D483

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>D483</h1><td>(<a href="https://adarsha.dharma-treasure.org/kdbs/degekangyur" target="new2">e-text produced by ADARSHA</a>)<br><br><a href="verif2.php?id=D483&coll=derge">see text in Tibetan script</a></table>85-1-58b<br><font size=+1>

@#/ /rgya gar skad du/ sarba durga ti pa ri shod+ha na te dzo rA dza ta thA ga tA r+ha te saM myak+saM bud+d+ha s+ya kalpa nA ma/ bod skad du/ de bzhin gshegs pa dgra bcom pa yang dag par rdzogs pa'i sangs rgyas ngan song thams cad yongs su sbyong ba gzi brjid kyi 
rgyal po'i brtag pa zhes bya ba/bam po dang po/ dpal rdo rje sems dpa' la phyag 'tshal lo/ /'di skad bdag gis thos pa dus gcig na/ bcom ldan 'das lha'i tshogs thams cad kyi dga' ba'i tshal mchog tu yid du 'ong ba na/ nor bu dang / 
gser dang / gser gyi shing yal ga dang / lcug mar bcas pa dang / shing gel pa dang / sman dang / me tog ka ma la dang / ut+pal dang / kar+Ni ka dang / bak+ku la dang / ti la ka dang / a sho ka dang / man dA ra ba dang / man dA 
ra ba chen po la sogs pa sna tshogs pa dang / dpag bsam gyi shing rnams kyis mdzes par byas shing / /rgya sna tshogs kyis brgyan pa/ bya sna tshogs mang po skad snyan 'byin pa/ rnga dang / cang te'u dang / ker ko dang / gling bu dang / rnga bo che la 
sogs pa'i sgra grag pa/ brgya byin dang / tshangs pa la sogs pa'i lha dang / lha'i bu mo sna tshogs rnam par rtsen pa/ sangs rgyas dang / byang chub sems dpa' thams cad kyis byin gyis brlabs pa na/ brgya byin dang / tshangs pa la sogs pa lha 
dang / rig pa 'dzin pa dang / lha'i bu mo 'khor bye ba khrag khrig brgya stong phrag du ma dang / gnod sbyin dang / srin po dang / lha ma yin dang / dri za dang / mi 'am ci dang / lto 'phye chen po dang / klu la sogs pa 'khor du ma dang / byang chub sems 
dpa' sems dpa' chen po bye ba khrag khrig brgya stong phrag brgyad la/ 'di lta ste/ byang chub sems dpa' sems dpa' chen po blo gros tshad med pa dang / blo gros mi g.yo ba dang / blo gros yangs pa dang / kun tu blo gros dang /blo gros mtha' yas 

</font><hr>85-1-59a<br><font size=+1>

dang / blo gros ka ma la dang / blo gros chen po dang / blo gros lha rdzas dang / byang chub sems dpa' sems dpa' chen po blo gros sna tshogs la sogs pa phyir mi ldog pa'i byang chub sems dpa' sems dpa' chen po'i dge 'dun mtha' 
thug pa med pa rnams kyis bsti stang du byed/ bla mar byed/ mchod cing rjed la rab tu mchod cing spel te/ 'khor mang po'i dbus na tshangs pa chen po pad+ma'i gdan la bzhugs te/ ngan song gi rgyud thams cad yongs su sbyong ba zhes bya ba'i ting nge 'dzin la 
snyoms par zhugs te/ ngan song gsum gyi rgyud las rnam par grol ba zhes bya ba'i byang chub sems dpa' sems dpa' chen po'i ting nge 'dzin gyi 'od zer 'phro ba dang sdud pa mang po'i phreng ba nyid kyi dpral ba'i mdzod spu nas byung nas/ des stong gsum gyi stong 
chen po'i 'jig rten gyi khams 'di dag thams cad kun tu snang bar byas so/ /kun tu snang bar byas nas sems can thams cad kyi sems nyon mongs pa'i 'ching ba las rnam par grol te/ bde ba so sor thob nas dga' ba'i tshal thams cad kun tu snang bar 
byas pas mchod pa'i sprin sna tshogs kyis mngon par mchod de/ lan brgya phrag stong du bskor ba byas nas mgo bos lan brgya phrag stong du phyag 'tshal nas/ bcom ldan 'das kyi spyan sngar nor bu dri ma med pa'i steng du 'khod de 'di skad ces gsol to/ /kye ma'o sangs 
rgyas kye sangs rgyas/ /kye ma'o sangs rgyas mdzad pa legs/ /gang phyir ngan song bdag cag sbyangs/ byang chub spyod pa nyid la bkod/ de nas lha rnams kyi dbang po brgya byin gyis bcom ldan 'das la lan brgya phrag stong du bskor ba byas te/ 
phyag 'tshal nas bcom ldan 'das la 'di skad ces gsol to/ /bcom ldan 'das gang gi slad du sangs rgyas kyi 'od zer kun tu snang bas ngan song gi rgyud las rnam par grol zhing /rnam par grol ba'i lam la bkod pa ni bcom ldan 'das ngo mtshar lags 

</font><hr>85-1-59b<br><font size=+1>

so/ /bde bar gshegs pa ngo mtshar lags so/ /bcom ldan 'das kyis bka' stsal pa/ lha'i dbang po 'di ni ngo mtshar mi che'o/ /lha'i dbang po 'di ni ngo mtshar mi che ste/ sangs rgyas bcom ldan 'das ni tshad med pa'i bsod nams kyi tshogs rnams 
yang dag par bsags pa'o/ /lha'i dbang po yang dag par rdzogs pa'i sangs rgyas rnams ni tshad med pa'i yon tan rin po che'i 'byung khungs su gyur pa'o/ /lha'i dbang po yang dag par rdzogs pa'i sangs rgyas rnams ni tshad med pa'i thabs yang dag par rdzogs 
pa'o/ /lha'i dbang po sangs rgyas bcom ldana'adas rnams ni shes rab tshad med pa bsags pa'o/ /sangs rgyas bcom ldan 'das rnams kyi spyod pa ni tshad med pa'o/ /sangs rgyas bcom ldan 'das rnams ni gdul ba'i skye bo tshad med pa rnams snod du 
gyur par mdzad pa'o/ /sangs rgyas bcom ldan 'das rnams ni mi mnyam pa dang mnyam pa'i ye shes dang ldan pa/ /sangs rgyas bcom ldan 'das rnams ni mi mnyam pa dang mnyam pa'i rdzu 'phrul dang ldan pa/ /sangs rgyas bcom ldan 'das rnams ni mi mnyam 
pa dang mnyam pa'i smon lam gyi stobs dang ldan pa ste/ lha'i dbang po de lta bas na sangs rgyas bcom ldan 'das rnams kyis snod ji lta ba bzhin du sems can gyi don mdzad pa dang / ji ltar 'dul ba bzhin du sems can rnams kyi don mdzad pa dang / mos pa ji 
lta ba bzhin du sems can rnams kyi don mdzad pa yin par rig par bya ste/ 'di la the tshom dang / som nyi dang / yid gnyis ma byed cig /gang de bzhin gshegs pa rnams kyis 'dul bar mi 'gyur ba'i gnas ni med do/ /de nas lha rnams kyi dbang po 
brgya byin rang gi stan las langs nas yang bcom ldan 'das la mchod pa che ba rgya che ba byas te/phyag 'tshal nas bcom ldan 'das la 'di skad ces gsol to/ /sems can thams cad la phan pa nyid du bgyi ba dang / sems can thams cad la snying brtse 

</font><hr>85-1-60a<br><font size=+1>

ba  nyid du bgyi ba dang / snying brtse ba can nyid du bgyi ba dang / snying brtse ba can chen po can du bgyi ba dang / bsam pa thams cad yongs su rdzogs par bgyi bar bcom ldan 'das bdag spobs pa bskyed par gsol/ bde bar gshegs pa bdag spobs 
pa bskyed par gsol/ bcom ldan 'das sum cu rtsa gsum pa'i lha'i ris 'di nyid nas lha'i bu nor bu dri ma med pa'i 'od ces bgyi ba zhig shi 'phos te/ dus las 'das nas dgung bdun lon lags na/ bcom ldan 'das de gang du skyes/ bde ba dang sdug bsngal ni ci zhig myong bar 
'gyur/ bcom ldan 'das lung bstan du gsol/ bde bar gshegs pa lung bstan du gsol/ bcom ldan 'das kyis bka' stsal pa/ lha'i dbang po ci ste de'i dus la bab par shes na nyon cig /lha'i dbang pos gsol pa/ bcom ldan 'das dus ni 'di lags so/ /bde 
bar gshegs pa dus dang tshod ni 'di lags so/ /bcom ldan 'das kyis bka' stsal pa/ lha'i dbang po lha'i bu nor bu dri ma med pa'i 'od ces bya ba de 'di nas shi 'phos nas mtshams med pa'i sems can dmyal ba chen por skyes nas/ des der lo stong phrag bcu gnyis kyi bar du sdug 
bsngal ma rungs shing mi bzad pa myong nas sems can dmyal ba chung ngu rnams su yang lo brgya phrag brgyar sdug bsngal myong ngo / /de nas byol song dang / yi dgas kyi gnas su yang lo brgya phrag brgyar sdug bsngal myong ngo / /de nas yul mtha' 'khob kyi mir skyes nas kyang 'on pa dang / 
dig pa dang / lkugs pa'i rang bzhin can dang / smra ba mi gsal bar lo stong phrag drug cu'i bar du sdug bsngal myong ngo / /lo stong phrag brgyad cu rtsa bzhir nad rnag khrag 'dzag pa dang / mdze dang phol mig rnams kyis gzir ba dang / skye bo mang pos smad pa dang / yongs kyis spangs pa dang / 
rigs dman pa'i rigs can rjes su myong zhing sdug bsngal ba dang / sdug bsngal brgyud pa dang / gzhan la gnod pa byed pa dang / las kyi sgrib pa bar chad med pa rnam pa sna tshogs byed pa dang / gzhan yang sdug bsngal gcig nas gcig tu brgyud ba myong zhing myong bar 'gyur ro/ /de 

</font><hr>85-1-60b<br><font size=+1>

nas brgya byin la sogs pa lha'i bu thams cad kyis thos nas shin tu sdangs shing skrag ste/ skyo nas kha bub tu 'gyel bar gyur to/ /de nas yang langs nas 'di skad ces gsol to/ /bcom ldan 'das sdug bsngal chen po brgyud ba 'di las ji ltar na 'di thar bar 'gyur/ bde bar 
gshegs pa ji ltar thar bar 'gyur/ bcom ldan 'das ci nas kyang sdug bsngal gyi phung po 'di las rnam par grol bar 'gyur bar 'di bskyab tu gsol/ bde bar gshegs pa 'di bskyab tu gsol/ bcom ldan 'das kyis bka' stsal ba/ lha'i dbang po sangs rgyas bye ba 
phrag brgyad cu rtsa bzhis kyang bshad pa 'di ngas kyang bshad kyis nyon cig de nas lha'i dbang po brgya byin gyis yang bcom ldan 'das la me tog man dA ra ba dang / man dA ra ba chen po dang / me tog rnam pa sna tshogs dang / rin po che'i dbu rgyan dang / phyag gdub dang / dpung rgyan 
dang / snyan cha dang / do shal dang / se mo do la sogs pa'i rgyan gyi khyad par rnam pa sna tshogs kyis mngon par mchod de/ lan brgya stong phrag du mar bskor ba byas shing phyag 'tshal te/ bcom ldan 'das legs so/ /bde bar gshegs pa legs so zhes bya bas mnyes par byas 
nas/ bcom ldan 'das lha dang bcas pa'i 'jig rten la phan pa dang / bde bar bgyi ba dang / ma 'ongs pa'i sems can rnams ngan song gi rgyud gsum las rnam par thar bar bgyi ba'i slad du legs par bshad du gsol/ de nas yang tshangs pa la sogs pa lha mang po rnams 
kyis kyang 'di skad ces gsol to/ /bcom ldan 'das legs so/ /bde bar gshegs pa legs so/ /ci nas kyang ma 'ongs pa'i sems can rnams kyis mtshan tsam thos pas kyang ngan song gsum gyi lam las rnam par grol te/ bde 'gro lha'i 'jig rten nam/ mi'i 'jig rten 
du skyes nas bla na med pa yang dag par rdzogs pa'i byang chub thob par bgyi ba'i slad du bshad du gsol/ /de nas bcom ldan 'das kyis brgya byin dang / tshangs pa la sogs pa lha'i bu de dag de bzhin gshegs pa thams cad kyi snying po 'dis byin gyis brlab par bya ba'i phyir don yod gdon 

</font><hr>85-1-61a<br><font size=+1>

mi za ba'i rdo rje'i byin gyis brlabs zhes bya ba'i ting nge 'dzin la snyoms par zhugs so/ /de nas yang de nyid kyi thugs ka nas sngags 'di phyung nas lha de dag dam tshig can du byin gyis brlabs so/o~M sarba bid+yA badzra a d+haSh+TI na dz+nyA na sa ma ya hU~M/ de ltar ting nge 'dzin 
la snyoms par zhugs nas kyang gdon mi za bar mi choms pa'i rdo rje'i byin gyi rlabs kyis byin gyis brlabs nas ngan song thams cad yongs su sbyong ba'i rgyal po zhes bya ba de bzhin gshegs pa thams cad kyi snying po 'di rang gi thugs ka nas phyung ngo /o~M shod+ha ni shod+ha ni sarba bA baM bi sho d+ha 
ne/ shud d+he bishud d+he/ sarba karma A ba ra Na bi shud d+he swA hA/ rig pa chen po 'di bshad ma thag tu sems can thams cad kyi ngan song gi rgyud kyi 'ching ba thams cad rnam par chad do/ /ngan 'gro thams cad rnam par sbyangs so/ sdug bsngal mi bzad pa rnams rab tu zhi ste/ skye bo 
mang po rnams bde ba dang ldan par gyur to/ /de nas gzhan yang gsang ba'i snying po 'di gsungs so/o~M shod+ha ne sho d+ha ne/ o~M sarba a pA ya na/ sarba satwe b+h+yo hU~M/o~M lha'i dbang po gzhan yang 'di ni de bzhin gshegs pa thams cad kyi snying po'o/ /o~M sarba a pA ya bi shod+ha ne hU~M 
phaT/ lha'i dbang po gzhan yang 'di ni de bzhin gshegs pa thams cad kyi snying po dang nye ba'i snying po'o/o~M traT/ lha'i dbang po gzhan yang 'di ni ngan song thams cad rnam par sbyong ba'i snying po'o/ /hU~M/ lha'i dbang po gzhan yang mdor na dran pa tsam gyis kyang bsod nams chung ba'i 
sems can rnams ngan song gi rgyud thams cad las bde blag tu rnam par grol bar 'gyur ba ni 'di yin no/ /na mo b+ha ga ba te sarba durga ti pa ri shod+ha na rA dzA ya/ ta thA ga tA ya/ ar+ha te saM myaka saM bud d+hA ya/ tad+ya thA/o~M sho d+ha ne sho d+ha ne/ sarba pA paM bi sho d+ha ne/ shud d+he bi shud d+he/ sarba karma A bar 
Na bi shud d+he swA hA/ rtsa ba'i rig pa'o/o~M sarba bid sarba A ba ra Na bi sho d+ha ya ha na hU~M phaT/ o~M sarba bid hU~M/ o~M sarba bid phaT/ o~M sarba bid a/ o~M sarba bid trA tha/ o~M sarba bid o~M/ o~M sarba bid swa/ o~M sarba bid a/ o~M sarba bid hU~M/ o~M sarba bid trA+eT/ o~M sha/ o~M o~M b+ha/

</font><hr>85-1-61b<br><font size=+1>

lha'i dbang po de bzhin gshegs pa ngan song thams cad yongs su sbyong ba'i gzi brjid kyi rgyal po'i gsang ba'i snying po 'di ni rigs kyi bu'am/ rigs kyi bu mo gang yang rung bas ming tsam yang nyan tam/ bcangs sam/ bklags sam/ bris nas kyang mgo bo'am/ gtsug 
phud dam/ dpung pa'am/ mgul du btags te 'chang na tshe 'di nyid la dus ma yin par 'chi bar rgyad dam/ dus ma yin par 'chi ba brgyad dang 'brel pa'i rmi lam gyi rnam pa'am/ ngan song dang 'brel ba'i mtshan ma de dag thams cad rmi lam tsam du yang mi 'byung na/ dkyil 'khor 
du ji lta ba bzhin du zhugs la/ /zhugs nas kyang dbang bskur la snying po yang bzlas brjod byed cing / sngags kyi don yang sgom pa gang yin pa lta smos kyang ci dgos te/ de dag la ni sdig pa gang yang nye bar mi 'gyur/ ngan song du 'gro bar yang mi 'gyur ro/ /skyes pa'am/ bud med dam/ 
lha'am/ klu'am/ gnod sbyin nam/ srin po'am/ byol song ngam/ yi dgas sam/ sems can dmyal ba la sogs te/ gang yang rung ba shi ba'i lus dkyil 'khor du bcug ste/ dbang bskur na/ de sems can dmyal bar skyes na yang de ma thag tu rnam par thar nas lha'i rigs 
su skye bar 'gyur ro/ /lha'i rigs der skyes nas kyang de bzhin gshegs pa thams cad kyi chos nyid mngon sum du byed/ de bzhin gshegs pa thams cad la bsnyen bkur la sogs pa yang byed/ phyir mi ldog par yang 'gyur/ rgyud nges pa can du yang 'gyur/ de bzhin gshegs 
pa'i rigs su yang skye/ sgrib pa rnams rab tu spangs nas de bzhin gshegs pa thams cad kyi rigs sam/ lha'i rigs sam/ gzhan gang yang rung bar bde ba myong bar 'gyur ro/ lha'i dbang po mdor na 'jig rten nam/ 'jig rten las 'das pa'i phan pa dang bde ba thams cad myong 
bar 'gyur ro/ /de nas lha rnams kyi dbang po brgya byin gyis bcom ldan 'das la de bzhin du bskor ba byas te/ phyag 'tshal nas 'di skad ces gsol to/ /bcom ldan 'das ngan song thams cad kyi dbang du gyur pa rnams la phan pa dang bde bar bgyi ba dang / ci nas kyang sems can de dag 

</font><hr>85-1-62a<br><font size=+1>

ngan song thams cad la rgyab kyis phyogs par bgyi ba dang / bla na ma mchis pa yang dag par rdzogs pa'i byang chub bde blag tu rtogs par bgyi ba'i slad du bshad du gsol/ rje gcig bshad du gsol/ de nas bcom ldan 'das shAkya thub pas de bzhin gshegs 
pa thams cad kyi ngan song thams cad yongs su sbyong ba'i ye shes rdo rje zhes bya ba'i ting nge 'dzin la snyoms par zhugs nas de bzhin gshegs pa thams cad kyi ngan song thams cad yongs su sbyong ba'i gzi brjid kyi rgyal po zhes bya ba'i dkyil 'khor chen po 'di gsungs so/ /sangs rgyas kun gyi 
byang chub sems/ /bla na med pa rtogs gyur pa/ rgyal bas gsungs pa'i ye shes gang / de ni dkyil 'khor snying por gsungs/ /de nas yang bcom ldan 'das kyis sems can thams cad la thugs brtse ba'i slad du phyi'i dkyil 'khor 'di gsungs so/ /gtsug lag khang dang 
skyed mos tshal/ /mchod rten lha khang kun dga' sogs/ /ji bzhin pa yi cho ga yis/ /gnas ni byin gyis brlab pa brtsam/ /byin gyis brlabs pa'i gnas der ni/ /phyi yi dkyil 'khor bri bar bya/ /gru bzhi pa la sgo bzhi pa/ /rta babs bzhi dang ldan pa dang / /them skas bzhi 
yi phreng ba dang / /seng ge ban glang rnams kyis brgyan/ /dar dang lda ldi do shal phreng / /dril bu dang ni rnga mas brgyan/ /rdo rje rin chen pad+ma dang / /rgya gram pa yi phyag rgyas brgyan/ /srad bu brgyad dang ldan pa dang / /phyi yi sgo khyud rnams kyis brgyan/ /dgu yi char ni bgos pa las/ /
sgo dang sgo khyud sum char bya/ /rdo rje srad bus thig gdab bo/ /dbus kyi dkyil 'khor thig gdab pa/ /chos kyi 'khor lo 'dra ba la/ /lte bar bcas shing rtsibs bcu drug /rim pa gsum dang ldan pa la/ /rtsibs ni nyis 'gyur nyid du bya/ /dbus kyi phyogs su kun rig ni/ /dung dang 
kun da zla 'dra la/ /zhal bzhi pa la rdo rje yi/ /seng ge'i gdan la bzhugs pa dang / /ting 'dzin phyag rgyar ldan pa dang / /rgyan rnams kun gyis brgyan par bri/ /de yi spyan sngar ngan song kun/ /sbyong ba'i rgyal po bri bya ste/ /phyag gnyis ting 'dzin tshul du bsnol/ /zla ba rgyas 

</font><hr>85-1-62b<br><font size=+1>

dang pad+ma'i mdog /rgyan rnams kun gyis legs rdzogs la/ /rgyal mchog skyes bus gang bar bri/ /rgyab tu shAkya'i rigs dbang po/ /gtso bo thub pa bri bar bya/ /g.yon dang g.yas kyi phyogs char ni/ /rgyal mchog rin chen me tog gnyis/ /lo tsa nA dang mA ma kI/ /
de bzhin dkar mo sgrol ma rnams/ /rang gi rigs kyi mtshan ma bzhin/ /grwa yi phyogs ni kun du bri/ /rtsibs kyi nang ni thams cad du/ /rdo rje sems sogs sems dpa' mchog /rdzu 'phrul chen po'i sems dpa' rnams/ /go rims bzhin du bri bar bya/ /mkhas pas lA 
s+ya la sogs pa/ /mchod pa grwa yi phyogs su bri/ /sgo yi phyogs rnams thams cad du/ /sgo ba bzhi ni bri bar bya/ /rta babs khyams ni thams cad du/ /byams pa la sogs bri bar bya/ /nyan thos rgyal ba thams cad dang / /de bzhin rang rgyal gtso bo rnams/ /khro bo mngag pa 
pho nya sogs/ /bri bya yang na ming yang rung / /phyi yi dkyil 'khor phyi rol du/ /gling bzhi po ni bri bar bya/ /'dzam bu'i gling du tshangs pa bri/ /byang phyogs su ni dbang phyug che/ /shar dang nub kyi gling du ni/ /brgya byin gtogs 'dod thams cad ni/ /'khor dang bcas par bri bar bya/ /gzhan 
rnams dag kyang de bzhin te/ /lha min dri za nam mkha' lding / /gnod sbyin srin po lto 'phye che/ /'byung po yi dgas 'dre rnams dang / /klu dang grul bum ri rnams dang / /rgyal po bzhi rnams bri bar bya/ /gza' dang skar ma rgyu skar dang / /khro bo ma rungs 'tshe ba yi/ /bgegs dang bi nA ya ka rnams/ /
sems can kun la phan byed pa'i/ /drang srong skal ba chen po rnams/ /phra men ma dang bud med bri/ /de bzhin sring mo rnal 'byor ma/ /'byung ba bzhi yi lha chen po/ /khyim dang ri la gnas pa dang / /shing dang kun dga'i nags la sogs/ /dur khrod grong khyer gnas pa rnams/ /
ming dang brda 'am yang na ni/ /thig le rnams kyang bri bar bya/ /de nas mkhas pas dkyil 'khor la/ /bla re rgyal mtshan lhab lhub dang / /gdugs dang rnga ma lnga ldi dang / /'phan dang sna tshogs na bzas mchod/ /gser las byas pa'i bya rnams ni/ /brgyad dam bcu drug lhag 

</font><hr>85-1-63a<br><font size=+1>

kyang rung / /dbang bskur rin chen chus bkang ba'i/ /bum pa lnga ni gzhag par bya/ /mar me gtor ma bum pa dang / /mdzes pa'i bshos rnams gzhag bya ste/ /bza' ba btung ba sbyar legs dang / /bca' ba sna tshogs gzhag par bya/ /gnod sbyin 
srin po'i kha zas su/ /gtor ma rnam pa sna tshogs gzhag /'byung po dag dang klu dag dang / /mi dang mi min de bzhin te/ /me tog dri rnams sna tshogs dang / /'o ma mar dang kha rar bcas/ /rnam rgyal bum pa dri yi chus/ /rab tu bkang ba gzhag par bya/ /de nas khrus la 
sogs byas la/ /dri dang phreng mchog phreng ba can/ /dri zhim kha bkang mchog mdzes pa/ /rdo rje 'dzin mas zhugs nas kyang / /me tog thogs te sgo phyogs 'dug /gtso bo rgyal ba sras kyi 'khor/ /mang po rnams ni spyan drangs te/ /phyag rgya sngags dang bdag ldan zhing / /lcags 
kyu la sogs rnal 'byor gyis/ /dzaHhU~M ba~M hoHthugs rje'i bdag /tshur gshegs zhes ni brjod nas kyang / /gsang ba'i bcing ba bcings nas ni/ /mdzub gnyis lcags kyu'i tshul du bya/ /zhags pa bzhin du sbyar nas kyang / /de nyid lcags sgrog tshul du bya/ /mtheb gnyis nang du 
bkug nas ni/ /bskyod par gyur na dbang du 'gyur/ /de nas mtshan ma skyes nas mgu nas ni/ /thog ma tha ma med pa mngon sum mthong / /ar+g+ha mchog brtags gsang la sogs pa yi/ /dbyangs snyan pa yi bstod dang lha rdzas kyi/ /mchog gi dam pa rnams kyis legs par mchod/ /
de nas 'byung po kun gyi gtor ma bya/ /sems can bkres shing skom pas gdungs pa dang / /phyogs na gnas pa rnams la rnam par brtag /de yi gtor ma ji ltar mthun par bya/ /de nas sngags pas bla med byang chub kyi/ gnas su slob ma yongs su smin bya ba/ /'gro la phan phyir 
myur du byang chub bar/ /de dag byang chub sems mchog skyed du gzhug /de rnams byin rlabs byang chub smon lam gdab/ /zab cing rgya che ba yi chos bsgrags la/ /bsrung bar byas nas brtul zhugs sdom gnas pa/ /rab zhi kha nas sngags brjod gzhug par bya/ /dar la sogs 

