D47

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>D47</h1><td>(<a href="https://adarsha.dharma-treasure.org/kdbs/degekangyur" target="new2">e-text produced by ADARSHA</a>)<br><br><a href="verif2.php?id=D47&coll=derge">see text in Tibetan script</a></table>39-1-100a<br><font size=+1>
'phags pa dkon mchog brtsegs pa chen po'i chos kyi rnam grangs stong phrag brgya pa las/ le'u gsum pa ste/ lag na rdo rjes zhus pa zhes bya ba de bzhin gshegs pa'i gsang ba bsam gyis mi khyab pa bstan pa/bam po dang po/ /
rgya gar skad du/ Ar+ya ta thA ga ta a tsin t+ya gu h+ya nir de sha nA ma ma hA yA na sU tra/ bod skad du/ 'phags pa de bzhin gshegs pa'i gsang ba bsam gyis mi khyab pa bstan pa zhes bya ba theg pa chen po'i mdo/ /bam po dang po/ sangs rgyas dang byang chub sems dpa' 
thams cad la phyag 'tshal lo/ /'di skad bdag gis thos pa'i dus gcig na/ bcom ldan 'das rgyal po'i khab na/ bya rgod kyi phung po'i ri la dge slong bzhi khri nyis stong gi dge slong gi dge 'dun chen po dang/ byang chub sems dpa' sems dpa' chen po mngon par 
shes pa mngon par shes pa phal cher sangs rgyas kyi zhing gzhan nas 'dus pa'i byang chub sems dpa' brgyad khri bzhi stong dang thabs cig tu bzhugs te/ thams cad kyang bzod pa thob pa/ phyir mi ldog pa/skye ba gcig gis thogs pa/ gzungs thob pa/ ting nge 'dzin 
thob pa/ spobs pa thogs pa med pa/ phyogs bcu mtha' yas pa'i sangs rgyas kyi zhing du 'gro ba la mkhas pa/ mngon par shes pa'i ye shes kyis rnam par rtsen pa/ phas kyi rgol ba thams cad kyi zil gyis mi non pa/ bdud dang phyir rgol ba bcom pa/ sems can thams cad 
kyi sems dang bsam pa dang spyod pa'i bsgrub pa shes pa/ dbang po mchog dang mchog ma yin pa shes pa la mkhas pa/pha rol tu phyin pa thams cad kyi tshul la 'jug par rab tu zhugs pa/ thabs la mkhas pa'i dam pa'i pha rol tu son pa/ sangs rgyas thams cad kyis 
bstod cing bsngags te/ bkur la rab tu bsngags pa/ bskal pa bye ba khrag khrig brgya stong dpag tu med par byang chub kyi lam mtha' yas pa mthar gtugs pa/ sems sa dang/ chu dang/ me dang/ rlung dang mtshungs pa/ nam mkha' ltar mtha' yas pa'i </font><hr>39-1-100b<br><font size=+1>
byams pa bsgom pa'i rnal 'byor la brtson pa/ chags pa'i gnas sgrib pa dang/ chod pa dang/ kun nas ldang ba thams cad las yang dag par 'das pa/ mthu bo che'i lus thob pa/ rdo rje ltar sra zhing mi tshugs pa'i lus dang ldan pa/ seng ge'i sgra chen po sgrogs 
pa/ 'khor thams cad zil gyis gnon pa la 'jigs pa med par mkhas pa/ zla ba dang nyi ma mog mog por byed pa/ chos thams cad ji lta ba bzhin du dus gsum mnyam pa nyid thob pa/ chos zab mo rnam par nges pa/ ye shes kyis ston pa la mkhas pa/ rten cing 
'brel par 'byung ba la zhugs pas rtag pa dang chad par lta ba'i mtha' gnyis yongs su spangs pa/ bsam gtan dang/ rnam par thar pa dang/ ting nge 'dzin dang/ snyoms par 'jug pa dang/ mnyam par gzhag pa dang/ ldang ba shes pa la mkhas pa/ phyogs bcur 
sgra grags pa/ dam pa'i chos dkon mchog gi mdzod yang dag par 'dzin pa/ dkon mchog gsum gyi rigs rgyun mi 'chad par byed pa/ bsod nams dang ye shes kyi tshogs dpag tu med pa bsags pa sha stag la 'di lta ste/ byang chub sems dpa' zla ba'i bla ma zhes bya ba dang/ 
zla ba'i tog dang/ ri bong can gyi tog dang/ 'od kyi tog dang/ 'od dpal dang/ dpal brtsegs dang/ dpal sbas dang/ mthu bo che dang/ klu dga' dang/ klu'i bla ma dang/ klus byin dang/ gzugs 'dzin dang/ mya ngam gyi lha dang/ yon tan sgron ma'i rgyal po dang/ lag na 
sgron ma dang/ rtag tu lag bteg dang/ rtag tu lag brkyang dang/ lag na phyag rgya rin po che dang/ lag na rin po che dang/ kun du snang dang/ skar ma'i rgyal po dang/ lag na rdo rje dang/ rdo rje'i blo gros dang/ rdo rje'i blo gros chen po dang/ rdo rjes rnam par gnon dang/ mi g.yo ba'i gom par 
'gro ba dang/ 'jig rten gsum rnam par gnon dang/ mtha' yas blo gros dang/ blo gros mtha' yas dang/ blo gros rgya mtsho dang/ brtan pa'i blo gros dang/ nor gyi blo gros dang/ bla ma'i blo gros dang/ khyad par blo gros dang/ 'phel ba'i blo gros dang/ rtag tu mos dang/ rtag tu dgod </font><hr>39-1-101a<br><font size=+1>
cing rab tu dga' ba'i dbang po dang/ /ngan song spong dang/ sgrib pa thams cad rnam par sel ba dang/ shin tu rnam par sbyangs pa dri ma med pa'i gzi brjid 'chang ba dang/ brtson 'grus 'bar dang/ shes rab brtsegs dang/ rtag par lta dang/spyan 
ras gzigs dbang phyug dang/ mthu chen thob dang/ lhun po brtsegs dang/ nam mkha'i mdzod dang/ mi 'dzums pa dang/ brjod med dang/ rin chen dam pa dang/ rin chen sems pa dang/ legs par rnam par sems pa dang/ don legs par rnam par bsams pa 
dang/ shin du nges pa'i blo gros dang/ gzungs kyi dbang phyug gi rgyal po dang/ sa 'dzin dang/ bkod pa'i rgyal po dang/ zhing yang dag par brgyan pa dang/ rin chen 'byung gnas dang/ phug sbas dang/ dbang po'i lha dang/ chu lha dang/ tshangs pa dra ba can dang/ byang chub 
sems dpa'i 'dra ba can gyi 'od ces bya ba dang/ lha'i cod pan dang/ lag bzangs dang/ mig bzangs dang/ spos kyi glang po dang/ bal glang spos kyi glang po che dang/ seng ge'i tog dang/ don grub blo gros dang/ kha lo sgyur dang/ zhi ba'i blo gros dang/ byams pa dang/ 
'jam dpal gzhon nur gyur pa dang/ de dag la sogs pa byang chub sems dpa' brgyad khri bzhi stong dang/ gang dag stong gsum gyi stong chen po'i 'jig rten gyi khams 'di na brgya byin dang/ tshangs pa dang/ 'jig rten skyong ba dang/ de ma yin pa'i lha'i dbang po 'am/ klu'i dbang po 'am/ 
gnod sbyin gyi dbang po 'am/ dri za'i dbang po 'am/ lha ma yin gyi dbang po'am/ nam mkha' lding gi dbang po 'am/ mi 'am ci'i dbang po 'am/ lto 'phye chen po'i dbang po dbang che ba/ dbang che bar grags pa yod pa de dag thams cad kyang 'khor de nyid du 'dus par gyur pa la 
'di lta ste/ klu'i rgyal po ma dros pa zhes bya ba dang/ klu'i rgyal po rgya mtsho dang/ chu lha dang/ gzi can dang/ 'jog po dang/ gser mdog dang/ kha dog mtha' yas dang/ klu'i rgyal po mtshams bzangs dang/ de dag dang gzhan yang klu'i rgyal po 'khor dang </font><hr>39-1-101b<br><font size=+1>
bcas pa brgya stong phrag mang po bcom ldan 'das la blta ba dang/ phyag bya ba dang/ mchod pa dang/ bsnyen bkur bya ba dang/ chos mnyan pa'i phyir 'khor de nyid du 'dus par gyur to/ /lha ma yin gyi dbang po sgra gcan dang/thags zangs ris dang/ lag bzangs dang/ sa la 
dang/ ta la dang/ bde mchog dang/ rab sim dang/ che rab dang/ lha ma yin gyi dbang po gnod sbyin gzhan dang/ de dag dang/ gzhan yang lha ma yin gyi dbang po 'khor dang bcas pa brgya stong mang po bcom ldan 'das la blta ba dang/ phyag bya ba dang/ mchod pa dang/ 
bsnyen bkur bya ba dang/ chos mnyan pa'i phyir 'khor de nyid du 'dus par gyur to/ /rgyal po ma skyes dgra yang btsun mo'i 'khor dang bcas/ rang gi gnyen dang/ 'khor dang bcas te bcom ldan 'das la blta ba dang/ phyag bya ba dang/ mchod pa dang/ bsnyen bkur bya ba 
dang/ chos mnyan pa'i phyir 'khor de nyid du 'dus par gyur to/ /de ma yin pa'i gzhan yang 'khor bzhi po dge slong dang/ dge slong ma dang/ dge bsnyen dang/ dge bsnyen ma rnams kyang bcom ldan 'das la blta ba dang/ phyag bya ba dang/ mchod pa dang/ bsnyen 
bkur bya ba dang/ chos mnyan pa'i phyir 'khor de nyid du 'dus par gyur to/ /sa bla na spyod pa'i lha'i bu rnams dang/ 'dod pa na spyod pa dang/ gzugs na spyod pa dang/ gnas gtsang ma'i ris kyi lha'i bu rnams kyang/ bcom ldan 'das la blta ba dang/ phyag bya ba dang/ 
mchod pa dang/ bsnyen bkur bya ba dang/ chos mnyan pa'i phyir 'khor de nyid du 'dus par gyur to/ /de nas bcom ldan 'das 'khor brgya stong du mas yongs su bskor cing mdun gyis bltas te 'di ltar byang chub sems dpa' sems dpa' chen po rnams kyi tshogs rnam par dag pa'i 
sgo bsdu ba yongs su bkang ba'i phyir chos ston to/ /'di lta ste/ byang chub sems dpa' rnams kyi sbyin pa'i tshogs ni sems can yongs su smin par byed par 'gyur ro/ /byang chub sems dpa' rnams kyi tshul khrims kyi tshogs ni smon lam yongs su rdzogs par 'gyur ro/ /</font><hr>39-1-102a<br><font size=+1>
byang chub sems dpa' rnams kyi bzod pa'i tshogs ni mtshan dang dpe byad bzang po yongs su rdzogs par 'gyur ro/ /byang chub sems dpa' rnams kyi brtson 'grus kyi tshogs ni sangs rgyas kyi chos thams cad yongs su rdzogs par 'gyur ro/ /byang chub 
sems dpa' rnams kyi bsam gtan gyi tshogs ni cang shes kyi sems su 'gyur ro/ /byang chub sems dpa' rnams kyi shes rab kyi tshogs ni nyon mongs pa thams cad spong bar 'gyur ro/ /byang chub sems dpa' rnams kyi chos bstan pa'i tshogs ni spobs pa thogs pa med par 
'gyur ro/ /byang chub sems dpa' rnams kyi bsod nams kyi tshogs ni sems can thams cad nye bar 'tsho bar 'gyur ro/ /byang chub sems dpa' rnams kyi ye shes kyi tshogs ni thogs pa med pa'i ye shes su 'gyur ro/ /byang chub sems dpa' rnams kyi zhi gnas kyi tshogs 
ni sems las su rung bar 'gyur ro/ /byang chub sems dpa' rnams kyi lhag mthong gi tshogs ni the tsom dang bral bar 'gyur ro/ /byang chub sems dpa' rnams kyi byams pa'i tshogs ni zhe 'gras pa med pa'i sems su 'gyur ro/ /byang chub sems dpa' rnams kyi snying rje'i tshogs 
ni yongs su mi skyo ba'i sems su 'gyur ro/ /dga' ba'i tshogs ni chos kyi kun dga' la dga' zhing mos par 'gyur ro/ /btang snyoms kyi tshogs ni rjes su chags pa dang/ khong khro ba spong bar 'gyur ro/ /byang chub sems dpa' rnams kyi chos mnyan pa'i tshogs ni sgrib pa 
spong bar 'gyur ro/ /byang chub sems dpa' rnams kyi mngon par 'byung ba'i tshogs ni yongs su 'dzin pa thams cad 'dor bar 'gyur ro/ /byang chub sems dpa' rnams kyi dgon pa la gnas pa'i tshogs ni byas pa'i las chud mi za bar 'gyur ro/ /dran pa'i tshogs ni gzungs 
thob par 'gyur ro/ /blo gros kyi tshogs ni blo rab tu 'byed par 'gyur ro/ /rtogs pa'i tshogs ni don rtogs pa'i rjes su 'gro bar 'gyur ro/ /dran pa nye bar gzhag pa'i tshogs ni lus dang/ tshor ba dang/sems dang/ chos la so sor rtog par 'gyur ro/ /</font><hr>39-1-102b<br><font size=+1>
yang dag pa'i spong ba'i tshogs ni mi dge ba'i chos thams cad spong ba dang/ dge ba'i chos thams cad yongs su rdzogs par 'gyur ro/ /rdzu 'phrul gyi rkang pa'i tshogs ni lus dang sems yang bar 'gyur ro/ /dbang po lnga'i tshogs ni dbang po mchog dang mchog ma yin pa shes 
par 'gyur ro/ /stobs lnga'i tshogs ni nyon mongs pa can thams cad kyis mi rdzi bar 'gyur ro/ /byang chub kyi yan lag gi tshogs ni chos thams cad ji lta ba bzhin du khong du chud par 'gyur ro/ /lam gyi tshogs ni lam ngan pa thams cad las yang dag par 'da' bar 'gyur ro/ /
bden pa'i tshogs ni mi 'khrugs pa'i chos nyid du 'gyur ro/ /so so yang dag par rig pa'i tshogs ni sems can thams cad kyi the tsom gcod par 'gyur ro/ /rton pa'i tshogs ni gzhan la rag ma las pa'i ye shes su 'gyur ro/ /dge ba'i bshes gnyen gyi tshogs ni 
yon tan thams cad skye ba'i sgor 'gyur ro/ /bsam pa'i tshogs ni 'jig rten thams cad la mi slu bar 'gyur ro/ /lhag pa'i bsam pa'i tshogs ni khyad par du 'gro bar 'gyur ro/ /sbyor ba'i tshogs ni rtsom pa thams cad nyams 'og tu chud par 'gyur ro/ /nang du 
yang dag 'jog gi tshogs ni ji skad thos pa'i chos chud mi gzon par 'gyur ro/ /bsdu ba'i dngos po'i tshogs ni sems can yongs su smin par byed par 'gyur ro/ /dam pa'i chos yongs su 'dzin pa'i tshogs ni dkon mchog gsum gyi rigs rgyun mi gcod par 'gyur ro/ /
bsngo ba la mkhas pa'i tshogs ni sangs rgyas kyi zhing yongs su dag par 'gyur ro/ /byang chub sems dpa' rnams kyi thabs la mkhas pa'i tshogs ni thams cad mkhyen pa'i ye shes da yongs su rdzogs par 'gyur ro/ /de ltar bcom ldan 'das kyis byang chub sems dpa' sems dpa' 
chen po rnams la tshogs rnam par dag pa'i sgo bsdu ba zhes bya ba'i chos kyi rnam grangs rgyas par bshad do/ /tshogs rnam par dag pa'i sgo bsdu ba bstan pa 'di bshad pa'i tshe/ bcom ldan 'das kyi g.yas phyogs na gsang ba pa'i bdag po lag na rdo rje rdo rje thogs nas 'dug par gyur to/</font><hr>39-1-103a<br><font size=+1>
de nas bcom ldan 'das la gsang ba pa'i bdag po lag na rdo rjes 'di skad ces gsol to/ /ji tsam du de bzhin gshegs pas byang chub sems dpa' sems dpa' chen po rnams kyi tshogs rnam par dag pa'i sgo bsdu ba zhes bgyi ba'i chos kyi rnam grangs 'di 
legs par gsungs pa ni bcom ldan 'das ngo mtshar lags so/ /yang bcom ldan 'das kyis ji skad bshad pa'i don bdag gis 'tshal ba ltar na/ bdag 'di snyam bgyid de/ bcom ldan 'das byang chub sems dpa' sems dpa' chen po rnams kyi tshogs de dag thams cad 
ni bsod nams kyi tshogs dang/ ye shes kyi tshogs kyi nang du 'dus shing rjes su zhugs par 'tshal bar bgyi'o/ /de ci'i slad du zhe na/ bcom ldan 'das byang chub sems dpa' sems dpa' chen po rnams kyi bsod nams kyi tshogs ni rnam par bsgrub pa thams cad rnam par 
sgrub po/ ye shes kyi tshogs ni sems can thams cad legs par bshad pas tshim par bgyid do/ /bcom ldan 'das de lta bas na/ byang chub sems dpa' sems dpa' chen pos bsod nams kyi tshogs dang/ ye shes kyi tshogs la brtson par bgyi'o/ /de ci'i 
slad du zhe na/ bcom ldan 'das bsod nams kyi tshogs kyis ni byang chub sems dpa' rnams kyi thabs la mkhas pa'i pha rol tu phyin pa yongs su rdzogs par bgyid do/ /ye shes kyi tshogs kyis ni shes rab kyi pha rol tu phyin pa yongs su rdzogs par bgyid de/ byang chub sems 
dpa'i lam 'di gnyis ni lam thams cad sdud par 'gyur ba lags so/ /byang chub sems dpa' lam la gnas pa ni bdud sdig can gyis thul bar dka'o/ /bdud kyi lam las yang dag par 'das pa'i byang chub sems dpa' ni bla na med pa yang dag par rdzogs pa'i byang chub 
las phyir mi ldog par 'gyur te/ phyir mi ldog pa'i byang chub sems dpa' la ni sangs rgyas bcom ldan 'das rnams de bzhin gshegs pa'i gsang ba thams cad ston te mi 'chab bo/ /de nas byang chub sems dpa' zhi ba'i blo gros kyis gsang ba pa'i bdag po lag na rdo rje la </font><hr>39-1-103b<br><font size=+1>
'di skad ces smras so/ /gsang ba pa'i bdag po khyod ni de bzhin gshegs pa'i zhabs 'bring ba nye ba na 'dug pa yin na gsang ba'i bdag po de bzhin gshegs pa'i gsang ba'i gnas gang nyan thos dang/ rang sangs rgyas thams cad kyis yang ma yin na/ de ma yin pa'i sems can 
tha mal lta smos kyang ci dgos pa las brtsams te/ khyod spobs par gyis shig /de skad ces smras pa dang/ gsang ba pa'i bdag po lag na rdo rjes cang mi smra bas khas blangs so/ /de nas byang chub sems dpa' zhi ba'i blo gros kyis gsang ba pa'i bdag po lag na rdo rjes cang mi smra 
bas khas blangs par rig nas bcom ldan 'das la 'di skad ces gsol to/ /bcom ldan 'das gang dag thos pas byang chub sems dpa' sems dpa' chen po rnams rab tu dga' bar gyur te/ byang chub kyi phyogs kyi chos rnams yang dag par sgrub pa dang/ de bzhin gshegs pa'i 
gsang ba yongs su rdzogs par bgyi ba'i slad du brtson par bgyid par de bzhin gshegs pa'i gsang ba 'khor 'di la 'chad par gsang ba pa'i bdag po lag na rdo rje spro bar mdzad du gsol/ de skad ces gsol pa dang/ bcom ldan 'das kyis gsang ba pa'i bdag po lag na rdo rje la 
'di skad ces bka' stsal to/ /gsang ba pa'i bdag po byang chub sems dpa'i gsang ba dang/ de bzhin gshegs pa'i gsang ba 'khor 'di/ nyan par 'dod de khyod la ngas bskul gyis/de bzhin gshegs pa'i gsang ba las brtsams te 'khor 'dir spobs par gyis shig /
de skad ces bka' stsal pa dang/ gsang ba pa'i bdag po lag na rdo rjes bcom ldan 'das la 'di skad ces gsol to/ /bcom ldan 'das 'di ltar sangs rgyas kyi mthu dang/ sangs rgyas kyi byin gyi rlabs kyis byang chub sems dpa'i gsang ba rnams dang/ de bzhin gshegs 
pa'i gsang ba rnams la gang cung zad 'jug par bgyi ba tsam zhig bstan pa bdag gis bstan par bgyi'o/ /bcom ldan 'das 'di lta ste dper bgyi na mtshan mo mun pa mun gnag gi nang na mar me'i mthus gzugs su gyur pa'i rnam pa thams cad gda' ba de bzhin du/ bcom ldan </font><hr>39-1-104a<br><font size=+1>
'das sangs rgyas kyi mthu dang/ sangs rgyas kyi byin gyi rlabs kyis byang chub sems dpa'i gsang ba rnams dang/ de bzhin gshegs pa'i gsang ba rnams la gang cung zad 'jug par bgyi ba tsam bstan par bgyi'o/ /de nas gsang ba pa'i bdag po lag 
na rdo rjes byang chub sems dpa' sems dpa' chen po zhi ba'i blo gros la 'di skad ces smras so/ /rigs kyi bu de'i phyir ci nas byang chub sems dpa'i gsang ba rnams dang/ de bzhin gshegs pa'i gsang ba rnams thos nas mi dngang/ mi skrag /skrag par mi 'gyur bar 'khor der 
legs par 'khod cig /de nas byang chub sems dpa' sems dpa' chen po zhi ba'i blo gros kyis thams cad dang ldan pa'i 'khor la smras pa/ grogs po dag de bzhin gshegs pas bsam gyis mi khyab pa 'di bzhi gsungs te/ bzhi gang zhe na/ 'di lta ste/ las bsam 
gyis mi khyab pa dang/ glu bsam gyis mi khyab pa dang/ bsam gtan pa bsam gyis mi khyab pa dang/ sangs rgyas bsam gyis mi khyab pa'o/ /yang grogs po dag gang gi phyir bla na med pa yang dag par rdzogs pa'i byang chub mngon par rdzogs par sangs rgyas nas bsam gyis mi 
khyab pa 'di bzhi rnam par bkod de bsam gyis mi khyab pa 'di bzhi'i nang na de bzhin gshegs pa bsam gyis mi khyab pa mchog tu gsungs so/ /grogs po dag de la khyed kyis byang chub sems dpa'i bsam gyis mi khyab pa dang/ de bzhin gshegs pa'i bsam gyis mi khyab pa 
thos nas mi dngang/ mi skrag /skrag par mi 'gyur bar bya'o/ /thos nas lhag par dga' ba dang/ dad pa dang/ mchog tu dga' ba rgya cher bskyed par bya'o/ /de nas byang chub sems dpa' sems dpa' chen po zhi ba'i blo gros kyis ji ltar thams cad dang ldan pa'i 'khor 
de bzhin gshegs pa'i gsang ba nyan pa la mos par gyur cing/ thams cad dang ldan pa'i 'khor gyi dkyil 'khor du lha'i me tog gis pus mo nub tsam du bkram par gyur pa de lta bu'i byin gyi rlabs kyis byin gyis brlabs so/ /de nas gsang ba pa'i bdag po lag na rdo rjes byang chub </font><hr>39-1-104b<br><font size=+1>
sems dpa' sems dpa' chen po zhi ba'i blo gros la 'di skad ces smras so/ /zhi ba'i blo gros de'i phyir shin tu legs par nyon la yid la zung shig dang/ byang chub sems dpa'i gsang ba'i gnas rnams bshad par bya'o/ /zhi ba'i blo gros gang tshun cad bcom ldan 'das 
de bzhin gshegs pa mar me mdzad kyis de bzhin gshegs pa byang chub sems dpar gyur pa na bla na med pa yang dag par rdzogs pa'i byang chub tu lung bstan pa de tshun cad kho bo byang chub sems dpa'i zhabs 'bring na 'dug 'dug na byang chub sems dpa'i lus 'gyur ba'am/ 
lus tshul 'chos pa kho bos nam yang ma mthong ngo/ /ngag 'gyur ba 'am/ ngag gi kha gsag kyang ma thos so/ /sems 'gyur ba 'am/ sems g.yo ba yang ma mthong ngo/ /de lus dang lus kyi spyod lam gyis sems can rnams yongs su smin par byed de tshig tu 
ni mi smra'o/ /sems can yongs su smin par bya ba'i phyir de'i lus kyi spyod lam mtha' yas mu med par snang ste/ zhi ba'i blo gros sems can thams cad kyi lus kyi spyod lam ji snyed pa byang chub sems dpa'i lus kyi spyod lam yang de snyed du lhun gyis grub cing sgrim pa med par 
gnas so/ /'di lta ste/ bsam gtan gyis 'dul ba'i sems can rnams la bsam gtan gyi spyod lam ston to/ /rgyud kyi sgra dang/ glu'i dbyangs kyis 'dul ba'i sems can rnams la rgyud kyi sgra dang/ glu'i dbyangs kyi spyod lam dang/ khye'us 'dul ba'i 
sems can rnams la khye'u'i spyod lam dang/ bu mos 'dul ba'i sems can rnams la bu mo'i spyod lam dang/ bud med kyis 'dul ba'i sems can rnams la bud med kyi spyod lam dang/ skyes pas 'dul ba'i sems can rnams la skyes pa'i spyod lam dang/ gzhon 
nus 'dul ba'i sems can rnams la gzhon nu'i spyod lam dang/ bar mas 'dul ba'i sems can rnams la bar ma'i spyod lam dang/ rgan pos 'dul ba'i sems can rnams la rgan po'i spyod lam dang/ yan lag ma tshang bas 'dul ba'i sems can rnams la yan lag ma tshang ba'i spyod </font><hr>39-1-105a<br><font size=+1>
lam dang/ gdol pa rkang lag chad pas 'dul ba'i sems can rnams la gdol pa rkang lag chad pa'i spyod lam dang/ lkugs pa dang/ 'phye bos 'dul ba'i sems can rnams la lkugs pa dang 'phye bo'i spyod lam dang/ long ba dang/ 'on pas 'dul 
ba'i sems can rnams la long ba dang/ 'on pa'i spyod lam dang/ sems can dmyal ba pa'i gzugs kyis 'dul ba'i sems can rnams la sems can dmyal ba pa'i gzugs kyi spyod lam dang/ dud 'gro'i skye gnas dang gshin rje'i 'jig rten dang mis 'dul ba'i sems 
can rnams la dud 'gro'i skye gnas dang/ gshin rje'i 'jig rten dang mi'i spyod lam dang/ lhas 'dul ba'i sems can rnams la lha'i spyod lam dang/ klu dang/ gnod sbyin dang/ dri za dang/ lha ma yin dang/ nam mkha' lding dang/ mi'am ci dang/ lto 'phye chen pos 
'dul ba'i sems can rnams la klu dang/ gnod sbyin dang/ dri za dang/ lha ma yin dang/ nam mkha' lding dang/ mi'am ci dang/ lto 'phye chen po'i spyod lam dang/ brgya byin gyis 'dul ba'i sems can rnams la brgya byin gyi spyod lam dang/ tshangs pas 'dul ba'i 
sems can rnams la tshangs pa'i spyod lam dang/ 'jig rten skyong bas 'dul ba'i sems can rnams la 'jig rten skyong ba'i spyod lam dang/ 'khor los sgyur bas 'dul ba'i sems can rnams la 'khor los sgyur ba'i spyod lam dang/ dge slong gis 'dul ba'i sems can 
rnams la dge slong gi spyod lam dang/ dge slong mas 'dul ba'i sems can rnams la dge slong ma'i spyod lam dang/ dge bsnyen gyis 'dul ba'i sems can rnams la dge bsnyen gyi spyod lam dang/ dge bsnyen mas 'dul ba'i sems can rnams la dge bsnyen ma'i spyod 
lam dang/ nyan thos kyis 'dul ba'i sems can rnams la nyan thos kyi spyod lam dang/ rang sangs rgyas kyis 'dul ba'i sems can rnams la rang sangs rgyas kyi spyod lam dang/ byang chub sems dpas 'dul ba'i sems can rnams la byang chub sems dpa'i spyod lam </font><hr>39-1-105b<br><font size=+1>
dang/ de bzhin gshegs pas 'dul ba'i sems can rnams la de bzhin gshegs pa'i spyod lam ston te gzugs med pa ni ma gtogs so/ /zhi ba'i blo gros de ltar sems can thams cad kyi gzugs dang/ kha dog dang/ spyod lam ji snyed pa byang chub sems dpa'i gzugs 
dang/ kha dog dang/ spyod lam yang de snyed du lhun gyis grub cing yongs su mi rtog par kun du gnas so/ /de la byang chub sems dpa' rnam par mi rtog cing btang snyoms pa de lus kyis lus kyi spyod lam ston mod kyi lus kyi chos nyid las kyang mi g.yo'o/ /lus 
kyis lus kyi las byed mod kyi lus kyi dben pa yang mi 'dor ro/ /de lus yongs su dag pas lus kyi 'od kyis sems can dmyal ba pa'i sems can thams cad bde bar byed do/ /lus la mi lta bas sha za ba'i sems can ji snyed yod pa sha'i longs spyod gang dang gang 'dod pa de lta bu'i sha 
rnams bdag gi lus las de dag la bstabs nas bdag srog dang phral te sems can de dag la sbyin par byed do/ /khrag 'thung ba rnams la khrag sbyin par byed do/ /rkang za ba rnams la rkang sbyin par byed do/ /gzi byin za ba rnams la gzi byin sbyin par byed do/ /zhi ba'i blo gros 
de ltar sha'i longs spyod ji snyed pa de dag thams cad bdag gi lus las bstabs te srog dang phral nas sems can de dag la sbyin par byed do/ /de'i lus tshad med pa ni chos kyi dbyings tshod med pa'i rjes su 'gro bas mi zad do/ /de'i lus mi zad pa mngon par sgrub pa ni rten cing 'brel par 'byung 
ba mi zad pa mngon par sgrub pas rab tu rig par 'gyur ro/ /de lus kyis sems can rnams yongs su smin par byed de/ gang dag 'dod chags la spyod pa'i sdug pa'i rnam pa dang/ mtshan mar 'dzin pa'i sems can de dag gi mdun du bud med gzugs bzang zhing mdzes pa blta na 
sdug pa ston te/ de la sems can de dag chags pa skyes nas byugs shing kun tu byugs te de dag pang du 'jog go /de dag skyes bu de dag gi pang du song ba dang rnyis shing skams nas 'chi ba'i dus byed do/ /mi gtsang zhing dri mi zhim par gyur pas skyes bu de dag des yid byung nas bor te song </font><hr>39-1-106a<br><font size=+1>
ba dang/ shi ba'i ro de dag nyid las skyes bu de dag bla na med pa yang dag par rdzogs pa'i byang chub las phyir mi ldog par 'gyur ba'i chos bstan pa de lta bu yang 'byung ngo/ /yang zhi ba'i blo gros byang chub sems dpa' de stong gsum gyi stong chen po'i 'jig rten gyi khams 
'di lus kyis khyab par byas te sor mo'i rtse mos yungs 'bru la bya ba bzhin du rin po che'i gdugs kyis khebs par byed do/ /sreg pa'i bskal pa'i me lag pa'i sor mos g.yogs kyang de'i lus nyams par mi 'gyur ro/ /de lus kyis sangs rgyas bcom ldan 'das rnams la mchod cing 
rim gro byed de/ me tog gi gdugs ri rab tsam dag kyang 'bul lo/ /de bzhin gshegs pa rnams la mchod pa bya ba'i phyir me tog gi skon bu dag kyang 'thor ro/ /de bzhin gshegs pa rnams la mchod pa bya ba'i phyir de stong gsum gyi stong chen po'i 'jig rten gyi khams 'di 
spos kyi 'bru mar gyis gang ba'i snod gcig tu mos te/ ri rab tsam gyi snying po 'bar bar byas pa'i mar me 'bar bar byed do/ /de bzhin gshegs pa la mchod pa bya ba'i phyir gang gA'i klung gi bye ma snyed kyi mar me 'bar bar byed do/ /de bzhin gshegs pa la mchod pa bya ba'i phyir rang 
gi lus kyang ras bcos bus dkris nas mar dang 'bru mar gyis bskus te mar me 'bud do/ /de 'bar bar gyur pa'i tshe/ sangs rgyas kyi zhing gang gA'i klung gi bye ma snyed snang ba chen pos khyab par gyur te/ sems can dag gis kyang mthong zhing shes te/ byang chub sems dpa'i khyu mchog 
tu gyur pa de mthong nas kyang sems can tshad med grangs med pa dag ni bla na med pa yang dag par rdzogs pa'i byang chub tu sems bskyed do/ /nga rgyal dang/ rgyags pa dang/ dregs pas rlom pa'i sems can rnams la yang bdag gi gzugs tshan po che chen po dang/ sred med kyi bu dang/ 
lag na rdo rje'i gzugs su ston te/ der sems can de dag sprul pas 'jigs skrag nas byang chub sems dpa' de la mngon par 'dud cing phyag 'tshal lo/ /de la chos kyang nyan par 'dod do/ /gang yang grong khyer chen po dag gi dur khrod chen po srog chags brgya stong du mas gang bar gyur </font><hr>39-1-106b<br><font size=+1>
pa der yang/ byang chub sems dpa' sems dpa' chen po des bdag gi lus chen po shi zhing dus las 'das par ston te/ der yang sems can dud 'gro'i skye gnas su gyur pa de dag gis ci tsam 'dod par sha la zos nas tshe'i mthar phyin te 'chi ba'i dus su gyur cing shi nas bde 'gro mtho ris kyi 
'jig rten du lha'i nang du skye'o/ /de yang de dag gi yongs su mya ngan las 'das pa'i bar gyi rgyur 'gyur ro/ /de ni byang chub sems dpa' de nyid sngon gyi smon lam yongs su dag pa'i phyir te bdag 'chi ba'i dus su gyur nas/ shi ba'i lus la sems can gang dag gis zos pa de dag la de nyid 
mtho ris su skye ba nas yongs su mya ngan las 'da' ba'i bar gyi rgyur gyur cig ces yun ring po nas smon lam btab ste/ tshul khrims dang ldan pa de bsam pa 'grub/ 'dod pa 'grub/ smon pa 'grub bo/ /zhi ba'i blo gros rnam grangs 'dis ji ltar byang chub sems dpa'i lus tshad med 
cing mtha' yas par khyod kyis 'di ltar rig par bya ste/ zhi ba'i blo gros sngon byung ba 'das pa'i dus na 'dzam bu'i gling du gtogs pa nam mkhas bskor ba 'di nyid du grong khyer brgyad khri bzhi stong pa phrag bzhi byung ste/ de na grong dang/ tshong dus dang/ ri khrod stong phrag mang po srog chags bye ba 
khrag khrig brgya stong mang po gnas pa yod de/ zhi ba'i blo gros de'i tshe de'i dus na/ nad chen po'i bskal pa bar ma byung ste/ der sems can dag nad sna tshogs kyis btab par gyur nas phal cher lus shu ba can dang/ lus rnags pa dang/ 'bras dang/ phol mig dang/ me dbal 
dang/ thor bu dang/ rlung dang/ mkhris pa dang/ bad kan gyi nad rnams kyis rgyas par gyur to/ /de'i tshe sman pa stong phrag du ma sems can de dag gi nad de zhi bar bya ba'i phyir brtson par gyur kyang sems can de dag gi nad de bsal bar ma nus so/ /der sems can de dag gis gso 
ba'i dpyad ma rnyed de/ skyabs med rten med nas 'di skad du/ nad 'di las ni thar byed pa/ /lha 'am klu 'am dri za 'am/ /gnod sbyin dang ni mi yang rung/ /mi ma yin pa su zhig yod/ /sdug bsngal 'di las thar byed pa/ /de la nor rnams thams cad gtang/ /rjes su </font><hr>39-1-107a<br><font size=+1>
bstan pa bzhin du bya/ /byas pa dag kyang gzo bar bya/ /zhes ku cho cher bton to/ /zhi ba'i blo gros 'di ltar bcom ldan 'das shAkya thub pa 'di de'i tshe de'i dus na lha'i dbang po brgya byin mig bzangs zhes bya bar gyur te/ des lha'i mig rnam par dag pa mi'i 
las 'das pas sems can de dag nad sna tshogs mang pos btab pa yang mthong/ lha'i rna ba rnam par dag pa mi'i las 'das pas ku cho chen po 'don pa'i sgra yang thos so/ /des de dag mthong zhing thos nas kyang snying rje chen po bskyed de/ de 'di snyam du bdag ci nas sems can gnas 
med pa 'di dag gi gnas su 'gyur bar bya'o/ /skyabs med pa dang/ rten med pa rnams kyi skyabs dang rten du 'gyur bar bya'o snyam du bsams nas des de ma thag tu 'dzam bu'i gling gi dbus na grong khyer chen po ku ru zhes bya ba zhig yod pa dang ha cang yang mi ring ba zhig tu srog chags des pa 
zhes bya bar rdzus te skyes nas steng gi bar snang la 'dug ste 'dzam bu'i gling gi mi thams cad la tshigs su bcad pas bskul pa/ ku ru'i grong khyer nye ba na/ /srog chags des ba zhes bya yod/ /de yi shal sus zos pa/ /de ni nad las thar bar 'gyur/ /'jigs par ma byed skrag 
par ma byed par/ /ji ltar 'dod pa de'i sha long shig /de la khro med gshe med gnod sems med/ /'dzam bu'i gling 'dir de ni sman yin no/ /zhi ba'i blo gros de ltar grong dang/ grong khyer dang/ grong rdal dang/ tshong dus dang/ ri khrod de dag na sems can nad pa ji snyed yod 
pa de dag gis sgra de thos nas grong khyer chen po ku ru ga la ba dang/ srog chags kyi rnam pa des pa ga la ba der song ste phyin nas srog chags des pa'i lus las sha bcad cing bcad cing khyer yang de'i lus la sha zad par ma gyur nas des pas tshigs su bcad pa 'di smras so/ /bden pa gang gis byang chub 
thob 'gyur zhing/ /bdag gi ye shes zad par mi 'gyur ba/ /bden pa des ni bdag gi lus las sha/ /'dir ni nams kyang zad par ma gyur cig /zhi ba'i blo gros de ltar na phyogs bzhi'i sems can nad pa ji snyed yod pa de dag gis srog chags kyi rnam pa des pa'i lus las </font><hr>39-1-107b<br><font size=+1>
sha bcad cing bcad cing khyer yang/ de'i lus las bri ba'am/ gang bar yang mi mngon te yang bcad yang bcad kyang phyir skye bar gyur to/ /zhi ba'i blo gros de ltar sems can ji snyed kyis srog chags kyi rnam pa des pa'i sha zos pa de dag zos ma thag tu nad thams cad zhi bar gyur te/ nad 
med cing bde ba dang/ nyams pa med par gyur to/ /de nas mthar gyis 'dzam bu'i gling gi sems can gyi nad thams cad bsal bar gyur to/ /zhi ba'i blo gros de nas 'dzam bu'i gling gi skyes pa dang/ bud med dang/ khye'u dang/ bu mo dag 'di snyam du sems te srog chags kyi 
rnam pa des pa des bdag cag nad las yongs su thar cing nad med par byas te bde zhing nyams pa med par byas kyis bdag cag gis de la mchod pa'i gnas shig bya'o snyam nas de dag thams cad gcig tu 'dus te srog chags kyi rnam pa des pa ga la ba der song nas thal mo sbyar te srog 
chags kyi rnam pa des pa la tshigs su bcad pas smras pa/ khyod ni bdag cag gnas dang skyabs/ /khyod ni bdag cag sman pa sman/ /khyod la mchod pa gang bgyi ba/ /khyod kyis bdag cag bka' stsol cig /de nas srog chags kyi rnam pa des pas lus de mi snang bar byas te bdag 
gis brgya byin gyi lus su 'dug nas skye bo'i tshogs chen po de la tshigs su bcad pas smras pa/ nga la nor dang zas skom dang/ /gser dang 'bru rnams dgos pa med/ /thams cad lhan cig 'thun par ni/ /dge ba bcu yi las lam srungs/ /sems can kun la phan pa'i phyir/ /
byang chub smon lam brtan pa thob/ /phan pa'i dngos po nyid kyi sems/ /gcig la gcig kyang byams pa bskyed/ /brgya byin las ni tshig 'di thos/ /sems can de dag rab dga' ste/ /shin tu yongs su dag pa yi/ /dge ba bcu yi las lam blangs/ /zhi ba'i blo gros de 
ltar de tshun chad 'dzam bu'i gling thams cad du skyes pa dang/ bud med dang/ khye'u dang/ bu mo de snyed las tha na/ /sems can gcig kyang log par ltung bar song ba mi dran no/ /de tshun chad de dag thams cad shi 'phos te shi ba'i dus byas nas kyang bde 'gro mtho ris kyi </font><hr>39-1-108a<br><font size=+1>
'jig rten du sum cu rtsa gsum gyi lha rnams dang skal ba mnyam par skyes te/ de dag yang lha'i dbang po brgya byin des chos kyi gtam gyis yang dag par dga' bar byas/ yang dag par 'dzin du bcug /yang dag par gzengs bstod nas/ de la kha cig 
gis ni bla na med pa yang dag par rdzogs pa'i byang chub tu sems bskyed do/ /kha cig ni chos rnams la chos kyi mig rdul med cing dri ma dang bral ba rnam par dag go /zhi ba'i blo gros 'di ni byang chub sems dpa'i lus kyi gsang ba dang/ lus kyi las yongs su dag pa ste/ de ltar 
lus gcig yongs su btang bas na sems can tshad med grangs med pa dag yongs su smin par byas so/ /gzhan yang gsang ba pa'i bdag po lag na rdo rjes byang chub sems dpa' zhi ba'i blo gros la 'di skad ces smras so/ /zhi ba'i blo gros byang chub sems dpa'i lus ni 
mi shigs pa/ sra ba/ brtan pa/ 'chi 'pho med pa/ rdzus te skye ba ste/ lus de ni 'jig pas 'dul ba'i sems can rnams 'dul ba'i dbang gi phyir 'jig go /lus mi 'jig pas 'dul ba'i sems can rnams/ 'dul ba'i dbang gi phyir thams cad kyi thams cad du mi 'jig ste/ 
mes mi tshig /mtshon gyis mi tshugs shing/ dngos rdo rje ltar sra zhing brtan te/ mi shigs pa'o/ /zhi ba'i blo gros de ltar byang chub sems dpa' ni lus kyis sems can yongs su smin par byed kyang byang chub sems dpa' mi sems mi rtog ste/ lus la lus kyi dben pa'i mtshan 
nyid kyang rab tu shes so/ /lus kyi dben pa'i mtshan nyid kyis kyang chos kyi dben pa'i mtshan nyid shes so/ /lus kyi dben pa'i mtshan nyid dang chos thams cad kyi dben pa'i mtshan nyid kyang gnyis su mi 'byed de/ lus kyi dben pa'i mtshan nyid kyi mtshan nyid gang yin pa de ni chos kyi 
dben pa'i mtshan nyid kyi mtshan nyid do/ /de ltar na dben pa'i mtshan nyid kyi rjes su 'jug go /de rang gi lus kyi dben pa'i mtshan nyid dang/ sems can thams cad kyi lus kyi dben pa'i mtshan nyid mnyam par byed do/ /de rang gi lus kyi dben pa'i mtshan nyid dang/ sems can </font><hr>39-1-108b<br><font size=+1>
thams cad kyi lus kyi dben pa'i mtshan nyid kyang chos kyi dbyings kyi dben pa'i mtshan nyid du shes so/ /chos phra rab tsam yang mi dmigs pas chos kyi dbyings kyi dben pa'i mtshan nyid dang/ chos thams cad kyi dben pa'i mtshan nyid kyang rjes su 'thob bo/ /de rang gi lus kyi de 
bzhin nyid kyis sems can thams cad kyi lus kyi de bzhin nyid shes so/ /sems can thams cad kyi lus kyi de bzhin nyid kyis rang gi lus kyi de bzhin nyid shes so/ /de rang gi lus kyi de bzhin nyid kyis chos thams cad kyi de bzhin nyid shes so/ /chos thams cad kyi de bzhin nyid kyis sangs 
rgyas thams cad kyi de bzhin nyid shes so/ /de rang gi lus kyi de bzhin nyid kyis 'das pa dang/ /ma 'ongs pa dang/ da ltar byung ba'i de bzhin nyid shes te/ 'das pa'i de bzhin nyid kyang ma 'ongs pa'i de bzhin nyid dang 'gal bar mi byed do/ /'das pa dang/ ma 'ongs pa dang/ da ltar 
byung ba'i de bzhin nyid gang yin pa de phung po dang/ khams dang/ skye mched kyi de bzhin nyid do/ /phung po dang/ khams dang/ skye mched kyi de bzhin nyid gang yin pa de nyid kun nas nyon mongs pa dang/ rnam par byang ba'i de bzhin nyid do/ /kun nas nyon mongs pa dang/ rnam par byang ba'i 
de bzhin nyid gang yin pa de 'khor ba dang mya ngan las 'das pa'i de bzhin nyid do/ /'khor ba dang mya ngan las 'das pa'i de bzhin nyid gang yin pa de mngon par 'du mi byed pa'i de bzhin nyid do/ /mngon par 'du mi byed pa'i de bzhin nyid gang yin pa de mngon par 'du byed pa thams cad kyi de 
bzhin nyid kyang de nyid yin no/ /rigs kyi bu de bzhin nyid ces bya ba ni de kho na nyid dang/ de lta bu nyid dang/ gzhan ma yin pa nyid dang/ mi 'gyur ba nyid dang/ mi 'byung ba nyid dang/ rtsod pa med pa nyid dang/ gzugs med pa nyid do/ /de bzhin nyid la gzugs gang yang med de/ 
gzugs med pa ni de bzhin nyid ces bya'o/ /ji ltar de bzhin nyid gzugs med pa de bzhin du gzugs thams cad kyang gzugs med pa ste/byang chub sems dpa' sems can thams cad lagazugs de ston kyang de bzhin nyid gzugs su mi byed do/ /de gzugs med cing rtsod pa med kyang </font><hr>39-1-109a<br><font size=+1>
lus dang gzugs thams cad kyang ston te de bzhin nyid kyang 'khrugs par mi byed do/ /de bzhin nyid kyi ye shes kyis de bzhin gshegs pa'i sku la rtog go /de bzhin gshegs pa'i sku mnyam pa nyid kyis bdag gi lus mnyam pa nyid la rtog go /lus ni shin tu ma skyes 
pa nyid yin pas na lus thams cad ni lus med par yang dag par mthong ngo/ /lus thams cad ni rten cing 'brel par 'byung bar rab tu shes so/ /shes nas chos kyi sku mngon par sgrub bo/ /de chos kyi sku mngon par bsgrubs pas chos kyi sku nyid du 'gyur te/ phung po dang/ 
khams dang/ skye mched kyi lus ni ma yin no/ /de chos kyi skus rab tu phye bas na mthong bas kyang sems can rnams kyi don byed do/ /thos pa dang/ reg pas kyang sems can rnams kyi don byed do/ /zhi ba'i blo gros 'di lta ste dper na/ sman pa'i rgyal po 'tsho byed kyis rtsi thams 
cad bsdus te/ rtsi'i shing mang po las bu mo'i gzugs bzang zhing mdzes pa/ blta na sdug pa legs par byas te/ legs par zin cing legs par byi dor byas pa de 'ong ba 'am/ 'gro ba 'am/ 'greng ngam/ 'dug gam/ nyal yang rtog pa med cing rnam par rtog pa med do/ /
der nad pa gang btsun pa 'am rgyal po'am/ rgyal po'i blon po chen po'am/ rgyal po'i bu 'am/ tshong dpon nam/ khyim bdag gam/ blon po'am/ rgyal phran gang dag 'ong ba de dag sman pa'i rgyal po 'tsho byed kyis sman gyi bu mo de dang phrad nas de dag phrad ma thag tu nad thams cad byang 
ste/ nad med cing bde la nyams pa med par 'gyur ro/ /zhi ba'i blo gros gang sman pa gzhan la med pa sman pa'i rgyal po 'tsho byed kyi 'jig rten gyi nad gso ba'i shes pa la ltos/ zhi ba'i blo gros de bzhin du byang chub sems dpa' chos kyi skus rab tu phye ba yang sems can bud med 
dang/ skyes pa dang/ khye'u dang/ bu mo 'dod chags dang/ zhe sdang dang/ gti mug gis yongs su gdungs pa ji snyed pa dag gis lus la reg na reg ma thag tu de dag gi nyon mongs pa thams cad rgyun chad par 'gyur ro/ /lus yongs su gdung ba dang bral bar yang </font><hr>39-1-109b<br><font size=+1>
shes so/ /de ni 'di ltar byang chub sems dpa' de nyid kyi sngon gyi smon lam shin tu dag pa'i phyir ro/ /zhi ba'i blo gros chos kyi skus rab tu phye ba'i phyir 'di yang byang chub sems dpa'i lus kyi gsang ba'o/ /zhi ba'i blo gros byang chub sems dpa' chos kyi sku dang ldan pa rnams kyi 
lus ni zas skom gyis bskyed pa ma yin/ kham gyis za ba'i zas kyis kyang lus 'tsho ba ma yin te/ de zas thams cad yongs su shes pa dang ldan pas sems can la snying brtse ba'i phyir zas za'o/ /de zas za yang mid pa ma yin/ za yang khong du 'jug par mi byed do/ /chos kyi sku'i stobs 
kyis mi nyams yongs su mi nyams so/ /zhi ba'i blo gros byang chub sems dpa' chos kyi sku dang ldan pa la skye ba dang/ 'chi 'pho dang/ 'byung ba med kyang sems can yongs su smin par bya ba'i phyir skye ba dang/ 'chi 'pho dang/ 'byung ba yang ston to/ /de 'chi 'pho yang chos thams cad 
la 'chi 'pho med cing mngon par 'du byed pa med par rab tu shes so/ /'byung yang chos thams cad la 'pho ba med par rab tu shes so/ /skye yang chos thams cad la skye ba med par rab tu shes so/ /de chos kyi sku dang ldan/ chos kyi zas dang ldan/ chos kyi stobs dang ldan zhing chos la 
rton pas de bzhin gshegs pa'i sku rab tu shes te/ zhi ba'i blo gros de bzhin gshegs pa'i sku ni nam mkha'i sku/ mi mnyam pa dang mnyam pa'i sku/ 'jig rten gsum po thams cad las bye brag tu 'phags pa'i sku/ sems can thams cad kyi de bzhin nyid dang ldan pa'i sku/ dpe med pa/ 
'dra ba med pa/ dag pa/ dri ma med pa/ kun nas nyon mongs pa med pa'i sku/ rang bzhin gyis 'od gsal ba'i sku/ rang bzhin gyis ma skyes pa'i sku/ rang bzhin gyis ma byung ba'i sku/ sems dang yid dang/ rnam par shes pa dang ma 'brel ba'i sku/ sgyu ma dang/ smig rgyu dang/ 
chu zla'i ngo bo nyid kyi sku stong pa nyid dang/ mtshan ma med pa dang/ smon pa med pa nges par brtags pa'i sku/ phyogs bcu ma lus pa'i nam mkha' khyab pa'i sku/ sems can thams cad la mnyam pa'i sku/ mtha' yas mu med pa'i sku/ 'gyur ba med cing rnam par rtog pa med pa'i sku/</font><hr>39-1-110a<br><font size=+1>
mi g.yo zhing rlom sems med pa'i sku/gnas pa dang/ mi gnas pa dang/ mi g.yo ba thob pa'i sku/ gzugs kyi rang bzhin ma yin pa'i sku/ tshor ba dang/ 'du shes dang/ 'du byed dang/ rnam par shes pa'i rang bzhin ma yin pa'i sku ste/ sa'i khams kyis 
rab tu phye ba ma yin/ chu'i khams kyis ma yin/ me'i khams kyis ma yin/ rlung gi khams kyis kyang rab tu phye ba ma yin te/ ma byung ba kun nas ma byung ba'o/ /'byung ba chen po rnams kyis rab tu phye ba ma yin pa'o/ /'byung ba ma yin/ 'byung ba'i chos ma yin pa'o/ /'jig 
rten thams cad dang mi 'thun pa'o/ /mig las ma byung ba'o/ /rna ba las mi gnas pa'o/ /snas shes par bya ba ma yin pa'o/ /lces rab tu phye ba ma yin pa'o/ /lus dang ldan pa ma yin pa'o/ /yid kyis nye bar sprad pa ma yin pa'o/ /sems dang mi/ 'jug pa'o/ /yid kyi rnam par 
shes pa dang mi 'jug mi ldog rjes su mi 'jug pa ste/ zhi ba'i blo gros de bzhin gshegs pa'i sku ni de 'dra'o/ /de la byang chub sems dpas de bzhin gshegs pa'i sku mnyam pa nyid thob nas/byang chub sems dpa'i spyod pa yongs su dag pa la spyod cing/ stong gsum gyi stong 
chen po'i 'jig rten gyi khams na gling bzhi pa'ang rung 'dzam bu'i gling yang rung/ grong dang/ grong khyer dang/ grong rdal dang/ yul 'khor dang/ pho brang 'khor ji snyed yod pa thams cad du byang chub sems dpa' mthong bar yang byed la bdud thams cad kyis mi mthong bar yang snang 
bar 'gyur ro/ /de mthong bar yang byed la mthong bar snang ba'ang mi byed do/ /mthong bar mi byed pas kyang mthong bar snang ngo/ /mthong ba dang/ thos pa dang/ rtogs pa dang/ rnam par rig pas rab tu phye ba yang ma yin no/ /sems can yongs su smin par byas pas rab tu phye ba 
yin yang lus su gtogs pa'i dran pa nye bar gzhag pa las kyang mi nyams yongs su mi nyams so/ /de lus mi rtag pa dang/ lus sdug bsngal ba dang/ lus bdag med par yang sems can rnams la ston la/ lus kyi zhi ba'i chos nyid kyang rab tu shes so/ /de lus rab tu </font><hr>39-1-110b<br><font size=+1>
dbye ba yang sems can rnams la ston la/ rgyu gang dang/ dmigs pa gang dag gis lus mngon par 'grub pa'i rgyu de dag dang/ dmigs pa de dag kyang/ byed pa po med pa dang/ tshor ba po med par yang dag par rjes su mthong ngo/ /lus rtswa dang/ shing dang/ 
rtsig pa dang/ lam dang/ mig yor lta bur yang rab tu shes shing de lus kyi las yongs su dag par yang sems can rnams la ston te/ zhi ba'i blo gros 'di ni de bzhin gshegs pa mar me mdzad tshun cad/ byang chub sems dpa'i lus kyi gsang ba dang/ lus kyi las yongs su 
dag pa'o/ /de bas lhag par byang chub sems dpa' sems dpa' chen po'i lus kyi las yongs su dag pa bskal pa brgya stong ngam/ de bas kyang lhag par bstan to/ /zhi ba'i blo gros gal te de bzhin gshegs pa nyid kyis byang chub sems dpa'i lus kyi gsang ba gang gA'i klung gi bye 
ma snyed kyi bskal par bstan kyang zad par mi 'gyur te/ byang chub sems dpa'i lus kyi gsang ba bstan pa de ni de tsam du tshad med pa bsam gyis mi khyab bo/ /des pa'i le'u ste dang po'o//  //bam po gnyis pa/ gzhan yang gsang ba pa'i bdag po lag na rdo rjes 
byang chub sems dpa' zhi ba'i blo gros la 'di skad ces smras so/ /zhi ba'i blo gros de la byang chub sems dpa' ngag gi gsang ba dang/ dag gis las yongs su dag pa gang zhe na/ zhi ba'i blo gros sems can rnams kyi skye ba'i gnas ji snyed par byang chub sems dpa'i skyes pa'i rabs kyang de snyed do/ /
byang chub sems dpa'i skyes pa'i rabs ji snyed par sgra la 'jug pa'ang de snyed do/ /sems can de dag gi sgra brjod pa dang/ tshig gi lam brjod pa dang/ nges pa'i tshig dang/ brdadang/ smra ba dang/ yang dag par smra ba dang/ mtshan ma dang/ spyod pa dang/ bde ba dang/ sdug bsngal brjod 
pa ji snyed pa'i sgra la 'jug pa de dag thams cad la byang chub sems dpa'i ye shes mthong ba thogs pa med par 'jug ste/ tha na srin bu dang/ sbrang bu dang/ sha sbrang dang/ sbrang ma dang/ phye ma leb kyi sgra dag la yang ye shes mthong ba 'jug go /sgra'i rnam par rig pa bsgrag pa ji lta bus </font><hr>39-1-111a<br><font size=+1>
sems can de dag gi lus shin tu sbyangs pa dang/ sems shin tu sbyangs pa skye bar 'gyur ba de lta bu'i sgra'i rnam par rig pa bsgrag pa byang chub sems dpa' de'i kha'i sgo nas 'byung ngo/ /de la 'di ni chos nyid yin te de la 'di skad ces bya'o/ /ji ltar sems can mtha' ma 
gang yang med/ /de ltar skyes pa'i rabs te dpag tu med/ /bskal pa brgya snyed bshad kyang mtha' ma med/ /bsam yas de dag ji ltar bshad par bya/ /skyon rnams med pa bdag nyid che ba'i tshig /sems dang bsam pa rgya chen rab ston pa/ /nam mkha' lta bu'i gang med bri med 
pa/ /'on kyang dpe don ldan pa bshad par bya/ /zhi ba'i blo gros byang chub sems dpa'i tshig ni tshangs pa'i sgra skad du 'byin pa dang/ brgya byin gyi sgra skad du 'byin pa dang/ 'jig rten skyong ba'i sgra skad du 'byin pa dang/ lha dang/ klu dang/ gnod sbyin dang/ dri za dang/ lha ma yin dang/ 
nam mkha' lding dang/ mi'am ci dang/ lto 'phye chen po thams cad kyi sgra skad du 'byin pa dang/ sems can thams cad kyi sgra skad du 'byin pa dang yin te/ sems can thams cad kyi bsam pa tshim par byed pa'o/ /de la 'di skad ces bya ste/ bdag nyid chen po rnams kyi ma smad tshig /
gang ba med cing bri med nam mkha' bzhin/ /sems dang bsam pa rgya chen bstan pa dag /de dag brjod pa rnams la nan tan nyon/ /byams la sbyor dang snying rjer 'jug pa dang/ /dga' ba dang ni btang snyoms rab bshad de/ /tshangs pa las kyang 'das pa'i sgra phyung bas/ /legs 
bshad des ni tshangs pa tshim par byed/ /gang dag brgya byin rol mo yid 'ong sgra/ /de dag de yi sgra brjod zil gyis non/ /rol mo sgra dbyangs byung ba de las ni/ /chos rnams rab tu dbye ba dpag med 'byung/ /mi'am ci yi sgra dag gang yod pa/ /de bas de yi sgra mchog phun sum 
tshogs/ /de ni 'dod chags 'bar bar mi byed de/ /de yi tshig gis mi ci dga' bar 'gyur/ /'dod pa'i khams na yid 'ong sgra yod pa/ /rol mo'i sgra dang lha yi sgra mang po/ /chos kyi don 'byor dge bar ldan pa yi/ /de yi tshig gis kun tu tshim par byed/ /mi yi 'dren pa yi ni </font><hr>39-1-111b<br><font size=+1>
tshig thos nas/ /'dod chags zhi zhing zhe sdang rab tu zhi/ /gti mug g.yo dang nga rgyal dregs pa zhi/ /don rnams gtan la phebs shing the tsom med/ /gzugs kyi khams na lha rnams gang gnas pa/ /de dag yid ni de yis tshim par byed/ /mi yi gtso bo'i tshig rnams thos nas ni/ /
'jig rten sangs rgyas gyur ces byang chub tshol/ /klu dbang dri za lto 'phye che rnams kyi/ rol mo sna tshogs sgra yod de dag pas/ /yon tan rgya mtsho ldan pa'i sgra bsgrags pa/ /thams cad rab tu dga' ba rgya chen byed/ /'dzam gling 'di na tha dad phyogs rnams su/ /kun na sgra skad 
mtha' yas gyur mod kyi/ de yi skad kyi rnam pa bsgrags gyur na/ /de thos mi rnams thar pa rjes su 'thob/ /sa bla'i lha dang de bzhin bar snang lha/ /de dag sgra skad 'jug pa ci 'dra ba/ /de ltar de la de yi sgra yang 'jug /rnam par nges bden gtam yang de 'dra'o/ /ngang pa khrung khrung 
ka la ping ka dang/ /rma bya ne tso khu byug shang shang te'u/ /ri skegs dang ni ngur pa kun la kun/ /ji lta'i skad kyis de ni tshim par byed/ /stag dang seng ge de bzhin dom dang spre'u/ /gzig dang byi la ri dgas glang chen bse/ /rta dang khyi dang phag dang 'ug pa kun/ /ji lta'i skad kyis des 
ni tshim par byed/ /gang dag rkang bzhi pa dang rkang gnyis pa/ /rkang mangs dang ni de bzhin rkang med rnams/ /bskul dang chad pas bcad dang phan gdags phyir/ /kun la de yi sgra skad shes pa 'jug /sems can gang dag stong gsum 'jig rten na/ /rab bam 'bring ngam 'on te 
tha ma'am/ /dmyal ba dud 'gro gshin rje'i 'jig rten dang/ /lha mi rnams dang de ni skad kyang 'thun/ /ji ltar rigs par byed pa ston kyang ni/ /mi sems 'du shes med cing rtog pa med/ /mtshan ma med cing 'dzin med 'ching ba med/ /mnyam par bzhag pas sems ni 'khrul 
pa med/ /dag pa'i sems can gal te 'dod na yang/ /de la 'bad dang sems 'dzin med par ni/ /bye ba'i zhing dang de yi gong du yang/ /gang gA'i bye snyed dbyangs kyis go bar byed/ /stong gsum 'jig rten bdud gang ci yod pa/ /de dag de yi 'jigs chen sgra thos nas/ /chung </font><hr>39-1-112a<br><font size=+1>
mar bcas te 'jigs skrag la gor du/ /thal mo sbyar te gus par 'dud par byed/ /sems can gang dag rab tu smra 'dod dang/ /nga rgyal zil non su la'ang mi 'dud pa/ /de dag de yi gsal ba'i tshig thos nas/ /thal mo sbyar te gus par 'dud par byed/ /
'on pa glen pa dag dang lce med dang/ /dig pa rnams dang gang dag skad 'dzer ba/ /de dag de yi legs smras snyan thos nas/ /sgra skad yid du 'ong ba 'byin par byed/ /nyon mongs gdungs shing nyon mongs gzir ba dang/ /nyes pa'i 'gyod pa brgya yis dkris pa rnams/ /de dag de 
yi dge tshig dag thos nas/ /'gyod pa btul bar gyur cing bsil bar gyur/ /sangs rgyas dang ni chos dang dge 'dun sgra/ /mi rtag sgra thos nas ni sems can rnams/ /sbyin dang thos dang tshul khrims bzod pa dang/ /brtson 'grus bsam gtan blo gros rtsom par byed/ /sangs rgyas 
dbyangs dang bar med gang gnas pa/ /mtha' yas dbyangs ldan mtha' yas ye shes can/ /de dag rnams kyi yon tan thams cad ni/ /bskal pa bye mang brjod kyang zad mi nus/ /zhi ba'i blo gros byang chub sems dpa'i ngag ni chags pa'am/ sdang ba 'am/ rmongs pa 'am/ nyon mongs pa 'am/ 
thogs pa 'am/ nye bar thogs pa 'am/ dman pa 'am/ rab tu dman pa 'am/ brlang ba 'am/ zher 'debs pa 'am/ mi rdzogs pa'am/ rtsub pa'am/ rjes su chags pa'am/ khong khro ba'am/ byung rgyal lam/ bag la nyal ba'am/ 'gal bar 'gyur ba'i tshig gam/ nyon mongs 
pa sna tshogs bag la nyal ba 'am/ mi brtan pa 'am/ gcam pa'am/ khengs pa 'am/ 'gying ba'am/ myur ba 'am/ dus ma yin par smra ba 'am/ 'dod pa dang ldan pa 'am/ sdug pa la mngon par dga' bar 'gyur ba 'am/ mngon par che ba 'am/ shin tu chags pa 'am/ /rab tu lhod 
pa 'am/ rab tu dngangs pa 'am/ rab tu ngal ba'am/ dbang po nyams pa 'am/ mdangs nyams pa'am/ /sems nyams pa 'am/ yo ba 'am/ dman pa 'am/ mi gsal ba 'am/ skad sub sub po 'am/ ngor byas te smra 'am/ 'gal bar smra ba 'am/ glags pa 'am/</font><hr>39-1-112b<br><font size=+1>
'byung ba ma yin pa'am/ gshe bar byed pa'am/ gzhan la gnod par 'gyur ba'am/ bdag dang pha rol gdung bar byed pa'am/ tshig blang bar 'os pa ma yin pa'am/ tshig gzung bar 'os pa ma yin pa 'am/ tshig dang ba ma yin pa 'am/ /rigs pa'i tshig ma yin pa'am/ 
'byor ba'i tshig ma yin pa 'am/ mi dge ba'i tshig gam/ yang dag pa ma yin pa'i tshig gam/ gzhogs 'drid zer ba'am/ chos dang mi ldan pa'am/ 'gal ba'am/ gnod pa'am/ dus las yol ba'am/ tshod las 'da' ba'am/ lung bstan pa la thogs pa'am/ tshul 
'chos pa'am/ kha gsag dang ldan pa 'am/ /rnyed pas rnyed pa 'dod pa'i tshig gam/ 'byung ba ma yin pas ston pa'am/ mig 'khrul par gyur pa 'am/ rmongs par 'gyur ba 'am/ som nyi'i tshig gam/ sdud par byed pa'i tshig gam/ mi sdug cing gnad du 'bebs pa'i tshig gam/ 
khyad du gsod pa'i tshig gam/ rang gi phyogs bstod pa'i tshig gam/ gzhan gyi phyogs tshar gcad pa'i tshig gam/ bdag bstod pa la rjes su chags pa'i tshig gam/ gzhan gyi bstod pa la bar du gcod pa smra ba 'am/ thing slad dang/ gzhogs 'drid kyi tshig gam/ gzhan la rab 
tu rlom pa'i tshig gam/ bya ba ma yin pa'i tshig gam/ bya ba dang 'gal ba'i tshig gam/gsang brtol ba'i tshig gam/ ngag bsrungs pa ma yin pa'i tshig gam/ mkhas pas smad pa'i tshig gam/ 'phags pa la skur pa 'debs pa'i tshig gam/ klang 'debs pa'i tshig gam/ 
ngor mngon du stod pa'i tshig gam/ gzhan gyi nyes pa dus ma yin par gleng ba'i tshig gam/ zug rngus gnad du 'debs pa'i tshig gam/ gzhan gyi nyes pa kun rjod pa'i tshig gam/ kha 'og tu lus 'khrus par mi byed pa'i tshig gam/ mngon pa'i nga rgyal gyi brda sprod pa'i tshig gam/ 
las dang 'gal ba'i tshig gam/ rjes su 'thun pa ma yin pa'i tshig mi 'byin to/ /zhi ba'i blo gros yang byang chub sems dpa'i ngag ni sgra'i mngon par shes pa'i ye shes kyi stobs dang/ bsod nams rnam par smin pa'i 'bras bu grub pas bden pa'i rjes su 'brang ba dang ldan pa yin te/</font><hr>39-1-113a<br><font size=+1>
