D464

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>D464</h1><td>(<a href="https://adarsha.dharma-treasure.org/kdbs/degekangyur" target="new2">e-text produced by ADARSHA</a>)<br><br><a href="verif2.php?id=D464&coll=derge">see text in Tibetan script</a></table>83-1-69a<br><font size=+1>
@#/ /rgya gar skad du/ b+ha ga bAn badzra pA Ni gu h+ya a b+hi de sha tan+t+ra rA dza nA ma/ bod skad du/ bcom ldan 'das phyag na rdo rje gsang ba mngon par bstan pa'i rgyud kyi rgyal po zhes 

</font><hr>83-1-69b<br><font size=+1>

bya ba/dpal gsang ba'i bdag po phyag na rdo rje la phyag 'tshal lo/ /'di skad bdag gis thos pa dus gcig na/ bcom ldan 'das lcang lo can gyi pho brang na/ sangs rgyas gang gA'i klung gi bye ma dang mnyam pa'i tshogs dang byams pa la sogs pa byang chub sems dpa'i 
tshogs dang rig pa'i khro bo'i tshogs dpag tu med pa dang / lha ma yin gyi tshogs dang / gnod sbyin lnga brgya dang bcas te thabs cig tu bzhugs so/ /de'i tshe bcom ldan 'das bdud thams cad 'joms pa zhes bya ba'i ting nge 'dzin la snyoms par zhugs so/ /de nas 
byang chub sems dpa' lag na rdo rjes bla gos phrag pa gcig la gzar te/ phyag 'tshal nas 'di skad ces gsol to/ /kye ma gsang ba'i rdo rje 'dzin/ /ting 'dzin rgyal po mi g.yo las/ /cig car bzhengs te gsang ba'i mchog /ye shes lnga yi spyod yul gyi/ /sku 
gsung thugs kyi gsang ba mchog /ji ltar bsgrub pa'i rim pa dang / /las kyi bya ba mdor bsdus te/ /gang zag ji lta bus sgrub cing / /rig pa'i rgyal po mchog gyur pa/ /bcom ldan 'das kyis legs par gsungs/ /zhes zhus pa dang / bcom ldan 'das 
mnyam par bzhag pa las langs te/ thugs kar ye shes lnga mi phyed pa'i rdo rje lan gsum du gsor bas 'jig rten gyi khams thams cad 'gul ba dang / ldeg pa la sogs pa kun tu 'khrugs te/ gdug pa can 'dul ba zhes bya ba'i 'od zer bkye nas slar 
thugs kar thim pa las rdo rje'i lte ba nas yum dpa' mo rdo rje bde ma zhes bya ba byung ste/ rang gi ston pa la g.yas phyogs su bskor ba lan gsum byas nas/ /phyag byas thal mo sbyar te 'di skad ces gsol to/ /khyod kyi sku gsung thugs kyi ni/ /gsang ba dam pa 
gang yin pa/ /rdo rje 'dzin pas legs par gsungs/ /'di ni rnyed dka' rgyud chen te/ /rin chen lta bur 'dod 'byung ba/ /grangs med tshogs las byung ba 'di/ /thugs rje'i rang bzhin stong pa las/ /bcom ldan khyod kyis bshad du gsol/ /zhes zhus pa 

</font><hr>83-1-70a<br><font size=+1>

dang / zhal 'dzum pa mdzad nas byams pa rnam par 'phrul pa zhes bya ba'i 'od zer gyis 'jig rten gyi khams khyab par byas te/ tshur 'dus nas rang gi zhal du thim pa dang / dpa' mo rdo rje bde ma khyod/ /stong pa'i rang bzhin bdag med mas/ /ji ltar zhus bzhin 
bshad par bya/ /gus par nyon la legs par zung / /rdo rje 'chang gi sku gsung thugs/ /mi phyed stong pa'i rang bzhin las/ /thugs rje sna tshogs thabs tshul te/ /'di ni rab tu rtogs dka' bas/ /'das dang da ltar bzhugs pa dang / /ma 'ongs sangs rgyas spyod yul 
yin/ /bsam gyis mi khyab rnam par dag /brjod med mi g.yo 'dus ma byas/ /nam mkha' dri med chos kyi sku/ /dus gsum dus med rtogs pa'i mchog /'di la ji ltar bstan du yod/ /'on kyang snying rje'i rang bzhin pas/ /thabs dang shes rab rang bzhin ni/ /
gnyis med gnyis kyi thabs tshul rig /'di ni gsang ba dam pa ste/ /de nyid gzhan la mngon bstan pas/ /gdul bya tshim 'gyur rgyal po bzhin/ /rang 'dod 'bras bu 'byung 'gyur bas/ /gsang ba mngon par bstan pa yi/ /rgyud chen rgyal po bshad par bya/ /
e ma ho mi phyed rdo rje gsang ba'i mchog /e ma ho thabs dang shes rab gnyis med pa'i/ /sna tshogs nor bu rgyud chen 'di/ /rang gi gsang ba dam pa yin/ /bcom ldan 'das phyag na rdo rje gsang ba mngon par bstan pa'i rgyud kyi rgyal po las rab tu dga' ba'i gleng gzhi'i 
le'u ste dang po'o// //dpa' mo rdo rje bde mas gsol pa/ bcom ldan 'das rdo rje 'chang chen po khyod bsgrub pa'i gang zag ji lta bu lags/ bcom ldan 'das kyis bka' stsal pa/ mdzes ma khyod kyis zhus pa legs/ /zag med bde ba'i rgyu 'byung ma/ /bdag 
med shes rab ma yi mchog /khyod la bshad kyis legs par nyon/ /nga nyid sgrub pa'i gang zag ni/ /snying rje ldan zhing shes rab che/ /bzod ldan brtson 'grus phun sum tshogs/ /bslab pa gsum ldan dad pas brgyan/ /dpa' zhing gsang ba'i spyod pa shes/ /gus 

</font><hr>83-1-70b<br><font size=+1>

shing g.yo med skyabs gnas gsum/ /rtag tu mchod cing yengs pa med/ /lhag pa'i lha la yid ches shing / /phyi nang gsang ba'i dbang thob la/ /dam tshig brda don nges par 'dzin/ /de ltas sgrub pa byas gyur na/ /yun mi ring bar nga nyid kyi/ /gsang gsum 
la ni mkhas 'gyur te/ /'bad pas thob pa'i 'bras bu ni/ /skal ldan de yi snying la gnas/ /zhes gsungs so/ /bcom ldan 'das phyag na rdo rje gsang ba mngon par bstan pa'i rgyud kyi rgyal po las sgrub pa po'i gang zag bstan pa'i le'u ste gnyis pa'o// //dpa' mo rdo rje bde mas gsol pa/ bcom ldan 'das rdo rje 'chang khyed sgrub pa'i gnas ji lta bu lags/ bcom ldan 'das kyis bka' stsal pa/ mdzes ma khyod kyis zhus pa legs/ /zag med bde ba'i rgyu 'byung ma/ /bdag med shes rab ma yi mchog /khyod la bshad 
kyis legs par nyon/ /nga nyid sgrub pa'i gnas mchog ni/ /dur khrod brgyad dam nye ba'i gnas/ /dur khrod nags kyi nang du ni/ /ri rtse brag ri sngon po'i mdog /khros pa'i gzugs 'dra byang lta ba/ /me tog sngon po mdzes pa dang / /ne'u gsing dang ut+pal nags/ /
dben zhing yid 'ong nyams dga' ba/ /bkra shis dpal 'phel dbang yang 'dzin/ /lcang lo can dang ming mthun pa/ /sna tshogs sgrub pa'i gnas su shis/ /tshwa sgo chu med u ma'i gnas/ /rgyal po'i pho brang tshong dus dang / /nyan thos la sogs 'dug gnas su/ /nga nyid 
sgrub par mi bya'o/ /smin pa'i gang zag rnams la ni/ /gnas sogs brtags pas ci zhig bya/ /thams cad bde chen sangs rgyas kyi/ /zhing khams rol pas gnas pa yin/ /de bas rigs kyis brtag par bya/ /bcom ldan 'das phyag na rdo rje gsang ba mngon par bstan 
pa'i rgyud kyi rgyal po las sgrub pa'i gnas bstan pa zhes bya ba'i le'u ste gsum pa'o// //dpa' mo rdo rje bde mas gsol pa/ bcom ldan 'das rdo rje 'chang khyod/ sgrub pa'i thabs ji lta bu lags/ bcom ldan 'das kyis bka' stsal pa/ /mdzes ma khyod kyis zhus 

</font><hr>83-1-71a<br><font size=+1>

pa legs/ /zag med bde ba'i rgyu 'byung ma/ /bdag med shes rab ma yi mchog /khyod la bshad kyis legs par nyon/ /nga nyid sgrub pa'i rim pa ni/ /snying rje chen pos sngon 'gro zhing / /gzhan gyi don la bslab par bya/ /nam mkha' rdo rje can 
dmigs la/ /bde ba chen pos rnam par mchod/ /rgyud sbyang sangs rgyas tshogs dag la/ /'gyod pa spangs te rjes yi rang / /mya ngan 'das la gsol bar bya/ /dam pa'i don la bskul bya zhing / /rigs kyis bon cher bskyed la/ /kun la khyab byed gzhan don bsgrub/ /
bdag gi sdug bsngal mi blta zhing / /gzhan dag bde la dgod par bya/ /me 'obs lta bur gnas pa yi/ /sems can kun la snying rje bsgom/ /spros bral gnyis 'dzin spangs pa yi/ /tshul la yang dag bslab par bya/ /sangs rgyas sems can gnyis med cing / /
dang po stong zhing bdag dang bral/ /snang zhing srid pa'i chos rnams kun/ /ngo bo nyid kyis rnam par dag /'thab bral mkha' 'dra dbu ma'i don/ /de lta bu yi chos nyid la/ /sems kyi rang bzhin gnyis su med/ /ma rtogs log pa'i sems can la/ /sdug bsngal kun 
dang bral ba'i phyir/ /snying rje chen po bsgom par bya/ /rang gi sems nyid yi ge hU~M/ /sangs rgyas thams cad bskyed pa'i ma/ /chu skyes thabs dang shes rab ldan/ /mtha' gnyis spangs pa gdan dang bcas/ /gnyis med rdo rje'i rang bzhin te/ /snying rjes sbyangs nas 
gsum pa rdzogs/ /sku mdog nag po zhal gcig pa/ /phyag gnyis g.yas pa rdo rje 'dzin/ /snun pa'i stobs can rdo rje 'bar/ /g.yon pas dril bu dkur brten te/ /sgeg pa'i tshul can nam mkhar gdengs/ /rin chen chu 'dzin rgyan dang ldan/ /stag lpags dar gyis 
sku la brgyan/ /g.yas bskum g.yon brkyang bdud la brdzis/ /spyan gsum gdug pa'i mche ba gtsigs/ /bskal ba'i me 'od nang du bzhugs/ /yi ge gsum gyi gnas gsum po/ /lhar byas skye mched byin gyis brlab/ /gnas su khro bo'i yig 'bru bskyed/ /sprul 

</font><hr>83-1-71b<br><font size=+1>

pa dpag med phyogs bcur 'gyed/ /yi ge bzhi yis ye shes dbab/ /rigs bdag la sogs sangs rgyas kyis/ /dbang bskur byin brlabs cod pan bsam/ /de yi ting 'dzin 'byung ba'i rgyu/ /cho ga gsum pa'i sems dpa' yis/ /gzhan don rgyun mi 'chad 
par bsgom/ /yang na gsung gi yig 'brus mtshan/ /phrin las thogs med rnal 'byor bzlas/ /'di ni rnam dag rig pa ste/ /rtag tu ma nyams 'bras bur ldan/ /bcom ldan 'das phyag na rdo rje gsang ba mngon par bstan pa'i rgyud kyi rgyal po las dpa' bo gcig pa 
bsgrub pa'i le'u ste bzhi pa'o// //dpa' mo rdo rje bde mas gsol pa/ bcom ldan 'das rdo rje 'chang gi dkyil 'khor bsgom pa'i thabs ji lta bu lags/ bcom ldan 'das kyis bka' stsal pa/ /mdzes ma khyod kyis zhus pa legs/ /zag med bde ba'i rgyu 'byung 
ma/ /bdag med shes rab ma yi mchog /khyod la bshad kyis legs par nyon/ /skad cig ma yis lhar bsams nas/ /snying gar nyi ma'i rig pa hU~M/ /'od kyi rang bzhin snod bcud rnams/ /sbyangs te sangs rgyas sa la gzhag /'od zer gnyis pas sangs rgyas 
dang / /byang sems dkyil 'khor dgug bya ste/ /phyag bya hU~M las lha mo bsam/ /me tog la sogs pas mchod la/ /tha dad pa yi mchod pa che/ /de 'od dpag med lha mo yis/ /reg bya tha mi dad pas mchod/ /sdig bshags rjes su yi rang dang / /gsol zhing 
skyabs 'gro bdag lus dbul/ /sems bskyed dge ba bsngo bar bya/ /de rjes dang po byams pa ste/ /gnyis pa snying rje gsum pa dga'/ /kun gyi mtha' la btang snyoms so/ /sbyang gzhi sngags kyis phyi nang kun/ /stong par byas te rang lus kyang / /dbang po'i 
gzhu 'dra srid 'dzin gyi/ /gnas su hU~M bsam de 'od bcas/ /tsa~M las byung ba'i 'khor lo ste/ /rtsibs bcu la ni nyi ma bsam/ /dbus su hU~M las gnod mdzes bskyed/ /de las hU~M 'phros khro bcu yang / /rang rang sa la gsal bar bskyed/ /sngags pas 