</font><hr>85-1-63b<br><font size=+1>

pas mig gnyis g.yogs nas ni/ /rdo rje 'dzin dpal pad+mar lag gnyis bya/ /me tog rin chen la sogs de brgyan la/ /yon gyis lag pa bkang ste gzhug par bya/ /sngags ni 'di rnams yin no/o~M badzra a d+hi tiSh+Tha hU~M/o~M badzra sa ma ya hU~M/ o~M badzra pra be sha hU~M/ a 
sa me tri sa me ma hA sa ma ye hU~M/ de nas sngags 'dis me tog la sogs pa dor bar bya'o/ /sangs rgyas dngos grub thob bya'i phyir/ /bdag la thugs brtser dgongs nas ni/ /'gro la phan pa'i gtso chen gyis/ /sman par dgongs nas bzhes su gsol/o~M badzra pra ti gr-ih+ha hU~M/ o~M 
badzra pra tI ts+tsha badzra sa ma ya s+t+wa~M/ me tog rin chen la sogs gang / /bab par gyur pa rigs kyi lha/ /gtso bo'i rigs de bsgrubs na ni/ /dngos grub 'gyur te the tshom med/ /de nas sngags pa mkhas pa yis/ /sngags 'dis dam tshig sbyin par bya/ /o~M badzra sam ya hU~M phaT/ de nas 
rigs kyi phyag rgya snying gar bcings te dam tshig gi lha snying la gnas par bya ba'i sngags/ /o~M badzra sa ma ya hr-i da yaM me pra be sha dr-iD+ha tiSh+Tha hU~M/ de nas 'dis dam tshig bsgrag par bya'o/ /'di ni khyod kyi dmyal ba'i chu/ /dam tshig 'das na sreg par byed/ /dam tshig bsrungs na 
dngos grub ni/ /rdo rje bdud rtsi'i chu 'dis 'grub/ /ci ste dam tshig 'das na ni/ /de ma thag tu bkas nas gshegs/ /rdo rje 'dzin rgyal khros nas kyang / /bdun rgyud rigs ni brlag par mdzad/ /de bas rtag tu bu khyod kyis/ /rgyal bas gsungs pa'i dam tshig dang / /sdom 
pa dang ni bla ma'i bka'/ /shin tu mos pas bsrung bar bya/ /khyod kyis srog chags gsad mi bya/ /ma byin par yang blang mi bya/ /brdzun dang 'dod la spyod pa rnams/ /dngos grub 'dod pas bya ma yin/ /chang ni btung bar mi bya zhing / /sha la sogs pa bza' mi bya/ /sems can 
gnod pa'i sbyor ba ni/ /nams kyang bya ba ma yin te/ /dkon mchog gsum ni yongs mi spang / /dus kun tu ni byang chub sems/ /snying po sngags dang phyag rgya dang / /lha dang bla ma de bzhin no/ /sdig la sogs pa gang yin dang / /bla ma'i bka' las 'da' mi bya/ /lha la phul 

</font><hr>85-1-64a<br><font size=+1>

ba'i rnying pa dang / /de yi grib ma 'gom mi bya/ /phyag rgya'i gzugs la'ang de bzhin te/ /sngags dang lha la'ang smad mi bya/ /gdon gyi las sogs bya ma yin/ /mu stegs can la'ang smad mi bya/ /mdor na yid gnyis som nyi the tshom mi bya ste/ /
bdag gi de nyid dang ni sngags sogs de bzhin no/ /mos pa brtan dang ldan pas dam bcas nas/ /sarba bid kyis ji bzhin dbang bskur te/ /bum pa la sogs ji snyed mang thogs pas/ /bcu po rnams kyis dbang bcu ci dgar bskur/ /de nas lag tu dril bu rdo rje byin/ /'khor lo la 
sogs rin chen bdun thogs la/ /mi dbang dbang phyug 'khor lo thob pa dang / /sdig pa gzhom phyir dbang ni bskur bar bya/ /sngags bsgrub phyir ni mos ldan slob ma la/ /sngags pas bka' ni rab tu bsgo bar bya/ /des kyang mos pas spyi bos phyag 'tshal te/ /ci ste nor yod bla 
ma dbul bar bya/ /nor dang gter dang 'bru dang dbyig dang gser/ /bzhon pa khyim gdan bu pho bu mo rnams/ /skyes pa dag dang bud med yang na ni/ /grong dang grong khyer de bzhin ci bzhed rnams/ /rang gi sems ni rab tu dad pa yis/ /yon gyi mchog nyid dbul ba nyid du bya/ /
myur du 'grub phyir mos pas bla ma la/ /mdor na rang gi lus kyang dbul bar bya/ /tshe 'di'i bde ba ma lus dang / /'jig rten phyi ma'i bde mchog dang / /sangs rgyas nyid kyang thob 'gyur na/ /lha yi bde ba smos ci dgos/ /sangs rgyas kun dang bla mar mnyam/ /rdo rje slob dpon 
brnyas na ni/ /rtag tu sdug bsngal thob 'gyur bas/ /cung zad tsam yang brnyas mi bya/ /rdo rje spun dang sring mo dang / /rdo rje ma rnams nyid la ni/ /rnal 'byor can gyis brnyas ma yin/ /rtag tu 'khon gyi gcugs mi bya/ /dkon mchog gsum la gnod byed dang / /bla ma smod byed ma 
rungs pa/ /dam tshig las ni 'das pa dang / /de la sogs pa'i gnod byed la/ /bzod pa bsgom par mi bya ste/ /de ltar gyur na kun rig gis/ /gsungs pa'i dngos grub thob par 'gyur/ /sems can kun la phan pa dang / /brtser ldan dngos grub thob par 'gyur/ /de nas 

</font><hr>85-1-64b<br><font size=+1>

bcom ldan 'das kyis lha rnams kyi dbang po brgya byin dang lha'i 'jig rten du bcas pa rnams kyi don dang / phan pa dang bde ba'i phyir sgrub pa'i cho ga 'di gsungs so/ /ras la bcom ldan 'das thams cad rig pa de bzhin du bris la/ g.yas su ni de bzhin gshegs pa ngan song 
thams cad yongs su sbyong ba gzi brjid kyi rgyal po/ g.yon phyogs su ni shAkya thub pa/ ngan song thams cad sbyong ba'i 'og tu ni kun tu spyan ras gzigs dbang phyug mdog zla ba lta bu phyag na pad+ma bsnams pa'o/ /shAkya thub pa'i 'og tu ni phyag na rdo rje de gnyis kyi bar du sman gyi 
bla mdog sngon po phyag gcig na 'bras bu a ru ra bsnams pa/ phyag gcig ni mchog sbyin du bya/ rta mgrin dang / 'jig rten gsum las rnam par rgyal ba/ ma rungs ba 'joms pa la brtson pa gnyis ni rang gi lha la brten par bri/ de gnyis kyi dbus su lo tsa nA dang / mA 
ma kI dang / gos dkar mo dang / sgrol ma rnams rang rang gi mtshan ma/ phyag na bsnams par bri/ de dag gi 'og tu pad+ma'i rdzing bu chu dang / chu srin dang / nya dang / rus sbal dang / sbal pa dkar po dang / nya khar ba la sogs par bcas pa dang / chu las skyes pa'i me tog rnam pa 
du mas yongs su gang bar bri/ bdug pa dang / mar me dang / dri dang / phreng ba dang / bshos dang / me tog dang / 'bras bu rnam pa sna tshogs pa bri/ de'i 'og tu sgrub pa po nyid thal mo sbyar te phyag 'tshal zhing 'dug par bri/ de nas ri mo'i sku gzugs de mngon par mchod de/ bdag 
nyid kyis spyan dbye ba bya zhing bden pa la byin gyis brlabs par dmigs par bya'o/ /de nas ci ste mtshan ma zhig mthong na ni myur du dngos grub thob par 'gyur ro/ /'on te ma mthong na ni ring mo zhig nas dngos grub tu 'gyur te/ bzhad pa dang ni rnga sgra dang / /dril bu'i sgra dang 'brug sgra dang / /
dge slong bram ze pho mo dang / /'bras bu mthong na myur du ni/ /mchog dang bar ma tha ma 'grub/ /de nas gzugs de gsang sngags dang / /phyag rgya mngon par byin brlabs nas/ /ci bdog pas ni mchod par bya/ /rtag tu mngon sum 'dug nas kyang / /'jig rten gsum las rnam rgyal 

</font><hr>85-1-65a<br><font size=+1>

gyis/ /bdag srung la sogs byas nas kyang / /bdag gi de nyid bsams nas su/ /dngos grub mtshan ma byung bar du/ /'bum phrag gsum mam drug 'bum bzlas/ /de nas dben pa'i gnas su ni/ /brgyad brgya nyid du tshang bar bya/ /sngags ni 
khral 'khrul med par bzlas/ /de nas bzlas pa'i mjug tu ni/ /dkyil 'khor snga ma bzhin bsams la/ mchod pa rgya chen byas nas kyang / /mtshan gcig thog thag bzlas par bya/ /ci ste gtso'am de yi sras/ /yang na lha rnams mthong gyur na/ /bsod nams snod la ci 
dga' bar/ /dngos grub mchog ni gsol bar bya/ /lha ni dngos grub 'bras bu ni/ /de la rtag tu dgyes nas stsol/ /phyag 'tshal dngos grub la sogs blang / /dkon mchog gsum dang bla ma la/ /skal ba re re phul nas ni/ /de nas rtag tu bdag spyod cing / /med na 
mkhas pa bdag nyid kyis/ /blangs nas bdag nyid spyad par bya/ /sems can kun la phan brtson par/ /bskal pa du mar gnas par 'gyur/ /ci ste dngos grub ma gyur na/ /las rnams thams cad nus par 'gyur/ /gnod sbyin skar mda'i gdon la sogs/ /chad pas bcad 
cing bka' tsam gyis/ /zhi ba la sogs las kun ni/ /bran bzhin thams cad byed par 'gyur/ /de nas lha rnams kyi dbang po brgya byin gyis bcom ldan 'das la 'di skad ces gsol to/ /bcom ldan 'das sdig pa bgyis pas sems can dmyal ba la sogs pa'i dbang du gyur pa 
rnams ji ltar na sems can dmyal ba la sogs pa'i dbang du gyur pa'i sdug bsngal spang ba'i slad du bsgrub par bgyi/ bcom ldan 'das kyis bka' stsal pa/ lha'i dbang po nyon cig /sems can dmyal ba la sogs pa'i dbang du gyur pa'i sems can sdig pa byed pa/ sdig 
pa chen po byed pa de dag ci nas kyang sems can dmyal ba'i sdug bsngal las thabs sla bas grol bar 'gyur ba nyon cig /de bzhin dkyil 'khor bris nas ni/ /snga ma bzhin du bum pa la/ /brgya rtsa brgyad du bzlas nas ni/ /dbang bskur ba ni rab tu brtag /de nas sdig pa kun sbyangs 

</font><hr>85-1-65b<br><font size=+1>

te / /dmyal ba la sogs sdug bsngal la las/ /de ni myur du rnam par thar/ /sdig las rnam grol bdag nyid de/ /dag par gyur pa'i lha rnams kyi/ /rigs su skyes par gyur nas kyang / /de ni rtag tu sangs rgyas dang / /chos 'gro ba ni thos par 'gyur/ /de yi gzugs 
brnyan bri ba'am/ /gur gum gyis ni ming yang rung / /ngan song gsum gyi sdug bsngal las/ /sems can rnams ni dgrol ba'i phyir/ /sngags mkhan gzhan la phan brtson zhing / /snying rje can gyis dbang bskur ro/ /de nas rnal 'byor can gyis ni/ /sngags dang phyag rgyas de 
dbang bskur/ /lha yi gzugs su brtags nas kyang / /mchod rten dbus su gzhag par bya/ /rang gi lha 'am lha gzhan gyi/ /snying po snying gar bris nas kyang / /lha 'dra bar ni sems bskyed de/ /khyim gyi nang du gzhag par bya/ /de yi ming yang smos nas ni/ /gur gum 
bzang pos sngags bris la/ /rim gyis 'bum ni tshang tsam du/ /mchod rten las ni rab tu bya/ /sdig can sdig ni zad bya'i phyir/ /bye ba snyed ni tshang bar bya/ /de ltar byas na nges par ni/ /dmyal ba las ni grol bar 'gyur/ /yi dgas byol song sdug bsngal las/ /grol te lha 
yi gnas su skye/ /de yi ming nas brjod nas ni/ /ji skad gsungs pa'i sngags bzlas zhing / /'bum phrag stong ngam yang na ni/ /brgya phrag stong du tshang ba dang / /bye ba snyed du rab bzlas na/ /lha yi gnas su nges par skye/ /de yi ming nas brjod nas kyang / /mkhas pas 'bum 
phrag brgya 'am ni/ /yang na brgya phrag stong snyed du/ /sbyin sreg byas par gyur na ni/ /dmyal ba chen por gyur ba yi/ /sdig pa de las thar bar 'gyur/ /ji srid mtshan ma shin tu ni/ /'bar ba'i gnas na skyes gyur par/ /mtshan ma yang dag byung bar du/ /til dang yungs kar 
'bras rnams dang / /ra yi 'o mar ldan pa dang / /dri yis bskus pa'i yam shing gis/ /cho ga bzhin du sbyin sreg bya/ /de nas de ni nges par yang / /lha yi gnas su skyes gyur nas/ /de yi mtshan ma ston par byed/ /yang na lha yi mchog tu 'gyur/ /yang na hom khung nang du 

</font><hr>85-1-66a<br><font size=+1>

ni/ /me yi ltas ni ston byed cing / /lha yi gnas su skyes pa dang / /sdig pa bcom pa'i mtshan mar ni/ /dkar po nyid dang g.yas su 'bar/ /gyen du 'bar zhing dri ma med/ /zlum zhing rnam par mi 'phro la/ /brtan la glog bzhin dri ma med/ /yang 
na me lha nyid kyis ni/ /bdag nyid de bzhin ston byed de/ /zla ba dri med dkar 'dra la/ /bzhin mdog dkar zhing lam mer 'bar/ /de ni mtshan ma 'di dag gis/ /dmyal ba la sogs rnam grol zhing / /sdig pa bcom nas bde 'gror ni/ /skyes pa yin par shes par bya/ /
khru bzhi pa yi tshad du ni/ /cho ga bzhin du khung brkos la/ /rdo rje mtha' ma bskor ba yi/ /'khor lo dbus su bri bar bya/ /rigs lnga yi ni phyag rgya rnams/ /ji bzhin pa yi phyogs su bri/ /de bzhin sems dpa' rnams dang ni/ /'jig rten gtso la sogs pa bri/ /bya dang bum 
pa gang ba dang / /gtor mas snod rnams bkang ba dang / /brgyad snyed tsam du bzhag pa'am/ /yang na bcu drug snyed du gzhag /bza' ba dang ni bca' ba'i bshos/ /me tog phreng sogs de bzhin te/ /bla re rgyal mtshan dar la sogs/ /gdugs mchog rnams kyis legs 
par brgyan/ /sbyin sreg dkyil 'khor dam par ni/ /sbyin sreg rab tu bya ba yin/ /cho ga shes pas bris nas kyang / /lha rnams mang po spyan drangs la/ /sngags shes pas ni sngags phyag rgyas/ /ar+g+ha dbul bar shes nas kyang / /mdor na mchod pa byas nas ni/ /lha yi sbyor bas 
rab gnas la/ /ga bur gur gum la sogs pas/ /mar dang 'o ma til bsgos la/ /til dang yungs kar 'bras rnams dang / /dri yi chus ni legs bkang ste/ /'bras chan yos dang la du dang / /sbrang rtsi sha kha rar ldan pa/ /brgya phrag du mar yongs bzlas la/ /yam shing 
la yang de bzhin te/ /rang gi sngags kyis btab pa'i shing / /khung bu'i nang du gzhag par bya/ /ro la sngags kyis btab nas kyang / /chu mchog gis ni bkrus nas su/ /bzlas pa'i dri yis byug par bya/ /gos dang rgyan gyis bklubs nas kyang / /sngags kyis btab pa'i bdug 

</font><hr>85-1-66b<br><font size=+1>

pas bdug /me tog phreng la sogs pas mchod/ /gtsug phud dpung par de bzhin du/ /sngags bris nas ni gdags par bya/ /snying ga lkog ma kha phyogs su/ /sarba bi d+yAs byin gyis brlab/ /dpral ba mdzod spu rna ba gnyis/ /mgo bo gtsug phud dpung pa gnyis/ /
sna dang rked pa pus mo bo la/ /long bu sna yi rtse mo dang / /mig gnyis dang ni gsang ba yi/ /dbang po rnams kyi gnas la ni/ /de ltar gzhan du yi ge sngags/ /mchog tu dge ba rnam gzhag go/ /de nas ngan song sbyang ba'i phyir/ /stan dang bcas te thab dbus su/ /gzhag 
pa nyid du bya ba yin/ /de nas sngags 'chang sngags kyis ni/ /btab pa'i gos kyis g.yogs par bya/ /de nas byin za dge ba rab sbar la/ /me lce stong gis 'khrigs shing 'bar ba'i lus/ /zla dkar kun da zhi zhal zhi ba'i lus/ /mtha' yas pa yi gzugs kyi me bkug la/ /
ar+g+ha dbul bar brtags nas de bzhin du/ /blo mchog ldan pa'i mdun du gzugs sogs gzhag /ji ltar gsungs bzhin yon tan 'dod pa yis/ /de bzhin gshegs tshogs de bzhin spyan drangs la/ /ar+g+ha la sogs brtags te de bzhin du/ /bder gshegs gsungs 
pa'i mchod pa la sogs bya/ /de nas byin za la ni brtag bya ba/ /bsreg byas bkang ste de yang spar ba'i phyir/ /de nas bsreg byas bkang ste rim gyis ni/ /rgyal la sogs la brgya rtsa brgyad du brtag /de nas sbyong ba'i sngags kyi rgyal po la/ /bsreg par bya ba nyi shu rtsa gcig 
brtag /de nas spyan drangs yo byad lan gsum dang / /ar+g+ha la sogs pad+ma'i dkar zhal mchod/ /phyag na rdo rje pad+ma zhags bsnams pa'i/ /'jig rten gsum las rnam par rgyal ba'i gzugs/ /zhabs kyi pad+mas sdig mnan cing / /rgyan rnams kun ni rab rdzogs 
la/ /rdzogs sangs rgyas kyi dbu rgyan mtho/ /bsams sam yang na bris kyang rung / /de yi+i snying pos de bzhin du/ /brgya phrag stong ngam yang na ni/ /bye ba'i tshad du sbyin sreg bya/ /ci ste mtshan ma la sogs 'byung / /de bzhin sdig can rgyud ces bya/ /de nas thal bar gyur 

</font><hr>85-1-67a<br><font size=+1>

pa dang / /rdo rje bsdu ba'i sngags kyis ni/ /cho ga bzhin du bsdu bar bya/ /thal ba de dang rus pa'i rdul/ /sngags kyis btab pa'i dri chu dang / /ba skyes 'o ma la sogs lngas/ /sbyong ba'i sngags kyis blo ldan gyis/ /'bum du bzlas pas brdzis 
nas ni/ /ga pur dri dang bsgos pa yis/ /'jim pa dang ni bsres nas kyang / /gzugs su bya ba'am yang na ni/ /mchod rten gyi ni ltar byas la/ /gcig gam gnyis sam gsum mam lnga/ /yang na brgya rtsa brgyad bar du/ /sngags dang phyag rgyas btab nas su/ /'bum phrag 
gnyis kyi bar du bzlas/ /de nas mchod rten 'bar gyur tam/ /yang na gzugs kyi zhal 'dzum mam/ /dri dang bdug pa 'od kyang rung / /snang ngam yang na ngad ldang ngam/ /lha la sogs pa'i rnam pa ni/ /sna tshogs par ni snang gyur tam/ /rdzu 'phrul rnam par 'phrul pa dang / /
me tog la sogs 'dor ba dang / /dung dang rnga la sogs pa'i sgra/ /gling bu pi bang la sogs rnams/ /ci ste mtshan ma 'di dag ni/ /sdig can blos ni ma mthong na/ /'bum gyi phrag ni brgyad stong ngam/ /ji srid mtshan ma byung bar du/ /de bzhin gshegs pa mchod nas ni/ /mnyam 
par gzhag pas bzlas par bya/ /de yi mthar ni mkhas pas kyang / /mtshan gcig thog thag mi nyal bzlas/ /de nas de yi sdig pa ni/ /dag pa nyid du nges par mthong / /lha yi lus kyi gzugs gyur la/ /rang gi rgyud du ngo shes 'gyur/ /mtshan ma 'di dag shes nas ni/ /
rnam par mi rtog sems kyis kyang / /byams dang snying rjer ldan pa yis/ /las rnams thams cad byed par 'gyur/ /yang na med par gyur na yang / /bzlas shing sgom pa'i tshul gyis ni/ /ming tsam legs par bris nas kyang / /mchod rten phreng ba bya ba dang / /yang na gzugs su bris 
kyang rung / /sbyin sreg mngon par dbang bskur na/ /gdon mi za bar bde 'gror skye/ /thal ba yungs kar bye ma sogs/ /rang gi ming smos sngags btab nas/ /bzlas ba byas te song nas kyang / /rgya mtshor 'bab pa'i klung du dor/ /de ltar na ni sdig can yang / /ngan song las 

</font><hr>85-1-67b<br><font size=+1>

ni thar 'gyur na/ /dge ba'i mchog ni bskyed pa dang / /byang chub sa bon bskyed pa'i bdag /sangs rgyas 'bras bu'i rgyu ldan pa/ /sbyin pa'i pha rol phyin par ldan/ /tshul khrims rgyud dang rab ldan pa/ /bzod pa brtson 'grus mnyam gzhag dang / /shes rab rnams kyis 
rgyu bsgoms pa'i/ /'jig rten bsod nams ldan ci smos/ /myur du de yi ngan song ni/ /bcom par gyur te the tshom med/ /dge ba'i rtsa ba ma bskyed la/ /med par lta ba gang yin dang / /byang chub lam las rnam log pas/ /bstan la zhe sdang gnod byed cing / /sdig pa'i rang 
bzhin mthong la/ /ma dang pha la snying ring zhing / /byang chub sems la brten pa dang / /'dod chags bral ba bsad pa rnams/ /ci ste lha rnams med gyur tam/ /sangs rgyas dge 'dun chos de bzhin/ /sngags dang phyag rgya'i tshogs la sogs/ /shes rab thabs rnams 
med na ni/ /sdig can de dag mi thar zhes/ /bder gshegs rgyal ba nyid kyis gsungs/ //de nas brgya byin la sogs lha/ /pad+ma lta bu'i mig phye nas/ /legs zhes bya bas mnyes byas te/ /rab tu mgu bas mchod byas nas/ /brgya byin gzhan la phan brtson pas/ /
ji skad gsungs pa'i bka' bzhin du/ /shAkya'i gtso bos bka' stsal pa/ /bden pa nyid du byas gyur nas/ /de nas de ni dmyal ba yi/ /sdug bsngal las ni thar nas kyang / /dga' ldan gnas su sems can kun/ /phan phyir bde gshegs 'dra bar skyes/ /de nas 
dbang por bcas pa yi/ /grags chen lha rnams gar byed cing / /mchod pa'i sprin ni mtha' yas pas/ /de bzhin gshegs la mchod bya'i phyir/ /lha yi tshogs kyis mdun byas te/ /tshe 'di nyid la mchod pa'i phyir/ /byang chub tu yang sems bskyed nas/ /lha rdzas 
rnam pa sna tshogs kyi/ /me tog bdug pa byug pa dang / /gdugs dang rgyal mtshan 'phan la sogs/ /rgyan la sogs pa rab mdzes dang / /na bza' rin chen char la sogs/ /dga' ba'i tshal ni gang bar byas/ /de nas ya mtshan cher gyur te/ /lha rnams kyis kyang 

