa la bsam pa yongs su rdzogs nas ni thams cad mkhyen pa nyid kyang thob par byed kyis/ ngas byang chub thob nas kyang rigs kyi bu khyod dang / 'jam 
dpal gzhon nur gyur par bcas pas da dung yang mthong bar 'gyur ro/ /song rigs kyi bu da dung yang 'jam dpal gzhon nur gyur pa'i gan du song la ji ltar byang chub sems dpas byang chub sems dpa'i spyod pa la bslab par bya ba dang /</font><hr>38-1-343b<br><font size=+1>
ji ltar kun tu bzang po'i spyod pa'i dkyil 'khor la 'jug par bya ba dang / ji ltar mngon par bsgrub pa dang / ji ltar smon par bya ba dang / ji ltar rgyas par bya ba dang / ji ltar rjes su 'brang bar bya ba dang / ji ltar yongs su sbyang bar bya ba dang / ji ltar 
khong du chud par bya ba dang / ji ltar yongs su rdzogs par bya ba dris shig dang / dge ba'i bshes gnyen des khyod la ston par 'gyur ro/ de ci'i phyir zhe na/ 'jam dpal gzhon nur gyur pas spyod pa mngon par bsgrub pa de lta bu'i smon lam 
gyi khyad par ni byang chub sems dpa' bye ba khrag khrig brgya phrag stong la yang med do/ /'jam dpal gzhon nur gyur pa'i smon lam mngon par bsgrub pa ni tshad med do/ /'jam dpal gzhon nur gyur pa'i byang chub sems dpa'i yon 
tan gyi khyad par thams cad mngon par bsgrub pa ni tshad med do/ /'jam dpal gzhon nur gyur pa ni sangs rgyas bye ba khrag khrig brgya phrag stong gi yum lta bu'o/ /'jam dpal gzhon nur gyur pa ni byang chub sems dpa' bye ba khrag 
khrig brgya phrag stong la gdams ngag ston pa'o/ /'jam dpal gzhon nur gyur pa ni sems can gyi khams thams cad yongs su smin par bya ba dang / gdul ba la rab tu brtson pa'o 'jam dpal gzhon nur gyur pa ni phyogs bcu'i 
'jig rten gyi khams su mying gi 'khor los rnam par rgyas par gyur pa'o/ /'jam dpal gzhon nur gyur pa ni de bzhin gshegs pa'i 'khor gyi dkyil 'khor thams cad du gtam gyi skyes bur gyur pa'o/ /'jam dpal gzhon nur gyur 
pa ni de bzhin gshegs pa thams cad kyis bsngags shing bstod pa'o/ /'jam dpal gzhon nur gyur pa ni chos thams cad yang dag pa ji lta ba bzhin du mthong ba ste chos zab mo'i ye shes la rnam par spyod pa'o/ /'jam dpal gzhon nur gyur </font><hr>38-1-344a<br><font size=+1>
pa ni rnam par thar ba thams cad kyi tshul thams cad la ring du song ba'i spyod yul dang ldan pa ste/ byang chub sems dpa'i spyod pa kun tu bzang po la zhugs pa'o/ /rigs kyi bu dge ba'i bshes gnyen de ni khyod de bzhin 
gshegs pa'i rigs su skyed pa'o/ /dge ba'i rtsa ba thams cad yongs su 'phel bar byed pa'o/ /byang chub sems dpa'i tshogs mang po rab tu sgrub pa'o/ /yang dag pa'i dge ba'i bshes gnyen ston pa'o/ /yon tan thams cad la yang dag 
par skul ba'o/ /smon lam chen po'i dra ba thams cad du 'jug pa'o/ /smon lam mngon par bsgrub pa thams cad la rab tu gzhog pa'o/ /byang chub sems dpa' thams cad kyi gsang ba thos par byed pa'o/ /byang chub sems dpa'i bsam 
gyis mi khyab pa thams cad yang dag par ston pa'o/ /sngon gyi tshe'i gnas su skal ba mthun par spyad pa'o/ /rigs kyi bu de bas na khyod da ltar yang 'jam dpal gyi rkang pa'i drung na 'dug gis yon tan gyi gdams ngag thams cad thob par bya ba la 
yongs su skyo ba ma skyed cing yongs su sgyid lug par ma byed cig /de ci'i phyir zhe na/ nor bzangs khyod kyis dge ba'i bshes gnyen ji snyed cig mthong ba dang / spyod pa'i sgo ji snyed cig thos pa dang / rnam par thar pa'i tshul ji snyed cig la zhugs 
pa dang / smon lam gyi khyad par ji snyed cig khong du chud pa de dag thams cad kyang 'jam dpal gzhon nur gyur pa'i mthu dang byin gyi rlabs su blta ste/ 'jam dpal gzhon nur gyur pa ni thams cad la'ang pha rol tu phyin pa'i mchog thob pa'o/ /de 
nas tshong dpon gyi bu nor bzangs kyis byang chub sems dpa' sems dpa' chen po byams pa'i rkang pa gnyis la spyi bos phyag 'tshal te/ lan brgya stong du mar g.yas phyogs su bskor ba byas nas yang dang yang bltas te/ byang chub sems dpa' byams </font><hr>38-1-344b<br><font size=+1>
pa'i drung nas song ngo / /de nas tshong dpon gyi bu nor bzangs grong khyer brgya rtsa bcu kun tu rgyus te/ phyogs kyi gnas yid bde ba mngon du 'gyur ba zhes bya ba zhig na 'jam dpal gzhon nur gyur pa la sems shing rnam par lta bas 'jam dpal gzhon nur gyur 
ba mthong bar mos shing / smon lam phrad par dga' bas sdod cing 'dug 'dug pa dang / de nas 'jam dpal gzhon nur gyur pas/ dpag tshad brgya rtsa bcu'i pha rol nas lag pa brkyang ste/ tshong dpon gyi bu nor bzangs grong khyer yid bde ba mngon du 'gyur 
ba na 'dug pa'i spyi bor bzhag ste/ 'di skad ces smras so/ /rigs kyi bu legs so legs so/ /dad pa'i dbang po dang myi ldan pa sems skyo ba can bsam pa zhum pa can sbyor ba bor ba brtson 'grus ldog pa/ yon tan cung zad kyis dga' bar rtsi ba/
dge ba'i rtsa ba gcig la zhen par gnas pa/ spyod pa dang smon lam mngon par bsgrub pa la myi mkhas pa dge ba'i bshes gnyen gyis yongs su ma bzung ba/ sangs rgyas kyis ma dgongs pa rnams kyis ni chos nyid 'di lta bu yongs su shes par bya ba dang 
tshul 'di lta bu dang / spyod yul 'di lta bu dang / gnas 'di lta bu yongs su shes par bya ba 'am/ rnam par shes par bya ba 'am/ khong du chud par bya ba 'am/ 'jug par bya ba 'am/ yid ches par bya ba 'am/ brtag par bya ba'am/ rtogs 
par bya ba'am/ thob par bya bar myi nus so/ /zhes te des de la chos kyi gtam gyis yang dag par bstan pa dang / yang dag par bskul pa dang / gzengs bstong pa dang dga' bar byas te chos kyi sgo grangs myed pa dang / ldan par byas nas ye shes 
mtha' yas pa'i snang ba chen po thob par byas te/ byang chub sems dpa'i gzungs dang / spobs pa dang ting nge 'dzin dang / mngon par shes pa dang / ye shes mtha' yas pa'i byin gyis byin du brlabs par byas te/ kun tu bzang pa'i spyod pa'i </font><hr>38-1-345a<br><font size=+1>
dkyil 'khor la bzhag nas bdag gi yul la'ang rab tu bzhag ste/ tshong dpon gyi bu nor bzangs kyi drung nas song ngo /shin tu rgyas pa chen po'i mdo/ /sangs rgyas rmad gcad ces bya ba las sdong pos brgyan pa'i le'u ste/ 
bzhi bcu rtsa lnga pa'o// //sangs rgyas rmad gcad ces bya ba shin tu rgyas pa chen po'i mdo/bam po nyi shu gnyis pa/ de nas tshong dpon gyi bu nor bzangs dge ba'i bshes gnyen stong gsum gyi stong chen po'i 'jig rten gyi khams kyi 
rdul shin tu phra ba snyed bsnyen bkur ba/ thams cad mkhyen pa nyid du tshogs bsags pa'i sems dang ldan pa/ dge ba'i bshes gnyen thams cad kyi gdams ngag dang rjes su bstan pa la mthun par 'dzin pas zhugs pa/ dge ba'i bshes gnyen thams 
cad kyi drung du bsam pa mnyam par 'gro ba/ dge ba'i bshes gnyen thams cad dga' bar bya bas yid mi 'byung ba'i blo dang ldan pa/ dge ba'i bshes gnyen thams cad kyi gdams ngag dang rjes su bstan pa'i tshul rgya mtsho'i rjes su song ba snying rje chen po'i 
bsam pa rgya mtsho las yang dag par byung ba'i snying po dang ldan pa/ byams pa chen po'i tshul gyi sprin gyis 'gro ba thams cad rnam par snang bar byas pa/ dga' ba chen po'i shugs rnam par 'phel ba'i lus dang ldan pa/ byang chub sems dpa'i rnam par 
thar pa rgya chen po la rab tu zhi bar rnam par dpyod pa sgo thams cad nas lhug par 'phro ba'i gtong ba'i myig dang ldan pa/ de bzhin gshegs pa thams cad kyi yon tan rgya mtsho'i nan tan rab tu rdzogs pa de bzhin gshegs pa thams cad kyi mos pa'i lam du 
zhugs pa thams cad mkhyen pa nyid kyi tshogs la brtson 'grus kyi shugs rnam par 'phel ba byang chub sems dpa' thams cad kyi sems dang bsam pas shin tu sbyangs pa'i blo dang ldan pa/ dus gsum gyi de bzhin gshegs pa thams cad gcig </font><hr>38-1-345b<br><font size=+1>
nas gcig tu brgyud pa la zhugs pa sangs rgyas thams cad kyi chos kyi tshul rgya mtsho khong du chud pa de bzhin gshegs pa thams cad chos kyi 'khor lo'i tshul rgya mtsho'i rjes su song ba/ 'jig rten gyi skye gnas thams cad du gzugs brnyan 
yongs su ston pa'i spyod yul dang ldan pa byang chub sems dpa' thams cad kyi smon lam gyi tshul rgya mtsho la zhugs pa/ bskal pa thams cad du byang chub sems dpa'i spyod pa la rab tu zhugs pa/ thams cad mkhyen pa nyid kyi yul snang ba 
rab tu thob pa/ byang chub sems dpa'i dbang po thams cad rnam par 'phel ba/ thams cad mkhyen pa'i lam snang ba rab tu thob pa/ phyogs thams cad du sgrib pa med pa'i snang ba rab tu thob pa/ chos kyi dbyings thams cad kyi tshul la 
rab tu zhugs pa'i blo dang ldan pa/ zhing gi tshul thams cad la snang ba rab tu grub pa sems can 'byam klas pa thams cad kyi don bya ba la rgyud dang mi 'thun pa myed par rjes su song ngo / /sgrib pa'i g.yang sa'i ri thams cad rnam par 'thor ba/
sgrib pa med pa'i chos nyid kyi rjes su song ba byang chub sems dpa'i rnam par thar pa sa'i gzhi kun tu gnas pa'i chos kyi dbyings kyi snying po can la rab tu zhi bar rnam par dpyod pa de bzhin gshegs pa thams cad kyi spyod yul rjes su tshol ba/ 
de bzhin gshegs pa thams cad kyi byin gyis brlabs pa de/ byang chub sems dpa' kun tu bzang po'i spyod yul la rnam par dpyod cing 'dug par gyur te/ byang chub sems dpa' sems dpa' chen po kun tu bzang po'i mying thos pa dang / 
