D470

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>D470</h1><td>(<a href="https://adarsha.dharma-treasure.org/kdbs/degekangyur" target="new2">e-text produced by ADARSHA</a>)<br><br><a href="verif2.php?id=D470&coll=derge">see text in Tibetan script</a></table>83-1-167b<br><font size=+1>
@##/ /rgya gar skad du/ shrI badzra b+hai ra ba kalpa tan+t+ra rA dza/ bod skad du/ dpal rdo rje 'jigs byed kyi rtog pa'i 
rgyud kyi rgyal po/ngag gi dbang phyug la phyag 'tshal lo/ /de nas 'dir ni bshad bya ba/ /ji ltar 'gro rnams zad byed cing / /sdug bsngal rnam thar byed pa yi/ /sgrub pa'i thabs chen mchog gyur pa/ /gsang sngags de las 'byung bar 'gyur/ /dang por rnam par snang mdzad de/ /de dang nye bar ngag 
dbang phyug /rdo rjes 'khor lo sgyur ba'o/ /gdon gyi bdag dang 'byung po'i rje/ /mi yi sa bon gnyis ldan bya/ /mchod rten sreg byed mtha' dang bcas/ /gzhan du shes par mi 'gyur te/ /rdo rje can gyi mkha' la gnas/ /yi ge 'bum phrag khri brjod na/ /nyams pa thams cad sel byed cing / /

</font><hr>83-1-168a<br><font size=+1>

zhi dang rgyas dang dbang mngon spyod/ /gsod dang skrod dgug dbye rings dang / /dman par byed dang rgyal srid sogs/ /thob pa nyid la the tshom med/ /dur khrod tshang tshing khron ngogs rtsub/ /shing gcig khang stong mtshan gcig dben/ /gang 'dod gnas su bsam gtan brtsam/ /
de nas bcom ldan 'das 'phrul ba thams cad la khyab pa me long lta bu zhes bya ba'i ting nge 'dzin la snyoms par zhugs te/ /sku dang ye shes thams cad la khyab par bya ba'i phyir/ /sku mdog dkar po zhal lnga dang ldan par byas nas/ /'jig rten pa thams cad la gzigs nas/ /rang gi rigs kyi 
yi ge nyid brjod pas/ sku dang gsung dang thugs dang yon tan dang / phrin las dang / ye shes kyang gcig gi ngo bor sprul pa'i skur gyur to/ /kye ma bcom ldan rdo rje che/ /don rnams bskyed pa yang nyid do/ /mkha' dkyil 'od kyis 'gengs 'gyur ba/ /slar zhing kha dog lnga ldan pa/ /
sa bon sngags kyis bskul ba yi/ /'od kyi rtse phrag thub pa'i sku/ /kun kyang sangs rgyas gnas las skyes/ /rang la zhugs pas sku rdzogs 'gyur/ /zhal drug khro gnyer rab brjid pa/ /ma he'i zhal ldan steng gnas pa/ /'jam dpal zhal ni 'dzum bcas bzhugs/ /lhag 
ma dmar dang ser dang sngo/ /du ba'i mdog mtshungs gyen skrar ldan/ /thod pa skam rlon rgyu ma sbrul/ /rus pa rdo rje'i phreng bas brgyan/ /glang chen stag lpags gyon nas ni/ /hU~M phaT glur len mo can/ /nam mkha'i lus can khro bo'i sprin/ /yang dang yang du spro byed pa'i/ /phyag drug rab 
tu brjid pa ste/ /dbyug pa tho ba gtun shing dag /g.yas pa'i phyag gis rim bzhin 'dzin/ /dgra sta dang ni lcags kyu dang / /zhags pa g.yon pa'i phyag gis 'dzin/ /pad+ma nyi ma ma he dang / /gshin rje'i steng na 'gying bag can/ /zhabs drug g.yon brkyang gar gyis gnas/ /'jig 
rten bdag po mthar mdzad pa'o/ /de ltar gang zhig dad pa dang / /blo ldan g.yo sgyu rab spangs shing / /legs par dbang rnams thob byas nas/ /rdo rje slob dpon mnyes byed pas/ /yang nas yang du dran byed na/ /brtan pa chen po thob par 'gyur/ /lha yi dge 'dun nga la nyon/ /dpa' 