</font><hr>85-1-68a<br><font size=+1>

phyag 'tshal nas/ /dga' ba'i tshal ni yid 'ong ba/ /kun nas gang bar gyur pa yi/ /sna tshogs 'byung ba 'di ci lags/ /bcom ldan 'das kyis bka' stsal pa/ /grogs po dag shes par gyis shig /rdzu 'phrul rnam par 'phrul pa 'di ni 
lha'i bu nor bu dri ma med pa'i 'od ces bya ba de yin no/ /mtshams med pa'i dbang du gyur pa yang myong zhing mthong ba'i chos 'di nyid la bde 'gro'i dbang du gyur pa gang lags pa de ni bcom ldan 'das ngo mtshar lags so/ /bde bar gshegs pa ngo mtshar lags so/ /de nas 
brgya byin la sogs pa lha'i bu thams cad kyis mgrin gcig tu tshig 'di skad ces smras so/ /sangs rgyas 'dra ba'i ston pa med/ /chos dang 'dra ba'i dge ba med/ /dge 'dun 'dra ba'i snod med de/ /sngags dang 'dra ba'i 'dren pa med/ /de nas lha'i bu de dag gis bcom ldan 
'das la 'di skad ces gsol to/ /bcom ldan 'das bcom ldan 'das kyi byin gyis brlabs kyis dga' ldan gyi lha'i ris su skyes pa'i lha'i bu de ci 'dra ba zhig/ de'i rdzu 'phrul dang mthu ni ji lta bu lags/ lha'i bu nor bu dri ma med pa'i 'od ces bgyi ba de bdag cag lta bar 
'tshal lo/ /de nas bcom ldan 'das kyis lha thams cad kyi snying skul bar byed pa zhes bya ba'i 'od zer gyi phreng ba nyid kyi zhabs kyi mthe bo gnyis las phyung ngo / /byung nas kyang nor bu dri ma med pa'i 'od ces bya ba'i lus thams cad snang bar byas nas snying gar zhugs te bskul nas 
yang de nyid du mi snang bar gyur to/ /de nas lha'i bu de nyid rab tu dga' bar gyur nas lus kyi 'od zer gyis dpag tshad brgya phrag stong tshun tshad kyi nam mkha'i ngos thams cad gsal bar byas te/ lha'i bu stong phrag du ma'i 'khor gyis bskor cing mdun du byas nas/ lha'i rdzu 'phrul chen 
pos mi snang bar byas te 'ongs nas dga' ba'i tshal thams cad gsal zhing snang bar byas te/ bcom ldan 'das dang / brgya byin gnyis ma gtogs pa lha rnams kyi 'od zil gyis mnan to/ /de nas lha'i bu des bcom ldan 'das kyi zhabs gnyis la phyag 'tshal nas ched du brjod pa 

</font><hr>85-1-68b<br><font size=+1>

'di ched du brjod do/ /e ma shAkya mgon po yi/ /sangs rgyas mdzad pa ya mtshan che/ /gang phyir ngan song lhung ba yi/ /sems can myur du glog bzhin grol/ /de nas skad cig ma de nyid kyi tshe shing rta'i 'phang lo tsam gyi bad mo thams cad rin po che las byas pa/ dpag tshad 
brgya phrag stong du dri'i ngad ldang ba/ lha'i glu snyan pa'i sgra grag pa/ ya mtshan du ma yang dag par ston pa/ lha rdzas kyi glu dang / gar dang / brdung ba dang / gling bu dang / rnga dang / ker ko rnams kyi sgra snyan pa 'byin pa zhig bcom ldan 'das kyi spyan sngar byung ste/ de mthong 
nas kyang shin tu ya mtshan skyes te 'di skad ces smras so/ /de bzhin gshegs pa'i chos ni bsam mi khyab/ /sngags kyi yon tan sna tshogs bsam mi khyab/ /byang chub rten pa rnams kyang bsam mi khyab/ /tshangs spyod tshul khrims dri med skye bsam yas/ /de nas lha'i bu de 
dag gis de blta bar 'dod nas yang bcom ldan 'das la 'di skad ces gsol to/ /lha'i bu de dang / de'i 'khor gyi dkyil 'khor rnams blta bar 'tshal lo/ /bcom ldan 'das blta bar 'tshal lo/ /bde bar gshegs pa blta bar 'tshal lo/ /de nas bcom ldan 'das 
kyis yang mthe bo gnyis nas 'od zer phyung ste/ 'od zer dri ma med pa des lha'i bu de dang lha'i 'khor de dag kun du snang bar byas te bskul nas de nyid du mi snang bar gyur to/ /de nas nor bu dri ma med pa'i 'od ces bya ba de la sogs pa gnas gtsang ma'i ris kyi lha'i bu rnams kyis bcom 
ldan 'das dang / brgya byin gnyis kyi gdan ma gtogs par dga' ba'i tshal thams cad g.yos par byas te/ lan brgya stong du mar bskor ba byas shing bskor ba byas nas yang dang yang du 'di skad ces gsol to/ /e ma'o sangs rgyas rnams kyi ni/ /sngags kyi byin rlabs ya 
mtshan che/ /gang phyir mtshams med lhung ba yi/ /sems can lha gnas myur du skyes/ /de nas lha'i bu nor bu dri ma med pa'i 'od ces bya ba la sogs pa'i lha'i bu de dag gis bcom ldan 'das la nor bu dang / gser dang / dngul dang / do shal dang / se mo do dang / gdu bu 

</font><hr>85-1-69a<br><font size=+1>

dang / dpung rgyan dang / snyan cha la sogs pa rgyan gyi khyad par rnam pa sna tshogs du ma dang / gdugs dang / rgyal mtshan dang / 'phan dang / lda ldi dang / rnga ma la sogs pa yo byad kyi khyad par sna tshogs pa dang seng ge'i gdan dang gzims cha dang pho 
brang dang / gzhal med khang dang / khang bu brtsegs pa la sogs pa gnas kyi khyad par sna tshogs pa dang / me tog dang / spos la sogs pa mchod pa'i khyad par sna tshogs pa dang / rang gi lus dang / ngag dang / sems rnams kyang phul te/ ba lang dang / rta dang / seng 
ge dang / stag dang / spre'u dang / dgo ba dang / thug re dang / ma he dang / bong bu dang / rnga mo dang / chu srin dang / phag dang / ra dang / glang dang / ba dang / 'dod pa'i ba bzhon la sogs pa bzhon pa'i khyad par du ma yang phul nas/ bcom ldan 'das kyi 'khor gyi dkyil 
'khor rnams kyang mngon par mchod/ lha rnams kyi dbang po brgya byin gyi 'khor gyi dkyil 'khor rnams kyang mngon par mchod de/ legs so zhes bya ba gsol nas/ bcom ldan 'das dang / brgya byin gnyis la bla ma dang bsti stang du byas te phyag 'tshal nas de bzhin du song ngo / /de nas 
brgya byin dang tshangs pa la sogs pa lha rnams mchog tu ya mtshan du gyur te/ bcom ldan 'das la yang dang yang du legs so zhes bya bas bstod cing mchod de phyag 'tshal nas 'di skad ces gsol to/ /bcom ldan 'das gang gi slad du ma 'ongs pa'i byis pa so so'i skye bo rnams 
'chang ba dang klog pa la spro bar bgyi ba'i slad du de bzhin gshegs pa'i mtshan brjod pa'i yon tan bshad du gsol/ brgya byin dang tshangs pa la sogs pa'i lha'i bu rnams ngas bshad kyis/ legs par nyon la yid la zung shig /lha'i bu rnams dge ba bcu dang ldan pa'i sems 
can rnams kyi rna lam du thos par 'gyur gyi/ sems can ma rabs rnams kyis ni ma yin no/ /pha rol tu phyin pa bcu la mos pa'i sems can rnams kyi rna lam du nye bar 'gro bar 'gyur gyi/ sems can phal pa ma rabs kyis ni ma yin no/ /sems can bsam pa nges pa rnams 

</font><hr>85-1-69b<br><font size=+1>

dang / phyir mi ldog pa'i yon tan mang po la mngon par 'dod pa'i sems can rnams kyi rna lam du 'gro bar 'gyur te/ mdor na thams cad mkhyen pa'i ye shes la brten pa'i sems can rnams kyi rna lam du 'gro bar 'gyur ro/ /de nas brgya byin dang / tshangs pa la sogs 
pa'i lha'i bu de dag yang dag par dga' ba skyes nas 'di skad ces gsol to/ /bcom ldan 'das bdag cag ni snod du gyur pa'o/ /bde bar gshegs pa bdag cag ni snod du gyur pa ste/ gang gi slad du bdag cag gis de bzhin gshegs pa dgra bcom pa yang dag par 
rdzogs pa'i sangs rgyas ngan song thams cad yongs su sbyong ba'i gzi brjid kyi rgyal po zhes bgyi ba'i mtshan brjod pa 'di bcom ldan 'das pad+ma'i zhal nyid nas thos pas bdag cag ni ngan song gis 'jigs par mi 'gyur/ dus ma lags par 'chi bas 'jigs par mi 'gyur/ 'chi ba 
dang / ltung ba dang / rnam par 'thor ba dang / rnam par 'jig pa la sogs pas 'jigs par mi 'gyur te/ bcom ldan 'das bdag cag ni gdon mi 'tshal bar sangs rgyas nyid du 'grub pa'i snod du gyur pa lags so/ /bcom ldan 'das brtag pa'i rgyal po 'dis sems 
can rnams kyi don bgyid pa gang lags pa'i skyes bu dam pa de dag gi 'bras bu ni cir 'gyur/ rnam par smin pa ni cir 'gyur/ bcom ldan 'das kyis bka' stsal pa/ lha'i dbang po de dag ni skyes bu dam pa 'ba' zhig tu ma zad kyi/ yang dag par rdzogs pa'i sangs rgyas nyid 
du blta bar bya ste/ lha'i dbang po gang gi phyir 'jig rten pha rol du song nas mtshams med pa la sogs pa'i sems can dmyal ba chen por skyes pa'i sems can rnams kyi sdug bsngal rnam pa sna tshogs rab tu spong bar byed pa dang / byang chub la gdon mi za bar brtan par byed pa 
dang / byang chub sems dpa'i sa phyir mi ldog pa la rab tu 'jog pa'i phyir te/ lha'i dbang po dper na khyod kyis lha'i bu nor bu dri ma med pa'i 'od ces bya ba mtshams med pa'i sems can dmyal ba chen por skyes pa'i don byas pa bzhin no/ /lha'i dbang po de ltar gzhan yang ma 'ongs 

</font><hr>85-1-70a<br><font size=+1>

pa'i sems can rnams kyi don byed pa'i sems can de dag /ci so so'i skye bo yin snyam sems sam/ gsol pa/ bcom ldan 'das ma lags so/ /bde bar gshegs pa ma lags so/ /lha'i dbang po sems can de dag ni skyes bu dam pa chen 
po/ gzhan la phan 'dogs pa ste/ de bzhin gshegs pa rnams kyis kyang phyag bya ba/ mchod pa/ rjed pa/ bsti stang du bya ba/ 'phrag la bkur bar bya ba yin na/ lhar bcas pa'i 'jig rten gyis lha smos kyang ci dgos/ de nas brgya byin dang / tshangs pa la 
sogs pa lha'i bu rnams dang / rgyal po chen po bzhi dang / phyogs skyong ba bcu dang / gnod sbyin gyi sde dpon nyi shu rtsa brgyad dang / gnod sbyin chen po nor bu bzang po dang / nor bu bzang po chen po la sogs pa byang chub sems dpa'i sa la rab tu gnas pa rnams dang / klu'i rgyal 
po dga' bo dang / bsnyen dga' bo gnyis dang / 'phrog ma bu lnga brgyas bskor ba rnams dang / gnod sbyin gyi sde dpon chen po pany+tsi ka dang / pany+tsi ka chen po la sogs pa dang / gang gzhan dag kyang rgya che zhing rgya che ba'i lha dang / klu dang / gnod sbyin dang / srin po dang / lha ma 
yin dang / nam mkha'i lding dang / dri za dang / mi 'am ci dang / lto 'phye chen po dang / 'byung po dang / yi dgas dang / 'dre dang / rims dang / gdon dang / dug dang / skar ma la sogs pa thams cad kyis mgrin gcig tu 'di skad ces gsol to/ /bcom ldan 'das bdag 
cag 'dus shing tshogs pa thams cad kyis skyes bu dam pa chen po de'i rkang pa gnyis mgo bos blang bar bgyi'o/ /mdor na rtag par rgyun du dus thams cad du bsrung ba dang / bskyab pa dang / sba bar bgyi'o/ /bcom ldan 'das gang du brtag pa'i rgyal po 'di rigs kyi bu'am/ 
rigs kyi bu mo dad pas 'chang ngam/ klog gam/ gzhan la rgya cher yang dag par 'chad par 'gyur ram/ gdugs dang / rgyal mtshan dang / ba dan la sogs pas mchod par 'gyur ram/ rgyal rigs sam/ bram ze'i rigs sam/ rje'u rigs sam/ dmangs rigs 

</font><hr>85-1-70b<br><font size=+1>

sam/ gzhan yang rgyal po'am/ rgyal po'i bu'am/ rgyal po'i bu mo'am/ rgyal po'i btsun mo'am/ rgyal po'i 'khor pho'am/ rgyal po'i 'khor mo'am/ gang su yang rung bas 'chang zhing klog pa dang / gzhan la rgya cher yang dag par 'chad cing ston pa'i bar du 
bgyid na/ bcom ldan 'das bdag cag 'dus shing tshogs pa thams cad de'i bran du gyur pa lags so/ /rang gi skye bo dang / gnyen gyi skye bo dang / yongs kyi skye bo dang / grong dang / grong khyer dang / grong rdal dang / ljongs dang / rgyal po'i pho brang 'khor rnams yongs 
su bskyang bar bgyi'o/ /dus dus su char dbab par bgyi'o/ /'bru la sogs pa bskyed par bgyi'o/ /skye bo mang po la phan pa dang bde ba'i slad du bsgrub par bgyi'o/ /pha rol gyi phru ma mang po gzhom par bgyi'o/ /sems can ma rungs pa gnod cing 'tshe ba pos de la mi phan 
pa'i sems bskyed pa gang yin pa de dag brlag par bgyi ba'i slad du bsgrub par bgyi/ ma rungs par bgyi/ de la bdud kyi las kyang bgyi/ gnod par bgyi ba la yang nye bar gnas par bgyi ste/ bcom ldan 'das mdor na ma 'ongs pa'i sems can rnams la brtag pa'i rgyal 
po 'di ni sangs rgyas kyi mdzad pa lta bur gnas pa lags pas/ bcom ldan 'das bdag cag gis bu bzhin du bskyang bar bgyi'o/ /lha'i dbang po khyod kyis ji ltar smras pa de de bzhin te/ brtag pa'i rgyal po 'di ni de bzhin du blta bar bya'o/ /lha'i dbang po legs kyis/ 
'dzam bu'i gling na gnas pa'i sems can sdig pa'i chos la kun tu spyod pa/ sems can dmyal ba'i dbang du gyur pa/ 'khor ba mi gtsang ba'i dong du bying ba'i sems can rnams la phan pa dang bde bar bya ba'i phyir yun ring por bag yod par byos la sgrubs shig /ngan song thams 
cad yongs su sbyong ba'i gzi brjid kyi rgyal po'i brtag pa las brtag pa dang po'o// //bam po gnyis pa/ de nas bcom ldan 'das byang chub sems dpa' sems dpa' chen po phyag na rdo rjes bcom ldan 'das kyi mthus brtag pa'i rgyal po brtag pa phyi ma 

</font><hr>85-1-71a<br><font size=+1>

'di bshad do/ /dpa' bo gdan las bzhengs nas ni/ /dgyes shing rdo rje gsor nas kyang / /shAkya'i dbang po dgyes mdzad pa/ /thub pa'i gtso la phyag 'tshal nas/ /sgrib pa thams cad rnam par dag pa'i rdo rje zhes bya ba'i ting nge 'dzin la snyoms par zhugs nas/ 
ngan song thams cad rnam par sbyong ba zhes bya ba rang gi snying po 'di nyid kyi thugs ka nas phyung ngo /o~M sarba pA paM da ha na badzra hU~M phaT/ o~M sarba a bA ya bi sho d+ha na badzra hU~M phaT/o~M sarba karma A ba ra NA ni b+haSh+miM ku ru hU~M phaT/ o~M bruM b+h+rUM bi nA sha ya A ba ra NA ni hU~M phaT/ o~M bruM bi shong+ha ya A ba ra NA ni 
hU~M phaT/ o~M dz+wa la dz+wa lang+ha ka ng+ha ka ha na ha na sarba A ba raNA ni hU~M phaT/ o~M sruM sa ra sa ra pra sa ra pra sa ra sarba A ba ra NI ni hU~M phaT/ o~M hU~M ha ra ha ra sarba A pa ra NA ni hU~M phaT/ o~M hU~M phaT sarba A ba ra NA ni bi s+pho Ta ya hU~M phaT/ o~M br-i ta br-i ta sarba A ba ra NA ni phaT/ o~M tra Ta traT sarba A ba ra NA ni 
hU~M phaT/ o~M ts+tshin+da ts+tshin+da sarba A ba ra NA ni hU~M phaT/ o~M da ha da ha sarba na ra ka ga ti he tu~M hU~M phaT/ o~M pa tsa pa tsa sarba pre ta ka ga ta hi tu~M hU~M phaT/ o~M ma tha ma tha sarba tir+ya ka ga ti he tu~M hU~M phaT/ de nas de dag rnams kyi yo byad bshad do/ /o~M sarba a pA ya bi sho d+ha ni/ d+ha ma d+ha ma d+hu pa ya hU~M 
phaT/ o~M sarba durga ti bi sho d+ha ni puSh+pa bi lo ki ni hU~M phaT/o~M sarba a pA ya bi sho d+ha ni dz+nyA na A lo ka ka ri hU~M phaT/ o~M sarba a pA ya ga ti gan d+ha nA sha ni gan d+ha ba ti hU~M phaT/ sgo ba rnams kyis sngags la/ o~M sarba na ra ka ga ti A kar Sha Ni hU~M dzaHphaT/ o~M sarba na ra ka ga ti a b+h+yu d+d+har 
Ni hU~M hU~M phaT/o~M sarba a bA ya ban d+ha na bi mo tsa ni hU~M ba~M phaT/o~M sarba a pA ya ga ti ga ha na bi nA sha ni hU~M hoHphaT/ de nas dkyil 'khor bshad de/ 'khor lo 'dra ba'i dkyil 'khor la/ /shin tu mdzes pa'i rtsibs brgyad can/ /lte bar bcas shing rtsibs rten ldan/ /nang gi rim pa 
bris nas ni/ /lte ba'i nang du shAkya yi/ /bdag po thub pa gzhag par bya/ /lag na rdo rje stobs chen ni/ /dpa' bo de yi spyan sngar bri/ /rgyab tu 'khor los sgyur ba bri/ /g.yas phyogs rgyal ba'i gtsug tor la/ /g.yon par rnam par rgyal ba bri/ /gzi brjid phung po me 

</font><hr>85-1-71b<br><font size=+1>

yi phyogs/ /dbang po'i phyogs su gdugs dkar po/ /rnam par 'thor ba rlung gi phyogs/ /rnam par 'joms pa ne+e ri t+yar/ /bris nas phyi rol bri byi ste/ /gru bzhi pa la sgo bzhi pa/ /seng ge rta babs brgyan par bya/ /dpa' bos lcags kyu zhags pa dang / /
lcags sgrog dril bu snyan rnams gzhag /grwa yi phyogs ni thams cad du/ /bdug pa la sogs bri bar bya/ /de nas dri zhim dri la sogs/ /rang gi lus ni bskus nas kyang / /rdo rje 'dzin mas zhugs nas ni/ /o~M dzaHhU~M ba~M hoH b+ha ga bAn/ e h+ye hi ma hA kA ru Ni ka dr-i sh+ya 
hoHsa ma ya s+t+wa~M zhes pas lha rnams thams cad spyan drang ngo / /de nas gshegs par mos pa bskyed de mchod pa byas nas/ de bzhin du bcug ste dbang bskur na ngan song thams cad las rnam par grol te/ bde 'gro mtho ris kyi 'jig rten dang / gong nas gong du sa rnams su 
yang skye bar 'gyur ro/ /dngos grub thams cad kyang 'grub par 'gyur ro/ /sangs rgyas su yang gdon mi za bar 'grub par 'gyur ro/ /snga ma bzhin du las thams cad kyang byed cing thams cad la thogs pa med par 'gyur ro/ /bya ba pa byas pas ni rims nad thams cad dang / 
gdon dang dug la sogs pa las thar bar 'gyur ro/ /phyag na rdo rje'i hU~M zhes bya bas las thams cad phyed par 'gyur ro/ /brtag pa gzhan gyi cho ga thams cad kyang sgrub par 'gyur ro/ /lha dang / klu dang / gnod sbyin dang / srin po la sogs pa ngan song gi rgyud kyi dbang du 
gyur pa rnams kyi shi ba'i ro'am/ gzugs brnyan nam/ ming la sogs pa bris te bzlas pa dang / sbyin sreg dang / dbang rnams kyis snga ma bzhin du ngan song thams cad las yongs su grol bar byed do/ /de nas bcom ldan 'das phyag na rdo rjes seng ge'i lta stangs kyis bcom 
ldan 'das kyi zhal du bltas te/ phyag 'tshal nas 'di skad ces gsol to/ /bcom ldan 'das phyag rgya dam pa'i mtshan nyid bshad par bgyi'o/ /thugs rjes bskul ba'i thugs mnga' ba'i/ /rgyal ba kun gyis byin gyis rlobs/ /mnyam par gzhag pas dpral bar ni/

</font><hr>85-1-72a<br><font size=+1>

phyag 'tshal ba yi thal mo sbyar/ /sangs rgyas bder gshegs skyes rnams kyis/ /phyag 'tshal ba yi phyag rgyar bshad/ /rnal 'byor rig pas mgrin phyogs su/ /thal mo snyim par sbyar ba ni/ /rtag tu pad+ma'i rigs nyid kyi/ pad+ma'i phyag rgya yin par 
bshad/ /rdo rje thal mo sbyar nas kyang / /snying gar gung mo'i mtha' sbyar ba/ /rdo rje rigs kyi phyag rgya 'di/ /dam tshig thams cad 'dzin byed pa'o/ /lag pa g.yon pa'i thal mo gan rkyal du pang du bzhag la/ /de'i steng du g.yas pa bzhag ste/ mthe bo'i ngos gnyis 
sprad la zhi ba'i lta bas blta ba 'di ni de bzhin gshegs pa'i rigs kyi ting nge 'dzin gyi phyag rgya ste/ dam tshig yin par bshad do/ /de nyid las bzlog ste ltag 'og bsnol la mthe bo dang / mthe'u chung gnyis gcig la gcig lu gu rgyud kyi tshul du bsnol te snying gar gzhag 
pa 'di ni rdo rje'i rigs kyi dam tshig gi phyag rgya'o/ /thal mo rdzogs par sbyar ba las mthe bo dang / mthe'u chung gnyis bsnyams la lhag ma rnams brkyang ba 'di ni pad+ma'i rigs kyi dam tshig gi phyag rgya'o/ /rdo rje bsdam pa bsdams pa las/ gung mo gnyis rdo rje 'dra bar 
bsnyams la/ mthe bo dang mthe'u chung gnyis brkyang ba 'di ni phyag na rdo rje'i phyag rgya'o/ /de nyid las mthe bo dang mthe'u chung gnyis de bzhin du byas la/ mdzub mo gnyis dang srin lag pad+mo 'dra bar bkug pa ni/ ngan song thams cad yongs su sbyong ba'i rgyal po'i thams cad sbyong 
ba'i phyag rgya'o/ /de nyid las mdzub mo dang srin lag gnyis rin po che 'dra bar byas pa ni dbang bskur ba'i phyag rgya'o/ /mthe'u chung dang mthe bo so sor bsdams la/ lhag ma rnams brkyang ba ni/ sdig pa thams cad sreg pa'i phyag rgya'o/ /lag pa g.yon pas de bzhin du bsgyur zhing 
bya ba ni lha thams cad kyi phyag rgya'o/ /snyim pa bzed la gyen du 'thor ba ni bdug pa'i phyag rgya'o/ /de las 'og nas gyen du 'thor ba ni me tog gi phyag rgya'o/ /de nyid las mthe bo gnyis gyen du bsnyams la mdun du 'dzin pa ni mar me'i phyag rgya'o/ /de nyid las dung 'dra bar byas pa ni 

</font><hr>85-1-72b<br><font size=+1>

dri'i phyag rgya'o/ /de nyid las rab tu brkyang ste 'dzin pa ni gtor ma'i phyag rgya'o/ /de nyid las gung mo gnyis nang du bcug pa ni ar+g+ha'i phyag rgya'o/ /rdo rje bcings pa las gung mo gnyis bsnyams te/ tshigs dang po bcag la sor mo thams cad brkyang ba ni rnam par 'thor 
ba'i phyag rgya'o/ /de nyid las mthe bo dang mthe'u chung gnyis bkug pa ni rnam par 'joms pa'i phyag rgya'o/ /de nyid las 'od zer 'bar ba 'dra ba ni gzi brjid phung po'i phyag rgya'o/ /de nyid las spyi bor bskor ba ni gdugs dkar po'i phyag rgya'o/ /rdo rje khu tshur gnyis 
las mdzub mo gnyis dang mthe'u chung gnyis bsnol te/ mdud la gyen du bskor ba ni 'khor los sgyur ba'i phyag rgya'o/ /rdo rje bsdams pa las gung mo gnyis rdo rjer byas la mdzub mo gnyis rin po che lta bur byas te/ lhag ma rnams 'od zer 'dra bar byas pa ni rgyal ba'i 
gtsug tor gyi phyag rgya'o/ /de bzhin du mdzub mo gnyis rdo rjer byas la/ sor mo lhag ma rnams bsdams nas rdo rje 'dra bar byas pa ni rnam par rgyal ba'i'o/ /g.yas pa mchog sbyin du byas la g.yon pa mi 'jigs pa sbyin pa ni de bzhin gshegs pa'i yin no/ /rdo rje bsdams 
pa las mdzub mo gnyis brkyang ste rdo rje 'dra bar byas pa ni rdo rje'i phyag rgya'o/ /de nyid las mdzub mo g.yas pa bkug pa ni lcags kyu'i'o/ /de nyid las me tog 'dra bar byas pa ni mda'i'o/ /de nyid las slar bkug ste/ mthe bo gnyis rtse mo sprad pa ni blo gros legs pa'i'o/ /
de nyid las tshigs bar ma bcag pa ni rin po che'i'o/ /de nyid las sor mo rnams 'od zer 'dra bar 'gyed pa ni gzi brjid kyi'o/ /de nyid las spyi bor bzhag pa dpal gyi'o/ /de nyid las mdun du bzhag pa ni bzhad pa'i'o/ /de nyid las pad+ma 'dra bar byas pa ni pad+ma'i'o/ /de 
bzhin nyid las rtse mo gnyis bkug pa ni ral gri'i'o/ /de nyid las gdu bu 'dra bar byas pa ni 'khor lo'i'o/ /de nyid las pad+ma'i 'dab ma 'dra bar byas pa ni lce'i'o/ /de nyid las rtse mo yid tsam bskyed pa ni rgya gram mo/ /de nyid las shin tu bskyed pa ni bsrung ba'i'o/ /de nyid 