byang chub sems dpa'i spyod pa thos pa dang / smon lam gyi khyad par thos pa dang tshogs yongs su bsgrub pa la 'jug pa dang gnas pa'i khyad par thos pa dang / mngon par bsgrub pa dang 'byung ba'i lam gyi khyad par thos pa dang / kun tu </font><hr>38-1-346a<br><font size=+1>
bzang po'i sa'i tshul gyi rgyud thos pa dang / sa'i tshogs thos pa dang sa thob par byed pa'i shugs thos pa dang sa yongs su gnon pa thos pa dang / sa la gnas pa thos pa dang / sa sngon du 'dor bas rnam par gnon pa 
thos pa dang / sa'i spyod yul thos pa dang / sa'i byin gyi rlabs thos pa dang sa la yang dag par gnas pa thos nas/ byang chub sems dpa' kun tu bzang po mthong bar dga' zhing skom ste/ nam mkha'i dbyings ltar shin tu yangs pa'i sems mngon par 
zhen pa thams cad las gyen du 'phags pa dang / zhing gi 'du shes shin tu bsgoms pa dang / chags pa thams cad las yang dag par 'das pa'i sems chos thams cad la sgrib pa med pa'i spyod yul can dang / thogs pa myed pa'i sems phyogs rgya mtsho thams 
cad rgyas par 'gengs pa dang / sgrib pa med pa'i sems thams cad mkhyen pa nyid kyi yul yongs su gnon pa dang / shin tu rnam par dag pa'i sems snying po byang chub kyi rgyan lhag mthong gis yongs su dag pa dang / shin tu rnam par phye ba'i sems sangs rgyas 
thams cad kyi chos rgya mtsho la zhugs pa dang / shin tu yangs pa'i sems sems can gyi khams thams cad yongs su smin par bya ba dang / gdul ba rgyas par 'gengs pa dang shin tu phye ba'i sems sangs rgyas kyi zhing thams cad yongs su dag par byed pa dang / 
tshad med pa'i sems sangs rgyas thams cad kyi 'khor gyi dkyil 'khor du gzugs brnyan rab tu 'byung ba dang / bskal pa thams cad du gnas pas myi zad cing mthar thug pa med pa'i sems de bzhin gshegs pa thams cad kyi stobs dang mi bsnyengs pa dang / sangs 
rgyas kyi chos ma 'dres pa'i mthar thug pas snying po byang chub rdo rje dam pa'i snying po can de la pad mo'i stan rin po che thams cad kyi lhun can zhig la de bzhin gshegs pa'i gdan seng ge'i khri la mngon par bltas te 'dug go /de ltar tshong dpon gyi bu nor bzangs de </font><hr>38-1-346b<br><font size=+1>
lta bu'i bsam pa dang yid la bya ba la brtson par gnas pa'i sngon gyi dge ba'i rtsa ba'i rlan dang / de bzhin gshegs pa thams cad kyi byin gyi rlabs dang / byang chub sems dpa' kun tu bzang po dang sngon gyi dge ba'i rtsa ba'i skal ba mthun pas byang chub sems 
dpa' kun tu bzang po mthong bar 'gyur bar sngon gyi ltas bcu byung ngo / /bcu gang zhe na/ 'di lta ste sangs rgyas kyi zhing thams cad de bzhin gshegs pa thams cad kyi snying po byang chub kyi rgyan rnam par dag pas rnam par dag par gyur to/ /sangs rgyas kyi 
zhing thams cad mi khom pa dang / ngan song dang ngan 'gro'i lam thams cad rnam par bstsal bas rnam par dag par gyur to/ /sangs rgyas kyi zhing thams cad pad mo'i tshal gyi rgyan ltar sangs rgyas kyi zhing rnam par dag pas rnam par dag par gyur to sangs 
rgyas kyi zhing thams cad sems can thams cad kyi lus dang sems dga' zhing sim par byed pas/ rnam par dag par gyur to sangs rgyas kyi zhing thams cad rin po che thams cad kyi rang bzhin du kun tu gnas pas rnam par dag par gyur to/ /sangs rgyas kyi 
zhing thams cad sems can gyi khams kun tu mtshan dang dpe byad bzang pos rab tu brgyan par kun nas gnas pas rnam par dag par gyur to/ /sangs rgyas kyi zhing thams cad rgyan dang lhab lhub kyi sprin gyis kun tu khebs par kun nas gnas pas rnam par 
dag par gyur to/ /sangs rgyas kyi zhing thams cad sems can gyi khams thams cad phan tshun byams pa'i sems dang / phan pa'i sems dang / gnod sems med pa'i sems dang ldan par kun nas gnas pas rnam par dag par gyur to/ /sangs rgyas kyi zhing thams cad snying po 
byang chub kyi rgyan gyis brgyan par kun nas gnas pas rnam par dag par gyur to/ /sangs rgyas kyi zhing thams cad sems can thams cad sangs rgyas rjes su dran pa yid la bya ba la brtson par kun nas gnas pas rnam par dag par gyur te/ byang chub </font><hr>38-1-347a<br><font size=+1>
sems dpa' sems dpa' chen po kun tu bzang po mthong bar 'gyur ba'i/ sngon gyi ltas bcu po de dag byung bar gyur to/ /gzhan yang byang chub sems dpa' sems dpa' chen po kun tu bzang po mthong bar 'gyur ba'i sngon gyi 
ltas snang ba chen po bcu byung bar gyur te/ bcu gang zhe na 'di lta ste/ 'jig rten gyi khams thams cad kyi rdul shin tu phra ba rnams las rdul shin tu phra ba re re zhing yang de bzhin gshegs pa thams cad kyi 'od zer gyi dra ba mang po rnam par snang bar gyur 
to/ /'jig rten gyi khams thams cad kyi rdul shin tu phra ba rnams las rdul shin tu phra ba re re las kyang sangs rgyas thams cad kyi 'od kyi dkyil 'khor mang po 'thon te/ kha dog gcig pa dang kha dog sna tshogs dang kha dog brgya stong du mar chos kyi 
dbyings thams cad rgyas par 'gengs par gyur to/ /'jig rten gyi khams thams cad kyi rdul shin tu phra ba rnams las rdul shin tu phra ba re re las kyang rin po che thams cad kyi sprin de bzhin gshegs pa thams cad kyi gzugs brnyan rnam par dmigs 
par byed pa mang po 'thon te/ chos kyi dbyings thams cad rgyas par 'gengs par gyur to/ /'jig rten gyi khams thams cad kyi rdul shin tu phra ba rnams las rdul shin tu phra ba re re las kyang de bzhin gshegs pa thams cad kyi 'od 'phro ba'i 
'khor lo dang dkyil 'khor gyi sprin mang po 'thon te/ chos kyi dbyings thams cad rgyas par 'gengs par gyur to/ /'jig rten gyi khams thams cad kyi rdul shin tu phra ba re re las kyang spos dang / me tog dang 
phreng ba dang byug pa dang bdug pa'i sprin mang po 'thon te/ byang chub sems dpa' kun tu bzang po'i yon tan gyi chos rgya mtsho'i sprin thams cad kyi 'brug sgra rab tu sgrog cing phyogs bcu'i chos kyi dbyings thams cad rgyas par 'gengs par gyur to/</font><hr>38-1-347b<br><font size=+1>
'jig rten gyi khams thams cad kyi rdul shin tu phra ba rnams las rdul shin tu phra ba re re las kyang nyi ma dang zla ba dang skar ma'i sprin mang po 'thon te/ byang chub sems dpa' kun tu bzang po'i 'od rab tu 'gyed cing / chos kyi dbyings thams cad rgyas 
par 'gengs par gyur to/ /'jig rten gyi khams thams cad kyi rdul shin tu phra ba rnams las rdul shin tu phra ba re re las kyang lus thams cad kyi dbyibs ltar 'dug pa'i mar mye'i sprin mang po 'thon nas/ sangs rgyas kyi 'od gzer ltar rab tu snang bar 
byed cing chos kyi dbyings thams cad rgyas par 'gengs par gyur to/ /'jig rten gyi khams thams cad kyi rdul shin tu phra ba rnams las rdul shin tu phra ba re re las kyang nor bu rin po che'i gzugs de bzhin gshegs pa thams cad kyi skur snang 
ba'i sprin mang po 'thon nas/ phyogs bcu'i 'jig rten gyi khams thams cad rgyas par 'gengs par gyur to/ /'jig rten gyi khams thams cad kyi rdul shin tu phra ba rnams las rdul shin tu phra ba re re las kyang 'od gzer gyi gzugs de bzhin 
gshegs pa thams cad kyi sku'i dbyibs su snang ba'i sprin mang po 'thon te/ sangs rgyas thams cad kyi byin gyi rlabs dang smon lam gyi sprin gyi char mngon par 'bebs shing / chos kyi dbyings thams cad rgyas par 'gengs par gyur to/ /'jig 
rten gyi khams thams cad kyi rdul shin tu phra ba rnams las rdul shin tu phra ba re re las kyang byang chub sems dpa'i lus kyi gzugs brnyan gzugs kyi rnam pa thams cad kyi kha dog du snang ba'i sprin rgya mtsho sems can thams cad gdon pa'i 
sbyor ba dang ldan pa sems can thams cad kyi chos kyi bsam pa yongs su rdzogs par sgrub pa mang po 'thon te/ chos kyi dbyings thams cad rgyas par 'gengs par gyur to/ /byang chub sems dpa' kun tu bzang po mthong bar 'gyur </font><hr>38-1-348a<br><font size=+1>
ba'i sngon gyi ltas snang ba chen po bcu po de dag byung bar gyur to/ /de nas tshong dpon gyi bu nor bzangs kyis sngon gyi ltas su snang ba bcu po de dag mthong nas byang chub sems dpa' kun tu bzang po mthong bar gyur pa'i skabs ni bye/ rang gi dge ba'i 
rtsa bas ni brtan de bzhin gshegs pa thams cad kyi byin gyis ni brlabs sangs rgyas thams cad kyi chos kyi snang ba ni yang dag par skyes/ byang chub sems dpa' kun tu bzang po'i spyod pa la ni mngon du gyur/ byang chub sems dpa' kun tu bzang po'i smon lam gyi 
byin gyis ni byin du brlabs/ de bzhin gshegs pa thams cad kyi spyod yul la ni mngon par mos byang chub sems dpa'i spyod yul rlabs po che la ni shin tu nges pa'i stobs dang shugs ni rab tu thob/ byang chub sems dpa' kun tu bzang po mthong na thams cad 
mkhyen pa nyid thob pa dang 'dra bar ni sems/ byang chub sems dpa' kun tu bzang po mthong bar bya ba la dbang po ni mngon du gyur byang chub sems dpa' kun tu bzang po mthong bar bya ba la brtson 'grus kyi shugs chen po ni thob/ byang chub sems dpa' 
kun tu bzang po yongs su btsal ba la brtson 'grus phyir mi ldog pa'i sbyor ba dang ni ldan phyogs thams cad du mngon du gyur pa'i dbang po'i 'khor lo dang kun tu lta bas yul yongs su gnon pa'i byang chub sems dpa'i lus dang sangs rgyas ma lus pa'i zhabs 