</font><hr>83-1-72a<br><font size=+1>

bgegs med gyis shig par/ /de la bka' lung bsgo bar bya/ /zhal bzhi'i gsang sngags dran pa yis/ /mthe bong sdigs mdzub sbyar nas ni/ /phyogs bcur brda ni bstan par bya/ oM su~M b+ha ni su~M b+ha ni hU~M hU~M phaT/ oM grih+Na gr-ih+Na hU~M hU~M phaT/ oM gr-ih+NA 
pa ya gr-ih+NA pa ya hU~M hU~M phaT/ oM A na ya ho b+hag bAn bid+ya rA dza ya hU~M hU~M phaT/ sngags kyi rgyal po 'di brjod pas/ /lus ngag sems las byung ba yi/ /bgegs kun gyi ni mgo stengs su/ /rdo rje phur pa gzugs par bya/ /oM g+ha g+ha g+hA ta ya g+hA ta ya sarba duSh+TAn big+h+nan hU~M 
hU~M phaT/ kI la ya kI la ya sarba pA pa~M Adz+nyA pa ya ti kA ya pA ka tsit+ta badzra kI la ya hU~M phaT/ rdo rje tho bas brdung bya ste/ oM badzra mung+ga ra badzra kI la ya A ko Ta ya hU~M phaT/ spyi bor btab pas nges par brlag /slad 'dus phyogs mtshams ma lus par/ /sa gzhi ra ba dra ba dang / /
gur bcing ba dang bla re dang / /mda' dang me yi 'od 'bar bsgom/ /oM badzra me di nI badzri b+hA ba badzra ban+d+ha ban+d+ha hU~M/ oM badzra prA kA ra hU~M la~M hU~M/ oM badzra bi tA na hU~M kha~M hU~M/ oM badzra sha ra dzA la tra~M sa~M tra~M/ oM badzra dz+wA la a na lArka hU~M ra~M hU~M/ rim pas brjod la snying rje yi/ /
bdag nyid gzhan la phan 'dod pa/ /smon lam las 'byung rdzu 'phrul mchog /yaM las byung ba gzhu 'dra ba/ /sngon po ba dan ldan pa bsam/ /de steng ra~M byung rgod ma'i kha/ /gru gsum dmar po 'od 'bar ba/ /ba~M las skyes pa zlum po ste/ /dkar po 'khyil pa'i tshul du 
bsam/ /de las skyes pa dbang chen te/ /la~M skyes ser po rdo rje'i rgyu/ /gru bzhi 'od zer 'bar ba bsam/ /de steng tsa~M las chos kyi 'khor/ /lte bar bru~M las gzhal yas khang / /gru bzhi sgo dang rta babs bcas/ /dra ba phyed dang dra bas brgyan/ /phreng ba rin chen rdo rje dang / /
mdzes pa'i ba dan bcas pa bsam/ /de nang pa~M las chu skyes ni/ /ge sar 'dab mar bcas pa'i steng / /nyi ma kA li 'od 'bar tsha/ /steng du zla ba A li bsil/ /kha sbyar bar du hU~M dang A/ /gnag cing dmar ba'i rnam pa la/ /de las pad+ma rdo rje bsam/ /slar yang yi 

</font><hr>83-1-72b<br><font size=+1>

ges 'gro ba sbyangs/ /hU~M gis mi bskyod thugs rnams bsdu/ /a yis 'od dpag gsung bsdus la/ /gnyis med zhu bas sprul pa bsdu/ /rdo rje las ni khro bo ste/ /pad+mas khro mo'i rnam par bskyed/ /khro bo mthing ga zhal gcig pa/ /rang 'od las byung phyag gnyis 'khyud/ /
rdo rje dril bu thabs shes rab/ /g.yas dang g.yon du bsam par bya/ /dbu rgyan la sogs rin chen ldan/ /dbu skra kham ser gyen du 'bar/ /nag po sbrul lus klu chen brgyad/ /sku smad stag gi pags pas dkris/ /chos gos sngon pos sku stod dkris/ /mche ba gtsigs 
shing spyan gsum dmar/ /'dod dgur sgyur zhing brkyang bskum zhabs/ /mtha' gnyis spangs pa'i steng du bzhugs/ /de yum rdo rje bde ma khro/ /dmar ljang zhal gcig phyag gnyis ma/ /g.yas pa gri gug yab la 'khyud/ /g.yon pa thod pa bde ba ster/ /gnyis 
med g.yon gyi phyogs nas 'khril/ /rdo rjes sbyor ba'i sgras bskul te/ /shar phyogs pad+mar nyi zla la/ /hU~M las khams gsum rnam par rgyal/ /dkar po zhal gcig phyag bzhi pa/ /g.yas pa rdo rje rtse gsum 'dzin/ /g.yon pa dril bu be con te/ /khro bo'i rgyan 
ldan bsams nas kyang / /'byung po'i nus pa 'joms par byed/ /lho phyogs nyi ma ro stengs su/ /hU~M las byung ba'i legs ldan gnag /g.yas pa gri gug g.yon thod pa/ /zhabs gnyis brkyang bskum thod phreng ldan/ /dgra bo gsod pa'i las la brtson/ /nub 
tu klu 'dul bdud rtsi 'khyil/ /ljang gu zhal gcig phyag bzhi khro/ /g.yas pa rdo rje bya khyung dang / /g.yon pa dbyug to phur bu bsnams/ /sa 'og klu sogs zas su gsol/ /byang du k+Sha las rnam thos bu/ /zhal gcig phyag gnyis bum stengs su/ /mdog ser 
g.yas pa rgyal mtshan bsnams/ /g.yon pas nor sbyin bzung ba ste/ /dbul ba sel ba'i don la brtson/ /sgo mtshams lha yi rang bzhin la/ /ye shes spyan drangs mchod la gzhug /de ni yi ge bzhi sbyor yin/ /lus ngag sems la yi ge yi/ /lha yi mtshan 

</font><hr>83-1-73a<br><font size=+1>

ma gdab par bya/ /skye mched lhar byas ting 'dzin gyi/ /nus pa mi shigs lhar bltas la/ /ye shes lnga 'dus yi ge bsam/ /de yi 'od kyis spyan drangs pa'i/ /rigs lnga snyoms 'jug byin rlabs kyis/ /mi bskyod rdo rje dbang bskur te/ /gsang 
ba shes rab ye shes kyis/ /rgyas gdab rigs la bzhi pa yi/ /phyag rgya che la rigs med do/ /'di ni gsang chen sku sgrub pa/ /rim gyis gsal zhing rnam par dag /rdo rje 'dzin pa'i sku thob pa/ /tshe gcig nyid la 'gyur ba yin/ /rtag tu goms pa'i sbyor ba yis/ /
sa sogs 'jig rten ma lus kun/ /skad cig nyid la dbang du 'gyur/ /gtsug na rin chen la sogs pa'i/ /gdug pa can rnams snying yang 'byin/ /dga' bo la sogs klu chen rnams/ /rtag tu de la 'dud par 'gyur/ /nad kyi rigs kun ma lus 'joms/ /gnod 
sbyin ma lus bka' nyan cing / /lha srin ma lus bran du 'gyur/ /'di ni gsang ba dam pa ste/ /mdzes ma khyod la bshad pa yin/ /bcom ldan 'das phyag na rdo rje gsang ba mngon par bstan pa'i rgyud kyi rgyal po las dkyil 'khor bskyed pa'i le'u ste lnga ba'o// //
dpa' mo rdo rje bde mas gsol pa/ bcom ldan 'das rdo rje 'chang gi rig pa'i gsang sngags kyi don ji lta bu lags/ bcom ldan 'das kyis bka' stsal pa/ /mdzes ma khyod kyis zhus pa legs/ /zag med bde ba'i rgyu 'byung ma/ /bdag med shes rab ma yi mchog /
khyod la bshad kyis legs par nyon/ /gsang ba mchog gi gsang ba ste/ /phrin las thams cad rdzogs byed cing / /sdug bsngal kun las skyob byed pa'i/ /A li kA li mnyam sbyor las/ /thabs dang shes rab mnyam med pa'i/ /sngags kyi don ni rnam pa lnga/ /sku 
gsung thugs kyi rig pa dang / /phrin las sna tshogs rig pa dang / /'khor gyi las kyi rig pa dang / /'byung po dgug dang gsad pa dang / /gtor ma gtang ba'i rig pa'o/ /oM badzra pA Ni hU~M phaT swA hA/ oM badzra krod+ha na nI lA~M ba ra d+ha ra badzra pA Ni hU~M phaT swA hA/ oM badzra tsaN+Da ma 

</font><hr>83-1-73b<br><font size=+1>

hA ro Sha Na hU~M phaT swA hA/ tad+ya thA b+ho b+ho pAn+nA ga a d+hi pa ta ye/ i daM nI lAm+ba ra d+ha ra sha rI ra~M/ badzra pA Ni hr-i da yaM/ yaHsa mA ti kra ma tha/ mA ku la/ uta sA da nAM/ b+ha bi Sh+yan+ti/ tad+ya thA bud+d+ha bud+d+ha bi bud+d+ha bi bud+d+ha ma hi prA pa ta/ ha ra ha ra nA gA nA~M/ prA ha ra prA ha ra nA gA nA~M/ ts+tshin+da ts+tshin+da nA ga 
hr-i da yA ni/ b+hin+da b+hin+da nA ga d+ha rma Ni/ bi shIr+yan+tu nA ga sha rI rA~M/ bi s+pho Ta ya nA ga nA ni/ tad+ya thA/ oM AHhU~M phaT/ nA ga bi dA ra NA ya hU~M nA go ta sA da nA ya hU~M phaT/ nI lA~M bAs nA ya hU~M phaT/ a pra ti ha ta ba la pa rA kra mA ya hU~M phaT/ kr-i tAn tA ya phaT/ kr-i tAn ta rU pA ya phaT/ ro Sha 
NA ya phaT/ trA sa nA ya phaT/ kuSh+ma N+Tota sA da nA ya phaT/ pre ta pi shA tsa bi nA sha ka rA ya phaT/ yak+Sha a pasma rA bi nA sha ka rA ya phaT/ ha sa ha sa/ da ra da ra/ mA ra ya mA ra ya/ nA sha ya nA sha ya/ sarba big+h+nan bi nA sha ka rA ya phaT/ sarba sha trU~M saM g+ha bi nA sha ka rA ya phaT/ 
nI lA~M ba ra d+ha ra badzra pA Ni rAdz+nyA pa ya ti swA hA/ oM badzra trai lokya bi dza ya hU~M phaT/ oM badzra tri lokya bi dza ya basmiM swA hA/ mA ra ya tsit+ta rbad rbad/ oM badzra kro d+ha ma hA kA lA ya hU~M phaT/ oM ma hA kA la gu Na hr-i da ya hU~M phaT/ tsit+ta kro d+hi duny+dza dzaH oM badzra kro d+ha a mr-i ta nA ga hU~M phaT/ oM a mr-i ta kuN+Da li si kha~M ku ru hU~M phaT/ 
mA ra ya rak+ta rdubs rdubs/ oM badzra kro d+ha ku be ra rA dza ya hU~M phaT/ oM Ar+ya dzaM b+ha la dza len+d+rA ya hU~M phaT swA hA/ mA ra ya ke choM choM/ ma hA de ba mA ra ya sod sod/ ma hA nA ga mA ra ya dza dz+waH/ ma hA de bi mA ra ya ha na ha na/ ma hA ma nu mA ra ya gtubs gtubs/ /ma hA 
grub pa mA ra ya tiSh+Tha tiSh+Tha/ ma hA yak+Sha mA ra ya b+hin+da b+hin+da ma hA gan d+harba mA ra ya khos khos/ ma hA ma ri ni mA ra ya nA~M/ ma hA nI lA~M ba ra d+ha ra badzra pA Shi yak+Sha hU~M/ mu ru ta mu ru ta hU~M phaT/ mA ra Na sod sod/ mA ra Na bying bying / mA ra Na rmugs rmugs/ mA ra Na hal hal/ 
mA ra Na myos myos/ mA ra Na myos bying / mA ra Na thum ril dza dzaH/ ka ka rak+Sha~M hU~M hU~M s+t+wa~M b+h+yo dz+wa kha khA/ te she rak+Sha hU~M hU~M/ s+t+wa~M b+h+yo dz+waH/kha khA/ tsa pa rak+Sha hU~M hU~M s+t+wa~M b+h+yo dz+wa kha khA/ tsa ka rak+Sha hU~M hU~M s+t+wa~M b+h+yo dz+wa kha khA/ mun du rak+Sha hU~M hU~M s+t+wa~M b+h+yo dz+wa kha khA/ ka ka rak+Sha sa ma ya bud+d+hA ya spu ta ra/ te sha rak+Sha 

</font><hr>83-1-74a<br><font size=+1>

sa ma ya bud+d+hA ya spu ta ra tsa pa rak+Sha sa ma ya bud+d+hA ya spu ta ra tsa ka rak+Sha sa ma ya bud+d+hA ya sbu ta ra/ mun du rak+Sha sa ma ya bud+d+hA ya sbu ta ra/ hU~M hU~M hril hril/ dim dim/ phob phob/ shar shar/ di ri di ri rbad rbad/ kha tha~M kha tha~M/ thu~Ms/ thu~Ms/ dza re dza re b+h+yo/ 
ha sa ha sa/ te pa te pa/ kri ta ha kri ta ha/ kri khug kri khug /tshal pa tshal pa/ rbad ling rbad ling / srog tshig nan rbad/ lus dul mA ra ya rbad/ ra~M ra~M dz+wA la dz+wA la shi shi/ rdul bun rbad sod/ /nA ga mA ra ya hU~M phaT/ dzaHhU~M ba~M hoHd+har+m+mA ka ka ki ti ra/d+har+m+ma te sha 
sa muny+dza/ d+har+m+ma te sha ta ka ra/ d+har+m+ma te sha tsa ka ra/ d+har+m+ma te sha sa ma ya/ bud+d+hA ya pu ta ra/ te pa te pa kha khA ri/ te pa te pa ka tsa ri/ te pa te pa mun+du ri/ te pa te pa pus+t+wa~M ha ra/ te pa te pa sa dza sa muny+dza/ tsa ka ra mun+du ra khe/ badzra tsa maM ran dzA dzA/ te sha ra~M/ mu n+du nan/ badzra dzu ru dzu ru ra~M/ 
dzu ru dzu ru sa muM dza dzA hA~M/ badzra g+he ne khe dza/ badzra pUr+Ni khe dza/ badzra muN+Da re khe dza/ kha dza rA dza mun+du ra khe/ kha dza rAdz+dzA mun+du ra sa mu~M khe/ pad+ma ra Ni kha dza rA dza mun+du rA dzA khe/ kha dza rA dza mu n+du ra sa muny+dzar khe dzu dzu dza dza khA hi dza/ oM kA ya wA ka cit+ta i da~M ba ling / buny+dza dzi g+ha phul+la d+hU ba 
mA~M sa se/ sa khan+ti khun Ni phaT gA ta/ oM a mri ta pra ti dza kas ka ru pU dzA khA hi/ rak+ta bi ba ta ka se ru pU dza khA hi/ d+hU pe/ puSh+be/ a lo ke /gan d+he/ nai be d+ye/ ka sa ka ru pU dza khA hi/ oM a kA ro mu khaM sarba d+harmA NA~M/ Ad+ya nud pan na twAta oM AHhU~M/ 'di ni rin chen sngags kyi mchog /ma 
lus dgos 'dod 'byung ba'i dpal/ /gzungs ma khyod la nyer bshad pas/ /'di ni mi 'da'i dam tshig yin/ /bcom ldan 'das phyag na rdo rje gsang ba mngon par bstan pa'i rgyud kyi rgyal po las gsang sngags bstan pa'i le'u ste drug pa'o// //dpa' mo rdo rje bde 
mas gsol pa/ bcom ldan 'das rdo rje 'chang gi 'khor ji lta bu lags/ bcom ldan 'das kyis bka' stsal pa/ /mdzes ma khyod kyis zhus pa legs/ /zag med bde ba'i rgyu 'byung ma/ /bdag med shes rab ma yi mchog /khyod la bshad kyis legs par nyon/ /nga 