</font><hr>85-1-73a<br><font size=+1>

las rtse mo gnyis slar bkug pa ni gnod sbyin gyi'o/ /dam du bkug pa ni bsdams pa'i'o/ /bsdams pa nyid mdun du bzhag pa ni bdug pa'i'o/ /de nyid gyen du bstod pa ni phreng ba'i'o/ /mdun du mthe bo gnyis bsdams te/ bskor ba ni mar 
me'i'o/ /de nyid byug pa ltar byas pa ni dri'i'o/ /de nyid las mdzub mo gnyis bkug pa ni lcags kyu'i'o/ /de nyid las rtse mo gnyis sprad pa ni zhags pa'i'o/ /de nyid las gcig la gcig mdud pa ni lcags sgrog gi'o/ /de nyid las bskyod pa ni mnyes pa'i'o/ /
sku gzugs kyi cho ga yang 'dir de bzhin du byas te/ cung zad du na bcom ldan 'das 'jig rten gsum las rnam par rgyal ba'i gzugs bri'o/ /yang na sku gzugs ni dkyil 'khor gyi tshul du bris la me tog la sogs pas mchod de/ de'i spyan sngar 'bum tsam zhig sngar 
bsnyen pa byas nas las thams cad bya'o/ /de nas tshangs pa la sogs pa lha'i tshogs rnams kyis bcom ldan 'das phyag na rdo rje la 'di skad ces gsol to/ /bcom ldan 'das las kyi rnam par smin pa gang gis lha'i bu nor bu dri ma med pa'i 'od ces bgyi ba de dmyal ba la sogs 
pa'i sdug bsngal gyi dbang du gyur/ de nas bcom ldan 'das phyag na rdo rjes bcom ldan 'das shAkya thub pa'i byin gyis brlabs kyis 'di skad ces bka' stsal to/ /lha'i dbang po nyon cig /'di ni sngon gyi las kyi sgrib pa yin te/ 'dzam bu'i gling gi ris 'di nyid na/ mtha' 'khob 
pa'i rigs ngan du gtogs pa'i rgyal po lus mi bde ba zhes bya ba zhig tu gyur te/ des mi shes pa'i dbang gis mi dge ba'i bshes gnyen la brten pas rgyal po 'dod pa'i phyir rang gi pha 'tsho ba dang phral bar gyur pa dang / ma de'i mya ngan gyis gzir bas ma yang dus las 'das 
so/ /lan cig ci zhig gi rkyen gyis nags tshal stug po gzhan zhig tu rtse zhing dga' ba'i phyir nye bar song ngo / /de na drang srong dgos pa med par byams pa zhes bya ba zhig gnas te/ de mthong ba dang rgyal po shin tu ya mtshan skyes nas/ kye ma 'di lta bu seng ge dang / stag 

</font><hr>85-1-73b<br><font size=+1>

dang / ri dgas dang / phag rgod dang / ba lang dang / ma he la sogs pa dang / sbrul dang / sre mo dang / sbrang bu dang / sbrang bu mchu rings dang / sbrul gdug pa can rnams kyis gtse ba/ bza' ba dang / btung ba dang / bgo ba dang / longs spyod rnams dang 
rnam par bral ba/ rlung dang grang bas yongs su gdung zhing 'tshe ba de na bdag nyid chen po 'di gnas so snyam par sems kyis brtags nas de'i drung du nye bar song ste phyin pa dang / de la 'di skad ces smras so/ /drang srong chen po khyod ci'i phyir na rlung dang tsha ba la sogs pa'i sdug 
bsngal gyis bdag la gnod par byed/ drang srong gis smras pa/ skyes bu chen po bskal pa brgya stong phrag du mar sgrib pa'i sdug bsngal myong bar 'gyur ba las/ sdug bsngal gyi khur bu cung zad tsam zhig blangs nas bla na med pa yang dag par rdzogs pa'i byang chub tu mngon par 
rdzogs par 'tshang rgya bar 'gyur bas 'di ni sdug bsngal ma yin gyi/ skad cig tsam mam/ yud tsam zhig yul gyi bde ba rjes su myong bas bskal ba brgya stong phrag du ma mtha' thug pa med par dmyal ba la sogs pa'i sdug bsngal rjes su myong bar 'gyur ro/ /yul gyi bde ba 
'dod pa'i phyir pha ma la sogs pa yang gsod par 'gyur na srog chags gzhan lta ci smos te/ sangs rgyas dang / chos dang / dge 'dun yongs su mi shes pa'i phyir sdig pa thams cad byed par 'gyur ro/ /drang srong gis smras pa'i tshig de skad ces thos pa dang shin tu 
'jigs skrag skyo ste/ sdug bsngal thams cad kyis gzir nas 'di skad ces smras so/ /sangs rgyas dang / chos dang / dge 'dun zhes bya ba de ci zhig /de'i rang bzhin ji lta bu yin pa dka' thub chen po smros shig dang / de la kho bo yang skyabs su mchi'o/ /pha ma 
la gtses pa dang / srog chags rnams kyi srog bcad na sdig pa ji lta bu zhig thob par 'gyur/ sangs rgyas dang / chos dang / dge 'dun yongs su shes na bsod nams ci 'dra ba zhig yongs su 'thob/ pha ma ma bsad pa dang / srog chags rnams kyang ma bsad na bsod 

</font><hr>85-1-74a<br><font size=+1>

nams ci 'dra ba cig 'thob/ 'bras bu ji lta bu zhig 'thob/ 'dod pa'i longs spyod spangs na bsod nams dang 'bras bu ci 'dra ba zhig 'thob/ de nas drang srong des de la 'di skad ces smras so/ /ci ste sems can chen po khyod/ /nga yi tshig 'di nyan 'dod na/ /
thal mo sbyar te phyag 'tshol la/ /gus par nyon dang bshad par bya'o/ /de bzhin bgyi zhes bsgrubs nas ni/ ci bdog pas ni mchod byas te/ /sangs rgyas spyod yul sangs rgyas kyi/ /zab mo'i chos ni nyan par gyur/ /sangs rgyas chos dang tshogs dag pa/ /thos nas kyang 
ni skyabs su song / /sangs rgyas rnams kyi sgrib med chos/ /rgyal pos thos nas dga' bar gyur/ /yi dgas byol song dmyal ba rnams/ /sdig pa kun gyi 'bras bu ste/ /yul spyod pa dang srog chags rnams/ /gsod cing shin tu mi bzad pa/ /pha ma gtses 
pa'i rgyu las byung / /bskal pa du mar rab sdug bsngal/ /dmyal ba'i sdug bsngal mi bzad pa/ /mgon med skyabs kyang med pa ste/ /thos nas mya ngan zug rngu yis/ /rang gi yid la gdungs pa na/ji ltar rlung gis mar me bzhin/ /de nyid du ni dus las 'das/ /las 
kyi rnam smin de yis ni/ /dga' dang ldan pa'i lhar skyes nas/ /brgya byin lha yi dbang po yi/ /blon po gzugs dang ldan pa la/ /lha rnams kun dang yid mthun zhing / /rab dga' bde dang ldan par skyes/ /bde ba'i mchog ni myong gyur nas/ /ngan song du yang ltung bar gyur/ /
de nas da ltar lha dbang po/ /khyod kyi mthus kyang de nyid ni/ /dga' ldan gnas ni dga' ba'i mchog /bde mang kun gyi gnas su skyes/ /lha yi dbang po nyon cig dang / /gang gi tshe sngon byung ba de'i dus na byung ba'i drang srong du gyur pa de ni gzhan yin par khyed kyis shes par mi bya'o/ 
bcom ldan 'das shAkya thub pa de bzhin gshegs pa dgra bcom pa yang dag par rdzogs pa'i sangs rgyas 'di nyid do/ /de'i phar gyur pa gang yin pa de ni gzhan yin par khyod kyis blta bar mi bya ste/ lha'i dbang po de'i tshe de'i dus na khyod de'i phar gyur to/ /ma gang yin pa de 

</font><hr>85-1-74b<br><font size=+1>

ni gzhan yin par mi blta ste/ de'i tshe de'i dus na sha tsi ka nyid yin no/ /'khor gyi dkyil 'khor gang yin pa de ni gzhan yin par mi blta'i/ lha'i 'khor 'di dag nyid yin no/ /de nas brgya byin dang / tshangs pa la sogs pa lha'i bu rnams yid rab tu mgu zhing rangs 
te/ ba spu'i bu ga nas spu rnams langs shing rgyal ba rgyal ba zhes skad chen por bos nas bcom ldan 'das phyag na rdo rje la ming bcu pa 'dis mngon par bstod de gsol ba btab bo/ /ko Ta ko Ta k+Sha/ ko Ta ba/ ko Ta ko Ta/ ko Ta bash+tsa/ ko Ti ka /ko la k+Sha/ ko la ba/ ko 
la ko la bash+tsa/ ko la sta thA i ti zhes byas nas/ brgya byin la sogs lha mchog rnams/ /sems can kun la phan pa dang / /tshe dang nad med spel ba'i phyir/ /mgon po khyod la gsol ba 'debs/ /bcom ldan 'das tshe thung ba dang / /skal ba chung ba rnams kyi don 
dang / /phan pa dang bde ba dang / tshe bsring ba'i slad du bshad du gsol/ gsang ba'i bdag po bshad du gsol/ de nas bcom ldan 'das phyag na rdo rjes brgya byin dang / tshangs pa la sogs pa'i lha'i 'khor mang po de dag la gzigs nas legs so zhes bya bas mgu bar byas 
te/ tshangs pa la sogs pa'i lha'i bu rnams gang khyed kyis 'di lta bu'i spobs pa yang dag pa yang dag par bskyed pa de ni legs so legs so/ /legs par sgrubs shig dang bshad par bya'o/ /de nas bcom ldan 'das phyag na rdo rjes sems can thams cad kyi tshe dpag tu 
med pas khyab par 'byung ba'i rdo rje zhes bya ba'i ting nge 'dzin la snyoms par zhugs nas tshe dang / bsod nams dang / ye shes kyi tshogs dpag tu med par 'phel ba zhes bya ba'i de bzhin gshegs pa thams cad kyi snying po 'di rang gi thugs ka nas phyung ngo / /o~M pu N+ye pu N+ye ma hA pu N+ye/ 
a pa ri mi ta A yur pu N+ye dz+nyA na sa~M b+ha ro pa tsi te ka ri Ne swA hA/ de bzhin gshegs pa thams cad kyi snying po'i gzungs 'di bshad ma thag tu ngan song thams cad rab tu zhi ste/ sems can dmyal ba dang / byol song dang / yi dgas rnams su skyes pa'i sems can thams cad grol 

</font><hr>85-1-75a<br><font size=+1>

bar bdag nyid kyis yang dag par shes so/ /'jig rten gyi khams thams cad rab tu snang bar byas te/ snang bar byas nas kyang sangs rgyas kyi mdzad pa rnam pa bcu gnyis kyi tshul du byas nas de bzhin gshegs pa thams cad kyi thugs kyi chos kyi yi ge de nyid du 
zhugs par gyur to/ /de nas yang bcom ldan 'das kyis tshe dpag tu med pa'i rdo rje 'od byed pa zhes bya ba'i ting nge 'dzin la snyoms par zhugs nas de bzhin gshegs pa thams cad kyi tshe dpag tu med pa zhes bya ba'i snying po'i gzungs 'di bshad do/ /o~M a mi te/ a mi ta ud 
b+ha be/ a mi ta sa b+ha be/ a mi ta bi krAn+te/ a mi ta bi krAn+ta/ gA mi ni/ sarba karma kle sha k+Sha yaM ka re swA hA/ de nas 'di bshad ma thag tu de bzhin du sems can thams cad kyi sdug bsngal rab tu zhi'o/ /de nas yang bcom ldan 'das kyis gdon mi za bar sgrib pa rnam 
par 'joms pa zhes bya ba'i ting nge 'dzin la snyoms par zhugs nas de bzhin gshegs pa thams cad kyi sgrib pa gcod pa zhes bya ba'i snying po'i gzungs 'di rang gi thugs ka nas phyung ngo / /o~M kaM ka ni kaM ka ni/ ro tsa ni ro tsa ni/ tro Ta ni tro Ta ni/ /trA sa ni trA sa ni/ pra ti ha 
na pra ti ha na/ sarba karma pa raM pa rA Ni me sarba sa twa nany+tsa swa hA/ 'di bshad ma thag tu yang thams cad de bzhin du gyur to/ /de nas yang bcom ldan 'das kyis sgrib pa thams cad dri ma med cing rnam par dag pa'i rdo rje zhes bya ba'i ting nge 'dzin la snyoms par zhugs nas de bzhin 
gshegs pa thams cad kyi sgrib pa rnams ma lus par 'joms pa zhes bya ba'i snying po'i gzungs 'di rang gi thugs ka nas phyung ngo / /o~M rat+ne rat+ne/ ma hA rat+ne/ rat+na sa~M b+ha be/ rat+na ki ra Ne/ rat+na mA le/ bi shud d+he/ sho d+ha ya/ sarba pA paM hU~M trA Ta/ de nas 'di bshad ma thag tu 
bdud kyi gnas thams cad bcom/ rnam par bcom par gyur to/ /de nas yang bcom ldan 'das kyis gdon mi za bar mi choms pa'i sgrib pa thams cad rnam par 'joms pa zhes bya ba'i ting nge 'dzin la snyoms par zhugs nas de bzhin gshegs pa thams cad kyi snying po'i gzungs 

</font><hr>85-1-75b<br><font size=+1>

'di rang gi thugs ka nas phyung ngo / /o~M a mo g+ha a pra ti ha ta/ sarba A ba ra Na/ bi nA sha ni/ ha ra ha ra hU~M phaT/ gsang sngags 'di bshad ma thag tu 'jig rten gyi khams thams cad g.yos/ rab tu g.yos/ yang dag par rab tu g.yos/ /bskyod/ rab 
tu bskyod/ yang dag par rab tu bskyod do/ /bskul/ rab tu bskul/ yang dag par rab tu bskul nas rmad kyi ya mtshan du ma 'jig rten du snang bar gyur to/ /de nas dkyil 'khor ni 'di yin te/ /gru bzhi pa la sgo bzhi pa/ /sgo ba rnams dang ldan pa ste/ /rta 
babs bzhi dang ldan par bya/ /lte ba dang ni sgo khyud ldan/ /de yi dbus su 'khor lo yi/ /dkyil 'khor dam pa bri bya ste/ /rtsibs bzhi dag dang ldan pa la/ /lte ba'i dkyil 'khor ldan par bya/ de yi dbus su gtso bo ni/ /phyag na rdo rje stobs chen po/ /phyag 
na rdo rje dril bsnams shing / zla ba rgyas pa'i zhal 'dzum bri/ /shar gyi rtsibs kyi steng du ni/ /mgon po mi bskyod bri bar bya/ lho yi phyogs su rin chen bri/ /nub phyogs chu skyes pad+ma la/ /byang phyogs su ni gdon mi za/ /dpa' bo stobs chen bri bar bya/ /de bzhin 
gshegs pa thams cad ni/ /'khor los sgyur ba chas pa dang / /zla ba'i dkyil 'khor mdog 'dra zhing / /rgyan rnams kun gyis brgyan pa dang / /phyag ni mchog sbyin mi 'jigs pa/ /rdo rje skyil mo krung bzhugs bri/ /grwa yi phyogs ni thams cad du/ /de bzhin bdug 
sogs thams cad bri/ /sgo ba dag kyang khros pa la/ /khro ba'i dbang du gyur pa bri/ /de nas rnal 'byor can nyid zhugs/ /sngags kyi lha rnams spyan drangs te/ dzaHhU~M baM hoH/ o~M b+ha ga bAn e h+ye hi sa ma ya s+t+wa~M/ de nas gtso bo byon pa dang / /mdor na mchod pa byas nas kyang / /
'chi bdag sbrul gyis 'jigs ldan rnams/ /'chi bdag gzhom phyir gzhug par bya/ /o~M badzra sa ma ya hU~M/ rdo rje ti rin ti ri bcings la/ /lag na rin chen thogs te gzhug /yang na me tog phreng ba ste/ /de ni dkyil 'khor nyid du dor/ /o~M pra tIts+tsha badzra hU~M/ de nas 

</font><hr>85-1-76a<br><font size=+1>

mna'i dam tshig sbyin par bya ste/ o~M badzra sa ma sa hU~M/ de nas 'dis gdong g.yogs dgrol bar bya ste/ o~M badzra hA s+ya ud g+h+ya Ta ya hU~M/ de nas 'di bstan par bya ste/ o~M badzra pa sh+ya ho/ /de nas 'dis dbang bskur bar bya'o/ /o~M badzra a b+hi Shiny+tsa o~MhU~M/ o~M 
bud d+ha a b+hi Shiny+tsa o~M/ o~M rat+na b+hi Shiny+tsa trA~M/ o~M pad+ma a b+hi Shiny+tsa hrIH/ o~M karma a b+hi Shiny+tsa aH/ de nas bum pa'i dbang bskur bar bya'o/  /o~M badzra ka la sha a b+hi Shiny+tsa hU~M/  o~M bud d+ha ka la sha a b+hi Shin+tsa o~M/ o~M rat+na ka la sha a b+hi Shiny+tsa trAM/ o~M pad+ma ka la sha ya a b+hi Shiny+tsa 
hrIH/ o~M karma ka la sha a b+hi Shiny+tsa aH/ de nas phreng ba'i dbang bskur bar bya'o/ /o~M rat+na mA la a o~Mb+hi Shiny+tsa trA~M trA~M trA~M trA~M trA~M/ o~M badzra paT+Ta a ba laM ba na a b+hi Shiny+tsa trA~M/ o~M bud d+ha mu drA a b+hi Shiny+tsa o~M/ o~M badzra mu drA a b+hi Shiny+tsa hU~M/ o~M rat+na mu drA a b+hi Shiny+tsa trA~M/ o~M pad+ma mu drA a b+hi 
Shiny+tsa hrIH/ o~M karma mu drA a b+hi Shiny+tsa aH/ o~M badzra nA ma a b+hi Shiny+tsa hU~M o~M trA~M hrIHaH/ o~M badzra karma a b+hi Shiny+tsa hU~M aH/ o~M badzra tsakra a b+hi Shiny+tsa hU~M b+hu~M/ o~M badzra tsakra a d+hi pa ti s+t+waM a b+hi Shiny+tsa hU~M hU~M hU~M o~M o~M o~M/ trA~M trA~M trA~M/ hrIHhrIHhrIH/ aHaHaH/ o~M badzra d+hA ra Ni a b+hi Shiny+tsa hU~M/ 
o~M ta thA ga ta d+hA ra Ni a b+hi Shiny+tsa o~M/ o~M rat+na d+hA ra Ni a b+hi Shiny+tsa trAM/ o~M pad+ma d+hA ra Ni a b+hi Shiny+tsa hrI/ o~M karma d+hA ra Ni a b+hi Shiny+tsa aH/ o~M ta thA ga ta gu h+ya a b+hi Shiny+tsa o~M/ o~M badzra gu h+ya a b+hi Shiny+tsa hU~M/ o~M rat+na gu h+ya a b+hi Shiny+tsa trA~M/ o~M pad+ma gu h+ya a b+hi Shiny+tsa hrIH/o~M o~M karma gu h+ya a b+hi Shiny+tsa 
aH/ o~M pradz+nyo pA ya sa ma yo ga a b+hi Shiny+tsa hU~M AH/ de ltar dbang bskur nas tshe bsring ba'i rig pa 'di sbyin par bya'o/ /o~M b+h+ru~M badzra A yu She hU~M AH/ de'i sgrub pa ni 'di yin te/ bcom ldan 'das rdo rje'i tshe zla ba'i 'od can zla ba'i dkyil 'khor la bzhugs shing rgyan thams 
cad kyis brgyan pa/ phyag gnyis mi 'jigs pa dang mchog sbyin du mdzad pa las bdud rtsi 'dzag pa bri'o/ /de'i 'og tu sgrub pa po'i lag pa thal mo brkyang la/ gdong gyen du bcom ldan 'das la lta bar bris la mchod pa rnam pa lngas mchod de/ de'i spyan sngar 'bum 

</font><hr>85-1-76b<br><font size=+1>

bzlas par bya'o/ /de nas zla ba nya ba dang mchod pa chen po byas te ba dmar ser gyi mar snod sar par bcug la rdo rje g.yon pas mnan te/ bcom ldan 'das rab tu sems shing mtshan thog thag tu bzlas par bya'o/ /de nas dri ma mnam zhing sngon ma byung ba'i dri'i ngad ldang la 
rlangs pa'am/ du ba'am/ me byung ngam/ 'od zer ram/ me sgron nam/ 'od byung ngam/ de la sogs pa'i mtshan ma byung na mar de'am/ mar sar ram/ til mar ram/ chu'am/ 'o ma'am/ zho'am/ chang ngam/ khrag gam/ zhag gam/ klad pa'am/ 
sha'am/ gang yang rung ba la rab tu bsgrubs te/ /nang bar sngar bsrung ba la sogs pa byas nas bdag nyid sbyangs te 'thungs sam zos na mtshan ma ji lta ba bzhin du byung na ni nam zla ba dang nyi ma yod kyi bar du tshe ring zhing rdo rje dang mtshungs par 'gyur te/ tha mas ni tha ma 'grub 
pas 'di la the tshom ni med do/ /mtshan ma ma byu+ung na yang 'jig rten na nad med/ ldob skyen/ lus la skra dkar dang gnyer ma med par 'gyur ro/ /lus brtan zhing tshe lo brgya thub par 'gyur ro/ /gzhan yang bzlas pa byas pa tsam gyis zhi ba dang / rgyas pa dang / dbang la sogs pa'i 
las rnams brtag mi dgos par 'gyur te the tshom med do/ /de nas rgyal po chen po bzhis bcom ldan 'das phyag na rdo rje la phyag 'tshal nas 'di skad ces gsol to/ /bcom ldan 'das bdag cag kyang sems can thams cad kyi don dang / phan pa dang bde ba'i 
slad du rang rang gi snying po bshad par 'tshal gyis/ bcom ldan 'das kyis bka' stsal du gsol/ rdo rje 'dzin pa bka' stsal du gsol/ rgyal po chen po rnams legs kyis shod cig dang / ngas kyang rjes su yi rang zhing byin gyis brlab par bya'o/ /de nas gnod sbyin gyi 
rgyal po rnam thos kyi bus bcom ldan 'das kyis gnang zhing rjes su yi rangs te/ byin gyis brlabs pas rang gi snying po 'di bshad do/ /o~M bai/ de nas dri za'i rgyal po yul 'khor srung gis kyang rang gi snying po 'di bshad do/ /o~M D+h+r-i/ de nas grul bum gyi rgyal po 'phags 

</font><hr>85-1-77a<br><font size=+1>

skyes pos kyang rang gi snying po 'di bshad do/ /o~M bi/ de nas klu'i rgyal po mig mi bzang gis kyang rang gi snying po 'di bshad do/ /o~M k+Sha/ de nas de dag gi dkyil 'khor bshad de/ gru bzhi pa la sgo bzhi pa/ /dkyil 'khor lngas ni brgyan pa ste/ /
de yi dbus su gtso bo ni/ /phyag na rdo rje 'gying bcas bri/ /de yi g.yon gyi phyogs su ni/ /rnam thos bu dge'i lag pa na/ /be con ne'u le thogs pa dang / /rin chen rgyan gyis brgyan pa dang / /sbom zhing seng ge'i gdan la bzhugs/ /gser mdog gzi can 
ldan par bri/ /mkhas pas bum pa bzang la sogs/ /rin chen chu bo 'bab par bri/ /mdun du yul 'khor srung nyid ni/ /pi bang len pa brtson pa dang / /mdzes shing kha dog ljang khu ste/ /rgyan rnams kun gyis brgyan pa bri/ /g.yas phyogs dpa' bo lus 'phags po/ /
ral gri lag na thogs pa bri/ /nub phyogs su ni mig mi bzang/ /rdo rje zhags pa 'dzin pa'i mchog /sbrul mgo bdun gyis bskor ba la/ /mig kyang dmar zhing shin tu 'bar/ /sgo yi phyogs ni thams cad du/ /sgo ba rnams kyang de bzhin no/ /de nas/ rdo rje'i phyag rgya 
zhes bya bas/ /sngags mkhan bdag nyid zhugs nas kyang / /bcom ldan 'das ni spyan drangs te/ /de nas rgyal po spyan drang ngo / /spyan drangs nas ni mkhas pas mchod/ /cho ga bzhin du ar+g+ha dbul/ /de nas sngags mkhan sngags 'di dang / /rdo rje 'dzin pa'i phyag rgya 
'dis/ /slob ma rgyal rigs rje'u rigs dang / /bram ze la sogs de bzhin te/ /me tog rin chen thogs te zhugs/ /o~M badzra sa ma ya hU~M/ de nas me tog gam rin po che 'dis dor bar bya'o/ /o~M badzra pra tI ts+tsha twaM ma hot+ta ma/ gang la bab pa'i rgyal po ni/ /de ni 'dis 
'grub gzhan du med/ /de nas grwa na bzhag pa yi/ /bum pa bzhis ni dbang bskur te/ /dang po phyag na rdo rje yis/ /phyag rgyas dbang ni bskur bar bya/ /de la sogs pa go rims kyis/ /dkyil 'khor nyid du dbang bskur na/ /rgyal po ma yin rgyal por 'gyur/ /rgyal po 