</font><hr>83-1-168b<br><font size=+1>

bo 'chang la rab dga' zhing / /sha chen rtag tu mur byed na/ /las rnams de yis myur du 'grub/ /sku ni du ma 'phro byed cing / /sku la sku rnams nges thim byed/ /thams cad sgyu ma nyid shes pas/ /'jig rten rnams su yid sad byed/ /khong stong rtsa ni ka ba ste/ /rgyun du byang chub sems 
'dzag byed/ /chu skyes dmar po kha sbyar gnyis/ /yan lag gnyis kyis legs par bcun/ /shes pa 'phel ba me dang rlung / /nyi ma zla ba thabs ldan dang / /shes rab ldan par shes par bya/ /gnyis po de nyid rnam spangs na/ /khong du chud par mi 'gyur ro/ /chu skyes kha sbyor la brten te/ /
gsum gnas pa yi ting 'dzin la/ /rdo rje chos kyis rgyas btab pa'i/ /thabs dang shes rab grol ba'i rgyu/ /blo ldan 'bad pas shes par 'gyur/ /de phyir de la brtson par bya/ /chos rnams chos nyid dbyer med pas/ /stong pa nyid kyi ye shes che/ /mi shigs rtog bral mtshan ma med/ /bde chen 
ye shes rdo rje'i skur/ /ye shes mi rtog rtog pa bral/ /rtog pa'i mtshan ma thams cad sreg /spros pa'i mtshan ma mtha' dag ni/ /ji snyed sgyu ma'i rnam pa shes/ /de nyid shes nas grol ba'o/ /mi shes pas ni phyir zhing 'khor/ /'jig rten skye bo blo ldan 'gas/ /nges par rtog pa thabs kyi 
mchog /sdug bsngal chen po rab 'jigs nas/ /bde ba 'dod pas nan tan bya/ /dpal rdo rje 'jigs byed kyi rtog pa'i rgyud kyi rgyal po las/ /thabs dang shes rab kyi bsam gtan bstan pa'i le'u ste dang po'o// //de nas yang dag bshad bya ba/ /sngags grub pa las byung ba yi/ /las 
rnams 'dir ni shes bya ste/ /der ni lha yi sku yang sbyar/ /zhi sogs bzlas pa'i rim pa la/ /rdo rje'i dbus su rdo rje ni/ /nyi zla la brten yi ge yi/ /phreng ba kha dog lngar shes pa/ /skyen bul spangs nas bklag pa ni/ /mkhas pas bzlas pa'i rim pa'o/ /drag po'i las rnams sgrub pa la/ /
nyon mongs gcod pa'i 'khor lo ni/ /ser po rtse rtsibs bcu ba la/ /'od zer sna tshogs 'phro ba bsam/ /zhi bar 'dod pa'i skyes bu des/ /sems ni yang dag mnyam gzhag nas/ /sngags kyi 'od kyang 'gro gzhan la/ /phan pa'i yid dang ldan par bya/ /gro ga ras dang shing shun la/ /

</font><hr>83-1-169a<br><font size=+1>

gur gum gi wang dri rnams kyis/ /mchod rten rim pa lngar ldan zhing / /gdugs dang 'khor lo ldan par bya/ /sgrub pa po yi ming dang rus/ /de yi bum pa'i nang du bri/ /ye d+harmA la sogs pa yi/ /sngags kyis g.yon nas bskor bar bri/ /cig shos g.yas nas g.yon du bri/ /
de la spel tshig mang pa'am/ /yang na 'khor lo'i bar du gzhag /'khor lo kun la kha sbyor gnad/ /rab tu gnas par byas nas kyang / /lus sam mgul lam gang bder gzhag /des ni gdon dang byad stims dang / /rims dang yams rnams sel bar byed/ /gang zhig yul rnams 
gzhom 'dod na/ /hu~M gi sa bon dang ldan par/ /ming yig tsam po bri bar bya/ /so phag phye ma ldong ros dang / /ba bla ma he'i khrag gis brdzis/ /zla gam gnyis pa'i gzugs byas te/ /bar du gang 'dod bsgrub bya yi/ /gzugs brnyan sor brgyad pa yi tshad/ /byas la gan rkyal du gzhag la/ /
ma he gdong gi sbyor ba yis/ /khri phrag gcig tu sngags bzlas nas/ /dum bu dum bur gtubs byas te/ /chu bo'i gzhung du dor byas na/ /skad cig de la de dbang 'gyur/ /bya rog 'ug pa'i gzugs byas te/ /ma nu ma li ro tsa nas/ /khyo shug bsgrub bya'i ming bris te/ /gshin rje'i phyogs bltas 
gsang sngags gdon/ /rkang pa g.yon pas mnan nas ni/ /mi yi rje ngar phur pas gdab/ /skad cig tsam la de dag dbye/ /de nas 'dir ni bsad pa yi/ /cho ga'i rim pa bshad par bya/ /zhal drug phyag drug zhabs drug gam/ /yang na zhal gcig phyag bzhi'am/ /zhal gcig phyag gnyis 
pa yang rung / /ma he'i gdong gi sbyor ba yis/ /khrag rnams sna tshogs tha dad dang / /bsgrub bya'i rjes dang dug gi rigs/ /rta dang ma he bong bu'i chus/ /sbrus pa'i bsgrub bya'i ling ga bya/ /lus la tsher mas gzugs bya zhing / /til mar gyis kyang bsku bar bya/ /yang ni shing lo gro ga'am/ /
dur khrod ras sam shun pa la/ /rang nyid gcer bu skra bshig nas/ /lus ni thal bas byugs byas te/ /mngon sum khros nas sha chen bza'/ /rab tu zhim pa'i chang 'thung zhing / /nag po'i chos kyi mtshan phyed dus/ /'khor lo bri ba brtsam par bya/ /le tshe bcu gnyis 'khor lo ni/ /hU~M 