</font><hr>83-1-74b<br><font size=+1>

yi 'khor ni bsam mi khyab/ /'di tsam grangs ni sangs rgyas kyis/ /bskal par bgrangs kyang shes mi 'gyur/ /de bas nam mkha'i tshad dang mtshungs/ /mdor bsdus nas ni bshad par bya/ /sku yi 'khor ni khro bo bcu/ /rigs lnga'i ngo bo sku gsung thugs/ /mi 'gyur 
gdug pa 'dul ba yin/ /thugs kyi 'khor ni rigs brgya ste/ /mdor bsdus sprul pa'i khro bo bzhi/ /gsung gi 'khor ni dpag med kyang / /rigs drug 'dul ba'i khyung chen yin/ /sna tshogs bsam gyis mi khyab po/ /gdul bya'i 'khor ni klu chen brgyad/ /gsung 
gis de rigs 'dul ba yin/ /gnod sbyin lag na rdo rje'i tshogs/ /lnga brgya rigs bsdus sku yis 'dul/ /thugs kyis lha srin gdug pa 'dul/ /byams pa'i ting nge 'dzin gyis 'dul/ /'di la 'dis 'dul sprul pa'i tshogs/ /smon lam dbang gis byung ba ste/ /
bsam gyis mi khyab des 'dul ba/ /rigs la brjod par ga la nus/ /mdor bsdus mdzes ma khyod la bstan/ /bcom ldan 'das phyag na rdo rje gsang ba mngon par bstan pa'i rgyud kyi rgyal po las 'khor nges par bstan pa'i le'u ste bdun pa'o// //dpa' mo 
rdo rje bde mas gsol pa/ bcom ldan 'das rdo rje 'chang gi las sgrub pa'i rim pa ji lta bu lags/ bcom ldan 'das kyis bka' stsal pa/ mdzes ma khyod kyis zhus pa legs/ /zag med bde ba'i rgyu 'byung ma/ /bdag med shes rab ma yi mchog /khyod la bshad kyis 
legs par nyon/ /gdug pa'i klu rnams 'dul 'dod pa'i/ /rdo rje khyung chen stobs chen 'dul/ /nga yi gsung gi sprul pa ste/ /mche ba rno dpal drag po gtsigs/ /ba~M las rgya mtsho'i ri rab steng / /yi ge hU~M las byung ba yi/ /dpa' bo klu 'dul bsgom par bya/ /sku 
mchog nag po zhal dgur ldan/ /rtsa zhal mthing nag g.yas pa dkar/ /g.yon pa dmar po de steng du/ /dbus dmar g.yas pa ljang ba ste/ /g.yon pa btso ma gser dang 'dra/ /de steng dbus dkar g.yas pa gnag /g.yon pa bai DUr+ya ltar sto/ /thams 

</font><hr>83-1-75a<br><font size=+1>

cad spyan gsum rdo rje'i mchu/ /spyi gtsug rin chen rdo rje'i rwa/ /phyag ni bcwa brgyad g.yas pa na/ /rdo rje ral gri dgra sta zhags/ /mdung dang lcags kyu mda' dang ni/ /rtse gsum las kyi bya khyung bsnams/ /rim bzhin chu bdag mtha' yas dang / /
nor rgyas stobs rgyu dung skyong dang / /pad+ma pad chen rigs ldan dang / /'jog po klu dgu ro stod lha/ /thal sbyor gtso la rin chen stobs/ /mjug ma phyag la dkris mdzad de/ /kun kyang rang rang kha dog 'dzin/ /sbrul mgo bdun pa sprin bzhin gtibs/ /g.yon pa dril bu be con dang / /
'khor lo rgya gram thod dbyug che/ /sbrul gyi rgyal mtshan gzhu dang ni/ /gtum chung phur dang khyung phur ro/ /rim bzhin rlung 'byin dga' ma dang / /mdzes ldan dpa' mo 'od byed ma/ /grub ma brtan ma dge ma dang / /gsal byed rim bzhin yab dang 'dra/ /thal sbyar gtso la pad+ma 
'bul/ /gdengs ka gsum gyis 'dud byed ma/ /g.yon du rim bzhin bsam par bya/ /zhabs bzhi chu srin ru sbal dang / /phag dang lto 'phye'i steng na bzhugs/ /gshog pa rigs bzhi'i rdo rje ste/ /mjug ma ral gri rigs bzhir ldan/ /sder chen pags la me 'bar 
bas/ /rab tu gtum zhing sa bdag dang / /klu rigs ma lus brlag mdzad pa/ /'og min gnas su slebs par bsam/ /de rjes gnas gsum yi ges brgyan/ /oM AHhU~M dkar dmar zhing gnag /sprul pa go cha'i sngags bsam pa/ /oM hU~M hrA~M hrI A/ sbyi bo mgrin pa snying 
ga dang / /lte ba gsang gnas bsam par bya/ /e ba~M ma yA dpung pa dang / /dpyi yi steng du bsam par bya/ /hU~M sA hI a brang dang ni/ /sog dprag ltong mo lte lkog bsam/ dzaHhU~M ba~M hoHsgo bzhir bsam/ staM dza ya a sprul pa dang / /yang sprul bsam gyis mi khyab bsam/ /
de nas gsang ba'i sngags bstan pa/ /las kyi khyung chen drag po'i sngags/ /sangs rgyas kun gyi mthu bsdus pa/ /oM badzra khyung kar khyung kar badzra ga ru Da tsa le tsa le hU~M phaT/ sku yi gsang ba'i sngags su bstan/ /oM badzra ga ru Da hU~M srog tshig nan rbad/ lus dul nA ga mA ra ya 

</font><hr>83-1-75b<br><font size=+1>

phaT/ /raM raM dz+wa la dz+wa la zhi zhi rdul bun rbad phaT/ gsung gi rig pa dam pa'o/ /oM badzra tsaN+Da ga ru Da hU~M mA ra ya mA ra ya/ s+pho Ta ya s+pho Ta ya/ badzra ba ti ga ru Da be ge hU~M dze dza ri dza pri dza hU~M phaT/ thugs gsang rdo rje gtum po'i sngags/ /drag byed thams cad rlag par 
byed/ /klu rnams snying khrag 'thig pa yin/ /rdo rje 'dzin pa'i dam tshig 'di/ /rin chen bzhin du rnyed dka' bas/ /'di la rtag tu 'bad par bya/ /mthun pa'i rdzas kyi gtor ma sbyin/ /de yi nang du gnod pa dgug /oM badzra shrI ma mA nA ga sa bi ta cho ga khug ma~M li~M d+hi~M swA hA/ 
'dis ni bkug la lha la 'bul/ /gal te gsad par 'dod pas na/ sku gsung thugs kyi rig pa la/ /phur bu gnyis pa'i drag sngags dang / /gsad pa spyi yi sham bur gdags/ /gzugs brnyan phur bus btab par bya/ /tshangs pa yin yang nges par brlag /oM 
badzra tsaN+Da ma hA ro Sha Na badzra kI lA ya sarba big+h+nA na mung+ga ra kI lA ya A ko Ta ya hU~M phaT/ oM badzra tsaN+Da ga ru Da kI li kI la ya sarba big+h+nA na mung+ga ra kI lA ya A ko Ta ya hU~M phaT/ gtum chung phur bus btab pa'i sngags/ /de rjes gzugs brnyan ma lus pa/ /drag po'i thab tu bsreg par 
bya/ /tsher ma can gyi me sbar la/ /khyung chen gtum po'i nga rgyal gyis/ /nA ga b+hU mi pa ti sarba kA ya wA ka tsit+ta badzra dz+wA la a na lArka hU~M/ ci rigs sngags kyis bsreg pa dang / /thal ba dkar gsum sbyar bya ste/ /rgya mtshor 'bab pa'i chu la dor/ /de ltar las kyi sbyor ba de/ /
lan bdun byas par gyur na ni/ /klu chen dug gis snying la zin/ /nges par sos par 'gyur ba yin/ /gal te mi gtong klu chen gyi/ /lus dang khang par bcas pa la/ /me dang rdo rje'i char pa yis/ /skad cig nyid la 'tshig par 'gyur/ /de bas dam tshig mi 'da' bas/ /
las 'di myur bar mi bya'o/ /las kyi gtum po khyung sgrub pa/ /mdzes ma khyod la bstan pa yin/ /bcom ldan 'das phyag na rdo rje gsang ba mngon par bstan pa'i rgyud kyi rgyal po las/ las sgrub pa'i lha rdo rje gtum po khyung gi bsgrub pa bstan pa'i le'u ste brgyad pa'o// //

</font><hr>83-1-76a<br><font size=+1>

dpa' mo rdo rje bde mas gsol pa/ bcom ldan 'das rdo rje 'chang gi sku'i sprul pa/ pho nya gnod sbyin nag po'i sgrub pa ji lta bu lags/ bcom ldan 'das kyis bka' stsal pa/ mdzes ma khyod kyis zhus pa legs/ /zag med bde ba'i rgyu 'byung ma/ /
bdag med shes rab ma yi mchog /khyod la bshad kyis legs par nyon/ /nga yi gnod sbyin nag po 'di/ /bya ba'i las kun thogs pa med/ /khyad par drag po'i phrin las 'grub/ /dur khrod brag rdzong nags phug tu/ /nag po'i sa la dkyil 'khor bya/ /pad+ma 'dab 
brgyad sgo dang bcas/ /mthing nag gru gsum me 'od ldan/ /su~M las ri rab steng du hU~M/ 'od zer 'phro 'dus rdo rjer bsam/ /de las gnod sbyin nag po ni/ /zhal gsum phyag drug zhabs gsum ldan/ /g.yas pa 'jigs pa stag gi zhal/ /g.yon pa stobs chen 
seng ge ste/ /phyag g.yas dang po rdo rje 'dzin/ /gnyis pa rtse gsum gsum pa phur/ /g.yon pa dril chen lcags kyu dang / /thod pa khrag gis bkang ba yin/ /g.yas pa gtum pas bdud mo brdzis/ /g.yon pas bdud pho nyi gdong mnan/ /phur zhabs dmar po 
me 'bar bas/ /gnod byed bgegs kyi mgo la btab/ /thod phreng mi yi pags pa gyon/ /dur khrod rus pa'i rgyan dang ldan/ /dbu skra dmar po thur du 'phyang / /spyan gsum mche ba rab tu gtsigs/ /ha har dgod cing gdug pa 'dul/ /sprul pa'i gnod sbyin stong 
dang bcas/ /rdo rje 'chang gi bka' bzhin sgrub/ /de yis rig pa phul ba ni/ oM badzra yak+Sha kA la tsaN+Da nI lA~M pa ra d+ha ra sha rI ra hU~M phaT/ rtsa ba'i gsang sngags 'bum du bzlas/ /grub par gyur nas gang dmigs la/ /rjes su tsha ba'i 'bru dang ni/ /tshwa las ling gar 
'khor lo gzhug /dmigs pa bstims la 'grub gnas gzhug /de steng yungs kar zi ra dang / /dug gi rigs kyis brab par bya/ /gsang ba drag po'i sngags 'di bzlas/ /oM badzra yak+Sha kA la tsaN+Da nI lA~M ba ra d+ha ra sarba sha trU~M bi d+hA rA ya phaT/ ha ra ha ra phaT/ pra ha 

</font><hr>83-1-76b<br><font size=+1>

ra pra ha ra phaT/ ts+tshin+da ts+tshin+da phaT/ b+hin+da b+hin+da phaT/ bi s+pho Ta ya bi s+pho Ta ya phaT/ sarba sha trU~M kA ya wAka tsit+ta bi nA sha ka ra ya phaT/ ji srid ma shi'i bar du brab/ /grub nas rigs med thod par gzhug /tse ti chen po'i 'og tu sba/ /steng du ri rab rdo rje yis/ /mnan pa byas pas nges 
par brlag /yang na gnod sbyin chen po de/ /dur khrod ras la bris byas la/ /de yi snying gar sngags 'di bri/ /e yi nang du chud par ni/ /oM badzra yak+Sha kA la tsaN+Da sa ma ya ma nu sma ra sid+d+hi hU~M/ phyag la yak+Sha pa ta li/ /zhabs la ka~M ma~M b+ha ra bri/ /de nyid gtor ma chen po la/ /
bcug ste sngon po'i dar gyis dgab/ /de steng ras sam shing lo la/ /gnod sbyin srog gi 'khor lo ni/ /lte ba rtsibs bcu mu khyud bcas/ /yang rtsibs bcu dang mu khyud ldan/ /me 'od ldan pa bri byas te/ /sngags kyi 'khrul 'khor bkod nas kyang / /las kyi ming dang spel 
ba bri/ /'di ni gnod sbyin srog yin te/ /mi 'da' bka' yi dam tshig yin/ /las rnams gang bcol sku yis byed/ /yang na rgyal rigs thod pa la/ /gnod sbyin bris la tsha ba'i mar/ /chang dang bsres la byug bya ste/ /nyin re gang 'dod las dang sbyar/ /me 
tog kha dog mthun pas brab/ /bsgo ba'i phrin las 'grub par 'gyur/ /chu dar sngon po'i gzhi ma la/ /gser gyis 'khor lo bri bar bya/ /lte ba rtsibs brgyad mu khyud ldan/ /phyi ma re'u mig bcu drug par/ /sa bon sngags dang spel byas te/ /kun gyi mtha' ru 
phrin las sngags/ /bris pa mgul du btags pa yis/ /mi mthun phyogs rnams bsrung 'gyur te/ /bung ba me la bya ba bzhin/ /khyi sha btags pa'i ril bu'i nang / /dgra yi gzugs bris sngags dang spel/ /nyi nub bya rog la byin te/ /sngags bzlas phyir 
zhing lan grangs ni/ /brgya 'am stong du byas gyur na/ /gang yin gnas nas bskrad par 'gyur/ /khyi 'brel spu la srad bu byas/ /mdud pa brgya rtsa brgyad byas te/ /sngags re zhing yang gnod sbyin re/ /'bras kyi nang du bskyur ba na/ /phub ma 'bral bar mi 'gyur ro/ /