</font><hr>85-1-77b<br><font size=+1>

yin ni che bar 'gyur/ /'dzam bu'i gling dbang dpal dang ldan/ /gling bzhi ba la dbang ba'i mchog /lan bzhir dbang ni bskur ba dang / /lan bzhir gzhug par byas na ni/ /de la rdo rje 'dzin rgyal bdag /bu sdug bzhin du bskyang bar bya/ /bdag cag rgyal po 
chen po bzhis/ /bran dang g.yog tu bcas pa dang / /pho brang 'khor du bcas pa yi/ /rgyal po rtag tu bskyang bar bgyi/ /de gnod gzhan gyi phru ma dang / /de yi nad dang 'chi bdag gi/ /'jigs dang mu ge la sogs pa'i/ /gnod pa rnams ni gzhom par bgyi/ /
rnam thos bus ni rgyas par bgyi/ /yul 'khor srung gis zhi bar bgyi/ /phyugs dang gnyen bcas dus min pa'i/ /'chi bdag lus 'phags po yis 'joms/ /mig mi bzang gis bkra shis shing / /mu ge la sogs rnam par 'joms/ /mdor na bdag gis de 
yi ni/ /re dang bsam pa kun bgyi ste/ /ji ste nges pa ma lags na/ /phyag na rdo rje la 'khus 'gyur/ /de nas phyogs skyong ba rnams kyis bcom ldan 'das la phyag 'tshal nas 'di skad ces gsol to/ /bcom ldan 'das bdag cag rnams kyis kyang sems can thams cad 
la phan pa dang bde ba'i slad du rang rang gi snying po rnams dbul bar bgyi'o/ /bcom ldan 'das kyis bka' stsal pa/ 'jig rten skyong ba rnams legs so legs so/ /legs kyis phul cig /de nas 'byung po rnams kyi bdag po dbang ldan la sogs pas rang rang gi  snying po rnams 
phul ba/ o~M I/ o~M iM/ o~M a/o~M ya/ o~M ri/ o~M ba/ o~M ya/ o~M ku/ o~M a/ o~M bra/ de nas de dag gi dkyil 'khor bshad de/ dkyil 'khor snga ma bzhin bris la/ /mgon po dbus su de bzhin gzhag /phyogs skyong rang gi phyogs gnas su/ /
gzhag bya spyan sngar nyi ma dang / /phag gi gzugs dang gnyis bzhag ste/ /sgo ba rnams kyang de bzhin no/ /de nas spyan drangs de kun la/ /mchod pa kun gyis mchod par bya/ /de nas bdag nyid zhugs nas kyang / /slob ma rnams ni gzhug bya zhing / /phyogs skyong rang gi 

</font><hr>85-1-78a<br><font size=+1>

sngags btab pa'i/ /bum pa rnams kyis dbang bskur ro/ /de nas phan par 'dod pa yis/ /bsgrub phyir snying po sbyin par bya/ /phyogs skyong rang gi phyogs gnas rnams/ /brtag mi dgos par 'grub par 'gyur/ /de nas de dag mgu nas 'di skad 
ces gsol to/ /bcom ldan 'das gang rgyal rigs kyi spyi bo nas dbang bskur zhing rgyal po'i dkyil 'khor 'dir zhugs te/ dbang bskur ba thob pa'am/ gzhan yang rigs kyi bu'am/ rigs kyi bu mo dad pa de dag /bcom ldan 'das bdag cag gis rtag par 
dus thams cad du bsrung ba dang / bskyab pa dang / sba bar bgyi'o/ /pha rol gyi phru ma kun gzhom par bgyi/ dus dus su char pa dbab par bgyi/ 'bru dang / me tog dang / 'bras bu rnams bskyed par bgyi'o/ /de nas chos kyi rgyal po chen po gshin rjes bcom 
ldan 'das la phyag 'tshal nas 'di skad ces gsol to/ /bcom ldan 'das bdag gis kyang rgyal po chen po de'i tshe bsring bar bgyi'o/ /dus ma lags par 'chi ba brgyad po so sor dgag par bgyi'o/ /srin po rnams kyi bdag po chen po ni ri tis kyang 'di skad ces 
gsol to/ /bcom ldan 'das bdag gis kyang rgyal po dang / rgyal po'i bu dang / bram ze dang / rgyal rigs dang / mi'am/ gzhan gang yang rung ba dag la nad dang / yi dgas dang / 'dres mi 'jigs par bgyi/ srin po la sogs pas 'jigs par mi bgyi/ dus 
ma lags pa'i 'chi bdag gis 'jigs par mi bgyi ste/ /dus thams cad du bsrung ba dang / bskyab pa dang / sba bar bgyi'o/ /de nas klu'i rgyal po chen po ba ru Nas kyang 'di skad ces gsol to/ /bcom ldan 'das bdag cag gis kyang rtag par dus thams cad du rgyal 
po de dang / yul thams cad so sor bskyang bar bgyi/ kun du bsrung bar bgyi/ 'bru rnams bskyed par bgyi/ klu'i nyes pa rnams mi 'byung bar bgyi/ thog dang ser ba rnams mi dbab par bgyi/ dus ma yin par 'chi ba rnams so sor dgag par bgyi'o/ /de 

</font><hr>85-1-78b<br><font size=+1>

nas rlung gi bdag pos 'di skad ces gsol to/ /bcom ldan 'das bdag gis kyang sems can chen po de la dus thams cad du rlung gis 'jigs pa mi 'byung bar bgyi/ dus ma lags pa'i rlung mi 'byung bar bgyi/ 'bru dang / me tog dang / 'bras bu thams cad 
bskyed par bgyi/ 'jigs pa thams cad so sor dgag par bgyi'o/ /de nas gnod sbyin gyi rgyal po chen po ku be ras bcom ldan 'das la phyag 'tshal nas 'di skad ces gsol to/ /bcom ldan 'das bdag gis kyang gnod sbyin gyi sde dpon chen po nyi shu rtsa brgyad dang lhan cig 
tu mchis te/ stobs dang ldan pas sems can chen po de la dus thams cad du 'jigs pa thams cad so sor dgag par bgyi/ nor dang / 'bru thams cad legs par 'byor bar bgyi/ rang gi skye bo dang / yongs kyi skye bo dang / yul dang / gnas dang / bran dang / snag gi 
gnyen dang / rus kyi gnyen dang / grogs dang / bu dang / bu mo dang / chung ma la sogs pa bsrung bar bgyi/ glang dang / ba lang dang / bong bu dang / rnga mo dang / lug dang / ma he dang / bal glang dang / rta dang / ra la sogs pa la yang bsrung bar bgyi'o/ /de 
nas 'byung po thams cad kyi bdag po dbang ldan gyis kyang bcom ldan 'das la phyag 'tshal nas 'di skad ces gsol to/ /bcom ldan 'das bdag gis kyang rgyal po de dang / rgyal po de dag gi bu dang / rgyal rigs dang / bram ze rnams 'di dang pha rol tu bskyab pa dang / 
phan gdags pa dang / yongs su bskyab pa dang / zhi ba dang / bkra shis pa dang / chad pa spang ba dang / mtshon cha spang ba dang / dug gzhil ba dang / dug gzhom pa dang / mtshams gcad pa dang / sa'i 'og gi mtshams gcad pa dang / phyogs kyi mtshams 
gcad pa dang / rdo rdo ra bas bskor pa dang / rdo rje phur bus gdab pa dang / rdo rje dra ba rnams bre bar bgyi/ dgos pa thams cad la nye bar gnas par bgyi/ dgos pa dang / dgos pa ma lags pa rnams kyi mtshan ma nye bar bstan par bgyi/ dge ba dang / mi dge ba 

</font><hr>85-1-79a<br><font size=+1>

thams cad rmi lam du yang bsgo bar bgyi/ sgrub na yang bgegs ma mchis par bgyi/ dngos grub thams cad stsal bar bgyi'o/ /de nas yang nam mkha' lding gi bdag po nam mkha' la spyod pa rnams kyis kyang bcom ldan 'das la phyag 'tshal nas 
'di skad ces gsol to/ /bcom ldan 'das bdag cag gis kyang dus thams cad du rgyal po de dang / rgyal po'i bu dang / rgyal po'i blon po dang / bram ze dang / rgyal rigs rnams 'jigs pa thams cad las bdag nyid 'khor thams cad dang bcas par mchis la 
bsrung ba dang / bskyab pa dang / sba bar bgyi/ mchog thams cad rab tu bstab par bgyi/ nad thams cad rab tu zhi bar bgyi/ dus thams cad du phyi bzhin du 'brang bar bgyi'o/ /de nas sa 'og gi bdag po phag chen pos kyang bcom ldan 'das la phyag 'tshal nas 'di skad 
ces gsol to/ /bcom ldan 'das bdag gis kyang mi'i bdag po de dang / mi'i bdag po'i bu dang / yang na lan gnyis su byung ba'am/ lan gnyis su byung ba'i bu dang / rgyal rigs dang / rje'u rigs dang / dmangs rigs sam/ gzhan yang rigs kyi 
bu dang / rigs kyi bu mo dad pa rnams kyis dus thams cad du don thams cad grub par bgyi'o/ /'jigs pa thams cad las dus thams cad du yang bsrung bar bgyi'o/ /bdag nyid kyang yongs su bskyab par bgyi'o/ /de nas gza' chen po brgyad dang / 'khor rgyu skar du 
bcas pa rnams kyis kyang 'di skad ces gsol to/ /bcom ldan 'das bdag cag 'khor dang bcas pa rnams kyis kyang rang rang gi sngags kyi snying po rnams 'bul bar 'tshal na/ de dag bcom ldan 'das kyis byin gyis brlab par gsol/ /legs so legs so/ /ngas byin 
gyis brlabs kyis/ gza' chen po rnams shod cig de nas nyi ma la sogs pa gza' chen po rnams kyis bcom ldan 'das la phyag 'tshal nas 'di skad ces gsol to/ /o~M A/ o~M so/ o~M aM/ o~M bu/ o~M br-i/ o~M shu/ o~M sa/ o~M rA/ de nas de dag gi dkyil 

</font><hr>85-1-79b<br><font size=+1>

'khor bshad de/ dbus su ni bcom ldan 'das phyag na rdo rje nyid 'jig rten gsum las rnam par rgyal ba'i gzugs su bri'o/ /ngos rnams su phyag rgya chen po bzhi bri'o/ /pa ba sangs ni mdun du la/ /zla ba rgyab tu bri bar bya/ /g.yas su phur bu bri bya zhing / g.yon 
par gza' lhag bri bar bya/ /me yi phyogs su mig dmar dang / /rlung gi phyogs su nyi ma ste/ /dbang ldan phyogs su spen pa'o/ /srin po'i phyogs su sgra gcan bri/ /dkyil 'khor phyi rol khor yug tu/ /rgyu skar thams cad bri bar bya/ /sgo sgor de bzhin sgo ba 
rnams/ /khros pa'i yid du bri bar bya/ /rdo rje 'dzin mas zhugs nas ni/ /rdo rje lcags kyu la sogs pas/ /thams cad kyang ni spyan drang ngo / /de nas slob ma rnams zhugs te/ /o~M badzra ha na hU~M phaT/ o~M badzra gra ha sa ma ye hU~M phaT/ o~M badzra gra ha pra tIts+tsha sa ma 
ye hU~M/ de nas gza' brgyad sngags btab pa'i/ /bum pa brgyad kyis dbang bskur ro/ /rdo rje'i phyag rgyas dbang bskur te/ /gza' rnams thams cad bsgrub par bya'o/ /de nas gza' chen po de dag gis bcom ldan 'das la phyag 'tshal nas 'di skad ces gsol to/ /
bcom ldan 'das bdag cag gza' chen po brgyad kyis kyang rgyal po chen po de dang / rgyal po'i bu la rtag par dus thams cad du de bzhin du thams cad bgyi'o/ /de nas rgyu skar dang / skad cig dang / yud tsam dang / thang cig dang / dus dang / zla tshigs dang / sbyor ba 
dang / khyim dang / dus sbyor dang / chu tshod la sogs pa'i dkyil 'khor gyi lha rnams kyis kyang de bzhin du phyag 'tshal nas 'di skad ces gsol to/ /bcom ldan 'das bdag cag gis kyang dus thams cad du sems can chen po de dag gi bka' mi gcog ste/ dpon 
po bzhin du bskyang bar bgyi'o/ /grong khyer dang / grong rdal dang / ljongs dang / rgyal po dang / pho brang 'khor dang / rgyal po'i pho brang 'khor gyi gnas thams cad so sor bskyang bar bgyi'o/ /'jigs pa chen po 'byung ba'i tshe yang des bdag cag mchod na gdon mi 'tshal 

</font><hr>85-1-80a<br><font size=+1>

bar 'jigs pa mi 'byung ngo / /de nas klu chen po brgyad kyis phud ces bya ba'i sgras bcom ldan 'das de mnyes par byas te 'di skad ces gsol to/ /bcom ldan 'das bdag cag gis kyang de dag thams cad kyi gsang ba'i snying po 'di dbul lo/ /klu 
chen po rnams legs kyis gsang ba'i snying po rnams phul cig /de nas de dag mgu nas bcom ldan 'das la phyag 'tshal nas 'di skad ces gsol to/ /o~M phu/ o~M pha/ o~M phU/ o~M phA/ o~M phI/ o~M phe/ o~M phai/ o~M pho+o/ de nas de dag gi dkyil 'khor 
bshad de/ pad+ma chen po 'dab brgyad la/ /kha dog dkar po bri bar bya/ /de yi dbus su gtso bo ni/ /phyag na rdo rje rab gnas pa/ /sbrul mgo mtha' yas gdengs pa yi/ /ltos 'gro chen po sdigs pa bri/ /mtha' yas 'jog po de bzhin du/ /kar ko Ta dang 
ku li ka /nor rgyas bu dang dung skyong dang / /pad+ma chu lha de bzhin du/ /mdor na 'dab ma re re la/ /de dag sbrul mgo 'bar bar bri/ /sbrul mgo bdun bdun chung ma yis/ /mgul nas 'khyud dang bcas par bri/ /bum pa brgyad dang gtor ma dang / /bshos mdzes pa 
dang 'byung po yi/ /mar dang 'o ma sbrang rtsir bcas/ /byas pa rnams ni gzhag par bya/ /de nas rdo rje bdag nyid zhugs/ /sbrul mgos sbrul mgo can rnams dgug /phud ces bya dang lhan cig tu/hU~M ba~M hoHzhes brjod de/ /de nas bu ni rgyal po dang / /rgyal 
rigs thams cad rab bcug nas/ /dug gi nyes skyon bsal ba'i phyir/ /phud ces bya bas dbang bskur ro/ /de nas ming tsam brjod pas kyang / /klu rnams de dag thams cad 'grub/ /de nas de dag kun mgu nas/ /bcom ldan 'das la phyag 'tshal te/ /spyan 
sngar thal mo sbyar 'khod nas/ /smon lam rab tu 'debs par gyur/ /bcom ldan 'das bdag cag gis bcom ldan 'das kyi bstan pa la mngon par dga' ba rnams gal te dkyil 'khor 'dir zhugs pa rnams la bslus bar gyur na/ de'i tshe bcom ldan 'das nyid la 

</font><hr>85-1-80b<br><font size=+1>

bslus par gyur cig /de'i tshe bdag cag gi gnas bye mas bsregs par gyur cig /rdo rje kun du 'bar bas bdag cag gi mgo bkas par gyur cig /rtag par dus thams cad du sems can chen po de bsrung ba dang / bskyab pa dang / sba bar bgyi/ byin chen po 
dang / stobs dang / brtson 'grus bskyed par bgyi/ de'i yul du dug ma mchis par bgyi/ dus dus su char dbab par bgyi/ pha rol po'i g.yul thams cad la dus dang / dus ma yin pa'i char dbab par bgyi/ 'jigs pa thams cad rnam par gzhom 
par bgyi/ rgyal ba'i bka' dang /rdo rje 'dzin pa'i bka' rab tu bsgrub par bgyi'o/ /de nas sgrub pa bshad de/ lha rdzas 'od phreng dkar po yis/ /dbu la sbrul mgo bzhis bskor ba'i/ /rdo rje 'dzin gtso bsams nas su/ /phud ces bya ba 'bum bzlas 
la/ /de nas dug blangs phud ces ni/ /bya ba'i dkyil 'khor bsams nas kyang / /lha rdzas 'od zer phreng bas dgang / /de la phud ces bya ba bsam/ /lag pa sbrul mgo zhags 'dra dang / /phud ces bya ba'i rlung gis gtor/ /pags pa sha dang rus gnas pa'i/ /
dug rnams thams cad ma lus par/ /phud ces bya ba'i lag pas drangs/ /de nas las rnams kun byed cing / /dug rims dug sbyar la sogs pa/ /khu tshur gyis kyang kun phyin na/ /sbrul mgo'i phyag rgyas smos ci dgos/ /de nas lha chen po rnams kyi bdag po 'jigs 
par byed pa chen po bud med chen mo brgyad kyis bskor bas bcom ldan 'das la phyag 'tshal nas 'di skad ces gsol to/ /bcom ldan 'das bdag cag gis skrag pa dang / bud med rnams kyi skrag pas lha dang klu la sogs pa thams cad skrag /rnam par skrag /rab tu skrag 
ste/ kha sbub tu 'gyel nas gos dang bral te/ sems kyang stor nas kun du 'phyan pa de dag la phan gdags pa'i slad du bdag cag snying po 'bul bar 'tshal gyis/ bcom ldan 'das kyis de legs par byin gyis brlab tu gsol/ 'jigs par byed pa chen po legs so 

</font><hr>85-1-81a<br><font size=+1>

legs so/ /rab tu 'jigs par byed pa bdag nyid dang / lha'i bud med thams cad kyi snying po rnams shod cig /de nas 'jigs par byed pa chen pos 'jigs par byed pa'i sgra phyung nas 'di skad ces gsol to/ /o~M b+hai ra ba b+hI swA hA/ o~M b+hA swA hA/ 
o~M b+hi swA hA/ o~M b+hU swA hA/ o~M b+he swA hA/ o~M b+hai swA hA/ o~M b+hau swA hA/ o~M b+haM swA hA/ o~M b+haHswA hA/ bcom ldan 'das 'jigs byed chen po ni brgyad po de dag bdag gi ngag nyan/ de nas de dag dkyil 'khor bshad/ /'khor lo chen po rtsibs brgyad pa/ /bris nas dbus 
su rdo rje 'dzin/ /khro chen 'jig rten gsum las ni/ /rnam rgyal zhes bya gzhag par bya/ /de yi zhabs drung 'jigs byed pa'i/ /drag po chen po khros pa ni/ /'jigs byed ma dang bcas par bri/ /rtsibs kyi nang ni thams cad du/ /gzhan yang 'jigs byed brgyad po ni/ /
bud med rnams dang ldan pa la/ /khros pa'i bzhin dang yid khros par/ /ci bde bar ni bri bar bya/ /'dir ni sgo sgor de bzhin du/ /sgo ba shin tu khros ldan bri/ /de nas lcags kyu la sogs pas/ /bkug ste mgo yi thod pa ni/ /khrag gis bkang ste mchod nas kyang / /
sha chang gtor ma bzang po dang / /snod rnams khrag gis bkang ba dang / /mgo thod mgo yi dum bu dang / /khrag gam chang bkang bum pa brgyad/ /dkyil 'khor der ni gzhag par bya/ /de nas 'jig rten gsum rgyal ba'i/ /mchog gis slob ma gzhug par bya/ /
bum pa'am mgo yi thod pa ni/ /de ltar brgyad kyis dbang bskur ro/ /de nas las rnams sbyin bya ste/ /bud med khyim mam mtshan gcig par/ /'jig rten gsum ni 'dul ba'i mchog /tshul bzhin du ni mchod nas kyang / /'bum phrag bzhir ni bzlas par bya/ /de nas 'jigs 
par byed pa yi/ /bdag nyid chen po'i sgra thos nas/ /mi 'jigs par ni mgo thod par/ /khrag mchog bkang ste ar+g+ha dbul/ /de nas khro bo 'jigs byed pa/ /ma rungs yid can bud med kyi/ /tshogs kyis bskor cing 'jigs byed pa/ /brgyad kyis bskor ba mthong bar 

</font><hr>85-1-81b<br><font size=+1>

'gyur/ /de mthong 'jigs pa med gyur la/ /hU~M zhes bya ba dran byed cing / /sha'am yang na chang mchog gis/ /thod pa bkang ste dbul bar bya/ /de nas 'jigs byed ma rungs 'joms/ /mgu nas rab tu grub 'gyur nas/ /ci 'dod ces ni smras nas kyang / /mgu 
ba'i yid kyis de sbyin byed/ /sa rnams sbyin pa ma gtogs par/ /bde chen hU~M gi tshul gyis gsol/ /khu ba bro ba'i btung ba dang / /rdzas dang ral gri 'khor lo dang / /rtse gsum pa dang mtho ris dang / /mi dang sa 'og rgyal po dang / /gling dang gling bzhi brgya byin 
dang / /gnod sbyin dbang phyug srin po nyid/ /rig 'dzin nyid dang rig 'dzin gyi/ /'khor los sgyur dang 'jig rten ni/ /gsum gyi bdag dang bka' nyan dang / /rang gi 'khor dang bud med kyi/ /dngos grub gang yang rung ba ni/ /ci dga' bar yang sbyin par byed/ /byin 
nas dgod cing 'gro bar byed/ /skrag na de ma thag tu gsod/ /de nas tshangs pa la sogs pa lha chen po rnams kyis bcom ldan 'das la phyag 'tshal nas 'di skad ces gsol to/ /bcom ldan 'das bdag cag gis kyang bcom ldan 'das kyis bka' stsal na rang gi 
brtag pa bshad par 'tshal gyis/ bcom ldan 'das kyis thugs brtse bar dgongs te byin gyis brlab par gsol/ de nas tshangs pa la sogs pa'i lha rnams kyis rang gi snying po rnams bshad do/ /o~M A/ o~M b+hi/ o~M ru/ o~M i/ o~M ka~M/ o~M ga /o~M bri/ o~M 
ka/ de nas de dag gi dkyil 'khor bshad de/ dkyil 'khor snga ma bzhin bris la/ /dbus su 'jig rten gsum 'dul ba/ /de yi mdun du dpa' bo ni/ /dbang phyug rtse gsum lag thogs bri/ /rgyab tu tshangs pa bri bya ste/ /g.yon par lag na 'khor lo thogs/ /
g.yas par dbang po rang gi ni/ /phyag rgya'i mtshan ma lag thogs bri/ /rang gi dkyil 'khor chung ma rnams/ /'dir yang sgo ba de bzhin te/ /bya dang bum pa gang bar gzhag /dkyil 'khor gyi ni phyi rol du/ /stobs bzang la sogs mthu chen gzhag /de nas zhugs 

</font><hr>85-1-82a<br><font size=+1>

nas lha rnams ni/ /mkhas pas kun nas dgug par bya/ /dzaHhU~M ba~M hoHlha thams cad/ /dkyil 'khor dam par bzhugs par mdzod/ /de nas 'ongs par mthong ba dang / /dga' ba chen pos mchod par bya/ /de nas rdo rje 'dzin pa yi/ /phyag rgyas slob 
ma rnams gzhug ste/ /o~M pra tIts+tsha twA~M ma hA sa twa badzra d+hA ra A dz+nyA pa ya o~MhU~M ha ha ha ho/ /me tog cho ga bzhin du dor/ /mig dbye nas ni bstan par bya/ /de nas sngags kyis btab pa yi/ /bum pa'i chus ni dbang bskur ro/ /de nas lha rnams gang dga' ba'i/ /dngos grub rab tu 
sbyin par bya/ /'bum gcig gam ni 'bum gnyis sam/ /dang po bsnyen pa byas nas kyang / /dbang phyug la sogs lha mchog rnams/ /de dag sgrub bas bsgrub phya ste/ /mtshan gcig la sogs gnas sam ni/ /phyag na rdo rje'i pho brang ngam/ /yang na de bzhin gshegs 
pa'am/ /ring bsrel ldan pa'i mchod rten du/ /lha rnams thams cad cho ga bzhin/ /sgrub pas rtag tu bsgrub byas na/ /nam phyed na ni lha bzhengs nas/ /khyod kyi 'dod pa gang yin pa/ /de ni ci bder sbyin bya yis/ /bzang pos myur du soms te smros/ /gang phyir mchog 
ni khyod la sbyin/ /de nas sngags shes dngos grub phyir/ /lha la mchog ni gsol ba gdab/ /lha rdzas khu ba bro btung dang / /mi snang ba dang mkha' 'gro dang / /ril bu rdzas dang rgyal la sogs/ /yid 'dod tshad med gsol ba gdab/ /de nas dbang phyug chen po la sogs pas 
bcom ldan 'das la phyag 'tshal nas 'di skad ces gsol to/ /bcom ldan 'das 'jig rten dang 'jig rten las 'das pa'i dkyil 'khor 'dir zhugs pa gang lags pa de dag /bcom ldan 'das bdag cag lha thams cad kyis sgrib pa thams cad rnam par sbyong ngo / /mtho 
ris kyi lam bstan par bgyi'o/ /ngan song ma lags pa'i lam bstan par bgyi'o/ /sgrib pa ma mchis pa'i lam bstan par bgyi'o/ /dben pa'i lam bstan par bgyi'o/ /rnam par dben pa'i lam bstan par bgyi'o/ /'byung ba'i lam bstan par bgyi'o/ /mya ngan 