kyi drung na byang chub sems dpa' kun tu bzang po 'dug pa'i rjes su 'brang ba'i sems de bzhin gshegs pa thams cad dmigs par bya ba la yang dag par btang ba dang / byang chub sems dpa' kun tu bzang po'i dmigs pa yongs su btsal 
ba dang mi 'bral ba'i bsam pa dang byang chub sems dpa' kun tu bzang po mthong bar bya ba'i 'du shes kyi rnam pa'i snying po dang ldan pa'i ye shes kyi myig byang chub sems dpa' kun tu bzang po'i lam la zhugs pa dang / nam mkha'i dbyings ltar </font><hr>38-1-348b<br><font size=+1>
yangs pa'i bsam pa dang / snying rje chen po'i rdo rje thogs pa'i lhag pa'i bsam pa dang / byang chub sems dpa' kun tu bzang po'i rjes su 'brangs b.rasmon pa/ phyi ma'i mtha'i bskal pa'i mur thug par byin gyis brlabs pa dang / yongs su gnon pa'i rtsal 
rnam par dag pa/ byang chub sems dpa' kun tu bzang po'i spyod pa mnyam pa nyid kyi rjes su song ba dang / byang chub sems dpa' kun tu bzang po'i sa la gnas pa'i ye shes la rnam par dpyod pa/ de bzhin gshegs pa thams cad kyi yul la 
yang dag par gnas pa dang mi ldan pa des byang chub sems dpa' kun tu bzang po de bzhin gshegs pa thams cad dang mnyam pa nyid rjes su thob pa/ dus gsum mnyam pa nyid kyi rjes su song ba/ bsam gyis mi khyab pa'i yul dang ldan pa/ mi 'phrogs 
pa'i spyod yul can mu med pa'i ye shes kyi yul dang ldan pa/ byang chub sems dpa' thams cad kyis rnam par lta ba/ 'jig rten thams cad kyi zil gyis mnon pa/ 'khor gyi dkyil 'khor 'khor thams cad kyi rjes su 'brang ba/ mngon par 'phags 
pa'i yul dang ldan pa de/ bcom ldan 'das de bzhin gshegs pa rnam par snang mdzad kyi spyan sngar byang chub sems dpa'i 'khor gyi dkyil 'khor rgya mtsho na ni 'dug /byang chub sems dpa'i tshogs kyis ni yongs su bskor/ byang chub sems dpa'i 
dge 'dun gyis ni mdun du byas shing / seng ge'i khri rin po che'i pad mo chen po'i snying po can zhig la 'dug pa mthong ste/ des de'i ba spu'i bu ga thams cad kyi ba spu'i sgo re re nas kyang 'jig rten gyi khams thams cad kyi rdul shin tu phra ba snyed kyi 'od 
zer gyi sprin mang po 'thon nas/ 'jig rten gyi khams chos kyi dbyings kyis klas pa nam mkha'i mthas gtugs pa thams cad rab tu snang bar byas nas/ sems can rnams kyi sdug bsngal rab tu zhi bar byed pa mthong ngo / /des de'i lus las 'od </font><hr>38-1-349a<br><font size=+1>
kyi dkyil 'khor sangs rgyas kyi zhing thams cad kyi rdul shin tu phra ba snyed kyi sprin mang po kha dog sna tshogs can mang po 'thon te/ byang chub sems dpa' thams cad kyi dga' ba dang / mos pa'i shugs rgya chen po rnam par 'phel bar byed 
pa mthong ngo / /spyi bo dang phrag pa'i lhun gnyis dang / ba spu'i sgo thams cad nas kyang spos 'od 'phro ba'i sprin gyi char kha dog sna tshogs su 'dug pa mang po mngon par 'thon nas/ de bzhin gshegs pa thams cad kyi 'khor gyi dkyil 'khor rgyas par bkang ste/ mngon par 
'bab pa mthong ngo / /ba spu'i bu ga thams cad las ba spu'i sgo re re nas kyang me tog thams cad kyi sprin gyi char sangs rgyas kyi zhing thams cad kyi rdul shin tu phra ba snyed mang po mngon par 'thon nas/de bzhin gshegs pa thams cad kyi 'khor gyi dkyil 
'khor rgyas par bkang ste/ mngon par 'bab pa mthong ngo / /ba spu'i bu ga thams cad las ba spu'i sgo re re nas kyang spos sna tshogs kyi shing gi sprin mang po sangs rgyas kyi zhing thams cad kyi rdul shin tu phra ba snyed mngon par 'thon nas/ chos kyi dbyings 
nam mkha'i dbyings kyi mthas klas pa thams cad rgyas par bkang nas/ spos kyi shing gi sprin gyi rgyan gyis brgyan par byas te/ spos dang phye ma dang bdug pa'i mdzod zad mi shes pa'i char rab tu 'gyed cing de bzhin gshegs pa thams cad kyi 
'khor gyi dkyil 'khor rgyas par bkang ste/ mngon par 'bab par byed pa mthong ngo / /ba spu'i sgo thams cad las ba spu'i sgo re re nas kyang gos sna tshogs kyi sprin mang po mngon par 'thon te/ chos kyi dbyings nam mkha'i dbyings kyi mthas 
klas pa thams cad kun nas yog par byas nas brgyan par mthong ngo / /ba spu'i bu ga thams cad nas ba spu'i sgo re re nas kyang dar sna tshogs kyi lda ldi'i sprin dang phreng ba sna tshogs kyi sprin dang / mu tig sna tshogs kyi sprin dang nor bu rin po che yid </font><hr>38-1-349b<br><font size=+1>
bzhin gyi sprin gyi char sangs rgyas kyi zhing thams cad kyi rdul shin tu phra ba snyed mngon par 'thon nas/ de bzhin gshegs pa thams cad kyi 'khor gyi dkyil 'khor rgyas par bkang ste/ mngon par 'bab pa mthong ngo / /ba spu'i bu ga thams cad nas ba spu'i 
sgo re re nas kyang sems can thams cad kyi bsam pa yongs su rdzogs par bsgrub pa'i phyir/ rin po che'i shing gi sprin sangs rgyas kyi zhing thams cad kyi rdul shin tu phra ba snyed mngon par 'thon te/ chos kyi dbyings nam mkha'i mthas klas pa 
thams cad rgyas par bkang nas/ rin po che'i shing las rin po che'i mdzod rnam par 'phro ba'i rgyan gyis brgyan par byas te/ de bzhin gshegs pa thams cad kyi 'khor gyi dkyil 'khor dag tu rin po che'i char chen po mngon par 'bab par byed pa 
mthong ngo / /ba spu'i bu ga thams cad las ba spu'i sgo re re nas kyang gzugs kyi khams kyi lha'i ris kyi sprin sangs rgyas kyi zhing thams cad kyi rdul shin tu phra ba snyed mngon par 'thon nas/ byang chub sems dpa' la yang dag par bsngags pa 
byed cing sangs rgyas kyi zhing thams cad rgyas par 'gengs pa mthong ngo / /ba spu'i bu ga thams cad las ba spu'i sgo re re nas kyang tshangs pa'i rgyud du gtogs pa'i lha'i ris thams cad du sprul pa'i sprin mang po mngon par 'thon te/ mngon par sangs 
rgyas pa'i de bzhin gshegs pa rnams la chos kyi 'khor lo bskor bar gsol ba 'debs par mthong ngo / /ba spu'i bu ga thams cad kyi ba spu'i sgo re re nas kyang 'dod pa'i khams thams cad du gtogs pa'i lha'i dbang po'i lus kyi sprin mang po 
mngon par 'thon te/ de bzhin gshegs pa thams cad kyi chos kyi 'khor lo mang po yang dag par 'dzin par mthong ngo / /ba spu'i bu ga thams cad kyi ba spu'i sgo re re nas kyang sems kyi skad cig re re la yang sangs rgyas kyi zhing gi sprin dus gsum </font><hr>38-1-350a<br><font size=+1>
du gtogs pa'i sangs rgyas kyi zhing thams cad dang 'dra ba/ sangs rgyas kyi zhing thams cad kyi rdul shin tu phra ba snyed mngon par 'thon nas/ chos kyi dbyings nam mkha'i mthas klas pa/ thams cad rgyas par bkang ste/ 
sems can gnas med pa dang skyabs myed pa dang rten myed pa rnams kyi gnas dang / skyabs dang rten du gyur par mthong ngo ba spu'i bu ga thams cad kyi ba spu'i sgo re re nas kyang / sems kyi skad cig re re las sangs rgyas kyi zhing yongs su dag pa/ sangs 
rgyas 'byung ba dang / byang chub sems dpa'i 'khor gyi dkyil 'khor thams cad kyis yongs su gang ba'i sprin sangs rgyas kyi zhing thams cad kyi rdul shin tu phra ba snyed mngon par 'thon nas/ chos kyi dbyings nam mkha'i mthas klas pa thams cad rgyas par bkang ste/ 
sems can mos pa rlabs po che rnams yongs su dag par sgrub pa mthong ngo / /ba spu'i bu ga thams cad las ba spu'i sgo re re nas kyang sems kyi skad cig re re la sangs rgyas kyi zhing rnam par dag pa la kun nas nyon mongs pa sangs rgyas kyi zhing thams cad kyi rdul 
shin tu phra ba snyed kyi sprin mang po mngon par 'thon nas/ chos kyi dbyings nam mkha'i dbyings kyi mthas klas pa thams cad rgyas par bkang ste kun nas nyon mongs pa'i sems can rnams rnam par dag par sgrub pa mthong ngo / /ba spu'i bu ga re re'i ba spu'i sgo thams cad 
nas sems kyi skad cig re re la sangs rgyas kyi zhing kun nas nyon mongs la rnam par dag pa sangs rgyas kyi zhing thams cad kyi rdul shin tu phra ba snyed kyi sprin mang po mngon par 'thon nas/ chos kyi dbyings nam mkha'i dbyings kyis klas pa thams cad rgyas 
par bkang ste/ sems can gcig tu kun nas nyon mongs pa rnams rnam par dag par sgrub pa mthong ngo / /ba spu'i bu ga thams cad las ba spu'i sgo re re nas kyang sems can thams cad kyi lus kyi sprin sangs rgyas kyi zhing thams cad kyi rdul shin tu phra ba </font><hr>38-1-350b<br><font size=+1>
snyed mngon par 'thon te/ sems can gyi khams nam mkha'i dbyings kyis klas pa thams cad rgyas par bkang nas sems can thams cad kyi spyod pa'i rjes su 'brang bar byed cing / bla na med pa yang dag par rdzogs pa'i byang chub tu sems can thams 
cad yongs su smin par byed pa mthong ngo / /ba spu'i bu ga thams cad las ba spu'i sgo re re nas kyang sems kyi skad cig re re la byang chub sems dpa'i lus kyi sprin 'jig rten gyi khams thams cad kyi rdul shin tu phra ba snyed mngon par 'thon nas/ 
chos kyi dbyings nam mkha'i dbyings kyis klas pa/ thams cad rgyas par bkang ste/ sems can thams cad kyi dge ba'i rtsa ba rnam par 'phel bar bya ba'i phyir sangs rgyas thams cad kyi mtshan mang po brjod par byed pa mthong ngo / /ba spu'i bu ga 
thams cad las ba spu'i sgo re re nas kyang byang chub sems dpa'i lus kyi sprin sangs rgyas kyi zhing thams cad kyi rdul shin tu phra ba snyed mngon par 'thon te/ chos kyi dbyings nam mkha'i dbyings kyis klas pa thams cad rgyas par bkang nas sangs 