</font><hr>83-1-77a<br><font size=+1>

de bzhin khyim du bcangs pa na/ /mi phyugs la sogs 'khrig pa na/ /khyi dang 'dra bar 'brel par 'gyur/ /khyi nag snying du gnod sbyin gyi/ /snying dang sku dang sngags bcug nas/ /bcangs pa tsam gyis gnod sbyin nyid/ /lus dang grib mar 'dra 
bar 'gyur/ /skad cig tsam yang sgrub pa po/ /de yis gtong bar mi byed do/ /de la sogs pa'i las kyi rim/ /mdzes ma khyod la bshad pa yin/ /bcom ldan 'das phyag na rdo rje gsang ba mngon par bstan pa'i rgyud kyi rgyal po las gnod sbyin nag po sgrub pa'i le'u ste 
dgu pa'o// //dpa' mo rdo rje bde mas gsol pa/ bcom ldan 'das rdo rje 'chang gi rnal 'byor bsam gyis mi khyab pa'i rdzogs pa'i rim pa ji lta bu lags/ bcom ldan 'das kyis bka' stsal pa/ /mdzes ma khyod kyis zhus pa legs/ /zag med bde ba'i 
rgyu 'byung ma/ /bdag med shes rab ma yi mchog /khyod la bshad kyis legs par nyon/ /bsam gyis mi khyab rdzogs pa che/ /lha yi bya ba sngon song ste/ /bskyed la dmigs pa thob nas ni/ /snying gar ye shes sems dpa' bsam/ /de yi rang bzhin snying 
nang du/ /pad+ma 'dab bzhi'i thig les brgyan/ /nyi zla'i bar du rgya sran tshad/ /de yi nang du gnas pa'i srog /a shad mar me'i rtse ltar sgom/ /de la dmigs pa brtan pa dang / /ci yang bsam par mi bya ste/ /bsam gyis mi khyab de bsams na/ /de las ye shes skye 
bar 'gyur/ /gsal zhing mi rtog rig pa'i sku/ /ye shes zhes ni de la bya/ /rten med rnam dag gsal ba yin/ /rtog pa rten can bsgom 'dod pas/ /sku yi gnas su 'khor lo ni/ /dkar po rtsa 'dab sum cu gnyis/ /mtshan gyi thabs kyis chas brgyan pa/ /gsung 
gi gnas su rtsa 'dab ni/ /bcu drug dmar po shes rab ste/ /de la thabs kyis nges par brgyan/ /thugs kyi gnas su dus sbyor brgyad/ /gtso bo'i yi ge brgyad gnas pa/ /phrin las bya ba'i gnas dag tu/ /dbyug gu'i grangs kyi rtsa gnas pa/ /shes rab gnyis 'gyur 

</font><hr>83-1-77b<br><font size=+1>

kha dog dmar/ /de dbus gnyis med g.yas dang g.yon/ /thabs dang shes rab rnam par dbye/ /rtog pa sad pa'i 'khor lo ni/ /thabs la drug dang shes rab drug /tha ma bde ba 'dzin pa'i sa/ /mi rtog dpa' bo gnas pa yin/ /yi ge bzhi yis rgyan mdzad de/ /
bde 'dzin 'khor lor yi ge med/ /brjod pa thams cad spangs pa ste/ /'dus ma byas pa'i rang bzhin mchog /khu ba khrag dang chu ser gnas/ /'di ni lam gsum 'joms byed pa'o/ /skad cig rlung gi rta yis ni/ /thabs dang shes rab gnyis bskul nas/ /
gnyis med ye shes skye bar 'gyur/ /ye shes kyis ni rtog pa bsreg /thal ba'ang dmigs par mi 'gyur ba'i/ /rtags lnga rim par 'byung bar 'gyur/ /de nas dpal gyi yon tan te/ /yang nas yang du goms par bya/ /sde pa bzhi yi longs spyod ni/ /gnas 
su yang dag skye bar 'gyur/ /gnyis med bde ba'i gnas thob nas/ /skye 'chi la sogs rgyun chad de/ /'di ni rnam dag legs pa'i gnas/ /thob par 'gyur ba smos ci dgos/ /'di ltar rnam par dag pa ni/ /nyin mtshan cha yi dbye ba yis/ /dbyug gu chu tshod 
dus sbyor sogs/ /brtsi bas rnal 'byor ngal ba'i rgyu/ /thams cad gcig tu bsdoms gyur na/ /mi rtog mnyam nyid nam mkhar dag /'bad med ye shes lhun gyis grub/ /dang po'i sangs rgyas ye shes che/ /khams gsum thams cad sgrol mdzad ma/ /shes rab 
yum la phyag 'tshal lo/ /mi gnas spros bral 'dus ma byas/ /legs rtogs bla ma mchog la 'dud/ /brjod par dka' ba'i rnal 'byor 'di/ /mdzes ma khyod la bshad pa yin/ /dpa' bo brtan par ma gyur na/ /yi ge hU~M gi sbyor ba yis/ /'jig rten khams 
kun 'jig par 'gyur/ /me yis bud shing sreg mdzad de/ /shing med me yang ji ltar gnas/ /brtan g.yo nyams par gyur pa na/ /mi shigs yi ge rnam par dag /'di ni gsang ba dam pa ste/ /gsang ba bla na med pa 'di/ /bdag med rtogs pa khyod la bshad/ /gzhan du 

</font><hr>83-1-78a<br><font size=+1>

gang gA'i bye ma dang / /mnyam pa'i sangs rgyas rnams kyis kyang / /brjod par nus pa ga la yod/ /bcom ldan 'das phyag na rdo rje gsang ba mngon par bstan pa'i rgyud kyi rgyal po las bsam gyis mi khyab pa rdzogs pa'i rim pa bstan pa'i le'u ste bcu 
pa'o// //dpa' mo rdo rje bde mas gsol pa/ bcom ldan 'das rdo rje 'chang gi rigs dag pa la dbang bskur ba ji lta bu lags/ bcom ldan 'das kyis bka' stsal pa/ /mdzes ma khyod kyis zhus pa legs/ /zag med bde ba'i rgyu 'byung ma/ /bdag 
med shes rab ma yi mchog /khyod la bshad kyis legs par nyon/ /dang por slob dpon mtshan nyid kyang / /mdzes shing dul la byams sems ldan/ /sngags dang rgyud kyi de nyid mkhas/ /snyan par smra zhing gtong la dga'/ /brtan zhing bden smra byams sems ldan/ /
bsam pa shes shing gsong por smra/ /dam tshig ldan zhing sngags tshul mkhas/ /phyag rgya dkyil 'khor brda rnams mkhas/ /de nyid bcu shes snying rjer ldan/ /'jig rten pa yi rnam spangs pa/ /mkhas pas de nyid shes nas kyang / /de ni sangs rgyas kun rang bzhin/ /
byang chub sems dang dgra bcom dang / /nyan thos rang rgyal gong na med/ /de lta'i bla ma srog ltar bsten/ /gal te slob dpon smod pa la/ /dngos grub rmi lam du yang med/ /de bas bla ma mnyes byas la/ /bla gos phrag pa la g.yogs te/ /pus btsugs thal sbyar me 
tog thogs/ /dkyil 'khor bri bar gsol bar bya/ /grong dang tshong dus dur khrod dang / /tshal dang lha khang grong khyer te/ /byang shar dngos grub gzhan gnyis spangs/ /ro hi ta sogs zla ba yi/ /lto 'phye'i lto bar shes par yin/ /gzhan du nyes pa 'byung bar 'gyur/ /
mkhas pas nyes pa med par bya/ /sa bslang ba dang brtag pa ni/ /rim bzhin gtsug lag khang pa dang / /tshal dang rdo leb khang bzangs te/ /kun la brtag pa spang bar bya/ /slob dpon smin pas slob ma rnams/ /phung po lnga po dag par bya/ /sa yi nyes pa kun bsal 

</font><hr>83-1-78b<br><font size=+1>

nas/ /la~M las byung ba'i lha mo ni/ /rgyan ldan bum pa phyag na bsnams/ /de la mchod cing gsol bar bya/ /oM tshur spyon tshur spyon sa yi ni/ /lha mo chen mo 'jig rten yum/ /rin chen kun gyis rab gang ma/ /bzang po'i rgyan gyis rnam brgyan ma/ /do shal rkang gdub 
sgra ldan ma/ /rdo rje sems dpa' rab mchod par/ /mchod yon 'di ni bzhes nas kyang / /dkyil 'khor las ni legs sgrub mdzad/ /oM hi hi hi hi hU~M swA hA/ /gnang bas sa la slar thim bsam/ /slar sbyangs bsang zhing gtso bo la/ /dri yi gdan chen gru bzhi ste/ /'khor 
lo sum cha dor bas zlum/ /me tog sngon po'i gdan la bsam/ /rin po che 'am sa yang rung / /bum pa nag po'i skyon spangs te/ /byA g+h+ri seng g+h+ri dbyug pa yi/ /ut+pal gzhan gyis mi thub pa/ /ha sa de bas nad rnams sbyong / /dngul dang mu tig mu men dang / /bye ru 
gser gyis ye shes 'phel/ /nas gro til dang sran ma dang / /mud ga yis ni lam lnga dag /ga pur gur gum dzA ti dang / /tsan dan a ga ru yis ni/ /gzhan don phrin las lnga 'grub bo/ /chu dang snying po lnga yis ni/ /rnal 'byor phun sum tshogs gyur pas/ /mgrin 
pa gos kyis dkris pa dang / /'bras ldan shing gis kha yang brgyan/ /ku sha la 'dug mtshan ma can/ /rang rang phyogs su gzhag par bya/ /bdug spos thogs la gsol ba gdab/ /bcom ldan rdo rje 'dzin pa'i rgyal/ /bdag la dgongs nas gzigs su gsol/ /
slob ma rnams kyi don phyir dang / /khyed rnams la yang mchod pa'i phyir/ /bdag ni dkyil 'khor 'dri bar 'tshal/ /rin po che yi mthu bzhin du/ /bka' drin rjes su gnang ba yis/ /sang ni byon par mdzad du gsol/ /lan gsum bar du gsol bar bya/ /slob 
ma rnams la rjes brtse bas/ /sdom gzung gsol zhing srung ba dang / /slob dpon rdo rje can dmigs la/ /gang yang gsang sngags lha kun dang / /'jig rten skyong ba ma lus pa/ /rdzogs pa'i byang chub la zhugs dang / /sangs rgyas bstan dga'i 'byung po dang / /gang 

</font><hr>83-1-79a<br><font size=+1>

dag rdo rje'i spyan ldan rnams/ /rdo rje 'chang gi dkyil 'khor mchog /deng bdag 'dri bar 'gyur ba la / /bdag dang skal ldan slob ma la/ /byin gyis rlabs phyir bsrung bar mdzod/ /srad bu ye shes lnga yi dngos/ /re re'ang rigs lnga rnam dag ste/ /
chos kun ngo bo nyid med pas/ /phan tshun sngags bzlas bsgril bar bya/ /dkyus su 'khor lo'i nyis 'gyur la/ /sboms su sgo yi bcu gnyis tshad/ /hU~M brjod bdud rtsi lnga byugs la/ /dz+dza dz+dza sgra brjod lte bar gzung / /slar yang de bzhin ye shes kyi/ /thig chen nam mkhar 
gdab par bya/ /de bzhin cha ldan gnyis pa yis/ /gtsang zhing rdo rje 'dzin bsams te/ /tshangs pa'i thig chen gdab par bya/ /gnyis pa zur thig la sogs par/ /nub dang lhor ni slob dpon la/ /byang shar slob ma'i gnas sa ste/ /g.yas kyis bskor ba ma 
gtogs par/ /g.yon du nam yang ma yin no/ /de ltar cha yis rnam par dbye/ /thig skud chad na bla ma 'chi/ /dman dang lhag pas nad du 'gyur/ /phyogs 'khrul na ni slob ma rmongs/ /de bas mkhas pas skyon med bya/ /rin chen lnga 'am 'bru yi phye/ /yang na 
'byung khungs las byung ba/ /yi ge bcu yis byin brlabs te/ /rigs lnga rnam par dag pa las/ /dkar ser dmar ljang nag po dang / /dbang ldan phyogs nas bri bar bya/ /gal te tshon rtsi mi mnyam zhing / /yo dang dma' bar gyur na ni/ /dngos grub med cing rtsod la gdung / /
sbom pas nad 'byung phra bas ni/ /nor nyams gal te chad pas ni/ /'chi 'gyur g.yas skor ma bris na/ /phur bus btab pa yin zhes bya/ /shar phyogs dkar la lho nub byang / /ser dmar ljang khur bri bar bya/ /dbus ni bai DUr+ya lta bu/ /pad+ma phyogs kyi rnam pa 
ste/ /mtshams ni mdzes tshon bum pas brgyan/ /sgo la sogs pa'i rgyan rnams dang / /dur khrod ra ba'i nang du bri/ /gtum drag la sogs phyogs mtshams dgod/ /dbus mtho shar dang byang gzhol zhing / /mtho zhing ma 'dres drang bar bri/ /de nas rdo rje 'dzin 

</font><hr>83-1-79b<br><font size=+1>

dmigs la/ /gus pas me tog dang bcas nas/ /gsol ba 'di ltar gdab par bya/ /dpal ldan rdo rje 'dzin pa che/ /byang chub chen po'i tshul bstan pa/ /mgon po chen po bdag 'tshal lo/ /dam tshig de nyid bdag la stsol/ /byang chub sems mchog bdag la stsol/ /
sangs rgyas chos dang dge 'dun te/ /skyabs gsum dag kyang bdag la stsol/ /thar ba chen po'i grong mchog tu/ /mgon pos bdag ni gzhug par mdzod/ /ces pa lan gsum bar du bya/ /bu tshur theg pa chen po yi/ /tshul chen snod ni khyod yin te/ /gsang sngags 
spyod tshul cho ga mchog /khyod la yang dag bshad par bya/ /rdo rje mi phyed mthu yis ni/ /mnyam med pa yi ye shes 'thob/ /de bas kun mkhyen thob 'dod pas/ /bu yis blo gros 'di gyis shig /bla ma sangs rgyas kun mchod cing / /rtsa ba yan lag 
nyes pa spong / /ma grol 'khor ba'i sems can la/ /snying rje chen po rab bskyed nas/ /bsgral zhing grol ba'i lam la dgod/ /bde bar dbugs ni dbyung bar bya/ /de dag rim dang rim min pa/ /slob ma'i rim pa rnam par brtag /khrus bya so shing sbyin par bya/ /
phrin las phyogs dang dngos grub kyi/ /rim par rnam par brtag par bya/ /srung skud gdags dang ku sha sbyin/ /rmi lam brtags la ngan pa na/ /zhi ba'i me yis bzlog par bya/ /gdong g.yogs bcings la ye shes dbab/ /dkyil 'khor dam par gzhug 
pa'i phyir/ /sngon bsags sdig pa ma lus las/ /dkyil 'khor mthong ba tsam gyis 'byang / /bu khyod su yin ci dga' ba/ /bdag ni skal bzang rigs yin pas/ /rdo rje 'dzin pa khyod la dga'/ /mig dbye dkyil 'khor lha yang bstan/ /dam tshig chu sbyin mna' 
yang bsgrag /me tog dor la lha ngo bstan/ /gang dang gang du bab gyur pa'i/ /rigs kyis de la spro bar bya/ /chu dang cod pan rdo rje de/ /dril bu ming gis dbang bskur te/ /rigs lnga'i bdag nyid ye shes lnga/ /brtul zhugs lung bstan rjes gnang sbyin/ /