</font><hr>83-1-169b<br><font size=+1>

dang hrIHSh+T+rIHdbus su dgod/ /Na yo ni ra rtsibs mchan la/ /yungs kar til dang skags khu dang / /rta dang ma he ra khyi khrag /bya rog 'ug pa'i sgro yis bri/ /yi ge ya yi lto bar yang / /ming dang rus su ldan par bri/ /phyogs bzhir yi ge bcu pa ni/ /ming dang bcas pa bri bar bya/ /brgyad po dag 
la rim pa bzhin/ /yi ge 'di dag bri bar bya/ /o~M mu sa le tsur+Na ra ga tsa ra na tsu sha na hU~M hU~M hU~M phaT phaT phaT/ yi ge ya la bskor nas ni/ /bsgrub bya gzugs dang ldan par bri/ /de yi mu khyud dag la ni/ /yi ge bcu pa ming bcas bri/ /phyogs bzhir rtse gsum rdo rjes mtshan/ /de bzhin rdzas rnams 
ma lus pas/ /'khor lo lto bar ldan pa bri/ /gshin rje'i gzugs ni ral gri dang / /dbyug pa 'dzin pa bris nas ni/ /de dang de gnyis lto sbyar la/ /mtshan ngan thod pa'i nang du gzhug /tsha gsum ske tshe dug mu zi/ /ro nyes bkang nas dkyil 'khor ni/ /gru gsum dbus su gzhag par bya/ /
yungs dang bra bo sA lu nag /dza b+hi bra bo sogs rnams la/ /gsang sngags rgyal po brjod byas te/ /dro'am du ba 'thul bar du/ /rims dang rims kyi khrag rnams ni/ /ma lus zad par 'thung ba yis/ /ma yengs par ni bsam gtan bya/ /yang na bsgrub bya za bar mthong / /shing gcig rtsar ni 
rengs pa dang / /mal gyi 'og tu zha zhing lkugs/ /chu mdor 'byed cing ri rtser bskrad/ /gsad pa me thab 'og tu sba/ /dgug pa la ni sgo khang 'og /lha 'am 'khor lo sgyur ba'o/ /bde gnas rnams kyis dbang du 'gyur/ /mar khu chen po thod pa yi/ /nang du blugs nas bskol byas te/ /bzhar bas 
mig la byug byed na/ /mngon shes de nyid myur du 'thob/ /rigs ldan rgyal po las rnyed cing / /mdog ldan lang tsho gsar bkug la/ /tsan+dan lde gu mang byas te/ /las kyi sbyor bas de nyid bcing / /yang na me la gdung bas 'grub/ /o~M badzra kro d+ha ya ma rA dzaHbadzra kI li kI la/ hA na ha na mA ra ya phaT/ 
ces bya'i gsang sngags brjod byas la/ /rus pa'i phur bas gdab par bya/ /gsal shing la btsugs skyes bu yi/ /rdzas la brten te bsgrub par bya/ /til mar byugs la thod pas bzhar/ /mar mer byas pa'i dud pa yis/ /mig rnon dag ni 'grub par 'gyur/ /gsang sngags rgyal 