rgyas kyi zhing 'byam klas pa thams cad du byang chub sems dpa' thams cad kyi sems dang po bskyed pa nas nye bar bzung ba'i dge ba'i rtsa ba thams cad mngon par bsgrub pa nye bar bsgrub pa mthong ngo / /ba spu'i bu ga thams cad las ba spu'i sgo re re 
nas kyang byang chub sems dpa'i sprin sangs rgyas kyi zhing thams cad kyi rdul shin tu phra ba snyed mngon par 'thon te/ sangs rgyas kyi zhing thams cad du byang chub sems dpa' kun tu bzang po'i spyod pa rnam par dag par bya ba'i phyir byang chub 
sems dpa'i smon lam rgya mtsho thams cad mngon par brjod pa mthong ngo / /ba spu'i bu ga thams cad las ba spu'i sgo re re nas kyang sems can thams cad kyi bsam pa yongs su rdzogs par bya ba'i don du byang chub sems dpa' kun tu bzang po'i </font><hr>38-1-351a<br><font size=+1>
spyod pa'i sprin thams cad mkhyen pa nyid du yang dag par 'byung bas dga' ba'i shugs rnam par 'phel bar byed pa/ sangs rgyas kyi zhing thams cad kyi rdul shin tu phra ba snyed kyi char mngon par 'thon nas mngon par 'bab pa mthong 
ngo / /des de'i ba spu'i bu ga thams cad las ba spu'i sgo re re nas kyang mngon par rdzogs par 'tshang rgya ba'i sprin sangs rgyas kyi zhing thams cad du mngon par rdzogs par 'tshang rgya ba ston pa/ thams cad mkhyen pa nyid du 
yang dag par 'byung ba'i chos kyi sprin chen po rnam par 'phel bar byed pa/ sangs rgyas kyi zhing thams cad kyi rdul shin tu phra ba snyed mngon par 'thon pa mthong ngo / /de nas tshong dpon gyi bu nor bzangs kyis byang chub sems dpa' kun tu bzang 
po'i rdzu 'phrul gyi yul de lta bu mthong nas/ dga' rangs te mgu zhing nyams bde la tshim zhing yid bde ba skyes nas/ de bas kyang shas cher byang chub sems dpa' kun tu bzang po'i lus la sems sems pa dang / byang chub sems dpa' 
kun tu bzang po'i yan lag re re dang / yan lag rnam par phye ba re re dang / lus kyi cha re re dang / lus kyi cha rnam par phye ba re re dang / yan lag gi phyogs re re dang / yan lag gi phyogs rnam par phye ba re re dang / lus re re dang / lus rnam 
par phye ba re re dang / ba spu'i bu ga re re dang ba spu'i bu ga rnam par phye ba re re nas stong gsum gyi stong chen po'i 'jig rten gyi khams 'di rlung gi phung po dang bcas/ chu'i phung po dang bcas/ sa'i phung po dang bcas/ mye'i phung po dang bcas/ rgya mtsho dang bcas/ 
gling dang bcas/ chu klung dang bcas/ rin po che'i ri dang bcas/ ri rab dang bcas/ khor yug dang bcas/ grong dang grong khyer dang / ljongs dang yul dang khams dang rgyal po'i gnas dang bcas/ nags tshal dang bcas/ khang khyim dang bcas/</font><hr>38-1-351b<br><font size=+1>
skye bo'i tshogs dang bcas/ sems can dmyal ba'i 'jig rten dang bcas/ byol song gi skye gnas dang bcas/ gshin rje'i 'jig rten dang bcas/ lha ma yin gyi 'jig rten dang bcas/ klu'i 'jig rten dang bcas/ 
nam mkha' lding gi 'jig rten dang bcas/ myi'i 'jig rten dang bcas/ lha'i 'jig rten dang bcas/ tshangs pa'i 'jig rten dang bcas/ 'dod pa'i khams kyi yul dang bcas gzugs kyi khams kyi yul dang bcas/ gzugs 
med pa'i khams kyi yul dang bcas/ gzhi dang bcas rten dang bcas/ dbyibs dang bcas/ sprin dang bcas/ glog dang bcas/ skar ma dang bcas/ nyin zhag dang bcas/ zla ba phyed dang bcas/ zla ba gcig dang bcas/ dus 
dang bcas/ lo dang bcas/ bskal ba bar ma dang bcas bskal pa dang bcas par gzugs brnyan gyi tshul du mthong ngo / /'jig rten gyi khams 'di la ji lta ba de bzhin du/ shar phyogs kyi 'jig rten gyi khams thams cad kyang mthong 
bar gyur to/ /shar phyogs la ji lta ba de bzhin du lho phyogs dang / nub phyogs dang / byang phyogs dang / byang shar gyi phyogs mtshams dang / shar lho'i phyogs mtshams dang / lho nub kyi phyogs mtshams dang / nub byang gi phyogs 
mtshams dang / 'og dang steng gi phyogs thams cad kyi 'jig rten gyi khams thams cad kyang sangs rgyas byung ba dang bcas/ byang chub sems dpa'i 'khor kyi dkyil 'khor dang bcas par gzugs brnyan gyi tshul du mthong bar gyur to/ /
des mi mjed kyi 'jig rten gyi khams 'di'i sngon gyi mtha'i mur thug pa'i 'jig rten gyi khams gcig nas gcig tu brgyud pa/ ji snyed pa de dag thams cad kyang byang chub sems dpa' kun tu bzang po'i myi chen po'i mtshan re re las </font><hr>38-1-352a<br><font size=+1>
sangs rgyas byung ba dang bcas/ byang chub sems dpa'i 'khor gyi dkyil 'khor thams cad dang bcas/ sems can dang bcas/ khang khyim dang bcas/ nyin zhag dang bcas bskal pa dang bcas par mthong bar 
gyur to/ /de bzhin tu phyi ma'i mtha'i mur thug pa'i sangs rgyas kyi zhing 'byam klas pa thams cad kyang mthong bar gyur to/ /ji ltar 'jig rten gyi khams 'di'i sngon gyi mtha' dang phyi ma'i mtha'i mur thug pa'i 'jig rten gyi khams gcig nas 
gcig tu brgyud pa thams cad kyang mthong bar gyur pa de bzhin tu phyogs bcu'i 'jig rten gyi khams thams cad kyi sngon gyi mtha' dang / phyi ma'i mtha'i mur thug pa'i 'jig rten gyi khams gcig nas gcig tu brgyud pa thams cad kyang 
byang chub sems dpa' kun tu bzang po'i lus dang / myi chen po'i mtshan re re dang / ba spu'i bu ga re re nas shin tu rnam par phye ba dang / phan tshun ma 'dres par mthong bar gyur to/ /byang chub sems dpa' kun tu bzang po yang 
ji ltar bcom ldan 'das de bzhin gshegs pa rnam par snang mdzad kyi spyan snga na seng ge'i khri rin po che'i pad mo chen po'i snying po can la 'dug cing rnam par rtse ba 'di lta bu yongs su ston par mthong ba de bzhin du shar phyogs na'ang 
bcom ldan 'das de bzhin gshegs pa bzang po'i dpal gyis 'jig rten gyi khams pad mo'i dpal na rnam par rtse ba 'di nyid yongs su ston cing 'dug par mthong ngo / /shar phyogs na ji lta ba de bzhin du phyogs dang phyogs mtshams 
kun tu 'jig rten gyi khams thams cad kyi de bzhin gshegs pa thams cad kyi zhabs kyi drung na byang chub sems dpa' kun tu bzang po seng ge'i khri rin po che'i pad mo chen po'i snying po can la 'dug cing rnam par rtse ba 'di nyid yongs su ston </font><hr>38-1-352b<br><font size=+1>
pa mthong ngo / /ji ltar phyogs bcu'i 'jig rten gyi khams thams cad kyi de bzhin gshegs pa thams cad kyi zhabs kyi drung na seng ge'i khri rin po che'i pad mo chen po'i snying po can la 'dug cing rnam par rtse ba 'di nyid yongs su ston par 
mthong ba de bzhin du/ phyogs bcu kun gyi sangs rgyas kyi zhing thams cad kyi rdul shin tu phra ba dag la rdul shin tu phra ba re re'i sangs rgyas kyi 'khor chos kyi dbyings ltar rgya che ba dag ni byang chub sems dpa' kun tu 
bzang po de bzhin gshegs pa thams cad kyi zhabs kyi drung na seng ge'i khri rin po che'i pad mo chen po'i snying po can la 'dug cing rnam par rtse ba 'di nyid yongs su ston pa mthong ngo / /de'i lus re re las kyang dus gsum du byung ba'i dmigs 
pa thams cad gzugs brnyan gyi tshul du rnam par dmigs par mngon par bstan pa mthong ngo / /zhing thams cad dang sems can thams cad dang sangs rgyas byung ba thams cad dang / byang chub sems dpa'i 'khor gyi dkyil 'khor 
thams cad kyang gzugs brnyan gyi tshul du rnam par dmigs par mngon tu bstan pa mthong ngo / /sems can thams cad kyi sgra dang / sangs rgyas thams cad kyi dbyangs dang / de bzhin gshegs pa thams cad kyi chos kyi 'khor 
lo dang gdams ngag yongs su bstan pa'i cho 'phrul thams cad dang / byang chub sems dpa'i yang dag par bsdu ba thams cad dang / sangs rgyas thams cad kyi rnam par rol pa dag kyang thos par gyur to/ /des de ltar byang chub 
sems dpa' kun tu bzang po'i rnam par rtse ba de lta bu dag mthong ste/ thos nas ye shes kyi pha rol tu phyin pa la rnam par spyod pa bcu thob par gyur to/ /bcu gang zhe na/ 'di lta ste/ sems kyi skad cig gcig la sangs rgyas </font><hr>38-1-353a<br><font size=+1>
kyi zhing thams cad lus kyis rgyas par dgang ba'i ye shes kyi pha rol tu phyin pa la rnam par spyod pa thob par gyur to/ /de bzhin gshegs pa thams cad kyi zhabs kyi drung du 'gro ba la tha mi dad pa'i ye shes 
kyi pha rol tu phyin pa la rnam par spyod pa thob par gyur to/ /de bzhin gshegs pa thams cad mchod cing rim gro bya ba'i ye shes kyi pha rol tu phyin pa la rnam par spyod pa thob par gyur to/ /de bzhin gshegs pa thams 
cad las de bzhin gshegs pa re re las kyang sangs rgyas kyi chos thams cad yongs su zhus pa rab tu blang ba'i ye shes kyi pha rol tu phyin pa la rnam par spyod pa thob par gyur to/ /de bzhin gshegs pa thams cad kyi chos kyi 'khor 
lo nges par rtogs par bya ba'i ye shes kyi pha rol tu phyin pa la rnam par spyod pa thob par gyur to/ /sangs rgyas kyi rnam par 'phrul pa bsam gyis mi khyab pa'i ye shes kyi pha rol tu phyin pa la rnam par spyod pa thob par gyur to/ /
so so yang dag par rig pa zad mi shes pa'i phyi ma'i mtha'i mur thug pa'i bskal par byin gyis brlabs te/ chos kyi tshig gcig shin tu bstan pa'i ye shes kyi pha rol tu phyin pa la rnam par spyod pa thob par gyur to/ /chos 
kyi rgya mtsho thams cad mngon sum du rab tu shes pa'i ye shes kyi pha rol tu phyin pa la rnam par spyod pa thob par gyur to/ /chos kyi dbyings kyi tshul rgya mtsho thams cad kyi ye shes kyi pha rol tu phyin pa la rnam par spyod pa thob par gyur to/ /