de gang smra ba de de lta bu nyid yin no/ /gal te de shing drung na 'dug gam/ 'chag gam/ 'dug gam/ nyal yang rung/ la la zhig 'ongs nas kye skyes bu shing ljon pa 'di dag la 'dab ma ji snyed cig yod ces zer na de shing ljon pa de la yang mi lta/ 'dab ma la yang mi bgrang bar 
shing ljon pa de la 'dab ma ji snyed yod pa bzhin du mi nyung mi mang bar 'di snyed cig go zhes byang chub sems dpa' de'i ngag 'byung ngo/ /yang gang gA'i bye ma'i 'bru de brgya phrag ji snyed cig yod/ stong phrag ji snyed cig yod/ 'bum phrag ji snyed cig yod/ bye ba phrag ji snyed cig yod/ 
ther 'bum phrag ji snyed cig yod/ khrag khrig phrag ji snyed cig yod/ dkrigs phrag ji snyed cig yod/ gtams phrag ji snyed cig yod/ khyad phyin ji snyed cig yod/ mi 'khrugs pa ji snyed cig yod/ dpag tu med pa ji snyed cig yod/ grangs med pa ji snyed cig yod/ 
gtan pa ji snyed cig yod/ phyin byed phrag ji snyed cig yod/ stobs phrag ji snyed cig yod/ glang po che'i stobs phrag ji snyed cig yod/ bgrang ba phrag ji snyed cig yod ces 'dri na de bye ma de dag la yang mi lta mi bgrang bar bye ma'i 'bru de dag ji snyed yod pa bzhin du 'di snyed cig go /
zhes byang chub sems dpa' de'i ngag 'byung ste/ bye ma de ni de bzhin gshegs pa'i ye shes kyis 'di snyed cig yod do zhes mkhyen pa yin no/ /zhi ba'i blo gros de la de bzhin gshegs pa nyid mngon sum du gyur pa ma gtogs par lha 'am/ klu 'am/ gnod sbyin nam/ dri za 'am/ lha ma 
yin nam/ rlung lha'am/ nam mkha' lding ngam/ mi'am ci 'am/ lto 'phye chen po 'am/ nyan thos sam/ rang sangs rgyas kyi mngon sum ni ma yin no/ /zhi ba'i blo gros rnam grangs 'dis 'di ltar rig par bya ste/ zhi ba'i blo gros sngon byung ba 'das pa'i dus na/ drang srong snang ba zhes bya 
ba zhig byung ste/ de'i dus na bram za sngo sangs zhes bya ba zhig kyang byung ngo/ /yang de'i dus na shing n+ya gro d+ha'i rgyal po bzang po zhes bya ba yal ga dang 'dab ma mang pos yog pa/ khor yug tu tshad rgyang grags gcig yod pa zhig byung ste der drang srong snang ba de gnas so/ /de na gnas pa'i tshe des </font><hr>39-1-113b<br><font size=+1>
mngon par shes pa'i stobs kyis shing n+ya gro d+ha'i rgyal po bzang po de'i yal ga grangs du yod pa/ lo bcu gnyis dang zhag bdun gyi bar du bgrangs te rtogs par byas shes par byas so/ /de nas dus gzhan zhig na bram ze sngo sangs zhes bya ba grong khyer nas kha zas bslangs te/ nyin mo gnas pa'i phyir 
shing n+ya gro d+ha'i rgyal po bzang po zhes bya ba ga la ba der song nas zas kyi bya ba byas te/ drang srong snang ba zhes bya ba ga la ba der song nas mngon sum du yang dag par mgu bar 'gyur ba dang/ yang dag par chags par 'gyur ba'i gtam mang po byas te phyogs gcig tu 'dug go /de nas drang srong 
snang ba zhes bya bas bram ze sngo sangs zhes bya ba la 'di skad ces smras so/ /kye bram ze mi'i 'jig rten sems can gyi ris na gang shing n+ya gro d+ha'i rgyal po 'di'i 'dab ma'i grangs du yod pa rtsi ba 'am/ rtogs par byed pa 'am/ shes par byed nus pa'i sems can 'ga' yod dam/ smras 
pa btsun pa mchis so/ /drang srong gis smras pa/ bram ze de gang yin/ bram zes smras pa/ btsun pa bdag gis bgrang bar bgyi'o/ /drang srong gis smras pa/ kye bram ze de'i phyir grongs shig /de nas bram ze sngo sangs de shing ljon pa de la yang mi lta/ 'dab ma rnams la yang 
mi bgrang bar skad cig la 'dab ma rtogs pa la zhugs nas de'i tshe tshigs su bcad pa 'di dag smras so/ /mi 'khrugs drug cu pang steng phrag /bcu drug dang ni khyad phyin phrag/bcu gsum dang ni dkrigs pa phrag /dgu bcu rtsa drug khrag khrig phrag /sum cu rtsa dgu khrag khrig phrag/ 
sum cu dang ni ther 'bum phrag /brgyad stong dang yang bye ba phrag /dgu bcu rtsa gnyis 'dab 'di mchis/ /bram ze dam pa bdag gis 'tshal/ /de skad thos nas sngo sangs la/ /snang bas smras pa bram ze'i mchog /khyod ni bden pa'i tshig smra ba/ /legs so legs so 'di bden no/ /lo 
ni khyud kor bcu gnyis dang/ /nyi ma bdun du mngon shes kyis/ /'dab ma rnams ni bdag gis bgrangs/ /gtso bo khyod kyis skad cig mkhyen/ /khyed ni gzigs pa mi mdzad cing/ /bgrang ba mi mdzad skad cig tu/ /'dab rtogs pa yi rjes su zhugs/ /mkhyen 'di nyid kyi 'am lha yis bstan/ /</font><hr>39-1-114a<br><font size=+1>
bram ze bdag la don 'di gsungs/ /sngo sangs kyis smras pa/ kye btsun pa gson cig /'di ni lha yis smras min mi yi ste/ /bdag tshig bden pa'i rjes 'brang don bzhin 'jug /nam mkha' zad par grum par 'gyur srid kyi/ kho bo brdzun du smra ba mi 
srid do/ /snang bar gyur pa bdag nyid chen po shA ri'i bu/ /bram ze sngo sangs gyur pa shAkya seng ge ste/ /yon tan rgya mtsho ldan pa rnams kyi ngag 'di 'dra/ /bden la gnas shing don dang chos dang ldan pa yin/ /zhi ba'i blo gros de ltar byang chub sems dpa' rnams ngag yongs su 
dag pa yin te/ 'di ni byang chub sems dpa'i ngag gi gsang ba dang/ ngag yongs su dag pa la 'jug pa cung zad tsam zhig bstan par zad kyi/ de bas gong du bstan na byang chub sems dpa'i ngag yongs su dag pa tshad zin pa 'am mthar phyin par mi 'gyur ro/ /byang chub sems 
dpa'i ngag gi gsang ba'i le'u zhes bya ba ste/ gnyis pa'o// //gzhan yang gsang ba pa'i bdag po lag na rdo rjes byang chub sems dpa' zhi ba'i blo gros la 'di skad ces smras so/ /zhi ba'i blo gros de la byang chub sems dpa'i sems kyi gsang ba dang/ 
sems kyi las yongs su dag pa gang zhe na/ zhi ba'i blo gros 'di la byang chub sems dpa' rnams ni ye shes kyis byas pa'i las rnams byed kyi nga rgyal gyis byas pa rnams mi byed do/ /mngon par shes pa las kyang ma nyams la ye shes kyis byas pa'i las rnams kyang byed do/ /
mngon par shes pa kyang rnam par rtsen la bya ba thams cad kyang ston to/ /mngon par shes pa la yang gnas la 'jug pa chen po la yang gnas so/ /de dag gi mngon par shes pa de ni ye shes kyi rnam pa ste rnam pa thams cad kyi mchog dang ldan pa'o/ /de dag gi mngon par shes pa de 
ni shes rab kyi rnam pa ste chos thams cad mngon sum du mthong ba'o/ /de dag gi mngon par shes pa de ni mi zad pa'i rnam pa ste thams cad kyi rjes su 'brang ba'o/ /de dag gi mngon par shes pa de ni gzugs thams cad gzugs ma yin pa'i phyir gzugs thams cad mthong ba'o/ /de dag </font><hr>39-1-114b<br><font size=+1>
gi mngon par shes pa de ni sngon gyi mtha' dang/ phyi ma'i mtha'i sgra mnyam pa nyid kyi phyir sgra thams cad kyi rjes su song ba'o/ /de dag gi mngon par shes pa de ni sems can thams cad kyi sems la lta ba dang/ sems kyi rang bzhin la so sor rtog cing lta ba'o/ /de dag gi mngon par 
shes pa de ni bskal pa mtha' yas pa rjes su dran pa dang/ sngon gyi mtha' dang phyi ma'i mtha' yongs su ma chad pa'o/ /de dag gi mngon par shes pa de ni rdzu 'phrul dang/ rnam par 'phrul pa thams cad mngon du gyur cing mngon par 'du bya ba med pa'i mtshan nyid do/ /de dag gi mngon 
par shes pa de ni zag pa zad pa'i rjes su 'thun pa dang/ dus la lta zhing dus las mi yol ba'o/ /de dag gi mngon par shes pa de ni 'jig rten las 'das pa 'phags pa la mngon par phyogs pa'i nges par 'byed pa'i cha dang 'thun pa'o/ /de dag gi mngon par shes pa de ni nyan thos 
dang/ rang sangs rgyas thams cad kyis rtogs par dka' ba'o/ /de dag gi mngon par shes pa de ni don zab cing bdud phyir rgol ba bcom pa'o/ /de dag gi mngon par shes pa de ni byang chub kyi snying po sgrub cing sangs rgyas kyi chos thams cad mngon par rdzogs par byang chub pa'i 
mchog go /de dag gi mngon par shes pa de ni chos kyi 'khor lo skor ba dang 'thun pa'o/ /de dag gi mngon par shes pa de ni sems can thams cad 'dul bar byed pa'o/ /de dag gi mngon par shes pa de ni chos thams cad la dbang byed pa'i phyir dbang bskur ba thob pa'o/ /zhi 
ba'i blo gros 'di ni byang chub sems dpa'i sems kyi las yongs su dag pa'o/ /sems yongs su dag pa de nyon mongs pa med cing yongs su byang ba dang/ 'od gsal ba dang/ nye ba'i nyon mongs pa dang bral ba dang/ rab tu dul ba dang/ legs par sbyangs pas bsam gtan dang/ 
rnam par thar pa dang/ ting nge 'dzin dang/ snyoms par 'jug pa la mnyam par 'jog kyang shin tu zad pa dang mi skye ba nyid du ltung ba yang ma yin bsam bzhin du yang 'dir skye la 'dod pa'i khams na 'khrugs pa yang med/ bcings bzhin du skye ba yang ma yin/ bcings bzhin </font><hr>39-1-115a<br><font size=+1>
du 'chi 'pho ba yang ma yin/ bcings bzhin du 'byung ba yang ma yin no/ /de ci'i phyir zhe na/ de ni yang dag pa ma yin pa kun du rtog pa las grol ba'o/ /kun nas nyon mongs pa'i 'ching ba las grol ba'o/ /phyin ci log tu 'dzin pa la gnas pa las 
grol ba'o/ /des na de grol bzhin du skye'o/ /grol bzhin du 'chi 'pho'o/ /grol bzhin du 'byung ngo/ /de skye yang theg pa chen po las nyams pa med la sangs rgyas kyi chos thams cad kyis kyang phun sum tshogs so/ /phyogs bcur sangs rgyas kyi chos de dag yongs su tshol yang 
mi rnyed mi dmigs so/ /des sangs rgyas kyi chos rnams dang/ chos thams cad kyang sangs rgyas kyi chos su rtogs so/ /de ltar na sangs rgyas kyi chos dang chos thams cad kyang chos ma yin la chos ma yin pa yang ma yin par khas len to/ /de ci'i phyir zhe na/ chos 
thams cad ni kun du btsal na yang mi rnyed do/ /mi dmigs so/ /chos gang yang dag pa ji lta ba bzhin du btsal na mi rnyed cing mi dmigs pa de la ni bgrang ba gang yang med de/ chos thams cad ni bgrang ba'i lam las yang dag par 'das pa'o/ /gang chos thams 
cad mnyam pa nyid du shes pa de ni chos sam chos ma yin pa la mngon par zhen pa med de mngon par zhen pa med pa ni chos rnams kyi don to/ /don la rlom sems su byed pa gang yin pa de nyid de'i gnod pa chen por 'gyur ro/ /gang yang rlom sems med pa la ni don nam don ma yin pa 
de'i mdun na mi 'dug go /don du mi lta ba'i blo ni gang du yang thogs pa med do/ /de ni blo thogs pa med pa'o/ /gang blo thogs pa med pa de ni chags pa med pa'o/ /gang chags pa med pa de ni rgyun chad pa med pa'o/ /gang rgyun chad pa med pa de ni nyams pa med pa'o/ /gang 
nyams pa med pa de'i btsal ba don med par mi 'gyur ro/ /gang gi btsal ba don med par mi 'gyur ba de la skyon med do/ /gang la skyon med pa de la bdag gi ba med do/ /gang la bdag gi ba med pa de la yongs su 'dzin pa med do/ /gang la yongs su 'dzin pa med pa de la rtsod pa med do/</font><hr>39-1-115b<br><font size=+1>
gang la rtsod pa med pa de la 'gyed pa med do/ /gang la 'gyed pa med pa de ni mi rtsod pa ste dge sbyong gi chos dang ldan pa zhes bya'o/ /gang dge sbyong gi chos dang ldan pa de nam mkha' dang lag mthil du mnyam pa'o/ /gang nam mkha' dang lag mthil du mnyam pa de ni 'dod pa'i khams su 
mi gtogs/ gzugs kyi khams su mi gtogs/gzugs med pa'i khams su mi gtogs so/ /gang thams cad du gtogs pa ma yin pa de la ni kha dog med/ rtags med/ dbyibs med do/ /gang la kha dog med/ rtags med/ dbyibs med pa de ni de 'dra ba nyid rjes 
su rtogs so/ /de ci 'dra ba rjes su rtogs pa de 'dra ba nyid rab tu rtogs so/ /ci'i phyir rjes su rtogs pa dang/ rab tu rtogs pa zhes bya zhen/ de la rjes su rtogs par bya ba 'am/ rab tu rtogs par bya ba'i chos phra rab tsam yang mi dmigs pas de'i phyir rjes su rtogs pa dang/ 
rab tu rtogs pa zhes bya ste/ zhi ba'i blo gros 'di yang byang chub sems dpa'i sems kyi gsang ba'o/ /zhi ba'i blo gros gzhan yang byang chub sems dpa'i sems kyi gsang ba ni gang byams pa yang yin la/ bdag med pa nyid kyang yin/ snying rje yang yin la/ sems can med pa nyid 
kyang yin/ dga' ba yang yin la/ srog med pa nyid kyang yin/ btang snyoms kyang yin la/ gang zag med pa nyid kyang yin/ sbyin pa yang yin la/ sems dul ba nyid kyang yin/ tshul khrims kyang yin la/ sems zhi ba nyid kyang yin/ bzod pa yang yin la/ sems mi zad 
pa nyid kyang yin/ brtson 'grus kyang yin la/ sems dben pa nyid kyang yin/ bsam gtan yang yin la/ sems nges par sems pa nyid kyang yin/ shes rab kyang yin la/ rgyu ba med pa'i sems nyid kyang yin/ dran pa nye bar gzhag pa rnams kyang yin la/ dran pa yid la byed pa 
med pa'i sems nyid kyang yin/ yang dag par spong ba rnams kyang yin la/ yang dag par sems mnyam pa nyid kyang yin/ rdzu 'phrul gyi rkang pa rnams kyang yin la/ spros pa med pa'i sems nyid kyang yin/ dad pa yang yin la/ chags pa med pa'i sems nyid kyang yin/</font><hr>39-1-116a<br><font size=+1>
brtson 'grus kyang yin la/ lhun gyis grub pa'i sems nyid kyang yin/ dran pa yang yin la/ rang byung gi sems nyid kyang yin/ ting nge 'dzin kyang yin la/mnyam pa nyid shes pa'i sems nyid kyang yin/ shes rab kyi dbang po yang yin la/ dbang po med pa'i 
sems nyid kyang yin/ dbang po rnams kyang yin la/ chos thams cad la dbang po med pa'i sems nyid kyang yin/ stobs rnams kyang yin la/ mi rdzi ba'i sems nyid kyang yin/ byang chub kyi yan lag rnams kyang yin la/ blos rab tu 'byed pa'i sems nyid kyang yin/ lam 
sgom pa nyid kyang yin la/ sgom pa med pa'i sems nyid kyang yin/ zhi gnas kyang yin la/ sems nye bar zhi ba nyid kyang yin/ lhag mthong yang yin la/ rjes su mi mthong ba'i sems nyid kyang yin/ 'phags pa'i bden pa sgom pa yang yin la/ shin tu yongs su shes pa'i sems 
nyid kyang yin/ sangs rgyas yid la byed pa yang yin la/ yid la byed pa med pa'i sems nyid kyang yin/ chos yid la byed pa yang yin la/ /chos kyi dbyings su mnyam pa'i sems nyid kyang yin/ dge 'dun yid la byed pa yang yin la/ mi gnas pa'i sems nyid kyang yin/ sems 
can yongs su smin par yang byed la/ gzod ma nas dag pa'i sems nyid kyang yin/ dam pa'i chos yongs su 'dzin pa yang yin la/ chos kyi dbyings dang dbyer med pa'i sems nyid kyang yin/ sangs rgyas kyi zhing yongs su dag pa yang yin la/ sems nam mkha' dang mnyam 
pa nyid kyang yin/ mi skye ba'i chos la bzod pa yang yin la/ mi dmigs pa'i sems nyid kyang yin/ phyir mi ldog pa'i sa yang yin la/ ldog pa dang 'jug pa med pa'i sems nyid kyang yin/ mtshan rab tu thob pa yang yin la/ mtshan ma med pa'i sems nyid kyang yin/ 
byang chub kyi snying po'i rgyan nyid kyang yin la/ khams gsum gyi snying po'i sems nyid kyang yin/ bdud tshar gcod pa yang yin la/sems can thams cad la phan 'dogs pa'i sems nyid kyang yin/ byang chub kyang yin la/ chos thams cad ni dngos po med par khong du </font><hr>39-1-116b<br><font size=+1>
chud pa'i sems nyid kyang yin/ chos kyi 'khor lo skor ba yang yin la/ mi 'jug mi ldog pa'i sems nyid kyang yin/ yongs su mya ngan las 'das pa chen po yang ston la/ 'khor ba'i rang bzhin dang mnyam pa'i sems nyid kyang yin te/ zhi ba'i blo gros 'di ni bzod pa thob pa'i 
byang chub sems dpa' sems kyi gsang ba dang/ sems kyi las yongs su dag pa'o/ /sems dag pa des sems can thams cad kyi sems yongs su dag par rtogs te/ sems can thams cad kyi sems la byang chub kyi sems de rjes su zhugs pa yin no/ /byang chub kyi 
sems de la sems can thams cad kyi sems kyang snang bar gyur pa yin no/ /zhi ba'i blo gros/ 'di lta ste dper na nam mkha' ni thams cad kyi rjes su song ba dang/ thams cad kyi rjes su zhugs pa yin no/ /zhi ba'i blo gros de bzhin du byang chub sems dpa'i sems ni thams cad kyi 
rjes su song ba dang thams cad kyi rjes su zhugs pa yin no/ /gsang ba pa'i bdag po lag na rdo rjes byang chub sems dpa'i lus dang/ ngag dang/ sems kyi gsang ba bstan pa 'di bshad pa na/ lha dang mi'i skye dgu'i srog chags las stong phrag bdun khri nyis stong gis bla na med pa yang dag 
par rdzogs pa'i byang chub tu sems bskyed do/ /byang chub sems dpa' sum khri nyis stong gis ni mi skye ba'i chos la bzod pa thob par gyur to/ /srog chags brgyad khri bzhi stong ni chos rnams la chos kyi mig rdul med cing dri ma dang bral ba rnam par dag go /dge slong brgyad stong ni len pa 
med par zag pa rnams las sems rnam par grol lo/ /stong gsum gyi stong chen po'i 'jig rten gyi khams 'di yang rnam pa drug tu rab tu g.yos te/ 'jig rten gyi khams 'di thams cad snang ba chen pos khyab par gyur te/steng gi bar snang las kyang me tog gi char mngon par bab bo/ /
ma bskyod par sil snyan dang rol mo'i sgra stong snyed rab tu grag par gyur te/ sil snyan dang rol mo'i sgra de dag las kyang gang gsang ba pa'i bdag po lag na rdo rjes bstan pa 'di nyan pa dang/ thos nas kyang 'dzin cing mos par byed pa dang/ 'chang ba dang/ klog pa dang/ kun chub </font><hr>39-1-117a<br><font size=+1>
par byed pa dang/ gzhan dag la yang rgya cher yang dag par rab tu ston pa'i sems can de dag ni byang chub kyi sems la rmongs pa med pa'i bsam pa dang ldan te/ dge ba'i rtsa ba chung ngu dang ldan ba ma yin no/ /de dag ni sangs rgyas mang po la bsnyen bkur byas par 
rig par bya ste/ dge ba'i rtsa ba bskyed pa/ bsod nams kyi tshogs kyis nye bar brtan pa'o/ /sems can de dag ni sems can thams cad la phan thogs par gyur pa yin te sems can de dag ni lung bstan pa'i sa thob par 'gyur ro zhes de lta bu'i sgra byung ngo/ /byang chub sems 
dpa'i sems kyi gsang ba'i le'u zhes bya ste gsum pa'o//  //de nas bcom ldan 'das kyis byang chub sems dpa' sems dpa' chen po zhi ba'i blo gros la bka' stsal pa/ zhi ba'i blo gros/ sil snyan dang/ rol mo'i sgra las 'di lta bu'i sgra byung ba khyod kyis thos 
sam/ gsol pa/ bcom ldan 'das thos lags te 'di lta bu'i sgra byung ba de su'i mthu lags/ bcom ldan 'das kyis bka' stsal pa/ zhi ba'i blo gros 'di ni 'jig rten gyi khams sprin ldan zhes bya ba na bcom ldan 'das de bzhin gshegs pa sprin dbyangs rgyal po zhes bya ba'i 
drung nas byang chub sems dpa' sems dpa' chen po sgra dbyangs bsgrags pa zhes bya ba nga la blta ba dang/ phyag bya ba dang/ mchod pa dang/ bsnyen bkur bya ba dang/ chos mnyan pa dang/ lag na rdo rjes bstan pa'i chos kyi rnam grangs 'di yang mnyan pa dang/ byang chub sems 
dpa' sems dpa' chen po phyogs bcu nas 'dus pa 'di dag la yang blta ba'i phyir 'jig rten gyi khams mi mjed 'dir 'ongs te/ zhi ba'i blo gros byang chub sems dpa' sgra dbyangs bsgrags pa zhes bya ba de lus mi snang bar steng gi bar snang la gnas nas nga dang chos kyi rnam grangs 'di la 
mchod pa'i phyir 'di lta bu'i me tog gi char mngon par 'bebs shing sil snyan dang rol mo'i sgra yang rab tu phyung nas sil snyan dang rol mo'i sgra de dag las sgra 'di lta bu byung ngo/ /bcom ldan 'das kyis gsung de skad bka' stsal nas/ ring po ma lon par de nas byang chub sems </font><hr>39-1-117b<br><font size=+1>
dpa' sgra dbyangs bsgrags pa zhes bya ba bar snang de las babs nas bcom ldan 'das kyi zhabs gnyis la mgo bos phyag 'tshal te/lan brgya stong bskor ba byas nas/ bcom ldan 'das kyi spyan sngar 'dug ste/ bcom ldan 'das la 'di skad ces gsol to/ /bcom ldan 'das 
de bzhin gshegs pa sprin dbyangs rgyal pos bcom ldan 'das la snyun gsol te/ gnod pa chung ngam/ nyam nga ba nyung ngam/ bskyod pa yang ngam/ stobs dang bde ba la reg par gnas sam/ zhes snyun gsol lo/ /yang bcom ldan 'das de 'di skad du/ 'di lta 
ste sangs rgyas kyi mthus/ gsang ba pa'i bdag pos bstan pa chen po 'di bstan to zhes gsung ngo/ /bcom ldan 'das 'di 'dra ba'i spyod pas sangs rgyas kyi chos tshad ma mchis pa thob par rngo thog lags sam/ de nas bcom ldan 'das kyis byang chub sems dpa' sgra dbyangs 
bsgrags pa la 'di skad ces bka' stsal to/ /rigs kyi bu khyod legs par 'ongs so/ /khyod 'dir 'ongs pa legs so/ /khyod kyis de bzhin gshegs pa'i gsang ba bsam gyis mi khyab pa'i le'u gsang ba pa'i bdag po las thos par 'gyur ro/ /sgra dbyangs bsgrags pa 'ongs 
pa'i le'u zhes bya ste bzhi pa'o//  //de nas 'khor de las byang chub sems dpa' kha cig 'di snyam du sems te/ gsang ba pa'i bdag po 'dis dge ba'i rtsa ba gang du bskyed/ sangs rgyas bcom ldan 'das ji snyed cig la 'dis bsnyen bkur byas/ 'dis 
smon lam ci 'dra ba zhig btab na gang gi phyir 'di 'dra ba'i spobs pa dang ldan par gyur snyam mo/ /de nas bcom ldan 'das kyis byang chub sems dpa' de dag gi sems kyi rtog pa thugs kyis mkhyen nas byang chub sems dpa' zhi ba'i blo gros la bka' stsal pa/ zhi ba'i blo gros sngon byung ba 'das 
pa'i dus na bskal pa grangs med pa'i yang ches grangs med pa/ rgya chen po tshad med pa bsam gyis mi khyab pa/ dpag tu med par gyur pa de'i tshe de'i dus na bskal pa mdzes par snang ba zhes bya ba la 'jig rten gyi khams rnam par brgyan pa zhes bya bar/ de bzhin gshegs pa dgra bcom pa yang </font><hr>39-1-118a<br><font size=+1>
dag par rdzogs pa'i sangs rgyas rig pa dang zhabs su ldan pa/ bde bar gshegs pa 'jig rten mkhyen pa/ skyes bu 'dul ba'i kha lo sgyur ba bla na med pa lha dang mi rnams kyi ston pa/ sangs rgyas bcom ldan 'das yon tan mtha' yas rin chen sna tshogs bkod pa'i rgyal 
po zhes bya ba 'jig rten du byung ngo/ /zhi ba'i blo gros 'jig rten gyi khams rnam par brgyan pa de yang 'byor pa/ rgyas pa/ bde ba/ lo legs pa/ nyams dga' ba/ lha dang mi mang pos gang ba/ lag mthil ltar mnyam par gyur pa/ gseg ma dang gyo mo med pa/ rtswa dag der skyes pa 
yang 'jam pa gos ka tsa lin di ka ltar reg na bde ba/ rma bya'i mgrin pa ltar sngo zhing g.yung drung 'khyil bar g.yas su 'khyil pa/ kha dog dang ldan pa/ dri dang ldan pa/ yid du 'ong ba/ gom pa bor na sor bzhi thur du dma' ba/ rkang pa bteg na sor bzhi gyen du mtho ba/ ha cang yang mi 
grang/ ha cang yang mi tsha ba'i rlung chung ngu bsil ba/ 'dod pa dang 'thun par ldang ba'o/ /sa chen po de yang bai dUr+ya sngon pos brgyan pa'o/ /sems can de rnams kyang rnam pa bzang zhing mkhas pa dang ldan par gyur te/ 'dod chags dang/ zhe sdang dang/ gti mug chung ba/ nyon mongs pa 
thams cad chung ba/ legs par bshad pa'i don kun shes par byed nus pa'i mthu dang ldan pa sha stag go /bcom ldan 'das yon tan mtha' yas rin chen sna tshogs bkod pa'i rgyal po de bzhin gshegs pa de'i nyan thos kyi dge slong gi dge 'dun ni khrag khrig phrag bcu gnyis yod do/ /
byang chub sems dpa'i dge 'dun ni bye ba phrag sum cu rtsa gnyis yod do/ /de'i sku tshe'i tshad ni lo bye ba phrag sum cu rtsa drug thub bo/ /mi rnams kyang dus ma yin par blo bur du 'chi ba med do/ /zhi ba'i blo gros de'i tshe de'i dus na rnam par brgyan pa'i 'jig rten gyi khams de na/ mdzes par 
snang ba zhes bya ba gling bzhi pa'i 'jig rten bar ma rab tu 'byor ba/ rgyas pa/ bde ba/ rab tu lo legs pa/ yangs shing tha gru che ba byung ste/ gling bzhi pa re re yang dpag tshad brgyad khri bzhi stong brgyad khri bzhi stong par gyur to/ /der grong khyer chen po yang bar bar na dpag tshad gcig </font><hr>39-1-118b<br><font size=+1>
yod pa/ grong dang/ tshong 'dus dang/ ri khrod stong gis bskor ba byung ngo/ /zhi ba'i blo gros gling bzhi pa mdzes par snang ba de'i dbus na pho brang grong khyer rnam par dag pa can zhes bya ba yangs shing rgya che ba/ byang dang lhor ni dpag tshad drug cu rtsa bzhi/ shar dang nub tu ni 
dpag tshad bzhi bcu rtsa gnyis yod pa/ skyed mos tshal khris rab tu brgyan pa/ grong dang/ tshong 'dus dang/ ri khrod khris kun nas bskor ba yod do/ /zhi ba'i blo gros rgyal po'i pho brang rnam par dag pa can zhes bya ba der 'khor los sgyur ba'i rgyal po yul 'khor srung zhes bya ba rin 
po che sna bdun dang ldan pa/ gling bzhi la dbang ba/ sngon gyi rgyal ba la lhag par bya ba byas pa/ dge ba'i rtsa ba bskyed pa/ bsod nams kyi gzi brjid kyis gzi dang ldan pa/ bla na med pa yang dag par rdzogs pa'i byang chub las phyir mi ldog pa zhig byung ngo/ /zhi ba'i blo gros rgyal 
po yul 'khor srung gi grong khyer gyi dbus na khang pa rgya che zhing yangs pa chu zheng du dpag tshad bcu drug yod pa rin po che sna bdun gyi ra ba rim bdun dang/ rta babs dang/ dril bu g.yer ka'i dra ba rim bdun gyis kun nas bskor ba brtsigs so/ /ra ba'i nang na skyed mos tshal chen 
po bzhi byas te/ 'di lta ste/ me tog sna tshogs zhes bya ba'i skyed mos tshal chen po dang/ yon tan gyis mngon par dga' ba zhes bya ba dang/ rma byas mngon par dga' ba zhes bya ba dang/ dus kyi bde ba zhes bya ba'o/ /rdzing khyon dpag tshad phyed pa rin po che'i kha khyer gyis 
bskor ba 'dzam bu chu bo'i gser gyi glegs ma'i 'bab stegs can/ gser gyi bye ma bdal ba/ yan lag brgyad dang ldan pa'i chus gang ba/ rin po che'i pad mas kun nas khebs pa/ ngang ba dang/ chu skyar dang/ bya gag dang/ ngur pa dag sgra 'byin pa bzhi byas te/ 'di 
lta ste dga' ba zhes bya ba dang/ dga' mchog ces bya ba dang/ spos mchog ces bya ba dang/ chu rgyun rjes su 'bab pa zhes bya ba'o/ /zhi ba'i blo gros rgyal po yul 'khor srung gi btsun mo'i 'khor bdun 'bum yod de thams cad kyang mtshan dang ldan pa'i na chung bud med rin po che'i longs </font><hr>39-1-119a<br><font size=+1>
spyod dang 'dra ba sha stag go /de dag thams cad kyang bla na med pa yang dag par rdzogs pa'i byang chub tu yang dag par rab tu zhugs par gyur pa dag go /de la bu stong du tshang ba yod de/ dpa' ba/ rtul phod pa/ yan lag mchog gi gzugs dang ldan pa/ pha rol gyi 
sde rab tu 'joms pa/ skyes bu chen po'i mtshan nyi shu rtsa brgyad kyis brgyan pa/ lhag pa'i bsam pas bla na med pa yang dag par rdzogs pa'i byang chub tu zhugs pa sha stag go /zhi ba'i blo gros de'i tshe de'i dus na bcom ldan 'das yon tan mtha' yas rin chen sna tshogs bkod pa'i rgyal po de bzhin 
gshegs pa de rnam par dag pa dang ldan pa'i rgyal po'i pho brang 'khor du rten cing bzhugs te/ rgyal po dang/ rgyal po'i blon po chen po dang/ bram ze dang/ khyim bdag dang/ grong rdal ba dang/ yul 'khor gyi mis bsti stang byas/ bla mar byas/ ri mor byas/ mchod pa byas so/ /
zhi ba'i blo gros rgyal po yul 'khor srung gis bcom ldan 'das yon tan mtha' yas rin chen sna tshogs bkod pa'i rgyal po de bzhin gshegs pa de la dge slong gi dge 'dun dang thabs cig tu lo bye ba tshang bar yid du 'ong ba'i bza' ba dang/ btung ba dang/ na bza' dang/ gtsug lag khang 
dang/ 'chag sa'i longs spyod kyis bsnyen bkur byas te/ dge slong re re la yang rim gro bya ba dang spyod pa'i phyir g.yog gsum gsum phul lo/ /zhi ba'i blo gros rgyal bu gzhon nu de dag kyang de bzhin gshegs pa la bsti stang bya ba dang/ mchod pa bya bar mos pa dang/ chos mnyan 
pa don du gnyer bas bag yod par gyur te/ 'dod pa'i yon tan don du mi gnyer ro/ /de dag bag yod cing dam pa'i chos nyan pa dang/ sems kyis nges par sems pas ring po ma lon par mngon par shes pa lnga bskyed par gyur to/ /de dag bskyed nas steng gi bar snang las ngang pa'i rgyal po 
bzhin du skyed mos tshal nas skyed mos tshal dang/ grong khyer nas grong khyer dang/ tshong 'dus nas tshong 'dus dang/ gling bzhi pa'i 'jig rten gyi khams thams cad du mthar gyis rgyu zhing tshigs su bcad pa 'di dag smras so/ /sangs rgyas 'byung ba brgya lam rnyed par 'gyur/ /mir skye ba yang </font><hr>39-1-119b<br><font size=+1>
shin tu dka' ba rnyed/ /grogs po gang dag dad dang chos mnyan pa/ /'di 'dra bskal pa brgyar yang rnyed par dka'/ /mi dbang rgyal po de ni da byung ste/ /rab tu zhi bar 'gro ba'i chos ston gyis/ /bde bar gshegs pa de yi drung du deng/ /chos thos nas ni bde 'gror 'gro bar gyis/ /
chos thos pas ni ngan 'gro rnam par spong/ /chos thos pas ni bzang 'gror 'gro bar 'gyur/ /chos thos pas ni nyon mongs rnams kyang zhi/ /bsil ba'i dngos po dam pa thob par 'gyur/ /de dag tshigs bcad 'di dag rab brjod pas/ /sa 'di rnam pa drug tu rab tu g.yos/ /lha 
rnams a la la zhes lan brgya smra/ /lha yi me tog yid 'ong char du bab/ /ston pa blta phyir gang dag bskul ba rnams/ /rkang gnyis mchog gi zhabs la phyag 'tshal nas/ /de dag thal sbyar gus bcas 'khod gyur pa/ /de dag bgrang bas dpag par mi nus so/ /rgyal bas 
de dag rnams kyi bsam mkhyen nas/ /de dang 'thun pa'i chos ni rab tu bshad/ /bde bar gshegs las chos thos bye ba phrag /sum cu rtsa drug byang chub mchog la zhugs/ /bye ba brgya phrag gsum tshang mi nyung ba/ /de dag chos mchog mig ni rnam par dag /srid par kun tu yid byung 
sems gyur nas/ /de dag der ni bstan 'dir rab tu byung/ /gzhan yang bye ba khrag khrig de nyid du/ /bslab pa bzung zhing de bzhin gso sbyong blangs/ /ston la mchod pa byas shing chos mnyan nas/ /de dag slar yang rang gi gnas su dong/ /zhi ba'i blo gros de ltar rgyal bu gzhon nu de dag gis 
pha yul 'khor srung la mchod pa'i las kyi phyir lha'i tsan dan sbrul gyi snying po'i khang pa brtsegs pa rgya che zhing yangs pa/ bkod pas legs par brgyan pa/ ba gam dang/ rnam par rgyal ba'i ba dan dang/ rta babs dang/ kha khyer gyis bskor ba zhig byas te 'dzam bu'i gling ril gyis kyang 
tsan dan sbrul gyi snying po srang phyed kyi rin du mi chog pa de lta bu'i tsan dan sbrul gyi snying po'i khang pa brtsegs pa rgya che zhing yangs pa/ chu zheng du dpag tshad bcu yod pa/ rnam par bkra ba/ blta na sdug pa/ ka ba bzhi zug pa/ cha mnyam pa/ shin tu rnam par phye ba zhig byas par gyur to/ /</font><hr>39-1-120a<br><font size=+1>
de nas rgyal po yul 'khor srung de nam bcom ldan 'das de la blta ba dang/ phyag bya ba dang/ mchod pa bya ba dang/ bsnyen bkur bya ba dang/ chos mnyan pa'i phyir 'gro bar 'dod pa de'i tshe pha rgyal po yul 'khor srung dang/ rgyal bu gzhon nu de rnams dang/ btsun 
mo'i 'khor dang/ g.yog dang bcas pa dang/ gnyen gyi 'khor dang bcas te khang pa brtsegs pa der zhugs nas/ pad ma bkod pa'i seng ge'i khri la 'dug ste/ bla mar bya ba chen po dang/ bsti stang dang/ ri mor bya ba dang/ me tog dang/ phreng ba dang/ spos dang/ byug pa dang/ 
phye ma dang/ gos dang/ gdugs dang/ rgyal mtshan dang/ ba dan dang/ rnam par rgyal ba'i ba dan dang/ sil snyan dang/ pheg rdob pa dang/ rol mo'i sgra dbyangs len pa'i mchod pa dam pa dang chas nas khang pa brtsegs pa de rin po che'i dra bas rab tu g.yogs te/ thams cad 
dang lhan cig tu 'dus nas khang pa brtsegs pa de sprul te/ steng gi nam mkha' bar snang la ngang pa'i rgyal po ltar thogs pa med par bcom ldan 'das yon tan mtha' yas rin chen sna tshogs bkod pa'i rgyal po de bzhin gshegs pa ga la ba der dong nas phyin pa dang khang pa brtsegs pa de sa 
la bzhag ste/ bcom ldan 'das de'i zhabs gnyis la mgo bos phyag 'tshal nas dge slong gi dge 'dun la yang phyag 'tshal te/ lan bdun bskor ba byas nas phyogs gcig tu 'khod do/ /rgyal po yul 'khor srung gi btsun mo'i 'khor dang/ gnyen gyi 'khor kyang khang pa 
brtsegs pa de las babs nas bcom ldan 'das de'i zhabs gnyis dang/ dge slong gi dge 'dun la mgo bos phyag 'tshal te lan bdun bskor ba byas nas chos mnyan pa'i phyir bcom ldan 'das kyi spyan sngar btsun mo'i 'khor dang/ gnyen gyi 'khor du bcas te 'dug go /
bam po gsum pa/ de nas bcom ldan 'das de bzhin gshegs pa yon tan mtha' yas rin chen sna tshogs bkod pa'i rgyal pos rgyal po yul 'khor srung chos mnyan pa'i phyir 'ongs par mkhyen nas chos kyi gtam gyis yang dag par bstan/ yang dag par 'dzin du </font><hr>39-1-120b<br><font size=+1>
bcug /yang dag par gzengs stod/ yang dag par dga' bar mdzad do/ /de la bcom ldan 'das de'i chos kyi gtam ni 'di yin te/ rgyal po chen po chos bzhi po 'di dag ni theg pa chen po la yang dag par zhugs pa rnams yongs su mi nyams shing khyad par du 'gro bar 
'gyur ba'o/ /bzhi gang zhe na/ rgyal po chen po dad pa ni yongs su mi nyams shing khyad par du 'gro bar 'gyur ba'o/ /dad pa de gang zhe na/ dad pa gang gis 'phags pa'i drung du nye bar 'gro ba dang bya ba ma yin pa mi byed pa'o/ /rgyal po chen po gus pa ni khyad par du 'gro bar 'gyur ba ste/ 
gus pa gang gis 'phags pa rnams kyi legs par bshad pa rnams gus par nyan pa dang/ rnab blags te chos nyan pa'o/ /rgyal po chen po nga rgyal med pa ni khyad par du 'gro bar 'gyur ba ste/ nga rgyal med pa gang gis 'phags pa rnams la mngon par 'dud pa dang/ rab tu 'dud 
pa dang/ phyag 'tshal ba'o/ /rgyal po chen po brtson 'grus ni khyad par du 'gro bar 'gyur ba ste brtson 'grus gang gis lus yang ba dang/ sems yang ba 'thob pa dang/ bya ba thams cad kyang nyams 'og tu chud par byed pa ste/ rgyal po chen po chos bzhi po de dag ni theg pa 
chen po la yang dag par zhugs pa rnams yongs su mi nyams shing khyad par du 'gro bar 'gyur ba'o/ /rgyal po chen po chos bzhi po 'di dag ni theg pa chen po la yang dag par zhugs pa rnams 'gyod pa med pa dang/ bag yod pa yongs su rdzogs par 'gyur ba'o/ /bzhi gang zhe na/ 
dbang po sdom pa dang/ 'dod pa rnams la skyon du lta ba dang/ yongs su 'dzin pa thams cad la mi rtag pa'i 'du shes dang/ chos la nges par sems pa ni srog gi dbang po'i dam pa ste/ /rgyal po chen po chos bzhi po de dag ni theg pa chen po la yang dag par zhugs pa rnams 
'gyod pa med pa dang/ bag yod pa yongs su rdzogs par 'gyur ba'o/ /rgyal po chen po chos bzhi dang ldan na rgyal po la chos kyi rgyal po zhes bya ste/ bzhi gang zhe na/ byang chub kyi sems rjes su mi gtong ba dang/ gzhan dag kyang byang chub la yang dag par 'dzud pa dang </font><hr>39-1-121a<br><font size=+1>
dge ba'i rtsa ba thams cad byang chub tu sngo ba dang/ sangs rgyas kyi che ba nyid mthong ngam thos na sangs rgyas kyi che ba nyid la mos pa ma gtogs par lha dang/ mi dang/ nyan thos dang/ rang sangs rgyas thams cad kyi che ba nyid la mngon par dga' ba ma yin pa 
ste/ rgyal po chen po chos bzhi po de dag dang ldan na rgyal po la chos kyi rgyal po zhes bya'o/ /rgyal po chen po de lta bas na khyod rtag par bag yod par bya ba dang/ dad pa dang dang ba mang ba dang/ chos don du gnyer ba dang/ chos kyi kun dga' la dga' ba dang mos par bya'o/ /
khyod chos yongs su btsal ba la brtson pa dang/ chos 'dod par bya'i yul la chags par mi bya'o/ /de ci'i phyir zhe na/ rgyal po chen po 'dod pa rnams la chog pa med pa'i phyir te/ gang dag 'phags pa'i shes rab kyis ngoms pa de dag ni ngoms pa'o/ /rgyal po chen po 
mi rnams kyi srog ni thung ba tshe'i tshad kyang thung ba ste/ tshe rabs 'pho bar 'gro ba yin gyis/ khyod 'jig rten pha rol la 'jigs par blta bar bya'o/ /rgyal po chen po khyod kyis gang de bzhin gshegs pa la mchod pa dang/ rim gro byas pa'i dge ba'i rtsa ba de khyod kyis yongs su bsngo 
ba bzhis yongs su bsngo bar bya'o/ /bzhi gang zhe na/ longs spyod mi zad pa dang/ chos mi zad pa dang/ spobs pa mi zad pa dang/ ye shes mi zad pa ste bzhi po de dag go /gzhan yang bzhi ste/ bzhi gang zhe na/ tshul khrims kyi tshogs kyis lus yongs su dag pa dang/ thos pa'i 
tshogs kyis ngag yongs su dag pa dang/ shes rab kyi tshogs kyis sems yongs su dag pa dang/ ye shes kyi tshogs kyis shes rab yongs su dag pa ste bzhi po de dag go /gzhan yang bzhi ste/ /bzhi gang zhe na/ sems can yongs su smin par byed pas thabs yongs su rdzogs pa dang/ 
bdud tshar gcod pas shes rab yongs su rdzogs pa dang/ ji skad smras pa de bzhin byed pas smon lam yongs su rdzogs pa dang/ sangs rgyas mthong ba dang phrad pas sangs rgyas kyi chos thams cad yongs su rdzogs pa'o/ /de nas bcom ldan 'das kyis rgyal po yul 'khor srung la </font><hr>39-1-121b<br><font size=+1>
chos kyi gtam des yang dag par bstan/ yang dag par 'dzin du bcug /yang dag par gzengs stod/ yang dag par dga' bar mdzad pas tshim zhing mgu la yi rangs te/rab tu dga' nas dga' ba dang/ yid bde ba skyes te/ rin thang med pa'i mu tig gi do shal gyis de 
bzhin gshegs pa la mchod pa byas so/ /yongs su longs spyad par bya ba'i phyir rgyal srid thams cad kyang bcom ldan 'das de la phul lo/ /ji srid 'tsho'i bar du lnga pa tshangs par spyod pa dang/ bslab pa'i gzhi rnams mnos so/ /btsun mo'i 'khor de thams cad kyang bla na med 
pa yang dag par rdzogs pa'i byang chub tu sems bskyed par gyur to/ /lnga pa tshangs par spyod pa dang/ bslab pa'i gzhi rnams kyang mnos so/ /rgyal po'i btsun mo'i 'khor kyang bcom ldan 'das las chos kyi gtam thos nas tshim zhing mgu la yi rangs te/ rab tu dga' nas 
dga' ba dang/ yid bde ba skyes te/ gos dang rgyan ci thogs pa rnams bcom ldan 'das kyi sku la mngon par gsol bar gyur to/ /mngon par gsol nas kyang ji srid 'tsho'i bar du lnga pa tshangs par spyod pa dang bslab pa'i gzhi rnams mnos so/ /zhi ba'i blo gros de ltar rgyal po 
yul 'khor srung chos kyi rnyed pa phun sum tshogs pas rnyed pa chen po dang ldan nas btsun mo'i 'khor dang bcas/ gnyen gyi 'khor dang bcas shing 'khor dang bcas te/ bcom ldan 'das de'i zhabs gnyis dang/ dge slong gi dge 'dun gyi rkang pa la mgo bos phyag 'tshal nas lan 
gsum bskor ba byas te/ steng gi bar snang gi nam mkha' las khang pa brtsegs pa de nyid nas rgyal po'i pho brang rnam par dag pa can du slar 'khor nas rang gi khyim du phyin to/ /zhi ba'i blo gros de nas rgyal po yul 'khor srung dus gzhan zhig na zla ba nya ba'i tshe me tog sna tshogs zhes 
bya ba'i skyed mos tshal gyi sa bzang po blta ba'i phyir song nas/ de skyed mos tshal chen po de na gnas shing sil snyan dang/ pheg rdob pa dang/ rol mo'i sgra rab tu len pa dang/ rtse ba'i dam pas rtse dga' zhing dga' mgur spyod do/ /chung ma dam pa ma smad pa zhes bya ba dang/ dpe </font><hr>39-1-122a<br><font size=+1>
med ma zhes bya ba de gnyis rdzing dga' ba zhes bya bar khrus byas te spos chus gos brlan nas seng ge'i khri pad ma'i 'byung gnas bzang po la 'dug go /de gnyis der 'dug pa'i pang pa nas rgyal bu gzhon nu gzugs bzang ba/ mdzes pa/ blta na sdug pa/ kha dog 
bzang po rgyas pa/ mchog dang ldan pa gnyis skyil mo krung bcas par rdzus te byung ngo/ /de nas skad cig de nyid la steng gi bar snang las lha rnams kyis kye ma khye'u 'di ni chos sems pa'o/ /kye ma khye'u 'di ni chos kyi blo gros so zhes sgra byung ngo/ /zhi ba'i blo gros de ltar 'jig rten du khye'u 
de gnyis chos sems pa dang/ chos kyi blo gros zhes bya ba'i ming du gyur to/ /de la khye'u chos sems pa ni btsun mo ma smad pa'i pang pa nas byung ngo/ /chos kyi blo gros ni btsun mo dpe med ma'i bang pa nas byung ngo/ /khye'u de gnyis byung ma thag tu skyil mo krung ma nyams par gnyis kas 
tshigs su bcad pa 'di dag smras so/ /gang dag byang chub tu ni sems skyed cing/ /'jig rten mgon po yul du byung ba la/ /rab tu dang ba'i sems kyis phyag 'tshal ba/ /de dag rnyed pa rab rnyed grogs po dag /gang zhig byang chub sems ni ma brjed pa/ /de ni srid pa'i rgya mtsho'i 
gting nas phyin/ /'khor ba'i 'khor lo las ni yid kyang log /sems can rgya chen rnams kyis legs par gzung/ /steng gi phyogs na yan lag ma smad pa/ /'dren pa mtshan ni dus dpog rgyal po ste/ /de nas bdag cag chos don gnyer ba dang/ /'jig mgon yon tan 'byung gnas 
blta phyir mchis/ /khye'u de gnyis kyis skyil mo krung bshig nas/ /de yi tshe nam yi pang nas babs/ /yul 'khor srung po ga lar de gnyis dong/ /rkang par phyag 'tshal thal mo sbyar te 'dug /yab cig bdag cag mchi ba gsan du gsol/ /bskal ba bye bar chos rnyed rab tu 
dka'/ /de rnyed nas ni byang chub ma thob par/ /mkhas pa dag ni gzhar yang mi gtong ngo/ /sangs rgyas 'byung ba rtag tu rab rnyed dka'/ /pha ma dag ni chos la gnas pa dang/ /dal ba 'byor dang chos 'dod grogs po dang/ /'thun par gnas dang bstan la dad rab dkon/ /</font><hr>39-1-122b<br><font size=+1>
'dun dang brtson 'grus de bzhin bag yod dang/ /rab tu byung thob rtag tu shes bzhin can/ /phan pa'i dngos dang mnyen dang ma khengs dang/ /ngo tsha khrel yod thos dang tshul khrims bzang/ /zhi dul srog chags rnams la snying rje byams/ /zab mo'i chos la chos kyi bzod ldan dang/ /
brtson 'grus mthu dang sems ni ma zhum dang/ /bsdu bas sems can yongs su smin byed dang/ /sems las rung zhing dben par gnas pa dang/ /lus dang de bzhin srog la mi lta dang/ /mgo dang gos la 'bar ltar chos sems pa/ /de dag sangs rgyas yon tan de 'dra 'thob/ /
bdag cag chos mchog gang dag rab brjod pa/ /chos mchog de dag yab gcig rab rnyed dka'/ /chos rnams de dag don du bdag cag lhags/ /nga ni rgyal ba'i drung du bzhud par bgyi/ /dkar po'i chos rnams kyis ni yongs zin cing/ /skad cig gis ni mngon shes lnga 
thob pa/ /rjes su dran pa sgom zhing ye shes can/ /byang chub sems dpa' mkhas pa de gnyis dong/ /rgyal po bu dang bcas shing bud med bcas/ /byang chub sems dpa' mngon shes thob mkhas gnyis/ /ston pa yon tan rgyal mchog ga la bar/ /nam mkha' las ni 
der yang mngon du dong/ /de bzhin gshegs pa'i zhabs la phyag 'tshal te/ /thams cad 'dus nas gus dang bcas par gnas/ /de nas rgyal sras chos kyi blo gros smras/ /byang chub lam de bdag cag bshad du gsol/ /rgyal bas de dag rnams kyi bsam mkhyen nas/ /
zab mo'i chos kyi gtam ni rab gsungs pa/ /chos rnams 'di dag brten nas byung ba ste/ /bdag po med cing byed pa po dang bral/ /nam yang stong zhing phyi rol rgyu ba med/ /chos rnams 'di dag gsog dang gsob yin te/ /lta dang bya ba dag cing g.yo ba med/ /nam mkha' lta 
bur rtag tu gzung du med/ /bde bar gshegs pas chos gtam rnam dag pa/ /rnam pa mang po de dag rnams la bshad/ /bye ba phrag gsum khrag khrig bdun cu drug /mi skye bzod pa rjes su thob par gyur/ /zhi ba'i blo gros de ltar bcom ldan 'das de la rgyal po yul </font><hr>39-1-123a<br><font size=+1>
'khor srung gis zhag bdun gyi bar du mchod pa byas nas btsun mo'i 'khor dang bcas/ gnyen gyi 'khor dang bcas te skad cig thang cig yud tsam de la rang gi khyim du slar phyin to/ /zhi ba'i blo gros de nas rgyal po yul 'khor srung gcig pu dben par song ste/ 
bkod pa chen po'i khang pa brtsegs par seng ge'i khri pad ma'i 'byung gnas bzang po la 'dug nas nang du yang dag par bzhag cing 'di snyam du sems te/ bdag gi gzhon nu 'di dag thams cad ni bla na med pa yang dag par rdzogs pa'i byang chub la yang dag par zhugs pa sha stag [(]na/[ )]
gzhon nu 'di dag thams cad kyi nang na gang thog mar bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba bdag gis brtag go snyam mo/ /de nas rgyal po yul 'khor srung gis de'i mod la rin po che sna bdun gyi bum pa byed du bcug ste/ 
byi dor legs par byas shing legs par zin par byas nas gzhon nu de dag thams cad kyi ming bris te bum pa de'i nang du bcug nas rin po che sna bdun gyi pad ma sna tshogs blta na sdug pa byas nas pad ma de'i steng du bum pa de bzhag ste/ zhag bdun du lha'i mchod pa me tog thams cad dang/ 
spos thams cad dang/ phye ma thams cad dang/ bdug pa thams cad dang/ byug pa thams cad dang/ rol mo'i sil snyan thams cad kyis mchod do/ /ming de dag mchod pa'i tshe na lha'i bu khri mchod pa'i las kyi phyir brtson par gyur to/ /zhag bdun du mchod pa byas nas btsun mo'i 
'khor dang/ de'i bu stong dang/ gzhon nu de gnyis kyi mdun du thams cad gser las byas pa'i khri'u bzang po'i steng du bum pa de bzhag nas nang gi mis bum pa de'i nang nas ming de rnams phyung ngo/ /zhi ba'i blo gros de'i tshe thams cad kyi thog mar rgyal bu gzhon nu rnam par dag pa'i blo 
gros zhes bya ba de'i ming byung bar gyur to/ /ming de byung ma thag tu skad cig de nyid las chen po 'di rnam pa drug tu g.yos so/ /btsun mo'i 'khor thams cad kyi bang na sil snyan yod pa de dag kyang ma dkrol bar bye ba phrag du ma'i sgra byung ngo/ /zhi ba'i blo gros 'di ji snyam du sems/</font><hr>39-1-123b<br><font size=+1>
zhi ba'i blo gros de'i tshe de'i dus na thams cad kyi thog mar ming byung ba rgyal bu gzhon nu rnam par dag pa'i blo gros zhes bya bar gyur pa de gzhan yin par de ltar mi blta'o/ /de ci'i phyir zhe na/ de bzhin gshegs pa 'khor ba 'jig de de'i tshe de'i dus na rgyal bu gzhon nu rnam 
par dag pa'i blo gros zhes bya bar gyur to/ /de'i 'og tu rgyal bu gzhon nu rnam par rgyal ba'i sde zhes bya ba de'i ming byung ste/ bcom ldan 'das gser thub de de'i tshe de'i dus na rgyal bu gzhon nu rnam par rgyal ba'i sde zhes bya bar gyur to/ /de'i 'og tu rgyal bu gzhon nu dbang 
po zhi ba zhes bya ba de'i ming byung ste/ bcom ldan 'das 'od srung de de'i tshe de'i dus na rgyal bu gzhon nu dbang po zhi ba zhes bya bar gyur to/ /de'i 'og tu rgyal bu gzhon nu don thams cad grub pa zhes bya ba de'i ming byung ngo/ /de ni nga yin te de'i tshe de'i dus na rgyal bu gzhon nu don thams cad grub 
pa zhes bya bar gyur to/ /de'i 'og tu rgyal bu gzhon nu ska rags can zhes bya ba'i ming byung bar gyur te/ de ni byams pa zhes bya ba'i de bzhin gshegs par 'gyur ro/ /de'i 'og tu rgyal bu gzhon nu mchog gi blo gros zhes bya ba de'i ming byung ste/ de ni seng ge zhes bya ba'i de bzhin 
gshegs par 'gyur ro/ /de'i 'og tu rgyal bu gzhon nu glog gi lha zhes bya ba de'i ming byung ste/ de ni tog ces bya ba'i de bzhin gshegs par 'gyur ro/ /de'i 'og tu rgyal bu gzhon nu bzang po'i rgyal po zhes bya ba'i ming byung ste/ de ni me tog dam pa zhes bya ba'i de bzhin gshegs par 'gyur 
ro/ /de'i 'og tu rgyal bu gzhon nu 'od kyi dpal zhes bya ba'i ming byung ste/ de ni me tog ces bya ba'i de bzhin gshegs par 'gyur ro/ /de'i 'og tu rgyal bu gzhon nu rnam par snang ba'i pad ma zhes bya ba'i ming byung ste/ de ni skar ma rgyal zhes bya ba'i de bzhin gshegs par 'gyur ro/ /
de'i 'og tu rgyal bu gzhon nu dri ma med pa'i 'od ces bya ba'i ming byung ste/ de ni spyan legs pa zhes bya ba'i de bzhin gshegs par 'gyur ro/ /de'i 'og tu rgyal bu gzhon nu rdul med ces bya ba'i ming byung ste/ de ni lag bzangs zhes bya ba'i de bzhin gshegs par 'gyur ro/ /de'i 'og tu </font><hr>39-1-124a<br><font size=+1>
rgyal bu gzhon nu blo gros rgyal po zhes bya ba'i ming byung ste/ de ni 'od ces bya ba'i de bzhin gshegs par 'gyur ro/ /de'i 'og tu rgyal bu gzhon nu dge ba bkod pa'i rgyal po zhes bya ba'i ming byung ste/ de ni skar ma la dga' ba zhes bya ba'i de bzhin gshegs par 'gyur ro/ /
de'i 'og tu rgyal bu gzhon nu phyogs 'byor pa zhes bya ba'i ming byung ste/ de ni mngon 'phags gshegs pa zhes bya ba'i de bzhin gshegs par 'gyur ro/ /de'i 'og tu rgyal bu gzhon nu rnam par dag pa bkod pa'i rgyal po zhes bya ba'i ming byung ste/ de ni yon tan gyi mchog mnga' ba zhes bya 
ba'i de bzhin gshegs par 'gyur ro/ /de'i 'og tu rgyal bu gzhon nu dpal sbas zhes bya ba'i ming byung ste/ de ni nor dpal zhes bya ba'i de bzhin gshegs par 'gyur ro/ /de'i 'og tu rgyal bu gzhon nu lus shin tu rnam par 'byed pa zhes bya ba'i ming byung ste/ de ni ye shes 'byung 
gnas zhes bya ba'i de bzhin gshegs par 'gyur ro/ /de'i 'og tu rgyal bu gzhon nu drag shul can zhes bya ba'i ming byung ste/ de ni rin po che 'byung gnas zhes bya ba'i de bzhin gshegs par 'gyur ro/ /de'i 'og tu rgyal bu gzhon nu rin chen grags pa zhes bya ba'i ming byung ste/ de ni 
kun tu snang ba zhes bya ba'i de bzhin gshegs par 'gyur ro/ /de bzhin du rgya cher bya ste/ zhi ba'i blo gros de ltar bu stong yod pa de'i nang nas gcig bzhag ste/ rgyal bu gzhon nu cod pan brgyan pa zhes bya ba'i ming gi bar du 'byung ngo/ /de ni yon tan mtha' yas grags pa zhes bya ba'i de 
bzhin gshegs par 'gyur ro/ /zhi ba'i blo gros de'i tshe rgyal bu gzhon nu thams cad kyi tha chung sa blo gros mtha' yas zhes bya ba de'i ming byung bar gyur pa dang snag gi gnyen mtshams thams cad dang/ spun rnams na re/ gang gi tshe bdag cag thams cad kyis sems can thams cad yongs su smin 
par byas shing sangs rgyas kyi bya ba thams cad byas pa de'i 'og tu khyod kyis ci zhig byar yod ces dpyas pa dang/ blo gros mtha' yas kyis smras pa/ sangs rgyas chos rnams 'di dag nam mkha' mtshungs shing 'dra/ /bdag gi yid la sems can zad pa med snyam bgyid/ /</font><hr>39-1-124b<br><font size=+1>
tshul khrims kyis ni bdag gi smon lam 'dir dag 'gyur/ /bdag gi smon lam ci 'dra thams cad 'dir gson cig /khyed kyi tshe tshad ji tsam pa dag bsdoms pa dang/ /tshogs kyi rgyal po ji snyed de dag kun bsdoms pa/ /thams cad bsdoms pa de snyed bdag gi tsher 
'gyur te/ /bdag gi dge slong tshogs kyang de kun ma lus snyed/ /de yis tshigs su bcad pa de ni smras ma thag /de yi tshe na legs zhes lha yis sgra phyung ste/ /sems can dag pa khyod kyis bsam pa rdzogs gyur cig /khyod kyis ji ltar bsams bzhin sems can don mdzod 
cig /zhi ba'i blo gros de ltar rgyal bu gzhon nu thams cad kyi tha chungs su gyur pa blo gros mtha' yas zhes bya ba de ni bskal pa bzang po 'di la de bzhin gshegs pa tham pa mos pa zhes bya bar 'gyur te/ zhi ba'i blo gros bskal pa bzang po'i de bzhin gshegs pa de dag thams cad 
kyi tshe'i tshad ji tsam pa dang/ nyan thos kyi dge 'dun ji snyed par 'gyur ba de bzhin gshegs pa mos pa de'i tshe'i tshad kyang de srid du 'gyur/ nyan thos kyi dge 'dun yang de snyed du 'gyur ro/ /bdag de ltar mos pas na de'i phyir mos pa zhes bya'o/ /zhi ba'i blo gros 'di ltar 
sangs rgyas stong du gcig gis ma tshang ba dag sangs rgyas kyi mdzad pa ji snyed mdzad pa de snyed de bzhin gshegs pa mos pas byed par 'gyur bas thabs mkhas pa'i tshul khrims phun sum tshogs pa'i rgyu 'thun pa/ smon lam yongs su rdzogs pa'i khyad par la ltos/ zhi ba'i blo gros de 
nas gzhon nu stong po de dag gis byang chub sems dpa' gzhon nu chos sems pa dang/ chos kyi blo gros dang de gnyis la 'di skad ces smras so/ /rigs kyi bu khyed gnyis kyis smon lam ji lta bu zhig btab/ chos sems pas smras pa/ grogs po dag bdag ni khyed thams cad 
kyi lag na rdo rjer gyur te/ nang na spyod cing de bzhin gshegs pa'i gsang ba thams cad las phyi rol du ma gyur la phyi nang gi sangs rgyas kyi chos thams cad nyan pa dang/ mos pa dang/ rtogs pa de ltar bdag smon lam 'debs so/ /chos kyi blo gros kyis smras pa/ snag </font><hr>39-1-125a<br><font size=+1>
gi gnyen mtshams dag bgres rabs dag bdag ni khyed rnams thams cad kyis byang chub thob pa na chos kyi 'khor lo bskor bar bskul te/ bdag gis bskul bas khyed thams cad kyis chos kyi 'khor lo skor bar gyur cig ces smon lam 'di ltar 'debs so/ /zhi ba'i blo gros de 
gnyis kyang smon lam ji ltar btab pa bzhin du bcom ldan 'das des lung bstan par gyur to/ /zhi ba'i blo gros de'i tshe de'i dus na 'khor los sgyur ba'i rgyal po yul 'khor srung zhes bya bar gyur pa de khyod kyis gzhan yin par de ltar mi blta'o/ /de ci'i phyir zhe na/ bcom ldan 
'das mar me mdzad de de'i tshe de'i dus na 'khor los sgyur ba'i rgyal po yul 'khor srung zhes bya bar gyur to/ /de'i bu gzhon nu stong yod pa de dag ni bskal pa bzang po'i de bzhin gshegs pa sha stag go /de bzhin gshegs pa 'khor ba 'jig nas bzung ste/ de bzhin gshegs 
pa mos pa zhes bya ba'i bar dag de'i tshe de'i dus na rgyal bu gzhon nur gyur to/ /zhi ba'i bla gros btsun mo ma smad pa zhes bya ba'i pang pa nas rdzus te byung ba khye'u chos sems pa zhes bya bar gyur pa de ni gsang ba pa'i bdag po lag na rdo rje 'di yin te/ de'i tshe de'i dus na khye'u chos sems pa zhes 
bya bar gyur to/ /zhi ba'i blo gros btsun mo dpe med ma zhes bya ba'i pang pa nas rdzus te byung ba khye'u chos kyi blo gros zhes bya ba de ni tshangs pa gtsug pud can 'di yin te/ de'i tshe de'i dus na khye'u chos kyi blo gros zhes bya bar gyur to/ /zhi ba'i blo gros rgyal po yul 'khor srung gi btsun mo'i 
'khor du gyur pa gang yin pa de dag ni 'khor 'dir 'dus pa'i byang chub sems dpa' rnams yin no/ /rgyal bu gzhon nu de rnams kyis sems can gang dag bla na med pa yang dag par rdzogs pa'i byang chub tu yongs su smin par byas pa/ theg pa chen po la yang dag par zhugs pa de 
dag thams cad ni bskal pa bzang po 'di nyid la mthar gyis lung bstan pa thob par 'gyur ro/ /zhi ba'i blo gros 'di ltar skyes bu dam pa de dag gi bsam pa thams cad 'byor pas/ dge ba'i rtsa ba'i rgyu las byung ba'i sems bskyed pa chud mi za ba rten cing 'brel bar 'byung ba'i mi </font><hr>39-1-125b<br><font size=+1>
'gal ba la la ltos/ yul 'khor srung gi sngon gyi tshul gyi le'u ste lnga pa'o//  //zhi ba'i blo gros de lta bas na byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'dod pa rnams 
kyang sems can chen po de dag gi rjes su bslab par bya'o/ /tshig lhur blang bar mi bya'i byang chub kyi lam la mngon par brtson par bsgrub pa snying por bya'o/ /de la byang chub kyi lam gang zhe na/ 'di lta ste/ byams pa'i rjes su 'brang ba'i sems bskyed pas sems can thams 
cad la khong khro ba med pa dang/ pha rol tu phyin pa rnams la brtson pa dang/ bsdu ba'i dngos po'i rjes su 'brang ba dang/ tshangs pa'i gnas pa bzhi sgrub pa dang/ byang chub kyi phyogs kyi chos rnams la mngon par brtson pa dang/ mngon par shes pa yongs su sbyang ba yongs su 
bkang ba dang/ thabs la mkhas pas mngon par bsgrubs pa'i dge ba'i chos thams cad kyi tshogs sogs pa ste/ 'di ni byang chub kyi lam zhes bya'o/ /zhi ba'i blo gros gzhan yang byang chub kyi lam ni 'di lta ste/ dad pa dang/ bsam pa dang/ lhag pa'i bsam pa yongs 