</font><hr>83-1-170a<br><font size=+1>

po thogs med la/ /bsten pas thob bya mang mod kyang / /'dir ni brjod pa ci zhig dgos/ /yang na 'di ltar shes bya ste/ /rang nyid sngags dang ting 'dzin ldan/ /brtson chen gzhan du ma yengs pas/ /gang du brtsams pa de 'grub 'gyur/ /smad 'tshong rang byung nyid 
kyis ni/ /sngon bstan tsakra legs bris te/ /ling ga'i snying gar bcug byas la/ /rang mdun khrag gi zla gam steng / /khrag gis byugs pa'i steng du gzhag /mi 'am rgyal po'i bu mo dag /dgug dang dbang gi yi ge yis/ /de nyid du ni nges par 'gyur/ /nyal sa'i 'og tu 
mnan par bya/ /mi glang ra khyi bse phag khrag /'khor lo bris nas ling ga yi/ /mgrin par bcug nas bya rog gi/ /khrag gis khrag skyug sngags bris nas/ /yi ge de ldan thod pa ru/ /bcug nas gsang sngags mang bzlas te/ /dur khrod me thab 'og bzhag na/ /
khrag skyug pa la the tshom med/ /bsros na tsha ba'i nad kyis 'chi/ /sbal khrag pha wang klad pa yis/ /'khor lo de nyid legs bris nas/ /ling ga'i mchan khung g.yon bcug la/ /g.yas g.yon glang khrag sbal khrag byug /ling ga'i phyogs su rang nyid kyi/ /rkang pa 
g.yon pa'i mthe bos mnan/ /de tshe bzlas pa mang byas nas/ /rgya gram lam du mnan la gzhag /de las zlog pa bris nas ni/ /shing gcig khong par sbas na rengs/ /rnga mo bya rog rgan po'i khrag /'khor lo bris nas ling ga yi/ /rkang gnyis bar bcug rang mdun du/ /
khrag gis rnga mo gzugs bris te/ /de yi steng gzhag rang nyid kyis/ /rlung gi bsam gtan nges ldan na/ /bskrad pa nyid du the tshom med/ /ri bo'i rtse la 'dzegs te sba/ /ne'u le sbrul rta ma he dang / /bya rog 'ug pa'i khrag gis ni/ /khyo shug rkang pa'i rjes sbrus pa'i/ /ling ga 
sor brgyad par byas te/ /khrag des bris pa'i 'khor lo dag /snying gar bcug pa gnyis byas te/ /ne'u le gzugs byas steng du gzhag /lag gnyis rta dang ma he yi/ /rus pas brdung zhing gsang sngags zlos/ /rtse 'drud shing rtsar sbas na 'byer/ /tsan+dan dkar pos 

</font><hr>83-1-170b<br><font size=+1>

legs bris nas/ /gser sogs rin chen rdzas su dril/ /mdun du zla ba'i gzugs steng du/ /gzhag la nyin re'i bskor ba ni/ /ji srid byas na bsrung bar nges/ /spyi bor btags na g.yul las rgyal/ /rkang par btags na chu steng 'gro/ /ba yi 'o mas khrus byas te/ /ku 
sha ba mar sogs mchod na/ /gsol btab nad rnams thams cad srung / /de nas bcom ldan 'das las phra ba thams cad las rnam par rgyal ba zhes bya ba'i ting nge 'dzin la snyoms par zhugs nas/ las thams cad kyi rjes su 'gro ba'i sngags 'di sku dang / gsung dang thugs 
rdo rje las phyung ngo / /mA ra ya phaT ces bsad pa'i 'o/ /bi dwe Sha ya dbye ba'i 'o/ /uts+tsha Ta ya bskrad pa'i 'o/ /mo ha ya rmongs pa'i 'o/ /ba sha~M ku ru dbang du bya ba'i 'o/ /stam+b+ha ya mnan pa'i 'o/ /A kar+Sha ya dzaHdgug pa'i 'o/ /o~M hrIHswA hA mchod pa'i 'o/ /o~M i da~M g+ha swA hA zhal bsil 
gyi'o/ /o~M duSh+Ta swA hA dri'i'o/ o~M b+ho ya~M dzaHdza me tog gi'o/ /o~M Sh+Ti ha he phaT phaT/ bdug pa'i 'o/ o~M dI po d+ha na ma ya swA hA/ mar me'i'o/ /o~M badzra nai bid+ya AHhU~M swA hA/ zhal zas kyi'o/ /o~M kA la rU ba sa twa da ma ka /ma hA b+hU ta pa ti/ i da~M ba li gr-ih+NA pa ya swA hA/ gtor ma'i'o/ /
o~M hrIHya ma rA dza e h+ye hi A gats+tsha b+ha ga bA na sar+b+ba mA~M sa me da madz+dza/ ru d+hi ra pri ye b+hak+Sha b+hak+Sha/ ma ma sar+b+ba satwa da ma ka /karma ku ru sid+hi sme swA hA lha spyan drang pa'i'o/ /o~M hrIHbadzra dza ye su dza ye ma hA badzra dza ye mu ni badzra muHlha la sogs pa gshegs su gsol ba'i'o/ /de nas rdo rje 
'dzin pa nyid chos thams cad kyi rjes su 'gro ba dang / ldog pa zhes bya ba'i ting nge 'dzin la snyoms par zhugs nas/ gsang sngags yongs su rdzogs pa'i phrin las 'di nyid bka' stsal to/ /nam mkha'i dbyings kyi dbus gnas par/ /hU~M las yongs su rdzogs pa yi/ /rdo rje 
'jigs byed bsam par bya/ /dmar po zhal gcig phyag gnyis pa/ /shes rab mo dang mnyam du sbyor/ /dbyug pa thod khrag phyag na 'dzin/ /ma he pad+ma nyi ma la/ /g.yon brkyang ba yi tshul gyis bsgom/ /o~M ya mAn+ta kr-ita hU~M phaT/ gsang sngags rgyal po 'di bzlas na/ /'dod 