</font><hr>85-1-82b<br><font size=+1>

las 'das pa'i lam bstan par bgyi'o/ /dam pa'i chos kyi lam bstan par bgyi'o/ /bde 'gro'i lam bstan par bgyi'o/ /spong ba'i lam bstan par bgyi'o/ /nyon mongs pa med pa'i lam bstan par bgyi'o/ /sangs rgyas nyid du 'grub pa'i lam bstan par bgyi'o/ /
byang chub sems dpa' nyid du 'grub pa'i lam bstan par bgyi'o/ /rdo rje 'dzin pa nyid du 'grub pa'i lam bstan par bgyi'o/ /dus thams cad du 'jigs pa thams cad las bsrung ba dang / bskyab pa dang / sba bar bgyi'o/ /bdag nyid kyi bu bzhin du yongs su bskyang bar 
bgyi'o/ /de'i pha rol gyi dgra kun gzhom par bgyi'o/ /grong dang / grong 'dab dang / ljongs dang / rgyal po dang / rgyal po'i pho brang dang / rgyal srid rnams bsrung bar bgyi'o/ /yul dang / phyogs dang / grong khyer dang / grong 'khor rnams bsrung bar bgyi'o/ 
rgyal srid kyang stsal bar bgyi'o/ /rgyal srid thob pa rnams ni rgyal srid rgyas par bgyi'o/ /gling gcig pa dang / gling gnyis pa dang / gsum pa dang / bzhi pa dang / bde 'gro dang / mi'i gnas dang / sa'i 'og dang / 'khor los sgyur ba rnams stsal bar bgyi'o/ /
mdor na brgya byin nyid dang / tshangs pa nyid dang / gtogs 'dod nyid dang / dbang phyug chen po nyid kyang stsal bar bgyi'o/ /de nas bcom ldan 'das phyag na rdo rje nyid kyi 'khor gyi dkyil 'khor la kun tu gzigs nas 'dzum pa mdzad pa dang / 'khor gyi dkyil 'khor de dag g.yos/ 
rab tu g.yos/ /yang dag par rab tu g.yos/ /'gul/ rab tu 'gul/ yang dag par rab tu 'gul/ 'bar rab tu 'bar/ yang dag par rab tu 'bar/ dgod rab tu dgod/ yang dag par rab tu dgod/ rtse rab tu rtse/ yang dag par rab tu rtse zhing rmad kyi ya 
mtshan du ma 'jig rten du yang dag par rab tu snang bar gyur to/ /de nas tshangs pa la sogs pa lha'i tshogs rnams shin tu dam par gyur nas bcom ldan 'das la phyag 'tshal te 'di skad ces gsol to/ /bcom ldan 'das sangs rgyas bcom ldan 'das dang / byang chub sems 

</font><hr>85-1-83a<br><font size=+1>

dpa' rnams ni rgyu ma mchis par 'dzum pa mi mdzad na/ 'dzum pa mdzad pa'i rgyu gang lags/ bcom ldan 'das de'i slad du 'dzum pa mdzad pa'i rgyu gang lags pa lung bstan du gsol/ de nas bcom ldan 'das phyag na rdo rjes lha rnams 
kyis gsol ba'i tshig gsan nas 'di skad ces bka' stsal to/ /tshangs pa la sogs pa lha rnams sngon gyi sangs rgyas thams cad kyis bshad pa'i 'chi bdag zhi bar byed pa'i rig pa dang / dus ma yin pa'i 'chi bdag 'joms par byed pa'i rig sngags gzi brjid 
chen po gang yin pa thos sam/ de nas bcom ldan 'das phyag na rdo rje la phyag 'tshal nas tshangs pa la sogs pa'i lha chen po de dag yang dag par rab tu mgu ste ba spu langs nas legs so zhes bya ba 'di dag gsol to/ /bcom ldan 'das legs so legs so/ /rdo rje 
'dzin pa legs so legs so/ /gang gi slad du tshe thung ba'i sems can rnams tshe bsring bar bgyi ba dang / dus ma lags pa'i 'chi bdag gis nyen pa rnams gang gis dus ma lags par 'chi ba las rnam par grol bar bgyi ba dang / ngan song du skyes pa rnams ngan song gi 
rgyud thams cad las ci nas kyang rnam par grol bar bgyi ba dang / 'khor ba'i 'jigs pas skrag pa'i sems can rnams bde blag tu 'khor ba la rgyab kyis phyogs par bgyis nas myur du bla na ma mchis pa yang dag par rdzogs pa'i byang chub mngon par rdzogs par 'tshang rgya bar bgyi 
ba'i slad du gzi brjid chen po'i stobs dang / mthu chen po'i rig pa bshad du gsol/ de nas bcom ldan 'das phyag na rdo rjes tshangs pa la sogs pa lha rnams kyis gsol ba'i tshig gsan nas/ de bzhin gshegs pa thams cad kyi snying po 'di nyid kyi sku dang gsung dang 
thugs rdo rje las phyung ngo / /o~M pu N+ye pu N+ye/ ma hA bu N+ye a pa ri mi tA yuHpu N+ye dz+nyAn saM b+ha ro pa tsi te swA hA/ snying po'i rig pa'o/ /o~M hrIHswA hA/ nye ba'i snying po'i rig pa'o/ o~M b+h+rU~M swA hA/ te ba'i snying po'i rig pa'o/ o~M kru~M swA hA/ /snying po yang dag par bskul ba'i 

</font><hr>85-1-83b<br><font size=+1>

rig pa'o/ /o~M trA~M swA hA/ snying po dam pa'o/ /o~M hrIM swA hA/ gsang ba'i snying po'o/ /de nas de dag gi dkyil 'khor bshad de/ dkyil 'khor rtsibs bzhi par byas la/ de yi dbus su de bzhin gshegs pa tshe dang / bsod nams dang / ye shes kyi tshogs dang / 
gzi brjid tshad med pa'i rgyal po zhes bya ba gzhag ste/ b+h+ru~M zhes bya ba'i snying po'o/ /de'i spyan sngar ni phyag na rdo rje ste/ hrIHzhes bya ba'i snying po'o/ /g.yon par ni khro bo ste/ kru~M zhes bya ba'i snying po'o/ /g.yas par ni nam mkha'i snying po ste/ trA~M zhes bya ba'i snying po'o/ /
rgyab tu ni 'phags pa kun tu spyan ras gzigs kyi dbang po mi 'jigs pa sbyin pa zhes bya ste/ hrIM zhes bya ba'i snying po'o/ /de bzhin gshegs pa'i 'od kyi dkyil 'khor la rig pa rnams bri'o/ /bum pa lnga dang / brgyad 'khor los sgyur ba'i sngags kyis btab la gzhag go/ /
bdug pa la sogs pa las thams cad pa'i khro bo'i sngags kyis btab pa dang / mchod pa la sogs pa gzhag ste/ sgo ba thams cad kyang de bzhin no/ /de nas sngags mkhan bdag nyid zhugs la/ /bde bar gshegs pa dam pa sras dang 'bangs su bcas shing 'khor gyis 
bskor te rig pa dang lhan cig spyan drang ngo / /de nas bdag nyid dbang bskur te/ skyil mo krung bcas nas 'dug la stong phrag brgya bzlas na/ de bzhin gshegs pa'am/ rdo rje 'dzin pa'am/ 'phags pa spyan ras gzigs kyi dbang phyug kyang rung ste/ mngon sum du mthong nas 
de 'dod pa'i mchog so sor thob par 'gyur ro/ /ci ste mnyam par gzhag na de'i tshe yid kyis las thams cad nus par 'gyur ro/ /de nas rdo rje 'dzin ma'i phyag rgya bcings la/ o~M badzra d+ha ra/ rat+na d+ha ra/ pad+ma d+ha ra/ bi shwa d+ha ra/ ta thA ga ta sa ma ya/ mA ti kra ma ta thA ga ta sa ma ya d+ha 
ra A t+ma ko \u0f85 haM zhes nga rgyal bskyed la slob ma rnams gzhug par bya'o/ /de nas 'dis me tog dor bar bya'o/ /o~M sarba ta thA ga ta pra tIts+tsha ho sa ma ya s+t+wa~M/ de nas phreng ba de nyid kyis mgo la bcings la/ dbang bskur bar bya'o/ /o~M sarba ta thA ga ta a b+hi Shany+tsi badzra d+ha ra A dz+nyA pa ya hU~M 

</font><hr>85-1-84a<br><font size=+1>

b+h+ru~M / o~M badzra badzra a b+hi Shiny+tsa hU~M hU~M/ o~M rat+na rat+na a b+hi Shiny+tsa hU~M trA~M/ o~M pad+ma pad+ma a b+hi Shiny+tsa hU~M hrIH/ o~M karma karma a b+hi Shiny+tsa hU~M kruM/ de nas dam tshig dang / bka'i dbang bskur bar bya'o/ /de la dam tshig ni/ dkon mchog gsum dang byang chub sems/ /
bla ma dam pa rnams mi spang / /srog chags rnams ni gsad mi bya/ /ma byin par yang mi blang zhing / /brdzun du smra bar bya ma yin/ /pha rol bud med spyad mi bya/ /bla ma smad par mi bya ste/ /de yi grib ma mi 'gom zhing / /slob dpon ma yin mi gzung la/ /rdo rje 
slob dpon mtshan mi brjod/ /sngags dang phyag rgya mi smad de/ /lha rnams la lta smos ci dgos/ /ji ste glen pas smad na ni/ /nad kyis nges par 'chi bar 'gyur/ /rnying dang lha yi grib ma dang / /'jig rten 'jig rten 'das pa yi/ /phyag rgya yi ge'i mtshan ma rnams/ /
gom pas 'gom par mi bya'o/ /glen pas dkon mchog gsum sogs dang / /sangs rgyas bstan la gnod byed dang / /bla ma smod la brtson pa rnams/ /mkhas pas bsgrims te gsad par bya/ /chos min ldan dang sdig spyod dang / /rtag tu sems can gnod brtson 
dang / /dam tshig sdang rnams snying brtse ba'i/ /sngags mkhan gyis ni sngags kyis bsad/ /'jungs pa rnams kyi nor blangs la/ /sems can phongs la sbyin par bya/ /bla ma la ni mchod pa dang / /de ltar dam tshig bsgrub pa dang / /dkyil 'khor phyir dang dam tshig 
can/ /phan phyir rgyal ba'i sras rnams la/ /mchod phyir mi yi dbang po'am/ /phyug po rnams kyi nor dbrog go/ /sems can rnams la phan spyod pas/ /rtag tu dam tshig bla ma'i nor/ /srog chags srog ni bsrung ba'i phyir/ /brdzun du yang ni smra bar bya/ /
sangs rgyas rnams ni mnyes bya dang / /dam tshig rnams ni bsrung ba dang / /sngags rig pas ni bsgrub pa'i phyir/ /gzhan gyi bud med bsten par bya/ /rdo rje sems dpa'i gnas 'dug nas/ /thams cad byas shing kun zos kyang / /'grub 'gyur nyes par mi 'gyur na/ /

</font><hr>85-1-84b<br><font size=+1>

snying rjer ldan pas smos ci dgos/ /de nas 'dis bka'i dbang bskur bar bya'o/ /o~M sarba ta thA ga ta A dz+nyA na te d+hA s+yA mi gr-ih+na badzra su sid d+ha ye/ o~M badzra tiSh+ya hU~M/ 'dis rdo rje lag tu byin la las kyi dbang bskur bar bya'o/ /o~M sarba karma ni ku ru bud d+hA nA ma hU~M/ de 
nas bla ma bla ma'i phyir/ /khyod kyis lus mchog sbyin par bya/ /nor dang dbyig dang 'bru rnams dang / /stan dang bzhon pa de bzhin te/ /bran gyi mchog dang khang pa dang / /rgyal po rgyal srid de bzhin te/ /bu dang bu mo chung ma dang / /ma dang sring mo tsha mo dang / /
gzhan yang ci bzhed thams cad ni/ /phan par bsams phyir bla mar dbul/ /de nas byang chub bar du ni/ /sangs rgyas nyid dang gzhan dag dang / /'jig rten pa yi mthu chen rnams/ /gang 'dod pa dag bsgrub 'dod pas/ /dngos grub rnams ni gsol bar bya/ /de 
nas bu la phan pa'i phyir/ /sngags mkhan ser sna med sems dang / /dad pas dad pa'i sems ldan la/ /dngos grub rnams ni sbyin par bya/ /chos rnams thams cad dngos med par/ /sems kyis bsgom pa byas nas kyang / /a las zla ba'i dkyil 'khor bsam/ /
rang gi sa bon de dbus su/ /bsams nas dam tshig phyag rgya yang / /bsam zhing de bzhin de nyid du/ /sgrub pa po ni bsgyur bar bya/ /lha yi rnal 'byor tshul du bsgyur/ /de nas rang gi sa bon dang / /phyag rgyas phyag rgya de byin brlab/ /ltag 'og go rims ji bzhin du/ /
sangs rgyas rnams kyis dbang bskur ro/ /de nas nga rgyal bskyed nas kyang / /mkhas pa yis ni bsgrub byas na/ /de bzhin gshegs kyang 'grub 'gyur na/ /dngos grub gzhan lta smos ci dgos/ /de nas tshangs pa la sogs pa lha chen po rnams kyis bcom ldan 'das la phyag 
'tshal nas 'di skad ces gsol to/ /bcom ldan 'das rgyal po dang / rgyal po'i bu dang / rgyal po'i blon po dang / rgyal rigs dang / bram ze dang / rje'u rigs dang / dmangs rigs dang / gzhan yang dman zhing kho re chung ba phyag dar ba dang / mtha' 'khob pa'i 

</font><hr>85-1-85a<br><font size=+1>

rigs ngan gyi skye bo rnams dkyil 'khor gyi rgyal po 'dir zhugs na de dag gi rnam par smin pa ji lta bur 'gyur/ bcom ldan 'das kyis bka' stsal pa/ gang ma 'ongs pa'i sems can rnams la phan pa'i phyi rang la zhus pa de ni legs so legs so/ /
lha'i bu rnams dkyil 'khor gyi rgyal po 'dir zhugs pa dang / dbang bskur ba dang / bris pa dang / 'drir bcug pa dang / rjes su yi rang ba dang / phyag byas pa dang / mchod pa rnams kyi 'bras bu dang / rnam par smin pa nyon cig /lha'i bu rnams mdor nang la yang de'i yon 
tan bshad par spobs pa med de/ nga'i bsod nams kyi phung po gang yin pa de brgya phrag stong du mar bsgyur kyang grangs su yang mi chog /bgrang bar yang mi chog /dper yang mi bzod de/ de bzhin du de bzhin gshegs pa thams cad kyi bsod nams kyi phung pos kyang mi bzod do/ /
dkyil 'khor 'dir zhugs pa'i sems can rnams kyi 'bras bu dang / rnam par smin pa gang lags pa de ni bcom ldan 'das ngo mtshar che'o/ /rdo rje 'dzin pa ngo mtshar che'o/ /bcom ldan 'das bdag cag gis dkyil 'khor du 'dug pa la sogs par spro'o/ /bcom ldan 
'das rdo rje 'dzin pa spro'o/ /de nas lha de dag gis de bzhin du phyag 'tshal nas 'di skad ces gsol to/ /bcom ldan 'das 'dzam bu'i gling gi sems can bsod nams chung zhing tshe thung ba dang / ngan song gi rgyud dang ldan pa dang / sems can dmyal ba dang / yi dgas dang / 
byol song rnams su skyes pa dag kyang mchis na/ bcom ldan 'das de dag la bdag cag gis ji ltar bsgrub par bgyi/ kye lha'i bu rnams sems can de dag ni dkyil 'khor 'di nyid du chug cig /chos kyi yi ge yang zlos su chug cig dang / des sems can de dag tshe ring bar 'gyur/ 
bsod nams dang bral ba rnams bsod nams dang ldan par 'gyur/ ngan song las kyang rnam par grol bar 'gyur ro/ /kye lha'i bu rnams ngan song du skyes zin pa gang yin pa de dag gi ming la yang dbang skur cig /gzugs brnyan la yang dbang bskur bar byos shig /mchod rten la yang 

</font><hr>85-1-85b<br><font size=+1>

dbang bskur bar byos shig /rang gi lha'i sku la yang dbang bskur bar byos shig /chung ngu na de dang rigs mthun pa dang / de'i bu dang / de dang rus mthun pa dang / de'i ming 'dzin pa'am/ bran la yang dbang skur cig dang zhag bdun du dkyil 'khor du bcug ste dbang bskur na 
gdon mi za bar zhag bdun gyi sa ngan song gi sgrib pa las rnam par grol bar 'gyur ro/ /lha'i bu rnams de'i ming nas smos te 'bum phrag gnyis sam/ 'bum phrag gsum mam/ 'bum phrag bzhi nas 'bum phrag brgya phrag stong gi bar du bzlas pa byas na mtshams med pa lnga byas 
pa yang rnam par thar bar 'gyur na/ sdig pa chung ngu byas pa rnams lta smos kyang ci dgos/ lha yi bu rnams zhi ba yi/ /hom khung tha ma bar ma mchog /khru gang khru do khru bzhi pa'i/ /zlum po nyid du byas nas ni/ /de yi ming yang yungs kar gyis/ /brgya phrag stong du bsregs 
byas na/ /ngan song kun las rnam par thar/ /de yi sha dang rus pa dang / /skra dang thal ba la sogs pas/ /cho ga de dang 'dra bar ni/ /sbyin sreg byas nas ngan song yang / /kun las rnam par thar bar 'gyur/ de yi dbus su 'khor lo ni/ /rtsibs brgyad 'od zer dkar 
'bar bri/ /khor yug rdo rje rtse lnga pa/ /'od zer dkar dang ldan par bri/ /de nas rdo rje rgya gram dang / /rdo rje rin chen chu skyes mchog /de nas sdig pa gzhom pa'i phyir/ /phyag rgya sna tshogs gzhag par bya/ /phyi yi rdo rje rigs rnams kyi/ /phyag rgya rnams ni phyi rol bri/ /gza' 
dang skar ma'i mtshan ma dang / /de ltar 'jig rten skyong ba rnams/ /gtso bo ri mo lugs ma'ang rung / /rdo rje can dang lhan cig gzhag /bya dang bum pa bkang ba dang / /gtor ma lha bshos rab dkar gzhag /mdor na thig ni btab nas kyang / /cho ga bzhin du bri bar bya/ /dkar 
po'i gos ni bgos nas kyang / /sangs rgyas gzugs can mi 'jigs pas/ /ngan song rgyud na gnas pa yi/ /sems can rjes su dran byed cing / /sdig pa'i sgrib pa zhi ba'i phyir/ /sangs rgyas kun gyi sbyin sreg ni/ /mar dang 'o ma sbrang rtsi can/ /'bras yos yungs kar bsres 

</font><hr>85-1-86a<br><font size=+1>

pa dang / /de yi rus pa sha la sogs/ /yang na ming nas smos te bya/ /de ni bde 'gror skyes nas kyang / /mkhas pas rgyas pa bya dgos te/ /khru do pa'am khru bzhi pa/ /de ltar mchog ni khru brgyad par/ /byas nas hom khung gru bzhi pa/ /kun du mu ran ldan par 
bya/ /de dbus pad ma rin chen can/ /'od zer ser po ldan par bri/ /khor yug tu ni rin chen dang / /mu ran rnams la chu skyes bri/ /phyi rol du ni rigs lnga yi/ /so so'i phyag rgya bri bar bya/ /de ltar phyi yi lha rnams dang / /lcags kyu la sogs bri bar bya/ /gos rnams ser por bsgyur 
nas kyang / /mtho ris gnas pa rjes dran zhing / /de la phan phyir rgyas pa'i phyir/ /rgyas pa yi ni las byas na/ /lus can de yi tshe dang dpal/ /gzi brjid bde ba'i longs spyod 'phel/ /de nas phan phyir nges par yang / /dbang du bya ba'i las bya na/ /hom khung gzhu yi dbyibs 
'dra la/ /khru gang pa'am khru do pa/ /khru bzhir byas la de'i dbus su/ /pad ma dmar po bris nas kyang / /de yi dbus su mda' bcas pa'i/ /gzhu yang de bzhin bri bar bya/ /khor yug tu yang mda' bcas pa'i/ /gzhu ni kha dog dmar por bri/ /sngags rdzogs pas ni 
rtag par yang / /phyi rol de dang 'dra bar bya/ /sems can de yang dran byas te/ /dmar por gyur ba'i gos gyon la/ /me tog dmar ram pad+ma'am/ /'bras bu dmar ram tshon bskus ba'i/ /mar dang gur gum bsres pa dang / /tsan+dan dmar po'i phyi ma yis/ /sbyin sreg 
byas na lha la sogs/ /thams cad de yi dbang du 'gyur/ /de la gdon rnams gzhom pa'i phyir/ /mngon spyod kyang ni brtsam bya ste/ /phyed dang gsum mam khru gsum mam/ /de ltar dam pa khru dgur bya/ /gru gsum pa dang ldan par ni/ /dbus su rdo rje rtse dgu ba/ /rtse gsum 
pa dang rgya gram pa'i/ /rdo rje rnams dang dbyig pa dang / /mgo ni rdo rje rtse gsum dang / /dgra sta rtse gcig mu khyud bskor/ /phyi rol du yang rim gsum du/ /snga ma bzhin du brgyan par bya/ /bya dang gtor ma bum pa dang / /bshos cha rnam pa mang du gzhag /sha dang khrag gis 

</font><hr>85-1-86b<br><font size=+1>

bkang ba yi/ /mgo yi thod pa kun tu gzhag /de yi lus can sdig sogs dang / /bgegs rnams gzhom par bya ba'i phyir/ /gos nag bgos shing khros nas kyang / /'jig rten gsum rgyal bdag nyid bsam/ /de nas de yi sdig bcom lus/ /bgegs dang 
phral te ci bde bar/ /mtho ris 'jig rten mi yi nang / /khams gsum pa na ci bder spyod/ /go rims 'di dag nyid kyis ni/ /tshe 'di'i gnas la'ang bya ba ste/ /de nas gang gi phyir byas pa/ /de yi phyir yang de bzhin 'gyur/ /gzhan dag kyang ni las rnams kun/ /snga 
ma ji bzhin de ltar bya/ /des ni sems can thams cad la'ang / /myur du bde skyid myong bar 'gyur/ /de nas tshangs pa la sogs pa lha rnams yid mgu nas bcom ldan 'das la phyag 'tshal te 'di skad ces gsol to/ /bcom ldan 'das ngan song du skyes pa'i sems can 
rnams kyi don dang / phan pa dang bde ba'i slad du brtag pa'i rgyal po 'di 'dri ba dang / 'drir 'jug pa'i rigs kyi bu'am/ rigs kyi bu mo rnams bdag cag tshangs pa la sogs pa lha rnams kyis bu bzhin du yongs su bskyang bar bgyi/ gang rgyal po dang / rgyal po'i bu 
dang / rgyal po'i blon po rnams ji ltar gsungs pa'i rjes su slob na de'i rgyal srid 'phel bar bgyi/ yul dang phyogs dang / rang gi skye bo dang / yongs kyi skye bo dang / bran la sogs pa bsrung bar bgyi/ nor dang 'bru rnams mang du 'byor par bgyi/ bud med dang / skyes pa dang / /
bye'u dang / bu mo rnams dang ldan par bgyi/ 'byor pa dang / rgyas pa dang / lo legs pa dang / zhi ba rnams su bgyi na/ ji ltar bshad pa la mi rtog par bgyi ba lta smos kyang ci 'tshal gang gis brtag pa'i rgyal po 'di dad pas rgyal mtshan gyi rtse mo la btags te/ grong dang grong 
khyer du btsugs la/ bdag nyid kyis bsu ba dang / glang po che'i steng du bzhag la grong dang grong khyer la sogs pa thams cad bskor na/ nad dang / gnod pa thams cad ma mchis par 'gyur la sems can chen po de'i drung na bdag cag bran gyi tshul lam/ bu'i tshul du gnas par bgyi'o/  /

</font><hr>85-1-87a<br><font size=+1>

gang du 'di rab tu spyod pa de na bcom ldan 'das phyag na rdo rje nyid longs spyod rdzogs pa'i skus rdo rje sems dpa'i skur zhugs par 'tshal bar bgyi ste/ bcom ldan 'das rdo rje sems dpa' kun tu bzang po re ba thams cad yongs su skong ba de nyid brtag pa'i rgyal 
po'i gzugs su bzhugs par 'tshal bar bgyi'o/ /de bzhin gshegs pa thams cad 'khor dang bcas te bzhugs par 'tshal bar bgyi'o/ /sa phyogs de mchod rten du gyur par 'tshal bar bgyi ste/ mchod par bgyi/ phyag 'tshal bar bgyi/ kun tu bsrung bar 
bgyi'o/ /bdag cag tshangs pa la sogs pa lha rnams kyis brtag pa'i rgyal po 'di kun la rgyas par 'chad pa'i rdo rje slob dpon dka' thub chen po de'i g.yog bgyi'o/ /bran gyi tshul du gnas par bgyi'o/ /bka' nyan pa'i tshul du gnas par bgyi'o/ /bsgo ba 
thams cad mnyan par bgyi'o/ /phan pa dang bde ba thams cad bgyi'o/ /dngos grub thams cad kyang stsal bar bgyi'o/ /bcom ldan 'das mdor na de'i rkang pa'i rdul mgo bos blang bar bgyi'o/ /bcom ldan 'das phyag 'tshal bar bgyi'o/ /bcom ldan 'das mchod 
par bgyi'o/ /bdag cag de'i phyi bzhin du rjes su 'brang ngo / /bcom ldan 'das dkyil 'khor du zhugs te dbang bskur ba gang lags pa de dag kyang bdag cag gi dpon po lags par 'tshal bar bgyi'o/ /phyag na rdo rje lags par 'tshal bar bgyi'o/ /rdo rje sems 
dpa' lags par 'tshal bar bgyi'o/ /bde ba chen po kun tu bzang po lags par 'tshal bar bgyi'o/ /de bzhin gshegs pa lags par 'tshal bar bgyi'o/ /de nas bcom ldan 'das phyag na rdo rjes tshangs pa la sogs pa lha rnams la 'di skad ces bka' stsal to/ /tshangs 
pa la sogs pa lha rnams chos la rim gro bya bar de ltar dam tshig bcas par gyur pa gang yin pa de ni legs so legs so/ /legs par sgrubs shig/ //bam po gsum pa ste tha ma/ de nas bcom ldan 'das phyag na rdo rjes sngags dang / rig pa dang /