su dag pa dang/ drang ba nyid dang/ g.yo med pa nyid dang/ yangs pa nyid dang/ sgrib pa med pa nyid dang/ mnyam pa nyid dang/ sems snyoms pa nyid dang/ mi 'jigs pa nyid dang/ sdig pa thams cad mi byed pa nyid yin no/ /lam de ni sbyin pa'i pha rol tu phyin pas 'byor pa'o/ /
lam de ni tshul khrims kyi pha rol tu phyin pas bde bar 'gro ba'o/ /lam de ni bzod pa'i pha rol tu phyin pas gnod pa med pa'o/ /lam de ni brtson 'grus kyi pha rol tu phyin pas rgyun chad pa med pa'o/ /lam de ni bsam gtan gyi pha rol tu phyin pas mi 'khrugs pa'o/ /lam de ni 
shes rab kyi pha rol tu phyin pas legs par rtogs pa'o/ /lam de ni byams pa chen pos 'byung ba shes pa'i rjes su song ba'o/ /lam de ni snying rje chen pos phyir mi ldog pa'o/ /lam de ni dga' ba chen pos mchog tu dga' bar byed pa'o/ /lam de ni btang snyoms chen pos snying </font><hr>39-1-126a<br><font size=+1>
po'i rjes su song ba'o/ /lam de ni 'dod pa la 'dod chags dang/ gnod sems dang/ 'tshe ba'i rnam par rtog pa dang bral bas sdong dum dang/ tsher ma med pa'o/ /lam de ni zhe 'gras pa'i sems med pas bde bar 'gro ba'o/ /lam de ni gzugs dang/ 
sgra dang/ dri dang/ ro dang/ reg pa dang bral bas g.yon can dang bral ba'o/ /lam de ni phung po dang/ khams dang/ skye mched la legs par brtags pas phyir rgol ba dang bral ba'o/ /lam de ni nyon mongs pa thams cad dang bral bas bdud phyir rgol ba bcom pa'o/ /
lam de ni nyan thos dang/ rang sangs rgyas kyi yid la byed pa dang bral bas sems rlabs po cher 'gro ba'o/ /lam de ni sngon gyi de bzhin gshegs pa dgra bcom pa yang dag par rdzogs pa'i sangs rgyas rnams kyis zhugs pa'o/ /lam de ni rnam pa thams cad mkhyen pa'i rin po che 
dang 'thun pas rin po che chen po sgrub pa'o/ /lam de ni chags pa med pa'i ye shes kyi snang bas rtag tu gsal ba'o/ /lam de ni dge ba'i bshes gnyen gyis legs par yongs su zin pas dge ba ston pa'o/ /lam de ni rjes su chags pa dang/ khong khro ba med pas mthon dman 
med pa'o/ /lam de ni gnod sems dang/ tha ba dang/ khro ba med pas rdul dang bral ba'o/ /lam de ni mi dge ba'i chos thams cad dang bral bas bde 'gror 'gro ba'o/ /lam de ni mya ngan las 'das pa'i mthar 'gro bas bde ba'i phyogs su 'gro ba'o/ /zhi ba'i blo gros de ltar 
na gang la nyan thos dang rang sangs rgyas thams cad kyi 'gro ba med pa dang/ lam ma yin pa de 'dra ba de ni byang chub sems dpa'i lam ste/ lam de la gnas na byang chub sems dpa' bla na med pa yang dag par rdzogs pa'i byang chub mngon par rdzogs par 'tshang rgya'o/ /byang chub kyi 
lam gyi le'u ste drug pa'o//  //de nas byang chub sems dpa' zhi ba'i blo gros kyis gsang ba pa'i bdag po lag na rdo rje la 'di skad ces smras so/ /gsang ba pa'i bdag po de bzhin gshegs pa'i gsang ba ci 'dra/ de bzhin gshegs pa'i gsang ba pa'i phyogs </font><hr>39-1-126b<br><font size=+1>
tsam zhig la khyod spobs par gyis shig de skad ces smras pa dang/ gsang ba pa'i bdag po lag na rdo rjes byang chub sems dpa' zhi ba'i blo gros la 'di skad ces smras so/ /sangs rgyas kyi mthu dang/ sangs rgyas kyi byin gyi rlabs kyis bstan gyis rigs kyi bu nyon cig /zhi ba'i 
blo gros gsum po 'di dag ni de bzhin gshegs pa'i gsang ba'o/ /gsum gang zhe na 'di lta ste/ sku'i gsang ba dang/ gsung gi gsang ba dang/ thugs kyi gsang ba'o/ /zhi ba'i blo gros de la de bzhin gshegs pa'i sku'i gsang ba gang zhe na/ zhi ba'i blo gros 'di la de bzhin gshegs 
pa ni mi dgongs shing rab tu mi rtog par spyod lam thams cad kyang kun du ston te/ rigs kyi bu de la lha dang mi kha cig 'dug pa gtso bor byed pa de dag gis ni de bzhin gshegs pa bzhugs par mthong ngo / /lha dang mi kha cig 'chag pa gtso bor byed pa de dag gis ni de bzhin gshegs 
pa 'chag par mthong ngo / /lha dang mi kha cig 'greng ba gtso bor byed pa de dag gis ni de bzhin gshegs pa 'greng bar mthong ngo / /lha dang mi kha cig nyal ba gtso bor byed pa de dag gis ni de bzhin gshegs pa mnal bar mthong ngo / /lha dang mi kha cig chos ston pa gtso bor 
byed pa de dag gis ni de bzhin gshegs pa chos ston par mthong ngo / /lha dang mi kha cig mi smra ba gtso bor byed pa de dag gis ni de bzhin gshegs pa mi gsung bar gyur par mthong ngo / /lha dang mi kha cig bsam gtan gtso bor byed pa de dag gis ni de bzhin gshegs pa 
bsam gtan la snyoms par zhugs par mthong ngo / /lha dang mi kha cig langs pa gtso bor byed pa de dag gis ni de bzhin gshegs pa bzhengs par mthong ngo / /lha dang mi kha cig mig mi 'dzums par lta ba gtso bor byed pa de dag gis ni de bzhin spyan mi 'dzums par 
gzigs par mthong ngo / /lha dang mi kha cig 'dzum pa byed pa gtso bor 'dzin pa de dag gis ni de bzhin gshegs pa 'dzum pa mdzad par mthong ngo / /lha dang mi kha cig mdog gser gyi kha dog lta bu gtso bor byed pa de dag gis ni de bzhin gshegs pa sku mdog gser gyi kha dog lta </font><hr>39-1-127a<br><font size=+1>
bur mthong ngo / /de bzhin du la las ni dngul gyi mdog tu mthong ngo / /de bzhin du shel gyi mdog dang/ bai dUr+ya'i mdog dang/ rdo'i snying po'i mdog dang/ spug gi mdog dang/ mu tig dmar po'i mdog dang/ mu tig dkar po'i mdog dang/ mdog dmar po 
dang/ mdog dkar po dang/ btsod ka'i mdog dang/ mdog sngon po dang/ mdog ser po dang/ zla ba'i mdog dang/ nyi ma'i mdog dang/ me'i mdog dang/ 'od kyi mdog dang/ brgya byin gyi mdog dang/ tshangs pa'i mdog dang/ ba mo'i mdog dang/ ldong ros kyi mdog dang/ 
mtshal gyi mdog tu mthong ngo/ /la las ni chu'i mdog dang/ la las ni mya ngan 'tshang gi me tog gi mdog dang/ tsam pa ka'i mdog dang/ sna ma'i me tog gi mdog dang/ bar shi ka'i mdog dang/ pad ma'i mdog dang/ ku mu da'i mdog dang/ pad ma dkar po'i mdog dang/ 
dpal gyi mdog dang/ rnam thos kyi bu'i mdog dang/ ngang pa'i rgyal po ngang skya'i mdog dang/ pad ma sar pa'i mdog dang/ dpal gyi snying po'i mdog dang/ rin po che bye ru'i mdog dang/ nor bu rin po che'i mdog dang/ and rnyil gyi mdog dang/ nam mkha' dag pa'i gzi 
brjid kyi mdog dang/ lha dang mi kha cig yon tan gyi bsngags pa mtha' yas par mos pa de dag gis ni de bzhin gshegs pa'i sku'i yon tan gyi bsngags pa mtha' yas pa dang ldan par mthong ngo / /zhi ba'i blo gros de ltar yongs su brtag pa nye bar bzung ste/ stong gsum gyi stong 
chen po'i 'jig rten gyi khams na sems can ji snyed yod pa dang/ gang yang gang gA'i klung gi bye ma snyed kyi 'jig rten gyi khams kyi sems can de dag thams cad mi'i lus thob par gyur la/ de'i nang nas sems can gcig gis sems can de dag ji snyed pa de snyed la de bzhin gshegs 
pa'i sku'i gzugs dang/ mdog dang/ rtags dang / dbyibs dang spyod lam du sems shing mos te mngon par sgrub la sems can gcig gis ji lta ba de bzhin du sems can de dag thams cad re res kyang de snyed la de bzhin gshegs pa'i sku'i gzugs dang/ mdog dang/</font><hr>39-1-127b<br><font size=+1>
rtags dang/ dbyibs dang/ spyod lam du sems shing mos te mngon par sgrub la/ sems can gcig gi sems kyi mos pa gang yin pa de sems can gnyis pa'i ma yin te/ zhi ba'i blo gros rnam grangs des na de bzhin gshegs pa sems can de dag thams cad kyi sems 
kyi mos pa tshim par mdzad de/ ji ltar mos pa bzhin du sems can de dag gis de bzhin gshegs pa'i sku'i gzugs dang/ mdog dang/ rtags dang/ dbyibs dang/ spyod lam du shes mod kyi/ de la de bzhin gshegs pa'i sku 'am/ thugs kyi mdzad pa ni ma yin te/ de bzhin 
gshegs pa sngon gyi spyod pa yongs su sbyangs pa'i khyad par gyis lhun gyis grub pas sems can thams cad kyi sems kyi bsam pa tshim par mdzad pa'i gzugs dang/ mdog dang/ rtags dang/ dbyibs dang/ spyod lam gyis kun du bzhugs so/ /zhi ba'i blo gros 'di lta 
ste dper na/ me long gi dkyil 'khor yongs su dag pa la gzugs su snang ba ci 'dra ba nye bar gzhag pa de 'dra ba nyid kyi gzugs brnyan de na lhag chad med par mtshungs par snang yang me long gi dkyil 'khor ni mi sems mi rtog go /zhi ba'i blo gros de bzhin du de bzhin gshegs pa 
yang mi dgongs mi rtog par lhun gyis grub pas sems can thams cad kyi sems kyi bsam pa'i rnam par rig pa tshim par mdzad de/ /zhi ba'i blo gros 'di ni de bzhin gshegs pa'i sku'i gsang ba'o/ /zhi ba'i blo gros gzhan yang de bzhin gshegs pa'i sku ni phung pos rab tu 
phye ba ma yin/ khams kyis rab tu phye ba ma yin/ skye mched kyis rab tu phye ba ma yin/ las las byung ba ma yin/ nyon mongs pa las byung ba ma yin/ pha ma las byung ba ma yin/ 'byung ba chen po'i nur nur po las byung ba ma yin/ sha dang khrag gis g.yogs pa ma yin/ 
dus pa dang chu ba'i bog des sbrel ba ma yin/ dbugs phyi nang du rgyu ba dang/ srog dang 'brel pa ma yin te/ zhi ba'i blo gros de bzhin gshegs pa'i sku ni sku med pa ste/ chos kyi sku dang / gzugs dang mtshan ma med pa'i sku dang/ spros pa med cing rgyu ba med pa'i sku yin yang de </font><hr>39-1-128a<br><font size=+1>
gzugs dang mtshan gtso bor byed pa'i sems can sku bstan pas 'dul ba rnams kyi mig la snang bar 'gyur ro/ /gzugs las dben pa chos kyi mtshan nyid gtso bor byed pa'i sems can rnams la ni lha'i mig gis kyang thams cad kyi thams cad du bltar snang 
bar mi 'gyur ro/ /zhi ba'i blo gros de la 'khor gcig tu 'dus pa'i sems can gyi nang nas kyang kha cig gis ni de bzhin gshegs pa'i sku mthong/ kha cig gis ni mi mthong/ kha cig gis ni rgyang ring po na 'dug kyang mthong/ kha cig gis ni nye ba na 'dug kyang mi mthong/ kha cig 
gis ni thag ring po na 'dug kyang mthong/ /kha cig gis ni nye ba na 'dug kyang mi mthong ngo / /la las ni dran pa'i rnam pas mthong la g.yeng ba'i rnam pas mi mthong ngo/ /la las ni g.yeng ba'i rnam pas mthong la dran pa'i rnam pas mi mthong ngo/ /la las ni gzhan gyis nye bar 
bstan pas mthong zhing bdag gis bltas pas mi mthong ngo/ /la las ni bdag gis bltas pas mthong la gzhan gyis bstan pas mi mthong ngo/ /la las ni rmi lam na mthong la sad pa na mi mthong ngo/ /la las ni sad pa na mthong la rmi lam na mi mthong ngo/ /la las ni mnyam 
par bzhag na mthong la langs na mi mthong ngo/ /la las ni langs na mthong la mnyam par bzhag na mi mthong ngo/ /la las ni sdug pa'i rnam par mthong la mi sdug pa'i rnam par ma yin no/ /la las ni mi sdug pa'i rnam par mthong la sdug pa'i rnam par ma yin no/ /la las ni 
ma btsal bas mi mthong la btsal bas mthong ngo/ /la las ni ma btsalabs mthong la btsal bas mi mthong ngo/ /la las ni bsgrims na mthong la ma bsgrims nam yin no/ /la las ni ma bsgrims na mthong la bsgrims nam yin no/ /zhi ba'i blo gros de ltar de bzhin gshegs pa'i 
sku ni 'di dag dang/ gzhan yang tshad med pa'i rnam par ston par mdzad do/ /gang yang gzugs na spyod pa'i lha'i bu lus dang/ spyod pa dang spyod lam rab tu zhi ba/ mnyam par bzhag pa/ lus zhi ba dul ba de dag gi mig kyang 'khrul par 'gyur te/ de bzhin gshegs </font><hr>39-1-128b<br><font size=+1>
pa'i sku la dpag par bya ba 'am/ mtshan ma gzung bar mi nus so/ /de ci'i phyir zhe na/ zhi ba'i blo gros de bzhin gshegs pa'i sku ni kha dog tha dad pas tshad med pa'o/ /chos kyi skus rab tu phye ba'i phyir nam mkha' dang mtshungs so/ /zhi ba'i blo gros nam mkhas ji tsam du khyab pa 
de tsam du de bzhin gshegs pa'i skus khyab bo/ /zhi ba'i blo gros 'di lta ste dper na nam mkha' ni thams cad kyi rjes su song ba'o/ /zhi ba'i blo gros de bzhin du de bzhin gshegs pa'i sku yang thams cad kyi rjes su song ba'o/ /zhi ba'i blo gros 'di lta ste dper na nam mkha' ni spros pa 
med pa'o/ /zhi ba'i blo gros de bzhin du de bzhin gshegs pa'i sku yang spros pa mi mnga' ba'o/ /zhi ba'i blo gros 'di lta ste/ dper na nam mkha' ni sems can thams cad kyi nye bar 'tsho ba'o/ /zhi ba'i blo gros de bzhin du de bzhin gshegs pa'i sku yang sems can thams cad 
kyi nye bar 'tsho ba'o/ /zhi ba'i blo gros 'di lta ste dper na nam mkha' ni 'gyur ba med cing rnam par rtog pa med do/ /zhi ba'i blo gros de bzhin du de bzhin gshegs pa'i sku yang 'gyur ba mi mnga' zhing rnam par rtog pa mi mnga'o/ /zhi ba'i blo gros 'di lta ste dper na nam mkha' ni 
gzugs su snang ba thams cad du zhugs pa'o/ /zhi ba'i blo gros de bzhin du de bzhin gshegs pa'i sku yang sems can du snang ba thams cad du zhugs pa'o/ /zhi ba'i blo gros 'di lta ste dper na nam mkha'i nang du ni gzugs su snang ba thams cad 'dus so/ /zhi ba'i blo gros 
de bzhin du de bzhin gshegs pa'i sku'i nang du yang sems can du snang ba thams cad 'dus so/ /zhi ba'i blo gros 'di lta ste dper na nam mkha' la ni rtswa dang/ shing gel pa dang/ sman dang/ nags tshal thams cad rnam par 'phel lo/ /zhi ba'i blo gros de bzhin du de bzhin 
gshegs pa'i sku las kyang sems can thams cad kyi dge ba'i rtswa ba dag rnam par 'phel lo/ /zhi ba'i blo gros 'di lta ste dper na nam mkha' ni rtag pa yang ma yin/ mi rtag pa yang ma yin te cir yang brjod pa ma yin no/ /zhi ba'i blo gros de bzhin du de bzhin gshegs pa'i </font><hr>39-1-129a<br><font size=+1>
sku yang rtag pa yang ma yin/ mi rtag pa yang ma yin te/ cir yang brjod pa ma yin no/ /zhi ba'i blo gros de bzhin gshegs pa dgra bcom pa yang dag par rdzogs pa'i sangs rgyas rnams ni sbyi gtsug bltar mi mthong ba ste/ zhi ba'i blo gros gang de bzhin gshegs 
pa'i spyi gtsug mthong bar nus pa de ni kho bos lha dang bcas pa dang/ bdud dang bcas pa dang/ tshangs pa dang bcas pa dang/ dge sbyong dang bram zer bcas pa'i skye dgu dang/ lha dang mi dang lha ma yin du bcas pa'i 'jig rten na ma mthong ngo/ /de ci'i phyir zhe na/ zhi ba'i blo gros kho 
bos 'di ltar mngon par shes te/ bcom ldan 'das mngon par rdzogs par sangs rgyas nas ring po ma lon te chos kyi 'khor lo bskor nas grong khyer bA ra NA sI na drang srong lhung ba ri dgas kyi nags na bzhugs pa'i dus gcig na shar phyogs logs kyi de bzhin gshegs pa tsam pa ka'i 
mdog gi sangs rgyas kyi zhing 'jig rten gyi khams dgra 'dul nas byang chub sems dpa' shugs 'chang zhes bya ba de bcom ldan 'das la blta ba dang/ phyag bya ba dang/ mchod pa dang/ bsnyen bkur bya ba'i phyir 'jig rten gyi khams mi mjed 'dir 'ongs te/ des 
bcom ldan 'das kyi zhabs la mgo bos phyag 'tshal nas lan gsum bskor ba byas te bcom ldan 'das kyi spyan sngar 'dug go /de nas sangs rgyas kyi mthus byang chub sems dpa' shugs 'chang 'di snyam du sems te/ sangs rgyas bcom ldan 'das rnams ni spyi gtsug bltar 
mi mthong la sku tshad med cing mtha' yas kyang/ bdag gis de bzhin gshegs pa'i sku'i tshad dang mtha' yongs su btsal bar bya'o snyam mo/ /de nas byang chub sems dpa' shugs 'chang gis rang gi lus dpag tshad brgyad khri bzhi stong du byin gyis brlabs te/ de bzhin 
gshegs pa'i sku la bltas nas des de bzhin gshegs pa'i sku dpag tshad 'bum phrag drug cu rtsa brgyad par mthong nas des 'di snyam du sems te/ bdag ni mngon par shes pa thob pa rdzu 'phrul gyi rkang pas rnam par rtse ba yin gyis bdag gis de bas kyang rgya cher de bzhin </font><hr>39-1-129b<br><font size=+1>
gshegs pa'i sku'i tshad btsal bar bya'o snyam nas de sangs rgyas kyi mthu dang/ rang gi rdzu 'phrul gyi stobs bskyed pas steng gi phyogs logs su sangs rgyas kyi zhing gang gA'i klung bye ba phrag brgya'i bye ma snyed 'das te 'jig rten gyi khams pad ma can zhes bya ba de na/ de bzhin 
gshegs pa pad ma'i dpal gyi rgyal po'i snying po zhes bya ba da lta na bzhugs shing 'tsho la gzhes te/ chos kyang ston pa der byang chub sems dpa' shugs 'chang phyin nas de 'jig rten gyi khams der gnas kyang/ de bzhin gshegs pa'i spyi gtsug mthong bar ma nus shing/ 
de bzhin gshegs pa'i sku'i tshad dam mtha' yang ma dmigs so/ /de nas byang chub sems dpa' shugs 'chang bcom ldan 'das de bzhin gshegs pa pad ma'i dpal gyi rgyal po'i snying po ga la ba der song ste phyin nas bcom ldan 'das pad ma'i dpal gyi rgyal po'i snying po de'i 
zhabs la mgo bos phyag 'tshal te/ lan bdun bskor ba byas nas bcom ldan 'das de'i spyan sngar 'dug ste/ des bcom ldan 'das de la 'di skad ces gsol to/ /bcom ldan 'das bdag thag ji srid cig nas mchis/ bcom ldan 'das des bka' stsal pa/ rigs 
kyi bu gang gA'i klung bye ba phrag brgya'i bye ma snyed kyi sangs rgyas kyi zhing 'das pa nas khyod 'jig rten gyi khams 'dir 'ongs so/ /byang chub sems dpa' shugs 'chang gis gsol pa/ bcom ldan 'das bdag thag ring mo zhig nas mchis kyang bcom ldan 'das de bzhin 
gshegs pa shAkya thub pa de'i dbu'i gtsug mthong bar yang rngo ma thog la/ sku'i tshad dam mtha' rtogs par yang rngo ma thog lags so/ /bcom ldan 'das des bka' stsal pa/ rigs kyi bu khyod gal te shugs 'di nyid dang/ rdzu 'phrul gyi stobs bskyed pa 'di nyid kyis gang 
gA'i klung gi bye ma snyed kyi bskal par steng gi phyogs logs su song du zin kyang bcom ldan 'das de'i sku'i mtha' rtogs par mi nus so/ /rigs kyi bu gang yang dpe gzhag pa ji snyed pa de bzhin gshegs pa'i tshul khrims kyi dper bya ba 'am/ ting nge 'dzin dang/ shes rab dang/</font><hr>39-1-130a<br><font size=+1>
rnam par grol ba dang/ rnam par grol ba'i ye shes mthong ba dang/ sku dang gsung dang thugs dang/ gzugs dang mtshan gyi dper bya ba'i dpe dgod pa de dag thams cad ni de bzhin gshegs pa la skur ba 'debs pa'o/ /dpe gcig ni ma gtogs te/ 
'di ltar dpe nam mkha'o/ /nam mkha' ji tsam par de bzhin gshegs pa'i tshul khrims kyang de tsam mo/ /ting nge 'dzin kyang de tsam mo/ /shes rab kyang de tsam mo/ /rnam par grol ba yang de tsam mo/ /rnam par grol ba'i ye shes mthong ba yang de tsam mo/ /sku yang 
de tsam mo/ /gsung yang de tsam mo/ /thugs kyang de tsam mo/ /gzugs kyang de tsam mo/ /mtshan kyang de tsam mo/ /de bas na nam mkha' tshad med pas de bzhin gshegs pa'i sku tshad med par khong du chud par bya'o zhes bstan to/ /zhi ba'i blo gros de nas byang chub sems 
dpa' shugs 'chang gis bcom ldan 'das de las bstan pa 'di thos nas ngo mtshar du gyur te/ tshim zhing mgul yi rangs nas rab tu dga' ste/ dga' ba dang yid bde ba skyes nas bcom ldan 'das de'i zhabs la mgo bos phyag 'tshal te/ lan bdun bskor ba byas nas 
sangs rgyas kyi zhing de nyid nas mi snang bar gyur pa dang/ sangs rgyas kyi mthu dang/ rang gi rdzu 'phrul gyi stobs kyis sems kyi rnam par rtog pa tsam gyis 'jig rten gyi khams mi mjed 'dir bcom ldan 'das shAkya thub pa'i spyan sngar phyin te/ des bcom ldan 'das kyi zhabs 
la mgo bos phyag 'tshal nas bcom ldan 'das la lan gsum bskor ba byas te/ bcom ldan 'das kyi spyan sngar 'dug nas thal mo sbyar te de'i tshe tshigs su bcad pa 'di dag gsol to/ /nam mkha' mtshungs shing 'dra ba yi/ /sangs rgyas chos la mi gang zhig /pha rol 
tu ni mchi 'tshal ba/ /de ni nyam thag 'gyur ba lags/ /sangs rgyas sku ni blta slad du/ /gang gA bye ba phrag brgya yi/ /bye ma ji snyed de snyed kyi/ /zhing rnams su ni bdag mchis so/ /de snyed zhing du mchis nas ni/ /pad ma can gyi zhing du mchis/ /'on kyang khyod kyi dbu </font><hr>39-1-130b<br><font size=+1>
gtsug dang/ /sku yi tshad kyang ma mthong lags/ /zhing de na ni 'dren bzhugs pa/ /mtshan ni dpal gyi snying po lags/ /de yis bdag gi bsam mkhyen nas/ /'di skad du ni bka' stsal to/ /la las sangs rgyas chos rnams la/ /dpe dgod ji snyed byed pa ni/ /
de dag sangs rgyas mi 'tsham ste/ /de dag rgyal la skur pa 'debs/ /'di la dpe gcig yang dag ste/ /nam mkha'i khams su bstan pa lags/ /de ni sangs rgyas chos dang 'thun/ /gang na 'ang de yi tshad ma mchis/ /nam mkha' 'di ni ji tsam par/ /sangs rgyas 
gyi ni tshul khrims dang/ /ting nge 'dzin dang rnam grol dang/ /rnam grol ye shes mthong de tsam/ /nam mkha'i tshad ni ji tsam pa/ /sangs rgyas gzugs kyang de tsam ste/ /'jig rten mgon po'i dbu gtsug kyang/ /nam mkha'i khams dang mtshungs pa lags/ /nam mkhas 
ji snyed khyab gyur pa/ /skus kyang de snyed khyab pa lags/ /sku yis ji snyed khyab gyur pa/ /'od kyis kyang ni de snyed khyab/ /'od kyis ji snyed khyab gyur pa/ /gsung gis kyang ni de snyed khyab/ /gsung gis ji snyed khyab gyur pa/ /thugs kyis kyang ni de snyed khyab/ /thugs kyis 
ji snyed khyab gyur pa/ /byams pas kyang ni de snyed khyab/ /byams pas ji snyed khyab gyur pa/ /ye shes kyis ni de snyed khyab/ /ye shes ji snyed khyab gyur pa/ /sku yis kyang ni de snyed khyab/ /gang gis byang chub blo bskyed pa/ /de snyed bsod nams khyab par bgyid/ /byang chub sems 
kyi bsod nams gang/ /de la gal te gzugs mchis na/ /nam mkha'i khams ni kun gang ste/ /de ni de bas lhag par 'gyur/ /sems can kun gyi bsod nams kyi/ phung po ji snyed yongs bzung ba/ /de snyed byang chub sems dpa' yi/ /byang chub sems las rab tu byung/ /
byang chub sems kyi bsod nams kyi/ phung po ji snyed brjod pa bas/ /dam pa'i chos ni yongs 'dzin na/ /de bas bsod nams ches mang ngo/ /dam chos 'dzin pa'i bsod nams ni/ /sangs rgyas kun gyis nan tan du/ /bskal pa bye bar brjod mdzad kyang/ /</font><hr>39-1-131a<br><font size=+1>
mtha' mar phyin par 'gyur ma lags/ /dam pa'i chos ni 'dzin pa dang/ /byang chub sems kyi bsod nams de/ /stong pa nyid la mos pa yi/ /bcu drug cha yang mi ri lags/ /stong pa nyid la 'dir mos nas/ /byang chub sems kyang mi gtong dang/ /
dam pa'i chos ni 'dzin bgyid pa/ /de ni bsod nams sdud pa lags/ /byang chub sems dpa' grags chen po/ /chos kyi rtogs pa 'di thos nas/ /de yis byang chub spyad spyod cing/ /sangs rgyas yon tan thob par 'gyur/ /tshigs su bcad pa brjod pa na/ /
zhing rnams bye ba rab tu g.yos/ /lha ni bye ba phrag stong gis/ /rol mo sil snyan bye ba blangs/ /sangs rgyas kyi ni che ba nyid/ /shugs 'chang gis ni bshad thos nas/ /srog chags bye ba phrag stong dag /byang chub tu ni sems bskyed do/ /sangs rgyas thams cad 
gzigs pa po/ /rang byung rnams kyi gsang ba'i gnas/ /gnas 'di bsam gyis mi khyab ste/ /dpag yas bla na ma mchis lags/ /zhi ba'i blo gros 'di yang de bzhin gshegs pa'i sku'i gsang ba'o//  //bam po bzhi pa/zhi ba'i blo gros de na sems 
can du ma 'khor gcig tu 'dus pa dag las kha cig gis ni de bzhin gshegs pa'i sku mthong ngo/ /kha cig gis ni ma mthong ngo/ /de la gang dag gis mthong ba de dag ni dga' ba skyes nas lta'o/ /gang dag gis ma mthong ba de dag ni cang mi smra bar gyur cing sdod do/ /zhi ba'i 
blo gros de bzhin gshegs pa ni zhal zas mi gsol mod kyi sems can rnams kyis de bzhin gshegs pa'i zhal zas gsol bar mthong ngo/ /zhi ba'i blo gros de la byang chub kyi rim gro ba'i lha gzi brjid kyi stobs zhes bya ba dag rtag tu de bzhin gshegs pa'i zhabs 'bring du 'brang 
zhing de dag de bzhin gshegs pa'i zhal zas snod du zed na sems can rnams kyis de bzhin gshegs pas kham tshad du blangs te gsol bar mthong ngo / /de bzhin gshegs pas kham tshad du blangs pa de yang snod de nyid na 'dug pa de lha de dag gis khyer nas de bzhin gshegs pas </font><hr>39-1-131b<br><font size=+1>
'dul ba'i sems can sngon dge ba'i rtsa ba bskyed pa/ las kyi sgrib pa'i dbang gis skye gnas de dang de dag tu 'phangs pa/ bza' ba dang/ btung ba dang/ zas mi rnyed pa/ bkres pas nyam chung bar gyur pa ji snyed pa de dag la de bzhin gshegs pa'i bshos kyi pham babs 
de byin nas sems can de dag gis kyang zas de zos pa dang/ bkres skom dang bral te/ bde zhing lus tshim nas bsam pa thag pa nas bla na med pa yang dag par rdzogs pa'i byang chub tu sems bskyed do/ /gang dag log par ltung ba yi dgas sam gshin rje'i 'jig rten na gnas 
pa byang chub tu sems bskyed par mi nus pa de dag la yang de nyid mya ngan las 'das pa'i bar gyi rgyur 'gyur ro/ /zhi ba'i blo gros rnam grangs 'dis na yang khyod kyis ji ltar de bzhin gshegs pa zhal zas mi gsol zhing de bzhin gshegs pa chos kyi zhal zas can du de ltar rig par bya 
ste/ zhi ba'i blo gros de bzhin gshegs pa'i sku ni sred med kyi bu ltar mkhregs pa/ sra ba snying po can/ mi shigs pa/ rdo rje'i rang bzhin no/ /zhi ba'i blo gros de bzhin gshegs pa'i sku la ni pho ba dang long ka med do/ /rnag gam/ khrag gam/ mchi ma 'am/ ngar snabs sam/ 
ngan skyugs sam/ mi gtsang ba med kyi zhi ba'i blo gros de bzhin gshegs pa'i sku ni 'dzam bu'i chu bo'i gser gyi gar bu lta bu ste/ khong stong ma yin pa/ bu ga med pa/ kha na ma tho ba med pa'o/ /zhi ba'i blo gros 'di ltar lci khyad rdo rje dang 'dra yang 'jam khyad ka tsa lin di ka ltar reg na bde bar 
'gyur bas de bzhin gshegs pa'i sku'i che ba nyid la ltos/ zhi ba'i blo gros gang gi tshe gzi brjid che ba gzi brjid che ba'i lha'i bu rnams dang/ lha'i bu mo rnams de bzhin gshegs pa'i zhabs la phyag 'tshal ba na/sngon ma reg pa'i reg pa reg nas bla na med pa yang dag par rdzogs pa'i 
byang chub tu sems bskyed de/ /de dag nyon mongs pa skyed par mi 'gyur ba'i dus de dang tshod de yod do/ /zhi ba'i blo gros sems can 'dod chags la spyod pa gang dag gis de bzhin gshegs pa'i sku mthong ba de dag de bzhin gshegs pa'i sku mthong ma thag tu bdag nyid 'dod chags dang bral </font><hr>39-1-132a<br><font size=+1>
bar shes so/ /zhe sdang la spyod pa gang dag gis mthong na de dag byams pa 'thob bo/ /gti mug la spyod pa gang dag gis mthong na de dag ye shes kyi snang ba 'thob bo/ /cha mnyam pa la spyod pa gang dag gis mthong na de dag nyon mongs pa dang bral bar shes so/ /
ser sna can gang dag gis mthong na de dag gtong ba la mos par 'gyur ro/ /tshul khrims 'chal pa gang dag gis mthong na de dag tshul khrims la mos par 'gyur ro/ /gnod sems can gang dag gis mthong na de dag bzod pa 'thob bo/ /le lo can gang dag gis mthong na de 
dag brtson 'grus la mos par 'gyur ro/ /sems g.yeng ba gang dag gis mthong na de dag ting nge 'dzin 'thob bo/ /shes rab 'chal pa gang dag gis mthong na de dag shes rab la mos par 'gyur ro/ /rigs kyi bu mdor na sems can dkar po'i chos gang dang gang dag 
dang bral ba dag gis de bzhin gshegs pa'i sku mthong ba de dang de dag de bzhin gshegs pa'i sku mthong ma thag tu mi dge ba'i rnam par rtog pa thams cad rgyun chad nas dge ba'i sems la rab tu gnas par 'gyur te de la yang de bzhin gshegs pa rnam par rtog pa mi mnga' zhing 
btang snyoms pa ste/ zhi ba'i blo gros 'di yang de bzhin gshegs pa'i sku'i gsang ba'o/ /zhi ba'i blo gros/ de bzhin gshegs pas sprul pa gang sprul pa de yang lhun gyis 'grub cing sgrim pa mi mnga' ba dang/ mngon par 'du mdzad pa mi mnga' bas mdzad de de bzhin 
gshegs pa 'di snyam du ngas sprul pa dag sprul to/ /sprul lo/ /sprul par bya'o snyam du mi dgongs mod kyi 'on kyang sprul pas 'dul ba'i sems can ji snyed par 'jig rten gyi khams 'di 'am/ 'jig rten gyi khams grangs med pa brgya stong de dang de dag tu sems can yongs 
su smin par mdzad pa'i don du de bzhin gshegs pa'i sprul pa de snyed du bzhud de/ zhi ba'i blo gros 'di yang de bzhin gshegs pa'i sku'i gsang ba'o/ /zhi ba'i blo gros de bzhin gshegs pas sems can yongs su smin par mdzad pa'i don du sku las 'od kha dog du ma/ kha dog tha dad pa/</font><hr>39-1-132b<br><font size=+1>
kha dog brgya stong pa gang phyung ste/ 'od des phyogs bcu'i sangs rgyas kyi zhing gang gA'i klung gi bye ma snyed snang bar byed pa de yang lhun gyis grub cing sgrim pa mi mnga' ba dang/ mngon par 'du mdzad pa mi mnga' bas mdzad de/ zhi ba'i blo gros 'di yang de bzhin gshegs pa'i sku'i gsang ba dang/ 
sku'i phrin las te/ sku'i phrin las yongs su dag pa la 'jug pa cung zad tsam zhig bstan du zad kyi bskal pa 'am/ de bas lhag par brjod kyang de bzhin gshegs pa'i sku'i phrin las yongs su dag pa'i yon tan bsngags pa'i mthar phyin par mi nus so/ /de bzhin gshegs pa'i gsang 
ba bsam gyis mi khyab pa bstan pa 'di bshad pa na srog chags khris ni bla na med pa yang dag par rdzogs pa'i byang chub tu sems bskyed do/ /byang chub sems dpa' brgya stong ni mi skye ba'i chos la bzod pa thob par gyur to/ /thams cad dang ldan pa'i 'khor des kyang de bzhin gshegs 
pa dang/ gsang ba pa'i bdag po lag na rdo rje la lha dang mi'i me tog rnams kyis mngon par gtor to/ /bcom ldan 'das kyis kyang phyag g.yas pa gser gyi kha dog can brkyang ste/ gsang ba pa'i bdag po lag na rdo rje'i spyi bo la bzhag nas gsang ba pa'i bdag po lag na 
rdo rje khyod kyis de bzhin gshegs pa'i gsang ba bstan pa 'di legs par smras pa legs so legs so/ /de bzhin gshegs pas kyang gnang zhing rjes su dgyes so/ /legs so zhes bya ba gnang ngo / /de bzhin gshegs pa'i sku'i gsang ba'i le'u ste bdun pa'o// //gsang ba pa'i bdag po lag na rdo rjes gzhan yang byang chub sems dpa' sems dpa' chen po zhi ba'i blo gros la 'di skad ces smras so/ /zhi ba'i blo gros de la de bzhin gshegs pa'i gsung gi gsang ba dang/ gsung gi phrin las yongs su dag pa gang zhe na/ zhi ba'i blo gros gang gi 
nub mo de bzhin gshegs pas bla na med pa yang dag par rdzogs pa'i byang chub mngon par sangs rgyas pa dang/ gang gi nub mo len pa mi mnga' bar yongs su mya ngan las 'da' bar 'gyur ba de'i bar du de bzhin gshegs pas tha na yi ge'i 'bru gcig kyang ma gsungs so/ /gsung </font><hr>39-1-133a<br><font size=+1>
bar mi 'gyur ro/ /de ci'i phyir zhe na/ zhi ba'i blo gros de bzhin gshegs pa ni rtag tu mnyam par bzhag pa ste/ de bzhin gshegs pa la dbugs 'byung ba 'am rngub pa mi mnga'o/ /rnam par mi rtog go /rnam par mi dpyod do/ /rnam par rtog pa dang rnam 
par dpyod pa med pa na ngag mi 'byung ste/ de bzhin gshegs pa de yang rnam par mi rtog /rnam par mi dpyod/ rtog par mi mdzad/ rnam par rtog par mi mdzad/ mi gsung/ mi rjod/ gsung bar mi mdzad kyang sems can rnams 'di snyam du sems te/ de bzhin gshegs 
pa ni gsung ngo snyam mo/ /de bzhin gshegs pa ni shin tu mnyam par bzhag pa ste/ yi ge'i rnam par rtog pa thams cad kyi thams cad du rnam par rig par mi mdzad kyang sems can yi ge lhur len pa rnams 'di snyam du sems te/ de bzhin gshegs pa ni bdag 
cag la chos ston to/ /bdag cag ni de bzhin gshegs pa'i chos bstan pa kun shes so snyam mo/ /de la yang de bzhin gshegs pa ni rnam par mi rtog cing btang snyoms su mdzad do/ /zhi ba'i blo gros de bzhin gshegs pa'i tshems dang/ sgros dang/ zhal gyi rkan dang/ 
ljags dang/ zhal gyi sgo nas sgra 'byung ba yang med la 'byung bar yang grag go /de bzhin gshegs pa'i gsung gi sgra 'byung ba de ni nam mkha' las 'byung na sems can rnams 'di snyam du sems te/ sgra 'di ni de bzhin gshegs pa'i zhal gyi sgo nas 'byung ngo snyam mo/ /
zhi ba'i blo gros de bzhin gshegs pa'i gsung ni rnam pa drug cu rtsa bzhi dang ldan par 'byung ste/ rnam pa drug cu rtsa bzhi gang zhe na/ 'di lta ste mnyen pa'i gsung 'byung ba dang/ 'jam pa dang/ yid du 'ong ba dang/ yid du 'thad pa dang/ dag pa dang/ dri ma med pa dang/ 
'od gsal ba dang/ snyan cing 'jebs pa dang/ mnyan par 'os pa dang/ mi tshugs pa dang/ snyan pa dang/ dul ba dang/ mi rtsub pa dang/ mi brlang ba dang/ rab tu dul ba dang/ rnar snyan pa dang/ lus sim par byed pa dang/ sems tshim par byed pa dang/</font><hr>39-1-133b<br><font size=+1>
snying dga' bar byed pa dang/ dga' bde skyed pa dang/ yongs su gdung ba med pa dang/ kun du shes par bya ba dang/ rnam par rig par bya ba dang/ rnam par gsal ba dang/ dga' bar byed pa dang/ mngon par dga' bar byed pa dang/ kun shes par byed pa dang/ 
rnam par rig par byed pa dang/ rigs pa dang 'brel pa dang/ zlos pa'i skyon med pa dang/ seng ge'i sgra'i shugs can dang/ glang po che'i sgra skad dang/ 'brug gi sgra dbyangs dang/ klu'i dbang po'i sgra dang/ dri za'i glu dbyangs dang/ bya ka la ping ka'i sgra dbyangs dang/ tshangs 
pa'i sgra dbyangs bsgrags pa dang/ shang shang te'u'i sgra dbyangs su grag pa dang/ lha'i dbang po'i dbyangs ltar snyan pa dang/ rnga'i sgra dang/ ma khengs pa dang/ mi dma' ba dang/ sgra thams cad kyi rjes su zhugs pa dang/ tshig zur chag pa med pa dang/ ma tshang ba med pa dang/ 
ma zhum pa dang/ mi zhan pa dang/ rab tu dga' ba dang/ khyab pa dang/ chub pa dang/ rgyun chags pa dang/ 'brel pa dang/ sgra thams cad rdzogs par byed pa dang/ dbang po thams cad tshim par byed pa dang/ ma smad pa dang/ mi 'gyur ba dang/ ma brtabs pa dang/ 'khor 
kun du grag pa dang/ 'dod chags zhi bar byed pa dang/ zhe sdang 'dul ba dang/ gti mug sel ba dang/ bdud tshar gcod pa dang/ rnam pa thams cad kyi mchog dang ldan par 'byung ba ste/ zhi ba'i blo gros de bzhin gshegs pa'i gsung ni yan lag drug cu rtsa bzhi po de dag dang 
ldan par 'byung ngo/ /zhi ba'i blo gros gzhan yang de bzhin gshegs pa'i gsung ni phyogs bcu'i 'jig rten gyi khams thams cad rgyas par 'gengs shing sems can thams cad kyi bsam pa yang dag par tshim par mdzad kyang/ zhi ba'i blo gros de bzhin gshegs pa ni 'di snyam du nga mdo'i 
sde'am/ dbyangs kyis bsnyad pa'i sde'am/ lung bstan pa'i sde'am/ tshigs su bcad pa'i sde'am/ ched du brjod pa'i sde 'am/ gleng gzhi'i sde 'am/ de lta bu byung ba'i sde 'am/ skyes pa rabs kyi sde 'am/ shin tu rgyas pa'i sde 'am/ rmad du byung ba'i chos kyi sde 'am/ gtan la </font><hr>39-1-134a<br><font size=+1>
dbab par bstan pa'i sde'am/ dpe 'am/ sngon gyi tshul lam/ rtogs pa brjod pa'i sde 'am/ kun tu bsnyad pa 'di ston to zhe 'am/ rab tu gsal bar mdzad do zhe 'am/ rab tu shes par mdzad do zhe 'am/ rab tu 'jog go zhe 'am/ rnam 
par 'byed do zhe 'am/ rnam par 'grel to zhe 'am/ rjod do zhe 'am/ yang dag par bsgrags par mdzad do snyam du mi dgongs so/ /de lta mod kyi/ de bzhin gshegs pa'i 'khor 'dus pa ci 'dra ba dge slong gi 'khor ram/ dge slong ma'i 'khor ram/ dge bsnyen gyi 'khor ram/ 
dge bsnyen ma'i 'khor ram/ lha dang/ klu dang/ gnod sbyin dang/ dri za dang/ lha ma yin dang/ nam mkha' lding dang/ mi'am ci dang/ lto 'phye chen po'i 'khor kyang rung ste/ der de dag gi dbang po'i rim pa dang/ de dag ci 'dra ba'i chos kyi sbyin pa thos pas dgos par 'gyur 
ba de 'dra ba'i chos kyi sbyin pa thos pa de de bzhin gshegs pa'i zhal gyi sgo nas 'byung bar shes kyang chos bstan pa de ni phan tshun gyi nges pa'i tshig tha dad pa la gnod pa med par thams cad kyang rang rang gi chos rnam par rig pa kun tu shes te/ zhi ba'i blo gros/ 'di ni de bzhin gshegs pa'i 
gsung gi gsang ba'o/ /zhi ba'i blo gros/ gzhan yang de bzhin gshegs pas sems can tshad med pa dag gi spyod pa tshad med pa gsung na/ sems can gyi spyod pa brgyad khri bzhi stong zhes 'byung ba ni/ sems can dbang po mthu chung ba rnams gzud pa'i phyir bstan pa 'di de bzhin 
gshegs pas bstan gyi/ zhi ba'i blo gros/ sems can gyi spyod pa ni tshad med de sems can 'dod chags la spyod pa rnams kyi spyod pa gang yin pa de bskal pa tsam du bshad kyang de bas lhag par 'gyur ro/ /zhe sdang la spyod pa rnams kyi gang yin pa dang/ gti mug la spyod pa 
rnams kyi gang yin pa dang/ sems can cha mnyam pa la spyod pa rnams kyi spyod pa gang yin pa de dag bskal pa tsam du bstan kyang de dag re re yang de bas lhag par 'gyur ro/ /zhi ba'i blo gros/ gal te de bzhin gshegs pa'i sku tshe'i tshad bskal pa brgya stong du </font><hr>39-1-134b<br><font size=+1>
bzhugs pas/sems can rnams la chos bstan pa gzhan gyi skabs mi dbye bar sems can gyi spyod pa nyid bstan kyang de bzhin gshegs pa'i sku tshe mthar thug par 'gyur gyi/ sems can gyi spyod pa la mthar thug pa gang yang med do/ /sems can 
rnams mgo rmongs su 'ong zhes sems can gyi spyod pa de tsam du tshad med pa de yang de bzhin gshegs pas tshad dang ldan par ston to/ /zhi ba'i blo gros/ de la de bzhin gshegs pa'i gsung ni ji ltar spyod pa khong du chud par 'gyur ba de bzhin du/ sems can gyi spyod pa 
thams cad la 'byung ste/ zhi ba'i blo gros/'di yang de bzhin gshegs pa'i gsung gi gsang ba'o/ /zhi ba'i blo gros/ sems can gang dag de bzhin gshegs pa'i gsung gi gsang ba'i ye shes kyi rjes su zhugs pa de dag ni de bzhin gshegs pa'i gsung 
zhal gyi sgo nas 'byung bar mi shes kyi nam mkha' las 'byung bar shes so/ /zhi ba'i blo gros/ sems can rnams kyis de bzhin gshegs pa'i gsung zhal gyi sgo nas 'byung bar shes so snyam du khyod sems na de ltar mi blta'o/ /de ci'i phyir zhe na/
zhi ba'i blo gros/ sems can gang dag de bzhin gshegs pa'i gsung gtsug tor nas byung bar shes pa dang/ spyi gtsug nas byung bar shes pa dang/ dbu skra rnams las byung bar shes pa dang/ phrag pa nas byung bar shes pa dang/  'phral ba dang/ 
smin mtshams dang/ mdzod spu dang/ spyan dang/ snyan dang/ shangs dang/ 'gram pa dang/ zhal dang/ mgur nas byung bar shes pa dang/ de bzhin du dpung pa dang/ phyag dang/ sor mo dang/ rtsib logs dang/ brang dang/ rgyab dang/ lte ba dang/ gsang ba'i 
gnas dang/ brla dang/ pus mo'i lha nga dang/ byin pa dang/ long bu dang/ zhabs kyi mthil dang/ mtshan rnams dang/ dpe byad bzang po rnams dang/ spu'i khung bu thams cad nas de bzhin gshegs pa'i gsung 'byung bar shes pa'i sems can kha cig yod de/ zhi ba'i </font><hr>39-1-135a<br><font size=+1>
blo gros 'di yang de bzhin gshegs pa'i gsung gi gsang ba'o/ /zhi ba'i blo gros mos pa ji lta ba dang/ yongs su smin pa ji lta ba dang/ bsam pa ji lta ba de bzhin du de bzhin gshegs pa'i gsung 'byung bar shes kyang zhi ba'i blo gros de la de bzhin gshegs 
pa ni rnam par rtog pa mi mnga' ste btang snyoms pa'o/ /zhi ba'i blo gros 'di lta ste dper na rol mo sil snyan gyi 'khrul 'khor de tsam du legs par sbyar ba byas pa gang dag la lag gis ma reg par rlung gis bskyod pas sgra snyan pa 'byung ba dag kyang yod do/ /'on kyang de la sgra 'byin 
par spro ba ni gang yang med mod kyi yongs su sbyang ba byas pa'i khyad par gyis sgra snyan pa yang 'byung ngo/ /zhi ba'i blo gros de bzhin du de bzhin gshegs pa'i gsung yang sems can gyi bsam pa'i shes pas bskyod na 'byung ste/ 'on kyang de la de bzhin gshegs pa'i gsung 'byin par 
spro ba yang mi mnga' mod kyi sngon yongs su sbyang ba mdzad pa'i khyad par gyis de bzhin gshegs pa'i gsung sems can thams cad kyi yul gyi rjes su 'jug par yang 'gyur ro/ /zhi ba'i blo gros 'di lta ste dper na brag cha'i sgra ni gzhan rnam par rig par byed par yang 'byung la de ni nang na 
yang ma yin/ phyi rol na yang ma yin/ gnyi ga med pa las kyang mi dmigs so/ /zhi ba'i blo gros de bzhin du de bzhin gshegs pa'i gsung yang sems can gyi bsam pa rnam par rig par byed par yang 'byung la de ni nang na yang ma yin/ phyi rol na yang ma yin la gnyi ga med 
par yang mi dmigs so/ /zhi ba'i blo gros 'di lta ste dper na/ rgya mtsho chen po'i nang na yid bzhin gyi nor bu rin po che bsam pa thams cad yongs su skong ba zhes bya ba yod de/ de rgyal mtshan gyi rtse mo la btags na sems can gang gi bsam pa ci 'dra bar gyur pa de 'dra ba'i sgra de 
las 'byung yang nor bu rin po che de ni rnam par mi rtog go /zhi ba'i blo gros de bzhin du de bzhin gshegs pa'i gsung rin po che lhag pa'i bsam pas yongs su dag pa yang snying rje chen po'i rgyal mtshan gyi rtse mo la btags na sems can gang gi bsam pa ci 'dra bar gyur pa de 'dra bar </font><hr>39-1-135b<br><font size=+1>
de bzhin gshegs pa'i gsung 'byung bar des shes kyang de la de bzhin gshegs pa ni rnam par rtog pa mi mnga' zhing btang snyoms pa ste/ zhi ba'i blo gros 'di yang de bzhin gshegs pa'i gsung gi gsang ba'o/ /zhi ba'i blo gros sangs rgyas bcom ldan 'das rnams ni gsung 
dbyangs tshad med pa ste/ zhi ba'i blo gros gang zhig de bzhin gshegs pa'i dbyangs kyi tshad dam mtha' gzung bar nus pa de ni kho bos lha dang bcas pa dang/ bdud dang bcas pa dang/ tshangs pa dang bcas pa dang/ dge sbyong dang bram zer bcas pa'i skye dgu dang/ lha dang 
mi dang/ lha ma yin du bcas pa'i 'jig rten na ma mthong ngo/ /de ci'i phyir zhe na/ zhi ba'i blo gros kho bos mngon par shes te/ bcom ldan 'das rgyal po'i khab bya rgod kyi phung po'i ri 'di nyid la byang chub sems dpa'i tshogs kyis bskor cing bzhugs te/ byang chub sems 
dpa' sems dpa' chen po byams pa la brten nas dbyangs kyi dkyil 'khor yongs su dag pa zhes bya ba'i chos kyi rnam grangs rgya cher rab tu ston pa de mjug tu phyin pa'i dus kyi tshe tshe dang ldan pa maud gal gyi bu chen po 'di snyam du sems te/ de bzhin gshegs pa'i gsung 
gi dkyil 'khor ji srid cig tu ring du 'gro ba zhig bdag gis de bzhin gshegs pa'i gsung gi dkyil 'khor dpag par bya'o snyam mo/ /de nas gnas brtan maud gal gyi bu chen po rang gi stan gyi steng nas mi snang bar gyur te/ ri rab kyi rtse mor phyin nas de de na 'dug na yang de 
bzhin gshegs pa'i gsung de 'dra ba kho nar thos so/ /rang gi rdzu 'phrul gyi stobs kyis 'jig rten gyi khams mi mjed 'di'i nub phyogs kyi ri rab las 'das shing gling bzhi pa las kyang 'das khor yug las kyang 'das te/ 'jig rten gyi bar gyi khor yug gi zom la 'dug na 
yang bcom ldan 'das kyi gsung lhag chad med cing mnyam par de 'dra ba kho nar thos so/ /de nas bcom ldan 'das kyis 'di snyam du dgongs te/ kye ma maud gal gyi bu 'di nga'i sgra skad dpog par 'dod kyis ngas 'di la rdzu 'phrul gyis bstang ngo snyam nas bcom ldan 'das kyis de la rdzu 'phrul </font><hr>39-1-136a<br><font size=+1>
gyis bstangs pa dang/ de sangs rgyas kyi mthu dang/ rang gi rdzu 'phrul gyi stobs kyis sangs rgyas kyi zhing 'di nas nub phyogs logs su sangs rgyas kyi zhing gang gA'i klung dgu bcu rtsa dgu'i bye ma snyed 'das pa na 'jig rten gyi khams 'od zer gyi rgyal mtshan zhes bya ba 
de na de bzhin gshegs pa 'od zer gyi rgyal po zhes bya ba da lta na bzhugs shing 'tshol gzhes te chos kyang ston pa der gnas brtan maud gal gyi bu chen pos phyin te/ de na 'dug kyang bcom ldan 'das kyi sgra skad de 'dra ba kho nar thos te/ 'di lta ste dper na 'dom gang tsam gyi phyogs na 
'dug pa'i mis mi cig shos kyi sgra thos pa de bzhin du gnas brtan maud gal gyi bu chen po 'jig rten gyi khams de na gnas kyang bcom ldan 'das kyi gsung sgra thos so/ /bcom ldan 'das de bzhin gshegs pa 'od zer gyi rgyal po de'i sku'i khrun ni dpag tshad tsam mo/ /byang chub sems 
dpa' de dag gi lus kyi khrun ni dpag tshad phyed do/ /de na byang chub sems dpa' de dag gi spyad par bya ba'i lhung bzed kyi rten ma gdu bu de la gnas brtan maud gal gyi bu chen po 'chag cing 'dug go /de nas byang chub sems dpa' de dag rab tu dga' nas bcom ldan 'das de la 
'di skad ces gsol to/ /bcom ldan 'das dge sbyong gi kha dog 'dra ba'i srog chags lhung bzed kyi rten ma'i gdu bu la 'chag cing mchis pa 'di ga las mchis pa zhig bcom ldan 'das des bka' stsal pa/ rigs kyi bu khyed 'di la brnyas pa'i sems ma skyed cig /de ci'i 
phyir zhe na/ 'di ni gnas brtan maud gal gyi bu chen po zhes bya ste/ bcom ldan 'das shAkya thub pa'i nyan thos kyi mchog go /nyan thos chen po rnams kyi nang na rdzu 'phrul dang ldan pa'i mchog go /de nas bcom ldan 'das de bzhin gshegs pa 'od zer gyi rgyal pos maud gal 
gyi bu chen po la 'di skad ces bka' stsal to/ /maud gal gyi bu khyod la byang chub sems dpa' 'di dag khyad du gsod kyis/khyod kyis 'di lta ste/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de nyid kyi byin gyi </font><hr>39-1-136b<br><font size=+1>
rlabs kyis rang gi rdzu 'phrul gyi cho 'phrul ston cig /de nas gnas brtan maud gal gyi bu chen pos bcom ldan 'das de'i zhabs la mgo bos phyag 'tshal te/ lan bdun bskor ba byas nas bcom ldan 'das de la 'di skad ces gsol to/ /bcom ldan 'das rin 
po che'i gling 'di skyil mo krung gcig gis khyab par bgyi'o/ /bka' stsal pa/ maud gal gyi bu khyod kyis de'i dus la bab par shes na gyis shig /de nas gnas brtan maud gal gyi bu chen po steng gi nam mkha' la shing ta la bdun tsam gyi gong du mngon par 'phags te/ rin 
po che'i gling de skyil mo krung gcig gis khyab par byas so/ /skyil mo krung de las kyang mu tig gi rgyan phreng bye ba khrag khrig brgya stong mngon par 'phyang ngo/ /mu tig gi rgyan phreng gi 'bru thams cad las kyang 'od zer brgya stong byung ngo/ /'od zer de dag thams cad kyi rtse mo 
dag las kyang pad ma rnams byung ngo/ /pad ma thams cad kyi snying po rnams la yang bcom ldan 'das shAkya thub pa ci 'dra ba de 'dra ba'i de bzhin gshegs pa'i gzugs bzhugs par snang ngo/ /de bzhin gshegs pa'i gzugs de dag thams cad kyang bcom ldan 'das shAkya 
thub pa'i dbyangs kyi dkyil 'khor yongs su dag pa'i chos kyi rnam grangs las brtsams te bsngags pa gsung ngo / /de nas gnas brtan maud gal gyi bu chen pos bcom ldan 'das de la 'di skad ces gsol to/ /bcom ldan 'das gling bzhi pa'i 'jig rten gyi khams 'di 
skyil mo krung gcig gis khyab par bgyi'o/ /de bzhin du sbyar te/ de ltar stong dang stong gnyis pa khyab par bgyi'o/ /bcom ldan 'das stong gsum gyi stong chen po'i 'jig rten gyi khams 'di skyil mo krung gcig gis khyab par bgyi'o/ /bcom ldan 'das des bka' stsal pa/ 
maud gal gyi bu khyod kyis de'i dus la bab par shes na gyis shig /de nas gnas brtan maud gal gyi bu chen pos rdzu 'phrul de bsdus te bcom ldan 'das kyi spyan sngar 'dug go /de nas byang chub sems dpa' de dag ngo mtshar du gyur te/ bcom ldan 'das de la 'di </font><hr>39-1-137a<br><font size=+1>
skad ces gsol to/ /bcom ldan 'das gnas brtan maud gal gyi bu chen po 'di ci zhig gi slad du 'jig rten gyi khams 'dir mchis/ bcom ldan 'das des bka' stsal ba/ rigs kyi bu dag bcom ldan 'das shAkya thub pa de'i dbyangs kyi dkyil 
'khor shes par 'dod nas 'jig rten gyi khams 'dir 'ongs so/ /de nas bcom ldan 'das des gnas brtan maud gal gyi bu chen po la 'di skad ces bka' stsal to/ /maud gal gyi bu khyod de bzhin gshegs pa gsung dbyangs tshad med pa'i gsung gi dkyil 'khor shes 
par 'dod pas 'jig rten gyi khams 'dir phyin gyi/ khyod kyis lan gnyis su de lta bu'i sems ma skyed cig /gal te maud gal gyi bu khyod shugs 'di nyid dang/ rdzu 'phrul gyi stobs 'di nyid kyis nub phyogs logs su gang gA'i klung gi bye ma snyed kyi bskal par song yang khyod 
kyis 'di ltar bcom ldan 'das shAkya thub pa de'i gsung gi dkyil 'khor gyi mtha' rtogs par mi nus te/ sangs rgyas bcom ldan 'das rnams ni de ltar gsung dbyangs tshad med pa dang ldan no/ /de nas gnas brtan maud gal gyi bu chen pos bcom ldan 'das de'i zhabs gnyis la phyag 
'tshal te/ nyes pa bshags pa/ bcom ldan 'das de bzhin gshegs pa'i gsung dbyangs tshad ma mchis pa'i gsung gi dkyil 'khor rtogs par 'tshal bas bdag ni nongs pa can te nongs pa 'chags so/ /bcom ldan 'das bdag ji srid cig gnas mchis/ bcom ldan 'das 
des bka' stsal pa/ 'jig rten gyi khams gang gA'i klung dgu bcu rtsa dgu'i bye ma snyed 'das pa nas khyod 'jig rten gyi khams 'dir 'ongs so/ /maud gal gyi bus gsol ba/ bcom ldan 'das bdag ni ring mo zhig nas mchis pas lus dub ste/ 'jig rten gyi khams mi mjed der 
mchi ba'i rngo mi thog go /bcom ldan 'das des bka' stsal pa/ maud gal gyi bu 'di ji snyam du sems/ khyod rang gi rdzu 'phrul gyi stobs kyis 'jig rten gyi khams 'dir phyin snyam du sems na khyod kyis de ltar mi blta'o/ /de ci'i phyir zhe na/ khyod ni bcom ldan 'das </font><hr>39-1-137b<br><font size=+1>
shAkya thub pa de nyid kyi byin gyi rlabs kyis 'jig rten gyi khams 'dir phyin gyis/ khyod bcom ldan 'das de nyid la phyag 'tshol cig dang/ de nyid kyis khyod slar khrid par 'gyur ro/ /maud gal gyi bu gal te khyod rang gi rdzu 'phrul gyi stobs kyis 'jig rten gyi khams der 'gro na 
ni bskal pa srid kyis kyang phyin par mi nus te/ 'jig rten gyi khams der ma phyin par bar du yongs su mya ngan las 'da' bar 'gyur ro/ /maud gal gyi bu 'di ji snyam du sems/ shar ram/ lho 'am/ nub bam/ byang ngam/ phyogs gang zhig tu phyin/ gsol pa/ bcom 
ldan 'das bdag phyogs bslad de gang nas 'dir mchis pa ma 'tshal to/ /bcom ldan 'das des bka' stsal pa/ maud gal gyi bu khyod kyis rnam grangs 'dis kyang 'di ltar rig par bya ste/ gal te khyod rang gi rdzu 'phrul gyi stobs kyis 'jig rten gyi khams der 'gro na 
ni bskal pas kyang phyin par mi nus so/ /gsol pa/ bcom ldan 'das phyogs gang na bcom ldan 'das shAkya thub pa de bzhugs/ bka' stsal pa/ maud gal gyi bu bcom ldan 'das de bzhin gshegs pa shAkya thub pa de ni shar phyogs logs na bzhugs so/ /de nas 
gnas brtan maud gal gyi bu chen pos de'i tshe yan lag lnga sa la gtugs te/ shar phyogs su phyag 'tshal nas de'i tshe tshigs su bcad pa 'di smras so/ /mthu chen mnga' ba lha dang mis mchod pa/ /ye shes mtha' yas mtha' yas gsung ldan pa/ /rkang gnyis rnams kyi dam 
pa dgongs su gsol/ /slar yang zhing der rab tu mchi bar bgyi/ /zhi ba'i blo gros de ltar sangs rgyas kyi mthus/ bcom ldan 'das kyi thams cad dang ldan pa'i 'khor bya rgod kyi phung po'i ri la gnas pa des gnas brtan maud gal gyi bus gsol ba btab pa'i sgra de thos 
so/ /thos nas kyang tshe dang ldan pa kun dga' bos bcom ldan 'das la 'di skad ces gsol to/ /bcom ldan 'das 'di ltar gsol ba 'debs pa 'di su zhig lags/ bcom ldan 'das kyis bka' stsal pa/ kun dga' bo 'di ni maud gal gyi bu ste/</font><hr>39-1-138a<br><font size=+1>
sangs rgyas kyi zhing 'di nas nub phyogs logs su sangs rgyas kyi zhing gang gA'i klung dgu bcu rtsa dgu'i bye ma snyed 'das par song ste/ 'jig rten gyi khams 'od zer gyi rgyal mtshan zhes bya bar bcom ldan 'das 'od zer gyi rgyal po'i sangs rgyas kyi zhing na 
gnas te de 'jig rten gyi khams 'dir 'ong bar 'dod nas gsol ba 'debs pa'i sgra de lta bu phyung ngo/ /kun dga' bos gsol pa/ bcom ldan 'das maud gal gyi bu chen po ci'i slad du 'jig rten gyi khams der mchis/ bka' stsal pa/ kun dga' bo maud gal gyi 
bu 'dir slar 'ongs pa dang 'di nyid du thos par 'gyur ro/ /de nas thams cad dang ldan pa'i 'khor des thal mo sbyar te bcom ldan 'das la 'di skad ces gsol to/ /bcom ldan 'das 'jig rten gyi khams 'od zer gyi rgyal mtshan de dang/ de bzhin gshegs pa 'od 
zer gyi rgyal po de dang/ byang chub sems dpa' de dag dang/ gnas brtan maud gal gyi bu chen po blta bar 'tshal lo/ /de nas bcom ldan 'das kyi 'khor des gsol ba btab pa mkhyen nas mdzod spu nas thams cad kyi rjes su song ba zhes bya ba'i 'od zer 
phyung ste 'od zer des sangs rgyas kyi zhing gang gA'i klung dgu bcu rtsa dgu'i bye ma snyed po de dag las thal te 'jig rten gyi khams 'od zer gyi rgyal mtshan de snang ba chen pos khyab par gyur to/ /de na thams cad dang ldan pa'i 'khor des 'jig rten gyi khams 'od zer gyi rgyal mtshan de dang/ 
de bzhin gshegs pa 'od zer gyi rgyal po de dang/ byang chub sems dpa' de dag dang/ gnas brtan maud gal gyi bu chen po yan lag lnga sa la gtugs te/ bcom ldan 'das la gsol ba 'debs pa mthong ngo / /de nas bcom ldan 'das kyis tshe dang ldan pa 
maud gal gyi bu chen po la bka' stsal pa/ maud gal gyi bu 'od kyi dkyil 'khor 'di'i rjes su 'brangs te shog shig /de nas gnas brtan maud gal gyi bu chen pos bcom ldan 'das kyi 'od kyi dkyil 'khor la brten te/ sems kyi rnam par rtog pa tsam gyis </font><hr>39-1-138b<br><font size=+1>
'jig rten gyi khams mi mjed 'dir bcom ldan 'das shAkya thub pa'i spyan sngar phyin nas des bcom ldan 'das kyi zhabs la mgo bos phyag 'tshal te/ lan bdun bskor ba byas nas spyan sngar yan lag lnga sa la gtugs te phyag 'tshal nas nyes pa bshags pa/ bcom ldan 'das 
bdag de bzhin gshegs pa'i gsung dbyangs tshad ma mchis pa'i gsung dbyangs kyi dkyil 'khor rtogs par 'tshal nas de srid du ring du mchis pas bdag nongs pa can te nongs pa 'chags so/ /bcom ldan 'das de srid du ring du mchis kyang de bzhin gshegs pa'i gsung ni 'di 
na ji tsam pa de tsam lags so/ /bcom ldan 'das kyis bka' stsal pa/ maud gal gyi bu chen po ji skad smras pa de de bzhin no/ /de bzhin gshegs pa'i gsung la ni tshad gang yang med de/ maud gal gyi bu gang de bzhin gshegs pa'i gsung gi tshad dam mtha' yongs su 
tshol bar sems pa de ni nam mkha'i tshad dam/ mtha' yongs su tshol bar sems pa yin no/ /de ci'i phyir zhe na/ nam mkha' ji tsam du khyab pa de tsam du de bzhin gshegs pa'i gsung gis khyab bo/ /gnas brtan maud gal gyi bu chen po 'gro ba dang/ 'ong ba'i le'u 'di 
bshad pa na srog chags khris bla na med pa yang dag par rdzogs pa'i byang chub tu sems bskyed do/ /zhi ba'i blo gros 'di yang de bzhin gshegs pa'i gsung gi gsang ba'o/ /zhi ba'i blo gros 'di ji snyam du sems/ sems can thams cad kyi sems dang sems las byung ba'i 
'jug pa gang dag yin pa de dag ci mang ba yin nam/ zhi ba'i blo gros kyis smras pa/ gsang ba pa'i bdag po sems can gcig gi sems dang sems las byung ba'i 'jug pa gang dag yin pa de dag kyang stong gsum gyi stong chen por gtogs pa'i sems can thams cad rang sangs rgyas 