</font><hr>83-1-171a<br><font size=+1>

pa'i dngos grub thams cad 'byung / /nam mkha'i dbyings su dbus gnas par/ /ya yig sngon po las skyes pa'i/ /khro bo rdo rje 'jigs byed ni/ /pad+ma nyi ma'i gdan steng na/ /sems dpa'i skyil krung gis gnas pa'i/ /gri gug bi d+hi pa la dang / /dgra sta dang ni 
thod khrag dang / /phyag bzhi po ni rim pas 'dzin/ /ma he nag po zhal steng na/ /'jam dpal zhal ni ser zhing 'dzum/ /dpa' bo chen po rang nyid bsgom/ /rab tu zhim pa'i chang btung zhing / /sha chen dag kyang mur bar bya/ /mtshan mo dur khrod rgyu byed cing / /rtag par 
gsang sngags bzla bar bya/ /thig le 'dren pa'i rnal 'byor ni/ /bsgrub bya'i phyogs su bsam par bya/ /las rnams myur du 'dis 'grub po/ /yang na 'di ltar shes bya ste/ /ma he gdong gi sbyor ba yis/ /sku yi kha dog so sor shes/ /khyad par du yang gsad pa la/ /
nag po ma he'i zhal can ni/ /rtse gsum lcags kyu 'dzin pa ste/ /ma he sha steng bsam byas na/ /khrag 'dren pa yi mchog tu gsungs/ /res 'ga' sku la khro bo ni/ /lcags kyu 'dzin pa grangs med spro/ /zla ba spyang kis zin dus su/ /byi la'i sder mo ra snying dang / /
bya yi khrag dang mi rus bsres/ /gang la phog pa smyo bar 'gyur/ /dpal rdo rje 'jigs byed kyi rtog pa'i rgyud kyi rgyal po las sbyor ba'i le'u ste gnyis pa'o// //de nas yang dag bshad bya ba/ /sgrub par byed pa'i rnal 'byor pas/ /dur khrod ras sam dpa' bo'i gos/ /yang 
na mtshan gyi kheb ma la/ /rnam snang mdzad dang rdo rje chus/ /dpa' bo'i khrag dang chang dang dug /go ro tsa nas ras tshos bya/ /legs par dam por drud byas te/ /lus ngag yid kyi gnas su ni/ /bdud rtsi lnga dang ldan pa'i chus/ /yi ge o~M dang AHhU~M bri/ /skra phyed dur khrod sol ba 
dang / /khrag chen ldong ros ba bla yis/ /dbang thob dam tshig srung byed cing / /shin tu gsang la dam pa yi/ /ri mo mkhan ni brtson ldan des/ /rgyud kyi don la mkhas byas nas/ /nag po'i tshes kyi mtshan phyed dus/ /gsang ba'i gnas su rab zhugs nas/ /bcom 

