@##/ /rgya gar skad du/ ts+tshu ts+tshu na d+ha ra kalpa na maH/ bod skad du/ te'u lo pa'i cho ga zhes bya ba/ gshin rje'i gshed po la phyag 'tshal lo/ /de nas ts+tshu ts+tshu na d+ha ra'i cho ga zhib mo bshad par bya ste/ oM tu tra ya ma he sha ra yo ga prat+ta ma ya/ yo ga sid+d+hi/ dA hA ni me swA hA/ hU ha/ da ha da ha/ pa tsa pa tsa/ ur d+hi ya hUM phaT/ rig sngags 'di'i bya ba'i cho ga ni/ /nyin mtshan du mi nyal bar dri dang me tog dang / bdug spos phul nas/ gtor ma btang ste stong phrag brgyad bzlas na 'grub par 'gyur ro/ /de nas las rnams su 'gyur ba ni/ /ts+tshu ts+tshun d+ha ra shi ba blangs la/ pags pa dang rus pa dang / sha dang spu rnams phye mar btags te stong phrag gnyis bzlas nas phye ma de dpral bar byugs na bdag nyid dgras mi mthong / oM ma ma hU pa ti/ phye ma de lag pa la bskus nas gang la reg pa de dbang du 'gyur ro/ /phye ma de rkang pa la bskus nas dpag tshad brgyar song na yang ldog go/ /phye ma de nyid kyis dgra'i sgo logs la bskus nas khyim gyi sgor stong phrag brgyar bzlas na skrod par 'gyur ro/ /phye ma de dang dur khrod kyi ras dgra bo'i sgo rtsar bcad cing sbas na dgra bo'i rigs rnams 'joms par 'gyur ro/ /yang na dgra bo'i rigs skrod par 'dod na ts+tshu ts+tshun d+ha ra'i pags pa phye mar btags la/ stong phrag brgyad yongs su bzlas nas gcin shul gyi sas bkang nas skud pa sngon pos bcings te nam mkhar bteg na gcin 'gags par 'gyur ro/ /bkrol na ni thar ro/ /ts+tshu ts+tshun d+ha ra'i pags pa phye mar btags nas lha chen po'i mdun du stong phrag brgyad bzlas la yang dri dang me tog dang bdug spos dang gtor ma btang ste/ slar yang stong phrag brgyad bzlas na des 'grub par 'gyur ro/ /phye ma de sna'i rtse mor bskus na skye 'gro thams cad la sdug par 'gyur ro/ /mgo bor 83-1-174b bzhag na dgra thams cad dang 'gyed pa'i lan thebs par 'gyur ro/ /phye ma de nyid rang gi snying gar bskus nas dgra la bstan na snying na bar 'gyur ro/ /sA lu'i phye ma la gzugs byas nas phye ma de bskus na mdzes thebs par 'gyur ro/ /dur khrod kyi thal ba dang bcas pas dgra bo'i tshogs la gtor na gang gis mnan pa dang mthong ba de dag nad kyis thebs par 'gyur ro/ /phye ma de la lan stong bzlas nas gang gi mgo bor blugs pa de dbang du 'gyur ro/ /phye ma de thod pa dang lhan cig sgo logs su bzhag na dgra bo dang dbye bar 'gyur ro/ /phye ma de bud med kyi lag pa la bskus na bud med de 'chi bar 'gyur ro/ /phye ma de gang gi sgor sbas na skrod par 'gyur ro/ /phye ma de sha chen po dang bsres nas gang gi btung bar sbyin na nyi ma bdun gyis 'chi'o/ /phye ma de dgra la byin la dgra bo bkres pa dang / /gzhang 'brum dang / tshad pas thebs nas phyi nas ni rang nyid dga' bar 'gyur ro/ /ts+tshu ts+tshun d+ha ra'i rus pa blangs nas gang gi khyim du sbas na 'chi'o/ /ts+tshu ts+tshun d+ha ra'i sha dang nya'i zhag dang bcas pa lha la mchod pa byas nas dur khrod du thod pa'i steng du 'dug nas thod pa bzung la bzlas pa bya/ dur khrod kyi sol ba la lan stong du blugs cing / sbyin sreg byas na 'grub par 'gyur ro/ /phye ma de tsha ba gsum dang bsres pas las su 'gyur ba ni/ gang gi khyim du bzhag na/ de la me'i tsha ba gsum dang 'byung bar 'gyur ro/ /phye ma de ske tshe dang bsres pas kyang las de nyid du 'gyur ro/ /phye ma de dang dur khrod kyi sas gzugs brnyan byas te sgo rtsar sbas na/ phral du na tshas gsod par 'gyur ro/ /phye ma de lan tshwa dang bsres nas gang la brdeg pa de dbang du 'gyur ro/ /phye ma de yungs kar dang bsres nas rgyal po'i sgo la gtor na/ rgyal po dbang du 'gyur ro/ /ts+tshu ts+tshun d+ha ra'i rtog pa zhib mo rdzogs so// //rgya gar gyi mkhan po dI pa~M ka ra dang / bod kyi lots+tsha ba rwa rdo rje grags kyis bsgyur ba'o// // |