su gyur pa rnams kyis bskal par yang bsam pa'am/ gzhal ba 'am/ brtsi ba'am/ brtag par mi nus na/ sems can thams cad kyi lta smos kyang ci dgos/ lag na rdo rjes smras pa/ zhi ba'i blo gros khyod mos par bya'o/ /khyod kyis khong du chud par bya'o/ /sems </font><hr>39-1-139a<br><font size=+1>
can thams cad kyi sems dang sems las byung ba'i 'jug pa ji snyed par 'di lta ste/ sems can thams cad tshim par bya ba'i phyir de bzhin gshegs pa chos ston pa'i gsung gi yan lag gi rnam pa yang de snyed du 'byung ste/ de la yang de bzhin gshegs pa ni 
rnam par mi rtog cing/btang snyoms pa'o/ /de la 'di skad ces bya ste/ stong gsum sems can gang yin pa/ /de dag rang rgyal 'dren gyur pas/ /bskal par sems can gcig cig gi /sems kyi khams kyang mi shes so/ /sems can gcig yid ji snyed pa/ /
sangs rgyas kyis ni rab mkhyen kyang/ /nga yis yid 'di shes so zhes/ /de ni rtog par mi 'gyur ro/ /dus gsum sems can thams cad kyi/ sems pa dag ni ji snyed pa/ /'jig rten mgon po chos ston tshe/ /dbyangs kyi yan lag de snyed do/ /chos kyi bdag po gsung 
ba na/ /dbyangs kyi yan lag ji snyed pa/ /chos kyi ming gis bshad pa yi/ /chos bstan pa yang de tsam mo/ /sems can kun gyi gzugs dang ni/ /ming dang sems pa ji snyed pa/ /sems can snying po'i spu gcig nas/ /'od zer 'byung ba de snyed do/ /'jig rten 
mgon po'i spu kun gyi/ /'od zer dag ni ji snyed pa/ /mi yi dbang po chos ston tshe/ /gsung gi yan lag de bas mang/ /dpe bkod nas ni sangs rgyas kyis/ /bskal par rab tu bstan mdzad kyang/ /sangs rgyas kyi ni gsung dbyangs kyi/ mtha' ma rnyed par mi 'gyur ro/ /
nyon mongs gzugs can ma yin rnams/ /gzugs can min pa'i tshig gis brjod/ gzugs can min pa'i tshig gis ni/ /nyon mongs gzugs med zhi bar byed/ /ji ltar tshig ni gzugs med pa/ /thams cad du ni mi dmigs te/ /de ltar nyon mongs gzugs med pa/ /
shin tu dmigs par mi 'gyur ro/ /ji ltar tshig ni yod min te/ /nang dang phyi rol mi gnas pa/ /de ltar nyon mongs rnams med cing/ /nang dang phyi rol mi gnas so/ /ji ltar phyogs bcur sangs rgyas gsungs/ /gang yang rnyed par mi 'gyur ba/ /de ltar nyon mongs mi dmigs </font><hr>39-1-139b<br><font size=+1>
kyang/ /de ni tshig gis brjod pa yin/ /sems can dag ni kun gyi tshig /rab 'bring tha ma gang yin pa/ /de dag lus dang sems mi gnas/ /gnas pa med pa'ang ma yin no/ /ji ltar sil snyan 'khrul 'khor byas/ /rlung gis bskyod nas sgra 'byung ba/ /sgra 
'byin byed pa gang yang med/ /'on kyang sgra rnams de dag 'byung/ /de ltar sngon chad rnam dag phyir/ /sems can kun gyi bsam pas bskyod/ /sangs rgyas kyi ni gsung 'byung yang/ /'di la de ni rtog mi mnga'/ /ji ltar brag cha rnams kyi sgra/ /nang dang phyi rol mi 
gnas pa/ /de ltar mi yi dbang po'i gsung/ /nang dang phyi rol mi gnas so/ /ji ltar rin chen mi rtog par/ /snang bas sems can tshim byed pa/ /de ltar rgyal ba mi rtog gsung/ /sgra kun rab tu rdzogs par byed/ /zhi ba'i blo gros gzhan yang de bzhin gshegs 
pa'i gsung gi gsang ba ni sems can thams cad kyi skad kyi 'jug pa ji lta ba bzhin du chos ston par khong du chud par bya'o/ /zhi ba'i blo gros stong gsum gyi stong chen po'i 'jig rten gyi khams 'di na skye ba'i gnas tha dad pa dag yod pa rnams su de bzhin gshegs pas 
sems can rnams kyi skad kyi 'jug pa ji lta ba bzhin du bden pa rnams kyi ming tha dad pa dag gis rnam par gzhag go /zhi ba'i blo gros 'dir sdug bsngal dang/ sdug bsngal kun 'byung ba dang/ sdug bsngal 'gog pa dang/ sdug bsngal 'gog par 'gro ba'i lam zhes bya ba 
gang yin pa de sa bla pa'i lha rnams kyi 'di skad ces bya ste/ za ba dang/ za ba'i rtsa ba dang/ za ba sel dang/ za ba 'gog byed ces bya'o/ /'dir sdug bsngal dang/ sdug bsngal kun 'byung ba dang/ sdug bsngal 'gog pa dang/ sdug bsngal 'gog par 'gro ba'i lam 
zhes bya ba gang yin pa de/ bar snang gi lha rnams kyi 'di skad ces bya ste/ 'jug pa dang/ kun tu 'jug byed pa dang/ kun tu 'jug bral dang/ kun tu 'jug sgrol zhes bya'o/ /'dir sdug bsngal dang/ sdug bsngal kun 'byung ba dang/ sdug bsngal 'gog pa dang/</font><hr>39-1-140a<br><font size=+1>
sdug bsngal 'gog par 'gro ba'i lam zhes bya ba gang yin pa de rgyal chen bzhi'i ris kyi lha rnams kyi 'di skad ces bya ste/ 'byung ba dang/ dpog pa dang/ sreg pa dang/ 'jig byed ces bya'o/ /'dir sdug bsngal dang/ sdug bsngal kun 'byung ba dang/ 
sdug bsngal 'gog pa dang/ sdug bsngal 'gog par 'gro ba'i lam zhes bya ba gang yin pa de sum cu rtsa gsum pa'i lha rnams kyi 'di skad ces bya ste/ 'khor ba dang/ kun snyen dang/ zad pa dang/ zad pa ldog byed ces bya'o/ /'dir sdug bsngal dang/ sdug bsngal 
kun 'byung ba dang/ /sdug bsngal 'gog pa dang/ sdug bsngal 'gog par 'gro ba'i lam zhes bya ba gang yin pa de 'thab bral gyi lha rnams kyi 'di skad ces bya ste/ gnod pa dang/ gnod pa snyen dang/ gnod pa zad dang/ gnod pa zad par sgom pa zhes bya'o/ /'dir sdug 
bsngal dang/ sdug bsngal kun 'byung ba dang/ sdug bsngal 'gog pa dang/ sdug bsngal 'gog par 'gro ba'i lam zhes bya ba gang yin pa de dga' ldan gyi lha rnams kyi 'di skad ces bya ste/shin tu mi srun dang/ mi srun rtsa ba dang/ ldog pa dang/ yang dag par ldog byed ces bya'o/ /
'dir sdug bsngal dang/ sdug bsngal kun 'byung ba dang/ sdug bsngal 'gog pa dang/ sdug bsngal 'gog par 'gro ba'i lam zhes bya ba gang yin pa de 'phrul dga'i lha rnams kyi 'di skad ces bya ste/ rkyal pa dang/ kun tu rgyal byed dang/ rkyal zad dang/ rkyal zad sgo zhes 
bya'o/ /'dir sdug bsngal dang/ sdug bsngal kun 'byung ba dang/ sdug bsngal 'gog pa dang/ sdug bsngal 'gog par 'gro ba'i lam zhes bya ba gang yin pa de gzhan 'phrul dbang byed kyi lha rnams kyi 'di skad ces bya ste/ ha ha ho dang/ ha ha thob byed dang/ ha ha bral dang/ 
ha ha bral byed ces bya'o/ /'dir sdug bsngal dang/ sdug bsngal kun 'byung ba dang/ sdug bsngal 'gog pa dang/ sdug bsngal 'gog par 'gro ba'i lam zhes bya ba gang yin pa de bdud kyi ris kyi lha rnams kyi 'di skad ces bya ste/ me mur dang/ me mur gnod dang/ me mur </font><hr>39-1-140b<br><font size=+1>
'dor 'dod dang/ me mur sgrol zhes bya'o/ /'dir sdug bsngal dang/ sdug bsngal kun 'byung ba dang/ sdug bsngal 'gog pa dang/ sdug bsngal 'gog par 'gro ba'i lam zhes bya ba gang yin pa de tshangs pa'i lha rnams kyi 'di skad ces bya ste/ sdug pa dang/ sdug byed dang/ 
sdug pa nyal dang/ sdug par 'khor zhes bya'o/ /'dir sdug bsngal dang/ sdug bsngal kun 'byung ba dang/ sdug bsngal 'gog pa dang/ sdug bsngal 'gog par 'gro ba'i lam zhes bya ba gang yin pa de tshangs ris kyi lha rnams kyi 'di skad ces bya ste/ 'dzag pa dang/ 
kun tu 'dzag byed dang/ rgyun gcod dang/ shin tu 'byung zhes bya'o/ /'dir sdug bsngal dang/ sdug bsngal kun 'byung ba dang/ sdug bsngal 'gog pa dang/ sdug bsngal 'gog par 'gro ba'i lam zhes bya ba gang yin pa de tshangs pa'i mdun na 'don gyi lha rnams kyi 'di 
skad ces bya ste/ rma dang/ rma'i mtshams sbyor ba dang/rma rub dang/ rma nye bar zhi byed ces bya'o/ /'dir sdug bsngal dang/ sdug bsngal kun 'byung ba dang/ sdug bsngal 'gog pa dang/ sdug bsngal 'gog par 'gro ba'i lam 
zhes bya ba gang yin pa de tshangs chen gyi lha rnams kyi 'di skad ces bya ste/ rkyal byed dang/ rnam par rkyal byed dang/ rkyal pa mthar byed dang/ byed pa thob byed ces bya'o/ /'dir sdug bsngal dang/ sdug bsngal kun 'byung ba dang/ sdug bsngal 'gog pa dang/ sdug bsngal 'gog par 'gro ba'i lam 
zhes bya ba gang yin pa de 'od chung gi lha rnams kyi 'di skad ces bya ste/ ha hi dang/ he hi dang/ hu hu dang/ ha ra nu san d+hi zhes bya'o/ /'dir sdug bsngal dang/ sdug bsngal kun 'byung ba dang/ sdug bsngal 'gog pa dang/ sdug bsngal 'gog par 'gro ba'i lam zhes bya ba gang 
yin pa de dge chung gi lha rnams kyi 'di skad ces bya ste/ o hi ta dang/ ni ba hi ta dang/ ni ga k+Shi ta dang/ ni ga ma ni zhes bya'o/ /'dir sdug bsngal dang/ sdug bsngal kun 'byung ba dang/ sdug bsngal 'gog pa dang/ sdug bsngal 'gog par 'gro ba'i lam zhes bya ba gang yin </font><hr>39-1-141a<br><font size=+1>
pa de tshad med dge ba'i lha rnams kyi 'di skad ces bya ste/ sten pa dang/ yang dag par sten pa dang/ zad pa sten pa dang/ kun tu sten pa zhes bya'o/ /'dir sdug bsngal dang/ sdug bsngal kun 'byung ba dang/ sdug bsngal 'gog pa dang/ sdug bsngal 'gog par 
'gro ba'i lam zhes bya ba gang yin pa de dge rgyas kyi lha rnams kyi 'di skad ces bya ste/ yongs gcod dang/ yongs gcod 'byung dang/ khyim mtha' dang/ rtag tu rnam dag ces bya'o/ /'dir sdug bsngal dang/ sdug bsngal kun 'byung ba dang/ sdug bsngal 'gog pa dang/ sdug 
bsngal 'gog par 'gro ba'i lam zhes bya ba gang yin pa de mi che ba'i lha rnams kyi 'di skad ces bya ste/ rjes su 'gro ba dang/ mi 'ong ma yin pa dang/ rjes kyi mtshams dang/ rjes kyi mtshams 'gro zhes bya'o/ /'dir sdug bsngal dang/ sdug bsngal kun 'byung ba 
dang/ sdug bsngal 'gog pa dang/ sdug bsngal 'gog par 'gro ba'i lam zhes bya ba gang yin pa de mi gdung ba'i lha rnams kyi 'di skad ces bya ste/ dag pa dang/ dag pa can dang/ dag pa yongs dag dang/ dag pa 'gro zhes bya'o/ /'dir sdug bsngal dang/ sdug 
bsngal kun 'byung ba dang/ sdug bsngal 'gog pa dang/ sdug bsngal 'gog par 'gro ba'i lam zhes bya ba gang yin pa de gya nom snang gi lha rnams kyi 'di skad ces bya ste/ ma ma ma ma dang/ ma ma ma me dang/ ma na nu na ya dang/ ma na nu ga ma zhes bya'o/ /'dir sdug bsngal dang/ sdug 
bsngal kun 'byung ba dang/ sdug bsngal 'gog pa dang/ sdug bsngal 'gog par 'gro ba'i lam zhes bya ba gang yin pa de shin tu mthong gi lha rnams kyi 'di skad ces bya ste/ grol ba dang/ grol ba can dang/ grol ba'i rtsa ba dang/ grol ba'i bye brag phyed par mtshams sbyor ba zhes bya'o/ /'dir sdug 
bsngal dang/ sdug bsngal kun 'byung ba dang/ sdug bsngal 'gog pa dang/ sdug bsngal 'gog par 'gro ba'i lam zhes bya ba gang yin pa de 'bras bu che ba'i lha rnams kyi 'di skad ces bya ste/ mi bya ba dang/ mi byed pa dang/ byed bral dang/ byed pa mthar thug ces bya'o/ /'dir sdug </font><hr>39-1-141b<br><font size=+1>
bsngal dang/ sdug bsngal kun 'byung ba dang/ sdug bsngal 'gog pa dang/ sdug bsngal 'gog par 'gro ba'i lam zhes bya ba gang yin pa de gnas gtsang ma'i ris 'og min gyi lha rnams kyi 'di skad ces bya ste/ mthar thug dang/ shin tu mthar thug dang/ mi rtog pa dang/ nying 
mtshams sbyor ba med pa zhes bya'o/ /zhi ba'i blo gros de ltar ji ltar lha rnams kyi bden pa rnam par gzhag pa de bzhin du klu rnams kyi yang gzhan no/ /gnod sbyin rnams kyi yang gzhan no/ /dri za rnams kyi yang gzhan no/ /lha ma yin rnams kyi yang gzhan no/ /nam mkha' lding 
rnams kyi yang gzhan no/ /mi 'am ci rnams kyi yang gzhan no/ /lto 'phye chen po rnams kyi yang gzhan no/ /gnod sbyin lag na gzhong thogs rnams kyi yang gzhan no/ /phreng thogs rnams kyi bden pa rnam par gzhag pa yang gzhan yin no/ /zhi ba'i blo gros gang yul chen po bcu 
drug tu bsdu bas bsdus pa'i yul stong gis 'dzam bu'i gling 'di yongs su gang ste/ gang na mi rnams kyi tshig kyang gzhan/ nges pa'i tshig kyang gzhan/ brda yang tha dad pa der yang de bzhin gshegs pas skad kyi 'jug pa ji lta ba bzhin du ming tha dad pa rnams kyis bden pa dag rnam 
par bkod de/ 'di lta ste/ yul ka sha dang/ pa hu pa dang/ tho gar yul dang/ ya ba na dang/ kam po dza dang/ kha sha dang/ hu na dang / rgya yul dang/ da ra ta dang/ u ra sha dang/ pi lin dang/ po ma dang bram ze dang/ rgyal rigs dang/ rje'u rigs dang/ dmangs rigs dang/ 
da tsi pa dang/ ki ra ta dang/ pu lin ta dang/ pun dra dang/ ku ru na dang/ lnga len dang/ shar phyogs dang/ phu ru ra ba dang/ lho phyogs dang/ ka ling ka dang/ gcer bu dang/ ba na sa ka dang/ ba na ta dang/ sbal ka dang/ khyi gdong dang/ wa gdong dang/ kri ba sha'i gdong dang/ spyi'u tshugs 
pa dang/ gnam gdong po dang/ phyi phyogs gdong dang / byang mtshamasagadong dang/ rjes su rgyug dang/ rgya mtsho khol ba dang/ yul mthas gtugs pa dang/ ang ku ra dang/ mang gur dang/ sna med dang/ glo bkra dang/ phyogs kyi gcer bu dang/ gshog thogs gcer bu dang/</font><hr>39-1-142a<br><font size=+1>
dgus te 'gro dang/ rdzogs byed rnam pa dang/ 'jig rten gyi bar na gnas pa'i yul la sogs pa yul stong gis 'dzam bu'i gling yongs su gang ste/ zhi ba'i blo gros gang na mi rnams kyi tshig dang/ nges pa'i tshig dang/ brda tha dad pa der yang de bzhin 
gshegs pas skad kyi 'jug pa ji lta ba bzhin du ming tha dad pa rnams kyis bden pa dag bstan kyang de bzhin gshegs pa'i gsung sems kyi rjes su 'brang ba ma yin zhing/ rnam par shes pa'i rjes su 'brang ba ma yin pa 'byung ngo/ /zhi ba'i blo gros stong gi 'jig rten gyi 
khams 'di na bden pa ming tha dad pas bstan pa bye ba khrag khrig brgya stong phrag dgu bcu rtsa bzhi yod de bden pa bstan pa de dag thams cad kyang 'di lta ste/ don dam pa'i bden pa dang/ skye ba med pa'i bden pa dang/ ji lta ba bzhin gyi bden pa dang/ mi 'khrugs pa'i bden par don 
gcig tu yang dag par 'dus te/ zhi ba'i blo gros 'di yang de bzhin gshegs pa'i gsung gi gsang ba'o//  //bam po lnga pa/ zhi ba'i blo gros gzhan yang de bzhin gshegs pa'i gsung ni sems can thams cad kyi dogs pa gcod pa/ sems can thams cad 
kyi som nyi sel ba'o/ /zhi ba'i blo gros phyogs bcu'i 'jig rten gyi khams tshad med grangs med pa dag na sems can du bsdu bar bsdus pa'i sems can ji snyed yod pa/ sangs rgyas kyi ye shes kyis mkhyen pa'i sems can gyi khams ni ches mang gi /sa'i khams ni de lta ma yin no 
zhes bya ste/ zhi ba'i blo gros yongs su brtag pa nye bar bzung nas sems can de dag thams cad snga phyi med par mi'i lus thob par gyur la/ zhi ba'i blo gros sems can thams cad 'di lta ste/ gnas brtan shwa ra dwa ti'i bu'i shes rab dang/ ye shes de lta bu dang ldan par gyur la/ shA 
ri'i bu lta bu'i sems can de dag thams cad kyi shes rab dang/ ye shes gang yin pa'i shes rab dang/ ye shes de sems can gcig dang ldan par gyur cing rnam grangs 'dis sems can thams cad shes rab dang/ ye shes de lta bu dang ldan par gyur la/ zhi ba'i blo gros sems </font><hr>39-1-142b<br><font size=+1>
can de dag thams cad kyis bskal pa'am/ bskal pa las lhag par the tsom gyi dri ba bsams shing gzhal te/ yongs su bcal la/ sems can gcig gi the tshom dri ba gang yin pa de gnyis pa'i ma yin zhing/ zhi ba'i blo gros rnam grangs 'dis sems can thams cad kyis the tsom gyi 
dri ba tha dad pa bsams te/ bcom ldan 'das kyi gan du dong nas se gol gtogs pa srid la the tshom gyi dri ba de dag gsol kyang des sems can gcig gi rjes su zhugs pa'i dran pas thams cad bzung nas gsung brjod pa gcig gis de dag gi the tsom gyi dri ba thams cad gcod de/ de dag 
thams cad kyang rang rang gi the tsom gyi dri ba khyad par shes shing bcom ldan 'das kyis zhus pa lung bstan pas thams cad kyang sems rangs par 'gyur te/ zhi ba'i blo gros de ltar na de bzhin gshegs pa'i gsung ni sems can thams cad kyi dogs pa gcod cing sems can thams cad kyi 
som nyi sel kyang de bzhin gshegs pa ni de la thugs kyis mdzad pa'am/ gsung du brjod pa yang mi mnga' la mdzad pa de yang mdzad de/ zhi ba'i blo gros 'di yang de bzhin gshegs pa'i gsung gi gsang ba'o/ /'di ni gsung rmad du byung ba'o/ /'di ni gsung yongs su dag pa'o/ /de bzhin 
gshegs pa'i gsung ngo mtshar can dang gsung gi gsang ba 'di gsang ba pa'i bdag po lag na rdo rjes bshad pa'i tshe srog chags sum khri nyis stong gis bla na med pa yang dag par rdzogs pa'i byang chub tu sems bskyed do/ /bskal pa bzang po pa'i byang chub sems dpa' sangs rgyas kyi 
zhing gang dang gang na sangs rgyas bcom ldan 'das rnams kyi thad na tshangs par spyad pa spyod pa'i byang chub sems dpa' de dag gis gsang ba pa'i bdag po lag na rdo rje la mchod pa'i las kyi phyir me tog rnams kyis kyang gtor/ rin po che'i gdugs rnams kyang gtong ngo / /de nas me tog 
de dag bcom ldan 'das kyi sku la yang phog /gsang ba pa'i bdag po lag na rdo rje'i lus la yang phog cing 'khor thams cad la yang 'thor ro/ /rin po che'i gdugs de dag kyang bar snang la gnas te/ bcom ldan 'das kyi dbu'i gtsug gi steng na 'dug go /rin po che'i gdugs de dag </font><hr>39-1-143a<br><font size=+1>
las kyang bcom ldan 'das bdag cag ni bcom ldan 'das la mchod pa bgyi ba dang/ des de bzhin gshegs pa'i chos nyid rmad du byung ba 'di bstan pas gsang ba pa'i bdag po lag na rdo rje rjes su gzung ba'i slad du bskal pa bzang po ba'i byang chub sems dpa' rnams kyis btang ba lags so zhes sgra byung ngo/ /de nas thams cad dang ldan pa'i 'khor de ngo mtshar du gyur nas gsang ba pa'i bdag po lag na rdo rje la phyag 'tshal zhing gus pa cher bskyed de/ /tshig 'di skad ces bdag cag gis gsang ba pa'i bdag po lag na rdo 
rje mthong ba dang/ de bzhin gshegs pa'i gsung bsam gyis mi khyab pa 'di thos pa ni bdag cag gis rnyed pa legs par rnyed do/ /gang dag bstan pa 'di thos nas mos shing som nyi za bar mi 'gyur ba'i sems can de dag ni don yod pa'i mi nyid rnyed par 'gyur ro/ /de dag ni de 
bzhin gshegs pas 'dul bar 'gyur zhing bla na med pa yang dag par rdzogs pa'i byang chub las phyir mi ldog par yang 'gyur ro zhes smras so/ /de nas bcom ldan 'das kyis 'khor thams cad la legs so zhes bya ba gnang ste/ byang chub sems dpa' sems dpa' chen po zhi ba'i blo 
gros la bka' stsal pa/ zhi ba'i blo gros de bzhin gshegs pa'i yang dag pa/ de bzhin gshegs pa'i chos 'jig rten thams cad dang mi 'thun pa/ de bzhin gshegs pa'i gnas pa gang yin pa de dag ni gsang ba'i bdag po lag na rdo rjes chos kyi rnam grangs 'di'i nang du 
bstan to/ bsnyad do/ /yang dag par bshad do/ /gang dag chos bstan pa 'di la mos pa'i sems can de dag ni ring po mi thogs par chos nyid 'di lta bu dang ldan par 'gyur ro/ /gang dag chos kyi rnam grangs 'di thos nas mos pa dang/ 'chang ba dang/ mi dngang mi skrag skrag par mi 'gyur ba dang/ don rtogs 
pa'i rjes su rtog pa dang/ de bzhin nyid du sgrub pa de nyid de dag gi bla na med pa yang dag par rdzogs pa'i byang chub tu lung bstan par 'gyur ro/ /gsang ba pa'i bdag po lag na rdo rjes bstan pa 'di bshad pa na phyogs bcu'i 'jig rten gyi khams grangs med dpag tu med pa dag rnam pa drug tu rab tu </font><hr>39-1-143b<br><font size=+1>
g.yos te snang ba chen pos khyab par gyur to/ /me tog gi char chen po yang bab po/ /sil snyan dang rol mo'i sgra yang byung ngo/ /sems can grangs med pa dag gis ni byang chub tu sems bskyed do/ /byang chub sems dpa' grangs med pa dag gis ni rjes su 'thun pa'i chos la bzod 
pa thob par gyur to/ /byang chub sems dpa' grangs med pa dag gis ni mi skye ba'i chos la bzod pa thob par gyur to/ /byang chub sems dpa' grangs med pa dag gis ni skye ba gcig gis thogs par 'gyur ba'i dge ba'i rtsa ba rnams yongs su smin par byas so/ /de nas 'khor gyi khyams 
de'i dbus nas bcom ldan 'das kyi spyan sngar chu'i rgyun shing rta'i srog shing tsam gyis sa chen po dpag tshad stong phrag drug cu rtsa brgyad pa brtol te mngon du byung bar snang ngo/ /de dag steng gi bar snang nas tshangs pa'i 'jig rten gyi bar du mngon par 'phags te/ stong gsum gyi stong chen po'i 
'jig rten gyi khams 'di thams cad spos chus chag chag btab par gyur to/ /de nas bcom ldan 'das kyis byang chub sems dpa' zhi ba'i blo gros la bka' stsal pa/ zhi ba'i blo gros khyod kyis chu'i rgyun mngon par 'phags pa 'di dag mthong ngam/ gsol ba/ bcom ldan 
'das mthong lags te 'di su'i snga ltas lags/ bcom ldan 'das kyis bka' stsal pa/ zhi ba'i blo gros chu'i rgyun 'di dag sems med kyang ji ltar 'di dag gis sa chen po brtol te mngon par 'phags pa de bzhin du gang dag chos kyi rnam grangs 'di 'chang ba dang/ de 
bzhin nyid du sgrub par byed pa'i sems can de dag kyang mngon par 'phags par 'gyur te/ de dag ni ma rig pa dang/ lta bar gyur pa'i sgo glegs bcag nas chos kyi snang ba mi zad pa dang/ shes rab dang/ spobs pa 'byung bar 'gyur ro/ /des skyes bu de dag gis legs par bshad 
pas sems can thams cad kyi sems rnams tshim par byed par 'gyur te/ 'di ni chos kyi rnam grangs 'di'i ma 'dres pa'i mtshan nyid du rig par bya'o/ /de bzhin gshegs pa'i gsung gi gsang ba bsam gyis mi khyab pa bstan pa'i le'u ste brgyad pa'o//  //</font><hr>39-1-144a<br><font size=+1>
gsang ba pa'i bdag po lag na rdo rjes gzhan yang byang chub sems dpa' sems dpa' chen po zhi ba'i blo gros la 'di skad ces smras so/ /zhi ba'i blo gros de la de bzhin gshegs pa'i thugs kyi gsang ba dang/ thugs kyi phrin las yongs su dag pa 
gang zhe na/ zhi ba'i blo gros 'di lta ste dper na gzugs med pa na spyod pa'i lha'i ris su sems can gang dag skyes pa de dag rnam par shes pa'i dmigs pa gcig gis bskal pa brgyad khri bzhi stong du gnas kyang ting nge 'dzin gyi tshe'i mthar ma thug gi bar du de dag gi rnam par 
shes pa de rnam par shes pa gzhan gyi rjes su mi 'brang ste/ de nas shi 'phos nas las ji ltar bsags pa bzhin du skye ba yongs su 'dzin to/ /zhi ba'i blo gros de bzhin du de bzhin gshegs pa'i rnam par shes pa yang mi gnas pa ste gang gi nub mo byang chub sems dpa' 
bla na med pa yang dag par rdzogs pa'i byang chub mngon par rdzogs par sangs rgyas pa dang/ gang gi nub mo de bzhin gshegs pa phung po'i lhag ma med pa'i mya ngan las 'das pa'i dbyings su yongs su mya ngan las 'da' bar 'gyur ba'i bar du de bzhin gshegs pa'i thugs la ldog pa mi 
mnga'/ thugs la rtog pa mi mnga'/ thugs la rnam par dpyod pa mi mnga'/ thugs la 'gyur ba mi mnga'/ thugs kyi tshad mi mnga'/ thugs la 'khrug pa mi mnga'/ thugs la sel ba mi mnga'/ thugs la g.yeng ba mi mnga'/ thugs la khengs pa mi mnga'/ thugs 
la dma' ba mi mnga'/ thugs la kun du srung ba mi mnga'/ thugs la rgyu ba mi mnga'/ thugs la shin tu rangs pa mi mnga'/ thugs la rnam par 'khrug pa mi mnga'/ thugs la 'khon du 'dzin pa mi mnga'/ thugs la g.yo ba mi mnga'/ thugs la nges par sems pa mi mnga'/ 
thugs la dgyes pa mi mnga'/ thugs la gnod pa mi mnga'/ thugs la 'jug pa mi mnga'/ thugs la rab tu rgyu ba mi mnga'/ thugs la rtog pa mi mnga'/ thugs la rnam par rtog pa mi mnga'/ thugs la yongs su rtog pa mi mnga'/ thugs la zhi gnas mi mnga'/ thugs </font><hr>39-1-144b<br><font size=+1>
la lhag mthong mi mnga'/ thugs rnam par shes pa'i rjes su 'brang ba mi mnga'/ rang gi thugs la gnas pa mi mnga'/ gzhan gyi sems la lta ba mi mnga'/ thugs mig la gnas pa mi mnga'/ thugs rna ba dang/ sna dang/ lce dang/ lus dang/ yid la gnas pa mi mnga'/ 
thugs gzugs la gnas pa mi mnga'/ thugs sgra dang/ dri dang/ ro dang/ reg la gnas pa mi mnga'/ thugs chos la gnas pa mi mnga'/ thugs dmigs pa la gnas pa mi mnga'/ thugs yid la gnas pa mi mnga'/ thugs nang na gnas pa mi mnga'/ thugs phyi rol na 
gnas pa mi mnga'o/ /thugs de chos rnams la mi 'jug go /thugs de ye shes la mi 'jug go /thugs de 'das pa 'am/ ma 'ongs pa 'am/ da ltar byung ba la mi rtog go /zhi ba'i blo gros de bzhin gshegs pa ni de ltar thugs yongs su dag pa ste/ 
thugs kyis chos gang yang mngon par mi sgrub la chos thams cad la yang de'i ye shes ma chags ma thogs pa 'jug go /rang gi thugs yongs su dag pas sems can gang gi sems kyang yongs su ma dag par mi gzigs te/ de gzigs kyang gzigs pa ma yin zhing rnam par 
mi rtog go /gzigs kyang spros par mi mdzad do/ /gzigs pas kun gzigs pa dang rnam par gzigs pa mi gzigs so/ /de bzhin gshegs pa'i ye shes de ni sha'i mig gi mthong ba dang ldan pa ma yin/ lha'i mig gi mthong ba dang ldan pa ma yin/ shes rab kyi mig 
gi mthong ba dang ldan pa ma yin/ chos kyi mig gi mthong ba dang ldan pa ma yin/ sangs rgyas kyi spyan gyi gzigs pa dang ldan pa ma yin/ lha'i rna ba'i thos pa dang ldan pa ma yin/ gzhan gyi sems la lta ba dang ldan pa ma yin/ sngon gyi gnas rjes su dran pa dang ldan pa ma yin/ 
rdzu 'phrul rnam par 'phrul ba dang ldan pa ma yin/ zag pa zad pa shes pa dang ldan pa yang ma yin la/ de chos thams cad dang mi ldan pa yang ma yin te/ chos thams cad la chags pa med par ldan pa yin no/ /de'i de bzhin gshegs pa'i ye shes kyi rgyun rnams ni bsgrim pa mi mnga' </font><hr>39-1-145a<br><font size=+1>
zhing lhun gyis grub la mngon par 'du mdzad pa mi mnga' bar gnas so/ /sems can gyi spyod pa thams cad la yang gzigs so/ /sems can thams cad kyi kun nas nyon mongs pa dang/ rnam par byang ba yang rab tu mkhyen to/ /de'i stobs bcu dang/ mi 'jigs pa 
dang/ sangs rgyas kyi chos ma 'dres pa bcwa brgyad mkhyen pa yang bsnyel ba mi mnga' ste/ de bzhin gshegs pa'i chos de dag ni lhun gyis grub cing bsgrim pa mi mnga' la mngon par 'du mdzad pa mi mnga' bar 'jug go /de bzhin gshegs pa ni sems dang yid dang/ rnam par shes pa dang 
yang bral la ting nge 'dzin gyi gnas kyang mi 'dor ro/ /sangs rgyas kyi mdzad pa thams cad kyang mdzad la de'i chos thams cad la chags pa mi mnga' ba'i ye shes kyang gang du yang mi chags so/ /zhi ba'i blo gros 'di lta ste dper na/ de bzhin gshegs pas sprul pa'i de bzhin gshegs pa gnyis pa 
gang yin pa de la ni sems kyang mi mnga'/ yid kyang mi mnga'/ rnam par shes pa yang mi mnga'/ sku'i 'du byed kyang mi mnga'/ gsung gi 'du byed kyang mi mnga'/ thugs kyi 'du byed kyang mi mnga' mod kyi/ 'di lta ste/ sangs rgyas kyi mthu nyid kyis sangs rgyas kyi mdzad pa thams cad kyang 
mdzad do/ /zhi ba'i blo gros de bzhin du de bzhin gshegs pa yang sprul pa dang mtshungs pas mnyam mo/ /sprul pa'i chos nyid kyis rnam par mi rtog go /de la sku'i rtsom pa dang/ gsung gi rtsom pa dang/ thugs kyi rtsom pa yang mi snang la sangs rgyas kyi mdzad pa thams cad kyang mdzad de/ 
de yang lhun gyis grub cing bsgrim pa mi mnga' la mngon par 'du mdzad pa mi mnga' bas mdzad do/ /de ci'i phyir zhe na/ zhi ba'i blo gros de bzhin gshegs pas sprul pa'i rang bzhin gyi mtshan nyid du chos thams cad mngon par rdzogs par sangs rgyas te/ mngon par rdzogs par sangs rgyas 
nas kyang sems can la thugs brtse bas de bzhin du bstan to/ /zhi ba'i blo gros de bzhin gshegs pa'i ye shes ni 'dus byas la gnas pa ma yin/ 'dus ma byas la gnas pa ma yin/ phung po la gnas pa ma yin/ khams la gnas pa ma yin/ skye mched la gnas pa ma yin/</font><hr>39-1-145b<br><font size=+1>
nang la gnas pa ma yin/ phyi rol la gnas pa ma yin/ dge ba la gnas pa ma yin/ mi dge ba la gnas pa ma yin/ 'jig rten pa la gnas pa ma yin/ 'jig rten las 'das pa la gnas pa ma yin/ kha na ma tho ba dang bcas pa la gnas pa ma yin/ kha na ma tho ba med 
pa la gnas pa ma yin/ zag pa dang bcas pa la gnas pa ma yin/ zag pa med pa la gnas pa ma yin/ 'das pa la gnas pa ma yin/ ma 'ongs pa la gnas pa ma yin/ da ltar byung ba la gnas pa ma yin/ so sor brtags pa la gnas pa ma yin/ so sor 
brtags pa ma yin pa la gnas pa ma yin te/ zhi ba'i blo gros de ltar de bzhin gshegs pa'i ye shes gnas pa mi mnga'o/ /de chos gang yang mngon par mi sgrub la sems can la thugs brtse bas sems can thams cad kyi sems dang/ spyod pa dang/ 
bsam pa rnams la yang de'i ye shes mthong ba chags pa mi mnga' zhing thogs pa mi mnga' ba 'jug ste/ de yang lhun gyis grub cing bsgrim pa mi mnga' la mngon par 'du bya ba mi mnga' bas 'jug go /zhi ba'i blo gros 'di yang de bzhin gshegs pa'i thugs kyi gsang ba ste/ mnyam 
par bzhag pa'i gnas kyang mi 'dor la sems can thams cad la sems rnam par rig par yang mdzad pas thugs bsam gyis mi khyab pa nyid do/ /de bzhin gshegs pa'i thugs kyi gsang ba'i le'u zhes bya ba ste dgu pa'o//  //de nas bcom ldan 
'das la tshe dang ldan pa shA ri'i bus 'di skad ces gsol to/ /bcom ldan 'das phyogs bcu dag na bskal pa bzang po pa'i byang chub sems dpa' gang dag sangs rgyas bcom ldan 'das rnams kyi thad na da ltar tshangs par spyad pa spyod pa'i byang chub sems dpa' de dag thams cad kyi slad 
na yang gsang ba pa'i bdag po mchis lags sam/ bcom ldan 'das kyis bka' stsal pa/ shA ri'i bu bya ba 'di bsam gyis mi khyab kyis zhog shig /lha dang bcas pa'i 'jig rten byang chub sems dpa'i spyod pa 'di la mgo rmongs par 'gyur ro/ /de lta mod kyi shA ri'i bu gang dag dad cing </font><hr>39-1-146a<br><font size=+1>
dge ba'i bshes gnyen gyis yongs su zin pa de dag gnas 'di la skrag par mi 'gyur ro/ /gsol pa/ bcom ldan 'das kyis bshad du gsol/ bdag de bzhin gshegs pa la yid ches par mchi'o/ /bcom ldan 'das kyis bka' 
stsal pa/ shA ri'i bu khyod kyis gsang ba pa'i bdag po lag na rdo rje rtag tu nga'i phyi bzhin 'brang ba mthong ngam/ gsol pa/ bcom ldan 'das de ltar sangs rgyas kyi mthus mthong lags te/ 'di bdag gis sngon ni nam yang ma mthong ngo/ /bka' stsal pa/ shA ri'i bu de 
bzhin du gsang ba pa'i bdag po lag na rdo rje 'di ni bskal pa bzang po pa'i byang chub sems dpa' rnams kyi rgyab rgyab na yang gnas te sngon gyi smon lam gyi stobs dang/ mngon par shes pa'i stobs kyis thams cad du yang lag na rdo rje'i gzugs su kun du ston to/ /shA ri'i bu stong 
gsum gyi stong chen po'i 'jig rten gyi khams na sems can ji snyed 'khod pa'i sems can de dag thams cad kyi rgyab rgyab tu/ gsang ba pa'i bdag po lag na rdo rjes lag na rdo rje'i gzugs kun du bstan kyang des ye shes kyi byin gyi rlabs yongs su rdzogs par bstan par mi 'gyur ro/ /
shA ri'i bu khyod kyis byang chub sems dpa' byams pa'i rgyab na lag na rdo rje 'dug pa mthong ngam/ gsol pa/ bcom ldan 'das bdag gis da gdod mthong lags te/ sngon ni ma mthong ngo/ /bka' stsal pa/ 'di ni de'i rgyab na rtag tu gnas na khyod kyis de ma mthong ba ma gtogs par byang 
chub sems dpa' 'am/ brgya byin nam/ tshangs pa 'am/ 'jig rten skyong ba gang dag 'jig rten gyi khams gzhan nas lhags pa de dag gis ni byang chub sems dpa' byams pa'i rgyab na lag na rdo rje rdo rje thogs shing rtag tu 'dug par mthong ngo/ /shA ri'i bu byang chub sems dpa' byams pa 
dang/ bskal pa bzang po pa'i byang chub sems dpa' thams cad kyis sprul pa bye ba khrag khrig brgya stong dag sprul kyang de dag thams cad kyi rgyab na yang gsang ba pa'i bdag po lag na rdo rje gnas par snang ste byin gyi rlabs de dag thams cad ni gsang ba pa'i bdag po'i yin no/ /shA ri'i bu de bzhin </font><hr>39-1-146b<br><font size=+1>
gshegs pas sprul pa gang yin pa de dag gi rgyab na yang 'di'i byin gyi rlabs kyis gsang ba pa'i bdag po lag na rdo rje gnas te/ shA ri'i bu gsang ba pa'i bdag po lag na rdo rje ni de ltar ye shes dang mngon par shes pa'i byin gyi rlabs kyi stobs dang ldan no/ /gsang ba pa'i bdag po lag na rdo rje'i 
yon tan yongs su brjod pa'i le'u zhes bya ste bcu pa'o//  //de nas byang chub sems dpa' zhi ba'i blo gros kyis gsang ba pa'i bdag po lag na rdo rje la 'di skad ces smras so/ /gsang ba pa'i bdag po byang chub sems dpa'i dka' ba spyod pa dang/ byang chub 
kyi snying por 'gro ba dang/ bdud 'dul ba dang/ chos kyi 'khor lo bskor ba dang/ bkod pa bstan pa las brtsams te/ de na rmad du byung ba'i rgyu gang dag byung ba gang du khyod la mngon sum du gyur pa la khyod spobs par gyis shig /gsang ba pa'i bdag pos smras pa/ zhi ba'i blo gros 
byang chub sems dpa'i yon tan bkod pa byung ba ni tshad med de/ de dag ni tshe'i tshad bskal par gnas pas kyang rgyas par rnam par phye ste bstan par sla ba ma yin mod kyi/ 'on kyang cung zad tsam zhig brjod par bya'o/ /zhi ba'i blo gros byang chub sems dpa'i dka' ba spyod pa ni rnam 
pa gcig ma yin te/ mu stegs can gzhom pa'i phyir byang chub sems dpa' spyad do/ /dka' thub dang/ lus la yongs su gdung ba ji snyed dang/ lus kyi spyod lam ji snyed kyis pha rol mu stegs can dag mngon par snyems pa de bas ches khyad par du 'phags pa'am/ ches 
mchog tu gyur pa'i bya dka' ba dang/ brtul zhugs dang/ dka' thub gang dag de dag gis bya bas kun tu bstan par mi nus pa de dag thams cad byang chub sems dpas kun tu bstan te/ /zhi ba'i blo gros de la kha cig gis ni byang chub sems dpa' rkang pa ya gcig btsugs te/ 
'dug par mthong/ kha cig gis ni lag pa bteg ste 'dug par mthong/ kha cig gis ni nyi ma la lta zhing 'dug par mthong/ kha cig gis ni gdung ba lngas gdung bar mthong/ /kha cig gis ni tsog tsog por 'dug cing spong ba la sbyor bar brtson par mthong/ kha cig gis ni rkang </font><hr>39-1-147a<br><font size=+1>
pa btsugs te mi 'gul bar mthong/ kha cig gis ni rkang pa gyen du bsgreng ste 'dug par mthong/ kha cig gis ni khas bub tu 'dug par mthong/ kha cig gis ni tsher ma'i steng na nyal bar mthong/ kha cig gis ni ba lang gi lci ba'i nang na nyal bar mthong/ 
kha cig gis ni rdo leb la skyil mo krung bcas te 'dug par mthong/ kha cig gis ni rtsig pa la snyes pa dang/ kha cig gis ni shing leb la snyes pa dang/ kha cig gis ni gtun shing la snyes pa dang/ kha cig gis ni phyag dar khrod na nyal ba dang/ kha cig gis ni nyi ma yongs 
su sgyur ba dang/ kha cig gis ni shing leb gyon pa dang/ kha cig gis ni rtswa mun dza'i gos gyon pa dang/ kha cig gis ni rtswa bal pa dza'i gos gyon pa dang/ kha cig gis ni rtswa ku sha'i gos gyon pa dang/ kha cig gis ni ri dgas kyi pags pa gyon pa dang/ kha cig gis ni rtswa tsi 
ra gyon pa dang/ kha cig gis ni sgren mor 'dug pa dang/ kha cig gis ni rtswa dar b+ha'i gos gyon pa dang/ kha cig gis ni shing shun gyi gos gyon pa dang/ kha cig gis ni sred za ba dang/ kha cig gis ni nas za bar mthong ngo/ /kha cig gis ni rtsa ba za ba dang/ lo ma za ba dang/ 
me tog za ba dang/ 'bras bu za ba dang/ sdong bu za ba dang/ gzegs ma za ba dang/ pad+ma'i rtsa ba za ba dang/ zhag drug smyung ba dang/ sha mi za ba dang/ rgya shug za ba dang/ nas shin te za ba dang/ ci tse za ba dang/ mon sran sde'u za ba dang/ mon sran gre'u za ba dang/ bra yos za ba dang/ 
til za ba dang/ 'bras skam za ba dang/ chu 'thung ba tsam gyis 'tsho ba dang/ mar gyi thigs pa tsam gyis 'tsho ba dang/ sbrang rtsi'i thigs pa tsam gyis 'tsho ba dang/ 'o ma'i thigs pa tsam gyis 'tsho ba dang/ kha cig gis ni zas mi za ba dang/ kha cig gis ni gnyid dang bral bar mthong ngo/ /
kha cig gis ni 'dug pa 'ba' shig tu mthong ngo/ /kha cig gis ni 'greng ba 'ba' shig tu mthong ngo/ /zhi ba'i blo gros de ltar byang chub sems dpa' spyod lam de dag dang/ dka' ba spyod pa tshad med pa gzhan dag kyang ston te/ lo drug tshang bar spyod lam gcig kyang ma 'khrugs par thams cad </font><hr>39-1-147b<br><font size=+1>
rdzogs par bstan par gyur to/ /brtul zhugs shin tu khyad par du 'phags pa dang/ brtson 'grus shin tu sbyangs pa dang/ dka' thub shin tu brtan pos lo drug tu brtul zhugs dang/ dka' thub thams cad ston kyang sems can gzhan dang gzhan la ma mos pa dag gis brtul 
zhugs dang/ dka' thub gzhan dang gzhan du mi mthong ste/ gzhan du na ci 'dra ba'i brtul zhugs dang/ dka' thub ci 'dra ba dag gis sems can de dag 'dul bar 'gyur ba de 'dra ba'i brtul zhugs dang/ dka' thub mthong ba ni ma gtogs so/ /zhi ba'i blo gros de la byang chub sems dpa' 
ni thams cad du kha na ma tho ba med pa'i btang snyoms can yang yin la bya ba de dag kyang kun tu ston te/ dka' ba spyod pa 'dis lha dang mi bye ba phrag drug cu rtsa bzhi theg pa gsum po dag la yongs su smin par byas so/ /zhi ba'i blo gros lha dang/ mi gang dag rgya chen po la mos pa yongs su sbyong ba 
byas pa de dag gis ni byang chub sems dpa' rin po che'i khang pa brtsegs pa na 'dug cing mkha' khyab kyi bsam gtan la bsam gtan byed pa dang/ mi g.yo ba dang/ bde ba myong ba dang/ lo drug lon nas byang chub sems dpa' ting nge 'dzin de las langs par mthong ngo/ /zhi ba'i blo gros 
de la lha dang mi chos can chos 'dod pa chos bstan pas yongs su smin par bya ba gang yin pa de dag gis ni byang chub sems dpa' las gzhan mi byed par rgyun mi 'chad par chos ston par mthong ste/ zhi ba'i blo gros 'di ni byang chub sems dpa'i snying rje chen po la sbyor ba/ ye shes chen 
po yang dag par 'byung ba zhes bya'o/ /chos kyi tshul la 'jug pa bsam gyis mi khyab pa la 'jug pa zhes bya'o/ /bya dka' ba'i ye shes la 'jug pa/bdud dang/ phas kyi rgol ba thams cad 'dul ba zhes bya'o/ /zhi ba'i blo gros de ltar lo drug tshang nas byang chub sems dpa' ji skad 
smos pa'i brtul zhugs dang/ dka' thub de dag las langs te klung ne ran dza na'i 'gram du song nas 'jig rten dang 'thun par khrus byas te/ lus gtsang mar byas nas klung ne ran dzan nas byung ste 'dug par gyur to/ /de na grong mi'i bu mo legs skyes ma zhes bya ba des ba stong gi 'o ma bskol ba sbrang </font><hr>39-1-148a<br><font size=+1>
rtsi dang bsres pa'i 'o thug khyer te byang chub sems dpa' ga la ba der song ngo/ /gzhan lha dang/ klu dang/ gnod sbyin dang/ dri za dang/ lha ma yin dang/ nam mkha' lding dang/ mi 'am ci dang/ lto 'phye chen po bye ba phrag drug cu yang rang rang gi zas 
thogs te 'khod nas so so nas tshig 'di skad du/ kye skyes bu dam pa bdag gi bshos gsol cig /kye skyes bu dam pa bdag gi bshos gsol cig ces zer ro/ /zhi ba'i blo gros de na byang chub sems dpas grong mi'i bu mo legs skyes ma la sogs pa lha dang/
klu dang/ gnod sbyin dang/ dri za bye ba phrag drug cu po de dag thams cad kyi kha zas de dag blangs nas thams cad zos kyang phan tshun ma mthong ngo/ /lha'i bu re res kyang byang chub sems dpa' bdag gi bshos gsol te/ byang chub sems dpa' bdag gi bshos gsol nas bla na med 
pa yang dag par rdzogs pa'i byang chub mngon par rdzogs par 'tshang rgya bar 'gyur bar shes so/ /de dag thams cad kyang byang chub sems dpas bla na med pa yang dag par rdzogs pa'i byang chub tu yongs su smin par byas par gyur te/ zhi ba'i blo gros 'di ni byang chub sems dpa' 
zas len par sbyor ba dka' ba spyod pa yang dag 'phags zhes bya ba'o/ /zas len pa sems can yongs su smin par byed pa dka' ba spyod pa yang dag 'phags kyi le'u zhes bya ba ste bcu gcig pa'o//  //de nas byang chub sems dpa' lus bkrus te lus 
stobs dang ldan par gyur nas zas zos te byang chub kyi snying po ga la ba der song ngo/ /de song ba dang sa la spyod pa'i lha'i bus bzangs zhes bya bas sa la spyod pa'i lha'i bu thams cad la bos te smras pa/ sa 'dzin gang zhig mi g.yo mi bskyod pa/ /sred pas bsal cing 
khong khro rab spangs pa/ /byang chub sems dpa' de ni shing drung byon/ /sa gzhi dag ni legs par brgyan par bya/ /legs so zhes te sa la spyod rnams dga'/ /stong gsum thams cad yongs su phyag dar byed/ /me tog sil ma bkram zhing spos mchog bdugs/ /</font><hr>39-1-148b<br><font size=+1>
spos chu dag gis sa gzhi chag chag btab/ /lag na gzhong thogs de bzhin phreng ba thogs/ /gzhal med khang gnas de bzhin bar snang ba/ /de dag byang chub sems dpa' mthong nas dga'/ /de tshe me tog sna tshogs char du phab/ /gling bzhi pa dag rnams ni 
skyong ba bzhi/ /ji snyed pa dag thams cad 'khor bcas te/ /rnam par 'dren la mchod pa bya ba'i phyir/ /gser gyi dra bas stong gsum thams cad bkab/ /stong gsum 'jig rten brgya byin rdzu 'phrul che/ /de dag byang chub sems dpa' mchod pa'i phyir/ /
sum cu rtsa gsum rnam rgyal khang mdzes pa/ /de ltas stong gsum thams cad mdzes par brgyan/ /'thab bral lha rnams thams cad rab dga' ste/ /skyes bu mchog la yang dag mchod pa'i phyir/ /mi mjed 'jig rten khams kyi stong gsum kun/ /
nam mkha' bai dUr+ya yi dra bas bkab/ /dga' ldan rab dang dga' ldan lha rnams kyang/ /de dag mu tig dra bas brgyan pa byas/ /rgyan phreng de bzhin zla gam rnams kyang thogs/ /mu tig sil ma'i char yang rab tu 'bebs/ /lha'i rgyal po rab tu 'phrul gyi 
bar/ /rab tu dga' nas 'dzam bu'i chu gser gyi/ /dril bu'i dra ba gser gyi drar bcas dang/ /sgra snyan bcas pas stong gsum thams cad bkab/ /thams cad don la mi 'jigs mchod pa'i phyir/ /dbang sgyur dag gis lha yi rin po che/ /rnam par dag cing 
gzi brjid mtha' yas pa/ /'od gsal dri med dra ba gcig kyang sprul/ /klu dang dri za lto 'phye chen po dang/ //lha min mkha' lding mi'am ci kun gyis/ /rang rang gnas dang bkod pa rnams kyis ni/ /'dod khams legs par brgyan nas mdzes par byas/ /
zhi ba'i blo gros de nas stong gsum gyi dbang po tshangs pa chen po dbang sgyur zhes bya bas byang chub sems dpa' byang chub kyi snying po la mngon du phyogs par mthong nas tshangs ris kyi lha rnams la smras pa/ grogs po dag shes par gyis shig /byang chub sems dpa' sems dpa' </font><hr>39-1-149a<br><font size=+1>
chen po go cha chen po mnabs pa/ dam bcas pa chen po ma bor ba/ go cha sra ba mnabs pa/ thugs yongs su mi skyo ba/ byang chub sems dpa'i spyod pa thams cad las nges par byung ba/ pha rol tu phyin pa thams cad kyi pha rol tu byon pa/ byang chub 
sems dpa'i sa thams cad la mnga' dbang brnyes pa/ byang chub sems dpa'i bsam pa thams cad shin tu rnam par dag pa/ sems can thams cad kyi dbang po'i rjes su zhugs pa/ de bzhin gshegs pa'i gsang ba thams cad la shin tu zhugs pa/ bdud 
kyi las kyi lam thams cad las yang dag par 'das pa/ dge ba'i rtsa ba thams cad la gzhan gyi dring mi 'jog pa/ de bzhin gshegs pa thams cad kyis byin gyis brlabs pa/ sems can thams cad la rab tu thar pa'i lam ston pa ded dpon chen por gyur pa/ 
bdud kyi dkyil 'khor thams cad 'joms par mdzad pa/ stong gsum na dpa' bo gcig pur gyur pa/ chos kyi sman thams cad yang dag par bsgrubs pa/ sman pa'i rgyal po chen po/ rnam par grol ba'i thabs brnyes pa/ chos kyi rgyal po chen po/ shes 
rab kyi 'od chen po gtong ba tog chen po'i rgyal po/ 'jig rten gyi chos brgyad kyis ma gos pa pad+ma chen po lta bu/ chos thams cad kyi gzungs ma bsnyel ba rgya mtsho chen po dang 'dra ba/ rjes su chags pa dang/ khong khro ba dang bral ba/ mi g.yo ba/ mi bskyod 
pa/ ri rab chen po lta bu/ shin tu dri ma med pa/ shin tu yongs su dag pa/ shin tu dkar ba'i blo dang ldan pa/ nor bu rin po che chen po dang 'dra ba/ chos thams cad la dbang sgyur ba/ sems las su rung ba/ tshangs pa chen po lta bu'i byang chub sems dpa' de bdud kyi 
sde rab tu gdul ba dang/ bla na med pa yang dag par mngon par rdzogs par byang chub par bzhed pa dang/ stobs bcu dang/ mi 'jigs pa dang/ sangs rgyas kyi chos ma 'dres pa bcwa brgyad yongs su rdzogs par mdzad pa dang/ chos kyi 'khor lo chen po bskor ba dang/</font><hr>39-1-149b<br><font size=+1>
seng ge'i sgra chen po bsgrag pa dang/ chos kyi sbyin pas sems can thams cad tshim par mdzad pa dang/ sems can thams cad kyi chos kyi mig rnam par sbyang ba dang/ phas kyi rgol ba thams cad chos dang 'thun pas tshar gcad pa dang/ sngon dam bcas pa 
yongs su rdzogs pa/sangs rgyas bcom ldan 'das rnams la bstan par bzhed pa dang/ chos thams cad la dbang phyug gi mnga' dbang brnyes par mdzad pa'i phyir byang chub kyi snying por bzhud kyis/ de la grogs po dag khyed byang chub sems dpa' la mchod pa 
dang rim gro bya ba la spro bar gyis shig /de nas stong gsum gyi bdag po tshangs pa chen po mi mjed kyi bdag po de yid rab tu dga' nas tshangs ris kyi lha thams cad la smras pa/ grogs po dag bskal pa brgya stong mang por brtul zhugs dang dka' thub bsags pa/ 
skyes bu chen po dam pa de byang chub kyi snying po ga la ba der bzhud kyis/ de la khyed kyis bkod pa chen po rnams kyis stong gsum gyi stong chen po thams cad brgyan par gyis shig /de nas tshangs pa chen po mi mjed kyi bdag pos de'i tshe tshigs su bcad pa 'di dag smras 
so/ /sems can rnam dag brtul zhugs chos nges pa/ /lhar bcas 'jig rten dag la phan bzhed pa/ /lha dang mi yis mchod pa lha yi lha/ /thub pa chen po byang chub snying por gshegs/ /sde dang bcas pa'i bdud ni gdul ba dang/ /thams cad 
mkhyen gyi ye shes 'tshang rgya dang/ /rdzogs pa'i sangs rgyas chos rnams yongs bkang dang/ /dam pa'i chos kyi 'khor lo bskor ba dang/ /mkhas pa seng ge'i sgra chen bsgrag pa dang/ /sems can thams cad tshim par bya ba dang/ /dam pa'i chos mig yongs su 
sbyang ba'i phyir/ /'dren pa byang chub snying por nye bar gshegs/ /phas kyi rgol ba rnams ni tshar gcad dang/ /sngon gyi dam bcas yongs su bkang ba dang/ /rdzogs sangs rgyas kyi mdzad pa bstan pa'i phyir/ /'dren pa byang chub snying por nye bar gshegs/ /</font><hr>39-1-150a<br><font size=+1>
legs par thams cad lhan cig 'dus nas ni/ /sa yi gzhi ni legs par brgyan par bya/ /stong gsum brgyan par gyur la ltos shig kye/ /'dod pa'i khams kyang brgyan par gyur pa ltos/ /'dod pa'i khams ni ji ltar brgyan pa bzhin/ /de ltar 
gzugs kyi khams kyang brgyan par bya/ /tshangs pa rnams ni sems dang legs so zhes/ /rab tu dga' nas stong gsum brgyan par gyur/ /ji ltar 'dod pa'i khams na bkod snang ba/ /de bas lhag pa'i mchod pa de dag bstan/ /me tog rnams kyis bkang zhing 
spos kyis bkang/ /rin chen rnams kyis mchod cing sil snyan bsgrags/ /tshangs pa la sogs 'og min lha yi rnams/ /rab tu dga' nas stong gsum thams cad kyang/ /dga' bar 'gyur dang phyag bya'i 'os su byas/ /rang rang gnas kyi gzhi yang bkod pa byas/ /
lha rnams kyis ni gong nas gong du yang/ /lhag pa lhag pa'i rgyan rnams rab tu bstan/ /lha yi bu mo bye ba drug cu brgyas/ /byang chub rdo rje gdan ni rgyan par byed/ /spos chu yis ni kun tu chag chag 'debs/ /me tog sna tshogs dag kyang 'thor bar byed/ /sa gzhi dag 
la rin chen rnams kyang bkram/ /byang chub snying por rgyan rnams rab tu bstan/ /thams cad tshig gis brjod par mi nus pa/ /de snyed tshad kyi bkod pa 'dir byas gyur/ /zhi ba'i blo gros byang chub sems dpa' de byang chub kyi snying por 'gro ba na stong gi dbang po tshangs pa chen po 
mi mjed kyi bdag pos tshangs ris kyi lha thams cad la smras pa/ grogs po dag bskal pa bye ba khrag khrig brgya stong mang por brtul zhugs dang/dka' thub rnams kyi spyod pa spyad pa sems can gyi mchog skyes bu chen po 'di byang chub kyi snying por bzhud kyis/ de la khyed kyis stong 
gsum gyi stong chen po'i 'jig rten gyi khams thams cad bkod pa chen po rnams kyis brgyan par gyis shig /de nas mi mjed kyi bdag po tshangs pas tshangs ris kyi lha'i bu rnams la tshigs su bcad pa 'di dag smras so/ /sems can rnam dag brtul zhugs chos des pa/ /phan bzhed </font><hr>39-1-150b<br><font size=+1>
'jig rten don mdzad bdag nyid che/ /de ni blo ngan sder bcas bdud 'dul du/ /shing gi dbang po byang chub drung du bzhud/ /thams cad 'dus te lhan cig 'dong bar bya/ /stong gsum mi mjed 'di ni brgyan par bya/ /'di ni lhar bcas 'jig rten chos kyi dbang/ /yang dag 
mchod na bsod nams mtha' yas 'gyur/ /tshangs pa de dag tshig mchog de thos nas/ /stong gsum thams cad ma lus rgyan byed cing/ /legs par phyags te me tog rgyal mtshan brgyan/ /'jig rten khams ni rin chen rang bzhin sprul/ /nyi ma zla ba'i 'od kyi 
bkod pa dang/ /bye ba'i gdugs rnams nam mkhar de dag sprul/ /sA la'i shing rnams me tog mchog spras pa/ /dga' tshal lta bu de dag rnams kyis sprul/ /lam gang nas ni drang srong che gshegs pa/ /de ni shing rta bdun bstams tshad du sprul/ /rin 
chen gzhi la gser gyi pad+ma bkram/ /kha khyer rim pa bdun gyis yongs su bskor/ /brgya byin gyis der bkod pa gang byas pa/ /de dag lha mi rnams kyis sngon ma mthong/ /sum cu gsum dbang rnam rgyal khang 'dra bar/ /de ltar gling bzhi dag ni mdzes par 
brgyan/ /'thab bral lha dang dga' ldan 'phrul ba dang/ /gzhan 'phrul ba dang 'og min lha yi rnams/ /stobs dang shugs 'chang thams cad brtson par ni/ /byang chub snying po dam pa rgyan par byed/ /byang chub snying por gshegs pa'i bar der ni/ /'dod pa'i khams 
'dir dkon mchog gang yod pa/ /lha 'am klu 'am mi 'am ci rnams kyi/ /de dag thams cad skad cig de la bstan/ /phyogs bzhi dag nas lha mo bye ba lhags/ /me tog rnams dang spos dang byug pa yis/ /byang chub shing ni mngon du rgyan par byed/ /spos chu yis 
ni kun tu chag chag 'debs/ /byang chub shing ni legs par brgyan byas te/ /sum cu rtsa gsum lha yi yongs 'du 'dra/ /lha rnams bye ba dag gis mdzes sprul pa/ /bkod pa de dag tshig gis brjod mi nus/ /zhi ba'i blo gros de nas byang chub sems dpa' byang chub kyi </font><hr>39-1-151a<br><font size=+1>
snying por 'gro ba na rkang pa'i mthil 'khor lo rtsibs stong pa gnyis las 'di 'dra ba'i 'od phyung ste 'od des sems can dmyal ba dang/ dud 'gro'i skye gnas dang/ gshin rje'i 'jig rten pa'i sems can thams cad kyi sdug bsngal gyi tshor ba rnams rgyun 
bcad do/ /klu'i rgyal po nag po'i gnas kyang snang ba chen pos khyab par gyur to/ /de nas klu'i bdag po nag pos byang chub sems dpa'i 'od mthong nas tshim zhing mgul yi rangs te/ rab tu dga' nas/ dga' ba dang yid bde ba skyes te thams cad dang ldan pa'i rang gi 
'khor la tshigs su bcad pas smras pa/ gser gyi kha dog 'dra ba'i 'od/ /gnas 'dir lhang nger gyur pas na/ /kho bo'i lus ni rab tu tshim/ /sems kyang rab tu dga' bar gyur/ /kho bos sngon gyi sangs rgyas kyi/ /ltas bzang mthong ba ltar na ni/ /gdon 
mi za bar dpa' chen po/ /sangs rgyas 'jig rten 'byung bar 'gyur/ /legs par phye ma phreng ba dang/ /spos dang me tog byug pa dang/ /gser dang nor bu mu tig dang/ /dung dang rgyan phreng mchog rnams dang/ /rol mo sil snyan rnams thogs la/ /gdugs dang 
rgyal mtshan thogs nas ni/ /ba dan dag kyang bsgreng byas te/ /ston pa la ni mchod par bya/ /klu yi rgyal po'i gnas 'di na/ /bzang po'i rgyan rnams ji snyed pa/ /de dag rab tu dga' ba yis/ /sangs rgyas la ni rim gro bya/ /de nas klu'i rgyal po nag po chung ma'i 'khor 
dang bcas/ gnyen gyi 'khor dang bcas te/ me tog dang/ spos dang/ phreng ba dang/ byug pa dang/ phye ma dang/ gos dang/ gdugs dang/ rgyal mtshan dang/ ba dan thogs pa dang/ sil snyan dang/ pheg rdob pa dang/ rol mo'i sgra 'byin pa rnams dang lhan cig tu rang gi gnas nas 
byung ste spos chus gang ba'i sprin mngon par sprul nas spos chu'i char pa ni 'bebs/ klu'i mu tig dang/ klu'i me tog gi char ni 'bebs shing/ klu'i mthu chen po dang/ klu'i rdzu 'phrul chen pos byang chub sems dpa' ga la ba der song ste phyin nas 'khor dang bcas pas byang chub sems dpa' la </font><hr>39-1-151b<br><font size=+1>
mchod pa byas te zhabs la phyag 'tshal nas/ rol mo dang/ sil snyan len pa dang/ bcas pas byang chub sems dpa' la bskor ba byas te phyogs gcig tu 'dug nas mngon par bstod do/ /de la 'di skad ces bya ste/ skyes bu mchog gi 'od ni rab bkyebs/ /sangs rgyas 
zhing 'di thams cad snang bar gyur/ /skad cig de la ngan song gsum yang zhi/ /nag po'i gnas kyang 'od kyis khyab par gyur/ /klu yi rgyal po de yis 'od mthong nas/ /rab tu dga' ste de tshe tshig smras pa/ /gser gyi mdog gi 'od 'di byung lags na/ /de ring sangs rgyas 
'byung du gdon mi za/ /klu mo khrag khrig dag gis mdun bdar te/ /gdugs dang me tog gos mchog thogs nas su/ /byang chub sems dpa' de ni ga lar song/ /phyag byas mchod pa byas nas gus bcas 'dug /sa kun rin chen me tog rnams kyis gang zhing de tshe mdzes 
par brgyan/ /shing mchog kun dang sman dang rtswa rnams de dag byang chub shing la 'dud/ /'di na yod pa'i chu klung thams cad mi 'bab mkha' la rlung mi ldang/ /de ring bdud btul nas ni 'jig rten thams cad zil gyis gnon par 'gyur/ /srid pa gsum na brgya byin tshangs pa 
nyi ma zla ba'i 'od mi snang/ /mtshungs med khyod kyi 'od kyis reg nas de ring ngan song gsum po zhi/ /bdag gi gnas su 'od byung nas ni sangs rgyas 'byung ba ston par bgyid/ /de ring rgyal ba byon par 'gyur gyis dgyes mdzod rangs shing tshim pa skyed/ /bum pa gang ba 'di dag nam 
mkhar song ste khyod la skor ba dang/ /tsa sha'i tshogs rnams 'di dag nam mkhar song ste khyed la skor ba dang/ /lhar bcas mir bcas 'jig rten dag kyang mchod par brtson par gnas pa las/ /de ring 'gro ba'i sbyin gnas 'gyur zhing shes rab 'dod pa'i lam du 'gyur/ /bde bar gshegs 
pa bdag gis rnyed pa legs rnyed gzi brjid che ldan pa/ /mi mchog 'khor ba 'jig dang de bzhin gser thub ces ni bya ba mchod/ /mi mchog 'od srung dang ni shAkya mchog khyod de ring bdag gis mchod/ /bdag ni sangs rgyas dpa' mthong ma bral byang chub dam pa don du gnyer/ /sa ni grum zhing </font><hr>39-1-152a<br><font size=+1>
ri rnams g.yos la 'gro ba thams cad med 'gyur srid/ /su zhig byang chub tu ni sems nges lhag pa'i bsam pas 'phags gyur pa/ /de ni de ring stobs bcu ldan par mi 'gyur gnas ni mchis ma lags/ /seng ge'i sgra bsgrags 
tshangs pa'i dbyangs can bcom ldan 'dren pa gsung phyung shig /zhi ba'i blo gros de nas klu'i rgyal po nag po'i chung ma dam pa gser 'od ces bya ba de klu'i bu mo rab tu mang pos bskor cing mdun du bdar nas gdugs sna tshogs thogs pa dang/ ras bcos bu sna tshogs 
thogs pa dang/ mu tig gi rgyan phreng sna tshogs thogs pa dang/ nor bu rin po che sna tshogs thogs pa dang/ lha'i dang mi'i phreng ba brgyus pa thogs pa dang/ pog por sna tshogs thogs pa dang/ sil snyan dang/ rol mo'i sgra sna tshogs len pa rnams dang lhan cig tu rin 