</font><hr>83-1-171b<br><font size=+1>

ldan rdo rje 'jigs mdzad bri/ /rtsa ba ma he khros pa'i zhal/ /de steng 'jam dpal 'dzum pa'i zhal/ /lhag ma dmar dang ser dang sngo/ /du ba'i mdog mtshungs gyen skra can/ /rab tu brjid cing khro bo'i zhal/ /drug dang ldan pa'i sku lus che/ /thod pa skam rlon rgyu ma sbrul/ /
rus pa rdo rje phreng bas brgyan/ /glang chen stag lpags gyon nas ni/ /pad+ma nyi ma ma he la/ /gshin rje mnan nas zhabs drug gis/ /g.yon brkyang g.yas bskum gar gyis 'gying / /phyag drug g.yas kyi dang po na/ /rtse gcig gnyis pa tho ba ste/ /gsum pa gtun 
shing mkha' la 'phyar/ /dgra sta lcags kyu zhags pa ni/ /g.yon pa'i phyag gis 'dzin pa bri/ /nam mkha'i mdog can thal bas byugs/ /sku la khro bo du ma 'phro/ /sna tshogs mchod pa'i lha mos bskor/ /legs par de ltar bris pa yi/ /rgyab dang phyogs rnams 
thams cad du/ /dur khrod chen pos bskor bar bri/ /mgo rdum rgyu ma mkha' la khyer/ /rkang rdum lag rdum ro langs dang / /wa dang spyang ki gtum po dang / /mkha' 'gro pho mo sha za'i tshogs/ /bya dang gcan gzan sna tshogs bri/ /skyi bung rab tu 'jigs bris nas/ /
der ni sgrub pa po yang bri/ /gri thod bzung nas sha chen mur/ /gos nag gyon nas khrag chen 'thung / /rta dang ma he rus pa yi/ /phreng ba bzung nas gsang sngags 'don/ /bcom ldan 'das la lta bar bri/ /de ltar bris nas chang dang khrag /sha chen go ro tsa 
nas mchod/ /mnyam gzhag lha yi dge 'dun des/ /dus gsum rgyun du mchod byed na/ /rdo rje 'dzin pa myur du 'thob/ /sku ni rab tu sba zhing gsang / /phan yon dam pa 'di las 'byung / /dpal rdo rje 'jigs byed kyi rtog pa'i rgyud kyi rgyal po las bris sku'i le'u ste 
gsum pa'o// //de nas yang dag bshad bya ba/ /rtog pa ma lus zad byed cing / /las rnams thams cad grub 'dod pas/ /blo ldan ser sna rnam spangs te/ /rtul phod g.yeng ba rnam spangs nas/ /sbyin sreg las la rab brtson bya/ /mtshal dang ba 

</font><hr>83-1-172a<br><font size=+1>

bla ldong ros dang / /shan pa'i go thal dur khrod sa/ /mi dang ma he khrag gis brdzi/ /khru do pa la khru phyed brtsig /gru bzhi'i steng du zlum po ni/ /rdo rje rgya gram ldan byas la/ /de steng 'khor lo rtsibs drug la/ /mtshan ma drug ni dgod par bya/ /lte bar me yi dkyil 'khor ni/ /mtho gang tshad du byas pa la/ /
ma he'i khrag gis legs par byug /bdag nyid lho yi phyogs bltas te/ /ma he zhal gyi sbyor ba yis/ /thab kyi nang gi phyogs mtshams su/ /me yi sa bon mngon bltas la/ /bskal ba'i me chen lta bur bsgom/ /der ni me lha'ang bsgom bya ste/ /zhal gsum phyag bzhi gnag la rtsub/ /phyag gnyis rang 'dra'i yum la 'khyud/ /g.yas 
ba'i phyag gis 'gro rnams la/ /skyabs sbyin mdzad cing bgrang phreng 'dzin/ /g.yon pas ril ba mchog stsol brtson/ /zhabs drug rigs drug mtshan ma brdzis/ /zhal nas me rnams rab 'phro zhing / /'od rnams sna tshogs kyis brgyan pa/ /de ltar shes nas rab bsregs na/ /'dod pa'i don rnams rab tu 'byung / /
dgra bo'i gzugs dang sha chen dang / /chang dang ma he'i khrag bcas pa/ /stong phrag gsum du bsregs byas na/ /bsgrub bya khrag tu skyugs nas 'chi/ /glang po rta bong khyi sha la/ /stong phrag gsum gyis dbang du byed/ /bya rog 'ug pa khyi sha chu/ /bsregs na mi rta 'byer bar nges/ /til dang nas dang gro sA lu/ /
yung ba gi wang so phag rnams/ /stong phrag drug tu gang bsregs pa/ /longs spyod thams cad rnyed par 'gyur/ /rta dang rnga mo bya rog sha/ /mi sha rdo rje chur bcas pa/ /gsang sngags rnal 'byor ldan byas te/ /brgya rtsa brgyad kyis nges par skrod/ /ra sha da na ut+pa la/ /chang dang ma he chur bcas pa/ /gang 'dod brgya rtsa brgyad 
kyis lkugs/ /dug dang khrag dang sgog pa dang / /sha chen til mar rab sbags te/ /brgya rtsa brgyad du bsregs byas na/ /pha rol gzhan gyi rig sngags gcod/ /tsan+dan dkar po 'bras dkar dang / /til dkar 'bras chan yungs kar dang / /ut+pal dkar dmar ga pur dag /shar du bltas te brgya rtsa brgyad/ /
bsregs nas dus rnams kun tu bsrung / /gang zhig bya ba'i rims sogs dang / /sngags rnams bsam gtan nges ldan pas/ /snying rje'i yid ni ma bral na/ 'dod pa thams cad 'dir bsgrub bya/ /gzhan du rmongs pa'i byis pa 'ga'/ /blo gros med gang shes rab 'chal/ /sngags dang dam tshig dman gyur cing / /