</font><hr>83-1-80a<br><font size=+1>

dbugs dbyung rdo rje slob dpon bsgrub/ /gsang ba shes rab ye shes dang / /bzhi pa brjod med dbang bskur ba/ /gsang ba mchog gi dkyil 'khor du/ /mchog tu rab zhugs mthong bas na/ /deng khyod sdig pa ma lus las/ /rnam 
grol rigs su skyes pas na/ /sangs rgyas kun dang mnyam gsungs pa'i/ /rjes su gnang bas dbugs phyin 'gyur/ /dngos grub rgyu yi dam tshig ni/ /bu yis rtag tu bsrung bar gyis/ /slob mas bla ma la btud nas/ /gtso bos ji ltar bka' stsal 
pa/ /de ltar bdag gis bsgrub par bgyi/ /bcom ldan 'das kyis bshad pa ltar/ /rgyan dang na bza' rin chen dang / /rgyal srid bu dang chung ma dang / /rang gi lus kyang bla ma la/ /bsnyen bkur tshim pa med par bya/ /deng du bdag tshe 'bras bu yod/ /
bdag ni gson pa 'bras bu che/ /de ring sangs rgyas rigs su skyes/ /sangs rgyas sras su bdag gyur pas/ /sems can don ni mnyam med bya/ /zhi ba'i sbyin sreg dngos grub grogs/ /tshogs kyi 'khor lo dge 'dun mchod/ /nad pa'am mgon med 
phongs pa kun/ /kha zas kyis ni tshim par bya/ /zhing skyong gtor mas mnyes byas la/ /rang 'dod 'bras bu gsol ba gdab/ /rjes su dam tshig spyod pa dang / /skyed pa la sogs rgyun mi chad/ /rnal 'byor pas ni bsam par bya/ /'di ni rigs mchog 
dbang bskur bla na med/ /mdzes ma khyod la skal ldan bsgrub phyir bstan/ /gzhan du rigs med dug la de yis slar zhing gnod/ /de phyir 'di ni dam tshig rdo rje'i bkod pa yin/ /bcom ldan 'das phyag na rdo rje gsang ba mngon par bstan pa'i rgyud kyi rgyal po las slob ma 
dbang bskur ba'i le'u ste bcu gcig pa'o// //dpa' mo rdo rje bde mas gsol pa/ bcom ldan 'das rdo rje 'chang gi 'khor klu sgrub pa'i thabs ji lta bu lags/ bcom ldan 'das kyis bka' stsal pa/ /mdzes ma khyod kyis zhus pa legs/ /zag med bde 

</font><hr>83-1-80b<br><font size=+1>

ba'i rgyu 'byung ma/ /bdag med shes rab ma yi mchog /khyod la bshad kyis legs par nyon/ /gdul bya'i rigs su skyes pa yi/ /gdug pa'i klu chen rnam pa brgyad/ /rigs bsdus chu bdag ba ru Na/ /dam tshig la gnas sog ma med/ /'di dag bsgrub 
par 'dod pas ni/ /mdzes pa'i dkyil 'khor rnam lngas byug /pad+ma lha snam sgo dang bcas/ /sgo rgyan ltos 'gros rab tu mdzes/ /lte bar rdo rje 'dzin pa bsam/ /mdun du las kyi bka' nyan bskyed/ /pad+ma brgyad la klu chen brgyad/ /gdengs ka bdun ldan thal 
sbyar bsam/ /lha rnams rigs bzhi'i sa bdag ste/ /sgo dang gru chad rigs kyi rim/ /mchod rdzas klu yi rtsi sman bsam/ /de rjes rdo rje 'dzin bsams la/ /klu chen gnas nas spyan drangs te/ /e h+ye hi nA ga rA dzas pa ri bA ra sa ma ya dzaHdzaH/ rang rang stan la 
bzhugs par bya/ /pad+ma'i lte bar chu bdag dang / /dam tshig sog med dkar dang ser/ /thal sbyar sbrul gyi zhabs su 'khyil/ /gtso bo rdo rje 'chang la 'dud/ /shar phyogs mtha' yas sngon po ste/ /lho phyogs nor rgyas ser po che/ /nub phyogs 'jog po 
kha dog dmar/ /byang phyogs stobs rgyu nag po ste/ /shar lhor pad+ma dung dang 'dra/ /lho nub pad chen ser ba ste/ /nub byang dung skyong btsod dang 'dra/ /byang shar rigs ldan dUr ba'i mdog /mjug ma 'khyil bas gtso la 'dud/ /sna tshogs gzugs ni rigs bzhi 
dang / /sa bdag sna tshogs gzugs kyis bskor/ /de dag sngags kyi rim pa ni/ /oM badzra tsaN+Da ma hA ro Sha Na badzra pA Ni hr-i da yaM/ nA ga ya sa mA ti krA ma tha ud sA da na~M b+ha bi Sh+ya ti swA hA/ rdo rje 'chang gis klu dam tshig la gzhag pa'o/ /oM ba ru NA ya hU~M phuHswA hA/ oM s+phu 
Ta s+phu Ta ma hA nA ga rA dza kro d+ha hU~M/ sid+d+hi sid+d+hi s+pho Ta ya hU~M phuHswA hA/ oM a nan ta hU~M phuHswA hA/ /oM bA su ki hU~M phuHswA hA/ oM tak+Sha ka hU~M phuHswA hA/oM ka ra ko Ta hU~M phuHswA hA/ oM pad+ma hU~M phuHswA hA/ oM ma hA pad+ma hU~M phuHswA hA/ oM shaM kha pA la hU~M phuHswA hA/ oM ku li ka hU~M phuHswA hA/

</font><hr>83-1-81a<br><font size=+1>

'di dag klu'i rgyal po rnams kyi sngags so/ /rim pas mchod cing gso ba bya/ /mdzes pa'i rgya mtsho gtor ma yis/ /klu rnams tshim pas gdug sems zhi/ /de rjes bstod pa brjod par bya/ /hU~M chu bdag chen po sprul pa'i dam tshig can/ /mtha' yas 
nor rgyas la sogs klu dbang rnams/ /rgya mtsho chu gter zab pa'i mjing chen gnas/ /rin chen sna tshogs yid 'ong spras pa yi/ /gzhal yas 'byor pa phun sum gnas na bzhugs/ /sbrul mgo'i gdengs ka rab 'bar rin chen gsal/ /yid 'ong nor bu 'dod 
pa kun sgrub pa/ /rang gzhan phun tshogs don rnams ster ba'i dpal/ /'od 'bar sa 'og mun pa ma lus sel/ /du ma'i bskal par yon tan sbyangs pa yis/ /klu rgyal 'byor pa mchog la mnga' brnyes pa/ /bsam gyis mi khyab rdzu 'phrul mchog brnyes pa'i/ /
yon tan bsam gyis mi khyab khyod la bstod/ /sangs rgyas bka' thob dad pa'i stobs 'phel ba/ /sangs rgyas sar gnas sgrub la nan tan byed/ /thabs dang shes rab 'brel bas gzhan don mdzad/ /bdag gzhan don sgrub khyod la phyag 'tshal lo/ /bde gshegs 
spyan sngar khas blangs dam bcas te/ /bstan pa bsrung zhing 'gro rnams bskyang ba'i phyir/ /khas blangs mna' phul dam tshig dran gyis la/ /phrin las don gyis bdag gzhan don grub mdzod/ /gzhan yang 'jig rten pa rnams la/ /oM mtha' yas dang ni 'jog po 
dang / /stobs kyi rgyu dang rigs ldan dang / /nor rgyas bu dang dung skyong dang / /pad+ma dang ni chu lha dang / /rgya mtsho rgya mtsho chen po dang / /dpal gyi 'od dang 'od po che/ /gzugs che lto 'phye sbrul chen po/ /klu chen 'khor dang bcas pa la/ /mthun pa'i dam rdzas yid 
'ong ba/ /dkar gsum mngar gsum gso ba'i sman/ /rin chen dar dang za 'og dang / /dpag bsam shing dang 'dod 'jo'i ba/ /sna tshogs khyed la phul ba yis/ /klu yi nad rnams med par mdzod/ /phyis kyang mi phyed dam chos la/ /so so'i gnas su 'gro bar 

</font><hr>83-1-81b<br><font size=+1>

gyis/ /'di ni rdo rje 'chang gi bka'/ /'di las 'das na klu rgyal rnams/ /snying 'tshig mgo bo 'gas 'gyur te/ /lus la bskal pa'i me 'bar nas/ /sdug bsngal gyur na ma legs pas/ /dam las 'da' bar ma byed cig /nA ga rA dza sa ma ya a b+hi Shiny+tsa 
badzra tsaN+Da ma hA ro Sha Na badzra pA Ni hU~M phaT/ klu rnams dam tshig sgrub pa'o/ /de bzhin byas na klu nad rnams/ /skad cig nyid la byang 'gyur te/ /sgrub po bde bar 'gyur ba yin/ /de bas 'di la brtson par gyis/ /mdzes ma khyod kyis zhus pa bzhin/ /gtan la 
phab pas rab tu bshad/ /bcom ldan 'das phyag na rdo rje gsang ba mngon par bstan pa'i rgyud kyi rgyal po las klu sgrub pa'i le'u ste bcu gnyis pa'o// //dpa' mo rdo rje bde mas gsol pa/ bcom ldan 'das rdo rje 'chang gi 'khor klu gdug pa can rnams kyi 
nad 'byung ba'i rtags ji lta bu lags/ bcom ldan 'das kyis bka' stsal pa/ /mdzes ma khyod kyis zhus pa legs/ /zag med bde ba'i rgyu 'byung ma/ /bdag med shes rab ma yi mchog /khyod la bshad kyis legs par nyon/ /klu la rigs drug la sogs 
pa/ /sna tshogs rigs su yod gyur kyang / /'byung ba lnga yi rang bzhin te/ /nor rgyas dung skyong rgyal rigs yin te mthong ba'i dug /ser po sa la dbang ste lci 'thibs lus po sbo/ sha babs ra ba bzhi la khyad par na ba yin/ /bcwa lnga nyin gung rgyu ba'i dus la na/ /nad kyi 
gnas ni spyi bor nges par 'bab/ /rlung rtsa babs la sha rus bar du na/ /skra 'byi glang thabs byas nas na ste rna ba dang / /glo bar 'brel pas sha ro glo lu 'byung ba yin/ /dga' bo rigs ldan bram ze yin te bsams pa'i dug /dmar po me la dbang ba yin te tsha zhing gdung / /
lus dmar skyi chung thang la mig rtsa lus po skam/ /'bring po babs sa nyi nub dgongs mo'i dus su na/ /gnam stong bcwa lnga rgyu ba'i dus te de la na/ /snying gar babs pa snying mi dga' zhing dran pa nyams/ /mjug tu mgo dang lus la babs te na tsha che/ /sha ro snying la 'ong bas 

</font><hr>83-1-82a<br><font size=+1>

lce yis ro mi tshor/ /pad+ma 'jog po rje rigs yin te kha rlangs dug /dkar po chu la dbang bas grang zhing bsil bar na/ /lus mdog dkar la pags pa'i spris ma 'chags/ /tha chungs babs pa yin te tshes brgyad bcwa brgyad na/ /snga dro tho rangs 
mi bde ske dang dpung pa g.yas/ /brang na tha ma mchin par babs pa'i sa yin no/ /pho bas zas mi 'ju zhing mig gis gzugs mi 'dzin/ /sha brul tshor ba med de cung zad sha lpags dmar/ /pad chen stobs rgyu dmangs rigs yin te reg pa'i dug /nag po rlung la 
dbang pas yang zhing g.yo/ /lus 'dar sems rgod sha 'phar phu shus 'debs/ /yan lag tshigs bzhi na zhing phol dang bad kan skye/ /sgregs dang ro stod na zhing sna khrag dag kyang 'byung / /'byang zhing lus ngal dgongs dang srod la na/ /tha chungs zhag la 'bas te tshes 
gsum bcu gsum na/ /'di ni 'gong rigs rtsub pas smyo 'bog btsan thabs gsod/ /tha ma mkhal mar 'bab ste rna bas sgra mi thos/ /khu chu nyams pas chu sri sor mo phra/ /chu lha dam tshig nam mkha' yin pas kun la khyab/ /gong ma ci rigs 'byung zhing dus med shes 
pa zhum/ /lus kyi shed nyams bral te sna tshogs ston pa ste/ /'di ni bcos par dka' ste gtan la phebs par bya/ /khyad par mcher ba na zhing gdong la sme ba 'byung / /lus la shig mang ko dri rwa gzhob mnam pa dang / /thur sel rlung la rul ba'i dri ma bro gyur la/ /
'di ni mcher bar 'bab ste chu la khrag kyang 'byung / /so so'i rtags su mkhas pas shes par gyis/ /spyir ni lnga po gang zhugs kyang / /rim pas 'di ltar 'byung bar 'gyur/ /me dang grog po phugs rdugs dang / /ri phug dog pa'i sgo dang dong / /lha khang 'dam 
rdzab mi sdug gzugs/ /dud 'gro'i tshogs dang mtsho ri gzar/ /snying mi dga' zhing 'tshig pa ni/ /dang po 'byung bar shes par bya/ /glu len nub mo na dang shes pa lci/ /yan lag mi bde shu ba g.yan pa dang / /bas ldags 'brum chung dmar sib 'ong / /'phrug 