sems can thams cad kyi 'du shes kyi rnam pa yongs su sgrub pa'i ye shes kyi pha rol tu phyin pa la rnam par spyod pa thob par gyur to/ /skad cig gcig la byang chub sems dpa' kun tu bzang po'i spyod pa mngon sum du rab tu shes pa'i ye shes </font><hr>38-1-353b<br><font size=+1>
kyi pha rol tu phyin pa la rnam par spyod pa thob par gyur to/ /de ltar ye shes kyi pha rol tu phyin pa la rnam par spyod pa dang ldan pa'i tshong dpon gyi bu nor bzangs kyi spyi bor byang chub sems dpa' kun tu bzang pos lag pa g.yas pa brkyang ste bzhag 
par gyur to/ /de ltar tshong dpon gyi bu nor bzangs kyi spyi bo la byang chub sems dpa' kun tu bzang pos lag pa bzhag ma thag tu de'i mod la des ting nge 'dzin gyi sgo sangs rgyas kyi zhing thams cad kyi rdul shin tu phra ba snyed la zhugs par gyur te/ 
ting nge 'dzin re re las kyang 'jig rten gyi khams rgya mtsho/ sangs rgyas kyi zhing gi rdul shin tu phra ba snyed sngon chad ma mthong bdag la'ang zhugs par gyur to/ /de'i thams cad mkhyen pa nyid kyi tshogs sangs rgyas kyi zhing gi rdul shin tu phra ba snyed 
kyang tshogs su gyur to/ /de'i thams cad mkhyen pa nyid kyi chos kyi tshogs sangs rgyas kyi zhing thams cad kyi rdul shin tu phra ba snyed kyang rab tu byung bar gyur to/ /thams cad mkhyen pa nyid la rab tu gnas par bya ba chen po sangs 
rgyas kyi zhing thams cad kyi rdul shin tu phra ba snyed kyis mngon par 'phags par gyur to/ /smon lam rgya mtsho sangs rgyas kyi zhing thams cad kyi rdul shin tu phra ba snyed la'ang zhugs par gyur to/ /thams cad mkhyen pa nyid du 'byung 
ba'i lam sangs rgyas kyi zhing thams cad kyi rdul shin tu phra ba snyed kyis kyang byung bar gyur to/ /byang chub sems dpa'i spyod pa sangs rgyas kyi zhing thams cad kyi rdul shin tu phra ba snyed la'ang rab tu zhugs par gyur to/ /thams cad 
mkhyen pa nyid kyi shugs drag po sangs rgyas kyi zhing thams cad kyi rdul shin tu phra ba snyed kyis kyang rnam par 'phel bar gyur to/ /sangs rgyas thams cad kyi ye shes snang ba sangs rgyas kyi zhing thams cad kyi rdul shin tu phra ba snyed kyis kyang </font><hr>38-1-354a<br><font size=+1>
rab tu snang bar gyur to/ /ji ltar mi mjed kyi 'jig rten gyi khams 'dir byang chub sems dpa' kun tu bzang po bcom ldan 'das de bzhin gshegs pa rnam par snang mdzad kyi spyan snga na 'dug pas lag pa g.yas 
pa brkyang te/ tshong dpon gyi bu nor bzangs kyi spyi bor bzhag pa de bzhin du 'jig rten gyi khams thams cad kyi de bzhin gshegs pa'i zhabs kyi drung na 'dug pa'i byang chub sems dpa' kun tu bzang pos kyang lag pa g.yas pa brkyang 
zhing tshong dpon gyi bu nor bzangs kyi spyi bo la bzhag par gyur to/ /de bzhin du phyogs dang phyogs mtshams thams cad kun gyi 'jig rten gyi khams thams cad kyi rdul shin tu phra ba'i khongs su chud pa'i 'jig rten gyi khams dag gi de bzhin 
gshegs pa thams cad kyi zhabs kyi drung na 'dug pa'i byang chub sems dpa' kun tu bzang pos kyang lag pa g.yas pa brkyang zhing tshong dpon gyi bu nor bzangs kyi spyi bo la bzhag par gyur to/ /ji ltar bcom ldan 'das rnam par 
snang mdzad kyi zhabs kyi drung na 'dug pa'i byang chub sems dpa' kun tu bzang po'i lag pas reg ste/ tshong dpon gyi bu nor bzangs kyis chos kyi sgo mang po la zhugs par gyur pa de bzhin du kun tu bzang po'i lus thams 
cad las 'phros pa'i lag pa'i sprin mang pos reg pa'i tshong dpon gyi bu nor bzangs kyis kyang chos kyi sgo mang po la tshul sna tshogs kyis zhugs par gyur to/ /de nas byang chub sems dpa' sems dpa' chen po kun tu bzang pos 
tshong dpon gyi bu nor bzangs la 'di skad ces smras so/ /rigs kyi bu khyod kyis nga'i rnam par 'phrul pa mthong mod/ smras pa 'phags pa mthong ni mthong na de tsam du bsam gyis mi khyab pa'i rnam par thar pa de ni de bzhin </font><hr>38-1-354b<br><font size=+1>
gshegs pas mkhyen na mkhyen grang ngo / /des smras pa/ rigs kyi bu ngas ni thams cad mkhyen pa nyid kyi sems mngon par 'dod cing / bskal pa sangs rgyas kyi zhing brjod du myed pa'i yang brjod du med pa'i rdul shin tu phra ba snyed cig tu rnam 
par spyad de/ bskal pa chen po de dag re re la yang byang chub kyi sems yongs su sbyong bar byed cing / ngas de bzhin gshegs pa sangs rgyas kyi zhing brjod du myed pa'i yang brjod du med pa'i rdul shin tu phra ba snyed cig bsnyen bkur to/ /
bskal pa chen po de dag re re la yang / thams cad mkhyen pa nyid kyi bsod nams yongs su sdud pa byed cing / mchod sbyin chen po gtang ba thams cad dang sbyar ba/ 'jig rten thams cad du rnam par grags pa/ sems can thams cad 
la bstabs pa dag kyang mchod sbyin tu byas so/ /bskal pa chen po de dag re re la yang thams cad mkhyen pa nyid kyi chos la mngon par smon cing gtang ba dang / gtang ba chen po dang / shin tu gtang ba sangs rgyas kyi zhing brjod du med 
pa'i yang brjod du med pa'i rdul shin tu phra ba snyed cig byas so/ /bskal pa chen po de dag re re la yang lus dang srog phangs par bya ba myed par sangs rgyas kyi chos gces par bya bas lus brjod du med pa'i yang brjod du med pa 
zhig yongs su btang ngo rgyal po'i srid chen po yang yongs su btang ngo / /grong dang grong khyer dang ljongs dang yul dang khams dang rgyal po'i gnas dag kyang yongs su btang ngo / /sdug cing yid du 'ong la btang mi bra ba'i 'khor gyi tshogs dag kyang yongs su btang ngo / /
bu dang bu mo dang chung ma dag kyang yongs su btang ngo / /rang gi lus dang / sha dag kyang yongs su btang ngo / /bdag gi lus las khrag dag kyang slong ba rnams la yongs su btang ngo / /rus pa dang rkang dag kyang yongs su </font><hr>38-1-355a<br><font size=+1>
btang ngo / /rkang pa dang lag pa dag kyang yongs su btang ngo / /yan lag dang nying lag dag kyang yongs su btang ngo / /sna dang rna ba dag kyang yongs su btang ngo / /myig dag kyang yongs su btang ngo / /
rang gi kha nas lce'i dbang po dag kyang yongs su btang ngo / /bskal pa chen po de dag re re la yang 'jig rten thams cad las mngon par 'phags shing bla na med par gyur pa thams cad mkhyen pa nyid kyi dbu la mngon par smon cing / rang 
gi mgo sangs rgyas kyi zhing brjod du med pa'i yang brjod du med pa'i rdul shin tu phra ba snyed cig yongs su btang ngo / /bskal pa chen po re re la ji lta ba de bzhin du bskal pa chen po rgya mtsho sangs rgyas kyi zhing brjod du med pa'i 
rdul shin tu phra ba snyed las bskal pa rgya mtsho re re la yang de bzhin gshegs pa sangs rgyas kyi zhing rgya mtsho brjod du med pa'i yang brjod du med pa'i rdul shin tu phra ba snyed cig la dbang po dam par gyur te/ rim gro byas so/ /bkur sti byas so/ /phud dud byas so/ 
mchod pa byas so/ /na bza' dang / bshos dang / gzims cha dang / snyun gyi rkyen sman dang / yo byad dag kyang dbul ba byas so/ /de bzhin gshegs pa de dag gi bstan pa la yang rab tu byung ste/ sangs rgyas kyi gdams ngag thams 
cad la yang rab tu zhugs so/ /de dag gi bstan pa yang / yongs su gzung ste/ rigs kyi bu de snyed kyi bskal pa rgya mtshor yang / de bzhin gshegs pa'i bstan pa la sems bskyed pa 'ga' tsam gyis kyang / mi mthun pa'i sems bskyed 
du mi dran no/ /de snyed kyi bskal pa rgya mtshor sems bskyed pa 'ga' tsam gyis kyang khong khro ba dang ldan pa'i sems bskyed pa'am/ bdag tu 'dzin pa'i sems sam/ bdag yongs su bskyang zhing yongs su gzung ba'i sems sam/</font><hr>38-1-355b<br><font size=+1>
bdag dang gzhan tu dbye ba'i sems sam/ byang chub kyi lam dang bral bar bya ba'i sems sam/ 'khor ba na gnas pas yongs su skyo ba'i sems sam/ zhum pa'i sems sam/ sgrib pas mgo rmongs pa'i sems bskyed du mi dran te/ 
gzhan du na thams cad mkhyen pa nyid kyi tshogs bstsags pa'i phyir byang chub kyi sems ye shes gzhan gyis mi thub cing brgal bar dka' ba'i snying po dang ldan pa bskyed do/ /rigs kyi bu 'di lta ste/ nga'i sngon gyi sbyor ba phun sum tshogs pa/ 
sangs rgyas kyi zhing yongs su dag par byas pa'i sbyor ba dag dang / des snying rje chen po'i sems rab tu thob ste/ sems can yongs su bskyabs pa dang / yongs su smin par bya ba dang / yongs su sbyang bar byas pa'i sbyor ba dag dang / 
sangs rgyas mchod cing bsnyen bkur ba'i sbyor ba dag dang / dam pa'i chos yongs su btsal ba'i don du bla ma la rim gror byas pa'i sbyor ba dag dang / dam pa'i chos yongs su bzung ba'i don du lus yongs su btang ba'i sbyor ba dag 
dang / dam pa'i chos yongs su bsrung ba'i don du rang gi srog yongs su btang ba'i sbyor ba de dag ni bstan par bya na/ bskal pa rgya mtsho thams cad kyang zad par 'gyur ro/ /rigs kyi bu ngas 
ni/ chos rgya mtsho de snyed cig las kyang / tshig dang yi ge 'ga' tsam yang / sems can thams cad yongs su bskyab pa la brtson pa dang / rang gi sems kyi rgyud nges par shes 
par bya ba la brtson pa dang / pha rol gyis chos mngon du thos par bya ba la brtson pa dang / 'jig rten pa'i ye shes snang ba thams cad rab tu brjod pa la brtson pa dang / 'jig rten las 'das pa'i ye shes thams cad rab tu brjod </font><hr>38-1-356a<br><font size=+1>