po che'i me tog sna tshogs kyis byang chub sems dpa' 'ong ba la 'thor zhing tshigs su bcad pa 'di dag gis mngon par bstod do/ /'khrul pa mi mnga' mi dngang mi bsnyengs bag mi tsha/ /ma zhum mi dman rab dgyes mi thub chags mi mnga'/ /sdang dang rmongs dang brkam pa mi 
mnga' chags bral ba/ /rnam grol drang srong chen po khyod la phyag 'tshal lo/ /dogs bral zug rngu bral zhing dul la ma rig sel/ /'gro ba thams cad sdug bsngal rnams las rab tu 'grel/ /gnas dang skyabs dang gling ma mchis pa mkhyen nas ni/ /gnas khyod skyabs khyod 
'jig rten gsum po dag tu byung/ /ji ltar lha yi tshogs rnams dad cing rab dga' ste/ /mkha' las me tog char chen rab tu 'bebs pa dang/ /ji ltar gos chen dag kyang 'dor bar bgyid lags na/ /drang srong chen po mgon po rgyal bar der 'gyur snyam/ /dgyes skyed shing dbang drung gshegs 
mi bsnyengs bzhugs mdzod la/ /bdud sde pham par mdzod de nyon mongs dra ba drol/ /ji ltar sngon gyi rgyal dbang de dag sangs rgyas pa/ /de ltar byang chub rab mchog zhi ba 'tshang rgyar mdzod/ /gang gi don du khyod kyis bskal pa bye mang du/ /'gro ba dag ni dgrol phyir dka' ba rnams kyang spyad/ /</font><hr>39-1-152b<br><font size=+1>
khyod kyi dgongs pa de rdzogs shing dbang drung gshegs te/ /byang chub mchog la reg par mdzad pa'i dus 'di lags//  //bam po drug pa/ zhi ba'i blo gros de nas byang chub sems dpa' klu'i rgyal po nag po'i gnas nas byung nas byang chub kyi snying po ga la ba der song ste 
'gro ba na lam gyi g.yas rol na rtswa 'tshong bkra shis pa zhes bya ba rtswa brnga zhing 'dug pa des byang chub sems dpa' byang chub kyi snying po la mngon du phyogs pa mthong ste/ lha rnams kyis bskul nas rtswa 'jam pa/ shin tu gzhon pa/ nyams dga' ba/ yid dga' bar byed pa/ 
rma bya'i mgrin pa lta bu dga' ba 'khyil pa/ g.yas su 'khyil pa/ kha dog dang ldan pa/ dri dang ldan pa/ katsa lin di ka ltar reg na bde ba spar gang blangs te/ byang chub sems dpa' ga la ba der song nas phyin pa dang/ rtswa spar gang byang chub sems dpa' la byin te/ bsam pa thag pa 
nas bla na med pa yang dag par rdzogs pa'i byang chub tu sems bskyed do/ /zhi ba'i blo gros khyod rtswa 'tshong bkra shis pa mi snga mi 'phyi bar byang chub tu sems bskyed cing rtswa yang byin no snyam du sems na de ltar mi blta'o/ /de ci'i phyir zhe na/ de ni rtswa 'tshong bkra shis pa'i sngon gyi smon lam 
yin te/ ji ltar kho bo bskal pa bzang po pa'i byang chub sems dpa' rnams kyi byang chub kyi snying por khri shom pa bzhin no/ /de ci'i phyir zhe na/ zhi ba'i blo gros kho bos mngon par shes te/ 'das pa'i dus na bskal pa bzang po 'di'i snga rol bskal pa dgu bcu rtsa gcig na de bzhin gshegs 
pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das rnam par gzigs zhes bya ba 'jig rten du 
byung ste/ de'i gsung rab la dge slong stong tham pa tshangs par spyod pa spyad nas bcom ldan 'das des khyed cag bskal pa bzang po la bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ /zhes de dag lung bstan to/ /de'i tshe na khyim bdag blo gros </font><hr>39-1-153a<br><font size=+1>
ldan zhes bya ba zhig 'khor de nyid du 'dus par gyur te 'dug pa des/ byang chub sems dpa' de dag lung bstan pa de thos nas bla na med pa yang dag par rdzogs pa'i byang chub tu sems bskyed de/ 'di skad du bskal pa bzang po pa'i byang chub sems dpa' de dag byang chub kyi 
snying por 'gro ba na seng ge'i khri byi dor bya'o/ /zhes smon lam btab bo/ /zhi ba'i blo gros de'i tshe de'i dus na khyim bdag blo gros ldan zhes bya bar gyur pa de gzhan zhig yin pa snyam du khyod dogs shing the tshom za ba'am/ yid gnyis su gyur na khyod kyis de ltar mi blta'o/ /de ci'i phyir zhe na/rtswa 'tshong bkra shis pa 'di de'i tshe de'i dus na khyim bdag blo gros ldan zhes bya bar gyur to/ /zhi ba'i blo gros khyod kyis rnam grangs 'dis kyang rtswa 'tshong bkra shis pa'i sngon gyi smon lam 'di ltar rig par bya ste/ sems can rnams kyi mos pa ji lta ba dang/ dbang po yongs su smin pa ji lta bu bzhin 
du de kha cig la ni rtswa spar gang 'bul bar 'gyur/ kha cig la ni rin po che bkod pa'i seng ge'i khri 'bul bar 'gyur ro/ /zhi ba'i blo gros de nas byang chub sems dpa' byang chub kyi snying po'i shing drung du song ba dang/ byang chub kyi snying po'i lha rnams lha'i bu mo me tog gi skon bu thogs pa dang/ 
spos dang/ phye ma'i phur ma thogs pa khri dang lhan cig tu byang chub kyi snying po ga la ba der song ste phyin pa dang/ byang chub sems dpa'i rkang pa la mgo bos phyag 'tshal nas ji ltar thogs pa'i me tog dang/ phye ma dang/ spos dang/ phreng ba dang/ byug pa rnams kyis byang chub sems dpa' 
la gtor te/ tshigs su bcad pa 'di dag gis mngon par bstod do/ /bdag nyid chen po mi bsnyengs dpa' zhing dul zhi ba/ /dgyes shing tshim pa brtan pa khyod la phyag 'tshal lo/ /'bar ba nyams dgyes kha na ma tho mi mnga' ba/ /skyon las grol ba'i ston pa khyod la phyag 'tshal 
lo/ /sdug bsngal chen por bying ba mgon med 'gro 'di la/ /khyod ni bde ba rab tu stsol ba'i mgon po gcig /'gro ba'i nyon mongs nad rnams spang ba'i phyir byung ba/ /sman pa'i rgyal chen grags ldan khyod la phyag 'tshal lo/ /ji ltar lha tshogs dad cing rab tu dga' ba yis/ /</font><hr>39-1-153b<br><font size=+1>
lha yi me tog char pa rab tu 'bebs pa las/ /bdud dag sde dang bcas pa byams pas bcom nas ni/ /khyod kyis byang chub dam pa de ring brnyes su nges/ /shing dbang drung du gshegs te khri der bzhugs nas su/ /bdud btul nas ni mun pa thams cad gzhom par mdzod/ /ji ltar sngon gyi 
thub dbang de dag sangs rgyas pa/ /de ltar byang chub zhi ba mchog rab 'tshang rgyar mdzod/ /ji ltar khyod kyis 'gro ba dgrol ba'i don du ni/ /bskal pa bye bar dka' mdzad rnam par dag 'gyur ba/ /drang srong chen po khyod kyi dgongs mchog deng rdzogs kyis/ /shing dbang drung du bzhugs te byang chub 
'tshang rgyar mdzod/ /zhi ba'i blo gros de nas byang chub sems dpas rtswa spar gang khyer nas byang chub kyi snying po ga la ba der song ste phyin pa dang/ byang chub kyi shing drung du bdag nyid kyis rtswa'i gding ba bting nas byang chub kyi shing la phyag 'tshal te lan bdun bskor ba byas so/ /zhi ba'i blo gros byang chub sems dpa' 
rtswa'i gding ba bting ma thag tu de nas lha'i bu brgyad khri bzhi stong gis seng ge'i khri sna tshogs blta na sdug pa/ mtho ba/ yangs pa/ rin po che thams cad kyis spras pa/ rin po che'i kha khyer can/ rin po che'i dra bas g.yogs pa/ rin po che'i dril bu g.yer ka'i dra ba bres pa/ mu tig gi rgyan phreng rab tu sbyangs 
pa ras bcos bu brgya stong du ma bting ba brgyad khri bzhi stong byang chub sems dpa'i ched du bshams so/ /zhi ba'i blo gros de na byang chub sems dpa' seng ge'i khri brgyad khri bzhi stong po de dag thams cad la bdag nyid 'dug par kun tu bstan par gyur to/ /lha'i bu de dag gis kyang gzhan dang gzhan du 
mi mthong mi shes te/ lha'i bu re res kyang 'di ltar byang chub sems dpa' ni bdag gi seng ge'i khri la bzhugs so/ /bdag gi seng ge'i khri la bzhugs nas bla na med pa yang dag par rdzogs pa'i byang chub mngon par rdzogs par 'tshang rgya bar 'gyur bar shes te/ de dag dga' ba dang/ mchog tu dga' ba 
de nyid kyis bla na med pa yang dag par rdzogs pa'i byang chub las phyir mi ldog par gyur to/ /byang chub kyi snying por bzhud pa'i le'u zhes bya ba ste bcu gnyis pa'o//  //zhi ba'i blo gros byang chub sems dpa' seng ge'i khri de la 'dug ma thag tu de nas smin mtshams kyi mdzod spu'i bar nas bdud bskul ba </font><hr>39-1-154a<br><font size=+1>
zhes bya ba'i 'od phyung ste 'od des stong gsum gyi stong chen po'i 'jig rten gyi khams 'di na 'khod pa'i bdud bye ba phrag bzhi brgya la reg go/ /'od des de dag la reg ma thag tu rang rang gi gnas na 'khod bzhin du spu zing zhes byed de/ rang gi bdud kyi gnas tshig cing mog 
mog por gyur par shes nas de dag 'di snyam du sems te/ gang gi phyir gnas 'di dag mog mog por gyur par snang ba 'di la rgyu ni ci zhig yod rkyen ni ci zhig yod/ byang chub sems dpa' 'am cig byang chub kyi snying por 'dug nas bla na med pa yang dag par rdzogs pa'i byang chub 
mngon par rdzogs par 'tshang rgya bar mi 'gyur grang snyam ste/rnam par bltas pa dang byang chub sems dpa' byang chub kyi snying po la 'dug par mthong ngo/ /de nas bdud sdig can de dag rang rang gi gnas nas mi snang bar gyur nas bdud re re yang gnod sbyin kha dog rnam pa mang po dang/ 
cha byad rnam pa mang po dang/ dbyibs rnam pa mang po dang/ chu zheng rnam pa mang po dang/ g.yo ba rnam pa mang po dang/ mgo rnam pa mang po dang/ mtshon cha rnam pa mang po dang/ rgyal mtshan rnam pa mang po thogs pa bye ba khrag khrig brgya stong dag gis bskor te/ smra ba rnam pa mang po 
smra zhing bdud kyi mthu chen po dang/ bdud kyi rdzu 'phrul chen pos bdud re res kyang bdud kyi 'khor gyis rgyar dpag tshad nyi khri nyi khri ste/ khor yug tu dpag tshad brgyad khri bzhi stong bkang nas byang chub kyi shing drung du dong ngo/ /zhi ba'i blo gros 'khor chen po de dag dong ma thag tu de nas 
de'i tshe yid du mi 'ong ba/ mnyan par mi 'os pa/ mi snyan pa/ u dug ces bya ba dang/ pi tsig ces bya ba dang/ hu lu hu lu zhes bya ba dang/ rgyob shig /zung shig /sod cig /chings shig ces bya ba'i sgra chen po de lta bu phyung bar gyur to/ /gal te 'dod chags dang ma bral 
ba'i sems can rnams kyis sgra de thos la/ zhi ba'i blo gros gal te byang chub sems dpas sgra de mi grag par ma byas na ni de dag kha nas khrag dron po skyug cing 'chi ba 'am/ shi la thug pa'i sdug bsngal chen po rnyed par 'gyur ro/ /de ni byang chub sems dpa' snying rje chen pos </font><hr>39-1-154b<br><font size=+1>
non pas sems can la rnam par 'tshe bar 'gyur du 'ong ngo zhes sgra de mi grag par byas par gyur to/ /zhi ba'i blo gros 'di yang byang chub sems dpa'i thabs la mkhas pa'i yul yin no/ /zhi ba'i blo gros sgra de lta bu de thos kyang byang chub sems dpa' ni tha na spu g.yos par yang ma gyur to/ /
de ci'i phyir zhe na/ sgra 'di thams cad brag cha dang mtshungs par legs par rtogs pa'i phyir ro/ /zhi ba'i blo gros byang chub kyi bsnyen bkur ba'i lha rnams kyis bdud lhags par rig nas bdud sdig can de dag la bzlog pa rnam pa bcu drug gis zlog par byed de/ sdig can dag phongs par 'gyur 
ba gdon par dka' ba rnam pa 'di lta bu 'di dag gis ci zhig byas thong shig /de ci'i phyir zhe na/ sdig can khyed ni gyad stobs chung du la gyad stobs chen po bab pa ltar do mod byang chub sems dpas brdabs par 'gyur ro/ /sdig can khyed ni dpa' bo chen pos pha rol gyi sde bcom pa ltar do 
mod byang chub sems dpas pham par byas par 'gyur ro/ /sdig can khyed ni srin bu me khyer la zla ba'i dkyil 'khor bab pa ltar do mod byang chub sems dpas zil gyis non par 'gyur ro/ /sdig can khyed ni phub ma spar gang la rlung mar bab pa ltar do mod byang chub sems dpas gtor 
bar 'gyur ro/ /sdig can khyed ni shing sA la chen po rtsa ba nas chad pa ltar do mod byang chub sems dpas sgyel bar 'gyur ro/ /sdig can khyed ni ri dgas kyi tshogs la seng ge bab pa ltar do mod byang chub sems dpas dngangs par byas par 'gyur ro/ /sdig can khyed ni brjes kyi chu 
la nyi tshan bab pa ltar do mod byang chub sems dpas yongs su zad par byas par 'gyur ro/ /sdig can khyed ni mi mdza' ba'i grong khyer la rgyal po chen po bab pa ltar do mod byang chub sems dpas rlag par 'gyur ro/ /sdig can khyed ni mi g.yo can gsad par bya ba shor ba ltar do mod byang 
chub sems dpas 'bros par byed par 'gyur ro/ /sdig can khyed ni tshong pa lam rgyags mang po mes tshig pa ltar do mod byang chub sems dpas mgo 'khor bar byed par 'gyur ro/ /sdig can khyed ni chos kyi rgyal po rgyal srid nyams pa ltar do mod byang chub sems dpas mya ngan byed du </font><hr>39-1-155a<br><font size=+1>
bcug par 'gyur ro/ /sdig can khyed ni khrung khrung rgan po 'dab ma bregs pa ltar do mod byang chub sems dpas sems khongs su bcug par 'gyur ro/ /sdig can khyed ni 'brog dgon par lam rgyags chad pa ltar do mod byang chub sems dpas phongs par 
byas par 'gyur ro/ /sdig can khyed ni rgya mtsho chen po'i dbus su gru zhig pa ltar do mod byang chub sems dpas smre sngags 'don du bcug par 'gyur ro/ /sdig can khyed ni bsreg pa'i bskal pas rtswa dang nags tshal ltar do mod byang chub sems dpas rnyis par byas par 
'gyur ro/ /sdig can khyed ni rdo ba la rdo rje chen po bab pa ltar do mod byang chub sems dpas rnam par gtor bar 'gyur ro/ /zhi ba'i blo gros de ltar byang chub kyi bsnyen bkur ba'i lha rnams kyis bzlog pa rnam pa bcu drug gis bdud sdig can rnams zlog par byed kyang bdud sdig can de 
dag phyir ma log go /de nas byang chub sems dpa' bskal pa grangs med pa bye ba khrag khrig brgya stong du sbyin pa dang/ dul ba dang/ legs par sdom pa dang/ tshul khrims dang/ bzod pa dang/ brtson 'grus dang/ bsam gtan dang/ shes rab dang/ byams pa dang/ snying rje 
dang/ dga' ba dang/ btang snyoms dang/ dran pa nye bar gzhag pa dang/ yang dag par spong ba dang/ rdzu 'phrul gyi rkang pa dang/ dbang po dang/ stobs dang/ byang chub kyi yan lag dang/ lam dang/ zhi gnas dang/ lhag mthong dang/ rig pa dang/ rnam par grol ba yongs su sbyang ba 
byas pas lag pa g.yas pa 'jam zhing gzhon la shin tu gzhon pa gser gyi kha dog ltar 'dug pa brkyang ste/ snying rje chen pos bskyod pa dang/ sems can thams cad rab tu thar bar bya ba'i lhag pa'i bsam pas spyi bo nas bzung ste/ lus thams cad la byugs nas 'jig rten gyi 
khams thams cad kyi sangs rgyas bcom ldan 'das rnams mngon du byas te dran pa dang ldan zhing shes bzhin dus chen po la brdabs so/ /zhi ba'i blo gros byang chub sems dpas sa chen po la brdabs ma thag tu de nas de'i tshe sa chen po rnam pa drug tu g.yos so/ /rab tu g.yos so//</font><hr>39-1-155b<br><font size=+1>
kun tu rab tu g.yos so/ /'gul to/ /rab tu 'gul to/ /kun tu rab tu 'gul to/ /ldeg go/ /rab tu ldeg go/ /kun tu rab tu ldeg go/ /'khrugs so/ /rab tu 'khrugs so/ /kun tu rab tu 'khrugs so/ /'ur 'ur ro/ /rab tu 'ur 'ur ro/ /kun tu rab tu 'ur 'ur ro/ /chem 
chem mo/ /rab tu chem chem mo/ /kun tu rab tu chem chem mo/ /shar phyogs dma' na nub phyogs mtho'o/ /nub phyogs dma' na shar phyogs mtho'o/ /lho phyogs dma' na byang phyogs mtho'o/ /byang phyogs dma' na lho phyogs mtho'o/ /mtha' mtho na dbus dma'o/ /dbus mtho na 
mtha' dma'o/ /zhi ba'i blo gros de ltar rnam pa drug dang/ ltas chen po bcwa brgyad du sa g.yos pa chen po 'jig rten du byung bar gyur to/ /bdud sdig can rnams kyis kyang 'ur sgra dang/ tug chem gyi sgra chen po dang/ zung shig dang/ rgyob cig pa dang/ chings shig pa dang/ sod cig pa'i sgra 
thos so/ /bdud kyi 'khor gyis ni byang chub sems dpa'i mthus steng gi bar snang la 'di lta bu'i sgra 'di thos so/ /drang srong nang na drang srong mchog /'di ni mi 'jigs sbyin pa ste/ /srog chags kun gyi skyabs yin gyis/ /'di la skyabs su 'gro bar gyis/ /zhi ba'i blo gros 
bdud kyi 'khor gyis sgra de thos pa dang/ gnod sbyin bye ba khrag khrig brgya stong phrag brgyad cu khas bub tu sa la sgyel nas skyes bu chen po yongs su bskyab tu gsol/ yongs su bskyab tu gsol/ zhes tshig de skad smras so/ /bdud sdig can lhag ma rnams ni dpung gi tshogs dang 
lhan cig tu 'bros par 'dod na 'bros ma nus nas de dag la snying brtse ba'i phyir byang chub sems dpa' lus las 'od phyung ba dang/ 'od des de dag 'jigs pa thams cad dang bral te/ rang rang gi gnas su dong ngo/ /zhi ba'i blo gros byang chub sems dpas bdud 'dul ba'i rnam par sbrul pa 'di 
bstan pa na bdud kyi 'khor de las gnod sbyin bye ba khrag khrig brgya stong phrag brgyad cus ni bla na med pa yang dag par rdzogs pa'i byang chub tu sems bskyed do/ /srog chags bye ba khrag khrig brgya stong phrag dgu bcu rtsa dgus ni bla na med pa yang dag par rdzogs pa'i byang chub tu sems bskyed do/</font><hr>39-1-156a<br><font size=+1>
lha'i bu sngon sbyang ba byas pa brgyad khri bzhi stong ni mi skye ba'i chos la bzod pa thob par gyur to/ /bdud btul ba'i le'u zhes bya ba ste bcu gsum pa'o//  //zhi ba'i blo gros de ltar lha dang mi kha cig gis ni de ltar bdud 'dul ba tshad med pa 
dang ldan par shes so/ /kha cig gis ni bdud yong thams cad du ma 'ongs par shes so/ /kha cig gis ni byang chub sems dpa' rtswa bting ba la 'dug par shes so/ /kha cig gis ni byang chub sems dpa' rin po che'i pad ma bkod pa'i seng ge'i khri la 'dug par mthong ngo/ /
kha cig gis ni byang chub sems dpa' sa la 'dug par mthong ngo/ /kha cig gis ni byang chub sems dpa' nam mkha'i dkyil na gnas pa'i seng ge'i khri la 'dug par mthong ngo/ /kha cig gis ni byang chub kyi shing shing gi rgyal po a shwad thar mthong ngo/ /kha cig gis ni byang chub 
kyi shing yongs 'dus brtol du mthong ngo/ /kha cig gis ni byang chub kyi shing rin po che thams cad kyi rang bzhin can du mthong ngo/ /lha dang mi kha cig gis ni byang chub kyi shing shing ta la srid tsam du mthong zhing seng ge'i khri shing ta la phyed tsam du mthong ngo/ /kha cig gis ni byang chub 
kyi shing shing ta la bdun srid tsam du mthong zhing seng ge'i khri shing ta la phyed dang gnyis kyi srid tsam du mthong ngo/ /kha cig gis ni byang chub kyi shing dpag tshad brgyad khri bzhi stong pa'i bar du mthong zhing seng ge'i khri dpag tshad bzhi khri nyis stong bar mthong ngo/ /lha dang mi kha cig gis ni 
byang chub sems dpa' bdud 'dul bar mthong ngo/ /kha cig gis ni bdud gcig mthong ngo/ /kha cig gis ni bdud rgya chen por mthong ngo/ /kha cig gis ni byang chub sems dpa' bdud 'joms pa la rtse bar mthong ngo/ /kha cig gis ni byang chub sems dpa' nam mkha'i dkyil na 
gnas shing nam mkha' la 'dug pa'i byang chub kyi shing drung na seng ge'i khri la 'dug cing byang chub sems dpa' byang chub mngon par rdzogs par 'tshang rgya bar mthong ste/ zhi ba'i blo gros de ltar na byang chub sems dpa' rnams ni yul mtha' med pa yin te byang chub kyi snying po mchog dam pa na </font><hr>39-1-156b<br><font size=+1>
'khod pa de dag gi yon tan gyi rgyu'i khyad par ni tshad med par snang ngo/ /zhi ba'i blo gros byang chub sems dpa' byang chub kyi snying po mchog dam par 'dug pa dang/ sngon 'thun par spyod pa'i byang chub sems dpa' grangs med dpag tu med pa dag phyogs bcu'i 'jig rten gyi khams tshad med 
grangs med pa dag nas lhags te/ mi 'jigs pa'i sgra rjod cing shis pa'i sgra dang/ bde ba'i sgra dang/ kun dga' ba'i sgra dang/ mgyogs pa'i sgra dang/ myur ba'i sgra dang/ legs pa'i sgra dang/ don yod pa'i sgra dang/ dpa' ba'i sgra dang/ skyes bu dam ba'i sgra dang/ 
phyir mi ldog pa'i sgra dang/ rgyas pa'i sgra dang/ bkra shis pa'i sgra dang/ mi gdung ba'i sgra dang/ ma zhum pa'i sgra dang/ sngon gyi bsam pa'i sgra dang/ spong ba don yod pa'i sgra dang/ yid bde ba'i sgra dang/ rdo rje ltar mkhregs pa'i sgra dang/ skyes bu dam pa rtsen pa'i sgra dang/ phan 
pa'i sgra dang/ skad cig gcig dang ldan pa'i sgra dang/ thams cad mkhyen pa'i ye shes kyi sgra dang/ mngon par rdzogs par byang chub pa'i sgra rjod de/ /zhi ba'i blo gros de ltar byang chub kyi snying po mchog dam pa la 'dug pa'i byang chub sems dpa' la phyogs bcu'i 'jig rten gyi khams 
nas 'dus pa'i byang chub sems dpa' rnams kyi dbugs 'byin pa rnam pa sna tshogs brgya stong dag gis dbugs 'byin to/ /mchod pa rnam pa sna tshogs byed do/ /bstod pa rnam pa sna tshogs byed do/ /'di ni byang chub sems dpa'i sngon legs par spyad pa ste/ des na phyogs 
bcu'i 'jig rten gyi khams nas 'dus pa'i byang chub sems dpa' de dag byang chub sems dpa' byang chub kyi snying po mchog dam pa la 'dug pa la dbugs 'byin cing mchod pa byed kyang byang chub sems dpa' de la yang rjes su chags pa med la bdud kyi sde la yang khong khro ba med do/ /
zhi ba'i blo gros byang chub sems dpa' rjes su chags pa dang/ khong khro ba dang bral bas skad cig gcig dang ldan pa'i shes rab kyis shes par bya ba dang/ blta bar bya ba dang/thob par bya ba dang/ mngon par rdzogs par byang chub par bya ba gang ci yang rung ste de thams cad mngon par </font><hr>39-1-157a<br><font size=+1>
rdzogs par sangs rgyas so/ /zhi ba'i blo gros byang chub brnyes pa'i de bzhin gshegs pa la phyogs bcu nas sangs rgyas bcom ldan 'das grangs med dpag tu med pa dag gis phyag g.yas pa brkyang ste/ sku ma mnyel tam zhes snyun gsol lo/ /mnyel ba mi 
mnga' bar byang chub bam/ rang byung du mngon par rdzogs par byang chub bam/ sgrib pa mi mnga' bar mngon par rdzogs par byang chub bam/ mnyam pa nyid kyi ye shes kyis mngon par rdzogs par byang chub bam/ kun tu ye shes kyis mngon par rdzogs par byang chub bam/ spyod 
yul ma 'dres pa dang ldan nam/ snying rje chen po'i go cha bgos sam/ dkon mchog gsum gyi rigs bsabs sam/ chos thams cad la dbang sgyur ram zhes yongs su 'dri'o/ /de la sems can gang dag dbang po yongs su smin pa de dag gis ni bya ba de shes so/ /sems 
can gang dag dbang po yongs su ma smin pa de dag gis ni bya ba de mi shes so/ /zhi ba'i blo gros byang chub brnyes pa'i de bzhin gshegs pa zhag bdun gyi bar du spyan mi 'dzums par chos kyi dga' ba'i bde ba nyams su bstar ro/ /spyan mi 'dzums par byang chub kyi shing la 
yang gzigs so/ /lha'i bu stong yang de la mchod do/ /bstod do/ /phyag 'tshal lo/ /lha'i bu mo brgya stong dag kyang de la mchod pa byed do/ /bstod do/ /phyag 'tshal lo/ /de bzhin gshegs pa'i spyod lam mthong nas bla na med pa yang dag par rdzogs pa'i byang chub tu 
sems kyang bskyed do/ /zhi ba'i blo gros de bzhin gshegs pas byang chub brnyes pa dang/ rgyal po chen po bzhi lhung bzed rnams thogs te de bzhin gshegs pa'i gan du dong bar gyur to/ /bzhi gang zhe na/ yul 'khor srung dang/ 'phags skyes po dang/ mig mi bzang dang/ rgyal po 
chen po rnam thos kyi bu ste rgyal po chen po bzhi po de dag go/ /gling bzhi pa 'di nas ji ltar dong ba de bzhin du gling bzhi pa bye ba phrag brgya nas rgyal po chen po bye ba phrag bzhi brgya lhung bzed rnams thogs te de bzhin gshegs pa'i gan du dong ngo/ /zhi ba'i blo gros de la de bzhin gshegs pas lhung </font><hr>39-1-157b<br><font size=+1>
bzed bye ba phrag bzhi brgya rnams bzhes te/ bzhes nas kyang lhung bzed gcig tu byin gyis brlabs nas rgyal po chen po re re yang 'di snyam du de bzhin gshegs pas bdag gi lhung bzed bzhes so/ /de bzhin gshegs pas bdag gi lhung bzed du gsol lo snyam du sems te/ de dag dga' 
ba dang/ mchog tu dga' ba de nyid kyis bla na med pa yang dag par rdzogs pa'i byang chub las phyir mi ldog par gyur to/ /zhi ba'i blo gros de bzhin gshegs pas byang chub brnyes nas tshong pa ga gon dang bzang po dang/ gzhan yang lha'i bu drug khri de bzhin gshegs pa'i thog ma'i zhal zas 
thogs nas dong bar gyur te/ de dag ni sngon 'di skad du bdag cag gis de bzhin gshegs pa la thog mar zhal zas dbul lo zhes smon lam btab par gyur pa dag go/ /de dag gis de bzhin gshegs pa la thog mar zhal zas phul nas dga' ba dang/ mchog tu dga' ba de nyid kyis bla na med 
pa yang dag par rdzogs pa'i byang chub las phyir mi ldog par gyur to/ /zhi ba'i blo gros de ltar byang chub sems dpa' byang chub kyi snying po mchog dam par 'dug ste thams cad mkhyen pa ma thob pa las byang chub brnyes pa dang/ de bzhin gshegs pas chos kyi 'khor lo ma bskor ba'i bar 
du sems can gyi don mdzad pa de ni rab tu mang gi/ /sems dang po bskyed pa nas bzung ste byang chub kyi snying por song ba'i bar du ni de lta ma yin no/ /zhi ba'i blo gros khyod kyis rnam grangs 'dis kyang ji lta ji ltar byang chub sems dpa' byang chub la nye bar gyur pa de lta de ltar sems can tshad med 
pa'i don byed pa de ltar shes par bya'o/ /zhi ba'i blo gros de bzhin gshegs pas byang chub brnyes nas tshangs pa gtsug phud can zhes bya ba tshangs ris kyi lha'i bu 'bum phrag drug cu rtsa brgyad kyis bskor cing mdun du bdar te tshangs pa'i 'jig rten nas mi snang bar gyur nas bcom ldan 'das kyi spyan sngar phyin te/ 
bcom ldan 'das kyi zhabs la mgo bos phyag 'tshal nas lan bdun bskor ba byas te/ bcom ldan 'das la chos kyi 'khor lo bskor ba'i phyir sems can chos kyi snod du gyur pa dag mchis te/ de dag de bzhin gshegs pa'i chos bstan pa 'tshal bar 'gyur gyis/ bcom ldan 'das kyis </font><hr>39-1-158a<br><font size=+1>
chos bstan du gsol/ bde bar gshegs pas chos bstan du gsol/ zhes gsol ba btab bo/ /de ni sngon gyi smon lam gyis gyur pa ste/ gang gis rgyal po yul 'khor srung gi bur khas blangs nas bdag gis bskal pa bzang po pa'i de bzhin gshegs 
pa byang chub brnyes pa thams cad la chos kyi 'khor lo skor bar bskul lo zhes smon lam btab pa yin no/ /zhi ba'i blo gros tshangs pa gtsug pud can nyid kyis de bzhin gshegs pa la chos kyi 'khor lo skor bar gsol ba btab kyis gzhan dag gis ni ma yin no snyam du 
khyod sems na de ltar mi blta'o/ /de ci'i phyir zhe na/ ji ltar tshangs pa gtsug phud can gyis gsol ba btab pa de bzhin du tshangs pa bye ba phrag bcus kyang de bzhin gshegs pa la gsol ba btab par gyur to/ /brgya byin bye ba phrag bcu dang/ byang chub sems dpa' bye ba phrag 
bcus kyang bcom ldan 'das la chos kyi 'khor lo skor bar gsol ba btab par gyur to/ /gang gi tshe bcom ldan 'das kyis chos kyi 'khor lo skor bar gnang ba de'i tshe tshangs pa gtsug pud can gyis grong khyer bA ra NA sI drang srong lhung ba ri dgas kyi nags su bcom ldan 'das kyi seng ge'i khri 
'phang du dpag tshad bzhi khri nyis stong yod pa/ rnam pa thams cad kyi mchog dang ldan pa/ bkra ba/ blta na sdug pa/ /sa'i steng na 'dug pa bshams par gyur to/ /ji ltar tshangs pa gtsug pud can gyis de bzhin gshegs pa'i seng ge'i khri bshams par gyur pa de bzhin du tshangs pa bye 
ba phrag bcu dang/ brgya byin bye ba phrag bcu dang/ byang chub sems dpa' 'khor dang bcas pa bye ba phrag bcus kyang bcom ldan 'das kyi seng ge'i khri bkra ba/ blta na sdug pa/ rnam pa thams cad kyi mchog dang ldan pa/ bshams par gyur to/ /zhi ba'i blo gros de nas bcom ldan 
'das grong khyer chen po ba ra NA sI ga la ba dang/ drang srong lhung ba ri dgas kyi nags ga la ba der gshegs te byon nas/ seng ge'i khri de dag thams cad la bdag nyid bzhugs par kun tu bstan to/ /de na re res kyang de bzhin gshegs pa bdag gi seng ge'i khri la bzhugs so/</font><hr>39-1-158b<br><font size=+1>
bdag gi seng ge'i khri la bzhugs nas chos kyi 'khor lo skor bar 'gyur bar shes te/ de dga' ba dang mchog tu dga' ba de nyid kyis bla na med pa yang dag par rdzogs pa'i byang chub las phyir mi ldog par gyur to/ /bcom ldan 'das seng ge'i khri de la bzhugs ma thag tu de nas de'i 
tshe phyogs bcu mtha' yas mu med pa'i 'jig rten gyi khams rab tu g.yos te snang ba chen pos khyab par gyur to/ /de nas de'i tshe bcom ldan 'das kyis yul mtha' yas pa zhes bya ba'i ting nge 'dzin la mnyam par gzhag go/ /bcom ldan 'das kyis yul mtha' yas pa'i ting nge 'dzin 
de la mnyam par bzhag ma thag tu de nas de'i tshe stong gsum gyi stong chen po'i 'jig rten gyi khams mnyam par gyur par gnas te lag mthil ltar gyur to/ /stong gsum gyi stong chen po'i 'jig rten gyi khams na sems can dmyal ba pa 'am/ dud 'gro'i skye gnas pa 'am/ gshin rje'i 
'jig rten pa'am/ mi'am/ lha'am/ sems can ji snyed yod pa de dag thams cad de'i tshe bde ba dang ldan par gyur te/ sems can gang la yang 'dod chags kyis gnod pa med cing zhe sdang gis ma yin/ gti mug gis ma yin te/ nyon mongs pa thams cad kyis gnod pa med 
cing gcig la gcig pha ma tsam du 'du shes te byams pa'i sems dang ldan par gyur to/ /bcom ldan 'das kyis yul bsam gyis mi khyab pa'i ting nge 'dzin de la mnyam par bzhag ma thag tu de nas de'i tshe bcom ldan 'das la chos ma nyan pa'i phyir phyogs bcu nas byang chub sems 
dpa' grangs med dpag tu med pa dag lhags par gyur to/ /stong gsum gyi stong chen po'i 'jig rten gyi khams na dbang che ba dbang che bar grags pa'i lha dang/ klu dang/ gnod sbyin dang/ dri za dang/ lha ma yin dang/ nam mkha' lding dang/ mi'am ci dang/ lto 'phye chen po dang/ mi dang mi 
ma yin pa ji snyed 'khod pa de dag thams cad kyang bcom ldan 'das la chos mnyan pa'i phyir bcom ldan 'das ga la ba der dong ngo/ /zhi ba'i blo gros de ltar de'i tshe stong gsum gyi stong chen po'i 'jig rten gyi khams 'di na bcom ldan 'das la chos nyan pa dbang che ba dbang che bar grags pa dag gis sa phyogs </font><hr>39-1-159a<br><font size=+1>
gang khyab par ma gyur pa de ni tha na skra'i rtse mo'i cha gzhag pa tsam yang med do/ /de nas bcom ldan 'das kyis 'khor chen po de 'dus par mkhyen nas/ dran pa dang ldan zhing mkhyen bzhin du ting nge 'dzin de las bzhengs te/ de bzhin gshegs pa'i spyan thugs rje chen pos 
bskyod pas thams cad dang ldan pa'i 'jig rten la rnam par gzigs nas dge sbyong ngam/ bram ze 'am/ su yang rung bas chos dang 'thun par 'jig rten du ma bskor ba'i chos kyi 'khor lo bskor to/ /zhi ba'i blo gros de bzhin gshegs pas chos kyi 'khor lo de ni ci nas kyang 'khor 'dus pa'i sems 
can rnams rang rang gi rnam par rig pa bzhin du kun tu shes te sems can thams cad kyi sems kyi bsam pa tshim par bya ba'i phyir bskor to/ /gang gi tshe bcom ldan 'das kyis chos kyi 'khor lo bskor ba de'i tshe chos mnyan pa'i phyir phyogs bcu nas byang chub sems dpa' grangs med dpag tu 
med pa dag 'dus par gyur to/ /'dod pa na spyod pa dang/ gzugs na spyod pa'i lha'i bu bye ba khrag khrig brgya stong dag kyang 'dus par gyur to/ /zhi ba'i blo gros de la gang gi tshe bcom ldan 'das kyis gsung 'di skad du kau di n+ya mig mi rtag go/ /zhes bka' stsal pa de la sdug bsngal gyi sgras 'dul ba 
rnams kyis ni mig sdug bsngal lo zhes thos so/ /bdag med pas 'dul ba rnams kyis ni mig bdag med pa'o zhes thos so/ /stong pa nyid kyis 'dul ba rnams kyis ni mig stong ngo zhes thos so/ /zhi bas 'dul ba rnams kyis ni mig zhi ba'o zhes thos so/ /dben pas 'dul ba 
rnams kyis ni mig dben pa'o zhes thos so/ /mi rtag pas 'dul ba rnams kyis ni mig mi rtag pa'o zhes thos so/ /gnas med pas 'dul ba rnams kyis ni mig gnas med pa'o zhes thos so/ /sgyu ma lta bus 'dul ba rnams kyis ni mig sgyu ma lta bu'o zhes thos so/ /rmi lam lta 
bus 'dul ba rnams kyis ni mig rmi lam lta bu'o zhes thos so/ /chu zla lta bus 'dul ba rnams kyis ni mig chu zla lta bu'o zhes thos so/ /mig yor lta bus 'dul ba rnams kyis ni mig mig yor lta bu'o zhes thos so/ /brag ca lta bus 'dul ba rnams kyis ni mig brag ca lta bu'o zhes </font><hr>39-1-159b<br><font size=+1>
thos so/ /de bzhin du stong pa nyid dang/ mtshan ma med pa dang/ smon pa med pa dang/ mngon par 'du byed pa med pa dang/ ma skyes pa dang/ skye ba med pas 'dul ba rnams kyis ni mig stong pa nyid dang/ mtshan ma med pa dang/ smon pa med pa dang/ mngon par 'du byed pa med 
pa dang/ ma skyes pa dang/ ma byung bar thos so/ /rten cing 'brel par 'byung bas 'dul ba rnams kyis ni mig rten cing 'brel par 'byung ba'o zhes thos so/ /mig la ji lta ba de bzhin du yid kyi bar du yang rten cing 'brel par 'byung ba'o zhes thos so/ /de bzhin du gzugs 
rnams dang/ sgra rnams dang/ dri rnams dang/ ro rnams dang/ reg bya rnams dang/ chos rnams stong ngo zhes thos so/ /kha cig gis ni phung po mi rtag pa dang/ kha cig gis ni khams mi rtag par thos so/ /kha cig gis ni skye mched bdag med pa'o zhes thos so/ /kha cig 
gis ni phung po mi rtag pa nyid du thos la khams la mi rtag pa nyid du ma yin no/ /kha cig gis ni khams la mi rtag pa nyid du thos la phung po mi rtag pa nyid du ma yin no/ /kha cig ni sdug bsngal gyi sgras rnam par grol lo/ /kha cig ni kun 'byung ba'i sgras rnam par grol lo/ /kha 
cig ni 'gog pa'i sgras rnam par grol lo/ /kha cig ni lam gyi sgras rnam par grol lo/ /kha cig gis ni dran pa nye bar gzhag pa'i gtam du thos so/ /kha cig gis ni yang dag par spong ba'i gtam du thos so/ /kha cig gis ni rdzu 'phrul gyi rkang pa'i gtam du thos so/ /kha 
cig gis ni dbang po'i gtam du thos so/ /kha cig gis ni stobs kyi gtam du thos so/ /kha cig gis ni byang chub kyi yan lag gi gtam du thos so/ /kha cig gis ni lam gyi gtam du thos so/ /kha cig gis ni zhi gnas kyi gtam du thos so/ /kha cig gis ni lhag mthong 
gi gtam du thos so/ /kha cig gis ni brten pa'i gtam du thos so/ /kha cig gis ni nyan thos dang rab tu ldan pa'i gtam du thos so/ /kha cig gis ni rang sangs rgyas dang rab tu ldan pa'i gtam du thos so/ /kha cig gis ni theg pa chen po dang rab tu ldan pa'i gtam du thos te/ /zhi </font><hr>39-1-160a<br><font size=+1>
ba'i blo gros de ltar na de bzhin gshegs pas sems can thams cad kyi sems kyi bsam pa tshim par bya ba'i phyir chos kyi 'khor lo bskor to/ /zhi ba'i blo gros de ltar de bzhin gshegs pas chos kyi 'khor lo bskor ba la sems can gyi don mdzad pa gang yin pa de ni/ 
dge slong shA ri'i bus kyang sems can de dag bgrang ba'i rtogs pas/ lo brgya yang rtogs par mi nus na sems can gzhan dag gis lta smos kyang ci dgos/ bcom ldan 'das kyis dka' ba spyad pa dang/ byang chub kyi snying por 'gro ba dang/ bdud 'dul ba dang/ bkod pa dang/ seng 
ge'i sgra dang/ rnam par rol pa dang/ chos kyi 'khor lo bskor ba bstan pa 'di bshad pa na/ srog chags brgyad khri bzhi stong gis bla na med pa yang dag par rdzogs pa'i byang chub tu sems bskyed do/ /sems can tshad med pa dag ni theg pa gsum la yongs su smin par byas so/ /chos kyi 
'khor lo bskor ba'i le'u zhes bya ba ste bcu bzhi pa'o//  //de nas bcom ldan 'das la gsang ba'i bdag po lag na rdo rjes 'di skad ces gsol to/ /bcom ldan 'das bdag gis de skad bstan pas de bzhin gshegs pa la skrur pa'am/ gcig tu ma gyur lags sam/ 
'on te de bzhin gshegs pa bstan pa dang rjes su 'thun pa 'am/gcig tu lta'ang lags sam/ bcom ldan 'das de bzhin gshegs pa'i bstan pa ni zab pa lags/ bcom ldan 'das de bzhin gshegs pa'i gsang ba ni zab ste/ 'jig rten thams cad dang mi 'thun pa lags/ bcom ldan 'das de bzhin 
gshegs pa'i thugs nges par dgongs pa ni zab pa lags te/ bcom ldan 'das bdag gis gang bstan pa de ni 'di ltar de bzhin gshegs pa'i ye shes bdag gi lus la gnas pas lags kyi/ 'di bdag gi rtsal gyis ni ma lags par 'tshal to/ /bcom ldan 'das kyis bka' stsal pa/ gsang ba 
pa'i bdag po de de bzhin no/ /ji skad smras pa de bzhin te/ gsang ba pa'i bdag po gang su dag de bzhin gshegs pa'i rjes su 'gro ba'i phyir chos smra ba de dag thams cad kyi lus la de bzhin gshegs pa'i ye shes gnas so/ /de ci'i phyir zhe na/ gsang ba pa'i bdag po gnas ma yin zhing go skabs med de/ gang </font><hr>39-1-160b<br><font size=+1>
de bzhin gshegs pas byin gyis ma brlabs par sems can de dag de bzhin gshegs pa'i gsang ba smra ba 'am/ /de bzhin gshegs pa'i chos nyid dang 'thun pa de ni gnas ma yin no/ /de ci'i phyir zhe na/ de bzhin gshegs pas byin gyis ma brlabs pa rnams kyis de bzhin gshegs pa'i 
gsang ba shes par ram/ mnyan par ram/ bshad par nus pa su zhig yod/ gsang ba pa'i bdag po de bzhin gshegs pa'i chos nyid ni mchog tu yang dag pa'o/ /de bzhin gshegs pa'i chos nyid ni de kho na'o/ /de bzhin gshegs pa'i bzhugs pa ni yang dag pa'o zhes yang dag par 
smra bas smra ba ni chos kyi rnam grangs 'di nyid yang dag par smra bas smra ba'o/ /de ci'i phyir zhe na/ gsang ba pa'i bdag po 'das pa dang/ ma byon pa dang/ da ltar byung ba'i sangs rgyas bcom ldan 'das rnams kyi bla na med pa yang dag par rdzogs pa'i byang chub 'jig rten thams cad dang mi 'thun pa gang yin pa de ni chos 
kyi rnam grangs 'dir bstan to/ /bsnyad do/ /rab tu bshad do/ /gsang ba pa'i bdag po gang dag chos kyi rnam grangs 'di thos nas mos pa dang yid ches par 'gyur ba'i sems can de dag kyang 'jig rten thams cad dang mi 'thun par 'gyur ro/ /gsang ba pa'i bdag po ri'i rgyal po ri rab ni mgo bos bsgyel ba 'am 
phrag pa la thogs par nus kyi/ dge ba'i rtsa ba ma bskyed pa'i sems can rnams kyis ni chos kyi rnam grangs 'di la mos par ram/ dad par ram/ yid ches par yang mi nus na/ blang bar ram/ kun chub par ram/ kun chub par bya bar ram/ gzung bar ram/ sbyor bar bya ba lta smos kyang ci dgos te/ de ni gnas ma 
yin no/ /gsang ba pa'i bdag po gang dag chos kyi rnam grangs 'di nyan pa dang/ mos pa'i sems can de dag ni sangs rgyas gcig la bsnyen bkur byas pa ma yin pa nas sangs rgyas bcu la bsnyen bkur byas pa ma yin gyi/ gsang ba pa'i bdag po skyes bu dam pa de dag ni sangs rgyas bye ba khrag khrig brgya stong 
mang po la bsnyen bkur byas pa dang/ bsod nams kyi tshogs kyis brtan pa dang/ theg pa chen po 'di la nges par byas par rig par bya'o/ /gsang ba pa'i bdag po sems can de dag ni sangs rgyas gcig la bsnyen bkur byas pa ma yin/ gnyis la ma yin/ gsum la ma yin/ bzhi </font><hr>39-1-161a<br><font size=+1>
la ma yin/ lnga la ma yin/ sangs rgyas bcu la bsnyen bkur byas pa ma yin gyi/ gsang ba pa'i bdag po sems can de dag ni sangs rgyas mang po la bsnyen bkur byas pa dang/ yongs su sbyang ba byas pa dang/ theg pa chen po 'di la dge ba'i rtsa ba'i sa bon 
btab pa yin no/ /de nas bcom ldan 'das la byang chub sems dpa' zhi ba'i blo gros kyis 'di skad ces gsol to/ /bcom ldan 'das nye bar zhi ba nye bar zhi ba zhes bgyi ba la nye bar zhi ba zhes bgyi ba 'di ni gang lags/ gang nye bar zhi bas nye bar zhi ba zhes bgyi/ bcom ldan 'das kyis bka' 
stsal ba/ rigs kyi bu nye bar zhi ba nye bar zhi ba zhes bya ba 'di ni nyon mongs pa nye bar zhi ba'i tshig bla dgas so/ /nyon mongs pa nye bar zhi ba zhes bya ba 'di ni kun tu rtog pa dang/ rnam par rtog pa dang/ yongs su rtog pa nye bar zhi ba'i tshig bla dgas so/ /kun tu rtog pa dang/ rnam par rtog 
pa dang/ yongs su rtog pa nye bar zhi ba zhes bya ba 'di ni 'du shes yid la byed pa nye bar zhi ba'i tshig bla dgas so/ /'du shes yid la byed pa nye bar zhi ba zhes bya ba 'di ni phyin ci log nye bar zhi ba'i tshig bla dgas so/ /phyin ci log nye bar zhi ba zhes bya ba 'di ni rgyu dang dmigs pa nye bar zhi ba'i tshig 
bla dgas so/ /rgyu dang dmigs pa nye bar zhi ba zhes bya ba 'di ni ma rig pa dang srid pa'i sred pa nye bar zhi ba'i tshig bla dgas so/ /ma rig pa dang/ srid pa'i sred pa nye bar zhi ba zhes bya ba 'di ni ngar 'dzin pa dang/ nga yir 'dzin pa nye bar zhi ba'i tshig bla dgas so/ /ngar 'dzin pa dang/ nga yir 'dzin pa 
nye bar zhi ba zhes bya ba 'di ni ming dang gzugs nye bar zhi ba'i tshig bla dgas so/ /ming dang gzugs nye bar zhi ba zhes bya ba 'di ni chad pa dang/ /rtag par lta ba nye bar zhi ba'i tshig bla dgas so/ /chad pa dang rtag par lta ba nye bar zhi ba zhes bya ba 'di ni 'jig tshogs la lta ba nye bar zhi ba'i tshig bla dgas so/ /zhi ba'i 
blo gros de ltar na dmigs pa dang/ rgyu dang lta ba dang ldan pa'i kun nas nyon mongs pa 'byung ba gang yin pa de dag thams cad ni 'jig tshogs la lta ba las 'byung ngo/ /'jig tshogs la lta ba nye bar zhi na/ lta ba thams cad nye bar zhi'o/ /'jig tshogs la lta ba nye bar zhi na smon pa thams cad nye bar </font><hr>39-1-161b<br><font size=+1>
zhi'o/ /'jig tshogs la lta ba nye bar zhi na/ nyon mongs pa thams cad nye bar zhi'o/ /zhi ba'i blo gros 'di lta ste dper na/ shing gi rtsa ba bcad na/ yal ga dang lo ma dang/ yal ga phra'u thams cad skam par 'gyur ro/ /zhi ba'i blo gros de bzhin du 'jig tshogs la lta ba nye bar zhi na nyon 
mongs pa thams cad nye bar zhi bar 'gyur ro/ /zhi ba'i blo gros 'jig tshogs la lta ba yongs su mi shes na nye bar len pa dang/ nye ba'i nyon mongs pa thams cad 'byung ngo/ /'jig tshogs la lta ba yongs su shes par gyur na nye bar len pa dang nye ba'i nyon mongs pa thams cad mi 'byung ste/ gnod par 
mi 'gyur ro/ /zhi ba'i blo gros kyis gsol ba/ /bcom ldan 'das 'jig tshogs la lta ba yongs su 'tshal ba ji lta bu lags/ bcom ldan 'das kyis bka' stsal pa/ zhi ba'i blo gros bdag kun nas mi slong ba ni 'jig tshogs la lta ba yongs su shes pa'o/ /sems can kun nas mi slong ba dang/ 
srog dang gang zag tu lta ba kun nas mi slong ba ni 'jig tshogs la lta ba yongs su shes pa'o/ /zhi ba'i blo gros lta ba de ni nang na yang mi gnas/ phyi rol na yang mi gnas so/ /lta ba gnas pa med pa de la mi gnas par shes pa gang yin pa 'di ni/ zhi ba'i blo gros 'jig tshogs la lta ba yongs su shes pa'o/ /
zhi ba'i blo gros 'jig tshogs la lta ba yongs su shes pa zhes bya ba 'di ni stong pa nyid kyi tshig bla dgas te/ stong pa nyid kyi rjes su 'thun pa'i bzod pas lta ba de mi 'dzin pa gang yin pa 'di yang zhi ba'i blo gros 'jig tshogs la lta ba yongs su shes pa'o/ /zhi ba'i blo gros mtshan ma med pa dang/ smon pa med pa dang/mngon par 'du byed pa med pa dang/ ma skyes pa dang/ skye ba med pa'i lta bas 'jig tshogs zhes bya ba'i lta ba de mi 'dzin pa 'di yang zhi ba'i blo gros 'jig tshogs la lta ba yongs su shes pa'o/ /zhi ba'i blo gros 'jig tshogs zhes bya ba de ni tshogs ma yin pa/ 'byung ba ma yin pa/ rnam par 'byung ba ma yin pa 
ste/ de ni gzod ma nyid nas byung ba ma yin pa/ kun brtags pa'o/ /byung ba ma yin zhing kun brtags pa gang yin pa de ni yongs su brtag pa ma yin/ rnam par brtag pa ma yin no/ /yongs su brtag pa ma yin/ rnam par brtag pa ma yin pa gang yin pa de ni bya ba ma yin pa/ rnam par bsgrub pa ma yin pa/</font><hr>39-1-162a<br><font size=+1>
bslang ba ma yin pa/ shes par bya ba ma yin pa'o/ /bya ba ma yin pa dang/ rnam par bsgrub pa ma yin pa dang/ bslang ba ma yin pa dang/ shes par bya ba ma yin pa gang yin pa de ni zhi ba zhes bya'o/ /gsol pa/ nye bar zhi ba dang ldan pa/ nye bar zhi ba dang 
ldan pa zhes bgyi ba/ gang nye bar zhi bas nye bar zhi ba dang ldan pa zhes bgyi/ bka' stsal pa/ dmigs pas sems 'bar bar byed de/ gang phyis dmigs par mi byed pa de mi 'bar ro/ /mi 'bar na nye bar zhi ba dang ldan pa zhes bya'o/ /zhi ba'i blo gros 'di lta ste dper na me ni rgyu las 
'bar gyi/ rgyu med na 'chi bar 'gyur ro/ /de bzhin du dmigs pa las sems 'bar gyi/ dmigs pa med na zhi bar 'gyur ro//  //bam po bdun pa/ zhi ba'i blo gros de la byang chub sems dpa' thabs la mkhas pa shes rab kyi pha rol tu phyin pa yongs su 
dag pa ni dmigs pa zhi ba nyid du yang rab tu shes la/ dge ba'i rtsa ba la dmigs pa yang zhi bar mi byed do/ /nyon mongs pa la dmigs pa yang mi skyed la pha rol tu phyin pa la dmigs pa yang skyed do/ /bdud dang nye ba'i nyon mongs pa'i dmigs pa yang spong la byang chub kyi phyogs dang 
'thun pa'i chos la dmigs pa yang mi spong ngo/ /nyan thos dang/ rang sangs rgyas kyi chos 'dod pa la dmigs pa yang mi len la thams cad mkhyen pa nyid kyi sems la dmigs pa yang mi 'dor ro/ /stong pa nyid du dmigs pa la yang rab tu rtog la sems can thams cad snying rje 
chen po'i dmigs par yang blta'o/ /zhi ba'i blo gros de ltar byang chub sems dpa' thabs la mkhas pa shes rab kyi pha rol tu phyin pa yongs su dag pa ni dmigs pa la dbang 'thob ste/ ma skyes pa'i dmigs pa la yang nges par sems la bsams bzhin du skye ba'i dmigs pa 
yang mi spong ngo/ /mngon par 'du bya ba med pa'i dmigs pa la yang 'jug la dge ba'i rtsa ba mngon par 'du bya ba'i dmigs pa yang nyams 'og tu chud par byed do/ /mtshan ma med pa'i dmigs pa la yang dpyod la byang chub kyi sems kyi dmigs pa yang chud mi gzon to/ /</font><hr>39-1-162b<br><font size=+1>
smon pa med pa'i dmigs pa yang rnam par mthong la khams gsum pa'i dmigs pa la yang mi smod do/ /shes rab dang thabs las nges par byung ba de ni dmigs pa thams cad la yang dbang byed par 'gyur te de mi sdug pa la dmigs nas de bzhin gshegs pa'i sku sdug pa la sems 
gnas so/ /mi rtag pa la dmigs nas 'khor ba la sems yongs su mi skyo ba nyid du sems gnas so/ /sdug bsngal la dmigs nas sems can thams cad mya ngan las 'das pa bde ba la dgod par sems gnas so/ /bdag med pa la dmigs nas/ sems can thams 
cad la snying rje chen po'i sems gnas so/ /'dod chags la dmigs nas sems can 'dod chags la spyod pa rnams la mi sdug pa'i sman chen po yang dag par bstan par sems gnas so/ /zhe sdang la dmigs nas sems can zhe sdang la spyod pa rnams la byams pa 
chen po'i sman chen po yang dag par bstan par sems gnas so/ /gti mug la dmigs nas sems can gti mug la spyod pa rnams la rten cing 'brel par 'byung ba'i sman chen po yang dag par bstan par sems gnas so/ /cha mnyam pa la dmigs nas sems can 
cha mnyam pa la spyod pa rnams la mi rtag pa'i 'du shes kyi sman chen po yang dag par bstan par sems gnas so/ /'dod chags dang bral ba la dmigs nas nyan thos su 'dul bar sems gnas so/ /zhe sdang dang bral ba la dmigs nas rang sangs rgyas su 'dul bar sems 
gnas so/ /gti mug dang bral ba la dmigs nas byang chub sems dpar 'dul bar sems gnas so/ /gzugs la dmigs nas de bzhin gshegs pa'i gzugs thob par bya bar sems gnas so/ /sgra la dmigs nas de bzhin gshegs pa'i sgra dbyangs thob par 
bya bar sems gnas so/ /dri la dmigs nas de bzhin gshegs pa'i tshul khrims kyi dri bsung thob par bya bar sems gnas so/ /ro la dmigs nas de bzhin gshegs pa'i skyes bu chen po'i mtshan ro bro ba'i mchog thob par bya bar sems gnas so/ /reg bya la dmigs </font><hr>39-1-163a<br><font size=+1>
nas de bzhin gshegs pa'i phyag dang zhabs 'jam zhing gzhon pa thob par bya bar sems gnas so/ /chos la dmigs nas de bzhin gshegs pa'i sems nges par sems pa thob par bya bar sems gnas so/ /sbyin pa la dmigs nas mtshan dang dpe byad 
bzang po thob par bya bar sems gnas so/ /tshul khrims la dmigs nas sangs rgyas kyi zhing yongs su dag par bya bar sems gnas so/ /bzod pa la dmigs nas tshangs pa'i sgra dbyangs dang gser gyi mdog tu 'dug pa'i pags pa thob par bya bar sems gnas so/ /brtson 
'grus la dmigs nas sems can thams cad bsgral bar sems gnas so/ /bsam gtan la dmigs nas mngon par shes pa bskyed par sems gnas so/ /shes rab la dmigs nas sems can thams cad kyi lta ba dang/ nyon mongs pa'i kun nas nyon mongs pa rgyun 
bcad par sems gnas so/ /byams pa la dmigs nas sems can thams cad la khong khro ba'i sems med par bya bar sems gnas so/ /snying rje la dmigs nas dam pa'i chos yongs su gzung bar sems gnas so/ /dga' ba la dmigs nas chos bstan pa la mchog tu dga' bar 
bya bar sems gnas so/ /btang snyoms la dmigs nas sems can rjes su chags pa dang/ khong khro ba spang ba la sbyar bar sems gnas so/ /bsdu ba'i dngos po la dmigs nas sems can yongs su smin par bya bar sems gnas so/ /ser sna'i skyon la dmigs nas bdog pa thams 
cad yongs su gtang bar sems gnas so/ /'chal pa'i tshul khrims kyi skyon la dmigs nas tshul khrims rnam par dag par bya bar sems gnas so/ /gnod sems kyi skyon la dmigs nas bzod pa'i stobs dang/ des pa la sems gnas so/ /le lo'i skyon la dmigs nas de bzhin 
gshegs pa'i stobs yongs su bsgrub par sems gnas so/ /g.yeng ba'i skyon la dmigs nas de bzhin gshegs pa'i bsam gtan thob par bya bar sems gnas so/ /'chal pa'i shes rab kyi skyon la dmigs nas chags pa med pa'i ye shes rab tu rdzogs par bya bar sems gnas so/ /</font><hr>39-1-163b<br><font size=+1>
nyan thos dang/ rang sangs rgyas yid la byas nas theg pa chen po yang dag par bsgrub par sems gnas so/ /yid 'byung ba yid la byas nas sdig pa thams cad mi bya bar sems gnas so/ /ngan 'gro ngan song yid la byas nas ngan 'gro ngan song dang/ mi khom par skyes pa'i 
sems can thams cad yongs su bskyab par sems gnas so/ /lha yid la byas nas 'byor pa thams cad mthar rgud par 'gyur bar sems gnas so/ /mi yid la byas nas snying po blang bar sems gnas so/ /sangs rgyas rjes su dran pa yid la byas nas sangs rgyas 
dang phrad par bya bar sems gnas so/ /chos rjes su dran pa yid la byas nas slob dpon gyi chos la dpe mkhyud med par bya bar sems gnas so/ /dge 'dun rjes su dran pa yid la byas nas phyir mi ldog pa'i chos thob par bya bar sems gnas so/ /gtong ba rjes su dran pa yid la byas 
nas gtang ba thams cad yongs su gtang bar sems gnas so/ /tshul khrims rjes su dran pa yid la byas nas smon pa dang/ bsam gtan dang/ byang chub kyi yan lag yongs su rdzogs par bya bar sems gnas so/ /lha rjes su dran pa yid la byas nas/ lha thams cad kyis bstod 
cing bsngags pa'i sangs rgyas kyi ye shes la gnas par bya bar sems gnas so/ /lus yid la byas nas/ sangs rgyas kyi sku thob par bya bar sems gnas so/ /ngag yid la byas nas sangs rgyas kyi gsung thob par bya bar sems gnas so/ /sems yid la byas nas sangs rgyas dang mnyam pa'i 
sems thob par bya bar sems gnas so/ /'dus byas la dmigs nas de bzhin gshegs pa'i ye shes yongs su rdzogs par bya bar sems gnas so/ /'dus ma byas la dmigs nas sangs rgyas kyi ye shes yongs su rdzogs par bya bar sems gnas te/ zhi ba'i blo gros de ltar na byang chub sems dpa' 
thams cad mkhyen pa'i ye shes kyi phyir yid la mi byed pa'i dmigs pa de gang yang med do/ /byang chub sems dpa' de'i dmigs pa thams cad ni byang chub tu yongs su bsngo pa'o/ /chos thams cad byang chub kyi rjes su song bar mthong ba 'di yang byang chub sems dpa'i thabs la mkhas pa ste/ zhi ba'i blo gros </font><hr>39-1-164a<br><font size=+1>
'di lta ste/ dper na stong gsum gyi stong chen po'i 'jig rten gyi khams na sa las skye ba ni skye ba ji lta bar skyes pa'i sems can rnams kyi yongs su spyad par mi 'gyur ba gang yang med do/ /zhi ba'i blo gros de bzhin du byang chub sems dpa' thabs la mkhas pa'i 
byang chub kyi phyir yongs su spyad pa dang/ byang chub kyi phyir phan 'dogs par mi mthong ba'i dmigs pa gang yang med do/ /zhi ba'i blo gros 'di lta ste/ dper na gzugs gang ci yang rung ste de thams cad ni 'byung ba chen po bzhi las gyur pa'o/ /zhi ba'i blo gros de bzhin du thabs la 
mkhas pa'i byang chub sems dpa' rnams kyi dmigs pa gang ci yang rung ste/ de thams cad ni byang chub kyi rnam pa dang yang dag par ldan pa'o/ /zhi ba'i blo gros sems can gang dag 'jungs pa dang/ byas pa mi gzo ba de dag las byang chub sems dpa'i sbyin pa'i pha rol tu phyin pa dang/ 
tshul khrims kyi pha rol tu phyin pa yongs su rdzogs par 'gyur ro/ /sems can gang dag khro ba la spyod pa dang/ /le lo can de dag las byang chub sems dpa'i bzod pa'i pha rol tu phyin pa dang/ brtson 'grus kyi pha rol tu phyin pa yongs su rdzogs par 'gyur ro/ /sems can gang 
dag glen pa dang/ rmongs pa de dag las byang chub sems dpa'i bsam gtan gyi pha rol tu phyin pa dang/ shes rab kyi pha rol tu phyin pa yongs su rdzogs par 'gyur ro/ /sems can gang dag phan mi 'dogs pa de dag las byang chub sems dpa' khong khro ba'i sems su mi 'gyur ro/ /sems can 
gang dag phan 'dogs pa de dag la byang chub sems dpa' rjes su chags pa'i sems su mi 'gyur ro/ /sems can gang dag bsngags pa rjod pa de dag la yang byang chub sems dpa' khengs par mi 'gyur ro/ /sems can gang dag bsngags pa mi rjod pa de dag la yang byang chub sems dpa'i sro shi bar 
mi 'gyur ro/ /sems can gang dag sdug bsngal ba de dag la byang chub sems dpa' snying rje chen po skye'o/ /sems can gang dag bde ba de dag la byang chub sems dpa' dga' ba dang mchog tu dga' ba skye'o/ /sems can gang dag gdul dka' ba dang/ dmu rgod de dag la byang chub sems dpa' zhi gnas kyi </font><hr>39-1-164b<br><font size=+1>
sems skye'o/ /sems can gang dag cang shes pa de dag la byang chub sems dpa' byas pa gzo ba'i blo skye'o/ /sems can gang dag rkyen gyi stobs can yin pa de dag la byang chub sems dpa' rjes su srung ba'i blo skye'o/ /sems can gang dag rgyu'i stobs can yin pa de dag la byang 
chub sems dpa' chad pas gcad pa dang/ bsdigs pa dang/ gdams pa'i blo skye'o/ /sems can gang dag zur tsam gyis go ba de dag la byang chub sems dpas zab mo'i gtam brjod par bya'o/ /sems can gang dag rnam par sbros pas go ba de dag la byang chub sems dpas 
gtam rgyas par brjod par bya'o/ /sems can gang dag bkri dgos pa de dag la byang chub sems dpas gtam go rims su phab ste brjod par bya'o/ /sems can gang dag tshig lhur len pa de dag la tshig dang yi ge bsnyungs te gtam brjod par bya'o/ /gang dag zhi gnas sngon 
du 'gro ba de dag la lhag mthong gi gtam brjod par bya'o/ /gang dag lhag mthong sngon du 'gro ba de dag la ting nge 'dzin la 'dug pa'i gtam brjod par bya'o/ /gang dag tshul khrims la chags pa de dag la mthar phyin pa ma yin pas yang sems can dmyal ba'i gtam brjod par 