</font><hr>83-1-82b<br><font size=+1>

cing za 'phrug sha mdog nyams/ /me ris chu grang blugs ltar grang / /grang sib tsha thig sha bkra che chung byed/ /sha 'phrig bem dang sbrid cing 'khol/ /mig zlum tsha zhing smin ma byi/ /lag sor sen mo nyams pas phra/ /lus la dri nga chu bur dang / /nya sgangs gnag 
chu rul dri mnam/ /stod gzer smad du 'khru bar byed/ /phyi yi sha skams mdog nyams dri ma bral/ /bug pa'i sgo yo bdud rtsi dus med pa/ /yang cig mdor bsdus bshad pa ni/ /dbang po gsal ba'i 'bras bu ni/ /mchin pa'i sgo yin mig la brtag /rgyal mo 'khor 
lo g.yang ra yin/ /gnas pa rus pa'i 'bras bu ni/ /mdzes pa so yi mkhar yin pas/ /kha dog rkang bu nus pa blta/ /nus pa chu ba'i 'bras bu ni/ /zangs mdog sen mo'i tshogs yin pas/ /skye lugs kha dog rtsa ba brtag /mdongs dang sha yi 'bras bu 
ni/ /khyab pa dreg pa yin pas na/ /chags lugs kha dog 'gyur ba blta/ /drod brten khrag gi 'bras bu ni/ /bud med gsang sgo'i chu yin pas/ /kha dog ku ya gzugs la brtag /rkang mar bcud kyi 'bras bu ni/ /rtsa ba gnas lugs skye sa brtag /de rnams 
thams cad rtags ldan na/ /ngas kyang gso bar ga la nus/ /gsum bzhi lnga la sogs pa yi/ /rim pa rnams dang ldan pa na/ /sngags dang sman gyis gso bar bya/ /phyi nang 'brel ba'i babs sa yis/ /legs par brtags te gso bar bya/ /bcom ldan 
'das phyag na rdo rje gsang ba mngon par bstan pa'i rgyud kyi rgyal po las klu'i nad zhugs pa brtag pa'i le'u ste bcu gsum pa'o// //dpa' mo rdo rje bde mas gsol pa/ bcom ldan 'das rdo rje 'chang gi klu'i nad gso ba'i cho ga ji lta bu lags/ bcom ldan 'das 
kyis bka' stsal pa/ /mdzes ma khyod kyis zhus pa legs/ /zag med bde ba'i rgyu 'byung ma/ /bdag med shes rab ma yi mchog /khyod la bshad kyis legs par nyon/ /byol song klu yis zin pa la/ /'tsho dang mi 'tsho gnyis yin te/ /nges pa'i rtags chen 

</font><hr>83-1-83a<br><font size=+1>

drug tshang na/ /de la mkhas pas ci byar yod/ /rnam smin las las byung ba yin/ /gzhan rnams gso bar 'dod pa la/ /dka' dang sla ba gnyis yin te/ /dang po sngags kyi rim pa yin/ /gnyis pa rdzas dang 'brel ba yin/ /dang po sngags 
kyi sbyor ba ni/ /dbang bskur tshogs bsags rgyud sbyangs la/ /rim pa gsum gyis bsnyen par bya/ /kha cig de tsam gyis kyang zhi/ /gal te nus pa che ba na/ /gsang pa drag po'i sham bu gdags/ /kha cig de yis 'tsho ba yin/ /gal te gnod tshabs che ba na/ /klu 
yi rang gshed bzlas pa tsam/ /nam mkha'i klu yis snying nas gzir/ /rig pa gnyis pa gsham du sbrel/ /rdo rje lte bar 'khor lo bri/ /de la dmigs te bsgrub par bya/ /dug rigs gsal bar gyur na ni/ /sa dug ngos zin rdo rje'i nang / /dga' bo rigs ldan me 
yi sngags/ /bram ze'i 'khrul 'khor shis pa yin/ /me la chu yi 'khrul 'khor te/ /de yi sngags kyis gsad par bya/ /bang chen stobs rgyu rlung yin pas/ /sa yi 'khrul 'khor lte bar bcas/ /pad+ma 'jog po chu yin pas/ /rlung gi 'khor los gsad par 
bya/ /rang rang kha dog gshed du sbyar/ /gzhi snying sngags rnams dril la bzlas/ /gnyen po mi mthun rdzas dang sbyar/ /gnyen po gang yin lha yi gshed/ /man ngag bzhin du shes par bya/ /'khrul 'khor tshang nas ma bde na/ /rgyal po'i sdong zla dbye bar bya/ /
dus tshod zhag grangs rim pa ni/ /rtags dang sbyar la shes par bya/ /rtags rjes rjes su log pa na/ /sbyin sreg ci rigs mkhas pas bya/ /phyi rjes drag pos bcad pa dang / /lha dang rdzas kyi sngags kyis bcad/ /mnan pas las mtha' brtul bar bya/ /
zhi ba drag po'i rim pa ni/ /mkhas pas brtags la brten par bya/ /bcom ldan 'das phyag na rdo rje gsang ba mngon par bstan pa'i rgyud kyi rgyal po las klu'i nad bsal ba'i le'u ste bcu bzhi pa'o// //dpa' mo rdo rje bde mas gsol pa/ rdo rje 'chang 

</font><hr>83-1-83b<br><font size=+1>

gi gtor ma bya ba'i rim pa ji lta bu lags/ bcom ldan 'das kyis bka' stsal pa/ /mdzes ma khyod kyis zhus pa legs/ /zag med bde ba'i rgyu 'byung ma/ /bdag med shes rab ma yi mchog /khyod la bshad kyis legs par nyon/ /dkyil 'khor 'dri 
dang sbyin sreg dang / /bzlas pa thun mtshams rab gnas dang / /dbang bskur bskrad cing gsad pa dang / /'byung po khyung dang gnod sbyin dang / /klu dang gnas skyong mchod pa ni/ /gtor ma med par gang spyad pa/ /las de 'bras bu med pa'am/ /bar chad 
nye bar skye 'gyur bas/ /gtor ma'i cho ga bstan par bya/ /lha yi rnal 'byor ldan pa yis/ /phun sum tshogs pa'i 'byor pa bsag /gtor ma'i 'og tu rlung lha yi/ /sa bon las skyes kha dog sngo/ /g.yo ba'i rlung yab dang bcas pa/ /de stengs rgod ma'i 
kha bsams te/ /dmar po rlung las skyes pa bsam/ /gru gsum hU~M las rdo rje gsum/ /sku gsung thugs kyis brtan por bya/ /de steng a las pad+ma che/ /yangs la dkar zhing cung zad dmar/ /chos dbyings snod kyi gzhal yas yin/ /de nas sbyang ba'i 
sa bon las/ /bru~M a~M dzra~M ba~M hU~M bsams te/ /slar yang sha lnga sbyangs pa las/ /mA~M lA~M pA~M tA~M bA~M bsams te/ /yum lnga'i ye shes rnam par dag /bdud rtsi ye shes rnam dag 'di/ /sbyang dang spar rtogs sbyor ba yis/ /yi ge gsum gyi sgra ldan pa/ /bde ba'i ro cher 
nyi mar gsal/ /'char ba'i kha dog 'dra bar 'gyur/ /rdo rje las byung dngul chu'i mdog /gnyis med thabs dang shes rab yin/ /sa bon las byung pad+ma'i gdan/ /yangs par rdo rje 'dzin pa dang / /phyogs skyong la sogs bkug la bstim/ /mdzub mdud 
gung mo rtse mo sbyor/ /mthe bong rdo rje brtan par gnas/ /rang 'dod dngos grub sar bzhag la/ /hU~M sgra ldan pas sngags 'dis sbyin/ oM in+da dza ma dza la/ dzakla b+hu ta bah+ni/ ba u rak+kha/ can+da sudz+dza/ ma da pa p+pa/ ta la ba tA le/ aT+Tha sab+pa swA hA/ i daM ba 

</font><hr>83-1-84a<br><font size=+1>

li b+hu~M dzi g+ha phul+la/ d+hU pa/ mA~M sa/ pa~M ga /a m+b+ha/ kadz+dza/ sap+pa sA ha/ khaN ti khu Ni phe Da ga da swA hA/ oM a kA ro mu khaM sarba d+harmA NAM/ Ad+yA nud+pan+na twAd oM AHhU~M phaT swA hA/ 'khor rnams rtogs par bya ba'o/ /lhag par khyung chen mchod pa ni/ /
nya sha b+h+reng gi la du dang / /'o ma sbrul gyi sha yis mchod/ /gnod sbyin dag la sha rlon dang / /chang ni med du mi rung ngo / /ra khrag shing thog rnams kyis so/ /klu la dkar gsum mngar gsum dang / /rtsi sman dar zab sna tshogs mchod/ /rang gi rig pa phul byas 
la/ /bstod cing gsol ba gang yin bya/ /hU~M khyed kyis sems can don kun mdzad/ /rjes su mthun pa'i dngos grub stsol/ /rang gi gnas su gshegs nas kyang / /slar yang spyan drangs tshe na spyon/ /oM badzra sa ma ya muHzhes brjod/ /mchod sbyin 'di 
dang ma bral na/ /zhi sogs grub pa brgyad gang yin/ /mchog gi 'bras bu thob par 'gyur/ /bcom ldan 'das phyag na rdo rje gsang ba mngon par bstan pa'i rgyud kyi rgyal po zhes bya ba las gtor ma'i cho ga bstan pa'i le'u ste bcwa lnga pa'o// //dpa' 
mo rdo rje bde mas gsol pa/ rdo rje 'chang la zhu ba gsol ba bdag gi sgrub pa'i cho ga ji lta bu lags/ bcom ldan 'das kyis bka' stsal pa/ /mdzes ma khyod kyis zhus pa legs/ /zag med bde ba'i rgyu 'byung ma/ /bdag med shes rab ma yi mchog /khyod 
la bshad kyis legs par nyon/ /dus gsum sangs rgyas bskyed pa'i ma/ /rdo rje bde chen stong pa nyid/ /khyod kyi sgrub pa bzang po ni/ /'das pa'i sangs rgyas rnams kyis bshad/ /da ltar byung ba'ang de 'chad de/ /ma 'ongs rnams kyang 'chad 'gyur la/ /
nga yis kyang ni 'dir bshad de/ /byang chub sems ldan gang zag gis/ /rab dben pa yi sa yi char/ /mchod cing bstan dga' bsnyen byas la/ /sangs rgyas rdo rje can mchod bya/ /rim pas tshangs pa'i gnas bzhi bsgom/ oM swa b+hA ba shud d+hAHsarba d+harmAHswa b+hA ba shud 

</font><hr>83-1-84b<br><font size=+1>

b+ho\u0f85haM/ rang bzhin rnam par dag pa bsgom/ /oM shU n+ya tA dz+nyA na badzra swa b+hA ba At+ma ko\u0f85ha~M/ brjod med ye shes dag par bsgom/ /bsrung zhing gzhal yas khang pa der/ /mdzes pa'i pad+ma la gnas pa/ /chos 'byung rnam dag pho brang du/ /nyi ma zla ba 
rnam dag dpal/ /ba~M las byung ba'i lha mo ni/ sku mdog dmar ljang zhal gcig ma/ /phyag gnyis gri gug thod pa 'dzin/ /gar stabs rgyan gyis mdzes ma ste/ /thod pa skam po'i phreng bas brgyan/ /shar du mA ma kI bsams te/ /sngon mo zhal gcig 
phyag gnyis ma/ /g.yas pa rdo rje g.yon thod pa/ /g.yas su sangs rgyas spyan ser te/ /zhal gcig phyag gnyis g.yas pa na/ /rin chen g.yon pas thod pa 'dzin/ /g.yon du dam tshig sgrol ma ljang / /g.yas pa ut+pal thod pa 'dzin/ /rgyab tu gos dkar 
dmar ser te/ /pad+ma thod pa bsnams pa'i phyag /kun kyang khro zhing gar stabs bzhugs/ /rus pa rin chen rgyan dang ldan/ /mchog sgrub nad rnams sbyang ba dang / /bsrung zhing 'dod pa zhi rgyas dang / /rang gi srog 'dzin phrin las dbang / /rtag tu ye shes 
pa yang mchod/ /rig pa nges par bstan pa ni/ /oM badzra su khA bud+d+ha sarba pa sha~M ku ru su ra ka hU~M phaT swA hA/ oM shang ka re shAn+ti ka re/ g+huT+Ta g+huT+Ta g+huT+Ti ni g+hA ta ya/ g+hA ta ya/ g+huT+Ti ni swA hA/ oM ru ru s+phu ru dz+wa la tiSh+Tha sid+d+ha lo tsa ni sarba ar+tha sA d+ha ni swA hA/ oM a ka Te 
bi ka Te ni ka Te ka Ta~M ka Te ka ro Ta~M bI r+yai swA hA/ oM tA re tut+tA re tu re ma ma A yu She swA hA/ rang rang las dang 'brel pa ni/ /'bum 'gyur sngags kyis 'grub par 'gyur/ /las gzhan dngos grub ma bsgrubs par/ /lha mo khyod kyis byed pa yin/ /'di ni gsang 
ba dam pa ste/ /ches gsang bas kyang mchog yin no/ /de bas mdzes ma khyod la bshad/ /bcom ldan 'das phyag na rdo rje gsang ba mngon par bstan pa'i rgyud kyi rgyal po las yum bsgrub pa rnam par phye ba'i le'u ste bcu drug pa'o// //dpa' mo 

</font><hr>83-1-85a<br><font size=+1>

rdo rje bde mas gsol pa/ /rdo rje 'chang gi las sna tshogs pa sgrub pa ji lta bu lags/ /bcom ldan 'das kyis bka' stsal pa/ /mdzes ma khyod kyis zhus pa legs/ /zag med bde ba'i rgyu 'byung ma/ /bdag med shes rab ma yi mchog /
khyod la bshad kyis legs par nyon/ /sgrub po phun sum tshogs 'dod pas/ /nga nyid thog mar mnyes bya ste/ /'dod pa'i rdzas la 'khor lo bri/ /de yi nang du chud pa yi/ /longs spyod ming dang spel bris nas/ /dgug la bcug la sngags 'di bzlas/ /
oM tsaN+Da ma hA ro Sha Na/ tad+ya thA/ oM tsa le pra tsa le la lA lu te yA/ de ba kA ma hA kA la a na tsha ra ya bi sI swA hA/ khri bzlas pas rang ci 'dod pa 'ong bar 'gyur te/ /gong bu dgug pa'o/ /rang nyid rdo rje 'dzin du bsams la ta la'i lo ma la ri rab kyi 'khor lo byas te/ /zur 
du hU~M dang hrI'i bar du bsgrub bya'i ming bri'o/ /lte bar sngags bri/ rtsibs la yang sngags bris te/ /rkang pa g.yon pas mnan cing / /oM tsaN+Da ma hA ro Sha Na tsa muN+Di du ma ke shi hrI/ ha na ha na hri/ pa tsa pa tsa hri/ de ba dad ta che ge mo me pa shi ri swA hA/ zhes khri bzlas pas rkang pa 
dgug pa'o/ /oM tsaN+Da ma hA ro Sha Na ga ga a rig rka tha ta ri swA hA/ sngags 'di bzlas la kha bkrus la/ khyu mchog gi lci ba dang / ldong ros bsres la rdo rje'i gzugs byas te/ lte bar 'khrul 'khor bcug la dgra'i sgor sbas na 'chi bar 'gyur ro/ /bklags pas 
'grub 'gyur nus pa 'di/ /rdo rje 'dzin par rab zhugs nas/ /rdza mkhan lag pa'i 'dag pa la/ /rdo rje'i rnam par 'khrul 'khor bca'/ /oM tsaN+Da ma hA ro Sha Na che ge mo mu kha te thAM ti sa g+ha tshA na ting g+han da na ting laM g+hAM mu tra mu rI She naM che ge mo b+han+d+hA mi swA hA/ sngags 'di 
khri bzlas khang par mnan/ /nges par shags las rgyal bar 'gyur/ /oM badzra tsaN+Da ma hA ro Sha Na na ma ni kha be rA ya ci ri tsi ri karta tu be na mu shi tun te ban+d+hA si ri kha li swA hA/ /rdo rje la ni khrag gis bri/ /gang gis phyogs mtshams sbas pa na/ /byi ba kha ni 'ching ba 