pa la brtson pa dang / sems can thams cad kyi 'khor ba'i bde ba yongs su bskyed pa la brtson pa dang / de bzhin gshegs pa thams cad kyi yon tan yang dag par bsngags pa la brtson pas 
'khor los sgyur ba'i rgyal srid yongs su btang bas ma nyos pa'am/ bdog pa thams cad yongs su btang bas mos pa gang yang med de/ de ltar nga nyid kyi sngon gyi sbyor ba phun sum tshogs pa bstan par bya na/ bskal ba rgya mtsho 
sangs rgyas kyi zhing brjod du med pa'i yang brjod du med pa'i rdul shin tu phra ba snyed zad par 'gyur ro/ /rigs kyi bu de ltar ngas rnam pa de lta bu'i tshogs kyi stobs dang / dge ba'i rtsa ba'i rgyu bstsags pa'i stobs dang / mos pa rgya 
chen po'i stobs dang / yon tan la nan tan du bya ba'i stobs dang / chos thams cad yang dag pa ji lta ba bzhin du khong du chud par bya ba'i stobs dang / shes rab kyi mig gi stobs dang / de bzhin gshegs pa'i byin gyi 
rlabs kyi stobs dang / smon lam chen po'i stobs dang / snying rje chen po'i stobs dang / shin tu sbyangs pa'i mngon par shes pa'i stobs dang / dge ba'i bshes gnyen gyis yongs su bzung ba'i stobs kyis chos kyi 
lus yongs su dag pa dus gsum du tha mi dad pa thob par gyur to/ /bla na med pa'i gzugs kyi lus 'jig rten thams cad las mngon par 'phags pa 'gro ba thams cad kyi bsam pa ji lta ba bzhin du rnam par dmigs pa 
thams cad du rjes su song ba sangs rgyas kyi zhing thams cad du rab tu gzhol ba/ thams cad du rab tu gnas pa rnam par 'phrul pa thams cad rnam pa thams cad du/ ston pa 'gro ba thams cad kyi/ yid du 'ong ba yang yongs </font><hr>38-1-356b<br><font size=+1>
su sbyangs so/ /rigs kyi bu ngas lus thob pa phun sum tshogs pa/ bskal pa rgya mtsho mtha' yas pas yongs su grub pa/ bskal pa bye ba khrag khrig brgya stong mang pos/ 'byung bar dka' ba mthong bar dka' ba 
'di la ltos/ rigs kyi bu nga ni dge ba'i rtsa ba ma bskyed pa'i sems can rnams kyi rna lam du yang mi 'ong na/ mthong bar lta ji zhig smos/ rigs kyi bu sems can gang dag nga'i ming thos pa tsam gyis/ bla na med pa 
yang dag par rdzogs pa'i byang chub las phyir mi ldog par 'gyur ba yod do/ /mthong ba tsam dang / reg pa tsam dang / bskyal pa tsam dang / rjes su 'brang ba tsam dang / rmi lam du mthong ba tsam dang / rmi lam du ming thos 
pa tsam gyis kyang / bla na med pa yang dag par rdzogs pa'i byang chub las phyir mi ldog par 'gyur ba yod de/ sems can la las ni nga nyin zhag gcig tu dran par byas na yongs su smin par 'gyur ro/ /la las ni zhag 
bdun dang / la las ni zla ba phyed dang / la las ni zla ba gcig dang / la las ni lo gcig dang / la las ni lo brgya dang / la las ni bskal pa gcig dang / la las ni bskal pa brgya nas/ la las ni bskal ba sangs rgyas kyi 
zhing brjod du med pa'i yang brjod du med pa'i rdul shin tu phra ba snyed du nga rjes su dran par byas na/ yongs su smin par 'gyur ro/ /la las ni tshe gcig tu rjes su dran par byas na/ yongs su smin par 'gyur ro/ /la las 
ni tshe'i rgyud sangs rgyas kyi zhing brjod du med pa'i yang brjod du med pa'i rdul shin tu phra ba snyed kyis yongs su smin par 'gyur ro/ /sems can la las ni nga'i 'od mthong bas yongs su smin par 'gyur ro/ /la las ni 'od zer </font><hr>38-1-357a<br><font size=+1>
bkye ba mthong bas la las ni zhing bskyod pas la las ni gzugs kyi lus bstan pas la las ni dga' bar byas pas yongs su smin par 'gyur te/ rigs kyi bu de ltar thabs kyi tshul sangs rgyas kyi zhing gi rdul shin 
tu phra ba snyed kyi sems can rnams bla na med pa yang dag par rdzogs pa'i byang chub las phyir mi ldog par 'gyur ro/ /rigs kyi bu sems can gang gis nga'i sangs rgyas kyi zhing yongs su dag pa thob pa de dag ni sangs rgyas kyi zhing yongs 
su dag par skye'o/ /gang gis nga'i lus yongs su dag pa mthong bar gyur pa de dag ni nga'i lus lta bur skye bar 'gyur gyis rigs kyi bu nga'i lus rnam par dag pa 'di la ltos shig /de nas tshong dpon gyi bu nor bzangs kyis byang chub sems dpa' 
kun tu bzang po'i lus la bsam pa dang / ba spu'i bu ga re re la yang sangs rgyas kyi zhing rgya mtsho brjod du med pa'i yang brjod du med pa'i sangs rgyas skye bas yongs su gang ba mthong ngo / /zhing rgya mtsho re re na yang de bzhin gshegs pa byang chub sems dpa'i 
'khor rgya mtshos kun nas bskor ba mang po bzhugs pa mthong ngo / /zhing rgya mtsho de dag thams cad kyang gzhi sna tshogs dang dbyibs sna tshogs dang / rgyan sna tshogs dang 'khor yug sna tshogs dang sprin sna tshogs dang nam mkha' sna tshogs 
kyis kun nas khebs pa dang / sangs rgyas 'byung ba sna tshogs dang chos kyi 'khor lo sna tshogs kyi dbyangs dang ldan par mthong ngo / /ba spu'i bu ga re re la ji lta ba bzhin du ba spu'i bu ga ma lus pa thams cad dang / mtshan thams cad dang dpe 
byad bzang po thams cad dang / yan lag dang nying lag thams cad la yang de bzhin te/ zhing rgya mtsho re re nas kyang sangs rgyas kyi sku sprul pa'i sprin sangs rgyas kyi zhing thams cad kyi rdul shin tu phra ba snyed byung nas phyogs bcur 'jig rten gyi khams </font><hr>38-1-357b<br><font size=+1>
thams cad rgyas par bkang ste bla na med pa yang dag par rdzogs pa'i byang chub tu sems can yongs su smin par mdzad pa mthong ngo / /de nas tshong dpon gyi bu nor bzangs byang chub sems dpa' kun tu bzang po'i gdams ngag dang rjes su bstan pas rjes su 
bstan nas byang chub sems dpa' kun tu bzang po'i lus kyi khongs su gtogs pa'i 'jig rten gyi khams thams cad du zhugs te/ sems can yongs su smin par byed par gyur to/ /de ltar tshong dpon gyi bu nor bzangs kyis dge ba'i bshes 
gnyen sangs rgyas kyi zhing gi rdul shin tu phra ba snyed cig gi drung du phyin te/ mthong ba dang bsnyen bkur bas ye shes kyi snang ba dang / dge ba'i rtsa ba bstsags pa de dag gis byang chub sems dpa' kun tu bzang po mthong ste/ dge ba'i rtsa ba bstsags 
par gyur ba de'i brgya'i char yang nye bar mi 'gro'o/ /stong gi char yang ma yin brgya stong gi char yang ma yin/ bye ba brgya phrag stong gi char yang ma yin te/ grangs dang cha dang bgrang ba dang dper bya ba dang / rgyur bya ba tsam du yang mi phod do/ /des dang po sems 
bskyed pa nas nye bar bzung nas byang chub sems dpa' kun tu bzang po mthong ba'i bar der sangs rgyas kyi zhing rgya mtsho gcig nas gcig tu brgyud pa ji snyed cig la zhugs par gyur pa de dag pas sangs rgyas kyi zhing brjod du med pa'i yang brjod du med pa'i rdul 
shin tu phra ba snyed kyi bar du byang chub sems dpa' kun tu bzang po'i ba spu'i bu ga re rer sangs rgyas kyi zhing rgya mtsho gcig nas gcig tu brgyud pa mang po la sems kyi skad cig gcig gis zhugs par gyur te/ ba spu'i bu ga re rer ji lta ba de bzhin du ba spu'i bu ga ma lus 
pa thams cad la yang sems kyi skad cig re re la 'jig rten gyi khams brjod du med pa'i yang brjod du med pa'i rdul shin tu phra ba snyed rnam par gnon pa phyi ma'i mtha'i mur thug pa'i bskal bar byin gyis brlabs pa/ 'jig rten gyi khams rgyas par 'gengs pas zhugs </font><hr>38-1-358a<br><font size=+1>
kyang zhing rgya mtsho gcig nas gcig tu brgyud pa'i mthar phyin par ma gyur te/ zhing rgya mtsho'i lhun dang zhing rgya mtsho'i bye brag dang / zhing rgya mtsho yongs su bsdu ba dang / zhing rgya mtsho yongs su 'grub pa dang / zhing rgya mtsho 'jig pa dang / zhing rgya 
mtsho rnam par phye ba dang / sangs rgyas byung ba rgya mtsho gcig nas gcig tu brgyud pa dang / sangs rgyas byung ba rgya mtsho'i sku dang / sangs rgyas byung ba rgya mtsho'i bye brag dang / sangs rgyas byung ba rgya mtsho yongs su bsdu ba dang / sangs rgyas byung ba rgya mtsho 
yongs su 'byung ba dang / sangs rgyas byung ba rgya mtsho yongs su 'jig pa dang / byang chub sems dpa'i 'khor gyi dkyil 'khor rgya mtsho dang byang chub sems dpa'i 'khor gyi dkyil 'khor rgya mtsho gcig nas gcig tu brgyud pa dang / byang chub 
sems dpa'i 'khor gyi dkyil 'khor rgya mtsho'i lus dang / byang chub sems dpa'i 'khor gyi dkyil 'khor rgya mtsho'i bye brag dang / byang chub sems dpa'i 'khor gyi dkyil 'khor rgya mtsho yongs su bsdu ba dang / byang chub sems dpa'i 
'khor gyi dkyil 'khor rgya mtsho yongs su 'byung ba dang / byang chub sems dpa'i 'khor gyi dkyil 'khor rgya mtsho yongs su 'jig pa dang / sems can gyi khams la 'jug pa dang / skad cig re res sems can gyi dbang po shes pa la 'jug pa dang / 
sems can gyi dbang po shes pa khong du chud par bya ba dang / sems can yongs su smin par bya zhing gdul ba dang / byang chub sems dpa' rnam par 'phrul ba zab mo la rnam par gnas pa dang / byang chub sems dpa'i sa yongs su gnan pa'i 
rnam par gnon pa rgya mtsho'i mthar yang phyin par ma gyur te/ de zhing la lar ni bskal par rnam par spyad par gyur to/ /zhing la lar ni bskal pa sangs rgyas kyi zhing brjod du med pa'i yang brjod du med pa'i bar du spyad par gyur te/ zhing de dag nas kyang </font><hr>38-1-358b<br><font size=+1>
g.yos pa med do/ /sems kyi skad cig re re la yang zhing rgya mtsho mtha' dang dbus med pa la 'jug cing sems can rnams kyang bla na med pa yang dag par rdzogs pa'i byang chub tu yongs su smin par byed par gyur te/ des de ltar mthar gyis 