bya'o/ /sems can gang dag thos pa la chags pa de dag la 'byung ba'i gtam brjod par bya'o/ /sems can gang dag ting nge 'dzin la chags pa de dag la shes rab la 'jug pa'i gtam brjod par bya'o/ /sems can gang dag dgon pa'i gnas la chags pa de dag la sems 
dben par bya ba'i gtam brjod par bya'o/ /gang dag sbyangs pa'i yon tan dang/ yo byad bsnyungs pa la chags pa de dag la 'phags pa'i shes rab kyi dbang po'i gtam brjod par bya'o/ /gang dag gti mug che ba de dag la thos pas snang ba'i gtam brjod par bya'o/ /gang 
dag 'dod chags kyis non pa de dag la mi sdug pa'i gtam brjod par bya'o/ /gang dag zhe sdang gis non pa de dag la byams pa'i gtam brjod par bya'o/ /gang dag gti mug gis non pa de dag la rten cing 'brel par 'byung ba'i gtam brjod par bya'o/ /sems can gang dag cha </font><hr>39-1-165a<br><font size=+1>
mnyam pa la spyod pa de dag la skabs skabs su gtam rgyas par brjod par bya ste/ 'di lta ste/ mi sdug pa'i gtam dang/ byams pa'i gtam dang/ rten cing 'brel par 'byung ba'i gtam brjod par bya'o/ /sems can gang dag rjes su 'thun pa'i 
gtam gyis 'dul ba de dag la lhag pa'i tshul khrims kyi gtam brjod par bya/ lhag pa'i sems kyi gtam brjod par bya/ lhag pa'i shes rab kyi gtam brjod par bya'o/ /gang dag sangs rgyas kyis 'dul ba de dag la bden pa'i gtam gyi rjes su 'thun pa/ byang chub kyi 
phyogs kyi chos kyi gtam brjod par bya'o/ /sems can gang dag sma dbab pas 'dul ba de dag la gdong bsgyur te phyis chos kyi gtam brjod par bya'o/ /gang dag rgyun mi 'chad par bstan pas 'dul ba de dag la rtag par rgyun du brtan pa bstan par bya'o/ /dbang po yongs su 
ma smin pa rnams la ni chos kyi gtam brjod par bya'o/ /gang dag sna tshogs kyi gtam gyis 'dul ba de dag la rtogs pa brjod pa gtan la dbab pa bstan pa dang/ dpe dgod pa'i gtam brjod par bya'o/ /sems can gang dag zab mo'i gtam gyis 'dul ba de dag la rten cing 
'brel par 'byung ba'i gtam dang/ sems can med pa'i gtam dang/ gang zag med pa'i gtam brjod par bya'o/ /lta bar bying ba rnams la stong pa nyid kyi gtam brjod par bya'o/ /rnam par rtog pa la spyod pa rnams la mtshan ma med pa'i gtam brjod par bya'o/ /sems can smon lam la 
spyod pa rnams la smon pa med pa'i gtam brjod par bya'o/ /phung po la gnas pa rnams la sgyu ma'i chos kyi gtam brjod par bya'o/ /khams la gnas pa rnams la rab tu dben pa'i gtam brjod par bya'o/ /skye mched la gnas pa rnams la rmi lam lta bu'i gtam brjod par bya'o/ /'dod pa'i khams la 
gnas pa rnams la kun tu 'bar ba'i gtam brjod par bya'o/ /gzugs kyi khams la gnas pa rnams la 'du byed thams cad sdug bsngal ba'i gtam brjod par bya'o/ /gzugs med pa'i khams la gnas pa rnams la 'du byed thams cad mi rtag pa'i gtam brjod par bya'o/ /sdug bsngal gyis 'dul ba rnams la </font><hr>39-1-165b<br><font size=+1>
'phags pa'i rigs chog shes pa'i gtam brjod par bya'o/ /bde bas 'dul ba rnams la bsam gtan dang tshad med pa'i gtam brjod par bya'o/ /lhas 'dul ba rnams la gcig tu bde ba'i gtam brjod par bya'o/ /mtshan mas 'dul ba rnams la nga'i ba med pa dang yongs 
su 'dzin pa med pa'i gtam brjod par bya'o/ /nyan thos kyis 'dul ba rnams la rjes su bstan pa dang de'i bya ba'i gtam brjod par bya'o/ /rang sangs rgyas kyis 'dul ba rnams la don nyung ba dang bya ba nyung ba'i gtam brjod par bya'o/ /sems dang po bskyed pa'i byang chub sems 
dpa' rnams la lhag pa'i bsam pa dang snying rje chen po'i gtam brjod par bya'o/ /spyod pa la zhugs pa'i byang chub sems dpa' rnams la 'khor bas yongs su mi skyo ba'i gtam brjod par bya'o/ /phyir mi ldog pa'i byang chub sems dpa' rnams la sangs rgyas kyi zhing yongs su 
sbyang ba'i gtam brjod par bya'o/ /skye ba gcig gis thogs pa'i byang chub sems dpa' rnams la byang chub kyi snying po'i rgyan gyi gtam brjod par bya'o/ /sems can gang dag sangs rgyas kyis 'dul ba de dag la byang chub sems dpas ma tshang ba med pa dang/ 'bras bu yod 
pa'i gtam brjod par bya'o/ /zhi ba'i blo gros de ltar na byang chub sems dpa' thabs dang/ shes rab yongs su dag cing dmigs pa la dbang thob pa ni 'bras bu yod pa'i chos ston pa yin/legs par bshad pas sems can thams cad tshim par byed pa yin no/ /bstan pa 
'di bshad pa na srog chags khris bla na med pa yang dag par rdzogs pa'i byang chub tu sems bskyed do/ /byang chub sems dpa' lnga brgya ni mi skye ba'i chos la bzod pa skyes so/ /dmigs pa'i le'u zhes bya ba ste bco lnga pa'o//  //de nas 'khor de'i nang nas 
byang chub sems dpa' kha cig 'di snyam du sems te/ kye ma gsang ba pa'i bdag po lag na rdo rje 'di ji srid cig na bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur/ de'i sangs rgyas kyi zhing ni ming ci zhes bya bar 'gyur/ de byang chub thob pa'i ming ni ci zhes bya bar </font><hr>39-1-166a<br><font size=+1>
'gyur/ de'i byang chub sems dpa'i 'khor ni ci 'dra ba zhig tu 'gyur snyam mo/ /de nas bcom ldan 'das kyis de'i tshe byang chub sems dpa' de dag gi sems kyi yongs su rtog pa thugs kyis mkhyen nas de'i tshe 'dzum pa mdzad do/ /'di ni sangs rgyas bcom 
ldan 'das rnams kyi chos nyid de gang gi tshe 'dzum pa mdzad pa de'i tshe/ 'od zer kha dog sna tshogs 'byung bas/ de nas bcom ldan 'das kyi zhal gyi sgo nas 'od zer kha dog du ma dang ldan pa kha dog tha dad pa 'di lta ste/ sngon po dang/ ser po dang/ dmar po dang/ dkar po dang/ leb rgan dang/ 
shel dang/ dngul gyi kha dog lta bu byung nas 'od des 'jig rten gyi khams mtha' yas mu med pa khyab par byas te/ tshangs pa'i 'jig rten gyi bar du mngon par 'phags nas slar log ste/ bcom ldan 'das la lan gsum bskor ba byas nas/ bcom ldan 'das kyi dbu'i gtsug tu nub 
par gyur to/ /de nas byang chub sems dpa' sems dpa' chen po zhi ba'i blo gros kyis tshigs su bcad pa'i dbyangs kyis bcom ldan 'das la 'dzum pa mdzad pa'i don zhus pa/ 'od bzang dri ma mi mnga' gser dang 'dra/ /zla ba'i zhal 'dra zhi gnas legs par bzhugs/ /nyi ma lta bu 
mun pa 'joms mdzad pa/ /mi mchog ci yi slad du 'dzum pa bstan/ /mos pas zhi gnas rdzing du rab tu bzhugs/ /thugs rje chu ba brtson 'grus stobs kyis 'khrungs/ /dran pas kha bye yon tan dri zhim ldan/ /bde gshegs pad ma ci slad 'dzum pa mdzad/ /dran pa snod bzang zhi 
gnas mar lags te/ /snying po thugs rje dri ma gsum sel mdzad/ /shes rab mar mes mun pa sel mdzad pa/ /bde gshegs mar me ci slad 'dzum pa mdzad/ /dkyil 'khor thugs rje lhag mthong 'od ldan pa/ /rab rib sel ba srid pa skam mdzad pa/ /'gro ba rgyas mdzad mig ni 
spyod mdzad pa/ /bde gshegs nyi ma ci slad 'dzum pa mdzad/ /khyod ni 'gro ba'i bsam pa rab tu mkhyen/ /khyod ni lhar bcas 'gro na'ang lhang nge ba/ /drang srong chen po'i zhal du 'khor rnams lta/ /mi mchog ci slad 'dir ni 'dzum pa mdzad/ /de skad ces gsol pa dang/ bcom ldan 'das kyis byang chub </font><hr>39-1-166b<br><font size=+1>
sems dpa' sems dpa' chen po zhi ba'i blo gros la 'di skad ces bka' stsal to/ /zhi ba'i blo gros gsang ba pa'i bdag po lag na rdo rje 'di ni rdo rje thogs nas bskal pa bzang po pa'i de bzhin gshegs pa dgra bcom pa yang dag par rdzogs pa'i sangs rgyas thams cad la mchod pa byed par 
'gyur/ dam pa'i chos kyang yongs su 'dzin par 'gyur/ de bzhin gshegs pa'i gsang ba pa'i chos kyi rnam grangs 'di yang rgyas par byed par 'gyur/ sems can tshad med pa dag kyang byang chub kyi phyir yongs su smin par byed par 'gyur ro/ /de bskal pa bzang po de 'das nas de bzhin 
gshegs pa mos pa'i bar gyi dam pa'i chos nub pa na de bzhin gshegs pa mi 'khrugs pa'i sangs rgyas kyi zhing du skye bar 'gyur te/ de 'jig rten gyi khams mngon par dga' ba der skyes nas de bzhin gshegs pa mi 'khrugs pa des phyag rgya brgya rtsa brgyad byang chub sems dpa' de dag la bstan pas 
'dzin par 'gyur/ don gyi tshul la yang 'jug par 'gyur/ de bzhin nyid du yang dag par sgrub par 'gyur ro/ /de'i 'og tu de bzhin gshegs pa grangs med dpag tu med pa mnyes par byed par 'gyur/ bsti stang du byed par 'gyur/ bla mar byed par 'gyur/ /rim gro byed par 'gyur/ mchod pa 
byed par 'gyur/ de dag gi gnan tshangs par spyod par 'gyur/ dam pa'i chos kyang srung bar 'gyur/ sems can bye ba khrag khrig brgya stong tshad med pa dag kyang yang dag par rdzogs pa'i byang chub tu yongs su smin par byed par 'gyur ro/ /de de'i 'og tu bskal pa gang gA'i klung gi bye ma snyed 
'das pa na byang chub kyi phyogs kyi chos rnams yongs su rdzogs par byas nas bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ bskal pa rnam par sbyong ba zhes bya ba la 'jig rten gyi khams kun nas yongs su dag pa zhes bya bar de bzhin gshegs 
pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa/ /sangs rgyas bcom ldan 'das rdo rjes rnam par gnon pa zhes bya bar </font><hr>39-1-167a<br><font size=+1>
'jig rten du 'byung bar 'gyur ro/ /bcom ldan 'das de bzhin gshegs pa rdo rjes rnam par gnon pa de'i sangs rgyas kyi zhing 'jig rten gyi khams kun nas yongs su dag pa de ni 'byor pa dang/ rgyas pa dang/ lo legs pa dang/ nyams dga' ba dang/ lha dang mi mang pos 
gang ba dang/ byang chub sems dpas gang bar 'gyur ro/ /sangs rgyas kyi zhing de rin po che sna bdun 'di lta ste/ gser dang/ dngul dang/ bai dUr+ya dang/ shel dang/ byi ru dang/ spug dang/ rdo'i snying po dang/ mu tig dmar pos legs par brgyan par 'gyur ro/ /'jig rten gyi khams de mig mangs ris 
su byas pa/ lag mthil ltar mnyam par gyur pa/ ka tsa lin di ka ltar reg na bde ba/ dar gyi lda ldi mang po bres pa/ gdugs dang/ rgyal mtshan dang/ ba dan bsgreng bas legs par brgyan pa/ lha'i me tog dang/ rin po che'i me tog gis khebs par byas pa/ spos kyi snying po dam 
pas bdugs pa/ steng gi bar snang la lha'i rol mo'i sgra len pa can du 'gyur ro/ /'jig rten gyi khams de ngan song dang/ mi khom pa thams cad dang bral bar 'gyur ro/ /'jig rten gyi khams de dga' ldan gyi lha'i yongs su spyod pa dang 'dra ba dang yid la bsam pas zas dang 
skom dang/ skyed mos tshal dang/ gzhal med khang dang/ gos dang/ rgyan grub cing legs par brgyan par 'gyur ro/ /lha dang mi thams cad kyang khang pa brtsegs pa la mtshungs par yongs su spyod par 'gyur ro/ /lha dang mi de dag thams cad kyang rgya chen po la mos par 'gyur te/ 
'di lta ste/ sangs rgyas kyi ye shes la mos pa sha stag go/ /'jig rten gyi khams de na 'di lta ste/ nyan thos kyi theg pa'am/ rang sangs rgyas kyi theg pa yang rung ste/ theg pa gnyis kyi ming yang mi grag par 'gyur ro/ /bcom ldan 'das de ni byang chub sems dpa'i gtam 'ba' 
zhig gsung bar 'gyur ro/ /de bzhin gshegs pa rdo rjes rnam par gnon pa de'i byang chub sems dpa'i 'khor ni 'bum phrag mang por 'gyur ro/ /'jig rten gyi khams de ni sems can gang yang cho ga nyams pa'am/ 'tsho ba nyams pa'am/ tshul khrims nyams pa'am/ lta ba nyams par </font><hr>39-1-167b<br><font size=+1>
mi 'gyur ro/ /zhar ba'am/ 'theng po'am/ sgur po'am/ gtum po'am/ dig pa'am/ mi srun pa'am/ kla klo can nam/ lkugs pa'am/ grum po'am/ dbang po ma tshang bar mi 'gyur ro/ /lha dang mi de dag thams cad kyang mtshan nyi shu rtsa brgyad kyis brgyan par 'gyur ro/ /
de bzhin gshegs pa de'i tshe'i tshad ni bar gyi bskal pa brgyad thub par 'gyur ro/ /lha dang mi rnams kyang glo bur du 'chi bar mi 'gyur ro/ /zhi ba'i blo gros de ltar de bzhin gshegs pa rdo rjes rnam par gnon pa de'i yon tan tshad med pa'i rgyu'i khyad par ni 'di dag dang gzhan yang 
mang du yod do/ /de bzhin gshegs pa de nam chos ston par 'gyur ba de'i tshe sku las 'od phyung ba dang/ de nas sems can de dag gis 'od de mthong nas 'di snyam du sems par 'gyur te de bzhin gshegs pa chos ston par 'gyur gyis/ bdag cag bcom ldan 'das la chos 
nyan du 'dong ngo snyam mo/ /de na kha cig ni mngon par shes pa'i rdzu 'phrul gyi stobs kyis 'ong bar 'gyur/ kha cig ni de bzhin gshegs pa'i byin gyi rlabs kyis 'ong bar 'gyur ro/ /der lha dang mi de dag 'dus pa dang/ de bzhin gshegs pa de steng gi bar snang la shing ta la 
'bum srid du mngon par 'phags te gling bzhi pa chen po'i 'jig rten gyi khams su skyil mo krung du bzhugs nas skus khyab par mdzad de/ sems can thams cad kyi sems kyi bsam pa tshim par bya ba'i phyir phyogs bcu'i 'jig rten gyi khams tshad med pa sangs rgyas kyi gsung 
dbyangs kyis go bar mdzad de/ de bzhin gshegs pa'i gsung gis byang chub sems dpa' de dag la chos ston par 'gyur ro/ /de'i nang na gang de bzhin gshegs pa'i chos ston pa dang 'gal bar byed pa'am/ zlog par byed pa'i sems can ni gcig kyang med do/ /sems 
can de dag thams cad ni dbang po rno ba/ mgo smos pas go bar 'gyur ba sha stag go/ /'jig rten gyi khams de na chos kyi rgyal po de bzhin gshegs pa rdo rjes rnam par gnon pa de ma gtogs par rgyal po gzhan gang yang med par 'gyur ro/ /'jig rten gyi khams de nang yi ba med </font><hr>39-1-168a<br><font size=+1>
cing yongs su 'dzin pa med par 'gyur ro/ /sems can de dag thams cad ni nga yi ba med cing yongs su 'dzin pa med par 'gyur ro/ /zhi ba'i blo gros de bzhin gshegs pa rdo rjes rnam par gnon pa de lha'i bu'am/ mir gyur pa gang la bsod snyoms blang bar bzhed par 
gyur pa'i lha'i bu'am/ mir gyur pa de'i mdun du de bzhin gshegs pa'i gzugs lhung bzed thogs pa nye bar gnas pa dang/ der lha'i bu'am/ mir gyur pa des de bzhin gshegs pa'i gzugs mthong nas 'di snyam du sems par gyur te/ bcom ldan 'das de bzhin gshegs 
pa rdo rjes rnam par gnon pa bdag las bshos gsol bar bzhed do snyam nas yid kyis bsams pas 'khor gyi khyams su stan dang/ zas dang/ skom dang/ ro brgya pa'i zas sbyar nas bcom ldan 'das de la gdugs tshod la bab ces gsol pa dang/ der de bzhin gshegs pa de bshos 
gsol lo/ /bshos gsol nas slar bzhud par 'gyur ro/ /de bzhin gshegs pa de gang gi tshe/ nang du yang dag 'jog la 'jug par 'gyur ba de na/ byang chub sems dpa' de dag ting nge 'dzin gyi bkod pas gnas par 'gyur ro/ /'jig rten gyi khams de ni yon tan gyi rgyu'i 
khyad par 'di dag dang/ gzhan yang tshad med pa dag dang ldan par 'gyur te/ de'i phyir 'jig rten gyi khams de kun nas yongs su dag pa zhes bya'o/ /gsang ba pa'i bdag po lag na rdo rje'i lung bstan pa bshad pa 'di bstan pa na srog chags nyi khris bla na med pa yang dag par rdzogs pa'i 
byang chub tu sems bskyed de/ /sangs rgyas kyi zhing der skye bar shog shig ces smon lam yang btab bo/ /de dag thams cad kyang bcom ldan 'das de bzhin gshegs pa rdo rjes rnam par gnon pa'i sangs rgyas kyi zhing 'jig rten gyi khams kun nas yongs su dag pa der skye bar bcom ldan 
'das kyis lung bstan to/ /de nas gsang ba pa'i bdag po lag na rdo rjes rang gi lung bstan pa 'di thos nas tshim zhing mgu la yi rangs te rab tu dga' nas dga' ba dang yid bde ba skyes te/ rdo rje de nam mkha'i dkyil du 'phangs so/ /rdo rje de 'phangs ma thag tu de nas de'i tshe stong gsum gyi </font><hr>39-1-168b<br><font size=+1>
stong chen po'i 'jig rten gyi khams 'di rnam pa drug tu g.yos so/ /me tog gi char yang bab bo/ /rol mo sil snyan brgya'i sgra yang byung ngo/ /'khor thams cad kyi lag pa g.yas par yang me tog kha dog sna tshogs kyi phreng ba dag byung ngo/ /de nas gsang ba pa'i bdag po 
lag na rdo rjes bcom ldan 'das la tshigs su bcad pa 'di dag gis mngon par bstod do/ /chos kyi dbang phyug rgya chen mi zad chos kyi mdzod/ /chos rnams rab tu 'byed la mkhas pa 'gro don bzhed/ /chos la thugs ma zhum zhing rtag tu lhug par btang/ /chos kyi rjes 
'thun chos sgrub gnas la phyag 'tshal lo/ /sems can dag pa khyod kyi ye shes spyod rnam dag /yon tan rgyal grags snyan pa 'jig rten gsum du grags/ /ye shes rgyun ni dus gsum rtag tu bas ma 'tshal/ /chags 'das zhabs mnyam legs pa khyod la phyag 
'tshal lo/ /zla ba las lhag yongs dag tshul khrims rnam par dag /nyi ma las lhag 'od mdzes 'od mnga' gzi brjid mchog /tshangs pa las lhag gsung snyan tshangs pa'i gsung mnga' ba/ /dkon mchog gsum ldan gser 'dra khyod la phyag 'tshal lo/ /khyod ni sku 
yang ston la sku dang ldan ma lags/ /khyod ni gsung yang rjod la sgra skad rtog mi mnga'/ /khyod ni chos kyang gsung la chos kyi 'du shes bral/ /sems can thar bar mdzad la sems can 'du shes bral/ gang dag khyod bstan thos nas ji ltar bstan pa ltar/ /bsgrub pa snying 
por gnas pa dag ni ma gtogs par/ 'gro ba thams cad rtag tu rab tu byung yang ni/ /khyod kyi bka' drin lan lon nam yang rngo mi thog /de nas gsang ba pa'i bdag po lag na rdo rje dang thams cad dang ldan pa'i 'khor des ji ltar thogs thogs pa'i rin po che sna tshogs kyi me tog 
gi phreng ba rnams bcom ldan 'das la mngon par gtor to/ /me tog gi phreng ba de dag gtor ma thag tu de nas de'i tshe 'di lta ste/ sangs rgyas kyi mthus stong gsum gyi stong chen po'i 'jig rten gyi khams 'di me tog sna tshogs kyi phreng bas legs par brgyan par gyur cing mig mangs ris su gnas </font><hr>39-1-169a<br><font size=+1>
par kun tu snang ngo / /gsang ba pa'i bdag po lag na rdo rje lung bstan pa'i le'u zhes bya ba ste bcu drug pa'o//  //de nas byang chub sems dpa' zhi ba'i blo gros kyis/ gsang ba pa'i bdag po lag na rdo rje la 'di skad ces smras so/ /
gsang ba pa'i bdag po khyod de bzhin gshegs pas lung bstan mod/ smras pa/ rigs kyi bu rmi lam gyi rang bzhin lta bu'i lung bstan pas bdag lung bstan to/ /smras pa/ ci zhig thob par bya ba'i phyir khyod lung bstan/ smras pa/ rigs kyi bu thob par bya ba med par 
lung bstan pa thob bo/ /smras pa ci zhig thob pa med/ smras pa/ sems can dang/ srog dang/ gang zag dang/ gso ba dang/ skyes bu thob pa med do/ /phung po rnams dang/ khams rnams dang/ skye mched rnams thob pa med do/ /dge ba dang/ mi dge ba dang/ 
kha na ma tho ba dang bcas pa dang/ kha na ma tho ba med pa dang/ zag pa dang bcas pa dang/ zag pa med pa dang/ 'jig rten pa dang/ 'jig rten las 'das pa dang / 'dus byas dang/ 'dus ma byas dang/ kun nas nyon mongs pa dang/ rnam par byang ba dang/ 'khor ba dang/ 
mya ngan las 'das pa'i bar du thob pa med do/ /smras pa/ gal te thob pa med na 'dir ci zhig lung ston/ smras pa/ mi dmigs pa gang yin pa de'i rjes su 'gro ba'i ye shes lung ston to/ /smras pa ye shes gang lung bstan/ smras pa/ gang gnyis kyis rab tu ma phyi ba'o/ /
smras pa/ gal te gnyis kyis rab tu phye bar gyur na/ lung bstan pa thob par mi 'gyur te/ gang gi phyir ye shes gnyis kyis rab tu phye ba ma yin pa de'i phyir gnyis su med pa'i lung bstan pa nyid byang chub sems dpa'i lung bstan pa'o/ /smras pa/ gal te ye shes 
gnyis su med pas rab tu phye ba yin na/ lung ston pa ni su zhig lung ni su la ston/ smras pa/ lung ston pa gang yin pa dang su la lung bstan pa de dag ni mnyam pa nyid du gyur pa'o/ /de dag ni gnyis su med pa'i mtha' la gnas pa'o/ /smras pa/ gsang ba pa'i bdag </font><hr>39-1-169b<br><font size=+1>
po gnyis su med pa'i mtha' gang yin pa de la lung bstan du ci yod/ smras pa/ mtha' gang yin pa de nyid gnyis su med pa'i mtha' ste mtha' de nyid lung bstan pa'o/ /smras pa/ gang la gnas na lung bstan pa thob pa'i mtha' gang yin/ smras pa/ bdag gi mtha' la 
gnas na lung bstan pa thob par 'gyur ro/ /sems can gyi mtha' dang/ srog dang/ gang zag gi mtha' la gnas na/ lung bstan par 'gyur ro/ /bdag gi mtha'i gnas gang gi gnas yin/ smras pa/ bdag gi mtha'i gnas ni de bzhin gshegs pa'i rnam par grol 
ba'i mtha'i gnas so/ /smras pa/ de bzhin gshegs pa'i rnam par grol ba'i mtha' gang gi gnas yin/ smras pa/ de bzhin gshegs pa'i rnam par grol ba'i mtha'i gnas ni ma rig pa dang/ srid pa'i sred pa'i mtha'i gnas so/ /smras pa/ ma rig pa dang/ 
srid pa'i sred pa'i mtha'i gnas gang gi gnas yin/ smras pa/ shin tu ma skyes ma byung ba'i mtha'i gnas so/ /smras pa/ ma skyes pa dang ma byung ba'i gnas gang yin/ smras pa/ rnam par rig pa ma yin pa'i mtha' ni gnas so/ /smras pa/ rnam par rig pas ci zhig 
rig par byed/ smras pa/ gal te rnam par rig par byed na/ rnam par rig pa ma yin par mi 'gyur ro/ /smras pa/ ci zhig rnam par rig par mi byed/ smras pa/ rnam par rig pa thams cad rnam par rig par mi byed do/ /smras pa/ gal te rnam par rig par mi byed na ji ltar kun shes 
par byed/ smras pa/ gal te kun shes par byed na rnam par rig par byed pa ma yin te/ gang gi phyir rnam par rig par mi byed pa de'i phyir kun shes par byed do/ /smras pa/ kun shes par byed pa ji lta bu yin/ smras pa/ gang gi tshe rnam par rig pa khas mi len pa'o/ /smras pa/ ji 
ltar na rnam par rig pa khas mi len/ smras pa/ gang gi tshe tshig 'bru'i rjes su mi rgyug pa'o/ /smras pa/ ji ltar na tshig 'bru'i rjes su mi rgyug /smras pa gang gi tshe don la rton pa'o/ /smras pa/ don la rton pa ji lta bu yin/ smras pa/ gang gi tshe don mi mthong ba'o/ /smras pa/ don mi mthong ba ji lta bu yin/</font><hr>39-1-170a<br><font size=+1>
smras pa/ gang gi tshe don dang don ma yin pa don du mi gnyer ba'o/ /smras pa/ gang gi tshe don dang don ma yin pa don du mi gnyer bar gyur pa de'i tshe ci zhig don du gnyer bar 'gyur/ smras pa/ gang gi tshe don dang don ma yin pa don du mi gnyer bar gyur pa de'i tshe chos don du 
gnyer bar 'gyur ro/ /smras pa/ gal te chos don du gnyer bar gyur na de don du gnyer ba nyid ma yin nam/ smras pa/ rigs kyi bu chos don du gnyer ba ni ci yang don du gnyer ba ma yin no/ /de ci'i phyir zhe na/ gang gis gang don du gnyer ba de ni chos ma yin te ni chos su mi rung ngo/ /
smras pa/ chos gang yin/ smras pa/ gang la chos kyi sgra yang mi dmigs pa'o/ /smras pa/ gang la chos kyi sgra yang mi dmigs pa de la chos gang yin/ smras pa/ rigs kyi bu gang la yi ge rnams kun tu mi 'byung ba de nyid chos yin no/ /de bas na chos thams cad ni brjod du med pa/ sgra 
med pa brjod pa med pa'o/ /rigs kyi bu su zhig bdag smra'o zhes smra ba de 'chal par smra ba'o/ /gang 'chal par smra ba de la chos med do/ /'dul ba med do/ /smras pa/ gsang ba pa'i bdag po gang chos gsung ba'i de bzhin gshegs pa 'chal par gsung bar mi 'gyur ram/ smras pa/ zhi ba'i blo gros 
de bzhin gshegs pas yi ge gcig kyang ma gsungs so/ /ma brjod do zhes kho bos sngar ma bshad dam/ de lta mod kyi smon lam gyi dbang gis de bzhin gshegs pa'i gsung sems can rnams kyis dmigs so/ /smras pa/ smras na nyes pa ci yod/ smras pa/ ngag gi las kyi nyes 
par 'gyur ro/ /smras pa/ ngag gi las las nyes pa ci zhig 'byung/ smras pa/ yi ge la sems pas bklags pa'i nyes par 'gyur ro/ /smras pa/ nyes pa med pa gang yin/ smras pa/ gang mi smra mi rjod pa de la rnam par rig pa gang yang med do/ /rnam par rig pa med pa ni nyes 
pa med pa'o/ /gang bdag la rnam par rig par mi byed pa dang/ gzhan la rnam par rig par mi byed pa de nyes pa med pa'o/ /smras pa/ nyes pa'i rtsa ba gang yin/ smras pa/ nyes pa'i rtsa ba ni 'dzin pa'o/ /smras pa/ 'dzin pa'i rtsa ba ci yin/ /smras pa/ mngon par zhen pa ni rtsa ba'o/ /</font><hr>39-1-170b<br><font size=+1>
smras pa/ mngon par zhen pa'i rtsa ba ci yin/ smras pa/ yang dag pa ma yin pa kun brtags pa ni rtsa ba'o/ /smras pa/ yang dag pa ma yin pa kun brtags pa'i rtsa ba ci yin/ smras pa/ lhag par dmigs pa'i lta ba ni rtsa ba'o/ /smras pa/ ci zhig la lhag par dmigs/ 
smras pa/ gzugs rnams dang/ sgra rnams dang/ dri rnams dang/ ro rnams dang/ reg bya rnams dang/ chos rnams la lhag par dmigs so/ /smras pa/ lhag par mi dmigs pa ji lta bu/ smras pa/ gal te srid pa'i bag la nyal la lhag par mi dmigs pa ste/ zhi ba'i 
blo gros de lta bas na sred pa la dmigs pa spang ba'i phyir/ de bzhin gshegs pas chos bstan to/ /gsang ba pa'i bdag po lag na rdo rjes bstan pa 'di bshad pa na/ dge slong lnga brgya ni sems rnam par grol lo/ /byang chub sems dpa' nyis brgya ni mi skye ba'i chos la bzod pa 
thob par gyur to/ /gnyis su med pa brjod pa'i le'u zhes bya ba ste bcu bdun pa'o//  //de nas gsang ba pa'i bdag po lag na rdo rje brnag pa yongs su rdzogs par lung bstan pas dbugs phyin pa thob ste/ tshim zhing mgu la yi rangs nas rab tu dga' ste/ dga' ba dang/ 
yid bde ba skyes nas bcom ldan 'das la 'di skad ces gsol to/ /bcom ldan 'das bdag la thugs brtse bar dgongs te/ byang chub sems dpa' rnams dang thabs cig /nyan thos chen po rnams dang thabs cig tu gsang ba pa bdag gi gnas lcang lo can gyi pho brang 'khor du gshegs 
shing dgung bdun zhig bzhugs par ci gnang/ de ci'i slad du zhe na/ bcom ldan 'das lcang lo can gyi pho brang 'khor na gnod sbyin dang/ grul bum dang/ srin po dang/ sha za dang/ dri za dang/ lto 'phye chen po mang du mchis te/ sems can gyi rigs rnam pa sna tshogs gnas pa de dag gis/ 
bcom ldan 'das mthong zhing chos kyang thos na yun ring po'i don dang/ sman pa dang/ bde ba dang/ grub pa dang/ bde bar 'gyur lags so/ /des na yang khro ba dang sdang ba'i sems ma mchis par 'gyur lags so/ /rgyal po chen po bzhi'i g.yog 'khor gang lags pa de dag gi yun ring po'i </font><hr>39-1-171a<br><font size=+1>
don dang/ sman pa dang/ bde ba dang/ grub pa dang/ bde bar 'gyur lags so/ /bcom ldan 'das kyis gsang ba pa'i bdag po lag na rdo rje la thugs brtse ba dang/ sems can tshad med pa gang dag gi dge ba'i rtsa ba rnam par spel ba dang/ gsang ba pa'i bdag po 
lag na rdo rje'i bsam pa yongs su bkang ba'i phyir byang chub sems dpa' sems dpa' chen po rnams dang/ nyan thos chen po rnams dang thabs cig tu gsang ba pa'i gnas lcang lo can gyi pho brang 'khor du gshegs te zhag bdun bzhugs par gnang ngo/ /de nas gsang ba pa'i bdag 
po lag na rdo rjes/ bcom ldan 'das kyis cang mi gsung bas gnang bar mdzad pa rig nas tshim zhing mgu la yi rangs te/ rab tu dga' nas/ dga' ba dang/ yid bde ba skyes te/ bcom ldan 'das kyi zhabs la mgo bos phyag 'tshal nas bcom ldan 'das la lan bdun bskor 
ba byas te/ bcom ldan 'das kyi thad nas song nas lcang lo can gyi pho brang 'khor ga la ba der song ste rang gi gnas su phyin to/ /de nas gsang ba pa'i bdag po lag na rdo rjes 'di snyam du bsams te/ bdag gis bcom ldan 'das de bzhin gshegs pa la mchod pa'i las kyi 
phyir ci nas 'dod pa na spyod pa dang/ gzugs na spyod pa'i lha'i bu thams cad ngo mtshar du sems par 'gyur ba dang/ phyogs bcu nas 'dus pa'i byang chub sems dpa' thams cad kyang dga' ba skye bar 'gyur ba dang/ bdag gis kyang de bzhin gshegs pa la mchod pa rgya chen po byas 
par 'gyur ba de lta bu'i 'khor gyi khyams bkod pa bya'o snyam mo/ /des yang 'di snyam du bsams te bdag gis mngon par shes te/ dus gcig cig na bcom ldan 'das de bzhin gshegs pa bkod pa'i rgyal po'i sangs rgyas kyi zhing du byang chub sems dpa' khri lung bstan pa'i phyir 
bcom ldan 'das mtshan mo mi nyal tsam na spyod pa bsam gyis mi khyab pa dang ldan pa zhes bya ba'i ting nge 'dzin la snyoms par zhugs te/ 'jig rten gyi khams 'di nas shar phyogs logs su sangs rgyas kyi zhing gang gA'i klung gi bye ma snyed 'das te/ 'jig rten gyi khams yon tan rin </font><hr>39-1-171b<br><font size=+1>
po che mtha' yas pa bkod pa zhes bya bar gshegs pa'i tshe sangs rgyas kyi zhing der bdag gis lha'i dang/ mi'i bkod pa bsam gyis mi khyab pa las yang dag par 'das pa'i bkod pa mthong gis/ bcom ldan 'das la mchod pa'i las kyi phyir/ bdag gis 'jig rten gyi 
khams yon tan rin po che mtha' yas pa bkod pa de'i bkod pa ci 'dra ba de 'dra ba'i 'khor gyi khyams bkod par bya'o snyam mo/ /de nas gsang ba pa'i bdag po lag na rdo rjes de'i tshe bkod pa chen po'i rgyal po zhes bya ba'i ting nge 'dzin la snyoms par zhugs so/ /gsang ba pa'i bdag 
po lag na rdo rje bkod pa chen po'i rgyal po'i ting nge 'dzin la snyoms par zhugs ma thag tu de nas de'i tshe 'jig rten gyi khams yon tan rin po che mtha' yas pa bkod pa de'i bkod pa ci 'dra ba de 'dra ba'i 'khor gyi khyams bkod pa zhig lcang lo can gyi pho brang 'khor gyi dbus na gnas par snang 
ngo/ /'khor gyi khyams de yang yangs shing rgya che ste/ shar nub tu chur ni dpag tshad drug cu rtsa bzhi yod pa/ lho byang du rgyar ni dpag tshad bzhi bcu rtsa gnyis yod pa/ sa gzhi ni bai+ai dUr+ya sngon po'i rang bzhin du gnas pa/ phyir ni an da rnyil las byas pa/ zung gi phrugs rin po che 
thams cad kyis spras pa/ 'dzam bu'i chu bo'i gser gyi pad mas brgyan pa/ rgyan phreng sna tshogs du mas spras pa/ ras bcos bu du ma bting ba/ mu tig gi rgyan phreng du ma spyangs pa/ dar gyi lda ldi du mas mdzes par byas pa/ me tog gi phreng ba du mas bkab pa/ pog por du 
ma nas bdugs pa/ lha'i me tog kha dog du ma dang/ kha dog sna tshogs bkram pa/ bkra ba/ blta na sdug pa/ yid du 'ong ba/ lus sim par byed pa/ sems la dga' ba bskyed pa/ yon tan gyi tshogs mtha' yas pa dang ldan pa/ bsngags pa'i bstan pa tshad med pa ste/ 
'khor gyi khyams der seng ge'i khri rin po che'i rtsa bas brgyan pa/ rin po che'i kha khyer gyis bskor ba/ rin po che'i pad ma bkod pa dang ldan pa/ mu tig gi dra bas g.yogs pa/ mig mangs ris su bres pa/ lha'i ras bcos bu du ma bting ba/ steng du rin po che'i dra ba bres pa/ bkod pa </font><hr>39-1-172a<br><font size=+1>
sngon ma mthong ma thos pa/ 'jig rten gyi khams mang po dag na med pa brgya stong mang po byung ngo/ /zhal zas ro bro ba brgyas bsgos pa'ang bshams so/ /seng ge'i khri sa la mi rten pa brgya stong yang bzhag ste/ seng ge'i khri re re'i bar snang la yang rin po che'i gdugs 
rnam pa thams cad kyi mchog dang ldan pa dag bres so/ /de nas gsang ba pa'i bdag po lag na rdo rjes 'khor gyi khyams bkod pa dang/ seng ge'i khri bkod pa rnam pa de lta bu byas nas dran pa dang ldan zhing shes bzhin du ting nge 'dzin de las langs te/ de'i nub mo nyid de bzhin gshegs pa la 
mchod par 'os pa'i zhal zas/ byang chub sems dpa'i bsam pas yongs su dag pa/ ro bro ba mang po sna tshogs dang ldan pa/ bsod pa mang po yang bshams nas nam nangs pa dang/ rgyal po chen po bzhi la smras pa/ grogs po dag shes par gyis shig /kho bos bcom ldan 'das 
byang chub sems dpa' rnams dang/ nyan thos chen po rnams dang thabs cig tu/ gsang ba pa rang gi gnas su spyan drangs na/ bcom ldan 'das kyis kho bo la thugs brtse ba'i phyir gnang gis/ de la khyed dpung dang bcas/ g.yog 'khor dang bcas par mi g.yeng ba'i sems kyis zhag bdun gyi bar du 
las gzhan mi byed par de bzhin gshegs pa la mchod pa dang/ rim gro bya bar spro bar gyis shig /lcang lo can gyi pho brang 'khor na gnod sbyin dang/ srin po dang/ yi dgas dang/ sha za dang/ dri za dang/ grul bum dang/ gsang ba pa dang/ lto 'phye chen po ji snyed 'khod pa dang/ de ma yin pa'i sems 
can gzhan dag 'khod pa de dag la yang grogs po dag shes par gyis shig /kho bos bcom ldan 'das lcang lo can gyi pho brang 'khor 'dir spyan drangs na gshegs par gnang gis/ de la khyed kyis ngan sems med pa dang/ sdang ba med pa dang/ dga' ba dang/ dad pa dang/ mchog tu dga' ba mang pos bcom ldan 'das 
de la bsnyen bkur gyis shig /chos kyang nyon cig ces bsgo'o//  //bam po brgyad pa/ de nas gsang ba pa'i bdag po lag na rdo rjes bu thu bo rdo rje'i sde zhes bya ba la smras pa/ bzhin bzangs khyod rang gi rdzu 'phrul gyi stobs kyis song la tshangs ris nas bzung ste/ 'og min gyi bar gyi lha rnams la bcom </font><hr>39-1-172b<br><font size=+1>
ldan 'das gsang ba pa'i bdag po lag na rdo rje'i gnas lcang lo can gyi pho brang 'khor du gdugs tshod gsol gyis/ khyed kyi nang nas su lta 'dod pa de myur du shog shig ces sbron cig /yab de ltar bgyi'o zhes te ji skad bsgo ba bzhin du gsang ba pa'i bdag po'i bu des byas so/ /de nas gsang ba pa'i 
bdag po lag na rdo rjes bu gnyis pa lag bzangs zhes bya ba la smras pa/ khyod rang gi rdzu 'phrul gyi stobs kyis song las bla pa'i lha rnams nas bzung ste/ bar snang dang/ rgyal chen bzhi'i ris dang/ sum cu rtsa gsum pa dang/ 'thab bral dang/ dga' ldan dang/ 'phrul dga' dang/ gzhan 'phrul 
dbang byed kyi lha'i bu rnams la bcom ldan 'das gsang ba pa'i bdag po lag na rdo rje'i gnas lcang lo can gyi pho brang 'khor du gdugs tshod gsol gyis/ khyed kyi nang nas su lta 'dod pa de myur du shog shig ces sbron cig  yab de ltar bgyi'o zhes te ji skad bsgo ba bzhin du gzhon nu lag bzangs kyis byas so/ /
de nas skad cig thang cig yud tsam de la 'dod pa na spyod pa dang/ gzugs na spyod pa'i lha'i bu brgya stong dag gis/ dpag tshad khri khor yug gi bar snang khyab par gyur to/ /de nas gsang ba pa'i bdag po lag na rdo rjes bcom ldan 'das kyi mchod pa bshams te nam nangs pa dang/ pus mo g.yas pa'i lha 
ngas la btsugs te/ bcom ldan 'das ga la ba de logs su thal mo sbyar ba btud nas tshigs su bcad pa'i dbyangs kyis bcom ldan 'das la gdugs tshod bab pa gsol pa/ /thub pa chen po dus 'di lags/ /skyes bu gtso bo gshegs su gsol/ /skyes bu dam pa gshegs su gsol/ /skyes bu cang mkhyen 
gshegs su gsol/ /thub pa chen po gdugs tshod bab/ /rkang gnyis gtso bo gshegs su gsol/ /rkang gnyis dam pa gshegs su gsol/ /rkang gnyis cang mkhyen gshegs su gsol/ /tshul khrims pad ma'i rdzing nas 'khrungs/ /brtson 'grus chab kyis rnam par 'phel/ /slob ma bung ba sgra 'byin pa/ /
thub pa pad ma gshegs su gsol/ /'phags pa'i bden par gnas bcas te/ /byams dang thugs rje'i spyan mnga' zhing/ /bdag med pa yi sgra sgrogs pa/ /rgyal ba seng ge gshegs su gsol/ /khrims ni rtsa ba chu ba dran/ /byang chub yan lag me tog brgyan/ /rnam grol 'bras bu phun sum tshogs/ /</font><hr>39-1-173a<br><font size=+1>
rgyal ba sdong po gshegs su gsol/ /shes rab rgya chen zab pa po/ /ting 'dzin chab ni grang ldan zhing/ /rnal 'byor pa yi tshong pas gtam/ /yon tan rgya mtsho gshegs su gsol/ /thugs rje'i dkyil 'khor dpal ldan pa/ /shes rab 'od 
zer legs par brgyan/ /slob ma pad ma kha 'byed pa/ /thub pa nyi ma gshegs su gsol/ /phas kyi rgol bas mi bskyod cing/ /rnam thar la sogs sman tshogs can/ /slob dang mi slob ri dgas gtam/ /thub pa ri bo gshegs su gsol/ /de nas bcom ldan 'das 
kyis gsang ba pa'i bdag po lag na rdo rjes gdugs tshod phab par mkhyen nas dge slong rnams la bka' stsal pa/ dge slong dag gsang ba pa'i bdag pos gdugs tshod phab kyis chos gos gyon la lhung bzed thogs shig /zhag bdun byin gyis brlab pa byin gyis rlobs la 
gtsug lag khang skyong skos shig  de nas nyan thos dang/ byang chub sems dpa' gang dag rdzu 'phrul dang ldan pa de dag ni rang gi rdzu 'phrul gyi stobs kyis bar snang las dong ngo/ /gang dag rdzu 'phrul dang ldan pa ma yin pa de dag ni de bzhin gshegs pa'i 'od kyi dkyil 'khor gyi 
khrod du zhugs nas bcom ldan 'das dang lhan cig tu nam mkha'i dkyil gyi lam nas dong ngo/ /de nas bcom ldan 'das bya rgod kyi phung po'i ri las mi snang bar gyur nas byang chub sems dpa'i tshogs kyis ni bskor/ nyan thos kyi tshogs kyis ni mdun du bdar/ lha'i tshogs kyis 
ni mngon par bstod/ lha'i bu mo rnams ni glu dbyangs len/ 'od zer ni 'gyed/ me tog gi char ni 'bebs/ rol mo sil snyan bye ba khrag khrig brgya stong ni len/ zhing rnams ni g.yo bar mdzad cing/ sangs rgyas kyi mthu chen po dang/ sangs rgyas kyi rdzu 'phrul chen po dang/ 
sangs rgyas kyi rnam par 'phrul pa chen po dang/ sangs rgyas kyi cho 'phrul chen po dang/ sangs rgyas kyi dpal chen po dang/sangs rgyas kyi gzi brjid chen po dang/ sangs rgyas kyi spyod lam chen po dang/ sangs rgyas kyi rnam par rol pa chen pos lcang lo can gyi pho brang 'khor ga la ba </font><hr>39-1-173b<br><font size=+1>
der nam mkha'i dkyil gyi lam nas ngang pa'i rgyal po bzhin du thogs pa med par gshegs pa dang/ 'dod pa na spyod pa dang/ gzugs na spyod pa'i lha'i bu de dag gis bcom ldan 'das nam mkha'i dkyil gyi lam nas ngang pa'i rgyal po ltar thogs pa ni mi mnga'/ nyi ma'i dkyil 
'khor 'char ba ni 'dra/ zla ba nya ba'i dkyil 'khor skar ma'i tshogs kyis bskor ba dang ni mtshungs/ lha'i rgyal po brgya byin ltar lha'i tshogs kyis ni bskor/ tshangs pa chen po ltar tshangs pa'i 'khor gyis ni bskor cing gshegs par rgyang ring po nas mthong ngo/ /mthong nas kyang tshim 
zhing mgu la yi rangs te/ rab tu dga' nas dga' ba dang/ yid bde ba skyes te/ bcom ldan 'das la mchod pa'i las kyi phyir lha'i me tog ud pa la dang/ ku mu da dang/ pad ma dkar po dang/ man da ra ba dang/ man dA ra ba chen po dang/ yongs 'du dang/ yongs 'du chen 
po dang/ man dzu sha ka dang/ man dzu sha ka chen po dang/ s+tha la dang/ s+tha la chen po dang/ mdog mdzes dang/ mdog mdzes chen po dang/ 'khor lo dang/ 'khor lo chen po dang/ dri zhim dang/ pad ma 'dab brgya dang/ 'dab stong dang/ skar 'od dang/ skar ma dga' dang/ kun 
tu bsrung dang/ bsrung rtag dang/ rtag tu me tog chags dang mig tu sdug pa de dag dang/ me tog gzhan dag gis kyang bcom ldan 'das la mngon par gtor to/ /gdugs dang/ rgyal mtshan dang/ ba dan dag kyang bsgreng ngo/ /rol mo sil snyan brgya stong yang len to/ /de nas bcom ldan 
'das kyis bkod pa rnam pa de lta bu me tog gi char 'bebs pa dang/ spos dang/ phreng ba dang/ byug pa dang/ phye ma dang/ gos dang/gdugs dang/ rgyal mtshan dang/ ba dan gyi char 'bebs pa dang/ sil snyan dang/ glu dbyangs dang/ rol mo'i sgra dang/ lha'i bu mo brgya stong glu len pa dag 
dang/ skad cig thang cig yud tsam de la lcang lo can gyi pho brang 'khor du byon te/ byang chub sems dpa' rnams dang/ nyan thos chen po rnams dang thabs cig tu rgyal po chen po rnam thos kyi bu'i 'dun khang du zhugs so/ /bcom ldan 'das sa la bzhugs ma thag tu de nas de'i tshe sa chen po dal zhing mi </font><hr>39-1-174a<br><font size=+1>
drag la sems can thams cad la mi gnod par g.yos par gyur to/ /de nas rgyal po chen po bzhis bcom ldan 'das lcang lo can gyi pho brang 'khor du byon par rig nas myur ba myur bar la gor du btsun mo'i 'khor dang bcas/ gnyen gyi 'khor dang bcas te/ me 
tog dang/ spos dang/ phreng ba dang/ byug pa thogs nas/ bcom ldan 'das ga la ba der dong ste phyin pa dang/ bcom ldan 'das kyi zhabs la mgo bos phyag 'tshal te/ /ji ltar thogs thogs pa'i me tog dang/ spos dang/ phreng ba dang/ byug pa rnams kyis bcom ldan 'das 
la mchod pa byas thal mo sbyar te/ bcom ldan 'das la phyag 'tshal zhing phyogs gcig tu 'khod do/ /btsun mo'i 'khor dang/ dpung gi tshogs dang/ 'khor 'dus pa gang yin pa de dag thams cad kyis kyang bcom ldan 'das kyi zhabs la mgo bos phyag 'tshal te/ 
thal mo sbyar nas 'dud pa dang/ bcom ldan 'das kyis rgyal po chen po bzhi las brtsams te 'khor de ltar 'dus pa de dag la de lta bu'i gtam gyi sbyor ba mdzad pas/ klu dang/ gnod sbyin dang/ dri za dang/ grul bum dang/ srin po'i 'khor de'i nang nas srog chags khri nyis 
stong gis byang chub tu sems bskyed do/ /rgyal po chen po de dag gi btsun mo'i 'khor gyi nang nas/ bud med khris bla na med pa yang dag par rdzogs pa'i byang chub tu sems bskyed do/ /de nas gsang ba pa'i bdag po lag na rdo rje btsun mo'i 'khor dang bcas/ gnyen gyi g.yog 
dang bcas shing 'khor dang/ yon tan mtha' yas bkod pa'i g.yog 'khor dang bcas te/ me tog dang/ bdug pa dang/ spos dang/ phreng ba dang/ byug pa dang/ phye ma dang/ gos dang/ gdugs dang/ rgyal mtshan dang/ ba dan thams cad thogs shing/ sil snyan dang/ 
pheg rdob pa dang/ rol mo'i sgra 'byin pa rnams dang lhan cig tu rgyal po chen po rnam thos kyi bu'i 'dun khang ga la ba dang/ bcom ldan 'das ga la ba der song ste phyin nas bcom ldan 'das kyi zhabs la mgo bos phyag 'tshal te/ lan bdun bskor ba byas nas ji ltar thogs thogs pa'i </font><hr>39-1-174b<br><font size=+1>
me tog dang/ bdug pa dang/ spos dang/ phreng ba dang/ byug pa dang/ phye ma dang/ gos dang/ gdugs dang/ rgyal mtshan dang/ ba dan rnams kyis bcom ldan 'das la mchod pa byas te/ sil snyan dang/ rol mo byas nas/ bcom ldan 'das la phyag 'tshal te/ 
dge slong gi dge 'dun dang/ byang chub sems dpa'i tshogs dang bcas par lhan cig tu rang gi 'khor gyi khyams su spyan drangs so/ /de nas bcom ldan 'das 'khor gyi khyams der sa la mi rten pa rnam pa thams cad kyi mchog dang ldan pa nyid kyi seng ge'i gdan ji ltar bshams pa la 
bzhugs so/ /byang chub sems dpa' dang nyan thos chen po de dag dang/ thams cad dang ldan pa'i 'khor yang stan ci rigs ba dag la 'khod do/ /de nas gsang ba pa'i bdag po lag na rdo rjes brgya byin dang/ tshangs pa dang/ 'jig rten skyong ba de dag dang/ lha'i 'khor chen po de la 
'di skad ces smras so/ /khyed de bzhin gshegs pa la bsu bgyis shig mchod pa dang/ rim gro gyis shig /de ni de bzhin gshegs pas kyang/ /de la gang dag yi rang dang/ /zhal ta bya ba byed pa ni/ /de dag bsod nams skal ba can/ /de dag yon ni chung 
ba min/ /zhes bka' stsal gyis/ de la grogs po dag khyed kyis rjes su yi rang ba dang ldan pa dang/ zhal ta bya ba dang ldan pa'i bsod nams bya ba'i dngos po long shig /de nas lha'i bu de dag gis 'khor gyi khyams bkod pa de dang/ seng ge'i khri bkod pa yang mthong ngo/ /de 
mthong nas ngo mtshar du gyur te/ 'di ni de bzhin gshegs pa'i mthu'am/ 'on te gsang ba pa'i bdag po'i 'am/ su'i yin zhes ched du brjod pa/ ched du brjod pa dang/ de dag gis bar snang las 'di ni gsang ba pa'i bdag po'i byin gyi rlabs yin te/ grogs po dag sangs rgyas kyi zhing 'di nas 
shar phyogs logs su sangs rgyas kyi zhing gang gA'i klung gi bye ma snyed 'das pa na 'jig rten gyi khams yon tan rin po che mtha' yas pa bkod pa zhes bya ba de na de bzhin gshegs pa bkod pa chen po'i rgyal po zhes bya ba chos ston pa der gsang ba pa'i bdag po lag na rdo rjes bkod pa rnam pa 'di lta bu </font><hr>39-1-175a<br><font size=+1>
mthong nas gsang ba pa'i bdag pos bkod pa de nyid 'khor gyi khyams 'dir byin gyis brlabs so zhes sgra thos so/ /bcom ldan 'das seng ge'i gdan de la bzhugs ma thag tu de nas de'i tshe lcang lo can gyi pho brang 'khor na gnod sbyin dang/ srin po dang/ 
yi dgas dang/ sha za dang/ dri za dang/ gsang ba pa dang/ lto 'phye chen po ji snyed 'khod pa de dag thams cad bcom ldan 'das ga la ba der dong ste phyin pa dang/ bcom ldan 'das kyi zhabs la mgo bos phyag 'tshal te phyogs gcig tu 'khod nas/ thal mo sbyar te bcom 
ldan 'das la 'dud do/ /de nas gsang ba pa'i bdag po lag na rdo rjes rgyal po chen po bzhi dang/ thams cad dang ldan pa'i 'khor la smras pa/ khyed thams cad lhan cig tu 'dus la lhan cig tu tshur sheg /ji ltar bshams pa'i zhal zas bcom ldan 'das la gsol 
cig /de nas gsang ba pa'i bdag po lag na rdo rje btsun mo'i 'khor dang bcas/ gnyen gyi 'khor dang bcas/ bu dang bcas/ dpung dang bcas/ g.yog 'khor dang bcas te/ rang gi lag nas gus par bsti stang du byas te/ bza' ba dang/ bca' ba bsod pa mang po ro bro ba 
mang po du ma dang ldan pa byang chub sems dpa'i lhag pa'i bsam pas yongs su dag pa/ de bzhin gshegs pa la mchod par 'os pa'i zhal zas kyis de bzhin gshegs pa byang chub sems dpa'i dge 'dun dang dge slong gi dge 'dun dang bcas pa la bstabs te tshim par byas so/ /
bstabs te tshim par byas nas lhung bzed gyu ste/ bcom ldan 'das phyag bcabs par rig nas chos mnyan pa'i phyir bcom ldan 'das kyi spyan sngar 'dug go/ /lcang lo can gyi pho brang 'khor na 'khod pa'i gnod sbyin dang/ srin po gang yin pa de dag kyang 'dus nas bcom ldan 'das 
kyi zhal du bltas te/ thal mo sbyar nas phyag 'tshal te 'khod par gyur to/ /lcang lo can du gshegs nas bshos gsol ba'i le'u zhes bya ba ste bcwa brgyad pa'o//  //de nas gsang ba pa'i bdag po lag na rdo rjes chos mnyan pa'i phyir bcom ldan 'das la gsol </font><hr>39-1-175b<br><font size=+1>
ba btab pa/ ci nas byang chub tu sems ma bskyed pa'i sems can rnams byang chub tu sems bskyed par 'gyur ba dang/ phyir mi ldog pa la gnas par 'gyur ba dang/ gnod sbyin dang/ srin po dang/ sha za dang/ dri za dang/ gsang ba pa dang/ lto 'phye chen po'i 'khor 'di'i yun 
ring po'i don dang/ sman pa dang/ bde ba dang/ grub pa dang/ bde bar 'gyur ba dang/ khyad par gyis khyad par du mngon par 'phags par 'gyur ba dang/ nyams pa'i cha can du mi 'gyur bar de ltar chos kyi tshul la 'jug pa bcom ldan 'das kyis bshad du gsol/de skad ces 
gsol pa dang/ bcom ldan 'das kyis gsang ba pa'i bdag po lag na rdo rje dang/ thams cad dang ldan pa'i 'khor de la bka' stsal pa/ grogs po dag de'i phyir legs par rab tu nyon la yid la zung shig dang bshad par bya ste/ rigs kyi bu 'am rigs kyi bu mo dag 
gang la zhugs na khyad par mngon du 'phags par 'gyur zhing nyams pa'i cha can du yang mi 'gyur ba'i chos kyi tshul khyed la bstan par bya'o/ /bcom ldan 'das legs so zhes gsol te/ gsang ba pa'i bdag po lag na rdo rje dang/ thams cad dang ldan pa'i 'khor 
des bcom ldan 'das kyi ltar mnyan pa dang/ bcom ldan 'das kyis de dag la 'di skad ces bka' stsal to/ /grogs po dag 'di la rigs kyi bu'am/ rigs kyi bu mo bsam pa thag pa nas bla na med pa yang dag par rdzogs pa'i byang chub tu sems bskyed de/ dad pa 
yin/ dang ba mang zhing 'phags pa rnams la lta 'dod pa dang/ dam pa'i chos nyan par 'dod pa dang/ ser sna med par gtang ba gtong ba dang/ lag brkyang ste gtong ba la dga' ba dang/ mchod sbyin byed pa'i ngang can dang/ gtong ba phun sum tshogs pa dang/ sbyin pa 'ged pa la 
dga' ba dang/ khong khro med pa'i sems dang ldan pa dang/ rnyog pa med pa'i sems dang ldan pa dang/ de las kyi rnam par smin pa la yid ches pa dang/ mos pa dang/ rtogs pa dang/ som nyi med la the tsom mi za zhing yid gnyis mi za ba yin/ de dkar po dang/ nag po'i lam rnams kyi rnam par </font><hr>39-1-176a<br><font size=+1>
smin pa chud mi za bar rig nas/ srog gi phyir yang mi bya ba mi byed de/ de srog gcod pa spangs pa yin/ ma byin par len pa dang/ 'dod pa la log par g.yem pa dang/ brdzun du smra ba dang/ phra ma dang/ ngag rtsub po dang/ tshig kyal pa dang/ 
brnab sems dang/ gnod sems dang/ log par lta ba spangs pa yin te/ mi dge ba bcu'i las kyi lam la mi dmigs pa yin no/ /de dad par gyur nas/ dge sbyong ngam bram ze gang dag yang dag par song ba dang/ yang dag par zhugs pa dang/ tshul khrims dang ldan pa dang/ yon tan dang ldan 
pa dang/ nges pa dang/ dge ba'i chos can dang/ mang du thos pa dang/ thos pa la mngon par brtson pa dang/ tshul bzhin du yid la byed pa la rab tu brtson pa dang/ zhi ba dang/ dul ba dang/ nye bar zhi ba dang/ do zlog phod par smra zhing gcam bur mi smra ba dang/ dge ba'i bsam pa 
can dang/ mi dge ba'i chos yongs su spong ba dang/ mi rgod pa dang/ ma khengs pa dang/ mu cor smra ba ma yin pa dang/ tshig ma 'chal pa dang/ dran pa nye bar gnas pa dang/ shin tu mnyam par bzhag pa'i sems dang ldan pa dang/ srid pa'i tshul bcad pa dang/ zug rngu phyung ba dang/ 
khur bor ba dang/ som nyi las nges par rgal ba dang/ the tsom las rgal ba dang/ yang srid pa las rgal ba/ 'di lta ste/ de bzhin gshegs pa dang/ de bzhin gshegs pa'i nyan thos dge sbyong dang/ bram ze rnam pa de lta bu la dge ba'i bshes gnyen du rig nas sten to/ /
bsnyen to/ /bsnyen bkur byed do/ /mnyes par byed cing mi mnyes par mi byed la dgyes par byed de/ des dge ba'i bshes gnyen de dag mnyes par byas pas chos kyi gtam gyis yang dag par ston yang dag par 'dzin du 'jug /yang dag par gzengs stod/ yang dag par 
dga' bar mdzad de/ sbyin pas ni longs spyod chen por 'gyur bar yang dag par ston/ tshul khrims kyis ni mtho ris su skye ba dang/ thos pas ni shes rab chen por 'gyur ba dang/ bsgoms pas ni 'bral bar 'gyur bar yang dag par ston to/ /'di ni sbyin pa'o/ /'di ni sbyin pa'i rnam par smin </font><hr>39-1-176b<br><font size=+1>
pa'o/ /'di ni ser sna'o/ /'di ni ser sna'i rnam par smin pa'o/ /'di ni tshul khrims so/ /'di ni tshul khrims kyi rnam par smin pa'o/ /'di ni bzod pa'o/ /'di ni bzod pa'i rnam par smin pa'o/ /'di ni brtson 'grus so/ /'di ni brtson 'grus kyi rnam par smin 
pa'o/ /'di ni bsam gtan no/ /'di ni bsam gtan gyi rnam par smin pa'o/ /'di ni shes rab bo/ /'di ni shes rab kyi rnam par smin pa'o/ /'di ni 'chal pa'i shes rab bo/ /'di ni 'chal pa'i shes rab kyi rnam par smin pa'o/ /'di ni lus kyi legs par spyad 
pa'o/ /'di ni lus kyi legs par spyad pa'i rnam par smin pa'o/ /'di ni lus kyi nyes par spyad pa'o/ /'di ni lus kyi nyes par spyad pa'i rnam par smin pa'o/ /'di ni ngag gi legs par spyad pa'o/ /'di ni ngag gi legs par spyad pa'i rnam par smin pa'o/ /'di ni 
ngag gi nyes par spyad pa'o/ /'di ni ngag gi nyes par spyad pa'i rnam par smin pa'o/ /'di ni yid kyi legs par spyad pa'o/ /'di ni yid kyi legs par spyad pa'i rnam par smin pa'o/ /'di ni yid kyi nyes par spyad pa'o/ /'di ni yid kyi nyes par spyad pa'i rnam par smin pa'o/ /
'di ni dge ba'o/ /'di ni mi dge ba'o/ /'di ni bya ba'o/ /'di ni bya ba ma yin pa'o/ /'di ni byas na yun ring po'i don dang/ phan pa dang/ bde ba dang/ grub pa dang/ bde bar 'gyur ro/ /zhes de ltar dge ba'i bshes gnyen de dag chos kyi gtam gyis yang dag par ston/ yang 
dag par 'dzin du 'jug /yang dag par gzengs stod/ yang dag par dga' bar mdzad do/ /de nas de dag snod du rung bar mkhyen nas zab mo'i gtam 'di lta ste/ stong pa nyid kyi gtam dang/ mtshan ma med pa'i gtam dang/ smon pa med pa'i gtam dang/ mngon par 'du byed pa 
med pa'i gtam dang/ ma skyes pa'i gtam dang/ ma byung ba'i gtam dang/ bdag med pa dang/ sems can med pa dang/ srog med pa dang/ gang zag med pa'i gtam rab tu ston to/ /rten cing 'brel bar 'byung ba zab mo'i gtam 'di lta ste/ 'di yod pa'i phyir 'di 'byung/ 'di </font><hr>39-1-177a<br><font size=+1>
med pa'i phyir 'di mi 'byung/ 'di yod pa'i phyir 'di skye/ 'di med pa'i phyir 'di 'gag pa 'di lta ste/ ma rig pa'i rkyen gyis 'du byed rnams/ 'du byed kyi rkyen gyis rnam par shes pa/ rnam par shes pa'i rkyen gyis ming dang gzugs/ ming dang gzugs kyi 
rkyen gyis skye mched drug /skye mched drug gi rkyen gyis reg pa/ reg pa'i rkyen gyis tshor ba/ tshor ba'i rkyen gyis sred pa/ sred pa'i rkyen gyis len pa/ len pa'i rkyen gyis srid pa/ srid pa'i rkyen gyis skye ba/ skye ba'i rkyen gyis rga shi dang/ mya ngan dang/ smre sngags 'don pa dang/ 
sdug bsngal ba dang/ yid mi bde ba dang/ 'khrug pa rnams 'byung ste/ de ltar sdug bsngal gyi phung po chen po 'ba' zhig pa 'di 'byung bar 'gyur ro/ /'di med pa'i phyir 'di mi 'byung/ 'di 'gags pas 'di 'gag ste/ 'di ltar ma rig pa 'gags pas 'du byed 'gag 'du byed 
'gags pas rnam par shes pa 'gag rnam par shes pa 'gags pas ming dang gzugs 'gag  ming dang gzugs 'gags pas skye mched drug 'gag  skye mched drug 'gags pas reg pa 'gag  reg pa 'gags pas tshor ba 'gag   tshor ba 'gags pas sred pa 'gag/ 
sred pa 'gags pas len pa 'gag  len pa 'gags pas srid pa 'gag  srid pa 'gags pas skye ba 'gag  skye ba 'gags pas rga shi dang/ mya ngan dang/ smre sngags 'don pa dang/ sdug bsngal ba dang/ yid mi bde ba dang/ 'khrugs pa rnams 'gag par 'gyur te/ 
de ltar na sdug bsngal gyi phung po chen po 'ba' zhig pa 'di 'gag par 'gyur ro/ /de la don dam par na 'byung ba'am/ 'gag pa'i chos gang yang med do/ /de ci'i phyir zhe na/ chos thams cad ni rten cing 'brel par 'byung ba ste/ bdag po med pa/ byed pa po med pa/ tshor ba po med pa/ 
rgyu dang rkyen las byung ba'o/ /'di la 'jug pa'am/ ldog pa 'am/ rjes su 'jug pa'i chos gang yang med de/ gzhan du na yang dag pa ma yin pa/ kun tu gti mug pas khams gsum pa 'dogs par 'gyur te/ nyon mongs pa'i rjes su 'jug pa dang/ las kyi rjes su 'jug pa dang/</font><hr>39-1-177b<br><font size=+1>
sdug bsngal gyi rjes su 'jug pa'i 'dogs pa 'byung ba ni ma gtogs so/ /yang dag pa ma yin pa kun tu gti mug pa de yang yang dag pa ji lta ba bzhin du yongs su brtags na chos gang yang chos gang gi byed pa por 'gyur ba med de/ gang la byed pa por mi dmigs 
pa de la 'jug pa med/ ldog pa med do zhes brjod par bya'o/ /de chos zab mo'i gtam de lta bu thos nas som nyi med do/ /the tsom mi za'o/ /chos thams cad la chags pa med par 'jug ste/ de gzugs la mi chags so/ /tshor ba dang/ 'du shes dang/ 
'du byed rnams dang/ rnam par shes pa la mi chags so/ /de mig dang/ gzugs dang/ mig gi rnam par shes pa la mi chags so/ /rna ba dang/ sna dang/ lce dang/ lus dang/ yid dang/ chos rnams dang/ yid kyi rnam par shes pa la mi chags so/ /
chos thams cad rang bzhin gyis stong pa dang/ chos thams cad rang bzhin gyis dben par yid ches so/ /grogs po dag de ltar dad pa la gnas pa'i byang chub sems dpa' ni sangs rgyas mthong ba las yongs su nyams par mi 'gyur/ /dam pa'i chos nyan pa dang/ dge 