</font><hr>83-1-85b<br><font size=+1>

yin/ /oM tsaN+Da ma hA ro Sha Na naM tu na te si ri si ri khi li khi li swA hA/ stag gi pags pa la bris te/ /gang la btags pa'i spyang ki bsrung / /o~M tsaN+Da ma hA ro Sha Na ma~M ra rak+Sha to/ nA sha ka rA ya swA hA/ shing thog la bzlas ra bar sbas/ /spre'u'i gnod pa bzlog par 
'gyur/ oM tsaN+Da ma hA ro Sha Na sarba sta~M b+ha ya du~M b+he swA hA/ sbrang rtsi bu ram khu ba la/ /'di bzlas byug pas dom 'bros so/ o~M tsaN+Da ma hA ro Sha NA pA rA ha d+hi na~M dru~M dru~M d+te swA hA/ dug dang lan tshwa ske tshe dang / /yungs kar la phug sa bon dang / /d+ha du ra dang kal bi dang / /
ma he phag dang ce spyang khrag /sbrus la rdo rje brgyad byas la/ /phyogs mtshams sbas na gnod pa zhi/ /mtshams bcad pa yi dam pa yin/ /oM badzra tsaN+Da ma hA ro Sha Na b+hi d+ha hI ni ka~M b+he swA hA/ sngags ni brgya rtsa brgyad bzlas na/ /bsrung ba 'di yang mtshams gcad 
yin/ oM bi ti pi na hI b+h+riM pi Ta bi Ta hU~M hU~M swA hA/ sngags 'di gang yin lci ba la/ /bzlas te ma he 'thung ba'i chu/ /nang bcug zho rnams brlag par 'gyur/ /gser me la ma reg pa/ g.yu mig ma phug pa/ mu tig mu men/ gser gyis bris pa'i khro~M/ ba bla 
mu zi/ btsan dug gu gul gi wang spre'u'i spus gtums la/ oM badzra tsaN+Da ma hA ro Sha Na ga ru Da tsa le tsa le bdud ru drA mA ra ya/ badzra b+ha ti ga ru Da be ge hU~M ri dza pri dza nA ga rA dza mA ra ya hU~M phaT/ sngags khri bzlas te lus la bcangs na klu thams cad 'bros par 'gyur ro/ /
oM pad+mA k+Sha pad+mA k+Sha ba ru ni hU~M phaT swA hA/ chu gtsang ma la bzlas te mig bkrus na mig nad thams cad 'byang bar 'gyur ro/ /sug smel dang / dzA ti dang/ nA ga ge sar dang / a sho ta ka'i 'bras bu rnams la sngags 'di bzlas te dpral bar shu tras thig le byas na kun 
gyi yid du 'ong bar 'gyur ro/ oM badzra tsaN+Da ma hA ro Sha Na dza~M b+he mo ha ya hrI swA hA/ brgya rtsa brgyad bzlas so/ /byis pa gsar btsas bsrung ba na/ /kham phor nang du rdo rgyus kyis/ /rdo rje rgya gram lte ba'i nang / oM badzra tsaN+Da ma hA ro Sha Na che ge mo la rak+Sha rak+Sha swA hA/ hU~M bcu 

</font><hr>83-1-86a<br><font size=+1>

bris te lha bstims la/ /mchod sbyin gtor ma sbyin byas te/ /de yi steng du sbyang bar bya/ /lus la gur gum chus bris pa'i/ /'khor lo gnyis pas bsrung bar bya/ /oM badzra tsaD+Na ma hA ro Sha Na ba sa ha do lA yI swA hA/ me do yA sA ba tsi na mo ha yi 
swA hA/ es ba dzi hA yi na mA ta yi swA hA/ sngags 'di me tog dang / gos dang / zas dang / rgyan la mngon par bsngags te byin na dbang du 'gyur ro/ /o~M badzra tsaN+Da ma hA ro Sha Na na ma sa ra nA matad+ya thA/ d+ha ra da ma hA d+ha na d+ha d+ha Da du De de swA hA/ bye ma dang thal chen la bsngags 
te zhing la gtor na srog chags kyis za bar mi 'gyur ro/ /o~M badzra su Sha d+he b+hi shud+d+ha al+lI ba ba ra tsu li tse ra sa ga gan+d+ha sA pa mi ha ban+d+ha li sa swA hA/ sngags 'di rdo rje'i shing dang / da lis dang / arga gsum la lan bdun bdun bzlas te/ /rna ba'i 'og tu bcug na tsau ra ba 
thams cad kyis gnod par bya bar mi nus so/ /mi rus la byas phur bu ni/ /bgegs kyi lus can zhal gcig pa/ /phyag bzhi tho ba zhags pa dang / /dgra sta rtse gsum bsnams pa ste/ /dug khrag lan tshwa ske tshe dang / /rgya tshwa mar nag nang du btso/ /stobs chen 
sngags bris ras mas gtum/ /khyim sgor sbas na 'chi bar 'gyur/ /o~M badzra kro d+ha ma hA ba la ha na da ha pa tsa bid+ha n+sa ya/ ud sA da ya mA ra ya hU~M phaT/ sbrul mgo gnyis pa'i thod par khyi smyon pa'i lce la dgra'i ling ga bris te rta'i rmig pa'i 'og tu bcug la sngags 'di 
bzlas nas gang gi sgor sbas na bskrad pa'am smyo bar 'gyur ro/ /o~M badzra tsaN+Da ma hA ro Sha Na che ge mo mu p+ta ya phaT ces khri bzlas so/ /shing lo dang stag pa la rdo rje'i rnam par byas la lte bar las kyi rig pa bcug /dpa' bo g.yul du shi ba'i skra'i the gus rked par btags 
la klad la bskor na bgegs 'bros par 'gyur ro/ /gro ga'i 'dab ma la rdo rje'i nang du chud pa'i lte bar sku gsung thugs kyi sngags dang bsrung bya bri/ /de'i mtha' mar las rab 'byam bri/ de'i nye bar bstan pa'i 'khor gyi sngags bri/ de'i mtha' mar shes rab kyi 

</font><hr>83-1-86b<br><font size=+1>

sngags bri/ de'i mtha' mar me'i tshogs bris te dril la lus la bcangs na gdon thams cad kyis glags mi rnyed do/ /byi khung shar bltas sa dang ni/ /'ug chung rus pa lang ka'i rtswa/ /sgo lcags khung bur blugs byas te/ /oM badzra tsaN+Da ma hA ro Sha Na kur tri sa nA 
kar ti tshums dang phuT phuT swA hA/ sngags de brgya dang brgyad bzlas na/ /smyig mas yang yang dkrog pa ni/ /sgo lcags 'bye bar the tshom med/ /dur khrod sol bas bsregs pas ni/ /slar yang snga ma dag tu 'gyur/ /rgya gram nang du chud pa yi/ /dmag 
gi gtso bo bri bya ste/ /sngags dang spel nas snying ga ru/ /sing ldeng phur pa btab na ni/ /nges par de nyid rengs par 'gyur/ /byi ba nag po'i rtug pa dang / /sha can ra yi rwa dang ni/ /khyi nag spu dag bsregs gyur na/ /'bru yi rnam pa 'phel bar 'gyur/ /
de sogs las kyi rim pa ni/ /bsam gyis mi khyab ji snyed pa/ /khyod la bstan par mi nus pas/ /sngags grub de yis rtogs par 'gyur/ /bcom ldan 'das phyag na rdo rje gsang ba mngon par bstan pa'i rgyud kyi rgyal po las las sna tshogs bstan pa'i 
le'u ste bcu bdun pa'o// //dpa' mo rdo rje bde mas gsol pa/ rdo rje 'chang gi char dbab pa'i cho ga ji lta bu lags/ bcom ldan 'das kyis bka' stsal pa/ /mdzes ma khyod kyis zhus pa legs/ /zag med bde ba'i rgyu 'byung ma/ /
bdag med shes rab ma yi mchog /khyod la bshad kyis legs par nyon/ /chu bdag gnas pa'i sa yi char/ /dkyil 'khor pad+ma brgyad pa la/ /sgo dang rta babs sbrul gyis brgyan/ /me tog mchod pas mnyes bya ba/ /bram ze'i thod pa gtsang ma 
gnyis/ /chu bdag dam tshig klu yi gzugs/ /gur gum bzang pos bri bar bya/ /kha sbyar bar du rdo rje 'dzin/ /zhal bzhi pa la phyag brgyad pa/ /bai DUr+ya ltar gnas pa ni/ /chu dar yang na ras la bri/ /rtsa ba khro bo g.yas g.yon rgyab/ /dkar dmar de 

</font><hr>83-1-87a<br><font size=+1>

bzhin ljang khu ste/ /rtsa ba khyung chen zil gyis gnon/ /g.yas kyi phyag na rim pa ltar/ /rdo rje 'khor lo ral gri dang / /lcags kyu rigs ldan pad+ma dang / /pad chen dung skyong yum dang bcas/ /g.yon pa dril bu rtse gsum dang / /
phur bu sprin gyi zhags pa ste/ /mtha' yas nor rgyas 'jog po dang / /stobs rgyu yum gyis bcings pa ni/ /thams cad gtso la thal sbyar te/ /sbrul mgo sprin chen bzhin du gtibs/ /'dab mar klu chen brgyad bskyed la/ /spyan drangs mchod 
pa byas nas kyang / /char gyi rgyun chen 'bab par bsam/ /klu chen rtsa ba'i sngags rnams la/ /b+ha ri sha ya btags te bzlas/ nges par char rgyun 'bab par 'gyur/ /gal te 'bab par ma gyur na/ /gu gul dud pas gzir byas nas/ /phrin 
las sngags kyis srog kyang g.yo/ /gal te ma bab na rdo rje 'dzin pa phyung la tsha ba'i mar nag gis blugs la sngags bzlas na 'bab par 'gyur ro/ /yang na kham phor la sbrul mgo gnyis pa'i khrag dang shas sngar ltar byas la skyer pa'i sol ba'i me la sngar ltar 
bsro bar bya ste/ des nges par 'bab par 'gyur ro/ /yang na gtum pa'i 'bras bu la/ /sngags kyis btab ste klu yi khyim/ /sbyin sreg byas pas 'bab par 'gyur/ /des kyang 'bab par ma gyur na/ /yungs kar skye tshe sbrang rgod dang / /bra ma'i me 
tog phye mar byas/ /ra yi 'o mas ril bu sbyar/ /sngags bzlas mtsho 'am chu mig tu/ /brgya dang brgyad du bskyur na 'bab/ /des kyang 'bab par ma gyur na/ /sta ru'i khu bas ril bu byas/ /mtshor bskyur nges par 'bab pa yin/ /gal te des kyang ma bab na/ /
pad+ma ut+pal sngon po dang / /yungs kar zangs phye ba bla dang / /dbang po lag pa rgya skyegs shing / /bu ram ra yi 'o mas bsdus/ /rgya shug 'bru tsam ril bu la/ /lan bdun bsngags te mtshor bskyur na/ /char rgyun mtshungs pa med par 'bab/ /mi 'bebs klu rnams 

</font><hr>83-1-87b<br><font size=+1>

mgo gas te/ /lus ni bskams te 'tshig par 'gyur/ /nga yi bka' las gang 'da' ba/ /skad cig nyid la brlag par 'gyur/ /bcom ldan 'das phyag na rdo rje gsang ba mngon par bstan pa'i rgyud kyi rgyal po las char dbab pa'i le'u ste bcwa brgyad pa'o// //dpa' mo rdo rje bde mas gsol pa/ rdo rje 'chang gi sbyin sreg gi cho ga ji lta bu lags/ bcom ldan 'das kyis bka' stsal pa/ /mdzes ma khyod kyis zhus pa legs/ /zag med bde ba'i rgyu 'byung ma/ /bdag med shes rab ma yi mchog /khyod la bshad kyis 
legs par nyon/ /thab dang rdzas dang lha dang ni/ /sngags kyi rim pa phan yon rnams/ /rim pas mdzes ma khyod la bstan/ /sbyang ba'i las ni sngon 'gro bas/ /sor ni nyi shu rtsa brgyad dang / /bcu drug bcu bzhi bcu gnyis dang / /bcu dang brgyad las chung 
ba spang / /rim bzhin nad rnams zhi zhing nor 'phel dang / /rims rnams zhi zhing zhi las 'grub/ /dbang du bsdu dang rgyas pa dang / /gsod pa'i thabs su shes par bya/ /thur du rko ba sum gnyis te/ /kha khyer brgyad cha mtho ba'o/ /rim bzhin phyed phyed 
rdo rjes mtshan/ /dkar ser dmar nag ljang khu ste/ /las dang 'brel ba shes par bya/ /mchod pa'i rdzas dang yam shing dang / /dUr ba la sogs bsreg pa'i rdzas/ /g.yas dang g.yon gyi rim pa yin/ /rang nyid rdo rje 'dzin par bskyed/ /rgyas la dga' dang zhi 
la zhi/ /dbang la chags pa khro la bsad/ /gzhan rtsub bskrad pa la sogs yin/ /dmar ba me phyogs gdung ba'i las/ /bskrad pa rlung ste gnon pa ni/ /bden bral dbang dang dgug pa yang / /lho yi phyogs su lta ba yin/ /gsad dang dbye ba'ang de bzhin 
te/ /shar zhi byang phyogs rgyas pa yin/ /hU~M las skyes pa kha dog dmar/ /mdzes pa'i zhal gdangs cung zad gnag /dbyug gu ril ba spyi blugs dang / /bgrang phreng g.yon dang g.yas su bsam/ /ral pa'i cod pan gsus po che/ /rgyan dang ldan pa 

