@#/ /rgya gar skad du/ /shrI gu h+ya badzra pA Ni a b+hi de sha tan+t+ra nA ma/ bod skad du/ dpal phyag na rdo rje gsang ba bstan pa'i rgyud/dpal gsang ba'i bdag po la phyag 'tshal lo/ /'di skad bdag gis thos pa dus gcig na/ 'og min gyi gnas lcang lo can gyi pho brang na/ bcom ldan 'das dpal chen po la/ rig sngags kyi lha tshogs kyis bskor te bzhugs so/ /de nas dpa' mo'i dbang phyug mas 'di skad ces gsol to/ /bcom ldan 'das gsang ba'i bdag po 'di sgrub pa'i rnal 'byor pa ji lta bu cig lags/ bcom ldan 'das kyis bka' stsal pa/ snying rjer ldan zhing shes rab che/ /bzod dang ldan zhing brtson 'grus che/ /phyi nang gsang ba'i dbang thob cing / /bslab pa gsum la rab tu gnas/ /des ni dpa' bo yang dag 'grub/ /gsang ba bstan pa'i rgyud las sgrub pa po gang zag bstan pa'i le'u ste dang po'o// //yang dpa' mos gsol pa/ bcom ldan 'das dpa' bo 'di bsgrub pa'i gnas ji lta bu lags/ bcom ldan 'das kyis bka' stsal pa/ dben pa nyams dga' yid 'ong ba/ /bkra shis dpal 'phel dbang yang 'dzin/ /dur khrod chen po 'jigs gnas pa/ /ri gsum rtse 'am brag ri sngo/ /khro bo'i cha byad 'dra ba'i gnas/ /de ni dpa' bo bsgrub la shis/ /gsang ba bstan pa'i rgyud las bsgrub pa'i gnas bstan pa'i le'u ste gnyis pa'o// //yang dpa' mos gsol pa/ bcom ldan 'das dpa' bo 'di bskyed pa'i dmigs pa ji lta bu lags/ bcom ldan 'das kyis bka' stsal pa/ dang po stong zhing bdag med de/ / snang zhing srid pa'i chos rnams kun/ /ngo bo nyid kyis rnam par dag /de lta bu yi chos nyid la/ /sangs rgyas sems can gnyis med pas/ /mi sgom mi rtog snang la gsal/ /mtha' bral mkha' mnyam dbu ma'i don/ /sems kyi rang bzhin de lta bu/ /de ltar ma 83-1-68b rtogs sems can la/ /sdug bsngal kun dang bral ba yi/ /thugs rje phyogs med bsgom par bya/ /sangs rgyas thams cad 'byung ba'i rgyu/ /rang gi sems ni yi ge hU~M/ /yi ge hU~M gi 'phro 'du las/ /gzhal yas khang dang lha yi gdan/ /lha yis bon yi ge las/ /go rims bzhin du bskyed par bya/ /gsang ba bstan pa'i rgyud las bskyed pa'i dmigs pa bstan pa'i le'u ste gsum pa'o// //yang dpa' mos gsol pa/ bcom ldan 'das rig sngags kyi bdag po 'di'i bsam gyis mi khyab pa'i dmigs pa ji lta bu lags/ bcom ldan 'das kyis bka' stsal pa/ bskyed pa'i dmigs pa thob nas ni/ /snying gar ye shes sems dpa' bsgom/ ye shes sems dpa'i thugs kar ni/ /pad+ma 'dab bzhi rgya sran tsam/ /dbus su nyi zla'i gzhal yas khang / /gzhal yas khang gi nang du ni/ /a shad mar me'i rtse ltar sgom/ de la dmigs pa thob nas ni/ /ci yang bsam par mi bya ste/ /bsam gyis mi khyab de bsams pas/ /de la ye shes thob par 'gyur/ /gsal la