'dun la bsnyen bkur byed pa las yongs su nyams par mi 'gyur ro/ /de gang dang gang du skyes pa de dang der rang sangs rgyas mthong ba dang/ chos mnyan pa dang/ dge 'dun la bsnyen bkur bya ba dang bral bar mi 'gyur ro/ /sangs rgyas bcom ldan 'das rnams kyi spyan sngar skye bar 'gyur ro/ /der skyes nas kyang brtson 'grus brtsams par 'gyur/ dge ba'i chos yongs su btsal ba la mngon par brtson par 'gyur ro/ /de brtson 'grus brtsams pas khyim gyi gnas don du gnyer bar mi 'gyur ro/ /chung ma dang/ bu dang/ bu mo dang/ bran pho dang/ 
bran mo dang/ las byed pa dang/ zho shas 'tsho ba yongs su 'dzin pas yongs su spyod pa don du gnyer bar mi 'gyur te/ de na tshod gzhon nur rnam par rtse ba la mi dga' bas na tshod mdzes pa la bab pa'i tshe/ sangs rgyas bcom ldan 'das rnams kyi bstan pa la dad pas khyim nas khyim </font><hr>39-1-178a<br><font size=+1>
med par myur du rab tu 'byung ngo/ /de dad pas rab tu byung nas dge ba'i bshes gnyen rnams dang/ dge ba'i grogs po dge ba thob par byed pa rnams dang dge ba'i bsam pa 'thob bo/ /de dge ba'i bsam pa dang ldan pas dge ba'i chos rnams nyan to/ /
sgrub pa snying por byed kyi tshig lhur len pa'i blo dang ldan pa ma yin no/ /mang du thos pa yongs su btsal ba'i phyir brtson 'grus brtsams pa yang yin te/ ji ltar thos pa'i chos rnams kyang zang zing med pa'i sems kyis 'thob pa dang/ bkur sti dang/ tshigs su bcad pa la 
mi re bar gzhan dag la rgya cher yang dag par ston to/ /bdag gi tshig gi rjes su 'brang bar gzhan dag la chos mi ston to/ /de ji ltar thos pa dang/ ji ltar gnas pa de bzhin du gzhan dag la chos ston to/ /chos nyan pa rnams la ni byams pa chen po 'thob bo/ /sems 
can thams cad la snying rje chen po skyed do/ /de mang du thos par gyur pas lus dang srog la mi lta ba yin/ 'dod pa chung ba dang/ chog shes pa dang/ rab tu dben pa dang/ mgu sla ba dang/ gso sla ba dang/ dgon pa dang/ bas mthar mngon par dga' ba yin/ ji ltar thos 
pa'i chos rnams kyi don la yongs su rtog pa yin no/ /don la rton pa yin te tshig 'bru la rton pa ma yin no/ /lha dang/ mi dang/ lha ma yin du bcas pa'i 'jig rten gyi ston par gyur pa yin no/ /bdag 'ba' zhig gi phyir brtson pa ma yin gyi/ sems can thams cad 
kyi don gyi phyir bla na med pa'i theg pa chen po 'di lta ste/ sangs rgyas kyi ye shes yongs su tshol lo/ /bag yod pa lhur len pa yang yin te/ de la bag yod pa gang zhe na 'di lta ste/ dbang po sdom pa'o/ /de mig gis gzugs rnams mthong nas/ mtshan mar mi 'dzin cing 
mngon rtags su mi 'dzin pa yin no/ /de gzugs rnams kyi ro myang ba dang/ nyes dmigs dang/ 'byung ba yang yang dag pa ji lta ba bzhin du rab tu shes so/ /de bzhin du rna bas sgra rnams dang/ snas dri rnams dang/ lces ro rnams dang/ lus kyis reg bya rnams dang/ yid kyis </font><hr>39-1-178b<br><font size=+1>
chos rnams shes nas mtshan mar mi 'dzin cing mngon rtags su mi 'dzin pa yin te/ chos rnams kyi ro myang ba dang/ nyes dmigs dang 'byung ba yang yang dag pa ji lta ba bzhin du rab tu shes te 'di ni bag yod pa zhes bya'o/ /gzhan yang bag yod pa ni gang rang gi sems 'dul ba dang/ 
gzhan gyi sems rjes su srung ba dang/ nyon mongs pa la dga' ba sel ba dang/ chos la dga' ba'i rjes su 'jug pa dang/ 'dod pa la rnam par rtog pa dang/ gnod sems kyi rnam par rtog pa dang/ rnam par 'tshe ba'i rnam par rtog pa rnams kyi rgyu ba med pa dang/ mi dge ba'i rtsa ba 
chags pa dang/ zhe sdang dang/ gti mug gi rgyu ba med pa dang/ lus kyi nyes par spyod pa'i rgyu ba med pa dang/ ngag gi nyes par spyod pa'i rgyu ba med pa dang/ yid kyi nyes par spyod pa'i rgyu ba med pa dang/ tshul bzhin ma yin pa yid la byed pa'i rgyu ba med pa dang/ sdig pa mi dge ba'i chos 
thams cad kyi rgyu ba med pa ste/ 'di ni bag yod pa zhes bya'o/ /grogs po dag de ltar na bag yod par tshul bzhin yid la byed pa la brtson pa'i byang chub sems dpa' ni dad pa dang/ bag yod pa dang ldan pa yin no/ /gsang ba pa'i bdag po dad pa mang ba dang/ rtag tu 'thun pa 
dang/ chos don du gnyer ba dang chos 'dod par bya'o/ /gsang ba pa'i bdag po dad pa dang ldan pa'i skyes bu gang zag ni 'jig rten pha rol du ngan 'gro'i 'jigs pa med pa yin te/ de'i sems nyes par spyod pa la mi 'gro'o/ /'phags pa rnams kyis bsngags par 'gyur ro/ /gsang ba pa'i 
bdag po gzhan yang chos spyod pa la gnas pa'i skyes bu gang zag ni chos dang ldan par 'gro ba yin te/ sangs rgyas mthong ba rnams mnyes par byed do/ /'phags pa'i lam la yang gnas so/ /che ba nyid kyang 'thob bo/ /gsang ba pa'i bdag po che ba nyid thob nas che ba nyid 'di lta ste/ de bzhin 
gshegs pa'i ye shes thob par byed pa'i byang chub kyi sems yongs su rdzogs par bya'o/ /gsang ba pa'i bdag po gzhan yang bde ba thob par 'dod pa'i skyes bu gang zag gis shin tu grub pa dang/ bde ba yongs su mya ngan las 'das pa la brtson par bya'o/ /gsang ba pa'i bdag po sngon </font><hr>39-1-179a<br><font size=+1>
gyi dge ba'i rtsa ba rnams kyis 'ongs pa'i 'khor 'di ji ltar lhang nge ba la la ltos/ gsang ba pa'i bdag po de la dge ba'i rtsa ba las yongs su mi nyams par bya ba'i phyir shin tu brtson par bya'o/ /gsang ba pa'i bdag po ji ltar dge ba'i rtsa ba las yongs su nyams 
par mi 'gyur zhe na/ gsang ba pa'i bdag po bag yod par gnas pa'i lha dang mi rnams ni dge ba'i rtsa ba las yongs su nyams par mi 'gyur ro/ /de la bag yod pa ni sems rjes su srung ba dang/ yul 'dor ba dang/ 'dod pa la dga' ba rnam par spong ba dang/ chos kyi dga' 
ba la bsten pa dang/ 'dod pa la rnam par rtog pa dang/ gnod sems kyi rnam par rtog pa dang/ rnam par 'tshe ba'i rnam par rtog pa rnams kyi rgyu ba med pa dang/ mi dge ba rnams dang/ tshul bzhin ma yin pa yid la byed pa rnams kyi rgyu ba med pa dang/ chags pa dang/ zhe sdang 
dang/ gti mug rnams kyi rgyu ba med pa dang/ lus dang ngag dang/ yid kyi gnas ngan len rnams kyi rgyu ba med pa nas nyams pa'i cha dang 'thun par 'gyur ba'i chos thams cad kyi bar gyi rgyu ba med pa ste/ 'di ni bag yod pa zhes bya'o/ /gsang ba pa'i bdag po su dad pa dang ldan 
zhing bag yod pa dang ldan pa des brtson 'grus gang gis bag yod par byed pa dang/ dad par byed pa'i chos de dag yang dag par sgrub par 'gyur ba'i brtson 'grus dang ldan par bya'o/ /gsang ba pa'i bdag po su dad pa dang/ bag yod pa dang/ brtson 'grus dang ldan pa des dran pa dang/ 
shes bzhin la brtson par bya'o/ /dran pa dang shes bzhin des byang chub kyi phyogs kyi chos thams cad chud za bar mi 'gyur ro/ /gsang ba pa'i bdag po su dad pa dang/ bag yod pa dang/ brtson 'grus dang/ dran pa dang/ shes bzhin dang ldan pa des tshul bzhin du sbyor ba la 
brtson par bya'o/ /gsang ba pa'i bdag po tshul bzhin du sbyor ba la brtson pa'i byang chub sems dpa' ni gang yod pa de yang yod par rab tu shes so/ /gang med pa de yang med par rab tu shes so/ /de la yod pa ni gang/ med pa ni gang zhe na/ yang dag par sbyor ba dang ldan pa la ni </font><hr>39-1-179b<br><font size=+1>
'phags pa'i rnam par grol ba yod de/ 'di ni yod pa zhes bya'o/ /de la med pa gang zhe na/ log par sbyor ba dang/ ldan pa la ni 'phags pa'i rnam par grol ba med de/ de ni med pa zhes bya'o/ /gzhan yang las dang rnam par smin pa ni yod do/ /gang las de dang rnam par 
smin pa dang ldan pa de ni med do/ /gzhan yang kun rdzob tu mig dang/ rna ba dang/ sna dang/ lce dang/ lus dang/ yid ni yod do/ /gang mig nas yid kyi bar dang ldan pa ni med do/ /gzhan yang byang chub sems dpa' brtson 'grus brtsams pa la ni byang chub yod do/ /le lo can 
la ni byang chub med do/ /phyin ci log las byung ba'i phung po lnga dag ni yod do/ /rgyu med pa las chos 'byung ba ni med do/ /gzhan yang mi rtag pa dang/ sdug bsngal ba dang/ 'gyur ba'i chos can gyi gzugs ni yod do/ /rtag pa dang/ brtan pa dang/ ther zug dang mi 'gyur ba'i 
chos can dang/ yang dag par de bzhin nyid du gnas pa'i gzugs de ni med do/ /de bzhin du mi rtag pa dang/ sdug bsngal ba dang/ 'gyur ba'i chos can gyi tshor ba dang/ 'du shes dang/ 'du byed rnams dang/ rnam par shes pa ni yod do/ /rtag pa dang/ brtan pa dang/ ther zug dang/ 
mi 'gyur ba'i chos can dang/ yang dag par de bzhin nyid du gnas pa'i rnam par shes pa de ni med do/ /gzhan yang ma rig pa'i rkyen gyis 'du byed rnams zhes bya ba de dag ni yod do/ /ma rig pa med na 'du byed rnams zhes bya ba de dag med do/ /'du byed kyi rkyen gyis rnam par shes pa zhes bya ba de 
ni yod do/ /'du byed rnams med na rnam par shes pa zhes bya ba de med do/ /rnam par shes pa'i rkyen gyis ming dang gzugs zhes bya ba de ni yod do/ /rnam par shes pa med na ming dang gzugs zhes bya ba ni med do/ /ming dang gzugs kyi rkyen gyis skye mched drug ces bya ba de ni yod do/ /ming dang gzugs med na 
skye mched drug ces bya ba de med do/ /skye mched drug gi rkyen gyis reg pa zhes bya ba de ni yod do/ /skye mched drug med na reg pa zhes bya ba de med do/ /reg pa'i rkyen gyis tshor ba zhes bya ba de ni yod do/ /reg pa med na tshor ba zhes bya ba de med do/ /tshor ba'i rkyen gyis sred pa zhes bya ba de ni yod do/ /tshor ba med na sred pa </font><hr>39-1-180a<br><font size=+1>
zhes bya ba de med do/ /sred pa'i rkyen gyis len pa zhes bya ba de ni yod do/ /sred pa med na len pa zhes bya ba de med do/ /len pa'i rkyen gyis srid pa zhes bya ba de ni yod do/ /len pa med na srid pa zhes bya ba de med do/ /srid pa'i rkyen gyis skye ba zhes bya ba de 
ni yod do/ /srid pa med na skye ba zhes bya ba de med do/ /skye ba'i rkyen gyis rga shi dang/ mya ngan dang/ smre sngags 'don pa dang/ sdug bsngal ba dang/ yid mi bde ba dang/ 'khrug pa rnams ni yod do/ /skye ba med na rga shi dang/ mya ngan dang/ smre sngags 'don pa dang/ sdug bsngal 
ba dang/ yid mi bde ba dang/ 'khrug pa rnams med do/ /gzhan yang sbyin pas longs spyod chen por 'gyur ba ni yod do/ /sbyin pas dbul por 'gyur ba ni med do/ /tshul khrims kyis mtho ris su skye ba ni yod do/ /tshul khrims kyis ngan song du skye ba ni med do/ /thos pas 
shes rab chen por 'gyur ba ni yod do/ /thos pas shes rab 'chal bar 'gyur ba ni med do/ /bsgom pas 'bral bar 'gyur ba ni yod do/ /bsgom pas 'bral bar mi 'gyur ba ni med do/ /tshul bzhin ma yin pa yid la byed pa dang ldan na nyon mongs pa 'byung ba ni yod do/ /
tshul bzhin ma yin pa yid la byed pa dang bral na nyon mongs pa 'byung ba ni med do/ /mngon pa'i nga rgyal can la ni kun shes pa brda sprod pa med do/ /mngon pa'i nga rgyal med pa la ni mya ngan las 'das pa yod do/ /gzhan yang thams cad kyi rjes su song ba'i stong pa nyid yod do/ /
nang gi rjes su song ba'i bdag ni med do/ /ye shes dang ldan pa la ni thar pa yod do/ /nga rgyal dang ldan pa la ni 'byung ba med do/ /bdag gam/ sems can nam/ srog gam/ gang zag ces bya ba gang yin pa de ni med do/ /gsang ba pa'i bdag po de ltar na bag yod pa dang/ 
tshul bzhin yid la byed pa dang ldan pa'i byang chub sems dpas 'jig rten na mkhas pa rnams la yod par grags pa gang yin pa de ni yod par rab tu shes so/ /'jig rten na mkhas pa rnams la med par grags pa gang yin pa de ni med par rab tu shes so/ /de yod do zhes tha snyad </font><hr>39-1-180b<br><font size=+1>
'dogs pa la yang mi chags so/ /med do zhes tha snyad 'dogs pa la yang mi chags te/ sangs rgyas bcom ldan 'das rnams kyis gsungs pa yang dag pa'i don rjes su rtogs so/ /gsang ba pa'i bdag po de la de bzhin gshegs pas chos thams cad mdor bsdus 
te/ chos kyi mdo bzhir rnam par gzhag go/ /bzhi gang zhe na/ dge sbyong dang/ bram ze rtag par smra ba rnams dang/ lha tshe ring po rtag par 'du shes pa rnams kyi gzhom pa'i phyir 'du byed thams cad mi rtag go zhes bya ba dang/ lha dang mi bde bar 'du shes pa rnams kyi 
gzhom pa'i phyir 'du byed thams cad sdug bsngal lo zhes bya ba dang/ mu stegs can bdag tu smra ba rnams kyi gzhom pa'i phyir chos thams cad la bdag med do zhes bya ba dang/ rnam par rtog pa la spyod pa mngon pa'i nga rgyal can rnams kyi gzhom pa'i phyir mya ngan las 'das 
pa ni zhi ba zhes bya ba'o/ /gsang ba pa'i bdag po mi rtag ces bya ba de ni shin tu mi rtag pa'i don gyi tshig bla dgas so/ /sdug bsngal zhes bya ba de ni smon pa dang bral ba'i tshig bla dgas so/ /bdag med ces bya ba de ni stong pa nyid kyi mtshan nyid kyi tshig bla dgas so/ /mya ngan 
las 'das pa ni zhi ba'o/ /zhes bya ba de ni mtshan ma med pa mngon du bya ba'i tshig bla dgas so/ /gsang ba pa'i bdag po de ltar na chos thams cad la de ltar mos shing/ tshul bzhin yid la byed pa dang ldan pa'i byang chub sems dpa' ni dge ba byang chub kyi phyogs kyi chos 
rnams las mi nyams shing yongs su nyams par mi 'gyur te/ sangs rgyas kyi chos thams cad kyang myur du yongs su rdzogs par byed do/ /de nas bcom ldan 'das la 'jig rten skyong ba rgyal po chen po bzhis 'di skad ces gsol to/ /bcom ldan 'das rgyal po chen 
po bzhi po bdag cag 'jig rten skyong ba zhes bgyi na/ bcom ldan 'das bdag cag gis ji ltar 'jig rten bskyang bar bgyi/ de nas bcom ldan 'das kyis 'jig rten skyong ba rgyal po chen po bzhi la 'di skad ces bka' stsal to/ /grogs po dag khyed kyis chos kyi bya bas 'jig </font><hr>39-1-181a<br><font size=+1>
rten skyongs shig /de la dge ba bcu'i las kyi lam 'di dag ni 'jig rten skyong bar byed pa'o/ /bcu gang zhe na/ 'di lta ste/ srog gcod pa spang ba dang/ rang gi longs spyod kyis chog par 'dzin pa dang/ gzhan gyi chung ma dag la mi 'phyo ba dang/ chos spyod 
pa rnams la bden pa nyid dang/ gzhan gyi 'khor mi 'byed pa dang/ tha ba'i tshig med de zher mi 'debs pa dang/ tshig tsam ji lta ba bzhin te/ gzhan la mi slu ba dang/ gzhan gyi longs spyod la 'dod pa med pa dang/ gnod sems nye bar zhi ba dang/ lta ba yongs su dag cing yang 
dag par song ba ste/ grogs po dag dge ba bcu'i las kyi lam de dag ni 'jig rten skyong bar byed pa'o/ /grogs po dag gzhan yang 'jig rten skyong bar byed pa'i chos brgyad de/ brgyad gang zhe na/ 'di lta ste/ ji skad smras pa de bzhin du byed pa dang/ bla ma la gus pa dang/ thams 
cad du 'thun par 'dzin pa dang/ drang ba dang/ mnyen pa dang/ sems can thams cad la byams pa'i sems dang ldan pa dang/ sdig pa thams cad mi byed pa dang/ dge ba'i rtsa ba thams cad yang dag par sdud pa ste/ grogs po dag chos brgyad po de dag ni 'jig rten skyong bar byed pa'o/ /
grogs po dag gzhan yang yang dag par mgu bar bya ba'i chos 'jig rten skyong bar byed pa drug ste/ drug gang zhe na/ 'di lta ste/ ston pa dang/ tshangs pa mtshungs par spyod pa mkhas pa rnams dang/ sems can thams cad la byams pa'i lus kyi las 'di ni yang dag par mgu bar 'gyur ba'i 
chos dga' bar byed pa dang/ bla mar byed pa dang/ yid du 'ong bar byed pa dang/ dga' bar bya ba dang/ bla mar bya ba dang/ gus par bya ba dang/ bsgom pa dang/ bsdu ba dang/ ting nge 'dzin du bya bar 'gyur ba dang po'o/ /de bzhin du ston pa dang/ tshangs pa mtshungs par spyod pa mkhas pa rnams 
dang/ sems can thams cad la byams pa'i ngag dang/ yid kyi las 'di ni yang dag par mgu bar 'gyur ba'i chos dga' bar byed pa dang/ bla mar byed pa dang/ yid du 'ong bar byed pa dang/ dga' bar bya ba dang/ bla mar bya ba dang/ gus par bya ba dang/ bsgom pa dang/ bsdu ba dang/ ting nge 'dzin du </font><hr>39-1-181b<br><font size=+1>
bya bar 'gyur ba gnyis pa dang gsum pa'o/ /rnyed pa gang dag chos dang 'thun pa/ chos kyi rnyed pa tha na lhung bzed kyi nang du chud pa'am/ lhung bzed par gtogs pa de lta bu'i rnyed pa dag gis tshangs pa mtshungs par spyod pa mkhas pa rnams dang lhan cig tu rnyed pa 'thun par bya'o snyam pa 
'di ni yang dag par mgu bar 'gyur ba'i chos dga' bar byed pa dang/ bla mar byed pa dang/ yid du 'ong bar byed pa dang/ dga' bar bya ba dang/ bla mar bya ba dang/ gus par bya ba dang/ bsgom pa dang/ bsdu ba dang/ ting nge 'dzin du bya bar 'gyur ba bzhi pa'o/ /tshul khrims ma nyams 
pa/ skyon med pa/ 'dren ma ma yin pa/ sra sre ma yin pa/ rang dbang can/ ma 'bags pa/ mkhas pas bsngags pa/ tshangs pa mtshungs par spyod pa mkhas pa rnams kyis ma smad pa/ gang dag yin pa de lta bu'i tshul khrims rnams kyis tshangs pa mtshungs par spyod pa 
mkhas pa rnams dang lhan cig tu tshul khrims 'thun par bya'o/ /snyam pa 'di ni yang dag par mgu bar 'gyur ba'i chos dga' bar byed pa dang/ mgu bar byed pa dang/ bla mar byed pa dang/ yid du 'ong bar byed pa dang/ dga' bar bya ba dang/ bla mar bya ba dang/ gus par bya ba dang/ 
bsgom pa dang/ bsdu ba dang/ ting nge 'dzin du bya bar 'gyur ba lnga pa'o/ /lta ba gang 'phags pa nges par 'byung ba nges par 'byed pa'i cha dang 'thun pa/ de byed pa'i sdug bsngal yang dag par zad par 'gyur ba dang/ sdug bsngal mthar 'byin pa nges par 'byung ba'i lta ba de lta bus 
tshangs pa mtshungs par spyod pa rnams dang lhan cig tu lta ba 'thun par bya'o snyam pa 'di ni yang dag par mgu bar 'gyur ba'i chos dga' bar byed pa dang/ bla mar byed pa dang/ yid du 'ong bar byed pa dang/ dga' bar bya ba dang/ bla mar bya ba dang/ gus par bya ba dang/ bsgom pa dang/ bsdu 
ba dang/ ting nge 'dzin du bya bar 'gyur ba drug pa ste/ grogs po dag yang dag par mgu bar bya ba'i chos drug po de dag ni 'jig rten skyong bar byed pa'o/ /grogs po dag gzhan yang 'jig rten skyong bar byed pa'i chos bzhi ste/ bzhi gang zhe na/ 'di lta ste/ 'dod pa dang/ zhe sdang dang/ gti </font><hr>39-1-182a<br><font size=+1>
mug dang/ 'jigs pa spangs pas 'dod pas 'gro ba ma yin par mi 'gro ba dang/ zhe sdang gis 'gro ba ma yin par mi 'gro ba dang/ gti mug gis 'gro ba ma yin par mi 'gro ba dang/ 'jigs pas 'gro ba ma yin par mi 'gro ba ste/ grogs po dag 'gro ba 
ma yin par 'gro ba spangs pa'i chos bzhi po de dag ni 'jig rten skyong bar byed pa'o/ /grogs po dag gzhan yang 'jig rten skyong bar byed pa'i chos gnyis te/ gnyis gang zhe na/ 'di lta ste/ ngo tsha shes pa dang/ khrel yod pa ste/ chos gnyis po de dag ni 'jig rten skyong bar byed pa'o/ /
grogs po dag gzhan yang 'jig rten skyong bar byed pa'i chos ni gcig kho na ste/ 'di lta ste/ bden pa ni 'jig rten skyong bar byed pa/ bka' blo bde ba ni 'jig rten skyong bar byed pa/ gya gyu med pa ni 'jig rten skyong bar byed pa ste/ grogs po dag chos gcig po de ni 'jig rten skyong bar 
byed pa'o/ /grogs po dag de lta bu'i chos la brtson na 'jig rten skyong bar byed de/ grogs po dag khyed kyis chos de lta bu la brtson pas 'jig rten skyongs shig /'jig rten skyong ba'i le'u zhes bya ba ste bcu dgu pa'o// //de nas bcom ldan 'das 'di snyam du 
dgongs te/ gsang sngags kyi tshig gang dag brjod pas 'khor 'di thams cad dge ba dang ldan par 'gyur ba dang/ de bzhin gshegs pa'i byang chub 'di yang yun ring du gnas par 'gyur ba'i gsang sngags kyi tshig de dag ngas 'khor 'di la brjod par bya'o snyam nas/ de nas bcom ldan 
'das kyis gsang ba pa'i bdag po lag na rdo rje la bka' stsal pa/ gsang ba pa'i bdag po ngas klu'i rgyal po sog ma med kyi gnas su gsang sngags kyi tshig gang dag smras pa de dag dang/ byang chub kyi snying po mchog dam par 'dug nas 'gro ba la phan pa dang/ bde ba'i phyir ngas 
sems kyis dran pas gang dag smras pa de dag khyed kyis dran nam/ gsol pa/ bcom ldan 'das dran lags so/ /bcom ldan 'das kyis bka' stsal pa/ gsang ba pa'i bdag po gsang sngags kyi tshig de dag la khyod spobs par byos shig /de nas gsang ba pa'i bdag </font><hr>39-1-182b<br><font size=+1>
po lag na rdo rje stan las langs te/ bcom ldan 'das kyi spyan sngar tsog tsog por 'dug nas lag pa gnyis bcom ldan 'das kyi zhabs gnyis la gtugs te/ gsang sngags kyi tshig 'di dag smras so/ /'di lta ste/ a hu la/hu la ba ti/ hu la ra Na/ a gu ha/ 
tsa tsa tsa tsa tsa/ ni Shu ra Na/ k+Shu ta k+Shu ta/ k+Sha ya k+Sha ya/ a k+Sha ya sa ma/ sha ma ni ka ra/ ha hu la hu ba ti/ khi la ba ti/ ki na a b+hi Shi ti/ nis sa ra Ni/ dza dzA dza dzA ma ti/ a ba TA/ ni ba TA/ brta brta a nu sa ra Ni/ b+hu ta a nu smri ti ho/ ma nu Sha a nu smr-i ti ho/ 
de ba a nu smr-i ti ho/ nA ga nAM/ yak+ShaNAM/ gan d+harbA nAM/ kin na rA NAM/ ma ho ra gA nAM/ swa stir b+ha ban tu/ sarba satwA nAM/ bi ki ran tu ma hA pa ra ba ta/ saM bya tha tAM d+hA ra Ni/ gardza tu sa mu dra be ga i ti/ gsang sngags kyi tshig bstan pa 'di bshad pa na lha'i gnas thams cad rab tu 
g.yos so/ /sa thams cad kyang rab tu g.yos so/ /rgya mtsho chen po yang rab tu 'khrugs so/ /de nas thams cad dang ldan pa'i 'khor de yang 'dar pad pad nas bcom ldan 'das kyi zhabs gnyis la phyag 'tshal bar gyur to/ /bcom ldan 'das kyis stong gi 'jig rten gyi 
khams de la zhabs gcig gis reg par mdzad do/ /de na thams cad dang ldan pa'i 'khor de de bzhin gshegs pa'i zhabs la ma reg tsam du nye bar 'dug ste 'di skad ces gsol to/ /bcom ldan 'das bdag cag bsrung du gsol/ bde bar gshegs pa bdag cag bskyab 
tu gsol/ bdag cag la gnod lags so/ /bdag cag la rab tu gnod lags so/ /bdag cag 'dar pad pad lags so/ /bcom ldan 'das kyis bka' stsal pa/ grogs po dag ma 'jigs shig /ma 'jigs shig /de bzhin gshegs pas byin gyis brlabs 
pa'i gsang sngags kyi tshig 'di dag gi yul ni 'di lta ste/ sa chen po 'di rab tu g.yos pa dang/ rgya mtsho chen po 'khrugs pa dang/ khyed kyang nam mkha' la gnas nas rab tu g.yos pa yin no/ /de nas bcom ldan 'das kyis gsang ba pa'i bdag po lag na rdo rje'i 'khor gyi khyams </font><hr>39-1-183a<br><font size=+1>
su ci nas srog chags brgyad khris byang chub tu sems bskyed pa dang/ sems can tshad med pa de dag gis bslab pa'i gnas rnams blangs par gyur pa de ltar chos rgya cher bstan no// //bam po dgu pa/ de nas gsang ba pa'i bdag 
po'i bu rdo rje'i sdes bcom ldan 'das la rin po che'i dra bas mngon par bkab nas bcom ldan 'das la 'di skad ces gsol to/ /bcom ldan 'das byang chub sems dpa' ji ltar na bla na med pa yang dag par rdzogs pa'i byang chub la mi 'khrugs pa'i chos can du 'gyur ba lags/ bcom ldan 
'das kyis bka' stsal pa/ rigs kyi bu byang chub sems dpa' sems dpa' chen po chos bcu dang ldan na bla na med pa yang dag par rdzogs pa'i byang chub la mi 'khrugs pa'i chos can du 'gyur ro/ /bcu gang zhe na/ khong khro ba med pa'i byams pa chen po dang/ yongs su mi skyo ba'i snying 
rje chen po dang/ brtsams pa thams cad nyams 'og tu chud par byed pa'i brtson 'grus dang/ stong pa nyid kyi rnam par sbyor ba'i ting nge 'dzin dang/ mngon sum du rtogs pa'i shes rab dang/ thams cad kyi rjes su song ba'i mkhas pa dang/ dus gsum yongs su sbyong ba'i ye shes 
dang/ bden pa mthong ba sbyang bar bya ba sgrib pa med pa dang/ rnam pa thams cad kyi mchog dang ldan pa'i stong pa nyid dang/ ji lta ba bzhin gyis yongs su dag pa'i lam la 'jug pa ste/ gzhon nu byang chub sems dpa' chos bcu po de dag dang ldan na bla na med pa yang dag par rdzogs pa'i byang chub la mi 
'khrugs pa'i chos can du 'gyur ro/ /gsang ba pa'i bdag po'i bu rdo rje'i sdes bcom ldan 'das la yang 'di skad ces gsol to/ /bcom ldan 'das ji ltar na byang chub sems dpa' sangs rgyas kyi chos bsam gyis mi khyab pa nyid thos na mi dngang mi skrag cing skrag par mi 'gyur ba lags/ bcom 
ldan 'das kyis bka' stsal pa/ gzhon nu byang chub sems dpa' chos brgyad dang ldan na sangs rgyas kyi chos bsam gyis mi khyab pa nyid thos na mi dngang mi skrag cing skrag par mi 'gyur te/ brgyad gang zhe na/ shes rab kyis brtan pa yin/ ye shes kyis brtan pa yin/ dge ba'i bshes gnyen gyis </font><hr>39-1-183b<br><font size=+1>
yongs su zin pa yin/ rgya chen po la mos pa yin/ sgyu ma dang mtshungs pa'i chos las nges par 'byung ba yin/ chos la mi rtag par mos pa yin/ sems nam mkha' dang mtshungs pa yin/ chos thams cad rnam par bsgrubs par gnas pa'i mtshan nyid du 
shes pa yin te/ gzhon nu byang chub sems dpa' chos brgyad po de dag dang ldan na sangs rgyas kyi chos bsam gyis mi khyab pa nyid thos na mi dngang mi skrag cing skrag par mi 'gyur ro/ /gsol pa/ bcom ldan 'das byang chub sems dpa' chos du dang ldan na bgyi ba thams 
cad la dbang dang ldan par 'gyur ba lags/ bcom ldan 'das kyis bka' stsal pa/ gzhon nu byang chub sems dpa' chos bzhi dang ldan na bya ba thams cad la dbang dang ldan par 'gyur te/ bzhi gang zhe na/ legs par bsgoms shing nyams par ma gyur pa'i mngon par shes pa lnga dang 
ldan pa yin/ rnam par thar pa'i sgos yongs su bsgos pa'i bsam gtan bzhi dang ldan pa yin/ tshangs pa'i bla ma 'jig rten las 'das pa'i tshangs pa'i gnas pa bzhi dang ldan pa yin/ thams cad kyi rjes su rnam par rgyu ba'i thabs dang shes rab las nges par byung ba yin te/ 
gzhon nu byang chub sems dpa' chos bzhi po de dag dang ldan na bya ba thams cad la dbang dang ldan par 'gyur ro/ /gsol pa bcom ldan 'das byang chub sems dpa' rnams kyi sgo du mchis/ bcom ldan 'das kyis bka' stsal pa/ gzhon nu byang chub sems dpa' rnams 
kyi sgo bzhi ste/ bzhi gang zhe na/ 'di lta ste/ sems can gyi dbang po la 'jug pa ye shes kyi sgo dang/ tshig rab tu dbye ba bstan pa shes rab kyi sgo dang/ skad thams cad kun tu 'dzin pa la 'jug pa gzungs kyi sgo dang/ chos mi zad pa bstan pa so so yang dag par rig pa'i 
sgo ste/ gzhon nu bzhi po de dag ni byang chub sems dpa' rnams kyi sgo'o/ /gsol pa/ bcom ldan 'das byang chub sems dpa' rnams kyi stobs du mchis/ bcom ldan 'das kyis bka' stsal pa/gzhon nu byang chub sems dpa' rnams kyi stobs ni dgu ste/ dgu gang zhe na/</font><hr>39-1-184a<br><font size=+1>
snying rje bar bya ba'i phyir nges par sems pa'i stobs dang/ phyir mi ldog par bya ba'i phyir brtson 'grus kyi stobs dang/ shes rab chen por bya ba'i phyir thos pa'i stobs dang/ rnam par grol ba yongs su rdzogs par bya ba'i phyir mos pa'i stobs dang/ 'bral 
bar bya ba'i phyir bsgom pa'i stobs dang/ sems bsrung ba'i phyir bzod pa'i stobs dang/ bdud tshar gcad pa'i phyir byang chub kyi sems kyi stobs dang/ sems can yongs su smin par bya ba'i phyir snying rje chen po'i stobs dang/ stobs bcu yongs su rdzogs par bya ba'i 
phyir mi skye bar bzod pa'i stobs te/ gzhon nu dgu po de dag ni byang chub sems dpa' rnams kyi stobs so/ /bstan pa 'di bshad pa na gsang ba pa'i bdag po'i bu de dag mi skye ba'i chos la bzod pa thob par gyur te/ de dag bzod pa thob nas bcom ldan 'das la 'di skad 
ces gsol to/ /bcom ldan 'das chos kyi rnam grangs 'di gsang ba pa'i bdag po'i gnas su yun ring du gnas shing spyod par 'gyur ba dang/ sems can snod du gyur pa de dag gi rna lam du grag par 'gyur ba dang/ de bzhin gshegs pa yongs su mya ngan las 'das pa'i 
slad na 'dzam bu'i gling du rgyas par 'gyur zhing ci nas kyang nub par mi 'gyur bar byin gyis brlab tu gsol/ de nas bcom ldan 'das kyis gsang ba pa'i bdag po'i bu de dag gis gsol ba btab par mkhyen nas/ gsang ba pa'i bdag po lag na rdo rje la bka' stsal pa/ 
gsang ba pa'i bdag po 'di lta ste/ dam pa'i chos kyi tshul yun ring du gnas par bya ba dang/ bdud dang phas kyi rgol ba thams cad chos dang 'thun pas tshar gcad par bya ba'i phyir ngas khyod la bskul gyis byang chub sems dpa' byang chub kyi snying po mchog dam pa la 'dug pa bsrung ba dang/ 
bdud kyi sde 'ongs pa na bdud tshar gcad pa'i phyir khyod kyis gsang sngags kyi tshig gang dag bsams shing brjod pa dang/ kha ton byas pa de dag la khyod spobs par gyis shig /de nas gsang ba pa'i bdag po lag na rdo rjes bcom ldan 'das kyis bskul bar rig nas stan las langs te/ bla </font><hr>39-1-184b<br><font size=+1>
gos phrag pa gcig tu gzar nas pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas/ de'i tshe gsang sngags kyi tshig 'di dag smras so/ /tad+yathA/ hu lu hu lu/ hu le d+hi re/ ha ri ti/ a ku sha la k+Sha ye/ tsa le/ tsa la ba ti/ 
sA re/ k+Shu re k+ShAn ti ba le/ k+She me/ shAn ti ka re/ k+Sha me/ sha me/ hu lu/ i li khi/ khi re/ kha re/ a be sha ni/ sa ra Ne/ dza ye/ dza ya ba ti/ s+thi re/ A brte/ bi brte/ A brta ni/ mai tre/ b+hu ta nAn/ sad gra he/ da me/ da ma sam pan ne/ tA ra Ne/ tA ra ya se swa yan/ 
swa sti de be b+h+yo/ nA ge b+h+yo/ yak+She b+h+yo/ gan d+harbe b+h+yo/ rAk+Sha se b+h+yo/ ma nu She b+h+yo/ a ma nu She b+h+yo/ swa stir b+ha ba tu sa dA mu kha ma/ gsang sngags 'di dag rab brjod pas/ /ri yi rgyal po rnams kyang g.yos/ /sa yang rab tu g.yos par gyur/ /chu yi rgyal po rnams kyang 'khrugs/ /
gsang sngags 'di dag rab brjod pas/ /phas kyi rgol rnams tshar yang gcod/ /chos smra ba na yang dag bsdus/ /chos kyi mdzod ni kun tu bsrungs/ /gsang sngags gzhi 'di thos nas ni/ /lha tshogs kun tu dga' gyur nas/ /dam chos ring du gnas 'gyur zhes/ /phan tshun 
du ni smra bar byed/ /stong gsum po yang rab tu g.yos/ /'khor yang rab tu 'dar gyur nas/ /mi yi dbang po'i zhabs gnyis la/ /gtug pa byas te skyabs su dong/ /de dag mi 'jigs der byin nas/ /ston pas 'di skad bka' stsal te/ /mdo 'di byin gyis brlabs pas na/ /
dam chos ring du gnas par 'gyur/ /de nas bcom ldan 'das kyis gsang ba pa'i bdag po lag na rdo rje'i gnas su zhag bdun 'das 'das su sems can tshad med pa dag gi don mdzad nas zhag bdun 'das te/ lcang lo can gyi pho brang 'khor du sems can gyi don mdzad pa ji snyed pa/ 
de dag thams cad rgyas par mdzad nas gsang ba pa'i bdag po lag na rdo rje'i gnas nas gshegs te/ nam mkha'i dkyil gyi lam de nyid nas byang chub sems dpa'i tshogs kyis ni bskor/ nyan thos kyi tshogs kyis ni mdun du bdar/ lha'i tshogs kyis ni phyag byas/ lha'i bu mo'i tshogs </font><hr>39-1-185a<br><font size=+1>
kyis ni mngon par bstod/ gnod sbyin dang/ dri za dang/ lha ma yin dang/ nam mkha' lding du mas ni bskor/ brgya byin dang/ tshangs pa dang/ 'jig rten skyong ba rnams kyis ni mngon par bstod/ 'od zer gyi dra ba ni rab tu 'gyed/ rol mo sil snyan ni len/ me 
tog gi char ni 'bebs/ zhing rnams ni rab tu g.yo bar mdzad cing sangs rgyas kyi mthu chen po dang/ sangs rgyas kyi rdzu 'phrul chen po dang/ sangs rgyas kyi rnam par 'phrul pa chen po dang/ sangs rgyas kyi cho 'phrul chen po dang/ sangs rgyas kyi dpal chen po dang/ sangs rgyas kyi gzi 
brjid chen po dang/ sangs rgyas kyi spyod lam chen po dang/ sangs rgyas kyi rnam par rol pa chen pos ngang pa'i rgyal po ltar thogs pa med par gshegs te/ slar bya rgod kyi phung po'i ri la byon to/ /gsang ba pa'i bdag po lag na rdo rje yang bcom ldan 'das kyi zhabs 'bring du 'brangs par 
gyur to/ /bzhud pa dang byon pa'i le'u zhes bya ste nyi shu pa'o// //de nas bcom ldan 'das byang chub sems dpa' rnams dang/ nyan thos chen po rnams dang thabs cig tu bya rgod kyi phung po'i ri la bzhugs so/ /de nas bcom ldan 'das phye ma red kyi dus kyi tshe nang du yang 
dag 'jog las bzhengs nas chos ston to/ /de nas rgyal po'i khab kyi grong khyer chen po'i srog chags drug khri dang/ rgyal po ma skyes dgra 'khor dang bcas pas/ bcom ldan 'das slar gshegs par rig nas phye ma red kyi dus kyi tshe me tog dang/ spos dang/ phreng ba dang/ byug pa 
thogs te/ rgyal po'i khab kyi grong khyer chen po nas byung nas bya rgod kyi phung po'i rig la ba dang/ bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ phyogs gcig tu 'dug go/ /phyogs gcig tu 'dug nas kyang rgyal po ma skyes 
dgras bcom ldan 'das la 'di skad ces gsol to/ /bcom ldan 'das bdag 'di na 'dun khang na mchis mchis na/ gzhon nu 'jigs byed sbyin mchis te 'di skad ces mchi'o/ /yab bcom ldan 'das ni gsang ba pa'i bdag po lag na rdo rje'i gnas lcang lo can gyi pho brang 'khor du gdugs </font><hr>39-1-185b<br><font size=+1>
tshod gsol nas slar gshegs zhes gda'o zhes mchi nas/ bcom ldan 'das de la bdag gis 'di snyam du bsams te/ gang gi slad du gsang ba pa'i bdag po lag na rdo rje'i gnas lcang lo can gyi pho brang 'khor du bcom ldan 'das spyan drangs na yang/ sems can yongs su smin 
par mdzad pa'i slad du lcang lo can gyi pho brang 'khor du gshegs pas/ 'di ltar gang de bzhin gshegs pas yongs su btang ba'i sems can de ni sems can gyi ris na gang yang ma mchis te/ sems can rnams la sangs rgyas bcom ldan 'das rnams kyi thugs rje chen po 
'jug pa ni ngo mtshar to/ /bcom ldan 'das de bzhin gshegs pas chos rnam par nges pa lung bstan pa lung ston pas gsang ba pa'i bdag po lag na rdo rje dga' bar gyur ba'i bdag nyid chen po ni ngo mtshar to snyam bgyid do/ /bcom ldan 'das gsang ba pa'i bdag po lag na rdo rjes de 
bzhin gshegs pa dgra bcom pa yang dag par rdzogs pa'i sangs rgyas ji snyed cig la dge ba'i rtsa ba bskyed na des 'di 'dra ba'i spobs pa dang ldan par gyur/ de skad ces gsol pa dang/ bcom ldan 'das kyis rgyal po ma skyes dgra la 'di skad ces bka' stsal to/ /rgyal po chen 
po sems can dge ba'i rtsa ba ma bskyed pa rnams kyis ni gnas 'di la mos par dka' ste/ 'on gyis kyang dge ba'i rtsa ba bskyed par gyur pa de dag ni mos par 'gyur ro/ /rgyal po chen po phyogs bcu'i 'jig rten gyi khams gang gA'i klung gi bye ma snyed po de dag ni bgrang ba'i tshul gyis 
mtha' rtogs par nus kyi/ gsang ba pa'i bdag po lag na rdo rjes sangs rgyas bcom ldan 'das ji snyed cig la mchod pa dang bsnyen bkur byas pa'i sangs rgyas bcom ldan 'das de dag ni bgrang ba'i tshul gyis mtha' rtogs par mi nus te/ de dag gi gan nas tshangs par spyad pa spyod 
pas des na spobs pa 'di lta bu dang ldan par gyur to/ /rgyal po chen po khyod kyis rnam grangs 'dis kyang 'di ltar rig par bya ste/ rgyal po chen po sngon byung ba 'das pa'i dus na bskal pa grangs med pa'i yang ches grangs med pa/ rgya che ba'i yang ches rgya che ba/ tshad med pa/ bsam gyis mi khyab par gyur pa </font><hr>39-1-186a<br><font size=+1>
de'i tshe de'i dus na ma smad pa zhes bya ba'i bskal pa la/ 'jig rten gyi khams rnam par rgyal ba can zhes bya bar de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ 
skyes bu 'dul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das rnam par zhi spyod ces bya ba 'jig rten du byung ste/ bcom ldan 'das de bzhin gshegs pa rnam par zhi spyod de/ rigs kyi bu dag khyed kyis lus dang srog kyang btang ste/ 
brtson 'grus brtsam par bya'o/ /zhes byang chub sems dpa'i gtam 'ba' zhig yang dag par ston to/ /rgyal po chen po de'i tshe byang chub sems dpa' dpa' stobs zhes bya ba 'khor der 'dus par gyur te 'dug pa des bcom ldan 'das de la 'di skad ces gsol to/ /bcom ldan 
'das kyis byang chub sems dpa' rnams lus dang srog kyang btang ste brtson 'grus brtsam par bya'o zhes de skad bka' stsal pa la/ bcom ldan 'das kyis bka' stsal pa'i don bdag gis 'tshal ba ltar na/ bcom ldan 'das byang chub sems dpa' 'di snyam du myur du bla na med pa 
yang dag par rdzogs pa'i byang chub mngon par rdzogs par 'tshang rgya bar bya'o/ /snyam du sems pa de ni le lo can du grags pa lags pa snyam bdag bgyid do/ /de ci'i slad du zhe na/ bcom ldan 'das byang chub sems dpa' brtson 'grus brtsams pa rnams ni 'khor ba la yongs su skyo ba'i blo skye bar mi 
'gyur te/ bcom ldan 'das byang chub sems dpa' rnams ni sems can yongs su smin par bgyi ba'i slad du 'khor ba la phan yon du lta ba lags kyi/ mya ngan las 'das pa la ni de lta ma lags te/ bcom ldan 'das byang chub sems dpa' rnams ni sems can gyi don la brtson pa lags so/ /de ci'i slad du 
zhe na/ bcom ldan 'das byang chub sems dpa' brtson 'grus la mos pa rnams la 'khor ba ni ches bde'i/ mya ngan las 'das pa ni de lta ma lags so/ /de ci'i slad du zhe na/ bcom ldan 'das byang chub sems dpa' sems can gyi don la brtson pa de dag ni ji lta ji ltar sems can rnams kyi don bgyid pa de lta de </font><hr>39-1-186b<br><font size=+1>
ltar bde bar 'gyur te/ bcom ldan 'das yongs su mya ngan las 'das na slad kyis ci zhig bgyi bar 'gyur/ bcom ldan 'das de lta lags pas byang chub sems dpas 'khor ba'i bde ba'i ro mi myang bar 'khor ba spyod yul du bgyi ste/ mya ngan las 'das pa spyod yul du mi bgyi'o/ /
bcom ldan 'das byang chub sems dpa' 'khor ba'i bde ba'i ro mi myang bar 'khor ba spyod yul du bgyid cing sems can gyi don la brtson pa ni sangs rgyas bcom ldan 'das tshad ma mchis pa mthong bar 'gyur/ chos tshad ma mchis pa nyan par 'gyur zhing sems can tshad ma mchis pa 
yongs su smin par bgyid do/ /bcom ldan 'das byang chub sems dpa' 'khor ba spyod yul du bgyid pa ni sems can gyi spyod yul gyi rjes su 'jug go/ /bcom ldan 'das byang chub sems dpa' mya ngan las 'das pa spyod yul du bgyid pa ni btang snyoms su lhung lags so/ /
bcom ldan 'das gal te byang chub sems dpa' 'khor ba'i spyod yul gyis skrag na spyod yul ma lags par lhung ste/ slad kyis sems can gyi don mi bgyid/ de bzhin gshegs pa'i spyod yul la gnas par mi 'gyur zhing sems can thams cad kyi nye bar 'tsho bar mi 'gyur lags 
so/ /de'i spyod yul ma lags pa gang zhe na/ 'di lta ste/ nyan thos dang/ rang sangs rgyas kyi sa 'tshal zhing sems can yongs su smin par bgyid pa la g.yel ba lags so/ /de ci'i slad du zhe na/ bcom ldan 'das nyan thos rnams kyi spyod yul gang lags pa ni byang chub sems dpa'i 
spyod yul ma lags so/ /de ci'i slad du zhe na/ bcom ldan 'das nyan thos dang/ rang sangs rgyas rnams ni 'khor bas skrag pa'i spyod yul ba lags so/ /byang chub sems dpa' rnams ni 'khor ba dpag tu ma mchis pa yongs su 'dzin pa lags te/ bcom ldan 'das de la byang 
chub sems dpas rang gi spyod yul la gnas par bgyi'o/ /rgyal po chen po de skad ces gsol pa dang/ de bzhin gshegs pa rnam par zhi spyod kyis byang chub sems dpa' dpa' stobs la 'di skad ces bka' stsal to/ /skyes bu dam pa khyod kyis tshig 'di legs par smras pa legs so legs </font><hr>39-1-187a<br><font size=+1>
so/ /byang chub sems dpas rang gi spyod yul gyi bya ba dag la gus par bya ste/ rang gi spyod yul la spyod par bya'i/ gzhan gyi spyod yul la spyad par mi bya'o/ /gsol pa/ bcom ldan 'das byang chub sems dpa' rnams kyi rang gi spyod yul gang 
lags/ bka' stsal pa/ rigs kyi bu byang chub sems dpa'i rang gi spyod yul ni 'di lta ste/ 'khor ba dpag tu med pa yongs su 'dzin pas mi skrag pa dang/ byang chub sems dpa'i spyod pa'i phan yon dang/ nyan thos dang/ rang sangs rgyas kyi sa la 'dod pa med pa 
dang/ nying mtshams sbyor ba med par yang shes la khams gsum du yang mtshams sbyor ba dang/ sel ba dang/ sdud pa dang/ dge ba'i rtsa ba rnams spel ba dang/ tshul la mkhas pa dang/ bsdu ba shes pa dang/ dge ba thams cad sogs pa la mkhas pa dang/ zad pa 
yang shes la bsod nams kyi tshogs mi zad pa la yang mkhas pa dang/ skye ba med pa yang rab tu rtogs la bsams bzhin du skye ba la yang mkhas pa dang/ sems can yang med la sems can yongs su smin par byed pa la yang mkhas pa dang/ chos thams cad dben par yang 
shes la dam pa'i chos yongs su gzung ba la yang mkhas pa dang/ sangs rgyas kyi zhing thams cad nam mkha'i rang bzhin du yang shes la sangs rgyas kyi zhing yongs su sbyong ba la yang mkhas pa dang/ sangs rgyas thams cad chos kyi sku yin par yang shes la mtshan dang dpe byad bzang 
po'i rgyan rnam par bsgrub pa yongs su tshol ba la yang mkhas pa dang/ mngon par 'du byed pa med par yang shes la dge ba'i rtsa ba thams cad mngon par 'du bya ba'i rgyun mi gcod pa la yang mkhas pa dang/ 'dus byas kyi chos kyang yongs su sbyod la don nyung zhing bya ba nyung ba dang/ sems can 
thams cad kyi ci bya'o cog la yang mkhas la lus dang sems dben par dga' ba yang shes pa dang/ chos bstan pa yang mi 'dor la smra ba la smad pa la yang mkhas pa dang/ bsam gtan yang skyed la bsam gtan gyi ro myang bar yang mi byed pa dang/ chos zab mo rtogs pa yang shes la sems </font><hr>39-1-187b<br><font size=+1>
can gyi spyod pa sna tshogs kyi rjes su yang 'jug cing gtam yang dag par ston pa la yang mkhas pa dang/ 'byung ba med par yang shes la bsams bzhin du srid pa yang yongs su 'dzin pa dang/ lhag mthong yang shes la 'bras bu thob par mi byed pa la yang mkhas pa dang/ nyan 
thos dang/ rang sangs rgyas kyi yul yang yin la de bzhin gshegs pa'i rnam par grol ba 'dod pa'i rgyun mi gcod pa la yang mkhas pa dang/ byang chub sems dpa'i spyod pa mi 'dor ba yang shes la sangs rgyas kyi yul la lta ba la yang mkhas pa ste/ rigs kyi bu 'di ni byang chub sems 
dpa' rnams kyi rang gi spyod yul lo/ /rgyal po chen po de ltar byang chub sems dpa' dpa' stobs des bcom ldan 'das de bzhin gshegs pa rnam par zhi spyod las spyod yul yongs su dag pa bstan pa 'di thos nas ngo mtshar du gyur te/ bcom ldan 'das de la 'di skad ces gsol 
to/ /bcom ldan 'das de bzhin gshegs pas byang chub sems dpa' rnams kyi rang gi spyod yul yongs su dag pa bstan pa 'di legs par gsungs pa ni ngo mtshar lags so/ /bcom ldan 'das kyis bka' stsal pa'i don bdag gis 'tshal ba dang/ bdag sems pa 
ltar na byang chub sems dpa' thabs la mkhas pa'i rang gi spyod yul ni chos thams cad lags pa snyam bgyid do/ /bcom ldan 'das 'di lta ste/ dper bgyi na gnas gang lags pa dang gzugs snang ba thams cad la mi sgrib pa dang/ /nam mkha'i spyod yul sgrib pa ma mchis pas 
gzugs su gda' ba thams cad ni nam mkha'i spyod yul lags so/ /bcom ldan 'das de bzhin du mngon par rdzogs par 'tshang rgya bas byang chub sems dpa' thabs la mkhas pa'i spyod yul ni chos thams cad lags so/ /bcom ldan 'das 'di lta ste/ dper bgyi na 
gnod pa ma mchis pa'i slad du gzugs su gda' ba thams cad ni nam mkha'i spyod yul lags te/ dug gi shing ljon pa'am/ sman gyi shing ljon pa'am/ tsher ma can gyi shing ljon pa'am/ me tog gi shing ljon pa'am/ 'bras bu'i shing ljon pa'am/ spos kyi shing ljon pa gang </font><hr>39-1-188a<br><font size=+1>
lags pa de dag thams cad ni nam mkha' las rnam par 'phel yang nam mkha' ni de dag gis kun nas nyon mongs par yang mi 'gyur/ rnam par byang bar yang mi 'gyur/ rjes su chags par yang mi 'gyur/ khong khro bar yang mi 'gyur lags so/ /bcom ldan 
'das de bzhin du byang chub sems dpa' thabs la mkhas pa shes rab las nges par byung ba'i rang gi spyod yul ni chos thams cad lags te/ so so skye bo'i chos gang dag lags pa dang/ slob pa'i chos dang/ mi slob pa'i chos dang/ rang sangs rgyas kyi chos dang/ byang chub sems 
dpa'i chos gang dag lags pa dang/ de bzhin gshegs pa'i chos gang dag lags pa rnams so/ /de ci'i slad du zhe na/ /de dag thams cad ni des mngon par rdzogs par rtogs par bgyi ba lags so/ /bcom ldan 'das 'di lta ste/ dper bgyi na zhugs ni rtswa'am nags 
tshal gang yang rung ste/ de las mi 'bros kyi de dag thams cad ni me sgron gsal bar 'bar bar bgyid pas phan par 'gyur lags so/ /bcom ldan 'das de bzhin du shes rab kyi me sgron 'bar bar bgyid pas chos thams cad ni byang chub sems dpa'i rang gi spyod yul lags 
so/ /bcom ldan 'das 'di lta ste/ dper bgyid na tshan po che'i lus ni zhugs kyis mi tshig /mtshon gyis mi khums/ dug gis mi khums te/ de pha rol gyi gnod pas mi tshugs so/ /bcom ldan 'das de bzhin du byang chub sems dpa'i shes rab dang/ ye shes kyang nyan 
thos dang 'dris par bgyid pa dang/ rang sangs rgyas dang 'dris par bgyid pa dang/ nyon mongs pa dang 'dris par bgyid pas zhi bar bgyid mi nus te/ de ji lta ji ltar 'dris par bgyid pa de lta de ltar byang chub sems dpa' lhag mthong la brtson pa shes rab gsal bar 'gyur ro/ /bcom ldan 
'das 'di lta ste/ dper bgyi na nor bu rin po che chab dang bar bgyid pa ni rnyog pa thams cad dang bar bgyid do/ /bcom ldan 'das de bzhin du byang chub sems dpa'i shes rab kyi rin po che yang sems can rnams kyi nyon mongs pa'i dri ma thams cad dang bar bgyid do/ /bcom ldan 'das 'di lta ste/</font><hr>39-1-188b<br><font size=+1>
dper bgyi na sman gyi rigs 'bral byed ces bgyi ba de ni dug dang lhan cig tu yang mi gnas la dug thams cad kyang zhi bar bgyid do/ /bcom ldan 'das de bzhin du byang chub sems dpa'i thabs dang shes rab bsgom pa yang sems can gyi nyon mongs pa'am/ rang gi nyon mongs pa 
rnams dang lhan cig mi gnas shing sems can rnams kyi nyon mongs pa thams cad kyang zhi bar bgyid de/ bcom ldan 'das rnam grangs 'dis na chos thams cad byang chub sems dpa'i rang gi spyod yul lags so/ /rgyal po chen po byang chub sems dpa' dpa' stobs kyis de 
skad bstan pa na srog chags brgyad stong gis bla na med pa yang dag par rdzogs pa'i byang chub tu sems bskyed do/ /byang chub sems dpa' nyis brgya ni mi skye ba'i chos la bzod pa skyes so/ /rgyal po chen po 'di ji snyam du sems de'i tshe de'i dus na bcom ldan 'das de bzhin gshegs pa rnam par 
zhi spyod kyi gsung rab la byang chub sems dpa' dpa' stobs zhes bya bar gyur pa de gzhan zhig yin snyam du sems na de ltar mi blta ste/ gsang ba pa'i bdag po lag na rdo rje 'di nyid de'i tshe de'i dus na byang chub sems dpa' dpa' stobs zhes bya bar gyur te/ rgyal po chen po skyes bu dam pa 
'di ni brtson 'grus kyi go cha brtan po 'di lta bu bgos so/ /de ltar sangs rgyas mang po la bsnyen bkur byas so/ /dpa' stobs kyi le'u zhes bya ba ste nyi shu rtsa gcig pa'o// //de nas rgyal po ma skyes dgra 'di snyam du sems te/ gsang ba pa'i bdag po lag na rdo rje'i 
lag pa g.yas pa na rdo rje thogs pa de ci lci ba zhig gam/ 'on te yang ba zhig /gang gi phyir na gsang ba pa'i bdag po lag na rdo rje 'di stobs kyi shugs chen po bdog pa zhes bya snyam mo/ /de nas gsang ba pa'i bdag po lag na rdo rjes rgyal po ma skyes dgra'i sems kyi rnam par rtog pa sems kyis 
shes nas rgyal po ma skyes dgra la 'di skad ces smras so/ /rgyal po chen po rdo rje 'di ni lci ba yang yin la yang ba yang yin no/ /smras pa/ ci'i phyir na lci ba yin la ji ltar na yang ba yang yin/ smras pa/ rgyal po chen po sems can nga rgyal dang/ rgyags pa dang/ dregs pas snyems pa rnams yongs su gdul </font><hr>39-1-189a<br><font size=+1>
ba'i phyir lci ba yin no/ /sems can nga rgyal med pa dang/ drang ba rnams la ni yang ba yin no/ /de nas gsang ba pa'i bdag po lag na rdo rjes sa phyogs de rdo rjer byin gyis brlabs nas rdo rje de sa'i steng du bzhag pa dang/ de bzhag ma thag tu stong gsum gyi stong chen 
po'i 'jig rten gyi khams rnam pa drug tu rab tu g.yos so/ /de nas gsang ba pa'i bdag po lag na rdo rjes rgyal po ma skyes dgra la 'di skad ces smras so/ /rgyal po chen po khyod kyis rdo rje 'di sa'i steng 'di nas theg shig /de nas rgyal po ma skyes dgra tshan po chen po'i stobs kyi 
shugs chen po dang ldan pas rdo rje de stobs kyi shugs thams cad kyis 'deg par bskyod na skra'i rtse mo tsam yang bskyod pa'am/ bsgul bar ma nus nas de ngo mtshar du gyur te thal mo sbyar nas bcom ldan 'das la 'di skad ces gsol to/ /bcom ldan 'das bdag ni tshan po chen po'i 
stobs kyi shugs dang ldan te/ go cha dang ya lad bskon pa'i glang po che yang lag pa ya cig gis gdeg pa'i rngo thog na/ bdag gis rdo rje 'di ltar chung ba 'di bskyod pa'am/ bsgul ba'i rdo yang ma thog na/ gdeg par lta smos kyang ci 'tshal te/ 'di la rgyu ci zhig mchis/ bcom 
ldan 'das kyis bka' stsal pa/ rgyal po chen po rdo rje 'di ni lci yis/ 'di la khyod yi ma 'chad cig /de nas rgyal po ma skyes dgras lha'i dbang po brgya byin la 'di skad ces smras so/ /kau shi ka khyod rdo rje 'chang ba zhes bya na rdo rje 'di sa'i steng 'di nas theg shig /de nas lha'i dbang po 
brgya byin gyis rang gi stobs kyi shugs dang/ rdzu 'phrul gyi stobs dang/ stobs kyi shugs thams cad bstan kyang rdo rje de bskyod pa'am/ bsgul bar ma nus so/ /de nas lha'i dbang po brgya byin ngo mtshar du gyur te/ bcom ldan 'das la 'di skad ces gsol to/ /bcom ldan 'das 
bdag gang gi tshe lha ma yin dang g.yul 'gyed pa de'i tshe lag pa g.yas pas lha ma yin gyi dbang po thag zangs ris kyi shing rta dpag tshad bdun brgya pa drag tu mchi ba yang 'dzin pa'i rngo thog na/ bdag gis rdo rje chung ngu 'di bskyod pa'am/ bsgul ba'i rngo ma thog pa 'di bcom ldan 'das ci lags/</font><hr>39-1-189b<br><font size=+1>
sangs rgyas kyi byin gyis brlabs lags sam/ bcom ldan 'das kyis bka' stsal pa/ kau shi ka rdo rje 'di ni lci ste/ 'di la nga'i byin gyi rlabs ma yin par rig par bya'o/ /kau shi ka 'di ji snyam du sems/ ri'i rgyal po ri rab lci ba yin nam/ gsol pa/ bcom ldan 'das 
ri'i rgyal po ri rab ji tsam du lci ba ni dper bgyi bar yang sla ba ma lags so/ /bcom ldan 'das kyis bka' stsal pa/ kau shi ka rdo rje 'di ni lci ste/ kau shi ka gal te gsang ba pa'i bdag po lag na rdo rjes rdo rje 'di rdo rje'i rang bzhin gyi 'khor yug gi ril bsnun na de yang dper na phub ma spar 
gang gtor ba bzhin du rnam par 'thor te/ kau shi ka rdo rje 'di'i stobs kyi shugs ni de tsam mo/ /de nas lha'i dbang po brgya byin gyis tshe dang ldan pa maud gal gyi bu chen po la 'di skad ces smras so/ /btsun pa maud gal gyi bu chen po khyod bcom ldan 'das kyi nyan thos rnams kyi nang na 
rdzu 'phrul dang ldan pa'i mchog tu bstan pa yin na rdo rje 'di sa'i steng 'di nas theg shig /de nas tshe dang ldan pa maud gal gyi bu chen pos 'di snyam du bsams te/ gal te bdag gis lha dang bcas pa'i 'jig rten 'di'i mdun du rdo rje 'di gdeg par ma nus na ni bdag la dbang za bar 'gyur ro/ /
snyam nas des de 'dra ba'i stobs kyi shugs kyis rdo rje de bzung ba dang/ stong gsum gyi stong chen po'i 'jig rten gyi khams 'di rnam pa drug tu g.yos rab tu g.yos te/ chu yang gnam du rgal cing/ rgya mtsho thams cad 'khrugs kyang rdo rje de bskyod pa'am/ bsgul bar ma nus so/ /de nas 
tshe dang ldan pa maud gal gyi bu chen po ngo mtshar du gyur nas bcom ldan 'das kyi zhabs gnyis la mgo bos phyag 'tshal te/ 'di skad ces gsol to/ /bcom ldan 'das bdag bcom ldan 'das kyis nyan thos rnams kyi nang na rdzu 'phrul dang ldan pa'i mchog tu bstan pa lags te/ 
bcom ldan 'das bdag de ltar rdzu 'phrul che zhing de ltar dbang che bar grags la de ltar mthu che ba lags te/ bcom ldan 'das bdag gang gi tshe 'tshal na rgya mtsho chen po bzhi'i chab kyi phung po lag mthil gcig tu 'jog go/ /bcom ldan 'das stong gsum gyi stong chen po'i 'jig rten gyi </font><hr>39-1-190a<br><font size=+1>
khams 'di yang dper bgyi na mi la la zhig gis kar Sha pa Na gcig mdzub mo'i rtse mos bsgre bzlog pa de bzhin du bdag gis bsgre bzlog go/ /bcom ldan 'das nyi ma dang zla ba 'di ltar rdzu 'phrul che zhing mthu che ba mchi ba yang bdag gis thogs par bgyid do/ /ri'i 
rgyal po ri rab kyang lag pa ya gcig gis blangs te tshangs pa'i 'jig rten gyi bar du 'phen to/ /bcom ldan 'das bdag gis klu'i rgyal po dga' bo dang/ nye dga' bo de gnyis kyang btul to/ /bcom ldan 'das bdag 'jig rten gyi khams 'od zer can du yang mchis/ bdag gis 
ri rab tsam gyi khams de dag kyang 'tshal 'tshal na/ bcom ldan 'das bdag gis rdo rje 'di ltar chung ba 'di bskyod pa'am/ bsgul ba'i rngo yang ma thog pa 'di bcom ldan 'das bdag rdzu 'phrul gyi stobs de las yongs su nyams pa'am gcig tu ma gyur lags sam/ bcom 
ldan 'das kyis bka' stsal pa/ maud gal gyi bu chen po khyod rdzu 'phrul gyi stobs de las yongs su nyams pa ni med mod kyi/ byang chub sems dpa'i stobs kyi byin gyi rlabs 'di nyan thos dang/ rang sangs rgyas thams cad kyis kyang rnam par dkrug par mi nus na/ sems can 
gzhan dag gis lta smos kyang ci dgos/ maud gal gyi bu sangs rgyas kyi zhing gang gA'i klung gi bye ma snyed dag na ri'i rgyal po ri rab yod pa rnams ni bskyod pa'am/ bsgul bar nus kyi/ rdo rje 'di ni sa phyogs 'di nas bskyod pa'am/ bsgul bar mi nus so/ /tshe dang ldan pa maud gal 
gyi bu chen pos gsol pa/ bcom ldan 'das 'di ltar rdo rje 'di 'chang bas gsang ba pa'i bdag po lag na rdo rje ni stobs che ba lags so/ /bcom ldan 'das kyis bka' stsal pa/ maud gal gyi bu stong gsum gyi stong chen po 'jig rten gyi khams na ri rab ji snyed yod pa de dag thams cad ri gcig 
tu gyur kyang de ni gdeg par nus kyi/ rdo rje 'di ni gdeg par mi nus so/ /de nas gnas brtan maud gal gyi bu chen po ngo mtshar du gyur te/ bcom ldan 'das la 'di skad ces gsol to/ /bcom ldan 'das 'di ltar rdo rje 'di 'chang bas gsang ba pa'i bdag po lag na rdo rje 'di ni stobs kyi </font><hr>39-1-190b<br><font size=+1>
shugs chen po dang ldan pa lags te ngo mtshar to/ /bcom ldan 'das ji lags/ gsang ba pa'i bdag po lag na rdo rje'i stobs de pha ma las gyur pa lags sam/ 'on te rdzu 'phrul gyi stobs lags/ bcom ldan 'das kyis bka' stsal pa/ maud gal gyi bu pha ma 
las gyur pa'i stobs de ni gang ci yang rung ste 'jug pa tsam du ming bstan par zad do/ /gal te byang chub sems dpa' rnams kyi rdzu 'phrul gyi stobs de ma lus par bstan na lha dang bcas pa'i 'jig rten myo myo por 'gyur ro/ /de nas bcom ldan 'das kyis glang po che'i lta 