</font><hr>83-1-172b<br><font size=+1>

ting nge 'dzin la mngon g.yel ba/ /brtson pa chung zhing lhod pa 'gas/ /bskal pa stong du bsgrubs byas kyang / /'bras bu yod pa ma yin te/ /sha thang chad pa nyid du 'gyur/ /dper na blo zhan byis pa rnams/ /'ga' zhig 'bras 'dod 'khrul gyur nas/ /phub ma rlung khar byed pa la/ /'bras yod nam yang mi 'gyur bzhin/ /ji 
ltar sprin dang chu zla dang / /dbang po'i gzhu rnams rtag min te/ /thar pa 'dod pa'i bya ba'ang de/ /sgyu ma nyid la sgyu ma rol/ /ye shes gcig pu rnam grol rgyu/ /stong pa dpag par blos ci nus/ /de la dpyad cing gzhal bzod na/ /brtags pa'i snying po de la med/ /de la dngos rnams ma grub na/ /bsgrub pa'i rim gzhan smos ci dgos/ /
bya ba dang ni byed pa dag /nges par de la brtag mi bzod/ /ngam grog g.yang sar lhung yang bla'i/ /chad par rtog pa 'di mi bzod/ /rtag pa nyid kyang rig min te/ /dngos po yod pa ga la 'gyur/ /dper na byis pa rnams la mas/ /sa 'dir sdod dang ma nyid kyis/ /'bras bu shing tog mang blangs la/ /khyod la bde bas sbyin zhes 
brjod/ /de bzhin rnam pa du ma yang / /'jig rten rtog pa tha dad pas/ /de dag drang bar bya phyir bshad/ /bcom ldan lha yi lha mdun du/ /sha chen bo yi zhal zas dang / /chang dang til mar ma he khrag /rab tu zhim pa'i zas mchog rnams/ /dus rnams rtag tu dbul bar bya/ /gsang sngags rgyal po yi ge bcu/ /bdag gis 
rgyun du gdon bya zhing / /bsam gtan rtag tu brtson par bya/ /de ltar shes shing sgrub byed pa'i/ /skyes bu blo ldan de yis ni/ /sangs rgyas nyid kyang myur 'grub 'gyur/ /zhi sogs las rnams smos ci dgos/ /grong khyer dkrug na sngags pa des/ /khyi sha sbal sha rus sbal sha/ /rnga mo byi la'i sha rnams la/ /stong rtsa brgyad du 
bsreg par bya/ /rta sha dri chen rab sbyar bas/ /ril bu byas te bdag mdun du/ /gsang sngags rgyal po bzlas byas nas/ /brgya rtsa brgyad du bsregs pas ni/ /rgyal po dbang du byed par 'gyur/ /bud med dbang du byed 'dod na/ /nya sha chang dang sha chen rnams/ /rdo rje chu yis sbags byas te/ /brgya rtsa brgyad du bsreg par bya/ /tha 
mal dbang du byed 'dod na/ /sha chen glang po'i sha dang bcas/ /byang chub sems dang bsres byas te/ /stong phrag brgyad du bsreg par bya/ /dgug pa dus rnams thams cad du/ /khyi sha nya sha bdud rtsi lnga/ /cha mnyam ril bu byas nas ni/ /brgya rtsa brgyad du bsregs na 'gugs/ /sbyin sreg las rnams thams cad kyang / /ma he zhal 