rtog med rig pa'i sku/ /ye shes zhes ni de la bya'o/ / gsang ba bstan pa'i rgyud las bsam gyis mi khyab pa'i dmigs pa bstan pa'i le'u ste bzhi pa'o// //yang dpa' mos gsol pa/ bcom ldan 'das gsang ba'i bdag po 'di'i 'khor ji lta bu lags/ bcom ldan 'das kyis bka' stsal pa/ dpa' bo chen po 'di'i 'khor ni/ /thugs kyi 'khor ni bzhi'o/ /gsung gi 'khor ni brgyad do/ /sku'i 'khor lnga brgyar nges so/ /gsang ba bstan pa'i rgyud las 'khor bstan pa'i le'u ste lnga pa'o// //yang dpa' mos gsol pa/ bcom ldan 'das dpal chen po 'di'i rig pa ji lta bu lags/ /bcom ldan 'das kyis bka' stsal pa/ oM badzra pA Ni hU~M hU~M phaT phaT swA hA/ oM badzra kro d+ha nI lA~M ba ra d+ha ra badzra pA Ni hU~M hU~M phaT phaT swA hA/ oM badzra pA Ni kro d+ha ma hA tsaN+Da ro Sha Na hU~M hU~M phaT phaT swA hA/ 'khor bzhi'i rig pa phul ba ni/ oM badzra kro d+ha ma hA kA lA 83-1-69a ya hU~M hU~M phaT phaT tsit+ta kro tsi dun dza/ oM badzra kro d+ha trai lo kya bi dza ya hU~M hU~M phaT phaT/ ba~M mA ra ya tsit+ta rbad rbad/ oM badzra krau d+ha nA ga sbu sha hU~M hU~M phaT phaT/ mA ra ya rak+ta rngubs rngubs rbad/ oM badzra kro d+ha ku bai ra hU~M hU~M phaT phaT/ mA ra ya ke tshoM tshoM rbad/ dpa' bo'i 'khor lha srin sde brgyad kyi rig pa phul ba/ ma hA de ba mA ra ya sod sod/ ma hA nA ga mA ra ya sod sod dza dzaH ma hA de wi mA ra ya/ ha na ha na/ ma hA ma ni mA ra ya gtubs gtubs/ ma hA sid+d+ha mA ra ya tiSh+Tha tiSh+Tha/ ma hA yak+Sha mA ra ya b+hin+da b+hin+da/ ma hA tri dza mA ra ya khos khos/ ma hA ma ni bin+d+ha mA ra la nan nan/ ma hA badzra hU~M phaT/ 'khor gos sngon can lnga brgya'i rig pa phul ba/ mA ra ya ru d+ha ru d+ha hU~M hU~M phaT phaT/ gsang ba bstan pa'i rgyud las rig pa phul ba'i le'u ste drug pa'o// //yang dpa' mos gsol pa/ bcom ldan 'das dpa' bo 'di'i phrin las mjug sbyin sreg gis bsdu 'tshal lam mi 'tshal ces gsol pa dang / bcom ldan 'das kyis bka' stsal pa/ sbyin sreg ni rnam pa gsum ste/ phyi dang nang dang gsang ba gsum/ /re re la ni bzhi bzhir bstan/ /zhi ba dang ni rgyas par bstan/ /dbang dang drag po'i sbyin sreg go/ /gsang ba bstan pa'i rgyud las sbyin sreg gi le'u ste bdun pa'o// //bcom ldan 'das dpal chen pos/ /de skad ces bka' stsal pa dang / dpa' mo'i dbang phyug ma dang / rigs kyi lha tshogs rnams dga' mgu yi rangs te/ dpal chen pos gsungs pa la mngon par bstod do// //dpal phyag na rdo rje gtum po gsang ba bstan pa'i rgyud rdzogs so// //rgya gar gyi paN+Di ta wa la tsan+d+ra dang / lo ts+tsha ba glan chung dar ma tshul khrims kyis bsgyur cing zhus te gtan la phab pa// |