</font><hr>85-1-87b<br><font size=+1>

snying po thams cad brtan par bya ba'i phyir nyid kyi snying po 'di bshad do/ /o~M badzra b+h+ru~M hU~M badzra pA Ni dr-iD+ha tiSh+Tha hU~M o~M hU~M a/ o~M badzra hU~M phaT/ o~M dr-iD+ha badzra hU~M phaT/ o~M badzra hU~M sa/ o~M badzra hU~M aH/ de nas de dag gi dkyil 'khor bshad de/ dkyil 'khor snga ma bzhin bris 
la/ dbus su rdo rje bri bar bya/ /yang na rdo rje sems dpa' 'am/ /kun tu bzang ngam bde ba che/ /spyan sngar phyag na rdo rje la/ /g.yas su phyag na rin chen bsnams/ /phyag na pad+ma nub phyogs bri/ /byang phyogs phyag na rgya gram bsnams/ /phyi rol du ni kun bskor 
cing / /sangs rgyas thams cad gzhag par bya/ /de yi phyi rol sems dpa' rnams/ /go rims bzhin du bri bar bya/ /de yi phyi rol sems dpa' rnams/ /byams pa la sogs mchog chen bri/ /de ltar dge slong kun dga' sogs/ /thub rnams de yi phyi rol 
bri/ /rang gi chung ma bus bskor ba'i/ /tshangs pa la sogs phyi rol bri/ /gza' dang skar ma'i lha rnams dang / /rgyal po bzhi po rnams dang ni/ /phyogs skyong 'jig rten skyong ba rnams/ /de yi phyi rol dmyal kun dang / /'dod chags la sogs byol song 'dri/ /sgo 
sgor gsungs pa de bzhin du/ /sgo ba stobs kyi dam pa rnams/ /dri rnams lnga yi chus bkang ba/ /gser gyi bum pa 'od can dang / /gtor ma dang ni lha bshos dang / /me tog bdug pa rab mdzes dang / /gdugs dang rgyal mtshan 'phan rnams dang / /bla re dang 
ni rnga mchog dang / /dril bu rdo rje nor bu dang / /do shal nyi zla la sogs brgyan/ /'dod can rnams kyi 'bras bu ni/ /'dod pa'i yon tan lngas dgang ngo / /de nas sngags mkhan nyid kyis ni/ /spyan drang bdag nyid 'jug par bya/ /bdag nyid kyis ni dbang yang bskur/ /
sdom gnas dam tshig ldan pa dang / /bla ma mos shing mi 'jigs la/ /rigs skyes skyon dang bral ba dang / /ser sna ma lus spangs gyur cing / /yon tan mang por ldan gyur pa/ /gtong dang tshul khrims mang du thos/ /byams pa dang ni snying rje'i sems/ /dga' dang btang snyoms 

</font><hr>85-1-88a<br><font size=+1>

gnas pa dang / /stong pa mtshan ma med pa'i sems/ /smon pa med pa'i yid ldan pa'i/ /slob ma dam pa sngags 'di yis/ /byang chub tu ni sems bskyed la/ /sngags mkhan gyis ni gzung bar bya/ /o~M badzra hU~M dzaH/ o~M badzra sa ma ya pra be sha hU~M/o~M 
o~M badzra pA Ni pra tIts+tsha badzra sa twa ma hA su kha hU~M/ ha ha ho sa ma ya s+t+wa~M/ me tog gi phreng ba dor nas gang la bab pa'i sngags dang phyag rgyas mgo bo la bcing bar bya'o/ /de nas dam tshig sbyin par bya ste/ o~M ci ste khyod kyis su yang rung ba la smras na ni phyag na rdo rje nyid kyis rdo rje 'bar zhing 
rab tu 'bar bas khyod kyi mgo bkas par 'gyur ro/ /o~M badzra sa ma ya dr-i D+ha hU~M a/ de nas 'dis dam tshig gi chu blud la gdong g.yogs dgrol bar bya'o/ /o~M badzra tsak+ShuHpa sh+ya ho/ /A dz+nyA pa ya ti pan+na mo k+Sha ya ma ni hU~M phaT/ de nas phyag na rdo rje la sogs pa sangs rgyas dang byang 
chub sems dpa' thams cad bstan te/ sangs rgyas kyi spyan sngar dbang bskur bar bya'o/ /o~M badzra pA Ni swa yAn+te a nu rak+to a b+hi Shiny+tsa hrIH/ o~M badzra badzra a b+hi Shiny+tsa sarba badzra a b+hi She ka ta hU~M AH/o~M bud d+ha a b+hi Shiny+tsa sarba bud d+hA a b+hi She ka ta o~M hU~M/ o~M rat+na a b+hi Shiny+tsa sarba rat+na a b+hi She 
ka ta o~M trA~M/ o~M pad+ma a b+hi Shiny+tsa sarba pad+ma a b+hi She ka ta o~M hrIH/ o~M karma a b+hi Shiny+tsa sarba karma a b+hi She ka ta o~M AH/ de nas bdag gi lus la sogs pa yon du phul la bka' ma nod par bya'o/o~M sarba ta thA ga ta A dz+nyA a b+hi She ka ta o ka na te dA s+yA mi gr-ih+Na badzra pra sid d+ha ye hU~M/ de nas las 
thams cad byed du gzhug cing dngos grub thams cad kyang sbyin no/ /bde bas bde ba bskyed nas ni/ /dkyil 'khor bzhi po'i dbus su ni/ /kun du bzang ngam bde ba che/ /bdag nyid kyis ni bsgoms nas kyang / /snying gar hU~M zhes bya bsams na/ /rdo rje sems dpa' mnyam par 'gyur/ /
dpal ldan las rnams kun byed cing / /kun tu bzang por bdag nyid 'gyur/ /de ltar 'gyur ba the tshom med/ /hU~M las sangs rgyas gzugs gyur na/ /phyag na rdo rje rab dag nyid 'gyur/ /snying gar 'khor lo rab bsgoms na/ /phyag na rdo rje 'dra bar 'gyur/ /rdo rje khro bor rnam bsgoms 

</font><hr>85-1-88b<br><font size=+1>

te/ /snying ga'i dbus su phaT ces pa/ /hU~M zhes bya bas bskor bsams na/ /khro bo stobs chen nyid du 'gyur/ /rdo rje brtan par bdag bsgyur la/ /snying gar o~M zhes bya ba yis/ /bskor ba'i hU~M dang trA~M ldan pa'i/ /bsams na rin chen 'dra bar 'gyur/ /rdo rjer bsgoms la snying gi ni/ /
dbus su pad+mo zhes bya ba/o~M zhes bya bas bskor bsams na/ /phyag na pad+mo mnyam pa 'gyur/ /'khor lo rgya gram hU~M ldan par/ /a zhes bya bas bskyed nas kyang / /o~M zhes bya bas bskor bsams na/ /rdo rje las dang mnyam par 'gyur/ /de nas las rnams bshad bya ste/ /zhi 
ba dang ni rgyas pa'i las/ /de ltar dbang dang mngon spyod rnams/ /bzlas dang sbyin sreg cho ga yis/ /las rnams thams cad bya ba yin/ /rdo rje sems dpar bdag bsgyur la/ /zhi ba'i las ni brtsam bya zhing / /cho ga shes pas nang par nyid/ /bzlas dang sbyin sreg nyid byed cing / /'od zer 
sprin gyis de lus la/ /'phro bar gyur par rnam bsgoms te/ /rtag tu shar bltas 'od zer gyis/ /nyes pa thams cad sel bar bsam/ /'di ni sems can phan dga' bas/ /de bzhin gshegs pa'i rigs las bya/ /kun du bzang po'i sku chen nam/ /bde ba chen por bsams nas 
kyang / /nang par re re 'od byed na/ /snga ma bzhin du las byas te/ /nang par sngar ni sems can rnams/ /sdig can sems ni zhi bar 'gyur/ /gser 'od mdzes shing 'bar ba yi/ /rin chen 'dzin du bsams nas ni/ /bza' ba legs byas nyi ma yi/ /gung la rgyas pa'i las shis 
te/ /rin chen 'dra bar khung brkos la/ /bzlas dang sbyin sreg rab tu bya/ /yang na sngags pas snga ma bzhin/ /'od kyis lus la rab tu dgang / /sbyor dang ldan pas khung bu ni/ /pad+mo 'dra bar byas nas kyang / /pad+ma 'dzin par bdag bsgyur la/ /bdag dang nye ba'i nyi ma'i mthar/ /bzlas 
dang sbyin sreg nyid byed cing / /'od zer sprin gyis lus bkang nas/ /thams cad ma lus dbang du 'gyur/ /'dren pa kun du bzang po yis/ /zhi ba'i las ni rab tu bya/ /rdo rje rin chen rgyas pa ste/ /dbang bskur ba yang de bzhin no/ /dpal gyi rnam rgyal de bzhin du/ /longs spyod dbang phyug 

</font><hr>85-1-89a<br><font size=+1>

dpal mnyam med/ /rdo rje nyi ma gzi brjid dang / /mdog sdug shin tu 'bar ba bya/ /bzhad cing rmad du mdzad pas ni/ /dga' mgu rangs pa rnams su 'gyur/ /pad+mo bzhad pas chos kun ni/ /rtogs mdzad sangs rgyas thams cad kyang / /mnyes 'gyur 
lha bran smos ci dgos/ /gzhan gyi rigs sogs tshogs mchog rnams/ /rnon pos gcod pa nyid du mdzad/ /gdon dang yi dgas 'dre rnams dang / /gnod sbyin srin po bka' nyan dang / /gza' mchog brgyad ni ma rungs rnams/ /'khor los rtsa nas 'byin par mdzad/ /lkugs 
dang lkugs pa ma yin dang / /glen rnams mi smra smra bar mdzad/ /lce la dzaM zhes bya ba yis/ /ma rungs rnams kyang lkugs par mdzad/ /rgya gram gyis ni mchod pa dang / /sems can don mdzad thams cad ston/ /hA~M zhes bya bas 'phro mdzad cing / /rdo rje srung bas srung bar mdzad/ /
hU~M zhes bya ba'i so yis ni/ /rdo rje gnod sbyin nyid kyis kyang / /ma rungs rab tu ma rungs kun/ /za byed sdig spyod smos ci dgos/ /ma rungs snying gar dam du ni/ /baM zhes bya ba bsams nas kyang / /dug dang rims dang gdon la sogs/ /rdo rje bsdams pas bcing bar mdzad/ /
bzlas dang sbyin sreg las rnams kyis/ /dgos pa thams cad sgrub par mdzad/ /'od zer bsil bas dngos po la/ /rgyas par gyur pas sgom byed cing / /zhi ba'i lha yi rnal 'byor dang / /zhi ba'i sems kyis zhi bar bya/ /rang gi lus ni gser bcos dang / /nyi ma gsal 
shar dge 'dra bar/ /bsams la rgyas par bya ba'i phyir/ /'od zer sprin gyis dgang bar bya/ /pad+mo sems dpa'i ting 'dzin gyis/ /hrIH'dra 'od zer btang ba yis/ /snying la kun du skor byed cing / /'dod pa kun gyi dbang du byed/ /rdo rje hU~M gi ting 'dzin gyis/ /khros nas 
rdo rje mtshon cha'i char/ /sdig spyod lus la dbab byas na/ /de ma thag tu brlag par 'gyur/ /de nas bcom ldan 'das phyag na rdo rje la phyag 'tshal nas 'di skad ces gsol to/ /bcom ldan 'das phyag na rdo rjes sems can thams cad la phan pa'i phyir the tshom thams cad gcod pa 

</font><hr>85-1-89b<br><font size=+1>

ngan song thams cad bzlog pa'i brtag pa dam pa 'di bshad pa legs so legs so/ /de nas bcom ldan 'das phyag na rdo rjes phyag rgya'i le'u 'di bshad do/ /lag pa gnyis mdun du bzhag la/ a las zla ba'i dkyil 'khor du byin gyis brlab par bsams te/ hU~M zhes bya ba 
dang / a zhes bya bas zla ba'i dkyil 'khor de gnyis kyis byin gyis brlabs te/ lag pa gnyis kyi thal mo gnyis ka la a la sogs pa'i yi ge bcu drug gis bkang zhing 'phro bar byas te/ mthe bo gnyis la o~M zhes bya ba bsam/ mdzub mo gnyis la hU~M zhes bya ba gzhag /
gung mo gnyis la trA~M zhes bya ba gzhag /srin lag gnyis la hrIHzhes bya ba gzhag /mthe'u chung gnyis la a zhes bya ba gzhag/ de ltar yi ge rnams gzhag pa byas nas de bzhin gshegs pa rnams yin par mos pa bskyed de/ chos thams cad gcig la gcig 'dres pa dang / 
bdag dang yang rjes su mthun par dran par byas te/ lag pa gnyis pad+ma lta bur sbyar ba byas nas o~M zhes bya ba gnyis brkyang ba dang / a zhes bya ba gnyis bkug ste/ de bzhin du hU~M zhes bya ba dang / hrIHzhes bya ba gnyis pad+ma'i 'dab ma 'dra bar bya/ trA~M zhes bya ba gnyis gshibs 
te brkyang ba 'di ni bcom ldan 'das kyi rtsa ba'i phyag rgya las thams cad dang ldan pa'i dam tshig go/ /de nyid rnon po dang ldan pa dang / de las rab tu 'khor lo 'dra ba ni 'khor lo'i'o/ /de nyid las khar bzhag pa ni sgra'i ste/ 'di ni phyag rgya'i tshogs so/ /de nyid las gnyis su byas 
nas las kyir byas na las kyi'o/ /g.yon pa mgo thod thogs 'dra dang / /g.yas pa mdung thung rtse gsum dang / /g.yon pa pad+mo kha 'dzums dang / /g.yas pa o~M zhes bya bar gzhag /g.yon pa 'khor lo bde gsum dang / /a dang o~M gnyis rtse sprad la/ /lhag ma 
gsum ni rdo rje can/ /o~M dang hU~M gnyis gzhur byas la/ /lhag ma mdar byas mda' can gyi'o/ /lag pa g.yas g.yon 'khor lor bya/ /'od ni nyi ma zla ba'i zhal/ /thal mo dam sbyar sor mo 'phro/ /gza' lhag rtag tu se gol gtogs/ /de nyid tshig dbang gsungs 

</font><hr>85-1-90a<br><font size=+1>

pa ste/ /mchu la tshig 'byung 'dra bar gzhag /pa ba sangs ni bde ldan pa/ /spen pa dbyug pa 'dzin par bya/ /ban glang sna ni chu srin 'dra/ /shes bya rgyu skar me stag 'dra/ /de nyid bskor na glog phreng gi/ /bla 'og gzhag na sprin phyag rgya/ /'di dag 
ni snying po'i phyag rgya ste/ las kyi phyag rgya yang 'di dag nyid do/ /de nyid las srin lag gnyis bcings pa ni phyag na rdo rje'i phyag rgya'o/ /de nyid las hU~M zhes bya ba tshigs bar ma bcag pa ni dbang bskur ba sbyin par byed pa ste/ nam mkha'i snying po'i phyag rgya'o/ /de nyid las hU~M zhes 
bya ba bcings te/ srin lag pad+ma 'dra bar byas pa 'di ni pad+ma las byung ba'i phyag rgya'o/ /de nyid las hU~M zhes bya ba dang / hrIHzhes bya ba gnyis gshibs te bsgreng ba ni bcom ldan 'das rdo rje sems dpa'i phyag rgya'o/ /de nyid las pad+mo 'dra bar byas pa ni bde ba chen po'i phyag rgya'o/ /
de nyid las 'od zer 'phro ba'i tshul du byas pa ni kun du bzang po'i phyag rgya'o/ /de nyid nang du bkug pa ni khro bo sna tshogs kyi phyag rgya gzi can no/ /de nyid las shin tu bsdams pa ni rdo rje bsdams pa'o/ /brkyang ba ni gzi can no/ /hU~M zhes bya ba'i so ni gnod sbyin gyi'o/ /hU~M zhes bya 
ba gnyis lcags kyur byas pa ni 'gugs pa'o/ /de nyid mdar byas pa ni 'dod pa'o/ /hU~M dang o~M zhes bya ba gnyis sbyar ba ni dgyes pa'i'o/ /de nyid dkyil 'khor lta bur byas pa ni gzi brjid kyi'o/ /de nyid nor bu 'dra bar byas pa ni rgyal mtshan gyi'o/ /bskor na bzhad pa'i ste/ de 
nyid khar bzhag na ni dgyes shing 'dzum par mdzad pa'i ya mtshan no/ /thal mo pad+mo 'dra bar bkug pa ni pad+ma'i'o/ /AHzhes bya ba dang /o~M zhes bya ba nang du bkug pa ni ral gri'i phyag rgya'o/ /gcig la gcig sbyar ba ni 'khor lo'i'o/ /snga ma las o~M zhes bya ba gnyis khar bzhag 
pa ni tshig 'byung ba ste/ mdor na phyag rgya 'di dag ni las thams cad sbyin par byed pa'o/ /de nyid bsdus mdud sbrul mgor 'gyur/ /kun tu gnod sbyin mche ba 'dra/ /srin po yi ni khrag 'phrog pa/ /lag pa bskor ba rlung gi ste/ /dbyug tor ldan pa gnod sbyin no/ /bum par

</font><hr>85-1-90b<br><font size=+1>

gzhag pa nor gyi ste/ /mthe bo sre mo'i sna 'drar bya/ /mgo yi thod pa nag po'i ste/ /b+h+rid+gi ri ti lag brkyang ba/ /pi bang g.yon thogs dri za'i'o/ /lag gnyis 'bar ba me 'bar ba/ /gung mo dbyug 'dra gshin rje'i'o/ /rnol khro dang dbang bsgyur ba/ /mthe'u chung ral 
gri mdzub zhags pa/ /rlung gi phyag rgya rgyal mtshan yin/ /de la sogs pa'i phyag rgya rnams/ /lag las skye ba skyes par 'gyur/ /lha rnams kun gyi thun mong du/ /pad+mo'i phyag rgya bkra shis te/ /klu rnams shes bya ut+pal/ /de ltar so ni gnod sbyin rnams/ /srin po rnams kyi 
mgo tshal pa/ /bud med rnams kyi sor bcu bsnol/ /gza' rnams kyi ni dbyug pa ste/ /ar+g+ha dbul ba rgyu skar rnams/ /de dag kun gyi sems sgrub pa'o/ /mgo bo thod pa khar bzhag pa'i/ /phyag rgya 'di ni phra men ma'i/ /mgo thod lce yi phyag rgya ni/ /rdo rje rnal 'byor ma yir bshad/ /
de dag kun kyang thun mong du/ /phyag rgya chen po bshad par bya/ /thal mo brkyang bar bshad pa ste/ /yang na thal mo pad+mor bya/ /rdo rje khu tshur bcings nas ni/ /a zhes bya ba lu gu rgyud/ /hU~M zhes bya ba gnyis bsgreng la/ /phyag na rdo rje'i phyag rgya yin/ /rdo rje bsdam pa bsdams nas 
kyang / /hU~M dang a gnyis gshibs te bsgreng /o~M zhes bya ba ngos bcar ba'i/ /phyag rgya snang ba byed par dgongs/ /de las a zhes bya ba bcings/ /o~M zhes bya ba nang du gzhug /o~M zhes bya ba sngon bzhin sbyar/ /o~M yang a dang 'dra bar bya/ /trA~M zhes bya ba gshibs nas ni/ /a 
dang o~M gnyis lu gu rgyud/ /hU~M zhes bya ba gnyis bsgreng la/ /lhag ma gshibs pa'i phyag rgya 'di/ /bdud rtsi 'khyil par shes par bya/ /trA~M zhes bya ba gshibs nas ni/ /hU~M zhes bya ba'ang de bzhin no/ /de ltar hU~M zhes bya ba gshibs/ /lhag ma 'od zer 'dra bar bya/ /rta mgrin phyag 
rgya gang yin pa/ /de yang las rnams kun la gsungs/ /spyan gyi mig dang 'dra bar bshad/ /mA ma kI yi rdo rje 'dra/ /dkar mo pad+ma nyid du bshad/ /ut+pa la ni sgrol mar dgongs/ /sa sa sa sa sa sa sa sa sa sa sa sa sa sa sa sa/ ba ba ba ba ba ba ba ba ba ba ba ba ba ba ba ba/ dzra dzra dzra dzra dzra 

</font><hr>85-1-91a<br><font size=+1>

dzra dzra dzra dzra dzra dzra dzra dzra dzra dzra dzra/ twa twa twa twa twa twa twa twa twa twa twa twa twa twa twa twa/ hU~M/ dza/ ho/ d+hu/ trA~M/ r+yaM/ b+h+ri/ hA/ hrIH/ d+hIH/ kru~M/ b+ha~M/ ka~M/ ra~M/ k+Sha~M/ sa~M/ o~M bud d+ha lo tsa ne hU~M/ o~M badzra mA ma kI trA~M/ o~M badzra paN+Da re de hi de hi sid d+hi bo d+hi na lo kot+ta ram+bA swA hA/ o~M badzra tA re tu t+tA re tu re 
hU~M hU~M hU~M swA swA swA swA hA/ zhi ba'i brdung ba/ sham+ba ta/ sham+ba ta/ sham+ba ta/ sham+ba ta/ sham+ba ta/ sham+ba ta/ sham+ba ta/ sham+ba ta/ sham+ba ta/ sham+ba ta/ sham+ba ta/ sham+ba ta/ sham+ba ta/ sham+ba ta/ sham+ba ta/ sham+ba ta/ /rgyas pa'i brdung ba/ g+huM/ g+huM/ g+huM/ g+huM/ g+huM/ g+huM/ g+huM/ g+huM/ g+huM/ g+huM/ 
g+huM/ g+huM/ g+huM/ g+huM/ g+huM/ g+huM/ dbang gi brdung ba/ ho d+hu ma/ ho d+hu ma/ ho d+hu ma/ ho d+hu ma/ ho d+hu ma/ ho d+hu ma/ ho d+hu ma/ ho d+hu ma/ ho d+hu ma/ ho d+hu ma/ ho d+hu ma/ ho d+hu ma/ ho d+hu ma/ ho d+hu ma/ ho d+hu ma/ ho d+hu ma/ mngon spyod kyi brdung ba/ kha twa~M/ kha twa~M/ kha twa~M/ kha twa~M/ kha twa~M/ kha twa~M/ kha twa~M/ kha twa~M/ 
kha twa~M/ kha twa~M/ kha twa~M/ kha twa~M/ kha twa~M/ kha twa~M/ kha twa~M/ kha twa~M/ de nas lha rnams kun dga' nas/ /phyag na rdo rje phyag 'tshal te/ /khro bo'i 'khor lo bshad pa'i phyir/ /gsol ba 'debs pa nyid du gyur/ /de nas bcom ldan 'das phyag na rdo rjes rang gi sku bor te/ rdo rje sems dpa'i 
skur zhugs nas gnyis su med par mnyam pa zhes bya ba'i ting nge 'dzin la snyoms par zhugs nas/ rdo rje sems dpa'i khro bo me yi rdo rje nyi ma zhes bya ba'i snying po 'di nyid kyi thugs ka nas phyung ngo /o~M badzra satwa kro d+hA na lA rka ma hA badzra kro d+ha dra ba dra ba/ bi dra ba bi dra ba/ /sarbA pA ya nA sha ya nA 
sha ya/ ha ra ha ra prA NA na hU~M phaT/ o~M trai lo kyA lo ka kA ra ya hU~M phaT/ o~M trai lo kya da ma ka hU~M phaT/ o~M trai lo kya nA sha na hU~M phaT/ o~M trai lo kya ban+d+ha ka hU~M phaT/ o~M a mr-i te hU~M phaT/ o~M kA la daN+Da hU~M phaT/ o~M kA ni d+hu ni hU~M phaT/ o~M hrIHhU~M phaT/ o~M kA la a~M ku sha hU~M phaT/ o~M kA la pA sha hU~M phaT/ 
o~M kA la ban+d+ha hU~M phaT/ o~M kA la rAk+Sha sa hU~M phaT/ o~M kA la rAk+Sha si hU~M phaT/ o~M kA la daN+Di hU~M phaT/ o~M kA la rA tri hU~M phaT/ o~M kA la yak+Shi Ni hU~M phaT/ de nas dkyil 'khor mi bzad pa/ /che ba'i mchog ste rtsibs bcu gnyis/ /lha rdzas 'bar ba'i phreng bas dkrigs/ /shin tu 