</font><hr>83-1-88a<br><font size=+1>

bsams la bstim/ /bsang gtor 'thor 'thung mchod yon dang / /zhabs bsil la sogs dbul bar bya/ /me tog la sogs rim pa ste/ /gzar bu gnyis kyis dgang blugs dbul/ /o~M ag+na ye swA hA/ de rjes me yi mtshan ma brtag /
mdog dang sgra dang dri dang ro/ /dbyibs dang kha dog blta bar bya/ /me ni rtse gcig 'bar gyur na/ /bsam pa thams cad 'grub par ston/ /gnyis 'bar rtse gsum mi g.yo na/ /'bar ba'i 'bras bu thams cad 'dzin/ /rtse bzhi mnyam nyid brtan pa ste/ /rgyas 
pa'i las la 'bras bu yod/ /zla 'dra snum la dri ma med/ /du ba med cing bai DU ra 'dra/ /nad med rigs rnams rgyas par byed/ /chu shel nor bu spung pa dang / /pad+ma rA ga gsal ba ni/ /sdig pa ma lus zad par 'gyur/ /dmar ser puN+Da rI ka dang / /ban 
du kha dog gsal ba na/ /rgyal srid dpal rnams 'byor pa yin/ /ut+pal ma li u shi'i dri/ /tsam pa ka dang sig kar dri/ /ga pur a ga ru yi dris/ /dge zhing tshe ring dpal gyi gnas/ /zab pa'i skad dang dung dang ni/ /rdza rnga pi wang DA ma ru/ /de yi sgras ni bde 
ba 'phel/ /dpal be'u bkra shis gzugs su 'char/ /rgyal mtshan rnga yab phyag mtshan rnams/ /rin chen gdugs kyi dbyibs su 'char/ /dge ba me yi dbyibs su bstan/ /ngan pa de las ci rigs bzlog /de rjes rdzas kyi rim pa ni/ /oM ag+na 
ye a mu ka s+ya shAn+tiM ku ru ye swA hA/ bsreg blugs so/ /o~M bo d+hi br-ik+ShA ya swA hA/ a shwad tha'i 'o/ /o~M badzra ta lA ya swA hA/ blag sha'i'o/ /o~M badzra ku be ra ye swA hA/ 'o ma can gyi shing gi'o/ /o~M badzra sha ma dz+wA lA ya swA hA/ u dum wA ra'i'o/ /o~M sarba bA paM 
da ha na badzra swA hA/ til gyi'o/ /o~M badzra duSh+Ta ye swA hA/ 'bras so ba'i 'o/ /o~M badzra sa~M pa de swA hA/ zho dang zan gyi'o/ /o~M badzra A yu She swA hA/dUr ba'i'o/ /o~M badzra pra ti ha ta badzrA ya swA hA/ ku sha'i'o/ /rdzas rnams rang sngags ci rigs dbul/ /bstod 

</font><hr>83-1-88b<br><font size=+1>

cing gsol ba'i las bya ste/ /me yi snying gar dkyil 'khor mchod/ /gsad la sogs pa rim pa bzhin/ /sngar bstan pa las shes par bya/ /de rjes lhag mas ci rigs mchod/ /zhu ba la sogs rdzas rnams ni/ /lha yi zhal du mchod par bya/ /yam 
shing ku sha la sogs pa/ /'od la mchod par bya ba yin/ /phyag tu zhal zas 'thor 'thung dbul/ /me tog bdug pa dbu dang 'od/ /thig le snying ga bsang gtor yang / /sku la phul te zhabs bsil zhabs/ /mar me la sogs rim bzhin gnas/ /
dkyil 'khor bsdu gshegs rim pa rnams/ /mkhas pas nye bar brtags te bya/ /dkyil 'khor lhas ni mchog ster la/ /me yis 'dod pa'i don sgrub byed/ /lag pan gyis ni bde ba 'byin/ /'o ma sbrang rtsis rig pa 'phel/ /gro dang sran mas 
nad kun sel/ /dUr bas srog ni 'dzin par byed/ /nas kyis brtson 'grus la dbang ste/ /stobs 'phel mA shA ka yin no/ /'bru 'phel so ba'i las yin te/ /sdig pa 'dag pa til yin no/ /'bras kyis nus pa 'phel byed pa/ /zhi la yungs kar 
ku shas bsrung / /dpal bskyed pa ni bud shing ste/ /yam shing gzi byin ster bar byed/ /'byor pa 'phel ba mar yin no/ /sbyin bdag bkra shis thab yin te/ /dngos grub kun ster mchod pa'i rdzas/ /thabs dang shes rab gzar bu ste/ /bdud rtsi mar gyis tshim 
byed pa/ /mchod pa gzhan gyis ci zhig bya/ /'di ni mdzes ma'i yul yin gyis/ /gzhan gyis rtogs par ga la 'gyur/ /bcom ldan 'das phyag na rdo rje gsang ba mngon par bstan pa'i rgyud kyi rgyal po las sbyin sreg gi cho ga bstan pa'i le'u ste bcu dgu pa'o// //dpa' mo rdo rje bde mas gsol pa/ rdo rje 'chang khyod kyi gsang ba'i mtshan nyi shu rtsa gcig gi bstod pa ji lta bu lags/ bcom ldan 'das kyis bka' stsal pa/ /mdzes ma khyod kyis zhus pa legs/ /zag med bde ba'i rgyu 'byung ma/ /bdag med shes rab ma yi mchog /

</font><hr>83-1-89a<br><font size=+1>

khyod la bshad kyis legs par nyon/ /nga yi ming ni nyi shu gcig /dus gsum sangs rgyas rnams kyis gsung / /mi 'gyur g.yung drung dbang bskur te/ /'di dag mdzes ma khyod la bstan/ /na mo nI lAM ba ra d+ha ra badzra pA Ni tsaN+Da badzra/ na mo g+ha dza kar+N+No 
b+ho tsaN+Da badzra na maHsu b+hu Sha ni sa b+h+yo tsaN+Da badzra/ na mo rat+na gu Na ka ra si tsaN+Da badzra/ na mo b+ha ga ban pradz+nyA d+ha sI ra tsaN+Da badzra/ na maHAr+ya g+ho Sha sAn+ni tsaN+Da badzra/ na maHpra sa rA yi to sI tsaN+Da badzra/ na mo badzra la ar tsi shi sI tsaN+Da badzra/ na maHsA rU pa no pha la tsaN+Da badzra/ na mo dur dAn ta da ma ka ma ba 
raHtsaN+Da badzra/ na maHb+he ra ba b+ha sa twa rU pi b+hiHtsaN+Da badzra/ na mo dro mo kro d+ha bi gra ha rU pi b+hiHtsaN+Da badzra/ na maHtsa tur smA rA r-i Sh-i sin+na tsaN+Da badzra/ na mo ma hA ba la pa rA kra ma tsaN+Da badzra/ na mo ni rAt+ma sid+ha nirna tA tsaN+Da badzra/ na ma na mo a mo g+ha dza ga dar+tha krid tsaN+Da badzra/ na mo da shA dig bi shwa ni ra mA NaM 
tsaN+Da badzra/ na mo ha hA satwa so nir g+ho Sha tsaN+Da badzra/ na mo a tsa lo hi ka dza ta to tsaN+Da badzra/ na maHpany+tsa bud+d+hU ta ma mu ku Ta tsaN+Da badzra/ na mo badzra ma hA b+he sha yud+d+ha rod tsaN+Da badzra/ rdo rje gtum po'i mtshan nyi shu rtsa gcig po 'di 'dzin pa dang / 'chang ba dang / klog pa dang / yid la byed pa dang / 
'dri ba dang / 'drir 'jug pa dang / glegs bam du byas te 'chang ba la ni phyogs bcu'i sangs rgyas thams cad kyis rjes su skyong bar 'gyur ro/ /srung bar 'gyur ro/ /sbed par 'gyur ro/ /skyob par 'gyur ro/ /mtshan 'di rnams 'dzin pa de mtshams med pa lnga byas 
pa'i sdig pa yang byang bar 'gyur ro/ /lan cig tsam brjod pas kyang bskal pa bye ba phrag dgu bcu'i bar du sems can dmyal ba rnams su mi skye'o/ /ngan 'gro gzhan yang spangs pa yin no/ /tshe rabs thams cad du skye ba dran par 'gyur ro/ /rdo rje 'chang lnga 
brgya yang rtag tu mtshan 'di 'dzin pa'i phyi bzhin rjes su 'brang ngo / /gdug pa can gyi klu rnams kyis mi 'tshe zhing slar longs spyod sna tshogs sbyin no/ /'chi ba'i dus su yang bai dUr+ya lha bu'i sku lus bstan te/ rang gi gnas su khrid par 'gyur ro/ /mtshan 'di 

</font><hr>83-1-89b<br><font size=+1>

gnas pa'i sa de ni lcang lo can dang mtshungs pa yin no/ /mi dang mi ma yin pa gdug pa can rnams kyis nam yang gnod pa byed par mi 'gyur ro/ /grub pa brgya dang sangs rgyas kyang ster bar byed na/ gzhan lta yang ci smos te/ mtshan 'di dag rin po che 
dang 'dra bar blta bar bya'o/ /'di ni dus gsum sangs rgyas kyis/ /ched du brjod pa rin po che/ /gdug pa thams cad 'joms par byed/ /dpal dang gzi brjid 'phel ba yin/ /phrin las sgo rnams thogs pa med/ /'di ni rdo rje 'chang yin pas/ /
nyin mtshan dus gsum klog pa yi/ /phyi bzhin rtag tu srung bar byed/ /nad dang gdon rnams kun las thar/ /sman chen nyes pa thams cad 'joms/ 'byung po kun gyis bkur ba ste/ /mdzes ma khyod la bstan pa yin/ /'di ni rnam dag legs pa'i lam/ /su 
'chang lag na dpal gnas te/ /rtag tu mtshan 'di brjod par gyis/ /bcom ldan 'das phyag na rdo rje gsang ba mngon par bstan pa'i rgyud kyi rgyal po las mtshan nyi shu rtsa gcig gis bstod pa'i le'u ste nyi shu pa'o// //dpa' mo rdo rje bde mas gsol pa/ 
rdo rje 'chang gi rgyud 'di bshad pa dang / sba ba dang / ji ltar gzung ba'i cho ga ji lta bu lags/ bcom ldan 'das kyis bka' stsal pa/ /mdzes ma khyod kyis zhus pa legs/ /zag med bde ba'i rgyu 'byung ma/ /bdag med shes rab ma yi mchog /khyod la 
bshad kyis legs par nyon/ /phyi ma'i dus su nga yi rgyud/ /gsang ba sku gsung thugs kyi gter/ /bla med rgyud rgyal rin chen 'di/ /byang chub sems ldan snying rje che/ /thos mang shes rab mchog tu gsal/ /dad pa che zhing lha la gus/ /bla ma bsten cing 
dbang bskur thob/ /dam tshig sdom pa ma lus ldan/ /brtson 'grus che la gzhan don dpa'/ /'jig rten bde la ma chags pas/ /rgyud 'di mnyan dang bshad par bya/ /de las bzlog pa'i gang zag la/ /ming tsam bstan par mi bya'o/ /gal te bstan par 

</font><hr>83-1-90a<br><font size=+1>

gyur pa na/ /sngags pa dam tshig nyams gyur te/ /nad gdon 'byung po ma lus pas/ /nye bar gtses te 'chi bar 'gyur/ /de nas mnar med sdug bsngal ni/ /grangs med 'das kyang thar mi 'gyur/ /de bas gsang ba sku gsung thugs/ /snying po 
dam pa 'di dag la/ /rgya yis btab ste mchod pa dang / /bstod cing sba ba byas gyur na/ /yid la re ba kun rdzogs shing / /'jig rten thams cad bde bar 'gyur/ /glegs bam sor ni bcu drug la/ /rim bdun brgya yis btab nas kyang / /rtag tu spyi bo'i 
gtsug tu gzung / /'di dang bral bar ma gyur na/ /bsnyen pa de yin bsgrub pa de/ /sgrub pa chen po'ang de yin te/ /sngags kyang de yin lha yang de/ /bla ma de yin slob dpon yang / /sangs rgyas chos dang dge 'dun yang / /de yin bskyed dang rdzogs pa de/ /ma 
lus dbang yang de yin te/ /'jig rten bya ba kun spangs nas/ /'di la mchod par gyur pa ni/ /tshogs gzhan ci yod rmongs pa'i rgyu/ /ci phyir 'di la 'bad mi byed/ /ces bcom ldan 'das kyis gsungs te/ yum la rjes su gtad pa'i don bstan pa ni/ /sangs 
rgyas kun gyi yum chen mo/ /rdo rje bde ma bde ster ma/ /rtog pa gcod mdzad yum khyod la/ /rgyud 'di gtad kyis legs par zung / /gzungs ma yid 'ong rgyal ba'i sa/ /rnam dag mchod cing sdug bsngal 'joms/ /ma lus 'gro ba 'dren pa'i dpal/ /rdo rje 
bde ma phyag 'tshal lo/ /zhes bstod nas rgyud gtad do/ /de nas yum gyis rjes bzung ste/ /dus gsum bde gshegs ma lus pa'i/ /thugs kyi sras po sde dpon che/ /'jig rten thams cad 'dul mdzad pa/ /dpa' bo khyod la phyag 'tshal lo/ /gtum po 
dpa' bo 'jigs par byed/ /klu 'dul gzhan gyis mi thub pa/ /drag po 'jigs par byed pa'i lha/ /rdo rje gtum po khyod phyag 'tshal/ /zhes bstod nas phyag dang bskor bas mnyes par byas nas/ slar yab kyi thugs ka'i rdo rje'i lte bar thim par gyur to/ /de nas 

</font><hr>83-1-90b<br><font size=+1>

'khor thams cad kyis mchod pas mchod cing bstod pas bstod de/ gsang ba mngon par bstan pa'i rgyud kyi rgyal po gsungs pa legs so legs so/ /zhes mngon par mgrin gcig tu ched du brjod pa ched du brjod de/ rdo rje 'chang chen pos gsungs pa la mngon par 
dga' nas yi rangs te mngon par bstod par gyur to/ /bcom ldan 'das phyag na rdo rje gsang ba mngon par bstan pa'i rgyud kyi rgyal po las/ rgyud ji ltar bstan cing sba ba dang rjes su yi rang ba'i le'u ste nyi shu rtsa gcig pa'o// //bcom ldan 'das phyag na rdo rje 
gsang ba mngon par bstan pa'i rgyud kyi rgyal po zhes bya ba rdzogs so// //rgya gar gyi mkhan po wa la tsan+d+ra gu ru chen po dang / bod kyi lo ts+tsha ba glan chung dar ma tshul khrims kyis byang phyogs sham+b+ha la'i dpe dang bstun te bsgyur ba'o/ /slad kyis yul dbus kyi dpe 
dang / kha che nas byung ba dang bstun nas legs par gtan la phab pa'o/ /
  
</font><hr>

</table>