stangs kyis phyogs thams cad du kun tu gzigs te/ gsang ba pa'i bdag po lag na rdo rje la 'di skad ces bka' stsal to/ /gsang ba pa'i bdag po khyod kyis rdo rje 'di sa'i steng 'di nas theg shig /de nas gsang ba pa'i bdag po lag na rdo rjes de'i tshe stong gsum gyi stong chen po'i 
'jig rten gyi khams g.yos par byas nas sa'i steng de nas rdo rje de lag pa g.yon pas blangs te/ steng gi bar snang du 'phangs nas des de bar snang la lan bdun bskor te/ lag pa g.yas par gzhag go/ /de na thams cad dang ldan pa'i 'khor de ngo mtshar du gyur te thal mo sbyar nas 
gsang ba pa'i bdag po lag na rdo rje la phyag 'tshal te/ 'di ltar rdo rje 'di 'chang bas gsang ba pa'i bdag po lag na rdo rje ji tsam du stobs kyi shugs dang ldan pa ni ngo mtshar to/ /bcom ldan 'das sems can thams cad kyang 'di lta bu'i stobs dang ldan par gyur cig ces smras so/ /de nas 
bcom ldan 'das la rgyal po ma skyes dgras 'di skad ces gsol to/ /bcom ldan 'das byang chub sems dpa' chos du dang ldan na stobs 'di lta bu 'thob/ bcom ldan 'das kyis bka' stsal pa/ rgyal po chen po byang chub sems dpa' chos bcu dang ldan na stobs 'di lta bu 'thob ste/ 
bcu gang zhe na/ rgyal po chen po 'di la byang chub sems dpa' lus dang srog ni yongs su gtong gi dam pa'i chos ni yongs su mi gtong ba dang/ sems can thams cad la 'dud cing nga rgyal 'phel bar mi byed pa dang/ sems can mthu chung ba rnams la bzod cing khong khro bar mi byed pa dang/ sems </font><hr>39-1-191a<br><font size=+1>
can bkres pa rnams la kha zas bzang po mchog sbyin pa dang/ sems can 'jigs pa rnams la mi 'jigs pa sbyin pa dang/ sems can nad pa rnams la yang dag pa'i gso ba bya bar spro ba dang/ sems can dbul po rnams la longs spyod dag gis tshim par byed pa 
dang/ de bzhin gshegs pa'i mchod rten la rdo thal gyis skud pa dang/ sems can rnams la kun tu dga' bar 'gyur ba'i tshig sgrogs pa dang/ sems can dbul po sdug bsngal ba/ ngal ba chad pa rnams kyi khur khyer ba ste/ rgyal po chen po byang chub sems dpa' chos bcu 
po de dag dang ldan na stobs 'di lta bu 'thob bo/ /gsol pa/ bcom ldan 'das ji ltar na byang chub sems dpa' cang shes pa la gnas shing cang shes pa'i 'gro bar 'gro ba lags/ bcom ldan 'das kyis bka' stsal pa/ rgyal po chen po byang chub sems dpa' chos brgyad dang ldan na cang shes 
par 'gyur zhing cang shes pa'i 'gro bar 'gro ste/ brgyad gang zhe na/ 'di lta ste/ bka' blo bde ba dang/ drang ba dang/ mnyen pa dang/ des pa dang/ g.yo med pa dang/ sgyu med pa dang/ phrag dog med pa dang/ sems las su rung ba ste/ rgyal po chen po byang chub sems dpa' chos brgyad po de dag dang ldan na cang shes 
par 'gyur zhing cad shes pa'i 'gro bar 'gro'o/ /gsol pa/ bcom ldan 'das byang chub sems dpa' rnams kyi cang shes kyi 'gro ba du zhig mchis/ bcom ldan 'das kyis bka' stsal pa/ rgyal po chen po byang chub sems dpa' rnams kyi cang shes kyi 'gro ba bzhi ste/ bzhi gang zhe na/ gang gi tshe mi'i 'jig rten 
du skyes pa de'i tshe 'khor los sgyur ba'i rgyal por 'gyur te/ der yang sangs rgyas 'byung ba mnyes par byed pa dang/ lha'i dbang po brgya byin du 'gyur te/ der yang sangs rgyas 'byung ba mnyes par byed pa dang/ mi mjed kyi bdag po tshangs par 'gyur te/ der yang sangs rgyas 'byung ba mnyes par byed pa dang/ 
khyim bdag tshong dpon du 'gyur te/ der yang sangs rgyas 'byung ba mnyes par byed pa ste/ rgyal po chen po bzhi po de dag ni byang chub sems dpa' rnams kyi cang shes kyi 'gro ba'o/ /rgyal po ma skyes dgras gsol pa/ bcom ldan 'das dad pa'i rgyu 'thun pa ci lags/ bcom ldan 'das kyis bka' stsal pa/</font><hr>39-1-191b<br><font size=+1>
rgyal po chen po dad pa'i rgyu 'thun pa ni dge ba'i bshes gnyen no/ /gsol pa/ bcom ldan 'das sbyin pa'i rgyu 'thun pa ci lags/ bka' stsal pa/ rgyal po chen po sbyin pa'i rgyu 'thun pa ni longs spyod do/ /gsol pa/ bcom ldan 'das thos pa'i rgyu 'thun pa ci lags/ 
bka' stsal pa/ rgyal po chen po thos pa'i rgyu 'thun pa ni shes rab bo/ /gsol pa bcom ldan 'das tshul khrims kyi rgyu 'thun pa ci lags/ bka' stsal pa/ rgyal po chen po tshul khrims kyi rgyu 'thun pa ni bde 'gro thams cad du 'gro ba'o/ /gsol pa/ bcom ldan 'das bzod pa'i 
rgyu 'thun pa ci lags/ bka' stsal pa/ rgyal po chen po bzod pa'i rgyu 'thun pa ni sems can rjes su srung ba'o/ /gsol ba/ bcom ldan 'das brtson 'grus kyi rgyu 'thun pa ci lags/ bka' stsal pa/ rgyal po chen po brtson 'grus kyi rgyu 'thun pa ni sangs rgyas kyi chos thams 
cad yongs su rdzogs par byed pa'o/ /gsol pa/ bcom ldan 'das bsam gtan gyi rgyu 'thun pa ci lags/ bka' stsal ba/ rgyal po chen po bsam gtan gyi rgyu 'thun pa ni nye bar zhi ba'o/ /gsol pa/ /bcom ldan 'das shes rab kyi rgyu 'thun pa ci lags/ bka' stsal 
pa/ rgyal po chen po shes rab kyi rgyu 'thun pa ni nyon mongs pa thams cad sel ba'o/ /gsol pa/ bcom ldan 'das chos nyan pa'i rgyu 'thun pa ci lags/ bka' stsal pa/ rgyal po chen po chos nyan pa'i rgyu 'thun pa ni the tsom spong ba'o/ /gsol ba/ bcom ldan 'das chos yongs su 'dri ba'i rgyu 'thun pa 
ci lags/ bka' stsal pa/ rgyal po chen po chos yongs su 'dri ba'i rgyu 'thun pa ni som nyi med pa'o/ /gsol pa/ bcom ldan 'das dben bar gnas pa'i rgyu 'thun pa ci lags/ bka' stsal pa/ rgyal po chen po dben par gnas pa'i rgyu 'thun pa ni bsam gtan dang mngon par shes pa thob pa'o/ /gsol pa/ 
bcom ldan 'das bsgom pa'i rgyu 'thun pa ci lags/ bka' stsal pa/ rgyal po chen po bsgom pa'i rgyu 'thun pa ni 'bral ba'o/ /gsol ba bcom ldan 'das mi rtag pa thos pa'i rgyu 'thun pa ci lags/ bka' stsal pa/ rgyal po chen po mi rtag pa thos pa'i rgyu 'thun pa ni yongs su 'dzin pa 'dor ba'o/ /gsol pa/</font><hr>39-1-192a<br><font size=+1>
bcom ldan 'das sdug bsngal thos pa'i rgyu 'thun pa ci lags/ bka' stsal pa/ rgyal po chen po sdug bsngal thos pa'i rgyu 'thun pa ni nye bar len pa med pa'o/ /gsol pa/ bcom ldan 'das bdag med pa thos pa'i rgyu 'thun pa ci lags/ bka' stsal pa/ rgyal 
po chen po bdag med pa thos pa'i rgyu 'thun pa ni ngar 'dzin pa dang/ nga yir 'dzin pa 'gog pa'o/ /gsol pa/ bcom ldan 'das zhi ba thos pa'i rgyu 'thun pa ci lags/ bka' stsal pa/ rgyal po chen po zhi ba thos pa'i rgyu 'thun pa ni nye bar zhi ba'o/ /gsol pa/ bcom ldan 
'das tshul bzhin yid la bgyid pa'i rgyu 'thun pa ci lags/ bka' stsal pa/ rgyal po chen po tshul bzhin yid la byed pa'i rgyu 'thun pa ni 'phags pa'i yang dag pa'i lta ba skye ba'o/ /gsol pa/ bcom ldan 'das lus dang sems dben pa'i rgyu 'thun pa ci lags/ bka' 
stsal pa/ rgyal po chen po lus dang sems dben pa'i rgyu 'thun pa ni bsam gtan dang mngon par shes pa skye ba'o/ /gsol pa/ /bcom ldan 'das lam gyi rgyu 'thun pa ci lags/ bka' stsal pa/ rgyal po chen po lam gyi rgyu 'thun pa ni 'bras bu mngon par rtogs pa'o/ /
gsol pa/ bcom ldan 'das mos pa'i rgyu 'thun pa ci lags/ bka' stsal pa/ rgyal po chen po mos pa'i rgyu 'thun pa ni rnam par grol ba yongs su rdzogs par byed pa'o/ /gsol pa/ bcom ldan 'das sangs rgyas 'byung ba'i rgyu 'thun pa ci lags/ bka' stsal pa/ rgyal 
po chen po sangs rgyas 'byung ba'i rgyu 'thun pa ni byang chub kyi phyogs kyi chos thams cad 'thob pa'o/ /gsol pa/ bcom ldan 'das sangs rgyas 'byung ba ji lta bu lags/ bka' stsal pa/ rgyal po chen po byang chub tu sems bskyed pa ji lta ba bzhin no/ /gsol pa/ bcom ldan 'das byang chub tu 
sems bskyed pa ji lta bu lags/ bka' stsal pa/ rgyal po chen po snying rje chen po bskyed pa ji lta ba bzhin no/ /gsol pa/ bcom ldan 'das sangs rgyas 'byung ba su'i lags/ bka' stsal pa/ rgyal po chen po su dad pa skyed pa'i 'o/ /gsol pa/ bcom ldan 'das dad pa skyed pa su lags/ bka' </font><hr>39-1-192b<br><font size=+1>
stsal pa/ rgyal po chen po su byang chub tu sems bskyed pa'o/ /gsol pa/ bcom ldan 'das byang chub tu sems bskyed pa de su lags/ bka' stsal pa/ rgyal po chen po su lhag pa'i bsam pa rnam par mi 'khrugs pa'o/ /gsol pa/ bcom ldan 'das su'i lhag 
pa'i bsam pa rnam par mi 'khrugs pa lags/ bka' stsal pa/ rgyal po chen po su snying rje chen po skyed pa'o/ /gsol pa/ bcom ldan 'das snying rje chen po skyed pa ji lta bu lags/ bka' stsal pa/ rgyal po chen po ji ltar sems can rnams la yongs su mi gtong ba 
skyed pa lta bu'o/ /gsol pa/ bcom ldan 'das ji ltar na sems can rnams yongs su mi gtong ba lags/ bka' stsal pa/ rgyal po chen po gang gi tshe bdag gi bde ba yongs su gtong ba'o/ /gsol pa/ bcom ldan 'das bdag gi bde ba yongs su gtong ba ji lta bu 
lags/ bka' stsal pa/ rgyal po chen po su dkon mchog gsum yongs su mi gtong ba yin no/ /gsol pa/ bcom ldan 'das dkon mchog gsum yongs su mi gtong ba su lags/ bka' stsal pa/ rgyal po chen po su nyon mongs pa thams cad yongs su gtong ba de dkon 
mchog gsum yongs su mi gtong ba yin no/ /de nas bcom ldan 'das la rgyal po ma skyes dgras 'di skad ces gsol to/ /ji tsam du de bzhin gshegs pas chos 'dul ba bstan pa legs par gsungs pa dang/ ji tsam du de bzhin gshegs pas bslab pa legs par bcas 
pa dang/ ji tsam du sangs rgyas bcom ldan 'das rnams kyi chos bstan pa rjes su 'thun pa dang/ rgyu dang 'bras bu chab mi 'tshal ba dang/ rtag pa dang/ chad pa ma mchis pa dang/ las dang bya ba la 'jug pa bstan pa dang/ dge ba dang mi dge ba chab mi 'tshal ba dang/ mi slu ba'i mtshan nyid 
legs par gsungs pa ni bcom ldan 'das ngo mtshar lags so/ /bde bar gshegs pa ngo mtshar lags so/ /bcom ldan 'das dge ba'i rtsa ba ma bskyed pa dang/ sdig pa'i grogs pos yongs su zin pa dag ma gtogs pa 'di ltar rgya che zhing 'di ltar gya nom pa'i bstan pa 'di la brtson pa </font><hr>39-1-193a<br><font size=+1>
rnams la su zhig zlog par bgyid/ gnod par bgyid/spong bar bgyid/ bcom ldan 'das bdag gis ni sngon gyi dge ba'i rtsa ba rnams la byas pa mi gzo bar mi bgyi'o/ /gang gi mthus bdag nyon mongs pa'i dri ma thams cad dang/ sdig pa thams cad las rnam par 
log pa'i de bzhin gshegs pa la bdag gi sha dang/ khrag gis kyang bka' drin glan pa'i rngo mi thog lags so/ /bcom ldan 'das gang gi mthus bdag gis bzang po ma lags pa'i 'gyod pa chen po bsal ba dang/  chos snang ba chen po thob par bgyid pa'i 'jam dpal gzhon 
nur gyur pa yun ring po'i dge ba'i bshes gnyen la yang bdag gis lan glan pa'i rngo mi thog lags so/ /tshangs pa'i spyod pa 'di mtha' dag ni 'di lta ste/ dge ba'i bshes gnyen las byung ngo/ /zhes bgyi ba ni bcom ldan 'das kyis legs par gsungs pa'o/ /
ma skyes dgras zhus pa lung bstan pa'i le'u zhes bya ba ste nyi shu rtsa gnyis pa'o// //bam po bcu pa ste tha ma/ de nas byang chub sems dpa' sems dpa' chen po zhi ba'i blo gros kyis gsang ba pa'i bdag po lag na rdo rje la 'di skad ces smras so/ /gsang ba 
pa'i bdag po gang gi tshe bcom ldan 'das kyis sprul pa sprul pa de'i tshe/ khyod kyang sprul pa sprul lam/ lag na rdo rjes smras pa/ bcom ldan 'das mngon sum du bzhugs pa 'di kho bo'i dbang yin te/ zhi ba'i blo gros gal te de bzhin gshegs pas de bzhin gshegs 
pa gang gA'i klung gi bye ma snyed cig sprul na kho bo'i sprul pa gzugs tha dad pa/ rnam par rtsen pa tha dad pa yang de snyed de dag gi rjes su 'brang ba yin te/ zhi ba'i blo gros 'di ni sngon gyi bsam pa yongs su dag pa'i rgyu 'thun pa'o/ /de nas byang chub sems dpa' zhi ba'i blo 
gros kyis gsang ba pa'i bdag po lag na rdo rje la 'di skad ces smras so/ /gsang ba pa'i bdag po gang gi phyir phyi ma'i tshe lnga brgya tha ma la chos kyi rnam grangs 'di spyod pa dang/ rgyas par 'gyur ba dang/ chos kyi rnam grangs 'di dam pa'i chos yongs su 'dzin pa skyes bu dam pa de dag gi </font><hr>39-1-193b<br><font size=+1>
lag tu 'gro bar de bzhin gshegs pa la gsol ba thob shig /gsang ba pa'i bdag pos smras pa/ rigs kyi bu chos kyi rnam grangs 'di sangs rgyas thams cad kyis byin gyis brlabs zin to/ /de ci'i phyir zhe na/ yi ge gang dag gis chos kyi rnam grangs 'di bsnyad 
pa'i yi ge de dag ni ma skyes pa/ zad par mi 'gyur ba/ nub par mi 'gyur ba'o/ /yi ge gang dag gis don gang brjod pa'i don de yang nub par bya bar mi nus pa'o/ /zhi ba'i blo gros de bzhin gshegs pa'i dam pa'i chos ni nub par 'gyur ba ma yin no/ /de ci'i phyir zhe na/ 
de la skye ba ci yang med do/ /gang skye ba med pa de mi 'gag go/ /bcom ldan 'das kyis 'di la dgongs nas de bzhin gshegs pa rnams byung yang rung ma byung yang rung ste/ chos rnams kyi chos nyid dang/ chos kyi dbyings dang/ chos gnas pa nyid dang/ chos ji lta ba bzhin 
'di ni 'dug pa nyid do/ /zhes gsungs te/ de ltar na rten cing 'brel par 'byung ba dang mi 'gal ba yin no/ /gang rten cing 'brel par 'byung ba dang mi 'gal ba de dam pa'i chos yin no/ /dam pa'i chos gang yin pa de rtag par mi nub ste/ des na dam pa'i chos zhes bya'o/ /zhi 
ba'i blo gros kyis smras pa/ gsang ba pa'i bdag po gang dag dam pa'i chos yongs su gzung ba'i phyir go cha gyon pa de dag gang du go cha gyon/ smras pa/ gang dag dam pa'i chos yongs su gzung ba'i phyir go cha gyon pa de dag ni chos thams cad dang mi 'gal bar bya ba'i phyir go cha gyon no/ /de ci'i 
phyir zhe na/ gang chos thams cad dang mi 'gal ba de nyid dam pa'i chos so/ /smras pa/ ji ltar na chos dang 'gal ba yin/ smras pa/ yi ge dang 'gal na chos dang 'gal ba yin te/ chos dang ni nam yang 'gal bar mi 'gyur ro/ /de la gang dag mi 'gal ba de dag dam pa'i 
chos yongs su 'dzin pa'o/ /smras pa/ gsang ba pa'i bdag po gang dag 'jig rten thams cad dang 'gal ba de dag dam pa'i chos yongs su 'dzin pa'i rnam grangs yod dam/ smras pa/ zhi ba'i blo gros yod de/ de ci'i phyir zhe na/ zhi ba'i blo gros 'jig rten ni lta ba la mngon par </font><hr>39-1-194a<br><font size=+1>
zhen pa yin la/ de ni stong pa nyid du smra ba yin te/ des na de 'jig rten thams cad dang 'gal lo/ /'jig rten ni rtag pa dang/ bde ba dang/ bdag dang/ bdag gir smra ba yin la de ni mi rtag pa dang/ sdug bsngal ba dang/ bdag med pa dang/ mi sdug pa dang/ 
bdag dang bdag gir med par smra ba yin te/ des na de 'jig rten thams cad dang 'gal lo/ /'jig rten ni rgyun phyogs su 'gro ba yin la de ni rgyun las bzlog ste/ 'gro bas des na de 'jig rten thams cad dang 'gal lo/ /'jig rten ni tshe 'di lhur len pa yin la/ de ni 
tshe rabs 'pho ba lhur len pa yin te/ des na de 'jig rten thams cad dang 'gal lo/ /'jig rten ni phung po dang/ khams dang/ skye mched rnams la mngon par zhen pa yin la de ni chos thams cad la mngon par zhen pa med par bya ba'i phyir chos ston to/ /des na de 'jig rten 
thams cad dang 'gal lo/ /zhi ba'i blo gros rnam grangs 'dis na gang dag 'jig rten thams cad dang 'gal ba de dag dam pa'i chos yongs su 'dzin to/ /smras pa/ gsang ba pa'i bdag po khyod dam pa'i chos yongs su 'dzin tam/ smras pa rigs kyi bu yongs su 'dzin te/ 
bdag yongs su mi 'dzin/ sems can yongs su mi 'dzin/ chos yongs su mi 'dzin to/ /smras pa/ ji ltar yongs su 'dzin/ smras pa/ bdag dben pa dang/ sems can dben pa dang/ chos dben pa dang/ bdag dang/ sems can dang/ chos dben pa ma yin pa dang/ 
'das pa dben pa dang/ ma 'ongs pa dben pa dang/ da ltar byung ba dben pa dang/ 'das pa dang/ ma 'ongs pa dang/ da ltar byung ba'i dus dben pa dang/ 'das pa dang/ ma 'ongs pa dang/ da ltar byung ba'i dus dben pa ma yin pa dang/ sangs rgyas dben pa dang/ sangs rgyas dben pa ma yin 
pa dang/ zhing dben pa dang/ zhing dben pa ma yin pa dang/ chos dben pa dang/ chos dben pa ma yin par gang de ltar chos rnams rjes su rtogs pa de ni dam pa'i chos yongs su 'dzin pa'o/ /de nas bcom ldan 'das kyis gsang ba pa'i bdag po lag na rdo rje la legs so zhes bya ba gnang </font><hr>39-1-194b<br><font size=+1>
ste/ skyes bu dam pa legs so legs so/ /'di ni dam pa'i chos yongs su 'dzin pa'o/ /gsang ba pa'i bdag po dam pa'i chos yongs su 'dzin pa ni gang chos thams cad mi 'dzin pa dang/ mchog tu 'dzin pa med pa dang/ gang chos thams cad la mtshan ma dang spros par mi 
'dzin pa dang/ kun tu spyod pa med pa dang/ gang yongs su rtog pa thams cad la mi rtog cing rnam par mi rtog pa'o/ /de'i tshe lha'i bu rgyal po bzang zhes bya ba 'khor de nyid du 'dus par gyur pa des bcom ldan 'das la 'di skad ces gsol to/ /bcom ldan 'das nye bar zhi ba ni 
sangs rgyas kyi bka' lags so/ /bcom ldan 'das sangs rgyas kyi bka' ni nye bar zhi bar bgyi ba'i ched lags te/ nye bar zhi ba gang lags pa des sangs rgyas kyi bka'o/ /bcom ldan 'das de la gang dag dmigs pa thams cad nye bar zhi bar mthong ba de dag nye bar zhi ba lags 
te/ de dag ni slad kyis 'bar ba ma lags/ mched pa ma lags 'bar bar bgyid pa ma lags so/ /gang dag zhi ba dang/ rab tu zhi ba dang/ nye bar zhi ba de dag de bzhin gshegs pa'i dam pa'i chos 'dzin cing mi 'dor ba lags te/ ji ltar chos thams cad mi 'dzin mi 
'dor ba de ltar 'dzin to/ /lha'i bu des de skad bstan pas dge slong stong ni sems rnam par grol lo/ /lha'i bu stong ni chos kyi mig rnam par dag go/ /de nas byang chub sems dpa' zhi ba'i blo gros kyis lha'i bu rgyal po bzang la 'di skad ces smras so/ /lha'i bu spobs pa 
'di su'i yin/ smras pa/ spobs pa 'di ni su bag chags thams cad spangs pa dang/ tshig gi lam thams cad med pa dang/ don dam pa brjod du med pa dang/ mngon par zhen pa med pa de dag gi spobs pa yin no/ /smras pa/ lha'i bu spobs pa ji ltar skye/ smras pa/ spobs pa 
med pa dang/ spobs pa ma yin pa'i phyir ro/ /de ci'i phyir zhe na/ spobs pa med pa zhes bya ba de ni nying mtshams sbyor ba med pa'i tshig go/ /spobs pa ma yin pa zhes bya ba de ni spros pa med pa'i tshig go/ /rigs kyi bu 'di skad du spobs pa 'di su'i yin zhes smras pa la/ 'di ni su gzhan gyi rnam par </font><hr>39-1-195a<br><font size=+1>
rig pa la rnam par shes pa mi 'jug pa dang/ bdag gi rnam par rig pa la rnam par shes pa mi gnas pa de'i spobs pa'o/ /'di ni su dmigs pa la yang yid kyi rnam par rig pa mi dmigs la dmigs pa med pa'i chos nyid la yang mi gnas pa de'i spobs pa'o/ /
'di ni su chos thams cad la yang shes pa mi 'jug la de shes pas chos gang yang rab tu ma rtogs pa med pa de'i spobs pa'o/ /'di ni su gnas pa med pa dang/ len pa med pa dang/ 'dor ba med pa dang/ chu bo las rgal ba de'i spobs pa'o/ /'di ni skye ba med la skyes pa dang 'gog pa yang 
med la mya ngan las 'da' bar yang 'gyur ba de'i spobs pa'o/ /de nas bcom ldan 'das la byang chub sems dpa' zhi ba'i blo gros kyis 'di skad ces gsol to/ /bcom ldan 'das lha'i bu rgyal po bzang 'di'i spobs pa ni ngo mtshar lags so/ /bcom ldan 'das kyis bka' stsal pa/ 
zhi ba'i blo gros lha'i bu rgyal po bzang 'di ni gsang ba pa'i bdag po lag na rdo rjes de bzhin gshegs pa'i gsang ba bstan pa'i chos kyi rnam grangs 'di nyan par 'dod nas de bzhin gshegs pa mi 'khrugs pa'i sangs rgyas kyi zhing 'jig rten gyi khams mngon par dga' ba nas 'dir 'ongs so/ /
zhi ba'i blo gros lha'i bu rgyal po bzang 'dis chos kyi rnam pa'i rjes su 'jug pa zhes bya ba'i gzungs thob ste/ de 'dod na bskal pa brgya stong du thogs pa med pa'i spobs pas bstan kyang 'di'i spobs pa zad par mi 'gyur ro/ /rgyal po bzang gi le'u zhes bya ba ste nyi shu rtsa gsum 
pa'o// //de nas bcom ldan 'das la byang chub sems dpa' zhi ba'i blo gros kyis 'di skad ces gsol to/ /bcom ldan 'das chos kyi rnam pa'i rjes su 'jug pa zhes bgyi ba'i gzungs de gang lags/ bcom ldan 'das kyis bka' stsal pa/ zhi ba'i blo gros chos kyi 
rnam pa'i rjes su 'jug pa ni gang yi ge rnams la yi ge'i rjes su 'jug pa shes pa ste/ zhi ba'i blo gros chos thams cad ni a zhes bya ba'i rjes su 'jug pa'o/ /chos thams cad ni a zhes bya ba'i sgo'o/ /a zhes bya ba las byung ba'o/ /a zhes bya ba'i mtha'o/ /a zhes bya ba ni tshig gi </font><hr>39-1-195b<br><font size=+1>
las thams cad la las byed do/ /a zhes bya ba ni mi shes pa'o/ /rnam par ma shes pa'o/ /chos thams cad ni a zhes bya ba'i rjes su 'jug ste/ de'i phyir rnam pa'i rjes su 'jug pa zhes bya ba'i gzungs zhes bya'o/ /zhi ba'i blo gros rjes su 'jug pa ni de la chos phra rab tsam yang 
zhugs pa med pa dang/ byung ba med pa'o/ /zhi ba'i blo gros yi ge de dag ni ga zhig nas lhags nas khong pa'i nang du 'jug pa med do/ /yi ge de dag ni khong pa'i nang du gnas pa ma yin no/ /yi ge de dag ni byung nas phyogs ga zhig tu 'gro ba ma yin no/ /yi ge de dag ni phan tshun 'bar 
bar byed pa ma yin no/ /yi ge de dag ni smras kyang rung ma smras kyang rung ste/ zad par 'gyur ba'am/ 'phel bar 'gyur ba ma yin no/ /yi ge de dag ni chos zhe'am/ chos ma yin zhes bya bar rnam par mi rtog go/ /yi ge de dag ni sus kyang bskyed pa'am/ bkag pa med do/ /
yi ge de dag ni sus kyang byas pa'am/ chud gzan pa med do/ /zhi ba'i blo gros yi ge bgrang ba ji lta bar sems bgrang ba yang de bzhin no/ /sems bgrang ba ji lta bar chos thams cad bgrang ba yang de bzhin no/ /chos thams cad bgrang ba ji lta bar bgrang ba med pa yang de bzhin no/ /
de ci'i phyir zhe na/ chos ni bgrang bar nye bar 'gro ba ma yin te bgrang ba med pa ni chos bgrang ba'o/ /ji ltar chos bgrang bar nye bar mi 'gro ba bzhin du a zhes bya ba'i rjes su 'jug pa yang de lta bu ste/ gzod ma nyid nas ma skyes pa la 'jug pa/ skye ba med pa la 'jug pa'o/ /ma skyes pa 
dang ma byung ba gang yin pa de la 'jug pa gang yang med do/ /de ltar na 'jug pa med pa ni rjes su 'jug pa'o/ /zhi ba'i blo gros su bgrang ba 'di la zhugs pa de'i spobs pa rgyun gcad par mi nus so/ /de ci'i phyir zhe na/ rgyun chad pa med pas des chos nyid rjes su rtogs so/ /des chos nyid 
mi zad par rjes su rtogs so/ /de ji lta ji ltar chos ston pa de lta de ltar chos de dag rjod cing mngon du 'gyur ro/ /de chos kyi rnam pa'i rjes su 'jug pa 'di lta bu 'dis sems can gyi rnam pa la 'jug go/ /sems can gyi rnam pa'i rjes su 'jug pas mos pa ji lta ba bzhin du chos ston to/ /</font><hr>39-1-196a<br><font size=+1>
zhi ba'i blo gros gzungs thob pa'i byang chub sems dpa' ni sems kyi dri ma med pa yin no/ /bsam pas rnam par dag pa yin no/ /sbyor bas gtsang ma yin no/ /lhag pa'i bsam pas mngon du 'phags pa yin no/ /bsgrub pa la legs par gnas pa yin no/ /
shes rab kyis mngon du 'phags pa yin no/ /dam bcas pa nyams 'og tu chud pas brtan pa yin no/ /bdud rnams kyis mi shigs pa yin no/ /pha rol mu stegs byed rnams kyis mi 'dus pa yin no/ /nyon mongs pa rnams kyis mi rdzi ba yin no/ /pha rol rgol ba 
rnams kyis mi thub pa yin no/ /lus kyis stobs dang ldan pa yin no/ /sems kyis zhum pa med pa yin no/ /spobs pas mi zad pa yin no/ /bstan pa rnams la mtha' yas pa yin no/ /nges pa'i tshig rnams la mu med pa yin no/ /ye shes kyis chags pa med pa yin no/ /
blos gting dpag dka' ba yin no/ /bden pa bstan pa rnams la don zab pa yin no/ /thos pas rgya mtsho lta bu yin no/ /ting nge 'dzin gyis lhun po dang mtshungs pa yin no/ /'khor gyi nang na seng ge dang mtshungs pa yin no/ /'jig rten gyi chos rnams la pad ma dang mtshungs pa yin no/ /
sems can thams cad kyi nye bar 'tsho bas sa dang mtshungs pa yin no/ /nyon mongs pa dang sred pa 'khru bas chu dang mtshungs pa yin no/ /sems can thams cad yongs su smin par byed pas me dang mtshungs pa yin no/ /sems can thams cad la sems mnyam pas zla ba dang mtshungs pa 
yin no/ /nyon mongs pa'i mun pa sel bas nyi ma dang mtshungs pa yin no/ /nyon mongs pa'i dgra 'joms pas dpa' bo dang mtshungs pa yin no/ /sems shin tu dul bas glang po dang mtshungs pa yin no/ /chos mngon du sgrogs pas 'brug dang mtshungs pa yin no/ /chos kyi char 'bebs 
pas char pa dang mtshungs pa yin no/ /sems can rnams kyi nyon mongs pa'i nad zhi bar byed pas sman pa dang mtshungs pa yin no/ /chos kyi rgyal srid byed pas rgyal po dang mtshungs pa yin no/ /'jig rten gyi chos skyong bas 'jig rten skyong ba dang mtshungs pa yin no/ /lha dang mi rnams kyi spyan du gyur </font><hr>39-1-196b<br><font size=+1>
pas brgya byin dang mtshungs pa yin no/ /dbang thob ste rang gi sems la dbang sgyur bas tshangs pa dang mtshungs pa yin no/ /gnas med par rgyu bas bya dang mtshungs pa yin no/ /'du 'dzis 'jigs shing skrag pas ri dgas dang spre'u dang mtshungs pa yin no/ /sems can thams cad kyi nyes par 
byas pa thams cad bzod pas ma dang mtshungs pa yin no/ /bzo thams cad slob pas pha dang mtshungs pa yin no/ /chos rin po che thams cad sbyin pas rnam thos kyi bu dang mtshungs pa yin no/ /bsod nams dag gis brgyan pa yin no/ /mtshan rnams kyis klubs pa yin no/ /
dpe byad bzang po rnams kyis spras pa yin no/ /'jig rten gyis blta bar bya ba yin no/ /lta ba'i gzhi yin no/ /'phags pa'i nor bdun dang ldan pas mi dbul ba yin no/ /sangs rgyas rnams kyis yongs su bzung ba yin no/ /rig pa rnams kyis bsngags pa yin no/ /mkhas 
pa thams cad kyis skur pa mi gdab pa yin no/ /lha rnams kyis legs par bsrungs pa yin no/ /klu dang gnod sbyin rnams kyis legs par bzung ba yin no/ /chos bstan pa rnams la dbang phyug tu gyur pa yin no/ /mngon par shes pa rnams la dbang sgyur ba yin no/ /
sems can gyi bsam pa rnams la rjes su song ba yin no/ /sems can gyi dbang po rnams la rjes su zhugs pa yin no/ /chos bstan pa la chog mi shes pa yin no/ /rnyed pa dang bkur sti don du mi gnyer ba yin no/ /chos bstan pa dag la ser sna med pa yin no/ /tshul 
khrims rnam par dag pas nyon mongs pa med pa yin no/ /bzod pa yongs su dag pas gnod pa med pa yin no/ /brtson 'grus yongs su dag pas las kyi mtha' legs par mthar phyin pa yin no/ /bsam gtan yongs su dag pas cang shes pa yin no/ /shes rab yongs su dag 
pas blo legs par dkar ba yin no/ /tshad med pa rnams la tshangs pa'i bla ma yin no/ /bsam gtan dang/ ting nge 'dzin dang/ snyoms par 'jug pa rnams la 'jig rten las 'das pa yin no/ /byang chub kyi lam gyis bla na med pa yin no/ /dbang bskur ba thob pas yon tan gyi rnam pa </font><hr>39-1-197a<br><font size=+1>
thams cad dang ldan pa yin no/ /zhi ba'i blo gros de ltar byang chub sems dpa' gzungs thob pa ni yon tan gyi bsngags pa tshad med pa de lta bu dang ldan pa yin te/ zhi ba'i blo gros gal te de bzhin gshegs pas phrin las gzhan mi mdzad par lo brgya stong du rgyun tu byang chub sems 
dpa' gzungs thob pa'i bsngags pa brjod kyang zad par mi 'gyur ro/ /de nas byang chub sems dpa' zhi ba'i blo gros kyis lha'i bu rgyal po bzang la 'di skad ces smras so/ /grogs po dag de bzhin gshegs pas khyod kyi yon tan gyi bsngags pa mtha' yas pa brjod pa mdzad pa ni khyod kyis 
rnyed pa legs par rnyed do/ /de skad ces smras pa dang/ lha'i bu rgyal po bzang gis byang chub sems dpa' zhi ba'i blo gros la 'di skad ces smras so/ /rigs kyi bu 'di la yang dag pa don dam par na/ gang de ltar bsngags pa'i chos gang yang mi dmigs so/ /rigs kyi bu gang la kha dog med pa 
dang/ gzugs med pa dang/ dbyibs med pa de'i yon tan gyi bsngags pa dang/ gzugs kyi mtha' rtogs par mi nus so/ /gang la gzugs dang/ kha dog dang/ dbyibs 'ba' zhig yod pa de'i bsngags pa ni brjod par nus so/ /de nas bcom ldan 'das la lha'i bu rgyal po bzang gis 'di skad 
ces gsol to/ /bcom ldan 'das chos thams cad ni ma bsdus pa/ nga'i ba ma mchis pa/ yongs su 'dzin pa ma mchis pa/ gang gis kyang nye bar sprad par bgyi ba ma lags pa/ gang gis kyang bsal ba ma lags pa ste/ 'di la brtson pa dang/ yang dag par sbyor bar bgyi'o/ /bcom ldan 'das brtson pa 
dang/ yang dag par sbyor bar gyur pa rnams la chos de dag mngon du 'gyur lags so/ /bcom ldan 'das 'di lta ste/ dper bgyi nas chen po 'di ni chab kyi phung po'i steng na gnas te/ de la mi gang zhig khron pa 'am/ khron pa chen po rko ba de chab dang ldan par 'gyur te/ gang mi rko ba des ni mi rnyed 
lags so/ /bcom ldan 'das de bzhin du thams cad kyi rjes su zhugs pa'i ye shes de la su zhig brtson par bgyid pa de ni ye shes 'thob par 'gyur te/ su brtson par mi bgyid pa des ni ye shes 'thob par mi 'gyur lags so/ /bcom ldan 'das de lta lags pas byang chub don du gnyer ba </font><hr>39-1-197b<br><font size=+1>
rnams kyis rtag tu brtson pa dang/ brtson 'grus brtsom par bgyi'o/ /de ltar na brtson pa de dag la chos de dag mngon du 'gyur lags so/ /bcom ldan 'das 'di lta ste/ dper bgyi na skyes bu dmus long gis de las skyes pa'i gzugs rnams mi mthong lags so/ /bcom ldan 'das de bzhin du 
nyon mongs pas ldongs pa'i sems can rnams kyang de las skyes pa'i chos rnams mi mthong lags so/ /bcom ldan 'das 'di lta ste/ dper bgyi na skyes bu mig dang ldan yang snang ba ma mchis na mi mthong lags so/ /bcom ldan 'das de bzhin du gang dag lha'i mig dang ldan du lags kyang 
de dag dge ba'i bshes gnyen gyi man ngag ma mchis na mos par mi 'gyur/ mthong bar mi 'gyur lags so/ /bcom ldan 'das 'di lta ste/ dper bgyi na lha'i mig la ni snang bas bgyi ba ma mchis pa lags so/ /bcom ldan 'das de bzhin du yongs su sbyang ba bgyis pa la yang rjes su bstan mi 
'tshal lo/ /bcom ldan 'das 'di lta ste/ dper bgyi na mngal na mchis pa'i sems can ni mi gda' mi mthong yang skye lags so/ /bcom ldan 'das de bzhin du byang chub sems dpa' brtson 'grus brtsams pa'i byang chub kyang mi mthong mod kyi/ sangs rgyas kyi chos rnams kyis kyang skye'o/ /
bcom ldan 'das 'di lta ste/ dper bgyi na ri'i rgyal po gangs can la shing ljon pa gang skyes pa de ni bar ma dor chag pa'am/ skam par mi 'gyur lags so/ /bcom ldan 'das de bzhin du 'phags pa'i chos la sbyor bar brtson pa gang gi shes pa skyes pa de yang mi 'jig cing yongs su nyams par mi 'gyur 
lags so/ /bcom ldan 'das 'di lta ste/ dper bgyi na gang gi tshe 'khor los sgyur ba'i rgyal po byung ba de'i tshe rin po che sna bdun 'di lta ste/ 'khor lo rin po che dang/ glang po rin po che dang/ rta rin po che dang/ nor bu rin po che dang/ bud med rin po che dang/ khyim bdag rin po che dang/ bdun pa blon po rin po che dag 'byung bar 
'gyur lags so/ /bcom ldan 'das de bzhin du gang gi tshe byang chub kyi sems skye ba de'i tshe chos rin po che sna bdun 'di lta ste/ sbyin pa dang/ tshul khrims dang/ bzod pa dang/ brtson 'grus dang/ bsam gtan dang/ shes rab dang/ thabs 'byung bar 'gyur lags so/ /bcom ldan 'das 'di lta ste/ dper bgyi na gang gi tshe </font><hr>39-1-198a<br><font size=+1>
'khor los sgyur ba'i rgyal po gling bzhi pa'i 'jig rten gyi khams su rgyu ba de'i tshe sems can rnams la de'i byams pa tha dad pa ma mchis lags so/ /bcom ldan 'das de bzhin du gang gi tshe byang chub sems dpas bsdu ba'i dngos po bzhi po sbyin pa dang/ snyan par smra ba dang/ don spyad pa 
dang/ don 'thun pas sems can dag sdud pa de'i tshe sems can rnams la de tha dad pa ma mchis lags so/ /bcom ldan 'das 'di lta ste/ dper bgyi na gang gi tshe 'khor los sgyur ba'i rgyal po 'dun khang na mchis pa de'i tshe 'thab pa dang rtsod pa ma mchis lags so/ /bcom ldan 'das de bzhin 
du gang gi tshe byang chub sems dpa' chos kyi 'bel ba'i gtam gyi slad du mchis pa de'i tshe 'thab pa dang / rtsod pa'i gtam ma mchis lags so/ /bcom ldan 'das 'di lta ste/ dper bgyi na gang gi tshe stong gsum gyi stong chen po'i 'jig rten gyi khams gnas par 'gyur ba de'i tshe thog mar ri'i rgyal po ri 
rab dang/ rgya mtsho chen po gnas par 'gyur lags so/ /bcom ldan 'das de bzhin du gang gi tshe byang chub sems dpa' thog mar byang chub tu sems bskyed pa de'i tshe lhag pa'i bsam pa dang/ snying rje chen po thog mar gnas lags so/ /bcom ldan 'das 'di lta ste/ dper bgyi na gang gi tshe 
gdugs 'char ba de'i tshe ri gang dag mtho ba de dag la thog mar 'od zer 'bab bo/ /bcom ldan 'das de bzhin du gang gi tshe byang chub sems dpa'i ye shes kyi snang ba thog mar byung ba de'i tshe sems can gang dag dge ba'i rtsa ba sbyangs pa de dag gis ye shes kyi snang ba de myong bar 'gyur lags so/ /
bcom ldan 'das 'di lta ste/ dper bgyi na sa bon thams cad dang/ rtswa dang/ shing gel ba dang/ sman dang/ nags tshal thams cad ni sas bzed de thams cad las bcud mnyam du gtong ngo/ /bcom ldan 'das de bzhin du gzungs thob pa'i byang chub sems dpa' yang sems can thams cad 
la chos kyi bsam pa'i gtong bas sems chags pa ma mchis par gtong ngo/ /de nas bcom ldan 'das kyis lha'i bu rgyal po bzang la legs so zhes bya ba gnang ste/ lha'i bu khyod kyis byang chub sems dpa' rnams kyi dpe dgod pa bstan pa 'di legs par smras pa legs so legs so/ /</font><hr>39-1-198b<br><font size=+1>
lha'i bu rtswa dang/ nags tshal ji snyed pa dang/ ming gi brda dang/ chos kyi brda dang/ sgra'i brda dag ji snyed pa dang/ gzugs dang/ kha dog gi brda dag ji snyed pa dang/ sems can gyi sems kyi spyod pa la 'jug pa ji snyed pa dang/ ming dang gzugs rab tu brjod pa ji snyed 
pa dang/ sems can rnams kyi spyod pa ji snyed pa dang/ sems can rnams kyi yongs su spyad pa zas skom ji snyed par lha'i bu byang chub sems dpa'i gzungs thob pa'i dpe dgod pa bstan pa yang de snyed do/ /lha'i bu dag gzungs thob pa'i byang chub sems dpa'i tshig 
gang ci yang rung ste/ sangs rgyas kyi bka' ma yin pa med do/ /gzugs su snang ba 'am/ sgra 'am/ dri 'am/ro 'am/ reg bya 'am/ chos su snang ba gang ci yang rung ste/ de la gang snang bar mi 'gyur ba de med do/ /de la gzhan las thos pa la rag las pa'i 
spobs pa med do/ /gzhan gyi ngor lta ba la rag las pa'i bstan pa med do/ /de mi zad pa dang/ mtha' yas pa dang/ thams cad kyi rjes su 'gro ba dang/ thams cad la 'jug pa'i rjes su song ba yin no/ /de la rgyun chad pa med do/ /chags pa med do/ /lus lci ba med 
do/ /sems zhum pa med do/ /de sangs rgyas brgya stong gi spyan sngar ston kyang zhum par mi 'gyur te/ 'di ltar sangs rgyas kyi byin gyi brlabs kyis byin gyis brlabs pa'i byang chub sems dpa' des gzungs dang/ shes rab dang/ ye shes dang/ spobs pa thob bo/ /de ston kyang 
zhum par mi 'gyur/ kun tu zhum par mi 'gyur zhing zlog par mi 'gyur te/ 'di ltar byang chub sems dpa' de chags pa med pa gsum gyi rjes su song ba yin no/ /gsum gang zhe na/ bdag la chags pa med pa dang/ sems can la chags pa med pa dang/ chos la chags pa med 
pa'o/ /yongs su dag pa gsum gyi rjes su song ba yin te/ gsum gang zhe na/ chos kyi dbyings yongs su dag pa dang/ de bzhin nyid yongs su dag pa dang/ yang dag pa'i mtha' yongs su dag pa'o/ /mi zad pa gsum gyi rjes su song ba yin te/ gsum gang zhe na/</font><hr>39-1-199a<br><font size=+1>
chos mi zad pa dang/ yi ge mi zad pa dang/ bstan pa mi zad pa'o/ /byin gyi rlabs gsum thob pa yin te/ gsum gang zhe na/ spobs pa'i byin gyi rlabs dang/ chos kyi don gyi byin gyi rlabs dang/ chos la 'jug pa'i byin gyi rlabs so/ /dga' ba gsum 
thob pa yin te/ gsum gang zhe na/ ye shes kyis dga' ba dang/ shes rab kyis dga' ba dang/ the tsom chad pas dga' ba'o/ /myur ba gsum thob pa yin te/ gsum gang zhe na/ dran pa myur ba dang/ blo gros myur ba dang/ rtogs pa myur ba'o/ /gzungs kyi 
yon tan bsngags pa'i dpe dgod pa mi zad pa bstan pa 'di bshad pa na byang chub sems dpa' brgyad brgyas gzungs thob par gyur to/ /gzungs kyi yon tan gyi bsngags pa'i dpe dgod pa mi zad pa'i le'u zhes bya ba ste/ nyi shu rtsa bzhi pa'o// //de nas 
bcom ldan 'das la gsang ba pa'i bdag po lag na rdo rjes 'di skad ces gsol to/ /bcom ldan 'das slad ma'i tshe slad ma'i dus lnga brgya tha ma la ci nas chos kyi rnam grangs 'di 'dzam bu'i gling du spyod par byin gyis brlab tu gsol/ bcom ldan 'das kyis bka' stsal pa/ 
gsang ba pa'i bdag po dam pa'i chos yongs su gzung ba'i phyir ngas de bzhin gshegs pa rin chen zla ba las chos sba ba dang/ bsrung ba'i gsang sngags kyi gzhi gang dag thos pa de dag khyod kyis dran nam/ gsol pa/ bcom ldan 'das dran lags so/ /bcom ldan 
'das kyis bka' stsal pa/ gsang ba pa'i bdag po de lta bas na chos kyi rnam grangs 'di yun ring du gnas par bya ba'i phyir chos sba ba dang/ bsrung ba'i gsang sngags kyi gzhi de dag khyod kyis 'khor 'di la rjod cig de ltar na chos kyi rnam grangs 'di yun ring du gnas par 
'gyur ro/ /de nas gsang ba pa'i bdag po lag na rdo rjes phyogs bcu'i sangs rgyas thams cad la phyag 'tshal te/ gsang sngags kyi gzhi 'di dag smras so/ /tad+ya thA/ dza ya dza ya ma ti/ dza ya sha tru/ a le/ a ma le/ a lu li te/ ma me/ ma ma ma ti/</font><hr>39-1-199b<br><font size=+1>
nA ma san d+hi/ ud ta me/ ud ta ma ti/ ud ta ra Ni/ a re a ram Ni/ a ri sha ma Ni/ a mU le/ a mU la/ a bang Ti ti/ mU la a nu ga te/ ad te/ mad te/ ma Ti te/ a Ti/ ma Ti te/ khu ru khu ru/ san d+hi d+harma a nu ga te/ d+harma 
da k+She/ d+ha rma pra be she/ /sa re sa re sa re/ a be d+he/ be da san d+hi/ e hi/ e hi ni/ e ta da a nu ga me/ bdud rnams tshar gcod pa/ mu stegs can rnams 'dzoms pa/ chos la gnod par sems pa rnams rmugs par byed pa/ nyon mongs 
pa rnams sel ba/ chos kyi tshul rnams 'bar bar byed pa/ chos smra ba rnams kun tu srung ba/ mya ngan las 'das par 'dzud pa/ byang chub yongs su smin par byed pa rnams yongs su 'dzin pa/ 'khor yang dag par 'jog pa/ chos nyan pa rnams la lus 
sbyin par byed pa/ yang dag par song ba rnams kyis bsam pa/ yang dag par zhugs pa rnams kyis blta ba/ gsang sngags kyi gzhi rnams mngon du 'gyur ba/ gsang sngags kyi mtshams 'gug pa/ brjod pa shes pa/ phyad pa/ mi thul pa/ bstan pa'i 
ngo bo nyid chud za bar ma gyur cig gsang ba pa'i bdag po lag na rdo rjes gsang sngags kyi gzhi 'di dag yongs su brjod ma thag tu de nas stong gsum gyi stong chen po'i 'jig rten gyi khams 'di rab tu g.yos so/ /stong gsum gyi stong chen po'i 'jig rten gyi 
khams 'di na bdud gang dag 'khod pa de dag thams cad dpung dang bcas/ g.yog 'khor dang bcas te/ bcom ldan 'das kyi gan du lhags nas lus btud thal mo sbyar te/ bcom ldan 'das la 'di skad ces gsol to/ /bcom ldan 'das bdag 
cag gis chos smra ba su'i kha'i sgo nas gsang sngags kyi gzhi 'di dag 'byung ba de la rim gro bgyi'o/ /bsnyen bkur bgyi'o/ /bcom ldan 'das gsang sngags kyi gzhi 'di dag gi dpal ni lha dang bcas pa'i 'jig rten gyis bzod par rngo thog pa ma lags so/ /</font><hr>39-1-200a<br><font size=+1>
bcom ldan 'das bdag cag nyid kyis chos kyi rnam grangs 'di sba bar bgyi'o/ /glags lta ba gzhan dag kyang tshar gcad par bgyi'o/ /de nas bcom ldan 'das kyis glang po che'i lta stangs kyis phyogs bzhi kun tu gzigs te/ de'i tshe gsang 
sngags kyi gzhi 'di dag bka' stsal to/ /dza ye/ dur dza ye/ dza ya ma ti/ sha me/ sha tru nir g+hata ni/ a mU le/ mU la pa ri tshin ne/ ma ra sai n+ya bi trA sa ni/ mug te mug ta ba ti/ shud d+he/ a b+he de/ b+ha ya mo tsa ni/ b+ha ro ha ra Ne/ ta da te bid+ye/ bid+ya ba ra ud ta 
me/ pha rol rgol ba tshar gcod pa/ /chos smra ba dag kun sdud pa/ /chos kyi mdzod ni kun srung ba/ /rig sngags 'di ni sangs rgyas gsungs/ /a ma/ a ma me/ ma ma ts+tshe de/ ar+the ar+tha ni stA ra Ne/ 'jig rten skyong ba bzhi dgug pa'i tshig rnams smras pa'o/ /
d+hi re/ d+hi ra ba ti/ gu ba te/ shu b+heshu b+ha ba ti/ sa me/ lha'i dbang po brgya byin 'dir dgug par bya'o/ mai tre so ma ba ti/ k+Shan ti kr-i pa kA ru Na ud-i hra de/ prI ti u pe k+Shas ma pan te/ tshangs pa yang 'dir dgug par bya'o/ /a ra Te/ pi ra Te/ kha khe/ a mU le/ mU la sho d+ha ni/ bdud 
ni tshar gcod bya ba'i phyir/ /gsang sngags gzhi ni 'di dag smras/ /mdo sde legs par bshad pa 'di/ /mi yi dbang pos byin gyis brlabs/ /gang tshe shes par 'gyur ba na/ /de yi tshe na spyod par 'gyur/ /gsang sngags 'di dag rab brjod pas/ /sa ni rab tu g.yos par gyur/ /bdud rnams thams 
cad lhags gyur te/ /'di skad kyi ni tshig smras so/ /phyi ma'i dus na mdo sde 'di/ /gang dag lag tu mchi 'gyur ba/ chos smra mkhas pa de dag ni/ /bdag cag rnams kyis bsrung bar bgyi/ /de nas bcom ldan 'das kyis gsang ba pa'i bdag po lag na rdo rje la bka' stsal pa/ gsang ba pa'i 
bdag po chos kyi rnam grangs 'di de bzhin gshegs pa nyid kyis byin gyis brlabs par shes par gyis shig /byin gyis brlabs 'di ni sus kyang rnam par dkrug par mi nus so/ /de ci'i phyir zhe na/ gsang ba pa'i bdag po ngas mngon par shes te/ 'das pa'i dus </font><hr>39-1-200b<br><font size=+1>
na bskal ba ma smad pa zhes bya ba la/ 'jig rten gyi khams ma smad pa zhes bya bar de bzhin gshegs pa rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das 
rin chen zla ba zhes bya ba 'jig rten du byung ngo/ /de bzhin gshegs pa de'i gsung rab la dge slong chos smra ba/ rdzu 'phrul che ba/ dbang che bar grags pa/ mthu che ba/ shes rab 'phags zhes bya ba dang/ bden pas byin zhes bya ba gnyis byung ste/ chos smra ba de gnyis kyis de bzhin gshegs pa de 
las gsang sngags kyi tshig 'di dag bzung nas/ bcom ldan 'das des chos kyi 'khor lo bskor ba bskal pa phyed tshang bar rjes su bskor nas/ stong gsum gyi stong chen po'i 'jig rten gyi khams na bdud bye ba phrag brgya 'khod pa gang yin pa de dag thams cad yongs su smin par byas te/ byang chub yang 
dag par 'dzin du bcug go/ /de nas bcom ldan 'das la byang chub sems dpa' zhi ba'i blo gros kyis 'di skad ces gsol to/ /bcom ldan 'das de bzhin gshegs pa rin chen zla ba de bzhugs sam/ 'on te yongs su mya ngan las 'das lags/ bcom ldan 'das kyis bka' stsal pa/ zhi 
ba'i blo gros de bzhin gshegs pa rin chen zla ba de ni shar phyogs logs kyi sangs rgyas kyi zhing bye ba brgya stong phrag bcu 'das pa na/ 'jig rten gyi khams ma smad pa zhes bya ba na bzhugs so/ /de bzhin gshegs pa de'i tshe'i tshad ni bskal pa khri thub bo/ /rigs kyi bu de bzhin 
gshegs pa de'i sangs rgyas kyi zhing na bdud gang dag 'khod pa de dag khros shing sdang bar gyur pa dang/ de bzhin gshegs pa des gsang sngags kyi tshig 'di dag gis de dag btul/ legs par yongs su btul te/ de dag thams cad byang chub tu yongs su smin par byas so/ /rigs 
kyi bu nga dang gsang ba pa'i bdag po lag na rdo rje gnyis kyis de bzhin gshegs pa rin chen zla ba de'i gsung rab la tshangs par spyod pa spyad nas byang chub tu nges par byung ste/ nga ni shes rab 'phags zhes bya bar gyur to/ /gsang ba pa'i bdag po ni bden pas byin zhes bya bar gyur to/ /zhi ba'i blo </font><hr>39-1-201a<br><font size=+1>
gros de ltar nged gnyis lhan cig tu 'thun pa bag yod par sangs rgyas bcom ldan 'das tshad med pa dag la bsti stang du byas so/ /bla mar byas so/ /rim gror byas so/ /mchod pa byas so/ /zhi ba'i blo gros de ltar na gsang sngags kyi tshig 'di dag ni bdud tshar gcad pa dang/ dam pa'i chos yongs su 
gzung ba'i phyir gces spras byed par 'gyur ro/ /de nas bcom ldan 'das kyis thams cad dang ldan pa'i 'khor la gzigs nas 'di skad ces bka' stsal to/ /grogs po dag de bzhin gshegs pa yongs su mya ngan las 'das pa'i 'og tu bskal pa grangs med par bsgrubs pa'i byang chub 
'di nub par mi 'gyur bar bya ba'i phyir gzung ba dang/ yongs su bsrung bar khyed kyi nang nas su spro/ de nas 'khor de'i nang nas byang chub sems dpa' khri nyis stong dam pa'i chos yongs su gzung ba'i phyir langs te pus mo g.yas pa'i lha ngas la btsugs nas/ bcom ldan 'das ga la ba de logs su thal mo 
sbyar ba btud de de'i tshe tshigs su bcad pa 'di smras so/ /lus dang srog kyang spang bgyis la/ /rnam par smin la mi re bar/ /'jig rten mgon pos gsungs pa yin/ /mdo sde 'di ni gzung bar bgyi/ /rgyal po bzang la sogs pa lha'i bu lnga stong gis thal mo sbyar te/ bcom ldan 'das la 'di skad ces gsol 
to/ /bcom ldan 'das bdag cag gis de bzhin gshegs pa'i byang chub 'di gzung bar bgyi'o/ /de'i tshe tshigs su bcad pa 'di yang smras so/ /sems can kun gyi don slad du/ /snying rje brtan par bskyed nas ni/ /sangs rgyas kyis gsungs zab pa yi/ /mdo sde 'di ni gzung bar bgyi/ /de nas 
lha'i dbang po brgya byin dang/ tshangs pa gtsug pud can dang/ rgyal po chen po rnam thos kyi bus de'i tshe tshigs su bcad pa 'di smras so/ /nad kun las ni thar bgyid pa/ /mdo 'di sman dang 'dra ba lags/ /ston pa legs par sems bskyed de/ /bdag cag gis kyang gzung bar bgyi/ /de nas bcom 
ldan 'das la gsang ba pa'i bdag po lag na rdo rjes 'di skad ces gsol to/ /bcom ldan 'das bdag gis kyang de bzhin gshegs pa'i bla na med pa yang dag par rdzogs pa'i byang chub bskal pa grangs ma mchis par bsgrubs pa 'di gzung bar bgyi'o/ /de'i tshe tshigs su bcad pa 'di yang smras </font><hr>39-1-201b<br><font size=+1>
so/ /chos 'di yi ge ma mchis na/ /mi yi dbang pos thugs rje yis/ /yi ge rnams kyis rab bshad pa/ /de ni bdag gis gzung bar bgyi/ /de nas bcom ldan 'das kyis tshangs pa gtsug pud can la bka' stsal pa/ tshangs pa gsum po 'di dag ni de bzhin gshegs pa la mchod pa dang/ 
rim gro byed pa bla na med pa'o/ /mchod pa'i las bla na med pa'o/ /bsod nams tshad med pa 'byung ba'o/ /gsum gang zhe na/ gang bla na med pa yang dag par rdzogs pa'i byang chub tu sems skyed pa dang/ gang de bzhin gshegs pa rnams kyi chos 'dzin pa dang/ gang ji ltar thos pa'i 
chos rnams de bzhin nyid du sgrub pa ste/ tshangs pa gsum po de dag ni de bzhin gshegs pa la mchod pa dang/ rim gro bya ba bla na med pa'o/ /tshangs pa gal te de bzhin gshegs pa tshe'i tshad bskal par bzhugs pas mchod pa'i dngos po gsum po 'di dag gi bsod nams kyi rnam par smin 
pa bskal pa'i bar du bstan du zin kyang mthar phyin par mi 'gyur ro/ /tshangs pa de lta bas na de bzhin gshegs pa la mchod pa dang/ rim gro bya ba bla na med pas mchod pa byed 'dod pas mchod pa'i dngos po gsum po 'di dag gis mchod par bya'o/ /tshangs pa de bzhin gshegs pa gcig gi 
dam pa'i chos kyi tshig bzhi pa'i tshigs su bcad pa yongs su bzung na 'das pa dang/ ma byon pa dang/ da ltar byung ba'i de bzhin gshegs pa rnams kyi byang chub yongs su gzung bar 'gyur ro/ /de ci'i phyir zhe na/ tshangs pa de bzhin gshegs pa rnams kyi byang chub ni chos las nges par byung ba 
yin pas de chos kyis mchod par bya'i zang zing gis ni ma yin no/ /dam pa'i chos kyis mchod pa ni mchod pa thams cad kyi nang na mchog tu bshad do/ /dam par bshad do/ /phul du bshad do/ /tshangs pa ngas mngon par shes te 'das pa'i dus na nga rgyal po'i pho brang zhig tu skyes te/ rgyal bu gzhon nu blo 
gros ldan zhes bya bar gyur pa de ni ngag nyid kyis log pa'i rmi lam na tshigs su bcad pa gnyis thos nas bzung ba dang/ nga sad nas 'di snyam du bsams te/ bdag gis gter chen po zhig rnyed do snyam nas ngas gter chen po zhig rnyed do zhes skad cher byung ba dang/ nga'i pha ma gnyis na re gzhon nu gter ga la </font><hr>39-1-202a<br><font size=+1>
yod ces zer ro/ /ngas pha ma gnyis la tshigs su bcad de smras pa/ 'jig rten gter chen rnams ni rgyal po dang/ /rkun po me chu bslus pas zad par 'gyur/ /de bzhin gshegs pa rnams kyi thos gter ni/ /bskal pa bye ba mang por chud mi za/ /sems can don brtson 
byang chub sems dang ni/ /tshul bzhin nyid kyis dben sems gang yin dang/ /rtag tu bag yod 'chi med rgyu yin te/ /yongs su 'dzin med bde ba kun gyi rgyu/ /tshangs pa tshigs su bcad pa 'di gnyis ngas rmi lam du thos te/ tshangs pa ngas tshigs su bcad pa 'di gnyis kyis sems can 
brgyad stong ni byang chub tu yongs su smin par byas so/ /srog chags bzhi khri nyis stong ni bde 'gror 'gro bar byas so/ /tshangs pa khyod kyis rnam grangs 'dis kyang ji ltar gang dag thos pa la brtson pa dang/ brtson nas yang dag par sgrub pa dang/ sgrub pa la gnas nas kyang gzhan la phan 'dogs pa de 
dag gis gter chen po thob par de ltar rig par bya'o/ /tshangs pa theg pa chen po la gces spras byed pa'i chos gnyis te/ gnyis gang zhe na/ sems can thams cad la khong khro ba med pa dang/ thos pa tshol bas chog mi shes pa ste/ gnyis po de dag go/ /tshangs pa de lta bas na chos kyi 
tshul 'di rgyun ma bcad cig /tshangs pa khyod kyis bskal pa bzang po pa'i de bzhin gshegs pa thams cad la gsol ba gdab pa dang/ dam pa'i chos yongs su bzung ba gyis shig /tshangs pa bskal pa bzang po 'di la sangs rgyas bcom ldan 'das gzhan 'byung bar 'gyur ba de dag de 'dra 
bar yongs su dag pa'i sems can du 'gyur na ni der khyod btang snyoms can du 'gyur ro/ /tshangs pa 'di ltar nyon mongs pa can gyi dus 'di na su zhig nyin gcig gam/ mtshan gcig dam pa'i chos 'dzin pa de ni ches mang gi/ /sangs rgyas kyi zhing yongs su dag pa rnams su 
bskal pa brgya stong gis ni de lta ma yin no/ /tshangs pa de lta bas na/ khyod kyis dus ngan pa 'dir dam pa'i chos yongs su gzung ba'i phyir brtson 'grus su bya'o/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo de </font><hr>39-1-202b<br><font size=+1>
bzhin gshegs pa'i gsang ba lag na rdo rje'i le'u klu'i gzungs chen po bstan pa 'di long shig /zung shig /lhogs shig /gzhan dag la yang rgya cher yang dag par ston cig /kun dga' bo chos kyi rnam grangs 'di khyod la yongs su gtad do/ /de bzhin gshegs 
pa'i gsang ba bsam gyis mi khyab pa 'di skye bo phal pa la ma bshad cig /kun dga' bo sems can dman pa la mos pa rnams ni 'di la mgo rmongs par 'gyur te/ kun dga' bo chos kyi rnam grangs 'di ni de tsam du mos par dka' ba de tsam du rtogs par dka' ba'o/ /sems can gang dag cang shes pa/ 
sbyang ba legs par byas pa chos 'di dag gi snod du gyur pa ma gtogs te/ de dag ni chos kyi tshul gyi rgyud 'di thos na skrag par mi 'gyur ro/ /de skad ces bka' stsal pa dang/ tshe dang ldan pa kun dga' bos bcom ldan 'das la 'di skad ces gsol to/ /bcom ldan 'das 
sangs rgyas kyi mthus bdag gis chos kyi rnam grangs 'di blangs lags te/ mthu ci mchis pas rngo ci thog tu gzung bar bgyi'o/ /bshad par bgyi'o/ /bcom ldan 'das kyis bka' stsal pa/ kun dga' bo khyod kyis sems can chen po dam pa'i chos yongs su gzung ba'i phyir langs 
pa 'di dag mthong ngam/ gsol ba/ bcom ldan 'das mthong lags so/ /bcom ldan 'das kyis bka' stsal pa/kun dga' bo 'di dag thams cad ni khyod kyis chos kyi rnam grangs 'di ston pa na phan 'dogs par 'gyur ba sha stag go /gsol pa/ bcom ldan 'das chos kyi rnam grangs 'di'i 
ming ci lags/ 'di ji ltar gzung bar bgyi/ bcom ldan 'das kyis bka' stsal pa/ kun dga' bo de lta bas na khyod kyis chos kyi rnam grangs 'di lag na rdo rje'i le'u zhes bya bar zung shig /'di de bzhin gshegs pa'i gsang ba bstan pa'i le'u zhes bya bar yang zung shig /'di sangs rgyas kyi chos bsam 
gyis mi khyab pa bstan pa zhes bya bar yang zung shig /'di bsod nams tshad med pa 'byung ba zhes bya bar yang zung shig /kun dga' bo byang chub sems dpa'i theg pa pa'i skyes bu gang zag gang zhig sangs rgyas kyi spyan gyis gzigs pa'i sangs rgyas kyi zhing rnams sa'i steng nas bzung ste/ srid </font><hr>39-1-203a<br><font size=+1>
pa'i rtse mo'i bar du rin po che thams cad kyis yongs su bkang nas sbyin pa byin te de'i rnam par smin pa la re ba bas/ gang gis chos kyi rnam grangs 'di legs par bton te/ zang zing med pa'i sems kyis gzhan dag la yang rgya cher yang dag par bshad na 'di ni de bas bsod 
nams ches mang du skyed do/ /de bas na chos kyi rnam grangs 'di de bzhin gshegs pa'i gsang ba bstan pa'i le'u dang/ bsod nams tshad med pa 'byung ba zhes bya'o/ /dam pa'i chos yongs su gtad pa'i le'u 'di bstan pa na srog chags bye ba brgya phrag bcus bla na med pa yang dag par rdzogs pa'i 
byang chub tu sems bskyed do/ /byang chub sems dpa' dgu khri drug stong ni bzod pa thob par gyur to/ /srog chags brgyad khri bzhi stong ni chos rnams la chos kyi mig rnam par dag go /dge slong stong drug brgya ni sems rnam par grol lo/ /phyogs bcu'i sangs rgyas kyi zhing tshad med pa dag 
ni rab tu g.yos so/ /lha brgya stong dag gis ni rol mo sil snyan blangs shing me tog gi char yang rab tu phab ste/ 'di skad du chos kyi rnam grangs 'di 'dzam bu'i gling du shin tu yun ring du gnas par gyur cig ces kyang smras so/ /bcom ldan 'das kyis de skad ces bka' stsal nas/ /
gsang ba pa'i bdag po lag na rdo rje dang/ byang chub sems dpa' zhi ba'i blo gros dang/ lha'i bu rgyal po bzang dang/ rgyal po ma skyes dgra dang/ byang chub sems dpa' de dag dang/ dge slong de dag dang/ tshe dang ldan pa kun dga' bo dang/ lha dang mi dang lha ma yin dang/ dri zar bcas pa'i 'jig rten yi rangs te/ bcom 
ldan 'das kyis gsungs pa la mngon par bstod do// //dam pa'i chos yongs su gtad pa'i le'u zhes bya ba ste nyi shu rtsa lnga pa'o// //'phags pa dkon mchog brtsegs pa chen po'i chos kyi rnam grangs le'u stong phrag brgya pa las/ de bzhin gshegs pa'i gsang 
ba bsam gyis mi khyab pa bstan pa'i le'u zhes bya ba ste le'u gsum pa rdzogs so// //rgya gar gyi mkhan po dzi na mi tra dang dA na shI la dang/ mu ni bar ma dang zhu chen gyi lots+tsha ba ban de ye shes sdes bsgyur cing zhus te/ skad gsar chad kyis kyang bcos nas gtan la phab pa// //</font><hr>

</table>