byang chub sems dpa' kun tu bzang po'i spyod pa dang smon lam rgya mtsho mnyam pa nyid kyi bar du 'ang thob par gyur to/ /de bzhin gshegs pa thams cad dang mnyam pa nyid dang / zhing thams cad lus kyis rgyas par dgang ba mnyam pa nyid dang spyod 
pa yongs su rdzogs par rgyas par dgang ba mnyam pa nyid dang / mngon par rdzogs par 'tshang rgya ba'i rnam par 'phrul ba yongs su bstan pas rgyas par dgang ba mnyam pa nyid dang / chos kyi 'khor lo bskor ba mnyam pa nyid dang / so 
so yang dag par rig pa rnam par dag pa mnyam pa nyid dang / dbyangs brjod pa mnyam pa nyid dang / dbyangs kyi yan lag rgya mtsho thams cad kyi sbyor ba mnyam pa nyid dang / stobs dang mi 'jig pa mnyam pa nyid dang / sangs rgyas kyi 
rnam par spyod pa mnyam pa nyid dang / byams pa chen po dang / snying rje chen po mnyam pa nyid dang / byang chub sems dpa'i rnam par thar pa bsam gyis mi khyab pa'i rnam par 'phrul pa mnyam pa nyid kyi rjes su thob par gyur to/ /de nas byang 
chub sems dpa' sems dpa' chen po kun tu bzang pos bskal ba dang / bskal pa 'byam klas pa dang / 'jig rten gyi khams gcig nas gcig tu brgyud pa sangs rgyas kyi zhing brjod du med pa'i yang brjod du med pa'i rdul shin tu phra ba snyed 
po de dag brnan te mngon par brjod pa'i phyir tshigs su bcad pa'i dbyangs kyis smon lam btab pa/ /ji snyed su dag phyogs bcu'i 'jig rten na/ /dus gsum gshegs pa mi yi seng ge kun/ /bdag gis ma lus de dag thams cad la/</font><hr>38-1-359a<br><font size=+1>
lus dang ngag yid dang bas phyag bgyi'o/ /bzang po spyod pa'i smon lam stobs dag gis/ /rgyal ba thams cad yid kyis mngon sum du/ /zhing gi rdul snyed lus rab btud pa yis/ /rgyal ba kun la rab tu phyag 'tshal lo/ /rdul 
gcig steng na rdul snyed sangs rgyas rnams/ /sangs rgyas sras kyi dbus na bzhugs pa dag/ /de ltar chos kyi dbyings rnams ma lus par/ /thams cad rgyal ba dag gis gang bar mos /de dag bsngags pa mi zad rgya mtsho rnams/ /dbyangs kyi yan lag 
rgya mtsho'i sgra kun gyis/ /rgyal ba kun gyi yon tan rab brjod cing / /bde bar gshegs pa thams cad bdag gis bstod/ /me tog dam pa phreng ba dam pa dang / /sil snyan rnams dang byug pa'i gdugs mchog dang / /mar me mchog dang bdug 
pa dam pa yis/ /rgyal ba de dag la ni mchod par bgyi/ /na bza' dam pa rnams dang dri mchog dang / /phye ma'i phur ma ri rab mnyam pa dang / /khyad par can gyi rgyan mchog thams cad kyis/ /rgyal ba de dag la ni mchod par bgyi/ /mchod 
pa gang rnams bla med rgya che ba/ /de dag rgyal ba thams cad la yang mos/ /bzang po spyod la dad pa'i stobs dag gis/ /rgyal ba kun la phyag 'tshal mchod par bgyi/ /'dod chags zhe sdang gti mug dbang gis na/ /lus dang ngag dang de bzhin yid kyis kyang / /sdig 
pa bdag gis bgyis pa ci mchis pa/ /de dag thams cad bdag gis so sor bshags/ /phyogs bcu'i rgyal ba kun dang sangs rgyas sras/ /rang rgyal rnams dang slob dang mi slob dang / /'gro ba rnams kyi bsod nams gang la yang / /de dag kun gyi rjes su bdag yi 
rang / /gang rnams phyogs bcu'i 'jig rten sgron ma dag /byang chub rim par sangs rgyas ma chags brnyes/ /mgon po de dag bdag gis thams cad la/ /'khor lo bla na med pa bskor bar bskul/ /mya ngan 'da' ston gang bzhed de dag la/ /'gro ba kun la </font><hr>38-1-359b<br><font size=+1>
phan zhing bde ba'i phyir/ /bskal ba zhing gi rdul snyed bzhugs par yang / /bdag gis thal mo rab sbyar gsol bar bgyi/ /phyag 'tshal ba dang mchod cing bshags pa dang / /rjes su yi rang bskul zhing gsol ba yi/ /dge ba cung zad bdag 
gis ci bstsags pa/ /thams cad bdag gis byang chub phyir bsngo'o/ /'das pa'i sangs rgyas rnams dang phyogs bcu yi/ /'jig rten dag na gang bzhugs mchod par gyur/ gang yang ma byon de dag rab myur bar/ /bsam rdzogs byang 
chub rim par sangs rgyas spyon/ /phyogs bcu ga la'i zhing rnams ji snyed pa/ /de dag rgya cher yongs su dag par gyur/ /byang chub shing dbang drung gshegs rgyal ba dang / /sangs rgyas sras kyis rab tu gang bar shog /phyogs bcu'i sems can 
gang rnams ji snyed pa/ /de dag rtag tu nad med bde bar gyur/ /'gro ba kun gyi chos kyi don rnams ni/ /'thun par gyur cing re ba'ang grub par shog /byang chub spyod pa dag ni bdag spyod cing / /'gro ba kun tu skye ba dran par gyur/ /tshe rabs kun tu 'chi 
'pho skye ba na/ /rtag tu bdag ni rab tu 'byung bar shog /rgyal ba kun gyi rjes su slob gyur te/ /bzang po spyod pa yongs su rdzogs byed cing / /tshul khrims spyod pa dri med yongs dag par/ /rtag tu ma nyams skyon med spyod par shog /lha yi skad 
dang klu dang gnod sbyin skad/ /grul bum dag dang mi yi skad rnams dang / /'gro ba kun gyi sgra rnams ji tsam par/ /thams cad skad du bdag gis chos bstan to/ /nges shing pha rol phyin la rab brtson te/ /byang chub sems 
ni nam yang brjed ma gyur/ /sdig pa gang rnams sgrib par 'gyur ba dag /de dag ma lus yongs su byang bar shog /las dang nyon mongs bdud kyi las rnams las/ /grol zhing 'jig rten 'gro ba rnams su yang /</font><hr>38-1-360a<br><font size=+1>
ji ltar pad mo chus mi chags pa bzhin/ /nyi zla nam mkhar thogs pa med ltar spyad/ /zhing gi khyon dang phyogs rnams ji tsam par/ /ngan song sdug bsngal rab tu zhi bar byed/ /bde ba dag la 'gro ba kun 'god cing / /'gro ba thams cad la 
ni phan par spyad/ /byang chub spyod pa yongs su rdzogs byed cing / /sems can dag gi spyod dang mthun par 'jug /bzang po spyod pa dag ni rab ston cing / /ma 'ongs bskal pa kun tu spyod par 'gyur/ /bdag gi spyod dang mtshungs par gang spyod pa/ /
de dag dang ni rtag tu 'grogs par shog /lus dang ngag rnams dang ni sems kyis kyang / /spyod pa dag dang smon lam gcig tu spyad/ /bdag la phan par 'dod pa'i grogs po dag /bzang po spyod pa rab tu ston pa rnams/ /de dag dang yang rtag tu phrad par 
shog /de dag bdag gis nam yang yid mi dbyung / /sangs rgyas sras kyis bskor ba'i mgon po rnams/ /mngon sum rtag tu bdag gis rgyal ba lta/ /ma 'ongs bskal pa kun tu mi skyo bar/ /de dag la yang mchod pa rgya cher bgyi/ /rgyal ba 
rnams kyi dam pa'i chos 'dzin cing / /byang chub spyod pa kun tu snang bar byed/ /bzang po spyod pa rnam par sbyangs pa yang / /ma 'ongs bskal pa kun tu spyad par bgyi/ /srid pa thams cad du yang 'khor ba na/ /bsod nams ye shes dag ni 
mi zad rnyed/ /thabs dang shes rab ting 'dzin rnam thar dang / /yon tan kun gyi mi zad mdzod du gyur/ /rdul gcig steng na rdul snyed zhing rnams te/ /zhing der bsam gyis mi khyab sangs rgyas rnams/ /sangs rgyas sras kyi dbus na bzhugs 
pa la/ /byang chub spyod pa spyod cing blta bar bgyi/ /de dag ma lus thams cad phyogs su yang / /skra tsam khyon la dus gsum tshad snyed kyi/ /sangs rgyas rgya mtsho zhing rnams rgya mtsho dang / /bskal pa rgya mtshor spyod cing rab tu 'jug /</font><hr>38-1-360b<br><font size=+1>
gsung gcig yan lag rgya mtsho'i sgra skad kyis/ /rgyal ba kun dbyangs yan lag rnam dag pa/ /'gro ba kun gyi bsam pa ji bzhin dbyangs/ /sangs rgyas gsung la rtag tu 'jug par bgyi/ /dus gsum gshegs pa rgyas ba thams cad dag /'khor 
lo'i tshul rnams rab tu bskor ba yis/ /de dag gi yang gsung dbyangs myi zad la/ /blo yi stobs kyis bdag kyang rab tu 'jug /ma 'ongs bskal ba thams cad 'jug par yang / /skad cig gcig gis bdag kyang 'jug par bgyi/ /gang yang 
bskal pa dus gsum tshad de dag /skad cig cha shas kyis ni zhugs par spyad/ /dus gsum gshegs pa mi yi seng ge dag /de dag skad cig gcig la bdag gis blta/ /rtag tu de dag gi ni spyod yul la/ /sgyu mar gyur pa'i rnam thar stobs kyis 
'jug /gang yang dus gsum dag gi zhing bkod pa/ /de dag rdul gcig steng du mngon par bsgrub/ /de ltar ma lus phyogs rnams thams cad du/ /rgyal ba rnams kyi zhing gi rgyan la 'jug /gang yang ma byon 'jig rten sgron ma rnams/ /
de dag rim par 'tshang rgya 'khor lo bskor/ /mya ngan 'das pa rab tu zhi mtha' ston/ /mgon po kun gyi drung du bdag mchi'o/ /kun tu myur ba'i rdzu 'phrul stobs rnams dang / /kun nas sgo yi theg pa'i stobs dag dang / /kun tu yon tan spyod pa'i 
stobs rnams dang / /kun tu khyab pa byams pa dag gi stobs/ /kun tu dge ba'i bsod nams stobs rnams dang / /chags pa med par gyur pa'i ye shes stobs/ /shes rab thabs dang ting 'dzin stobs dag gis/ /byang chub stobs rnams yang 
dag sgrub par byed/ /las kyi stobs rnams yongs su dag byed cing / /nyon mongs stobs rnams kun tu 'joms par byed/ /bdud kyi stobs rnams stobs med rab byed cing / /bzang po spyod pa'i stobs ni rdzogs par bgyi/ /zhing rnams rgya mtsho rnam par dag byed cing / /</font><hr>38-1-361a<br><font size=+1>
sems can rgya mtsho dag ni rnam par sgrol/ /chos rnams rgya mtsho rab tu mthong byed cing / /ye shes rgya mtsho rab tu rtogs par byed/ /spyod pa rgya mtsho rnam par dag byed cing / /smon lam rgya mtsho rab tu rdzogs par byed/ /sangs 
rgyas rgya mtsho rab tu mchod byed cing / /bskal pa rgya mtshor mi skyo spyad par bgyi/ /gang yang dus gsum gshegs pa rgyal ba yi/ /byang chub spyod pa'i smon lam bye brag rnams/ /bzang po spyod pas byang chub sangs rgyas nas/ /de kun bdag 