</font><hr>83-1-173a<br><font size=+1>

gyi sbyor bas ni/ /gsang sngags rgyal pos 'dod pa sbyar/ /ma yengs rtse gcig sems kyis bya/ /gsungs dang ma gsungs mtha' dag kyang / /ji lta ba yi rim pa yis/ /rgyud kyi rgyal po nyid nyer gnas/ /sangs rgyas 'bras bu myur du 'thob/ /zhi la zhi ba'i yid kyis te/ /rgyal po lta bur rgyas pa la/ /sdang bral 
chags pas dbang la'o/ /drag po'i las la khro zhing rtsub/ /rab tu gtum pa'i yid kyis ni/ /gsod pa'i sems dang ldan par bya/ /gang zhig ltos pa med pa'i mi/ /grub pa myur du tshol byed na/ /sems kyi rang bzhin rnam dag pas/ /rdo rje 'dzin pa de 'grub 'gyur/ /dngos po gang dang gang spyod yul/ /de dang de 
yi rang bzhin 'gro/ /mnyam gzhag nyams par mi bya la/ /dus rnams rtag tu rnal 'byor pas/ /shin tu mnyam par gzhag par bya/ /des ni thar pa nyid kyi rgyu/ /rgyud kyi rgyal po 'di las ni/ /'dod pa'i dngos grub myur byed de/ /dka' ba med pa'i thabs 'di ni/ /dka' spyod brtul zhugs rnams spangs te/ /shin 
tu bde bar sgrub pa'i thabs/ /sdug bsngal 'jigs med bdud rtsi'i ro/ /blo ldan legs par blang bya ste/ /shin tu 'bad pas bsgrub par bya/ /mi shes blo gros rmongs pa 'ga'/ /rtog pa'i dra bas bsgribs pa'i tshe/ /bsod nams dang ni sdig pa yi/ /phung po rnam pa gnyis su brtags/ /'on kyang 'dod pa thams 
cad ni/ /rgyud mchog 'di las 'byung 'gyur phyir/ /dman zhing brtson pa chung ba 'ga'/ /'di la zhugs na myur du 'grub/ /de bas ngo mtshar rgyud 'di ni/ /rnyed dka' khyad par mchog gyur pa/ /yi ge'i dbyibs kyang mi bstan na/ /bshad cing 'grol ba smos ci dgos/ /dbang rnams nges par ma blangs shing / /bla ma 
mnyes par ma byas tshe/ /bstan kyang thob par mi 'gyur te/ /tsha ba la sogs 'khor bar 'khor/ /de skad ston pas bshad pa'i tshe/ /sde rnams myos shing brgya la rmongs te/ /kun kyang 'dud cing mgo bo smad/ /'jig rten 'di ni shin tu g.yos/ /gang zhig rgyud 'di nyan pa dang / /shes nas 'chang bar byed pa dang / 
dus rnams kun tu 'don byed na/ /tshe 'dir 'jigs pa kun bsal te/ /shi nas mtho ris myur du 'thob/ /gal te gzhan du rgyud mchog 'di/ /bstan nam bshad dam gsal phye na/ /de ni sdug bsngal mang myong nas/ /shi nas myur du dmyal bar 'gro/ /rang gis shin tu bcang byas shing / /dngos grub 

</font><hr>83-1-173b<br><font size=+1>

nyid bzhin mngon byas na/ /sdug bsngal mtha' dag nges zad nas/ /myur du bla med thob par 'gyur/ /dpal rdo rje 'jigs byed kyi rtog pa'i rgyud kyi rgyal po las sbyin sreg gi rim par phye ba'i le'u ste bzhi pa'o// //dpal rdo rje 'jigs byed kyi rtog pa'i rgyud kyi rgyal po'i 
las kyi dngos grub brtag pa zhes bya ba rdzogs so// //paN+Di ta chen po a mo g+ha'i zhabs nus pa can dang / bod kyi lots+tsha ba mar pa ban+de chos kyi dbang phyug grags pas bsgyur cing zhus pa'o/ /slad kyis grub thob chen po kar+Na shrI'i zhal snga nas mnyan te/ /thar pa lo ts+tsha ba 
nyi ma rgyal mtshan gyis bsgyur cing zhus te gtan la phab pa//
  
</font><hr>

</table>