</font><hr>85-1-91b<br><font size=+1>

'bar zhing cher 'bar ba/ /de ltar dkyil 'khor bris nas kyang / /rdo rje sems dpa' gzhag par bya/ /'jig rten gsum snang la sogs khro bo kun/ /ma rungs snying gar mnan nas sdigs byed cing / /zhal ni shin tu 'jigs 'jigs lta/ /phyag ni brgya phrag du mar ldan/ / 
sbrul dang mi sdug mgos brgyan la/ /stag lpags kyi ni smad g.yogs bgos/ /rgyu ma thogs shing dbu mtha' yas/ /mgo thod shas gang phyag na thogs/ /de ltar bris nas phyi rol du/ /srin mo'i tshogs rnams gzhag par bya/ /sgo ba rnams ni ji bzhin du/ /rang 
gi phyag rgya'i lag mtshan can/ /de nas bdud rtsis gang ba yi/ /bum pa bcu drug gzhag par bya/ /bdug pa me tog dri zhim dang / /mar me dang ni bro snod dang / /kha zas bkang ba'i gtor ma dang / /bza' dang bca' dang bdud rtsi zhes/ /mgo thod gang bar gyur pa rnams/ /
dkyil 'khor du ni mang du gzhag /de nas slob dpon bdag nyid kyang / /mgu nas mgo thod phyag rgyas 'jug /phyag rgya de dang de yis ni/ /sha rnams kun gyi dam tshig stsol/ /de nas 'dod ldan rnyed nas ni/ /hU~M zhes bya bas bsgrub par bya/ /de nas sngags mkhan sgo sgor yang / /
de nyid dran byed bsnyen par bya/ /de ni nges par dngos grub ste/ /yud tsam 'jig rten gsum dbang 'gyur/ /dkyil 'khor du ni tshogs rnams dang / /rang gi lha yi tshogs rnams la/ /rgyud las 'byung ba'i dam tshig brjod/ /de nas mchod de langs nas kyang / /tshogs spyan rdo rje 
sems dpa' yi/ /tshul du gnas nas 'byung bar bya/ /de nas slob ma bsdus nas ni/ /lag na rin chen thogs te gzhug /o~M badzra krod+ha sa ma ya hU~M/ o~M badzra rAk+Sha si hU~M phaT/ o~M badzra krod+hA na lA rka s+phu Ta ratA pra tIts+tsha hU~M phaT/ o~M badzra kro d+ha na ni rak+Sha hU~M phaT/ o~M badzra kro d+ha pA 
sha hU~M phaT/ o~M badzra kro d+ha sa ma ya ni bI ra hU~M phaT/ o~M badzra kro d+ha sa ma ya ma ti kra ma hU~M phaT/ o~M badzra kro d+ha ra ti sa ma ya a b+hi Shiny+tsa hU~M phaT/ 'dis dbang bskur la de bzhin du dbang bskur bar bya'o/ /de nas de dag gis sgrub pa bshad de/ bdag nyid khro bor snyoms zhugs la/ /de nas 

</font><hr>85-1-92a<br><font size=+1>

snying gar nyi ma bsgom/ /rang gi chos kyi yi ge las/ /khros nas yang dang yang 'phro zhing / /de gnyis gcig tu bsgom par bya/ /de nas 'grub 'gyur gzhan du min/ /khro bo'i rgyal po'i las dngos su/ /gsod pa yin par bshad mod kyi/ /zhi dang dbang dang 
rgyas pa rnams/ /de dag byed 'gyur gdon mi za/ /rdo rje sems dpa'i ting 'dzin gnas/ /khro bo'i dkyil 'khor bsgom byas na/ /gdug pa'i sems can 'dzin byed cing / /mdor ni dug rims gdon la sogs/ /de bzhin de dag thams cad ni/ /thabs la sogs pas 
'joms byed pa/ /khros nas snying las 'byung 'gyur bar/ /gsad pa'i las la bsam par bya/ /khros par gyur pa'i rgod ma'i khas/ /sha dang khrag rnams 'jib byed cing / /de dag 'tsho ba 'phrog byed par/ /bsams na nges par brlag par 'gyur/ /khro bo 'jig rten gsum 
snang mdzad/ /zla ba 'dra ba'i dge bsam zhing / /'od zer 'byung ba mang po yis/ /khyab par gyur par rnam bsams la/ /rims dang gdon dang dug la sogs/ /'od zer des ni phyung nas kyang / /de yi nad rgas gnod pa rnams/ /zhi bya'i phyir ni ring du dor / /de nas hU~M gi 
tshig bzhag la/ /rdo rje lta bu'i lus bsam zhing / /ha~M gi 'khor los go char bya/ /'od zer chu yis dbang bskur ro/ /de nas de yi ming smos shing / /bzlas pas tshul bzhin bsam par bya/ /de nas khung bu gsum la rnam cig ni/ /zla ba rgyas shing 'od zer 'phro 'dra la/ /
khru gang tsam mam yang na khru do pa/ /mi rgyal mchog rnams kyi ni gnyis su bsgyur/ /de yi sa rnams rnam par sbyang byas te/ /'khor lo'i dkyil na zla ba'i dkyil 'khor gyi/ /dbus su rdo rje rtse ltar gyur pa gcig /'od zer dkar po phreng bskor gzi can gzhag /phyag rgya'i tshogs 
rnams thams cad bri bya ste/ /rigs brgya la sogs phyag rgya zur phyin cing / /rgyal po bzhi yi ji bzhin phyag mtshan rnams/ /phyogs kyi bdag po rnams kyang phyogs phyogs su/ /lha chen la sogs phyag rgya khyab 'jug dang / /'khor lo lta bu nyid du bri bar bya/ /dri zhim 

</font><hr>85-1-92b<br><font size=+1>

chus bkang mdog 'od dkar 'gyur la/ /dkar pos shin tu dkrigs pa'i bum pa brgyad/ /dkar gsum gang ba'i gtor ma lha bshos dang / /bdug pa mar me me tog rnams kyang gzhag /mchod pa bya ba'i phyir ni bla re dang / /gdugs dang rgyal mtshan rnga ma la 
sogs gzhag /nang re ga pur bcas pa'i dri zhim pa/ /tsan+dan la sogs pa yi byug pas byug /kha ni shar phyogs bltas te sbyin sreg bya/ /de bzhin gshegs pa'i gdan la 'dug bya'am/ /yang na rnal 'byor ldan zhing sems dpa'i gdan/ /gos la sogs 
dkar phreng ba dkar gyis brgyan/ /mar dang sbrang rtsi 'o ma dang / /nas kyi thug pa la sogs dang / /til mar dang ni til nyid dang / /yungs kar dang ni 'bras yos dang / /'bras chan nas dang gro rnams dang / /me tog shin tu dri zhim rnams/ /ga pur dang ni bsres nas kyang / /
tsan+dan dkar pos bsgos pa dang / /'dab bdun me tog 'bras bu rnams/ /zho dang ldan pa'i yam shing la/ /de dag khung bu'i khyad par las/ /rang gi sor gyis gzhal bya zhing / /nyi shu rtsa bzhi yan chad mchog /sor bcu drug ni bar ma ste/ /tha ma bcu gnyis nyid du shes/ /
shin tu chung na sor brgyad de/ /bud shing zho dang ldan pa la/ /dri chus bskus par shes par bya/ /bud shing de las byung ba'i me/ /sbyar nas dri chus gtor nas ni/ /pad+ma dkar po zhal 'dra dge/ /pad+ma nor bu ril ba thogs/ /lag na dbyug pa mchog thogs pa/ /pad+ma dkar po'i 
stan steng 'dug /de lta'i me lha bkug nas kyang / /ar+g+ha blangs te dbul bar bya/ /de nas zla rgyas dkar po la/ /bzhugs pa'i 'gro phan spyan drangs te/ /pad+ma dkar po shar phyogs su/ /bsams nas steng du gzhag par bya/ /de nas de ltar bsams nas kyang / /bsgrub bya rtag tu 
mdun bzhag ste/ /de yi nyes pa drangs nas ni/ /shin tu bsrings te sba bar bya/ /nang par sngar ni gtsang 'gyur zhing / /shin tu dri zhim lus byugs la/ /bdud rtsi bzhin bsams sbyin sreg bya/ /dam tshig 'di ni 'da' bar dka'/ /lha rdzas bdud rtsi bro lnga 'di/ /dang por  me

</font><hr>85-1-93a<br><font size=+1>

lha brtag byas la/ /khro bo de ni de lus su/ /spyan drangs nas ni bzhugs par bsams/ /de nas dang po khro bo la/ /bsreg bya lan gsum dbul bar bya/ /de nas dkon mchog gsum la gsum/ /de nas me lha nyid la gsum/ /de nas rdo rje 
sems dpa' la/ /de nas lha rnams re re la/ /de nas bgegs la sogs la dbul/ /de yid 'ong ba'i lha yang rung / /de nas dang po khro bo yi/ /sngags kyis yam shing sbyin sreg bya/ /de nas gcig tu bsres nas kyang / /bdud rtsi sngags kyis btab nas ni/ /de 
bzhin sbyin sreg byas 'og tu/ /brgya stong snyed dam yang na ni/ /brgya rtsa brgyad kyi bar du ni/ /khro bo nyid la dbul bar bya/ /de yi lus la dbang bskur zhing / /mnyam par bzhag pas bsrungs nas kyang / /mjug tu mngon par mchod nas ni/ /lha rnams thams cad gshegs 
par gsol/ /'dis ni zhi ba'i las rnams kyang / /'grub 'gyur 'di la the tshom med/ /ci ste de ni sdig can nam/ /gal te mnyam par ma bzhag pas/ /de tshe dngos grub ma gyur na/ /stong pa nyid du rnam bsgoms la/ /de nas de bzhin byas nas ni/ /gdon mi za bar dngos 
grub 'gyur/ /zhi ba'i las so/ /'bras bur ldan pa'i nags tshal lam/ /yang na nags sam rgyal po'am/ /rgyal rigs khyim du rgyas pa ni/ /dga' ba'i sems kyis bya ba ste/ /khru do yang na khru bzhi pa'am/ /de ltar mchog ni khru brgyad de/ /chung mchog bar ma rnams las 
gcig /rgyas pa'i las ni bya ba yin/ /mdor na hom khung bya ba ni/ /stegs bu brtsigs te dkyil 'khor ni/ /chung ngu la ni khru brgyad de/ /bar ma la ni bcu gnyis nyid/ /mchog la bcu drug yang na ni/ /nyi shu rtsa bzhir shes par bya/ /mu khyud sor brgyad bcu drug gam/ /sum cu 
gnyis su bya ba yin/ /phyi yi 'khor lo de yi phyed/ /pad+ma rnams kyis brgyan par bya/ /dkyil 'khor dbus su rin chen dang / /pad+ma sna tshogs brgyan par bya/ /de yi dbus su brko ba ni/ /legs par bltas te phyed kyi tshad/ /khru bzhi pa'am khru brgyad pa/ /yang na dpal 

</font><hr>85-1-93b<br><font size=+1>

bskyed pad+ma 'dra/ /mdor na 'jim pa ser po yis/ /de bzhin khung mchog brkos nas ni/ /gur gum la sogs bskus nas kyang / /de yi dbus su bris nas ni/ /tshon mchog ser pos bskus nas kyang / /gser 'od 'dra bar bsgom par bya/ /de nas tshon ni dmar 
ser gyis/ /rin chen pad+ma la sogs pa'i/ /phyag rgya'i dkyil 'khor khor yug tu/ /gnas pa nyid du bri bar bya/ /rim gnyis yang na rim bzhi 'am/ /yang na rim pa brgyad ldan par/ /der ni sgo ba de dag nyid/ /phyag rgya'i gzugs su brtag par bya/ /bum pa kha dog 
gser 'dra zhing / /dri chus rab tu bkang ba la/ /shin tu mdzes brgyad bcu gnyis sam/ /sum cu gnyis sam bcu drug ste/ /dkri ba'i dar ni ser po la/ /kha rgyan yal ga me tog can/ /dri zhim me tog bdug pa dang / /phreng ba mar me rgyan rnams dang / /rgyal mtshan 
'phan la sogs pa dang / /bla re gdugs rnams ser pos brgyan/ /bdag nyid gos dang rgyan rnams dang / /me tog la sogs ser pos brgyan/ /byang phyogs kha bltas 'dug nas ni/ /'jig rten gsum 'dul khro bo yi/ /nyid kyi rnal 'byor rjes dran zhing / /lha yi 
yid bzhin nor rgyal mtshan/ /btso ma gser gyi 'od dang 'dra/ /de bzhin nyi zla ku be ra/ /gnod sbyin dang ni dzam b+ha la/ /gser gyi char ni rab 'bebs shing / /yid kyi 'dod pa skong mdzad pa/ /mdor na de yi 'od zer gyis/ /nges par dbang ni bskur bar bsam/ /
de nas rgyal srid thob 'gyur na/ /lus rgyas pa lta smos ci dgos/ /rgyas par bya phyir de ming nas/ /smos te brgya phrag brgya rtsa brgyad/ /yang na de bzhin stong phrag ni/ /brgya rtsa brgyad du bzlas par bya/ /de nas sbyin sreg rab bya ste/ /byang phyogs su ni seng ge yi/ /gdan gyi 
steng na rin chen dang / /pad+ma nyi zla gdan steng na/ /rdo rje rin chen rin chen mchog /rin chen dpal dang gzi brjid mchog /rdo rje bzhad dang rgyal ba yang / /rgyan rnams kun gyis brgyan nas ni/ /phyag ni mchog sbyin gzhol ba dang / /rin chen char yang 'bebs brtson zhing  / /

</font><hr>85-1-94a<br><font size=+1>

'od zer ser 'phro thams cad kyis/ /de la shin tu khyab byed bsam/ /dung dang pi bang cang te'u dang / /sil snyan glu dang gar mchog gis/ /mdor na mchod pa byas nas ni/ /de yi 'og tu las brtsam mo/ /khung bu'i khyad par nyid las kyang / /yam 
shing bud shing khyad par dbye/ /mdzub gang khu tshur bcangs khru gang / /chung ngu nyid du bshad pa yin/ /bar ma khru dor shes par bya/ /khru bzhi pa ni mchog yin te/ /me tog 'bras bur bcas rigs kyi/ /ya tog ma tog sbrang rtsir gzhug /'bru rnams thams cad 'byor pa dang / /
me tog 'bras bu ser por ldan/ /mar dang sbrang rtsi bsres nas ni/ /phal cher dpal gyi 'bras bur ldan/ /me lha gser dang 'dra ba la/ /phyag bzhi pa ste 'dir de bzhin/ /pad+ma gdan bzhugs rnam brgyan pa/ /spyan drangs bsreg bya sbyin sreg bya/ /de yi lus su khro rgyal 
po/ /byin can legs par bcug nas ni/ /sngon bzhin dran byed de zhal du/ /sbyin sreg yongs su brtag bya ste/ /'bum mam nyis 'bum tsam gyis kyang / /don ni nges par rab tu 'grub/ /'bum phrag brgyas ni rgyal srid dam/ /longs spyod phun sum tshogs pa 'grub/ /
de nas mjug tu 'od zer gyis/ /de la dbang bskur bsrung bar bya/ /de nas de ni rgyal 'gyur te/ /phyag na rdo rje'i bka' bzhin no/ /rgyas pa'i las so/ /dbang ni chags pa'i sems kyis kyang / /chags pa'i ting nge 'dzin gyis bya/ /chags pa bcom ldan rdo rje can/ /rdo rje chags pa de las byung / /
khams gsum chags par byed pa'i phyir/ /pad+ma sems dpa' rtag tu chags/ /de bas 'dis ni de dag ni/ /las 'grub par ni bshad pa yin/ /chags dang mthun pa'i sa phyogs sam/ /chags par byed pa'i khyim du shis/ /btso blag can nam zla mtshan can/ /khyim du chags pa'i las rnams bya/ /yid dang 
mthun pa'i sa phyogs sam/ /rdo rje chags pa'i gnas kyang rung / /phyag na pad+ma'i gnas nyid du/ /rtag tu rdo rje sems dpa'i gnas/ /bde chen gyi ni gnas chen dang / /pad+ma ut+pal rdzing bu dang / /ban+du ka yi me tog gnas/ /me tog 'bras bu dmar tshal ni/ /yid 'ong sems ni chags byed pa/ /

</font><hr>85-1-94b<br><font size=+1>

der ni stegs bu khru brgyad dam/ /de ltar bcu gnyis bcu drug rnams/ /byas nas de yi dbus su yang / /hom khung dkyil 'khor bya ba ni/ /khru gang yang na khru do'am/ /de ltar khru ni bzhi bar bya/ /gzhu 'dra ba'am pad+mo 'am/ /yang na rdo rje 'dra bar bya/ /mda' 'dra zla ba kham 'dra 
dang / /de ltar pad+ma'i 'dab ma 'dra/ /zheng du chu yi phyed kyi tshad/ /zheng gi phyed kyi tshad tsam du/ /hom khung zabs su brko bar bya/ /mu khyud sor ni bzhi par bya/ /nyis 'gyur ba ni nyis 'gyur bya/ /tha ma mchog gi khyad par las/ /yam shing so sor shes par bya/ /yang na yam shing sreg shing ni/ /
tshad ni zhi ba'i las su gsungs/ /shin tu dmar ba'i tsan+dan nam/ /yang na shing dmar gzhan yang rung / /me tog 'bras bu dmar po'am/ /btsag dang tsan+dan rgya skyegs sogs/ /le brgan rtsi dang gur gum gyis/ /mdor na bud pa'i shing dang ni/ /yam shing la yang bskus nas ni/ /
yungs kar kha dog dmar po dang / /btsag dang mtshal yang de bzhin du/ /zangs kyi phye dang yungs kar dang / /skye tshe 'bru dang lan tshwa dang / /til dang dri zhim thig le'i 'bru/ /la phug yungs rdog de bzhin te/ /khrag dang rdul ni chen po rnams/ /bsreg bya phyir ni bsdus nas kyang / /sngar 
bshad 'bras bu la sogs pa'i/ /khu bas yang dang yang bskus nas/ /khro bo'i sngags kyis byin brlabs te/ /ba dang ra las bzhos pa yi/ /bshigs ma thag pa'i mar sar dang / /mar dang til mar rnams kyis dgang / /ga pur la sogs bsgos nas kyang / /bdud rtsis btab ste 
gzhag par bya/ /de nas hom khung dmar po la/ /byi ru'i sdong po 'dra bar yang / /bsams nas spos dmar la sogs dang / /gur gum dmar pos byug par bya/ /de nas kha dog dmar po yis/ /stug po nyid du bsku bar bya/ /gur gum ser pos bsres pa yi/ /tshon gyis ri mo bri ba ni/ /
hom khung nang du pad+ma bri/ /de yi steng du mda' bcas gzhu/ /rtag tu hom khung khor yug tu/ /pad+ma nyid ni bri bar bya/ /gzhu yi dbus su rdo rje nyid/ /khor yug tu ni mda' nyid bri/ /gzhu yi phyi rol pad+ma nyid/ /bris nas de yi steng du mda'/ /de yi phyi rol rdo rje dang / /lcags kyu mdar 

</font><hr>85-1-95a<br><font size=+1>

bcas gzhu bris la/ /lho phyogs rgyal mtshan rin chen dang / /gzi brjid dkyil 'khor bri bar bya/ /pad+ma ral gri 'khor lo rnams/ /nub phyogs nyid du bri bar bya/ /rdo rje mche ba go cha mchog /byang phyogs su ni bri bar bya/ /grwa rnams su ni spos la sogs/ /
phyag rgya'i gzugs su bri bya zhing / /me tog dmar po la sogs pas/ /shin tu snga ma bzhin mchod de/ /dpal ldan gos dang phreng ba dang / /dmar po'i dri ni bskus nas kyang / /rtag tu thub pa nub bltas la/ /dmar thag ma chad las bya ste/ /pad+ma dmar po'i gdan bsams la/ /
rab chags phyag na pad+ma bsnams/ /g.yon du rdo rje chags pa la/ /g.yas su bde ba chen po ste/ /bsams na de yi dbus su ni/ /chu srin rgyal mtshan 'dzin pa gzhag /rdo rje gzhu dang g.yon 'gying ma/ /me tog dmar rgyan rab dgyes ma/ /dri dmar la sogs rab mchod de/ /
mda' dang gzhu thogs de bzhin du/ /pad+ma dmar dang dbyig bsnams pa'i/ /me yi lha ni bkug nas kyang / /de yi lus su khro rgyal po/ /legs par bcug ste gzhag par bya/ /'od zer chags pas bsgyur nas ni/ /de'i lus rdo rje lcags kyu dang / /zhags pa bcings pas bkug 
nas ni/ /spyi bo zhabs kyi drung du gzhag /de ltar bsams te snyoms zhugs pas/ /las byas pa ni gang yin pa/ /des ni lha yang dbang 'gyur na/ /mi dang lha min smos ci dgos/ /las rnams zin par gyur pa dang / /chags pa'i sems su byas nas ni/ /de yi 'od zer spyi bor dgang / /
de ni bsrungs nas gtang bar bya/ /de nas rdo rje 'dod pa yis/ /lha rnams mchod de gshegs par gsol/ /de nas bsrung ba byas nas ni/ /rdo rje 'dod pas rtag tu bzlas/ /dbang gi las so/ /de nas brgya byin tshangs sogs lha/ /phyag 'tshal yang dang yang du ni/ /rin chen gdugs la sogs 
mchog gi/ /mchod pa sna tshogs byas nas kyang / /phyag na rdo rje rgyal dbang la/ /dga' ba'i bsam pas stod byed pa/ /sangs rgyas kun pas sngar sangs rgyas/ /mi shes dri ma kun bcom pa/ /rdo rje rdo rje 'dzin rgyal po/ /rdo rje rdo rje rdo rje 'dzin/ /rdo rje sku ste sku che ba/ /phyag na rdo rje phyag 'tshal 

</font><hr>85-1-95b<br><font size=+1>

bstod/ /rdo rje'i yan lag rdo rje'i mchog /rdo rje 'bar ba cher 'bar ba/ /rdo rje'i shugs te shugs che ba/ /rdo rje mtshon cha rdo rje che/ /phyag na rdo rje phyag chen po/ /rdo rje mda' ste rab 'bigs pa/ /rdo rje rnon po rno ba che/ /che ba'i che ba rgya mtsho che/ /rdo rje pad+ma byang chub che/ /byang chub sems rgyas rang byung ba/ /rdo 
rje'i rgya chen rgya chen te/ /rdo rje'i sgyu ma rnam sbyong ba/ /rdo rje rgyu ste gnod sbyin che/ /rdo rje pad+ma rnam sbyong ba/ /rdo rje khro bo drag po che/ /rdo rje dgra sdang 'joms pa'i gtso/ /rdo rje 'jigs byed bsrung ba che/ /rdo rje lcags kyu don yod byed/ /rdo rje ro langs ro langs che/ /rdo rje srin po zab bo/ /rdo rje gnod sbyin gnod 
sbyin che/ /rdo rje gdon te gdon che'i mchog /'jigs byed dga' byed drag po che/ /rdo rje 'jigs byed sngags byed pa/ /bsgrub dka' bsgrub pas legs pa ste/ /rdo rje legs pa dgyes mdzad pa/ /rdo rje dga' ba dga' ba che/ /dga' ba'i rdo rje dbang byed pa/ /rdo rje gzi brjid gzi brjid che/ /'bar 'od 
gshin rje mthar byed pa/ /rdo rje drag po drag po che/ /'od stug pas na stug pa che/ /nam mkha' dang ni mnyam pa'o/ /re ba thams cad rdzogs mdzad pa/ /rdo rje dbang bskur rin chen mchog /rdo rje rgyal mtshan yon tan mchog /rdo rje ye shes ye shes che/ /rig pa bye ba'i tshogs kyis bskor/ /ha la ha la 
nag po che/ /sgra che zhing ni 'joms pa can/ /rdo rje 'dod pa 'dod pa che/ /rnyog pa'i dus ngan rnam sbyong ba/ /skad cig g.yo ba the tshom gcod/ /glog bzhin zhal gyi ljags las 'phro/ /rdo rje me ste ma rungs 'dul/ /drag po rab snang snang mdzad pa/ /nyi ma stong gis gdungs ba'i zhal/ /spyan dmar 'jigs 
par mdzad pa po/ /khro bo du ma 'od bzhin 'phro/ /phyag rnams du ma mtshon cha brgya/ /du ma'i zhal la sku yang stong / /'khyil cing rgyan yang 'khyil pa la/ /sems kyi chos pas sku mi mnga'/ /rnam par rtog pa ma lus spangs/ /ma rig 'joms pa'i tshangs pa ste/ /'dod chags zhe sdang dri mthar mdzad/ /sgyu ma gtogs 
'dod rdo rje can/ /rtse gsum rtse gsum 'chang 'phrog pa/ /'dod chags zhe sdang gti mug che/ /srid dang srid min rnam sbyong ba/ /zhi zhing dul la dga' ba ste/ /sangs rgyas sangs rgyas rab rtogs pa/ /sangs rgyas bdag nyid sangs rgyas sku/ /rdo rje rab skyes rdo rje sems/ /kun du bzang po cher bzang ba/ /mtshan rnams 

</font><hr>85-1-96a<br><font size=+1>

dam pas rnam par brgyan/ /khams gsum bdag nyid khyab pa po/ /thams cad rdo rje bdag nyid gtsang / /gang gis 'di bris bklags gyur tam/ /rtag tu de don 'chang byed dam/ /dran nam nyan par byed kyang rung / /phyag na rdo rje 'dra bar 'gyur/ /bcom ldan 'das kyis de skad ces bka' stsal 
nas/ brgya byin dang tshangs pa la sogs pa lha dang / mi dang / lha ma yin dang / dri za dang / gnod sbyin dang / srin po la sogs pa bcom ldan 'das kyis gsungs pa la mngon par dga' ste rjes su yi rang ngo / /de bzhin gshegs pa dgra bcom pa yang dag par rdzogs pa'i sangs rgyas ngan song thams cad 
yongs su sbyong ba gzi brjid kyi rgyal po'i brtag pa phyogs gcig pa rdzogs so// //rgya gar gyi mkhan po shIn+taM gar+b+ha dang / bod kyi lo ts+tsha ba ban+de dza ya rak+Shi tas bsgyur cing zhus/ A tsAr+ya rin chen mchog gis skad gsar bcad kyis bcos nas gtan la phab pa// 
  
</font><hr>

</table>