gis ma lus rdzogs par bgyi/ /rgyal ba kun gyi sras kyi thu bo ba/ /gang gi ming ni kun tu bzang zhes bya/ /mkhas pa de dang mtshungs par spyad pa'i phyir/ /dge ba 'di dag thams cad rab tu bsngo/ /lus dang ngag dang yid kyang rnam dag cing / /
spyod pa rnam dag zhing rnams yongs dag dang / /bsngo ba bzang po mkhas pa ci 'dra bar/ /de 'drar bdag kyang de dang mtshungs par shog /kun nas dge ba bzang po spyod pa'i phyir/ /'jam dpal gyi ni smon lam spyad par bgyi/ /ma 
'ongs bskal pa kun tu mi skyo bar/ /de yi bya ba ma lus rdzogs par bgyi/ /spyod pa dag ni tshad yod ma gyur cig /yon tan rnams kyang tshad gzung med par shog /spyod pa tshad med pa la gnas nas kyang / /de dag 'phrul pa thams cad 'tshal bar bgyi/ /
nam mkha'i mthar thug gyur pa ji tsam par/ /sems can ma lus mtha' yang de bzhin te/ /ci tsam las dang nyon mongs mthar gyur pa/ /bdag gi smon lam mtha' yang de tsam mo/ /gang yang phyogs bcu'i zhing rnams mtha' yas pa/ /rin chen 
brgyan te rgyal ba rnams la phul/ /lha dang mi yi bde ba mchog rnams kyang / /zhing gi rdul snyed bskal bar phul ba bas/ /gang gis bsngo ba'i rgyal po 'di thos nas/ /byang chub mchog gi rjes su rab mos shing / /lan cig tsam yang dad pa bskyed pas </font><hr>38-1-361b<br><font size=+1>
ni/ /bsod nams dam pa'i mchog tu 'di 'gyur ro/ /gang gis bzang spyod smon lam 'di btab pa/ /des ni ngan song thams cad spong bar 'gyur/ /des ni grogs po ngan pa spangs pa yin/ /snang ba mtha' yas de yang des myur mthong / /de 
dag rnyed pa rab rnyed bde bar 'tsho/ /mi tshe 'dir yang de dag legs par 'ong / /kun tu bzang po de yang ji 'dra bar/ /de dag ring por mi thogs de bzhin 'gyur/ /mtshams med lnga po dag gi sdig pa rnams/ /gang gi mi shes dbang gis byas pa dag /
de yis bzang po spyod pa 'di brjod na/ /myur du ma lus yongs su byang bar 'gyur/ /ye shes dang ni gzugs dang mtshan rnams dang / /rigs dang kha dog rnams dang ldan par 'gyur/ /bdud dang mu stegs mang pos de myi thub/ /'jig rten gsum po 
kun na'ang mchod par 'gyur/ /byang chub shing dbang drung du de myur 'gro/ /song nas sems can phan phyir der 'dug ste/ /byang chub sangs rgyas 'khor lo rab tu bskor/ /bdud rnams sde dang bcas pa thams cad btul/ /gang yang bzang po spyod 
pa'i smon lam 'di/ /'chang ba dang ni klog gam ston pa yi/ /de yi rnam par smin pa sangs rgyas mkhyen/ /byang chub mchog la som nyi ma byed cig /'jam dpal ji ltar mkhyen cing dpa' ba dang / /kun tu bzang po de yang de bzhin te/ /
de dag gi ni rjes su bdag slob cing / /dge ba 'di dag thams cad rab tu bsngo/ /dus gsum gshegs pa rgyal ba thams cad kyis/ /bsngo ba gang la mchog tu bsngags pa des/ /bdag gi dge ba'i rtsa ba 'di kun kyang / /bzang po spyod 
phyir rab tu bsngo bar bgyi/ /bdag ni 'chi ba'i dus byed gyur pa na/ /sgrib pa thams cad dag ni phyir bstsal te/ /mngon sum snang ba mtha' yas de mthong nas/ /bde ba can gyi zhing der rab tu 'gro/ /der song nas ni smon lam 'di dag kyang / /</font><hr>38-1-362a<br><font size=+1>
thams cad ma lus mngon du gyur par shog /de dag ma lus bdag gis yongs su bskang / /'jig rten ji srid sems can phan par bgyi/ /rgyal pa'i dkyil 'khor bzang zhing dga' ba der/ /pad mo dam pa shin tu mdzes 
las skyes/ /snang ba mtha' yas rgyal bas mngon sum du/ /lung bstan pa yang bdag gis der thob shog /der ni bdag gis lung bstan rab thob nas/ /sprul pa mang po bye ba phrag brgya yis/ /blo'i stobs kyis phyogs bcu rnams su yang / /
sems can rnams la phan pa mang po bgyi/ /gang gis bzang po spyod pa ston pa yis/ /dge ba cung zad bdag gis ci bstsags pa/ /des ni 'gro ba'i smon lam dge ba rnams/ /skad cig gcig gis thams cad 'byor bar shog /gang yang 
bzang po spyod pa bsngos pa yis/ /bsod nams mtha' yas dam pa thob pa des/ /'gro ba sdug bsngal chu bor bying ba rnams/ /'od dpag med pa'i gnas rab 'gro bar shog /shin tu rgyas pa chen po'i mdo/ /sangs rgyas phal po che zhes bya ba 
las/ byang chub sems dpa'i sde snod kyi nang / sdong pos brgyan pa zhes bya ba chos kyi rnam grangs chen po las/ nor bzangs kyis dge ba'i bshes gnyen bsnyen bkur ba'i spyod pa phyogs gcig ste ci snyed pa rdzogs s+ho// //rgya gar gyi 
mkhan po dzi na mi tra dang / su ren+d+ra bo d+hi dang / zhus chen gyi lo tsA ba ban+de ye shes sde/ la sogs pas bsgyur cing zhus te gtan la phab pa'o// //de ltar bde bar gshegs pa'i bka' 'khor lo rim pa gsum las/ 'dir tha ma don dam rnam par 
nges pa'i 'khor lo'i snying po phul du byung ba sangs rgyas phal po che mtshan gyi rnam grangs shin tu rgyas pa chen po'i sde snod/ snyan gyi gong rgyan/ pad+ma'i rgyan sogs du ma dang ldan pa la/ de bzhin gshegs pa phal po che'i le'u/ rdo rje rgyal mtshan gyi bsngo ba/ sa bcu bstan pa/ kun tu bzang po'i spyod pa bstan pa/ de bzhin </font><hr>38-1-362b<br><font size=+1>
gshegs pa'i skye ba dang 'byung ba bstan pa/ 'jig rten las 'das pa'i le'u/ sdong pos brgyan pa'i le'u ste bdun la so so'i nang gses kyi dbye bas le'u bzhi bcu rtsa lnga/ sh+lo lo ka sum khri/ dgu stong sum cu/ bam po brgya sum cu dang shA+o lo ka sum cu yod par bu ston rin po che sogs bzhed cing / tshal pa bka' 
'gyur gyi dkar chag tu bam po brgya dang bco lnga/ ldan dkar mar bam po brgya dang nyi shu rtsa bdun du mdzad/ deng sang gi dpe rnams la'ang bam grangs mang nyung ci rigs yod par snang / 'di thog mar 'phags pa klu sgrub la/ paN+Di ta byang chub bzang po dang paN+Di ta dga' ba gnyis kyis zhus/ de gnyis kas rgya nag tu 
'gyur mdzad/ rgya nag gi 'gyur la/ su ren+t+ra bo d+hi dang / be+e ro tsa na rak+Shi tas zhus chen mdzad par bshad cing / lung gi brgyud rim la'ang rgya nag nas 'gyur ba'i brgyud pa ni/ rdzogs pa'i sangs rgyas/ 'phags pa 'jam dpal/ mgon po klu sgrub/ gong gi paN+Di ta gnyis/ de nas hwa shang thu thu zhun sogs 
rim par brgyud de/ hwa shang gying ju la dbus pa sangs rgyas 'bum gyis gsan/ de nas lo tsA ba mchog ldan nas deng sang gi bar du brgyud pa dang / rgya gar nas 'gyur ba'i brgyud pa ni/ klu sgrub nas/ aR+Ya de wa/ 'jam dpal grags pa sogs nas rim bzhin/ rdo rje gdan ba ri lo tsA bas gsan/ de 
nas mchims brtson seng / rje btsun sa skya pa chen po sogs brgyud par bshad do/ /'on kyang gong gi 'gyur byang 'di las lo paN gzhan gyis bsgyur tshul lo rgyus dang / dpe rnams la ma mthong ngo / /'di nyid tshal ba bka' 'gyur gyi ma phyi byas nas 'jang sa tham rgyal pos bka' 'gyur ro cog par du 
bsgrubs pa deng sang li thang mchal bar du grags pa khungs thub kyi tshad mar bzung nas ma phyi byas pa yin kyang / skabs 'dir chad lhag dang brda ma dag pa mang ba 'dug pas/ slar yig rnying dag pa mang du btsal nas zhu dag bgyis pa yin la/ de'ang rgya dpe mi gcig pa dang / 'gyur mi mthun 
pa ni don gyi khog gcig kyang tshig la zhu dag mi btub na'ang / 'di'i dpe phal cher zhu dag pher ba kho na 'dug la 'on kyang rgyan la bkod pa dang / 'byam klas la rab 'byams dang / so so yang dag par rig pa la/ tha dad pa yang dag par shes pa dang / thugs la dgongs pa dang / nyin </font><hr>38-1-363a<br><font size=+1>
mtshan dang zla ba yar kham mar kham dang zhes pa la/ nyin mtshan dang yud du yan man dang zhes dang / tha snyad la rnam par dpyod pa zhes pa rnams 'gyur khyad lta bur 'dug pa don la mi 'gal bas rang sor bzhag /rgya skad la rang bzhin rkyen/ rnam 'gyur gyi tshul du ma yod pa/ bod 
la lo paN chos kyi spyan ldan rnams kyis don 'gyur mdzad pa 'ga' zhig /dus dang rnam dbye sogs shin tu rtogs dka' bas dpe mthun shas che ba gtso bor bzung / gzhan dogs gnas cung zad yod pa rnams/ bod kyi brda'i bstan bcos rnams dang go bstun/ dpe phal cher la brda rnying 
shas che ba dang / 'gyur bcos mdzad pa'i gsal kha mi snang bas/ bod kyi brda rnying pa sha stag zhig byung na 'brel chags pa 'dra yang phyis su brda gsar rnying 'dres nyams che ba dang / shad bar gcod mtshams 'khrugs pa mang du snang yang cung zad skyon chung ba'i dbang du byas nas btang snyoms su 
bzhag /de min mon pa'i rdo gcod zhu dag gi dpe zlar ma song bar nan tan chen pos shin tu dag khul du bgyis pa 'di/ sangs rgyas kyi bstan pa rin po che dang ris med pa'i 'gro ba yongs kyi bsod nams kyi dpal du bskal ba ji srid gnas kyi bar du khor yug ri bo'i khongs 'dir/ nyi zla ltar 
gsal bar gyur cig /ces bod chen po'i yul ljongs sde bzhi'i 'byung gnas dge bcu'i khrims lugs kyis mngon par mtho ba'i nor 'dzin yangs pa chos bzhin du skyong ba'i lha chos rgyal byang chub sems dpa'i mi'i dbang po bstan pa tshe rings kyi zhal snga nas/ dge byed ces pa chu 
stag lor gsung rab 'di nyid par du bsgrub par mdzad pa'i skabs zhu dag las 'phros te 'di nyid kyi do dam par bkas gnang ba'i zhabs 'bring ba dge slong bkra shis dbang phyug gis gleng ba dza yan+tu// //yed+har+m+mA he tu prab+ha wA he tun+te ShAn+ta thA ga to h+ya wad ta/ /he ShAny+tsa lo ni ro d+ha e waM bA dI ma hA shra ma NaH//</font><hr>

</table>